@##/ /rgya gar skad du/ bi na ya ud ta ra gran tha/ bod skad du/ 'dul ba gzhung dam pa/ bkra shis thams cad mkhyen pa la phyag 'tshal lo/bam po dang po/ mdor na/ byol song gsum dang lam gsum dang / /gshegs dang bcad dang rnam pa gnyis/ /'dzin pa dang yang bltab pa dang / /so dang ma reg phag mo bzhin/ /de nas sangs rgyas bcom ldan 'das la tshe dang ldan pa u pA lis zhus pa/ btsun pa dge slong gis mi'i bud med sman tam/ sngags kyis byol song gi skye gnas su skyes par bsgyur te mi tshangs par spyod pa bgyid na cir 'gyur/ mthar 'gyur ro/ /btsun pa dge slong gis sngags sam/ sman gyis bdag nyid byol song gi skye gnas su skyes par bsgyur te mi'i bud med dang lhan cig tu mi tshangs par spyod par bgyid na cir 'gyur/ de ste dge slong du 'du shes yod na 'khrig par sbyor ba bya ba yin pas mthar 'gyur ro/ /de ste dge slong du 'du shes med na nyes pa sbom por 'gyur ro/ /btsun pa dge slong gis sngags sam/ sman gyis bdag dang mi'i bud med gnyis byol song gi skye gnas su skyes par bsgyur te gcig la gcig mi tshangs par spyod pa bgyid na cir 'gyur/ de ste dge slong du 'du shes yod na 'khrig par sbyor bar bya ba yin pas mthar 'gyur ro/ /dge slong du 'du shes med na nyes pa sbom por 'gyur ro/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis bcug ma thag tu mthar 'gyur ro zhes gsungs na/ ji tsam gyis na khar bcug pa zhes bgyi/ u pA li so las dkre 'das na'o/ /ji tsam gyis na bshang ba'i lam du bcug pa zhes bgyi/ rkub khar dkre 'das na'o/ /ji tsam gyis na gci ba'i lam du bcug pa zhes bgyi/ kha shun las dkre 'das na'o/ /btsun pa bud med phyed du gshegs par gyur pa la sgo gsum gyi bu gu yang nyams par gyur pa de dge slong gis phyed tshal gyis phyed tshal sbyar te mi tshangs par spyod pa bgyid na cir 'gyur/ nyes pa sbom por 'gyur ro/ /btsun pa dge slong gis bud med rked du bcad par 12-1-93a gyur pa zhig sgo gsum gyi bu gu las sgo'i bu gu gang yang rung ste ma nyams par gyur pa der mi tshangs par spyod pa bgyid na cir 'gyur/ mthar 'gyur ro/ /btsun pa mgo bcad pa'i bud med la mi tshangs par spyod na cir 'gyur/ de ste bshang ba'i lam mam/ gci ba'i lam du byed na mthar 'gyur ro/ /'on te kha'i lam mam/ sbu bu'am/ sgrog rus kyi bu gur byed na nyes pa sbom por 'gyur ro/ /bcom ldan 'das kyis mi ma yin pa'i bud med dang lhan cig tu mi tshangs par spyod pa 'khrig pa'i chos byed na mthar 'gyur ro zhes gsungs pa mi ma lags pa ji lta bu/ yan lag thams cad dang mnyam par gyur pa'o/ /de bzhin du byol song du gyur pa rnams la yang shes par bya'o/ /btsun pa bltab ste bcug na cir 'gyur/ nyes pa sbom por 'gyur ro/ /btsun pa dge slong gis so'i phyi rol mchu'i nang du mi tshangs par spyod pa bgyid na cir 'gyur/ nyes pa sbom por 'gyur ro/ /btsun pa dge slong gis bshang ba'i lam mam/ gci ba'i 'am/ kha'i lam rnams su ma reg par bcug na cir 'gyur/ nyes pa sbom por 'gyur ro/ /btsun pa dge slong gis phag mo'i ro bsregs pa spu med pa la mi tshangs par spyod pa bgyid na cir 'gyur/ nyes pa sbom por 'gyur te/ /byol song gi skye gnas thams cad la yang 'di bzhin du brjod par bya'o// //mdor na/ gzhan gyi yan lag skyes pa dang / /spyil bu gnyis kyang de bzhin te/ /nyams pa gnyis dang dkris pa dang / /bzhi pa gnyis dang bdun pa'o/ /btsun pa dge slong gis gzhan gyi mo mtshan du gzhan gyi pho mtshan bcug na cir 'gyur/ nyes pa sbom por 'gyur ro/ /btsun pa dge slong zhig dge slong gcig pu mi tshangs par spyod pa'i slad du spyil bur zhugs na mthar 'gyur ba mchis sam/ u pA li ji ltar mtshan rings sam/ rgyab mnyen lta bu'o/ /btsun pa dge slong sbrang skyabs kyi skyil bur zhugs pa las bud med de phyi na 'dug pa la de na 'dug bzhin dkris nas log par spyad na cir 'gyur/ mthar 'gyur ro/ /btsun pa bcom ldan 'das kyis gson por nyams pa'o zhes 12-1-93b gsungs na/ ji tsam gyis na gson por nyams pa zhes bgyi/ ji ltar rma byung ngam/ rul pa'am/ zhigs pa'am/ srog chags kyis zos par gyur pa de tsam gyis na de dag gson por nyams pa zhes bya'o/ /ji tsam gyis na gson por ma nyams pa zhes bgyi/ ji ltar de'i mu gnyi ga mnyam par gyur pa ni ma nyams pa ste/ shi ba la yang de bzhin du brjod par bya'o/ /de bzhin du mi ma yin pa dang / byol song gi skye gnas su skyes par gyur pa dang / skyes pa dang / ma ning dang / ma ning pho rnams la yang de bzhin du brjod par bya'o/ / dkris te bcug na mthar mi 'gyur ro/ /zhes btsun pa bcom ldan 'das kyis gsungs na/ dge slong dag gis phying bu'am gro ga stug po zhig gis dkris te bcug na cir 'gyur/ nyes pa sbom por 'gyur ro/ /de ste seng ras sam/ dar la'am/ gos srab mo rnams kyis dkris te bcug na cir 'gyur/ mthar 'gyur ro/ /btsun pa dge slong gis lam la lam du 'du shes te bcug na cir 'gyur/ mthar 'gyur ro/ /lam la lam ma lags par 'du shes te bcug na cir 'gyur/ mthar 'gyur ro/ /lam ma lags pa la lam ma lags par 'du shes te bcug na cir 'gyur/ nyes pa sbom por 'gyur ro/ /lam ma lags pa la lam du 'du shes te bcug na cir 'gyur/ nyes pa sbom por 'gyur ro/ /dge slong gis dkris pa la dkris par 'du shes te bcug na cir 'gyur/ nyes pa sbom por 'gyur ro/ /dkris pa la ma dkris par 'du shes te bcug na cir 'gyur/ nyes pa sbom por 'gyur ro/ /ma dkris pa la dkris par 'du shes te bcug na cir 'gyur/ sbom por 'gyur ro/ /ma dkris pa la ma dkris par 'du shes te bcug na cir 'gyur/ mthar 'gyur ro/ /btsun pa bsnyen par ma rdzogs pa na mi tshangs par spyad par bshams nas bsnyen par ma rdzogs par bcug na cir 'gyur/ nyes byas so/ /bsnyen par ma rdzogs pa na bshams nas bsnyen par rdzogs kar bcug na cir 'gyur/ nyes byas so/ /bsnyen par ma rdzogs 12-1-94a par bshams nas bsnyen par rdzogs te bcug na cir 'gyur/ mthar 'gyur ro/ /bsnyen par rdzogs kar bshams nas bsnyen par rdzogs kar bcug na cir 'gyur/ nyes byas so/ /bsnyen par rdzogs par bshams nas bsnyen par rdzogs te bcug na cir 'gyur/ mthar 'gyur ro/ /bsnyen par rdzogs nas bshams la bsnyen par rdzogs nas bcug na cir 'gyur/ mthar 'gyur ro/ /bsnyen par rdzogs nas bshams te bsnyen par ma rdzogs par bcug na cir 'gyur/ nyes pa sbom por 'gyur ro/ /ji ltar dge slong gis mi tshangs par spyad pa'i rgyu rkyen gyis mthar gyur pa de bzhin du bslab pa byin pa dang / dge slong ma la yang mthar 'gyur ro/ /dge slob ma dang / dge tshul ma dang / dge tshul pha la ni nyes byas so// //mdor na/ brgyad bcu'i sde dang mtshan ma dang / /mi mnyam rin thang 'on te mtshan/ /bsnyen par rdzogs pa bdun pa byas/ /sho gam bcu gcig de bzhin no/ /btsun pa dge slong gis brgyad bcu'i sde gnyis kar bdag nyid gtogs par bgrang du bcug na cir 'gyur/ nyes byas so/ /de la chos dang ldan pa'i skal ba gang lags/ dang po'o/ /de ste blangs nas bcabs na shes bzhin du brdzun du smras pas ltung ba'o/ /nam grub par gyur pa na rin thang brtsi bar bya'o/ /btsun pa mi rnams kyi mtshan ma btsugs te bzhag pa de las dge slong gis rin che ba'i mtshan ma rin chung ba'i gnas su bskyod na cir 'gyur/ nyes pa sbom por 'gyur ro/ /de ste rin chung ba'i mtshan ma rin chen po'i gnas su bskyod na cir 'gyur/ mthar 'gyur ro/ /btsun pa dge slong gis rin thang ma mchis pa'i dngos po zhig brkus na cir 'gyur/ mthar 'gyur ro/ / rin thang med pa'i dngos po gang zhe na/ rin che bar gyur pas de la rin thang gcad du mi chod pa'o/ /de ste rin thang ma mchis pa'i dngos po zhig brkus na cir 'gyur/ nyes pa sbom por 'gyur ro/ rin thang med pa'i dngos po gang zhe na/ gang chung bar gyur pas rin gcad 12-1-94b du mi nus pa'o/ /btsun pa dge slong gis gzhal du mi rung ba'i dngos po zhig brkus na cir 'gyur/ mthar 'gyur ro/ /de ste gzhal du rung ba'i dngos po zhig brkus na cir 'gyur/ nyes pa sbom por 'gyur ro/ /btsun pa dge slong gis brku ba'i phyir bshams pa las mtshan 'phos te dge slong mar gyur nas brkus na cir 'gyur/ mthar 'gyur ro/ /btsun pa dge slong mas brku bar bshams pa las mtshan 'phos te dge slong du gyur na cir 'gyur/ mthar 'gyur ro/ /btsun pa bsnyen par ma rdzogs par brku bar bshams nas bsnyen par ma rdzogs par brkus na cir 'gyur/ nyes byas so/ /bsnyen par ma rdzogs par brku bar bshams nas bsnyen par rdzogs kar brkus na cir 'gyur/ nyes byas so/ /bsnyen par ma rdzogs par brku bar bshams te/ bsnyen par rdzogs nas brkus na cir 'gyur/ mthar 'gyur ro/ /bsnyen par rdzogs kar brku bar bshams nas bsnyen par rdzogs kar brkus na cir 'gyur/ nyes byas so/ /bsnyen par rdzogs kar brku ba'i slad du bshams nas bsnyen par rdzogs te brkus na cir 'gyur/ mthar 'gyur ro/ /btsun pa dge slong gis bsnyen par rdzogs te brku bar bshams la bsnyen par rdzogs nas brkus na cir 'gyur/ mthar 'gyur ro/ /bsnyen par rdzogs nas brku bar bshams te bsnyen par ma rdzogs par brkus na cir 'gyur/ nyes pa sbom por 'gyur ro/ /btsun pa dge slong gis nam mkha' la sho gam bzlas na cir 'gyur/ dngos po ji lta ba bzhin no/ 'on te rdzu 'phrul gyis bzlas na nyes pa med do/ /btsun pa dge slong gis lam ma lags pa nas sho gam bzlas na cir 'gyur/ de ste de'i sa las 'das na nyes pa sbom por 'gyur ro/ /btsun pa dge slong gis tshong pa rnams 'gro'o zhes smras na cir 'gyur/ nyes byas so/ /btsun pa 'di ltar tshong pa rnams kyis sho gam du gtogs pa'i rdzas rnams sho gam gyi sar ma phyin par tshong pa rnams kyis dge slong la 'phags pa sho gam gyi gnas 12-1-95a las sgrol te stsol cig ces smras pa las de dge slong gis bzlas na cir 'gyur/ nyes byas so/ /btsun pa 'di ltar tshong pa rnams kyis sho gam du gtogs pa'i rdzas rnams sho gam gyi sar ma phyin par tshong pa rnams kyis dge slong la 'phags pa sho gam gyi gnas las sgrol te stsol cig /de'i sho gam ci mchis pa'i phyed ni khyed snoms shig ces de skad smras pa las de dge slong gis bzlas na cir 'gyur/ nyes pa sbom por 'gyur ro/ /btsun pa tshong pa rnams kyis sho gam du gtogs pa'i rdzas rnams sho gam gyi sar ma phyin par tshong pa rnams kyis dge slong la 'phags pa sho gam gyi gnas las sgrol te stsol cig /de la sho gam ci mchis pa khyod nyid snoms shig ces de skad smras pa las de dge slong gis bzlas na cir 'gyur/ nyes pa sbom por 'gyur ro/ /btsun pa tshong pa rnams kyis sho gam du gtogs pa'i rdzas sho gam gyi sar ma phyin par dge slong gis lam gzhan du bstan na cir 'gyur/ nyes byas so/ /btsun pa 'di ltar tshong pa rnams kyis sho gam du gtogs pa'i rdzas rnams sho gam gyi sar ma phyin par tshong pa rnams kyis dge slong la 'phags pa sho gam gyi gnas las sgrol te stsol cig ces de skad smras pa las de dge slong gis bzlas na cir 'gyur/ nyes byas so/ /btsun pa tshong pa rnams kyis sho gam du gtogs pa'i rdzas rnams sho gam gyi sar phyin nas tshong pa rnams kyis dge slong la 'phags pa sho gam gyi gnas las sgrol te stsol cig dang / 'dir sho gam ci snyed pa'i phyed khyod snoms shig ces de skad smras pa las dge slong gis de bzlas na cir 'gyur/ sho gam gyi rin thang brtsi bar bya'o/ /btsun pa tshong pa rnams kyis sho gam du gtogs pa'i rdzas rnams sho gam gyi sar phyin nas tshong pa rnams kyis dge slong la 'phags pa sho gam gyi gnas las sgrol te stsol cig dang / 'dir sho gam ji snyed pa de thams cad khyed snoms shig ces de skad smras pa las de dge slong gis bzlas na cir 'gyur/ sho gam gyi rin thang brtsi bar bya'o// //mdor na/ 12-1-95b chos gos gdang shing bzhi pa dang / /brku ba pa na gsum pa dang / /sbyor ba gsum dang the tshom dang / /gling dang gzhan phyir mi ma yin/ /btsun pa dge slong gis dang por rku sems kyis chos gos kyi gdang shing gi thog ma bcad de phyi ma la bdag gir 'du shes na cir 'gyur/ nyes pa sbom por 'gyur ro/ /btsun pa dge slong gis dang por chos gos kyi gdang shing gcod pa'i tshe bdag gir 'du shes la phyis rku bar 'du shes na cir 'gyur/ rin thang brtsi bar bya'o/ /btsun pa dge slong gis chos gos kyi gdang shing brku sems kyis brkus pa las chos gos kyi gdang shing de la chos gos bkal cing mchis pa dang chos gos dang bcas te brkus na cir 'gyur/ chos gos kyi gdang shing gi rin thang brtsi bar bya'o/ /btsun pa chos gos kyi gdang shing la chos gos bkal te bzhag pa de dge slong bzhi'am de bas mang bas brkus na cir 'gyur/ nyes pa sbom por 'gyur ro/ /'on te so sor bgos pa las re re la yang ma sha lnga thob na mthar 'gyur ro/ /sangs rgyas bcom ldan 'das la tshe dang ldan pa u pA lis zhus pa/ btsun pa rku ba la rnam pa du/ u pA li drug ste/ sgyus rku ba dang / mthus rku ba dang / bskyis pa las brnogs te rku ba dang / btams pa las brnogs te rku ba dang / skyong zhing rku ba dang / chos rku ba'o/ /btsun pa bcom ldan 'das kyis brku ba rnam pa drug gsungs na/ brku ba gang gis mthar 'gyur/ chos rku ba ma gtogs pa'i lhag ma rnams kyis mthar 'gyur ro/ /btsun pa bcom ldan 'das kyis ma sha lnga brkus na mthar 'gyur ro zhes gsungs na/ btsun pa dge slong gis ma sha gsum brkus pas mthar 'gyur ba mchis sam/ u pA li yod de/ ma sha gsum gyis bzhi cha gcig tu gyur pa'o/ /btsun pa dge slong gis ma sha lnga brkus kyang mthar mi 'gyur ba mchis sam/ yod de/ ma sha lnga las lhag pas bzhi cha gcig tu gyur pa'o/ /btsun pa bcom ldan 'das kyis 12-1-96a ma sha lnga brkus kyang mthar mi 'gyur ro zhes gsungs na/ na na ka ji lta bu'i ma sha lnga brkus na mthar 'gyur/ na na ka ma sha nyi shu pa'o/ /ma sha ka ji lta bu/ ka ka ni bzhi pa'o/ /kAR+ShA pa Na ji lta bu/ rgyan thams cad kyis byas pa'o/ /btsun pa bcom ldan 'das kyis ma sha lnga brkus kyang mthar mi 'gyur ro zhes gsungs na/ btsun pa dge slong gis kAR+ShA pa Na stong brkus kyang mthar mi 'gyur ba mchis sam/ yod de/ bor bar 'du shes nas blangs pa'o/ /btsun pa bcom ldan 'das kyis ma sha lnga brkus pas mthar 'gyur ro zhes gsungs na/ btsun pa dge slong gis ma sha lnga brkus kyang mthar mi 'gyur ba mchis sam/ yod de/ 'di ltar re re'am/ gnyis gnyis sam/ gsum gsum mam/ bzhi bzhi brkus kyi nam yang lngar ma tshang na'o/ / btsun pa dge slong gis yo byad chen po bdag gir 'du shes pas blangs la brku sems kyis sbas na cir 'gyur/ nyes pa sbom por 'gyur ro/ /btsun pa de ste brku sems kyis blangs la bdag gir 'du shes pas sbas na cir 'gyur/ nyes pa sbom por 'gyur ro/ / btsun pa dge slong gis ci 'di de'i 'am zhes the tshom dang yid gnyis kyis de brkus sam de 'di yin nam de 'di'i ma yin zhes de yang brkus na cir 'gyur/ dngos po ji lta ba bzhin no/ /btsun pa dge slong gis nub kyi ba glang spyod kyi gling du ma stsal bar brkus na cir 'gyur/ de ste de dag gi grangs ltar ma sha ka lnga brkus na mthar 'gyur ro/ /btsun pa shar gyi lus 'phags gling du ma stsal bar brkus na cir 'gyur/ de ste de dag gi grangs ltar ma sha ka lnga brkus na mthar 'gyur ro/ /btsun pa byang gi sgra mi snyan gyi gling du ma stsal bar brkus na cir 'gyur/ u pA li de na ma byin par len pa med de/ de ste rku sems bskyed na nyes pa sbom por 'gyur ro/ /btsun pa dge slong gis gzhan gyi slad du ma stsal bar brkus na cir 'gyur/ nyes pa sbom por 'gyur ro/ /de ste de'i yin no snyam du sems na nyes pa med do/ /btsun pa dge slong 12-1-96b gis mi ma lags pa la mi ma lags par 'du shes nas ma stsal bar brkus na cir 'gyur/ nyes pa sbom por 'gyur ro/ /mi ma yin pa la mir 'du shes na nyes pa sbom por 'gyur ro/ /mi la mi ma yin par 'du shes na nyes pa sbom por 'gyur ro/ /mi la mir 'du shes na mthar 'gyur ro// //mdor na/ mchod rten ring bsrel glegs bam dang / /dge 'dun bsngos dang gcig dang gcig /'du shes gnyis dang de ltar gnas/ /ma rnyed khyim ni tha ma'o/ /btsun pa dge slong gis mchod rten dang mchod rten gyi nyen 'khor gyi rgyan brkus na cir 'gyur/ nyes pa sbom por 'gyur ro/ /dge slong gis ring bsrel brkus na cir 'gyur/ mthar 'gyur ro/ /btsun pa dge slong gis glegs bam brkus na cir 'gyur/ glegs bam gyi rin thang brtsi bar bya'o/ /btsun pa dge slong gis phyogs bzhi'i dge 'dun gyi ma stsal bar brkus na cir 'gyur/ nyes pa sbom por 'gyur ro/ /btsun pa dge slong gis gang zag mang po rnams kyi ma stsal bar brkus na cir 'gyur/ nyes pa sbom por 'gyur te/ de las so so'i skal ba la ma sha ka lnga byung ba brkus na mthar 'gyur ro/ /btsun pa dge slong gis bsngos pa las ma stsal bar brkus na cir 'gyur/ mthar 'gyur ro/ /btsun pa dge slong mang pos gcig nas gcig tu brgyud de ma stsal bar brkus na cir 'gyur/ nyes pa sbom por 'gyur ro/ /'on te so sor bsgo nas ji snyed kyis bdag gir byas pa de snyed la rin thang brtsi bar bya'o/ /btsun pa dge slong gis gzhan gyi lags par 'du shes te ma stsal bar brkus na cir 'gyur/ nyes pa sbom por 'gyur ro/ /btsun pa dge slong gis yongs su bzung ba la yongs su bzung bar 'du shes te ma stsal bar brkus na cir 'gyur/ mthar 'gyur ro/ /yongs su ma bzung ba la yongs su bzung bar 'du shes te ma stsal bar brkus na cir 'gyur/ nyes pa sbom por 'gyur ro/ /yongs su bzung ba la yongs su ma bzung bar 'du shes te ma stsal bar blangs na cir 'gyur/ nyes pa sbom 12-1-97a por 'gyur ro/ /yongs su ma bzung ba la yongs su ma bzung bar 'du shes na nyes pa med do/ /btsun pa bcom ldan 'das kyis yo byad chen po ma byin par brkus na mthar 'gyur ro zhes gsungs na/ btsun pa dge slong gis yo byad chen po ma stsal bar brkus na mthar mi 'gyur ba mchis sam/ yod de/ gnas gang du bzhag par gyur pa'i gnas de nyid nas brkus pa'o/ /btsun pa dge slong gis rnyed pa mi dbang bar de bdag nyid dbang ngo zhes de skad mchi na cir 'gyur/ de shes bzhin du brdzun smras pas ltung ba'o/ /de ste sems nye bar bzhag pa yin na ni nyes pa sbom por 'gyur ro/ /mngon du grub na rin thang brtsi bar bya'o/ /btsun pa dge slong gcig pu khyim du zhugs pa las ma stsal bar blangs pa'i slad du mthar 'gyur ba mchis sam/ u pA li yod de ji ltar dge slong gis ma byin par blangs pa'i rkyen gyis brku ba'i phyir bshams nas nang du zhugs sam nang du zhugs te bshams na mthar 'gyur ro/ /de bzhin du bslab pa byin pa dang / dge slong ma la yang mthar 'gyur ro/ /dge slob ma dang / dge tshul ma dang / dge tshul pha rnams la ni nyes byas so// //mdor na/ byol song gsum dang las srid dang / /srid pa ma dang bzhi pa dang / /mngal gnyis dang ni gso ba dang / /'du shes dang ni bzhi pa'o/ /btsun pa dge slong gis sngags sam sman gyis mi byol song gi skye gnas su bsgyur te 'tsho ba dang phral na cir 'gyur/ mthar 'gyur ro/ /btsun pa dge slong gis sngags sam sman gyis bdag nyid byol song gi skye gnas su bsgyur te mi'i 'tsho ba dang phral na cir 'gyur/ de ste dge slong du 'du shes yod na mi chags par bya ba la des byed pas na mthar 'gyur ro/ /dge slong du 'du shes med na nyes pa sbom por 'gyur ro/ /btsun pa dge slong gis pha dang ma 'tsho ba dang phral na mthar yang mi 'gyur la mtshams med pa'i kha na ma tho bar yang mi 'gyur ba mchis sam/ yod de/ gang gi pha ma byol song gi skye gnas su gyur pa'o/ /btsun pa dge slong gis pha bkum yang mthar yang 12-1-97b mi 'gyur la mtshams med pa'i kha na ma tho bar yang mi 'gyur ba mchis sam/ u pA li las kyi srid pa ni mngon par skyed pa'i phyir pha zhes bya bas na de ste zag pa dang bcas pa'i las kyi srid pa bsad par gyur pa'o/ /dge slong gis ma bkum na mthar yang mi 'gyur la mtshams med pa'i kha na ma tho bar yang mi 'gyur ba mchis sam/ u pA li sred pa ni skyed pa'i phyir ma zhes bya bas na sred pa bsad par gyur pa'o/ /btsun pa dge slong gis ma bkum par 'tshal ba las bud med gzhan bkum na cir 'gyur/ nyes pa sbom por 'gyur ro/ /btsun pa dge slong gis bud med gzhan dgum par 'tshal ba las ma bkum na cir 'gyur/ nyes pa sbom por 'gyur ro/ /btsun pa dge slong gis ma bkum par bshams pa las bud med gzhan 'tsho ba dang phral na cir 'gyur/ nyes pa sbom por 'gyur ro/ /btsun pa dge slong gis bud med gzhan dgum par bshams pa las ma'i 'tsho ba dang phral na cir 'gyur/ nyes pa sbom por 'gyur ro/ /btsun pa dge slong gis mi'i bud med kyi mngal du byol song gi skye gnas bkum na cir 'gyur/ nyes pa sbom por 'gyur ro/ /btsun pa dge slong gis byol song mo'i mngal du mi bkum na cir 'gyur/ de ste mngal na mir 'du shes na ni mthar 'gyur ro/ /de lta ma yin na ltung ba'o/ /btsun pa ma ni skyed pa lags la/ gzhan ni gso ba lags na/ de gnyis gang 'tsho ba dang phral na mthar yang 'gyur la mtshams med pa'i kha na ma tho bar yang 'gyur/ gang gis bskyed pa'o/ /btsun pa dge slong gis mi la mir 'du shes te bkum na cir 'gyur/ mthar 'gyur ro/ /mi la mi ma lags par 'du shes te bkum na cir 'gyur/ nyes pa sbom por 'gyur ro/ /mi ma lags pa la mir 'du shes te bkum na cir 'gyur/ nyes pa sbom por 'gyur ro/ /mi ma lags pa la mi ma lags par 'du shes te bkum na cir 'gyur/ nyes pa sbom por 'gyur ro// //mdor na/ the tshom rnam pa gnyis pa dang / /bdag dang dgra bcom gnyis de bzhin/ / 12-1-98a rkun po gnyis dang gzhan 'du shes/ /bdun pa dang yang tha ma'o/ /btsun pa dge slong gis de 'di yin nam de 'di ma yin zhes yid gnyis dang the tshom 'tshal bzhin du de yang 'tsho ba dang phral na cir 'gyur/ mthar 'gyur ro/ /btsun pa dge slong gis bdag nyid 'tsho ba dang phral na cir 'gyur/ nyes pa sbom por 'gyur ro/ /btsun pa dge slong gis pha dang ma dgum par bshams nas bdag nyid bkum na cir 'gyur/ de ste pha ma sngar du dus byas na mthar yang 'gyur la mtshams med pa'i kha na ma tho bar yang 'gyur ro/ / 'on te bdag nyid sngar dus byas na nyes pa sbom por 'gyur te/ mtshams med pa'i kha na ma tho bar yang mi 'gyur ro/ /btsun pa dge slong gis dgra bcom pa dgum par 'tshal ba las so so'i skye bo zhig bkum na cir 'gyur/ nyes pa sbom por 'gyur ro/ /btsun pa dge slong gis so so'i skye bo zhig dgum par 'tshal ba las dgra bcom pa zhig bkum na cir 'gyur/ nyes pa sbom por 'gyur ro/ /btsun pa dge slong gis dgra bcom pa dgum par bshams nas so so'i skye bo zhig bkum na cir 'gyur/ nyes pa sbom por 'gyur ro/ / btsun pa dge slong gis so so'i skye bo zhig dgum par bshams pa las dgra bcom pa 'tsho ba dang phral na cir 'gyur/ nyes pa sbom por 'gyur ro/ /btsun pa rkun po zhig dgum par bkri ba las bros te de la grong gi snyegs ma'am rgyal po'i snyegs ma yang rung phyi bzhin du bsnyegs pa dang / dge slong zhig shul gyi mdun nas mchi ba de la de dag gis khyod kyis rkun po zhig bros pa mthong ngam zhes dris pa dang / dge slong des rkun po de la gsod sems nye bar gnas par gyur nas des de dag la bstan na cir 'gyur/ mthar 'gyur ro/ / btsun pa rkun po zhig dgum par bkri ba las bros te de las grong gi snyegs ma 'am rgyal po'i snyegs ma yang rung phyi bzhin du bsnyegs pa dang / dge slong zhig kyang shul gyi mdun nas mchis pa de la de dag gis khyod kyis rkun po zhig bros pa mthong ngam zhes dris pa dang / dge 12-1-98b slong des rkun po de la yang gsod sems nye bar gnas par gyur te/ des de dag ma bstan nas de dag gis 'tsho ba dang phral na cir 'gyur/ nyes byas so/ /btsun pa gnyis lhan cig mchis pa la gzhan dgum mo snyam pa las gzhan bkum na cir 'gyur/ nyes pa sbom por 'gyur ro/ /bsnyen par ma rdzogs par dgum par bshams te bsnyen par ma rdzogs par bkum na cir 'gyur/ nyes byas so/ /bsnyen par ma rdzogs par dgum par bshams pa las bsnyen par rdzogs kar bkum na cir 'gyur/ nyes byas so/ /bsnyen par ma rdzogs par dgum par bshams pa las bsnyen par rdzogs te bkum na cir 'gyur/ mthar 'gyur ro/ /bsnyen par rdzogs kar dgum par bshams te bsnyen par rdzogs kar bkum na cir 'gyur/ nyes byas so/ /bsnyen par rdzogs kar dgum par bshams te bsnyen par rdzogs nas bkum na cir 'gyur/ mthar 'gyur ro/ /bsnyen par rdzogs nas dgum par bshams pa las bsnyen par rdzogs nas bkum na cir 'gyur/ mthar 'gyur ro/ /bsnyen par rdzogs nas dgum par bshams pa las bsnyen par ma rdzogs par bkum na cir 'gyur/ nyes pa sbom por 'gyur ro/ /btsun pa dge slong gcig pu 'tsho ba dang dbral ba'i slad du khyim du zhugs na mthar 'gyur ba mchis sam/ u pA li yod de/ ji ltar dge slong des bsad par bshams nas nang du zhugs pa'o/ / ji ltar dge slong gis 'tsho ba dang phral ba'i rkyen gyis mthar gyur pa de bzhin du bslab pa byin pa dang / dge slong ma la yang mthar 'gyur ro/ /dge slob ma dang / dge tshul pha dang / dge tshul ma rnams la nyes byas so// //mdor na/ dag dang ston pa rnam par gzigs/ /mi slob slob dpon nyon mongs dang / /nyams dang grol dang 'jigs pa dang / /skye dang rnyed dang 'di 'dra'o/ /btsun pa dge slong gis 'di skad du bdag ni dag pa'o zhes mchi na cir 'gyur/ nyes pa sbom por 'gyur ro/ /btsun pa dge slong gis 'di 12-1-99a skad du bdag ni ston pa'o zhes mchi na cir 'gyur/ nyes pa sbom por 'gyur ro/ /btsun pa dge slong gis 'di skad du bdag ni rnam par gzigs dang / spyi thor dang / bsod skyabs dang / log par dad sel dang / gser thub dang / 'od srung rnams kyi nyan thos pa'o zhes mchi na cir 'gyur/ de ste sngon gyi gnas su lung ston na ni mthar 'gyur ro/ /'on te des 'di skad du gang gi tshe shAkya thub pa la skyabs su song ba nas bzung ste yang dag par rdzogs pa'i sangs rgyas thams cad la skyabs su song ngo zhes smras na nyes pa sbom por 'gyur ro/ /btsun pa dge slong gis 'di skad du bdag ni mi slob pa'o zhes mchi na cir 'gyur/ de ste nyon mongs pa spangs par lung ston na mthar 'gyur ro/ /'on te de 'di skad du bdag bzo gang yang mi slob bo zhes smras na nyes pa sbom por 'gyur ro/ /btsun pa dge slong gis 'di skad du bdag ni slob pa'o zhes mchi na cir 'gyur/ de ste slob pa'i spyod par lung ston na mthar 'gyur ro/ /'on te de 'di skad du tshangs par spyod pa la slob bo zhes smras na nyes pa sbom por 'gyur ro/ /btsun pa dge slong gis 'di skad du bdag la nyon mongs pa med do zhes mchi na cir 'gyur/ de ste nyon mongs pa spangs par lung ston na mthar 'gyur ro/ 'on te 'di skad du bdag la lhung bzed dam chos gos sam dge slong gi 'tsho ba'i yo byad gang yang rung ba rnams med do zhes smras na nyes pa sbom por 'gyur ro/ /btsun pa dge slong gis 'di skad du bdag ni nyams pa'o zhes mchi na cir 'gyur/ de ste 'di skad du dge sbyong gi 'bras bu las nyams pa'o zhes smras na mthar 'gyur ro/ /btsun pa dge slong gis 'di skad du bdag ni grol ba'o zhes mchi na cir 'gyur/ de ste 'di skad du bdag ni sbyor ba dang / bcings pa dang / bag la nyal ba dang / nye ba'i nyon mongs pa dang / kun nas dkris te 'das pa las grol lo zhes smras na mthar 'gyur ro/ /btsun pa dge slong gis 'di skad du bdag la 'jigs pa med do zhes mchi na cir 'gyur/ 12-1-99b de ste 'jigs pa spangs par lung ston na mthar 'gyur ro/ /de ste 'jigs pas cung zad kyang mi 'jigs so zhes smras na cir 'gyur/ nyes pa sbom por 'gyur ro/ /btsun pa dge slong gis 'di skad du 'di ni bdag gi skye ba tha ma'o zhes mchi na cir 'gyur/ de ste skye ba zad par lung ston na mthar 'gyur ro/ /'on te de 'di skad du skye ba zad 'gags bral rnam par bral ba ste de ltar 'di ni skye ba'i tha ma'o zhes smras na nyes pa sbom por 'gyur ro/ /btsun pa dge slong gis 'di skad du bdag gis rab tu thob bo zhes mchi na cir 'gyur/ de ste dge slong gi 'bras bu thob bo zhes smras na mthar 'gyur ro/ /'on te 'jig rten gyi dngos por lung bstan na nyes pa sbom por 'gyur ro/ /btsun pa dge slong gis 'di skad du e ma'o bdag ci 'dra ba de 'dra bar khyod gyur pa ngo mtshar che'o zhes mchi na cir 'gyur/ nyes pa sbom por 'gyur ro// //mdor na/ ma smin bzod dang rang 'dri dang / /spangs dang 'bras bu gnyis pa dang / /'du shes bzhi dang thob bya dang / /'jig rten gyi ni tha ma'o/ /btsun pa dge slong zhig la tshe dang ldan pa khyod zag pa zad pa'i 'bras bu yod dam zhes dris pa dang / des kyang zhib tu shing thog ma smin pa zhig bcangs par gyur nas de 'di skad du ma smin to zhes mchi na cir 'gyur/ nyes pa sbom por 'gyur ro/ /btsun pa dge slong gis 'di skad du rgyun du zhugs pa'i 'bras bu dang / lan cig phyir 'ong ba dang / phyir mi 'ong ba dang / mchog gi 'bras bu bdag gis thob bo zhes mchi na cir 'gyur/ mthar 'gyur ro/ /btsun pa dge slong gis bdag nyid kyis bris la 'di skad du bdag dgra bcom pa'o zhes 'di sus bris zhes mchi na cir 'gyur/ nyes pa sbom por 'gyur ro/ /btsun pa dge slong la khyim bdag cig gis khyod kyis 'bras bu thob bo zhes dris pa dang / des kyang me tog dang 'bras bu smin pa rnams bcangs nas de 'di skad du ma smin no zhes mchi na cir 'gyur/ nyes pa sbom por 'gyur ro/ / 12-1-100a btsun pa dge slong gis 'di skad du bdag ni nyams so zhes mchi na cir 'gyur/ de ste thob pa las nyams par lung ston na mthar 'gyur te/ btsun pa dge slong gis bdag ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa rnams ma yin no zhes mchi na cir 'gyur/ nyes pa sbom por 'gyur ro/ /btsun pa dge slong gis 'gro ba zhes bya ba'i ri la rgyun du zhugs pa'i 'bras bu thob bo/ ri dgu po zhes bya ba'i ngos la lan cig phyir 'ong ba'i 'bras bu/ bya rgod spungs pa zhes bya ba la phyir mi 'ong ba'i 'bras bu/ 'od ma'i tshal du mchog gi 'bras bu thob bo zhes mchi na cir 'gyur/ mthar 'gyur ro/ /btsun pa dge slong gis mi la mi ma lags par 'du shes te mi las bla mar gyur pa'i chos shig lung ston na cir 'gyur/ nyes pa sbom por 'gyur ro/ /mi ma yin pa la mir 'du shes na nyes pa sbom por 'gyur ro/ /mi ma yin pa la mi ma yin par 'du shes na nyes pa sbom por 'gyur ro/ /mi la mir 'du shes na mthar 'gyur ro/ /btsun pa dge slong gis 'di skad du nyan thos kyis thob par bya ba gang yin pa de bdag gis thob bo zhes mchi na cir 'gyur/ nyes pa sbom por 'gyur ro/ /btsun pa dge slong gis 'di skad du deng bdag gis 'jig rten pa'i bsam gtan la snyoms par ma zhugs te/ srod la ni ma yin/ de phan cad ma yin no zhes mchi na cir 'gyur/ nyes pa sbom por 'gyur ro/ /btsun pa dge slong gis 'di skad du lung bstan gyis tshur shog ces mchi na cir 'gyur/ nyes pa sbom por 'gyur ro// //mdor na/ phrin pa spring yig lag brda dang / /gzhan zer ba dang gcig nas gcig /smyon pa gang dang sems 'khrugs pa/ /na ba 'on pa glen pa'o/ /btsun pa dge slong gis pho nya las mi las bla mar gyur pa'i chos smras na cir 'gyur/ nyes pa sbom por 'gyur ro/ /de bzhin du spring yig dang / lag brda dang / gzhan la bsgo ba dang / gcig dang gcig tu brgyud na thams cad nyes pa sbom por 'gyur ro/ /btsun pa dge slong gis smyon pa zhig la mi las bla mar gyur pa'i 12-1-100b chos smras na cir 'gyur/ nyes pa sbom por 'gyur ro/ /de bzhin du sems 'khrugs pa dang / nad kyis gzir ba dang / 'on pa dang / glen pa thams cad la nyes pa sbom por 'gyur ro// //mdor na/ gnyid log ra ro myos pa dang / /snyoms zhugs 'gro ba de bzhin te/ /skad dang lus dang dben pa sngags/ /gzhan gyis gzhan la tha ma'o/ /btsun pa dge slong gis gnyid kyis log pa zhig gi drung du mi las bla mar gyur pa'i chos smras na cir 'gyur/ nyes pa sbom por 'gyur ro/ /de bzhin du ra ro ba dang / myos pa dang / 'gro ba gzhan du gyur pa rnams kyi drung du smras pa thams cad nyes pa sbom por 'gyur ro/ /btsun pa dge slong gis 'phags pas 'phags pa'i skad du dge slong zhig la mi las bla mar gyur pa'i chos smras na dge slong des kyang 'phags pa'i skad ma 'tshal na cir 'gyur/ nyes pa sbom por 'gyur ro/ / 'phags pa zhig gis mtha' 'khob pa'i skad du smras pa dang / dge slong des kyang mtha' 'khob pa'i skad ma 'tshal na cir 'gyur/ nyes pa sbom por 'gyur ro/ /mtha' 'khob pa zhig gis mtha' 'khob pa'i skad du smras pa dang / dge slong des kyang mtha' 'khob pa'i skad ma 'tshal na cir 'gyur/ nyes pa sbom por 'gyur ro/ /mtha' 'khob pa zhig gis 'phags pa'i skad du mi las bla mar gyur pa'i chos smras pa dang / dge slong des kyang 'phags pa'i skad ma 'tshal na cir 'gyur/ nyes pa sbom por 'gyur ro/ /btsun pa dge slong gis lus kyi dmigs pas mi las bla mar gyur pa'i chos ston na cir 'gyur/ nyes pa sbom por 'gyur ro/ /btsun pa dge slong gis dben pa la mi dben par 'du shes te mi las bla mar gyur pa'i chos smras na cir 'gyur/ nyes pa sbom por 'gyur ro/ /btsun pa dge slong gis sngags sam sman gyis bdag nyid mi snang bar bgyis te mi las bla mar gyur pa'i chos smras na cir 'gyur/ nyes pa sbom por 'gyur ro/ /btsun pa dge slong gis gzhan las mi las bla mar gyur pa'i chos smras na cir 'gyur/ nyes pa sbom por 'gyur ro/ /btsun pa dge 12-1-101a slong gis gzhan zhig gi slad du mi las bla mar gyur pa'i chos smras na cir 'gyur/ nyes byas so/ /ji ltar dge slong gis smras pa'i rkyen gyis mthar gyur pa de bzhin du bslab pa byin pa dang / dge slong ma rnams kyi yang mthar 'gyur/ dge slob ma dang / dge tshul ma dang / dge tshul pha rnams la nyes byas so/ /u pA lis zhus pa'i nang nas phas pham pa dang ldan pa rdzogs so// //ma log sbu bu de bzhin g.yos/ /mi rtsol med pa rnams dang mtshan/ /gzhan dang bdun ni de bzhin te/ /sder bcas bsdus par gyur pa'o/ / mdor na/ ma log sbu bu de bzhin g.yos/ /mi rtsol med pa rnams dang mtshan/ /gzhan dang bdun ni de bzhin te/ /sder bcas bsdus par gyur pa'o/ /sangs rgyas bcom ldan 'das la tshe dang ldan pa u pA lis zhus pa/ btsun pa gnyid kyis ma log par brtsal nas log ste khu ba phyung na cir 'gyur/ nyes pa sbom por 'gyur ro/ /btsun pa gnyid kyis log pa'i tshe brtsal na ma log pa'i tshe khu ba byung na cir 'gyur/ de ste brtsal na nyes pa sbom por 'gyur ro/ /ma brtsal na nyes pa med do/ /btsun pas ni sbu bur 'ongs pa'i khu ba phyung na nyes pa sbom po'o zhes gsungs na/ ji tsam gyis na sbu bur mchis pa lags/ gnas nas 'phags ma thag tu sbu bur bkag pa'o/ /btsun pa bcom ldan 'das kyis g.yos pa las bkag pa'o zhes gsungs na/ ji tsam gyis g.yos pa las bkag pa lags/ gnas nas g.yos ma thag tu bkag pa'o/ /btsun pa ma brtsal bar khu ba byung na cir 'gyur/ de ste dga' bar ma tshor na nyes pa med do/ /btsun pa dge slong gis khu ba 'byin pa las mtshan 'phos te dge slong mar gyur na cir 'gyur/ dge 'dun gyi lhag ma las byung ba'i nyes pa sbom por 'gyur ro/ /btsun pa dge slong ma zhig khu ba 'byin pa las mtshan 'phos te dge slong du gyur na cir 'gyur/ ltung ba las byung ba'i nyes byas so/ / btsun pa dge slong gis gzhan gyi pho mtshan las khu ba phyung na cir 'gyur/ nyes pa sbom por 'gyur ro/ /btsun pa bsnyen par ma rdzogs par brtsal nas bsnyen par ma rdzogs par phyung na cir 'gyur/ nyes byas so/ /bsnyen par ma rdzogs par brtsal nas bsnyen par rdzogs kar 12-1-101b phyung na cir 'gyur/ nyes byas so/ /bsnyen par ma rdzogs par brtsal nas bsnyen par rdzogs nas phyung na cir 'gyur/ dge 'dun gyi lhag ma'o/ /bsnyen par rdzogs kar brtsal nas bsnyen par rdzogs kar phyung na cir 'gyur/ nyes byas so/ /bsnyen par rdzogs kar brtsal nas bsnyen par rdzogs pa dang phyung na cir 'gyur/ dge 'dun gyi lhag ma'o/ /bsnyen par rdzogs te brtsal nas bsnyen par rdzogs nas phyung na cir 'gyur/ dge 'dun gyi lhag ma'o/ /bsnyen par rdzogs nas brtsams te bsnyen par ma rdzogs par phyung na cir 'gyur/ nyes pa sbom por 'gyur ro/ /ji ltar dge slong khu ba 'byung ba'i rkyen gyis dge 'dun gyi lhag mar gyur pa de bzhin du bslab pa byin pa la yang dge 'dun gyi lhag ma'o/ /dge slong ma la ni ji ltar dngos po bzhin no/ /dge slob ma dang / dge tshul ma dang / dge tshul pha rnams la ni nyes byas so// //mdor na/ lus dang the tshom so dang ni/ /rma spu sen mo de bzhin te/ /bzhi pa gnyis dang bdun pa rnams/ /sde dag tu yang bsdus pa'o/ /btsun pa bud med kyi dbang po nyams pa de dang lhan cig tu dge slong gis lus kyis kun tu reg par bgyis na cir 'gyur/ nyes pa sbom por 'gyur ro/ /btsun pa dge slong lus kyi dbang po nyams par gyur pa zhig gis bud med dang lhan cig tu lus kyis kun tu reg par bgyis na cir 'gyur/ nyes pa sbom por 'gyur ro/ /btsun pa gnyis ka'i lus kyi dbang po nyams par gyur pa de gnyis gcig la gcig kun tu reg par bgyis na cir 'gyur/ nyes byas so/ /btsun pa dge slong gis 'di bud med la bud med ma lags zhes the tshom dang yid gnyis dang dogs pa skyes bzhin du de dang de lhan cig tu lus kyis kun tu reg par bgyis na cir 'gyur/ nyes pa sbom por 'gyur ro/ /btsun pa sos reg na cir 'gyur/ nyes pa sbom por 'gyur ro/ /btsun pa so la reg na cir 'gyur/ nyes pa sbom por 'gyur ro/ /btsun pa rmas reg na cir 'gyur/ nyes pa sbom por 'gyur ro/ /btsun pa spus reg na cir 12-1-102a 'gyur/ nyes pa sbom por 'gyur ro/ /btsun pa spu la reg na cir 'gyur/ nyes pa sbom por 'gyur ro/ /btsun pa sen mo la reg na cir 'gyur/ nyes pa sbom por 'gyur ro/ /btsun pa sen mos reg na cir 'gyur/ nyes pa sbom por 'gyur ro/ /btsun pa dge slong gis mi'i bud med la mir 'du shes te reg na cir 'gyur/ dge 'dun gyi lhag ma'o/ /mi la mi ma yin par 'du shes te reg na cir 'gyur/ nyes pa sbom por 'gyur ro/ /mi ma lags pa la mir 'du shes te reg na cir 'gyur/ nyes pa sbom por 'gyur ro/ /mi ma lags pa la mi ma lags par 'du shes te reg na cir 'gyur/ nyes pa sbom por 'gyur ro/ /btsun pa dge slong gis g.yogs pa la g.yogs par 'du shes te reg na cir 'gyur/ nyes pa sbom por 'gyur ro/ /g.yogs pa la ma g.yogs par 'du shes te reg na cir 'gyur/ nyes pa sbom por 'gyur ro/ /ma g.yogs pa la g.yogs par 'du shes te reg na cir 'gyur/ nyes pa sbom por 'gyur ro/ /ma g.yogs pa la ma g.yogs par 'du shes te reg na cir 'gyur/ dge 'dun gyi lhag ma'o/ /btsun pa bsnyen par ma rdzogs par lus kyis kun tu reg par bshams nas bsnyen par ma rdzogs par reg na cir 'gyur/ nyes byas so/ /bsnyen par ma rdzogs par bshams la bsnyen par rdzogs kar reg na cir 'gyur/ nyes byas so/ /bsnyen par ma rdzogs par bshams la bsnyen par rdzogs pa dang reg na cir 'gyur/ nyes pa sbom por 'gyur ro/ /bsnyen par rdzogs kar bshams la bsnyen par rdzogs kar reg na cir 'gyur/ nyes byas so/ /bsnyen par rdzogs kar bshams la bsnyen par rdzogs nas reg na cir 'gyur/nyes pa sbom por 'gyur ro/ /bsnyen par rdzogs nas bshams la bsnyen par rdzogs pa na reg na cir 'gyur/ dge 'dun gyi lhag ma'o/ /bsnyen par rdzogs nas bshams la bsnyen par ma rdzogs par reg na cir 'gyur/ nyes pa sbom por 'gyur ro// //mdor 12-1-102b na/ gzhan du 'du shes ro rus pa/ /mtshan dang skyes pa mnyen pa dang / /ma ning pha dang ma ning ma/ /snyoms zhugs nyal dang 'gro ba'o/ /btsun pa dge slong gis bud med gzhan zhig la chags pa las gzhan dang lhan cig tu lus kyis kun tu reg par bgyid na cir 'gyur/ nyes pa sbom por 'gyur ro/ /btsun pa bud med kyi ro dang lhan cig tu reg na cir 'gyur/ nyes pa sbom por 'gyur ro/ /btsun pa dge slong gis bud med kyi keng rus sha med pa la reg na cir 'gyur/ nyes byas so/ /btsun pa dge slong gis bud med dang lhan cig tu lus kyis kun tu reg par bgyid pa las de'i mtshan 'phos te dge slong mar gyur na cir 'gyur/ nyes pa sbom por 'gyur ro/ /btsun pa dge slong ma skyes pa dang lhan cig tu lus kyis kun tu reg par bgyid pa las mtshan 'phos te/ dge slong phar gyur na cir 'gyur/ nyes pa sbom por 'gyur ro/ /btsun pa dge slong gis skyes pa dang lhan cig tu lus kyis kun tu reg par bgyid na cir 'gyur/ nyes pa sbom por 'gyur ro/ /btsun pa dge slong gis 'jam mam snyam du bsams te reg na cir 'gyur/ nyes pa sbom por 'gyur ro/ /mnyen nam dro'am snyam du bsams pa'ang de bzhin no/ /btsun pa dge slong gis ma ning pha dang lhan cig tu reg na cir 'gyur/ nyes pa sbom por 'gyur ro/ /ma ning ma dang lhan cig tu reg na cir 'gyur/ nyes pa sbom por 'gyur ro/ /btsun pa dge slong gis snyoms par zhugs pa mo dang lhan cig tu reg na cir 'gyur/ dge 'dun gyi lhag ma'o/ /btsun pa dge slong gis bud med nyal ba dang lhan cig tu reg na cir 'gyur/ dge 'dun gyi lhag ma'o/ /btsun pa dge slong gis 'gro ba gzhan du gnas pa mo dang lhan cig tu reg na cir 'gyur/ nyes pa sbom por 'gyur ro/ /ji ltar dge slong gis lus kyis kun tu reg par byas pa las dge 'dun gyi lhag mar gyur pa de bzhin du bslab pa byin pa la yang dge 'dun gyi lhag mar 'gyur ro/ /dge slong ma rnams la ni phas pham par 'gyur ro/ /dge slob ma dang / dge tshul ma dang / dge tshul pha rnams la nyes byas so// //mdor na/ skad dang lus dang 12-1-103a dben sngags dang / /gzhan las gzhan phyir sprul pa dang / /phrin pa spring yig lag brda dang / /gzhan zhig zer dang bdun pa ste/ /bgo ba ma ning skyes pa dang / /ma ning bzang po sdig can no/ /btsun pa dge slong 'phags pa zhig gis 'phags pa'i skad du bud med la gnas ngan len gyi tshig smras pa las bud med des 'phags pa'i skad ma 'tshal na cir 'gyur/ nyes pa sbom por 'gyur ro/ /'phags pas mtha' 'khob pa'i skad smras pa dang / bud med des kyang mtha' 'khob pa'i skad ma 'tshal na cir 'gyur/ nyes pa sbom por 'gyur ro/ /mtha' 'khob pas mtha' 'khob pa'i skad du smras pa dang bud med des mtha' 'khob pa'i skad ma 'tshal na cir 'gyur/ nyes pa sbom por 'gyur ro/ /mtha' 'khob pas 'phags pa'i skad du bud med la gnas ngan len gyi skad smras pa dang bud med des kyang 'phags pa'i skad ma 'tshal na cir 'gyur/ nyes pa sbom por 'gyur ro/ /btsun pa dge slong gis lus kyis dmigs pas gnas ngan len pa'i tshig bud med la smras na cir 'gyur/ nyes pa sbom por 'gyur ro/ /btsun pa dge slong gis dben pa la dben par 'du shes te bud med la gnas ngan len gyi tshig smras na cir 'gyur/ nyes pa sbom por 'gyur ro/ /btsun pa dge slong gis sngags sam sman gyis bdag nyid mi snang bar bgyis te bud med la gnas ngan len gyi tshig smras na cir 'gyur/ nyes pa sbom por 'gyur ro/ /btsun pa dge slong gis bud med la gzhan zhig smrar bcug na cir 'gyur/ nyes pa sbom por 'gyur ro/ /btsun pa dge slong gis bud med la gzhan gyi slad du gnas ngan len gyi tshig smras na cir 'gyur/nyes pa sbom por 'gyur ro/ /btsun pa dge slong gis sprul pa'i bud med la gnas ngan len gyi tshig smras na cir 'gyur/ nyes pa sbom por 'gyur ro/ /btsun pa dge slong gis bud med la phrin pa smrar bcug na cir 'gyur/ nyes pa sbom por 'gyur ro/ /de bzhin du spring yig dang / lag brda dang / gzhan zer ba dang / gcig nas gcig 12-1-103b tu brgyud pa thams cad nyes pa sbom por 'gyur ro/ /btsun pa dge slong bsnyen par ma rdzogs pas gnas ngan len gyi tshig bshams la bsnyen par ma rdzogs par smras na cir 'gyur/ nyes byas so/ /bsnyen par ma rdzogs par bshams nas bsnyen par rdzogs kar smras na cir 'gyur/ nyes byas so/ /bsnyen par ma rdzogs par bshams nas bsnyen par rdzogs te smras na cir 'gyur/ dge 'dun gyi lhag ma'o/ /bsnyen par rdzogs kar bshams nas bsnyen par rdzogs kar smras na cir 'gyur/ nyes byas so/ /bsnyen par rdzogs kar bshams nas bsnyen par rdzogs te smras na cir 'gyur/ dge 'dun gyi lhag ma'o/ /bsnyen par rdzogs nas bshams te bsnyen par rdzogs par smras na cir 'gyur/ dge 'dun gyi lhag ma'o/ /bsnyen par rdzogs te bshams nas bsnyen par ma rdzogs pa na smras na cir 'gyur/ nyes pa sbom por 'gyur ro/ /btsun pa dge slong gis bud med la 'di skad du che zhe mnyam par bgos shig ces smras na cir 'gyur/ nyes pa sbom por 'gyur ro/ /btsun pa dge slong gis ma ning la smras na cir 'gyur/ nyes pa sbom por 'gyur ro/ /skyes pa la smras na cir 'gyur/ nyes pa sbom por 'gyur ro/ /ma ning mo la smras na cir 'gyur/ nyes pa sbom por 'gyur ro/ /btsun pa dge slong gis bud med la 'di skad du bzang ngo zhes smras na cir 'gyur/ nyes pa sbom por 'gyur ro/ /btsun pa dge slong gis bud med la 'di skad du sdig can no zhes smras na cir 'gyur/ nyes pa sbom por 'gyur ro// //mdor na/ smyon ma dang yang sems 'khrugs ma/ /na ba 'on ma glen ma dang / gnyid log ra ro myos ma dang / /dge slong ma dang snyoms zhugs ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa dge slong gis bud med smyon ma la gnas ngan len gyi tshig smras na cir 'gyur/ nyes pa sbom por 'gyur te/ sems 'khrugs pa dang / nad kyis gzir ba dang / 'on ma dang / glen ma dang / 12-1-104a gnyid log pa dang / ra ro ba dang / myos ma rnams la yang de bzhin no/ /btsun pa dge slong gis bud med la gnas ngan len gyi tshig smras pa na mtshan 'phos te dge slong mar gyur na cir 'gyur/ nyes pa sbom por 'gyur ro/ /dge slong mas skyes pa la gnas ngan len gyi tshig smras pa na mtshan 'phos te dge slong phar gyur na cir 'gyur/ nyes pa sbom por 'gyur ro/ /btsun pa bcom ldan 'das kyis dge slong gis bud med la gnas ngan len gyi tshig smras na dge 'dun gyi lhag ma'o zhes gsungs na/ dge slong gis bud med la gnas ngan len gyi tshig tu smras pa la dge 'dun gyi lhag mar mi 'gyur ba mchis sam/ yod de/ de ste gzhan gyi phyir na'o/ /btsun pa dge slong gis skyes pa la smras na cir 'gyur/ nyes pa sbom por 'gyur ro/ /dge slob ma dang / dge tshul ma rnams la smras na cir 'gyur/ dge 'dun gyi lhag ma'o/ /dge slong gis dge tshul pha la smras na cir 'gyur/ nyes pa sbom por 'gyur ro/ /dge slong mas skyes pa la smras na cir 'gyur/ nyes pa sbom por 'gyur ro/ /dge slob mas skyes pa dang / dge slong dang / dge tshul pha la smras na nyes byas su 'gyur ro/ /dge tshul mas skyes pa dang / dge slong dang / dge tshul pha la smras na nyes byas su 'gyur ro/ /dge tshul phas bud med dang / dge slong ma dang / dge slob ma dang / dge tshul ma dang / dge slong dang / dge tshul pha rnams la smras na cir 'gyur/ nyes byas so/ /btsun pa dge slong gis snyoms par zhugs pa'i bud med la gnas ngan len gyi tshig smras na cir 'gyur/ nyes pa sbom por 'gyur ro// //mdor na/ bzhi pa gnyis dang 'du shes gzhan/ /gnas ngan len du de dag brjod/ /kun spyod pa yang de bzhin te/ /rgyas par bsgrags par bya'o/ /btsun pa dge slong gis mi ma lags pa'i bud med la mi ma lags par 'du shes te smras na cir 'gyur/ nyes pa sbom por 'gyur ro/ /mi ma lags pa la mir 'du shes na cir 'gyur/ 12-1-104b nyes pa sbom por 'gyur ro/ /mi la mi ma lags par 'du shes na cir 'gyur/ nyes pa sbom por 'gyur ro/ /mi la mir 'du shes na cir 'gyur/ dge 'dun gyi lhag ma'o/ /btsun pa dge slong gis mi'i bud med la bud med du 'du shes te smras na cir 'gyur/ dge 'dun gyi lhag ma'o/ /bud med la skyes par 'du shes na cir 'gyur/ nyes pa sbom por 'gyur ro/ /skyes pa la bud med du 'du shes na'ang nyes pa sbom por 'gyur ro/ /skyes pa la skyes par 'du shes te smras na cir 'gyur/ nyes pa sbom por 'gyur ro/ /btsun pa dge slong gis gzhan du 'du shes pa las bud med gcig la gnas ngan len gyi tshig smras na cir 'gyur/ nyes pa sbom por 'gyur ro/ /dge 'dun gyi lhag ma gsum pa dang bzhi pa rdzogs te ji ltar gnas ngan len pa de bzhin du kun tu spyod pa la'ang bya'o// //'dul ba gzhung dam pa/bam po gnyis pa/ mdor na/ chos gnyis bzhi pa rnam pa drug /dbang po nyo bar bya ba gnyis/ /bdun pa dang yang chad pa dang / /bzhi pa gnyis dang gcig nas gcig /sangs rgyas bcom ldan 'das la tshe dang ldan pa u pA lis zhus pa/ btsun pa chos gang 'das pa yang ma lags/ ma 'ongs pa yang ma lags/ da ltar byung ba yang ma lags la/ las kun rdzogs pa'i mthar thug pa'i chos de gang lags/ u pA li mya ngan las 'das pa'o/ /btsun pa chos gang song zhing 'ongs la las kun rdzogs pa'i mthar thug pa de gang lags/ u pA li smyan byed pa'o/ /de bskyal na cir 'gyur/ dge 'dun gyi lhag ma'o/ /btsun pa dge slong gis smyon pa zhig las phrin blangs te smyon pa la bskyal la smyon pa la lan slar stsal na cir 'gyur/ nyes pa sbom por 'gyur ro/ /smyon pa zhig las phrin blangs te/ smyon pa la bskyal la slar lan rang bzhin du gnas pa zhig la stsal na cir 'gyur/ nyes pa sbom por 'gyur ro/ /smyon pa las phrin blangs te rang bzhin du gnas pa la bskyal la smyon pa la slar lan stsal na cir 'gyur/ 12-1-105a nyes pa sbom por 'gyur ro/ /smyon pa las phrin blangs te rang bzhin du gnas pa la bskyal la rang bzhin du gnas pa la lan slar stsal na cir 'gyur/ nyes pa sbom por 'gyur ro/ /btsun pa dge slong gis rang bzhin du gnas pa las phrin blangs te rang bzhin du gnas pa la bskyal la rang bzhin du gnas pa la slar lan stsal na cir 'gyur/ dge 'dun gyi lhag mar 'gyur ro/ /rang bzhin du gnas pa las phrin blangs te rang bzhin du gnas pa la bskyal la smyon pa la lan slar stsal na cir 'gyur/ nyes pa sbom por 'gyur ro/ / rang bzhin du gnas pa las phrin blangs te smyon pa la bskyal la rang bzhin du gnas pa la lan slar stsal na cir 'gyur/ nyes pa sbom por 'gyur ro/ /rang bzhin du gnas pa las phrin blangs te smyon pa la bskyal la smyon pa la lan slar stsal na cir 'gyur/ nyes pa sbom por 'gyur ro/ /ji ltar smyon pa la bzhi brgyud gnyis pa de bzhin du sems 'khrugs pa la'ang bzhi brgyud gnyis te nad kyis gzir ba dang / dbang ba dang mi dbang ba rnams la yang bzhi brgyud gnyis par bya'o/ /btsun pa dge slong gis dbang ba las phrin blangs te dbang ba la bskyal la dbang ba la lan slar stsal na cir 'gyur/ dge 'dun gyi lhag ma'o/ /dbang ba las phrin blangs te dbang ba la bskyal la mi dbang ba la lan slar stsal na cir 'gyur/ nyes pa sbom por 'gyur ro/ /dbang ba las phrin blangs te mi dbang ba la bskyal la dbang ba la lan slar stsal na cir 'gyur/ nyes pa sbom por 'gyur ro/ /dbang ba las phrin blangs te mi dbang ba la bskyal la mi dbang ba la lan slar stsal na cir 'gyur/nyes pa sbom por 'gyur ro/ /btsun pa dge slong gis mi dbang ba las phrin blangs te mi dbang ba la bskyal la mi dbang ba la lan slar stsal na cir 'gyur/ nyes pa sbom por 'gyur ro/ /mi dbang ba las phrin blangs te mi dbang ba la bskyal la dbang ba la lan slar stsal na cir 'gyur/ nyes pa sbom por 'gyur ro/ /mi dbang ba las phrin blangs te dbang ba la bskyal la dbang ba la lan slar bskyal na cir 'gyur/ 12-1-105b nyes pa sbom por 'gyur ro/ /mi dbang ba las phrin blangs te dbang ba la bskyal la mi dbang ba la lan slar stsal na cir 'gyur/ nyes pa sbom por 'gyur ro/ /btsun pa dge slong gis khyim bdag cig la 'di skad du bud med nyos la shog ces smras na cir 'gyur/ nyes byas so/ /btsun pa dge slong gis khyim bdag cig la 'di skad du bud med 'di zhes bya ba nyos shig ces smras na cir 'gyur/ nyes pa sbom por 'gyur ro/ /bsnyen par ma rdzogs par phrin blangs te bsnyen par ma rdzogs par bskyal la bsnyen par rdzogs par slar lan bskyal na cir 'gyur/ nyes byas so/ /bsnyen par ma rdzogs par phrin blangs te bsnyen par ma rdzogs par bskyal la bsnyen par rdzogs kar slar lan bskyal na cir 'gyur/ nyes byas so/ /bsnyen par ma rdzogs par phrin blangs te bsnyen par rdzogs kar bskyal la bsnyen par rdzogs te lan slar bskyal na cir 'gyur/ dge 'dun gyi lhag ma'o/ /bsnyen par rdzogs kar phrin blangs te bsnyen par rdzogs kar bskyal la bsnyen par rdzogs kar slar lan bskyal na cir 'gyur/ nyes byas so/ /bsnyen par rdzogs kar phrin blangs te bsnyen par rdzogs kar bskyal la bsnyen par rdzogs te slar lan bskyal na cir 'gyur/ dge 'dun gyi lhag ma'o/ /bsnyen par ma rdzogs pas phrin blangs te bsnyen par rdzogs kar bskyal la bsnyen par rdzogs te slar lan bskyal na cir 'gyur/ dge 'dun gyi lhag ma'o/ /bsnyen par rdzogs pas phrin blangs te bsnyen par rdzogs pas bskyal la bsnyen par ma rdzogs pa na slar lan bskyal na cir 'gyur/ nyes pa sbom por 'gyur ro/ /btsun pa gang zag de nyid chad pa bcad pa lags la de nyid kyis chad pa yang bgyis shing de nyid yid mgu bar spyod pa yang lags la/ de nyid kyis mgu bar bgyi ba spyad lags par 'gyur ba mchis sam/ yod de/ de'i ni 'di ltar mgu bar spyad pa spyad zin pa'i gang zag de la dge 'dun gyi lhag ma'i nyes pa zhig byung nas ma bcabs par dge 'dun gyi drung du song nas yid mgu bar bya ba gsol 12-1-106a pa dang / des dge 'dun gyi yid mgu bar bya ba byin te des yang mgu bar bya ba spyad zin pa dang / dge 'dun gyi lhag ma'i nyes pa gnyis byung ste nyes pa gcig ni zhag gcig bcabs/ nyes pa gcig ni zhag gnyis bcabs nas des dge 'dun la chad pa gsol ba dang / des dge 'dun gyis kyang chad pa byin te des zhag gcig chad pa byas pas nyes pa gcig gi chad pa ni bral/ gnyis pa'i chad pa ni byed/ gsum pa ni yid mgu bar spyod pa/ bzhi pa ni yid mgu bar spyad zin pa'o/ /btsun pa mi'i bud med dang mi'i skyes pa de gnyis kyi smyan bgyis na cir 'gyur/ dge 'dun gyi lhag ma'o/ /mi'i bud med dang mi ma lags pa'i skyes pa de gnyis kyis smyan bgyis na cir 'gyur/ nyes pa sbom por 'gyur ro/ /mi ma lags pa'i bud med dang / mi'i skyes pa de gnyis kyi smyan bgyis na cir 'gyur/ nyes pa sbom por 'gyur ro/ /mi ma lags pa'i bud med dang / mi ma lags pa'i skyes pa de gnyis kyi smyan bgyis na cir 'gyur/ nyes pa sbom por 'gyur ro/ /btsun pa mi la mir 'du shes te smyan bgyis na cir 'gyur/ dge 'dun gyi lhag ma'o/ /mi la mi ma lags par 'du shes te smyan bgyis na cir 'gyur/ nyes pa sbom por 'gyur ro/ /mi ma lags pa la mir 'du shes te smyan bgyis na cir 'gyur/ nyes pa sbom por 'gyur ro/ /btsun pa dge slong gis gcig nas gcig tu brgyud de smyan bgyis na cir 'gyur/ dge 'dun gyi lhag ma'o// //mdor na/ gzhon nu ma dang bud med mngal/ /za ma ma ning ma ning mo/ /dge 'dun thams cad brtul zhugs nas/ /mtshan gnyis dang ni 'dra ba'o/ /btsun pa gzhon nu ma'i smyan bgyis na cir 'gyur/ nyes pa sbom por 'gyur ro/ /btsun pa khyim bdag gi bu ma mchis par smyan bgyis na cir 'gyur/ nyes pa sbom por 'gyur ro/ /btsun pa mngal na gnas pa'i smyan bgyis na cir 'gyur/ nyes pa sbom por 'gyur ro/ /btsun pa za ma'i smyan bgyis na cir 'gyur/ nyes pa sbom 12-1-106b por 'gyur ro/ /ma ning dang ma ning mo'i smyan bgyis na cir 'gyur/ nyes pa sbom por 'gyur ro/ /btsun pa dge 'dun thams cad tshogs pa dang / khyim bdag cig mchis nas 'di skad du 'phags pa rnams bdag gi tshig gis khyim bdag 'di zhes bgyi ba la sring mo'am/ tsha mo'am/ yang tsha mo byin cig ces gsung spyod dam zhes smras pa dang / gal te dge 'dun thams cad kyis phrin blangs te lan slar bskyal na dge 'dun thams cad la cir 'gyur/ dge 'dun gyi lhag ma'o/ /de ste dge 'dun thams cad bgros nas dge slong gcig gis bskyal te lan slar bskyal na dge 'dun thams cad la cir 'gyur/ dge 'dun gyi lhag ma'o/ /'on te dge slong cig gis rang gi blos bskyal te lan byin na yang dge 'dun gyi lhag mar 'gyur ro/ /dge slong ma dang brtul zhugs la gnas pa tshangs par spyod pa gzhan gyi smyan bgyis na cir 'gyur/ nyes pa sbom por 'gyur ro/ btsun pa dge slong gis phrin blangs pa dang / de blangs ma thag tu mtshan 'phos te dge slong mar gyur nas bskyal te lan slar bskyal na cir 'gyur/ dge 'dun gyi lhag ma'o/ /btsun pa dge slong mas phrin blangs nas bskyal te lan slar bskyal ba dang / de'i mtshan 'phos te dge slong phar gyur na cir 'gyur/ dge 'dun gyi lhag ma'o/ /btsun pa dge slong gis phrin blangs nas bskyal ba dang / de'i mtshan 'phos bzhin du lan slar bskyal na cir 'gyur/ nyes pa sbom por 'gyur ro/ /btsun pa dge slong gis phrin blangs pa dang / skyes pa de'i mtshan 'phos nas mtshan 'phos bzhin du bskyal te lan slar bskyal na cir 'gyur/ nyes pa sbom por 'gyur ro/ /btsun pa dge slong gis phrin blangs pa dang / bud med la ni skyes pa'i mtshan skyes pa la bud med kyi mtshan 'phos pa la 'phos bzhin du bskyal nas lan slar bskyal na cir 'gyur/ nyes pa sbom por 'gyur ro/ /sangs rgyas bcom ldan 'das la tshe dang ldan pa u pA lis zhus pa/ btsun pa skyes pas bud med dang lhan cig dus brda 12-1-107a bgyis par gyur pa las skyes pas dge slong zhig la 'di skad du 'phags pa bud med gcig gzigs sam zhes smras pa dang / dge slong gis 'tshal bzhin du 'di skad rtsig pa 'di'i drung na 'dug go zhes mchi na cir 'gyur/ nyes pa sbom por 'gyur ro/ / de ste des 'di skad du 'phags pa bzhud la bud med de tshur shog ces gsungs shig ces smras pa dang / dge slong de song ste de la smras na cir 'gyur/ nyes pa sbom por 'gyur ro/ /ji ltar dge slong gis smyan byas pas dge 'dun gyi lhag mar 'gyur ba de bzhin du bslab pa byin pa dang / dge slong ma la yang dge 'dun gyi lhag mar 'gyur ro/ /dge slob ma dang / dge tshul pha dang / dge tshul ma rnams la ni nyes byas su 'gyur ro// //mdor na/ ma gnang ba dang tshad bya dang / /bdag dang gzhan dang ma g.yogs pa/ /phyir babs bdun brgyud de bzhin te/ /mtshan ni tha mar gyur pa'o/ /btsun pa dge slong gis dngos po ma gnang bar khang pa brtsigs na cir 'gyur/ nyes pa sbom por 'gyur ro/ /dngos po gsol nas khang pa ma brtsigs na cir 'gyur/ nyes byas so/ / khang pa brtsigs par gnang nas tshad las 'das par bgyis na cir 'gyur/ nyes pa sbom por 'gyur ro/ /bdag gis brtsams nas ma lags par bor na cir 'gyur/ nyes pa sbom por 'gyur ro/ /btsun pa gzhan gyis ma lags pa lags par bgyis na cir 'gyur/ nyes pa sbom por 'gyur ro/ /steng ma g.yogs pa zhig bgyis na cir 'gyur/ nyes pa sbom por 'gyur ro/ /brtsams nas slar babs na cir 'gyur/ nyes pa sbom por 'gyur ro/ /de bzhin du bdag nyid kyi 'tsho ba dang bral ba dang / dge tshul phar khas len pa thams cad nyes pa sbom por 'gyur ro/ /de bzhin du ma ning la sogs pa rgyas par ni ji ltar bslab pa phul ba bzhin no/ /bsnyen par ma rdzogs par brtsams nas bsnyen par ma rdzogs par lags na cir 'gyur/ nyes byas so/ /bsnyen par ma rdzogs par brtsams 12-1-107b nas bsnyen par rdzogs kar lags na cir 'gyur/ nyes byas so/ /bsnyen par ma rdzogs par brtsams nas bsnyen par rdzogs te lags na cir 'gyur/ nyes pa sbom por 'gyur ro/ /bsnyen par rdzogs kar brtsams nas bsnyen par rdzogs kar lags na cir 'gyur/ nyes byas so/ /bsnyen par rdzogs pa na brtsams nas bsnyen par rdzogs pa na lags na cir 'gyur/ dge 'dun gyi lhag ma'o/ /bsnyen par rdzogs pa na brtsams nas bsnyen par ma rdzogs pa na lags na cir 'gyur/ nyes pa sbom por 'gyur ro/ /btsun pa dge slong gis khang pa brtsig par brtsams pa dang / de'i mtshan 'phos te dge slong mar gyur nas lags par bgyis na cir 'gyur/ nyes pa sbom por 'gyur ro/ /btsun pa dge slong mas khang pa brtsig par brtsams pa dang / mtshan 'phos nas dge slong phar gyur te lags par bgyis na cir 'gyur/ nyes byas so/ /bslab pa stsal bas bgyis na cir 'gyur/ dge 'dun gyi lhag ma'o/ /dge slong mas bgyis na cir 'gyur/ nyes pa sbom por 'gyur ro/ /dge slob ma dang / dge tshul pha dang / dge tshul ma la ni nyes byas so/ /gtsug lag khang chen po yang de bzhin du bya'o// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / / snyoms zhugs 'gro ba phyi rol pa'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang gis 'khon te 'khon ma btang bas dge slong gtsang ma nyes pa med pa la bya ba med par phas pham pa'i chos kyis skur na dge 'dun gyi lhag ma'o zhes gsungs na/ dge slong gis bya ba ma mchis par phas pham pa'i chos kyis skur kyang dge 'dun gyi lhag mar mi 'gyur ba mchis sam/ yod de/ dge slong gis phrin gyis skur na nyes pa sbom por 'gyur ro/ /de bzhin du spring yig 12-1-108a dang / lag brda dang / gzhan zer ba dang / gcig nas gcig tu brgyud de skur na thams cad nyes pa sbom por 'gyur ro/ /btsun pa dge slong gis dge slong smyon pa la skur na cir 'gyur/ nyes pa sbom por 'gyur ro/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams la'angaskur na thams cad nyes pa sbom por 'gyur ro/ / btsun pa dge slong gis 'di las phyi rol gyi mu stegs can gzhan dge sbyong dang / bram ze dang / kun tu spyod pa pa dang / kun tu rgyu ba rnams la skur na cir 'gyur/ nyes byas so// //mdor na/ skad dang lus dang dben pa dang / /sngags dang gzhan gyis gzhan la bdun/ /khyim pa la ni sogs pa dang / /mtshan kyang rnam pa bzhi brgyud 'gyur/ /btsun pa dge slong 'phags pas 'phags pa'i skad du dge slong la skur pa dang / dge slong des 'phags pa'i skad ma 'tshal na cir 'gyur/ nyes pa sbom por 'gyur ro/ / 'phags pas mtha' 'khob pa'i skad du skur pa dang / dge slong des kyang mtha' 'khob pa'i skad ma 'tshal na cir 'gyur/ nyes pa sbom por 'gyur ro/ /mtha' 'khob pas mtha' 'khob pa'i skad du skur pa dang / dge slong des kyang mtha' 'khob pa'i skad ma 'tshal na cir 'gyur/ nyes pa sbom por 'gyur ro/ /mtha' 'khob pas 'phags pa'i skad du skur pa dang /dge slong des 'phags pa'i skad ma 'tshal na cir 'gyur/ nyes pa sbom por 'gyur ro/ /btsun pa dge slong gis dge slong la lus mi dmigs pas skur na cir 'gyur/ nyes pa sbom por 'gyur ro/ /btsun pa dge slong gis dben pa la dben par 'du shes te skur na cir 'gyur/ nyes pa sbom por 'gyur ro/ /btsun pa dge slong gis sngags sam sman gyis bdag nyid mi snang bar bsgyur te dge slong la skur na cir 'gyur/ nyes pa sbom 12-1-108b por 'gyur ro/ /btsun pa dge slong gis dge slong la gzhan zhig skur pa 'debs su bcug na cir 'gyur/ nyes pa sbom por 'gyur ro/ /btsun pa dge slong gis dge slong la gzhan gyi slad du skur na cir 'gyur/ nyes pa sbom por 'gyur ro/ /btsun pa bsnyen par ma rdzogs par skur pa gdab par bshams nas bsnyen par ma rdzogs par grub na cir 'gyur/ nyes byas so/ /bsnyen par ma rdzogs par bshams nas bsnyen par rdzogs kar grub na cir 'gyur/ nyes byas so/ /bsnyen par ma rdzogs par bshams nas bsnyen par rdzogs te grub na cir 'gyur/ dge 'dun gyi lhag ma'o/ /bsnyen par rdzogs kar bshams nas bsnyen par rdzogs kar grub na cir 'gyur/ nyes byas so/ /bsnyen par rdzogs kar bshams nas bsnyen par rdzogs te grub na cir 'gyur/ dge 'dun gyi lhag ma'o/ / bsnyen par rdzogs pa na bshams te bsnyen par rdzogs pa na grub na cir 'gyur/ dge 'dun gyi lhag ma'o/ /bsnyen par rdzogs pa nas bshams te bsnyen par ma rdzogs pa na bgyis na cir 'gyur/ nyes pa sbom por 'gyur ro/ /btsun pa dge slong gis khyim pa la skur na cir 'gyur/ nyes byas so/ /de bzhin du ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / sngar 'khrugs pa dang / sngar nyes pa byung ba rnams la skur na thams cad du nyes pa sbom por 'gyur ro/ /btsun pa dge slong gis dge slong la skur na cir 'gyur/ dge 'dun gyi lhag ma'o/ /de bzhin du dge 'dun phye ba dang / mi gnas pa dang / rjes su phyogs pa dang / bslab pa byin pa'i dge slong rnams la skur na thams cad dge 'dun gyi lhag mar gyur to/ /btsun pa dge slong gis bsnyen par rdzogs pa la bsnyen par rdzogs par 'du shes te skur na cir 'gyur/ dge 'dun gyi lhag ma'o/ /btsun pa dge slong gis dge 12-1-109a slong la skur pa dang de'i mtshan 'phos te dge slong mar gyur na cir 'gyur/ dge 'dun gyi lhag ma'o/ /btsun pa dge slong mas dge slong ma la skur pa dang / mtshan 'phos te dge slong du gyur na cir 'gyur/ dge 'dun gyi lhag ma'o/ /btsun pa dge slong gis bsnyen par rdzogs pa la bsnyen par rdzogs par 'du shes te skur na cir 'gyur/ dge 'dun gyi lhag ma'o/ /dge slong gis bsnyen par rdzogs pa la bsnyen par ma rdzogs par 'du shes te skur na cir 'gyur/ nyes pa sbom por 'gyur ro/ /bsnyen par ma rdzogs pa la bsnyen par rdzogs par 'du shes te skur na cir 'gyur/ nyes pa sbom por 'gyur ro/ /bsnyen par ma rdzogs pa la bsnyen par rdzogs par 'du shes te skur na cir 'gyur/ nyes byas so/ /btsun pa dge slong gis mi la mir 'du shes te skur na cir 'gyur/ dge 'dun gyi lhag ma'o/ /mi la mi ma lags par 'du shes te skur na cir 'gyur/ nyes pa sbom por 'gyur ro/ /mi ma lags pa la mir 'du shes te skur na cir 'gyur/ nyes pa sbom por 'gyur ro/ /mi ma lags pa la mi ma lags par 'du shes te skur na cir 'gyur/ /nyes pa sbom por 'gyur ro// //mdor na/ mtha' dang 'on te mtshams med pa/ /gsad par mi bya gcig la gcig /bris dang chas skur de bzhin te/ /rgyas par byed dang de bzhin no/ /btsun pa dge slong zhig bdag nyid 'di skad du bdag gis mi tshangs par spyod pa 'khrig pa'i chos bgyis so zhes mchi ba'i dge slong de la dge slong gis rtsa ba ma mchis par rku ba dang / gsod pa dang / brdzun rnams kyis skur na cir 'gyur/ dge 'dun gyi lhag mar 'gyur ro/ /btsun pa dge slong zhig bdag nyid 'di skad bdag gis yo byad chen po zhig brkus so zhes mchi ba'i dge slong de la dge slong gis rtsa ba ma mchis par gsod pa dang / brdzun dang / mi tshangs par spyod pa rnams kyis skur na cir 'gyur/ dge 'dun gyi lhag ma'o/ /btsun pa dge slong zhig bdag nyid 'di skad du 12-1-109b bdag gis mi zhig 'tsho ba dang phral lo zhes mchi ba'i dge slong de la dge slong gis rtsa ba ma mchis par brdzun dang / mi tshangs par spyod pa dang / rku ba rnams kyis skur na cir 'gyur/ dge 'dun gyi lhag ma'o/ /btsun pa dge slong zhig bdag nyid 'di skad du bdag gis mi las bla mar gyur pa'i chos smras so zhes mchis pa'i dge slong de la dge slong gis rtsa ba ma mchis par mi tshangs par spyod pa dang / rku ba dang / gsod pa rnams kyis skur na cir 'gyur/ dge 'dun gyi lhag ma'o/ /btsun pa bcom ldan 'das kyis dge slong gis dge slong la rtsa ba med par phas pham pa'i chos kyis skur na dge 'dun gyi lhag mar 'gyur ro zhes gsungs na btsun pa dge slong gis dge slong la rtsa ba ma mchis par mtshams med pas skur na cir 'gyur/ de ste pha dang ma dang / dgra bcom pa bsad pa rnams kyis skur na dge 'dun gyi lhag mar 'gyur ro/ /gang la rtsa ba med par dge 'dun gyi dbyen dang / ngan sems kyis khrag phyung bas skur na nyes byas su 'gyur ro/ /de ci'i phyir zhe na/ u pA li pha dang / ma dang / dgra bcom pa bsad pas skur pa gang yin pa de ni phas pham pas skur pa'o/ /dge 'dun gyi dbyen dang / ngan sems kyis khrag phyung bas skur pa gang yin pa de ni nyes pa sbom pos skur pa ste/ nyes pa sbom pos ni dge slong ma yin par mi 'gyur gyi de ni bshags par 'os so/ /dge slong gis dge slong la rtsa ba med par phas pham pa'i chos kyis skur na dge 'dun gyi lhag mar 'gyur ro/ /rtsa ba med par dge 'dun gyi lhag mas skur na ltung bar 'gyur ro/ /rtsa ba med par ltung ba dang / so sor mthol ba rnams dang / nyes byas rnams kyis skur na nyes byas su 'gyur ro/ /de bzhin du rtsa ba med par nyes pa sbom pos skur na yang nyes byas su 'gyur ro/ /btsun pa dge slong gis dge slong ma la skur na cir 'gyur/ dge 'dun gyi lhag ma'o/ /btsun pa bcom ldan 'das kyis dge slong gis dge slong la skur na dge 'dun gyi lhag mar 'gyur ro zhes gsungs na dge slong gis dge slob ma dang / dge tshul pha 12-1-110a dang / dge tshul ma rnams la skur na cir 'gyur/ nyes pa sbom por 'gyur ro/ /dge slong mas dge slong ma la skur na cir 'gyur/ dge 'dun gyi lhag ma'o/ /dge slong mas dge slong la skur na cir 'gyur/ dge 'dun gyi lhag ma'o/ /dge tshul phas dge slob ma dang / dge tshul ma la skur na nyes byas su 'gyur ro/ /dge slob mas dge slong ma dang / dge slob ma dang / dge tshul pha dang / dge tshul ma rnams la skur na nyes byas su 'gyur ro/ /dge tshul gyis dge slong dang / dge slong ma dang / dge slob ma dang / dge tshul ma rnams la skur na nyes byas su 'gyur ro/ /dge tshul mas dge slong dang / dge slong ma dang / dge slob ma dang / dge tshul rnams la skur na nyes byas su 'gyur ro/ /btsun pa dge slong bdag nyid kyis bris la 'di skad du yi ge 'di ni 'di skad zer te/ khyod ni mi tshangs par spyad pa'i phas pham pa byung ngo zhes mchi na cir 'gyur/ nyes pa sbom por 'gyur ro/ /ji ltar rtsa ba med pa de bzhin du chas skur na'ang de bzhin du rgyas par brjod par bya'o// //mdor na/ bsdum pa'i gsol ba btang snyoms dang / /gleng ba dran par bya ba dang / /bzhi pa 'dug dang rtag par dang / /dad dang gcig pu nam mkha' dang / /khyer ba rgyas pa de bzhin bya/ /sangs rgyas bcom ldan 'das la tshe dang ldan pa u pA lis zhus pa/ btsun pa dge slong bsdum par ma bsgo bar gsol ba dang bzhi'i las kyis bsgo na bsgo ba zhes bgyi'am/ ma bsgo ba zhes bgyi/ bsgo ba 'chags sam mi 'chags/ u pA li mi 'chags te/ dge 'dun la yang 'das pa dang bcas par 'gyur ro/ /btsun pa bsdum par bsgo bas gsol ba dang bzhi'i las kyis bsgo ba na bsgo ba zhes bgyi 'am/ ma bsgo ba zhes bgyi/ bsgo ba 'chags sam mi 'chags/ u pA li 'chags te dge 'dun la yang 'das pa dang bcas par mi 'gyur ro/ /btsun pa bskrad pa'i las ma bgyis par bsdum par bsgo na bsgo ba zhes bgyi'am/ ma bsgo ba zhes bgyi/ bsgo 12-1-110b ba 'chags sam/mi 'chags/ u pA li mi 'chags te/ dge 'dun la yang 'das pa dang bcas par 'gyur ro/ /btsun pa bskrad pa'i las bgyis la bsdum par bsgo na bsgo ba zhes bgyi'am/ ma bsgo ba zhes bgyi/ bsgo ba 'chags sam mi 'chags u pA li 'chags te/ dge 'dun la 'ang 'das pa dang bcas par mi 'gyur ro/ /btsun pa bskrad pa'i las ma bgyis par gsol ba dang bzhi'i las kyis bsgo na bsgo ba zhes bgyi'am/ ma bsgo ba zhes bgyi/ bsgo ba 'chags sam mi 'chags/ u pA li mi 'chags te/ dge 'dun la yang 'das pa dang bcas par 'gyur ro/ /btsun pa bskrad pa'i las bgyis nas gsol ba dang bzhi'i las kyis bsgo na bsgo ba zhes bgyi'am/ ma bsgo ba zhes bgyi/ bsgo ba 'chags sam/ mi 'chags/ u pA li 'chags te dge 'dun la yang 'das pa dang bcas par mi 'gyur ro/ /btsun pa ma glengs shing dran par ma bgyis la bdag nyid tshig bka' blo mi bde ba la gnas na bsgo bar bgyi'am/ u pA li ma yin no/ /bsgo ba 'chags sam/ u pA li mi 'chags so/ /btsun pa glengs shing dran par bgyis la bdag nyid tshig bka' blo mi bde ba la gnas na cir 'gyur/ nyes byas so/ /bsgo bar bgyi'am/ u pA li bsgo ba zhes bya'o/ /bsgo ba 'chags sam/ u pA li 'chags so/ /btsun pa glengs shing dran par bgyis la bdag nyid tshig bka' blo mi bde ba la gnas na cir 'gyur/ nyes byas so/ /bsgo bar bgyi'am/ u pA li bsgo ba zhes bya'o/ /bsgo ba 'chags sam/ u pA li 'chags so/ /btsun pa mtshams kyi nang na mchis pas mtshams kyi slad rol na mchis pa rnams la bsgo na bsgo ba zhes bgyi'am/ u pA li ma yin no/ /mtshams kyi slad rol na mchis pas mtshams kyi nang na mchis pa rnams la bsgo na bsgo ba zhes bgyi'am/ u pA li ma yin no/ /btsun pa las bgyid pa mtshams kyi nang na mchis pas mtshams kyi 12-1-111a slad rol na mchis pa rnams la bsgo na bsgo ba zhes bgyi 'am/ u pA li ma yin no/ /btsun pa las bgyid pa mtshams kyi slad rol na mchis pas mtshams kyi nang na mchis pa rnams la bsgo na bsgo ba zhes bgyi'am/ u pA li ma yin no/ / btsun pa las bgyis pas mtshams mnan/ mtshams bzung / mtshams su 'greng ngam/ 'dug ste bsgo na bsgo ba zhes bgyi'am/ bsgo ba 'chags sam/ u pA li bsgo ba zhes bya ste/ bsgo ba 'chags so/ /btsun pa dge slong las bgyid pa ma bsgos pas mtshams kyi nang nas gang zag bzhi zhig spangs na spangs pa zhes bgyi 'am/ u pA li ma yin no/ /btsun pa dge slong las bgyid par bskos pas mtshams kyi nang nas gang zag bzhi zhig spangs na spangs pa zhes bgyi'am/ 'on te re re nas sam/ gnyis gnyis nas sam/ gsum gsum nas spangs na spangs pa zhes bya'o/ /btsun pa mtshams gcig pa'i phyogs bzhi na mtshungs par gnas pa'i dge slong dag gis dge slong bzhi la bsgo na bsgo ba zhes kyang bgyi la nongs pa cung zad du yang mi 'gyur zhing des dge 'dun mi mthun par yang mi 'gyur ba yang mchis sam/ u pA li yod de/ gcig la gcig dad pa byin la de ste re re 'am/ gnyis gnyis sam/ gsum gsum la bsgo ste/ bzhir ma tshang na'o/ /de ci'i phyir zhe na/ mang pos mang po la las byar mi rung ngo/ /btsun pa las bgyid pa phyogs gcig tu mchis pa gnas bzhi'i las thams cad bgyi bar rung ngam/ u pA li rung ste/ ji ltar de yang dge slong las byed pa des gnas bzhi char gyi mtshams kyi mdor khri'am/ khri'u'am/ smyug ma'am/ re lde la mnan te 'dug par gyur la gnas de dag tu 'di lta ste/ bzhi sdes bya ba'i las sam/ lnga sdes bya ba'i las sam/ bcu sdes bya ba'i las sam/ nyi shu sdes bya ba'i las kyang rung ste/ las 'di lta bu dag nye bar byung bar gyur pa ste/ de ci'i phyir zhe na/ de 12-1-111b ni de dag gi las byed pa'o/ /de ni de dag gi grangs su skong ba'o/ /sa la mchis pas nam mkha' la mchis pa rnams la bsgo na bsgo ba zhes bgyi 'am/ u pA li ma yin no/ /btsun pa las bgyid pa nam mkha' la mchis la sa la mchis pa rnams la bsgo na bsgo ba zhes bgyi 'am/ u pA li ma yin no/ /dge 'dun gyi lhag ma bzhi po lus pa la yang de bzhin du brjod par bya'o/ /dge slong la ji lta ba bzhin du bslab pa byin pa dang / dge slong ma rnams la yang dge 'dun gyi lhag mar 'gyur ro/ /dge slob ma dang / dge tshul pha dang / dge tshul ma rnams la nyes byas so/ /u pA lis zhus pa'i nang nas dge 'dun gyi lhag ma rdzogs so// //mdor na/ tha ma lam dang rgyal rigs dang / /phung po lhag ma de bzhin te/ /kha dang sha ka ra dang hwags/ /bu ram mar dang mi mngon pa'o/ /btsun pa dge bsnyen ma dad pa zhig dge slong de'i drung du mchis nas 'di skad du btsun pa bdag gis dge slong zhig la tha ma dang po bgyid pa mthong ngo zhes mchi na dge bsnyen ma dad pa'i tshig bzhin bgyi 'am mi bgyi mi bya'o/ /de de'i ngo bo tshol du stsal tam/ mi stsal/ mi gzhug ste de na zla lta yod dam zhes de la dri bar bya'o/ /de ste yod do zhes zer na gnyi ga la dris pa la de ste mthun na dge bsnyen ma dad pa'i tshig bzhin du gyis shig /de de'i ngo bo tshol du yang chug shig 'on te des 'di skad smra ste/ tha ma dang po'i nyes pa ni ma byung gi bdag gis gnyis pa'am/ gsum pa'am/ bzhi pa'ang rung / nyes pa byung ba ni mthong ngo zhes smras na dge slong dam 'char chug shig ji ltar dang po pa de bzhin du gnyis pa dang / gsum pa dang / bzhi pa'i tha ma rnams la yang de ltar bya'o/ / btsun pa dge bsnyen ma dad pa zhig dge slong rnams kyi drung du mchis nas 'di skad du/ btsun pa dge slong zhig gis kha'i sgor ma rung bar bgyis pa bdag gis mthong ngo zhes mchi na dge bsnyen ma dad pa'i tshig bzhin du bgyi'am/ mi bya'o/ /de de'i ngo bo tshol du stsal tam/ 12-1-112a mi gzhug go/ /de la ci de na zla lta yod dam zhes dris la de ste yod do zhes zer na gnyi ga la dris shig /de ste mthun na dge bsnyen ma dad pa'i tshig bzhin du bya ste/ de de'i ngo bo tshol du yang chug shig /'on te des 'di skad du 'dis kha'i sgor ni ma rung bar ma gyur mod kyi bshang ba'i sgor ma rung ngo zhes zer na dge slong de dam 'char chug shig /kha'i sgo ji lta ba de bzhin du gci ba'i sgo dang / bshang ba'i sgor yang de bzhin du bya'o/ /btsun pa dge bsnyen ma dad pa zhig dge slong rnams kyi drung du mchis nas 'di skad du/ btsun pa dge slong zhig rgyal rigs ma zhig dang lhan cig tu ma rung bar gyur pa bdag gis mthong ngo zhes mchi na/ dge bsnyen ma dad pa'i tshig bzhin du bgyi'am/ mi bya'o/ /de'i ngo bo tshol du stsal tam/ mi gzhug go/ /de la de na ji zla lta yod dam zhes dris shig / de ste yod do zhes zer na gnyi ga la dris la de ste mthun na dge bsnyen ma dad pa'i tshig bzhin du bya ste/ de de'i ngo bo tshol du gzhug go/ /'on te des 'di skad du 'di rgyal rigs ma dang lhan cig tu ma rung bar ni ma gyur gyi 'di ni bram ze mo dang / ma rung bar gyur to zhes zer na dge slong dam 'char chug shig /rgyal rigs ma la ji lta ba de bzhin du bram ze mo dang / rje'u rigs mo dang / dkar mo dang / sngon mo dang / ser skya mo dang / ring mo dang / thung ngu ma dang / shin tu legs pa mo dang / rid de ma dang / tshon mo dang / lus mnyam pa dang / 'gro ba dang / 'dug pa dang / 'greng ba dang / 'phres pa rnams la yang rgyas par bya'o/ /btsun pa dge bsnyen ma dad pa zhig dge slong rnams kyi drung du mchis nas 'di skad du/ btsun pa dge slong zhig gis ltung ba'i phung po dang / nyes pa byung ba bdag gis mthong ngo zhes mchi na/ dge bsnyen ma dad pa'i tshig bzhin bgyi'am/ mi bya'o/ /de'i ngo bo tshol du stsal tam/ mi gzhug go/ /de la de na ji zla lta yod dam zhes dris shig /de ste yod do zhes zer na gnyi ga la dris la de ste mthun par zer na 12-1-112b dge bsnyen ma dad pa'i tshig bzhin du bya ste/ de de'i ngo bo tshol du yang chug shig /'on te des 'di skad du 'dis ltung ba'i phung po dang po ni ma byung gi gnyis pa dang / gsum pa dang / bzhi pa dang / lnga pa'i phung po rnams ni byung ngo zhes zer na de bzhin du lnga pa'i bar du smros shig btsun pa dge bsnyen ma dad pa zhig dge slong rnams kyi drung du mchis nas 'di skad du/ btsun pa dge slong zhig gis dge 'dun gyi lhag ma dang po byung ba bdag gis mthong ngo zhes mchi na/ dge bsnyen ma dad pa'i tshig bzhin du bgyi'am/ mi bya'o/ /de de'i ngo bo tshol du stsal tam/ mi gzhug go/ /de la ci de na zla lta yod dam zhes dris shig /de ste yod do zhes zer na gnyi ga la dris la de ste mthun par smras na ni dge bsnyen ma dad pa'i tshig bzhin du byos shig /de de'i ngo bo tshol du chug shig /'on te des 'di skad du dge 'dun gyi lhag ma dang po ni ma byung gi /gnyis pa dang / gsum pa dang / bzhi pa nas dge 'dun gyi lhag ma bcu gsum gyi bar du byung ngo zhes zer na dge slong dam 'char chug shig /dang po la ji lta ba bzhin gnyis pa dang / gsum pa nas dge 'dun gyi lhag ma bcu gsum gyi bar du yang de bzhin no/ /dge bsnyen ma dad pa zhig dge slong rnams kyi drung du mchis nas/ 'di skad du btsun pa dge slong zhig gis khar khu ba phyung ba bdag gis mthong ngo zhes mchi na/ dge bsnyen ma dad pa'i tshig bzhin du bgyi 'am/ mi bya'o/ /de'i ngo bo tshol du stsal tam/ mi gzhug go/ /de la ci de na zla lta yod dam zhes dris shig de ste yod do zhes zer na de gnyi ga la yang dris la de ste mthun par smra na dge bsnyen ma dad pa'i tshig bzhin du bya ste/ de'i ngo bo tshol du yang gzhug go/ /'on te des 'di skad du khar ni ma rung bar ni ma gyur gyi so'i phyi rol mchur khu ba phyung ngo zhes zer na/ dge slong dam 'char chug shig /btsun pa dge bsnyen ma dad pa zhig dge slong rnams kyi drung du mchis nas/ 'di skad du dge slong zhig gci ba'i lam du khu ba phyung bar bdag gis mthong ngo zhes mchi na/ dge bsnyen ma dad pa'i 12-1-113a tshig bzhin du bgyi'am/ mi bya'o/ /de'i ngo bo tshol du stsal tam/ mi gzhug go/ /de la ci de na zla lta yod dam zhes dris shig /de ste yod do zhes zer na/ de gnyi ga la yang dris la de ste mthun par smra na/ dge bsnyen ma dad pa'i tshig bzhin du bya ste/ de de'i ngo bo tshol du yang gzhug go/ /'di yis gci ba'i lam du ni ma rung bar ma byas kyi brla'i nang du khu ba blugs so zhes zer na/ dge slong dam 'char chug shig /btsun pa dge bsnyen ma dad pa zhig dge slong rnams kyi drung du mchis nas 'di skad du/ dge slong zhig gis bshang ba'i lam du khu ba phyung bar bdag gis mthong ngo zhes mchi na/ dge bsnyen ma dad pa'i tshig bzhin du bgyi 'am/ mi bya'o/ /de de'i ngo bo tshol du stsal tam/ mi gzhug go/ /de la ci de na zla lta yod dam zhes dris shig /de ste yod do zhes zer na de gnyi ga la yang dris la de ste mthun par smra na/ dge bsnyen ma dad pa'i tshig bzhin du bya ste/ de de'i ngo bo tshol du yang gzhug go/ /'on te de 'di skad du bshang ba'i lam du ni ma rung bar ma gyur gyi 'dis sna'i nang du khu ba phyung ngo zhes zer na/ dge slong dam 'char chug shig /btsun pa dge slong ma dad pa zhig dge slong rnams kyi drung du mchis nas/ 'di skad du btsun pa bdag gis dge slong zhig dus ma yin par skyo ma 'thung ba mthong ngo zhes mchi na/ de de'i ngo bo tshol du stsal tam/ mi gzhug go/ /de la ci de na zla lta yod dam zhes dris shig /de ste yod do zhes zer na gnyi ga la yang dris la de ste mthun par smras na/ dge bsnyen ma dad pa'i tshig bzhin du bya ste/ de de'i ngo bo tshol du chug shig /'on te des 'di skad du 'dis dus ma yin par skyo ma ni ma 'thungs kyi sha kha ra'i chu zhig ni 'dis 'thungs so zhes zer na/ dge slong dam 'char chug shig /btsun pa dge bsnyen ma dad pa zhig dge slong rnams kyi drung du mchis nas 'di skad du/ btsun pa dge slong gis bu ram chang zhig 'thungs pa bdag gis mthong ngo zhes mchi na/ dge bsnyen ma dad pa'i tshig bzhin du bgyi'am/ mi bya'o/ /de'i ngo bo 12-1-113b tshol du stsal tam/ mi gzhug go/ /de la ci de na zla lta yod dam zhes dris shig /de ste yod do zhes zer na de gnyi ga la dris la de ste mthun par smra na/ dge bsnyen ma dad pa'i tshig bzhin du bya ste/ de'i ngo bo tshol du chug shig /'on te des 'di skad du 'dis bu ram chang ni ma 'thungs kyi 'dis hwags kyi chu zhig 'thungs so zhes zer na/ dge slong dam 'char chug shig /btsun pa dge bsnyen ma dad pa zhig dge slong rnams kyi drung du mchis nas 'di skad du btsun pa dus ma lags par sha za ba bdag gis mthong ngo zhes mchi na/ dge bsnyen ma dad pa'i tshig bzhin du bgyi'am/ mi bya'o/ /de de'i ngo bo tshol du stsal tam/ mi gzhug go/ /de la ci de na zla lta yod dam zhes dris shig /de ste yod do zhes zer na gnyi ga la 'ang dris la de ste mthun par smra na/ dge bsnyen ma dad pa'i tshig bzhin du bya ste/ de'i ngo bo tshol du chug shig /'on te des 'di skad du 'dis dus ma yin par sha ni ma zos kyi/ 'dis bu ram zhig zos so zhes zer na/ dge slong dam 'char chug shig /btsun pa dge bsnyen ma dad pa zhig dge slong rnams kyi drung du mchis nas 'di skad du btsun pa dge slong zhig gis dus ma lags par kha zas za ba bdag gis mthong ngo zhes mchi na/ dge bsnyen ma dad pa'i tshig bzhin du bgyi'am/ mi bya'o/ /de de'i ngo bo tshol du stsal tam/ mi gzhug go/ /de la ci de na zla lta yod dam zhes dris shig /de ste yod do zhes zer na de gnyi ga la'ang dris la de ste mthun par smra na/ dge bsnyen ma dad pa'i tshig bzhin du bya ste/ de de'i ngo bo tshol du chug shig /'on te des 'di skad du 'dis dus ma yin par kha zas ni ma zos kyi 'dis mar zhig zos so zhes zer na dge slong dam 'char chug shig /dge bsnyen ma dad pa'i bden pa mthong bas mi mngon pa'i dngos po gang smras kyang rung ste/ dge slong dam 'char chug shig /mi mngon pa rdzogs s+ho// //'dul ba gzhung dam pa/bam po gsum pa/ mdor na/ de nyid stor dang tshig pa dang / /sems 'khrugs 12-1-114a byin gyis ma brlabs pa/ /mi rung ba dang dus las 'das/ /mtshan dang bzhi brgyud gsum pa'o/ /sangs rgyas bcom ldan 'das la tshe dang ldan pa u pA lis zhus pa/ btsun pa dgung bcu las 'das pa'i gos kyang de nyid lags la de nyid dgung gcig gis bral bar 'gyur ba mchis sam/ u pA li yod de/ ji lta yang dge slong des gos kyi rgyun ma chad par zhag bcu po'i tha ma la gos shig rnyed de des gos de byin gyis brlabs nas/ mtshams kyi phyi rol du gos de med par skya rengs shar na gos de ni zhag bcu 'das shing nub gcig bral ba'o/ /btsun pa dge slong gis spang ba'i gos stor bar gyur na nongs pa bshags par bgyi'am/ u pA li bshags par bya'o/ /nongs pa bshags nas rnyed pa spang ngam/ u pA li ma yin no/ /btsun pa dge slong gis spang ba'i gos mes tshig gam/ zos par gyur na dum bu de yang spang bar bgyi'am/ u pA li ma yin te/ nyes pa 'ba' zhig bshags par bya'o/ /'on te khru gang gru bzhi yan chad lus par gyur na spang bar bya'o/ /btsun pa dge slong gis gos rnyed ma thag tu sems 'khrugs par gyur na gang nas bzung ste/ de'i dgung bcur bgrang bar bgyi/ nam rang gi sems phyir rnyed pa nas gzung ngo/ /btsun pa dge slong gis gos brgyad dam dgu zhig byin gyis ma brlabs ma bsngos par nam 'tsho'i bar du bcangs na nongs par mi 'gyur ba mchis sam/ u pA li yod de/ ji ltar dge slong gis nyi ma re re zhing gos las slar phyung ste gzhan la byin gyis rlob pa'o/ /btsun pa bcom ldan 'das kyis dgung bcu 'das na gos spang bar 'gyur ro zhes gsungs na/ btsun pa dge slong gis gos dgung bcu las lhag par bcangs kyang ltung bar mi 'gyur ba mchis sam/ u pA li yod de/ ji ltar gos kyi rgyu rung bar gyur la spun mi rung bar gyur pa dang / rgyu ma rung bar gyur la spun rung bar gyur pa dang / gnyi ga mi rung bar gyur pa ste/ mi rung ba ni rnga mo'i 12-1-114b bal dang / ba lang gi bal dang / ra'i bal dang / ri dgas kyi bal dang / 'dres pa dang / thags su ma btags pa de lta bu'i gos zhag bcu las lhag par bcangs na nyes byas su 'gyur ro/ /btsun pa bcom ldan 'das kyis dge slong zhig gis zhag bcu'i bar du gos lhag pa bcang bar bya'o zhes gsungs na/ btsun pa dge slong gis nam 'tsho'i bar du gos lhag par bcangs na nongs par mi 'gyur ba mchis sam/ u pA li yod do/ /zhag bcu tshun chad du dus 'das par gyur na'o/ /btsun pa bcangs na nongs par mi 'gyur ba'i gos kyang de nyid lags la/ bcangs na nongs par 'gyur ba'i gos kyang de nyid lags pa mchis sam/ u pA li yod de/ ji ltar dge slong des rin che ba'i gos shig bcangs pa las mtshan 'phos nas dge slong mar gyur te bcangs na nyes par 'gyur ro/ /btsun pa dge slong gis gos rnyed nas dgung bcu 'das pa dang mtshan 'phos te dge slong mar gyur nas dgung bcu 'das na cir 'gyur/ spang ba'i ltung bar 'gyur ro/ /btsun pa dge slong mas gos rnyed nas dgung bcu 'das pa dang mtshan 'phos nas dge slong phar gyur te/ dgung bcu 'das na cir 'gyur/ spang ba'i ltung bar 'gyur ro/ /btsun pa dge slong gis dgung bcu la dgung bcur 'du shes te skya rengs shar na cir 'gyur/ spang ba'i ltung bar 'gyur ro/ /btsun pa dgung bcu ma lags par 'du shes na cir 'gyur/ nyes pa med do/ /dgung bcu ma lags pa la dgung bcur 'du shes na cir 'gyur/ nyes byas so/ /zhag bcu ma lon pa la zhag bcu ma lon par 'du shes na ltung ba med do/ /btsun pa gtan pa gding ba'i gnas su dge slong gis gos shig rnyed na/ gos de spang bar 'gyur ba mchis sam/ u pA li yod de/ ji ltar dge slong de'i gos spang bar gyur nas dge slong des gos de ma spangs/ bral bar ma byas/ nyes pa ma mthol ba'i bar du dge 'dun gyis gtan pa gding ba dang / dge slong des gos rnyed na spang bar 'gyur ro/ /btsun pa 12-1-115a bslab pa stsal ba rnams kyis dgung bcu pas lhag par gos lhag pa bcangs na cir 'gyur/ spang ba'i ltung bar 'gyur ro/ /btsun pa dge slong mas dgung bcu las 'das par gos lhag pa bcangs na cir 'gyur/ spang ba'i ltung bar 'gyur ro/ /dge slob ma dang / dge tshul pha dang / dge tshul ma rnams kyis gos zhag bcu las 'das par gos lhag pa bcangs na nyes byas su 'gyur ro// //mdor na/ dge 'dun gyi dang sa dang mtshams/ /mnan dang bskor bar ma byas dang / /mtshams ma bcad dang ma g.yogs dang / / bzhi rgyud mtshan yang de bzhin no/ /sangs rgyas bcom ldan 'das la tshe dang ldan pa u pA lis zhus pa/ btsun pa dge 'dun gyi chos gos byin gyis brlabs par gnang ngam/ u pA li mi gnang ngo / /btsun pa de 'dra ba'i rkyen byung na gnang ngam/ u pA li gnang ngo / / btsun pa dge slong gis dge 'dun gyi chos gos byin gyis brlabs te/ chos gos ma mchis par mtshams kyi slad rol du bral bar bgyis na chos gos dang bral ba zhes bgyi'am/ bral ba zhes bya'o/ /chos gos de spang bar bgyi'am/ u pA li ma yin no/ /nongs pa mthol bar bgyi 'am/ mthol bar bya'o/ /btsun pa dge slong gis chos gos sa la bzhag ste nam mkha' la skya rengs shar ram/ chos gos nam mkha' la bzhag ste sa la skya rengs shar na chos gos dang bral ba'am ma bral ba zhes bgyi/ bral ba zhes bya'o/ / btsun pa dge slong gis chos gos mtshams kyi nang du bzhag ste mtshams kyi slad rol du skya rengs shar ram/ mtshams kyi slad rol du chos gos bzhag la mtshams kyi nang du skya rengs shar na chos gos dang bral ba zhes bgyi'am/ bral ba zhes bya'o/ /btsun pa dge slong gis mtshams mnan nas mtshams su bzung mtshams su 'greng ngam 'dug la mtshams kyi bar du chos gos bzhag ste skya rengs shar na chos gos dang bral ba zhes bgyi'am/ bral ba zhes bya'o/ /btsun pa dge slong mtshams kyi nang du mchis la chos gos kyang 12-1-115b mtshams kyi nang du bzhag pa las chos gos de dang 'bral bar 'gyur ba mchis sam/ u pA li yod do/ chos gos kyi sdom pa ma bsgos pa'o/ /btsun pa mtshams ma bcad pa'i gnas su ji tsam gyis na dge slong chos gos dang bral ba zhes bgyi/ u pA li ji tsam gtsug lag khang gi nyen kor tam/ khang pa'am/ sgo 'khyams sam/ bskor ba'i khang pa'am/ dge slong gis kun tu spyad pa'i kun dga' ra ba'am/ phyi ra 'am/ shing thags sam/ 'obs rnams shes par bya'o/ /btsun pa dge slong gis gnas gcig la thog kyang gcig par gnas la de nyid du chos gos kyang bzhag na de chos gos kyang 'bral bar 'gyur ba mchis sam/ u pA li yod de/ ji ltar gnas der mu stegs can sna tshogs dang / dge sbyong dang / bram ze dang / spyod pa pa dang / kun tu spyod pas rgyu ba rnams gnas pa dang / spun so sor bgos pa rnams su'o/ /btsun pa dge slong gis mtshams kyi slad rol la mtshams kyi slad rol du 'du shes na cir 'gyur/ spang ba'i ltung bar 'gyur ro/ /mtshams kyi nang la mtshams kyi slad rol du 'du shes na cir 'gyur/ nyes byas so/ /mtshams kyi slad rol la mtshams kyi nang du 'du shes na cir 'gyur/ nyes pa med do/ /mtshams kyi nang la mtshams kyi nang du 'du shes na cir 'gyur/ nyes pa med do/ /btsun pa dge slong gis mtshams kyi nang du chos gos bzhag ste mtshams kyi slad rol du skya rengs shar ba dang / mtshan 'phos te dge slong mar gyur na cir 'gyur/ spang ba'i ltung bar 'gyur ro/ /btsun pa dge slong mas mtshams kyi nang du chos gos bzhag la mtshams kyi slad rol du skya rengs shar ba dang mtshan 'phos te dge slong du gyur na cir 'gyur/ spang ba'i ltung bar 'gyur ro/ /btsun pa dge slong gis su'i mdun du chos gos byin gyis brlab par bgyi/ u pA li dge slong gis dge slong dang / dge tshul pha'i mdun du chos gos byin gyis brlab par bya'o/ /dge tshul phas ni dge slong 12-1-116a dang / dge tshul pha'i mdun du chos gos byin gyis brlab par bya'o/ /dge slong mas ni dge slob ma dang / dge tshul ma'i mdun du chos gos byin gyis brlab par bya'o/ /dge slob mas ni dge slong ma dang / dge slob ma dang / dge tshul ma rnams kyi mdun du chos gos byin gyis brlab par bya'o/ /dge tshul mas ni dge slong ma dang / dge slob ma dang / dge tshul ma rnams kyi mdun du chos gos byin gyis brlab par bya ste/ slar dbyung ba dang bsngo ba yang de bzhin du bya'o/ /btsun pa bslab pa stsal bas chos gos ma mchis par mtshams kyi slad rol du skya rengs shar na cir 'gyur/ spang ba'i ltung bar 'gyur ro/ /de bzhin du dge slong ma la yang spang ba'i ltung ba rgyas par brjod do/ /dge slob ma dang / dge tshul pha dang / dge tshul ma rnams la nyes byas so// //mdor na/ sems 'khrugs pa dang dus las 'das/ /rung ba dag kyang de bzhin te/ /mi rung ba dang gding ba yang / /de bzhin rdzogs pa bzhi dang mtshan/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis dge slong gis ring na yang zla ba gcig tu gos zhog shig ces gsungs na/ btsun pa dge slong gis gos rnyed ma thag tu sems 'khrugs par gyur na/ gang nas bzung ste de'i zla ba bgrang bar bgyi/ nam rang gi sems phyir rnyed pa tshun chad do/ /btsun pa bcom ldan 'das kyis ni dge slong gis ring na zla ba gcig tu gos chongs shig ces gsungs na/ btsun pa dge slong gis nam 'tsho'i bar du gos bzhag kyang nongs par mi 'gyur ba mchis sam/ u pA li yod de/ zla ba gcig tshun chad dus byas na'o/ /btsun pa bcom ldan 'das kyis dge slong gis ring na yang zla ba gcig tu gos zhog shig ces gsungs na/ gos ji lta bu lags/ rung ba bdun po las gang yang rung ste/ bcom ldan 'das kyis kyang ma bkag ste gnang ba'o/ /btsun pa bcom ldan 'das kyis dge slong gis ring na yang zla ba gcig tu gos 12-1-116b zhog shig ces gsungs na/ dge slong gis zla ba gcig las lhag par bzhag pa'i ltung bar mi 'gyur ba mchis sam/ u pA li yod de/ ji ltar gos de rgyu rung bar gyur la spun mi rung ba dang / spun rung bar gyur la rgyu mi rung ba dang / gnyi ga mi rung ba ste/ mi rung ba ni rnga mo'i bal dang / ba lang gi bal dang / ra'i bal dang / ri dgas kyi bal dang / 'dres pa dang / thags su ma btags pa de lta bu'i gos ni zla ba gcig las lhag par bzhag kyang nyes byas su 'gyur ro/ /btsun pa bcom ldan 'das kyis ring na yang dge slong gis gos zla ba gcig zhog shig ces gsungs na/ btsun pa dge slong gis zla ba drug tu gos bzhag kyang nongs par mi 'gyur ba mchis sam/ u pA li yod de/ gos rnyed nas zhag sum bcu lon pa dang dge 'dun gyi gtan pa gding bar gyur pa'o/ /btsun pa bcom ldan 'das kyis chos gos gsum du ma langs pa zla ba gcig tu zhog shig ces gsungs na/ btsun pa dge slong gang chos gos gsum langs par yang gyur la des chos gos gsum du ma langs pa zhig rnyed na/ de yang ring na zla ba gcig tu bzhag par bgyi'am/ u pA li ma yin no/ /de ci'i phyir zhe na/ chos gos gsum tshang na gang gos gzhan rnyed pa dag langs kyang rung / ma langs kyang rung ste/de thams cad kyang ring na yang zhag bcur zhog shig /chos gos gsum ma langs pa zhig la gal te chos gos su langs pa rnyed na de'ang ring na zhag bcur zhog shig /'on te ma langs pa zhig rnyed na ring ba'ang zla ba gcig tu gzhag par bya'o/ /de las 'das par bzhag na spang ba'i ltung bar 'gyur ro/ /btsun pa dge slong gis zla ba gcig la zla ba gcig tu 'du shes te skya rengs shar na cir 'gyur/ spang ba'i ltung bar 'gyur ro/ /zla ba gcig la zla ba gcig ma lags par 'du shes na cir 'gyur/ nyes pa med do/ /zla ba gcig ma yin pa la zla ba gcig tu 'du shes na nyes byas su 'gyur ro/ /zla ba gcig ma lon pa la zla ba gcig 12-1-117a ma lon par 'du shes na nyes pa med do/ /btsun pa dge slong gis gos rnyed nas zla ba gcig tu bzhag pa na mtshan 'phos te dge slong mar gyur nas zla ba gcig 'das na cir 'gyur/ spang ba'i ltung bar 'gyur ro/ /btsun pa dge slong mas chos gos rnyed na zla ba gcig tu bzhag pa na mtshan 'phos te dge slong du gyur nas zla ba gcig 'das na cir 'gyur/ spang ba'i ltung bar 'gyur ro/ /btsun pa bslab pa stsal bas ring na zla ba gcig tu gos bzhag pa las 'das na cir 'gyur/ spang ba'i ltung bar 'gyur ro/ /btsun pa dge slong mas ring na zla ba gcig tu gos bzhag pa las 'das na cir 'gyur/ nyes byas su 'gyur ro/ /dge slob ma dang / dge tshul pha dang / dge tshul ma rnams kyis ring na zla ba gcig 'das par gos bcangs na cir 'gyur/ nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa dang / /khyim pa dag la sogs pa ste/ /bslab pa byin pa tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang gis gnyen ma lags pa'i dge slong ma la gos rnying pa 'khrur stsal na/ spang ba'i ltung bar 'gyur ro zhes gsungs na/ btsun pa dge slong gis gnyen ma lags pa'i dge slong ma la phrin gyis gos 'khrur stsal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de 'khrur bcug na thams cad nyes byas su 'gyur ro/ /btsun pa dge slong gis dge slong ma smyon ma la 'khrur stsal na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen ma dang / lkugs ma dang / 'on ma rnams la 'khrur bcug na thams cad kyang nyes byas su 'gyur ro/ /btsun pa dge slong gis ma ning ma la 'khrur stsal na cir 'gyur/ 12-1-117b nyes byas so/ /de bzhin du dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / mi gnas pa dang / sngar 'khrugs pa dang / sngar nyes pa byung ba rnams la 'khrur bcug na thams cad nyes byas su 'gyur ro/ /btsun pa dge slong gis dge 'dun gyi dbyen ma dang / nye bar phyogs pa dang / bslab pa stsal ba rnams la 'khrur stsal na cir 'gyur/ spang ba'i ltung bar 'gyur ro// //mdor na/ thun mong bkrus dang dge 'dun dang / /mtshan gnyis dang ni mi rung dang / /spangs dang gzhan dang gyon pa dang / /bdun pa bzhi pa de bzhin te/ /dge slong ma dang tha ma'o/ /btsun pa dge slong gis gos thun mong ba 'khrur stsal na cir 'gyur/ nyes byas so/ /bkrus pa 'khrur stsal na cir 'gyur/ nyes byas so/ /btsun pa dge slong gis dge 'dun gyi gos 'khrur stsal na cir 'gyur/ nyes byas so/ /de ste gang zag gis spyad par 'gyur ba zhig yongs su spyad de dri ma can yang nyes byas su 'gyur ro/ /'on te mal stan gyi dngos po 'khrur bcug na nyes pa med do/ /btsun pa dge slong gis gnyen ma lags pa'i dge slong ma la gos rnying pa 'khrur stsal ba na mtshan 'phos te dge slong mar gyur na cir 'gyur/ nyes byas so/ /btsun pa dge slong ma la gnyen ma lags pa'i dge slong gis gos 'khrur stsal ba na mtshan 'phos te dge slong du gyur na cir 'gyur/ nyes byas so/ /btsun pa dge slong gis gnyen ma lags pa'i dge slong ma gos 'khrur stsal ba na dge slong ma mtshan 'phos te dge slong du gyur nas bkrus na cir 'gyur/ nyes byas so/ /de bzhin du dge slong la yang bya'o/ /btsun pa dge slong gis gnyen ma lags pa'i dge slong ma la gos rnying pa 'khrur stsal na spang ba'i ltung bar mi 'gyur ba mchis sam/ u pA li yod de/ ji ltar gos de yang rgyu rung bar gyur la 12-1-118a spun mi rung ba dang / spun rung bar gyur la rgyu mi rung bar gyur pa dang / gnyi ga mi rung bar gyur pa ste/ mi rung ba ni rnga mo'i bal dang / ra'i bal dang / ba lang gi bal dang / ri dgas kyi bal dang / 'dres pa dang / thags su ma btags pa de lta bu'i gos rnams 'khrur bcug na nyes byas su 'gyur ro/ /btsun pa dge slong gis gos spangs pa zhig 'khrur stsal na cir 'gyur/ nyes byas so/ /de ste spangs pa ma yin pa zhig 'khrur bcug na spang ba'i ltung bar 'gyur ro/ /'on te spangs pa zhig 'khrur bcug na nyes byas su 'gyur ro/ /btsun pa dge slong gis gzhan gyi gos 'khrur stsal na cir 'gyur/ nyes byas so/ /btsun pa dge slong gis gos rung ba dang grong du zhugs pa las gos de lus las ma bral bzhin du spang bar 'gyur ba mchis sam/ u pA li yod de/ ji ltar yang dge slong des khyim gyi nang zhugs pa dang / gos la bshang ba dang / gci ba'am/ gzhan yang mi gtsang bas reg par gyur pa dang / des gnyen ma yin pa'i dge slong ma la 'khrur bcug na spang ba'i ltung bar 'gyur ro/ /bsnyen par ma rdzogs par 'khrur bcug nas bsnyen par ma rdzogs par lags na cir 'gyur/ nyes byas so/ /bsnyen par ma rdzogs par 'khrur stsal nas bsnyen par rdzogs kar lags na cir 'gyur/ nyes byas so/ /bsnyen par ma rdzogs par 'khrur stsal nas bsnyen par rdzogs nas lags na cir 'gyur/ nyes byas so/ /bsnyen par ma rdzogs par 'khrur stsal nas bsnyen par rdzogs kar lags na cir 'gyur/ nyes byas so/ /bsnyen par rdzogs par 'khrur stsal nas bsnyen par rdzogs pa dang lags na cir 'gyur/ nyes byas so/ /bsnyen par rdzogs pas 'khrur stsal nas bsnyen par rdzogs nas lags na cir 'gyur/ spang bar 'gyur ro/ /bsnyen par rdzogs pas 'khrur stsal nas bsnyen par ma rdzogs par lags na cir 'gyur/ nyes byas so/ /btsun pa dge slong gis bsnyen par rdzogs pa la bsnyen par rdzogs par 'du 12-1-118b shes te gos rnying pa 'khrur stsal na cir 'gyur/ spang bar 'gyur ro/ /bsnyen par rdzogs pa la bsnyen par ma rdzogs par 'du shes na nyes byas su 'gyur ro/ /bsnyen par ma rdzogs pa la bsnyen par rdzogs par 'du shes na nyes byas su 'gyur ro/ /bsnyen par ma rdzogs pa la bsnyen par ma rdzogs par 'du shes na nyes byas su 'gyur ro/ /btsun pa dge slong gis gnyen ma lags pa'i dge slong ma la gnyen ma lags par 'du shes te gos rnying pa 'khrur stsal na cir 'gyur/ spang bar 'gyur ro/ /gnyen ma yin pa la gnyen yin par 'du shes na nyes pa med do/ /gnyen la gnyen ma yin par 'du shes na nyes byas su 'gyur ro/ /gnyen la gnyen du 'du shes na nyes pa med do/ /btsun pa dge slong gis gnyen ma lags pa'i dge slong ma la gos rnying pa 'khrur stsal na cir 'gyur/ spang bar 'gyur ro/ /dge slob ma dang / dge tshul ma dang / khyim pa mo dang / mu stegs can gzhan dge sbyong dang / bram ze dang / spyod pa pa dang / kun du rgyu ba rnams la 'khrur stsal na cir 'gyur/ nyes byas so/ /de bzhin du 'gro ba gzhan du gnas pa la 'khrur bcug na'ang nyes byas su 'gyur ro/ /dge slong mas dge slong dang / dge tshul dang / mu stegs can gzhan dge sbyong dang / bram ze dang / spyod pa pa dang / kun du rgyu ba rnams dang / 'gro ba gzhan dang gzhan du gnas pa la 'khrur stsal na cir 'gyur/ nyes byas su 'gyur ro/ /khyim pa dang khyim pa mo la 'khrur stsal na cir 'gyur/ nyes byas su 'gyur ro/ /dge slob ma dang / dge tshul ma la nyes byas so/ /btso ba dang / brdung ba rnams la yang de bzhin du rgyas par bya'o// //mdor na/ smyon par gyur dang sems 'khrugs dang / /na ba 'on pa glen pa dang / /ma ning ma la sogs pa dang / /bslab pa byin pa tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang gis gnyen 12-1-119a ma lags pa'i dge slong ma las gos bslangs na spang ba'i ltung bar 'gyur ro zhes gsungs na/ btsun pa dge slong gis dge slong ma smyon ma las gos shig bslangs na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / lkugs pa dang / glen pa dang / 'on pa dang / ma ning mo dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / sngar nyes pa byung ba dang / sngar 'khrugs pa mo rnams las gos bslangs na cir 'gyur/ thams cad nyes byas su 'gyur ro/ /btsun pa dge slong gis dge slong ma dge 'dun gyi dbyen bgyid pa dang / so sor gnas pa dang / nye bar phyogs pa dang / bslab pa stsal ba rnams las gos shig bslangs na cir 'gyur/ spang ba'i ltung bar 'gyur ro// //mdor na/ phrin pa spring yig lag brda dang / /gzhan zer ba dang gcig nas gcig /smyon mar gyur dang sems 'khrugs dang / / na ba 'on ma glen ma dang / /gnyid log ra ro myos ma dang / /snyoms zhugs 'gro ba ma ning ma'o/ /btsun pa dge slong gis gnyen ma lags pa'i dge slong ma las phrin gyis gos bslangs te gos thob na cir 'gyur/ nyes byas so/ /de bzhin du spring yig dang / lag brda dang / gcig nas gcig tu brgyud pa rnams ni thams cad nyes byas su 'gyur ro/ /btsun pa dge slong gis dge slong ma smyon ma la gos bslangs te gos thob na cir 'gyur/ nyes byas su 'gyur ro/ /btsun pa dge slong gis dge slong ma smyon ma la sogs pa las gos bslangs te gos thob na cir 'gyur/ thams cad nyes byas su 'gyur ro/ /btsun pa dge slong gis dge slong ma dge 'dun gyi dbyen bgyis pa dang / so sor gnas pa dang / nye bar phyogs pa dang / bslab pa stsal ba rnams las gos bslangs te gos 12-1-119b thob na cir 'gyur/ spang ba'i ltung bar 'gyur ro// //mdor na/ mi rung ba dang bzhi pa gnyis/ /bdun pa dang yang mtshan de bzhin/ /dge slong dge slong ma de bzhin/ /sder 'gyur ba ni bsdus pa'o/ /btsun pa dge slong gis gnyen ma lags pa'i dge slong ma las gos bslangs kyang spang ba'i ltung bar mi 'gyur ba mchis sam/ u pA li yod de/ ji ltar gos de rgyu rung bar gyur la spun mi rung ba dang / spun rung bar gyur la rgyu mi rung ba dang / gnyi ga mi rung bar gyur pa ste/ mi rung ba ni ba lang gi bal dang / rnga mo'i bal dang / ra'i bal dang / ri dgas kyi bal dang / 'dres pa dang / thags su ma btags pa'i gos de 'dra ba zhig bslangs na nyes byas so/ /btsun pa dge slong gis gnyen ma lags pa'i dge slong ma las gnyen ma lags par 'du shes te gos bslangs na cir 'gyur/ spang ba'i ltung bar 'gyur ro/ /gnyen ma yin pa la gnyen ma yin par 'du shes na nyes pa med do/ /gnyen la gnyen ma yin par 'du shes na nyes byas su 'gyur ro/ /gnyen la gnyen du 'du shes na nyes pa med do/ /btsun pa dge slong gis bsnyen par rdzogs pa'i dge slong ma la bsnyen par ma rdzogs par 'du shes te/ bslangs na cir 'gyur/ spang ba'i ltung bar 'gyur ro/ /bsnyen par rdzogs ma la bsnyen par ma rdzogs par 'du shes na nyes byas so/ /bsnyen par ma rdzogs ma la bsnyen par rdzogs par 'du shes na nyes byas so/ /bsnyen par ma rdzogs pa la bsnyen par ma rdzogs mar 'du shes na nyes byas so/ /btsun pa bsnyen par ma rdzogs pas gnyen ma lags pa'i dge slong ma la gos bslangs nas bsnyen par ma rdzogs par bslangs na cir 'gyur/ nyes byas so/ /bsnyen par ma rdzogs pas bslangs nas bsnyen par rdzogs kar bslangs na cir 'gyur/ nyes byas so/ /bsnyen par ma rdzogs par bslangs nas bsnyen par rdzogs te bslangs na cir 'gyur/ nyes byas so/ /bsnyen par rdzogs kar bslangs nas bsnyen par rdzogs kar bslangs na cir 'gyur/ nyes byas so/ / 12-1-120a bsnyen par rdzogs kar bslangs nas bsnyen par rdzogs te bslangs na cir 'gyur/ nyes byas so/ /bsnyen par rdzogs te bslangs nas bsnyen par rdzogs te bslangs na cir 'gyur/ spang bar 'gyur ro/ /bsnyen par rdzogs te bslangs nas bsnyen par ma rdzogs par bslangs na cir 'gyur/ nyes byas so/ /btsun pa dge slong gis gnyen ma lags pa'i dge slong ma las gos len pa na mtshan 'phos te dge slong mar gyur na cir 'gyur/ nyes byas so/ /btsun pa dge slong mas gnyen ma lags pa'i dge slong pha las gos len pa na mtshan 'phos te dge slong phar gyur nas bslangs na cir 'gyur/ nyes byas so/ /btsun pa dge slong mas gnyen ma lags pa'i dge slong pha las gos len pa na dge slong ma de yang mtshan 'phos te dge slong pha las bslangs na cir 'gyur/ nyes byas so/ /btsun pa dge slong mas gnyen ma lags pa'i dge slong las gos len pa na dge slong de yang mtshan 'phos te dge slong ma las bslangs na cir 'gyur/ nyes byas so/ /dge slob ma dang / dge tshul ma las bslangs na cir 'gyur/ nyes byas so/ /dge slong mas dge slong dang / dge tshul pha las bslangs na cir 'gyur/ nyes byas so/ /de bzhin du dge slob ma dang / dge tshul ma las bslangs na'ang nyes byas su 'gyur ro/ /dge tshul phas dge slong ma dang / dge tshul ma dang / dge slob ma las bslangs na yang nyes byas su 'gyur ro// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa dang / /gnyid log pa dang ra ro ba/ /myos pa 'gro ba phyi rol pa'o/ /btsun pa bcom ldan 'das kyis yang dge slong gang gis gnyen ma lags pa'i khyim bdag gam khyim bdag gis mchis 'brang las gos bslangs na spang bar 'gyur ro zhes gsungs na/ dge slong gis khyim bdag gam khyim bdag gi mchis 'brang la gos bslangs kyang spang ba'i ltung 12-1-120b bar mi 'gyur ba mchis sam/ u pA li yod de/ ji ltar yang phrin gyis bslangs na nyes byas su 'gyur te/ thob na yang nyes byas su zad do/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa dge slong gis khyim bdag smyon pa las bslangs te gos thob na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / 'on pa dang / glen pa dang /lkugs pa dang / gnyid log pa dang / ra ro ba dang / myos pa dang / 'gro ba gzhan du gnas pa rnams la bslangs te gos thob na cir 'gyur/ nyes byas so/ /'di las phyi rol gyi mu stegs can gzhan dge sbyong dang / bram ze dang / spyod pa pa dang / kun du rgyu ba rnams las bslangs te gos thob na cir 'gyur/ nyes byas so// //mdor na/ mi rung bzhi pa gnyis pa dang / /bdun pa mtshan kyang de bzhin te/ /nyung rum de bzhin ma ning mo/ /ma ning dge slong de bzhin no/ /btsun pa dge slong gis gnyen ma lags pa'i khyim bdag gi mchis 'brang la gos bslangs kyang spang bar mi 'gyur ba mchis sam/ u pA li yod de/ ji ltar yang gos de'i rgyu rung bar gyur la spun mi rung ba dang / spun rung bar gyur la rgyu mi rung ba dang / gnyi ga mi rung ba ste/ mi rung ba ni rnga mo'i bal dang / ra'i bal dang / ba lang gi bal dang / ri dgas kyi bal dang / 'dres pa dang / thags su ma btags pa de 'dra ba'i gos shig bslangs te gos rnyed na nyes byas so/ /btsun pa dge slong gis gnyen ma lags pa la gnyen ma lags par 'du shes nas gos bslangs te gos thob na cir 'gyur/ spang ba'i ltung bar 'gyur ro/ /gnyen ma yin pa la gnyen du 'du shes na nyes pa med do/ /gnyen la gnyen ma yin par 'du shes na nyes byas su 'gyur ro/ /gnyen la gnyen du 'du shes na nyes pa med do/ /btsun pa dge slong gis 12-1-121a mi la mir 'du shes te gos bslangs pa las gos thob na cir 'gyur/ spang bar 'gyur ro/ /mi la mi ma yin par 'du shes na nyes byas su 'gyur ro/ /mi ma yin pa la mir 'du shes na yang nyes byas su 'gyur ro/ /mi ma yin pa la mi ma yin par 'du shes na yang nyes byas su 'gyur ro/ /bsnyen par ma rdzogs par bslangs te bsnyen par ma rdzogs par thob na cir 'gyur/ nyes byas so/ /bsnyen par ma rdzogs par bslangs te bsnyen par rdzogs kar thob na cir 'gyur/ nyes byas so/ /bsnyen par ma rdzogs par bslangs nas bsnyen par rdzogs te thob na cir 'gyur/ nyes byas so/ /bsnyen par rdzogs kar bslangs te bsnyen par rdzogs kar thob na cir 'gyur/ nyes byas so/ /bsnyen par rdzogs kar bslangs te bsnyen par rdzogs nas thob na cir 'gyur/ nyes byas so/ /bsnyen par rdzogs te bslangs nas bsnyen par rdzogs te thob na cir 'gyur/ spang bar 'gyur ro/ /bsnyen par rdzogs nas bslangs te bsnyen par ma rdzogs par thob na cir 'gyur/ nyes byas so/ /btsun pa dge slong gis gnyen ma lags pa'i khyim bdag gam/ khyim bdag gi mchis 'brang las gos bslangs pa na mtshan 'phos te dge slong mar gyur nas thob na cir 'gyur/ spang bar 'gyur ro/ /btsun pa dge slong mas gnyen ma lags pa'i khyim bdag gam/ khyim bdag gi mchis 'brang las gos bslangs pa na mtshan 'phos nas dge slong phar gyur te thob na cir 'gyur/ spang bar 'gyur ro/ /btsun pa dge slong gis khyim bdag la gos bslangs pa las khyim bdag de yang mtshan 'phos te bud med las bslangs na cir 'gyur/ spang bar 'gyur ro/ /btsun pa dge slong gis khyim bdag gi mchis 'brang la bslangs pa na khyim bdag gi mchis 'brang de yang mtshan 'phos te skyes pa las bslangs na cir 'gyur/ spang bar 'gyur ro/ /de bzhin du dge slong ma la yang brjod par bya'o/ /btsun pa dge slong gis 12-1-121b nyung rum las gos bslangs te gos thob na cir 'gyur/ nyes byas so/ /de bzhin du ma ning dang/ ma ning mo thams cad la nyes byas su 'gyur ro/ /btsun pa bcom ldan 'das kyis dge slong gis gnyen ma lags pa'i khyim bdag gam/ khyim bdag gi mchis 'brang las gos bslangs na spang ba'i ltung bar 'gyur ro zhes gsungs na/ btsun pa dge slong gis dge slong ma la bslangs te gos thob na cir 'gyur/ spang bar 'gyur ro/ /dge slob ma dang/ dge tshul ma dang/ dge slong dang/ dge tshul ma rnams la bslangs te gos thob na cir 'gyur/ nyes byas so/ /btsun pa dge slong mas khyim bdag gam/ khyim bdag gi mchis 'brang la bslangs te gos thob na cir 'gyur/ spang bar 'gyur ro/ /dge slong mas dge slong ma dang/ dge slob ma dang/ dge tshul ma dang/ dge tshul pha rnams la bslangs te gos thob na cir 'gyur/ nyes byas so/ /de bzhin du dge slob ma dang/ dge tshul pha rnams la'ang nyes byas te rgyas par brjod par bya'o/ /bslangs pa la ji lta ba bzhin du stod g.yogs dang/ mthang gos la tha dad ci yod ce na/ stod g.yogs dang mthang gos la gnyis te/ dge slong gi stod g.yogs dang/ mthang gos dang/ khyim pa'i stod g.yogs dang/ mthang gos so/ /dge slong gis khyim pa'i stod g.yogs dang / /mthang gos thob nas khyim pa'i mthang gos dang/ stod g.yogs bslangs pa las de ste mchog par gyur na ma slongs shig /'on te lhag na'ang ma sbyin zhig /dge slong gis khyim bdag gi stod g.yogs dang/ mthang gos ma chog gam/ lhag nas bslangs na de ni nyes byas su 'gyur ro/ /thob na spang ba'i ltung ba'o/ /dge slong gis dge slong gi stod g.yogs dang / mthang gos thob nas stod g.yogs dang mthang gos bslangs pa las de ste ma chog par gyur na bslang bar bya'o/ /'on te lhag par gyur na phyir sbyin par bya'o/ /dge slong gis mthang gos dang / stod 12-1-122a g.yogs lhag pa phyir ma byin nam lhag par bslangs na des bslangs pa ni nyes byas so/ /thob na spang ba'i ltung ba'o/ /de la khyim bdag gi mthang gos dang / stod g.yogs mchog pa'am/ lhag par bslangs sam/ dge slong gis mthang gos dang / stod g.yogs lhag pa phyir ma byin nam/ lhag par bslangs na spang bar 'gyur ro/ /lhag ma rnams ni ji ltar bslab pa'i gnas kyi gzhung snga ma'i rim pa de bzhin du bslab pa'i gnas 'di la yang bya'o// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs nad pa dang / /gnyid log ra ro myos pa dang / /snyoms zhugs 'gro ba phyi rol pa'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis dge slong la gnyen ma lags pa'i khyim bdag gam/ khyim bdag gi mchis 'brang gis gos kyi rin zhig bzhag par gyur pa dang / de la sngar ma stsal bar dge slong des gos sgrub pa'i phyir rtog pa cung zad cig skyes nas mngon par grub na spang ba'i ltung bar 'gyur ro zhes gsungs na/ btsun pa dge slong gis rnam par rtog pa bskyed nas phrin gyis gos thob na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa dge slong gis smyon pa la rnam par rtog pa la bskyed nas gos thob na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / gnyid log pa dang / ra ro ba dang / myos pa dang / snyoms par zhugs pa dang / 'di las phyi rol mu stegs can gzhan dge sbyong dang / bram ze dang / spyod pa pa dang / kun du rgyu ba rnams la rtog pa skyes te gos thob na cir 'gyur/ nyes byas so// //mdor na/ mi rung ba dang bzhi pa gnyis/ /bdun pa dang ni mtshan de bzhin/ /nyung rum ma ning 12-1-122b de bzhin te/ /ma ning dge slong de bzhin no/ /btsun pa khyim bdag gam khyim bdag gi mchis 'brang la rtog pa skyes kyang spang bar mi 'gyur ba mchis sam/ u pA li yod do/ /ji ltar yang gos de'i rgyu rung bar gyur la spun mi rung bar gyur pa dang / rgyu mi rung bar gyur la spun rung ba dang / gnyi ga mi rung bar gyur pa ste/ mi rung ba ni rnga mo'i bal dang / ra'i bal dang / ba lang gi bal dang / ri dgas kyi bal dang / 'dres pa dang / thags su ma btags pa de lta bu'i gos kyi phyir rtog pa skyes te gos thob na nyes byas so/ /btsun pa dge slong gis gnyen ma lags pa la gnyen ma lags par 'du shes te rtog pa skyes nas gos thob na cir 'gyur/ spang bar 'gyur ro/ /gnyen ma yin pa la gnyen du 'du shes na nyes pa med do/ /gnyen la gnyen ma yin par 'du shes na nyes byas so/ /gnyen la gnyen du 'du shes na nyes pa med do/ /btsun pa dge slong gis mi la mir 'du shes te rtog pa skyes te gos thob na cir 'gyur/ spang bar 'gyur ro/ /mi la mi ma lags par 'du shes na cir 'gyur/ nyes byas so/ /mi ma lags pa la mir 'du shes na cir 'gyur/ nyes byas so/ /mi ma lags pa la mi ma lags par 'du shes na cir 'gyur/ nyes byas so/ /btsun pa bsnyen par ma rdzogs par rtog pa skyes te bsnyen par ma rdzogs par thob na cir 'gyur/ nyes byas so/ /bsnyen par ma rdzogs pa na rtog pa bskyed nas bsnyen par rdzogs kar thob na cir 'gyur/ nyes byas so/ /bsnyen par ma rdzogs pa na rtog pa bskyed nas bsnyen par rdzogs nas thob na cir 'gyur/ nyes byas so/ /bsnyen par rdzogs kar rnam par rtog pa bskyed nas bsnyen par rdzogs kar thob na cir 'gyur/ nyes byas so/ /bsnyen par rdzogs nas rnam par rtog pa bskyed nas bsnyen par rdzogs nas thob na cir 'gyur/ spang bar 'gyur ro/ /bsnyen par rdzogs nas rnam par rtog pa bskyed nas bsnyen par ma rdzogs par thob na cir 'gyur/ nyes byas so/ /btsun pa dge slong gis gnyen ma lags pa'i khyim bdag gam/ khyim bdag gi mchis 12-1-123a 'brang la rnam par rtog pa bskyed pa na mtshan 'phos te dge slong mar gyur nas thob na cir 'gyur/ spang bar 'gyur ro/ /btsun pa dge slong mas khyim bdag gam/ khyim bdag gi mchis 'brang la rnam par rtog pa bskyed pa na mtshan 'phos te dge slong du gyur nas thob na cir 'gyur/ spang bar 'gyur ro/ /btsun pa dge slong gis gnyen ma lags pa'i khyim bdag la rnam par rtog pa bskyed pa na khyim bdag de yang mtshan 'phos te bud med du gyur pa las blangs na cir 'gyur/ spang bar 'gyur ro/ /btsun pa dge slong gis gnyen ma lags pa'i khyim bdag gi mchis 'brang la rnam par rtog pa bskyed pa na khyim bdag gi mchis 'brang de yang mtshan 'phos te skyes par gyur pa las blangs na cir 'gyur/ spang bar 'gyur ro/ /dge slong ma la yang de bzhin du sbyar bar bya'o/ /btsun pa dge slong gis nyung rum la rnam par rtog pa bskyed nas gos thob na cir 'gyur/ nyes byas so/ /de bzhin du ma ning dang / ma ning ma la yang nyes byas so/ /btsun pa dge slong gis gos ma gtogs par yo byad gzhan gyi phyir rnam par rtog pa bskyed na cir 'gyur/ nyes byas so/ /btsun pa dge slong gis dge slong dang / dge slong ma dang / dge slob ma dang / dge tshul ma dang / dge tshul pha rnams kyi slad du rnam par rtog pa bskyed na cir 'gyur/ nyes byas so/ /ji ltar dge slong gis rnam par rtog pa bskyed na spang ba'i ltung bar 'gyur ba de bzhin du bslab pa byin pa dang / dge slong ma la yang spang ba'i ltung bar 'gyur ro/ /dge tshul pha dang / dge slob ma dang / dge tshul ma rnams la nyes byas su rgyas par bya'o/ /ji ltar bslab pa'i gnas kyi gzhung 'di bzhin du bslab pa'i gnas gnyis pa yang rgyas par bya'o// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba phyi rol pa'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis lan bzhi lan lnga lan drug tu 12-1-123b bslangs pa'i 'og tu ma smra bar gnas su 'dug shig /de ste dge slong des gos mngon du grub na ni legs so/ /de ste mngon du ma grub na de las lhag par stsal te gos de mngon du 'grub pa'i phyir de las lhag par stsal nas gos mngon du grub na spang ba'i ltung bar 'gyur ro zhes gsungs na/ btsun pa dge slong gis lan bzhi lan lnga lan drug phan chad las 'das par gos bsgrub pa'i slad du stsal kyang spang ba'i ltung bar mi 'gyur ba mchis sam/ u pA li yod de/ ji ltar yang phrin gyis lan bzhi lan lnga lan drug tu bslangs pa las lhag par gos 'grub pa'i phyir blangs te gos mngon du grub na nyes byas su 'gyur ro/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa dge slong gis smyon pa la lan bzhi lan lnga lan drug tu bslangs pa las lhag par gos bsgrub pa'i phyir bslangs te gos mngon du grub na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / 'on pa dang / lkugs pa rnams thams cad la nyes byas su 'gyur ro/ /btsun pa dge slong gis gnyid log pa lan bzhi lan lnga lan drug tu bslangs pa las lhag par gos bsgrub pa'i phyir bslangs nas gos mngon du grub na cir 'gyur/ nyes byas so/ /de bzhin du ra ro ba dang / myos pa dang / snyoms par zhugs pa dang / 'gro ba gzhan du gnas pa dang / 'di las phyi'i mu stegs can gzhan dge sbyong dang / bram ze dang / spyod pa pa dang / kun du rgyu ba rnams la lan bzhi lan lnga lan drug tu bslangs pa las lhag par gos bsgrub pa'i phyir bslangs te gos mngon du grub na cir 'gyur/ nyes byas so// //mdor na/ mi rung ba dang bzhi pa dang / /bdun pa mtshan kyang de bzhin te/ /nyung rum dang ni ma ning ma/ /ma ning tha mar gyur pa'o/ /btsun pa dge slong gis chos gos bsgrub pa'i slad du lan bzhi lan lnga lan drug tu bslangs pa las lhag par bslangs kyang spang bar mi 'gyur ba mchis sam/ u pA li yod de/ ji ltar yang gos de rgyu rung bar 12-1-124a gyur la spun mi rung ba dang / spun rung bar gyur la rgyu mi rung bar gyur pa dang / gnyis ka mi rung bar gyur pa ste/ mi rung ba ni rnga mo'i bal dang / ba lang gi bal dang / ra'i bal dang / ri dgas kyi bal dang / 'dres pa dang / thags su ma btags pa de lta bu'i gos kyi phyir lan bzhi lan lnga lan drug las lhag par bslangs na thams cad nyes byas su 'gyur ro/ /btsun pa dge slong gis mi la mir 'du shes te lhag par bslangs na cir 'gyur/ spang bar 'gyur ro/ /mi la mi ma yin par 'du shes na nyes byas so/ /mi ma yin pa la mir 'du shes na nyes byas so/ /mi ma yin pa la mi ma yin par 'du shes na nyes byas su 'gyur ro/ /btsun pa dge slong gis bsnyen par ma rdzogs par bslangs te bsnyen par ma rdzogs par thob na cir 'gyur/ nyes byas so/ /bsnyen par ma rdzogs par bslangs te bsnyen par rdzogs kar thob na cir 'gyur/ nyes byas so/ /bsnyen par ma rdzogs par bslangs te bsnyen par rdzogs nas thob na cir 'gyur/ nyes byas so/ /bsnyen par rdzogs kar bslangs nas bsnyen par rdzogs kar thob na cir 'gyur/ nyes byas so/ /bsnyen par rdzogs kar bslangs nas bsnyen par rdzogs te thob na cir 'gyur/ nyes byas so/ /bsnyen par rdzogs pa na bslangs nas bsnyen par rdzogs pa na cir 'gyur/ ltung ba'o/ /bsnyen par rdzogs pa na bslangs nas bsnyen par ma rdzogs pa na thob na cir 'gyur/ nyes byas so/ /btsun pa dge slong gis lan bzhi lan lnga lan drug tu bslangs pa las de'i mtshan 'phos te dge slong mar gyur nas thob na cir 'gyur/ spang bar 'gyur ro/ /btsun pa dge slong mas lhag par bslangs pa dang / de'i mtshan 'phos te dge slong du gyur nas thob na cir 'gyur/ spang bar 'gyur ro/ /btsun pa dge slong gis khyim bdag la lhag par bslangs pa dang / khyim bdag de yang mtshan 'phos te bud med du gyur pa las bslangs na cir 'gyur/ spang bar 'gyur ro/ /btsun pa dge slong gis khyim bdag gi mchis 'brang la lhag par bslangs pa dang / khyim bdag gi mchis 'brang de yang 12-1-124b mtshan 'phos te skyes pa las bslangs na cir 'gyur/ spang bar 'gyur ro/ /dge slong ma la yang de bzhin du sbyar bar bya'o/ /btsun pa dge slong gis gos bsgrub pa'i slad du nyung rum la lan bzhi lan lnga lan drug tu bslangs pa las lhag par gos bsgrub pa'i phyir bslangs te gos mngon du grub na cir 'gyur/ nyes byas so/ /de bzhin du ma ning dang / ma ning ma thams cad la nyes byas su 'gyur ro/ /btsun pa dge slong gis dge slong dang / dge slob ma dang / dge tshul pha dang / dge tshul ma rnams kyi slad du lhag par bslangs na cir 'gyur/ nyes byas so/ /btsun pa dge slong gis de las gzhan pa'i yo byad rnams kyi slad du lhag par bslangs na cir 'gyur/ nyes byas so/ /btsun pa bslab pa stsal bas lan drug tu bslangs pa las lhag par bslangs na cir 'gyur/ spang bar 'gyur ro/ /dge slong mas bslangs na cir 'gyur/ spang bar 'gyur ro/ /dge slob ma dang / dge tshul ma dang / dge tshul pha rnams la nyes byas su 'gyur ro// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na dang 'on pa glen pa'o/ /btsun pa dge slong gis phrin gyis srin bal gyi gding ba bgyid du stsal na cir 'gyur/ nyes byas so/ /de bzhin spring yig dang / lag brda dang / gzhan zer ba dang / gcig nas gcig tu brgyud pa dang / smyon pa dang / sems 'khrugs pa dang / nad kyis gzir ba dang / 'on pa dang / lkugs pa dang / dmus long dang / glen pa rnams te thams cad kyang nyes byas so/ /ji ltar dge slong gis srin bal las gding ba byed du bcug na spang ba'i ltung bar 'gyur ba de bzhin du bslab pa byin pa la yang spang ba'i ltung bar 'gyur ro/ /dge slong ma dang / dge slob ma dang / dge tshul ma dang / dge tshul pha rnams la nyes byas so/ /ji ltar bslab pa'i gnas kyi le'u 'dir ji lta ba bzhin du bal rang bzhin gyis gnag pa la yang rgyas par ro/ /de la tha dad du bya ba gang zhe na/ bzhi ste/ rang bzhin gyis gnag pa la rang bzhin gyis gnag par 'du shes pa dag ni bzhir bya'o/ / 12-1-125a de bzhin du bslab pa'i gnas gnyis por yang thams cad smra bar bya'o/ /de la tha dad du bya ba gang zhe na/ dge slong gis bal dkar po dang ngan pa nyung bar 'du shes te bsres pa ni bzhir bya'o// //mdor na/ gzhan gyis gzhan gyi ma zin dang / / blangs dang mu stegs 'gro ba gzhan/ /mi rung mtshan dang bzhi pa dang / /bde bar gshegs kyi bdun pa'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis dge slong gis lo drug tshun chad du gding ba bgyid du stsal na spang bar 'gyur ro zhes gsungs na/ btsun pa dge slong gis gzhan bgyid du stsal na cir 'gyur/ nyes byas so/ /gzhan gyi slad du bgyid du stsal na cir 'gyur/ nyes byas so/ /btsun pa dge slong gis gzhan gyis ma lags pa lags par bgyis na cir 'gyur/ nyes byas so/ /khyim pa bgyid du stsal na cir 'gyur/ nyes byas so/ /de bzhin du dge tshul pha dang / bslab pa byin pa dang / sngar 'khrugs pa dang / sngar nyes pa byung ba dang / rkun gnas dang / so sor gnas pa dang / mi gnas pa rnams la byed du bcug na thams cad nyes byas su 'gyur ro/ /btsun pa dge slong gis 'di las slad rol gyi mu stegs can dge sbyong gzhan bram ze dang / spyod pa pa dang / kun du rgyu ba rnams la bgyid du stsal na cir 'gyur/ nyes byas so/ /btsun pa dge slong gis 'gro ba gzhan du gnas pa rnams bgyid du stsal na cir 'gyur/ nyes byas so/ /btsun pa dge slong gis lo drug tshun chad du gding ba bgyis kyang spang bar mi 'gyur ba mchis sam/ u pA li yod de/ ji ltar yang gding ba de'i rgyu rung bar gyur la spun mi rung ba dang / spun rung bar gyur la rgyu mi rung ba dang / gnyi ga mi rung bar gyur pa ste/ mi rung ba ni rnga mo'i bal dang / ba lang gi bal dang / ra'i bal dang / ri dgas kyi bal dang 'dres par byas pa dang / thags su ma btags pa rnams ni nyes byas su 'gyur ro/ /btsun pa dge slong gis lo drug tshun chad du gding ba bgyid pa las mtshan 'phos nas dge slong mar gyur te lags na cir 12-1-125b 'gyur/ nyes byas so/ /btsun pa dge slong mas lo drug tshun chad du gding ba bgyid pa las mtshan 'phos te dge slong du gyur nas lags na cir 'gyur/ spang bar 'gyur ro/ /btsun pa dge slong gis lo drug las 'das pa la 'das par 'du shes te gding ba bgyid du stsal na cir 'gyur/ nyes pa med do/ /'das pa la ma 'das par 'du shes te bgyid du stsal na cir 'gyur/ nyes byas so/ /ma 'das pa la 'das par 'du shes na nyes pa med do/ /ma 'das pa la ma 'das par 'du shes te byed du bcug na spang bar 'gyur ro/ /btsun pa dge slong gis lo drug tshun chad du bde bar gshegs pa'i chos gos kyi tshad du gding ba bgyid du stsal na cir 'gyur/ nyes byas so/ /btsun pa bsnyen par ma rdzogs pas lo drug tshun chad du brtsams te bsnyen par ma rdzogs par lags na cir 'gyur/ nyes byas so/ /bdun brgyud du yang rgyas par bya'o// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /nad pa 'on pa glen pa'o/ /btsun pa dge slong gis lo drug tshun chad du phrin pa las gding ba bgyid du stsal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa dang / smyon pa dang / sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams thams cad la yang nyes byas su 'gyur ro/ /ji ltar dge slong gis lo drug tshun chad du gding ba byed du bcug na spang ba'i ltung bar 'gyur ba de bzhin du bslab pa byin pa la yang spang ba'i ltung bar 'gyur ro/ /dge slong ma la nyes byas so/ /dge slob ma dang / dge tshul ma dang / dge tshul pha rnams la yang nyes byas su 'gyur ro// //mdor na/ gzhan gyis gzhan gyi ma zin dang / /khyim pa mu stegs 'gro ba dang / /mi rung ba dang de bzhin mtshan/ /bzhi pa bdun pa de ltar ro/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis dge slong gis gding ba sar pa kha dog ngan par bgyi ba'i slad du g.yogs ma rnying pa las bde bar 12-1-126a gshegs pa'i mtho gang gis ma glan par g.yogs ma bgyis na spang ba'i ltung bar 'gyur ro zhes gsungs na/ btsun pa dge slong gis bde bar gshegs pa'i mtho gang las sor gcig gam sor phyed phri na cir 'gyur/ spang bar 'gyur ro/ /btsun pa dge slong gis gzhan bgyid du stsal na cir 'gyur/ nyes byas so/ /gzhan gyi slad du bgyid du stsal na cir 'gyur/ nyes byas so/ /gzhan gyis ma lags pa lags par bgyid na cir 'gyur/ nyes byas so/ /khyim pa bgyid du stsal na cir 'gyur/ nyes byas so/ /bslab pa byin pa dang / sngar 'khrugs pa dang / sngon nyes pa byung ba dang / rkun gnas rnams byed du bcug na thams cad nyes byas su 'gyur ro/ /btsun pa dge slong gis 'di las slad rol gyi mu stegs can dge sbyong gzhan bram ze dang / spyod pa pa dang / kun du rgyu ba rnams bgyid du stsal na cir 'gyur/ nyes byas so/ /'gro ba gzhan du gnas pa zhig bgyid du stsal na cir 'gyur/ nyes byas so/ /btsun pa dge slong gis bde bar gshegs pa'i mtho gang las sor gcig gam/ sor phyed phri nas g.yogs ma bgyis kyang spang bar mi 'gyur ba mchis sam/ u pA li yod de/ ji ltar yang g.yogs ma de'i rgyu rung bar gyur la spun mi rung ba dang / spun rung bar gyur la rgyu mi rung ba dang / gnyi ga mi rung ba ste/ mi rung ba ni rnga mo'i bal dang / ba lang gi bal dang / ra'i bal dang / ri dgas kyi bal dang / 'dres pa dang / thags su ma btags pa 'di 'dra ba zhig las g.yogs ma zhig byas na nyes byas su 'gyur ro/ /btsun pa dge slong gis bde bar gshegs pa'i mtho gang la sor gcig gam/ sor phyed phri ste g.yogs ma bgyid pa las mtshan 'phos te dge slong mar gyur nas lags na cir 'gyur/ nyes byas so/ /btsun pa dge slong mas bde bar gshegs pa'i mtho gang las sor gcig gam/ sor phyed phri ste g.yogs ma bgyid pa las mtshan 'phos te dge slong du gyur pas lags na cir 'gyur/ spang bar 'gyur ro/ /btsun pa dge slong gis bde bar gshegs pa'i mtho gang bas chung ba la chung bar 'du shes te glan nas g.yogs ma bgyid du stsal na 12-1-126b cir 'gyur/ spang ba'i ltung bar 'gyur ro/ /chung ba la che bar 'du shes te bgyid du stsal na cir 'gyur/ nyes pa med do/ /che ba la chung bar 'du shes te glan nas bgyid du stsal na cir 'gyur/ nyes byas so/ /che ba la che bar 'du shes te glan nas byed du bcug na cir 'gyur/ nyes pa med do/ / btsun pa bsnyen par ma rdzogs pas bde bar gshegs pa'i mtho gang las sor gcig gam/ sor phyed phri ste g.yogs ma gzhan brtsams nas bsnyen par ma rdzogs par lags na cir 'gyur/ nyes byas so/ /bsnyen par ma rdzogs par brtsams te bsnyen par rdzogs kar lags na cir 'gyur/ nyes byas so/ /bsnyen par ma rdzogs par brtsams te bsnyen par rdzogs nas lags na cir 'gyur/ nyes byas so/ /bsnyen par rdzogs kar brtsams te bsnyen par rdzogs kar lags na cir 'gyur/ nyes byas so/ /bsnyen par rdzogs kar brtsams te bsnyen par rdzogs nas lags na cir 'gyur/ nyes byas so/ /bsnyen par rdzogs te brtsams nas bsnyen par rdzogs nas lags na cir 'gyur/ spang bar 'gyur ro/ /bsnyen par rdzogs pa na brtsams te bsnyen par ma rdzogs nas lags na cir 'gyur/ nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa'o/ /btsun pa dge slong gis bde bar gshegs pa'i mtho gang las sor gcig gam/ sor phyed phri nas phrin gyis g.yogs ma bgyid du stsal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa dang / smyon pa dang / sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams la byed du bcug na thams cad nyes byas su 'gyur ro/ /ji ltar dge slong gis g.yogs ma byed du bcug pa las spang bar 'gyur ba de bzhin du bslab pa byin pas byed du bcug na yang spang bar 'gyur ro/ /dge slong ma dang / dge slob ma dang / dge tshul pha dang / dge tshul ma rnams la nyes byas so// // 12-1-127a mdor na/ nam mkha' rdzu 'phrul sprul pa dang / /sngags dang gzhan gsum de bzhin te/ /mi rung ba dang mtshan gnyis pa/ /bzhi pa bdun brgyud de bzhin no/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis dge slong gis dpag tshad gsum las 'das par lug gi bal 'tshal na spang bar 'gyur ro zhes gsungs na/ btsun pa dge slong gis dpag tshad gsum las 'das par nam mkha' las lug gi bal 'tshal na cir 'gyur/ nyes byas so/ /rdzu 'phrul gyis 'tshal na cir 'gyur/ nyes byas so/ /rung bar byed pa sprul pas 'tshal na cir 'gyur/ nyes byas so/ /btsun pa dge slong gis sngags sam sman gyis bdag mi snang bar bgyis te 'tshal na cir 'gyur/ nyes byas so/ /gzhan gyi don du 'tshal na cir 'gyur/ nyes byas so/ /gzhan la bskur na cir 'gyur/ nyes byas so/ /btsun pa dge slong gis dpag tshad gsum las 'das par lug gi bal 'tshal kyang spang bar mi 'gyur bar mchis sam/ u pA li yod de/ dge slong lam du zhugs pa zhig gis lug gi bal zhig rnyed nas de des dpag tshad gsum gyi bar du rang gis khyer ba dang / des lug gi bal gzhan zhig rnyed nas des snga ma bor te phyi ma khyer nas song ste/ de ltar na nyes pa med do/ /btsun pa dge slong gis lug gi bal ma gtogs par de las gzhan pa mi rung ba'i bal rnga mo'i bal dang / ba lang gi bal dang / ra'i bal dang / ri dgas kyi bal rnams dang / 'dres pa mi rung ba zhig 'tshal na cir 'gyur/ nyes byas so/ /btsun pa dge slong gis lug gi bal dpag tshad gsum las 'das par 'tshal ba dang mtshan 'phos te dge slong mar gyur nas mtshams las 'das na cir 'gyur/ nyes byas so/ /btsun pa dge slong mas lug gi bal dpag tshad gsum las 'das par 'tshal ba dang mtshan 'phos te dge slong phar gyur nas mtshams las 'das na cir 'gyur/ spang bar 'gyur ro/ /btsun pa dge slong gis lug gi bal dpag tshad gsum las 'das par rgyang grags la rgyang grags su 'du shes te 'tshal na 12-1-127b cir 'gyur/ spang bar 'gyur ro/ /rgyang grags la rgyang grags ma lags par 'du shes na cir 'gyur/ nyes byas su 'gyur ro/ /rgyang grags ma lags pa la rgyang grags su 'du shes na cir 'gyur/ nyes byas so/ /rgyang grags ma lags pa la rgyang grags ma lags par 'du shes na cir 'gyur/ nyes byas so/ /btsun pa bsnyen par ma rdzogs pa zhig gis lug gi bal zhig 'tshal te mchis nas bsnyen par ma rdzogs par mtshams las 'das na cir 'gyur/ nyes byas so/ /bsnyen par ma rdzogs par 'tshal nas bsnyen par rdzogs kar mtshams las 'das na cir 'gyur/ nyes byas so/ / bsnyen par ma rdzogs par 'tshal nas bsnyen par rdzogs te mtshams las 'das na cir 'gyur/ nyes byas so/ /bsnyen par rdzogs kar 'tshal te bsnyen par rdzogs kar mtshams las 'das na cir 'gyur/ nyes byas so/ /bsnyen par rdzogs kar 'tshal te bsnyen par rdzogs nas mtshams las 'das na cir 'gyur/ nyes byas so/ /bsnyen par rdzogs te 'tshal nas bsnyen par rdzogs nas mtshams las 'das na cir 'gyur/ spang bar 'gyur ro/ /bsnyen par rdzogs te 'tshal na bsnyen par ma rdzogs par mtshams las 'das na cir 'gyur/ nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa'o/ /btsun pa dge slong gis lug gi bal dpag tshad gsum las 'das par phrin pa la bskur na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa dang / smyon pa dang / sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / dmus long rnams la bskur na thams cad nyes byas su 'gyur ro/ /ji ltar dge slong gis lug gi bal dpag tshad gsum las 'das na spang ba'i ltung bar 'gyur ba de bzhin du bslab pa byin pa la yang spang ba'i ltung bar 'gyur ro/ /dge slong ma dang / dge slob ma dang / dge tshul pha dang / dge tshul ma rnams la nyes byas su 'gyur ro// // 12-1-128a 'dul ba gzhung dam pa/bam po bzhi pa/ mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba dang ni 'gro ba rnams/ /khyim bdag dag la sogs pa ste/ /bslab pa byin pa tha ma'o/ / sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang gis gnyen ma lags pa'i dge slong ma la lug gi bal 'khrur stsal na spang ba'i ltung bar 'gyur ro zhes gsungs na/ btsun pa dge slong gis phrin gyis lug gi bal 'khrur stsal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de 'khrur bcug na thams cad nyes byas su 'gyur ro/ /btsun pa dge slong gis dge slong ma smyon ma la lug gi bal 'khrur stsal na cir 'gyur/ nyes byas so/ / de bzhin du sems 'khrugs pa dang / nad kyis gzir ba dang / lkugs pa dang / 'on pa rnams 'khrur bcug na thams cad nyes byas su 'gyur ro/ /btsun pa dge slong gis khyim pa mo 'khrur stsal na cir 'gyur/ nyes byas so/ /de bzhin du ma ning ma dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can du song ba rnams dang / rkun gnas dang / sngar 'khrugs pa rnams la 'khrur bcug na thams cad nyes byas su 'gyur ro/ /btsun pa dge slong gis dge slong ma dge 'dun gyi dbyen bgyid pa dang / nye bar phyogs pa dang / bslab pa stsal ba rnams la 'khrur stsal na cir 'gyur/ spang bar 'gyur ro/ /bslab pa stsal ba zhig gis gnyen ma lags pa'i dge slong ma la de bzhin du lug gi bal 'khrur stsal na cir 'gyur/ spang bar 'gyur ro// // mdor na/ thun mong dag dang bkrus pa dang / /de bzhin dge 'dun mtshan gnyis dang / /mi rung ba dang spang ba dang / /mi shes pa yang de bzhin te/ /bdun pa dang ni bzhi pa dang / /dge slong ma ni tha ma'o/ /btsun pa dge slong gis lug gi bal thun mong ba zhig 'khrur stsal na cir 'gyur/ nyes 12-1-128b byas so/ /bkrus pa zhig 'khrur stsal na cir 'gyur/ nyes byas so/ /btsun pa dge slong gis dge 'dun gyi lug gi bal zhig 'khrur stsal na cir 'gyur/ nyes byas so/ /de ste gang zag gis yongs su spyad pa zhig yin te yongs su spyad na dri ma can du gyur na ni nyes byas so/ /'on te mal stan gyi dngos po zhig 'khrur bcug na ni nyes pa med do/ /btsun pa dge slong gis gnyen ma lags pa'i dge slong la lug gi bal zhig 'khrur stsal ba dang mtshan 'phos te dge slong mar gyur na cir 'gyur/ nyes byas so/ /btsun pa dge slong mas gnyen ma lags pa'i dge slong ma la lug gi bal zhig 'khrur stsal ba dang / mtshan 'phos te dge slong mar gyur na cir 'gyur/ nyes byas so/ /btsun pa bcom ldan 'das kyis dge slong gis gnyen ma lags pa'i dge slong ma la lug gi bal 'khrur stsal na yang spang ba'i ltung bar 'gyur ro zhes gsungs na/ btsun pa dge slong gis gnyen ma lags pa'i dge slong ma la lug gi bal 'khrur stsal kyang spang ba'i ltung bar mi 'gyur ba mchis sam/ u pA li yod de/ mi rung ba dang 'dres pa 'khrur bcug pa ste/ mi rung ba ni rnga mo'i bal dang / ba lang gi bal dang / ra'i bal dang / ri dgas kyi bal te/ de dag dang 'dres pa zhig 'khrur bcug na nyes byas su 'gyur ro/ /btsun pa dge slong gis spang ba'i lug gi bal 'khrur stsal na cir 'gyur/ de ste ma spangs par gyur na ni spang ba'i ltung bar 'gyur ro/ /'on te spangs par gyur pa zhig na ni nyes byas su 'gyur ro/ /btsun pa dge slong gis gzhan gyi lug gi bal zhig 'khrur stsal na cir 'gyur/ /nyes byas so/ /btsun pa bsnyen par ma rdzogs par lug gi bal zhig 'khrur stsal la bsnyen par ma rdzogs par lags na cir 'gyur/nyes byas so/ /bsnyen par ma rdzogs par 'khrur stsal na bsnyen par rdzogs kar lags na cir 'gyur/ nyes byas so/ /bsnyen par ma rdzogs par 'khrur stsal la bsnyen par rdzogs te lags na cir 'gyur/ nyes byas so/ /bsnyen par rdzogs kar 'khrur stsal la bsnyen par rdzogs kar lags na cir 'gyur/ nyes byas so/ /bsnyen par rdzogs kar 'khrur stsal la bsnyen par rdzogs nas lags na cir 'gyur/ nyes byas so/ /bsnyen 12-1-129a par rdzogs nas 'khrur stsal la bsnyen par rdzogs nas lags na cir 'gyur/ spang bar 'gyur ro/ /bsnyen par rdzogs pa na 'khrur stsal la bsnyen par ma rdzogs par lags na cir 'gyur/ nyes byas so/ /btsun pa dge slong gis gnyen ma lags pa la gnyen ma lags par 'du shes te lug gi bal 'khrur stsal na cir 'gyur/ spang bar 'gyur ro/ /gnyen ma yin pa la gnyen du 'du shes na nyes pa med do/ /gnyen la gnyen ma yin par 'du shes na nyes byas so/ /gnyen la gnyen du 'du shes na nyes pa med do/ /btsun pa dge slong gis bsnyen par rdzogs ma la bsnyen par rdzogs mar 'du shes te lug gi bal 'khrur stsal na cir 'gyur/ spang bar 'gyur ro/ /bsnyen par rdzogs ma la bsnyen par ma rdzogs mar 'du shes na nyes byas su 'gyur ro/ /bsnyen par ma rdzogs ma la bsnyen par rdzogs mar 'du shes na nyes byas su 'gyur ro/ /dge slong gis gnyen ma lags pa'i dge slong ma la lug gi bal 'khrur stsal na cir 'gyur/ spang bar 'gyur ro/ /dge slob ma dang / dge tshul ma dang / khyim pa mo dang / mu stegs can dge sbyong gzhan spyod pa pa dang / kun du rgyu ba dang / de bzhin du 'gro ba gzhan du gnas pa rnams la 'khrur bcug na thams cad nyes byas su 'gyur ro/ /dge slong mas dge slong dang / dge tshul pha dang / 'di las phyi'i mu stegs can dge sbyong gzhan bram ze dang / spyod pa pa dang / kun du rgyu ba dang / de bzhin du 'gro ba gzhan du gnas pa rnams la 'khrur stsal na cir 'gyur/ nyes byas so/ / khyim bdag dang khyim bdag mo la yang nyes byas so/ /dge slob ma dang / dge tshul pha dang / dge tshul ma rnams la nyes byas te/ /btso ba dang / rmel ba'ang de bzhin du shes par bya'o// //mdor na/ phrin pa spring yig lag brda dang / /gzhan zer ba dang gcig nas gcig / smyon par gyur dang sems 'khrugs dang / /na ba 'on pa 'gro ba'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang bdag gi lag gis gser ram dngul blangs sam/ len du stsal na spang ba'i ltung bar 'gyur ro/ / 12-1-129b zhes gsungs na/ btsun pa dge slong gis phrin pa la gser dang dngul len du stsal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de len du bcug na thams cad nyes byas su 'gyur ro/ /btsun pa dge slong gis gser ram dngul smyon pa zhig len du stsal na cir 'gyur nyes byas so/ /de bzhin du sems 'khrugs pa dang / nad kyis gzir ba dang / dig pa dang / lkugs pa dang / 'on pa rnams len du bcug na thams cad nyes byas su 'gyur ro/ /btsun pa dge slong gis smyon pa las gser ram dngul blangs na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / lkugs pa dang / 'on pa dang / ra ro ba dang / myos pa dang / 'gro ba gzhan du gnas pa rnams la gser ram dngul blangs sam/ len du bcug na thams cad nyes byas su 'gyur ro// //mdor na/ mi nye mtshan dang ma sha dang / /bzhi pa dang ni bdun pa dang / /brgyad dang khyim pa la sogs pa/ /khyim pa gzhan dang dge slong ma/ /btsun pa dge slong gis gser dang dngul blangs sam/ len du stsal na yang spang ba'i ltung bar mi 'gyur ba mchis sam/ u pA li yod de gnas mi nye ba nas blangs pa dang yo byad gzhan du 'du shes pa'o/ /btsun pa dge slong gis gser dang dngul len pa na mtshan 'phos te dge slong mar gyur na cir 'gyur/ spang bar 'gyur ro/ /btsun pa dge slong mas gser dang dngul len pa na mtshan 'phos te dge slong phar gyur na cir 'gyur/ spang bar 'gyur ro/ /btsun pa dge slong gis gser gyi ma sha'am dngul gyi ma sha blangs na cir 'gyur/ spang bar 'gyur ro/ /de ste lcags kyi ma sha'am/ zangs kyi ma sha blangs sam/ len du bcug na nyes byas su 'gyur ro/ /btsun pa dge slong gis gser la gser du 'du shes te blangs na cir 'gyur/ spang bar 'gyur ro/ /gser la gser ma yin par 'du shes na nyes pa med do/ /gser ma lags pa la gser du 'du shes na cir 'gyur/ nyes byas so/ /gser ma yin pa la gser ma yin par 'du shes na nyes pa med do/ / 12-1-130a btsun pa bsnyen par ma rdzogs par gser dang dngul zhig blangs nas bsnyen par ma rdzogs par thob na cir 'gyur/ nyes byas so/ /bsnyen par ma rdzogs par blangs nas bsnyen par rdzogs kar thob na cir 'gyur/ nyes byas so/ /bsnyen par ma rdzogs par blangs la bsnyen par rdzogs te thob na cir 'gyur/ nyes byas so/ /bsnyen par rdzogs kar blangs la bsnyen par rdzogs kar thob na cir 'gyur/ nyes byas so/ /bsnyen par rdzogs kar blangs la bsnyen par rdzogs te thob na cir 'gyur/ nyes byas so/ /bsnyen par rdzogs te blangs la bsnyen par rdzogs nas thob na cir 'gyur/ spang bar 'gyur ro/ /bsnyen par rdzogs pa na blangs la bsnyen par ma rdzogs pa na thob na cir 'gyur/ nyes byas so/ /btsun pa dge slong gis gser dang dngul mngon sum du khyim pa len du stsal na cir 'gyur/ /spang ba'i ltung bar 'gyur ro/ /de bzhin du za ma dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / dge 'dun gyi dbyen byas pa dang / de bzhin gshegs pa la ngan sems kyis khrag phyung ba dang / mu stegs can du song ba dang / rkun gnas dang / so sor gnas pa dang / mi gnas pa dang / nye bar phyogs pa dang / sngar 'khrugs pa dang / sngar nyes pa byung ba dang / bslab pa byin pa rnams kyis mngon sum du blangs sam len du bcug na thams cad spang ba'i ltung bar 'gyur ro/ /btsun pa dge slong bdag gi lag gis gser dang dngul blangs sam len du stsal kyang nongs par mi 'gyur ba mchis sam/ u pA li yod de/ ji ltar yang de ni dge slong gis gser dang dngul blangs kyang bdag gir bya ba'i sems ma skyed pa ste/ de'i phyir mi rung bas rung ba'i dngos po gzhan blang ngo/ /snyam nas blangs pa'o/ /btsun pa dge slong gis gzhan gyi slad du gser dang dngul blangs na cir 'gyur/ nyes byas so/ /btsun pa bslab pa stsal bas gser dang dngul blangs sam len du stsal na cir 'gyur/ spang ba'i ltung bar 'gyur ro/ /btsun pa dge slong mas gser dang dngul bdag gi lag gis blangs sam len du 12-1-130b stsal na cir 'gyur/ spang ba'i ltung bar 'gyur ro/ /btsun pa dge slob ma dang / dge tshul pha dang / dge tshul ma dag gis gser dang dngul bdag gi lag gis blangs sam len du stsal na cir 'gyur/ nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa 'gro ba'o/ /sangs rgyas bcom ldan 'das la tshe dang ldan pa u pA lis zhus pa/ bcom ldan 'das kyis yang dge slong gang nor rnam pa sna tshogs kyis spogs bgyid na spang ba'i ltung bar 'gyur ro zhes gsungs na/ btsun pa dge slong gis phrin pa las nor rnam pa sna tshogs kyis spogs bgyid na cir 'gyur/ nyes byas so/ /de bzhin du spring yig dang / lag brda dang / gzhan gyi phyir dang / gzhan zer ba dang / gcig nas gcig tu brgyud pa'o/ /btsun pa dge slong gis smyon pa dang lhan cig tu nor rnam pa sna tshogs kyis spogs bgyid na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / 'on pa dang / lkugs pa dang / de bzhin du 'gro ba gzhan du gnas pa dang lhan cig tu nor rnam pa sna tshogs kyis spogs byas na cir 'gyur/ thams cad nyes byas su 'gyur ro// //mdor na/ mtshan dang bzhi pa bdun de ltar/ /de bzhin du yang slob pa dang / /'dra ba dang ni gnyen pa dang / /dge slong ma ni tha ma yin/ /sangs rgyas bcom ldan 'das la tshe dang ldan pa u pA lis zhus pa btsun pa dge slong gis nor rnam pa sna tshogs kyis spogs bgyid pa na mtshan 'phos te dge slong mar gyur pa dang rnyed pa mngon par grub na cir 'gyur/ spang bar 'gyur ro/ /btsun pa dge slong mas nor rnam pa sna tshogs kyis spogs bgyid pa las mtshan 'phos te dge slong du gyur nas rnyed pa grub na cir 'gyur/ spang bar 'gyur ro/ /btsun pa dge slong gis mi la mir 'du shes te nor rnam pa sna tshogs kyis spogs bgyid na cir 'gyur/ spang bar 'gyur ro/ /mi la mi ma lags par 'du shes na cir 'gyur/ nyes byas so/ /mi ma lags pa la mir 'du shes na cir 'gyur/ nyes byas so/ /mi ma lags 12-1-131a pa la mi ma lags par 'du shes na cir 'gyur/ nyes byas so/ /btsun pa bsnyen par ma rdzogs par nor rnam pa sna tshogs kyis spogs bgyis nas bsnyen par ma rdzogs par rnyed pa mngon par grub na cir 'gyur/ nyes byas so/ /bsnyen par ma rdzogs par bshams la bsnyen par rdzogs kar mngon par grub na cir 'gyur/ nyes byas so/ /bsnyen par ma rdzogs par bshams la bsnyen par rdzogs te mngon par grub na cir 'gyur/ nyes byas so/ /bsnyen par rdzogs kar bshams la bsnyen par rdzogs kar mngon par grub na cir 'gyur/ nyes byas so/ /bsnyen par rdzogs kar bshams la bsnyen par rdzogs te mngon par grub na cir 'gyur/ nyes byas so/ /bsnyen par rdzogs pa na bshams la bsnyen par rdzogs nas mngon par grub na cir 'gyur/ spang bar 'gyur ro/ /bsnyen par rdzogs par bshams la bsnyen par ma rdzogs par mngon par grub na cir 'gyur/ nyes byas so/ /btsun pa bslab pa stsal bas nor rnam pa sna tshogs kyis spogs bgyis na cir 'gyur/ spang bar 'gyur ro/ /btsun pa gnyen dang lhan cig tu nor rnam pa sna tshogs kyis spogs bgyis na cir 'gyur/ nyes byas so/ /btsun pa dge slong gis nor rnam pa sna tshogs kyis spogs bgyis kyang spang bar mi 'gyur ba mchis sam/ u pA li yod de/ 'dra bas 'dra ba rjes nas nyes pa med do/ /btsun pa dge slong mas nor rnam pa sna tshogs kyis spogs bgyis na cir 'gyur/ spang bar 'gyur ro/ /dge slob ma dang / dge tshul pha dang / dge tshul ma rnams la nyes byas so/ /bslab pa'i gnas 'dir ji lta ba de ltar nyo ba dang / btsong ba yang rgyas par bya'o// //mdor na/ de nyid dang ni stor ba dang / /yul gzhan mu stegs can rnams dang / /ma bsregs pa dang dkar po dang / /smyon pa mtshan dang phrin pa dang / /yod dang 'tsho ba dge slong ma/ /sangs rgyas bcom ldan 'das la tshe dang ldan pa u pA lis zhus pa/ btsun pa lhung bzed de nyid bcangs na nongs par gyur pa dang / de nyid bcangs pas nongs par mi 'gyur ba mchis sam/ 12-1-131b u pA li yod de/ ji ltar yang dge slong gis lhung bzed chen po zhig bcangs pa na mtshan 'phos te dge slong mar gyur nas bcangs na nyes byas su 'gyur ro/ /btsun pa dge slong gis spang ba'i lhung bzed stor bar gyur na ltung ba bshags par bgyi'am/ u pA li bshags par bya'o/ / nongs pa bshags nas slar rnyed na spang bar bgyi'am/ u pA li ma yin no/ /btsun pa bcom ldan 'das kyis dge slong gis dgung bcu las 'das par lhung bzed lhag pa ma 'chang shig ces gsungs na/ btsun pa dge slong gis dgung bcu las 'das par lhung bzed lhag pa bcangs kyang nongs par mi 'gyur ba mchis sam/ u pA li yod de/ ji ltar dge slong gis yul gzhan du dge slong la lhung bzed cig bskur bar byas nas/ des lhung bzed de shin tu yun ring por bcangs kyang nyes pa med do/ /btsun pa dge slong gis mu stegs can gyi lhung bzed bcangs na cir 'gyur/ nyes byas so/ /btsun pa dge slong gis lhung bzed ma sregs pa'am/ lhung bzed chung ngu'am/ lhung bzed chen po bcangs na cir 'gyur/ nyes byas so/ /btsun pa dge slong gis lhung bzed dkar po bcangs na cir 'gyur/ nyes byas so/ /dge slong gis lhung bzed rnyed ma thag tu smyos par gyur na gang nas bzung ste dgung bcur bgrang bar bgyi/ gang gi tshe rang gi sems slar rnyed pa de nas bzung ngo / /btsun pa dge slong gis dgung bcu las 'das par lhung bzed lhag par bcangs kyang spang bar mi 'gyur ba mchis sam/ u pA li yod de/ ji ltar yang dge slong gis lhung bzed rnyed nas zhag bcu lon pa dang / mtshan 'phos te dge slong mar gyur na nyes pa med do/ /btsun pa dge slong mas dgung bcu las 'das par lhung bzed lhag par bcangs kyang nongs par mi 'gyur ba mchis sam/ u pA li yod de/ ji ltar yang dge slong ma de lhung bzed rnyed ma thag tu mtshan 'phos te dge slong du gyur na nyes pa med do/ /btsun pa dge slong gis shin tu ring bar lhung bzed lhag pa bcangs kyang nongs par mi 'gyur ba mchis sam/ u pA li yod de/ ji ltar yang dge slong gis dge slong la lhung bzed kyi phyir phrin pa btang 12-1-132a ba des lhung bzed blangs te shin tu ring bar bcangs kyang nyes pa med do/ /btsun pa dge slong gis lhung bzed gcig mchis la mchis bzhin du lhung bzed gcig po de spang bar 'gyur ba mchis sam u pA li yod de/ byin gyis ma brlabs par bcangs pa'o/ /btsun pa dge slong gis nam 'tsho'i bar du lhung bzed lhag pa bcangs kyang spang bar mi 'gyur ba mchis sam/ u pA li yod de/ ji ltar dge slong de zhag bcu ma lon par dus byas pa'o/ /btsun pa bslab pa stsal bas dgung bcu las 'das par lhung bzed lhag pa bcangs na cir 'gyur/ spang bar 'gyur ro/ /dge slong mas zhag bcu las 'das par lhung bzed lhag pa bcangs na spang ba'i ltung bar 'gyur ro/ /dge slob ma dang / dge tshul ma dang / dge tshul pha rnams la nyes byas su 'gyur ro// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /nad pa 'on pa 'gro ba'o/ /de nas sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang lhan pa lnga las nyung ba'i lhung bzed spyad du yod bzhin du lhung bzed gzhan btsal na spang bar 'gyur ro zhes gsungs na/ btsun pa dge slong gis phrin pa las lhung bzed gnyis pa btsal te lhung bzed rnyed na cir 'gyur/ nyes byas so/ /phrin pa las ji lta ba de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa dge slong gis smyon pa las lhung bzed gnyis pa btsal na cir 'gyur/ lhung bzed rnyed na nyes byas su 'gyur ro/ /de bzhin du sems 'khrugs pa dang / nad kyis gzir ba dang / dig pa dang /lkugs pa dang / 'on pa dang / 'gro ba gzhan du gnas pa rnams las lhung bzed gnyis pa btsal te lhung bzed rnyed na thams cad nyes byas su 'gyur ro// //mdor na/ mu stegs can dang za ma mtshan/ /rnam pa bdun yang de bzhin te/ /thun mong ba dang bzhi pa dang / /yo byad rnams dang dge slong ma/ /btsun 12-1-132b pa dge slong gis 'di las gzhan phyi'i mu stegs can dge sbyong gzhan bram ze dang / spyod pa pa dang / kun du rgyu ba rnams la lhung bzed gnyis pa bslangs nas lhung bzed thob na cir 'gyur/ nyes byas so/ /btsun pa dge slong gis mu stegs can gyi snod gcig btsal te rnyed na cir 'gyur/ nyes byas so/ /btsun pa dge slong gis za ma la lhung bzed gnyis pa btsal te lhung bzed thob na cir 'gyur/ nyes byas so/ /de bzhin du ma ning pha dang / ma ning ma dang / mtshan gnyis pa rnams las btsal te lhung bzed thob na nyes byas su 'gyur ro/ /btsun pa dge slong gis lhung bzed spyad pa mchis bzhin du lhung bzed gzhan blangs pa dang de'i mtshan 'phos te dge slong ma 'gyur nas thob na cir 'gyur/ spang bar 'gyur ro/ /btsun pa dge slong mas lhung bzed mchis bzhin du gnyis pa btsal ba las mtshan 'phos te dge slong du gyur nas rnyed na cir 'gyur/ spang bar 'gyur ro/ /btsun pa dge slong gis lhung bzed mchis bzhin du khyim bdag gam/ khyim bdag gi mchis 'brang las lhung bzed gnyis pa tshol ba na de gnyis mtshan 'phos te mtshan 'phos nas rnyed na cir 'gyur/ spang bar 'gyur ro/ /btsun pa dge slong mas khyim bdag gam khyim bdag gi mchis 'brang las lhung bzed gnyis pa slong ba na de gnyis mtshan 'phos te mtshan 'phos nas thob na cir 'gyur/ spang bar 'gyur ro/ /bsnyen par ma rdzogs par bslangs la bsnyen par ma rdzogs par thob na cir 'gyur/ nyes byas so/ / bsnyen par ma rdzogs par bslangs la bsnyen par rdzogs kar thob na cir 'gyur/ nyes byas so/ /bsnyen par ma rdzogs par bslangs la bsnyen par rdzogs nas thob na cir 'gyur/ nyes byas so/ /bsnyen par rdzogs kar bslangs la bsnyen par rdzogs kar thob na cir 'gyur/ nyes byas so/ /bsnyen par rdzogs kar bslangs nas bsnyen par rdzogs te thob na cir 'gyur/ nyes byas so/ /bsnyen par rdzogs nas bslangs te bsnyen par rdzogs pa nas thob na cir 'gyur/ spang bar 'gyur ro/ /bsnyen par rdzogs nas bslangs te bsnyen par ma rdzogs pa na thob na cir 12-1-133a 'gyur/ /nyes byas so/ /dge slong gnyis kyis lhung bzed gcig bslangs na cir 'gyur/ nyes byas so/ /btsun pa dge slong gis mi la mir 'du shes te lhung bzed bslangs nas lhung bzed thob na cir 'gyur/ spang bar 'gyur ro/ /mi la mi ma lags par 'du shes te bslangs na cir 'gyur/ nyes byas so/ /mi ma lags pa la mir 'du shes te bslangs na cir 'gyur/ nyes byas so/ /mi ma lags pa la mi ma lags par 'du shes te bslangs na cir 'gyur/ nyes byas so/ /btsun pa dge slong gis rang gis yo spyad dam rin gyis lhung bzed gnyis pa btsal na cir 'gyur/ nyes byas so/ /btsun pa bslab pa btsal bas lhung bzed mchis bzhin du lhung bzed gnyis pa btsal te lhung bzed rnyed na cir 'gyur/ spang bar 'gyur ro/ /btsun pa dge slong mas lhung bzed mchis bzhin du lhung bzed gnyis pa btsal te lhung bzed rnyed na cir 'gyur/ spang bar 'gyur ro/ /dge slob ma dang / dge tshul ma dang / dge tshul pha rnams kyis lhung bzed mchis bzhin du lhung bzed gnyis pa btsal te lhung bzed rnyed na cir 'gyur nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa 'gro ba'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang gnyen ma lags pa'i tha ga pa la gos 'thag tu bcug na spang bar 'gyur ro zhes gsungs na/ btsun pa dge slong gis phrin pa las 'thag tu stsal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa dang / gzhan gyi phyir 'thag tu bcug na thams cad nyes byas su 'gyur ro/ /btsun pa dge slong gis tha ga pa smyon pa zhig la gos 'thag tu stsal na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / mi ma yin pa'i 'gro ba'i gnas pa tha ga pa 12-1-133b rnams la gos 'thag tu bcug na thams cad nyes byas so// //mdor na/ ma ning dag dang za ma dang / /thun mong mtshan kyang de bzhin te/ /de ltar mi rung bdun pa dang / /bzhi pa slob dang dge slong ma/ /btsun pa dge slong gis tha ga pa ma ning zhig la gos 'thag tu stsal na cir 'gyur/ nyes byas so/ /de bzhin du za ma dang / ma ning mo dang / mtshan gnyis pa thams cad nyes byas su 'gyur ro/ /btsun pa dge slong gis thun mong gi gos shig 'thag tu stsal na cir 'gyur/ nyes byas so/ /btsun pa dge slong gis tha ga pa gnyen ma lags pa la gos shig 'thag tu stsal ba dang de'i mtshan 'phos te dge slong mar gyur nas thob na cir 'gyur/ spang bar 'gyur ro/ /btsun pa dge slong ngam/ dge slong mas tha ga pa gnyen ma lags pa la gos shig 'thag tu stsal ba dang / mtshan 'phos te mtshan 'phos nas blangs na cir 'gyur/ spang bar 'gyur ro/ /btsun pa dge slong gis tha ga pa gnyen ma lags pa la gos 'thag tu stsal kyang spang bar mi 'gyur ba mchis sam/ u pA li yod de/ ji ltar yang gos kyi rgyu rung bar gyur la spun mi rung ba dang / spun rung bar gyur la rgyu mi rung ba dang / gnyi ga yang mi rung bar gyur pa ste/ mi rung ba ni rnga mo'i bal dang / ba lang gi bal dang / ra'i bal dang / ri dgas kyi bal dang / 'dres pa rnams 'thag tu bcug na thams cad nyes byas su 'gyur ro/ /btsun pa bsnyen par ma rdzogs par 'thag tu stsal la bsnyen par ma rdzogs par thob na cir 'gyur/ nyes byas so/ /bsnyen par ma rdzogs par 'thag tu stsal la bsnyen par rdzogs kar thob na cir 'gyur/ nyes byas so/ /bsnyen par ma rdzogs par 'thag tu stsal la bsnyen par rdzogs nas thob na cir 'gyur/ nyes byas so/ /bsnyen par rdzogs kar 'thag tu stsal la bsnyen par rdzogs kar thob na cir 'gyur/ nyes byas so/ /bsnyen par rdzogs kar 'thag tu stsal la bsnyen par rdzogs nas thob na cir 'gyur/ nyes byas so/ /bsnyen par rdzogs pas 'thag tu stsal la bsnyen par rdzogs pas thob na cir 'gyur/ spang bar 'gyur ro/ /bsnyen par 12-1-134a rdzogs pas 'thag tu stsal la bsnyen par ma rdzogs pas thob na cir 'gyur/ nyes byas so/ /btsun pa dge slong gis mi ma lags pa la mi ma lags par 'du shes te 'thag tu stsal na cir 'gyur/ nyes byas so/ /mi la mi ma yin par 'du shes na nyes byas su 'gyur ro/ /mi ma yin pa la mir 'du shes na nyes byas su 'gyur ro/ /mi la mir 'du shes te 'thag tu stsal na cir 'gyur/ spang bar 'gyur ro/ /btsun pa dge slong gis gnyen ma lags pa la gnyen ma lags par 'du shes te 'thag tu stsal na cir 'gyur/ spang bar 'gyur ro/ /gnyen ma yin pa la gnyen du 'du shes na nyes pa med do/ /gnyen la gnyen ma yin par 'du shes te 'thag tu bcug na nyes byas su 'gyur ro/ /gnyen la gnyen du 'du shes te 'thag tu bcug na nyes pa med do/ /btsun pa bslab pa stsal bas tha ga pa gnyen ma lags pa la gos shig 'thag tu stsal te gos thob na cir 'gyur/ spang bar 'gyur ro/ /dge slong la ji lta ba de bzhin du dge slong ma la yang snga ma bzhin te/ ji ltar bslab pa'i gnas snga ma bzhin pa nas/ bsnyen par rdzogs kar rnyed na cir 'gyur/ nyes byas so/ / zhes bya ba'i bar du'o/ /bsnyen par ma rdzogs par rnam par rtog pa bskyed nas bsnyen par ma rdzogs par rnyed na cir 'gyur/ nyes byas so/ /bsnyen par ma rdzogs pas rnam par rtog pa bskyed la bsnyen par rdzogs kar thob na cir 'gyur/ nyes byas so/ /bsnyen par ma rdzogs pas rnam par rtog pa bskyed la/ bsnyen par rdzogs te thob na cir 'gyur/ nyes byas so/ /bsnyen par rdzogs kar rnam par rtog pa bskyed la bsnyen par rdzogs kar thob na cir 'gyur/ nyes byas so/ /bsnyen par rdzogs kar rnam par rtog pa bskyed la bsnyen par rdzogs nas thob na cir 'gyur/ nyes byas so/ /bsnyen par rdzogs pas rnam par rtog pa bskyed la bsnyen par rdzogs pas thob na cir 'gyur/ spang bar 'gyur ro/ /bsnyen par rdzogs pas rnam par rtog pa bskyed la bsnyen par ma rdzogs par thob na cir 'gyur/ 12-1-134b nyes byas so/ /btsun pa dge slong gis mi la mir 'du shes te rnam par rtog pa bskyed nas gos mngon du grub na cir 'gyur/ spang bar 'gyur ro/ /mi la mi ma yin par 'du shes na nyes byas su 'gyur ro/ /mi ma yin pa la mir 'du shes na nyes byas su 'gyur ro/ /mi ma yin pa la mi ma yin par 'du shes na nyes byas su 'gyur ro/ /btsun pa dge slong gis gnyen ma lags pa'i tha ga pa la gnyen ma lags par 'du shes te rnam par rtog pa bskyed nas gos mngon du grub na cir 'gyur/ spang bar 'gyur ro/ /gnyen ma lags pa la gnyen lags par 'du shes na cir 'gyur/ nyes pa med do/ /gnyen la gnyen ma lags par 'du shes na cir 'gyur/ nyes byas so/ /gnyen la gnyen du 'du shes na nyes pa med do/ /bslab pa stsal bas rnam par rtog pa bskyed nas gos mngon du grub na cir 'gyur/ spang bar 'gyur ro/ /btsun pa dge slong mas rnam par rtog pa bskyed de gos mngon du grub na cir 'gyur/ spang bar 'gyur ro/ /dge tshul pha dang / dge tshul ma rnams kyis rnam par rtog pa bskyed de gos mngon du grub na cir 'gyur/ nyes byas so// //mdor na/ phrin pa spring yig lag brda dang / / gzhan zer ba dang gcig nas gcig /smyon par gyur dang sems 'khrugs dang / /na ba 'on pa 'gro ba'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang gis dge slong la gos shig stsal nas phrogs sam 'phrog tu stsal na spang bar 'gyur ro zhes gsungs na/ btsun pa dge slong gis phrin gyis phrogs na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa dang / gzhan gyi phyir phrogs na thams cad nyes byas su 'gyur ro/ /btsun pa dge slong smyon pa la gos shig stsal ba las slar phrogs na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams la gos byin pa las slar 12-1-135a phrogs na thams cad nyes byas su 'gyur ro/ /btsun pa dge slong gis 'di las slad rol gyi mu stegs can dge sbyong gzhan bram ze dang / spyod pa pa dang / kun du rgyu ba rnams la gos stsal ba las slar phrogs na cir 'gyur/ thams cad nyes byas so/ / btsun pa 'gro ba gzhan du gnas pa zhig la gos stsal ba las phrogs na cir 'gyur/ nyes byas so// //mdor na/ khyim pa dag la sogs pa dang / /thun mong mtshan yang de bzhin te/ /ma chog mi rung de bzhin te/ /bzhi pa bdun pa de ltar ro/ /btsun pa dge slong gis khyim pa la gos stsal ba las slar phrogs na cir 'gyur/ nyes byas so/ /de bzhin du ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can du song ba dang / rkun gnas dang / sngar 'khrugs pa dang / sngon nyes pa byung ba rnams la gos shig byin pa las slar phrogs na thams cad nyes byas su 'gyur ro/ /btsun pa dge slong gis za ma dang / mi gnas pa dang / so sor gnas pa dang / sngar 'khrugs pa'i dge slong rnams la gos stsal ba las slar phrogs na cir 'gyur/ nyes byas so/ /dge 'dun gyi dbyen bgyis pa dang / de la nye bar phyogs pa dang / bslab pa byin pa rnams la gos shig byin pa las khyim pa 'phrog tu bcug na thams cad kyang spang ba'i ltung bar 'gyur ro/ /btsun pa dge slong gis dge slong ma dang / dge slob ma dang / dge tshul ma dang / dge tshul pha rnams la gos stsal ba las slar phrogs na cir 'gyur/ nyes byas so/ /btsun pa dge slong gis dge slong zhig la gos stsal nas khyim pa zhig 'phrog tu stsal na cir 'gyur/ spang ba'i ltung bar 'gyur ro/ /de bzhin du za ma dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / dge 'dun gyi dbyen byas pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song 12-1-135b ba dang / rkun gnas pa dang / so sor gnas pa dang / mi gnas pa dang / sngar 'khrugs pa dang / sngar nyes pa byung ba dang / nye bar phyogs pa dang / bslab pa byin pa dang / dge slong dang / dge slong ma dang / dge slob ma dang / dge tshul pha dang / dge tshul ma rnams 'phrog tu bcug na thams cad spang ba'i ltung bar 'gyur ro/ /btsun pa dge slong gnyis kyi gos thun mong ba zhig stsal la de nas phyis gcig gis phrogs na cir 'gyur/ nyes byas so/ /btsun pa dge slong gis dge slong la gos shig stsal te slar phrogs pa na de'i mtshan 'phos te dge slong mar gyur nas mngon du grub na cir 'gyur/ nyes byas so/ /btsun pa dge slong mas dge slong ma la gos shig stsal te slar phrogs na mtshan 'phos te dge slong du gyur nas mngon du grub na cir 'gyur/ nyes byas so/ /btsun pa dge slong gis dge slong la gos khru gang las chung ba zhig stsal ba las phrogs na cir 'gyur/ nyes byas so/ /btsun pa dge slong gis dge slong la gos stsal nas slar phrogs kyang spang ba'i ltung bar mi 'gyur ba mchis sam/ u pA li yod de/ ji ltar gos de'i rgyu rung bar gyur la spun mi rung ba dang / spun rung bar gyur la rgyu mi rung ba dang / gnyis ka mi rung bar gyur pa ste/ mi rung ba ni rnga mo'i bal dang / ba lang gi bal dang / ra'i bal dang / ri dgas kyi bal dang / 'dres pa dang / de dag dang 'dra bar thags su ma btags pa'i gos shig stsal te phrogs na cir 'gyur/ nyes byas so/ /btsun pa dge slong gis bsnyen par rdzogs pa la bsnyen par rdzogs par 'du shes te gos stsal ba las slar phrogs na cir 'gyur/ spang bar 'gyur ro/ /bsnyen par rdzogs pa la bsnyen par ma rdzogs par 'du shes te stsal ba las slar phrogs na cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te stsal ba las slar phrogs na cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes te gos stsal ba las phrogs na cir 'gyur/ nyes byas so/ /btsun pa bsnyen par ma rdzogs par dbrog par bshams nas bsnyen par ma 12-1-136a rdzogs par phrogs na cir 'gyur/ nyes byas so/ /bsnyen par ma rdzogs par dbrog par bshams nas bsnyen par rdzogs kar mngon du grub na cir 'gyur/ nyes byas so/ /bsnyen par ma rdzogs par dbrog par bshams nas bsnyen par rdzogs te mngon du grub na cir 'gyur/ nyes byas so/ /bsnyen par rdzogs kar dbrog par bshams nas bsnyen par rdzogs kar mngon du grub na cir 'gyur/ nyes byas so/ /bsnyen par rdzogs kar dbrog par bshams nas bsnyen par rdzogs te mngon du grub na cir 'gyur/ nyes byas so/ /bsnyen par rdzogs nas dbrog par bshams nas bsnyen par rdzogs te mngon du grub na cir 'gyur/ spang bar 'gyur ro/ /bsnyen par rdzogs pa na dbrog par bshams nas bsnyen par ma rdzogs par mngon par grub na cir 'gyur/ nyes byas so/ /btsun pa bslab pa stsal bas dge slong la gos stsal nas slar phrogs na cir 'gyur/ spang bar 'gyur ro/ /btsun pa dge slong gis dge slong ma la gos shig stsal ba las phrogs na cir 'gyur/ nyes byas so/ /btsun pa dge slong mas dge slong la gos shig stsal ba las phrogs na cir 'gyur/ nyes byas so/ / btsun pa dge slong mas dge slong ma la gos shig stsal ba las slar phrogs na cir 'gyur/ spang bar 'gyur ro/ /dge slong mas dge slong dang / dge slob ma dang / dge tshul pha dang / dge tshul ma rnams la gos shig stsal ba las slar phrogs na cir 'gyur/ nyes byas so/ / dge slob ma dang / dge tshul ma dang / dge tshul pha rnams la nyes byas su rgyas par sbyar ro// //mdor na/ sems 'khrugs pa dang dus 'das pa/ /mtshan dang thun mong de bzhin te/ /mi rung bzhi pa de lta bur/ /bdun pa dus dang dge slong ma'o/ /sangs rgyas bcom ldan 'das la tshe dang ldan pa u pA lis zhus pa btsun pa bcom ldan 'das kyis dge slong gis brtad pa'i gos nam gos 'bul ba'i dus kyi bar du zhog shig /de las 'das par bzhag na spang bar 'gyur ro zhes gsungs na/ btsun pa 'das par bzhag kyang spang bar mi 12-1-136b 'gyur ba mchis sam/ u pA li yod de/ ji ltar dge slong de gos rnyed ma thag tu sems 'khrugs par gyur pa'o/ /btsun pa dge slong gis nam 'tsho'i bar du brtad pa'i gos bcangs kyang spang bar mi 'gyur ba mchis sam/ u pA li yod de/ nam gos 'bul ba'i dus tshun chad dus byas pa'o/ /btsun pa dge slong gis brtad pa'i gos nam gos 'bul ba'i dus las 'das pa na mtshan 'phos te dge slong mar gyur na cir 'gyur/ spang bar 'gyur ro/ /btsun pa dge slong mas brtad pa'i gos shig nam gos 'bul ba'i dus las 'das pa na mtshan 'phos te/ dge slong du gyur na cir 'gyur/ spang bar 'gyur ro/ /btsun pa dge slong gis brtad pa'i gos thun mong ba zhig nam gos 'bul ba'i dus 'das par bzhag na cir 'gyur/ nyes byas so/ /btsun pa dge slong gis brtad pa'i gos shig nam gos 'bul ba'i dus las 'das par bzhag kyang spang bar mi 'gyur ba mchis sam/ u pA li yod de/ ji ltar yang gos de'i rgyu rung bar gyur la spun mi rung ba dang / spun rung bar gyur la rgyu mi rung ba dang / gnyis ka mi rung ba ste/ mi rung ba ni rnga mo'i bal dang / ba lang gi bal dang / ra'i bal dang / ri dgas kyi bal dang / 'dres pa'o/ /de lta bu'i gos thags su ma btags pa zhig gos 'bul ba'i dus las 'das par bzhag na nyes byas su 'gyur ro/ /btsun pa dge slong gis gos 'bul ba'i dus las 'das pa la 'das par 'du shes te gos bzhag na cir 'gyur/ spang bar 'gyur ro/ /'das pa la ma 'das par 'du shes te bzhag na cir 'gyur/ nyes pa med do/ /ma 'das pa la 'das par 'du shes te bzhag na nyes byas su 'gyur ro/ /ma 'das pa la ma 'das par 'du shes te bzhag na nyes pa med do/ /btsun pa bsnyen par ma rdzogs par bzhag ste bsnyen par ma rdzogs par dus las yol na cir 'gyur/ nyes byas so/ /bsnyen par ma rdzogs par bzhag ste bsnyen par rdzogs kar dus las yol na cir 'gyur/ nyes byas so/ /bsnyen par ma rdzogs par bzhag ste bsnyen 12-1-137a par rdzogs nas dus las yol na cir 'gyur/ nyes byas so/ /bsnyen par rdzogs kar bzhag ste bsnyen par rdzogs kar dus las yol na cir 'gyur/ nyes byas so/ /bsnyen par rdzogs kar bzhag ste bsnyen par rdzogs nas dus las yol na cir 'gyur/ nyes byas so/ /bsnyen par rdzogs nas bzhag ste bsnyen par rdzogs nas dus las yol na cir 'gyur/ spang bar 'gyur ro/ /bsnyen par rdzogs pas bzhag nas bsnyen par ma rdzogs par dus las yol na cir 'gyur/ nyes byas so/ /btsun pa tshul nas ma byung bar rgyal pos shol bor na dge slong gis brtad pa'i gos ji ltar bsgrub par bgyi/ ji ltar tshul du zhugs pa bzhin no/ /brtad pa'i gos zhag bcu las 'das pa zhes bgyi'am/ zhag bcu las ma 'das pa zhes bgyi/ zhag bcu las 'das pa zhes bya'o/ /btsun pa brtad pa'i gos dus ma lags pa'i gos su bgyir rung ngam/ u pA li mi rung ngo/ /btsun pa bcom ldan 'das kyis brtad pa'i gos nam gos 'bul ba'i dus kyi bar du chongs shig ces gsungs na/ btsun pa gos 'bul ba'i dus nam lags/ u pA li tshul nas byung ba ste/ tshul nas ma byung gi bar du ni thams cad dus ma yin no/ /btsun pa bslab pa stsal bas gos 'bul ba'i dus las 'das par gos bzhag na cir 'gyur/ spang bar 'gyur ro/ /btsun pa dge slong mas brtad pa'i gos 'bul ba'i dus las 'das par bzhag na cir 'gyur/ spang bar 'gyur ro/ /dge slob ma dang / dge tshul pha dang / dge tshul ma rnams la ni nyes byas te rgyas par brjod par bya'o// //mdor na/ mi rung ba dang bzhi pa dang / /bar chad bdun pa de bzhin te/ /sdom pa dang ni dge 'dun gyi/ /nam mkha' mtshan dang dge slong ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis ring na yang zhag drug tu dge slong des gos dang bral bar 'dug shig de las ring du bral na spang bar 'gyur ro zhes gsungs na/ btsun pa dge slong gis 12-1-137b zhag drug las 'das par gos de dang bral yang spang bar mi 'gyur ba mchis sam/ u pA li yod de/ ji ltar yang gos de'i rgyu rung bar gyur la spun mi rung ba dang / spun rung bar gyur la rgyu mi rung ba dang / gnyis ka mi rung bar gyur pa ste/ mi rung ba ni rnga mo'i bal dang / ba lang gi bal dang / ra'i bal dang / ri dgas kyi bal dang / 'dres pa'o/ /de dang 'dra bar thags su ma btags pa'i gos zhag drug las 'das par bral na nyes byas su 'gyur ro/ /btsun pa dge slong zhig zhag drug las 'das pa la 'das par 'du shes te gos de dang bral na cir 'gyur/ spang bar 'gyur ro/ /'das pa la ma 'das par 'du shes te bral na nyes pa med do/ /ma 'das pa la 'das par 'du shes te bral na nyes byas su 'gyur ro/ /ma 'das pa la ma 'das par 'du shes te bral na nyes pa med do/ /btsun pa dge slong gis zhag drug las 'das par gos de dang bral kyang spang bar mi 'gyur ba mchis sam/ u pA li yod de/ ji ltar yang dge slong de 'ong ba na de la bar chad brgyad las gang yang rung ba bar chad cig byung bar gyur pa'o/ /btsun pa bsnyen par ma rdzogs par bzhag la bsnyen par ma rdzogs par bral na cir 'gyur/ nyes byas so/ /bsnyen par ma rdzogs par bzhag la bsnyen par rdzogs kar bral na cir 'gyur/ nyes byas so/ /bsnyen par ma rdzogs par bzhag la bsnyen par rdzogs te bral na cir 'gyur/ nyes byas so/ /bsnyen par rdzogs kar bzhag la bsnyen par rdzogs kar bral na cir 'gyur/ nyes byas so/ /bsnyen par rdzogs kar bzhag la bsnyen par rdzogs te bral na cir 'gyur/ nyes byas so/ /bsnyen par rdzogs pas bzhag la bsnyen par rdzogs nas bral na cir 'gyur/ spang bar 'gyur ro/ /bsnyen par rdzogs te bzhag la bsnyen par ma rdzogs par bral na cir 'gyur/ nyes byas so/ /btsun pa dge slong gis zhag drug las 'das par gos de dang bral yang spang bar mi 'gyur ba mchis sam/ u pA li yod de/ ji ltar yang dge slong des gos dang mi 'bral ba'i sdom pa thob par gyur pa'o/ /btsun pa dge 12-1-138a slong gis dge 'dun gyi gos shig byin gyis brlabs te bzhag nas zhag drug las 'das par bral na bral ba zhes bgyi'am/ ma bral ba zhes bgyi/ u pA li bral ba zhes bya'o/ /spang bar bgyi'am/ u pA li ma yin te/ ltung ba gcig pu bshags par bya'o/ /btsun pa dge slong gis khyim gyi nang du gos bzhag par gyur la de nam mkha' la mchis nas zhag drug las 'das par bgyis nas cir 'gyur/ spang bar 'gyur ro/ /btsun pa dge slong gis khyim gyi nang du gos bzhag par gyur la gos de zhag drug las 'das par bral ba na de'i mtshan 'phos te dge slong mar gyur na cir 'gyur/ nyes byas so/ /btsun pa dge slong mas khyim gyi nang du gos bzhag par gyur la gos de dang zhag drug las 'das pas bral ba na de'i mtshan 'phos te dge slong du gyur na cir 'gyur/ spang bar 'gyur ro/ /btsun pa bslab pa stsal bas zhag drug las 'das pas bral na cir 'gyur/ spang bar 'gyur ro/ /dge slong mas bral na ni nyes byas so/ /dge slob ma dang / dge tshul ma la'ang nyes byas so/ /btsun pa dge tshul phas zhag drug las 'das par bral na cir 'gyur/ /nyes byas so// //'dul ba gzhung dam pa/bam po lnga pa/ mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa dang / /gnyid log ra ro myos pa dang / /snyoms zhugs mu stegs 'gro ba'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis dge slong gis dbyar gyi ras chen shin tu myur du tshol lam shin tu ring du bcangs na spang bar 'gyur ro zhes gsungs na/ btsun pa dge slong gis dbyar gyi ras chen phrin pa las myur du btsal te ras rnyed na cir 'gyur/ nyes byas so/ /shin tu ring bar bcangs na cir 'gyur/ nyes byas so/ /phrin pas ji lta ba de bzhin du spring yig dang / lag brda dang / gzhan zer ba dang / gcig nas 12-1-138b gcig tu brgyud pa rnams so/ /btsun pa dge slong gis smyon pa las dbyar gyi ras chen myur du btsal te ras rnyed na cir 'gyur/ nyes byas so/ /shin tu ring bar bcangs na cir 'gyur/ nyes byas so/ /smyon pa las ji lta ba de bzhin du sems 'khrugs pa dang / nad kyis gzir ba dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang /de bzhin du 'di las phyi rol gyi mu stegs can dge sbyong gzhan bram ze dang / spyod pa pa dang / kun du rgyu ba rnams las btsal ba dang / de bzhin du 'gro ba gzhan du gnas pa las shin tu myur bar btsal te rnyed na nyes byas so/ /shin tu ring bar bcangs na yang nyes byas su 'gyur ro// //mdor na/ mi rung ba dang de bzhin mtshan/ /thun mong bdun pa de bzhin te/ /mchog pa dang seng ras dang / /bzhi pa dang yang dge slong ma'o/ /btsun pa dge slong gis dbyar gyi ras chen shin tu myur bar btsal la shin tu ring bar bcangs kyang spang bar mi 'gyur ba mchis sam/ u pA li yod de/ gos de'i rgyu rung bar gyur la spun mi rung ba dang / spun rung bar gyur la rgyu mi rung ba dang / gnyis ka mi rung ba ste/ mi rung ba ni rnga mo'i bal dang / ba lang gi bal dang / ra'i bal dang / ri dgas kyi bal dang / 'dres pa de lta bu las thags su ma btags pa'i dbyar gyi ras chen zhig shin tu myur bar btsal tam shin tu ring bar bcangs na nyes byas su 'gyur ro/ /btsun pa dge slong gis dbyar gyi ras chen shin tu myur bar btsal tam shin tu ring bar bcangs pa na de'i mtshan 'phos te dge slong mar gyur na cir 'gyur/ nyes byas so/ /btsun pa dge slong ma zhig gis dbyar gyi ras chen shin tu myur bar btsal tam shin tu ring bar bcangs pa na mtshan 'phos te dge slong du gyur na cir 'gyur/ spang bar 'gyur ro/ /btsun pa dge slong gis dbyar gyi ras chen thun mong ba zhig shin tu myur bar btsal tam/ shin tu ring bar bcangs na cir 'gyur/ nyes byas so/ /btsun pa bsnyen par ma rdzogs par dbyar gyi ras chen bslangs nas bsnyen par ma rdzogs 12-1-139a par thob ste shin tu ring bar bcangs na cir 'gyur/ nyes byas so/ /bsnyen par ma rdzogs par bslangs te bsnyen par rdzogs kar thob nas shin tu ring bar bcangs na cir 'gyur/ nyes byas so/ /bsnyen par ma rdzogs par bslangs te bsnyen par rdzogs nas thob nas shin tu ring bar bcangs na cir 'gyur/ nyes byas so/ /bsnyen par rdzogs kar bslangs la bsnyen par rdzogs kar thob ste shin tu ring bar bcangs na cir 'gyur/ nyes byas so/ /bsnyen par rdzogs kar bslangs la bsnyen par rdzogs nas thob ste shin tu ring bar bcangs na cir 'gyur/ nyes byas so/ /bsnyen par rdzogs nas bslangs la bsnyen par rdzogs nas thob ste shin tu ring bar bcangs na cir 'gyur/ spang bar 'gyur ro/ /bsnyen par rdzogs pa na bslangs la bsnyen par ma rdzogs par thob ste shin tu ring bar bcangs na cir 'gyur/ nyes byas so/ /btsun pa dbyar gyi ras chen du ma 'tshal ba zhig shin tu myur bar btsal tam shin tu ring bar bcangs na cir 'gyur/ nyes byas so/ /btsun pa seng ras kyi dbyar gyi ras chen zhig shin tu myur bar btsal tam shin tu ring bar bcangs na cir 'gyur/ nyes byas so/ / btsun pa dge slong gis mi la mir 'du shes te de las dbyar gyi ras chen zhig shin tu myur bar btsal nas ras chen rnyed na cir 'gyur/ spang bar 'gyur ro/ /ring du bcangs na yang de bzhin no/ /mi la mi ma yin par 'du shes te de las thob na nyes byas su 'gyur ro/ /mi ma yin pa la mir 'du shes te de las thob na nyes byas su 'gyur ro/ /mi ma yin pa la mi ma yin par 'du shes te de las thob na nyes byas su 'gyur ro/ /btsun pa dge slong dbyar gyi ras chen tshul nas 'byung ba las zla ba phyed 'das pa la 'das par 'du shes te bcangs na cir 'gyur/ spang bar 'gyur ro/ /'das pa la ma 'das par 'du shes na nyes pa med do/ /ma 'das pa la 'das par 'du shes na nyes byas su 'gyur ro/ /ma 'das pa la ma 'das par 'du shes na nyes pa med do/ /btsun pa dbyar tshul du zhugs pa dang rgyal pos shol bor na dge slong 12-1-139b de dag gis ji ltar dbyar tshul du zhugs nas 'byung bar bgyi/ ji ltar tshul du zhugs pa bzhin no/ /dbyar gyi ras chen ji ltar bcang bar bgyi/ ji ltar tshul nas byung ba bzhin no/ /btsun pa bslab pa stsal bas dbyar gyi ras chen shin tu myur bar btsal tam shin tu ring bar bcangs na cir 'gyur/ spang bar 'gyur ro/ /btsun pa dge tshul phas dbyar gyi ras chen shin tu myur bar btsal tam shin tu ring bar bcangs na cir 'gyur/ nyes byas so/ /btsun pa dge slong mas dbyar gyi ras chen btsal na cir 'gyur/ nyes byas so/ /zhag bcu las 'das par bcangs na spang bar 'gyur ro/ /dge slong ma dang / dge tshul mas dbyar gyi ras chen btsal tam zhag bcu las 'das par bcangs na nyes byas su 'gyur ro// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa'o/ /sangs rgyas bcom ldan 'das la tshe dang ldan pa u pA lis zhus pa btsun pa bcom ldan 'das kyis yang dge slong gis rnyed pa dge 'dun la bsngos par 'tshal bzhin du bdag nyid la bsngos na spang bar 'gyur ro zhes gsungs na/ btsun pa dge slong gis rnyed pa dge 'dun la bsngos par 'tshal bzhin du phrin pa las bdag nyid la bsngos te rnyed pa mngon du grub na cir 'gyur/ nyes byas so/ /phrin pas ji lta ba de bzhin du spring yig dang / lag brda dang / gzhan zer ba dang gcig nas gcig tu brgyud pa rnams so/ /btsun pa dge slong smyon pa zhig gis rnyed pa dge 'dun la bsngos par 'tshal bzhin du bdag nyid la bsngos te rnyed pa mngon du grub na cir 'gyur/ nyes byas so/ /smyon pas ji lta ba de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams kyis kyang thams cad nyes byas su 'gyur ro// //mdor na/ ma chog pa dang mi rung rigs/ /bdun pa dag dang bzhi pa mtshan/ /khyim pa dag la sogs pa dang / /'gro ba slob dang dge slong ma'o/ /btsun pa 12-1-140a dge slong gis dge 'dun la bsngos pa'i gos khru gang bas chung ba zhig bdag nyid la bsngos te gos mngon du grub na cir 'gyur/ nyes byas so/ /'on te khru gang gru bzhi par gyur pa'am/ de bas che ba ni spang bar 'gyur ro/ /btsun pa dge slong gis dge 'dun la rnyed pa bsngos par 'tshal bzhin du bdag nyid la bsngos kyang spang bar mi 'gyur ba mchis sam/ u pA li yod de/ ji ltar gos de'i rgyu rung bar gyur la spun mi rung ba dang / spun rung bar gyur la rgyu mi rung ba dang / gnyis ka mi rung bar gyur pa ste/ gnyis ka mi rung ba ni rnga mo'i bal dang / ba lang gi bal dang / ra'i bal dang / ri dgas kyi bal dang / 'dres pa dang / thags su ma btags pa de lta bu'i gos shig bdag nyid la bsngos te mngon du grub na nyes byas su 'gyur ro/ /btsun pa dge slong gis pha dang ma la gos blangs na spang bar 'gyur ba mchis sam/ u pA li yod de/ ji ltar yang de ni pha dang ma gnyis kyis dge 'dun la bsngos par shes bzhin du bdag nyid la bsngos na spang bar 'gyur ro/ /btsun pa bsnyen par ma rdzogs par bslangs la bsnyen par ma rdzogs par thob na cir 'gyur/ nyes byas so/ / bsnyen par ma rdzogs par bslangs la bsnyen par rdzogs kar thob na cir 'gyur/ nyes byas so/ /bsnyen par ma rdzogs par bslangs la bsnyen par rdzogs nas thob na cir 'gyur/ nyes byas so/ /bsnyen par rdzogs kar bslangs la bsnyen par rdzogs kar thob na cir 'gyur/ nyes byas so/ /bsnyen par rdzogs kar bslangs pa bsnyen par rdzogs nas thob na cir 'gyur/ nyes byas so/ /bsnyen par rdzogs pa na bslangs la bsnyen par rdzogs pa na thob na cir 'gyur/ spang bar 'gyur ro/ /bsnyen par rdzogs pa na bslangs la bsnyen par ma rdzogs par thob na cir 'gyur/ nyes byas so/ /btsun pa dge slong gis dge 'dun la rnyed pa bsngos par 'tshal bzhin du bsngos par 'du shes te bdag nyid la bsngos na cir 'gyur/ spang bar 'gyur ro/ /bsngos pa la ma bsngos par 'du shes na nyes pa med do/ / 12-1-140b ma bsngos pa la bsngos par 'du shes na nyes byas so/ /ma bsngos pa la ma bsngos par 'du shes te thob na nyes pa med do/ /btsun pa dge slong gis rnyed pa dge 'dun la bsngos par 'tshal bzhin du bdag nyid la bsngos pa dang mtshan 'phos te dge slong mar gyur nas thob na cir 'gyur/ spang bar 'gyur ro/ /btsun pa dge slong mas rnyed pa dge 'dun las bsngos par 'tshal bzhin du bdag nyid la bsngos pa dang mtshan 'phos te dge slong du gyur nas thob na cir 'gyur/ spang bar 'gyur ro/ /btsun pa dge slong gis rnyed pa khyim pa la bsngos pa bdag nyid la bsngos te rnyed pa mngon du grub na cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / dge 'dun phye ba dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / mi gnas pa dang / nye bar phyogs pa dang / sngon nyes pa byung ba dang / sngon 'khrugs pa dang / bslab pa stsal ba rnams la rnyed pa bsngos pa bdag nyid la bsngos te rnyed pa mngon du grub na nyes byas su 'gyur ro/ /btsun pa dge slong gis 'gro ba gzhan du gnas pa rnams la rnyed pa bsngos pa bdag nyid las bsngos te rnyed pa mngon du grub na cir 'gyur/ nyes byas su 'gyur ro/ /btsun pa bslab pa stsal bas rnyed pa dge 'dun la bsngos par 'tshal bzhin du bdag nyid la bsngos te rnyed pa mngon du grub na cir 'gyur/ spang bar 'gyur ro/ /btsun pa dge slong zhig gis dge slong gnyis sam mang po rnams la rnyed pa bsngos pa las bdag nyid la bsngos te rnyed pa mngon du grub na cir 'gyur/ nyes byas so/ /dge slong gis dge 'dun nam/ dge slong ma'i dge 'dun nam/ dge 'dun gnyis ka la rnyed pa bsngos pa bdag nyid la bsngos te rnyed pa mngon du grub na cir 'gyur/ spang bar 'gyur ro/ /btsun pa dge slong gis dge slong ma la rnyed pa bsngos pa dang / dge slob 12-1-141a ma dang / dge tshul ma dang / dge tshul pha rnams la rnyed pa bsngos pa bdag nyid la bsngos te rnyed pa mngon du grub na cir 'gyur/ nyes byas so/ /de bzhin du dge slob mas dge slong dang / dge slong ma dang / dge slob ma dang / dge tshul ma dang / dge tshul pha rnams la rnyed pa bsngos pa bdag nyid la bsngos te rnyed pa mngon du grub na cir 'gyur/ nyes byas so/ /de bzhin du dge slob ma dang / dge tshul pha dang / dge tshul ma rnams la yang nyes byas su rgyas par brjod par bya'o// //mdor na/ mi rung ba dang bzhi pa dag /stor ba tshol ba mtshan de bzhin/ /de nyid dang ni bdun pa 'byung / /byin gyis ma brlabs byin gyis brlabs/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis sman zhag bdun las 'das na spang ba'o zhes gsungs na/ btsun pa sman zhag bdun las 'das kyang spang bar mi 'gyur ba mchis sam/ u pA li yod de/ sman mi rung bar gyur pa ste/ mi rung ba ni mi rung ba dang 'dres pa dang / gang dge slong rnams kyis spyad du mi rung ba'o/ /btsun pa dge slong gis sman rnyed nas zhag bdun lon la zhag bdun lon par yang 'du shes te skya rengs shar na cir 'gyur/ spang bar 'gyur ro/ /zhag bdun lon pa la zhag bdun ma lon par 'du shes na nyes pa med do/ /zhag bdun ma lon pa la zhag bdun du 'du shes na nyes byas so/ /zhag bdun ma lon pa la zhag bdun ma lon par 'du shes te skya rengs shar na nyes pa med do/ /btsun pa dge slong gis sman spang ba zhig stor na ltung ba bshags par bgyi'am/ mi bshags par bgyi/ u pA li bshags par bya'o/ /ltung ba bshags nas slar rnyed na spang bar bgyi'am/ u pA li mi bya'o/ /btsun pa dge slong gis nam 'tsho'i bar du sman bcangs kyang spang bar mi 'gyur ba mchis sam/ u pA li yod de/ zhag bdun ma lon par dus byas pa'o/ /btsun pa dge slong gis sman rnyed nas zhag bdun lon pa dang / zhag bdun las 'das pa na mtshan 12-1-141b 'phos te dge slong mar gyur na cir 'gyur/ spang bar 'gyur ro/ /btsun pa dge slong mas zhag bdun lon pa dang sman rnyed nas zhag bdun las 'das pa na mtshan 'phos te dge slong du gyur na cir 'gyur/ spang bar 'gyur ro/ /btsun pa sman de nyid spang bar 'gyur la de nyid spangs par 'gyur ba yang mchis sam/ u pA li yod de/ ji ltar dge slong gi sman de zhag bdun las 'das la dus kyang yol ba'o/ /btsun pa bsnyen par ma rdzogs par rnyed la bsnyen par ma rdzogs par zhag bdun las 'das na cir 'gyur/ nyes byas so/ /bsnyen par ma rdzogs par rnyed la bsnyen par rdzogs kar zhag bdun las 'das na cir 'gyur/ nyes byas so/ /bsnyen par ma rdzogs par rnyed la bsnyen par rdzogs nas zhag bdun las 'das na cir 'gyur/ nyes byas so/ /bsnyen par rdzogs kar rnyed la bsnyen par rdzogs kar zhag bdun las 'das na cir 'gyur/ nyes byas so/ /bsnyen par rdzogs kar rnyed la bsnyen par rdzogs nas zhag bdun las 'das na cir 'gyur/ nyes byas so/ /bsnyen par rdzogs pa na rnyed la bsnyen par rdzogs pa na zhag bdun 'das na cir 'gyur/ spang bar 'gyur ro/ / bsnyen par rdzogs pa na rnyed la bsnyen par ma rdzogs par zhag bdun 'das na cir 'gyur/ nyes byas so/ /btsun pa dge slong gis sman rnyed pa dang zhag bdun lon nas sems 'khrugs par gyur na gang nas bzung ste zhag bdun du bgrang bar bgyi/ gang gi tshe sems slar rnyed pa nas bzung ngo / /btsun pa snga dro dang / slad dro dang / zhag bdun dang / nam 'tsho'i bar gyi sman gang yin pa de dag byin len ma bgyis byin gyis ma brlabs par bdag gi'o zhes bdag gir byas te kun tu spyad par spyod du gnang ngam/ u pA li mi gnang ngo/ /ji ltar yang de dge slong gis sman de snga dro'i dus su byin len byas na ni snga dro'i dus su yongs su spyad par bya'o/ /phyi dro'i dus su byin len byas na ni phyi dro'i dus su yongs su spyad par bya'o/ /de ste dus las yol na cir 'gyur/ spang bar 'gyur ro/ /btsun 12-1-142a pa dge slong gis sman spangs pa zhig btsal lam byin gyis rlob na cir 'gyur/ nyes byas so/ /btsun pa snga dro'i dang / phyi dro dang / zhag bdun gyi dang / nam 'tsho'i bar gyi sman gang yin pa 'di dag byin len bgyis la byin gyis brlabs na 'tshal du gnang ngam/ u pA li gnang ste/ snga dro'i ni snga dro spyad par bya ste/ dus las yol na spyad par mi bya'o/ /phyi dro'i yang phyi dro spyad par bya ste/ phyi dro las yol na spyad par mi bya'o/ /zhag bdun pa'i yang zhag bdun du spyad par bya ste/ zhag bdun las yol na spyad par mi bya'o/ /nam 'tsho'i bar gyi yang nam 'tsho'i bar du spyad par bya'o/ /de ste spyad na cir 'gyur/ spangs pa spyad pa'i phyir ltung ba'o/ /btsun pa de ste byin gyis brlabs na cir 'gyur/ nyes byas so/ /btsun pa bslab pa stsal bas sman zhag bdun las 'das na cir 'gyur/ spang bar 'gyur ro/ /btsun pa dge slong mas sman zhag bdun las 'das na cir 'gyur/ spang bar 'gyur ro/ /dge slob ma dang / dge tshul ma dang / dge tshul pha rnams la ni nyes byas su rgyas par brjod par bya'o/ /spang ba'i ltung ba rdzogs so// //mdor na/ phrin pa spring yig lag brda dang / gzhan zer ba dang gcig nas gcig /smyon par gyur dang sems 'khrugs dang / /nad pa 'on pa glen pa dang / /gnyid log ra ro myos pa dang / /snyoms zhugs 'gro ba tha ma'o/ / sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis 'tshal bzhin du brdzun smras na ltung bar 'gyur ro zhes gsungs na/ btsun pa dge slong gis phrin pa las brdzun smras na cir 'gyur/ nyes byas so/ / de bzhin du spring yig dang / lag brda dang / gzhan zer ba dang / gcig nas gcig tu brgyud pa rnams so/ /btsun pa dge slong gis smyon pa zhig la brdzun smras na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa 12-1-142b dang / lkugs pa dang / 'on pa dang / gnyid kyis log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams la brdzun smras na thams cad nyes byas su 'gyur ro// //mdor na/ dben dang skad dang bzhi pa dang / /mu stegs can dang mi smra dang / /mtshan dang bdun pa de bzhin te/ /lus dang slob dang dge slong ma/ /btsun pa dge slong gis dben pa la mi dben par 'du shes te brdzun du smras na cir 'gyur/ nyes byas so/ /btsun pa dge slong 'phags pas 'phags pa'i skad du mtha' 'khob pa la brdzun smras pa dang / mtha' 'khob pa des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du 'phags pa zhig la brdzun smras pa dang / 'phags pa des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du 'phags pa la brdzun smras pa dang / 'phags pa des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du mtha' 'khob pa la brdzun smras pa dang / mtha' 'khob pa des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis mi la mir 'du shes te brdzun du smras na cir 'gyur/ ltung ba'o/ /mi la mi ma yin par 'du shes na nyes byas su 'gyur ro/ /mi ma yin pa la mir 'du shes na nyes byas su 'gyur ro/ /mi ma lags pa la mi ma lags par 'du shes te brdzun smra na cir 'gyur/ nyes byas so/ /btsun pa dge slong gis dge slong la khyod su zhes dris pa dang / des 'di skad du mu stegs can no/ /zhes smras na bslab pa phul ba zhes bgyi'am/ u pA li ma yin te shes bzhin du brdzun smras pas ltung bar 'gyur ro/ /btsun pa dge slong gis dge slong la ci khyod mu stegs can yin nam zhes dris na/ mi smra bas khas blangs na cir 12-1-143a 'gyur/ nyes byas so/ /btsun pa dge slong gis brdzun smra ba na mtshan 'phos te dge slong mar gyur na cir 'gyur/ ltung bar 'gyur ro/ /btsun pa dge slong mas brdzun du smra ba na mtshan 'phos te dge slong du gyur na cir 'gyur/ ltung ba'o/ / btsun pa bsnyen par ma rdzogs par brdzun smra bar bshams la bsnyen par ma rdzogs par smras na cir 'gyur/ nyes byas so/ /bsnyen par ma rdzogs par bshams la bsnyen par rdzogs kar smras na cir 'gyur/ nyes byas so/ /bsnyen par ma rdzogs par bshams nas bsnyen par rdzogs te smras na cir 'gyur/ nyes byas so/ /bsnyen par rdzogs kar bshams la bsnyen par rdzogs kar smras na cir 'gyur/ nyes byas so/ /bsnyen par rdzogs kar bshams la bsnyen par rdzogs te smras na cir 'gyur/ nyes byas so/ / bsnyen par rdzogs te bshams la bsnyen par rdzogs te smras na cir 'gyur/ ltung ba'o/ /bsnyen par rdzogs te bshams la bsnyen par ma rdzogs par smras na cir 'gyur/ nyes byas so/ /btsun pa dge slong gis dge slong la ci khyod kyis 'di zhes bya ba mthong ngam zhes dris pa dang / des ma mthong bar lus kyi dmigs pas mthong ngo zhes smras na cir 'gyur/ nyes byas so/ /btsun pa bslab pa stsal bas brdzun smras na cir 'gyur/ ltung bar 'gyur ro/ /btsun pa dge slong mas brdzun smras na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa dang / /gnyid log pa dang ra ro dang / /myos pa snyoms zhugs tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis mi'i skyon smras na ltung bar 'gyur ro zhes gsungs na/ btsun pa dge slong gis phrin gyis mi'i skyon gyi tshig smras na cir 'gyur/ nyes byas so/ /phrin 12-1-143b gyis ji lta ba de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa dge slong gis smyon pa la mi'i skyon gyi tshig smras na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa rnams la mi'i skyon gyi tshig smras na cir 'gyur/ thams cad nyes byas so/ / btsun pa dge slong gis 'gro ba gzhan du gnas pa la mi'i skyon gyi tshig smras na cir 'gyur/ nyes byas so// //mdor na/ skad dang lus dang de bzhin dben/ /mtshan dang bzhi pa bdun pa dang / /khyim pa dag la sogs pa rnams/ /bslab pa byin dang dge slong ma'o/ /btsun pa dge slong 'phags pas 'phags pa'i skad du mtha' 'khob pa la mi'i skyon gyi tshig smras pa dang / mtha' 'khob pa des 'phags pa'i skad ma 'tshal na cir 'gyur/ /nyes byas so/ /'phags pas mtha' 'khob pa'i skad du 'phags pa la mi'i skyon gyi tshig smras pa dang / 'phags pa des mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du 'phags pa la mi'i skyon gyi tshig smras pa dang / 'phags pa des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du mtha' 'khob pa la mi'i skyon gyi tshig smras pa dang / mtha' 'khob pa des kyang 'phags pa'i skad ma 'tshal na cir 'gyur/ nyes byas so/ /btsun pa lus kyis dmigs pas mi'i skyon gyi tshig smras na cir 'gyur/ nyes byas so/ /btsun pa dben pa la mi dben par 'du shes te mi'i skyon gyi tshig smras na cir 'gyur/ nyes byas so/ /btsun pa dge slong gis dge slong la mi'i skyon gyi tshig smra ba na mtshan 'phos te dge 12-1-144a slong mar gyur na cir 'gyur/ ltung ba'o/ /btsun pa dge slong mas dge slong ma la mi'i skyon gyi tshig smra ba na mtshan 'phos te dge slong du gyur na cir 'gyur/ ltung ba'o/ /btsun pa dge slong gis bsnyen par rdzogs pa la bsnyen par rdzogs par 'du shes te mi'i skyon gyi tshig smras na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na cir 'gyur/ nyes byas su 'gyur ro/ /bsnyen par ma rdzogs pa la bsnyen par rdzogs par 'du shes na cir 'gyur/ nyes byas su 'gyur ro/ /bsnyen par ma rdzogs pa la bsnyen par ma rdzogs par 'du shes na cir 'gyur/ /nyes byas su 'gyur ro/ /btsun pa dge slong gis mi la mir 'du shes te mi'i skyon gyi tshig smras na cir 'gyur/ ltung ba'o/ / mi la mi ma yin par 'du shes na cir 'gyur/ nyes byas su 'gyur ro/ /mi ma yin pa la mir 'du shes na cir 'gyur/ nyes byas so/ /mi ma yin pa la mi ma yin par 'du shes na nyes byas su 'gyur ro/ /btsun pa bsnyen par ma rdzogs par mi'i skyon gyi tshig smra bar bshams la bsnyen par ma rdzogs par smras na cir 'gyur/ nyes byas so/ /bsnyen par ma rdzogs par bshams la bsnyen par rdzogs kar smras na cir 'gyur/ nyes byas so/ /bsnyen par ma rdzogs par bshams la bsnyen par rdzogs te smras na cir 'gyur/ nyes byas so/ /bsnyen par rdzogs kar bshams la bsnyen par rdzogs kar smras na cir 'gyur/ nyes byas so/ /bsnyen par rdzogs kar bshams la bsnyen par rdzogs te smras na cir 'gyur/ nyes byas so/ / bsnyen par rdzogs pa na bshams la bsnyen par rdzogs te smras na cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs par smras na cir 'gyur/ nyes byas so/ /btsun pa dge slong gis khyim pa la mi'i skyon gyi tshig 12-1-144b smras na cir 'gyur/ nyes byas so/ /btsun pa dge slong gis ma ning la mi'i skyon gyi tshig smras na cir 'gyur/ nyes byas so/ /de bzhin du dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / za ma dang / mi gnas pa dang / so sor gnas pa dang / sngar 'khrugs pa dang / sngar nyes pa byung ba rnams la mi'i skyon gyi tshig smras na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba'i dge slong rnams la mi'i skyon gyi tshig smras na cir 'gyur/ ltung ba'o/ /btsun pa bslab pa stsal bas mi'i skyon gyi tshig smras na cir 'gyur/ ltung ba'o/ /btsun pa dge slong gis dge slong ma dang / dge slob ma dang / dge tshul ma dang / dge tshul pha rnams la mi'i skyon gyi tshig smras na cir 'gyur/ thams cad nyes byas su 'gyur ro/ /btsun pa dge slong mas dge slong ma la mi'i skyon gyi tshig smras na cir 'gyur/ ltung ba'o/ /dge slong mas dge slong dang / dge slob ma dang / dge tshul dang / dge tshul ma rnams la mi'i skyon gyi tshig smras na thams cad nyes byas su 'gyur ro/ / dge slob ma dang / dge tshul ma dang / dge tshul pha rnams la'ang nyes byas su rgyas par brjod par bya'o/ /ji ltar mi'i skyon smra ba de bzhin du phra ma smra ba la yang gzhung rgyas par bya'o// //mdor na/ skad dang lus dang dben pa dang / /mtshan dang bzhi dang bdun pa dang / /khyim pa dag la sogs pa rnams/ /bslab pa byin pa tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang dge 'dun 'dus pas chos bzhin du rtsod pa zhi 12-1-145a bar bgyis par 'tshal bzhin du yang phyis las kyis bskyos na ltung bar 'gyur ro zhes gsungs na/ btsun pa dge slong gis chos bzhin gyis rtsod pa zhi bar bgyis pa la las kyis bskyos kyang ltung bar mi 'gyur ba mchis sam/ u pA li yod de/ ji ltar yang de ni sngon nyes pa byung ba dang / sngar 'khrugs pa dang / mi gnas pa rnams kyis chos bzhin du rtsod pa zhi bar byas pa la phyis las kyis bskyos na nyes byas su 'gyur ro/ /btsun pa chos bzhin du rtsod pa zhi bar bgyis pa la dge slong 'phags pas 'phags pa'i skad du phyis yang las kyis bskyos pa dang / mtha' 'khob pa des kyang 'phags pa'i skad ma 'tshal na cir 'gyur/ nyes byas so/ /chos bzhin du zhi bar gyur pa'i 'phags pas mtha' 'khob pa'i skad du 'phags pa la phyis las kyis bskyos pa dang / 'phags pa des kyang mtha' 'khob pa'i skad ma 'tshal na cir 'gyur/ nyes byas so/ /chos bzhin du rtsod pa zhi bar gyur pa'i 'phags pa la mtha' 'khob pas mtha' 'khob pa'i skad du phyis las kyis bskyos pa dang / 'phags pa des kyang mtha' 'khob pa'i skad ma 'tshal na cir 'gyur/ nyes byas so/ /chos bzhin du rtsod pa zhi bar gyur pa'i mtha' 'khob pa la mtha' 'khob pas 'phags pa'i skad du phyis las kyis bskyos pa dang / mtha' 'khob pa des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis chos bzhin du rtsod pa zhi bar gyur la phyis las kyis dmigs pas las kyis bskyos na cir 'gyur/ nyes byas so/ /btsun pa dge slong gis dge 'dun gyi rtsod pa chos bzhin du zhi bar bgyis par 'tshal bzhin du dben pa la mi dben par 'du shes te bskyos na cir 'gyur/ nyes byas so/ /btsun pa dge slong gis chos bzhin du rtsod pa zhi bar gyur pa la phyis las de bskyo bar bgyid pa na mtshan 'phos te dge slong mar gyur na cir 'gyur/ ltung bar 'gyur ro/ /btsun pa dge slong mas chos bzhin du rtsod pa zhi bar 'gyur ba la phyis las de bskyo bar bgyid pa 12-1-145b na mtshan 'phos te dge slong du gyur na cir 'gyur/ ltung bar 'gyur ro/ /btsun pa dge slong gis chos bzhin du rtsod pa zhi bar gyur pa la chos bzhin du rtsod par 'du shes te phyis las kyis bskyos na cir 'gyur/ ltung bar 'gyur ro/ /chos bzhin du rtsod pa la chos bzhin ma lags par 'du shes te phyis las kyis bskyos na cir 'gyur/ nyes byas so/ /chos bzhin du rtsod pa ma lags pa la chos bzhin du rtsod par 'du shes te phyis las kyis bskyos na cir 'gyur/ nyes byas so/ /chos bzhin du rtsod pa ma lags pa la chos bzhin du rtsod pa ma lags par 'du shes te phyis las kyis bskyos na cir 'gyur/ nyes byas so/ /btsun pa dge slong gis bsnyen par rdzogs pa la bsnyen par rdzogs par 'du shes te chos bzhin du rtsod pa zhi ba la phyis las kyis bskyos na cir 'gyur/ ltung bar 'gyur ro/ /bsnyen par rdzogs pa la bsnyen par ma rdzogs par 'du shes te chos bzhin du rtsod pa zhi ba la phyis las kyis bskyos na cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te rtsod pa chos bzhin du zhi ba la phyis las kyis bskyos na cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes te chos bzhin du rtsod pa zhi ba la phyis las kyis bskyos na cir 'gyur/ nyes byas so/ /btsun pa bsnyen par ma rdzogs pas chos bzhin du rtsod pa zhi ba la phyis las kyis bskyos par bshams nas bsnyen par ma rdzogs par lags par bgyis na cir 'gyur/ nyes byas so/ /bsnyen par ma rdzogs par bshams nas bsnyen par rdzogs kar lags na cir 'gyur/ nyes byas so/ /bsnyen par ma rdzogs par bshams la bsnyen par rdzogs te lags na cir 'gyur/ nyes byas so/ /bsnyen par rdzogs kar bshams la bsnyen par rdzogs kar lags na cir 'gyur/ nyes byas so/ /bsnyen par rdzogs kar bshams la bsnyen par rdzogs te lags na cir 'gyur/ nyes 12-1-146a byas so/ /bsnyen par rdzogs pa na bshams la bsnyen par rdzogs pa na lags na cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa lags na cir 'gyur/ nyes byas so/ /btsun pa dge slong gis khyim pa'i rtsod pa chos bzhin du gyur pa la phyis las kyis bskyos na cir 'gyur/ nyes byas so/ /btsun pa dge slong gis za ma dang / ma ning dang / mtshan gnyis pa dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / sngar 'khrugs pa dang / sngar nyes pa byung ba rnams kyi rtsod pa chos bzhin du zhi bar gyur pa la phyis las kyis bskyos na cir 'gyur/ nyes byas so/ /btsun pa dge slong gis dge 'dun gyi dbyen byas pa dang / nye bar song ba dang / bslab pa byin pa rnams kyi rtsod pa chos bzhin du rtsod pa zhi bar gyur pa la phyis las kyis bskyos na cir 'gyur/ ltung ba'o// //mdor na/ phrin pa spring yig lag brda dang / /gzhan zer ba dang gcig nas gcig /sems 'khrugs pa dang na ba dang / /'on pa dag dang 'gro ba'o/ /btsun pa dge slong gis dge slong gi rtsod pa chos bzhin du zhi bar gyur pa la phyis phrin gyis bskyos na cir 'gyur/ nyes byas so/ /de bzhin du spring yig dang lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa dge slong gis smyon pa'i rtsod pa chos bzhin du zhi bar gyur pa las phyis las kyis bskyos na cir 'gyur/ nyes byas so/ / de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams kyi rtsod pa chos bzhin du zhi bar gyur pa la phyis las kyis bskyos na thams cad nyes byas su 'gyur ro/ /btsun 12-1-146b pa dge slong gis dge slong ma'i rtsod pa chos bzhin du zhi bar gyur pa la phyis las kyis bskyos na cir 'gyur/ nyes byas so/ /dge slob ma dang / dge tshul ma dang / dge tshul pha rnams kyis bskyos na thams cad nyes byas su 'gyur ro/ /dge slong mas dge slong ma'i las kyis bskyos na ltung bar 'gyur ro/ /dge slong mas dge tshul pha dang / dge slob ma dang / dge tshul ma rnams kyis bskyos na cir 'gyur/ nyes byas so/ /btsun pa bslab pa stsal bas rtsod pa chos bzhin du zhi bar gyur pa la phyis las kyis bskyos na cir 'gyur/ ltung bar 'gyur ro/ /dge slob ma dang / dge tshul ma dang / dge tshul pha rnams la ni nyes byas su rgyas par brjod par bya'o// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa dang / /gnyid log ra ro myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang gis rig pa'i skyes pa med par bud med la tshig lnga'am drug las lhag par chos bshad na ltung bar 'gyur ro zhes gsungs na/ btsun pa dge slong gis rig pa'i skyes pa ma mchis par phrin pa las bud med la tshig lnga'am drug las lhag par chos bshad na cir 'gyur/ nyes byas so/ / de bzhin du spring yig dang / lag brda dang / gzhan zer ba dang / gcig nas gcig tu brgyud pa rnams so/ /btsun pa dge slong gis smyon ma la rig pa'i skyes pa ma mchis par tshig lnga'am drug las lhag par chos bshad na cir 'gyur/ nyes byas so/ /de bzhin du sems 'khrugs pa dang / nad kyis gzir ma dang / glen ma dang / lkugs ma dang / 'on ma dang / gnyid kyis log pa dang / ra ro ba dang / myos ma dang / snyoms par zhugs ma dang / 'gro ba gzhan du gnas pa rnams la bshad na thams cad kyang nyes byas su 'gyur ro/ / 12-1-147a btsun pa dge slong gis rig pa'i skyes pa smyon pa zhig dang tshig lnga'am drug las lhag par bud med la chos bshad na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / myos pa dang / snyoms par zhugs pa dang / dmus long dang / mtha' 'khob pa dang / 'gro ba gzhan du gnas pa'i rig pa'i skyes pa zhig dang chos bshad na thams cad nyes byas su 'gyur ro// //mdor na/ skad dang lus dang dben pa dang / / de ltar za ma ma ning ma/ /mtshan dang bzhi pa de bzhin du/ /bslab pa byin dang dge slong ma'o/ /btsun pa dge slong 'phags pas 'phags pa'i skad du rig pa'i skyes pa ma mchis par bud med la tshig lnga'am drug las lhag par chos bshad pa dang / bud med des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du rig pa'i skyes pa ma mchis par bud med la tshig lnga'am drug las lhag par chos bshad pa dang / bud med des kyang mtha' 'khob pa'i skad ma 'tshal na cir 'gyur/ nyes byas so/ / mtha' 'khob pas mtha' 'khob pa'i skad du rig pa'i skyes pa ma mchis par bud med la tshig lnga'am drug las lhag par chos bshad pa dang / bud med des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du rig pa'i skyes pa ma mchis par bud med la tshig lnga'am drug las lhag par chos bshad pa dang / bud med des kyang 'phags pa'i skad ma 'tshal na cir 'gyur/ nyes byas so/ /btsun pa dge slong 'phags pas 'phags pa'i skad du g.yog mtha' 'khob pa dang lhan cig tu bud med la tshig lnga'am drug las lhag par chos bshad pa dang g.yog des kyang 'phags pa'i skad ma 'tshal na cir 'gyur/ nyes byas so/ /de bzhin du 'phags pas 'phags pa'i skad du g.yog mtha' 'khob pa dang lhan cig tu chos bshad na nyes byas su 'gyur ro/ /mtha' 12-1-147b 'khob pas mtha' 'khob pa'i skad du g.yog 'phags pa dang lhan cig tu chos bshad na nyes byas su 'gyur ro/ /mtha' 'khob pas 'phags pa'i skad du g.yog mtha' 'khob pa dang lhan cig tu bud med la tshig lnga'am drug las lhag par chos bshad pa dang / g.yog des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis lus kyi dmigs pas bud med la tshig lnga'am drug las lhag par chos bshad na cir 'gyur/ nyes byas so/ /btsun pa dge slong gis dben pa la dben par 'du shes te bud med la tshig lnga'am drug las lhag par chos bshad na cir 'gyur/ nyes byas so/ /btsun pa dge slong gis g.yog ma ning dang lhan cig tu bud med la chos bshad na cir 'gyur/ nyes byas so/ /de bzhin du g.yog za ma dang mtshan gnyis pa dang lhan cig tu bud med la chos bshad na cir 'gyur/ nyes byas so/ /btsun pa dge slong gis rig pa'i skyes pa ma mchis par ma ning mo la chos bshad na cir 'gyur/ nyes byas so/ /btsun pa dge slong gis bud med la tshig lnga'am drug las lhag par chos 'chad pa na mtshan 'phos te dge slong mar gyur na cir 'gyur/ nyes byas so/ /btsun pa dge slong mas skyes pa la chos 'chad pa na mtshan 'phos te dge slong du gyur na cir 'gyur/ nyes byas so/ /btsun pa dge slong gis bud med la bud med du 'du shes te tshig lnga'am drug las lhag par chos bshad na cir 'gyur/ ltung ba'o/ /bud med la bud med ma yin par 'du shes na nyes pa med do/ /bud med ma yin pa la bud med du 'du shes na nyes byas so/ /bud med ma yin pa la bud med ma yin par 'du shes te tshig lnga'am drug las lhag par chos bshad na nyes pa med do/ /btsun pa dge slong gis mi'i bud med la mi'i bud med du 'du shes te tshig lnga'am drug las lhag par chos bshad na cir 'gyur/ ltung ba'o/ /mi la mi ma yin par 'du shes na nyes byas so/ /mi ma yin pa la mir 'du shes na nyes byas su 12-1-148a 'gyur ro/ /mi ma yin pa la mi ma yin par 'du shes na nyes byas so/ /btsun pa dge slong gis g.yog mi la mir 'du shes te bud med la chos bshad na cir 'gyur/ nyes pa med do/ /mi la mi ma lags par 'du shes te chos bshad na cir 'gyur/ nyes byas so/ /mi ma lags pa la mir 'du shes te bshad na cir 'gyur/ nyes pa med do/ /mi ma lags pa la mi ma lags par 'du shes te bshad na cir 'gyur/ nyes byas su 'gyur ro/ /btsun pa bslab pa stsal bas bud med la tshig lnga'am drug las lhag par chos bshad na cir 'gyur/ ltung ba'o/ /btsun pa dge slong mas skyes pa la tshig lnga'am drug las lhag par chos bshad na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas su rgyas par brjod par bya'o// //mdor na/ smyon par gyur dang sems 'khrugs dang / /na ba 'on pa 'gro ba dang / /khyim pa de bzhin tshig rnams dang / /mtshan kyang de ltar dge slong ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang bsnyen par ma rdzogs pa'i gang zag dang tshig mnyam du chos bklags na ltung bar 'gyur ro zhes gsungs pa na/ btsun pa dge slong gis smyon pa dang tshig mnyam du chos bklags na cir 'gyur nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / de bzhin du 'gro ba gzhan du gnas pa dag dang tshig mnyam du chos bklags na thams cad nyes byas su 'gyur ro/ /btsun pa dge slong gis khyim pa dang tshig mnyam du chos bklags na cir 'gyur/ ltung bar 'gyur ro/ /za ma dang ma ning dang tshig mnyam du chos bklags na cir 'gyur/ ltung bar 'gyur ro/ /btsun pa dge slong gis dge slong ma sun phyung ba dang pha dang ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang mu stegs can du song ba dang / 12-1-148b rkun gnas pa dang so sor gnas pa dang / sngon nyes pa byung ba dang / sngar 'khrugs pa rnams dang tshig mnyam du chos bklags na cir 'gyur/ ltung bar 'gyur ro/ /btsun pa dge slong gis dge 'dun gyi dbyen bgyis pa dang / nye bar phyogs pa dang bslab pa stsal ba dang tshig mnyam du chos bklags na cir 'gyur/ nyes byas so/ /'phags pas 'phags pa'i skad du dge slong dang tshig mnyam du chos bklags pa dang / dge slong des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du dge slong dang tshig mnyam du chos bklags pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du dge slong dang tshig mnyam du chos bklags pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du dge slong dang tshig mnyam du chos bklags pa dang / dge slong des kyang 'phags pa'i skad ma 'tshal na cir 'gyur/ nyes byas so/ / btsun pa dge slong gis bsnyen par ma rdzogs pa'i gang zag dang tshig mnyam du chos klog pa na mtshan 'phos te dge slong mar gyur na cir 'gyur/ ltung ba'o/ /btsun pa dge slong mas bsnyen par ma rdzogs pa'i gang zag dang tshig mnyam du chos klog pa na mtshan 'phos te dge slong du gyur na cir 'gyur/ ltung ba'o/ /btsun pa dge slong ngam dge slong mas bsnyen par ma rdzogs pa'i gang zag dang tshig mnyam du chos klog pa dang bsnyen par ma rdzogs pa de yang mtshan 'phos na cir 'gyur/ ltung ba'o/ /btsun pa dge slong gis bsnyen par ma rdzogs pa la bsnyen par ma rdzogs par 'du shes te tshig mnyam du chos bklags na cir 'gyur/ ltung bar 'gyur ro/ /bsnyen par ma rdzogs pa la bsnyen par rdzogs par 'du shes na cir 'gyur/ nyes byas so/ /bsnyen par rdzogs pa la bsnyen par ma rdzogs par 'du shes 12-1-149a na cir 'gyur/ nyes byas so/ /bsnyen par rdzogs pa la bsnyen par rdzogs par 'du shes te bklags na cir 'gyur/ nyes pa med do/ /btsun pa dge slong gis mi la mir 'du shes te bklags na cir 'gyur/ ltung ba'o/ / mi la mi ma lags par 'du shes te bklags na cir 'gyur/ nyes byas so/ /mi ma lags pa la mir 'du shes na cir 'gyur/ nyes byas so/ /mi ma lags pa la mi ma lags par 'du shes na cir 'gyur/ nyes byas so/ /btsun pa dge slong ma dang tshig mnyam du chos bklags na cir 'gyur/ nyes byas so/ /dge slob ma dang / dge tshul ma dang tshig mnyam du chos bklags na thams cad ltung bar 'gyur ro/ /btsun pa dge slong mas bsnyen par ma rdzogs pa'i gang zag dang tshig mnyam du bklags na cir 'gyur/ ltung ba'o/ /dge slong ma dang dge slong tshig mnyam du chos klog na nyes byas su 'gyur ro/ /dge slob ma dang / dge tshul ma dang / dge tshul pha rnams la klog na ltung bar 'gyur ro/ /dge slob ma dang / dge tshul ma dang / dge tshul pha rnams la nyes byas so/ /btsun pa bslab pa stsal bas bsnyen par ma rdzogs pa'i gang zag dang tshig mnyam du chos bklags na cir 'gyur/ ltung bar 'gyur ro// //'dul ba gzhung dam pa/bam po drug pa/ mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /'on pa glen pa gnyid log rnams/ /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang dge 'dun gyi sdom pa stsal ba ma gtogs par bsnyen par ma rdzogs pa'i gang zag la gnas ngan len gyi nongs pa smras na ltung bar 'gyur ro zhes gsungs na/ btsun pa dge slong gis 12-1-149b bsnyen par ma rdzogs pa'i gang zag la phrin pa las gnas ngan len gyi nongs pa smras na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa dge slong gis smyon pa la gnas ngan len gyi nongs pa smras na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / dig pa dang / 'on pa dang / gnyid log pa dang / ra ro ba dang / myos pa snyoms par zhugs pa dang / 'gro ba gzhan du gnas pa rnams la gnas ngan len gyi nongs pa smras na thams cad nyes byas su 'gyur ro// //mdor na/ tshig dang lus dang dben de ltar/ /bzhi pa mtshan kyang de bzhin te/ / bskos dang bdun pa bdag nyid dang / /khyim pa dag dang dge slong ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa dge slong 'phags pas 'phags pa'i skad du mtha' 'khob pa la gnas ngan len gyi nongs pa smras pa dang / mtha' 'khob pa des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du 'phags pa la smras pa dang / 'phags pa des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du 'phags pa la smras pa dang / 'phags pa des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du mtha' 'khob pa la smras pa dang / mtha' 'khob pa des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis lus kyi dmigs pas gnas ngan len gyi nongs pa smras na cir 'gyur/ nyes byas so/ /btsun pa dben pa la mi dben par 'du shes te gnas ngan len gyi nyes 12-1-150a pa smras na cir 'gyur/ nyes byas so/ /btsun pa dge slong gis bsnyen par ma rdzogs pa la bsnyen par ma rdzogs par 'du shes te gnas ngan len gyi nongs pa smras na cir 'gyur/ ltung ba'o/ /bsnyen par ma rdzogs pa la bsnyen par rdzogs par 'du shes te smras na cir 'gyur/ nyes byas so/ /bsnyen par rdzogs pa la bsnyen par rdzogs par 'du shes te smras na nyes pa med do/ /bsnyen par rdzogs pa la bsnyen par ma rdzogs par 'du shes te smras na cir 'gyur/ nyes byas so/ /btsun pa dge slong gis mi la mir 'du shes te smras na cir 'gyur/ ltung bar 'gyur ro/ /mi la mi ma lags par 'du shes te smras na cir 'gyur/ nyes byas so/ /mi ma lags pa la mir 'du shes te smras na cir 'gyur/ nyes byas so/ / mi ma lags pa la mi ma lags par 'du shes te smras na cir 'gyur/ nyes byas so/ /btsun pa dge slong gis bsnyen par ma rdzogs pa la gnas ngan len gyi nyes pa smra ba na 'tshan 'phos te dge slong mar gyur na cir 'gyur/ ltung bar 'gyur ro/ /btsun pa dge slong mas bsnyen par ma rdzogs pa'i gang zag la gnas ngan len gyi nyes pa zhig smra ba na mtshan 'phos te dge slong du gyur na cir 'gyur/ ltung bar 'gyur ro/ /btsun pa gang bcom ldan 'das kyis yang dge slong gis dge 'dun gyis stsal ba ma gtogs par bsnyen par ma rdzogs pa'i gang zag la gnas ngan len gyi nyes pa smras na ltung bar 'gyur ro zhes gsungs na/ btsun pa dge 'dun gyis ma bskos pa'i dge slong gis bsnyen par ma rdzogs pa'i gang zag la gnas ngan len gyi nyes pa smras kyang nongs par mi 'gyur ba mchis sam/ u pA li yod de/ gang zag 'di bzhi'o/ /'di lta ste/ gang zag gang nyes pa'i mthar bya ba dang / rigs kyi mthar bya ba'i sbyin pa'ang yod/ gang zag gang nyes pa'i mthar bya ba dang rigs kyi mthar bya ba med pa'i sbyin pa yang 12-1-150b yod/ gang zag gang rigs kyi mthar bya ba dang nyes pa'i mthar bya ba med pa'i sbyin pa'ang yod/ gang zag gang nyes pa'i mthar bya ba yang med rigs kyi mthar bya ba yang med pa'i sbyin pa yang yod do/ /nyes pa'i mthar bya ba dang / rigs kyi mthar bya ba'i sbyin pa gang zhe na/ nyes pa chung ngu gang gis rigs mang du sun phyung ba'o/ /nyes pa'i mthar bya ba dang rigs kyi mthar bya ba med pa'i sbyin pa gang zhe na/ gang gis nyes pa chung ngus rigs mang du sun pa'o/ /rigs kyi mthar bya ba dang nyes pa'i mthar bya ba med pa'i sbyin pa gang zhe na/ gang gis nyes pa chen pos rigs nyung ngus sun pa'o/ /nyes pa'i mthar bya ba yang med rigs kyi mthar bya ba med pa'i sbyin pa gang zhe na/ gang gis nyes pa chen pos rigs mang du sun pa'o/ /gang zag gang la nyes pa'i mthar bya ba dang / rigs kyi mthar bya ba sbyin pa ni de la nyes pa ji tsam pa dang rigs ji snyed du so sor rig pa de dag la bsgo bar bya'o/ /de las lhag par bsgo na ltung bar 'gyur ro/ /gang zag gang la nyes pa'i mthar bya'i rigs kyi mthar bya ba med pa sbyin pa ni de'i nyes pa ji tsam pa dang / rigs ji snyed kyis so sor rig pa thams cad la bsgo bar bya'o/ /de las lhag par bsgo na ltung bar 'gyur ro/ /gang zag gang la rigs kyi mthar bya ba'i nyes pa'i mthar bya ba med pa sbyin pa ni de la nyes pa thams cad bsgo bar bya ba'i rigs kyis so so nas rig pa de dag thams cad la ni bsgo bar mi bya'o/ /de las lhag par bsgo na ltung bar 'gyur ro/ /gang zag gang la ltung ba'i mthar yang bya ba med la rigs kyi mthar yang bya ba med pa sbyin pa ni de'i nyes pa thams cad dang rigs ji snyed kyis so sor rig pa de dag thams cad la bsgo bar bya ste/ bsgo yang ltung ba med do/ /btsun pa bsnyen par ma rdzogs pas bsnyen par ma rdzogs pa'i gang zag la gnas ngan len gyi nongs pa smra bar bshams nas bsnyen par ma rdzogs par grub na cir 'gyur/ 12-1-151a nyes byas so/ /bsnyen par ma rdzogs par bshams la bsnyen par rdzogs kar grub na cir 'gyur/ nyes byas so/ /bsnyen par ma rdzogs par bshams la bsnyen par rdzogs te grub na cir 'gyur/ nyes byas so/ / bsnyen par rdzogs kar bshams la bsnyen par rdzogs kar grub na cir 'gyur/ nyes byas so/ /bsnyen par rdzogs kar bshams la bsnyen par rdzogs te grub na cir 'gyur/ nyes byas so/ /bsnyen par rdzogs pa na bshams la bsnyen par rdzogs pa na grub na cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na grub na cir 'gyur/ nyes byas so/ /btsun pa dge slong gis bdag nyid kyi gnas ngan len gyi nongs pa bsnyen par ma rdzogs pa la smras na cir 'gyur/ nyes byas so/ /dge slong gis dge slong gi gnas ngan len gyi nongs pa za ma la smras na cir 'gyur/ nyes byas so/ /de bzhin du ma ning dang / ma ning mo rnams dang / mtshan gnyis pa la smras na thams cad nyes byas so/ /dge slong gis dge slong gi gnas ngan len gyi nongs pa dge slong ma sun phyung ba la smras na cir 'gyur/ ltung ba'o/ /de bzhin du pha dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / mi gnas pa dang / so sor gnas pa dang / sngar 'khrugs pa dang / sngar nyes pa byung ba rnams la smras na thams cad ltung bar 'gyur ro/ /dge slong gis dge slong gi gnas ngan len gyi nongs pa dge 'dun gyi dbyen byas pa dang / nye bar phyogs pa dang / bslab pa byin pa rnams kyi dge slong dang / dge slong ma rnams la smras na thams cad nyes byas su 'gyur ro/ /dge slob 12-1-151b ma dang / dge tshul ma dang / dge tshul pha rnams la smras na thams cad ltung bar 'gyur ro/ /dge slong mas dge slong ma'i gnas ngan len gyi nongs pa bsnyen par ma rdzogs pa la smras na cir 'gyur/ ltung ba'o/ /dge slong gis dge slong ma la smras na cir 'gyur/ nyes byas so/ /dge slob ma dang / dge tshul ma dang / dge tshul pha rnams la smras na thams cad ltung bar 'gyur ro/ /btsun pa bslab pa stsal bas gnas ngan len gyi nongs pa bsnyen par ma rdzogs pa la smras na cir 'gyur/ ltung ba'o/ /de bzhin du dge slob ma dang / dge tshul ma dang / dge tshul pha rnams la yang thams cad nyes byas su rgyas par brjod par bya'o/ /sangs rgyas ston pa'o zhes bya ba ma gtogs pa mi las bla mar gyur pa'i chos yang dag par smras na phas pham pa bshad pa las rim par dbye'o// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa dang / /gnyid log ra ro myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang sngar yid mthun par bgyis pa las phyis 'di skad du tshe dang ldan pa dge 'dun gyi rnyed pa 'di ltar mdza' ba'i gang zag la bsngos so zhes mchi na ltung bar 'gyur ro zhes gsungs na/ btsun pa dge slong gis phrin pa las 'di skad du tshe dang ldan pa dge 'dun gyi rnyed pa 'di skad mdza' ba'i gang zag la bsngos so zhes smras na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa dge slong gis smyon pa la 'di skad du tshe dang ldan pa dge 'dun gyi rnyed pa 'di ltar mdza' ba'i gang 12-1-152a zag la bsngos so zhes smras na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / dig pa dang / 'on pa dang / gnyid log pa dang / myos pa dang / snyoms par zhugs pa dang / 'gro ba gzhan du gnas pa rnams la 'di skad du tshe dang ldan pa dge 'dun gyi rnyed pa 'di ltar mdza' ba'i gang zag la bsngos so zhes smras na thams cad nyes byas su 'gyur ro// //mdor na/ skad dang lus dang dben pa dang / /mtshan dang bzhi pa bdun pa dang / /khyim pa mi rung chung ngu dang / /rnyed pa tha ma dge slong ma'o/ /btsun pa dge slong 'phags pas 'phags pa'i skad du dge slong zhig la 'di skad du tshe dang ldan pa dge 'dun gyi rnyed pa 'di ltar mdza' ba'i gang zag la bsngos so zhes smras pa dang / dge slong des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du dge slong zhig la 'di skad du tshe dang ldan pa dge 'dun gyi rnyed pa 'di ltar mdza' ba'i gang zag la bsngos so zhes smras pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du dge slong zhig la 'di skad du tshe dang ldan pa dge 'dun gyi rnyed pa 'di ltar mdza' ba'i gang zag la bsngos so zhes smras pa dang / 'phags pa des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du dge slong zhig la 'di skad du tshe dang ldan pa dge 'dun gyi rnyed pa 'di ltar mdza' ba'i gang zag la bsngos so zhes smras pa dang / dge slong des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis lus kyi dmigs pas 'di skad du tshe dang ldan pa dge 'dun gyi rnyed pa 'di ltar mdza' ba'i gang zag la bsngos so zhes go bar bgyis na cir 12-1-152b 'gyur/ nyes byas so/ /btsun pa dge slong gis dben pa la mi dben par 'du shes te 'di skad du tshe dang ldan pa dge 'dun gyi rnyed pa 'di ltar mdza' ba'i gang zag la bsngos so zhes smras na cir 'gyur/ nyes byas so/ /btsun pa dge slong zhig 'di skad du tshe dang ldan pa dge 'dun gyi rnyed pa 'di ltar mdza' ba'i gang zag la bsngos so zhes smra ba na de'i mtshan 'phos te dge slong mar gyur na cir 'gyur/ ltung ba'o/ /btsun pa dge slong mas 'di skad du smra ba na de'i mtshan 'phos te dge slong du gyur na cir 'gyur/ ltung ba'o/ /btsun pa dge slong gis bsnyen par rdzogs pa la bsnyen par rdzogs par 'du shes nas 'di skad du tshe dang ldan pa dge 'dun gyi rnyed pa 'di ltar mdza' ba'i gang zag la bsngos so zhes smras na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes te de bzhin du smras na cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te de bzhin du smras na cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes te de bzhin du smras na cir 'gyur/ nyes byas so/ /btsun pa bsnyen par ma rdzogs pas yid mthun par gyur la bsnyen par ma rdzogs pas 'di skad du tshe dang ldan pa dge 'dun gyi rnyed pa 'di ltar mdza' ba'i gang zag la bsngos so zhes smras na cir 'gyur/ nyes byas so/ /bsnyen par ma rdzogs pas yid mthun par gyur la/ bsnyen par rdzogs kar 'di skad smras na cir 'gyur/ nyes byas so/ /bsnyen par ma rdzogs par yid mthun par gyur la bsnyen par rdzogs nas de bzhin du smras na cir 'gyur/ nyes byas so/ /bsnyen par rdzogs kar yid mthun par gyur la bsnyen par rdzogs kar de bzhin du smras na cir 'gyur/ nyes byas so/ /bsnyen par rdzogs par yid mthun par gyur la bsnyen par rdzogs nas de bzhin 12-1-153a du smras na cir 'gyur/ nyes byas so/ /bsnyen par rdzogs pas yid mthun par gyur la bsnyen par rdzogs nas de skad smras na cir 'gyur/ ltung ba'o/ /bsnyen par rdzogs pas yid mthun par gyur la bsnyen par ma rdzogs pas 'di skad smras na cir 'gyur/ nyes byas so/ /btsun pa dge slong gis khyim pa la 'di skad du tshe dang ldan pa dge 'dun gyi rnyed pa 'di ltar mdza' ba'i gang zag la bsngos so zhes smras na cir 'gyur/ nyes byas so/ /de bzhin du za ma dang / ma ning dang / mtshan gnyis pa dang / pha dang ma bsad pa dang / dgra bcom pa bsad pa dang / dge slong ma sun phyung ba dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams la 'di skad du smras na cir 'gyur/ nyes byas so/ /btsun pa dge slong gis nye bar phyogs pa dang / bslab pa stsal ba rnams la 'di skad du tshe dang ldan pa dge 'dun gyi rnyed pa 'di ltar mdza' ba'i gang zag la bsngos so zhes smras na cir 'gyur/ ltung ba'o/ /btsun pa dge slong gis 'di skad du tshe dang ldan pa dge 'dun gyi rnyed pa 'di ltar mdza' ba'i gang zag la bsngos so zhes smras kyang ltung bar mi 'gyur ba mchis sam/ u pA li yod de/ ji ltar yang gos de'i rgyu rung la spun mi rung ba dang / spun rung la rgyu mi rung bar gyur pa dang / gnyi ga mi rung ba ste/ mi rung ba ni rnga mo'i bal dang / ba lang gi bal dang / ra'i bal dang / ri dgas kyi bal dang / 'dres pa dang / thags su ma btags pa dang / gos kyi rgyu de lta bu dag gi phyir 'di skad smras na nyes byas su 'gyur ro/ /btsun pa dge 'dun gyi gos khru gang du ma 'tshal ba zhig rnyed par gyur te/ de yang dge slong gis mthun par bgyis pa'i 'og tu 'di skad du tshe dang ldan pa dge 'dun gyi rnyed pa 'di ltar mdza' ba'i gang zag la bsngos so 12-1-153b zhes smras na cir 'gyur/ nyes byas so/ /btsun pa dge slong gis gos kyi rnyed pa ma gtogs par de las gzhan pa'i rnyed pa rnams kyi phyir 'di skad smras na cir 'gyur/ nyes byas so/ /btsun pa dge 'dun gyis dge slong de'i mngon du ma bab par gos stsal bar gyur pa las de'i 'og tu mchis nas 'di skad du tshe dang ldan pa dge 'dun gyi rnyed pa 'di ltar mdza' ba'i gang zag la bsngos so zhes smras na cir 'gyur/ nyes byas so/ /btsun pa bslab pa stsal bas 'di skad du smras na cir 'gyur/ ltung ba'o/ /dge slong mas 'di skad du smras na yang ltung bar 'gyur ro/ /dge slob ma dang / dge tshul pha dang / dge tshul ma rnams kyis 'di skad du tshe dang ldan pa dge 'dun gyi rnyed pa 'di ltar mdza' ba'i gang zag la bsngos so zhes smras na nyes byas su 'gyur ro// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa dang / /gnyid log ra ro myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis bslab pa stsal ba la 'phya na ltung ba'o zhes gsungs na/ btsun pa dge slong gis phrin pas bslab pa la dpyas na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa dge slong gis smyon pa'i drung du bslab pa la dpyas na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / 'on pa dang / lkugs pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams kyi drung du bslab pa la dpyas na thams cad nyes byas su 'gyur ro// //mdor na/ skad dang lus dang dben pa dang / /de bzhin mtshan dang bzhi pa dang / /khyim pa la sogs sprul pa dang / /bslab pa dang 12-1-154a yang dge slong ma'o/ /btsun pa dge slong 'phags pas 'phags pa'i skad du dge slong gi drung du bslab pa la dpyas pa dang / dge slong des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du dge slong gi drung du bslab pa la dpyas pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du dge slong gi drung du bslab pa la dpyas pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du dge slong gi drung du bslab pa la dpyas pa dang / dge slong des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis lus kyi dmigs pas bslab pa la dpyas na cir 'gyur/ nyes byas so/ /btsun pa dge slong gis dben pa la mi dben par 'du shes te bslab pa la dpyas na cir 'gyur/ nyes byas so/ /btsun pa dge slong gis bslab pa la 'phya ba na mtshan 'phos te dge slong mar gyur na cir 'gyur/ ltung ba'o/ / btsun pa dge slong mas bslab pa la 'phya ba na mtshan 'phos te dge slong du gyur na cir 'gyur/ ltung ba'o/ /btsun pa dge slong gis bsnyen par rdzogs pa la bsnyen par rdzogs par 'du shes te de'i drung du bslab pa la dpyas na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes te de'i drung du bslab pa la dpyas na cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te de'i drung du bslab pa la dpyas na cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes te de'i drung du bslab pa la dpyas na cir 'gyur/ nyes byas so/ /btsun pa dge slong gis khyim pa'i drung du bslab pa la dpyas na cir 'gyur/ nyes byas so/ /za ma dang / ma ning dang / dge slong ma sun phyung ba dang / pha dang ma dang dgra bcom pa 12-1-154b bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams kyi drung du bslab pa la dpyas na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba rnams kyi drung du bslab pa la dpyas na cir 'gyur thams cad nyes byas su 'gyur ro/ /btsun pa dge slong gis sprul pa'i drung du bslab pa la dpyas na cir 'gyur/ nyes byas so/ /btsun pa dge slong gis dge slong ma dang / dge slob ma dang / dge tshul ma dang / dge tshul pha rnams kyi drung du bslab pa la dpyas na cir 'gyur/ nyes byas so/ /dge slong mas dge slong ma'i drung du bslab pa la dpyas na cir 'gyur/ ltung ba'o/ /dge slong mas dge slong dang / dge slob ma dang / dge tshul ma dang / dge tshul pha rnams kyi drung du bslab pa la dpyas na cir 'gyur/ nyes byas so/ /btsun pa bslab pa stsal bas bslab pa la dpyas na cir 'gyur/ ltung ba'o/ /dge slob ma dang / dge tshul pha dang / dge tshul ma rnams la nyes byas su 'gyur ro// //mdor na/ rdzu 'phrul lus dang rdo dreg dang / /rtsa ba me tog nya lcibs dang / /gnas tshang sha mo rnying pa dang / /me tog 'bras bu shun pa dang / / mtshan dang bzhi pa bdun pa dang / /tha mar gyur pa 'bras bu'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis sa bon gyi grong dang / srog chags kyi grong bshig gam 'jig tu stsal na ltung ba'o zhes gsungs na btsun pa dge slong gis rdzu 'phrul gyis shing bkum na cir 'gyur/ nyes byas so/ /btsun pa dge slong gis lus kyi dmigs pas shing bkum na cir 'gyur/ nyes byas so/ /btsun pa dge slong gis rdo'i dreg pa bkogs na cir 'gyur/ nyes byas so/ /btsun pa dge slong gis 12-1-155a rtsa ba ma zug pa'i sa bon gyi dngos po phyung na cir 'gyur/ nyes byas so/ /btsun pa dge slong gis g.ya' can dang / rlam can bkrus na cir 'gyur/ nyes byas so/ /btsun pa dge slong gis 'dam rdzab nas nya lcibs phyung ste thang la bor na cir 'gyur/ nyes byas so/ /btsun pa dge slong gis srog chags kyi gnas bshig na cir 'gyur/ nyes byas so/ /bsregs sam ma rung bar bgyis na cir 'gyur/ nyes byas so/ /btsun pa dge slong gis bya'i tshang dral tam phyung ngam bshig na cir 'gyur/ nyes byas so/ /btsun pa dge slong gis 'dzim mam sha mo btogs na cir 'gyur/ nyes byas so/ /btsun pa dge slong gis shing rgan gyi shun pa bshus na cir 'gyur/ nyes byas so/ /btsun pa dge slong gis me tog dang / 'bras bu dang / lo ma rnying pa btogs na cir 'gyur/ nyes byas so/ /btsun pa dge slong gis shing 'gum pa na mtshan 'phos te dge slong mar gyur na cir 'gyur/ ltung ba'o/ /btsun pa dge slong mas shing 'gum pa na mtshan 'phos te dge slong du gyur na cir 'gyur/ ltung ba'o/ /btsun pa dge slong gis sa bon la sa bon du 'du shes te chud gsan na cir 'gyur/ ltung ba'o/ /sa bon la sa bon ma lags par 'du shes te chud gsan na cir 'gyur/ nyes byas so/ /sa bon ma yin pa la sa bon du 'du shes na nyes byas su 'gyur ro/ /sa bon ma yin pa la sa bon ma yin par 'du shes te bshig na nyes pa med do/ /btsun pa bsnyen par ma rdzogs pas ran dgum par bshams la bsnyen par ma rdzogs par bkum na cir 'gyur/ nyes pa med do/ /bsnyen par ma rdzogs pas bshams la bsnyen par rdzogs kar bkum na cir 'gyur/ nyes pa med do/ /bsnyen par ma rdzogs par bshams la bsnyen par rdzogs te bkum na cir 'gyur/ nyes byas so/ /bsnyen par rdzogs kar bshams la bsnyen par rdzogs kar bkum na cir 'gyur/ nyes pa med do/ /bsnyen par rdzogs kar bshams la bsnyen par rdzogs te bkum na cir 'gyur/ nyes byas so/ /bsnyen par 12-1-155b rdzogs te bshams la bsnyen par rdzogs te bkum na cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na bkum na cir 'gyur/ nyes byas so/ /btsun pa dge slong gis rung bar ma bgyis pa'i 'bras bu 'tshal kyang nongs par mi 'gyur ba mchis sam/ u pA li yod de/ mngon par ma smin pa'i sa bon ni sa bon gyi dngos po ma yin no snyam du bsams nas zos pa'o/ /btsun pa dge slong gis sa bon gyi rigs lnga la mes rung bar bgyis te 'tshal kyang ltung bar 'gyur ba mchis sam/ u pA li yod de/ sa bon gyi rigs lnga la rung bar byas kyang sa'i nang du gzhag gam/ snod kyi nang du gzhag gam/ gdang shing la bkal kyang rung ste myu gu skyes par gyur pa'o/ /de chud gsan na cir 'gyur/ ltung byed du 'gyur ro// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs nad pa dang / /'on pa dang ni 'gro ba dang / /khyim pa dag la sogs pa rnams/ /bslab pa byin dang dge slong ma'o/ /btsun pa dge slong gis phrin gyis shing bkum na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa dge slong gis smyon pa zhig shing 'gums su stsal na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams shing gcod du bcug na thams cad nyes byas su 'gyur ro/ /btsun pa dge slong gis mngon sum du khyim pa shing 'gums su stsal na cir 'gyur/ ltung ba'o/ /de bzhin du za ma dang / ma ning dang / dge slong ma sun phyung ba dang / pha dang ma bsad pa dang / dgra bcom pa bsad pa dang / dge 'dun gyi dbyen byas pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / mi gnas pa dang / so sor gnas pa dang / 12-1-156a sngar nyes pa byung ba dang / sngar 'khrugs pa dang / nye bar phyogs pa dang / bslab pa byin pa rnams mngon sum du shing gcod du bcug na thams cad nyes byas su 'gyur ro/ /btsun pa bslab pa stsal bas ran sngon po bkum mam 'gums su stsal na cir 'gyur/ ltung ba'o/ /btsun pa dge slong mas ran sngon po 'gum mam 'gums su stsal na cir 'gyur/ ltung ba'o/ /btsun pa dge slong mas ran sngon po bkum mam 'gums su stsal na cir 'gyur/ nyes byas so/ /dge tshul pha dang dge tshul ma rnams la nyes pa med do// // mdor na/ skad dang lus dang dben pa dang / /mtshan dang bzhi pa bdun pa dang / /khyim pa dag la sogs pa rnams/ /bskos pa dag dang ma bskos pa'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis nongs pa ngor brjod cing dpyas 'dogs na ltung bar 'gyur ro zhes gsungs na/ dge slong gis nongs pa ngor brjod cing dpyas btags kyang ltung bar mi 'gyur ba mchis sam/ u pA li yod de/ ji ltar yang de ni mi ma yin pa las rab tu byung zhing bsnyen par rdzogs pa la nongs pa ngor brjod na nyes byas su 'gyur ro/ /btsun pa dge slong 'phags pas 'phags pa'i skad du dge slong la nongs pa ngor brjod cing dpyas btags pa dang dge slong des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du dge slong la nongs pa ngor brjod cing dpyas btags pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du dge slong la nongs pa ngor brjod cing dpyas btags pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du dge slong zhig la nongs pa ngor brjod cing dpyas btags pa dang / dge slong des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis lus 12-1-156b kyi dmigs pas nongs pa ngor brjod cing dpyas btags na cir 'gyur/ nyes byas so/ /btsun pa dge slong gis dben pa la mi dben par 'du shes te nongs pa ngor brjod cing dpyas btags na cir 'gyur/ nyes byas so/ /btsun pa dge slong zhig nongs pa ngor brjod cing dpyas 'dogs pa na mtshan 'phos te dge slong mar gyur na cir 'gyur/ nyes byas so/ /btsun pa dge slong ma nongs pa ngor brjod cing dpyas 'dogs pa na mtshan 'phos te dge slong du gyur na cir 'gyur/ nyes byas so/ /btsun pa dge slong gis bsnyen par rdzogs pa la bsnyen par rdzogs par 'du shes te nongs pa ngor brjod cing dpyas 'dogs na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na nyes byas su 'gyur ro/ /bsnyen par ma rdzogs pa la bsnyen par rdzogs par 'du shes na nyes byas su 'gyur ro/ /bsnyen par ma rdzogs pa la bsnyen par ma rdzogs par 'du shes na nyes byas su 'gyur ro/ /btsun pa bsnyen par ma rdzogs pa zhig dge 'dun gyis nongs pa ngor brjod cing dpyas 'dogs par bgrangs par gyur la bsnyen par ma rdzogs par nongs pa ngor brjod cing dpyas 'dogs na cir 'gyur/ nyes byas so/ /bsnyen par ma rdzogs par bgrangs la bsnyen par rdzogs kar nongs pa ngor brjod cing dpyas 'dogs na cir 'gyur/ nyes byas so/ /bsnyen par ma rdzogs par bgrangs la bsnyen par rdzogs te nongs pa ngor brjod cing dpyas 'dogs na cir 'gyur/ nyes byas so/ /bsnyen par rdzogs kar bgrangs la bsnyen par rdzogs kar nongs pa ngor brjod cing dpyas 'dogs na cir 'gyur/ nyes byas so/ /bsnyen par rdzogs kar bgrangs la bsnyen par rdzogs te nongs pa ngor brjod cing dpyas 'dogs na cir 'gyur/ nyes byas so/ /bsnyen par rdzogs te bgrangs la bsnyen par rdzogs nas nongs pa ngor brjod cing dpyas 'dogs na ltung ba'o/ /bsnyen par rdzogs nas bgrangs la bsnyen par ma rdzogs pa na nongs pa ngor brjod cing dpyas 12-1-157a 'dogs na cir 'gyur/ nyes byas so/ /btsun pa dge slong gis khyim pa la nongs pa ngor brjod cing dpyas 'dogs na cir 'gyur/ nyes byas so/ /btsun pa dge slong gis za ma dang ma ning dang dge slong ma sun phyung ba dang / pha dang ma dang dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams la nyes pa ngor brjod cing dpyas 'dogs na cir 'gyur thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa dang nye bar phyogs pa dang bslab pa stsal ba'i dge slong la nongs pa ngor brjod cing dpyas 'dogs na cir 'gyur thams cad ltung bar 'gyur ro/ /btsun pa dge slong gis bskos sam ma bskos kyang rung ste/ dge 'dun gyi zhal ta byed pa ma gtogs par de las gzhan la nongs pa ngor brjod cing dpyas 'dogs na cir 'gyur/ nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /btsun pa dge slong gis phrin pa las nongs pa ngor brjod cing dpyas 'dogs na cir 'gyur/ nyes byas so/ / de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa dge slong gis smyon pa la nongs pa ngor brjod cing dpyas 'dogs na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams la nyes pa ngor brjod na nyes byas su 'gyur ro/ /btsun pa dge slong gis dge 12-1-157b slong ma dang / dge slob ma dang / dge tshul ma dang / dge tshul pha rnams la nongs pa ngor brjod cing dpyas 'dogs na cir 'gyur/ nyes byas so/ /btsun pa dge slong mas dge slong dang / dge tshul pha dang / dge tshul ma dang / dge slob ma la nongs pa ngor brjod cing dpyas 'dogs na cir 'gyur/ nyes byas so/ /btsun pa bslab pa stsal bas nongs pa ngor brjod cing dpyas 'dogs na cir 'gyur/ ltung ba'o/ /dge slob ma dang dge tshul ma dang dge tshul pha rnams la nongs pa ngor brjod cing dpyas 'dogs na cir 'gyur/ nyes byas so// //mdor na/ nyes pa dag kyang de bzhin te/ /lus dang tshig dang mi smra mtshan/ /khyim pa dag la sogs pa rnams/ /bzhi pa tha mar gyur pa'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis bsgo bzhin du mi bgyid na ltung bar 'gyur ro zhes gsungs na/ btsun pa dge slong gis nongs pa ma gtogs par de las gzhan pa dag bsgo ba bzhin du mi bgyid na cir 'gyur nyes byas so/ /btsun pa dge slong gis lus kyi dmigs pas bsgo ba bzhin ma bgyis na cir 'gyur/ nyes byas so/ /btsun pa dge slong 'phags pas 'phags pa'i skad du bsgo ba bzhin ma bgyis pa dang / dge slong des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du bsgo ba bzhin ma bgyis pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du dge slong gis bsgo ba bzhin ma bgyis pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du dge slong gis bsgo ba bzhin ma bgyis pa dang / dge slong des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis dge slong la mi smra bas bsgo ba bzhin ma bgyis na cir 'gyur/ nyes byas so/ /btsun pa dge slong 12-1-158a gis dge slong gi bsgo ba bzhin ma bgyis pa na mtshan 'phos te dge slong mar gyur na cir 'gyur/ nyes byas so/ /btsun pa dge slong mas dge slong ma'i bsgo ba bzhin ma bgyis pa na mtshan 'phos te dge slong du gyur na cir 'gyur/ nyes byas so/ /btsun pa dge slong gis khyim pas bsgo ba bzhin ma bgyis na cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha dang ma dang dgra bcom pa bsad pa dang / de bzhin gshegs pa la ngan sems kyis khrag phrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / mi gnas pa dang / sngar 'khrugs pa dang / sngon nyes pa byung ba rnams kyi bsgo ba bzhin ma bgyis na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba rnams kyi bsgo ba bzhin ma bgyis na cir 'gyur thams cad ltung bar 'gyur ro/ /btsun pa dge slong gis bsnyen par rdzogs pa la bsnyen par rdzogs par 'du shes te bsgo ba bzhin ma bgyis na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes te bsgo ba bzhin ma bgyis na cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te bsgo ba bzhin ma bgyis na cir 'gyur/ nyes byas so/ / bsnyen par ma rdzogs pa la bsnyen par ma rdzogs par 'du shes te bsgo ba bzhin ma bgyis na cir 'gyur/ nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa glen pa'o/ /btsun pa dge slong gis phrin gyis bsgo ba bzhin ma bgyis na cir 'gyur/ nyes byas so/ /de bzhin du spring yig dang / lag brda dang / gzhan zer ba dang gcig nas gcig tu brgyud de bsgo ba bzhin ma bgyis na thams cad nyes byas su 'gyur 12-1-158b ro/ /btsun pa dge slong gis dge slong smyon pas bsgo ba bzhin ma bgyis na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams kyis bsgo ba bzhin ma bgyis na thams cad nyes byas su 'gyur ro/ /btsun pa dge slong gis dge slob ma dang / dge tshul ma dang / dge tshul pha rnams kyis bsgo ba bzhin ma bgyis na cir 'gyur/ nyes byas so/ /btsun pa bslab pa stsal bas bsgo ba bzhin ma bgyis na cir 'gyur/ ltung ba'o/ /dge slob ma dang / dge tshul ma dang / dge tshul pha rnams kyis bsgo ba bzhin ma bgyis na cir 'gyur/ nyes byas so// //mdor na/ mi rung ba dang gang zag dang / /ma chog lhag dang bdun pa dang / /mtshan dang bzhi pa de bzhin du/ /lus dang skad dang dben de bzhin/ /khyim pa dag la sogs pa rnams/ /bar du gcod pa tha ma yin/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang dge 'dun gyi mal stan bla gab med par bting ngam/ 'ding ngam/ 'ding du stsal bar 'tshal bzhin du ma brtul te rtul du ma stsal tam/ dge slong la yang ma gtad par gzhan du mchis na ltung bar 'gyur ro zhes gsungs na/ btsun pa dge slong gis dge 'dun gyi mal stan bting ba ma gtad par gzhan du mchis kyang ltung bar mi 'gyur ba mchis sam/ u pA li yod de/ ji ltar mal stan de rgyu rung la spun mi rung ba dang / spun rung la rgyu mi rung ba dang / gnyi ga mi rung ba ste/ mi rung ba ni rnga mo'i bal dang / ba lang gi bal dang / ra'i bal dang / ri dgas kyi bal dang 'dres pa dang / thags su ma btags pa de lta bu'i mal stan zhig bting ngam 'dings su btsug pa las ma gtad par song na nyes byas su 'gyur ro/ /btsun pa dge slong gis gang zag gi mal stan bting ngam gding du bcug pa las ma gtad par mchis na cir 'gyur/ nyes byas so/ / 12-1-159a btsun pa dge slong gis dge 'dun gyi khri dang khri'u bkram pa las ma gtad par gzhan du mchis kyang ltung bar mi 'gyur ba mchis sam/ u pA li yod de rkang pa'i tshad bde bar gshegs pa'i sor brgyad las lhag gam ma chog na nyes byas su 'gyur ro/ /btsun pa bsnyen par ma rdzogs pas mal stan bting ba la bsnyen par ma rdzogs par nye 'khor las 'das na cir 'gyur/ nyes byas so/ /bsnyen par ma rdzogs par bting la bsnyen par rdzogs kar nye 'khor las 'das na cir 'gyur/ nyes byas so/ /bsnyen par ma rdzogs par bting la bsnyen par rdzogs pa na nye 'khor las 'das na cir 'gyur/ nyes byas so/ /bsnyen par rdzogs kar bting la bsnyen par rdzogs kar nye 'khor las 'das na cir 'gyur/ nyes byas so/ /bsnyen par rdzogs kar bting la bsnyen par rdzogs te nye 'khor las 'das na cir 'gyur/ nyes byas so/ /bsnyen par rdzogs pa na bting la bsnyen par rdzogs te nye 'khor las 'das na cir 'gyur/ ltung ba'o/ /bsnyen par rdzogs pa na bting la bsnyen par ma rdzogs par nye 'khor las 'das na cir 'gyur/ nyes byas so/ /btsun pa dge slong gis dge 'dun gyi mal stan bting nas ma brtul cing dge slong mchis pa la'ang ma gtad par/ gzhan du mchi ba na mtshan 'phos te dge slong mar gyur na cir 'gyur/ ltung ba'o/ / btsun pa dge slong mas dge 'dun gyi mal stan bting ba ma brtul cing dge slong ma mchis pa la yang ma gtad par/ gzhan du mchis pa dang mtshan 'phos te dge slong du gyur na cir 'gyur/ ltung ba'o/ /btsun pa dge slong gis dge 'dun gyi mal stan bting ba las ma brtul cing dge slong mchis pa la yang ma gtad par/ mtshams kyi slad rol la mtshams kyi slad rol du 'du shes te gzhan du mchis na cir 'gyur/ ltung ba'o/ /mtshams kyi phyi rol la mtshams kyi nang du 'du shes na nyes pa med do/ / 12-1-159b mtshams kyi nang la mtshams kyi phyi rol du 'du shes na nyes byas so/ /mtshams kyi nang la mtshams kyi nang du 'du shes na nyes pa med do/ /btsun pa dge slong 'phags pas 'phags pa'i skad kyis/ dge slong la dge 'dun gyi mal stan gtad de/ gzhan du mchis pa dang / dge slong des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du dge slong la dge 'dun gyi mal stan gtad de/ gzhan du mchis pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du dge slong la gtad de/ gzhan du mchis pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du dge slong la gtad de/ gzhan du mchis pa dang / dge slong des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis dge 'dun gyi mal stan bting ba lus kyi dmigs pas dge slong mchis pa la gtad de gzhan du mchis na cir 'gyur/ nyes byas so/ / btsun pa dge slong gis dge 'dun gyi mal stan bting ba dben pa la mi dben par 'du shes nas gtad de/ gzhan du mchis na cir 'gyur/ nyes byas so/ /btsun pa dge slong gis dge 'dun gyi mal stan bting ba dge slong mchis pa la ni ma gtad kyis khyim pa la gtad de/ gzhan du mchis na cir 'gyur/ nyes byas so/ /de bzhin du za ma dang / dge slong ma sun phyung ba dang / pha dang ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams la gtad de/ gzhan du mchis na cir 'gyur/ nyes byas so/ /btsun pa dge slong gis dge 12-1-160a 'dun gyi dbyen bgyis pa dang / nye bar phyogs pa dang / bslab pa stsal ba la gtad de gzhan du mchis na cir 'gyur/ nyes byas so/ /btsun pa dge slong gis dge 'dun gyi mal stan bting ba la brtul cing dge slong mchis bzhin du ma gtad par nye 'khor 'das kyang nongs par mi 'gyur ba mchis sam/ u pA li yod de/ de ni 'di ltar dge slong des kyang mal stan de yal bar ma bor bar song ba dang gtsug lag khang der bar chad brgyad las gang yang rung ba'i bar chad gcig byung bar gyur pa'o// //mdor na/ smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /btsun pa dge slong gis dge 'dun gyi mal stan bting ba ma brtul bar dge slong smyon pa zhig la gtad de gzhan du mchis na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / /glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / 'gro ba gzhan du gnas pa rnams la gtad de gzhan du mchis na cir 'gyur/ nyes byas so/ /btsun pa dge slong gis dge slong ma la gtad de gzhan du mchis na cir 'gyur/ nyes byas so/ /dge slob ma dang / dge tshul ma dang / dge tshul pha la gtad de gzhan du mchis na cir 'gyur/ nyes byas so/ /btsun pa dge slong mas/ dge slob ma dang / dge tshul ma dang / dge tshul pha rnams la gtad de gzhan du mchis na cir 'gyur/ nyes byas so/ /btsun pa bslab pa stsal bas dge 'dun gyi mal stan bting ba dge slong mchis bzhin du ma gtad par gzhan du mchis na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas so/ /mal stan la ji lta ba de bzhin du gding ba la yang rgyas par brjod par bya'o/ /tshad bde bar gshegs pa'i sor brgyad las chung ngam lhag pa ni mi rung bas na ma gtogs so// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms 12-1-160b zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis dge slong gang gis 'tshal bzhin du dge 'dun gyi gtsug lag khang nas dge slong zhig bskrad dam skrod du stsal na ltung bar 'gyur ro zhes gsungs na/ btsun pa dge slong gis 'tshal bzhin du dge 'dun gyi gtsug lag khang nas dge slong zhig phrin gyis bskrad na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa dge slong gis dge slong smyon pa zhig bskrad dam skrod du stsal na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams bskrad dam skrod du stsal na nyes byas so// //'dul ba gzhung dam pa/bam po bdun pa/ mdor na/ mtshan dang bzhi pa bdun pa dang / /de bzhin khyim pa la sogs rnams/ /dge 'dun tha mar gyur pa'o/ /btsun pa dge slong gis dge 'dun gyi gtsug lag khang nas dge slong zhig bskrad dam skrod du stsal ba na mtshan 'phos te dge slong mar gyur na cir 'gyur/ nyes byas so/ /btsun pa dge slong mas dge 'dun gyi gtsug lag khang nas dge slong ma bskrad dam skrod du stsal ba na mtshan 'phos te dge slong du gyur na cir 'gyur/ nyes byas so/ /btsun pa dge slong gis bsnyen par rdzogs pa la bsnyen par rdzogs par 'du shes te bskrad dam skrod du stsal na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na nyes byas su 'gyur ro/ /bsnyen par ma rdzogs pa la bsnyen par rdzogs par 'du shes na nyes byas su 'gyur ro/ /bsnyen par ma rdzogs pa la bsnyen par ma rdzogs par 'du shes na nyes byas su 'gyur ro/ /btsun pa bsnyen par ma rdzogs pa na dge slong zhig bskrad par bshams nas bsnyen par ma rdzogs pa na grub na cir 'gyur/ 12-1-161a nyes byas so/ /bsnyen par ma rdzogs par bshams la bsnyen par rdzogs kar bskrad na cir 'gyur/ nyes byas so/ /bsnyen par ma rdzogs par bshams la bsnyen par rdzogs te bskrad na cir 'gyur/ nyes byas so/ /bsnyen par rdzogs kar bshams la bsnyen par rdzogs kar bskrad na cir 'gyur/ nyes byas so/ /bsnyen par rdzogs kar bshams la bsnyen par rdzogs te bskrad na cir 'gyur/ nyes byas so/ /bsnyen par rdzogs nas bshams la bsnyen par rdzogs pa na bskrad na cir 'gyur/ ltung ba'o/ /bsnyen par rdzogs nas bshams la bsnyen par ma rdzogs pa na bskrad na cir 'gyur/ nyes byas so/ /btsun pa dge slong gis khyim pa zhig bskrad dam skrod du stsal na cir 'gyur/ nyes byas so/ /btsun pa dge slong gis za ma dang / ma ning dang / dge slong ma sun phyung ba dang / pha dang ma dang dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / sngar nyes pa byung ba dang / sngar 'khrugs pa rnams bskrad dam skrod du bcug na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba rnams bskrad dam skrod du stsal na cir 'gyur/ thams cad ltung bar 'gyur ro/ /btsun pa dge slong zhig mngon sum du khyim pa zhig skrod du stsal na cir 'gyur/ ltung ba'o/ /de bzhin du za ma dang / ma ning dang / dge slong ma sun phyung ba dang /pha dang ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / so sor gnas pa dang / mi gnas pa dang / sngar 'khrugs pa dang / sngar nyes pa byung ba dang / nye bar phyogs pa dang / bslab pa stsal ba dang / dge slong ma dang / dge slob ma dang / dge tshul ma dang / dge tshul phas skrod du stsal na cir 'gyur/ ltung ba'o/ /btsun pa dge slong ma zhig gis dge slong ma bskrad dam skrod du stsal na cir 'gyur/ ltung ba'o/ /btsun pa 12-1-161b dge slong mas dge slob ma dang / dge tshul ma dang / dge tshul pha rnams bskrad dam skrod du stsal na cir 'gyur/ nyes byas so/ /btsun pa bslab pa stsal bas dge slong ma zhig bskrad dam skrod du stsal na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas so// //mdor na/ smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa btsun pa bcom ldan 'das kyis yang dge slong gang gis snga na mchis pa'i dge slong la slad kyis mchis te shin tu gnod par bgyid cing mchis sam nyal bar bgyid na ltung ba'o zhes gsungs na/ btsun pa dge slong gis dge slong smyon pa zhig la shin tu gnod par bgyid cing mchis sam nyal bar bgyid na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams la shin tu gnod par bgyid cing mchis sam nyal bar bgyid na cir 'gyur/ nyes byas so// //mdor na/ gang zag gi dang dge 'dun gyi/ /de bzhin mtshan dang bzhi pa dang / /khyim pa dag la sogs pa rnams/ /mi rung ba ni tha mar gyur/ btsun pa dge slong gis gang zag gi gtsug lag khang na snga na mchis pa'i dge slong rnams la shin tu gnod par bgyid cing mchis sam nyal bar bgyid na cir 'gyur/ nyes byas so/ /btsun pa dge slong gis dge 'dun gyi gtsug lag khang ma gtogs par de las gzhan pa'i gnas na snga na mchis pa'i dge slong rnams la shin tu gnod par bgyid cing mchis sam nyal bar bgyid na cir 'gyur/ nyes byas so/ /btsun pa dge slong rnams la shin tu gnod par bgyid cing mchis sam nyal bar bgyid pa na mtshan 'phos te dge slong mar gyur na cir 'gyur/ nyes byas so/ /btsun pa dge slong gis bsnyen par ma rdzogs pa la bsnyen par ma rdzogs par 'du shes te mchis sam nyal bar bgyid na cir 'gyur/ nyes byas so/ /bsnyen 12-1-162a par ma rdzogs pa la bsnyen par rdzogs par 'du shes na nyes byas so/ /bsnyen par rdzogs pa la bsnyen par ma rdzogs par 'du shes na nyes byas so/ /bsnyen par rdzogs pa la bsnyen par rdzogs par 'du shes te shin tu gnod par bgyid cing mchis sam nyal bar bgyid na cir 'gyur/ ltung ba'o/ /btsun pa dge slong gis khyim pa la shin tu gnod par bgyid cing mchis sam nyal bar bgyid na cir 'gyur/ nyes byas so/ /de bzhin du za ma dang / ma ning dang / sngar nyes pa byung ba rnams la shin tu gnod pa bgyid cing mchis sam nyal bar byed na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba rnams la shin tu gnod pa bgyid cing mchis sam nyal bar bgyid na cir 'gyur/ thams cad ltung bar 'gyur ro/ /btsun pa dge slong gis dge 'dun gyi gtsug lag khang na snga na mchis pa'i dge slong rnams la shin tu gnod par bgyid cing mchis sam nyal bar bgyid kyang ltung bar mi 'gyur ba mchis sam/ u pA li yod de/ mi rung ba'i mal stan yin te/ gang dge slong rnams kyis spyad du mi rung ba'o/ /btsun pa dge slong gis dge slong ma dang / dge slob ma dang / dge tshul ma dang / dge tshul pha rnams la shin tu gnod par bgyid cing mchis sam nyal bar bgyid na cir 'gyur/ nyes byas so/ /btsun pa dge slong mas dge slong dang / dge slob ma dang / dge tshul ma dang / dge tshul pha rnams la shin tu gnod par bgyid cing mchis sam nyal bar bgyid na cir 'gyur/ nyes byas so/ /btsun pa bslab pa stsal bas snga na mchis pa'i dge slong rnams la shin tu gnod par bgyid cing mchis sam nyal bar bgyid na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la ni nyes byas so// //mdor na/ gang zag gi dang dge 'dun gyi/ /de bzhin mtshan dang bzhi pa dang / /mi rung ba dang de bzhin bdun/ /nam mkha'i g.yogs pa tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge 12-1-162b slong gi dge 'dun gyi gtsug lag khang gi steng du khang bu brtsegs pa'i nang du khri 'am khri'u yang rung rkang pa gzer bu ma mchis par 'tshal bzhin du mchis sam nyal bar bgyid na ltung ba'o zhes gsung na/ btsun pa dge slong gis gang zag gi gtsug lag khang gi steng du khang bu brtsegs pa'i nang du khri'am khri'u yang rung rkang pa gzer bu ma mchis pa la mchis sam nyal bar bgyid na cir 'gyur/ nyes byas so/ /btsun pa dge slong gis dge 'dun gyi gtsug lag khang ma gtogs par de las gzhan pa'i gnas kyi steng du khang bu brtsegs pa'i nang du gzer bu ma mchis pa'i khri'am khri'u'i steng du mchis sam nyal bar bgyid na cir 'gyur/ nyes byas so/ /btsun pa dge slong gis steng gi yang thog gi khang bur shin tu gnod par bgyid cing mchis sam nyal bar bgyid pa na mtshan 'phos te dge slong mar gyur na cir 'gyur/ ltung ba'o/ /btsun pa dge slong gis steng gi yang thog gi khang bu la yang thog tu 'du shes te gzer bu ma mchis pa'i khri'am khri'u'i steng du ljid kyis phab ste mchis sam nyal bar bgyid na cir 'gyur/ ltung ba'o/ /yang thog la yang thog ma yin par 'du shes na nyes pa med do/ /yang thog ma yin pa la yang thog yin par 'du shes na nyes byas su 'gyur ro/ /yang thog ma yin pa la yang thog ma yin par 'du shes na nyes pa med do/ /btsun pa dge slong gis steng gi yang thog gi khang bur khri'am khri'u rkang pa gzer bu ma mchis pa'i steng du ljid kyis phab ste mchis sam nyal bar bgyid kyang ltung bar mi 'gyur ba mchis sam/ u pA li yod de/ mal stan mi rung bar gyur pa gang la dge slong rnams kyis spyad par mi rung ba'o/ /btsun pa bsnyen par ma rdzogs par bshams la bsnyen par ma rdzogs par mchis na cir 'gyur/ nyes byas so/ /bsnyen par ma rdzogs par bshams la bsnyen par rdzogs kar mchis na cir 'gyur/ nyes byas so/ /bsnyen par ma rdzogs pa na bshams la bsnyen par rdzogs pa na ljid kyis phab ste mchis sam nyal bar bgyid na cir 'gyur/ nyes byas so/ /bsnyen par rdzogs kar bshams la bsnyen par rdzogs kar shin tu ljid kyis phab ste mchis sam nyal bar bgyid 12-1-163a na cir 'gyur/ nyes byas so/ /bsnyen par rdzogs kar bshams la bsnyen par rdzogs te ljid kyis phab ste mchis sam nyal bar bgyid na cir 'gyur/ nyes byas so/ /bsnyen par rdzogs pa na bshams la bsnyen par rdzogs nas ljid kyis phab ste mchis sam nyal bar bgyid na cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na ljid kyis phab ste mchis sam nyal bar bgyid na cir 'gyur/ nyes byas so/ /btsun pa dge slong gis khri'am khri'u rkang pa gzer bu ma mchis pa la ljid kyis phab ste mchis sam nyal bar bgyid kyang ltung bar mi 'gyur ba mchis sam/ u pA li yod de/ de ni 'di ltar gtsug lag khang gi steng spang leb kyis g.yogs pa dang / sa gang du gyur pa yang rung ste steng du 'dug gam nyal bar byed na nyes pa med do/ /btsun pa bslab pa stsal bas steng gi yang thog gi khang bu'i khri'am khri'u rkang pa gzer bu ma mchis pa la ljid kyis phab ste mchis sam nyal bar bgyid na cir 'gyur/ ltung ba'o/ /dge slong mas ljid kyis phab ste mchis sam nyal bar bgyid na cir 'gyur/ ltung ba'o/ /dge slob ma dang / dge tshul ma dang / dge tshul pha rnams ljid kyis phab ste mchis sam/ nyal bar bgyid na cir 'gyur/ nyes byas so/ /srog chags dang bcas pa'i chus rtswa dang sa dang ba lang gi lci ba la btab na ltung ba'o zhes gsungs pa yang bstan pa bzhin rgyas par brjod par bya'o// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa dang ni 'gro ba rnams/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis dge slong gis gtsug lag khang chen po zhig rtsig na 'jim pa dang pha gur spel te rim pa gnyis sam gsum gyi bar du rtsigs shig de las lhag par brtsigs na ltung bar 'gyur ro zhes gsungs na/ btsun pa dge slong gis phrin gyis rim pa gnyis sam gsum las lhag par brtsigs na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu 12-1-163b brgyud pa thams cad nyes byas so/ /btsun pa dge slong smyon pas rim pa gnyis sam gsum las lhag par brtsigs na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams rtsig tu stsal na cir 'gyur/ thams cad nyes byas su 'gyur ro// //mdor na/ chen po gang zag rdo ba dang / /gzhan gyis brtsams pa'ang de bzhin te/ /mtshan dang bzhi pa de bzhin du/ bslab pa byin dang dge slong ma'o/ /btsun pa dge slong gis gtsug lag khang chen po ma gtogs par de las gzhan pa dge 'dun gyi dngos po zhig rtsig ste rim pa gnyis sam gsum las lhag par brtsigs na cir 'gyur/ nyes byas so/ /btsun pa dge slong gis gang zag gi gtsug lag khang zhig rtsig pa lhag par brtsigs na cir 'gyur/ nyes byas so/ /btsun pa dge slong gis dge 'dun gyi gtsug lag khang rtsig pa'i tshe na rim pa gnyis sam gsum las lhag par brtsigs kyang ltung bar mi 'gyur ba mchis sam/ u pA li yod de/ de ni 'di ltar gtsug lag khang de rdo ba 'ba' zhig gis brtsigs sam sbyin bdag gis 'di skad du sbyin pa zin na lta'o zhes smras na nyes pa med do/ /btsun pa dge slong gis gzhan gyis rim pa gnyis sam gsum brtsigs sam gzhan gyis brtsigs pa las lags par bgyis na cir 'gyur/ nyes byas so/ /btsun pa dge slong gis 'jim pa dang pha gu spel te rim pa gnyis sam gsum las lhag par brtsigs te gzhan gyis lags par ma bgyis na cir 'gyur/ nyes byas so/ /sems 'khrugs par gyur pa'am dus byas pa yang de bzhin no/ /btsun pa dge slong gis 'jim pa dang pha gur spel te rim pa gnyis sam gsum las lhag par rtsig pa na mtshan 'phos te dge slong mar gyur nas lags par bgyis na cir 'gyur/ ltung ba'o/ /btsun pa dge slong mas 'jim pa dang pha gur spel te rim pa gnyis sam gsum las lhag par rtsig pa na mtshan 'phos te dge slong phar gyur nas lags par bgyis na cir 'gyur/ ltung ba'o/ /btsun pa dge slong gis 'jim pa dang pha gur spel te rim pa gnyis sam gsum las 12-1-164a lhag pa la/ lhag par 'du shes te brtsigs na cir 'gyur/ ltung ba'o/ /lhag pa la ma lhag par 'du shes na nyes pa med do/ /ma lhag pa la lhag par 'du shes na/ nyes byas so/ /ma lhag pa la ma lhag par 'du shes na nyes pa med do/ /btsun pa bslab pa stsal bas rim pa gnyis sam gsum las lhag par brtsigs na cir 'gyur/ ltung ba'o/ /btsun pa dge slong mas rim pa gnyis sam gsum las lhag par brtsigs na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang dge 'dun gyis ma bskos par dge slong ma la ston na ltung ba'o zhes gsungs na/ btsun pa dge slong dge 'dun gyis ma bskos par phrin gyis dge slong ma la ston na cir 'gyur/ nyes byas so/ /de bzhin du spring yig dang / lag brda dang / gzhan zer ba dang gcig nas gcig tu brgyud pa thams cad nyes byas su 'gyur ro/ /btsun pa dge slong gi dge 'dun gyis ma bskos par dge slong ma smyon ma zhig la bstan na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / 'on pa dang / lkugs pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams la bstan na thams cad nyes byas su 'gyur ro// //mdor na/ tshig dang lus dang dben pa dang / /mtshan dang bzhi pa lnga pa dang / /btang ba dang ni nye bar song / /slob pa gzhan dang lan gnyis bskos/ /btsun pa dge slong 'phags pas 'phags pa'i skad du dge slong ma la bstan pa dang / dge slong ma des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du dge slong ma la bstan pa dang / dge slong 12-1-164b ma des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du dge slong ma la bstan pa dang / dge slong ma des kyang 'phags pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du dge slong ma la bstan pa dang / dge slong ma des kyang mtha' 'khob pa'i skad ma 'tshal na cir 'gyur/ nyes byas so/ /btsun pa dge slong gis lus kyi dmigs pas/ dge slong ma la bstan na cir 'gyur/ nyes byas so/ /btsun pa dge slong gis dben pa la mi dben par 'du shes te bstan na cir 'gyur/ nyes byas so/ /btsun pa dge slong gis dge slong ma la ston pa na de'i mtshan 'phos te dge slong mar gyur na cir 'gyur/ nyes byas so/ /btsun pa dge slong gis dge slong ma la ston pa na dge slong ma de'i mtshan 'phos te dge slong du gyur na cir 'gyur/ nyes byas so/ /btsun pa dge slong gis bsnyen par ma rdzogs pa la bsnyen par ma rdzogs par 'du shes na cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes na nyes byas su 'gyur ro/ /bsnyen par rdzogs pa la bsnyen par ma rdzogs par 'du shes na nyes byas su 'gyur ro/ /bsnyen par rdzogs pa la bsnyen par rdzogs par 'du shes te bstan na cir 'gyur/ ltung ba'o/ /btsun pa dge slong gis dge slong ma ma ning dang / rkun gnas pa dang / so sor gnas pa dang / sngar nyes pa byung ba dang / sngar 'khrugs pa rnams la bstan na cir 'gyur/ thams cad nyes byas so/ /btsun pa dge slong gis dge 'dun gyi dbyen bgyid ma dang / nye bar phyogs ma dang / bslab pa stsal ba rnams la bstan na cir 'gyur/ thams cad ltung bar 'gyur ro/ /dge slob ma dang / dge tshul ma rnams la bstan na thams cad nyes byas su 'gyur ro/ /btsun pa dge slong ma la ston par bgyid pa des bar du btang bar gyur na lan gnyis su bsko 'tshal lam/ u pA li mi dgos te/ sngar sdom pa byin pa nyid kyis ston cig /btsun pa rjes su ma phyogs pa'i dge slong gis rjes su phyogs pa'i dge slong ma la bstan na cir 'gyur/ 12-1-165a nyes byas so/ /btsun pa rjes su phyogs pa'i dge slong gis rjes su ma phyogs pa'i dge slong ma la bstan na cir 'gyur/ nyes byas so/ /btsun pa bslab pa stsal ba zhig sngar dge slong ma la ston par bskos pa las de ni nongs pa tshangs na lan gnyis bsko 'tshal lam/ u pA li mi dgos te/ sngar sdom pa byin pa nyid kyis ston cig /btsun pa dge slong ma la ston pa'i dge slong gnas gzhan du bskos pa las gnas gzhan du mchis nas ston na sngar sdom pa de nyid kyis dge slong ma la bstan par bgyi'am/ bstan par mi bgyi/ u pA li bstan par bya'o/ / btsun pa dge slong ma la ston pa na sems 'khrugs par gyur nas rang gi sems slar rnyed na lan gnyis su bsko 'tshal lam/ u pA li mi dgos so/ /chos lnga dang ldan pa dge slong ma la ston par bskos na bskos pa zhes bgyi'am/ ma bskos pa zhes bgyi/u pA li bskos pa zhes bya ste dge 'dun yang 'das pa dang bcas par mi 'gyur ro/ /btsun pa dge slong dge 'dun gyis dge slong ma la ston par bskos kyang nongs pa dang bcas par 'gyur ba mchis sam/ u pA li yod de/ chos lnga dang mi ldan par gyur pa'o/ /btsun pa dge slong dge slong ma la ston par dge 'dun gyis ma bskos kyang nongs par mi 'gyur ba mchis sam/ u pA li yod de/ dgra bcom pas bstan pa'o/ /btsun pa bslab pa stsal ba zhig dge slong ma la ston par dge 'dun gyis ma bskos na cir 'gyur/ ltung ba'o/ /btsun pa dge tshul pha zhig dge slong ma la ston na cir 'gyur nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis dge slong gis dge 'dun gyi gdugs bas kyi bar du dge slong ma la ston par bskos pa dang / de las 'das par ston na ltung bar 'gyur ro zhes gsungs na/ btsun pa dge slong gis phrin gyis gdugs bas pa las 'das par 12-1-165b bstan na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa dge slong gis dge slong ma smyon ma zhig la gdugs bas pa'i dus las 'das par bstan na cir 'gyur/ nyes byas so/ /de bzhin du sems 'khrugs ma dang / nad kyis gzir ma dang / glen ma dang / lkugs ma dang / 'on ma dang / dmus long ma dang / gnyid log ma dang / ra ro ba dang / myos ma dang / snyoms par zhugs ma dang / 'gro ba gzhan du gnas pa rnams la bstan na thams cad nyes byas su 'gyur ro// //mdor na/ skad dang lus dang dben pa dang / /mtshan dang bzhi pa de bzhin te/ /ma ning ma dang bar chad dang / /dbyar ni tha mar gyur pa'o/ /btsun pa dge slong 'phags pas 'phags pa'i skad du gdugs bas pa'i dus las 'das par dge slong ma la bstan pa dang / dge slong ma des kyang 'phags pa'i skad ma 'tshal na cir 'gyur/ nyes byas so/ /'phags pa zhig gis mtha' 'khob pa'i skad du dge slong ma la bstan pa dang / dge slong ma des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du dge slong ma la bstan pa dang / dge slong ma des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du gdugs bas pa'i dus las 'das par dge slong ma la bstan pa dang / dge slong ma des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis lus kyis dmigs pas gdugs bas pa'i dus las 'das par dge slong ma la bstan na cir 'gyur/ nyes byas so/ /btsun pa dge slong gis dben pa la mi dben par 'du shes te gdugs bas pa'i dus las 'das par dge slong ma la bstan na cir 'gyur/ nyes byas so/ /btsun pa dge slong gis gdugs bas pa'i dus las 'das par dge slong ma la ston pa na mtshan 'phos te dge slong mar gyur na cir 'gyur/ nyes byas so/ /btsun pa dge slong gis gdugs bas pa'i dus las 'das 12-1-166a par dge slong ma la bstan pa las dge slong ma de yang mtshan 'phos te dge slong du gyur na cir 'gyur/ nyes byas so/ /btsun pa dge slong gis bsnyen par ma rdzogs pa la bsnyen par ma rdzogs par 'du shes te gdugs bas pa'i dus las 'das par dge slong ma la bstan na cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes na cir 'gyur/ nyes byas so/ /bsnyen par rdzogs pa la bsnyen par ma rdzogs par 'du shes na cir 'gyur/ nyes byas so/ /bsnyen par rdzogs pa la bsnyen par rdzogs par 'du shes te gdugs bas pa'i dus las 'das par dge slong ma la bstan na cir 'gyur/ ltung ba'o/ /btsun pa dge slong gis gdugs bas pa la gdugs bas par 'du shes te dge slong ma la bstan na cir 'gyur/ ltung ba'o/ /nyi ma nub pa la nyi ma nub par 'du shes te bstan na nyes pa med do/ /nyi ma ma nub pa la nub par 'du shes te bstan na nyes byas so/ /nyi ma ma nub pa la ma nub par 'du shes te bstan na nyes pa med do/ /btsun pa dge slong gis dge slong ma ma ning dang / rkun gnas dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams la bstan na cir 'gyur/ thams cad nyes byas so/ /btsun pa dge slong gis dge slong ma dge 'dun gyi dbyen bgyis pa dang / nye bar phyogs pa dang / bslab pa stsal ba rnams la gdugs bas pa'i dus las 'das par bstan na cir 'gyur/ ltung ba'o/ /btsun pa dge slong gis gdugs bas pa'i dus las 'das par dge slong ma la bstan kyang ltung bar mi 'gyur ba mchis sam/ u pA li yod de/ dge slong ma dag 'ong ba las bar du bar chad brgyad las gang yang rung ba zhig byung bar gyur na nyes pa med do/ /btsun pa dge slong gis gdugs bas pa'i dus las 'das par dge slong ma la bstan kyang ltung bar mi 'gyur ba mchis sam/ u pA li yod de/ dge slong ma'i gnas su song ste ston na nyes pa med do// // mdor na/ skad dang lus dang dben pa dang / /mtshan dang bzhi pa de bzhin du/ /bdun pa ma ning de bzhin te/ /bslab pa stsal dang dge slong ma'o/ / 12-1-166b sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang dge slong la 'di skad du zas cung zad tsam gyi phyir tshe dang ldan pa dge slong ma la ston to zhes mchi na ltung bar 'gyur ro/ /zhes gsungs na/ btsun pa dge slong 'phags pas 'phags pa'i skad du dge slong la 'di skad du zas cung zad tsam gyi phyir tshe dang ldan pa khyod dge slong ma la ston to zhes smras pa dang / dge slong des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du dge slong la de skad smras pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du dge slong la de skad smras pa dang /dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du dge slong la 'di ltar tshe dang ldan pa khyod zas cung zad tsam gyi phyir dge slong ma la ston to zhes smras pa dang / dge slong des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis dge slong la lus kyi dmigs pas 'di ltar tshe dang ldan pa zas cung zad tsam gyi phyir dge slong ma la ston to zhes go bar bgyis na cir 'gyur/ nyes byas so/ /btsun pa dge slong gis dben pa la mi dben par 'du shes nas 'di skad du tshe dang ldan pa khyod zas cung zad tsam gyi phyir dge slong ma la ston to zhes smras na cir 'gyur/ nyes byas so/ /btsun pa dge slong gis dge slong la 'di skad du tshe dang ldan pa khyod zas cung zad tsam gyi phyir dge slong ma la chos ston to zhes smra ba na de'i mtshan 'phos te dge slong mar gyur na cir 'gyur/ nyes byas so/ /btsun pa dge slong mas dge slong la 'di skad du 'phags pa khyod kyis zas cung zad tsam gyi phyir dge slong ma la ston to zhes smra ba na dge slong ma de yang mtshan 'phos te dge slong du gyur na cir 'gyur/ ltung ba'o/ /btsun pa dge slong gis bsnyen par rdzogs pa la bsnyen par rdzogs par 'du shes nas 'di skad du tshe dang ldan pa khyod zas cung zad tsam gyi phyir dge slong ma la ston to zhes 12-1-167a smras na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na nyes byas su 'gyur ro/ /bsnyen par ma rdzogs pa la bsnyen par rdzogs par 'du shes na nyes byas su 'gyur ro/ /bsnyen par ma rdzogs pa la bsnyen par ma rdzogs par 'du shes na nyes byas su 'gyur ro/ /btsun pa bsnyen par ma rdzogs pas mthong nas bsnyen par ma rdzogs pas 'di skad du tshe dang ldan pa khyod zas cung zad tsam gyi phyir dge slong ma la ston to zhes smras na cir 'gyur/ nyes byas so/ /bsnyen par ma rdzogs par mthong la bsnyen par rdzogs kar de skad smras na cir 'gyur/ nyes byas so/ /bsnyen par ma rdzogs par mthong la bsnyen par rdzogs te de skad smras na cir 'gyur/ nyes byas so/ /bsnyen par rdzogs kar mthong la bsnyen par rdzogs kar de skad smras na cir 'gyur/ nyes byas so/ /bsnyen par rdzogs kar mthong la bsnyen par rdzogs nas de skad smras na cir 'gyur/ nyes byas so/ /bsnyen par rdzogs pa na mthong la bsnyen par rdzogs pa na de skad smras na cir 'gyur/ ltung ba'o/ /bsnyen par rdzogs pa na mthong la bsnyen par ma rdzogs pa na de skad smras na cir 'gyur/ nyes byas so/ /dge slong gis za ma dang / dge slong ma sun phyung ba nas/ sngar 'khrugs pa'i bar du de dag la 'di skad du tshe dang ldan pa khyod zas cung zad tsam gyi phyir dge slong ma la ston to zhes smras na cir 'gyur/ nyes byas so/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba rnams la de skad smras na cir 'gyur/ thams cad ltung bar 'gyur ro/ /bslab pa stsal bas 'di skad du tshe dang ldan pa khyod zas cung zad tsam gyi phyir dge slong ma la ston to zhes smras na cir 'gyur/ ltung ba'o/ /btsun pa dge slong mas dge slob ma dang / dge tshul ma dang / dge tshul pha rnams la 'di skad du tshe dang ldan pa khyod zas cung zad tsam gyi phyir dge slong ma la ston to zhes smras na cir 'gyur nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid 12-1-167b log dang / /ra ro ba dang myos pa dang / /snyoms zhugs 'gro ba tha ma'o/ btsun pa dge slong gis dge slong la phrin gyis 'di skad du tshe dang ldan pa khyod zas cung zad tsam zhig gi phyir dge slong ma la ston to zhes smras na cir 'gyur/ nyes byas so/ /de bzhin du spring yig dang / lag brda dang / gzhan zer ba dang /gcig nas gcig tu brgyud pa dang / smyon pa dang / sems 'khrugs pa dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams la thams cad nyes byas su 'gyur ro// //mdor na/ mi rung ba dang bdun pa dang / /de bzhin mtshan dang bzhi pa dang / /gzhan gyis brtsams dang ma zin dang / /che ba ma chog lhag de bzhin/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang gnyen ma lags pa'i dge slong ma'i gos bgyis na ltung bar 'gyur ro/ /zhes gsungs na/ btsun pa dge slong gis gnyen ma lags pa'i dge slong ma'i gos bgyis kyang ltung bar mi 'gyur ba mchis sam/ u pA li yod de/ de 'di ltar rgyu rung bar gyur la spun mi rung ba dang / spun rung bar gyur la rgyu mi rung bar gyur pa dang gnyi ga mi rung bar gyur pa ste/ mi rung ba ni rnga mo'i bal dang / ba lang gi bal dang / ri dgas kyi bal dang / ra'i bal dang 'dres pa dang / thags su ma btags pa dang / gos de 'dra ba zhig bgyid du stsal na nyes byas so/ /btsun pa bsnyen par ma rdzogs pas gnyen ma lags pa'i dge slong ma'i gos bgyi bar brtsams nas bsnyen par ma rdzogs par lags na cir 'gyur/ nyes byas so/ /bsnyen par ma rdzogs par brtsams la bsnyen par rdzogs kar lags na cir 'gyur/ nyes byas so/ /bsnyen par ma rdzogs pa na brtsams la bsnyen par rdzogs pa na lags na cir 'gyur/ nyes byas so/ /bsnyen par rdzogs kar brtsams la bsnyen par rdzogs kar lags na cir 'gyur/ nyes byas so/ /bsnyen par rdzogs kar brtsams la bsnyen par rdzogs te lags na cir 12-1-168a 'gyur/ nyes byas so/ /bsnyen par rdzogs pa na brtsams la bsnyen par rdzogs pa na lags na cir 'gyur/ ltung ba'o/ /bsnyen par rdzogs pa na brtsams la bsnyen par ma rdzogs pa na lags na cir 'gyur/ nyes byas so/ /btsun pa dge slong gis gnyen ma lags pa'i dge slong ma'i gos bgyid pa na mtshan 'phos te dge slong mar gyur na cir 'gyur/ nyes byas so/ /btsun pa dge slong mas gnyen ma lags pa'i dge slong gi gos bgyid pa na mtshan 'phos te dge slong du gyur na cir 'gyur/ nyes byas so/ /btsun pa dge slong gis gnyen ma lags pa'i dge slong ma'i gos bgyid pa na mtshan 'phos te dge slong mar gyur na cir 'gyur/ nyes byas so/ /btsun pa dge slong gis gnyen ma lags pa'i dge slong ma la gnyen ma lags par 'du shes te gos bgyid na cir 'gyur/ ltung ba'o/ /gnyen ma lags pa la gnyen lags par 'du shes na cir 'gyur/ nyes pa med do/ /btsun pa dge slong gis gnyen la gnyen ma lags par 'du shes na cir 'gyur/ nyes byas so/ /gnyen la gnyen du 'du shes te gos bgyid na cir 'gyur/ nyes pa med do/ /btsun pa dge slong gis gnyen ma lags pa'i dge slong ma bsnyen par rdzogs pa la bsnyen par rdzogs par 'du shes te gos bgyid na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na nyes byas su 'gyur ro/ /bsnyen par ma rdzogs pa la bsnyen par ma rdzogs par 'du shes na cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes na cir 'gyur/ nyes byas so/ /btsun pa dge slong gis gnyen ma lags pa'i dge slong ma'i gos gzhan bgyid du stsal na cir 'gyur/ nyes byas so/ /btsun pa dge slong gis gnyen ma lags pa'i dge slong ma'i gos gzhan gyis brtsams pa lags par bgyis na cir 'gyur/ nyes byas so/ /btsun pa dge slong gis gnyen ma lags pa'i dge slong ma'i gos bgyid pa las ma lags par bor na cir 'gyur/ nyes byas so/ /btsun pa dge slong gis gnyen ma lags 12-1-168b pa'i dge slong ma'i gos tshad las chung ba zhig bgyis nas byin gyis brlab tu mi rung na cir 'gyur/ nyes byas so/ /btsun pa dge slong gis gnyen ma lags pa'i dge slong ma'i gos tshad las lhag par bgyis na byin gyis brlab tu mi rung na cir 'gyur/ nyes byas so// //'dul ba gzhung dam pa/bam po brgyad pa/ mdor na/ smyon ma sems 'khrugs na ba dang / /'on ma dang ni glen ma dang / /ma ning 'gro ba de bzhin te/ /bslab pa stsal dang dge slong ma'o/ /btsun pa dge slong gis dge slong ma smyon ma'i gos bgyid na cir 'gyur/ nyes byas so/ / de bzhin du dge slong ma sems 'khrugs ma dang / nad kyis gzir ma dang / glen ma dang / lkugs ma dang / 'on ma dang / dmus long ma dang / ma ning ma dang / rkun gnas ma dang / mi gnas ma dang / so sor gnas ma dang / sngar 'khrugs pa dang / sngar nyes pa byung ba dang / 'gro ba gzhan du gnas pa rnams kyi gos byas na thams cad nyes byas su 'gyur ro/ /btsun pa dge slong mas dge 'dun gyi dbyen bgyis pa dang / nye bar phyogs pa dang / bslab pa stsal ba rnams kyi gos bgyis na cir 'gyur/ thams cad ltung bar 'gyur ro/ /btsun pa dge slong gis dge slob ma dang / dge tshul ma'i gos bgyis na cir 'gyur/ nyes byas so/ /btsun pa dge slong mas gnyen ma lags pa'i dge slong dang dge tshul pha rnams kyi gos bgyis na cir 'gyur/ nyes byas so/ /btsun pa bslab pa stsal bas gnyen ma lags pa'i dge slong ma'i gos bgyis na cir 'gyur ltung ba'o// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang gnyen ma lags pa'i dge slong ma la gos stsal na ltung bar 'gyur ro zhes gsungs na/ btsun pa dge slong gis gnyen ma lags pa'i dge slong ma la phrin gyis gos stsal na 12-1-169a cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa rnams dang / de bzhin du dge slong ma smyon ma la gos byin pa dang / sems 'khrugs ma dang / nad kyis gzir ma dang / lkugs ma dang / 'on ma dang / gnyid log ma dang / ra ro ma dang / myos ma dang / snyoms par zhugs ma dang / de bzhin du 'gro ba gzhan du gnas ma rnams la gos byin na thams cad nyes byas su 'gyur ro// //mdor na/ mi rung ba dang bzhi pa dang / /de bzhin mtshan dang ma chog lhag /de ltar bdun pa rin che ba/ /thun mong ba dang ma ning ngo / /btsun pa dge slong gis gnyen ma lags pa'i dge slong ma la gos stsal kyang ltung bar mi 'gyur ba mchis sam/ u pA li yod de/ ji ltar gos de'i rgyu rung bar gyur la spun mi rung ba dang / spun rung bar gyur la rgyu mi rung ba dang / gnyi ga mi rung ba ste/ mi rung ba ni rnga mo'i bal dang / ba lang gi bal dang / ra'i bal dang / ri dgas kyi bal dang 'dres pa dang / thags su ma btags pa'o/ /gos de 'dra ba zhig stsal na cir 'gyur/ nyes byas so/ /btsun pa dge slong gis dge slong ma bsnyen par rdzogs pa la bsnyen par rdzogs par 'du shes te gos stsal na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes na cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes na cir 'gyur/ nyes byas so/ /btsun pa dge slong gis gnyen ma lags pa'i dge slong ma la gnyen ma lags par 'du shes te stsal na cir 'gyur/ ltung ba'o/ /gnyen ma lags pa la gnyen du 'du shes na cir 'gyur/ nyes pa med do/ / gnyen lags pa la gnyen ma lags par 'du shes na cir 'gyur/ nyes byas so/ /gnyen la gnyen du 'du shes na cir 'gyur/ nyes pa med do/ /btsun pa dge slong gis gnyen ma lags pa'i dge slong ma la gos stsal ba na mtshan 'phos te dge slong mar gyur na cir 'gyur/ nyes 12-1-169b byas so/ /btsun pa dge slong mas gnyen ma lags pa'i dge slong la gos stsal ba na mtshan 'phos te dge slong phar gyur na cir 'gyur/ nyes byas so/ /btsun pa dge slong gis gnyen ma lags pa'i dge slong ma la gos stsal kyang nongs par mi 'gyur ba mchis sam/ u pA li yod de/ khru gang las chung bar gyur pa'i gos dang / bde bar gshegs pa'i chos gos kyi tshad du gyur pa'o/ /btsun pa bsnyen par ma rdzogs pa na bsngos la bsnyen par ma rdzogs pa na stsal na cir 'gyur/ nyes byas so/ /bsnyen par ma rdzogs par bsngos la bsnyen par rdzogs kar stsal na cir 'gyur/ nyes byas so/ /bsnyen par ma rdzogs pa na bsngos la bsnyen par rdzogs te stsal na cir 'gyur/ nyes byas so/ /bsnyen par rdzogs kar bsdos la bsnyen par rdzogs kar stsal na cir 'gyur/ nyes byas so/ /bsnyen par rdzogs kar bsngos la bsnyen par rdzogs te stsal na cir 'gyur/ nyes byas so/ /bsnyen par rdzogs pa na bsngos la bsnyen par rdzogs pa na stsal na cir 'gyur/ ltung ba'o/ /bsnyen par rdzogs pa na bsngos la bsnyen par ma rdzogs par stsal na cir 'gyur/ nyes byas so/ /btsun pa dge slong gis gnyen ma lags pa'i dge slong ma la gos rin po che zhig stsal na cir 'gyur/ nyes byas so/ /btsun pa dge slong gis gnyen ma lags pa'i dge slong ma la gos stsal kyang nongs par mi 'gyur ba mchis sam/ u pA li yod de/ rin du btsongs la rin gyis nyos pa'o/ /btsun pa dge slong gis gnyen ma lags pa'i dge slong ma la gos thun mong ba stsal na cir 'gyur/ nyes byas so/ /btsun pa dge slong gis khyim pa zhig la gos stsal na cir 'gyur/ gal te dge sbyong gi gos byin na nyes byas su 'gyur ro/ /'on te khyim pa'i gos byin na nyes pa med do/ /btsun pa dge slong gis dge slob ma dang / dge tshul ma la gos stsal na cir 'gyur/ nyes byas so/ /de bzhin du ma ning dang / rkun gnas ma dang / mi gnas ma dang / so sor gnas ma dang / sngon nyes pa byung ba dang / sngar 'khrugs pa rnams la gos byin na thams cad nyes byas su 'gyur ro/ /btsun pa dge slong gis dge 'dun dbyen ma dang / nye bar 12-1-170a phyogs ma dang / bslab pa stsal ba mo rnams la gos stsal na cir 'gyur/ thams cad ltung ba'o/ /btsun pa dge slong mas khyim pa la gos stsal na cir 'gyur/ gal te dge sbyong gi gos byin na ltung bar 'gyur ro/ /'on te khyim pa'i gos byin na nyes pa med do/ / btsun pa dge slong mas dge slong dang / dge tshul pha la gos stsal na cir 'gyur/ nyes byas so/ /btsun pa bslab pa stsal bas gnyen ma lags pa'i dge slong ma la gos stsal na cir 'gyur/ ltung ba'o/ /dge slob ma dang / dge tshul ma la nyes byas so// //mdor na/ sngags dang bzhi pa rdzu 'phrul dang / /mtshan dang dus dang bdun pa dang / /lam ma yin dang khyim la sogs/ /skad dang lus dang dben de bzhin/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang dge slong ma'i 'dron pa mang po dang lhan cig tu 'thams te shul du zhugs na ltung bar 'gyur ro zhes gsungs na/ btsun pa dge slong gis 'thams nas sngags sam/ sman gyis bdag mi snang bar bgyis te mchis na cir 'gyur/ nyes byas so/ /btsun pa dge slong gis bsnyen par rdzogs ma la bsnyen par rdzogs par 'du shes te 'thams nas mchis na cir 'gyur/ ltung ba'o/ /bsnyen par rdzogs ma la bsnyen par ma rdzogs par 'du shes na nyes byas su 'gyur ro/ /bsnyen par ma rdzogs ma la bsnyen par rdzogs par 'du shes na nyes byas su 'gyur ro/ /bsnyen par ma rdzogs ma la bsnyen par ma rdzogs par 'du shes na nyes byas su 'gyur ro/ /btsun pa dge slong gis dge slong ma dang 'thams nas lhan cig tu rdzu 'phrul gyis mchis na cir 'gyur/ nyes byas so/ /btsun pa dge slong gis dge slong ma'i 'dron pa mang po dang 'thams nas lhan cig tu 'grogs te mchis pa na mtshan 'phos te dge slong mar gyur na cir 'gyur/ nyes byas so/ /btsun pa dge slong ma dge slong pha'i 'dron pa mang po dang 'thams nas lhan cig tu shul du zhugs te mchis pa na mtshan 'phos te dge slong phar gyur na cir 'gyur/ nyes byas so/ /btsun pa dge slong gis dge slong ma dang 'thams nas shul 12-1-170b du zhugs te mchis kyang nongs par mi 'gyur ba mchis sam/ u pA li yod de/ de ni 'di ltar lam du bar chad brgyad po las gang yang rung ste/ bar chad gcig byung bar gyur pa'o/ /btsun pa bsnyen par ma rdzogs par 'thams la bsnyen par ma rdzogs par mchis na cir 'gyur/ nyes byas so/ /bsnyen par ma rdzogs par 'thams la bsnyen par rdzogs te mchis na cir 'gyur/ nyes byas so/ /bsnyen par ma rdzogs par 'thams la bsnyen par rdzogs kar mchis na cir 'gyur/ nyes byas so/ /bsnyen par rdzogs kar 'thams la bsnyen par rdzogs kar mchis na cir 'gyur/ nyes byas so/ /bsnyen par rdzogs kar 'thams la bsnyen par rdzogs te mchis na cir 'gyur/ nyes byas so/ /bsnyen par rdzogs pa na 'thams la bsnyen par rdzogs pa na mchis na cir 'gyur/ ltung ba'o/ /bsnyen par rdzogs pa na 'thams la bsnyen par ma rdzogs pa na mchis na cir 'gyur/ nyes byas so/ /btsun pa dge slong gis 'thams nas shul ma lags par mchis na cir 'gyur/ nyes byas so/ /btsun pa dge slong gis khyim pa mo nas/ sngar 'khrugs pa'i bar du lhan cig 'thams te mchis na cir 'gyur/ nyes byas so/ /btsun pa dge slong gis dge 'dun gyi dbyen bgyis ma dang / bslab pa stsal ba dang 'thams nas lhan cig mchis na cir 'gyur/ ltung ba'o/ /btsun pa dge slong 'phags pas 'phags pa'i skad du dge slong ma dang lhan cig 'thams pa dang / dge slong ma des kyang 'phags pa'i skad ma 'tshal na cir 'gyur/ nyes byas so/ / 'phags pas mtha' 'khob pa'i skad du 'thams pa dang / dge slong ma des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du 'thams pa dang / dge slong ma des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du 'thams pa dang / dge slong ma des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis dge slong ma dang lhan cig tu lus kyi dmigs pas 'thams te shul du zhugs na cir 'gyur/ nyes byas so/ / 12-1-171a btsun pa dge slong gis dben pa la mi dben par 'du shes te 'thams na cir 'gyur nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / / ra ro ba dang myos pa dang / /snyoms zhugs 'gro ba tha ma'o/ /btsun pa dge slong gis dge slong ma dang lhan cig tu phrin gyis 'thams nas shul du zhugs na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa dge slong gis dge slong ma smyon ma dang 'thams nas lhan cig shul du zhugs te mchis na cir 'gyur/ nyes byas so/ /de bzhin du sems 'khrugs ma dang / nad kyis gzir ma dang / glen ma dang / lkugs ma dang / 'on ma dang / dmus long ma dang / gnyid log ma dang / ra ro ba dang / myos pa dang / snyoms par zhugs pa dang / de bzhin du 'gro ba gzhan du gnas ma rnams dang 'thams nas lhan cig lam du zhugs te dong na thams cad nyes byas su 'gyur ro/ /btsun pa bslab pa stsal bas dge slong ma dang 'thams nas lhan cig shul du zhugs na cir 'gyur/ ltung bar 'gyur ro/ /btsun pa dge slong gis dge slob ma dang / dge tshul ma dang 'thams nas lhan cig mchis na cir 'gyur/ nyes byas so/ /btsun pa dge slong mas dge slong dang / dge tshul pha dang / khyim pa rnams dang 'thams nas lhan cig tu mchis na cir 'gyur/ nyes byas so/ /dge slob ma dang / dge tshul ma dang / dge tshul pha rnams dang 'thams nas mchis na cir 'gyur/ nyes byas so/ /ji ltar lam du zhugs pa de bzhin du gru rgal ba la yang shes par bya ste/ rdzu 'phrul dang / lam las gzhan du 'gro ba ma gtogs par lhag ma rnams ni de bzhin du rgyas par brjod par bya'o// //mdor na/ smyon par gyur dang sems 'khrugs dang / /na ba 'on pa glen pa dang / /gnyid log ra ro myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang 12-1-171b bud med dang lhan cig gnyis su dben pa skyabs mchis pa na mchis na ltung bar 'gyur ro zhes gsungs na/ btsun pa dge slong zhig smyon ma dang lhan cig tu dben pa skyabs mchis pa na mchis na cir 'gyur/ nyes byas so/ /de bzhin du sems 'khrugs ma dang / nad kyis gzir ma dang / glen ma dang / lkugs ma dang / 'on ma dang / dmus long ma dang / gnyid log pa dang / ra ro ba dang / myos pa dang / snyoms par zhugs pa dang / de bzhin du 'gro ba gzhan du gnas pa rnams dang lhan cig tu dben pa skyabs mchis pa na mchis na cir 'gyur/ nyes byas so// //mdor na/ gzhon nu ma dang nam mkha' dang / /sngags dang mtshan dang bzhi pa dang / /ma ning dben pa de bzhin te/ /bslab pa stsal ba dge slong ma'o/ /btsun pa dge slong zhig gzhon nu ma dang lhan cig tu dben pa skyabs mchis par mchis na cir 'gyur/ nyes byas so/ /btsun pa bud med dogs la mchis la dge slong nam mkha' la mchis na cir 'gyur/ nyes byas so/ /btsun pa dge slong gis sngags dang sman gyis bdag nyid mi snang bar gyur te mchis par bgyid na cir 'gyur/ nyes byas so/ /btsun pa dge slong gis bud med dang lhan cig tu dben pa skyabs mchis par mchis pa na mtshan 'phos te dge slong mar gyur na cir 'gyur/ nyes byas so/ /btsun pa dge slong ma skyes pa dang lhan cig gnyis pu dben pa skyabs mchis pa na mchis pa dang / mtshan 'phos te dge slong du gyur na cir 'gyur/ nyes byas so/ /btsun pa mi'i bud med la mir 'du shes te gnyis pu dben pa skyabs mchis par mchis na cir 'gyur/ ltung ba'o/ /mi la mi ma yin par 'du shes na nyes byas su 'gyur ro/ /mi ma yin pa la mir 'du shes na nyes byas su 'gyur ro/ /mi ma yin pa la mi ma yin par 'du shes na nyes byas su 'gyur ro/ / btsun pa dge slong ma ning ma dang lhan cig gnyis pu dben pa skyabs mchis par mchis na cir 'gyur/ nyes byas so/ /mtshan gnyis pa yang de bzhin no/ /btsun pa dge slong gis ma ning dang lhan cig tu dben pa skyabs mchis par mchis na cir 'gyur/ nyes byas so/ /btsun pa 12-1-172a dge slong gis dge slong ma sun phyung ba dang lhan cig dben pa skyabs mchis par mchis na cir 'gyur/ ltung ba'o/ /de bzhin du pha dang ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba mo rnams dang lhan cig tu dben pa skyabs mchis par mchis na cir 'gyur/ thams cad ltung bar 'gyur ro/ /btsun pa dge slong gis dge slong ma dang lhan cig tu gnyis pu dben pa skyabs mchis par mchis na cir 'gyur/ ltung ba'o/ /de bzhin du dge slob ma dang / dge tshul ma dang / rkun gnas dang / so sor gnas ma dang / mi gnas ma dang / dge 'dun gyi dbyen ma dang / sngar nyes pa byung ba dang / bslab pa stsal ba mo dang gnyis pu lhan cig dben pa skyabs yod pa na 'dug na thams cad ltung bar 'gyur ro/ /btsun pa dge slong ma skyes pa dang gnyis pu lhan cig tu dben pa skyabs mchis pa na mchis na cir 'gyur/ ltung ba'o/ /dge slong dang lhan cig tu dben pa skyabs mchis pa na mchis na cir 'gyur/ ltung ba'o/ /dge tshul pha dang lhan cig tu gnyis pu dben pa skyabs mchis pa na mchis na cir 'gyur/ ltung ba'o/ / btsun pa bslab pa stsal ba bud med dang lhan cig gnyis pu dben pa skyabs mchis pa na mchis na cir 'gyur/ ltung ba'o/ /btsun pa dge slong bud med dang gnyis pu lhan cig mi dben pa la dben par 'du shes te skyabs mchis par mchis na cir 'gyur/ nyes byas so/ /dge slob ma dang / dge tshul ma dang / dge tshul pha rnams la nyes byas so/ /ji ltar bud med dang lhan cig 'dug par byed pa de bzhin du dge slong ma dang lhan cig 'dug pa la yang rgyas par brjod par bya'o// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang dge slong 12-1-172b ma rnams kyis sbyor du stsal ba'i zas zos na ltung bar 'gyur ro zhes gsungs na/ btsun pa dge slong gis dge slong mas phrin gyis sbyor du stsal ba'i zas 'tshal bzhin du 'tshal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa dge slong gis dge slong ma smyon mas sbyor du stsal ba'i zas 'tshal na cir 'gyur/ nyes byas so/ /de bzhin du dge slong ma sems 'khrugs ma dang / nad kyis gzir ma dang / glen ma dang / lkugs ma dang / 'on ma dang / 'gro ba gzhan du gnas pa rnams kyis sbyor du bcug pa'i zas zos na thams cad nyes byas su 'gyur ro/ /btsun pa dge slong gis khyim bdag gam khyim bdag gi chung ma smyon mas sbyor du stsal ba'i zas dge slong des 'tshal bzhin du 'tshal na cir 'gyur/ nyes byas so/ /de bzhin du sems 'khrugs ma dang / nad kyis gzir ma dang / glen ma dang / lkugs ma dang / 'on ma dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa mo rnams kyis sbyor du bcug pa dge slong des shes bzhin du zos na thams cad nyes byas su 'gyur ro// //mdor na/ gzhan gyi phyir dang de bzhin lus/ /mtshan dang bzhi pa bdun pa dang / /tshul khrims gzhan dang dge slong dang / /khyim pa slob pa tha ma'o/ /btsun pa dge slong mas gzhan gyi slad du sbyor du stsal ba des kyang de ltar 'du shes te gzhan la stsal ba dang / dge slong des kyang 'tshal bzhin du 'tshal na cir 'gyur/ nyes byas so/ /btsun pa dge slong mas lus kyi dmigs pas zas sbyor du stsal ba dang / dge slong des 'tshal bzhin du 'tshal na cir 'gyur/ nyes byas so/ /btsun pa dge slong gis dge slong mas sbyor du stsal ba'i zas 'tshal ba na mtshan 'phos te dge slong mar gyur na cir 'gyur/ nyes byas so/ /btsun pa dge slong mas dge slong gis sbyor du stsal ba'i zas 'tshal ba na mtshan 'phos te dge slong du gyur na cir 'gyur/ nyes byas so/ /btsun pa dge slong 12-1-173a gis dge slong mas sbyor du stsal ba'i zas la sbyor du stsal bar 'du shes na cir 'gyur/ ltung ba'o/ /sbyor du bcug pa la sbyor du ma bcug par 'du shes te zos na nyes pa med do/ /sbyor du ma bcug pa la sbyor du bcug par 'du shes te zos na nyes byas so/ /sbyor du ma bcug pa la sbyor du ma bcug par 'du shes te zos na nyes pa med do/ /btsun pa dge slong gis dge slong ma bsnyen par rdzogs pa la bsnyen par rdzogs par 'du shes te sbyor du stsal ba 'tshal na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes na cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes na cir 'gyur/ nyes byas so/ /bsnyen par ma rdzogs pa na sbyor du stsal la bsnyen par ma rdzogs par 'tshal na cir 'gyur/ nyes byas so/ /bsnyen par ma rdzogs pa na sbyor du stsal la bsnyen par rdzogs kar 'tshal na cir 'gyur/ nyes byas so/ /bsnyen par ma rdzogs pa na sbyor du stsal la bsnyen par rdzogs pa na 'tshal na cir 'gyur/ nyes byas so/ /bsnyen par rdzogs kar sbyor du stsal la bsnyen par rdzogs kar 'tshal na cir 'gyur/ nyes byas so/ /bsnyen par rdzogs par sbyor du stsal la bsnyen par rdzogs nas 'tshal na cir 'gyur/ nyes byas so/ /bsnyen par rdzogs pa na sbyor du stsal la bsnyen par rdzogs pa na 'tshal na cir 'gyur/ ltung ba'o/ /bsnyen par rdzogs pa na sbyor du stsal la bsnyen par ma rdzogs pa na 'tshal na cir 'gyur/ nyes byas so/ /btsun pa dge slong gis tshul khrims dang thos pa dang ldan pa'i slad du sbyor du stsal ba ma gtogs par yon tan gzhan gyi slad du stsal te 'tshal na cir 'gyur/ nyes byas so/ /btsun pa dge slong gis zas ma gtogs pa de las gzhan pa'i rtsa ba dang 'bras bu la sogs pa sbyor du stsal ba 'tshal na cir 'gyur/ nyes byas so/ /btsun pa dge slong gis dge slong zhig sbyor du stsal ba 'tshal na cir 'gyur/ nyes byas so/ /de bzhin du dge tshul pha dang / za ma dang / ma ning 12-1-173b dang / dge slong ma sun phyung ba nas rgyas par bslab pa stsal ba rnams kyis sbyor du bcug pa'i zas zos na thams cad nyes byas su 'gyur ro/ /btsun pa dge slong gis dge slob mas sbyor du stsal ba'i zas 'tshal na cir 'gyur/ nyes byas so/ /de bzhin du dge tshul ma dang / ma ning ma dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can du song ba dang / rkun gnas pa dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa dang / khyim pa mo rnams kyis sbyor du bcug pa zos na thams cad nyes byas su 'gyur ro/ /btsun pa dge slong gis dge 'dun gyi dbyen bgyis ma dang / nye bar phyogs pa dang / bslab pa stsal ba rnams kyis sbyor du stsal ba 'tshal na cir 'gyur/ thams cad ltung bar 'gyur ro/ /btsun pa dge slong mas dge slong gis sbyor du stsal ba'i zas 'tshal na cir 'gyur/ nyes byas so/ /de bzhin du dge tshul ma dang / dge slob ma dang / dge tshul pha dang / khyim pa mo dang / ma ning mo dang / bslab pa stsal ba rnams kyis sbyor du stsal ba'i zas zos na thams cad nyes byas su 'gyur bar rgyas par sbyar ro/ /btsun pa bslab pa stsal bas dge slong mas sbyor du stsal ba'i zas 'tshal na cir 'gyur/ ltung ba'o/ /dge slob ma dang / dge tshul ma dang / dge tshul pha rnams kyis sbyor du stsal ba'i zas 'tshal na cir 'gyur/ nyes byas so// //mdor na/ zas dang gtses kyang de bzhin te/ /mnyam pa gnyis dang mi rung ba/ /spun gyi lhag ma 'tshal rnams dang / /bzhi pa bdun pa gnyis pa'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis dus la bab pa ma gtogs par yang yang 'tshal na ltung bar 'gyur ro/ /zhes gsungs na/ btsun pa dge slong gis kha gnyis su mgron du bos pa bdag gir bgyis kyang ltung bar mi 'gyur ba mchis sam/ u pA li yod de/ de yang sngar bza' ba dang bca' ba dang / btung ba dang / 12-1-174a bzhib pa dang / bldag pa la sogs pa la mgron du bos la phyis zas la mgron du bos pa'o/ /btsun pa dge slong la gtse bar sems shing mgron du bos par dge slong des 'tshal nas slad kyis mgron du bos pa la khas blangs te 'tshal na cir 'gyur/ nyes pa med do/ /btsun pa dge slong gis lan gnyis lan gsum du mgron du bos te 'tshal na nongs par mi 'gyur ba mchis sam/ u pA li yod de/ de ni 'di ltar dge slong gis gos med par mgron du bos te zos pa'i 'og tu gos dang bcas pa dang kha gnyis su mgron du bos par gyur pa'o/ /btsun pa dge slong gis gos dang bcas pa gnyis su 'tshal kyang nongs par mi 'gyur ba mchis sam/ u pA li yod de/ gos mi rung ba'o/ /de yang dge slong gis shes te 'tshal na cir 'gyur/ nyes byas so/ /btsun pa dge slong mi rung ba'i zas la mgron du bos pa dang / de'i 'og tu rung ba'i zas btsal te 'tshal na cir 'gyur/ nyes pa med do/ /btsun pa dge slong nang par zas la mgron du bos la de'i 'og tu yang bos pa'i zas 'tshal na cir 'gyur/ nyes pa med do/ /btsun pa dge slong gis gos ma mchis pa'i zas slad ma 'tshal na mtshan 'phos te dge slong mar gyur na cir 'gyur/ nyes byas so/ /btsun pa dge slong ma gos ma mchis pa'i mgron du bos pa'i slad ma 'tshal ba na mtshan 'phos te dge slong phar gyur na cir 'gyur/ nyes byas so/ /btsun pa dge slong gis gos ma mchis pa la gos ma mchis par 'du shes te mgron du bos pa slad ma 'tshal na cir 'gyur/ ltung ba'o/ /gos med pa la gos dang bcas par 'du shes te zos na nyes pa med do/ /gos dang bcas pa la gos med par 'du shes te zos na nyes byas su 'gyur ro/ /gos dang bcas pa la gos dang bcas par 'du shes te zos na nyes pa med do/ /btsun pa bsnyen par ma rdzogs pa na gos ma mchis par mgron du bos pa slad mar khas blangs la bsnyen par ma rdzogs par 'tshal na cir 'gyur/ nyes byas so/ /bsnyen par ma rdzogs pa na khas blangs la bsnyen par rdzogs kar 'tshal na cir 12-1-174b 'gyur/nyes byas so/ /bsnyen par ma rdzogs pa na khas blangs la bsnyen par rdzogs te 'tshal na cir 'gyur/ nyes byas so/ /bsnyen par rdzogs kar khas blangs la bsnyen par rdzogs te 'tshal na cir 'gyur/ nyes byas so/ /bsnyen par rdzogs kar khas blangs la/ bsnyen par rdzogs kar 'tshal na cir 'gyur/ nyes byas so/ /bsnyen par rdzogs pa na khas blangs la bsnyen par rdzogs nas 'tshal na cir 'gyur/ ltung ba'o/ /bsnyen par rdzogs pa na khas blangs la bsnyen par ma rdzogs pa na 'tshal na cir 'gyur/ nyes byas so/ /btsun pa dge slong gis gnas gcig tu mchis te 'tshal kyang nongs par mi 'gyur ba mchis sam/ u pA li yod de/ de ni 'di ltar dge slong khyim bdag gnyis kyis lhan cig zas la mgron du bos pa'o/ /btsun pa bslab pa stsal bas zas yang yang 'tshal na cir 'gyur ltung ba'o// //mdor na/ smyon par gyur dang sems 'khrugs dang / /na ba 'on pa glen pa dang / /ma ning 'gro ba de bzhin te/ /dge slong ma ni tha ma'o/ /btsun pa dge slong gis smyon pa zhig gis gos ma mchis pa'i mgron du bos pa slad mar khas blangs te 'tshal na cir 'gyur/ nyes byas so/ / sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / ma ning dang / ma ning ma dang / 'di las phyi rol gyi mu stegs can dge sbyong gzhan bram ze dang / spyod pa pa dang / kun du rgyu ba yang de bzhin no/ /de bzhin du dge slong dang / dge slong ma dang / dge slob ma dang / dge tshul pha dang / dge tshul ma dang / 'gro ba gzhan du gnas pa rnams kyis kyang / gos med par mgron du bos pa phyi ma btsal te zos na thams cad nyes byas su 'gyur ro/ /btsun pa dge slong mas zas yang yang 'tshal na cir 'gyur/ nyes byas so/ /dge slob ma dang / dge tshul ma rnams kyis 'tshal na cir 'gyur nyes byas so// //mdor na/ sngags dang bzhi pa nam mkha' dang / /mtshan dang zas kyang de bzhin te/ /bdun pa gnyis pa gzhan dag dang / /gzhan du 12-1-175a gyur pa tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis dge slong bro ma 'tshal bar mu stegs can gyi gnas su dgongs na zan lan gcig zo zhig de las lhag par zos na ltung bar 'gyur ro zhes gsungs na/ btsun pa dge slong gis sngags sam sman gyis bdag mi snang bar bgyis te zan lan gnyis 'tshal na cir 'gyur/ nyes byas so/ /btsun pa dge slong gis mu stegs can gyi gnas la mu stegs can gyi gnas su 'du shes te zan lan gnyis 'tshal na cir 'gyur/ ltung ba'o/ /mu stegs can gyi gnas la mu stegs can gyi gnas ma yin par 'du shes na nyes pa med do/ /mu stegs can gyi gnas ma yin pa la mu stegs can gyi gnas su 'du shes na nyes byas su 'gyur ro/ /mu stegs can gyi gnas ma yin pa la mu stegs can gyi gnas ma yin par 'du shes na nyes pa med do/ /btsun pa dge slong gis nam mkha' la gnas nas zan lan gnyis 'tshal na cir 'gyur/ nyes byas so/ /btsun pa dge slong gis mu stegs can gyi gnas su zan lan gnyis 'tshal ba na mtshan 'phos te dge slong mar gyur na cir 'gyur/ ltung ba'o/ /btsun pa dge slong mas mu stegs can gyi gnas su zan lan gnyis 'tshal ba na mtshan 'phos te dge slong du gyur na cir 'gyur/ ltung ba'o/ /btsun pa dge slong gis zan ma gtogs par de las gzhan pa'i bza' ba dang / bca' ba dang / btung ba dang / bldag pa rnams 'tshal na cir 'gyur/ nyes byas so/ /btsun pa bsnyen par ma rdzogs pa na mu stegs can gyi gnas su dgongs la bsnyen par ma rdzogs pas 'tshal na cir 'gyur/ nyes byas so/ /bsnyen par ma rdzogs pa na gnas la bsnyen par rdzogs kar 'tshal na cir 'gyur/ nyes byas so/ /bsnyen par ma rdzogs pa na gnas la bsnyen par rdzogs nas 'tshal na cir 'gyur/ nyes byas so/ /bsnyen par rdzogs kar gnas la bsnyen par rdzogs kar 'tshal na cir 'gyur/ nyes byas so/ /bsnyen par rdzogs kar 12-1-175b gnas la bsnyen par rdzogs te 'tshal na cir 'gyur/ nyes byas so/ /bsnyen par rdzogs pa na gnas la bsnyen par rdzogs pa na 'tshal na cir 'gyur/ ltung ba'o/ /bsnyen par rdzogs pa na gnas la bsnyen par ma rdzogs par 'tshal na cir 'gyur/ nyes byas so/ /btsun pa dge slong gis gzhan nas zas blangs te mu stegs can gyi gnas su mchis nas 'tshal na cir 'gyur nyes byas so/ /btsun pa dge slong gis mu stegs can gyi gnas nas zas blangs la gzhan du mchis te 'tshal na cir 'gyur/ nyes byas so/ /btsun pa dge slong gis mu stegs can gyi gnas ma gtogs par de las gzhan pa'i dge sbyong dang bram ze'i gnas su 'tshal na cir 'gyur/ nyes byas so// //mdor na/ smyon par gyur dang sems 'khrugs dang / /na ba 'on pa 'gro ba dang / /za ma ma ning de bzhin te/ /bslab pa byin dang dge slob ma'o/ / btsun pa dge slong gis smyon pa'i gnas su zas slad ma 'tshal na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / za ma dang / ma ning rnams dang / de bzhin du 'gro ba gzhan du gnas pa rnams kyi gnas su zas phyi ma zos na thams cad nyes byas su 'gyur ro/ /btsun pa bslab pa stsal bas mu stegs can gyi gnas su dgongs la zas slad ma 'tshal na cir 'gyur/ ltung ba'o/ /dge slob ma dang / dge tshul pha dang / dge tshul ma rnams 'tshal na cir 'gyur/ nyes byas so// //'dul ba gzhung dam pa/bam po dgu pa/ mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa 'gro ba'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis dge slong mang po grong du 'dong ba dang / de dag la bram ze dang khyim bdag dag gis skyo ma dang mar khur rnams mang du byin pa la dge slong de dag gis 'dod na lhung bzed gang ba 12-1-176a gnyis sam gsum long shig /de las lhag par blangs na ltung bar 'gyur ro zhes gsungs na/ btsun pa dge slong gis phrin gyis lhung bzed gang ba gsum las lhag par blangs na cir 'gyur/ nyes byas so/ /de bzhin du spring yig dang / lag brda dang gzhan zer ba dang / gcig nas gcig tu brgyud de blangs na thams cad nyes byas su 'gyur ro/ /btsun pa dge slong gis smyon pa las lhung bzed gang ba gsum las lhag par blangs na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams las lhung bzed gang ba gsum las lhag par bslangs na thams cad du nyes byas su 'gyur ro// //mdor na/ gzhan gyis gzhan dang 'di las phyi/ /zas dang mi rung ba dag dang / /mtshan dang bzhi pa bdun pa dang / /ma ning dag kyang de bzhin no/ /btsun pa dge slong gis lhung bzed gang ba gsum las lhag par gzhan len du stsal na cir 'gyur/ nyes byas so/ /btsun pa dge slong gis gzhan zhig gi phyir blangs na cir 'gyur/ nyes byas so/ /btsun pa dge slong gis 'di las gzhan phyi rol gyi mu stegs can dge sbyong gzhan bram ze dang / spyod pa pa dang / kun tu rgyu ba rnams las lhung bzed gang ba gsum las lhag par blangs na cir 'gyur/ thams cad nyes byas so/ /btsun pa dge slong gis lhung bzed gang ba gsum las lhag par blangs kyang nongs par mi 'gyur ba mchis sam/ u pA li yod de/ zas mi rung ba blangs na nyes byas so/ /btsun pa dge slong gis zas ma gtogs par de las gzhan pa'i bza' ba dang / bca' ba dang / btung ba dang / bzhib pa rnams lhung bzed gang ba gsum las lhag par blangs na cir 'gyur/ nyes byas so/ /btsun pa dge slong gis lhung bzed gang ba gsum las lhag par len pa na mtshan 'phos te dge slong mar gyur na cir 'gyur/ ltung ba'o/ /btsun pa dge slong 12-1-176b mas lhung bzed gang ba gsum las lhag par len pa na mtshan 'phos te dge slong du gyur na cir 'gyur/ ltung ba'o/ /btsun pa dge slong gis mi la mir 'du shes te lhung bzed gang ba gsum las lhag par blangs na cir 'gyur/ ltung ba'o/ /mi la mi ma yin par 'du shes na nyes byas su 'gyur ro/ /mi ma yin pa la mir 'du shes na nyes byas su 'gyur ro/ /mi ma yin pa la mi ma yin par 'du shes na nyes byas su 'gyur ro/ /btsun pa dge slong gis drug phul phyed dang lnga las lhag pa la lhag par 'du shes te blangs na cir 'gyur/ ltung ba'o/ /lhag pa la ma lhag par 'du shes na nyes pa med do/ /ma lhag pa la lhag par 'du shes na nyes byas su 'gyur ro/ /ma lhag pa la ma lhag par 'du shes na nyes pa med do/ /btsun pa bsnyen par ma rdzogs par rnyed la bsnyen par ma rdzogs par blangs na cir 'gyur/ nyes byas so/ /bsnyen par ma rdzogs pa na rnyed la bsnyen par rdzogs kar blangs na cir 'gyur/ nyes byas so/ /bsnyen par ma rdzogs pa na rnyed la bsnyen par rdzogs pa na blangs na cir 'gyur/ nyes byas so/ /bsnyen par rdzogs kar rnyed la bsnyen par rdzogs kar blangs na cir 'gyur/ nyes byas so/ /bsnyen par rdzogs kar rnyed la bsnyen par rdzogs nas blangs na cir 'gyur/ nyes byas so/ /bsnyen par rdzogs pa na rnyed la bsnyen par rdzogs nas blangs na cir 'gyur/ ltung ba'o/ /bsnyen par rdzogs pa na rnyed la bsnyen par ma rdzogs par blangs na cir 'gyur/ nyes byas so/ /btsun pa dge slong gis lhung bzed gang ba gsum las lhag par blangs kyang nongs par mi 'gyur ba mchis sam/ u pA li yod de/ khyim de nyid du 'dug ste za ba'o/ /btsun pa dge slong gis ma ning las lhung bzed gang ba gsum las lhag par blangs na cir 'gyur/ nyes byas so/ /de bzhin du za ma dang / ma ning rnams las blangs na thams cad nyes byas su 'gyur ro/ /btsun pa bslab pa stsal bas lhung bzed gang ba gsum las lhag par blangs 12-1-177a na cir 'gyur/ ltung ba'o/ /btsun pa dge slong mas lhung bzed gang ba gsum las lhag par blangs na cir 'gyur/ ltung ba'o/ /dge slob ma dang / dge tshul ma dang / dge tshul pha rnams kyis blangs na cir 'gyur/ nyes byas so// //mdor na/ dus dang mtshan ni de bzhin te/ /bza' ba dang ni bzhib pa dang / /mi rung bdun pa de bzhin te/ /kun rdzogs ma byas byas pa'o/ sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang gis 'tshal ma 'tshal lags la lhag mar ma bgyis par bza' ba dang bca' ba'i rnams 'chos sam 'tshal na ltung bar 'gyur ro/ /zhes gsungs na/ btsun pa dge slong gis lhag mar ma bgyis pa'i bca' ba dang bza' ba zhig 'chos sam 'tshal kyang nongs par mi 'gyur ba mchis sam/ u pA li yod de/ na ba'i dus su byin gyis brlabs te zos pa'o/ /btsun pa dge slong gis 'tshal ma 'tshal lags nas spangs pa las des lhag mar ma bgyis par bca' ba dang / bza' ba zhig 'tshal ba na mtshan 'phos te dge slong mar gyur na cir 'gyur/ nyes byas so/ /btsun pa dge slong mas 'tshal ma 'tshal lags nas spangs pa las des lhag mar ma bgyis par bca' ba dang / bza' ba zhig 'tshal ba na mtshan 'phos te dge slong du gyur na cir 'gyur/ ltung ba'o/ /btsun pa dge slong gis lhag mar bgyid pa na mtshan 'phos na lhag mar bgyis pa zhes bgyi'am/ lhag mar ma byas pa zhes bya'o/ /btsun pa dge slong gis zas ma gtogs par de las gzhan pa bza' ba dang / bca' ba dang / btung ba dang / bzhib pa dang / bldag pa la sogs pa bza' ba'i zas yin gyi sman ma lags pa de dag lhag mar ma bgyis par 'tshal na cir 'gyur/ ltung ba'o/ /btsun pa dge slong gis zas ma gtogs par de las gzhan pa'i bza' ba dang / bca' ba dang / btung ba dang / bzhib pa dang / bldag pa la sogs pa spangs na spangs pa zhes bgyi'am/ u pA li ma yin no/ /de ci'i phyir zhe na/ u pA li bza' ba 12-1-177b dang / bca' ba dang / btung ba dang / bzhib pa dang / bldag pa la sogs pa la spangs pa med do/ /btsun pa dge slong gis spangs pa la spangs par 'du shes te lhag mar ma bgyis pa'i bza' ba dang / btung ba rnams 'tshal na cir 'gyur/ ltung ba'o/ /spangs pa la ma spangs par 'du shes te 'tshal na cir 'gyur/ nyes pa med do/ /ma spangs pa la spangs par 'du shes te zos na nyes byas su 'gyur ro/ /ma spangs pa la ma spangs par 'du shes te zos na nyes pa med do/ /btsun pa dge slong gis lhag mar ma bgyis pa la lhag mar ma bgyis par 'du shes te bca' ba dang / bza' ba'i rnams 'tshal na cir 'gyur/ ltung ba'o/ /lhag mar ma byas pa la lhag mar 'du shes te bca' ba dang bza' ba'i rnams zos na nyes pa med do/ /lhag mar byas pa la lhag mar ma byas par 'du shes te zos na nyes byas so/ /lhag mar byas pa la lhag mar byas par 'du shes te zos na nyes pa med do/ /btsun pa dge slong gis mi rung ba'i zas 'tshal la spangs na spangs pa zhes bgyi 'am ma spangs pa zhes bgyi/ u pA li spangs pa zhes bya'o/ /btsun pa bsnyen par ma rdzogs pa na spangs la bsnyen par ma rdzogs pa na lhag mar ma bgyis pa 'tshal na cir 'gyur/ nyes byas so/ /bsnyen par ma rdzogs pa na spangs la bsnyen par rdzogs kar 'tshal na cir 'gyur/ nyes byas so/ /bsnyen par ma rdzogs pa na spangs la bsnyen par rdzogs pa na 'tshal na cir 'gyur/ nyes byas so/ /bsnyen par rdzogs kar spangs la bsnyen par rdzogs kar 'tshal na cir 'gyur nyes byas so/ /bsnyen par rdzogs kar spangs la bsnyen par rdzogs nas 'tshal na cir 'gyur/ nyes byas so/ /bsnyen par rdzogs pa na spangs la bsnyen par rdzogs pa na 'tshal na cir 'gyur/ ltung ba'o/ / bsnyen par rdzogs pa na spangs la bsnyen par ma rdzogs par 'tshal na cir 'gyur/ nyes byas so/ /btsun pa dge slong gis kun tu rdzogs par ma brims par spangs na spangs pa zhes bgyi'am/ ma spangs pa zhes bgyi/ u pA li ma spangs pa zhes bya'o/ /de ci'i phyir zhe na/ u pA 12-1-178a li kun du rdzogs par ma brims pa la spangs pa med do/ /btsun pa rnam pa dus na lhag par ma bgyis pa zhes bgyi/ u pA li lnga ste/ gzhan la ma blangs pa dang / bca' ba dang / bza' ba'i rnams mngon sum du ma gyur pa dang / byin len ma byas pa dang / bsnyen par ma rdzogs pa dang / rang bzhin la gnas pa ma yin pa las lhag mar byas pa rnams ni lhag mar ma byas pa zhes brjod par bya'o/ /u pA li rnam pa lngas na lhag mar byas pa zhes bya ste/ gzhan las blangs pa dang / bca' ba dang bza' ba'i rnams mngon sum du gyur pa dang / byin len byas pa dang / bsnyen par rdzogs pa dang / rang bzhin la gnas pa las lhag mar byas pa ni lhag mar byas pa zhes bya'o/ /btsun pa su'i mdun du lhag mar bgyi/ u pA li dge slong gis ni dge slong gi mdun du lhag mar bya'i/ dge slong ma'i mdun du ni ma yin no/ /dge slong mas ni dge slong ma la'o/ /dge tshul phas ni dge slong pha la'o/ /dge slob mas ni dge slong ma dang / dge slob ma dang / dge tshul ma'i mdun du lhag mar bya'o/ /btsun pa dge slong ma'i mdun du lhag mar bgyi'am/ u pA li ma yin no/ /de ste btsun pa lhag mar bgyis na lhag mar bgyis pa zhes bgyi 'am/ 'tshal bar yang bgyi'am u pA li ma yin no// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba ma ning ngo / /btsun pa dge slong gis phrin pa las lhag mar bgyis na lhag mar bgyis pa zhes bgyi 'am/ u pA li ma yin no/ /de bzhin du spring yig dang / lag brda dang / gzhan zer ba dang / gcig nas gcig tu brgyud de lhag mar byas na'ang lhag mar ma byas pa zhes bya'o/ /btsun pa dge slong gis smyon pa zhig las lhag mar bgyis na lhag mar bgyis pa zhes bgyi 'am lhag mar ma bgyis pa zhes bgyi/ lhag mar ma byas pa zhes bya'o/ /de bzhin du 12-1-178b dge slong sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams kyi drung du lhag mar bgyis na lhag mar bgyis pa zhes bgyi 'am/ u pA li ma yin no/ /btsun pa dge slong gis ma ning las lhag mar bgyis na lhag mar bgyis pa zhes bgyi 'am/ u pA li ma yin no/ /de bzhin du dge slong ma sun phyung ba dang / pha dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams las lhag mar bgyis na lhag mar bgyis pa zhes bgyi 'am/ u pA li de ni ma yin no/ /btsun pa dge slong gis dge slong za ma las lhag mar bgyis na lhag mar bgyis pa zhes bgyi 'am/ lhag mar byas pa zhes mi bya ste/ lhag mar byas pa nyid shin tu 'das pa dang bcas pa'o/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba rnams las lhag mar bgyis na lhag mar bgyis pa zhes bgyi 'am/ lhag mar ma bgyis pa zhes bgyi/ u pA li lhag mar byas pa zhes ni bya na lhag mar byed pa ni shin tu 'das pa dang bcas par 'gyur ro/ /btsun pa bslab pa stsal bas lhag mar ma bgyis pa'i bza' ba dang / bca' ba 'tshal na cir 'gyur/ ltung ba'o/ /btsun pa dge slong mas zas 'tshal te spangs pa'i 'og tu bza' ba dang / bca' ba 'tshal na cir 'gyur/ ltung ba'o/ /btsun pa dge slob ma dang / dge tshul ma dang / dge tshul pha rnams kyis lhag mar ma bgyis pa'i bza' ba dang / bca' ba 'tshal na cir 'gyur/ nyes byas so// //mdor na/ skad dang lus dang dben de bzhin/ /zas dang mi rung ba dag dang / /mtshan dang bzhi pa de bzhin te/ / 12-1-179a dge 'dun dbyen dang dge slong ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang dge slong gis 'tshal ma 'tshal lags te spangs par 'tshal bzhin du lhag mar ma bgyis pa'i zas dus kyis stobs na ltung bar 'gyur ro zhes gsungs na/ btsun pa dge slong 'phags pas 'phags pa'i skad du dge slong la lhag mar ma bgyis pa'i bca' ba dang bza' ba bstabs pa dang / dge slong des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du bstabs pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du bstabs pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du bstabs pa dang / dge slong des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis lus kyi dmigs pas dge slong la lhag mar ma bgyis pa'i bca' ba dang / bza' ba bstabs na cir 'gyur/ nyes byas so/ /btsun pa dge slong gis mi dben pa la dben par 'du shes te lhag mar ma bgyis pa'i bca' dang bza' ba'i rnams bstabs na cir 'gyur/ nyes byas so/ /btsun pa dge slong gis zas ma gtogs par de las gzhan pa'i bza' ba dang / bca' ba dang / btung ba dang / bzhib pa dang / bldag pa la sogs pa dus kyis stobs na cir 'gyur/ ltung ba'o/ /btsun pa dge slong gis zas 'tshal lags par 'tshal bzhin du mi rung ba gzhag pa'i bca' ba dang bza' ba rnams dus kyis bstabs na cir 'gyur/ nyes byas so/ /btsun pa dge slong gis zas 'tshal lags par 'tshal bzhin du lhag mar ma bgyis pa'i bca' ba dang / bza' ba rnams dus kyis stobs pa na mtshan 'phos te dge slong 12-1-179b mar gyur na cir 'gyur/ nyes byas so/ /btsun pa dge slong mas dge slong ma zhig zas 'tshal lags par 'tshal bzhin du lhag mar ma bgyis pa'i bca' ba dang / bza' ba rnams dus kyis stobs pa na mtshan 'phos te dge slong du gyur na cir 'gyur/ nyes byas so/ /btsun pa dge slong gis bsnyen par rdzogs pa la bsnyen par rdzogs par 'du shes te dus kyis bstabs na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes te bstabs na cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes te bstabs na cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te bstabs na cir 'gyur/ nyes byas so/ /btsun pa dge slong gis dge slong zhig zas 'tshal lags par 'tshal bzhin du spangs pa las spangs par 'du shes te shin tu bstabs na cir 'gyur/ ltung ba'o/ /spangs pa la ma spangs par 'du shes te bstabs na cir 'gyur/ nyes pa med do/ /ma spangs pa la spangs par 'du shes na cir 'gyur/ nyes byas so/ /ma spangs pa la ma spangs par 'du shes te bstabs na nyes pa med do/ /btsun pa dge slong gis za ma dang / ma ning zas 'tshal lags te spangs pa la bca' ba dang / bza' ba shin tu bstabs na cir 'gyur/ nyes byas so/ /de bzhin du dge slong ma sun phyung ba dang / pha dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / mi gnas pa dang / so sor gnas pa dang / sngar nyes pa byung ba rnams la dus kyis bstabs na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba rnams kyis zas 'tshal te spangs pa la dus kyis bstabs na cir 'gyur/ thams cad ltung bar 'gyur ro/ /btsun pa dge slong gis dge 12-1-180a slong ma dang / dge slob ma dang / dge tshul pha rnams zas 'tshal lags te spangs par 'tshal bzhin du dus kyis bstabs na cir 'gyur/ nyes byas so/ /btsun pa dge slong mas dge slob ma dang / dge tshul ma dang / dge tshul pha la lhag mar ma bgyis pas shin tu bstabs na cir 'gyur/ nyes byas so/ /dge slob ma dang / dge tshul ma dang / dge tshul pha la'ang nyes byas te gcig la gcig rgyas par sbyar bar bya'o/ /btsun pa bslab pa stsal bas dge slong zhig zas 'tshal lags te spangs pa la lhag mar ma bgyis pa'i bza' ba dang / bca' ba dus kyis bstabs na cir 'gyur/ ltung ba'o/ /btsun pa dge slong mas zas 'tshal te spangs par 'tshal bzhin du bza' ba dang / bca' ba rnam pa lnga dus kyis bstabs na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /btsun pa dge slong gis dge slong zhig zas 'tshal te spangs par 'tshal bzhin du lhag mar ma bgyis pa'i bca' ba dang / bza' ba rnams phrin pa las dus kyis bstabs na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa dang / smyon pa dang / sems 'khrugs pa dang / nad kyis mnar ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa'i dge slong la lhag mar ma byas pa'i bca' ba dang / bza' ba dus kyis bstabs na thams cad du nyes byas su 'gyur ro// //mdor na/ sngags dang nam mkha' mtshams rnams dang / /mi rung dus dang bza' ba dang / /de 12-1-180b nyid dang ni gzhan du dang / /mang po mtshan dang bzhi pa'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis dge slong gang dus la bab pa ma gtogs par mang po 'dus shing za na ltung bar 'gyur ro zhes gsungs na/ btsun pa dge slong gis sngags dang sman gyis bdag mi snang bar bgyis te mang po 'dus par 'tshal na cir 'gyur/ nyes byas so/ /btsun pa dge slong gis nam mkha' la mchis te zas dog sa la mchis pa 'tshal na cir 'gyur/ nyes byas so/ /btsun pa dge slong gis dog sa la mchis te zas nam mkha' la mchis pa 'tshal na cir 'gyur/ nyes byas so/ /btsun pa dge slong mtshams kyi slad rol na mchis te zas mtshams kyi nang na mchis pa 'tshal na cir 'gyur/ nyes byas so/ /btsun pa dge slong mtshams kyi nang na mchis te zas mtshams kyi slad rol na mchis pa 'tshal na cir 'gyur/ nyes byas so/ /btsun pa dge slong gis zas mi rung ba mang po 'dus te 'tshal na cir 'gyur/ nyes byas so/ /btsun pa dge slong gis mang po 'dus te zas 'tshal kyang nongs par mi 'gyur ba mchis sam/ u pA li yod de/ dus drug las gang yang rung ba'i dus shig byung bar gyur pa'o/ /btsun pa dge slong gis zas ma gtogs par de las gzhan pa'i bza' ba dang / btung ba dang / bzhib pa dang / bldag pa'i rnams mang po 'dus te 'tshal na cir 'gyur/ nyes byas so/ /btsun pa dge slong gis mtshams kyi slad rol nas gzhan zhig gis zas blangs te mtshams kyi nang du mchis nas mang po 'dus te 'tshal na cir 'gyur/ nyes byas so/ /btsun pa dge slong gis mtshams kyi nang nas zas shig blangs te gzhan du mchis nas mang po 'dus te 'tshal na cir 'gyur/ nyes byas so/ /btsun pa mtshams gcig nas gcig pa'i dge slong mang po zhig so sor 'dus te 'tshal kyang ltung bar mi 'gyur ba mchis sam/ u pA li yod de/ de ste gnas gsum gsum 'dus te zos kyi bzhir ma tshang ba'o/ /btsun pa 12-1-181a dge slong gis mang po 'dus te zas 'tshal ba na mtshan 'phos te dge slong mar gyur na cir 'gyur/ ltung ba'o/ /btsun pa dge slong ma mang du 'dus te zas 'tshal ba na mtshan 'phos te dge slong phar gyur na cir 'gyur/ ltung ba'o/ /btsun pa dge slong gis mtshams kyi nang la mtshams kyi nang du 'du shes te mang po 'dus shing zas 'tshal na cir 'gyur/ ltung ba'o/ /mtshams kyi nang la mtshams kyi phyi rol du 'du shes te zos na nyes pa med do/ /mtshams kyi phyi rol la mtshams kyi nang du 'du shes te zos na nyes byas so/ /mtshams kyi phyi rol la mtshams kyi phyi rol du 'du shes te zos na nyes pa med do// //mdor na/ smyon par gyur dang sems 'khrugs dang / /nad pa 'on pa glen pa dang / /ma ning 'gro yang de bzhin te/ /mang po 'dus smad dge slong ma'o/ /btsun pa dge slong gis smyon pas mang po'i grangs su bskangs te lhan cig mtshams kyi nang du mang po 'dus nas zas 'tshal na cir 'gyur/ nyes byas so/ /sems 'khrugs pa dang / nad kyis gzir ba dang / 'on pa dang / glen pa yang de bzhin no/ /btsun pa dge slong gis za ma dang / ma ning gis mang po'i grangs su bskangs te lhan cig mtshams kyi nang du mang po 'dus shing 'tshal na cir 'gyur/ nyes byas so/ /de bzhin du dge slong ma sun phyung ba dang / pha dang ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams kyis mang po'i grangs su bskangs te mtshams kyi nang du lhan cig tu mang po 'dus shing 'tshal na cir 'gyur/ nyes byas so/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba rnams kyis mang por grangs su bskangs te lhan cig mang po 'dus shing 'tshal na cir 'gyur/ thams cad ltung bar 'gyur ro/ /btsun pa 12-1-181b dge slong gis 'gro ba gzhan du gnas pa'i dge slong gis mang por grangs su bskangs te lhan cig mtshams kyi nang du mang po 'dus shing zas 'tshal na cir 'gyur/ nyes byas so/ /btsun pa dge slong gis dge slong ma dang / dge slob ma dang / dge tshul ma dang / dge tshul pha rnams kyis mang po'i grangs su bskangs te lhan cig mtshams kyi nang du mang po 'dus shing zas 'tshal na cir 'gyur/ nyes byas so/ /btsun pa dge slong gis mang po 'dus te zas 'tshal kyang nongs par mi 'gyur ba mchis sam/ u pA li yod de/ de yang 'di ltar gnas de nyid du zas nar mar gyur tam/ zas phan tshun du bskur bar gyur pa'o/ /btsun pa dge slong gis dben pa la mang por 'du shes te 'tshal na cir 'gyur/ nyes byas so/ /btsun pa bslab pa stsal bas mang po 'dus shing zas 'tshal na cir 'gyur/ ltung ba'o/ /btsun pa dge slong mas mang po 'dus shing 'tshal na cir 'gyur/ ltung ba'o/ /btsun pa dge slob ma dang / dge tshul ma dang / dge tshul pha rnams kyis mang po 'dus shing 'tshal na cir 'gyur/ nyes byas so// //mdor na/ lha zas bzhi pa de bzhin te/ /gling dang lha dang mtshan rnams dang / /kha zas ma yin nyes pa dang / /ngan pa dag dang dge slong ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang dus ma lags par bca' ba dang bza' ba'i rnams 'chos sam 'tshal na ltung bar 'gyur ro zhes gsungs na/ btsun pa dge slong gis dus ma lags par zas 'tshal kyang nongs par mi 'gyur ba mchis sam/ u pA li yod de/ lha'i zas zos pa'o/ /btsun pa lha'i zas kyi rang bzhin ji lta bu/ u pA li mar gyi rang bzhin lta bu'o/ / btsun pa dge slong gis dus ma lags pa la dus ma lags par 'du shes te 'tshal na cir 'gyur/ ltung ba'o/ /dus ma lags pa la dus su 'du shes te 'tshal na cir 'gyur/nyes pa med do/ /dus la dus ma lags par 'du shes te 'tshal na cir 'gyur nyes byas so/ 12-1-182a dus la dus su 'du shes te 'tshal na cir 'gyur/ nyes pa med do/ /zas la zas su 'du shes te 'tshal na cir 'gyur/ ltung ba'o/ /zas la zas ma lags par 'du shes te zos na nyes pa med do/ /zas ma lags pa la zas su 'du shes te 'tshal na cir 'gyur/ nyes byas so/ /zas ma lags pa la zas ma lags par 'du shes te 'tshal na cir 'gyur/ nyes pa med do/ /btsun pa dge slong gis dus ma lags par bca' ba dang / bza' ba'i rnams 'chos kyang nongs par mi 'gyur ba mchis sam/ u pA li yod de/ gling gsum dang / lha'i gnas su yang 'dzam bu'i gling gi dus su zos pa'o/ /btsun pa dge slong gis dus ma lags par bca' ba dang bza' ba'i rnams 'tshal ba na mtshan 'phos te dge slong mar gyur na cir 'gyur/ ltung ba'o/ /btsun pa dge slong mas dus ma lags par bca' ba dang bza' ba rnams 'tshal ba na mtshan 'phos te dge slong du gyur na cir 'gyur/ ltung ba'o/ /btsun pa dge slong gis dus ma lags par bca' ba dang / bza' ba'i rnams 'tshal kyang nongs par mi 'gyur ba mchis sam/ u pA li yod de/ zas dang bcas pa'i bca' ba dang bza' ba'i rnams ma gtogs par gang de las gzhan pa'i bza' ba rnams sman du bya ba'i phyir gyi zas kyi phyir ma yin pa'o/ /btsun pa dge slong gis skad cig spyad pas ltung bas ltung ba bzhir 'gyur ba mchis sam/ u pA li yod de/ ma byin pa/ mi rung ba/ bzhag par gyur pa/ dus ma yin par za ba'o/ /btsun pa bcom ldan 'das kyis nad pa la zas ngan pa stsol cig ces gsungs pa de ni ji lta bu thal ba dang / sa dang / tshan bu dang / gcin no/ /btsun pa 'di thams cad ci dus ma lags par rung ngam/ tshan bu ma gtogs par gzhan thams cad ni dus ma yin par rung ngo / /btsun pa bslab pa stsal bas dus ma lags par bca' ba dang bza' ba'i rnams 'tshal na cir 'gyur/ ltung ba'o/ /btsun pa dge slong mas dus ma lags par bca' ba dang / bza' ba'i rnams 'tshal na cir 'gyur/ ltung 12-1-182b ba'o/ /dge slob ma dang / dge tshul ma dang / dge tshul pha rnams kyis bca' ba dang / bza' ba'i rnams 'tshal na cir 'gyur/ nyes byas so// //mdor na/ smyon par gyur dang sems 'khrugs dang / /na ba ma ning 'gro ba dang / /mtshan dang bzhi pa bza' ba dang / /lha zas gling dang dge slong ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang gis bzhag pa'i bca' ba dang bza' ba 'tshal na ltung bar 'gyur ro zhes gsungs na/ btsun pa dge slong gis smyon pas bgyis pa'i bca' ba dang bza' ba 'tshal na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / za ma dang / ma ning dang / dge slong ma sun phyung ba dang / pha dang ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / sngar nyes pa byung ba dang / sngar 'khrugs pa dang / de bzhin du 'gro ba gzhan du gnas pa'i dge slong rnams kyis bzhag par byas pa zos na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba rnams kyis bzhag par bgyis pa 'tshal na cir 'gyur/ ltung ba'o/ /btsun pa dge slong gis bzhag pa'i bca' ba dang bza' ba'i rnams 'tshal ba na mtshan 'phos te dge slong mar gyur na cir 'gyur/ ltung ba'o/ /btsun pa dge slong mas bzhag pa'i bca' ba dang / bza' ba'i rnams 'tshal ba na mtshan 'phos te dge slong du gyur na cir 'gyur/ ltung ba'o/ /btsun pa dge slong gis bzhag pa la bzhag par 'du shes te 'tshal na cir 'gyur/ ltung ba'o/ /bzhag pa la ma bzhag par 'du shes te 'tshal na cir 'gyur/ nyes pa med do/ /ma bzhag pa la bzhag par 'du shes te 'tshal na cir 'gyur/ nyes byas so/ /ma bzhag pa la ma bzhag par 12-1-183a 'du shes te 'tshal na cir 'gyur/ nyes pa med do/ /btsun pa dge slong gis bca' ba dang / bza' ba ma gtogs par de las gzhan pa'i sman bca' ba dang / btung ba dang / bzhib pa dang / bldag pa dang / thal ba dang / lan tshwa dang / rgya skyegs dang / bsngal ba la sogs pa bzhag par gyur pa 'tshal na cir 'gyur/ nyes byas so/ /btsun pa dge slong gis zas ngan pa bzhag pa 'tshal na cir 'gyur/ nyes byas so/ /btsun pa dge slong gis bzhag pa'i zas 'tshal kyang nongs par mi 'gyur ba mchis sam/ u pA li yod de/ lha'i zas zos na nyes byas su 'gyur ro/ /btsun pa dge slong gis shar gyi lus 'phags gling dang / nub kyi ba lang spyod dang / byang gi sgra mi snyan gyi gling rnams kyi bzhag pa 'tshal na cir 'gyur/ u pA li gal te 'dzam bu'i gling gi dus su dus las 'das pa bzhag pa kun du spyad de zos na ltung bar 'gyur ro/ /'on te de dag gi dus su dus las 'das te zos na nyes pa med do/ /btsun pa dge slong gis dge slong mas bzhag pa 'tshal na cir 'gyur/ nyes pa med do/ /btsun pa dge slong mas dge slong gis bzhag pa 'tshal na cir 'gyur/ nyes pa med do/ /dge slong dang / dge slong mas bzhag pa dge slob mas zos na nyes pa med do/ /btsun pa bslab pa stsal bas bzhag pa'i bca' ba dang bza' ba 'tshal na cir 'gyur/ ltung ba'o/ /btsun pa dge slong mas bzhag pa 'tshal na cir 'gyur/ ltung ba'o/ /btsun pa dge slob mas bzhag pa 'tshal na cir 'gyur/ nyes byas so/ /dge tshul pha dang / dge tshul ma rnams kyis bzhag pa zos na nyes pa med do// //'dul ba gzhung dam pa/bam po bcu pa/ mdor na/ smyon pa byin len bca' ba dang / /myos pa gnyis dang don med dang / /mtshan dang bzhi pa gling rnams dang / /sprul pa mi snang 'gro ba'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang ma stsal bar khar bca' ba mid na chab dang so shing ma gtogs 12-1-183b te ltung bar 'gyur ro zhes gsungs na/ btsun pa dge slong gis smyon pa las byin len bgyis na byin len bgyis pa zhes bgyi'am/ u pA li de ste gtong ba'i 'du shes dang ldan na byin len byas pa zhes bya'o/ /gal te gtong ba'i 'du shes dang mi ldan na byin len ma byas pa zhes bya'o/ / sems 'khrugs pa dang / nad kyis gzir ba dang / ra ro ba dang / myos pa yang de bzhin du brjod par bya'o/ /btsun pa dge slong gis bca' ba dang bza' ba byin len ma bgyis par 'tshal kyang nongs pa ltung bar mi 'gyur ba mchis sam/ u pA li yod de/ smod pa'i skye bo mang po rnams kyis bsam pa yongs su btang nas bor ba rung bar byas pa zos pa'o/ /btsun pa dge slong gis byin len bgyis pa'i bca' ba dang bza' ba'i rnams 'tshal na nongs par 'gyur ba mchis sam/ u pA li yod de/ gzhan du 'du shes te byin len byas nas zos pa'o/ / btsun pa dge slong gis bca' ba dang bza' ba ma gtogs par de las gzhan pa'i sman bca' ba dang / btung ba dang / bzhib pa dang / bldag pa dang / thal ba dang / lan tshwa dang / sbrang rtsi dang / bsngal ba la sogs pa byin len ma bgyis par 'tshal na cir 'gyur/ ltung ba'o/ /btsun pa dge slong gis zas ngan pa byin len ma bgyis par 'tshal na cir 'gyur/ nyes byas so/ /btsun pa dge slong gis lhung bzed du myos pa zhig gis bca' ba dang / bza' ba blugs na byin len byas pa zhes bgyi'am/ u pA li mi rung gis byin len phyis gyis shig /btsun pa dge slong gnyis sam mang yang rung ste sbyor ba gcig gis byin len bgyid du stsal na byin len bgyis pa zhes bgyi'am/ u pA li byin len byas pa zhes bya'o/ /btsun pa dge slong gis 'dod par ma bsams par byin len bgyis na byin len bgyis pa zhes bgyi'am/ u pA li ma yin no/ /de ci'i phyir zhe na/ dge slong mi 'dod pa la byin len med kyis phyis kyang byin len byos shig /btsun pa dge slong gis bza' ba dang bca' ba byin len ma bgyis par 'tshal ba na mtshan 'phos te dge slong mar gyur na cir 'gyur/ ltung ba'o/ /btsun pa 12-1-184a dge slong mas bza' ba dang bca' ba byin len ma bgyis par 'tshal ba na mtshan 'phos te dge slong du gyur na cir 'gyur/ ltung ba'o/ /btsun pa dge slong gis bza' ba dang bca' ba byin len ma bgyis pa la byin len ma bgyis par 'du shes te 'tshal na cir 'gyur/ ltung ba'o/ /byin len ma bgyis pa la byin len bgyis par 'du shes te 'tshal na cir 'gyur/ nyes pa med do/ /byin len bgyis pa la byin len ma bgyis par 'du shes te 'tshal na cir 'gyur/ nyes byas so/ /byin len bgyis pa la byin len bgyis par 'du shes te 'tshal na cir 'gyur/ nyes pa med do/ /btsun pa byang gi sgra mi snyan gyi gling du byin len ma bgyis par 'tshal bar bgyi'am/ mi 'tshal bar bgyi/ u pA li bza' bar bya'o/ /btsun pa de las gzhan pa'i gling du byin len ma bgyis par 'tshal bar bgyi'am/ u pA li ma yin no/ /btsun pa dge slong sprul pa sems can gyi grangs su mi gtogs par rung bar bgyid pas byin len bgyis na byin len bgyis pa zhes bgyi'am/ u pA li ma yin te/ phyis byin len bya'o/ /btsun pa dge slong rung bar bgyid pa mi gda' bzhin du byin len bgyid du stsal na byin len bgyis pa zhes bgyi'am/ byin len byas pa zhes bya mod kyi nyes byas su 'gyur ro/ /btsun pa bcom ldan 'das kyis 'gro ba gzhan du gnas pa rnams las byin len byos shig ces gsungs na/ btsun pa ji lta bu'i 'gro ba gzhan du gnas pa rnams las byin len bgyi/ u pA li gang la 'bul bar snang zhing yongs su gtong ba'i 'du shes dang yang ldan na byin len byas la bza' bar bya'o/ /btsun pa bslab pa stsal bas byin len ma bgyis par 'tshal na cir 'gyur/ ltung ba'o/ /btsun pa dge slong mas byin len ma bgyis par 'tshal na cir 'gyur/ ltung ba'o/ /btsun pa dge slob mas byin len ma bgyis par 'tshal na cir 'gyur/ nyes byas so/ /btsun pa dge tshul ma dang / dge tshul phas byin len ma bgyis par 'tshal na cir 'gyur/ nyes pa med do// //mdor na/ phrin pa spring yig lag brda dang / /gzhan zer ba dang gcig 12-1-184b nas gcig /smyon pa sems 'khrugs nad pa dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang bdag gi slad du bro ma 'tshal bar rigs gzhan las bsod pa'i zas shig blangs te 'tshal na ltung bar 'gyur ro zhes gsungs na/ btsun pa dge slong gis bsod pa'i zas phrin gyis bslangs te 'tshal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud cing blangs te zos na thams cad nyes byas su 'gyur ro/ /btsun pa dge slong gis smyon pa las bsod pa'i zas shig bslangs te 'tshal na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams las bsod pa'i zas shig bslangs te zos na nyes byas su 'gyur ro// //mdor na/ skad dang lus dang dben pa dang / /gzhan gyi phyir dang mi rung dang / /mtshan dang bzhi pa bsnyen par dang / /bsod pa bdun la de bzhin te/ /khyim pa dag la sogs pa dang / /bslab pa byin dang dge slong ma'o/ /btsun pa dge slong 'phags pas 'phags pa'i skad du bsod pa'i zas blangs pa dang / khyim bdag des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du bsod pa'i zas blangs pa dang / khyim bdag des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du bsod pa'i zas bslangs pa dang / khyim bdag des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du bsod pa'i zas bslangs pa dang / khyim bdag des kyang 'phags pa'i skad ma 'tshal na 12-1-185a cir 'gyur/ nyes byas so/ /btsun pa dge slong gis lus kyi dmigs pas bsod pa'i zas bslangs te 'tshal na cir 'gyur/ nyes byas so/ /btsun pa dge slong gis dben pa la mi dben par 'du shes te bsod pa'i zas bslangs nas 'tshal na cir 'gyur/ nyes byas so/ /btsun pa dge slong gis gzhan gyi slad du bsod pa'i zas blangs te 'tshal na cir 'gyur/ nyes byas so/ /btsun pa dge slong gis sha dang 'o ma mi rung ba bslangs te 'tshal na cir 'gyur/nyes byas so/ /btsun pa dge slong gis bsod pa'i zas bslangs te 'tshal ba na mtshan 'phos te dge slong mar gyur na cir 'gyur/ so sor bshags par bya'o/ /btsun pa dge slong mas bsod pa'i zas bslangs te 'tshal ba na mtshan 'phos te dge slong du gyur na cir 'gyur/ ltung ba'o/ /btsun pa dge slong gis mi la mir 'du shes nas bsod pa'i zas bslangs te 'tshal na cir 'gyur/ ltung ba'o/ /mi la mi ma lags par 'du shes te 'tshal na cir 'gyur/ nyes byas so/ /mi ma lags pa la mir 'du shes nas bslangs te 'tshal na cir 'gyur/ nyes byas so/ /mi ma lags pa la mi ma lags par 'du shes te bslangs nas 'tshal na cir 'gyur/ nyes byas so/ / btsun pa dge slong gis bsod pa la bsod par 'du shes te bslangs nas 'tshal na cir 'gyur/ ltung ba'o/ /bsod pa la mi bsod par 'du shes te bslangs nas 'tshal na cir 'gyur/ nyes byas so/ /mi bsod pa la bsod par 'du shes nas bslangs te 'tshal na cir 'gyur/ nyes byas so/ / mi bsod pa la mi bsod par 'du shes te bslangs nas 'tshal na cir 'gyur/ nyes byas so/ /btsun pa bro ma 'tshal ba na bslangs la bro ma 'tshal ba la 'tshal na cir 'gyur/ ltung ba'o/ /bro ma 'tshal ba na bslangs la bro 'tshal ba na 'tshal na cir 'gyur/ nyes byas so/ /bro 'tshal ba na bslangs la bro ma 'tshal bar 'tshal na cir 'gyur/ nyes byas so/ /bro 'tshal ba na bslangs la bro 'tshal ba na 'tshal na cir 'gyur/ nyes pa med do/ /btsun pa dge slong gis gnyen las bsod pa'i zas bslangs te 'tshal na cir 'gyur/ nyes pa med do/ /btsun pa dge slong 12-1-185b gis bsod pa'i zas ma gtogs par de las gzhan pa bca' ba dang / btung ba dang / bzhib pa dang / bldag pa la sogs pa bslangs te 'tshal na cir 'gyur/ nyes byas so/ /btsun pa bsnyen par ma rdzogs pa na bsod pa'i zas bslangs la bsnyen par ma rdzogs pa na 'tshal na cir 'gyur/ nyes byas so/ /bsnyen par ma rdzogs pa na bslangs la bsnyen par rdzogs kar 'tshal na cir 'gyur/ nyes byas so/ /bsnyen par ma rdzogs pa na bslangs la bsnyen par rdzogs nas 'tshal na cir 'gyur/ nyes byas so/ /bsnyen par rdzogs kar bslangs la bsnyen par rdzogs kar 'tshal na cir 'gyur/ nyes byas so/ /bsnyen par rdzogs kar bslangs la bsnyen par rdzogs nas 'tshal na cir 'gyur/ nyes byas so/ /bsnyen par rdzogs pa na bslangs la bsnyen par rdzogs pa na 'tshal na cir 'gyur/ ltung ba'o/ /bsnyen par rdzogs pa na bslangs la bsnyen par ma rdzogs pa na 'tshal na cir 'gyur/ nyes byas so/ /btsun pa dge slong gis khyim pa bsod pa'i zas shig slong du stsal te 'tshal na cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can du song ba dang / rkun gnas pa dang / so sor gnas pa dang / mi gnas pa dang / sngar nyes pa byung ba dang / sngar 'khrugs pa dang / nye bar phyogs pa dang / bslab pa stsal ba dang / dge slong ma dang / dge slob ma dang / dge tshul ma dang / dge tshul pha rnams las bslangs te 'tshal na cir 'gyur/ thams cad nyes byas su 'gyur ro/ /btsun pa bslab pa stsal bas bsod pa'i zas blangs te 'tshal na cir 'gyur/ ltung ba'o/ /btsun pa dge slong mas bsod pa'i zas bslangs te 'tshal na cir 'gyur/ bshags par bya'o/ /btsun pa dge slob ma dang / dge tshul ma dang / dge tshul phas bsod pa'i zas bslangs te 'tshal na cir 'gyur/ nyes byas so/ /srog chags dang bcas pa'i chu ltung bar bshad pa'i yang rgyas par brjod par 12-1-186a bya'o// //mdor na/ dben pa dang ni nam mkha' sngags/ /mtshan dang bzhi pa ma ning dang / /ma ning mo dang g.yogs pa dang / /gzhon nu ma dang dge sbyong ngo/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang 'tshal bzhin du smen ngan dang bcas pa'i grong du nan gyis mchis par bgyid na ltung bar 'gyur ro/ /zhes gsungs na/ btsun pa dge slong gis 'tshal bzhin du smen ngan dang bcas pa'i grong dben pa la dben par 'du shes te nan gyis mchis par bgyid na cir 'gyur/ nyes byas so/ /btsun pa dge slong gis 'tshal bzhin du smen ngan dang bcas pa'i grong du nam mkha' la nan gyis mchis par bgyid na cir 'gyur/ nyes byas so/ /btsun pa dge slong gis 'tshal bzhin du smen ngan dang bcas pa'i grong du sngags sam/ sman gyis bdag mi snang bar bsgyur te mchis par bgyis na cir 'gyur/ nyes byas so/ /btsun pa dge slong gis 'tshal bzhin du smen ngan dang bcas pa'i grong du nan gyis mchis par bgyid pa na mtshan 'phos te dge slong mar gyur na cir 'gyur/ ltung ba'o/ /btsun pa dge slong mas 'tshal bzhin du smen ngan dang bcas pa'i grong du nan gyis mchis par bgyid pa na mtshan 'phos te dge slong du gyur na cir 'gyur/ ltung ba'o/ /btsun pa dge slong gis grong du mi la mir 'du shes te nan gyis mchis par bgyid na cir 'gyur/ ltung ba'o/ /mi la mi ma lags par 'du shes te nan gyis mchis par bgyid na cir 'gyur/ nyes byas so/ /mi ma lags pa la mir 'du shes te nan gyis mchis par bgyid na cir 'gyur/ nyes byas so/ /mi ma lags pa la mi ma lags par 'du shes te nan gyis mchis par bgyid na cir 'gyur/ nyes byas so/ /btsun pa dge slong gis smen ngan la smen ngan du 'du shes na cir 'gyur/ ltung ba'o/ /smen ngan la smen ngan ma lags par 'du shes na cir 'gyur/ nyes pa med do/ /smen ngan ma lags pa la smen ngan du 'du shes na cir 'gyur/ nyes byas so/ /smen ngan ma lags pa la smen ngan ma lags par 'du shes na nyes pa med do/ /btsun pa dge slong gis 'tshal bzhin du ma ning 12-1-186b gi grong smen ngan dang bcas par nan gyis mchis par bgyid na cir 'gyur/ nyes byas so/ /btsun pa dge slong gis ma ning dang lhan cig tu nan gyis mchis par bgyid na cir 'gyur/ nyes byas so/ /btsun pa dge slong gis smen ngan dang bcas pa'i grong du skyabs mchis par nan gyis mchis par bgyid na cir 'gyur/ nyes byas so/ /btsun pa dge slong dag gis gzhon nu bag mar mchis lags pa'i drung du nan gyis mchis par bgyid na cir 'gyur/ nyes byas so/ /btsun pa dge slong gis 'tshal bzhin du smen ngan dang bcas pa'i grong du thos pa tsam gyi nye 'khor du spags te nan gyis mchis par bgyid na cir 'gyur/ nyes byas so// //mdor na/ smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /btsun pa dge slong gis smyon pa'i grong du nan gyis mchis par bgyid na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams dang lhan cig tu nan gyis 'dug na thams cad nyes byas su 'gyur ro/ /btsun pa bslab pa stsal bas 'tshal bzhin du smen ngan dang bcas pa'i grong du nan gyis mchis par bgyid na cir 'gyur/ ltung ba'o/ /btsun pa dge slong mas 'tshal bzhin du smen ngan dang bcas pa'i grong du nan gyis mchis par bgyid na cir 'gyur/ ltung ba'o/ /dge slob ma dang / dge tshul ma dang / dge tshul phas 'tshal bzhin du smen ngan dang bcas pa'i grong du 'dug par bgyid pa'i le'u bzhin smen ngan dang bcas par gab ste 'dug pa yang brjod par bya'o// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong 12-1-187a gang gcer bu pa'am/ gcer bu ma'am/ kun tu rgyu ba pho'am/ kun tu rgyu ba mo yang rung ste/ rang gi sug pa nas bca' ba dang bza' ba stsal na ltung bar 'gyur ro zhes gsungs na/ btsun pa dge slong gis phrin gyis gcer bu pa'am/ gcer bu ma'am/ kun tu rgyu ba pho'am/ kun tu rgyu ba mo gang yang rung ste/ rang gi lag gis bca' ba dang bza' ba stsal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de byin na thams cad nyes byas su 'gyur ro/ /btsun pa dge slong gis gcer bu pa yang rung gcer bu ma yang rung kun tu rgyu ba pho'am/ kun tu rgyu ba mo yang rung ba'i smyon pa la rang gi sug pa nas bca' ba dang bza' ba stsal na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams kyi gcer bu pa dang / gcer bu ma dang / kun tu rgyu ba pho'am/ kun tu rgyu ba mo yang rung ba la bca' ba dang bza' ba byin na thams cad nyes byas su 'gyur ro// //mdor na/ mi rung zas dang gcer bu pa/ /snod dang mtshan dang bdun pa dang / /bzhi pa dag dang sngags rnams dang / /gzhan gyis gzhan gyi ma ning ngo / /btsun pa dge slong gis gcer bu pa'am kun tu rgyu ba po yang rung ste bca' ba dang bza' ba stsal na cir 'gyur/ nyes byas so/ /btsun pa dge slong gis bza' ba ma gtogs par de las gzhan pa'i bza' ba dang btung ba dang / bzhib pa dang / bldag pa la sogs pa la stsal na cir 'gyur/ nyes byas so/ /btsun pa dge slong gis gcer bu pa'am/ kun tu rgyu ba ma gtogs par de las gzhan pa dge sbyong dang bram ze rnams la rang gi sug pa nas bca' ba dang bza' ba stsal na cir 'gyur/ nyes byas so/ /btsun pa dge slong gis gcer bu pa'am/ kun tu rgyu ba yang rung de la bca' ba dang bza' ba stsal kyang nongs par mi 'gyur ba mchis sam/ 12-1-187b u pA li yod de/ snod sa la bzhag nas blugs te byin pa dang / sdig par lta ba de las 'bral bar 'dod pa dang gnyen la byin pa'o/ /btsun pa dge slong gis gcer bu pa'am/ kun tu rgyu ba la rang gi sug pa nas bca' ba dang bza' ba stsol ba na mtshan 'phos te dge slong mar gyur na cir 'gyur/ ltung ba'o/ /btsun pa dge slong mas gcer bu pa'am/ kun tu rgyu ba la rang gi sug pa nas bca' ba dang bza' ba stsol ba na mtshan 'phos te dge slong du gyur na cir 'gyur/ ltung ba'o/ /btsun pa bsnyen par ma rdzogs pa na gcer bu pa'am kun tu rgyu ba la bca' ba dang bza' ba rang gi sug pa nas bsngos la bsnyen par ma rdzogs pa na stsal na cir 'gyur/ nyes byas so/ /bsnyen par ma rdzogs pa na bsngos la bsnyen par rdzogs kar stsal na cir 'gyur/ nyes byas so/ /bsnyen par ma rdzogs pa na bsngos la bsnyen par rdzogs te stsal na cir 'gyur/ nyes byas so/ /bsnyen par rdzogs kar bsngos la bsnyen par rdzogs kar stsal na cir 'gyur/ nyes byas so/ /bsnyen par rdzogs kar bsngos la bsnyen par rdzogs te stsal na cir 'gyur/ nyes byas so/ /bsnyen par rdzogs pas bsngos la bsnyen par rdzogs nas stsal na cir 'gyur/ ltung ba'o/ /bsnyen par rdzogs pa na bsngos la bsnyen par ma rdzogs pa na stsal na cir 'gyur/ nyes byas so/ /btsun pa dge slong gis mi la mir 'du shes te gcer bu pa'am kun du rgyu ba la bca' ba dang bza' ba stsal na cir 'gyur/ ltung ba'o/ /mi la mi ma lags par 'du shes na cir 'gyur/ nyes byas so/ /mi ma lags pa la mir 'du shes na cir 'gyur/ nyes byas so/ /mi ma lags pa la mi ma lags par 'du shes na cir 'gyur/ nyes byas so/ /btsun pa dge slong gis sngags sam sman gyis bdag mi snang bar bsgyur te gcer bu pa'am/ kun tu rgyu ba la bca' ba dang bza' ba stsal na cir 'gyur/ nyes byas so/ /btsun pa dge slong gis gcer bu pa'am/ kun tu rgyu ba la bca' ba dang bza' ba gzhan las stsal na cir 'gyur/ nyes byas so/ /btsun pa dge slong gis gcer bu pa'am/ kun tu rgyu ba la bca' ba dang bza' ba gzhan gyi slad du stsal na cir 'gyur/ nyes byas so/ / 12-1-188a btsun pa dge slong gis gcer bu pa'am kun tu rgyu ba ma ning la bca' ba dang bza' ba stsal na cir 'gyur/ nyes byas so/ /btsun pa dge slong gis gcer bu pa'am/ kun du rgyu ba mo yang rung ma ning mo la bca' ba dang bza' ba stsal na cir 'gyur/ nyes byas so/ / btsun pa bslab pa stsal bas gcer bu pa'am kun du rgyu ba la bca' ba dang bza' ba stsal na cir 'gyur/ ltung ba'o/ /btsun pa dge slong mas gcer bu pa'am kun du rgyu ba la rang gi sug pa nas bca' ba dang bza' ba stsal na cir 'gyur/ ltung ba'o/ /btsun pa dge slob ma dang / dge tshul ma dang / dge tshul pha rnams kyis gcer bu pa'am kun du rgyu ba la rang gi sug pa nas bca' ba dang bza' ba stsal na cir 'gyur/ nyes byas so// //mdor na/ smyon pa sems 'khrugs na ba dang / /'on pa 'gro ba mtshan rnams dang / /lta ba rgyal po bdun pa dang / /bzhi pa dag dang ma ning ngo / / sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang g.yul shom pa la ltar mchis na ltung bar 'gyur ro zhes gsungs na/ btsun pa dge slong gis smyon pa g.yul shom pa la ltar mchi na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams kyis g.yul shom pa ltar mchi na cir 'gyur/ nyes byas so/ /btsun pa dge slong gis 'gro ba gzhan du gnas pa'i g.yul shom pa ltar mchi na cir 'gyur/ nyes byas so/ /btsun pa dge slong gis g.yul shom pa la ltar mchi ba na mtshan 'phos te dge slong mar gyur na cir 'gyur/ ltung ba'o/ /btsun pa dge slong ma g.yul shom pa la ltar mchi ba na mtshan 'phos te dge slong du gyur na cir 'gyur/ ltung ba'o/ /btsun pa dge slong gis g.yul shom pa la lta ba'i tshe 'khor tsam du bskyed de mchis na cir 'gyur/ nyes byas so/ /btsun pa dge slong gis g.yul shom pa la ltar mchis kyang nongs par mi 'gyur ba mchis sam/ u pA li yod de/ de ni 'di ltar dge slong rgyal po'i pho nyas bkug pa'o/ /btsun pa bsnyen par ma rdzogs pa na lus 12-1-188b kyis mchis la bsnyen par ma rdzogs pa na bltas na cir 'gyur/ nyes byas so/ /bsnyen par ma rdzogs pa na mchis la bsnyen par rdzogs kar bltas na cir 'gyur/ nyes byas so/ /bsnyen par ma rdzogs pa na mchis la bsnyen par rdzogs nas bltas na cir 'gyur/ nyes byas so/ / bsnyen par rdzogs kar mchis la bsnyen par rdzogs kar bltas na cir 'gyur/ nyes byas so/ /bsnyen par rdzogs kar mchis la bsnyen par rdzogs nas bltas na cir 'gyur/nyes byas so/ /bsnyen par rdzogs pa na mchis la bsnyen par rdzogs pa na bltas na cir 'gyur/ ltung ba'o/ /bsnyen par rdzogs pa na mchis la bsnyen par ma rdzogs pa na bltas na cir 'gyur/ nyes byas so/ /btsun pa dge slong gis mi'i g.yul la mi'i g.yul du 'du shes te ltar mchi na cir 'gyur/ ltung ba'o/ /mi'i g.yul la mi ma lags pa'i g.yul du 'du shes na cir 'gyur/ nyes byas so/ /mi ma lags pa'i g.yul la mi'i g.yul du 'du shes na cir 'gyur/ nyes byas so/ /mi ma lags pa'i g.yul la mi ma lags pa'i g.yul du 'du shes na cir 'gyur/ nyes byas so/ /btsun pa dge slong gis ma ning gi g.yul shom pa la ltar mchis na cir 'gyur/ nyes byas so/ /btsun pa bslab pa stsal bas g.yul shom pa la ltar mchis na cir 'gyur/ ltung ba'o/ /btsun pa dge slong ma g.yul shom pa la ltar mchis na cir 'gyur/ ltung ba'o/ /btsun pa dge slob ma dang / dge tshul ma dang / dge tshul pha rnams g.yul shom pa la ltar mchi na cir 'gyur/ nyes byas so/ /bslab pa'i gnas kyi le'u 'di bzhin du g.yul shom par lta na zhag gnyis las mi 'da' ba yang rgyas par brjod par bya'o// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das 12-1-189a kyis yang dge slong gang gis dge slong la brdegs na ltung bar 'gyur ro zhes gsungs na/ btsun pa dge slong gis dge slong zhig phrin gyis rdeg tu stsal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de rdeg tu bcug na thams cad nyes byas su 'gyur ro/ /btsun pa dge slong gis dge slong smyon pa la brdegs na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / de bzhin du 'gro ba gzhan du gnas pa'i dge slong rnams la brdegs na thams cad nyes byas su 'gyur ro// //mdor na/ sngags dang sman dang gzhan gyi dang / /gzhan gyis bzhi pa bdun pa dang / /khyim pa dag la sogs pa rnams/ /mtshan dang de bzhin dge slong ma'o/ /btsun pa dge slong gis sngags sam sman gyis bdag mi snang bar bsgyur te dge slong la brdegs na cir 'gyur nyes byas so/ /btsun pa dge slong la brdegs kyang nongs pa ltung bar mi 'gyur ba mchis sam/ u pA li yod de rtsed mos bsams te brdegs sam gzas par sems pa'o/ /btsun pa dge slong gis dge slong la gzhan gyi phyir brdegs na cir 'gyur/ nyes byas so/ /btsun pa dge slong gis dge slong la gzhan rdeg tu stsal na cir 'gyur/ nyes byas so/ /btsun pa dge slong gis mi la mir 'du shes te brdegs na cir 'gyur/ ltung ba'o/ /mi la mi ma lags par 'du shes na cir 'gyur/ nyes byas su 'gyur ro/ /mi ma lags pa la mir 'du shes na cir 'gyur nyes byas so/ /mi ma lags pa la mi ma lags par 'du shes na cir 'gyur/ nyes byas so/ /btsun pa dge slong gis bsnyen par rdzogs pa la bsnyen par rdzogs par 'du shes te brdegs na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na nyes byas so/ /bsnyen par ma rdzogs pa la bsnyen par rdzogs par 'du shes na nyes byas 12-1-189b so/ /bsnyen par ma rdzogs pa la bsnyen par ma rdzogs par 'du shes na nyes byas su 'gyur ro/ /btsun pa bsnyen par ma rdzogs pa na brdegs par bshams la bsnyen par ma rdzogs pa na brdegs na cir 'gyur/ nyes byas so/ /bsnyen par ma rdzogs pa na bshams la bsnyen par rdzogs kar brdegs na cir 'gyur/ nyes byas so/ /bsnyen par ma rdzogs pa na bshams la bsnyen par rdzogs nas brdegs na cir 'gyur/ nyes byas so/ /bsnyen par rdzogs kar bshams la bsnyen par rdzogs kar brdegs na cir 'gyur/ nyes byas so/ /bsnyen par rdzogs kar bshams la bsnyen par rdzogs nas brdegs na cir 'gyur/ nyes byas so/ /bsnyen par rdzogs pa na bshams la bsnyen par rdzogs nas brdegs na cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na brdegs na cir 'gyur/ nyes byas so/ /btsun pa dge slong gis khyim pa la brdegs na cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams la brdegs na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba rnams la brdegs na cir 'gyur thams cad ltung bar 'gyur ro/ /btsun pa dge slong gis dge slong la brdegs pa na mtshan 'phos te dge slong mar gyur na cir 'gyur/ nyes byas so/ /btsun pa dge slong mas dge slong ma la brdegs pa na mtshan 'phos te dge slong du gyur na cir 'gyur/ nyes byas so/ /btsun pa dge slong gis dge slong ma dang / dge slob ma dang / dge tshul ma dang / dge tshul pha rnams la brdegs na cir 'gyur/ nyes byas so/ /btsun pa dge slong mas dge slong dang / dge slob 12-1-190a ma dang / dge tshul ma dang / dge tshul pha rnams la brdegs na cir 'gyur/ nyes byas so/ /btsun pa bslab pa stsal bas dge slong la brdegs na cir 'gyur/ ltung ba'o/ /btsun pa dge slong mas dge slong ma la brdegs na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas so/ /ji ltar brdegs pa'i le'u smras pa de bzhin du brdegs par gzas pa yang brjod par bya'o// //mdor na/ phrin pa spring yig lag brda dang / /gzhan zer ba dang gcig nas gcig / smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang dge slong gi gnas ngan len gyi nongs pa bcabs na ltung bar 'gyur ro/ /zhes gsungs na/ btsun pa dge slong gis dge slong gi gnas ngan len gyi nongs pa phrin gyis bcabs na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de gnas ngan len gyi nyes pa bcabs na thams cad nyes byas su 'gyur ro/ /btsun pa dge slong gis dge slong gi gnas ngan len gyi nongs pa smyon pa la bcabs na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams la dge slong gis gnas ngan len gyi nyes pa bcabs na thams cad nyes byas su 'gyur ro/ /btsun pa dge slong gis dge slong smyon pa'i gnas ngan len gyi nongs pa bcabs na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba 12-1-190b gzhan du gnas pa'i dge slong rnams kyis gnas ngan len gyi nyes pa bcabs na thams cad nyes byas su 'gyur ro// //mdor na/ skad dang lus dang dben pa dang / /nyes mtshan bzhi pa bdun pa dang / /khyim pa dag la sogs pa rnams/ /bcabs dang de ltar dge slong ma'o/ /btsun pa dge slong gis dris nas 'phags pas 'phags pa'i skad du dge slong gis gnas ngan len gyi nongs pa bcabs pa dang / dge slong des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du dge slong gi gnas ngan len gyi nongs pa bcabs pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du dge slong gi gnas ngan len gyi nongs pa bcabs pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du gnas ngan len gyi nongs pa bcabs pa dang / dge slong des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis dris nas lus kyi dmigs pas dge slong gi gnas ngan len gyi nongs pa bcabs na cir 'gyur/ nyes byas so/ /btsun pa dge slong gis dge slong gi gnas ngan len gyi nongs pa bcabs kyang nongs par mi 'gyur ba mchis sam/ u pA li yod de/ de ni 'di ltar dge slong zhig de'i rgyus 'tsho ba'i bar chad dam/ dge sbyong gi bar chad dam/ tshangs par spyod pa'i bar chad du 'gyur ba'o/ /btsun pa dge slong gis dge slong gi nongs pa bcabs kyang nongs pa ltung bar mi 'gyur ba mchis sam/ u pA li yod de/ gnas ngan len gyi nyes pa ma gtogs par de las gzhan pa'i nyes pa zhig bcabs pa'o/ /btsun pa dge slong gis dge slong gi gnas ngan len gyi nongs pa bcabs pa na mtshan 'phos te dge slong mar gyur na cir 'gyur/ nyes byas so/ /btsun pa dge slong mas dge slong ma'i gnas ngan len gyi nongs pa bcabs pa na mtshan 'phos te dge slong du gyur na 12-1-191a cir 'gyur/ nyes byas so/ /btsun pa dge slong gis dge slong gi gnas ngan len la gnas ngan len du 'du shes te bcabs na cir 'gyur/ ltung ba'o/ /gnas ngan len la gnas ngan len ma lags par 'du shes te bcabs na cir 'gyur/ nyes byas so/ / gnas ngan len ma lags pa la gnas ngan len ma lags par 'du shes te bcabs na cir 'gyur/ nyes pa med do/ /gnas ngan len ma lags pa la gnas ngan len du 'du shes te bcabs na cir 'gyur/ nyes byas so/ /btsun pa dge slong gis bsnyen par rdzogs pa la bsnyen par rdzogs par 'du shes te gnas ngan len gyi nongs pa bcabs na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes te dge slong gi gnas ngan len gyi nongs pa bcabs na cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes te bcabs na cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te bcabs na cir 'gyur/ nyes byas so/ /btsun pa bsnyen par rdzogs pa na dge slong gi gnas ngan len gyi nongs pa mthong la bsnyen par ma rdzogs pa na bcabs na cir 'gyur/ nyes byas so/ /bsnyen par ma rdzogs pa na mthong la bsnyen par rdzogs kar bcabs na cir 'gyur/ nyes byas so/ /bsnyen par ma rdzogs pa na mthong la bsnyen par rdzogs pa na bcabs na cir 'gyur/ nyes byas so/ /bsnyen par rdzogs kar mthong la bsnyen par rdzogs kar bcabs na cir 'gyur/ nyes byas so/ /bsnyen par rdzogs kar mthong la bsnyen par rdzogs nas bcabs na cir 'gyur/ nyes byas so/ /bsnyen par rdzogs pa na mthong la bsnyen par rdzogs pa na bcabs na cir 'gyur/ ltung ba'o/ /bsnyen par rdzogs pa na mthong la bsnyen par ma rdzogs pa na bcabs na cir 'gyur/ nyes byas so/ /btsun pa dge slong gis khyim pa'i gnas ngan len gyi nongs pa bcabs na cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra 12-1-191b bcom pa bsad pa dang / de bzhin gshegs pa la ngan sems kyis khrag phyung ba dang / rkun gnas pa dang / mi gnas pa dang / so sor gnas pa dang / mu stegs can dang / mu stegs can du song ba dang / sngar 'khrugs pa dang / sngar nyes pa byung ba rnams kyi gnas ngan len gyi nyes pa bcabs na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba rnams kyi gnas ngan len gyi nongs pa bcabs na cir 'gyur/ ltung ba'o/ /btsun pa dge slong gis dge slong gi gnas ngan len gyi nongs pa khyim pa la bcabs na cir 'gyur/ nyes byas so/ /de bzhin du za ma dang / ma ning nas sngar 'khrugs pa rnams kyi bar du bcabs na thams cad nyes byas su 'gyur ro/ /btsun pa dge slong gis dge slong gi gnas ngan len gyi nongs pa dge 'dun gyi dbyen bgyis pa dang / nye bar phyogs pa dang / bslab pa stsal ba rnams la bcabs na cir 'gyur/ thams cad ltung bar 'gyur ro/ /btsun pa dge slong gis dge slong gi gnas ngan len gyi nongs pa khyim pa la smras na/ bcabs pa zhes bgyi'am/ u pA li ma yin no/ /de bzhin du za ma dang / ma ning nas bslab pa stsal ba'i bar du de dag la smras na bcabs pa zhes bgyi 'am/ u pA li ma yin no/ /btsun pa dge slong gis dge slong ma'i gnas ngan len gyi nongs pa dang / dge slob ma dang / dge tshul ma dang / dge tshul pha rnams kyi gnas ngan len gyi nongs pa bcabs na cir 'gyur/ nyes byas so/ /btsun pa dge slong mas dge slong dang / dge slob ma dang / dge tshul ma dang / dge tshul pha rnams kyi gnas ngan len gyi nongs pa bcabs na cir 'gyur/ nyes byas so/ /btsun pa bslab pa stsal bas gnas ngan len gyi nongs pa bcabs na cir 'gyur/ ltung ba'o/ /btsun pa dge slong mas dge slong ma'i gnas ngan len gyi nongs pa bcabs na cir 'gyur/ ltung ba'o/ /dge slob ma dang / dge tshul ma dang / dge tshul pha rnams kyi gnas ngan len gyi nongs pa bcabs na cir 12-1-192a 'gyur/ nyes byas so// //'dul ba gzhung dam pa/bam po bcu gcig pa/ mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang dge slong la 'di skad du zas dang 'bral bar 'dod nas tshe dang ldan pa khyod ni kho bo dang lhan cig tu gtam zer ram/ 'grogs kyang rung ste bde bar mi 'gyur gyis khyod song shig ces smras nas/ dge slong de skad cig tsam yang zas dang phral bar 'gyur ba de 'dra ba'i rkyen cig bgyis na ltung bar 'gyur ro zhes gsungs na/ btsun pa dge slong gis dge slong pha la phrin gyis zas dang phral na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de zas dang phral na thams cad nyes byas su 'gyur ro/ /btsun pa dge slong gis dge slong smyon pa zhig zas dang phral na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / lkugs pa dang / 'on pa dang / glen pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa'i dge slong rnams zas dang phral na thams cad nyes byas su 'gyur ro// //mdor na/ skad dang lus dang dben pa dang / /gzhan gyis gzhan gyi mtshan dag dang / /khyim pa dag la sogs pa rnams/ /bzhi pa bdun pa bza' ba'o/ /btsun pa dge slong 'phags pas 'phags pa'i skad du zas dang phral ba dang / dge slong des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du zas dang phral ba dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du zas dang phral ba dang / dge slong des kyang mtha' 12-1-192b 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du zas dang phral ba dang / dge slong des 'phags pa'i skad ma 'tshal na cir 'gyur/ nyes byas so/ /btsun pa dge slong gis dge slong la lus kyi dmigs pas zas dang phral na cir 'gyur/ nyes byas so/ /btsun pa dge slong gis dben pa la mi dben par 'du shes te zas dang phral na cir 'gyur/ nyes byas so/ /btsun pa dge slong gis dge slong la gzhan la zas dang bral bar bgyid du stsal na cir 'gyur/ nyes byas so/ /btsun pa dge slong gis gzhan gyi slad du zas dang phral na cir 'gyur/ nyes byas so/ /btsun pa dge slong gis dge slong la zas dang phral ba na mtshan 'phos te dge slong mar gyur na cir 'gyur/nyes byas so/ /btsun pa dge slong mas dge slong ma zas dang bral bar bgyid pa na mtshan 'phos te dge slong du gyur na cir 'gyur/ nyes byas so/ /btsun pa dge slong gis khyim pa zas dang phral na cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams zas dang phral na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba rnams zas dang phral na cir 'gyur/ thams cad ltung bar 'gyur ro/ /btsun pa dge slong gis mi la mir 'du shes te zas dang phral na cir 'gyur/ ltung ba'o/ /mi la mi ma lags par 'du shes te zas dang phral na cir 'gyur/ nyes byas so/ /mi ma lags pa la mi ma lags par 'du shes te zas dang phral na cir 'gyur/ nyes byas so/ /mi ma lags pa la mir 'du shes te zas dang phral na cir 'gyur/ nyes byas so/ /btsun pa dge slong gis bsnyen par rdzogs pa la 12-1-193a bsnyen par rdzogs par 'du shes te zas dang phral na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes te zas dang phral na cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te zas dang phral na cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes te zas dang phral na cir 'gyur/ nyes byas so/ /btsun pa bsnyen par ma rdzogs pa na mgron du bos la bsnyen par ma rdzogs pa na zas dang phral na cir 'gyur/ nyes byas so/ / bsnyen par ma rdzogs pa na mgron du bos la bsnyen par rdzogs te zas dang phral na cir 'gyur/ nyes byas so/ /bsnyen par ma rdzogs pa na mgron du bos la bsnyen par rdzogs kar zas dang phral na cir 'gyur/ nyes byas so/ /bsnyen par rdzogs kar mgron du bos la bsnyen par rdzogs kar zas dang phral na cir 'gyur/ nyes byas so/ /bsnyen par rdzogs kar mgron du bos la bsnyen par rdzogs nas zas dang phral na cir 'gyur/ nyes byas so/ /bsnyen par rdzogs pa na mgron du bos la bsnyen par rdzogs te zas dang phral na cir 'gyur/ ltung ba'o/ /bsnyen par rdzogs pa na mgron du bos la bsnyen par ma rdzogs pa na zas dang phral na cir 'gyur/ nyes byas so/ /btsun pa dge slong gis dge slong zas dang phral kyang nongs pa ltung bar mi 'gyur ba mchis sam/ u pA li yod de/ sman pas lung bsgo ste zas dang phral ba'o/ /btsun pa dge slong zas dang phral yang nongs pa ltung bar mi 'gyur ba mchis sam/ u pA li yod de/ zas ma gtogs par de las gzhan pa'i bca' ba dang / bza' ba dang / btung ba dang / bldag pa dang / bzhib pa la sogs pa'i zas dang phral na nyes byas su 'gyur ro/ /btsun pa dge slong gis dge slong ma dang / dge slob ma dang / dge tshul ma dang / dge tshul pha rnams zas dang phral na cir 'gyur/ nyes byas so/ /btsun pa dge slong mas dge slong dang / dge slob ma dang / dge tshul ma dang / dge tshul pha rnams zas dang phral na cir 'gyur/ 12-1-193b nyes byas so/ /btsun pa bslab pa stsal bas dge slong zas dang phral na cir 'gyur/ ltung ba'o/ /btsun pa dge slong mas dge slong ma zas dang phral na cir 'gyur/ ltung ba'o/ /btsun pa dge slob ma dang / dge tshul ma dang / dge tshul pha rnams kyis dge slong dang / dge slong ma dang / dge slob ma dang / dge tshul ma dang / dge tshul pha rnams zas dang phral na cir 'gyur/ nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa 'gro ba'o/ / sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang bro ma 'tshal bar bdag gi slad du bdag gis zhugs bus sam/ 'bud du stsal na ltung bar 'gyur ro zhes gsungs na/ btsun pa dge slong gis phrin gyis zhugs bud du stsal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de me 'bud du bcug na nyes byas su 'gyur ro/ /btsun pa dge slong gis smyon pa zhugs 'bud du stsal na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams me 'bud du bcug na thams cad nyes byas su 'gyur ro// //mdor na/ skad dang lus dang dben pa dang / /de ltar gzhan gyis gzhan gyi mtshan/ /khyim pa dag la sogs pa'i rnams/ /bzhi pa bdun pa de bzhin no/ /btsun pa dge slong 'phags pas 'phags pa'i skad du zhugs 'bud du stsal ba dang / dge slong des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du zhugs 'bud du stsal ba dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du zhugs 'bud du stsal ba dang / dge slong des kyang mtha' 'khob pa'i skad 12-1-194a ma 'tshal na cir 'gyur/ nyes byas so/ /mtha' 'khob pas 'phags pa'i skad du zhugs 'bud du stsal ba dang / dge slong des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis lus kyi dmigs pas zhugs 'bud du stsal na cir 'gyur/ nyes byas so/ /btsun pa dge slong gis dben pa la mi dben par 'du shes te zhugs 'bud du stsal na cir 'gyur/ nyes byas so/ /btsun pa dge slong gis gzhan zhugs 'bud du stsal na cir 'gyur/ ltung ba'o/ /btsun pa dge slong gis gzhan gyi slad du zhugs 'bud du stsal na cir 'gyur/ nyes byas so/ /btsun pa dge slong gis zhugs 'bud du stsal ba na mtshan 'phos te dge slong mar gyur na cir 'gyur/ ltung ba'o/ /btsun pa dge slong mas zhugs 'bud du stsal ba na mtshan 'phos te dge slong du gyur na cir 'gyur/ ltung ba'o/ /btsun pa dge slong gis khyim pa mngon sum du zhugs 'bud du stsal na cir 'gyur/ ltung ba'o/ /de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / sngar 'khrugs pa dang / sngar nyes pa byung ba rnams me 'bud du bcug na thams cad ltung bar 'gyur ro/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba rnams zhugs 'bud du stsal na cir 'gyur/ thams cad ltung bar 'gyur ro/ /btsun pa dge slong gis mi la mir 'du shes te zhugs 'bud du stsal na cir 'gyur/ ltung ba'o/ /mi la mi ma lags par 'du shes te zhugs 'bud du stsal na cir 'gyur/ nyes byas so/ /mi ma lags pa la mir 'du shes te zhugs 'bud du stsal na cir 'gyur/ nyes byas so/ /mi ma lags pa la mi ma lags par 'du shes te zhugs 'bud du stsal na cir 'gyur/ nyes byas so/ /btsun 12-1-194b pa bsnyen par ma rdzogs pa na bshams la bsnyen par ma rdzogs pa na zhugs 'bud du stsal na cir 'gyur/ nyes byas so/ /bsnyen par ma rdzogs pa na bshams la bsnyen par rdzogs kar zhugs 'bud du stsal na cir 'gyur/ nyes byas so/ /bsnyen par ma rdzogs par bshams la bsnyen par rdzogs pa na zhugs 'bud du stsal na cir 'gyur/ nyes byas so/ /bsnyen par rdzogs kar bshams la bsnyen par rdzogs kar zhugs 'bud du stsal na cir 'gyur/ nyes byas so/ /bsnyen par rdzogs kar bshams la bsnyen par rdzogs pa na zhugs 'bud du stsal na cir 'gyur/ nyes byas so/ /bsnyen par rdzogs pa na bshams la bsnyen par rdzogs pa na zhugs 'bud du stsal na cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na zhugs 'bud du stsal na cir 'gyur/ nyes byas so/ /btsun pa bslab pa stsal bas zhugs 'bud du stsal na cir 'gyur/ ltung ba'o/ /btsun pa dge slong mas zhugs 'bud du stsal na cir 'gyur/ ltung ba'o/ /dge slob ma dang / dge tshul ma dang / dge tshul pha rnams kyis zhugs 'bud du stsal na cir 'gyur/ nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang dge 'dun gyi chos dang mthun par bgyi ba la dad pa phul ba las de'i 'og tu 'khyig pa'i chos bgyis te/ dge slong khyod la dad pa mi sbyin gyis thong shig ces smras na ltung bar 'gyur ro zhes gsungs na/ btsun pa dge slong gis dge 'dun gyi chos dang mthun pa'i bgyi ba la dad pa stsal ba las de'i 'og tu phrin gyis 'khyig pa'i chos bgyis na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de 'khyig pa'i chos byas na nyes 12-1-195a byas so/ /btsun pa dge slong gis dge 'dun gyi chos dang ldan pa'i bgyi ba la dad pa stsal nas de'i 'og tu smyon pa la 'khyig pa'i chos bgyis na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / 'on pa dang / glen pa dang / lkugs pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams la 'khyig pa'i chos byas na thams cad nyes byas su 'gyur ro// //mdor na/ skad dang lus dang dben pa dang / /de bzhin gzhan gyis gzhan gyi mtshan/ /khyim pa dag la sogs pa rnams/ /bzhi pa bdun pa de bzhin no/ /btsun pa dge slong 'phags pas 'phags pa'i skad du 'khyig pa'i chos bgyis pa dang / dge slong des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du 'khyig pa'i chos bgyis pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du 'khyig pa'i chos bgyis pa dang /dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du 'khyig pa'i chos bgyis pa dang / dge slong des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis lus kyi dmigs pas 'khyig pa'i chos bgyis na cir 'gyur/ nyes byas so/ /btsun pa dge slong gis dben pa la mi dben par 'du shes te 'khyig pa'i chos bgyis na cir 'gyur/ nyes byas so/ /btsun pa dge slong gis gzhan 'khyig tu stsal na cir 'gyur/ nyes byas so/ /btsun pa dge slong gis gzhan gyi slad du 'khyig pa'i chos bgyis na cir 'gyur/ nyes byas so/ /btsun pa dge slong gis 'khyig pa'i chos bgyid pa na mtshan 'phos te dge slong mar gyur na cir 'gyur/ nyes byas so/ /btsun pa dge slong mas 'khyig pa'i chos bgyid pa na mtshan 'phos te dge slong du gyur na cir 'gyur/ nyes 12-1-195b byas so/ /btsun pa dge slong gis khyim pa la 'khyig pa'i chos bgyis na cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams la 'khyig pa'i chos byas na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba rnams la 'khyig pa'i chos bgyis na cir 'gyur/ thams cad ltung bar 'gyur ro/ /btsun pa dge slong gis chos dang mthun pa'i las la chos dang mthun pa'i las su 'du shes te dad pa stsal nas 'khyig pa'i chos bgyis na cir 'gyur/ ltung ba'o/ /chos dang mthun pa'i las la chos dang mthun pa'i las ma lags par 'du shes te 'khyig pa'i chos bgyid na cir 'gyur/ nyes byas so/ /chos dang mi mthun pa'i las la chos dang mthun pa'i las su 'du shes te 'khyig pa'i chos bgyis na cir 'gyur/ nyes byas so/ /chos dang mi mthun pa'i las la chos dang mi mthun pa'i las su 'du shes nas 'khyig pa'i chos bgyis na cir 'gyur/ nyes byas so/ /btsun pa dge slong gis bsnyen par rdzogs pa la bsnyen par rdzogs par 'du shes te 'khyig pa'i chos bgyis na cir 'gyur/ ltung ba'o/ /bsnyen par rdzogs pa na bsnyen par ma rdzogs par 'du shes te 'khyig pa'i chos bgyis na cir 'gyur/ nyes byas so/ /bsnyen par ma rdzogs pa na bsnyen par rdzogs par 'du shes te 'khyig pa'i chos bgyis na cir 'gyur/ nyes byas so/ /bsnyen par ma rdzogs pa na bsnyen par ma rdzogs par 'du shes te 'khyig pa'i chos bgyis na cir 'gyur/ nyes byas so/ /bsnyen par ma rdzogs pa na dad pa stsal na bsnyen par ma rdzogs pa na 'khyig pa'i chos bgyis na cir 'gyur/ nyes byas so/ /bsnyen par ma rdzogs pa na dad pa stsal la bsnyen par rdzogs kar 'khyig pa'i chos bgyis 12-1-196a na cir 'gyur/ nyes byas so/ /btsun pa bsnyen par ma rdzogs pa na dad pa stsal la bsnyen par rdzogs pa na 'khyig pa'i chos bgyis na cir 'gyur/ nyes byas so/ /bsnyen par rdzogs kar dad pa stsal la bsnyen par rdzogs kar 'khyig pa'i chos bgyis na cir 'gyur/ nyes byas so/ /bsnyen par rdzogs kar dad pa stsal la bsnyen par rdzogs nas 'khyig pa'i chos bgyis na cir 'gyur/ nyes byas so/ /bsnyen par rdzogs nas dad pa stsal la bsnyen par rdzogs pas 'khyig pa'i chos bgyis na cir 'gyur/ ltung ba'o/ /bsnyen par rdzogs pa na dad pa stsal la bsnyen par ma rdzogs pa na 'khyig pa'i chos bgyis na cir 'gyur/ nyes byas so/ /btsun pa dge slong gis dge 'dun gyi chos dang ldan pa'i bgyi ba la dad pa stsal nas/ dge slong ma dang / dge slob ma dang / dge tshul ma dang / dge tshul pha rnams la 'khyig pa'i chos bgyis na cir 'gyur/ nyes byas so/ /btsun pa dge slong mas dge slong dang / dge slob ma dang / dge tshul ma dang / dge tshul pha rnams la 'khyig pa'i chos bgyis na cir 'gyur/ nyes byas so/ /btsun pa bslab pa stsal bas dge 'dun gyi chos dang mthun pa'i bgyi ba la dad pa stsal nas 'khyig pa'i chos bgyis na cir 'gyur/ ltung ba'o/ /btsun pa dge slong gis dge 'dun gyi chos dang mthun pa'i bgyi ba la dad pa stsal ba las 'khyig pa'i chos bgyis na cir 'gyur/ ltung ba'o/ /dge slong ma dang / dge slob ma dang / dge tshul ma dang / dge tshul pha rnams la nyes byas su 'gyur ro// //mdor na/ smyon par gyur dang sems 'khrugs pa/ /na ba 'on pa 'gro ba sngags/ /nam mkha' gnyis dang bzhi pa mtshan/ /de bzhin sprul pa ma ning dang / /g.yogs pa bskor ba dge slong ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang bsnyen par ma rdzogs pa'i gang zag dang lhan cig tu nub gnyis las 'das par khyim gcig gi nang na nyal bar bgyid na ltung bar 'gyur ro zhes gsungs na/ btsun pa dge slong gis smyon pa dang lhan cig 12-1-196b tu nub gnyis khyim gyi nang na nyal la nub gsum pa la rang bzhin du gnas pa dang lhan cig nyal na cir 'gyur/ nyes byas so/ /btsun pa dge slong gis nub gnyis su rang bzhin du gnas pa dang nyal la nub gsum pa la smyon pa dang lhan cig tu nyal na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / 'on pa dang / lkugs pa dang / 'gro ba gzhan du gnas pa rnams dang lhan cig nyal na thams cad nyes byas su 'gyur ro/ /btsun pa dge slong gis sngags sam sman gyis bdag mi snang bar bsgyur te bsnyen par ma rdzogs pa'i gang zag dang lhan cig tu nub gnyis las 'das par khang pa gcig gi nang na nyal bar bgyid na cir 'gyur/ nyes byas so/ /btsun pa dge slong gis bsnyen par ma rdzogs pa'i gang zag dang lhan cig tu nub gnyis las 'das par nam mkha' la nyal na cir 'gyur/ nyes byas so/ /btsun pa dge slong gis bsnyen par ma rdzogs pa'i gang zag dang lhan cig tu nub gnyis khang pa gcig tu nyal la nub gsum par bud med dang lhan cig nyal na cir 'gyur/ ltung ba'o/ /btsun pa dge slong gis bsnyen par ma rdzogs pa la bsnyen par ma rdzogs par 'du shes te nub gnyis las 'das par nyal bar bgyid na cir 'gyur/ ltung ba'o/ /bsnyen par ma rdzogs pa la bsnyen par rdzogs par 'du shes na cir 'gyur/ nyes pa med do/ /bsnyen par rdzogs pa la bsnyen par ma rdzogs par 'du shes te nyal na cir 'gyur/ nyes byas so/ /bsnyen par rdzogs pa la bsnyen par rdzogs par 'du shes te nyal na cir 'gyur/ nyes pa med do/ /btsun pa dge slong gis mi la mir 'du shes te nub gnyis las 'das par nyal na cir 'gyur/ ltung ba'o/ /mi la mi ma lags par 'du shes te nyal na cir 'gyur/ nyes byas so/ /mi ma lags pa la mir 'du shes te nyal na cir 'gyur/ nyes byas so/ /mi ma lags pa la mi ma lags par 'du shes te nyal na cir 'gyur/ nyes byas so/ /btsun pa dge slong bsnyen par ma rdzogs pa'i gang zag dang nub gnyis las 'das par lhan cig nyal ba na mtshan 'phos te dge slong 12-1-197a mar gyur na cir 'gyur/ ltung ba'o/ /btsun pa dge slong ma bsnyen par ma rdzogs pa'i gang zag dang lhan cig tu nub gnyis las 'das par nyal ba na mtshan 'phos te dge slong du gyur na cir 'gyur/ ltung ba'o/ /btsun pa dge slong gis sprul pa dang lhan cig tu nub gnyis las 'das par khyim gcig na nyal na cir 'gyur/ nyes byas so/ /btsun pa dge slong gis bsnyen par ma rdzogs pa'i gang zag dang lhan cig tu nub gnyis nyal la nub gsum pa la ma ning dang lhan cig tu nyal na cir 'gyur/ ltung ba dang / nyes byas su 'gyur ro/ /btsun pa dge slong bsnyen par ma rdzogs pa'i gang zag dang lhan cig khang pa gcig gi nang na nyal yang nongs par mi 'gyur ba mchis sam/ u pA li yod de/ 'di ltar de ni de'i gnas thams cad ma g.yogs par gyur pa'am/ ra bas bskor ba'am/phyed bskor ba'am/ thams cad ma bskor bar gyur pa'am/ ma g.yogs pa'am/ de phyed ma g.yogs pa de lta bu'i gnas su nyal na nyes med du 'gyur ro/ /btsun pa dge slong gis ri grog po'am/ shing gi phug gam/ shing stug por bsnyen par ma rdzogs pa dang lhan cig tu nub gnyis las 'das par nyal na cir 'gyur/ nyes byas so/ /btsun pa bslab pa stsal bas bsnyen par ma rdzogs pa'i gang zag dang lhan cig tu nub gnyis las 'das par nyal na cir 'gyur/ ltung ba'o/ /btsun pa dge slong ma bsnyen par ma rdzogs pa'i gang zag dang lhan cig tu khyim gcig gi nang du nub gnyis las 'das par nyal na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas so/ /dge slong a ri Sh+Tas lan gsum du ngag bcag pas dge 'dun gyi lhag mar bshad pa dang sbyar ro// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs pa/ /na ba 'on pa 'gro ba'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang zag de ltar smra bas chos kyi rjes su ma bgyis/ sdig pa 12-1-197b de la lta bar gyur pa ma spangs par 'tshal bzhin du de dang lhan cig smra 'am/ kun du smra 'am/ zas 'tshal lam/ de dang lhan cig khyim gcig tu nyal bar bgyid na ltung bar 'gyur ro zhes gsungs na/ btsun pa dge slong gis gang zag de ltar smra bar 'tshal bzhin du phrin gyis smra 'am kun du smra na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud pa thams cad nyes byas su 'gyur ro/ /btsun pa dge slong gis dge slong smyon pa chos kyi rjes su ma bgyis pa zhig la smra'am/ kun du smra 'am/ zas 'tshal lam/ khang pa gcig tu lhan cig nyal na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / lkugs pa dang / 'on pa dang / glen pa dang / 'gro ba gzhan du gnas pa'i dge slong chos kyi rjes su ma byas pa la smra'am/ kun du smra 'am/ za'am/ khang pa gcig tu lhan cig nyal na thams cad nyes byas su 'gyur ro/ /btsun pa dge slong gis gang zag de ltar smra ba chos kyi rjes su ma bgyis par 'tshal bzhin du sngags sam sman gyis bdag mi snang bar bsgyur te/ de dang lhan cig smra 'am/ kun du smra 'am/ zas 'tshal lam/ de dang lhan cig tu khyim gcig gi nang na nyal na cir 'gyur/ nyes byas so// //mdor na/ sngags dang nam mkha' skad rnams dang / /lus dang dben dang za ba dang / /bdun pa bzhi pa de ltar te/ /mtshan dang ma ning de bzhin no/ /btsun pa dge slong gis gang zag de ltar smra zhing chos kyi rjes su ma bgyis par 'tshal bzhin du sngags sam sman gyis bdag mi snang bar bsgyur te/ de dang lhan cig smra 'am/ kun tu smra'am/ zas 'tshal zhing de dang lhan cig khyim gcig tu nyal bar bgyid na cir 'gyur/ nyes byas so/ /btsun pa dge slong gis gang zag de ltar smra bar 'tshal bzhin du de dag lhan cig nam mkha' la mchis te nyal na cir 'gyur/ nyes byas so/ /btsun pa de ltar smra ba'i gang zag la dge slong 'phags pas 12-1-198a 'phags pa'i skad du smras pa dang / gang zag des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du gang zag de de ltar smra zhing chos kyi rjes su ma bgyis pa la smras pa dang / gang zag des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du de ltar smra ba'i gang zag la smras pa dang / gang zag des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du de ltar smra ba'i gang zag la smras pa dang / gang zag des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis gang zag de ltar smra bar 'tshal bzhin du lus kyi dmigs pas go bar bgyis na cir 'gyur/ nyes byas so/ /btsun pa dge slong gis dben pa la mi dben par 'du shes te gang zag de ltar smra ba la smras sam nyal na cir 'gyur/ nyes byas so/ /btsun pa dge slong gis 'tshal bzhin du de ltar smra ba'i gang zag dang lhan cig zas ma gtogs par de las gzhan pa'i bca' ba dang / btung ba dang / bldag pa dang / bzhib pa la sogs pa 'tshal na cir 'gyur/ nyes byas so/ /btsun pa bsnyen par ma rdzogs pa na de ltar smra ba'i gang zag tu 'tshal la bsnyen par ma rdzogs pa na smras na cir 'gyur/ nyes byas so/ /bsnyen par ma rdzogs pa na 'tshal la bsnyen par rdzogs kar smras na cir 'gyur/ nyes byas so/ /bsnyen par ma rdzogs pa na 'tshal la bsnyen par rdzogs pa na smras na cir 'gyur/ nyes byas so/ /bsnyen par rdzogs kar 'tshal la bsnyen par rdzogs kar smras na cir 'gyur/ nyes byas so/ /bsnyen par rdzogs kar 'tshal la bsnyen par rdzogs pa na smras na cir 'gyur/ nyes byas so/ /bsnyen par rdzogs pa na 'tshal la bsnyen par rdzogs pa na smras na cir 'gyur/ ltung ba'o/ /bsnyen par rdzogs pa na 'tshal la bsnyen par ma rdzogs pa na smras na cir 'gyur/ nyes byas so/ / 12-1-198b btsun pa dge slong gis de ltar smra ba'i gang zag bsnyen par rdzogs pa la bsnyen par rdzogs par 'du shes te smras na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes te smras na cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te smras na cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes te smras na cir 'gyur/ nyes byas so/ /btsun pa dge slong gis 'tshal bzhin du de ltar smra ba'i gang zag bzod par ma bgyis pa la bzod par ma bgyis par 'du shes te smras na cir 'gyur/ ltung ba'o/ /bzod par ma bgyis pa la bzod par bgyis par 'du shes te smras na cir 'gyur/ nyes pa med do/ /bzod par bgyis pa la bzod par ma bgyis par 'du shes te smras na cir 'gyur/ nyes byas so/ /bzod par bgyis pa la bzod par bgyis par 'du shes te smras na cir 'gyur/ nyes pa med do/ /btsun pa dge slong gis de ltar smra ba'i gang zag la smra ba na mtshan 'phos te dge slong mar gyur na cir 'gyur/ nyes byas so/ /btsun pa dge slong mas de ltar smra ba'i dge slong ma la 'tshal bzhin du smra ba na mtshan 'phos te dge slong du gyur na cir 'gyur/ nyes byas so/ /btsun pa dge slong gis 'tshal bzhin du de ltar smra ba'i gang zag ma ning la smras na cir 'gyur/ nyes byas so/ /de bzhin du dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / mi gnas pa dang / so sor gnas pa dang / sngar 'khrugs pa dang / sngar nyes pa byung ba'i gang zag rnams la smras na thams cad nyes byas su 'gyur ro/ /btsun pa dge slong gis de de ltar smra bar 'tshal bzhin du dge 'dun gyi dbyen bgyis pa dang / nye bar phyogs pa dang / bslab pa stsal ba'i gang zag la smras na cir 'gyur/ thams cad ltung bar 'gyur ro/ /btsun pa dge slong 12-1-199a gis gnyid kyis log pa dang / ra ro ba dang / myos pa'i gang zag de ltar smra zhing / chos kyi rjes su ma bgyis pa la smras na cir 'gyur/ nyes byas so/ /btsun pa dge slong gis de ltar smra ba'i dge slong ma dang / dge slob ma dang / dge tshul ma dang / dge tshul pha rnams la smras na cir 'gyur/ nyes byas so/ /btsun pa bslab pa stsal bas gang zag de ltar smra ba'i chos kyi rjes su ma bgyis par 'tshal bzhin du de dang lhan cig smras sam/ kun tu smras sam/ zas 'tshal tam/ de dang lhan cig nyal na cir 'gyur/ ltung ba'o/ /btsun pa dge slong mas de ltar smra ba'i dge slong mar 'tshal bzhin du smra'am/ kun tu smra'am/ de dang lhan cig tu khyim gcig tu nyal bar bgyid na cir 'gyur/ ltung bar 'gyur ro/ /btsun pa dge slong ma dang / dge tshul pha de ltar smra zhing chos kyi rjes su ma bgyis pa la smras na cir 'gyur/ nyes byas so/ /dge slob ma dang / dge tshul ma dang / dge tshul pha rnams la nyes byas so/ /ji ltar de ltar smra ba'i gang zag de bzhin du de ltar dge sbyong ma rung bar byas pa bstan pa yang brjod par bya'o/ /tha dad pa ci yod ces gsol pa dang / las dang longs spyod ma gtogs par bsnyen bkur dang yid bzho ba yang bshad par bya'o// //mdor na/ mi rung ba dang mtshan dag dang / /bzhi pa bdun pa de ltar te/ /ma chog thams cad rang bzhin dang / /tshon dang bslab pa dge slong ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gis gos sar pa rnyed na kha dog ngan par bya ba gsum las gang yang rung ba gcig gis kha dog ngan par gyis shig /dge slong gis kha dog ngan par bya ba gsum las gang yang rung ba gcig gis kha dog ngan par ma bsgyur bar gos bgos na ltung bar 'gyur ro zhes gsungs na/ btsun pa dge slong gis kha dog ngan par bsgyur ba gsum las gang yang rung ba gcig gis kha dog ngan par ma bsgyur ba'i gos bgos kyang nongs pa ltung bar mi 12-1-199b 'gyur ba mchis sam/ u pA li yod de/ mi rung ba'i gos spyod pa ste/ mi rung ba ni rnga mo'i bal dang / ba lang gi bal dang / ra'i bal dang / ri dgas kyi bal dang / 'dres pa dang / thags su ma btags pa ste/ de lta bu'i gos spyad na nyes byas su 'gyur ro/ /btsun pa dge slong gis kha dog ngan par bsgyur ba gsum las gang yang rung ba gcig gis kha dog ngan par ma bsgyur bar gos spyod pa na mtshan 'phos te dge slong mar gyur na cir 'gyur/ ltung ba'o/ /dge slong mas kha dog ngan par bsgyur ba gsum las gang yang rung ba gcig gis kha dog ngan par ma bsgyur bar gos spyod pa na mtshan 'phos te dge slong du gyur na cir 'gyur/ ltung ba'o/ /btsun pa dge slong gis kha dog ngan par bsgyur ba'i gos la kha dog ngan par bsgyur ba ma lags par 'du shes te spyod na cir 'gyur/ ltung ba'o/ /kha dog ngan par ma bsgyur ba la kha dog ngan par bsgyur bar 'du shes te spyad na nyes pa med do/ /kha dog ngan par bsgyur ba la kha dog ngan par ma bsgyur bar 'du shes te spyad na cir 'gyur/ nyes byas so/ /kha dog ngan par bsgyur ba la kha dog ngan par bsgyur bar 'du shes te spyad na cir 'gyur/ nyes pa med do/ /btsun pa bsnyen par ma rdzogs pa na rnyed la bsnyen par ma rdzogs pa na kha dog ngan par bsgyur ba gsum las gang yang rung ste/ kha dog ngan par ma bsgyur bar spyad na cir 'gyur/ nyes byas so/ /bsnyen par ma rdzogs pa na rnyed la bsnyen par rdzogs kar spyad na cir 'gyur/ nyes byas so/ /bsnyen par ma rdzogs pa na rnyed la bsnyen par rdzogs nas spyad na cir 'gyur/ ltung ba'o/ /bsnyen par rdzogs kar rnyed la bsnyen par rdzogs kar spyad na cir 'gyur/ nyes byas so/ /bsnyen par rdzogs kar rnyed la bsnyen par rdzogs nas spyad na cir 'gyur/ ltung ba'o/ /bsnyen par rdzogs pa na rnyed la bsnyen par rdzogs nas spyad na cir 'gyur/ ltung ba'o/ /bsnyen par rdzogs par rnyed la bsnyen par ma rdzogs par spyad na cir 'gyur/ nyes byas so/ /btsun pa dge slong gis gos khru gang las chung 12-1-200a ba'am/ bde bar gshegs pa'i chos gos kyi tshad cig kha dog ngan par bsgyur ba gsum las gang yang rung ba gcig gis kha dog ngan par ma bsgyur bar spyad na cir 'gyur/ ltung ba'o/ /btsun pa dge slong gis kha dog ngan par bsgyur ba gsum las gang yang rung ba gcig gis kha dog ngan par bsgyur ba'i gos spyad kyang nongs pa dang bcas par 'gyur ba mchis sam/ u pA li yod de/ de 'di ltar dge slong gis thams cad sngon po'am/ ser po'am/ thams cad dmar po'i gos spyad pa'o/ /btsun pa dge slong gis kha dog ngan par bsgyur ba rnam pa gsum las gang yang rung ba gcig gis kha dog ngan par ma bsgyur bar spyad kyang nongs par mi 'gyur ba mchis sam/ u pA li yod de/ 'di ltar dge slong des gos kyi rang bzhin bgos pa'o/ /btsun pa dge slong gis gos kha dog ngan par bsgyur ba gsum las gang yang rung ba gcig gis kha dog ngan par bsgyur ba'i gos spyad kyang nongs pa dang bcas par 'gyur ba mchis sam/ u pA li yod de/ tshon chen por btsos pa'o/ /de la tshon chen po ni gur gum dang / le brgan rtsi dang / rgya skyegs dang / btsod dang / rma shing dang / 'di lta bu'i tshon gyis btsos pa zhig spyad na nyes byas su 'gyur ro/ /btsun pa bslab pa stsal bas kha dog ngan par bsgyur ba gsum las gang yang rung ba gcig gis kha dog ngan par ma bsgyur ba'i gos spyad na cir 'gyur/ ltung ba'o/ /btsun pa dge slong mas kha dog ngan par bsgyur ba gsum las gang yang rung ba gcig gis kha dog ngan par ma bsgyur ba'i gos spyad na cir 'gyur/ ltung ba'o/ /btsun pa dge slob ma dang / dge tshul ma dang / dge tshul pha rnams kyis kha dog ngan par bsgyur ba gsum las gang yang rung ba gcig gis kha dog ngan par ma bsgyur bar spyad na cir 'gyur/ nyes byas so// //mdor na/ bud med rin chen mtshan de bzhin/ /bzhi pa reg pa yang de bzhin/ /gzhan gyis dang ni bdun pa mtshon/ /rol mo dag dang sprul pa yid/ /sangs rgyas bcom ldan 'das la tshe dang ldan pa u pA lis 12-1-200b zhus pa/ btsun pa bcom ldan 'das kyis yang dge slong gang rin po che'am rin po cher gtogs pa rang gi sug pas bzung ngam/ 'dzin du stsal na ra ba'i nang na mchis sam/ gnas kyi nang na mchis pa ma gtogs te/ ltung bar 'gyur ro zhes gsungs na/ btsun pa dge slong gis rin po che'am rin po cher gtogs pa rang gi sug pas bzung yang nongs pa ltung bar mi 'gyur ba mchis sam/ u pA li yod de/ bud med rin po che la sogs pa rin po che lnga bzung na ji ltar dngos po bzhin du nyes par 'gyur ro/ /'on te nor bu rin po che dang / 'khor lo rin po che bzung na ltung ba'o/ /btsun pa dge slong gis rin po che 'am/ rin po cher gtogs pa zhig 'dzin pa na mtshan 'phos te dge slong mar gyur na cir 'gyur/ ltung ba'o/ /btsun pa dge slong mas rin po che'am rin po cher gtogs pa zhig 'dzin pa na mtshan 'phos te dge slong du gyur na cir 'gyur/ ltung ba'o/ /btsun pa dge slong gis rin po che la rin po cher 'du shes te bzung na cir 'gyur/ ltung ba'o/ /rin po che la rin po che ma lags par 'du shes te bzung na cir 'gyur/ nyes pa med do/ /rin po che ma lags pa la rin po cher 'du shes te bzung na cir 'gyur/ nyes byas so/ /rin po che ma lags pa la rin po che ma lags par 'du shes te bzung na cir 'gyur/ nyes pa med do/ /de bzhin du rin po cher gtogs par 'du shes pa yang bzhir sbyar ro/ /btsun pa dge slong gis rin po che 'am/ rin po cher gtogs pa la red na cir 'gyur/ ltung ba'o/ /btsun pa dge slong gis rin po che 'am rin po cher gtogs pa la gzhan 'dzin du stsal na cir 'gyur/ ltung ba'o/ /btsun pa bsnyen par ma rdzogs pa na rin po che'am rin po cher gtogs pa zhig gzung bar bshams la bsnyen par ma rdzogs pa na bzung na cir 'gyur/ nyes byas so/ /bsnyen par ma rdzogs pa na bshams la bsnyen par rdzogs kar bzung na cir 'gyur/ nyes byas so/ /bsnyen par ma rdzogs pa na bshams la bsnyen par rdzogs nas bzung na cir 'gyur/ nyes byas so/ / 12-1-201a bsnyen par rdzogs kar bshams la bsnyen par rdzogs kar bzung na cir 'gyur/ nyes byas so/ /bsnyen par rdzogs kar bshams la bsnyen par rdzogs nas bzung na cir 'gyur/ nyes byas so/ /bsnyen par rdzogs pa na bshams la bsnyen par rdzogs pa na bzung na cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na bzung na cir 'gyur/ nyes byas so/ /btsun pa dge slong gis rin po che'am rin po cher gtogs pa bzung yang nongs pa ltung bar mi 'gyur ba mchis sam/ u pA li yod de/ lha rdzas kyi rin po che'am/ rin po cher gtogs pa bzung na nyes byas su 'gyur ro/ /btsun pa dge slong gis rin po cher gtogs pa bzung yang nongs pa ltung bar mi 'gyur ba mchis sam/ u pA li yod de/ nyams pa bzung ba'o/ /btsun pa dge slong gis sprul pa'i rin po che'am/ rin po cher gtogs pa bzung na cir 'gyur/ nyes byas so/ /btsun pa dge slong gis rin po che'am/ rin po cher gtogs pa spyad kyang nongs pa ltung bar mi 'gyur ba mchis sam/ u pA li yod de lha'i gnas sam/ klu'i gnas sam/ gnod sbyin gyi gnas sam/ rgyal po'i pho brang ngam/ rgyal po'i blon po chen po'i khyim de dag tu stan dang snod gzhan med par gyur pa'o/ /btsun pa bslab pa stsal bas rin po che'am/ rin po cher gtogs pa bzung na cir 'gyur/ ltung ba'o/ /btsun pa dge slong mas rin po che 'am/ rin po cher gtogs pa bzung na cir 'gyur/ ltung ba'o/ /btsun pa dge slob mas rin po che 'am/ rin po cher gtogs pa bzung na cir 'gyur/ nyes byas so/ /btsun pa dge tshul ma dang dge tshul phas rin po che'am/ rin po cher gtogs pa bzung na cir 'gyur/ nyes pa med do// //'dul ba gzhung dam pa/bam po bcu gnyis pa/ mdor na/ dus dang bzhi pa de ltar te/ /sbyor ba dang ni de bzhin mtshan/ /de bzhin chu dang char pa dang / /bslab pa byin dang dge slong ma/ /sangs rgyas 12-1-201b bcom ldan 'das la tshe dang ldan pa u pA lis zhus pa/ btsun pa bcom ldan 'das kyis zla ba phyed cing khrus bgyis na dus la bab pa ma gtogs par ltung bar 'gyur ro zhes gsungs na/ btsun pa dge slong gis rtag tu khrus bgyis kyang nongs par mi 'gyur ba mchis sam/ u pA li yod de/ dus la bab pa bdun las gang yang rung ste/ dus la bab pa zhig tu khrus byas pa'o/ /btsun pa dge slong gis zla ba phyed ma lon pa la zla ba phyed ma lon par 'du shes te khrus bgyis na cir 'gyur/ ltung ba'o/ /zla ba phyed ma lon pa la zla ba phyed lon par 'du shes te khrus byas na nyes pa med do/ /zla ba phyed lon pa la zla ba phyed ma lon par 'du shes te khrus bgyis na cir 'gyur/ nyes byas so/ /zla ba phyed lon pa la zla ba phyed lon par 'du shes te khrus bgyis na cir 'gyur/ nyes pa med do/ /btsun pa dge slong gis chab la chab tu 'du shes te khrus bgyis na cir 'gyur/ ltung ba'o/ /chab la chab ma lags par 'du shes te khrus bgyis na cir 'gyur/ nyes byas so/ /chab ma lags pa la chab tu 'du shes te khrus bgyis na cir 'gyur/ nyes byas so/ /chab ma lags pa la chab ma lags par 'du shes te khrus bgyis na cir 'gyur/ nyes byas so/ /btsun pa dge slong gis dus su byin gyis brlabs te khrus bgyis kyang de la nongs pa dang bcas par 'gyur ba mchis sam/ u pA li yod de/ khrus byed pa btang nas bye'u zul byed pa'o/ /btsun pa dge slong gis zla ba phyed tshun cad du dus su byin gyis ma brlabs par khrus bgyis pa na mtshan 'phos te dge slong mar gyur na cir 'gyur/ ltung ba'o/ /btsun pa dge slong mas dus su byin gyis ma brlabs par khrus bgyis pa na mtshan 'phos te dge slong du gyur na cir 'gyur/ ltung ba'o/ /btsun pa dge slong gis chab ma gtogs pa de las gzhan pa'i dngos po zhig gis khrus bgyis na cir 'gyur/ nyes byas so/ /btsun pa dge slong gis rtag tu khrus bgyis kyang nongs par mi 'gyur ba mchis sam/ u pA li yod de/ chu rgal bar bsam 12-1-202a pa'am/ char pa bab ste khrus byas pa'o/ /btsun pa bslab pa stsal bas zla ba phyed tshun cad dus su byin gyis ma brlabs par khrus bgyis na cir 'gyur/ ltung ba'o/ /btsun pa dge slong mas zla ba phyed tshun cad dus su byin gyis ma brlabs par khrus bgyis na cir 'gyur/ ltung ba'o/ /btsun pa dge slob ma dang / dge tshul ma dang / dge tshul pha rnams kyis byin gyis ma brlabs par zla ba phyed tshun cad khrus bgyis na cir 'gyur/ nyes byas so/ /shes bzhin du byol song du gyur pa'i srog chags 'tsho ba dang phral ba ni phas pham pa'i skabs su bshad pa bzhin rnam par dbye'o// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang gis dge slong la 'tshal bzhin du 'gyod pa bskyed na ltung bar 'gyur ro zhes gsungs na/ btsun pa dge slong gis dge slong zhig phrin gyis 'gyod pa bskyed na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de 'gyod pa bskyed na thams cad nyes byas su 'gyur ro/ /btsun pa dge slong gis dge slong smyon pa 'gyod pa bskyed na cir 'gyur/ nyes byas so/ / de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa'i dge slong rnams 'gyod pa bskyed na thams cad nyes byas su 'gyur ro// //mdor na/ skad dang lus dang dben pa sngags/ /mtshan dang bzhi pa bdun pa dang / /khyim pa dag la sogs pa rnams/ /lhag ma gzhan gyis dge slong ma'o/ /btsun pa dge slong 'phags pas 'phags pa'i skad du 'gyod pa bskyed pa dang / 12-1-202b dge slong des kyang 'phags pa'i skad ma 'tshal na cir 'gyur/ nyes byas so/ /btsun pa dge slong 'phags pas mtha' 'khob pa'i skad du 'gyod pa bskyed pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du 'gyod pa bskyed pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du 'gyod pa bskyed pa dang / dge slong des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis dge slong la lus kyi dmigs pas 'gyod pa bskyed na cir 'gyur/ nyes byas so/ /btsun pa dge slong gis dben pa la mi dben par 'du shes te 'gyod pa bskyed na cir 'gyur/ nyes byas so/ /btsun pa dge slong gis sngags sam/ sman gyis bdag mi snang bar bsgyur te dge slong la 'gyod pa bskyed na cir 'gyur/ nyes byas so/ /btsun pa dge slong gis dge slong gi 'gyod pa bskyed pa na mtshan 'phos te dge slong mar gyur na cir 'gyur/ nyes byas so/ /btsun pa dge slong mas 'gyod pa bskyed pa na mtshan 'phos te dge slong du gyur na cir 'gyur/ nyes byas so/ /btsun pa dge slong gis bsnyen par rdzogs pa la bsnyen par rdzogs par 'du shes te 'gyod pa bskyed na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes te 'gyod pa bskyed na cir 'gyur/ nyes byas su 'gyur ro/ /bsnyen par rdzogs pa la bsnyen par ma rdzogs par 'du shes na nyes byas su 'gyur ro/ /bsnyen par ma rdzogs pa la bsnyen par rdzogs par 'du shes te 'gyod pa bskyed na cir 'gyur/ nyes byas so/ /btsun pa bsnyen par ma rdzogs pa na 'gyod pa bskyed par bshams la bsnyen par ma rdzogs pa na grub na cir 'gyur/ nyes byas so/ /bsnyen par ma rdzogs pa na bshams la bsnyen par rdzogs kar grub na cir 'gyur/ nyes byas so/ /bsnyen par ma rdzogs pa na bshams la bsnyen par rdzogs te grub na cir 'gyur/ nyes byas so/ /bsnyen 12-1-203a par rdzogs kar bshams la bsnyen par rdzogs kar grub na cir 'gyur/ nyes byas so/ /bsnyen par rdzogs kar bshams la bsnyen par rdzogs nas grub na cir 'gyur/ nyes byas so/ /bsnyen par rdzogs pa na bshams la bsnyen par rdzogs pa na grub na cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na grub na cir 'gyur/ nyes byas so/ /btsun pa dge slong gis khyim pa la 'gyod pa bskyed na cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / so sor gnas pa dang / mi gnas pa dang / sngar nyes pa byung ba dang / sngar 'khrugs pa rnams la 'gyod pa bskyed na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba rnams la 'gyod pa bskyed na cir 'gyur/ thams cad ltung ba'o/ /btsun pa dge slong gis dge slong la 'gyod pa bskyed kyang nongs pa ltung bar mi 'gyur ba mchis sam/ u pA li yod de/ nyes pa'i lhag mar bcas pa'i nyes pa zhig 'gyod pa bskyed par gyur pa'o/ /btsun pa dge slong gis gzhan dag gi slad du 'gyod pa bskyed na cir 'gyur/ nyes byas so/ /btsun pa dge slong gis dge slong ma dang / dge slob ma dang / dge tshul ma dang / dge 'dun pha rnams la 'gyod pa bskyed na cir 'gyur/ nyes byas so/ /btsun pa dge slong mas dge slong ma 'gyod pa bskyed na cir 'gyur/ ltung ba'o/ /dge slong dang / dge slob ma dang / dge tshul ma dang / dge tshul pha rnams la 'gyod pa bskyed na thams cad nyes byas su 'gyur ro/ /de bzhin du dge slob ma dang / dge tshul ma dang / dge tshul pha rnams gcig la gcig 'gyod pa bskyed na nyes byas su 'gyur ro/ /btsun pa bslab pa stsal bas dge slong rnams la 'gyod pa bskyed na cir 12-1-203b 'gyur/ ltung ba'o// //mdor na/ smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis mdzub mos ga ga tshil bgyis na ltung bar 'gyur ro zhes gsungs na/ btsun pa dge slong gis dge slong smyon pa la ga ga tshil bgyis na cir 'gyur/ nyes byas so/ /de bzhin du sems 'khrugs pa dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa'i dge slong rnams la ga ga tshil byas na thams cad nyes byas su 'gyur ro// //mdor na/ lus dang so dang sen mo dang / /spu dang g.yogs ma rma de bzhin/ /khyim pa dag la sogs pa rnams/ /mtshan dang bzhi pa bdun pa'o/ /btsun pa dge slong gis mdzub mos ga ga tshil bgyis pa ma gtogs par de las gzhan pa lus kyi phyogs su mgo bo'am/ phrag pa'am/ gru mo'am/ pus mo'am/ rting pa'am/ shing ngam/ rdo 'am/ bong ba rnams kyis ga ga tshil bgyis na cir 'gyur/ thams cad nyes byas su 'gyur ro/ /btsun pa dge slong gis lus kyi dbang po nyams pas lus kyi dbang po ma nyams pa la ga ga tshil bgyis na cir 'gyur/ nyes byas so/ /btsun pa dge slong lus kyi dbang po ma nyams pas lus kyi dbang po nyams pa la ga ga tshil bgyis na cir 'gyur/ nyes byas so/ /btsun pa dge slong gis sos ga ga tshil bgyis na cir 'gyur/ nyes byas so/ /btsun pa dge slong gis so la ga ga tshil bgyis na cir 'gyur/ nyes byas so/ /btsun pa dge slong gis sen mos ga ga tshil bgyis na cir 'gyur/ nyes byas so/ /btsun pa dge slong gis spus ga ga tshil bgyis sam/ spu la ga ga tshil bgyis na cir 'gyur/ nyes byas so/ /btsun pa dge slong gis g.yogs pa dang bcas pa la ga ga tshil bgyis na cir 'gyur/ nyes byas so/ / 12-1-204a btsun pa dge slong gis rmas ga ga tshil bgyis sam/ rma la ga ga tshil bgyis na cir 'gyur/ nyes byas so/ /btsun pa dge slong gis khyim pa la ga ga tshil bgyis na cir 'gyur/ nyes byas so/ de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / so sor gnas pa dang / mi gnas pa dang / sngar nyes pa byung ba dang / sngar 'khrugs pa rnams la ga ga tshil byas na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba la ga ga tshil bgyis na cir 'gyur/ thams cad ltung bar 'gyur ro/ /btsun pa dge slong gis dge slong ma la ga ga tshil bgyis sam/ dge slob ma dang / dge tshul ma dang / dge tshul pha rnams la ga ga tshil bgyis na cir 'gyur/ thams cad nyes byas su 'gyur ro/ /btsun pa dge slong mas dge slong dang / dge slob ma dang / dge tshul ma dang / dge tshul pha rnams la ga ga tshil bgyis na cir 'gyur/ thams cad nyes byas su 'gyur ro/ /btsun pa dge slong gis dge slong la ga ga tshil bgyis pa na mtshan 'phos te dge slong mar gyur na cir 'gyur/ nyes byas so/ /btsun pa dge slong mas dge slong ma la ga ga tshil bgyis pa na mtshan 'phos te dge slong du gyur na cir 'gyur/ nyes byas so/ /btsun pa dge slong gis bsnyen par rdzogs pa la bsnyen par rdzogs par 'du shes te ga ga tshil bgyis na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes te ga ga tshil bgyis na cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes te ga ga tshil bgyis na cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du 12-1-204b shes te ga ga tshil bgyis na cir 'gyur/ nyes byas so/ /de bzhin du mi la mir 'du shes pa yang bzhir sbyar ro/ /btsun pa bsnyen par ma rdzogs pa na bsams la bsnyen par ma rdzogs pa na ga ga tshil bgyis na cir 'gyur/ nyes byas so/ /bsnyen par ma rdzogs pa na bsams la bsnyen par rdzogs kar ga ga tshil bgyis na cir 'gyur/ nyes byas so/ /bsnyen par ma rdzogs pa na bsams la bsnyen par rdzogs pa na ga ga tshil bgyis na cir 'gyur/ nyes byas so/ /bsnyen par rdzogs kar bsams la bsnyen par rdzogs kar ga ga tshil bgyis na cir 'gyur/ nyes byas so/ /bsnyen par rdzogs kar bsams la bsnyen par rdzogs pa na ga ga tshil bgyis na cir 'gyur/ nyes byas so/ /gang bsnyen par rdzogs pa na bsams la bsnyen par rdzogs pa na ga ga tshil bgyis na cir 'gyur/ ltung ba'o/ /bsnyen par rdzogs pa na bsams la bsnyen par ma rdzogs pa na ga ga tshil bgyis na cir 'gyur/ nyes byas so/ /btsun pa bslab pa stsal bas dge slong la ga ga tshil bgyis na cir 'gyur/ ltung ba'o/ /btsun pa dge slong mas dge slong ma la ga ga tshil bgyis na cir 'gyur/ ltung ba'o/ /dge slob ma dang / dge tshul ma dang / dge tshul pha la nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis chab la dga' bar bgyis na ltung bar 'gyur ro zhes gsungs na/ btsun pa dge slong gis phrin gyis chab la dga' bar bgyid du stsal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de chu la dga' bar bgyid du bcug na thams cad nyes byas su 'gyur ro/ /btsun 12-1-205a pa dge slong gis smyon pa la chab kyis dga' bar bgyid na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams chu la dga' bar byas na thams cad nyes byas su 'gyur ro/ /ji ltar dga' bar byed pa de bzhin du rtse ba dang / mos pa yang rgyas par brjod par bya'o// //mdor na/ chu dang gnyis dang de bzhin sngags/ / gzhan gyis gzhan gyi mtshan rnams dang / /dben dang bzhi pa ma ning dang / /bslab pa byin dang dge slong ma'o/ /btsun pa dge slong gis chab ma gtogs par de las gzhan pa'i dngos pos dga' bar bgyid na cir 'gyur/ nyes byas so/ /btsun pa dge slong gis char 'bab pa'i chu'i thigs pa'am/ kha ba'am zil pa'i thigs pa rnams kyis dga' bar bgyis na cir 'gyur/ nyes byas so/ /btsun pa dge slong gis sngags sam sman gyis bdag mi snang bar bsgyur te dga' bar bgyis na cir 'gyur/ nyes byas so/ /btsun pa dge slong gzhan gyis dga' bar bgyid du stsal na cir 'gyur/ ltung ba'o/ /btsun pa dge slong gis gzhan dag gi slad du dga' bar bgyis na cir 'gyur/ nyes byas so/ /btsun pa dge slong gis chab la dga' bar bgyid pa na mtshan 'phos te dge slong mar gyur na cir 'gyur/ ltung ba'o/ /btsun pa dge slong mas chab la dga' bar bgyid pa na mtshan 'phos te dge slong du gyur na cir 'gyur/ ltung ba'o/ /btsun pa dge slong gis dben pa la mi dben par 'du shes te dga' bar bgyid na cir 'gyur/ ltung ba'o/ /chu la chu ma yin par 'du shes na nyes byas su 'gyur ro/ /chab ma lags pa la chab ma lags par 'du shes te dga' bar bgyid na cir 'gyur/ nyes byas su 'gyur ro/ /de bzhin du mi la mir 'du shes pa yang bzhir sbyar ro/ /btsun pa dge slong gis ma ning zhig dga' bar bgyid du stsal na cir 'gyur/ 12-1-205b nyes byas so/ /de bzhin du ma ning ma dang / mtshan gnyis pa zhig dga' bar byed du bcug na thams cad nyes byas su 'gyur ro/ /ji ltar dga' bar byed pa de bzhin du rtse ba dang / mos pa dang / dgod pa dang / rgyug pa dang / lus kyi rdeg pa rnams su yang rgyas par bshad do/ /btsun pa bslab pa stsal bas dga' bar bgyis na cir 'gyur/ ltung ba'o/ /btsun pa dge slong mas chab kyis dga' bar bgyid dam dga' bar bgyid du stsal na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas so// //mdor na/ smyon pa sems 'khrugs na ba dang / /ma ning ma dang 'gro ba sprul/ /nam mkha' dang ni sngags dang mtshan/ /bzhi pa de bzhin ma ning ngo / /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang bud med dang khyim gcig tu nyal bar bgyid na ltung bar 'gyur ro zhes gsungs na/ btsun pa dge slong gis smyon ma dang lhan cig tu khyim gcig tu nyal na cir 'gyur/ nyes byas su 'gyur ro/ /de bzhin du sems 'khrugs pa dang / nad kyis gzir ba dang / 'gro ba gzhan du gnas pa dang lhan cig khyim gcig tu nyal bar bgyid na nyes byas so/ /btsun pa dge slong gis bud med sprul pa dang lhan cig khyim gcig tu nyal na cir 'gyur/ nyes byas su 'gyur ro/ /btsun pa dge slong gis bud med dang lhan cig tu khyim gcig gi nang du nam mkha' la nyal bar bgyid na cir 'gyur/ nyes byas so/ /btsun pa dge slong gis sngags sam sman gyis bdag mi snang bar bsgyur te bud med dang lhan cig tu khyim gcig tu nyal bar bgyid na cir 'gyur/ nyes byas su 'gyur ro/ /btsun pa dge slong gis bud med dang lhan cig tu khyim gcig tu nyal bar bgyid pa na mtshan 'phos te dge slong mar gyur na cir 'gyur/ nyes byas so/ /btsun pa dge slong mas skyes pa dang lhan cig tu khyim gcig tu nyal bar bgyid na mtshan 'phos te dge slong du gyur na cir 'gyur/ nyes byas so/ /btsun pa dge slong 12-1-206a gis bud med la bud med du 'du shes te nyal bar bgyid na cir 'gyur/ ltung ba'o/ /bud med la bud med ma yin par 'du shes na nyes pa med do/ /bud med ma yin pa la bud med yin par 'du shes na nyes byas su 'gyur ro/ /bud med ma yin pa la bud med ma yin par 'du shes na nyes pa med do/ /btsun pa dge slong gis mi'i bud med la mir 'du shes te lhan cig tu khyim gcig tu nyal bar bgyid na cir 'gyur/ ltung ba'o/ /mi la mi ma lags par 'du shes na nyes byas su 'gyur ro/ /mi ma yin pa la mir 'du shes na nyes byas su 'gyur ro/ /mi ma yin pa la mi ma yin par 'du shes na nyes byas su 'gyur ro/ /btsun pa dge slong gis ma ning dang lhan cig khyim gcig tu nyal bar bgyid na cir 'gyur/ nyes byas so// //mdor na/ ri dang stug po'i shing dang ni/ / bskor dang g.yogs dang chen po dang / /bzung ba de bzhin nyin par dang / /bslab pa byin dang dge slong ma'o/ /btsun pa dge slong gis bud med dang lhan cig tu ri'i grog po'am/ shing stug po'am/ shing phug tu nyal bar bgyid na cir 'gyur/ nyes byas so/ / btsun pa dge slong gis bud med dang lhan cig thams cad g.yogs pa'am/ phyed bskor ba'am/ ma bskor bar nyal na cir 'gyur/ nyes byas so/ /btsun pa dge slong gis bud med dang lhan cig ris bskor ba'am/ ma g.yogs pa'am/ phyed g.yogs pa'am/ phyed ma g.yogs par nyal bar bgyid na cir 'gyur/ nyes byas so/ /btsun pa bcom ldan 'das kyis byol song mo'i skye gnas dang lhan cig khyim gcig tu nyal na nyes byas su 'gyur ro/ /zhes gsungs na/ de ji lta bu lags/ u pA li byol song gi skye gnas su gyur pa chen mo'o/ /chen mo ji lta bu lags/ bka' stsal pa/ bya'i nang na khyim bya mo'am/ gzhan yang khyim bya mo dang 'dra ba'o/ /rkang bzhi pa'i nang na spre'u mo'am/ gzhan yang spre'u mo dang 'dra ba'o/ /btsun pa bcom ldan 'das kyis mi ma yin pa'i bud med 12-1-206b dang lhan cig khyim gcig tu nyal bar bgyid na nyes byas su 'gyur ro/ /zhes gsungs na/ mi ma lags pa ji lta bu lags/ yan lag thams cad nas bzung zhing bltar yod pa'o/ /btsun pa dge slong gis bud med dang lhan cig khyim gcig gi nang du nyin par nyal bar bgyid na cir 'gyur/ u pA li skya rengs ma shar gyi bar du nyes byas su 'gyur ro/ /skya rengs shar nas ltung byed du 'gyur ro/ /btsun pa bslab pa stsal ba bud med dang lhan cig khyim gcig gi nang du nyal bar bgyid na cir 'gyur/ ltung ba'o/ /btsun pa dge slong mas skyes pa dang lhan cig khyim gcig tu nyal bar bgyid na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas so// //mdor na/ phrin pa spring yig lag brda dang / /gzhan zer ba dang gcig nas gcig / smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong la bsdigs sam sdigs su stsal na ltung bar 'gyur ro zhes gsungs na/ btsun pa dge slong gis dge slong la phrin gyis sdigs su stsal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de sdigs su bcug na thams cad nyes byas su 'gyur ro/ /de bzhin du dge slong sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams bsdigs sam sdigs su bcug na thams cad nyes byas su 'gyur ro// //mdor na/ skad dang lus dang dben pa sngags/ /gzhan gyis gzhan gyi bdun pa dang / /khyim pa dag la sogs pa rnams/ /bzhi pa mtshan kyang de bzhin no/ / 12-1-207a btsun pa dge slong 'phags pas 'phags pa'i skad du dge slong bsdigs pa dang / dge slong des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du dge slong bsdigs pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /dge slong mtha' 'khob pas mtha' 'khob pa'i skad du dge slong bsdigs pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du dge slong bsdigs pa dang / dge slong des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis lus kyi dmigs pas dge slong bsdigs na cir 'gyur/ nyes byas so/ /btsun pa dge slong gis dben pa la mi dben par 'du shes te dge slong bsdigs na cir 'gyur/ nyes byas so/ /btsun pa dge slong gis sngags sam sman gyis bdag mi snang bar bsgyur te dge slong bsdigs na cir 'gyur/ nyes byas so/ /btsun pa dge slong gis gzhan sdigs su stsal na cir 'gyur/ nyes byas so/ /btsun pa dge slong gis dge slong gzhan gyi slad du bsdigs na cir 'gyur/ nyes byas so/ /btsun pa bsnyen par ma rdzogs pa na dge slong bsdigs par bshams la bsnyen par ma rdzogs par grub na cir 'gyur/ nyes byas so/ /bsnyen par ma rdzogs pa na bshams la bsnyen par rdzogs kar grub na cir 'gyur/ nyes byas so/ /bsnyen par ma rdzogs pa na bshams la bsnyen par rdzogs te grub na cir 'gyur/ nyes byas so/ /bsnyen par rdzogs kar bshams la bsnyen par rdzogs kar grub na cir 'gyur/ nyes byas so/ /bsnyen par rdzogs kar bshams la bsnyen par rdzogs te grub na cir 'gyur/ nyes byas so/ /bsnyen par rdzogs pa na bshams la bsnyen par rdzogs pa na grub na cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na grub 12-1-207b na cir 'gyur/ nyes byas so/ /btsun pa dge slong gis khyim pa bsdigs na cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / /de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / so sor gnas pa dang / mi gnas pa dang / sngar nyes pa byung ba dang / sngar 'khrugs pa bsdigs sam sdigs su bcug na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba'i dge slong mngon sum du bsdigs sam sdigs su stsal na cir 'gyur/ thams cad ltung bar 'gyur ro/ /btsun pa dge slong gis dge slong la mngon sum du khyim pa sdigs su stsal na cir 'gyur/ ltung ba'o/ /de bzhin du ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / so sor gnas pa dang / mi gnas pa dang / sngar nyes pa byung ba dang / sngar 'khrugs pa dang / nye bar phyogs pa dang / bslab pa stsal ba'i dge slong dang / dge slong ma dang / dge slob ma dang / dge tshul ma dang / dge tshul pha rnams kyis bsdigs na thams cad ltung bar 'gyur ro/ /btsun pa dge slong gis dge slong ma dang / dge slob ma dang / dge tshul ma dang / dge tshul pha rnams la bsdigs sam sdigs su stsal na cir 'gyur/ nyes byas so/ / btsun pa dge slong mas dge slong dang / dge slob ma dang / dge tshul ma dang / dge tshul pha rnams la bsdigs sam sdigs su stsal na cir 'gyur/ thams cad nyes byas so/ /btsun pa dge slong gis bsnyen par rdzogs pa la bsnyen par rdzogs 12-1-208a par 'du shes te bsdigs sam sdigs su stsal na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na nyes byas su 'gyur ro/ /bsnyen par ma rdzogs pa la bsnyen par rdzogs par 'du shes na nyes byas su 'gyur ro/ /bsnyen par ma rdzogs pa la bsnyen par ma rdzogs par 'du shes te bsdigs sam sdigs su stsal na nyes byas so/ /btsun pa dge slong gis dge slong la bsdigs sam sdigs su stsal ba na mtshan 'phos te dge slong mar gyur na cir 'gyur/ nyes byas so/ /btsun pa dge slong mas dge slong ma bsdigs sam sdigs su stsal ba na mtshan 'phos te dge slong du gyur na cir 'gyur/ nyes byas so/ /btsun pa bslab pa stsal bas dge slong la bsdigs sam sdigs su stsal na cir 'gyur/ ltung ba'o/ /btsun pa dge slong mas dge slong ma la bsdigs sam sdigs su stsal na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas su rgyas par brjod par bya'o// //mdor na/ phrin pa spring yig lag brda dang / /gzhan zer ba dang gcig nas gcig / smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis dge slong gang gis dge slong gi lhung bzed dam/ gos sam/ gzhan gang yang rung ste/ dge sbyong gi yo byad cig sbas sam sbed du stsal na ltung bar 'gyur ro zhes gsungs na/ btsun pa dge slong gis dge slong gi lhung bzed dam/ gos sam/ gzhan gang yang rung ste/ dge sbyong gi yo byad cig phrin gyis sbed du stsal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud nas sbed du bcug na thams cad nyes byas su 'gyur ro/ /btsun pa dge slong gis dge slong smyon pa'i 12-1-208b lhung bzed dam/ gos sam/ gzhan gang yang rung dge sbyong gi yo byad cig sbas sam sbed du stsal na cir 'gyur/ thams cad nyes byas su 'gyur ro/ /de bzhin du dge slong sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams kyi lhung bzed dam/ gos sam/ gzhan gang yang rung dge sbyong gi yo byad sbas sam sbed du bcug na thams cad nyes byas su 'gyur ro// //mdor na/ mi rung ba dang de bzhin sngags/ /chung dang che dang gos rnams dang / /khyim pa dag la sogs pa rnams/ /mtshan dang bzhi pa bdun pa dang / /gzhan gyis dge 'dun gzhan gyi phyir/ /bslab pa byin dang dge slong ma'o/ /btsun pa dge slong gis dge slong gi lhung bzed dam/ gos sam/ gzhan gang yang rung dge sbyong gi yo byad mi rung ba sbas sam sbed du stsal na cir 'gyur/ nyes byas so/ /btsun pa dge slong gis sngags sam sman gyis bdag mi snang bar bsgyur te dge slong gi lhung bzed dam/ gos sam/ gzhan gang yang rung dge sbyong gi yo byad cig sbas sam sbed du stsal na cir 'gyur/ nyes byas so/ /btsun pa dge slong gis sngags sam/ sman nam/ rdzu 'phrul gyis dge slong gi lhung bzed dam/ gos sam/ gzhan gang yang rung dge sbyong gi yo byad sbas na cir 'gyur/ nyes byas so/ /btsun pa dge slong gis gos khru gang las chung ba'am/ lhung bzed chung ba'am/ tshad las che ba'i lhung bzed sbed du stsal na cir 'gyur/ nyes byas so/ /btsun pa dge slong gis lhung bzed dam/ gos sam/ gzhan gang yang rung ba dge slong gi yo byad ma gtogs par de las gzhan pa khyim pa dang mthun pa'i yo byad sbas sam sbed du stsal na cir 'gyur/ nyes byas so/ /btsun pa dge slong gis khyim pa'i snod dam/ gos sam/ gzhan gang yang rung ste yo byad 12-1-209a sbed du stsal na cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / so sor gnas pa dang / mi gnas pa dang / sngar 'khrugs pa dang / sngar nyes pa byung ba'i lhung bzed dam/ gos sam/ gzhan gang yang rung ste dge sbyong gi yo byad sbas sam sbed du bcug na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba'i dge slong gi lhung bzed dam/ gos sbas sam sbed du stsal na cir 'gyur/ thams cad ltung ba'o/ /btsun pa dge slong gis dge slong ma'am/ dge slob ma dang / dge tshul ma dang / dge tshul pha'i lhung bzed dam/ gos sam/ gzhan gang yang rung ste dge sbyong gi yo byad sbas sam sbed du stsal na cir 'gyur/ nyes byas so/ /btsun pa dge slong mas dge slong ngam/ dge slob ma dang / dge tshul ma'am/ dge tshul pha'i lhung bzed dam/ gos sam/ gzhan gang yang rung dge sbyong gi yo byad sbas sam sbed du stsal na cir 'gyur/ nyes byas so/ /btsun pa dge slong gis lhung bzed dam/ gos sam/ gzhan gang yang rung dge slong gi yo byad mngon sum du khyim pa sbed du stsal na cir 'gyur/ ltung ba'o/ /de bzhin du za ma dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / so sor gnas pa dang / mi gnas pa dang / sngar nyes pa byung ba dang / sngar 'khrugs pa dang / nye bar phyogs pa dang / bslab pa byin pa dang / dge slong 12-1-209b dang / dge slong ma dang / dge slob ma dang / dge tshul ma dang / dge tshul pha rnams mngon sum du sbed du bcug na ltung bar 'gyur ro/ /btsun pa dge slong gis dge slong gi lhung bzed dam/ gos sam/ gzhan gang yang rung dge sbyong gi yo byad sbas sam sbed du stsal ba na mtshan 'phos te dge slong mar gyur na cir 'gyur/ nyes byas so/ /btsun pa dge slong mas dge slong ma'i lhung bzed dam/ gos sam/ gzhan gang yang rung dge sbyong gi yo byad sbas sam sbed du stsal ba na mtshan 'phos te dge slong du gyur na cir 'gyur/ nyes byas so/ /btsun pa dge slong gis bsnyen par rdzogs pa la bsnyen par rdzogs par 'du shes te sbas na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na nyes byas su 'gyur ro/ /bsnyen par ma rdzogs pa la bsnyen par rdzogs par 'du shes na nyes byas su 'gyur ro/ /btsun pa bsnyen par ma rdzogs pa la bsnyen par ma rdzogs par 'du shes te sbas na cir 'gyur/ nyes byas so/ /btsun pa bsnyen par ma rdzogs pa na sba bar bshams la bsnyen par ma rdzogs pa na grub na cir 'gyur/ nyes byas so/ /bsnyen par ma rdzogs pa na bshams la bsnyen par rdzogs kar grub na cir 'gyur/ nyes byas so/ /bsnyen par ma rdzogs pa na bshams la bsnyen par rdzogs nas grub na cir 'gyur/ nyes byas so/ /bsnyen par rdzogs kar bshams la bsnyen par rdzogs kar grub na cir 'gyur/ nyes byas so/ /bsnyen par rdzogs kar bshams la bsnyen par rdzogs nas grub na cir 'gyur/ nyes byas so/ /bsnyen par rdzogs pa na bshams la bsnyen par rdzogs nas grub na cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na grub na cir 'gyur/ nyes byas so/ /btsun pa dge slong gis dge slong gi lhung bzed dam/ gos sam/ gzhan gang yang rung dge sbyong gi yo byad rnams gzhan sbed du stsal na cir 'gyur/ nyes byas so/ / 12-1-210a btsun pa dge slong gis dge 'dun gyi yo byad sbas sam/ sbed du stsal na cir 'gyur/ nyes byas so/ /btsun pa dge slong gis dge slong gi lhung bzed dam/ gos sam/ gzhan gang yang rung dge sbyong gi 'tsho ba'i yo byad rnams gzhan gyi slad du sbas na cir 'gyur/ nyes byas so/ /btsun pa bslab pa stsal bas dge slong gi lhung bzed dam/ gos sam/ gzhan gang yang rung dge sbyong gi yo byad sbas sam sbed du stsal na cir 'gyur/ ltung ba'o/ /btsun pa dge slong mas dge slong ma'i lhung bzed dam/ gos sam/ gzhan gang yang rung dge sbyong gi yo byad cig sbas sam sbed du stsal na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas so// //mdor na/ phrin pa spring yig lag brda dang / /gzhan zer ba dang gcig nas gcig / smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gis gos stsal la slar ma g.yar bar spyad na ltung bar 'gyur ro zhes gsungs na/ btsun pa dge slong gis dge slong la phrin gyis gos stsal la slar ma g.yar bar spyad na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud nas gos byin pa las phyir ma brnyas par spyad na thams cad nyes byas su 'gyur ro/ /btsun pa dge slong gis dge slong smyon pa la gos stsal ba las slar ma g.yar bar spyad na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa'i dge slong la gos byin pa las phyis ma brnyas par spyad na thams cad nyes byas su 'gyur ro// // 12-1-210b mdor na/ mi rung ba dang de bzhin sngags/ /chung dang che dang gos rnams dang / /khyim pa dag la sogs pa rnams/ /mtshan dang bzhi pa bdun pa dang / /gzhan gyi rgyu dang gzhan la dang / /bslab pa byin dang dge slong ma'o/ /btsun pa dge slong gis dge slong la gos stsal la slar ma g.yar bar spyad kyang nongs pa ltung bar mi 'gyur ba de lta bu mchis sam/ u pA li yod de/ gos mi rung bar gyur pa ste/ de la mi rung ba ni rnga mo'i bal dang / ba lang gi bal dang / ri dgas kyi bal dang / ra'i bal dang / 'dres pa dang / thags su ma btags pa'o/ /de 'dra ba'i gos stsal ba las slar ma g.yar bar spyad na cir 'gyur/ nyes byas su 'gyur ro/ /btsun pa dge slong gis sngags sam/ sman tam/ rdzu 'phrul gyis sprul te stsal nas slar ma g.yar bar spyad na cir 'gyur/ nyes byas so/ /btsun pa dge slong gis gos khru gang bas chung ba'am/ bde bar gshegs pa'i gos kyi tshad cig stsal ba las slar ma g.yar bar spyad na cir 'gyur/ nyes byas so/ /btsun pa dge slong gis gos ma gtogs par de las gzhan pa dge sbyong gi yo byad stsal ba las slar ma g.yar bar spyad na cir 'gyur/ nyes byas so/ /btsun pa dge slong gis khyim pa la gos stsal ba las slar ma g.yar bar spyad na cir 'gyur/ nyes byas so/ /btsun pa dge slong gis dge slong za ma dang / ma ning la gos stsal ba las slar ma g.yar bar spyad na cir 'gyur/ nyes byas so/ /de bzhin du pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams la gos byin te phyir ma brnyas par spyad na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba'i dge slong la gos stsal ba las slar ma g.yar bar 12-1-211a spyad na cir 'gyur/ ltung ba'o/ /btsun pa dge slong gis dge slong ma dang / dge slob ma dang / dge tshul ma dang / dge tshul pha rnams la gos stsal ba las slar ma g.yar bar spyad na cir 'gyur/ nyes byas so/ /btsun pa dge slong gis dge slong ma dang / dge slob ma dang / dge tshul ma dang / dge tshul pha rnams la gos stsal ba las slar ma g.yar bar spyad pa na mtshan 'phos te dge slong mar gyur na cir 'gyur/ nyes byas so/ /btsun pa dge slong gis dge slong la gos stsal ba las slar ma g.yar b.raspyad pa na mtshan 'phos te dge slong mar gyur na cir 'gyur/ nyes byas so/ /btsun pa dge slong mas dge slong ma la gos stsal ba las slar ma g.yar bar spyad pa na mtshan 'phos te dge slong du gyur na cir 'gyur/ nyes byas so/ /btsun pa dge slong gis bsnyen par rdzogs pa la bsnyen par rdzogs par 'du shes nas gos stsal ba las slar ma g.yar bar spyad na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na cir 'gyur/ nyes byas so/ /bsnyen par ma rdzogs pa la bsnyen par rdzogs par 'du shes na cir 'gyur/ nyes byas so/ /bsnyen par ma rdzogs pa la bsnyen par ma rdzogs par 'du shes te gos stsal ba las slar ma brnyas par spyad na cir 'gyur/ nyes byas so/ /btsun pa bsnyen par ma rdzogs pa na gos stsal la bsnyen par ma rdzogs pa na slar ma g.yar bar spyad na cir 'gyur/ nyes byas so/ /bsnyen par ma rdzogs pa na stsal la bsnyen par rdzogs kar slar ma g.yar bar spyad na cir 'gyur/ nyes byas so/ /bsnyen par ma rdzogs pa na stsal la bsnyen par rdzogs nas slar ma g.yar bar spyad na cir 'gyur/ nyes byas so/ /bsnyen par rdzogs kar gos stsal la bsnyen par rdzogs kar slar ma g.yar bar spyad na cir 'gyur/ nyes byas so/ /bsnyen par rdzogs kar gos stsal la bsnyen par rdzogs nas slar ma g.yar bar spyad na cir 'gyur/ nyes byas so/ /bsnyen par rdzogs pa na gos stsal la bsnyen par rdzogs pa na slar ma g.yar bar spyad na cir 12-1-211b 'gyur/ ltung ba'o/ /bsnyen par rdzogs pa na gos stsal la bsnyen par ma rdzogs pa na slar ma g.yar bar spyad na cir 'gyur/ nyes byas so/ /btsun pa dge slong gis dge slong gzhan las gos stsal ba las slar ma g.yar bar spyad na cir 'gyur/ nyes byas so/ /btsun pa dge slong gis dge slong la gos thun mong ba zhig stsal ba las slar ma g.yar bar spyad na cir 'gyur/ nyes byas so/ /btsun pa dge slong gis dge slong la gzhan gyi slad du gos stsal ba las slar ma g.yar bar spyad na cir 'gyur/ nyes byas so/ /btsun pa bslab pa stsal bas dge slong la gos stsal te ma g.yar bar spyad na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la thams cad nyes byas su brjod par bya'o/ /dge 'dun gyi lhag mas skur pas ni phas pham pa la skur par bshad pa bzhin rnam par dbye'o// //'dul ba gzhung dam pa/bam po bcu gsum pa/ mdor na/ smyon pa sems 'khrugs na ba dang / /sngags dang nam mkha' de bzhin te/ /mtshan dang de bzhin bzhi pa dang / gzhon nu dag dang ma ning ma/ /sprul pa ma ning de bzhin no/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang skyes pa ma mchis par bud med dang lhan cig shul du zhugs na ltung bar 'gyur ro/ /zhes gsungs na/ btsun pa dge slong gis smyon ma dang lhan cig shul du zhugs na cir 'gyur/ nyes byas so/ /de bzhin du sems 'khrugs ma dang / nad kyis gzir ma dang / glen ma dang / lkugs ma dang / 'on ma dang / de bzhin du 'gro ba gzhan du gnas ma dang lhan cig lam du zhugs te 'gro na nyes byas su 'gyur ro/ / btsun pa dge slong gis skyes pa smyon pa dang / bud med dang lhan cig shul du zhugs na cir 'gyur/ nyes byas so/ /de bzhin du skyes pa sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas 12-1-212a pa rnams dang / /bud med dang lhan cig lam du zhugs na thams cad nyes byas su 'gyur ro/ /dge slong gis bud med dang / ma ning dang lhan cig shul du zhugs na cir 'gyur/ nyes byas so/ /btsun pa dge slong gis sngags sam sman gyis bdag mi snang bar bsgyur te skyes pa ma mchis par bud med dang lhan cig shul du zhugs te mchis na cir 'gyur/ nyes byas so/ /btsun pa dge slong gis skyes pa ma mchis par bud med dang lhan cig nam mkha' la mchis na cir 'gyur/ nyes byas so/ /btsun pa dge slong gis skyes pa ma mchis par bud med dang lhan cig shul du zhugs pa na mtshan 'phos te dge slong mar gyur na cir 'gyur/ nyes byas so/ /btsun pa dge slong mas skyes pa dang lhan cig shul du zhugs pa na mtshan 'phos te dge slong du gyur na cir 'gyur/ nyes byas so/ /btsun pa dge slong gis mi'i bud med la mir 'du shes te shul du zhugs na cir 'gyur/ ltung ba'o/ /mi la mi ma lags par 'du shes na cir 'gyur/ nyes byas so/ /mi ma lags pa la mir 'du shes na cir 'gyur/ nyes byas so/ /mi ma lags pa la mi ma lags par 'du shes na cir 'gyur/ nyes byas so/ /btsun pa dge slong gis mi'i bud med la bud med du 'du shes nas shul du zhugs na cir 'gyur/ ltung ba'o/ /mi'i bud med la skyes par 'du shes te shul du zhugs na cir 'gyur/ nyes pa med do/ /skyes pa la bud med du 'du shes te shul du zhugs na cir 'gyur/ nyes byas so/ /skyes pa la skyes par 'du shes te shul du zhugs na cir 'gyur/ nyes pa med do/ /btsun pa dge slong gis skyes pa med par gzhon nu ma dang lhan cig shul du zhugs na cir 'gyur/ nyes byas so/ /btsun pa dge slong gis ma ning mo dang lhan cig shul du zhugs na cir 'gyur/ nyes byas so/ /btsun pa dge slong gis skyes pa ma mchis par bud med dang lhan cig shul du zhugs na cir 'gyur/ ltung ba'o/ /btsun pa dge slong gis ma ning dang lhan cig shul du zhugs na cir 'gyur/ 12-1-212b nyes byas so/ /btsun pa bslab pa stsal bas skyes pa ma mchis par bud med dang lhan cig shul du zhugs na cir 'gyur/ ltung ba'o/ /btsun pa dge slong mas bud med ma mchis par skyes pa dang lhan cig shul du zhugs na cir 'gyur/ dngos po ji lta ba bzhin no/ /dge slob ma dang / dge tshul ma dang / dge tshul pha rnams la nyes byas su brjod par bya'o// //mdor na/ smyon par gyur dang sems 'khrugs pa/ /na ba 'on pa 'gro ba rnams/ /nam mkha' mtshan dang bzhi pa dang / /sprul pa dang ni ma ning lam/ /lam ma yin dang dge slong ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang 'dron pa mang po rku ba dang lhan cig shul du zhugs te mchis na ltung bar 'gyur ro zhes gsungs na/ btsun pa dge slong gis rkun po smyon pa zhig dang lhan cig shul du zhugs te mchis na cir 'gyur/ nyes byas so/ /de bzhin du 'dron pa mang po rku ba sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams dang lhan cig lam du zhugs te song na thams cad nyes byas su 'gyur ro/ /btsun pa dge slong gis sngags sam sman gyis bdag mi snang bar bsgyur te 'dron pa mang po dang lhan cig 'grogs te mchis na cir 'gyur/ nyes byas so/ /btsun pa dge slong gis 'dron pa mang po rku ba dang lhan cig nam mkha' las mchis na cir 'gyur/ nyes byas so/ /btsun pa dge slong gis 'dron pa mang po rku ba dang lhan cig mchi ba na mtshan 'phos te dge slong mar gyur na cir 'gyur/ ltung ba'o/ /btsun pa dge slong ma 'dron pa mang po rku ba dang lhan cig shul du zhugs te mchi ba na mtshan 'phos te dge slong du gyur na cir 'gyur/ ltung ba'o/ /btsun pa dge slong gis 'dron pa mang po rku ba la 'dron pa mang po rku bar 'du shes te shul du zhugs te mchis na cir 'gyur/ ltung ba'o/ /'dron pa mang po rku ba la rku ba ma lags par 12-1-213a 'du shes te mchis na cir 'gyur/ nyes pa med do/ /'dron pa mang po rku ba ma lags pa la 'dron pa mang po rku bar 'du shes te mchis na cir 'gyur/ nyes byas so/ /'dron pa mang po rku ba ma lags pa la rku ba ma lags par 'du shes na cir 'gyur/ nyes pa med do/ /btsun pa dge slong gis mi la mir 'du shes te 'dron pa mang po rku ba dang lhan cig shul du zhugs te mchis na cir 'gyur/ ltung ba'o/ /mi la mi ma lags par 'du shes na cir 'gyur/ nyes byas su 'gyur ro/ /mi ma lags pa la mir 'du shes na cir 'gyur/ nyes byas su 'gyur ro/ /mi ma lags pa la mi ma lags par 'du shes na cir 'gyur/ nyes byas so/ /btsun pa dge slong gis 'dron pa mang po rku ba sprul pa dang lhan cig shul du zhugs te mchis na cir 'gyur/ nyes byas so/ /btsun pa dge slong gis rkun po ma ning dang lhan cig shul du zhugs te mchis na cir 'gyur/ nyes byas so/ /btsun pa dge slong gis 'dron pa mang po rku ba dang lhan cig shul du zhugs te mchis kyang nongs par mi 'gyur ba mchis sam/ u pA li yod de/ rgyang grags gcig tshun chad phyir ldog gam rkun pos dge slong bzung ste khrid dam 'on te de dag nyid bsel du gyur tam/ lam stor nas lam ston pa'o/ /btsun pa dge slong gis 'dron pa mang po rku ba dang lhan cig shul du ma lags par mchis na cir 'gyur/ ltung ba'o/ /btsun pa bslab pa stsal bas 'dron pa mang po rku ba dang lhan cig shul du zhugs te mchis na cir 'gyur/ ltung ba'o/ /btsun pa dge slong mas 'dron pa mang po rku ba dang lhan cig shul du zhugs te mchis na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas so// //mdor na/ sngar 'khrugs bsnyen par rdzogs dang mtshan/ /bzhi pa smyon pa sems 'khrugs dang / /na ba 'on pa 'gro ba dang / /khyim pa la sogs khyim pa mo/ /bslab pa byin dang dge slong ma'o/ /sangs rgyas bcom ldan 'das la tshe 12-1-213b dang ldan pa u pA lis zhus pa/ /btsun pa bcom ldan 'das kyis yang dge slong gang lo nyi shur ma lon pa'i gang zag cig dge slong gi dngos por bsnyen par rdzogs par bgyid na ltung bar 'gyur ro/ /zhes gsungs na/ btsun pa dge slong gis lo nyi shu ma lags par 'du shes te bsnyen par rdzogs par bgyis na bsnyen par rdzogs pa zhes bgyi 'am/ u pA li 'di bzhi ni sngar 'khrugs pa ste/ lo nyi shu yang ma lon la lo nyi shu ma lon par yang 'du shes nas de la dge slong gis lo nyi shu lon nam zhes dris pa dang / des 'di skad du bdag ni lo nyi shu ma lon par shes shing dran te the tshom med do zhes smras pa dang / gang zag de dge slong gis dge slong gi dngos por bsnyen par rdzogs par byas na 'di ni sngar 'khrugs pa dang po'o/ /lo nyi shu ma lon par gyur la lo nyi shu ma lon par 'du shes nas dge slong gis lo nyi shu lon nam zhes dris pa dang / des 'di skad du mi shes so mi dran no/ /zhes smras pa'i gang zag de dge slong rnams kyis dge slong gi dngos por bsnyen par rdzogs par byas na 'di ni sngar 'khrugs pa gnyis pa'o/ /lo nyi shu ma lon par gyur la lo nyi shu ma lon par 'du shes nas dge slong gis lo nyi shu lon nam zhes dris pa dang / des 'di skad du bdag ni the tshom za'o zhes smras pa dang / gang zag de dge slong gis dge slong gi dngos por bsnyen par rdzogs par byas na 'di ni sngar 'khrugs pa gsum pa'o/ /lo nyi shu ma lon par gyur la nyi shur ma lon par 'du shes nas dge slong gis dris kyang lan mi glon pa'i gang zag de dge slong rnams kyis dge slong gi dngos por bsnyen par rdzogs par byas na 'di ni sngar 'khrugs pa bzhi pa ste/ u pA li sngar 'khrugs pa 'di bzhi ma gtogs par lhag ma rnams ni bsnyen par rdzogs pa zhes bya'o/ /btsun pa dge slong gis lo nyi shu ma lags pa'i gang zag cig dge slong gi dngos por bsnyen par rdzogs par bgyid pa na mtshan 'phos te dge slong mar gyur na cir 'gyur/ ltung ba'o/ /btsun pa dge slong mas lo nyi shu ma lags pa'am lo 12-1-214a bcu gnyis su ma lags pa zhig dge slong ma'i dngos por bsnyen par rdzogs par bgyid pa na mtshan 'phos te dge slong du gyur na cir 'gyur/ ltung ba'o/ /btsun pa dge slong gis lo nyi shu ma lags pa la lo nyi shu ma lags par 'du shes te bsnyen par rdzogs par bgyis na cir 'gyur/ ltung ba'o/ /lo nyi shu ma lon pa la lo nyi shu lon par 'du shes te bsnyen par rdzogs par byas na nyes pa med do/ /nyi shu lon pa la lo nyi shu ma lon par 'du shes te bsnyen par rdzogs par byas na nyes byas su 'gyur ro/ /lo nyi shu lon pa la lo nyi shu lon par 'du shes te bsnyen par rdzogs par byas na nyes pa med do/ /btsun pa dge slong gis smyon pa zhig lo nyi shur ma lags par 'du shes te bsnyen par rdzogs par bgyid na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams lo nyi shur ma lon par 'du shes te bsnyen par rdzogs par byas na thams cad nyes byas su 'gyur ro/ /btsun pa dge slong gis khyim pa la lo nyi shur ma lags par 'du shes te bsnyen par rdzogs par 'du shes bgyis na cir 'gyur/ ltung ba'o/ /dge tshul pha'ang de bzhin no/ /btsun pa dge slong gis ma ning lo nyi shur ma lags par 'du shes te bsnyen par rdzogs par bgyis na cir 'gyur/ nyes byas so/ /de bzhin du dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar 'khrugs pa dang / sngar nyes pa byung ba rnams lo nyi shur ma lon par 'du shes te bsnyen par rdzogs par byas na thams cad nyes byas su 'gyur ro/ /btsun pa dge slong lo nyi shu ma lags par 'du shes te bsnyen par rdzogs par bgyis kyang nongs pa ltung bar yang mi 'gyur la legs par bsnyen par rdzogs par 'gyur ba mchis sam/ u pA li yod de/ mi la song ba ni lo nyi shu ma lon yang 12-1-214b bsnyen par rdzogs par byos shig /btsun pa bslab pa stsal bas lo nyi shur ma lon pa'i gang zag bsnyen par rdzogs par bgyis na cir 'gyur/ ltung ba'o/ /btsun pa dge slong mas gzhon nu ma lo nyi shur ma lon pa dang / mi la song ba lo bcu gnyis su ma lon pa bsnyen par rdzogs par bgyis na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes pa med do// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa 'gro ba'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang bdag gi sug pas sa brkos sam rkor stsal na ltung bar 'gyur ro zhes gsungs na/ btsun pa dge slong gis phrin gyis sa rkor stsal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de sa rkor bcug na thams cad nyes byas su 'gyur ro/ /btsun pa dge slong gis smyon pa sa rkor stsal na cir 'gyur/ nyes byas so/ / de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams ni thams cad nyes byas su 'gyur ro// //mdor na/ mtshan dang bzhi pa bdun de bzhin/ /khyim pa dag la sogs pa dang / / skad dang lus dang ma 'thas pa/ /phur pa sa zhag tshig pa'o/ /btsun pa dge slong gis rang gi sug pas sa rko ba na mtshan 'phos te dge slong mar gyur na cir 'gyur/ /ltung ba'o/ /btsun pa dge slong mas rang gi sug pas sa rko ba na mtshan 'phos te dge slong du gyur na cir 'gyur/ ltung ba'o/ / btsun pa dge slong gis sa la sar 'du shes te brkos sam rkor stsal na cir 'gyur/ /ltung ba'o/ /sa la sa ma yin par 'du shes na nyes pa med do/ /sa ma yin pa la sar 'du shes te rkor bcug na nyes byas so/ /sa ma yin pa la sa ma yin par 'du shes na nyes pa med do/ /btsun pa dge 12-1-215a slong gis gzhan sa rkor stsal na cir 'gyur/ nyes byas so/ /btsun pa dge slong gis gzhan gyi slad du sa brkos na cir 'gyur/ ltung ba'o/ /btsun pa bsnyen par ma rdzogs pa na brko bar bshams la bsnyen par ma rdzogs pa na grub na cir 'gyur/ nyes byas so/ /bsnyen par ma rdzogs pa na bshams la bsnyen par rdzogs kar grub na cir 'gyur/ nyes byas so/ /bsnyen par ma rdzogs pa na bshams la bsnyen par rdzogs pa na grub na cir 'gyur/ nyes byas so/ /bsnyen par rdzogs kar bshams la bsnyen par rdzogs kar grub na cir 'gyur/ nyes byas so/ /bsnyen par rdzogs kar bshams la bsnyen par rdzogs pa na grub na cir 'gyur/ nyes byas so/ /bsnyen par rdzogs pa na bshams la bsnyen par rdzogs pa na grub na cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na grub na cir 'gyur/ nyes byas so/ /btsun pa dge slong gis mngon sum du khyim pa sa rkor stsal na cir 'gyur/ ltung ba'o/ /de bzhin du za ma dang / ma ning dang / dge slong ma sun phyung ba dang / pha dang / ma bsad pa dang / dgra bcom pa bsad pa dang / dge 'dun gyi dbyen byas pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / mi gnas pa dang / sngar 'khrugs pa dang / sngar nyes pa byung ba dang / nye bar phyogs pa dang / bslab pa byin pa dang / dge slong dang / dge slong ma dang / dge slob ma dang / dge tshul ma dang / dge tshul pha rnams mngon sum du rkor bcug na thams cad ltung bar 'gyur ro/ /btsun pa dge slong 'phags pas 'phags pa'i skad du sa rkor stsal ba dang / gang zag des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du sa rkor stsal ba dang / gang zag des kyang mtha' 'khob pa'i skad ma 'tshal na cir 'gyur/ nyes 12-1-215b byas so/ /btsun pa dge slong mtha' 'khob pas mtha' 'khob pa'i skad du sa rkor stsal ba dang / gang zag des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du sa rkor stsal ba dang / gang zag des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis lus kyi dmigs pas sa rkor stsal na cir 'gyur/ nyes byas so/ /btsun pa dge slong gis ma 'thas pa'i sa rkor stsal na cir 'gyur/ nyes byas so/ /btsun pa dge slong gis sa la phur pa btab na cir 'gyur/ ltung ba'o/ /btsun pa de ste phyung na cir 'gyur/ nyes byas so/ /btsun pa dge slong gis sa zhag bshus na cir 'gyur/ nyes byas so/ /btsun pa dge slong gis sa la brud na cir 'gyur/ nyes byas so/ /btsun pa dge slong gis sa la ba lang gi lci ba'am gyo ral chags pa brkos na cir 'gyur/ nyes byas so/ /btsun pa dge slong gis sa tshig pa brkos na cir 'gyur/ nyes byas so/ /btsun pa bslab pa stsal bas bdag gi sug pas sa brkos sam rkor stsal na cir 'gyur/ ltung ba'o/ /btsun pa dge slong mas bdag gi sug pas sa brkos sam rkor stsal na cir 'gyur/ /ltung ba'o/ /dge slob ma la nyes byas so/ /dge tshul ma dang / dge tshul pha la nyes pa med do// //mdor na/ phrin pa sprin yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gis zla ba bzhir ni mgron du bos pa bdag gir byos shig /de las lhag par bdag gir bgyis na ltung bar 'gyur zhes gsungs na/ btsun pa dge slong gis dus ji srid du ji tsam zhig gis mgron bgyis pa de las 'das par phrin gyis bslangs te 'tshal na cir 'gyur/ nyes byas so/ /de bzhin du 12-1-216a spring yig dang / lag brda dang / gzhan zer ba dang / gcig nas gcig tu brgyud nas bslangs te zos na thams cad nyes byas su 'gyur ro/ /btsun pa dge slong zhig smyon pas mgron bgyis pa dang de las 'das pa bslangs te 'tshal na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa rnams kyis dus ji tsam zhig gis mgron byas pa de las 'das par bslangs te zos na thams cad nyes byas su 'gyur ro// //mdor na/ mi rung ba dang ma gtogs dang / /mtshan dang bzhi pa de bzhin te/ /bskos pa dang yang bar chad dang / /gzhan gyis gzhan gyi bdun pa'o/ /btsun pa dge slong gis dus ji srid cig tu bca' ba dang / bza' ba ji tsam gyis mgron bgyis pa de las 'das par bca' ba dang bza' bar rung ba bslangs te 'tshal na cir 'gyur/ ltung ba'o/ /btsun pa dge slong gis dus ji srid du ji tsam gyis mgron bgyis pa de las 'das par bca' ba dang / bza' ba ma gtogs par de las gzhan pa sman rnams sman du bgyi bar 'tshal te/ zas su ma lags pa de dag bslangs te 'tshal na cir 'gyur/ nyes byas so/ /btsun pa dge slong gis dus ji srid du ji tsam zhig gis mgron bgyis pa de las 'das par bslangs te 'tshal ba na mtshan 'phos te dge slong mar gyur na cir 'gyur/ ltung ba'o/ /btsun pa dge slong mas dus ji srid du ji tsam gyis mgron bgyis pa de las 'das par bslangs te 'tshal ba na mtshan 'phos te dge slong du gyur na cir 'gyur/ ltung ba'o/ / btsun pa dge slong gis mi la mir 'du shes nas bslangs te 'tshal na cir 'gyur/ ltung ba'o/ /mi la mi ma yin par 'du shes na nyes byas su 'gyur ro/ /mi ma yin pa la mir 'du shes na nyes byas su 'gyur ro/ /mi ma lags pa la mi ma lags par 'du shes nas 12-1-216b de las 'das par bslangs te 'tshal na cir 'gyur/ nyes byas so/ /btsun pa dge slong gis dus ji srid du ji tsam zhig gis mgron du bos pa de tsam zhig 'tshal kyang nongs pa dang bcas par mi 'gyur ba mchis sam/ u pA li yod de/ ji ltar dge slong gis bslab pa'i sdom pa stsal ba'i grong du spyan drangs te thos pa'o/ /btsun pa dge slong gis dus ji srid du ji tsam zhig gis mgron du bos pa de las 'das par bslangs te 'tshal kyang nongs par mi 'gyur ba mchis sam/ u pA li yod de/ ji ltar dge slong de na ste zos nas gzhan du 'gro ba'i phyir bar chad brgyad gang yang rung ste bar chad gcig byung bar gyur pa'o/ /btsun pa dge slong gis dus ji srid du ji tsam gyis mgron du bos pa de las 'das par gzhan gyi slad du bslangs te 'tshal na cir 'gyur/ nyes byas so/ /btsun pa dge slong gis dus ji tsam zhig gis mgron du bos pa de las 'das par gzhan slong du stsal te 'tshal na cir 'gyur/ nyes byas so/ /btsun pa bsnyen par ma rdzogs pa na bslangs la bsnyen par ma rdzogs pa na 'tshal na cir 'gyur/ nyes byas so/ /bsnyen par ma rdzogs pa na bslangs la bsnyen par rdzogs kar 'tshal na cir 'gyur/ nyes byas so/ /bsnyen par ma rdzogs pa na bslangs la bsnyen par rdzogs pa na 'tshal na cir 'gyur/ nyes byas so/ /bsnyen par rdzogs kar bslangs la bsnyen par rdzogs kar 'tshal na cir 'gyur/ nyes byas so/ /bsnyen par rdzogs kar bslangs la bsnyen par rdzogs nas 'tshal na cir 'gyur/ nyes byas so/ /bsnyen par rdzogs pa na bslangs la bsnyen par rdzogs pa na 'tshal na cir 'gyur/ ltung ba'o/ /bsnyen par rdzogs pa na bslangs la bsnyen par ma rdzogs pa na 'tshal na cir 'gyur/ nyes byas so/ /btsun pa bslab pa stsal bas de las lhag par bslangs te 'tshal na cir 'gyur/ ltung ba'o/ /btsun pa dge slong mas de las lhag par bslangs te 'tshal na cir 'gyur/ ltung ba'o/ /dge slob ma dang / dge tshul ma dang / dge tshul pha rnams kyis de 12-1-217a las lhag par bslangs te 'tshal na cir 'gyur/ nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / / snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang dge slong gis dge slong la tshe dang ldan pa khyod kyis bslab pa 'di la slobs shig ces bsgo ba dang / des de dag la 'di skad du bdag ni tshe dang ldan pas bsgo ba bzhin bslab pa 'di la mi slob bo zhes smras na ltung bar 'gyur ro zhes gsungs na/ btsun pa dge slong gis dge slong la bsgo ba dang phrin gyis 'di skad du bdag ni tshe dang ldan pa dag gis bsgo ba bzhin bslab pa 'di la mi slob bo zhes smras na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de smras na thams cad nyes byas su 'gyur ro/ /btsun pa dge slong zhig la dge slong rnams kyis bsgo ba dang / dge slong smyon pa zhig 'di skad du bdag ni tshe dang ldan pas bsgo ba bzhin bslab pa 'di la mi slob bo zhes smras na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa'i dge slong rnams kyis 'di skad du bdag ni tshe dang ldan pas bsgo ba bzhin bslab pa 'di la mi slob bo zhes smras na thams cad nyes byas su 'gyur ro// //mdor na/ skad dang lus dang dben pa dang / /gzhan gyis gzhan gyi bdun pa dang / /khyim pa dag la sogs pa ste/ /mtshan dang bzhi pa bdun pa'o/ /btsun pa dge slong 'phags pas 'phags pa'i skad du dge slong la 'di skad du bdag tshe dang ldan pas bsgo ba bzhin bslab pa 'di la mi slob bo zhes smras pa dang / dge slong 12-1-217b des kyang 'phags pa'i skad ma 'tshal na cir 'gyur/ nyes byas so/ 'phags pas mtha' 'khob pa'i skad du de skad smras pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du de skad smras pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du de skad smras pa dang / dge slong des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis lus kyi dmigs pas 'di skad du bdag tshe dang ldan pas bsgo ba bzhin bslab pa 'di la mi slob bo zhes go bar bgyis na cir 'gyur/ nyes byas so/ /btsun pa dge slong gis dben pa la mi dben par 'du shes nas 'di skad du bdag tshe dang ldan pa'i tshig gis slobs shig pa mi slob bo zhes smras na cir 'gyur/ nyes byas so/ /btsun pa dge slong gis bdag tshe dang ldan pas bsgo ba bzhin bslab pa 'di la mi slob bo zhes gzhan smrar stsal na cir 'gyur/ nyes byas so/ /btsun pa dge slong gis gzhan gyi slad du 'di skad du tshe dang ldan pas bsgo ba bzhin bslab pa 'di la mi slob bo zhes smras na cir 'gyur/ nyes byas so/ /btsun pa bsnyen par ma rdzogs pa na bsgo la bsnyen par ma rdzogs pa na 'di skad du bdag tshe dang ldan pas bsgo ba bzhin bslab pa 'di la mi slob bo/ /zhes smras na cir 'gyur/ nyes byas so/ /bsnyen par ma rdzogs pa na bsgo la bsnyen par rdzogs kar de skad smras na cir 'gyur/ nyes byas so/ /bsnyen par ma rdzogs pa na bsgo la bsnyen par rdzogs pa na 'di skad du bdag tshe dang ldan pas bsgo ba bzhin bslab pa 'di la mi slob bo zhes smras na cir 'gyur/ nyes byas so/ /bsnyen par rdzogs kar bsgo la bsnyen par rdzogs kar de skad smras na cir 'gyur/ nyes byas so/ /bsnyen par rdzogs kar bsgo la bsnyen par rdzogs pa na de skad smras na cir 'gyur/ nyes byas so/ /bsnyen par rdzogs pa na 12-1-218a bsgo la bsnyen par rdzogs pa na de skad smras na cir 'gyur/ ltung ba'o/ /bsnyen par rdzogs pa na bsgo la bsnyen par ma rdzogs pa na de skad smras na cir 'gyur/ nyes byas so/ /btsun pa dge slong zhig la khyim pas bsgo ba dang / 'di skad du bdag tshe dang ldan pas bsgo ba bzhin bslab pa 'di la mi slob bo zhes smras na cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha dang ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas pa dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams kyis bsgo la de skad smras na thams cad nyes byas su 'gyur ro/ /btsun pa dge slong la dge 'dun gyi dbyen bgyis pa dang / nye bar phyogs pa dang / bslab pa stsal ba'i dge slong rnams kyis bsgo ba dang / de skad smras na cir 'gyur thams cad nyes byas so/ /btsun pa dge slong la dge slong ma dang / dge slob ma dang / dge tshul ma dang / dge tshul pha rnams kyis bsgo ba dang / de skad smras na cir 'gyur/ nyes byas so/ /btsun pa dge slong gis 'di skad du bdag tshe dang ldan pas bsgo ba bzhin bslab pa 'di la mi slob bo zhes smras pa na mtshan 'phos te dge slong mar gyur na cir 'gyur/ nyes byas so/ /btsun pa dge slong mas de skad smras pa na mtshan 'phos te dge slong du gyur na cir 'gyur/ nyes byas so/ /btsun pa dge slong gis bsnyen par rdzogs pa la bsnyen par rdzogs par 'du shes te/ 'di skad du bdag tshe dang ldan pas bsgo ba bzhin bslab pa 'di la mi slob bo zhes smra na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na nyes byas su 'gyur ro/ /bsnyen par ma rdzogs pa la bsnyen par rdzogs par 'du shes na nyes byas su 'gyur ro/ /bsnyen par ma rdzogs pa la bsnyen par ma rdzogs par 'du shes na nyes byas su 'gyur ro/ /ji ltar dge slong gis 12-1-218b de skad smras pas ltung bar 'gyur ba de bzhin du bslab pa byin pa dang / dge slong ma la yang ltung bar 'gyur ro/ /dge slob ma dang / dge tshul ma dang / dge tshul pha rnams la nyes byas so// //mdor na/ smyon par gyur dang sems 'khrugs dang / /na ba 'on pa 'gro ba dang / /mtshan dang bzhi pa de bzhin te/ /sngags dang gzhan gyis 'di dag bdun/ /khyim pa dag la sogs pa ste/ /nye bar zhi dang dge slong ma/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang dge slong rnams 'thab par gyur/ mtshang 'dru bar gyur cing mchis pa la cang mi mchi bar nyan cing mchis na ltung bar 'gyur ro zhes gsungs na/ btsun pa dge slong gis dge slong smyon pa dag 'thab par gyur cing mchis pa la cang mi mchi bar nyan cing mchis na cir 'gyur/ nyes byas so/ / de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa'i dge slong rnams la cang mi zer bar nyan cing 'dug na thams cad nyes byas su 'gyur ro/ /btsun pa dge slong gis dge slong rnams 'thab par gyur cing mchis pa la cang mi mchi bar nyan cing mchis pa na mtshan 'phos te dge slong mar gyur na cir 'gyur/ nyes byas so/ /btsun pa dge slong mas cang mi mchi bar nyan cing mchis pa na mtshan 'phos te dge slong du gyur na cir 'gyur/ nyes byas so/ /btsun pa dge slong gis bsnyen par rdzogs pa la bsnyen par ma rdzogs par 'du shes te cang mi mchi bar nyan cing mchis na cir 'gyur/ nyes byas so/ /btsun pa dge slong gis sngags sam sman gyis bdag mi snang bar bsgyur te cang mi mchi bar nyan cing mchis na cir 'gyur/ nyes byas so/ /btsun pa dge slong gis dge slong rnams la 'thab par gyur cing mchis pa la gzhan nyan du stsal na cir 'gyur/ nyes byas so/ /btsun pa dge slong gis dge slong rnams 'thab par gyur cing mchis pa la gzhan dag gi slad du mnyan na cir 12-1-219a 'gyur/ nyes byas so/ /btsun pa bsnyen par ma rdzogs par mnyan par bshams la bsnyen par ma rdzogs pa na mnyan na cir 'gyur/ nyes byas so/ /bsnyen par ma rdzogs pa na bshams la bsnyen par rdzogs kar mnyan na cir 'gyur/ nyes byas so/ /bsnyen par ma rdzogs pa na bshams la bsnyen par rdzogs pa na mnyan na cir 'gyur/ nyes byas so/ /bsnyen par rdzogs kar bshams la bsnyen par rdzogs kar nyan na cir 'gyur/ nyes byas so/ /bsnyen par rdzogs kar bshams la bsnyen par rdzogs pa na mnyan na cir 'gyur/ nyes byas so/ /bsnyen par rdzogs pa na bshams la bsnyen par rdzogs pa na mnyan na cir 'gyur/ ltung ba'o/ /bsnyen par rdzogs pa na bshams la bsnyen par ma rdzogs pa na mnyan na cir 'gyur/ nyes byas so/ /btsun pa dge slong gis khyim pa rnams 'thab par gyur cing mchis pa la cang mi mchi bar nyan cing mchis na cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha dang ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar nyes pa byung ba dang / sngar 'khrugs pa rnams la cang mi zer bar nyan cing 'dug na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa la cang mi mchi bar nyan cing mchis na cir 'gyur/ ltung ba'o/ /nye bar phyogs pa dang / bslab pa stsal ba rnams la cang mi mchi bar nyan cing mchis na cir 'gyur/ ltung bar 'gyur ro/ /btsun pa dge slong gis dge slong ma dang / dge slob ma dang / dge tshul ma dang / dge tshul pha rnams la cang mi mchi bar nyan cing mchis na cir 'gyur/ thams cad nyes byas su 'gyur ro/ /btsun pa dge slong rnams 'thab mor gyur cing mchis pa la cang mi mchi bar nyan cing 12-1-219b mchis kyang nongs par mi 'gyur ba mchis sam/ u pA li yod de/ de 'di ltar dge slong des zhi bar bya bar bsams nas nyan pa'o/ /btsun pa bslab pa stsal bas cang mi mchi bar nyan cing mchis na cir 'gyur/ ltung ba'o/ /btsun pa dge slong mas cang mi mchi bar nyan cing mchis na cir 'gyur/ ltung ba'o/ /dge slob ma dang / dge tshul ma dang / dge tshul pha rnams cang mi mchi bar nyan cing mchis na cir 'gyur/ nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang dge 'dun rnams chos nges pa'i gtam smra ba na dge slong mchis bzhin 'tshal bar ma bgyis par cang mi smra bar stan las langs te mchis na ltung bar 'gyur ro zhes gsungs na/ btsun pa dge slong gis dge 'dun chos nges pa'i gtam smra ba na phrin gyis dad pa phul te mchis na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud nas dad pas byin nas song na thams cad nyes byas su 'gyur ro/ /btsun pa dge slong gis dge 'dun chos nges pa'i gtam smra ba'i tshe dge slong smyon pa la dad pa phul te mchis na cir 'gyur/ nyes byas so/ /de bzhin du dge slong sems 'khrugs pa dang / nad kyis gzir ba dang / glen pa dang / 'on pa dang /lkugs pa dang / gnyid log pa dang / ra ro ba dang / myos pa dang / snyoms par zhugs pa dang / 'gro ba gzhan du gnas pa la dad pa byin te song na thams cad nyes byas su 'gyur ro// //mdor na/ ma ning dag la sogs pa dang / /mtshan dang de bzhin bzhi pa dang / /dge sbyong 12-1-220a dang ni nam mkha' sngags/ /lus dang skad dang dge slong ma'o/ /btsun pa dge slong gis ma ning la dad pa stsal te mchis na cir 'gyur/ nyes byas so/ /de bzhin du ma ning ma dang / dge slong ma sun phyung ba dang / pha dang ma dang / dgra bcom pa bsad pa dang / /de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar 'khrugs pa dang / sngar nyes pa byung ba dang / nye bar phyogs pa dang / bslab pa byin pa rnams la dad pa byin te song na thams cad nyes byas su 'gyur ro/ /btsun pa dge slong gis dge 'dun chos nges pa'i gtam smra ba na dad pa ma stsal te cang mi mchi bar stan las langs te mchi ba na mtshan 'phos te dge slong mar gyur na cir 'gyur/ ltung ba'o/ /btsun pa dge slong mas chos nges pa'i gtam smra ba'i tshe dad pa ma stsal bar cang mi mchi bar stan las langs te mchi ba na mtshan 'phos te dge slong du gyur na cir 'gyur/ ltung ba'o/ /btsun pa dge slong gis chos kyi las la chos kyi las su 'du shes nas dad pa ma stsal bar mchis na cir 'gyur/ ltung ba'o/ /chos kyi las la chos kyi las ma yin par 'du shes na nyes byas su 'gyur ro/ /chos ma yin pa'i las la chos kyi las su 'du shes na nyes byas su 'gyur ro/ /chos ma lags pa'i las la chos ma lags pa'i las su 'du shes te dad pa ma stsal bar mchis na cir 'gyur/ nyes byas so/ /btsun pa dge slong gis dge 'dun chos nges pa'i gtam smra ba na cang mi mchi bar stan las langs te mchis kyang nongs pa ltung bar mi 'gyur ba mchis sam/ u pA li yod de/ thos pa'i nye 'khor tsam du 'dug la smra ba ni thos kyi don go bar ma gyur pa'o/ /btsun pa dge slong gis dge 'dun chos nges pa'i gtam smra ba na dad pa ma stsal b.rasteng gi nam mkha' la mchis na cir 'gyur/ nyes byas so/ /btsun pa dge slong gis dge 'dun chos nges par smra ba na sngags sam sman gyis bdag mi snang bar bsgyur te 12-1-220b mchis na cir 'gyur/ nyes byas so/ /btsun pa dge slong gis dge 'dun chos nges pa'i gtam smra ba na lus kyi dmigs pas dad pa stsal te mchis na cir 'gyur/ nyes byas so/ /btsun pa dge 'dun chos nges pa'i gtam smra ba'i tshe dge slong 'phags pas 'phags pa'i skad du dad pa stsal te mchis pa dang / dge slong des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du dad pa stsal te mchis pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du dad pa stsal te mchis pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du dad pa stsal te mchis pa dang / dge slong des 'phags pa'i skad ma 'tshal na cir 'gyur/ nyes byas so/ /btsun pa bslab pa stsal bas dge 'dun chos nges pa'i gtam smra ba na cang mi mchi bar stan las langs te mchis na cir 'gyur/ ltung ba'o/ /btsun pa dge slong mas dge 'dun chos nges pa'i gtam smra ba na cang mi mchi bar stan las langs te mchis na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la ni nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis bsgo ba rna la gzon na ltung bar 'gyur ro zhes gsungs na/ btsun pa dge slong gis dge 'dun gyi zhal ta bas bsgo ba na phrin gyis slar bzlog ste ma mnyan na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud nas slar bzlog ste ma mnyan na thams cad 12-1-221a nyes byas su 'gyur ro/ /btsun pa dge slong gis dge 'dun gyi zhal ta smyon pas bsgo ba slar bzlog ste ma mnyan na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams kyis bsgo ba slar bzlog ste ma mnyan na thams cad nyes byas su 'gyur ro/ /btsun pa dge slong gis dge 'dun gyi zhal ta bas bsgo ba dang / gnyid log nas ma mnyan na cir 'gyur/ nyes byas so/ /de bzhin du ra ro ba dang / myos pa dang / snyoms par zhugs pa rnams las ma mnyan na thams cad nyes byas su 'gyur ro/ /btsun pa dge slong gis 'gro ba gzhan du gnas pa'i dge 'dun gyi zhal ta bas bsgo ba las slar bzlog ste ma mnyan na cir 'gyur/ nyes byas so// //'dul ba gzhung dam pa/bam po bcu bzhi pa/ mdor na/ skad dang lus dang dben pa sngags/ /mtshan dang bzhi pa bdun pa dang / /bgrangs dang bdun pa mi smra dang / /bslab pa byin dang dge slong ma'o/ /btsun pa dge 'dun gyi zhal ta bas bsgo ba na dge slong 'phags pas 'phags pa'i skad du slar bzlog ste ma mnyan pa dang / dge slong des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du slar bzlog ste ma mnyan pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du slar bzlog ste ma mnyan pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du slar bzlog ste ma mnyan pa dang / dge slong des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis dge 'dun gyi zhal ta bas bsgo ba na lus kyi dmigs pas slar bzlog ste ma mnyan na cir 'gyur/ nyes byas so/ /btsun pa dge slong gis dge 'dun gyi zhal ta bas bsgo ba 12-1-221b na dben pa la mi dben par 'du shes te slar bzlog nas ma mnyan na cir 'gyur/ nyes byas so/ /btsun pa dge slong gis dge 'dun gyi zhal ta bas bsgo ba na sngags sam sman gyis bdag mi snang bar bsgyur te slar bzlog nas ma mnyan na cir 'gyur/ nyes byas so/ /btsun pa dge slong gis dge 'dun gyi bka' slar bzlog ste mtshan 'phos te dge slong mar gyur na cir 'gyur/ ltung ba'o/ /btsun pa dge slong mas dge 'dun gyi bka' slar bzlog ste ma mnyan pa na mtshan 'phos te dge slong du gyur na cir 'gyur/ ltung ba'o/ /btsun pa dge slong gis dge 'dun gyi zhal ta bas bsgo ba na chos la chos su 'du shes te slar bzlog pa nas ma mnyan na cir 'gyur/ ltung ba'o/ /chos la chos ma lags par 'du shes na cir 'gyur/ nyes byas so/ /chos ma lags pa la chos su 'du shes na cir 'gyur/ nyes byas so/ /chos ma lags pa la chos ma lags par 'du shes na cir 'gyur/ nyes byas so/ /btsun pa dge 'dun gyi zhal ta bas bsgo ba na slar bzlog ste ma mnyan kyang nongs pa ltung bar mi 'gyur ba mchis sam/ u pA li yod de/ dge 'dun gyis ma gus par ma bgrangs pa yin te/ de yang dge 'dun gyi bya bar bcas pa las 'das pas nyes byas so/ /btsun pa bsnyen par ma rdzogs pa na dge 'dun gyis ma gus par bgrangs par gyur la/ bsnyen par ma rdzogs pa na slar bzlog ste ma mnyan na cir 'gyur/ nyes byas so/ /bsnyen par ma rdzogs pa na bgrangs la bsnyen par rdzogs kar slar bzlog ste ma mnyan na cir 'gyur/ nyes byas so/ /bsnyen par ma rdzogs pa na bgrangs la bsnyen par rdzogs pa na bzlog ste ma mnyan na cir 'gyur/ nyes byas so/ /bsnyen par rdzogs kar bgrangs la bsnyen par rdzogs kar slar bzlog ste ma mnyan na cir 'gyur/ nyes byas so/ /bsnyen par rdzogs kar bgrangs la bsnyen par rdzogs pa na slar bzlog ste ma mnyan na cir 'gyur/ nyes byas so/ /bsnyen par rdzogs pa na bgrangs la bsnyen par rdzogs pa na slar bzlog ste ma mnyan na cir 'gyur/ ltung ba'o/ /bsnyen par rdzogs pa na bgrangs la 12-1-222a bsnyen par ma rdzogs pa na slar bzlog ste ma mnyan na cir 'gyur/ nyes byas so/ /btsun pa dge slong dge 'dun gyi zhal ta bas bsgo ba na cang mi mchi bar ma mnyan na cir 'gyur/ nyes byas so/ /btsun pa bslab pa stsal bas dge 'dun gyi zhal ta bas bsgo ba na slar bzlog ste ma mnyan na cir 'gyur/ ltung ba'o/ /btsun pa dge slong ma dge 'dun gyi zhal ta bas bsgo ba na slar bzlog ste ma mnyan na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas so// //mdor na/ 'bras gnyis dang ni de bzhin sngags/ /phabs dang tshwa dang 'khur chang dang / /rtsa ba sdong bu 'bras chan dang / /bdun pa rtsa med bsres pa dang / /bsgos dang lha dang bzhi pa mtshan/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang chang dang 'bras bu'i chang myos par 'gyur ba 'tshal na ltung bar 'gyur ro zhes gsungs na/ btsun pa dge slong gis rtsa ba dang / sdong bu dang / lo ma dang / me tog dang / 'bras bu rnams kyis myos par 'gyur ba 'tshal na cir 'gyur/ nyes byas so/ /btsun pa dge slong gis rtsa ba dang / sdong bu dang / lo ma dang / me tog dang / 'bras bu dngos po gzhan chang gi nang du gzhag pa 'tshal na cir 'gyur/ nyes byas so/ /btsun pa dge slong gis chang ngam 'bras bu'i chang myos par 'gyur ba bdag gi drung du sngags sam sman gyis blangs te 'tshal na cir 'gyur/ nyes byas so/ /btsun pa dge slong gis phabs 'tshal na cir 'gyur/ nyes byas so/ /btsun pa chang tshwar gyur pa 'tshal bar bgyi'am/ u pA li de ste/ chang gi dngos po mang du gyur la tshwa'i dngos po nyung na mi btung ngo / /'on te tshwa'i dngos po mang bar mngon la chang gi dngos po nyung na 'thung shig /u pA li de ci'i phyir zhe na/ des ni chang gi bya ba byed mi nus so/ /btsun pa chang tshwar gyur pa dus ma lags par 'tshal du gnang ngam/ u pA li de ste dang bar gyur la rnam par 12-1-222b dang zhing myos par mi 'gyur na chus bslad de chu tshags kyis tshogs la 'thung shig /btsun pa dge slong gis chang 'khur ba na 'dzin pa las 'tshal na cir 'gyur/ nyes byas so/ /btsun pa rtsa ba dang / sdong bu dang / lo ma dang / me tog dang / 'bras bu 'di rnams kyi khu ba dus ma lags par 'tshal du gnang ngam/ u pA li de ste dang zhing rab tu gsal bar gyur la chu tshags kyis btsags la chus slod de 'thung shig /de ste rang gi dngos las gyur nas chang gi dngos por gyur na 'tshal bar bgyi'am/ u pA li ma yin no/ /btsun pa dge slong gis myos par 'gyur ba'i chang ma gtogs par de las gzhan pa'i chang gi dri dang / chang gi ro dang / chang gi kha dog dang / chang gi bro rnams 'tshal na cir 'gyur/ nyes byas so/ /kha dog chang 'dra ba'i tshwa ni nyes pa med do/ /btsun pa dge slong gis chang dang 'bras chan du 'dres pa las chang btsags nas 'bras 'tshal na cir 'gyur/ nyes byas so/ /btsun pa bsnyen par ma rdzogs pa na blangs la bsnyen par ma rdzogs par 'tshal na cir 'gyur/ nyes byas so/ /bsnyen par ma rdzogs pa na bslangs la bsnyen par rdzogs kar 'tshal na cir 'gyur/ nyes byas so/ /bsnyen par ma rdzogs pa na bslangs la bsnyen par rdzogs pa na 'tshal na cir 'gyur/ nyes byas so/ /bsnyen par rdzogs kar blangs la bsnyen par rdzogs kar 'tshal na cir 'gyur/ nyes byas so/ / bsnyen par rdzogs kar blangs la bsnyen par ma rdzogs pa na 'tshal na cir 'gyur/ nyes byas so/ /bsnyen par rdzogs pa na blangs la bsnyen par rdzogs pa na 'tshal na cir 'gyur/ ltung ba'o/ /bsnyen par rdzogs pa na blangs la bsnyen par ma rdzogs pa na 'tshal na cir 'gyur/ nyes byas so/ /btsun pa dge slong gis rgun chang gi dbu ba 'tshal na cir 'gyur/ nyes byas so/ /btsun pa dge slong gis chang gi nang du stsal ba'i dngos po 'tshal na cir 'gyur/ nyes byas so/ /btsun pa dge slong gis chang gi rlangs pas bdugs 12-1-223a pa bro ma 'tshal bas 'tshal na cir 'gyur/ nyes byas so/ /btsun pa dge slong gis myos par 'gyur ba'i btung ba 'tshal kyang nongs pa ltung bar mi 'gyur ba mchis sam/ u pA li yod de/ lha'i chang 'thungs na nyes byas su 'gyur ro/ / btsun pa dge slong gis chang la chang du 'du shes te 'tshal na cir 'gyur/ ltung ba'o/ /chang la chang ma lags par 'du shes te 'tshal na cir 'gyur/ nyes pa med do/ /chang ma lags pa la chang du 'du shes te 'tshal na cir 'gyur/ nyes byas so/ /chang ma lags pa la chang ma lags par 'du shes te 'tshal na cir 'gyur/ nyes pa med do/ /btsun pa dge slong gis chang dang 'bras bu'i chang 'tshal ba na mtshan 'phos te dge slong mar gyur na cir 'gyur/ ltung ba'o/ /btsun pa dge slong ma chang dang 'bras bu'i chang 'tshal ba na mtshan 'phos te dge slong phar gyur na cir 'gyur/ ltung ba'o/ /btsun pa bslab pa stsal bas chang dang 'bras bu'i chang 'tshal na cir 'gyur/ ltung ba'o/ /btsun pa dge slong mas chang dang 'bras bu'i chang 'tshal na cir 'gyur/ ltung ba'o/ /dge slob ma dang / dge tshul ma dang / dge tshul pha la nyes byas su 'gyur ro// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ / sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang dge slong mchis bzhin du 'tshal bar ma bgyis par slad dro grong du mchis na ltung bar 'gyur ro zhes gsungs na/ btsun pa dge slong gis dge slong la phrin gyis 'tshal bar bgyis te mchis na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de shes par byas te song na thams cad nyes byas su 'gyur ro/ /btsun pa dge slong gis dge slong 12-1-223b smyon pa zhig la 'tshal bar bgyis te slad dro grong du zhugs na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / snyoms par zhugs pa dang / 'gro ba gzhan du gnas pa'i dge slong rnams la shes par byas te song na thams cad nyes byas su 'gyur ro// //mdor na/ sngags dang nam mkha' skad dang lus/ /dben pa dang ni dge slong med/ /gtsug lag khang dang bskor ba dang / /mtshams dang mtshan dang bzhi pa dang / /khyim pa bar chad dge 'dun dang / /bslab pa byin dang dge slong ma'o/ /btsun pa dge slong gis sngags sam sman gyis bdag mi snang bar bsgyur te mchis pa'i dge slong mchis bzhin du 'tshal bar ma bgyis par mchi na cir 'gyur/ nyes byas so/ /btsun pa dge slong gis mchis pa'i dge slong mchis bzhin du 'tshal bar ma bgyis par nam mkha' las slad dro grong du mchis na cir 'gyur/ nyes byas so/ /btsun pa dge slong 'phags pas 'phags pa'i skad du dge slong la 'tshal bar bgyis te mchis pa dang / dge slong des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du 'tshal bar bgyis te mchis pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du 'tshal bar bgyis te mchis pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du 'tshal bar bgyis te mchis pa dang / dge slong des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis lus kyi dmigs pas dge slong mchis pa la 'tshal bar bgyis te mchis na cir 'gyur/ nyes byas so/ /btsun pa dge slong gis dben pa la mi dben par 'du shes nas 'tshal bar bgyis te grong du mchis na cir 12-1-224a 'gyur/ nyes pa med do/ /btsun pa dge slong gis dge slong mchis pa la 'tshal bar ma bgyis par slad dro grong du mchis kyang nongs par mi 'gyur ba mchis sam/ u pA li yod de/ 'di ltar yang dge slong de ni dge slong med pa'i gnas na 'dug 'dug pa'o/ /btsun pa grong gi nang na gtsug lag khang zhig mchis sam bskor bar gyur pa de nas 'tshal bar ma bgyis par mchis na cir 'gyur/ nyes byas so/ /btsun pa dge slong gis nam mkha' la mchis na cir 'gyur/ nyes byas so/ /btsun pa dge slong nam mkha' la mchis pa zhig la 'tshal bar bgyis na 'tshal bar bgyis pa zhes bgyi'am/ u pA li shes par byas pa zhes bya'o/ /de bzhin du sa la gnas pas nam mkha' la gnas pa dang / mtshams kyi nang na gnas pas mtshams kyi phyi rol na gnas pa la 'tshal bar bgyis na 'tshal bar bgyis pa zhes bgyi'am/ u pA li shes par byas pa zhes bya'o/ /btsun pa dge slong gis mchis pa'i dge slong la 'tshal bar ma bgyis par slad dro grong du mchis pa dang mtshan 'phos te dge slong mar gyur na cir 'gyur/ ltung ba'o/ /btsun pa dge slong mas mchis pa'i dge slong ma la 'tshal bar ma bgyis par slad dro dbyar mo khang nas grong du mchis pa dang mtshan 'phos te dge slong du gyur na cir 'gyur/ ltung ba'o/ /btsun pa dge slong gis slad dro la slad dror 'du shes te dge slong mchis bzhin du 'tshal bar ma bgyis par grong du mchis na cir 'gyur/ ltung ba'o/ /dus ma lags pa la dus su 'du shes te mchis na cir 'gyur/ nyes pa med do/ /dus la dus ma lags par 'du shes na cir 'gyur/ nyes byas so/ /dus la dus su 'du shes na cir 'gyur/ nyes pa med do/ / btsun pa dge slong gis khyim pa zhig la 'tshal bar bgyis na cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung 12-1-224b ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / nye bar phyogs pa dang / sngar nyes pa byung ba dang / sngar 'khrugs pa dang / bslab pa byin pa rnams la shes par byas te song na thams cad nyes byas su 'gyur ro/ /btsun pa dge slong gis slad dro grong du mchis kyang nongs par mi 'gyur ba mchis sam/ u pA li yod de/ 'di ltar yang dge slong de gtsug lag khang du bar chad brgyad las gang yang rung ba'i bar chad gcig byung bar gyur pa'o/ /btsun pa dge 'dun thams cad dam/ slob dpon nam/ mkhan po'am/ gzhan yang rung ste tshangs pa mtshungs par spyod pa mkhas pa dag dus ma lags par dge slong la 'tshal bar ma bgyis par grong du mchis na de dag gis kyang 'tshal bar bgyi'am/ u pA li des kyang shes par byos shig / btsun pa bslab pa stsal bas dge slong mchis bzhin du 'tshal bar ma bgyis par slad dro grong du mchis na cir 'gyur/ ltung ba'o/ /btsun pa dge slong mas dge slong ma mchis par 'tshal bzhin du dbyar mo khang nas grong du mchis na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas su 'gyur ro// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang grong du zas la mgron du bos pa dang / zas snga ma'am phyi ma yang rung ste/ des khyim bdag de la 'tshal bar ma bgyis par grong gzhan du song na ltung bar 'gyur ro zhes gsungs na/ btsun pa dge slong gis zas la mgron du bos pa dang phrin gyis khyim bdag 'tshal bar bgyis te grong gzhan du mchis na cir 'gyur/ nyes byas so/ /de bzhin du spring yig dang / lag brda dang / gzhan zer 12-1-225a ba dang / gcig nas gcig tu brgyud nas shes par byas te grong gzhan du song na thams cad nyes byas su 'gyur ro/ /btsun pa dge slong grong gzhan du zas la mgron du bos pa dang / zas snga ma'am phyi ma yang rung ste/ des khyim bdag smyon pa zhig la 'tshal bar ma bgyis par grong gzhan du mchis na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / 'gro ba gzhan du gnas pa rnams la shes par ma byas par grong gzhan du song na thams cad nyes byas su 'gyur ro// //mdor na/ skad dang lus dang dben pa dang / /sngags dang mtshan dang bzhi pa dang / /zas dang mgron du bos pa gnyis/ /ma ning bslab byin dge slong ma'o/ /btsun pa dge slong 'phags pas 'phags pa'i skad du 'tshal bar bgyis te grong du mchis pa dang / khyim bdag des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du 'tshal bar bgyis te grong du mchis pa dang / khyim bdag des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du 'tshal bar bgyis te grong du mchis pa dang / khyim bdag des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du khyim bdag 'tshal bar bgyis te grong gzhan du mchis pa dang / khyim bdag des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis lus kyi dmigs pas khyim bdag 'tshal bar bgyis te grong du mchis na cir 'gyur/ nyes byas so/ /btsun pa dge slong gis dben pa la mi dben par 'du shes nas 'tshal bar bgyis te grong du mchis na cir 'gyur/ nyes pa med do/ /btsun pa dge slong gis sngags sam sman gyis bdag mi snang bar bsgyur te 'tshal bar bgyis nas grong du mchis na cir 'gyur/ nyes byas so/ /btsun pa dge slong 12-1-225b gis khyim bdag 'tshal bar ma bgyis par grong du mchis pa dang mtshan 'phos te dge slong mar gyur na cir 'gyur/ ltung ba'o/ /btsun pa dge slong mas khyim bdag 'tshal bar ma bgyis par grong du mchis pa dang mtshan 'phos te dge slong du gyur na cir 'gyur/ ltung ba'o/ /btsun pa dge slong gis mi la mir 'du shes te 'tshal bar ma bgyis par grong du mchis na cir 'gyur/ ltung ba'o/ /mi la mi ma yin par 'du shes na nyes byas su 'gyur ro/ /mi ma yin pa la mir 'du shes na nyes byas su 'gyur ro/ /mi ma yin pa la mi ma yin par 'du shes na nyes byas su 'gyur ro/ /btsun pa dge slong gis zan ma gtogs par de las gzhan pa'i bca' ba dang / btung ba dang / bzhib pa dang / bldag pa la sogs pa la mgron du bos pa dang / khyim bdag 'tshal bar ma bgyis par grong du mchis na cir 'gyur/ nyes byas so/ /btsun pa dge slong gis khyim bdag 'tshal bar ma bgyis par grong gcig tu mchis kyang nongs pa ltung bar mi 'gyur ba mchis sam/ u pA li yod de/ grong gcig tu zhugs nas gdugs tshod yol bar byed pa'o/ /btsun pa dge slong zhig za ma'am/ ma ning ngam/ mtshan gnyis pas mgron du bos pa dang 'tshal bar ma bgyis par grong du mchis na cir 'gyur/ nyes byas so/ /btsun pa bslab pa stsal bas zas la grong du mgron la bos pa dang des khyim bdag 'tshal bar ma bgyis par grong du mchis na cir 'gyur/ ltung ba'o/ /btsun pa dge slong mas zas la grong du mgron la bos pa dang des khyim bdag 'tshal bar ma bgyis par grong du mchis na cir 'gyur/ nyes byas so/ /dge slob ma dang / dge tshul ma dang / dge tshul pha rnams la nyes byas su 'gyur ro// //mdor na/ sngags dang nam mkha' de bzhin te/ /mtshan dang de bzhin bzhi pa dang / /grong dang stong pa bskor ba dang / /ma bzhag pa dang bzhag pa'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang rgyal po rgyal rigs 12-1-226a rgyal thabs spyi bo nas blugs pa'i khyim du nam ma langs shing skya rengs ma shar ba la rin po che'am/ rin po cher gtogs pa rnams ma bsdus par sgo gtan nam/ sgo gtan gyi nye 'khor las 'das na ltung bar 'gyur ro zhes gsungs na/ btsun pa dge slong gis nam ma langs shing skya rengs ma shar ba la rin po che 'am rin po cher gtogs pa rnams ma bsdus par sngags sam sman gyis bdag mi snang bar bsgyur te sgo gtan nyi tshe las 'das na cir 'gyur/ nyes byas so/ /btsun pa dge slong gis nam ma langs shing skya rengs ma shar la rin po che'am/ rin po cher gtogs pa rnams ma bsdus par nam mkha' las sgo gtan nyi tshe 'das na cir 'gyur/ nyes byas so/ /btsun pa dge slong gis nam ma nangs shing skya rengs ma shar la rin po che'am/ rin po cher gtogs pa rnams ma bsdus par sgo gtan nyi tshe 'da' bar bgyid pa na mtshan 'phos te dge slong mar gyur na cir 'gyur/ ltung ba'o/ /btsun pa dge slong mas sgo gtan nyi tshe 'da' bar bgyid pa na mtshan 'phos te dge slong du gyur na cir 'gyur/ ltung ba'o/ /btsun pa dge slong gis skya rengs ma shar ba la ma shar bar 'du shes te rin po che'am/ rin po cher gtogs pa rnams ma bsdus par sgo gtan nyi tshe 'das na cir 'gyur/ ltung ba'o/ /ma shar ba la shar bar 'du shes te 'das na cir 'gyur/ nyes pa med do/ /shar ba la ma shar bar 'du shes te 'das na nyes byas so/ /shar ba la shar bar 'du shes te 'das na nyes pa med do/ /btsun pa dge slong gis rin po che'am rin po cher gtogs pa rnams ma bsdus pa la ma bsdus par 'du shes te sgo gtan nyi tshe 'das na cir 'gyur/ ltung ba'o/ /ma bsdus pa la bsdus par 'du shes te 'das na cir 'gyur/ nyes pa med do/ /bsdus pa la ma bsdus par 'du shes nas 'das na cir 'gyur/ nyes byas so/ /bsdus pa la bsdus par 'du shes te 'das na cir 'gyur/ nyes pa med do/ /btsun pa dge slong gis mi la 12-1-226b mir 'du shes te sgo gtan nyi tshe 'das na cir 'gyur/ ltung ba'o/ /mi la mi ma lags par 'du shes na cir 'gyur/ nyes byas so/ /mi ma lags pa la mir 'du shes na cir 'gyur/ nyes byas so/ /mi ma lags pa la mi ma lags par 'du shes na cir 'gyur/ nyes byas su 'gyur ro/ /btsun pa dge slong gis rgyal po'i khab ma gtogs par de las gzhan pa'i grong du nam ma nangs shing skya rengs ma shar la rin po che'am rin po cher gtogs pa ma bsdus par sgo gtan nyi tshe las 'das na cir 'gyur/ nyes byas so/ /btsun pa dge slong gis nam ma nangs shing skya rengs ma shar la rin po che'am/ rin po cher gtogs pa ma bsdus par sgo gtan nyi tshe las 'das kyang nongs par mi 'gyur ba mchis sam/ u pA li yod de/ 'di ltar yang dge slong des rgyal po'i khab stong par song ba'o/ /btsun pa rgyal po'i pho brang thams cad bskor bar gyur la phyed g.yogs pa'am/ ma g.yogs pa yang rung ste/ der dge slong des nam ma nangs shing skya rengs ma shar la rin po che'am/ rin po cher gtogs pa ma bsdus par sgo gtan nyi tshe las 'das na cir 'gyur/ ltung ba'o/ / btsun pa dge slong gis rgyal po'i khab thams cad g.yogs par gyur la phyed bskor ba zhig tu nam ma nangs skya rengs ma shar la rin po che'am/ rin po cher gtogs pa rnams ma bsdus par sgo gtan nyi tshe las 'das na cir 'gyur/ ltung ba'o/ /btsun pa dge slong gis nam nangs te skya rengs shar la rin po che'am/ rin po cher gtogs pa rnams bsdus nas sgo gtan nyi tshe las 'das na cir 'gyur/ nyes pa med do/ /btsun pa dge slong gis nam ma nangs skya rengs ma shar bar rin po che'am/ rin po cher gtogs pa bsdus nas sgo gtan nyi tshe las 'das na cir 'gyur/ nyes byas so/ /btsun pa dge slong gis nam ma nangs skya rengs ma shar bar rin po che'am/ rin po cher gtogs pa ma bsdus par sgo gtan nyi tshe las 'das kyang nongs pa ltung bar mi 'gyur ba mchis sam/ u pA li yod de/ 12-1-227a mi'i 'gro ba ma gtogs par de las 'gro ba gzhan du gnas pa rnams kyi sgo gtan gcig pu las 'das na nyes byas su 'gyur ro/ /btsun pa bslab pa stsal bas nam ma nangs skya rengs ma shar la rin po che'am/ rin po cher gtogs pa ma bsdus par sgo gtan nyi tshe las 'das na cir 'gyur/ ltung ba'o/ /btsun pa dge slong mas nam ma nangs skya rengs ma shar la rin po che'am/ rin po cher gtogs pa rnams ma bsdus par sgo gtan nyi tshe las 'das na cir 'gyur/ ltung ba'o/ /dge slob ma dang / dge tshul ma dang / dge tshul pha rnams la nyes byas su 'gyur ro// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gang zla ba phyed phyed cing so sor thar pa'i mdo bshad pa klog pa'i tshe 'di skad du tshe dang ldan pa bdag gis ji ltar chos 'di dag mdo sder gtogs shing mdo sder 'dus par da gdod 'tshal to zhes smras na ltung bar 'gyur ro zhes gsungs na/ btsun pa dge slong gis phrin gyis 'di skad du tshe dang ldan pa bdag gis ji ltar chos 'di dag mdo sder gtogs shing / mdo sder 'dus par da gdod 'tshal to zhes mchi na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud nas de skad smras na thams cad nyes byas su 'gyur ro/ /btsun pa dge slong gis dge slong smyon pa la 'di skad du tshe dang ldan pa bdag gis chos 'di dag mdo sder gtogs shing mdo sder 'dus par da gdod 'tshal to zhes mchi na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang /lkugs pa dang / 'on pa dang / gnyid log pa dang / ra ro ba dang / myos pa dang / 'gro ba gzhan du gnas pa'i dge slong rnams 12-1-227b la 'di skad du tshe dang ldan pa bdag gis chos 'di dag mdo sder gtogs shing mdo sder 'dus par da gdod 'tshal to zhes mchi na thams cad nyes byas su 'gyur ro// //mdor na/ skad dang lus dang dben pa dang / /sngags dang mtshan dang bzhi pa dang / /khyim pa dag la sogs pa rnams/ /gzhan gyi phyir dang dge slong ma'o/ /btsun pa dge slong 'phags pas 'phags pa'i skad du 'di skad du tshe dang ldan pa bdag gis 'di ltar chos 'di dag mdo sder gtogs shing mdo sder 'dus par da gdod 'tshal to zhes smras pa dang / dge slong des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du de skad smras pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du de skad smras pa dang / dge slong des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du 'di skad du tshe dang ldan pa bdag gis 'di ltar chos 'di dag mdo sder gtogs shing mdo sder 'dus par da gdod 'tshal to zhes smras pa dang / dge slong des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis lus kyi dmigs pas tshe dang ldan pa bdag gis 'di ltar chos 'di dag mdo sder gtogs shing mdo sder 'dus par da gdod 'tshal to zhes go bar bgyis na cir 'gyur/ nyes byas so/ /btsun pa dge slong gis dben pa la mi dben par 'du shes te 'di skad du tshe dang ldan pa bdag gis 'di ltar chos 'di dag mdo sder gtogs shing mdo sder 'dus par da gdod 'tshal to zhes smras na cir 'gyur/ nyes byas so/ /btsun pa dge slong gis sngags sam sman gyis bdag mi snang bar bsgyur te 'di skad du tshe dang ldan pa bdag gis 'di ltar da gdod 'tshal to zhes smras na cir 'gyur/ nyes byas so/ /btsun pa dge slong gis de skad smra ba na mtshan 'phos te dge slong mar gyur na cir 'gyur/ ltung ba'o/ / 12-1-228a btsun pa dge slong mas de skad smra ba na mtshan 'phos te dge slong du gyur na cir 'gyur/ ltung ba'o/ /btsun pa dge slong gis bsnyen par rdzogs pa la bsnyen par rdzogs par 'du shes te 'di skad du tshe dang ldan pa bdag gis 'di ltar chos 'di dag mdo sder gtogs shing mdo sder 'dus par da gdod 'tshal to zhes smras na cir 'gyur/ ltung ba'o/ /bsnyen par rdzogs pa la bsnyen par ma rdzogs par 'du shes na nyes byas su 'gyur ro/ /bsnyen par ma rdzogs pa la bsnyen par rdzogs par 'du shes na nyes byas su 'gyur ro/ /bsnyen par ma rdzogs pa la bsnyen par ma rdzogs par 'du shes na nyes byas su 'gyur ro/ /btsun pa dge slong gis khyim pa la 'di skad du tshe dang ldan pa bdag gis 'di ltar chos 'di dag bdag gis mdo sder gtogs shing mdo sder 'dus par da gdod 'tshal to zhes smra na cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar 'khrugs pa dang / sngar nyes pa byung ba rnams la smras na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa dang / nye bar phyogs pa dang / bslab pa stsal ba rnams la de skad du smras na cir 'gyur/ thams cad ltung bar 'gyur ro/ /btsun pa dge slong gis dge slong ma dang / dge slob ma dang / dge tshul ma dang / dge tshul pha rnams la 'di skad du tshe dang ldan pa bdag ni 'di ltar chos 'di dag mdo sder gtogs shing mdo sder 'dus par da gdod 'tshal to zhes mchi na cir 'gyur/ nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa 'gro ba'o/ / 12-1-228b sangs rgyas bcom ldan 'das la tshe dang ldan pa u pA lis zhus pa/btsun pa bcom ldan 'das kyis yang dge slong gang rus pa'am/ ba so'am/ rwa las khab ral bgyis na ltung bar 'gyur ro zhes gsungs na/ btsun pa dge slong gis phrin gyis rus pa'am/ ba so'am/ rwa las khab ral bgyid du stsal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de byed du bcug na nyes byas so/ /de bzhin du smyon pa la byed du bcug pa dang / sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams byed du bcug na thams cad nyes byas su 'gyur ro// //mdor na/ gzhan dang gzhan phyir ma zin mtshan/ /bzhi pa mi rung bdun pa dang / /de bzhin ma gtogs tha ma'o/ /btsun pa dge slong gis rus pa'am/ ba so'am/ rwa las khab ral gzhan gyis brtsams pa lags par bgyis na cir 'gyur/ nyes byas so/ /btsun pa dge slong gis gzhan gyi slad du khab ral bgyis na cir 'gyur/ nyes byas so/ /btsun pa dge slong gis ma lags par bgyis te bor na cir 'gyur/ nyes byas so/ / btsun pa dge slong gis rus pa'am/ ba so'am/ rwa las khab ral bgyis pa na mtshan 'phos te dge slong mar gyur na cir 'gyur/ ltung ba'o/ /btsun pa dge slong mas rus pa'am/ ba so'am/ rwa las khab ral bgyis pa na mtshan 'phos te dge slong du gyur na cir 'gyur/ ltung ba'o/ /btsun pa dge slong gis mi la mir 'du shes te khab ral bgyid du stsal na cir 'gyur/ ltung ba'o/ /mi la mi ma yin par 'du shes na nyes byas su 'gyur ro/ /mi ma yin pa la mir 'du shes na nyes byas su 'gyur ro/ /mi ma yin pa la mi ma yin par 'du shes na nyes byas su 'gyur ro/ /btsun pa dge slong gis rus pa'am/ ba so'am/ rwa las khab ral bgyid du stsal kyang nongs pa ltung bar mi 'gyur ba mchis sam/ u pA li yod de/ mi rung ba las byas pa'o/ /btsun pa bsnyen par ma rdzogs pa na brtsams la bsnyen par 12-1-229a ma rdzogs pa na grub na cir 'gyur/ nyes byas so/ /bsnyen par ma rdzogs pa na brtsams la bsnyen par rdzogs kar grub na cir 'gyur/ nyes byas so/ /bsnyen par ma rdzogs pa na brtsams la bsnyen par rdzogs pa na grub na cir 'gyur/ nyes byas so/ / bsnyen par rdzogs kar brtsams la bsnyen par rdzogs kar grub na cir 'gyur/ nyes byas so/ /bsnyen par rdzogs pa na brtsams nas bsnyen par rdzogs pa na grub na cir 'gyur/ ltung ba'o/ /bsnyen par rdzogs pa na brtsams la bsnyen par ma rdzogs pa na grub na cir 'gyur/ nyes byas so/ /btsun pa dge slong gis khab ral ma gtogs par de las gzhan pa'i yo byad rnams rus pa'am/ ba so'am/ rwa las bgyid du stsal na cir 'gyur/ nyes byas so/ /btsun pa bslab pa stsal bas rus pa'am/ ba so'am/ rwa las khab ral bgyid du stsal na cir 'gyur/ ltung ba'o/ /dge slong mas byed du bcug na ltung bar 'gyur ro/ /dge slob ma dang / dge tshul ma dang / dge tshul pha rnams kyis bgyid du stsal na cir 'gyur/ nyes byas so// //mdor na/ gzhan gyis gzhan phyir ma zin dang / /mtshan dang de bzhin bzhi pa dang / /khyim pa dag la sogs pa rnams/ /mi rung ba dang bdun pa'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong gis dge 'dun gyi khri'am khri'u bgyid na bu gar gzhug pa ma gtogs par rkang pa bde bar gshegs pa'i sor brgyad las lhag par bgyis nas bcang na ltung bar 'gyur ro zhes gsungs na/ btsun pa dge slong gis bde bar gshegs pa'i sor brgyad las lhag par gzhan gyis brtsams pa lags par bgyis na cir 'gyur/ nyes byas so/ /btsun pa dge slong gis gzhan gyi slad du bgyid du stsal na cir 'gyur/ nyes byas so/ /btsun pa ma lags par bgyis te bor na cir 'gyur/ nyes byas so/ /btsun pa dge slong gis khri'am khri'u bde bar 12-1-229b gshegs pa'i sor brgyad las lhag par bgyid du stsol ba las mtshan 'phos te dge slong mar gyur na cir 'gyur/ ltung ba'o/ /btsun pa dge slong mas dge 'dun gyi khri'am khri'u bde bar gshegs pa'i sor brgyad kyi tshad las 'das par bgyid du stsal ba las mtshan 'phos te dge slong du gyur na cir 'gyur/ ltung ba'o/ /btsun pa dge slong gis dge 'dun gyi khri'am khri'u bde bar gshegs pa'i sor brgyad kyi tshad las lhag pa la lhag par 'du shes te bgyid du stsal na cir 'gyur/ ltung ba'o/ /lhag pa la ma lhag par 'du shes te byed du bcug na nyes pa med do/ /ma lhag pa la lhag par 'du shes te bgyid du stsal na cir 'gyur/ nyes byas so/ /ma lhag pa la ma lhag par 'du shes na nyes pa med do/ /btsun pa dge slong gis dge 'dun gyi khri'am khri'u bde bar gshegs pa'i sor brgyad kyi tshad las lhag par khyim pa bgyid du stsal na cir 'gyur/ nyes byas so/ /de bzhin du za ma dang / ma ning dang / dge slong ma sun phyung ba nas/ rgyas par bslab pa byin pa'i bar byed du bcug na thams cad nyes byas su 'gyur ro/ /btsun pa dge slong gis dge 'dun gyi khri'am khri'u bde bar gshegs pa'i sor brgyad las lhag par bgyid du stsal kyang nongs pa ltung bar mi 'gyur ba mchis sam/ u pA li yod de/ mi rung ba byed du bcug pa'o/ /btsun pa bsnyen par ma rdzogs pa na dge 'dun gyi khri'am khri'u bde bar gshegs pa'i sor brgyad kyi tshad las lhag par brtsams la bsnyen par ma rdzogs pa na grub na cir 'gyur/ nyes byas so/ /bsnyen par ma rdzogs pa na brtsams la bsnyen par rdzogs kar grub na cir 'gyur/ nyes byas so/ /bsnyen par ma rdzogs pa na brtsams la bsnyen par rdzogs te grub na cir 'gyur/ nyes byas so/ /bsnyen par rdzogs kar brtsams la bsnyen par rdzogs kar grub na cir 'gyur/ nyes byas so/ /bsnyen par rdzogs kar brtsams la bsnyen par rdzogs nas grub na cir 'gyur/ nyes byas so/ /bsnyen par 12-1-230a rdzogs pa na brtsams la bsnyen par rdzogs pa na grub na cir 'gyur/ ltung ba'o/ /bsnyen par rdzogs pa na brtsams la bsnyen par ma rdzogs pa na grub na cir 'gyur/ nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa 'gro ba'o/ /btsun pa dge slong gis dge 'dun gyi khri'am khri'u bde bar gshegs pa'i sor brgyad kyi tshad las lhag par phrin gyis bgyid du stsal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de byed du bcug na thams cad nyes byas su 'gyur ro/ /btsun pa dge slong gis dge 'dun gyi khri'am khri'u bde bar gshegs pa'i sor brgyad kyi tshad las lhag par smyon pa bgyid du stsal na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams byed du bcug na thams cad nyes byas su 'gyur ro/ /btsun pa bslab pa stsal bas dge 'dun gyi khri'am khri'u bde bar gshegs pa'i sor brgyad kyi tshad las lhag par bgyid du stsal na cir 'gyur/ ltung ba'o/ /dge slong mas bgyid du stsal na cir 'gyur/ ltung ba'o/ /dge slob ma dang / dge tshul ma dang / dge tshul pha rnams kyis bgyid du stsal na cir 'gyur/ nyes byas so/ /ji ltar bslab pa'i gnas kyi le'u 'di ji lta ba de bzhin du lhung bzed dang / gding ba dang / g.yan pa dgab pa dang / gos dbyar gyi ras chen dang / bde bar gshegs pa'i chos gos kyang de bzhin du brjod par bya'o/ /'dul ba gzhung dam pa las ltung ba rnams rdzogs so// //'dul ba gzhung dam pa/bam po bcwa lnga pa/ mdor na/ smyon par gyur dang sems 'khrugs dang / /na ba 'on pa 'gro ba dang / /mi rung ba dang mtshan dang ni/ /bzhi pa bdun pa de bzhin no/ /sangs rgyas bcom ldan 'das la tshe dang ldan 12-1-230b pa u pA lis zhus pa/ btsun pa bcom ldan 'das kyis yang dge slong gang gnyen ma lags pa'i dge slong ma srang na bsod snyoms spyod pa las bca' ba dang bza' ba blangs te 'tshal na so sor bshags pa zhes gsungs na/ btsun pa dge slong gis dge slong ma smyon ma srang na mchis pa las bdag gi sug pas bsod snyoms blangs te 'tshal na cir 'gyur/ nyes byas so/ /de bzhin du dge slong ma sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams las bsod snyoms blangs te zos na thams cad nyes byas su 'gyur ro/ /btsun pa dge slong gis gnyen ma lags pa'i dge slong ma srang na mchis pa las bdag gi sug pas bsod snyoms blangs te 'tshal kyang nongs pa ltung bar mi 'gyur ba mchis sam/ u pA li yod de/ mi rung ba'i zas zos na nyes byas su 'gyur ro/ /btsun pa dge slong gis gnyen ma lags pa'i dge slong ma bsod snyoms spyod cing srang na mchis pa la bdag gi sug pas bca' ba dang bza' ba blangs te 'tshal ba na mtshan 'phos te dge slong mar gyur na cir 'gyur/ nyes byas so/ / btsun pa dge slong mas gnyen ma lags pa'i dge slong bsod snyoms spyod cing srang na mchis pa de las bdag gi sug pas bsod snyoms blangs te 'tshal ba na mtshan 'phos te dge slong du gyur na cir 'gyur/ nyes byas so/ /btsun pa dge slong gis bsnyen par rdzogs pa la bsnyen par rdzogs par 'du shes te de las bsod snyoms blangs te 'tshal na cir 'gyur/ so sor bshags par bya ba'o/ /bsnyen par rdzogs pa la bsnyen par ma rdzogs par 'du shes na nyes byas so/ /bsnyen par ma rdzogs pa la bsnyen par rdzogs par 'du shes na nyes byas so/ /bsnyen par ma rdzogs pa la bsnyen par ma rdzogs par 'du shes na nyes byas so/ /de bzhin du mi la mir 'du shes pa la yang bzhir bya'o/ /btsun pa bsnyen par ma rdzogs pa na blangs la bsnyen par ma rdzogs pa na 'tshal na cir 'gyur/ nyes byas so/ / 12-1-231a bsnyen par ma rdzogs pa na blangs la bsnyen par rdzogs kar 'tshal na cir 'gyur/ nyes byas so/ /bsnyen par ma rdzogs pa na blangs la bsnyen par rdzogs pa na 'tshal na cir 'gyur/ nyes byas so/ /bsnyen par rdzogs kar blangs la bsnyen par rdzogs kar 'tshal na cir 'gyur/ nyes byas so/ /bsnyen par rdzogs kar blangs la bsnyen par rdzogs te 'tshal na cir 'gyur/ nyes byas so/ /bsnyen par rdzogs pa na blangs la bsnyen par rdzogs pa na 'tshal na cir 'gyur/ so sor bshags par bya ba'o/ /bsnyen par rdzogs pa na blangs la bsnyen par ma rdzogs pa na 'tshal na cir 'gyur/ nyes byas so// //mdor na/ zas dang sngags dang de bzhin te/ /gzhan gyis gzhan gyi ma ning dang / /ma ning ma la sogs pa dang / /bslab pa byin dang dge slong ma'o/ /btsun pa dge slong gis zas ma gtogs pa de las gzhan pa'i bca' ba dang / btung ba dang / bzhib pa dang / bldag pa la sogs pa blangs te 'tshal na cir 'gyur/ nyes byas so/ /btsun pa dge slong gis gnyen ma lags pa'i dge slong ma srang du zhugs pa las bsod snyoms gzhan gyi slad du blangs te bdag nyid kyis 'tshal na cir 'gyur/ nyes byas so/ /btsun pa dge slong gis gnyen ma lags pa'i dge slong ma las bsod snyoms blangs te 'tshal kyang nongs pa so sor bshags par mi bya ba mchis sam/ u pA li yod de/ 'di ltar yang dge slong de srang na 'dug par gyur la dge slong ma dbyar mo khang ngam grong na 'dug pas byin na nyes byas su 'gyur ro/ /btsun pa dge slong mas dge slong ma ning srang na mchis pa las bsod snyoms blangs te 'tshal na cir 'gyur/ nyes byas so/ /btsun pa dge slong gis dge slong ma ma ning mo srang du mchis pa las bsod snyoms blangs te 'tshal na cir 'gyur/ nyes byas so/ /de bzhin du dge slong ma sun phyung ba nas rgyas par sngar 'khrugs pa'i bar du bsod snyoms blangs te zos na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa dang / nye bar 12-1-231b phyogs pa dang / bslab pa stsal ba'i dge slong ma srang na mchis pa las bsod snyoms blangs te 'tshal na cir 'gyur/ so sor bshags par bya ba'o/ /btsun pa dge slong gis dge slob ma dang / dge tshul ma las bsod snyoms blangs te 'tshal na cir 'gyur/ nyes byas so/ / btsun pa bslab pa stsal bas gnyen ma lags pa'i dge slong srang na mchis pa las bsod snyoms blangs te 'tshal na cir 'gyur/ so sor bshags par bya ba'o/ /btsun pa dge slong mas gnyen ma lags pa'i dge slong srang na mchis pa las bsod snyoms blangs te 'tshal na cir 'gyur/ so sor bshags par bya ba'o/ /dge tshul pha las bsod snyoms blangs te 'tshal na cir 'gyur/ nyes byas so/ /ji ltar dge slong gis so sor bshags par bya ba de bzhin du dge slob ma dang / dge tshul ma dang / dge tshul pha rnams la nyes byas su 'gyur ro// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms zhugs 'gro ba tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge slong de dag gis dge slong ma de la 'di skad ces sring mo dge slong dag zan zos kyi bar du sdod cig ces smros shig /dge slong 'ga' zhig gis kyang dge slong ma de la de skad ces smra bar ma spobs na so sor bshags par bya'o zhes gsungs na/ btsun pa dge slong gis phrin gyis bsgo ste 'tshal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud de bsgo ste 'tshal na cir 'gyur/ nyes byas so/ /btsun pa dge slong ma smyon ma shom zhing mchis pa las dge slong de dag gis ma bsgo bar 'tshal na cir 'gyur/ nyes byas so/ /de bzhin du dge slong ma sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / 'gro ba gzhan du gnas pa rnams la ma bsgo bar zos na thams cad nyes byas su 'gyur ro/ /btsun pa 12-1-232a dge slong mas dge slong dag gi slad du shom pa na gnyid kyis log pa la dge slong de dag gis log bzhin du bsgo ste 'tshal na cir 'gyur/ nyes byas so/ /de bzhin du ra ro ba dang / myos pa dang / snyoms par zhugs pa rnams la bsgo ste zos na thams cad nyes byas su 'gyur ro// // mdor na/ skad dang lus dang dben pa dang / /sngags mtshan dang ni bzhi pa dang / /mi rung zas dang khyim pa dang / /bslab pa byin dang dge slong ma'o/ /btsun pa dge slong 'phags pas 'phags pa'i skad du dge slong ma la bsgo ba dang / dge slong ma des kyang 'phags pa'i skad ma 'tshal na cir 'gyur/ nyes byas so/ /'phags pas mtha' 'khob pa'i skad du bsgo ba dang / dge slong ma des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas mtha' 'khob pa'i skad du bsgo ba dang / dge slong ma des kyang mtha' 'khob pa'i skad ma 'tshal na cir 'gyur/ nyes byas so/ /mtha' 'khob pas 'phags pa'i skad du bsgo ste 'tshal ba dang / dge slong ma des kyang 'phags pa'i skad ma 'tshal na cir 'gyur/ nyes byas so/ /btsun pa dge slong gis lus kyi dmigs pa bsgo ste 'tshal na cir 'gyur/ nyes byas so/ /btsun pa dge slong dag gis dge slong ma shom pa la dben pa la mi dben par 'du shes te bsgos nas 'tshal na cir 'gyur/ nyes pa med do/ /btsun pa dge slong gis sngags sam sman gyis bdag mi snang bar bsgyur te dge slong ma la ma bsgo bar 'tshal na cir 'gyur/ nyes byas so/ /btsun pa dge slong gis dge slong ma shom pa'i tshe ma bsgo bar mtshal ba na mtshan 'phos te dge slong mar gyur na cir 'gyur/ nyes byas so/ /btsun pa dge slong mas dge slong gi slad du shom pa'i tshe ma bsgo bar 'tshal na mtshan 'phos te dge slong du gyur na cir 'gyur/ nyes byas so/ /btsun pa dge slong gis dge slong ma bsnyen par rdzogs ma la bsnyen par rdzogs mar 'du shes te ma bsgo bar 'tshal na cir 'gyur/ so sor bshags par bya ba'o/ /bsnyen par rdzogs ma la bsnyen par ma rdzogs par 'du shes te ma bsgo na nyes byas su 'gyur ro/ /bsnyen par ma rdzogs ma la bsnyen par rdzogs mar 'du shes na nyes byas su 12-1-232b 'gyur ro/ /bsnyen par ma rdzogs ma la bsnyen par ma rdzogs mar 'du shes na nyes byas su 'gyur ro/ /btsun pa dge slong mas mi rung ba'i zas sbyor cig par shom zhing mchis pa na de la dge slong dag gis ma bsgo bar 'tshal na cir 'gyur/ nyes byas so/ /btsun pa dge slong mas zan ma gtogs par de las gzhan pa'i bca' ba dang / btung ba dang / bza' ba dang / bldag pa la sogs pa sbyor cig par shom zhing mchis pa na/ de la dge slong dag gis ma bsgo bar 'tshal na cir 'gyur/ nyes byas so/ /btsun pa dge slong gis khyim pa mo zhig shom pa'i tshe ma bsgo bar 'tshal na cir 'gyur/ nyes byas so/ /de bzhin du dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / mi gnas pa dang / sngar nyes pa byung ba dang / sngar 'khrugs pa rnams shom pa na ma bsgo bar zas zos na thams cad nyes byas su 'gyur ro/ /btsun pa dge slong gis dge 'dun gyi dbyen bgyis pa mo dang / nye bar phyogs pa mo dang / bslab pa stsal ba mo rnams kyis bsgo ba 'tshal na cir 'gyur/ so sor bshags par bya ba'o/ /btsun pa dge slong gis dge slong ma dang / dge slob ma dang / dge tshul mas bsgo ba 'tshal na cir 'gyur/ nyes byas so/ /btsun pa bslab pa stsal bas dge slong mas bsgo ba'i zas 'tshal na cir 'gyur/ so sor bshags par bya ba'o/ /btsun pa dge slong mas bsgo ba'i zas 'tshal na cir 'gyur/ so sor bshags par bya ba'o/ /dge slob ma dang / dge tshul ma dang / dge tshul pha rnams la nyes byas su 'gyur ro// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa dang ni glen pa'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge 'dun la slob pa'i grong du gyur pa de la slob pa'i sdom pa stsal ba las yang dge slong gang gis slob pa'i grong la bslab pa'i sdom pa bcas pa de lta bu las rang gi sug pas bca' ba dang / bza' ba blangs te 12-1-233a 'tshal na so sor bshags par bgyi ba'o zhes gsungs na/ btsun pa dge slong gis bslab pa'i sdom pa stsal ba las phrin gyis bca' ba dang bza' ba blangs te 'tshal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud nas blangs te zos na thams cad nyes byas su 'gyur ro/ /btsun pa dge slong gis bslab pa'i sdom pa stsal ba'i smyon pa'i grong nas bza' ba dang bca' ba blangs te 'tshal na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / ma ning dang / ma ning mo dang / 'gro ba gzhan du gnas pa rnams las bca' ba dang bza' ba blangs te zos na thams cad nyes byas su 'gyur ro// //mdor na/ gzhan gyis gzhan phyir de bzhin te/ /sngags dang kha zas dang mi rung dang / /mgron pos mtshan kyang de bzhin te/ /de ltar bzhi pa dge slong ma'o/ /btsun pa dge slong gis bslab pa'i sdom pa stsal ba'i grong nas bca' ba dang bza' ba gzhan gyis blangs te 'tshal na cir 'gyur/ nyes byas so/ /btsun pa dge slong gis bslab pa'i sdom pa stsal pa'i grong nas gzhan gyi slad du bca' ba dang bza' ba blangs te bdag nyid 'tshal na cir 'gyur/ nyes byas so/ /btsun pa dge slong gis sngags sam sman gyis bdag mi snang bar bsgyur te bslab pa'i sdom pa stsal ba'i grong nas bca' ba dang bza' ba blangs te 'tshal na cir 'gyur/ nyes byas so/ /btsun pa dge slong gis bslab pa'i sdom pa stsal ba'i grong nas zan ma gtogs par de las gzhan pa'i bca' ba dang / btung ba dang / bzhib pa dang / bldag pa la sogs pa 'tshal na cir 'gyur/ nyes byas so/ /btsun pa dge slong gis bslab pa'i sdom pa stsal ba'i grong nas mi rung ba'i zas blangs te 'tshal na cir 'gyur/ nyes byas so/ /btsun pa dge slong gis bslab pa'i sdom pa stsal ba'i grong nas bdag gi sug pas bca' ba dang bza' ba blangs te 'tshal kyang nongs pa ltung bar mi 'gyur ba mchis sam/ u pA li yod de/ 'di ltar dge slong sngar grong du mgron du bos par gyur la de'i 'og tu dge 'dun gyis bslab pa'i sdom pa byin par gyur pa'o/ btsun 12-1-233b pa dge slong gis bslab pa'i sdom pa stsal ba'i grong nas bca' ba dang bza' ba 'tshal ba dang mtshan 'phos te dge slong mar gyur na cir 'gyur/ so sor bshags par bya ba'o/ /btsun pa dge slong mas bslab pa'i sdom pa stsal ba'i grong nas bca' ba dang bza' ba 'tshal ba na mtshan 'phos te dge slong du gyur na cir 'gyur/ so sor bshags par bya ba'o/ /btsun pa dge slong gis bslab pa'i sdom pa stsal ba'i grong nas stsal bar 'du shes te bca' ba dang bza' ba blangs te 'tshal na cir 'gyur/ so sor bshags par bya ba'o/ /stsal ba la ma stsal bar 'du shes te 'tshal na cir 'gyur/ nyes byas so/ /ma stsal ba la stsal bar 'du shes te 'tshal na cir 'gyur/ nyes byas so/ /ma stsal ba la ma stsal bar 'du shes na cir 'gyur/ nyes pa med do/ /btsun pa dge slong gis bslab pa'i sdom pa stsal ba'i grong mi la mir 'du shes nas bca' ba dang / bza' ba zhig blangs te 'tshal na cir 'gyur/ so sor bshags par bya ba'o/ /mi la mi ma lags par 'du shes na cir 'gyur/ nyes byas so/ /mi ma lags pa la mir 'du shes na cir 'gyur/ nyes byas so/ /mi ma lags pa la mi ma lags par 'du shes na cir 'gyur/ nyes byas su 'gyur ro/ / btsun pa bslab pa stsal bas bslab pa'i sdom pa stsal ba'i grong nas bca' ba dang bza' ba blangs te 'tshal na cir 'gyur/ so sor bshags par bya ba'o/ /btsun pa dge slong mas bslab pa'i sdom pa stsal ba'i grong nas bca' ba dang bza' ba blangs te 'tshal na cir 'gyur/ so sor bshags par bya ba'o/ /dge slob ma dang / dge tshul ma dang / dge tshul pha rnams kyis 'tshal na cir 'gyur/ nyes byas so// //mdor na/ phrin pa spring yig lag brda dang / /gzhan zer ba dang gcig nas gcig /smyon par gyur dang sems 'khrugs dang / /na ba 'on pa 'gro ba'o/ / sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yang dge 'dun dgon pa la gnas par gyur pa na dogs pa dang bcas par 'tshal/ 'jigs pa dang bcas par 'tshal/ 'jigs shing skrag pa dang bcas par 'tshal bzhin du 12-1-234a yang dge slong gis de lta bu dge 'dun dgon pa la gnas shing dogs pa dang bcas par 'tshal/ 'jigs pa dang bcas par 'tshal/ 'jigs shing skrag pa dang bcas par 'tshal bzhin du kun dga' ra ba'i slad rol nas bca' ba dang / bza' ba blangs te/ kun dga' ra ba'i nang na bca' ba dang bza' ba 'tshal na so sor bshags par bgyi'o zhes gsungs na/ btsun pa dge slong gis de lta bur dgon pa la gnas pa na kun dga' ra ba'i slad rol nas bca' ba dang bza' ba blangs te kun dga' ra ba'i nang na bca' ba dang bza' ba phrin gyis blangs te 'tshal na cir 'gyur/ nyes byas so/ /de bzhin du spring yig dang / lag brda dang / gzhan zer ba dang / gcig nas gcig tu brgyud nas blangs te 'tshal na cir 'gyur/ nyes byas so/ /btsun pa dge slong gis de lta bur dgon pa la gnas pa na kun dga' ra ba'i slad rol nas smyon pa zhig las bca' ba dang bza' ba rnams blangs te 'tshal na cir 'gyur/ nyes byas so/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / ma ning dang / ma ning mo dang / mtshan gnyis pa dang / 'gro ba gzhan du gnas pa rnams la kun dga' ra ba'i slad rol nas bca' ba dang bza' ba blangs te zos na thams cad nyes byas su 'gyur ro// //mdor na/ gzhan gyis gzhan phyir de bzhin te/ /sngags dang zas dang mi rung ba/ /rab tu rtogs dang de bzhin du/ /rkun po mtshan dang bzhi pa'o/ /btsun pa dge slong gis de lta bur dgon pa la gnas pa na kun dga'i nang du gzhan gyis bca' ba dang bza' ba blangs te bdag nyid kyis 'tshal na cir 'gyur/ nyes byas so/ /btsun pa dge slong gis de lta bur dgon pa la gnas pa na gzhan dag gi slad du bca' ba dang bza' ba bdag nyid kyis blangs te kun dga'i nang du 'tshal na cir 'gyur/ nyes byas so/ /btsun pa dge slong de lta bur dgon pa la gnas pa na sngags dang sman gyis bdag nyid mi snang bar bsgyur te kun dga'i nang na bca' ba dang bza' ba blangs te 'tshal na cir 'gyur/ nyes byas so/ /btsun pa dge slong gis de lta bur 12-1-234b dgon pa la gnas pa na zas ma gtogs pa'i de las gzhan bca' ba dang / btung ba dang / bzhib pa dang / bldag pa blangs te 'tshal na cir 'gyur/ nyes byas so/ /btsun pa dge slong gis de lta bur dgon pa na gnas pa na kun dga'i nang du mi rung ba'i zas blangs te 'tshal na cir 'gyur/ nyes byas so/ /btsun pa dge slong gis de lta bur dgon pa na gnas pa na kun dga'i nang na bca' ba dang bza' ba blangs te 'tshal kyang nongs par mi 'gyur ba mchis sam/ u pA li yod de/ rab tu yang dag par rtogs pa'i nags su zos na nyes pa med do/ /btsun pa dge slong gis de lta bur dgon pa la gnas pa na yang dag par rtogs pa'i nags dang kun dga'i nang du bca' ba dang bza' ba blangs te 'tshal kyang nongs par mi 'gyur ba mchis sam/ u pA li yod de/ 'di ltar yang dge slong des rkun po'i sde nye bar gnas bzhin du zos na'o/ / btsun pa dge slong gis kun dga'i nang du bca' ba dang bza' ba blangs te 'tshal ba na mtshan 'phos te dge slong mar gyur na cir 'gyur/ so sor bshags par bya ba'o/ /btsun pa dge slong mas kun dga'i nang du bza' ba dang bca' ba blangs te 'tshal ba na mtshan 'phos te dge slong du gyur na cir 'gyur/ so sor bshags par bya ba'o/ /btsun pa dge slong gis rab tu yang dag par rtogs pa la rab tu yang dag par rtogs par 'du shes te bca' ba dang bza' ba blangs te 'tshal na cir 'gyur/ nyes pa med do/ /rab tu yang dag par rtogs pa la rab tu yang dag par ma rtogs par 'du shes na nyes byas su 'gyur ro/ /rab tu yang dag par ma rtogs pa la rab tu yang dag par rtogs par 'du shes te 'tshal na cir 'gyur/ nyes pa med do/ /rab tu yang dag par ma rtogs pa la rab tu yang dag par ma rtogs par 'du shes te 'tshal na cir 'gyur/ so sor bshags par bya ba'o/ /de bzhin du mi la mir 'du shes pa yang brjod par bya'o/ /btsun pa bslab pa stsal bas rab tu yang dag par ma rtogs pa'i nags su bca' ba dang bza' ba blangs te 'tshal na cir 'gyur/ so sor bshags par bya ba'o/ / 12-1-235a btsun pa dge slong mas rab tu yang dag par ma gtogs pa'i gnas kyi kun dga'i nang du bca' ba dang bza' ba blangs te 'tshal na cir 'gyur/ so sor bshags par bya ba'o/ /dge slob ma dang / dge tshul ma dang / dge tshul pha rnams la nyes byas su 'gyur ro/ /'dul ba'i gzhung dam pa las so sor thar pa rnam par 'byed pa'i bslab pa rdzogs s+ho// //mdor na/ dbyibs dang kha dog bar chad dang / /mkhan po gnyis dang sun phyung dang / /gnas dang gang zag gling rnams dang / /sa dang mtshams dang bsnyen par rdzogs/ /lnga pa dang ni las gsum dang / /khyim pa mtha' 'khob tha ma'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis skyes pa bud med 'dra ba rab tu dbyung zhing bsnyen par rdzogs par ma byed cig ces gsungs na/ btsun pa skyes pa mdog bud med 'dra ba/ mtshan ma bud med 'dra ba/ skad bud med 'dra ba/ dbyibs bud med 'dra ba zhig dge slong gi dngos por bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa ni 'das pa dang bcas pa'o/ /btsun pa bud med gcig mdog skyes pa dang 'dra ba/ mtshan ma skyes pa dang 'dra ba/ skad skyes pa dang 'dra ba/ dbyibs skyes pa dang 'dra ba zhig bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa ni 'das pa dang bcas pa'o/ /btsun pa bar chad kyi chos dang ldan pa zhig bdag bar chad kyi chos dang ldan no zhes smra ba'i gang zag de dge slong rnams kyis dge slong gi dngos por bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par ma rdzogs pa zhes bya ste/bsnyen par rdzogs par byed pa ni 'das pa dang bcas pa'o/ /bar chad kyi chos rnams dang ldan pa zhig bdag ni bar chad kyi chos dang mi ldan no zhes smra ba'i gang zag de dge slong rnams kyis 12-1-235b dge slong gi dngos por bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par ma rdzogs pa zhes bya ste/ bsnyen par rdzogs par byed pa rnams kyang 'das pa dang bcas pa'o/ /bar chad kyi chos rnams dang mi ldan pa la bdag ni ldan no zhes smra ba'i gang zag de dge slong dag gis dge slong gi dngos por bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa ni 'das pa dang bcas pa'o/ /bar chad kyi chos rnams dang mi ldan pa bdag mi ldan no zhes smra ba'i gang zag de dge slong rnams kyis dge slong gi dngos por bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par rdzogs pa zhes ni bya ste/ bsnyen par rdzogs par byed pa yang 'das pa dang bcas par mi 'gyur ro/ /btsun pa bsnyen par rdzogs par bgyid pas bar chad kyi chos rnams ma dris par bsnyen par rdzogs par bgyid na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa ni 'das pa dang bcas par 'gyur ro/ /btsun pa lo nyi shur ma lags pa bsnyen par rdzogs par bgyis na bsnyen par rdzogs pa zhes bgyi'am/ u pA li shes par nus pa ma gtogs par lhag ma rnams ni bsnyen par rdzogs pa zhes bya'o/ /btsun pa lhung bzed ma mchis/ chos gos ma mchis par bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa ni 'das pa dang bcas pa'o/ /btsun pa pha dang mas ma gnang bar bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa ni 'das pa dang bcas pa'o/ /btsun pa pha dang mas ma gnang bar bsnyen par rdzogs par bgyis kyang nongs par mi 'gyur ba mchis sam/ u pA li yod de/ de'i pha dang ma dus las 'das par gyur tam/ byol 12-1-236a song du gyur tam/ jo bos gnang bar gyur pa'o/ /btsun pa bu skal zhig na de gang la gsol/ gang gi bu yin par khas blangs pa'o/ /btsun pa bran bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa ni 'das pa dang bcas pa'o/ /btsun pa brkus pa dang / rnyed brtson dang / rgyal po la gces pa dang / rgyal po dang 'khon pa dang / rgyal po la gnod pa'i las byed pa bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa ni 'das pa dang bcas pa'o/ /btsun pa za ma bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par ma rdzogs pa zhes bya ste/ bsnyen par rdzogs par byed pa yang 'das pa dang bcas pa'o/ /btsun pa ma ning bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par ma rdzogs pa zhes bya ste/ bsnyen par rdzogs par byed pa ni 'das pa dang bcas pa'o/ /btsun pa dge slong ma sun phyung ba bsnyen par rdzogs par bgyis na bsnyen par rdzogs pa zhes bgyi'am/ u pA li kha cig ni bsnyen par rdzogs pa zhes bya'o/ /kha cig ni bsnyen par ma rdzogs pa ste/ gang gis dge slong ma la mi tshangs par spyad pas sun phyung bar gyur pa 'di ni bsnyen par ma rdzogs pa zhes bya ste/ nye bar gnas na yang mig lam na yang mi snang bar byos shig /gang gis dge slong ma lus la reg pa tsam gyis sun phyung bar gyur pa ni bsnyen par rdzogs pa zhes bya ste/ ma bskrad cig /btsun pa ma bsad pa'i gang zag bsnyen par rdzogs par bgyis na bsnyen par rdzogs pa zhes bgyi'am/ u pA li kha cig ni bsnyen par rdzogs pa zhes bya'o/ /kha cig ni bsnyen par ma rdzogs pa ste/ gang gis gzhan du 'du shes nas ma 'tsho ba dang phral bar gyur tam/ gzhan du sbyor ba yang rung ste/ 12-1-236b 'di ni bsnyen par rdzogs pa zhes bya ste/ nye bar gnas na yang mig lam na mi snang bar ma byed cig /gang gis shes bzhin du ma'i 'tsho ba dang phral bar gyur pa 'di ni bsnyen par ma rdzogs pa zhes bya ste/ nye bar gnas na mig lam na snang bar ma byed cig /ji ltar ma bsad pa de bzhin du pha bsad pa dang / dgra bcom pa bsad pa la yang brjod par bya'o/ /btsun pa dge 'dun gyi dbyen bgyis pa'i gang zag gis bslab pa phul te nyams par bgyis pa dang / des slar yang legs par gsungs pa'i chos 'dul ba la dad de rab tu byung nas bsnyen par rdzogs te dge slong gi dngos por 'tshal ba de dge slong gis bsnyen par rdzogs par bgyis na bsnyen par rdzogs pa zhes bgyi'am/ u pA li kha cig ni bsnyen par rdzogs pa zhes bya'o/ /kha cig ni bsnyen par ma rdzogs pa ste/ gang gis chos ma yin par 'du shes pas dge 'dun phye bar gyur pa 'di ni bsnyen par ma rdzogs pa zhes bya ste/ nye bar gnas na yang mig lam na mi snang bar byos shig /gang gis chos su 'du shes te dge 'dun phye bar gyur pa 'di ni bsnyen par rdzogs pa zhes bya ste/ nye bar gnas na yang mig lam na mi snang bar ma byed cig /btsun pa de bzhin gshegs pa la ngan sems kyis khrag phyung ba bsnyen par rdzogs par bgyis na bsnyen par rdzogs pa zhes bgyi'am/ u pA li kha cig ni bsnyen par rdzogs pa zhes bya'o/ /kha cig ni bsnyen par ma rdzogs pa zhes bya'o/ /gang gis de bzhin gshegs pa la shes bzhin du ngan sems kyis khrag phyung bar gyur pa 'di ni bsnyen par ma rdzogs pa zhes bya ste/ nye bar gnas na yang mig lam na yang mi snang bar byos shig /gang gis de bzhin gshegs pa la shes bzhin ma yin par ngan sems med pas khrag phyung bar gyur na 'di ni bsnyen par rdzogs pa zhes bya ste/ nye bar gnas na yang mig lam na mi snang bar ma byed cig /btsun pa mu stegs can bsnyen par rdzogs par bgyis na bsnyen par rdzogs pa zhes bgyi'am/ kha cig ni bsnyen 12-1-237a par rdzogs pa zhes bya'o/ /kha cig ni bsnyen par ma rdzogs pa ste/ gang des lta ba ma spangs pa 'di ni bsnyen par ma rdzogs pa zhes bya ste/ nye bar gnas pa na mig lam na mi snang bar byos shig /de ste des lta ba spangs na bsnyen par rdzogs pa zhes bya ste/ nye bar gnas na mig lam na mi snang bar ma bya zhig /btsun pa mu stegs can du song ba'i gang zag bsnyen par rdzogs par bgyis na bsnyen par rdzogs pa zhes bgyi'am/ kha cig ni bsnyen par rdzogs pa zhes bya'o/ /kha cig ni bsnyen par ma rdzogs pa zhes bya ste/ gang gis bslab pa ma phul bar mu stegs can gyi rgyal mtshan bzung bar gyur la/ de'i lta ba la yang dga' ba 'di ni bsnyen par ma rdzogs pa zhes bya ste/ nye bar gnas na yang mig lam na yang mi snang bar byos shig /gang gis bslab pa phul la mu stegs kyi rgyal mtshan bzung bar gyur nas kyang de'i lta ba la yang mi dga' bar gyur pa de ni bsnyen par rdzogs pa zhes bya ste/ nye bar gnas na yang mig lam na mi snang bar ma bya zhig /btsun pa rku thabs su gnas pa bsnyen par rdzogs par bgyis na bsnyen par rdzogs pa zhes bgyi'am/ kha cig ni bsnyen par ma rdzogs pa'o/ /kha cig ni bsnyen par rdzogs pa zhes bya ste/ gang gis brku sems kyis rang gi mtshan ma blangs te/ lan gnyis lan gsum du gso sbyong gi las nyams su myong bar gyur pa 'di ni bsnyen par ma rdzogs pa zhes bya ste/ nye bar gnas na'ang mig lam na mi snang bar byos shig /gang gis brku sems kyis rab tu ma byung la gso sbyong gi las lan gcig myong ngam ma myong bar gyur pa 'di ni bsnyen par rdzogs pa zhes bya ste/ nye bar gnas na yang mig lam na mi snang bar ma bya zhig /btsun pa so sor gnas pa'i gang zag bslab pa phul nas khyim pa'i dngos por mchis pa las de slar legs par gsungs pa'i chos 'dul ba la bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par rdzogs pa zhes ni bya ste/ bsnyen par rdzogs par byed pa ni 'das 12-1-237b pa dang bcas pa'o/ /btsun pa sngar nongs pa byung ba bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par ma rdzogs pa zhes bya ste/ bsnyen par rdzogs par byed pa yang 'das pa dang bcas pa'o/ /btsun pa ji tsam gyis na sngar nongs pa byung ba zhes bgyi/ /u pA li gang gis sngar rab tu byung la bslab pa ma phul bar phas pham pa bzhi las gang yang rung ba'i phas pham pa byung bar gyur pa dang / des bslab pa ma phul nas khyim pa'i dngos por song ba las des slar yang legs par gsungs pa'i chos 'dul ba la rab tu byung bsnyen par rdzogs nas dge slong gi dngos por 'dod pa 'di ni sngon nyes pa byung ba'i gang zag ces bya'o/ /btsun pa bcom ldan 'das kyis sngon nongs pa byung ba'i gang zag bsnyen par rdzogs par ma bya zhig ces gsungs na/ btsun pa sngon nongs pa byung ba'i gang zag bsnyen par rdzogs par bgyis na bsnyen par rdzogs par 'gyur ba mchis sam/ u pA li yod de/ 'di ltar yang des dge slong ma thun mong ma yin pa'i phas pham par gyur pa dang / des bslab pa phul te khyim pa'i dngos por song na der mtshan 'phos te skyes par gyur nas legs par gsungs pa'i chos 'dul ba la rab tu byung zhing bsnyen par rdzogs te dge slong gi dngos por 'dod pa dang / dge slong gis bsnyen par rdzogs par byas na 'di ni bsnyen par rdzogs pa zhes bya'o/ /btsun pa bcom ldan 'das kyis dge slong ma lan gcig slar babs pa rab tu dbyung zhing bsnyen par rdzogs par ma bya zhig ces gsungs na/ de ste btsun pa bsnyen par rdzogs par bgyis na bsnyen par rdzogs pa zhes bgyi'am/ bsnyen par ma rdzogs pa zhes bgyi/ bsnyen par ma rdzogs pa zhes bya ste/ bsnyen par rdzogs par byed pa yang 'das pa dang bcas pa'o/ /btsun pa sngar 'khrugs pa'i gang zag bsnyen par rdzogs par bgyis na bsnyen par rdzogs pa zhes bgyi'am/ bsnyen par ma rdzogs pa zhes bgyi/ kha cig ni bsnyen par rdzogs pa zhes bya/ kha cig ni bsnyen par ma rdzogs pa zhes 12-1-238a bya ste/ gang gis lo nyi shur ma lon par shes pa dang / des chos dang 'dul ba 'di yin zhes khas blangs pa'i gang zag de dge slong gis bsnyen par rdzogs par byas na 'di ni bsnyen par rdzogs pa zhes bya ste/ bsnyen par rdzogs par byed pa de ni 'das pa dang bcas par mi 'gyur ro/ /btsun pa nye bar phyogs pas bslab pa phul te khyim pa'i dngos por mchis nas legs par gsungs pa'i chos 'dul ba la bsnyen par rdzogs par bgyis na/ bsnyen par rdzogs pa zhes bgyi'am/ u pA li bsnyen par ma rdzogs pa zhes bya ste/ bsnyen par rdzogs par byed pa ni 'das pa dang bcas pa'o/ /btsun pa bslab pa stsal bas bslab pa phul te khyim pa'i dngos por mchis pa las/ de slar legs par gsungs pa'i chos 'dul ba la rab tu byung zhing bsnyen par rdzogs te dge slong gi dngos por 'tshal ba dang de dge slong gis bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa ni 'das pa dang bcas pa'o/ /btsun pa bu lon chags pa bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa ni 'das pa dang bcas pa'o/ /btsun pa nad pa bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa ni 'das pa dang bcas pa'o/ /btsun pa mkhan po ma mchis par bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa ni 'das pa dang bcas pa'o/ /btsun pa bsnyen par rdzogs kar mkhan po spong na bsnyen par rdzogs pa zhes bgyi'am/ u pA li kha cig ni bsnyen par rdzogs pa zhes bya'o/ /kha cig ni bsnyen par ma rdzogs pa zhes bya ste/ gang gis dge slong nyid la mi rigs 12-1-238b pa'o/ /ngo tsha med pa'o/ /'dzem pa med pa'o zhes smod cing mkhan po spong ba 'di ni bsnyen par ma rdzogs pa zhes bya'o/ /gang gis mkhan po la mi rigs pa'o/ /ngo tsha med pa'o zhes smod kyis dge sbyong nyid la ma yin pa mkhan po spangs pa 'di ni bsnyen par rdzogs pa zhes bya'o/ /btsun pa bcom ldan 'das kyis 'khor sun 'byin pa'i gang zag rab tu dbyung zhing bsnyen par rdzogs par ma bya zhig ces gsungs na/ btsun pa des bsnyen par rdzogs par bgyis na bsnyen par rdzogs pa zhes bgyi'am/ u pA li 'khor sun 'byin pa bzhi ste/ sngar 'khrugs pa ma gtogs pa'i lhag ma rnams ni bsnyen par rdzogs pa zhes bya ste/ bsnyen par rdzogs par byed pa ni 'das pa dang bcas pa'o/ /btsun pa las bgyid pa phyogs gcig tu mchis la gnas bzhir gang zag bzhi bsnyen par rdzogs par bgyid du gnang ngam/ gnang ste/ de yang 'di ltar las byed pa'i dge slong gnas bzhi char gyi mtshams su shing ngam/ khar ba'am/ re lde rnams kyis mnan te re re nas sam/ gnyis gnyis nas sam/ gsum gsum nas bsnyen par rdzogs par bya ste/ bzhir ma tshang na'o/ /btsun pa las gcig gis gnyis sam gsum bsnyen par rdzogs par gnang ngam/ u pA li gnang ngo/ /btsun pa las bgyid pa'i dge slong phyogs gcig tu mchis na gsol ba gcig dang las gcig gis gang zag bzhi bsnyen par rdzogs par bgyis na las kyang bgyis la dge slong de dag kyang 'das pa dang bcas par mi 'gyur ba mchis sam/ u pA li yod de/ 'di ltar yang las byed pa'i dge slong gis mtshams mnan te/ mtshams su gnas sam/ mtshams su 'greng ngam/ mtshams su 'dug nas/ gnyis ni mtshams kyi nang du bzhag gnyis ni mtshams kyi phyi rol du bzhag ste las byed pa'o/ /btsun pa nub kyi ba lang spyod pa'am/ shar gyi lus 'phags kyi gang zag bsnyen par rdzogs par bgyis na bsnyen par rdzogs 12-1-239a pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa ni 'das pa dang bcas pa'o/ /btsun pa byang gi sgra mi snyan gyi gang zag bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par ma rdzogs pa zhes bya ste/ bsnyen par rdzogs par byed pa yang 'das pa dang bcas pa'o/ /btsun pa dog sa la mchis pas grangs su bskangs te nam mkha' la mchis pa bsnyen par rdzogs par gnang ngam/ u pA li mi gnang ngo / /btsun pa nam mkha' la mchis pas grangs su bskangs te dog sa la mchis pa bsnyen par rdzogs par gnang ngam/ u pA li mi gnang ngo / /btsun pa dog sa la mchis pa'i las bgyid pas nam mkha' la mchis pa'i las bgyid par gnang ngam/ u pA li mi gnang ngo / /btsun pa nam mkha' la mchis pa'i las bgyid pas dog sa la mchis pa'i las bgyid du gnang ngam/ u pA li mi gnang ngo / /de bzhin du mtshams kyi nang na 'dug pa dang / mtshams kyi phyi rol na 'dug pa yang bzhir bya'o// //'dul ba gzhung dam pa/bam po bcu drug pa/ btsun pa bcom ldan 'das kyis ljongs mtha' 'khob tu 'dul ba 'dzin pa dang lngas bsnyen par rdzogs par byos shig ces gsungs na/ btsun pa bcur yang mchis la/ mchis bzhin du 'dul ba 'dzin pa dang bzhis bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa rnams ni 'das pa dang bcas pa'o/ /btsun pa bcom ldan 'das kyis ljongs kyi dbus su 'dul ba 'dzin pa dang grangs bcus lhag pa yang rung bas bsnyen par rdzogs par 'gyur ro zhes gsungs na/ btsun pa grangs nyi shu'am lhag par kyang rung ste/ mchis bzhin pa las grangs nyi shu las nyung bas bsnyen par rdzogs par bgyis na bsnyen par rdzogs pa zhes bgyi'am/ bsnyen par ma rdzogs pa zhes bgyi/ u 12-1-239b pA li bsnyen par rdzogs pa zhes bya ste/ bsnyen par rdzogs par byed pa rnams ni 'das pa dang bcas pa'o/ /btsun pa bcom ldan 'das kyis rnam pa lngas ni bsnyen par rdzogs pa zhes bya ste/ bsnyen par rdzogs par 'dod pa'i ming nas brjod nas las mi nyams par byed pa'i bar du'o zhes gsungs na/ btsun pa las bgyid pas bsnyen par rdzogs par bgyid pa na bsnyen par rdzogs par 'tshal ba'i ming nas ma brjod la/ mkhan po'i ming nas brjod/ dge 'dun gyi ming nas brjod/ gsol ba yang bgyis/ las kyang ma nyams na bsnyen par rdzogs pa zhes bgyi'am/ u pA li bsnyen par ma rdzogs pa zhes bya ste/ bsnyen par rdzogs par byed pa rnams kyang 'das pa dang bcas pa'o/ /bsnyen par rdzogs par 'tshal ba'i ming nas brjod/ dge 'dun gyi ming nas brjod la/ mkhan po'i ming nas ma brjod/ gsol ba yang bgyis/ las kyang ma nyams na bsnyen par rdzogs pa zhes bgyi'am/ u pA li bsnyen par ma rdzogs pa zhes bya ste/ bsnyen par rdzogs par byed pa rnams kyang 'das pa dang bcas pa'o/ /bsnyen par rdzogs par 'tshal ba'i ming nas brjod/ mkhan po'i ming nas brjod de/ dge 'dun gyi ming nas ma brjod la/ gsol ba ni bgyis/ las kyang ma nyams na bsnyen par rdzogs pa zhes bgyi'am/ u pA li bsnyen par ma rdzogs pa zhes bya ste/ bsnyen par rdzogs par byed pa rnams kyang 'das pa dang bcas pa'o/ /bsnyen par rdzogs par 'tshal ba'i ming nas brjod/ mkhan po'i ming nas brjod/ dge 'dun gyi ming nas kyang brjod/ gsol ba ni ma bgyis la/ las kyang ma nyams na bsnyen par rdzogs pa zhes bgyi'am/ u pA li bsnyen par ma rdzogs pa zhes bya ste/ bsnyen par rdzogs par byed pa rnams kyang 'das pa dang bcas pa'o/ /bsnyen par rdzogs par 'tshal ba'i ming nas brjod/ mkhan po'i ming nas brjod/ dge 'dun gyi ming nas brjod/ gsol ba yang bgyis la/ las ni nyams na bsnyen par rdzogs pa zhes 12-1-240a bgyi'am/ u pA li bsnyen par ma rdzogs pa zhes bya ste/ bsnyen par rdzogs par byed pa rnams kyang 'das pa dang bcas pa'o/ /btsun pa dge tshul pha dge slong ma'i las kyis bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa rnams ni 'das pa dang bcas pa'o/ /btsun pa dge slob ma dge slong gi las kyis bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa rnams ni 'das pa dang bcas pa'o/ /btsun pa las bgyid pa bsnyen par rdzogs par bgyid pa'i tshe dus las 'das na bsnyen par rdzogs pa zhes bgyi'am/ u pA li de ste las mang du byas par gyur na ni bsnyen par rdzogs pa zhes bya'o/ /btsun pa bsnyen par rdzogs kar ngag gcog cing bdag bsnyen par rdzogs par ma bgyi shig ces slar smra na bsnyen par rdzogs pa zhes bgyi'am/ u pA li bsnyen par ma rdzogs pa zhes bya ste/ bsnyen par rdzogs par byed pa rnams ni 'das pa dang bcas pa'o/ /btsun pa bsnyen par rdzogs kar khyim pa lags par 'tshal na bsnyen par rdzogs pa zhes bgyi'am/ bsnyen par ma rdzogs pa zhes bgyi/ ma rdzogs pa zhes bya ste/ bsnyen par rdzogs par byed pa rnams ni 'das pa dang bcas pa'o/ /btsun pa mtha' 'khob pa 'phags pa'i skad du bsnyen par rdzogs par bgyis pa dang / mtha' 'khob pa des kyang 'phags pa'i skad ma 'tshal na bsnyen par rdzogs pa zhes bgyi'am/ de ste gsung rab 'di dang ldan zhing rab tu ldan la khas len pa'i sems yod na bsnyen par rdzogs pa zhes bya ste/ bsnyen par rdzogs par byed pa rnams ni mi bya ba mngon par spyad de bsnyen par rdzogs par byas pas 'das pa dang bcas par 'gyur ro// //mdor na/ smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms par zhugs dang 'gro ba mtshan/ / 12-1-240b btsun pa smyon pa bsnyen par rdzogs par bgyis na bsnyen par rdzogs pa zhes bgyi'am/ u pA li de ste bsnyen par rdzogs pa'i 'du shes yod la lus sam tshig gis dmigs pas khas blangs na bsnyen par rdzogs pa zhes bya'o/ /ji ltar smyon pa bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams kyang rgyas par brjod par bya'o/ /btsun pa gnyid log pa bsnyen par rdzogs par bgyis na bsnyen par rdzogs pa zhes bgyi'am/ u pA li de ste lus dang tshig gis dmigs la gsol ba dang las byed pa'i tshe gnyid kyis log kyang bsnyen par rdzogs pa zhes bya'o/ /ji ltar gnyid kyis log pa de bzhin du ra ro ba dang / snyoms par zhugs pa rnams la yang brjod par bya'o/ /btsun pa 'gro ba gzhan du gnas pa bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par ma rdzogs pa zhes bya ste/ bsnyen par rdzogs par byed pa rnams ni 'das pa dang bcas pa'o/ /btsun pa bsnyen par rdzogs kar mtshan 'phos na bsnyen par rdzogs pa zhes bgyi'am/ bsnyen par rdzogs pa zhes bya ste/ dge slong ma'i nang du spos shig/ //mdor na/ smyon par gyur dang sems 'khrugs dang / /na ba 'on pa glen pa dang / /khyim pa dag la sogs pa rnams/ /bslab pa byin dang de ltar mtshan/ /btsun pa las bgyid pa'i smyon pas bsnyen par rdzogs par bgyis na bsnyen par rdzogs pa zhes bgyi'am/ u pA li gal te las byed pa'i dge slong gis dge 'dun gyi 'du shes dang ldan zhing gsol ba byas la las kyang ma nyams na bsnyen par rdzogs pa zhes bya ste/ bsnyen par rdzogs par byed pa rnams ni 'das pa dang bcas pa'o/ /de bzhin du sems 'khrugs pa dang / nad kyis gzir ba dang / lkugs pa dang / 'on pa dang / de bzhin du ra ro ba rnams la yang brjod par bya'o/ /btsun pa las bgyid pa khyim pas bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par 12-1-241a ma rdzogs pa zhes bya ste/ bsnyen par rdzogs par byed pa rnams ni 'das pa dang bcas pa'o/ /de bzhin du ma ning dang / dge slong ma sun phyung ba dang / pha dang ma dang dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar nyes pa byung ba dang / sngar 'khrugs pas las bgyid na bsnyen par rdzogs pa zhes bgyi'am/ u pA li bsnyen par ma rdzogs pa zhes bya ste/ bsnyen par rdzogs par byed pa rnams kyang 'das pa dang bcas pa'o/ /btsun pa las bgyid pa za mas bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par ma rdzogs pa zhes bya ste/ bsnyen par rdzogs par byed pa rnams kyang 'das pa dang bcas pa'o/ /btsun pa las bgyid pa dge 'dun gyi dbyen bgyis pa dang / nye bar phyogs pa dang / bslab pa stsal ba rnams kyis bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par ma rdzogs pa zhes bya ste/ bsnyen par rdzogs par byed pa rnams ni 'das pa dang bcas pa'o/ btsun pa las bgyid pa 'gro ba gzhan du gnas pas bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par ma rdzogs pa zhes bya ste/ bsnyen par rdzogs par byed pa rnams ni 'das pa dang bcas pa'o/ /btsun pa bsnyen par rdzogs par bgyid pa na las bgyid pa'i mtshan 'phos na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa rnams ni 'das pa dang bcas pa'o// //mdor na/ smyon pa sems 'khrugs na ba dang / /'on pa glen pa gnyid log dang / /ra ro ba dang myos pa dang / /snyoms par zhugs dang 'gro ba mtshan/ /khyim pa dag la sogs pa rnams/ /bslab pa byin pa tha ma'o/ /btsun pa mkhan po smyon pas bsnyen par rdzogs par bgyis 12-1-241b na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa rnams ni 'das pa dang bcas pa'o/ /de bzhin du mkhan po sems 'khrugs pa dang / nad kyis gzir ba nas/ snyoms par zhugs pa'i bar rnams so/ / btsun pa mkhan po 'gro ba gzhan du gnas pas bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa rnams ni 'das pa dang bcas pa'o/ /btsun pa dge tshul pha bsnyen par rdzogs par bgyid pa na mkhan po'i mtshan 'phos na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa rnams ni 'das pa dang bcas pa'o/ /btsun pa mkhan po khyim pas bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa ni 'das pa dang bcas pa'o/ /de bzhin du mkhan po za ma dang / ma ning nas rgyas par bslab pa stsal ba'i bar du de rnams kyis bsnyen par rdzogs par bgyis na bsnyen par rdzogs pa zhes bgyi'am/ u pA li bsnyen par rdzogs pa zhes bya ste/ bsnyen par rdzogs par byed pa rnams ni 'das pa dang bcas pa'o/ /'dul ba gzhung dam pa las bsnyen par rdzogs pa'i dngos po rdzogs s+ho// //mdor na/ phyed dang gsum dang bskor ba dang / /bzhi pa dang ni mtshams dang mtshan/ /zhig dang snga ma mtshams dang shing / /dbyung dang mi rung khyim pa dang / /dbyung ba tha ma smras pa'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis mtshams chen po chod cig ces gsungs na/ btsun pa mtshams chen po tshad ji tsam/ u pA li dpag tshad phyed dang gsum mo/ /de tshun chad ni thams cad kyang chung ngu ste/ dkyil 'khor gang du grangs bzhi bcu bskor b.rashong ba'o/ /btsun pa dpag tshad phyed 12-1-242a dang gsum las 'das par mtshams bkum na de mtshams zhes bgyi'am/ u pA li ma yin te/ dpag tshad phyed dang gsum ni mtshams so/ /de las 'das pa ni mtshams ma yin no/ /de ste mtshams bcad na yang ma bcad pa zhes bya'o/ /dge slong rnams kyang 'das pa dang bcas pa ste/ de bzhin du thams cad shes par bya'o/ /btsun pa 'og gi mtshams gang lags/ u pA li chu yod pa'i bar du'o/ /btsun pa dpag tshad phyed dang gsum las 'das pa na chab mchis na de mtshams zhes bgyi'am/ u pA li ma yin te/ dpag tshad phyed dang gsum ni mtshams so/ /de man chad ni mtshams ma yin no/ /btsun pa steng gi nam mkha' la mtshams gang lags/ u pA li ji tsam rtsig rgal lam shing gi rtse mo yod pa'o/ /btsun pa dpag tshad phyed dang gsum las 'das pa na rtsig rgal lam shing gi rtse mo mchis na de mtshams zhes bgyi'am/ u pA li ma yin te/ dpag tshad phyed dang gsum ni mtshams zhes bya'i/ de yan chad ni mtshams ma yin no/ /btsun pa ri'i rtse mo'i mtshams gang lags/ u pA li chu mig yod pa'o/ /btsun pa dpag tshad phyed dang gsum las 'das pa na chab mig mchis na de mtshams zhes bgyi'am/ u pA li ma yin te/ dpag tshad phyed dang gsum ni mtshams so/ /de yan chad ni mtshams ma yin no/ /btsun pa mtshams la yang mtshams kyis bskor bar gnang ngam/ u pA li mi gnang ste/ rgyang grags kyi mtshams dang / rtsig pa'i mtshams dang / chus bskor ba'i dkyil 'khor ni ma gtogs so/ /btsun pa las bgyid pa 'phags pas 'phags pa'i skad du mtshams bkum pa dang / dge slong de dag gis 'phags pa'i skad ma 'tshal na mtshams bkum pa zhes bgyi'am/u pA li mtshams bcad pa zhes bya ste/ las byed pa ni 'das pa dang bcas pa'o/ /btsun pa 'phags pas mtha' 'khob pa'i skad du mtshams bkum pa dang / dge slong de dag gis 12-1-242b mtha' 'khob pa'i skad ma 'tshal na mtshams bkum pa zhes bgyi'am/ u pA li bcad pa zhes bya ste/ las byed pa ni 'das pa dang bcas pa'o/ /btsun pa mtha' 'khob pas mtha' 'khob pa'i skad du mtshams bkum pa dang / dge slong de dag gis mtha' 'khob pa'i skad ma 'tshal na mtshams bkum pa zhes bgyi'am/ u pA li mtshams bcad pa zhes bya ste/ las byed pa ni 'das pa dang bcas pa'o/ /btsun pa mtha' 'khob pas 'phags pa'i skad du mtshams bkum pa dang / dge slong de dag gis 'phags pa'i skad ma 'tshal na mtshams bkum pa zhes bgyi'am/ u pA li mtshams bcad pa zhes bya ste/ las byed pa ni 'das pa dang bcas pa'o/ /btsun pa steng gi nam mkha' la mtshams dgum par rung ngam/ u pA li mi rung ste/ u pA li de ci'i phyir zhe na/ mtshams bstan du med pa'i phyir ro/ /btsun pa nyi ma dang zla ba dang skar mas mtshams dgum du rung ngam/ u pA li mi rung ngo / /u pA li de ci'i phyir zhe na/ de ni 'di ltar nyi ma dang / zla ba dang / skar ma ni mi brtan zhing g.yo ba'i phyir ro/ /btsun pa chu rlabs dang / chu rlabs kyi rgyud dam/ klung gi 'gram du mtshams dgum du rung ngam/ u pA li mi rung ngo / /u pA li de ci'i phyir zhe na/ de ni 'di ltar chu rlabs dang / chu rlabs kyi rgyud dang / klung gi 'gram ni g.yo zhing mi brtan pa'i phyir ro/ /btsun pa de ste klung gi 'gram brtan par gyur na mtshams dgum du rung ngam/ u pA li mi rung ngo / /btsun pa rdzu 'phrul lam sgyu mas mtshams dgum du rung ngam/ u pA li mi rung ngo / /u pA li de ci'i phyir zhe na/ de ni 'di ltar rdzu 'phrul dang sgyu ma ni tha snyad du mi 'dogs pa'i phyir ro/ /btsun pa klung ngam/ yur ba las mtshams bzlar rung ngam/ u pA li mi rung ste/ de klung ngam yur chu rtag tu mi 'bab par gyur pa'o/ /btsun pa rtag tu 'bab pa'i chu gting zab pa las mtshams bzla bar rung ngam/ u pA li rung ste/ 'di ltar yang klung dang yur chu de las shing ngam rtsig pa 'am re lde rnams kyis bkab par gyur 12-1-243a pa'o/ /btsun pa de ste shing ngam re lde 'jig pa'i chos su gyur na zhig pa zhes bgyi'am/ de ste sbyor ba btang na zhig pa zhes bya'o/ /'on te slar dgab par sbyor ba ma btang na ma zhig pa zhes bya'o/ /btsun pa las bgyid pa mtshams gcod pa na mtshan gyur na mtshams bcad pa zhes bgyi'am/ u pA li mtshams bcad pa zhes bya'o/ /btsun pa mtshams kyis mtshams dgrol du rung ngam/ u pA li rgyang grags kyi mtshams dang / rtsig pa'i mtshams ma gtogs pa gzhan mi rung ngo / /btsun pa mtshams 'jig pa rnam pa du mchis/ u pA li lnga ste/ mtshams med pa dang / dge slong med pa dang / re ba med pa dang / gsol ba dang / las dang lnga yin no/ /btsun pa sngon gyi mtshams ma bkrol bar mtshams gzhan dgum du rung ngam/ u pA li rgyang grags kyi mtshams dang / rtsig pa'i mtshams dang / dkyil 'khor gyi mtshams ma gtogs par mi rung ngo / /u pA li de ci'i phyir zhe na/ gsol ba dang las kyis mtshams bcad do/ /gsol ba dang las kyis mtshams dgrol lo/ /btsun pa mtshams bkum pas mtshams dgrol ba'am/ mtshams bkrol bas mtshams bkum par 'gyur ba mchis sam/ u pA li yod de/ las kyis mtshams bcad na rgyang grags dang / rtsig pa'i mtshams dgrol ba zhes bya'o/ /las kyis mtshams bkrol na rgyang grags kyi mtshams dang / rtsig pa'i mtshams bcad pa zhes bya'o/ /btsun pa mchi ba'i rjes su mchi ba gang u pA li mtshams so/ /btsun pa mchis pa'i rjes su mchis pa gang / u pA li mtshams so/ /btsun pa gnas bzhi 'am/ lnga 'am/ de las mang yang rung shing gcig gis mtshams dgum par rung ngam/ u pA li rung ste/ ji tsam du mtshams bsgrags shing gzhag par nus pa'i bar du'o/ /btsun pa mtshams nas mtshams spo bar rung ngam/u pA li mi rung ste/ rgyang grags kyi mtshams dang / rtsig pa'i mtshams ni ma gtogs so/ /btsun pa spo mi 'tshal ba'i mtshams du/ u pA li gcig ste/ las kyi 12-1-243b mtshams sam chu mig gam khron pa'o/ /btsun pa rung ba'i sa dang / mi rung ba'i sa'o zhes bgyi na/ btsun pa rung ba'i sa gang lags u pA li gnas gang na mtshams kyi nang na rung ba'i gnas su byin gyis brlabs par gyur pa 'di ni rung ba'i sa zhes bya'o/ /btsun pa mi rung ba'i sa gang lags/ u pA li mtshams kyi nang du rung ba'i gnas byin gyis ma rlabs par gyur pa 'di ni mi rung ba'i sa zhes bya'o/ /u pA li dam pa'i chos yod pa'i bar du mi rung ba'i sa yang yod do/ /u pA li dam pa'i chos med par gyur na thams cad kyang rung ba'i sa'o/ /btsun pa ji tsam gyis na dam pa'i chos mchis pa zhes bgyi/ u pA li gang gi tshe nan tan byed pa rnams nan tan byed cing las kyang byed de nan tan du bya bas nan tan byed la las kyang byed pa'i bar du ni dam pa'i chos yod pa zhes bya'o/ /btsun pa ji tsam gyis na dam pa'i chos ma mchis par gyur pa zhes bgyi/ u pA li gang gi tshe nan tan byed pa rnams ni nan tan mi byed cing las kyang mi byed de nan tan byed pas nan tan mi byed la las kyang mi byed pa'i tshe/ dam pa'i chos med par gyur pa zhes bya'o/ /btsun pa las bgyid pa khyim pas mtshams bkum na mtshams bkum pa zhes bgyi'am/ u pA li ma yin no/ /de bzhin du las byed pa za ma dang ma ning dang / dge slong ma sun phyung ba dang / pha dang / ma dang dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / sngar 'khrugs pa rnams kyis mtshams bkum na mtshams bkum pa zhes bgyi'am/ u pA li ma yin no/ /btsun pa las bgyid pa dge 'dun gyi dbyen bgyis pa dang / nye bar phyogs pa dang / bslab pa stsal ba rnams kyis mtshams bkum na mtshams bkum pa zhes bgyi'am/ u pA li mtshams bcad pa zhes ni bya la/ dge 'dun rnams ni 'das pa dang bcas pa'o/ /btsun pa las bgyid pa smyon pas mtshams 12-1-244a bkum na mtshams bkum pa zhes bgyi'am/ u pA li de ste dge slong gi 'du shes dang ldan la mtshan ma rnams kyang ston nus shing gsol ba yang byas te las ma nyams na mtshams bcad pa zhes bya'o/ /de bzhin du las byed pa sems 'khrugs pa dang / nad kyis gzir ba dang / glen pa dang / 'on pa rnams kyang brjod par bya'o/ /btsun pa las byed pa 'gro ba gzhan du gnas pas mtshams bkum na mtshams bkum pa zhes bgyi'am/ u pA li ma yin no/ /btsun pa mtshams bkum pa na las bgyid pa'i dge slong dus las 'das na mtshams bkum pa zhes bgyi'am/ u pA li de ste mtshams bsgrags par yang rtogs la/ las kyang mang du byas par gyur na mtshams bcad pa zhes bya'o/ /u pA li de ste mtshams bsgrags par yang ma rtogs la las kyang mang du ma byas par gyur na mtshams ma bcad pa zhes bya'o/ /de bzhin du khyim pa yin par shes pa dang / ma ning yin pa dang / dge slong ma sun phyung ba dang / pha dang ma dang / dgra bcom pa bsad pa dang / de bzhin gshegs pa la ngan sems kyis khrag phyung ba yin pa dang / mu stegs can dang / mu stegs can du song ba yin pa dang / rkun gnas dang / mi gnas pa yin pa dang / so sor gnas pa yin pa dang / sngar nyes pa byung ba yin pa dang / sngar 'khrugs pa yin par shes pa nas/ de bzhin du 'gro ba gzhan du gnas pa bdag nyid yin par shes pa'ang rgyas par brjod par bya'o/ /btsun pa mtshams 'gums pa na dge 'dun gyi dbyen bgyis par 'tshal ba dang nye bar phyogs pa dang / bslab pa stsal ba lags par 'tshal na mtshams bkum pa zhes bgyi'am/ u pA li mtshams bcad pa zhes bya ste/ dge 'dun ni 'das pa dang bcas pa'o/ / btsun pa khyim pas grangs su bskangs te mtshams bkum na mtshams bkum pa zhes bgyi'am/ u pA li ma yin no/ /de bzhin du ma ning nas sngar 'khrugs pa rnams kyi bar du de dag gis grangs su bskangs te mtshams bkum na mtshams bkum pa zhes bgyi'am/ u pA li 12-1-244b ma yin no/ /btsun pa dge slong za mas grangs su bskangs te mtshams bkum na mtshams bkum pa zhes bgyi'am/ u pA li bcad pa zhes mi bya ste/ dge 'dun yang 'das pa dang bcas pa'o/ /dge 'dun gyi dbyen bgyis pa dang / nye bar phyogs pa dang / bslab pa stsal ba rnams kyis grangs su bskangs te mtshams bkum na mtshams bkum pa zhes bgyi'am/ u pA li mtshams bcad pa zhes bya ste/ dge 'dun ni 'das pa dang bcas pa'o// //mdor na/ mtshams dang rung ba'i gnas dag dang / /las gcig klung yang de bzhin te/ /zhig pa dang ni gling gsum dang / /grong dang gsum pa de bzhin no/ /btsun pa mtshams kyi mtshan ma mchis par gyur na mtshams zhig pa zhes bgyi'am/ u pA li zhig pa zhes bya'o/ /btsun pa mtshams zhig na rung ba'i gnas kyang zhig pa zhes bgyi'am/ u pA li zhig pa zhes bya'o/ /btsun pa las gcig dang gsol ba gcig gis las bgyid pa phyogs gcig tu mchis te gnas bzhir mtshams dgum par rung ngam/ u pA li rung ste/ ji ltar yang las byed pa'i dge slong des gnas bzhi'i mtshams su shing ngam/ dbyig pa 'am/ re lde la mnan te mtshams bcad pa'o/ /btsun pa mtshams dgum pa'i gnas su klung ngam yur chus mtshams non na mtshams zhig pa zhes bgyi'am/ u pA li de ste mtshams kyi mtshan ma brtan pa yod na ma zhig pa zhes bya'o/ /de ste mtshams kyi mtshan ma med par gyur na zhig pa zhes bya'o/ /btsun pa mtshams zhig na chos gos dang mi 'bral ba'i sdom pa yang ma mchis pa zhes bgyi'am/ mchis pa zhes bgyi/ u pA li yod pa zhes bya'o/ /btsun pas ni las kyi mtshams su chos gos dang mi 'bral ba'i sdom pa skos shig ces gsungs na/ btsun pa rgyang grags kyi mtshams dang / rtsig pa'i mtshams la yang chos gos dang mi 'bral ba'i sdom pa bsko bar bgyi'am/ de ste dgos par gyur na skos shig /btsun pa grong dang gtsug lag khang 12-1-245a lhan cig tu mchis te mtshams 'brel bar gyur na de la chos gos dang mi 'bral bar gang tshun chad bsko bar bgyi/ grong gi nyen kor ma gtogs pa'o/ /btsun pa bcom ldan 'das kyis ni grong ngam grong gi nyen kor ma gtogs par chos gos dang mi 'bral ba'i sdom pa'o zhes gsungs na/ chos gos dang mi 'bral ba'i sdom pa bskos pa las grong zhig der btsugs na de phyogs su chos gos dang mi 'bral ba'i sdom pa zhig par 'gyur ram/ u pA li zhig pa zhes bya'o/ /btsun pa chos gos dang mi 'bral ba'i sdom pa bskos pa las grong gud du 'phos na btsun pa ci'i phyir phyogs der yang chos gos dang mi 'bral bar sdom par bsko bar bgyi'am/ u pA li mi dgos te/ sngon gyi sdom pa gsos pas chog go// //mdor na/ dran pa bzhi pa gsum pa dang / /lnga pa dang ni gnyis mtshan dang / /nyes pa gnyis dang skabs 'byed dang / /sems pa 'dug pa langs pa dang / /khyim pa dag la sogs pa dang / /smyon pa 'chad dang mang po'o/ /btsun pa dge 'dun gyis skya rengs shar ba'i tshe deng ni bdag cag gi gso sbyong ngo zhes dran par gyur na/ dge slong de dag gis gso sbyong ji ltar bgyi/ deng bdag cag gi gso sbyong ngo zhes sems las tshig tu brjod cing / 'on te de na so sor thar pa klog na bklags pa zhes bya ste/ dge slong de dag gis gso sbyong yang byas mod kyi 'das pa dang bcas par 'gyur ro/ /btsun pa bcom ldan 'das kyis gso sbyong gi las la rnam pa bzhi ste/ chos bzhin ma yin par byed cing ma 'dus pa dang / chos bzhin ma yin pa la 'dus pa dang / chos bzhin la ma 'dus pa dang / chos bzhin la 'dus pa rnams so zhes gsungs na/ chos bzhin ma yin par byed cing ma 'dus pa gang zhe na/ gang gi tshe so sor thar pa bklag par bya ba de'i tshe mi klog /gang gis bklag par bya ba des mi klog /ji ltar bklag par bya ba de ltar mi klog /ji srid du bklag par bya ba de srid du mi klog pa dang ma 'dus par gyur pa'o/ /chos bzhin 12-1-245b ma yin pa la 'dus pa gang zhe na/ gang gi tshe na so sor thar pa bklag par bya ba de'i tshe mi klog pa nas rgyas par ji srid du bklag par bya ba de srid du mi klog cing 'dus par gyur pa'o/ /chos bzhin la ma 'dus pa gang zhe na/ gang gi tshe so sor thar pa bklag par bya ba de'i tshe klog /gang gis bklag par bya ba des klog /ji ltar bklag par bya ba de ltar klog /ji tsam du bklag par bya ba de tsam du bklags pa dang ma 'dus par gyur pa'o/ /chos bzhin la 'dus pa gang zhe na/ gang gi so sor thar pa bklag par bya ba de'i tshe klog pa nas rgyas par ji srid du bklag pa de srid du klog cing 'dus par gyur pa'i bar du'o/ /btsun pa 'phags pas 'phags pa'i skad du so sor thar pa bklags pa dang / dge slong de dag gis 'phags pa'i skad ma 'tshal na gso sbyong bgyis pa zhes bgyi'am/ u pA li ma byas pa zhes bya ste/ so sor thar pa'i mdo klog pa yang 'das pa dang bcas pa'o/ /mtha' 'khob pas 'phags pa'i skad du so sor thar pa bklags pa dang / dge slong de dag gis 'phags pa'i skad ma 'tshal na gso sbyong bgyis pa zhes bgyi'am/ u pA li ma byas pa zhes bya ste/ so sor thar pa klog pa yang 'das pa dang bcas pa'o/ /'phags pas mtha' 'khob pa'i skad du so sor thar pa bklags pa dang / dge slong de dag gis mtha' 'khob pa'i skad ma 'tshal na gso sbyong bgyis pa zhes bgyi'am/ u pA li byas pa zhes mi bya ste/ so sor thar pa'i mdo klog pa yang 'das pa dang bcas pa'o/ /mtha' 'khob pas mtha' 'khob pa'i skad du so sor thar pa'i mdo bklags pa dang / dge slong de dag gis mtha' 'khob pa'i skad ma 'tshal na gso sbyong bgyis pa zhes bgyi'am/ u pA li byas pa zhes mi bya ste/ so sor thar pa'i mdo klog pa yang 'das pa dang bcas pa'o/ /btsun pa sa la gnas pa'i grangs nam mkha' la gnas pas bskangs te so sor thar pa'i mdo klog pa bklags na gso sbyong bgyis pa zhes bgyi'am/ u pA li ma byas pa zhes bya ste/ dge slong de dag kyang 'das pa 12-1-246a dang bcas pa'o/ /btsun pa nam mkha' la gnas pa'i grangs sa la gnas pas bskangs te so sor thar pa'i mdo klog pa bklags na gso sbyong bgyis pa zhes bgyi'am/ u pA li ma byas pa zhes bya ste/ dge slong de dag kyang 'das pa dang bcas pa'o/ /btsun pa sa la gnas pa rnams la nam mkhar gnas pas so sor thar pa'i mdo klog cing gso sbyong bgyis na gso sbyong bgyis pa zhes bgyi'am/ u pA li ma byas pa zhes bya ste/ dge 'dun de dag kyang 'das pa dang bcas pa'o/ /btsun pa nam mkha' la gnas pa rnams la sa la gnas pas so sor thar pa'i mdo klog cing gso sbyong bgyis na gso sbyong bgyis pa zhes bgyi'am/ u pA li ma byas pa zhes bya ste/ dge slong de dag kyang 'das pa dang bcas pa'o/ /de bzhin du mtshams kyi nang na 'dug pa dang / mtshams kyi phyi rol na 'dug par lhan cig rgyas par bzhir bya'o/ /btsun pa so sor thar pa bklag pa la rnam pa du mchis/ u pA li rnam pa lnga ste/ gsol ba byas nas gleng gzhi bklags te lhag ma rnams thos par zad do zhes bsgrags pa 'di ni so sor thar pa'i mdo bklag pa dang po'o/ /gsol ba byas nas gleng gzhi bklags te phas pham pa bzhi bklags nas lhag ma rnams thos pa'o zhes bsgrags pa 'di ni so sor thar pa'i mdo klog pa gnyis pa'o/ /gsol ba byas te gleng gzhi bklags te phas pham pa bzhi bklags/ dge 'dun gyi lhag ma bcu gsum bklags la lhag ma rnams thos pa'o zhes bsgrags pa 'di ni so sor thar pa'i mdo bklag pa gsum pa'o/ /gsol ba byas te gleng gzhi bklags/ phas pham pa bzhi dang / dge 'dun gyi lhag ma bcu gsum dang / mi mngon pa gnyis bklags nas lhag ma rnams thos pa'o zhes bsgrags pa 'di ni so sor thar pa'i mdo bklag pa bzhi pa ste/ rgyas par klog pa dang 'di lnga'o/ /btsun pa gso sbyong gi las la rnam pa du/ u pA li lnga ste/ bklags pa dang / mi bklag par sems bskyed pa dang / byin gyis brlabs pa dang / yongs su dag pa dang / skabs 'byed pa dang rnam 12-1-246b pa lnga'o/ /btsun pa so sor thar pa'i mdo klog pas klog pa'i tshe mtshan gyur na gso sbyong bgyis pa zhes bgyi'am/ u pA li byas pa zhes bya'o/ /btsun pa dge slong phyogs gcig tu mchis pas gnas bzhir so sor thar pa'i mdo bklags la gso sbyong yang bgyis na dge slong de dag 'das pa dang bcas par mi 'gyur ba mchis sam/u pA li yod de/ 'di ltar so sor thar pa'i mdo klog pa'i dge slong de gnas pa'i mtshams su shing ngam/ dbyig pa'am/ re ldes mnan te so sor thar pa'i mdo bklags pa'o/ /btsun pa gnas gcig pa'i mtshams kyi nang du gnas gcig pa'i dge slong rnams kyis phyogs bzhir so sor gso sbyong bgyis na gso sbyong kyang bgyis la/ dge slong de dag kyang 'das pa dang bcas par mi 'gyur ba mchis sam/ u pA li yod de/ gcig gi gcig dad pa byin pa'o/ /btsun pa so sor thar pa'i mdo klog pa'i dge slong phyogs gcig tu mchis pa mtshams kyi nang dang mtshams kyi slad rol na gnas pa rnams la so sor thar pa bklags na gso sbyong kyang bgyis la/ dge slong de dag kyang 'das pa dang bcas par mi 'gyur ba mchis sam/ /u pA li yod de/ 'di ltar yang so sor thar pa'i mdo klog pa'i dge slong gis mtshams non te mnan nas mtshams su 'greng ngam 'dug la mtshams kyi nang dang mtshams kyi phyi rol na gnas pa rnams la so sor thar pa bklags pa'o/ /btsun pa dge slong gis so sor thar pa'i mdo klog pa lnga las gang yang rung ste/ so sor thar pa'i mdo klog pa ma bklags kyang gso sbyong bgyis par 'gyur ba mchis sam/ u pA li yod de skabs 'byed pa'i tshe skabs 'byed pas skabs phye ba'o/ /btsun pa dge slong gis tshig tu ma smras kyang gso sbyong bgyis par 'gyur ba mchis sam/ u pA li yod de/ sems bskyed pas so/ /btsun pas 'khor rnams ma langs dge slong rnams ni ma dong pa'o zhes gsungs na/ btsun pa ji tsam gyis na 'khor ma langs pa zhes bgyi/ u pA li gang du dge slong bzhi 'am/ de las mang du 'dug par gyur 12-1-247a na ma langs pa zhes bya'o/ /bzhir ma tshang na ni langs pa zhes bya'o/ /btsun pa dge slong gis so sor thar pa'i mdo klog pa bklags pa dang stan las langs te mchis nas dge slong mchis bzhin du 'tshal bar ma bgyis kyang kun du ltung bar mi 'gyur ba mchis sam/ u pA li yod de/ bshang ba dang gci ba'i sar song ste de na yang thos pa'i nye 'khor las ma 'das pa'o/ /khyim pas so sor thar pa'i mdo klog pa bgyis te gso sbyong bgyis na gso sbyong bgyis pa zhes bgyi'am/ u pA li gso sbyong ma byas pa zhes bya ste/ dge 'dun yang 'das pa dang bcas pa'o/ /de bzhin du za ma dang / ma ning dang / dge slong ma sun phyung ba dang / mi gnas pa dang / so sor gnas pa dang / 'gro ba gzhan du gnas pa nas/ sngar 'khrugs pa'i bar du de dag ni/ u pA li gso sbyong ma byas pa zhes bya ste/ dge 'dun yang 'das pa dang bcas pa'o/ /btsun pa dge 'dun gyi dbyen bgyis pa dang / nye bar phyogs pa dang / bslab pa stsal ba rnams kyis so sor thar pa'i mdo klog pa bgyis te gso sbyong bgyis na bgyis pa zhes bgyi'am/ u pA li byas pa zhes bya ste/ dge 'dun rnams ni 'das pa dang bcas pa'o/ /btsun pa smyon pas so sor thar pa'i mdo klog pa bgyis na gso sbyong bgyis pa zhes bgyi'am/ u pA li byas pa zhes bya ste/ dge 'dun rnams ni 'das pa dang bcas pa'o/ /btsun pa de bzhin du sems 'khrugs pa dang / nad kyis gzir ba dang / 'on pas so sor thar pa'i mdo klog pa bgyis te gso sbyong bgyis na gso sbyong bgyis pa zhes bgyi'am/ gso sbyong byas pa zhes bya ste/ dge 'dun ni 'das pa dang bcas pa'o/ /ji ltar so sor thar pa'i mdo klog pa de bzhin du mang por bskang ba yang rgyas par sbyar ro// //mdor na/ ma phul blangs pa dge 'dun dang / /bzhi pa dang ni gnyis pa mtshan/ /khor ba dang ni gcig nas gcig /byin dang lam dang de bzhin mang / /sangs rgyas bcom ldan 'das la tshe dang ldan pa u pA lis zhus pa/ btsun pa dge slong gis dad pa dang yongs su dag pa blangs te 12-1-247b steng gi nam mkha' las re ba med par mchis sam/ mtshams kyi slad rol du mchis na dad pa dang yongs su dag pa ma phul ba zhes bgyi'am/ u pA li ma phul ba zhes bya'o/ /btsun pa de ste re ba dang bcas pas mchi na dad pa dang yongs su dag pa ma phul ba zhes bgyi'am/ u pA li ma yin no/ /btsun pa sa la gnas pas nam mkha' la gnas pa rnams la dad pa dang yongs su dag pa stsal du rung ngam/ u pA li mi rung ngo / /blang du rung ngam/ u pA li mi rung ngo / /btsun pa nam mkha' la gnas pas sa la gnas pa rnams la dad pa dang yongs su dag pa stsal bar rung ngam/ u pA li mi rung ngo / /blang bar rung ngam/ u pA li mi rung ngo / /de bzhin du mtshams kyi nang du 'dug pa dang mtshams kyi phyi rol na 'dug pa rnams la yang bzhir bya'o/ /btsun pa dge slong gis dge 'dun thams cad 'dus shing tshogs pa la dad pa dang yongs su dag pa phul na des dad pa dang yongs su dag pa phul ba zhes bgyi'am/ u pA li phul ba zhes bya'o/ /sus rma bar bgyi/ sus kyang ma yin no/ /btsun pa dge slong 'phags pas 'phags pa'i skad du dad pa dang yongs su dag pa phul ba dang / dge slong des kyang 'phags pa'i skad ma 'tshal na dad pa dang yongs su dag pa phul ba zhes bgyi'am/ u pA li ma yin no/ /'phags pas mtha' 'khob pa'i skad du dad pa dang yongs su dag pa phul ba dang / dge slong des kyang mtha' 'khob pa'i skad ma 'tshal na dad pa dang yongs su dag pa phul ba zhes bgyi'am/ u pA li ma yin no/ /mtha' 'khob pas mtha' 'khob pa'i skad du dad pa dang yongs su dag pa phul ba dang / dge slong des kyang mtha' 'khob pa'i skad ma 'tshal na dad pa dang yongs su dag pa phul ba zhes bgyi'am/ u pA li ma yin no/ /mtha' 'khob pas 'phags pa'i skad du dad pa dang yongs su dag pa phul ba dang / dge slong des kyang 'phags pa'i skad du ma 'tshal na dad pa dang yongs su dag pa phul ba zhes bgyi'am/ u pA li ma yin no/ /btsun pa dge slong gis lus kyi dmigs pas skad ma brjod na dad pa dang yongs su dag pa 12-1-248a phul ba zhes bgyi'am/ u pA li phul ba zhes bya'o/ /tshig gis smras pa lus kyis ma lags na dad pa dang yongs su dag pa phul ba zhes bgyi'am/ u pA li phul ba zhes bya'o/ /lus dang tshig gis smras na dad pa dang yongs su dag pa phul ba zhes bgyi'am/ u pA li phul ba zhes bya'o/ /lus kyis kyang ma lags tshig gis kyang ma lags na dad pa dang yongs su dag pa phul ba zhes bgyi'am/ u pA li ma yin no/ /btsun pa dad pa dang yongs su dag pa stsal ba las dad pa dang yongs su dag pa len pa'i dge slong mtshan 'phos na ma phul ba zhes bgyi'am/ u pA li ma yin no/ /btsun pa gcig nas gcig tu brgyud de dad pa dang yongs su dag pa phul na dad pa dang yongs su dag pa phul ba zhes bgyi'am/ u pA li phul ba zhes bya ste/ dge slong de dag ni 'das pa dang bcas pa'o/ /btsun pa chad pa khor bas dad pa dang yongs su dag pa phul na dad pa dang yongs su dag pa phul ba zhes bgyi'am/ u pA li phul ba zhes bya ste/ dge slong de dag ni 'das pa dang bcas pa'o/ /btsun pa dge slong gis dad pa dang yongs su dag pa phul nas khyim par khas blangs na dad pa phul ba zhes bgyi'am/ u pA li ma phul ba zhes bya'o/ /de bzhin du ma ning lags par khas blangs pa nas/ sngar 'khrugs pa lags par khas blangs pa'i bar du rgyas par dad pa dang yongs su dag pa ma phul ba zhes bgyi'am/ u pA li ma phul ba zhes bya'o/ /btsun pa dge slong gis dad pa dang yongs su dag pa phul nas za ma lags par khas blangs na dad pa dang yongs su dag pa ma phul ba zhes bgyi'am/ u pA li ma phul ba zhes bya'o/ /de ste dge 'dun gyi dbyen bgyis pa dang / nye bar phyogs pa dang / bslab pa stsal ba rnams lags par khas blangs na dad pa dang yongs su dag pa ma phul ba zhes bgyi'am/ u pA li ma yin no/ /btsun pa dge slong gis dad pa dang yongs su dag pa blangs nas khyim pa lags par khas blangs na dad pa dang yongs su dag pa ma phul ba zhes bgyi'am/ u pA li ma phul ba zhes bya'o/ /de bzhin du ma ning lags par khas blangs pa nas/ sngar 'khrugs pa 12-1-248b lags par khas blangs pa'i bar du rgyas par dad pa dang yongs su dag pa ma phul ba zhes bgyi'am/ u pA li ma phul ba zhes bya'o/ /btsun pa dge slong gis dad pa dang yongs su dag pa blangs pa dang / za ma dang / mi gnas pa dang / so sor gnas pa rnams lags par khas blangs na dad pa dang yongs su dag pa ma phul ba zhes bgyi'am/ u pA li ma phul ba zhes bya'o/ /btsun pa dge slong gis dge 'dun gyi dbyen bgyis pa lags par khas blangs pa'am/ nye bar phyogs pa dang / bslab pa stsal ba lags par khas blangs na dad pa dang yongs su dag pa ma phul ba zhes bgyi'am/ u pA li ma yin no/ /btsun pa dge slong gis dad pa dang yongs su dag pa blangs te dge 'dun gyi nang du mchis nas khyim pa lags par khas blangs na dad pa dang yongs su dag pa ma phul ba zhes bgyi'am/ u pA li phul ba zhes bya'o/ de bzhin du ma ning nas sngar 'khrugs pa lags par khas blangs pa'i bar du rgyas par dad pa dang yongs su dag pa ma phul ba zhes bgyi'am/ u pA li phul ba zhes bya'o/ /btsun pa dge slong gis dad pa dang yongs su dag pa blangs te dge 'dun gyi nang du mchis nas za ma lags par khas blangs na dad pa dang yongs su dag pa ma phul ba zhes bgyi'am/ u pA li ma yin no/ /de bzhin du dge 'dun gyi dbyen bgyis pa dang / mi gnas pa dang / so sor gnas pa dang / nye bar phyogs pa dang / bslab pa stsal ba rnams lags par khas blangs na/ btsun pa dad pa dang yongs su dag pa ma phul ba zhes bgyi'am/ u pA li ma yin no/ /gso sbyong gi dngos po rdzogs so// //'dul ba gzhung dam pa/bam po bcu bdun pa/ mdor na/ bzhi pa rnam pa bzhi pa dang / /dngos po gnas gnyis de bzhin te/ /dran pa 'gro ba spangs pa dang / /'dug pa dag dang langs pa mtshan/ /khyim pa dag la sogs pa dang / /smyon pa dang ni chad pa'i grangs/ sangs rgyas bcom ldan 'das la tshe dang ldan pa u pA lis zhus pa/ btsun pa skabs 'byed pa'i las la rnam pa du mchis/ u pA li bzhi ste/ chos bzhin ma yin pas skabs 'byed 12-1-249a cing ma 'dus pa dang / chos bzhin ma yin par 'dus pa dang / chos bzhin du ma 'dus pa dang chos bzhin du 'dus pa'o/ /chos bzhin ma yin pas skabs 'byed pa gang zhe na/ gang gi tshe skabs 'byed par bya ba de'i tshe na skabs 'byed par mi byed pa dang / ji ltar skabs dbye ba de ltar skabs 'byed pa de mi byed pa dang / ji tsam du skabs dbye bar bya ba de tsam du skabs 'byed par mi byed pa dang / gang gis skabs dbye bar bya ba des skabs dbye bar mi byed pa dang / ma 'dus par kyang gyur pa'o/ /chos ma yin pas 'dus pa gang zhe na/ gang gi tshe skabs dbye bar bya ba de'i tshe na skabs 'byed par mi byed pa nas/ gang gis skabs dbye bar bya ba des skabs 'byed par mi byed pa'i bar du rgyas par brjod de 'dus par yang gyur pa'o/ /chos bzhin du ma 'dus pa gang zhe na/ gang gi tshe skabs dbye bar bya ba de'i tshe na skabs 'byed par byed pa dang / ji ltar skabs dbye ba de ltar skabs 'byed par byed pa dang / ji tsam du skabs dbye bar bya ba de tsam du skabs 'byed par byed pa dang / gang gis skabs dbye bar bya ba des skabs 'byed par byed cing ma 'dus par kyang gyur pa'o/ /chos bzhin du 'dus pa gang zhe na/ gang gi tshe skabs dbye bar bya ba de'i tshe na skabs 'byed par byed pa nas gang gis skabs dbye bar bya ba des skabs 'byed par byed pa'i bar du rgyas par brjod de 'dus par kyang gyur pa'o/ /btsun pa 'phags pas 'phags pa'i skad du skabs phye ba dang / dge slong de dag gis 'phags pa'i skad ma 'tshal na skabs phye ba zhes bgyi'am/ u pA li skabs ma phye ba zhes bya ste/ dge slong de dag kyang 'das pa dang bcas pa'o/ /'phags pas mtha' 'khob pa'i skad du skabs phye ba dang / dge slong de dag kyang mtha' 'khob pa'i skad ma 'tshal na skabs phye ba zhes bgyi'am/ u pA li skabs ma phye ba zhes bya ste/ dge slong de dag kyang 'das pa dang bcas pa'o/ /mtha' 'khob pas mtha' 'khob pa'i skad du skabs phye ba dang / dge slong de dag kyang mtha' 'khob pa'i skad ma 'tshal na skabs phye ba zhes bgyi'am/ u pA li skabs ma phye ba zhes bya ste/ dge slong de dag kyang 'das 12-1-249b pa dang bcas pa'o/ /mtha' 'khob pas 'phags pa'i skad du skabs phye ba dang / dge slong de dag kyang 'phags pa'i skad ma 'tshal na skabs phye ba zhes bgyi'am/ u pA li skabs ma phye ba zhes bya ste/ dge slong de dag kyang 'das pa dang bcas pa'o/ /btsun pa sa la gnas pa'i grangs nam mkha' la gnas pas bskangs te skabs phye na skabs phye ba zhes bgyi'am/ u pA li skabs ma phye ba zhes bya ste/ dge slong de dag kyang 'das pa dang bcas pa'o/ /btsun pa nam mkha' la gnas pa'i grangs sa la gnas pas bskangs te skabs phye na skabs phye ba zhes bgyi'am/ u pA li skabs ma phye ba zhes bya ste/ dge slong de dag kyang 'das pa dang bcas pa'o/ /btsun pa sa la gnas pas nam mkha' la gnas pa rnams la skabs phye na skabs phye ba zhes bgyi'am/ u pA li skabs ma phye ba zhes bya ste/ dge slong de dag kyang 'das pa dang bcas pa'o/ /btsun pa nam mkha' la gnas pas sa la gnas pa rnams la skabs phye na skabs phye ba zhes bgyi'am/ u pA li skabs ma phye ba zhes bya ste/ dge slong de dag kyang 'das pa dang bcas pa'o/ /de bzhin du mtshams kyi nang na 'khod pa dang / mtshams kyi phyi rol na 'khod pa rnams lhan cig tu rnam pa bzhir bya'o/ /btsun pa bcom ldan 'das kyis gang skabs 'byed pa de nyid kyi tshe dngos po ni yod/ gang zag ni med do zhes gsungs na/ btsun pa dngos po ni gang lags/ gang zag ni gang lags/nyes pa ni dngos po'o/ /nyes pa byed pa ni gang zag ces bya'o/ /btsun pa tshig tu ma brjod cing skabs phye bar 'gyur ba mchis sam/ u pA li yod de/ 'di ltar yang dge slong des spring yig gam lag brdas skabs phye ba zhes bya'o/ /btsun pa dge slong zhig phyogs gcig tu 'greng nas gnas bzhir skabs 'byed na skabs phye bar 'gyur ba mchis sam/ u pA li yod de/ 'di ltar yang skabs 'byed pa'i dge slong des gnas bzhi'i mtshams su shing ngam re ldes mnan te skabs 'byed pa'o/ /btsun pa gnas kyang gcig mtshams kyang gcig par lhan cig gnas pa'i dge slong de dag gis phyogs bzhir skabs phye na skabs phye bar yang 12-1-250a 'gyur la dge 'dun de dag kyang ma 'dus par 'gyur ba mchis sam/ u pA li yod de/ gcig la gcig dad pa byin pa'o/ /btsun pa dge 'dun thams cad kyis skya rengs shar ba na dran par gyur na dge slong dag gis skabs ji ltar dbye bar bgyi/ deng ni bdag cag gis skabs dbye ba'o zhes tshig tu brjod par bya'o/ /yang na de ni tshig gsum pas skabs phye na phye ba zhes bya ste/ dge slong de dag ni 'das pa dang bcas pa'o/ /bcom ldan 'das kyis gang gnyen gyi don gyi slad du dbyar gyi nang du skabs phye shig ces gsungs na/btsun pa thabs ji ltar stsal bar bgyi/ u pA li gang ring du gnas la skabs 'byed pa'i tshe 'ong mi nus pa'o/ /btsun pa dge slong gis gnyen gyi don gyi slad du dbyar gyi nang du skabs phye ste zhag bdun nam/ bzhi bcur yang rung byin gyis brlabs nas mchis pa las btsun pa de ste skabs 'byed pa bcwa lnga pa'i skabs dbye ba de nyid kyi tshe slar mchis na ci des kyang skabs dbye bar bgyi'am/ u pA li ma yin te/ de la ni skabs phye ba des chog go/ /btsun pa dge slong zhig skabs 'byed pa tshes bcwa lnga pa nyid kyi tshe spangs na de dang lhan cig skabs dbye bar bgyi'am/ u pA li ma yin no/ /btsun pa bcom ldan 'das kyis gang dge slong gi 'khor rnams ma langs ma dong pa'o zhes gsungs na/ btsun pa ji tsam gyis na 'khor ma langs pa zhes bgyi u pA li gang du dge slong bzhi'am/ lnga 'am de las mang yang rung ste 'khod par gyur na ma langs pa zhes bya'o/ /bzhi las nyung nam langs pa zhes bya'o/ /btsun pa skabs dbye ba bcwa lnga pa de nyid kyi tshe stan las langs te song nas dge slong mchis bzhin du 'tshal bar ma bgyis kyang nongs par mi 'gyur ba mchis sam/ u pA li yod de/ ji ltar dge slong bshang ba dang gci ba'i sar song la de yang thos pa'i nye 'khor las ma 'das pa'o/ /btsun pa skabs 'byed par bgyid pa skabs 'byed pa'i tshe mtshan 'phos te dge slong mar gyur nas skabs phye na skabs phye ba zhes bgyi'am/ u pA li skabs phye ba zhes bya'o/ /btsun pa skabs 'byed pa khyim pas phye na phye ba zhes bgyi'am/ u pA li skabs ma phye ba zhes bya ste/ dge 'dun yang 'das pa 12-1-250b dang bcas pa'o/ /de bzhin du za ma dang / ma ning dang / mi gnas pa dang / 'gro ba gzhan du gnas pa nas/ rgyas par sngar 'khrugs pa rnams kyi bar du yang skabs ma phye ba zhes bya ste/ dge 'dun de dag kyang 'das pa dang bcas pa'o/ /btsun pa dge 'dun gyi dbyen bgyi ba dang / nye bar phyogs pa dang / bslab pa stsal bas skabs phye na skabs phye ba zhes bgyi'am/ u pA li skabs phye ba zhes bya ste/ dge 'dun ni 'das pa dang bcas pa'o/ /btsun pa skabs 'byed pa smyon pas skabs phye na skabs phye ba zhes bgyi'am/ u pA li skabs phye ba zhes bya ste/ dge 'dun ni 'das pa dang bcas pa'o/ /de bzhin du skabs 'byed pa sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams kyis skabs phye na skabs phye ba zhes bgyi 'am/ u pA li skabs phye ba zhes bya ste/ dge 'dun yang 'das pa dang bcas pa'o/ /btsun pa phrin gyis skabs phye na skabs phye ba zhes bgyi'am/ u pA li skabs phye ba zhes bya ste/ dge 'dun yang 'das pa dang bcas pa'o/ /de bzhin du spring yig dang / lag brda dang / gcig nas gcig tu brgyud de skabs phye na skabs phye ba zhes bgyi'am/ u pA li skabs phye ba zhes bya ste/ dge 'dun yang 'das pa dang bcas pa'o/ /btsun pa gzhan zer ro zhes skabs phye na skabs phye ba zhes bgyi'am/ u pA li ma yin no/ /btsun pa khyim pas grangs su bskangs te skabs phye na skabs phye ba zhes bgyi'am/ u pA li skabs ma phye ba zhes bya ste/ dge 'dun yang 'das pa dang bcas pa'o/ /de bzhin du za ma dang / ma ning dang / mi gnas pa dang / so sor gnas pa dang / 'gro ba gzhan du gnas pa nas sngar 'khrugs pa rnams kyi bar du sbyar bar bya'o/ /btsun pa dge 'dun gyi dbyen bgyis pa dang / nye bar phyogs pa dang / bslab pa stsal ba rnams kyis grangs su bskangs te skabs phye na skabs phye ba zhes bgyi'am/ u pA li skabs phye ba zhes bya ste/ dge 'dun yang 'das pa dang bcas pa'o/ /btsun pa de bzhin du sems 'khrugs pa dang / nad kyis gzir ba dang / glen pa dang / lkugs pa 12-1-251a dang / 'on pa dang / gnyid log pa dang / myos pa dang / ra ro ba dang / snyoms par zhugs pa dang / 'gro ba gzhan du gnas pa rnams kyis grangs su bskangs te skabs phye na skabs phye ba zhes bgyi'am/ u pA li skabs ma phye ba zhes bya ste/ dge 'dun ni 'das pa dang bcas pa'o// //mdor na/ phul dang blangs dang dge 'dun dang / /bzhi pa dang ni gnyis dang mtshan/ /chad pa bra ba gcig nas gcig /lam dang mang po de bzhin no/ /btsun pa dge slong gis dad pa dang skabs phye ba blangs te steng gi nam mkha' la mtshams kyi slad rol du re ba ma mchis par mchis na dad pa dang skabs phye ba ma phul ba zhes bgyi'am/ u pA li ma phul ba zhes bya'o/ /btsun pa de ste re ba dang bcas nas mchis na ma phul ba zhes bgyi'am/ u pA li ma yin mod kyi 'das pa dang bcas par 'gyur ro/ btsun pa sa la gnas pa rnams kyis nam mkha' la gnas pa rnams la dad pa dang skabs dbye ba dbul du rung ngam/ u pA li ma yin no/ /btsun pa blang du rung ngam/ u pA li ma yin no/ /btsun pa nam mkha' la gnas pa rnams kyis sa la gnas pa rnams la dad pa dang skabs dbye ba dbul du rung ngam/u pA li ma yin no/ /de bzhin du mtshams kyi nang na 'khod pa rnams dang / mtshams kyi phyi rol na 'khod pa rnams kyang rnam pa bzhir brjod par bya'o/ /btsun pa dge slong gis dge 'dun thams cad tshogs shing 'khod pa la dad pa dang skabs dbye ba phul na dad pa dang skabs dbye ba phul ba zhes bgyi'am/ u pA li phul ba zhes bya'o/ /sus bsgrag par bgyi/ sus kyang ma yin no/ /btsun pa dge slong 'phags pas 'phags pa'i skad du dad pa dang skabs dbye ba phul ba dang / dge slong de dag gis kyang 'phags pa'i skad ma 'tshal na dad pa dang skabs dbye ba phul ba zhes bgyi'am/ u pA li ma yin no/ /'phags pas mtha' 'khob pa'i skad du dad pa dang skabs dbye ba phul ba dang / dge slong de dag gis mtha' 'khob pa'i skad ma 'tshal na dad pa dang skabs dbye ba phul ba zhes 12-1-251b bgyi'am/ u pA li ma yin no/ /btsun pa mtha' 'khob pas mtha' 'khob pa'i skad du dad pa dang skabs dbye ba phul ba dang / dge slong de dag gis mtha' 'khob pa'i skad ma 'tshal na dad pa dang skabs dbye ba phul ba zhes bgyi'am/ u pA li ma yin no/ /btsun pa mtha' 'khob pas 'phags pa'i skad du dad pa dang skabs dbye ba phul ba dang / dge slong de dag gis 'phags pa'i skad ma 'tshal na dad pa dang skabs dbye ba phul ba zhes bgyi'am/ u pA li ma yin no/ /btsun pa dad pa dang skabs 'byed pa 'bul ba'i dge slong gis lus kyis dmigs kyi tshig gis ma lags na dad pa dang skabs dbye ba phul ba zhes bgyi'am/ u pA li phul ba zhes bya'o/ /de bzhin du tshig gis smras kyi lus kyis ma lags pa dang / tshig dang lus kyis dmigs pas kyang dad pa dang skabs dbye ba phul ba zhes bgyi'am/ u pA li phul ba zhes bya'o/ /btsun pa de ste lus kyis kyang ma dmigs tshig gis ma smras na dad pa dang skabs dbye ba phul ba zhes bgyi'am/ u pA li ma yin no/ /btsun pa dad pa dang skabs dbye ba 'bul ba'i dge slong mtshan gyur na dad pa dang skabs dbye ba phul ba zhes bgyi'am/ u pA li ma yin no/ /btsun pa chad pa dang bra bas dad pa dang skabs dbye ba phul na dad pa dang skabs dbye ba phul ba zhes bgyi'am/ u pA li phul ba zhes bya ste/ dge slong de dag ni 'das pa dang bcas pa'o/ /btsun pa dad pa dang skabs dbye ba gcig nas gcig tu brgyud de smras na dad pa dang skabs phye ba phul ba zhes bgyi'am/ u pA li phul ba zhes bya ste/ dge slong de dag ni 'das pa dang bcas pa'o/ /dad pa dang skabs dbye ba phul nas khyim pa lags par khas blangs na dad pa dang skabs phye ba ma phul ba zhes bgyi'am/ u pA li ma phul ba zhes bya'o/ /de bzhin du ma ning lags par khas blangs pa nas rgyas par sngar 'khrugs pa lags pa'i bar du khas blangs na dad pa dang skabs phye ba ma phul ba zhes bgyi'am/ u pA li ma phul ba zhes bya'o/ /btsun pa dad pa dang skabs 'byed pa 'bul ba'i dge slong dad pa dang skabs dbye ba 'bul ba'i tshe za ma 12-1-252a lags par khas blangs na dad pa dang skabs dbye ba ma phul ba zhes bgyi'am/ u pA li ma phul ba zhes bya'o/ /btsun pa de ste dge 'dun gyi dbyen bgyis pa lags par khas blangs pa dang / nye bar phyogs pa dang / bslab pa stsal ba lags par khas blangs na dad pa dang skabs phye ba ma phul ba zhes bgyi'am/ u pA li ma yin no/ /btsun pa dad pa dang skabs dbye ba len pa'i dge slong gis dad pa dang skabs phye ba blangs nas dge 'dun gyi nang du mchis te khyim pa lags par khas blangs na dad pa dang skabs phye ba ma phul ba zhes bgyi'am/ u pA li ma phul ba zhes mi bya'o/ /de bzhin du ma ning lags par khas blangs pa nas rgyas par sngar 'khrugs pa lags pa'i bar du khas blangs na dad pa dang skabs phye ba ma phul ba zhes bgyi'am/ u pA li ma phul ba zhes mi bya'o/ /btsun pa de ste za ma lags par khas blangs na dad pa dang skabs phye ba ma phul ba zhes bgyi'am/ u pA li ma yin no/ /de bzhin du dge 'dun gyi dbyen bgyis pa nas bslab pa stsal ba lags pa'i bar du khas blangs na dad pa dang skabs phye ba ma phul ba zhes bgyi'am/ u pA li ma yin no/ /skabs 'byed pa'i dngos po rdzogs s+ho// //mdor na/ gru dang nam mkha' gsum pa dang / /spyod yul the tshom song ba dang / /mtshan dang gsum pa gnas rnams dang / /dbyar gsum pa'am de bzhin no/ /btsun pa dge slong gis phur pa la btags pa'i grur dbyar tshul du zhugs na tshul du zhugs pa zhes bgyi'am/ u pA li tshul du zhugs pa zhes bya'o/ /btsun pa de ste dbyar gyi nang logs su gru btang na dbyar zhig pa zhes bgyi'am/ u pA li ma yin no/ /btsun pa dbyar tshul du zhugs pa'i dge slong zhig zhag bdun du byin gyis brlabs te steng gi nam mkha' las mtshams kyi slad rol du mchis na dbyar zhig pa zhes bgyi'am/ dbyar ma zhig pa zhes bgyi/ u pA li dbyar ma zhig pa zhes bya'o/ /btsun pa dge slong gis steng gi nam mkha' la dbyar tshul du zhugs na tshul du zhugs pa zhes bgyi'am/ u pA li ma yin no/ /btsun 12-1-252b pa dge slong gis steng gi nam mkha' la gzhal med khang du dbyar tshul du zhugs na tshul du zhugs pa zhes bgyi'am/ u pA li tshul du zhugs pa zhes bya'o/ /btsun pa de ste gzhal med khang de nas gnas gzhan du mchis na dbyar zhig pa zhes bgyi'am/ u pA li ma yin no/ / btsun pa bcom ldan 'das kyis gang spyod yul la rten te tshul du zhugs shig ces gsungs na/ btsun pa dge slong gi spyod yul ma mchis par dbyar tshul du zhugs na tshul du zhugs pa zhes bgyi'am/ u pA li tshul du zhugs pa zhes bya'o/ /btsun pa dge slong gis spyod yul la brten te dbyar tshul du zhugs par gyur na ci des der zhag bdun du byin gyis rlabs te mchi bar bgyi'am/ u pA li ma yin te/ des de nyid la brten nas dbyar tshul du zhugs pa'i phyir ro/ /btsun pa dge slong gis dbyar tshul du zhugs te bdag tshul du zhugs sam ma zhugs zhes the tshom za zhing dogs par gyur na/ tshul du zhugs pa zhes bgyi'am/ u pA li tshul du zhugs pa zhes bya'o/ /btsun pa de ste the tshom dang dogs pa las the tshom dang dogs pa bsal ma nus na des slar yang dbyar tshul du 'jug par bgyi'am/ u pA li tshul du 'jug par bya'o/ /btsun pa de'i dbyar gyi tshul gang lags/ u pA li snga ma'o/ /btsun pa dge slong gis gnas 'dir dbyar gnas par bya'o snyam du song ste des der phyin pa dang skya rengs shar nas dbyar phyi mar gyur na dbyar tshul du zhugs pa zhes bgyi'am/ u pA li tshul du zhugs pa zhes bya ste/ des der tshul du 'jug par bsams pa'i phyir ro/ /btsun pa dge slong gis gtsug lag khang zhig tu song ste gnas 'dir bdag tshul du 'jug go zhes bsams nas des rkang pa ya gcig ni mtshams kyi nang du bzhag /rkang pa gcig ni mtshams kyi phyi rol du bzhag pa dang skya rengs shar nas dbyar phyi mar gyur na dbyar tshul du zhugs pa zhes bgyi'am/u pA li tshul du zhugs pa zhes bya ste/ des der tshul du 'jug par bsams pa'i phyir ro/ /btsun pa dge slong gis dbyar tshul du zhugs pa na mtshan gyur na tshul du zhugs pa zhes 12-1-253a bgyi'am/ u pA li tshul du zhugs pa zhes bya'o/ /des gnas der gnas par bgyi'am/ u pA li ma yin te/ dge slong ma'i dbyar mo khang du song la gnas par gyis shig /btsun pa dge slong gis gnas bzhir dbyar tshul du zhugs kyang dbyar tshul du zhugs par 'gyur ba mchis sam/ u pA li yod de/ 'di ltar dge slong des gnas bzhi'i mtshams su shing ngam/ 'od ma'am/ re ldes mnan te dbyar tshul du zhugs pa'o/ /de gang du gnas par bgyi/ gang dga' bar ro/ /btsun pa de ste shing ngam/ 'od ma'am/ re ldes ni 'jig pa'i chos can du 'gyur na dbyar zhig pa zhes bgyi'am/ u pA li ma yin no/ /des dbyar gang du gnas par bgyi/ gar dga' ba'i gnas gcig tu'o/ /de'i dbyar gang du gtogs sems kyis gang du bsams pa'o/ /lhag ma rnams ni btang ba zhes bya'o/ /btsun pa de ste phan chad zhag bdun du byin gyis ma brlabs par gnas de nas gnyis por mchis na dbyar zhig pa zhes bgyi'am/ u pA li dbyar zhig pa zhes bya'o/ /btsun pa dge slong gis gnas bzhi'am de las mang ba'i gnas rnams mtshams gcig tu bgyis te dbyar tshul du zhugs na gnas de dag thams cad du dbyar tshul du zhugs pa zhes bgyi'am/ u pA li tshul du zhugs pa zhes bya'o/ /des gang du gnas par bgyi/ gang dga' bar ro/ /btsun pa dge slong gis gnas gcig tu dbyar tshul du zhugs te de slan chad gnas gnyis pa dang / gsum pa dang / bzhi par dbyar tshul du zhugs na zhugs pa zhes bgyi'am/ u pA li tshul du zhugs pa zhes bya'o/ /gnas gang du/ phyi mar ro/ /btsun pa gang la dbyar gyi tshul snga ma yang ma mchis/ phyi ma yang ma mchis na de'i ming ji skad ces bgyi/ u pA li dbyar zhig pa zhes bya'o/ /btsun pa gang la snga ma dang phyi ma'i dbyar gyi tshul mchis la des kyang zhag bdun du byin gyis ma brlabs par mtshams kyi slad rol du don cig gi slad du mchis te slar mchi bar bsams na dbyar zhig pa zhes bgyi'am/ u pA li dbyar zhig pa 12-1-253b zhes bya'o/ /ci des kyang slar dbyar tshul du 'jug par bgyi'am/ u pA li ma yin te/ de'i yi dam las 'gal bas na nyes pa 'chags su chug shig /btsun pa ji srid du dbyar tshul du 'jug /u pA li zla ba gsum mo/ /btsun pa gang dbyar slad mar tshul du zhugs par gyur pa des ji ltar tshul nas 'byung bar bgyi/ nam zhugs pa na zla ba gsum du gnas pa'i grangs tshang ba'am/ yang na rkyen cig byung na yang rung ngo // //mdor na/ skya rengs bsam pa spang ba dang / /gnas dang shing rta ba lang khyim/ /shing dang grog po phug de bzhin/ /zhig pa 'gro yang de bzhin te/ /sde lnga dang ni bsam pa dang / /bdun po dang ni mi gnas pa'o/ /btsun pa dbyar gyi nang logs su dge 'dun 'khrugs nas der yang dge slong gis bsams bzhin du chos kyi phyogs dang / chos ma lags pa'i phyogs la gnas na dbyar zhig pa zhes bgyi'am/ u pA li de ste lta ba sgrogs bzhin pa las skya rengs shar na ni dbyar zhig pa zhes bya'o/ /btsun pa bcom ldan 'das kyis yang dge slong gi mdun du dbyar tshul du zhugs shig ces gsungs na/ btsun pa dge slong gis dge slong ma mchis nas sems bskyed de dbyar tshul du zhugs na dbyar tshul du zhugs pa zhes bgyi'am/ u pA li tshul du zhugs pa zhes bya ste/ dge slong yod bzhin na ni 'das pa dang bcas pa'o/ /btsun pa dge slong dbyar gyi nang logs su spangs pa de dang lhan cig dbyar gyi gnas su gnas par bgyi'am/ u pA li gnas par bya ste/ skabs phye nas ma gnas shig /btsun pa bcom ldan 'das kyis ni gang dge slong gis gnas 'di na bdag la dge slong mdo sde 'dzin pa dang / ma lta bu 'dzin pa'i dge slong de lta bu dag gis the tshom ma skyes pa dag ni mi skyed/ skyes pa ni sel bar byed pa yod dam med pa'i gnas rtogs la dbyar tshul du zhugs shig ces gsungs na/ btsun pa mdo sde 'dzin pa dang / ma lta bu 'dzin pa ma mchis par dbyar tshul du 'jug tu rung ngam/ u pA li rung ngo / /btsun pa 'dul ba 'dzin pa ma 12-1-254a mchis par dbyar tshul du 'jug tu rung ngam/ u pA li mi rung ngo/ /de ste btsun pa 'dul ba 'dzin pa ma mchis na so sor thar pa'i mdo 'don pa'i dge slong btsal 'tshal lam/ so sor thar pa 'don pa med na dbyar tshul du 'jug tu mi gnang ngo / /btsun pa shing rta spyod pa'i khyim mam/ ba lang rdzi'i khyim du gnas te dbyar tshul tu 'jug tu rung ngam/ u pA li de ste des 'di snyam du dbyar gnas 'di nas gud du mi 'dong bar des bsams na rung ngo / /btsun pa de ste tshul du zhugs pa las dong na dbyar zhig pa zhes bgyi'am/ u pA li ma yin no/ /btsun pa shing drung ngam/ ri phrag gam/ phug gam/ spyil bur dbyar tshul du 'jug tu rung ngam/ u pA li mi rung ngo / /btsun pa dge slong gis don zhig gi slad du zhag bdun nam/ bzhi bcur byin gyis brlabs te mchis pa las de yang dus 'das par gyur na zhag bdun nam/ zhag bzhi bcur byin gyis brlabs pa de zhig ces bgyi'am/ u pA li ma yin te/ don gzhan gyis zad par gyis shig /btsun pa dge slong gis zhag bdun na skabs 'byed par 'gyur ro snyam nas byin gyis brlabs par mchis na dbyar zhig pa zhes bgyi'am/ u pA li dbyar zhig pa zhes bya'o/ /btsun pa de ste zhag drug gam/ lnga 'am/ bzhi 'am/ gcig nas tshul nas 'byung bar 'gyur ro snyam nas byin gyis brlabs par mchis na dbyar zhig pa zhes bgyi'am/ u pA li dbyar zhig pa zhes bya'o/ /btsun pa bcom ldan 'das kyis zhag bdun du byin gyis rlobs la song shig ces gsungs na/ btsun pa gang gis byin gyis brlab par bgyi/ u pA li sde lngas so/ /gang du byin gyis brlab par bgyi/ mtshams kyi nang du'o/ /ji ltar byin gyis brlab par bgyi/ sems bskyed la tshig tu brjod par bya ste bdag ming 'di zhes bgyi ba mtshams kyi nang gi gnas 'dir dbyar snga ma tshul du zhugs te/ bdag ming 'di zhes bgyi ba don 'di lta bu'i phyir mtshams kyi slad rol du mchi bar byin gyis brlabs te/ bdag gi dbyar ni 'di nyid de dbyar ni 'di nyid 12-1-254b du gnas so/ /btsun pa gang gi don du byin gyis brlab par bgyi/ u pA li sde bdun gyi phyir ro/ /btsun pa bcom ldan 'das kyis ni zhag bzhi bcu'i sdom pa stsol cig ces gsungs na/ gang la stsal bar bgyi/ u pA li sde lnga la'o/ /btsun pa bcom ldan 'das kyis ni dge 'dun gyi don gyi slad du ni zhag bzhi bcu'i sdom pa byin cig ces gsungs na/ btsun pa dge slong dang / dge slong ma dang / dge slob ma dang / dge tshul ma dang / dge tshul pha dang / dge bsnyen ma dang / dge bsnyen pha dang / gnyen gnas dang / 'di las slad rol gyi mu stegs can dge sbyong gzhan bram ze dang / spyod pa pa dang / kun du rgyu ba rnams kyi don gyi slad du zhag bzhi bcu'i sdom pa stsal bar bgyi'am/ u pA li mi rung ngo / /btsun pa bcom ldan 'das kyis ni zhag bzhi bcur bsgo bar bya'o zhes gsungs na/ btsun pa zhag sum bcu rtsa dgu'am/ zhag sum bcu'am/ zhag nyi shur bsgo bar rung ngam/ u pA li rung ngo / /btsun pa zhag bzhi bcu'i steng du yang zhag sum bcu rtsa dgu'am/ zhag sum bcu'am/ zhag nyi shu'am/ zhag bcu'am/ zhag bdun du bsgo bar rung ngam/ u pA li mi rung ngo / /btsun pa zhag sum bcu rtsa dgu'i steng du zhag sum bcu'am/ zhag nyi shu'am/ zhag bcu'am/ zhag bdun du bsgo bar rung ngam/ u pA li mi rung ngo / /btsun pa zhag bzhi bcu'i steng du zhag bdun du byin gyis brlab tu rung ngam/ u pA li mi rung ngo / /u pA li de ci'i phyir zhe na mtshams kyi nang du ni zhag mang du gnas par bya'o/ /mtshams kyi phyi rol du ni zhag nyung du gnas par bya'o/ /btsun pa zhag sum bcu rtsa dgu'i steng du zhag bdun du byin gyis brlab tu rung ngam/ u pA li mi rung ngo / /btsun pa zhag sum bcu'am/ zhag nyi shu'am/ zhag bdun gyi steng du zhag bdun du byin gyis brlab tu rung ngam/ u pA li rung ngo / /btsun pa zhag bdun gyi steng du zhag bzhi bcur bsgo bar rung ngam/ u pA li mi rung ngo / /u pA li de ci'i phyir zhe na/ mtshams kyi nang du 12-1-255a ni zhag mang du gnas par bya'o/ mtshams kyi phyi rol du ni zhag nyung du gnas par bya'o/ /btsun pa zhag bdun gyi steng du zhag sum bcu rtsa dgur bsgo bar rung ngam/ u pA li mi rung ngo / /btsun pa zhag bdun gyi steng du zhag sum bcu'am/ zhag nyi shu'am/ zhag bcu'am/ zhag bdun du bsgor rung ngam/ u pA li rung ngo / /btsun pa zhag bdun gyi steng du yang zhag bdun du bsgor rung ngam/ u pA li rung ngo / /btsun pa dge slong dbyar tshul du zhugs pa las slob dpon dang mkhan po dus bgyis nas des gnas bca' ba ma rnyed de mchis na dbyar zhig pa zhes bgyi'am/ u pA li dbyar zhig pa zhes bya'o/ /dbyar gyi dngos po rdzogs so// //mdor na/ lham gnyis pags pa rnam gnyis dang / /dom lpags yang na mjug ma dang / /mal stan mtho dang mal stan che/ /lham yu can dang shing lham mo/ /btsun pa bcom ldan 'das kyis lham mi rung ba rnam pa lnga ma 'chang shig ces gsungs na/ btsun pa gzhan yang gcan gzan mi srun pa dang / bal glang ngan pa dang / rta ngan pa gzhan dag mchis na de dag gi pags pa'i lham yang bcang bar mi bgyi'am/ u pA li lham de dag kyang ma bcang shig /btsun pa bcom ldan 'das kyis khyim pas bsgos pa'i lham sman ma bor ba chongs shig ces gsungs na/ btsun pa dge slong khyim pas bor ba'i lham sman ma bcangs kyang nongs pa dang bcas par 'gyur ba mchis sam/ u pA li yod de/ 'di ltar yang dge slong des thams cad ri mo can nam/ gser gyis brgyan pa'am/ dngul gyis brgyan pa bcangs pa'o/ /btsun pa dge slong gis mi rung ba rnam pa lnga bcangs kyang nongs par mi 'gyur ba mchis sam/ u pA li yod de/ 'di ltar yang des ri dgas phra mo'am/ klus 'jigs par gyur na'o/ /btsun pa bcom ldan 'das kyis dge slong gis pags pa ma 'chang shig pags pa'i steng du ma 'dug shig ces gsungs na/ btsun pa ji tsam gyis pags pa'i steng du 'dug pa zhes bgyi/ u pA li ji tsam rkub 12-1-255b tsos bzhag par gyur pa'o/ /btsun pa ji tsam gyis na nyal ba zhes bgyi/ u pA li lus kyis 'phres pa'o/ /btsun pa bcom ldan 'das kyis dge slong gis pags pa ma 'chang shig ces gsungs na/ btsun pa dge slong gis pags pa bcangs kyang nongs par mi 'gyur ba mchis sam/ u pA li yod de/ na bas ni pags pa chongs shig /mi na bas ni ma yin no/ /btsun pa bcom ldan 'das kyis dom gyi pags pa chongs shig ces gsungs na/ btsun pa nad pas bcang bar bgyi'am/ 'on te mi na bas kyang bcang bar bgyi/ u pA li na ba dang / mi na ba gnyis kas chongs shig /bcom ldan 'das kyis mjug ma lnga las 'jus te klung rgol cig ces gsungs na/ btsun pa rkang pa bzhi pa gzhan dag kyang mchis na de dag gis las rgal bar yang rung ngam/ u pA li rgol cig /btsun pa de ste pho ma mchis na mo'i las rgal bar bgyi'am/ u pA li de ni bar chad cig byung na rgal bar bya'o/ /btsun pa bcom ldan 'das kyis dge slong mal stan mthon por ma 'dug shig ces gsungs na/ btsun pa mal stan mthon po'i tshad ji tsam/ bde bar gshegs pa'i sor brgyad las lhag pa ni mal stan mthon po'o/ /btsun pa bcom ldan 'das kyis dge slong rnams la mal stan mtho zhing che ba la ma 'dug ces gsungs na/ btsun pa dge slong mal stan mtho zhing che bar mchis kyang nongs par mi 'gyur ba mchis sam/ u pA li yod de/ lha'i khyim dang / klu'i khyim dang / gnod sbyin gyi khyim dang / rgyal po'i khyim dang / blon po'i khyim de dag tu stan gzhan med na'o/ /btsun pa dge slong gis bzhon pa la 'tshal na nongs pa gsum du 'gyur ba mchis sam/ u pA li yod de/ 'di ltar yang bzhon pa de mo yin pa dang / gser gyis brgyan par gyur pa'o/ /btsun pa bcom ldan 'das kyis ljongs kha ba can du lham yu ba can chongs shig ces gsungs na/ btsun pa dge slong gis de las gzhan pa'i ljongs su lham yu ba can bcangs kyang nongs par mi 'gyur ba mchis sam/ u pA li yod de/ gang du lham yu 12-1-256a ba can med na 'tsho bar mi nus pa'o/ /btsun pa bcom ldan 'das kyis dge slong gis shing lham ma 'chang shig ces gsungs na/ btsun pa dge slong gis shing lham bcangs kyang nongs par mi 'gyur ba mchis sam/ u pA li yod de/ chu yod pa'i yul chus gang bas shing lham med par 'gro mi nus pa der ro/ /pags pa'i dngos po rdzogs so// //mdor na/ sman gnyis lan tshwa rnam pa gnyis/ /mar la rnam gnyis de bzhin te/ /sa dang btsos dang bu ram dang / /'bru mar phan pa tha ma'o/ / sangs rgyas bcom ldan 'das la tshe dang ldan pa u pA lis zhus pa/ btsun pa sman de nyid snga dro'i lags la de nyid slad dro'i yang lags de nyid zhag bdun pa'i yang lags/ de nyid nam 'tsho'i bar du bcang ba lags pa 'gyur ba mchis sam/ u pA li yod de/ bu ram shing ni snga dro'i'o/ /khu ba ni phyi dro'i'o/ /bu ram ni zhag bdun pa'i'o/ /bsregs pa'i thal ba ni nam 'tsho'i bar du'o/ /u pA li zho ni snga dro'i'o/ /chu ni phyi dro'i'o/ /mar ni zhag bdun pa'i'o/ /bsregs pa'i thal ba ni nam 'tsho'i bar du'o/ /u pA li sha ni snga dro'i'o/ /zhag ni zhag bdun pa'i'o/ /bsregs pa'i thal ba ni nam 'tsho'i bar du'o/ /u pA li 'bru ni snga dro'i'o/ /'bru mar ni zhag bdun pa'i'o/ /bsregs pa'i thal ba ni nam 'tsho'i bar du'o/ /btsun pa snga dro ba dang phyi dro ba dang / zhag bdun pa'i dang / nam 'tsho'i bar gyi sman 'di dag rnams phan tshun 'dres na 'tshal du rung ngam/ u pA li mi rung ngo / /btsun pa blangs pa dang / byin len ma bgyis pa dang / blangs pa la byin len bgyis pa dang / nang du bzhag pa dang / nang du btsos pa dang / rang gis btsos pa'i rnams 'tshal du rung ngam/ u pA li mi rung ngo / /btsun pa dge slong gis snga dro'i dang / slad dro'i dang / zhag bdun pa'i dang / nam 'tsho'i bar gyi sman gang lags pa de dag blangs pa dang / byin len ma bgyis pa dang / blangs pa la byin len bgyis pa dang / nang du bzhag pa dang / 12-1-256b nang du btsos pa dang / rang gis btsos pa dang / dge slong gis btsos pa'i rnams 'tshal na cir 'gyur/ nyes byas so/ /btsun pa dge slong mas snga dro ba'i dang / slad dro ba'i dang / zhag bdun pa'i dang / nam 'tsho'i bar gyi sman gang lags pa de dag blangs pa dang / byin len ma bgyis pa dang / blangs pa la byin len bgyis pa dang / nang du bzhag pa dang / nang du btsos pa dang / rang gis btsos pa dang / dge slong mas btsos pa rnams 'tshal na cir 'gyur/ nyes byas so/ /btsun pa dge slong gis blangs pa la byin len bgyis pa dang / nang du bzhag pa dang / nang du btsos pa dang / rang gis btsos pa dang / dge slong gis btsos pa 'tshal ba na mtshan 'phos te dge slong mar gyur na cir 'gyur/ nyes byas so/ /btsun pa dge slong mas blangs pa la byin len bgyi ba dang / nang du bzhag pa dang / nang du btsos pa dang / rang gis btsos pa dang / dge slong mas btsos pa 'tshal ba na mtshan 'phos te dge slong phar gyur na cir 'gyur/ nyes byas so/ btsun pa snga dro ba gang lags pa dang / slad dro ba gang lags pa dang / zhag bdun pa gang lags pa dang / nam 'tsho'i bar gyi sman rnams gang lags pa phan tshun 'dres te ma phyed na nam 'tsho'i bar du byin gyis brlab tu rung ngam/ u pA li mi rung ste/ snga dro ba dang / phyi dro ba dang / zhag bdun pa de rnams kyis nam 'tsho'i bar du bya ba byar mi rung ste/ byin gyis brlab tu mi rung ngo / /de ste snga dro ba'i dang / phyi dro ba'i dang / zhag bdun pa rnams dbye bar nus na byin gyis brlab tu rung ngo / /btsun pa mi rung ba'i zhag gis lan tshwa btsos nas 'tshal bar bgyi'am/ u pA li mi na bas bza' bar mi bya'o/ /sha las btsos pa'am/ mar las btsos pa'am/ 'bru mar las btsos pa yang de bzhin no/ /btsun pa mi rung ba'i lan tshwas 'bru mar ram mar btsos pa 'tshal du rung ngam/ u pA li mi rung ngo / /btsun pa mar ram 'bru mar chang dang lhan cig btsos pa 'tshal du rung ngam/ u pA li bzar rung ngo / /btsun pa mar ram 'bru mar chang dang lhan cig tu 'dres par gyur pa 'tshal 12-1-257a du rung ngam/ u pA li mi rung ngo / /btsun pa chang gis spangs pa'i sman 'tshal du rung ngam/ u pA li na ba la ni rung gi mi na ba la ni ma yin no/ /btsun pa mi rung ba'i sa la shing zhig skyes la mi rung ba'i sar 'bras bu zhig lhung na 'tshal du rung ngam/ u pA li mi rung ngo / /mi rung ba'i sa las shing zhig skyes la rung ba'i sar 'bras bu lhung na 'tshal du rung ngam/ u pA li mi rung ngo / /rung ba'i sa la shing zhig skyes la mi rung ba'i sar 'bras bu lhung na 'tshal du rung ngam/ de ste zhag gcig ma lon par gyur na ni bza' bar bya'o/ / rung ba'i sa las shing skyes la rung ba'i sar 'bras bu lhung na 'tshal du rung ngam/ u pA li bzar rung ngo / /rung ba'i sa na zhugs mchis la mi rung ba'i sa na mchis pas zhugs sam zhugs lce'am/ zhugs lce chad pas rung bar bgyid na rung bar bgyis pa zhes bgyi'am/ bgyis pa zhes brjod dam/ 'tshal bar bgyi'am/ u pA li mi rung ngo / /rung ba'i sa na zhugs mchis la mi rung ba'i sa na mchis pas zhugs su bcug na rung zhes bgyi'am/ bgyis pa zhes bgyi'am/ 'tshal du rung ngam/ u pA li ma yin no/ /mi rung ba'i sa na zhugs mchis la rung ba'i sa na mchis pa zhugs sam/ zhugs lce'am/ zhugs lce chad pas rung bar bgyid na rung bar bgyis pa zhes bgyi'am/ u pA li rung bar byas pa zhes bya ste/ bza' bar bya'o/ /mi rung ba'i sa na zhugs mchis la rung ba'i sa na mchis pas zhugs su stsal na rung bar bgyis pa zhes bgyi'am/ rung bar byas pa zhes bya'o/ /'tshal du rung ngam/ u pA li bza' bar bya'o/ /mi rung ba'i sa na sgyed po gsum mchis la rung ba'i sa na zhugs mchis pa'i zhugs lce des bsgral na 'tshal du rung ngam/ u pA li mi rung ngo / /mi rung ba'i sa na zhugs mchis la rung ba'i sa na sgyed po gnyis mchis pa dang / mi rung ba'i sa na sgyed po gcig mchis pa'i zhugs lce des bsgral na 'tshal du rung ngam/ u pA li mi rung ngo / /mi rung ba'i sa na sgyed po gcig mchis 12-1-257b la rung ba'i sa na zhugs mchis pa de'i zhugs lces bsgral na 'tshal du rung ngam/ u pA li mi rung ngo / /rung ba'i sa na zhugs mchis la rung ba'i sa na sgyed po gnyis mchis pa dang / mi rung ba'i sa na sgyed po gcig mchis la zhugs lce des bsgral na 'tshal du rung ngam/ u pA li bza' bar bya'o/ /rung ba'i sa na sgyed po gsum mchis la rung ba'i sa na zhugs mchis na zhugs lce des bsgral na 'tshal du rung ngam/u pA li rung ngo / /btsun pa dge slong gis sa bon gyi rigs lnga las zhugs sam mtshon tam sen mos rung bar bgyid na rung bar bgyis pa zhes bgyi'am/ rung bar byas pa zhes bya ste/ rung bar byas pas na bza' bar bya'o/ /mes rung bar byas pa ma gtogs te lhag ma rnams ni bza' bar bya'o/ /btsun pa bcom ldan 'das kyis btung ba rnam pa brgyad 'thung shig ces gsungs na/ rtsa ba dang / sdong bu dang / lo ma dang / 'bras bu dang / bsngal bar bsres pa 'di dag 'tshal du rung ngam/ u pA li rung ngo / /btsun pa bu ram chab dgung bdun du byin gyis brlab tu rung ngam/ u pA li rung ngo / /ji srid du btung bar bgyi/ dngos po ma gyur pa'i bar du'o/ /btsun pa mi rung ba'i sman bu ram du bsgral ba 'tshal bar bgyi'am/ u pA li ma yin no/ /btsun pa nad pa'i g.yog ji ltar bgyi/ ston pa'i 'du shes pas sman phan pa dang mthun pas g.yog bya'o/ /btsun pa nad pa la ci stsal bar bgyi/ u pA li rang bzhin gyis kha na ma tho ba ma gtogs par gang gis nad pa sos par 'gyur ba de dag byin cig/ //mdor na/ 'ug pa 'ol ba bya rgod dang / /bya rog kang ka chu skyar mo/ /mi ro za ba'i bya rnams dang / /sen mo mchu stobs gang ldan pa'o/ /btsun pa 'ug pa'i sha 'tshal du rung ngam/ u pA li mi rung ngo / /'ol pa'i sha dang / bya rgod kyi sha dang / bya rog gi sha dang / bya kang ka'i sha dang / chu skyar mo'i sha dang / gzhan yang bya mi ro 'tshal ba rnams dang / sen mo dang mchu stobs dang ldan pa'i sha 'tshal du rung ngam/ u pA li mi rung ngo // //mdor na/ srog 12-1-258a chags kan du sha dang pad pa dang / /srin bu sbal pa'ang de bzhin te/ /sre mo sbrul dang go d+ha dang / /sbal pa dkar po bong bu rnga mo sram/ /btsun pa srog chags kan du sha'i sha 'tshal du rung ngam/ u pA li mi rung ngo / /btsun pa pad pa'i sha dang / sbal pa'i sha dang / sre mo'i sha dang / sbrul gyi sha dang / go d+ha'i sha dang / sbal pa dkar po'i sha dang / sram gyi sha dang / bya rog gi sha dang / gzhan yang chu na gnas pa dang / sen mo dang / mche ba stobs dang ldan pa dang / gzhan yang mi ro za ba de dag gi sha 'tshal du rung ngam/ u pA li mi rung ngo // //mdor na/ bal glang dang yang wa dang rta/ /spre'u dang mi yang de bzhin te/ /seng ge stag dang dom dag dang / /sen mo mche ba gang mthu ldan/ btsun pa bal glang gi sha 'tshal du rung ngam/ u pA li mi rung ngo / /btsun pa rta dang wa'i sha dang / spre'u'i sha dang / mi'i sha dang / seng ge'i sha dang / stag gi sha dang / dom gyi sha dang / gzhan yang rkang bzhi pa sen mo dang mche ba stobs dang ldan pa de dag gi sha 'tshal du rung ngam/ u pA li mi rung ngo / /btsun pa gang gis sha 'tshal du mi rung ba de'i zhag dang / 'o ma 'tshal du rung ngam/ u pA li mi rung ngo / /u pA li de ci'i phyir zhe na/ u pA li gang gi sha mi rung ba de'i thams cad kyang mi rung ba'o/ /btsun pa sha rjen 'tshal du rung ngam/ u pA li mi rung ngo / /bdag gi phyir bsad pa'i sha 'tshal du rung ngam/ u pA li mi rung ngo / /sman gyi dngos po rdzogs so// //'dul ba gzhung dam pa/bam po bcwa brgyad pa/ mdor na/ dbyar gnyis phye bar gyur pa'i gnas/ /rnyed dang dge 'dun dag gi gnyis/ /smyon pa chad pa gsum pa dang / /sbyor ba 'gron pa mang po dbyar/ /btsun pa khyim bdag cig gis dbyar tshul du zhugs pa la chos gos 'di 'bul lo zhes mchi ste/ dbyar gnas pa rnams la chos gos shig phul na de la dbyar gyi zla ba tha mar yang ma gyur la/ gtan pa yang ma bting na gang gis 'thob/ u pA li dbyar gnas pa rnams kyis so/ / 12-1-258b btsun pa khyim bdag cig gis chos gos 'di ni dbyar tshul du zhugs pa rnams la 'bul lo zhes mchi ste/ dbyar tshul du zhugs pa'i dge 'dun rnams la phul na der dbyar gyi zla ba yang tha mar gyur la gnas der gtan pa bting na gang gis 'thob/ dbyar gnas pa rnams kyis so/ /btsun pa khyim bdag cig gis dge 'dun la gnas 'dir dge slong gang gnas pa de dag la chos gos 'di 'bul lo zhes mchi ste/ gos shig phul na gang gis 'thob/ gang la byin pas so/ /de bzhin du gnyis pa dang / gsum pa nas/ bcu pa'i bar du rgyas par de dag la phul na gang gis 'thob/ gang la byin pas so/ /btsun pa khyim bdag cig gis dge 'dun la gos shig phul te/ gos 'di ni gnas 'dir sang phod gnas pa'i dge slong de dag la 'bul lo zhes mchi na gang gis 'thob/ gang la byin pas so/ /de bzhin du gnyis pa dang / gsum pa nas lo bcu'i bar du gnas pa de dag la 'bul lo zhes mchi na gang gis 'thob/ gang la byin pas so/ /'on te gnas de na da ltar mi gnas par gyur na dge slong de dag gis gos de dag bgo bar bgyi'am/ u pA li bgo bar gyis shig /btsun pa dbyar gyi nang logs su dge 'dun dag bye na dbyar gyi rnyed pa de dag stsal bar bgyi'am/ u pA li ma yin no/ /btsun pa dbyar gyi gnas su ring du gnas par gyur pa las dge 'dun bye na dbyar gyi rnyed pa de dag stsal bar bgyi'am/ byin cig /su la phyogs gnyis ga la'o/ /btsun pa dbyar gyi nang logs su dge slong gis lhung bzed dang chos gos btsal te mchis na de'i dbyar gyi rnyed pa stsal bar bgyi'am/ u pA li ma yin no/ /btsun pa de ste dbyar gyi gnas su yun ring du gnas par gyur na/ de la dbyar gyi rnyed pa stsal tam/ u pA li byin cig /su la/ gang la stsol ba'am bsngos par gyur pa la'o/ /btsun pa dbyar gyi nang logs su dge slong zhig dus bgyis na de la dbyar gyi rnyed pa stsal bar bgyi'am/ ma sbyin cig /de ste dbyar gyi gnas su yun ring du gnas par gyur te dus las 'das na 12-1-259a dbyar gyi rnyed pa stsal tam/ u pA li byin cig /su la/ gang la bsngos par gyur pa la'o/ /'on te su la'ang bsngos par gyur pa ma mchis na su la stsal/ dge 'dun la'o/ /btsun pa dbyar gyi nang logs su dge slong zhig dge tshul pha lags par khas blangs na/ de la dbyar gyi rnyed pa stsal bar bgyi'am/ sbyin par bya'o/ /de la ji tsam zhig stsal/ dge tshul pha'i skal ba'o/ /de ste dbyar gyi gnas su yun ring du gnas par gyur nas dge tshul pha lags par khas blangs na ji tsam stsal bar bgyi/ dge slong gi skal ba'o/ /btsun pa dbyar gyi nang logs su dge slong zhig khyim pa lags par khas blangs na/ de la dbyar gyi rnyed pa stsal bar bgyi'am/ mi sbyin no/ /de ste dbyar gyi gnas su yun ring du gnas par gyur nas khyim pa lags par khas blangs na/ de la dbyar gyi rnyed pa stsal bar bgyi'am/ byin cig /su la/ gang la bsngos par gyur pa la'o/ /btsun pa dbyar gyi nang logs su dge slong zhig ma ning lags par khas blangs pa dang / dge slong ma sun phyung ba dang / pha dang / ma dang / dgra bcom pa bsad pa dang / dge 'dun gyi dbyen bgyis pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / sngar nyes pa byung ba dang / sngar 'khrugs pa rnams lags par khas blangs na de dag la dbyar gyi rnyed pa stsal bar bgyi'am/ u pA li mi sbyin no/ /btsun pa de ste dbyar gyi gnas su yun ring du gnas par gyur nas rab tu shes na/ de la dbyar gyi rnyed pa stsal bar bgyi'am/ u pA li sbyin par bya'o/ /btsun pa dbyar gyi nang logs su dge slong ma lags par khas blangs pa dang / mi gnas pa dang / so sor gnas pa dang / nye bar phyogs pa dang / bslab pa stsal ba rnams lags par khas blangs na/ de dag la dbyar gyi rnyed pa stsal bar bgyi'am/ u pA li mi sbyin no/ /btsun pa de ste dbyar gyi gnas su ring du gnas sam dbyar rangs par gnas pa de 12-1-259b dag la khas blangs na de dag la dbyar gyi rnyed pa stsal bar bgyi'am/ u pA li sbyin par bya'o/ /btsun pa dge slong gis gnas bzhi nas chos gos kyi skal ba bdag gir bgyis kyang nongs par mi 'gyur ba mchis sam/ u pA li yod de/ 'di ltar yang dge slong des gnas bzhi char mtshams gcig tu byas nas dbyar tshul du zhugs pa'o/ /btsun pa ji tsam gyis na chos gos rnyed pa zhes bgyi/ u pA li 'di lta ste/ 'di ni bdag gi chos gos so snyam nas mig gis mthong bar gyur pa'am/ lag pa'am/ phrag pa'am/ pang par bzhag par gyur pa'o/ /btsun pa dge slong gcig pus dge 'dun gyi rnyed pa bdag gir bgyis kyang nongs par mi 'gyur ba mchis sam/ u pA li yod de/ 'di ltar yang dge slong gcig pu gnas par gyur la/ der yang mi dag gis dge 'dun gyi phyir gos phul na'o/ /btsun pa dge slong gis dge 'dun gyi rnyed pa btags pa bdag gir bgyis kyang nongs pa dang bcas par 'gyur ba mchis sam/ u pA li yod de/ dge 'dun la bsngos par gyur pa'o/ /btsun pa dge slong smyon pa/ chos gos bged par bsko bar bgyi 'am/ u pA li ma yin no/ /sems 'khrugs pa dang / nad kyis gzir ba dang / glen pa dang / lkugs pa dang / 'on pa 'ang de bzhin no/ /btsun pa dge slong dmus long chos gos bged par bsko bar bgyi'am/ u pA li ma yin no/ /btsun pa smyon pa'i chos gos gang nas bzung ste bsngo bar bgyi/ nam rang gi sems sor chud pa tshun chad do/ /btsun pa smyon pa las chos gos blang bar bgyi'am/ mi blang bar bgyi/ kha cig las ni blang bar bya/ kha cig las ni mi blang bar bya'o/ /gang las blang bar bya/ gang la pha'am/ ma'am/ spun nam/ sring mo gson pa 'am/ rang gi khyim nas byin yang rung ste/ yongs su gtong ba'i 'du shes kyang yod pa'o/ /btsun pa dbyar zhig pa las dbyar gyi rnyed pa stsal bar bgyi'am/ kha cig la ni sbyin/ kha cig la ni mi sbyin no/ /gang la mi 12-1-260a sbyin zhe na/ gang dbyar snga ma'i tshul yang med la/ phyi ma'i tshul yang med par shes pa'o/ /gang la sbyin par bya zhe na/ gang la dbyar snga ma'i tshul yang yod la/ phyi ma'i yang yod par shes pa'o/ /btsun pa nad g.yog gis sbyor ba btang bar gyur te gzhan la yang spro bar bgyis la nad pa dus bgyis na nad g.yog gang la gos stsal bar bgyi/ phyi ma la'o/ /btsun pa nad g.yog mtshams kyi slad rol du mchis pa las nad pa dus bgyis na nad g.yog de la gos stsal bar bgyi'am/ de ste nad pa'i don cig la song bar gyur na de la nad g.yog la gos sbyin par bya'o/ /'on te gzhan gyi don cig la song na ni mi sbyin no/ /btsun pa nad g.yog gnas gzhan du dbyar tshul du zhugs par gyur na/ de la nad g.yog la gos stsal bar bgyi'am/ mi stsal bar bgyi/ sbyin par bya'o/ /btsun pa dge tshul phas nad g.yog bgyis na/ de la nad g.yog la gos stsal bar bgyi'am/ u pA li sbyin par bya'o/ /btsun pa dge slong mas nad g.yog bgyis pa las nad pa dus bgyis na de la nad g.yog la gos stsal bar bgyi'am/ mi sbyin no/ /dge slob ma dang / dge tshul ma rnams kyang de bzhin no/ /btsun pa 'gron pa mang po bcom pa'i gos rnyed na blang bar bgyi'am/ mi blang bar bgyi/ u pA li de ste tshong pas byin na blang bar bya'o/ /'on te rkun pos byin na de'i tshe mi blang ngo / /btsun pa bcom ldan 'das kyis dge slong gis dbyar gyi nang logs su dbyar gyi rnyed pa ma 'god cig ces gsungs na/ btsun pa khyim bdag cig gis gnas mang zhig nas dge slong dag mgron du bos te gnas gcig tu 'tshal ma 'tshal nas dge 'dun de dag la mngon sum du gos phul na dge slong de dag gis gos bgo bar bgyi'am/ u pA li gos de dag ni rkyen 'byung ba'i gos pas bgo bar bya'o/ /btsun pa dbyar gyi nang logs su dge slong zhig dus bgyis na dge slong de dag gis gos de dag bgo bar bgyi'am/ shi ba'i gos pas na bgo bar bya'o// //mdor na/ grong gnyis spu can phyi rol mtshams/ / 12-1-260b de bzhin du yang mchod rten no/ /mtshams las bsngos par byas pa dang / /chad pa tha mar gyur pa'o/ /btsun pa grong gi nang na gtsug lag khang zhig mchis la der dbyar tshul du zhugs pa'i dge 'dun rnams don cig gi slad du mtshams kyi slad rol du mchis par gyur pa dang / de'i mtha' na 'khod pa'i dge slong dag grong khyer gyi mtshams kyi nang na mchis pa las der mi dag gis dge 'dun la dbyar gyi rnyed pa zhig phul na gang gis 'thob/ grong khyer gyi dge 'dun gyis so/ /btsun pa grong khyer du dge 'dun tshul du zhugs nas dbyar gyi nang logs su bye na dbyar gyi rnyed pa gang gis 'thob/ u pA li chos la phyogs pas so/ /btsun pa dge slong gis spu can las chos gos gsum du byin gyis brlabs na byin gyis brlabs pa zhes bgyi'am/ gos gzhan yod na ni byin gyis ma brlab shig /byin gyis brlabs na ni 'das pa dang bcas par 'gyur ro/ /btsun pa dge slong gis mtshams kyi slad rol du mchis nas dge 'dun gyi rnyed pa bdag nyid kyis bdag gir bgyis na cir 'gyur/ nyes byas so/ /btsun pa dbyar tshul du zhugs pa'i dge 'dun dbyar gyi nang logs su mchod rten gyi rnyed pa bgos kyang nongs par mi 'gyur zhing rung bar 'gyur ba mchis sam/ u pA li yod de/ nyan thos kyi mchod rten la bsngos par gyur pa ni shi ba'i yo byad pas na bgo bar bya'o/ /btsun pa bcom ldan 'das kyis gum pa'i yo byad mtshams kyi nang na 'khod pas bgo bar gyis shig ces gsungs na/ btsun pa dge slong gis gum pa'i yo byad byin gyis brlabs te mtshams kyi slad rol du mchis na gum pa'i yo byad kyi skal ba stsal tam/ u pA li sbyin no/ /de ste byin gyis ma brlabs par mchis na stsal tam/ u pA li ma yin no/ /btsun pa gum pa'i yo byad dang gos byin gyis ma brlabs par dge slong gzhan dag cig mchis na de dag la gum pa'i yo byad kyi skal ba stsal bar bgyi 'am/ u pA li sbyin par bya'o/ /btsun pa de ste byin gyis brlabs nas mchis na stsal bar bgyi'am/ u pA li ma yin no/ /btsun pa bcom ldan 'das kyis gum pa'i yo byad rnams gsol 12-1-261a ba dang las kyis byin gyis rlobs shig ces gsungs na/ btsun pa gnas gang na dge slong gcig pu mchis na des ji ltar byin gyis brlab par bgyi/ u pA li dge slong des sems bskyed nas tshig tu smra bar bya ste/ bgo ba las rdzas 'di ni bdag gis 'thob pas na bdag gis chos gos 'di bsdu bar bgyi'o/ /bdag gir bya'o/ /'di ni byin gyis brlab par bya'o zhes byin gyis brlab par bya'o/ /gnas gang na dge slong gnyis sam gsum yang rung gnas na de dag kyang gcig la gcig smra bar bya'o/ /btsun pa gos ma dras pa la byin gyis brlab tu rung ngam/ u pA li mi rung ngo / /btsun pa de dang 'dra ba'i rkyen cig byung na rung ngam/ u pA li rung ngo / /gos kyi dngos po rdzogs so// //mdor na/ rnying pa gnyis dang bzhag pa dang / /sar pa gtan pa zhigs pa dang / /zin pa dang ni ma zin pa/ /dus su rnyed dang ma bgos gnyis/ /mi rung mtshams kyi phyi rol dang / /ma bskos gang zag de bzhin bcu/ /btsun pa gos rnying pa gtan par bting na bting ba zhes bgyi'am/ u pA li bting ba zhes bya ste/ dge 'dun ni 'das pa dang bcas pa'o/ /gos rnying pa gang zhe na/ gang gis sngar dge 'dun gyis gtan pa bting bar gyur pa'o/ /gos rnying pa bcangs pa gtan par bting na bting ba zhes bgyi 'am/ u pA li bting ba zhes bya ste/ dge 'dun ni 'das pa dang bcas pa'o/ /gos rnying pa bcangs pa gang zhe na/ gang dge slong gis spyad pa'o/ / btsun pa nye bar bzhag pa'i gos gtan par bting na bting ba zhes bgyi'am/ u pA li bting ba zhes bya ste/ dge 'dun ni 'das pa dang bcas pa'o/ /nye bar bzhag pa'i gos gang zhe na/ spangs pa'o/ /btsun pa gos sar pa gtan par bting na bting ba zhes bgyi'am/ u pA li bting ba zhes bya ste/ dge 'dun ni 'das pa dang bcas par mi 'gyur ro/ /gos sar pa gang zhe na/ dge 'dun gyis thog mar gtan par bting ba'o/ /btsun pa gtan pa'i gos gtan par bting na bting ba zhes bgyi'am/ u pA li bting ba zhes bya ste/ 12-1-261b dge 'dun ni 'das pa dang bcas pa'o/ /gtan pa'i gos gang zhe na/ gos gang dbyar tha ma'i zla ba la rnyed pa'o/ /btsun pa gos zhigs pa zhig gtan par bting na bting ba zhes bgyi'am/ u pA li bting ba zhes bya ste/ dge 'dun ni 'das pa dang bcas pa'o/ /gos zhigs pa gang zhe na/ gos rul pa'o/ /btsun pa gos ma lags pa zhig gtan par bting na bting ba zhes bgyi'am/ u pA li bting ba zhes bya ste/ dge 'dun ni 'das pa dang bcas pa'o/ /btsun pa gos lags pa gtan par bting na bting ba zhes bgyi'am/ u pA li bting ba zhes bya ste/ dge 'dun yang 'das pa dang bcas par mi 'gyur ro/ /btsun pa bcom ldan 'das gang dus su rnyed pa'i gos gtan par thing shig ces gsungs na/ dus su rnyed pa'i gos gtan par bting na bting ba zhes bgyi'am/ u pA li bting ba zhes bya'o/ /dus kyi gos gang zhe na/ gos gang zla ba gsum 'das nas de nyid kyi nya bri zhag gcig la rnyed pa'o/ /btsun pa bcom ldan 'das kyis ma gyon pa'i gos gtan par bting na bting ba zhes bya'o zhes gsungs na/ ma gyon pa'i gos gang lags/ sar pa btags ma thag pa'o/ /btsun pa bcom ldan 'das kyis ma gyon pa'i gos rung ba gtan par thing shig ces gsungs na/ bting ba zhes bgyi'am/ u pA li bting ba zhes bya'o/ /gos ma gyon pa rung ba gang zhe na/ kha dog can no/ /btsun pa mi rung ba'i gos shig gtan par bting na bting ba zhes bgyi 'am/ u pA li bting ba zhes bya ste/ dge 'dun ni 'das pa dang bcas pa'o/ /mi rung ba'i gos gang zhe na/ rang gi rgyud kyis mi rung ba'o/ /btsun pa gos sam gtan par bting bar ma bgos pas gtan pa bting na bting ba zhes bgyi'am/ u pA li bting ba zhes bya ste/ dge 'dun ni 'das pa dang bcas pa'o/ /btsun pa mtshams kyi slad rol du bskos pa'i chos gos gtan par 'ding na bting ba zhes bgyi'am/ u pA li bting ba zhes bya ste/ dge 'dun ni 'das pa dang bcas pa'o/ /btsun pa gtan pa 'ding ba chad 12-1-262a pas bcad pas gtan pa bting na bting ba zhes bgyi'am/ u pA li bting ba zhes bya ste/ dge 'dun ni 'das pa dang bcas pa'o/ /btsun pa de bzhin du gtan pa 'ding ba chad pa khor ba dang / yid mgu bar spyod pa dang / yid mgu bar spyad pa lags pa dang / bslab pa stsal ba dang / dbyar ma mchis pa dang / zhig pa dang / dbyar phyi mar tshul du zhugs pa dang / dbyar gzhan du gnas pa dang / smyon pa rnams kyis gtan pa bting na bting ba zhes bgyi'am/ u pA li bting ba zhes bya ste/ dge 'dun ni 'das pa dang bcas pa'o// // mdor na/ lnga pa gnyis dang sems gnyis dang / /shol bor gnyis dang de bzhin te/ /bud med mtshan dang gtan pa dang / /gnas la rnam pa drug tu bya/ /btsun pa bcom ldan 'das kyis gang zag lnga gtan pa 'ding bar mi bsko ste/ de ni chad pa bgyid pa dang / chad pa khor ba dang / yid mgu bar spyod pa dang / yid mgu b.raspyad pa lags pa dang / bslab pa stsal ba rnams so zhes gsungs na/ btsun pa chad pa bgyid pa'i gang zag cig gis gtan pa bting na bting ba zhes bgyi'am/ u pA li bting ba zhes bya ste/ dge 'dun ni 'das pa dang bcas pa'o/ /btsun pa de bzhin du chad pa khor ba dang / yid mgu bar spyod pa dang / yid mgu b.raspyad pa lags pa dang / bslab pa stsal ba rnams kyis gtan pa bting na gtan pa bting ba zhes bgyi 'am/ u pA li bting ba zhes bya ste/ dge 'dun ni 'das pa dang bcas pa'o/ /gzhan yang gang zag lnga gtan pa gding bar mi bsko ste/ dbyar med pa dang / dbyar zhig pa dang / dbyar phyi mar tshul du zhugs pa dang / dbyar gzhan du gnas pa dang / spangs pa rnams so/ /btsun pa bcom ldan 'das kyis gzhan yang gang zag lnga ste/ dbyar med pa dang / dbyar zhig pa dang / dbyar phyi mar tshul du zhugs pa dang / dbyar gzhan du gnas pa dang / spangs pa rnams kyis gtan pa bting na bting bar bya'o zhes gsungs na/ btsun pa de ste dbyar ma mchis pas gtan pa bting na gtan pa 12-1-262b bting ba zhes bgyi'am/ u pA li kha cig ni bting ba zhes bya'o/ /kha cig ni ma bting ba zhes bya'o/ /btsun pa gang gis bting ba lags/ gang gis ma bting ba lags/ u pA li 'di ltar dge tshul pa dbyar tshul du zhugs pa la dbyar phyi ma'i gnas su bsnyen par rdzogs te zla ba gsum 'das pas gtan pa bting na de la gtan pa bting ba zhes bya'o/ /de ci'i phyir zhe na/ u pA li zla ba gsum 'das nas gtan pa zhes bya ste de yang zla ba gsum du mngon no/ /u pA li gang phyi mar zhugs pa las rab tu byung ste bsnyen par rdzogs la de yang zla ba gsum du gnas pa'i dge slong dang lhan cig gtan pa bting na de ni gtan pa ma bting ba zhes bya'o/ /u pA li zla ba gsum lon nas gtan pa bting ba zhes bya ste/ de zla ba gsum ma lon par mngon no/ /btsun pa dbyar zhig pa zhig gis gtan pa bting na gtan pa bting ba zhes bgyi'am/ u pA li kha cig ni bting ba zhes bya'o/ /kha cig ni ma bting ba zhes bya'o/ /btsun pa gang gis bting ba zhes bgyi/ gang gis ma bting ba zhes bgyi/ u pA li gang gi dbyar snga mar yang shes pa med la dbyar phyi ma'i tshul kyang med pa ste/ de zla ba gsum du dge slong dang lhan cig gnas pa dang cig char gtan pa bting na de'i gtan pa ma bting ba zhes bya'o/ /u pA li zla ba gsum gnas nas gtan pa zhes bya ste/ de la ni zla ba gsum du shes pa'ang med do/ /u pA li gang dbyar snga mar gnas pa'am/ phyi ma'ang shes la des zhag bdun nam/ bzhi bcur byin gyis brlab par mtshams kyi phyi rol du song nas skya rengs shar ba de yang zla ba gsum du gnas pas gtan pa bting na de'i gtan pa bting ba zhes bya'o/ /u pA li zla ba gsum du gnas nas gtan pa zhes bya ste/ de la yang zla ba gsum du mngon no/ /yi dam las 'gal bas nyes byas su 'gyur ro/ /btsun pa dbyar phyi mar tshul du zhugs pa zhig gtan pa bting na bting ba zhes bgyi'am/ u pA li kha cig ni gtan pa bting ba zhes bya'o/ /kha cig ni ma bting ba zhes bya'o/ /btsun pa gang gi gtan pa bting ba zhes bgyi/ u pA li gang 12-1-263a dbyar snga mar tshul du zhugs pa'i dge slong gi dge 'dun gtan pa 'ding ba'i dge slong dang / dbyar phyi mar tshul du zhugs pa de dag lhan cig tu gtan pa 'ding na de'i gtan pa bting ba zhes bya'o/ /u pA li zla ba gsum du gnas nas gtan pa zhes bya ste/ de ni zla ba gsum du shes pa'ang med do/ /u pA li dge 'dun thams cad dbyar phyi mar tshul du zhugs la zla ba gsum du gnas nas gtan pa 'ding na de dag gi gtan pa bting ba zhes bya'o/ /u pA li zla ba gsum du gnas nas gtan pa zhes bya ste/ de dag ni zla ba gsum du mngon no/ / btsun pa dbyar gzhan du gnas pa zhig gis gtan pa bting na gtan pa bting ba zhes bgyi'am/ u pA li kha cig ni gtan pa bting ba zhes bya'o/ /kha cig ni ma bting ba zhes bya'o/ /btsun pa gang gi gtan pa bting ba zhes bgyi/ gang gi gtan pa ma bting ba zhes bgyi/ u pA li dge slong dag mtshams so sor bcad pa'i gnas na dbyar gzhan du gnas la gzhan du song ste gtan pa bting na de'i gtan pa ma bting ba zhes bya'o/ /u pA li gtan pa gang zhe na/ zla ba gsum gnas nas gtan pa bting ba de la ni zla ba gsum du shes pa yang med do/ /u pA li gang zla ba gsum du gnas pa'i dge slong gi dge 'dun rnams dbyar zla ba gsum 'das pa dang / de nyid kyi nya bri zhag gcig la mtshams chen po bkrol te gnas bzhi'am lnga'i mtshams gcig tu byas nas gtan pa bting na gnas de dag thams cad du gtan pa bting ba zhes bya'o/ / de bzhin du gnas la gnas gzhan du gtan pa bting ba zhes bya'o/ /btsun pa spangs pas gtan pa bting na gtan pa bting ba zhes bgyi'am/ u pA li kha cig ni bting ba zhes bya'o/ /kha cig ni ma bting ba zhes bya'o/ /btsun pa gang gis gtan pa ma bting ba zhes bgyi/ u pA li dbyar tshul du zhugs pa'i dge slong gang la dge 'dun 'dus pa rnams kyis spang ba'i las byas pa de dag kyang bzod pa ma gsol bar dbyar gnas pa dag kyang lhan cig gtan pa bting na de'i gtan pa ni ma bting ba zhes bya'o/ /gang gi bting ba zhes bgyi/ u pA li dge slong gang 12-1-263b dbyar tshul du zhugs pa la dge 'dun 'dus pa rnams kyis mnyam du mi spyod pa'i sdom pa bcas par gyur tam/ bkar ba'i las byas par gyur la/ des kyang bzod pa gsol na dbyar gnas pa'i dge 'dun rnams dang lhan cig tu gtan pa bting na de'i gtan pa bting ba zhes bya'o/ / btsun pa bcom ldan 'das kyis dge slong gtan pa 'ding bas gtan pa blangs nas bkru ba dang / brkyang ba dang / dra ba dang / btsem pa thams cad dang khab so tha ma'i bar du thog mar 'gro bar byos la bdag gis chos gos 'dis dge 'dun gyi gtan pa gding bar bya ba gding ngo / / bdag gis bting ngo zhes sems rnam pa gsum skyed cig /sems rnam pa gsum bskyed kyang chos gos 'dis dge 'dun gyi gtan pa gding bar bya/ bdag gis bting ngo zhes sems rnam pa gnyis bskyed na gtan pa bting ba zhes bya'o/ /btsun pa sems bskyed pa gcig gis gtan pa gding du rung ngam/ u pA li rung ste/ 'di ltar yang gtan pa gding ba'i dge slong gis gtan pa gding bar bdag ming 'di zhes bgyi bas gos 'dis dge 'dun gyi gtan pa gding ngo zhes sems bskyed na gtan pa gding ba zhes bya'o/ /btsun pa tshul nas 'byung ba'i tshe rgyal pos shol bor na dge slong de dag gis gtan pa ji ltar gding bar bgyi/ ji ltar tshul nas byung ba bzhin no/ /btsun pa gtan pa de nyid rung la de nyid mi rung bar 'gyur ba mchis sam/ u pA li yod de/ 'di ltar yang dge slong de dag kha cig ni shol bor/ kha cig ni shol ma bor bar tshul du zhugs te de nyid du khyim bdag gis shol ma bor ba'i gnas su tshul nas 'byung ba de nyid kyi nya bri zhag gcig la dge 'dun gnyi ga zan byin te gtan pa'i gos phul na gos de shol ma bor ba la ni rung ngo / /shol bor ba la ni mi rung ngo / /btsun pa gang ma lta bu'i tshig brgyad po 'di dag gis ni gtan pa las 'byung bar 'gyur ro/ /de la thun mong ba ni du/ thun mong ma lags pa ni du/ u pA li thog ma dang tha ma ma gtogs par lhag ma rnams ni thun mong ba'o/ /btsun pa gtan pa 'ding ba'i dge slong gis gtan pa 'ding ba'i 12-1-264a tshe mtshan gyur na gtan pa 'ding ba zhes bgyi'am/ u pA li bting ba zhes bya ste/ gtan pa sbed pa'i dge slong dad par byos shig /btsun pa gtan pa zhes kyang bgyi/ gtan pa 'ding ba zhes kyang bgyi/ gtan pa 'byin pa zhes kyang bgyi na/ btsun pa gtan pa ni gang / gtan pa 'ding ba ni gang / gtan pa 'byin pa ni gang lags/u pA li gos ni gtan pa'o/ /sems bskyed pa ni gtan pa 'ding ba'o/ /ma lta bu'i tshig brgyad po ni gtan pa 'byin pa'o/ /btsun pa dge slong rnams kyis gnas bzhi'am lnga mtshams kyi nang du bgyis nas dbyar tshul du zhugs te de dag tshul nas byung ste/ gtan pa bting na gnas de dag thams cad du gtan pa bting ba zhes bgyi'am/ u pA li thams cad du gtan pa bting ba zhes bya'o/ /btsun pa de ste gtan pa bting nas mtshams chen po bkrol te so sor mtshams bkum na gtan pa phyung ba zhes bgyi'am/ u pA li ma yin no/ /gnas de dag thams cad du gtan pa bting ba zhes bgyi'am/ u pA li gtan pa bting ba zhes bya'o/ /de ste so sor mtshams bcad nas gtan pa phyung na gnas de dag thams cad du gtan pa phyung ba zhes bgyi'am/ u pA li ma yin te/ gang dag 'byin pa de dag ni gtan pa phyung ba zhes bya'o/ /gang dag mi 'byin pa de dag ni gtan pa ma phyung ba zhes bya'o/ /btsun pa tshul nas byung ba dang dge slong rnams kyis gnas bzhi'am/ lnga mtshams gcig tu byas nas gtan pa bting na gnas de dag thams cad du gtan pa bting ba zhes bgyi'am/ u pA li thams cad du gtan pa bting ba zhes bya'o/ /btsun pa de ste gtan pa bting nas mtshams chen po bkrol te so sor mtshams bkum na gtan pa ma bting ba zhes bgyi'am/ u pA li ma yin te/ de dag thams cad du gtan pa bting ba zhes bya'o/ /btsun pa de ste so sor mtshams bkum nas gtan pa phyung na gnas de dag thams cad du gtan pa phyung ba zhes bgyi'am/ u pA li ma yin te/ gang 'byin pa de dag ni gtan pa phyung ba zhes bya'o/ /gang mi 'byin pa de 12-1-264b dag ni gtan pa ma phyung ba zhes bya'o// //mdor na/ zla ba gsum dang lnga pa dang / /gso sbyong gi ni mtha' lnga gsum/ /sbyar ma dang ni ras chen rkyen/ /'byin pa gnyis dang 'byed pa gnyis/ /tshad gnyis pa yang de bzhin te/ /khyim pa dag la sogs pa dag /bslab pa byin pa tha ma'o/ /btsun pa ji srid cig tu gtan pa gding bar bgyi/ u pA li zla ba gsum ste/ ji ltar zla ba gsum du gnas par tshul du zhugs pa'o/ /btsun pa ji srid cig tu gtan pa bcang bar bgyi/ zla ba lnga'o/ /btsun pa gang dbyar phyi ma'i mthar gtan pa bting ba na de dag kyang zla ba lngar gtan pa bting bar 'gyur ram/ u pA li gang gis gtan pa ji ltar bting bar 'gyur ba de dag gi grangs bzhin zla ba lngar bcang bar bya'o/ /btsun pa gso sbyong gi mthar gtan pa gding bar bgyi'am/ u pA li gso sbyong gi mthar bya'o/ /btsun pa gtan pa gso sbyong gi mthar dbyung bar bgyi'am/ u pA li gso sbyong gi mthar bya'o/ /btsun pa dbyar ma rung bar gzhag pa la rgyu du/ rkyen du/ bcom ldan 'das kyis bka' stsal pa rgyu lnga dang rkyen lnga ste/ lnga po de gang zhe na/ dge slong dang bcas sgo glegs dang bcas pa'i gnas su gyur pa dang / 'jigs pa dang bcas dogs pa dang bcas pa'i yul dang char 'bab pa'am/ char 'bab par dogs par gyur pa dang / dus ma yin par grong gzhan du 'gro 'dod par gyur pa dang / gnas na gtan pa bting bar gyur pa dang / gsol ba dang las ni tha ma'o/ /btsun pa dbyar gyi gos ras chen rung bar gzhag pa la rgyu du rkyen du/ u pA li gsum ste/ char pa mi 'bab cing char pa 'bab par mi dogs par gyur pa dang / dus ma yin par grong gzhan nam grong khyer gzhan nam/ klung rgal 'dod par gyur pa dang / klung gi drung ngam khron pa'i drung na mi gnas pa'o/ /btsun pa dbyar gyi gos ras chen ji srid du bcang bar bgyi/ zla ba phyed dang lnga'o/ /btsun pa gtan pa 'ding ba'i gnas su rkyen med par 'gyur ba du/ u pA li bcu ste/ zhag gcig gis 'bral ba med pa dang / zhag 12-1-265a bcu las 'da' ba med pa dang / zla ba gcig las 'da' ba med pa dang / gos ma bsdos pa rnams bcang ba dang / chos gos stod g.yogs dang mthang gos gnyis pus ljongs spyod du 'gro ba dang / mang po za ba med pa dang / yang yang za ba med pa dang / spyan ma drangs par 'gro ba dang / gos rnams ci bder tshol ba dang / ston zla tha chungs nas/ dpyid zla ra ba'i bar du ste/ gang gis rnyed pa thob pa de dag ni dbyar gnas pa'i dge 'dun gyis bgo bar bya'o/ /btsun pa ci bslab pa'i gnas sam/ chos gos byin gyis brlabs pa de dag ma mchis par 'gyur ram/ u pA li ma yin te/ 'di dag ni yon tan no/ /btsun pa gsol ba dang las ma byas pas sngar gtan pa dbyung bar 'gyur ba mchis sam/ u pA li yod de/ 'di ltar yang dge slong gzhi ba de dag gis de nyid kyi nya bri zhag gcig la gtan pa bting bar gyur pa dang / dge slong glo bur ba mang zhig lhags nas de dag ni de'i nyin mo bcwa lngar gyur te/ gso sbyong byed/ so sor thar pa klog pa dang / de ste dge slong gzhi ba rnams kyang de dag gi rjes su zhugs nas gso sbyong byas na gsol ba dang las ma byas par gtan pa phyung ba zhes bya'o/ /btsun pa dge slong gzhi ba rnams kyis gtan pa bting ste mtshams kyi slad rol du mchis pa dang / glo bur du dge slong rnams lhags te gtan pa phyung na phyung ba zhes bgyi'am/ u pA li ma yin no/ de ci'i phyir zhe na/ u pA li gang gis gtan pa bting ba de nyid kyis gtan pa phyung ba zhes bya'o/ /btsun pa dbyar tshul du zhugs pa las dge 'dun bye na gang gis gding / chos bzhin du smra ba rnams kyis so/ /btsun pa gtan pa bting ba'i gnas su dge 'dun bye na dbyar gyi rnyed pa sus 'thob/ phyogs gnyis kas so/ /btsun pa de ste mngon sum du gyur pa las rnyed na sus 'thob/ chos kyi phyogs kyis so/ /btsun pa tshad las chung ba'i chos gos dum bur sbyar te gos su btsems shing / gtan par bting na gtan pa bting ba zhes bgyi'am/ u pA li ma bting ba zhes bya'o/ /btsun pa tshad las chung 12-1-265b ba zhig gtan par bting na gtan pa bting ba zhes bgyi'am/ u pA li ma bting ba zhes bya'o/ /btsun pa gos ji lta bus gtan pa gding bar bgyi/ u pA li mchur lnga zheng du gsum pas so/ /btsun pa gtan pa 'ding ba khyim pa zhig gis gtan pa bting na gtan pa bting ba zhes bgyi'am/ u pA li ma bting ba zhes bya'o/ /dge 'dun yang 'das pa dang bcas pa'o/ /de bzhin du gtan pa 'ding ba ma ning dang / mi gnas pa dang / so sor gnas pa nas/ sngar 'khrugs pa'i bar du de dag gis gtan pa bting na gtan pa bting ba zhes bgyi'am/ u pA li ma bting ba zhes bya ste/ dge 'dun yang 'das pa dang bcas pa'o/ /btsun pa gtan pa 'ding ba za ma zhig gis gtan pa bting na gtan pa bting ba zhes bgyi'am/ u pA li ma bting ba zhes bya ste/ dge 'dun yang 'das pa dang bcas pa'o/ /btsun pa gtan pa 'ding ba dge 'dun gyi dbyen bgyis pa dang / nye bar phyogs pa dang /bslab pa stsal ba rnams kyis gtan pa bting na gtan pa bting ba zhes bgyi'am/ u pA li bting ba zhes bya ste/ dge 'dun ni 'das pa dang bcas pa'o/ /btsun pa gtan pa 'ding ba smyon pa zhig gis gtan pa bting na gtan pa bting ba zhes bgyi'am/ u pA li ma bting ba zhes bya'o/ /de ste dge slong gi 'du shes yod la bdag ming 'di zhes bgyi bas dge 'dun gyi gtan pa 'ding ngo / /bdag gis bting ngo zhes sems bskyed na gtan pa bting ba zhes bya'o/ /de bzhin du sems 'khrugs pa dang / nad kyis gzir ba rnams su shes par bya'o/ /btsun pa gtan pa gding ba glen pa dang / lkugs pa dang / 'on pa rnams kyis gtan pa bting na gtan pa bting ba zhes bgyi'am/ u pA li bting ba zhes bya ste/ dge 'dun ni 'das pa dang bcas pa'o/ /btsun pa gtan pa 'ding ba gzhan du gnas pas gtan pa bting na gtan pa bting ba zhes bgyi'am/ u pA li bting ba zhes bya ste/ dge 'dun yang 'das pa dang bcas pa'o/ /gtan pa'i dngos po rdzogs so// //mdor na/ gang du gang gis mtshams bzhi dang / /bsgo ba gos dang 12-1-266a gso sbyong bzhi/ /gtan bzhi bye ba gang zag go/ /btsun pa yul kau shAm+bIr dge 'dun gang gi tshe bye bar gyur/ nam mtshams kyi nang na gcig pu gnas pa las gso sbyong byed pa dang / dge 'dun gyi bya ba dang / dge 'dun gyi don rnams tha dad par byas pa na'o/ / btsun pa yul kau shAm+bIr dang por dge 'dun gang gis phye/ chos ma yin par smra bas de dag gis thog mar mtshams kyi nang du gso sbyong dang / dge 'dun gyi bya ba dang / dge 'dun gyi don rnams tha dad par byas pas so/ /btsun pa yul kau shAm+bI bas mtshams bshig na mtshams zhig pa zhes bgyi'am/ u pA li ma yin no/ /btsun pa de ste yul yangs pa can na gnas pas mtshams bshig na mtshams zhig pa zhes bgyi'am/ u pA li ma yin no/ /btsun pa dge slong ma'i dge 'dun bye nas phyogs dang gzhan gyi phyogs su gnas pa la zla ba phyed phyed cing lung dbog pa dang bstan par bgyi'am/ 'di skad du sring mo rnams je mthun par gyis zhes sgo shig /btsun pa dge slong ma'i dge 'dun bye nas phyogs su gnas pa'i dge slong ma dag gis zla ba phyed phyed cing lung dbog cing bstan pa btsal bar bgyi'am/ btsal bar bya'o/ /su las btsal/ chos la phyogs pa las so/ /btsun pa dge slong gi dge 'dun bye nas phyogs gnyis su gnas pa dag gis dge slong ma dag la lung dbog cing bstan pa stsal bar bgyi'am/ dge slong ma'i dge 'dun mi bye ba'i phyir byin cig /btsun pa yul kau shAm+bIr phyogs gnyis ka 'dus shing 'khod par byed na gzu bos gang du dge slong ma la lung dbog par bgyi/ mtshams kyi phyi rol du song ba'o/ /btsun pa yul kau shAm+bIr phyogs gnyis kar 'dus shing 'khod par gyur la/ dge slong gzu bo dag kyang mtshams kyi slad rol du mchis par gyur pa dang / khyim bdag cig mchis nas dge 'dun la gos shig phul na gang gis 'thob/ phyogs gnyis kas so/ /yul kau shAm+bI na gnas pas yul yangs pa can na gnas pa dag dang lhan cig gso sbyong bgyid na gso sbyong bgyis pa zhes bgyi'am/ u 12-1-266b pA li ma yin no/ yul yangs pa can na gnas pas yul kau shAm+bIr gnas pa dag dang lhan cig tu gso sbyong bgyid na/ gso sbyong bgyis pa zhes bgyi'am/ u pA li ma yin no/ /gzu bo rnams yul kau shAm+bI na gnas pa dag dang lhan cig tu gso sbyong bgyid na gso sbyong bgyis pa zhes bgyi'am/ u pA li ma yin no/ /gzu bo dag yul yangs pa can na gnas pa dang lhan cig gso sbyong bgyid na gso sbyong bgyis pa zhes bgyi'am/ u pA li ma yin no/ /de ste byed na gzu bo'i dngos po med do/ /btsun pa gtan pa bting ba'i gnas su dge 'dun bye na gtan pa gang gis gding bar bgyi/ chos su smra ba dag gis so/ btsun pa gtan pa 'ding ba'i gnas su dge 'dun bye na gtan pa gang gis dbyung bar bgyi/ chos su smra ba rnams kyis so/ /btsun pa gang nye bar phyogs pa de thams cad so sor gnas pa lags sam/ nye bar phyogs pa so sor gnas pa ma yin pa yang yod/ so sor gnas la nye bar ma phyogs pa yang yod/ nye bar phyogs la so sor gnas pa'ang yod/ nye bar yang ma phyogs la so sor gnas pa ma yin pa yang yod do/ /nye bar phyogs la so sor gnas pa ma yin pa ni gang dngos po lnga la nye bar phyogs par gyur pa ste/ ma mthong ba'i phyir dge 'dun gyis spangs par ma gyur pa dang / slar las ma byas pa'i phyir spangs par ma gyur pa dang / sdig pa la lta ba ma btang ba'i phyir spangs par ma gyur pa'o/ /so sor gnas la nye bar ma phyogs pa ni 'di ltar dge slong de ma mthong ba'i phyir dge 'dun gyis spangs par gyur pa dang / slar las ma byas pa'i phyir dang / sdig pa la lta ba ma btang ba'i phyir spangs par gyur pa dang / dngos po lnga la yang nye bar phyogs par ma gyur pa'o/ /nye bar yang phyogs la so sor yang gnas pa ni de 'di ltar dge slong de dngos po lnga la nye bar phyogs par yang gyur la/ ma mthong ba'i phyir dge 'dun gyis kyang spangs par gyur pa dang / slar las ma byas pa'i phyir dang / sdig pa la lta ba ma btang ba'i phyir spangs par gyur pa'o/ /nye bar phyogs pa'ang 12-1-267a ma yin la so sor gnas pa'ang ma yin pa ni rnam pa de lta bu dag ma gtogs pa'o/ /gang nye bar phyogs pa de thams cad mi gnas pa lags sam/ nye bar phyogs la mi gnas pa ma yin pa yang yod mi gnas la nye bar ma phyogs pa yang yod/ nye bar yang phyogs la mi gnas pa yang yod/ nye bar yang ma phyogs la mi gnas pa ma yin pa yang yod do/ /nye bar phyogs la mi gnas pa ma yin pa ni 'di ltar dge slong de dngos po lnga la nye bar phyogs par gyur la/ phas pham pa bzhi'i nyes pa gang yang rung ba byung bar ma gyur pa'o/ /mi gnas la nye bar yang ma phyogs pa ni de 'di ltar dge slong de phas pham pa bzhi las gang yang rung ba'i nyes pa byung bar gyur la/ dngos po lnga la ni nye bar ma phyogs pa yin no/ /nye bar yang phyogs la mi gnas pa yang yin pa ni 'di ltar dge slong de dngos po lnga la nye bar phyogs par gyur cing phas pham pa bzhi las gang yang rung ba'i nyes pa byung ba yin no/ /nye bar phyogs pa yang ma yin la mi gnas pa'ang ma yin pa ni rnam pa de lta bu ma gtogs pa'o/ /gang so sor gnas pa de thams cad mi gnas pa lags sam/so sor gnas la mi gnas pa ma yin pa yang yod/ mi gnas la so sor gnas pa ma yin pa yang yod/ so sor yang gnas la mi gnas pa yang yod/ mi gnas pa'ang ma yin so sor gnas pa yang ma yin pa yod do/ /so sor gnas la mi gnas pa ma yin pa ni 'di ltar dge slong de ma mthong ba'i phyir spangs par gyur cing slar las ma byas pa dang / sdig pa la lta ba ma btang ba'i phyir spangs par gyur la phas pham pa bzhi las nyes pa gang yang rung ba ma byung ba yin no/ /mi gnas la so sor gnas pa ma yin pa ni gang 'di ltar dge slong de phas pham pa bzhi'i nyes pa gang yang rung ba byung bar gyur gyi ma mthong ba'i phyir dge 'dun gyis spang ba ma byas par gyur cing slar las ma byas pa dang / sdig pa la lta ba ma btang ba'i phyir spangs par ma gyur pa'o/ /mi gnas la so sor yang gnas pa ni de 'di ltar dge 12-1-267b slong de ma mthong ba'i phyir spangs pa yang yin la/ phas pham pa bzhi'i nyes pa gang yang rung ba byung bar gyur pa'o/ /mi gnas pa'ang ma yin so sor gnas pa yang ma yin pa ni rnam pa de lta bu ma gtogs pa'o/ /btsun pa dge slong nyid kyis dge slong gi dge 'dun 'byed kyi/ dge slong mas ma lags/ dge slob mas ma lags/ dge tshul mas ma lags/ dge tshul phas ma lags sam/ u pA li dge slong nyid kyis dge slong gi dge 'dun 'byed kyi/ dge slong mas ma yin/ dge slob mas ma yin/ dge tshul mas ma yin/ dge tshul phas ma yin mod kyi/ 'on kyang dge slong ma rnams ni dge 'dun dbye ba'i phyir rtsol lo/ /btsun pa dge slong ma nyid kyis dge slong ma'i dge 'dun 'byed kyi/ dge slong gis ma lags/ dge slob mas ma lags/ dge tshul mas ma lags/ dge tshul phas ma lags sam/ u pA li dge slong ma nyid kyis dge slong ma'i dge 'dun 'byed kyi/ dge slong phas ma yin/ dge slob mas ma yin/ dge tshul mas ma yin/ dge tshul phas ma yin mod kyi/ 'on kyang dge slong rnams ni dge 'dun dbye ba'i phyir rtsol lo/ / btsun pa dbye ba ni gang / kha na ma tho ba dang ldan pa ni gang lags/ dbye ba ni dge 'dun no/ /kha na ma tho ba dang ldan pa ni 'byed pa'o/ /btsun pa dge 'dun phye na cir 'gyur/ sbom po ste/ gsol ba dang las ma mnyan na dge 'dun gyi lhag ma'o/ /btsun pa ji tsam gyis na dge 'dun phye ba zhes bgyi/ u pA li gang gi tshe ji snyed pa'i dge slong rnams mtshams su byin/ bya ba la bab par gyur/ de dag thams cad 'dus shing mngon sum du gyur/ dad pa blang ba'i rigs pa las dad pa blangs par gyur/ dge slong rnams kyis mtshams kyi nang la mtshams kyi nang yin par 'du shes te gso sbyong dang las tha dad du byed pa de lta na dge 'dun bye ba zhes bya'o/ /dge 'dun phye bas nongs pa gang bshags par bgyi/ nyes pa sbom po'o/ /btsun pa bcom ldan 'das kyis de lta bu'i gang zag la gleng bar ma byed cig / 12-1-268a dran par ma byed cig ces gsungs na/ de lta bu'i gang zag gang lags/ gang zag gang mdo sde 'dzin pa ma lta bu 'dzin pa/ bsod nams chen po/ 'khor g.yog mang po/ grags pa de'o/ /de lta bu'i gang zag cig spangs na cir 'gyur/ nyes pa sbom por 'gyur ro/ /yul ko+o shAm+bI ka'i dngos po rdzogs so// //'dul ba gzhung dam pa/bam po bcu dgu pa/ mdor na/ skad dang nam mkha' mtshams dang sa/ /chos gnyis dang ni ma 'dus pa/ /chad pa khor dang gcig nas gcig /ma 'dus gang zag gnas de bzhin/ /btsun pa 'phags pa zhig gis 'phags pa'i skad du las bgyis pa dang / dge slong de dag gis kyang 'phags pa'i skad ma 'tshal na las bgyis pa zhes bgyi'am/ u pA li las byas pa zhes bya ste/ las byed pa'i dge slong ni 'das pa dang bcas pa'o/ /btsun pa 'phags pa zhig gis mtha' 'khob pa'i skad du las bgyis pa dang / dge slong de dag gis mtha' 'khob pa'i skad ma 'tshal na las bgyis pa zhes bgyi'am/ u pA li las byas pa zhes bya ste/ las byed pa ni 'das pa dang bcas pa'o/ /btsun pa mtha' 'khob pa zhig gis mtha' 'khob pa'i skad du las bgyis pa dang / dge slong de dag gis kyang mtha' 'khob pa'i skad ma 'tshal na las bgyis pa zhes bgyi'am/ u pA li las byas pa zhes bya ste/ las byed pa ni 'das pa dang bcas pa'o/ /btsun pa mtha' 'khob pa zhig gis 'phags pa'i skad du las bgyis pa dang / dge slong de dag gis 'phags pa'i skad ma 'tshal na las bgyis pa zhes bgyi'am/ u pA li las byas pa zhes bya ste/ las byed pa ni 'das pa dang bcas pa'o/ /btsun pa sa la gnas pas nam mkha' la gnas pa'i grangs su bskangs na las bgyir rung ngam/ u pA li mi rung ngo / /btsun pa nam mkha' la gnas pas sa la gnas pa'i grangs su bskangs na las bgyir rung ngam/ u pA li mi rung ngo / /btsun pa las bgyis pas la gnas pas nam 12-1-268b mkha' la gnas pa rnams kyi las bgyir rung ngam/ u pA li mi rung ngo / /btsun pa las bgyid pa nam mkha' la gnas pas sa la gnas pa rnams kyi las bgyir rung ngam/ u pA li mi rung ngo / /de bzhin du mtshams kyi nang na gnas pa dang / mtshams kyi phyi rol du gnas pa rnams dang lhan cig bzhir bya'o/ /btsun pa sa la gnas pas sa la gnas pa rnams dang lhan cig las bgyir rung ngam/ u pA li rung ngo / /'di ltar yang des sa la gnas pas grangs bskang zhing sa la gnas pa rnams las dad pa blangs par gyur pa'o/ / ji ltar sa la gnas pas sa la gnas pa dang lhan cig pa de bzhin du sa la gnas pa dang / rtsig pa la gnas par ro/ /sa la gnas pa dang shing la gnas par ro/ /rtsig pa la gnas pa dang / rtsig pa la gnas par ro/ /rtsig pa la gnas pa dang sa la gnas par ro/ /rtsig pa la gnas pa dang shing la gnas par ro/ /shing la gnas pa dang shing la gnas par ro/ /shing la gnas pa dang sa la gnas par ro/ /shing la gnas pa dang rtsig pa la gnas pa lhan cig tu las bgyir rung ngam/ u pA li rung ste/ ji ltar yang shing la gnas pa rnams kyis grangs su bskangs te sa la gnas pa rnams las dad pa blangs par gyur pa'o/ /las rnam pa bzhi ste/ chos bzhin ma yin par byed cing ma 'dus pa dang / chos bzhin ma yin par 'dus pa dang / chos bzhin du ma 'dus pa dang / chos bzhin du 'dus pa'o/ /chos bzhin ma yin par byed cing ma 'dus pa gang zhe na/ gsol ba byas nas las ma bsgrags te ma 'dus par yang gyur pa'o/ /chos bzhin ma yin par 'dus pa gang zhe na/ gsol ba byas nas las ma bsgrags par 'dus par yang gyur pa'o/ /chos bzhin du ma 'dus pa gang zhe na/ gsol ba byas la las bsgrags pa dang ma 'dus par yang gyur pa'o/ /chos bzhin du 'dus pa gang zhe na/ gsol ba byas shing las bsgrags la 'dus par yang gyur pa'o/ /gzhan yang las rnam pa bzhi ste/ chos 12-1-269a bzhin ma yin par mthun la ma 'dus pa dang / chos bzhin ma yin par mthun la 'dus pa dang / chos bzhin du mthun la ma 'dus pa dang / chos bzhin du mthun la 'dus pa'o/ /chos bzhin ma yin par mthun la ma 'dus pa gang zhe na/ sngar las bsgrags la phyis gsol ba byed cing ma 'dus par gyur pa'o/ /chos bzhin ma yin par mthun zhing 'dus pa gang zhe na/ sngar las bsgrags la phyis gsol ba byed cing 'dus par yang gyur pa'o/ /chos bzhin du mthun la ma 'dus pa gang zhe na/ las de nyid kyis gsol ba byas te las gzhan bsgrags la ma 'dus par gyur pa'o/ /chos bzhin du mthun la 'dus pa gang zhe na/ las de nyid kyis gsol ba byas shing las gzhan bsgrags la 'dus par yang gyur pa'o/ /btsun pa ma 'dus pa'i las zhes kyang bgyi/ 'dus pa'i las zhes kyang bgyi na/ btsun pa ma 'dus pa'i las gang lags/ u pA li dge slong ji snyed pa rnams kyis mtshams su yang phyin/ las la yang bab par gyur/ thams cad mngon sum du 'dus par gyur/ dad pa blang ba'i rigs pa yang dad pa blangs par gyur na dge slong rnams ni zlog cing 'khyal te/ de dag slar zlog cing 'khyal bzhin du las byas na de ni ma 'dus pa'i las zhes bya'o/ /'dus pa'i las gang zhe na/ dge slong ji snyed pa rnams kyis mtshams su phyin cing las la bab par gyur/ thams cad kyang mngon sum du 'dus par gyur/ dad pa blang ba'i rigs pa yang dad pa blangs par gyur na dge slong dag slar mi ldog cing 'khyal bar mi byed de/ de dag slar mi ldog cing mi 'khyal bzhin du las byed pas na de ni 'dus pa'i las zhes bya'o/ /btsun pa dge 'dun thams cad 'dus te 'khod nas las bgyis kyang las de ma 'dus pa'i las su 'gyur ba mchis sam/ u pA li yod de 'di ltar gsol ba dang las byed pa na dge slong dag slar zlog cing 'khyal te/ de dag slar zlog cing 'khyal bzhin las byed pa'o/ /btsun pa las bgyid pa chad pa khor ba zhig gis las bgyis na 12-1-269b las bgyis pa zhes bgyi'am/ u pA li byas pa zhes bya ste/ dge 'dun rnams ni 'das pa dang bcas pa'o/ /btsun pa chad pa khor ba zhig gis dad pa blangs nas las bgyis na las bgyis pa zhes bgyi'am/ u pA li byas pa zhes bya ste/ dge slong de dag ni 'das pa dang bcas pa'o/ /btsun pa dad pa gcig nas gcig tu blangs te las bgyis na las bgyis pa zhes bya'am/ u pA li byas pa zhes bya ste/ dge 'dun rnams ni 'das pa dang bcas pa'o/ /btsun pa ma 'dus par las bgyis na las bgyis pa zhes bgyi'am/ u pA li ma byas pa zhes bya ste/ dge 'dun kyang 'das pa dang bcas pa'o/ /btsun pa gcig gis gcig la/ gcig gis gnyis la/ gcig gis gsum la/ gcig gis mang po la las bgyir rung ngam/ u pA li mi rung ngo / /btsun pa gnyis kyis gcig la/ gnyis kyis gnyis la/ gnyis kyis gsum la/ gnyis kyis mang po la las rnams bgyir rung ngam/ u pA li mi rung ngo / /btsun pa gsum gyis gcig la/ gsum gyis gnyis la/ gsum gyis gsum la/ gsum gyis mang po la las bgyir rung ngam/ u pA li mi rung ngo / /btsun pa mang pos mang po la las bgyir rung ngam/ u pA li mi rung ngo / /btsun pa las bgyid pa gnas gcig tu mchis la gnas bzhir las thams cad bgyir rung ngam/ u pA li rung ste/ de 'di ltar las byed pa'i dge slong des gnas bzhi char gyi mtshams shing ngam/ 'dam bu'am/re ldes mnan te las byed pa'o/ /btsun pa las bgyid pas mtshams gcig par gsol ba gcig dang las gcig gis gang zag bzhi la las bgyis na las bgyis pa zhes bgyi'am/ u pA li ma yin no/ /de ci'i phyir zhe na/ mtshams gcig par mang pos mang po la las byar mi rung ngo / /btsun pa dge slong gis mtshams gcig la mtshungs par gnas pa'i dge slong rnams la las bgyis kyang nongs par yang mi 'gyur la dge 'dun ma 'dus par yang mi 12-1-270a 'gyur ba mchis sam/ u pA li yod de/ dad pa byin pas so/ /btsun pa las bgyid pa'i dge slong gnas gcig na mchis pas gang zag bzhi la las bgyis na las de yang bgyis par 'gyur la dge slong de dag kyang 'das pa dang bcas par yang mi 'gyur ba mchis sam/ u pA li yod de/ 'di ltar las byed pa'i dge slong de mtshams mnan mtshams bzung nas mtshams su 'greng ngam 'dug nas mtshams kyi nang du gnyis 'dug /mtshams kyi phyi rol du gnyis 'dug pa la las byed pa'o// //mdor na/ mngon sum gyur dang snga ma dag /las rnams gsum dang shi ba dang / mi spyad dang ni bde ba mtshams/ /nyes pa las kyang de bzhin no/ /btsun pa bcom ldan 'das kyis ni mngon sum du gyur pa la las rnams gyis shig ces gsungs na/ btsun pa dge 'dun gyis mngon sum du ma gyur par las rnams bgyis kyang las rnams bgyis par 'gyur ba mchis sam/ u pA li yod de/ 'di ltar yang dge slong ma'i dge 'dun gyis phyag mi bya ba'i sdom pa'am longs spyod dang bral ba'i sdom pa byin pa dang / dge slong gi dge 'dun gyis dge slong la smyon pa'i sdom pa byin par gyur pa'o/ /btsun pa sngar las bsgrags te phyis gsol ba bgyis na bgyis pa zhes bgyi'am/ u pA li byas pa zhes bya ste/ dge slong de dag ni 'das pa dang bcas pa'o/ /btsun pa bdag nyid kyis bdag nyid spangs na spangs pa zhes bgyi'am/ u pA li spangs pa zhes bya'o/ /btsun pa bdag nyid spangs te bdag nyid kyis bdag nyid la bzod par bgyis na bzod pa bgyid pa zhes bgyi'am/ u pA li bzod pa byas pa zhes bya'o/ /btsun pa bsdigs pa'i las bgyis pa la bsdigs pa'i las bgyid na las bgyis pa zhes bgyi'am/ u pA li ma yin no/ /de bzhin du smad pa'i las bgyis pa la smad pa'i las bgyid pa dang / bskrad pa'i las bgyis pa dang / slar bsdum pa'i las bgyis pa dang / ma mthong ba'i phyir spangs pa'i las bgyis 12-1-270b pa dang / slar gyi las ma bgyis pa dang / sdig pa la lta ba slar ma btang ba'i phyir spang ba'i las bgyis pa dang / chad pas bcad pa la chad pa'i dang / yid mgu ba'i spyod pa la yid mgu ba'i dang / dbyung ba'i phyir las bgyis pa la dbyung ba'i phyir las bgyid na las bgyis pa zhes bgyi'am/ u pA li ma yin no/ /btsun pa bsdigs pa'i las bgyis pa la smad pa'i las bgyid/ bskrad pa'i dang / slar bsdum pa'i dang / ma mthong ba'i phyir spangs pa dang / slar gyi las ma bgyis pa dang / sdig pa la lta ba slar ma btang ba'i phyir spang ba'i las dang / chad pas bcad pa'i dang / yid mgu ba'i dang / dbyung ba'i las bgyid na las bgyis pa zhes bgyi'am/ u pA li byas pa zhes bya'o/ /de bzhin du las thams cad kyang 'khor lo'i rgyud bzhin du bya'o/ /btsun pa bsdigs pa'i las su 'os pa zhig la smad pa dang / bskrad pa dang / slar bsdum pa'i las rnams bgyis na las bgyis pa zhes bgyi'am/ u pA li byas pa zhes bya ste/ sma dbab pa'i las so/ /btsun pa bsdigs pa'i las su 'os pa zhig la ma mthong ba'i slad du spangs pa dang / slar las ma bgyis pa dang / sdig pa la lta ba slar ma btang ba'i slad du spang ba'i las bgyis na las bgyis pa zhes bgyi'am/ u pA li ma byas pa zhes bya'o/ /de ci'i phyir zhe na/ u pA li sma dbab pa'i las ni gzhan no/ /spang ba'i las ni gzhan no/ / btsun pa bsdigs pa'i las su 'os pa zhig la chad pas bcad pa dang / yid mgu ba dang / dbyung ba'i las bgyis na las bgyis pa zhes bgyi'am/ u pA li ma byas pa zhes bya'o/ /de ci'i phyir zhe na/ sma dbab pa'i las ni gzhan no/ /rnam par dag pa'i las ni gzhan no/ /btsun pa ma mthong ba'i slad du spang ba'i las su 'os pa zhig la slar las ma bgyis pa dang / sdig pa la lta ba slar ma btang ba'i slad du spang ba'i las shig bgyis na las bgyis pa zhes bgyi'am/ u pA li byas pa zhes bya'o/ /de 12-1-271a ci'i phyir zhe na/ de dag thams cad ni spang ba'i las so/ /btsun pa ma mthong ba'i phyir spang ba'i las su 'os pa zhig la bsdigs pa dang / smad pa dang / bskrad pa dang / slar bsdum pa'i las shig bgyis na las bgyis pa zhes bgyi'am/ u pA li ma byas pa zhes bya'o/ /de ci'i phyir zhe na/ u pA li spang ba'i las ni gzhan/ sma dbab pa'i las ni gzhan no/ /btsun pa ma mthong ba'i slad du spang ba'i las su 'os pa zhig la chad pas bcad pa dang / yid mgu ba dang / dbyung ba'i las bgyis na las bgyis pa zhes bgyi'am/ u pA li ma byas pa zhes bya ste/ de ci'i phyir zhe na/ u pA li spang ba'i las ni gzhan/ rnam par dag pa'i las ni gzhan no/ /btsun pa chad pas gcad par 'os pa zhig la yid mgu ba dang / dbyung ba'i las bgyis na las bgyis pa zhes bgyi'am/ u pA li byas pa zhes bya'o/ /de ci'i phyir zhe na/ u pA li 'di dag thams cad ni rnam par dag pa'i las so/ /btsun pa chad pas gcad par 'os pa zhig la bsdigs pa dang / smad pa dang / bskrad pa dang / slar bsdum pa'i las bgyis na las bgyis pa zhes bgyi'am/ u pA li ma byas pa zhes bya'o/ /de ci'i phyir zhe na/ u pA li rnam par dag pa'i las ni gzhan/ sma dbab pa'i las ni gzhan no/ /btsun pa chad pas gcad par 'os pa zhig la ma mthong ba'i phyir spang ba'i las bgyis sam/ slar gyi las ma bgyis pa dang / sdig pa la lta ba slar ma btang ba'i slad du spang ba'i las bgyis na las bgyis pa zhes bgyi'am/ u pA li ma byas pa zhes bya'o/ /de ci'i phyir zhe na/ u pA li rnam par dag pa'i las ni gzhan/ spang ba'i las ni gzhan no/ /btsun pa las gzhan gyis gsol ba bgyis la las gzhan gyis bsgrags na las bgyis pa zhes bgyi'am/ u pA li ma byas pa zhes bya ste/ dge slong de dag kyang 'das pa dang bcas pa'o/ /btsun pa bcom ldan 'das kyis ni gang zag 12-1-271b byis pa dang / glen pa dang / mi gsal ba dang / mi mkhas pa dang / ngo tsha med pa dang / tshig mi brtan pa dang / yi dam las nyams pa dang / sngon nyes pa byung ba dang / sngar 'khrugs pa dang / smyos pa dang rnam pa bcus 'khrugs kyang 'khrugs par mi 'gyur ro zhes gsungs na/ btsun pa de ste chos bzhin ma lags par bgyid cing de dag kyang slar bzlog /slar dkrugs te/ de dag gis slar bzlog slar dkrugs na slar dkrugs pa mi brtsan nam/ u pA li brtsan te/ ngas chos bzhin gyi las la dgongs te gsungs pas na/ gang la chos bzhin gyi las byed pa de la slar bzlog pa dang dkrugs pa ni mi brtsan no/ /btsun pa gang zag bcu gnyis kyi las bsko ba'i tshe dang bsnyen par rdzogs par rigs pa la bsnyen par rdzogs par bgyid pa'i tshe dang / dbyung bar rigs pa la byin pa'i tshe slar bzlog cing slar dkrugs te bdag la las ma byed cig ces mchi na de dag gis slar bzlog pa dang / slar dkrugs pa mi brtsan nam/ u pA li brtsan no/ /chad pa'i las ni ngas dgongs te gsungs so/ /btsun pa las bgyid pa zhig las bgyid pa'i tshe dus las 'das na las bgyis pa zhes bgyi'am/ u pA li de ste las mang du byas la de yang dus las 'das na las byas pa zhes bya'o/ /btsun pa nye bar phyogs pa dang lhan cig kun du spyad par bgyi'am kun du mi spyad par bgyi/ u pA li nye bar phyogs pa dang lhan cig kun tu mi spyad par bya'o/ /btsun pa spangs pa de grogs zhes bgyi'am/ grogs ma lags pa zhes bgyi/ u pA li spangs pa thams cad ni grogs ma yin pa zhes bya'o/ /btsun pa bcom ldan 'das kyis bsdigs pa'i las bgyis pa la bzod pa stsol cig ces gsungs na/ btsun pa gang du bzod pa stsal bar bgyi/ mtshams kyi nang du'o/ /ji ltar bzod pa gsol bar bgyi/ spu 'greng ba nyal bzhin du dge 'dun la spu bsnyal te 'byung bar rtsol zhing phyag 'tshal bar ston mtshams kyi nang du 'dug nas bzod pa gsol te 12-1-272a nyes pa mthong ba'o/ /btsun pa su gang la dge 'dun gyi nang du lan gsum du bsgo yang slar ma btang ba de dag thams cad nongs par 'gyur ram/ su gang la nongs par byung ba de dag thams cad kyang lan gsum du bsgo bar bgyi'am/ su gang zhig dge 'dun gyi nang du lan gsum du bsgo yang slar ma btang ba de dag thams cad la nyes par 'gyur ro/ /btsun pa nongs pa byung yang de dge 'dun gyi nang du lan gsum du bsgo mi 'tshal bar 'gyur ba mchis sam/ u pA li yod de/ bsgo ba'i rigs pa zhig bsgo bar 'os pa ma gtogs par de las nyes pa gzhan byung ba'o/ btsun pa bcom ldan 'das kyis ni chos gang dang ldan pa'i dge slong de la sma dbab pa'i las dang spang ba'i las dang / rnam par dag pa'i las rnams bya'o zhes gsungs na/ btsun pa de ste dge slong ma la yang de lta bu'i chos dang ldan par gyur na de dag la yang las de rnams bgyi'am/ u pA li bya'o/ /btsun pa de ste dge slob ma dang / dge tshul ma dang / dge tshul pha rnams chos de dag dang ldan par gyur na/ de dag la yang las de rnams bgyi'am/ u pA li rnam par dag pa'i las ma gtogs par las gzhan rnams ni bya'o// //mdor na/ smyon pa sems 'khrugs na ba dang / /'on glen gnyid log ra ro ba/ /myos pa snyoms zhugs 'gro ba mtshan/ /ma ning dag la sogs pa dang / /bslab pa byin pa tha ma'o/ /btsun pa smyon pa la las bgyid na las bgyis pa zhes bgyi'am/ u pA li smyon pa la sdom pa byin pa ma gtogs pa'i las lhag ma rnams ni de ste slar dge slong du 'du shes yod cing las 'di ni bdag la byed do bar shes na las byas pa zhes bya'o/ /sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams kyang de bzhin no/ /btsun pa gnyid log pa zhig la las bgyid na las bgyis pa zhes bgyi'am/ u pA li de ste lus sam ngag gis dmigs nas gsol ba dang las bya ba'i tshe gnyid kyis log na 12-1-272b las byas pa zhes bya'o/ /de bzhin du myos pa dang / ra ro ba dang / snyoms par zhugs pa rnams la yang brjod par bya'o/ /btsun pa 'gro ba gzhan du gnas pa zhig la las bgyid na las bgyis pa zhes bgyi'am/ u pA li lhung bzed khas dbub pa ma gtogs te las lhag ma rnams ni byas pa zhes bya'o/ /btsun pa gang la las bgyi ba de'i mtshan gyur na las bgyis pa zhes bgyi'am/ u pA li byas pa zhes bya'o/ /btsun pa ma ning zhig la las bgyid na las bgyis pa zhes bgyi'am/ u pA li ma byas pa zhes bya'o/ /de bzhin du dge slong ma sun phyung ba nas/ sngar 'khrugs pa'i bar du brjod par bya'o/ /btsun pa za ma zhig la las bgyid na las bgyid pa zhes bgyi'am/ u pA li ma byas pa zhes bya'o/ /btsun pa dge 'dun gyi dbyen bgyis pa dang / nye bar phyogs pa dang / bslab pa stsal ba rnams la las bgyid na las bgyis pa zhes bgyi'am/ u pA li byas pa zhes bya ste/ dge 'dun ni 'das pa dang bcas pa'o// //mdor na/ smyon pa dang ni sems 'khrugs dang / /na ba 'on pa glen pa dang / /khyim pa dag la sogs pa dang / /bslab pa byin dang mtshan de bzhin/ /btsun pa las bgyid pa smyon pa zhig gis las bgyis na las bgyis pa zhes bgyi'am ma bgyis pa zhes bgyi/ u pA li de ste dge slong du 'du shes slar rnyed cing gsol ba byas te las ma nyams na byas pa zhes bya'o/ /sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams kyang de bzhin no/ /btsun pa las bgyid pa 'gro ba gzhan du gnas pa zhig gis las bgyis na las bgyis pa zhes bgyi'am/ u pA li de bzhin no/ /de bzhin du las bgyid pa khyim pa dang / za ma dang / ma ning dang / lhan cig mi gnas pa dang / so sor gnas pa nas sngar 'khrugs pa'i bar du de dag gis las bgyid na las bgyis pa zhes bgyi'am/ u pA li ma yin no/ /btsun pa dge 'dun gyi dbyen bgyis pa dang / nye bar phyogs pa dang / bslab pa stsal ba 12-1-273a rnams kyis las bgyid na las bgyis pa zhes bgyi'am/ u pA li byas pa zhes bya ste/ dge 'dun ni 'das pa dang bcas pa'o/ /btsun pa las bgyid pas las bgyis pa na mtshan 'phos na las bgyis pa zhes bgyi'am/ u pA li byas pa zhes bya'o/ / ji ltar las byed pa de bzhin du grangs su bskang bas kyang brjod par bya'o/ /las kyi dngos po ste dmar skya'i dngos po rdzogs s+ho// //mdor na/ chad pa rnam pa bdun du byas/ /gnas gsum dang ni mu stegs can/ /bsgrags pa dang ni nyes pa dang / /mtshan dang sbyin pa ma yin pa'o/ /btsun pa gang zag de nyid chad pa bgyid pa lags la de nyid chad pa khor ba yang lags/ de yid mgu bar spyod pa lags la gang zag de nyid kyis yid mgu bar spyod pa yang lags par 'gyur ba mchis sam/ u pA li yod de/ 'di ltar gang zag yid mgu bar spyad pa las dge 'dun gyi lhag ma'i nyes pa byung ste/ de dge 'dun la yid mgu bar bya ba gsol te dge 'dun gyis de la yid mgu bar bya ba byin te de yid mgu bar bya ba spyod pa na de yang dge 'dun gyi lhag ma'i nyes pa gnyis byung ste/ gcig ni zhag gcig tu bcabs pa/ gcig ni zhag gnyis su bcabs nas des nyes pa de dag gi phyir dge 'dun las chad par bya bar gsol ba dang / de la dge 'dun gyis kyang chad par byed pa byin no/ /des zhag gcig tu chad pa byas te/ de'i nyes pa gcig gi chad pa ni byas so/ / gnyis pa'i chad pa ni byed/ gsum du ni yid mgu bar bya ba spyod/ bzhi pa ni yid mgu bar spyad pa'o/ /btsun pa chad pa bgyid pa'i rigs pa zhig la yid mgu ba bgyid pa stsal na stsal ba zhes bgyi'am/ u pA li byin pa zhes bya ste/ dge 'dun ni 'das pa dang bcas pa'o/ /btsun pa chad pa bgyid pa'i rigs pa'i gang zag gcig phyung na phyung ba zhes bgyi'am/ u pA li phyung ba zhes bya ste/ dge 'dun ni 'das pa dang bcas pa'o/ /btsun pa yid mgu ba bgyid par rigs pa'i gang zag la chad pa 12-1-273b bgyid pa stsal na stsal ba zhes bgyi'am/ u pA li ma yin te/ dge 'dun la yang 'das pa dang bcas pa'o/ /btsun pa yid mgu ba bgyid par rigs pa'i gang zag gcig phyung na phyung ba zhes bgyi'am/ u pA li phyung ba zhes bya ste/ dge 'dun ni 'das pa dang bcas pa'o/ /btsun pa dbyung bar rigs pa'i gang zag la chad pa bgyid du stsal na stsal ba zhes bgyi'am/ u pA li ma yin te/ dge 'dun la yang 'das pa dang bcas pa'o/ /btsun pa dbyung bar rigs pa'i gang zag gcig yid mgu bar bgyid pa stsal na stsal ba zhes bgyi'am/ u pA li ma yin te/ dge 'dun yang 'das pa dang bcas pa'o/ /btsun pa las bgyid pa phyogs gcig tu mchis la gnas bzhir chad pa bgyid pa dang / yid mgu bar bgyid pa stsol cing dbyung ba'i las kyang bgyid par rung ngam/ u pA li de 'di ltar las byed pa'i dge slong de gnas bzhi'i mtshams su shing ngam/ dbyig pa'am/ re ldes mnan te las byed na rung ngo / /btsun pa las bgyid pa'i gnas bzhi'i mtshams su shing ngam/ dbyig pa'am/ re ldes mnan te gsol ba gcig dang / las gcig gis gang zag bzhi la chad pa bgyid pa dang / yid mgu bar bgyid pa dang / dbyung ba'i las rnams bgyid na las bgyis pa zhes bgyi'am/ u pA li ma yin no/ /de ci'i phyir zhe na/ u pA li mtshams gcig pa la mang pos mang po la las byar mi rung ngo / /btsun pa dge slong zhig gis mtshams gcig na gnas shing lhan cig tu 'khod pa'i dge slong de dag ma mchis bzhin du chad pa bgyid pa dang / yid mgu bar bgyid pa dang / dbyung ba'i las bgyid kyang nongs par mi 'gyur la des dge 'dun la yang mi mthun par mi 'gyur ba mchis sam/ u pA li yod de/ dad pa rjes su phul ba'o/ /btsun pa las bgyid pa'i dge slong phyogs gcig tu mchis nas gang zag bzhi la chad pa bgyid pa dang yid mgu bar bgyid pa'i las bgyid na las kyang bgyis par 'gyur la/ dge slong de dag kyang 'das pa dang bcas par mi 12-1-274a 'gyur ba mchis sam/ u pA li yod de/ 'di ltar las byed pa'i dge slong des mtshams mnan mtshams bzung ste mtshams su 'greng ngam 'dug kyang rung gnyis ni mtshams kyi nang du bzhag gnyis ni mtshams kyi phyi rol du bzhag ste byed pa'o/ /btsun pa bcom ldan 'das kyis ni chad pa bgyid pa gnyis thog gcig pa'i gnas su ma gnas shig ces gsungs na/ btsun pa chad pa bgyid pa gnyis thog gcig pa'i gnas su gnas kyang nongs par mi 'gyur ba mchis sam/ u pA li yod de/ sngon mu stegs can dang lhan cig gnas na'o/ /btsun pa nongs pa gang yang ma byung ba de yang chad pa bgyid du mchis sam/ u pA li yod de/ sngon mu stegs can no/ /btsun pa dge 'dun gyi lhag ma ma byung ba zhig la chad pa bgyid du stsal kyang nongs par mi 'gyur ba mchis sam/ u pA li yod de/ mu stegs can la'o/ /btsun pa dge slong zhig gis nongs pa'i ming dang rigs ma bsgrags na bcabs pa zhes bgyi'am/ u pA li bcabs pa zhes bya'o/ /btsun pa de ste rigs bsgrags la ming ma bsgrags na bcabs pa zhes bgyi'am/ u pA li ma yin no/ /btsun pa dge 'dun gyi lhag ma du las 'byung / u pA li bcu gsum las so/ /btsun pa dge slong zhig gis dge 'dun gyi lhag ma'i nongs pa zhig byung la ma bshags shing slar ma bgyis bzhin byang bar 'gyur ba mchis sam/ u pA li yod de/ 'di ltar dge slong de thun mong ma yin pa'i dge 'dun gyi lhag ma zhig byung bar gyur la/ de'i mtshan 'phos te dge slong mar gyur na/ de la dge 'dun gyi lhag ma las ni byung gi nyes byas kyi ltung ba ni bshags par bya'o/ /btsun pa dge slong ma zhig gis dge 'dun gyi lhag ma'i nongs pa zhig byung la ma bshags shing slar ma bgyis bzhin byang bar 'gyur ba mchis sam/ u pA li yod de/ 'di ltar dge slong ma de thun mong ma yin pa'i dge 'dun gyi lhag ma'i nyes pa zhig byung bar gyur la/ de'i mtshan 12-1-274b 'phos te dge slong phar gyur na dge 'dun gyi lhag ma las ni byung gi nyes byas kyi ltung ba ni bshags par bya'o/ /btsun pa dge 'dun gyi lhag ma'i nongs pa las byung bzhin slar yang nongs pa de bshags par 'gyur ba mchis sam/ u pA li yod de/ 'di ltar yang dge slong des thun mong ma yin pa'i dge 'dun gyi lhag ma'i nyes pa byung bar gyur pa dang de'i mtshan 'phos te dge slong mar gyur nas dge 'dun gyi lhag ma byung ba dang / de slar yang mtshan 'phos te dge slong du gyur na nyes pa de bshags dgos so/ /btsun pa dge slong zhig chad pa spyod pa las de mtshan 'phos te dge slong mar gyur na chad pa bral ba zhes bgyi'am/ u pA li ma yin te/ dge slong ma la chad pa bya'o/ /btsun pa dge slong de yid mgu bar bgyi ba spyod pa na mtshan 'phos te dge slong mar gyur na chad pa bral ba zhes bgyi'am/ u pA li ma yin te/ ji tsam du spyad pa de grangs la dge 'dun sde gnyis la zla phyed du skongs shig /btsun pa dge slong ma zhig chad pa spyod pa na mtshan 'phos te dge slong phar gyur na chad pa bral ba zhes bgyi'am/ u pA li ma yin te/ dge slong pha la chad pa byos shig / btsun pa dge slong ma zhig yid mgu bar bgyi ba spyod pa na mtshan 'phos te dge slong phar gyur na chad pa bral ba zhes bgyi'am/ u pA li ma yin te/ zhag drug tu grongs la phyung shig /btsun pa bslab pa stsal bas dge slong la chad par bgyi ba dang / yid mgu bar bgyi ba stsal bar rung ngam/ u pA li mi rung ngo / /btsun pa bslab pa stsal ba la chad par bgyi ba dang / yid mgu bar bgyi ba stsal bar rung ngam/ u pA li mi rung ngo // //mdor na/ nyes dang de bzhin mtshan mo dang / /skad rnams dang yang bzhi pa dang / / lus dang dben dang de bzhin sngags/ /bzhi pa gnyis dang sbyangs pa'o/ /btsun pa nongs pa dang bcas pas dge slong la chad pa bgyi ba dang yid mgu bar bgyi ba stsal bar rung ngam/ u pA li mi rung ngo / btsun pa nongs pa dang bcas pa las chad par 12-1-275a bgyi ba'am/ yid mgu bar bgyi ba spyad du rung ngam/ u pA li mi rung ngo / /de bzhin du grangs su skong ba yang brjod par bya'o/ /btsun pa chad pa bgyid pa gzhi gnas gcig na chad pa bgyid dam yid mgu bar bgyi ba spyod du rung ngam/ u pA li mi rung ste/ mang pos mang po la chad par bya ba'am/ yid mgu bar bya ba mi spyod do/ /btsun pa bcom ldan 'das kyis ni chad pa byed pa gnas gzhan du ma gnas shig ces gsungs na/ btsun pa de ste gnas gzhan du gnas na zhag bgrang bar bgyi'am/ u pA li ma yin no/ /btsun pa 'phags pa zhig gis 'phags pa'i skad du dge slong la nongs pa smras pa dang / dge slong des kyang 'phags pa'i skad ma 'tshal na smras pa zhes bgyi'am/ u pA li ma yin no/ /bcabs par 'gyur ram/ u pA li mi 'gyur ro/ /btsun pa 'phags pa zhig gis mtha' 'khob pa'i skad du dge slong la nongs pa smras pa dang / dge slong des kyang mtha' 'khob pa'i skad ma 'tshal na smras pa zhes bgyi'am/ u pA li ma yin no/ /btsun pa mtha' 'khob pa zhig gis mtha' 'khob pa'i skad du dge slong la nongs pa smras pa dang / dge slong des kyang mtha' 'khob pa'i skad ma 'tshal na smras pa zhes bgyi'am/ u pA li ma yin no/ /bcabs par 'gyur ram/ u pA li mi 'gyur ro/ /btsun pa mtha' 'khob pa zhig gis 'phags pa'i skad du dge slong la nongs pa smras pa dang / dge slong des kyang 'phags pa'i skad ma 'tshal na smras pa zhes bgyi'am/ u pA li ma yin no/ /bcabs par 'gyur ram/ u pA li mi 'gyur ro/ /btsun pa nongs pa lus kyis dmigs shing ston na smras pa zhes bgyi'am/ u pA li ma yin no/ /btsun pa dben pa la mi dben par 'du shes nas smras na smras pa zhes bgyi'am/ u pA li ma yin no/ /bcabs par 'gyur ram/ u pA li mi 'gyur ro/ /btsun pa dge slong zhig gis sman nam sngags kyis bdag mi snang bar bgyis te nongs pa smras na smras pa zhes bgyi'am/ u pA li ma yin no/ / 12-1-275b bcabs par 'gyur ram/ u pA li mi 'gyur ro/ /btsun pa sa la gnas pa dag gis nam mkha' la gnas pa rnams la chad pa bgyi'am yid mgu bar bgyid pa'am/ dbyung ba'i las kyang rung bgyis na las bgyis pa zhes bgyi'am/ u pA li ma yin no/ /btsun pa nam mkha' la gnas pa dag gis sa la gnas pa rnams la chad pa bgyi ba'am/ yid mgu bar bgyi'am/ dbyung ba'i las kyang rung bgyid na bgyis pa zhes bgyi'am/ u pA li ma yin no/ /btsun pa sa la gnas pa dag gis nam mkha' la gnas pa rnams kyi grangs su bskangs te chad par bgyi ba'am yid mgu bar bgyi ba'am/ dbyung ba'i las kyang rung bgyid na las bgyis pa zhes bgyi'am/ u pA li ma yin no/ /btsun pa nam mkha' la gnas pa dag gis sa la gnas pa rnams kyi grangs su bskangs te chad pa bgyi ba'am/ yid mgu bar bgyid pa'am/ dbyung ba'i las kyang rung bgyis na las bgyis pa zhes bgyi'am/ u pA li ma yin no/ /de bzhin du mtshams kyi nang na gnas pa dang mtshams kyi phyi rol na gnas pa rnams su lhan cig rnam pa bzhir byos shig/ //'dul ba gzhung dam pa/bam po nyi shu pa/ sangs rgyas bcom ldan 'das la tshe dang ldan pa u pA lis zhus pa/ btsun pa dge 'dun gyi lhag ma'i chos bcu gsum po 'di rnams las khu ba las byung ba zhag gcig bcabs pa nas/ tshig bka' blo mi bde ba las byung ba zhag bcu gsum bcabs pa'i bar du ste/ btsun pa nongs pa bcu gsum po de dag dus tha dad pa mi 'dra bar bcabs pa'i rnams la gsol ba gcig dang / las gcig gis chad pa bgyid du stsal bar rung ngam/ u pA li rung ngo / /btsun pa chad pa khor nas yid mgu bar bgyid du stsal bar rung ngam/ u pA li rung ngo / /yid mgu bar bgyi ba spyad lags pa las dbyung ba stsal du rung ngam/ u pA li rung ngo / /btsun pa dge 'dun lhag ma nongs pa mang po mi 'dra ba las byung ba'i rnams gsol ba gcig dang las gcig gis dus gcig tu gzhan 12-1-276a la chad pa bgyid pa dang / gzhan la yid mgu bar bgyi ba dang / gzhan la dbyung ba stsal du rung ngam/ u pA li mi rung ngo / /btsun pa dge 'dun gyi lhag ma nongs pa mang po mi 'dra ba las byung ba'i rnams gsol ba gcig dang / las gcig gis dus gcig tu gang zag gcig la chad pa dang yid mgu bar bgyi ba dang dbyung ba rnams stsal tu rung ngam/ u pA li mi rung ngo // //mdor na/ smyon pa sems 'khrugs nad kyis gzir/ /'on glen gnyid log ra ro ba/ /myos dang snyoms zhugs 'gro ba mtshan/ /khyim pa dag la sogs pa dang / /bslab pa byin pa tha ma'o/ /btsun pa smyon pa zhig gis nongs pa smras na smras pa zhes bgyi'am/ u pA li ma yin no/ /bcabs par 'gyur ram/ u pA li mi 'gyur ro/ /de bzhin du sems 'khrugs pa dang / nad kyis gzir ba rnams so/ /btsun pa smyon pa zhig la nongs pa smras na smras pa zhes bgyi'am/ u pA li ma yin no/ /bcabs pa zhes bgyi'am/ u pA li ma yin no/ /de bzhin du sems 'khrugs pa dang / nad kyis gzir ba dang /glen pa dang / 'on pa dang / lkugs pa dang / gnyid log pa dang / myos pa dang / ra ro ba dang / snyoms par zhugs pa rnams la smras na smras pa zhes bgyi'am/ u pA li ma yin no/ /bcabs par 'gyur ram/ u pA li mi 'gyur ro/ /btsun pa 'gro ba gzhan du gnas pa zhig la nongs pa smras na smras pa zhes bgyi'am/ u pA li ma smras pa zhes bya'o/ /bcabs par 'gyur ram/ u pA li 'gyur ro/ /de bzhin du ma ning dang / dge slong ma sun phyung ba nas/ sngar 'khrugs pa'i bar du de dag la nongs pa smras na smras pa zhes bgyi'am/ u pA li smras pa zhes bya'o/ /bcabs par 'gyur ram/ u pA li mi 'gyur ro/ /btsun pa dge slong gis za ma zhig la nongs pa smras na smras pa zhes bgyi'am/ u pA li smras pa zhes bya'o/ /bcabs par 'gyur ram/ u pA li mi 'gyur ro/ /de bzhin du dge 'dun gyi dbyen bgyis pa 12-1-276b dang / mi gnas pa dang / so sor gnas pa dang / nye bar phyogs pa dang / bslab pa stsal ba rnams la nongs pa smras na smras pa zhes bgyi'am/ u pA li smras pa zhes bya'o/ /bcabs par 'gyur ram/ u pA li mi 'gyur ro/ /btsun pa dge slong gis nongs pa smra ba na mtshan 'phos na smras pa zhes bgyi'am/ u pA li smras pa zhes bya'o/ /bcabs par 'gyur ram/ u pA li ma yin no/ /btsun pa dge slong gis dge 'dun gyi lhag ma'i nongs pa zhig byung na nam 'tsho'i bar du dbyung du mi rung ba mchis sam/ u pA li yod de/ 'di ltar dge slong gis phas pham pa bzhi'i nyes pa las gang yang rung ste/ 'das pa de'i 'og tu dge 'dun gyi lhag ma'i nyes pa zhig byung ba'o// //mdor na/ smyon pa sems 'khrugs na ba dang / /'on glen gnyid log ra ro ba/ /myos dang snyoms zhugs 'gro ba mtshan/ /ma ning dag la sogs pa dang / /bslab pa byin pa tha ma'o/ /btsun pa smyon pa zhig la chad pa dang / yid mgu bar bgyi ba dang / dbyung ba'i las rnams bgyid na las bgyis pa zhes bgyi'am/ u pA li de ste slar dge slong du 'du shes pa de nyid dam lus dang ngag gis kyang dmigs shing las 'di ni bdag la byed par shes na las byas pa zhes bya'o/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams la yang brjod par bya'o/ /btsun pa gnyid log pa dang / ra ro ba zhig la chad pa dang / yid mgu bar bgyi ba dang / dbyung ba'i las rnams bgyid na las bgyis pa zhes bgyi'am/ u pA li de ste lus sam ngag gis dmigs pa las gsol ba byed pa'i tshe gnyid kyis log na'ang byas pa zhes bya'o/ /de bzhin du ra ro ba dang / myos pa dang / snyoms par zhugs pa rnams la yang brjod par bya'o/ /btsun pa 'gro ba gzhan du gnas pa'i dge slong zhig la chad pa dang / yid mgu bar bgyi ba dang / dbyung ba yang rung las bgyid na las bgyis pa zhes bgyi'am/ u pA li ma yin no/ /de bzhin du ma ning dang / dge slong ma sun 12-1-277a phyung ba dang / mi gnas pa dang / so sor gnas pa nas/ sngar 'khrugs pa'i bar du brjod par bya'o/ /btsun pa dge slong gis za ma zhig la chad pa dang / yid mgu bar bgyi ba'am/ dbyung ba yang rung las bgyid na las bgyis pa zhes bgyi'am/ u pA li ma byas pa zhes bya'o/ /btsun pa dge 'dun gyi dbyen bgyis pa'i dge slong dang / nye bar phyogs pa dang / bslab pa stsal ba zhig la chad pa dang / yid mgu bar bgyi ba'am/ dbyung ba yang rung las bgyid na las bgyis pa zhes bgyi'am/ u pA li ma byas pa zhes bya ste/ dge 'dun dag kyang 'das pa dang bcas pa'o/ /gang zag gi dngos po dang / chad pa'i dngos po rdzogs s+ho// //mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on pa dag dang glen pa dang / /ma ning dag la sogs pa dang / /bslab pa byin pa tha ma'o/ /btsun pa dge slong zhig gis phrin gyis gso sbyong bkag na bkag pa zhes bgyi'am/ u pA li ma yin no/ /de bzhin du spring yig dang / lag brda dang / gzhan zer ba dang / gcig nas gcig tu brgyud de gso sbyong bkag na gso sbyong bkag pa zhes bgyi'am/ u pA li ma yin no/ /sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / mi gnas pa dang / so sor gnas pa dang / nye bar phyogs pa dang / sngon nyes pa byung ba dang / sngar 'khrugs pa rnams kyang de bzhin no/ /btsun pa bslab pa stsal ba zhig gis gso sbyong bkag na bkag pa zhes bgyi'am/ u pA li ma yin no/ /btsun pa za ma zhig gis gso sbyong bkag na gso sbyong bkag pa zhes bgyi'am/ u pA li ma yin no// //mdor na/ smyon par gyur dang 12-1-277b sems 'khrugs dang / /nad kyis gzir dang 'on glen pa/ /gnyid log ra ro myos pa dang / /snyoms par zhugs dang 'gro ba mtshan/ /ma ning dag la sogs pa dang / /bslab pa byin pa tha ma'o/ /btsun pa smyon pa zhig la gso sbyong bkag na gso sbyong bkag pa zhes bgyi'am/ u pA li ma yin no/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa dang / gnyid log pa dang / ra ro ba dang / myos pa dang / snyoms par zhugs pa la'ang brjod par bya'o/ /btsun pa 'gro ba gzhan du gnas pa zhig la gso sbyong bkag na gso sbyong bkag pa zhes bgyi'am/ u pA li bkag pa zhes bya'o/ /btsun pa de bzhin du ma ning nas/ bslab pa stsal ba rnams kyi bar du gso sbyong bkag na gso sbyong bkag pa zhes bgyi'am/ u pA li bkag pa zhes bya'o/ /btsun pa za ma zhig la gso sbyong bkag na gso sbyong bkag pa zhes bgyi'am/ u pA li bkag pa zhes bya'o// //mdor na/ skad dang lus dang dben dang sngags/ /mig dang rna ba de bzhin te/ /mtshams dang sa dang de bzhin gnas/ /gso sbyong yin te tha ma'o/ /btsun pa 'phags pa zhig gis 'phags pa'i skad du gso sbyong bkag pa dang / dge slong des kyang 'phags pa'i skad ma 'tshal na gso sbyong bkag pa zhes bgyi'am/ u pA li ma yin no/ /de bzhin du rnam pa bzhir rgyas par bya'o/ /btsun pa dge slong zhig gis lus kyi dmigs pas gso sbyong bkag na gso sbyong bkag pa zhes bgyi'am/ u pA li ma yin no/ /btsun pa dben pa la mi dben par 'du shes te gso sbyong bkag na gso sbyong bkag pa zhes bgyi'am/ u pA li ma yin no/ /btsun pa dge slong zhig gis sngags sam sman gyis bdag mi snang bar bgyis te gso sbyong bkag na gso sbyong bkag pa zhes bgyi'am/ u pA li ma yin no/ /btsun pa lha'i mig gis mthong ste gso sbyong bkag na gso sbyong bkag pa zhes bgyi'am/ u pA li ma bkag pa zhes bya ste/ dge 'dun yang 'das pa dang bcas pa'o/ /btsun pa lha'i rna 12-1-278a bas thos te gso sbyong bkag na gso sbyong bkag pa zhes bgyi'am/ u pA li ma yin te/ dge 'dun yang 'das pa dang bcas pa'o/ /btsun pa mtshams kyi nang na mchis pas mtshams kyi slad rol na mchis pa rnams la gso sbyong bkag na gso sbyong bkag pa zhes bgyi'am/ u pA li ma yin no/ /btsun pa mtshams kyi slad rol na mchis pa zhig gis mtshams kyi nang na mchis pa rnams la gso sbyong bkag na gso sbyong bkag pa zhes bgyi'am/ u pA li ma yin no/ /btsun pa sa la gnas pa zhig gis nam mkha' la gnas pa rnams kyi gso sbyong bkag na gso sbyong bkag pa zhes bgyi'am/ u pA li ma yin no/ /btsun pa nam mkha' la gnas pa zhig gis sa la gnas pa rnams kyi gso sbyong bkag na gso sbyong bkag pa zhes bgyi'am/ u pA li ma yin no/ /btsun pa dge slong zhig phyogs gcig tu mchis nas gnas bzhir gang zag bzhi la gso sbyong bkag na gso sbyong bkag par 'gyur ba mchis sam/ u pA li yod de/ 'di ltar dge slong des gnas bzhi'i mtshams su shing ngam/ 'dam bu'am/ re ldes mtshams su mnan te gso sbyong bkag na bkag pa zhes bya'o/ /btsun pa dge slong zhig gis dge slong la gso sbyong bkag pa kyang bkag par mi 'gyur ba mchis sam/ u pA li yod de/ bkra shis kyi gso sbyong 'don pa'o// //mdor na/ gleng pa dran par bya de bzhin/ /skabs 'byed pa dang smra bar bya/ /lung dbog pa dang 'gog pa dang / /gso sbyong dag dang skabs dbye ba'o/ /btsun pa bcom ldan 'das kyis skabs phye nas gleng bar bya'o/ /dran par bya'o zhes gsungs na/ btsun pa skabs phye ba la glengs shing dran par bgyis na nongs pa dang bcas par 'gyur ba mchis sam/ u pA li yod de/ skabs phye ba btang nas glengs pa dang dran par byas pa'o/ /btsun pa chos bzhin du gang du gleng bar bgyi/ dge 'dun gyi nang du'o/ /btsun pa chos bzhin du gang du dran par bgyi/ dge 'dun gyi nang du'o/ /btsun pa chos bzhin du gang du skabs dbye bar 12-1-278b bgyi/ dge 'dun gyi nang du'o/ /btsun pa chos bzhin du gang du smra bar bgyi/ dge 'dun gyi nang du'o/ /btsun pa chos bzhin du lung dbog pa gang du dgag par bgyi/ dge 'dun gyi nang du'o/ /btsun pa chos bzhin du skabs 'byed pa gang du dgag par bgyi/ dge 'dun gyi nang du'o/ / btsun pa skabs dbye bar gsol ba gang du bgyi/ dge 'dun gyi nang du'o/ /btsun pa gang du skabs dbye bar bgyi/ dge 'dun gyi nang du'o/ /btsun pa chos bzhin du bgyi ba'i rnam pa gang du bgyi/ dge 'dun gyi nang du'o/ /btsun pa chos bzhin du brtsad pa gang du bgyi/ dge 'dun gyi nang du'o/ /btsun pa chos bzhin gyi yi dam gang du bgyi/ dge 'dun gyi nang du'o/ /btsun pa chos bzhin du gso sbyong dgag pa ni du/ chos bzhin ma lags pa ni du/ chos bzhin ma yin pas gso sbyong dgag pa ni gcig go/ /chos bzhin pa'ang gcig go/ / chos bzhin ma yin pa ni gnyis te/ chos bzhin pa'ang gnyis so/ /chos bzhin ma yin pa ni gsum ste/ chos bzhin pa'ang gsum mo/ /chos bzhin ma yin pa ni bzhi ste/ chos bzhin pa'ang bzhi'o/ /chos bzhin ma yin pa ni lnga ste/ chos bzhin pa'ang lnga'o/ / chos bzhin ma yin pa ni drug ste/ chos bzhin pa'ang drug go/ /chos bzhin ma yin pa ni bdun te/ chos bzhin pa'ang bdun no/ /chos bzhin ma yin pa ni brgyad de/ chos bzhin yin pa yang brgyad do/ /chos bzhin ma yin pa ni dgu ste/ chos bzhin pa'ang dgu'o/ /chos bzhin ma yin pa ni bcu ste/ chos bzhin pa'ang bcu'o/ /chos bzhin ma yin pas gso sbyong dgag pa gcig gang zhe na/ byas pa la gzhi med pas gso sbyong 'gog pa ni chos bzhin ma yin pas gso sbyong 'gog pa'o/ /byas pa la gzhi yod pas gso sbyong 'gog pa ni chos bzhin du gso sbyong 'gog pa'o/ /'di ni chos bzhin ma yin pas gso sbyong 'gog pa gcig dang / chos bzhin yang gcig go/ /chos bzhin ma yin pa gnyis dang / chos bzhin du gso sbyong 'gog pa gnyis po gang zhe na/ ji ltar yang de ni dge slong gis dge slong byas pa la 12-1-279a gzhi med pa dang ma byas pa la gzhi med pas gso sbyong 'gog pa ni chos bzhin ma yin pas gso sbyong 'gog pa'o/ /byas pa la gzhi yod pa dang / ma byas pa la gzhi yod pas gso sbyong 'gog pa ni chos bzhin du gso sbyong 'gog pa'o/ /chos bzhin ma yin pa gsum dang / chos bzhin du gso sbyong 'gog pa gsum gang zhe na/ ji ltar yang de ni dge slong gis dge slong la byas pa la gzhi med pa dang / ma byas pa la gzhi med pa dang / byas pa dang ma byas pa la gzhi med pas gso sbyong 'gog pa ni chos bzhin ma yin pas gso sbyong 'gog pa'o/ /byas pa la gzhi yod pa dang / ma byas pa la gzhi yod pa dang / byas pa dang ma byas pa la gzhi yod pas gso sbyong 'gog pa ni chos bzhin du gso sbyong 'gog pa'o/ /chos bzhin ma yin pa bzhi dang / chos bzhin du gso sbyong 'gog pa bzhi po gang zhe na/ tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pa la gzhi med pa bzhis gso sbyong 'gog pa ni chos bzhin ma yin pas gso sbyong 'gog pa'o/ /tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pa la gzhi yod pa bzhis gso sbyong 'gog pa ni chos bzhin du gso sbyong 'gog pa'o/ /chos bzhin ma yin pa lnga dang / chos bzhin du gso sbyong 'gog pa lnga po gang zhe na/ phas pham pa dang / dge 'dun gyi lhag ma dang / ltung ba dang / so sor bshags pa dang / nyes byas rnams la gzhi med pas gso sbyong 'gog pa ni chos bzhin ma yin pas gso sbyong 'gog pa'o/ /phas pham pa dang / dge 'dun gyi lhag ma dang / ltung ba dang / so sor 'chags pa dang / nyes byas rnams la gzhi yod pas/ gso sbyong 'gog pa ni chos bzhin du gso sbyong 'gog pa'o/ /chos bzhin ma yin pa drug dang / chos bzhin du gso sbyong 'gog pa drug po gang zhe na/ lhag ma yod pa byas pa la gzhi med pa dang / lhag ma yod pa ma byas pa la gzhi med pa dang / lhag ma yod pa byas pa dang ma byas pa la gzhi med pa dang / lhag ma med pa byas 12-1-279b pa la gzhi med pa dang / lhag ma med pa ma byas pa la gzhi med pa dang / lhag ma med pa byas pa dang ma byas pa la gzhi med pas gso sbyong 'gog pa ni chos bzhin ma yin pas gso sbyong 'gog pa'o/ /chos bzhin du gso sbyong 'gog pa drug po gang zhe na/ lhag ma yod pa byas pa la gzhi yod pa dang / lhag ma yod pa ma byas pa la gzhi yod pa dang / lhag ma yod pa byas pa dang ma byas pa la gzhi yod pa dang / lhag ma med pa byas pa la gzhi yod pa dang / lhag ma med pa ma byas pa la gzhi yod pa dang / lhag ma med pa byas pa dang ma byas pa la gzhi yod pas gso sbyong 'gog pa ni chos bzhin du gso sbyong 'gog pa'o/ /chos bzhin ma yin pa bdun dang / chos bzhin du gso sbyong 'gog pa bdun po gang zhe na/ phas pham pa dang / dge 'dun gyi lhag ma dang / ltung ba dang / so sor 'chags pa dang / nyes byas dang / lta ba nyams pa dang / 'tsho ba nyams pa la gzhi med pas gso sbyong 'gog pa ni chos bzhin ma yin pas gso sbyong 'gog pa'o/ /phas pham pa dang / dge 'dun gyi lhag ma dang / ltung ba dang / so sor 'chags pa dang / nyes byas dang / lta ba nyams pa dang / 'tsho ba nyams pa la gzhi yod pas gso sbyong 'gog pa ni chos bzhin du gso sbyong 'gog pa'o/ /chos bzhin ma yin pa brgyad dang / chos bzhin du gso sbyong 'gog pa brgyad gang zhe na/tshul khrims nyams pa dang / spyod pa nyams pa dang / lta ba nyams pa dang / 'tsho ba nyams par byas pa la gzhi med pa dang / tshul khrims nyams pa dang / lta ba nyams pa dang / spyod pa nyams pa dang / 'tsho ba nyams par ma byas pa la gzhi med pas gso sbyong 'gog pa ni chos bzhin ma yin pas gso sbyong 'gog pa'o/ /tshul khrims nyams pa dang / spyod pa nyams pa dang / lta ba nyams pa dang / 'tsho ba nyams par byas pa la gzhi yod pa dang / tshul khrims nyams pa dang / lta ba nyams pa dang / spyod pa nyams pa dang / 'tsho ba nyams par ma byas pa la gzhi yod pas gso sbyong 'gog pa ni chos bzhin du gso sbyong 'gog pa'o/ /chos bzhin ma yin 12-1-280a pa dgu dang / chos bzhin du gso sbyong 'gog pa dgu po gang zhe na/ lhag ma dang bcas pa byas pa la gzhi med pa dang / lhag ma dang bcas pa ma byas pa la gzhi med pa dang / lhag ma dang bcas pa byas pa dang ma byas pa la gzhi med pa dang / lhag ma med pa byas pa la gzhi med pa dang / lhag ma med pa ma byas pa la gzhi med pa dang / lhag ma med pa byas pa dang ma byas pa la gzhi med pa dang / lhag ma yod pa dang lhag ma med pa byas pa la gzhi med pa dang / lhag ma dang bcas pa dang lhag ma med pa ma byas pa la gzhi med pa dang / lhag ma dang bcas pa dang lhag ma med pa byas pa dang ma byas pa la gzhi med pas gso sbyong 'gog pa ni chos bzhin ma yin pas gso sbyong 'gog pa'o/ /lhag ma dang bcas pa byas pa la gzhi yod pa dang / lhag ma dang bcas pa ma byas pa la gzhi yod pa dang / lhag ma dang bcas pa byas pa dang ma byas pa la gzhi yod pa dang / lhag ma med pa byas pa la gzhi yod pa dang / lhag ma med pa ma byas pa la gzhi yod pa dang / lhag ma med pa byas pa dang ma byas pa la gzhi yod pa dang / lhag ma dang bcas pa dang lhag ma med pa byas pa la gzhi yod pa dang / lhag ma dang bcas pa dang lhag ma med pa ma byas pa la gzhi yod pa dang / lhag ma dang bcas pa dang lhag ma med pa byas pa dang ma byas pa la gzhi yod pas gso sbyong 'gog pa ni chos bzhin du gso sbyong 'gog pa'o/ /chos bzhin ma yin pa bcu dang / chos bzhin du gso sbyong 'gog pa bcu gang zhe na/ phas pham pa yin/ phas pham pa'i gtam la zhugs pa yin/ tshul khrims nyams pa yin/ lta ba nyams pa yin/ spyod pa nyams pa yin/ 'tsho ba nyams pa yin/ bslab pa phul ba yin/ bslab pa phul ba'i gtam la zhugs pa yin/ dge 'dun la dpyas 'dogs pa yin/ dge 'dun la dpyas 'dogs pa'i gtam la zhugs pa yin no/ /de la ji ltar na phas pham pa yin zhe na/ gang gi rnam pa dang / gang gi tshul dang / gang gi mtshan mas dge slong phas pham pa'i nyes pa byung ba de'i rnam pa dang / de'i tshul dang / de'i mtshan mas dge slong 12-1-280b phas pham pa'i nyes pa byung bar mthong ba yin no/ /de des mthong bas gso sbyong 'gog pa ni chos bzhin du gso sbyong 'gog pa yin te de ltar phas pham pa yin no/ /ji ltar na phas pham pa'i gtam la zhugs pa yin zhe na/ ji ltar yang de ni gtsug lag khang ngam/ gtsug lag khang gi phyi rol yang rung / dge slong mang po 'dus shing 'khod par gyur pa'i rnams kyang de las byung ba de dang mthun pa de'i rang bzhin gyi gtam la zhugs pa yin te/ dad pa las thos kyang rung bdag rang rnam pa la dogs pa skyes kyang rung ste/ de des thos pa dang dogs pas gso sbyong 'gog pa ni chos bzhin du gso sbyong 'gog pa'o/ /ji ltar na tshul khrims nyams pa yin zhe na/ phas pham pa bzhi las gang yang rung phas pham pa shin tu 'das par gyur pa'o/ /ji ltar na lta ba nyams pa yin zhe na/ lta ba drug bcu rtsa gnyis las gang yang rung ste lta bar gyur pa rab tu thob pa yin no/ /ji ltar na spyod pa nyams par gyur pa yin zhe na/ mi spyad pa'i rnams spyod pa ste/ dge slong gi bslab pa rnams la mi slob pa'o/ /ji ltar na 'tsho ba nyams pa yin zhe na/ 'tsho ba yongs su ma dag pa yin no/ /ji ltar na bslab pa phul ba yin zhe na/ gang gi rnam pa dang / gang gi tshul dang / gang gi mtshan mas dge slong bslab pa 'bul ba de'i rnam pa dang / de'i tshul dang / de'i mtshan mas dge slong du mthong ba yin te/ de des mthong nas gso sbyong 'gog pa ni chos bzhin du gso sbyong 'gog pa'o/ /ji ltar na bslab pa phul ba'i gtam la zhugs pa yin zhe na/ ji ltar yang de ni gtsug lag khang ngam/ gtsug lag khang gi phyi rol na'ang rung dge slong rnams 'dus te 'khod pa de dag kyang de las byung ba de dang mthun pa de'i rang bzhin gyi gtam la zhugs pa yin te/ dad pa las thos kyang rung bdag nyid rnam pa la dogs pa skyes kyang rung ste/ de des thos pa dang de'i dogs pas gso sbyong 'gog pa ni chos bzhin du gso sbyong 'gog pa'o/ /ji ltar na dge 'dun la dpyas 'dogs pa yin zhe na/ gang gi rnam pa dang / gang gi tshul dang / gang gi mtshan mas dge slong dge 'dun la smod pa de lta bu'i rnam pa dang / de lta bu'i tshul dang / de lta bu'i mtshan mas dge 'dun la 12-1-281a smod pa'i dge slong du mthong ba yin te/ de des mthong nas gso sbyong 'gog pa ni chos bzhin du gso sbyong 'gog pa'o/ /ji ltar na dge 'dun la dpyas 'dogs pa'i gtam la zhugs pa yin zhe na/ ji ltar yang de ni gtsug lag khang ngam/ gtsug lag khang gi phyi rol na'ang rung / dge slong rnams 'dus te 'khod pa de dag kyang de las byung ba de dang mthun pa de'i rang bzhin gyi gtam la zhugs pa yin te/ dad pa las thos kyang rung bdag rang rnam pa la dogs pa skyes kyang rung ste/ de des thos pa dang de lta bu'i dogs pas gso sbyong 'gog pa ni chos bzhin du gso sbyong 'gog pa'o/ /chos bzhin bcu po 'di dag bzlog pa ni chos bzhin ma yin par sbyar bar bya'o/ /gso sbyong dgag pa'i dngos po rdzogs s+ho// //mdor na/ dge tshul lor ma lon pa gcig /kha dog ngan dang gnas de bzhin/ /ma bskos pa dang phyag bya ba/ /mngon sum rngul zan med pa'o/ /btsun pa dge tshul pha nyi tshe dbyar tshul du zhugs na de dag gis mal stan bgo bar bgyi'am/ u pA li ma yin no/ /de dag gis mal stan blang bar bgyi'am/ u pA li blang bar ni bya'o/ /btsun pa lo ma lon pa dag cig nyi tshe dbyar tshul du zhugs na de dag gis mal stan bgo bar bgyi'am/ u pA li ma yin no/ /de dag gis mal stan blang bar bgyi'am/ u pA li blang bar ni bya'o/ /btsun pa dge slong gcig gam/ gnyis sam/ gsum mam/ bzhi dbyar tshul du zhugs na de dag gis mal stan bgo bar bgyi'am/ u pA li ma yin no/ /de dag gis mal stan blang bar bgyi'am/ u pA li blang bar ni bya'o/ /u pA li gang du dge slong lnga'am/ de las lhag par gnas na de dag gis gsol ba byas la mal stan bged pa skos shig /bskos pa des mal stan bgo'o/ /btsun pa mal stan de nyid spyad pas nongs par 'gyur ba dang / de nyid spyad pas nongs par mi 'gyur ba mchis sam/ u pA li yod de/ gang zag gi mal stan kha dog ngan par ma bsgyur ba'am/ kha tshar ring ba spyad na nyes pa dang bcas pa'o/ /dge 'dun gyi spyad na nyes pa med do/ /btsun pa bcom ldan 'das kyis dge slong gis dge 'dun gyi mal stan 12-1-281b gnas gzhan du khyer zhing ma spyod cig ces gsungs na/ btsun pa dge slong zhig gis dge 'dun gyi mal stan gnas gzhan du 'tshal te spyad na cir 'gyur/ nyes byas so/ /bar chad brgyad las gang yang rung ste/ bar chad gcig byung bar gyur pa dang / gnas de nyid du mal stan bsrung bar mi nus pa dang / gnas der mi gnas par sdom pa bcas pa la ni nyes pa med do/ /btsun pa ma bskos pas mal stan bgo bar bgyi'am/ u pA li ma yin no/ /btsun pa dge slong zhig gis dge 'dun gyi mal stan de nyid spyad na nongs par 'gyur ba dang / de nyid spyad pas nongs par mi 'gyur ba mchis sam/ u pA li yod de/ spu phyir bzlog ste gyon na nyes pa dang bcas pa'o/ /bting na nyes pa med do/ /rngul zan med par gyon na nyes pa dang bcas pa'o/ /rngul zan dang bcas par gyon na nyes pa med do/ /btsun pa bcom ldan 'das kyis thams cad du nye bar phyogs pa dang gnas par mi bya'o zhes gsungs na/ btsun pa ci nye bar ma phyogs pas nye bar phyogs pa rgan pa la'ang phyag bgyi'am/ u pA li ma yin te/ nye bar phyogs pa thams cad kyis nye bar ma phyogs pa rnams la phyag byos shig /dge slong rnams kyi tha mar gzhag go/ /btsun pa ci de dag la mal stan kyang dge slong de dag gi tha mar stsal tam/ u pA li nye bar phyogs pa la rnyed pa dang mal stan byin pa med do/ /btsun pa mngon sum du ma gyur pa la mal stan stsal bar bgyi'am/ kha cig la byin cig /kha cig la ma sbyin cig /gang la stsal bar bgyi/ song nas phyir 'ong ba la ni byin cig /su la mi stsal/ song nas phyir mi 'ong ba la ni ma byin cig /btsun pa bcom ldan 'das kyis dge slong gis dge 'dun gyi rdzas rngul zan ma mchis par ma spyad cig ces gsungs na/ btsun pa dge slong gis dge 'dun gyi rdzas rngul zan ma mchis par spyad kyang nongs par mi 'gyur ba mchis sam/ u pA li yod de/ ji ltar yang de ni khyim bdag cig gis g.yog pa'am bgo ba zhig rngul zan med par spyad par dge 'dun la phul ba yin no// //mdor na/ kun dga' bo dang gang zag dang / /de ltar phyag dang rung ba dang / /tha ma dbyar du gnas pa dang / / 12-1-282a sum cha 'bri ba de bzhin te/ /khyim pa dag la sogs pa dang / /bslab pa byin pa tha ma'o/ /btsun pa bcom ldan 'das kyis kun dga' bo khyod kyis mal stan lhag ma'i rnams gos shig ces gsungs na/ lhag pa gang lags/ gang gcig dang gnyis po'i phyogs las lhag par gyur pa'o/ /btsun pa bcom ldan 'das kyis dge slong gis dge 'dun gyi mal stan rngul zan ma mchis par ma spyad cig ces gsungs na/ btsun pa dge slong gis gang zag gi mal stan spyad na cir 'gyur/ nyes byas so/ /btsun pa bcom ldan 'das kyis gang dge slong glo bur du lhags pa dang / gzhi ba rnams ji ltar rgan rims bzhin phyag byos shig ces gsungs na/ btsun pa de ste chad pa bgyid pa'i dge slong rgan pa la'ang phyag bgyi'am/ u pA ma yin no/ /de ci'i phyir zhe na/ u pA li phyag bya ba'i mi rigs pa thams cad la phyag mi bya ste/ khon yod pa ni ma gtogs so/ /u pA li dge 'dun gyi nang na phyag bya ba'i mi rigs pa'i gang zag rnams gang zhe na/ bsdigs pa'i las byas pa dang / smad pa'i las byas pa dang / bskrad pa'i las byas pa dang / slar sdum pa'i las byas pa dang / ma mthong ba'i phyir spang ba'i las byas pa dang / las slar mi byed pa'i phyir spang ba'i las byas pa dang / sdig pa la lta ba slar ma spangs pa'i phyir spang ba'i las byas pa dang / chad pa byed pa dang / gzhi nas bslang ste/ chad pa byed pa dang / chad pa khor ba dang / yid mgu bar bya ba spyod pa dang / gzhi nas bslang ste yid mgu bar bya ba spyod pa dang / khyim pa dang / ma ning dang / dge slong ma sun phyung ba dang / pha dang / ma dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang/ mu stegs can du song ba dang / rkun gnas dang / mi gnas pa dang / so sor gnas pa dang / sngar nyes pa byung ba dang / sngon 'khrugs pa dang / nye bar phyogs pa dang / bslab pa stsal ba dang / dge slong ma dang / dge slob ma dang / dge tshul ma dang / dge tshul pha dang / shin tu 12-1-282b gzhon pa rnams la phyag ma byed cig /bshang ba byed pa la phyag mi bya'o/ /bshang ba byed pas phyag mi bya'o/ /gci ba byed pa la phyag mi bya'o/ /gci ba byed pas phyag mi bya'o/ /so shing za ba la phyag mi bya'o/ /so shing za bas phyag mi bya'o/ /zas za ba la phyag mi bya'o/ / zas za bas phyag mi bya'o/ /'thung ba la phyag mi bya'o/ /'thung bas phyag mi bya'o/ /sgren mo la phyag mi bya'o/ /sgren mos phyag mi bya'o/ /gos gcig pa la phyag mi bya'o/ /gos gcig pas phyag mi bya'o/ /mi snang bar 'dug pa la phyag mi bya'o/ /mi snang bar 'dug pas phyag mi bya'o/ /mi bde bar 'dug pa la phyag mi bya'o/ /mi bde bar 'dug pas phyag mi bya'o/ /lung nod pa la zhugs pa'am/ yid la byed pa la zhugs pa'am/ chos nyan par zhugs pa la phyag mi bya'o/ /lung nod pa dang / yid la byed pa dang / chos nyan par zhugs pas phyag mi bya'o/ /yengs pa la phyag mi bya'o/ /khyim gyi nang du zhugs pa la mi bya ste/ gang zag 'di dag ni phyag bya bar mi rigs pa'o/ /btsun pa dge slong zhig gis dge 'dun gyi khri'am khri'u la mchis sam nyal kyang nongs pa ltung bar mi 'gyur ba mchis sam/ u pA li yod de/ mi rung ba la 'dug gam nyal ba ste/ gang dge slong rnams spyad par mi rung ba'o/ /btsun pa bcom ldan 'das kyis gang chad pa bgyid pa'i dge slong ni dge slong rnams kyi tha mar stsal tam/ u pA li ma yin te/ rim gyis sbyin no/ /btsun pa bcom ldan 'das kyis gang dbyar med pa dang / rang bzhin du gnas pa rnams la mal stan sngar byin cig /de'i 'og tu spangs pa'i rnams la'o zhes gsungs na/ de ste mal stan lhag par gyur na rang bzhin du gnas pa dang lhan cig tu stsal tam/ u pA li mi sbyin no/ /btsun pa dge slong zhig gis gnas bzhi nas mal stan blangs kyang nongs par mi 'gyur ba mchis sam/ u pA li yod de/ ji ltar yang de ni dge slong zhig gis gnas bzhi'i mtshams shing ngam/ 'dam bu'am/ re ldes mnan te dbyar tshul du zhugs pa yin no/ btsun pa bcom ldan 'das kyis dge tshul pa rnams la 12-1-283a ni rnyed pa'i sum cha byin cig gsungs na/ btsun pa ci mal stan kyang sum cha stsal tam/ u pA li ma yin te/ skal ba mnyam par byin cig /btsun pa bcom ldan 'das kyis gang dge slong gsar bu rnams kyis rgan po rnams las sngon du mal stan ma blang shig ces gsungs na/ btsun pa dge slong gzhon nus rgan pa las sngar mal stan blangs kyang nongs par mi 'gyur ba mchis sam/ u pA li yod de/ gang gis dge 'dun las gnas kyi gnang ba thob pa dang / nye g.yog gi gnang ba thob pa yin/ 'jigs pa'i sa nas bros te 'ongs pa yin no/ /btsun pa khyim pa mal stan 'god par bsko'am/ u pA li ma yin no/ /de bzhin du za ma nas/ bslab pa stsal ba'i bar du rgyas par mal stan 'god par bsko'am/ u pA li ma yin no/ /btsun pa smyon pa mal stan 'god par bsko'am/ u pA li ma yin no/ /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams so/ /btsun pa 'gro ba gzhan du gnas pa dag mal stan 'god par bsko'am/ u pA li ma yin no/ /btsun pa ma ning la mal stan stsal tam/ u pA li ma yin no/ /de bzhin du dge slong ma sun phyung ba nas sngar 'khrugs pa'i bar du de dag la mal stan stsal tam/ u pA li ma yin no/ /btsun pa dge 'dun gyi dbyen bgyis pa dang / bslab pa stsal ba la mal stan stsal tam/ u pA li byin cig /btsun pa smyon pa la mal stan stsal tam/ u pA li de ste spyad pa bzhin du mi spyad na ma sbyin cig /de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams la'ang brjod par bya'o/ /btsun pa mal stan 'god par dge slong bsko ba'i tshe mtshan 'phos na bskos pa zhes bgyi'am/ u pA li bskos pa zhes bya'o/ /des mal stan bgo bar bgyi'am/ u pA li ma yin no/ /mal stan gyi dngos po rdzogs s+ho// //'dul ba gzhung dam pa/bam po nyi shu gcig pa/ mdor na/ gsum du byas pa'i gzu 12-1-283b bo dang / /rnam par zhi ba'i mtshan de bzhin/ /gso sbyong dag gi mngon sum dag /'byung ba dag kyang de bzhin no/ /sangs rgyas bcom ldan 'das la tshe dang ldan pa u pA lis zhus pa/ btsun pa gzu bo chos du dang ldan na 'dul ba 'dzin cing rtsod pa rnams zhi bar bgyid nus pa lags/ u pA li bcu gcig ste/ bcu gcig gang zhe na/ rtsod pa shes/ rtsod pa ci las byung ba shes/ rtsod pa bsdu ba shes/ rtsod pa rnam par zhi ba shes/ rtsod pa shin tu zhi bas phyis mi 'byung bar shes/ 'byung ba shes/ bcas pa shes/ rjes su bcas pa shes/ dgag pa shes/ mngon par rjes su gnang ba shes/ las byas pa dang ma byas pa shes pa ste/ u pA li chos bcu gcig po 'di dag dang ldan pa'i gzu bo ni 'dul ba 'dzin pa rtsod pa rnam par zhi bar byed nus pa yin no/ /gzhan yang chos bcu gcig ste/ bcu gcig po gang zhe na/ nyes pa shes/ nyes pa med pa shes/ nyes pa lci ba shes/ nyes pa yang ba shes/ nyes pa byung ba shes/ nyes pa las 'byung ba shes/ 'dod pa'i phyir mi 'gro ba/ zhe sdang dang / 'jigs pa dang / gti mug gi phyir mi 'gro ba/ chad pa'i las bya ba dang mi bya ba shes pa ste/ u pA li bcu gcig po 'di dag gis rnam par zhi bar bya ba'i bar du rgyas par ro/ /gzhan yang chos bcu gcig gi bar du ste/ bcu gcig po gang zhe na/ mdo sde la mkhas pa yin/ 'dul ba la mkhas pa yin/ rnam par 'byed pa la mkhas pa yin/ lung la zhugs pa yin/ mdo sde 'byed pa yin/ 'khrul pa mi 'dzin pa yin/ gsang ba'i tshig mi 'dzin pa yin/ gdon mi za bar 'dzin pa yin/ tshig mang po mi 'dzin pa yin/ dam bcas pa 'dzin pa yin/ lan gsum gyi bar du gzhog pa yin te/ u pA li chos bcu gcig po 'di dag dang ldan pa'i gzu bo ni 'dul ba 'dzin pa rtsod pa rnam par zhi bar byed nus pa yin no/ /chos du dang ldan pas rtsod pa shin tu zhi ba lags/ u pA li nyi shu rtsa gcig ste/ nyi shu rtsa gcig po gang zhe na/ dge 'dun la bsgo ba yin/ chos dang bcas pas rgyal ba'i bka' dang 12-1-284a mthun pa yin/ phyogs dang pha rol gyi phyogs kyi dge slong dag go bar byed pa yin/ rgol ba'i dang phyir rgol ba'i dge slong la chos dang mthun pas rgol ba dang phyir rgol ba'i dge slong la 'dul ba ma nyams par byed pa yin/ mi gtsang ba'i gang zag gi nyes pa ma bcabs pa yin/ byung ba chud ma gsan pa yin/ bcas pa chud ma gsan pa yin/ rjes su bcas pa chud ma gsan pa yin/ dgag pa chud ma gsan pa yin/ mngon par rjes su gnang ba chud ma gsan pa yin/ nyes pa chud ma gsan pa yin/ rgol ba'i dge slong gi yi dam shin tu bzung ba yin/ lan 'debs pa'i yi dam shin tu bzung ba yin/ mdo sde'i tshig kyang bstan pa yin/ 'dul ba'ang mthun pa yin/ chos kyi mig rjes su bzung ba yin/ bskos nas rnam par zhi bar byed pa yin/ nyes pa ston pa yin/ chad pa'i las dmigs su bab pa yin/ rnam par dag pa ston pa yin/ chos dang 'dul ba dang ston pa'i bstan pas rtsod pa rnam par zhi ba yin te/ u pA li chos nyi shu rtsa gcig po 'di rnams dang ldan na rtsod pa rnam par zhi ba zhes bya'o/ btsun pa rgol ba'am slar rgol ba'i dge slong mtshan 'phos na rtsod pa zhi ba zhes bgyi'am/ u pA li zhi ba zhes bya'o/ /btsun pa bcom ldan 'das kyis rtsod pa byung ba byung ma thag tu rtsod pa zhi bar byed pa'i chos bdun gyis rnam par zhi bar bya'o zhes gsungs na/ btsun pa rtsod pa rnam pa bzhi las gang yang rung ste/ rtsod pa zhig byung na zhi bar bgyid pa'i chos bdun po las gang yang rung ba'i rtsod pa zhi bar bgyid pa'i chos kyis rnam par zhi bar ma bgyis par rnam par zhi bar 'gyur ba mchis sam/ u pA li yod de/ de ni mthun pa'i gso sbyong ngo / /btsun pa rtsod pa bzhi las gang yang rung ste/ rtsod pa zhig byung na rgol ba dang slar rgol ba'i dge slong rnams las gang gi tshig gzung bar bgyi/ rgan rims kyi gzung ngo / /btsun pa de ste gnyi ga'i lo grangs mnyam na gang gi tshig gzung bar bgyi/ gang mang du thos pa'i yin no/ /btsun pa de ste gnyi ga'ang gzhung la mtshungs par gyur 12-1-284b na gang gi tshig gzung bar bgyi/ gang byang ba yin no/ /de ste gnyi ga byang bar gyur na gang gi tshig gzung bar bgyi/ gang byang ba'i shas che ba yin te/ de'i tshig gis rtsod pa rnams rnam par zhi bar bya'o/ /btsun pa bcom ldan 'das kyis gang tshul shing mang pos rtsod pa zhi bar bya ba las gang gi phyogs su tshul shing gcig gis kyang lhag par gyur na/ de'i phyogs des rnam par zhi bar bya'o/ /zhes gsungs na/ btsun pa de ste phyogs gnyi ga'i tshul shing mnyam par gyur na gang gi dbang gis rtsod pa rnam par zhi bar bgyid/ u pA li phyogs gang gis dge slong dag phal cher byang ba'i shas che ba yin no/ /btsun pa gang dge slong rnams rtsod pa dge slong rnams kyis rnam par zhi bar bgyid ma nus na/ btsun pa dge slong mas rnam par zhi bar bgyir rung ngam/ u pA li rung ngo / de bzhin du sde lnga'i rnams kyang phan tshun gcig la gcig sbyar bar bya'o// // mdor na/ phrin pa spring yig lag brda dang / /gzhan zer ba dang gcig nas gcig /smyon pa sems 'khrugs na ba dang / /'on glen khyim pa dag la sogs/ /bslab pa byin pa tha ma'o/ /btsun pa phrin gyis rtsod pa rnam par zhi bar bgyis na rnam par zhi ba zhes bgyi'am/ u pA li rnam par zhi ba zhes bya ste/ dge 'dun ni 'das pa dang bcas pa'o/ /de bzhin du spring yig dang / lag brda dang / gzhan zer ba dang / gcig nas gcig tu brgyud de rnam par zhi bar bgyis na rnam par zhi ba zhes bgyi'am/ u pA li rnam par zhi ba zhes bya ste/ dge 'dun ni 'das pa dang bcas pa'o/ /btsun pa smyon pa zhig gis rtsod pa rnam par zhi bar bgyis na rtsod pa rnam par zhi ba zhes bgyi'am/ u pA li rnam par zhi ba zhes bya ste/ dge 'dun ni 'das pa dang bcas pa'o/ de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams kyis rnam par zhi bar bgyis na rnam par zhi ba zhes bgyi'am/ u pA li rnam par zhi ba zhes bya ste/ dge 'dun ni 'das pa dang bcas pa'o/ btsun pa khyim pa zhig gis rtsod pa rnam par zhi bar bgyis na rnam par zhi ba zhes 12-1-285a bgyi'am/ u pA li rnam par zhi ba zhes bya ste/ dge 'dun ni 'das pa dang bcas pa'o/ /btsun pa de bzhin du ma ning nas/ bslab pa stsal ba rnams kyi bar du rgyas par de dag gis rtsod pa rnam par zhi bar bgyis na rnam par zhi ba zhes bgyi'am/ u pA li rnam par zhi ba zhes bya ste/ dge 'dun ni 'das pa dang bcas pa'o/ /btsun pa rgol ba'am slar rgol ba dus bgyis na rtsod pa rnam par zhi ba zhes bgyi'am/ u pA li rnam par zhi ba zhes bya'o/ /de bzhin du khyim pa lags par khas blangs pa nas/ bslab pa stsal ba lags pa'i bar rgyas par khas blangs na rtsod pa rnam par zhi ba zhes bgyi'am/ u pA li rnam par zhi ba zhes bya'o/ btsun pa rgol ba'am slar rgol ba'i dge slong mtshan 'phos na rtsod pa rnam par zhi ba zhes bgyi'am/ u pA li rnam par zhi ba zhes bya'o/ /rtsod pa'i dngos po rdzogs s+ho// /mdor na/ bye 'byed dge 'dun ca co dang / /tha dad pa dang tshul bzhin dang / /bskal pa kha na ma tho log /dge 'dun dbye dang mi mkhas pa'o/ /btsun pa dge 'dun bye ba zhes kyang bgyi/ btsun pa dge 'dun 'dus pa zhes kyang bgyi na/ btsun pa dge 'dun bye ba gang lags/ u pA li gang dbyen byed pas chos ma yin pa la chos ma yin par 'du shes/ 'dul ba ma yin pa la 'dul ba ma yin par 'du shes par gyur bzhin du des 'du shes bcabs/ bzod pa bcabs/ dad pa bcabs/ blo gros dang / lta ba dang / rtog pa rnams bcabs te/ 'di skad du 'di ni chos so/ /'di ni 'dul ba'o/ /'di ni ston pas bstan pa'o zhes smras nas/ des dge slong dag la bsgo/ /yang dag par bsgo/ slob/ len du 'jug /brtul zhugs kyi gzhi lnga yang rjes su bsgrubs te/ 'di ltar tshe dang ldan pa khyed cag las gang dad cing bzod de mos pa de dag gis ni tshul shing long shig /de dag gis brtul zhugs kyi gnas lnga bsgrags te gsol ba byas/ tshul shing brims nas mang po khrid de 'gro ba 'di ni dge 'dun bye ba zhes bya'o/ /dge 'dun 12-1-285b 'dus pa gang zhe na/ dge slong mtshams kyi nang na ji snyed cig 'khod par gyur pa de dag las byed pa na de dag thams cad 'dus par gyur/ mngon sum du gyur/ dad pa blang bar rigs pa'i rnams las dad pa blangs par gyur/ dge slong rnams kyang 'thab pa med/ rtsod pa med la/ de dag chos su 'du shes/ 'dul bar 'du shes shing gso sbyong gi las byed pa 'di ni dge 'dun 'dus pa zhes bya'o/ /btsun pa dge 'dun 'byed pas bstir med pa'i kha na ma tho ba skyes la mtshams med pa'i las su 'gyur ba gang lags/ u pA li nam dbyen byed pas chos ma yin pa la chos ma yin par 'du shes pa yin/ bye ba la'ang chos ma yin par 'du shes bzhin du des 'du shes bcabs/ bzod pa bcabs/ dad pa dang / blo gros dang / lta ba dang / rtog pa rnams bcabs te/ 'di skad du chos ni 'di'o/ / 'dul ba ni 'di'o/ /ston pas bstan pa ni 'di'o zhes smras nas des dge slong dag la bsgo/ yang dag par bsgo/ slob/ len du 'jug /brtul zhugs kyi gzhi lnga rjes su bsgrags te/ gang dbyen byed pa des brtul zhugs kyi gzhi lnga rjes su bsgrags te/ gsol ba byas tshul shing brims nas mang po khrid de song ba 'di ni dge 'dun 'byed pa yin te bstir med pa'i kha na ma tho ba'ang bskyed/ yang dag pa bsgo ba blangs shing len du 'jug pas mtshams med pa'i las su'ang 'gyur ro/ /dge 'dun 'byed pas bstir med pa'i kha na ma tho ba ni skye la de mtshams med pa'i las su mi 'gyur ba gang zhe na/ u pA li gang dbyen byed pas chos ma yin pa la chos ma yin par 'du shes par gyur la bye ba la ni chos su 'du shes pa dang / chos ma yin pa la chos ma yin par 'du shes par gyur la bye ba la yang chos ma yin par 'du shes pa dang / chos ma yin pa la chos ma yin par 'du shes par gyur la bye ba la the tshom za ba dang / chos ma yin pa la chos su 'du shes la bye ba la chos ma yin par 'du shes pa dang / chos ma yin pa la chos su 'du shes la bye ba la yang chos su 'du shes pa dang / 12-1-286a chos ma yin pa la chos su 'du shes la bye ba la the tshom du gyur pa dang / chos la chos su 'du shes la bye ba la chos ma yin par 'du shes pa dang / chos la chos ma yin par 'du shes la bye ba la chos su 'du shes pa dang / chos la chos ma yin par 'du shes la bye ba la the tshom du gyur pa dang / chos la chos ma yin par 'du shes la bye ba la'ang chos ma yin par 'du shes pa dang / chos la chos ma yin par 'du shes la bye ba la chos su 'du shes pa dang / chos la chos ma yin par 'du shes la bye ba la the tshom du gyur pa dang / chos dang chos ma yin pa la the tshom du gyur la bye ba la chos ma yin par 'du shes pa dang / chos ma yin pa la the tshom du gyur la bye ba la chos su 'du shes pa dang / chos ma yin pa la the tshom du gyur la bye ba la yang the tshom du gyur pa dang / chos la the tshom du gyur la bye ba la chos ma yin par 'du shes pa dang / chos la the tshom du gyur la bye ba la chos su 'du shes pa dang / chos la the tshom du gyur la bye ba la'ang the tshom du gyur pa ste/ des 'du shes bcabs/ bzod pa bcabs/ dad pa bcabs/ blo gros dang / lta ba dang / rtog pa rnams bcabs te/ 'di skad du 'di ni chos so/ /'di ni 'dul ba'o/ /'di ni ston pas bstan pa'o zhes smras nas/ des yang dge slong rnams la bsgo/ yang dag par bsgo/ slob/ len du 'jug /dge 'dun dbye ba'i phyir brtson pa ni dge 'dun 'byed par byed pa ste/ bstir med pa'i kha na ma tho ba ni skye la/ de mtshams med pa'i las su mi 'gyur ba zhes bya'o/ /btsun pa gang la las dge 'dun bye ba de dag thams cad dge 'dun ca cor 'gyur lags sam/ dge 'dun bye la dge 'dun ca co med pa yang yod la/ dge 'dun ca cor gyur la dge 'dun mi 'bye ba yang yod/ dge 'dun kyang bye la dge 'dun ca cor yang 'gyur ba yod/ dge 'dun yang mi 'bye la dge 'dun ca cor yang mi 'gyur ba yod de/ de la dge 'dun bye la dge 'dun ca co med pa gang zhe na/ gang chos su 'du shes la dge 'dun 'byed 12-1-286b pa'o/ /dge 'dun ca cor gyur la dge 'dun mi 'bye ba gang zhe na/ dbyen du 'gyur ba'i dngos po bcu bzhi las gang yang rung ste dbyen du 'gyur ba'i dngos po zhig shin tu gdon mi za bar bzung bar gyur la dge 'dun ni bye bar ma gyur pa'o/ /dge 'dun yang bye la dge 'dun gyi ca cor yang 'gyur la gang zhe na/ 'di ltar dge 'dun de dag bye bar gyur la dbyen du 'gyur ba'i dngos po bcu bzhi las gang yang rung ste dbyen du 'gyur ba'i dngos po zhig shin tu gdon mi za bar bzung bar gyur pa'o/ /dge 'dun yang mi bye la dge 'dun gyi ca cor mi 'gyur ba gang zhe na/ rnam pa 'di la bu dag ma gtogs pa'o/ /btsun pa gang dge 'dun bye ba de thams cad dge 'dun tha dad par gyur pa lags sam/ dge 'dun tha dad par gyur la dge 'dun mi 'bye ba yang yod/ dge 'dun bye la dge 'dun tha dad par mi 'gyur ba yod/ dge 'dun bye la dge 'dun tha dad par 'gyur ba yang yod/ dge 'dun mi 'bye la dge 'dun tha dad par mi 'gyur ba'ang yod de/ dge 'dun tha dad par gyur la dge 'dun mi 'bye ba ni de 'di ltar dge 'dun rnam gnyis so so na gzhi la gnas par gyur/ rnyed pa yang tha dad gnas kyang tha dad/ mtshams kyang tha dad par gyur la dge 'dun ni ma bye ba'o/ /dge 'dun bye la dge 'dun tha dad par mi 'gyur ba ni gang chos su 'du shes pas dge 'dun phye ba'o/ /dge 'dun bye la dge 'dun tha dad pa ni 'di ltar dge 'dun bye bar gyur la dge 'dun rnam gnyis so so na gnas par gyur/ rnyed pa tha dad pa dang / gnas tha dad pa dang / mtshams tha dad par gyur pa'o/ /dge 'dun ma bye la dge 'dun tha dad par kyang ma gyur pa ni rnam pa de lta bu dag ma gtogs pa'o/ /ji ltar dge 'dun tha dad pa la rnam pa bzhir 'gyur ba bzhin du dge 'dun gyi tshul la yang rnam pa bzhir brjod par bya'o/ /btsun pa gang la las dge 'dun gyi dbyen bgyid pa de dag thams cad bskal par gnas sam/ dge 'dun gyi dbyen byas la bskal par mi gnas pa'ang yod/ bskal par gnas la dge 'dun gyi dbyen ma byas pa yang yod/ dge 'dun gyi 12-1-287a dbyen byas la bskal par gnas pa'ang yod/ dge 'dun gyi dbyen ma byas pa la bskal par mi gnas pa'ang yod do/ /dge 'dun gyi dbyen byas la bskal par mi gnas pa ni gang gis chos su 'du shes pas dge 'dun phye ba'o/ /bskal par gnas la dge 'dun gyi dbyen ma byas pa ni glang po'i rgyal po e ra ba na dang / glang po'i rgyal po shin tu brtan pa dang / glang po'i rgyal po yid du 'ong ba dang / glang po'i rgyal po gshin rje dang / tshangs lha nye phan gyi lha rnams so/ /dge 'dun phye la bskal par gnas pa ni lha sbyin no/ /dge 'dun kyang ma phye la bskal par yang mi gnas pa ni rnam pa de lta bu dag ma gtogs pa'o/ /gang la las dge 'dun phye na de dag thams cad bskal par gnas pa'i kha na ma tho ba skye ba yang rnam pa bzhir brjod par bya ste/ de yang de bzhin du dbye bar bya'o/ /gang la las dge 'dun 'byed pa de dag thams cad log par nges pa lags sam/ dge 'dun 'byed la log par nges pa ma yin pa'ang yod/ log par nges la dge 'dun mi 'byed pa'ang yod/ dge 'dun 'byed la log par nges pa'ang yod/ dge 'dun 'byed pa yang ma yin la log par nges pa ma yin pa'ang yod de/ dge 'dun 'byed la log par nges pa ma yin pa ni gang chos su 'du shes shing dge 'dun 'byed pa'o/ /log par nges la dge 'dun 'byed pa ma yin pa ni de mtshams med pa bzhi'o/ /dge 'dun 'byed la log par kyang nges pa ni lha sbyin no/ / dge 'dun 'byed pa'ang ma yin la log par nges pa'ang ma yin pa ni rnam pa 'di lta bu dag ma gtogs pa'o/ /gang la las dge 'dun 'byed pa de dag thams cad mi mkhas pa dang ma rig par gyur pa lags sam/ dge 'dun 'byed la mi mkhas pa ma yin zhing ma rig par gyur pa ma yin pa'ang yod/ mi mkhas pa dang ma rig pa yin la dge 'dun mi 'byed pa'ang yod/ dge 'dun 'byed la mi mkhas pa ma rig par gyur pa'ang yod/ dge 'dun yang mi 'byed la mkhas pa'ang yin ma rig par gyur pa'ang ma yin pa'ang yod de/ dge 'dun 'byed la 12-1-287b mi mkhas pa'ang ma yin ma rig par gyur pa ma yin pa ni gang chos su 'du shes pas dge 'dun 'byed pa'o/ /mi mkhas pa dang ma rig par gyur la dge 'dun mi 'byed pa ni ston pa drug go/ /dge 'dun 'byed la mi mkhas pa dang ma rig pa ni lha sbyin no/ /dge 'dun yang mi 'byed la mi mkhas pa'ang ma yin ma rig par gyur pa'ang ma yin pa ni rnam pa 'di dag ma gtogs pa'o// //mdor na/ phye ba rnam pa drug tu byas/ /rgol ba rnam bzhi gso sbyong dang / /mtshams la rnam bzhi gsum pa dang / /bskal pa brtan min de bzhin te/ /khyim pa dag la sogs pa dang / /bslab pa byin pa tha ma'o/ /btsun pa phye ba dang ldan pa gang lags/ kha na ma tho ba gang lags/ u pA li dge 'dun ni phye ba dang ldan pa'o/ /'byed pa ni kha na ma tho ba'o/ /btsun pa dge 'dun phye na cir 'gyur/ nyes pa sbom por 'gyur ro/ /btsun pa dge 'dun phye na nongs pa gang bshags par bgyi/ nyes pa sbom po'o/ /btsun pa 'di ltar dge slong dag gis dge slong gi dge 'dun 'byed kyi/ dge slong mas ma lags/ dge slob mas ma lags/ dge tshul mas ma lags/ dge tshul phas ma lags sam/ u pA li de bzhin te/ dge slong dag gis dge 'dun 'byed kyi/ dge slong mas ma yin/ dge slob mas ma yin/ dge tshul mas ma yin/ dge tshul phas ma yin no/ /u pA li de bzhin du dge slong ma dag gis dge slong ma'i dge 'dun 'byed kyi dge slong gis ma yin/ dge slob mas ma yin/ dge tshul mas ma yin/ dge tshul phas ma yin te/ 'on kyang dge 'dun 'byed pa'i phyir ni rtsol lo/ /btsun pa bcom ldan 'das kyis rnam pa gnyis kyi slad du dge 'dun 'bye ste/ rjes su bsgrags pa dang / tshul shing len pa'o zhes gsungs na/ btsun pa gang rtsed mor 'tshal ba'am/ ma 'tshal ba zhig gis rjes su bsgrags shing tshul shing brims na dge 'dun phye ba zhes bgyi'am/ u pA li ma yin no/ /'o na cir 'gyur/ nyes byas so/ dge 'dun 'byed pa'i dge slong gis dge 'dun 'byed pa na mtshan 'phos na dge 'dun phye ba zhes bgyi'am/ u 12-1-288a pA li ma yin no/ /btsun pa dge slong ma'i dge 'dun bye nas phyogs dang pha rol gyi phyogs su gnas na dge slong ma la zla ba phyed phyed cing bstan pa'i lung stsal tam/ u pA li ma sbyin par 'di skad du sring mo'i rnams rjes su mthun par gyis shig ces sgo shig /btsun pa dge slong gi dge 'dun bye ste phyogs dang pha rol gyi phyogs su gnas na dge slong mas zla ba phyed cing bstan pa'i lung gsol bar bgyi'am/ u pA li gsol bar bya'o/ gang las gsol/ rjes su ma phyogs pa rnams so/ btsun pa dge slong gi dge 'dun phye ste phyogs dang pha rol gyi phyogs su gnas na dge slong ma la bstan pa'i lung stsol bar bgyi'am/ u pA li dge slong ma yang bye bar mi 'gyur ba'i phyir bas na byin cig /btsun pa dge slong ma'i dge 'dun bye ste phyogs dang pha rol gyi phyogs su gnas pa la gang gis dge slong ma la lung stsal bar bgyi/ rjes su ma phyogs pa rnams kyis sbyin no/ btsun pa dge slong gi dge 'dun bye ste phyogs dang pha rol gyi phyogs su gnas na dge slong mas gso sbyong bgyi'am/ u pA li bya'o/ /btsun pa dge slong gi dge 'dun bye ste phyogs dang pha rol gyi phyogs su gnas na nye bar phyogs pa'i dge slong rnams kyis gso sbyong bgyi'am/ u pA li ma yin no/ /de ci'i phyir zhe na/ dge 'dun 'dus pa las ni gso sbyong bya'o/ /btsun pa nye bar phyogs pas nye bar ma phyogs pa rnams kyi mtshams bkrol na mtshams bkrol ba zhes bgyi'am/ u pA li ma yin no/ /btsun pa nye bar ma phyogs pa rnams kyis nye bar phyogs pa rnams kyi mtshams bkrol na mtshams bkrol ba zhes bgyi'am/ u pA li bkrol ba zhes bya'o/ /btsun pa gang la la zhig nye bar phyogs pa de dag thams cad so sor gnas pa zhes bgyi'am/ rnam pa bzhir rgyas par brjod do/ /btsun pa gang la la zhig nye bar phyogs nas de dag thams cad mi gnas pa zhes bgyi'am/ rnam pa bzhir rgyas par brjod do/ /btsun pa gang la la so sor gnas na de dag thams cad mi gnas pa zhes bgyi'am/ rnam pa bzhir rgyas par 12-1-288b brjod do/ /btsun pa bcom ldan 'das kyis lcags rnam pa brgyar gyes pa'i dum bu yang btsal bar bya'o zhes gsungs na/ lcags kyi dum bu zhes bgyi ba gang lags/ dad pa btsal bar bya ba dang / mos pa btsal bar bya ba dang / 'dum pa btsal bar bya ba dang / dge 'dun 'dus pa btsal bar bya ste/ dge 'dun dbye ba'i phyir ni btsal bar mi bya'o/ /btsun pa dge 'dun bye ste phyogs dang pha rol gyi phyogs su gnas na gtan pa gang gis dbyung bar bgyi/ nye bar ma phyogs pa rnams kyis so/ /btsun pa ma ning zhig gis dge 'dun phye na phye ba zhes bgyi'am/ u pA li ma yin no/ /btsun pa de bzhin du dge slong ma sun phyung ba nas/ bslab pa stsal ba'i bar du rgyas par de dag gis dge 'dun phye na dge 'dun phye ba zhes bgyi'am/ u pA li ma yin no/ /btsun pa smyon pa zhig gis dge 'dun phye na dge 'dun phye ba zhes bgyi'am/ u pA li ma yin no/ /btsun pa de bzhin du sems 'khrugs pa dang / nad kyis gzir ba dang / glen pa dang / lkugs pa dang / 'on pa rnams kyis dge 'dun phye na dge 'dun phye ba zhes bgyi'am/ u pA li ma yin no/ /de ci'i phyir zhe na/ u pA li rang bzhin du gnas pa ma yin pas ni dge 'dun dbye bar mi nus so/ /ji ltar dge 'dun 'byed pa de bzhin du grangs su mi 'gyur bar yang brjod par bya'o/ /dge 'dun gyi dbyen gyi dngos po rdzogs te/ u pA lis dris pa rdzogs s+ho// //mdor na/ bzang byin rdo rje 'du shes dang / /bal glang mo dang rgod ma dang / /ba dang rnga mo ri dgas mo/ /bong lug khyi phag mo rnams so/ /sangs rgyas bcom ldan 'das grong khyer yangs pa can na spre'u rdzing 'gram gyi khang bu brtsegs pa na zhugs so/ /ka lan da ka'i bu bzang byin la bslab pa'i gnas ma bcas pas las dang po pa la nyes pa med pa na bdag gis bslab pa ma bcas pa'i tshe lan mang zhig tu mi tshangs par spyod pa 'khrig pa'i chos byas na bdag gi las dang po gang yin zhes the tshom du gyur nas sems la dogs pa dang 'gyod pa rnams skyes te/ des de lta bur gyur pa dge slong rnams la smras nas/ dge slong rnams kyis 12-1-289a bcom ldan 'das la gsol ba dang / bcom ldan 'das kyis bka' stsal pa/ dge slong dag bslab pa'i gnas ma bcas pa na ka lan da ka'i bu bzang byin gyis shin tu 'das par gyur pa ni thams cad kyang las dang po pa yin te/ las dang po pa la ni nyes pa med do/ /dge slong rdo rje'i bu zhes bya bas bslab pa ma phul/ bslab pa nyams pa ma bshags par khyim par gyur te/ des de na mi tshangs par spyod pa 'khrig pa'i chos byas nas de 'di snyam du gyur to/ /re zhig dge slong rnams la dris la de ste bdag rab tu 'byung zhing bsnyen par rdzogs par rung na ni rab tu 'byung ngo / /de ste mi rung na 'di nyid na 'dug go snyam bsams nas des de ltar gyur pa nas/ bcom ldan 'das kyis bka' stsal pa'i bar du rgyas par byas te/ dge slong dag bslab pa ma phul bslab pa nyams pa ma bshags par khyim pa'i dngos por gyur te mi tshangs par spyod pa 'khrig pa'i chos la bsten na gang zag de slar yang rab tu 'byung zhing bsnyen par rdzogs par mi rung gis de bzhin du bslab pa'i gnas bshad par bya'o/ /yang dge slong gang bslab pa ma phul bslab pa nyams pa ma bshags bzhin du mi tshangs par spyod pa 'khrig pa'i chos byas na dge slong de yang phas pham pa yin gyis lhan cig ma gnas shig /dge slong gcig pu zhig dgon pa na 'dug ste de las mi ring ba zhig na bal glang mo zhig la bu byung ste/ bal glang mo de las be'u mo zhig byung ngo / /de'i ma de ni zas la song nas dge slong des rtswa blangs te de la rtswa byin chu blud pa dang / des de 'dug pa la mo mtshan bye bar mthong ste/ des de mthong nas chags par gyur te der log par zhugs pa dang / de ngo tsha ba'i chos su gyur nas/ des bdag phas pham pa'i nyes pa ma byung grang snyam bsams nas the tshom skyes te/ des de lta bur gyur pa dge slong rnams la smras pa nas rgyas par brjod de/ bcom ldan 'das kyis bka' stsal pa/ dge slong dag der reg par ma gyur pas phas pham pa'i nyes pa ni med kyi nyes pa sbom por 'gyur ro/ /nam bal glang gi phru gu de chen por gyur pa dang / des de'i 12-1-289b mo mtshan mthong ste/ des de mthong nas chags pa dang / des der gzhug snyam nas mo mtshan gyi khar btsugs pa dang / des de la phra ba cig brgyab nas skrag par gyur te/ bdag la phas pham pa'i ltung ba ma byung grang snyam bsams nas/ des de lta bur gyur pa rgyas par smras pa dang / bcom ldan 'das kyis bka' stsal pa/ dge slong dag skrag pa la ni chags pa med pas phas pham pa'i nyes pa ni med kyi nyes pa sbom por 'gyur ro/ /ji ltar bal glang mo bzhin du rgod ma dang / rnga mo dang / ri dgas mo dang / bong mo dang / lug mo dang / khyi mo dang / phag mo rnams kyang de bzhin no// //mdor na/ smyon par gyur dang sems 'khrugs dang / /nad kyis gzir dang mi rnams dang / /lam min lam du 'du shes dang / /lam gsum rab tu bsgrags pa'o/ /btsun pa bcom ldan 'das kyis smyon pa la nongs pa ma mchis so zhes gsungs na/ ji tsam gyis na smyon pa zhes bgyi/ rnam pa lngas smyon par gyur te/ gnyen bshes zad pa dang / longs spyod zad pa dang / nor zad pa dang / khams ma mnyam pa dang / mi ma yin pas brlams pa dang / sngon gyi las kyi rnam par smin pa ste/ rnam pa 'di lngas smyon par 'gyur ro/ /de ste dge slong gi dngos por shes na ni dngos po ji lta ba bzhin no/ /de ste dge slong gi dngos por mi shes na smyon pa la nyes pa med do/ /btsun pa bcom ldan 'das kyis sems 'khrugs pa la nongs pa ma mchis so zhes gsungs na/ ji tsam gyis na sems 'khrugs pa zhes bgyi/ rnam pa lngas ni sems 'khrugs pa zhes bya ste/ mi ma yin pas de'i sems 'khrugs pa dang / mi ma yin pas de la brlams pa dang / mi ma yin pas de'i mdangs phrogs pa dang / khams ma mnyam pa dang / sngon gyi las kyi rnam par smin pa ste/ rnam pa 'di lngas ni sems 'khrugs pa zhes bya ste rgyas par ro/ /btsun pa bcom ldan 'das kyis nad kyis gzir ba la nongs pa ma mchis so/ /zhes gsungs na/ ji tsam gyis na nad kyis gzir ba zhes bgyi/ rnam 12-1-290a pa lngas na nad kyis gzir ba zhes bya ste/ de la rlung gis bskyod pa dang / mkhris pa dang / bad kan dang / 'dus pa dang / dus gyur pa rnams te/ rnam pa 'di lnga ni nad kyis gzir ba zhes bya'o/ /dge slong gis lam la lam ma yin par 'du shes nas mi tshangs par spyod pa 'khrig pa'i chos byas te/ dge slong de la bdag la phas pham pa'i nyes pa ma byung grang snyam bsams te the tshom skyes nas des de ltar gyur pa rgyas par smras pa dang / bcom ldan 'das kyis bka' stsal pa/ lam la lam ma yin par 'du shes na phas pham par 'gyur ro/ /lam la the tshom za bar 'du shes na'ang phas pham par 'gyur ro/ /lam ma yin pa la lam du 'du shes na nyes pa sbom por 'gyur ro/ /lam ma yin pa la the tshom za na nyes pa sbom por 'gyur ro/ /lam gsum la bshang ba'i lam dang / gci ba'i lam dang / kha'i lam mo/ /dge slong gis gci ba'i lam du dkris kha shun 'das na phas pham par 'gyur ro/ /dge slong gis bshang ba'i lam du dkris rkub kha 'das na phas pham par 'gyur ro/ /dge slong gis kha'i lam du dkris so 'das na phas pham par 'gyur ro// //mdor na/ spre'u mo seng ge khrung khrung mo/ /rma bya khyim bya'ang de bzhin te/ /mtshan ring dang ni rgyab gnyen dang / /nan di ka dang kha gnyis so/ /nyes pa sbom po bzhi ste/ spre'u mo dang / mtshan ring ni ji ltar rnam par 'byed pa las 'byung ba bzhin te/ bcom ldan 'das kyis bka' stsal pa/ phas pham par 'gyur ro/ /rgyab gnyen kyang phas pham par 'gyur ro/ /nan da ki la bslab pa byin pa ji ltar 'dul ba bzhin no/ /dge slong zhig bla gab med par 'dug nas sgren mor khrus byed de/ de'i nye g.yog ni mi bzhi zhig byed de de'i lus la reg pas pho mtshan las su rung bar gyur te 'dod chags kun du gnas pa dang / dge slong gzhan zhig mdun na 'dug par gyur pa des de'i pho mtshan bdag gi khar bcug pa dang / des kyang lus btud de khu ba phyung nas dge slong de the tshom skyes nas bdag 12-1-290b la phas pham pa'i nyes pa ma byung grang snyam du bsams te/ des de lta bur gyur pa nas/ bcom ldan 'das kyis bka' stsal pa'i bar du rgyas par byas te/ de la phas pham pa'i nyes pa ni med mod kyi/ bla gab med pa la 'greng ngam 'dug kyang rung gzhan las byed pa bdag gir ma byed cig /dge slong zhig 'dod chags kun du gnas pas gzir ba dang / de la dge slong mdza' bo zhig yod de de de'i drung du song nas des tshe dang ldan pa 'dod chags kyis kun du khebs shing gzir to zhes smras na/ de na re song la mi tshangs par spyod cig ces bsgo ba dang / de yang song nas mi tshangs par spyod pa byas so/ /de la bsgo bas bdag la phas pham pa'i nyes pa ma byung grang zhes the tshom skyes nas/ bcom ldan 'das kyis bka' stsal pa/ phas pham pa'i nyes pa ni med kyi nyes pa sbom por 'gyur ro/ /sangs rgyas bcom ldan 'das la tshe dang ldan pa u pA lis zhus pa/ btsun pa nyes pa sbom por ji lta ba mthol bar bgyi/ u pA li nyes pa sbom po ni 'di bzhi ste/ phas pham pa las byung ba'i lci ba dang / phas pham pa las byung ba yang ba dang / dge 'dun gyi lhag ma las byung ba lci ba dang / dge 'dun gyi lhag ma las byung ba yang ba rnams te/ de la u pA li gang phas pham pa las byung ba'i nyes pa sbom po lci ba de ni mtshams kyi nang du dge 'dun thams cad kyi mdun du bshags par bya'o/ /gang phas pham pa las byung ba'i yang ba de ni mtshams kyi phyi rol du dge slong bzhi'i mdun du bshags par bya'o/ /gang dge 'dun gyi lhag ma las byung ba'i nyes pa sbom po lci ba ni mtshams kyi phyi rol du dge slong bzhi'i mdun du bshags par bya'o/ /dge 'dun gyi lhag ma las byung ba'i yang ba ni mtshams kyi nang du dge slong gcig gi mdun du bshags par bya'o// //mdor na/ glal dang las su rung bar gyur/ /ma dang dur khrod pa dag dang / /'od bzang dang ni bzang skyes dang / /shin tu bzang ba smyugs pa dang / /rab tu bzang zhes bya ba'o/ /dge slong gis ma 12-1-291a bkag par glal ba dang / 'dod chags kyis kun du gzir ba'i dge slong zhig de'i mdun na 'dug pas pho mtshan de'i khar bcug nas des lus btud de khu ba phyung nas dge slong de bdag la phas pham pa'i nyes pa ma byung grang zhes the tshom skyes pa dang / bcom ldan 'das kyis bka' stsal pa/ phas pham pa'i nyes pa ni ma byung mod kyi/ da phan chad dge slong gis ma bkag par glal bar ma byed cig /glal na nyes byas su 'gyur ro/ /dge slong zhig pho mtshan sgreng bzhin las su rung bar gyur nas des bdag gis mo mtshan gyi nang du bcug kyang nyes par mi 'gyur ro snyam du bsams te/ des bud med kyi mo mtshan du bcug nas bdag la phas pham pa'i nyes pa ma byung grang zhes the tshom skyes pa dang / bcom ldan 'das kyis bka' stsal pa/ bcug ma thag tu phas pham par 'gyur ro/ /dge slong zhig 'dod chags kyis kun du khebs shing gzir ba dang / de ma'i drung du song nas 'di skad du ma 'dod chags kun du gnas pas gzir to zhes smras pa dang / ma na re bu khyod ni 'di nyid nas byung ba yin gyis da'ang 'di nyid du chug shig ces smras pa dang / des de nyid du gzhug snyam ste rma khar btsugs na de ngo tsha ba'i chos su gyur te/ dge slong de bdag la phas pham pa'i chos su ma gyur grang zhes the tshom skyes pa dang / bcom ldan 'das kyis bka' stsal pa/ ngo tsha ba ni chags pa med pas phas pham pa'i nyes pa med mod kyi/ nyes pa sbom por 'gyur ro/ /dge slong zhig mi ro la brtag pa'i phyir dur khrod du song ba dang / des de na bud med rgyan gyis brgyan bzhin du bor ba'i ro zhig mthong ngo / /des de mthong nas chags pa'i chos skyes te/ des de'i nang du gzhug ces rma khar btsugs pa dang de'i nang srin bus gang zhing 'dug ste/ dge slong de bdag la phas pham pa'i nyes pa ma byung grang zhes the tshom skyes pa dang / bcom ldan 'das kyis bka' stsal pa/ dge slong dag nyams pa de la rnam pa gnyis te/ nang nyams pa dang / phyi nyams pa ste/ 12-1-291b phas pham pa'i nyes pa ni med mod kyi nyes pa sbom por 'gyur ro/ /'od bzang mo zhes bya ba'i dge bsnyen ma zhig nub mo dus byas nas de brgyan bzhin du dur khrod du bor ba dang / dge slong zhig mi ro la brtag pa'i phyir dur khrod du song ba des de mthong nas de la chags pa'i chos skyes te/ des de'i nang du gzhug ces rma khar btsugs pa dang de yang langs te 'dug nas dge slong de 'jigs par gyur te/ bdag la phas pham pa'i nyes pa ma byung grang zhes the tshom skyes pa dang / bcom ldan 'das kyis bka' stsal pa/ dge slong 'jigs pa ni chags pa med pas phas pham pa'i nyes pa ni med mod kyi nyes pa sbom por 'gyur ro/ /khyim bdag bzang skyes zhes bya ba'i chung ma de'i grong du nye bar 'gro ba dang / dge slong zhig yod pa de der song nas de la 'di skad du khyim bdag gi chung ma 'dod chags kyis khebs shing gzir to zhes smras pa dang / mos smras pa/ 'og mar smyugs la steng mar khu ba thong shig /steng mar smyugs la 'og mar khu ba thong shig dang / de la kho mos mi tshangs par spyad par mi shes so zhes smras pa dang / des kyang 'di snyam du bsams te/ 'di ni bzang ngo / /'di ni legs so/ /de lta bur ni rung ngo snyam du bsams nas/ 'og mar smyugs te steng mar khu ba btang ba dang / dge slong de the tshom skyes nas/ bcom ldan 'das kyis bka' stsal pa/ bcug ma thag tu phas pham par 'gyur ro/ /shin tu bzang mo'i gleng gzhi ni ji ltar rnam par 'byed pa las 'byung ba bzhin no/ /rab tu bzang zhes bya ba'i dge slong zhig gcig pu dgon pa la gnas te/ de nas rgyang mi ring ba zhig na bram ze'i zhing zhig yod de/ bram ze de zhing la rtag tu 'ong ba mthong ste/ de mthong nas dad pa skyes so/ /des de zan la mgron du bos nas des kyang de la khas blangs so/ /des nang par sngar zas rnams sbyar te bu mo chung ngu sgren mor spyad pa zhig 'bod du btang ba dang / des de'i mo mtshan mthong ngo / /des mthong nas chags pa skyes te byas pa dang / 12-1-292a de'i mo mtshan ral nas de the tshom skyes te/ bcom ldan 'das kyis bka' stsal pa/ de ste mi tshangs par spyad pas dga' ba tshor na ni phas pham par 'gyur ro/ /de ste ma tshor na ni nyes pa sbom por 'gyur ro// //mdor na/ las su mi rung gnyid log la/ /gnon pa dang ni ra ro dang / /nad kyis gzir dang mi 'dod bzhin/ /skyes pa dang ni ma ning ngo / /dge slong zhig rang bzhin gyis pho mtshan las su mi rung ste/ gang las su rung bzhin du bcug na phas pham pa'i nyes par 'gyur gyi las su mi rung bzhin du bcug na nyes par mi 'gyur ro snyam nas/ des ma bsgreng bzhin du bcug pa dang the tshom skyes nas/ bcom ldan 'das kyis bka' stsal pa/ phas pham pa'i nyes pa ni med mod kyi nyes pa sbom por 'gyur ro/ /dge slong gis bud med gnyid log pa la byas pa dang / dge slong de the tshom skyes nas/ bcom ldan 'das kyis bka' stsal pa/ de ste lag pas ni lag par rkang pas ni rkang par/ brlas ni brlar/ 'grong gis ni 'grong la 'byar na phas pham par 'gyur ro/ /ma 'byor na ni nyes pa sbom por 'gyur ro/ / ji ltar gnyid log pa de bzhin du ra ro ba dang / nad kyis gzir ba dang / mi 'dod bzhin pa'o/ /ji ltar bud med la rnam pa bzhir brjod pa skyes pa dang / ma ning la yang de bzhin no// //'dul ba gzhung dam pa/bam po nyi shu gnyis pa/ mdor na/ rnam pa bzhi dang lnga pa dang / /las rnams kun dang gnyid log ma/ /lan gcig gsum pa byas pa dang / /bud med skyes pa ma ning ngo / /dge slong nyal ba la bud med kyis byas te de 'gyod pa skyes pa dang / bcom ldan 'das kyis bka' stsal pa/ dge slong khyod kyis ci dga' ba tshor ram/ gsol pa/ dga' ba tshor ro/ /bcom ldan 'das kyis bka' stsal pa/ shes sam/ smras pa/ 'tshal ba ni ma mchis te/ bdag g.yos pa tsam du gyur to/ /bcom ldan 'das kyis bka' stsal pa/ dge slong gnyid kyis 12-1-292b log pa g.yos pa tsam du gyur pa la phas pham pa'i nyes pa med de nyes pa sbom por 'gyur ro/ /dge slong zhig nyal ba na bud med kyis byas te de 'gyod pa skyes pa dang / bcom ldan 'das kyis bka' stsal pa/ dge slong khyod kyis ci dga' bar tshor ram/ gsol ba/ dga' bar ma tshor ro/ /bcom ldan 'das kyis bka' stsal pa/ dga' bar ma tshor na nyes pa med do/ /dge slong nyal zhing 'dug pa na bud med kyis byas te de 'gyod pa skyes pa dang / bcom ldan 'das kyis bka' stsal pa/ dge slong ci khyod kyis shes sam/ gsol pa/ ma 'tshal to/ /bcom ldan 'das kyis bka' stsal pa/ shes pa med na nyes pa med do/ /dge slong nyal ba zhig 'dug pa la bud med kyis byas te de 'gyod pa skyes pa dang / bcom ldan 'das kyis bka' stsal pa/ ci dge slong khyod kyis shes pa'am/ dga' ba tshor ba yod dam/ gsol pa/ 'tshal ba'ang ma mchis dga' bar tshor ba'ang ma mchis so/ /bcom ldan 'das kyis bka' stsal pa/ shes pa med pa dang / dga' bar tshor ba med pa la nyes pa med do/ / dge slong la ji lta bar dge slong ma dang / dge slob ma dang / dge tshul ma dang / dge tshul pha la'ang de bzhin no/ /sdig can gyi dge sbyong gsum pos bud med bzung ste lam kun du byas kyang nyes par mi 'gyur ro zhes smras nas de dag gis de'i lam kun du byas pa dang / de dag the tshom skyes nas/ bcom ldan 'das kyis bka' stsal pa/ bcug ma thag tu phas pham par 'gyur ro/ /bud med la ji lta bar skyes pa dang / ma ning thams cad la'ang de bzhin no// //mdor na/ bud med skyes pa ma ning dang / /sun phyung dga' ba ma tshor dang / /dgon pa gsum dang rab byung lnga'o/ /dge slong zhig nyal ba la bud med kyis byas te/ dge slong de 'gyod pa skyes nas/ bcom ldan 'das kyis bka' stsal/ dge slong ci khyod kyis shes sam/ gsol pa/ ma 'tshal to/ /mi shes pa la nyes pa 12-1-293a med do/ /bud med la ji lta bar skyes pa dang / ma ning la'ang de bzhin no/ /dgon pa'i dge slong sdig can gyis dge slob ma brid nas khyod ni bsnyen par ma rdzogs pas mi tshangs par spyad na bdag cag gnyi ga la nyes par mi 'gyur ro zhes smras pa dang / des kyang khas blangs so/ /des khas blangs nas 'gyod pa skyes pa dang / des de ma dad bzhin du byas nas dge slob ma de bdag ni dge slob ma ma yin par ma gyur grang snyam du 'gyod pa skyes pa dang / bcom ldan 'das kyis bka' stsal pa/bslab pa nyams kyis slar yang byin cig nyes byas su 'gyur ro/ /dgon pa'i sdig can mas dge tshul pha brid nas khyod ni bsnyen par ma rdzogs pas mi tshangs par spyad kyang bdag cag gnyis ka la nyes par mi 'gyur ro zhes smras nas rgyas par te/ bcom ldan 'das kyis bka' stsal pa/ dge tshul pha la nyes byas su 'gyur te/ dge tshul ma la'ang de bzhin no/ /dgon pa'i sdig can mas lor ma lon pa la khyod bsnyen par rdzogs nas ring por ma lon gyis mi tshangs par spyad kyang bdag cag la nyes par mi 'gyur ro zhes smras nas/ des kyang de la khas blangs te/ des khas blangs nas slar 'gyod pa skyes pa dang / des de la ma dad bzhin du byas nas dge slong de 'di snyam du bdag la phas pham pa'i nyes pa ma byung grang snyam ste 'gyod pa skyes pa dang / bcom ldan 'das kyis bka' stsal pa/ dga' bar ma tshor ba la phas pham pa'i nyes pa med de/ nyes pa sbom por 'gyur ro/ /dge slong zhig gis dge slong zhig nyal ba la byas pa dang / dge slong des thog ma dang / bar ma dang / tha ma rnams ma shes na dge slong gang gis byas pa de ma rung bar byos shig /rgyas par ni rnam par 'byed pa las ji skad 'byung ba bzhin no// //mdor na/ bzhi pa gzugs brnyan klu mo dang / /gnod sbyin lha mo dri za mo'o/ /lha min yi dgas mi za mo/ /sha za mo yang de bzhin no/ /dge slong zhig gis shing gi gzugs brnyan byas pa/ gzugs legs 12-1-293b pa/ blta na sdug pa/ mdzes pa zhig mthong ste/ de mthong ba dang 'dod pa'i chos skyes nas des de nyid du gzhug snyam ste rma khar btsugs pa dang / des kyang phye nas dge slong de 'gyod pa skyes pa dang / bcom ldan 'das kyis bka' stsal pa/ de ste yan lag thams cad du reg par byas nas phas pham par 'gyur ro/ /'on te mo mtshan sprad pa tsam gyis ni nyes pa sbom por 'gyur ro/ /ji ltar shing las byas pa de bzhin du sa las byas pa dang / rdo las byas pa dang / gos las byas pa rnams kyang de bzhin no/ /klu'i bu mo zhig dge slong gi drung du 'ongs nas btsun pa mi tshangs par spyad kyis tshur sbyon zhes smras pa dang / des khas blangs nas des der gzhug ces rma khar btsugs pa dang / de yang lus ring mor gyur nas dge slong de 'jigs par gyur nas 'gyod pa skyes pa dang / bcom ldan 'das kyis bka' stsal pa/ dge slong 'jigs pa la chags pa med pas na phas pham pa'i nyes pa med de nyes pa sbom por 'gyur ro/ /de bzhin du gnod sbyin gyi bu mo'i bar du rgyas par byas te de yang mi snang bar gyur nas dge slong de 'gyod pa skyes pa dang / bcom ldan 'das kyis bka' stsal pa/ phas pham pa'i nyes pa med de/ nyes pa sbom por 'gyur ro/ /lha'i bu mo dang / dri za'i bu mo dang / lha ma yin gyi bu mo rnams kyang de bzhin du rgyas par te/ ji ltar klu'i bu mo bzhin du lus cher gyur nas/ dge slong de 'gyod pa skyes pa dang / bcom ldan 'das kyis bka' stsal pa/ dge slong 'jigs pa la ni 'dod chags med pas phas pham pa'i nyes pa med de nyes pa sbom por 'gyur ro/ /de bzhin du yi dgas kyi bu mo de'i mo mtshan cher gyur pa dang / des der rkang pa btsugs nas dge slong de 'gyod pa skyes pa dang / bcom ldan 'das kyis bka' stsal pa/ phas pham pa'i nyes pa mad de/ nyes pa sbom por 'gyur ro/ /dge slong gcig pu dgon pa la gnas pa dang / der mi za mo zhig 12-1-294a 'ongs te/ btsun pa mi tshangs par spyad kyis tshur sbyon zhes smras na dge slong de tshul khrims dang ldan pas spro ba ma skyes pa dang / des smras pa/ btsun pa spro ba skyed cig khyod ma rung bar byas sa re/ des de la ci dga' ba byos shig /spro ba mi bskyed do zhes smras pa dang / mos dge slong de nyal ba la phyar bas dkris te/ rgyal po btsun mo dang lhan cig tu gzims pa'i mchan du bcug pa dang / rgyal po des dge slong de mthong nas khyod 'dir ci la 'ongs/ des smras pa/ bdag gcig pu dgon pa na gnas pa dang der mi za mo zhig mchis nas bdag la btsun pa mi tshangs par spyad kyis tshur sbyon ces mchi nas bdag gis spro ba ma skyed pa dang / des btsun pa spro ba skyed cig khyod ma rung bar byas sa re zhes mchi nas/ de la bdag gis ci dga' bar byos shig /spro ba ni mi skyed do zhes de skad smras pa dang / bdag nyal ba la des phyar bas dkris te 'dir bzhag go/ /rgyal pos btsun pa gang du 'di lta bur 'jigs par 'gyur ba de lta bu'i dgon par ci'i phyir gnas zhes smras nas dge slong bskrad pa dang / dge slong de 'gyod pa skyes nas/ bcom ldan 'das kyis bka' stsal pa/ phas pham pa'i nyes pa med de/ phyin chad gang du 'di ltar 'jigs par 'gyur ba de lta bu'i dgon par ma gnas shig /de bzhin du sha za mos kyang byas te/ des kyang nyal ba la phyar bas dkris nas chang 'tshong ba'i spyil bur bcug go/ /chang 'tshong ba des spyil bur bltas pa dang / dge slong de mthong nas rgyas par ni ji ltar mi za mos byas pa bzhin no// //mdor na/ ut+pal kha dog dga' bo dang / /phrug gu gnyis dang sha snag dang / /khyi mo wa mo bya rog mo/ /mi ma yin dang chu rgal dang / /nya dang sram dang shing thun mo'o/ /bcom ldan 'das mnyan du yod pa na bzhugs so/ /dge slong ma u pA li'i kha dog ma snga dro sham thabs bgos te mnyan du yod par bsod snyoms la zhugs pa nas/ rgyas par rkang pa bkrus te nang du yang dag par 'jog la 12-1-294b 'jug pa'i phyir gnas khang du zhugs pa dang / sgo phye ste 'phres nas tsha ba'i dus la bab pas gnyid log cing nyal ba dang / g.yon can srang phran nas rgyu zhing 'dong ba rnams kyis mthong ste de dag gis nyal ba la byas so/ /de dag gis byas nas dong ba dang de yang sad nas dge slong ma de 'gyod pa skyes pa dang / bcom ldan 'das kyis bka' stsal pa/ nyes pa med de/ phyin chad dge slong mas sgo ma bcad par ma 'phres shig 'phres na nyes byas su 'gyur ro/ /de bzhin du snyoms par zhugs pa la byas na yang nyes pa med de phyin chad dge slong ma sgo ma bcad par snyoms par ma 'jug shig /snyoms par zhugs na nyes byas su 'gyur ro/ /dge slong zhig mnyan du yod par bsod snyoms la zhugs pa dang / de khyim bdag gi khyim du zhugs pa khyim bdag de'i phag gi phrug gu zhig phur pa la btags pas de phur pa de la 'khor zhing 'dug pa dang / dge slong des snying rje skyes nas de phur pa las bkrol te btang ba dang / khyim bdag des dge slong de mthong nas des brgyugs te/ dge slong de'i gong ba nas bzung ste/ khyod kyis kho bo'i phag gi phrug gu btang bas na khyod ni rku ba'o/ /khyod ni glen pa'o/ /khyod ni dge sbyong sdig can no zhes smras pa dang / de 'di snyam du bdag gis phag gi phrug gu btang bas na bdag ni rku ba/ bdag ni glen pa/ bdag ni dge sbyong sdig can du gyur gyis bdag song la mi tshangs par spyad do snyam du bsams nas de song ste mi tshangs par spyad pa byas pa dang / des 'di snyam du dge slong dag la dris la de ste bdag rab tu phyung nas bsnyen par rdzogs pa 'chags na ni bdag rab tu 'byung ngo / /mi 'chags na ni 'di nyid du gnas so snyam du bsams nas/ des de ltar gyur pa dge slong rnams la smras pa dang / dge slong rnams kyis bcom ldan 'das la gsol nas/ bcom ldan 'das kyis bka' stsal pa/ dge slong dag snga ma la nyes pa med de/ phyi ma ni nyes par gyur to/ /de ltar bya gag gi phrug gu yang de bzhin no/ /khyim bdag cig gis sha snag gu zhig khyer te 12-1-295a song ba bya 'ol bas phrogs te khyer nas sha snag gu de 'ol ba'i kha nas shor te/ dge slong bsod snyoms la spyod pa de'i lhung bzed du lhung ngo / /khyim bdag des sha snag gu de dge slong de'i lhung bzed na 'dug pa mthong ba dang / des dge slong de'i gong ba nas bzung ste/ kho bo'i sha snag gu de 'ol bas khyer ba la khyod kyi lhung bzed nas zin pas na khyod ni rku ba'o/ /khyod ni glen pa'o/ /khyod ni dge sbyong sdig can no zhes smras pa dang / de 'di snyam du 'di'i sha snag gu de bdag gi lhung bzed nas zin pas na bdag ni rku ba'o/ /bdag ni glen pa'o/ /bdag ni dge sbyong sdig can du gyur gyis bdag song la mi tshangs par spyad par bya'o snyam du bsams so/ /rgyas par ni ji ltar phag gi phrug gu bzhin no/ /dge slong zhig gis khyi mo'i mdun du gci ba byas pa dang / des de'i pho mtshan khar bcug nas des khu ba phyung ste lus kyang btud nas dge slong de 'gyod pa skyes pa dang / bcom ldan 'das kyis bka' stsal pa/ phas pham pa'i nyes pa med de/ phyin chad dge slong gis khyi mo'i mdun du gci ba ma byed cig /yang na de skrod cig /yang na gud du song shig /dge slong zhig 'chag pa na wa mo zhig sgra 'byin cing phyag dar khrod kyi gos 'dral lo/ /de nas de 'di snyam du bdag gi phyag dar khrod kyi gos 'dral ba de su yin pa song ste blta'o snyam bsams nas de phyag dar khrod kyis dkris te 'dug pa dang / wa mo de yang 'ongs nas dge slong de steng du zhon pa dang / des phyag dar khrod kyi gos kyis wa de dkris te bzung nas de 'di snyam du wa 'di pho'am mo yin pa blta'o zhes bsams nas des de'i mo mtshan mthong ngo / /des mthong nas 'dod pa'i chos skyes te/ des de nyid kyi nang du gzhug go snyam du bsams nas rma khar btsugs pa dang / mos slar log ste sos btab nas dge slong de skrag par gyur pa dang / bcom ldan 'das kyis bka' stsal pa/ dge slong skrag pa la phas pham pa'i nyes pa med de/ nyes pa sbom por 'gyur ro/ /dge slong gcig pu nags stug po na gnas pa dang / de de nas mi 'am ci mos khrid nas de brag phug tu bcug ste/ 12-1-295b des ci nas kyang 'du shes gyur pa de ltar byas so/ /des de 'du shes bsgyur te spyod yul gyi phyir song ba dang / dge slong de 'du shes thob nas de gnas de nas langs te bros so/ /dge slong de 'gyod pa skyes pa dang / bcom ldan 'das kyis bka' stsal pa/ nyes pa med de/ phyin chad dge slong gis gang du 'di lta bur 'jigs par 'gyur ba'i dgon par ma gnas shig /dge slong zhig sgren mor klung rgal ba las de'i pho mtshan nyas bzung ba dang / des kyang lus btud de khu ba phyung nas dge slong de 'gyod pa skyes pa dang / bcom ldan 'das kyis bka' stsal pa/ nyes pa med de/ phyin chad 'di ltar bur 'jigs par 'gyur ba'i klung gang yin pa la sgren mor ma rgal cig /bud med cig sgren mor shing thags kyi nang na khu le lta bus chu chu zhing 'dug pa la dge slong zhig gis shing thags kyi bseb nas de'i mo mtshan mthong ngo / /des mthong nas chags pa dang / de'i mo mtshan la de'i pho mtshan gyis reg nas/ bcom ldan 'das kyis bka' stsal pa/ phas pham pa'i nyes pa med de/ nyes pa sbom por 'gyur ro/ /bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /dge slong dag gis bya ba byas nas 'chag cing nyin par spyod pa'i gnas su song ste/ des der stan bting nas skyil mo krung bcas te 'dug pa dang / tsha ba'i dus la bab pas des der 'phres te nyal ba dang gnyid kyis log go/ /de nyal ba na sham thabs snyil nas pho mtshan las su rung bar gyur te/ bud med shing thun ma zhig shing tshol zhing gnas der 'ongs pa dang / dge slong de mi sdug par nyal ba mthong ngo / /des mthong nas shin tu chags te des dge slong de la nyal po byas so/ /nyal po byas nas de song ba dang / dge slong de yang sad nas des 'phags pa bdag gi khyim 'di zhes bgyi ba na mchis kyis de ste yang bzhed na der spyon cig ces smras pa dang / dge slong de 'gyod pa skyes nas/ bcom ldan 'das kyis bka' stsal pa/ dge slong ci khyod kyis shes sam/ gsol pa ma 12-1-296a 'tshal to/ /mi shes na nyes pa med de/ bla gab med par gcig pu 'phres te ma 'dug shig /'dug na nyes byas su 'gyur ro// //mdor na/ sa ke ma yi rtswa rnga dang / /tsam pa ya yi rgyu lnga dang / /rgyal po'i khab na sman dpyad dang / / b+ha ru kad tsa'i smad 'tshong ma'o/ /bcom ldan 'das ke ta'i shing pa la sha'i nags na bzhugs so/ /de nas dge slong gzhan zhig la rtswa rnga ma zhig gis rgyas par ni ji ltar shing thun ma bzhin no/ /grong khyer tsam par nad g.yan pas btab pa dang rgyu lnga dang rkyen lngas pho mtshan las su rung bar 'gyur te/ rnam par 'byed pa las ji skad 'byung ba bzhin no/ /bcom ldan 'das rgyal po'i khab na bzhugs so/ /dge slong zhig pho mtshan nad kyis gzir ba dang / 'tsho byed kyi pho mtshan yang nad kyis gzir bar gyur pa na des bud med kyi khar bcug pa dang de nas de las thar to zhes des thos nas/ des 'di snyam du bcom ldan 'das kyis nad pa'i sman dpyad du gnang gis bud med kyi khar gzhug go snyam du bsams te/ des bud med kyi khar bcug nas nad de las thar ba dang dge slong de 'gyod pa skyes nas/ bcom ldan 'das kyis bka' stsal pa/ bcug ma thag tu phas pham par 'gyur ro/ /yul b+ha ru kad tsa'i smad 'tshong zhig gi khyim du rkun po gcig cig gnas te/ de de nas byung zhing mi de dag la gnod pa byed pa dang / de dag gis rgyal po la gsol nas rgyal pos smad 'tshong ma bos nas ci khyod kyi khyim na rkun po gnas sam zhes dris pa dang / lha su yang ma mchis so/ /de ste btsal te rnyed na ni khyod kyis bcabs te sbas pas chad pas gcad do/ /mi de dag gis rkun po de bzung ste khrid nas rgyal po la gsol ba dang / rgyal pos bka' stsal pa/ khyod song la smad 'tshong ma 'di rkang pa'i mkhrig ma nas 'bring pas thogs la ltag par sbrel te dur khrod du 'or cig /su gang zhig gis 'di btang na de ste chad pa 'di nyid kyis bcad do/ /de ste gson na ni khyi rnams la sbyin no/ /de dag gis de'i rkang pa'i mkhrig ma nas 'bring pas btags nas ltag 12-1-296b par sbrel te dur khror du bor ba dang / dge slong zhig dur khrod na mi ro la rtog cing 'dug pa des mthong ste 'dod pa'i chos skyes nas de nas 'di ltar de nyid du gzhug snyam ste rma khar btsugs pa dang / de langs te 'dug nas/ btsun pa sngon du chu cig stsol cig ces smras pa dang / des de la chu blud nas/ des smras pa/ btsun pa kho mo'i lus dang mngal mi gtsang ba 'di cir dgos/ des de nas gnangs kyi bar du bzung ba dang de'i gnyen bshes rnams 'ong ba dge slong des rgyang nas mthong ste ngo tsha bas phyogs gcig tu song ba dang / des gnyen bshes de dag la smras pa/ kho mo 'di ltar cung zad 'tsho ba de thams cad dge slong 'di'i mthu yin gyis de bos shig ces des smras pa dang / de dag gis bos nas des smras pa/ btsun pa kho mo cung zad 'tsho ba de thams cad ni khyod kyi drin te 'di dag ni kho mo'i gnyen bshes lags na 'di dag gis gsos te sos dang de ste kho mo la bgyi ba mchis na khyim 'di na mchis kyis der spyon cig ces smras pa dang / dge slong de 'gyod pa skyes nas/ bcom ldan 'das kyis bka' stsal pa/ phas pham pa'i nyes pa med de nyes pa sbom por 'gyur ro// //mdor na/ bal glang nang dang khron pa dang / /reg dang gru yang nub pa dang / /skyes pa dag dang ser skya dang / /bud med bu dang ser skya dang / /bzang skyes nor can pho brang skyong / /dge slong pho brang 'khor skyong bal glang gi nang du song ba dang / de glang mi srun pas brdungs nas bud med kyi steng du 'gyel ba dang / dge slong de 'gyod pa skyes nas/ bcom ldan 'das kyis bka' stsal pa/ nyes pa med de/ shes par byos la bal glang gi nang du song shig /dge slong zhig khron pa zhigs pa zhig tu bltas pa dang / der lhung nas der sngar yang bud med cig lhung ba de'i mgul nas 'jus so/ /khyim bdag dag gis thag pa blangs te dge slong de phyung ba dang / de'i mgul nas bud med cig gis 'jus par mthong nas de dag gis bud med khyod ga las 'ongs zhes smras pa dang / dge slong gis 'di ni sngar lhung ba kho bo'i mgul nas 12-1-297a 'jus so zhes smras nas/ dge slong de 'gyod pa skyes pa dang / bcom ldan 'das kyis bka' stsal pa/ nyes pa med de/ bag yod par byos la khron par ltos shig /dge slong zhig bsod snyoms spyod pa las sgo khang dog pa zhig nas byung ba dang bud med cig kyang nang du 'jug pa de'i mo mtshan gyis de'i pho mtshan la reg pa dang / dge slong de 'gyod pa skyes pa dang / bcom ldan 'das kyis bka' stsal pa/ nyes pa med de/ bag yod par byos la grong du bsod snyoms spyod cig /dge slong zhig gru las klung rgal ba na gru de nub pa dang / bud med cig kyang de na yod de/ des de'i mgul nas 'jus so/ /dge slong rgal ba dang dge slong de 'gyod pa skyes pa dang / bcom ldan 'das kyis bka' stsal pa/ nyes pa med de/ bag yod par byos la klung rgol cig /skyes pa ser skya zhes bya ba zhig dge slong ma'i drung du song ste 'di skad du 'phags ma bdag rab tu phyung shig ces smras pa dang / de de dag gis ma brtags par rab tu phyung ste/ des dge slong ma la reg pa dang / de dag 'gyod pa skyes nas/ bcom ldan 'das kyis bka' stsal pa/ nyes pa med de/ shin tu brtags la rab tu dbyung bar byos shig /sbom mo dga' ldan mo yang rgyas par gzhan gyi bu bor ba bzhin no/ /bcom ldan 'das kyis bka' stsal pa/ dge slong mas bu dor bar ma byed cig bor na nyes pa sbom por 'gyur ro/ ser skya bzang mo'i gleng gzhi rgyas par byas pa dang / bcom ldan 'das kyis bka' stsal pa/ bzang mo ji khyod kyis dga' ba tshor ram/ btsun pa bdag gis dga' ba lta ga la tshor gyi ji ltar thong lcags bsregs pa bzhin no/ /bcom ldan 'das kyis bka' stsal pa/ bud med kyi mo mtshan gyi phyogs ni las rnam par smin pa las skyes te/ nan gyis byas pa la nyes pa med do/ /dge slong ma bzang mo skyes zhes bya ba de g.yon can rnams kyis bzung nas kha bkab ste nags stug por khrid nas sun phyung ste slar btang ba las dge slong ma dag gis gnas 12-1-297b nas bskrad pa dang / des smras pa/ 'phags ma bdag gis ni dga' bar ma tshor ro/ /khyod g.yon can gyis bzung ste nags stug por khrid nas sun phyung ste slar btang ba yin na ci'i phyir dga' bar ma tshor/ de ltar gyur pa dge slong ma rnams kyis dge slong pha rnams la smras pa dang / dge slong dag gis bcom ldan 'das la gsol nas/ bcom ldan 'das kyis bka' stsal pa/ ci khyod kyis dga' bar tshor ram/ btsun pa bdag 'gres ldogs sug pa g.yabs na dga' bar lta ga la tshor zhes gsol ba dang / bcom ldan 'das kyis bka' stsal pa/ dge slong dag bud med kyi mo mtshan gyi phyogs ni las rnam par smin pa las skyes te/ 'gro ba dang / ldog pa dang / lag pa g.yob pa la ni nan gyis bzung ba zhes bya ste/ nan gyis bzung ba la ni nyes pa med do/ /dge slong ma nor can mo zhes bya ba zhig mnyan du yod par bsod snyoms spyod pa na g.yon can rnams kyis bzung ste nags stug por khrid nas sun phyung ste btang ba dang / de dge slong ma dag gis gnas nas bskrad nas 'phags ma bdag gis dga' bar ma tshor ro zhes smras pa dang / khyod g.yon can rnams kyis bcings te nags stug por khrid nas sun phyung ste btang ba yin na ci'i phyir dga' bar ma tshor/ de ltar gyur pa dge slong ma dag gis dge slong dag la smras pa dang / dge slong dag gis kyang bcom ldan 'das la gsol nas/ bcom ldan 'das kyis bka' stsal pa/ ci khyod kyis dga' bar tshor ram/ btsun pa bdag gis ngus nas bos bgrogs te bdag la ma 'dzin cig ces smras na dga' bar lta ga la tshor/ bcom ldan 'das kyis bka' stsal pa/ bud med kyi mo mtshan gyi phyogs ni las rnam par smin pa las skyes te/ ngu bzhin pa ni nan gyis bzung ba zhes bya/ bos bgrogs nas bdag la ma 'dzin cig ces smra ba ni nan gyis bzung ba zhes bya ste/ nan gyis bzung ba la nyes pa med do/ /dge slong ma pho brang skyong zhes bya ba zhig mnyan du yod par bsod snyoms spyod pa na g.yon 12-1-298a can rnams kyis bzung ste nags stug por khrid nas sun phyung ste btang ba la de dge slong ma dag gis gnas nas bskrad pa dang / des smras pa/ bdag gis dga' bar ni ma tshor ro/ /'o na kun dga' bo'i drung du song shig ces smras nas/ de de'i drung du song ba dang / gnas brtan gyis kyang mthong nas des gus pa'i tshig tu ma smras pa dang / gnas brtan gyis kyang bskrad nas de 'di snyam du bdag 'di 'dra bar 'tsho zhing 'dug pa bas song la bum pa bye mas bkang ba mgul du btags te klung a dzi ra ba ti ra mchong ngo snyam du bsams nas/ des bum pa bye mas bkang ba mgul du btags te klung a dzi ra ba ti ra mchongs pa dang / tha gu ngan pa zhig pas chad de bying zhing nub pa g.yon can rnams kyis mthong nas/ de dag gis phyung ste bzhag nas nam 'du shes slar rnyed pa dang / de la sun 'byin to/ /dge slong ma dag kyang tshol zhing gnas der lhags pa dang / de dag gis de la sun 'byin par mthong nas/ des smras pa/ 'di sngon ni dge slong ma yin na da dung yang dge slong ma yin nam zhes smras nas/ de ltar gyur pa dge slong rnams la smras pa dang / bcom ldan 'das kyis bka' stsal pa/ ci khyod kyis dga' bar tshor ram/ btsun pa 'gres ldogs sug pa g.yabs bdag la ma 'dzin cig ces smras na dga' ba lta ga la tshor/ bcom ldan 'das kyis bka' stsal pa/ dge slong dag bud med kyi mo mtshan gyi phyogs ni las rnam par smin pa las skyes te 'gre ba ni nan gyis bzung ba zhes bya ba nas/ bdag la ma 'dzin cig ces smra ba ni nan gyis bzung ba zhes bya ba'i bar du rgyas par te/ nan gyis bzung ba la ni nyes pa med do// // mdor na/ nor can dgon pa 'du shes dang / /bsod snyoms bcu dang rkun po bcu/ /gzhan yang sho gam gnas kyi bcu/ /sangs rgyas bcom ldan 'das rgyal po'i khab na bzhugs so/ /sngon gyi rdza pa dge slong nor can bslab pa'i gnas ma bcas pas 12-1-298b las dang po pa la ni nyes pa med de/ bdag gis ni shing mang zhig ma byin par blangs te 'ongs na gang la bdag las dang po par 'gyur zhes sems la gdung zhing 'gyod de 'gyod par gyur pa dang / bcom ldan 'das kyis bka' stsal pa/ dge slong dag bslab pa'i gnas ma bcas pas sngon gyi rdza pa dge slong nor can ni kun las kyang 'das te thams cad du las dang po pa yin pas las dang po pa la ni nyes pa med do/ /dge slong zhig dgon pa bdag po med pa'i yo byad la bdag po yod par 'du shes nas ma byin par blangs pa dang / dge slong de 'gyod pa skyes nas/ bcom ldan 'das kyis bka' stsal pa/ bdag po yod pa la bdag po yod par 'du shes na phas pham par 'gyur ro/ /bdag po yod pa la the tshom du gyur na phas pham par 'gyur ro/ /bdag po med pa la bdag po yod par 'du shes na nyes pa sbom por 'gyur ro/ /bdag po med pa la bdag po med par 'du shes na nyes pa med do/ /dge slong gis bsod snyoms 'bras can zhig mi dbang bar blangs pa dang / bcom ldan 'das kyis bka' stsal pa/ phas pham pa'i nyes pa med de/ nyes pa sbom por 'gyur ro/ /bsod snyoms 'bras can la ji lta ba bzhin du bsod snyoms phye dang / phya tshal btsos pa'i bsod snyoms dang / bsod snyoms sha dang / bsod snyoms bag chos rnams thams cad kyang de bzhin du nyes pa sbom por 'gyur ro/ /dge slong zhig mgron du ma bos par zan zos pa dang / dge slong de 'gyod pa skyes nas/ bcom ldan 'das kyis bka' stsal pa/ phas pham pa'i nyes pa med de/ nyes byas su 'gyur ro/ /ljongs ko sa lar dge 'dun gyi bshos 'god pa na dge slong gzhi ba zhig grong gzhan du song ba dang / de dang lhan cig spyod pa gnyis shig yod de/ de gnyis kas mkhan po'i zan so sor mnos pa dang / de gnyis 'di snyam du khyod kyis kyang mnos/ kho bos kyang mnos na/ gang gang gis mi dbang bar blangs 12-1-299a mi shes te phas pham pa'i nyes par ma gyur grang snyam du bsams pa dang / bcom ldan 'das kyis bka' stsal pa/ blangs pa la nyes pa med de/ gzhan zhes bya bar byos shig ljongs ko sa lar dge 'dun gyi bshos 'god pa na dge slong gzhi ba zhig grong gzhan du song nas dge slong de'i mdza' bo des de'i zan mnos pa dang / de 'ongs nas smras pa/ tshe dang ldan pa khyod kyis kho bo'i zan mnos sam smras pa/ mnos so/ /dge slong des ngas ma bcol bar khyod kyis ci'i phyir mnos zhes smras pa dang / dge slong de 'gyod pa skyes nas/ bcom ldan 'das kyis bka' stsal pa/ nyes pa med de/ ma bcol par ni ma nod cig /ljongs ko sa lar dge 'dun gyi bshos 'god pa na dge slong nad pa zhig yod de de'i nad g.yog gis zan mnos te/ des mnos nas song ba dang / dge slong de yang dus las 'das nas des ji ltar bya ba mi shes nas/ bcom ldan 'das kyis bka' stsal pa/ de ste sngar dus las 'das la phyis mnos na ni de nyid du slar phul cig /'on te sngar mnos la phyis dus las 'das na yo byad gzhan ji lta ba de ltar byos shig / dge slong zhig gis dge slong zhig la 'di skad du tshe dang ldan pa tshur shog /rkun po la 'dong ngo zhes smras nas de gnyis dong ste lam gyi phyed du phyin pa dang / bdag cag ni dge bar gsungs pa'i chos 'dul ba la rab tu byung bas rkun po byas na ni bdag cag gnyis mi mdzes shing mi rigs so snyam ste ngo tsha ba'i chos dang ldan par gyur nas de gnyis der ma dong ba dang / de gnyis 'gyod pa skyes nas/ bcom ldan 'das kyis bka' stsal pa/ phas pham pa'i nyes pa med de nyes byas su 'gyur ro/ /dge slong zhig gis dge slong dag gcig la tshe dang ldan pa dag tshur shog /rkun po la 'dong ngo zhes de skad smras pa dang / de dag dong nas lam gyi phyed du phyin pa dang / bdag cag ni mi mdzes so snyam nas ngo tsha ba'i chos dang ldan par gyur te de der ma dong ba dang / dge slong de dag 'gyod pa skyes nas/ bcom ldan 'das kyis bka' stsal pa/ phas 12-1-299b pham pa'i nyes pa med de/ nyes byas su 'gyur ro/ /de dag bzhin du byas pa las gcig ni ngo tsha ba'i chos dang ldan nas de 'di snyam du de ste ma song na ni de dag gis bdag 'tsho ba dang phral bar 'gyur gyis bdag song la bdag gis ma byin par mi blang zhing bdag gi skal ba mi bkur ro snyam du bsams nas des der ma byin par yang ma blangs skal ba yang ma khyer ba dang / dge slong de 'gyod pa skyes nas/ bcom ldan 'das kyis bka' stsal pa/ phas pham pa'i nyes pa med de nyes byas su 'gyur ro/ /dge slong dag gis dge slong dag la tshe dang ldan pa dag tshur shog rkun po la 'dong ngo zhes smras nas de dag der dong ba dang / de dag las phyed ni las byed phyed ni lam srung ngo / /de dag las lam srung ba gang yin pa de dag 'di snyam du bdag cag gis ni ma blangs shing ma brkus pas nyes par mi 'gyur ro snyam du bsams pa dang / de ltar gyur pa dge slong dag gis thos nas bcom ldan 'das la gsol pa dang / bcom ldan 'das kyis bka' stsal pa/ de ste dngos po tshang na phas pham par 'gyur ro/ /dngos po ma tshang na nyes pa sbom por 'gyur ro/ /dge slong zhig gis dge slong zhig la tshe dang ldan pa tshur shog rkun po la 'dong ngo zhes smras nas de dag gis ma byin par blangs pa dang gzhan du ni dngos po ma tshang gi de gnyis kyis gang nas blangs pa de nyid du dngos po tshang nas dge slong de gnyis 'gyod pa skyes pa dang / bcom ldan 'das kyis bka' stsal pa/ gnas gang nas bskyod pa de'i rin thang brtsi bar bya'o/ /dge slong zhig gis dge slong dag cig la tshe dang ldan pa dag tshur shog rkun po la 'dong ngo / /gang gis ci thob pa de de nyid dbang ngo zhes smras nas de dag der dong ba dang / de dag las kha cig gis ni thob/ kha cig gis ma thob/ de dag 'gyod pa skyes pa dang / bcom ldan 'das kyis bka' stsal pa/ phas pham pa'i nyes pa med de nyes pa sbom por 'gyur ro/ /dge slong de dag la rkun pos kyang byin thun mong ba dang srung ba dag gis kyang byin na de dag 'gyod pa skyes nas ma blangs pa dang / bcom ldan 'das kyis bka' stsal pa/ rjes su 12-1-300a gnang ba ni sbyin par byed pa la sbyin bdag tu sems nye bar zhog ste long shig /dge slong zhig gi lhan cig spyod pa de rkun pos khrid pa dang / de de nas bros te 'ongs nas dge slong de 'gyod pa skyes pa dang / bcom ldan 'das kyis bka' stsal pa/ dge slong bdag nyid kyis bdag brku bar rung gis nyes pa med do/ /dge slong zhig la sho gam gcad pa'i rdzas shig lag na yod na de ste sho gam gyi gnas las 'das na ni phas pham par 'gyur ro/ /des 'di snyam du 'di ni bdag gi ma'i'o/ /'di ni bdag gi pha'i'o/ /'di ni bdag gi bu'i'o/ /'di ni bdag gi sring mo dang / mkhan po dang / slob dpon dang / mchod rten dang / dge 'dun rnams kyi'o snyam du bsams nas mang po la bsngos te 'das na nyes pa sbom por 'gyur ro/ /nam mkha' las 'das na ni nyes pa med do// //mdor na/ khri'u dang glegs bam seng ras dang / /chang dang sha dang gos dang nang / /phyag dar khrod dang dur khrod dang / /dur khrod kyi ni gnas gnyis so/ /dge slong zhig gis khri'u zhig brnyas nas khyer te 'ongs nas des slar mi sbyin no snyam bsams pa dang / dge slong de 'gyod pa skyes nas/ bcom ldan 'das kyis bka' stsal pa/ phas pham pa'i nyes pa med de nyes pa sbom por 'gyur ro/ /dge slong zhig gis glegs bam zhig brnyas nas khyer te 'ongs pa dang de yang rgyas par de bzhin no/ /dge slong zhig gis seng ras shig ma byin par blangs te des de brkus nas bshig pa dang / de'i nang nas dar rin thang chen po zhig byung ste dge slong de 'gyod pa skyes nas/ bcom ldan 'das kyis bka' stsal pa/ seng ras kyi rin thang brtsi bar bya'o/ /rkun po dag cig gis chang zhig khyer te dgon pa la dong nas chang kha cig ni 'thungs/ kha cig ni sbas te dong ba dang / dge slong dag kyang gnas der nyin par spyod pa'i phyir dong ba dang / de dag gis de mthong nas de dag gis tshwar 'gyur gyis song la gtsug lag khang du skyol cig ces smras nas de gtsug lag khang du bskyal to/ /rkun po dag kyang skom nas der song ste btsal ba dang ma rnyed nas de dag gis dge slong de dag mthong ste 12-1-300b de dag la btsun pa kye khyed kyis chang zhig ma bsnams sam zhes dris pa dang / dge slong dag gis khyer ro zhes smras pa dang / rkun pos btsun pa kho bo cag gi chang brkus pas na khyod ni rkun ma'o zhes smras pa dang / dge slong de dag 'gyod pa skyes nas/ bcom ldan 'das kyis bka' stsal pa/ nyes pa med de/ bdag po yod dam med shin tu brtags la blang bar bya'o/ /de ltar sha'ang de bzhin no/ /rkun pos grong bcom nas ra mda' bas bsnyags pa dang / gtsug lag khang du phyin te de dag skrag pas gtsug lag khang du song nas gos kyang dge slong dag la phul nas dgon pa la bros pa dang / khyim bdag de dag gis gtsug lag khang de bskor nas de gtsug lag khang du dong ba dang / de dag gis dge slong dag gi lag pa na gos de dag 'dug par mthong nas de dag gis gos 'di ni bdag gi'o zhes smras pa dang / dge slong dag gis kho bo cag la ni rkun pos byin no zhes smras pa dang / dge slong de dag 'gyod pa skyes pa dang / bcom ldan 'das kyis bka' stsal pa/ nyes pa med de/ rkun pos brkus nas brtan pa'i nor ma len cig /'on te rkun po rgyal mtshan can zhig gis byin na ni de las blang bar byos la gos gris dros la kha dog sgyur te chongs shig /de kha dog bsgyur kyang slar slong na de yang byin cig /btso blag mkhan zhig gis gos thal chu'i nang du bcug pa dang / des brjed de grong du song ngo / /des yang gos dran par gyur nas de slar log ste song ba dang dge slong zhig kyang phyag dar khrod kyi gos tshol zhing gnas der phyin nas des gos de mthong ste/ dge slong des gos de blangs nas song ba dang / btso blag mkhan des mthong nas btsun pa gos ma rku zhes smras pa dang / dge slong gis kho bo phyag dar khrod kyi gos tshol ba las 'di mthong na khyod la 'di cir dgos zhes smras pa dang / btso blag mkhan gyis btsun pa kho bos gos 'di thal skyor bcug pa las brjed de 'di ni bdag gi gos lags kyis ma rku shig /khyod kyis ni ma byin par blangs so zhes smras pa dang / dge slong de 'gyod pa skyes nas/ bcom ldan 'das kyis bka' stsal pa/ nyes pa 12-1-301a med de/ bdag po gzhan yod dam med shin tu brtags la blang bar bya'o/ /btso blag mkhan gyis gos bkrus te shing drung du 'dug pa dang / phyag dar khrod pa zhig phyag dar khrod pa'i gos tshol zhing gnas der phyin te des gos de mthong nas gos blangs te song ba dang / btso blag mkhan de mthong nas btsun pa 'di ni bdag gi gos lags kyis ma rku shig ces smras pa dang / de ste khyod kyi yin na slar khyer cig /dge slong de 'gyod pa skyes nas/ bcom ldan 'das kyis bka' stsal pa/ shin tu brtags par bya ba rgyas par ro/ /khyim bdag cig gis gos bzhag ste bshang ba byed pa dang / phyag dar khrod pa zhig phyag dar khrod pa'i gos tshol zhing gnas der phyin pa des gos de mthong nas des khyer te song ba dang / khyim bdag de langs te btsun pa 'di ni bdag gi bgo ba lags kyis ma rku shig ces smras pa dang / de ste khyod kyi yin na slar khyer cig /dge slong de 'gyod pa skyes nas/ bcom ldan 'das kyis bka' stsal pa/ nyes pa med de/ shin tu rtogs la khyer cig /dze ta'i tshal nas shin tu mi ring ba zhig na zhing rmod pa'i las byed pa zhig gos rnams bzhag ste zhing rmod pa dang / dge slong phyag dar khrod pa zhig phyag dar khrod kyi gos tshol zhing gnas der phyin te des gos de mthong nas des gos de khyer te song ba dang / zhing rmod pa'i las byed pa des mthong nas/ btsun pa gos ma rku shig ces smras pa dang / des de la ma mnyan pa dang / des kyang brgyugs te bzung nas btsun pa rigs sam gos de ma byin par ma blang shig /'di ni kho bo phyag dar khrod kyi gos tshol ba na mthong ste/ khyod la 'di cir dgos/ btsun pa gos 'di bzhag nas bdag zhing rmod rmod de gos 'di ni bdag gi'o zhes smras nas/ de ste khyod kyi na slar khyer cig /dge slong de 'gyod pa skyes nas/ bcom ldan 'das kyis bka' stsal pa/ nyes pa med de/ shin tu rtogs pa gyis te long shig /khyim bdag zhig gis dge sbyong shAkya'i bu rnams ni lhung ba'i gos de rnams phyag dar khrod kyi gos so zhes nas khyer ro zhes thos pa dang / des ras rin che ba zhig la kAR+ShA 12-1-301b pa Na brgyad phur pa phur te phyag dar spungs pa'i khrod du brkos nas sbas te kha tshar tsam zhig snang bar byas te song ba dang / dge slong zhig phyag dar khrod kyi gos tshol zhing gnas der phyin te des kha tshar mthong nas des de nas drangs te khyer ba dang / khyim bdag des mthong nas/ btsun pa ras ma rku shig ces smras pa dang / dge slong gis ngas 'di ni phyag dar khrod kyi gos tshol ba las rnyed na de khyed la cir dgos zhes smras pa dang / btsun pa bdag gis ni dge sbyong shAkya'i bu rnams kyis lhung ba'i gos gang rnyed pa de phyag dar khrod pa'o zhes te khyer ro/ / zhes thos nas bdag gis ras la kAR+ShA pa Na brgyad phur pas phur te phyag dar spungs par sbas pas so/ /dge slong des kAr+ShA pa Na brgyad po de mthong nas/ de ste khyod kyi yin na khyer cig ces smras nas/ dge slong de 'gyod pa skyes pa dang / bcom ldan 'das kyis bka' stsal pa/ nyes pa med de/ shin tu brtags la bkur bar bya'o/ /khyim bdag gi khye'u zhig gis srang du gos bzhag ste rtsed mo rtse'o/ /de rtses nas khyim du song ba dang / dge slong zhig phyag dar khrod kyi gos tshol zhing gnas der 'ongs pa dang des gos de mthong nas des de blangs te song ba dang / bud med cig kyang khyim de nas byung ste/ des kyang dge slong de mthong nas btsun pa gos ma rku shig ces smras pa dang / 'di ni kho bos phyag dar khrod kyi gos tshol na rnyed do/ /btsun pa kho mo'i khye'u rtse ba na gos brjed de khyim du mchis so/ /zhes smras pa dang / de ste khyod kyi yin na khyer cig /dge slong de 'gyod pa skyes nas/ bcom ldan 'das kyis bka' stsal pa/ nyes pa med de/ shin tu brtags la blang bar byos shig /dge slong zhig gis phyag dar khrod pa'i gos sbas te mnyan du yod par bsod snyoms la zhugs pa dang / dge slong gzhan zhig kyang phyag dar khrod kyi gos tshol zhing gnas der phyin nas/ des de mthong ste bkrus pa dang / dge slong des kyang phyag dar khrod kyi gos btsal na ma rnyed nas des dge slong de 'khru ba mthong 12-1-302a nas/ des tshe dang ldan pa khyod la ni phas pham pa'i nyes pa byung ngo / /zhes smras pa dang / ci'i phyir/ kho bo'i phyag dar khrod kyi gos 'di ma byin par blangs pa'i phyir ro/ /'di la ni bdag po yod par kho bos ma shes so/ / zhes smras pa dang / dge slong de 'gyod pa skyes nas/ bcom ldan 'das kyis bka' stsal pa/ nyes pa med de/ shin tu brtags la blang bar gyis shig /dge slong de dag gis mi gtsang bas reg pa'i phyag dar khrod kyi gos bcangs pa dang / lha phran rnams 'phya nas/ bcom ldan 'das kyis bka' stsal pa/ phyag dar khrod kyi gos ni bkrus te legs par btsems la bcang bar bya bas na dge slong dge slong dag gis mi gtsang bas reg pa'i phyag dar khrod kyi gos ma 'chang shig /'chang ba gang yin pa de ni nyes byas su 'gyur ro/ / dge slong de dag gis bdag po yod pa'i dur khrod nas gos blangs pa dang / rigs ngan rnams kyis gang cung zad bdag cag gis las su byas pa thams cad 'di dag gi phyir byed na 'di nas gos ma rku shig ces de skad mi snyan par smra ba dang / bcom ldan 'das kyis bka' stsal pa/ bdag po dang bcas pa'i dur khrod nas gos ma len cig /blangs na nyes pa sbom por 'gyur ro/ /dur khrod nas shin tu mi ring ba zhig na log pa'i lha khang zhig yod de/ de nas ras zhig rlung gis khyer nas dur khrod du lhung ba dang dge slong zhig phyag dar khrod kyi gos tshol zhing dur khrod du 'ongs pa des ras de rnyed nas de blangs te khyer ba dang / log pa'i lha khang na gnas pa de dag gis mthong nas/ btsun pa bdag cag gis ras 'di log pa'i lha khang nas dur khrod du lhung ba yin gyis ras 'di ma rku shig ces smras pa dang / de ste khyod kyi yin na slar khyer cig /dge slong de 'gyod pa skyes nas/ bcom ldan 'das kyis bka' stsal pa/ nyes pa med de/ bdag po gzhan yod dam med pa shin tu rtogs la long shig// // 13-1-1b @#/ /'dul ba gzhung dam pa/bam po nyi shu gsum pa/ mdor na/ khye'u gnyis rgal gsum pa dang / /phrin pa dag dang dge 'dun zhing/ /yo byad rnams dang phur pa dang / /shing dang bya tshang rnam gnyis so/ /tshe dang ldan pa mo+od gal gyi bu chen pos khyim bdag mgon med pa la zas sbyin gyi bu rnams thar bar byas pa ni rgyas par rnam par 'byed pa las ji skad 'byung ba bzhin no/ /khyim bdag cig gis sangs rgyas la sogs pa dge slong gi dge 'dun rnams gdugs tshod la spyan drangs nas/ sangs rgyas la sogs pa dge slong gi dge 'dun rnams ni byon gyi dge slong zhig gtsug lag khang na 'dug ste bsod snyoms mnos so/ /de na khyim bdag mgon med pa la zas sbyin gyi khye'u rnams dze ta'i tshal na rtse ba las g.yon can dag gis brkus pa dge slong des thos te/ des sngags bslabs nas ring po ma lon par des 'di snyam du ma la bdag gis sngags 'dis sad do snyam du bsams nas des sngags de brjod pa dang / g.yon 13-1-2a can de dag dpung gi tshogs bzhis bskor bar gyur nas de dag gis khye'u de rnams bor te bros so/ /de ltar gyur pa dge slong dag gis thos nas de la dge slong dag gis 'di ni phas pham pa'i nyes pa byung ngo zhes smras pa dang / dge slong de 'gyod pa skyes nas/ bcom ldan 'das kyis bka' stsal pa/ dge slong khyod kyis ji ltar bsams te khye'u rnams thar bar byas zhes smras pa dang / sngags sad par bsams so zhes gsol nas bcom ldan 'das kyis bka' stsal pa/ sngags brjod pa la nyes pa med do/ /ljongs ko sa lar dge 'dun gyi chos gos bgos pa dang / dge slong gzhi pa zhig grong gzhan du song nas de la lhan cig spyod pa gnyis shig yod de de gnyis kyis mkhan po'i gos so sor mnos so/ /de gnyis kyis mnos te dong ba dang / gcig la gcig mkhan po'i gos khyod kyis mnos sam zhes dris so/ /khyod kyis kyang mnos kho bos kyang mnos na gang gis mi dbang bar mnos pas phas pham pa byung ba ni mi shes so zhes smras pa dang / bcom ldan 'das kyis bka' stsal pa/ mnos pa la nyes pa med de 'on kyang gzhan shes par byos shig /gzhongs ko sa lar dge 'dun gyis gos bgos pa dang / dge slong gzhi ba zhig grong gzhan du song nas/ dge slong de'i mdza' bo zhig yod de/ des de'i gos mnos nas des 'ongs pa dang / 'di skad du tshe dang ldan pa 'di ni khyod kyi gos yin te kho bos mnos nas 'ongs so zhes smras pa dang / ngas khyod la ma bcol to zhes smras nas/ dge slong de 'gyod pa skyes nas/ bcom ldan 'das kyis bka' stsal pa/ phas pham pa'i 13-1-2b nyes pa med de ma bcol bar rnyed pa ma mnod cig /mnos na ni nyes byas su 'gyur ro/ /gzhongs ko sa lar gos rnams bgos pa'i tshe dge slong zhig na ba dang de'i nad g.yog gis gos mnos nas des khyer te song ba dang / dge slong de yang dus las 'das te dge slong des ji ltar bya ba mi shes nas/ bcom ldan 'das kyis bka' stsal pa/de ste sngar dus las 'das la phyis mnos na ni de nyid du slar phul cig /'on te sngar mnos la phyis dus las 'das na ni yo byad gzhan ji lta ba de ltar byos shig /dge slong zhig gis dge slong zhig la tshe dang ldan pa tshur shog chung ngu chung ngu nas ma byin par blangs pa dang nyes par mi 'gyur ro zhes smras pa dang / dge slong dag gis thos nas bcom ldan 'das la gsol to/ /bcom ldan 'das kyis bka' stsal pa/ sbyor ba gcig gis rin thang brtsi bar bya'o/ / khyim bdag cig dge 'dun gyi zhing rmed pa dang / de la dge slong gzhi ba zhig 'ongs nas 'di skad du khyim bdag yang na shas byin cig /yang na zhing ma rmed cig ces smras kyang des ma mnyan te rmos pa dang / dge slong des thong ba'i rtse mor nyal lo/ /de nas khyim bdag des thong ba bor nas 'di skad du dge sbyong 'di lta bu dang bral bar shog shig ces 'phya zhing spong ste mi snyan par zer ba dang / dge slong de 'gyod pa skyes nas/ bcom ldan 'das kyis bka' stsal pa/ nyes pa med de/ phyin chad dge slong gis 'di ltar lus mi sdug par ma byed cig /dge slong zhig gis dge slong zhig la 'di skad du tshe dang ldan pa tshur shog mchod rten gyi nor brkus kyang bdag cag gnyis la nyes par mi 'gyur ro zhes smras pa dang / bcom ldan 'das kyis bka' stsal pa/ dge slong dag mchod rten gyi yo byad srung ma yod pa las ni de ste rin thang tshang na phas pham par 'gyur ro/ /dge slong gzhi ba zhig dge 'dun gyi zhing rmed du bcug pa dang / de nas shin tu mi ring ba zhig na khyim bdag cig kyang zhing rmed de/ khyim bdag de 'ongs nas btsun pa kho bo'i zhing ma rmo shig ces smras pa dang / 'di khyod 13-1-3a kyi ma yin te dge 'dun gyi zhing ngo / /btsun pa kho bo'i dbang du mi ma yin pa bstan to zhes smras nas/ khyim bdag des sngon mtshams su phur pa btab pa de brkos so/ /de brkos nas bstan pa dang des thong ba bor nas khyim bdag de song ba'i 'og tu des de'i phur pa nang du bsnur te zhing rmed pa dang / khyim bdag de slar 'ongs nas/ btsun pa da gzod kyang kho bo rgyal na ci'i phyir da dung yang zhing rmed ces smras pa dang / dge slong de 'gyod pa skyes nas/ bcom ldan 'das kyis bka' stsal pa/ de ste dngos po tshang na phas pham par 'gyur ro/ /dge slong zhig gis khyim bdag gi me tog gi shing zhig ma byin par blangs pa dang / dge slong de 'gyod pa skyes nas/ bcom ldan 'das kyis bka' stsal pa/ de ste dngos po tshang na phas pham par 'gyur ro/ /'bras bu'i shing yang de bzhin no/ / dge slong gi 'chag sar shing zhig skyes te/ de la 'ol ba'i tshang 'chas nas des de dag 'chag pa la shing 'dor zhing skad 'byin pa dang / des de'i tshang bshig nas de skad 'byin pa dang / bcom ldan 'das kyis bka' stsal pa/ dga' bo la dga' bo 'ol ba ci'i phyir skad 'byin ces rmas pa dang / dge slong dag gis 'ol ba'i tshang bshig pa'i slad du'o/ /'ol ba'i tshang ma gzhig cig /sus bshig pa de la nyes byas su 'gyur ro/ /dge slong gis 'ol ba'i tshang bshig nas tshon bskol ba de yang rgyas par de bzhin no/ / mdor na/ la phug sdong bu 'bras bu dang / /'dab ma me tog rnam gsum du/ /rta dang rta zhon rku ba dang / /gru rgal ba dang nor bu'o/ /mnyan du yod pa na khyim bdag cig la la phug gi ra ba zhig yod de der dge slong zhig song nas 'di skad du la phug slong zhes smras pa dang / btsun pa rin stsol cig /rin med do/ /rin med par ji ltar gsol/ chos kyi phyir rin med par byin cig /btsun pa de ste 'dir 'ongs so cog la rin med par byin na kho bo cag gi zas dang gos cung zad kyang med par 'gyur ro zhes smras pa dang / ci cung zad kyang 13-1-3b mi sbyin nam/ cung zad kyang mi gsol lo zhes smras nas/ des la phug gi ra ba de sngags kyis bskams pa dang / bcom ldan 'das kyis bka' stsal pa/ phas pham pa'i nyes pa med mod kyi nyes pa sbom por 'gyur ro/ /la phug gi ra ba ji lta ba bzhin du sdong bu'i ra ba dang / lo ma'i ra ba dang / 'bras bu'i ra ba rnams kyang de bzhin no/ /rta zhig rtswa za zhing 'dug pa dang / dge slong zhig gis rtswa chang ba gang blangs nas rta'i mdun du bsgrengs pa dang / de yang de'i phyi bzhin du 'ong bar gyur nas/ dge slong des 'di ltar brku bar bya'o snyam ste lus rnam par bsgyur ba dang / de 'gyod pa skyes nas/ bcom ldan 'das kyis bka' stsal pa/ phas pham pa'i nyes pa ni med kyi nyes pa sbom por 'gyur ro/ /dge slong zhig gis tshong pa 'gron pa mang po dag cig dang lhan cig gzhongs ko sa lar dong nas mya ngan gyi lam zhig tu phyin pa dang / tshong pa de rta la zhon nas de dag gis btsun pa mya ngan gyi lam 'di ni 'jigs pa dang bcas kyis rta la bcibs la myur du bzhud do zhes smras pa dang / dge slong dag gis rta la zhon te de dag gis der 'di ltar brku bar bya'o snyam nas lus rnam par bsgyur ba dang / dge slong de dag 'gyod pa skyes nas/ bcom ldan 'das kyis bka' stsal pa/ phas pham pa'i nyes pa ni med de nyes pa sbom por 'gyur ro/ /dge slong zhig rin po ches gang ba'i gru dang lhan cig rgal ba las des der 'di ltar brku bar bya'o snyam nas lus rnam par bsgyur ba dang / dge slong de 'gyod pa skyes nas/ bcom ldan 'das kyis bka' stsal pa/ phas pham pa'i nyes pa ni med de nyes pa sbom por 'gyur ro/ /tshong pa zhig gi gru rin po ches gang ba chur bying ba dang / de brel ba dang rin po che'i sgrom chus khyer te dge slong dag cig 'og na chu la 'khru zhing 'dug pa de dag gis rin po che'i sgrom mthong nas de dag gis de phyung ba dang / tshong pa des mthong ste/ btsun pa dag rin po che'i sgrom 'di ni bdag gi lags so zhes smras pa dang / 'di chus khyer ba las nged kyis rnyed do/ /btsun pa dag bdag gis gru rin po ches 13-1-4a gang ba chur bying ste/ de nas kho bo brel ba dang / rin po che'i sgrom bu 'di chus khyer te/ rin po che'i sgrom 'di ni bdag gi lags so zhes smras pa dang / de ste khyod kyi yin na khyer cig /dge slong de dag 'gyod pa skyes nas/ bcom ldan 'das kyis bka' stsal pa/ nyes pa med do/ /dge slong gzhi ba zhig gis phyogs bzhi'i dge 'dun gyi yo byad rku sems kyis gnas nas gnas su spos pa dang / dge slong de 'gyod pa skyes nas/ bcom ldan 'das kyis bka' stsal pa/ phas pham pa'i nyes pa med de/ nyes pa sbom por 'gyur ro/ /rkun po dag cig gis ba zhig khrid de dgon pa'i gnas su 'dzegs nas de dag gis der btags te dong ba dang / gnas der dge slong dag nyin par spyod pa'i phyir dong ba dang / de dag gis ba de mthong nas de dag gis snying rje ste btang ba dang / de dag 'gyod pa skyes nas/ bcom ldan 'das kyis bka' stsal pa/ phas pham pa'i nyes pa med de/ nyes byas su 'gyur ro/ /mdor na/ ro dang gser gyi phreng ba dang / /byan lag byi ba rnam pa gnyis/ /ri dgas gsum dang kog tshe gnyis/ /rnyi dang bya rgya bya tshang ngo / /mnyan du yod pa na gzhan dag ro la gsol ba 'debs te/ khyim bdag des kyang dgos pa zhig gsol nas/ de'i dgos pa de grub pa dang / des de la ras dkar po zhig gis g.yogs te bzhag pa la dge slong nag po dga' bo zhes bya ba de der song nas ras de blangs pa dang / de la dge slong rnams kyis khyod la phas pham pa'i nyes pa byung ngo / /dngos po gang gi phyir/ khyod kyis ro'i ras ma byin par blangs pa'i phyir ro zhes smras pa dang / de 'gyod pa skyes nas/ bcom ldan 'das kyis bka' stsal pa/ phas pham pa'i nyes pa med de/ nyes pa sbom por 'gyur ro/ /grong khyer yangs pa can na ro gser gyi phreng ba btags pa zhig rang la bsrung zhing 'dug go zhes dge slong nag po dga' bo zhes bya ba des thos te de der song nas/ ro de la 'thog pa las ro de smra ba dang / de dpa' ba la nus 13-1-4b pas na des gser gyi phreng ba phrogs te khyer ba dang / dge slong rnams kyis thos nas de yang de bzhin du rgyas par ro/ /bud med mang zhig chu bo ma dzi ra ba ti'i ngogs su gos dang rgyan rnams bzhag ste khrus byed pa na/ spre'u zhig shing las babs nas rgyan rnams khyer te shing la slar 'dzegs pa dang / de dag slar byung nas gos rnams bgos te rgyan rnams thogs zhes byas na mu tig gi do shal med nas gang gi tshe ma rnyed pa de'i tshe dong ngo / /de nas spre'u des mu tig gi do shal de de nyid du slar bor ba dang / dge slong dag cig shin tu mi ring ba zhig na 'chag cing 'khod pa de dag gis mu tig gi do shal de mthong nas blangs te bud med de dag la byin no/ /bud med dag na re khyod kyis mu tig gi do shal 'di brkus so zhes smras pa dang / 'di nged cag gis ma brkus kyis khyed cag khrus byed pa na spre'u zhig shing las babs nas mu tig gi do shal 'di blangs te slar shing la 'dzegs so/ /gang gi tshe khyod kyis btsal te ma rnyed nas dong ba de'i tshe slar babs te de nyid du bzhag go/ /dge slong de dag 'gyod pa skyes nas/ bcom ldan 'das kyis bka' stsal pa/ nyes pa med do/ /dge slong gis byan lag gi tshang bshig ste sgo nga blangs pa dang / byan lag de sgra 'byin te de bzhin rgyas par ro/ /dge slong mang zhig gtsug lag khang zhig na 'khod pa dang byi ba dag cig byi khung nas byung ste nor dang zas brkus shing byi khung du slar song ba dang / de dag 'di snyam du gyur to/ / bdag cag gi la rku ba de su zhig snyam du bsams te/ dge slong dag gis bsod snyoms las bskor nas gdugs tshod la sdod cing 'dug pa dang / byi ba de yang khung bu nas byung ste/ kha zas khyer nas de bzhin du byi khung du slar song ba dang / dge slong de dag 'di snyam du bdag cag la rku ba ni 'di yin no snyam du bsams te/ de dag gis de bzung nas dge slong dag la bstan te bdag cag la rku ba ni 'di yin no zhes smras pa dang / dge slong de dag gis smras pa khyed la phas pham pa'i nyes pa byung ngo / /dngos po gang las khyed kyis byi ba la ma 13-1-5a byin par blangs pas so zhes smras pa dang / dge slong de dag 'gyod pa skyes nas/ bcom ldan 'das kyis bka' stsal pa/ nyes pa med kyis dge slong rnams kyi gang yin pa de long shig /byi ba'i gang yin pa de ni mi blang bar bya'o/ /byi bas bca' ba dang bza' ba'i rnams khyer te 'ongs shing dge slong zhig gi mal stan gyi 'og tu bzhag pa dang / dge slong des nang par sngar so shing zos gdong bkrus nas byin len byas te/ de zos pa dang dge slong dag gis tshe dang ldan pa khyod rtag par lag pa dang / rkang pa legs par bkrus kyang bsod snyoms la grong du mi 'jug na/ de ci'i phyir zhes smras pa dang / bdag ni byi bas bca' ba dang bza' ba khyer te 'ongs shing mal stan gyi 'og tu 'jog ste bdag gis sngar byin len byas nas zos so zhes smras pa dang / tshe dang ldan pa khyod ni phas pham pa'i nyes pa byung ngo / /dngos po gang gi phyir/ khyod kyis byi ba'i bca' ba dang bza' ba ma byin par blangs pa'i phyir ro/ /de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ dge slong de ni tshe snga ma la byi ba'i pha yin te/ de pha la byams pas na dge slong de la kha zas khyer te 'ongs shing byin pas nyes pa med do/ /ri dgas shig rngon pas bsnyags nas gtsug lag khang du 'ongs pa dang rngon pa de dag gis bdag cag gi ri dgas de ni bsnyags te gtsug lag khang du song gis slar byin cig ces smras pa dang / de dag gis gang gi tshe ma thob pa de'i tshe bor te dong ba dang / dge slong de dag 'gyod pa skyes nas/ bcom ldan 'das kyis bka' stsal pa/ nyes pa med do/ /rngon pas ri dgas mdas phog pa de yang de bzhin du rgyas par bya'o/ /rngon pas ri dgas shig mda' dug can gyis phog pa gtsug lag khang du 'ongs pa dang / rngon pa de dag gis bdag cag gis ri dgas 'di mda' dug can gyis phog ste/ gdon mi za bar 'chis slar byin cig ces smras pa dang / dge slong de dag gis slar ma byin nas de dag gis bor te dong ngo / /de 13-1-5b dag dong ba'i 'og tu ri dgas de yang dus las 'das nas dge slong de dag gis ji ltar bya mi shes nas/ bcom ldan 'das kyis bka' stsal pa/ rngon pa de dag la slar byin cig /dge slong gis rngon pa la gnod par bya ba'i phyir kog tshe bcad na nyes pa sbom por 'gyur ro/ / snying rje bas bcad na nyes byas su 'gyur ro/ /de bzhin du bya'i rnyi yang gnod par bya ba'i phyir bcad na nyes pa sbom por 'gyur ro/ /snying rje bar bsams te bcad na nyes byas su 'gyur ro/ /dge slong gis bya rgya gnod par bya ba'i phyir bcad na nyes pa sbom por 'gyur ro/ / snying rje bar bsams te bcad na nyes byas su 'gyur ro/ /bya tshang yang de bzhin no/ /mdor na/ gos 'tshong ba dang tshong 'dus pa/ /bca' ba gru gsum thug pa dang / /zong dang dngos po chos gos so/ /dge slong zhig gis gos 'tshong ba ra ro ba zhig gis ras zhig blangs nas khyer te song ba dang / gos 'tshong bas mthong nas des de la ras ma rku zhes smras pa dang / bstan nas khyer te 'ong ngo zhes smras so/ /dge slong de 'gyod pa skyes nas/ bcom ldan 'das kyis bka' stsal pa/ phas pham pa'i nyes pa ni med de nyes pa sbom por 'gyur ro/ /dge slong zhig gis tshong 'dus pa la skyin por mang zhig blangs pa dang / des skyin pa bdas na des 'di snyam du 'di la mi sbyin no snyam bsams pa dang / de 'gyod pa skyes nas/ bcom ldan 'das kyis bka' stsal pa/ phas pham pa'i nyes pa med de nyes pa sbom por 'gyur ro/ /dge slong zhig na ba dang de khur ba gru gsum dang / thug pa la dad nas des 'di snyam du khur ba gru gsum dang / thug pa byas te dge 'dun la'ang gsol/ bdag kyang bza'o snyam ste/ des nad g.yog rnams la dge 'dun la'ang gsol/ kho bo yang bzas khur ba gru gsum dang / thug pa yang sbyor cig ces smras nas/ des de la rin byin pa dang de dag gis 'di snyam du bdag cag la khur ba gru gsum dang / thug pa ci dgos kyis 'di gcig pu la khur ba gru gsum dang / thug pa byin la rin de bgo'o snyam 13-1-6a bsams nas de dag gis de la khur ba gru gsum dang / thug pa byin te rin bgos pa dang / dge slong de dag 'gyod pa skyes nas/ bcom ldan 'das kyis bka' stsal pa/ phas pham pa'i nyes pa med de/ nyes pa sbom por 'gyur ro/ /dge slong nad pa zhig yod de/ de la zong mang du yod pas des 'di snyam du 'di dag ni bdag shi ba dang dge 'dun gyis bgos so snyam du bsams nas/ des nad g.yo ba rnams la tshe dang ldan pa dag kho bo la sran chung gi tshod ma zhig byin cig ces smras nas de dag gis de la sran chung gi tshod ma zhig byas te byin pa dang / nad g.yog de dag brel bar gyur nas/ des zong dang sran chung gi tshod mar bsres nas 'thungs pa dang / de kha zas lci bas dus las 'das te dge slong de dag 'dus nas dur khrod du bor ro/ /de dag gis de bor nas nad g.yog rnams la dge slong de'i zong mang po bgo bar byas khyer te shog ces smras pa dang / dge slong dag gis btsal nas ma rnyed de/ de dag stan las langs te dong ngo / /dge slong de gcan gzan gyis lto dral te rgyu ma drangs so/ /rgyu ma drangs pa dang zong rnams sa la byung zhing 'dug go/ /dge slong zhig dur khrod du mi ro la rtog tu song ba dang / des zong de mthong nas de dag khyer te dge 'dun la phul ba dang / dge slong de 'gyod pa skyes nas/ bcom ldan 'das kyis bka' stsal pa/ nyes pa med do/ /dge slong nad pa zhig yod de de la shing gi dngos po mang du yod pa dang / des nad g.yog rnams la tshe dang ldan pa dag dge slong rnams bos shig /dge 'dun la 'bul lo/ /mchod rten la 'bul lo/ /gang zag rnams la 'bul lo zhes smras pa dang / nad g.yog rnams 'di snyam du dge 'dun dang mchod rten la phul na bdag cag gis cung zad kyang mi thob bo snyam nas/ de dag gis dge slong ma bos so/ /dge slong de yang dus las 'das nas de dag 'gyod pa skyes pa dang / bcom ldan 'das kyis bka' stsal pa/ nyes pa med de/ nad pa dang mi mthun par nad g.yog gis ma byed cig /nad 13-1-6b pas ji ltar bsgo ba bzhin du de dag gis bsgrub par bya'o/ /'on te rnam grangs gzhan zhig tu 'god par gyur na yang ji ltar nad pas bsgo ba de ltar byos shig /dge slong nad pa zhig yod de/ de la lhung bzed dang chos gos mang du yod pa dang /[ (]das[,]des [)]nad g.yog rnams la dge slong rnams bos shig mchod rten la 'bul lo/ /dge 'dun la 'bul lo/ /gang zag la 'bul lo zhes smras pa de yang de bzhin du rgyas par brjod par bya'o/ /mdor na/ tsan da la ka so da yi/ /sbyar ma dang ni brnya ba dang / /su shi ma dang bzang sbyin dang / / rang gir 'du shes lhung bzed blangs pa dang / /a dzi ta dang sha shi gub ta dang / /rang gi gos rnams brkus pa'o/ /mdo tshigs su bcad pa 'di ni ji ltar rnam par 'byed pa las 'byung ba bzhin no/ /mdor na/ dge slong ma yang gnyis ldan dang / /maud gal bu dang gzhan yang gnyis/ /pi lin da yi gnyis po dang / /nye dga' bo dang spong ba po'o/ /dge slong ma gnyis dang ldan pa na ji ltar 'dul ba bzhin no/ /mnyan du yod pa'i tshong pa dag cig gru chen por zhugs nas rgya mtsho mching rnam rgal te de dag rgya mtsho mching rnam gyi nang nas dong ba dang gru bo che klus bzung nas lha bran rnams la gsol kyang ma btang ba dang / de na tshe dang ldan pa maud gal gyi bu chen po grong du nye bar 'gro ba'i dge bsnyen zhig yod de/ des 'di snyam du de ste 'phags pa maud gal gyi bu chen pos dgongs na ni bkra shis par gyur cig ces bsams pa dang / gnas brtan gyis kyang dgongs te ji ltar sems snyoms par zhugs pas bya'i rgyal po nam mkha' lding du gyur nas/ gru'i dngor 'dug par 'gyur ba de lta bu'i ting nge 'dzin la snyoms par zhugs pa dang / klu de dag skrag ste/ gru bo che de btang nas tshong pa rnams bde bar mnyan du yod par phyin te/ thams cad ni 'phags pa maud gal gyi bu'i mthu'o zhes brjod nas/ dge slong dag gis 'di ji lta zhes dris pa dang / de ltar gyur pa rgyas par smras te/ de nas dge slong de dag gis tshe dang ldan pa maud gal gyi bu chen po la ni phas pham pa'i nyes pa byung ngo / /dngos po gang 13-1-7a gi phyir/ klus gru zin pa ma byin par btang ngo zhes smras pa dang / dge slong de 'gyod pa skyes nas/ bcom ldan 'das kyis bka' stsal pa/ maud gal gyi bu khyod kyis ji ltar bsams te btang zhes smras pa dang / rdzu 'phrul rnam par sprul par bsams so/ /maud gal gyi bus rdzu 'phrul gyis btang ba la ni nyes pa med do/ /mnyan du yod pa'i tshong pa dag nor khyer te ljongs rgyur dong nas de dag mya ngam gyi nang du phyin pa dang / 'gron pa mang po de dag rkun pos bskor nas de dag gis lha rnams la gsol kyang ma btang ba dang / de dag gi nang na tshe dang ldan pa maud gal gyi grong du nye bar 'gro ba'i tshong pa zhig yod pa des 'di snyam du de ste gnas brtan gyis dgongs na ni bkra shis par gyur cig ces bsams pa dang / gnas brtan gyis kyang dgongs nas ji ltar sems snyoms par zhugs pas rkun po rnams dpung gi tshogs yan lag bzhi pas bskor bar gyur pa de lta bu'i ting nge 'dzin la snyoms par zhugs pa dang / rkun po de dag skrag ste/ 'gron pa mang po rnams btang ste bros pa dang / tshong pa de dag bkra shis shing bde bar mnyan du yod par phyin to/ /de dag gis ji ltar gyur pa dge slong rnams la rgyas par smras te snga ma bzhin no/ /pi lin da'i bu gnyis ni rgyas par 'dul ba las ji skad 'byung ba bzhin no/ /shAkya'i bu nye dga' bo dbyar gyi zla ba tha ma la gang du dge slong ji snyed cig dbyar tshul du zhugs/ gang du dge 'dun gyi rnyed pa ji snyed cig rnyed ces gtsug lag khang du rgyu zhing spyod de/ de gnas gang dang gang du phyin pa'i dge slong de dag gis tshig snyan pas bsu ba dang / khyed bde bar gnas sam zhes dris te 'dug nas dge 'dun gyi rnyed pa ci yod pa 'on cig dang bgos la/ gang kho bo'i gos kyi skal ba de ni bkur ro zhes smras pa dang / de dag gis khyer te 'ongs nas de'i mdun du bzhag pa dang / de bgos nas dge 'dun gyi gnas brtan gyi gos kyi skal ba khyer te langs pa dang / des yang gnas brtan da dung ma bzhud par bzhugs shig ces smras pa dang / nye dga' bo 13-1-7b yang gtam snyan pa gtam sna tshogs bde ba la spobs pa dang ldan te/ rigs pa dang grol ba la spobs pas na des ji ltar gnas brtan la dad par 'gyur ba de lta bu'i chos bshad pa dang / des bdag gi gos kyi skal ba ci yod pa tshe dang ldan pa bzhes shig ces smras pa dang / de bzhin du gnas brtan gnyis pa dang / gnas brtan gsum pa dang dge slong de dag las mang zhig gis gos de la byin nas/ des gos de dag khur du khyer te dze ta'i tshal du zhugs pa dang / dge slong dag gis tshe dang ldan pa nye dga' bo la gos 'di dag ga las brnyes zhes dris nas/ des de dag la de lta bur gyur pa rgyas par smras so/ /de lta bu 'byung mod kyi/ sangs rgyas bcom ldan 'das kyis ni da dung bslab pa'i gnas ma bcas so/ /rgan zhugs gnyis ni rgyas par ji ltar 'dul ba las 'byung ba bzhin no/ /dge slong gis gzhan gyi dbyar gyi gos skal ba ma len cig /sus blangs pa de nyes byas su 'gyur ro/ /tshe dang ldan pa kun dga' bo'i lhan cig spyod pa spong ba po zhes bya ba des pa/ tshul khrims dang ldan pa zhig ste/ de khyim bdag gzhan zhig gi grong du nye bar 'gro ba yin te/ de la bu gnyis shig yod de khyim bdag de yang nad kyis btab bo/ /de de la nad 'drir song ba dang / des de la nor byin no/ /gnyis pos ni ci yang ma thob nas des tshe dang ldan pa kun dga' bo la 'khangs pa dang / tshe dang ldan pa kun dga' bos spong ba po chad pas bcad pa dang / de sngon slob ma las rab tu byung bas na des slob ma lnga brgya tsam zhig gzengs bstod de bdag gi mkhan po la bzod pa gsol cig ces smras pa dang / khyod kyi mkhan po la bzod pa ji ltar bya/ khyod kyis khye'u rnams khrid la mkhan po'i drung du dengs shig dang / des khyed cag la chos 'chad par 'gyur gyis gang gi tshe chos bshad zin par gyur pa de'i tshe khye'u dang bu mo rnams bor la dengs shig dang / de dag ngus pas bu mo dang khye'u de dag khrid de deng zhes de zer ba dang / de la de ste spong ba po la yang bzod par 13-1-8a mdzad dam zhes smros shig ces smras pa dang / de dag gis ji ltar bsgo ba bzhin gang gi tshe chos bshad zin pa de'i tshe khye'u dang bu mo rnams bor te dong ba dang / de dag rab tu ngus nas tshe dang ldan pa kun dga' bos smras pa/ khye'u dang bu mo 'di dag khrid la deng 'di dag ci'i phyir dong zhes smras pa dang / de dag gis de ste spong ba po la yang bzod par mdzad dam zhes smras pa dang / bzod par byas/ nyes byas kyi nyes pa bshags par gyis shig /mdor na/ phag dang bu ram shing gi sdong bu dang / /gnag dga' bo yi chos gos dang / /mar bre gang dang a ga ru/ /gzig dang seng ge lnga pa'o/ /phag dang bu ram shing gi sdong bu dang / gnag dga' bo'i chos gos rnams ni rgyas par ji ltar 'dul ba las 'byung ba bzhin no/ /dge slong bsod nams che ba tshong pa rnams la grags pa de la tshong pa gzhan zhig gis de la ci dgos pa dang ci mkho ba rnams bdag gis gsol lo zhes bstabs pa dang / dge slong de'i nad g.yog des 'di snyam du tshong pa de yang dang yang du stobs na de la bdag gis ji ltar snying nas stobs sam/ kha 'gron tsam du stobs bgam mo snyam du bsams nas de de'i drung du song ste/ 'di skad du mkhan po la mar zhig dgos so zhes smras pa dang / de la mar bre gang byin nas yang btsun pa sran ma'i khu ba'am sha khu'ang rung ste ci dgos pa 'di nas snoms shig ces smras pa dang / de ltar bgyi'o zhes smras nas dge slong des mar de dge slong de'i sran ma'i khu ba dang sha'i khu ba rnams su cung zad blugs so/ /ji tsam zhig na tshong pa de dge slong de la 'phags pa kho bos khyod la mar ni sngar bskur ro/ /de ste gzhan yang sran ma'i khu ba'am sha khu yang rung ste/ ci dgos pa de dag long shig ces spring ba dang / dge slong des nad g.yog de la tshong pa 'di zhes bya ba la mar blangs sam zhes dris nas blangs so zhes smras pa dang / 'o na phas pham pa'i nyes pa byung ngo / /mkhan po la tshong pa de yang dang yang du stobs nas brtag cing bgam pa'i phyir bdag gis blangs nas mkhan po yir bgyis so zhes smras pa dang / dge slong de 'gyod pa skyes nas/ 13-1-8b bcom ldan 'das kyis bka' stsal pa/ nyes pa med de de nas 'di dang 'di blang ngo zhes dris te song shig /mdor na/ bde ba ldan dang 'du shes dang / /chung ma gnyis dang sdig can lnga/ /mngal na gnas pa bcur byas dang / /dge slong ma yin gzhan yang bcu/ /sangs rgyas bcom ldan 'das yul br-i dzi'i thang shing gi gnas na bzhugs te/klung bde ldan gyi ngogs kyi dge slong rnams la bslab pa'i gnas ma bcas pas las dang po pa rnams la nyes pa med par gyur pa na dge slong dag the tshom dang yid gnyis dang 'gyod pa rnams skyes te/ bdag cag gis bslab pa'i gnas ma bcas par dge slong mang zhig la 'chi bar bstabs na/ bdag cag gi las dang po gang yin snyam pa dang / bcom ldan 'das kyis bka' stsal pa/ klung bde ldan gyi drung du dge slong dag gnas ma bcas pa na 'das pa dang bcas pa ni thams cad du las dang po pa ste/ las dang po la nyes pa med do/ /dge slong gis mi la mi ma yin par 'du shes te 'tsho ba dang phral ba dang / dge slong de 'gyod pa skyes nas/ bcom ldan 'das kyis bka' stsal pa/ mi la mi ma yin par 'du shes na nyes pa sbom por 'gyur ro/ /mi ma yin pa la mi ma yin par 'du shes na'ang nyes pa sbom por 'gyur ro/ /mi ma yin pa la the tshom na'ang nyes pa sbom por 'gyur ro/ /dge slong zhig yun ring zhig tu nad kyis gzir nas des bdag la 'di ci dgos snyam du bsams nas dge slong des mdza' bo'i drung du song ste 'di skad du gri byin zhes smras pa dang / khyod la gri cir dgos/ re zhig byin cig ces smras nas/ des byin pa dang / de gnas khang du zhugs te sgo bcad de gtan pa bcug skyil mo krung bcas te 'dug nas/ bdag nyid kyis srol kong bcad do/ /de de ltar gri lag na thogs bzhin du dus las 'das pa dang / dge slong des nyi ma gnyis sam gsum lon nas 'di snyam du dge slong des gri khyer te song gis song la blta'o/ /snyam du bsams nas/ de de'i gnas khang du song ba dang / dge slong de skyil mo krung bcas te srol kong bcad de gri thogs 13-1-9a bzhin du dus las 'das par mthong nas/ dge slong de 'gyod pa skyes nas/ gang cung zad 'di dus las 'das pa thams cad ni rgyu ba dag las byung ste/ de ste bdag gis gri ma byin par gyur na ni 'di yang bdag nyid kyis 'tsho ba dang phral bar mi 'gyur ro snyam du bsams pa dang / bcom ldan 'das kyis bka' stsal pa/ nyes pa med de/ phyin chad nad pa la bab bab tu gri ma sbyin cig /dge slong zhig grong gzhan zhig gi grong du nye bar song nas de grong du phyin pa dang / de'i bud med des btsun pa tshur spyon mi tshangs par spyad do zhes smras pa dang / dge slong gis khyod kyi khyo de ni khro la mi srun no zhes smras pa dang / des btsun pa ji nas khro la mi srun par mi 'gyur ba de ltar bgyi'o zhes smras nas/ des de la dug byin pa dang / khyim bdag de dus las 'das so/ /dge slong de zhag gcig 'das pa dang khyim der song ba dang / bud med des btsun pa tshur spyon mi tshangs par spyad do zhes smras pa dang / sring mo de skad ma zer cig /kho bo ni tshangs par spyod pa yin no/ /des btsun pa gang gi tshe kho mos khyo 'tsho ba dang phral ba de'i tshe gdod tshangs par spyod dam zhes smras pa dang / ci khyod kyis khyo 'tsho ba dang phrol cig ces kho bos smras sam/ khyod kyi khyo 'di khro la mi srun pa'o zhes ma smras sam/ ci kho bos khyod kyi khyo 'di khro la mi srun pa'o zhes ni smras kyi/ khyod kyi khyo 'di 'tsho ba dang phrol cig ces ni ma smras so/ /dge slong de 'gyod pa skyes nas/ bcom ldan 'das kyis bka' stsal pa/ nyes pa med do/ /dge slong grong gzhan du grong du nye bar song nas byed pa las khyod kyi khyo 'di na'o zhes bya ba ni rgyas par ro/ /dge slong zhig gis gsad par bsams te/ brdegs pa las dus las 'das na phas pham par 'gyur ro/ /dus las ma 'das na nyes pa sbom por 'gyur ro/ /dge slong zhig gis ma bsrung ba'i phyir mngal na gnas pa mnyes pa las mngal na gnas pa shi na phas pham par 'gyur ro/ /ma shi na nyes pa sbom por 'gyur ro/ /gnyis ka shi na phas pham par 'gyur ro/ /gnyis ka ma shi na nyes pa sbom por 'gyur ro/ /mngal 13-1-9b na gnas pa'i mi shi ba phyung na nyes pa sbom por 'gyur ro/ /byol song gi mngal na gnas pa phyung na yang nyes pa sbom por 'gyur ro/ /de ltar dge slong mas byas na'ang de bzhin no// //'dul ba gzhung dam pa/bam po nyi shu bzhi pa/ mdor na/ rtsab mo rnam pa lnga pa dang / /las gsar dag dang rdo ba dang / /ba lang rwa dang wa mo dang / /stan dang smyon par gyur pa'o/ /dge slong zhig gis dge 'dun la btung ba rtsab mo brims pa dang / der dge slong mang zhig dus las 'das so/ /dge slong de 'gyod pa skyes pa dang / bcom ldan 'das kyis bka' stsal pa/ nyes pa med do/ /dge slong mdza' bo gnyis shig 'khod pa las gcig nad kyis btab ste nyal nas/ des nad g.yog la tshe dang ldan pa rtsab mo zhig rnyed na ni kho bo bde bar 'gyur ro/ /zhes smras te/ rgyas par ni 'dul ba las ji skad 'byung ba bzhin no/ /bram ze zhig glog pa'i nad kyis gzir ba dang / de dge slong zhig gi drung du song ste 'di skad du btsun pa gal te rtsab mo zhig rnyed na ni bde bar 'gyur ro zhes smras pa dang / khyod bram ze log par lta ba rtsab mo cir dgos/ btsun pa sngon bdag nad kyis btab pa na yang rtsab mo zhig 'thungs pas bdag bde bar gyur to/ /dge slong des rtsab mo blud pa dang / de dus las 'das so/ /dge slong de 'gyod pa skyes nas/ bcom ldan 'das kyis bka' stsal pa/ nyes pa med do/ /dge slong zhig dur khrod du mi ro la rtog tu song ba dang / de na mi zhig gsal shing zhig btsugs shing 'dug pa dang / des dge slong la btsun pa de ste kho bo la rtsab mo zhig blud na ni kho bo bde bar 'gyur ro/ /zhes smras pa dang / dge slong des de la rtsab mo blud nas de dus las 'das so/ /dge slong de 'gyod pa skyes nas/ bcom ldan 'das kyis bka' stsal pa/nyes pa med do/ /rkun po lnga brgya zhig dge slong ma zhig gis rtsab mo blud pa dang / de dag kyang dus las 'das te rgyas par ni 'dul ba las ji skad 'byung ba bzhin no/ /dgon pa gsar can zhes bya ba na gnas khang sar pa zhig rtsig pa las dge slong zhig 13-1-10a gi lag pa nas pha gu zhig lhung ba dang / 'og na las byed pa zhig 'dug pa de'i steng du lhung nas de dus las 'das so/ /dge slong de 'gyod pa skyes nas/ bcom ldan 'das kyis bka' stsal pa/ nyes pa med de/ bag yod par byos la grogs gyis shig / dgon pa la dge 'dun gyis gnas khang sar pa rtsig pa na dge slong zhig bla gab med pa'i steng na so phag 'jog pa'i lag pa nas ste'u lhung ste/ 'og na rtsi gu mkhan las byed pa'i steng du lhung nas de dus las 'das so/ /dge slong de 'gyod pa skyes nas/ bcom ldan 'das kyis bka' stsal pa/ nyes pa med de/ bag yod par byos la grogs gyis shig /dgon par dge 'dun gyi dugs bya ba'i khang pa zhig rtsig ste/ dge slong dag gdung ma steng du 'dren pa las dge slong nyung la khur che zhing lci bas de dag gis btang ba dang / 'og na shing mkhan shing 'jog pa'i steng du lhung nas de dus las 'das so/ /dge slong de dag 'gyod pa skyes nas/ bcom ldan 'das kyis bka' stsal pa/ nyes pa med de/ nyung ngu mas khur lci ba ma 'degs shig /skas 'degs pa'ang de bzhin no/ /dgon par dugs bya ba'i khang pa zhig rtsig ste/ de na dge slong zhig sel po'i nang du 'jim pa steng du skyed pa na thag pa ngan te chad pas 'og na rtsig gu mkhan las byed pa'i steng du 'jim pa'i sel po lhung nas de dus las 'das so/ /dge slong de dag 'gyod pa skyes nas/ bcom ldan 'das kyis bka' stsal pa/ nyes pa med kyis bag yod par byos la grogs gyis shig /bcom ldan 'das rgyal po'i khab na bzhugs so/ /dge slong zhig ri'i drung na skyil mo krung bcas te 'dug pa dang / dge slong zhig gis ri'i rtse mo nas rdo ba bsgril ba dge slong de'i steng du lhung nas dge slong de dus las 'das so/ /dge slong de 'gyod pa skyes nas/ bcom ldan 'das kyis bka' stsal pa/ shin tu rtogs la bag yod par byos la rdo bsgril bar bya'o/ /dge slong zhig ba lang gi nang du song ba dang / glang mi srun pa zhig gis brdungs nas khye'u zhig gi steng du 'gyel ba dang 13-1-10b khye'u dus las 'das so/ /dge slong de 'gyod pa skyes pa dang / bcom ldan 'das kyis bka' stsal pa/ bag yod par byos la ba lang gi nang du song shig /dge slong zhig nad yun ring pos sgur bor gyur pa dang / de 'di snyam du bdag gson te ci rung gis song la bdag nyid g.yang sa nas mchong ngo snyam du bsams te/ des bdag nyid g.yang sa nas mchongs pa dang / drung na wa mo zhig mi ro la za ba de'i steng du dge slong lhung nas wa mo de ni dus las 'das so/ /dge slong de ni drang por gyur pa dang / dge slong de 'gyod pa skyes nas/ bcom ldan 'das kyis bka' stsal pa/ nyes pa med de/ de ltar lus kyis log par 'gyur ba ma byed cig /dge slong nad pa zhig stan gyi steng na 'dug pa la de'i nad g.yog gis tshe dang ldan pa longs zhes smras pa dang / des kyang kho bo ma bslang shig shir 'ong ngo zhes smras kyang tshe dang ldan pa longs zhes smras nas/ de langs pa dang dus las 'das so/ /dge slong de 'gyod pa skyes nas/ bcom ldan 'das kyis bka' stsal pa/ phas pham pa'i nyes pa med de/ nyes pa sbom por 'gyur ro/ /dge slong gis smyon pa zhig la gsod [(]sams[,]sems [)]kyis brdegs te de dus 'das na ni phas pham par 'gyur ro/ /dus ma 'das na ni nyes pa sbom por 'gyur ro/ /mdor na/ yo byad mang dang ma zhu dang / /phol mig gnyis dang zas ma yin/ /sman dang zas bzang spyod lam dang / /nyes pa med de gzhan yang sbyar/ /dge slong zhig nad yun ring pos gzir nas de'i nad g.yog skyo ste de la khyod myur du 'chi bar 'gyur gyis nad g.yog mi bya'o zhes smras te des nad g.yog ma byas pas de dus las 'das so/ /dge slong de 'gyod pa skyes nas/ bcom ldan 'das kyis bka' stsal pa/ phas pham pa'i nyes pa med de/ nyes pa sbom por 'gyur ro/ /dge slong snod spyad dang yo byad mang ba zhig na ba de la khyod kyi nad g.yog mi bya'o/ /shi na yang dge 'dun gyi bgo ba mang por 'gyur ro zhes smras nas/ des de'i nad g.yog ma byas pa dang / de dus las 'das so/ /dge slong de 13-1-11a 'gyod pa skyes nas/ bcom ldan 'das kyis bka' stsal pa/ phas pham pa'i nyes pa med de/ nyes pa sbom por 'gyur ro/ /dge slong zhig zas ma zhu bar 'dug pa dang / nad g.yog gis re zhig rkyongs shig zhes smras pa dang / des nad g.yog la kho bo shir 'ong gis ma brkyang shig ces smras pa dang / tshe dang ldan pa rkyongs shig ces smras nas/ des brkyang ba dang / de dus las 'das so/ /dge slong de 'gyod pa skyes nas/ bcom ldan 'das kyis bka' stsal pa/ phas pham pa'i nyes pa med de/ nyes pa sbom por 'gyur ro/ /dge slong gis phol mig ma smin par brtol te de dus las 'das na nyes pa sbom por 'gyur ro/ /smin par brtol na nyes pa med do/ /dge slong mas phol mig ma smin par brtol te dus las 'das na nyes pa sbom por 'gyur ro/ /smin par brtol na nyes pa med do/ /dge slong zhig na ba dang de dang 'phrod pa'i zas ni ma rnyed nas de'i nad g.yog gis mi 'phrod pa'i zas shig byin nas tshe dang ldan pa 'di las ci yog pa zo shig /des zos te dus las 'das na nyes pa sbom por 'gyur ro/ /de dang 'phrod pa'i zas shig byin pa las dus las 'das na nyes pa med do/ /dge slong zhig na ba dang de dang 'phrod pa'i sman ma rnyed na de'i nad g.yog kyang de bzhin no/ /dge slong nad pa zhig gis nad g.yog la tshe dang ldan pa nad g.yog kho bo gnas khang nas phyir phyung shig /phyis shig /khrus shig /kho bo nang du khrid cig /'dug tu chug cig ces smras nas/ 'dug tu yang bcug /snyes su yang bcug pa las dus las 'das na/ thams cad la'ang nyes pa med do/ /mdor na/ khar ba pho long chu rnams dang / /dgon pa gnyis dang bla gtun dang / / khros pa thal mo brnangs pa'o/ /dge slong zhig 'dug pa na yur te dge slong gis de la khar bas bskyod pa dang / de dus las 'das so/ /dge slong de 'gyod pa skyes nas/ bcom ldan 'das kyis bka' stsal pa/ nyes pa med de/ de'i tshe na de la mtshon lta bu zhes 13-1-11b bya ba'i rlung byung ngo / /gzhan yang pho long gis phog ste dus las 'das pa dang / gzhan yang chus phog ste dus las 'das pa 'di dag kyang de bzhin du rgyas par bshad do/ /bcu bdun sde rnams kyang rgyas par ni rnam par 'byed pa las ji skad 'byung ba bzhin no/ /khyim bdag gzhan zhig gsar du dad de des dus sar pa'i 'bru sar pa dang / 'bras bu sar pa de dang de dag dge 'dun la phul te bdag nyid phyis za'o/ /dgon pa pa gzhan zhig khyim der song ba dang / khyim bdag des 'di snyam du da phyin chad dge 'dun la mi dbul bar dgon pa pa 'di la dbul lo snyam bsams nas des de la byin no/ /dge slong de dag gis khyim bdag de sngon chad ni dus sar pa'i 'bru sar pa dang / 'bras bu sar pa de dang de dag dge 'dun la phul nas phyis bdag nyid za na de ni des ma byin pas na dge slong dgon pa pa zhig khyim der song ba des bkag par gyur gyis song la de bos shig ces smras pa dang / de dag gis bos nas dgon pa pa khyim bdag de ni dus sar pa'i 'bru sar pa dang / 'bras bu sar pa de dang de dag dge 'dun la thog mar phul nas phyis bdag nyid za na khyod de'i khyim du song nas khyod kyis bkag par gyur to zhes smras pa dang / btsun pa ma bkag go/ /ma bsgo'o zhes smras nas de dag gis 'di smrar mi btub kyis khrid la dong du chug shig ces smras te/ de dag gis de dong du bcug pas de dus las 'das so/ /dge slong dag 'gyod pa skyes nas/ bcom ldan 'das kyis bka' stsal pa/ phas pham pa'i nyes pa med de/ nyes pa sbom por 'gyur ro/ /khyim bdag gzhan zhig dge slong gi dge 'dun dbyar gnas pa rnams la chos gos 'bul ba las dge slong dgon pa pa zhig khyim der 'ongs nas khyim bdag de 'di snyam du da phyin chad dge 'dun la mi dbul bar dgon pa pa 'di la dbul lo snyam du bsams nas des dgon pa pa de la byin pa dang / dge slong de dag 'di snyam du khyim bdag de dge slong gi dge 'dun dbyar gnas pa rnams la gos 'bul na dge slong dgon 13-1-12a pa pa zhig der song ba des bkag par gyur pa snyam gyis song la de bos shig ces smras pa dang / de dag gis de bos nas dgon pa pa khyim bdag de ni dge slong gi dge 'dun dbyar gnas pa rnams la gos dbul ba las da mi dbul ba ni khyod de'i khyim du song nas bkag par ma gyur tam zhes dris na/ btsun pa bdag gis ni ma bkag go/ /ma bsgo'o zhes smras pa dang / de dag gis 'di smrar mi btub kyis khrid la sgo leb kyi bar du tshir cig ces smras nas de dag gis sgo leb kyi bar du btsir ba dang / de dus las 'das so/ /dge slong de dag 'gyod pa skyes nas/ bcom ldan 'das kyis bka' stsal pa/ phas pham pa'i nyes pa med de/ nyes pa sbom por 'gyur ro/ /dge slong zhig bsod snyoms spyod pa dang sgo dog pa zhig na bla gtun zhig bsgreng zhing 'dug pa las de'i chos gos kyi grwas bsngos pas khye'u'i steng du 'gyel nas khye'u de dus las 'das so/ /dge slong de 'gyod pa skyes nas/ bcom ldan 'das kyis bka' stsal pa/ phas pham pa'i nyes pa med de/ bag yod par byos la bsod snyoms spyod cig /bram ze zhig gis nang par sngar bkra shis pa dang / ltas byas nas khyim gyi nang na 'dug pa dang / dge slong zhig khyim der bsod snyoms spyod pa la de khros nas phul ba dang / dge slong de khye'u zhig gi steng du 'gyel nas khye'u shi bar gyur to/ /dge slong de 'gyod pa skyes nas/ bcom ldan 'das kyis bka' stsal pa/ nyes pa med do/ /dge slong thal mo'i rig sngags 'debs shing de lag pas byugs te thal mo cig bsnun pa dang / de dus las 'das so/ /dge slong de dag 'gyod pa skyes te/ bcom ldan 'das kyis bka' stsal pa/ nyes pa ni med de/ bag yod par byos la thal mo snun cig /dge slong zhig brnangs te shi la thug pa dang de la dge slong zhig gis khu tshur cig bsnun nas brnangs pa de khrag dang bcas te byung nas dge slong de dus las 'das so/ /dge slong de 'gyod pa skyes nas/ bcom ldan 'das kyis bka' stsal pa/ 13-1-12b phas pham pa'i nyes pa med de/ ci nas kyang bag yod par byas te brnangs pa yang byung bar gyur la dus las kyang 'das par mi 'gyur ba de ltar bsnun par bya'o/ /mdor na/ stan gnyis pa dang pha gnyis dang / /gzhan yang btang ba gnyis pa dang / /'dra bar gyur pa spre'u dang ni/ /rkun po rnams la bsdigs pa'o/ /tshe dang ldan pa 'char ka nag pos ma brtags par stan la 'dug par ni rnam par 'byed pa las ji skad du rgyas par 'byung ba bzhin no/ /sbom mo dga' ldan mo yang de bzhin du sbyar ro/ /dge slong zhig gis pha lam du phul nas dus las 'das pa yang rnam par 'byed pa las ji skad 'byung ba bzhin no/ /dge slong rgan zhugs pha spad gnyis shig lhan cig tu dze ta'i tshal du dong ba las gtsug lag khang gi grong du phyin pa dang / phas bu las 'dir gzig rnams kyis 'jigs par 'gyur gyi nang du 'khod do zhes smras pa dang / bus de la rgan zhugs deng khyim pa dang lhan cig tu 'khod na de dag dang bdag cag tu bye brag ci yod ces smras pa dang / bu khyod ni mel tshe byos shig kho bo nyal lo zhes smras so/ /de nas rgan zhugs de nyal ba dang / dge slong de yang nyal lo/ /rgan zhugs de sngur pa can zhig ste/ de'i sgras gzig 'ongs nas des de'i mgo bo nas bzung ba dang / des sgra phyung nas gzig gis btang ste bros so/ /dge slong des me mar blangs nas brtags na dus las 'das te 'di snyam du des nang du 'khod do zhes zer na yang bdag gis de'i tshig ma mnyan pas gang cung zad 'di dus las 'das par gyur pa de thams cad ni bdag gis nyes so snyam ste/ dge slong de 'gyod pa skyes nas/ bcom ldan 'das kyis bka' stsal pa/ nyes pa med de/ mel tshe byos shig /dge slong zhig gis gsad sems kyis dge slong zhig 'jigs pa dang bcas pa'i gnas su btang ba dang / de dus las 'das na phas pham par 'gyur ro/ /dus las ma 'das na nyes pa sbom por 'gyur ro/ /bcom ldan 'das grong khyer 13-1-13a yangs pa can na bzhugs te/ dge slong dag nags chen por nyin par spyod du dong ngo / /des der spre'u zhig bsad pa dang / dge slong zhig gis khyod la phas pham pa'i nyes pa byung ngo / /dngos po gang gi phyir/ mi'i 'tsho ba dang bral ba dang / mi dang 'dra ba 'di gnyis la bye brag ci yod ces smras so/ /dge slong de 'gyod pa skyes nas/ bcom ldan 'das kyis bka' stsal pa/ phas pham pa'i nyes pa med de/ ltung bar 'gyur ro/ /rkun po bsdigs pa yang rgyas par 'dul ba las ji ltar 'byung ba bzhin no/ /mdor na/ mgo ldan sngon gyi sman pa dang / /'gegs te shi bar gyur pa dang / /grong khyer yangs pa can gnas dang / /'geg thag chad dang brgyugs pa'o/ /mnyan du yod pa na khyim bdag gzhan zhig las bu khye'u zhig btsas te chen por gyur pa dang / mgo bos so phag bsregs pa tshogs pas de'i ming mgo ldan du btags so/ /de ji tsam na rab tu byung nas de don cig la grong du zhugs pa dang / khyim bdag gzhan zhig gi chung ma zhig kyang khye'u zhig khrid de rjes bzhin du 'ongs nas de yang glo g.yas g.yon lta zhing song ngo / /de la lug thug cig gis snyogs pa dang dge slong des kyang mgo bo btud de song ba las des kyang bdag la brdungs par shes nas lug thug des de la brdungs pa dang / dge slong de khye'u'i steng du 'gyel nas khye'u dus las 'das so/ /dge slong de 'gyod pa skyes nas/ bcom ldan 'das kyis bka' stsal pa/ nyes pa ni med de/ dge slong spyod lam de lta bur ma 'gro bar gnya' shing srid du ltos shig /sngon sman pa las rab tu byung ba gzhan zhig gis dge slong nad pa zhig gi drung du 'ongs pa dang / des de la gtar kha thob shig ces smras nas/ des kyang de la gtsags bu cig btab ste/ gtsags bu de slar phyung ba dang / dge slong de dus las 'das so/ /dge slong de 'gyod pa skyes nas/ bcom ldan 'das kyis bka' stsal pa/ nyes pa ni med de/ phyin chad dge slong dag ma bslabs par sman dpyad ma 13-1-13b byed cig /dge slong nad pa gzhan zhig nad ma sos nas/ de 'di snyam du bdag 'tsho ste ci rung gis bdag nyid 'chi'o snyam du bsams te/ dge slong des nad g.yog la 'di skad du tshe dang ldan pa thag pa zhig byin cig ces smras so/ /des de la byin nas de 'gags pa dang / de dus las 'das so/ /dge slong de 'gyod pa skyes nas/ bcom ldan 'das kyis bka' stsal pa/ nyes pa med de/ dge slong gis bab bab tu nad pa la thag pa ma sbyin cig /dge slong zhig bsod snyoms spyod pa na grong khyer yangs pa can na gnas pa dag kyang mda' dang / gzhu lag na thogs pa 'ongs nas dge slong des bzhin bzangs kho bo ma gsad par 'di la 'phongs shig ces smras pa dang / des mda' 'phangs nas de der bsad do/ /dge slong de 'gyod pa skyes nas/ bcom ldan 'das kyis bka' stsal pa/ nyes pa med de/ dge slong gis de skad ma bsgo shig /dge slong nad pa gzhan zhig kyang rgyas par ni snga ma ji lta ba bzhin du thag pa khyer nas nags chen por song ba dang / des der shing la 'dzegs nas tha gu des btags te des lkog ma zhags mig tu bcug nas lus mchongs pa dang / thag pa chad nas de'i 'og na khyi bu byung ba zhig 'dug ste de'i steng du dge slong lhung ba dang / khyi de bu dang bcas te dus las 'das te/ dge slong de dag gis thos nas rgyas par bcom ldan 'das la gsol pa dang / bcom ldan 'das kyis bka' stsal pa/ dge slong snga ma ni nyes par 'gyur gyi phyi ma la nyes pa med do/ /dge slong lus kyis 'di ltar brtsal ba ni ma byed cig /byas na nyes pa sbom por 'gyur ro/ /dge slong gzhan zhig grong du don cig yod de/ des dge slong nad sos nas ring por ma lon pa zhig khrid de song ba dang / lam du rkun pos skrag nas des de la tshe dang ldan pa skyen par 'dong zhes smras pa dang / des mi nus so zhes smras nas/ dge slong gis tshur shog bcom ma re zhes smras nas/ des de ltar khrid de de yang grong du khrid pa dang dus las 'das so/ /de 'di 13-1-14a snyam du de ste bdag gis dge slong de khrid de ma 'ongs na shi bar mi 'gyur ro snyam bsams nas dge slong de 'gyod pa skyes nas/ bcom ldan 'das kyis bka' stsal pa/ nyes pa med de/ phyin chad dge slong gis nad pa nyam chung bar gyur pa de lta bu lam du ma bkri shig /mdor na/ bde ldan 'du shes bsgo ba dang / /dgra bcom bram ze dbang po dang / /chos gos dag dang bsod snyoms dang / /grong du nyer 'gro rnam pa gnyis/ /sangs rgyas bcom ldan 'das yul br-i dzi'i 'od ma'i tshal gyi grong na bzhugs so/ /klung bde ldan gyi ngogs na gnas pa'i dge slong rnams la bslab pa'i gnas ma bcas pas las dang po pa la nyes pa med de/ bdag cag gis bslab pa'i gnas ma bcas pa na med la med bzhin du mi las bla mar gyur pa'i chos shig rigs mang po la smras na/ bdag cag gi las dang po pa gang yin snyam nas dogs pa dang / 'dzem pa dang 'gyod pa skyes so/ /bcom ldan 'das kyis bka' stsal pa/dge slong dag bslab pa'i gnas ma bcas pa na klung bde ldan gyi ngogs na gnas pa'i dge slong rnams kyis 'das pa dang bcas pa ni thams cad las dang po pa yin pas/ las dang po pa la nyes pa med do/ /dge slong zhig gis mi la mi ma yin par 'du shes te med la med bzhin du mi las bla mar gyur pa'i chos smras pa dang / dge slong de 'gyod pa skyes nas/ bcom ldan 'das kyis bka' stsal pa/ mi la mir 'du shes na phas pham par 'gyur ro/ /mi ma yin pa la the tshom na nyes pa sbom por 'gyur ro/ /mi ma yin pa la mir 'du shes na nyes pa sbom por 'gyur ro/ /dge slong zhig gis khyim bdag cig la med la med bzhin du mi las bla mar gyur pa'i chos smras pa dang / khyim bdag de yengs nas btsun pa ci gsung zhes smras so/ /dge slong de 'gyod pa skyes nas/ bcom ldan 'das kyis bka' stsal pa/ phas pham pa'i nyes pa ni med de/ nyes pa sbom por 13-1-14b 'gyur ro/ /khyim bdag cig gis dge slong zhig la btsun pa khyod dgra bcom pa lags kyis chos gos dang / bsod snyoms dang / mal stan dang / nad kyi rkyen rtsi dang / yo byad kyi [(]mchag[,]mchog [)]rnams 'os so zhes smras pa dang / cang mi smra bas khas blangs pa yin te nyes pa sbom por 'gyur ro/ /khyim bdag cig gis dge slong zhig la sdig pa med pa'i chos tshangs pa dang ldan nam zhes smras na cang mi smra bas khas blangs pa yin te/ nyes pa sbom por 'gyur ro/ /de ste btsun pa dgra bcom pa yin na bdag gi bsod snyoms bzhes shig ces smras pa dang / de cang mi smra bas khas blangs pa yin te/ nyes pa sbom por 'gyur ro/ /dge slong zhig gzhan gyi grong du nye bar 'gro zhes de snga dro'i dus su sham thabs bgos te grong du song ba dang / de la khyim bdag gis btsun pa de ste dgra bcom pa lags na nang du gshegs shig ces smras pa dang / cang mi smra bar nang du 'ongs na nyes pa sbom por 'gyur ro/ /de bzhin du stan la 'dug zan long la gsol cig /rjes su yi rang ba gyis shig /slar byung shig ces smras pa dang / de cang mi smra na khas blangs pas nyes pa sbom por 'gyur ro/ / dge slong zhig grong gzhan zhig na grong du nye bar 'gro ba yin te/ snga dro sham thabs bgos nas grong der song ba dang / khyim bdag gis btsun pa de ste dgra bcom pa lags na khyim gyi nang du gshegs shig ces smras pa dang / kho bo dgra bcom pa cung zad kyang ma lags na de ste khyod bzod na ni nang du mchi'o zhes smras na nyes pa med do/ /stan la bzhugs bshos dang skyu rum dang bca' ba rnams bzhes la gsol cig /rjes su yi rang bar gyis shig /slar byung shig ces smras pa dang / kho bo ni dgra bcom pa cung zad kyang ma lags na de ste khyod kyis bzod na phyir 'byung ngo / /zhes smras na nyes pa med do/ /khyim bdag gis dge slong zhig la btsun pa khyod dbang po'i sgo rnams ni shin tu bsdams shing legs par bsrungs pa'o zhes smras pa dang / cang mi smra bar khas blangs na nyes pa sbom por 'gyur 13-1-15a ro/ /slar phyung shig ces smras pa las kho bo dgra bcom pa ni cung zad kyang ma lags so zhes smras nas phyir byung na nyes pa med do/ /mdor na/ drug byas dang ni mngon shes dang / /me yi phung po med pa dang / /ma 'da' gi ni sgra rnams dang / /dri za dang ni lha ma yin/ /rdzing bu brdung dang 'ba' la ha/ /dka' thub 'og ma rgyun du gnyis/ /'thabs pa gnyis dang khye'u gnas bde bar 'ongs/ /mdzes pa dang ni 'di gnyis dang / /mdo'i tshigs su bcad pa gnyis po rgyas par shes par bya'o/ /mdor na/ 'char ka sbom po nam mkha' dang / /mgo la lag pa gnyis kyis byugs/ /sgre'u dugs khang khrus las dang / /gnas dang tshul bzhin ma yin pa'o/ /gleng gzhi ni mnyan du yod pa na ste/ bslab pa'i gnas ma bcas pa las dang po la nyes pa med par gyur pa na tshe dang ldan pa 'char ka 'di snyam du bdag gis ni bslab pa'i gnas ma bcas par lan mang zhig tu bsams bzhin du khu ba phyung na bdag gis las dang po gang yin snyam nas the tshom du gyur pa dang / bcom ldan 'das kyis bka' stsal pa/ bslab pa'i gnas ma bcas pa na 'char kas 'das pa dang bcas pa ni thams cad kyang las dang po pa ste/ las dang po pa ni nyes pa med do/ /dge slong zhig gis sbur bur phyung ngam/ nam mkha' la spyod dam/ nam mkha' la phyung ngam/ pho mtshan mnams sam/ btsir te dga' bar tshor ram/ btsir te btang phyung ngam/ 'phags pa las btang ngam/ brtsams nas slar btang yang rung ste/ thams cad nyes pa sbom por 'gyur ro/ /dge slong zhig gis brlas bsngos te khu ba phyung ba dang / dge slong de 'gyod pa skyes nas/ bcom ldan 'das kyis bka' stsal pa/ nyes pa med do/ /dge slong zhig la bud med zhig gis lag pa gnyis kyis rkang pa gnyis la phyag 'tshal ba dang / des khu ba phyung ste/ dge slong de 'gyod pa skyes nas/ bcom ldan 'das kyis bka' stsal pa/ nyes pa med do/ /ri dgas sgra'i ma sa ga ma dge slong 13-1-15b rnams kyi rkang pa la phyag 'tshal te/ des tshe dang ldan pa dga' bo'i rkang pa la mgo bos phyag 'tshal ba dang / des de khu ba phyung nas ri dgas sgra'i ma sa ga ma'i mgo bor lhung ba dang / de phyogs gcig tu song ste lag pa gnyis mgo la byugs nas 'di skad du tshangs pa mtshungs par spyod pa de dag ni bcom ldan 'das kyi drung na shin tu nyon mongs par tshangs par spyad pa spyod de bdag gis ni rnyed pa rab tu rnyed do zhes mgu bar brjod pa brjod do/ /tshe dang ldan pa de 'gyod pa skyes nas/ bcom ldan 'das kyis bka' stsal pa/ nyes pa med de/ sgre'u chongs shig /dge slong zhig gis sgre'u la reg ste khu ba phyung ngo / /dge slong de 'gyod pa skyes nas/ bcom ldan 'das kyis bka' stsal pa/ nyes pa med do/ /dge slong zhig dugs khang na las byed pa las khu ba byung ngo / /dge slong de 'gyod pa skyes nas/ bcom ldan 'das kyis bka' stsal pa/ nyes pa med do/ /dge slong zhig gnas nas gnas su 'chag pa na de khu ba byung ste/ dge slong de 'gyod pa skyes nas/ bcom ldan 'das kyis bka' stsal pa/ dge 'dun lhag ma'i nyes pa ni med kyis nyes pa sbom por 'gyur ro/ /tshul bzhin ma yin pa yid la byed pa'ang de bzhin no/ /mdor na/ bud med rnam pa lngar byas dang / /gnod pa la yang rnam pa lnga/ /gzung ba la yang lngar byas te/ /dur khrod pa la drug tu'o/ /dge slong zhig la ma dang / sring mo dang / bu mo dang / chung ma dang / mdza' na mo rnams kyis 'grogs nas ring por ma lon par mgul nas 'khyud pa dang khu ba byung ngo / /dge slong de 'gyod pa skyes nas/ bcom ldan 'das kyis bka' stsal pa/ nyes pa med do/ /dge slong zhig gis bud med me las phyung/ chu dang / g.yang sa dang / mtshon dang / gcan gzan dang / mi ma yin pa rnams las thar bar byas pa dang / de khu ba byung ngo / /dge slong de 'gyod pa skyes nas/ bcom ldan 'das kyis bka' stsal pa/ nyes pa med do/ /dge slong la bud med cig gis rkang pas bzung ngam/ byin pa 13-1-16a dang / pus mo dang / brla dang / mdzub mo rnams kyis bzung ba dang / de khu ba byung ngo / /dge slong de 'gyod pa skyes nas/ bcom ldan 'das kyis bka' stsal pa/ nyes pa med do/ /dge slong zhig gis rnam par sngos pa las khu ba byung ba dang / bam pa dang sbos pa dang rnam par dmar ba dang / rnam par zhigs pa dang / keng rus la khu ba phyung na thams cad dge 'dun gyi lhag mar 'gyur ro/ /mdor na/ 'phrug pa 'drud pa mdzub mo dang / /chu las sbrid par gyur pa dang / /nang gi dgur ni byas pa dang / /spyod pa rnam pa nyi shu'o/ / dge slong zhig gis 'phrug pa las khu ba byung na nyes pa med do/ /'drud pa'ang de bzhin no/ /dge slong des pho mtshan las bzung ba dang / khu ba byung nas/ bcom ldan 'das kyis bka' stsal pa/ nyes pa sbom por 'gyur ro/ /dge slong zhig bsod snyoms la spyod pa de na na chung gzhon nu zhig gdangs te 'dug par gyur pas 'phags pa tshur spyon kho mo la 'di dang 'di lta bu mdzod ces smras nas des der mdzub mo bcug go/ /dge slong de 'gyod pa skyes nas/ bcom ldan 'das kyis bka' stsal pa/ nyes pa sbom por 'gyur ro/ / dge slong zhig khrus byed pa na pho mtshan chu'i rgyun du bsdad pa dang de sbrid pas khu ba byung ngo / /dge slong de 'gyod pa skyes nas/ bcom ldan 'das kyis bka' stsal pa/ nyes pa sbom por 'gyur ro/ /dge slong zhig gis mgo bo dang / rna ba dang / sna'i nang du khu ba phyung na thams cad dge 'dun gyi lhag mar 'gyur ro/ /dge slong zhig gis rtsib logs dang / rgyab dang / brang dang / lto gnyer dang / skra'i nang du khu ba phyung na thams cad dge 'dun gyi lhag mar 'gyur ro/ /dge slong gis lag pa dang / phrag pa dang / dpung ba'i nang du khu ba phyung na thams cad dge 'dun gyi lhag mar 'gyur ro/ /dge slong gis rked pa dang / byin pa dang / rkang pa dang / brla rnams kyi nang du khu ba phyung na thams cad dge 'dun gyi lhag mar 'gyur ro/ /dge slong zhig gis la ba dang / phying ba dang / par tang 13-1-16b dang / sngas rnams su khu ba phyung na thams cad nyes pa sbom por 'gyur ro/ /dge slong gis khri dang / khri'u dang / shing stan dang / khri bar du khu ba phyung na thams cad nyes pa sbom por 'gyur ro/ /dge slong zhig gis bum pa dang / bum bu dang / skyogs dang / bum pa'i nang du khu ba phyung na thams cad nyes pa sbom por 'gyur ro/ /dge slong zhig gis rdo dang / zhal zhal byas pa dang / zhal zhal byas pa'i nang dang / sgo gtan dang / sha mer mer po rnams su khu ba phyung na thams cad nyes pa sbom por 'gyur ro/ /mdor na/ 'char ka 'du shes rkang pa phrag pa dang / /ma dang sor mo med las phyung ba dang / /rkang pa la sogs bzung ba dang / /sngo la sogs las 'khyud pa'o/ /tshe dang ldan pa 'char kas bslab pa'i gnas ma bcas pa na bdag gis bud med mang po dang lhan cig lus kyis kun tu reg par gyur na de dag la bdag gi las dang po pa ni gang yin snyam du bsams pa dang / bcom ldan 'das kyis bka' stsal pa/ bslab pa'i gnas ma bcas pa na 'char ka 'das pa dang bcas pa thams cad/ las dang po pa ste las dang po pa la nyes pa med do/ /dge slong zhig gis ni mi'i bud med la mi ma yin par 'du shes te bzung ngo / /dge slong de 'gyod pa skyes nas bcom ldan 'das kyis bka' stsal pa/ mi la mir 'du shes na dge 'dun gyi lhag mar 'gyur ro/ /rgyas par ni rnam pa bzhir shes par bya'o/ /dge slong gis bud med cig la rkang pas phul na nyes byas su 'gyur ro/ /bud med kyis dge slong la rkang pas phul na nyes pa med do/ /dge slong gis bud med la phrag pas phul na nyes byas su 'gyur ro/ /bud med kyis dge slong la phrag pas phul na nyes pa med do/ /dge slong cig gis ma'i mgul nas 'khyud pa dang / dge slong de 'gyod pa skyes nas/ bcom ldan 'das kyis bka' stsal pa/ nyes pa med do/ /dge slong zhig la bud med kyis sor mos bzung ngo / /dge slong de 'gyod pa skyes nas/ bcom ldan 'das kyis bka' stsal pa/ nyes pa med do/ /dge 13-1-17a slong zhig gis bud med cig me dang / chu dang / g.yang sa dang / mtshon dang / gcan gzan dang / mi ma yin pa rnams las thar bar byas so/ /dge slong de 'gyod pa skyes nas/ bcom ldan 'das kyis bka' stsal pa/ nyes pa med do/ /dge slong la bud med cig gis rkang pas bzung/ byin pa dang / pus mo dang / brla dang / sor mos bzung ngo / /dge slong de 'gyod pa skyes nas/ bcom ldan 'das kyis bka' stsal pa/ nyes pa med do/ /dge slong gis bud med kyi ro sngon por gyur pa'i mgul nas 'khyud/ bam pa dang / rul ba dang / ro dmar por gyur pa dang / 'thor ba dang / keng rus rnams kyi mgul nas 'khyud na thams cad nyes pa sbom por 'gyur ro/ /mdor na/ gred nas rdeg 'chos bu mo dang / /mun pa bud med phrad pa dang / /bud med gzhon nus 'grong gdangs pa/ /stan lnga pa dang bcu gsum mo/ /bud med cig gred de rdeg 'chos pa dang / dge slong zhig gis bslang na nyes byas su 'gyur ro/ /dge slong gred de rdeg 'chos pa las bud med cig gis bslang na nyes pa med do/ /dge slong rgan po zhig bu mo la ltar song nas bu mo de'i pang bar 'dug go/ /dge slong de 'gyod pa skyes nas/ bcom ldan 'das kyis bka' stsal pa/ nyes pa med do/ /dge slong zhig nam phyed na gcin gci zhing 'dug pa dang / bud med cig kyang phyir byung ste 'ong ba dang / mun pa'i nang du gdong thugs su phrad de de rdeg 'chos nas de'i steng du 'gyel to/ /dge slong de 'gyod pa skyes nas/ bcom ldan 'das kyis bka' stsal pa/ nyes pa med do/ /dge slong zhig grong du bsod snyoms la zhugs pa dang / na chung gzhon nu ma zhig 'grong gdangs te 'dug nas des 'phags pa tshur spyon 'di dang 'di mdzod cig ces smras pa dang / des der bong ba bcug /bsod snyoms bcug pas btsangs/ khar bas btsogs shing rdeg na thams cad nyes pa sbom por 'gyur ro/ /dge slong zhig gis bud med la chos bshad 13-1-17b pa dang / des de'i stan rkang pa dang / brla dang / byin pa dang / rked pa dang / rtsib logs dang / rgyab dang / lag pa dang / phrag pa dang / mgo rnams kyis phul na thams cad nyes byas su 'gyur ro/ /mdor na/ 'char ka bde dang 'du shes dang / / bung bu gnas ngan len pa dang / /sring mo spyod pa ngan par bcas/ /kho bos mthong dang khyod kyi mdun/ /de dang de ste de yid mgu/ /bslab pa'i gnas ma bcas pa las dang po la nyes pa med pa na/ tshe dang ldan pa 'char kas 'di ltar bdag gis bud med mang zhig la gnas ngan len gyi tshig smras na/ bdag gi las dang po gang yin snyam nas the tshom du gyur pa ni rgyas par ro/ /des de ltar gyur pa dge slong rnams la smras pa dang / dge slong rnams kyis bcom ldan 'das la gsol nas/ bcom ldan 'das kyis bka' stsal pa/ bslab pa'i gnas ma bcas pa na 'char ka 'das pa dang bcas pa ni thams cad las dang po pa ste/ las dang po pa la ni nyes pa med do/ /dge slong zhig gis mi'i bud med la mi ma yin par 'du shes te gnas ngan len gyi tshig smras so/ /dge slong de 'gyod pa skyes nas/ bcom ldan 'das kyis bka' stsal pa/ mi la mir 'du shes na ni dge 'dun gyi lhag mar 'gyur ro/ /rgyas par ni dri bar bya'o/ /rdzu 'phrul dang cho 'phrul gyi chos su smra na ni nyes pa sbom por 'gyur ro/ /cho 'phrul med pa'i chos su smra na ni dge 'dun gyi lhag mar 'gyur ro/ /dge slong zhig bud med cig gi drung du song nas 'di skad du sring mo rgya rna ru zhig byin cig ces smras pa dang / 'phags pa [(]khyad[,]khyod [)]la rgya rna ru ci zhig bgyi/ mos go nas 'phags pa rgya rna ru sta gon bgyis lags so/ /zhes smras pa dang / dge slong de 'gyod pa skyes nas/ bcom ldan 'das kyis bka' stsal pa/ nyes pa sbom por 'gyur ro/ /dge slong zhig grong du bsod snyoms la spyod pa na bud med cig 'grong gdangs te 'dug nas 'phags pa 'di bzhin mdzod ces smras pa dang / khyod kyi lus skal ba 'di lta bu 13-1-18a dang mthun pas bong bu dang 'di ltar 'di bzhin byos shig /dge slong de 'gyod pa skyes nas/ bcom ldan 'das kyis bka' stsal pa/ dge 'dun gyi lhag ma'i nyes pa med de/ nyes pa sbom por 'gyur ro/ /dge slong zhig rang bzhin gyis gnas ngan len gyi tshig smra ba zhig ste/ des bud med cig la gnas ngan len gyi tshig smras so/ /dge slong de 'gyod pa skyes nas/ bcom ldan 'das kyis bka' stsal pa/ dge 'dun gyi lhag ma'i nyes pa med de/ nyes pa sbom por 'gyur ro/ /dge slong ma zhig nang par sngar langs te/ khrus byas mig sman gyis bskus/ mgo bshad de chos gos rnying chags byas pa gyon nas mnyan du yod par song ba dang / dge slong zhig bsod snyoms spyod pa des de mthong nas des sring mo khyod skyes pa la steg cing spyad pa spyod do zhes smras so/ /dge slong de 'gyod pa skyes nas/ bcom ldan 'das kyis bka' stsal pa/ nyes pa sbom por 'gyur ro/ /dge slong rgan po zhig bu mo ltar song ba dang / de'i bu mo log par spyod pa zhig ste/ des bu mo 'di ltar khyim gnyis 'jig par ma byed cig /des mi thub pa na ji ltar bgyi zhes smras pa dang / de ste mi thub na der mgal dum chug shig ces smras so/ /dge slong de 'gyod pa skyes nas/ bcom ldan 'das kyis bka' stsal pa/ dge 'dun gyi lhag ma'i nyes pa med de/ nyes pa sbom por 'gyur ro/ /dge slong zhig grong gzhan du grong du nye bar 'gro ba yin te/ de snga dro sham thabs bgos nas grong der song ba dang / des khyim bdag de'i chung ma la sring mo kho bo la byin cig ces smras pa dang / 'phags pa khyod la ci gsol/ sring mo kho bo la de byin cig ces smras pa dang / mos go ste 'phags pa sta gon bgyis so zhes smras pa dang / dge slong de 'gyod pa skyes nas/ bcom ldan 'das kyis bka' stsal pa/ nyes pa sbom por 'gyur ro/ /sring mo khyod la gang mthong ba'o/ /'phags pa bdag la ci zhig gzigs/ sring mo khyod la gang mthong ba de byin cig /mos go nas 'phags pa sta gon bgyis so 13-1-18b zhes smras pa dang / dge slong de 'gyod pa skyes nas/ bcom ldan 'das kyis bka' stsal pa/ nyes pa sbom por 'gyur ro/ /sring mo khyod kyi mdun na ci yin pa de byin btsun pa bdag gi mdun na ci mchis/ sring mo khyod kyi mdun na gang yod pa de byin cig /mos go nas 'phags pa sta gon bgyi'o zhes smras pa dang / dge slong de 'gyod pa skyes nas/ bcom ldan 'das kyis bka' stsal pa/ nyes pa sbom por 'gyur ro/ /dge slong zhig grong gzhan du grong du nye bar 'gro ba yin te/ de snga dro sham thabs dang chos gos bgos nas lhung bzed khyer te grong der song ba dang / khyim pa de'i chung ma de la sring mo khyod kyis yid du 'ong ba gang yin pa de byin cig ces smras pa dang / 'phags pa bdag la yid du 'ong ba ci zhig mchis/ sring mo khyod kyi yid du 'ong ba gang yin pa de byin cig /mos go nas 'phags pa sta gon bgyi'o zhes smras pa dang / dge slong de 'gyod pa skyes nas/ bcom ldan 'das kyis bka' stsal pa/ dge 'dun gyi lhag ma'i nyes pa med de/ nyes pa sbom por 'gyur ro// //'dul ba gzhung dam pa/bam po nyi shu lnga pa/ mdor na/ dga' dang yid du 'ong ba dang / /chu dang bca' ba rnams dang yang/ /thug pa dag dang bza' ba'i rnams/ /smras pa dag kyang de bzhin no/ /dge slong zhig grong gzhan zhig tu grong du nye bar 'gro ba yin te/ khyim bdag des chung ma la dge slong de ci dga' ba byin cig ces smras te song ngo / /dge slong de'ang snga dro sham thabs dang chos gos bgos nas lhung bzed khyer te khyim der song ba dang / bud med des btsun pa khyim bdag gi mchid nas dge slong de ci dgyes pa stsol cig ces mchi na/ 'phags pa khyod ci dgyes/ sring mo bdag ni khyod nyid la dga'o zhes smras pa dang / mos kyang go nas 'phags pa sta gon bgyi'o zhes smras so/ /dge slong de bdag la dge 'dun gyi lhag ma'i nyes pa ma byung grang snyam du 'gyod pa skyes nas/ bcom ldan 'das kyis bka' stsal pa/ dge 'dun gyi 13-1-19a lhag ma'i nyes pa med de/ nyes pa sbom por 'gyur ro/ /yid du 'ong ngo zhes bya ba'ang de bzhin no/ /dge slong zhig grong gzhan zhig gi grong du nye bar 'gro ba yin te/ de snga dro sham thabs bgos nas grong der song ba dang / khyim bdag de'i chung ma la sring mo bdag la chu lud cig ces smras pa dang / btsun pa chab bcus te mchis gzhes shig /sring mo khyod nyid chu yin no zhes smras pa dang / mos kyang go nas 'phags pa sta gon bgyi'o zhes smras so/ /dge slong de 'gyod pa skyes nas/ bcom ldan 'das kyis bka' stsal pa/ nyes pa sbom por 'gyur ro/ /sring mo bdag la bca' ba byin cig /btsun pa chos kyi bar du gzhes shig /sring mo bdag gi bca' ba khyod nyid yin no/ /des 'phags pa sta gon bgyi'o zhes smras so/ /dge slong de 'gyod pa skyes nas/ bcom ldan 'das kyis bka' stsal pa/ nyes pa sbom por 'gyur ro/ /sring mo bdag la thug pa byin cig /btsun pa bsgral gyi bar du gzhes shig /sring mo khyod nyid kho bo'i thug pa'o/ /des 'phags pa sta gon bgyi'o zhes smras so/ /dge slong de 'gyod pa skyes nas/ bcom ldan 'das kyis bka' stsal pa/ nyes pa sbom por 'gyur ro/ /dge slong zhig grong gzhan zhig gi grong du nye bar 'gro ba yin te/ de snga dro sham thabs bgos te grong der song nas/ des khyim bdag gi chung ma de la sring mo bdag la zan byin cig ces smras pa dang / 'phags pa bsgral gyi bar du gzhes shig /sring mo khyod nyid bdag gi zan no/ /des go nas 'phags pa sta gon bgyi'o zhes smras so/ /dge slong de 'gyod pa skyes nas/ bcom ldan 'das kyis bka' stsal pa/ nyes pa sbom por 'gyur ro/ /dge slong zhig gis bud med la gnas ngan len gyi tshig smras na/ de ma go nas mos btsun pa de ji skad gsung zhes dris so/ /dge slong de 'gyod pa skyes nas/ bcom ldan 'das kyis bka' stsal pa/ dge 'dun gyi lhag ma'i nyes pa med de/ nyes pa sbom por 'gyur ro/ /mdor na/ ri dgas bu dang 13-1-19b spring ba dang / /ming dang 'phags pa chung ma gsum/ /smad 'tshong gnyis dang bud med dang / /gzhon nu skyes pa khu tshur ro/ /sangs rgyas bcom ldan 'das dze ta'i tshal mgon med pa la zas sbyin gyi kun dga' ra ba na bzhugs so/ /bslab pa'i gnas ma bcas te las dang po pa la nyes pa med pa ni ri dgas lta bu'i bu nag po de 'di snyam du bslab pa'i gnas ma bcas par bdag gis rigs mang zhig la smyan byas na bdag gi las dang po gang yin zhes sems la the tshom dang dogs pa dang 'gyod pa skyes nas/ des de ltar gyur pa dge slong rnams la smras pa dang / bcom ldan 'das kyis bka' stsal pa/ bslab pa'i gnas ma bcas pa na ri dgas lta bu'i bu nag pos 'das pa dang bcas pa thams cad las dang po pa ste las dang po pa la nyes pa med do/ /dge slong zhig grong gzhan zhig gi grong du nye bar 'gro ba yin te/ de grong der song ba dang / khyim bdag des smras pa/ 'phags pa bud med 'di zhes bgyi ba la tshur shog shig ces bgyi bar spyod dam/ de na re nus te lan slar skyel ma nus so zhes smras pa dang / 'o na dran te grub par ji ltar shes par bya/ gnas 'di zhes bya bar dge slong zhig gzhag go/ /dge slong de khyim gzhan zhig tu btang ste/ dge slong de yang slar byung ba mthong nas/ des de la tshe dang ldan pa skad cig 'di na 'dug shig ces smras pa dang / de gnas der 'dug nas khyim bdag de phyir byung ste/ dge slong de la btsun pa legs so legs so zhes bya ba'i don de grub mod ces smras pa dang / de ci zhig brda'o zhes smras so/ /dge slong de 'gyod pa skyes nas/ bcom ldan 'das kyis bka' stsal pa/ nyes pa [(]mad [,]med [)]do/ /dge slong zhig grong gzhan zhig tu grong du nye bar 'gro ba yin te/ de grong der phyin pa dang / khyim bdag des smras pa/ dge slong de la 'phags pa bud med 'di zhes bgyi ba la 'di ltar tshur shog ces phrin bgyi bar spyod dam/ des nus so zhes smras nas song ste bsgo ba dang / bud med des btsun pa kho 13-1-20a mo ni mi 'tshal to zhes nas de dag gi don de ma grub bo/ /dge slong de 'gyod pa skyes nas/ bcom ldan 'das kyis bka' stsal pa/ dge 'dun gyi lhag ma'i nyes pa med de/ nyes pa sbom por 'gyur ro/ /khyim bdag cig gi chung mas nyes pa cung zad cig byas te/ des de la rdog pas brdegs nas bskrad pa dang / de na yang dge slong grong gzhan zhig gi grong du nye bar 'gro ba yin te/ des de gnyis bsdums nas de gnyis dum par gyur to/ /dge slong de 'gyod pa skyes nas/ bcom ldan 'das kyis bka' stsal pa/ de ste rdo gsum bor ba'am shags bkye ste chung ma ma yin par bsgrags pa de dag gis smyan byas na nyes pa sbom por 'gyur ro/ /dge slong zhig grong gzhan zhig gi grong du nye bar 'gro ba yin te/ de grong der phyin pa dang / khyim bdag des smras pa/ 'phags pa smad 'tshong ma 'di zhes bgyi ba la tshur shog shig ces phrin bgyi bar spyod dam/ des nus so zhes smras nas der song ste mo la bsgo ba dang / de 'di snyam du pha gir nyal du mi khom gyis nga nyal lo snyam du bsams nas de nyal ba las nam langs nas de gnyis kyi don de ma grub bo/ /dge slong de 'gyod pa skyes nas/ bcom ldan 'das kyis bka' stsal pa/ dge 'dun gyi lhag ma'i nyes pa ni med de/ nyes pa sbom por 'gyur ro/ /dge slong zhig grong gzhan zhig gi grong du nye bar 'gro ba yin te/ de grong der phyin pa dang / khyim bdag des smras pa/ btsun pa smad 'tshong ma 'di zhes bgyi ba la tshur shog ces phrin bgyi bar spyod dam/ des nus so zhes smras nas de song ste bsgo ba dang / mo yang 'ong ba las bar du gzhan gyis phrogs nas de gnyis kyi don de ma grub bo/ /dge slong de 'gyod pa skyes nas/ bcom ldan 'das kyis bka' stsal pa/ nyes pa sbom por 'gyur ro/ /dge slong zhig grong gzhan zhig gi grong du nye bar 'gro ba yin te/ de grong der phyin pa dang / khyim bdag des smras pa/ 'phags pa bud med 'di zhes bgyi ba la phrin 'di skad bgyi bar spyod dam/ des nus so zhes 13-1-20b smras te song nas de la bsgo ba dang / de yang rgyan thogs te chas ma thag tu khyo 'ongs nas de gnyis kyi don ma grub bo/ /dge slong de 'gyod pa skyes nas/ bcom ldan 'das kyis bka' stsal pa/ nyes pa sbom por 'gyur ro/ /khyim bdag gnyis shig mdza' ste de gnyis kyi chung ma sbrum par gyur pa dang / de ste khyod las bu mo zhig btsas te kho bo las khye'u zhig btsas na khyod kyi bu mo kho bo'i khye'u la byin cig /'on te kho bo'i bu mo la khyod kyi khye'u btsas na ni khyod kyi khye'u la sbyin no/ /de nas gcig la ni khye'u zhig btsas/ gcig la ni bu mo zhig btsas pa dang khyim bdag de dus las 'das so/ /de dus las 'das pas khyim srid kyang dmas par gyur te/ khyim bdag des bu mo mi sbyin no snyam du bsams pa dang / khye'u des thos nas de na dge slong zhig grong gzhan du nye bar 'gro ba yin te/ grong der phyin pa dang / de la khye'us smras pa/ 'phags pa bu mo 'di zhes bgyi ba la khyod bdag gi ma dang pha gnyis kyis ma btsas par bdag la byin na bdag kyang las smin pas longs spyod dmas par gyur te/ longs spyod lta da rung yang rnyed par 'gyur gyis da yang kho bo ma btang shig ces phrin bgyi bar spyod dam/ des nus so zhes smras nas de song ste bsgo ba dang / bu mo de ma dang pha'i drung nas bros te de'i drung du song nas de gnyis 'dus par gyur to/ /dge slong de 'gyod pa skyes nas/ bcom ldan 'das kyis bka' stsal pa/ dge 'dun gyi lhag ma'i nyes pa med de/ nyes pa sbom por 'gyur ro/ /khyim bdag cig gis bud med la kho mo la 'di bdag gi skabs phye shig ces smras pa na/ des bdag mi khom mo zhes smras pa dang / khyod ji tsam na khom pa bdag gis ji ltar rtogs par bya/ kho mo la grong du nye bar 'gro ba'i dge slong zhig yod kyis der rgyab tu khu tshur cig brgyab pa na shes par mdzod cig /dge slong de yang grong der 'ongs pa dang / bud med des smras pa/ 'phags pa khyim bdag 'di zhes bgyi ba'i rgyab tu khu tshur cig mdzad par spyod dam/ des nus so zhes smras te song 13-1-21a nas khyim bdag de'i rgyab tu khu tshur cig brgyab pa dang / de btsun pa don grub kyis legs so legs so zhes smras pa dang / 'di ni ci zhig /de ni brda'o/ /dge slong de 'gyod pa skyes nas/ bcom ldan 'das kyis bka' stsal pa/ dge 'dun gyi lhag ma'i nyes pa med de/ nyes pa sbom por 'gyur ro/ /mdor na/ grong du nyer 'gro rnam gnyis dang / /gzhan yang dge 'dun rnams kyi gnyis/ /gos dang nad par gyur pa dang / /gzhon nu ma dang rnam pa lnga/ /dge slong zhig grong gzhan gyi grong du nye bar 'gro ba yin te/ de grong der phyin nas bud med des smras pa/ 'phags pa khyim bdag 'di zhes bya ba la tshur spyon zhes phrin bgyi bar spyod dam/ de ste dge 'dun la bshos sbyor nus na ni nus so zhes smras pa dang / des rgyu sbyin nas dge slong des bshos sbyar te khyim bdag de bos pa dang / de gnyis phrad par gyur to/ /dge slong de 'gyod pa skyes nas/ bcom ldan 'das kyis bka' stsal pa/ dge 'dun gyi lhag ma'i nyes pa ni med de nyes pa sbom por 'gyur ro/ /de ltar khyim bdag la yang de bzhin no/ /khyim bdag gi chung ma gzugs legs la sdug cing mdzes pa zhig gzhongs gyad gnas zhes bya ba'i blon po chen po gzhan zhig gis btus te/ des de la phrin pa du mar btang yang bud med de ma btub nas khyim bdag de dus las 'das so/ /de dus las 'das nas nyes pa cung zad cig gi phyir blon po chen po des de ci nas kyang phyir yang bdag cag gnod pa med par bde bar 'gyur ba'i thabs cung zad kyang med dam zhes smras pa dang / thabs shig yod de/ blon po chen po des kho mo la bdas te/ des phrin pa lan du mar btang yang kho mo ma btub bo zhes zer ro/ /'o na bu mo spro bar gyis shig dang / khyod gcig pu'i mthus skye bo 'di rnams bde bar 'gyur ro zhes smras pa dang / mos de la 'o na da phrin pa su btang zhes smras nas bdag cag la grong du nye bar 'gro ba'i dge slong yod kyis de phrin par btang ngo / /dge slong de yang grong der phyin nas 13-1-21b khyim bdag gi chung ma des smras pa/ 'phags pa blon po chen po 'di zhes bgyi ba la kho mo'i khyim 'di dang / kho mo'i nor 'di dang / rdzas 'di dag thams cad 'bul gyis tshur spyon zhes bgyi bar spyod dam/ nus so zhes smras te/ de song nas de la bsgo ba dang / de gnyis dum par gyur nas dge slong de 'gyod pa skyes nas/ bcom ldan 'das kyis bka' stsal pa/nyes pa sbom por 'gyur ro/ /khyim bdag gi chung ma zhig gis dge 'dun gyi gtsug lag khang zhig brtsigs te/ des der chos gos dang rjes su phan pa'i sman rnams 'bul ba las khyim bdag gi chung ma de dus las 'das nas/ de dus las 'das pa dang gtsug lag khang der chos gos dang rjes su phan pa'i sman rnams 'bul ba su yang med de/ dge slong dag gis khyim bdag de'i drung du song ste 'di skad du khyim bdag khyod kyi chung ma des gtsug lag khang ji ltar byas pa de ltar khyod kyis kyang chos gos dang rjes su phan pa dang nad pa'i sman cung zad mi 'bul lam zhes smras pa dang btsun pa chung ma de ni bsod nams dang ldan la mthu chen mo zhig ste/ gang cung zad smras pa de thams cad de'i phyir bgyid na/ de ste bdag la khyim bdag 'di zhes bya ba'i chung mas zan bskyal bar bgyi na de bzhin du da dung yang 'bul bar rngo thog go zhes smras pa dang / dge slong de dag khyim bdag de'i chung ma'i drung du song nas 'di skad du khyim bdag gi chung ma khyod kyis khyim bdag 'di zhes bya ba la zan sbyin par nus sam zhes smras nas btsun pa mi nus so/ /kho mo'i khyim 'di nyid na bya ba mang du yod pa de nyid kyang mi nus na gzhan la bskyal ba lta ci smos/ de dag gis khyim bdag gi chung ma spro bar gyis shig /mchod rten la 'bul lo/ /dge 'dun la 'bul bar 'gyur ro zhes bsgo ba dang / khyim bdag gi chung ma'ang dad pa zhig ste/ des dad do zhes smras nas de gnyis yang dang yang du 'drul ba dang dum par gyur to/ /dge slong de 'gyod pa skyes nas/ bcom ldan 'das kyis bka' stsal pa/ nyes pa med do/ /khyim bdag cig gis dge 'dun gyi gtsug lag khang zhig brtsigs te des der chos gos dang na ba'i sman rnams 13-1-22a 'bul zhing rjes su phan 'dogs pa las khyim bdag de dus las 'das te/ de yang rgyas par ni de bzhin no/ /khyim bdag gi chung ma des de ste khyim bdag 'di zhes bgyi ba'i phyir las rnams la btang na ni 'di bzhin du yang 'bul bar nus so zhes smras pa yang rgyas par te/ bcom ldan 'das kyis bka' stsal pa/ nyes pa med do/ /dge slong zhig grong gzhan zhig gi grong du nye bar 'gro ba yin te/ de grong der phyin nas/ khyim bdag gis smras pa/ 'phags pa ming 'di zhes bgyi ba'i chung ma la tshur shog ces phrin bgyi bar spyod dam nus so zhes smras nas de song ste bsgo ba dang / bud med de yang nad kyis btab/ khyim bdag de yang nad kyis btab par gyur te/ de gnyis ka nad kyis btab nas don de ma grub par gyur to/ /bcom ldan 'das kyis bka' stsal pa/ nyes pa sbom por 'gyur ro/ /dge slong zhig grong gzhan zhig gi grong du nye bar 'gro ba yin te/ de grong der phyin pa dang / bud med des smras pa/ 'phags pa khyim bdag 'di zhes bya ba la tshur spyon zhes phrin bgyi bar spyod dam/ nus so zhes smras nas de der song ste de la bsgo ba dang / khyim bdag de yang nad kyis btab par gyur/ bud med de yang nad kyis btab par gyur te/ gnyis ka nad kyis btab pas don de ma grub bo/ /dge slong de 'gyod pa skyes nas/ bcom ldan 'das kyis bka' stsal pa/ nyes pa sbom por 'gyur ro/ / dge slong zhig grong gzhan zhig gi grong du nye bar 'gro ba yin te/ de snga dro chos gos dang sham thabs bgos lhung bzed khyer te grong der phyin pa dang / khyim bdag des smras pa/ khyim bdag 'di zhes bgyi ba la khyod kyi bu mo'am sring mo cig bdag gi bu la stsol cig ces phrin bgyi bar spyod dam/ nus so zhes smras nas/ de song ste bsgo ba dang / khye'u de ni dus las 'das bu mo de sgur mor ram/ smyon mar gyur tam/ gzhan la byin par gyur nas/ dge slong de 'gyod pa skyes nas/ bcom ldan 'das kyis bka' stsal pa/ nyes pa sbom por 13-1-22b 'gyur ro/ /dge slong zhig grong gzhan zhig gi grong du nye bar 'gro ba yin te/ snga dro chos gos dang sham thabs bgos nas lhung bzed khyer te grong der phyin pa dang / rgyas par 'di yang de bzhin du bya ste/ khye'u de nad kyis btab pa dang bu mo de yang nad kyis btab bam/ sgur mor gyur tam/ gzhan la byin yang rung ngo / /dge slong de 'gyod pa skyes nas/ bcom ldan 'das kyis bka' stsal pa/ nyes pa sbom por 'gyur ro/ /'dul bar byed pa rdzogs s+ho// //'dul ba gcig yan chad sgo gsum gyis bsdus pa'i mdo sde/ bshad pa dang po gnyis po dang / /gsum po yang ni de bzhin te/ /brtson pa tha mar byas nas ni/ /bsdus pa 'di ni nges par smras/ /sgo dang po'i mdo bsdus pa ste/ /bshad pa mi mkhas gsol ba dang / /kun dkris nyes byung de bzhin te/ /mkhas pa dang ni bsgos pa yang/ / mang du thos pa chos spangs pa'o/ /bshad pa bsdus pa smod pa dang / /lta ba phye mang gnyis po dang / /skur pa dag dang bzhi po dang / /gso sbyin gnyis kyang de bzhin no/ /'di lta ste/ sdom pa dang ldan pa'i rgyu gcig gis nyes pa thams cad brjod par 'gyur ro/ / 'di lta ste/ sdom pa med pa'i rgyu gcig gis nyes pa thams cad mi brjod par 'gyur ro/ /'di lta ste/ sdom pa med pa'i rgyu gcig tu nyes pa thams cad ma 'dus par 'gyur ro/ /'di lta ste/ sdom pa dang ldan pa'i rgyu gcig tu nyes pa thams cad 'dus par 'gyur ro/ /ngag las byung ba'i kha na ma tho ba rnams kyi nang na de bzhin gshegs pa la med bzhin du skur pa btab pa gcig pu nyes pa che'o/ /lus las byung ba'i kha na ma tho ba thams cad kyi nang na de bzhin gshegs pa la ngan sems kyis khrag phyung ba gang yin pa de gcig pu nyes pa che'o/ / 'di lta ste/ kha na ma tho ba thams cad kyi nang na dge 'dun phye ba gcig pu nyes pa che'o/ /mang po las byung ba'i kha na ma tho ba thams cad kyi nang na dge 'dun 'byed pa'i rjes su phyogs pa gcig pu nyes pa che'o/ /phra ma las byung ba'i kha na ma tho ba thams cad kyi nang na gang de bzhin 13-1-23a gshegs pa'i nyan thos kyi dge 'dun 'byed par byed pa gang yin pa de gcig pu nyes pa che'o/ /gang zag las byung ba'i kha na ma tho ba thams cad kyi nang na med bzhin du skur pa btab pa gcig pu nyes pa che'o/ /srog gcod pa las byung ba'i kha na ma tho ba thams cad kyi nang na rang sangs rgyas 'tsho ba dang phral ba gcig pu nyes pa che'o/ /ma byin par len pa las byung ba'i kha na ma tho ba thams cad kyi nang na gang de bzhin gshegs pa'i nyan thos kyi dge 'dun mnga' ba las brkus pa gang yin pa de gcig pu nyes pa che'o/ /mi tshangs par spyod pa las byung ba'i kha na ma tho ba thams cad kyi nang na dgra bcom pa yin la ma yang yin pa la mi tshangs par spyod pa gcig pu nyes pa che'o/ /brdzun du smra ba las byung ba'i kha na ma tho ba thams cad kyi nang na med pa la med bzhin du mi las bla mar gyur pa'i chos smras pa/ gcig pu nyes pa che'o/ /chos dang ldan pa'i gso sbyin bzhag pa gcig ni 'di lta ste/ rtsa ba med pa'o/ /chos dang ldan pa'i gso sbyin bzhag pa gcig ni 'di lta ste/ rtsa ba dang bcas pa'o/ /gcig pa rdzogs s+ho// //mdor na/ mi mkhas pa la gsum du bya/ /gzhan yang lhag mar bcas pa gsum/ /rdzogs pa ma lus kyis bya dang / /ngag gis bya dang lung mi ston/ /nyes pa gnyis te/ mi dge ba dang / lung du mi ston pa'o/ /mi dge ba la yang gnyis te/ lhag ma dang bcas pa dang / lhag ma ma lus pa'o/ /lung du mi ston pa la gnyis te/ lhag ma dang bcas pa dang / lhag ma ma lus pa'o/ /nyes pa la yang gnyis te/ lhag ma dang bcas pa dang / lhag ma ma lus pa'o/ /lhag ma dang bcas pa la gnyis te/ mi dge ba dang lung du mi ston pa'o/ / lhag ma ma lus pa la'ang gnyis te/ mi dge ba dang lung du mi ston pa'o/ /nyes pa la yang gnyis te/ lus las byung ba dang / ngag las byung ba'o/ /lus las byung ba la'ang gnyis te/ lhag ma dang bcas pa dang / lhag ma ma lus pa'o/ /gzhan yang 13-1-23b lus las byung ba gnyis te mi dge ba dang / lung du mi ston pa'o/ /gzhan yang lus las byung ba gnyis te/ dmigs pa dang / mi dmigs pa'o/ /ngag las byung ba'ang gnyis te/ lhag ma dang bcas pa dang / lhag ma ma lus pa'o/ /gzhan yang ngag las byung ba gnyis te/ mi dge ba dang / lung du mi ston pa'o/ /gzhan yang ngag las byung ba gnyis te/ dmigs pa dang / mi dmigs pa'o/ /nyes pa ni gnyis te/ lung du ston pa dang / lung du mi ston pa'o/ /gzhan yang nyes pa gnyis te/ bsgribs pa dang / ma bsgribs pa'o/ /mdor na/ gsol ba gzhag par 'os pa dang / /ma gzhag slar bslang de bzhin te/ /dbye ba rnam pa lngar byas nas/ /nar ma dag dang smra ba'o/ /nyes pa gnyis te/ gsol bar bya ba dang / gsol ba med pa'o/ /gzhan yang nyes pa gnyis te/ gzhag par 'os pa dang / mi gzhag par 'os pa'o/ /gzhan yang nyes pa gnyis te/ gnang ba'i kha na ma tho ba dang / ma gnang ba'i kha na ma tho ba'o/ /gzhan yang nyes pa gnyis te/ slar bslang du yod pa dang / bslang du med pa'o/ /gzhan yang nyes pa gnyis te/ 'byed par byed pa dang / mi 'byed par byed pa'o/ /'byed par byed pa yang gnyis te/ lhag ma dang bcas pa dang / lhag ma ma lus pa'o/ /mi 'byed par byed pa la yang gnyis te/ mi dge ba dang / lung du mi ston pa'o/ /gzhan yang 'byed par mi byed pa yang gnyis te/ lhag ma dang bcas pa dang / lhag ma ma lus pa'o/ /gzhan yang nyes pa gnyis te/ nar ma dang / skad cig ma'o/ /gzhan yang nyes pa gnyis te/ smra ba dang / mi smra ba'o/ /mdor na/ kun tu dkris dang bsgribs pa med/ /thun mong ba dang bdun po dang / /sangs rgyas dus dang yul dag dang / /shin tu chags dang phyogs rnams so/ /nyes pa gnyis te/ kun tu dkris pa dang / ma dkris pa'o/ /bsgribs par 'gro ba dang / ma bsgribs par 'gro ba'o/ /thun mong ba dang / thun mong ma yin pa'o/ / 13-1-24a dge slong ma'i thun mong ba dang / dge slong gi thun mong ba'o/ /dge slong gi thun mong ba dang / dge slob ma'i thun mong ba'o/ /dge slong gi thun mong ba dang / dge tshul ma'i thun mong ba'o/ /dge slong gi thun mong ba dang / dge tshul pha'i thun mong ba'o/ / dge slong gi thun mong ba dang / dge bsnyen pha'i thun mong ba'o/ /dge slong gi thun mong ba dang / dge bsnyen ma'i thun mong ba'o/ /sangs rgyas kyi dus dang / nar ma'o/ /yul las gnang ba dang / yul las mi gnang ba'o/ /shin tu chags pa dang / shin tu ma chags pa'o/ /phyogs gcig pa dang / phyogs thams cad pa'o/ /mdor na/ klog pa sbom por gzhan pa dang / /lci ba rnam smin de bzhin te/ /bslang ba rnam pa bzhi po dang / /bshags pa rjes su brten pa'o/ /rnam par smin pa dang bcas pa dang / rnam par smin pa med pa'o/ /slar bslang du rung ba dang / slar bslang du mi rung ba'o/ /slar bslang du rung ba la yang gnyis te/ bshags pa dang / dang po nas sdom pa byin pa'o/ /gzhan yang slar bslang du rung ba gnyis te/ btags pa dang / don dam pa'o/ /slar dbyung du mi rung ba gnyis te/ ma mthong ba dang / mi 'chags pa'o/ /brten pa la gnyis te/ dge 'dun la brten pa dang / gang zag la brten pa'o/ /bshags pa la gnyis te/ dge 'dun dang / gang zag la'o/ /mdor na/ mkhas pa dag ni gsum du bya/ / ngo tsha ba dang rnam gnyis dang / /rgol dang zhal nas gsungs pa dang / /brtan pa dang ni gsol ba'o/ /nyes pa ma byung ba la nyes pa ma byung bar mkhas pa dang / nyes pa byung bar mkhas pa'o/ /gzhan yang mkhas pa la gnyis te/ nyes pa byung ba slar bslang ba la mkhas pa dang / nyes pa ma byung ba rnam par dag par bya ba la mkhas pa'o/ /ngo tsha ba la gnyis te/ bag dang bcas pa dang / bag med pa'o/ /rgol bar byed pa la nyes par 'gyur ba gnyis te/ dge 'dun dang / gang zag las so/ /smra ba las byung ba'i nyes 13-1-24b pa gnyis te/ zhal nas gsungs pa dang / bshad pa'o/ /gzhan yang smra ba las byung ba gnyis te/ brtan pa dang / mi brtan pa'o/ /gzhan yang smra ba las byung ba gnyis te/ gsol ba 'debs pa dang / gsol ba mi 'debs pa'o/ /mdor na/ bskos dang sdom dang brtags pa dang / /nyan pa shin tu sems pa dang / /rab shes thab mo mi mthun dang / /rang bzhin nges smra shes rab bo/ /dge 'dun gyi zhal ta ba gnyis te/ bskos pa dang / ma bskos pa dang / sdom pa dang / mi sdom pa dang / brtags par smra ba dang / ma brtags par smra ba dang / nyan pa dang / sgrogs pa dang / sems pa dang / mi sems pa dang / rab tu shes pa dang / rab tu shes par mi byed pa dang / thab mo byed pa dang / thab mo mi byed pa dang / mi mthun pa dang / mthun pa dang / rang bzhin du gnas pa dang / rang bzhin du gnas pa ma yin pa dang / de bzhin du nges par smra ba dang / nges pa ma yin par smra ba dang / shes rab can dang / 'chal pa'i shes rab can no/ /mdor na/ mang du thos pa kha ton lobs/ /rdzogs dang nges par gyur pa dang / /bsnyen bkur byed ngan byas pa dang / /chos shes pa dang bdun pa'o/ /dge 'dun gyi zhal ta ba gnyis te/ mang du thos pa dang / nyung ngu thos pa dang / lung kha ton lobs pa dang / lung kha ton ma lobs pa dang / lung rdzogs pa dang / lung ma rdzogs pa dang / nges pa dang / nges pa ma yin pa dang / bsnyen bkur byed pa dang / bsnyen bkur mi byed pa dang / chos shes pa dang / chos mi shes pa dang / don shes pa dang / don mi shes pa dang / dus shes pa dang / dus mi shes pa dang / tshod shes pa dang / tshod mi shes pa dang / bdag nyid shes pa dang / bdag nyid mi shes pa dang / 'khor shes pa dang / 'khor mi shes pa dang / gang zag dam pa dang / gang zag dam pa ma yin pa shes pa dang / gang zag dam pa dang / gang zag dam pa ma yin pa mi shes pa'o/ /mdor na/ chos dang 'dul ba nyes pa dang / /lhag mar 13-1-25a bcas dang lci ba dang / /spyad par smras pa sma bab dang / /bcas pa ma yengs log par ltung/ /dge 'dun gyi zhal ta ba gnyis te/ de bzhin gshegs pa la skur pa 'debs shing shin tu 'da' bar byed pa gsungs pa bzhin mi smra ba/ chos bzhin mi smra ba/ chos dang gnyer ba'i chos kyi rjes bzhin mi byed pa ste/ chos ma yin pa la chos su brjod chos la chos ma yin par brjod cing/ de dag la smras pa'i lan slar glon pa ni chos mthun pa dag gis smad pa'i gnas su 'gyur ro/ /dge 'dun gyi zhal ta ba gnyis te/ de bzhin gshegs pa la skur ba mi 'debs shing/ shin tu 'da' bar mi byed pa gsungs pa bzhin smra ba/ chos kyi rjes su chos bzhin du byed de/ chos la chos bzhin du brjod/ chos ma yin pa la ni chos ma yin par brjod pa/ de dag la smras pa'i lan slar mi glon pa ni chos mthun pa dag gis smad pa'i gnas su mi 'gyur ro/ /mdo bar ma ste/ skur pa 'debs par byed pa dang / /bsdigs pa nyes par bcas pa dang / /kha na ma tho byis pa dang / /bar ma'i mdor ni yang dag bsdus/ /dge 'dun gyi zhal ta ba gang chos ma yin pa la chos su brjod/ chos la chos ma yin par brjod pa'i chos de gnyis dang ldan pa ni bsdigs par bya'o/ /smad par bya'o/ /bskrad par bya'o/ /spang bar bya'o/ /phyogs med par bya'o/ /zhum par bya'o/ /spa gong bar bya'o/ /dogs pa dang / the tshom dang / 'gyod pa rnams bskyed par bya'o/ /nar bar bya/ gnad du phebs par bya/ skyon can du bya'o/ /dge 'dun gyi zhal ta ba gang chos la chos su brjod/ chos ma yin pa la chos ma yin par brjod pa'i chos de gnyis dang ldan pa ni bsdigs par mi bya'o/ /smad par mi bya'o/ /bskrad par mi bya'o/ /spang bar mi bya'o/ /phyogs med par mi bya'o/ /zhum par mi bya'o/ /spa gong bar mi bya'o/ /dogs pa dang / the tshom dang / 'gyod pa rnams bskyed par mi bya'o/ /nar bar mi bya'o/ /gnad du phebs par mi bya'o/ /skyon 13-1-25b can du mi bya'o/ /dge 'dun gyi zhal ta ba gang gis chos ma yin pa la ni chos su brjod/ chos la ni chos ma yin par brjod pa'i chos de gnyis dang ldan pa ni nyes pa dang bcas par 'gyur te/ dogs pa dang bcas/ the tshom dang bcas/ 'gyod pa dang bcas/ bya ba dang bcas pa dang / mi gtsang ba dang / bslang du med pa'o/ /dge 'dun gyi zhal ta ba gang chos la chos su brjod/ chos ma yin pa la chos ma yin par brjod pa'i chos de gnyis dang ldan pa ni nyes pa dang bcas par mi 'gyur te/ dogs pa dang bcas pa ma yin/ the tshom dang bcas pa ma yin/ 'gyod pa dang bcas pa ma yin/ bya ba dang bcas pa ma yin/ gtsang ba dang / bslang du rung ba'o/ /dge 'dun gyi zhal ta ba gang gis chos ma yin pa la ni chos su brjod/ chos la ni chos ma yin par brjod pa'i chos de gnyis dang ldan pa ni kha na ma tho ba dang bcas par 'gyur te/ nye ba'i kha na ma tho ba dang bcas pa dang / gnod pa dang bcas pa dang / rjes su gdung ba dang bcas pa dang / gdung bar bya ba dang bcas pa'o/ /dge 'dun gyi zhal ta ba gang gis chos la chos su brjod/ chos ma yin pa la ni chos ma yin par brjod pa'i chos de gnyis dang ldan pa ni kha na ma tho ba dang bcas par mi 'gyur te/ nye ba'i kha na ma tho ba dang bcas pa ma yin/ gnod pa dang bcas pa ma yin/ rjes su gdung ba dang bcas pa ma yin/ gdung bar bya ba dang bcas pa ma yin no/ /dge 'dun gyi zhal ta ba gang gis chos ma yin pa la ni chos su brjod/ chos la ni chos ma yin par brjod pa'i chos de gnyis dang ldan pa ni byis pa glen pa mi gsal ba mi mkhas pa skyes bu dam pa ma yin par rig par bya ste/ bdag nyid dregs pa ma spangs pas kha na ma tho ba dang bcas par 'gyur ro/ /nye ba'i kha na ma tho ba dang bcas pa cung zad tsam la yang mkhas pa rnams kyis smad par 'gyur te/ bsod nams ma yin pa mang po bgrang du med cing grangs med tshad med par 'phel nas ji ltar mda' 'phangs pa bzhin lus 'gyel nas shi ba'i 13-1-26a 'og tu ngan song ngan 'gro log par ltung ba sems can dmyal bar skye ste/ ngan song du skye/ ngan 'gror skye/ log par ltung bar skye/ngan song du 'gro/ ngan 'gror 'gro/ log par ltung bar 'gro/ ngan song du skye/ ngan 'gror skye/ log par ltung bar skye bar 'gyur te/ yun ring por 'phyan cing 'khor bar 'phyan pas na 'khor ba las slar mi ldog go/ /dge 'dun gyi zhal ta ba gang gis chos la chos su brjod cing/ chos ma yin pa la ni chos ma yin par brjod pa'i chos de gnyis dang ldan pa ni mkhas pa gsal ba yid rno ba shes pa skyes bu dam pa yin par rig par bya ste/ bdag nyid dregs pa spangs pas kha na ma tho ba dang bcas pa ma yin par 'gyur/ nye ba'i kha na ma tho ba dang bcas pa ma yin pa cung zad tsam yang mkhas pa rnams kyis bsngags par 'gyur te/ bsod nams mang po bgrang du med cing grangs med tshad med par 'phel nas ji ltar mda' 'phangs pa bzhin 'di nas lus 'gyel na yang bde bar 'gro ba mtho ris kyi lha'i 'jig rten du skye bar 'gyur te/ ngan song du mi skye/ ngan 'gror mi skye/ log par ltung bar mi skye/ ngan song du mi 'gro/ ngan 'gror mi 'gro/ log par ltung bar mi 'gro/ ngan song du skye bar mi 'gyur/ ngan 'gror skye bar mi 'gyur/ log par ltung bar mi 'gyur/ yun ring por 'khor ba na mi 'khyam ste 'khor ba las ldog go/ /ji ltar chos dang chos ma yin pa la nag po dang dkar po'i phyogs su rnam grangs lngar smras pa de bzhin du 'dul ba dang 'dul ba ma yin pa la yang nag po dang dkar po'i phyogs su rnam grangs lngar brjod par bya'o/ /de bzhin du lhag ma dang bcas pa'i nyes pa dang / lhag ma ma lus pa'i nyes pa yang nag po dang dkar po'i phyogs su rnam grangs lngar brjod par bya'o/ /de bzhin du nyes pa lci ba dang nyes pa yang ba yang nag po dang dkar po'i phyogs su rnam grangs lngar brjod par bya'o/ /de bzhin du smras pa dang ma smras par brjod par yang nag po dang dkar po'i phyogs su rnam grangs lngar brjod 13-1-26b par bya'o/ /de bzhin du sma phab pa dang sma ma phab par brjod pa yang nag po dang dkar po'i phyogs su rnam grangs lngar brjod par bya'o/ /de bzhin du bcas pa dang ma bcas par brjod pa yang nag po dang dkar po'i phyogs su rnam grangs lngar brjod par bya'o/ /de bzhin du phyung ba dang ma phyung bar brjod pa yang nag po dang dkar po'i phyogs su rnam grangs lngar brjod par bya'o/ /tshul khrims nyams pa dang / lta ba nyams pa rnams kyang rgyas par nag po dang dkar po'i phyogs su 'di yang de bzhin du rnam grangs lngar brjod par bya'o/ / mdor na/ bsdigs spang nan tur byas pa dang / /dbyung bar bya ba'i bar du ste/ /bya ba dag la gnyis su bya/ /nyes dmigs rtsod pa de bzhin no/ /bsdigs par bya ba la gnyis te/ chad pa'i las dang / dge 'dun gyis bsgo ba'o/ /spang bar bya ba la yang gnyis te/ chad pa'i las dang / dge 'dun gyis bsgo ba'o/ /gzhan yang spang bar bya ba la gnyis te/ chad pa'i las dang / dge 'dun gyis spang ba'o/ /bsnyen bkur byed pa la rnam pa gnyis te/ chad pa'i las dang / mu stegs can gyis bsnyen bkur byed pa'o/ /gzhan yang bsnyen bkur byed pa la rnam pa gnyis te/ chad pa'i las dang / dngos po spyad pa'o/ /yid mgu bar bya ba la rnam pa gnyis te/ chad pa'i las dang / nga rgyal spang ba'o/ /gzhan yang yid mgu bar bya ba la rnam pa gnyis te/ chad pa'i las dang / dngos po spyod pa'o/ /gzhi nas bslang ste yid mgu bar bya ba la rnam pa gnyis te/ chad pa'i las dang / smad pa'o/ /smad pa la yang rnam pa gnyis te/ chad pa'i las dang / so sor thar pa la smad pa'o/ /bskrad pa la rnam pa gnyis te/ chad pa'i las dang / dge 'dun gyi 'og khrims su bcas pa'o/ /slar bsdum par bya ba la rnam pa gnyis te/ chad pa'i las dang / dge 'dun gyi 'og khrims bcas pa'o/ /bskar ba la rnam pa gnyis te/ chad pa'i las dang / dge 'dun gyis 13-1-27a mkhyen pa'o/ /tshangs pa la rnam pa gnyis te/ chad pa'i las dang / dge ba'i sems bskyed pa'o/ /gzhan yang tshangs pa la rnam pa gnyis te/ chad pa'i las dang / bslab pa yongs su rdzogs pa'o/ /gang zag gnyis la bsdigs pa'i las bya ste smad pa dang / bskrad pa dang / bsdum pa dang / ma mthong ba'i phyir spang ba dang / slar las mi byed pa'i phyir spang ba dang / sdig pa la lta ba ma btang ba'i phyir spang ba'i las dang chad pa dang gzhi nas bslang ba'i chad pa dang / yid mgu bar bya ba dang / gzhi nas bslang ba'i yid mgu bar bya ba dang / gzhi nas bslang ba dang / tshangs par spyod pa'i las rnams bya'o/ /dge slong dang dge slong ma gnyis la bsdigs pa'i las rnams bya ste/ smad pa dang / bskrad pa dang / slar bsdum pa dang / ma mthong ba'i phyir spang ba dang / slar las ma byas pa dang / lta ba ma btang bas spang ba rnams kyi las bya'o/ /bsnyen par rdzogs pa dang / bsnyen par ma rdzogs pa gnyis la chad pa dang / gzhi nas bslang ba'i chad pa dang / yid mgu ba dang / gzhi nas bslang ba'i mgu ba dang / gzhi nas bslang ba dang / dbyung ba'i las rnams bya'o/ /dge slob ma dang / dge tshul pha yang de bzhin no/ /nyes pa las byung ba la rnam pa gnyis te/ dmigs pa dang mi dmigs pa'o/ /nyes pa dbyung ba la rnam pa gnyis te/ dmigs pa dang / mi dmigs pa'o/ /rtsod pa la rnam pa gnyis te/ dge slong pha dang / dge slong ma'o/ /gzhan yang rtsod pa la rnam pa gnyis te/ dge slong dang / dge slob ma'o/ /gzhan yang rtsod pa la rnam pa gnyis te/ dge slong dang / dge tshul ma'o/ /gzhan yang rtsod pa la rnam pa gnyis te/ dge slong dang / dge tshul pha'o/ / 'dul ba gcig po yan chad pa'i sgo dang po rdzogs s+ho// //'dul ba gzhung dam pa/bam po nyi shu drug pa/ de la sgo gnyis pa'i mdor bsdus pa ste/ nyes pa gsum dang mi rigs par/ /bcas pa 'das par bcas pa dang / /chad pa de bzhin 13-1-27b las gnyis te/ /rjes su bstan dang dbyung de bzhin/ /mdor na/ rdul gyi nyes pa gsum po dang / /'dul ba dag dang sgo gsum dang / /sdud pa gnyis dang las gnyis dang / /bslab par bya ba rnam pa gnyis/ /rdul gsum la 'dod chags kyi rdul dang / zhe sdang gi rdul dang /gti mug gi rdul to/ /lus las byung ba'i nyes pa gsum ste/ 'dod chags las byung ba dang / zhe sdang las byung ba dang / gti mug las byung ba'o/ /ngag las byung ba'i nyes pa gsum ste/ 'dod chags las byung ba dang / zhe sdang las byung ba dang / gti mug las byung ba'o/ /'dul ba ma yin pa las byung ba rnam pa gsum ste/ 'dod chags las byung ba dang / zhe sdang las byung ba dang / gti mug las byung ba'o/ /'dul ba la rnam pa gsum ste/ 'dod chags 'dul ba dang / zhe sdang 'dul ba dang / gti mug 'dul ba'o/ /gnas gsum du nyes pa thams cad 'dus par 'gyur te byung ba dang / bcas pa dang / rnam par phye ba'o/ /las rnam pa gsum gyi nyes pa thams cad mnyam par 'jug par 'gyur te/ gsol ba dang / gsol ba dang gnyis dang / gsol ba dang bzhi'i las rnams so/ /las rnam pa gsum gyis na gzu bor byed de/ las dang so sor thar pa'i las dang / chad pa'i las so/ /bslab pa la rnam pa gsum ste/ lhag pa'i tshul khrims la bslab pa dang / lhag pa'i sems la bslab pa dang / lhag pa'i shes rab la bslab pa'o/ /gzhan yang bslab pa gsum ste/ kun tu spyod pa la slob pa dang / lhag pa'i 'dul ba dang / lhag pa'i so sor thar pa la slob pa'o/ /mdor na/ nyes par 'gyur ba gsum po dang / /rtsod pa la yang rnam pa gsum/ /las dang dge 'dun 'byed pa dang / /shin tu bcas pa'ang de bzhin no/ /nyes par 'gyur ba'i las gsum gyis nyes par 'gyur te/ lus kyi las dang / ngag gi las dang / yid kyi las so/ /rtsod pa rnam pa gsum ste/ dge ba dang / mi dge ba dang / lung du mi ston pa'o/ /las gsum 13-1-28a ste/ chos kyi las dang / chos ma yin pa'i las dang / mthun pa'i las so/ /dge 'dun 'byed pa la rnam pa gsum ste/ dge ba dang / mi dge ba dang / lung du mi ston pa'o/ /gnas gsum gyis na bcas pas mi chags te/ byung ba dang / bcas pa dang / rjes su bcas pa'o/ /mdor na/gnas par mi rigs mi gnas dang / /so sor gnas pa'ang de bzhin te/ /mchod pa bsnyen bkur phyag bya dang / /ldang bar bya dang thal mo sbyar/ /gnas gsum gyis gnas pa'i 'os ma yin par 'gyur te/ nyes pa dang / nyes pa med pa dang bcas pa'o/ /rnam pa gsum gyis na mi gnas par 'gyur te/ nyes pa dang / nyes pa med pa dang bcas pa'o/ /rnam pa gsum gyis na so sor gnas par 'gyur te/ nyes pa dang / nyes pa med pa dang bcas pa'o/ /mchod par 'os pa gsum ste/ de bzhin gshegs pa dgra bcom pa yang dag par rdzogs pa'i sangs rgyas dang / slob pa dang / mi slob pa rnams so/ /gzhan yang mchod par 'os pa rnam pa gsum ste/ slob dpon dang / mkhan po dang / tshangs pa mtshungs par spyod pa shin tu rgan pa rnams so/ /ji ltar mchod par 'os pa de bzhin du bsnyen bkur bya ba dang / phyag bya ba dang / ldang ba dang / thal mo sbyar ba'i 'os rnams kyang rigs par shes par bya'o/ /mdor na/ bcas pa gnyis su bya ba dang / /skabs dbye rnam pa bzhi po dang / /sdom pa dang ni grogs po dang / /bzhag pa de ni tha ma'o/ /bcas pa rnam pa gsum ste/ byung ba las bcas pa dang / nyes pa las bcas pa dang / rnam par dbye bar bcas pa'o/ /gzhan yang bcas pa rnam pa gsum ste/ rjes su bsrung bar bcas pa dang / rjes su bstan par bcas pa dang / rjes su phan par bcas pa'o/ /skabs dbye ba rnam pa gsum ste/ skabs dbye ba dang / so sor skabs dbye ba'o/ /gzhan yang skabs dbye ba rnam pa gsum ste/ dad pas skabs dbye ba dang / yongs su dag 13-1-28b pas skabs dbye ba dang / nor gyis skabs dbye ba'o/ /gzhan yang skabs dbye ba rnam pa gsum ste/ lhung bzed kyi skabs dbye ba dang / chos gos kyi skabs dbye ba dang / zang zing gi skabs dbye ba'o/ /gzhan yang skabs dbye ba rnam pa gsum ste/ sman gyi skabs dbye ba dang / dus su skabs dbye ba dang / ma nges par skabs dbye ba'o/ /sdom pa rnam pa gsum ste/ dge 'dun gyi sdom pa dang / sbyin bdag gi sdom pa dang / sman pa'i sdom pa'o/ /grogs po rnam pa gsum ste/ tha ma dang / 'bring dang / dam pa'o/ /gzhag pa rnam pa gsum ste/ rnyed pa gzhag pa dang / mtshams gzhag pa dang / gang zag gzhag pa'o/ /mdor na/ 'das dang bcas pa rnam bzhi dang / /nyes pa rnam pa gnyis po dang / /bsgo ba la yang rnam bzhi dang / /zhal ta ba la rnam gnyis so/ /phyag byas na 'das pa dang bcas par 'gyur ba rnam pa gsum ste/ sngon nyes pa byung ba dang / rkun gnas pa dang / so sor gnas pa la'o/ /gzhan yang phyag byas na 'das pa dang bcas par 'gyur ba rnam pa gsum ste/ ngo tsha ba med pa dang / 'khon pa dang / rjes su phyogs pa'o/ / phyag ma byas na 'das pa dang bcas par 'gyur ba rnam pa gsum ste/ de bzhin gshegs pa dgra bcom pa yang dag par rdzogs pa'i sangs rgyas dang / btsun pa rnams dang / tshangs pa mtshungs par spyod pa shin tu rgan pa la'o/ /gzhan yang phyag ma byas na 'das pa dang bcas par 'gyur ba rnam pa gsum ste/ de bzhin gshegs pa dgra bcom pa yang dag par rdzogs pa'i sangs rgyas dang / mkhan po dang / tshangs pa mtshungs par spyod pa shin tu rgan pa rnams so/ /phyag ma byas kyang nyes pa med pa rnam pa gsum ste/ sngar nyes pa byung ba dang / rkun gnas dang / so sor gnas pa'o/ /gzhan yang phyag ma byas kyang nyes pa med pa rnam pa gsum ste/ ngo tsha ba med pa dang / 'khon pa dang / rjes su phyogs pa'o/ /bsgo ba rnam pa gsum ste/ dge 'dun gyis bsgo ba dang / gang zag gis 13-1-29a bsgo ba dang / so sor thar pas bsgo ba'o/ /gzhan yang bsgo ba rnam pa gsum ste/ dge 'dun gyis bsgo ba dang / sdes bsgo ba dang / dge 'dun gyi gnas brtan gyis bsgo ba'o/ /gzhan yang bsgo ba rnam pa gsum ste/ slob dpon gyis bsgo ba dang / mkhan pos bsgo ba dang / dge 'dun gyis bsgo ba'o/ /gzhan yang bsgo ba la rnam pa gsum ste/ rgyal pos bsgo ba dang / rkun pos bsgo ba dang /rigs par byed pa'i rigs kyis bsgo ba'o/ /dge 'dun gyi zhal ta ba rnam pa gsum ste/ mkhas pa dang mkhas pa bas kyang mkhas pa dang mkhas pa bas mkhas pa'i yang mkhas pa rnams so/ /gzhan yang dge 'dun gyi zhal ta ba rnam pa gsum ste/ bskos pa dang / ma bskos pa dang / gnang ba'o/ /mdor na/ chad pa shes pa dbyung ba dang / /rten pa mkhan po sdud pa dang / /sman gnyis spang bar bya ba dang / /rjes su gnang ba yul dang las/ /rgyu rnam pa bzhis na chad pa'i las dang yid mgu bar spyod pa'i dge slong gis zhag tu chad pa bgrang bar bya ste/ drang por gnas pa'i dge slong dang lhan cig skya rengs byung ba dang / dge slong med pa'i gnas su song ste skya rengs byung ba dang / ma tshang ba la chad pa med pa dang / chad pa yid mgu ba dge slong rnams la brjod par mi 'dod pa rnams so/ /shes pa la rnam pa bzhi ste/ byung ba shes pa dang / nyes pa shes pa dang / nyes pa med pa shes pa dang / langs pa shes pa'o/ / bslang ba la rnam pa bzhi ste/ mthong bas bslang ba dang / bshags pas bslang ba dang / snga nas ma byas pas bslang ba dang / mthol bas bslang ba'o/ /rton pa la rnam pa bzhi ste/ don la rton gyi yi ge la ma yin pa dang / chos la rton gyi gang zag la ma yin pa dang / nges pa'i don gyi mdo sde la rton gyi bkri ba'i don la ma yin pa dang / ye shes la rton gyi rnam par shes pa la ma yin pa'o/ /mkhan po la rnam pa bzhi ste/ mkhan po chos kyis sdud la zang zing gis ma yin pa yang yod/ mkhan po zang zing gis sdud la chos 13-1-29b kyis ma yin pa yang yod/ mkhan po chos kyis kyang sdud cing zang zing gis kyang sdud pa yang yod/ mkhan po chos kyis kyang mi sdud cing zang zing gis ma yin pa yang yod do/ /de la mkhan po gang gis chos kyis sdud la zang zing gis ma yin pa de lta bu'i mkhan po la ni shes par bya ste gnas par bya'o/ /de la mkhan po gang zang zing gis sdud la chos kyis ma yin pa de lta bu'i mkhan po la ni bltas te 'gro bar bya'o/ /de la mkhan po gang chos kyis kyang sdud la zang zing gis kyang sdud pa de lta bu'i mkhan po ni gsher zin kyang nam 'tsho'i bar du gnas par gyis shig /de la mkhan po gang chos kyis kyang mi sdud zang zing gis ma yin pa de lta bu'i mkhan po la ni ma 'gro zhes bsgo yang mi blta bar 'gro bar bya'o/ /bsdu ba'i dngos po bzhi ste/ sbyin pa dang / tshig snyan pa dang / don spyad pa dang / don mthun pa rnams so/ /sman rnam pa bzhi ste/ sman nyid mi rung la nyen kor mi rung ba yang yod/ sman nyid mi rung la nyen kor rung ba yang yod/ sman nyid rung la nyen kor mi rung ba yang yod/ sman nyid rung la nyen kor rung ba yang yod do/ /don gyi mthu bzhi la brten nas bcom ldan 'das kyis dge slong rnams kyi sman gnang ste/ dus kyi mthu dang / yul gyi mthu dang / gang zag gyi mthu dang / byung ba'i mthu'o/ /spang ba la rnam pa bzhi ste/ kha na ma tho ba dang / chad pas gcad pa dang / phan gdags pa dang / dam pa'i chos la gnas pa'o/ /rjes su gnang ba rnam pa bzhi ste/ kha na ma tho ba med pa dang / chad pas ma bcad pa dang / phan gdags pa dang / bde bar spyod pa'o/ /yul rnam pa bzhir de bzhin gshegs pa'i nyan thos kyi bslab pa bca' ste/ ye shes kyi yul dang / chos kyi yul dang / gang zag gi yul dang / cho 'phrul gyi yul lo/ /las rnam pa bzhi ste/ phan gdags pa'i las dang / nan tur gyi las dang / chad pa'i las dang / spyod pa la gnas pa'i las rnams so/ /mdor na/ las la khas len dad pa dang / /'jebs 13-1-30a par bcas pa'i las lnga dang / /rnam dag las dang 'dul ba dang / /nan tur chad pa de bzhin no/ /las khas blang ba rnam pa lnga ste/ bdag nyid kyi las byed pa dang / mngon sum du gyur nas khas len pa dang / dad pa 'bul ba dang / rang gi lta ba khas brjod pa dang / cang mi smra bar khas len pa rnams so/ /mtshams kyi nang du mngon sum du mi gnas pa lngas dad pa phyin pa'i las bya'i/ mang po mngon sum du 'dus pa'i nang du ni ma yin te/ rkun gnas dang / so sor gnas pa dang / mi gnas pa dang / rjes su phyogs pa dang / dge slong ma sun phyung ba'o/ /ma byas par mi gnang ba'i las bya ba lnga ni gnas 'di zhes bya bar khyod la bya'o/ /'dir dge 'dun gyi nang du khyod la bya'o/ /gnas gzhan gyi dge 'dun dag gi nang du khyod la bya'o/ /nyes pa de lta bu khyod la bya'o/ /zhes des de la nyes pas bsdigs nas nyes pa rab tu bzhag ste/ dam dem dang bcas/ 'jebs pa dang bcas/ gsob tu dbyung ba dang / bcas par byas nas gtong ba'o/ /bshags pa'i las dang / byin gyis brlabs pa'i las dang / bsgo ba'i las dang / rjes su gnang ba'i las dang / spyod pa la gnas pa'i las so/ /rnam par dag pa'i las lnga ste/ chad pa dang / gzhi nas bslang ba'i chad pa dang / yid mgu ba dang / gzhi nas bslang ba'i yid mgu ba dang / dbyung ba rnams so/ /gdul ba'i dngos po lnga ste/ bsdigs pa dang / smad pa dang / bskrad pa dang / slar bsdum pa dang / spang ba rnams so/ /smad pa'i dngos po rnam pa lnga ste/ bsdigs pa dang / smad pa dang / bskrad pa dang / bsdum pa dang / spang ba rnams so/ /chad pa'i las rnam pa lnga ste/ de dag nas spang ba'i bar du brjod par bya'o/ /mdor na/ dge 'dun nang na spyod pa gnyis/ /gnas brtan bag med sgo gnyis dang / /shen dman gyur dang rtsod pa dang / /bdag dang bdag shes de bzhin no/ /dge 'dun gyi nang na spyod pa'i dge slong gis dge 'dun gyi drung du 'gro ba na chos rnam pa lngas dran pa nang du nye bar gzhag 13-1-30b ste/ dge 'dun gyi nang du 'gro bar bya'o/ /lnga gang zhe na/ rim gror bcas pa dang / bsti stang du bcas pa dang / 'jigs pa'i dbang du 'gyur bar bcas pa dang / dman pa'i yid du bcas pa dang / phyag dar ba dang mnyam pa'i sems dang stan la 'dug par mkhas pa'o/ /dge 'dun gyi nang na spyod pa'i dge slong gis gzhan yang chos rnam pa lngas nang du dran pa nye bar gzhag ste/ dge 'dun gyi nang du 'gro bar bya'o/ /lnga gang zhe na/ byams pa'i sems dang / phan pa'i sems dang / snying brtse ba'i sems dang / snyan par smra ba dang / tshig rtsub po mi smra ba rnams so/ /dge 'dun gyi nang na chos ma yin par rtsod pa'ang yod de/de la dge 'dun gyi nang na spyod pa'i dge slong gis chos dang mthun pa'i phyogs la brten par bya'o/ /yang na rang gi lta ba brjod nas stan las langs te 'gro bar bya ste/ de'i gleng gzhi mi dkrug par rnal 'byor du brtson par gnas par bya'o/ /chos rnam pa lnga dang ldan pa'i gnas brtan gyi dge slong ni bsdigs par bya'o/ /tshar gcad par bya'o/ /spang bar bya'o/ /phyogs med par bya'o/ /sma dbab par bya'o/ / spa gong bar bya'o/ /dogs pa dang / the tshom dang / 'gyod pa rnams skye bar bya'o/ /dam dem du bcas/ 'jebs par bcas/ gsog tu dbyung bar bcas par bya ste/ lnga gang zhe na/ tshul khrims ngan pa yin/ tshul khrims la nyes pa byung zhing log par lta ba yin/ phyin ci log tu lta zhing ngo tsha med pa yin/ 'khor ngo tsha med cing rgol ba dang / slar rgol ba'i dge slong rnams 'thab pa dang / mtshang 'dru ba dang / 'khon pa dang / 'khrugs pa rnams su bskul ba yin/ rgol ba dang / slar rgol ba'i dge slong rnams chos ma yin pa la sten du 'jug pa'o/ /chos rnam pa lnga dang ldan pa'i dge slong ni dge bsnyen ma rnams kyis ma dad pa tshor bar bya bar rigs te/ lnga gang zhe na/ khyim pa rnams la kha zer ba dang / khyim pa rnams la mi snyan par smra ba dang / khyim pa rnams kyi skyon nas brjod pa dang / khyim 13-1-31a pa rnams la don ma yin pa dang / mi phan pa'i rnyed pa la zhugs pa yin no/ /gzhan yang chos rnam pa lnga dang ldan pa'i dge slong ni dge bsnyen phas ma dad pa tshor bar bya bar rigs te/ lnga gang zhe na/ sangs rgyas la ngan du brjod pa dang / chos la ngan du brjod pa dang / dge 'dun la ngan du brjod pa dang / mi spyad pa spyod pa dang / dge slong gi bslab pa la ma mos pa'o/ /chos rnam pa lnga dang ldan pa'i dge bsnyen ni dge 'dun gyi lhung bzed khas phub par 'os te/ lnga gang zhe na/ dge slong dag la kha zer ba dang / dge slong dag la mi snyan par smra ba dang / dge slong dag la ngan du brjod pa dang / dge slong rnams la mi phan pa dang / don ma yin par byed pa dang / rnyed par 'dod pa dang / zhugs pa rnams yin no/ /gzhan yang chos rnam pa lnga dang ldan pa'i dge bsnyen ni dge 'dun gyi lhung bzed khas dbub par 'os te/ lnga gang zhe na/ sangs rgyas la ngan du brjod pa dang / chos la ngan du brjod pa dang / dge 'dun la ngan du brjod pa dang / mi spyad pa spyod pa dang / dge bsnyen gyi bslab pa la mi slob pa'o/ /chos rnam pa lnga dang ldan pa'i 'dul ba 'dzin pa ni rtsod pa zhi bar byed mi nus pa ste/ lnga gang zhe na/ shen dman par gyur pa dang / log shig tu 'gro ba dang / mang du smra bar gyur pa dang / tshig kyal par smra ba dang / mi phan pa sdud par gyur pa yin te/ de rnam pa lnga las dkar po'i phyogs su bzlog pa yang brjod par bya'o/ /gzhan yang chos rnam pa lnga dang ldan pa'i 'dul ba 'dzin pa ni rtsod pa zhi bar byed mi nus pa ste/ lnga gang zhe na/ 'khrul pa 'dzin pa dang / gsang ba'i tshig 'dzin pa dang / tshig mang po 'dzin pa dang / ma nges par 'dzin pa dang / lan gsum gyi bar du dam bcar ma bcug par mchod pa yin te/ dkar po'i phyogs su bzlog par yang rnam pa lngar brjod par bya'o/ /gzhan yang chos rnam pa lnga dang ldan pa'i 'dul ba 'dzin pa ni rtsod pa zhi bar byed mi nus te/ lnga gang zhe na/ bdag gis smra ba mthar thug par mi 13-1-31b shes pa dang / gzhan gyi tshig mthar mi 'byin pa dang / mi nyan pa dang / grags par mi byed pa yin te/ dkar po'i phyogs su yang bzlog pa rnam pa lngar brjod par bya'o/ /gzhan yang chos rnam pa lnga dang ldan pa'i 'dul ba 'dzin pa ni rtsod pa shin tu zhi bar byed mi nus pa yin te/ ma bsgo ba bsgo bar mi byed pa yin/ yang dag par ma bsgo ba yang dag par bsgo bar mi byed pa yin/ mi sems pa sems par mi byed pa yin/ rgol ba dang / slar rgol ba'i dge slong rnams 'thab pa dang / mtshang 'dru ba dang / 'khon pa dang / rtsod pa rnams su skul ba yin/ rgol ba dang slar rgol ba'i dge slong rnams chos ma yin pa'i phyogs la sten pa yin te/ rnam pa lnga las dkar po'i phyogs su bzlog par yang brjod par bya'o/ /mdor na/ rjes su bstan dang rtsod pa dang / /las dang rgol ba 'dzin pa dang / /chos ma yin pa mdo sde 'dul/ /ma bskos byung dang nyes de bzhin/ /chos rnam pa lnga dang ldan pa'i 'dul ba 'dzin pa ni rjes su ston par byed mi nus te/ lnga gang zhe na/ rjes su bstan pa'i ngag lnga mi shes pa dang / slar rgol ba mi shes pa dang / chos su rjes su sbyor ba mi shes pa dang / chos ma yin pa'i rjes su sbyor ba mi shes pa dang / yi dam ma bcas pa yin te/ slar dkar po'i phyogs su bzlog pa'ang rnam pa lngar brjod par bya'o/ /chos rnam pa lnga dang ldan pa'i 'dul ba 'dzin pa ni rtsod pa zhi bar byed mi nus pa yin te/ lnga gang zhe na/ rtsod pa mi shes pa dang / rtsod pa ci las byung ba mi shes pa dang / rtsod pa bsdu ba mi shes pa dang / rtsod pa zhi bar bya ba mi shes pa dang / rtsod pa zhi bar byas kyang nyes pa phyis mi 'byung ba la mi mkhas pa yin te/ slar dkar po'i phyogs su bzlog pa'ang rnam pa lngar brjod par bya'o/ /chos rnam pa lnga dang ldan pa'i 'dul ba 'dzin pa ni las byed mi nus pa yin te/ lnga gang zhe na/ des don sbyin pa la shin tu rnam par ma dag cing gcig nas gcig tu bsgo ba yin te/ kun dga' bo dge tshul gyi tshig gis bsgo zhing 13-1-32a mdo sde'i tshig mi shes pa yin/ gsol ba'i las mi shes pa/ gsol ba dang gnyis kyi las mi shes pa/ gsol ba dang bzhi'i las mi shes pa yin/ bsgo ba'i las mi shes pa dang / byin gyis brlabs pa'i las mi shes pa ste/ slar dkar po'i phyogs su bzlog pa'ang rnam pa lngar brjod par bya'o/ /chos rnam pa lnga dang ldan na rgol ba'i dge slong gis tshig mi gzung ba yin te/ lnga gang zhe na/ de'i don sbyin pa shin tu rnam par ma dag cing gcig nas gcig tu bsgo bar mi byed pa dang / kun dga' bo'i dge tshul gyi tshig gis ston pa dang / mdo sde'i gzhi mi shes pa dang / ji ltar gsungs pa mi mngon pa'i gnas nas gsungs pa mi shes pa dang / gang la gnas nas rnam par sbyong ba ste/ slar dkar po'i phyogs su bzlog pa'ang rnam pa lngar brjod par bya'o/ /chos rnam pa lnga dang ldan na slar rgol ba'i dge slong gi tshig gzung du mi rung ba yin te/ lnga gang zhe na/ rgol ba'i dge slong gis dris pa gzhan la gzhan gyi rngod pa dang / gtam rlung skur ba dang / dag pa'i dge slong la 'tshe ba dang / phyogs la gnas nas nyes pa shes kyang nyes pa mi shes so zhes zer ba ste/ slar dkar po'i phyogs su bzlog pa'ang rnam pa lngar brjod par bya'o/ /chos rnam pa lnga dang ldan pa'i 'dul ba 'dzin pa ni rtsod pa zhi bar byed mi nus pa yin te/ lnga gang zhe na/ rgol ba dang / slar rgol ba'i dge slong rnams chos ma yin pa'i phyogs la bsnyen par byed pa dang / rgol ba dang / slar rgol ba'i dge slong rnams 'thab pa dang / mtshang 'dru ba dang / 'khon pa dang / rtsod pa rnams la skul ba yin/ dge slong gzu bo rnams kyi mdo sde'i tshig mi nyan pa dang / dge slong gtso bo rnams la skur pa 'debs pa dang / rtsod pa'i thog ma dang bar ma dang tha ma la mi mkhas pa yin te/ slar dkar po'i phyogs su bzlog pa'ang rnam pa lngar brjod par bya'o/ /chos rnam pa lnga dang ldan pa'i 'dul ba 'dzin pa ni mdo sde'i yon tan shes par mi nus pa yin te/ lnga gang zhe na/ mdo sde la mi mkhas pa yin 13-1-32b 'dul ba la mi mkhas pa yin/ ma lta bu la mi mkhas pa dang / rnam par 'byed pa la mi mkhas pa dang / lung kha ton du ma lobs pa yin te/ slar dkar po'i phyogs su bzlog pa'ang rnam pa lngar brjod par bya'o/ /gzhan yang chos rnam pa lnga dang ldan pa'i 'dul ba 'dzin pa ni mdo sde'i yon tan shes par mi nus pa yin te/ lnga gang zhe na/ nyi tshe ba dang / thams cad dang ldan pa'i 'dul ba mi shes pa dang / re zhig pa dang / dus thams cad pa'i 'dul ba mi shes pa dang / nyes pa'i 'dul ba mi shes pa dang / rtsod pa'i 'dul ba mi shes pa dang / nyon mongs pa'i 'dul ba mi shes pa ste/ slar dkar po'i phyogs su bzlog pa'ang rnam pa lngar brjod par bya'o/ /chos rnam pa lnga dang ldan pa'i 'dul ba 'dzin pas mdo sde'i yon tan shes par mi nus te/ lnga gang zhe na/nyes pa'i 'dul ba dang / rtsod pa'i 'dul ba dang / nyi tshe ba dang / thams cad dang ldan pa dang / re zhig pa dang / dus thams cad pa'i rnams la nges par ma gyur pa yin no/ /chos rnam pa lnga dang ldan pa'i 'dul ba 'dzin pa ni rtsod pa zhi bar byed mi nus pa yin te/ lnga gang zhe na/ ma bskos pa las zhi bar byed pa dang / nyes pa mi ston pa dang / chad pa'i las mi gcod pa dang / rnam par dag pa nye bar mi ston pa dang / 'dis dge 'dun gyis bsgo ba bzhin ma byas par gyur pa ste/ slar dkar po'i phyogs su bzlog pa'ang rnam pa lngar brjod par bya'o/ /chos rnam pa lnga dang ldan pa'i 'dul ba 'dzin pa ni nyes pa ston par mi nus te/ lnga gang zhe na/ nyes pa mi shes pa dang / nyes pa med pa mi shes pa dang / lci ba mi shes pa dang / yang ba mi shes pa dang / 'dis so sor thar pa'i mdo kha thon ma lobs pa yin te/ slar dkar po'i phyogs su bzlog pa'ang rnam pa lngar brjod par bya'o/ /gzhan yang chos rnam pa lnga dang ldan pa'i 'dul ba 'dzin pas nyes pa ston par mi nus te/ lnga gang zhe na/ byung ba mi shes pa dang / bcas pa mi shes pa dang / rjes su bcas pa mi shes pa dang / spang ba mi shes pa dang / rjes su gnang ba mi 13-1-33a shes pa ste/ slar dkar po'i phyogs su bzlog pa'ang rnam pa lngar brjod par bya'o/ /mdor na/ ldang dang las dang g.yogs pa dang / /me byin pa dang mal stan rnams/ /sems 'khrugs pho mtshan khu ba dang / /gaN+DI dang ni bskos pa'o/ /nyes pa ldang ba rnam pa lnga ste/ lnga gang zhe na/ gsol bas ldang ba dang / gsol ba mi dgos pas ldang ba dang / brdas ldang ba dang / don dam pas ldang ba dang / dge slong ma dang thun mong ma yin pa las 'das shing mtshan gyur pa'o/ /rgyu lngas na chos ma yin pa'i las dang 'dul ba ma yin pa'i las byas par 'gyur te/ lnga gang zhe na/ mngon sum du ma gyur par byed pa dang / ma glengs pa dang / dran par ma byas pa dang / dngos po med pa dang / yi dam ma bcas pa'o/ /rnam pa ldas na las byed pa'i dge slong mda' 'phangs pa bzhin du lus 'gyel te shi ma thag tu ngan song ngan 'gro log par ltung ba sems can dmyal bar skye ste/ lnga gang zhe na/ 'dod pa'i phyir 'gro/ zhe sdang dang / gti mug dang / 'jigs pa'i phyir 'gro/ las byas pa dang / ma byas pa mi shes pa'o/ /rgyu lngas na dge slong gi pha rol nas ma byin pa blangs na phas pham pa'i nyes par 'gyur te/ lnga gang zhe na/ bdag gi bar 'du shes med par blangs pa dang / skad cig brnya ba'i 'du shes med par blangs pa dang / yid gcugs pa'i 'du shes med par blangs pa dang / len pa na gzhan shes par byas nas ma blangs pa dang / rku sems nye bar gnas pa yin te/ slar dkar po'i phyogs su bzlog pa'ang rnam pa lngar brjod par bya'o/ /mal stan mi spyad pa rnam pa lngar shes par bya ste/ lnga gang zhe na/ dud pa dang / rdul khrod dang / chu dang / 'dren pa dang / drud pa dang lnga'o/ /rgyu lngas na sems 'khrugs par 'gyur te/ lnga gang zhe na/ gnyen bshes zad pa dang / longs spyod zad pa dang / khams ma mnyam pa dang / mi ma yin pas brlams pa dang / sngon gyi las kyi rnam par smin pa'o/ /gzhan yang rgyu lngas 13-1-33b na sems 'khrugs par 'gyur te/ lnga gang zhe na/ rlung bskyod pa dang / mkhris pa dang / bad kan dang / 'dus pa dang / sngon gyi las kyi rnam par smin pa'o/ /gzhan yang rgyu lngas na sems 'khrugs te/ lnga gang zhe na/ mi ma yin pas brdeg pa dang / mi ma yin pas sems 'khrugs pa dang / mi ma yin pas mdangs phrogs pa dang / khams ma mnyam pa dang / sngon gyi las kyi rnam par smin pa'o/ /rgyu lngas 'dod chags dang ma bral ba'i pho mtshan las su rung bar 'gyur te/ bshang ba 'gags par gyur pa dang / gci ba 'gags par gyur pa dang / rlung 'gags par gyur pa dang / srog chags u tsa ting kas zin par gyur pa dang / 'dod pa'i 'dod chags kyis kun tu dkris par gyur pa dang lnga'o/ /khu ba rnam pa lnga ste/ sngon po dang / ser po dang / dmar po dang / bska ba dang / sla ba dang lnga'o/ /gaN+DI brdung ba la rnam pa lnga ste/ dge 'dun thams cad kyi gaN+DI dang /las kyi gaN+DI dang / shi ba'i gaN+DI dang / nyes pa'i gaN+DI dang / spang ba'i gaN+DI dang lnga'o/ /dge 'dun thams cad kyi gaN+DI de ni rgyud gsum dang drag po gsum mo/ /las kyi gaN+DI ni rgyud gnyis dang drag po gcig go/ /shi ba'i gaN+DI ni rgyud gcig pa'o/ /nyes pa'i gaN+DI ni nam zhi bar gyur gyi bar du'o/ /spang ba'i gaN+DI ni khar gsil lo/ /chos rnam pa lnga dang ldan pa'i dge slong gis dge slong ma la lung bsgo bar bya ste/ lnga gang zhe na/ tshul khrims dang ldan par gyur pa dang / mang du thos pa dang / gnas brtan rgyal por gyur pa dang / grong khyer gyi skad dang ldan par gyur pa dang / des dge slong ma la lus kyis bskyod pas sun ma phyung bar gyur pa'o/ /ji ltar na tshul khrims dang ldan pa yin zhe na/ phas pham pa bzhi las gang yang rung ba 'das par ma gyur pa'o/ /ji ltar na mang du thos pa yin zhe na/ des so sor thar pa'i mdo bshad pa'am kha ton du byas par gyur pa'o/ /ji ltar na gnas brtan rgyal po lta bur gyur pa yin zhe na/ bsnyen par rdzogs nas lo nyi shu lon par gyur pa'am/ yang 13-1-34a na de las 'das pa'o/ /de ste dge slong ma la lus kyis bskyod pas sun phyung bar ma gyur tam/ yang na nyes pa de 'dis ji ltar chos bzhin du byas par gyur pa'o/ /sgo gnyis po rdzogs s+ho// //sgo gsum po'i mdo bsdus pa ste/ rtsod dang mgu bar byed pa dang / /nor rnyed gang zag de bzhin te/ /u pA li 'dul chad pa dang / /rab 'byung sbyin pa de bzhin no/ /mdor na/ 'khrug pa'i rtsa ba bsgo ba drug /las dang bstan pa'ang de bzhin te/ /bstabs par bya ba nyams pa dang / /bzlog par bya ba'ang de bzhin no/ /dge slong dag 'di la 'khrug pa'i rtsa ba ni drug ste/ dge slong khro zhing 'khon pa yang yod de/ dge slong dag dge slong khro zhing 'khon du 'dzin par gyur pa gang yin pa des ni ston pa la bla mar mi byed/ bkur stir mi byed/ phu dud du mi byed/ mchod par mi byed de/ des ston pa la bsti stang du ma byas/ bla mar ma byas/ bkur stir ma byas/ phu dud du ma byas/ mchod par ma byas pas na chos mi mthong ngo / /chos ma mthong bas dge 'dun la rim gror byed par mi spyod do/ /dge 'dun la rim gro med par spyad pas dge sbyong nyid la bag med par spyod do/ /dge sbyong nyid la bag med par spyod pas ji nas dge 'dun la 'thab pa dang / mtshang 'dru ba dang / 'khon pa dang / rtsod pa de lta bu skyed par 'gyur te/ 'thab pa dang / mtshang 'dru ba dang / 'khon pa dang / rtsod pa rnams ni skye bo mang po la phan pa ma yin te/ skye bo mang po'i don ma yin gyi/ skye bo mang po la sdug bsngal bar byed do/ /lha dang mi rnams la yang don ma yin pa dang / mi phan pa dang / sdug bsngal bar byed do/ /dge slong [(]khyad[,]khyed [)]rnams la 'di lta bu'i rtsod pa'i rtsa ba nang ngam phyi rol na yod la bdag nyid kyis ma spangs par rjes su mthong ba dang / de la khyed dang lhan cig tu mthun zhing shin tu dga' bar byos la rab tu dad pa'i brtson 'grus dang brtsal ba dang spro ba skyed cig /spro ba bskyed nas rtsod pa'i rtsa ba de ma btang gi bar du dran pa dang / shes pa mi gtang bar brtson 13-1-34b par byos shig /de bzhin du dge slong khyed cag gis rtsod pa'i rtsa ba nang ngam phyi rol na yod pa ma spangs pa mthong na/ der khyed dang lhan cig tu mthun zhing dga' bar byos la sems kyis shin tu bsrung ba'i dran pas rtsod pa'i rtsa ba de'i nyes pa zad par ma gyur gyi bar du brtson par byos shig dang / khyed kyi rtsod pa'i rtsa ba de yang dag par bcom nas phyis kyang mi 'byung bar 'gyur ro/ /khon du 'dzin pa ji lta ba de bzhin du 'chab pa dang / 'tshig pa dang / phrag dog dang / 'jungs pa dang / g.yo dang / sgyu dang / ngo tsha med pa dang / mi 'dzem pa dang / rang gi lta ba snyems par gyur pa rnams yin te/ bab bab tu 'dzin pa spang dka' ba'i tshig rnams rgyas par brjod par bya'o/ /bsgo ba rnam pa drug ste/ sangs rgyas kyis bsgo ba dang / dge 'dun gyis bsgo ba dang / slob dpon gyis bsgo ba dang / mkhan pos bsgo ba dang / rgyal pos bsgo ba dang / rkun pos bsgo ba'o/ /dge bsnyen phas byar mi rung ba'i las drug ste/sems can 'tshong ba dang / mtshon cha 'tshong ba dang / chang 'tshong ba dang / dug 'tshong ba dang / rgya skyegs kyi las dang / 'bru mar byed pa'i las so/ /nag por bstan pa drug ste/ 'di ltar dge slong dag la dge slong zhig 'di skad du tshe dang ldan pa kho bos ni bcom ldan 'das las mngon sum du thos/ mngon sum du blangs te/ 'di ni chos so/ /'di ni 'dul ba'o/ /'di ni ston pas bstan pa'o zhes zer na/ dge slong des smras pa de la spro bar yang mi bya/ smad par yang mi bya ste/ spro bar yang mi bya/ smad par yang mi bya bar tshig dang don dang 'bru rnams zung la mdo sde dang gtugs shing 'dul ba la ltos shig /de ste mdo sde dang gtugs/ 'dul ba la bltas kyang mdo sde dang yang mi mthun/ 'dul ba las kyang mi 'byung chos nyid dang yang 'gal na dge slong de la 'di skad du ji ltar tshe dang ldan pa khyod kyi chos 'di ni bcom ldan 'das kyis ma gsungs so/ /yang na tshe dang ldan pas chos 'di log par bzung ngo / /de lta bas na kho bos chos 'di mdo sde dang yang 13-1-35a gtugs/ 'dul ba la yang bltas na/ mdo sde dang yang mi mthun/ 'dul ba las kyang mi 'byung/ chos nyid dang yang 'gal bas 'di ni chos ma yin/ 'di ni 'dul ba ma yin/ 'di ni ston pas bstan pa ma yin par shes par byos la bor cig ces sgo shig /gzhan yang dge slong dag la dge slong zhig 'di skad du tshe dang ldan pa dag gnas 'di zhes bya ba na gnas brtan du bcas so sor thar pa bcas pa'i dge slong gi dge 'dun chen po dag gnas te/ tshe dang ldan pa kho bos ni dge slong gi dge 'dun de dag las mngon sum du thos/ mngon sum du blangs pas 'di ni chos so/ /'di ni 'dul ba'o/ /'di ni ston pas bstan pa'o zhes zer na/ dge slong des de la spro ba dang / smad par mi bya bar tshig dang don dang 'bru rnams zung la mdo sde dang gtugs shing/ 'dul ba la ltos shig /de ste mdo sde dang gtugs/ 'dul ba la bltas kyang/ mdo sde dang yang mi mthun/ 'dul ba las kyang mi 'byung la/ chos nyid dang 'gal na/ dge slong de la 'di skad du tshe dang ldan pa khyod kyis gnas brtan dang bcas/ so sor thar pa dang bcas pa'i dge slong gi dge 'dun gyi chos su 'du shes/ 'dul bar 'du shes te chos ma yin 'dul ba ma yin pa smras so/ /yang na tshe dang ldan pa nyid kyis chos 'di la log par bzung ngo / /de lta bas na chos 'di dag ni mdo sde dang yang gtugs/ 'dul ba la yang bltas na mdo sde dang yang mi mthun/ 'dul ba las kyang mi 'byung la chos nyid dang yang 'gal bas na 'di ni chos ma yin/ 'di ni 'dul ba ma yin/ 'di ni ston pas bstan pa ma yin par shes par byos la bor cig ces sgo shig /gzhan yang dge slong zhig 'di skad du dge slong dag gnas 'di zhes bya ba na dge slong mdo sde 'dzin pa/ 'dul ba 'dzin pa/ ma lta bu 'dzin pa mang zhig gnas te/ tshe dang ldan pa dge slong de dag la bdag gis mngon sum du thos/ mngon sum du blangs te/ 'di ni chos so/ /'di ni 'dul ba'o/ /'di ni ston pas bstan 13-1-35b pa'o zhes zer ba nas/ dge slong de la 'di skad ces bya ba smros shig ces bya ba'i bar du snga ma de bzhin te/ ji ltar tshe dang ldan pa dge slong de dag gis ni chos su 'du shes/ 'dul bar 'du shes te/ chos ma yin pa dang / 'dul ba ma yin par smras so/ /yang na tshe dang ldan pa nyid kyis chos 'di dag log par bzung ngo / /'di ltar chos 'di mdo sde dang gtugs/ 'dul ba la bltas na mdo sde dang yang mi mthun/ 'dul ba las kyang mi 'byung/ chos nyid dang yang 'gal te/ 'di ni chos ma yin/ 'dul ba ma yin/ ston pas bstan pa ma yin par shes par byos la bor cig ces sgo shig /gzhan yang dge slong zhig dge slong dag la 'di skad du tshe dang ldan pa gnas 'di zhes bya ba'i nang na dge slong gi gnas brtan gyi nang nas gnas brtan gang yang rung ba dang / gtso bo'i nang na gtso bo gang yang rung ba'i dge slong dag gnas te/ tshe dang ldan pa dge slong de dag las bdag gis mngon sum du thos/ mngon sum du bzung bas na 'di ni chos so/ /'di ni 'dul ba'o/ /'di ni ston pas bstan pa'o zhes bya ba nas/ dge slong de la 'di skad smros shig ces bya ba'i bar du snga ma bzhin te/ ji ltar tshe dang ldan pa gnas brtan gyi nang na gnas brtan gang yang rung ba dang / gtso bo'i nang na gtso bo gang yang rung ba'i dge slong gis 'di la/ chos su 'du shes 'di la 'dul bar 'du shes te chos ma yin/ 'dul ba ma yin par smras so/ /yang na tshe dang ldan pa nyid kyis chos 'di log par bzung ngo / /zhes bya ba nas shes par byos la bor cig ces bya ba'i bar du snga ma bzhin no/ /gzhan yang dge slong zhig la dge slong zhig gis 'di skad ces smras te/ tshe dang ldan pa gnas 'di zhes bya ba na dge bsnyen dad pa yid ches pa zhig yod de/ tshe dang ldan pa kho bos ni dge bsnyen de las mngon sum du thos/ mngon sum du blangs na 'di ni chos so/ /'di ni 'dul ba'o/ /'di ni ston pas bstan pa'o zhes bya ba nas/ dge slong de la 'di skad ces smros shig 13-1-36a ces bya ba'i bar du snga ma bzhin no/ /ji ltar tshe dang ldan pa khyod dge bsnyen gyis chos su 'du shes/ 'dul bar 'du shes nas chos ma yin pa dang / 'dul ba ma yin par smras so/ /yang na ni tshe dang ldan pa nyid kyis chos 'di dag log par bzung ngo zhes bya ba nas shes par byos la bor cig ces bya ba'i bar du snga ma bzhin no/ /gzhan yang dge slong dag la dge slong zhig 'di skad smras te/ tshe dang ldan pa kho bos ni lha rnams las mngon sum du thos te/ 'di ni chos so/ /'di ni 'dul ba'o/ /'di ni ston pas bstan pa'o zhes bya ba nas/ dge slong de la 'di skad smros shig ces bya ba'i bar du snga ma bzhin te/ ji ltar tshe dang ldan pa khyod la lha rnams kyis chos su 'du shes/ 'dul bar 'du shes nas chos ma yin pa dang / 'dul ba ma yin par smras so/ /yang na tshe dang ldan pa nyid kyis chos 'di dag log par bzung ngo zhes bya ba nas shes par byos la bor cig ces bya ba'i bar du snga ma bzhin no/ /bstan pa chen po drug ces bya ba ni 'di ltar dge slong dag la dge slong zhig 'di skad du tshe dang ldan pa bdag gis bcom ldan 'das las mngon sum du thos/ mngon sum du blangs te/ 'di ni chos so/ /'di ni 'dul ba'o/ /'di ni ston pas bstan pa'o zhes zer na/ dge slong des smras pa de la spro bar yang mi bya smad par mi bya ste/ spro bar mi bya smad par mi bya bar tshig dang don dang 'bru rnams bzung ste mdo sde dang gtugs par bya'o/ / 'dul ba la blta bar bya'o/ /de ste mdo sde dang gtugs/ 'dul ba la bltas kyang mdo sde dang mthun/ 'dul ba las kyang 'byung/ chos nyid dang yang mi 'gal na dge slong de la 'di skad du smros shig /ji ltar tshe dang ldan pa chos 'di dag ni bcom ldan 'das kyis gsungs te/ tshe dang ldan pas kyang chos de dag legs par bzung ngo / /de lta bas na chos 'di dag mdo sde dang gtugs/ 'dul ba la bltas na mdo sde dang yang mthun/ 'dul ba las 'byung la/ chos nyid dang yang mi 'gal bas na/ 'di ni chos so/ /'di ni 'dul 13-1-36b ba'o/ /'di ni ston pas bstan pa yin par shes par byos la gzung bar bya'o/ /lung bsgo ba chen po 'di drug rgyas par dkar po'i phyogs su yang de bzhin du brjod par bya'o/ /bstabs pa rnam pa drug ste/ dge slong la bstabs pa dang / dge slong ma la bstabs pa dang / gnyis ka la bstabs pa dang / so sor bstabs pa dang / gang zag la bstabs pa dang / sems bskyed pas bstabs pa'o/ /gzhan yang bstabs pa drug ste/ dad pas bstabs pa dang / yongs su dag pas bstabs pa dang / zang zing bstabs pa dang / yo byad bstabs pa dang / sman bstabs pa dang / dus su bstabs pa'o/ /nyams pa drug ste/ bdag nyams pa dang / gzhan nyams pa dang / tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pa'o/ /phun sum tshogs pa drug ste/ bdag phun sum tshogs pa dang / gzhan phun sum tshogs pa dang / tshul khrims phun sum tshogs pa dang / lta ba phun sum tshogs pa dang / spyod pa phun sum tshogs pa dang / 'tsho ba phun sum tshogs pa'o// //'dul ba gzhung dam pa/bam po nyi shu bdun pa/ mdor na/ mgu bar byed dang rku ba dang / /mngon sum gyur pa de bzhin te/ /nyams par gyur dang ma gyur dang / /las rnams drug dang bstan pa'o/ /mgu bar byed ces bya ba ni ston pa dang tshangs pa mtshungs par spyod pa mkhas pa rnams la bdag gi lus byams pa dang ldan pa nye bar gnas par gyur cig ces bya ba'i chos 'di ni mgu bar byed pa ste/ dga' bar byed/ bla mar byed pa yid du 'ong ba dga' bar bya ba dang / bla mar bya ba dang / bkur stir bya ba dang / bsgom par bya ba dang / gzung bar bya ba dang / mthun par bya ba dang / mi 'khon par bya ba dang / mi rtsod par bya ba dang / dngos po gcig tu 'gyur ba'i phyir ngag gi las byams pa dang / yid kyi las byams pa 'jug go/ /gang chos 13-1-37a bzhin du chos kyi rnyed pa de chung ngu na lhung bzed kyi nang du 'ongs pa'am/ lhung bzed kyi 'khor du gtogs pa de lta bu'i rnyed pa ni tshangs pa mtshungs par spyod pa mkhas pa rnams dang thun mong bar spyad par bya'o zhes bya ba'i chos 'di ni mgu bar byed pa'o/ /dngos po gcig tu 'gyur ba'i phyir 'jug go zhes bya ba'i bar du snga ma bzhin te/ gang tshul khrims 'di dag ma ral ba/ ma zhig pa/ ma 'dres pa/ rnyog pa can du ma gyur pa/ ma nyams pa/ skyon med pa/ legs par rdzogs pa/ legs par mnos pa/ mkhas pa rnams kyis bstod pa de lta bu'i tshul khrims la tshangs pa mtshungs par spyod pa mkhas pa rnams dang lhan cig tu tshul khrims thun mong du gyur cig ces bya ba'i chos 'di ni mgu bar byed pa'o/ /gcig tu 'gyur ba'i phyir 'jug go zhes bya ba'i bar du snga ma bzhin te/ 'phags pa rnams sdug bsngal yang dag par zad par bya ba dang / sdug bsngal gyi mthar phyin par bya ba'i phyir 'byung bar byed pa dang / nges par byung ba'i lta ba gang yin pa de tshangs pa mtshungs par spyod pa mkhas pa rnams dang lhan cig tu lta ba la thun mong bar gyur cig ces bya ba'i chos 'di ni mgu bar byed pa ste/ gcig tu 'gyur ba'i phyir 'jug go zhes bya ba'i bar du snga ma bzhin no/ /rku ba drug la 'jab bus rku ba dang / sgyus rku ba dang / mthus rku ba dang / phyir sbyin no zhes nas rku ba dang / brnogs te rku ba dang / gzhan la bsdos nas rku ba'o/ /gnas drug mngon sum du gyur pa la bsnyen par rdzogs par bya ste/ ston pa mngon sum du gyur pa dang / chos mngon sum du gyur pa dang / dge 'dun mngon sum du gyur pa dang / yongs su dag pa mngon sum du gyur pa dang / slob dpon mngon sum du gyur pa dang / mkhan po mngon sum du gyur pa'o/ /chos drug ni ston pas bstan pa nyams par byed pa'i rgyur 'gyur te/ las la dga' bar gyur pa dang / smra ba la dga' bar gyur pa dang / nyal ba la dga' ba dang / 'du 'dzi'i gtam la dga' ba dang / rnyed pa dang 13-1-37b bkur sti dang grags pa mi spong ba la dga' zhing mi spong ba la mos pas spong ba la mi dga' zhing rnal 'byor du mi 'jug pa dang / sgom pa la mi dga' zhing sgom pa la mi mos par gyur pas sgom pa la mi dga' zhing rnal 'byor du mi 'jug pa'o/ /chos drug ni ston pas bstan pa mi nyams pa'i rgyur 'gyur te/ las la mi dga' bar gyur pa dang / smra ba la mi dga' ba dang / nyal ba la mi dga' ba dang / 'du 'dzi'i gtam la mi dga' ba dang / rnyed pa dang bkur sti la mi dga' zhing/ spong ba la dga' zhing spong ba la mos par gyur pas spong ba la dga' zhing rnal 'byor du 'jug pa dang / sgom pa la dga' zhing sgom pa la mos par gyur pas sgom pa la dga' zhing sgom pa la mos te rnal 'byor du 'jug pa'o/ /chos de drug ni ston pas bstan pa'i rgyur 'gyur te/ dge slong khyed cag gis shes par byos shig /chos 'di dag ni kun tu 'dod chags pa'i rgyur 'gyur/ kun tu zhe sdang ba dang / kun tu gti mug pa dang / kun tu sbyor ba dang / kun tu nyon mongs pa dang / rab tu spros pa rnams kyi rgyur 'gyur ba 'di ni chos ma yin/ 'di ni 'dul ba ma yin/ 'di ni ston pas bstan pa ma yin gyis khyed kyis rtogs par shes par gyis shig /chos drug ni ston pas bstan pa'i rgyur 'gyur te/ dge slong dag khyed kyis 'di dag shes par gyis shig /chos 'di dag ni kun tu 'dod chags pa'i rgyur mi 'gyur/ kun tu zhe mi sdang ba dang / kun tu gti mi mug pa dang / kun tu mi sbyor ba dang / rnam par byang ba dang / ma spros pa rnams kyi rgyur 'gyur ba 'di ni chos so/ /'di ni 'dul ba'o/ /'di ni ston pas bstan pa ste khyod kyis rtogs par byos shig /gzhan yang chos de drug ni ston pas bstan pa'i rgyur 'gyur te/ dge slong dag khyed kyis 'di dag shes par gyis shig /chos 'di dag ni chog mi shes pa'i rgyur 'gyur te/ mgu mi myong ba dang / dgang dka' ba dang / gso dka' ba dang / 'dod pa mang ba rnams kyi rgyur 'gyur ba 'di ni chos ma yin/ 'di ni 'dul ba ma yin/ 13-1-38a 'di ni ston pas bstan pa ma yin gyis khyod kyis rtogs par shes par gyis shig /chos de drug ni ston pas bstan pa'i rgyur 'gyur te/ dge slong dag khyed kyis 'di dag shes par gyis shig /chos 'di dag ni chog shes pa'i rgyur 'gyur te/ mgu sla ba dang / gso sla ba dang / dgang sla ba dang / 'dod pa mi mang ba'i rgyur 'gyur ba 'di ni chos so/ /'di ni 'dul ba'o/ /'di ni ston pas bstan pa ste/ khyod kyis gtan la bab par shes par gyis shig /mdor na/ nor dang stobs dang zhi gnas dang / / nyams pa dag dang gos rnams dang / /yon tan 'gro bar mi byed dang / /chos min dge 'dun spyod pa'o/ /nor bdun te dad pa'i nor dang / tshul khrims kyi nor dang / khrel yod pa'i nor dang / 'dzem pa'i nor dang / thos pa'i nor dang / gtong ba'i nor dang / shes rab kyi nor dang bdun no/ /stobs bdun te/ dad pa'i stobs dang / brtson 'grus kyi stobs dang / dran pa'i stobs dang / ting nge 'dzin gyi stobs dang / shes rab kyi stobs dang / khrel yod pa'i stobs dang / 'dzem pa'i stobs so/ /rtsod pa zhi bar byed pa'i chos bdun te/ mngon sum du 'dul ba dang / dran pas 'dul ba dang / ma rmongs pas 'dul ba dang / tshul shing gang mang ba dang / de'i dngos po nyid tshol ba dang / dam bcas 'jug pa dang / rtswa 'ding ba lta bu rnams so/ /nyams pa'i chos bdun te/ sangs rgyas la rim gro med par spyod pa dang / chos dang / dge 'dun dang / bslab pa dang / bag yod pa dang / gding ba dang / ting nge 'dzin rnams la rim gro med par spyod pa'o/ /nyams pa med pa'i chos bdun te/ sangs rgyas la rim gro dang bcas par spyod pa dang / chos dang / dge 'dun dang / bslab pa dang / bag yod pa dang / gding ba dang / ting nge 'dzin rnams la rim gro dang bcas pa spyod pa'o/ /gos su rung ba bdun te/ bal dang / ldum bu sha na ka dang / ras bal dang / zar ma dang / rtswa du gu la ka dang / rtswa ko Ta ba ka dang / 13-1-38b srin bal rnams so/ /gos su mi rung ba bdun te/ rnga mo'i bal dang / ba lang gi bal dang / re'u bal dang / ri dgas kyi bal dang / 'bri'u bal dang / 'dres pa dang / thags su ma btags pa rnams so/ /'dul ba 'dzin pa'i gang zag la yon tan bdun yod de/ rgyal ba'i nang gi mdzod srung ba yin/ rang gi tshul khrims kyi phung po shin tu bsrungs shing shin tu sbas pa yin/ lung nod cing ston pa'i rag gzhan la ma lus pa yin/ 'khor bzhi 'du bar gyur pa yin/ the tshom skyes pa'i gang zag rnams kyi skyabs su gyur pa yin/ dge 'dun gyi nang du 'jigs pa med par spyod pa dang / sems la snang ba mang du spyod pa yin no/ /dge slong 'gro bar mi bya ba'i spyod yul bdun te/ shen pa'i khyim dang / rgyan po 'gyed pa'i khyim dang / smad 'tshong ma'i khyim dang / chang 'tshong ba'i khyim dang / rol mo mkhan gyi khyim dang / rgyal po'i pho brang dang / rigs ngan gyi khyim mo/ /dam pa'i chos ma yin pa bdun te/ chos ma yin pa mi shes par gyur pa dang / don mi shes pa dang / dus mi shes pa dang / tshod mi shes pa dang / bdag nyid mi shes pa dang / 'khor mi shes pa dang / gang zag pha rol dang tshu rol mi shes par gyur pa'o/ /dge 'dun gyi nang na spyod pa'i dge slong chos bdun dang ldan pa ni dge 'dun gyi nang du spyod par mi bya ste/ spro thung zhing mi srun par gyur pa dang / mang du smra bar gyur pa dang / tshig zlos shing smra bar gyur pa dang / ma gtsigs par smra bar gyur pa dang / tshu rol mi shes par gyur pa yin no/ /dam pa'i chos bdun te/ chos shes par gyur pa dang / don shes par gyur pa dang / dus shes par gyur pa dang / tshod shes par gyur pa dang / bdag nyid shes par gyur pa dang / 'khor shes par gyur pa dang / gang zag mi mdza' ba mang bar gyur pa dang / rtsod pa'i thog ma dang bar ma dang tha ma la mi mkhas par gyur pa dang / 'dra ba dang mi 'dra ba mi shes pa'o/ /bdun po rdzogs so// //mdor na/ rnyed pa gtan pa dbyung 13-1-39a ba dang / /lham bya ba yang de bzhin te/ /'jig rten gyi ni chos brgyad dang / /dbyen dang rtsa ba med de bzhin/ /rnyed pa brgyad kyi mdo bar ma ste/ mtshams dang bya ba gnas dang ni/ /dbyar dang dge 'dun lnga po dang / /gang zag mngon sum gyur pa dang / /so so'i yul gyi brgyad po'o/ /mtshams kyi nang du phul ba'i rnyed pa dang / bya ba'i tshe phul ba'i rnyed pa dang / gnas pa'i tshe phul ba'i rnyed pa dang / dbyar gyi rnyed pa dang / dge 'dun gyi bcas pa'i rnyed pa dang / gang zag gi bcas pa'i rnyed pa dang / mngon sum du gyur pa'i rnyed pa dang / so sor gyur pa'i rnyed pa dang / brgyad yin no/ /ma lta bu'i gnas las gtan pa dbyung ba'i rgyur 'gyur ba brgyad de song ba dang / 'dzin pa dang / slar mi 'ong snyam pa dang / chud gsan pa dang / thos pa dang / mtshams las 'das pa dang / re thag chad pa dang / gsol ba'i las dang brgyad yin no/ /dge slong gis bcang bar mi bya ba'i lham brgyad de/ rtswa ku sha las byas pa'i lham dang / mun tsa las byas pa'i lham dang / bal pa dza las byas pa'i lham dang / 'bra go las byas pa'i lham dang / smyug ma las byas pa'i lham dang / spa'i lo ma las byas pa'i lham dang / gro ba'i lham mo/ /gzhan yang dge slong gis bcang bar mi bya ba'i lham brgyad de/ skud pa las byas pa'i lham dang / sgra dang bcas pa'i lham dang / ko ba las byas pa'i lham dang / shing lham dang / ba so las byas pa'i lham dang / lcags las byas pa'i lham dang / rin po che las byas pa'i lham dang / shun phrags las byas pa'i lham rnams so/ /'jig rten gyi chos brgyad de/ rnyed pa dang / ma rnyed pa dang / grags pa dang / ma grags pa dang / smad pa dang / bstod pa dang / bde ba dang / sdug bsngal ba rnams so/ /dge 'dun dbye bar 'gyur ba'i chos brgyad la/ 'di lta ste/ chos so/ /chos ma yin no zhes bya ba dang / 'dul ba'o 'dul ba ma yin no zhes bya ba dang / ltung ba'o ltung ba ma yin 13-1-39b no zhes bya ba dang / lci ba'o yang ba'o zhes bya ba dang / lhag ma dang bcas pa'o/ /lhag ma ma lus so zhes bya ba dang / mthol bar bya ba'o/ /bsdam par bya ba'o zhes pa dang / 'dul ba las 'das pa'o/ /log par bshad par 'gro ba'o zhes bya ba dang / mi dge ba'o/ / lung du mi ston pa'o zhes bya ba rnams so/ /rnam pa brgyad kyis na rtsa ba med pas smad par 'gyur te/ 'khon pa dang / spro thung ba dang / khro ba dang / mi srun pa dang / yid mi dga' ba dang / mgu dka' ba dang / phrag dog dang / ser sna'o/ /mdor na/ gang zag brtag par bya ba dang / /rgol ba dang ni slar rgol dang / /'dul ba rdul dang rnam pa brgyad/ /so sor thar pa gzhag pa'o/ /gang zag brtag pa rnam pa brgyad de/ spyod pa dang / spyod yul dang / mdza' ba dang / grogs dang / 'tsho ba dang / thos pa dang / lus kyi las dang / ngag gi las rnams so/ /gang zag ji lta ba de bzhin du rgol ba dang phyir rgol ba yang shes par bya'o/ /chos brgyad kyis 'dod chags 'dul ba'i mthar phyin par 'gyur ba ni 'phags pa'i lam yan lag brgyad pa ste/ yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin rnams so/ /ji ltar 'dod chags 'dul ba'i mthar phyin par 'gyur ba de bzhin du zhe sdang 'dul ba dang / gti mug 'dul ba'i mthar phyin par 'gyur ba yang de bzhin no/ /rdul lta bu brgyad de/ bca' ba rdul lta bu dang /bza' ba rdul lta bu dang / btung ba rdul lta bu dang / bldag pa rdul lta bu dang / bzhib pa rdul lta bu dang / sman rdul lta bu dang / rdul nyid kyi rdul dang brgyad do/ /chos ma yin pa'i so sor thar pa gzhag pa brgyad de/ rtsa ba med bzhin du byas pa'i tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pa dang / 13-1-40a rtsa ba med pas ma byas pa'i tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pa rnams so/ /chos dang ldan pa'i gso sbyin gzhag pa brgyad de/ rtsa ba dang bcas pas byas pa'i tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pa dang / rtsa ba dang bcas pas ma byas pa'i tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pa rnams so/ /mdor na/ u pA li dang ma 'gags dang / /gau tas gau ta mI rid de/ /ma gnas rigs pa ma yin pa/ /gnod pa dang ni 'dul ba'o/ /bcom ldan 'das la tshe dang ldan pa u pA lis 'di skad ces gsol to/ /bcom ldan 'das ji ltar bdag gis chos dang 'dul ba 'tshal bar 'gyur ba de lta bu'i chos bdag la mdor bshad na legs so zhes gsol pa dang / bcom ldan 'das kyis tshe dang ldan pa u pA li la 'di skad ces bka' stsal to/ /u pA li chos gang 'thab pa'i rgyur 'gyur ba dang / mtshang 'dru ba'i rgyur 'gyur ba dang / 'khon pa'i rgyur 'gyur ba dang / rtsod pa'i rgyur 'gyur ba dang / so sor smra ba'i rgyur 'gyur ba dang / mi mthun par smra ba'i rgyur 'gyur ba dang / mi sdud pa'i rgyur 'gyur ba dang / dran pa nyams pa'i rgyur 'gyur ba dang / du mar 'gyur ba'i rgyur 'gyur ba ste/ de lta bu la 'di ni chos ma yin/ 'di ni 'dul ba ma yin/ 'di ni ston pas bstan pa ma yin par shin tu rtogs par gyis shig /u pA li chos gang mi 'thab pa'i rgyur 'gyur ba dang / mtshang mi 'dru ba dang / mi 'khon pa dang / mi rtsod pa dang / so sor mi smra ba dang / mthun par smra ba dang / sdud pa dang / dran pa ma nyams pa dang / dngos po gcig tu 'gyur ba 'di rnams la 'di ni chos so/ /'di ni 'dul ba'o/ /'di ni ston pas bstan pa yin par shin tu rtogs par gyis shig /u pA li brgyad po ji lta ba de bzhin no/ /ma 'gags 13-1-40b pa la yang nag po dang dkar po'i phyogs su brgyad du brjod par bya'o/ /gleng gzhi ni mnyan du yod pa na ste/ de'i tshe na gau ta mI skye dgu'i bdag mo chen mo bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal nas phyogs gcig tu 'dug go/ /phyogs gcig tu 'dug nas gau ta mI skye dgu'i bdag mo chen mos bcom ldan 'das la 'di skad ces gsol to/ /bcom ldan 'das bdag gis ji ltar chos dang 'dul ba 'tshal bar 'gyur ba de lta bu'i chos bdag la bshad na legs so zhes de skad gsol pa dang / bcom ldan 'das kyis gau ta mI skye dgu'i bdag mo chen mo la 'di skad ces bka' stsal to/ /gau ta mI chos gang kun tu 'dod chags pa'i rgyur 'gyur gyi kun tu 'dod chags med pa'i rgyur ma yin/ kun tu zhe sdang ba'i rgyur 'gyur gyi kun tu zhe sdang med pa'i rgyur ma yin/ kun tu gti mug gi rgyur 'gyur gyi kun tu gti mug med pa'i rgyur ma yin/ kun tu sbyor ba'i rgyur 'gyur gyi kun tu mi sbyor ba'i rgyur ma yin/ kun tu nyon mongs pa'i rgyur 'gyur gyi rnam par byang ba'i rgyur ma yin/ 'dod chen che ba'i rgyur 'gyur gyi 'dod chen mi che ba'i rgyur ma yin/ chog mi shes pa'i rgyur 'gyur gyi chog shes pa'i rgyur ma yin/ dgang dka' ba'i rgyur 'gyur gyi dgang sla ba'i rgyur ma yin/ gso dka' ba'i rgyur 'gyur gyi gso sla ba'i rgyur ma yin te/ 'di dag ni chos ma yin/ 'dul ba ma yin/ ston pas bstan pa ma yin par shin tu rtogs par byos shig /gau ta mI chos gang kun tu 'dod chags med pa'i rgyur 'gyur gyi kun tu 'dod chags kyi rgyur ma yin/ kun tu zhe sdang med pa'i rgyur 'gyur gyi kun tu zhe sdang gi rgyur ma yin/ kun tu gti mug med pa'i rgyur 'gyur gyi kun tu gti mug gi rgyur ma yin/ kun tu mi sbyor ba'i rgyur 'gyur gyi kun tu sbyor ba'i rgyur ma yin/ rnam par byang ba'i rgyur 'gyur gyi kun tu nyon mongs pa'i rgyur ma yin/ 'dod chen mi che ba'i rgyur 'gyur gyi 'dod chen che ba'i rgyur ma yin/ chog shes pa'i rgyur 'gyur gyi chog mi shes pa'i 13-1-41a rgyur ma yin/ dgang sla ba'i rgyur 'gyur gyi dgang dka' ba'i rgyur ma yin/ gso sla ba'i rgyur 'gyur gyi gso dka' ba'i rgyur ma yin te/ de dag la 'di ni chos so/ /'di ni 'dul ba'o/ /'di ni ston pas bstan pa'o zhes shin tu rtogs par shes par byos shig /gau ta mI'i skye dgu'i bdag mo chen mo la ji skad gsungs pa/ de bzhin du mdo brjod par bya'o/ /brgyad pa rdzogs so// //gnas dgu ste/ ston pa la gnas pa dang / chos la gnas pa dang / dge 'dun la gnas pa dang / slob dpon la gnas pa dang / mkhan po la gnas pa dang / bla ma la gnas pa dang / gnas la gnas pa dang / gang zag la gnas pa dang / yul la gnas pa'o/ /mi rigs pa'i gnas dgu ste/ dgra bcom pa zag pa zad pas shes bzhin du srog chags 'tsho ba dang 'bral bar byed pa mi rigs pa dang / ma byin par len pa dang / mi tshangs par spyod pa 'khrig pa'i chos la sten pa dang / shes bzhin du brdzun du smra ba dang / sbags pa la kun tu spyod par 'dod cing za ba dang / shes bzhin du bslab pa las 'da' bar byed pa dang / bslab pa phul zhing 'babs par byed pa dang / 'di las phyi rol gzhan du ston pa tshol ba dang / mo dang ltas kyis rnam par 'dag par yid ches kyi las kyis ma yin pa rnams su mi rigs pa'o/ /'dod pa'i dngos po dgu ste/ 'di ni bdag la gnod par 'dod do/ /mi phan par 'dod do/ /mi bde bar 'dod do/ /bde ba dang ldan pa 'dod pa ma yin no/ /skyid pa dang mi ldan par 'dod pa'o/ /'dis bdag la gnod par byas so/ /byed do/ /byed par 'gyur ro snyam nas des de la gnod par byed do/ /gang yang bdag la gnod par 'dod pa/ mi phan par 'dod pa/ mi bde bar 'dod pa/ bde bar 'dod pa ma yin no/ /skyid pa dang ldan par mi 'dod de/ 'dis mi gnod par 'dod/ phan par 'dod/ bde bar 'dod/ bde ba dang ldan par 'dod/ skyid pa la bde bar 'dod de/ 'dis de la gnod 13-1-41b pa ma byas so/ /mi byed do/ /byed par mi 'gyur ro zhes des de la gnod par byed do/ /su zhig yang bdag la mi gnod par 'dod/ phan par 'dod pa/ bde bar 'dod pa/ bde ba dang ldan par 'dod pa/ skyid pa dang ldan par 'dod pa de la 'di gnod par 'dod/ mi phan par 'dod/ mi bde bar 'dod/ bde ba dang mi ldan par 'dod/ skyid pa dang mi ldan par 'dod la gnod par byed do/ /gnod par byed pa dgu 'dul ba ste/ 'di ni bdag la gnod par 'dod/ mi phan par 'dod/ mi bde bar 'dod/ bde ba dang mi ldan par 'dod/ skyid pa dang mi ldan par 'dod/ 'dis ni bdag la gnod pa byas so/ /byed do/ /byed par 'gyur ro snyam nas des de la gnod pa skyed pa slar 'jil bar byed do/ /gang yang bdag la gnod par 'dod pa/ mi phan par 'dod pa/ mi bde bar 'dod pa/ bde ba dang mi ldan par 'dod pa/ skyid pa dang mi ldan par 'dod pa de la 'di gnod par mi 'dod/ phan par 'dod/ bde bar 'dod/ bde ba dang ldan par 'dod/ skyid pa dang ldan par 'dod de/ de la 'dis gnod pa ma byas/ mi byed/ byed par mi 'gyur ro snyam nas de 'di snyam du bdag 'di ltar gyur cig /'di ltar ma gyur par gzhan las thob par ga la 'gyur snyam du bsams nas/ des de la gnod pa skyed pa slar 'jil bar byed do/ /yang gang bdag la mi gnod par 'dod pa/ phan par 'dod pa/ bde ba dang ldan par 'dod pa/ skyid pa dang ldan par 'dod pa de la 'di gnod par 'dod/ mi phan par 'dod/ bde ba dang mi ldan par 'dod/ skyid pa dang mi ldan par 'dod pa de la 'dis gnod pa byas/ byed byed par 'gyur ro snyam pa las de yang 'di snyam du bdag 'di ltar gyur cig 'di ltar ma gyur cig par gzhan las thob par ga la 'gyur snyam du bsams nas/ des de la gnod pa skyed pa slar 'jil bar byed do/ /dgu pa rdzogs s+ho// //mdor na/'dul ba ma yin rnam gnyis dang / /'dul ba la yang rnam gsum ste/ /sbyin dang bsdu bar bya ba dang / / 13-1-42a yon tan rnams ni tha ma'o/ /'dul ba ma yin pa bcu ni mi dge ba bcu'i las kyi lam ste/ srog gcod pa dang / ma byin par len pa dang / 'dod pas log par spyod pa dang / brdzun du smra ba dang / phra ma dang / tshig rtsub mo dang / tshig 'khyal ba dang / ngan du sems pa dang / chags pa dang / log par lta ba'o/ /gzhan yang 'dul ba ma yin pa bcu ni log pa'i yan lag bcu ste/ log par lta ba dang / log par rtog pa dang / log par smra ba dang / log pa'i las kyi mtha' dang / log par 'tsho ba dang / log par rtsol ba dang / log pa'i dran pa dang / log pa'i ting nge 'dzin dang / log pa'i rnam par grol ba dang / log pa'i ye shes so/ /'dul ba bcu ni dge ba'i las kyi lam bcu ste/ srog gcod pa las slar ldog pa dang / ma byin pa len pa las slar ldog pa dang / 'dod pas log par spyod pa las slar ldog pa dang / brdzun du smra ba las slar ldog pa dang / phra ma las slar ldog pa dang / tshig rtsub mo smra ba las slar ldog pa dang / tshig 'khyal ba smra ba las slar ldog pa dang / ngan du sems pa dang / chags pa dang / log par lta ba rnams las slar ldog pa rnams so/ /gzhan yang 'dul ba bcu ni yang dag pa'i yan lag bcu ste/ yang dag par lta ba dang / yang dag par rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin dang / yang dag pa'i rnam par grol ba dang / yang dag pa'i ye shes so/ /gzhan yang 'dul ba bcu ste/ sangs rgyas kyi dus su byung ba dang / dus thams cad du byung ba dang / nyi tshe ba'i dus su byung ba dang / thams cad du 'gro ba dang / dus kyi 'dul ba dang / yul gyi 'dul ba dang / gang zag gi 'dul ba dang / gnas kyi 'dul ba dang / rtsol ba'i 'dul ba dang / nyon mongs pa'i 'dul ba'o/ /bsdu ba bcu ste/ lhung 13-1-42b bzed bsdu ba dang / chos gos bsdu ba dang / sman bsdu ba dang / zang zing bsdu ba dang / mal stan bsdu ba dang / mdo sde bsdu ba dang / 'dul ba bsdu ba dang / ma lta bu bsdu ba dang / yongs su dag pa bsdu ba dang / nyes pa las ldang ba bsdu ba'o/ /sbyin pa bcu ste/ lhung bzed sbyin pa dang / chos gos sbyin pa dang / sman sbyin pa dang / zang zing sbyin pa dang / mal stan sbyin pa dang / mdo sde sbyin pa dang / 'dul ba sbyin pa dang / ma lta bu sbyin pa dang / yongs su dag pa sbyin pa dang / nyes pa las ldang ba sbyin pa ste/ 'di dag kyang bsdu ba'i dngos po bcu por shes par bya'o/ /'dul ba 'dzin pa'i gang zag la yon tan bcu ste/ byung ba shes pa dang / bcas pa shes pa dang / rjes su bcas pa shes pa dang / mi gnang bar shes pa dang / rjes su gnang bar shes pa dang / nga'i phyogs der snang bar grags pa dang / snang bar gyur pa dang / rab tu snang bar gyur pa dang / nga'i phyogs de ma stongs par grags pa dang / 'dul ba 'dzin pa'i gang zag de lta bu phyogs gang na gnas pa de'i phyogs su de bzhin gshegs pa phrin las chung bar 'gyur ro/ /mdor na/ chad pa'i las dang mngon sum du/ /bar chad bsnyen par rdzogs pa dang / /gleng ba dag dang bzhi pa dang / /yid du 'ong dang rnam drug go/ /chad pa'i las bcu ste/ bsdigs pa dang / smad pa dang / bskrad pa dang / bsdum pa dang / ma mthong zhes bya ba'i gzhi nas bslang ba'i chad pa dang / gnas nas dbyung ba dang / gso sbyong gzhag pa dang / dgag dbye gzhag pa dang / gsol bar brjod pa gzhag pa dang / yid mgu ba dang bcu'o/ /mngon sum du gyur nas bsnyen par rdzogs par 'gyur ba bcu ste/ ston pa mngon sum du gyur nas bsnyen par rdzogs par 'gyur ba dang / sangs rgyas mngon sum du gyur pa dang / chos mngon sum du gyur pa dang / mkhan po mngon sum du gyur pa dang / slob dpon mngon sum du gyur pa dang / bsnyen par rdzogs par 'dod pa mngon sum du gyur 13-1-43a pa dang / bsnyen par rdzogs par 'dod pa'i yo byad mngon sum du gyur pa dang / yongs su dag pa mngon sum du gyur pa dang / gsol ba mngon sum du gyur pa dang / las mngon sum du gyur pa rnams so/ /bsnyen par rdzogs pa'i bar chad du 'gyur ba bcu ste/ ma ning du gyur pa dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / dge 'dun phye ba dang / de bzhin gshegs pa la ngan sems kyis khrag phyung ba dang / rkun gnas dang / sngar nyes pa byung ba dang / sngar 'khrugs pa dang / mu stegs can du song ba rnams so/ /bsnyen par rdzogs pa bcu ste/ de bzhin gshegs pa las slob dpon med par bsnyen par rdzogs pa dang / ye shes mngon par rtogs nas bsnyen par rdzogs pa lnga dang / 'od srung chen pos ston pa la khas blangs te bsnyen par rdzogs pa dang / so da yas dris pa'i lan lon par shes nas bsnyen par rdzogs pa dang / gau ta mI skye dgu'i bdag mo chen mo bla ma'i chos khas blangs pas bsnyen par rdzogs pa dang / chos sbyin ma phrin pas bsnyen par rdzogs pa dang / mtha' 'khob tu 'dul ba 'dzin pa dang / lngas bsnyen par rdzogs pa dang / slob dpon med mkhan po med par bsnyen par rdzogs pa dang / dge slong tshur shog ces gsungs pas bsnyen par rdzogs pa dang / gsol ba dang bzhi'i las kyis bsnyen par rdzogs pa'o/ /gleng ba la bcu ste/ dus dang dus ma yin pa dang / bden pa dang / mi bden pa dang / don dang ldan pa dang / don dang mi ldan pa dang / snyan pa dang / tshig rtsub mo dang / byams par ldan pa dang / zhe sdang du ldan pa'o/ /chos bcu dang ldan pas gzhan la gleng bar bya ste/ tshul khrims dang ldan par gyur pa dang / mang du thos pa dang / brtson 'grus brtsams pa dang / dran pa nye bar gnas pa dang / shes rab dang ldan pa dang / dus su gleng gi dus las 'das par ma yin pa dang / bden pa ste mi bden pa ma yin pa dang / don 13-1-43b dang ldan pa ste/ don dang mi ldan pa ma yin pa dang / snyan pa ste tshig rtsub mo ma yin pa dang / byams pa dang ldan pas te/ zhe sdang dang ldan pa ma yin pa'o/ /gzhan yang chos bcu dang ldan pas gzhan la gleng bar bya ste/tshul khrims dang ldan par gyur pa dang / mang du thos pa dang / brtson 'grus brtsams pa dang / ma g.yengs pa dang / shes rab dang ldan pa dang / dus su gleng gi dus las 'das par ma yin pa dang / bden pa ste mi bden pa ma yin pa dang / don dang ldan pa ste don dang mi ldan pa ma yin pa dang / snyan pa ste tshig rtsub pos ma yin pa dang / byams pa dang ldan pa ste zhe sdang dang ldan pas ma yin pa'o/ /gzhan yang chos bcu dang ldan pas gzhan la gleng bar bya ste/ tshul khrims dang ldan pa dang / mang du thos pa dang / brtson 'grus brtsams pa dang / dran pa nye bar gnas pa dang / so sor brtags pa'i stobs su gyur pa dang / dus su gleng gi dus las 'das par ma yin pa dang / bden pa ste mi bden pas ma yin pa dang / don dang ldan pa ste don dang mi ldan pas ma yin pa dang / ngag snyan pa ste rtsub pos ma yin pa dang / byams pa dang ldan pa ste zhe sdang dang ldan pas ma yin pa'o/ /chos bcu dang ldan pa'i dge slong ni tshangs pa mtshungs pa rnams la dga' bar 'gyur te/ tshul khrims dang ldan pa dang / mang du thos pa dang / brtson 'grus brtsams pa dang / dran pa nye bar gnas pa dang / shes rab dang ldan pa dang / mi slob pa'i tshul khrims kyi phung po dang ldan par gyur pa dang / shes rab kyi phung po dang / ting nge 'dzin gyi phung po dang / rnam par grol ba'i phung po dang / rnam par grol ba'i ye shes mthong ba'i phung po dang ldan par gyur pa'o/ /ji ltar dga' bar gyur pa de bzhin du gnyis po yid du 'ong ba la yang bcur brjod par bya'o/ /gsum po bla mar byas pa yang bcur brjod par bya'o/ /bzhi po mos par bya ba la yang bcur brjod par bya'o/ /lnga po mchod pa la yang bcur brjod par bya'o/ /drug po bstod pa la yang bcur brjod par bya'o/ / 13-1-44a mdor na/ rab tu byung dang bzhi po ste/ /rnam par grol dang phun sum dang / /yon tan de bzhin sbyin pa dang / /gso sbyin rnams kyi gzhag pa'o/ /chos bcu dang ldan pas rab tu dbyung bar bya/ bsnyen par rdzogs par bya/ gnas sbyin par bya ste/ bsnyen par rdzogs nas lo bcu bcu lon nam de las lhag pa yang rung ba dang / lhan cig spyod pa dang nye gnas rnams kyang rung ste/ nad g.yog byed du 'jug par nus pa dang / lhan cig spyod pa dang nye gnas la 'gyod pa skyes na slar sel ba'am sel bar byed du 'jug par nus pa dang / lhan cig spyod pa dang nye gnas rnams sdig pa dang ldan pa'i rnam pa zhig byung na slar gtong ngam slar gtong du 'jug nus pa dang / lhan cig spyod pa dang nye gnas yul der gnas par mi dga' na yul gzhan du gtang bar nus pa dang / tshul khrims dang ldan pa dang / mang du thos pa dang / brtson 'grus brtsams pa dang / dran pa nye bar gnas pa dang / shes rab dang ldan pa'o/ /gzhan yang chos bcu dang ldan pas rab tu dbyung bar bya/ bsnyen par rdzogs par bya/ gnas sbyin par bya ste/ bcu gang zhe na/ nyes pa shes pa dang / nyes pa med par shes pa dang / lci ba shes pa dang / yang ba shes pa dang / des so sor thar pa'i mdo kha ton du slob par gyur pa dang / slob pa'i tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po dang ldan par gyur pa'o/ /gzhan yang chos bcu dang ldan pas rab tu dbyung bar bya/ bsnyen par rdzogs par bya/ gnas sbyin par bya ste/ byung ba shes/ bcas pa shes/ rjes su bcas pa shes/ ma gnang ba shes/ rjes su gnang ba shes/ bar chad du 'gyur ba shes/ bar chad du mi 'gyur ba shes/ lung bsgo ba yin/ rjes su ston pa yin/ gnas bcur 'jug nus pa yin no/ /gzhan yang chos bcu dang ldan pas rab tu dbyung bar bya/ bsnyen par rdzogs par bya/ gnas 13-1-44b sbyin par bya ste/ dad pa phun sum tshogs pa yin/ tshul khrims phun sum tshogs pa yin/ thos pa phun sum tshogs pa dang / gtong ba phun sum tshogs pa dang / shes rab phun sum tshogs pa dang / tshul khrims phun sum tshogs pa dang / ting nge 'dzin phun sum tshogs pa dang / shes rab phun sum tshogs pa dang / rnam par grol ba phun sum tshogs pa dang / rnam par grol ba'i ye shes mthong ba phun sum tshogs pa'o/ /chos bcus na rnam par grol bar yang dag par 'jug pa'i rgyur 'gyur te/ slob pa'i tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po dang / mi slob pa'i tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po'o/ /phun sum tshogs pa bcu ste/ ston pa phun sum tshogs pa dang / chos phun sum tshogs pa dang / dge 'dun phun sum tshogs pa dang / slob dpon phun sum tshogs pa dang / mkhan po phun sum tshogs pa dang / tshul khrims phun sum tshogs pa dang / thos pa phun sum tshogs pa dang / shes rab phun sum tshogs pa dang / rnam par grol ba phun sum tshogs pa dang / rnam par grol ba'i ye shes mthong ba phun sum tshogs pa'o/ /yon tan bcu ste/ dge 'dun bsdu ba dang / dge 'dun la dge ba dang / dge 'dun bde bar spyod pa dang / khrel med pa'i gang zag rnams la nan tur bya ba dang / khrel yod pa'i rnams la bde bar spyod pa dang / mngon par ma dad pa'i rnams mngon par dad par bya ba dang / mngon par dad pa'i rnams phyi phyir dad par bya ba dang / da ltar gyi tshe 'di'i zag pa rnams bsdam pa dang / tshe phyi ma'i phyir 'byung ba'i rnams rab tu gzhom pa dang / tshangs par spyod pas rjes su phan gdags pa dang / tshangs par spyod pa dang mthun par bya ba'i phyir nga'i tshangs par 13-1-45a spyod pa ring du gnas par 'gyur zhing skye bo mang po la phan zhing rgyas par lha dang mi rnams la yang dag par bstan pa'i bar du yon tan de bcu de bzhin gshegs pas gzigs pas nyan thos rnams la bslab pa'i gnas bcas so/ /sbyin du mi rung ba bcu ste/ gang zag gang yang rung ba cig gis gang zag gcig la sbyin pa byin pa de gzhan la yang byin na chos dang mi ldan pa byin la chos dang mi ldan pas blangs te mi rung bar spyod pa'o/ /gang zag gcig la sbyin pa byin pa dge 'dun la yang dbul na chos dang mi ldan par byin la chos dang mi ldan pa blangs pa ste mi rung bar spyod pa'o/ /de bzhin du gang zag gnyis la sbyin pa byin la gang zag gcig la byin nam mang po'am dge 'dun gnyis la byin na chos dang mi ldan par byin la chos dang mi ldan par blangs te mi rung bar spyod pa'o/ /de ltar gang zag gcig la byin nam/ gnyis la'am/ mang po'am/ dge 'dun la phul na chos dang mi ldan par byin la chos dang mi ldan par blangs te mi rung bar spyod pa'o/ /de bzhin du dge 'dun la sbyin pa byin la gcig la'am/ gnyis la'am/ mang po la'am/ dge 'dun la phul na chos dang mi ldan par byin la chos dang mi ldan par blangs te/ mi rung bar spyod pa'o/ /de bzhin du dge slong gi dge 'dun la sbyin pa byin la dge slong ma'i dge 'dun la byin nam/ dge slong gi dge 'dun la sbyin pa byin pa dge 'dun gnyis ka la phul lam/ dge slong ma'i dge 'dun la sbyin pa byin pa dge slong gi dge 'dun la phul lam/ dge slong ma'i dge 'dun la sbyin pa byin pa dge 'dun gnyis ka la phul lam/ dge 'dun gnyis ka la sbyin pa byin pa dge 'dun sde gnyis gzhan la phul lam/ dge 'dun phyogs dang gzhan gyi phyogs su tha dad par gnas la phyogs gcig la sbyin pa byin pa phyogs gnyis po la phul na chos dang mi ldan pa byin la chos dang mi ldan pas blangs pa ste mi rung bar spyod pa'o/ /de dag las slar bzlog na sbyin pa rung ba bcu dang dkar po'i 13-1-45b phyogs su brjod par bya'o/ /chos dang ldan pa'i gso sbyin gzhag pa bcu ste/ phas pham par gyur pa dang / phas pham par gyur pa'i gtam la zhugs pa dang / bslab pa phul bar gyur pa dang / bslab pa 'bul ba'i gtam la zhugs pa dang / dge 'dun la smad pa dang / dge 'dun la smad pa'i gtam la zhugs par gyur pa dang /tshul khrims nyams par gyur pa dang / lta ba nyams par gyur pa dang / spyod pa nyams par gyur pa dang / 'tsho ba nyams par gyur pa'o/ /mdor na/ rgol ba rnams dang skabs dbye dang / /gzung bar bya dang zhi ba gnyis/ /rgol bar byed dang nyes pa dang / /mngon sum byung ba chad pa'o/ /rgol ba'i dge slong gis don gzung bar 'dod na gnas bcur bsam pa shin tu bsams/ dpyad pa shin tu dpyad/ brtag pa shin tu brtags la don gzung bar bya'o/ /bcu gang zhe na/ bdag gis don gzung bar 'dod pa de bden pas don de 'dzin tam/ 'on te mi bden pas don de gzung ba'i dus la 'bab bam/ 'on te dus la ma bab/ don gzung ba de skabs su bab bam/ 'on te skabs su ma bab/ don de gzung ba de don dang ldan pa'am 'on te don dang mi ldan/ de la mthong ba'am/ thos pa'am/ dogs pa'am/ lus kyi nyes pa'am/ ngag gi nyes pa'am/ de dag gis smra bar bya/ tshe dang ldan pa 'di mi dge ba'i gnas nas bslang ste/ dge ba'i gnas su 'jog nus sam snyam du bsams pa'o/ /lan 'debs pa'i dge slong gis kyang gnas bcur bsam pa shin tu bsams/ dpyad pa shin tu dpyad/ brtag pa shin tu brtags la/ slar rgol ba'i dge slong la skabs dbye ste/ bcu gang zhe na/ ci tshe dang ldan pa tshul khrims dang ldan nam 'on te ma yin khrel ba can nam/ 'gyod pa can nam/ sdom pa can nam/ bslab pa la 'dod pa can nam/ mang du thos pa/ thos pa 'dzin pa/ 'chang ba can nam/ 'dul ba dang lhag pa'i 'dul ba la shin tu mkhas pa'am/ lung kha ton lobs 13-1-46a pa yin nam/ ci tshe dang ldan pa gzu bo'i dngos po yod dam snyam du sems pa'o/ /u pA li de la 'dul ba 'dzin pa'i gzu bos kyang gnas bcur bsam pa shin tu bsams/ dpyad pa shin tu dpyad/ brtag pa shin tu brtags la rtsod pa gzung bar bya'o/ /bcu gang zhe na/ ci bdag rtsod pa de thog ma byung ba la mkhas sam/ ci bdag rtsod pa de thog ma byung ba'i nang du ma gtogs sam/ ci bdag la gzu bo'i dngos po yod dam/ rgol ba dang lan glon pa'i dge slong de dag bdag gis tshig nyan tam/ bdag gis rgol ba dang / lan glon pa'i dge slong de dag la chos bzhin bsgo bar nus sam/ bdag gis rgol ba dang lan glon pa'i dge slong de dag gis ltung ba rnam par sbyong nus sam/ bdag gis rgol ba dang / lan glon pa'i dge slong de dag la nan tur bya nus sam/ bdag gis rtsod pa 'di chos bzhin 'dul ba bzhin ston pas bstan pa bzhin nye bar zhi bar bya nus sam/ bdag gis rgol ba dang / lan glon pa'i dge slong de dag mi dge ba'i gnas nas bslang ste/ dge ba'i gnas su rab tu gzhog nus sam/ bdag gis rtsod pa 'di ci nas phyin chad mi 'byung bar 'gyur ba de lta bur nye bar zhi bar byed nus sam snyam du bsams pa'o/ /de la u pA li gzu bo 'dul ba 'dzin pas rtsod pa gzung bar 'dod na gnas bcur bsam pa shin tu bsams/ dpyad pa shin tu dpyad/ brtag pa shin tu brtags la rtsod pa zhi bar bya'o/ /bcu gang zhe na/ bdag gis 'dir 'chad pa'i gsung skad du smras pa de zin pa'i mdo sde 'dzin pa 'dul ba 'dzin pa/ ma lta bu 'dzin pa'i dge slong dge 'dun gyi nang na yod par 'gyur ram/ dge 'dun 'di dag gi nang na dge slong rtsod pa 'di ji ltar chos dang / ji ltar 'dul ba dang / ji ltar ston pas bstan pa de ltar zhi bar byed pa bdag gi zla yod dam/ dge 'dun 'di dag gi nang na dge slong rtsod pa 'di phyi phyir rnam par mi 'phel bar 'gyur ba bdag gi zla yod dam/ dge 'dun 'di dag 13-1-46b gi nang na dge slong gang rtsod pa 'di chos bzhin zhi bar bya ste phyin chad mi 'byung bar byed pa'i bdag gi zla yod dam/ dge 'dun 'di dag gi nang na dge slong gang rgol ba dang lan glon pa'i dge slong 'di dag la rtsod pa 'di rgyal po'i 'khor du 'gyed pa/ nges pa'i rigs der 'gyed par gyur cig ces nas chos bzhin du bzlog par bya'o snyam du bsam pa yod dam/ ci bdag gis rtsod pa 'di dge 'dun 'di'i nang du zhi bar byed nus sam/ bdag gis rtsod pa 'di zhi bar bya ba phyi rol du btsal dgos par mi 'gyur grang/ bdag gis rtsod pa 'di la rgol ba dang lan glon pa'i dge slong de dag gnas nas gnas su 'dong mi dgos par nus par 'gyur ram/ bdag gis rtsod pa 'di ji ltar phyin chad mi 'byung ba'i chos su de lta bur zhi bar nus sam snyam du bsams pa'o/ /u pA li chos bcu dang ldan pa'i 'dul ba 'dzin pas rtsod pa byung ba zhi bar byed nus so/ /bcu gang zhe na/ sangs rgyas kyis gsungs pa'i mdo sde ston nus par 'gyur ba dang / nyan thos kyis bshad pa'i mdo sde 'chad pa dang / sangs rgyas kyi dus byung ba'i mdo sde 'chad pa dang / dus thams cad du byung ba'i mdo sde 'chad pa dang / phyogs gcig pa'i mdo sde 'chad pa dang / nag por gsungs pa dang dkar por gsungs pa'i mdo sde 'chad pa dang / mdo'i lugs 'tshal nas mdo 'chad pa thams cad du 'gro ba'i mdo sde 'chad pa dang / mthun pa'i mdo sde 'chad pa dang / 'dul ba dang mthun pa'i mdo sde 'chad nus pa'o/ /u pA li gzu bo 'dul ba 'dzin pas rtsod pa bzung nas rnam pa bcus nye bar zhi bar bya'o/ /bcu gang zhe na/ dge slong rgol ba shes par bya/ dge slong lan 'debs pa shes par bya/ dge slong rgol ba dpyad par bya/ lan glon pa'i dge slong dpyad par bya/ rgol ba'i dge slong yi dam bcar gzhug /lan glon pa'i dge slong yi dam bcar gzhug /rgol ba'i dge slong gtan la 'bebs su gzhug /lan glon pa'i dge slong gtan la 'bebs su gzhug / 13-1-47a rgol ba'i dge slong ldang bar byed du gzhug /lan glon pa'i dge slong ldang bar byed du gzhug go/ /chos bcu dang ldan na 'dul ba 'dzin pa nyes pa rnam par ston nus te/ bcu gang zhe na/ nyes pa lci ba shes/ yang ba shes/ lhag ma dang bcas pa shes/ lhag ma med pa shes/ gnas ngan len shes/ gnas ngan len ma yin pa shes/ bcas pa shes/ ma bcas pa shes/ bshags pa shes/ bsdam par bya ba shes pa'o/ /chos bcu dang ldan pa'i 'dul ba 'dzin pa ni las byed nus pa yin te/ bcu gang zhe na/ mngon du gyur pa'i las shes/ mngon du ma gyur pa'i las shes/ skabs ma bye ba'i las shes/ skabs bye ba'i las shes/ gleng bar rigs pa shes/ mi gleng bar rigs pa shes/ dran par bya bar rigs pa shes/ mi dran par bya bar rigs pa shes/ gtan tshigs su rigs par shes/ gtan tshigs su mi rigs par shes pa'o/ /chos bcu dang ldan pa'i 'dul ba 'dzin pas rtsod pa zhi bar byed nus pa yin te/ bcu gang zhe na/ byung ba ma nor bar byed pa yin/ bcas pa ma nor bar byed pa yin/ rjes su bcas pa ma nor bar byed pa yin/ ma gnang ba ma nor bar byed pa yin/ rjes su gnang ba ma nor bar byed pa yin/ dge slong mi gtsang ba'i nyes pa mi 'chad par byed pa yin/ rgol ba dang lan glon pa'i dge slong la yi dam bca' bar byed pa yin/ mdo sde'i tshig nye bar ston par byed pa yin/ rjes su bcas pa nyams par mi byed pa yin/ 'dul ba la mthun pa yin/ chos bzhin rtsod pa zhi bar byed pa yin no/ /chos bcu dang ldan na 'dul ba 'dzin pas chad pa'i las kyis gcod nus pa yin te/ bcu gang zhe na/ tshangs pa'i chad pa shes/ mi dga' bar 'gyur ba'i las shes/ mi spyod par 'gyur ba'i las shes/ ma rung bar bya ba'i las shes/ de'i ngo bo nyid tshol du gzhug pa'i las shes/ bzlog pa'i las shes/ spang ba'i las shes/ rnam par dag pa'i las shes/ byin 13-1-47b gyis brlab pa'i las shes/ rgol ba'i las shes pa'o/ /'dul ba dam pa'i gzhung las gcig nas 'dzegs pa rdzogs s+ho// // 'dul ba gzhung dam pa/bam po nyi shu brgyad pa/'dul ba las lnga pa'i mdor bsdus pa ste/ nyer bzhag 'jigs pa sel ba dang / /byin len bya brku ba dang / /bsnyen par rdzogs dang mtshams rnams dang / /zas kyang de bzhin skabs dbye dang / /dugs khang dang ni tha ma'o/ /mdor na/ nyer bzhag tshul khrims bden pa dang / /smra bar bya dang phas pham dang / / nyes byas gnyis dang lta ba ste/ /nyams pa dang ni lci ba dang / /ji lta bur ni rigs kyi bu/ /de min rim par bcas pa'o/ /sangs rgyas bcom ldan 'das la tshe dang ldan pa u pA lis zhus pa/ btsun pa dge slong gleng ba zhig gis gzhan la gleng bar 'tshal na gnas dur gnas te gleng bar bgyi/ dge slong yang skabs 'byed du gzhug par bgyi/ u pA li dge slong zhig dge slong gzhan la gleng bar 'dod pas gnas lnga la gnas te gleng bar bya'o/ /dge slong skabs 'byed du gzhug pa lnga gang zhe na/ stod g.yogs phrag pa gcig tu gzar te lham phud la rgan rims su 'dug nas dge slong gi dge 'dun la thal mo sbyar ba btud de byams pa'i sems nye bar gzhag la gleng ba'i dge slong de la skabs 'byed du gzhug /gleng ba'i dge slong gis gzhan la gleng bar 'dod pas chos lngas nang du dran pa nye bar gzhag la gzhan la gleng bar bya'o/ /lnga gang zhe na/ ci bdag tshul khrims dang ldan zhing sngon rdzogs pa yin nam/ ngo tsha zhing 'byed pa dang ldan nam/ sdom pas bsdams pa bslab par 'dod dam/ mang du thos shing thos pa 'dzin/ thos pa la sogs pa lung kha ton lobs sam/ ci 'dul ba dang lhag pa'i 'dul ba la bdag shin tu rnam par gdon mi za bar gyur tam snyam du bsams nas gleng bar byed pa'i dge slong gis gzhan la gleng bar 'dod na/ de ltar gnas lngas nang du dran pa nye bar gzhag la gzhan la gleng 13-1-48a bar bya'o/ /gzhan yang dge slong gleng ba zhig gleng bar 'dod pas chos lngas nang du dran pa nye bar gzhag la gleng bar bya'o/ /lnga gang zhe na/ 'di ltar bdag gzhan la gleng bar 'dod pa de ci bden pas sam 'on te mi bden pas don du gzung ba 'di dus las bab bam 'on te dus las ma bab/ ci don bzung ba skabs su bab bam 'on te skabs su ma bab/ ci don bzung ba 'di don dang ldan pa'am 'on te don dang ldan pa ma yin/ de la mthong bas sam/ thos pas sam/dogs pas smra bar bya'am zhes gleng ba'i dge slong gis gzhan la gleng bar 'dod pas/ chos de lngas nang du dran pa nye bar gzhag la gzhan la gleng bar bya'o/ /gleng bar byed pa'i dge slong gis gleng ba'i dge slong la rnam pa lngas skabs 'byed du gzhug par bya'o/ /lnga gang zhe na/ 'di ltar khyod la gleng gis shes par gyis shig /tshe dang ldan pa khyod la smra'o/ /tshe dang ldan pa khyod la gleng ngo / /tshe dang ldan pa khyod la dran par bya'o/ /tshe dang ldan pa khyod kyis bdag la skabs dbye bar byos shig /phas pham pa dang / dge 'dun gyi lhag ma dang / ltung ba dang / slar bshags pa dang / nyes byas rnams las gang khyod la smra/ gang khyod la brjod/ gang khyod la gleng/ gang khyod la dran par bya/ gang khyod la skabs su 'byed du gzhug /nyes byas su gyur na phas pham pa las byung ba'am/ dge 'dun gyi lhag ma las byung ba'am/ ltung ba las byung ba'am/ so sor bshags pa las byung ba'am/ bslab pa las byung ba rnams gang khyod la brjod par bya/ bshags par bya ba'am/ bsdam par bya ba'am/ 'dul ba las shin tu 'das pa'am/ ngan du smra ba las byung ba'am/ mngon du spyod pa rnams kyi nyes byas gang khyod la brjod par bya/ khyod la mthong ba'am/ thos pa'am/ dogs pa gang smra bar bya/ lus kyi 'das pa dang / ngag gi 'das pa gang khyod la smra bar bya/ ltung ba lci ba'am/ yang ba'am/ lhag ma dang bcas pa'am/ lhag ma ma lus pa'am/ thams 13-1-48b cad las 'das pa'am/ ltung ba gang khyod la smra bar bya/ tshul khrims nyams pa'am/ lta ba nyams pa'am/ 'tsho ba nyams pa'am/ nyams pa thams cad gang khyod la smra bar bya/ khyod 'gro ba'am/ 'greng ba'am/ 'dug pa'am/ nyal ba'am/ 'chag pa'am/ spyod lam gang khyod la smra bar bya/ grong du byas pa'am/ dgon pa la byas pa'am/ lam du byas pa'am/ lam las gol bar byas pa'am/ dben par byas pa rnams sam/ sa gang du byas pas khyod la gleng bar bya zhes dge slong gleng bar byed pas gleng ba'i dge slong la rnam pa 'di lngas skabs phye nas yi dam 'char bcug la gdod gleng bar bya'o/ /de ste khas mi len na gleng bar byed pa'i dge slong gis byams pa'i sems dang / snying rje'i sems dang / phan pa'i sems dang / rjes su brtse ba'i sems dang / bslang bar 'dod pa'i sems kyis gleng bar bya'o/ /lan 'debs pa'i dge slong gis kyang phas gleng bar byed pa'i tshe gnas lnga la gnas nas gleng bar byed pa'i dge slong la skabs dbye bar bya'o/ /gnas lnga gang zhe na/ stan las langs/ lham phud/ stod g.yogs phrag pa gcig tu gzar te/ rgan rims la thal mo sbyar ba btud nas bsti stang du bcas/ 'jigs pa dang bcas pa'i dbang du byas la gleng bar byed pa'i dge slong la skabs dbye bar bya'o/ /gleng ba'i dge slong gis gleng bar byed pa'i dge slong la skabs dbye bar 'dod na gleng bar byed pa'i dge slong la gnas lngar brtag par bya'o/ /lnga gang zhe na/ ci tshe dang ldan pa 'di tshul khrims dang ldan zhing sngon rdzogs pa yin nam/ ngo tsha zhing 'gyod pa dang ldan nam/ sdom pas bsdams shing sdom par 'dod dam/ ci tshe dang ldan pa mang du thos pa/ thos pa 'dzin pa/ thos pa bsags pa'am/ lung kha ton lobs sam/ 'dul ba dang / lhag pa'i 'dul ba dang / mdo sde la shin tu rnam par gdon mi za ba yin nam zhes glengs pa'i dge slong gis gleng bar byed pa'i dge slong la gnas 'di lngas 13-1-49a brtags la de'i 'og tu skabs dbye bar bya'o/ /glengs pa'i dge slong gis gleng bar byed pa'i dge slong la skabs dbye bar 'dod pas chos lnga nang du dran pa nye bar gzhag la skabs dbye bar bya'o/ /lnga gang zhe na/ bdag la gzhan gyis gleng ba de bden pas gleng gi mi bden pas ma yin pa dang / dus su gleng gi dus las 'das par ma yin pa dang / don dang ldan pas gleng gi don dang mi ldan par ma yin pa dang / tshig 'jam pos gleng gi rtsub pos ma yin pa dang / byams pa dang ldan pas gleng gi zhe sdang dang ldan pas ma yin pa 'di lta bu gzhan las rnyed par ga la 'gyur snyam du bsams nas/ glengs pa'i dge slong gis gleng bar byed pa'i dge slong la skabs dbye bar 'dod pas/ chos 'di lnga nang du dran pa nye bar bzhag nas gleng bar byed pa'i dge slong la tshig 'di skad smros shig /kye gleng bar byed pa'i tshe dang ldan pa khyod shes par gyis la bdag la smros shig /tshe dang ldan pa khyod kyis bdag la sgo shig /tshe dang ldan pa khyod kyis bdag la glengs shig /tshe dang ldan pa khyod la skabs dbye bar byas pa dag la ji skad du smra/ bdag la ji skad du bsgo/ bdag la ji skad du gleng/ bdag la ji lta bur dran par bya/ gang gi phyir bdag gis skabs dbye bar bya/ nyes pa'i nang nas phas pham pa'am/ dge 'dun gyi lhag ma'am/ ltung ba'am so sor bshags pa rnams las gang smra bar bya/ nyes byas rnams las kyang phas pham pa'am/ dge 'dun gyi lhag ma las byung ba'am/ ltung ba las byung ba'am/ so sor bshags pa las byung ba'am/ bslab pa las byung ba rnams skabs dbye bar bgyi/ bshags par bya ba'am/ bsdam par bya ba'am/ 'dul ba las 'das pa'am/ ngan du smra ba las byung ba'am/ mngon par spyad pa las byung ba rnams kyi nyes byas gang gis skabs dbye bar bya/ bdag la mthong ngam/ thos pa'am/ dogs pa'am/ lus kyi 'das pa'am/ ngag gi 'das pa'am/ bdag la mngon par spyad pa gang smra/ bdag 13-1-49b la lci ba'am/ yang ba'am/ lhag ma dang bcas pa'am/ lhag ma ma lus pa'am/ thams cad las 'das pa'am/ bdag la nyes pa gang smra/ tshul khrims nyams pa'am/ lta ba nyams pa'am/ spyod pa nyams pa'am/ 'tsho ba nyams pa'am/ thams cad nyams pa'am/ nyams pa gang smra/ 'gro ba dang / 'greng ba dang / 'dug pa dang / nyal ba dang / ma nyal ba rnams spyod lam gang byas pa las smra/ grong du byas pa'am/ dgon pa la byas pa'am/lam du byas pa'am/ lam gol bar byas pa'am/ mtshan mo byas pa'am/ nyin par byas pa rnams las bdag gis gang du byas pa smros shig /glengs pa'i dge slong gis gleng bar byed pa'i dge slong la rnam pa 'di lngas skabs phye la yi dam bcar chug ste tshig 'di skad smros shig /gleng bar byed pa ji ltar yi dam bcas pa'i nyes pa smros shig ces bya'o/ /mdor na/ 'jigs par gyur dang 'khrul ba dang / /tshangs pa'i chad pa rim gro med/ /bsdigs pa'i chad pa mngon sum dang / /bden pa rnams kyang de bzhin no/ /gang gi tshe gleng ba'i dge slong gis skabs phye bar gyur pa de'i tshe na gleng bar byed pa'i dge slong gis gnas lngar yid brtan par bya ste/ tshe dang ldan pa ma 'jigs shig /khyod 'jigs par ma byed/ khyod skrag par ma byed/ kun tu ma skrag shig /kun tu skrag par ma byed cig /ma sngangs shig /sdangs par ma byed cig /ma 'dzem shig /'dzem par ma byed cig /gleng bar byed pa'i dge slong gis glengs pa'i dge slong la gzhan yang gnas lngar yid brtan par bya ste/ tshe dang ldan pa khyod kyi 'khrul ba mi 'dzin to/ /khyod kyi sngangs pa'i skabs mi 'dzin gyi/ tshe dang ldan pa khyod la gtan la bab par 'dzin to/ /tshe dang ldan pa lan gsum gyi bar du dam bca' ba la gzhag go/ /gleng ba'i dge slong gis gleng bar byed pa'i dge slong la gzhan yang gnas lngar yid brtan par bya'o/ /de ste tshe dang ldan pa khyod tshangs pa'i chad pas rigs par 13-1-50a 'gyur na tshangs pa'i chad pas bsgo bar bya'o/ /de ste mi dga' bar tshor bas 'os par gyur na mi dga' bar 'gyur ba'i las bya'o/ /gleng bar byed pa'i dge slong gis glengs pa'i dge slong la gzhan yang gnas lngar yid brtan par bya'o/ /de ste tshe dang ldan pa khyod rim gro med par byed na rim gro med pa'i nang du bgrang bar bya'o/ /de ste tshe dang ldan pa khyod nyes pa ngor brjod na ni nyes pa ngor brjod pa'i nang du bgrang bar bya'o/ /de ste khyod gzhan zer ro zhes phyas thogs na ni gzhan zer ro zhes phyas thogs pa'i nang du khyod bgrang bar bya'o/ /de ste bsgo ba mi nyan na ni bsgo ba mi nyan par khyod bgrang bar bya'o/ /de ste cang mi smra bas bsgo ba mi nyan na ni yang cang mi smra ba'i nang du khyod bgrang bar bya'o/ /gleng bar byed pa'i dge slong gis glengs pa'i dge slong la gzhan yang gnas lngar yid brtan par bya ste/ de ste tshe dang ldan pa khyod la bsdigs pa'i las bya bar 'os na ni khyod la bsdigs pa'i las bya'o/ /de ste longs spyod mi gcig par 'os na ni longs spyod mi gcig pa'i las bya'o/ /de ste mig lam na mi snang bar 'os na ni khyod la mig lam na mi snang ba'i las bya'o/ /de ste bskrad par 'os na ni bskrad pa'i las bya'o/ /de ste smad pa'i las bya bar 'os na ni smad pa'i las bya'o/ /de ste slar bsdum par 'os na ni khyod la bsdum pa'i las bya'o/ /de ste spang bar 'os na ni khyod la spang ba'i las bya'o/ /gleng bar byed pa'i dge slong gis glengs pa'i dge slong la gzhan yang gnas lngar yid brtan par bya ste/ de ste tshe dang ldan pa khyod la chad pas gcad par 'os na ni khyod la chad pas gcad par bya'o/ /gzhi nas blangs te chad pas gcad par 'os na ni khyod gzhi nas bslang ste chad pas gcad par bya'o/ /de ste yid mgu bar 'os na ni khyod yid mgu bar byed du gzhug go/ /de ste gzhi nas bslang ste yid mgu bar byed par 'os na ni khyod gzhi nas bslang ste yid mgu bar byed du gzhug go/ /de ste slar gzhi nas bslang ste chad pa byed du gzhug par 'os 13-1-50b na ni khyod la slar gzhi nas bslang ste/ chad pa byed du gzhug pa'i las bya'o/ /de ste slar gzhi nas bslang ste yid mgu ba byed du gzhug par 'os na ni khyod slar gzhi nas bslang ste yid mgu bar byed du gzhug go/ /gleng bar byed pa'i dge slong gis glengs pa'i dge slong la gzhan yang gnas lngar yid brtan par bya ste/ de ste tshe dang ldan pa khyod mngon sum gyis 'dul bar 'os na ni khyod la mngon sum du 'dul bar bya'o/ /de ste dran pas 'dul bar 'os na ni khyod dran pas 'dul bar bya'o/ /de ste ma rmongs pas 'dul bar 'os na ni khyod ma rmongs pas 'dul bar bya'o/ /de ste de'i ngo bo tshol bas 'dul bar 'os na ni khyod de'i ngo bo tshol bas 'dul bar bya'o/ /de ste tshul shing mang por bya bar 'os na ni khyod la tshul shing mang por bya bar sbyin no/ /gleng bar byed pa'i dge slong gis glengs pa'i dge slong la gzhan yang gnas lngar yid brtan par bya ste/ glengs pa khyod nyon cig /khyod la gang dris pa de lta de lta bur khyod kyis smros shig /ji ltar bdag nyid sun par mi 'gyur ba dang / gzhan la gnod par mi 'gyur ba dang / skyon med pa'i dge slong rnams la gtse bar mi 'gyur ba dang / mngon sum du gyur pa'i dge slong rnams la mngon sum du mi smod pa dang / gzu bo'i dge slong rnams la mdo sde'i tshig dang / mi mthun par ma byed cig /de ltar byas na dge zhing shin tu dge bar 'gyur ro/ /mdor na/ nyes pa byas 'dogs de bzhin te/ /khas len lta ba gso sbyin dang / /slob dpon dang ni gang spyod dang / /gnas 'jig pa dang bskrad pa'o/ /nyes pa byed pa lnga ste/ khrel med pa las nyes pa byung ba dang / the tshom las byung ba dang / mi shes pa las byung ba dang / blo zhan pa las byung ba dang / dran pa nyams pa las byung ba'o/ /spang ba'i dngos po lnga ste/ gsol ba dang / 'dri bar byed pa dang / bsgo ba dang / kha cig la smra ba dang / brjod par bya ba'o/ /gsol ba gang zhe na/ tshe dang ldan pa khyod kyis dge sbyong du mi 'gyur ba cung zad 13-1-51a kyang ma byed cig par tshe dang ldan pa khyod la gsol lo/ /'dri bar byed pa gang zhe na/ tshe dang ldan pa khyod kyis dge sbyong du mi 'gyur ba cung zad ma byas sam zhes tshe dang ldan pa khyod la dri'o/ /bsgo ba gang zhe na/ tshe dang ldan pa khyod kyis dge sbyong du mi 'gyur bar ma byed cig ces khyod la bsgo bar bya'o/ /kha cig la smra ba gang zhe na/ tshe dang ldan pa khyod kyis ji ltar kha cig dge sbyong byed du mi 'gyur bar byed pa de ltar ma byed par bag yod par bsgrub par gyis shig /brjod pa gang zhe na/ tshe dang ldan pa khyod dge sbyong du mi 'gyur bar mi bya ba'i phyir yang dang yang brjod do/ /chos bzhin ma yin par khas len pa yang lnga ste/ rgyal pos 'jigs te khas len pa dang / rkun pos 'jigs te khas len pa dang / rigs pa'i grong gis 'jigs te khas len pa dang / chad pas 'jigs te khas len pa dang / dge sbyong nyid la ltos pa med par khas len pa'o/ /chos bzhin khas len pa yang lnga ste/ dkar po'i phyogs su rnam pa lngar bzlog par bya'o/ /chos bzhin ma yin par lta ba smra ba lnga ste/ lhag ma ma lus pa'i dngos po la lta ba smra ba dang / bshags pa'i dngos po la lta ba smra ba dang / nyes pa gzhan byung bar gyur pa la nyes pa'i dngos po la lta ba smra ba dang / bshags par mi 'os pa'i dngos po la lta ba smra ba dang / mi ldang bar 'dod pa lta ba smra ba'o/ /chos bzhin du lta bar smra ba lnga yang dkar po'i dge ba dang tshul nas byung ba'o/ /slob dpon lnga ste/ dge tshul gyi slob dpon dang / gsang ste ston pa dang / las byed pa dang / gnas bca' ba dang / klog par byed pa'o/ /dge tshul gyi slob dpon gang zhe na/ gang gis dge tshul gyi bslab pa'i gnas byin pa'o/ /gsang ste ston pa'i slob dpon gang zhe na/ gang gis bsnyen par rdzogs pa'i tshe gsang ste ston pa'o/ /las byed pa'i slob dpon gang zhe na/ gang gis bsnyen par rdzogs pa'i las byas pa'o/ /gnas bca' ba'i slob dpon gang 13-1-51b zhe na/ gang las lan gsum gyi bar du nan tan du mnos shing gnas bcas pa'o/ /klog pa'i slob dpon gang zhe na/ gang las blang ba'i sems kyis tshig gcig tsam yang blangs pa'o/ /spyo ba rnam pa lnga ste/ mi smra bar bya ba dang / lung mi ston pa dang / gcig tu mi spyod pa dang / dge ba'i phyogs gcad pa dang / gnas bcas pa slar gzhig pa dang lnga'o/ /mi smra bar bya ba gang zhe na/ de la smra bar mi bya kun tu smra bar mi bya'o/ /lung mi ston pa gang zhe na/ de la lung bsgo zhing rjes su mi ston pa'o/ /bstan pa mi ston pa'o/ /gcig tu mi spyod pa gang zhe na/ des bsnyen bkur byas pa bdag gir mi bya'o/ /dge ba'i phyogs gcad pa gang zhe na/ de la bklag pa dang / rnal 'byor dang / yid la bya ba mi bstan pa'o/ /gnas bcas pa slar gzhig pa gang zhe na/ gnas bcar mi gzhug pa'o/ /rnam pa lngas na gnas bcas pa bshig par 'gyur te/ bskrad pa dang / langs te 'gro ba dang / slar 'bab pa dang / phyogs las gzhan gyi phyogs su 'gro ba dang / re ba med par sems bskyed pa dang lnga'o/ /chos lnga dang ldan na gnas bca' ba sbyin te/ lnga gang zhe na/ dad pa yin/ rim gror bcas pa yin/ brtson 'grus brtsams pa yin/ ngag nyan pa yin/ dge ba'i bshes gnyen yin pa'o/ /chos lnga dang ldan na gnas bcas pa las gzhig par bya ste/ lnga gang zhe na/ ma dad pa yin/ rim gro med pa yin/ le lo can yin/ ngag mi nyan pa yin/ sdig pa'i grogs po yin no/ /lhan cig spyod pa dang nye gnas chos lnga dang ldan na bskrad pa yin te/ lnga gang zhe na/ ma dad pa yin/ rim gro med pa yin/ le lo can yin/ ngag mi nyan pa yin/ sdig pa'i grogs po yin no/ /lhan cig spyod pa dang / nye gnas chos lnga dang ldan na mi bskrad pa yin te/ lnga po dkar po'i phyogs su slar rnam pa lngar bzlog ste brjod par bya'o/ /lhan cig spyod pa dang nye gnas chos lnga dang 13-1-52a ldan na bzod par bya ba ma yin te/ ma dad pa yin/ rim gro med pa yin/ le lo can yin/ ngag mi nyan pa yin/ sdig pa'i grogs po yin no/ /lhan cig spyod pa dang nye gnas chos lnga dang ldan na bzod par bya ba yin te/ dkar po'i phyogs slar rnam pa lngar bzlog ste brjod par bya'o/ /mdor na/ byin len gsum dang zhig pa dang / /klu dang nyes pa bshags pa dang / /ma ning pho dang ma ning mo/ /rung ba'i gnas dang rdul gnyis so/ /byin len rnam pa lnga ste/ lus kyis lus la bya ba dang / lus kyis lus la zin pa dang / lus kyis zin pas lus la bya ba dang / lus kyis zin pas lus kyi zin pa la bya ba dang / bzhag pa'i byin len dang lnga'o/ /ji ltar lus kyis lus la bya zhe na/ lag nas phyin la lag gis blangs pa'o/ /ji ltar lus kyis lus la zin pa zhe na/ lag nas byin la lhung bzed du blangs pa'o/ /ji ltar lus kyis zin pas lus la bya zhe na/ snod kyis byin la lag tu blangs pa'o/ /ji ltar lus kyis zin pas lus kyis zin pa la bya zhe na/ snod nas byin la snod du blangs pa'o/ /ji ltar bzhag pa'i byin len bya zhe na/ smod pa zhes bya ba'i mi yod de/ de dag gi pha dang phu bo dag kyang smod na gzhan la lta ci smos te/ de dag gi mdun du lhung bzed bzhag nas 'di skad ces smra'o/ /bzhin bzangs de ste btang bar gyur na lhung bzed 'o ni'i nang du lugs shig /de dag gis kyang lhung bzed der blugs par gyur na de ni bzhag pa'i byin len zhes bya'o/ /gzhan yang byin len lnga ste/ khri'i steng du byin len bya ba dang / khri'u dang / khri'u chung ngu dang / thu ba dang / lhung bzed kyi gzhir ro/ /rnam pa lngas ni byin len byas kyang byin len byas par mi 'gyur te/ ma btang bzhin len pa dang / bza' bar mi sems par len pa dang / gzhan du 'du shes te len pa dang / mdun du ma 'dug par len pa dang / rang bzhin can ma yin pa las blangs pa'o/ /rnam pa lngas byin len byas kyang byin len 'jig par 'gyur 13-1-52b te/ lnga gang zhe na/ phrogs pa dang / shor ba dang / bor ba dang / slar babs pa dang / dus byas pa'o/ /klu'i rang bzhin lnga ste/ lhag ma rnams ni sprul pa yin te/ rang bzhin 'byung ba dang / rang bzhin gyis 'chi ba dang / rang bzhin gyis nyal ba dang / rang bzhin gyis khro ba dang / rang bzhin gyis mi tshangs par spyod pa 'khrig pa'i chos byed pa'o/ /nyes pa lnga ste/ phas pham pa dang / dge 'dun gyi lhag ma dang / ltung ba dang / so sor bshags pa dang / nyes byas so/ /nyes pa byung ba rnam pa lnga ste/ lus las nyes pa 'byung gi ngag las ma yin pa yang yod/ ngag las nyes pa 'byung gi lus las ma yin pa yang yod/ lus dang sems las nyes pa 'byung gi ngag las ma yin pa yang yod/ ngag dang sems las nyes pa 'byung gi lus las ma yin pa yang yod/ lus dang sems dang ngag las nyes pa 'byung ba yang yod do/ /nyes pa las 'byung ba yang lnga ste/ mthong bas 'byung ba dang / bsgrags pas 'byung ba dang / thog ma nas ma byas pas 'byung ba dang / byin gyis brlabs pas 'byung ba dang / bshags pas 'byung ba dang lnga'o/ /ma ning pho la rnam pa lnga ste/ rang bzhin gyi ma ning dang / zla ba phyed kyi ma ning dang / phrag dog gi ma ning dang / chags pa'i ma ning dang / nyams pa'i ma ning ngo / /rang bzhin gyi ma ning gang zhe na/ rang bzhin gyis ma ning du gyur pa'o/ / zla ba phyed kyi ma ning gang zhe na/ zla ba phyed ni phor 'gyur/ zla ba phyed ni mor 'gyur ba'o/ /phrag dog gi ma ning gang zhe na/ gzhan log par zhugs pa mthong nas de yang gdod log pa byed par gyur pa'o/ /chags pa'i ma ning gang zhe na/ de la gzhan gyis spyod cing btsir na gdod byed pa'o/ /nyams pa'i ma ning gang zhe na/ gang gis pho mtshan srog chags kyis zos pa'am mtshon gyis chod pa'o/ /ma ning mo yang rnam pa lnga ste/ mtshan gnyis ka yod pa dang / sgo gnyis 'brel ba dang / rgyun du zag pa dang / zla 13-1-53a mtshan med pa dang / mtshan ma tsam yod pa'o/ /rung ba'i gnas lnga ste/ dngos po zin pa dang / dngos po ma zin pa dang / dngos po bor ba dang / snga nas yod pa dang / ma 'dug pa dang lnga'o/ /rung ba'i gnas dngos po zin pa gang zhe na/ dngos po de rnams thams cad yongs su rdzogs pa yin no/ /gang byin gyis brlabs pa rnam pa gsum gyis byin gyis brlabs te sems bskyed pa dang / gcig la gcig tu smras pa dang / gsol ba byas pa'o/ /rung ba'i gnas dngos po ma zin pa gang zhe na/ chung ngu na rmang rdo tsam yang brtsigs pa'o/ /de yang byin gyis brlabs pa rnam pa gsum po de bzhin byin gyis brlabs pa yin no/ /rung ba'i gnas dngos po bor ba gang zhe na/gang mngon du rung ba'i gnas su byin gyis brlabs pa las bor te/ slar rung ba'i gnas su byin gyis brlabs pa rnam pa gsum po des byin gyis brlabs pa yin no/ /rung ba'i gnas snga nas yod pa gang zhe na/ mu stegs can ya mtshan sna tshogs rnams thun mong du gyur pa ste/ dge 'dun gyis byin gyis brlabs pa 'di gsum gyis byin gyis brlabs pa yin no/ /rung ba'i gnas su ma 'dug pa gang zhe na/ de ni snga nas rung ba'i gnas med pa las rtsig pas bskor tam/ sab mos bskor tam/ 'obs kyis bskor kyang rung der dge 'dun gyis sa la ri mo bris sam/ phur pa btab bam/ rtsig pas bskor tam/ mtshan ma gzhan ci btsugs kyang rung ste/ byin gyis brlabs pa rnam pa gsum po des rung ba'i gnas su byin gyis brlabs pa yin no/ /rdul rnam pa lnga ste/ zas rdul dang / btung ba rdul dang / dri rdul dang / sman rdul dang / rdul nyid rdul dang lnga yin no/ /gzhan yang rdul rnam pa lnga ste/ bza' ba rdul dang / bca' ba rdul dang / thug pa rdul dang / bzhib pa rdul dang / bldag pa rdul dang lnga'o/ /mdor na/ rku ba dang yang skabs 'byed pa/ /sbyin pa dag dang gso sbyin gnas/ /bka' 13-1-53b lung ston par byed pa dang / /grong du nye bar 'gro ba gnyis/ /rku ba rnam pa lnga ste/ sgyus rku ba dang / mthus rku ba dang / phyir sbyin no zhes zer zhing rku ba dang / brnogs te rku ba dang / bsngos te rku ba dang lnga'o/ /gang zag skabs 'byed par mi bya ba lnga ste/ ngo tsha ba med pa dang / bar chad yod pa dang / tshig mi brtan pa dang / rang bzhin du mi gnas pa dang / phas pham pa byung ba dang lnga'o/ /sbyin pa lnga bsod nams ma yin par bgrang ste/ mtshon byin pa dang / chang byin pa dang / dug byin pa dang / bud med byin pa dang / chos ma yin pa byin pa dang lnga'o/ /rgyu dang rkyen lngas gso sbyin gyi gnas su ma song yang nyes par mi 'gyur te/ rgyal pos bar chad byas pa dang / chus khyer ba dang / mes tshig pa dang / mi ma yin pas bar chad du byas pa dang lnga'o/ /bka' lung ston pa la rnam pa lnga ste/ smyon pa yin te sems 'khrugs pa nad kyis gzir bas bka' lung ston pa dang / tshul 'chos pa yin te/ sdig pa la dad pas tshul 'chos pas bka' lung ston pa dang / blun pa yin te blun pa nyam chung ba rmongs pas bka' lung ston pa dang / mngon pa'i nga rgyal can yin te/ mngon pa'i nga rgyal gyis bka' lung ston pa dang / yang dag par rnam par grol ba yin te/ yang dag par rnam par grol bas bka' lung ston pa'o/ /grong du nye bar 'gro ba'i dge slong grong du song na nyes pa'i dmigs rnam pa lngar rig par bya ste/ lnga gang zhe na/ dge slong 'khod bzhin du shes par ma byas par dus ma yin par grong gi nang du 'gro ba dang / legs par ma brtags par stan la 'dug pa dang / bud med la tshig lnga las lhag par chos 'chad pa dang / bud med dang lhan cig gnyis su stan gcig la 'dug pa dang / smen ngan dang bcas pa'i grong du nan gyis stan la 'dug pa'o/ /grong du nye bar 'gro ba'i dge slong dran pa nyams par grong du song na gzhan yang nyes pa'i dmigs lngar rig par bya'o/ /bud med la rgyun du blta ba dang / blta zhing gtam zer ba dang / 13-1-54a gtam zer ba la 'dris pa dang / 'dris nas tshul bzhin ma yin pa yid la byed pa dang / tshul bzhin ma yin pa yid la byas nas tshangs par spyod pa la mi dga' bar 'gyur zhing nyes pa lci ba 'byung ba'am/ bslab pa phul ba'am/ slar babs par 'gyur ba'i bar du'o/ /mdor na/ bsnyen rdzogs so sor thar pa dang / /yid gcugs 'dul ba thar pa dang / /gtan pa lnga dang dman pa dang / /ma skyes pa dang dogs pa'o/ /rnam pa lnga'i phyir na bsnyen par rdzogs pa zhes brjod de/ mkhan po'i ming nas 'byin pa dang / dge 'dun gyi ming nas 'byin pa dang /bsnyen par rdzogs par 'dod pa'i ming nas 'byung ba dang / gsol ba byed pa dang / las nyams par mi byed pa dang lnga'o/ /sangs rgyas byung ba'i dus na bsnyen par rdzogs pa lnga ste/ ye shes mngon par chud pa dang / ston par khas blangs pa dang / btsun pa'i chos khas blangs pa dang / dge slong tshur shog ces smra ba dang / slob dpon dang mkhan po med pa ste de ltar lnga'o/ /so sor thar pa klog pa lnga ste/ gsol ba byas nas gleng gzhi brjod de lhag ma thos pa'o/ /zhes bsgrags pa 'di ni so sor thar pa bsgrags pa dang po'o/ /gsol ba byas te gleng gzhi dang phas pham pa bzhi bklags te/ lhag ma thos pa'o zhes bsgrags pa 'di ni so sor thar pa'i mdo klog pa gnyis pa'o/ /gsol ba byas te gleng gzhi dang phas pham pa bzhi dang / dge 'dun gyi lhag ma bcu gsum bklags te/ lhag ma rnams thos pa'o zhes bsgrags pa 'di ni so sor thar pa'i mdo klog pa gsum pa'o/ /gsol ba byas te gleng gzhi dang phas pham pa bzhi dang / dge 'dun gyi lhag ma bcu gsum dang mi mngon pa gnyis bklags te/ lhag ma thos pa'o zhes bsgrags pa 'di ni so sor thar pa'i mdo klog pa bzhi pa'o/ /mdo rdzogs par klog pa dang lnga'o/ /yid gcugs par 'dzin pa lnga ste/ mdza' ba yin te yid du 'ong ba dang / bzod pa yin te mi mthun pa med pa 13-1-54b dang / bla ma yin te btsun par bya ba dang / gcugs pa yin te ci 'dod pa bzhin byed pa dang / 'dug 'tsho skyong ba ste de 'di snyam du sems so/ /blangs pa de thos na yang dga' bar 'gyur ba'o/ /'dul ba lnga ste/ sangs rgyas kyi tshe dang / rtag pa dang / phyogs gcig pa dang / thams cad du 'gro ba dang / nyon mongs pa 'dul ba'o/ /gzhan yang 'dul ba lnga ste/ yul 'dul ba dang / dus 'dul ba dang / gnas 'dul ba dang / gang zag 'dul ba dang / 'khrug pa 'dul ba'o/ /gang zag lnga la 'dul ba mi brjod de/ skabs tshol bas 'dri ba dang / gtse bar bsams te 'dri ba dang / phyas gdags par bsams te 'dri ba dang / bgam par bsams te 'dri ba dang / nyes par brjod par 'dod pas 'dri ba'o/ /gtan pa la yon tan lnga ste/ zhag gcig gis 'brel bar mi 'gyur ba dang / zhag bcus mi 'gyur ba dang / zhag bcu las 'das kyang mi 'gyur ba dang / ma bsngos par gos lhag par 'chang ba dang / stod g.yogs dang mthang gos kyis ljongs rgyu zhing spyod pa'o/ /gzhan yang gtan pa la yon tan lnga ste/ 'dus te za ba med/ yang yang za ba med/ spyan ma drangs par 'gro ba dang / chos gos ci dgar tshol ba dang / ston zla tha chungs nas dpyid zla ra ba'i bar du rnyed pa ci yod pa dbyar lhan cig tu gnas pa'i dge 'dun dang 'dra bar bgo ba'o/ /gang zag lnga gtan pa 'ding bar mi bsko ste/ dbyar med pa dang / dbyar chad pa dang / dbyar phyi mar zhugs pa dang / gzhan du dbyar tshul du zhugs pa dang / spang ba byas pa'o/ /gzhan yang gang zag lnga gtan pa 'ding bar mi bsko ste/ so sor gnas pa dang / mi gnas pa dang / rjes su phyogs pa dang / bslab pa byin pa dang / zhig pa'o/ /gzhan yang gang zag lnga gtan pa 'ding bar mi bsko ste/ ma mthong bas spang bar byas pa dang / slar las mi byed pa'i phyir spangs pa dang / sdig par lta ba slar ma gtang ba spangs pa dang / rjes 13-1-55a su phyogs pa dang / mi gnas pa'o/ /gzhan yang gang zag lnga gtan pa 'ding bar mi bsko ste/ chad pa byed pa dang / gzhi nas bslang ste chad pa byed pa dang / yid mgu bar byed pa dang / gzhi nas bslang ste mgu bar byed pa dang / yid mgu bar spyad pa'o/ /gang zag lnga rnams rnyed pa dbang la yon tan med de/ dbyar med pa dang / dbyar chad pa dang / dbyar phyi mar tshul du zhugs pa dang / dge tshul pha dang / bslab pa byin pa'o/ /gzhan yang gang zag lnga rnams rnyed pa dbang la yon tan med de/ ma mthong ba'i phyir spangs pa dang / slar las mi byed pas spangs pa dang / sdig pa la lta ba slar ma btang bas spangs pa dang / nye bar phyogs pa dang / mi gnas pa'o/ /gang zag lnga rnams rnyed pa yang mi dbang la yon tan yang med de/ pha bsad pa dang / ma bsad pa dang / dgra bcom pa bsad pa dang / dge 'dun gyi dbyen byas pa dang / de bzhin gshegs pa la ngan sems kyis khrag phyung ba'o/ /gzhan yang gang zag lnga dag rnyed pa yang mi dbang la yon tan yang med de/ ma ning dang / dge slong ma sun phyung ba dang / mu stegs can du song ba dang / rkun gnas dang / sngon nyes pa byung ba'o/ /bla mar mi byed pa'i chos lnga ste/ ma dad pa yin/ tshul khrims ngan pa yin/ nyung ngu thos pa yin/ ser sna can yin/ shes rab 'chal ba yin no/ /gang zag lnga ni chos dang 'dul ba 'di las mi skye ba'i chos can yin te/ pha bsad pa dang / ma bsad pa dang / dgra bcom pa bsad pa dang / dge 'dun gyi dbyen byas pa dang / de bzhin gshegs pa la ngan sems kyis khrag phyung ba'o/ /gzhan yang gang zag lnga ni chos dang 'dul ba 'di las mi skye ba'i chos can te/ ma ning dang / dge slong ma sun phyung ba dang / mu stegs can du song ba dang / rkun gnas dang / sngon nyes pa byung ba'o/ /chos lnga dang ldan pa'i dge slong sdig pa la dogs pa can yin te/ gnod sbyin mo la sten pa dang / smad 'tshong ma 13-1-55b la sten pa dang / yugs sa mo la sten par byed pa dang / gzhon nu ma chen mo la sten par byed pa dang / ma ning mo dang sten par byed pa'o/ /mdor na/ mtshams gsum lhag mar byas pa dang / /myur du gnas pa 'gro ba dang / /gos dang rung bas sman rnams dang / /khab ral yang ni de bzhin no/ /rnam pa lngas mtshams slar zhig par 'gyur te/ dge 'dun thams cad dong ba dang / dge 'dun thams cad babs pa dang / dge 'dun thams cad shi ste dus byas pa dang /dge 'dun thams cad phyogs phyogs su dong zhing chad pa dang / gsol ba dang las byas pa dang lnga'o/ /gzhan yang rnam pa lngas na mtshams phyir zhig par 'gyur te/ mtshan ma med pa dang / dge slong med pa dang / re ba med pa dang / mtshams gzhan bskor ba dang / gsol ba dang las dang lnga'o/ /rnam pa lngas na lhag mar ma byas pa zhes brjod de/ mngon sum du ma gyur par bza' ba dang bca' ba lhag mar byed pa dang / byin len ma byas par bza' ba dang bca' ba lhag mar byed pa dang / gzhan la ma bsgo bar lhag mar byed pa dang / bsnyen par ma rdzogs pa'i mdun du lhag mar byed pa dang / rang bzhin du mi gnas pa'i mdun du lhag mar byed pa'o/ /lhag mar byas pa dkar po'i phyogs su rnam pa lngar bzlog ste brjod do/ /myur du smra ba'i gang zag la nyes pa'i dmigs rnam pa lngar rig par bya'o/ /lnga gang zhe na/ lus ngal bar 'gyur/ dran pa nyams par 'gyur/ sems la gnod par 'gyur/ mid pa 'gag par 'gyur/ zur mi phyin cing go bar mi 'gyur te/ myur du smra ba'i gang zag la nyes pa'i dmigs su 'gyur ro/ /myur du mi smra ba'i gang zag la ni yon tan rnam pa lngar 'gyur te/ dkar po'i phyogs su rnam pa lngar bzlog ste brjod par bya'o/ /gnas gcig na yun ring du gnas pa'i gang zag la nyes pa'i dmigs rnam pa lngar 'gyur te/ bya ba mang por 'gyur/ snod spyad mang du 'gyur/ yo 13-1-56a byed mang zhing gnas la ser sna can du 'gyur/ gnas la chags shing khyim la ser sna can du 'gyur/ rigs la chags shing khyim pa dang rab tu byung ba de dag lhan cig 'dres par 'gyur ro/ /gnas gcig na yun ring du mi gnas pa'i gang zag la yon tan lnga ste/ dkar po'i phyogs su bzlog ste rnam pa lngar brjod par bya'o/ /rtag tu 'gro ba la nyes pa'i dmigs rnam pa lngar 'gyur te/ khong du ma chud pa chud par mi 'gyur ba dang / khong du chud pa rnams nyams par 'gyur ba dang / chos thos pa rnams kyang brjed par 'gyur/ gnod pa cher myong bar 'gyur/ mdza' bo dang ldan par mi 'gyur ro/ /rtag par mi 'gro ba la yon tan lnga ste/ de dkar po'i phyogs su bzlog ste rnam pa lngar brjod par bya'o/ /rung ba'i gos la rnam pa lnga ste/ bal dang / ras bal dang / srin bal dang / ldum bu sha na dang / zar ma'i gos so/ /chos gos la rnam pa lngas na chos gos byin gyis brlabs pa las slar zhig par 'gyur te/ phrogs pa dang / btang ba dang / slar phyung ba dang / babs pa dang / dus byas pa'o/ /bsngos pa las kyang rnam pa lngas na slar zhig par 'gyur te/ phrogs pa dang / byin pa dang / slar phyung ba dang / babs pa dang / dus byas pa'o/ /de bzhin du lhung bzed byin gyis brlabs pa'ang brjod par bya'o/ /de bzhin du sman byin gyis brlabs pa dang / sman bsngos pa yang brjod par bya'o/ /khab ral gang zag lnga'i dbang du mi bya ste/ ngo tsha med pa dang / khon yod pa dang / chog mi shes pa dang / dran pa nyams pa dang / rang bzhin du mi gnas pa'o/ /mdor na/ bza' ba phyi bzhin dge sbyong dang / /dge bsnyen dang ni nad pa gnyis/ /rab tu 'byung ba lnga po dang / /yon tan mang po de bzhin no/ /zas tshod med pa la nyes pa'i dmigs rnam pa lnga ste/ lus lci bar 'gyur/ las su mi rung zhing spong ba la mi bzod pa dang / dbugs phyi nang du rgyu ba la mi bde ba dang / bshang 13-1-56b gci mang du 'gyur ba dang / snyom pa dang gnyid kyis sems kun tu non par 'gyur ba dang / sems rtse gcig tu mi 'gyur zhing gzhan du 'gyur ba'o/ /zas tshod zin pa la yon tan lngar 'gyur te/ de dkar po'i phyogs su bzlog ste rnam pa lngar brjod par bya'o/ /chos lnga dang ldan na phyi bzhin 'brang ba'i dge sbyong bkri mi dgos te/ shin tu mdun du ring du 'gro ba dang / shin tu phyi nas nur zhing 'ong ba dang / snyogs shing 'gro ba dang / gtam gyi bar du 'jug pa dang / rigs shing 'os par rnyed pa rnams len mi nus pa'o/ / lhung bzed gnyis dang lhung bzed du thogs pa rnyed pa blang bar yang dkar po'i phyogs su rnam pa lngar bzlog ste brjod par bya'o/ /chos lnga dang ldan pa'i dge bsnyen ni dge bsnyen dri ma can no/ /dge bsnyen slu ba'o/ /dge bsnyen rul ba'o/ /dge bsnyen rigs ngan du rig par bya ste/ tshul khrims ngan pa can yin te/ bslab pa yongs su rdzogs par mi byed pa'o/ /ltas dang bkra shis pa la brten pa yin te/ ltas dang bkra shis pas 'dag par yid ches kyi las kyis ma yin pa dang / log par lta ba yin te log par lta zhing dge slong la mi dga' ba mang du yin/ gnas brtan dang bar ma dang / gsar bu'i dge 'dun la dbang bzas pa yin te/ des de na 'khod pa'i dge slong la smad pa'o/ /chos lnga dang ldan pa'i dge bsnyen ni dge bsnyen pad ma lta bu/ dge bsnyen pu N+Da rI ka lta bu/ dge bsnyen dam par lta ste/ dkar po'i phyogs su rnam pa lngar bzlog ste brjod par bya'o/ /chos lnga dang ldan pa'i nad pa la nad g.yog bya bar dka' ba yin no/ /tshig mi srun pa tshig mi srun par gyur pa'i chos rnams dang ldan pa dang / nad g.yog gis lung bstan pa bzhin du mi btub pa dang / gang phan pa dang gang mi phan pa mi shes pa dang / sman la mi sten pa yin te/ gang bdag la yo byad 'byor ba de thams cad gzhan la 'tsho ba dang / nad rnams dub pa dang ma dub pa mi shes pa'o/ /de nyid la 13-1-57a dkar po'i phyogs su rnam pa lngar bzlog ste brjod par bya'o/ /chos lnga dang ldan na nad pa'i nad g.yog du bcug pa'i mi rigs so/ /tshig mi srun pa yin te/ tshig mi srun par gyur pa'i chos rnams dang ldan pa dang / nad pa la lung bstan pa bzhin mi byed pa dang / nad pa la phan pa dang mi phan pa mi shes pa dang / nad pa'i sman sbyor mi nus pa dang / nad pa la kha zas kyi phyir nad g.yog byed kyis chos kyi phyir ma yin zhing smod pa can yin te/ nad pa la rab tu smad nas nad pa'i bshang gci dang / mchil ma dang / skyugs pa dang / tshad pa 'dor du mi btub cing smod pa'o/ /dkar po'i phyogs su rnam pa lngar bzlog ste brjod par bya'o/ /chos lnga dang ldan zhing lo bcu lon pas rab tu dbyung bar bya/ bsnyen par rdzogs par bya/ gnas sbyin par bya ste/ lnga gang zhe na/ tshul khrims dang ldan pa dang / mang du thos pa dang / mdo sde 'dzin pa dang / 'dul ba 'dzin pa dang / ma lta bu 'dzin pa'o/ /gzhan yang rnam pa lngar brjod de/ tshul khrims dang ldan pa dang / mang du thos pa dang / mdo sde la mkhas pa dang / 'dul ba la mkhas pa dang / ma lta bu la mkhas pa'o/ /gzhan yang rnam pa lngar brjod de/ tshul khrims dang ldan pa dang / mang du thos pa dang / mdo sde rig pa dang / 'dul ba rig pa dang / ma lta bu rig pa'o/ /gzhan yang rnam pa lngar brjod de/ tshul khrims dang ldan par gyur pa dang / mang du thos pa dang / mdo sde la gsal ba dang / 'dul ba la gsal ba dang / ma lta bu la gsal ba'o/ /gzhan yang rnam pa lngar brjod de/ tshul khrims can dang / mang du thos pa dang / lhan cig spyod pa dang / nye gnas mdo sde dang / 'dul ba dang / ma lta bu slob tu 'jug nus pa'o/ /gzhan yang rnam pa lngar brjod de/ tshul khrims can dang / mang du thos pa dang / lhag pa'i tshul khrims dang / lhag pa'i sems dang / lhag pa'i 'dul ba la bslabs pa yin no/ /gzhan yang 13-1-57b rnam pa lngar brjod de/ tshul khrims can dang / mang du thos pa dang / bslab pa las lhag par spyod pa'i bslab pa dang / 'dul ba lhag pa dang / so sor thar pa lhag pa rnams slob pa'o/ /gzhan yang rnam pa lngar brjod de/ dad pa dang ldan pa yin te/ tshul khrims dang ldan pa dang / thos pa dang ldan pa dang / gtong ba dang ldan pa dang / shes rab dang ldan par gyur pa'o/ /gzhan yang rnam pa lngar brjod de/ tshul khrims dang ldan pa dang / shes rab dang ldan pa dang / ting nge 'dzin dang ldan pa dang / rnam par grol ba dang ldan pa dang / rnam par grol ba'i ye shes mthong ba dang ldan pa'o/ /gzhan yang rnam pa lngar brjod de/ tshul khrims can dang / mang du thos pa dang / brtson 'grus rtsom pa dang / dran pa nye bar 'jog pa dang / shes rab can du gyur pa'o/ /gzhan yang rnam pa lngar brjod de/ tshul khrims can dang / mang du thos pa dang / brtson 'grus brtsams pa dang / mnyam par 'jog pa dang / shes rab can du gyur pa'o/ /gzhan yang rnam pa lngar brjod de/ tshul khrims can dang / mang du thos pa dang / brtson 'grus brtsams pa dang / nang du yang dag 'jog la brtson pa dang / shes rab can yin no/ /gzhan yang rnam pa lngar brjod de/ slob pa'i tshul khrims kyi phung por ldan pa dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po dang ldan par gyur pa'o/ /gzhan yang rnam pa lngar brjod de/ mi slob pa'i tshul khrims kyi phung po dang ldan pa dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po dang ldan par gyur pa'o/ /gzhan yang rnam pa lngar brjod de/ nyes pa byung ba shes/ bcas pa shes/ rjes su bcas pa shes/ gnang ba shes/ rjes su gnang ba shes pa'o/ /gzhan yang rnam pa 13-1-58a lngar brjod de/ bar chad du 'gyur ba shes/ bar chad du mi 'gyur ba shes/ lung bstan pa dang / rjes su bstan pa dang / gnas bca' ba byed nus pa'o/ /gzhan yang rnam pa lngar brjod de/ nyes pa shes/ nyes pa med pa shes/ lci ba shes/ yang ba shes/ des so sor thar pa'i mdo rgyas par go zhing kha ton du lobs pa yin no/ /chos 'di lnga dang ldan na des rab tu dbyung bar bya/ bsnyen par rdzogs par bya/ gnas sbyin par bya/ bdag nyid kyang gnas mi bca' bar 'dug par bya ste/ thog ma'i lnga po nyams pa gnyis te/ bsnyen par rdzogs nas lo bcu lon nam de bas lhag kyang rung ste/ lhan cig spyod pa'am nye gnas kyang rung ste/ nad pa'i nad g.yog byed dam/ nad g.yog byed du 'jug nus pa dang / lhan cig spyod pa'am nye gnas kyang rung ste/ the tshom byung na slar sel tam sel du 'jug nus pa dang / lhan cig spyod pa'am nye gnas sdig pa la lta bar gyur na/ slar gtong ngam gtong nus par gyur pa dang / lhan cig spyod pa'am nye gnas gnas 'di na mi dga' bar gyur na/ yul gud du len du 'jug par byed nus pa yin te/ chos 'di lnga dang ldan na rab tu dbyung bar bya/ bsnyen par rdzogs par bya/ gnas sbyin par bya/ bdag dang gnas mi bca' bar 'dug par bya'o// //'dul ba gzhung dam pa/bam po nyi shu dgu pa/ lnga po rnams kyi mdo bar ma'i tshigs su bcad pa brjod par bya'o/ /lo bcu mdo sde bzhi pa dang / /lhag mar spyod dang rdzogs pa dang / /gnyis su byas te brtson 'grus brtsams/ /gzhan yang gsum pa phung po dang / /byung ba la yang gnyis su bya/ /bar du gcod dang nyes pa dang / /tha mar byas nas sder bsdus so/ /'dul ba mi 'dzin pa la nyes pa'i dmigs lnga dang ldan pa ni zab pa dang / spobs pa med pa dang / bsam pa mang ba dang / 'jig rten gyi yi ger ldan pa dang / go dka' ba'o/ /gang zag 'dul ba 'dzin pa la 13-1-58b yon tan rnam pa lnga ste/ rgyal ba'i nang gi mdzod srung bar 'gyur ba yin/ bdag gi tshul khrims kyi phung po sbas shing shin tu sbas par gyur pa dang / de la lung bsgo ba dang / bstan pa gzhan la rag ma lus pa yin/ 'khor bzhi 'du bar 'gyur ba yin/ mkhas pa tshangs pa mtshungs par spyod pa'i gang zag 'gyod pa skyes pa rnams kyi skyabs su gyur pa yin no/ /gzhan yang 'dul ba 'dzin pa'i gang zag la yon tan rnam pa lnga ste/ mi 'jigs par dge 'dun gyi nang du gnas pa dang / des bslab pa'i gnas shin tu zin par gyur pa dang / ston pas bstan pa dag 'phel bar byed pa dang / chos kyi rjes su sgrogs par byed pa dang / 'di ltar bslab pa'i dbang du byas nas 'di las phyi rol pa'i spyi bor bsgrubs te 'dug pa yin no/ /gzhan yang gang zag 'dul ba 'dzin pa la yon tan rnam pa lnga ste/ 'dul ba 'dzin pa'i gang zag phyogs gang na gnas pa der nga snang bar gyur pa dang / mngon du snang bar gyur pa dang / rab tu snang bar gyur pa dang / phyogs de ngas stongs par ma gyur pa dang / 'dul ba 'dzin pa'i gang zag phyogs gang na 'dug pa de'i phyogs su de bzhin gshegs pa phrin las chung ba yin no/ /gzhan yang 'dul ba 'dzin pa'i gang zag la yon tan rnam pa lnga ste/ byung ba shes pa dang / bcas pa shes pa dang / rjes su bcas pa shes pa dang / spangs pa shes pa dang / rjes su gnang ba shes pa'o/ /gzhan yang 'dul ba 'dzin pa la yon tan rnam pa lnga ste/ nyes pa shes pa dang / nyes pa med pa shes pa dang / lci ba shes pa dang / yang ba shes pa dang / des so sor thar pa'i mdo klog cing rgyas par bsgrags pa yin no/ /gzhan yang 'dul ba 'dzin pa'i gang zag la yon tan rnam pa lnga ste/ bar chad du 'gyur ba shes/ bar chad ma yin pa shes/ lung bsgo ba dang / rjes su ston pa dang / gnas bcar 'jug nus pa yin no/ /mdor na/ spangs par gyur dang gnyis pa dang / /phyag 13-1-59a der khrod pa gnyis su bya/ /rung ba gnyis pa bza' ba dang / /bca' ba bu ram de bzhin no/ /rnam pa lngas na spangs pa zhes bya ste/ bza' bar mngon pa dang / bza' ba sbyin par mngon pa dang / bza' ba byin len byed par mngon pa dang / bza' ba spong bar mngon pa dang / stan las langs par mngon pa'o/ /ji ltar na bza' bar mngon pa zhe na/ bza' ba rnam pa lnga dang bca' ba rnam pa lnga slar spong bar byed pa'o/ /ji ltar na bza' ba sbyin pa mngon pa zhe na/ skyes pa dang bud med dang ma ning du mngon pa'o ji ltar na bza' ba byin len byed pa mngon pa zhe na/ bza' ba lnga dang bca' ba lnga 'brim par gyur pa'o/ /ji ltar na bza' ba spong bar mngon pa zhe na/ bza' ba lnga dang bca' ba lnga mi 'dod ces spangs pa yin/ ji ltar na stan las langs par mngon pa gang zhe na/ gang stan las langs pa'o/ /rnam pa lngas na ma spangs pa zhes bya ste/ de lta bu las slar bzlog pa rnam pa lngar brjod par bya'o/ /gzhan yang rnam pa lnga'i phyir ma spangs pa zhes bya ste/ mi rung ba'i bza' ba bza' ba dang bca' ba bca' ba mi rung bar 'dres pas spong ba dang / bzhag pa'am bzhag par 'dres pas spong ba dang / mi phan pa'am mi phan par 'dres pas spong ba dang / mi 'dod pa'am mi 'dod par 'dres pas spong ba dang / ma 'grangs pa'am rdzogs par ma gyur pa'o/ /rnam pa lngas spangs pa zhes bya ste/ de las slar bzlog pa rnam pa lngar brjod par bya'o/ /gzhan yang rnam pa lngas lhag ma dang bcas pa'i tshig gis spangs pa ni ma spangs pa zhes bya ste/ re zhig chog go zhes zer ba dang / re zhig zhog cig ces zer ba dang / re zhig bza'o zhes zer ba dang / re zhig mi dgos so zhes zer ba dang / re zhig 'grangs sam ma 'grangs blta'o zhes zer ba 'di lnga ni ma spangs pa zhes bya'o/ /rnam pa lnga'i phyir spangs pa zhes bya ste/ chog go zhes zer ba dang / zhog cig ces zer ba dang / zos zin to zhes zer ba dang / mi dgos so zhes zer ba 13-1-59b dang / 'grangs so zhes zer ba'i tshig lnga po lhag ma med pa de lnga ni spangs pa zhes bya'o/ /phyag dar khrod kyi gos rnam pa lnga ste/ srang gi phyag dar khrod kyi gos dang / chus khyer ba dang / phyag dar khrod pa dang / dgon pa na 'dug pa dang / mdzod rnying khyer ba dang lnga'o/ /gzhan yang phyag dar khrod kyi gos la rnam pa lnga ste/ ba lang gis zos pa dang / byi bas zos pa dang / bye'us zos pa dang / mes tshig pa dang / ma mas bor ba'i phyag dar khrod dang lnga'o/ /rung bar byed pa la rnam pa lnga ste/ mes rung bar bya ba dang / mtshon gyis rung bar bya ba dang / sen mos rung bar bya ba dang / ne tshos rung bar bya ba dang / rnyis pas rung bar bya ba dang lnga'o/ /gzhan yang rung ba lnga ste/ bton pa dang / btsal ba dang / bcad pa dang / gshegs pa dang / sa bon ma yin pa'i chos dang lnga'o/ /bza' ba la rnam pa lnga ste/ 'bras chan dang / phye tshal btsos pa dang /sha dang / nya dang / khur ba'o/ /bca' ba la rnam pa lnga ste/ rtsa ba bca' ba dang / sdong bu bca' ba dang / lo ma bca' ba dang / me tog bca' ba dang / 'bru bca' ba'o/ /gzhan yang bca' ba rnam pa lnga ste/ bag tsos bca' ba dang / brngos pa bca' ba dang / khur skam bca' ba dang / bu ram bca' ba dang / chan bca' ba'o/ /nyam dma' ba lngas na byin gyis brlabs pa'i bu ram bca' bar bya ste/ zan chung ngu zos pa dang / zan ma zos pa dang / nad kyis gzir ba dang / lam du zhugs pa dang / las gsar du byed pa'o/ /mdor na/ dugs khang tshul khrims mi bzod pa/ /dam chos ma yin mdza' mang ba/ /lhung bzed dang ni bza' ba dang / / gos dang bsod snyoms de bzhin no/ /dugs khang la yon tan rnam pa lnga ste/ lus kyi dri ma med par byed pa dang / pags pa dang mdangs gsal bar byed pa dang / pags pa'i nang na nad yod pa 'byin pa dang / rlung dang bad kan dang / mi mthun par byed pa dang / 13-1-60a dge slong dag gi nad mang po dugs khang gis med par gyur pa dang lnga'o/ /dge slong chos 'di lnga dang ldan na dge 'dun bde bar gnas pa'o/ /so sor thar pa'i sdom pas bsdams pa dang / spyad pa dang spyod lam du ldan pa dang / kha na ma tho ba rdul tsam la yang 'jigs par byed cing bslab pa'i gnas la dam bca' ste bslab pa dang / bdag la lta'i gzhan la mi lta ba dang / bshes nyung ba shes pa rab tu nyung ba'o/ /de la bshes pa nyung ba ni phrad 'dod pa'i sdug bsngal med par 'gyur ba dang / bde bar gnas shing gzhan la gnod pa med pas bde bar gyur pa yin/ gzhan gyis mi snyan par smras pa dang / tshig rtsub por smras kyang gzhan gyis mi gdung zhing mi bzod par mi 'gyur ba'o/ /gang zag mi bzod pa la nyes pa'i dmigs rnam pa lnga ste/ ma rung ba yin/ gtum po yin/ skye bo mang po la mi sdug pa yin/ yid du mi 'ong ba yin/ phyis 'gyod pa yin no/ /bzod pa'i skyes bu gang zag la yon tan rnam pa lnga ste/ de yang dkar po'i phyogs su rnam pa lngar bzlog ste brjod par bya'o/ /mi bzod pa la nyes pa'i dmigs rnam pa lnga ste/ dgra mang du 'gyur ba dang / sdug bsngal ba dang yid mi bde ba mang du 'gyur/ 'bye ba mang du 'gyur/ 'gyod bzhin du dus byed par 'gyur/ lus dang bral te shi ba'i 'og tu ngan song gi rgyud sems can dmyal bar skye bar 'gyur ba'o/ /bzod pa la yon tan rnam pa lnga ste/ de las dkar po'i phyogs su bzlog ste rnam pa lngar brjod do/ /dam pa'i chos 'jig pa na 'jig rten du dam pa'i chos dang mi mthun par gyur pa'i tshe 'jig rten du dam pa'i chos ma yin pa rnam pa lnga 'byung bar 'gyur te/ lnga gang zhe na/ dam pa'i chos 'jig pa na/ 'jig rten du dam pa'i chos dang mi mthun par gyur pa'i tshe dge slong ma dad pa dang / ngo tsha med pa dang / khrel med pa dang / le lo can dang / dran pa nyams pa dang / sems rtse gcig tu mi btub cing sems 'khrugs par 'gyur te/ de ltar na dam 13-1-60b pa'i chos 'jig pa na 'jig rten du dam pa'i chos dang mi mthun par gyur pa de ni/ 'jig rten du dam pa'i chos ma yin pa 'byung ba dang po yin no/ /dam pa'i chos 'jig pa na 'jig rten du dam pa'i chos dang mi mthun par gyur pa'i tshe dge slong rnams 'thab pa dang / mtshang 'dru ba dang / 'khon pa dang / rtsod par 'gyur te/ de ltar na dam pa'i chos 'jig pa na 'jig rten du dam pa'i chos dang mi mthun par gyur pa 'di ni/ 'jig rten du dam pa'i chos ma yin pa 'byung ba gnyis pa yin no/ /dam pa'i chos 'jig pa na 'jig rten du dam pa'i chos dang mi mthun par gyur pa'i tshe dge slong kha cig tshul 'chos shing sdig pa la lta ba'i chos pas zhi gnas tsam la rten cing bka' la lung ston te/ de ltar na dam pa'i chos 'jig pa na 'jig rten du dam pa'i chos dang mi mthun par gyur pa 'di ni 'jig rten du dam pa'i chos ma yin pa 'byung ba gsum pa yin no/ /dam pa'i chos 'jig pa na 'jig rten du dam pa'i chos dang mi mthun par gyur pa'i tshe dge slong rnams tshul khrims nyams bzhin du 'chi ba'i dus byed pa dang /tshul khrims dang ldan pa la skur ba 'debs pa ste/ de ltar na dam pa'i chos 'jig pa na 'jig rten du dam pa'i chos dang mi mthun par gyur pa 'di ni 'jig rten du dam pa'i chos ma yin pa 'byung ba bzhi pa yin no/ /dam pa'i chos 'jig pa na 'jig rten du dam pa'i chos dang mi mthun par gyur pa'i tshe khyim bdag gis rab tu byung ba la bya ba byas pas de dag ni lus dang bral te shi nas yang bde 'gro mtho ris kyi lhar skye'o/ /rab tu byung ba ni mang du ngan song du lhung ste/ de ltar na dam pa'i chos 'jig pa na 'jig rten du dam pa'i chos dang mi mthun par gyur pa 'di ni 'jig rten du dam pa'i chos ma yin pa 'byung ba lnga pa yin no/ / chos rnam pa lnga dang ldan pa'i grogs po dang mi 'grogs par bya/ mi bsten par bya ste/ las la zhugs pa dang / rtsod pa la zhugs pa dang / rgyun du 'gro ba la nan tan byed par gyur pa dang / gces pa dang lhan cig tu sngo bar byed pa dang / rgyal po'i 'khor du gnas 13-1-61a pa'o/ /dkar po'i phyogs su bzlog ste rnam pa lngar brjod de/ tha dad pa lnga ste/ ston pa tha dad pa dang / chos tha dad pa dang / dge 'dun tha dad pa dang / las tha dad pa dang / lam tha dad pa'o/ /lhung bzed 'di lnga med na yang ma tshol cig /yod na yang bcang bar ma byed cig /lnga gang zhe na/ shel gyi lhung bzed dang / rdo'i lhung bzed dang / khar ba'i lhung bzed dang / rin po che'i lhung bzed dang / lhag pa'i lhung bzed do/ /rnam pa lngar dge slong gis zan zos na 'das pa dang bcas par 'gyur te/ 'dab ma'i snod du zan za ba dang / snyim par zan za ba dang / lce phyung la zan za ba dang / mchus len cing zan za ba dang / lag pas phugs su phul te zan za ba'o/ /brtad pa'i gos rnam pa lnga ste/ 'gro bas na sbyin pa dang / 'gro ba'i phyir sbyin pa dang / nad pas na sbyin pa dang / nad pa'i phyir sbyin pa dang / brtad pa byung nas sbyin pa'o/ /rings pa'i zan la lnga ste/ 'gro ba dang / na ba dang / nad g.yog dang /las byed pa dang / khang skyong rnams so/ /stan rnam pa lnga'i steng du mi 'dug par bya ste/ de bzhin gshegs pa'i dang / dge 'dun gyi gnas brtan gyi dang / slob dpon gyi dang / mkhan po'i dang / chos 'chad pa'i'o/ /'dul ba'i gzhung dam pa las lnga pa rdzogs s+ho// //'dul ba bcu drug ste/ mdor na/ smra bar bya dang rgol ba dang / /lan 'debs gzu bo 'dzin gnyis dang / /rjes su rigs dang yon tan dang / /gnas dang bshad pa de bzhin te/ /ltung ba gnyis dang chad pa'i las/ /rnam par zhi gnyis bsod nams mang/ /tha mar byas nas sder bsdus pa'o/ /sangs rgyas bcom ldan 'das la tshe dang ldan pa u pA lis zhus pa/ btsun pa rgol ba'i dge slong gis don gyis rgol bar 'tshal na gnas dur shin tu bsam pa bsams/ shin tu dpyad pa dpyad/ shin tu brtag pa brtags nas don gyis rgal bar bgyi/ u pA li rgol 13-1-61b ba'i dge slong gis don gyis brgal bar 'dod na gnas bcu drug tu shin tu bsam pa bsams/ shin tu dpyad pa dpyad/ shin tu brtag pa brtags la don gyis brgal bar bya'o/ /bcu drug po gang zhe na/ bdag don gang gis brgal bar 'dod pa'i don 'di ci bden pa yin nam 'on te brdzun/ don gyis brgal ba de'i dus la bab bam 'on te dus la ma bab/ don 'dis brgal ba'i skabs su bab bam 'on te skabs su ma bab/ don gyis brgal ba 'di don dang ldan pa 'am 'on te don dang mi ldan/ de'i 'og tu yang brtag par bya ste/ de la mthong ba dang thos pa dang dogs pa gang gis smra bar bya/ lus kyis 'das pa'am/ ngag gis 'das pa'am/ grong du byas sam/ dgon par byas sam/ nub mo byas sam/ nyin par byas sam/ lhag ma dang bcas sam/ lhag ma med dam/ tshe dang ldan pa 'di dge ba'i gnas nas bslangs nas dge ba'i gnas su gzhag par nus sam/ u pA li don gyis rgol ba'i dge slong gis don gyis rgol bar 'dod pas gnas bcu drug po 'di la shin tu bsam pa bsams shin tu dpyad pa dpyad/ shin tu brtag pa brtags la don gyis brgal bar bya'o/ /chos rnam pa 'di lnga dang ldan na don gyis rgol ba'i dge slong gi tshig gzung bar mi bya ste/ lnga gang zhe na/ don gyis rgol ba de rnam par dag pa ma yin pa dang / gcig nas gcig tu zer ba las rgol ba dang / kun dga'i gnas byung ba dang / dge tshul pha'i tshig las rgol ba dang / ji ltar nges par gsungs pa'i mdo sde'i tshig mi shes pa dang / gang la gnas nas rnam par sbyang ba de'i gnas mi shes pa ste/ u pA li chos rnam pa 'di lnga dang ldan na don gyis rgol ba'i dge slong gi tshig gzung bar mi bya'o/ /u pA li chos rnam pa lnga dang ldan na don gyis rgol ba'i dge slong gi tshig gzung bar bya ste/ don gyis rgol ba de rab tu dag pa yin/ gcig nas gcig zer bas mi rgol ba dang / 13-1-62a kun dga' nas byung ba yin pa dang / dge tshul pha'i tshig las rgol ba ma yin pa dang / ji ltar nges par gsungs pa'i mdo sde'i tshig shes pa dang / gang la gnas nas rnam par sbyang ba de'i gnas shes pa des u pA li chos rnam pa de lnga dang ldan na don gyis rgol ba'i dge slong gi tshig gzung bar bya'o/ /u pA li lan glon pa'i dge slong gnas bcu drug tu shin tu bsam pa bsams/ shin tu dpyad pa dpyad/ shin tu brtag pa brtags nas brgal ba'i dge slong la skabs dbye bar gyis shig /bcu drug po gang zhe na/ ci tshe dang ldan pa 'di tshul khrims dang ldan pa yin nam/ thog ma nas bsnyen par rdzogs pa yin nam/ ngo tsha can nam/ 'gyod pa can nam/ sdom pa can nam/ slob par 'dod pa'am/ mang du thos pa'am/ thos pa 'dzin pa'am/ thos pa bsags pa'am/ 'dul ba'am/ lhag pa'i 'dul ba las nges par shes pa'am/ lung kha ton du lobs pa'am/ de'i 'og tu yang brtag par bya ste/ bdag la mthong bas sam/ thos pas sam/ dogs pas sam/ lus kyis 'das pas sam/ tshig gis 'das pas sam/ grong du byas sam/ dgon par byas sam/ nub mo byas pa'am/ nyin par byas pa'am/ lhag mar bcas pa'am/ lhag ma med pa gang gis smra bar byed/ tshe dang ldan pa des bdag mi dge ba'i gnas nas bslangs te/ dge ba'i gnas su 'jog par nus sam/ u pA li lan glon pa'i dge slong gis gnas bcu drug po 'di la shin tu bsam pa bsams/ shin tu dpyad pa dpyad/ shin tu brtag pa brtags nas rgol ba'i dge slong la skabs dbye bar gyis shig /u pA li chos rnam pa 'di lnga dang ldan na lan glon pa'i dge slong gi tshig gzung bar mi bya ste/ lnga gang zhe na/ rgol ba'i dge slong gis dris pa bzhin du lan mi 'debs pa dang / dris nas bsam pa ma yin pa ston pa dang / gzhan gyis gzhan la smra ba dang / phyi rol gyi gtam sdud pa dang / byang ba'i 13-1-62b dge slong ma rung bar byed pa dang / phyogs 'dzin pa la brten pa dang / nyes pa mi shes nyes pa med pa mi shes pa ste/ u pA li chos rnam pa 'di lnga dang ldan na lan glon pa'i dge slong gi tshig gzung bar mi bya'o/ /u pA li chos rnam pa 'di lnga dang ldan na lan glon pa'i dge slong gi tshig gzung bar bya ste/ lnga gang zhe na/ rgol ba'i dge slong gis dris pa bzhin du lan 'debs pa dang / dris pa'i don gzhan dang gzhan du mi smra ba dang phyi rol gyi gtam gzhan mi smra ba dang / byang ba'i dge slong la ma rung bar mi byed pa dang / phyogs 'dzin pa la mi brten pa dang / nyes pa shes nyes pa med pa shes pa ste/ u pA li chos rnam pa 'di lnga dang ldan na dge slong lan glon pa'i tshig gzung bar bya'o/ /u pA li de la rgol ba dang lan glon pa'i dge slong dag rtsod pa zhi bar 'dod pas chos bcu drug dang ldan pa'i gzu bo 'dul ba 'dzin pa tshol cig /bcu drug gang zhe na/ tshul khrims dang ldan pa dang / thog mar bsnyen par rdzogs pa dang / ngo tsha can dang / 'gyod pa can dang / sdom pa can dang / slob pa 'dod pa dang / mang du thos pa dang / thos pa 'dzin pa dang / thos pa bsags pa dang / 'dul ba dang / lhag pa'i 'dul ba nges par shes pa dang / mdo sde dang / lung kha ton du lobs pa dang / de las yang de'i 'og tu yang brtag par bya ste/ ci tshe dang ldan pa 'di la gzu bo'i dngos po yod dam/ ci tshe dang ldan pa 'dis snga nas ma 'dres pa'am/ ci tshe dang ldan pa 'di rtsod pa sngar byung ba la mkhas pa'am/ ci tshe dang ldan pa 'di lhung bzed kyi phyir ma yin nam/ chos gos kyi phyir ma yin nam/ zang zing cung zad tsam gyi phyir ma yin nam/ 'dod pa'i phyir 'gro ba ma yin nam/ zhe sdang dang / gti mug dang / 'jigs pas 'gro ba ma yin nam/ ci tshe dang ldan pa 'di 'dod chags kyis gzir ba ma yin nam/ zhe sdang gis gzir ba ma yin nam/ gti mug gis gzir ba ma yin nam/ rgyal ba'i gsung 13-1-63a las 'da' bar byed pa ma yin nam/ ci tshe dang ldan pa 'dis rigs pa mi rigs par mi byed dam/ rigs pa gcod par mi byed dam/ ci tshe dang ldan pa 'di ston pas bstan pa chos dang 'dul bas rab tu zhi bar byed dam/ ci tshe dang ldan pa 'dis tshe dang ldan pa 'di mi dge ba'i gnas nas bslangs te/ dge ba'i gnas su 'jog par byed dam/ u pA li rgol ba dang lan glon pa'i dge slong dag rtsod pa zhi bar 'dod pas chos bcu drug po de dag dang ldan pa'i gzu bo 'dul ba 'dzin pa btsal bar bya'o/ /u pA li gzu bo 'dul ba 'dzin pa chos rnam pa lnga dang ldan na rtsod pa zhi bar byed mi nus te/ lnga gang zhe na/ rgol ba dang lan glon pa'i dge slong la chos ma yin pa'i phyogs su 'jug pa dang / rgol ba dang lan glon pa'i dge slong la 'thab pa dang / mtshang 'dru ba dang / 'khon pa dang / rtsod par skul ba dang / gzu bo'i dge slong rnams kyi mdo sde'i tshig mi brtsan par byed pa dang / dge slong gces pa rnams la phyas 'dogs pa dang / rtsod pa'i thog ma dang / bar ma dang / tha mal mi mkhas par gyur pa'o/ /u pA li gzu bo 'dul ba 'dzin pa chos rnam pa 'di lnga dang ldan na rtsod pa zhi bar byed nus par 'gyur ro/ /lnga gang zhe na/ rgol ba dang lan glon pa'i dge slong la chos kyi phyogs su 'jug pa dang / rgol ba dang lan glon pa'i dge slong 'thab pa dang / mtshang 'dru ba dang / 'khon pa dang / rtsod par mi skul ba dang / gzu bo'i dge slong rnams kyi mdo sde'i gzhung brtsan par byed pa dang / dge slong gces pa la phyas mi 'dogs pa dang / rtsod pa'i thog ma dang bar ma dang tha ma la mkhas par gyur pa'o/ /u pA li de la gzu bo 'dul ba 'dzin pa des rtsod pa rab tu gzung bar 'dod na gnas bcu drug tu bdag dang gzhan la shin tu brtags la gdod rtsod pa gzung bar bya ste/ rnam pa brgyad kyis ni bdag nyid shin tu brtag par bya/ rnam pa brgyad kyis 13-1-63b ni gzhan shin tu brtag par bya'o/ /bdag nyid brtag pa brgyad gang zhe na/ ci bdag rtsod pa'i thog ma dang bar ma dang tha ma la mkhas pa yin nam/ ci bdag rtsod pa de la thog ma nas ma 'dres sam/ rgol ba dang lan glon pa'i dge slong gi bdag gis tshig 'dzin tam/ rgol ba dang lan glon pa'i dge slong gi bdag gis tshig nyan tam rgol ba dang lan glon pa'i dge slong dag gi nyes pa bdag gis rnam par sbyang nus sam/ so so'i phyogs la bdag gis chos bzhin bsgo bar nus sam/ bdag gis rtsod pa 'di ltar 'dul ba dang ji ltar ston pas bstan pa de ltar rnam par zhi bar nus sam/ rgol ba dang lan glon pa'i dge slong dag bdag gis mi dge ba'i gnas nas bslangs te/ dge ba'i gnas su 'jog nus sam snyam pa ste/ rnam pa brgyad kyis bdag nyid shin tu brtag par bya'o/ /gzhan la brtag pa rnam pa brgyad gang zhe na/ dge 'dun de dag gi nang na mdo sde 'dzin pa dang / 'dul ba 'dzin pa dang / ma lta bu 'dzin pa'i dge slong la ji ltar bdag gis rgyal ba'i gsung rab smras pa la 'dzin par 'gyur ba yod dam/ de'i tshe mdo sde 'dzin pa dang / 'dul ba 'dzin pa dang / ma lta bu 'dzin pa'i dge slong gang gis rtsod pa 'di ji ltar chos bzhin ji ltar 'dul ba bzhin/ ji ltar ston pas bstan pa de lta bur zhi bar bya snyam du sems pa yod dam/ dge 'dun de dag las dge slong gnas brtan dang bar ma dang gsar bu dag gis so so'i phyogs kyi dge slong de dag la ji ltar chos bzhin du slar bzlog par bya'o snyam du sems pa yod dam/ ci rtsod pa 'di rgyal po'i pho brang du 'gyed par 'gyur ram/ rigs pa'i rigs la 'gyed par mi 'gyur ram/ ci tshe dang ldan pa de dag rtsod pa zhi bar bya ba 'di las phyi rol tu mi tshol lam/ ci tshe dang ldan pa de dag dge 'dun 'di nyid du rtsod pa zhi bar bya ba tshol lam snyam pa ste/ rnam pa 'di brgyad ni gzhan brtag par bya ste/ u pA li de lta bur rnam pa bcu drug gis bdag dang gzhan brtags nas rtsod pa rab tu gzung bar bya'o/ /u pA li gzu bo 'dul ba 13-1-64a 'dzin pa chos rnam pa 'di lnga dang ldan na rtsod pa zhi bar byed mi nus par 'gyur ro/ /lnga gang zhe na/ rtsod pa mi shes pa dang / rtsod pa 'byung ba mi shes pa dang / rtsod pa yang dag par gzung ba mi shes pa dang / rtsod pa zhi bar byed mi shes pa dang / rtsod pa zhi nas phyis mi 'byung bar byed mi shes pa ste/ u pA li gzu bo 'dul ba 'dzin pa chos rnam pa de lnga dang ldan na rtsod pa zhi bar byed mi nus pa yin no/ /u pA li gzu bo 'dul ba 'dzin pa chos rnam pa 'di lnga dang ldan na rtsod pa zhi bar byed nus pa yin no/ /lnga gang zhe na/ rtsod pa shes pa dang / rtsod pa byung ba shes pa dang / rtsod pa yang dag par gzung bar shes pa dang / rtsod pa zhi bar bya ba shes pa dang / rtsod pa zhi bar gyur nas phyis rtsod pa mi 'byung bar byed shes pa'o/ /u pA li gzu bo 'dul ba 'dzin pa chos rnam pa de lnga dang ldan na rtsod pa zhi bar byed nus pa yin no/ /de la u pA li gzu bo 'dul ba 'dzin pas rtsod pa rab tu bzung la gnas bcu drug gis rgol ba dang lan glon pa'i dge slong brtag par bya ste/ rnam pa brgyad kyis lan glon pa'i dge slong brtag par bya'o/ / rnam pa brgyad po gang gis rgol ba'i dge slong brtag par bya zhe na/ spyod pa dang / spyod yul dang / mdza' ba dang / grogs byed pa dang / lus kyi las dang / ngag gi las dang / 'tsho ba dang / mang du thos pa rnams so/ /de ste u pA li gzu bo 'dul ba 'dzin pa'ang 'di snyam du gyur te/ tshe dang ldan pa 'di ni sdig pa can te sdig par spyod pa/ mdza' ba sdig pa can/ grogs po sdig pa can/ lus kyi las sdig pa can/ ngag gi las sdig pa can/ 'tsho ba sdig pa can/ thos pa sdig pa can te/ tshe dang ldan pa 'dis ni dag pa'i dge slong la ma rung bar byed nus/ dge 'dun la yang de lta bur rtsod pa 'byin par nus te/ de skad du ma smra shig ces bsgo shig /de ste u pA li gzu bo 'dul ba 'dzin pas 'di snyam du gyur te/ tshe dang ldan pa 'di ni dge ba can te/ 13-1-64b spyod pa dge /spyod yul dge /mdza' bo dge /grogs po dge /lus kyi las dge /ngag gi las dge /'tsho ba dge /thos pa dge ba can te/ tshe dang ldan pa 'dis ni dag pa'i dge slong la ma rung bar byed mi nus te/ dge 'dun gyi nang du yang rnam pa de lta bur mi 'byin to snyam nas de lta bu la ni smros shig ces bsgo'o/ /u pA li rnam pa brgyad po de lta bus rgol ba'i dge slong la brtag par bya'o/ /lan glon pa'i dge slong la rnam pa 'di brgyad kyis brtag par bya ste/ spyod pa dang / spyod yul dang / mdza' ba dang / grogs po dang / lus kyi las dang / ngag gi las dang / 'tsho ba dang / mang du thos pa'o/ /de ste u pA li gzu bo 'dul ba 'dzin pas 'di snyam du gyur te/ tshe dang ldan pa 'di ni sdig pa can te/ spyod pa sdig pa can/ spyod yul sdig pa can/ mdza' bo sdig pa can/ grogs po sdig pa can/ lus kyi las sdig pa can/ ngag gi las sdig pa can/ 'tsho ba sdig pa can/ thos pa sdig pa can te/ tshe dang ldan pa 'dis ni rnam pa 'di lta bu'i gnas su 'jug par nus so snyam nas de na rgol ba'i dge slong la tshig 'jam por smros la lan glon pa'i dge slong la tshig 'di skad du smros shig /tshe dang ldan pa khyod de'i tshe na lus kyi 'dus byas ji lta bur gyur/ ngag gi 'dus byas ji lta bur gyur/ yid kyi 'dus byas ji lta bur gyur ces ji lta bur khas len pa de lta bur byed du chug cig /u pA li de ste gzu bo 'dul ba 'dzin pas 'di snyam du gyur te/ tshe dang ldan pa 'di ni dge ba can te/ spyod pa dge/ spyod yul dge /mdza' bo dge /grogs po dge /lus kyi las dge /ngag gi las dge /'tsho ba dge /thos pa dge ste/ tshe dang ldan pa 'di ni gnas de lta bu la 'jug par mi byed do snyam na/ lan glon pa'i dge slong la tshig 'jam por smros te/ rgol ba'i dge slong la chos nyid kyis shes par byos shig /rnam pa 'di brgyad kyis ni gzhan la brtag par byos shig / 13-1-65a u pA li gzu bo 'dul ba 'dzin pa chos rnam pa lnga dang ldan na rtsod pa zhi bar byed mi nus pa yin no/ /lnga gang zhe na/ 'khrul pa 'dzin pa/ gsang ba'i tshig 'dzin pa/ tshig mang po 'dzin pa/ ma nges par 'dzin pa/ ji tsam lan gsum gyi bar du dam 'char mi 'jug pa yin te/ gzu bo 'dul ba 'dzin pa chos rnam pa 'di lnga dang ldan na rtsod pa zhi bar byed mi nus par 'gyur ro/ /u pA li gzu bo 'dul ba 'dzin pa chos rnam pa 'di lnga dang ldan na rtsod pa zhi bar byed nus par 'gyur ro/ /lnga gang zhe na/ 'khrul pa mi 'dzin pa/ gsang ba'i tshig mi 'dzin pa/ tshig mang po mi 'dzin pa/ ma nges par mi 'dzin pa/ lan gsum gyi bar du dam 'char 'jug pa yin te/ u pA li gzu bo 'dul ba 'dzin pa rnam pa de lnga dang ldan na rtsod pa zhi bar byed nus par 'gyur ro/ /de la u pA li gzu bo 'dul ba 'dzin pas gnas bcu drug gis rgol ba dang lan glon pa'i dge slong dag brtags la gnas bcu drug tu rigs pas gzhag par bya ste/ bcu drug po gang zhe na/ rgol ba'i dge slong de rigs par bya/ rgol ba'i dge slong de brtag par bya/ lan glon pa'i dge slong de rigs par bya/ lan glon pa'i dge slong de brtag par bya/ rgol ba'i dge slong la bzod pa gsol bar bya/ lan glon pa'i dge slong la bzod pa gsol bar bya/ rgol ba'i dge slong de gtong du gzhug / lan glon pa'i dge slong de gtong du gzhug /rgol ba'i dge slong de dri bar bya/lan glon pa'i dge slong de dri bar bya/ rgol ba'i dge slong de byed du gzhug /lan glon pa'i dge slong de byed du gzhug /rgol ba'i dge slong tshugs par byed du gzhug /lan glon pa'i dge slong tshugs par byed du gzhug /rgol ba'i dge slong yi dam 'char gzhug /lan 'debs pa'i dge slong yi dam 'char gzhug /mdo sde brjod par bya/ mdo sde brjod nas ji ltar chos bzhin ji ltar 'dul ba bzhin/ ji ltar ston pas 13-1-65b bstan pa de ltar rtsod pa de zhi bar bya ste/ u pA li de ltar na gzu bo'i dge slong gis gnas bcu drug tu rigs pas gzhag par bya'o/ /u pA li gzu bo 'dul ba 'dzin pa chos rnam pa lnga dang ldan na rigs pa'i gnas su 'jog nus par mi 'gyur ro/ /lnga gang zhe na/ rjes su 'brang ba'i chos lnga mi shes pa ste/ lnga gang zhe na/ rgol ba mi shes pa/ lan glon mi shes pa/ chos bzhin mi shes pa/ chos bzhin ma yin pa mi shes pa/ yi dam ma blangs par gyur pa ste/ u pA li gzu bo 'dul ba 'dzin pa chos rnam pa de lnga dang ldan na rigs pa'i gnas su 'jog mi nus pa'o/ /u pA li gzu bo 'dul ba 'dzin pa chos rnam pa lnga dang ldan na rigs pa'i gnas su 'jog nus par 'gyur ro/ /rjes su 'brang ba'i chos lnga shes par 'gyur ro/ /lnga gang zhe na/ rgol ba shes pa/ lan glon shes pa/ chos bzhin shes pa/ chos bzhin ma yin pa shes pa/ yi dam blangs par gyur pa'o/ /gzu bo 'dul ba 'dzin pa chos rnam pa de lnga dang ldan na rigs pa'i gnas su 'jog nus par 'gyur ro/ /de la u pA li gzu bo 'dul ba 'dzin pa rigs pa'i gnas bcu drug tu gzhag la yon tan bcu drug mthong nas mdo sde bsgrag par bya ste/ bcu drug gang zhe na/ bdag gis mdo sde bstan to snyam nas mdo sde bsgrag par bya/ bdag gis mdo sde dpyad par bya'o snyam nas/ mdo sde bsgrag par bya/ bdag gis 'dul ba rjes su 'brang bar 'gyur ro snyam nas mdo sde bsgrag par bya/ bdag gi tshig brtsan par 'gyur ro snyam nas mdo sde bsgrag par bya/ bdag gis ngo tsha ba med pa'i phyogs la chad pas gcad par 'gyur ro snyam nas mdo sde bsgrag par bya/ bdag gis thams cad mkhyen pa'i gsung la bsgo nus par 'gyur ro snyam nas mdo sde bsgrag par bya/ dge 'dun mthun par bstan par 'gyur ro snyam nas mdo sde bsgrag par bya/ bdag gis gzhan la bsgo bar 'gyur ro snyam nas mdo sde bsgrag par bya/ bdag gi 13-1-66a tshig gzhan gyis gzung bar 'gyur ro snyam nas mdo sde bsgrag par bya/ bdag gis dge slong dag gdon par 'gyur ro snyam nas mdo sde bsgrag par bya/ bdag gis ma dad pa dag dad pa la zhugs par 'gyur ro snyam nas mdo sde bsgrag par bya/ dad pa la slar 'phel bar 'gyur ro snyam nas mdo sde bsgrag par bya/ ngo tsha med pa'i phyogs la bdag gis chad pas gcad par 'gyur ro snyam nas mdo sde bsgrag par bya/ ngo tsha shes pa'i phyogs la bdag gis gzung bar 'gyur ro snyam nas mdo sde bsgrag par bya/ rtsod pa 'byung ba mi 'byung bar 'gyur ro snyam nas mdo sde bsgrag par bya/ rtsod pa zhi bar 'gyur ro snyam nas mdo sde bsgrag par bya/ rtsod pa zhi nas phyis mi skye bar 'gyur ro snyam nas mdo sde bsgrag par bya/ bdag yun ring du tshangs par spyod par 'gyur ro snyam nas mdo sde bsgrag par bya/ u pA li gzu bo 'dul ba 'dzin pas bdag gi yon tan bcu drug po 'di mthong na mdo sde bsgrag par bya'o/ /u pA li gzu bo 'dul ba 'dzin pa chos rnam pa 'di lnga dang ldan na mdo sde'i yon tan mi shes par 'gyur ro/ /lnga gang zhe na/ mdo sde la mi mkhas pa dang / 'dul ba la mi mkhas pa dang / ma lta bu la mi mkhas pa dang / rnam par 'byed pa la mi mkhas pa dang / lung kha ton du ma byas par gyur pa'o/ /u pA li gzu bo 'dul ba 'dzin pa chos rnam pa lnga dang ldan na mdo sde'i yon tan shes par 'gyur ro/ /lnga gang zhe na/ mdo sde la mkhas pa dang / 'dul ba la mkhas pa dang / ma lta bu la mkhas pa dang / rnam par 'byed pa la mkhas pa dang / lung kha ton du lobs pa ste/ u pA li gzu bo 'dul ba 'dzin pa chos rnam pa de lnga dang ldan na mdo sde'i yon tan shes par 'gyur ro/ /u pA li gzu bo 'dul ba 'dzin pa gang gis mdo sde shes par nus pa des ni mdo sde 'di las yon tan bcu drug mthong bas na mdo sde brjod par bya'o/ /gzhan 13-1-66b yang gnas bcu drug tu mdo sde brjod par bya ste/ bcu drug po de gang zhe na/ sangs rgyas kyis gsungs pa'i mdo sde brjod par bya/ nyan thos kyis bshad pa'i mdo sde brjod par bya/ sangs rgyas byung ba'i dus kyi mdo sde brjod par bya/ phyogs gcig pa'i mdo sde brjod par bya/ thams cad du yod pa'i mdo sde brjod par bya/ de nyid dang 'dra ba'i mdo sde brjod par bya/ 'dul ba dang ldan pa'i mdo sde brjod par bya/ 'dul ba las lhag pa'i mdo sde brjod par bya/ mdo sde'i yon tan btsal la mdo sde brjod par bya/ mdo sde'i rgyan btsal la mdo sde brjod par bya/ mdo sde'i gleng gzhi btsal la mdo sde brjod par bya/ mdo sde'i cha tsam btsal la mdo sde brjod par bya/ mdo sde'i sgra btsal la mdo sde brjod par bya/ u pA li gzu bo 'dul ba 'dzin pas yon tan bcu drug po de mthong na mdo sde brjod par bya'o/ /u pA li gzu bo 'dul ba 'dzin pa chos rnam pa lnga dang ldan na mdo sde brjod par mi nus par 'gyur ro/ /lnga gang zhe na/ dge slong gi 'dul ba mi shes pa/ dge slong ma'i 'dul ba mi shes pa/ nyes pa 'dul ba mi shes pa/ rtsod pa 'dul ba mi shes pa/ nyon mongs pa 'dul ba mi shes pa'o/ /u pA li gzu bo 'dul ba 'dzin pa chos rnam pa de lnga dang ldan na mdo sde brjod mi nus par 'gyur ro/ /u pA li gzu bo 'dul ba 'dzin pa chos rnam pa lnga dang ldan na mdo sde brjod nus par 'gyur ro/ /lnga gang zhe na/ dge slong gi 'dul ba shes pa dang / dge slong ma'i 'dul ba shes pa dang / nyes pa 'dul ba shes pa dang /rtsod pa 'dul ba shes pa dang / nyon mongs pa 'dul ba shes pa dang / u pA li gzu bo 'dul ba 'dzin pa chos rnam pa de lnga dang ldan na mdo sde brjod nus par 'gyur ro// //'dul ba gzhung dam pa/bam po sum bcu pa/ de la u pA li gzu bo 'dul ba 'dzin pas gnas bcu drug tu brjod nas gnas bcu drug tu 'dul ba la 13-1-67a brtag par bya ste/ bcu drug gang zhe na/ lung dang / lung bsgo ba dang / dngos po dang / rnam par 'byed pa dang / spyod pa dang / spyod yul dang / nyung ngu 'dod pa dang / mang du 'dod pa dang / mgu ba dang / mi mgu ba dang / dgang dka' ba dang / dgang sla ba dang / gso dka' ba dang / gso sla ba dang / rab tu gces pa dang / chog shes pa ste/ u pA li gnas 'di bcu drug gis 'dul ba la brtag par bya'o/ /u pA li gzu bo 'dul ba 'dzin pa rnam pa lnga dang ldan na nyes pa 'byin mi nus par 'gyur te/ lnga gang zhe na/ byung ba mi shes/ bcas pa mi shes/ rjes su bcas pa mi shes/ gnang bar mi shes/ rjes su gnang bar mi shes pa'o/ /u pA li gzu bo 'dul ba 'dzin pa chos rnam pa de lnga dang ldan na nyes pa 'byin mi nus par 'gyur ro/ /u pA li gzu bo 'dul ba 'dzin pa chos rnam pa lnga dang ldan na nyes pa 'byin nus par 'gyur te/ lnga gang zhe na/ byung ba shes pa dang / bcas pa shes pa dang / rjes su bcas pa shes pa dang / gnang ba shes pa dang / rjes su gnang ba shes pa'o/ / u pA li gzu bo 'dul ba 'dzin pa chos rnam pa de lnga dang ldan na nyes pa 'byin nus par 'gyur ro/ /u pA li gzu bo 'dul ba 'dzin pas gnas bcu drug gis 'dul ba shes par byas la gnas bcu drug gis nyes pa brjod par bya ste/ bcu drug gang zhe na/ lci ba dang / yang ba dang / lhag ma yod pa dang / lhag ma med pa dang / gnas ngan len dang / lus kyi dang / ngag gi dang / mi dge ba dang / lung du mi ston pa dang / bcas pa dang / ma bcas pa dang / mthol bar byed pa dang / sdom par byed pa dang / 'dul ba las 'das par byed pa dang / ngan du smra bar 'gro ba ste/u pA li gnas bcu drug po 'dis 'dul ba shes par byas la gnas bcu drug gis nyes pa brjod par bya'o/ /u pA li gzu bo 'dul ba 'dzin pa chos rnam pa lnga dang ldan na nyes pa brjod mi nus par 13-1-67b 'gyur te/ lnga gang zhe na/ nyes pa mi shes pa dang / nyes pa med pa mi shes pa dang / lci ba mi shes pa dang / yang ba mi shes pa dang / lung kha ton mi shes par gyur pa ste/ u pA li gzu bo 'dul ba 'dzin pa chos rnam pa de lnga dang ldan na nyes pa brjod mi nus par 'gyur ro/ /u pA li gzu bo 'dul ba 'dzin pa chos rnam pa lnga dang ldan na nyes pa brjod nus par 'gyur te/ lnga gang zhe na/ nyes pa shes pa dang / nyes pa med pa shes pa dang / lci ba shes pa dang / yang ba shes pa dang / gzhung kha ton du shes par gyur pa ste/ u pA li gzu bo 'dul ba 'dzin pa chos rnam pa de lnga dang ldan na nyes pa brjod nus par 'gyur ro/ /de la u pA li gzu bo 'dul ba 'dzin pas gnas bcu drug po 'di dag gis nyes pa brjod nas gnas bcu drug gis chad pa'i las kyis sma dbab par bya'o/ /bcu drug po gang zhe na/ nyes pa ngor brjod pa dang / dpyas 'dogs pa dang / bsgo ba bzhin du mi nyan pa dang / cang mi zer zhing mi nyan pa dang / bsdigs pa dang / dgar ba dang / bskrad pa dang / slar bsdum par bya ba dang / ma mthong ba'i phyir spang ba dang / slar las mi byed pa'i phyir spang ba dang / sdig pa la lta ba slar ma btang ba'i phyir spang ba dang / chad pa byed pa dang / gzhi nas bslangs te chad pa byed pa dang / yid mgu bar byed pa dang / gzhi nas bslangs te yid mgu bar byed pa dang / gzhi nas bslangs te smos pa'o/ /de la u pA li gzu bo 'dul ba 'dzin pas gnas bcu drug gis 'dul ba brjod nas gnas bcu drug po 'dis chad pa'i las kyis sma dbab par bya'o/ /u pA li gzu bo 'dul ba 'dzin pa chos rnam pa lnga dang ldan na chad pa'i las kyis sma dbab mi nus par 'gyur te/ lnga gang zhe na/ 'dod pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang /chad pa'i las byas pa dang / ma byas pa mi shes pa'o/ /u pA li 13-1-68a gzu bo 'dul ba 'dzin pa chos rnam pa lnga dang ldan na chad pas gcad pa'i las kyis sma dbab nus par 'gyur te/ lnga gang zhe na/ 'dod pas mi 'gro bar 'gro ba dang / zhe sdang gis mi 'gro bar 'gro ba dang / gti mug gis mi 'gro bar 'gro ba dang / 'jigs pas mi 'gro bar 'gro ba dang / chad pa'i las byas pa dang ma byas pa shes pa'o/ /de la gzu bo 'dul ba 'dzin pas gnas bcu drug gis chad pas gcad pa'i las kyis sma phab la gzhan yang gnas bcu drug gis chad pa'i las kyis sma dbab par bya ste/ bcu drug po gang zhe na/ tshangs pa'i chad pas bsdigs par bya ba dang / dad par mi 'gyur bar tshor ba'i las byed du gzhug pa dang / longs spyod mi myong ba'i las byed du gzhug pa dang / mig lam na mi snang bar bya ba'i las bya ba dang / de'i ngo bo tshol du gzhug pa dang / gnod par bya ba dang / smad par bya ba dang / spang bar bya ba dang / phyogs med par bya ba dang / spa gong bar bya ba dang / zhum par bya ba dang / 'gyod pa bskyed par bya ba dang / rnam par 'gyod pa dang / rnam par slar 'gyod pa dang / dam dem du gzhag pa dang / gnad du dbab pa dang / nyes so zhes brjod pa'o/ /de la u pA li gzu bo 'dul ba 'dzin pas gnas bcu drug gis chad pa'i las kyis sma dbab par bya'o/ /u pA li gzu bo 'dul ba 'dzin pa chos rnam pa lnga dang ldan na chad pa'i las kyis sma dbab mi nus par 'gyur te/ lnga gang zhe na/ 'dul ba'i dngos po lnga mi shes pa ste/ lnga gang zhe na/ bsdigs pa dang / smad pa dang / bskrad pa dang / slar bsdum pa dang / spang ba dang lnga'o/ /u pA li gzu bo 'dul ba 'dzin pa chos rnam pa lnga dang ldan na chad pa'i las kyis sma dbab nus par 'gyur te/ lnga gang zhe na/ 'dul ba'i dngos po lnga shes pa'o/ /lnga gang zhe na/ bsdigs pa dang / smad pa dang / bskrad pa dang / slar bsdum 13-1-68b pa dang / spang ba dang lnga'o/ /u pA li gzu bo 'dul ba 'dzin pa chos rnam pa de lnga dang ldan na chad pas gcad pa'i las kyis sma dbab nus par 'gyur ro/ /de la u pA li gzu bo 'dul ba 'dzin pas gnas bcu drug po 'di dag gis chad pas gcad pa'i las kyis sma phab nas gnas bcu drug gis las bya'o/ /bcu drug gang zhe na/ mngon sum du gyur pa la las bya ba dang / mngon du ma gyur kyang las bya ba dang / skabs phye nas las bya ba dang / skabs ma phye yang las bya ba dang / glengs la las bya ba dang / ma glengs kyang las bya ba dang / dran par byas pa la las bya ba dang / dran par ma byas kyang las bya ba dang / dris la las bya ba dang / ma dris kyang las bya ba dang / rjes su sbyar ba la las bya ba dang / rjes su ma sbyar kyang las bya ba dang / so sor shes pa la las bya ba dang / so sor mi shes kyang las bya ba dang / gtan la phab la las bya ba dang / gtan la ma phab kyang las bya ba ste/ gnas bcu drug po 'di dag gis las bya'o/ /u pA li gzu bo 'dul ba 'dzin pa chos 'di lnga dang ldan na las byed mi nus pa yin te/ lnga gang zhe na/ gsol ba'i las mi shes pa dang / gsol ba dang gnyis kyi las mi shes pa dang / gsol ba dang bzhi'i las mi shes pa dang / bsgo ba'i las mi shes pa dang / byin gyis brlabs pa'i las mi shes pa ste/ u pA li gzu bo 'dul ba 'dzin pa chos de lnga dang ldan na las byed mi nus pa yin no/ /u pA li gzu bo 'dul ba 'dzin pa chos 'di lnga dang ldan na las byed nus pa yin te/ lnga gang zhe na/ gsol ba'i las shes pa dang / gsol ba dang gnyis kyi las shes pa dang / gsol ba dang bzhi'i las shes pa dang / bsgo ba'i las shes pa dang / byin gyis brlab pa'i las shes pa ste/ u pA li gzu bo 'dul ba 'dzin pa chos de lnga dang ldan na las byed nus pa yin no/ /u pA li gzu bo 'dul ba 'dzin pas gnas bcu drug po de dag gis las byas la gnas bcu drug gis rtsod 13-1-69a pa zhi bar byed na nyes par zhi ba yin te/ bcu drug gang zhe na/ des dge 'dun la gsol ba ma byas par gyur pa dang / rgyal ba'i bka' dang mi mthun par gyur pa dang / phyogs dang phyogs ma yin pa'i dge slong rnams la ma bsgo bar ma gyur pa dang / rgol ba'i dge slong gi 'dul ba nyams par gyur pa dang / ma dag pa'i dge slong gis nyes pa bcabs par gyur pa dang / byung ba ma rung bar gyur pa dang / bcas pa ma rung bar gyur pa dang / rjes su bcas pa ma rung bar gyur pa dang / gnang ba ma rung bar gyur pa dang / rjes su gnang ba ma rung bar gyur pa dang / rgol ba'i dge slong yi dam 'char ma bcug par gyur pa dang / lan glon pa'i dge slong yi dam 'char ma bcug par gyur pa dang / mdo sde'i tshig ma rung bar gyur pa dang / 'dul ba dang mi mthun par gyur pa dang / chos kyi mig rgyas par ma gyur pa dang / ji ltar chos bzhin/ ji ltar 'dul ba bzhin/ ji ltar ston pas bstan pa de lta bur rtsod pa de zhi bar ma gyur pa ste/ u pA li rnam pa bcu drug po de lta bus rtsod pa zhi bar byas pa ni nyes pa zhi ba yin no/ / u pA li chos rnam pa 'di lnga dang ldan na rtsod pa zhi ba nyes pa zhi bar gyur pa yin te/ lnga gang zhe na/ ma bsgos par zhi bar byed pa dang / nyes pa mi brjod pa dang / chad pa'i las kyis sma mi dbab pa dang / rnam par dag pa mi ston pa dang / des dge 'dun la gsol ba ma byas par gyur pa ste/ u pA li chos rnam pa 'di lnga dang ldan pas rtsod pa zhi bar byas kyang zhi bar byas pa ma yin no/ /u pA li chos rnam pa bcu drug po 'di dag dang ldan na rtsod pa zhi ba legs par zhi ba yin te/ bcu drug gang zhe na/ des dge 'dun la gsol ba byas par gyur pa dang / rgyal ba'i bka' dang mthun par gyur pa dang / phyogs dang phyogs ma yin pa'i dge slong rnams la bsgo bar gyur pa dang / rgol ba'i dge slong dag gi 'dul ba ma nyams par gyur pa dang / ma dag pa'i dge slong gis nyes pa ma bcabs 13-1-69b par gyur pa dang / byung ba ma rung bar ma gyur pa dang / bcas pa ma rung bar ma gyur pa dang / rjes su bcas pa ma rung bar ma gyur pa dang /mi gnang ba ma rung bar ma gyur pa dang / rjes su gnang ba ma rung bar ma gyur pa dang / rgol ba'i dge slong la shin tu yi dam 'char bcug pa dang / lan glon pa'i dge slong la shin tu yi dam 'char bcug pa dang / mdo sde'i tshig rung bar gyur pa dang / 'dul ba dang mthun par gyur pa dang / chos kyi mig rgyas par gyur pa dang / ji ltar chos bzhin/ ji ltar 'dul ba bzhin/ ji ltar ston pas bstan pa de lta bur rtsod pa de zhi ba yin te/ u pA li chos rnam pa 'di bcu drug dang ldan na rtsod pa zhi ba legs par zhi ba yin no/ /u pA li chos rnam pa 'di lnga dang ldan pas rtsod pa zhi na legs par zhi ba yin te/ lnga gang zhe na/ bsgos te zhi bar byed pa dang / nyes pa brjod pa dang / chad pa'i las kyis sma mi 'bebs pa dang / rnam par dag pa ston pa dang / des dge 'dun la gsol ba byas par gyur pa ste/ u pA li chos rnam pa 'di lnga dang ldan pas rtsod pa zhi ba legs par zhi ba yin no/ /de la u pA li gzu bo 'dul ba 'dzin pas rnam pa bcu drug gis rtsod pa zhi bar byas na bsod nams mang du 'phel bar 'gyur te/ bcu drug gang zhe na/ des bdag nyid la bsod nams kyi phung po mang pos bsgos par gyur pa dang / des gzhan la yang bsod nams kyi phung po chen pos bsgos par gyur pa dang / rgol ba dang phyir rgol ba'i dge slong dag gis nyes pa sbyangs par gyur pa dang / rgol ba dang phyir rgol ba dag gi nyes pa choms par gyur pa dang / phyogs rnam pa bzhi pa'i nyon mongs pa'i rgyud rnams zhi bar gyur pa dang / dge 'dun bsdu ba'i phyir zhugs par gyur pa dang / dam pa'i chos gnas par bya ba'i phyir chos kyi mig rgyas par gyur pa dang / ngo tsha ba med pa'i phyogs rnams la nan thur byas par gyur pa dang / ngo tsha ba'i phyogs rnams yang dag par bsdus par 13-1-70a gyur pa dang / dam pa'i chos ma yin pa bzlog par gyur pa dang / dam pa'i chos rab tu zin par gyur pa dang / chos nyid brjod par gyur pa dang / phyis 'ong ba'i skye bo rnams la snang ba spros par gyur pa dang / dam pa'i chos gnas pa dang / skye bo mang po la phan pa'i phyir zhugs par gyur pa ste/ u pA li gzu bo 'dul ba 'dzin pas rnam pa bcu drug gis rtsod pa zhi bar byas na bsod nams mang du 'phel bar 'gyur ro/ /u pA li gzu bo 'dul ba 'dzin pas rnam pa 'di lnga dang ldan pas rtsod pa zhi bar byas na bsod nams mang du 'phel bar 'gyur te/ lnga gang zhe na/ nyes pa la nyes par brjod cing nyes pa med pa la nyes pa med par brjod pa dang / lci ba la lci bar brjod cing yang ba la yang bar brjod pa dang / lhag ma dang bcas pa la lhag ma dang bcas par brjod cing lhag ma med pa la lhag ma med par brjod pa dang / nyes pa med pa'i gang zag la nyes pa med par brjod cing nyes pa yod pa'i gang zag la nyes pa yod par brjod pa dang / nyes pa med pa'i gang zag la nyes pa med par rtog par byed cing/ nyes pa yod pa'i gang zag la nyes pa yod par rtog par byed pa ste/ u pA li gzu bo 'dul ba 'dzin pa chos rnam pa de lnga dang ldan pas rtsod pa zhi bar byas na bsod nams mang du 'phel bar 'gyur ro/ /u pA li de lta bas na de bzhin du bslab par bya ste/ rtsod pa byung zhing skyes pa la ji ltar chos bzhin/ ji ltar 'dul ba bzhin/ ji ltar ston pas bstan pa bzhin zhi bar bya'o snyam du/ u pA li khyod kyis de bzhin du bslab par gyis shig /'dul ba las byung ba rnam pa bcu drug ces bya ba rdzogs s+ho// //sgo rnams kyi mdo bsdus pa ste/ bsnyen par rdzogs pa dang po dang / /so sor phye dang dkyil 'khor dang / /de bzhin sgo leb byang sems te/ /gleng gzhi rnams ni 'dir bsdus so/ /mdor bsdus pa ste/ bsnyen par rdzogs dang lhag pa dang / /yongs su dag dang bskor ba sa/ /phyed dang 13-1-70b gsum dang sde dag dang / /chad pa dag kyang de bzhin no/ /blangs pa dang ni sha rjen dang / /bsdus pa rnams kyi mdor bshad pa'o/ /mdor na/ bsnyen par rdzogs par byed pa na/ /bud med skyes pa mngon du gnas/ /rab tu ma byung bsnyen par rdzogs/ /bar chad dag kyang rnam pa bzhi/ /mkhan po med dang bya rog dang / /dang po'i sder yang brjod pa'o/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs pa'i tshe sangs rgyas bcom ldan 'das la tshe dang ldan pa u pA lis zhus pa/ btsun pa bsnyen par rdzogs pa'i tshe mtshan 'phos na de bsnyen par rdzogs pa zhes bgyi'am/ bsnyen par ma rdzogs pa zhes bgyi/ bcom ldan 'das kyis bka' stsal pa/ u pA li bsnyen par ni rdzogs mod kyi dge slong ma'i nang du ni thong shig /btsun pa dge slong dag gis bud med skyes pa 'dra ba skyes pa'i dbyangs can/ skyes pa'i skad du smra ba/ skyes pa'i sgra can/ skyes pa'i dbyibs lta bu zhig bsnyen par rdzogs par bgyis na bsnyen par rdzogs pa zhes bgyi'am/ bsnyen par ma rdzogs pa zhes bgyi/ u pA li bsnyen par ni rdzogs mod kyi bsnyen par rdzogs par byed pa ni 'das pa dang bcas par 'gyur ro/ /btsun pa skyes pa zhig las bud med 'dra ba/ bud med kyi dbyangs can/ bud med kyi skad du smra ba/ bud med kyi sgra can/ bud med kyi dbyibs lta bu zhig bsnyen par rdzogs par bgyis na de bsnyen par rdzogs pa zhes bgyi'am/ bsnyen par ma rdzogs pa zhes bgyi/ u pA li bsnyen par ni rdzogs mod kyi bsnyen par rdzogs par byed pa ni 'das pa dang bcas par 'gyur ro/ /btsun pa rab tu ma byung bar dge slong dag gis bsnyen par rdzogs par bgyis na de bsnyen par rdzogs pa zhes bgyi'am/ bsnyen par ma rdzogs pa zhes bgyi/ u pA li bsnyen par ni rdzogs mod kyi bsnyen par rdzogs par byed pa ni 'das pa dang bcas par 'gyur ro/ /btsun pa bsnyen par 13-1-71a ma rdzogs par mkhan po bgyis te/ dge slong dag gis bsnyen par rdzogs par bgyis na bsnyen par rdzogs pa zhes bgyi'am/ bsnyen par ma rdzogs pa zhes bgyi/ u pA li bsnyen par ni rdzogs mod kyi bsnyen par rdzogs par byed pa ni 'das pa dang bcas par 'gyur ro/ /btsun pa bar chad kyi chos dang ldan la bdag bar chad kyi chos dang ldan no zhes mchi bzhin du dge slong dag gis bsnyen par rdzogs par bgyis na bsnyen par rdzogs pa zhes bgyi'am/ bsnyen par ma rdzogs pa zhes bgyi/ u pA li bsnyen par yang ma rdzogs la bsnyen par rdzogs par byed pa yang 'das pa dang bcas par 'gyur ro/ /btsun pa bar chad kyi chos dang mi ldan la bdag bar chad kyi chos dang ldan no zhes mchi ba zhig dge slong dag gis bsnyen par rdzogs par bgyis na de bsnyen par rdzogs pa zhes bgyi'am/ bsnyen par ma rdzogs pa zhes bgyi/ u pA li bsnyen par ni rdzogs mod kyi bsnyen par rdzogs par byed pa de dag ni 'das pa dang bcas par 'gyur ro/ /btsun pa bar chad kyi chos dang yang mi ldan la bdag bar chad kyi chos dang mi ldan no zhes mchi ba zhig dge slong dag gis bsnyen par rdzogs par bgyis na de bsnyen par rdzogs pa zhes bgyi'am/ bsnyen par ma rdzogs pa zhes bgyi/ u pA li bsnyen par yang rdzogs la bsnyen par rdzogs par byed pa la yang 'das pa dang bcas par mi 'gyur ro/ /btsun pa mkhan po ma mchis bzhin du dge slong dag gis bsnyen par rdzogs par bgyis na de bsnyen par rdzogs pa zhes bgyi'am/ bsnyen par ma rdzogs pa zhes bgyi/ u pA li bsnyen par ni rdzogs mod kyi bsnyen par rdzogs par byed pa dag ni 'das pa dang bcas par 'gyur ro/ /btsun pa mkhan po dang ldan par dge slong dag gis bsnyen par rdzogs par bgyis na de bsnyen par rdzogs pa zhes bgyi'am/ bsnyen par ma rdzogs pa zhes bgyi/ u pA li bsnyen par yang rdzogs la bsnyen par rdzogs par byed pa la yang 'das pa dang bcas par mi 'gyur ro/ / 13-1-71b sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis lo bdun lon la bya rog skrod nus na rab tu phyung shig ces gsungs na/ btsun pa lo drug lon pa de yang dge 'dun gyi sko sar bya rog kyang skrod nus na de rab tu dbyung bar bgyi'am/ rab tu mi dbyung bar bgyi/ u pA li lo bdun lon par bya ba'i phyir te rab tu dbyung bar mi bya'o/ /btsun pa lo bdun ni lon la dge 'dun gyi sko sa nas bya rog skrod mi nus na de yang rab tu dbyung bar bgyi'am/ u pA li bya rog skrod nus par bya ba'i phyir te/ rab tu dbyung bar mi bya'o/ /gleng gzhi'i nang na sgo thog ma'i mdo'i tshigs su bcad pa dang po'o// //mdor na/ bram ze dang yang nyin par dang / /dkor ba tshes grangs de bzhin te/ /lhag ma dag dang lo drug dang / /drug tu bya dang bcu bzhi dang / /shol ba'i zla bar sbyar ba ste/ /'dri ba rnams la'ang de bzhin bya/ /dge slong 'khod pa'i gnas na ni/ /bslab pa byin pas bklag par bya'o/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs pa'i tshe/ bram ze dang khyim bdag rnams dge slong dag gi gan du 'ongs nas/ 'phags pa de ring tshes grangs du zhes dris pa dang / de dag gis smras pa kye mi shes so/ /bram ze dang khyim bdag dag gis smras pa/ mu stegs can gyis kyang tshes grangs dang / nyi ma dang / skar ma dang / yud tsam yang shes na/ khyed cag rab tu byung na tshes grangs tsam yang mi shes sam/ de dag lan med nas cang mi zer bar 'dug go/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ de lta bas na tshes grangs bgrang bar ngas rjes su gnang ngo zhes gsungs pa dang / dge slong thams cad kyang bgrang ba la zhugs so/ /de ltar gyur pa dge slong dag gis bcom ldan 'das la gsol pa dang / bcom 13-1-72a ldan 'das kyis bka' stsal pa/ thams cad kyis ma bgrang bar dge 'dun gyi gnas brtan dang / gtsug lag khang skyong gnyis kyis grongs shig /dge 'dun gyi gnas brtan dang / khang skyong gnyis kyis kyang ma dran nas de dag nyes pa'i dmigs su gyur pa dang / de ltar gyur pa dge slong dag gis/ bcom ldan 'das la gsol pa dang / 'jim pa'i ril bu bco lnga byos la srad bu la brgyus te zhog la nyin re re zhing drang bar gyis shig /srad bu 'phyongs par gyur pa dang / bcom ldan 'das kyis 'od ma'i byang bu bco lnga byos la srad bu la brgyus te zhog la de la nyin gcig re re bzhin drongs shig ces gsungs pa dang / dge slong thams cad kyis de bzhin drangs pa dang / dran pa nyams par gyur te/ bcom ldan 'das kyis bka' stsal pa/ dge 'dun gyi gnas brtan gyis drang bar gyis shig /bram ze dang khyim bdag dag gis kyang der 'ongs nas 'phags pa de ring tshes grangs du zhes dris pa dang / dge slong dag gis dge 'dun gyi gnas brtan dang / khang skyong gis shes so zhes der gtad pa dang / de dag gis smras pa/ 'phags pa de dag khyed kyi tshes grangs kyi mdzod pa yin nam/ khyed la dris na ci'i phyir gzhan la gtod/ khyed cag nyid kyis smros shig /de dag la lan med nas cang mi zer bar 'khod do/ /bram ze dang khyim bdag rnams 'phya zhing gtsug lag khang nas byung ste dong ngo / /de ltar gyur pa dge slong dag gis bcom ldan 'das la gsol pa dang / bcom ldan 'das kyis dgongs pa/ bram ze dang khyim bdag dag 'phya ba ni yus te/ de bas na dge 'dun gyi nang du tshes grangs brjod par bya'o snyam du dgongs nas/ dge slong rnams la bka' stsal pa/ bram ze dang khyim bdag rnams 'phya ba ni yus kyis/ de lta bas na dge 'dun gyi nang du tshes grangs brjod par gyis shig /bcom ldan 'das kyis dge 'dun gyi nang du tshes grangs brjod par gyis shig ces bka' stsal pa dang / 13-1-72b dge slong rnams kyis dge 'dun gyi nang du tshes grangs brjod kyis zla ba phyed po 'dzin par mi byed do/ /khyim bdag dang bram ze dag gis smras pa/ 'phags pa khyed kyis zla ba phyed po gzung ba yang mi shes te/ de ltar ma bzung na yar gyi zla ba phyed dang / mar gyi zla ba phyed po ji lta bur shes par 'gyur/ de dag lan med nas cang mi smra bar 'khod do/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ zla ba phyed po zung la tshes grangs brjod par bya'o/ /brjod pa ni 'di bzhin du brjod par bya ste/ dge 'dun thams cad 'dus shing 'khod pa dang / dge slong gcig gis rgan rims kyi dang por 'dug la rim gro dang bcas pas thal mo sbyar la tshig 'di skad du smros shig /de ring ni zla ba mar gyi tshes gcig ste/ gtsug lag khang gi bdag po dang lha rnams kyi phyir tshigs su bcad pa re re rjod cig /dge slong rnams kyis tshes grangs ni brjod kyis/ gtsug lag khang gi bdag po'i ming nas ma smos pa dang / bcom ldan 'das kyis bka' stsal pa/ gtsug lag khang gi bdag po'i ming nas kyang brjod par bya'o/ /'di skad du sbyin bdag ming 'di zhes bya bas sang dge slong gi dge 'dun rnams bshos la spyan drangs kyis/ de la btsun pa rnams kyis dge ba'i yid kyis brtse bar mdzod cig /gtsug lag khang gi bdag po la ji lta ba gzhan yang sbyin par byed pa dang / sbyin pa'i bdag po la yang dge ba'i yid kyis brtse bar mdzod cig /ji ltar dge ba'i yid kyis brtse bar mdzad pas na/ de'i dge ba'i chos rnams 'phel bar 'gyur gyis 'grib par mi 'gyur ro/ /de bzhin du gzhan yang de na rkyen du gnas pa'i sems can thams cad la yang so so'i ming nas brjod par bya'o/ /dge slong dag gis kyang tshig thams cad rdzogs pa'i rjes la so so nas tshigs su bcad pa re re lhogs shig /bram ze dang khyim bdag dag kyang der 'ongs nas/ 'phags pa de 13-1-73a ring tshes du zhes dris pa dang / de dag gis smras pa/ kye deng ni bco lnga'o/ /bram ze dang khyim bdag gis smras pa/ 'phags pa 'jig rten pa thams cad kyi ni de ring bcu bzhi na khyed cag gi ji ltar na bco lnga/ ci khyed cag zhag 'dums par mi byed dam/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ zhag 'dums par yang byos shig /bcom ldan 'das kyis zhag 'dums par byos shig ces gsungs pa dang / dge slong dag zla ba phyed phyed cing zhag 'dums par byed do/ /bram ze dang khyim bdag dag kyang der lhags nas/ 'phags pa de ring tshes grangs du zhes dris pa dang / dge slong dag gis smras pa/ kye de ring nged kyi bcu bzhi'o/ /de dag gis yang smras pa/ 'phags pa de ring 'jig rten pa thams cad kyi ni bco lnga na khyed cag gi ji ltar bcu bzhi/ ci khyed cag zla ba phyed phyed cing zhag re 'dums par byed dam/ de dag gis smras pa/ 'dums par byed do/ /bram ze dang khyim bdag dag de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag bram ze dang khyim bdag rnams 'phya ba ni yus te/ de lta bas na zla ba phyed phyed cing zhag 'dums par ma byed cig /dus gcig gi zla ba phyed dang gnyis 'das shing zhag 'dums par byos shig /de ltar na lo gcig la gso sbyin bcu bzhi pa ni drug go/ /de'i lhag ma rnams ni bco lnga pa'o/ /de nas yang bram ze dang khyim bdag rnams lhags nas/ 'phags pa da ltar gyi zla ba 'di khyed kyi gang zhes dris pa dang / dge slong dag gis smras pa/ kye nged kyi ni 'di dbyar zla tha chungs so/ /de dag gis smras pa/ 'phags pa 'jig rten thams cad kyi ni zla ba 'di dbyar zla 'bring po na ji ltar na khyed kyi dbyar zla tha chungs/ ci khyed kyis zla ba shol ma bor ram/ de dag gis smras pa/ ma bor ro/ / 13-1-73b bram ze dang khyim bdag dag 'phya bar gyur nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag bram ze dang khyim bdag rnams 'phya ba ni yus kyis/ de lta bas na zla ba shol bor cig /bcom ldan 'das kyis zla ba shol bor cig ces gsungs pa dang / dge slong dag gis lo re re zhing shol bor ro/ /bram ze dang khyim bdag rnams yang der lhags nas/ 'phags pa da ltar gyi zla ba 'di khyed kyi gang zhes dris pa dang / dge slong dag gis smras pa/ kye nged cag gi da ltar ni dbyar zla 'bring po'o/ /de dag gis yang smras pa/ 'phags pa 'jig rten pa thams cad kyi ni zla ba 'di dbyar zla tha chungs na/ khyed cag gi ji ltar dbyar zla 'bring po/ ci khyed cag lo re re zhing shol 'dor ram/ de dag gis smras pa/ 'dor ro/ /bram ze dang khyim bdag dag 'phya nas de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag khyim bdag dang bram ze rnams 'phya ba ni yus kyis de lta bas na lo re re zhing zla ba shol ma 'dor bar lo drug drug cing shol bor cig /drug lnga sum bcu ste/ de lta bur zhag dang / zla ba phyed dang / zla ba dang lor bsgres na mnyam par 'gyur te/ mu stegs can gyis glags btsal kyang glags mi rnyed par 'gyur ro/ /bcom ldan 'das kyis lo drug drug cing zla ba shol bor cig ces gsungs pa dang / dge slong dag gis lo drug drug cing zla ba shol 'dor ro/ /rgyal po dag ni lo gsum gsum zhing shol 'dor bar byed do/ /dge slong dag gis de bzhin ma byas pa dang / blon po dag 'phya bar gyur nas de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag blon po rnams 'phya ba ni yus te/ de lta bas na rgyal po'i gzhung bzhin du yang gyis shig /skar ma mi mthun par 13-1-74a gyur te/ dge slong dag gis de lta bur mi sbyor ba dang / skar ma rtsi ba la mkhas pa dag dge slong dag la 'phya nas de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong rnams skar ma rtsi ba dag 'phya ba ni yus te/ de lta bas na skar ma rtsi ba'i rjes su yang 'jug par yang byos shig /gleng gzhi'i nang nas sgo dang po'i tshigs su bcad pa gnyis pa'o// //mdor na/ yongs su dag pa gnyis bya dang / /mtshams kyang rnam pa bzhir bya ste/ /de bzhin dad pa nam mkha' las/ /ma bkrol ba yang snga ma bzhin/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /bcom ldan 'das la tshe dang ldan pa u pA lis zhus pa/ btsun pa mtshams kyi nang na mchis pas mtshams kyi slad rol na mchis pa rnams la/ yongs su dag pa stsal du rung ngam/ u pA li mi rung ngo / /btsun pa mtshams kyi slad rol na mchis pas mtshams kyi nang na mchis pa la yongs su dag pa stsal du rung ngam/ u pA li mi rung ngo / /btsun pa mtshams kyi nang na mchis pas mtshams kyi slad rol na mchis pa'i las bgyir rung ngam/ u pA li mi rung ngo / /btsun pa mtshams kyi slad rol na mchis pas mtshams kyi nang na mchis pa'i las bgyir rung ngam/ u pA li mi rung ngo / /btsun pa las bgyid pa mtshams kyi nang na mchis bzhin du mtshams kyi slad rol na mchis pa rnams la las bgyir rung ngam/ u pA li mi rung ngo / /btsun pa las bgyid pa mtshams kyi slad rol na mchis bzhin du mtshams kyi nang na mchis pa rnams la las bgyir rung ngam/ u pA li mi rung ngo / /sangs rgyas bcom ldan 'das la tshe dang ldan pa u pA lis zhus pa/ btsun pa dad pa len pa'i dge slong gis dad pa blangs nas nam mkha' la mchis na dad pa blangs pa zhes bgyi'am/ ma 13-1-74b blangs pa zhes bgyi/ u pA li ma blangs pa ste/ gdod long shig /btsun pa mtshams snga ma ma bkrol bar slad ma dgum du rung ngam/ u pA li mi rung ngo / /gleng gzhi'i nang nas sgo dang po'i mdo'i tshigs su bcad pa gsum pa'o// // 'dul ba gzhung dam pa/bam po sum bcu rtsa gcig pa/ mdor na/ bskor ba dang ni 'jig pa dang / /shing dang sa yi skye ba dang / /mi 'byung ba dang 'byung ba dang / /'chi ba yang ni de bzhin no/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs pa'i tshe na/ sangs rgyas bcom ldan 'das la tshe dang ldan pa u pA lis zhus pa/ btsun pa mtshams la mtshams kyis bskor du rung ngam/ u pA li dkyil 'khor dang / chus bskor ba dang / dge slong ma'i dbyar mo khang ma gtogs par gzhan mi rung ngo / /mtshams la mtshams kyis gzhig tu rung ngam/ u pA li mi rung ngo / /btsun pa rnam pa dus mtshams gzhig par 'gyur/ /u pA li lnga ste/ dge 'dun thams cad kyis bor te dong ba dang / dge 'dun thams cad mtshan 'phos pa dang / dge 'dun thams cad slar babs pa dang / dge 'dun thams cad dus byas pa dang / gsol ba'i las dang lnga'o/ /btsun pa shing gcig las gtsug lag khang gnyis kyi mtshams dgum du rung ngam/ u pA li rung ngo / /de bzhin du gtsug lag khang gsum mam bzhi yang rung ste/ shing nyid ni gcal bar byos shig /sangs rgyas bcom ldan 'das gzhongs ka shir spyad pa spyod pa na gnas gzhan zhig tu 'dzum pa mdzad do/ /chos nyid kyis nam sangs rgyas bcom ldan 'das 'dzum pa mdzad pa de'i tshe 'od sngon po/ ser po/ dmar po/ dkar po'i rnams zhal nas 'byung ste/ kha cig ni 'og tu 'gro/ kha cig ni steng du 'gro/ 'og tu song ba de rnams ni sems can dmyal ba yang 'tsho dang / thig nag po dang / kun dmyal dang / 'o dod 'bod pa dang / 13-1-75a 'o dod 'bod pa chen po dang / 'tshig pa dang / rab tu 'tshig pa dang / bstir med pa dang / chu bur dang / rgyun du chu bur dang / a ta ta dang / ha ha pa dang / hu hu pa dang / ut+pal lta bu dang / pad ma lta bu dang / pad ma chen po lta bu rnams su phyin nas/ gang tsha ba'i sems can dmyal ba de dag la bab na bsil bar gyur/ grang ba'i sems can dmyal ba de dag la bab na dro bar gyur te/ des sems can de dag la gnod pa ni bde ba'i khyad par du gyur pa dang / de dag 'di snyam du kye ci bdag cag 'di nas shi 'phos sam/ 'on te gzhan du skyes snyam du bsams pa dang / de dag dad pa bskyed pa'i phyir bcom ldan 'das kyis sprul pa btang ngo / /de dag gis sprul pa mthong ba dang 'di snyam du kye bdag cag 'di nas shi 'phos pa yang med/ gud du skyes pa yang ma yin gyi/ sngon ma mthong ba'i sems can 'di'i mthus na/bdag cag gnod pa las bde ba'i khyad par du gyur to snyam bsams nas de dag sprul pa la sems dad par gyur nas/ sems can dmyal ba'i gnod pa'i las med par gyur te/ gang du bden pa rnams kyi snod du gyur pa der lha dang mi'i nang du mtshams 'dzin par gyur to/ /gang steng du song ba de ni rgyal chen bzhi'i lha dang sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs chen dang / snang ba dang / tshad med snang ba dang / kun snang dang ba dang / chung dge dang / tshad med dge ba dang / dge rgyas dang / sprin med dang / bsod nams 'phel dang / 'bras bu che dang / mi che ba dang / mi gdung ba dang / shin tu mthong ba dang / gya nom snang ba dang / 'og min la sogs par song nas mi rtag pa dang / sdug bsngal ba dang / stong pa dang / bdag med pa brjod cing tshigs su bcad pa gnyis kyang brjod do/ /'byung bar bya phyir 13-1-75b brtsam par byos/ /sangs rgyas bstan la brtson par byos/ /'dam bu'i khyim la glang chen bzhin/ /'chi bdag sde rnams gzhom par byos/ /gang zhig rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar 'byin par 'gyur/ /de nas 'od zer de dag stong gsum gyi stong chen po'i 'jig rten gyi khams su bskor nas slar bcom ldan 'das kyi slad bzhin du 'brang zhing dong ngo / /de ste bcom ldan 'das kyis 'das pa'i las lung ston par bzhed na ni bcom ldan 'das kyi snam logs su mi snang bar 'gyur ro/ /ma 'ongs pa'i las lung ston par bzhed na ni mdun du mi snang bar 'gyur ro/ /sems can dmyal bar lung ston par bzhed na ni zhabs kyi mthil du mi snang bar 'gyur ro/ /byol song du skye bar lung ston par bzhed na ni zhabs kyi rting par mi snang bar 'gyur ro/ /yi dgas su skye bar lung ston par bzhed na ni zhabs kyi mthe bor mi snang bar 'gyur ro/ /mir skye bar lung ston par bzhed na ni pus mo gnyis su mi snang bar 'gyur ro/ /stobs kyi 'khor los sgyur bar lung ston par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung ston par bzhed na ni phyag g.yas pa'i mthil du mi snang bar 'gyur ro/ /lhar skye bar lung ston par bzhed na ni lte bar mi snang bar 'gyur ro/ /nyan thos pa'i byang chub tu lung ston par bzhed na ni zhal du mi snang bar 'gyur ro/ /rang byang chub tu lung ston par bzhed na ni mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung ston par bzhed na ni gtsug tor du mi snang bar 'gyur ro/ /de nas 'od zer de dag bcom ldan 'das la lan gsum du bskor ba byas nas bcom ldan 'das kyi gtsug tor du mi snang bar gyur to/ /de nas tshe dang ldan pa kun dga' bos thal mo gnyis sbyar te/ bcom ldan 13-1-76a 'das la gsol pa/ kha dog sna tshogs du ma stong/ /zhal nas byung ba mang po ste/ /phyogs kun des ni snang gyur pa/ /nyi ma ji ltar shar ba bzhin/ /tshigs su bcad de yang smras pa/ rgod dang zhum las rnam bral nga rgyal spangs/ /sangs rgyas skye bo mchog gi rgyur gyur pa/ /rkyen med dung dang pad mo'i rtsa ltar dkar/ /rgyal ba dgra thul 'dzum pa nye bar ston mi mdzad/ /de tshe rang gis mkhyen cing blo brtan pa/ /rgyal dbang nyan pa thos su re ba'i rnams/ /thub pa'i khyu mchog brtan pa'i gsung rab kyis/ /the tshom skyes pa dge bas bsal bar mdzod/ /rgya mtsho las ni ri rgyal brtan pa bzhin/ /yang dag mgon pos rgyu med 'dzum mi sten/ /brtan pas gang phyir 'dzum pa nyer bstan pa/ /de ni skye bo mang po thos par 'tshal/ /btsun pa de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma mchis rkyen ma mchis par 'dzum par mi mdzad na/ btsun pa ci'i rgyu ci'i rkyen gyis na 'dzum pa mdzad/ kun dga' bo de ni de bzhin no/ /de ni de bzhin te/ de bzhin gshegs pa dgra bcom pa yang dag par rdzogs pa'i sangs rgyas rgyu med rkyen med par 'dzum pa mi mdzad do/ /kun dga' bo phyogs 'dir yang dag par rdzogs pa'i sangs rgyas 'od srung bzhugs nas chos bstan to/ /de nas tshe dang ldan pa kun dga' bo rings shing myur bar stod g.yogs bzhi ltab tu bltab ste bting nas/ bcom ldan 'das la 'di skad ces gsol to/ /bcom ldan 'das gdan bting ba 'di la bzhugs par gsol/ gnas 'dir yang dag par rdzogs pa'i sangs rgyas 'od srung dang / da ltar gyi bcom ldan 'das dang yang dag par rdzogs pa'i sangs rgyas gnyis bzhugs par 'gyur ro zhes gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /legs so kun dga' bo ngas ma smras par khyod kyis shes pa ni legs so zhes 13-1-76b gsungs nas gdan bting ba de la bzhugs so/ /bzhugs nas tshe dang ldan pa kun dga' bo la bka' stsal pa/ kun dga' bo phyogs 'di ni yang dag par rdzogs pa'i sangs rgyas 'od srung gi gtsug lag khang ngo / /'di ni 'chag sa'o/ /'di ni stegs bu'o/ /'di ni sgo khang ngo / /'di ni zhabs 'khru ba'i sa'o/ /'di ni bsro khang ngo / /'di ni rung ba'i khang pa'o/ /'di ni dugs khang ngo / /sangs rgyas bcom ldan 'das la tshe dang ldan pa u pA lis zhus pa/ btsun pa rung ba'i sa zhes kyang bgyi mi rung ba'i sa zhes kyang bgyi na/ btsun pa ji tsam gyis na rung ba'i sar rig par bgyi/ u pA li dam pa'i chos yod pa'i tshe rung ba dang mi rung bar 'gyur/ dam pa'i chos zhig par gyur na thams cad kyang rung ba'o/ /btsun pa ji tsam gyis na dam pa'i chos mchis pa zhes bgyi/ ji tsam gyis na zhig pa zhes bgyi/ u pA li ji srid du las byed cing nan tan byed pa yang yod pa'i bar du ste/ las byed la nan tan byed pa yang yod na dam pa'i chos yod pa zhes bya'o/ /las kyang mi byed la nan tan byed pa dag kyang med na de ni dam pa'i chos zhig pa zhes bya'o/ /sangs rgyas bcom ldan 'das la tshe dang ldan pa u pA lis zhus pa/ btsun pa mtshams kyi nang na rgyal ba bzhugs bzhin las bgyir rung ngam/ u pA li rung ngo / /rgyal bas grangs su bskangs la las bgyir rung ngam/ u pA li mi rung ngo / /de ci'i phyir zhe na/ u pA li sangs rgyas dkon mchog kyang gzhan/ dge 'dun dkon mchog kyang gzhan no/ /sangs rgyas bcom ldan 'das la tshe dang ldan pa u pA lis zhus pa/ btsun pa mi bskyed pa'i mtshams bskyed du rung ngam/ u pA li mi rung ngo / /btsun pa ji tsam gyis na mtshams bskyed du mi rung ba zhes bgyi/ u pA li gsum gyis te/ dkyil 'khor dang / chus bskor ba dang / mtshams kyi nang ngo / /btsun pa chu klung 'bab pa'i pha rol tu mtshams dgum du dung 13-1-77a ngam/ u pA li mi rung ngo / /de ste zam pa brtan po zhig yod na rung ngo / /de ste btsun pa zam pa chad dam zhig par gyur na/ ji tsam gyis na mi 'jig pa zhes bgyi/ u pA li slar yang bcing bar bya ba'i sems yod na zhag bdun du 'jig par mi 'gyur ro/ /sangs rgyas bcom ldan 'das la tshe dang ldan pa u pA lis zhus pa/ btsun pa dge slong gis mtshams 'gum pa'i tshe las byed pa'i dge slong gum ste/ dus bgyis na bkum pa zhes bgyi'am ma bkum pa zhes bgyi/ u pA li mtshan ma rnams brjod la las kyang mang du byas na bcad pa zhes bya'o/ /bzlog pa ni ma bcad pa'o/ /btsun pa dge slong ma'i mtshams gcod pa'i tshe las bgyid pa'i dge slong ma gum ste/ dus bgyis na bkum pa zhes bgyi'am ma bkum pa zhes bgyi/ de ste u pA li mtshan ma rnams brjod la las kyang mang du byas na bcad pa zhes bya'o/ /bzlog pa ni ma bcad pa zhes bya'o/ /gleng gzhi'i nang nas sgo dang po'i mdo'i tshigs su bcad pa bzhi'o// //mdor na/ sa dang nam mkhar las bya ba/ /mtshams dang yongs su dag pa dang / /gnas gcig 'dug pa'i dge slong gis/ /las rnams kun la blta ba'o/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs pa'i tshe sangs rgyas bcom ldan 'das la tshe dang ldan pa u pA lis zhus pa/btsun pa sa la mchis pa dag gis sa la mchis pa dag dang lhan cig tu las bgyir rung ngam/ u pA li mi rung ngo / /dad pa byin pa ni rung ste/ de ste sa la gnas pas grangs su tshang la sa la gnas pa'i rnams las dad pa yang blangs par gyur pa'o/ /btsun pa sa la mchis pas rtsig pa la mchis pa dang lhan cig tu las bgyir rung ngam/ u pA li mi rung ngo / /dad pa byin pa ni rung ste/ de ste sa la gnas pa dag mang por tshang la rtsig pa la gnas pa'i rnams las dad pa yang 13-1-77b blangs par gyur pa'o/ /sa la mchis pa dag gis shing la mchis pa dag dang lhan cig tu las bgyir rung ngam/ u pA li mi rung ngo / /dad pa byin pa ni rung ste/ de ste sa la gnas pa dag mang por tshang la shing la gnas pa rnams las dad pa yang blangs par gyur pa'o/ /btsun pa sa la mchis pa dag gis nam mkha' la mchis pa dag dang lhan cig tu las bgyir rung ngam/ u pA li mi rung ngo / /btsun pa rtsig pa'i steng na mchis pa dag gis rtsig pa'i steng na mchis pa dag dang lhan cig tu las bgyir rung ngam/ u pA li mi rung ngo / /dad pa byin na rung ste/ de ste rtsig pa'i steng na gnas pa dag grangs su tshang la rtsig pa'i steng na gnas pa'i rnams las dad pa yang blangs par gyur pa'o/ /btsun pa rtsig pa'i steng na mchis pa dag gis sa la mchis pa dag dang lhan cig tu las bgyir rung ngam/ u pA li mi rung ngo / /dad pa byin pa ni rung ste/ de ste rtsig pa'i steng na gnas pa dag gis grangs su tshang la sa la gnas pa'i rnams las dad pa yang blangs par gyur na'o/ /btsun pa rtsig pa'i steng na mchis pa dag gis shing gi steng na mchis pa dag dang lhan cig tu las bgyir rung ngam/ u pA li mi rung ngo / /dad pa byin na rung ste/ de ste rtsig pa la gnas pa dag grangs su tshang la shing gi steng na gnas pa rnams las dad pa yang blangs par gyur pa'o/ /btsun pa rtsig pa'i steng na mchis pa dag gis nam mkha' la mchis pa dag dang lhan cig tu las bgyir rung ngam/ u pA li mi rung ngo / /btsun pa shing la mchis pa dag gis shing la mchis pa dag dang lhan cig tu las bgyir rung ngam/ u pA li mi rung ngo / /dad pa byin na rung ste/ de ste shing la gnas pa dag grangs su bskangs la shing la gnas pa'i rnams las dad pa yang blangs par gyur pa'o/ /shing la mchis pa dag gis sa la mchis pa dag dang lhan cig tu las bgyir rung ngam/ u pA li mi rung ngo / /dad pa 13-1-78a byin na rung ste/ de ste shing la gnas pa dag gis grangs su bskangs la sa la gnas pa rnams las dad pa yang blangs par gyur pa'o/ /btsun pa shing la gnas pa dag gis rtsig pa la mchis pa dag dang lhan cig tu las bgyir rung ngam/ u pA li mi rung ngo / /de ste shing la gnas pa dag gis grangs su bskangs la sa la gnas pa'i rnams las dad pa yang blangs par gyur na'o/ /btsun pa shing la mchis pa dag gis nam mkha' la mchis pa dag dang lhan cig tu las bgyir rung ngam/ u pA li mi rung ngo / /btsun pa nam mkha' la mchis pa dag gis nam mkha' la mchis pa dag dang lhan cig tu las bgyir rung ngam/ u pA li mi rung ngo / /btsun pa nam mkha' la mchis pa dag gis sa la mchis pa dag dang lhan cig tu las bgyir rung ngam/ u pA li mi rung ngo / /btsun pa nam mkha' la mchis pa dag gis rtsig pa la mchis pa dag dang lhan cig tu las bgyir rung ngam/ u pA li mi rung ngo / /btsun pa nam mkha' la mchis pa dag gis shing la mchis pa dag dang lhan cig tu las bgyir rung ngam/ u pA li mi rung ngo / /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis 'dul ba 'di'i dkyil 'khor las las brgya rtsa gcig tu gsungs pa/ btsun pa las brgya rtsa gcig pa de'i nang nas las dus na dad pa dang bcas par 'gyur/ dus na dad pa ma mchis par 'gyur/ u pA li thams cad kyang dad pa dang bcas pa ste/ mtshams bcad pa ni ma gtogs so/ /btsun pa rdzu 'phrul lam sgyu mas mtshams dgum du rung ngam/ u pA li mi rung ste/ de ci'i phyir zhe na/ u pA li rdzu 'phrul dang sgyu ma la ni tha snyad du gdags pa med do/ /btsun pa gza' dang / 'od zer dang / nyi ma dang / zla ba dang / skar ma rnams kyis mtshams dgum du rung ngam/ 13-1-78b u pA li mi rung ste/ de ci'i phyir zhe na/ u pA li gza' dang / 'od zer dang / nyi ma dang / zla ba dang / skar ma rnams mi brtan pa'i phyir ro/ /btsun pa chu rlabs kyis mtshams dgum du rung ngam/ u pA li mi rung ste/ de ci'i phyir zhe na/ u pA li chu rlabs ni mi brtan pa'i phyir ro/ /sangs rgyas bcom ldan 'das la tshe dang ldan pa u pA lis zhus pa/ btsun pa yongs su dag pa len pa'i dge slong gis yongs su dag pa blangs nas steng gi nam mkha' las mchis na des yongs su dag pa blangs pa zhes bgyi'am/ u pA li ma blangs pa ste/ gdod blang dgos so/ /btsun pa las bgyid pa gcig gis las kyi tshig kyang gcig gsol ba yang gcig gis gnas bzhir sde bzhi la las bgyir rung ngam/ u pA li rung ste/ de ste gnas bzhir dge slong gsum gsum gnas la/ gsol ba dang las kyang mngon du gyur cing der gsol bar byed pa'i dge slong gis gnas bzhi'i mtshams su sab mo'am/ re lde'am/ khri 'am/ gzhan dag kyang rung/ des mnan te de'i steng du 'dug nas las bya'o/ / las byed pa de nyid de dag gi grangs su skong ba'o/ /btsun pa dge slong gcig gis gnas gcig tu mchis la gnas bzhir las bgyir rung ngam/ u pA li rung ste/ de yang gnas bzhir 'di lta ste/ bsdigs pa'i las dang / smad pa dang / bskrad pa dang / slar bsdum pa dang / ma mthong ba'i phyir spang ba dang / slar las mi byed pas spang ba'i las dang / sdig pa la lta ba slar ma btang bas spang ba'i las dang / chad pa'i las de rnams la mngon du gnas par gyur la/ las byed pa'i dge slong gis gnas bzhi'i mtshams sab mo'am re ldes mnan te 'dug pa'o/ /gleng gzhi'i sgo dang po'i tshigs su bcad pa lnga pa'o// //mdor na/ phyed dang gsum las 'das pa dang / /phyed dang gsum yang ri yi steng/ /dge 'dun bye ba skya rengs dang / / 13-1-79a mtshams kyi nang du byin gyis brlabs/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /de nas sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis mtshams chen po chod cig ces gsungs na/ btsun pa mtshams chen po de'i tshad ji tsam lags/ u pA li dpag tshad phyed dang gsum mo/ /btsun pa phyed dang gsum phan chad kyang mtshams zhes bgyi'am/ u pA li ma yin te/ dpag tshad phyed dang gsum tshun chad mtshams so/ /btsun pa 'og gi khams kyi mtshams gang lags/ u pA li ji tsam chu la thug par gyur pa'i bar du'o/ /btsun pa dpag tshad phyed dang gsum las 'das te/ chu la thug par gyur na ci de yang mtshams zhes bgyi'am/ u pA li ma yin no/ /dpag tshad phyed dang gsum tshun chad ni mtshams yin gyi/ de phan chad ni mtshams ma yin no/ /btsun pa steng gi khams su mtshams gang lags/ u pA li ji tsam shing gi rtse mo 'am rtsig pa'i steng la thug par gyur pa'i bar du'o/ /btsun pa dpag tshad phyed dang gsum phan chad kyi shing gi rtse mo 'am/ rtsig pa'i steng du gyur na ci de yang mtshams zhes bgyi'am/ u pA li ma yin no/ /u pA li dpag tshad phyed dang gsum tshun chad ni mtshams so/ /de phan chad ni mtshams ma yin no/ /btsun pa ri'i mtshams gang lags/ u pA li ji tsam chus bskor ba la thug pa'i bar du'o/ /btsun pa dpag tshad phyed dang gsum phan chad gcig tu chus bskor bar gyur na ci de yang mtshams zhes bgyi'am/ u pA li ma yin no/ /u pA li dpag tshad phyed dang gsum tshun chad ni mtshams so/ /de phan chad ni mtshams ma yin no/ /btsun pa dbyar gyi nang du dge 'dun bye ste/ de na dge slong zhig zhag bdun du byin gyis brlabs te/ bdag chos la phyogs par 13-1-79b bsams bzhin du chos ma lags pa'i phyogs kyi nang du mchis na dbyar chad pa zhes bgyi'am/ dbyar ma chad pa zhes bgyi/ u pA li de ste de dag gis lta ba la yang dad la der song nas/ skya rengs shar na dbyar chad pa zhes bya'o/ /de ste lta ba la yang ma dad la der song nas/ skya rengs ma shar na de dbyar ma chad pa zhes bya'o/ /btsun pa bcom ldan 'das kyis dbyar tshul na gnas pa'i tshe/ dge slong gis zhag bdun du byin gyis brlabs te/ mtshams kyi slad rol du song shig ces gsungs na/ gang du byin gyis brlab par bgyi/ u pA li mtshams kyi nang du'o/ /ji lta bur bgyi/ dge slong gi mdun du 'dug nas thal mo sbyar ba bya ste/ tshig 'di skad ces smros shig /dgongs shig tshe dang ldan pa bdag dge slong ming 'di zhes bgyi ba mtshams kyi nang gnas 'dir dbyar dang po'am tha ma yang rung ste tshul du zhugs pa las/ bdag ming 'di zhes bgyi ba dge 'dun gyi don la mtshams kyi slad rol du mchi ba'i slad du zhag bdun byin gyis brlabs te/ bdag dbyar 'dir ro/ / bdag dbyar 'dir gnas so zhes kun rgyas par bya ste snga ma bzhin no/ /gleng gzhi'i sgo dang po'i mdo'i tshigs su bcad pa drug go/ //mdor na/ sde lnga rnams te bsams bzhin du/ /kun rgyu gnyen la'ang de bzhin te/ /lung la the tshom byung ba dang / /ma thob phyir yang 'gro ba'o/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis dbyar tshul du 'jug par gyis shig ces gsungs na/ gang dag tshul du 'jug par bgyi/ u pA li de ni lnga ste/ dge slong dang / dge slong ma dang / dge slob ma dang / dge tshul pha dang / dge tshul ma'o/ /ji ltar 'jug par 13-1-80a bgyi/ thams cad kyang snga ma bzhin du'o/ /btsun pa bcom ldan 'das kyis zhag bdun du byin gyis brlab par byas na/ dge bsnyen gyi don la mtshams kyi slad rol du song shig ces gsungs na/ btsun pa de ste mu stegs can zhig mchis na/ de'i don la yang mchi bar bgyi'am/ u pA li de ste sdig pa la lta ba de las dbral bar 'dod na 'gro bar bya'o/ /btsun pa gnyen zhig mchis na/ de'i don la yang mchi bar bgyi'am/ 'gro bar bya'o/ /btsun pa dge slong zhig gzhung la the tshom mam dogs pa zhig mchis na/ de yang mchi bar bgyi'am/ u pA li de yang 'gro bar bya'o/ /btsun pa dge slong gis ma thob pa las thob pa'i slad du/ ma chud pa las chud pa'i slad du/ mngon du ma bgyis pa las mngon du bgyi ba'i slad du/ the tshom mam dogs pa zhig mchis na/ de yang mchi bar bgyi'am/ u pA li de yang 'gro bar bya'o/ /gleng gzhi'i sgo dang po'i mdo'i tshigs su bcad pa bdun no// //mdor na/ ma dras gos kyang de bzhin te/ /'on te grong du 'gro ba dang / /kun tu rgyu dang de bzhin pa/ / gtan la bab na gong lugs so/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /sangs rgyas bcom ldan 'das la tshe dang ldan pa u pA lis zhus pa/ btsun pa ma dras pa'i gos byin gyis brlab par rung ngam/ u pA li mi rung mod kyi rnam pa de lta bu'i rkyen gyis na rung ngo / /btsun pa ma dras pa'i gos 'tshal nas grong du mchir rung ngam/ u pA li mi rung mod kyi de lta bu'i rkyen gyis na rung ngo / /btsun pa ma dras pa'i gos 'tshal te/ khyim pa'i khyim du mchir rung ngam/ u pA li mi rung mod kyi de lta bu'i rkyen gyis na rung ngo / /btsun pa ma dras pa'i gos 'tshal te/ khyim pa'i khyim du gnas su mchis su rung ngam/ u pA li mi rung mod kyi de lta bu'i rkyen gyis na rung ngo / /btsun pa ma dras 13-1-80b pa'i gos 'tshal te/ kun tu rgyu ba'i khyim du mchir rung ngam/ u pA li mi rung mod kyi de lta bu'i rkyen gyis na rung ngo / /btsun pa ma dras pa'i gos 'tshal te/ kun tu rgyu ba'i gnas su mchis su rung ngam/ u pA li mi rung mod kyi de lta bu'i rkyen gyis na rung ngo / / btsun pa ma dras pa'i gos 'tshal te/ slad rol du mchir rung ngam/ u pA li mi rung mod kyi de lta bu'i rkyen gyis na rung ngo / /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis chos gos khru tshad du byos shig ces gsungs na/ btsun pa la la zhig khru thung zhing lus ring na des kyang khru tshad du bgyi'am/ u pA li de ni khru tshad du bya ba ma yin gyi/ de'i lus kyi tshad du byos shig /btsun pa gang la thabs kyis chos gos mi langs na/ des ji ltar bgyi/ u pA li des gong lugs su gyis la chongs shig /gleng gzhi'i sgo dang po'i mdo'i tshigs su bcad pa brgyad pa'o// //mdor na/ lham la rnam pa lngar bya ste/ /seng ge gcan gzan mi srun dang / /'dug par yang ni mi rung ste/ /pags pa la ni nyal mi bya'o/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis bal glang cang shes kyi pags pa las bgyis pa'i lham ma 'chang shig gsungs na/ btsun pa ci bal glang phal gyi pags pa la yang lham bgyis te/ bcang bar mi bgyi'am/ u pA li de dag gi pags pa la yang lham byas te bcang bar mi bya'o/ /u pA li de ci'i phyir zhe na/ de dag kyang sna stobs dang ldan pa/ so stobs dang ldan pa/ rkang stobs dang ldan pa'o/ /btsun pa bcom ldan 'das kyis rta cang shes kyi pags pa las bgyis pa'i lham ma 'chang shig ces gsungs na/ btsun pa ci rta phal gyi pags pa'i 13-1-81a lham yang bcang bar mi bgyi'am/ u pA li de'i pags pa'i lham yang bcang bar mi bya'o/ /de ci'i phyir zhe na/ u pA li de dag mgyogs pa dang ldan/ stobs dang ldan pa'i phyir ro/ /btsun pa bcom ldan 'das kyis seng ge dang / stag dang gzig gi pags pa las bgyis pa'i lham ma 'chang shig ces gsungs na/ btsun pa gcan gzan mi srun pa gzhan dag kyang mchis na/ de dag gi pags pa las bgyis pa'i lham bcang bar mi bgyi'am/ u pA li de dag gi pags pa la lham byas pa yang ma 'chang shig /u pA li de ci'i phyir zhe na/ de dag kyang sen mo'i stobs dang ldan/ mche ba'i stobs dang ldan pa'i phyir ro/ /btsun pa bcom ldan 'das kyis pags pa'i steng du ma 'dug shig ces gsungs na/ btsun pa ji tsam gyis na pags pa'i steng du mchis pa zhes bgyi/ u pA li de ni ji tsam rkub bzhag par gyur pas so/ /btsun pa bcom ldan 'das kyis pags pa'i steng du ma nyal cig ces gsungs na/ btsun pa ji tsam gyis na pags pa'i steng du nyal ba zhes bgyi/ de ni u pA li ji tsam 'phres par gyur pa'o/ /gleng gzhi'i sgo dang po'i mdo'i tshigs su bcad pa dgu pa'o// //mdor na/ sha rjen dang ni rtsab mo dang / /yongs su btsags par gyur pa dang / /gzhang 'brum gcad par mi bya ste/ /gtsug lag khang dang bca' ba'o/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis dge slong se ka ta bro 'tshal ba la sha rjen byin cig ces gsungs na/ btsun pa su las blang bar bgyi/ u pA li de ni sha 'tshong ba rnam pa lnga las so/ /rnam pa lnga gang zhe na/ shen pa dang / khyim bya gsod pa dang / ri bya gsod pa dang / phag gsod pa 13-1-81b dang / ri dgas gsod pa rnams so/ /'o na btsun pa sus blang zhing byin len bgyi/ u pA li dge bsnyen dad pas so/ /gleng gzhi ni mnyan du yod pa na ste/ de'i dus na dge slong gzhan zhig na bar gyur nas de sman pa'i drung du song ste/ nad med cig ces smras nas bzhin bzangs bdag nad 'di dang 'di lta bu zhig gis btab na dpyad cig ston cig /des 'phags pa mar 'thung shig dang 'tsho bar 'gyur ro zhes smras pa dang / des bzhin bzangs bcom ldan 'das kyis ma gnang ngo zhes smras pa dang / sman pas khyod kyi ston pa ni thugs rje can yin gyis gnang bar 'gyur ro zhes smras pa dang / de ltar gyur pa dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de ste sman pas mar gyis 'tsho bar 'gyur zhes bsgo na 'thung shig /dge slong des mar 'thungs na skom gyis gzir bar gyur te/ des sman pa la bzhin bzangs bdag ni skom pas gzir to/ /des smras pa 'phags pa rtsab mo skyur po 'thung shig /des smras pa/ bcom ldan 'das kyis dus ma yin pa'i zas ma gnang na ji ltar 'thung bar bya/ sman pas smras pa/ 'phags pa khyod kyi ston pa ni thugs rje can yin te gnang du gdon mi za'o/ /de ltar gyur pa dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de ltar na rtsab mo skyur po 'thung shig ces rjes su gnang ba dang / dge slong dag gis rtsab mo skyur po ji ltar btung ba mi shes so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag rtsab mo skyur po ni rnam pa 'di lnga'o/ / lnga gang zhe na/ 'di lta ste/ 'bras bu'i chang las tshar gyur pa dang / 'bru'i chang las tshar gyur pa dang / zho'i chu dang / dar ba dang / rtsab mo dang lnga'o/ /de la 'bras bu'i chang las tshar gyur pa ni gang 'bras bu rnams las byas pa dang / ma rung ste skyur por 13-1-82a gyur pa'o/ /'bru'i chang las tshar gyur pa ni gang 'bru rnams las sbyar nas ma rung ste skyur por gyur pa'o/ /zho'i chu ni zho las chu byung ba'o/ /dar ba'i khu ba ni dar ba zho'i chu lta bur gyur pa'o/ /rtsab mo ni rtsab mo nyid yin no/ /de dag gi nang du chus bslad la ras kyi nang du btsags te/ ji ltar mda' rgyu'i kha dog bzhin du gyur pa de ni dus dang / dus ma yin pa dang / na ba dang / mi na ba'i dge slong dag btung bar bya ste/ de la the tshom ni ma byed cig /gleng gzhi ni mnyan du yod pa na ste/ de'i tshe na dge slong gzhan zhig gzhang 'brum gyi nad kyis btab nas des 'brum bu sen mos bcad pa dang / de slar sdug bsngal zhing rtsub la tsha zhing gnod la na bar gyur pa dang / de sdug bsngal gyis rab tu gzir nas des 'di snyam du bdag la bcom ldan 'das kyis sdug bsngal zhing dog pa dag tu gyur kyang ma dgongs snyam bsams pa dang / de nas bcom ldan 'das kyi thugs rje chen pos bskul nas de'i gnas su byon te/ dge slong ci nyes zhes rmas pa dang / de snying rje zhing mi dga' nas mig mchi mas gang mchil mas brnangs bzhin du tshig ngal nas/ bcom ldan 'das la ji ltar gyur pa rgyas par gsol pa dang / bcom ldan 'das kyis bka' stsal pa/ dge slong dag ngas snga nas kyang gzhang 'brum ma gcod cig ces ma bsgo'am/ bcom ldan 'das kyis bka' stsal lags so/ /'o na khyod kyis ci'i phyir de ltar bya/ bcom ldan 'das sdug bsngal gyis gzir ba'i slad du'o/ /de nas bcom ldan 'das kyis dge slong dag la bka' stsal pa/ dge slong dag dge slong 'di ni sdug bsngal gyis gzir bas na nyes pa med kyis/ ngas yang 'di ltar bsgo ba ni dge slong dag gzhang 'brum gyi nad kyis gzir na sen mo la sogs pas bdag nyid kyis kyang ma gcad cig /gzhan yang gcod du ma gzhug shig /de la dpyad rnam pa gnyis su sbyar zhing bya ste/ sman dang sngags kyis so/ /dge slong gzhang 13-1-82b 'brum gyi nad kyis gzir ba la sen mo la sogs pas bcad dam/ gcod du bcug na 'das pa dang bcas par 'gyur ro/ /sangs rgyas bcom ldan 'das shAkya'i grong 'dab tshong pa sbu bu can zhes bya ba na bzhugs so/ /de'i tshe na khyim bdag gzhan zhig bdag nyid dang / bdag nyid mos/ bdag nyid dga' nas gtsug lag khang zhig brtsigs te/ tshe dang ldan pa sgra can 'dzin gang zag gcig pu la phul lo/ /de nas tshe dang ldan pa sgra can 'dzin ji srid cig gi bar du gtsug lag khang der gnas nas lhung bzed dang chos gos khyer te gzhongs spyod du song ngo / /khyim bdag des 'phags pa sgra can 'dzin ji srid kyi bar du gtsug lag khang der gnas nas lhung bzed dang chos gos khyer te gzhongs spyod du song zhes thos so/ /de skad ces thos nas khyim bdag des gtsug lag khang de dge 'dun la phul lo/ /de nas tshe dang ldan pa sgra can 'dzin ji srid dga' ba'i bar du gzhongs spyad nas lhung bzed dang chos gos khyer te/ shAkya'i grong 'dab tshong pa sbu bu can zhes bya ba gang na ba der spyod cing song ste/ rim bzhin du spyod pa spyod cing tshong pa sbu bu can zhes bya bar phyin pa dang / tshe dang ldan pa sgra can 'dzin gyis khyim bdag des gtsug lag khang de dge 'dun la phul lo zhes thos so/ /de skad ces thos nas bcom ldan 'das gang na ba der song ste phyin pa dang / bcom ldan 'das kyi zhabs la mgo bos phyag 'tshal nas phyogs gcig tu 'dug go/ /phyogs gcig tu 'dug nas tshe dang ldan pa sgra can 'dzin gyis bcom ldan 'das la 'di skad ces gsol to/ /btsun pa 'di ni khyim bdag gzhan zhig bdag nyid dang / bdag nyid mos/ bdag nyid dga' nas gtsug lag khang zhig brtsigs te/ bdag gang zag gcig pu la stsal nas gtsug lag khang der bdag ji srid cig gi bar du mchis te/ lhung bzed dang chos gos 'tshal nas gzhongs spyod du mchis pa dang / khyim bdag des 13-1-83a 'phags pa sgra can 'dzin gtsug lag khang der ji srid cig gi bar du 'dug nas lhung bzed dang chos gos khyer te gzhongs spyod du song ngo zhes thos so/ /de skad thos pa dang / khyim bdag des yang gtsug lag khang de dge 'dun la phul na btsun pa de la bdag gis da ji ltar bgyi zhes gsol pa dang / sgra can 'dzin tshur shog /khyim bdag de gang na ba der song ste drung du phyin pa dang / khyim bdag de la 'di skad ces smros shig /khyim bdag bdag gis lus dang ngag dang yid kyis nyes par gyur pa lta yod dam zhes smros shig /btsun pa de bzhin du bgyi'o zhes tshe dang ldan pa sgra can 'dzin bcom ldan 'das las mnyan te/ khyim bdag de gang na ba der song nas phyin pa dang / khyim bdag de la 'di skad ces smras so/ /khyim bdag bdag gis lus dang ngag dang yid kyis nyes par gyur pa lta yod dam/ 'phags pa sgra can 'dzin gyis lus dang ngag dang yid kyi sgo nas cung zad tsam yang nongs par gyur pa ma mchis so/ /de nas tshe dang ldan pa sgra can 'dzin gyis khyim bdag de la legs par shin tu brtags shing smras te/ bcom ldan 'das gang na ba der song nas drung du phyin pa dang / bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /btsun pa bdag gis khyim bdag de la khyim bdag bdag gis lus dang ngag dang yid kyis cung zad tsam yang nyes par gyur pa lta yod dam zhes bgyis na/ de 'di skad ces 'phags pa sgra can 'dzin khyod kyis lus dang ngag dang yid kyi sgo nas cung zad tsam yang nongs par bgyis pa ma mchis so zhes mchi'o/ /de'i tshe na tshe dang ldan pa kun dga' bo bcom ldan 'das kyi snam logs na bsil yab thogs te/ bcom ldan 'das la g.yob cing 'dug pa dang / de nas bcom ldan 'das kyis tshe dang ldan pa kun dga' bo la/ kun dga' bo song la shAkya'i grong 'dab 13-1-83b tshong pa sbu bu can zhes bya ba na gnas shing 'khod pa'i dge slong thams cad 'dun khang du sdus shig ces bka' stsal pa dang / btsun pa bka' bzhin 'tshal lo zhes gsol nas/ tshe dang ldan pa kun dga' bos bcom ldan 'das las mnyan te/ shAkya'i grong 'dab tshong pa sbu bu can zhes bya ba na dge slong ji snyed gnas shing 'khod pa de dag thams cad 'dun khang du bsdus nas/ bcom ldan 'das gang na ba der song ste phyin pa dang / bcom ldan 'das kyi zhabs la mgo bos phyag 'tshal nas bcom ldan 'das la 'di skad du btsun pa bcom ldan 'das dus la bab par dgongs na shAkya'i grong 'dab tshong pa sbu bu can zhes bgyi ba na/ dge slong ji snyed gnas shing 'khod pa de dag thams cad 'dun khang du 'dus nas mchis so zhes gsol pa dang / de nas bcom ldan 'das 'dun khang gang na ba der gshegs te byon nas/ dge slong gi dge 'dun gyi mdun na gdan bting ba la bzhugs so/ /bzhugs nas bcom ldan 'das kyis dge slong dag la bka' stsal pa/ dge slong dag gang gis gang zag gcig la sbyin pa byin te/ gzhan la byin na chos ma yin par byin pa ste/ chos ma yin par blangs pa'o/ /mi rung bar spyod pa'o/ /gnyis las mang ba'am/ dge 'dun la byin na yang chos ma yin par byin pa'o/ /chos ma yin par blangs pa'o/ /mi rung bar spyod pa'o/ /dge slong dag gang gis gang zag gnyis la sbyin pa byin pa gcig la byin nam/ gzhan la'am/ gnyis la'am/ mang po la'am/ dge 'dun la byin na chos ma yin par byin pa'o/ /chos ma yin par blangs pa'o/ /mi rung bar spyod pa'o/ /dge slong dag gang gis gang zag mang po la sbyin pa byin na gcig la byin nam/ gnyis la'am/ mang po gzhan la'am/ dge 'dun la byin na chos ma yin par byin pa'o/ /chos ma yin par blangs pa'o/ /mi rung bar spyod pa'o/ /dge 'dun la 13-1-84a byin te gang zag gcig la byin nam/ gnyis la'am/ mang po la byin nam/ dge 'dun gzhan la byin na chos ma yin par byin pa'o/ /chos ma yin par blangs pa'o/ /mi rung bar spyod pa'o/ /de bzhin gshegs pa'i nyan thos kyi dge 'dun dag bye ste/ phyogs dang phyogs ma yin par gnas pa las phyogs gcig la sbyin pa de gzhan la byin na chos ma yin par byin pa'o/ /chos ma yin par blangs pa'o/ /mi rung bar spyod pa'o/ /dge slong dag gang gis gang zag gcig la sbyin pa byin pa gzhan la ma byin na chos bzhin du byin pa'o/ /chos bzhin du blangs pa'o/ /rung bar spyod pa'o/ /gnyis la ma yin/ mang po la ma yin/ dge 'dun la ma byin na chos bzhin du byin pa'o/ /rung bar spyod pa'o/ /dge slong dag gang gis gang zag gnyis la sbyin pa byin pa de gcig la ma yin/ gzhan la ma yin/ mang po la ma yin/ dge 'dun la ma byin na chos bzhin du byin pa'o/ /chos bzhin du blangs pa'o/ /rung bar spyod pa'o/ /dge slong dag gang gis gang zag mang po la sbyin pa byin pa de gcig la ma byin gnyis la'am/ mang po gzhan la'am/ dge 'dun la ma byin na chos bzhin du byin pa'o/ /chos bzhin du blangs pa'o/ /rung bar spyod pa'o/ /dge slong dag gang gis dge 'dun la sbyin pa byin pa de gang zag gcig la ma byin/ gnyis la'am/ mang po 'am/ dge 'dun gzhan la ma byin na chos bzhin du byin pa'o/ /chos bzhin du blangs pa'o/ /rung bar spyod pa'o/ /yang de bzhin gshegs pa'i nyan thos kyi dge 'dun bye ste/ phyogs dang phyogs ma yin par gnas pa la phyogs gcig la sbyin pa byin pa de gzhan la ma byin na chos bzhin du byin pa'o chos bzhin du blangs pa'o/ /rung bar spyod pa'o/ /dge slong dag rgyal po ni sa gzhi la dbang ngo / /bdag po ni mal stan la dbang ngo / /dge slong ni lhung bzed dang chos gos la dbang ngo / /sbyin 13-1-84b pa byed pa dang / sbyin pa'i bdag po ni bdag gis byin pa'i chos rnams la slar 'chos pa'i rigs kyi gzhan la sbyin par ni ma yin no/ /de ci'i phyir zhe na/ dge slong dag sbyin pa ni snga ma yin te/ phyi ma ni ma yin no/ /de bas na sgra can 'dzin la gtsug lag khang slar byin cig /dge slong dag gang gis sbyin pa gzhan la byin pa de yang gzhan la byin na/ de lta bu'i rkyen ma gtogs te/ 'das pa dang bcas par 'gyur ro/ /dge slong dag gis kyang tshe dang ldan pa sgra can 'dzin la gtsug lag khang slar byin no/ / 'dul ba gzhung dam pa/bam po sum bcu rtsa gnyis pa/ gleng gzhi ni mnyan du yod pa na ste/ bcom ldan 'das kyis lo lnga pa dang / lo drug pa dang / gtsug lag khang gi dus ston dang / dus ston chen po dag byos shig ces gsungs pa dang / bram ze dang khyim bdag dag gis kyang de bzhin byed do/ /der yul so so na gnas pa'i dge slong dag kyang 'dus nas de dag la bram ze dang khyim bdag dad pa can dag gis bca' ba mang du byin pa dang / de dag gis cung zad cig zos nas lhag ma de dge tshul pha dag la byin no/ / de dag gis kyang phyi de nyin dge slong de dag la de nyid byin len byas pa dang / de dag gis dge tshul pha dag la khyed cag gi bza' ba 'di gang nas 'ongs zhes dris pa dang / de dag gis smras pa/ khyed cag gis khar rtsang bdag cag la byin pa de nyid lags so/ /dge slong rnams kyis nged kyis 'di khyed la byin pa yin no/ /zhes smras te the tshom du gyur nas mi len pa dang / de ltar gyur pa dge slong dag gis bcom ldan 'das la gsol to/ /bcom ldan 'das kyis bka' stsal pa/ re ba yod bzhin du des byin la re ba yod bzhin du slar zos na de dag gis byin ni nyes byas te/ zos na ltung ba'o/ /re ba yod bzhin du des byin la re ba med bzhin du slar zos na de dag gis byin pa'i tshe ni nyes byas/ zos na nyes pa med do/ /des re ba med bzhin du byin la re ba yod bzhin du 13-1-85a zos na de dag gis byin pa'i tshe ni nyes pa med/ zos na ltung ba'o/ /re ba med bzhin du byin la re ba med bzhin du zos na de dag gis byin pa'i tshe yang nyes pa med la za ba'i tshe yang nyes pa med do/ /gleng gzhi'i sgo dang po'i mdo'i tshigs su bcad pa bcu pa rdzogs te/ sgo dang po rdzogs s+ho// //mdor bsdus pa ste/ bsgo ba dang yang bsgrags pa dang / /ma bting ba yang de bzhin te/ /bslab pa byin dang las byed dang / /bzod par bya dang bskrad pa dang / /chos dang mnyam pa'i tshul bzhin te/ / rtsig pa chad pas gcad pa dang / /mdo rnams bsdus pa'i gnyis pa'o/ /mdor na/ bsgo ba dris la lan glon pa'i/ /dge slong dus las 'das pa ste/ /mnyan du yod na rtsod pa dang / /dge 'dun gnyis dang chos gos so/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /mnyan du yod pa na khyim bdag gzhan zhig 'dug pa des rigs mnyam pa las chung ma zhig blangs nas de de dang lhan cig tu rtse dga' yongs su spyod do/ /de rtse dga' zhing yongs su spyad pa las de'i chung ma sems can dang ldan par gyur te/ de zla ba brgyad dam dgu lon pa dang bu pho zhig btsas te/ de zhag bdun gsum nyi shu rtsa gcig gi bar du btsas pa'i btsas ston chen po rgya cher byas nas rigs dang mthun par ming btags so/ /de dus phyi zhig na/ bcom ldan 'das kyi bstan pa la rab tu byung nas/ de yang dus phyi zhig na nad kyis btab ste/ dus las 'das pa dang / dge slong dag gis de lhung bzed dang / chos gos dang bcas te dur khrod du bor ba bram ze dang khyim bdag lam der byung ba dong ba de dag gis mthong nas/ de dag gcig la gcig gtam du 'dzer cing 'dong ste/ kye bdag cag khyim pa khyim na gnas pas thabs rnam pa du mas nor rdzas dag bsgrubs kyang snod spyad dang gos dag ni mi 'dor na dge sbyong shAkya'i bu 'di 13-1-85b dag ni sgo'i them pa brgya rgal zhing dka' bzhin du lto 'gengs shing bsod snyoms sgrub na ci'i phyir lhung bzed dang chos gos 'dor zhes smra ba na dge slong dag kyang de'i mdun nas tshur 'ongs pa dang / de dag gis de dag la smras pa/ 'phags pa bdag cag khyim pa khyim na gnas te/ thabs rnam pa du mas nor rdzas bsgrubs kyang snod spyad dang gos mi 'dor na khyed cag sgo'i them pa brgya rgal zhing dka' bzhin du lto 'gengs pa'i bsod snyoms bsgrubs te/ lhung bzed dang chos gos 'di ga las 'ong na de ci'i phyir khyed kyis dge slong 'di'i lhung bzed dang chos gos su bcas te dur khrod du bor zhes smras pa dang / de dag gis bcom ldan 'das kyis ma gnang ngo zhes smras pa dang / de dag cang mi zer bar dong ngo / /de ltar gyur pa dge slong dag la smras pa dang / dge slong dag gis bcom ldan 'das la gsol to/ /bcom ldan 'das kyis bka' stsal pa/ lhung bzed dang chos gos su bcas te ma dor cig /bcom ldan 'das kyis lhung bzed dang chos gos su bcas te ma dor cig ces gsungs pa dang / dge slong dag gis gcer bur bor nas/ bcom ldan 'das kyis bka' stsal pa/ gcer bur ma dor bar smad g.yogs dang rngul gzan gyis dkris te bor cig /de nas dge slong dag gis gos bzang po dang bor nas bcom ldan 'das kyis bzang po dang ma dor cig ces bka' stsal pa dang de dag gis ngan pa dang bor ro/ /bcom ldan 'das kyis ngan pa yang ma dor bar 'bring po dang bor cig ces bka' stsal to/ /bcom ldan 'das kyis lhung bzed dang chos gos su bcas te ma dor cig ces bka' stsal pa dang / dge slong dag gis ji ltar bya ba mi shes nas/ bcom ldan 'das kyis dge slong gang phongs pa de la byin cig ces bka' stsal to/ /drug sde dag rtag tu phongs pa ltar byed nas/ bcom ldan 'das kyis drug sde dag la ma sbyin par ji ltar rgan rims bzhin du byin cig ces bka' stsal pa 13-1-86a dang / gsar bu dag ma thob par gyur nas bcom ldan 'das kyis dris pa la lan 'debs pa'i dge slong gis dge 'dun la bsgo la dge slong gi dge 'dun thams cad 'dus shing 'khod pa dang / gtsug lag khang skyong gis dge 'dun gyi nang du rin thang bskyed par byos shig ces bka' stsal to/ /gleng gzhi ni mnyan du yod pa na ste/ mnyan du yod pa na dge slong gzhan zhig dus 'das nas de'i lhung bzed dang chos gos dge slong ma zhig gi lag tu bzhag go/ /dge slong dag gis de'i ro bsregs nas slar gtsug lag khang du phyin nas lhung bzed dang chos gos dag btsal na ma rnyed de/ de dag gis dge slong ma'i dbyar mo khang na dge slong ma ming 'di zhes bya ba zhig la yod par shes nas de dag gis dge slong ma'i dbyar mo khang du dong ste/ 'phags ma dge slong 'di zhes bya ba dus 'das pa de'i lhung bzed dang chos gos 'di na gtams shing 'dug pa de tshur byin cig ces smras pa dang / des smras pa/ 'phags pa dge slong de gang du dus 'das nged kyi gtsug lag khang du dus las 'das so/ /'phags pa khyed kyi de na mchis pa ni khyed dbang/ bdag cag gi de na mchis pa ni bdag cag dbang ngo / /ji ltar zhe na/ bdag cag gi yang chos kyi ming po lags so zhes smras pa dang / de ltar gyur pa dge slong dag gis bcom ldan 'das la gsol pa dang / bcom ldan 'das kyis dge slong gi lhung bzed dang chos gos ni dge slong dag dbang gis dge slong ma dag ma 'chang shig ces bka' stsal to/ /mnyan du yod pa na dge slong ma gzhan zhig dus las 'das nas de'i lhung bzed dang chos gos dge slong zhig la bzhag go/ /dge slong ma dag gis de'i ro bsregs nas/ dge slong ma'i dbyar mo khang du lhags te/ lhung bzed dang chos gos btsal na ma rnyed nas gtsug lag khang zhig na dge slong ming 'di zhes bya ba zhig la yod par shes nas/ de dag gtsug lag khang du 'ongs te dge slong dag 13-1-86b gi rkang pa la phyag 'tshal nas/ 'phags pa dge slong ma ming 'di zhes bgyi ba dus las 'das te/ de'i lhung bzed dang chos gos 'di na mchis na/ de bdag cag 'tshal gyis slar stsol cig ces smras pa dang / des smras pa/ dge slong ma de gang du dus las 'das/ bdag cag gi dbyar mo khang du dus las 'das so/ /de ltar na 'phags ma khyed kyi de na 'dug pa ni khyed dbang mod/ nged kyi de na yod pa ni nged dbang ba ste/ de yang nged kyi chos kyi sring mo yin no zhes smras pa dang / de ltar gyur pa dge slong ma dag gis dge slong dag la smras pa dang / dge slong dag gis bcom ldan 'das la gsol nas/ bcom ldan 'das kyis de ste dge slong ma'i lhung bzed dang chos gos yin na de dge slong ma dag gi yin te/ dge slong ma dag dbang bas na dge slong dag ma 'chang shig ces bka' stsal to/ /gleng gzhi ni mnyan du yod pa na ste/ mnyan du yod pa na dge slong gzhan zhig gzhongs spyad pa spyod cing ri brags kyi grong gzhan zhig tu phyin nas/ de khyim pa'i khyim zhig tu dus las 'das te/ de des dur khrod du bor nas lhung bzed dang chos gos sbas te bzhag go/ /dus phyi zhig na dge slong ma mang zhig gzhongs spyad pa spyod cing ri brags kyi grong der phyin pa dang / khyim bdag des de dag mthong ste/ 'phags ma bdag gi khyim du dge slong zhig dus las 'das pa'i lhung bzed dang chos gos 'di lags kyis snoms shig ces smras pa dang / de dag gis smras pa/ khyim bdag 'di ni bcom ldan 'das kyis ma gnang bas dge slong dbang ngo / /de ltar gyur pa dge slong ma dag gis dge slong dag la smras so/ / dge slong dag gis bcom ldan 'das la gsol pa dang / bcom ldan 'das kyis gang na dge slong med pa de dag tu ni dge slong ma dag gis blang bar bya ste/ de la the tshom ma byed cig ces bka' stsal to/ /gleng gzhi ni mnyan du yod pa na ste/ mnyan du yod par 13-1-87a dge slong ma mang zhig gzhongs spyad pa spyod cing dong ba na de dag las dge slong ma zhig na bar gyur nas/ de dal bus 'gro zhing phyi nas 'ong ba las de lam stor te/ ri brags kyi grong gzhan zhig tu phyin nas de khyim pa'i khyim du dus las 'das so/ /des de dur khrod du bor nas lhung bzed dang chos gos sbas te bzhag go/ /de nas dus phyi zhig na dge slong mang zhig gzhongs spyad pa spyod cing ri brags kyi grong der phyin pa dang / khyim bdag des de dag mthong nas 'phags pa dag bdag gi khyim du dge slong ma zhig dus las 'das te/ de'i lhung bzed dang chos gos 'di lags kyis snoms shig ces smras pa dang / de dag gis smras pa/ khyim bdag bcom ldan 'das kyis ma gnang ste/ 'di dag ni dge slong ma dbang ngo / /de ltar gyur pa dge slong rnams kyis bcom ldan 'das la gsol pa dang / bcom ldan 'das kyis gang na dge slong ma med pa der ni dge slong rnams kyis blang bar bya ste/ de la the tshom ma byed cig ces bka' stsal to/ /gleng gzhi ni mnyan du yod pa na ste/ sangs rgyas bcom ldan 'das la tshe dang ldan pa u pA lis zhus pa/ btsun pa dge slong zhig dus las 'das te/ de dbang ba'i lhung bzed dang chos gos khyim pa'i de na mchis na/ de gang dbang bcom ldan 'das kyis gang de sngar 'ongs pa dbang ngo zhes bka' stsal to/ /gnyis mchis na gang dbang/ gang sngar bslangs pa'o/ /gnyis kas bslangs na gang dbang/ gang gis sngar thob pa'o/ /gnyis kas thob na gnyis ka dbang ngo / /de ste gnyis kas thob na gang la khyim gyi bdag po dad de byin pa de dbang ngo / /gleng gzhi ni mnyan du yod pa na ste/ de'i tshe na dze ta'i tshal na dge slong gnyis shig 'thab par gyur te/ dge slong gzhan dag gis bskor cing 'khod do/ /bram ze dang khyim bdag gis de mthong nas/ de dag gis 'phags pa bdag cag gis khyim pa 'thab pa dag mthong ba yang bdag cag gis gcugs 13-1-87b par bya na khyed cag gis ci 'di mi gcugs par bskor te 'khod dam zhes smras pa dang / de na gzhan dag gis smras pa/ 'di dag nyid 'thab mo byed pa yin na ci'i phyir gcugs zhes smras pa dang / de dag lan med nas cang mi zer bar 'khod do/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis de dag la bskor cing ma 'khod par gcugs par byos shig ces bka' stsal pa dang / de dag gcugs kyang gtong du ma btub nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis de ste gcugs kyang ma btub na spang ba'i las byos shig ces bka' stsal to/ /bcom ldan 'das kyis spang ba'i las byos shig ces bka' stsal pa dang / dus phyi zhig na dge slong gnyis shig nges pa'i gtam byed de/ de gnyis na re 'di ni 'thob pa'o/ /'di ni 'thob pa'o zhes nges pa'i gtam smra ba na gcig la gcig ngag rtsub po smras pa dang / de gnyis kyang dge slong dag gis spang ba'i las byas nas/ de gnyis kyis smras pa/ tshe dang ldan pa dag bdag cag ni nges pa'i gtam smra na gcig la gcig ngag rtsub po smras su zad na/ ci'i phyir khyed kyis nged gnyis la spang ba'i las kyis bcad ces smras pa dang / de dag gis tshe dang ldan pa dag bcom ldan 'das kyis 'thab pa rnams la spang ba'i las byos shig ces gsungs pas na nged kyis khyed gnyis la spang ba'i las byas so zhes smras pa dang / de dag cang mi smra bar 'khod do/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ de gnyis la spang ba'i las mi bya bar gcugs par byos shig /de ste gnas 'cha' ba zhig na ni de'i mkhan po dang slob dpon gyis sgo shig /de ste rgan pa zhig na ni des dge 'dun thams cad 'dus la rtsod pa zhi bar byos shig /de ste des kyang ma slon na sdod de gnyis la spang ba'i las byos shig / 13-1-88a gleng gzhi ni mnyan du yod pa na ste/ sangs rgyas bcom ldan 'das la tshe dang ldan pa u pA lis zhus pa/ btsun pa mtshams kyi bar du dge slong zhig dus las 'das na gum pa de'i yo byad rnams su dbang bar 'gyur/ u pA li de ni mgo gang logs su bor ba'o/ /btsun pa gnyis kar mgo bor na/ gang dbang bar 'gyur/ u pA li de ni gnyis ka'o/ /gleng gzhi'i sgo gnyis pa ste tshigs su bcad pa dang po'o// //mdor na/ bsgrag par bya dang shing rta dang / /de nas phreng ba gos rnams dang / /dge 'dun gos kyang de bzhin te/ /the tshom so so'i skye bo'o/ /sangs rgyas bcom ldan 'das dze ta'i tshal mgon med zas sbyin gyi kun dga' ra ba na bzhugs so/ /mnyan du yod pa na ya mtshan can du ma gnas shing 'khod do/ /gang gi tshe bcom ldan 'das mnyan du yod pa na bzhugs pa de'i tshe na mu stegs can rnams kyi mthu nyams nas rnyed pa chung bar gyur te/ de dag gis ji tsam 'dod pa blangs nas mu stegs su bya ba bya bar brtsams pa dang / khyim bdag mgon med zas sbyin pa chos kyis nang par sngar langs nas bcom ldan 'das la blta ba'i phyir 'gro'o/ /ji tsam dus phyi zhig na khyim bdag mgon med pa la zas sbyin pa nang par sngar langs nas dze ta'i tshal du song ba dang / mu stegs can dag ci 'dod pa blangs te/ de dag gis de yang dag par bskul nas des bsams pa 'di dag ni ngan du smra ba'i chos dang 'dul ba'i mu stegs can dag ste/ ci 'dod pa dag bslangs te mu stegs can gyi bya ba byed de/ bcom ldan 'das kyis kyang mdo sde de dang de dag las ma dad pa dag ni dad pa phun sum tshogs par yang dag par bskul bar byos shig /gzhug par byos shig /dgod par byos shig ces gsungs te/ bcom ldan 'das kyis rjes su gnang na ni bdag gis skye bo mang po dag kyang dge 'dun la yon 'bul ba la rab tu dgod do snyam du bsams nas/ bcom ldan 'das gang na ba der song ste phyin nas bcom ldan 'das kyi zhabs la mgo 13-1-88b bos phyag 'tshal nas phyogs gcig tu 'dug go/ /phyogs gcig tu 'dug nas khyim bdag mgon med zas sbyin pas bcom ldan 'das la 'di skad ces gsol to/ /btsun pa ngan du smra ba'i chos dang 'dul ba'i mu stegs can 'di dag ci 'dod pa blangs nas mu stegs su bgyi ba bgyid na/ bcom ldan 'das kyis gnang na ni de dang de dag tu zhes bya ba nas dge 'dun la yon 'bul bar dgod do zhes bya ba'i bar du snga ma bzhin no/ /bcom ldan 'das kyis bka' stsal pa/ de ltar na ngas khyim bdag rjes su gnang gis ci 'dod pa bslangs te/ sangs rgyas dang chos dang dge 'dun la bya ba byed par byos shig /bcom ldan 'das kyis ci 'dod pa blangs te/ sangs rgyas dang chos dang dge 'dun la bya ba byos shig ces bka' stsal nas/ khyim bdag mgon med zas sbyin gyis yang dag par bskul bar brtsams pa dang / bram ze dang khyim bdag dag gis 'phags pa dag kyang yang dag par bskul na ni bdag cag la bsod nams de bas kyang rab tu mang bar 'gyur ro zhes smras pa dang / bcom ldan 'das kyis bka' stsal pa/ dge slong dag gis kyang grogs gyis shig /bram ze dang khyim bdag dag gis de ste bdag cag gi ming nas brjod na ni legs par 'gyur ro zhes smras pa dang / bcom ldan 'das kyis sbyin bdag gis byin na brjod par byos shig ces bka' stsal pa dang / khyim bdag gis kyang brjod par byas nas bram ze dang khyim bdag gis de ste 'phags pa dag gis brjod na ni bdag cag la de bas kyang bsod nams mang du 'gyur ro zhes smras pa dang / bcom ldan 'das kyis bka' stsal pa/ dge slong dag gis kyang brjod par byos shig / bram ze dang khyim bdag dag gtsug lag khang du 'ongs nas phul ba dang / bcom ldan 'das kyis gtsug lag khang du yang brjod par byos shig ces bka' stsal to/ /rjod par byed pa de skye bo mang po dag gis bskor nas mi snang bar gyur pa dang / bcom ldan 'das 13-1-89a kyis shing rta'i steng du 'dzegs la brjod cig ces bka' stsal pa dang / tsha ba dang char pa dang rlung rnams byung bar gyur nas/ bcom ldan 'das kyis khang bu rtseg ma byos shig ces bka' stsal to/ /skye bo mang po dag gis sgo bsgribs pas na/ bcom ldan 'das kyis bka' stsal pa/ sgo bzhi thod la brjod pa bzhi zhog shig /de nas khyim bdag mgon med zas sbyin ci 'dod pa blangs nas gos zung mang po gos zung brgya stong mang po rnams bsogs pa dang / des 'di snyam du gos mang zhig tshogs kyis da ni bdag gis sangs rgyas la sogs pa dge slong gi dge 'dun dag bshos gsol la sangs rgyas la sogs pa dge slong gi dge 'dun rgan rims su yon dbul lo snyam bsams nas/ des dze ta'i tshal gos sna tshogs kyis brgyan te gos kyi phreng bas steng kun tu sbyangs nas srung ma yang bzhag ste/ mdza' bo dang gnyen dang phu nu dag kyang mgron du bos so/ /de nas gtsang zhing bsod pa'i bza' ba dang bca' ba dag sbyar nas bcom ldan 'das dang dge slong gi dge 'dun du bcas te/ dze ta'i tshal du bshos la spyan drangs so/ /de nang par sngar langs te gdan bting nas bum pa chus bkang ste bzhag nas/ bcom ldan 'das dang nyan thos kyi dge 'dun du bcas te bshos gsol nas/ bcom ldan 'das la btsun pa 'jig rten na yon gnas su mchis zhes zhus pa dang / khyim bdag gnyis te slob pa dang mi slob pa'o/ /de la yang khyim bdag slob pa la rnam pa bcwa brgyad yod do/ /mi slob pa la rnam pa dgu'o/ /slob pa rnam pa bcwa brgyad po gang zhe na/ rgyun du 'jug pa'i 'bras bu mngon du bya ba'i phyir zhugs pa dang / rgyun du zhugs pa dang / lan gcig phyir 'ong ba'i 'bras bu mngon du bya ba'i phyir zhugs pa dang / lan gcig phyir 'ong ba dang / phyir mi 'ong ba'i 'bras bu mngon du bya ba'i phyir zhugs pa dang / phyir mi 'ong ba dang / dgra bcom pa'i 'bras bu mngon du bya ba'i phyir zhugs pa dang / dad pas rjes su 'brang ba dang / 13-1-89b chos kyi rjes su 'brang ba dang / dad pas rnam par grol ba dang / lta bas thob pa dang / gong nas gong du 'gro ba dang / tshe gcig gis thogs pa dang / bar ma dor mya ngan las 'da' ba dang / skyes ma thag tu mya ngan las 'da' ba mngon par 'du byed pa dang bcas pas yongs su mya ngan las 'da' ba dang / mngon par 'dus ma byas pas yongs su mya ngan las 'da' ba dang / gong du 'phar ba rnams te 'di dag ni slob pa bcwa brgyad ces bya'o/ /mi slob pa dgu gang zhe na/ chos 'gribs pa dang / chos ma 'gribs pa dang / gsang ba'i chos dang / rjes su srung ba'i chos dang / mi g.yo bar 'dug pa dang / so sor rtogs nas skal ba can du mi 'gyur ba dang / mi bskyod pa'i chos dang / shes rab kyis rnam par grol ba dang / gnyis ka'i cha las rnam par grol ba 'di dag ni mi slob pa dgu zhes bya'o/ /bcom ldan 'das kyis de skad ces gsungs so/ /bde bar gshegs pas de skad gsungs nas/ ston pas yang gsungs pa/ lus dang ngag yid drang por gyur pa yi/ /slob dang mi slob 'jig rten 'di na bzhugs/ / de dag sbyin zhing mchod par 'os pa ste/ /mchod pa'i zhing rab der byin 'bras bu che/ /de nas khyim bdag mgon med zas sbyin rgan rims kyi mdun du 'dug ste/ brjod pa bskos nas 'phags pa brjod pa'i tshe 'di skad du gang bcom ldan 'das kyi nyan thos kyi dge 'dun la sbyin par rigs pa/ rab tu sbyin par rigs pa/ thal mo sbyar bar rigs pa/ phyag bya bar rigs pa/ bla na med pa'i bsod nams kyi zhing 'jig rten gyi yon gnas su gyur pa gang yin pa de dag la gos 'di dag 'bul gyis ci bder bzhes shig ces gsung shig /de nas dge slong rjod par byed pa des rgan rims kyi mdun du 'dug la 'di skad du gson cig /btsun pa'i dge 'dun rnams bcom ldan 'das kyi nyan thos kyi dge 'dun sbyin par rigs pa/ rab tu sbyin par rigs pa/ thal mo sbyar bar rigs pa/ phyag bya 13-1-90a bar rigs pa/ bla na med pa'i bsod nams kyi zhing/ 'jig rten gyi yon gnas gang yin pa de dag la gos rnyed pa 'di dag 'bul gyis ci bder bzhes shig ces brjod do/ /de nas dge slong 'dod chags dang bral ba zhe sdang dang bral ba gti mug dang bral ba gang yin pa de dag ni 'di snyam du gyur to/ /khyim bdag mgon med zas sbyin ni 'di skad du brjod de/ gang bcom ldan 'das kyi nyan thos kyi dge 'dun sbyin par rigs pa/ rab tu sbyin par rigs pa/ thal mo sbyar bar rigs pa/ phyag bya bar rigs pa/ bla na med pa'i bsod nams kyi zhing 'jig rten gyi yon gnas de dag la gos rnyed pa rnams 'bul gyis ci bder bzhes shig ces brjod de/ bdag cag ni bla na med pa yin pas na bdag gis rnyed pa 'di dbang mod kyis/ bcom ldan 'das kyis dge slong dag khyed kyis dge ba rnams ni bcab par bya'o/ /sdig pa rnams ni bsgrag par bya'o zhes gsungs na/ bdag cag gos rnyed pa'i phyir bdag nyid brjod pa lta ga la rung/ bdag cag ni 'dod chags dang bral ba/ zhe sdang dang bral ba/ gti mug dang bral ba'o zhes smras nas cang mi zer bar 'khod do/ /kun tu sbyor ba'i lhag ma dang bcas pa gang yin pa de dag kyang 'di snyam du/ bla na med pa la bsngos pas na bdag cag ni kun tu sbyor ba'i lhag ma dang bcas pa yin pas bdag cag ni mi dbang ngo snyam bsams nas cang mi zer bar 'khod do/ /bcing ba thams cad kyis bcings pa gang yin pa de dag ni 'di snyam du/ bla na med pa la de 'bul lo snyam du bsams nas de dag cang mi smra bar 'khod do/ /kun tu sbyor ba'i lhag ma dang bcas pa dag kyang cang mi zer bar 'khod do/ / bdag cag ni bcing ba thams cad kyis bcings pas na/ bdag cag ni thams cad kyi thams cad du mi dbang ngo snyam du bsams nas de dag kyang cang mi smra bar 'khod do/ /de'i tshe khyim bdag mgon med zas sbyin gyis gos phul ba de dag dge slong gcig 13-1-90b gis kyang ma blangs pa dang / de yang 'di snyam du bdag 'phags pa'i dge 'dun dag gis lhung bzed khas phub par ma gyur grang snyam du bsams nas/ de'i lus skya bo bseng bseng po rid cing skem la rmya bar gyur nas/ bcom ldan 'das gang na ba der song ste drung du phyin pa dang / bcom ldan 'das kyi zhabs la mgo bos phyag 'tshal nas phyogs gcig tu 'dug go/ /phyogs gcig tu 'dug ste/ khyim bdag mgon med zas sbyin gyis don de bcom ldan 'das la gsol pa dang / sangs rgyas ni mkhyen bzhin du 'dri ste/ sangs rgyas bcom ldan 'das kyis tshe dang ldan pa kun dga' bo la/ kun dga' bo khyim bdag mgon med zas sbyin pas dge slong dag la gos sbyar te byin na/ ci'i phyir ma blangs zhes rmas pa dang / des btsun pa khyim bdag mgon med zas sbyin gyis/ 'di skad du gang bcom ldan 'das kyi nyan thos kyi dge 'dun sbyin par rigs pa/ rab tu sbyin par rigs pa/ thal mo sbyar bar bgyi ba nas de dag cang mi mchi bar mchis so zhes bgyi ba'i bar du snga ma bzhin brjod de/ de ltar na khyim bdag mgon med zas sbyin gyis stsal ba dge slong gcig gis kyang ma blangs so zhes gsol pa dang /de nas bcom ldan 'das kyis tshe dang ldan pa kun dga' bo la kun dga' bo song la mnyan du yod pa na dge slong ji snyed gnas shing 'khod pa de dag thams cad 'dun khang du sdus shig /ces bka' stsal pa dang / btsun pa de bzhin bgyi'o zhes tshe dang ldan pa kun dga' bos bcom ldan 'das las mnyan te/ mnyan du yod pa na dge slong ji snyed gnas shing 'khod pa de dag thams cad 'dun khang du bsogs nas/ bcom ldan 'das gang na ba der song ste phyin pa dang / bcom ldan 'das kyi zhabs la mgo bos phyag 'tshal nas phyogs gcig tu 'dug go/ /phyogs gcig tu 'dug nas bcom ldan 'das la tshe dang ldan pa kun dga' bos/ btsun pa bcom ldan 'das da dus la bab par dgongs shig /mnyan du 13-1-91a yod pa na dge slong ji snyed gnas shing mchis pa de dag thams cad 'dun khang du 'dus shing tshogs so zhes de skad ces gsol pa dang / de nas bcom ldan 'das 'dun khang gang na ba der gshegs te byon pa dang / gdan bting ba la bzhugs so/ /bzhugs nas bcom ldan 'das kyis dge slong dag la 'di skad ces bka' stsal te/ dge slong khyed khyim bdag mgon med zas sbyin gyis gos mang po bsdus te byin na ci'i phyir ma blangs zhes gsungs pa dang / dge slong rnams cang mi zer bar 'khod do/ /sangs rgyas bcom ldan 'das ni mkhyen bzhin du 'dri ba ste/ sangs rgyas bcom ldan 'das kyis tshe dang ldan pa kun dga' bo la yang kun dga' bo dge slong rnams ci'i phyir mi smra bar 'khod ces rmas pa dang / de ltar gyur pa bcom ldan 'das la yang rgyas par gsol to/ /de nas bcom ldan 'das kyis dge slong rnams la bka' stsal pa/ dge slong dag khyed nga'i drung du mya ngan las 'da' bar bsams te rab tu byung ngam/ btsun pa de bzhin no zhes gsol to/ /dge slong dag de lta bas na nga'i drung du mya ngan las 'da' bar bsams te rab tu byung ba de la ni ba na phrag stong ri ba'i gos dang / mig lnga brgya yod pa'i khang pa brtsegs pa dang / ro sna brgya dang ldan pa'i zas rnams rjes su gnang ngo / /dge slong dag tshul khrims nyams pa dag ni dge 'dun gyi kun dga' ra ba la rkang pa'i rting pa gcig tsam yang yongs su spyad pa mi gnang ngo / /de ci'i phyir zhe na/ tshul khrims nyams pa'i gang zag la ni nyes pa'i dmigs 'di bcu yod de/ bcu gang zhe na/ tshul khrims kyis bdag smad pa dang / gzhan dang lha dang ston pas smad pa dang / tshangs pa mtshungs par spyod pa mkhas pa dang / chos nyid kyis smad pa dang / phyogs phyogs su sdig pa mi snyan pa'i sgra dang tshigs su bcad pas grags par 'gyur ba dang / ma rtogs pa rnams rtogs par mi 'gyur ba dang / rtogs 13-1-91b pa rnams nyams pa dang / sngon thos pa rnams brjed par 'gyur ba dang / rnam par 'gyod bzhin du dus byed pa dang / lus dang bral nas shi ba'i 'og tu ngan 'gro ngan song du log par ltung nas sems can dmyal bar skye'o/ /'on kyang dge slong dag gis spyad pa ni bzhi ste/ bdag po med cing yongs su spyod pa dang / byin pas yongs su spyod pa dang / gnang bas yongs su spyod pa dang / bu lon gyis yongs su spyod pa'o/ /de las dge slong 'dod chags dang bral/ zhe sdang dang bral/ gti mug dang bral ba de dag ni bdag po med cing yongs su spyod pa'o/ /kun tu sbyor ba'i lhag ma dang bcas pa dag ni byin pas yongs su spyod pa'o/ /so so'i skye bo dge ba can bsam gtan dang klog pa la zhugs pa rnams ni gnang bas yongs su spyod pa'o/ /le lo can dag ni bu lon gyis yongs su spyod pa'o/ /tshul khrims nyams pa ni yongs su spyod pa thams cad mi gnang ngo / /de lta bas na rnyed pa zhig yod na dge 'dun gyis mnyam par bgo bar bya'o/ /gleng gzhi'i sgo gnyis pa'i mdo'i tshigs su bcad pa gnyis pa'o// //mdor na/ bting ba dang ni ma bting ba/ /phyung ba dang yang ma phyung ba/ /de bzhin mtshams kyi phyi rol gnas/ /thos pa yi rang bsams pas so/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /sangs rgyas bcom ldan 'das la tshe dang ldan pa u pA lis zhus pa/ btsun pa dge 'dun gyis gtan pa bting ba dge slong gis shin tu myong bzhin du gtan pa bting bar mi 'gyur bar mchis sam/ u pA li yod de 'di lta ste/ dge 'dun gyi gtan pa 'ding ba'i tshe dge slong des dad pa ma byin la gnyid kyis log ste/ dge 'dun gyi gtan pa bting bar 'gyur ro/ /u pA li de ltar na dge slong gtan pa shin tu myong bzhin gtan pa bting bar mi 'gyur ro/ /btsun 13-1-92a pa dge 'dun gyi gtan pa shin tu ma myong bzhin du gtan pa bting bar 'gyur ba mchis sam/ u pA li yod de/ dge slong zhig gis dge 'dun gyi gtan pa bting ba'i tshe dad pa byin la nyal la dge 'dun gyis gtan pa yang bting bar 'gyur te/ de ltar na dge 'dun gyi gtan pa bting ba shin tu ma myong ba yang gtan pa bting bar 'gyur ro/ /u pA li de bzhin du dge slong gis dge 'dun gyi gtan pa 'ding ba'i tshe dad pa byin pa la gnyid kyis log gam snyoms par zhugs pa ste/ shin tu ma myong yang gtan pa bting bar 'gyur ro/ /btsun pa dge slong gi dge 'dun gyi gtan pa 'byin pa'i tshe myong bar gyur kyang gtan pa ma phyung bar 'gyur ba mchis sam/ u pA li yod de/ 'di lta ste/ dge slong gis dge 'dun gyi gtan pa 'ding ba'i tshe dad pa ma byin la gnyid kyis log gam snyoms par zhugs pa ste/ u pA li de ltar na dge slong gi dge 'dun gyi gtan pa 'byin pa'i tshe myong bar gyur kyang gtan pa ma phyung bar 'gyur ro/ /btsun pa dge slong zhig gis dge 'dun gyi gtan pa 'byin pa'i tshe myong bar ma gyur kyang gtan pa phyung bar 'gyur ba mchis sam/ u pA li yod de/ 'di ltar dge slong gi dge 'dun gyis gtan pa 'byin pa'i tshe dad pa byin la gnyid kyis log gam snyoms par zhugs sam/ mtshams kyi phyi rol tu song yang rung ste/ dge 'dun gyis gtan pa phyung ngo zhes thos te/ thos nas kyang legs par phyung ngo / /shin tu byung ba'o zhes rjes su yi rang ba'o/ /gleng gzhi'i sgo gnyis pa'i mdo'i tshigs su bcad pa gsum pa'o// //mdor na/ bslab pa byin dang tshul shing dang / /gang la las rnams bya ba dang / /bcu gnyis rnams la slar 'khyal dang / /mi gtsang ba dang mi brtsan pa/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /sangs rgyas bcom ldan 'das la tshe dang ldan pa u pA lis zhus pa/ btsun pa 13-1-92b bslab pa stsal bas/ tshul shing brim zhing las bgyir rung ngam/ u pA li mi rung ngo / /ma ning dang za ma dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / mi gnas pas tshul shing brim zhing las bgyir rung ngam/ u pA li mi rung ngo / /btsun pa bcom ldan 'das kyis gang la las bya ba de slar 'khyal yang mi brtsan no zhes gsungs na/ btsun pa gang la chos bzhin ma lags par las bgyis pa de ltar 'khyal na yang mi brtsan par 'gyur ram/ u pA li de ni brtsan no/ /btsun pa gang zag gis las bcu gnyis bskos pa'i tshe de dag 'di skad du nged cag la ma bsko shig ces mchi na/ ci de dag de ltar 'khyal ba yang mi brtsan nam/ u pA li brtsan no/ /de ni ngas chad pas gnas pa rnams kyi phyir bsams te gsungs so/ /btsun pa bcom ldan 'das kyis mi gtsang ba rnams slar 'khyal na mi brtsan no zhes gsungs na/ btsun pa ji tsam gyis na mi gtsang ba zhes bgyi/ u pA li de ni gang la phas pham pa bzhi'i nang nas gang yang rung ba zhig byung bar gyur pa ste/ de tsam gyis na mi gtsang bar 'gyur ro/ /gleng gzhi'i sgo gnyis pa'i mdo'i tshigs su bcad pa bzhi pa'o// //mdor na/ bslab pa byin dang las byed dang / /rkun gnas kyang ni de bzhin te/ /bsnyen rdzogs mtshams kyi phyi rol dang / /mngags te gtang bar mi bya ba'o/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /sangs rgyas bcom ldan 'das la tshe dang ldan pa u pA lis zhus pa/ btsun pa las bgyid pa bslab pa stsal bas las bgyis na/ bgyis pa zhes bgyi'am/ 'on te ma bgyis pa zhes bgyi/ 13-1-93a u pA li ma byas pa zhes bya ste/ slar yang bya dgos so/ /de bzhin du ma ning dang za ma dang mi gnas pa'i bar du snga ma bzhin du bya'o/ /gleng gzhi ni mnyan du yod pa na ste/ dge slong gzhan zhig la dge slong zhig bsnyen par rdzogs par 'dod nas des bsnyen par rdzogs par bya ba'i dge slong rnams sbran te/ des bsnyen par rdzogs par bya ba'i phyir des dge tshul pha de khrid de/ dkyil 'khor du dong nas dge slong dag dang lhan cig tu dkyil 'khor du phyin nas/ de mtshams kyi phyi rol du mngags te btang ba dang / de gnyen dag gis khrid de song ngo / /tshe dang ldan pa de dag rab tu 'byung zhing bsnyen par rdzogs nas dge slong gi dngos por gyur pa'i bar chad du gyur pa dang / de ltar gyur pa dge slong dag gis sangs rgyas bcom ldan 'das la gsol pa dang / sangs rgyas bcom ldan 'das kyis bka' stsal pa/ de lta bas na dge slong dag gis bsnyen par rdzogs par 'dod pa de mtshams kyi phyi rol du ma mngags shig /'di lta ste/ dge slong dag 'khor los sgyur ba'i rgyal po'i bu rab dbang bskur ba'i rigs pa dbang ma bskur na rgyal tshab 'thob pa de rab tu bsrung bar bya ba dang / rab tu bskyang bar bya ba de bzhin du dge slong gis bsnyen par rdzogs par 'dod pa de yang rab tu bsrung zhing bskyang ba'i rigs so/ /de lta bas na dge slong dag gis bsnyen par rdzogs par 'dod pa'i dge tshul pa de rnams mi thos pa'i nye 'khor tsam du spangs la/ mthong ba'i nye 'khor tsam du thal mo sbyar te mngon du lta bzhin zhog shig /de ltar na nyes pa'i dmigs su mi 'gyur ro/ /gleng gzhi'i sgo gnyis pa'i mdo'i tshigs su bcad pa lnga pa'o// //mdor na/ bzod pa gsol bar byed dang mtshams/ /spu bsnyal ba yang de bzhin no/ /thab mo rgod pa bsdigs pa dang / /smad par bya dang rigs sun pa'o/ /sangs rgyas bcom ldan 'das mnyan du yod pa'i 13-1-93b dze ta'i tshal mgon med zas sbyin gyi kun dga' ra ba na bzhugs so/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis bsdigs pa'i las bgyis pas bzod pa gsol cig ces gsungs na/ gang du bzod pa gsol bar bgyi/ u pA li de ni mtshams kyi nang du'o/ /ji ltar bzod pa gsol bar bgyi/ spu langs shing rab tu langs pa las dge 'dun la spu nyal bar byed pa byung bar stsol/ phyag 'tshal ba mngon du ston cing/ thab mo rgod pa de yang slar gtong ba'o/ /btsun pa bcom ldan 'das kyis thab mo rgod pa'i dge slong dag la bsdigs pa'i las byos shig ces gsungs na/ de ste btsun pa de la bsdigs pa'i las bgyid pa'i tshe ma rangs par gyur na/ de la thabs ji ltar bgyi/ u pA li de'i yo byad dang rdzas las kha cig gis lhung bzed dang chos gos khyer cig /kha cig gis ni bar bur gyi snod dag khyer la phyi rol du phyung ste bor cig /de ste ka ba la 'jus na yang ka ba chod cig /de ste sgo skyes la 'jus na yang sgo skyes phyung la de la ngo zlog mi phod pa ma byed cig /de slar sus bcos par bgyi/ dge 'dun gyis so/ /su la bcos pa'i yo byad dgug /sbyin bdag la slongs la de ste ma 'byor na dge 'dun thams cad kyi nor las byos shig /de la the tshom du ma byed cig /de ste btsun pa dge slong ma zhig thab mo rgod par gyur na de la yang bsdigs pa'i las bgyi'am/ u pA li de la yang bsdigs pa'i las bya'o/ /de ste ma rangs par gyur na zhes pa nas/ the tshom ma byed cig ces bya ba'i bar du snga ma bzhin no/ /btsun pa de ste dge slob ma dang / dge tshul pha dang / dge tshul ma zhig thab mo rgod par gyur pa dang / de dag la yang bsdigs par bgyi'am/ de la the tshom du ma byed cig ces bya ba'i bar du snga ma bzhin no/ /btsun pa bcom ldan 'das kyis rigs sun pa'i dge slong la bskrad pa'i las 13-1-94a byos shig ces gsungs na/ de ste btsun pa de la bskrad pa'i las bgyid pa'i tshe de ma rangs par gyur na de la ji ltar bgyi/ u pA li de la yo byad rnams zhes bya ba nas/ the tshom ma byed cig ces bya ba'i bar du snga ma bzhin no/ /de bzhin du dge slong mas rigs sun pa dang / dge slob ma dang / dge tshul pha dang / dge tshul ma dag la yang bskrad pa'i las bgyi'am/ de la the tshom du ma byed cig ces bya ba'i bar du snga ma bzhin no/ /gleng gzhi'i sgo gnyis pa'i mdo'i tshigs su bcad pa drug pa'o// // 'dul ba gzhung dam pa/bam po sum bcu rtsa gsum pa/ btsun pa bcom ldan 'das kyis tshul khrims nyams pa'i dge slong skrod cig ces gsungs na/ sus bskrad par bgyi/ de ni dge 'dun gyis bskrad par bya'o/ /de'i yo byad la kha cig gis lhung bzed dang chos gos khyer/ kha cig gis ni bar bur gyi snod dag khyer te phyi rol tu phyung la bor cig /de ste ka ba la 'jus na ka ba chod cig /sgo skyes la 'jus na sgo skyes kyang phyung la de la ngo zlog mi phod par ma byed cig /slar sus bcos par bgyi/ dge 'dun gyis so/ /'chos pa'i yo byad su la dgug /yon bdag la bskul lo/ /des kyang ma 'byor na dge 'dun thams cad kyi nor gyis slar bcos par bya ste/ de la the tshom du ma byed cig /tshul khrims nyams pa'i dge slong la ji lta bar dge slong ma dang / dge slob ma dang / dge tshul pha dang / dge tshul ma dag kyang de bzhin no/ /btsun pa bcom ldan 'das kyis khyim pa la smod par byed pa'i dge slong de la slar bsdum pa'i las byos shig ces gsungs na/ btsun pa de snye dge slong mas kyang khyim pa la smad par gyur na de la yang slar bsdum pa'i las bgyi'am/ u pA li de yang slar bsdum pa'i las byed du chug shig /dge slob ma dang / dge tshul pha dang / dge tshul ma la yang de bzhin no/ /btsun pa bcom ldan 'das kyis dge slong khyim pa la smod na 13-1-94b bsdum pa'i las byed du chug shig ces gsungs na/ dge slong gis dge slong la smod na de la yang slar bsdum pa'i las bgyi'am/ u pA li de la yang slar bsdum pa'i las bya'o/ /dge slong gis dge slong ma dang / dge slob ma dang / dge tshul pha dang / dge tshul ma yang de bzhin du bya'o/ /dge slob mas dge slong ma dang / dge slong dang / dge slob ma dang / dge tshul pha dang / dge tshul ma la yang de bzhin du bya'o/ /dge slob mas dge slob ma dang / dge slong dang dge slong ma dang / dge tshul pha dang / dge tshul ma la yang de bzhin du bya'o/ /dge tshul phas dge tshul pha dang / dge slong dang / dge slong ma dang / dge slob ma dang / dge tshul ma la yang de bzhin du bya'o/ /dge tshul mas dge tshul ma dang / dge slong dang / dge slong ma dang / dge slob ma dang / dge tshul pha la yang de bzhin du bya'o/ /de ltar 'khor lo bzhin du rgyas par brjod do/ /gleng gzhi'i sgo gnyis pa'i mdo'i tshigs su bcad pa bdun pa'o// //mdor na/ dge tshul dag dang bsdigs pa dang / /lnga las nyung ba mi gnas dang / /u pA lis ni ji ltar dris/ /nub mo lnga yang byin pa'o/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /sangs rgyas bcom ldan 'das la tshe dang ldan pa u pA lis zhus pa/ btsun pa dge slong gis bsdigs pa'i las bgyis pa'i dge tshul pha bsnyen par rdzogs par bgyis na/ de bsnyen par rdzogs pa zhes bgyi'am/ bsnyen par ma rdzogs pa zhes bgyi/ u pA li bsnyen par ni rdzogs mod kyi/ bsnyen par rdzogs par byed pa ni 'das pa dang bcas pa'o/ /bzod pa ni gsol ba zhes bya'o/ /btsun pa bcom ldan 'das kyis lo lnga lon la chos rnam pa lnga dang ldan na gnas ma bcas kyang gzhongs spyad pa spyod du gnang ngo zhes gsungs na/ btsun pa lo bzhi lon la chos rnam pa lnga dang ldan na/ de 13-1-95a yang gnas ma bcas par gzhongs spyad pa spyod du gnang ngam/ u pA li mi gnang ngo / /de ci'i phyir zhe na/ lo lnga ma lon pa mi rung ba'i phyir ro/ /de ste lo drug gam lo dgu lon la/ de yang chos lnga dang mi ldan na de gnas ma bcas par gzhongs spyad pa spyod du gnang ngam/ u pA li mi gnang ngo / /de ci'i phyir zhe na/ chos lnga dang ldan par bya ba'i phyir ro/ /btsun pa dge slong bsnyen par rdzogs nas lo gsum lon la de yang sde snod gsum dang ldan pa/ rig pa gsum dang ldan pa dri ma gsum dang bral na de yang gzhan la gnas bca' bar bgyi'am/ u pA li de yang de bzhin no/ /de ci'i phyir zhe na/ bcas pa'i tshul du bya ba'i phyir ro/ /ji srid du gnas ma bcas pa la rnyed pa stsal bar bgyi/ u pA li de mang na yang zhag lnga'i bar du ste/ de yang gnas bca' ba tshol zhing sbyor ba ma btang ba'o/ /gleng gzhi'i sgo gnyis pa'i mdo'i tshigs su bcad pa brgyad pa'o// //mdor na/ mthun pa dag dang mi mthun pa/ /tshad gzung du yang med pa dang / /bcabs pa dang ni ma bcabs pa/ /de bzhin ming dang rigs kyang ngo / / sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /sangs rgyas bcom ldan 'das la tshe dang ldan pa u pA lis zhus pa/ btsun pa nongs pa mthun pa zhes kyang bgyi/ mi mthun pa zhes kyang bgyi na/ btsun pa nongs pa mthun pa gang lags/ mi mthun pa gang lags/ u pA li phas pham pa rnams ni phas pham par mthun gyi gzhan dang mi mthun pa'o/ /dge 'dun gyi lhag ma ni dge 'dun gyi lhag mar mthun no/ /ltung ba ni ltung bar mthun no/ /so sor bshags pa so sor bshags par mthun no/ /nyes byas ni nyes byas su mthun no/ /btsun pa nongs pa tshad dang ldan pa zhes kyang bgyi/ nongs pa tshad dang mi ldan pa zhes kyang bgyi na/ btsun pa tshad dang ldan pa ni gang lags/ mi ldan pa ni gang lags/ u pA li gang zhag gi 13-1-95b mtha' dang nyes pa'i mtha' dran par 'gyur ba ste tshad dang ldan zhes bya'o/ /gang zhag dang nyes pa'i mtha' mi dran par gyur pa de ni tshad dang mi ldan zhes bya'o/ /btsun pa nongs pa bcabs pa zhes kyang bgyi/ ma bcabs pa zhes kyang bgyi na/ btsun pa bcabs pa gang lags/ ma bcabs pa gang lags/ u pA li de ni rnam pa gnyis kyis bcabs pa ste/ sems kyis bcabs pa dang / zhag tu bcabs pa'o/ /de la zhag tu bcabs pa gang yin pa de ni ma bcabs pa'o/ /sems kyis bcabs pa gang yin pa de ni bcabs pa zhes bya'o/ /btsun pa nongs pa rnams kyi ming dang rus zhes bgyi ba/ btsun pa ming gang lags/ rus gang lags/ u pA li phas pham pa rnams ni ming ngo / /de las byung ba ni rus so/ /dge 'dun gyi lhag ma zhes bya ba ni ming ngo / /de las byung ba ni rus so/ /ltung ba dang so sor bshags pa dang / nyes byas rnams ni ming ngo / /de las byung ba ni rus so/ /gleng gzhi'i sgo gnyis pa'i mdo'i tshigs su bcad pa dgu pa'o// //mdor na/ gcig la chad pas bcad pa dang / /bslab pa byin la mi spyad de/ /de dag la ni dad mi sbyin/ /dge slong byed dam mi len to/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /drug sde dag dge 'dun gyi lhag ma rnams byung bar gyur nas/ de dag chad pas bcad pa dang / de dag ra ba'i nang du dkyil 'khor byas nas chad pa byed do/ /de dag la dge slong dag gis tshe dang ldan pa dag ci zhig byed ces de dag gis smras pa dang / chad pa byed do zhes smras pa dang / dge slong dag gis 'di ni slar bcabs pa yin gyis chad pa ma yin no zhes smras pa dang / de dag spa gong nas cang mi zer bar 'dug go/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis dge slong dag gang na 13-1-96a dge slong gcig pur gnas pa der chad pa'i las ma byed cig ces bka' stsal to/ /gang dge slong gnyis sam gsum gnas pa der yang dge slong dag gis chad pa'i las ma byed cig /gang na dge slong bzhi'am/ de las lhag pa yang rung ba gnas pa der dge slong dag gis chad pa dang / gzhi nas bslang ba'i chad pa dang / gzhi nas slar bslang ba dang / yid mgu bar bya ba dang / gzhi nas bslang ba'i yid mgu bar bya ba dang / gzhi nas slar bslang ste yid mgu ba dag byos shig / bcom ldan 'das kyis gang na dge slong bzhi'am de las lhag par gnas pa de dag tu dge slong gis chad pa dang / gzhi nas bslang ba'i chad pa dang / gzhi nas slar bslang ba dang / yid mgu bar bya ba dang / gzhi nas bslang ba'i yid mgu bar bya ba dang / gzhi nas slar bslang ste yid mgu ba dag byos shig ces bka' stsal pa dang / dge slong pha dag gis bslab pa byin pa'i dge slong bzhi la chad pa byed pa dang / bcom ldan 'das kyis bka' stsal pa/ bslab pa byin pa'i dge slong bzhi la yang chad pa byed du mi gnang ngo / /bcom ldan 'das kyis bslab pa byin pa'i dge slong bzhi la chad pa byed du mi gnang ngo zhes bka' stsal pa dang / dge slong dag gis bslab pa byin pa gsum dang / tshul bzhin gnas pa gcig la byed do/ /bslab pa byin pa gnyis dang / tshul bzhin gnas pa gnyis la byed do/ /bslab pa byin pa gcig dang / tshul bzhin gnas pa gsum la chad pa byed do/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ bslab pa byin pa bzhi la yang chad pa ma byed cig /bslab pa byin pa gsum dang / tshul bzhin gnas pa gcig la yang ma byed cig /bslab pa byin pa gnyis dang / tshul bzhin gnas pa gnyis la yang ma byed cig /bslab pa byin pa gcig dang / tshul bzhin gnas 13-1-96b pa gsum la yang chad pa ma byed par yongs su dag pa bzhi'am/ de las mang ba rnams la chad pa byos shig /chad pa gcad pa la ji lta ba chad pa gzhi nas bslang ba dang / gzhi nas slar bslang ba dang / yid mgu bar byed pa dang / gzhi nas bslang ste yid mgu bar byed pa dang / gzhi nas slar bslang ba'i yid mgu bar byed pa rnams kyang de bzhin no/ /sangs rgyas bcom ldan 'das la u pA lis zhus pa/ bslab pa stsal ba la dad pa stsal du rung ngam/ u pA li mi rung ngo / /chos nyid la reg na ni rung ngo / / btsun pa bslab pa stsal ba las dad pa blang du rung ngam/ u pA li de la dge slong du 'du shes bzhag na gdod rung ngo / /gleng gzhi'i sgo gnyis pa'i mdo'i tshigs su bcad pa bcu pa rdzogs te sgo gnyis pa rdzogs s+ho// //mdor bsdus pa ni/ dkyil 'khor lhung bzed dugs khang dang / /dud pa btung dang khar phor dang / /lcags skra shing rta'i lte ba dang / /gdang shing sgron ma mchod rten no/ /mdor na/ dkyil 'khor lha yi gnas dang ni/ /phyed dang gsum dang gnas mi 'cha'/ /lhung bzed med par rab tu byung/ /lhung bzed la yang mi bri ba'o/ /sangs rgyas bcom ldan 'das mnyan du yod pa'i dze ta'i tshal skyabs med zas sbyin gyi kun dga' ra ba na bzhugs so/ /dge slong dag gis gar bab bab tu lhung bzed bkrus pa dang / sa phyogs der sbrang ma dag gis gang ste mi sdug par gyur pa bram ze dang khyim bdag dag gis mthong nas ci 'phags pa dag gis phyogs 'dir bshang gci bgyis sam zhes smras pa dang / de dag gis bzhin bzangs 'dir bshang gci dag ni sus kyang ma byas kyi nged kyis lhung bzed bkrus so zhes smras pa dang / de dag gis 'phags pa khyed kyis 'dir dkyil 'khor bya ba'i rigs so zhes smras pa dang / de dag spa gong nas cang mi zer bar 'dug go/ /de dag 'phya ste/ dge sbyong shAkya'i bu dag ni mi gtsang ba ste/ gar bab bab tu lhung bzed 'khru'o 13-1-97a zhes smras pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis dge slong rnams la bka' stsal pa/ bram ze dang khyim bdag rnams 'phya ba ni yus kyis de bas na gar bab bab tu lhung bzed ma 'khru bar dge slong dag gis lhung bzed gang du bkrus pa'i gnas der dkyil 'khor byos shig ces bka' stsal to/ /bcom ldan 'das kyis dkyil 'khor byos shig ces gsungs nas dge slong dag gis lhung bzed bkrus pa'i gnas der dkyil 'khor zlum por byas pa dang / bram ze dang khyim bdag dag gtsug lag khang du 'ongs te gnas kyi bar na mar dkyil 'khor yod pa dag mthong nas/ kye 'di ci zhig ces dris pa dang / kha cig gis yang kye 'di lta la shes pa byar ci yod/ dge sbyong shAkya'i bu dag ni nyi ma la dad do zhes smras so/ /gzhan dag gis kye de bzhin te/ dge sbyong shAkya'i bu dag ni nyi ma la dad pa bden no zhes smras pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ de lta bas na nyi ma 'dra ba'i dkyil 'khor ma byed cig /bcom ldan 'das kyis nyi ma dang 'dra ba'i dkyil 'khor ma byed cig ces gsungs pa dang / dge slong dag gis zla ba kham pa 'dra ba'i dkyil 'khor byas so/ /der bram ze dang khyim bdag dag gis yang gtsug lag khang du lhags nas/ kye dge sbyong shAkya'i bu dag ni zla ba la dad do zhes smras pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ de lta bas na zla ba 'dra ba'i dkyil 'khor kyang ma byed cig /dge slong dag gru bzhir byed pa la zhugs pa dang / gtsug lag khang der bram ze dang khyim bdag dag yang lhags nas/ kye dge sbyong shAkya'i bu dag ni ba lang la dad do zhes smras pa dang / de ltar gyur pa dge slong dag gis bcom 13-1-97b ldan 'das la gsol pa nas/ bcom ldan 'das kyis de lta bas na dkyil 'khor gru bzhi dang / rnam pa gnyis ltar ma byed par mdung rtse dang rnga 'dra bar byos shig ces bka' stsal nas/ dge slong rnams de cis bya ba mi shes nas/ bcom ldan 'das kyis bka' stsal pa/ ba lang gi lci ba'am sa'am chus byug par gyis shig /bcom ldan 'das kyis dkyil 'khor rnam pa gnyis byos shig /ces gsungs pa dang / dge slong dag gis sangs rgyas dang chos dang dge 'dun la de 'dra'i dkyil 'khor rnam pa gnyis byas te/ des mgu bar gyur pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ dkon mchog gsum la ni nyi ma'am/ zla ba 'am/ ji ltar dad pa rnam pa thams cad du byas te/ de la the tshom ma byed cig /gleng gzhi ni mnyan du yod pa na ste/ de nas bcom ldan 'das kyis dge slong dag la bka' stsal pa/ dge slong dag sbyin par byed pa dang / sbyin pa'i bdag pos gtor ma len pa'i lha dag la rnam pa gsum gyis dus dus su yang dag par mgu bar bya/ yang dag par mchod par bya/ yang dag par bde bar bya'o/ /gsum gang zhe na/ dus dus su gtsang ma'i byi bdar dang / dus dus su gtor ma'i las kyang byed/ dus dus su byin pa'i yon kyang bsngo'o/ /dge slong dag sbyin par byed pa dang / sbyin bdag gis gtor ma len pa'i lha dag la dus dus su yang dag par mgu bar bya/ yang dag par mchod par bya/ yang dag par bde bar byas na sbyin par byed pa dang / sbyin bdag rnams la yid dge bas slar brtse bar byed do/ /bcom ldan 'das kyis de skad ces bka' stsal pa dang / bde bar gshegs pas de skad gsungs nas yang ston pas gsungs pa/ skyes bu gang zag dad pa dag /gang gis lha rnams mchod byed pa/ /ston pa'i bka' bzhin byed pa ste/ /sangs rgyas kyis kyang de la bsngags/ / 13-1-98a sa phyogs gang na shes rab can/ /mkhas pa tshul khrims ldan 'khod pa/ /bshos gsol sbyin rabs bsgrag par bya/ /de dag rnged pas rjed par 'gyur/ /mchod pa byas pas mchod par 'gyur/ /de nas 'di la snying brtse ba/ /ma yis ji ltar bu la bzhin/ /lhas rjes brtse ba'i mi rnams kyis/ /bde zhing bzang po mthong bar 'gyur/ /bcom ldan 'das kyis skyes bu gang zag dad pas lha rnams la mchod na ston pa'i bka' bzhin byas pa yin te/ sangs rgyas dag gis kyang bsngags so zhes gsungs pa dang / drug sde dag gis ra ba'i lha dang / nags kyi lha dang / bzhi mdo'i lha dang / sum mdo'i lha dang / 'jig rten gyi lha dag la sogs te/ thams cad mchod pa byed pa dang / dad pa'i bram ze dang khyim bdag dad pa rnams 'phags pa 'di dag dge bar gsungs pa'i chos 'dul ba la rab tu byung na 'di ltar gnod pa sha dang khrag dang / rkang dang / tshil dag za zhing gzhan gyi srog 'phrog pa dag la mchod de/ bdag cag dge bsnyen gyis kyang ring du spangs na/ 'di dag ni mchod pa byed do zhes nyes pa ngor brjod dpyas 'dogs shing mi snyan par zer nas de dag dge slong dag gis zlog pa dang / ci'i phyir tshe dang ldan pa dag bcom ldan 'das kyis ni gang skyes bu gang zag dad pa dag gis lha dag la mchod par byas na ston pa'i bka' bzhin du byas pa yin te/ sangs rgyas dag gis kyang bsngags so zhes ma gsungs sam/ ci nged cag dad pa ma yin nam/ ci'i phyir na mi mchod ces smras pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ dge slong dag ngas khyim pa la dgongs te gsungs kyis dge slong dag la ma yin gyis de lta bas na dge slong dag gis lha rnams la mchod par ma byed cig /bcom ldan 'das kyis dge slong dag lha rnams la mchod par ma byed cig ces gsungs pa dang / drug sde dag gis de dag la gnod par byed pa la zhugs pa dang / dge 13-1-98b slong de dag gi rmi lam du nged kyi nyes pa ci byas na nged la gnod par byed ces ston to/ /bram ze dang khyim bdag ma dad pa dag kyang 'phags pa rnams 'di dag gis khyed cag la gnod pa ci zhig byas na 'di dag ma rung bar byed ces 'phya'o/ /de ltar gyur pa dge slong dag gis bcom ldan 'das la gsol nas/ bcom ldan 'das kyis de la mchod par yang ma byed cig /gnod par yang ma byed cig ces bka' stsal pa dang / drug sde dag lam du zhugs te/ 'dong ba'i tshe lha dag gi rten mthong ba dang byol te lam mthon dman dang tsher ma can du dong ba dang / de na dge slong kha cig ni 'jag mas non/ kha cig ni tsher mas zug /kha cig ni dred nas lhung ngo / /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ lam 'byol te ma 'dong bar lam drang por deng la/ lha dag gi rten la se gol gyi sgra phyung la zhal nas gsungs pa'i tshigs su bcad pa bklag par bya ste/ de la the tshom ma byed cig /gleng gzhi ni mnyan du yod pa na ste/ sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis lhan cig spyod pa dang / nye gnas kyi dge slong gis mkhan po dang / slob dpon la dus gsum du ltar song shig ces gsungs la/ mtshams chen po dpag tshad phyed dang gsum du chod cig ces kyang gsungs na/ btsun pa de lta na slob dpon dang mkhan po dpag tshad phyed dang gsum na mchis na de dag gis ji tsam na blta bar bgyi/ u pA li de dag gis zla ba phyed phyed cing ltar song shig /de ste de dag rgyang grags ldan gnas na de dag gis zhag bdun nam brgyad na ltar song shig /de tshun chad ni ji ltar dus su ltar song shig /'dom lnga brgya na gnas na ni de dag gis dus gsum du ltar song shig /de ltar ma song na 'das pa dang bcas par 'gyur ro/ /gleng gzhi ni mnyan du yod 13-1-99a pa na ste/ tshe dang ldan pa nye dga' bo la rab tu 'byung bar 'dod pa zhig 'ongs nas des de lhung bzed med par rab tu phyung ngo / /de'i tshe na dge slong dag gis lhung bzed bkrus nas lhung bzed bzhag pa'i sar bzhag ste/ mchod rten la phyag byas nas bdag bdag gi lhung bzed blangs te zas za ba'i gnas su 'khod do/ /gang gi tshe dge slong dag zas za ba'i tshe lhung bzed dag bkrus nas mchod rten la phyag byed pa la zhugs pa dang / gsar du rab tu byung ba de yang de dag dang lhan cig tu phyag byas nas gang gi tshe dge slong dag mchod rten la phyag byas te lag pa bkrus pa dang / gsar du rab tu byung ba des kyang gnas brtan kun shes kauN+Di n+ya'i lhung bzed blangs pa dang / des slar bzlog go/ /de nas gang po dang / ming chen dang / ma 'gags pa dang / shA ri'i bu dang / maud gal gyi bu dang / 'od srung dang / kun dga' bo dang / re ba ti la sogs pa'i lhung bzed blangs te/ de dag gis kyang slar bzlog pa dang / de mchi mas mig gang bzhin du phyogs gcig tu 'dug go/ /'dod chags dang ma bral ba'i dge slong dag 'di ltar lhung bzed dag med par sus rab tu phyung zhes phyas 'dogs so/ /kha cig gis ni nye dga' bo yin no zhes smras nas/ de dag gis nyes pa sbom po la spyod pa de ma gtogs par gzhan su zhig de ltar byed ces smras pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ dge slong 'di rnams 'phya ba ni yus te/ de bas na dge slong dag gis lhung bzed med par rab tu ma dbyung bar dang por lhung bzed dag tshol la gdod rab tu phyung shig /de ste mi 'byor na bdag gis lhung bzed chung ngu byin cig /dge slong gis lhung bzed med par rab tu phyung na 'das pa dang bcas par 'gyur ro/ /gleng gzhi ni mnyan du yod pa na ste/ tshe dang ldan pa ma 'gags pa la nye gnas gzhon nu lhung bzed 'dzin pa zhig yod pa des 13-1-99b de'i lhung bzed dang / bdag gi lhung bzed gnyi ga bkrus te/ lhung bzed de gnyis kyang 'dra ba zhig nas bdag gi gang yin/ slob dpon gyi gang yin pa mi shes nas/phyi zhig na des tshe dang ldan pa ma 'gags pa'i lhung bzed la slob dpon ma 'gags pa'i lhung bzed ces yi ge bris so/ /de nas dus phyi zhig na khyim bdag gzhan zhig gis sangs rgyas la sogs pa dge slong gi dge 'dun rnams khyim du bshos la spyan drangs te/ khyim bdag de la sngon yongs su spyad pa'i smad 'tshong ma zhig yod de/ des de la bzang mo ngas sangs rgyas la sogs pa dge slong gi dge 'dun dag bshos la spyan drangs kyis khyod kyang tshur shog la rang gi lag gis kyang brim par byos shig ces springs pa dang / de yang brel ba'i rkyen cig byung nas der ma 'ongs so/ /bcom ldan 'das dang nyan thos kyi dge 'dun dag bshos gsol/ sbyin rabs gsungs nas slar bzhud pa dang / tshe dang ldan pa ma 'gags pa'i lhung bzed 'dzin pa gzhon nu de khyim de nyid du lhung bzed bkrus te 'gro'o snyam du bsams nas 'dug pa dang / khyim bdag des 'phags pa lhung bzed skad cig g.yar/ mdza' ba zhig la lhung bzed kyi lhag ma zhig bskur ro zhes smras pa dang / des bdag gi ni ma byin gyi/ tshe dang ldan pa ma 'gags pa'i lhung bzed byin pa dang / khyim bdag des de'i nang du bza' ba dang / bca' ba gtsang mas bkang nas smad 'tshong ma de la bskur te/ phrin du bzang mo ngas ni kha zas 'di lta bus sangs rgyas la sogs pa dge slong gi dge 'dun rnams tshim par byas kyis/ khyod kyis de la rjes su yi rang skyed cig ces spring ngo / /des kha zas de dag byo ba dang / lhung bzed kyi zhabs la yi ge 'dug pa mthong nas/ bud med kyi bu ni rnam pa bcwa brgyad la mkhas te/ des bklags pa dang / tshe dang ldan pa ma 'gags pa'i ming mthong nas des 'di snyam du bdag gis 'phags pa lha dang mis mchod pa'i lhung bzed de 'di bzhin du bskur ba'i mi 13-1-100a rigs so snyam du bsams nas des lhung bzed de dris phyis te/ de nas me tog bsung zhim pos bkang nas khri'u tshon gyis bris pa'i steng du bzhag ste/ de'i drung du btud nas pog por gyis bdug cing 'dug pa dang / de nas skyes pa gzhan zhig kAr ShA pa Na lnga brgya dang / dri dang phreng ba dag khyer te de'i drung du 'ongs nas/ bzang mo ci byed kun tu spyod kyis 'dong ngo zhes smras pa dang / lhung bzed la mchod pa byas skad cig sdod cig /des lhung bzed 'di gang nas 'ongs su'i yin zhes smras pa dang / mos ji ltar gyur pa zhib tu smras so/ /des khyod kyis ya mtshan can thams cad dag la yang sbyin pa gtong ste/ rab tu byung ba dag kyang ma shor to zhes smras pa dang / de rna ba bkab nas sdig pa de lta bu ma byas kyis sems can dmyal bar 'gro ba'i rgyur gyur ta re zhes smras so/ /mos de skad smras kyang des log par byed pa de ma btang ngo / /de ltar gyur pa dge slong dag gis bcom ldan 'das la gsol pa dang / bcom ldan 'das kyis dgongs pa/ dge slong gang mi bri ba bris pa de ni nyes pa'i dmigs su 'gyur gyis de bas na dge slong dag mi bri ba ma bri shig /bcom ldan 'das kyis dge slong dag la mi bri ba ma 'dri shig ces gsungs pa dang / dge slong dag gis gang mi bri ba mi shes nas/ bcom ldan 'das kyis bka' stsal pa/ mi bri ba rnam pa lnga ste/ so sor thar pa thams cad dang / so sor thar pa dang ldan pa dang / 'dul ba thams cad dang / 'dul ba thams cad du ldan pa dang / gang zag so so'o/ /mtshan ma can du bya ba ni nyes pa med do/ /gleng gzhi'i sgo gsum pa'i mdo'i tshigs su bcad pa dang po'o// //mdor na/ dge tshul gyis ni lhung bzed bcag /lhung bzed ji ltar bsreg par bya/ /sreg 'gebs gnang bar bya ba ste/ /drang srong chen pos rjes su gnang/ /sangs rgyas bcom ldan 'das mnyan du yod pa na dze ta'i tshal 13-1-100b skyabs med pa la zas sbyin pa'i kun dga' ra ba na bzhugs so/ /dge slong gzhan zhig gis dge tshul pha lhung bzed 'dzin pa de la des lhung bzed 'khrur bcug pa dang / dge tshul pha de yang dran pa nye bar gnas pa ma yin pa zhig nas de'i lag nas lhung ste chag go/ / dge slong de phongs par gyur te/ de ltar gyur pa dge slong dag gis bcom ldan 'das la gsol pa dang / bcom ldan 'das kyis dgongs pa/ dge slong dag gang cung zad dge slong dag gis dge tshul pha la lhung bzed 'khrur bcug na nyes pa'i dmigs su 'gyur te/ de bas na dge slong dag gis dge tshul pha dag lhung bzed 'khrur ma gzhug shig /bcom ldan 'das kyis dge slong dag lhung bzed dge tshul 'khrur ma gzhug shig ces bka' stsal nas/ tshe dang ldan pa shA ri'i bu'i dge tshul pha tsun da zhes bya ba lhung bzed 'dzin te/ des mkhan po lhung bzed tshur stsol cig bkru'o zhes smras pa dang / des bu bcom ldan 'das kyis bslab pa'i gnas bcas te/ dge slong gis dge tshul pha dag la lhung bzed 'khrur ma gzhug shig ces gsungs kyis nga nyid 'khrus khyod phar song shig ces smras pa dang / des mkhan po ci bdag gis kyang nyes pa'i dmigs su 'gyur ram zhes smras pa dang / des bu sangs rgyas bcom ldan 'das ni chos kyi bdag po bas na ngas ji ltar bya zhes smras pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ dge tshul pha dran pa nye bar gnas pa de dag la ni 'khrur gzhug ste/ de la the tshom du ma byed cig /gleng gzhi ni mnyan du yod pa na ste/ dge slong dag lhung bzed du zan zos nas de yang ma bcos pas btsas khyer nas rdol to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ lhung bzed bsreg par byos shig /bcom ldan 'das kyis lhung bzed sregs shig ces gsungs nas/ dge 13-1-101a slong dag gis lhung bzed shing gis bsregs pa dang / lhung bzed ma rung bar gyur nas/ bcom ldan 'das kyis shing gis sreg par ma byed cig ces bka' stsal pa dang / dge slong dag gis rtswa dang sog ma dag gis g.yogs te bsregs pa dang / de nyid nyes pa'i dmigs su gyur nas/ bcom ldan 'das kyis rtswa dang sog mas g.yogs te sreg par ma byed cig ces bka' stsal nas/ dge slong dag gis ji ltar bsreg pa mi shes nas/ bcom ldan 'das kyis lhung bzed kyi sreg 'gebs sbyor cig ces bka' stsal pa dang / dge slong dag gis lhung bzed kyi sreg 'gebs ji ltar sbyor mi shes nas/ bcom ldan 'das kyis bka' stsal pa/ sreg 'gebs la rnam pa gnyis te/ slob dpon gyis byas pa dang / bdag gis byas pa'o/ /de la slob dpon gyis byas pa ni bum pa lta bu'o/ /bdag gis byas pa ni phru ba'am rdza ma yang rung ste/ thal bas bkang la rdza ma ji tsam ran pa phri shig ces bka' stsal pa dang / dge slong dag gis gyo mo'i nang du de bzhin du bsregs pas de nyid nyes pa'i dmigs su gyur nas/ bcom ldan 'das kyis bka' stsal pa/ phyi rol du ni 'jim pa dang phub mar bsres pas yugs la nang du til gyi tshigs ma'am/ ba lang gi lci bas yugs te de skams pa dang / sa gzhi byi bdar gyis la 'og tu phub ma dang / til gyi tshigs ma dang / gzhan yang byad bzang du 'gyur ba dag thing ste/ rtswa dang / lci ba dang / sog ma dag gis g.yogs la ci nas dud pa ma shor bar byos la sregs shig /de'i g.yas g.yon chag chag thob la skyong nul gyis shig /ci nas srog chags dag bde bar bya ba'i phyir ro/ /bsregs pa de grangs pa dang / lhung bzed phyung la khrus te/ nam kha dog zhen par gyur gyi bar du bsreg par byos shig /de bas na lhung bzed sreg 'gebs dang yo byad dag rjes su gnang ngo / /gleng gzhi'i 13-1-101b sgo gsum pa'i mdo'i tshigs su bcad pa gnyis pa'o// //mdor na/ gcig la gcig dang dugs khang dang / /khyim pa gsum pa de bzhin te/ /gding ba dang ni de bzhin skra/ /lci bas byas pa kun thos pa'o/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /mnyan du yod pa na khyim bdag gzhan zhig gis dge 'dun gyi phyir dugs khang zhig byas so/ /de nas drug sde dag gis gos gcig pus smad g.yogs byas te/ gcig la gcig las byed cing 'khod pa dang / bram ze dang / khyim bdag dag phyogs der lhags pa dang / de dag gis de mthong nas/ kye 'di lta bu dag tu byed pa su zhig ces smras pa dang / de na kha cig gis ni mu stegs can dag yin no zhes smras/ yang kha cig gis 'di dag ni mu stegs can ma yin gyi/ dge sbyong shAkya'i bu'o zhes smras pa dang / de dag 'phya ba la zhugs te/ kye ston pa ni ngo tsha ba dang ldan na/ ci'i phyir 'di dag ngo tsha ba dang khrel med ces smras so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag bram ze dang khyim bdag rnams 'phya ba ni yus kyis/ de lta bas na dge slong dag dugs khang du gos gcig pu gon te gcig la gcig las ma byed cig /dge slong dag gis gos gcig pu gon te dugs khang du las byas na 'das pa dang bcas par 'gyur ro/ /gleng gzhi ni mnyan du yod pa na ste/ mnyan du yod pa na khyim bdag gzhan zhig gis dge 'dun gyi phyir dugs khang zhig byas pa dang / der dge slong dag gis 'bru mar gyis byugs te/ rkang pa la reg nas mgo bo la reg /mgo bo la reg nas kha la reg /kha la reg nas lag pa dang rkang pa la reg /lag pa dang rkang pa la reg nas slar yang kha la reg cing gos ngan pa zhig gis smad g.yogs te 'dug pa dang / ji tsam zhig na khyim pa ma dad pa zhig phyogs der 13-1-102a 'ongs nas/ des dge slong dag mthong ba dang / des 'phya ba la zhugs te/ dge sbyong shAkya'i bu dag ni mi gtsang ba ste/ rkang pa la reg pa kha la reg par byas nas gos ngan pas smad g.yogs byas te/ gcer bur skye bo dag gi nang na 'dug go zhes smras pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ dge slong dag bram ze dang khyim bdag rnams 'phya ba ni yus kyis/ de bas na dugs khang du khyim pa ma gzhug shig ma dad pa yang las byed du ma gzhug shig /dugs khang gi sgo ba dge slong rnams skos la de dag gis khyim pa dag nang du ma gtang shig /bcom ldan 'das kyis dugs khang du khyim pa ma gtang shig /las kyang byed du ma gzhug shig ces gsungs pa dang / de nas dus phyi zhig na dugs khang du zhugs pa'i tshe khyim bdag mgon med zas sbyin der 'ongs pa dang / dge slong sgo bas smras pa/ khyim bdag nang du ma 'gro bar 'dug shig /bcom ldan 'das kyis khyim pa dugs khang du ma gtang shig ces bka' stsal to/ /des 'phags pa dag ci kho bo yang gzhan du 'gyur ram/ kho bos ni nges par 'phags pa dag gi las bya'o zhes smras pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ gang dad pa dag ni dugs khang du thong/ las kyang byed du chug shig /de la the tshom du ma byed cig /bcom ldan 'das kyis dad pa dag ni dugs khang du thong la las kyang byed du chug shig ces gsungs pa dang / de nas khyim bdag mgon med zas sbyin nang du 'gro ba na de dang lhan cig tu bram ze zhig kyang 'ongs nas de ma btang ba dang / des 'phags pa ci'i phyir na khyim bdag mgon med zas sbyin ni nang du btang la bdag ni mi gtong zhes smras pa dang / dge slong gis de la smras pa/ bram ze khyim bdag mgon med zas sbyin ni dad pas nang du 13-1-102b btang ngo / /des smras pa/ 'o na bdag kyang dad par gyur na nang du gtong ngam zhes smras pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis de ste dad par gyur na nang du thong shig ces bka' stsal pa dang / dge slong dag gis de skyabs gsum du btang nas nang du btang ngo / /des yang dge slong dag rkang pa la reg nas kha dang mgo la reg cing gos ngan pas smad g.yogs nas sgren mor 'dug pa mthong ba dang / de ma dad de 'phya ba la zhugs so/ /dge sbyong shAkya'i bu ni mi gtsang ba ste/ rkang pa la reg pa kha dang mgo bo la reg cing gos ngan pas smad g.yogs nas sgren mor 'dug go zhes smras pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ de lta bas na rab tu dad pa dag ni dugs khang gi nang du thong shig /dad pa chung ba ni ma gtang shig/ //'dul ba gzhung dam pa/bam po sum bcu rtsa bzhi pa/ gleng gzhi ni mnyan du yod pa na ste/ mnyan du yod pa na khyim bdag gzhan zhig gis sangs rgyas la sogs pa dge slong gi dge 'dun dag dugs khang du spyan drangs te/ dge slong dag nang du zhugs pa dang / de na dgra bcom pa'i dge slong zhig gis tshul khrims nyams pa'i dge slong zhig la las byed cing 'dug pa dang / bcom ldan 'das kyang nang du gshegs nas des las byed pa gzigs nas/ bcom ldan 'das kyis dge slong dag la bka' stsal pa/ dge slong khyed cag gis dge slong 'di la dge slong 'dis las byed pa mthong ngam/ btsun pa mthong ngo zhes gsol pa dang / dge slong las byed pa 'di ni dgra bcom pa zag pa zad pa'o/ / gang la las bya ba 'di ni tshul khrims nyams pa sdig pa'i chos can/ khong rul ba/ zags pa/ gsog tu gyur pa/ dung dgra lta bur spyod pa/ dge sbyong ma yin pa dge sbyong du yi dam 'dzin pa/ tshangs par spyod pa ma yin pa tshangs par spyod par yi dam 'dzin 13-1-103a pa ste/ de bas na dge slong dag seng ge lta bus wa 'dra ba'i las ma byed cig /byas na 'das pa dang bcas par 'gyur ro/ /bcom ldan 'das kyis seng ge 'dra bas wa lta bu'i las ma byed cig ces bka' stsal pa dang / mnyan du yod pa na khyim bdag gzhan zhig de dang rigs mnyam pa las chung ma zhig blangs te/ de de dang lhan cig rtse dga' yongs su spyod do/ /des rtse dga' yongs su spyad pa las dus phyi zhig na chung ma sems can dang ldan par gyur nas/ de la zla ba brgyad dam dgu 'das pa dang bu btsas nas bu pho zhig byung ste/ de gzugs legs pa blta na sdug cing mdzes pa yan lag thams cad dang ldan pa zhig nas de btsas pa'i btsas ston chen po byas nas ming btags so/ /de bsrings bskyed nas cher gyur pa dang / de dus phyi zhig na dze ta'i tshal du song ste/ legs par gsungs pa'i chos 'dul ba la rab tu byung nas de mdzod gsum dang ldan par gyur te/ des 'di snyam du bcom ldan 'das kyis dge slong dag bu'i pha ma ni dka' bar bya ba byed de/ phan par byed pa'o/ /gso bar byed pa'o/ /skyed par byed pa'o/ /nu ma snun par byed pa'o/ /'dzam bu'i gling sna tshogs pa ston par byed pa yin te/ bus phrag pa gcig la ni ma/ gnyis pa la ni pha khyer te lo brgya tshang gi bar du khyer ram/ yang na sa gzhi chen po nor bu dang / mu tig dang / bai DUr+ya dang / dung dang / shel dang / gser dang / dngul dang / a sma gar ba dang / spug dang / g.yas phyogs su 'khyil ba de lta bu dag gis dbang por bcug gam dbang phyug tu bcug kyang des ni pha dang ma la bus phan btags pa'am nye bar phan btags par mi 'gyur gyi/ gang gis pha ma dad pa med pa dad pa phun sum tshogs par byas sam/ yang dag par bskul tam/ dul bar byas sam/ 'jug par byas sam/ so sor bkod dam/ tshul khrims ngan pa las tshul khrims phun sum tshogs par/ ser sna can las gtang ba phun sum tshogs par/ 13-1-103b shes rab 'chal ba las shes rab phun sum tshogs par yang dag par bskul/ dul bar byas/ zhugs par byas/ so sor bkod na de lta bu ni bus pha dang ma la phan btags pa dang / nye bar phan btags par 'gyur ro zhes gsungs so snyam du bsams nas/ bdag gis kyang ci nas pha ma la phan gdags pa cung zad cig bya'o snyam nas ji srid dga' ba'i bar du gzhongs spyod cing 'dug nas mnyan du yod pa gang na ba de logs su gzhongs spyod cing song ngo / /mthar gyis spyad pa spyod cing mnyan du yod par phyin to/ /des de gnyis skyabs su 'gro ba dang / bslab pa'i gnas la rab tu bkod do/ /de nas dus phyi zhig na des pha'i drung du nor las bsod nams su bya ba'i dngos po bdun po'i yon tan rgyas par brjod pa dang / des 'phags pa bdag gis kyang nor sna bdun las bya ba'i bsod nams kyi dngos po cung zad cig bya'o zhes smras pa dang / des bgres po de bzhin legs kyis gyis shig ces smras pa dang / ci zhig bya/ dugs khang zhig gyis shig /des dugs khang byas te/ khyim bdag de rang gi dugs khang du rang gis las bya ba la zhugs te/ shin tu ngal bar gyur nas bkru ba'i yo byad dang / 'bru mar dang phye la sogs pa mang du lhag go/ /de nas des bu bdag rab tu ngal bar gyur gyis nga'i rgyab cung zhig nyes shig ces smras pa dang / des yab bcom ldan 'das kyis seng ge lta bus wa lta bu dag la bsnyen bkur ma byed cig ces bka' stsal te ma gnang ngo / /zhes smras pa dang / des bu seng ge dang wa gang zhes smras pa dang / yab bdag ni seng ge dang 'dra/ khyod ni wa dang 'dra'o/ /bu de ci'i phyir zhes smras pa dang / yab bdag ni tshul khrims dang ldan pa'o/ /khyod ni tshul khrims ngan pa dang ldan pa'o/ /bu de ltar wa dang 'dra ba nga lta bu las seng ge dang 'dra ba khyod lta bu skyes sam zhes smras pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis bka' 13-1-104a stsal pa/ dge slong dag rigs gang na pha ma la yang dag par mgu bar byed/ yang dag par mchod par byed/ yang dag par bde bar skyong bar byed pa'i rigs de ni tshangs pa dang bcas pa'o/ /de ci'i phyir zhe na/ rigs kyi bu pha ma la chos bzhin byed/ tshul bzhin byed pa ni tshangs pa zhes bya'o/ /dge slong dag rigs gang na pha ma la yang dag par mgu bar byed/ yang dag par mchod par byed/ yang dag par bde bar bsnyen bkur byed pa de ni slob dpon dang bcas pa'o/ /de ci'i phyir zhe na/ rigs kyi bus pha ma la chos bzhin byas na slob dpon lta bur 'gyur ro/ /dge slong dag rigs gang na pha ma la yang dag par mgu bar byed/ yang dag par mchod par byed/ yang dag par bde bar bsnyen bkur byed pa'i rigs de ni sbyin par rigs par bya'o/ /de ci'i phyir zhe na/ rigs kyi bus pha ma la chos bzhin du byas na sbyin par rigs pa'o/ /dge slong dag rigs gang na pha ma la yang dag par mgu bar byed/ yang dag par mchod par byed/ yang dag par bde bar bsnyen bkur byed na rigs de ni ma dang bcas pa'o/ /de ci'i phyir zhe na/ rigs kyi bus pha ma la chos bzhin du byas na me lta bu'o/ /dge slong dag rigs gang na pha ma la yang dag par mgu bar byed/ yang dag par mchod par byed/ yang dag par bde bar bsnyen bkur byed na rigs de ni lha dang bcas pa'o/ /de ci'i phyir zhe na/ rigs kyi bus pha ma la chos bzhin du byas na lha lta bur 'gyur ro/ /bcom ldan 'das kyis de skad ces bka' stsal pa dang / bde bar gshegs pas de skad gsungs nas ston pas yang gsungs pa/ pha dang ma gnyis tshangs pa ste/ /slob dpon lha yang de bzhin no/ /ji ltar me yi lha bran bzhin/ /bu yi sbyin pa'i gnas yin no/ /de bas de gnyis phyag bya zhing/ /phyi bar bya zhing bkru ba dang / /rkang pa gnyis kyang bkru bar bya/ /de bzhin mkhas pas bsnyen bkur bya/ /yang na 13-1-104b bza' ba btung ba dang / /bgo ba mal stan de bzhin te/ /de gnyis pha dang ma gnyis la/ /mkhas pas bsnyen bkur bcas byed na/ /'dir ni mnar bar mi 'gyur te/ /song nas mtho ris dga' bar 'gyur/ /gang gi tshe bcom ldan 'das kyis mdo sde gsungs pa de'i tshe na dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis pha dang ma dang / bla ma la ni rim gro bgyid pa'i yon tan brjod pa ni ngo mtshar che'o zhes zhus pa dang / bcom ldan 'das kyis bka' stsal pa/ dge slong dag 'di la ci zhig ngo mtshar cher yod/ da ltar de bzhin gshegs pa 'dod chags med/ zhe sdang med/ gti mug med/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi dga' ba dang / 'khrug pa rnams med bzhin du pha ma la rim gro bya ba'i yon tan brjod pa pas sngon 'das pa'i dus na nga 'dod chags dang bcas/ zhe sdang dang bcas/ gti mug dang bcas/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi dga' ba dang / 'khrug pa rnams las yongs su ma grol ba na yang ma la gnod pa cung zad zhig byas nas sdug bsngal chen po rjes su myong ngo / /phan pa cung zad zhig byas nas kyang bde ba chen po rjes su myong bar gyur te/ de dag legs par shin tu yid la byos shig dang bshad par bya'o/ /sngon byung ba ni dge slong dag sngon 'das pa'i dus na grong khyer bA rA Na sI na ded dpon mdza' bo zhes bya ba phyug cing nor mang la longs spyod che ba/ gnas rgya che zhing yangs pa zhig ste/ ngal bso po'i nor dang 'dra ba/ ngal bso po'i nor la 'gran pa zhig yod de/ des rigs mnyam pa'i chung ma zhig blangs nas/ de de dang lhan cig tu rtse dga' yongs su spyod do/ /de la rtse dga' yongs su spyad pa las bu pho rnams byung yang shi nas de bu med de bu 13-1-105a 'dod pas lha gu lang dang / ba ru Na dang / ngal bso po dang / ba sa ba la sogs pa lha stong la gsol kyang de'i bu gson par ma gyur te/ de la gzhan zhig gis de ste khyod la bu pho zhig btsas na bu mo'i ming du thogs shig dang yun ring du 'tsho bar 'gyur ro zhes bsgo'o/ /de dus phyi zhig na de dang lhan cig tu rtse dga' yongs su spyad do/ /des rtse dga' yongs su spyad pas de'i chung ma sems can dang ldan par gyur nas/ zla ba brgyad dam dgu lon nas khye'u zhig btsas te/ de gzugs legs shing blta na sdug pa/ mdzes pa/ mdog gser gyi kha dog lta bu/ mgo gdugs 'dra ba/ lag pa ring ba/ dpral ba'i dbyes che ba dang /kos ko ring ba/ smin ma snyoms pa/ sna mtho zhing yan lag dang nying lag thams cad du ldan pa zhig btsas te/ de btsas pa'i btsas ston chen po byas nas ming gdags par brtsams te/ mdza' bo'i bu de bu mo'i ming du btags pas na khye'u 'di'i ming bu mo mdza' mor gdags so/ /ci tsam na khye'u bu mo mdza' mo zhes bya ba de cher gyur pa dang / de'i pha yang rgya mtsho chen po'i nang du zhugs te/ de de nyid du shi bar gyur to/ /de nas bu mo mdza' mos/ ma la bdag gi pha sngon gyi las 'bras bu gang gis 'tsho/ bdag kyang phyis de bzhin du bsgrub bo zhes smras pa dang / mas bsams pa/ sngon rgya mtsho chen po'i nang du 'jug pa'i tshong pa yin no zhes 'di la smras na ni 'di nyid kyang rgya mtsho chen po'i nang du zhugs te de nyid du shi bar 'gyur ro snyam du bsams nas/ des bu khyod kyi pha ni sngon 'bru 'tshong ba byed byed de/ khyod kyang dga' na 'bru 'tshong ba gyis shig ces smras pa dang / des 'bru'i tshong khang brtsigs te/ thog ma'i nyin par kAr ShA pa Na bzhi rnyed de/ des de dag ma la byin no/ /de nas dus phyi zhig na gzhan zhig gis de la khyod kyi pha ni sngon dri 'tshong ba'o zhes smras pa dang / des 'bru 'tshong ba btang ste/ dri 'tshong ba'i tshong khang brtsigs so/ /de nas nyi ma 13-1-105b dang po'i tshe kAr ShA pa Na brgyad rnyed nas des yang de dag ma la byin no/ /de nas dus phyi zhig na gzhan zhig gis de la khyod kyi pha ni gser 'tshong ba yin no zhes smras pa dang / des yang dri 'tshong ba btang ste/ gser 'tshong ba la zhugs pa dang / de'i nyi ma dang po la kAr ShA pa Na bcu drug rnyed pa dang / des yang de dag ma la byin no/ /phyi de nyin mo des kAr ShA pa Na sum bcu rtsa gnyis rnyed pa dang / des de dag ma la byin no/ /de nas gser 'tshong ba phrag dog can dag gis grong khyer thams cad kyi gser 'dis bsdus so snyam du bsams nas/ bu mo mdza' mo la khyod 'di lta bu byed cing 'tsho ste ci rung/ khyod kyi pha ni sngon rgya mtsho chen por 'jug pa'i tshong pa yin na khyod sus 'di 'dra ba ngan pas 'tsho ba la 'jug tu bcug ces smras pa dang / de gser 'tshong ba dag gi tshig des bskul bas de ma'i thad du song ste/ ma bdag gi pha ni 'di ltar sngon rgya mtsho chen po'i tshong pa'o zhes thos na rjes su gnong shig dang / bdag kyang rgya mtsho chen po'i nang du zhugs la mchi'o zhes smras pa dang / mas de la bu de ni bden mod kyi khyod ni gzhon la bu gcig pu ste/ kho mo bor la rgya mtsho chen por ma 'gro shig ces smras pa dang / de nas bu mo mdza' mos ma'i tshig ma mnyan te/ bdag gis grong khyer du gang rgya mtsho chen por zhugs shing 'dong du dad pa rnams 'dong ngo zhes des bdag nyid ded dpon du bsgrags so/ /de nas tshong pa lnga brgyas bskor te dong ba dang / de ma'i snying du sdug pas dkrugs te/ ma mchi mas brnangs bzhin rkang pa gnyis la bzung ste/ bu kho mo bor te rgya mtsho chen por zhugs la ma 'gro shig ces byas pa dang / de 'di ltar snying rje zhing mi dga' ste/ dal gyis smras pa la khros nas ma'i mgo bo rkang pas phul te/ de 'gron pa mang po dang 'grogs te song ngo / /mas bu khyod la las 'di rnam par smin par ma gyur cig ces smras pa dang / de nas de grong dang / grong khyer dang / rgyal po'i pho brang 'khor rnams la lta zhing rgya mtsho chen po'i 'gram du phyin 13-1-106a pa dang / des dong tshe rnying pa lnga brgyas gru bo che nyos te/ gru'i nang du 'jug pa dang / 'byin pa dang / mnyan pa dang / nyag thag 'dzin pa dang / phyogs rtog pa'i mi dag la gla byas nas des dril chen po lan gsum du bsgrags nas rgya mtsho chen po'i nang du zhugs te song ba dang / ji tsam zhig na chu srin nya'i rigs kyis gru ma rung bar byas nas/ bu mo mdza' mo gru tshal zhig la 'jus nas mthar phyin to/ /de nas skam la song ba dang / dga' ba zhes bya ba'i grong khyer de mthong ste/ de der song nas de na lha'i bu mo gzugs legs shing blta na sdug pa bzhi byung ste/ der 'ongs nas bu mo mdza' mo bde bar 'ongs sam/ 'di ni bdag cag gi zas kyi khang pa dang / btung ba'i khang pa dang / gos kyi khang pa dang / nyal ba'i khang pa dang / nor bu dang / mu tig dang / baiDUr+ya dang / dung dang / shel dang / byi ru dang / gser dang / dngul gyis gang ba yin gyis de bzhes shig /tshur spyon bdag cag dang lhan cig bzhugs so zhes smras nas/ de dang lhan cig lo du ma/ lo brgya du ma/ lo stong du ma/ lo brgya stong du mar ji ltar sems can bsod nams byas pa/ dge ba byas pa/ rdzu 'phrul chen po/ mthu chen pos rang gi bsod nams la myong bar gyur pa bzhin myong bar gyur to/ /de dag gis lho phyogs kyi lam du ma 'gro shig ces bsgo ba dang / de lho phyogs kyi lam du ma btang yang der 'gro bar 'then te/ de phyi zhig na lho phyogs su song ba dang / des rtag tu ra ro ba zhes bya ba'i grong khyer mthong nas de'i sgor phyin pa dang / de nas kyang lha'i bu mo de bas kyang gzugs legs pa/ de bas kyang blta na sdug pa/ de bas kyang mdzes pa brgyad byung ste/ de dag gis bu mo mdza' mo tshur spyon bde bar byon tam/ bdag cag gi zas kyi khang pa 'di dang / skom gyi khang pa dang / gos kyi khang pa dang / nyal ba'i khang pa dang / nor bu dang / mu tig dang / bai DUr+ya dang / dung dang / shel dang / byi ru dang / gser dang / dngul dag gis gang bar yod kyis tshur 13-1-106b spyon lhan cig bzhugs so zhes smras nas/ de dag dang lhan cig lo du ma/ lo brgya du ma/ lo stong du ma/ lo brgya stong du mar ji ltar sems can bsod nams byas pa/ dge ba byas pa/ rdzu 'phrul chen po mthu chen pos myong ba bzhin myong bar gyur to/ /de dag gis kyang de la lho phyogs kyi lam du ma 'gro shig ces bsgo'o/ /de lho phyogs kyi lam du ma 'gro shig ces bsgo na je thur 'then te 'gro 'dod nas ji tsam zhig nas lho phyogs kyi lam du song ba dang / dga' ba can zhes bya ba'i grong khyer mthong nas de'i sgor phyin pa dang / de nas yang lha'i bu mo de bas kyang gzugs legs pa/ de bas kyang blta na sdug pa/ de bas kyang mdzes pa bcu drug byung ste/ de dag gis bu mo mdza' mo bde bar byon tam/ bu mo mdza' mo tshur spyon/ bdag cag gi zas kyi khang pa 'di dang / skom gyi khang pa dang / gos kyi khang pa dang / nyal ba'i khang pa dang /nor bu dang / mu tig dang / baiDUr+ya dang / dung dang / shel dang / byi ru dang / gser dang dngul dag gis gang ba yod kyis tshur spyon lhan cig bzhugs so zhes smras nas/ de dag dang lhan cig lo du ma/ lo brgya du ma/ lo stong du ma/ lo brgya stong du mar ji ltar sems can bsod nams byas pa/ dge ba byas pa/ rdzu 'phrul chen po/ mthu chen pos myong bar gyur pa bzhin myong bar gyur to/ /de dag gis kyang de la lho phyogs kyi lam du ma 'gro shig ces bsgo'o/ /de la lho phyogs kyi lam du ma 'gro shig bsgo yang je thur 'then cing 'gro bar 'dod nas de ji tsam zhig na lho phyogs kyi lam du song ba dang / bla ma'i tshangs pa zhes bya ba'i khang pa bzang po zhig mthong nas de'i sgor 'ongs pa dang / de'i nang nas lha'i bu mo de bas kyang gzugs legs pa/ de bas kyang blta na sdug pa/ shin tu bzang mo sum bcu rtsa gnyis shig byung nas de dag gis bu mo mdza' mo tshur spyon/ mdza' mo bde bar byon tam/ bdag cag gi zas kyi khang pa 'di dang / skom gyi khang pa dang / gos kyi khang pa dang / nyal ba'i khang pa dang / nor bu dang / mu tig 13-1-107a dang / baiDUr+ya dang / dung dang / shel dang / byi ru dang / gser dang / dngul la sogs pa rnam pa sna tshogs kyis gang ba yod kyis tshur spyon lhan cig tu bzhugs so zhes smras nas/ de dag dang lhan cig lo du ma/ lo brgya du ma/ lo stong du ma/ lo brgya stong du mar ji ltar sems can bsod nams byas pa/ dge ba byas pa/ mthu chen po/ rdzu 'phrul chen pos myong ba bzhin myong bar gyur to/ /de dag gis kyang lho phyogs kyi lam du ma 'gro shig ces bsgo'o/ /de lho phyogs kyi lam du ma 'gro shig ces bsgo yang je thur 'then cing 'gro bar 'dod nas ji tsam zhig na lho phyogs kyi lam du song nas de phyi phyir zhing dad pa skyes te/ de rim gyis lho phyogs su song ba dang / lcags las byas pa'i grong khyer zhig mthong ste de der zhugs so/ /zhugs ma thag tu de'i sgo yang slar bcad par gyur to/ /de nas yang nang du song ba dang sgo yang de bzhin du bcad do/ /de nas yang nang du song ba dang sgo yang bcad par gyur te/ ji tsam na skyes bu rab tu lus che ba zhig de nas byung ste/ de'i spyi bo la lcags kyi 'khor lo 'bar ba/ rab tu 'bar ba/ shin tu 'bar ba/ me lce gcig tu gyur pa zhig 'khor zhing 'dug ste/ de'i mgo las rnag khrag byung ba ni zas su za bar mthong ngo / /de nas bu mo mdza' mos skyes bu de la khyod ci'i phyir de ltar gyur ces dris pa dang / des ngas ni ma la gnod pa byas pa'i phyir ro/ /zhes skyes bu des de skad du smras ma thag tu bu mo mdza' mo de'i las kyang mngon du smin par gyur te/ bdag gis kyang ma la gnod pa byas nas de'i las kyis 'dir khrid de 'ongs so snyam du bsams pa dang / de ma thag tu nam mkha' las sgra 'di skad du gang bcings pa de ni thar/ gang ma bcings pa de ni bcings pa'o zhes sgra de byung ma thag tu skyes bu de'i spyi bo na 'khor lo yod pa de ni med par gyur/ bu mo mdza' mo'i spyi bor 'khor lo byung ngo / /de nas bu mo mdza' mo rab tu sdug bsngal bar skyes bu des mthong nas tshigs su bcad de smras pa/ rtag tu dga' 13-1-107b dang dregs byed cing/ /skyid pa byed pa bor byas te/ /tshangs pa bla ma'i khang pa nas/ /ci yi phyir ni khyod 'dir 'ongs/ /bu mo mdza' mos smras pa/ rtag tu dga' dang dregs byed cing/ /skyid pa byed pa bor byas te/ /tshangs pa bla ma'i khang pa nas/ / 'dir ni 'ong bar 'dod gyur pa/ /yun ring po yi las kyis gnyer/ /las kyis ring nas gnyer nas kyang/ /gang du las kyis gnyer ba der/ /las kyang rnam par smin par gyur/ /las gang rnam par smin pas na/ /'khor lo 'bar dang rab 'bar ba/ / bdag gi srog la gnod gyur te/ /klad la 'khor lo 'bar bar gyur/ /mi des smras pa/ khyod kyis ngan pa'i sems bskyed de/ /dka' ba byed pa'i ma yi mgor/ /khyod kyis rdog pa brgyab pas na/ /de yi las kyi 'bras bu yin/ /bu mo mdza' mos smras pa/ 'khor lo 'bar ba rab 'bar ba/ /bdag gi srog la gnod byed pa/ /lo grangs stong phrag ji srid du/ /nga yi klad na 'khor bar 'gyur/ /mi des smras pa/ lo grangs stong phrag drug bcu dang / /lo grangs brgya yi bar du ni/ /'bar ba'i lcags kyi 'khor los kyang/ /khyod kyi mgo la 'jog par byed/ /de nas bu mo mdza' mo des mi de la kye skyes bu gzhan dag kyang 'dir 'ong ba lta yod dam zhes smras pa dang / mi des smras pa/ gang gis las 'di lta bu byas pa dag ni 'dir 'ong bar 'gyur ro/ /de nas bu mo mdza' mo sdug bsngal gyis mngon du gzir ba dang / sems can rnams la snying rje ba bskyed nas mi de la 'di skad ces smras so/ /kye skyes bu ngas sems can thams cad kyi phyir 'khor lo 'di mgo la bzod par byas/ gzhan gang gis 'di 'dra ba'i las byas pa de dag 'dir ma 'ong shig ces smras ma thag tu bu mo mdza' mo byang chub sems dpa' de'i mgo las 'khor lo de shing ta la bdun tsam du nam mkha' la 'phags nas 'dug pa dang / de yang dus 'das te dga' ldan gnam gyi lha'i khams su skyes so zhes bcom ldan 13-1-108a 'das kyis bka' stsal to/ /dge slong dag ji snyam du sems/ de'i dus na bu mo mdza' mo zhes bya ba de ni nga nyid yin te/ de'i tshe ngas tshong byas te/ kAr ShA pa Na ma la byin pa de'i las kyi rnam par smin pas ni grong khyer chen po rnam pa bzhir rab tu bde ba myong bar gyur to/ /de nas ngas ma la gnod pa cung zad cig byas pa de'i las kyi 'bras bu rnam par smin pas ni rnam pa 'di lta bu'i sdug bsngal myong bar gyur to/ /de lta bas na dge slong dag de bzhin du bslab par gyis shig /pha dang ma la phan gdags par bya'i/ gnod pa ma byed cig dang de lta bu'i gnod pa mi myong bar 'gyur ba ni ji ltar bu mo mdza' mo so so'i skye bo'i tshe na myong ba bzhin te/ yon tan mang por yang 'gyur zhing da yang de bzhin gshegs pa yin te/ dge slong dag de bzhin du bslab par byos shig /dge slong dag de bas na tshul khrims rab tu nyams par gyur kyang rnam pa lnga la nye g.yog bya bar gnang ste/ lnga gang zhe na/ pha dang / ma dang / mkhan po dang / slob dpon dang / nad pa rnams so/ /gleng gzhi ni mnyan du yod pa na ste/ bcom ldan 'das kyis dge slong dag la bka' stsal pa/ dge slong dag nyi ma ni shar/ bya rog ni zer/ zhing pa ni rmo rko byed/ ma lus par rku ba rnams ni du'o/ /dge slong dag de ni dper byas te/ don de mi shes pa'i phyir don de yang bstan par bya ste/ dge slong dag nyi ma shar ces bya ba ni de bzhin gshegs pa yang dag par rdzogs pa'i sangs rgyas kyi tshig bla dgas so/ /bya rog zer ro zhes bya ba ni chos kyi snod gang zag rnams kyi tshig bla dgas so/ /zhing pa zhing rmed ces bya ba ni sbyin par byed pa dang / sbyin bdag rnams kyi tshig bla dgas so/ /ma lus par rku ba rnams ni du'o zhes bya ba ni bdud kyi 'khor gyi tshig bla dgas so/ /de lta bas na dge slong dag ston pa ni nyan thos dag la thugs brtse bas thugs rje'i don ston pa/ phan par dgongs pa/ thugs rje bzhin pas na khyod la don byas kyis khyod kyis da bya ba'i rigs so/ /de 'di ltar dgon pa dang / 13-1-108b shing drung dang / khang stong dang / ri dang / grog po dang / ri phug dang / sog ma'i phung po dang / bla gab med pa dang / dur khrod dang / nags tshal gyi phyogs dang / bas mthar gnas par bya ste/ dge slong dag bag med par ma byed cig /phyis 'gyod par gyur ta re/ ngas bstan pa 'di ni ngas rjes su bstan pa'o/ /bcom ldan 'das kyis dgon par gnas par gsungs pas na/ phyis 'gyod par gyur ta re/ 'di ni ngas bstan pa'o zhes gsungs pa'i bar du snga ma bzhin no/ /dge slong dag dgon pa dang / nags tshal gyi phyogs dang / bas mtha' la gnas shing bsam gtan byed pa la zhugs so/ /mnyan du yod pa na khyim bdag gzhan zhig gis dgon pa la gnas pa'i dge slong dag gi phyir dgon par khyim brtsigs te/ ji tsam zhig na bsod snyoms pa gzhan zhig gzhongs spyad pa spyod cing mnyan du yod par phyin nas de yang slar khyim du 'ongs te 'dug pa dang / de dus phyi zhig na de'i skra dang kha spu ring por gyur nas snga dro'i dus na sham thabs bgos te/ lhung bzed dang chos gos khyer te song ba dang / de la khyim bdag des 'phags pa skra dang kha spu ring ngo zhes smras pa dang / des bzhin bzangs 'breg mkhan med do zhes smras nas/ khyim bdag gis 'phags pa de ltar na bzhud cig dang / bdag gis 'breg mkhan gtang ngo zhes smras pa dang / des bsod snyoms bslangs nas slar song ba dang / des 'breg mkhan yang btang ngo / /bsod snyoms pa de rab tu le lo can zhig ste/ de gding ba'i steng du 'dug bzhin skra bregs pa dang / skra yang gding ba'i steng du lhung bas zad par 'dor ma nus so/ /khyim bdag des bsams pa/ 'breg mkhan khyod song la dge slong de'i skra dang kha spu dag bregs sam ma bregs ltos shig ces smras pa dang / de der song ngo / /song nas gding ba'i steng du 'dug pa dang / de'i gos la skra dag chags nas khyim bdag des bsod snyoms pa de la mgu ba dag byas nas slar khyim du song ba dang / de'i 13-1-109a chung mas jo bo'i sras ci khyod 'breg mkhan gyi khyim na 'dug 'dug gam/ des gos la bltas na skra chags shing 'dug pa mthong nas des bsams pa/ bsod snyoms pa de gding ba'i steng du 'dug bzhin du skra ma bregs grang zhes de bltar 'gro'o snyam bsams nas/ der song ste bltas pa dang / de'i gding ba skra dag gis gang zhing 'dug pa mthong nas/ 'phags pa gding ba'i steng du skra mi 'breg pa tsam yang mi shes sam zhes nyes pa ngor brjod pa dang / bsod snyoms pa de gnong nas spa gong ste ngo tsha nas cang mi zer bar 'dug go/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag khyim bdag de dag 'phya ba ni yus te/ de bas na dge slong gding ba'i steng na 'dug cing skra ma 'breg shig / bcom ldan 'das kyis dge slong dag gding ba'i steng na 'dug cing skra ma 'breg shig ces bka' stsal pa dang / dge slong dag gis gnas khang dang / bkad sa dang / sgo khang du skra bregs nas de nyid nyes pa'i dmigs su gyur nas/ bcom ldan 'das kyis bka' stsal pa/ gang dge 'dun gyi phyag dar byed pa'i gnas der skra ma 'breg shig /bregs na 'das pa dang bcas par 'gyur ro/ /bcom ldan 'das kyis gang dge 'dun gyi phyag dar bya ba'i gnas der skra ma 'breg shig ces gsungs pa dang / dge slong kha cig rgas shing 'khogs la rid par gyur/ kha cig ni na bar gyur te/ phyi rol du 'gro mi nus/ mi na ba dag kyang tsha zhing char pa bab par gyur pa dang / de dag kyang phyir 'byung mi nus nas gnod par gyur to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ gang dge slong dag rgas shing 'khogs la rid par gyur pa dang / na ste mi bde ba dag ni snga gang du skra breg par gyis shig /mi na ba dag tsha zhing char pa bab par gyur te/ phyi rol du 'byung du mi 13-1-109b bde na de yang snga gang du skra breg par gyis shig /sa'i dngos po thams cad du yang sa gzhi byi bdar bya/ yang na ni byed du chug shig /skra ni bsdus la phyag dar khrod du bor cig /sen mo gcod pa yang go rims 'di bzhin no/ /gang mi bde bar gyur pa de la rjes su bcas kyi mi bde ba med pa de dag ni de ltar ma byed cig /byed na 'das pa dang bcas par 'gyur ro/ /gleng gzhi ni mnyan du yod pa na ste/ de'i tshe na dge slong zhig na bar gyur nas des rtsa ba dang / sdong bu dang / 'dab ma dang / 'bras bu rnams kyi sman gyis gsos kyang de'i nad sos par ma gyur nas/ ji tsam zhig na sman pa gtsug lag khang du 'ongs pa dang / de la dge slong dag gis bzhin bzangs dge slong 'di 'dra bar na bar gyur na sman dpyad kyi thabs ston ces smras pa dang / des 'phags pa phyi dro phye zo shig dang sos par 'gyur ro zhes smras pa dang / de dag gis bzhin bzangs phyi dro phye bza' bar bcom ldan 'das kyis ma gnang na nged cag gis ji ltar phyi dro phye bza' bar bya zhes smras pa dang / des 'phags pa khyed cag gi ston pa ni thugs rje can yin gyis gnang bar 'gyur ro zhes smras so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag ba lang rgan po so med pa dag gis nas ji ltar zos pa de bzhin du 'byung ba yod de/ de lta bas na rjes su gnang ba ni ba lang rgan pos zos pa'i nas las phyer thogs te byin cig /de la the tshom ma byed cig /de la phye de byin kyang sos par ma gyur nas/ dge slong dag gis sman pa la zhib tu smras pa dang / des 'phags pa dag de ni ro yal bas mi phan te/ nas gzhan las phye byos la byin cig ces smras so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ de lta bas na gzhan gyis ma zos pa'i nas las phyer byos te tshags kyis tshogs la byin 13-1-110a cig ces bka' stsal pa dang / dge slong dag gis de bzhin du byin yang sos par ma gyur nas/ dge slong dag gis sman pa la zhib tu smras pa dang / des 'phags pa 'de gu byos la byin cig dang sos par 'gyur ro zhes smras pa dang / de ltar gyur pa dag dge slong dag gis bcom ldan 'das la gsol nas/ bcom ldan 'das kyis bka' stsal pa/ de ste sman pas bsgo na phye la 'de gu byos la byin cig /de bzhin du phye las zan du byas pa dang / de nyid kyang rung ste thams cad byin cig /de la the tshom ma byed cig /gleng gzhi ni mnyan du yod pa na ste/ de'i tshe mnyan du yod pa na dge slong gzhan zhig na bar gyur nas/ des rtsa ba dang / sdong bu dang / 'dab ma dang 'bras bu'i sman rnams kyis gsos kyang sos par ma gyur nas phyi zhig na sman pa gtsug lag khang du 'ongs pa dang /dge slong dag gis dris pa/ bzhin bzangs dge slong 'di na ba'i thabs 'di lta bu zhig na sman dpyad ston cig ces smras pa dang / des 'phags pa dag phyi dro khu sha byin cig dang sos par 'gyur ro zhes smras pa dang / de dag gis bzhin bzangs phyi dro za bar bcom ldan 'das kyis ma gnang na de la phyi dro khu sha ji ltar bza' zhes smras pa dang / des 'phags pa dag khyed kyi ston pa ni thugs rje can yin gyis gnang bar 'gyur ro zhes smras so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag dred mo zhes bya ba'i srog chags zhig yod de/ des sha ji ltar zos pa de bzhin du 'byung gis de lta bas na rjes su gnang ba ni dred mos zos pa'i sha las khu shar byos te byin cig / de la the tshom ma byed cig /de dag gis dred mos zos pa'i sha las khu shar byas te byin yang sos par ma gyur nas/ dge slong dag gis sman pa la zhib tu smras pa dang / des 'phags pa dag de ni ro yal zin pas sha sar pa las byas pa byin cig dang sos 13-1-110b par 'gyur ro zhes smras so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ de ste sman pas sha sar pa las khu shar byos la byin cig ces bsgo na ni de lta bas na rjes su gnang ba ni sha sar pa las khu shar gyis la dar gyis tshogs te byin cig /dge slong dag gis de bzhin du byin yang sos par ma gyur nas/ dge slong dag gis sman pa la zhib tu smras pa dang / des 'phags pa dag snag tshogs byos la byin cig ces smras pa dang / de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ de ste sman pas snag tshogs byin cig ces bsgo na ni byin cig /de la sogs te gtubs pa dang / skam po thams cad kyang byin cig /de la the tshom ma byed cig /gleng gzhi'i sgo gsum pa'i mdo'i tshigs su bcad pa gsum pa'o// //mdor na/ dud pa btung dang seng ras dang / /snar blugs pa dang phor bu dang / /khab ral dang ni mig byug pa/ /drang srong chen pos gnang ba'o/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis dud pa btung ba'i sbub bu chongs shig ces gsungs na/ ji lta bu bcang bar bgyi/ u pA li rin po che las byas pa ma gtogs so/ /btsun pa bcom ldan 'das kyis seng ras chongs shig ces gsungs na/ ji lta bu bcang bar bgyi/ bal las byas pa dang / zar ma las byas pa dang / ras las byas pa'o/ /btsun pa bcom ldan 'das kyis sna'i nang du blugs pa chongs shig ces gsungs na ji lta bu bcang bar bgyi/ u pA li rin po che las byas pa ma gtogs so/ /btsun pa bcom ldan 'das kyis rjes bzhin btung ba'i phor bu chongs shig ces gsungs na/ ji lta bu bcang bar bgyi/ 13-1-111a u pA li de ni rin po che ma gtogs pa'o/ /btsun pa bcom ldan 'das kyis khab ral chongs shig ces gsungs na/ ji lta bu bcang bar bgyi/ u pA li de ni rin po che las byas pa ma gtogs so/ /btsun pa bcom ldan 'das kyis mig byug pa'i sman gyi snod chongs shig ces gsungs na/ ji lta bu bcang bar bgyi/ u pA li de ni rin po che las byas pa ma gtogs pa'o/ /gleng gzhi'i sgo gsum pa'i mdo'i tshigs su bcad pa bzhi pa'o// //mdor na/ phor bu dang yang skud ris dang / / rkang gnas pa dang rkang rten dang / /bkru sman dag dang rngan pa dang / /shi bar gyur pa'i chos gos so/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis sman gyi phor bu chongs shig ces gsungs na/ ji lta bu bcang bar bgyi/ u pA li de ni rin po che las byas pa ma gtogs pa'o/ /btsun pa bcom ldan 'das kyis skud ris chongs shig ces gsungs na/ ji lta bu bcang bar bgyi/ u pA li skud pa bdun las byas pa ste/ bal dang / ldum bu sha na ka dang / ras bal dang / gso ma dang / rtswa du gu la dang / ldum bu ko tam pa dang / srin bal gyi skud pa las byas pa'o/ /btsun pa bcom ldan 'das kyis rkang rten chongs shig ces gsungs na/ ji lta bu bcang bar bgyi/ u pA li de ni rin po che las byas pa ma gtogs pa'o/ /btsun pa bcom ldan 'das kyis khri dang rkang rten chongs shig ces gsungs na/ ji lta bu bcang bar bgyi/ u pA li de ni rin po che las byas pa ma gtogs pa'o/ /gleng gzhi ni mnyan du yod pa na ste/ mnyan du yod pa na khyim bdag gzhan zhig na bar gyur nas des sman pa la dris pa bzhin bzangs bdag nad 'di 'dra ba zhig gis btab na sman dpyad kyi thabs ston cig ces smras pa dang / des 13-1-111b khyim bdag snum bag sngar zo shig dang phyis bkru sman gtang ngo zhes smras pa dang / de snum bag za ba la zhugs so/ /ji tsam zhig na de'i grong du nye bar 'gro ba'i dge slong der 'ongs nas des khyim bdag ci byed cing 'dug ces smras pa dang / des ji ltar gyur pa zhib tu smras so/ /des khyim bdag kho bo bkru sman gtong ba rab tu mkhas kyis sman pa la sbyin pa de kho bo la byin cig dang / ngas khyod la bkru sman btang ngo zhes smras pa dang / khyim bdag des legs kyis de bzhin du bgyi'o zhes smras nas des de bkru sman btang nas gtsug lag khang du langs te song ngo / /khyim bdag de'i bkru sman mchod nas de'i nye du dag song ste sman pa la dris pa/ khyim bdag de bkru sman mchod na thabs ji lta bur bgyi zhes smras pa dang / de la bkru sman sus blud/ de dag gis 'phags pa 'di zhes bya bas blud do zhes smras pa dang / de khros nas de nyid kyi gan du song la dris shig ces smras so/ /de dag gis de de'u shi ba las sos nas de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong dag gis rngan pa len cing sman ma gtong shig /de ste bkru sman btang na yang gud du ma 'gro shig /de 'dra ba'i rkyen cig byung na yang sman dpyad ston la song shig /de bzhin du ma byas par song na yang 'das pa dang bcas par 'gyur ro/ /gleng gzhi ni mnyan du yod pa na ste/ nor bdag gis nor chags pa bzung ste/ des de la dus 'di tsam zhig na byin cig ces dus btab nas btang ngo / /des bsams pa/ de ltar dus btab tu zin kyang ngas dus bzhin du gzhal bar mi nus kyis ji nas dus la bab na bros te 'gro'o snyam du bsams so/ /phyis yang bsams pa/ yul dang bral te 'gro ba yang rab tu sdug bsngal gyis ji nas nor bdag de gsad do snyam bsams nas de dze ta'i tshal du 'gro ba'i lam du des de bsad do/ /ji tsam 13-1-112a zhig na drug sde dag gis de mthong nas de dag gis bsams pa/ bdag cag gis phyag dar khrod kyi gos rnyed do snyam bsams nas/ des bshu bar brtsams pa dang / de'i gnyen dag gnas der 'ongs nas de dag gis de mthong ste ngu ba la zhugs nas khyed cag gis bsad do zhes smras pa dang / de dag gis nged kyis ni ma bsad kyi gdon mi za bar dgras bsad do zhes smras so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag de'i gnyen rnams dogs pa skyes pa ni yus te/ de bas na dge slong dag gis de 'dra ba'i phyag dar khrod ni ma len cig /gang gi tshe na skye bo mang po dag gis rtogs par gyur pa de'i tshe na blang bar bya ste/ de ltar ma byas na 'das pa dang bcas par 'gyur ro/ /gleng gzhi'i sgo gsum pa'i mdo'i tshigs su bcad pa lnga pa'o// //'dul ba gzhung dam pa/bam po sum bcu rtsa lnga pa/ mdor na/ lcags kyi gong bu gzar bu dang / /rgyab khur rked pa mgo bo dang / /pha dang ma la gos dang zas/ /spu can chos gos gsum pa'o/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis lcags kyi gong bu lcags thag gis thogs shig ces gsungs na/ lcags thag ji lta bur gdags par bgyi/ u pA li de ni rin po che las byas pa ma gtogs pa'o/ /btsun pa bcom ldan 'das kyis sman gyi gzar bu chongs shig ces gsungs na/ ji lta bu bcang bar bgyi/ u pA li de ni rin po che las byas pa ma gtogs pa'o/ /btsun pa bcom ldan 'das kyis dge slong dag rgyab dang rked pa dang mgo la khur ma khyer cig ces gsungs na/ btsun pa dge slong ma dag gis kyang rgyab dang rked pa dang mgo la khur mi bkur bar 13-1-112b bgyi'am/ u pA li dge slong ma dag gis kyang rgyab dang rked pa dang mgo la khur ma khyer cig /de ste [(]khyar[,]khyer [)]na 'das pa dang bcas par 'gyur ro/ /gleng gzhi ni mnyan du yod pa na ste/ mnyan du yod pa na khyim bdag gzhan zhig gis rigs mnyam pa las chung ma zhig blangs te/ de dang lhan cig rtse dga' yongs su spyod do/ /de dang lhan cig tu rtse dga' yongs su spyad nas dus phyi zhig na de'i chung ma sems can dang ldan par gyur nas/ de zla ba brgyad dam dgu lon pa dang / de la bu gzugs legs pa blta na sdug pa/ bzang ba/ yan lag thams cad dang ldan pa'i khye'u zhig btsas te/ de dag gis skyes pa'i skyes ston chen po byas nas ming btags so/ /de bsrings bskyed de cher gyur pa dang / ji tsam dus phyi zhig na pha ma la ma gsol bar bcom ldan 'das kyi bstan pa la rab tu byung ngo / /de snga dro sham thabs bgos nas lhung bzed dang chos gos khyer te mnyan du yod par bsod snyoms la zhugs pa dang / de'i pha rgan pos mthong nas bu khyod rab tu byung na nged cag sus gso bar 'gyur zhes smras pa dang / de spa gong nas cang mi smra bar gyur to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/dge slong dag pha dang ma ni bu'i dka' ba byed pa yin te/ de lta bas na bu rab tu byung yang pha ma gnyis kyi bza' ba dang bgo ba dag sbyor bar rjes su gnang ngo / /bcom ldan 'das kyis rab tu byung yang pha ma gnyis kyi bza' ba dang bgo ba dag sbyor cig ces gsungs pa dang / dge slong dag gis ji ltar sbyar ba mi shes nas/ bcom ldan 'das kyis bka' stsal pa/ gang lhung bzed dang chos gos lhag par gyur pa des sbyar bar byos shig /de ste med na sbyin bdag las slongs te sbyor cig /de ste dge 'dun du gtogs la dge 'dun gyi rnyed pa dbang bar gyur na de'i phyed byin cig /de ste bsod snyoms pa zhig na bsod snyoms kyi phyed sbyin par gyis 13-1-113a shig /de ltar ma byas na 'das pa dang bcas par 'gyur ro/ /gleng gzhi ni mnyan du yod pa na ste/ mnyan du yod pa nas mi ring ba zhig na ri brags kyi grong zhig yod de/ ri brags kyi grong de na gtsug lag khang zhig yod pa de'i nang na rgan zhugs gzhan zhig gnas te/ de nas dus phyi zhig na mchod rten la phyag 'tshal ba'i phyir mnyan du yod par song ngo / /drug sde rnams ni chos kyis kyang drug sde'i nang na gcig gis ni dze ta'i tshal gyi sgo srung bas na tshe dang ldan pa nye dga' bo sgo na 'dug pa des mgo dkar la smin ma ring ba zhig rgyang ring po nas 'ong ba mthong nas des bsams pa/ dge slong gnas brtan gang zhig 'dir 'ong bsur 'gro'am snyam bsams te/ de sngar song ba dang / des gnas brtan bde bar 'ongs sam zhes smras so/ /des slob dpon phyag 'tshal lo/ /phyag 'tshal lo zhes smras pa dang / tshe dang ldan pa nye dga' bos bsams pa/ rgan zhugs 'dis slob dpon yang mi shes/ mkhan po yang mi shes par rig nas des rgan zhugs tshur shog /gtsug lag khang du 'dong ngo zhes smras so/ /des gtsug lag khang du khrid nas ngal bsor bcug pa dang / de cung zad cig 'dug nas slob dpon bdag ni mchod rten la phyag 'tshal du mchi'o zhes smras pa dang / nye dga' bos sdod cig dang 'du ba'i dus la bab pa dang bya'o zhes smras pa dang / des slob dpon bdag gis chos gos gsum ga yang khyer te ma 'ongs pas 'gro'o zhes smras pa dang / nye dga' bos rgan zhugs sdod cig dang / 'dir chos gos gsum byin gyis brlab par bya'o zhes smras nas/ ji tsam na 'dus par gyur pa dang / des de la par thang ni mthang gos su byin gyis brlabs/ la ba ni stod g.yogs su byin gyis brlabs/ be'u ras ni sbyar mar byin gyis brlabs te/ de nas la ba dang be'u ras gnyis phrag pa la bzhag nas par thang gis dkris pa'i steng du the gus dkris te dam du bcings nas de nas 'dus pa'i 13-1-113b nang du btang ba dang / dge slong dag gis mthong nas/ dge slong kun tu bcings pa kha cig ni nyes pa ngor brjod do/ /kha cig gis ni rgan zhugs pha bi ci'i phyir smyon thabs byed ces smras pa dang / des tshe dang ldan pa dag 'di ni kho bo'i chos gos gsum yin te/ kho bo ni glo bur du 'ongs na gang du gzhag ces smras pa dang / de dag gis chos gos gsum de 'dra ba yin nam zhes smras pa dang / des gang la med pa de ci 'dra bar 'gyur zhes smras so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ gang nyes pa'i dmigs su gyur pa de ni dge slong dag gis spu ring po las chos gos gsum du byin gyis brlabs pa ste/ de lta bas na dge slong dag gis spu ring po las chos gos gsum du byin gyis brlab par mi gnang bar dgongs nas bka' stsal pa/ dge slong dag dge slong rnams nyes pa ngor brjod pa ni yus te/ nyes pa'i dmigs su gyur pa de ni spu ring po las chos gos gsum du byin gyis brlabs pa ste/ de lta bas na dge slong dag spu ring po las chos gos gsum byin gyis ma brlab shig /de ste byin gyis brlabs na 'das pa dang bcas par 'gyur ro/ /bcom ldan 'das kyis dge slong dag spu ring po las chos gos gsum du byin gyis ma brlab shig ces gsungs pa dang / dad pa'i bram ze dang khyim bdag gis la ba dang phrug stan dang be'u ras dag phul ba dang / dge slong dag the tshom skyes nas ma blangs pa dang / des 'phags pa dag nam sangs rgyas bcom ldan 'das 'jig rten du mi 'byung ba'i tshe na ni mu stegs can dag yon gnas lags na/ da ni sangs rgyas bcom ldan 'das 'jig rten du byung bas khyed cag yon gnas yin te/ da khyed kyis ma blangs na bdag cag gi dge ba'i zong med bzhin du 'jig rten pha rol du ji ltar 'gro zhes smras pa dang / de dag cang mi zer bar gyur to/ /de ltar gyur pa dge slong dag gis bcom ldan 'das la 13-1-114a gsol pa dang / bcom ldan 'das kyis bka' stsal pa/ dge slong dag dad pa'i bram ze dang khyim bdag zer ba ni bden te/ de lta bas na ngas rjes su gnang gis long la spu thung rnams ni lhag pa'i gos su byin gyis rlobs shig /spu ring po rnams ni yon bdag gir byin gyis rlobs la bcang bar gyis shig /gleng gzhi'i sgo gsum pa'i mdo'i tshigs su bcad pa drug pa'o// // mdor na/ dbu dang sen mo'i mchod rten dang / /kha dog dkar po mar me dang / /khyim dang mar me snod dag dang / / bal glang btsun mo rta babs so/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /khyim bdag mgon med zas sbyin ni chos kyis nang par sngar langs nas/ bcom ldan 'das dang dge slong gi dge 'dun gyi zhabs la phyag 'tshal du 'gro'o/ /ji tsam dus phyi zhig na bcom ldan 'das kyis sems can gyi bsod nams kyi don bstan pa'i phyir 'breg mkhan bkug nas skra dang kha spu yang bregs pa dang / de nas khyim bdag mgon med zas sbyin dze ta'i tshal du song nas/ bcom ldan 'das la mgo bos phyag 'tshal nas bcom ldan 'das kyis rjes su gnang na bdag gis dbu skra dang sen mo'i mchod rten brtsig par bgyi zhes gsol pa dang / bcom ldan 'das kyis bka' stsal pa/ de lta bas na khyim bdag ngas rjes su gnang gis rtsigs shig /des gzhi yangs pa'i gnas zhig tu mdza' bo dang / phu nu dang / gnyen dag dang lhan cig tu rim gro cher byas nas/ bcom ldan 'das kyi dbu skra dang sen mo'i mchod rten yang skye bo thams cad kyis blta na sdug pa zhig brtsigs na rdo thal gyis ma byugs pas mi mdzes par gyur nas/ de yang bcom ldan 'das kyi drung du song nas/ zhabs la mgo bos phyag 'tshal te gsol pa/ bcom ldan 'das bdag gis bcom ldan 'das kyi dbu skra dang sen mo'i 13-1-114b mchod rten skye bo thams cad kyis blta na sdug pa zhig brtsigs na rdo thal gyis ma byugs kyi bar du mi mdzes par gyur na/ de la bcom ldan 'das kyis rjes su gnang bar mdzod cig dang / bdag gis rdo thal gyis byug par bgyi'o zhes gsol pa dang / bcom ldan 'das kyis bka' stsal pa/ de lta bas na khyim bdag ngas rjes su gnang gis rdo thal gyis skus shig /des rdo thal gyis bskus nas dri dang / bdug pa dang / me tog gis mchod pa byas so/ /mtshan mo mar me med pas mi mdzes par gyur nas/ de yang bcom ldan 'das gang na ba der song nas bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das bdag gis bcom ldan 'das kyi dbu skra dang sen mo'i mchod rten rdo thal gyis bskus nas dri dang / byug pa dang / me tog dag gis mchod pa bgyis na/ mtshan mo zhugs mar ma mchis te mi mdzes par gyur na/ de la bcom ldan 'das kyis rjes su gnang na/ bdag gis bcom ldan 'das kyi dbu skra dang sen mo'i mchod rten mchod pa bgyis la mtshan mo zhugs mar gyi phreng ba bud do zhes gsol pa dang / bcom ldan 'das kyis bka' stsal pa/ de lta bas na khyim bdag ngas rjes su gnang gis de la mchod pa gyis te/ nub mo dbu skra dang sen mo'i mchod rten gyi steng du mar me'i phreng ba bus shig /de nas mar zags nas mchod rten gyi kha dog dkar po yang ma rung bar gyur te/ des bcom ldan 'das la zhus pa dang / bcom ldan 'das kyis bka' stsal pa/ mar me'i phreng ba 'og tu zhog shig /des mar me'i phreng ba 'og tu bzhag pa dang / khyis mar me 'thungs nas snod kyang khyer ro/ /de yang bcom ldan 'das gang na ba der song nas zhabs la phyag 'tshal te gsol pa/ bcom ldan 'das bdag gis bcom ldan 'das kyi dbu skra dang sen mo'i mchod rten gyi 'og tu zhugs mar gyi phreng ba bzhag na/ khyi dag gis 13-1-115a mar 'tshal nas zhugs mar gyi snod kyang 'tshal te mchis na/ bcom ldan 'das kyis rjes su gnang bar mdzod cig dang / bdag gis zhugs mar gyi khang bu bgyi'o zhes gsol pa dang / bcom ldan 'das kyis bka' stsal pa/ de bas na khyim bdag ngas rjes su gnang gis de ltar byos shig /des mar me'i khang bu dag kyang byas so/ /dbu skra dang sen mo'i mchod rten la ba lang dag gis bsnyogs pa dang / de yang bcom ldan 'das gang na ba der song nas zhabs la phyag byas te 'di skad ces gsol to/ /bcom ldan 'das bdag gis bcom ldan 'das kyi dbu skra dang sen mo'i mchod rten brtsigs pa la ba lang dag gis bsnyogs par gyur na/ bcom ldan 'das kyis de la rjes su gnang bar mdzod cig dang / bdag gis stegs bus bskor bar bgyi'o zhes gsol pa dang / bcom ldan 'das kyis bka' stsal pa/ de lta bas na khyim bdag ngas rjes su gnang gis bskor bar byos shig /des stegs bus bskor na rta babs med pa dang / mi mdzes par gyur te/ de yang bcom ldan 'das gang na ba der song nas zhabs la phyag 'tshal te gsol pa/ bcom ldan 'das bdag gis bcom ldan 'das kyi dbu skra dang sen mo'i mchod rten gyi tha ma stegs bus bskor na stegs bu de'i rta babs ma mchis te mi mdzes na/ de la bcom ldan 'das kyis rjes su gnang bar mdzod cig dang / bdag gis stegs bu'i rta babs bgyi'o zhes gsol pa dang / bcom ldan 'das kyis bka' stsal pa/ de lta bas na khyim bdag ngas rjes su gnang gis byos shig ces bka' stsal pa dang / des rta babs byas te yo byad thams cad bsogs nas bcom ldan 'das kyi dbu skra dang sen mo'i mchod rten la mdza' bo dang phu nu dang gnyen dag bsogs nas mchod pa chen po byas so/ /skye bo mang po dag de lta bu mthong nas rab tu mos te/ de dag dad pa skyes nas de dag gis kyang rnam pa 13-1-115b de lta bur bcom ldan 'das kyi dbu skra dang sen mo'i mchod rten dag gnas gnas su brtsigs so/ /de nas bcom ldan 'das mnyan du yod pa na ji srid dgyes pa'i bar du bzhugs nas rgyal po'i khab gang na ba der gzhongs spyad pa spyod cing rgyal po'i khab tu byon to/ / rgyal po'i khab kyi 'od ma'i tshal bya ka lan da ka gnas pa na bzhugs so/ /rgyal po gzugs can snying pos bcom ldan 'das dbus 'gyur 'chang nas gzhongs spyad pa spyod cing rgyal po'i khab tu byon to/ /rgyal po'i khab kyi 'od ma'i tshal bya ka lan da ka gnas pa na bzhugs par thos te thos nas rgyal po'i mthu chen po dang / yo lang chen pos nang gi btsun mo dang / gzhon nu dang / blon po dang / nang gi skye bo dag dang lhan cig tu bcom ldan 'das gang na ba der song ste phyin pa dang / bcom ldan 'das kyi zhabs la mgo bos phyag 'tshal te phyogs gcig tu 'khod do/ /bcom ldan 'das kyis de'i bsam pa dang / bag la nyal ba dang / khams dang / rang bzhin mkhyen nas 'phags pa'i bden pa bzhi rtogs par 'gyur ba'i chos de lta bu bshad de/ de thos pa dang rgyal po gzugs can snying pos lha stong phrag brgyad bcu dang lhan cig tu 'jig tshogs su lta ba'i ri'i rtse mo nyi shu ye shes kyi rdo rjes bcom nas rgyun du zhugs pa'i 'bras bu mngon du byas so/ /des bden pa mthong nas lha stong phrag brgyad bcu dang lhan cig tu bcom ldan 'das la dus gsum du ltar 'dong ngo / /des dus phyi zhig na dpyid kyi dus la bab pas shing rtsi dag kyang me tog rgyas/ ngang pa dang / khrung khrung dang / rma bya dang / ne tso dang / ske ga dang / ko ki la dang / dzi ba dzi ba ka la sogs pa yang skad 'byin par byed pa'i nags stug po de na nang gi btsun mo dag gis bskor cing 'dug 'dug pa las/ de la nang gi btsun mo dag gis gsol pa/ lha bdag cag gis nyin re re zhing bcom ldan 'das kyi zhal lta zhing mchi bar mi nus na lha nang gi btsun mo dag gi dbus su de bzhin gshegs pa'i dbu skra dang sen mo'i 13-1-116a mchod rten zhig brtsig par mdzod cig dang / de la bdag cag gis rim gro bskyed de me tog dang / dri dang / byug pa dang / spos dang / gdugs dang / rgyal mtshan dang / ba dan dag gis mchod par bgyi'o zhes gsol pa dang / des bcom ldan 'das la gsol ba btab ste/ bcom ldan 'das kyi dbu skra dang sen mo stsol cig dang / bdag cag gis de bzhin gshegs pa'i dbu skra dang sen mo'i mchod rten nang gi btsun mo dag gi dbus su brtsig go zhes gsol pa dang / de nas bcom ldan 'das kyis dbu skra dang sen mo stsal nas des bsti stang dang rim gro cher byas te/ nang gi btsun mo dag dang lhan cig tu de bzhin gshegs pa'i dbu skra dang sen mo'i mchod rten nang gi btsun mo'i dbus su brtsigs nas/ de la nang gi btsun mo dag gis mar me dang / spos dang / me tog dang / dri dang / byug pa dag gis rab tu mchod pa byas so/ /gang gi tshe rgyal po ma skyes dgra la mi dge ba'i bshes gnyan lha sbyin gyis sbad nas pha chos can chos bzhin du rgyal po byed pa 'tsho ba dang yongs su phral nas bdag nyid rgyal por zhugs so/ / de'i tshe na bcom ldan 'das kyi bstan pa la chos kyi sbyin pa thams cad gcad par khrims bcas pas sus kyang de bzhin gshegs pa'i dbu skra dang sen mo'i mchod rten la bya ba mi byed do/ /gang gi tshe bco lnga'i skabs 'byed pa'i dus la bab pa de'i tshe na yang dbu skra dang sen mo'i mchod rten la su yang phyag dar dang / mar me dang / me tog dag gis mchod pa mi byed do/ /de nas btsun mo dag gis dbu skra dang sen mo'i mchod rten la rnam pa de lta bu mthong nas rgyal po gzugs can snying po dran te de dag mi dga' ste/ mya ngan byed cing kyi hud chos kyi rgyal po dang bral bar gyur nas bdag cag gi bsod nams kyang zad par gyur to zhes zer zhing ngu bar gyur to/ /de'i nang nas btsun mo dpal gyi blo gros ma zhes bya ba zhig gis 'tsho ba la ma bltas par sangs rgyas kyi yon tan rjes su dran nas dbu skra dang 13-1-116b sen mo'i mchod rten gyi phyag dar byas te mar me'i phreng ba dag phul lo/ /ji tsam na ma skyes dgra khang steng du byung ste bltas pa dang snang ba chen po byung ba mthong nas ma bi ci zhig ces dris pa dang / gzhan zhig gis dpal gyi blo gros mas dbu skra dang sen mo'i mchod rten la zhugs mar gyi phreng ba phul lo zhes smras pa dang / dpal gyi blo gros ma bos nas ci'i phyir rgyal po'i khrims las 'gal bar bya zhes smras pa dang / btsun mos kho mos rgyal po'i khrims dang 'gal mod kyi/ 'on kyang kho mos chos kyi rgyal po gzugs can snying po'i khrims las ma 'gal lo zhes smras pa dang / de khros te 'khor lo 'phangs nas de 'tsho ba dang phral ba dang / de bcom ldan 'das la sems mngon par dad bzhin du dus las 'das pa dang / sum bcu rtsa gsum gyi lha'i gnas bzang por skyes so/ /de'i tshe na lha rnams 'dun sar 'dus so/ /de nas lha'i bu mo dpal gyi blo gros ma dpag tshad kho ra khor yug tu snang ba'i 'od kyis lus bskor nas lha'i 'dun sar song ngo / /de nas brgya byin lha'i dbang pos dpag tshad kho ra khor yug tu rgya cher snang ba'i 'od mthong nas dris pa/ gser gyis lus la su yis bskus/ /pad mo ut+pal bzhin 'dra ba/ /dpal ldan mi mtshungs ci las byung/ /khyod las 'dir ni 'od byung ba/ /ci phyir khyod gdong pad mo kha 'bus 'dra/ /khyod ni gser gyi 'od 'dra ba/ /ci yi 'bras bu lha mo bdag la smros/ /gang gi las la byung ba spyod/ /lha mos smras pa/ 'jig rten gsum gyi mgon po ni/ /skye bo rnams kyi mar me ste/ /sangs rgyas mchog gi mtshan mthong bas/ /mun sel de la mar me phul/ /nyon mongs mun pa sel la phul/ /zla ba'i 'od zer 'dra ba'i 'od mthong nas/ /thub pa gsal ba'i dngos po ste/ /ston pa'i 'od mthu mthong bas na/ /gsung ba mchog la phyag byas pas/ /de yi las kyis 'dir skyes te/ /bdag la rab tu gsal zhing mdzes/ /bdag gdong blta na sdug pa ni/ /pad mo zla bzhin rnam 13-1-117a par dag /brgya byin gyis smras pa/ e ma'o zhing 'di yon tan can/ /nyes pa thams cad rnam spangs la/ /mtho ris gang du skye ba yi/ /khyod kyis sa bon der btab bo/ /gser bzhin spungs la dkar ba yi/ /rnam pa mchog la sus mi mchod/ /sangs rgyas pad mo kha 'byes bzhin/ /gang du lhag pas bskyed pa pad mo spyan/ /yan lag mchog rnams 'bar ba ste/ /spyan ni me tog ka ma la dang 'dra/ /chos nyid kyis lha'i bu pho'am lha'i bu mo yang rung ste/ sum bcu rtsa gsum du skyes nas ring po ma lon par gang nas shi 'phos pa dang / gang du skyes pa dang / las gang yin pas skyes pa ste/ sems 'di gsum skye bar 'gyur ro/ /lha'i bu mo dpal gyi blo gros mas bdag gang nas shi 'phos zhes bltas na mi las so/ /gang du snyam pa dang / sum bcu rtsa gsum gyi lha'i khams bzang por skyes par mthong ngo / /las gang yin zhe na/ bcom ldan 'das la sems rab tu dad pa'o snyam du sems nas/ de nas dpal gyi blo gros mas 'di snyam du bdag gis zhag lon la bcom ldan 'das kyi zhal blta bar mi rigs kyi ci nas bdag gis zhag ma lon par bcom ldan 'das la blta ba'i phyir 'gro'o snyam bsams nas/ de nas lha'i bu mo dpal gyi blo gros mas dri ma med pa'i 'tsher ba'i rna cha ni thogs/ lus do shal dang se mo dos brgyan te/ lha'i me tog ut+pal dang / pad mo dang / ku mu da dang / puN+Da rI ka dang / man dA ra ba la sogs pa'i me tog dag gis pang pa bkang nas 'od ma'i tshal bya ka lan da ka gnas pa rgya chen pos thams cad 'od kyis snang bar byas te/ bcom ldan 'das la me tog gis mngon par gtor nas chos nyan pa'i phyir song ba dang / bcom ldan 'das kyis de'i bsam pa dang / bag la nyal ba dang / khams dang / rang bzhin mkhyen nas ji ltar 'phags pa'i bden pa bzhi rab tu rtogs par 'gyur ba de lta bu'i chos bshad de thos nas/ lha'i bu mo dpal gyi blo gros mas 13-1-117b 'jig tshogs su lta ba'i ri'i rtse mo nyi shu ye shes kyi rdo rjes bcom nas rgyun du zhugs pa'i 'bras bu mngon du byas so/ /des bden pa mthong nas brjod par bya ba rnam gsum brjod do/ /btsun pa bdag la 'di ltar ni phas kyang ma bgyis/ mas kyang ma bgyis/ rgyal pos kyang ma bgyis/ lhas kyang ma bgyis/ sdug pas kyang ma bgyis/ phu nu dang gnyen gyis kyang ma bgyis/ tshe snga ma la ma bgyis/ bram ze dang dge sbyong gis kyang ma bgyis te/ bcom ldan 'das kyis bdag gi mchi ma dang khrag gi rgya mtsho ni bskams/ rus pa'i ri las ni bsgral/ ngan song gi sgo ni bkum/ mtho ris dang thar pa'i sgo ni phye ste bdag ni lha dang mi'i gnas su gzhag go zhes gsol to/ /smras pa/ khyod kyi mthus ni rab gsal ba/ /ngan song lam ste nyes mang po/ /mtho ris bsod nams sgo yang phye/ /mya ngan 'das pa'i lam yang bdag gis thob/ /khyod la brten nas nyes pa rnams kyang spangs/ /bdag gis rtag tu rnam dag mig kyang thob/ /'phags pa dga' zhing zhi ba'i lam yang thob/ /sdug bsngal mtsho las pha rol bdag rgal nas/ /'gro ba na yang lha mi rnams kyis mchod/ /skye rga 'chi ba'i nyes pa dang bral ba/ /srid pa stong du'ang rab tu mthong bar dka'/ /de ring thub pa'i zhal mthong 'bras bu thob/ /btud nas se mo do yang rab tu 'phyang/ /zhabs gnyis la yang phyag byas dga' ba skyes/ /rgyal la g.yas kyi phyogs nas bskor byas nas/ /lha yi 'jig rten khams su mngon du song/ /de nas lha'i bu mo dpal gyi blo gros ma tshong pa khe rnyed pa bzhin/ zhing pa lo legs pa bzhin/ dpa' bo g.yul las rgyal ba bzhin/ nad pa nad thams cad las thar ba bzhin/ longs spyod gang dang ldan pas bcom ldan 'das kyi drung du 'ongs pa'i longs spyod de nyid dang bdag gi gnas su song ngo / /dge slong dag srod dang tho rangs mi nyal zhing thub pa la brtson zhing 'khod pa dang / 13-1-118a bcom ldan 'das kyi der 'od rgya cher snang ba mthong ngo / /mthong nas bcom ldan 'das la zhus pa/ ci bcom ldan 'das bcom ldan 'das la zhal lta ba'i phyir tshangs pa 'khor gyi bdag po'am/ brgya byin lha'i dbang po'am/ 'jig rten skyong ba bzhi'am/ gang zhig gis bcom ldan 'das kyi zhal ltar mchis zhes gsol pa dang / bcom ldan 'das kyis bka' stsal pa/ dge slong dag tshangs pa 'khor gyi bdag po yang ma yin/ brgya byin lha'i dbang po yang ma yin/ 'jig rten skyong ba bzhi la sogs pa lhags pa'ang ma yin mod kyi rgyal po gzugs can snying po'i chung ma dpal gyi blo gros ma zhes bya ba zhig gis bdag gi 'tsho ba la ma bltas te/ de bzhin gshegs pa'i dbu skra dang sen mo'i mchod rten la mar me'i phreng ba phul ba dang / de nas rgyal po ma skyes dgras 'khor lo 'phangs te 'tsho ba dang phral lo/ /de nga la sems mngon par dad bzhin du dus 'das nas sum bcu rtsa gsum du gnas bzang po'i lhar skyes so/ /de nub mo nga'i drung du 'ongs te de la ngas chos bshad nas des bden pa mthong ste bdag gi gnas su song ngo / /de lta bas na dge slong dag bsod nams la 'jigs par ma byed cig /de ci'i phyir zhe na/ de ni bde ba'i tshig bla dgas so/ /mos pa dang / sdug pa dang / shin tu sdug pa dang / yid du 'ong bar gyur pa ni 'di lta ste/ bsod nams so/ /dge slong dag khyed cag gis bsod nams ma yin pa la 'jigs par gyis shig /de ci'i phyir zhe na/ de ni sdug bsngal gyi tshig bla dgas so/ /ma mos pa dang / mi sdug pa dang / shin tu mi sdug pa dang / yid du mi 'ong ba ni 'di lta ste/ bsod nams ma yin pa'o/ /dge slong dag ngas yun ring po nas kyang mngon par mthong ste/ yun ring po nas bsod nams byas pa/rnam par smin pa la mos pa dang / sdug pa dang / shin tu sdug pa dang / yid du 'ong ba dag myong bar 'gyur 13-1-118b ro/ /dge slong dag ngas lo bdun gyi bar du byams pa'i sems bsgoms pas bskal pa 'jig pa dang rtas pa bdun gyi bar du 'jig rten 'dir ma 'ongs so/ /'jig rten 'jig pa'i tshe kun snang ba'i lha'i ris su skyes so/ /rtas pa'i tshe tshangs pa'i gzhal med khang stong par skyes nas der yang ngas tshangs pa dang tshangs chen gyi bdag por gyur nas ngas zil gyis gnon gyi gzhan gyis ma yin no/ /sems can brgya phrag bcu la dbang sgyur te/ sems can gyi nang na mchog tu bsngags so/ /stong phrag sum bcu rtsa drug gi bar du brgya byin lha'i dbang por gyur to/ /brgya phrag grangs med pa'i bar du 'khor los sgyur ba'i rgyal por gyur te/ mtha' bzhi btul nas rin po che bdun dang ldan no/ /rin po che sna bdun ni rnam pa 'di lta bu yin te/ 'di lta ste/ 'khor lo rin po che dang / bal glang rin po che dang / rta rin po che dang / nor bu rin po che dang / chung ma rin po che dang / khyim bdag rin po che dang / dmag mi rin po che dang bdun no/ /nga la bu yang stong tshang nas de dag kyang dpa' ba dang / nus pa dang / gzugs su ldan pa/ pha rol gyi sde tshar gcod pa ste/ de yang ngas 'di ltar rgya mtsho'i mtha' tshun chad sa chen po 'di chos kyis btul gyi/ dbyug pa dang mtshon gyis gnon cing mi bde ba med par gnas so/ /de'i tshe yang nga 'di snyam du las gang gi 'bras bu rnam par smin pas bdag 'dir mthu che rdzu 'phrul che bar gyur snyam bsams nas/ yang 'di snyam du las 'di'i 'bras bu gsum dang las 'di'i 'bras bu rnam par smin pa gsum gyis bdag 'di ltar mthu che rdzu 'phrul che bar gyur te/ gsum gang zhe na/ 'di lta ste/ sbyin pa dang / gdul ba dang / dul ba'o snyam du bsams nas/ bcom ldan 'das kyis de skad gsungs nas yang ston pas 'di skad gsungs so/ /dge zhing bde bar 'dod pa yi/ /bsod nams rnam par smin la ltos/ /lo bdun bar du dge slong dag /byams par byed pa'i sems 13-1-119a bsgoms pas/ /bskal pa 'jig cing rtas 'gyur ba/ /bdun du 'jig rten 'dir ma 'ongs/ /'jig pa'i tshe na bdag nyid ni/ /'jig rten kun snang dang bar gnas/ /rtas nas tshangs pa'i 'jig rten na/ /tshangs chen dbang sgyur gnas su yang/ /lan bdun gyi ni bar du gnas/ /sum bcu rtsa drug bar du ni/ /lha yi rgyal po byas par gyur/ /brgya phrag grangs med par du yang/ /rgyal po rab tu 'jigs grags byas/ /rgyal rigs rgyal thabs spyi bor blugs/ /'dzam bu gnas kyi dbang por gyur/ /dbyug dang mtshon gyis ma yin par/ /'jig rten 'di yang thul bar byas/ /chos nyid kyis ni rkyen med par/ /yang dag rjes su slob par gyur/ /chos kyi 'khor lo rab bskor nas/ /sa yi dkyil 'khor 'di dag tu/ /phyug cing longs spyod che ba der/ /de 'dra'i rigs su nga yang skyes/ /nor rdzas thams cad phun sum tshogs/ /rin chen sna bdun de bzhin te/ /nor dang yo byad mang por ldan/ /rgyal po grags shing 'jigs par gyur/ /mthu chen de yi rgyu yis ni/ /gang du skyes pa'i mchog tu gyur/ /sangs rgyas 'jig rten phan pa can/ /de yis 'di ltar bshad pa'o/ /ngo mtshar che ba 'di shes pa/ /de yang rdzu 'phrul chung ma yin/ /mkhas pa gang gis dad mi 'gyur/ /de ste rigs ni dma' gyur kyang/ /de la phan par 'dod pa dang / /mthu rnams chen por mngon 'dod pa/ /dam pa'i chos la bla mar byos/ /sangs rgyas bstan la dran par gyis/ /bcom ldan 'das kyis de skad gsungs pa dang / dge slong dag yid mgu ste bcom ldan 'das kyis gsungs pa la mngon par dga'o/ /gleng gzhi'i nang nas sgo gsum pa'i mdo'i tshigs su bcad pa bdun pa'o// //mdor na/ khyim rmang rta babs bcas pa dang / /bag ma stegs bu bcas pa ste/ /ka ba mtshal gyis byugs pa dang / /rtsig pa rgya skyegs ri mo bri/ /sangs rgyas bcom ldan 'das mnyan du yod pa'i dze ta'i 13-1-119b tshal mgon med zas sbyin gyi kun dga' ra ba na bzhugs so/ /khyim bdag mgon med zas sbyin pa bcom ldan 'das gang na ba der song nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad du de ste bcom ldan 'das kyis rjes su gnang na bdag gis bcom ldan 'das kyi dbu skra dang sen mo'i mchod rten la mtha' ma dri gtsang khang gis bskor la rta babs kyang gzugs par bgyi'o zhes gsol pa dang / bcom ldan 'das kyis bka' stsal pa/ de lta bas na khyim bdag rjes su gnang gis byos shig /yang bcom ldan 'das de ste rjes su gnang na bdag gis bcom ldan 'das kyi dbu skra dang sen mo'i mchod rten la ba gam bgyi'o zhes gsol pa dang / bcom ldan 'das kyis bka' stsal pa/ khyim bdag de lta bas na ngas rjes su gnang gis byos shig /de nas yang bcom ldan 'das kyis de ste rjes su gnang ba na bdag gis ba gam gyis bskor ba bgyi'o zhes gsol pa dang / bcom ldan 'das kyis bka' stsal pa/ de lta bas na khyim bdag ngas rjes su gnang gis byos shig /yang bcom ldan 'das kyis de ste rjes su gnang na bdag gis ka ba dag mtshal gyis byug go zhes gsol pa dang / bcom ldan 'das kyis bka' stsal pa/ khyim bdag de lta bas na rjes su gnang gis byos shig /yang bcom ldan 'das kyis de ste rjes su gnang na bdag gis rtsig ngos rgya skyegs kyis bri bar bgyi'o zhes gsol pa dang / bcom ldan 'das kyis bka' stsal pa/ khyim bdag de lta bas na rjes su gnang gis bris shig /gleng gzhi'i nang nas sgo gsum pa'i mdo'i tshigs su bcad pa brgyad pa'o// //mdor na/ ba lang so dang tha gu dang / /phreng ba rin chen phreng ba can/ /g.yog ma dang ni snying po dang / /snying po yi ni sgo yang ngo / /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /bcom ldan 'das kyis dbu skra dang 13-1-120a sen mo'i mchod rten la mchod pa dang / bkur sti byos shig ces gsungs na/ dge slong dag gis mchod rten la mchod pa byed pa na phur bu btab nas me tog gi phreng ba btags pa dang / bram ze dang khyim bdag dad pa dag gis mthong nas ci'i phyir 'di ltar dge slong dag gis ston pa'i mchod rten phur bu med pa la phur bu btab ces phyas 'dogs so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ bram ze dang khyim bdag 'phya ba ni yus te/ de lta bas na mchod rten la phur bus ma btab par ba lang gi so lta bu chung ngus thob shig /bcom ldan 'das kyis ba lang gi so lta bu chung ngus thob shig ces bka' stsal pa dang / dge slong dag gis mchod rten la khung bu brkos te ba lang gi so lta bu 'dzugs pa la zhugs pa dang / bcom ldan 'das kyis mchod rten la khung bu brkos te ba lang gi so lta bu ma gzugs par mchod rten rtsig pa'i tshe na tshugs shig ces bka' stsal to/ /dge slong dag mchod pa byed pa na mchod rten la 'dzegs nas me tog gi phreng ba rnams mgur chu'i bre la 'dogs pa dang / bram ze dang khyim bdag dag gis mthong nas ci'i phyir 'di ltar dge slong dag gis 'di ltar ston pa'i mchod rten la rdog pas rdzi zhing 'dong zhing 'dong zhes 'phyas 'dogs so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ bram ze dang khyim bdag rnams 'phya ba ni yus te/ de lta bas na dge slong dag gis ston pa'i mchod rten la rdog pas rdzi zhing ma 'dong shig /de ste mchod pa'i phyir na ni khyim pas 'dzegs shig /de med na dge tshul pas rkang pa gnyis khrus la dris byug gam gos kyis dkris te 'dzegs shig /de dag kyang med na dge slong gis ston par 'du shes zhog la dus la bab par soms te de ltar de bzhin du 'dzegs la dri'i ri mo byos shig /mchod rten che ste 'dzeg mi nus pa dang / bcom ldan 'das kyis bka' 13-1-120b stsal pa/ thag pas thogs te 'dzegs shig /dbu skra dang sen mo'i mchod rten la me tog gi phreng ba dbul ba phul ba dang / de dag rnyis te mi mdzes par gyur nas/ khyim bdag skyabs med zas sbyin gyis bcom ldan 'das kyi dbu skra dang sen mo'i mchod rten la me tog gi phreng ba phul ba dang de dag rnyis te mi mdzes nas/ de ste bcom ldan 'das kyis gnang na ni bcom ldan 'das kyi dbu skra dang sen mo'i mchod rten la rin po che'i phreng ba dbul lo zhes gsol pa dang / bcom ldan 'das kyis bka' stsal pa/ de lta bas na khyim bdag gnang gis phul cig /dbu skra dang sen mo'i mchod rten la bya rog la sogs pa bya rnams 'khod de de dag gi rtug pas mchod rten ma rung bar gyur pa dang / khyim bdag mgon med zas sbyin gyis bcom ldan 'das la dbu skra dang sen mo'i mchod rten la bya rog la sogs pa bya rnams mchis shing rtug pas mchod rten ma rung bar bgyis na/ de ste bcom ldan 'das kyis gnang na/ bcom ldan 'das kyi dbu skra dang sen mo'i mchod rten la g.yog pa'i snying pos g.yog go zhes gsol pa dang / bcom ldan 'das kyis khyim bdag de lta bas na gnang gis g.yog pa'i snying pos g.yogs shig ces bka' stsal pa dang / des g.yog pa'i snying pos g.yogs so/ /g.yogs pa de dbyar 'drul zhing mun pas mi snang bar gyur pa dang / khyim bdag mgon med zas sbyin gyis bcom ldan 'das la bdag gis dbu skra dang sen mo'i mchod rten la g.yog pa'i snying pos g.yogs pa de da ltar dbyar gyi chab kyis rul te mun par gyur nas mi mngon na de ste bcom ldan 'das kyis gnang na bdag gis chab sgo gdod do zhes gsol pa dang / bcom ldan 'das kyis bka' stsal pa/ de lta bas na khyim bdag gnang gis sgo thod cig /gleng gzhi'i nang nas sgo gsum pa'i mdo'i tshigs su bcad pa dgu pa'o// //mdor na/ khar ba la sogs mchod rten bya/ /gser dang dngul la sogs pa dang / /rgyal mtshan gyis su 'di la bskor/ /'bru mar la sogs chag 13-1-121a chag gdab/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /khyim bdag mgon med zas sbyin bcom ldan 'das gang na ba der song ste phyin pa dang / bcom ldan 'das kyi zhabs la mgo bos phyag 'tshal te bcom ldan 'das la 'di skad ces bcom ldan 'das kyis de ste gnang na bdag gis bcom ldan 'das kyi khar ba'i mchod rten bgyi'o zhes gsol pa dang / bcom ldan 'das kyis bka' stsal pa/ khyim bdag de lta bas na gnang gis byos shig /yang bcom ldan 'das kyis de ste gnang na gser gyi mchod rten bgyi'o zhes gsol pa dang / bcom ldan 'das kyis bka' stsal pa/ khyim bdag de lta bas na gnang gis byos shig /de bzhin du dngul las byas pa dang / bai DUr+ya las byas pa dang / shel las byas pa rgya cher byos shig /de ste yang bcom ldan 'das kyis gnang na bdag gis bcom ldan 'das kyi dbu skra dang sen mo'i mchod rten la rgyal mtshan 'bul lo zhes gsol pa dang / bcom ldan 'das kyis bka' stsal pa/ khyim bdag de lta bas na gnang gis phul cig /bcom ldan 'das kyis rgyal mtshan phul cig ces gsungs pa dang / des ci 'dra ba zhig dbul ba mi shes nas/ bcom ldan 'das kyis bka' stsal pa/ rgyal mtshan bzhi ste/ seng ge'i rgyal mtshan dang / chu srin gyi rgyal mtshan dang / klu'i rgyal mtshan dang / khyu mchog gi rgyal mtshan no/ /de ste yang bcom ldan 'das kyis gnang na bdag gis bcom ldan 'das kyi dbu skra dang sen mo'i mchod rten la 'bru mar gyis chag chag gdab bo zhes gsol pa dang / bcom ldan 'das kyis bka' stsal pa/ de lta bas na khyim bdag gnang gis chag chag thob shig /yang gsol pa/ de ste bcom ldan 'das kyis gnang na bdag gis bcom ldan 'das kyi dbu skra dang sen mo'i mchod rten la ldong ros kyis byug go zhes gsol pa dang / bcom ldan 'das kyis bka' stsal pa/ de lta bas na khyim bdag gnang gis 13-1-121b yugs shig /ji ltar ldong ros kyis byug pa de bzhin du tsan dan gyis byug pa yang rgya cher byos shig /gleng gzhi'i nang nas sgo gsum pa'i mdo'i tshigs su bcad pa bcu pa ste/ gleng gzhi'i nang nas sgo gsum pa rdzogs s+ho// //mdor bsdus par na/ sgo leb dang yang de ltar dbyar/ /drug sde dag dang btso blag mkhan/ /gzhong pa gtan pa de bzhin te/ /kun tu rgyu dang skyin po dang / /chag chag btab pa rung ba dang / /de bzhin mdo rnams bsdus par brjod// //mdor na/ sgo leb dang ni pus 'khyud dang / /dra ba dang yang gzugs 'khor dang / /zhing dang 'bras dang skye ba dang / /nor las skyes dang gos rnams so/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis sgo leb la lag gzungs byos shig ces gsungs na ci 'dra ba las bgyi/ u pA li rin po che ma gtogs pa'o/ /yang gsol pa/ btsun pa bcom ldan 'das kyis dge slong gis bus 'khyud chongs shig ces gsungs na/ ji ltar bcang bar bgyi/ u pA li skud pa sna bdun te/ bal gyi dang / ldum bu sha na ka'i dang / ras kyi skud pa dang / zar ma'i dang / rtswa du gu la'i dang / ko tam ba ka'i dang / srin bal rnams so/ /yang gsol pa/ btsun pa bcom ldan 'das kyis dra ba byos shig ces gsungs na ji lta bu las bgyi/ u pA li rnam pa bzhi ste/ rtswa mun dza'i dang / bal ba dza dang / zar ma'i dang / ras kyi skud pa las so/ /yang gsol ba/ btsun pa bcom ldan 'das kyis dra ba'i gzugs 'khor byos shig ces gsungs na/ ji lta bu las bgyi/ u pA li rin po che ma gtogs pa'o/ /gleng gzhi ni mnyan du yod pa na ste/ mnyan du yod pa na khyim bdag gzhan zhig dad cing des la dge bar sems pa zhig 'dug ste/ de na gcer bu pa'i dge bsnyen pa'i 13-1-122a bu mo chung mar blangs te des de la bzang mo sangs rgyas ni ston pa/ chos ni rgyal mtshan/ dge slong ni yon gnas te/ de dag la bya ba byos shig ces bsgo ba dang / de g.yos kun tu spyod de g.yo med pa ltar jo bo'i sras legs kyis de bzhin du bgyi'o zhes smras pa dang / khyim bdag de'i khyim du nyin gcig bzhin dge 'dun gyis bskos pa'i dge slong rnams bshos gsol lo/ /de nas dus phyi zhig na khyim bdag de ri brags kyi grong gzhan zhig tu don cung zad cig yod par gyur te/ des chung ma de la bsgo ba/ bzang mo kho bo yul 'di zhes bya ba'i ri drung gi grong du don cung zad cig yod par gyur te der 'gros/ khyod kyis de bzhin du sbyin gnas rnams la bshos gsol cig ces byas pa dang / de g.yos kun tu spyod de/ g.yo med pa ltar jo bo'i sras legs kyis bshos gsol lo zhes smras so/ /de song nas bdag gis chung ma la bsgo zin na dge slong la yang bsgo'o snyam du sems te de gtsug lag khang du song nas/ dge skos kyi rkang pa la phyag 'tshal te smras pa/ 'phags pa bdag yul 'di zhes bya ba'i ri brags kyi grong der don cung zad cig mchis par gyur te bdag der mchis khyod kyis de bzhin du dge 'dun gyis bskos pa'i dge slong gtang bar gsol/ des khyim bdag de bzhin du legs kyis gtang ngo zhes smras so/ /de nas khyim bdag des ston pa dang / chos dang / dge 'dun la phyag byas te ri brags kyi grong der song ngo / /dge 'dun gyis bskos pa'i dge slong dag phan tshun tshe dang ldan pa khyim bdag de'i chung ma ma dad pas gdugs tshod las snga zad du 'dong ngo zhes gtam byas na de dag gdugs tshod las sngar dong ba dang / khyim bdag de'i chung mas mthong nas 'phags pa khyed ha cang sngar byon te ci de dag gi sug las gzhan ma mchis sam zhes nyes pa ngor brjod pa dang / de dag spa gong nas cang mi zer bar gdugs tshod bab kyi bar du 'khod nas zan zos te dong ngo / /des phyi de nyin mo zas dag snga zad du sbyar te stan bting nas bya ra byed cing 'dug go/ /dge slong dag gdugs tshod bab khar dong ba dang / des mthong nas dpyas pa dang / dge slong dag 13-1-122b gcig la gcig tshe dang ldan pa gnyis kar yang 'phyas/ ji lta bu yang rung zos la dong nas tshangs pa mtshungs par spyod pa la bsgo ste phyin chad 'dir ni dge slong dag kyang mi 'dong bar bya'o zhes smras nas zan zos te gtsug lag khang du dong ngo / /dge slong de dag gis ji lta bur gyur pa bzlas pa dang / dge slong dag phyis der mi 'dong bar gyur to/ /ji tsam na khyim bdag de slar 'ongs nas bzang mo yon gnas dag bsgo ba bzhin du bshos gsol tam zhes dris pa dang / des jo bo'i sras nyi ma gnyis shig /gshegs te bshos gsol nas ma gshegs par gyur to zhes smras pa dang / de skad thos nas gtsug lag khang du song ste/ 'phags pa ci'i slad du dge 'dun gyis bskos pa'i dge slong rnams ma btang zhes smras pa dang / de dag gis ji ltar gyur pa thams cad bzlas so/ /des 'phags pa de ltar na bdag gi zhing las skye ba'i 'bras de 'phags pa rnams la dbul gyis khyed 'dir gsol cig ces smras pa dang / des khyim bdag mi 'tshal lo/ /de ci'i phyir zhe na/ ma btsos pa'i 'bru len par bcom ldan 'das kyis ma gnang ngo zhes smras pa dang / de cang mi zer bar 'dug go/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ de lta bas na gnang gis dge 'dun gyi phyir 'bras long la the tshom du ma byed cig /gleng gzhi ni mnyan du yod pa na ste/ mnyan du yod pa na khyim bdag gzhan zhig gis gang zag gzhan zhig gi phyir gnas khang zhig brtsigs te bzhag nas de'i nang du mal stan dag kyang mang du phul te bzhag pa dang / dge slong dag gis mdzod chen po'i nang du gcig tu bsdus te bzhag go/ /dge slong des khyim bdag de la smras pa dang / des 'phyas 'dogs so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag khyim bdag de 'phya ba ni yus te/ de bas na mal stan ji ltar bsngos pa bzhin du spyad par bya ste/ der gang dag gnas pa de nyid dbang ngo / /de nas yang khyim 13-1-123a bdag des gnas khang der gos kyi rnyed pa mang zhig phul ba dang / de la mal stan 'ged pas dge 'dun gyi rnyed pa'i nang du brubs pa dang / dge slong des khyim bdag de la smras so/ /de yang 'phyas 'dogs so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag khyim bdag de 'phya ba ni yus te/ yon bdag gi dbang du byas long la dge slong dag khyim gyi rnyed pa de ni der gang gnas pa de dag nyid dbang ngo / /de dag gis dge slong de la 'thob pa gzhan dag ma byin pa dang / bcom ldan 'das kyis bka' stsal pa/ der yang dge 'dun gyir gtogs pa'i rnyed pa de dag las kyang byin cig /des kyang de la longs spyod du gyis la the tshom du ma byed cig /gleng gzhi'i nang nas sgo bzhi pa'i mdo'i tshigs su bcad pa dang po'o// //'dul ba gzhung dam pa/ 'dul ba gzhung dam pa/ bam po sum bcu rtsa drug pa/ mdor na/ gang zhig gang du gnas pa dang / /dge slong des kyang de rung ba/ /las kyang sar pa'i yo byad dag /zas dang mar me rung ba'o/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /mnyan du yod pa na khyim bdag gzhan zhig gis gtsug lag khang du gnas khang dag brtsigs nas der mal stan kyang phul/ rnyed pa dag kyang bcas pa dang / dge slong dag mal stan de dag kyang dge 'dun gyi nang du brubs te rnyed pa yang spyir bgos so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dngos po nges par 'gyur ba la ma bskyod cig /de na nges par gnas pa gang yin pa de dag gis spyad par bya ste/ rnyed pa yang bdag gir byos shig /dge slong dag gis de la rnyed pa gzhan ma byin pa dang / bcom ldan 'das kyis bka' stsal pa/ gnyi ga yang byin la ci bder spyod par bya ste/ 'on kyang dge slong rnams la ji ltar rgan rims su bsko bar bya'o/ /gleng gzhi ni mnyan du yod pa na ste/ mnyan du yod pa na khyim bdag gzhan zhig 13-1-123b 'dug pa de'i drung du bsod snyoms pa gzhan zhig der song nas skyabs su 'gro ba dang / bslab pa'i gnas la bzhag go/ /dus phyi zhig na yang nor las bsod nams su bya ba'i dngos po bdun po'i yon tan brjod pa dang / khyim bdag de rab tu dad par gyur nas/ 'phags pa bdag gis kyang nor las byas pa'i bsod nams kyi dngos po cung zad cig bgyi'o zhes smras pa dang / bsod snyoms pa des/ khyim bdag de bzhin du byos shig ces smras pa dang / 'phags pa ci zhig bgyi/ dge 'dun gyi gtsug lag khang byos shig /'phags pa bdag la kAr ShA pa Na ni mchis na/ bsod nams bya ba'i grogs dag ma mchis so/ /khyim bdag kAr ShA pa Na khyer te shog shig /ngas khyod kyi bsod nams kyi grogs bya'o zhes smras pa dang / des kAr ShA pa Na rnams byin nas las sar pa byed pa yang bskos so/ /des kAr ShA pa Na rnams gnas khang gi nang du bcug ste bzhag nas las cung zad tsam yang ma brtsams so/ /khyim bdag des 'di snyam du bdag gi gtsug lag khang ci tsam zhig byas pa ltar 'gro'o zhes bsams nas de der 'ongs na/ cung zad tsam yang ma byas par mthong ngo / /des bsod snyoms pa la 'phags pa ci'i phyir las dag ma brtsams zhes dris pa dang / las sar pa byed pas 'dir yo byad dag dgos so zhes smras pa dang / khyim bdag gis bdag gis kAr ShA pa Na phul ba de la las sar pa bya ba'i yo byad dag ci'i phyir mi sbyar/ des smras pa/ khyim bdag ngas phyogs bzhi'i dge 'dun gyi rdzas ma rung bar ji ltar bya zhes smras pa dang / 'phags pa de la nongs pa ma mchis kyis gyis shig /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ de ste khyim bdag gis bsgo na las sar pa'i yo byad de dag las sbyor cig /de la the tshom du ma byed cig /des de las sar pa'i yo byad sbyar te/ bsod snyoms pa des las sar pa yang byas nas bsod snyoms slong du song ba dang / khyim bdag des mthong nas 'phags pa khyod ni bsod snyoms spyod na bdag gi gtsug 13-1-124a lag khang gi las sar pa su bgyid ces smras pa dang / khyim bdag sems can thams cad ni zas la gnas na cing ltogs bzhin du khyod kyi gtsug lag khang gi las sar pa byed dam/ los kyang bsod snyoms la 'jug mod ces smras pa dang / des 'phags pa de lta na las sar pa'i rgyu de las bshos su mdzod ces smras pa dang / des ci'i phyir na ngas phyogs bzhi'i dge 'dun gyir bsngos pa bza' zhes smras pa dang / des 'phags pa de la gnod pa med kyis zo shig ces smras nas/ de ltar gyur pa dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de ste khyim bdag gis bsgo na de nyid la zan du zo shig /de la the tshom du ma byed par bza' bar gyis shig /de nas bsod snyoms pa de zas mi bzang ba zos pas gram par gyur pa dang / bcom ldan 'das kyis zas ngan pa ma za shig ces gsungs pa dang / zas bzang du za bar gyur nas/ bcom ldan 'das kyis bka' stsal pa/ zas bzang por yang ma za bar ji ltar gtsug lag khang gzhan gyi bza' ba'i thang de bzhin du zo shig /snum bag ma rnyed nas/ bcom ldan 'das kyis bka' stsal pa/ ji ltar gtsug lag khang gzhan na snum bag rnyed pa de ltar bya ste/ de la the tshom du ma byed cig /bsod snyoms pa des las sar pa'i yo byad dag blta ba'i phyir 'bru mar bsod snyoms su blangs pa dang / bcom ldan 'das kyis bka' stsal pa/ las sar pa'i rgyu las 'bru mar nyos shig /yo byad gzhan rnams ji dgos pa yang de las sbyar bar bya ste/ de la the tshom ma byed cig /gleng gzhi'i nang nas sgo bzhi pa'i mdo'i tshigs su bcad pa gnyis pa'o// //mdor na/ dge 'dun rnams kyi mal stan ni/ /bla gab med par mi bgo dang / /tshon dang lhung bzed las byed mi bgo ste/ /srod 'das mtshan mo mal stan bgo mi bya/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /drug sde dag gis dge 'dun gyi mal stan bgos nas tshon 13-1-124b gyi las byed gos 'khru 'tshed/ lhung bzed kyi las byed pas gos rnams mes tshig /dri ma can du yang gyur cing/ tshon gyis kyang ma rung bar gyur to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge 'dun gyi gos gyon la tshon gyi las ma byed cig /lhung bzed kyi las dang / gzhan yang shing gsheg pa'i las dag ma byed cig /byas na 'das pa dang bcas par 'gyur ro/ /gleng gzhi ni mnyan du yod pa na ste/ yang drug sde dag gis dge 'dun gyi gos rnams gyon nas bla gab med par tshon rtsi'i las byed cing char bab bzhin du 'dug nas gos ma rung bar gyur te/ de ltar gyur pa dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge 'dun gyi gos rnams gyon la bla gab med par char bab bzhin du ma 'dug shig /'dug na 'das pa dang bcas par 'gyur ro/ /gleng gzhi ni mnyan du yod pa na ste/ drug sde dag gzhongs spyad pa spyod pa las ri brags kyi grong gzhan zhig tu mtshan mo srod 'das te phyin pa dang / ri brags kyi grong de na gtsug lag khang zhig yod pa der 'ongs nas dge slong dag gis so sor bshes pa'i gnas su ngal bso ba la zhugs so/ /de dag gis smras pa/ tshe dang ldan pa dag ngal bso ba ni phyis byas/ mal stan bged pa bos la rgan rims bzhin du mal stan dang / gnas khang bgos shig /de dag gis tshe dang ldan pa dge slong kha cig nyal nas srod kyang 'khor na gnod par byas te ci rung gis/ gang du bshes pa'i gnas su nyol cig dang / sang nam langs nas gnas khang dang mal stan bgo bar bya'o zhes smras pa dang / de dag gis tshe dang ldan pa dag ston pa bzhugs bzhin du khyed kyis bstan pa dag zhig par bya'am/ gnas khang dang mal stan dag nged cag dang rgan rims su bgos shig ces smras pa dang / mal stan 'ged pas gnas khang dang mal stan dag 'ged pa la zhugs nas gsar bu rnams la ma bgos par nam nangs nas drug sde dag cung zad cig nyal nas/ nang par 13-1-125a sngar langs te mal stan dag slar phul nas dong ba dang / dge slong dag gis ci'i phyir na mal stan dag slar phul/ de dag gis tshe dang ldan pa dag nged cag mchod rten la phyag 'tshal du 'ongs te da ni slar 'dong ngo zhes smras pa dang / de dag gis tshe dang ldan pa dag de ltar na khyed cag gis mtshan rangs dge slong dag gtses te ci bya zhes smras pa dang / de dag gis tshe dang ldan pa dag bstan pa brtan par bya ba'i phyir byas kyi/ nged la nyes pa ci yod ces smras pa dang / dge slong dag gis dpyas btags so/ /de ltar gyur pa de dge slong dag gis bcom ldan 'das la gsol pa dang / bcom ldan 'das kyis bka' stsal pa/ de lta bas na mtshan mo srod 'khor phan chad stan dag ma bgo shig /de ste glo bur du nub mo 'ongs na gang mdza' ba'i gnas su 'dug la/ de ste nam langs nas kyang 'dug par gyur na gnas khang yang bgos shig /mal stan yang byin cig /gleng gzhi ni mnyan du yod pa na ste/ drug sde dag gzhongs spyad pa spyod cing dong nas ri brags kyi grong gzhan zhig tu phyin nas ri brags kyi grong de na gtsug lag khang zhig yod pa der phyin nas dge slong dag gis gang mdza' ba'i gnas su bzhag ste/ de nas mal stan bgo bar byed pa na rgan rims kyi khri'u'i steng du de dag nan gyis 'dug nas de dag la rgan rims kyis kyang bslang bar ma nus so/ /gang gi tshe mal stan dag bgos pa dang / de'i tshe rgan rims kyi khri'u de dag lhan cig spyod pa dang / nye gnas rnams la byin nas mal stan ma thob pa rnams 'phya bar gyur to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong gsar bu rnams 'phya ba yus te/ de bas na rgan rims kyi khri'u dag dang / chung ngu na stan dag kyang rgan rims su bgos shig /gleng gzhi'i nang nas sgo bzhi pa'i mdo'i tshigs su bcad pa gsum pa'o// //mdor na/ snam phyi sa dang bkru ba'i sa/ /gci ba'i sa dang rkang pa bkrus/ /phyi ba snod dang gzar bu dang / /rnam pa sna tshogs de bzhin no/ /sangs rgyas 13-1-125b bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /drug sde dag snam phyi sa'i sgo na 'chag cing gtam zer zhing 'dug nas/ dge slong dag la gnod par byed de/ tshe dang ldan pa dag skad cig sdod cig /nged cag rgan rims su bya'o zhes smras nas de dag gis de'i nye 'khor du ston cing kha ton yang byed/ btso blag gi las kyang byed nas/ dge slong dag snam phyi sar 'dong du yang ngo tsha nas bshang gci la sogs pa yang bag yangs su byar med/ ji ltar 'ongs pa bzhin nang du 'jug tu yang med par de dag gis bgags pa dang / de dag thams cad nad du gyur te de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong dag gis snam phyi sar song nas gtam zer zhing ma 'dug shig /de'i nyen kor du ston par yang ma byed cig /klog par yang ma byed cig /kha ton yang ma byed cig /btso blag gi yas kyang ma byed cig /dge slong dag gis snam phyis na gtam zer zhing 'dug gam/ rim bzhin du byed dam/ de'i nyen kor du ston tam/ kha ton byed dam/ klog gam/ btso blag gi las byed na 'das pa dang bcas par 'gyur ro/ /dge slong dag bkrus na 'khru zhing 'dug pa ma zin par drug sde dag gis nged rgan no zhes zer nas bslang ngo / /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag gis bkru sar dge slong bkru ba ma zin pa ma bslang shig /bslang na 'das pa dang bcas par 'gyur ro/ /dge slong dag gci sar song ba dang / phyis drug sde dag der 'ongs te/ nged cag rgan gyis ji ltar rgan rims su 'jug go zhes smras pa dang / de dag 'phya bar gyur to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag rgan rims su gci sar ma 'jug par ji ltar 'ongs pa'i rim bzhin du zhugs shig /dge slong dag gis ji ltar rgan rims bzhin du 'jug 13-1-126a na 'das pa dang bcas par 'gyur ro/ /drug sde dag gis dge slong dag rkang pa 'khru zhing 'dug pa la/ bkru ma zin par rkang pa 'khru ba'i 'og gzhi rgan rims su bya'o zhes te khyer ba dang / de dag 'phya bar gyur to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag gis dge slong dag gi rkang pa bkru ma zin par rkang pa bkru ba'i gzhi ji ltar rgan rims bzhin du ma bkur cig /dge slong gis dge slong gi rkang pa bkru ba ma zin par rkang pa bkru ba'i gzhi rgan rims bzhin du khyer na 'das pa dang bcas par 'gyur ro/ /drug sde dag gis dge slong dag gdong phyi bas gdong phyis ma zin par rgan rims su bya'o zhes zer nas gdong phyi ba khyer ba dang / de dag 'phya bar gyur to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag gis dge slong dag gi gdong phyi ba ma zin par rgan rims su ma bkur cig /dge slong gis dge slong dag gi gdong phyi ba ma zin par gdong phyi ba rgan rims su khyer na 'das pa dang bcas par 'gyur ro/ /de bzhin du snod dang / gzar bu dang / kha gzar la sogs pa yang rgyas par sbyar bar bya'o/ /gleng gzhi'i nang nas sgo bzhi pa'i mdo'i tshigs su bcad pa bzhi pa'o// //mdor na/ bum pa dang ni gzhong khung dang / /lhung bzed nag po btung phor dang / /spu gri'i bdar dang sen bcad pa/ /smang tsher dang ni rkang rten no/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /drug sde dag gis dge slong dag btso blag gi las byed pa ma zin par dge 'dun gyi tshon gyi bum pa rgan rims bzhin du bya'o zhes zer te khyer ba dang de dag 'phya bar gyur nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag gis btso blag gi las byed pa ma zin par dge 13-1-126b 'dun gyi tshon gyi bum pa dag rgan rims su ma bkur cig /dge slong gis dge slong dag gi btso blag gi las byed pa ma zin par dge 'dun gyi tshon gyi bum pa rgan rims su khyer na 'das pa dang bcas par 'gyur ro/ /bum pa la ji lta ba de bzhin du gzhong khung la yang de bzhin no/ / drug sde dag gis dge slong dag zas za ba ma zin par lhung bzed nag po rgan rims su bya'o zhes zer nas khyer ba dang de dag 'phya bar gyur nas/ dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong gis dge slong dag zan bza' ba ma zin par lhung bzed nag po rgan rims su ma bkur cig /dge slong gis dge slong dag zan bza' ba ma zin par lhung bzed nag po rgan rims su khyer na de dag 'das pa dang bcas par 'gyur ro/ /drug sde dag gis dge slong dag zan za zhing skom phyed tsam 'thungs pa dang / btung ba'i phor bu rgan rims su bya'o zhes zer nas khyer te de dag 'phya bar gyur nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag gis dge slong dag zan za zhing skom phyed tsam 'thungs pa la btung ba'i phor bu rgan rims su ma bkur cig /dge slong dag gis dge slong dag zan za zhing skom phyed tsam 'thungs pa la phor bu rgan rims su khyer na 'das pa dang bcas par 'gyur ro/ /drug sde dag gis dge slong dag skra phyed tsam bregs pa dang / spu gri yang rgan rims su bya'o zhes zer te khyer ro/ /de dag 'phya bar gyur nas de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag gis dge slong skra dang kha spu phyed tsam bregs pa la spu gri rgan rims su ma bkur cig /dge slong dag gis dge slong dag skra dang kha spu phyed tsam bregs pa dang spu gri rgan rims su khyer na 'das pa dang bcas par 'gyur ro/ /drug sde dag gis dge slong dag skra dang kha spu 'breg pa'i spu gri rnon por bya ba'i bdar la phyed tsam bdar ba dang / bdar rgan rims su 13-1-127a bya'o zhes zer te khyer ba dang / de dag 'phya bar gyur to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag gis dge slong dag gi skra dang kha spu 'breg pa bdar la phyed tsam bdar nas rgan rims su ma bkur cig /dge slong dag gis dge slong dag skra dang kha spu 'breg pa'i spu gri bdar la phyed tsam bdar ba la rgan rims su khyer na 'das pa dang bcas par 'gyur ro/ /drug sde dag gis dge slong dag sen mo phyed tsam bcad pa dang / sen mo bcad pa rgan rims su bya'o zhes zer nas khyer ro/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag gis sen mo phyed tsam bcad pa la sen mo gcod pa rgan rims su ma bkur cig /dge slong gis dge slong dag gi sen mo phyed tsam bcad pa las sen mo gcod pa rgan rims su khyer na 'das pa dang bcas par 'gyur ro/ /drug sde dag gis dge slong dag sna spu phyed tsam btogs pa dang / sna spu btog pa'i smang tsher rgan rims su bya'o zhes zer te khyer ro/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag sna spu phyed tsam btogs pa la sna spu btog pa'i smang tsher rgan rims su ma bkur cig /khyer na 'das pa dang bcas par 'gyur ro/ /drug sde dag gis dge slong dag dge 'dun gyi khri rkang rten du bcas pa la nyal zhing 'dug pa dang / rgan rims su bya'o zhes zer te khyer ba dang / de dag 'phya bar gyur nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag dge 'dun gyi khri rkang rten can gyi steng du nyal ba la rgan rims su ma bkur cig /dge slong dag gis dge slong dag khri rkang rten can gyi steng du nyal zhing 'dug pa la rkang rten rgan rims su khyer na 'das pa dang bcas par 'gyur ro/ /gleng gzhi'i nang nas sgo bzhi pa'i mdo'i tshigs 13-1-127b su bcad pa lnga pa'o// //mdor na/ gtan pa skud pa gnyis pa dang / /gri dang khab dang blang ba dang / /gzhan yang 'di ltar ma zin par/ /bslang bar bya ba ma yin pa'o/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /drug sde dag gis shing leb kyi steng du sbyar ma dang / stod g.yogs dang / mthang gos dag dge 'dun gyi shing leb kyi steng du phyed tsam bting ba dang / rgan rims su bya'o zhes zer te khyer ro/ /de dag 'phya bar gyur nas/ dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag dge 'dun gyi shing leb kyi steng du sbyar ma dang stod g.yogs dang / mthang gos dag phyed tsam bting ba la dge 'dun gyi shing leb de rgan rims su ma bkur cig /dge slong dag gis dge slong gi dge 'dun gyi shing leb kyi steng du sbyar ma dang / stod g.yogs dang mthang gos dag phyed tsam bting ba la dge 'dun gyi shing leb rgan rims su khyer na 'das pa dang bcas par 'gyur ro/ /drug sde dag gis dge slong dag gi chos gos dge 'dun gyi skud pas phyed tsam drubs pa dang rgan rims su bya'o zhes zer nas khyer ba dang / de dag 'phya bar gyur te/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong gis dge slong dag gi chos gos dge 'dun gyi skud pas phyed tsam btsems pa las rgan rims su ma bkur cig /dge slong dag gis dge slong dag gi chos gos dge 'dun gyi skud pas phyed tsam btsems pa las rgan rims su khyer na 'das pa dang bcas par 'gyur ro/ /drug sde dag gis dge slong dag gi chos gos dag tshon las phyed tsam btso blag byas te/ dge 'dun gyi btso blag gi srad bu la bres pa dang / rgan rims bzhin bya'o zhes zer te khyer ro/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag gis dge slong dag gi 13-1-128a gos phyed tsam btso blag byas nas/ dge 'dun gyi btso blag gi srad bu la bres pa rgan rims su ma bkur cig /dge slong dag gis dge slong dag gi gos phyed tsam btso blag byas pa dge 'dun gyi btso blag gi srad bu la bres pa rgan rims su khyer na 'das pa dang bcas par 'gyur ro/ /drug sde dag gis dge slong dag gi chos gos dge 'dun gyi gris phyed tsam dras pa dang / rgan rims su bya'o zhes zer te khyer ba dang / de dag 'phya bar gyur te/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag gis dge 'dun gyi gris chos gos phyed tsam dras pa rgan rims su ma bkur cig /dge slong dag gis dge slong gi chos gos dge 'dun gyi gris phyed tsam dras pa rgan rims su khyer na 'das pa dang bcas par 'gyur ro/ /drug sde dag gis dge slong dag chos gos dge 'dun gyi khab kyis phyed tsam drubs pa la rgan rims bzhin bya'o zhes zer nas khyer ba dang / de dag 'phya bar gyur te/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag gis dge slong dag gi chos gos dge 'dun gyi khab kyis phyed tsam drubs pa rgan rims su ma bkur cig /dge slong dag gis dge slong gi chos gos dge 'dun gyi khab kyis phyed tsam drubs pa rgan rims su khyer na 'das pa dang bcas par 'gyur ro/ /drug sde dag gis dge slong dag skra phyed tsam bregs pa dang / dge 'dun gyi skra bzed pa'i ras rgan rims bzhin bya'o zhes zer te khyer ba dang / de dag 'phya bar gyur to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag gis dge slong dag skra phyed tsam bregs pa dang / dge 'dun gyi skra bzed pa'i ras rgan rims su ma bkur cig /dge slong dag gis dge slong dag skra phyed tsam bregs pa dang / dge 'dun gyi skra bzed pa'i ras rgan rims su khyer na 'das pa dang bcas par 'gyur ro/ /drug sde dag gis 13-1-128b gang yang rung ba'i gnas su gzhan dang gzhan gyi las ma zin par dge 'dun gyi stan gyi steng na 'dug pa dang / rgan rims bzhin bya'o zhes zer nas bslang ste btang nas de dag 'phya bar gyur to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong dag gis gang yang rung ba'i gnas su gzhan dang gzhan gyi las ma zin par dge 'dun gyi stan gyi steng du 'dug pa la rgan rims su bya'o zhes ma bslang shig /dge slong dag gis dge slong dag gang yang rung ba'i gnas su gzhan dang gzhan gyi las ma zin bzhin du dge 'dun gyi stan gyi steng na 'dug pa la rgan rims su bya'o zhes bslang ste btang na 'das pa dang bcas par 'gyur ro/ /gleng gzhi'i nang nas sgo bzhi pa'i mdo'i tshigs su bcad pa drug pa'o// //mdor na/ mu stegs kun tu rgyu ba dang / /mngon mtshan bdag shi byin pa med/ /yid ches par ni gzung ba lnga/ /gnyer phyir nye spyod dge slong ma'o/ /sangs rgyas bcom ldan 'das rgyal po'i khab 'od ma'i tshal bya ka lan da ka gnas pa na bzhugs te/ bcom ldan 'das kyis gang gi tshe yul mnyam dka'i rgyal po gzugs can snying po mkhas pa can lha stong phrag brgyad bcu dang / yul mnyam dka'i bram ze dang / khyim bdag brgya phrag stong dang bcas te bcom ldan 'das kyis bden pa la bkod pa de'i tshe na rgyal po'i khab tu 'di ltar kye khyed cag rgyal po'i khab na gnas pa dang / yul so so nas lhags pa'i skye bo mang po dag nyon cig /rgyal po nga'i yul na su yang rkun po ma byed cig /gang gis byas pa de ngas yul dang phral te gtang ngo / /nor bdag la ni nga nyid kyi mdzod dang bang ba nas sbyin no zhes dril chen bsgrags so/ /gang gi tshe bcom ldan 'das kyis yul ko sa la'i rgyal po gsal rgyal dar la bab pa lta bu'i mdo sdes btul ba de'i tshe na des kyang mnyan du yod par 'di ltar rgyal po nga'i yul na su yang rkun po ma byed cig /gang gis nga'i yul du rkun po byas pa de chad pa gsad pas bcad la/ nor bdag la ni nga nyid kyi bang ba dang 13-1-129a mdzod nas sbyin no zhes dril chen bsgrags so/ /de'i tshe na gang yul mnyam dka' na gnas pa'i rkun po rnams dang gang yul ko sa la na gnas pa'i rnams de'i sa mtshams kyi bar du dong nas 'khod do/ /yul mnyam dka' na gnas pa'i rkun po rnams dang / yul ko sa la na gnas pa'i rnams thams cad sa mtshams kyi bar du dong ste 'khod nas/ 'gron pa mang po dag 'dzoms so zhes de skad kyi sgra kun du grags so/ /de dag gis thos nas yul mnyam dka'i 'gron pa mang po bsel dang lhan cig yul ko sa lar 'dong ngo / / yul ko sa la nas kyang yul mnyam dkar de bzhin du 'dong ste/ ji tsam du dus phyi zhig na yul mnyam dka' nas 'gron pa mang po bsel dang bcas te/ yul ko sa lar dong ba dang / de dag gang gi tshe mtshams las 'das nas yul ko sa lar phyin pa de'i tshe de nas ded dpon gyis smras pa/ kye ko sa la'i rgyal po gsal rgyal ni mi srun la gtum zhing khro ste dpa' zhing mthu dang ldan no zhes grag gis/ gal te 'gron pa mang po dang bdag cag rnams bcom na yang bsab par nus kyis/ bsel ba de dag slar khye shig ces smras pa dang / 'gron pa mang po dag gis smras pa/ de ltar na de bzhin du bgyi'o zhes smras nas bsel de dag slar bkye'o/ /rkun po rnams kyis bya ra btsugs te bsdad pa dang / bya ra bas bsel ba slar log pa mthong nas/ des kye bsel ba rnams slar log gis 'gron pa mang po gzhom mo zhes smras nas 'gron pa mang po de dag shing sA la'i dgon par phyin pa dang / bcom mo/ /de la tshong pa kha cig ni bsad/ kha cig ni bros so/ /de la bros pas mgo rdul gyis gang bar byas te rgyal po gsal rgyal gyi drung du song nas/ lha la bdag cag ni tshong pa lags na/ khyed kyi yul du phyin na tshong pa ma lags par gyur to/ /ci byas/ lha bdag cag ni rkun pos bcom mo/ /rgyal po gsal rgyal gyis 'phags skyes po la bka' stsal pa/ gzhon nu myur du rings par song la rkun po dang nor rnams zung la 'on cig ces bsgo ba dang / lha de bzhin du bgyi'o 13-1-129b zhes nas dmag dpon 'phags skyes pos yul ko sa la'i rgyal po gsal rgyal las mnyan te/ dpung gi tshogs yan lag bzhi pa bal glang gi tshogs dang / rta'i tshogs dang / shing rta'i tshogs dang / dpung bu chung gi tshogs rnams go cha bskon te myur bar rings su shing sA la'i dgon par dong ba dang / rkun po dag de'i bar dgon pa na shing sA la stug po'i nang du zhugs te bag yangs su nor bgod cing 'khod pa dang / 'phags skyes pos de'i steng du brdzis te/ de dag gis rkun po kha cig ni bsad/ kha cig ni bros/ kha cig ni gson por bzung ngo / / de nas rkun po'i g.yul las rgyal te/ rkun po dang bcom pa'i nor rdzas dag khyer te/ rgyal po'i drung du song ste/ rkang pa la gtugs nas/ lha 'di dag ni rkun po'i nor ro zhes smras pa dang / rgyal pos tshong pa dag la kye de dag bdag bdag gi nor dag ngo shes par byos la slar khyer cig ces bsgo ba dang / de na mu stegs kun du rgyu ba dang / dge slong dag kyang bcom pa'i nang du gtogs nas rgyal pos de thams cad phrogs pa'i nor rdzas slar byin pa dang / kun du rgyu ba'i rang gi gos btsag gi nang du bcos pa dang / dge slong dag gi yang khyer ro/ /dge slong dag gis bdag cag gi gos btsag gi nang du btsos pa ngo ma shes nas de dag rkun du rgyu ba dang / lhan cig tu thab mo byung ba dang / kun du rgyu ba mang po de dag gis de dag khyer ba dang / rgyal po'i drung du song ste/ lha bdag cag gi gos btsag gi nang du btsos pa mu stegs can kun du rgyu bas 'tshal te slar mi ster to zhes smras pa dang / rgyal pos mu stegs kun du rgyu ba de dag bkug ste/ kwa'i 'phags pa dag gi gos dag ci'i phyir bkur gyis slar phul cig ces bsgo ba dang / de dag gis lha btsag gi nang du btsos pa 'di dag ni bdag cag gi gos so zhes smras pa dang / rgyal pos 'phags pa dag khyed kyi gang yin pa shes par gyis la khyer cig ces smras so/ /dge slong dag gis gcig nas gcig tu phyung ste bltas pa dang / kha cig ngo shes te lha 'di dag ni bdag cag gi gos so zhes smras pa 13-1-130a dang / rgyal pos mu stegs can kun du rgyu ba dag la e ma'o mu stegs can kun du rgyu ba 'jab bur rku ba rkun ma yin na/ khyed cag ni rkun po chen po yin no zhes smras pa dang / de dag lan med nas cang mi zer bar 'khod do/ /rgyal pos smras pa/ kye 'phags pa khyed cag gis da phan chad chos gos la mngon mtshan bya ba'i rigs so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag rgyal po de skad zer ba yus te/ de bas na chos gos dag mngon mtshan thob shig /kha chag dang 'or thabs su drubs shig /sgro gu yang thogs shig /bcom ldan 'das kyis mngon mtshan thob shig ces gsungs na/ dge slong dag gis mi shes nas/ bcom ldan 'das kyis bka' stsal pa/ chos gos kyi mthar snag tsha'i thig le byos shig /gleng gzhi ni mnyan du yod pa na ste/ mnyan du yod pa na khyim bdag gzhan zhig gis de'i rigs mnyam pa zhig las chung ma zhig blangs nas/ de dang lhan cig tu rtse dga' yongs su spyod do/ /de dang lhan cig tu rtse dga' yongs su spyod pa las de dus phyi zhig na chung ma sems can dang ldan par gyur nas/ de zla ba brgyad dam dgu 'das pa dang / bu khye'u zhig btsas te zhag bdun gsum nyi shu gcig gi bar du btsas pa'i btsas ston chen po byas so/ /de rigs dang mthun par ming yang btags nas de bsrings bskyed de cher gyur pa dang / dus phyi zhig na de'i ma dus las 'das so/ /khyim bdag des kyang chung ma zhig blangs nas de dang lhan cig tu rtse dga' yongs su spyod do/ /rtse dga' yongs su spyad pa las dus phyi zhig bu pho gsum zhig btsas te/ de dag kyang rigs dang mthun par ming btags so/ /'di ltar dgra'i nang na chen chun 'thab pa gcugs che ste/ mos ma shi ba'i bu khye'u chen po de la rtag par gtses pa dang / de ma dran nas yi chad de yul gzhan du song ba las legs par gsungs pa'i chos 'dul ba la rab tu byung ngo / /de nas dus 13-1-130b phyi zhig na khyim bdag de na bar gyur nas/ de rtsa ba dang / sdong bu dang / lo ma dang / me tog dang / 'bras bu dag gis sman byas kyang de'i nad tha gi bar ma gyur nas/ de na ba'i sdug bsngal gyis ring po mi thogs par dus 'da' bar shes nas/ des khyim tshes dag bsogs te 'dus nas de'i nang du bu la smras pa bu dag khyed cag gi phu bo chen po dge sbyong shAkya'i sras kyi nang du rab tu byung ba de yang khyed kyis nor skal byin ces smras nas/ bsags pa kun mtha' zad par 'gyur/ /mtho ba'i mtha' ni 'jig par 'gyur/ /'dus pa'i mtha' ni 'gyes par 'gyur/ / chos kyi mtha' ni zhi bar 'gyur/ /dus kyi chos dang ldan par gyur to/ /de'i bu ljongs spyod cing 'dug pa des bdag gi pha dus 'das so zhes thos te/ de yang 'di snyam du bdag song la ma yar mo dang nu bo dag gi mya ngan bsang gis chos bshad du 'gro'o snyam du sems nas/ de ji tsam dga' ba'i bar du gzhongs spyad de/ mnyan du yod pa gang na ba de logs su gzhongs spyod cing song ngo / /rim bzhin du spyod cing mnyan du yod par phyin nas lam gyi ngal bsos te bdag gi khyim du 'ongs pa dang / nang gi skye bo dag gis mthong nas ngus te ngu ba'i sgra dag khyim tshes dag gis thos nas de dag 'dus te kha cig ni skad phyung ste ngu / kha cig ni mig mchi mas gang zhing 'dug nas/ so so'i skye bo dag ni 'dod chags dang ldan pas gnyen dang bral bar gyur pas mya ngan gyis mig mchi mas gang ngo / /de yang ngu ga khyer zhing 'dug go/ /de na rgan mo gzhan zhig gis bu khyod kyi phas ni nor skal byin par nged kun gyis kyang thos na ma ngu shig /skye ba yod na 'chi bar 'gyur ro zhes smras pa dang / des cung zad tsam zhig gi bar du sems shing 'dug nas/ des ma yar mo dang nu bo dag la chos bshad do/ /de dag mya ngan cung zad sangs nas/ de dag gis khyod kyi nor skal dag long shig ces smras pa dang / des bsams pa/ bcom ldan 'das kyis nga 'das nas byin pa ni med do zhes gsungs na/ ji ltar blang snyam du bsams nas/ tshe dang ldan pa dag nga ni rab tu byung ba la nor rdzas kyis byar med pa'i steng du bcom ldan 13-1-131a 'das kyis kyang nga 'das nas byin pa med do zhes gsungs kyis/ khyed cag nyid khyer cig ces smras pa dang / de dag gis nyes pa ngor brjod pa/ 'phags pa long la sbyin pa yang byin cig /bsod nams kyang byos shig /de la nyes pa ci zhig yod ces smras so/ /de ltar gyur pa dge slong dag la smras pa dang / dge slong dag gis bcom ldan 'das la gsol nas/ bcom ldan 'das kyis bka' stsal pa/ dge slong dag khyim pa la ni re ba yod/ rab tu byung ba la ni re ba med pa'i phyir te/ khyim pa dag la ni nga 'das na byin cig pa ni khyim bdag gi ste brtsan no/ /rab tu byung ba la ni de lta bu med do/ /de bas na khyim pas de bur bsams te byin pa long shig /sangs rgyas dang chos dang dge 'dun la bya ba'i phyir te de la the tshom du ma byed cig /gleng gzhi ni mnyan du yod pa na ste/ dge slong dag lci ba'i ri lu dang / so shing dang / bkru ba'i yo byad dang / ba lang gi lci ba rnams 'chag sa dang khyams dang sgo khang dag tu bor nas ljongs spyad pa spyod du 'dong ngo / /de dag la dge slong dag gis the tshom skyes nas ma spyad do/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ yid gcugs pa rnam pa lnga las ni long shig /mdza' ba dang / yid 'dres pa dang / bla ma dang / mi 'gyur ba dang / thos na dga' bar 'gyur ba'i ste/ yid gcugs pa rnam pa de lnga la ni spyad par bya ste/ de la the tshom du ma byed cig /gleng gzhi ni mnyan du yod pa na ste/ mnyan du yod pa na khyim bdag gzhan zhig 'dug pa des rigs mnyam pa las chung ma zhig blangs nas/ de dang lhan cig tu rtse dga' yongs su spyod do/ /de la rtse dga' yongs su spyad pa las dus phyi zhig na chung ma sems can dang ldan par gyur nas/ de zla ba brgyad dam dgu 'das pa dang / bu mo zhig btsas nas de zhag bdun gsum nyi shu rtsa gcig gi bar du btsas pa'i btsas ston chen po byas nas rigs dang mthun par ming btags te/ de bsrings bskyed de cher gyur pa dang / khyim bdag gzhan zhig gis 13-1-131b de bslangs te/ de rdzangs la sogs pa brdzangs te btang ngo / /dus phyi zhig na khyim pa de dus 'das nas de khyo dang bral ba'i mya ngan gyis gdungs nas legs par gsungs pa'i chos 'dul ba la rab tu byung ngo / /de dus phyi zhig na mu ge byung nas bsod snyoms slong zhing 'dug pa dang / de bsod snyoms spyod pa las srang zhig tu de'i phas mthong nas/ des smras pa/ bu mo da ltar gang na ji ltar 'tsho zhing 'dug ces smras pa dang / des pha mu ge byung nas bdag rab tu bkres shing 'dug go zhes smras pa dang / des bu mo de ltar na khyod rab tu ma byung na ni ngas khyed la mi 'dod bzhin du sbyin na/ da bsod snyoms ma byed par bdag gi khyim du zan za zhing dbyar mo khang du song zhig /des khas blangs nas de grogs gcig dang gnyis kyis zos shing dbyar mo khang du song ngo / /zhag du ma zhig gi bar du der zos nas/ bu bsod snyoms pa gnyis ni zas sbyin par mi nus kyis/ khyod gcig pu 'dir zan zos shing song shig ces smras pa dang / des pha bcom ldan 'das kyis gcig pur grong du 'gro bar ma gnang ngo zhes smras pa dang / de cang mi zer bar 'dug go/ /de ltar gyur pa dge slong ma dag la smras pa dang / dge slong ma dag gis dge slong la smras nas/ dge slong dag gis bcom ldan 'das la gsol nas/ bcom ldan 'das kyis bka' stsal pa/ de ltar na ngas gnang gis dus 'di 'dra ba la ni dge slong mas dge slong ma'i dge 'dun la gnyen dang / lhan cig 'dre bar nye spyod kyi sdom pa gsol cig /gsol pa ni 'di ltar gyis shig /stan bting ba la gaN+DI brdungs te/ dge slong ma'i dge 'dun dag 'dus shing 'khod pa dang / ji ltar rgan rims su phyag byos la/ rgan rims kyi mdun du pha gu'am stan nang tshangs can gyi steng du 'dug nas thal mo sbyor la tshig 'di skad ces smros shig /gson cig 'phags ma'i dge 'dun ma rnams bdag ming 'di zhes bgyi bas/ 'di 'dra ba'i mu ge'i dus la bab nas bsod snyoms bslang ba yang mi nus na/ 'phags ma'i dge 'dun ma la bdag ming 'di zhes bgyi ba 'phags ma'i dge 'dun ma 13-1-132a las gnyen dang lhan cig tu 'dre bar nye spyod kyi sdom pa gsol na/ 'phags ma'i dge 'dun ma dag gis bdag ming 'di zhes bgyi ba la gnyen dang lhan cig 'dre bar nye spyod kyi sdom pa gsol cig /brtse ba can brtse ba'i phyir ro/ /de ltar lan gnyis lan gsum du brjod par bya'o/ /de'i 'og tu dge slong ma gcig gis gsol ba gyis la las byos shig /gson cig 'phags ma'i dge 'dun ma rnams/ dge slong ma ming 'di zhes bgyi ba 'di 'di ltar mu ge'i dus la bab ste/ 'phags ma'i dge 'dun ma dag las gnyen dang lhan cig tu 'dre bar nye spyod kyi sdom pa gsol na/ de ste 'phags ma'i dge 'dun ma rnams kyis dus la bab cing bzod na 'phags ma'i dge 'dun ma rnams kyis gnong la/ 'phags ma'i dge 'dun gyis dge slong ma ming 'di zhes bgyi ba 'di gnyen dang lhan cig tu 'dre bar nye spyod kyi sdom pa stsol cig /'di ni gsol ba'o/ /las kyang 'di bzhin du bya'o/ /gson cig 'phags ma'i dge 'dun ma rnams/ dge slong ma ming 'di zhes bgyi ba 'di 'di ltar mu ge'i dus la bab ste/ 'phags ma'i dge 'dun ma rnams la gnyen dang lhan cig 'dre bar nye spyod kyi sdom pa gsol te/ de las 'phags ma'i dge 'dun ma rnams kyis dge slong ma ming 'di zhes bgyi ba 'di 'di ltar mu ge'i dus la bab na gnyen dang lhan cig 'dre bar nye spyod kyi sdom pa gsol na/ 'phags ma rnams las gang la dge slong ma ming 'di zhes bgyi ba mu ge'i dus la bab ste/ gnyen 'dun dang lhan cig tu 'dre bar nye spyod kyi sdom pa stsal bar bzod pa ni cang ma gsung shig /mi bzod pa ni smros shig /'phags ma'i dge 'dun gyis dge slong ma ming 'di zhes bgyi bas gnyen dang lhan cig tu 'dre bar nye spyod kyi sdom pa stsal te de de bzhin du 'dzin to/ /dge slong mas gnyen dang lhan cig tu 'dre bar nye spyod kyi sdom pa dge 'dun ma dag gis byin par gyur na/ gcig pu gnyen gyi khyim du zas za bar gyis la de la the tshom du ma byed cig /nam mu ge'i tshe ni rjes su gnang ngo / /de ma yin par ma gnas shig /mu ge ma 13-1-132b byung bar gnas na 'das pa dang bcas par 'gyur ro/ /gleng gzhi'i nang nas sgo bzhi pa'i mdo'i tshigs su bcad pa bdun pa'o// //mdor na/ bskyi ba la ni rnam pa gnyis/ /ras la yang ni rnam gsum ste/ /nyo bar yang ni 'dod pa dang / /sder bsdus par ni gyur pa'o/ / sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /dge slong gzhan zhig gis khyim bdag cig las kAr ShA pa Na zhig bskyis pa dang / de dus kyi mtha' zhig tu ci zhig gis dus 'das nas/ dge slong de ji ltar dus 'das pa khyim bdag des thos so/ /dge slong de ji ltar dus 'das pa khyim bdag des thos nas gtsug lag khang du song ste shes bzhin du dge slong dag la dris pa/ 'phags pa 'di zhes bgyi ba'i dge slong de gang na mchis/ de dag gis smras pa/ bzhin bzangs dus 'das so/ /'phags pa des bdag gi kAr ShA pa Na zhig bskyis te 'tshal to/ /bzhin bzangs de ni dur khrod du bskyal gyis der song ste dos shig /'phags pa khyed kyis de'i lhung bzed dang / chos gos bgos na bdag gis ji ltar dur khrod du song ste bda'/ khyod kyis stsol cig ces smras pa dang / de ltar gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ dge slong dag khyim bdag des ni legs par smras te/ de'i nor las bskyis pa dge slong dag gis byin cig /de dag gis gang nas sbyin pa mi shes nas/ bcom ldan 'das kyis bka' stsal pa/ de'i lhung bzed dang chos gos yod pa las byin cig /dge slong de dag gis lhung bzed dang chos gos de dag byin pa dang / lhung bzed dang chos gos de dag ma 'dod nas/ bcom ldan 'das kyis bka' stsal pa/ tshongs la byin cig /dge slong dag gis de dag thams cad byin no/ /bcom ldan 'das kyis bka' stsal pa/ ji tsam blangs pa de tsam du byin la lhag ma bgos shig /mnyan du yod pa na dge slong gzhan zhig gis khyim bdag cig las kAr ShA pa Na zhig bskyis pa 13-1-133a dang / de dus kyi mtha' zhig tu ci zhig gis 'das pa dang / dge slong de dag gis snga ma bzhin du lhung bzed dang chos gos btsongs nas de la byin no/ /khyim bdag gis smras pa/ 'phags pa der bdag las 'di tsam zhig 'tshal te/ bdag la ni 'di las ma stsal gyis/ gzhan yang stsol cig ces smras pa dang / de lta bur gyur pa dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de la de'i lhung bzed dang chos gos ni 'di las med do zhes sgo shig /de ste yid mi ches na go bar gyis shig /go bar bsgo yang mi btub na de la dge 'dun gyi'am/ gang zag gzhan gyi las ni ma sbyin cig /rigs kyi gzu bo rnams kyis go bar bsgo la thong shig /gleng gzhi ni mnyan du yod pa na/ dge slong zhig gis gos 'tshong ba las ras shig rin ma byin par blangs pa las dge slong de dus 'das nas/ dge slong de dus 'das so zhes gos kyi bdag po des thos nas/ de gtsug lag khang du 'ongs te shes bzhin du dge slong rnams la 'phags pa dge slong ming 'di zhes bgyi ba 'di ga la mchis zhes dris pa dang / de dag gis smras pa/ bzhin bzangs dus 'das so/ /'phags pa des bdag las ras shig rin sbyin par byas te khyer ro/ /bzhin bzangs de dur khrod du bskyal gyis der song la dos shig /'phags pa de'i chos gos dang lhung bzed ni khyed rnams kyis bgos na/ bdag ci'i phyir dur khrod du song ste bda'/ khyed rnams kyis byin cig de ltar gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ dge slong rnams gos 'tshong ba 'di smra ba ni bden gyis de ni byin cig /dge slong rnams kyis de'i ras nyid byin pa dang des 'phags pa rnams bdag la des rin thang 'di tsam du 'tshal to zhes smras pa dang / bcom ldan 'das kyis de nyid tshongs la byin cig ces bka' stsal pa dang / dge slong rnams kyis de btsong bar brtsams pa dang snga ma'i rin thang du ma lon nas/ bcom ldan 'das kyis 13-1-133b bka' stsal pa/ lhag ma ni chos gos dang lhung bzed rnams tshongs la byin cig /gleng gzhi ni mnyan du yod pa na/ dge slong zhig gis tha ga pa la ras 'thag pa'i phyir skud pa dang rngan pa byin pa las/ dge slong de dus 'das pa dang / dge slong rnams kyis tha ga pa la bos te bzhin bzangs khyod la dge slong ming 'di zhes bya bas ras 'thag pa'i phyir skud pa dang rngan pa byin pa de slar phul cig ces smras pa dang / des 'phags pa rnams bdag gis de la ras sbyin par byas kyi/ skud pa dang rngan pa ni ma lags so zhes smras pa dang / dge slong rnams kyis de ji ltar bya ba ma shes nas/ de ltar gyur pa dge slong rnams kyis bcom ldan 'das la gsol pa dang / bcom ldan 'das kyis dge slong rnams la bka' stsal pa tha ga pa smra ba ni bden gyis ras su long shig ces bka' stsal pa dang / dge slong rnams kyis phra mo las bkug pa dang / de la 'phags pa rnams bdag gis de la sbom po sbyin par byas so zhes smras pa dang / bcom ldan 'das kyis bka' stsal pa/ dge slong de ni dus 'das kyis ji ltar byin pa de lta bu long shig /gleng gzhi ni mnyan du yod pa na ste/ dge slong zhig gis gos 'tshong ba la kAr ShA pa Na byin te/ ras shig byin cig ces smras pa dang / dge slong de dus 'das nas dge slong rnams kyis gos 'tshong ba la bos te/ bzhin bzangs khyod la dge slong ming 'di zhes bya bas ras kyi rin zhig byin pa de 'on cig ces smras pa dang / des 'phags pa rnams de la ras su sbyin par bgyis so zhes smras pa dang / dge slong rnams kyis de la ji ltar bya ba mi shes so/ /de ltar gyur pa dge slong rnams kyis bcom ldan 'das la gsol nas/ bcom ldan 'das kyis dge slong rnams gos 'tshong ba de smra ba ni bden gyis/ ras su long shig ces smras pa dang / dge slong rnams kyis phra mo bkug nas des 'phags pa rnams bdag gis de la sbom po dbul bar bgyis so zhes smras pa dang / bcom ldan 'das kyis bka' stsal pa/ dge slong de ni dus 'das na/ ji lta bu byin pa de bzhin 13-1-134a long shig/ //'dul ba gzhung dam pa/bam po sum bcu rtsa bdun pa/ gleng gzhi ni mnyan du yod pa na ste/ drug sde rnams 'jig rten pa la grags par gyur te/ gang su yang rung nyo ba dang / btsong ba de dag de dag gi drung du dong nas/ 'phags pa dngos po 'dis ci ri zhes 'dri'o/ /de nas mnyan du yod pa na khyim bdag gnyis shig gcig ni gos nyo/ gcig ni 'tshong ste/ de gnyis rin thang gi gtam smra zhing 'khod pa'i steng du nye dga' bo phyogs der 'ongs pa dang / de gnyis kyis 'phags pa nye dga' bos bcad pa brtsan no/ /gcig na re yang de bzhin du brtsan par bya'o zhes smras nas/ de gnyis kyis tshe dang ldan pa nye dga' bo la 'phags pa gos 'di'i rin ji tsam zhes smras pa dang / des gcig la gsang ste bzhin bzangs khyod nyo ba'am 'on te 'tshong ba zhes dris so/ /des bdag ni nyo ba'o zhes smras pa dang / nye dga' bos 'di ni kAr ShA pa Na nyi shu ri'o zhes smras nas/ gnyis pa la yang gsang ste/ bzhin bzangs ci khyod nyo ba'am 'on te 'tshong ba zhes dris pa dang / des 'phags pa bdag ni 'tshong ba zhes smras pa dang / nye dga' bos 'di ni kAr ShA pa Na bzhi bcu ri'o zhes smras pa dang / de gnyis gsang ste bslus nas yang gnyi ga'i mngon sum du khyed cag ji lta bur legs pa de lta bur byos shig ces smras so/ /de la gang 'tshong ba des 'di ni kAr ShA pa Na bzhi bcu ri'o zhes smras pa dang / gang nyo ba des bdag gis dad pa dang yid ches pa las 'di ni kAr ShA pa Na nyi shu ri'o zhes smras pa dang / des smras pa/ khyod kyis dad pa dang yid ches pa su yin/ 'phags pa nye dga' bo yin no/ /bdag cag gnyis la des shes bzhin du gtses te/ bdag la des kAr ShA pa Na bzhi bcu ri'o zhes smras so/ / des smras pa/ bdag la yang des shes bzhin du gnyis ka la slu ba'i phyir mdor na des gnas ngan len la mtshungs par spyod kyis phyin chad dgos pa yod na yang de la mi 'dri'o zhes smras so/ /de ltar gyur pa dge slong rnams kyis bcom ldan 'das la gsol nas/ bcom 13-1-134b ldan 'das kyis bka' stsal pa/ dge slong rnams khyim bdag de gnyis 'phya ba ni yus kyis/ de bas na dge slong rnams kyis dngos po gang la yang rin thang ma gcod cig /khyim pa rtsod pa'i drung na ma 'dug shig /dge slong gang gis dngos po la gang yang rin bcad dam/ khyim pa rtsod pa'i drung na 'dug na 'das pa dang bcas par 'gyur ro/ /bcom ldan 'das kyis dngos po gang la yang dge slong gis rin thang ma gcod cig ces gsungs na/ dge slong gis chos gos dang / gos nyo bar 'dod pa'i phyir tshong dus su song ste/ der khyim pa dang lhan cig tu kAr ShA pa Na'am/ pa Na gcig gam/ pa Na bzhi'am/ bzhi cha'i phyed dam/ bzhi cha'i phyed kyi phyed bskyod pa dang / des khros te 'phags pa bdag cag ni spogs pa yin na/ khyed cag kyang lhag par spogs byed pa chen po'o zhes smras pa dang / de ltar gyur pa dge slong dag gis bcom ldan 'das la gsol te/ bcom ldan 'das kyis bka' stsal pa/ dge slong rnams de dag de skad zer ba ni yus kyis/ de lta bas na dge slong rang gis nyo bar ma byed cig bcom ldan 'das kyis dge slong rang gis nyo bar ma byed cig ces gsungs pa dang / dge slong rnams kyis ji ltar nyo bar bya ba mi shes nas/ bcom ldan 'das kyis bka' stsal pa/ gtsug lag khang na gnas pa'i dge bsnyen pha la tshol cig /gtsug lag khang na gnas pa'am/ dge bsnyen dad pa med la nges par nyo bar 'dod par gyur na/ gtan la bab pa'i tshig lan gnyis lan gsum du smra bar bya ste/ kAr ShA pa Na la sogs pa'i tshul gyis bskyed par mi bya'o/ /dge slong gis nyo bar 'dod kyang rung nyo bar mi 'dod kyang rung ste/ kAr ShA pa Na la sogs pa'i tshul gyis tshig lan gnyis lan gsum du 'das par bskyed cing smra na 'das pa dang bcas par 'gyur ro/ /sangs rgyas dang / chos dang / dge 'dun gyi phyir rin thang bskyed kyang nyes pa med do/ /gleng gzhi'i sgo bzhi pa'i mdo'i tshigs su bcad pa brgyad pa'o// //mdor na/ rtsa bas 'tsho ba las par mi bya ste/ /rnam pa bzhi ni mi bgo ste/ /bsrung ba dang yang 13-1-135a mang du bya/ /ca co mang po 'byin pa'o/ /sangs rgyas bcom ldan 'das rgyal po'i khab 'od ma'i tshal bya ka lan da ka gnas pa na bzhugs so/ /gang gi tshe rgyal po gzugs can snying pos dge slong gi dge 'dun rnams la bza' shing drung stong dang ldan pa'i kun dga'i ra ba zhig phul ba de'i tshe na/ dge slong rnams kyis 'bras bu zos nas phyal bar bor bas na mda' lta bu'i nags su gyur to/ /de nas dus phyi zhig na rgyal po lam de phyogs su phyin pa dang / des de dag mthong nas/ des blon po rnams la mda' lta bu'i nags su gyur pa'i kun dga'i ra ba 'di su'i zhes smras pa dang / blon pos lha bza' shing drung stong dang ldan pa'i kun dga' ra ba dag lhas 'phags pa rnams la phul ba de nyid 'di lags te/ de dag gis 'bras bu zos nas phyal bar bor bas na da ni mda' lta bu'i nags su gyur to zhes smras pa dang / rgyal pos smras pa/ kye 'phags pa de dag 'di la zhal ta dang las mi byed dam/ des lha de dag bsam gtan dang kha ton la zhugs pas 'di'i sug las dang zhal ta mi bgyid do zhes smras pa dang rgyal po cang mi smra bar 'dug go/ /de ltar gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ de lta bas na rtsa bas 'tsho ba la phyal bar ma dor bar las gyis shig /dge slong rnams kyis sus las bya ba mi shes nas/ bcom ldan 'das kyis bka' stsal pa/ gnas 'cha' ba rnams kyis byos shig /de rga bas na de dag gis las bya bar mi nus te/ bcom ldan 'das kyis bka' stsal pa/ dge 'dun thams cad kyis las byos shig /de las kha cig ni rid rgas 'khogs/ kha cig ni na bas las byed mi nus/ drug sde rnams ni byed du mi btub pas na las ma byas pa dang / bcom ldan 'das kyis bka' stsal pa/ 'khor rnam par dbye bas 'khor rnam par phye la skal skal du gos te las byos shig /dge slong rnams lung nod pa dang / klog pa dang / kha ton byed pa dang / tshul bzhin yid la 13-1-135b byed pa rnams dang sde de la zhugs pa dang / bcom ldan 'das kyis bka' stsal pa/ de 'ba' zhig la yang 'jug par mi bya ste/ la lar so shing bza' bar bya/ la lar gdong bkru bar bya/ la lar ni rkang pa bkru bar bya/ dge slong de dag gis de bzhin du las byas nas 'bras bu rgyal te smin par gyur pa dang / ji tsam na dge slong dag cig glo bur du 'ongs pa dang / de dag gis 'bras bu rgyal zhing smin pa de dag mthong nas/ de dag gis tshe dang ldan pa'i rnams bdag cag kyang a mra smin pa'i 'bras bu bza' bar bgyi na kho bo cag kyang dbang ngam zhes smras pa dang / dge slong rnams kyis 'di dag ni bdag cag gis sngar bgos na bzar ga la yod ces smras pa dang / de dag 'phya bar gyur nas/ de ltar gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ glo bur du 'ongs pa rnams la yang byin cig /dge slong rnams kyis bgos pa'i lhag ma la byin nas/ bcom ldan 'das kyis bka' stsal pa/ dge slong rnams rnam pa 'di bzhi ni mi bgo ste/ bzhi gang zhe na/ 'di lta ste/ phyogs bzhi'i dge 'dun thams cad dbang ba dang / mchod rten thams cad dbang ba dang / nad pa thams cad kyi rung ba dang / rin thang nar mar bza' ba thams cad do/ /de bas na dge slong rnams kyis rtsa bas 'tsho ba rnyed dam/ 'bras bu'am/ me tog la sogs pa gang zag rnams kyis yongs su spyod pa bzhin du yongs su spyod cig /de dag mngon sum du dbang ba yin pas na zhal ta byos la me tog dang 'bras bu rnams ni dge 'dun la brims shig /bcom ldan 'das kyis mngon sum du dbang ba yin pas so sor zhal ta byos la me tog dang 'bras bu rnams dge 'dun la brims shig ces gsungs pa dang / dge slong rnams kyis de dag zhal ta byas pas me tog dang 'bras bu smin pa dang / de dag yal bar bor nas me tog dang 'bras bu rnams rkun po rnams kyis khyer ba dang / bcom ldan 'das kyis srung ma zhog shig ces gsungs nas/ dge 13-1-136a slong rnams kyis nyung ngu zhig bzhag ste/ de nyid nyes pa'i dmigs su gyur nas/ bcom ldan 'das kyis bka' stsal pa/ mang du 'khor la de dag las phyed ni sngar zan zo zhig /bcom ldan 'das kyis shing thog a mra'i 'bras bu smin pa dge 'dun la brims shig ces gsungs pa dang / gang gi tshe smin par gyur pa de'i tshe srin bus zos par gyur nas/ bcom ldan 'das kyis bka' stsal pa/ gnas 'cha' ba rnams kyis so sor brtag par byos shig so sor brtag par byed pa de dag ca co che nas dge slong rnams kyis de las bzlog kyang de dag mi btub pa dang / de ltar gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ 'phags pa'i mi smra bas so sor brtag par bya ste ca co ma smra shig /smra na 'das pa dang bcas par 'gyur ro/ / gleng gzhi'i sgo bzhi pa'i mdo'i tshigs su bcad pa dgu pa'o// //mdor na/ rung bar bya dang dge tshul pha/ /bdag gis byin gyis brlabs pa dang / /blangs shing byin len byed pa dang / /yang na de ltar bstan pa dang / /mtshams bcing ba dang stong pa dang / /thab mo dang ni rdzogs pa'o/ /bcom ldan 'das rgyal po'i khab 'od ma'i tshal bya ka lan da ka gnas pa na bzhugs so/ /bcom ldan 'das kyis shing thog a mra'i 'bras bu brims shig ces gsungs pa dge slong rnams sus brim pa mi shes nas/ bcom ldan 'das kyis bka' stsal pa/ rung bar byed pas brims shig /rung bar byed pa med na dge tshul phas byos shig /dge tshul pha med na dge slong rang gis lag pa bkrus te byin len byos la so sor rung bar gyis te brim par byos shig /bcom ldan 'das kyis dge slong rang gi lag pa khrus la byin len byos te so sor rung bar byos la brims shig ces bka' stsal pa dang / 'bras bu mang pos gang ba'i skon bu gcig pus ma theg nas/ bcom ldan 'das kyis bka' stsal pa/ khyim pas kyang grogs byos la gnyi gas brim par bya ste/ gang khyim pas brims pa de ni byin len du bya'o/ / 13-1-136b gang dge slong gis brims pa de ni byin len bya mi dgos so/ /a mra gzhan zhim por grags pa zhig yod na/ de dag bsres la rim la brims pa dang / thams cad thob par gyur nas/ bcom ldan 'das kyis de dag so sor brims shig ces gsungs so/ /bcom ldan 'das kyis a mra gang zhim por grags pa so sor brims shig ces gsungs pa dang / drug sde rnams kun dga'i ra bar dong nas de dag gis a mra zhim por grags pa de rang gis blangs nas/ gtsug lag khang du 'ongs te byin len byas shing zos pa dang / dge slong rnams kyis smras pa/ tshe dang ldan pa dag a mra zhim po de dag ma brims na ci'i phyir zad dam zhes dris pa dang / srung ma rnams kyis de dag brim du ga la mchis/ drug sde rnams kyis blangs te gtsug lag khang du dong nas byin len byas te zos so zhes smras pa dang / dge slong rnams 'phya'o/ /de ltar gyur pa dge slong rnams kyis bcom ldan 'das la gsol nas/ bcom ldan 'das kyis dgongs pa/ dge slong rnams gang su zhig sngar blangs la phyis byin len byed na nyes pa'i dmigs su 'gyur te/ de bas na dge slong gis sngar blangs pa las phyis byin len mi bya'o snyam du mkhyen nas/ dge slong dag drug sde rnams kyis ni mi rigs par byas kyis de bas na dge slong rnams sngar blangs pa las phyis byin len ma byed cig /sngar blangs pa phyis byin len byas na 'das pa dang bcas par 'gyur ro/ /gleng gzhi ni mnyan du yod pa na ste/ dge slong rnams me tog dang / 'bras bu dang / bca' ba dang / gzhan yang bza' ba dang / btung ba 'brim pa la mdzub mos bstan cing 'di byin cig /'di dag byin cig ces smra/ de yongs su zos pa dang / brim pa ma snyoms par gyur nas/ 'dod chags dang ma bral ba'i dge slong kha cig gis dpyas pa dang / de ltar gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ dge slong dag 'phya ba ni yus te/ de bas na dge slong gis mdzub mos 'di byin cig /'di dag byin cig 13-1-137a ces bstan cing bza' bar mi bya'o/ /dge slong gis mdzub mos 'di byin cig 'di dag byin cig ces bstan cing zos na 'das pa dang bcas par 'gyur ro/ /btung ba med pa ni drod chung bas smin pa 'dod pa dang / drod che bas ma smin pa 'dod pa'o/ / gleng gzhi ni mnyan du yod pa na ste/ drug sde rnams ljongs spyad pa spyod pa na ri brags kyi grong gzhan zhig gi gtsug lag khang zhig tu phyin na de'i dge slong dag nyin par spyod pa'i phyir dong ste/ gtsug lag khang de stong par lus pa dang / drug sde po rnams dga' bo dang nye dga' bo gtsug lag khang stong pa mtshams ma bcad pa 'dir bdag cag rnams kyis 'dir gnas na ji ltar gnas par bya/ mtshams bcad kyis tshur shog ces smras nas/ de dag gis legs kyis de bzhin du bya'o zhes smras nas/ de dag gis mtshams bcad ma thag tu snga na gnas pa'i dge slong dag lhags pa dang / drug sde po rnams kyis de la ngal so shig ces byas na/ de dag gis smras pa/ tshe dang ldan pa rnams 'di ltar khyed cag ni glo bur du lhags pa'o/ /nged ni snga nas gnas pas na khyed cag la bdag cag gis ngal so shig ces bya ba'i rigs so zhes pa dang / drug sde po rnams kyis smras pa/ tshe dang ldan pa dag bdag cag gis kyang mtshams bcad do/ /de dag gis smras pa/ bdag cag gis kyang sngar mtshams bcad do zhes smras nas/ dge slong de dag ci mtshams snga ma brtsan nam/ 'on te phyi ma brtsan zhes te the tshom skyes pa dang / de ltar gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ dge slong glo bur ba rnams gtsug lag khang du zhugs ma thag tu stong par mthong na yang mtshams gcad par mi bya'o/ /lam gyis ngal bso ste shin tu brtags nas snga na gnas pa med na gdod mtshams gcad par bya'o/ /gzhan du na gcad par mi bya'o/ /gleng gzhi ni mnyan du yod pa na ste/ dze ta'i tshal gyi sgor khyim pa gnyis shig thab mo byung ste/ de na dge slong 13-1-137b gcig 'dus pa de la gcig gis dbang bcugs nas/ des de la rgyal po'i pho brang du che bzhi byas te cig shos po chad pas bcad pa dang / des de la 'phya'o/ /de ltar gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ dge slong dag khyim pa de 'phya ba ni yus kyis/ de bas na dge slong rnams thab mo byed pa'i drung na ma 'dug par che bzhi yang ma byed par byol te song shig /dge slong thab mo byed pa'i drung na 'dug cing che bzhi byed na 'das pa dang bcas par 'gyur ro/ /gleng gzhi'i sgo bzhi pa'i mdo'i tshigs su bcad pa bcu pa'o/ /gleng gzhi'i sgo bzhi pa rdzogs so// //mdor bsdus pa'o/ /byang chub sems dpa'i gzugs rnams dang / /yul bskor dang ni yon gyi snod/ /kun 'dus pa dang stegs bu dang / /rnga chen 'khor lo tha ma'o/ /mdor na/ drang srong chen pos gnang bar gsungs pa ni/ /byang chub sems dpa'i sku gzugs dang / /stegs bu dang ni rgyal mtshan dang / /ba dan lcags kyi ka ba'o/ /gleng gzhi ni mnyan du yod pa na ste/ khyim bdag mgon med zas sbyin gyis bcom ldan 'das kyis gnang na/ bdag gis bcom ldan 'das byang chub sems dpa'i sku gzugs bgyi'o zhes gsol pa dang / bcom ldan 'das kyis bka' stsal pa/ khyim bdag gnang gis byos shig /bcom ldan 'das de ste bcom ldan 'das kyis gnang na bdag gis byang chub sems dpa'i gzugs la rgyal mtshan gyis bskor ro zhes gsol pa dang / bcom ldan 'das kyis bka' stsal pa/ khyim bdag gnang gis skor cig /bcom ldan 'das de ste bcom ldan 'das kyis gnang na bdag gis gzugs stegs bus bskor ro zhes gsol pa dang / bcom ldan 'das kyis bka' stsal pa/ khyim bdag gnang gis stegs bus bskor cig /yang de ste bcom ldan 'das kyis gnang na bdag gis gzugs la lcags kyi ka bas bskor ro zhes gsol pa dang / bcom ldan 'das kyis bka' stsal pa/ khyim bdag gnang gis skor cig /yang 13-1-138a de ste bcom ldan 'das kyis gnang na bdag gis lcags kyi ka ba'i steng du ba dan gdags par bgyi'o zhes gsol pa dang / bcom ldan 'das kyis bka' stsal pa/ khyim bdag gnang gis thogs shig /gleng gzhi'i sgo lnga pa'i mdo'i tshigs su bcad pa dang po'o// //mdor na/ byang chub sems dpa'i yul bskor dang / /de bzhin rgyan dang byug pa dang / /khyogs dang shing rta ba dan dang / /gdugs dang rgyal mtshan snyan gyi rgyan/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /khyim bdag mgon med zas sbyin gyis de ste bcom ldan 'das kyis gnang na bdag gis byang chub sems dpa'i gzugs kyis yul bskor bar bgyi'o zhes gsol pa dang / bcom ldan 'das kyis bka' stsal pa/ khyim bdag gnang gis skor cig /byang chub sems dpa'i rgyan med de mi mdzes nas khyim bdag mgon med zas sbyin pas de ste bcom ldan 'das kyis gnang na/ bdag gis byang chub sems dpa'i gzugs la rgyan 'bul lo zhes gsol pa dang / bcom ldan 'das kyis bka' stsal pa/ khyim bdag gnang gis phul la rkang pa'i rgyan dang rna ba'i rgyan la sogs pa yang phul cig /de ste bcom ldan 'das kyis gnang na bdag gis byang chub sems dpa'i gzugs la dri'i rgyan gyis brgyan par bgyi'o zhes gsol pa dang / bcom ldan 'das kyis bka' stsal pa/ khyim bdag gnang gis brgyan par byos shig /byang chub sems dpa'i gzugs grong khyer du rkang pas khyer ba dang / khyim bdag mgon med zas sbyin gyis de ste bcom ldan 'das kyis gnang na bdag gis byang chub sems dpa'i gzugs khyogs las grong khyer du bkur bar bgyi'o zhes gsol pa dang / bcom ldan 'das kyis bka' stsal pa/ khyim bdag gnang gis khyer cig /khyogs las khyer yang mi mamadzes par gyur nas khyim bdag mgon med zas sbyin gyis de ste bcom ldan 'das kyis gnang na 13-1-138b bdag gis byang chub sems dpa'i gzugs shing rta las bkur bar bgyi'o zhes gsol pa dang / bcom ldan 'das kyis bka' stsal pa/ khyim bdag gnang gis de bzhin du byos shig /shing rta yang ba dan dang gdugs med pas mi mdzes par gyur nas/ khyim bdag mgon med zas sbyin gyis de ste bcom ldan 'das kyis gnang na bdag gis shing rta'i steng du ba dan dang gdugs dang rgyal mtshan la sogs pas brgyan par bgyi'o zhes gsol pa dang / bcom ldan 'das kyis bka' stsal pa/ khyim bdag gnang gis brgyan par byos shig / byang chub sems dpa'i gzugs la me tog gis snyan gyi gong ma brgyan na mi mdzes par gyur nas/ khyim bdag mgon med zas sbyin gyis de ste bcom ldan 'das kyis gnang na bdag gis byang chub sems dpa'i gzugs kyi dbu'i snyan gyi gong du me tog gi rgyan dbul lo zhes gsol pa dang / bcom ldan 'das kyis bka' stsal pa/ khyim bdag gnang gis phul cig /gleng gzhi'i sgo lnga pa'i mdo'i tshigs su bcad pa gnyis pa'o// //mdor na/ yon phul ba dang yon dbul ba/ /de bzhin phreng ba'i snod rnams dang / /rol mo rnams kyang mi dgag cing/ /rgyan tshogs rnams kyang mi gzhig go/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /khyim bdag mgon med zas sbyin gyis de ste bcom ldan 'das kyis gnang na bdag gis byang chub sems dpa'i gzugs kyi zhabs la yon dbul lo zhes gsol pa dang / bcom ldan 'das kyis bka' stsal pa/ khyim bdag gnang gis phul cig /de'i mchod ston gyi tshe yul sna tshogs na gnas pa'i dge slong dang / dge slong ma dang / dge bsnyen dang / dge bsnyen ma dang / gzhan yang blta bar 'dod pa'i phyir phal mo che lhags pa rnams kyis de la yon dbul ba mangs pas rnyed pa de sus bkur ba dge slong rnams kyis mi shes nas/ bcom ldan 'das kyis bka' stsal pa/ dge slong gis bkur bar bya'o zhes pa dang / dge slong gnas brtan dag gis 13-1-139a khyer ba dang mi dga' ba skyes nas/ bcom ldan 'das kyis bka' stsal pa/ gnas bca' bar byed pa dang / gzhan yang gzhon pa dang rgan pa rnams kyis bkur bar bya'o/ /dge slong gnas brtan dang / gnas brtan dag gis ni bsrung bar byos shig /yon phul ba dang / me tog dang / gos la sogs pa shing rta'i thog tu bzhag pa dang / kha cig lhung ba ma byin par len pa dag gis thugs thub tu khyer nas/ khyim bdag mgon med zas sbyin gyis de ste bcom ldan 'das kyis gnang na bdag gis shing rta'i steng du phreng ba'i snod bgyi'o zhes gsol pa dang / bcom ldan 'das kyis bka' stsal pa/ khyim bdag gnang gis byos shig /dge slong rnams kyis rol mo rnams kyang ma zhi/ skye bo rnams kyang so sor ma gyes par gzugs kyi rgyan rnams sbas pa dang / bram ze dang khyim bdag dad pa dag gis 'phags pa dag bdag cag ji ltar dad pa de bzhin du ma dad pa yang skyes te/ kye ma'o khyed kyis rol mo rnams kyang zhi la/ skye bo mang po yang so sor gyes nas gzugs kyi rgyan rnams bkrol na ci nyes zhes dpyas pa dang / de ltar gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ dge slong dag bram ze dang / khyim bdag rnams 'phya ba ni yus te/ de bas na rol mo rnams kyang ma zhi/ skye bo mang po yang so sor ma gyes par dge slong rnams kyis gzugs kyi rgyan ma rtul cig /brtul na 'das pa dang bcas par 'gyur ro/ /gleng gzhi'i sgo lnga pa'i mdo'i tshigs su bcad pa gsum pa'o// //mdor na/ kun 'dus pa dang dus ston dang / /dpyid zla tha chungs zhal bsro dang / /lo lnga dang ni drug byas la/ /mchod ston chen po tha ma'o/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /khyim bdag mgon med zas sbyin gyis yul so so na gnas pa'i dge slong dang / dge slong ma dang / dge bsnyen dang / dge bsnyen ma rnams mthong ba dang / yid dga' ba 13-1-139b skyes nas des bsams pa/ bcom ldan 'das kyis bka' stsal pa/ dge slong rnams 'di ltar dus su sbyin pa ni rnam pa lnga ste/ lnga gang zhe na/ glo bur du 'ongs pa dang / 'dod pa rnams la sbyin pa byin pa 'di ni sbyin pa'i dus dang po'o/ /nad pa dang nad g.yog la sbyin pa byin pa 'di ni sbyin pa'i dus gnyis pa'o/ /lo nyes shing phongs brel ba la sbyin pa byin pa 'di ni sbyin pa'i dus gsum pa'o/ /gang su la yang rung ste lo thog gsar pa dang / 'bras bu gsar pa dang / gsar thog de dag des thog mar tshul khrims dang ldan pa yon tan dang ldan pa la byin zhing/ de'i 'og tu bdag za ba 'di ni sbyin pa'i dus bzhi pa'o/ /gang su yang rung ste/ rlung ldang ba'am/ yul rmugs pa'am/ char 'bab pa'am/ grang ba la sogs pa de lta bu'i rnam pas rlung ldang ba dang / yul rmugs pa dang / char 'bab pa dang / grang ba la zan nam/ skyo ma'am/ thug pa'am/ skom la sogs pa de dag phyir byung ste/ dge 'dun la 'bul zhing 'phags pa 'di zos na lus kyang mi gsher/ chos gos la yang char gyis mi phog ste bde ba la reg cing gnas par 'gyur ro zhes sbyin pa 'di ni sbyin pa'i dus lnga pa'o/ / de ltar na 'di ni yul so so na gnas pa'i dge slong dang / dge slong ma dang / dge bsnyen dang / dge bsnyen ma la sogs pa lam gyi ngal ba rnams la de ste bcom ldan 'das kyis gnang na bdag gis de dag 'dus pa'i zas sbyar ro snyam du bsams te/ bcom ldan 'das ga la ba der song ste drung du phyin pa dang / bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas bcom ldan 'das la 'di skad ces gsol to/ /btsun pa bcom ldan 'das glo bur du mchi ba yul so so na gnas pa la sbyin pa byin pa 'di ni sbyin pa'i dus dang po zhes bya ba nas/ snga ma ltar bde ba la reg par gnas par bya ba 'di ni dus kyi sbyin pa lnga pa'o zhes bya ba'i bar du sbyin pa'i dus lngar gsungs na/ da 'dir byang chub sems dpa'i mchod pa chen po la yul so so nas mchis pa'i dge 13-1-140a slong dang / dge slong ma dang / dge bsnyen dang / dge bsnyen ma la sogs pa glo bur du mchis pa lam gyis yongs su gdungs pa de rnams la de ste bcom ldan 'das kyis gnang na bdag gis 'dus pa de dag gi zas sbyar ro zhes gsol pa dang / bcom ldan 'das kyis bka' stsal pa/ khyim bdag gnang gis sbyor cig /bcom ldan 'das la khyim bdag mgon med zas sbyin gyis bcom ldan 'das zla ba gang la btsas zhes zhus pa dang / bcom ldan 'das kyis bka' stsal pa/ khyim bdag dpyid zla tha chungs la btsas so/ /de ste bcom ldan 'das kyis gnang na bdag gis bcom ldan 'das kyi pho brang gi zhal bsro bar sbyar ro zhes gsol pa dang / bcom ldan 'das kyis bka' stsal pa/ khyim bdag gnang gis sbyor cig /yang bcom ldan 'das lo du lags nas dbu skra bregs zhes gsol pa dang / bcom ldan 'das kyis bka' stsal pa/ khyim bdag lo lnga lon pa na'o/ /de ste bcom ldan 'das kyis gnang na bdag gis bcom ldan 'das la lo lnga zhing lan gcig mchod ston sbyar ro/ /zhes gsol pa dang / bcom ldan 'das kyis bka' stsal pa/ khyim bdag gnang gis sbyor cig /yang bcom ldan 'das kyis gtsug phud lo du lags nas bzhag ces gsol pa dang / bcom ldan 'das kyis bka' stsal pa/ khyim bdag lo drug na'o/ /de ste bcom ldan 'das kyis gnang na bdag gis gtsug phud kyi mchod ston sbyar ro zhes gsol pa dang / bcom ldan 'das kyis bka' stsal pa/ khyim bdag gnang gis sbyor cig /yang zla ba gang la bcom ldan 'das kyis bla na med pa'i ye shes mngon du chud ces gsol pa dang / bcom ldan 'das kyis bka' stsal pa/ khyim bdag dpyid zla tha chungs la'o/ /de ste bcom ldan 'das kyis gnang na bcom ldan 'das 'dzam bu'i grib ma la gzugs bzhugs pa la mchod ston chen po sbyar ro zhes gsol pa dang / bcom ldan 'das kyis bka' stsal pa/ khyim bdag gnang gis sbyor cig /gleng 13-1-140b gzhi'i sgo lnga pa'i mdo'i tshigs su bcad pa bzhi pa'o// //mdor na/ rtswa stan dang ni the tshom dang / /snga phyi dag tu 'dug pa dang / /ca co dag dang lam rnams dang / /gaN+DI dung dang rnga rdung ba'o/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga'i ra ba na bzhugs so/ /bcom ldan 'das kyis 'dus pa'i zas sbyor cig ces gsungs pa dang / dge slong mang po rnams stan med par gyur nas/ bcom ldan 'das kyis bka' stsal pa/ rtswa'i stan sbyar te der 'dug la bza' bar bya'o/ / bcom ldan 'das kyis rtswa'i stan la 'dug par bya'o zhes gsungs pa dang / dge slong rnams zan zos pa dang the tshom skyes nas rtswa stan te khyer te dong nas/ bcom ldan 'das kyis bka' stsal pa/ stan khyer te ma 'dong bar phung por byos te zhog la/ gang gi tshe dus ston yongs su rdzogs par gyur pa de'i tshe thams cad 'or cig /dge slong rnams ston mo'i dus la snga phyir 'dug pas gzhan zan zos te song bar gyur/ gzhan gdod 'ongs pa ma thob ste brel bar gyur nas/ bcom ldan 'das kyis go rims ji lta ba bzhin du 'dug shig ces gsungs so/ / dge slong mang po 'dus pa dang ca cor gyur pas dus ma shes nas/ bcom ldan 'das kyis dus brjod par byos shig ces gsungs pa dang / de dag de nyid du dus la bab bo/ /dus la bab bo zhes brjod pa dang / bcom ldan 'das kyis bka' stsal pa/ gaN+DI brdung bar byos shig / de ltar yang gzhan dag la gsal bar ma gyur nas/ de la bcom ldan 'das kyis sngar ni gaN+DI chung ngu rdungs la/ phyis gaN+DI rdungs shig ces gsungs so/ /de ltar yang gzhan nyin par gnas par song ba rnams kyis ma thos nas/ bcom ldan 'das kyis dung kha bsdoms te bus la rnga yang rdungs shig ces gsungs so/ /gleng gzhi'i sgo lnga pa'i mdo'i tshigs su bcad pa lnga pa'o// //mdor na/ der ni rnga yang brdung bar bya/ /de nas shing rta dbyung ba dang / /dngos po byung dang rnyed pa dang / /ji ltar tshul bzhin bsgo bar bya'o/ /sangs rgyas 13-1-141a bcom ldan 'das mnyan du yod pa na dze ta'i tshal mgon med zas sbyin gyi kun dga' ba na bzhugs te/ bcom ldan 'das kyis gaN+DI dang dung kha bsdoms pa dang rnga rdungs shig ces bka' stsal na/ de dag gis gaN+DI brdungs pa'i rjes bzhin brdungs pa dang / nad pa dang las la gtogs pa rnams la gnod par gyur nas/ bcom ldan 'das kyis bka' stsal pa/ gang gi tshe nad pa rnams zas mnos zin par gyur la/ las byed pa rnams kyang zas zos zin pa de'i tshe na gaN+DI dang dung kha bsdoms pa dang / rnga rdungs shig /mchod ston zin kyang so so na gnas pa'i dge slong dang / dge slong ma dang / dge bsnyen dang / dge bsnyen ma la sogs pa so sor ma dong ba dang / bcom ldan 'das kyis shing rta phyung shig dang de dong nas rang 'dong ngo zhes gsungs pa dang / mchod ston de'i tshe dge slong rnams kyis rnyed pa grub pa de ji ltar bgo ba mi shes nas/ bcom ldan 'das kyis bka' stsal pa/ ji ltar rgan rims su mnyam par gos shig /dge slong mang po 'dus pa de dag ca co byed pa dang / bcom ldan 'das kyis bka' stsal pa/ bcu zhing gcig tu bgo bar bya'o/ /brgya zhing gcig tu'o/ /de'i 'og tu stong zhing gcig tu rnyed pa bgo bar byos shig /sangs rgyas bcom ldan 'das la tshe dang ldan pa u pA lis zhus pa/ btsun pa gal te bcu'i nang nas gcig dus las 'das na gum pa'i yo byad su dbang zhes zhus pa dang / bcom ldan 'das kyis bka' stsal pa/ u pA li de ste bgo ba'i tshe dus 'das na shi ba'i yo byad dge 'dun 'dus pa dbang gis spyir gos shig /'on te bgos nas dus 'das na ni dgu po rnams kyis 'thob bo/ /de bzhin du brgyad stong sde rnams la yang sbyar bar bya'o/ /gleng gzhi'i sgo lnga pa'i mdo'i tshigs su bcad pa drug pa'o// //gleng gzhi'i sgo lnga pa rdzogs te/ gleng gzhi rnams rdzogs s+ho// //rkyang pa'i sgo'i mdor na/ phyag ni thog mar bya ba dang / /gnyis pa'i snod rnams ma nges pa/ /gsum du yo byad rnams kyang ste/ /de ni rkyang 13-1-141b bar btags pa'o/ /mdor bsdus pa na/ phyag 'tshal ba dang gsing ma dang / /de bzhin 'jog dang nyal dang khyi/ /de bzhin btung phor bu ram shing/ /de bzhin mar dang rtsa ba sdong po rnams/ /mdo rnams bsdus par gsungs pa'o/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /de'i tshe na dge slong gnyis shig rnam par gdon mi za ba'i gtam smra ba las gcig la gcig tshig rtsub po smras nas de la gzhon nus rgan po la rab tu spyos te/de gnas khang du zhugs te 'dug pa dang / gzhon nus bdag gis rgan pa la rab tu spyos kyis song ste bzod par gsol lo snyam bsams nas/ des de'i gnas khang du song ste rkang pa gnyis la gtugs nas btsun pa bdag gis khyod la rab tu spyos pa bzod par mdzod cig ces bzod pa gsol bar byed pa dang / de cher khros nas gtses te gnod pa byas so zhes smras pa dang / dge slong dag gis thos nas brgyugs te tshe dang ldan pa ci'i phyir 'o dod 'bod ces dris pa dang / des smras pa/ tshe dang ldan pa 'di 'di ltar bdag gi gnas khang du 'ongs te gnod pa byed pa la ltos/ de dag gis de la tshe dang ldan pa ci'i phyir khyod kyis dge slong rgan pa 'di la gtses zhes smras pa dang / des kyang ji ltar gyur pa smras nas de dag cang mi smra bar 'dug go/ /des bsams pa de'i phyir na bcom ldan 'das kyis phyag byos shig par gsungs te/ ji nas nga'i nyan thos rnams byams pa'i sems dang / phan pa'i sems dang / brtse ba'i sems kyis rang gi don sgrub par 'gyur ro zhes gsungs na 'di ltar 'di ni bdag mthong nas mi dga' ba dang / khros par gyur na bdag gis 'di la bzod par byas te ci rung gis 'gro'o snyam bsams nas de song nas phyis de la phyag kyang mi byed na bzod par byed pa lta ci smos/ de nas dus phyi zhig na dge slong rgan pa de dge slong gzhan zhig dang lhan cig 'chag cing gtam zer zhing 'khod pa dang / dge slong de yang dge slong 13-1-142a dag la phyag 'tshal ba las phyogs der 'ongs pa dang / 'chag pa'i grogs kyi dge slong des de la smras pa/ tshe dang ldan pa 'di lta bu'i dge slong tshul khrims dang ldan pa 'di la ci'i phyir bzod par ma byas/ rgan pa des 'di ni 'di ltar sdig pa'i sems khro ba can te/ ltos shig dang da yang khyod la phyag byed kyi nga la mi byed do zhes smras pa dang / de bzhin des phyag byas pa dang / des smras pa/ tshe dang ldan pa khyod kyis sdig pa'i sems can de mthong ngam/ tshe dang ldan pa mthong ngo / /de nas des de la tshe dang ldan pa bdag gis gzhan du thos na gzhan du mthong ste/ khyod ni ngo tsha zhes 'gyod pa can bslab pa la mos pa'o zhes thos na/ khyod ci'i phyir de ltar ma yin zhes smras pa dang / des btsun pa bdag gis ji ltar bgyi/ tshe dang ldan pa dge slong tshul khrims dang ldan pa 'di lta bu la khyod kyis ci'i phyir bzod pa mi bya zhes smras pa dang / des ji ltar gyur pa rgyas par smras pa dang / de 'phya bar gyur nas/ de ltar gyur pa dge slong rnams kyis bcom ldan 'das la gsol te/ bcom ldan 'das kyis bka' stsal pa/ dge slong rnams dge slong de 'phya ba ni yus kyis/ gang rnam par 'khon pa de bzod par bya'o/ /bcom ldan 'das kyis gang 'khon pa de bzod par bya'o zhes gsungs pa dang / gzhan zhig gis bzod par byas kyang ma bzod nas/ bcom ldan 'das kyis bka' stsal pa/ gang mi spyod pa de nye spyod du phyin pa dang phyag byos shig /des kyang nad med cig ces smra'am yang na phyag byos shig /de ltar mi byed na gnyis ka la 'das pa dang bcas par 'gyur ro/ /bcom ldan 'das kyis 'khon pa'i dge slong la bzod par bya'o zhes gsungs pa dang / dge slong gnyis shig rnam par gdon mi za ba'i gtam smra ba las 'khrugs pa dang / mtshang 'dru ba dang / 'thab pa dang / rtsod par gyur te/ de gnyis las dge slong gzhon pas dge slong rgan pa la tshig drag po mi snyan pas blong zhing khros te smras pa dang / rab tu khros nas gnas khang du zhugs te sgo bcad nas des ngan 13-1-142b du smras pa'i tshig de lta bu sgom zhing 'dug go/ /de'i bar du sangs rgyas bcom ldan 'das kyis mi mkhyen pa dang / ma gzigs pa dang / ma chud pa dang / rnam par mi mkhyen pa med de sangs rgyas bcom ldan 'das dag ni chos nyid kyis thugs rje chen po can 'jig rten la phan 'dogs pa la zhugs pa/ srung ba gcig pu dpa' ba/ gcig pu zhi gnas dang lhag mthong la gnas pa/gdul ba'i dngos po gsum la mkhas pa/ chu bo bzhi las rgal ba/ rdzu 'phrul gyi rkang pa bzhi'i mthil la rab tu brtan pa/ mi 'jigs pa bzhis 'jigs pa med pa/ yan lag lnga rab tu rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ rtag tu drug la gnas pa/ byang chub kyi yan lag bdun gyi me tog gis brgyan pa/ lam yan lag brgyad pa ston pa/ mthar gyis gnas shing snyoms par 'jug pa dgu la mkhas pa/ stobs bcu'i stobs dang ldan pa/ phyogs bcur snyan par grags pa/ brgya phrag bcu las dbang sgyur ba'i mchog tu byung bas gang 'gribs/ gang 'phel/ gang sdug bsngal du gyur/ gang dog par gyur/ gang gnod par gyur/ gang sdug bsngal dang dog pa dang gnod par gyur/ gang ngan song la gzhol/ gang ngan song la 'bab/ gang ngan song la rab tu bstan/ gang ngas ngan song las bton te mtho ris su thar pa'i 'bras bu la so sor dgod par bya/ gang dge ba'i rtsa ba ma bskyed pa rnams ni bskyed par bya/ gang gis bskyed pa rnams ni yongs su smin par bya/ gang yongs su smin pa rnams ni rnam par dgrol bar bya'o zhes nyin lan gsum mtshan lan gsum du sangs rgyas kyi spyan gyis 'jig rten la gzigs shing ye shes snang ba la 'jug go/ /yang gsungs pa/ chu srin gnas pa'i rgya mtsho ni/ /dus las 'da' bar 'gyur srid kyi/ /gdul bar bya ba'i bu rnams la/ /sangs rgyas dus 'da' mi srid do/ /de nas 13-1-143a bcom ldan 'das gnas gzhan zhig tu 'dzum pa mdzad do/ /chos nyid kyis gang gi tshe sangs rgyas bcom ldan 'das rnams 'dzum pa mdzad pa de'i tshe na zhal nas 'od zer sngon po dang / ser po dang / dmar po dang / dkar po la sogs pa byung ste/la la ni 'og tu 'gro'o/ /la la ni steng du 'gro ste/ de la gang 'og tu song ba des ni yang 'tsho ba dang / thig nag po dang / 'dus pa dang / 'o dod 'bod pa dang / 'o dod 'bod pa chen po dang / gdung ba dang / rab tu gdung ba dang / bstir med pa dang / chu bur dang / rgyun du chu bur dang / a Ta Ta dang / ha ha ba dang / hu hu ba dang / ut+pal dang / pad mo dang / pad mo chen po la sogs pa'i sems can dmyal bar song ste/ gang tsha ba'i sems can dmyal ba la des bab pa ni bsil bar gyur/ gang grang ba'i sems can dmyal ba de la bab pa ni dro bar gyur te/ des sems can de dag de lta bus gzir ba'i khyad par de dag bde bar byas pa dang / de dag 'di snyam du kye bdag cag rnams 'di nas shi 'phos sam 'on te gzhan du skyes zhes bsams na/ de dag la rab tu dad pa bskyed pa'i phyir bcom ldan 'das kyis sprul pa btang nas de dag gis sprul pa mthong ba dang / 'di snyam du kye bdag cag rnams 'di nas shi 'phos par gyur pa yang med/ gzhan du skyes pa yang med kyis/ sngon ma byung ba'i sems can 'di mthong ba'i mthus na bdag cag gzir ba'i khyad par rnams bde bar gyur to snyam du bsams nas de dag sprul pa la sems mngon par dga' bar gyur pa dang / dmyal bas gzir ba'i las zad par byas te gang du bden par gyur pa'i snod du der lha dang mi'i mtshams 'dzin to/ /gang steng du song ba des ni rgyal chen bzhi'i ris kyi lha dang / sum bcu rtsa gsum dang / mtshe ma dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs chen dang / chung snang dang / tshad med snang dang / kun snang dang / dge 13-1-143b ba dang / tshad med dge ba dang / dge rgyas dang / sprin med dang / bsod nams 'phel dang / 'bras bu che ba dang / mi che ba dang / mi gdung ba dang / shin tu mthong ba dang / gya nom snang ba dang /'og min gyi lhar song nas mi rtag pa dang / sdug bsngal ba dang / stong pa nyid dang / bdag med pa rnams bsgrags te tshigs su bcad pa gnyis kyang brjod do/ /'byung bar bya phyir brtsam par byos/ /sangs rgyas bstan la brtson par byos/ /'dam bu'i khyim la glang chen bzhin/ /'chi bdag sde rnams gzhom par byos/ / gang zhig rab tu bag yod par/ /chos 'dul 'di la spyod 'gyur ba/ /skye ba'i 'khor ba rab spangs nas/ /sdug bsngal tha mar 'byin par 'gyur/ /de nas 'od zer des stong gsum gyi stong chen po'i 'jig rten gyi khams bskor nas bcom ldan 'das kyi phyi bzhin du 'brang ngo / /de dag gal te bcom ldan 'das kyis 'das pa'i las la lung ston bzhed par gyur na bcom ldan 'das kyi rgyab tu nub bo/ /ma 'ongs pa'i dus la lung ston par bzhed par gyur na mdun du nub bo/ /dmyal bar lung ston par bzhed par gyur na zhabs kyi mthil du nub bo/ /byol song du skye bar lung ston par bzhed par gyur na rting par nub bo/ /yi dgas su skye bar lung ston par bzhed par gyur na zhabs kyi mthe bor nub bo/ /mir skye bar lung ston par bzhed par gyur na pus mor nub bo/ /stobs kyi 'khor los sgyur ba'i rgyal por lung ston bzhed par gyur na phyag g.yon pa'i mthil du nub bo/ /'khor los sgyur ba'i rgyal por lung ston bzhed par gyur na phyag g.yas pa'i mthil du nub bo/ /lhar skye bar lung ston bzhed par gyur na lte bar nub bo/ /nyan thos kyi byang chub tu lung ston bzhed par gyur na zhal du nub bo/ /rang byang chub tu lung ston bzhed par gyur na smin mtshams su nub bo/ /bla na med pa yang dag par rdzogs pa'i byang chub tu lung ston bzhed par gyur na spyi bo'i gtsug tu nub bo/ /de nas 'od zer des bcom ldan 'das la lan gsum bskor ba byas 13-1-144a nas bcom ldan 'das kyi zhabs kyi rting bar nub pa dang / de nas sangs rgyas bcom ldan 'das la tshe dang ldan pa kun dga' bos zhus pa/ ji ltar snang bar byed pa shar ba bzhin/ /zhal gyi nang nas byung ba mang po ni/ /kha dog rnam pa sna tshogs stong ldan pa/ /gang gis phyogs bcu kun tu snang gyur pa'o/ /yang tshigs su bcad de gsol pa/ rgod pa zhum rgyags spangs nas bral gyur pa/ /skye bo rnams kyi rgyur gyur sangs rgyas te/ /rgyal ba dgra rgyal dung dang pad mo bzhin dkar ba/ /rgyu med 'dzum pa nye bar ston mi mdzad/ /brtan pa'i thugs mnga' de dus rang gis mkhyen mdzod cig /rgyal ba'i dbang la thos 'tshal nyan rnams la/ /brtan zhing thub pa'i khyu mchog dam pa yis/ /the tshom byung ba dge bas rnam par bsol/ /don med par ni rgya mtsho ri rgyal bstan/ /rdzogs pa'i sangs rgyas 'dzum pa mi ston te/ /brtan pas gang phyir 'dzum pa bstan pa de/ /skye bo mang po 'di dag thos par mos/ /de nas bcom ldan 'das kyis bka' stsal pa/ kun dga' bo de de bzhin te/ de de bzhin no/ /kun dga' bo de bzhin gshegs pa dgra bcom pa yang dag par rdzogs pa'i sangs rgyas ni rgyu med rkyen med par 'dzum pa mi mdzad do/ /kun dga' bo gang dge slong gzhon pa des dge slong la tshig ngan pas mtshang brus shing smras pas khros pa mthong ngam/ bcom ldan 'das mthong ngo / /de gnas khang du zhugs te sgo bcad nas de'i tshig ngan du smras pa de phyi phyir sgom zhing 'dug go/ /de khros pas kun tu khebs nas phyi phyir bsgoms pas na zhe sdang gi sa bcu rab tu byung ste/ de dus 'das te shi 'phos nas de'i gnas khang de nyid du sbrul gdug par skye bar 'gyur ro// // 'dul ba gzhung dam pa/bam po sum bcu rtsa brgyad pa/ de ltar bcom ldan 'das tshe dang ldan pa kun dga' bo dang lhan cig gtam gsung ba'i bar du dge slong de yang tshig ngan du smras pa de lan mang du bsgoms shing shin tu khro bas kun tu khebs te mang du byas 13-1-144b pas zhe sdang gi sa bcu po thob pas na de 'chi 'phos dus 'das te de'i gnas khang nyid du sbrul gdug par skyes so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo skyes bu gti mug can de ni gnas khang de nyid du sbrul gdug par skyes kyis der song la drung du phyin na nga'i tshig gis nad med cig ces byos la/ 'di skad du 'di ltar khyod nga'i bstan pa la rab tu byung ste/ dge sbyong gi 'bras bu bzhi las gang yang rung dge sbyong gi 'bras bu rtogs par 'gyur ba las da khyod khros pa'i dbang gis na 'dir sbrul gdug par skyes kyis dge slong de la bzod par byos shig /'di las yang dus 'das na sems can dmyal bar skyes sa re zhes sgo shig /btsun pa bka' bzhin 'tshal zhes nas tshe dang ldan pa kun dga' bos bcom ldan 'das las mnyan nas dge slong de khrid de dge slong de'i gnas khang du song nas sgo la dal nas bags kyis brdungs te smras pa/ bzhin bzangs khyod la bcom ldan 'das nad med cig ces gsungs te/ 'di ltar khyod nga'i bstan pa la rab tu byung la dge sbyong gi 'bras bu bzhi las gang yang rung dge sbyong gi 'bras bu rtogs par 'gyur ba las da khyod khros pa'i dbang gis na 'dir sbrul gdug par skyes kyis dge slong 'di la bzod par byos shig /'di nas dus byas nas kyang sems can dmyal bar skyes sa re zhes gsung ngo / /de nas de nyid du khros pa'i dug btang nas gnas khang nas phyir ma byung zhing 'dug pa dang / de nas bcom ldan 'das kyis tshe dang ldan pa maud gal gyi bu chen po la maud gal gyi bu tshur shog /khyod kyis sbrul gdug pa gang na ba der song la phyin pa dang / 'di skad du dge slong de la bzod par byos shig ces bka' stsal pa dang / des kyang der song ste smras pa dang / de lde mig kyog po'i bu ga nas mgo tsam bstan te phyir nang du zhugs so/ /dge slong gis dge slong la sems kyis gnod par byas pas rang gi gnas khang du sbrul du skyes 13-1-145a so zhes sgra de lta bu mnyan du yod par kun du grags pa dang /ko sa la'i rgyal po gsal rgyal nang gi btsun mo dang / gzhon nu dang / blon po dang / grong mi dang / gzhongs su bcas pas gang sgra de thos pa dang ltad mo lta 'dod pas de'i yid bskyod nas dze ta'i tshal du dong ngo / /de nas bcom ldan 'das kyang nyan thos chen po kun shes kauN+Di n+ya dang / rlangs pa dang / ming chen dang / ma 'gags pa dang / shA ri'i bu dang / maud gal gyi bu chen po dang / 'od snang dang / kun dga' bo dang / nam gru la sogs pas bskor te rgyal po gsal rgyal dang de'i gnas khang du bzhud nas bcom ldan 'das kyis de nyid kyi skad du gsungs pa dang / de rtabs bzhin du gnas khang nas phyir byung ngo / /de nas bcom ldan 'das kyis de khrid nas gtsug lag khang nas phyir phyung ste dze ta'i tshal gyi sgor 'khor brgya phrag du ma dang / dge slong gi dge 'dun gyi mdun na gdan bting ba de la bzhugs pa dang / de nas sbrul gdug pa de phan tshun kun du skye bo mang po la bltas te skrag nas bcom ldan 'das kyi gdan logs su rgan rims kyi mthar bcom ldan 'das la lta bzhin du 'khyil te 'dug go/ /bcom ldan 'das kyis de la bka' stsal pa/ bzhin bzangs 'di ltar khyod nga'i bstan pa la rab tu byung nas dge sbyong gi 'bras bu bzhi las gang yang rung dge sbyong gi 'bras bu rtogs par 'gyur ba las da khyod 'dir shin tu khro bas kun tu khebs nas lan mang du bsgoms la dge slong la yang sems gdug pa bskyed pas da ltar sbrul gdug par skyes te/ 'tshe ba dang gsod pa la chags shing gzhan gyi srog 'phrog cing gzhan 'tsho ba dang phral nas 'tsho bar byed de 'di nas shi 'phos na rgyud gang du skye/ gang du skye bar 'gyur/ gang du mngon par skye bar 'gyur/ bcom ldan 'das kyis gang gi tshe de'i rigs dran par byas pa de'i tshe ngu bar gyur to/ /de nas bcom ldan 'das kyis de'i tshe tshigs su bcad de gsungs pa/ khyod ni byol song skye gnas gyur/ /mi dal bar yang skyes gyur na/ /don med par 13-1-145b ni ci phyir ngu/ /da ni ci zhig byar yod kyis/ /rgyal ba thugs rje ldan mnga' la/ /sems kyis legs par dad skyes dang / /byol song skye gnas 'di spangs te/ /de nas mtho ris 'gro bar 'gyur/ /sangs rgyas bcom ldan 'das kyis chos bstan pa chud mi zos pas de'i kun du gnas pa de dang bral bar gyur te/ de nas bcom ldan 'das kyis dge slong de la bka' stsal pa/ tshur shog dge slong khyod kyis sbrul gdug pa de la bzod pa byos shig /bcom ldan 'das bdag gis ji ltar bzod par bgyi/ ci de'i rkang pa la gtug par bgyi'am zhes gsol pa dang / bcom ldan 'das kyis de la ji ltar sngon gyi dge slong yin par mngon du byas te the tshom du mi bya bar bya/ gtug par bya'o zhes bka' stsal pa dang / ston pa'i bka' bzhin des rkang pa la gtugs pa dang / des de'i mgo bo la reg par byas pa dang / de gnyis skye bo mang pos mthong ba dang rab tu ngo mtshar skyes nas bcom ldan 'das kyis skye bo mang po de dag la de'i phyir de lta bu'i tshul du chos bshad de/ de thos pas na srog chags brgya stong du ma rnams kyis ni khyad par chen po rtogs par gyur to/ /sbrul gdug pa de yang bcom ldan 'das la sems mngon par dad nas de dus 'das pa dang sum bcu rtsa gsum gyi lha'i gnas bzang por skyes so/ /de nas bcom ldan 'das kyis dge slong rnams la bka' stsal pa/ de bas na dge slong rnams 'di dang gzhan dag kyang khro bas kun tu khebs na nyes pa'i dmigs su 'gyur te/ de bas na dge slong gis khros pa'i dge slong la ji ltar de'i khros pas khebs par gnas pa/ rnam par byang bar gnas pa de lta de lta bur gsol lo/ /des kyang sems kyis bzod par byos shig /gang snga dro khros pa la des phyi dro bzod par gsol cig /gang phyi dro khros pa la ni des nub mo'o/ /gang nub mo khros pa la ni des phyi de nyin mo bzod par gsol cig ces gsungs nas/ bcom ldan 'das gdan las bzhengs te nang du yang dag 'jog la 'jug pa'i phyir gtsug 13-1-146a lag khang du gshegs so/ /chos nyid kyis lha'i bu'am lha'i bu mo yang rung skyes nas ring po ma lon par gang nas shi 'phos gang du skyes/ las gang yin zhes sems pa rnam pa 'di gsum skyes te/ sbrul gdug pa las shi 'phos nas/ sum bcu rtsa gsum gyi lha'i ris bzang por skyes te bcom ldan 'das la sems mngon du dad pa bskyed par mthong ngo / /de nas sngon gyi sbrul gdug pa lha'i bu des 'di snyam du bdag 'dir zhag lon te/ bcom ldan 'das ltar 'gro bar mi rigs kyi/ bdag 'dir zhag ma lon par bcom ldan 'das la ltar 'gro'o snyam du bsams nas/ de nas lha'i bu sngon sbrul gdug pa de dri ma med pa'i rna tsha 'phyang bzhin du thogs shing do shal dang / se mo dos lus brgyan te/ de nyid kyi nub mo lha'i me tog ut+pal dang / pad mo dang / ku mu da dang / puN+Da rI ka dang / man dA ra ba la sogs pas pang ba bkang ste snang ba chen pos dze ta'i tshal thams cad du snang bar byas nas bcom ldan 'das la me tog gis gtor te chos nyan pa'i phyir bcom ldan 'das kyi spyan sngar 'dug go/ /bcom ldan 'das kyis de'i bsam pa dang / bag la nyal ba dang / khams dang / rang bzhin mkhyen nas de 'dra ba'i 'phags pa'i bden pa bzhi yang dag par rtogs par 'gyur ba'i chos bstan nas lha'i bu sngon gyi sbrul gdug pa des thos pa dang / 'jig tshogs su lta ba'i ri'i rtse mo nyi shu ye shes kyi rdo rjes bcom ste rgyun du zhugs pa'i 'bras bu mngon du byas so/ /des bden pa mthong bas dga' ba'i tshig gsum smras te/ btsun pas phan btags pa 'di lta bu ni mas kyang ma bgyis/ phas kyang ma bgyis/ rgyal pos kyang ma bgyis/ lhas kyang ma bgyis/ sdug pas kyang ma bgyis/ bdag gi gnyen mang pos kyang ma bgyis/ sngon gyi pha mes rnams kyis kyang ma bgyis/ dge sbyong dang bram zes kyang ma bgyis te/ bcom ldan 'das kyis bdag gi khrag dang mchi ma'i rgya mtsho ni bskams/ rus pa'i ri 13-1-146b las ni brgal/ ngan song gi sgo ni bcad/ mtho ris dang thar pa'i sgo ni phye nas lha dang mi'i gnas su bzhag go/ /khyod mthus shin tu mi bzad ngan song gi/ /nyes pa mang du ldan pa'i lam rnams bcad/ /mtho ris 'gro ba'i lam phyir bsod nams mchog / mya ngan 'da' lam bdag gis de ring thob/ /khyod la brten pas nyes pa med pa yi/ /bdag deng shin tu gtsang ba rnam dag mig /'phags pa'i yid du 'ong ba'i zhi gnas thob/ /bdag gis sdug bsngal rgya mtsho pha rol rgal/ /skye bo lha dang lha min mi yis mchod/ / skye rga na dang 'chi las rnam par bral/ /srid pa stong du'ang mthong bar shin tu dka'/ /thub khyod deng bdag mthong bas 'bras bur bcas/ /de nas se mo do ni 'phyang bzhin du/ /zhabs gnyis la ni phyag byas dga' ba skyes/ /dgra thul de la g.yas su bskor nas ni/ /lha yi 'jig rten lha yi yul der song/ /de nas lha'i bu sngon sbrul gdug pa de tshong pa khe thob pa ltar/ rna chun pa lo legs pa ltar/ dpa' bo g.yul las rgyal ba ltar/ nad pa nad thams cad las thar ba ltar/ ji lta bu'i longs spyod dang / bcom ldan 'das kyi drung du 'ongs pa de lta bu'i longs spyod dang / rang gi gnas su song ba dang / dge slong dag srod dang tho rangs la mi nyal bar thub par brtson par spyod pa rnams kyis mthong ba bcom ldan 'das kyi drung na rgya cher snang ba mthong nas the tshom du gyur te/ bcom ldan 'das la bcom ldan 'das ci mdang mtshan mo bcom ldan 'das la tshangs pa 'khor gyi bdag po ltar mchis sam/ lha'i dbang po brgya byin dang / 'jig rten skyong ba bzhi dag blta ba'i phyir mchis sam zhes zhus pa dang / dge slong rnams tshangs pa'i 'khor gyi bdag po yang ma yin/ lha'i dbang po brgya byin yang ma yin/ 'jig rten skyong ba bzhi la sogs pas nga la blta ba'i phyir 'ongs pa yang ma yin gyi/ gang sbrul gdug pa dge slong gis bzod par byas pa de nga la sems mngon du dad nas dus las 'das pa dang / sum bcu rtsa gsum ris kyi lha'i 13-1-147a gnas bzar por skyes nas de 'di ltar mdang nga'i drung du 'ongs te ngas de la chos bstan pa dang / bden pa mthong nas rang gi gnas su song ngo / /de bas na dge slong rnams kyis 'di ltar bslab par bya ste/ gang gis bzod par bya ba dang / bzod pa'i yon tan brjod par bya ba de ltar dge slong dag khyed kyis bslab par bya'o/ /bcom ldan 'das kyis de skad ces bka' stsal pa dang / dge slong de dag yid mgu nas bcom ldan 'das kyis gsungs pa la mngon par dga'o/ /gleng gzhi ni mnyan du yod pa na ste/ bcom ldan 'das la tshe dang ldan pa u pA lis zhus pa/ btsun pa bsnyen par rdzogs par bgyid na tshe dang ldan pa rnams bdag la bsnyen par rdzogs par ma byed cig ces mchi bzhin dge slong rnams kyis bsnyen par rdzogs par bgyis na bsnyen par rdzogs pa zhes bgyi'am/ bsnyen par ma rdzogs pa zhes bgyi/ u pA li bsnyen par rdzogs pa zhes mi bya ste/ bsnyen par rdzogs par byed pa rnams kyang 'das pa dang bcas par 'gyur ro/ /u pA li de ci'i phyir zhe na/ bsnyen par rdzogs pa nyid kyang bslab pa 'bul na bsnyen par ma rdzogs zhes bya na bsnyen par rdzogs par byed pa'i tshe lta ci smos/ yang bcom ldan 'das la tshe dang ldan pa u pA lis zhus pa/ bcom ldan 'das kyis dge tshul pha rnams lo nyi shu lon nas bsnyen par rdzogs par byos shig ces gsungs na/ dge tshul pha gzhan dag bdag gi lo grangs ni ma 'tshal/ de lus bong ni che ste/ de dge slong rnams kyis lo grangs ma rtogs pas the tshom skyes te bsnyen par rdzogs par mi bgyid na de dag la ji ltar nan tan bgyi zhes zhus pa dang / bcom ldan 'das kyis bka' stsal pa/ u pA li de lta bu ni mtshan las so sor rtogs la bsnyen par rdzogs par byos shig /de la the tshom du ma byed cig /bcom ldan 'das kyis de ltar mtshan las rtogs la bsnyen par rdzogs par gyis shig ces gsungs pa dang / dge slong rnams kyis de gcer bur phyung ste mtshan rtog pa la zhugs 13-1-147b pa dang / de shin tu ngo tsha nas bcom ldan 'das kyis bka' stsal pa/ gcer bur ma dbyung bar ba so'am gos kyi gdang la lhung bzed dam chos gos kyi snod zhog la 'di phob shig ces smros la/ de ni mchan khung dang mchan la rtogs te de ste yod na bsnyen par rdzogs par bya'o/ /de ste med na bsnyen par rdzogs par mi bya'o/ /yang zhus pa/ btsun pa dge slong rnams kyis dge slong la dge slong ma'i las kyis bsnyen par rdzogs par bgyis na bsnyen par rdzogs pa zhes bgyi'am/ bsnyen par ma rdzogs pa zhes bgyi/ u pA li bsnyen par rdzogs pa zhes ni bya ste bsnyen par rdzogs par byed pa rnams ni 'das pa dang bcas par 'gyur ro/ /btsun pa dge slong ma la dge slong dang / dge slong ma rnams kyis dge slong gi las kyis bsnyen par rdzogs par bgyis na bsnyen par rdzogs pa zhes bgyi'am bsnyen par ma rdzogs pa zhes bgyi/ u pA li bsnyen par rdzogs pa zhes bya ste/ dge 'dun gnyi ga yang 'das pa dang bcas par 'gyur ro/ /rkyang pa'i sgo dang po'i mdo'i tshigs su bcad pa thog ma'o// //mdor na/ gsing ma grong dang bsdus pa dang / /sems bskyed pas ni gso sbyin dang / /gsad pa gsum yang de bzhin te/ /rnam 'byed dge 'dun lhag ma'o/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /dge slong dag cig 'gron pa mang po dang lhan cig ljongs spyod du dong ba dang / de dag de'i tshe gso sbyin la bab nas de dag gis sa gsing ma'i phyogs shig mthong nas de dag gis smras pa/ tshe dang ldan pa dag tshur sheg /sa gsing ma'i phyogs pha bi la gso sbyin bya'o zhes der de dag gso sbyin byed pa la zhugs pa dang / 'gron pa mang po dag 'das nas de dag kyang phyi bzhin 'dong ba las bar du rkun pos bcom ste gtsug lag khang du phyin pa dang / dge slong rnams kyis mthong ste bde bar 'ongs sam/ tshe dang ldan pa dag bde bar 'ongs sam/ ci bde bar spyad dam 13-1-148a zhes smras pa dang / bde bar ga la spyad/ ci nyes/ bdag cag ni rkun pos bcom mo/ /de lta bur gyur pa dge slong rnams la smras pa dang / dge slong rnams kyis bcom ldan 'das la gsol nas/ bcom ldan 'das kyis bka' stsal pa/ gsing ma la chags pa'i phyir gso sbyin ma byed cig /bcom ldan 'das kyis grong dang nye ba'i 'khor du gso sbyin byos shig ces gsungs pa dang / de las dge slong phyed ni grong du zhugs phyed ni phyi rol du 'khod pas de dag ma 'dus par gyur nas gso sbyin ma byas te/ de ltar gyur pa dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gang grong na gnas pa rnams ni grong du gso sbyin byos shig /de bzhin du dge slong rnams gso sbyin bya ste gso sbyin la ma sdod cig /sdod na 'das pa dang bcas par 'gyur ro/ /dge slong dag cig tshong pa'i 'gron pa mang po dang lhan cig tu lam du zhugs pa dang / dge slong gis tshong pa la bzhin bzangs bdag cag gso sbyin byed kyis de'i bar du skad cig sdod cig ces smras pa dang / de dag gis 'phags pa rnams 'di phyogs na rkun pos 'jigs kyis phyi bzhin spyon cig bsdad do zhes smras pa dang / der sdod grang der sdod grang snyam nas dge slong rnams phyi bzhin du 'brang zhing de dag dong ba las nam nangs so/ /dge slong rnams kyis de ltar gyur pa bcom ldan 'das la gsol nas/ bcom ldan 'das kyis bka' stsal pa/ dge slong rnams gso sbyin gyi tshe gso sbyin ma byas par ma 'gro shig /yang na 'gro bzhin du gso sbyin byos shig /dge slong dag gis 'gro bzhin du gso sbyin byed pa la zhugs pa dang / tshong pa rnams kyis 'phags pa bdag cag ni rkun pos 'jigs pas cang mi smra bar 'gro na khyed ci'i phyir ca co byed ces smras nas/ de ltar gyur pa dge slong de dag gis bcom ldan 'das la gsol pa dang / bcom ldan 'das kyis bka' stsal pa/ gso sbyin rgyas par ma byed par 13-1-148b mdor byos shig /dge slong rnams kyis mdor byed pa la zhugs pa dang / 'on kyang tshong pa de dag gis dpyas nas/ bcom ldan 'das kyis bka' stsal pa/ sems bskyed pa tsam gyis byin gyis rlobs shig /de bas na dge slong rnams chos gos byin gyis brlab pa dang / gos bsngo ba dang / gso sbyin dang / tshul nas byung ba 'di bzhi ni sems bskyed pa tsam gyis 'grub bo/ /de yang 'di ltar bya ste/ sangs rgyas la dmigs pa'i dran pa nye bar bzhag ste/ sems bskyed par byos la gso sbyin byin gyis rlobs shig /de nas tshig tu yang brjod par bya ste/ deng dge 'dun rnams kyi bco lnga'i gso sbyin te/ bdag dge slong ming 'di zhes bya ba'i yang bco lnga'i gso sbyin te/ bdag ming 'di zhes bya ba'i bar chad kyi chos rnams kyang yongs su dag go zhes rang gis brjod de gso sbyin byin gyis brlabs la/ gang gi tshe dge 'dun 'dus pa phrad pa de'i tshe dge 'dun dang lhan cig tu gso sbyin bya'o/ /de ltar lan gnyis de ltar lan gsum du brjod de gso sbyin de ltar bya'o/ /gso sbyin mi bya ba ni ma yin no/ /ma byas na 'das pa dang bcas par 'gyur ro/ / gleng gzhi ni mnyan du yod pa na ste/ dge slong dag cig gzhongs spyad pa spyod pa na rkun pos zin nas de dag gis kye bsam rlag tu 'khod de ci byed kyis/ mgo reg 'di dag gsad do zhes smras pa dang / dge slong dag gis bsams pa/ bdag cag ni gsad par chad par lta snyam nas de dag gis rkun po la kye ci'i phyir nged gsad ces smras pa dang / rkun pos smras pa/ khyed la rgyal po dang / phyug po dang / tshong dpon dang / ded dpon rnams rab tu dad pas khyed kyis de dag la smras pa dang / de dag gis nged la gnod par byed do zhes smras pa dang / de na dge slong gzhon nu cig gis brdzun du smras pa las byung ba'i nyes pa ltung ba byung ste/ des tshe dang ldan pa rnams bdag gis ltung ba byung ba bshags pa de'i bar du bsdad par ci gnang zhes smras pa dang / de dag gis de ltar na gnas 'di nyid du shogs 13-1-149a shig ces smras pa dang / des dge slong gi mdun du 'chags pa la zhugs te/ dgongs shig tshe dang ldan pa rnams/ bdag ming 'di zhes bgyi ba shes bzhin gyi brdzun smras pa las byung ba'i ltung ba'i nyes pa mchis te/ bdag gis tshe dang ldan pa'i mdun du bshags so/ /mthol lo/ /mi 'chab bo/ /bshags shing mthol na bdag la bde bar 'gyur gyi/ ma bshags ma mthol na ni ma yin no/ /des smras pa/ nye bar mthong ngam/ mthong ngo / /phyin chad sdom par dam 'cha'am dam 'cha'o/ /de ltar lan gnyis lan gsum du smras pa dang / rkun po de thams cad kyis thos nas de dag gis smras pa/ 'phags pa khyed rnams brdzun mi smra'am/ bzhin bzangs mi smra'o zhes smras pa dang / de dag mngon du dad nas 'phags pa rnams de ltar na/ deng la su la yang ma smra shig ces smras pa dang / nad med cig su la yang mi smra'o zhes smras te dong nas de dag gtsug lag khang du lhags pa dang / the tshom skyes nas de ltar gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ dge slong rnams nags tshal gyi dbang po rkun po'i drung du bshags pa yin gyis de la the tshom du ma byed cig /gleng gzhi ni mnyan du yod pa na ste/ dge slong gzhan zhig ljongs spyad pa spyod pa la rkun pos zin nas de dag gis bsam rlag tu 'khod de ci byed kyis mgo reg 'di dag gsad do zhes smras pa dang / dge slong dag gis bsams pa/ bdag cag ni gsad par chad par lta snyam nas de dag gis rkun po la kye ci'i phyir nged gsad ces smras pa dang / rkun pos smras pa/ khyed la rgyal po dang / phyug po dang / tshong dpon dang / ded dpon rnams mngon par dad pas na khyed kyis de dag la smras pa dang / de dag gis nged la don med par byed do zhes smras nas/ dge slong rnams kyis smras pa/ thong shig dang su la yang mi smra'o/ /de dag gis de ste khyed kyis bco lnga'i dus na gcig tu 'dus shing 'don pa de nged cag la 13-1-149b rgyas par smra bar dam 'cha' na gtang ngo zhes smras pa dang / de na dge slong cig gzhung kha don du lobs pas de bsad kyis 'jigs pas skrag pas so sor thar pa myur du bton pa dang / de dag mngon par dad nas 'phags pa khyed kyis de thams cad yang dag par bzung ste srung ngam/ zhes smras pa dang / de dag gis tshe dang ldan pa 'di ni ston pa'i bka' yin na ci'i phyir yang dag par 'dzin cing mi srung zhes smras pa dang / de dag gis 'phags pa rnams legs kyis bzhud la su la yang ma gsungs shig ces smras pa dang / nad med cig mi smra'o zhes smras te dong nas de dag gtsug lag khang du phyin pa dang / de dag the tshom skyes te de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ dge slong rnams nags tshal gyi dbang po rkun po'i drung du kha thon bklags pa ni legs par bklags pa yin gyis de la the tshom du ma byed cig /gleng gzhi ni mnyan du yod pa na ste/ dge slong dag cig yul be'u zhes bya ba nas ljongs spyad pa spyod cing dong ba dang / rkun pos zin nas de dag gis kye bsam rlag tu 'khod de ci byed kyis mgo reg 'di dag gsad do zhes smras pa dang / de la rkun po cig dge slong gi rgyus shes pas des de dag mthong ba dang / snying rje skyes nas des de dag thar par bya ni ma nus kyi snying brtse ba'i phyir kye 'di dag gsad de ci rung gis rtswa ma brngas pa la bcings te rdzas phrogs la dong dang de nyid rang bkres shing nyam chung bas gdungs te srog dang bral grang zhes smras pa dang / de'i nang nas gcig gis smras pa/ kye 'di de skad smra na ji ltar bya zhes smras pa dang / kha cig gis smras pa/ de ltar bya ba ni legs so zhes nas de dag gis de la phrogs nas rtswa ma brngas pa la bcings te dong ngo / /yul be'u zhes bya ba'i rgyal po 'char po dpung gi tshogs yan lag bzhi pa dang ri dgas shor ba'i phyir dong ba dang / de dag gis de dag rgyang ring po nas mthong nas des blon po la kye snang ba pha bi 13-1-150a ri dgas ma yin nam zhes dris pa dang / des lha ma 'tshal to zhes smras nas rgyal po der nye bar song nas mi yin par mthong ba dang / des kye mu stegs gcer bu pa yin nam ci zhes smras pa dang / de dag las gcig gis lha de bzhin no zhes smras pa dang / de dag la dge slong gi rgyus shes pa zhig gis smras pa/ lha de ni mu stegs gcer bu pa ma lags kyis/ lha shAkya'i bu'i dge slong ngo / /ji ltar shes/ lha de ltar logs gcig ni gnag /gnyis pa ni dkar ro zhes smras pa dang / de nas rgyal pos de la dris pa/ 'phags pa khyod ci'i phyir 'di ltar 'dug /lha bdag cag rkun pos bcom mo/ /'phags pa 'o na ci'i phyir de ltar 'dug /lha 'di ltar bcings so/ /'phags pa 'di 'dra bar bcings pa ci'i phyir gcad de mi 'dong/ lha bcom ldan 'das kyis bdag cag gi bslab par bcas pa sa bon gyi grong dang srog chags kyi grong bshig gam bshig tu bcug na ltung ba'o zhes bya ba'i bslab pa'i bcings pas bcings so zhes smras pa dang / rgyal po de dad cing mngon par dga' nas des de dag bkrol te re re la yang chos gos gsum gsum bskon no/ /de dag gtsug lag khang du phyin pa dang / bdag cag gis rgyal po'i mdun du de ltar ltung ba smras so zhes te the tshom skyes pa dang / des de ltar gyur pa dge slong rnams la rgyas par smras nas dge slong rnams kyis bcom ldan 'das la gsol te/ bcom ldan 'das kyis bka' stsal pa/ rgyal po 'di ni rgyal rigs spyi bo nas dbang bskur ba/ 'jig rten pa thams cad kyi gtso bo yin pas na gang smras pa de ni legs par smras pa yin gyis de la the tshom du ma byed cig /gleng gzhi ni mnyan du yod pa na ste/ sangs rgyas bcom ldan 'das la tshe dang ldan pa u pA lis zhus pa/ btsun pa nongs pa dang bcas pas nongs pa dang bcas pa'i mdun du nongs pa bshags su rung ngam u pA li mi rung ngo / /de ste dngos po mi mthun na ni rung ngo / /gleng gzhi ni mnyan du yod pa na ste/ dge slong gcig la dge 13-1-150b 'dun gyi lhag ma'i nyes pa byung nas de 'gyod pa skyes pa dang / de skya bo bseng bseng por gyur la rid cing nyam chung ste/rmya la lus ma brtas par gyur nas de la dge slong dag gis smras pa/ tshe dang ldan pa khyod ci'i phyir skya bo bseng bseng por gyur la rid cing nyam chung la rmya ste lus ma brtas par gyur pa de'i nad smros shig ces smras pa dang / de cang mi smra nas nam de dang mdza' ba'i dge slong gis mthong ste dris pa dang / des de la rgyas par smras pa dang / des tshe dang ldan pa de lta na dge slong rnams la brjod kyis shogs shig ces smras so/ /de ltar brjod na bdag nyid mchi'o zhes smras pa dang / des de lta na tshur shog /yul gzhan du dong la der de dag bshags so/ /zhes smras pa dang / des kyang khas blangs nas de dang de lhan cig tu yul gzhan du song ba las de lam phyed du dus 'das pa dang / dge slong des bsams pa/ gang gis don gyi phyir bdag 'gro ba de ni dus 'das na da ci'i phyir 'gro/ phyir ldog go snyam nas de phyir log pa dang / de la dge slong dag gis bde bar 'ongs sam/ tshe dang ldan pa bde bar 'ongs sam/ ci khyed bde bar spyad dam zhes smras pa dang / de ngu bar gyur nas de la dge slong dag gis tshe dang ldan pa ci'i phyir ngu zhes smras pa dang / gang bdag dang lhan cig tu song ba'i dge slong de dus 'das pa'i phyir ro zhes smras pa dang / de dag gis tshe dang ldan pa ci'i phyir ngu/ 'dus byas thams cad ni chos nyid kyis de bzhin no zhes smras so/ /des de ni nyes pa dang bcas bzhin du dus 'das so zhes smras pa dang / dge slong rnams kyis des dmyal bar ring du gnas par gyur pas na ngu ba 'di ni rigs so zhes smras pa dang / de ltar gyur pa dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong rnams rigs kyi bu de ni nyes pa de las phyin te/ ngas ni bsam pa las nyes pa phyin par gsungs kyis chad pa'i las kyis ni ma yin no/ /de lta bas na gang de ltar rang bzhin gyis ngo tsha ba dang 13-1-151a ldan pa des gcig gi mdun du shogs shig par gnang ngo / /des ni gcig gi mdun du shogs shig /de la the tshom ma byed cig ces gsungs pa dang / 'dod chags dang bral ba ma yin pa skye bo tha dad pa mdo sde 'dzin pa dang / 'dul ba 'dzin pa dang / ma lta bu 'dzin pa kha cig dang / dge 'dun gyi gnas brtan dang / grags pa dang / bsod nams chen po kha cig gis ma brtags pas na dge 'dun gyi lhag ma'i nyes pa byung ste/ de dag chad par spyod pa la lhan cig spyod pa dang / nye gnas dang bram ze dang khyim bdag dang gzhan yang rung nyung ngu thos pa'i dge slong rnams kyis kyang dpyas/ kha cig ni mi dga' bar gyur te/ de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ de dag gis kyang phyis mi bya bar shin tu bsam pa brtun te gcig po'i mdun du shogs shig /'di la the tshom ma byed cig /rkyang pa'i nang nas sgo dang po'i mdo'i tshigs su bcad pa gnyis pa'o// //mdor na/ gzhag pa'i rigs pa gzhag par bya/ /bdun lon nas kyang 'gro bar bya/ /mnyam du ma zin de bzhin te/ /gang gi ko ba mi rung ba'o/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /tshe dang ldan pa kun dga' bo la gtsug lag khang skyong gi res bab bo/ /yul ko sa la'i rgyal po gsal rgyal dze ta'i tshal du 'ongs nas bcom ldan 'das kyi zhabs la phyag 'tshal te/ tshe dang ldan pa kun dga' bo gang na ba der song ste drung du phyin pa dang / rkang pa la phyag 'tshal nas chos nyan pa'i phyir mdun du 'dug go/ /de nas tshe dang ldan pa kun dga' bos mdo sde la zhugs nas de las phye nas cung zad tsam zhig rgyas par bshad nas/ mdor 'chad pa la zhugs pa dang / rgyal pos 'phags pa bdag la brel ba med kyis mdor ma bshad cig ces smras so/ /de bzhin du lan gnyis lan gsum du smras pa dang / tshe dang ldan 13-1-151b pa kun dga' bos rgyal po chen po khyod la brel ba med kyang bdag la brel ba yod do zhes smras pa dang / 'phags pa kun dga' bo ci zhig brel ces smras pa dang / khang skyong bya dgos so zhes smras pa dang / 'phags pa kun dga' bo yang las kyi res mdzad dam/ lha bdag ni dge 'dun gyi nang du gtogs pas na las bgyi 'tshal lo zhes smras pa dang / rgyal pos 'di bdag gis bya ba yin no snyam du bsams nas/ de bcom ldan 'das gang na ba der song ste phyin pa dang / bcom ldan 'das kyi zhabs la phyag 'tshal nas 'di skad ces gsol to/ /btsun pa bdag ni rgyal po rgyal thabs spyi bo nas dbang bskur ba ste/ gang bdag gis bgyi ba'i las ni bdag bgyid do/ /gang nang gi btsun mos bgyi ba'i rigs pa yang nang gi btsun mos bgyid do/ /gang gzhon nus bgyi ba'i rigs pa yang gzhon nus so/ /gang blon po'am/ blon po chen po'am/ dmag dpon nam/ grong mi 'am/ gzhongs pa yang rung ste gzhongs pa nyid kyis las bgyid do/ /bcom ldan 'das kyang bla na med pa'i chos kyi rgyal po ste/ e ma'o bcom ldan 'das brtse ba can gyis kyang gzhag par 'os pa gzhag la las kyi res mi bsko bar ci gnang zhes gsol pa dang / rgyal po gsal rgyal gyis gsol pa bzhin bcom ldan 'das kyis cang mi gsung bas zhal gyis bzhes so/ /rgyal po gsal rgyal gyis kyang cang mi gsung bas zhal gyis bzhes par rig nas rgyal po gsal rgyal bcom ldan 'das kyi zhabs la phyag 'tshal nas bcom ldan 'das kyi drung nas song ngo / /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la mnyan du yod pa na gnas shing 'khod pa'i dge slong thams cad 'dun khang du sdus shig ces gsungs pa dang / btsun pa bka' bzhin 'tshal zhes nas tshe dang ldan pa kun dga' bos bcom ldan 'das las mnyan te mnyan du yod pa na dge slong ji snyed gnas pa de thams cad 'dun khang du bsdus 13-1-152a nas/ bcom ldan 'das gang na ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /tshe dang ldan pa kun dga' bos bcom ldan 'das la 'di skad ces gsol to/ /btsun pa mnyan du yod pa na dge slong ji snyed gnas shing mchis pa de thams cad 'dun khang du 'dus te mchis lags na/ bcom ldan 'das kyis da dus la bab par dgongs shig /de nas bcom ldan 'das 'dun khang gang na ba der bzhud de byon nas dge slong gi dge 'dun gyi mdun na gdan bting ba la bzhugs te bzhugs nas bcom ldan 'das kyis dge slong dag la bka' stsal pa/ dge slong dag deng ko sa la'i rgyal po gsal rgyal nga'i drung du 'ongs te/ e ma'o bcom ldan 'das gzhag pa'i rigs pa rnams ni zhog la/ las kyi res la bka' stsal pa'i mi rigs so zhes zer gyis khyed cag gis deng phan chad gzhag pa'i rigs pa rnams las la ma bsko bar zhog cig /bcom ldan 'das kyis gzhag pa'i rigs pa rnams las la ma bsko shig ces gsungs pa dang / dge slong dag gis gang gzhag par rigs pa ma shes nas/ bcom ldan 'das kyis bka' stsal pa/ mdo sde 'dzin pa dang / 'dul ba 'dzin pa dang / ma lta bu 'dzin pa dang / mang po 'chad pa dang / dge 'dun gyi gnas brtan dag ni gzhag par rigs pa'o/ /de la mdo sde 'dzin pa ni de nyid las so/ /de bzhin du 'dul ba 'dzin pa dang / ma lta bu 'dzin pa dang / mang po la 'chad pa dang / dge 'dun gyi gnas brtan dag kyang de nyid las yin no/ /bcom ldan 'das kyis mdo sde 'dzin pa dang / 'dul ba 'dzin pa dang / ma lta bu 'dzin pa de ni de nyid las yin no zhes gsungs pa dang / drug sde dag gis mdo sde'i le'u gcig gnyis bklags nas nged cag ni mdo sde 'dzin pa yin pas na nged la las kyi res ma dbab cig ces smras pa dang / de ltar gyur pa dge slong dag gis bcom ldan 'das la gsol pa dang / bcom 13-1-152b ldan 'das kyis bka' stsal pa/ gang mdo sde thams cad 'dzin pa de ni mdo sde 'dzin pa ste/ de ni las la ma bsko shig de bzhin du phas pham pa gcig gam gnyis lhogs pa dag gis nged kyang 'dul ba 'dzin pa'o/ /de bzhin du rab tu byed pa gnyis bklags pas kyang nga ni ma lta bu 'dzin pa yin gyis las kyi res la ma bsko shig ces smras pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ gang 'dul ba thams cad 'dzin pa dang / ma lta bu thams cad 'dzin pa ni las la ma bsko shig /gleng gzhi ni mnyan du yod pa na ste/ de'i tshe yul ko sa la'i rgyal po gsal rgyal ri brags kyi grong dag cig log nas dmag ru gcig btang ba dang / de dag gis slar bcom btags nas lhags so/ /de bzhin du lan gnyis lan gsum du btang yang slar btags bcom nas lhags so/ /blon po dag gis gsol pa/ lha ri brags kyi grong dag gi mthu ni cher gyur/ lha'i mthu ni 'gribs na de la lha nyid gshegs na ni ri brags kyi grong de dag kyang gdod khugs par 'gyur gyi gzhan gyis mi nus so zhes smras pa dang / rgyal pos nga'i yul na ji snyed mtshon cha'i mthus 'tsho ba de thams cad ma 'khod par sheg shig ces dril chen po bsgrags so/ /de nas rgyal po mthu chen po dang lhan cig tu grong rdal der lhags nas thams cad bskor te 'khod do/ /'on kyang de dag nags tshal stug po la brten nas ma phebs pa dang / blon pos lha khyim bdag mgon med zas sbyin de bsod nams rab tu rgyas shing lha rnams kyis yongs su zin pas de 'dir mchis na gdon mi 'tshal bar ri brags kyi grong phebs par 'gyur ro zhes smras pa dang / de nas rgyal pos khyim bdag mgon med zas sbyin la bsti stang cher byas nas khyim bdag khyod kyi ngo blta bar 'dod do zhes yi ge spring ngo / /de yi ge de thos ma thag tu rings bzhin du song ste ri brags kyi grong rdal der phyin to/ /'on kyang grong rdal de ma phebs nas 13-1-153a khyim bdag mgon med zas sbyin de ring du thogs par gyur nas/ de dge slong rnams ma mthong ba'i phyir skya bo bseng bseng po rid cing lus ma brtas par gyur nas/ rgyal pos mthong ste dris pa/ khyim bdag khyod bu dag dran nam zhes smras pa dang / des lha bdag bu dran pa ni ma lags kyi/ 'phags pa rnams blta bar 'tshal ba'i slad du'o zhes smras pa dang / rgyal pos blon po dag la ngas bka' stsal pa skad du ma zer bar ci nas 'phags pa rnams 'dir byon pa'i thabs su sbyor cig ces yi ge spring ba dang / blon po dag gis yi ge bklags nas gros byed pa la zhugs te/ kye de la thabs ji ltar bya zhes smras pa dang / blon po rgan po gzhan zhig gis de lta blas de'i thabs shig bdag gis sbyar la dgye bar bya'o zhes smras nas/ des dze ta'i sgo na ar Da tshangs sbyin gyi skyed mos tshal zhig yod pa rnyings te/ mda' lta bu'i tshal du gyur pa de bcos legs byas/ mchod rten gyi dag ra nas skyed mos tshal der yur ba drang ngo zhes srad bu bres pa dang / de dag nyid la gnod pas na lha lta zhing 'dong bar 'gyur ro zhes te/ de nas de dag gis skyed mos tshal rnying pa de 'chos pa la zhugs/ dbu skra dang sen mo'i mchod rten gyi dbus su srad bu bres na srad bu 'di'i rgyud bzhin du yur ba brko'o zhes smras pa dang / dge slong gtsug lag khang na gnas pa dang / nyin par spyod du dong ba de dag 'dus te blon po de'i gan du dong nas bzhin bzangs 'di ci zhig rtsom zhes smras pa dang / 'phags pa rnams lhas bdag cag la nga'i pha'i skyed mos tshal rnying pa chos shig dang / nga der 'ong ngo zhes yi ge mchis pas na 'di dag bdag cag gis phyi bdar bgyis te der chu drang ba'i yur ba brko'o zhes smras pa dang / ci khyed kyis bcom ldan 'das kyi dbu skra dang sen mo'i mchod rten gzhig gam/ de ltar ma byed cig ces smras pa dang / 'phags pa dag lha'i bka' bzhin ni bdag cag gis mi bgyir mi rung ste/ bdag cag la mgo gnyis su ma mchis kyis lha'i bka' bcag tu mi rung ngo zhes smras 13-1-153b pa dang / bzhin bzangs nged kyis lha la gsol gyis de'i bar du sdod cig ces smras pa dang / 'phags pa bdag cag gis bsdad kyis gsol ba mdzad du gsol zhes smras pa dang / bzhin bzangs lha 'dug pa der ji srid yod/ 'phags pa lam ring ngo / /bzhin bzangs zhag gcig nas bdun gyis slar 'khor tam/ slar mi 'khor to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ de ltar na dge slong dag sangs rgyas dang chos dang dge 'dun gyi phyir zhag bzhi bcur byin gyis rlobs la mtshams kyi phyi rol du 'dong bar gnang ngo / /dge slong dag gis ji ltar byin gyis brlab pa ma shes nas/ bcom ldan 'das kyis bka' stsal pa/ stan rnams thing ste gaN+DI rdungs la dris pa'i lan glon pa'i dge slong cig bskos te dge 'dun thams cad 'dus nas 'khod pa dang / sngar dge slong gcig gam gnyis sam/ gsum yang rung dad par gyis te/ sangs rgyas srung dang chos byin dang / dge 'dun sde khyed rnams gnas 'di'i mtshams kyi nang du dbyar snga ma'am/ phyi ma yang rung tshul du zhugs pa las dge 'dun gyi don gyi phyir zhag bzhi bcur byin gyis brlabs te/ mtshams kyi phyi rol du dong la khyed dbyar gyi gnas 'dir te/ dbyar 'dir gnas par dad dam zhes bsgo la/ de ste dad na de'i 'og tu dge slong gcig gis gsol ba dang las byos shig /gson cig btsun pa'i dge 'dun rnams/ sangs rgyas srung dang / chos byin dang / dge 'dun sde 'di dag mtshams kyi nang gnas 'dir dbyar snga ma 'am phyi ma tshul du zhugs pa las/ 'di dag dge 'dun gyi don gyi phyir zhag bzhi bcur byin gyis brlabs te/ mtshams kyi phyi rol du 'dong zhing 'di dag dbyar gnas 'di lags te/ dbyar 'dir gnas na de ste dge 'dun rnams kyis bzod cing dus la bab na dge 'dun gyis gnang la/ dge 'dun gyis sangs rgyas srung dang / chos byin dang / dge 'dun sde dag zhag bzhi bcur skos shig /sangs rgyas srung dang / chos 13-1-154a byin dang / dge 'dun sdes dge 'dun gyi don gyi phyir zhag bzhi bcur byin gyis brlabs te mtshams kyi phyi rol du dong la/ de dag dbyar gnas 'di lags te dbyar 'dir gnas so/ /'di ni gsol ba'o/ /las kyang 'di bzhin du byos shig /gson cig btsun pa'i dge 'dun rnams/ sangs rgyas srung dang / chos byin dang / dge 'dun sde 'di dag dge 'dun gyi don gyi phyir zhag bzhi bcur byin gyis brlabs te mtshams kyi phyi rol du 'dong zhing/ 'di dag dbyar gnas 'di lags te/ tshe dang ldan pa rnams las gang la sangs rgyas srung dang / chos byin dang / dge 'dun sde dag gis dge 'dun gyi don gyi phyir zhag bzhi bcur bsko bar bzod pa de dag ni cang ma gsung shig /gang mi bzod pa de dag ni smros shig /dge 'dun gyis sangs rgyas srung dang / chos byin dang / dge 'dun sde 'di dag dge 'dun gyi don gyi phyir zhag bzhi bcur byin gyis brlabs te mtshams kyi phyi rol du mchis la de dag dbyar gnas 'di lags te dbyar 'dir gnas par dge 'dun gyis bzod cing gnang bas na cang mi gsung ste de de bzhin du 'dzin to/ /gang la dge 'dun gyis zhag bzhi bcur bskos pa de dag byin gyis rlobs te/ mtshams kyi phyi rol du dong shig de la the tshom du ma byed cig /byin gyis brlab pa ni 'di bzhin du gyis shig /dge slong gcig gi mdun du thal mo sbyor la 'dug ste tshig 'di skad du dgongs shig /tshe dang ldan pa bdag ming 'di zhes bgyi ba mtshams kyi nang gnas dbyar snga ma'am phyi ma yang rung zla ba gsum mtshungs pa las/ bdag ming 'di zhes bgyi ba dge 'dun gyi don gyi phyir zhag bzhi bcur byin gyis brlabs te mtshams kyi phyi rol du mchis la bdag gi dbyar 'di lags te dbyar 'dir gnas so/ /de bzhin du lan gnyis lan gsum du smros shig /sangs rgyas bcom ldan 'das la tshe dang ldan pa u pA lis zhus pa/ btsun pa zhag gcig tu byin gyis brlabs la mtshams kyi slad rol du mchi bar rung ngam/ u pA li rung ngo / /de bzhin 13-1-154b du zhag gnyis sam/ zhag gsum mam/ zhag bzhi'am/ zhag lnga 'am/ zhag drug gam/ zhag bdun nam/ zhag brgyad dam/ zhag dgu 'am/ zhag bcu'am/zhag nyi shu'am/ zhag sum cu'am/ zhag bzhi bcu'i bar du byin gyis brlabs te mtshams kyi phyi rol du 'gro bar rung ngo / /btsun pa zhag bzhi bcu phan chad byin gyis brlab par rung ngam/ u pA li mi rung ngo / /de ci'i phyir zhe na/ u pA li mtshams kyi nang du ni zhag mang du gnas par bya'i mtshams kyi phyi rol du ni zhag nyung ngu gnas par bya'o/ /yang gsol pa/ btsun pa bcom ldan 'das kyis zhag gcig tu byin gyis brlab par byos shig ces gsungs na/ su'i mdun du byin gyis brlab par bgyi/ u pA li de ni dge slong gcig gi gan du'o/ /de bzhin du zhag gnyis sam/ zhag gsum mam/ zhag bzhi'am/ zhag lnga'am/ zhag drug gi bar du byin gyis brlab par bya'o/ /zhag drug phan chad nas zhag bzhi bcu'i bar du ni dge 'dun la gsol te bskos na dge 'dun nam gang zag gi mdun du yang rung ci dga' bar byin gyis rlobs shig /sangs rgyas bcom ldan 'das la tshe dang ldan pa u pA lis zhus pa/ btsun pa pags pa mi rung ba de'i sha yang mi rung ba lags sam/ u pA li pags pa mi rung ba de'i sha yang mi rung ba'o/ /de'i rgyus pa dang / rus pa dag kyang mi rung ba'o/ /rkyang pa'i sgo dang po'i mdo'i tshigs su bcad pa gsum pa'o// //'dul ba gzhung dam pa/ 'dul ba gzhung dam pa/bam po sum bcu rtsa dgu pa/ mdor na/ gzugs can snying po mal gos dang / /phyi mo dus 'das de bzhin te/ /bya rog 'ug pa bya rgod dang / /de dag bza' bar mi bya'o/ /sangs rgyas bcom ldan 'das rgyal po'i khab 'od ma'i tshal bya ka lan da ka gnas pa na bzhugs pa'i tshe gang gi tshe rgyal po ma skyes dgra lha sbyin gyis bslus nas de'i pha chos can chos bzhin du rgyal po byed pa 'tsho ba dang phral ba de'i tshe mal gos dag mthong ba dang ngu bar gyur nas/ blon po dag gis lha rgyal po bgres po ni 'phags pa dag la dgyes 13-1-155a na gzims cha 'di dag kyang dge 'dun la dbul ba'i rigs so zhes smras pa dang / des mal gos de dag gtsug lag khang du phul lo/ /dge slong dag gis de sgo khang du bting ste bzhag go/ /de dus phyi zhig na rgyal pos gtsug lag khang du 'ongs nas des de mthong ba dang ngu bar gyur to/ /blon po dag gis 'phags pa dag khyed la sbyin pa ni mi mthong bar bya ba'i phyir na sgo khang du bting ba 'di ni nyes pa'i dmigs su gyur to zhes smras pa dang / de dag cang mi zer bar 'dug go/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis sgo khang du ma gding shig ces bka' stsal nas/ yang thog tu bting ba dang / de nyid nyes pa'i dmigs su gyur nas/ bcom ldan 'das kyis yang thog tu gding bar ma byed cig ces bka' stsal pa dang / gnas khang du bting ste bzhag go/ /ma dad pa dag gis rgyal po'i mal gos ni dge slong dag gis nges par btsongs te zos pas na de sngon snang na da mi snang ngo zhes dpyas pa dang / bcom ldan 'das kyis bka' stsal pa/ tshes brgyad dam/ bcu bzhi'i tshe yang thog tu thing la zhog shig /ma dad pa dag gis mthong nas lha'i mal stan dag ni dge slong dag gis btsongs nas zos te med do zhes smras pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ yon du phul ba'i dngos po 'di ni rgyal po gzugs can snying po'i yin no zhes mtha' ma la yi ger bris te zhog shig /gleng gzhi ni mnyan du yod pa na ste/ de'i tshe na yul ko sa la'i rgyal po gsal rgyal gyi phyi mo sdug cing yid du 'ong ba zhig dus 'das pa dang / de phyir phyung ste bsregs nas/ shi ba'i cho ga byas te nang par sngar gos kyang gsher/ skra yang gsher bzhin du/ bcom ldan 'das gang na ba der song ste phyin nas/ bcom ldan 'das kyi zhabs la mgo bos phyag 'tshal nas/ phyogs gcig tu 'dug 13-1-155b go/ /phyogs gcig tu 'dug pa dang / bcom ldan 'das kyis yul ko sa la'i rgyal po gsal rgyal la 'di skad ces bka' stsal to/ /rgyal po chen po nang par sngar skra yang gsher/ gos kyang gsher bzhin du 'dir ci la 'ongs/ btsun pa bdag gi phyi mo rab tu sdug cing yid du 'ong ba zhig dus 'das pa dang / de phyir phyung ste bsregs nas shi ba'i cho ga bgyis te/ de'i phyir nang par sngar gos kyang gsher/ skra yang gsher bzhin du 'dir mchis so/ /rgyal po chen po phyi mo rab tu sdug gam/ btsun pa rab tu sdug cing yid du mchi ste/ btsun pa phyi mo sos par byas bal glang mang po 'tshal zhes mchi ba zhig mchis na yang bdag gis bal glang mang po yang gtong ngo / /de bzhin du rta mang po dang / shing rta mang po dang / rgyal srid phyed 'tshal na yang phyi mo sos na rgyal srid phyed kyang gtong phod do/ /btsun pa bdag gis de la de bzhin du mya ngan dang / de bzhin du nyon mongs pa dang / de bzhin du mya ngan gyis gzir bzhin du bsgrims kyang phyi mo sdug cing yid du 'ong ba dus 'das pa dang / bdag gis 'di snyam du bsams so/ /bcom ldan 'das kyis legs par gsungs pa ni ngo mtshar che ste/ sems can thams cad dang / srog chags thams cad dang / 'byung po thams cad 'tsho ba'i mtha' ni 'chi bar 'gyur ro/ /mthar ni 'chi ba la thug pas na skyes na 'chi'o zhes bcom ldan 'das kyis gsungs pa ni ngo mtshar che'o zhes gsol pa dang / rgyal po chen po de de bzhin no/ /de de bzhin te/ sems can thams cad dang / srog chags thams cad dang / 'byung po thams cad kyang 'tsho ba'i mtha' ni 'chi bar 'gyur te/ mthar 'chi ba la thug pas na skyes phan chad mi 'chi ba med do/ /rgyal po chen po gang rgyal rigs che zhing mtho ba dang / bram ze'i rigs che zhing mtho ba dang / khyim bdag gi rigs che zhing mtho ba de dag kyang 'tsho ba'i mtha' ni 'chi bar 'gyur te/ mthar 'chi ba la thug pas na skyes phan chad mi 'chi ba med do/ /yang rgyal po 13-1-156a chen po rgyal thabs spyi bo nas dbang bskur ba skye bo mang po la dbang zhing brtson 'grus thob pa/ sa gzhi chen po'i dkyil 'khor yang rab tu btul cing gnas par byed pa de lta bu dag kyang 'tsho ba'i mtha' ni 'chi bar 'gyur te/ mthar 'chi ba la thug pas na skyes phan chad mi 'chi ba med do/ /rgyal po chen po yang 'di ltar rgyal po las drang srong du gnas na gnas pa 'bras bu rang lhung za ba rtsa ba dang 'bras bus 'tsho ba de lta bu yang 'tsho ba'i mtha' ni 'chi bar 'gyur te/ mthar 'chi ba la thug pas na skyes phan chad mi 'chi ba med do/ /rgyal po chen po 'di ltar yang lha tshe ring po kha dog dang ldan pa mang ba gzhal med khang mthon po na 'dug kyang de dag gnas de nas 'chi 'pho ba'i chos su 'gyur ro/ /'di ltar yang rgyal po chen po dgra bcom pa zag pa zad pa/ bya ba bsgrubs pa khur bor ba/ rang gi don thob pa/ srid par sbyor ba zad pa/ yang dag pa'i bka' la sems kyis rnam par grol ba de dag gi lus kyang rje ba'i chos su 'gyur ro/ /yang 'di ltar rgyal po chen po rang sangs rgyas bse ru 'dra ba/ bdag gcig pu dul ba/ bdag gcig pu zhi ba/ bdag gcig pu mya ngan las zlo ba de dag kyang lus rje ba'i chos su 'gyur ro/ /yang 'di ltar rgyal po chen po de bzhin gshegs pa dgra bcom pa yang dag par rdzogs pa'i sangs rgyas stobs bcu dang ldan pa/ mi 'jigs pa bzhis mi 'jigs pa/ khyu mchog gi dam pa/ seng ge'i sgra sgrogs pa de lta bu'i sku yang rje ba'i chos su 'gyur ro/ /rgyal po chen po rnam pa de lta bu thams cad kyang de bzhin du rig par gyis shig /gang sems can thams cad dang / srog chags thams cad dang / 'byung po thams cad kyang 'tsho ba'i mtha' ni 'chi bar 'gyur te/ mthar 'chi ba la thug pas na skyes phan chad mi 'chi ba med de/ sems can thams cad kyang 'tsho ba'i mtha' ni 'chi bar 'gyur te/ ji ltar las byas de yis ni/ /bsod nams sdig pa'i 'bras bur 'gro/ /sdig pa'i las ni dmyal bar ltung/ / 13-1-156b bsod nams byas pas mtho ris 'gro/ /kha cig lam la bsgoms pas ni/ /zag pa med par mya ngan 'da'/ /sangs rgyas dang ni rang sangs rgyas/ /sangs rgyas kyi ni nyan thos rnams/ /lus ni rnam par 'dor 'gyur na/ /skye dgu ma rabs smos ci dgos/ / de nas yul ko sa la'i rgyal po gsal rgyal bcom ldan 'das kyis gsungs pa la mngon par dga' ste rjes su yi rangs nas/ bcom ldan 'das kyi zhabs la mgo bos phyag 'tshal te/ bcom ldan 'das kyi drung nas song ste/ bdag gi khyim du phyin pa dang / phyi mo'i mal gos stong par mthong nas yang sdug pa shi ba'i mya ngan gyis sems 'khrugs nas blon po dag la smras pa/ kye ngas mal gos 'di mthong nas rab tu mi dga' ba skyes kyis song la 'phags pa'i dge 'dun dag la 'di phul cig /de dag gis kyang dze ta'i tshal du 'phags pa'i dge 'dun dag la phul ba dang / dge slong dag gis sgo khang du bting ste bzhag go/ /de nas dus phyi zhig na rgyal po de gtsug lag khang du 'ongs nas des de mthong ba dang / de ngus so/ /blon po dag gis 'phags pa dag gis 'di mi bstan pa'i phyir khyed la dbul na sgo khang du bting ba de nyid nyes pa'i dmigs su gyur to zhes smras pa dang / de dag cang mi zer bar 'dug nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ sgo khang du ma gding bar yang thog tu thing shig /de yang nyes pa'i dmigs su gyur nas/ bcom ldan 'das kyis bka' stsal pa/ yang thog tu ma gding bar gnas khang du thing shig /de gnas khang du bting ba dang / ma dad pa dag gis rgyal mo'i mal gos ni dge slong rnams kyis btsongs te zos gor ma chag /snga na ni snang na da mi snang ngo zhes 'phya ba dang / bcom ldan 'das kyis bka' stsal pa/ tshes brgyad dam bcu bzhi'i dus su yang thog tu thing la zhog shig /ma dad pa dag gis mthong nas/ 'di ni lha mo'i mal gos ma yin gyi/ dge slong dag gis 13-1-157a nges par btsongs te zos so zhes smras pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ yul ko sa la'i rgyal po gsal rgyal gyis phul ba'i gos so zhes yi ger bris te zhog shig /gleng gzhi ni mnyan du yod pa na ste/ de'i tshe mnyan du yod par ser ba drag po zhig bab nas der ri dgas dang bya mang zhig shi'o/ /skye bo mang po dag tho rangs sngar langs nas ri dgas dang bya gang bzar rung ba la sogs pa ni bsdus te khyer/ bya rog la sogs te bzar mi rung ba ni bor ro/ /drug sde rnams chos kyis mang du za zhing ring du nyal lo/ /de dag ring zhig nas nam langs te thos ma thag tu myur du rings par dong nas de dag gis bya rog dang / 'ug pa dang / bya rgod dang / bya chu skyar mo dag blangs te 'ong ba bram ze dang khyim bdag gis mthong nas de dag gis 'phags pa 'dis ci zhig bya zhes smras pa dang / de dag gis bza'o zhes smras nas/ 'phags pa 'di dag ni bzar mi rung gis bor cig kye gzhan rnyed na yang blang na 'di ci'i phyir mi bza'/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag bya rog la sogs pa sha bzar mi rung ba'i sha ma za shig /zos na 'das pa dang bcas par 'gyur ro/ /rkyang pa'i sgo dang po'i mdo'i tshigs su bcad pa bzhi pa'o// //mdor na/ khyi dang khra dang 'ug pa dang / /mi sha za ba'i bya dag dang / /rta dang dre'u wa dang ni/ /spre'u rnams bza' bar mi bya'o/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /mu ge byung nas khyim pa dag khyi'i sha za ba la zhugs pa dang / drug sde dag mnyan du yod par bsod snyoms la dong ste/ khyim gang nas gang du 'ongs pa de dang der 'phags pa cung zad tsam yang ma mchis so zhes smras pa dang / de nas yang khyim bdag gzhan zhig tu 'ongs pa dang / de na rdze'u nang du khyi sha zhig 'tshod 13-1-157b de khol zhing 'dug go/ /khyim bdag gi chung mas 'phags pa cung zad kyang ma mchis kyis bzhud cig ces smras pa dang / de dag gis smras pa/ rdze'u nang na khol zhing 'dug pa de ci yin/ 'phags pa 'di ni khyi sha'o/ /ci khyed cag khyi sha za'am/ 'phags pa mu ge byung bas na 'tshal lo/ /de ltar na nged cag kyang byin cig /'phags pa khyed kyang gsol lam/ kye nged cag gi srog khyed la rten na khyed cag za na nged cag kyang ci'i phyir mi bza'/ de dag gis byin no/ /de byin pa dang khyer te song ngo / /khyi dag gis snar bsnams pa tshor nas de dag gis bskor cing/ bdag bdag gi skad kyis zugs shing du ste phyi bzhin du 'brang ba bram ze dang khyim bdag gis mthong nas de dag gis smras pa/ 'phags pa ci'i slad du khyi dag gis gtses bzhin du 'dong/ de dag gis smras pa/ bdag cag bsod snyoms khyi sha cung zad cig rnyed do/ /'phags pa ci khyed cag khyi'i sha za'am/ kye 'di lta bu bsod snyoms mi rnyed pa'i dus na nged cag ci ltogs bzhin du 'chi'am/ de ltar gyur pa dge slong dag gis bcom ldan 'das la gsol to/ /bcom ldan 'das kyis dgongs pa/ gang dge slong dag gis khyi sha zos pas ni nyes pa'i dmigs su gyur te/ de bas na dge slong dag khyi sha ma za shig /dge slong dag gis khyi sha zos na 'das pa dang bcas par 'gyur ro/ /gleng gzhi ni mnyan du yod pa na ste/ drug sde dag gis khra dang / 'ug pa dang / bya mi sha za ba de dag gi sha yang za ba dang / bram ze dang khyim bdag ma dad pa dag 'phya bar gyur nas/ de ltar gyur pa dge slong dag gis bcom ldan 'das la gsol to/ /bcom ldan 'das kyis bka' stsal pa/ dge slong dag khra dang / 'ug pa dang / mi sha za ba dag gi bya'i sha ma za shig /dge slong dag gis khra dang / 'ug pa dang / mi sha za ba dag gi bya'i sha zos na 'das pa dang bcas par 'gyur ro/ /gleng gzhi ni mnyan du yod pa na ste/ ma byin par len pa dag gis yul ko sa la'i rgyal po gsal rgyal gyi dre'u zhig brkus te khrid nas 13-1-158a nags stug po'i nang du bsad de sha khyer nas mgo sug bor te dong ngo / /drug sde rnams chos kyis goms pa ni nang par sngar langs nas khang steng du byung ste phyogs bzhir bltas nas dud pa gang na che ba dang / bya rgod gang na lding ba phyogs bzhir bltas nas der dong ngo / /de dag gis nags stug po na bya rgod lding ba mthong nas/ de dag nags stug por rgyug cing rings par dong ba dang / nags stug po de ni dre'u'i mgo dang rkang lag dang mjug ma dag mthong nas/ de dag gis smras pa/ dga' bo nye dga' bo rdul khrod pa zhig rnyed na blang ngam zhes pa dang / legs kyis blang ngo zhes nas de dag gcig tu bsdus pa dang / dre'u rdzi yan man tshol bas mthong nas de dag gis smras pa/ 'phags pa dag ni drang srong gi rgyal mtshan 'dzin na ci'i phyir ngan du spyod pa mdzad/ nged cag gis ci zhig nyes zhes smras pa dang / rgyal po'i dre'u ni khyed cag gis bsad do zhes smras pa dang / sdig pa zhi bar gyur cig nged cag ni mi gsod do/ /'o na sus bsad ces pa dang / ma byin par len pa dag gis bsad de/ nged cag gis ni mgo dang / rkang pa dang / mjug ma dag rdul khrod par byin gyis brlabs so/ /de dag gis ci 'phags pa khyed cag dre'u sha bsnams sam zhes smras pa dang / za'o zhes smras pas de dag 'phya bar gyur to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ gang dge slong dag srog chags dre'u sha zos pa ni nyes pa'i dmigs su 'gyur te/ de bas na dge slong dag gis srog chags rmig zlum gyi sha ma za shig /de ste zos na 'das pa dang bcas par 'gyur ro/ /gleng gzhi ni mnyan du yod pa na ste/ drug sde dag gis wa'i sha zos pa dang / bram ze dang khyim bdag gis mthong nas smras pa/ btsun pa 'di ci lags/ wa'i sha'o/ /ci 'phags pa dag kyang wa'i sha bsnams sam/ za'o zhes smras pa dang / de dag 'phya bar gyur nas de ltar gyur pa dge slong dag gis bcom ldan 'das la 13-1-158b gsol to/ /bcom ldan 'das kyis bka' stsal pa/ dge slong dag bram ze dang khyim bdag rnams 'phya ba ni yus te/ dge slong dag de bas na wa'i sha ma za shig /dge slong dag gis wa'i sha zos na 'das pa dang bcas par 'gyur ro/ /gleng gzhi ni mnyan du yod pa na ste/ dze ta'i tshal na spre'u zhig shing ka nas shing kar rgyu ba las lhung nas dus 'das te/ drug sde dag gis rdze'u zhig gi nang du bcug ste 'tshed pa dang / bud med gzhan zhig bu chung ngu zhig stor nas de tshol zhing dze ta'i tshal du 'ongs na/ drug sde rnams rdze'u'i nang du spre'u btsos pa mthong ngo / /mthong nas des drug sde dag gis bdag gi bu 'dir ma btsos sam snyam bsams te rtog pa la zhugs pa dang / ji tsam zhig na lhung lhung khol ba dang spre'u'i lag pa gyen du byung ba dang / des brang brdungs te kyi hud bu kyi hud bu zhes smras pa dang / de'i rkang pa yang byung ste/ kyi hud bu kyi hud bu zhes yang smras pa dang / drug sde dag gis ci'i phyir de ltar byed ces smras pa dang / des rkang lag byung ba 'di ni bdag gi bu'o zhes smras pa dang / ji tsam nas mjug ma yang byung ngo / /drug sde dag gis ci khyod kyi bu 'jug ma yod dam zhes smras pa dang / de skyengs te smras pa/ 'phags pa 'di ni spre'u 'am/ de dag gis smras pa spre'u'o/ /'phags pa dag spre'u sha yang bsnams sam/ des za'o zhes smras pa dang / de dag 'phya bar gyur nas de ltar gyur pa dge slong dag gis bcom ldan 'das la gsol to/ /bcom ldan 'das kyis bka' stsal pa/ dge slong dag spre'u ni mi sha dang 'dras/ de bas na dge slong dag spre'u'i sha ma za shig /dge slong dag gis spre'u'i sha zos na 'das pa dang bcas par 'gyur ro/ /rkyang pa'i sgo dang po'i mdo'i tshigs su bcad pa lnga pa'o// //mdor na/ phor bu gos dang pags pa dang / /'dab ma'i phor bus mi sbyin no/ /lcags kyi sbu bu ma gtogs par/ /nor bu khar bas btang ba'o/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun 13-1-159a dga' ra ba na bzhugs so/ /de'i tshe na mnyan du yod pa na dge slong gzhan zhig na ste/ de rab tu nad kyis gzir nas de sman pa'i drung du song ste nad med cig ces nas bzhin bzangs bdag ni rnam pa 'di lta bu zhig tu na bar gyur na sman gyi thabs ston cig ces smras pa dang / sman pas 'phags pa mas gtang ba'i sman gyis shig ces smras pa dang / des bzhin bzangs bcom ldan 'das kyis ma gnang ngo zhes smras pa dang / 'phags pa khyed kyi ston pa ni thugs rje can lags kyis rjes su gnang bar 'gyur ro zhes smras pa dang / de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ de ste sman pas bsgo la des sos par 'gyur na mas gtang ba byos shig de la the tshom du ma byed cig /bcom ldan 'das kyis mas gtang ba'i sman thong shig ces gsungs pa dang / de dag gis phor bus blugs pa dang / bo ste ma rung nas/ bcom ldan 'das kyis bka' stsal pa/ phor bus ma blugs shig ces gsungs pa dang / gos kyi mtha' mas blugs pa dang de yang nyes pa'i dmigs su gyur nas/ bcom ldan 'das kyis bka' stsal pa/ gos kyi mtha' mas ma blugs shig ces gsungs na/ pags pa'i nang nas blugs pa dang de yang nyes pa'i dmigs su gyur nas bcom ldan 'das kyis bka' stsal pa/ pags pa'i nang nas ma blugs shig ces gsungs pa dang / 'dab ma'i phor bu'i nang nas blugs te/ de yang nyes pa'i dmigs su gyur nas/ bcom ldan 'das kyis bka' stsal pa/ 'dab ma'i phor bu'i nang nas ma blugs par sbu bu'i nang nas blugs par gyis shig /des lcags kyi sbu bu nas blugs pa dang / de nang du bcug na rab tu tsha zhing rtsub par gyur nas/ bcom ldan 'das kyis bka' stsal pa/ lcags kyi sbu bu ma gtogs par nor bu'i sbu bu'am/ khar ba'i sbu bus gtang bar gyis shig /rkyang pa'i sgo dang po'i mdo'i tshigs 13-1-159b su bcad pa drug pa'o// //mdor na/ bu ram shing dang zho zhag 'bru mar dang / /gso ma bsregs pa'i thug pa dang ni mar/ /rtsa ba 'bras bu sdong po lo mar bcas/ /thug pa thams cad blud par bya/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /sangs rgyas bcom ldan 'das la tshe dang ldan pa u pA lis zhus pa/ btsun pa sman gcig las de nyid snga dro ba de nyid phyi dro ba de nyid zhag bdun pa/ de nyid nam 'tsho'i bar du rung bar 'gyur ba mchis sam u pA li bu ram shing ni snga dro'i'o/ /de'i khu ba ni phyi dro ba'o/ /bu ram ni zhag bdun pa'o/ /bu ram shing dang bu ram bsregs pa'i thal ba ni nam 'tsho'i bar du'o/ /u pA li zho ni snga dro ba'o/ /zho'i chu ni phyi dro ba'o/ /mar ni bdun pa'o/ /zho bsregs pa'i thal ba ni nam 'tsho'i bar du'o/ /u pA li sha ni snga dro ba'o/ /tshil bu ni bdun pa'o/ /sha bsregs pa'i thal ba ni nam 'tsho'i bar du'o/ /u pA li til ni snga dro ba'o/ /til gyi mar ni bdun pa'o/ /til bsregs pa'i thal ba ni nam 'tsho'i bar du'o/ /gleng gzhi ni mnyan du yod pa na ste/ dge slong zhig na bar gyur nas sman pas mthong ste/ 'phags pa gso ma'i thug pa byos la 'thung shig ces smras pa dang / des de ltar gyur pa dge slong rnams la smras pa dang / dge slong dag gis bcom ldan 'das la gsol nas/ bcom ldan 'das kyis bka' stsal pa/ de ltar sman pas bsgo ba de bzhin du gyis shig de la the tshom du ma byed cig /gleng gzhi ni mnyan du yod pa na ste/ dge slong gzhan dag cig yang na bar gyur nas de dag kha cig la ni sman pas yungs kar gyi thug pa 'thung shig ces bsgo/ kha cig la ni rtsa ba'i thug pa 'thung shig ces bsgo/ kha cig la ni sdong bu'i thug pa 'thung shig ces bsgo/ kha cig la ni 'bras bu'i thug pa 'thung shig ces bsgo ba dang / de ltar gyur pa dge slong dag gis bcom ldan 'das la gsol pa dang /bcom 13-1-160a ldan 'das kyis bka' stsal pa/ de lta bas na ngas rjes su gnang gis sman pas nad pa la lung bsgo na thams cad kyi thug pa'ang 'thung shig de la the tshom du ma byed cig /rkyang pa'i sgo dang po'i mdo'i tshigs su bcad pa bdun pa'o// //mdor na/ bu ram chu dang btung ba de bzhin te/ /zhag bdun bzhag par gyur pa dang / /gzhan gyi phyir yang bsngo ba dang / /rjes su phan gdags mya bar bya/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /bcom ldan 'das nyan thos kyi dge 'dun dang bcas te gzhongs spyod cing gshegs pa dang / de dag ri brags kyi grong gzhan zhig tu phyin te/ ri brags kyi grong de na khyim bdag gzhan zhig gnas pa de gdul ba'i dus la bab par mkhyen nas/ bcom ldan 'das ri brags kyi grong der byon pa dang / khyim bdag des bcom ldan 'das mthong nas de dad pa skyes te bcom ldan 'das kyi drung du 'ongs so/ /bcom ldan 'das kyis de'i bsam pa dang / bag la nyal ba dang / khams dang rang bzhin mkhyen nas ji ltar 'phags pa'i bden pa bzhi rtogs par 'gyur ba'i chos de lta bu bshad nas khyim bdag des thos pa dang 'jig tshogs su lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon du byas so/ /ji tsam dge slong de dag lam gyi ngal bas gzir nas log pa'i lha khang dang / bkad sa dang / skyed mos tshal dang / shing drung dag tu glos phab ste nyal zhing 'khod pa dang / khyim bdag de rab tu dad pa thob pas na bkad sa dang / lha khang dang / shing drung dag tu rim gyis dge slong dag la phyag bya ba'i phyir song ba dang / dge slong dag gnas na nyal zhing 'dug pa des mthong nas/ 'phags pa dag bstan pa la shin tu brtson par bgyi ba la ci'i slad du na gzims shing 'khod ces smras pa dang / de dag gis khyim bdag lam gyi ngal bas gzir zhing nyam chung ste dge ba'i phyogs spyod par mi nus so zhes smras pa dang /des 'phags pa rnams de 13-1-160b ltar na ni phyi dro bu ram gsol bar bcom ldan 'das kyis gnang na/ bdag 'tshal te mchis gsol cig ces smras pa dang / de dag las kha cig na de khyim bdag de lags kyis bza' bar bgyi'o/ /kha cig gis tshe dang ldan pa khyim bdag 'ber tra si dag gis bu ram bza' ba la brten nas des dgra bcom pa mngon du gyur te/ bcom ldan 'das kyis de bzhin rjes su gnang na bdag cag ni de ltar lam gyi ngal bas gzir te/ 'jig rten na ma dad pa dag ni grong na 'khod bzhin du za'o zhes mi dga' bar 'gyur gyis gud du 'dong ngo zhes smras pa dang / kha cig gis yang tshe dang ldan pa de ltar 'dong na bcom ldan 'das la zhu'o zhes smras nas/ de ltar gyur pa dge slong dag gis bcom ldan 'das la gsol to/ /bcom ldan 'das kyis bka' stsal pa/ bu ram ni thams cad du bza' bar bya ste/ de la the tshom du ma byed cig /bcom ldan 'das kyis thams cad du bu ram zo shig ces bka' stsal nas/ dge slong de dag gis zos pa dang / de dag lam gyi ngal bas skom gyis gdungs par gyur nas/ bcom ldan 'das kyis bka' stsal pa/ bu ram gyi chu gyis la 'thung shig /sangs rgyas bcom ldan 'das la tshe dang ldan pa u pA lis zhus pa/ btsun pa bu ram chu zhag bdun par byin gyis brlabs te 'tshal na rung ngam/ u pA li mi rung ngo / /btsun pa ji tsam gyi bar du bzhag la btung bar bgyi/ u pA li ji tsam na dang bar gyur te skyur por ma gyur cing rang bzhin ma nyams pa'i bar du'o/ /gleng gzhi ni mnyan du yod pa na ste/ bcom ldan 'das kyis gso sbyin dang / tshul nas byung ba dang / chos gos byin gyis brlabs pa dang / gos bsngo ba dang / gang zag gcig po mgron du bos pa dang / 'di lnga ni rang gis bsams pas 'grub bo/ /zhes gsungs so/ /dge slong de dag gang du mgron du bos pa der de las gzhan du yang mgron du bos sam de las lhag par yang rung ste/ gcig tu ni bdag nyid/ gnyis su ni bdag gi sems btang nas gzhan gtang ba'o/ /mu ge'i dus la bab ste 13-1-161a dge slong rnams bsod snyoms kyis shin tu phongs par gyur to/ /dad pa'i bram ze dang khyim bdag dag gis dge slong gnas brtan dag zas la mgron du bos pa dang / khyim bdag cig la khas blangs te gzhan btang ngo / /bcom ldan 'das kyis bka' stsal pa/ de lta bas na ngas mu ge byung zhing sdug bsngal la rnyed dka' ba'i dus na/ ji snyed du mgron du bos pa de thams cad bdag gir bya bar gyis de la bdag kyang zo shig /dge slong dag kyang bgo bar bya'o/ /dge slong dag bram ze dang khyim bdag gzhan gyi der dong ba dang / de dag gis 'phags pa khyed ni bdag cag gis mgron du ma bos kyi 'di zhes bgyi ba'i gnas brtan bdag cag gis spyan drangs so zhes smras so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ bdag nyid song la byin len byas te kham gnyis sam gsum zo la 'di skad du khyim bdag dge slong 'di dag zas kyis brel te/ 'di la sbyin gyis rjes su yi rang bar gyis shig ces smros shig /de bzhin du gnyis sam gsum mam ji snyed mgron du bos pa thams cad la byin cig /thams cad de ltar byas nas tha mar mgron du bos pa ni ji tsam 'grangs par bza' bar bya ste/ 'di la the tshom du ma byed cig /rkyang pa'i sgo dang po'i mdo'i tshigs su bcad pa brgyad pa'o// //mdor na/ mar ram de ste 'bru mar ram/ /gzhan yang bzhag par gyur pa dang / /mig sman gyi ni gab tshe dang / /yangs pa can dang rung ba'i gnas/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /dge slong gzhan zhig rlung nad kyis btab pa des sman pa'i gan du song ste/ bzhin bzangs bdag la 'di 'dra ba'i nad kyis btab na sman ston cig ces smras so/ /des 'phags pa mar 'di tsam zhig gsol dang 'tsho bar 'gyur ro zhes smras so/ /de ltar gyur pa dge slong dag la smras pa dang / dge slong dag 13-1-161b gis bcom ldan 'das la gsol nas/ bcom ldan 'das kyis bka' stsal pa/ de ste sman pas mar 'thung shig par bsgo na btung bar bya'o/ /dge slong des 'thungs pa dang nyin par bde yang mtshan mo yang rlung nad langs so/ /dge slong dag gis sman pa la dris pa dang / des mtshan mo yang 'thung shig ces smras so/ /dge slong dag gis bcom ldan 'das la gsol pa dang / bcom ldan 'das kyis mtshan mo yang 'thung shig ces bka' stsal pa dang / des mang du bsags nas zhag bdun du byin gyis brlabs te de sos par gyur to/ /gleng gzhi ni mnyan du yod pa na ste/ dge slong gzhan zhig nad kyis btab nas de yang sman pa'i drung du song ste/ nad med cig ces byas nas bzhin bzangs bdag la 'di 'dra ba'i nad cig gis btab na sman gyi thabs ston cig ces smras so/ /des 'phags pa 'bru mar 'di tsam zhig 'thungs na sos par 'gyur ro zhes bsgo ba dang / de ltar gyur pa dge slong dag la smras pa dang / dge slong dag gis kyang bcom ldan 'das la gsol nas/ bcom ldan 'das kyis bka' stsal pa/ de ste sman pas 'bru mar 'thung shig ces bsgo na 'bru mar 'thung shig /dge slong des 'thungs pa dang / nyin par sos kyang mtshan mo yang rlung nad de langs so/ /dge slong dag gis sman pa la dris pa dang / des mtshan mo yang 'thung shig ces bsgo'o/ /dge slong dag gis bcom ldan 'das la gsol nas/ bcom ldan 'das kyis bka' stsal pa/ mtshan mo yang 'thung shig /des 'bru mar bsags te zhag bdun du byin gyis brlabs nas 'thungs pa dang sos par gyur to/ /gleng gzhi ni mnyan du yod pa na ste/ dge slong gzhan zhig nad kyis btab pa dang / de yang sman pa'i drung du song nas nad med cig ces smras nas/ bzhin bzangs bdag la nad 'di lta bu zhig gis btab na sman gyi thabs ston cig ces smras so/ /des mar ram 'bru mar 'di tsam zhig 'thungs na sos par 'gyur ro zhes smras pa dang / de bshes nyung bas btsal 13-1-162a kyang ma rnyed nas yang sman pa'i drung du song nas bzhin bzangs khyod kyis bsgo yang kho bos 'bru mar yang ma rnyed na mar lta ga la rnyed gzhan lta cung zad ci rung ston cig ces smras pa dang / des 'phags pa 'di zhes bya ba'i dge slong zhig gis 'bru mar sbyar na/ 'di zhes bya ba zhig gis mar sbyar gyis de'i gan du song dang / gal te sbyar ba de'i lhag pa yod kyang srid do zhes smras pa dang / de dag gi drung du song nas bslangs na/ de dag gis tshe dang ldan pa de zhag bdun las 'das te sbags par gyur pas med do zhes smras pa dang / de de ltar gyur pa dge slong dag la smras pa dang / dge slong dag gis bcom ldan 'das la gsol nas/ bcom ldan 'das kyis bka' stsal pa/ nad pa'i thabs rtogs la mar ram 'bru mar gzhan ci yang rung bzhag pa yang blas bza' bar bya ste/ de la the tshom du ma byed cig /bcom ldan 'das kyis mar ram 'bru mar ram gzhan ci yang rung bzhag pa yang blas zo shig /de la the tshom du ma byed cig ces bka' stsal na byin len byed pa med do/ /bcom ldan 'das kyis bka' stsal pa/ byin len byed pa'i mi med na byin len ma byas kyang blas zo shig /gang gi tshe na ba na gnang ba de sos nas ma spyod cig /spyad na 'das pa dang bcas par 'gyur ro/ /gleng gzhi ni mnyan du yod pa na ste/ sangs rgyas bcom ldan 'das la tshe dang ldan pa u pA lis zhus pa btsun pa bcom ldan 'das kyis mig sman gyi snod gang tshe chongs shig ces bka' stsal na/ ci 'dra ba bcang bar bgyi/ u pA li rin po che las byas pa ma gtogs so/ /yang zhus pa/ btsun pa bcom ldan 'das kyis yul yangs pa na mi rung ba rnam pa bcu spong la/ rung ba'i khang pa byin gyis brlab par gyis shig ces bka' stsal na/ ci btsun pa khang pa 'og rung bar byin gyis brlabs na khang pa'i steng yang rung bar byin gyis brlabs par 'gyur ram/ u pA li ji ltar steng gi bzhin du ngos kyi yang brjod par bya'o/ /rkyang pa'i sgo dang po'i mdo'i tshigs su bcad pa dgu pa'o// // 13-1-162b mdor na/ rtsa sdong lo ma 'bras bu rnams/ /thams cad chang gis sbags pa dang / /kha zas med par bkrus pa dang / /yang na zas ngan de bzhin no/ /sangs rgyas bcom ldan 'das ser skya'i dngos po shing n+ya gro d+ha'i kun dga' ra ba na bzhugs so/ /gang gi tshe rgyal po zas gtsang mas shAkya'i rigs re re zhing yang shAkya lnga brgya zhig bcom ldan 'das kyi g.yog tu phul ba dang / de dag kyang bcom ldan 'das kyis rab tu phyung ngo / /de dag sngon lus chang gis gsos pas na de dag chang med nas lus la nad zhugs so/ /bcom ldan 'das kyis gzigs nas/ sangs rgyas bcom ldan 'das kyis tshe dang ldan pa kun dga' bo la kun dga' bo ci'i phyir na shAkya dag /rnyi rnyi bor gyur ces bka' stsal pa dang / de ltar gyur pa bcom ldan 'das la zhib mor gsol nas/ bcom ldan 'das kyis bka' stsal pa/ de ltar na ngas gnang ba ni chang du 'gyur ba rtsa ba dang sdong po la sogs pa bskams la phye mar gyis te ras dkar po'i nang du thum por gyis la chang gi mthu zhil ba rdza ma ma gang ba'i nang du lhugs shig de nas slar phyung ste lag pa khrus la chu kha zas med pa dang bsres te 'dang bar tshogs la 'thung shig /de skom na snga dro yang rung/ phyi dro yang rung ste the tshom ma byed par 'thung shig /de ltar byos dang de dag chang la sred pa dang 'bral bar 'gyur ro/ /dge slong khyed ston pa nga la dmigs na ni chang ma 'thung shig /ma blud cig /rtsa mchog gis kyang ma reg shig /gleng gzhi ni mnyan du yod pa na ste/ dge slong gzhan zhig na bar gyur nas de la sman pas zas ngan pa byin cig ces bsgo ba dang / de la dge slong kha cig gis ni shes kyi kha cig gis mi shes pa de dag gis tshe dang ldan pa u pA li la dris pa dang / des de dag zhib tu smras so/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das dge slong swa te la zas ngan pa byin cig ces gsungs pa ni ci de yang byin len bgyi 'tshal lam/ u pA li de yang byin len byos shig /su las byin 13-1-163a len bgyi/ u pA li de ni dge bsnyen dad pa las so/ /rkyang pa'i sgo dang po'i tshigs su bcad pa bcu pa ste/ sgo dang po rdzogs so// //mdor bsdus par na/ snod dang chos gos gnyi ga dang / /ko sa la dang sar pa de bzhin te/ /bsgrags dang chos gos sna tshogs dang / /lhan cig pa yang dge slong ma rnams ni/ /tha mar byas te bsdus pa'i mdor gsungs so/ /mdor na/ snod dang yo byad gtsug lag khang/ /'gron pa mang bcom gos rnams dang / /gos dang gdugs dang de bzhin shing/ /dur khrod pa dang de bzhin spangs/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /de'i tshe na khyim bdag gzhan zhig gis ri brags kyi grong gzhan zhig tu yo byad thams cad dang ldan pa'i gtsug lag khang zhig brtsigs nas phyogs bzhi'i dge 'dun la phul lo/ /de na mal stan dang / snod spyad mang du gyur/ dge slong ni nyung ngu gnas te/ de'i nang nas kha cig gis tshe dang ldan pa dag mal stan dang snod spyad dang / yo byad ma spyad na de dag chud zos par 'gyur gyis/ de dag las bdag cag la spyad par ci tsam dgos pa de tsam zhig bcangs la/ de'i lhag ma rnams ni gtsug lag khang gzhan du dbul lo zhes smras nas/ de dag gis de bzhin byas so/ /ji tsam zhig na bsod snyoms pa gzhan zhig gzhongs spyad pa spyod cing gtsug lag khang der 'ongs pa dang / dge slong de dag gis ngal bsor bcug nas de yang dge 'dun de dag gi nang na rgan pa zhig ste/ gtsug lag khang du lam gyi ngal bso nas des de dag la tshe dang ldan pa mal stan mchis sam zhes smras na/ med do zhes smras pa dang / dge slong dag gis ji ltar yin pa de la zhib tu smras so/ /de gding ba med par sa la de bzhin du nyal nas nang par sngar langs te/ lde mig kyog po dang / lde mig khyer nas khyim bdag de'i khyim du song ba dang / de nas khyim bdag des de la bde bar byon tam zhes pa'i tshig brjod nas stan khyer te phyir byung ba dang / bsod snyoms pa de spyod lam zhi ba'i 13-1-163b tshul du 'dug go/ /bsod snyoms pas kyang de la nor las bsod nams bya ba'i dngos po bdun gyi yon tan rgyas par brjod pa dang / khyim bdag gis 'phags pa bdag gis de thams cad bgyis so zhes smras pa dang / bsod snyoms pas khyim bdag khyod kyi gtsug lag khang na mal stan dag yod med de/ mdang nga yang gding ba med par sa'i steng na de bzhin du nyal nyal te 'dir 'ongs so/ /khyed na re de thams cad bdag gis de bzhin du bgyis so zhes zer na/ 'di ci nyes zhes smras pa dang / khyim bdag gis 'phags pa kho bos ni der mal stan dang snod spyad dang / yo byad rnams mang du sbyar na 'phags pa de dag gis gtsug lag khang gzhan du gdon ma zos par btang ngo zhes smras pa dang / des khyim bdag nyid kyis gtsug lag khang gi lde mig kyog po dang / lde mig ngo shes sam zhes smras pa dang / 'phags pa shin tu 'tshal to/ /des de bstan pa dang / des 'phags pa bzhud cig bdag kyang mchi'o zhes smras so/ /des bsod snyoms bsod pa dang / khyim bdag kyang rjes bzhin du 'ongs nas/ des dge slong rnams bsdus nas 'phags pa bdag gis 'dir mal stan dang / snod spyad dang / yo byad mang du phul na de dag gar mchis zhes smras pa dang / des ji ltar gyur pa de dag thams cad khyim bdag la smras pa dang / des nyes pa ngor brjod de smras pa/ khyod kyis ma legs par byas te/ de yang der bas na da ci slar blang du rung ngam 'on te mi rung de dag gis smras pa/ mi rung ngo / /'phags pa kho bos ni der ma phul gyis song la slar long shig /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ gtsug lag khang gzhan du ma dbul cig /ji ltar dmigs pa de bzhin spyad par bya'o/ /gzhan du na gang gis byin pa la rin thang bzhin du phob shig /gleng gzhi ni mnyan du yod pa na ste/ drug sde rnams 'gron pa mang po dang lhan cig tu gzhongs spyad pa spyod cing dong ba dang / de dag chos kyis rdul 13-1-164a gyis 'jigs pa na yang na ni 'gron pa dag gi mdun du dong/ yang na phyi bzhin dong ngo/ /ji tsam na 'gron pa mang po rnams rkun pos bcom nas skye bo mang po rnams kyis nor bor te bros pa dang / rkun po rnams kyis nor kun bkur ma nus nas de dag gis bzang ba bdams te khyer te dong ngo / /drug sde rnams 'gron pa mang po'i phyi bzhin du 'brangs te dong ba las gnas der phyin pa dang / de dag gis nor mang po bor ba mthong ste/ de nas dga' bo nye dga' bo phyag dar khrod pa rnyed kyis blang ngo zhes smras pa dang / de dag gis de las kyang gos rnams bdams te khyer ro/ /'gron pa mang po ram mda' dang lam srungs su bcas te slar log pa de dag gis drug sde dag gis khyer ba rnams ngo shes nas/ de dag gis gang rkun po rnams kyis bor ba de yang dge sbyong mgo reg rnams kyis brkus so zhes bsams so/ / drug sde rnams la kha ngan du 'phags pa dag drang srong gi rgyal mtshan 'dzin pa de lta bu'i log par spyod pa dag spyod pa zhes spyos te nyes pa ngor brjod pa dang / de dag gis 'gron pa mang po rnams rkun pos bcom ste nged kyis ni ma yin gyi/ nged kyis phyag dar khrod kyi gos rnyed do zhes smras pa dang / de dag gis phyag dar khrod kyi gos ni ma lags so zhes smras pa dang / de lan med nas cang mi smra bar 'dug go/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong rnams 'gron pa mang po 'phya ba ni yus te/ de bas na dge slong dag gis 'gron pa mang po bcom pa'i gos ma bkur cig /dge slong dag gis 'gron pa mang po bcom pa'i gos khyer na 'das pa dang bcas par 'gyur ro/ /gzhan yang dad par gyur pa de dag gis 'phags pa dag ci bder snoms shig ces smras na dge slong dag the tshom du gyur nas mi len to/ /bcom ldan 'das kyis bka' stsal pa/ de ste ci bder khyer cig ces smras na/ long la the tshom du ma byed cig /gleng gzhi ni rgyal po'i khab na ste/ dge slong drug sde dag gis bsil ba 13-1-164b tshal gyi dur khrod du dong ba dang / shi ba'i yo byad gdugs dang / shing dang / gos dag mang po bor ba de dag gis mthong nas de'i nang nas gcig gis dga' bo nye dga' bo phyag dar khrod kyi gos rnyed kyis bkur ro zhes smras pa dang / dga' bo legs so legs kyis bkur ro zhes smras nas de dag gis blangs te dong ngo / /dur khrod kyi srung ma rigs ngan dag 'ongs nas des bsams pa/ dur khrod 'di na cung zad kyang med pas na kha cig gis dur brkus par gdon mi za'o snyam bsams nas/ yang 'di snyam du gang gis brkus pa de brnyogs pas slar yang 'ong bar gdon mi zas mngon par gab ste 'dug go snyam du bsams te nags stug po'i nang du zhugs nas nyin gcig bzhin du sdod cing 'dug pa dang / drug sde dag zhag bdun nam brgyad lon te dga' bo nye dga' bo bdag cag gis dur khrod du ma dong nas da ring zhig lon te cung zad tsam rnyed kyang srid kyis yang 'deng ngo zhes smras pas de dag dong ngo / /ji tsam de na gos dang / gdugs dang / shing dag bor ba de dag gis blang bar brtsams pa dang rigs ngan nags tshal stug po na 'dug pa des mthong nas brgyugs te 'ongs nas/ des 'phags pa dag bdag cag phu nu dang / gnyen dang grogs po dag rgyal po'i bka' bzhin du byed pa yang dur khrod kyi gos 'di'i phyir yin na khyed cag gis ci'i phyir bdag po yod pa'i dur khrod kyi shi ba'i yo byad dag bkur bar bya zhes smras pa dang / de dag gis bzhin bzangs nged cag gis ni phyag dar khrod pa'i gos blangs so/ /des 'phags pa 'di la de dag phyag dar khrod kyi gos yin na rab tu legs so zhes smras pa dang / de dag lan med nas cang mi zer bar 'dug go/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag rigs ngan 'phya ba ni yus te/ de bas na dge slong dag bdag po yod pa'i dur khrod nas phyag dar khrod kyi gos ma len cig /dge slong dag gis bdag po yod pa'i dur khrod kyi phyag dar khrod pa'i gos blangs na 'das pa dang bcas par 13-1-165a 'gyur ro/ /gzhan yang dad par gyur pa dag gis de la 'phags pa dag ci bde bar khyer cig ces smras pa dang / dge slong dag the tshom du gyur te ma blangs pa dang / bcom ldan 'das kyis bka' stsal pa/ de ste bde bar long shig ces zer na blang bar bya ste de la the tshom du ma byed cig /rkyang pa'i sgo gnyis pa'i mdo'i tshigs su bcad pa dang po'o// //'dul ba gzhung dam pa/bam po bzhi bcu pa/ mdor na/ gos la sogs pa shing bal dang / /lha khang nas 'phrog de bzhin te/ /dge 'dun gyi ni chos gos gsum/ /gang zag dag las bslang mi bya/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs te/ drug sde dag bzhon pa mang po'i shing rta dang lhan cig lam du zhugs nas lam gyi phyed du phyin pa dang / shing rta gcig gi srog shing chag nas tshong pa des srog shing yang brjes nas srog shing chag pa bor te song ngo / /nye dga' bos shing rta'i srog shing de blangs te lam po che'i bzhi mdor bor nas smras pa/ dga' bo nye dga' bo 'di ni bdag cag gis srog shing dbang phyug ces bya ba'i lha rten du bca' ba'i phyir bcugs so zhes byas te dong ba las khyim bdag gzhan dag gis kyang der stegs bu brtsigs so/ /gzhan zhig gis kyang de la gsol ba btab ste/ gal te bdag gis don 'di dang 'di lta bu zhig grub na bdag gis 'dir khang pa brtsigs la bram ze brgya rtsa brgyad la ston mo bya'o zhes smras pa las de yang rten cing 'brel bar 'byung ba dang ldan pas de'i de yang grub nas des de ji ltar dam bcas pa thams cad bsgrubs nas de log pa'i lha khang du gyur te lha khang pas kyang byin gyis brlabs so/ /de nas tshong pa 'gron pa mang po dag cig lam der zhugs pa dang der gos dang /bal dang / shing bal dag mang du phul lo/ /drug sde dag slar log pa'i tshe lha khang de rab tu rgyas par mthong nas de dag gis smras pa/ dga' bo nye dga' bo shing rta'i srog shing dbang phyug gos dang / bal dang / shing 13-1-165b bal dag rab tu mang shing phun sum tshogs pa de bkur ro zhes de dag gis blang bar brtsams pa dang / lha khang pa dag lhags te/ de dag gis 'phags pa dag lha khang 'di ni bdag cag gi steng 'di ni las dang byi dor bdag cag gis bgyis na lha'i gos rnams ci'i phyir len cing dbrog /khyed cag ma byin par len pa ma spangs sam zhes smras pa dang / de dag gis bkren pa 'di ji ltar khyed kyi lha khang nged cag gis shing rta srog shing chag pa zhig rten thabs su btsugs te bzhag go/ /zhes smras so/ /lha khang pa des ku cho bton pa dang / de nas nye dga' bo khros nas de rdog pa gcig brgyab nas bsgyel bar byas so/ /de nas de snyems shing dregs pa rnams spa gong nas 'phags pa khyed dam gzhan gyis byas par gyur nas yang bdag cag ni 'di la rten cing 'tsho ba yang 'di la bltas na ci'i phyir khyed kyis 'phags pa'i chos ma yin pa byed ces smras pa dang / de dag ma spobs te cang mi zer bar 'dug go/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag log par lta ba'i lha khang na gnas pa dag 'phya ba ni yus te/ de lta bas na dge slong dag gis lha khang bdag po yod pa'i gos la sogs pa blang bar mi bya'o/ /dge slong dag gis lha khang bdag po yod pa'i gos la sogs pa blangs na 'das pa dang bcas par 'gyur ro/ /log pa'i lha khang pa dad pa gzhan zhig gis ci bder spyod cig ces smras pa dang / dge slong de dag the tshom skyes te ma blangs nas/ bcom ldan 'das kyis bka' stsal pa/ gal te ci bder byas pa ni blang bar bya ste/de la the tshom du ma byed cig /gleng gzhi ni mnyan du yod pa na ste/ bcom ldan 'das kyis nad pa la skul cig ces gsungs pa dang / ji tsam zhig na dge slong zhig na bar gyur pa de'i nad g.yog gis tshe dang ldan pa dge 'dun la cung zad cig phul cig ces smras pa dang / des kyang bdag la cung zad tsam yang med mod kyi chos gos gsum dbul lo zhes smras pa dang / de cang mi zer bar 'dug go/ /de chos gos 13-1-166a gsum phul nas de dag gis btsongs te bgos so/ /dge slong de phyir sos te langs nas chos gos gsum gyis phongs par gyur te/ de ltar gyur pa bcom ldan 'das la dge slong dag gis gsol pa dang / bcom ldan 'das kyis bka' stsal pa/ dge slong dag gis dge slong la dge 'dun gyi phyir chos gos gsum ma bslang shig bslangs na 'das pa dang bcas par 'gyur ro/ /dge 'dun gyis kyang ma blang shig /de ste blangs na yang ma 'ged cig /bgos na 'das pa dang bcas par 'gyur ro/ /rkyang pa'i sgo gnyis pa'i mdo'i tshigs su bcad pa gnyis so// //mdor na/ gnyi ga la yang gnang ba dang / /rnam pa tha dad rjes su gnang/ /sum cha dang yang dge tshul dang / /dge slob ma dang dge tshul ma/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /dge slong drug bcu zhig ljongs rgyu ba spyod cing ri brags kyi grong zhig tu phyin nas de na khyim bdag dad pa zhig gnas pas des de dag de'i khyim du bshos la spyan drangs nas des dge slong re re zhing ras yug re re dbul lo snyam du bsams so/ /de dag zan za ba la zhugs pa dang / dge slong ma drug bcu zhig kyang ljongs rgyu ba spyod cing ri brags kyi grong der phyin pa dang / bsod snyoms slong ba la zhugs so/ /gzhan zhig gis khyim bdag 'di'i khyim na dge slong dag bshos gsol gyis der bzhud cig ces smras pa dang / de dag der dong ste de dag gis kyang zan zos pa dang / de nas khyim bdag des ras yug drug bcu zhig rgan rims kyi mdun du bzhag go/ /dge slong dag ji lta bur bgo ba mi shes nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge 'dun sde gnyis kyis 'thob pa yin gyis/ dge 'dun sde gnyis su gos shig /gleng gzhi ni mnyan du yod pa na ste/ mnyan du yod pa na khyim bdag gzhan cig gis gtsug lag khang zhig brtsigs te/ des de'i zhal 13-1-166b bsros te/ dge 'dun sde gnyis bshos gsol nas rnyed pa yang mang du phul te dge slong dag gis bgos pa dang / dge slong dag nged cag la ni chos gos gsum dgos kyis/ dge tshul pha dag gi stod g.yogs dang mthang gos su zad na/ ji ltar bdag cag dang mnyam par bgo zhes 'phya'o/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dang dge slong ma ni skal ba mnyam par bgos shig /dge tshul pha dang / dge tshul ma dang / dge slob ma dag la ni sum cha cig byin cig /bcom ldan 'das kyis dge tshul pha dag la sum cha cig byin cig ces bka' stsal pa dang / ji tsam zhig na dge tshul pha gzhan zhig lo nyi shu yang tshang zhing bsnyen par rdzogs par yang 'dod na de la dge slong gis tshe dang ldan pa lo nyi shu tshang na ci'i phyir bsnyen par rdzogs par mi byed ces smras pa dang / des kyang bcom ldan 'das kyis ni bdag cag gi rnyed pa 'di lta bur bcas na stod g.yogs dang mthang gos su mi ldang na chos gos gsum lta ci smos/ ji ltar bsnyen par rdzogs par bya zhes smras so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge tshul pha bsnyen par rdzogs par 'dod pa dang / dge slob ma la sum gnyis byin cig /dge tshul pha dang dge tshul ma gzhan ni skal ba sum char zad do/ /rkyang pa'i sgo gnyis kyi mdo'i tshigs su bcad pa gsum pa'o// //mdor na/ ko sa la na drug bcu dang / /brgya phrag phyed dang bcu gsum dang / /sgra can zin dang dpal sbed dang / /gtsug lag khang dang mchod rten de bzhin te/ /gdugs dang bris pa de bzhin sbyar/ /zan la mgron du bos pa'o/ /sangs rgyas bcom ldan 'das ko sa lar ljongs rgyu zhing spyod pa na ri brags kyi grong gzhan zhig tu byon nas ri brags kyi grong de na khyim bdag cig gnas pas bcom ldan 'das nyan thos kyi dge 'dun du bcas par khyim du bshos la spyan drangs so/ /dge slong ma drug bcu 13-1-167a zhig ljongs rgyu ba spyod pa na ri brags kyi grong der phyin nas de dag kyang der zan zos pa dang / bcom ldan 'das 'khor brgya phrag phyed dang bcu gsum dang lhan cig tu bshos gsol nas/ khyim bdag des ras yug brgya phrag phyed dang bcu gsum zhig rgan rims kyi mdun du bzhag go/ /dge slong dag gis ji ltar bgo ba mi shes nas dge slong ma dag gis de la gzhan byar ci yod/ sngon yang dge 'dun sde gnyis bshos gsol ba las bdag cag gis rnyed pa'i phyed thob na da yang bdag cag la rnyed pa'i phyed byin cig ces smras so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ gang du dge slong ma mang la dge slong pha nyung na der rnyed pa dge 'dun gnyi gar bgos shig /gang na dge slong pha mang la dge slong ma nyung na der mgo grangs bzhin du bgos shig /gleng gzhi ni mnyan du yod pa na ste/ khyim bdag cig gis sangs rgyas la sogs pa dge slong gi dge 'dun dag bshos la spyan drangs so/ /dge slong gi dge 'dun dag ni dong/ bcom ldan 'das ni gtsug lag khang na bzhugs te bshos tshur mnos so/ /rnam pa lnga'i phyir sangs rgyas bcom ldan 'das gtsug lag khang na bzhugs shing bshos mnos te gsol lo/ /lnga gang zhe na/ lha rnams la chos 'chad par bzhed pa yin/ nad pa dag gzigs par bzhed pa yin/ mal stan dag gzigs par bzhed pa yin/ nang du yang dag 'jog la 'jug par bzhed pa yin/ nyan thos rnams kyi 'dul ba la bslab pa'i gnas 'cha' bar bzhed pa yin no/ /don 'di ni bcom ldan 'das kyis nyan thos rnams kyi 'dul ba la bslab pa'i gnas bca' bar bzhed pa'i phyir gtsug lag khang na bzhugs shing bshos mnos te gsol lo/ /khyim bdag de rgan pa dag la mngon par dad nas der rgan rims su mar dang / mar las btsos pa'i bca' ba rnams brims/ bar ma dag la ni 'bru mar dang 'bru mar las btsos pa'i bca' ba dag brims/ 13-1-167b gzhon nu la ni 'bru mar gyi tshigs ma dag brims so/ /de'i tshe na tshe dang ldan pa sgra can zin bcom ldan 'das kyi bshos mnos te/ des bcom ldan 'das kyi bshos mnos nas 'ongs pa dang / bcom ldan 'das kyis sgra can zin la dge slong gi dge 'dun bsod pa'i zas kyis tshim par byas sam zhes smras pa dang / des gsol pa/ btsun pa rgan pa'i rnams tshim mo/ /sgra can zin khyod ci'i phyir rid cing nyam chung zhing de skad zer ba smros shig /des tshigs su bcad de smras pa/ 'bru mar gyis ni mthur 'gyur te/ /mar gyis kyang ni mdangs su 'gyur/ /'bru mar tshigs kyi tshod mas ni/ /mdangs ma mchis na stobs lta zhig /bcom ldan 'das kyis bka' stsal pa/ sgra can zin ci yin pa de smros shig /des de ltar gyur pa bcom ldan 'das la zhib mor gsol to/ /bcom ldan 'das kyis sgra can zin la de na gnas brtan su zhig 'dug ces bka' stsal pa dang / bcom ldan 'das mkhan po mchis so/ /sgra can zin la dge slong shA ri'i bus ni 'og ma dag ma brtags pas na ngan du zos pa yin no/ /de lta bu byung ba'i phyir bcom ldan 'das kyis dge slong gi dge 'dun dag bsdus nas/ dge slong gi dge 'dun gyi mdun du gdan bting ba la bzhugs te/ nyan thos rnams kyi 'dul ba la bslab pa'i gnas bca' ba'i phyir dge slong dang dge 'dun gyi gnas brtan dge slong gis mtshungs par spyad pa'i chos ngas bca' ste/ dge 'dun gyi gnas brtan dge slong gis zan 'brim pa'i tshe snyoms par brims shig ces bsgo shig des tshod ma sna re re la'ang smras pa dang / bcom ldan 'das kyis bka' stsal pa/ lan tshwa'am dang por gang brims pa de'i tshe smros shig / thams cad la ni ma yin no/ /dge 'dun gyi gnas brtan dge slong gis ji lta bur mtshungs par spyad pa'i chos bzhin ma byas na 'das pa dang bcas par 'gyur ro/ /tshe dang ldan pa shA ri'i bus bcom ldan 'das kyis bdag gis zan zos pa smad do zhes thos nas/ des 13-1-168a bdag gis zan zos pa ston pas smad na 'di ltar 'dug pa'i mi rigs so zhes bsams nas des skyugs te btang ngo / /dge slong dag the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa bcom ldan 'das kyis tshe dang ldan pa shA ri'i bu la zan zos pa smad pa dang / des slar skyugs pa la gzigs su gsol/ bcom ldan 'das kyis bka' stsal pa/ dge slong dag 'di 'ba' zhig ma yin gyi sngon 'das pa'i dus na yang ngas de la zan zos pa smad pa dang / de'i phyir skyugs so/ /dge slong dag nyon cig /sngon byung ba ni grong khyer gzhan zhig na mang po 'chad pa'i bram ze zhig gnas te/ de bram ze'i bu dang lhan cig tu ljongs rgyu zhing spyod pa na ri brags kyi grong zhig tu phyin nas de rdzing zhig gi 'gram du bram ze des bram ze'i bu der bzhag nas cung zad cig sdod/ nga grong du phye la sogs pa bslangs te slar 'ong ngo / /de de na 'dug pa dang / khyi sha can zhig rdzing du chu grog 'thung du 'ongs so/ /de la bram ze'i bus kye skyes bu bdag kyang chu grog cig gsol cig ces smras so/ /des kyang lo ma la snod drubs shig ces smras pa dang / des snod drubs so/ /des de la khyi'i pags pa las byas pa'i sgye'u'i nang nas byung ba'i phye byin no/ /de snum pa dang bram ze'i bus phye 'di snum na ci zhig ces dris pa dang / 'di ni pags pa las sgye'u byas pa'i mthu ste/ des sgye'u dag ci las byas pa zhib mor byas na/ bram ze'i bu des ma go'o/ /bram ze de slar 'ongs nas des bram ze'i bu khyod song la chu grog rgyu slongs shig ces smras pa dang / des chu grog 'tshal lags so zhes smras so/ /sus byin mi pha bis byin no/ /des pha bi ni khyi sha can te/ des khyod la phye byin na de khyod kyis sdig par gyur to zhes smras nas/ des de la rab tu smad pa dang / des zos pa slar skyugs so/ /dge slong dag mi shes sam/ gang mang po 'chad pa'i bram ze de ni da ltar gyi nga nyid yin no/ /de'i tshe de'i dus na bram ze'i bu de ni da ltar gyi dge slong shA ri'i bu ste/ de'i tshe na 13-1-168b yang ngas zas zos pa la rab tu smad nas des skyugs so/ /da 'dir yang ngas zos pa la rab tu smad nas 'dir yang skyugs par gyur to/ /gleng gzhi ni rgyal po'i khab na ste/ de'i tshe na rgyal po'i khab kyi grong khyer na khyim bdag me skyes kyi sring mo'i khyo gcer bu pa'i dge bsnyen dpal sbed ces bya ba zhig 'dug ste/ khyim bdag me skyes dad pa des 'di snyam du dpal sbed 'di dge 'dun dag la yon 'bul du bskul lo snyam bsams nas/ des de la dpal sbed dge 'dun dag la mchod pa dang / yon phul cig dang khyod kyi bsod nams su 'gyur ro zhes smras so/ /dpal sbed kyis smras pa/ ngas kyang dge 'dun dag la mchod cing yon dbul bar bya/ khyod kyis kyang gang po la sogs te rab tu byung ba'i dge 'dun dag la mchod cing bshos gsol cig /me skyes kyis 'di snyam du bsams pa/ de ste khas ma blangs na dpal sbed kyis kyang dge 'dun la mchod pa'i bar chad du 'gyur na/ sems can thams cad la sbyin pa lta nyes pa med kyis gcer bu pa'i dge 'dun dag zas byin te bdag gis des dge 'dun la mchod cing yon 'bul ba'i bar chad mi bya'o snyam du bsams nas des zas sbyin no zhes khas blangs nas dpal sbed kyis 'di snyam du bdag gis dang por sangs rgyas la sogs te dge slong gi dge 'dun dag sngar bshos gsol na ni me skyes kyis phyis zan mi sbyin gyis gang po la sogs te rab tu byung ba'i dge 'dun dag bshos sngar gsol pa dang / ngas phyis zas sbyin no snyam bsams nas/ me skyes la 'di skad ces smras so/ /me skyes khyod kyis dang po zan byin cig dang / ngas kyang phyis dge sbyong gau ta ma dang nyan thos kyi dge 'dun dag la zan sbyin no/ /des kyang khas blangs nas de nas khyim bdag me skyes kyis gang po dag gang na 'dug pa der phyin nas gang po dang lhan cig rab tu dga' zhing mgu ba'i gtam sna tshogs dag byas nas phyogs gcig tu 'dug go/ /phyogs gcig tu 'dug nas khyim bdag me skyes kyis gang po la 'di skad ces smras so/ /gang po 13-1-169a khyod sang bdag gi khyim du gcer bu pa mang po dang / dge 'dun dang lhan cig tu bshos gsol gyis khas long shig /gang pos bsams pa/ khyim bdag 'di ni gor ma chag par dge sbyong gau ta ma la sun par gyur nas bdag cag la rab tu dad par gyur te de ni bdag cag gi rnyed pa rab tu rnyed pa ste/ gang po bdag cag gi dge 'dun gyi rigs la rab tu dad par gyur to snyam nas des khas blangs so/ /de nas khyim bdag me skyes de dag spyan drangs nas song ngo / /de nas khyim bdag me skyes kyis de'i nub mo rab tu bsod pa'i bca' ba dang bza' ba'i kha zas dag sbyar nas/ nang par sngar langs te langs nas stan bting/ ril ba dag chus bkang ste bzhag nas gang po dag la spyan 'dren pa'i dus gsol pa/ kye gang po bshos rnams bshams kyis dus mkhyen par mdzod cig /de dag dong ba dang / dpal sbed kyis de'i gnas su 'ongs te smras pa/ 'phags pa gang po dge sbyong gau ta ma ni khyim bdag gi khyim du bzhud de de nang du bzhud kar sgo'i them pa la zhabs bzhag nas 'dzum pa ston te/ de nas nyan thos kun dga' bo zhes bya bas stod g.yogs phyogs gcig tu gzar/ pus mo g.yas pa'i lha nga sa la btsugs te thal mo sbyar nas de bzhin gshegs pa dang de bzhin gshegs pa'i nyan thos dag ni rgyu ma mchis rkyen ma mchis par 'dzum pa mi mdzad na/ btsun pa ci'i rgyu ci'i rkyen gyis 'dzum pa mdzad ces zhus pa dang / des kyang kun dga' bo de de bzhin no/ /de de bzhin te/ kun dga' bo de bzhin gshegs pa dang de bzhin gshegs pa'i nyan thos dag ni rgyu med rkyen med par 'dzum pa ston par mi mdzad de/ de ji lta bur dgongs pa bzhin lung bstan to zhes smras nas/ de la skye bo mang po dag kyang rab tu dad par gyur gyis khyod kyis kyang khyim bdag me skyes kyi khyim du 'gro ba'i tshe de ltar bya ba'i rigs so/ /'on kyang skye bo mang po dag rab tu dad par 'gyur ro/ /des khas blangs so/ /de nas gang po gcer bu pa mang pos bskor nas 13-1-169b khyim bdag me skyes kyi khyim du phyin pa dang / khyim bdag me skyes kyi sgo'i them pa la rkang pa bzhag ste rta gad du bgad pa dang / de'i nang nas gcer bu pa gcig cig gis rkang pa la btud de bcom ldan 'das skyes bu dam pa khyod lta bu rgyu med rkyen med par 'dzum pa mi mdzad do zhes dris pa dang / kye chu bo dregs bral gyi 'gram na spre'u pho zhig gis spre'u mo zhig mthong nas de la sems rab tu chags te spre'u mo de la rgal lo snyam nas brgyugs pa dang gred de shing gi rtse mo nas rdeg 'chos nas dus 'das so/ /de'i tshe nga 'di snyam du sems te/ sems can 'di ni 'dod pa'i rgyus sdug bsngal ba cher gyur to snyam mo/ /de skad du kha nas byung ma thag tu khyim bdag me skyes kyis thos nas des bsams pa/ bu zan mo'i bu gang po ni khab 'tshong ba slar khab rdung ba'i khyim du khab 'tshong bar sems pa bzhin te/ ji nas 'di la kyal ka zhig bya'o snyam nas de dag dbyug gu can mang po thams cad bde bar 'dug pa dang / khyim bdag des gtsang zhing bsod pa'i bca' ba dang bza' bas phor pa bkang nas steng du tshod ma blugs te byin no/ /gang po gcig po la ni phor pa'i zhabs su tshod ma blugs nas steng du 'bras chan gyis g.yogs te byin no/ /gcer bu pa phal dag za zhing 'dug pa dang gang pos bsams pa/ gor ma chag par des ni nga la ston par dmigs te/ des tshod ma zhim po dang kha zas bzang po sbyin par bsams so snyam nas ji tsam tshod ma brims zin pa dang / des bsams pa/ de ni brel bas brjed kyis bdag gis bskul lo snyam nas des bos nas khyim bdag nga la ni 'bras chan 'ba' zhig 'ongs kyis tshod ma ni med do zhes smras pa dang / des slar tshigs su bcad de smras pa/ mi mthong ba ni mthong bar byed/ /mthong bar bya ba mi mthong ste/ /dregs bral 'gram gyi spre'u mthong la/ /phor bu'i nang gi tshod ma min/ /gang po yang de'i gdong bltas pa dang / des phor bu'i zhabs na tshod ma 'dug pa bstan te/ gang po khyod kyis chu bo dregs bral gyi 'gram na spre'u 'dug pa ni mthong/ phor bu'i nang na tshod ma 'dug pa ni ma mthong ngo zhes smras 13-1-170a pa dang / des bsams pa/ 'dis bdag skyengs par byas kyis ci nas kyang 'jig rten 'di nas pha rol gnyi gar phan par mi 'gyur ba de ltar sbyin pa'i yon tan brjod do snyam du bsams pa dang me skyes kyis de skyengs par shes nas sbyin pa'i yon tan brjod pa'i tshe de'i mdun du ma 'dug go/ /des zan zos nas sbyin pa'i yon tan bklags pa/ sbyin bdag gis ni sbyin pa'i dus/ /dge sbyong gzhan ni za ba'i dus/ /lhag ma gzhan la 'ong ba'i dus/ /bsod nams mi dge yod ma yin/ /sgo ba zhig 'dug pa des sbyin pa'i yon tan brjod pa la nyan nyan te thos nas khros pa 'di 'dra ba'i sdig can zas zos la bsrung yang mi nus te/ 'di 'dra ba'i sbyin pa'i yon tan lta ga la srid kyis bu zan mo'i bu 'di la kyal ka zhig bya'o snyam nas des 'bras khu bum pa gang sgo drung du pho'o/ /sgo gtan gyi gdang phyed tsam drangs te bzhag pa dang gcer bu pa de phyir byung ba dang 'bras khu las gred de klad pa sgo gtan la phog nas khrag byung ngo / /de nas sgo ba des mthong ste/ tshigs su bcad de smras pa/ sgo gtan phyung ba'i dus la bab/ /'bras khu pho ba'i dus bab pas/ /mgo bo snad pa'i dus yin gyis/ / dge dang mi dge'i dus med do/ /de klad pa la khrag zag bzhin du khyim bdag dpal sbed gang na ba der song ste drung du phyin pa dang / dpal sbed kyis mthong nas btsun pa gang po ci nyes zhes dris pa dang / des smras pa/ me skyes kyis 'di 'dra bar gnod pa byas so/ / dpal sbed kyis smras pa dang / khyod ni gson por thar gyis sdod cig dang / ci nas 'di ltar dge sbyong gau ta ma nyan thos kyi dge 'dun dang bcas par kho bo'i khyim nas gson bzhin du phyir mi 'byung bar byas mi dgar ma byed cig /dpal sbed kyis bsams pa/ 'di'i dgra la lan glan gyis spyan 'dren du 'gro'o/ /de ste dge sbyong gau ta ma de thams cad mkhyen pa yin na ni mgron du bos kyang khas len du mi btub bo/ /de ste thams cad mkhyen pa ma yin na ni khas len to snyam du bsams nas/ bcom ldan 'das ga la ba der song ste phyin pa 13-1-170b dang / bcom ldan 'das dang lhan cig tu dga' ba'i gtam sna tshogs byas nas phyogs gcig tu 'dug go/ /phyogs gcig tu 'dug nas khyim bdag dpal sbed kyis bcom ldan 'das la 'di skad ces gsol to/ /kye gau ta ma sang bdag gi khyim du dge slong gi dge 'dun dang lhan cig bshos la gshegs par zhal gyis bzhes shig ces spyan drangs pa dang / bcom ldan 'das kyis dgongs pa/ gang gis nga las bden pa mthong bar 'gyur ba de 'di ltar byed do/ /de ste ngas khas ma blangs na ni bden pa'i bar chad dag tu 'gyur te/ ji nas khas blang ngo snyam nas gshegs par zhal gyis bzhes so/ /dpal sbed kyis bsams pa/ 'di ni thams cad mkhyen pa ma yin te/ de ste thams cad mkhyen pa yin na ni 'di ltar khas mi len pa'i rigs na/ ji nas 'di thams cad mkhyen du mi 'gyur bar dgra'i lan glan no snyam nas de nas de khyim du song ste/ de'i khyim gyi sgo kar dong chen po brkos nas nang du shing ka di da'i me mdag dud pa med pas bkang nas de'i steng du rtswas g.yogs nas sas bkab ste bzhag go/ /dug rnon pos bza' ba dang btung ba sbyar to/ /de nas me skyes kyi sring mos dpal sbed la jo bo ci zhig mdzad ces dris pa dang / des smras pa/ dgra gsad par bya'o/ /jo bo la dgra su mchis/ dge sbyong gau ta ma'o/ /ji ste jo bo khyod kyi dgra bcom ldan 'das yin na mdza' bo su zhig mchis kyis jo bo 'di lta bu 'phags pas chos ma yin pa'i las bya bar mi rigs par soms shig ces smras pa dang / de nas dpal sbed kyis bsams pa/ 'di yang me skyes kyi gnyen du 'ong ste dge sbyong gau ta ma la dad pas na gsang shor bar 'gyur ro snyam nas des mo mdzod kyi nang du bcug ste sgo lcags bcug nas bzhag go/ /gang po la sogs pa gcer bu pa thams cad bos nas ngas dgra bsad pa la ltar shog shig /dge sbyong gau ta ma gsad pa'i phyir sgor dong chen po brkos nas nang du seng ldeng gi me mdag gis bkang ste bzhag /kha zas dang skom gyi nang du'ang dug rnon pos 13-1-171a bkang ngo / /de dag yid rab tu dga' nas myur zhing rings su dong ste yang thog gi steng du 'dzegs te 'khod nas deng bdag cag bde bar 'khod do/ /dge sbyong gau ta ma me'i dong gi nang du ji ltar tshig pa dang / dug rnon pos rab tu zhen pa dang / yan man du sa la ji ltar 'gyel ba dag blta'o/ /dpal sbed kyis gdan bting nas bcom ldan 'das spyan 'dren pas dus gsol te/ gau ta ma bshos kyang sbyar lags kyis/ kye gau ta ma dus la bab par dgongs shig /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod song la dge slong dag la 'di skad du dpal sbed kyi khyim du de bzhin gshegs pa ma gshegs par dge slong su yang sngar ma 'dong shig /btsun pa de bzhin du bgyi'o zhes tshe dang ldan pa kun dga' bos bcom ldan 'das las mnyan te/ dge slong dag la tshe dang ldan pa dag bcom ldan 'das kyis dpal sbed kyi khyim du de bzhin gshegs pa ma gshegs par sngar dge slong su yang ma 'dong shig ces bka' stsal to zhes bsgo'o/ /de nas bcom ldan 'das snga dro'i dus na sham thabs mnabs/ lhung bzed dang / chos gos bsnams te/ dge slong mang pos bskor nas dge slong gi dge 'dun gyis mdun du byas te dpal sbed kyi khyim gang na ba de logs su gshegs so/ /de nas 'od ma'i tshal na gnas pa'i lha bran rnams sdug bsngal zhing yid mi dga' bas gzir te/ myur zhing rings par bcom ldan 'das gang na ba der song ste phyin pa dang / bcom ldan 'das kyi zhabs la gtugs te snying rje'i tshig gis 'di skad du bcom ldan 'das dpal sbed kyi khyim du gshegs pa'i mi rigs so zhes gsol pa dang / bcom ldan 'das kyis bka' stsal pa/ lha de na gnod pa ci zhig yod/ bcom ldan 'das dpal sbed ni bcom ldan 'das la ma rung bar bgyi ba'i slad du bshams so zhes smras pa dang / bcom ldan 'das kyis bka' stsal pa/ lha de bzhin gshegs pa ni gnod pa thams cad dang bral na des nga la gnod pa ci zhig byar yod/ lha bran gyis gsol pa/ 13-1-171b bcom ldan 'das des bcom ldan 'das dgrongs pa'i slad du dong chen po'i nang du seng ldeng gi me mdag gis bkang ngo zhes smras pa dang / bcom ldan 'das kyis bka' stsal pa/ lha gang 'dod chags kyi me dang /zhe sdang gi me dang / gti mug gi me dag kyang ye shes kyi chus btab na zhi bar 'gyur/ me'i nang na tha ma des ci zhig byar yod kyis mya ngan ma byed par 'dug shig /lha bran gyis gsol pa/ de gcig pu ma lags kyi gzhan dag gis kyang bcom ldan 'das dgrongs pa'i slad du bya ba sbyar te/ dug rnon po mi bzad pas kha zas dang btung ba'i nang du sbyar to zhes smras pa dang / bcom ldan 'das kyis bka' stsal pa/ lha dug gi gnyen po ye shes kyis 'dod chags kyi dug dang / zhe sdang gi dug dang / gti mug gi dug kyang rab tu btang/ rab tu skyugs/ rab tu bor na dug gi nang na tha ma des byar ci zhig yod/ bdag slar log la bdag gi las la nan tan byos shig /de nas bcom ldan 'das rgyal po'i khab tu byon pa dang / rgyal po'i khab na gnas pa'i lha dag gis snga ma bzhin du gsol pa dang / lha de dag la bcom ldan 'das kyis lha snga ma bzhin du bsgo ste slar bkye'o/ /de nas dpal sbed kyi khang pa'i sgor byon pa dang dpal sbed kyi khyim gyi lhas snga ma bzhin du gsol pa dang / bcom ldan 'das kyis lha de dag kyang lha snga ma bzhin du bsgo ste slar bkye'o/ /de nas dpal sbed kyi chung mas bsams pa/ da ni bcom ldan 'das sgo dang por phyin cing da tsam ni dong gi steng du zhabs gzhog go/ /da tsam ni dong gi kha rtswas g.yogs pa'i steng nas lhung ste da tsam ni bcom ldan 'das me'i nang du lhung bas dud pas kyang 'tshal/ mchi ma yang byung/ me lces chos gos tshig pa'i dud pa'ang byung ngo snyam nas mi dga' ba des khang pa'i nang du bcug pas yid mi dga' ba skyes nas mig mchi mas gang zhing ngo 'dzum gnags nas brtabs mi dge ba la rtog ste ngu zhing 'dug go/ /de nas bcom ldan 'das sems can thams cad la phan pa la rab tu 'jug pa'i yid kyis sgo bar mar 13-1-172a byon nas me'i dong gi steng du zhabs bzhag pa dang / de nas me'i dong gi steng du zhabs bzhag ma thag tu de thams cad kyang mtshe'u pad mo can du gyur te/ ud pa la dang / pad mo dang / ku mu da dang / puN+Da rI ka dag gis ni khebs/bya ngang pa dang / kAr N+Da dang / ngur ba la sogs pa chu na spyod pa'i bya rnams kyis brgyan te/ bya de dag kyang skad sna tshogs 'byin pa ni ji ltar lha'i rdzing man da ka bzhin no/ /nam mkha' la gnas pa'i lha dag gis kyang lha'i me tog ku mu da dang / lha'i me tog kha dog dang ldan pas steng nas gtor to/ / de nas bcom ldan 'das pad ma'i snying po'i steng dag tu zhabs bzhag ste dpal sbed kyi khyim du byon pa dang / khyim bdag dpal sbed ngo mtshar che ba'i mig gis bgrad de bltas nas/ btsun pa gang po bcom ldan 'das kyi rdzu 'phrul dang cho 'phrul la ltos shig ces smras pa dang / gang po mi dga' ba'i bzhin du bsgyur nas/ khyim bdag dge sbyong gau ta ma la dad dam de'i sgyu ma la dad dam zhes smras pa dang / dpal sbed kyis smras pa/ btsun pa gang po de ltar 'di lta bus bsgrub du rung na ni khyod kyang thams cad mkhyen pa na sgyu ma de lta bu byos la ston cig /de lta bus nga dang nga'i mdza' bo dang phu nu dag kyang bsgrub par gyis shig /gang pos bsams pa dgos pa ma grub par gyur te/ slar 'gro'o snyam nas des de la spyos te khang pa'i steng nas babs te skyengs nas bcom ldan 'das la mngon du 'byung bar ma nus te/ de nas 'gros dal zhing bags kyis song nas gdong yang sa la bltas te dpal sbed kyi khyim nas byung ste bros te song ngo / /de nas khyim bdag dpal sbed khyim bdag me skyes kyi sring mo gang na ba der song ste phyin nas/ sgo lcags phye ste bzang mo tshur shog /de bzhin gshegs pa'i zhabs la phyag 'tshol cig ces smras pa dang / des bsams pa/ 'di bdag la slu bar byed do snyam nas snying rje ba'i tshig gis dal nas smras pa/ sdig pa'i grogs pos bslus te bsad na bdag la bgam du ci zhig yod ces smras pa dang / des 13-1-172b bzang mo bden par zer te bgam pa ni ma yin gyis/ bcom ldan 'das dgrongs par ma nus pas/ da bcom ldan 'das la mngon du 'byung bar mi nus kyis/ da khrid la song shig ces smras pa dang / de nas dpal sbed kyi chung ma de dga' ba skyes nas mgu ba'i yid kyis dpal sbed khrid de bcom ldan 'das gang na ba der song nas phyin pa dang / bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /btsun pa bzod par mdzod cig /khyim bdag 'di mi dge ba'i grogs pos bslus pas na bcom ldan 'das la mi dge ba'i rnam pa 'di lta bu dag bgyis so zhes smras pa dang / de nas bcom ldan 'das kyis glang po che'i sna 'dra ba'i phyag brkyang nas gsungs pa/ khyim bdag longs shig dang bzod do/ /de bzhin gshegs pa la ni mdza' ba dang dgrar bye brag mi 'byed/ de bzhin gshegs pa dgra bcom pa yang dag par rdzogs pa'i sangs rgyas ni mdza' ba dang / dgrar bye brag mi 'byed/ tsan dan dang ste 'ur mtshungs so zhes gsungs pa dang / de nas khyim bdag dpal sbed de bzhin gshegs pa la rab tu dga' ba skyes nas/ mos pa'i yid kyis bcom ldan 'das la cung zad cig gzhes shig /bdag gis bshos da gdod sbyar ro zhes gsol pa dang / bcom ldan 'das kyis bka' stsal pa/ khyim bdag de bzhin gshegs pa la spyan 'dren pas dus gsol te/ gau ta ma bshos dag kyang sbyar lags kyis/ kye gau ta ma dus mkhyen par mdzod cig ces zer na da yang ci'i phyir na 'di skad du smra/ des gsol pa/ btsun pa bdag ni mi dge ba'i grogs po la lta bar gyur pa'i blos log par lta ba gsum du 'gro ba'i sdig pas de la gzhol te kun la sdug par 'gro ba gnyis kyang bgags nas bcom ldan 'das la gnod par bya ba'i phyir zhugs so zhes smras pa dang / bcom ldan 'das kyis bka' stsal pa/ khyim bdag de bzhin gshegs pa ni gnod pa thams cad dang bral na ci'i phyir nga la gnod par 'gyur/ 13-1-173a btsun pa bdag gis dug rnon pos zhal zas dang / skyems kyi nang du sbyar gyis de dag pho la gdod sbyar ro zhes smras pa dang / bcom ldan 'das kyis bka' stsal pa/khyim bdag gang 'dod chags kyi dug dang / zhe sdang gi dug dang / gti mug gi dug kyang rab tu skyugs shing bor na dug ngan pa 'di lta bu ci zhig byar yod kyis gang sbyar ba de khyer te shog shig /de nas bcom ldan 'das dge slong gi dge 'dun gyi mdun du gdan bting ba la bzhugs te/ bzhugs nas/ tshe dang ldan pa kun dga' bo la bka' stsal pa/ kun dga' bo song la dge slong dag la 'di skad du nam rgan rims su 'byor tshogs so zhes skad ma phyung gi bar du su yang zan ma za zhig par sgo shig /de nas tshe dang ldan pa kun dga' bos dge slong dag la tshe dang ldan pa dag bcom ldan 'das kyis bka' stsal pa ni rgan rims su 'byor tshogs so zhes skad ma phyung gi bar du su yang zan ma za zhig ces byung ngo / /de nas dge slong gi dge 'dun de dag bde bar 'khod nas/ kha zas dag bsnyen pa dang / 'phrul dang / rdzu 'phrul dang / cho 'phrul gyis dpal sbed kyi khyim du rgan rims su 'byor tshogs zhes skad phyung ba dang / kha zas dang skom dag kyang dug med par gyur to/ /dpal sbed de dogs bzhin du kha zas dang skom dag 'brim zhing bsams pa/ rgan rims nas gzhon nu dag gi drung du 'ongs pa dang / da tsam dge slong rgan rims dag ni dug rnon pos 'gyel gor ma chag go/ /gzhon nu nas yang rgan rims kyi drung du 'ongs nas yang 'di snyam du sems te/ de'i blo yang de lta bur skyes nas/ bcom ldan 'das ni 'dod chags dang / zhe sdang dang / gti mug gi dug spangs kyi/ nyan thos thams cad kyi ma yin snyam du bsams nas/ de ltar dge slong dag thams cad kyis bshos gsol na gcig la yang gnod par ma gyur to/ /chung ngu na de'i lhag ma zos pa dag la yang gnod par ma gyur to/ /de nas khyim bdag dpal sbed phyi phyir dad pa skyes so/ /de chung ma dang gnyis kyis bcom ldan 'das bshos gsol nas/ 13-1-173b lhung bzed phyung ste phyag bcabs par shes nas stan dma' ba zhig blangs te/ bcom ldan 'das kyi spyan sngar chos nyan pa'i phyir 'dug go/ /de nas bcom ldan 'das kyis dpal sbed dang chung ma'i bsam pa dang / bag la nyal dang / khams dang / rang bzhin dag mkhyen nas 'phags pa'i bden pa bzhi'i chos rab tu rtogs par 'gyur ba de lta bu'i chos bshad do/ /khyim bdag dpal sbed kyis de thos nas 'jig tshogs su lta ba'i ri'i rtse mo nyi shu ye shes kyi rdo rjes bcom nas rgyun du zhugs pa'i 'bras bu mngon du byas so/ /des bden pa mthong nas dga' ba'i tshig lan gsum smras te/ btsun pa bcom ldan 'das kyis phan btags pa 'di lta bu ni bdag la phas kyang ma bgyis/ mas kyang ma bgyis/ sdug pa dang / mdza' bo dang / gnyen dang / 'khor gyis kyang ma bgyis/ rgyal pos kyang ma bgyis/ lhas kyang ma bgyis/ snga ma'i mi dag gis kyang ma bgyis/ dge sbyong dang / bram ze dag gis kyang ma bgyis te/ bcom ldan 'das kyis bdag gi mchi ma dang khrag gi rgya mtsho ni bskams/ rus pa'i ri las ni bsgral/ ngan song gi sgo ni bcad/ mtho ris kyi sgo ni phye ste/ bdag ni lha dang mi'i gnas su bzhag go zhes smras nas/ yang gsol pa/ nyes pa mang ba ma rungs pa/ /ngan du 'gro ba'i lam rnams te/ /khyod kyi mthus ni de dag bcad/ /mtho ris 'gro ba'i sgo phye bsod nams can/ /mya ngan 'da' ba'i lam yang bdag gis thob/ / khyod la brtan pas thob pa nyes bral ba'i/ /bdag gi mig ni dag cing rnam par dag /'phags pa dgyes pa'i gnas bzhi thob/ /sdug bsngal rgya mtsho pha rol rgal/ /skye bo lha min lha dang mi yis mchod/ /skye ba na ba rga shi rnam par bral/ /srid pa stong du'ang rnyed par shin tu dka'/ /thub pa khyod mthong deng ni 'bras bur ldan/ /btsun pa bdag ni mngon par rgal te mngon par rgal lo da ni bdag bcom ldan 'das dang / chos dang / dge slong gi dge 'dun la skyabs su mchis/ deng phan chad nam mtsho'i bar du srog dang bsdos te skyabs su 13-1-174a mchi nas mngon du dad kyis/ bdag la dge bsnyen du zung shig /btsun pa deng phan chad mu stegs can gcer bu pa dang / gcer bu ma dang / gcer bu pa'i nyan thos rnams la ni sgo bcad/ bcom ldan 'das kyi nyan thos dang / dge slong dang / dge slong ma dang / dge bsnyen pha dang / dge bsnyen ma la ni sgo dbye'o/ /de nas bcom ldan 'das kyis khyim bdag dpal sbed la chos kyi gtam gyis yang dag par bstan/ yang dag par bstabs/ yang dag par gzengs bstod/ rab tu dga' bar byas nas gdan las bzhengs te bzhud do/ /de nas bcom ldan 'das gtsug lag khang du byon nas dge slong gi dge 'dun gyi gud du gdan bting ba la bzhugs so/ /bzhugs nas bcom ldan 'das kyis dge slong dag la bka' stsal pa/ dge slong dag khyim bdag dpal sbed kyi khyim du de lta bu'i gnod pa dag byung ba de la der de bzhin gshegs pas mkhyen par ma gyur na gor ma chag par dge slong rab tu mang po zhig dug gis dus byas par 'gyur/ khyim bdag des ngan du spyad pas mtshams med pa'i sems can dmyal bar ltung ngo / /de bas na dge 'dun gyi gnas brtan gyi dge slong la mtshungs par spyod pa'i chos bca'o/ /dge 'dun gyi gnas brtan dge slong gi rgan rims su 'dug nas kha zas dag bshams te 'ongs pa dang / sngar chung ngu na lan tshwa tsam yang ma blang shig /rgan rims su 'byor tshogs zhes skad ma phyung bar blangs na 'das pa dang bcas par 'gyur ro/ /gleng gzhi ni mnyan du yod pa na ste/ de'i tshe na khyim bdag gzhan zhig gis gtsug lag khang chen po zhig rtsig pa la zhugs pa las/ des phyed tsam brtsigs pa dang dus 'das so/ /de'i bu khyim gyi bdag por gyur nas dge slong dag gis de'i gan du song ste bzhin bzangs khyod kyi phas gtsug lag khang rtsig pa la zhugs pa dang / de yang phyed tsam zin pa dang dus 'das so/ /de ni khyod kyis mjug bsgrub pa'i rigs so zhes smras pa dang / de dad pa chung ste gtsug lag khang de ni che bas na 13-1-174b de tsam rtsig sus nus kyis/ de ste bcom ldan 'das kyis gnang na ni chen po de bshig la chung ngur bskyungs te bgyi'o zhes smras pa dang / de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ de ste rtsig mi nus na shig la chung ngur byos shig /de la the tshom du ma byed cig /gleng gzhi ni mnyan du yod pa na ste/ khyim bdag gzhan zhig gis gtsug lag khang chung ngu zhig rtsig par zhugs pa las/ de yang phyed tsam zin pa dang dus 'das so/ /de'i bu yang khyim gyi bdag por gyur nas/ de la dge slong dag gis de la bzhin bzangs khyod kyi phas gtsug lag khang phyed brtsigs nas lus pa de khyod kyis mjug sgrubs shig ces smras pa dang / de rab tu dad pa zhig ste 'phags pa dag bdag ni cher bgyid par dad na de ni chung ste/ bcom ldan 'das kyis rjes su gnang na snga ma bshig la chen po zhig brtsig go zhes smras pa dang / de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ de ste nus na chung ngu bshig ste cher brtsig par gnang gis de la the tshom du ma byed cig / de bzhin du khyim bdag gzhan zhig gis mchod rten chen po zhig brtsig par byas pa las phyed tsam zin pa dang de dus 'das so/ /de'i bu yang khyim gyi bdag por gyur nas de la dge slong dag gis bzhin bzangs khyod kyi phas mchod rten phyed tsam brtsigs shing 'dug na de khyod kyis mjug sgrubs shig ces smras pa dang / de yang ma dad pa zhig ste 'phags pa de tshe chos pas rtsig par mi nus na/ de ste bcom ldan 'das kyis gnang na de la bdag gis de slar bshig la chung ngur bgyi'o zhes smras pa dang / de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag gtsug lag khang ni chen po las chung ngur bsgyur du yang rung cher yang rung gi /mchod rten ni chen po las chung ngur ma skyung shig /chung ngur byas na 'das pa dang bcas par 'gyur ro/ /khyim bdag 13-1-175a gzhan zhig gis yang mchod rten chung ngu zhig rtsig tu zhugs pa las phyed tsam zin pa dang de dus 'das so/ /de'i bu yang khyim gyi bdag por gyur nas dge slong dag gis de la bzhin bzangs khyod kyi phas mchod rten rtsig tu zhugs pa las phyed tsam zin pa dang de'ang dus las 'das na/ da khyod kyis mjug sgrubs shig ces smras pa dang / de yang rab tu dad pa zhig ste/ bdag ni cher dad pa lags kyis/ de ste bcom ldan 'das kyis gnang na bdag gis cher bskyed par bgyi'o zhes smras pa dang / de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ de ste chung ngu bshig ste chen por byed nus na gnang gis byos shig /de la the tshom du ma byed cig /mchod rten dang gdugs rnyings shing zhig pa yang de bzhin no/ /bcom ldan 'das kyis chos shig ces bka' stsal pa dang / gzhan zhig gis gdugs phab nas slar ma bsgrubs kyi bar du dus 'das pa dang / bcom ldan 'das kyis bka' stsal pa/ rjes ma ma zin gyi bar du snga ma dbab par ma byed cig /de bzhin du sku gzugs 'jim pa la byas pa dag rnyings nas/ dge slong dag the tshom skyes nas ma byas pa dang / bcom ldan 'das kyis bka' stsal pa/ de dang 'dra ba'am/ de las lhag par ni byos shig /chung ngu ni ma yin no/ /de bzhin du ri mor bris pa dag kyang ri mo byed pa dang / dge slong dag the tshom skyes nas ri mor ma bris nas/ bcom ldan 'das kyis bka' stsal pa/ byid na de nyid kyi rgyud slar bris shig /de bzhin du sangs rgyas kyi bka'i glegs bam dag byid par gyur nas/ dge slong dag gis the tshom skyes nas ma bris pa dang / bcom ldan 'das kyis bka' stsal pa/ byid na sangs rgyas kyi bka' slar bris shig /de la the tshom du ma byed cig /rkyang pa'i sgo gnyis pa'i mdo'i tshigs su bcad pa bzhi pa'o// //'dul ba gzhung dam pa/ 'dul ba gzhung dam pa/bam po bzhi bcu rtsa gcig pa/ mdor na/ gsar bus 'jug par bya ba dang / /'khor rnams rnam pa lnga yis 13-1-175b dang / /yon dang snod dang rol mo dang / /dge bsnyen dag ni bsgrags pa'o/ /gleng gzhi ni mnyan du yod pa na ste/ bcom ldan 'das kyis 'dzam bu'i grib ma na bzhugs pa'i sku gzugs la dus kyi mchod rten chen po dang bcas par byos la/ grong khyer gyi nang du bkur bar gyis shig ces bka' stsal pa dang / dge slong dag gis sus bkur bar mi shes nas/ bcom ldan 'das kyis bka' stsal pa/ dge slong gzhon nu dag gis khyer cig /bcom ldan 'das kyis dge slong gzhon nu dag gis khyer cig par bka' stsal pa dang / de 'khor med par gyur pas na mi mdzes nas/ bcom ldan 'das kyis bka' stsal pa/ dge slong dang / dge slong ma dang / dge slob ma dang / dge tshul dang / dge tshul ma'i 'khor lnga dang chos shig /dad pa'i bram ze dang khyim bdag gis yon phul na sus kyang ma blangs pa dang / bcom ldan 'das kyis bka' stsal pa/ dge slong dag gis blang bar byos shig /gzhon nus blang ngam rgan po rnams kyis blang ba de dag gis ma shes nas/ bcom ldan 'das kyis bka' stsal pa/ rgan po rnams kyis long shig /bcom ldan 'das kyis bka' stsal pa/ dge slong de dag gis bkur bar byos shig dang / dge slong gnas brtan dag gis khyer te ngal bar gyur nas/ bcom ldan 'das kyis bka' stsal pa/ dge slong gnas brtan dag gis bsrungs la gzhan gyis bkur bar gyis shig /dge slong dag gis rol mo med par dong ba dang / khyim bdag mgon med zas sbyin gyis bcom ldan 'das kyis gnang na ni sku gzugs gshegs pa'i tshe bdag gis rol mo sbyar ro zhes smras pa dang / bcom ldan 'das kyis bka' stsal pa/ khyim bdag de ltar na gnang gis sbyor cig /sangs rgyas bcom ldan 'das la tshe dang ldan pa u pA lis zhus pa/ btsun pa dge slong rol mo bgyir rung ngam/ u pA li mi rung ngo / /nam mchod pa'i dus na 'di skad du bzhin bzangs ston pa la mchod par byos shig ces sgo shig /rkyang pa'i sgo gnyis pa'i mdo'i tshigs su bcad pa 13-1-176a lnga pa'o// //mdor na/ sgrogs par byed dang snod sbed dang / /shing rta tha dad byed pa dang / /snod rnams bged pa dad pa dang / /mdo'i tshigs su bcad par brjod pa'o/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /bcom ldan 'das kyis dus ston chen po gyis la shing 'dzam bu'i grib ma na bzhugs pa'i sku gzugs grong khyer du gshegs par rgyas par byos shig ces bka' stsal pa dang / dge slong dag gis bram ze dang khyim bdag dag la ma sbran par dong ngo / /de dag gis e ma'o 'phags pa dag nged cag la sngar sbran na ni nged kyis yon rnams sta gon bya ba zhig ces smras pa dang / de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ zhag bdun nam brgyad kyi snga rol nas dus kyi mchod ston chen po byed do zhes grong khyer dang / tshong dus dang / srang dang / lam dang / lam gyi bzhi mdo dag tu bsgrag par byos shig /de dag gis dus ston no dus ston no zhes bsgrags pa dang / bcom ldan 'das kyis bka' stsal pa/ zhag dus thob la zhag 'di snyed cig na dus ston byed do zhes sbron cig /de ltar byas kyang 'jig rten thams cad kyis ma thos nas/ bcom ldan 'das kyis bka' stsal pa/ gro ga la bris la bal glang gi steng du zhog ste/ tshong dus dang / srang dang / lam dang / lam gyi bzhi mdo dag tu bsgrags par gyis shig /gang gi nyin mo bcom ldan 'das kyi dus ston chen po byed pa na/ bcom ldan 'das kyis dge slong gnas brtan dang / gnas brtan dag gis ni yon rnams srung shig /gzhon nu rnams kyis ni khyer cig ces bka' stsal pa dang / des khyer te bab bab tu bor ba dang / ma byin par len pa dag gis brkus nas/ bcom ldan 'das kyis bka' stsal pa/ snod spyad sbed pa'i dge slong skos shig /bsko ba ni 'di ltar bsko'o/ /stan bting la gaN+DI brdungs shing dris pa la lan glon pa'i dge slong bskos te/ 13-1-176b dge slong gi dge 'dun rnams tshogs shing 'khod pa dang / sngar ni dad par byos shig /khyod ming 'di zhes bya ba dge 'dun gyi snod sbed par bsko na dad dam zhes dris te/ dad na des kyang dad do zhes smros shig /de'i 'og tu dge slong cig gis gsol pa dang las byos shig / gson cig btsun pa'i dge 'dun rnams/ ming 'di zhes bgyi ba 'di dge 'dun gyi snod sbed par dad na/ de ste de dge 'dun gyi dus la bab cing bzod na dge 'dun gyis gnang shig dang ming 'di zhes bgyi ba snod sbed par bskos te/ snod sbed pa ming 'di zhes bgyi ba dge 'dun gyi snod sbed de/ 'di ni gsol ba'o/ /las kyang 'di ltar bya ste/ gson cig btsun pa'i dge 'dun rnams ming 'di zhes bgyi ba 'di dge 'dun gyi snod sbed par dad de/ dge 'dun gyis ming 'di zhes bgyi ba 'di snod sbed par bsko ste ming 'di zhes bgyi ba 'di dge 'dun gyi snod sbed na tshe dang ldan pa'i rnams las gang la ming 'di zhes bgyi ba snod sbed du bsko bar bzod pa de dag ni cang ma gsung shig /gang la mi bzod pa dag ni smros shig /dge 'dun gyis ming 'di zhes bgyi ba 'di snod sbed par bsko ste/ dge 'dun gyis bzod cing gnang bas na cang mi gsung ste/ de de bzhin du 'dzin to/ /der yang rnyed pa dag mang du byung nas dge slong ma dag gis 'phags pa dag bdag cag la rnyed pa'i skal ba stsol cig ces smras kyang dge slong dag gis ma byin no/ /de dag gis phyi de nyin mo shing rta gzhan zhig bshams pa dang / bram ze dang khyim bdag dag gis 'phags ma dag shing rta 'di nyid dam 'on te gzhan zhig ces dris na/ dge slong ma de dag gis kyang rnyed pa mang du gyur to/ /dge slong ma dag gis rnyed pa dang bkur sti la ngoms par gyur pa dge slong dag gis mthong nas 'phags pa khyed kyis kho mo cag la rnyed pa ma byin mod kyi/ bdag cag gis kyang shing rta logs shig tu bshams pas bdag cag la yang rnyed pa mang du thob par gyur to zhes smras pa dang / de ltar gyur pa dge slong dag gis bcom ldan 'das la gsol nas/ bcom 13-1-177a ldan 'das kyis dgongs pa/ dge slong dag gang nyes pa'i dmigs su gyur pa ni dge slong ma dag gis dus ston gyi tshe shing rta gud du bshams pas de bas na dge slong dang dge slong ma dag gis shing rta logs shig tu mi bsham par dgongs nas/ bcom ldan 'das kyis bka' stsal pa/ dge slong dag dge slong mas ni mi rigs par byas te/ de bas na dge slong mas dus ston gyi tshe shing rta logs shig tu ma shom shig /dge slong ma dag gis dus ston gyi tshe shing rta logs shig tu bshams na dbyen byas pa dang / nye ba'i nyes pa sbom por 'gyur ro/ /snod de dag de bzhin du 'dug pa dang dge slong dag gis ji ltar bya ba mi shes nas/ bcom ldan 'das kyis bgos shig ces gsungs pa dang / de dag ji ltar bgo ba mi shes nas/ bcom ldan 'das kyis bka' stsal pa/ snod bged pa'i dge slong cig sko shig /bsko ba ni 'di ltar bya'o/ /stan thing ste gaN+DI rdungs la dris pa la lan glon pa'i dge slong skos la dge 'dun thams cad 'dus te 'khod pa dang sngar dad par byos shig /khyod dge 'dun gyi snod bged par bskon dad dam zhes dris la/ de ste dad do zhes zer na de'i 'og tu dge slong gcig gis gsol pa dang las byos shig /gson cig btsun pa'i dge slong rnams/ snod bged pa ming 'di zhes bgyi ba 'di dge 'dun gyi snod bged par dad na/ de ste dge 'dun gyi dus la bab cing bzod na/ dge 'dun gyis gnang la dge 'dun gyis ming 'di zhes bgyi ba 'di snod bged par skos shig /ming 'di zhes bgyi ba dge 'dun gyi snod bged de 'di ni gsol ba'o/ /las kyang 'di ltar byos shig /gson cig btsun pa'i dge 'dun rnams ming 'di zhes bgyi ba snod bged par dad nas dge 'dun gyi snod bged de/ dge 'dun gyis ming 'di zhes bgyi ba dge 'dun gyi snod bged par tshe dang ldan pa rnams gang bzod pa ni cang ma gsung shig /mi bzod pa ni smros shig /dge 'dun gyis ming 'di zhes bgyi ba 'di snod bged par bskos te/ dge 'dun gyis bzod cing gnang bas na cang mi gsung ste de de bzhin 13-1-177b du 'dzin to/ /rkyang pa'i sgo gnyis kyi mdo'i tshigs su bcad pa drug pa'o// //mdo bar ma ste/ rnam pa tha dad byas dang yon/ /gang gi tshe na gcig las lhag /gang gi tshe na gnyis las gcig /bdag gir bya bar mi rung ngo / /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /gang gi tshe dus ston chen po byung ba na rnyed pa mang po dang ldan par gyur nas/ dge slong dag gis ji ltar bya ba'i thabs mi shes nas/ bcom ldan 'das kyis bka' stsal pa/ gos sbed pa'i dge slong gis stan thing la gaN+DI brdungs te dris pa la lan glon pa'i dge slong bskos la dge 'dun thams cad 'dus shing 'khod pa'i nang du btsong bar bya'o/ /de dag gis sus rin thang gdab par ma shes nas/ bcom ldan 'das kyis bka' stsal pa/ dge 'dun gyi gnas brtan gyis thob shig /de dag gis de nyid nyor bcug pa dang / de nyid la nyor ma gzhug shig /dge 'dun gyi gnas brtan gyis rin cher btab ste sus kyang ma nyos nas/ bcom ldan 'das kyis bka' stsal pa/ cher ma gdab shig ces gsungs pa dang shin tu chung ngu btab bo/ /shin tu chung ngu yang ma gdab par ran par thob shig /gang gis thog mar rin thang bskyed pa de nyid nyor chug ces smras pa dang de la ma btsong bar gang gi tshe rin thang sus kyang ma bskyed na gdod de nyid la tshong shig /drug sde dag gis rin cher btab ste rin cher bslangs na dge 'dun gyi don gyi phyir nged kyis rin thang bskyed do zhes smras pa dang / bcom ldan 'das kyis bka' stsal pa/ gang nyo ba des rin thang skyed cig /gzhan gyis rin thang bskyed na 'das pa dang bcas par 'gyur ro/ /drug sde dag gis rin thang bskyed de nyos nas bkrus shing bgos so/ /rin len pa la de nyid slar byin no/ /bcom ldan 'das kyis bka' stsal pa/ rin ma 'ongs kyi bar du de la ma sbyin cig /rin ma byin par bgos na 'das pa dang bcas par 'gyur ro/ /rkyang pa'i sgo gnyis kyi mdo'i tshigs su bcad pa bdun pa'o// // 13-1-178a mdor na/ gtsug lag khang ni zhig pa dang / /lci ba'i phyir ni dben par bya/ /nam zhig 'jigs par gyur pa na/ /skad cig brnya ba dge 'dun gyi/ /sangs rgyas bcom ldan 'das dze ta'i tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong dag gnas khang lnga rtseg tu byos shig /dri gtsang khang ni bdun rtseg sgo khang yang bdun rtseg tu byos shig ces bka' stsal to/ /dge slong ma'i gnas khang ni sum rtseg go/ /dri gtsang khang ni lnga rtseg go/ /sgo khang yang lnga rtseg go/ /steng gi lcid kyis rtsig pa 'jig tu byed de/ de ltar gyur pa dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ steng ma'i rim gcig phri shig /'on kyang 'jig par gyur pa dang / bcom ldan 'das kyis bka' stsal pa/ de bzhin du rim gnyis nas bzhi'i bar du phri la 'og khang gcig pu zhog shig /gleng gzhi ni mnyan du yod pa na ste/ dge slong rnams la 'jigs pa dag byung nas/ gtsug lag khang stong par byas te/ dge 'dun gyi mal stan yang bor nas bros te dong ba dang / ma byin par len pa dag gis brkus so/ /brkus pas dge slong dag phongs par gyur to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge 'dun gyi mal stan bor te ma 'dong shig /gang du dong ba der khyer cig /bcom ldan 'das kyis gang du 'dong bar khyer cig ces bka' stsal pa dang / dge slong zhig gis bgo ba dag khyer te dge slong dag dang lhan cig tu bros te dong ba dang / de na nub mo dge slong zhig gis tshe dang ldan pa 'di ni dge 'dun gyi nang na nga ni rgan te ji ltar rgan rims su dbang ngo zhes smras pa dang de byin no/ /des de byin nas ji tsam nam nangs pa dang /des bsgo ba 'dis khyer cig ces smras pa dang / des smras pa gang gi tshe bsgo bar bgos pa de'i tshe na ni khyod rgan pos 13-1-178b khyer la da bkur ba'i tshe ni nga la sbyin nam khyod nyid khyer cig /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ gang gis 'jigs pa'i tshe khyer khyer ba de nyid kyi'o/ /gang gi tshe 'jigs pa med par gyur na yang bcom ldan 'das kyis gnang ngo zhes slar ma phul ba dang / de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag re zhig ngas dge 'dun gyi mal stan dag gnang gi gtan du ni ma yin gyi/ 'jigs pa dang bral na slar phul la rgan rims su byin cig /rkyang pa'i sgo gnyis kyi mdo'i tshigs su bcad pa brgyad pa'o// //mdor na/ dze ta'i tshal du mchod ston tshe/ /rnga chen gyis ni 'du bar bya/ /gral ni chol bar 'khod pa dang / /dge slong las ni zhal tar bsko/ /sangs rgyas bcom ldan 'das dze ta'i tshal mgon med zas sbyin gyi kun dga' ra ba na bzhugs te/ khyim bdag mgon med zas sbyin pas bcom ldan 'das la de ste bcom ldan 'das kyis gnang na bdag gis dus ston chen po bgyi'o zhes gsol pa dang / bcom ldan 'das kyis bka' stsal pa/ khyim bdag ngas gnang gis byos shig /de dze ta'i tshal du dus ston byas pa dang / dge slong dag ma 'dus par gyur nas bcom ldan 'das kyis mchod ston chen po byed na gaN+DI dang / rnga dang / dung bus shig dang / dge slong dag gdugs tshod la bab par dus rig par 'gyur ro zhes bka' stsal pa dang / dge slong dag rnga dang dung dag gi sgras brdegs na chol bar 'khod do/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong las zhal ta ba bskos te ci nas rgan rims su 'khod cig /ji ltar rgan rims su 'khod pa dang /nam zas dag rgan rims nas brims te/ gzhon nu'i gan du phyin tsam nas gdugs tshod kyang yol te/ dge slong dag zas kyi bar chad du gyur to/ /de ltar gyur pa dge slong dag gis bcom ldan 'das la gsol pa dang / 13-1-179a bcom ldan 'das kyis bka' stsal pa/ lnga brgya phreng du gyis la kha zas ni rgan rims kyi mdun du zhog shig /dge slong dag gis de bzhin du byas pa dang khyim bdag ni bza' ba 'brim pa la rku'o/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ 'brim pa'i spyan pa dge slong skos shig /de dag kyang kha zas kyi bar chad du gyur nas/ bcom ldan 'das kyis bka' stsal pa/ de dag sngar zan byin la phyis zhal ta byed du chug shig /rkyang pa'i sgo gnyis pa'i mdo'i tshigs su bcad pa dgu pa'o// //mdor na/ dge slong ma ni mang du gyur/ /dge slong dang po yi rang dang / /gcig dang gnyis dang mang po dang / /bu chung rab tu dgar gyur pa'o/ /sangs rgyas bcom ldan 'das dze ta'i tshal mgon med zas sbyin gyi kun dga' ra ba na bzhugs te/ ri brags kyi grong gzhan zhig na khyim bdag zhig gnas pa des dge slong ma mang zhig bshos la spyan drangs nas ji tsam zhig na dge slong gcig cig 'gron pa mang po dang lhan cig tu ljongs rgyu ba spyod cing ri brags kyi grong der phyin pa dang / de der bsod snyoms la zhugs na de na gzhan zhig gis de la 'phags pa khyim 'di na dge slong ma dag bshos gsol zhing 'khod kyis der bzhud cig ces smras pa dang / de yang der song nas dge 'dun ma'i gnas brtan sbom mo dga' ldan 'dug ste/ des 'phags pa de ste sbyin pa'i yon tan brjod nus na ni rgan rims su bzhugs shig /de ste mi nus na phyogs gcig tu bshos bsnoms la bzhud cig ces smras pa dang / de skyengs nas des bsams pa de ste bdag gis sbyin pa'i yon tan brjod kyi bar du 'dug na ni 'gron pa mang po dag kyang dong bar 'gyur gyis phyogs gcig tu zan zos te 'gro'o snyam nas phyogs gcig tu zan zos te song ngo / /rim bzhin du mnyan du yod par phyin pa dang / dge slong dag gis tshe dang ldan pa bde bar 'ongs sam/ ci bde bar spyad dam zhes smras pa dang / des smras pa/ ga la zhig 13-1-179b bde bar spyad/ dge slong mas kyal ka byas so/ /de ji ltar byas zhes smras pa dang / de ltar gyur pa rgyas par dge slong dag la smras so/ /dge slong dag gis bcom ldan 'das la gsol pa dang / bcom ldan 'das kyis bka' stsal pa/ gang na dge slong gcig dang dge slong ma gcig gnas pa de na dge slong de gral kyang dang po/ chu yang dang po/ zan yang dang por zo shig /gang na dge slong ma gnyis sam/ gsum mam/ de las lhag pa zhig la dge slong gcig cig 'ongs na dge slong gcig pu de stan yang dang po/ chu yang dang po/ zan yang dang por zo shig /gang de ste dge slong ma dag 'ba' zhig na yang rtag tu gral gyi dang por stan cig lhag par zhog la 'khod cig de ste dge tshul pha zhig 'ongs na yang de der 'dug la zo shig /de ste des mi nus par gyur na yang dge slong mas sbyin pa'i yon tan lhogs shig /dge slong mas de ltar ma byas na 'das pa dang bcas par 'gyur ro/ /gleng gzhi ni mnyan du yod pa na ste/ khyim bdag mgon med zas sbyin pas dze ta'i tshal du dus ston chen po byas nas bu dang chung ma dge 'dun la yon du phul ba dang / dge slong dag gis ji ltar bya ba mi shes nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ khyim bdag la dris shig /dris pa dang / pha des smras pa/ 'phags pa dag rin thang chod cig dang bdag gis glung gsol lo/ / drug sde dag gis de la 'gran cing spel ba la zhugs pa dang / de'i nang nas chung ma bu chung ngu ma can gyis khyim bdag mgon med zas sbyin gyi rkang pa la btud de jo bo bdag gi bu chung gis bdag ma gtang shig ces smras pa dang / de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag sems can gyi nang na bud med las snying chung ba med kyis 'jigs par ma bya shig /de bas dge slong gis bud med kyi rin thang ma gcod cig /bcad na 'das pa dang bcas par 'gyur ro/ /sbyin 13-1-180a bdag gis ji ltar dga' zhing dga' ste byin bzhin du longs shig /rkyang pa'i mdo'i tshigs su bcad pa bcu pa rdzogs s+ho// //mdor bsdus par na/ yo byad bus pa blun pa dang / /gang gi ba dang de yi ste/ /de ltar khye'u las bslang mi bya/ /mgon med zas sbyin de bzhin te/ /spu gri dang ni 'khor rnams dang / /chu dang bsdus par gsungs pa'o/ /mdor na/ yo byad rnams dang gnang ba dang / /u pA lis ni dris pa ste/ /ji ltar byin gyis brlab par bya/ /yid gcugs tshigs bcad mdor gsungs pa'o/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs te/ dge slong dag ljongs rgyu ba spyod pa na na bar gyur te/ kha cig la sman med nas lhung bzed btsongs kyang khyim bdag gis ma nyos nas dus 'das par gyur to/ /de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ de lta bas na gnang gis yo byad dang gos chongs shig /bcom ldan 'das kyis yo byad dang gos chongs shig ces gsungs pa dang / dge slong dag gis bkrus nas kha bsgyur te bcangs pa dang rin chung ngur gyur to/ /bcom ldan 'das kyis bka' stsal pa/ ma bkrus kha ma bsgyur/ sar pa btags ma thag chongs shig /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis dge slong dag gis yo byad bcu gsum chongs shig ces bka' stsal ni ji ltar byin gyis brlab par bgyi/ u pA li so sor byin gyis brlab par bya ste/ chos gos 'di ni sbyar mar byin gyis brlab ste/ bya ba zin pa yongs su spyad pa'o/ /de bzhin du stod g.yogs dang mthang gos dang / sham thabs dang / sham thabs kyi 'theb dang / stod chags dang / stod chags kyi 'theb dang / gdong phyis dang /lus phyi ba dang / g.yan pa'i gos dang / skra bzed dang / g.yogs ma dang / ras chen te gos 'di ni yo byad kyi gos su byin gyis brlabs 13-1-180b te/ na ba la dgos te bdag dang tshangs pa mtshungs par spyod pa'i phyir byin gyis brlab bo/ /yang sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yo byad bcu gsum byin gyis rlobs shig ces bka' stsal na/ de las lhag pa'i gos rnams ji ltar bgyi/ bcom ldan 'das kyis bka' stsal pa/ u pA li de ni slob dpon dang / mkhan po dang / yid gcugs pa rnams la bsngos la bcang bar bya ste/ de yang 'di ltar bsngo bar bya'o/ /dge slong gcig gi mdun du 'dug la 'di skad smros shig / dgongs shig tshe dang ldan pa bdag ming 'di zhes bgyi ba la gos 'di lhag par bsngo ste/ bsngo ba'i rigs pas na mkhan po la bsngo ste/ mkhan po yid bcugs pas bcang bar bgyi'o/ /de bzhin du lan gnyis lan gsum du brjod par bya'o/ /rkyang pa'i nang na sgo gsum pa'i mdo'i tshigs su bcad pa dang po'o// //mdor na/ bus pa blun la sogs shes pa/ /bcu gnyis kyi ni gang zag dang / /de bzhin rnam par dbye ba dang / /tshul bzhin pa ni gsum pa'o/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /bcom ldan 'das la tshe dang ldan pa u pA lis zhus pa/ btsun pa gang zag du'i slar bzlog pa mi brtsan/ bcom ldan 'das kyis bka' stsal pa/ u pA li bcu gnyis te/ bus pa dang / blun po dang / mi gsal ba dang / mi mkhas pa dang / ngo tsha med pa dang / khon du 'dzin pa dang / mtshams kyi phyi rol na 'dug pa dang / spangs pa dang / tshig mi brtan pa dang / spyod lam las 'gal ba dang / tshul bzhin du mi gnas pa dang / bslab pa byin pa'o/ /yang zhus pa btsun pa ji tsam gyis na byis pa lta bu nas ji tsam gyis na bslab pa stsal ba'i bar du lags/u pA li gang log par bsam pa sems pa dang / log par smra ba log par smra ba dang / bzlog dka' bar bzlog pa yin te/ u pA li da ltar bgyis par 'gyur ro/ /btsun pa ji tsam na glen 13-1-181a pa lags/ mdo sde mi 'dzin pa/ 'dul ba mi 'dzin pa/ ma lta bu mi 'dzin pa ste/ 'di tsam gyis na/ u pA li glen pa yin no/ /btsun pa ji tsam gyis na mi gsal ba lags/ u pA li gang mdo sde yang 'dzin/ 'dul ba yang 'dzin/ ma lta bu yang 'dzin mod kyi/ 'on kyang mdo sde dang / 'dul ba dang / chos mngon du bya ba'i don mi shes pa ste/ 'di tsam gyis na u pA li mi gsal ba yin no/ /btsun pa ji tsam gyis na mi mkhas pa lags/ u pA li gang mdo sde dang / 'dul ba dang / ma lta bu yang 'dzin/ de dag gi don kyang shes mod kyi/ gzhan shes par byed mi nus pa ni u pA li mi mkhas pa ste/ 'di tsam gyis na u pA li mi mkhas pa yin no/ /btsun pa ji tsam gyis na ngo tsha med pa lags/ u pA li de ni phas pham pa bzhi las gang yang rung nyes pa byung bar gyur pa ste/ u pA li de ni ngo tsha med par gyur pa'o/ /btsun pa ji tsam gyis na khon du 'dzin pa lags/ u pA li de khro ba dang / thab mo dang / gzhan yang gang dang gang du 'thab pa'i sgor gyur pa ste/ u pA li de tsam gyis na khon du 'dzin pa'o/ /btsun pa ji tsam gyis na mtshams kyi slad rol na mchis pa lags/ de ni u pA li dge slong gi mtshams kyi phyi rol na 'dug pa ste/ u pA li de tsam gyis na mtshams kyi phyi rol na 'dug pa'o/ /btsun pa ji tsam gyis na spangs pa lags/ u pA li de ni dge 'dun gyis gsol pa dang bzhi'i las kyis spangs pa ste/ u pA li de tsam gyis na spangs par gyur pa zhes bya'o/ /btsun pa ji tsam gyis na tshig mi brtan par gyur pa lags/ u pA li de ni tshig mi brtan par gyur pa dang / brdzun du smra ba dang / phra ma dang / tshig rtsub po dang / tshig khyal par smra ba'o/ /u pA li de tsam gyis na tshig mi brtan par gyur pa'o/ /btsun pa ji tsam gyis na spyod lam las gal bar gyur pa lags/ u pA li de ni dge 'dun gyi nang nas langs te song ba'o/ /u pA li de ltar na spyod lam las gal bar gyur pa'o/ /btsun pa ji tsam gyis na tshul bzhin la mi gnas par gyur pa zhes 13-1-181b bgyi/ u pA li de ni mi spyod pa ni spyod dge slong gi bslab pa la mi slob pa'o/ /u pA li de tsam gyis na tshul bzhin la mi gnas par gyur pa zhes bya'o/ /btsun pa ji tsam gyis na bslab pa stsal bar gyur pa zhes bgyi/ u pA li de ni dge slong la dge 'dun gyis gsol ba dang bzhi'i las kyis nam 'tsho'i bar du bslab pa byin par gyur pa ste/ u pA li de lta bu ni bslab pa byin par gyur pa'o/ /yang gsol pa/ btsun pa ji tsam gyis na gang zag gis slar bzlog pa la brtsan pa lags/ bcom ldan 'das kyis bka' stsal pa/ u pA li rnam pa gsum ste/ tshul bzhin la gnas pa dang / tshig brtan pa dang / spyod lam las ma gal ba'o/ /rkyang pa'i sgo gsum pa'i mdo'i tshigs su bcad pa gnyis pa'o// //mdor na/ gang gi phyir ni bya ba dang / /gang zag kyang ni bcu gnyis ni/ /bsnyen par rdzogs par byed pa dang / / khyim pa yin par khas blangs pa'o/ /sangs rgyas bcom ldan 'das dze ta'i tshal mgon med zas sbyin gyi kun dga' ra ba na bzhugs so/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis gang la las bya ba de'i slar bzlog pa mi brtsan no zhes bka' stsal na/ btsun pa gang zag bcu gnyis so sor bsgo ba'i tshe de dag 'di skad du mchi ste/ tshe dang ldan pa dag nged cag la ni ma sgo shig ces mchi na ci de dag gis slar bzlog pa yang mi brtsan nam/ u pA li brtsan no/ /de'i chad pa'i las la ngas dgongs te gsungs so/ /btsun pa bsnyen par rdzogs par bgyid pa khyim pa lags par khas blangs na bsnyen par rdzogs pa zhes bgyi'am bsnyen par ma rdzogs pa zhes bgyi/ u pA li bsnyen par rdzogs par zin kyang khyim pa yin par khas blangs na/ de yang bsnyen par ma rdzogs pa zhes bya na bsnyen par rdzogs par byed pa'i tshe lta smos kyang ci dgos/ rkyang pa'i sgo gsum pa'i mdo'i tshigs su bcad pa gsum pa'o// //mdor na/ tshil bu dag ni mi rung ba/ /lnga po gang gis rkang mi bsku/ /dbang phyug bsgrag par bya ba dang / /zhing gi dngos po dge 13-1-182a 'dun gyi'o/ /sangs rgyas bcom ldan 'das dze ta'i tshal mgon med zas sbyin gyi kun dga' ra ba na bzhugs so/ /sangs rgyas bcom ldan 'das kyis mi rung ba rnam pa lnga'i lham ma 'chang shig ces bka' stsal pa dang / drug sde dag gis mi rung ba rnam pa lnga po de dag gi tshil bus rkang pa byugs nas yul ko sa la'i rgyal po gsal rgyal gyi bal glang gi drung du dong ste/ rdzi phyogs su 'khod pa dang / bal glang dag gis dri tshor nas bros pa dang / de dag gis tshe dang ldan pa dag zung shig ces smras pa dang / de dag gis smras pa/ bdag cag gis gzung bar mi nus so/ /bzhin bzangs nged kyis gzung ngam/ 'phags pa dag zung shig nged la ci sbyin/ bca' ba'i rin sbyin no/ /des de dag gi mdun du song ste rdzi mi ldang ba'i phyogs su 'dug pa dang / bal glang de dag kyang 'khod do/ /de dag gis smras pa/ 'phags pa dag ci khyed rig pa mkhyen nam/ bzhin bzangs nged rig pa mi shes mod kyi/ nged kyi bal glang cang shes kyi tshil bus rkang pa bskus pas so/ /'phags pa dag rgyal po'i bal glang mchog dag bros par gyur nas/ khyed kyis rgyal po la gnod pa byas par mi 'gyur ram zhes smras nas de dag nyes pa ngor brjod cing 'phyas 'dogs te mi snyan par zer ro/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag gis bal glang cang shes kyi tshil gyis rkang pa byug par ma byed cig /dge slong gis bal glang cang shes kyi tshil gyis rkang pa la byug na 'das pa dang bcas par 'gyur ro/ /ji ltar bal glang cang shes pa bzhin du rta cang shes dang / seng ge dang / stag dang / gzig la sogs pa rgyas par brjod par bya'o/ /gleng gzhi ni rgyal po'i khab na ste/ de nas rgyal po gzugs can snying po tshe dang ldan pa kun dga' bo gang na ba der song ste drung du phyin pa dang / tshe dang ldan pa kun dga' bo'i rkang pa la mgo bos phyag 'tshal nas phyogs gcig tu 'dug go/ /phyogs gcig tu 13-1-182b 'dug nas rgyal po gzugs can snying pos tshe dang ldan pa kun dga' bo la 'di skad ces smras so/ /'phags pa kun dga' bo seng ge'i gdan bshams pa 'di ci zhig bgyi ci deng chos bsgrags sam/ de'i tshe gso sbyin gyi dus la bab ste/ de rgyal po chen po dge slong gis mtshungs par bzung ba lags kyi khyim pas mtshungs par bzung ba ma lags so/ /zhes smras pa dang / rgyal pos rkang pa la phyag 'tshal te song ngo / /mkhyen bzhin du 'dri ba ni sangs rgyas bcom ldan 'das te/ sangs rgyas bcom ldan 'das kyis tshe dang ldan pa kun dga' bo la ci'i phyir rgyal po chos ma mnyan par song zhes smras pa dang / de ltar gyur pa bcom ldan 'das la zhib mor gsol pa dang / bcom ldan 'das kyis bka' stsal pa/ kun dga' bo khyod kyis nyes so/ /de ste rgyal po gzugs can snying po so sor thar pa thos par gyur na nges par de sdon pas kyang mngon du dga' bar 'gyur te/ dga' nas dga' ba'i dbang gis bya ba byed du gdon mi za'o/ /de bas na ngas gnang gis 'di 'dra ba'i skyes bu dam pa dad pa de dag la ni thos par gyis shig /gzhan yang rab tu phyug la ma dad/ dbul la rab tu dad de/ bcom ldan 'das kyis bka' stsal pa/ de lta bu dag la'ang thos par gyis shig /gang gi tshe tshe dang ldan pa gro zhin bye ba nyi shu pa zhes bya ba skya bo bseng bseng po skem zhing rid la rmya zhing lus nyam chung bar gyur pa dang / bcom ldan 'das kyis gzigs te/ tshe dang ldan pa kun dga' bo la bka' stsal pa/ kun dga' bo ci'i phyir na gro zhin bye ba nyi shu pa zhes bya ba skya bo bseng bseng po skem zhing rid la rmya zhing nyam chung bar gyur/ des bcom ldan 'das de dang po btsas nas thug pa 'ba' zhig gis lus bskyed pa lags so zhes gsol pa dang / bcom ldan 'das kyis bka' stsal pa/ kun dga' bo de lta bas na ngas gnang gis gro zhin bye ba nyi shu pa la thug pa lud cig /de nas tshe dang ldan pa kun dga' bos gro zhin bye ba nyi shu pa la tshe dang ldan pa gro zhin bcom ldan 'das kyis khyod ni thug pa 'thung 13-1-183a shig par gnang ngo zhes bsgo ba dang / des smras pa/ btsun pa kun dga' bo bdag gcig pu la'am/ de ste dge 'dun thams cad des smras pa/ khyod gcig pu'o/ /btsun pa kun dga' bo 'dis glengs pas na tshangs pa mtshungs par spyod pa dag gis kyang 'di skad du gro zhin bye ba nyi shu pa bstan pa la rab tu byung nas sngon grong khyer tsam pa na lo legs par gyur pa'i tshe/ bal glang bdun gyis drang ba yang spangs te rab tu byung na da thug pa tsam la yang chags so zhes zer gyis/ bcom ldan 'das kyis bdag gi phyir dge 'dun thams cad kyang thug pa gnang na bdag kyang gzod 'tshal bar bgyi'o zhes gsol pa dang / de ltar gyur pa dge slong dag gis bcom ldan 'das la gsol to/ /bcom ldan 'das kyis bka' stsal pa/ de ltar na gnang gis gro zhin bye ba nyi shu pa'i phyir dge 'dun thams cad kyang thug pa 'thung shig /gang gi tshe rgyal po gzugs can snying po bcom ldan 'das kyis dge 'dun rnams thug pa 'thung bar gnang ngo zhes thos nas des dge 'dun la sa bon bum pa stong gis btab pa'i zhing dag phul ba dang /dge slong dag gis ma blangs nas/ bcom ldan 'das kyis bka' stsal pa/ dge 'dun gyi phyir na blang bar bya ste de la the tshom du ma byed cig /de bas na zhing las byung ba rnams dge 'dun gyis spyad par gyis shig /rkyang pa'i sgo gsum pa'i mdo'i tshigs su bcad pa bzhi pa'o// //mdor na/ gding dang bsnyen par rdzogs pa dang / /dge tshul pha dang gsar bu dang / /snyoms zhugs dang ni mi gnang ba/ /bslab pa byin pa gnyis pa'o/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /sangs rgyas bcom ldan 'das la tshe dang ldan pa u pA lis zhus pa/ btsun pa dge slong dang khyim pa gnyis lhan cig tu gding ba gcig la mchis su rung ngam/ u pA li de ni mi rung mod kyi/ de lta bu'i rkyen cig byung na gnang ngo / /btsun pa dge tshul pha dang / dge slong gsar bu dang / 13-1-183b ma ning dang / za ma dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / mi gnas pa dag la sogs pa dang gding ba gcig gi steng na lhan cig tu mchis par rung ngam/ u pA li de ltar ni mi rung mod kyi/ de lta bu'i rkyen cig byung na gnang ngo de bzhin du stan gcig gam/ khri gcig gam/ khri'u gcig gam/ par tang gcig tu mi rung mod kyi/ de lta bu'i rkyen cig byung na rung ngo / /btsun pa khyim pa dang stegs bu la stan bting ba'i steng na lhan cig tu mchis par rung ngam/ mi rung mod kyi/ de lta bu'i rkyen cig byung na rung ngo / /par tang dag bting yang mi rung mod kyi de lta bu'i rkyen cig byung na par tang dag bting bar gyur pa'ang de bzhin no/ /de bzhin du dge tshul pha dang / dge slong gsar bu nas so sor gnas pa'i bar du ste/ de bzhin du gnas la nyes pa'i dmigs ma byung gi bar du lhan cig tu 'dug na 'das pa dang bcas par 'gyur ro/ /btsun pa bslab pa stsal ba gnyis shig stan gcig gi steng na lhan cig mchis su rung ngam/ u pA li de ni mi rung ngo / /rkyang pa'i sgo gsum pa'i mdo'i tshigs su bcad pa lnga pa'o// //'dul ba gzhung dam pa/ 'dul ba gzhung dam pa/bam po bzhi bcu rtsa gnyis pa/ mdor na/ mi bslang ba dang khri'u gcig /brel bar gyur pa'ang de bzhin te/ /cung zad brel bar gyur pa dang / /rtswa dang shing yang dge 'dun gyi'o/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs pa'i tshe/ dge slong dag khri'u'i steng na btso blag gi las byed cing 'dug pa dang / drug sde dag de nyid du 'dug cing gnod par byed de/ de dag brel bzhin du bslang ba dang de dag la gnod par gyur nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis 13-1-184a bka' stsal pa/ dge slong btso blag gi las byed cing brel ba la dge slong dag gis ma bslang shig /bslang na 'das pa dang bcas par 'gyur ro/ /gleng gzhi ni mnyan du yod pa na ste/ dge slong dag zas za zhing 'khod pa rnams la drug sde dag gis rgan rims bzhin du bya'o zhes bslang ba dang / dge slong dag ldang du ma btub nas/ bcom ldan 'das kyis bka' stsal pa/ ji ltar rgan rims bzhin du 'dug shig /bcom ldan 'das kyis ji ltar rgan rims bzhin du 'dug shig ces bka' stsal pa dang / drug sde dag phyis 'ongs nas dge slong snga ma zas za zhing brel ba dag bslang ba dang / bcom ldan 'das kyis bka' stsal pa/ dge slong gis dge slong zas za zhing brel ba dag ma bslang bar gud du 'dug par bya ste/ bslang na 'das pa dang bcas pa'o/ /sangs rgyas bcom ldan 'das la tshe dang ldan pa u pA lis zhus pa/ btsun pa ji tsam gyis na dge slong dag zan za zhing brel ba zhes bgyi/ bcom ldan 'das kyis bka' stsal pa/ chung ngu lan tshwa'am/ shang ce'am/ la phug kyang rung brims par gyur pa'o/ /bcom ldan 'das kyis dge slong zas za zhing brel ba la ma bslang shig ces bka' stsal pa dang / drug sde dag rgan rims kyis dang por 'dug nas/ zas za zhing ched du brel bar byed pa dang / bcom ldan 'das kyis bka' stsal pa/ dge slong dag gis gral ma yin par 'dug la zas za zhing brel bar ma byed cig /byas na 'das pa dang bcas par 'gyur ro/ /dge slong dag gral rims la mkhas par gyis shig /de las gzhan du na 'das pa dang bcas par 'gyur ro/ /dge 'dun gyi btso blag gi bum pa dang / gzhong khung dag dge slong gis blangs nas btso blag gi las byed pa dang / drug sde dag gis tshe dang ldan pa dag nged rgan pas nged sngar dbang ngo zhes smras nas/ tshon rtsi dag pho ste khyer ba dang / dge slong dag brel bar gyur nas/ de ltar gyur pa dge slong dag gis bcom ldan 'das la gsol pa dang / bcom ldan 'das 13-1-184b kyis bka' stsal pa/ dge slong dag gis bum pa'am/ gzhong khung dag brel ba la ma blang bar bya ba rnams zin nas gdong long shig /bcom ldan 'das kyis dge slong dag gis bum pa'am/ gzhong khung dag brel ba la ma bslang shig ces bka' stsal pa dang / drug sde dag gis bsams bzhin du snod rnams tshon cung zad tsam zhig gis brel bar byas te bzhag pa dang / bcom ldan 'das kyis bka' stsal pa/ tshon rtsi thams cad snod gcig gi nang du blugs la dgos na blang bar gyis shig /dge slong gis snod dag gi nang du tshon rtsi cung zad kyis brel bar bya ste/ ma bzhag shig /bzhag na 'das pa dang bcas par 'gyur ro/ /gleng gzhi ni mnyan du yod pa na ste/ khyim bdag mgon med zas sbyin gyis dze ta'i tshal shing thags kyis bskor ba dang / khyim bdag dag gis bcag cing bcag cing khyer nas/ bcom ldan 'das kyis bka' stsal pa/ ma bkur cig ces bsgo shig /de dag gis bsgo ba dang / shing dang rtswa yang bor te dong ngo / /de dag chud zos nas/ bcom ldan 'das kyis bka' stsal pa/ spyad du mi rung ba dag ni tshang mang du skyol cig / lhag ma dag ni las gsar du byed pa la phul cig /drug sde dag gis las gsar du byar rung ba'i shing dag gshegs nas mer bus te btso blag gi las byed pa dang / bcom ldan 'das kyis bka' stsal pa/ las gsar du byar rung ba'i shing dag ni ma bud cig /bus na 'das pa dang bcas par 'gyur ro/ /rkyang pa'i sgo gsum pa'i mdo'i tshigs su bcad pa drug pa'o// //mdor na/ mgon med zas sbyin gyi ni rgyan/ /'dug pa blang bar mi bya'o/ /snod spyad lag na thogs pa dang / /lham yang phyi bar bya ba'o/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /de nas khyim bdag mgon med zas sbyin gyis bcom ldan 'das kyis de ste gnang na bdag gis dze ta'i tshal yang dbul bar bgyi'o zhes gsol pa dang / bcom ldan 'das 13-1-185a kyis bka' stsal pa/ khyim bdag ngas gnang gis phul cig /des shing gang pho'i ming du bya ba la ni pho'i rgyan gyis brgyan/ gang mo'i ming du bya ba la ni mo'i rgyan gyis brgyan pa dang / dge slong dag gis ji ltar bya ba mi shes nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ khyim bdag nyid la dris shig /de dag gis khyim bdag nyid la dris pa dang / des smras pa/ 'phags pa ji ltar bsngos pa de bzhin du mdzod cig /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ gang shing pho'i ming du bya ba dang / gang shing mo'i ming du bya ba rnams kyi rgyan so sor bsdus la thum por byos te zhog shig /nam dus ston gyi tshe yang de bzhin du brgyan par gyis shig / rtsig pa'i ni ri mo'i yo byad du byos shig /bsro khang gi rtsig pa dang / ka ba dag gi ni las gsar du byos shig /de'i sa'i ni dge 'dun gyi snang mar byos shig /nad pa'i sman khang gi rtsig pa dang / ka ba'i de dag ni las gsar du byos shig /de'i sa'i sman gyi yo byad byos shig /tshang mang gi rtsig pa dang ka ba'i ni de dag las gsar du byos shig /de'i sa'i ni dge 'dun gyi bshos su gyis shig /chu gang gi rtsig pa dang / ka ba'i las gsar du gyis shig /de'i sa'i ni skom du brims shig /dugs khang gi rtsig pa dang / ka ba'i ni de'i las gsar du gyis shig /de'i sa'i ni dugs khang du gyis shig /bkad sa'i khang pa'i rtsig pa dang / ka ba dag gis ni las gsar du gyis shig /de'i sa'i ni snum pa'i zong gyis shig /khyams dang / stegs bu dang / 'chag sa dang / sgo khang dang / yang thog gi rtsig pa dang / ka ba dag gis ni las gsar du gyis shig /de'i sa'i ni dge 'dun spyir bgos shig /gang rdzing bu'i ba de ni phyogs bzhi'i dge slong gi dge 'dun gyi spyir zhog shig /dge slong spong ba'i khang bu'i nang na 'dug cing dge ba'i 13-1-185b phyogs spyod pa dang / drug sde dag der 'ongs nas nged rgan no zhes zer nas de dag bslang ste btang ba dang / bcom ldan 'das kyis bka' stsal pa/ rgan rims so zhes dge slong gis dge slong 'khod pa la ma bslang shig /bslang na 'das pa dang bcas par 'gyur ro/ /dge slong dag bya ba byas nas stan las langs te 'chag cing 'dug bzhin du gzhan gyis stan blangs nas ma ster nas dge slong dag brel bar gyur to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ bya ba byas nas stan las langs na stan ma 'dzin cig /dge slong dag ring zhig tu stan las 'dug nas langs te 'chag pa dang / de'i sar drug sde dag 'dug nas de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ der ma 'dug shig /langs te 'chag tu 'gro na yang de'i steng du chos gos sam/ pus 'khyud cig zhog la chogs shig /gleng gzhi ni mnyan du yod pa na ste/ dge slong dag snod rnams thogs bzhin du gtsug lag khang du 'ongs pa dang / de nas dge slong gcig gis thogs bzhin du phyag byas pa dang / de'i ril ba chag par gyur to/ /gzhan zhig kyang khang bzangs kyi ka ba la lham brdabs pa dang / dge slong dag 'phya bar gyur nas de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ ngas dge slong lam du 'jug pa'i mtshungs par spyod pa'i chos bca'o/ /dge slong lam du 'jug pas chu mthong na lhung bzed dang chos gos phog ste phyogs gcig tu zhog la/ de nas gos dag kyang sprugs te khrus byos la/ de nas rkang pa dang / lag pa khrus la chu yang chu chags kyis tshogs te ra da gsher bas lham phyis la de'i 'og tu lag pa bsnyal nas bla 'og gi bgo ba legs par gyon la spyod lam zhi bzhin gtsug lag khang du 'gro bar bya'o/ /de las gzhan du na 'das pa dang bcas par 'gyur ro/ /rkyang pa'i sgo gsum 13-1-186a pa'i mdo'i tshigs su bcad pa bdun pa'o// //mdor na/ spu gri'i bdar dang sen mo bcad/ /smang tsher rkang pa'i rten dang ni/ /bshang bar bya dang gci ba'i gnas/ /bya ba byas pa mi bcang ngo / /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /bcom ldan 'das kyis dge 'dun gyi phyir spu gri'i snod chongs shig ces bka' stsal pa dang / drug sde dag gis dge 'dun gyi spu gri khyer te bya ba byas kyang spu gri blangs nas da dung bya ba yod ces zer nas spu gri ma ster ro/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ spu gri bya ba byas nas ma 'chang shig /bcangs na 'das pa dang bcas par 'gyur ro/ /spu gri ji lta ba de bzhin du bdar dang / sen mo bcad pa dang / smang tsher dang / rkang pa brten pa rnams so/ /drug sde de dag gis gci ba'i gnas su zhugs te bya ba byas kyang da dung yang slar 'jug go zhes smras nas/ dge slong lhags pa'i rnams 'jug tu mi ster to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong gis gci ba'i gnas su zhugs te bya ba byas na dge slong dag la ma bgags shig bgags na 'das pa dang bcas par 'gyur ro/ /bshang ba'i sar yang de bzhin no/ /rkyang pa'i sgo gsum pa'i mdo'i tshigs su bcad pa brgyad pa'o// //mdor na/ g.yog dang dus ston chen po dang / /rnyog pa can gyi chu dang ni/ /phye las brdzis dang skyo ma dang / /sder bsdus de bzhin bsgrags pa'o/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /khyim bdag mgon med zas sbyin gyis bcom ldan 'das kyis de ste gnang na bdag gis sen mo dang dbu skra'i mchod rten la dus ston chen po bgyi'o zhes gsol pa dang / bcom ldan 'das kyis bka' stsal pa/ de ltar na gnang gis gyis shig /bcom ldan 'das kyis dbu skra dang sen mo'i mchod 13-1-186b rten la dus ston gsol cig ces bka' stsal pa dang / dge slong dag dus ston chen po'i tshe 'dus nas de dag rdzing bu'i nang du lhung bzed rnams bkrus pa dang / gtsug lag khang na gnas pa dang / dge bsnyen dag gis kyang mar dang / 'bru mar dang / zho dang / sbrang rtsi'i bum pa rnams kyang rdzing du bkrus pas na lhung bzed rnams dang bum pa de rnams kyi snum dag gis chu'i steng du zhag chags par gyur te/ de la dge slong dag the tshom skyes nas chu mi 'thung ngo / /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ des kha zas kyi bya ba byed mi nus kyis dkrugs la 'thung shig /de la the tshom du ma byed cig /chu de kho ra khor yug tu skye bo mang po dag gis dkrugs pas na thams cad kyang rnyog pas gang ste gdong gi gzugs brnyan yang mi snang bar gyur/ chu tshags kyang rnyog pas 'gags nas chu mi zag pa dang / de dag la gnod par gyur to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ gang na gdong gi gzugs brnyan mi snang ba der lhung bzed chung ngu'am snod gzhan gyi chus la shing tog ka ta ka'i 'bras bu chug ste skad cig sdod la rtogs shig dang nges par gdong gi gzugs brnyan yang snang bar 'gyur ro/ /de lta bu med na zan gyi chang bu chug shig /de snum med pas zhigs pa dang / bcom ldan 'das kyis bka' stsal pa/ phye mar du gyis la der chug shig /chu ba tshwa can du gyur nas dge slong dag the tshom skyes pa dang / bcom ldan 'das kyis bka' stsal pa/ de ste des lan tshwa'i bya ba byed nus na byin len byos la 'thung shig /de ste bya ba byed mi nus na chus la 'thung shig /de la the tshom du ma byed cig /rkyang pa'i sgo gsum pa'i mdo'i tshigs su bcad pa dgu pa'o// //mdor na/ chu dang zho las chur gyur dang / /bum pa bum bu'ang de bzhin te/ /lag pa bsnyal nas 'thung ba dang / /dge tshul pha la'ang rnam bzhir bya/ /lhung bzed dang ni gdong 13-1-187a bkru dang / /bsod snyoms pa la rnam pa gnyis/ /rgyags dang 'bras bu me tog dag /phongs na rung gis bza' bar bya'o/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ / dge slong dag khron pa'i nang nas chu bcus te de dag gis btsags na 'bras can brul ma dang khur ba'i dum bu dag byung ngo / /de dag the tshom skyes nas chags pa dang dum bu dag kyang 'khru bar gyur nas de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ des kha zas kyi bya ba byed mi nus kyis phyung ste bor la tshogs shig /de la the tshom du ma byed cig /dge slong dag rdzing nas chu 'chu ba dang der chu'i bum pa dang sbrang rtsi'i bum pa dag bkrus pa dang / dge slong dag gis kyang lhung bzed snum can dag bkrus so/ /de dag gi snum gyis chu'i steng zhag tu chags par gyur/ zho'i 'brum bu dag kyang snang bar gyur nas/ dge slong dag the tshom skyes te ma bcus pa dang / bcom ldan 'das kyis bka' stsal pa/ des kha zas kyi bya ba byed mi nus kyis chus shig / phyi dro mi 'thung nas bcom ldan 'das kyis bka' stsal pa/ 'thung shig bum pa dang ril ba dag gi nang du mi ldugs te/ bcom ldan 'das kyis bka' stsal pa/ der lugs shig dge slong dag cig lam du zhugs te dong ba dang / de na chu med de khyim bdag gis snod nas chu 'gron pa mang po la byin pa dang / dge slong dag gis 'thung du ma btub ste/ bcom ldan 'das kyis bka' stsal pa/ de ste gzhan med na rtogs la 'thung shig /de dag bum pa dang ril ba'i nang du mi ldugs pa dang / bcom ldan 'das kyis bka' stsal pa/ der yang lugs shig /phyi dro mi 'thung ba dang / bcom ldan 'das kyis bka' stsal pa/ 'thung shig lam na rdo chu sgrom yod pa dang / dge slong dag the tshom skyes te chu ma blangs pa dang / bcom ldan 'das kyis bka' stsal pa/ dge slong rnams rdo chu sgrom ni bkru bkru ba yin 13-1-187b gyis/ rtogs la 'thung shig /ril ba dang bum pa dag tu mi ldugs pa dang / bcom ldan 'das kyis bka' stsal pa/ der yang lugs shig /phyi dro mi 'thung ba dang / bcom ldan 'das kyis bka' stsal pa/ 'thung shig /de la the tshom du ma byed cig /de bzhin du shing sgrom dang rkyal pa'i nang na 'dug pa yang rtogs la 'thung shig /phyi dro dang / ril ba dang / bum pa'i nang du yang lugs shig /de la the tshom du ma byed cig /dge slong dag gis dge 'dun la chu brims pa dang / de na dge slong dag gis tshe dang ldan pa chu rgyun lhung bzed kyi nang nas ma chad pas na bzhag par gyur to zhes smras te/ de dag gis ma blangs so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag khu ba thams cad kyi rgyud ni thur du 'bab kyi steng du mi 'gyur gyis 'thung la de la the tshom ma byed cig /de bzhin du 'o ma dang / zho dang / zho'i chu dang / dar ba dang / rtsab mo dang / tshwa la sogs pa la rgyas par brjod do/ /gleng gzhi ni mnyan du yod pa na ste/ dge slong dag ljongs rgyu zhing spyod pa las ba lang gi lhas su phyin pa dang / de dag la de na chu med de/ de dag gis zho'i chu byin pa dang / dge slong de dag the tshom skyes nas mi 'khru'o/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ gang na chu med pa zho'i chu dang / dar ba dang bas khrus shig /de la the tshom du ma byed cig /dge slong dag gis ba lang rdzi la bum pa brnyas pa dang / de dag gis mar gyi bum pa dang / 'o ma'i bum pa dag rnyed na de dag the tshom skyes nas ma blangs so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag bum pa la rnam pa lnga ste/ bshang ba'i bum pa dang / gci ba'i bum pa dang / chang gi bum pa dang / 'bru mar gyi bum pa dang / mar gyi bum pa'o/ /de la snga ma gsum ni ma bzhag pa yang ma bzhag shig /gzhag na ni rgyang ring 13-1-188a por bor cig /'bru mar gyi bum pa dang / mar gyi bum pa ni me'i nang du bsregs la de nas lci ba'i ril bu'am/ ba lang gi lci bas rung bar gyis la chu chus te/ de snga dro dang phyi dro yang spyod cig /de la the tshom du ma byed cig /gleng gzhi ni mnyan du yod pa na ste/ dge slong gzhan zhig gis bum pa'i nang nas chu 'thungs pa dang / bung bas zos so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag bum bu'i nang nas chu ma 'thung shig /'thung na 'das pa dang bcas par 'gyur ro/ /sngar lag pa snyol la kha khrus te/ gdod chu 'thung shig /bum bu'i kha gab med par ma bzhag shig /de bas na ngas gnang gis bum pa'i kha gab chongs shig bcom ldan 'das kyis bum bu'i kha gab chongs shig ces bka' stsal na/ dge slong dag gis kha gab ji lta bu bcang ba mi shes nas/ bcom ldan 'das kyis bka' stsal pa/ shing las byas pa'am/ rdo las byas pa'am/ sa las byas pa'o/ /bcom ldan 'das kyis lag pa snyol la chu 'thung shig ces bka' stsal na/ lam du zhugs pa dag gcig la chu nyung bar gyur nas/ bcom ldan 'das kyis bka' stsal pa/ 'dab ma rang lhags pa tshol la de'i nang nas 'thung shig /de yang med par gyur nas/ bcom ldan 'das kyis bka' stsal pa/ bag yod bzhin du shing la chags pa las 'thung shig /de yang med par gyur nas/ bcom ldan 'das kyis bka' stsal pa/ dben par 'dug la bum bu nyid nas 'thung shig /gzhan gyis ma mthong ba dang mdzes par gyis shig /dge slong dag ngas phongs pa na gnang ba de ma phongs pa'i tshe na ma spyod cig /spyad na 'das pa dang bcas par 'gyur ro/ /gleng gzhi ni mnyan du yod pa na ste/ dge slong dag ljongs rgyu ba spyod cing dong ba las de dag gis rgyags dge tshul pha dag la bskur ba de dag ma theg nas de dag gis theg la bskur cig ces smras pa dang / dge slong dag the tshom skyes nas ma bteg 13-1-188b go/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ theg shig dge tshul pha dag ngal nas phog ste slang zhes smras pa dang / dge slong dag gis ma phog nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ phog shig dge tshul phas ma bzung bzhin gdeg pa dang / dbab pa dag byas nas/ bcom ldan 'das kyis bka' stsal pa/ dge tshul phas ma gzung bar gdeg pa dang / dbab pa ma byed cig /dge tshul pha dag gis bdag cag chad de ngal bsos khyed kyis cung zhig khyer cig ces smras pa dang / dge slong dag gis ma khyer ba dang / bcom ldan 'das kyis bka' stsal pa/ tha gus bcings la tha gu'i rtse mo dge tshul phas zung ste phyi bzhin 'brang du chug la dge slong gis khyer cig /dge slong dag the tshom skyes nas de la mi za ba dang / bcom ldan 'das kyis bka' stsal pa/ de la the tshom du ma byed par zo shig /dge slong 'gron pa mang po dang lhan cig tu 'grogs te lam du zhugs pa dang / 'gron pa mang po dag rkun pos bcom pa dang / dge tshul gyis rgyags rnams bor nas bros te dong ngo / /dge slong dag gi rgyags ma khyer nas de nyid na bor zhing 'dug pa dang / 'gron pa mang po dag gis 'phags pa khyed kyi rgyags ni rkun pos ma khyer ro zhes smras pa dang / dge slong dag dge tshul pha dag la deng la rgyags long ste shog shig ces smras pa dang / de dag skrag nas 'dong du ma btub ste khyed nyid ci'i phyir mi 'dong/ nged cag rkun pos gsad med ces smras pa dang / de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ long la gzod dge tshul phas byin cig /dge slong dag gis the tshom skyes nas de dag ma zos pa dang / bcom ldan 'das kyis bka' stsal pa/ de la the tshom du ma byed par zo shig /klung rgal bar gyur pa dang / bcom ldan 'das kyis bka' stsal pa/ dge tshul pha dag 13-1-189a la khyed nyid kyis khyer te rgal bar nus sam zhes dris la de ste nus zhes zer na legs so/ /de ste mi nus so zhes zer na rgyags bdag cag gis khyer la rgol cig /de la dge slong dag gis rgyags dag pha rol du bsgral bar bya na dge tshul phas bsgral bar gyis la brtag par gyis shig /de ste dge tshul pha yang mi nus na dge slong dag gis rgyags pha rol du sgrol la/ de'i 'og tu dge tshul pha yang bsgral bar gyis shig /de ste gnyi gar nus na dge tshul pha dang / rgyags lhan cig tu bsgral bar gyis shig /gnyi ga lhan cig tu bsgral ba dge slong rnams the tshom skyes nas ma zos so/ /de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ de la the tshom du ma byed par bza' bar gyis shig /bcom ldan 'das kyis dge slong dag lhung bzed du zo shig ces bka' stsal pa dang / dge slong zhig gis lhung bzed bkrus nas mthe bos brdabs na sgra mi gsang nas/ dge slong de la the tshom skyes nas/ bcom ldan 'das kyis bka' stsal pa/ sgyu med par lan gnyis lan gsum du bkru bas khrus la mthe bos brdabs na sgra gsang bar byung na/ de la the tshom du ma byed par zo shig /dge slong gzhan zhig gis lhung bzed bkrus te/ de bu ga na zas kyi tshigs ma zhig mthong ba dang / de the tshom skyes nas/ bcom ldan 'das kyis bka' stsal pa/ de la shing bus brus te lan gsum gyi bar du rab tu khrus la de la the tshom du ma byed cig /dge slong gzhan zhig gis yang lhung bzed gas pa zhig gi nang du khu ba dron po zhig blangs pa dang / de'i 'phro nas snum byung ba dang / zhag steng du byung ba dang / dge slong de the tshom skyes nas/ bcom ldan 'das kyis bka' stsal pa/ steng gi zhag zhoms la btung bar gyis shig /dge slong cig rlung nad kyis btab nas des phyi dro khu ba zhig 'thungs te/ nub kar lhung bzed de'i nang du skom btung zhes byas pa dang / lhung bzed kyi nang du snum langs nas 13-1-189b de'i steng du zhag chags pa dang / dge slong de the tshom skyes nas skom yang ma 'thungs so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ lag pa dang kha bkrus nas snum zhoms te 'or te de la the tshom du ma byed par 'thung shig /bcom ldan 'das kyis kha khrus shig ces bka' stsal na/ dge slong dag kha cis bkru ba mi shes nas/ bcom ldan 'das kyis bka' stsal pa/ lci ba'am sa'am shing gi shun phrags la sogs pa gzhan gyis so/ /sangs rgyas bcom ldan 'das la tshe dang ldan pa u pA lis zhus pa/ btsun pa ji tsam gyis kha bkrus pa zhes bgyi/ bcom ldan 'das kyis bka' stsal pa/ kha dang rma gnyis mtshungs te rtag tu zag pas ma 'bags pa mi nus mod kyi lan gsum du kha bkrus te chu bor ba ni kha bkrus pa zhes bya'o/ /dge slong cig gis bsod snyoms bslangs te gnas khang du bzhag nas phyi rol du byung ba dang / khyim bdag gzhan zhig gis de'i steng du zas shig blugs te bzhag pa dang / ji tsam bsod snyoms pa de slar 'ongs na bsod snyoms kyi steng na zas gzhan zhig blugs par mthong ste/ de the tshom skyes te zan ma zos so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ de ste byin len byed pa yod na byin len byos la zo shig /de ste med na steng gi sar pa de log shig tu 'or la the tshom du ma byed par zo shig /dge slong gzhan zhig gis bsod snyoms blangs nas gnas khang du bzhag ste/ phyi rol du song ba dang / de khyim pa zhig gis reg par mthong ste dge slong de the tshom skyes nas ma zos so/ /de ltar gyur pa dge slong dag gis bcom ldan 'das la gsol pa dang /bcom ldan 'das kyis bka' stsal pa/ khyim bdag de la ci'i phyir reg ces dris la/ des rtswa sbrangs ma dag bsal ba'i phyir reg ces zer na byin len byos la zo shig de ste 'dod pa'i phyir reg go zhes zer na de yang phyed mar gos la byin len byos te de la 13-1-190a the tshom du ma byed par zo zhig /bcom ldan 'das kyis dge slong dag rgyags khyer cig ces bka' stsal na/ khyim pa dang dge tshul pha dag med nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ sbyin pa'i bdag po spro ba skyed cig /sbyin bdag kyang med na bdag nyid kyis slar khyer la de khyim pa dang rjes la zo shig /de ste de la med na skal ba gnyis su chod la khyim pa la byin te/ des khyer na ni de'i skal ba slar slongs te byin len byos la zo shig / bdag gi skal ba ni de la byin cig /de ste de ltar yang ma 'byor na nyi ma dang po'i tshe ni bsnyung bar 'dug shig /phyi de nyin par byin len byed pa med na stag gi spar thabs gcig zo shig /yang phyi de nyin mo yang byin len byed pa med na stag gi spar thabs gnyis zo shig /de ste zhag bzhi'i nyin mo yang byin len byed pa med na ji tsam 'grangs pa'i bar du zo shig /de la the tshom du ma byed cig /de ste rgyags med na 'bras bu rang lhung ba de longs la gdugs tshod la bab kyi bar du khyer te song la de ste khyim pa dang phrad na skal ba gnyis su chod la gcig ni de la byin te/ de'i skal ba slar bdag gis slongs la rung bar byos te zo shig /bdag gi de byin cig /de ste ma phrad na snga dro 'am/ phyi dro yang rung/ rung bar bya ba'i phyir sgyu med na srog dang 'bral bas/ the tshom du ma byed par zo shig /de ste yang lhung ba med na shing la 'dzegs te thogs shig /yang na sprugs la byang phyogs kyi dus su bsngos te zo shig /de bzhin du rtsa ba la sogs pa yang sa la sa rang gis brkos te phyung la the tshom du ma byed par zo shig /ngas khyed la phongs pa'i tshe gnang ba de ma phongs pa'i tshe ma spyod cig /spyad na 'das pa dang bcas par 'gyur ro/ /rkyang pa'i sgo gsum pa'i mdo'i tshigs su bcad pa bcu ste sgo gsum pa rdzogs s+ho// //mdor bsdus pa ste/ sa bon bum pa rkun po rku ba dang / /lus kyis reg pa de bzhin te/ /'bras can lan tshwa song ba dang / /bu ram shing dang rgun 13-1-190b 'bru dang / /glo bur 'ongs dang gnas pa'o/ /mdor na/ sa bon dum pa shing rta gru/ /khur dang 'o ma tshong pa de bzhin te/ /bya rog sbrang ma btso blag las/ /u pA li bzhi chog kun shes pa'o/ /sangs rgyas bcom ldan 'das rgyal po'i khab bya ka lan da ka gnas pa na bzhugs te/ gang gi tshe rgyal po gzugs can snying pos bum pa stong gi sa bon btab pa phul ba de'i tshe dge slong dag gis de'i thog zos nas zhing yang tha bar bor te rtswa ku sha'i gnas su gyur to/ /de nas rgyal po gzugs can snying po phyi rol du byung bas de dag mthong nas/ des blon po la kye sus 'di ltar zhing kun tha bar bor nas ku sha'i gnas su gyur ces smras pa dang / des lhas 'phags pa dag la bum pa stong gi sa bon gyis btab pa phul ba da de dag gis legs par blangs pa de dag gzigs mod ces smras pa dang / rgyal pos ji 'phags pa de dag gis thun shas su yang ma btang ngam zhes de dag gis dge slong dag la smras pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ dge 'dun gyi zhing dag ni thun shas su thong shig /dge slong dag gis thun shas su byin no/ /zhing pas zhing gshin pa'i rnams ni thams cad bdag cag khyer yang de dag gis skal ba ma blangs pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ zhing shas kyi skal ba long shig / dge slong dag gis blangs te de nyid du bzhag nas/ bcom ldan 'das kyis bka' stsal pa/ skal ba gtsug lag khang du skyos shig ces gsungs pa dang / sngar zhing pa nyid kyis der bskyas so/ /de nas bcom ldan 'das kyis bka' stsal pa/ sngon du zhing bdag gis der skyos shig /de dag skyed pa na yang brkus so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ srung ba'i dge slong rnams skos shig /shing rta'i nang du skyed pa las shing rta chag kyang dge slong gis grogs ma 13-1-191a byas pa dang / khyim bdag mi dga' bar gyur nas smras pa/ 'phags pa 'di ni ci khyed cag gi na khyed kyis ci'i phyir grogs mi bya/ des smras pa/ bcom ldan 'das kyis ma gnang ngo / /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ shing rta la phyugs 'debs pa'i sa ma gtogs par der bskyab dang zhing pa'i grogs gyis shig /dge slong gzhan zhig na bar gyur nas/ shing rta pa dag gis shing rta'i steng du zhon cig ces smras pa dang / de the tshom skyes nas ma zhon nas/ bcom ldan 'das kyis bka' stsal pa/ na na shing rta la zhon cig /de la the tshom ma byed cig /gru'i nang na mthun shas kyi skal ba skyed pa las gru yang chag par gyur nas/ dge slong dag gis grogs ma byas pa dang / khyim bdag mi dga' bar gyur nas smras pa/ 'di ni khyed kyi na/ khyod kyis ci'i phyir grogs mi bya/ de dag gis smras pa/ bcom ldan 'das kyis ma gnang ngo / /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ gru'i dngo ma gtogs par phul ba'i grogs dang zhing pa'i grogs gyis shig /dge slong gzhan zhig yang klung gi 'gram nas song ba las na bar gyur nas mnyan pas 'phags pa 'di'i nang du zhugs zhes smras pa dang / de the tshom skyes nas nang du ma zhugs so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dngo ma gtogs par nang du zhugs pa de la the tshom ma byed cig /gzhan yang khur gyis bskyas pa las de chad par gyur nas/ des 'phags pa 'di mar phob shig ces smras pa dang / dge slong dag the tshom skyes nas ma phog go/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ phog cig /dge slong dag gis phab nas slar ma bteg pa dang / bcom ldan 'das kyis bka' stsal pa/ ji ltar phog 13-1-191b pa bzhin du theg cig /lha gang gi sgor bor te dong ba dang / ma byin par len pa dag gis brkus nas/ bcom ldan 'das kyis bka' stsal pa/ nang du skyos shig /dge slong gis sus nang du bskyab mi shes nas/ bcom ldan 'das kyis bka' stsal pa/ khyim pas so/ /khyim pa med na dge tshul phas so/ /dge tshul pha yang med nas/ bcom ldan 'das kyis bka' stsal pa/ bdag cag nyid kyis nang du skyos shig /dge slong dag gis bskyas nas bdag gis bskyas pa yin no snyam nas ma zos pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ de la the tshom ma byed par zo shig /dge 'dun gyi zangs kyi nang du me cher 'bar bas 'o ma la sogs pa ni khol/ rung bar byed pa ni sgor song nas bo ba dang / bcom ldan 'das kyis bka' stsal pa/ de phyi rol du ma 'gro shig /de ste rkyen cig byung nas phyi rol du song na ma gal pa dag phyir drongs shig /'on kyang de bzhin du lud pa dang / bcom ldan 'das kyis bka' stsal pa/mdag ma dag phyir dbyung bar gyis shig /mdag ma phyir phyung yang lud pa dang / bcom ldan 'das kyis bka' stsal pa/ chos gos kyi tha mas g.yobs shig /'on kyang lud par gyur nas bdag nyid kyis gzar bu long la dkrug par gyis shig /dge slong dag ngas phongs pa la gnang ba de ma phongs pa'i tshe ma spyod cig /spyad na 'das pa dang bcas par 'gyur ro/ /de bzhin du sman dag kyang dge tshul pha'am/ lha gang na gnas pas dkrug par gyis shig /de yang phyi rol du song na de'i thabs snga ma bzhin no/ /gleng gzhi ni mnyan du yod pa na ste/ tshong pa mang po dag cig gis sangs rgyas dang / dge slong gi dge 'dun la sogs pa bshos la spyan drangs so/ /de dag gis bshos sbyar te dro sar bskyas nas ma drangs kyi bar du tshong khang du me shor te de dag me gsod du song ba dang / gdugs tshod yol la thug nas/ dge slong dag gis ji ltar gyur pa bcom ldan 'das la gsol pa dang / bcom ldan 13-1-192a 'das kyis bka' stsal pa/ de'i sems kyis yongs su btang bas na/ dge slong dag de la the tshom ma byed par bza' bar bya'o/ /zos nas byang gi sgra mi snyan gyi dus su byin gyis rlobs shig /dge 'dun gyis dro sar bya rog mchus zas la reg pa dang / dge slong dag the tshom skyes nas zan ma zos so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ mchu'i than kor 'or la de la the tshom ma byed par zo shig /dge slong dag gis lhung bzed kyi kha zas kyi nang du bya rog gis reg nas de dag kha zas ma zos pa dang / bcom ldan 'das kyis bka' stsal pa/ de'i mchu'i than kor 'or la the tshom ma byed par bza' bar gyis shig /tshe dang ldan pa nam gru ci la yang the tshom za ste/ nam gru the tshom can nam gru the tshom can zhes ming du gyur to/ /de bshang sar 'ongs pa dang / sbrang ma zhig mthong ngo / /phyis yang de dang 'dra ba zhig bskos na zas kyi steng na 'dug pa mthong ba dang / des tshe dang ldan pa dag bshang sa na mthong ba'i sbrang ma des 'dir 'ongs te kha zas la 'bags te ma rung bar byas so zhes smras pa dang / de thos pa dang dge slong mang zhig gis zas ma zos par gyur to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong rnams sbrang ma ni mthon dman kun du rgyus des gang du reg pa de 'or la de la the tshom du ma byed par zo shig /dge slong dag tshon rtsi'i las byed de/ de dag sems 'khrul bas tshon rtsi'i bum pa yin no snyam nas des dge 'dun gyi 'bru mar gyi bum pa dang / mar gyi bum pa dag steng du bteg ste khyer ba dang / de na gang gi tshe ngo shes pa de'i tshe na 'greng bzhin du bor nas chag pa ba dang / de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ thang ma skas la 'dzegs pa las cung zad tsam zhig ni 'dzegs mang du las na slar bobs la gnas gar bde bar ma 'gyel bar zhog shig /de ste 13-1-192b thang ma skas la mang du 'dzegs la thung du 'dzeg dgos na steng du 'dzegs la gnas bde bar ma 'gyel bar zhog shig /dge slong dag the tshom skyes nas ma zos pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ de la the tshom ma byed par zo shig /sangs rgyas bcom ldan 'das la tshe dang ldan pa u pA lis zhus pa/ btsun pa bzhag pa rnam pa du 'tshal du rung/ u pA li rnam pa gnyis kyis te/ ngo tsha ba med cing bslab pa la mi mos pa dang / gang la ngo tsha yod kyang dran pa nyams pa ste/ de gnyis kyis bzhag pa rung gis gnyi ga zo shig /bcom ldan 'das kyis bka' stsal pa/ byol song gi skye gnas su gyur pa'i sems can la sbyin pa byin na ni rnam par smin pa brgyar re bar bya'o/ /tshul khrims ngan pas zin pa'i mi la sbyin pa byin na ni rnam par smin pa stong du re bar bya'o/ /tshul khrims dang ldan pa'i skyes bu gang zag la sbyin pa byin na ni rnam par smin pa brgya phrag stong du re bar bya'o/ /phyi rol gyi drang srong 'dod pa'i 'dod chags dang bral ba dag la sbyin pa byin na ni rnam par smin pa sa ya brgya stong du re bar bya'o/ /rgyun du zhugs pa'i 'bras bu mngon du byed par zhugs pa la ni tshad med do/ /rgyun du zhugs pa la de bas kyang tshad med do/ /lan gcig phyir 'ong ba'i 'bras bu mngon du byed par zhugs pa la de bas kyang tshad med do/ /lan gcig phyir ldog par rgyun du zhugs pa la de bas kyang tshad med do/ /phyir mi 'ong ba'i 'bras bu mngon du byed par zhugs pa la de bas kyang tshad med do/ /phyir mi 'ong ba'i rgyun du zhugs pa la de bas kyang tshad med do/ /dgra bcom pa'i 'bras bu mngon du byed par zhugs pa la de bas kyang tshad med do/ /dgra bcom pa la de bas kyang tshad med na rang sangs rgyas dang / de bzhin gshegs pa dgra bcom pa yang dag par rdzogs pa'i sangs rgyas la lta smos kyang ci dgos bram ze dang khyim bdag dad pa dag gis dge slong dag mchod rten la phyag 'tshal du dong ba la gdugs dang / rgyal mtshan dang / ba dan dag bskur ba dang / dge slong dag 13-1-193a rnam pa de lta bu'i rkyen byung nas de dag gis gang du bskur bar bskur ma nus so/ /de dag gi nang nas kha cig gis smras pa/ tshe dang ldan pa dag bcom ldan 'das kyis bka' stsal pa ni gzhan du bsngos la gzhan du dbul bar ma byed cig ces byung/ kha cig gis yang smras pa/ de la gzhan byar ci yod/ bcom ldan 'das la zhu'o/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong rnams rnam pa bzhi la ni nges par dbul dgos te byang chub pa dang / chos kyi 'khor lo dang / cho 'phrul chen po dang / lha yul nas gshegs pa'o/ /'di dag la bsngos nas gzhan du sngo bar ma byed cig /de las gzhan du bsngos pa'i rkyen rnam pa de lta bus na gzhan dag tu bsngor rung gis de la the tshom ma byed cig /dge slong rnams ngas phongs pa'i tshe gnang ba de bzhin du ma phongs pa'i tshe ma spyod cig /de ltar spyad na 'das pa dang bcas par 'gyur ro/ /sangs rgyas bcom ldan 'das la tshe dang ldan pa u pA lis zhus pa/ btsun pa dge slong gnyis shig 'khrug par gyur/ rtsod par gyur/ 'thab par gyur pa de la gang mad par gzung/ bcom ldan 'das kyis bka' stsal pa gang tshul khrims dang ldan pa'o/ /gnyi ga tshul khrims dang ldan pa na gang mang du thos pa'o/ /gnyi ga mang du thos na gang chog shes pa'o/ /gnyi ga chog shes na gang cher chog shes pa'o/ / gnyi ga cher chog shes na u pA li gnyi ga cher chog shes pa las cher chog shes pa ni med de mi srid do/ /gnas med de de gnyis lta bu la ni 'khrug pa'am/ rtsod pa'am/ 'thab par 'gyur ba 'byung ba'i gnas ma yin no/ /rkyang pa'i sgo'i mdo bzhi pa'i tshigs su bcad pa dang po'o// //'dul ba gzhung dam pa/bam po bzhi bcu rtsa gsum pa/ mdor na/ rkun po gnas dang za ma dang / /sngar 'khrugs pa la rnam pa bzhi/ /bslab pa byin pas tshul shing brims/ /de dag dge 'dun dbyen mi 'gyur/ /sangs rgyas bcom 13-1-193b ldan 'das mnyan du yod pa'i dze ta'i tshal mgon med pa la zas sbyin gyi kun dga' ra ba na bzhugs so/ /sangs rgyas bcom ldan 'das la tshe dang ldan pa u pA lis zhus pa/ btsun pa tshul shing brims pa rkun gnas kyis tshul shing brims na dge 'dun gyi dbyen du 'gyur ram/ u pA li mi 'gyur ro/ /btsun pa ma ning dang za ma dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / tha dad du gnas pa dang / mi gnas pa dag gis tshul shing brims na dge 'dun gyi dbyen du 'gyur ram/ u pA li mi 'gyur ro/ /btsun pa sngar 'khrugs pa bzhis tshul shing brims na dge 'dun gyi dbyen du 'gyur ram/ u pA li mi 'gyur ro/ /btsun pa bslab pa byin pas tshul shing brims na dge 'dun gyi dbyen du 'gyur ram/ u pA li mi 'gyur ro/ /rkyang pa'i sgo bzhi pa'i mdo'i tshigs su bcad pa gnyis pa'o// //mdor na/ lus la reg dang rngul zan dang / /char pa 'bab par bcad mi bya/ /tshang mang dang ni bshang gci sa/ / ma rung nas ni mi dor ba'o/ /sangs rgyas bcom ldan 'das mnyan du yod pa'i dze ta'i tshal mgon med pa la zas sbyin pa'i kun dga' ra ba na bzhugs so/ /drug sde dag gis dge 'dun gyi mal stan dag kyang lus la reg par bgos/ rkang pa nas mgo'i bar du thang chad par bgos pa dang / de ltar gyur pa dge slong dag gis bcom ldan 'das la zhus nas/ bcom ldan 'das kyis bka' stsal pa/ dge slong dag gis dge 'dun gyi mal stan lus la reg par ma bgo shig /bgos na 'das pa dang bcas par 'gyur ro/ /bcom ldan 'das kyis dge slong dag dge 'dun gyi mal stan lus la reg par ma bgo shig ces bka' stsal pa na/ dge slong dag gis ji ltar bgo ba mi shes nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ 13-1-194a gang zag gis rngul zan gyi steng du shes bzhin du dal nas khad kyis bgo bar gyis shig /drug sde dag gis dge 'dun gyi gos bgos nas dbyar char gyi nang na bla gab med par 'dug go/ /de char gyis ma rung bar gyur nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag gis dge 'dun gyi gos gyon la dbyar char gyi nang na bla gab med par ma 'dug shig /'dug na 'das pa dang bcas par 'gyur ro/ /drug sde dag gis dge 'dun gyi gos bgos nas tshang mang du 'jug ste/ de dud pas ma rung bar gyur nas de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag gis dge 'dun gyi gos gyon nas tshang mang du 'gro bar ma byed cig /song na 'das pa dang bcas par 'gyur ro/ /drug sde dag gis dge 'dun gyi mal stan dag bgos nas bshang gci'i sar song ba dang / bshang gci'i gzer ma dag gis phog nas ma rung bar gyur to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag dge 'dun gyi mal stan gyon nas bshang gci'i sar ma 'gro shig /song na 'das pa dang bcas par 'gyur ro/ /gleng gzhi ni mnyan du yod pa na ste/ dge slong rnams dge 'dun gyi mal stan rdol ba dang / ral ba rnams gar bab bab tu 'dor te de dag mi spyod pa dang / de nyid ma rung bar gyur nas de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge 'dun gyi mal stan cung zad rdol tam/ ral na ma dor bar rdol na ni lhan pas glon cig ral na ni slar drub par gyis shig /de'i nang na rnyings pa dag ni khol phyung la sar pa glon cig /de rnying pa las rung ba yod na me mar gyi snying por gyis shig /der yang mi rung na ba glang gi lci ba'am sa dang bsres la ka ba'i ser ga'am/ rtsig pa'i ser ga dag 13-1-194b gi zhal zhal du gyis shig /sbyin par byed pa dang / yon bdag gi yun ring du spyad par 'gyur ro/ /rkyang pa'i sgo bzhi pa'i mdo'i tshigs su bcad pa gsum pa'o// //mdor na/ kha zas de ste me mar dang / /byug par bya dang lham rnams dang / /gos dang gdugs dang shing dag dang / /rtsa ba sman rnams tha ma'o/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /mnyan du yod pa na khyim bdag gzhan zhig 'dug ste/ des yo byad thams cad dang ldan pa'i gtsug lag khang brtsigs te 'khor mang po'i dge slong dag cig la phul lo/ /de 'khor drug bcu dang der dbyar tshul du zhugs so/ /tshul nas byung nas lhan cig spyod pa dang / nye gnas dag ljongs dang / phyogs gang dang gang du 'khod pa de dang de dag nas de'i rkang pa la phyag bya bar lhags nas/ de dag gis de'i rkang pa la phyag byas te dong ba dang / des tshe dang ldan pa rnams nga khyim bdag 'di zhes bya bas mgron du bos kyis khyed 'di nyid du 'khod cig ces smras pa dang / de dag gis smras pa mkhan po mchi'o/ /des smras pa/ 'o na 'khod de zan zo la deng shig /de dag gis smras pa/ zas dang yo byad khyer te mchis la/ de nyid bdag cag 'tshal lo/ /des 'o na legs kyis de bzhin du byos shig ces smras pa dang / zas dang yo byad dag khyer te dong ngo/ /de bzhin du kha cig gis me mar gyi mar/ kha cig gis ni rkang pa byug pa/ kha cig gis ni lham dag /kha cig gis ni gos dag /kha cig gis ni gdugs dag /kha cig gis ni shing dag /kha cig gis ni rtsa ba dang / sdong bu dang / lo ma dang / me tog dang / 'bras bu'i sman rnams khyer te dong ba dang / ring po ma lon par gtsug lag khang de yo byad kyis brel bar gyur nas dge slong de khyim bdag gang na ba der song ste phyin pa dang / khyim bdag khyod kyi yo byad dag ni zad do zhes smras pa dang / 'phags pa de na dge slong nyung la yo byad mang du phul na ci'i phyir myur du bas zhes smras pa 13-1-195a dang / de dag gis rgyas par smras nas/ des 'phags pa bdag gis ni de na bzhugs pa rnams kyi phyir phul na/ de dag gzhan na gnas la ci'i phyir gzhan du spyod ces nyes pa ngor brjod do/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong rnams yon bdag de 'phya ba ni yus te/ de bas na dge slong dag gis gzhan du gnas shing gzhan gyi khyer ba ma spyod cig /dge slong dag gzhan du gnas la gzhan gyi spyad dang / de dag ji tsam spyad pa thams cad rin thang bzhin du phob shig /rkyang pa'i sgo bzhi pa'i mdo'i tshigs su bcad pa bzhi pa'o// //mdor na/ mtshan ma dang yang mngon mtshan dang / /par tang dag dang ri mo can/ /khri'u rkang pa ri mo can/ /ral tshems bya ba dbyar mo khang/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /mnyan du yod pa na mi spun gnyis shig rab tu byung ste/ de las gcig ni zhal ta'i gnas khang na 'dug go/ /gcig ni dze ta'i tshal na'o/ /ji tsam na zhal ta ba de don zhig gi phyir ri brags kyi grong du song ngo / /dge slong de phu nu bo blta ba'i phyir bgo ba de bgos nas de'i thad du song ngo / /des dge 'dun gyi bgo ba'i nang du gang zag gi bgo ba de bzhag nas gtam 'dzer cing 'khod do/ /de nas nor te dge 'dun gyi bgo ba zhig gyon te song ngo / / de nas zhal ta ba de slar 'ongs nas de na bgo ba chung ngu zhig mthong ste/ des tshe dang ldan pa ci dge 'dun gyis rnyed pa grub pa'am zhes smras pa dang / des smras pa/ dge 'dun gyi rnyed pa cang med do/ /bgo ba 'di su'i 'di dag dge 'dun gyi'o/ /des smras pa/ nged cag ni che/ 'di chung na/ 'dir su yang bgo ba gyon te ma 'ongs sam/ 'dir bdag gi phu nu bo zhig 'ongs so/ /song la dris shig de song nas dris te des bltas na dge 'dun gyi yin nas/ des smras pa/ bdag gis nor te dge 'dun gyi ni bdag gis khyer/ bdag gi 13-1-195b ni de na 'dug pa'i rigs so/ /des de khyer de 'ongs so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge 'dun gyi ni mtshan ma thob shig /dge slong dag gis ji ltar mtshan ma gdab pa mi shes nas bcom ldan 'das kyis bka' stsal pa/ dge slong 'di zhes bya bas phul ba'o zhes yi ger bris shig /dge slong gis dge 'dun gyi dang / gang zag gi gnyi ga de bzhin du bris so/ /de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ gang zag gi ni mngon mtshan thob shig /gleng gzhi ni mnyan du yod pa na ste/ bcom ldan 'das kyis dge 'dun gyi'am/ gang zag gi yang rung ste/ ri mo can ni gding ba med kyi bar du ma spyod cig ces bka' stsal pa/ dge slong dag gang zag gi par tang stan byed pa la zhugs pa dang / de'i nang nas kha cig gis smras pa/ bcom ldan 'das kyis ni ri mo can las rnyed pa ni gnang gi /bdag nyid kyis byas pa ni ma yin no zhes gsungs so/ /gzhan zhig gis yang byas pa'i dngos po spongs shig ces smras pa dang / de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ de bas na dge 'dun gyi ni par tang ri mo can rnyed dam byas na yang rung ngo / /gang zag gis ni gzhan gyis byin na yon bdag nyid la bsngos na 'chang bar gnang gi /rang byed du ni mi gnang ngo / /bcom ldan 'das kyis dge 'dun la ni par tang ri mo can rnyed pa'am/ byas pa'ang 'chang du gnang gi /gang zag la ni gzhan gyis byin pa de nyid la bsngos na 'chang du gnang ngo zhes bka' stsal nas/ dge slong gzhan zhig gis khri'u rkang pa ri mo can zhig bdag gis ni ma byas gzhan gyis byin pa 'chang ngo / /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag ngas ri mo can ni dgongs te gsungs kyi/ khri'u rkang pa ri mo can la ma yin gyis/ de bas na 13-1-196a dge 'dun gyis khri'u rkang pa ri mo can rnyed dam byas kyang rung gnang gi /gang zag la ni rjes su mi gnang ngo / /bcom ldan 'das kyis dge slong ma dbyar tshul nas byung nas ljongs rgyu ba spyod cig ces gsungs pa dang / dbyar tshul du zhugs nas khang pa'i ral tshems dag ma byas par dong nas de dag gis ral tshems ma byas pas ma rung bar gyur to/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong ma dbyar tshul du zhugs na ral tshems ma byas na 'das pa dang bcas par 'gyur ro/ /rkyang pa'i sgo bzhi pa'i mdo'i tshigs su bcad pa lnga pa'o// //mdor na/ song nas slar 'ongs sbyin pa med/ /byin nas phyir yang 'ongs par gyur/ /dge 'dun gyis kyang sbyin par bya/ /gang las bskyis par gyur pa'o/ /sangs rgyas bcom ldan 'das mnyan du yod pa'i dze ta'i tshal mgon med zas sbyin gyi kun dga' ra ba na bzhugs so/ /khyim pa zhig gis gnyen zhig dus 'das te mchod pa'i phyir rgyal mtshan dang / ba dan gyis drangs nas dur khrod du bskyal te/ de slar khyer te 'ongs nas/ dge slong dag la phul ba dang / dge slong dag gis ma blangs so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ song na slar 'ongs pa zhes byos la long shig /kha cig ni dbul te phul ba de slar yang brnyas pa dang / dge slong dag gis ma ster to/ /bcom ldan 'das kyis bka' stsal pa/ de ste slar slong na byin cig /des brnyas nas de slar 'gyod pa skyes nas mi des slar yang phul ba dang / dge slong dag gis ma blangs te/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ de nas slar yang 'ongs so zhes byos te long shig /de la the tshom dang khro bar ma byed cig /gleng gzhi ni mnyan du yod pa na ste/ zhal ta byed pa'i dge slong zhig gis dge 'dun gyi phyir khyim pa zhig la nor zhig bskyis pa dang / de dus 13-1-196b las 'das so/ /de dus las 'das so zhes thos nas des gtsug lag khang du 'ongs nas dris pa/ dge slong ming 'di zhes bgyi ba zhig ga re zhes smras pa dang / dge slong dag gis smras pa/ de dus las 'das so/ /des smras pa/ 'phags pa bdag gi nor zhig des bskyis so/ /dge slong dag gis smras pa/ song la de nyid la dos shig /des dge 'dun gyi phyir khyer gyi pha ma dang bdag gi phyir ma lags kyis khyed kyis stsol cig /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ de ste dge 'dun gyi phyir des khyer bar shes na/ dge 'dun gyis skyin pa byin cig /dge slong rnams ngas las gsar du byed pa'i mtshungs pa'i dge slong gi chos bca'o/ /las gsar du byed pa'i dge slong gis bskyi ba dag rgan zhing rgan pa dag la dris la long shig / las gsar du byed pa rnams kyis mtshungs par spyad pa'i chos bcas pa bzhin du ma byas na 'das pa dang bcas par 'gyur ro/ /rkyang pa'i sgo bzhi pa'i mdo'i tshigs su bcad pa drug pa'o// //mdor na/ bu ram shing dang dge slong rnams/ /za zhing bgo ba phan gdags pa/ / mi bgo ba dang bzhi pa dang / /skar ma bstan par mi bya'o/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /dge 'dun dag gis bca' ba bu ram shing zhig rnyed de/ bcom ldan 'das kyis dge tshul pha dag la sum cha byin cig ces bka' stsal nas/ de dag la bu ram shing gi sum cha re re byin no/ /dge slong dag rgan rims su 'khod nas gral nyis rim du gyur pas/ slar yang rgan rims kyi thog tu 'ongs so/ /tshe dang ldan pa sgra can 'dzin bcom ldan 'das kyi spyan sngar 'dug ste/ de bu ram shing gi dum bu za zhing bcom ldan 'das kyi zhal du mig lta zhing 'dug go/ /bcom ldan 'das kyis bka' stsal pa/ tshe dang ldan pa sgra can 'dzin bu ram shing 'dod dam/ des smras pa/ bcom ldan 'das 'tshal lo/ /de nas bcom ldan 'das kyi sku 13-1-197a skal las bcad de dum bu gcig de la byin nas/ dge slong gi dge 'dun rnams bu ram shing gi bya ba byas te/ gtsug lag khang du 'ongs pa dang / tshe dang ldan pa sgra can 'dzin bcom ldan 'das kyi zhabs la phyag 'tshal ba'i phyir/ bcom ldan 'das kyi drung du 'ongs pa dang / bcom ldan 'das kyis bka' stsal pa/ tshe dang ldan pa sgra can 'dzin bu ram shing gi bza' bas tshim par gyur tam/ des gsol pa/ bcom ldan 'das kyis bdag cag gi rnyed pa ni sum cha cig stsol cig ces bka' stsal bas ga la tshim mod kyi/ bcom ldan 'das kyis bka' stsal pa des na gdod tshim par gyur to/ /bcom ldan 'das kyis dge slong gi dge 'dun dag bsdus nas dge slong dag la 'di skad ces bka' stsal pa/ ngas gos kyi thob pa ni dge tshul pha dag sum cha cig byin cig ces byas kyi/ kha zas kyi 'thob pa dag ni mtshungs par bgos shig /chung ngu na shing bu la sa'i lo ma tsam yang mnyam par bgos shig /de las che chung ngu bgos na 'das pa dang bcas par 'gyur ro/ /gleng gzhi ni mnyan du yod pa na ste/ mnyan du yod pa na khyim bdag gnas pa de dus dus su dze ta'i tshal du 'gro ba las dge slong zhig gis de la nor las byung ba'i bsod nams kyi dngos po bdun rgya cher snyan par bshad pa dang / de dad pa skyes nas gtsug lag khang zhig brtsigs te/ der dge slong gang dag gnas pa de dag kha zas 'phral 'phral du sbyor bar byed pa las des de dag gi kha zas kyi rgyur kAr ShA pa Na dag cig byin pa las/ de dag gis smras pa/ tshe dang ldan pa bdag cag bsod snyoms la 'gro bas chos gos kyis brel gyi zas kyis ni ma yin gyis/ kAr ShA pa Na ni chos gos kyi phyir bgo'o/ /dge slong bdag cag las su yang khyim bdag de'i khyim du ma 'dong shig ces de dag gis dam bcas so/ /de nas dus phyi zhig na bsod snyoms pa zhig ljongs rgyu ba spyod cing mnyan du yod par phyin te/ de khyim bdag de'i gtsug lag khang du 'ongs nas/ dge slong dag gis de ngal sor 13-1-197b bcug ste/ gnas dang mal stan dag byin nas des bsams pa de ring la ngal bso zhing zan yang gral du zos la nang par nas bsod snyoms bslang ngo snyam du sems shing 'dug pa las/ dge slong gzhi na 'khod pa dag lhung bzed dang chos gos khyer te bsod snyoms la dong ba dang / bsod snyoms pa des bsams pa/ gzhi na gnas pa'i dge slong dag ni de ltar phongs pa lta na/ bdag kyang de 'dra bar 'gyur gyis bsod snyoms slong du 'gro'o snyam nas/ des lhung bzed dang chos gos dang lde mig dang / lde mig kyog po dang / sgo lcags kyang khyer nas mnyan du yod par rim gyis bsod snyoms la zhugs pa las khyim bdag de'i khyim du 'ongs nas/ des de la bde bar phyin tam zhes tshig tu smras/ stan bting/ rkang pa la phyag byas nas de'i mdun du 'dug go/ /de de'i mdun du 'dug nas des de la nor las byung ba'i bsod nams kyi dngos po bdun du yon tan bshad pa dang / khyim bdag des smras pa/ 'phags pa bdag gis de thams cad bsgrubs lags so/ /bsod snyoms pas smras pa/ khyim bdag khyod kyis cung zad kyang sbyar ba med de/ khyod kyi gtsug lag khang na thog mar kha zas med do/ /des smras pa/ 'phags pa ci gsung/ bdag gis der mang du phul na/ 'phags pas gzhan zhig tu byon te nor ba snyam/ bsod snyoms pa des smras pa/ khyim bdag khyod kyis gtsug lag khang gi lde mig dang lde mig kyog po dag shes sam/ 'phags pa 'tshal lo/ /des lde mig dang lde mig kyog po dag bstan pa dang / des smras pa/ 'phags pas de'i don glo bar chud do zhes smras pa dang / bsod snyoms pas de khyer nas slar song ngo / /khyim bdag kyang de'i phyi bzhin du song ste gtsug lag khang du 'dug nas ji tsam dge slong dag bsod snyoms khyer te 'ong ba mthong ste mthong nas des 'phags pa khyed cag gang nas byon ces smras pa dang / de dag gis smras pa/ khyim bdag spyod yul gyi dad pa bskyed pa'i phyir ro/ /'phags pa kAr ShA pa Na 13-1-198a gar mchis/ khyim bdag gnas khang na yod do snoms te spyon/ de dag gis phyung ste byin no/ /des smras pa/ da spyod yul gyi dad pa skyed du bzhud cig /de dag gis ma spobs nas/ cang mi zer bar 'dug nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag khyim bdag de 'phya ba ni yus te/ de bas na rnam pa bzhis ni ma bgo shig /de ni mchod rten thams cad kyi dang / phyogs bzhi'i dge 'dun thams cad kyi dang / nad gsos kyi rin thams cad dang / zas nar ma thams cad do/ /gleng gzhi ni mnyan du yod pa na ste/ drug sde dag ljongs rgyu ba spyod cing skar ma shar tsam zhig na gtsug lag khang zhig tu phyin pa dang / dge slong de dag gis gang du mdza' ba'i gnas su ngal bso zhing 'dug tu bcug pa dang / de dag gis smras pa/ tshe dang ldan pa dag ci zhig bsdad du yod/ ston pa bzhugs bzhin du bstan pa zhig par bya'am/ rgan rims bzhin du ci'i phyir mi bgo/ /de dag ji ltar rgan rims bzhin du bged pa la zhugs pa dang / gsar bu dag ma bgos par nam nangs so/ /de dag nam nangs pa dang langs te/ tshe dang ldan pa dag nged cag 'dong gis mal stan long shig /dge slong dag gis smras pa/ tshe dang ldan pa dag khyed cag skad cig 'khod pa'i phyir khyed kyis dge 'dun thams cad la gnod pa byas so/ /de dag gis smras pa/ de ni ston pa'i bka' lung bzhin no/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag skar ma shar phan chad mal stan ma bgo shig /bgos na 'das pa dang bcas par 'gyur ro/ /mal stan bged pas kyang ma bgo shig /bgos na 'das pa dang bcas par 'gyur ro/ /rkyang pa'i sgo bzhi pa'i mdo'i tshigs su bcad pa bdun pa'o// //mdor na/ rgun 'bru dang yang 'bra go gzhan/ /mes rung ba yang de bzhin te/ /zhugs thab mar me sdong bu dang / /drang srong chen pos gnang 13-1-198b ba'o/ /sangs rgyas bcom ldan 'das yul kun nas ljongs rgyu ba spyod cing ro hi ta kar gshegs te/ ro hi ta ka'i gnod sbyin bal glang ldan zhes bya ba'i gnas na bzhugs so/ /de nas gnod sbyin bal glang ldan bcom ldan 'das gang na ba der song ste phyin pa dang / bcom ldan 'das kyi zhabs la mgo bos phyag 'tshal nas 'di skad ces gsol to/ /btsun pa do nub bdag gi gnas su dge slong gi dge 'dun dang thabs cig tu bzhugs par ci gnang/ de nas gnod sbyin bal glang ldan la bcom ldan 'das cang mi gsung bar zhal gyis bzhes so/ /de nas gnod sbyin bal glang ldan bcom ldan 'das cang mi gsung bar zhal gyis bzhes par rig nas/ des gtsug lag khang lnga brgya sprul/ stan nang tshangs can dang / la ba dang / sngas gru bzhi pa dag kyang lnga brgya lnga brgya sprul/ me mdag dud pa med pa bkang ba lnga brgya yang sprul te/ de nas bcom ldan 'das la ni gtsug lag khang chen po bskos/ de'i lhag ma dag ni dge slong dag la bskos te gtsug lag khang gi lhag ma dge slong dag la bskos nas/ bcom ldan 'das gang na ba der song ste phyin pa dang / bcom ldan 'das kyi zhabs la mgo bos phyag 'tshal nas/ bcom ldan 'das la 'di skad ces gsol to/ /bcom ldan 'das sang bdag gi khyim du dge slong gi dge 'dun dang thabs cig tu bshos gsol bar ci gnang/ bcom ldan 'das kyis gnang bas na gnod sbyin bal glang ldan la cang mi gsung bas zhal gyis bzhes pa dang / gnod sbyin bal glang ldan gyi grogs po kha che'i yul na gnod sbyin u ni ko zhes bya ba zhig yod de/ des de la sang bdag gis bcom ldan 'das nyan thos kyi dge 'dun dang bcas par bshos la spyan drangs kyis/ stod phyogs kyi nags kyi shing tog las skur ces spring ba dang / des rgun 'bru dang / bal po'i se'u dang 'bra go la sogs pas snod bkang ste gnod sbyin gyi lag tu bskur ro/ /des gtsug lag khang gi dag rar spungs te bzhag go/ /dge slong dag gis bcom ldan 'das la 13-1-199a gsol nas/ bcom ldan 'das 'di ci zhig lags/ bcom ldan 'das kyis bka' stsal pa/ dge slong rnams 'di ni stod phyogs kyi nags kyi shing tog go/ /dge slong dag gis ji ltar bgyi zhes gsol pa dang / bcom ldan 'das kyis bka' stsal pa/ mes rung bar gyis la zo shig /dge slong dag gis re re nas rung bar byas pa dang /bcom ldan 'das kyis bka' stsal pa/ phung por spungs la kha gsum mam bzhir mes reg par byas pas rung bar 'gyur ro/ /dge slong rnams kyis de dag rung bar byas nas dge 'dun dag la brims pa dang lhag nas/ dge slong rnams kyis ji ltar bya ba mi shes nas/ bcom ldan 'das kyis bka' stsal pa/ de dag kun nyes la nang du chus lugs te der tshags kyis tshogs la phyi dro'i skom du 'thung shig /de dag gis phyi dro'i skom du brims pa na/ 'on kyang lhag nas bcom ldan 'das kyis bka' stsal pa/ skol te zhog la de'i phyi de nyin skom du brims shig /gleng gzhi ni mnyan du yod pa na ste/ dgun gyi dus la bab pas dge slong rnams grang ste/ gzhi bstar ba'i steng du me bus pa dang / gzhi bstar ba dag ma rung bar gyur nas/ bcom ldan 'das kyis bka' stsal pa/ gzhi bstar ba'i steng du me ma bud par zhugs ling gi steng du me bus shig /zhugs ling gi steng du me bus pa dang dud par gyur nas/ bcom ldan 'das kyis bka' stsal pa/ phyi rol du zhugs ling gi nang du bus la dud pa med pa dang / mdag ma la ci bder spyod cig /gleng gzhi ni mnyan du yod pa na ste/ bzo bo zhig gis dge slong rnams la me mar gyi sdong bu yal ga gcig pa zhig byin pa dang / de dag gis ma blangs so/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge 'dun la mar me'i sdong bu yal ga gcig pa grub na gnang ngo / /gang zag la yang gnang ngo / /yal ga gnyis pa'am/ yal ga mang po dag ni dge 'dun la gnang gi gang zag la ni mi gnang ngo / /rkyang 13-1-199b pa'i sgo bzhi pa'i mdo'i tshigs su bcad pa brgyad pa'o// //mdor na/ glo bur gnyis po bya ba dang / /chu klung pha rol gnyis po dang / /mang du ma rung byas pa dang / /lus kyi tshad ni chos gos so/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /dge slong glo bur du lhags pa dag cig gtsug lag khang du phyin pa dang / gzhi na gnas pa'i dge slong gis ngal bsor bcug go/ /de dag ngal bsos zin pa dang / de dag gis ci yod pa de brkus te dong ngo / /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ gang ngo mi shes pa'i rnams ngal bsor ma gzhug shig /bcom ldan 'das kyis ngo mi shes par ngal bsor ma gzhug shig ces bka' stsal nas/ ngo shes pa zhig ngal bsor bcug pa dang / de'i phyi bzhin du ngo mi shes pa'i dge slong zhig 'ongs te/ dge slong de phyi rol du song ba dang / des de'i lhung bzed dang chos gos dag len pa la zhugs pa dang / gzhi de na gnas pa'i dge slong gis bsams pa/ 'di ni gdon mi za bar de'i grogs po zhig go snyam nas/ des de ma bgags nas des de khyer te bros so/ /phyis dge slong de slar 'ongs na chos gos dang lhung bzed mi snang nas/ des smras pa/ tshe dang ldan pa bdag gi lhung bzed dang chos gos dag sus khyer/ gzhi na gnas pa'i dge slong gis smras pa/ khyod kyi grogs pos khyer ro/ /des smras pa/ nga dang ngo shes pa ni med kyi nga'i lhung bzed dang chos gos khyod kyis bor gyis/ khyod kyis skyin pa byin cig /de dang dge slong gzhi na gnas pa dang lhan cig tu gcig la gcig rtsod par gyur nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ glo bur du 'ongs pa'i dge slong la 'di su zhig ces dris shig /de ste dge slong de ngas ngo shes so zhes zer na/ dge slong de la de ste khyod kyis lhung bzed dang chos gos sam/ nga'i yang rung 'di brnya zhes zer na sbyin nam mi sbyin zhes dris shig /de ste ma sbyin cig ces 13-1-200a zer na rin thang bzhin du chod la phob shig /de ste byin cig ces zer ba las khyer na khyer du zad do/ /gleng gzhi ni mnyan du yod pa na ste/ dge slong glo bur du 'ongs pa gzhan zhig gzhi na 'dug pa'i dge slong zhig gis ngal bsor bcug nas de'i phyi bzhin ngo mi shes pa'i dge slong zhig 'ongs te/ ji tsam na gzhi na gnas pa'i dge slong de so shing 'dor du phyi rol du song ngo / /de nas de'i lhung bzed dang chos gos dag des khyer ba dang / glo bur du 'ongs pa'i dge slong dag gis bsams pa/ 'di yang sngon khyim 'di na gnas pa zhig yin no snyam nas des kyang cung zad kyang ma smras nas/ des khyer te bros so/ /gzhi na gnas pa'i dge slong de slar 'ongs pa dang / lhung bzed dang chos gos mi snang nas/ des smras pa/ tshe dang ldan pa nga'i lhung bzed dang chos gos sus khyer/ des smras pa/ gnas khang na 'dug pas khyer ro/ /nga'i gnas khang na gnas pa gang yin/ khyod kyis lhung bzed dang chos gos khyer gyis skyin pa byin cig /de dang de gnyis lhan cig rtsod par gyur nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ glo bur du 'ongs pa'i dge slong gis gzhi na gnas pa'i dge slong la dge slong 'di khyod kyi cung zad ci yang rung ba slong na sbyin nam mi sbyin zhes dris shig /de ste ma sbyin cig ces zer na rin thang bzhin du phob shig /de ste byin cig ces zer ba las khyer na khyer du zad do/ /gleng gzhi ni mnyan du yod pa na ste/ dge slong zhig gis gzhi na gnas pa'i dge slong zhig la chos gos bzhag nas chems bzhag pa/ de ste nga song gi 'og tu nga'i slob ma dag 'ongs te 'dod ces zer na byin cig ces smras nas song ngo / /de'i slob ma zhig gis chos gos khyer te bros so/ / de la dge slong des blangs pa dang / phan tshun rtsod par gyur nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ de ste slob ma la byin cig ces zer na/ des khyer ba ni khyer rgyal du zad mod kyi gtan tshigs 13-1-200b yod na byin cig /bcom ldan 'das kyis gtan tshigs yod na byin cig ces bka' stsal pa dang / gtan tshigs kun gyis shes shing grags par springs te gzhan gyis thos nas brkus pa dang / bcom ldan 'das kyis bka' stsal pa/ gsang ste gtan tshigs smros shig / de yang gtan tshigs 'di 'dra bar shes pa zhig 'ongs na de la byin cig ces bsgo shig /dge slong dag cig lam du zhugs nas klung gi 'gram du phyin te de gru'i nang du zhugs pa dang / de na dge slong gzhan zhig 'dug pa la gru'i nang du zhugs pas smras pa/ bdag gi tshang thur 'o ni tshur stsol ces smras pa dang / des tshang thur byin pa la zhugs pa las lhung ste chus khyer ba dang / des smras pa/ kho bo'i tshang thur khyod kyis bor gyis/ khyod kyis skyin pa byin cig /de gnyis rtsod par gyur pa dang / dge slong dag gis bcom ldan 'das la gsol pa dang / bcom ldan 'das kyis bka' stsal pa/ khyod kyi lag tu 'ongs sam zhes smros la 'ongs so zhes zer na gdod byin cig /de las gzhan du na rin thang bzhin du chod la phob shig /yo byad gzhan dag kyang de bzhin du sbyor cig /ji ltar klung bzhin du ri la 'dzegs pa dang / 'obs la sogs pa la yang de bzhin du sbyar te/ lag tu 'ongs kyis thong zhes zer te btang ba las stor na ni stor du zad do/ /gleng gzhi ni mnyan du yod pa na ste/ gtsug lag khang zhig na gtsug lag khang skyong gis sgo rab tu ma bsdams nas rab tu ma brtags pas rkun po dag gis glags rnyed de brkus so/ /dge slong dag zhing de'i skyin pa ni gtsug lag khang skyong la dbab bo zhes 'phya'o/ /de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag sgo bsdam pa ni rnam pa lnga ste/ lnga gang zhe na/ rgya gtan dang / sgo gtan dang / 'khor lo dang / sgo lcags dang / lde mig kyog po dag go/ /gal te de thams cad gtsug lag khang na yod la gtsug lag khang skyong gis bzhi ni bcug la gcig ma bcug na cha gcig de la phob shig /gsum bcug la 13-1-201a gnyis ma bcug na gsum de la phob shig /gnyis bcug la gsum ma bcug na sum cha de la phob shig /gcig ma bcug la bzhi bcug na bzhi cha de la phob shig /de ste thams cad ma bcug na ji tsam stor ba de thams cad de la phob shig /de ste bsdam pa rnam pa lngas bsdams na stor ba ni stor du zad do/ /gtsug lag khang na gtsug lag khang skyong la skyin pa ma dbab shig /gleng gzhi ni mnyan du yod pa na ste/ sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis dge slong dag gi chos gos khru tshad du gyis shig ces bka' stsal na/ btsun pa khru thung la lus ring na de yang chos gos khru tshad du bgyi'am/ u pA li de ni lus kyi tshad du gyis shig /gang lus thung la khru ring na ji de yang lus kyi tshad du bgyi'am/ bcom ldan 'das kyis bka' stsal pa/ u pA li lus thung la khru ring na de yang lus kyi tshad du gyis shig /lus kyang che la khru yang ring na khru tshad du gyis shig /gzhan du na 'das pa dang bcas pa ste/ ji ltar bcas pa las lhag pa zhig rnyed na yang/ de la ni byin gyis mi brlab mod kyi 'on kyang rung la byin gyis brlabs te rung bar byas na/ slob dpon nam/ mkhan po'am/ mdza' bo'i yin par sngos la spyod cig /rkyang pa'i sgo bzhi pa'i mdo'i tshigs su bcad pa dgu pa'o// //mdor na/ sham thabs rjes su gnang ba dang / /sham thabs 'theb kyang de bzhin te/ /stod chags mchod pa bya ba dang / /byin len ma byas de bzhin te/ /rngul dang rkyang pa bstan pa brjod/ /sangs rgyas bcom ldan 'das mnyan du yod pa na dze ta'i tshal mgon med pa la zas sbyin gyi kun dga' ra ba na bzhugs so/ /dge slong dag dpyid kyi dus la bab pas sham thabs rnams rdul gyis dri ma mi zhim par gyur nas/ bcom ldan 'das kyis bka' stsal pa/ sham thabs kyi 'theb chongs shig /sbyar ma yang rdul te dri mi zhim par gyur nas/ bcom ldan 'das kyis bka' stsal pa/ stod chags chongs shig /de yang de bzhin du dri mi zhim par gyur nas/ 13-1-201b bcom ldan 'das kyis bka' stsal pa/ stod chags kyi 'theb bcang bar bya ste/ de yang dus dus su khrus shig /gleng gzhi ni mnyan du yod pa na ste/ dge slong rnams chos gos gyon te mchod pa'i las dag byed pa na de dag dri dang phye ma dang 'bru mar dag gis ma rung bar gyur nas/ bcom ldan 'das kyis bka' stsal pa/ gang dri dag gis ma rung bar gyur pa ni khrus la gyon cig /gang phye mas ma rung ba ni sprugs la gyon cig /gang 'bru mar gyis ma rung bar gyur pa la ni snum 'dag pa gang yin pas khrus la gyon cig /gleng gzhi ni mnyan du yod pa na ste/ dge slong rnams zan za ba la byin len ma byas par lhung bzed du lhung nas the tshom skyes te mi za ba dang / bcom ldan 'das kyis bka' stsal pa/ byin len byos la long shig /byin len byed pa med nas/ bcom ldan 'das kyis bka' stsal pa/ de'i than kor cher long ste 'or la the tshom du ma byed par zo shig /khu ba'i nang du lhung nas/ bcom ldan 'das kyis bka' stsal pa/ de yang than kor cher 'or la zo shig /gang dge slong dag phongs pa'i tshe ngas gnang ba de ma phongs pa'i tshe de ltar ma spyod cig /spyad na 'das pa dang bcas par 'gyur ro/ /dge slong rnams bsod snyoms la zhugs pa dang / rlung dang char pa dag babs nas lhung bzed kyi nang du rdul song ste/ the tshom skyes nas ma zos te gral na za ba'i tshe yang de bzhin du gyur nas/ bcom ldan 'das kyis bka' stsal pa/ dge slong rnams rdul ni rnam pa 'di lnga ste/ rung ba'i rdul dang / mi rung ba'i rdul dang / bzhag pa'i rdul dang / ma bzhag pa'i rdul dang / rdul gyi rdul dang lnga'o/ /gzhan yang rdul rnam pa lnga ste/ bza' ba'i rdul dang / btung ba'i rdul dang / gos kyi rdul dang / me tog gi rdul dang / 'bras bu'i rdul te/ mngon par gsal ba med pa na de thams cad kyang rung ba yin gyis/ the tshom du ma byed par zo shig /rkyang pa'i sgo bzhi pa'i mdo'i tshigs su bcad pa bcu pa'o/ /rkyang pa'i sgo rnams rdzogs s+ho// //'dul ba gzhung dam pa/ 'dul ba gzhung dam pa/bam po bzhi bcu rtsa bzhi pa/ nongs pa 13-1-202a dmigs pa zhes bgyi'am/ mi dmigs pa zhes bgyi/ gsungs pa/ nyes pa mi dmigs pa zhes bya'o/ /nongs pa gzugs mchis pa zhes bgyi'am/ zugs ma mchis so zhes bgyi/ gsungs pa/ nyes pa gzugs med pa zhes bya'o/ /nongs pa bstan du mchis pa zhes bgyi'am/ bstan du ma mchis pa zhes bgyi/ gsungs pa/ nyes pa bstan du med pa zhes bya'o/ /nongs pa bar du thogs pa dang bcas pa zhes bgyi'am/ bar du thogs pa dang bcas pa zhes mi bgyi/ gsungs pa/ nyes pa bar du thogs pa dang bcas pa zhes mi bya'o/ /nongs pa zag pa dang bcas pa zhes bgyi'am/ zag pa ma mchis pa zhes bgyi/ gsungs pa/ nyes pa zag pa dang bcas pa zhes bya'o/ /nongs pa 'dus byas zhes bgyi'am/ 'dus ma byas zhes bgyi/ gsungs pa/ nyes pa 'dus byas zhes bya'o/ /nongs pa 'jig rten pa zhes bgyi'am/ 'jig rten las 'das pa zhes bgyi/ gsungs pa/ nyes pa 'jig rten pa zhes bya'o/ /nongs pa phung por gtogs pa zhes bgyi'am/ ma gtogs pa zhes bgyi/ gsungs pa/ nyes pa phung por gtogs pa zhes bya'o/ / nongs pa khams su gtogs pa zhes bgyi'am/ khams su mi gtogs pa zhes bgyi/ gsungs pa/ nyes pa khams su gtogs pa zhes bya'o/ /nongs pa bzung ba zhes bgyi'am/ ma bzung ba zhes bgyi/ gsungs pa/ nyes pa ma bzung ba zhes bya'o/ /nongs pa lung bstan pa zhes bgyi'am/ lung ma bstan pa zhes bgyi/ gsungs pa/ nyes pa lung bstan pa zhes kyang bya/ lung ma bstan pa zhes kyang bya'o/ /lung bstan pa gang zhe na/ gang bcom ldan 'das kyis bslab pa bcas pa la bsams bzhin du 'da' bar byed pa ni lung bstan pa zhes bya'o/ /lung ma bstan pa gang zhe na/ gang bcom ldan 'das kyis bslab pa bcas pa la ma bsams par 'da' ba ni lung ma bstan pa zhes bya'o/ /nongs pa 'byung ba chen por lung bstan pa zhes bgyi'am/ 'byung ba chen por lung ma bstan pa zhes bgyi/ 13-1-202b gsungs pa/ nyes pa 'byung ba chen por lung bstan pa zhes bya'o/ /nongs pa kun du sbyor ba zhes bgyi'am/ mi sbyor ba zhes bgyi/ gsungs pa/ nyes pa kun du sbyor ba zhes bya'o/ /nongs pa bsgribs pa zhes bgyi'am/ ma bsgribs pa zhes bgyi/ nyes pa bsgribs pa zhes bya'o/ /nongs pa nyon mongs pa zhes bgyi'am/ nyon ma mongs pa zhes bgyi/ gsungs pa/ nyon mongs pa zhes kyang bya/ nyon ma mongs pa zhes kyang bya'o/ /nyon mongs pa gang zhe na/ gang sangs rgyas kyis bslab pa bcas pa la bsams bzhin du 'da' ba 'di ni nyon mongs pa'o/ /nyon ma mongs pa gang zhe na/ gang sangs rgyas kyis bslab pa bcas pa la ma bsams par 'da' ba 'di ni nyon ma mongs pa'o/ /nongs pa la zang zing du bcas pa zhes bgyi'am/ zang zing ma mchis pa zhes bgyi/ gsungs pa/ nyes pa la zang zing du bcas pa zhes bya'o/ /nongs pa chags pa la gnas pa zhes bgyi'am/ 'byung ba la gnas pa zhes bgyi/ gsungs pa/ nyes pa chags pa la gnas pa zhes bya'o/ /nongs pa dgrar bcas pa zhes bgyi'am/ dgrar ma bcas pa zhes bgyi/ gsungs pa/ dgrar bcas pa zhes bya'o/ /nongs pa dmigs pa zhes bgyi'am/mi dmigs pa zhes bgyi/ gsungs pa/ mi dmigs pa zhes bya'o/ /nongs pa sems zhes bgyi'am/ sems ma lags pa zhes bgyi/ gsungs pa/ nyes pa sems ma yin pa zhes bya'o/ /nongs pa rnam par smin pa zhes bgyi'am/ rnam par ma smin pa zhes bgyi/ gsungs pa/ rnam par smin pa zhes kyang bya/ ma smin pa zhes kyang bya'o/ /smin pa gang zhe na/ gang sangs rgyas kyis bslab pa bcas pa la bsams bzhin du 'das pa 'di ni smin pa zhes bya'o/ /ma smin pa gang zhe na/ gang sangs rgyas kyis bslab pa bcas pa la ma bsams par 'das pa 'di ni ma smin pa'o/ /nongs pa las zhes bgyi'am/ las ma lags pa zhes bgyi/ gsungs pa/ nyes pa las zhes bya'o/ /nongs pa nang gi skye mched du gtogs pa zhes bgyi'am/ phyi'i skye mched 13-1-203a du gtogs pa zhes bgyi/ gsungs pa/ phyi'i skye mched du gtogs pa zhes bya'o/ /nongs pa sngar 'das pa zhes bgyi'am/ ma 'ongs pa zhes bgyi'am/ da ltar byung ba zhes bgyi/ gsungs pa/ nyes pa sngar 'das pa zhes kyang bya/ ma 'ongs pa zhes kyang bya/ da ltar byung ba zhes kyang bya'o/ /sngar 'das pa gang zhe na/ nyes pa byung nas bshags shing slar byas pa ni nyes pa de las langs pa ste/ de ni sngar 'das pa zhes kyang bya'o/ /ma 'ongs pa gang zhe na/ nyes pa ma byung mod kyi nges par 'byung ba de ni ma 'ongs pa zhes kyang bya'o/ /da ltar gyi gang zhe na/ nyes pa byung ba de ni da ltar gyi'o/ /nongs pa dge ba zhes bgyi'am/ mi dge ba zhes bgyi'am/ lung mi ston pa zhes bgyi/ gsungs pa/ nyes pa mi dge ba zhes kyang bya/ lung du mi ston pa zhes kyang bya'o/ /mi dge ba gang zhe na/ gang sangs rgyas kyis bslab pa bcas pa la shes bzhin du 'das pa 'di ni mi dge ba'o/ /lung du ma bstan pa gang zhe na/ gang sangs rgyas kyis bslab pa bcas pa la ma bsams bzhin du 'da' ba de ni lung du ma bstan pa'o/ /nongs pa 'dod pa'i khams su gtogs pa zhes bgyi'am/ gzugs kyi khams su gtogs pa zhes bgyi'am/ gzugs med pa'i khams su gtogs pa zhes bgyi/ gsungs pa/ nyes pa ni 'dod pa'i khams su gtogs pa zhes bya'o/ /nongs pa slob pa zhes bgyi'am/ mi slob pa zhes bgyi'am/ slob pa'ang ma lags/ mi slob pa'ang ma lags zhes bgyi/ gsungs pa/ nyes pa slob pa yang ma yin mi slob pa yang ma yin pa zhes bya'o/ /nongs pa mthong bas spang ba zhes bgyi'am/ bsgoms pas sprang ba zhes bgyi/ gsungs pa/ bsgoms pas spang ba zhes bya'o/ /nongs pa lus las byung ba zhes bgyi'am/ ngag las byung ba zhes bgyi'am/ sems las byung ba zhes bgyi/ gsungs pa/ nyes pa lus las byung ba yang yod/ ngag las byung ba yang yod/ sems las byung ba yang yod/ de lus las byung ba gang zhe na/ mi tshangs par spyod par byed pa dang / 13-1-203b ma byin pa len par byed pa dang / mi'i 'tsho ba dang bral bar byed pa dang / bsams bzhin khu ba 'byin pa dang / lus kyis reg par byed pa dang / rtswa sngon po gcod pa dang / phyi dro za ba dang / btung ba chang 'thung ba ni lus las byung ba'o/ /ngag las byung ba gang zhe na/ gang med la kun med bzhin du dkyil 'khor bla mar gyur pa'i chos su bdag nyid smra ba dang / bud med de la nyes pa sbom po'i tshig smra ba dang / bud med kyi mdun du bdag gis lus kyi kun spyad pa'i yon tan brjod pa dang / bud med la tshig lnga'am drug las lhag par chos ston pa ste/ 'di ni ngag las byung ba'o/ /sems las byung ba gang zhe na/ de 'di ltar dge slong gcig pu dgon pa na gnas na de de na gso sbyin la sems mi skyed/ tshig tu yang mi smra/ de'i sems las byung ba'i nyes pa ma dag pa ste/ 'on kyang 'di skad ces smra'o/ /sems las byung ba'i nyes pa dag med kyi 'on kyang 'di ni dge ba'i rtsa ba mi sbyor ba'o/ /gang gi dngos po las nongs par 'gyur ba de la rtun te ma bgyis na nyes par 'gyur la/dngos po de nyid la rtun te bgyis kyang nongs par mi 'gyur ba mchis sam/ gsungs pa/ dngos po rtun te ma byas na nyes par 'gyur la rtun te byas na nyes par mi 'gyur ba yod do/ /gang zhe na/ gang dngos po de la rtun te ma byas na/ nyes par 'gyur ba ni 'di lta ste/ dge slong gtan pa ma bting bar chos gos ci 'dod pa 'chang ste sbyar ma med par grong du 'jug pa dang / mgron du ma bos par grong du 'jug pa dang / 'dus shing za ba dang / yang yang za ba ni nyes pa'o/ /gang dngos po de nyid la rtun te byas kyang nongs pa mi 'gyur ba gang zhe na/ 'di lta ste/ dge slong gtan pa bting la chos gos ci 'dod pa 'chang ste/ sbyar ma med par grong du 'jug pa dang / mgron du ma bos par grong du 'jug pa dang / yang yang za ba dang / 'dus shing za ba la nyes pa med do/ /de ltar na dngos po gang la rtun te byas na nyes par 'gyur ba'i dngos po de nyid la rtun te byas kyang nyes par mi 'gyur ro/ /las bgyis na nongs par 'gyur ba'i las de nyid bgyis kyang 13-1-204a nongs par 'gyur ba mchis sam/ gsungs pa las byas na nyes par 'gyur ba'i las de nyid byas pa las nyes par mi 'gyur ba yang yod do/ /las gang byas pa las nyes par 'gyur ba'i las de nyid byas kyang nyes par mi 'gyur ba gang zhe na/ dge slong rnams kyis dge slong ma mthong ngo zhes nas spangs pa dang / slar las mi byed pa dang / sdig pa la lta ba mi gtong ste spangs pa las de dag dge slong rnams la 'byung bar gsol/ spu snyol bar byed pa las mtshams kyi phyi rol du 'byin na nyes par 'gyur ro/ /las de nyid byas pa nyes par mi 'gyur ba gang zhe na/ 'di lta ste/ dge slong rnams kyis dge slong ma mthong ngo zhes nas spangs pa dang / slar las mi byed pa dang / sdig pa la lta ba mi gtong ba spangs pa las de nyid kyis dge slong rnams la 'byung bar gsol/ spu snyol bar byed thal mo sbyar te phyag 'tshal bar ston pa de mtshams kyi nang na phyung na nyes pa med do/ /de ltar na gang las byas pa las nyes par 'gyur ba'i las de nyid byas kyang nyes pa med do/ /las de 'tshal kyang nongs par yang 'gyur/ las de nyid 'tshal na nongs par mi 'gyur ba mchis sam/ gsungs pa/ las de shes las nyes par 'gyur ba dang / las de nyid shes la nyes par mi 'gyur ba yod do/ /ji ltar na las gang 'tshal la nongs par 'gyur la/ las de nyid 'tshal la nongs par mi 'gyur ba lags/ de 'di ltar dge slong rnams kyis dge slong ma mthong ngo zhes nas spangs pa dang / slar las mi byed pa dang / sdig pa las lta ba mi gtong bas spangs pa de dge slong rnams la 'byung bar gsol/ spu snyol bar byed/ thal mo sbyar te phyag 'tshal bar ston pa mtshams kyi phyi rol du phyung nas/ dge slong rnams de la 'dus par byed/ lhan cig gnas/ gnas khang gcig na lhan cig tu nyal bar byed pa dang / dge slong gzhan dag gis smras pa/ kye tshe dang ldan pa dag dge slong 'di ni dge 'dun 'dus pas chos bzhin ma mthong ngo zhes spangs na/ dge slong de la dge slong rnams rjes su 'jug gam zhes smras pa dang / 13-1-204b de dag 'di skad ces smra'o/ /de ni bden te dge slong 'di ni dbyung bar gsol/ spu snyol bar byed/ thal mo sbyar te phyag 'tshal bar ston nas phyung ngo / /gang du mtshams kyi phyi rol du'o zhes smra ba ni nyes pa byung ba'o/ /'di ltar yang dge slong rnams kyis dge slong ma mthong ngo zhes nas spangs pa dang / slar mi byed pa dang / sdig pa la lta ba slar mi gtong nas spangs te/ dge slong rnams la dbyung bar gsol/ spu snyol bar byed/ thal mo sbyar te phyag 'tshal bar ston nas mtshams kyi nang du phyung ste/ de la dge slong rnams de dang 'dus par byed/ lhan cig tu gnas/ gnas khang gcig na lhan cig tu nyal bar byed pa dang / dge slong gzhan dag gis smras pa/ kye tshe dang ldan pa dag dge slong 'di ni dge 'dun 'dus pas chos bzhin ma mthong ngo zhes spangs na/ dge slong rnams dge slong de'i rjes su 'jug gam zhes smras pa dang / de dag 'di skad smra'o/ /de ni bden te dge slong 'di dbyung bar gsol/ spu snyol bar byed/ de thal mo sbyar cing phyag 'tshal bar ston nas phyung ngo / /gang du mtshams kyi nang du'o zhes zer na nyes pa med pa'o/ /de ltar na las shes la nyes par 'gyur ba dang / las de nyid shes la nyes par mi 'gyur ba'o/ /bdag gi yi dam las nongs pa dang gzhan gyi yi dam las nongs par 'gyur ba mchis sam/ gsungs pa/ bdag gi yi dam las nyes pa dang / gzhan gyi yi dam las nyes par 'gyur ba yod do/ /ji ltar na bdag gi yi dam las nongs pa lags/ de 'di ltar dge slong gis nyes pa'i phung po lnga'i nang nas gang yang rung ba'i nyes pa byung nas rang nyid kyis shes pa ni nyes pa'o/ /gzhan gyi yi dam las nongs pa gang lags/ ji ltar yang dge slong gis nyes pa'i phung po lnga'i nang nas gang yang rung ba'i nyes pa byung ba las/ dad pa'i dge bsnyen gyi tshig bzhin nyes pa de chos bzhin du byed pa'o/ /de ltar na rang gi yi dam las nyes pa dang / gzhan gyi yi dam las nyes pa'o/ /dran pa las nongs par 'gyur ba dang / mi dran pa las nongs par 'gyur ba mchis sam/ 13-1-205a gsungs pa yod do ji ltar na dran pa las nongs pa lags/ de 'di ltar dge slong nyes pa'i phung po lnga'i nang nas gang yang rung ba'i nyes pa byung bar dran pa de ni dran pa'i nyes pa'o/ /ji ltar na mi dran pa las nongs pa lags/ de 'di ltar dge slong nyes pa'i phung po lnga'i nang nas gang yang rung ba'i nyes pa byung ba de mi dran te/ des cung zad mi dran du zin kyang de nyes par 'gyur ro/ /de ltar dran na yang nyes pa yin la/ mi dran kyang nyes pa'o/ /mngon sum du gyur pa las nongs pa dang / mngon sum du ma gyur pa las nongs pa mchis sam/ gsungs pa yod do/ /ji ltar na mngon sum du gyur pa las nongs pa lags/ de 'di ltar dge slong gis nyes pa'i phung po lnga'i nang nas gang yang rung ba'i nyes pa byung ba de ni mngon sum du gyur pa'i nyes pa'o/ /ji ltar na mngon sum du ma gyur pa'i nongs pa lags/ de 'di ltar dge slong gis nyes pa'i phung po lnga'i nang nas gang yang rung ba'i nyes pa ma byung yang 'byung bar gdon mi za ba'o/ /de lta bu ni mngon sum du ma gyur kyang nyes pa dang / mngon sum du gyur kyang nyes pa'o/ /dngos po gang gis mi gnas pa dang / dngos po de nyid kyis so sor gnas par 'gyur ba mchis sam/ gsungs pa yod do/ /de 'di ltar dge slong rnams kyis dge slong ma mthong ngo zhes nas spangs pa dang / slar las mi byed pa dang / sdig pa la lta ba slar mi gtong ste spangs pa de ni dngos po gang gis mi gnas pa dang / dngos po de nyid kyis so sor gnas pa'o/ /las gang bgyis pas mi gnas pa dang / las de nyid bgyis pas so sor gnas par 'gyur ba mchis sam/ gsungs pa/ las gang byas pas mi gnas pa dang / las de nyid byas pas so sor gnas pa yod de/ ji ltar na las gang byas pas mi gnas shing las de nyid byas pas so sor gnas pa lags/ de 'di ltar dge slong rnams kyis dge slong de ma mthong ngo zhes nas spangs pa dang / slar las mi byed pa dang / sdig pa la lta ba slar mi gtong nas spangs pa de lta bu ni las gang byas pas mi gnas pa'i las 13-1-205b de nyid byas kyang so sor gnas pa'o/ /las gang 'tshal na mi gnas par 'gyur ba dang / las de nyid 'tshal na so sor gnas par 'gyur ba mchis sam/ gsungs pa/ las gang shes nas mi gnas pa dang / las de nyid shes kyang so sor gnas par 'gyur ba yod de/ ji ltar las gang 'tshal kyang mi gnas pa dang / las de nyid 'tshal na so sor gnas par 'gyur ba lags/ de 'di ltar dge slong rnams kyis dge slong ma mthong ngo zhes nas spangs pa dang / slar mi byed pa dang / sdig pa la lta ba mi gtong ba'i phyir ma spangs pa de lta bu ni las gang shes kyang mi gnas pa dang / las de nyid shes kyang so sor gnas pa'o/ /rang gi yi dam gyis mi gnas pa dang / rang gi yi dam gyis so sor gnas par 'gyur ba mchis sam/ gsungs pa/ rang gi yi dam gyis mi gnas pa dang / rang gi yi dam gyis so sor gnas par 'gyur ba yod do/ /ji ltar na rang gi yi dam gyis mi gnas pa dang / rang gi yi dam gyis so sor gnas par 'gyur ba lags/ de 'di ltar dge slong rnams kyis dge slong ma mthong zhes pa'i phyir spangs pa dang / slar mi byed pa dang / sdig pa la lta ba slar mi gtong bas spangs pa de lta bu ni rang gi yi dam gyis mi gnas pa dang / rang gi yi dam gyis so sor gnas pa'o/ /gzhan gyi yi dam las mi gnas pa dang / gzhan gyi yi dam las so sor gnas par 'gyur ba mchis sam/ bka' stsal pa/ gzhan gyi yi dam las mi gnas pa dang / gzhan gyi yi dam las so sor gnas pa yod de/ ji ltar na gzhan gyi yi dam las mi gnas pa dang / gzhan gyi yi dam las so sor gnas par 'gyur ba lags/ de 'di ltar dge slong rnams kyis dge bsnyen dad pa'i tshig bzhin dge slong de ma mthong ngo zhes nas spangs pa dang / slar las mi byed pa dang / sdig pa la lta ba slar mi gtong ba'i phyir spangs pa de lta bu ni gzhan gyi yi dam las mi gnas pa dang / gzhan gyi yi dam las so sor gnas pa'o/ /dran kyang mi gnas pa dang / dran kyang so sor gnas par 'gyur ba mchis sam/ bka' stsal pa/ 13-1-206a dran kyang mi gnas pa dang / dran kyang so sor gnas pa yod do/ /ji ltar na dran kyang mi gnas pa dang / dran kyang so sor gnas par 'gyur ba lags/ de 'di ltar dge slong rnams kyis dge slong ma mthong ngo zhes nas spangs pa dang / slar las mi byed pa dang / sdig pa la lta ba slar mi gtong ba'i phyir spangs pa de lta bu ni dran kyang mi gnas pa dang / dran kyang so sor gnas par 'gyur ba'o/ /mi dran kyang mi gnas pa dang / /mi dran kyang so sor gnas par 'gyur bar mchis sam/ bka' s+cal pa/ mi dran kyang mi gnas pa dang / mi dran kyang so sor gnas par 'gyur ba yod de/ de 'di ltar dge slong rnams kyis dge slong ma mthong zhes nas spangs pa dang / slar las mi byed pa dang / sdig pa la lta ba slar mi gtong ba'i phyir spangs pa de lta bu ni mi dran kyang mi gnas pa dang / mi dran kyang so sor gnas pa'o/ / mngon sum du gyur pa la mi gnas pa dang / mngon sum du gyur pa la so sor gnas par 'gyur ba mchis sam/ bka' stsal pa/ mngon sum du gyur pa la mi gnas pa dang / mngon sum du gyur pa la so sor gnas pa yod do/ /ji ltar na mngon sum du gyur pa las mi gnas pa la sogs pa lags/ de 'di ltar dge slong rnams kyis dge slong ma mthong zhes nas spangs pa dang / slar las mi byed pa dang / sdig pa la lta ba mi gtong ba'i phyir spangs pa de lta bu ni mngon sum du gyur pa las mi gnas pa dang / mngon sum du gyur pa las so sor gnas pa'o/ /mngon sum du ma gyur kyang mi gnas pa dang / mngon sum du ma gyur kyang so sor gnas pa mchis sam/ gsungs pa yod do/ /ji ltar na mngon sum du ma gyur kyang mi gnas pa dang / mngon sum du ma gyur kyang so sor gnas pa lags/ de 'di ltar dge slong rnams kyis dge slong gis ma mthong zhes nas spangs pa dang / slar las mi byed pa dang / sdig pa la lta ba slar mi gtong ba'i phyir spangs pa de lta bu ni mngon sum du ma gyur kyang mi gnas pa dang / mngon sum du ma gyur kyang so sor gnas pa'o/ / 13-1-206b dngos po gang gi phyir dge 'dun gyis las bgyi ba dngos po de mang po'am/ gnyis sam/ gcig gis bgyi ba mchis sam/ gsungs pa/ dngos po gang gi phyir dge 'dun gyis las bgyi ba'i dngos po de mang po'am/ gnyis sam/ gcig gis bya ba yang yod do/ / ji ltar na dngos po gcig gis dge 'dun gyi las bgyi ba'i dngos po de mang po'am/ gnyis sam/ gcig gis bgyi bar 'gyur lags/ de 'di ltar dge slong ma rnams kyis dge slong la phyag mi 'tshal bar bcas pa dang / gtam mi smra bar bcas pa dang / longs spyod mi gcig par bcas nas bsgos pa ste/ de lta bu ni dngos po gang gi phyir dge 'dun gyis las bya ba'i phyir dngos po de mang po'am/ gnyis sam/ gcig gis kyang bya'o/ /las gang dge 'dun gyis las su bgyi ba'i las de mang po'am/ gnyis sam/ gcig gis kyang de bzhin pa mchis sam/ gsungs pa yod do/ /ji ltar snga ma bzhin du dge slong ma rnams kyis dge slong la phyag mi 'tshal bar bcas pa dang / gtam mi smra bar bcas pa dang / longs spyod mi gcig par bcas nas bsgos pa ste/ de ltar na las gang dge 'dun gyis las su bya ba'i las de mang po'am/ gnyis sam/ gcig gis kyang de bzhin no/ /las 'tshal bzhin du dge 'dun gyis bgyid pa'i las de nyid 'tshal na gnyis sam/ gcig gis kyang de bzhin pa mchis sam/ gsungs pa/ las gang shes bzhin du dge 'dun gyis bya ba'i las de nyid kyis shes kyang mang po'am/ gnyis sam/ gcig gis bya ba yang yod do/ /ji ltar na las 'tshal bzhin du dge 'dun gyis bgyid pa'i las de nyid 'tshal na mang po'am/ gnyis sam/ gcig gis bgyi ba lags/ de 'di ltar dge slong la/ dge slong rnams kyis phyag mi 'tshal bar bcas pa dang / gtam mi smra bar bcas pa dang / longs spyod mi gcig par bcas nas bsgos pa de lta bu ni gang shes bzhin du dge 'dun gyis bya ba'i las de nyid shes kyang mang po'am/ gnyis sam/ gcig gis kyang de bzhin no/ /rang gi 13-1-207a yi dam bzhin dge 'dun las mdzad na rang gi yi dam bzhin mang po'am/ gnyis sam/ gcig gis de bzhin du 'gyur ba mchis sam/ gsungs pa/ rang gi yi dam bzhin dge 'dun las byed na'ang rang gi yi dam bzhin mang po'am/ gnyis sam/ gcig gis bya ba yang yod do/ /ji ltar na rang gi yi dam bzhin dge 'dun las mdzad pa/ rang gi yi dam bzhin mang po'am gnyis sam gcig gis bgyi ba lags/ de 'di ltar dge slong la dge slong rnams kyis phyag mi bya ba la bcas pa dang / gtam mi smra bar bcas pa dang / longs spyod mi gcig par bcas nas bsgos pa de lta bu ni rang gi yi dam bzhin dge 'dun las byed na'ang rang gi yi dam bzhin mang po'am/ gnyis sam/ gcig gis kyang de bzhin no/ /gzhan gyi yi dam gyis kyang dge 'dun las mdzad na gzhan gyi yi dam gyis mang po'am/ gnyis sam/ gcig gis kyang de bzhin du 'gyur ba mchis sam/ gsungs pa yod de/ de 'di ltar dge slong la dge slong rnams kyis phyag mi bya bar bcas pa dang / gtam mi smra bar bcas pa dang / longs spyod mi gcig par bcas nas bsgos pa de lta bu ni gzhan gyi yi dam gyis kyang dge 'dun las byed na/ gzhan gyi yi dam gyis mang po'am/ gnyis sam/ gcig gis kyang snga ma bzhin no/ /dran bzhin du'ang dge 'dun gyis las mdzad na/ dran bzhin du'ang mang po'am/ gnyis sam/ gcig gis kyang de bzhin du 'gyur ba ma mchis sam/ bka' stsal pa/ dran bzhin du'ang dge 'dun gyis las byed na'ang dran bzhin du mang po'am/ gnyis sam/ gcig gis kyang de bzhin du 'gyur ba yod do/ /de 'di ltar dge slong la dge slong rnams kyis phyag mi bya bar bcas pa dang / gtam mi smra bar bcas pa dang / longs spyod mi gcig par bcas nas bsgos pa de lta bu ni dran bzhin du'ang dge 'dun gyis las byed na/ dran bzhin du'ang mang po'am/ gnyis sam/ gcig gis kyang snga ma bzhin no/ /mi dran pa las kyang 13-1-207b mchis sam/ snga ma bzhin te mi dran kyang mang po'am/ gnyis sam/ gcig zhes bya ba'i bar du de bzhin no/ /mngon sum du gyur kyang dge 'dun gyis las mdzad na/ mngon sum du gyur kyang mang po'am/ gnyis sam/ gcig gis kyang de bzhin du 'gyur ba mchis sam/ gsungs pa/ mngon sum du gyur kyang mang po'am/ gnyis sam/ gcig gis de bzhin du 'gyur ba yod de/ de 'di ltar dge slong la dge slong rnams kyis phyag mi bya bar bcas pa dang / gtam mi smra bar bcas pa dang / longs spyod mi gcig par bcas nas bsgos pa de lta bu ni mngon sum du gyur kyang dge 'dun gyis las byed na/ mngon sum du gyur kyang mang po'am/ gnyis sam/ gcig gis snga ma bzhin no/ /mngon sum du ma gyur kyang dge 'dun gyis las bgyis na mngon sum du ma gyur kyang de bzhin du 'gyur ba mchis sam/ gsungs pa yod de/ de 'di ltar dge slong la dge slong rnams kyis kyang phyag mi bya bar bcas pa dang / gtam mi smra bar bcas pa dang / longs spyod mi gcig par bcas nas bsgos pa de lta bu ni mngon sum du ma gyur kyang dge 'dun gyis las byed na mngon sum du ma gyur kyang mang po'am/ gnyis sam/ gcig gis kyang snga ma bzhin no/ /sma dbab pa'i las bsdigs pa dang / smad pa dang / bskrad pa dang / slar bsdum pa bzhi ste/ bsdigs pa'i las su rigs pa las smad pa dang / bskrad pa dang / slar bsdum pa'i las bgyis na/ bgyis pa zhes bgyi'am/ bcom ldan 'das kyis bka' stsal pa/ don gang gis dbang du bya ba gsum po des sam/ lnga po des byas na byas pa zhes bya'o/ /de ste mdo sde'i dbang gis byed na ma byas pa zhes bya'o/ /de ci'i phyir zhe na/ bsdigs pa'ang gzhan smad pa'ang gzhan/ bskrad pa'ang gzhan/ slar bsdum pa'ang gzhan pa'i phyir ro/ /btsun pa smad pa'i las su rigs pa las bskrad pa dang / slar bsdum pa dang / bsdigs pa'i las bgyis na bgyis pa zhes bgyi'am/ bcom ldan 'das kyis bka' 13-1-208a stsal pa/don gang gi dbang du byas pa gsum po des sam/ lnga po des byas na byas pa zhes bya'o/ /de ste mdo sde'i dbang gis byed na ma byas pa zhes bya'o/ /de ci'i phyir zhe na/ smad pa'ang gzhan/ bskrad pa'ang gzhan/ slar bsdum pa'ang gzhan/ bsdigs pa'ang gzhan pa'i phyir ro/ /btsun pa bskrad pa'i las su rigs pa las slar bsdum pa dang / bsdigs pa dang / smad pa'i las bgyis na bgyis pa zhes bgyi'am/ bcom ldan 'das kyis bka' stsal pa/ don gang gi dbang du byas pa gsum po des sam/ lnga po des byas na byas pa zhes bya'o/ /de ste mdo sde'i dbang gis byas na/ ma byas pa zhes bya'o/ /de ci'i phyir zhe na/ bskrad pa 'ang gzhan/ slar bsdum pa'ang gzhan/ bsdigs pa'ang gzhan/ smad pa'ang gzhan pa'i phyir ro/ /btsun pa slar bsdum pa'i las su rigs pa las bsdigs pa dang / smad pa dang / bskrad pa'i las bgyis na bgyis pa zhes bgyi'am/ bcom ldan 'das kyis bka' stsal pa/ don gang gi dbang du byas pa gsum po des sam/ lnga po des byas na byas pa zhes bya'o/ /de ste mdo sde'i dbang gis byas na ma byas pa zhes bya'o/ /de ci'i phyir zhe na/ slar bsdum pa'ang gzhan/ bsdigs pa la sogs pa yang gzhan gyi phyir ro/ /dngos po gang gis bskrad pa'i las su bgyi ba'i dngos po des smad pa dang / bsdigs pa dang / slar bsdum par rung ngam/ bcom ldan 'das kyis bka' stsal pa/ de'i don gyi dbang du byas na rung ngo / /dngos po gang gis smad pa'i las su bgyi ba'i dngos po des bskrad pa dang / bsdigs pa dang / slar bsdum par rung ngam/ bcom ldan 'das kyis bka' stsal pa/ de'i don gyi dbang du byas na rung ngo / / dngos po gang gis bsdigs pa'i las su bgyi ba'i dngos po des slar bsdum pa dang / bskrad pa dang / smad par rung ngam/ bcom ldan 'das kyis bka' stsal pa/ de'i don gyi dbang du byas na rung ngo / /dngos po gang gis slar bsdum pa'i las su bgyi ba'i dngos po 13-1-208b des bskrad pa dang / bsdigs pa dang / smad par rung ngam/ bcom ldan 'das kyis bka' stsal pa/ de'i don gyi dbang du byas na rung ngo / /dngos po gang gis lhag ma med pa'i nongs par 'gyur ba'i dngos po des lhag ma dang bcas par 'gyur ba mchis sam/ bcom ldan 'das kyis bka' stsal pa/ yod de/ 'di ltar dge slong ma thun mong ma yin pa'i phas pham pa bzhi byas na lhag ma med par 'gyur ro/ /dge slong la ni lhag ma dang bcas par 'gyur ro/ /dngos po gang gis phas pham pa'i dngos po gang gis nongs par 'gyur ba'i dngos po des dge 'dun gyi lhag mar 'gyur ba mchis sam/ bcom ldan 'das kyis bka' stsal pa/ yod de/ dge slong ma la ni lus kyis reg par spyad pas phas pham par 'gyur ro/ /dge slong la dge 'dun gyi lhag mar 'gyur ro/ /dngos po gang gis phas pham pa'i nongs par 'gyur ba'i dngos po des ltung bar 'gyur ba mchis sam/ bcom ldan 'das kyis bka' stsal pa/ yod de/ dge slong mas shes bzhin du dge slong ma'i nyes pa sbom po'i nyes pa skya rengs byung gi bar du bcabs na phas pham par 'gyur ro/ /dge slong dag gis dge slong gi bcabs na ltung bar 'gyur ro/ /dngos po gang gis phas pham par 'gyur ba'i dngos po des nyes byas su 'gyur ba mchis sam/ bcom ldan 'das kyis bka' stsal pa/ yod de/ dge slong mas 'di ltar dge 'dun 'dus pas chos bzhin du dge slong pha ma mthong ngo zhes nas spangs pa'i rjes su zhugs pa de la dge 'dun gyi nang du lan gsum gyi bar du bsgo yang mi gtong na mo la ni phas pham par 'gyur ro/ /dge slong gis bsgos te ma btang na nyes byas su 'gyur ro/ /dngos po gang gis dge 'dun gyi lhag mar 'gyur la/ dngos po de nyid ltung bar 'gyur ba mchis sam/ bcom ldan 'das kyis bka' stsal pa/ yod de/ dge slong gis bsams bzhin du khu ba phyung na dge 'dun gyi lhag mar 'gyur ro/ /dge slong mas phyung na ltung bar 'gyur ro/ /dngos po gang gis dge 13-1-209a 'dun gyi lhag mar 'gyur la dngos po de nyid kyis nyes byas su 'gyur ba mchis sam/ bcom ldan 'das kyis bka' stsal pa/ yod de/ dge slong ma dus ma yin par don gyi phyir phyi rol du byung na dge 'dun gyi lhag mar 'gyur ro/ /dge slong la ni nyes byas su 'gyur ro/ /gang gi dngos pos ltung bar 'gyur la/ de'i dngos pos so sor bshags par 'gyur ba mchis sam/ bcom ldan 'das kyis bka' stsal pa/ yod de/ dge slong gis nye du ma yin pa las bsod pa'i zas blangs na ltung bar 'gyur ro/ /dge slong mas blangs na so sor bshags par 'gyur ro/ /gang gis dngos pos ltung bar 'gyur la/ de'i dngos po de nyid kyis nyes byas su 'gyur ba mchis sam/ bcom ldan 'das kyis bka' stsal pa/ yod de/ dge slong mas rtswa sngon po'i steng du bshang gci byas na ltung bar 'gyur ro/ /dge slong gis byas na nyes byas su 'gyur ro/ /dngos po gang gis so sor bshags par 'gyur la/ de'i dngos po de nyid kyis nyes byas su 'gyur ba mchis sam/ bcom ldan 'das kyis bka' stsal pa/ yod de/ dam bcas pa'i slob pa'i rigs pa las/ bdag gis lag gis dar te/ bza' ba dang bca' ba dag blangs na so sor bshags par 'gyur ro/ /dge slong mas blangs na nyes byas su 'gyur ro/ /rkun gnas su yi dam 'cha' bzhin bsnyen par ma rdzogs na yang bsnyen par rdzogs par mi bgyi ba dang / bsnyen par rdzogs na yang slar dbyung ba dang bsnyen par ma rdzogs na yang bsnyen par rdzogs par bgyi ba dang / bsnyen par rdzogs pa la mi dbyung bar mchis sam/ bcom ldan 'das kyis bka' stsal pa/ lan gnyis sam lan gsum gyi bar du gso sbyong mngon du myong na de bsnyen par ma rdzogs na bsnyen par rdzogs par mi bya/ bsnyen par rdzogs na yang slar dbyung bar bya/ gang zhig gis gso sbyong lan gcig myong na de bsnyen par ma rdzogs na yang bsnyen par rdzogs par bya/ bsnyen par rdzogs na yang dbyung bar mi bya'o/ /dge slong ma sun phyung ba yi 13-1-209b dam 'cha' bzhin du bsnyen par ma rdzogs na yang bsnyen par rdzogs par mi bgyi ba dang / bsnyen par rdzogs na yang slar dbyung ba dang / bsnyen par ma rdzogs pa na yang bsnyen par rdzogs par bgyi ba dang / bsnyen par rdzogs na yang mi dbyung bar mchis sam/ bcom ldan 'das kyis bka' stsal pa/ yod de/ mi tshangs par spyod pa dag gis dge slong ma sun phyung bar gyur pa de ni bsnyen par ma rdzogs na yang bsnyen par rdzogs par mi bya/ bsnyen par rdzogs na yang slar dbyung bar bya/ gang gis lus kyis reg pas dge slong ma sun phyung ba de ni bsnyen par ma rdzogs na yang bsnyen par rdzogs par bya/ bsnyen par rdzogs na yang slar mi dbyung bar bya'o/ /dge 'dun gyi dbyen byas par yi dam 'cha' bzhin bsnyen par ma rdzogs na yang bsnyen par rdzogs par mi bgyid bsnyen par rdzogs na yang slar dbyung ba dang / bsnyen par ma rdzogs na yang bsnyen par rdzogs par bgyi ba dang / bsnyen par rdzogs na yang slar mi dbyung bar mchis sam/ bcom ldan 'das kyis bka' stsal pa/ yod de/ gang chos ma yin pa la chos ma yin par 'du shes pa dang / dbyen kyang chos ma yin par mthong bzhin dge 'dun phye bar gyur pa dang / chos ma yin pa la chos su 'du shes shing dbyen chos ma yin par mthong bzhin dge 'dun phye bar gyur pa dang / chos ma yin pa la the tshom du gyur cing dbyen yang chos ma yin par mthong bzhin dge 'dun phye bar gyur pa de bsnyen par ma rdzogs na bsnyen par rdzogs par mi bya/ bsnyen par rdzogs na yang slar dbyung bar bya/ gang gis chos ma yin pa la chos su 'du shes bzhin dge 'dun gyi dbyen du gyur cing dbyen la'ang chos bzhin mthong na de bsnyen par ma rdzogs na yang bsnyen par rdzogs par bya/ bsnyen par rdzogs na yang mi dbyung bar bya'o/ /ma bsad par khas len bzhin du bsnyen par ma rdzogs na yang bsnyen par rdzogs par mi bgyi ba dang / bsnyen par rdzogs na yang slar dbyung bar bgyi ba dang / bsnyen par ma rdzogs na yang bsnyen par rdzogs par bgyi ba dang / 13-1-210a bsnyen par rdzogs na yang mi dbyung ba mchis sam/ bcom ldan 'das kyis bka' stsal pa/ yod de/ gang rang gi lag gis bsams bzhin ma'i 'tsho ba dang phral bar gyur pa de ni bsnyen par ma rdzogs na bsnyen par rdzogs par mi bya/ bsnyen par rdzogs na yang slar dbyung bar bya'o/ /gang gis gzhan gyi 'du shes pas ma'i 'tsho ba dang phral bar gyur pa de ni bsnyen par ma rdzogs na yang bsnyen par rdzogs par bgyis shig /bsnyen par rdzogs na yang slar ma dbyung shig /de bzhin du pha dang / dgra bcom pa dang / nyan thos kyang ngo / /btsun pa ci dge slong dge ba'i sems kyis ma 'tsho ba dang phral lam/ 'on te mi dge ba'i sems sam/ 'on te lung du mi ston pa'i sems kyis ma'i srog gcod/ bcom ldan 'das kyis bka' stsal pa/ u pA li dge slong dge ba'i sems dang / mi dge ba'i sems dang / lung du mi ston pa'i sems kyis kyang ma'i 'tsho ba dang bral bar byed do/ /btsun pa ci dge slong dge ba'i sems kyis ma 'tsho ba dang phral na phas pham pa'i nongs par 'gyur zhing mtshams med pa'i las su yang 'gyur ba mchis sam/ bcom ldan 'das kyis bka' stsal pa/ u pA li dge slong mi dge ba'i sems kyis ma 'tsho ba dang phral na phas pham pa'i nyes par yang 'gyur la mtshams med pa'i las su yang 'gyur ro/ /dge ba'i sems kyis ma 'tsho ba dang phral na phas pham par mi 'gyur zhing mtshams med pa'i las su mi 'gyur ba yang yod do/ /btsun pa ci dge slong gis mi dge ba'i sems kyis ma 'tsho ba dang phral na phas pham par yang 'gyur la mtshams med pa'i las su yang 'gyur ram/ mi dge ba'i sems kyis ma 'tsho ba dang phral na phas pham par mi 'gyur la/ mtshams med pa'i las su mi 'gyur ba mchis sam/ bcom ldan 'das kyis bka' stsal pa/ u pA li mi dge ba'i sems kyis ma 'tsho ba dang phral na phas pham par yang 'gyur la mtshams med pa'i las su yang 'gyur ro/ /mi dge ba'i sems 13-1-210b kyis ma 'tsho ba dang phral na phas pham par yang mi 'gyur la mtshams med pa'i las su mi 'gyur ba yang yod do/ /btsun pa ci dge slong lung mi ston pa'i sems kyis ma 'tsho ba dang phral na phas pham par yang 'gyur la mtshams med pa'i las su 'gyur ba mchis sam/ lung du mi ston pa'i sems kyis ma 'tsho ba dang phral na phas pham par yang mi 'gyur la mtshams med pa'i las su yang mi 'gyur ba mchis sam/ bcom ldan 'das kyis bka' stsal pa/ u pA li dge slong lung du mi ston pa'i sems kyis ma 'tsho ba dang phral na phas pham par yang 'gyur la mtshams med pa'i las su yang 'gyur ro/ /lung du mi ston pa'i sems kyis ma 'tsho ba dang phral na phas pham par yang mi 'gyur la mtshams med pa'i las su yang mi 'gyur ro/ /btsun pa ji ltar dge slong gis dge ba'i sems kyis ma 'tsho ba dang phral na phas pham pa'i nongs par yang 'gyur la/ mtshams med pa'i las su yang 'gyur/ ji ltar na dge slong dge ba'i sems kyis ma 'tsho ba dang phral na phas pham pa'i nongs par yang mi 'gyur la mtshams med pa'i las su yang mi 'gyur ba lags/ bka' stsal pa/u pA li 'di ltar dge slong gis ma zhig nad bu can yun ring zhig nas mi bde sdug bsngal gyis drag tu gzir zhing gnod pa cher 'gyur ba myong ba des de lta bu'i rkyen gyis ma 'tsho ba dang phral na phas pham pa'i nyes par yang 'gyur la/ mtshams med pa'i las su yang 'gyur ro/ /'di ltar dge slong des ma na ba la 'bras chan dang / nas thug dang / khu ba dang / sha dang / ri dgas kyi sha byin pa las/ de yang de'i rkyen gyis dus 'das na de de la phas pham pa'i nyes par mi 'gyur zhing mtshams med pa'i las su yang mi 'gyur ro/ /de ltar na dge slong dge ba'i sems kyis ma 'tsho ba dang phral na phas pham pa'i nyes par yang 'gyur la de mtshams med pa'i las su 'gyur la/ de ltar na dge slong dge ba'i sems kyis ma 'tsho ba dang phral na phas pham pa'i nyes par yang mi 'gyur la de mtshams med pa'i las su yang mi 'gyur ro/ /btsun pa 13-1-211a ji ltar na dge slong mi dge ba'i sems kyis ma 'tsho ba dang phral na phas pham pa'i nongs par yang 'gyur la/ mtshams med pa'i las su yang 'gyur/ ji ltar na dge slong mi dge ba'i sems kyis ma 'tsho ba dang phral na phas pham pa'i nongs par yang mi 'gyur la/ mtshams med pa'i sug las su yang mi 'gyur ba gang lags/ gsungs pa/ u pA li 'di ltar dge slong gis nor gyi phyir ram/ rkang 'gros kyi phyir yang rung ma'i 'tsho ba dang phral na phas pham pa'i nyes par yang 'gyur la/ mtshams med pa'i las su yang 'gyur ro/ / 'di ltar yang dge slong mi dge ba'i sems kyis bal glang la brdeg gam lug gam ra la brdeg snyam pa las ma la phog ste/ de'i rkyen gyis de dus 'das na de la phas pham pa'i nyes par yang mi 'gyur la mtshams med pa'i las su yang mi 'gyur ro/ /de ltar na mi dge ba'i sems kyis ma'i 'tsho ba dang phral na phas pham pa'i nyes par yang 'gyur la/ mtshams med pa'i las su yang 'gyur ro/ /de ltar na mi dge ba'i sems kyis ma 'tsho ba dang phral na phas pham par yang mi 'gyur la mtshams med pa'i las su yang mi 'gyur ro/ /ji ltar na lung du mi ston pa'i sems kyis ma 'tsho ba dang phral na phas pham pa'i nongs par yang 'gyur la mtshams med pa'i las su yang 'gyur ba gang lags/ lung du mi ston pa'i sems kyis ma 'tsho ba dang phral na phas pham pa'i nongs par yang mi 'gyur la mtshams med pa'i las su mi 'gyur ba gang lags/ bka' stsal pa/ 'di ltar yang dge slong la las ma gsad pa'i phyir thabs sbyar te de nyal lo/ /de nyal ba'i 'og tu ma 'tsho ba dang phral na phas pham pa'i nyes par yang 'gyur la mtshams med pa'i las su yang 'gyur ro/ / 'di ltar dge slong lung du mi ston pa'i sems kyis sa la brdeg go/ /shing gi lo ma la brdeg go snyam pa las ma la phog ste de'i rkyen gyis dus 'das na phas pham pa'i nyes par yang mi 'gyur la mtshams med pa'i las su yang mi 'gyur ro/ /de ltar na dge slong lung 13-1-211b du ma bstan pa'i sems kyis ma bsad na phas pham pa'i ltung bar yang 'gyur/ mtshams med pa'i las su yang 'gyur ro/ /lung du mi ston pa'i sems kyis ma bsad na phas pham pa'i nyes par yang mi 'gyur la mtshams med pa'i las su yang mi 'gyur ro/ /de bzhin du pha dang / nyan thos kyi dgra bcom pa yang de bzhin no// //'dul ba gzhung dam pa/bam po bzhi bcu rtsa lnga pa/ btsun pa dge slong mtshams kyi nang na lhan cig gnas pa las thog ma nas ma spangs par dge 'dun kyang ma 'dus pa de'i tshe tshig tsam gyis las thams cad bgyis na bgyis pa zhes kyang bgyi la nongs par mi 'gyur ba mchis sam/ bcom ldan 'das kyis bka' stsal pa/ yod de/ de bzhin gshegs pa dgra bcom pa yang dag par rdzogs pa'i sangs rgyas te/ de lta bas na de'i phyir ngas maud gal gyi bu la khyed cag gis so sor thar pa'i mdo lhogs shig /de bzhin gshegs pa la so sor thar pa'i mdo klog pa ma sdod cig ces bsgo ba yin no/ /yang dge slong la la gso sbyin lnga las gang yang rung ba'i gso sbyin mngon du ma myong na gso sbyin bgyis shing nongs par yang mi 'gyur ba mchis sam/ bcom ldan 'das kyis bka' stsal pa/ yod de/ gso sbyin byin gyis brlabs pa'o/ /btsun pa bcom ldan 'das kyis khyim pa 'dug par gso sbyin mi bya zhing so sor thar pa ma klog shig ces gsungs na/ khyim pa mchis bzhin du dge 'dun gyis gso sbyin bgyis te so sor thar pa'i mdo bklags na bklags pa zhes kyang bgyi la nongs par yang mi 'gyur ba mchis sam/ bcom ldan 'das kyis bka' stsal pa/ de lta bu yang yod de/ ngas 'di ltar dge slong rnams khyed kyis kau sa la'i rgyal po gsal rgyal gyi mdun du 'khor gzhan med par byos la so sor thar pa'i mdo lhogs shig dang de rab tu dad par 'gyur ro/ /zhes bsgo ba yin no/ /bcom ldan 'das dge slong dge ba'i sems dang ldan pas nongs par 'gyur ram/ de ste mi dge ba'i sems dang / 13-1-212a lung du mi ston pa'i sems kyis nongs par 'gyur/ bcom ldan 'das kyis bka' stsal pa/ dge slong dge ba'i sems dang mi dge ba'i sems dang / lung du mi ston pa'i sems kyis nyes par 'gyur ba yod do/ /dge ba'i sems kyis ji ltar zhe na/ 'di ltar dge slong gsar bu bslab pa'i yi dam la mi mkhas pas mchod rten 'khor gyi rtswa rnga'am/ 'chag sa dang khyams kyi rtswa rnga'am/ me tog 'thog pa ni dge ba'i sems kyis so/ /mi dge ba'i sems kyis nyes pa ji ltar zhe na/ sangs rgyas kyis bslab pa bcas pa la bsams bzhin du 'da' ba 'di ni mi dge ba'i sems so/ /lung du mi ston pa'i sems kyis ji ltar zhe na/ sangs rgyas kyis bslab pa bcas pa la bsams bzhin du 'da' ba ste/ de lta bu ni lung du mi ston pa'i sems kyis so/ /btsun pa dgra bcom pa dag dge ba'i sems kyis nongs par 'gyur ram/ de ste lung du mi ston pa'i sems kyis nongs par 'gyur/ bcom ldan 'das kyis bka' stsal pa/ u pA li dgra bcom pa byed na thams cad kyang lung du mi ston pa'i sems kyis nyes par 'gyur ba zhes bya'o/ /btsun pa ji ltar na dge slong dgra bcom pa nongs par bgyid na de dag thams cad kyang lung du mi ston pa'i sems kyis bgyid pa zhes bgyi/ u pA li 'di ltar dge slong dgra bcom pas brgya lam brgya lam na dran pa nyams par gyur nas chos gos ci chog tu 'chang la/ sbyar ma med par grong du 'jug /yang yang za/ 'dus shing za/ gnyid log pa'i tshe mal stan chen po'i steng du bzhag pa dang / gnyid log pa'i tshe bud med kyi mal du bsnyal ba dang / bsnyen par ma rdzogs pa rnams dong ba'i tshe nyal la phyis bsnyen par ma rdzogs pa rnams 'ongs na de su dang lhan cig 'dug 'dug pa de la langs pa'i tshe chos bzhin du bshags pa de lta bu dag ni dge slong dgra bcom pa la nyes pa byed na thams cad kyang lung du mi ston pa'i sems kyis byed ces bya'o/ /gang dge 'dun bye ba de thams cad 'khrugs pa zhes bgyi'am/ 13-1-212b dge 'dun 'khrugs pa thams cad bye ba zhes bgyi/ dge 'dun bye ba dge 'dun ma 'khrugs pa yang yod/ dge 'dun 'khrugs la dge 'dun ma bye ba yang yod/ dge 'dun bye la dge 'dun 'khrugs pa'ang yod/ dge 'dun ma bye la dge 'dun ma 'khrugs pa'ang yod do/ /dge 'dun bye la dge 'dun ma 'khrugs pa gang zhe na/ 'di ltar dge 'dun dag bye bar ni gyur gyi dge 'dun bye bar byed pa'i dngos po bcu bzhi po shin tu rung bar byas shing ma bzung ba yin te/ de ltar na dge 'dun bye la ma 'khrugs pa yin no/ /dge 'dun 'khrugs la dge 'dun ma bye ba gang zhe na/ de 'di ltar dge 'dun bye bar byed pa'i dngos po bcu bzhi po shin tu rung bar byas shing bzung ba yin gyi dge 'dun ni bye bar ma gyur te/ de ltar dge 'dun 'khrugs la bye bar ma gyur pa'o/ /dge 'dun bye la 'khrugs par gyur pa gang zhe na/ 'di ltar dge 'dun bye bar yang gyur te/ bye bar byed pa'i dngos po bcu bzhi po yang shin tu rung bar byas shing bzung bas ni dge 'dun bye la dge 'dun 'khrugs pa yin no/ /dge 'dun 'khrugs pa'ang ma yin la dge 'dun ma bye ba gang zhe na/ rnam pa 'di rnams ma gtogs pa'o/ /gang dge 'dun bye ba de thams cad dge 'dun tha dad pa zhes bgyi'am/ gang dge 'dun tha dad pa de thams cad bye ba zhes bgyi/ dge 'dun bye la dge 'dun tha dad pa ma yin pa yang yod/ dge 'dun yang tha dad la dge 'dun ma bye ba yang yod/ dge 'dun bye ba yang yin la dge 'dun tha dad par gyur pa yang yod/ dge 'dun bye ba yang ma yin la dge 'dun tha dad par yang ma gyur pa yod do/ /dge 'dun bye la dge 'dun tha dad par ma gyur pa gang zhe na/ de 'di ltar dge 'dun bye bar ni gyur la dge 'dun gnyis tha dad du mi gnas/ don gyis ma bye/ mtshams kyis ma bye/ rnyed pa la ma bye/ zas la ma bye ba ni dge 'dun bye la dge 'dun tha dad du gyur pa ma yin no/ /dge 'dun tha dad la dge 'dun bye ba ma yin pa gang zhe na/ de 'di ltar dge 'dun gnyis tha dad du gnas/ don gyis bye/ mtshams kyis bye/ rnyed 13-1-213a pa la bye/ zas la bye ba de ni dge 'dun gnyis tha dad du gyur la dge 'dun ma bye ba ste/ de ni dge 'dun tha dad la dge 'dun bye ba ma yin pa'o/ /dge 'dun bye la dge 'dun tha dad pa gang zhe na/ de 'di ltar dge 'dun yang bye bar gyur la dge 'dun gnyis tha dad du gnas/ don gyis bye/ mtshams kyis bye/ rnyed pa la bye/ zas la bye ba de ni dge 'dun bye la dge 'dun tha dad du gyur pa yin no/ /dge 'dun bye ba yang ma yin dge 'dun tha dad pa yang ma yin pa gang zhe na/ rnam pa 'di dag ma gtogs pa'o/ /gang dge 'dun bye ba de thams cad dge 'dun tha dad du gnas pa zhes bgyi'am/ gang dge 'dun tha dad par gnas pa de thams cad dge 'dun bye ba zhes bgyi/ dge 'dun bye la dge 'dun tha dad du mi gnas pa yang yod/ dge 'dun tha dad du gnas la dge 'dun ma bye ba yang yod/ dge 'dun bye la dge 'dun tha dad par gnas pa yang yod/ dge 'dun ma bye la dge 'dun tha dad du mi gnas pa yang yod do/ /dge 'dun bye la dge 'dun tha dad par mi gnas pa gang zhe na/ de 'di ltar dge 'dun de dag bye bar gyur kyang dge 'dun gnyis tha dad du mi gnas pa yin te/ don gyis tha mi dad/ mtshams kyis tha mi dad/ rnyed pas tha mi dad/ zas la tha mi dad pa de ni dge 'dun bye la dge 'dun tha dad du mi gnas pa'o/ /dge 'dun tha dad par gnas la dge 'dun ma bye ba gang zhe na/ de 'di ltar dge 'dun gnyis tha dad du gyur te/ don gyis tha dad/ mtshams kyis tha dad/ rnyed pas tha dad/ zas la tha dad pa de ni dge 'dun gnyis tha dad par gnas kyang ma bye ba ste/ de ni dge 'dun tha dad par gnas la dge 'dun ma bye ba'o/ /dge 'dun bye la dge 'dun tha dad par gnas pa gang zhe na/ de 'di ltar dge 'dun bye bar gyur/ dge 'dun gnyis tha dad du gnas par gyur te/ don la tha dad/ mtshams la tha dad/ rnyed pa la tha dad/ zas la tha dad pa de ni dge 'dun bye la tha dad par gnas pa'o/ /dge 'dun ma bye la dge 'dun tha dad du gnas pa'ang ma yin 13-1-213b pa gang zhe na/ de 'di ltar rnam pa 'di dag ma gtogs pa'o/ /dge 'dun gyi 'byed pa de dag thams cad bskal par mchis pa lags sam/ gang bskal par mchis pa thams cad dge 'dun gyi dbyen bgyis pa lags sam zhes gsol pa dang / dge 'dun gyi dbyen byas la bskal par mi gnas pa'ang yod/ bskal par gnas la dge 'dun gyi dbyen kyang byas la bskal par gnas pa'ang yod/ dge 'dun gyi dbyen kyang mi byed la bskal par gnas pa yang ma yin pa yod do/ /dge 'dun gyi dbyen byas la bskal par mi gnas pa gang zhe na/ gang gis chos bzhin du 'du shes pas dge 'dun phye bar gyur pa de ni dge 'dun phye la bskal par mi gnas pa'o/ /bskal par gnas la dge 'dun ma phye ba gang zhe na/ klu'i rgyal po shugs ldan dang / klu'i rgyal po shin tu gnas pa dang / klu'i rgyal po yid du 'ong ba dang / klu'i rgyal po dga' bo dang / bsnyen dga' bo dang / la ba can dang / rta bzangs dang / gshin rje'i rgyal po dang / tshangs ris kyi lha dang / 'di dag ni bskal par gnas pa ste/ dge 'dun gyi dbyen ma byas so/ /dge 'dun 'byed pa'ang yin la bskal par gnas pa gang zhe na/ lhas byin te/ 'di ni dge 'dun 'byed pa yang yin la bskal par gnas pa yang yin no/ /dge 'dun 'byed pa yang ma yin la bskal par gnas pa yang ma yin pa gang zhe na/ rnam pa 'di dag ma gtogs pa'o/ /gang cung zad dge 'dun gyi dbyen bgyis pa de thams cad bskal par gnas pa'i kha na ma tho bar 'gyur ram/ gang bskal par gnas pa'i kha na ma tho bar 'gyur ba de thams cad dge 'dun gyi dbyen bgyis lags sam/ dge 'dun gyi dbyen byas la bskal par gnas pa'i kha na ma tho bar mi 'gyur ba yang yod/ bskal par gnas pa'i kha na ma tho bar 'gyur la dge 'dun gyi dbyen ma byas pa yang yod/ dge 'dun yang 'byed la bskal par gnas pa'i kha na ma tho bar 'gyur ba yang yod/ dge 'dun yang ma phye la bskal par 13-1-214a gnas pa'i kha na ma tho bar mi 'gyur ba yang yod do/ /dge 'dun phye la bskal par gnas pa'i kha na ma tho bar mi 'gyur ba gang zhe na/ gang gis chos bzhin du 'du shes pas dge 'dun phye bar gyur pa 'di ni dge 'dun phye ba yin la bskal par gnas pa'i kha na ma tho bar mi 'gyur ba'o/ /bskal par gnas pa'i kha na ma tho bar 'gyur la dge 'dun ma phye ba gang zhe na/ klu'i rgyal po shugs ldan dang / klu'i rgyal po shin tu gnas pa dang / klu'i rgyal po yid du 'ong ba dang / klu'i rgyal po dga' bo dang / klu'i rgyal po bsnyen dga' bo dang / klu'i rgyal po la ba can dang / klu'i rgyal po rta bzangs dang / gshin rje'i rgyal po dang / tshangs ris kyi lha dang / 'di dag ni bskal par gnas pa'i kha na ma tho bar 'gyur la dge 'dun ma phye ba'o/ /dge 'dun yang 'byed la bskal par gnas pa'i kha na ma tho bar 'gyur ba ni lhas byin te/ 'dis dge 'dun yang phye la bskal par gnas pa'i kha na ma tho bar yang 'gyur ro/ /dge 'dun 'byed pa yang ma yin la bskal par gnas pa'i kha na ma tho bar yang mi 'gyur ba gang zhe na/ rnam pa 'di rnams ma gtogs so/ /gang gis dge 'dun phye ba de thams cad log par nges pa lags sam/ log par nges pa de thams cad dge 'dun 'byed pa lags sam/ gsungs pa/ dge 'dun 'byed par byed la log par ma nges pa'ang yod/ log par nges pa dge 'dun mi 'byed pa yang yod/ dge 'dun 'byed la log par nges pa yang yod/ dge 'dun yang mi 'byed la log par ma nges pa yang yod do/ /dge 'dun 'byed la log par ma nges pa gang zhe na/ gang gis chos bzhin du 'du shes bzhin dge 'dun phye bar gyur pa de ni dge 'dun 'byed par bgyid la log par ma nges pa'o/ /log par nges la dge 'dun mi 'byed pa gang zhe na/ pha gsod pa dang / ma gsod pa dang / dgra bcom pa gsod pa dang / de bzhin gshegs pa la ngan sems kyis khrag phyung ba de dag ni log par 13-1-214b nges la dge 'dun gyi dbyen mi byed pa'o/ /dge 'dun gyi dbyen yang byas la log par yang nges pa gang zhe na/ lhas byin yin te/ dge 'dun yang phye la log par yang nges pa'o/ /dge 'dun phye ba yang ma yin la log par ma nges pa gang zhe na/ de rnams ma gtogs pa'o/ /gang dge 'dun gyi dbyen byed pa de thams cad mi mkhas pa lags la mi mkhas pas smra ba yang lags sam/gang mi mkhas la mi mkhas par smra ba de thams cad dge 'dun gyi dbyen bgyid pa lags sam/ gsungs pa/ dge 'dun gyi dbyen byed la mi mkhas pa ma yin la mi mkhas par smra ba ma yin pa yang yod/ mi mkhas la mi mkhas par smra zhing dge 'dun gyi dbyen du mi 'gyur ba yang yod/ dge 'dun gyi dbyen yang byas shing mi mkhas la mi mkhas par smra ba yang yod/ dge 'dun gyi dbyen yang ma byas la mi mkhas pa yang ma yin mi mkhas par smra ba ma yin pa yang yod do/ /dge 'dun gyi dbyen byas la mi mkhas pa yang ma yin mi mkhas par smra ba yang ma yin pa gang zhe na/ gang gis chos bzhin du 'du shes bzhin dge 'dun gyi dbyen byas par gyur na de lta bu ni dge 'dun gyi dbyen byas la mi mkhas pa yang ma yin mi mkhas par smra ba'ang ma yin pa'o/ /mi mkhas la mi mkhas par smra yang dge 'dun gyi dbyen du mi 'gyur ba gang zhe na/ ston pa drug por yi dam bcas pa ste/ de ni mi mkhas la mi mkhas par smras kyang dge 'dun gyi dbyen du mi 'gyur ba'o/ /dge 'dun gyi dbyen yang byas la mi mkhas la mi mkhas par smra ba gang zhe na/ lhas byin yin te/ de ni dge 'dun gyi dbyen yang byas la mi mkhas la mi mkhas par smra ba'o/ /dge 'dun gyi dbyen yang ma byas la mi mkhas pa'ang ma yin mi mkhas par smra ba yang ma yin pa gang zhe na/ de rnams ma gtogs pa'o/ /btsun pa dge slong gis dge slong gi dge 'dun gyi dbyen du 'gyur ram/ 'on te dge slong ma'am/ dge slob ma'am/ dge tshul pha'am/ dge tshul mas dge 'dun gyi dbyen du 'gyur/ bcom ldan 'das kyis bka' stsal pa/ 13-1-215a dge slong gis dge 'dun gyi dbyen du 'gyur gyi/ dge slong ma'am/ dge slob ma'am/ dge tshul pha dang / dge tshul mas dge 'dun gyi dbyen du mi 'gyur ro/ /btsun pa dge slong mas dge 'dun ma'i dbyen du 'gyur ram/ 'on te dge slong ngam/dge slob ma'am/ dge tshul pha dang / dge tshul mas dge slong ma'i dge 'dun gyi dbyen du 'gyur/ bcom ldan 'das kyis bka' stsal pa/ dge slong mas dge 'dun ma'i dbyen du 'gyur gyi/ dge slong ngam/ dge slob ma'am/ dge tshul pha'am/ dge tshul mas dge slong ma'i dge 'dun gyi dbyen du mi 'gyur ro/ /btsun pa dge 'dun bye ba dang ldan nam/ de ste kha na ma tho ba dang ldan/ bcom ldan 'das kyis bka' stsal pa/ dge 'dun la ni bye ba dang ldan/ 'byed pa'i gang zag la ni kha na ma tho ba dang ldan no/ /dge 'dun gyi dbyen bgyis na nongs pa cir 'gyur/ bcom ldan 'das kyis bka' stsal pa/ nyes pa sbom por 'gyur ro/ /dge 'dun phye na nongs pa gang bshags par bgyi/ bcom ldan 'das kyis bka' stsal pa/ nyes pa sbom po'o/ /gang nye bar phyogs pa de thams cad mi gnas pa'am/ de ste gang mi gnas pa de thams cad nye bar phyogs pa lags/ bka' stsal pa/ nye bar phyogs la mi gnas pa ma yin pa'ang yod/ mi gnas la nye bar ma phyogs pa'ang yod/ nye bar phyogs la mi gnas par 'gyur ba yang yod/ nye bar yang ma phyogs la mi gnas pa'ang yod do/ /nye bar phyogs la mi gnas pa ma yin pa gang zhe na/ gang gis dngos po lnga la nye bar phyogs par gyur cing nyes pa rnam pa bzhi po las gang yang rung nyes pa byung bar ma gyur pa de ni nye bar phyogs pa ste/ mi gnas par 'gyur ba ma yin no/ /mi gnas par 'gyur la nye bar phyogs pa ma yin pa gang zhe na/ gang gis nyes pa bzhi las gang yang rung nyes pa ni byung bar gyur gyis dngos po lnga la khas blangs par ma gyur pa de ni mi gnas pa ste/ nye bar phyogs pa ma yin no/ /nye bar phyogs la mi gnas par 'gyur ba gang zhe na/ dngos po lnga khas blangs 13-1-215b par gyur cing nyes pa bzhi las gang yang rung/ nyes pa byung ba de ni nye bar phyogs la mi gnas par yang 'gyur ba'o/ /nye bar ma phyogs la mi gnas par yang mi 'gyur ba gang zhe na/ rnam pa de rnams ma gtogs pa'o/ /gang mi gnas pa de thams cad so sor gnas pa lags sam/ gang so sor gnas pa de thams cad mi gnas pa lags sam/ gsungs pa/ mi gnas la so sor gnas pa ma yin pa yang yod/ so sor gnas la mi gnas pa ma yin pa yang yod/ mi gnas pa yang yin la/ so sor gnas pa yang yod/ mi gnas pa'ang ma yin la so sor gnas pa ma yin pa yang yod do/ /mi gnas la so sor gnas pa ma yin pa gang zhe na/ de 'di ltar nyes pa rnam pa bzhi las gang yang rung byung bar ni gyur gyi dge 'dun gyis ma mthong ba'i phyir spangs pa dang / slar las mi byed pa dang / sdig pa la lta ba slar ma btang bas spangs par ma gyur pa de ni mi gnas pa ste/ so sor gnas pa ni ma yin no/ /so sor gnas la mi gnas pa ma yin pa gang zhe na/ de 'di ltar dge 'dun gyis ma mthong ba'i phyir spangs pa dang / slar las mi byed pa dang / sdig pa la lta ba slar ma btang nas spangs par ni gyur gyi nyes pa bzhi las gang yang rung nyes par ma gyur pa de ni so sor gnas la mi gnas pa ma yin pa'o/ /mi gnas pa yang yin la so sor gnas pa gang zhe na/ nyes pa bzhi las gang yang rung nyes pa yang byung bar gyur/ ma mthong ba'i phyir spangs pa dang / slar las mi byed pa dang / sdig pa la lta ba slar ma btang nas spangs par yang gyur la nyes pa bzhi po las gang yang rung nyes pa byung bar gyur pa de ni mi gnas la so sor gnas pa'o/ /mi gnas pa yang ma yin la so sor gnas par yang mi 'gyur ba gang zhe na/ de rnams ma gtogs pa ste/ de rnams la gtogs pa ni mi gnas pa dang / so sor gnas pa ma yin pa'o/ /gang gis spang bar bgyi ba de bkar ba zhes kyang bgyi'am/ gsungs pa/ gang gis spangs pa de bkar ba'ang de nyid do/ /las gang lags/ dngos po gang lags/ nyes pa 13-1-216a 'byin par byed pa las so/ /ma bshags pa ni dngos po'o/ /gtan pa ni gang lags/ gtan pa gding ba ni gang lags/ gtan pa dbyung ba ni gang lags/ gsungs pa/ u pA li gos de'i ming ni gtan pa zhes bya'o/ /der sems bskyed pa ni gtan pa bting ba'o/ /rnam pa brgyad du bsams pa ni gtan pa phyung ba'o/ /dge slong ma lags par nongs pa byung la dge slong du gyur na tshangs par 'gyur ba mchis sam/ dge slong gi tshe nongs pa byung la dge slong mar gyur na tshangs par 'gyur ba mchis sam/ bcom ldan 'das kyis bka' stsal pa/ yod de/ ji ltar dge slong ma yin pa na nyes pa byung la dge slong du gyur na tshangs par 'gyur zhe na/ de 'di ltar dge slong ma'i tshe thun mong ma yin pa'i dge 'dun gyi lhag ma'i nyes pa byung ba las de mtshan 'phos te mtshan 'phos nas dge slong pha'i nang du 'ongs na nyes pa tshangs pa zhes bya'o/ /ji ltar na dge slong gi tshe nongs pa byung la dge slong ma lags pa'i tshe tshangs pa zhes bgyi/ de 'di ltar dge slong gi tshe mi 'dra ba dge 'dun gyi lhag ma'i nyes pa byung ba las de mtshan 'phos te mtshan 'phos nas dge slong mar gyur na de nyes pa tshangs pa zhes bya'o/ /ma 'tshal bzhin du nongs pa byung la 'tshal bzhin du tshangs par 'gyur ba mchis sam/ 'tshal bzhin du nongs pa byung la ma 'tshal bzhin du tshangs par 'gyur ba mchis sam/ bcom ldan 'das kyis bka' stsal pa/ yod de/ de ji ltar mi shes bzhin du nyes pa byung la shes bzhin tshangs par 'gyur zhe na/ de 'di ltar dge slong gnyid log pa las bteg ste mal stan chen po mthon po steng du bzhag pa'o/ /yang na gnyid kyis log pa las bud med kyi mal du bzhag pa'o/ /bsnyen par ma rdzogs pa phyir phyung ste nyal ba dang / de'i 'og tu bsnyen par ma rdzogs pa de slar 'ongs te 'dug nas bdag sad nas nyes pa de nyid ji ltar chos bzhin slar byed pa de ni mi shes bzhin du nyes pa byung ste shes nas tshangs par gyur pa'o/ /shes bzhin nyes pa byung la mi shes bzhin tshangs par 'gyur ba gang zhe na/ de 'di ltar dge 13-1-216b slong dge 'dun gyi lhag ma'i nyes pa byung ste/ de dbyung bar las kyi tshig rnams byed de gsol pa byas pa dang / de gnyid kyis log nas las kyi tshig gsum mjug tu phyin pa dang / langs pa de lta bu ni shes bzhin nyes pa byung la mi shes bzhin tshangs par 'gyur ba'o/ /gnyid log pa'i tshe nongs pa byung la sad pa'i tshe tshangs par 'gyur ba mchis sam/ sad pa'i tshe nongs pa byung la gnyid log pa'i tshe tshangs par 'gyur ba mchis sam/ bcom ldan 'das kyis bka' stsal pa/ yod de/ gnyid log pa'i tshe nyes pa byung la sad pa'i tshe tshangs par 'gyur ba gang zhe na/ de 'di ltar dge slong gnyid kyis log pa las mal stan mthon po mal stan chen po'i drung du bteg ste bzhag pa dang / yang gnyid kyis log pa las bud med kyi mal du bzhag pa dang / bsnyen par ma rdzogs pa phyir phyung ste/ nyal ba'i 'og tu bsnyen par ma rdzogs pa de slar 'ongs te 'dug nas bdag sad nas nyes pa 'di nyid ji ltar chos bzhin slar byed pa de ni gnyid log bzhin nyes pa byung la sad nas tshangs par gyur pa'o/ /sad bzhin du nyes pa byung la gnyid log bzhin tshangs par 'gyur ba gang zhe na/ 'di ltar dge slong dge 'dun gyi lhag ma'i nyes pa byung ste/ de dbyung bar las kyi tshig rnams byed de gsol ba byas pa dang / de gnyid kyis log nas las kyi tshig gsum mjug tu phyin pa dang / langs pa de lta bu ni sad bzhin nyes pa byung la gnyid log bzhin tshangs par gyur pa'o/ /dge slong gis gcig smras pa mjug tu phyin na des phas pham pa gsum 'byung bar 'gyur ba mchis sam/ bcom ldan 'das kyis bka' stsal pa/ yod de/ de 'di ltar dge slong gis dge slong ma dang lhan cig tu 'di skad du gang gi tshe nga mthong ba na khyim bdag 'di zhes bya ba las rdzas rin thang che ba zhig ma byin par blangs pa dang / mi 'tsho ba dang phral ba dang / ngas dgra bcom pa yang thob par yang khyod kyis shes par gyis shig /de thams cad dge slong mas tshig rdzogs par smras na'o/ /dge slong gis gcig smras pa mjug tu phyin na des phas pham pa bzhi 'byung 13-1-217a bar 'gyur ba mchis sam/ bcom ldan 'das kyis bka' stsal pa/ yod de/ 'di ltar dge slong zhig dge slong ma dang lhan cig 'di skad du gang gi tshe khyod kho bo mthong ba na khyim bdag 'di zhes bya ba las rdzas shig ma byin par blangs/ mi 'tsho ba dang bral ba dang / 'di zhes bgyi ba'i rdzas phrogs pa dang / kho bos dgra bcom pa thob pa de ltar shes par bya'o zhes 'thams pa'o/ /dge slong gnas gcig na mchis bzhin du nongs pa'i phung po lnga 'byung ba mchis sam/ bcom ldan 'das kyis bka' stsal pa/ yod de/ ston pa'i chos gos kyi tshad tsam spyad na nyes byas su 'gyur/ bslab pa'i sdom pa bcas pa'i grong nas rang gi lag gis bza' ba dang bca' ba blangs na so sor bshags par 'gyur ro/ /bud med la tshig lnga drug las lhag par chos bstan na ltung ba'o/ /bud med la gnas ngan len gyi tshig smras na dge 'dun gyi lhag mar 'gyur ro/ /bud med la kun tu med bzhin du mi las bla mar gyur pa'i chos bdag nyid kyis smras na phas pham par 'gyur ro/ /dge slong sbyar ba gcig gis nongs pa brgya 'am stong ngam de bas kyang mang du 'gyur ba mchis sam/ bcom ldan 'das kyis bka' stsal pa/ yod de 'di ltar dge slong zhig 'tshig khros tshig pa zos te yid 'khrugs nas skye bo mang po 'dus shing 'khod pa la sran ma spar ba gang ngam phye spar ba gang yang rung des gtor na des ji snyed phog pa de snyed kyi nyes par 'gyur ro/ /dge slong zhig gis rdzas rin thang che ba zhig gnas nas gnas su bskyod kyang phas pham par mi 'gyur ba mchis sam/ bcom ldan 'das kyis bka' stsal pa/ yod de/ mi ma yin pa'i rdzas rin thang che ba'am de ste mA Sha lngar mi chog pa'o/ /dge slong gis mA Sha gsum brkus na phas pham par 'gyur ba mchis sam/ bcom ldan 'das kyis bka' stsal pa/ yod de/ mA Sha rin thang che bar gyur pa'o/ /dge slong gis mA Sha lnga brkus kyang phas pham par mi 'gyur ba mchis sam/ bcom ldan 'das kyis bka' stsal pa/ yod de/ kAr ShA pa Na rin thang chung bar gyur 13-1-217b pa'o/ /chung ngu zhig ma byin par blangs pas nongs par 'gyur ba dang / chung ngu de nyid ma byin par blangs pas nongs par mi 'gyur ba mchis sam/ bcom ldan 'das kyis bka' stsal pa/ yod de/ shog bal las chung ngu blangs na nyes par 'gyur/ bal nag po las chung ngu blangs na nyes par mi 'gyur ro/ /mnyam par 'gyur ba las lhag par bgyis kyang nongs par 'gyur ba dang / mnyam par bgyis pa las lhag par bgyis kyang nongs par mi 'gyur ba mchis sam/ bcom ldan 'das kyis bka' stsal pa/ yod de/ nag po mnyam par bya ba las lhag par bgyis na nyes par 'gyur/ shog bal mnyam par byas pa las lhag par byas pa la nyes par mi 'gyur ro/ /bgyi ba las ma bgyis te nongs par 'gyur ba dang / bgyis te nongs par mi 'gyur ba mchis sam/ bcom ldan 'das kyis bka' stsal pa/ yod de/ gos sar pa rnyed pa'i dge slong gi kha dog bsgyur ba gsum las gang yang rung kha dog bsgyur ba ma byas pas nyes pa'o/ /de ltar byas na nyes pa med pa'o/ /tshad bzhin bgyis na nongs par 'gyur ba dang / tshad bzhin bgyis na nongs par mi 'gyur ba mchis sam/ bcom ldan 'das kyis bka' stsal pa/ yod de/ de bzhin gshegs pa'i chos gos kyi tshad du bgyis na nyes par 'gyur ro/ /dkyil 'khor gyi tshad du byas na nyes par mi 'gyur ro/ /dngos po gang gis bsam gtan dang po la snyoms par zhugs na dge 'dun gyi lhag mar 'gyur ba'i dngos po de nyid kyis bsam gtan gnyis pa dang / gsum pa dang / bzhi pa la snyoms par zhugs na dge 'dun gyi lhag mar 'gyur ba mchis sam/bcom ldan 'das kyis bka' stsal pa/ yod de/ 'di ltar dge slong des bsam gtan dang po la snyoms par 'jug pa na bdag gis khang pa rtsigs shig ces bsgo nas/ de skad bsgo ma thag tu bsam gtan dang po la snyoms par zhugs te/ de bsam gtan dang po la snyoms par zhugs pa'i tshe khang pa yang zin par gyur na de la dge 'dun gyi lhag mar 'gyur ro/ /de'i 13-1-218a dngos po de nyid kyi phyir bsam gtan gnyis pa dang / gsum pa dang / bzhi pa la snyoms par 'jug pa na des nga'i khang pa rtsigs shig ces bsgo ste/ bsgo ma thag tu bsam gtan gnyis pa dang / gsum pa dang / bzhi pa la snyoms par zhugs pa dang khang pa yang zin par gyur na dge 'dun gyi lhag mar 'gyur ro/ /dge slong gis gang na yang nongs pa ma bgyis la chung ngu na nyes byas tsam yang ma bgyis na dge slong du mi rung ba mchis sam/ bcom ldan 'das kyis bka' stsal pa/ yod de/ mtshan 'phos par gyur pa'o/ /dge slong mas gang na yang nongs pa ma bgyis la chung ngu na smad g.yogs rked pa las brlabs te bgo ba tsam yang ma bgyis par dge slong mas mi rung ba mchis sam/ bcom ldan 'das kyis bka' stsal pa/ yod de/ mtshan 'phos pa'o/ /dge slong gtsug lag khang gi nang du zhugs la de nyid kyi nang na chos gos 'dug bzhin dbyar zhig pa/ zhes kyang bgyi/ chos gos dang bral ba zhes kyang bgyi/ yi dam las 'das pa dang bcas par yang 'gyur ba mchis sam/ bcom ldan 'das kyis bka' stsal pa/ yod de/ de 'di ltar dge slong dbyar tshul du zhugs pa las tha ma'i bdun po la bab ste/ byin gyis ma brlabs par chos gos kyang khri'am khri'u'am/ gdang la bzhag nas steng gi nam mkha' la 'dug bzhin du skya rengs shar na de dbyar zhig pa zhes kyang bya/ chos gos dang bral ba zhes kyang bya/ yi dam las 'gal bas 'das pa dang bcas pa zhes kyang bya'o/ /dge slong gcig pu gtsug lag khang gi nang du zhugs na phas pham par 'gyur ba mchis sam/ bcom ldan 'das kyis bka' stsal pa/ yod de/ mi tshangs par spyod pa ste/ gang zhe na/ mtshan rings dang / rgyab mnyen no/ /ma byin pa len pa dang / srog gcod pa gang zhe na/ dge slong des thabs sbyar te nang du zhugs pa dang / des brkus par yang gyur/ srog gcod par yang gyur pa'o/ /rdzun du smra ba'i rgyu gang zhe na/ de 'di ltar nga ni dgra bcom pa'o/ /nga ni sangs rgyas so zhes zer ba'o/ / 13-1-218b dge slong gis dge slong gi 'tsho ba dang phral na pha yang ma lags/ dgra bcom pa yang ma lags bzhin phas pham par yang 'gyur la de mtshams med pa'i las su yang 'gyur ba mchis sam/ bcom ldan 'das kyis bka' stsal pa/ yod de/ de 'di ltar dge slong de'i ma rab tu byung ste bsnyen par rdzogs par gyur pa las mtshan 'phos te mtshan 'phos par gyur pa las srog gcod na phas pham pa yin la de mtshams med pa'i las kyis kyang reg par 'gyur ro/ /dge slong mas dge slong ma'i 'tsho ba dang phral na ma yang ma lags/ dgra bcom pa yang ma lags na phas pham par 'gyur zhing de mtshams med pa'i las su yang 'gyur ba mchis sam/ bcom ldan 'das kyis bka' stsal pa/ yod de/ dge slong ma de'i pha rab tu byung zhing bsnyen par rdzogs par gyur pa de'i mtshan 'phos te/ mtshan 'phos nas de'i 'tsho ba dang phral na phas pham pa yang yin la de mtshams med pa'i las su yang 'gyur ro/ /gzhan gyis smras la des smras pa'i rkyen gyis gzhan la phas pham par 'gyur ba mchis sam/ bcom ldan 'das kyis bka' stsal pa/ yod de/ de 'di ltar dge slong mas dge slong 'dus pa dge 'dun gyis ma bcings pa'i phyir de'i rjes su phyogs te/ de yang dge 'dun gyi dbus su lan gsum gyi bar du bsgo yang mi gtong ba de ni phas pham par 'gyur ro/ /gzhan gyis smras na des smras pa'i rkyen gyis gzhan la dge 'dun gyi lhag mar 'gyur ba mchis sam/ bcom ldan 'das kyis bka' stsal pa/ yod de/ de 'di ltar gang gis dge 'dun gyi dbyen byas pa dang / de'i rjes su phyogs pa dang / bka' blo mi bde ba'i tshig dge 'dun gyi nang du lan gsum gyi bar du bsgo yang slar mi gtong ba ni dge 'dun gyi lhag mar 'gyur ro/ /gzhan gyis smras na de'i rkyen gyis gzhan la nongs par 'gyur ba mchis sam/ bcom ldan 'das kyis bka' stsal pa/ yod de/ de 'di ltar dge slong gang gis sdig pa la lta ba bzung/ rab tu bzung nas slar mi gtong ba de dge 'dun gyi nang du lan gsum gyi bar du bsgo yang slar mi 13-1-219a gtong ba ni ltung bar 'gyur ro/ /gzhan gyis smras na smras pa de'i rkyen gyis gzhan la slar bshags par 'gyur ba mchis sam/ bcom ldan 'das kyis bka' stsal pa/ yod de/ de 'di ltar dge slong gang gis grong du mgron du bos te zas za ba'i tshe de na yang dge slong ma zhig bsgo zhing 'dug ste/ 'di la 'bras byin/ 'di la sran tshod byin/ 'di la yang byin zhes zer ba de la ma bsgo bar zos na slar bshags par 'gyur ro/ /gzhan gyis smras la de'i rkyen gyis gzhan la nongs pa bgyis su 'gyur ba mchis sam/ bcom ldan 'das kyis bka' stsal pa/ yod de/ de 'di ltar dge slong gang gis so sor thar pa'i mdo klog pa'i tshe dge 'dun gyi nang du lan gsum gyi bar du bsgrags kyang nyes pa dran bzhin du slar mi 'chags pa ni nyes byas su 'gyur ro/ /btsun pa bcom ldan 'das kyis dge slong mas bslab pa phul nas slar dge slong ma'i dngos por bsnyen par rdzogs su mi rung ste/ dge slong ma gang dag gis slar rab tu phyung ngam bsnyen par rdzogs par byas na de dag nyes pa dang bcas so zhes gsungs na/ dge slong mas bslab pa phul te babs pa las de de dag gis rab tu byung zhing bsnyen par rdzogs par bgyis na bsnyen par rdzogs pa yang lags la/ de dag la yang nongs par mi 'gyur ba mchis sam/ bcom ldan 'das kyis bka' stsal pa/ yod de/ de 'di ltar dge slong ma de bslab pa phul te babs pa las de'i mtshan 'phos te mtshan 'phos par gyur pa de rab tu phyung zhing bsnyen par rdzogs par byas na nyes par mi 'gyur ro/ /btsun pa bcom ldan 'das kyis sngar 'khrugs pa de rab tu ma dbyung shig /bsnyen par rdzogs par ma byed cig ces gsungs na/ sngar 'khrugs pa de rab tu phyung la bsnyen par rdzogs par bgyis kyang bsnyen par rdzogs par yang 'gyur la/ nongs par yang mi 'gyur ba mchis sam/ yod de/ de 'di ltar dge slong ma thun mong ma yin pa'i phas pham pa'i nyes pa byung la des bslab pa phul nas babs pa dang de'i mtshan 'phos te mtshan 'phos nas skyes par gyur pa de rab tu phyung zhing bsnyen par 13-1-219b rdzogs par byas kyang nyes par mi 'gyur ro/ /las rnam pa dus na thams cad 'dus par 'gyur/ bcom ldan 'das kyis bka' stsal pa/ rnam pa gsum ste/ gsol ba dang / gsol ba dang gnyis dang / gsol ba dang bzhi'i las so/ /btsun pa bcom ldan 'das kyis las brgya rtsa gcig go zhes bka' stsal na/ de dag las gsol ba'i las kyis ni du bsdus/ gsol ba dang gnyis pas du/ gsol ba dang bzhi pas du/ bcom ldan 'das kyis bka' stsal pa/ gsol ba'i las kyis ni nyi shu rtsa bzhi'o/ /gsol ba dang gnyis kyis ni bzhi bcu rtsa bdun no/ /gsol ba dang bzhis ni sum bcu'o/ /tshig tu yang mi smra/ lus kyis kyang ma stsal kyang/ dge slong du mi rung ba mchis sam/ bcom ldan 'das kyis bka' stsal pa/ yod de/ de 'di ltar dge slong mas dge slong ma'i phas pham pa'i ltung ba byung bar mthong la bcabs te skya rengs shar na phas pham par 'gyur ro/ /dge slong gis nyes pa'i phung po bzhi byung la ma bshags/ slar las ma bgyis par phyin cing nongs pa ma mchis par 'gyur ba mchis sam/ bcom ldan 'das kyis bka' stsal pa/ yod de/ mtshan 'phos pa'o/ /dge slong mas nyes pa sde lnga byung la ma bshags sam/ slar las ma bgyis kyang phyin cing nongs par mi 'gyur ba mchis sam/ bcom ldan 'das kyis bka' stsal pa/ yod de/ mtshan 'phos pa'o/ /dge slong gis mi'i 'tsho ba dang phral na phas pham pa'i nongs par mi 'gyur ba mchis sam/ bcom ldan 'das kyis bka' stsal pa/ yod de/ de 'di ltar gnyis lhan cig 'khod pa las gcig gsad do snyam pa las gzhan bsad pa'o/ /mi tshangs pa spyad pa gzhan gyis bgyis la phas pham par 'gyur ba mchis sam/ bcom ldan 'das kyis bka' stsal pa/ yod de/ de 'di ltar dge slong ma mi tshangs par spyad pa mthong la bcabs na skya rengs shar ba dang phas pham par 'gyur ro/ /dge slong mi tshangs par spyod pa las phas pham pa'i nongs par 'gyur ba dang / mi tshangs par spyod pa bgyis kyang phas pham pa'i nongs par mi 13-1-220a 'gyur ba mchis sam/ bcom ldan 'das kyis bka' stsal pa/ yod de/ de 'di ltar ma nyams pa dang / lhan cig tu mi tshangs par spyad na phas pham par 'gyur ro/ /nyams pa dang lhan cig tu spyad pa de la phas pham par mi 'gyur ro/ /dge slong gis ma byin par blangs pa las phas pham par 'gyur ba dang / ma byin par blangs pa las phas pham par mi 'gyur ba mchis sam/ bcom ldan 'das kyis bka' stsal pa/ yod de/ de 'di ltar mi'i yo byad rin po che ma byin par blangs na de phas pham par 'gyur ro/ /gang gis mi ma yin pa'i yo byad rin po che blangs kyang phas pham pa'i nyes par mi 'gyur ro/ /dge slong gis mi'i 'tsho ba dang phral na phas pham par 'gyur ba dang / mi'i 'tsho ba dang phral kyang phas pham par mi 'gyur ba mchis sam/ yod de/ gang rang gi lag gis mi'i 'tsho ba dang phral na phas pham par 'gyur ro/ /mi'i 'tsho ba dang phral na phas pham par mi 'gyur ba yang yod de gang gis 'du shes gzhan du sbyar ba las mi'i 'tsho ba dang phral na phas pham par mi 'gyur ro/ /dge slong gis med la med bzhin du mi las bla mar gyur pa'i chos bdag nyid kyis smras na phas pham par 'gyur ba dang / med la med bzhin du mi las bla mar gyur pa'i chos smras kyang phas pham par mi 'gyur ba mchis sam/ bcom ldan 'das kyis bka' stsal pa/ yod de/ de 'di ltar 'du shes bcabs nas bka' la lung bstan na phas pham par 'gyur ro/ /rdeng yod de bka' la lung bstan na ni de la phas pham par mi 'gyur ro/ /dngos po gang gis phas pham pa'i nongs par 'gyur ba'i dngos po de nyid kyis phas pham pa'i nongs par mi 'gyur ba mchis sam/ bcom ldan 'das kyis bka' stsal pa/ yod de/ dge slong mas lus la kun reg par byas na phas pham par 'gyur ro/ / dge slong gis byas na de la phas pham pa'i nyes par mi 'gyur ro/ /dge slong mas shes bzhin du dge slong ma'i nyes pa sbom po bcabs na skya rengs shar ba dang phas pham pa'i nyes par 'gyur ro/ /dge slong gis bcabs na phas pham pa'i nyes par mi 'gyur ro/ /dge 'dun chos 13-1-220b bzhin du 'du shes pas dge slong la ma mthong ba'i phyir spangs par dge slong mas shes bzhin du de'i rjes su phyogs nas de dge 'dun gyi nang du lan gsum gyi bar du bsgo yang slar mi gtong ba ni phas pham par 'gyur ro/ /dge slong la bsgo nas slar ma btang na phas pham pa'i nyes par mi 'gyur ro/ /dngos po gang gis dge 'dun gyi lhag mar 'gyur ba'i dngos po de nyid kyis dge 'dun gyi lhag ma'i nongs par mi 'gyur ba mchis sam/ bcom ldan 'das kyis bka' stsal pa/ yod de/ dge slong gis bsams bzhin du khu ba phyung na dge 'dun gyi lhag mar 'gyur ro/ /dge slong mas khu ba phyung na de la dge 'dun gyi lhag ma'i nyes par mi 'gyur ro/ /dge slong gis lus la kun tu reg na dge 'dun gyi lhag mar 'gyur ro/ /dge slong mas reg na de la dge 'dun gyi lhag mar mi 'gyur ro/ /dge slong mas gnas bor te reg na dge 'dun gyi lhag mar 'gyur ro/ /dge slong gis spyad na dge 'dun gyi lhag mar mi 'gyur ro/ /dngos po gang gis ltung bar 'gyur ba'i dngos po de nyid kyis ltung bar mi 'gyur ba mchis sam/ bcom ldan 'das kyis bka' stsal pa/ yod de/ dge slong mas bsams bzhin du khu ba phyung na ltung bar 'gyur ro/ /dge slong gis phyung na ltung bar mi 'gyur ro/ /dge slong gis gnyen ma yin pa las bsod pa'i bza' ba dang bca' ba bslangs na ltung bar 'gyur ro/ /dge slong mas bslangs na ltung bar mi 'gyur ro/ /dge slong mas rtswa sngon po'i steng du bshang gci byas na ltung bar 'gyur ro/ /dge slong phas byas na ltung bar mi 'gyur ro/ /dngos po gang gis slar bshags pa'i dngos po de nyid kyis slar bshags par mi 'gyur ba mchis sam/ bcom ldan 'das kyis bka' stsal pa/ dge slong mas gnyen ma yin pa las bsod pa'i bza' ba dang bca' ba bslangs na slar bshags par 'gyur ro/ /dge slong gis bslangs na slar bshags pa'i nyes par mi 'gyur ro/ /dge slong gis bslab pa'i sdom pa bcas pa'i grong nas rang gi lag gis bza' ba dang bca' ba bslangs na slar bshags par 'gyur ro/ / 13-1-221a dge slong mas bslangs na slar bshags par mi 'gyur ro/ /dngos po gang gis nongs bgyis su 'gyur ba'i dngos po de nyid kyis nongs bgyis su mi 'gyur ba mchis sam/ bcom ldan 'das kyis bka' stsal pa/ dge slong gis rtswa sngon po'i steng du bshang gci byas na nyes byas su 'gyur ro/ /dge slong mas byas na nyes byas su mi 'gyur ro/ /dge slong mas sham thabs kyis rked pa 'das tsam du bgos na nyes byas su 'gyur ro/ /dge slong gis sham thabs kyis rked pa 'das par bgos kyang nyes pa med do/ /dge slong phyin to snyam pa las ltung bar mi 'gyur ba dang / ltung ba'o snyam pa las phyin par 'gyur ba mchis sam/ bcom ldan 'das kyis bka' stsal pa/ yod de/ de 'di ltar dge slong la dge 'dun gyi lhag ma'i nongs pa byung nas de la dbyung ba'i las byed pa'i tshe lham gyon zhing 'dug pa dang / lag pas pus mo gnyis ka 'khyud cing 'dug pa dang / mgo g.yogs pa dang / rtswa sngon po gcod pa dang / sa la ri mo 'dri ba las nyes pa byung ba ni 'di ltar phyin to snyam pa las nyes pa byung ba'o/ /dge slong gis nyes pa byung ngo snyam pa las phyin pa gang zhe na/ de 'di ltar dge slong de dge 'dun gyi lhag ma'i nyes pa byung ba mi mthun pa byung ngo snyam pa las de'i mtshan 'phos te mtshan 'phos pa dge slong ma la ni phyin te/ de ltar na nyes pa byung ngo snyam pa las phyin pa yin no/ /mtshams bkrol la snyam pa las bcad par 'gyur ba mchis sam/ bcom ldan 'das kyis bka' stsal pa/ yod de/ las kyi mtshams bkrol yang grong gi mtshams ma bkrol bar 'gyur ro/ /song ba'i rjes su song ba gang lags/ bcom ldan 'das kyis bka' stsal pa/ mtshams so/ /dge slong gis nyes pa sde lnga 'byung ba mchis sam/ bcom ldan 'das kyis bka' stsal pa/ yod de/ bud med kyi gos byas na nyes byas su 'gyur ro/ /bslab pa'i sdom pa bcas pa'i grong nas rang gi lag gis bza' ba dang bca' ba bslangs na so sor 'chags par 'gyur ro/ /bud med la tshig lnga'am/ drug las lhag par chos bstan na ltung 13-1-221b bar 'gyur ro/ /bud med la gnas ngan len gyi tshig smras na dge 'dun gyi lhag ma'i nyes pa sbom por 'gyur ro/ /bud med la med bzhin du mi las bla mar gyur pa'i chos smra na phas pham par 'gyur ro/ /btsun pa bdag cag la 'dul ba 'dri ba zhig mchis na bdag cag gis gang nas btsal bar bgyi/ bcom ldan 'das kyis bka' stsal pa/ so sor thar pa gnyis dang / 'byed pa dang / bcas pa las so/ /'dul ba'i dngos po bcwa brgyad dang rkyang pa'i gleng gzhi gnyis dang / 'dul ba gcig gis lhag pa'i rgyud rnams dang / thun mong ba dang / thun mong ma yin pa dang / sa dang / bar snang las mtshan 'phos pa las so/ /bcom ldan 'das 'gro ba thams cad du yang mi gtogs la bstan pa las kyang bstan pa yongs su mya ngan las 'das pa'ang ma lags/ yongs su mya ngan las 'da' bar yang mi 'gyur ba de gang lags/ bcom ldan 'das kyis bka' stsal pa/ u pA li de ni sprul pa'o/ /de bkum na nongs pa cir 'gyur/ bcom ldan 'das kyis bka' stsal pa/ nyes pa sbom po'o/ /de bkum na nongs pa gang bshags par bgyi/ bcom ldan 'das kyis bka' stsal pa/ nyes pa sbom po'o/ /'dul ba gzhung dam pa las gtam gyi dngos po rdzogs s+ho// //'dul ba gzhung dam pa/ 'dul ba gzhung dam pa/bam po bzhi bcu rtsa drug pa/ ma na bi ka'i mdo'i mdo bsdus pa ste/ 'dus pa bu ram chu dang rung ba gnyis/ / sha dang srin bu pad pa rnam pa lnga/ /snga dro ba dang byin len byas pa dang / /myos pa dge bsnyen na ba dge slong ba'o/ /mdor na/ 'dus pa dang ni 'on pa dang / /dmus long dang yang ri mo can/ /gzhon pa rnams ni ma gtogs te/ /lhag ma rnams ni rung ba'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bcom ldan 'das kyis yul mtha' 'khob tu 'dul ba 'dzin pa dang lngas bsnyen par rdzogs par rung ngo zhes bka' stsal na/ der bcu yod pa las 'dul ba 'dzin pa dang lngas bsnyen par rdzogs 13-1-222a par bgyis na bsnyen par rdzogs pa zhes bgyi'am bsnyen par ma rdzogs pa zhes bgyi/ u pA li de ni dge slong du bsnyen par rdzogs pa zhes bya ste/ dge 'dun rnams ni 'das pa dang bcas par 'gyur ro/ /btsun pa bcom ldan 'das kyis chos gos rnyed la zhag bcu las 'das na spang ba'i ltung bar 'gyur zhes bka' stsal na/ ji tsam gyis na 'on pas chos gos 'thob par 'gyur/ gang gi tshe rnyed pa na mthong la lag pas reg gam pang du blangs par yang gyur la 'di ni bdag gi gos so snyam du des 'du shes bskyed pa de lta bu ni 'on pas gos thob par gyur pa'o/ /ji tsam gyis na dmus long gis gos thob par gyur/ gang gi tshe des thos la lag tu blangs sam pang du blangs par gyur la 'di ni bdag gi gos so snyam du des 'du shes kyang bskyed na de lta bu ni dmus long gis gos thob par gyur pa'o/ /sangs rgyas bcom ldan 'das la u pA lis zhus pa/ phyed ri mo bris la phyed ri mo ma bris pa la mchis su rung ngam/ u pA li mi rung ste/ de'i steng du gding ba gzhan yod dam/ de ste rnyings par gyur na rung ngo / /btsun pa bcom ldan 'das kyis ba la 'jus te klung ma rgal cig ces bka' stsal pa/ bzhon pa ma gtogs par gzhan la 'ju zhing klung rgal du gnang ngam/ gnang ste/ glang ngam/ rta'am/ ma he'am/ g.yag la 'jus shing klung rgal na nyes pa med do/ /mdor na/ bu ram shing dang zhag bdun dang / /lan tshwa dang ni 'bru mar rung/ /dge slong gis ni rung bar byas/ /mi rung sar ni mi rung ba'o/ /sangs rgyas bcom ldan 'das la tshe dang ldan pa u pA lis zhus pa/ btsun pa bu ram chang zhag bdun du byin gyis brlab tu rung ngam/ u pA li rung ngo / /ji srid du btung bar bgyi/ nam myos par mi 'gyur ba dang / zas dang ma 'dres pa dang / ma rnyogs pa dang / bsngal bar ma gyur cing/ nyid kyi bro las ma gyur pa'o/ /sangs rgyas bcom ldan 'das la tshe dang ldan pa u pA lis zhus pa/ btsun pa mi rung ba'i tshil las lan tshwa btsos te 'tshal du rung ngam/ u pA li 13-1-222b mi rung ngo / /thal bar rung bar byas te/ zos na nyes pa med do/ /btsun pa mi rung ba'i sman las 'bru mar btsos pa 'tshal du rung ngam/ u pA li mi rung ste/ mig gam/ rna ba'am/ sna la bskus na nyes pa med do/ /dge slong rang gis me'am mtshon nam sen mos sa bon du 'gyur ba rnam pa lnga po rung bar bgyis na rung bar bgyis pa zhes bgyi 'am/ 'tshal du rung ngam rung ste mes rung bar bya ba ma gtogs te/ gang rung bar byed pa de la ni sa bon ma rung bar byas pa'i nyes pa 'byung bar 'gyur ro/ /mi rung ba'i sar shing skyes la rung ba'i sar 'bras bu ltung na 'tshal du rung ngam/ u pA li mi rung ngo / /rung ba'i sar shing skyes la mi rung ba'i sar 'bras bu ltung na 'tshal du rung ngam/ u pA li rung ste/ zhag ma lon par gyur pa'o/ /mdor na/ rung bar 'gyur ba'i sa gnyis te/ /bza' bar bya ba ma yin dang / /mi yi 'o mar rig pa dang / /skyur po khu bar gyur pa'o/ /rung ba'i sa na sa bon rnam pa lnga po dang mi mchis la mi rung ba'i sar rung ba bgyid pa mchis te/ me'am mtshon tam sen mos rung bar bgyis na rung bar bgyis pa zhes bgyi'am ma bgyis pa zhes bgyi/ byas pa zhes bya'o/ /'tshal du rung ngam/ u pA li mi rung ngo / /rung ba'i sa na dge slong mchis te/ rung ba'i sar sa bon rnam pa lnga po la me'am mtshon tam sen mos rung bar bgyis na bgyis pa zhes bgyi'am/ ma bgyis pa zhes bgyi/ byas pa zhes bya'o/ /'tshal du rung ngam/ u pA li mi rung ste/ mes mi rung bar byas pa ma gtogs te/ gang rung bar byed pa la sa bon gyi grong bshig pa'i nyes par 'gyur ro/ /khur blang ngam/ ma bsregs pa'am/ khre'u'am/ slo ma'i nang du bzhag ste 'tshal du rung ngam/ u pA li rung ngo / /mi'i 'o ma 'tshal du rung ngam/ u pA li mi rung ste/ mig sman du dgos pa ni ma gtogs so/ /dus ma lags par skyur po'i khu ba 'tshal du rung ngam/ u pA li rung ngo / /mdor na/ mi yi sha dang ched du ni/ /bsad par gyur par shes pa dang / /mi rung ba yi sha rnams dang / /'di rnams kun ni bza' mi bya/ /sangs rgyas bcom ldan 'das la tshe dang ldan 13-1-223a pa u pA lis zhus pa/ btsun pa mi'i sha 'tshal du rung ngam/ u pA li mi rung ngo / /btsun pa nongs pa cir 'gyur nyes pa sbom po'o/ /mi'i sha ma gtogs par de las rung ba gzhan rnams de'i phyir ched du bsad pa'i sha 'tshal du rung ngam/ u pA li mi rung ngo / /mi rung ba'i sha rnams 'tshal du rung ngam/ u pA li mi rung ngo / /mdor na/ srin bu pad pa dang ni shing rta dang / /sbal pa'ang bza' bar mi bya ste/ /gzugs pa de dag thams cad ni/ /bza' bar bya ba ma yin no/ /sangs rgyas bcom ldan 'das la tshe dang ldan pa u pA lis zhus pa srin bu pad pa'i sha 'tshal du rung ngam/ u pA li mi rung ngo / /bya shing sta mo'i sha 'tshal du rung ngam/ u pA li mi rung ngo / /sbal pa'i sha 'tshal du rung ngam/ u pA li mi rung ngo / /gzugs pa dag gi sha 'tshal du rung ngam/ u pA li mi rung ngo / /mdor na/ rung ba dag dang 'dres pa dang / /zhag bdun du yang bza' mi bya/ /tshil bu dang yang de bzhin te/ /bu ram shing dang snga dror sbyar/ /sangs rgyas bcom ldan 'das la tshe dang ldan pa u pA lis zhus pa/ snga dro ba'i sman dang phyi dro ba'i sman du bsres na 'tshal du rung ngam/ u pA li mi rung ngo / /phyi dro ba dang bdun par bsres na 'tshal du rung ngam/ u pA li mi rung ngo / /bdun pa dang nam 'tsho'i bar du bsres na rung ngam/ u pA li mi rung ngo / /btsun pa de nyid snga dro ba lags la de nyid phyi dro ba dang bdun pa dang / nam 'tsho'i bar du rung ngam/ u pA li rung ste/ bu ram shing ni snga dro ba la/ de'i 'og tu khu ba btsir ba ni phyi dro ba'o/ /de'i 'og tu khu ba bskol te bu ram du byas pa ni bdun pa'o/ /de'i 'og tu bdun pa bsregs pa ni nam 'tsho'i bar du ba'o/ /de nyid la snga dro ba dang / de nyid bdun pa dang / de nyid la nam 'tsho'i bar du bar rung ngam/ rung ste sha ni snga dro ba'o/ /de'i 'og tu btsos pa'i zhag ni bdun pa'o/ /bdun pa de'i 'og tu bsregs pa'i thal ba ni nam 'tsho'i bar du ba'o/ /mdor na/ de ltar byin len byas pa dang / /de yang byin gyis ma brlabs 13-1-223b dang / /nad pa nad kyis gzir ba dang / /bsngal ba'i btung ba brgyad pa'o/ /snga dro ba'i sman 'di dag gzhag par byin gyis brlab tu rung ngam/ u pA li mi rung ste/ de bzhin du phyi dro ba dang / bdun pa dang / nam 'tsho'i bar du yang mi rung ngo / /de bzhin du byin len ma byas pa dang / nang du btsos pa dang / blangs pa dang mi rung ba'i rnams 'tshal du rung ngam/ u pA li mi rung ngo / /tshul bzhin pas blangs pa byin gyis ma brlabs pa de 'tshal du rung ngam/ u pA li mi rung ngo / /slar blangs pa dang byin gyis ma brlabs pa mi na bar 'tshal du rung ngam/ u pA li mi rung ngo / /slar blangs pa dang byin gyis ma brlabs pa nad pas 'tshal du rung ngam/ u pA li rung ngo / /de nas sangs rgyas bcom ldan 'das la tshe dang ldan pa u pA lis zhus pa/ nad pa la ci stsal bar bgyi/ gang gis nad pa la sos par 'gyur ba bcas pa'i kha na ma tho ba de nad pa la byin cig /bcom ldan 'das kyis btung ba ni rnam pa 'di brgyad gnang na de la rtsa ba'i bsngal ba dang / sdong bu'i bsngal ba dang / lo ma'i dang / me tog gi bsngal bar 'dres na 'tshal du rung ngam/ u pA li rung ngo / /ji srid du rung/ nam myos par ma gyur/ zas dang ma 'dres rnyogs par ma gyur/ nam bsngal ba'i bar du'o/ /mdor na/ smyos par gyur dang byin gyis brlab/ /gcig pu 'dug par gyur pa dang / /gos la byin gyis mi brlab pa/ /mtshams kyi phyi rol dge 'dun gyi'o/ /smyon pa las gos blang bar bgyi'am/ gsungs pa/ kha cig las ni blang bar bya/ kha cig las ni blang bar mi bya'o/ /gang las blang bar bgyi/ gang la pha dang / ma dang / phu nu bo dang / sring mo yod pa'am/ bdag gis khyim nas byin pa de ni blang bar bya'o/ /gang las mi blang bar bgyi/ gang la pha dang / ma dang / phu nu bo dang / sring mo dang / rang gi khyim med pas byin pa de ni blang bar mi bya'o/ /smyon pa gang nas bzung ste chos gos byin gyis brlab par bgyi/ gang gi tshe rang gi sems mal du phebs par gyur pa na'o/ /btsun pa dge slong gang gcig pu gnas na mchis pa 13-1-224a der mi dag gis dge 'dun gyi phyir gos phul ba de dge 'dun gyis mngon du bgo bar bgyi ba zhig lags na dge slong des gos rnyed pa ji ltar bgyi/ gsungs pa/ u pA li de'i phyir na dge slong des sems 'di ltar skyed la tshig tu yang 'di skad rjod cig / gnas 'di na bdag gcig pu 'dug ste/ gos 'di ni dge 'dun gyi phyir te dge 'dun gyis mngon du bgo bar rigs pa zhig las bsgos nad bdag dbang ste byi bdar bya'o/ /spa'o/ /byin gyis brlab par bya ste/ byi bdar byas sbas shing byin gyis brlabs la de ltar byas na las byas pa zhes bya'o/ /dge slong gzhan dag gcig 'ongs su zin kyang de dag la skal ba ma byin cig /de ltar ma byas na dge slong de gcig pus gos de ma bkur cig /khyer na 'das pa dang bcas par 'gyur ro/ /dge slong de dag kyang mtshungs par dbang ba las de gcig pus dge 'dun gyi phyir byin gyis brlabs pa las mtshams kyi phyi rol du song nas khyer na nyes byas su 'gyur ro/ /de ste rku sems su gyur na 'das pa dang bcas par 'gyur ro/ /mdor na/ dge bsnyen pa'i ni bu dang ste/ /dbyar gnas mngon du gyur pa dang / /'das dang ma 'ongs dge slong dag /'di ltar dbyar ni zhig par gyur/ /dge bsnyen kyis bu sma phab par gyur na de las gos blang bar bgyi'am/ mi blang bar bgyi/ bcom ldan 'das kyis bka' stsal pa/ de mi blang ba zhes bya'o/ /gos 'di dbyar gnas pa'i dge 'dun la phul na yang de dbyar gyi zla ba tha ma yang ma yin la gnas der gtan pa yang bting bar ma gyur te/ dbyar gyi zla ba tha ma yang ma yin la de gnas der gtan pa ma bting du zin gyis kyang dbyar gnas pa'i rnams la gos de dbang bar 'gyur ro/ /gos 'di ni dge 'dun mngon du gyur pa rnams kyi yin no zhe na/ de yang dbyar gyi zla ba tha mar kyang gyur/ gnas der gtan pa yang bting bar gyur na zla ba'i tha ma yang yin zhing gnas der gtan pa bting bar gyur du zin kyang/ gang dbyar der ma gnas pa de dag kyang gos de dbang bar 'gyur ro/ /gos 'di dge 13-1-224b 'dun mngon sum du tshogs pa la phul bar gyur te/ dge slong gang gnas 'dir lo phyi mar gnas/ yang phyir gnas/ gsum phyir gnas/ de bzhin du lo phyi ma bcu'i bar du gnas pa de dag la dbul lo zhe na/ der dbyar gyi zla ba tha mar gyur la gtan pa bting bar kyang gyur to/ /de dbyar gyi zla ba tha mar gyur du zin kyang gang la byin pa de dag dbang ste/ snga ma'i zla ba dang po dang gnyis po nas bcu'i bar du rgyas par brjod do/ /dge slong dbyar gnas gnas pa las dge 'dun gyi don cig la mtshams kyi phyi rol du song na de'i dbyar gyi skal ba dbang ba gang nas stsal/ gang gi don gyi phyir song ba dang / gang du ring du gnas par gyur pa'o/ /dbyar zhig pa la gos kyi skal ba stsal bar bgyi'am/ kha cig la ni sbyin par bya'o/ /kha cig la ni mi sbyin par bya'o/ /gang la stsal bar bgyi/ gang la snga ma dang phyi ma yod pa dang / gang du ring du gnas par gyur pa la'o/ /gang la mi stsal bar bgyi/ gang la snga ma yang med la phyi ma yang med pa dang / gang ring du ma gnas par gyur pa'o/ /mdor na/ nad pa yi ni don la ste/ /nad g.yog tu ni gyur pa dang / /rung bar byas dang bslab pa byin/ /nor rnams rung bar ji ltar bya/ /dge slong nad g.yog bgyid pa de don cig la mtshams kyi slad rol du mchis pa dang / de mtshams kyi slad rol du mchis pa'i 'og tu nad pa dus las 'das na nad g.yog la gos rnams stsal bar bgyi'am mi stsal bar bgyi/ kha cig la ni sbyin par bya'o/ /kha cig la ni mi sbyin par bya'o/ /gang la stsal bar bgyi/ gang nad pa'i don gyi phyir brel bar gyur pa de la ni sbyin par bya'o/ /gang rang gi don tam gzhan gyi don la brel bar gyur pa de la ni mi sbyin no/ /khyim pa zhig nad pa'i g.yog bgyid na gos stsal bar bgyi'am mi stsal bar bgyi/ gsungs pa/ mi sbyin te/ dge slong ma dang / dge slob ma dang / dge tshul ma yang de bzhin du mi sbyin no/ /dge tshul pha zhig nad g.yog bgyid na de la nad g.yog gi 13-1-225a gos stsal bar bgyi'am/ mi stsal bar bgyi/ gsungs pa/ sbyin par bya'o/ /ji tsam zhig stsal/ kun dang yang mnyam par ro/ /nad g.yog dbyar gnas gzhan du tshul du zhugs pa zhig na/ de la nad g.yog gi gos stsal bar bgyi'am/ mi stsal bar bgyi/ bcom ldan 'das kyis bka' stsal pa/ sbyin par bya'o/ /nad g.yog sus bgyi/ mkhan po dang / slob dpon dang / mkhan po gcig pa dang / slob dpon gcig pa dang / smra ba dang / kun du smra ba dang / ston pa dang / lhan cig spyod pa dang / slob mas so/ / de ste med na dge 'dun gyis nad g.yog skos shig /de ste dge 'dun gyis kyang nad g.yog ma bskos na 'das pa dang bcas pa'o/ /nad g.yog gis kyang nad pa'i nad g.yog ma byas na nyes byas su 'gyur ro/ /de ste nad pas nad g.yog la chos bzhin du bsgo ba ma mnyan na nyes byas su 'gyur ro/ /nad pa la yang de bzhin no/ /nad pa la ji srid du nad g.yog bgyi/ ji srid nad pa shi ba'am/ de ste sos par gyur pa'i bar du'o/ /mi phan pa rnams spong bar byed/ phan pa'i rnams ni sgrub par byed/ don rnams kyang nyams par mi byed pa bslab pa stsal pas gang nas bzung zhing gos rnams byin gyis brlab par bgyi nam rnyed na'o/ /nor rnams ji ltar rung bar bgyi/ mi rung ba 'dis rung ba bsgrub par bya zhing na ba'i sman rnams gzhag par bya'o snyam du'o/ /mdor na/ dge slong gnas pa rnam bzhi ni/ /gnang ba dang ni ras rnams dang / / song nas slar 'ongs spang ba dang / /sbom po mu stegs can dang gsum/ /dge slong gis sngar yang ma lags/ slad kyis kyang ma lags par gnas bzhir dbyar cig car tshul du yang zhugs la nongs par kyang mi 'gyur ba mchis sam/ yod de/ de 'di ltar dge slong de khri'am re lde'am ra gong yang rung ste/ gnas bzhi'i mtshams su mnan nas dbyar tshul du zhugs na tshul du zhugs pa zhes kyang bya ste/ nyes pa yang med do/ /de'i gos kyi bgos skal gang nas 'thob/ thams cad nas so/ /dbyar gyi ras chen tshad las chung ngu 'chang na de'i 13-1-225b nongs pa gang lags/ gsungs pa/ nyes byas su 'gyur ro/ /de bzhin du g.yan pa dgab pa dang gding ba yang de bzhin no/ /song nas slar mchis pa'i gos kyis gtan pa gding na gtan pa bting ba zhes bgyi'am/ ma bting ba zhes bgyi/ gsungs pa/ gtan pa ma bting ba zhes bya'o/ /gos de gang lags/ lam phan chad nas rnyed pa'o/ /spang ba byung ba'i gos rnams bgos na de'i ltung ba gang lags/ gsungs pa/ nyes byas so/ /mu stegs can gyi rgyal mtshan gos ma mchis pa dang / 'ol ba'i sgro dang / skra'i la ba dang gsum 'chang na de'i ltung ba gang lags/ nyes pa sbom por 'gyur ro/ /mu stegs can gyi rgyal mtshan gsum po ma gtogs par mu stegs can gyi rgyal mtshan gzhan 'dzin na cir 'gyur/ bcom ldan 'das kyis bka' stsal pa/ nyes byas so/ /'dul ba gzhung dam pa las/ ma na bi ka ba'i sgo dang po ste rdzogs s+ho// //mdor bsdus par na/ rnyings pa gding dang rings pa gsum/ /gzu bo'i nyes pa ji tsam gyis/ /ko sham bis ni ji ltar las byas pa/ /las dang gzu bo rjes su bsgrags/ /bsdigs pa bsdus nas bsgrags pa'o/ /mdor na/ rnyings pa sar pa gnyis po dang / /kha dog can dang ma bzhag pa/ /mi rung dang yang de bzhin te/ /yongs spyad dang ma bgos rung ba'o/ /btsun pa bcom ldan 'das kyis gos rnyings pa gtan par bting na gtan par ma bting ba'o/ /zhes gsungs na/ gos rnyings pa gang lags/ gos gang yang gtan par bting bar gyur pa'o/ /bcom ldan 'das kyis gos sar pa gtan par bting na gtan pa bting ba yin no zhes gsungs na/ gos sar pa gang lags/ gos gang sngar gtan par ma bting ba'o/ /bcom ldan 'das kyis gtan pa bting ba'i dge slong gis gos len pa'i tshe sems gsum bskyed par bya'o/ /thog mar 'gro bar bya'o/ /gang gi tshe mthar phyin na skud kham gsum tsam yang drubs la/ sems rnam pa gsum yang bskyed par bya'o/ /'khru ba dang / 'dra ba dang / btso ba dang / dkyil 'khor phyed dang gsum 13-1-226a pa yang byos shig ces gsungs na/ gtan pa bting bas sems rnam pa gsum bskyed na gtan pa bting zhes bgyi'am/ de ste gos 'di ni dge 'dun gyi gtan par gting ste/ bdag gis zhes sems rnam pa gnyis bskyed par bgyi/ sems de ltar rnam gnyis bskyed de gtan par bting na gtan pa gding ba la nyes byas su 'gyur ro/ /spang ba'i gos gtan par bting na gtan par bting bar mi 'gyur ro zhes gsungs na/ spang ba'i gos gang lags/ zhag bcu las 'das pa'am/ nub gcig bral bar gyur pa'o/ /mi rung ba'i gos gtan par bting na gtan par bting ba ma yin no zhes gsungs na/ mi rung ba'i gos gang lags/ gos gang rgyu mi rung bar gyur pa'o/ /btsun pa bcom ldan 'das kyis gos bgos pa rnying pa gtan pa bting na gtan par bting ba ma yin no zhes gsungs na/gos rnying pa bgos pa de gang lags/ gos gang dge slong gis rtag tu bgos pa'o/ /ma bgos pa'i gos gtan par bting na gtan par bting ba yin no zhes gsungs na/ ma bgos pa'i gos gang lags/ gos gang rgyu las gsar du btags pa'o/ /ma bgos pa rung ba'i gos gtan par bting na gtan par bting ba yin zhes gsungs na/ ma bgos pa rung ba'i gos gang lags/ gos gang khod dang ldan pa de gtan par bting na gtan par bting ba zhes bya'o/ /mdor na/ ma bting bar ni dge 'dun bye/ /bting nas bye bar gyur pa ni/ /phyogs gcig pa ni gang gis bgyi/ /zin par bya bar gyur pa'o/ /btsun pa gtan pa ma bting ba'i gnas su dge 'dun bye nas de dag las phyogs gcig gam phyogs gnyis pas gtan pa bting na gtan pa bting ba zhes bgyi'am/ u pA li gtan pa bting ba zhes bya'o/ /de thams cad ci gtan pa bting ba zhes bgyi'am/ u pA li ma yin te/ gang gis bting ba de dag la ni bting ba zhes bya'i gang gis ma bting ba de dag ni gtan pa ma bting ba zhes bya'o/ /btsun pa bting ba'i gnas su dge 'dun bye nas de dag las phyogs gcig pa'am phyogs gnyis pos kyang rung gtan pa byung na gtan pa phyung ba zhes 13-1-226b bgyi'am/ u pA li phyung ba'o/ /ci thams cad kyis phyung ba zhes bgyi'am/ u pA li ma yin te/ gang gis gtan pa phyung ba de dag la ni phyung ba zhes bya/ gang gis ma phyung ba de dag la ni gtan pa phyung ba zhes mi bya'o/ /dge 'dun phyogs dang / phyogs ma yin par bye ste mchis na gang gis gtan pa gding bar bgyi/ bcom ldan 'das kyis bka' stsal pa/ chos bzhin smra ba rnams kyis so/ /btsun pa gos ma lags par dge 'dun gyi gtan par bting na gtan par bting ba zhes bgyi'am/ gtan par ma bting ba zhes bgyi/ u pA li ma bting ba zhes bya'o/ / btsun pa gos zin nas gtan par bting na gtan pa bting ba zhes bgyi'am/ u pA li bting ba zhes bya'o/ /mdor na/ sems gsum bskyed dang bag yangs dang / /rkyen dang gtan pa de yi don/ /u pA li gnas brel ba'o/ /gtan pa bting ba'i dge slong gis mjug tu khab so 'drub pa'i tshe sems gsum bskyed par gyis shig ces gsungs na/ de gang lags/ gos 'di dge 'dun gyi gtan par gding bar bya'o/ /gos 'di ni gding ngo / /gos 'di ni bting ngo zhes brjod do/ /gtan pa gding ba de ltar sems gsum bskyed na gtan pa bting ba zhes bgyi'am/ ma bting ba zhes bgyi'am/ bting ba zhes bya'o/ /'on kyang sems bskyed pa rnam pa gnyis ni snga ma bzhin du gyis shig /sems de gnyis ma bskyed na cir 'gyur/ gtan pa bting ba zhes ni bya ste/ gtan pa gding ba ni nyes byas su 'gyur ro/ /gtan pa bting ba'i gnas su rkyen dus bag yangs su 'gyur/ lnga ste/ gos ci rnyed 'chang yang rung ba dang / sbyar ma med bzhin du grong du 'jug pa dang / 'dus shing za ba dang / yang yang za ba dang / ma bsgo bar spyod pa dang / steng gos dang / mthang gos kyis ljongs spyod du 'gro ba'o/ /btsun pa rgyu du rkyen dus na sbyar ma bzhag kyang 'bral bar mi 'gyur/ lnga ste/ ji ltar 'dul ba las 'dus par 'byung ba bzhin du dbyar gyi ras chen gzhag pa'ang de bzhin no/ /gtan pa zhes bgyi ba'i don ji lta bu lags/ gtan pa zhes bya ba ni gos la bya ste/ gos gang dge 'dun gyi gtan 13-1-227a par gding ba'o/ /btsun pa bcom ldan 'das kyis u pA li khyod gnas brel ba'o zhes gsungs pa'i don ji lta bu lags/ gnas gang na gos rnyed par gyur pa ni brel ba zhes bya'o/ /mdor na/ brtad dang zla ba gsum pa dang / /dus dang zhig par gyur pa dang / /gang zag lnga dang ma lta bu/ /gang zag gsum gding ba 'byin pa tha ma'o/ /brtad pa'i gos gtan par bting na gtan pa bting ba yin no zhes gsungs na/ brtad pa'i gos gang lags/ zhag 'di tsam na skabs 'byed par 'gyur ba'i tshe rnyed pa'o/ /zla ba gsum 'das nas gos rnyed pa de gtan par bting na gtan par bting ba yin no zhes gsungs na/ zla ba gsum 'das pa'i gos gang lags/ gzhi na 'khod pa rnams kyis ni bcwa lnga gyur/ blo bur du yang dge slong mang zhig lhags te de dag lta ba mthun pa yongs su dag pa de dag gi ni nyin par bcu bzhir gyur la/ de ste gzhi na 'khod pa ltar glo bur du lhags pa'i rnams byed na ni de'i tshe gos gang rnyed pa de zla ba gsum 'das nas rnyed pa'i gos yin te/ de gtan par bting na gtan par bting ba zhes bya'o/ /dus kyi gos gtan par bting na gtan par bting ba yin no zhes gsungs na/ dus kyi gos gang lags/ gos gang dbyar gyi zla ba tha ma la rnyed pa'o/ /gos zhigs pa gtan par bting na gtan par bting ba ma yin no zhes gsungs na/ gos zhigs pa gang lags/ gang dge slong gi lus las dengs pa'o/ /gang zag lngas gtan pa bting na gtan pa bting ba ma yin te/ lnga gang zhe na/ dbyar med pa dang / dbyar zhig pa dang / dbyar phyi mar zhugs pa dang / spangs pa dang / rjes su phyogs pa'o/ /ma lta bu'i gzhi las rnam pa 'di brgyad kyis na gtan pa phyung bar 'gyur ro/ /mthun par gzung ba gang/ tha ma gnyis kyi cha ma gtogs pa'i lhag ma rnams ni mthun par gzung ba ma yin no/ /bzhi las nyung bas gtan pa bting na gtan pa bting ba zhes bgyi'am/ ma bting ba zhes bya'o/ /de bzhin du bzhi po khyim pa'am/ de bzhin gshegs pa 13-1-227b la ngan sems kyis khrag phyung ba'i bar dang / bzhi pos gtan pa bting na bting ba ma yin no/ /gang gi nyin par gtan pa bting na de'i nyin par gsol ba dang las ma bgyis par phyung bar 'gyur ba mchis sam/ yod de/ de 'di ltar gzhi na gnas pa'i rnams kyis tshes bcu drug la gtan pa bting ba dang / glo bur du dge slong mang zhig lhags te/ de dag kyang yongs su dag la lta ba mthun/ gnas mthun te de dag gis ni de'i nyin par tshes bcwa lnga yin te/ de na gzhi na 'khod pa rnams kyis kyang de dag de ltar byas te de'i nyin par gso sbyin byas na gsol ba dang las ma byas par gtan pa phyung bar 'gyur ro/ /mdor na/ ji tsam gyis ni dge 'dun la/ /de yi tshul la rnam pa gsum/ /gzhan gyis gzhan la bde ba dang / /dge slong rnams kyi gso sbyin no/ /ji tsam gyis na dge 'dun gyi dbyen bgyis pa'i gang zag lags/ de bzhin gshegs pa'i nyan thos 'dus pa'i dge 'dun phye na mnar med pa'i kha na ma tho ba thob par 'gyur la de mtshams med pa'i kha na ma tho ba'i las su yang 'gyur ro/ /u pA li 'di lta ste/ dge slong gis chos ma yin pa la chos bzhin ma yin pa'i 'du shes kyis rgyas par te rnam pa bcwa brgyad du ji ltar 'dul ba las 'byung ba bzhin no/ /gang dge 'dun gyi dbyen bgyis pa de thams cad dge 'dun 'khrugs pa lags sam/ gang dge 'dun 'khrugs pa de thams cad dge 'dun gyi dbyen lags/ dge 'dun gyi dbyen yin la 'khrug pa ma yin par 'gyur ba rnam pa bzhir sbyar ba yang yod do/ /dge 'dun gyi dbyen yin la 'khrug pa ma yin par 'gyur ba gang zhe na/ de 'di ltar dge 'dun phye bar ni gyur la dge 'dun gyi dbyen du 'gyur ba'i dngos po bcu bzhi ni ma bzung bar gyur pa'o/ /de ni dge 'dun phye ba yin te dge 'dun 'khrug pa ni ma yin no/ /dge 'dun 'khrugs par gyur la dge 'dun phye ba ma yin pa gang zhe na/ de 'di ltar dge 'dun gyi dbyen du 'gyur ba'i dngos po bcu bzhi bzung bar gyur pa de ni dge 'dun 'khrugs par gyur gyi dge 'dun gyi dbyen ma yin 13-1-228a pa'o/ /dge 'dun 'khrugs la dge 'dun bye bar yang gyur pa ni/ de 'di ltar dge 'dun phye bar yang gyur la dbyen du 'gyur ba'i dngos po bcu bzhi yang shin tu nges par bzung ba de ni dge 'dun phye la dge 'dun 'khrugs par gyur pa'o/ /dge 'dun gyi dbyen yang ma yin la 'khrugs par yang ma gyur pa gang zhe na/ rnam pa de dag ma gtogs pa'o/ /gang dge 'dun bye ba'i dge 'dun de thams cad tha dad du gyur pa lags sam/ gang dge 'dun tha dad du gyur pa de thams cad dge 'dun bye ba lags/ dge 'dun bye la dge 'dun tha dad du ma gyur pa'ang yod de/ rnam pa bzhir sbyar ro/ /dris pa/ dge 'dun bye la dge 'dun tha dad du ma gyur pa gang zhe na/ de 'di ltar dge 'dun bye bar ni gyur na dge 'dun gnas tha dad pa'am/ gos tha dad du gyur pa med pa de ni dge 'dun bye mod kyi dge 'dun tha dad du gyur pa ma yin no/ /dge 'dun tha dad du gyur la dge 'dun ma bye ba gang zhe na/ 'di ltar dge 'dun gnyis tha dad du gyur pa nas rgyas par te/ dge 'dun bye bar ma gyur pa'i bar du dge 'dun tha dad du gyur mod kyi ma bye ba'o/ /dge 'dun bye la dge 'dun tha dad du'ang spyod pa gang zhe na/ de 'di ltar dge 'dun de dag bye bar yang gyur la/ dge 'dun gnyis su gnas kyis tha dad pa'am/ mtshams kyis tha dad pa'am/ rnyed pa tha dad pa'am/ gos tha dad par spyod par gyur pa de ni dge 'dun bye la dge 'dun tha dad du gyur pa yin no/ /dge 'dun bye ba'ang med la dge 'dun tha dad du'ang gyur pa yang ma yin pa gang zhe na/ rnam pa de lta bu ma gtogs pa'o/ /gang dge 'dun bye ba de thams cad dge 'dun so sor gyur pa lags la gang dge 'dun so sor gyur pa de thams cad dge 'dun bye bar 'gyur ram/ dge 'dun bye la dge 'dun tha dad du gyur pa'ang ma yin pa'ang yod de/ de yang rnam pa bzhir sbyar ro/ /dge 'dun bye la tha dad du gyur pa ma yin pa gang zhe na/ de 'di ltar dge 'dun bye bar gyur kyang dge 'dun gnyis gnas las so so'am/ gos las 13-1-228b so sor spyod pa mang ba de ni dge 'dun bye mod kyi dge 'dun tha dad du gnas pa ma yin no/ /dge 'dun tha dad du gyur cing dge 'dun ma bye ba gang zhe na/ de 'di ltar dge 'dun gnyis gnas dang mtshams dang rnyed pa so sor gyur pa de ni dge 'dun tha dad du gyur cing dge 'dun bye ba ma yin pa'o/ /dge 'dun bye la dge 'dun tha dad du gyur pa gang zhe na/ de 'di ltar dge 'dun bye bar yang gyur la/ gnyis gnas tha dad du 'khod pa la sogs pa snga ma bzhin no/ /dge 'dun bye ba'ang ma yin la dge 'dun tha dad du gnas pa yang ma yin pa gang zhe na/ rnam pa de lta bu ma gtogs pa'o/ /dge 'dun bye nas tha dad du spyod pa las phyogs gcig gam gnyis pos mtshams bkrol na bkrol ba zhes bgyi'am/ de ste chos bzhin smra bas bkrol na ni bkrol ba zhes bya'o/ /dge 'dun phye nas phyogs so sor gnas shing 'khod na dge slong ma rnams kyis gso sbyin bgyi'am/ bya'o/ /de ci'i phyir zhe na/ dge slong ma dang dge slong rnams so sor gnas pa'i phyir ro/ /mdor na/ gzu bo las ni gnyis su bya/ /spangs pa de yang grogs med pa/ /spangs par gyur pa mi shes na/ /rjes su phyogs dang spyod pa dang / /dbyen byed rjes su 'jug pa'o/ /dge 'dun phye nas phyogs dang phyogs ma yin par gnas na gzu bo rnams kyis ji lta bur bgyi/ mtshams kyi phyi rol du dong la gso sbyin byos shig /dge 'dun bye nas phyogs dang phyogs mtshams par 'khod nas dge slong ma la bstan pa sus bgyi/ chos bzhin smras pas so/ /de ste chos bzhin smra ba gzu bo rnams kyis mtshams kyi phyi rol du deng la ston cig /spangs pa'i rjes su phyogs na nyes pa cir 'gyur/ gnyis la ni nyes byas so/ /gcig la ni ltung ba'o/ /spangs pa dang spangs pa grogs dang bcas pa zhes bgyi'am/ grogs ma mchis pa zhes bgyi/ spangs pa ni thams cad kyang gcig pu ste gnyis su ma yin pa grogs med pa zhes bya'o/ /spangs pa dang lhan cig tu spyod par bgyi'am/ mi spyad par bgyi/ spangs pa ni thams cad dang lhan cig tu mi spyad par bya'o/ /gang spangs par ma 'tshal na de dang 13-1-229a lhan cig spyod par bgyi'am/ gang la spangs par mi shes na de dang lhan cig gnas/ lhan cig spyad kyang nyes pa med do/ /nye bar phyogs pa dang nye bar ma phyogs pa lhan cig tu spyod na nyes byas su 'gyur ro/ /nye bar ma phyogs pa dang nye bar phyogs pa dang lhan cig tu spyod na nyes byas su 'gyur ro/ /dbyen byed pa'i rjes su phyogs pa gang zag bzhi yod na dge 'dun bye ba zhes bya'o/ /ji tsam gyis na dge 'dun gyi dbyen du 'gyur/ skye bo bzhi dbyen byed pa'i rjes su phyogs par gyur pa'o/ /mdor na/ de 'dra ba dang dad pa dang / / chos dang chos bzhin 'dra ba dang / /nyes las dbyung ba spangs pa dang / /dbyen par mthong dang yan lag go/ /btsun pa bcom ldan 'das kyis de 'dra ba'i dge slong spang bar ma byed cig ces gsungs na/ de 'dra ba'i dge slong gang lags/ dge slong gang grags pa/ bsod nams che ba/ mang du thos pa'o/ /mdo sde 'dzin pa/ 'dul ba 'dzin pa/ ma lta bu 'dzin pa/ g.yog mang ba/ 'khor mang ba/ de lta bu ni de 'dra ba'i dge slong zhes bya'o/ /de 'dra ba'i dge slong spangs na ltung ba cir 'gyur nyes byas so/ /de ste dbye ba'i de gang lags/ de la dad pa'i dge slong zhes ni ngas dgongs te gsungs na dad pa'i dge slong gi tshig bzhin du nyes pa chos bzhin slar byos shig /bram ze dad pa zer ba ltar/ dge slong gis nyes pa chos bzhin ma byas na nyes byas su 'gyur ro/ /chos bzhin du smra ba'i dge slong stan gyi bar du 'dug shig ces gsungs na chos bzhin du smra ba gang lags/ gang nyes pa gcig la gcig pu snyol ba dang / 'byung bar stsol ba dang / phyag 'tshal bar ston pa'o/ /dge 'dun bye nas phyogs ma yin par gnas na/ gtan pa bting ba sus dbyung bar bgyi/ chos bzhin du smra ba dag gis dbyung ngo / /spangs pa'i dge slong dag spu nyal ba dang / dbyung bar stsol ba dang / phyag 'tshal bar ston par bgyid na/ de dag sus bzod par gsol bar bgyi/ gang spangs pa dang rjes su song bas so/ /shA ri'i bu mal stan rnams ni rigs par bgos 13-1-229b shig ces gsungs na/ rigs pa de gang lags/ de ni phyogs gcig tu rigs par byas pa'o/ /skra brgyar gyes pa'i yan lag gi dum bu tshol la sbyor cig /so sor dbye bar ni ma byed cig ces gsungs na de skad du gsungs pa'i don gang/ yan lag gi dum bu ni dad pa blang ba'o/ /yan lag btsal bar bya/ dum bu btsal bar bya/ dge 'dun 'dus pa btsal bar bya'i dbyen du 'gyur ba la ni 'jug par mi bya'o/ /mdor na/ kau shAm bI yi phyogs gnyis dang / /gso sbyin dang ni chos gos dang / /kau shAm bI yi phyogs gcig dang / / yangs pa can gyi gzu bo ste/ /gzu bos kyang ni phyogs gnyis su/ /yangs pa can gyi gzu bo'o/ /kau shAm bI'i phyogs gnyis po gcig tu 'dus nas gso sbyin la zhugs na gzu bo rnams kyis ji ltar 'tshal cig /mtshams kyi phyi rol du deng la gso sbyin byos shig /kau shAm bI'i phyogs gnyis ka gcig tu 'dus shing 'khod pa la de na mi zhig gis dge 'dun la gos phul na de gang dbang/ gnas brtan gang na 'dug pa dbang ngo / /phyogs gcig na ni gnas brtan mchis/phyogs gcig na ni gnas brtan 'og ma mchis na gang dbang / de gnyis las gang la chu rgyun brims pa de dbang ngo / /thams cad kyis ji ltar bgo bar bgyi/ gang la thob pa de rnams la rim bzhin du'o/ /yul yangs pa can dang kau shAm bI pa gnyis lhan cig gso sbyin bgyid na bgyis pa zhes bgyi'am/ u pA li ma yin no/ /gzu bo rnams kau shAm bI pa dang gso sbyin bgyis na bgyis pa zhes bgyi'am/ u pA li ma yin no/ /gzu bo rnams yangs pa can pa dag dang gso sbyin bgyis na bgyis pa zhes bgyi'am/ u pA li ma yin no/ /mdor na/ gang gi dus su bye bar gyur/ /sring mo rnams la'ang rjes bsgrags pa/ / phyogs dang dge slong ma yi dge 'dun dang / gang gi dus su kau shAm bI'i dge 'dun rnams bye bar gyur/ gang gi tshe de dag gi mtshams kyi nang du gso sbyin tha dad du byas pa na'o/ /gang gi dus su dge slong gang gis/ kau shAm bI'i dge slong phye/ chos bzhin smra ba ma yin pa dag 13-1-230a gis te/ mtshams kyi nang du lhan cig gnas pa las gso sbyin tha dad du byas pas so/ /dge slong ma'i dge 'dun kyang phye nas tha dad du gnas pa zhes bya'o/ /ci dge slong ma'i dge 'dun bye ba la zla ba phyed phyed cing lung bstan par bgyi'am/ bcom ldan 'das kyis bka' stsal pa/ bstan par mi bya ste/ sring mo'i rnams mthun par gyis shig ces sngar bsgo bar bya'o/ /rnam pa gnyis kyi phyir dge 'dun bye ba rjes su bsgrags pa dang tshul shing brims pa lags so zhes gsungs na/ gang gis dbye zhing gnod par brtsams te rjes su bsgrags sam tshul shing brims pa las blangs na/ dge 'dun bye ba zhes bgyi'am/ u pA li ma yin no/ /las bgyid pa la cir 'gyur/ dbyen gyi 'khor du gtogs pas na de ste dge 'dun thams cad kyis na dge 'dun thams cad kyang 'das pa dang bcas par 'gyur ro/ /phyi rol na dge slong ma'i dge 'dun phyogs dang phyogs ma yin par gnas par gyur na de dag la zla ba phyed phyed cing lung bstan pa stsal bar bgyi'am/ dge slong ma'i dge 'dun kyang bye bar 'gyur gyis sbyin par bya'o/ /yangs pa can gyi dge slong ma rnams la lung bstan par bgyi ba las de na kau shAm bI yang mchis par gyur na de dag las ji lta bur bstan par bgyi/ mtshams kyi phyi rol du song la bstan par bya'o/ /mdor na/ gcig gis gcig la spangs pa dang / /gnyid kyis log nas spangs pa dang / /gzhan dag gis kyang gang zag la/ /tshul bzhin du yang ma byas pa'o/ /btsun pa bcom ldan 'das kyis chos bzhin ma yin pas byas la ma 'dus pa dang / chos bzhin ma yin la 'dus pa dang / chos bzhin ma yin pa dang 'dra ba la 'dus pa dang / chos bzhin ma yin pa dang 'dra ba la ma 'dus pa'o zhes gsungs na/ chos bzhin ma yin par bgyis na ma 'dus pa gang lags/ bsdigs pa'i las bya bar rigs pa las spangs nas 'dus pa ste/ de ltar na chos bzhin ma yin par byas la ma 'dus pa'o/ /chos bzhin ma yin pa la 'dus pa gang zhe na/ 13-1-230b bsdigs pa'i las su rigs pa la spangs la 'dus par yang gyur pa ste/ de ltar na chos bzhin ma yin pa la 'dus pa'o/ /chos bzhin ma yin pa dang 'dra ba la ma 'dus pa gang zhe na/ spang bar rigs pa la thog mar rjes su bsgrags te/ de'i 'og tu gsol ba byas nas spangs na de ni chos bzhin ma yin pa dang 'dra ba la ma 'dus pa'o/ /chos bzhin ma yin pa dang 'dra ba la 'dus pa gang zhe na/ spangs par rigs pa la sngar rjes su bsgrags te/ de'i 'og tu gsol ba byas te spangs la 'dus par yang gyur pa ste/ de ni chos bzhin ma yin pa dang 'dra ba la 'dus pa'o/ /chos bzhin du ma 'dus pa gang zhe na/ spangs par rigs pa spangs la ma 'dus par kyang gyur pa ste/ de ni chos bzhin du ma 'dus pa'o/ /gcig gis gcig spangs na nyes byas su 'gyur ro/ /gcig gis gnyis sam mang po spangs nas bzhi'i bar du ni bskor cing bsdu bar bya'o/ /bzhis bzhi spangs na dbyen gyi 'khor du gtogs pa'i nyes pa sbom por 'gyur ro/ /dge 'dun thams cad gnyid kyis log pa la dge slong spangs na spangs pa zhes bgyi'am/ de ste gsol ba byas nas nyal te spangs na ni spang ba zhes bya'o/ / de ste sngar nyal la phyis gsol ba byas na spangs pa zhes mi bya'o/ /las gzhan du bsgrags la gzhan du spangs na spangs pa zhes ni bya ste/ dge 'dun thams cad kyis mi shes na dbyen gyi 'khor du gtogs pas las byed pa la nyes pa sbom por 'gyur ro/ /de ste dge 'dun thams cad kyis shes na dge 'dun thams cad 'das pa dang bcas pa'o/ /dge slong bzhi pas nyung bas spangs na spangs pa zhes bgyi'am/ u pA li ma yin te/ khyim pa nas de bzhin gshegs pa la ngan sems kyis khrag phyung ba'i bar du de dag gis grangs su bskang ste/ dge slong spangs na spangs pa zhes mi bya'o/ /mdor na/ las la phyin dang bzlog pa dang / /nyal ba snyoms par zhugs pa dang / /dge slong gcig la bsgo ba dang / /lnga pos spang bar mi bya'o/ /btsun pa bcom ldan 'das kyis dge slong ji 13-1-231a snyed las la phyin cing mngon du gyur la dad pa blang bar rigs pa'i rnams la dad pa'ang blangs par gyur/ gang gis bzlog par byas na yang bzlog par brtsan pa'i dge slong dag kyang mngon sum du gyur la dgag pa'ang med/ bzlog pa'ang med do/ /zhes gsungs na/ dge slong las la phyin pa ni gang lags/ dge slong bzhi 'dus nas las bya ba'i rigs pa la dge slong yongs su dag pa thams cad la yang mtshungs par gnas pa bzhi tshogs pa ni las la phyin pa'i/ dge slong lnga 'dus nas bya ba dang / bcu 'dus nas bya ba dang / nyi shu 'dus nas bya ba rnams las la'ang phyin la dge slong de dag kyang yongs su dag pa lta ba mthun pa rnams tshogs pa ni las la phyin pa zhes bya'o/ /gang la bzlog pa lags/ gang gi bzlog pa brtsan pa ste sa la gnas pa la ni nam mkha' la gnas pas bzlog pa mi brtsan no/ / de bzhin mtshams kyi phyi rol na 'dug pas mtshams kyi nang na 'dug pa la bzlog pa'ang mi brtsan no/ /u pA li brtsan pa ni dge tshul bslab pa ston pa'i tshe bdag la bslab pa ma ston cig ces zer na de'i bzlog pa brtsan no/ /dge tshul bsnyen par rdzogs par bya ba'i tshe bdag la bsnyen par rdzogs par ma byed cig ces zer na yang de'i bzlog pa brtsan no/ /chad pas gcad pa la chad pa gcod pa'i tshe bdag chad pas ma gcod cig ces zer ba dang / de bzhin du gzhi nas bslang ste yid mgu bar bya ba dang / dbyung bar bya ba dang / de bzhin du gang zag bcu gnyis bsgo ba thams cad kyis kyang bzlog par brtsan no/ /nyal ba spangs pa zhes bgyi'am/ de ste gsol ba thos nas nyal na spangs pa zhes bya'o/ /de sngar nyal la gsol ba phyis byas na ma spangs pa zhes bya'o/ /snyoms pa la zhugs pa yang de bzhin no/ /dge slong gcig pu zhig gis bsgo na'ang bzlog pa zhes bya'o/ /dge 'dun bye ste phyogs dang phyogs ma yin par gnas pas phyogs gang yang rung ba cig spangs pa na spangs pa zhes bgyi'am/ ma spangs pa zhes bgyi gsungs pa/ ma spangs pa zhes bya'o/ /mdor na/ gzu bos grangs su bskangs 13-1-231b pa dang / /chos min chos su bsgrags pa dang / /dge 'dun dbus su bsgo ba dang / /bcas pa rnam par bsgo ba'o/ /gzu bos mang por bskangs te dge slong gis spangs pa spangs pa zhes bgyi'am/ ma spangs pa zhes bgyi/ gsungs pa/ spangs pa zhes ni bya ste gzu bo'i dngos po ni med par 'gyur ro/ /gang cung zad chos bzhin ma lags pa'i las de thams cad ma 'dus pa'i las sam/ de ste gang cung zad ma 'dus pa'i las de thams cad chos bzhin ma lags pa'i las zhes bgyi'am/ u pA li ma yin te/ chos bzhin ma yin pa'i las kyang gzhan la/ ma 'dus pa'i las kyang gzhan no/ /chos bzhin ma yin pa'i las la ma 'dus pa'i las ma yin pa gang zhe na/ gang la bya ba de mngon sum du ma gyur/ glengs pa'ang med/ dran par byas pa'ang gzhan med dam 'char yang ma bcug pa la byed pa dang / dge slong ji snyed pa kun las la phyin cing 'dus nas mngon sum du gyur/ dad pa blang ba'i rigs pa las dad pa yang blangs nas gang gis bzlog na bzlog pa la brtsan pa'i dge slong rnams mngon sum du gyur kyang dgag par mi byed/ zlog par mi byed pa 'di ni chos bzhin ma yin pa'i las yin la ma 'dus pa'i las ni ma yin pa'o/ /ma 'dus pa'i las yin la chos bzhin ma yin pa'i las ma yin pa gang zhe na/ gang la bya ba mngon sum du gyur la glengs/ dran par byas/ dam 'char bcug nas byed pa dang / dge slong ji snyed las la byin par byed pa de thams cad kyang ma 'dus/ mngon sum du ma gyur/ dad pa blang ba'i rigs pa las dad pa'ang ma blangs/ dge slong mngon sum du gyur pa dag gis dgag pa dang bzlog pa'ang brtsan par gyur pa de ni ma 'dus pa'i las yin la chos bzhin ma yin pa'i las ni ma yin no/ /gang chos bzhin pa'i las de thams cad 'dus pa'i las lags sam/ u pA li ma yin te/ chos bzhin gyi las gzhan la 'dus pa'i las kyang gzhan no/ /chos bzhin gyi las lags la 'dus pa'i las ma lags pa gang lags/ gsungs pa/ de la mngon sum du byed cing glengs pa 13-1-232a dang / dge slong ji snyed las la phyin par byed pa de thams cad ma 'dus mngon sum du'ang ma gyur/ dad pa blang ba'i rigs pa'ang ma blangs/ dge slong gang gis bzlog pa brtsan pa de dag kyang mngon sum du gyur cing 'gog pa zlog pa 'di ni chos bzhin gyi las yin la 'dus pa'i las ma yin no/ /'dus pa'i las lags la chos bzhin gyi las ma lags pa gang lags/ gsungs pa/ mngon sum du ma gyur par de la byed cing ma glengs/ dran par ma byas/ dngos po ma yin/ dam 'char ma bcug par byed pa dang / dge slong ji snyed las la phyin par bya ba de thams cad 'dus shing mngon sum du gyur la dad pa blang ba'i rigs pa las dad pa'ang blangs/ dge slong gang mngon sum du gyur na bzlog pa brtsan pa de dag kyang mi 'gog mi zlog pa 'di ni 'dus pa'i las yin la chos bzhin ma yin pa'i las so/ /gang su la dge 'dun gyi dbus su lan gsum gyi bar du bsgo na de thams cad nongs par 'gyur ram/ gsungs pa/ 'gyur ba yang yod/ mi 'gyur ba yang yod de/ gang la dge 'dun gyi dbus su lan gsum gyi bar du bsgo na de thams cad nyes par 'gyur ro/ /nongs par 'gyur la dge 'dun gyi nang du lan gsum gyi bar du bsgo mi 'tshal ba mchis sam/ gsungs pa/ bsgo ba rnams ma gtogs par nyes pa gzhan byung ba'o/ /ji tsam gyis na tha mar gyur pa la yi dam brjod pa zhes bgyi/ gsungs pa/ gang la phas pham pa bzhi las gang yang rung nyes pa byung nas dge 'dun gyi dbus su lan gsum du khas len pa'i tha ma'i dngos po la dam 'cha' bar byed pa zhes bya'o/ /chad pas bcad pa'i bsgo ba de dge slong gis spangs na spangs pa zhes bgyi'am/ gsungs pa/ mngon sum du gnas pa'i sdom pa ma gtogs par gzhan thams cad kyi las su byas pa zhes bya'o// //'dul ba gzhung dam pa/bam po bzhi bcu rtsa bdun pa/ mdor na/ dang por rjes su bsgo ba dang / /dad pa bdag nyid yi dam 'cha'/ /bzhi la bslab pa sbyin pa dang / /tshul shing len par byas pa dang / /so sor 13-1-232b gnas pa tha ma'o/ /las sngar bsgo nas phyis gsol ba bgyis na dge slong spangs pa zhes bgyi'am/ ma spangs pa zhes bgyi/ ma spangs pa zhes bya'o/ /chad pa bgyid pa la cir 'gyur/ de ste dge 'dun thams cad mi shes na dbyen gyi 'khor du gtogs pas nyes pa sbom po'o/ /de ste dge 'dun thams cad kyis shes na dge 'dun thams cad la'ang 'das pa dang bcas par 'gyur ro/ /chad pa bgyis pas dad pa blangs te dge slong la spangs na spangs pa zhes bgyi'am/ nye g.yog gi sdom pa ma gtogs te/ las thams cad byas pa zhes bya'o/ /bdag nyid la las bgyis na bgyis pa zhes bgyi'am/ de ste dogs pa med na byas pa zhes bya'o/ /de ste dogs pa yod na ma byas pa zhes bya'o/ /bdag nyid la slar las byed pa ni 'di rnams te/ bdag nyid la chad pa'i las byas nas bdag nyid la bdag nyid kyis bzod pa gsol pa'o/ /btsun pa gang la bsdigs pa'i las bgyid pa dang / bskrad par bgyis pa de dag la chos bzhin du yi dam 'cha' stsal ba de dag kyang dge 'dun gyi nang du lan gsum gyi bar du khas blangs la bslab pa stsal ba'i rigs pa bzhi la bsgrags pa gcig gis bslab pa stsal bar rung ngam/ bcom ldan 'das kyis bka' stsal pa/ u pA li mi rung ngo / /bsgrags pa gcig gis bzhi bsnyen par rdzogs par rung ngam/ u pA li mi rung ngo / /tshul shing 'brim pa dang bzhis dge slong la spangs na spangs pa zhes bgyi'am/ ma spangs pa zhes bya'o/ / mdor na/ bsdigs pa spangs pa'i dge slong dang / /dbyen byed gcig pu ma gtogs te/ /bsdigs pa zhes bya ci yi don/ /lhag par nye bar brtag pa'o/ /bsdigs pa'i las bgyis pa la smad pa'i las bgyis na bgyis pa zhes bgyi'am/ bsdigs pa'i las ni med par 'gyur ro/ /bsdigs pa'i las bgyis pa la bskrad pa dang / slar bsdu ba'i las bgyid pa zhes bgyi'am ma bgyis pa zhes bgyi/ gsungs pa/ byas pa ni yin mod kyi bsdigs pa ni med par 'gyur ro/ /ji ltar bsdigs pa'i las byas pa de bzhin du smad pa'i 13-1-233a las byas pa dang / bskrad pa'i las byas pa dang / slar bsdu ba'i las byas pa la'ang rgyas par te/ rnam pa bzhir bskor bar brjod par bya'o/ /spangs pa la bsdigs pa'i las bgyid na bgyis pa zhes bgyi'am/ u pA li ma yin te/ de ni mtshungs par spyod pa ma yin pa'i phyir ro/ /de bzhin du smad pa dang bskrad pa dang / slar bsdu ba'i las bgyid pa de dag bgyis pa zhes bgyi'am/ u pA li ma yin te/ da ni mtshungs par spyad pa ma yin pa'i phyir ro/ /dge slong dag ma gtogs par gzhan la dbyen byas pa ni nyes byas su 'gyur ro/ /bsdigs pa zhes bgyi ba'i don ji lta bu/ u pA li de ni ming tsam mod kyi/ dge slong gang thab mo can du gyur pa de la khyod nam thab mo de las slar log par ma gyur pa de'i bar du khyod la dge 'dun gyis phyi phyir nye bar rtog go zhes bsgo ba'o/ /smad pa zhes bya ba'i don ci lags/ u pA li smad pa zhes pa de ni ming tsam mod kyi/ dge slong gang phyi phyir dge 'dun gyi lhag ma'i ltung bar gyur pa la khyod kyis nam phyi phyir ltung ba de las slar ma log pa de'i bar du gnas 'cha' zhing 'dug shig ces bsgo ba'o/ /bskrad do zhes bgyi ba'i don ci lags/ u pA li bskrad do zhes bya ba ni ming tsam mod kyi/ dge slong gang gis rigs sun par gyur pa ste/ de gnas de na ma 'dug shig ces bsgo ba'o/ /slar bsdu ba zhes bgyi ba'i don ci lags/ u pA li de ni ming tsam mod kyi dge slong gang khyim pa la dpyas pa de la khyod khyim bdag de la bzod par gsol cig ces bsgo ba'o/ /khyod la dge 'dun gyis phyi phyir nye bar rtog par 'gyur ro zhes gsungs na gsungs pa de'i don ci lags/ gsungs pa/ khyod kyi ltung ba gang byung ba de la dge 'dun gyis chos bzhin du las byed du 'jug go zhes bya ba'o/ /khyod kyis gzhan la gnas shing 'dug shig ces gsungs na de'i don ci lags/ gsungs pa/ gang zag gang la mdza' ba'am/ bla mar byed pa'am/ ngo tsha ba'am/ 13-1-233b khrel ba 'byung bar gyur pa de la gnas brtan par bya'o/ /mdor na/ zhar ba ma yin zhar zhes smra/ /dge slong gnod pa ltung ba dang / /nang ngam de ste phyi yang rung/ /bar chad dag tu gyur pa'o/ /zhar ba ma yin pa la zhar ba zhes smras na cir 'gyur/ shes bzhin pa'i brdzun smras pas ltung ba'o/ /zhar ba la zhar zhes smras na mi'i skyon smras pas ltung bar 'gyur ro/ /dge slong la gnod pa ni nang ngam phyi'o zhes gsungs na nang ni gang/ phyi ni gang/ mtshams kyi nang ni nang ngo / /mtshams kyi phyi rol ni phyi rol lo/ /gcig tu na yang gtsug lag khang gi nang ni nang ngo / /bla gab med pa ni phyi rol lo/ /rnam grangs du mar bar du gcod pa'o zhes bcom ldan 'das kyis gsungs pa bar du gcod pa'i chos de gang lags/ 'dod pa ni bar du gcod pa'i chos te/ u pA li 'dod pa ni bar du gcod pa'i chos su ngas gsungs so/ /'dul ba gzhung dam pa ma na pi ka zhes bya ba'i 'dul ba'i rim pa rdzogs so// //sangs rgyas bcom ldan 'das dze ta'i tshal mgon med zas sbyin gyi kun dga' ra ba na bzhugs so/ /de nas tshe dang ldan pa u pA li sangs rgyas bcom ldan 'das gang na ba der song ste drung du phyin pa dang / zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas/ sangs rgyas bcom ldan 'das la tshe dang ldan pa u pA lis 'di skad ces gsol to/ /btsun pa 'dul ba'i phung po du mchis/ u pA li gsum ste/ bsnyen par rdzogs pa'i phung po dang / rab tu ldan pa'i phung po dang / 'tsho ba'i phung po'o/ /bsnyen par rdzogs pa'i phung po gang zhe na/ bsnyen par rdzogs par 'os pa dang / bsnyen par rdzogs par mi 'os pa dang / bsnyen par rdzogs par bya ba dang / bsnyen par rdzogs par mi bya ba dang / bsnyen par rdzogs pa dang / bsnyen par ma rdzogs pa dang / las dang las kyi dngos po dang / gzhag par 'os pa'i las dang / mi gzhag par 'os pa'i 13-1-234a las dang / dbyung ba'i las dang / bzod pa gsol ba'i las dang / bsdigs pa'i dngos po dang / gleng ba'i dngos po dang / gdul ba'i dngos po dang / zhi bar bya ba'i dngos po dang / rgyu'i dngos po dang / bslab pa dang / bslab pa ma phul ba dang / bslab pa phul ba dang / bslab pa nyams par brjod pa dang / rtsod pa dang / rtsod par bsdu ba dang / rtsod pa zhi ba dang / rtsod pa rab tu zhi ba dang / klog pa dang / mi klog pa dang / byin gyis brlab pa dang / smyos pa'i sdom pa dang / dad pas byin pa ma rung bar byed pa dang / las dang / las ma yin pa dang / 'dul ba dang / lta ba brjod pa dang / gsol pa dang / gsol ba'i las dang / gsol pa dang gnyis kyi las dang / gsol pa dang bzhi'i las dang / bsdigs pa'i las dang / smad pa'i las dang / bskrad pa'i las dang / slar bsdum pa'i las dang / ma mthong ba'i phyir spangs pa'i las dang / slar las mi byed pa'i phyir spang ba'i las dang / sdig par lta ba slar ma btang ba'i phyir spang ba'i las dang / chad pas gcad pa dang / gzhi nas bslang ba dang / yid mgu bar byed pa dang / dbyung ba dang / dri ba dang / chos bzhin pa dang / chad pa'i yon tan gang yin pa dang / gzhi nas bzlas pa dang / yid mgu ba ci phyir bya ba dang / dbyung ba'i yon tan gang yin pa dang / de'i ngo bo nyid tshol bas chad pa gcad pa dang / nyes pa dang / nyes pa med pa dang / lci ba'i nyes pa dang / yang ba'i nyes pa dang / lhag mar bcas pa'i nyes pa dang / lhag ma med pa'i nyes pa dang / nyes pa sbom po'i nyes pa dang /nyes pa sbom po ma yin pa'i nyes pa dang / las su bcas pa'i nyes pa dang / las med pa'i nyes pa dang / nyes par gyur pa'i las dang / nyes pa med pa'i las dang / nyes pa dbyung ba dang / gleng ba dang / dran par bya ba dang / brtsad pa yod pa'i las dang / 'tshe ba'i las dang / lung mi bsgo ba dang / lung bsgo ba dgag 13-1-234b pa dang / lung bsgo ba rdzogs par mi bya ba dang / skabs 'byed pa dang / skabs dbye ba'i las dang / skabs dbye bar gsol ba dang / gso sbyin 'gog pa dang / skabs dbye ba dgag pa dang / nang du bzhag pa dang / nang du btsos pa dang / bdag gis btsos pa dang / dge slong gis btsos pa dang / blangs pa dang / slar ma blangs pa dang / blangs nas slar len pa'o/ /snga dro'i zas kyi tshe byin len byas pa dang / de'i lhag ma khyer ba dang / nags kyi tshig gu can dang / rdzing gi dang / bting ba dang / ma bting ba dang / phyung ba dang / ma phyung ba dang / rin che ba'i yo byad dang / chung ba'i yo byad dang / bgo bar bya ba'i yo byad dang / mi bgo ba'i yo byad dang / mi'i yo byad dang / mi ma yin pa'i yo byad dang / dbang ba'i yo byad dang / mi dbang ba'i yo byad dang / byin len bya ba'i yo byad dang / byin len mi bya ba'i yo byad dang / shi ba'i chos gos dang / dngos po'i gos dang / phyag dar khrod pa'i gos dang / sna'i las dang / mas btang ba'i las dang / mtshon gyi las dang / breg pa'i las dang / skra breg pa'i las dang ched du byas pa'i bza' ba dang / 'bras bu za ba dang / mi'i za ba dang / mi ma yin pa'i za ba dang / lnga brgyas 'dul ba bsdus pa dang / bdun brgyas 'dul ba bsdus pa dang / 'dul ba yang dag pa'i mdo dang / nag por ston pa dang / cher ston pa dang / 'dres pa dang / shin tu 'dres pa dang / kun dga'i rung ba dang / nags su rung ba dang /'khor gyi rung ba dang / yul gyi rung ba dang / phyogs kyi rung ba dang / ljongs su rung ba dang / gos kyi rung ba dang / khu ba skyur po rung ba'o/ /bsnyen par rdzogs par 'os pa gang zhe na/ khas blangs nas grub pas na bsnyen par rdzogs pa ste/ bsnyen par rdzogs par 'os pa la rnam pa bcu'o/ /de bzhin gshegs pa rang byung dang rang sangs rgyas ni slob dpon med pas bsnyen par rdzogs pa dang / lnga po rnams ye shes mngon du chud 13-1-235a pas bsnyen par rdzogs pa dang / tshe dang ldan pa 'od srung chen po ston par khas blangs pas bsnyen par rdzogs pa dang / tshe dang ldan pa 'char ldan dris nas lung bstan pas bsnyen par rdzogs pa dang / dge slong tshur shog ces gsungs pas bsnyen par rdzogs pa dang / skyabs su 'gro ba'i tshig gsum gyis bsnyen par rdzogs pa dang / yul mtha' 'khob na 'dul ba 'dzin pa dang / lnga'i dge 'dun las bsnyen par rdzogs pa dang / yul gyi dbus su bcu 'dus pa dang de las lhag pa las bsnyen par rdzogs pa dang / bla ma'i chos khas blangs pa dang / pho nyas bsnyen par rdzogs pa dang / dge 'dun sde gnyis las bsnyen par rdzogs pa'o/ /de la gang gsol ba dang bzhi'i las kyis ma bcas pa na skyabs su 'gro ba'i tshig gsum gyis bsnyen par rdzogs pa ni legs par bsnyen par rdzogs pa zhes bya'o/ /gang gis gsol ba dang bzhi'i las bcas pa de ni skyabs su 'gro ba'i tshig gsum gyis bsnyen par rdzogs pa ni bsnyen par ma rdzogs pa'o/ /dge slong tshur shog ces pas ni thog ma dang tha mar 'dra ste/ bsnyen par rdzogs pa de ni legs par bsnyen par rdzogs pa'o/ /de ci'i phyir zhe na/ u pA li dge slong tshur shog ces bya ba ni/ ngas mngon sum du bsnyen par rdzogs pa ste/ dge slong tshur shog ces bya ba de thams cad kyang srid pa tha ma pa ste/ dge slong tshur shog ces bya ba dag ni slob bzhin du dus 'da' ba ma yin te/ de lta bas na de dag legs par bsnyen par rdzogs pa zhes bya'o/ /de las dge slong ma dag ni rnam pa gsum gyis bsnyen par rdzogs par 'os pa ste/ bla ma'i chos khas blangs pa dang / phrin pa dang / dge 'dun sde gnyis las so/ /bla ma'i chos khas blangs pa ni ji ltar skye dgu'i bdag mo chen mo la sogs pa ste/ rgyas par ni mdo las 'byung ba bzhin brjod do/ /phrin ni skye bo'i dge ba can ma dang 'dra ba gang phyir byung na bar chad du 'gyur ba de la yang pho nyas las su bya'o/ /phrin gyis bslab pa nyan te de dag la zlos la che zhe 13-1-235b khyod legs par bsnyen par rdzogs pa ni chos sbyin ma dang 'dra'o/ /lung bsgo ba ni rgyas par sbyar te/ ji ltar 'dul ba las 'byung ba bzhin no/ /de las thu ba dag ni dge 'dun sde gnyis kyis bsnyen par rdzogs par gyis shig /skyo ba med/ gzhag pa med par gsol ba dang bzhi'i las kyis bsnyen par rdzogs pa de ni bsnyen par rdzogs pa zhes ni bya ste/ gzhan yang gsung rab 'di la bsnyen nas len cing shin tu khas blangs nas thob ste bde ba myong nas mngon du byed pa ste/ de lta bas na bsnyen par rdzogs pa'o/ /zhes gsungs so/ /bsnyen par rdzogs par mi rigs pa gang zhe na/ de la slar log na bsnyen par ma rdzogs pa ste/ gsung rab de la bsnyen cing khas ma blangs na shin tu khas ma blangs pas ma thob ste/ bde bar ma myong nas mngon du mi byed pa 'di ni bsnyen par ma rdzogs pa zhes bya'o/ /bsnyen par rdzogs par bya ba gang zhe na/ mi'i skyes pa 'tsho ba dang ldan pa bar chad med pa dang / mi'i bud med 'tsho ba dang ldan pa bar chad med pa de dag ni bsnyen par rdzogs par bya'o/ /bsnyen par rdzogs par mi bya ba gang zhe na/ pha bsad pa dang / ma bsad pa dang / dgra bcom pa bsad pa dang / dge 'dun gyi dbyen byas pa dang / de bzhin gshegs pa la ngan sems kyis khrag phyung ba dang / slob dpon med pa dang / mkhan po med pa dang / lhung bzed dang /chos gos med pa dang / chad pa'i las mi byed pa dang / mu stegs dang / mu stegs can du song ba dang / rkun gnas dang / tha dad du so sor gnas pa dang / mi gnas pa dang / za ma dang / ma ning dang / dge slong ma sun phyung ba dang / lo nyi shu ma tshang ba dang / yi dam smra ba dang / ma rung bar byas pa dang / ma rung bar bya bar rigs pa dang / mi ma yin pa thams cad de 'di dag ni bsnyen par rdzogs par mi bya ba ste/ de ste bsnyen par rdzogs par byas na yang bsnyen par rdzogs pa ma yin te/ /bsnyen par rdzogs par byed pa yang 'das pa dang bcas par 'gyur ro/ /de ci'i phyir zhe 13-1-236a na/ gang zag de dag ni 'khor sun phyung bar byed pa zhes bya ste/ thams cad kyang 'khor sun par byed pa ste/ bsnyen par rdzogs par bya ba ma yin pa'o/ /bsnyen par rdzogs pa gang zhe na/ gang zag 'di zhes bya/ ming 'di zhes bya/ rigs 'di zhes bya/ rus 'di zhes bya/ 'di ltar chos bzhin 'dus pa'i dge 'dun gyis bsnyen par rdzogs par byas pa ste/ mngon du skyo ba med pa dang / gzhag pa med par gsol ba dang bzhi'i las kyis bsnyen par rdzogs pa 'di ni bsnyen par rdzogs pa zhes bya ste/ gang rjes su gnang bzhin bsnyen par rdzogs pa ni legs par bsnyen par rdzogs pa'o/ /bsnyen par ma rdzogs pa gang zhe na/ pha bsad pa dang / ma bsad pa dang / dgra bcom pa bsad pa dang / dge 'dun gyi dbyen byas pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / tha dad du gnas pa dang / za ma dang / ma ning dang / dge slong ma sun phyung ba dang / sngar nyams pa 'di dag ni bsnyen par ma rdzogs pa zhes bya ste/ 'di ni chos dang 'dul ba 'di la mi skye ba'i chos can no/ /ci'i phyir na bsnyen par ma rdzogs pa zhes bya zhe na/ mtshungs par bslab pa ma thob pa ste/ de'i phyir bsnyen par ma rdzogs pa zhes bya'o/ /gang zag bcu gsum po 'di ma gtogs pa rnams ni bsnyen par rdzogs par bya'o/ /de ste bsnyen par rdzogs par byas na bsnyen par rdzogs pa zhes kyang mi bya la/ bsnyen par rdzogs par byed pa'ang 'das pa dang bcas par 'gyur ste/ de lta bas na ngas bsnyen par ma rdzogs pa zhes gsungs so/ /las gang zhe na/ gsol ba'i las dang / gsol ba dang gnyis kyi las dang / gsol ba dang bzhi'i las so/ / ci'i phyir na las zhes bya zhe na/ rnam pa gnyis kyi phyir las zhes bya ste/ chad pas gcad pa'i las dang sma dbab pa'i las dang / chos dkar po la yi dam 'cha' ba'i las so/ /chad pa'i las dang sma dbab pa'i las gang zhe na/ 'di lta ste/ bsdigs pa dang / smad pa dang / bskrad pa dang / 13-1-236b slar bsdum pa dang / spangs pa'i las dang / chad pa dang / gzhi nas slong ba dang / yid mgu bar byed pa dang / gzhi nas yid mgu bar byed pa'o/ /gzhan yang chad pa'i las sma dbab pa'i las su byed pa'o/ /chos dkar po la yi dam 'cha' ba'i las gang zhe na/ 'di lta ste/ gso sbyin dang / skabs 'byed pa dang / bsnyen par rdzogs pa dang / dbyung ba dang / rtswa bting ba dang / gzhan gang yang rung chos dkar po la yi dam 'cha' ba'i las byed pa de dag ni las su byed pa ste/ de lta bas na las zhes gsungs so/ /las kyi dngos po gang zhe na/ rgyu gang rkyen gang gis dngos po gang la las byed pa ste/ rgyu de dang rkyen des dngos po de la las byed pa ni las kyi dngos po zhes bya'o/ /gzhag par rigs pa'i las gang zhe na/ las gang gsol ba nyams pa/ bsgrags pa nyams pa/ chos bzhin ma yin pa/ dge 'dun ma 'dus par byas pa ste/ bskyos pa de ni gzhag par rigs pa'i las zhes bya'o/ /gzhag par mi rigs pa'i las gang zhe na/ las gang gsol bar ldan pa/ bsgrags pa dang ldan pa/ chos bzhin du dge 'dun 'dus par byas pa ste/ ma bskyos pa 'di ni gzhag par mi rigs pa'i las zhes bya'o/ /dbyung ba'i las gang zhe na/dbyung zhes bya ba ni spangs pa yin te/ spangs pa dang dge slong dag tu lhan cig las mi bya ste/ gso sbyin yang ma yin/ skabs dbye ba ma yin/ gnas ma yin/ lhan cig spyad pa ma yin/ lhan cig tu gtam bya ba ma yin/ mthun pa ma yin pa de ni dbyung ba'i las zhes bya'o/ /ci'i phyir dbyung ba'i las zhes bya zhe na/ dge 'dun gyis phyung bas na de'i phyir phyung ba'i las zhes bya'o/ /bzod pa gsol ba'i las gang zhe na/ las gang byas pa las slar yang dge 'dun dang lhan cig tu gnas pa dang / spyod pa gcig pa dang / 'tham pa gcig pa dang / 'dug pa gcig par 'gyur ba de ni bzod pa gsol ba'i las zhes bya'o/ /bsdigs pa'i dngos po gang zhe na/ dge slong gang 'thab par byed pa dang / mtshang 'dru bar byed pa dang / 'khrug par byed pa dang / 13-1-237a khon par byed pa dang / rtsod par byed pa 'di ni bsdigs pa'i dngos po zhes bya'o/ /gleng ba'i dngos po gang zhe na/ gleng ba'i dngos po gsum ste/ mthong ba dang / thos pa dang / dogs pa ste/ byung bar gyur/ nyes pa yin la/ de yang bden pa ste/ brdzun pas ma yin/ dus su yin gyis dus ma yin par ma yin/ don dang ldan par yin gyi don dang mi ldan par ma yin/ 'jam par yin gyi rtsub pa ma yin/ byams par yin gyi zhe sdang du ma yin pa 'di ni gleng ba'i dngos po zhes bya'o/ /'dul ba'i dngos po gang zhe na/ nan tan gyi las lnga ste/ bsdigs pa'i las dang / smad pa'i las nas yid mgu bar bya ba'i bar du snga ma bzhin du 'di ni 'dul ba'i dngos po zhes bya'o/ /zhi bar bya ba'i dngos po gang zhe na/ rgyu gang dang rkyen gang gis rtsod pa byung ba rnams 'dul bar 'gyur ba ste/ zhi ba dang rnam par zhi ba'i phyir ro/ /'di lta ste/ spu snyal ba dang / 'byung bar byed pa dang / btud pas ston pa dang / phyag 'tshal bas ston pa 'di ni zhi bar bya ba'i dngos po zhes bya'o/ /rgyu'i dngos po gang zhe na/rgyu gang dang rkyen gang gis rgyu gang la brten nas las byed pa ste/ ji ltar mdo sde b+ha dA la las 'byung ba bzhin byed pa ste/ 'di'i 'og tu dge 'dun gyis spyad par bya ba ji ltar mdo sde b+ha dA la las 'byung ba bzhin rgyas par brjod de/ 'di ni rgyu'i dngos po zhes bya'o/ /bslab pa gang zhe na/ bslab pa gsum ste/ lhag pa'i tshul khrims su bslab pa dang / lhag pa'i sems dang / lhag pa'i shes rab tu bslab pa'o/ /gzhan yang bslab pa gsum ste/ lhag par spyod par bslab pa dang / lhag par 'dul ba dang / lhag par so sor thar pa la bslab pa'o/ /ji tsam gyis na bslab pa ma phul ba zhes bgyi/ smyon pa'i drung du bslab pa phul ba ni bslab pa ma phul ba zhes bya'o/ /sems 'khrugs pa dang / nad kyis gzir ba'i drung du bslab pa phul ba ni bslab pa ma phul ba zhes bya'o/ /glen pa dang / lkugs pa dang / 'on pa dang / gnyid kyis log pa dang / snyoms par zhugs pa dang 13-1-237b ra ro ba dang / rab tu ra ro ba dang / khros pa'am/ rgod pa la zhugs pa dang / mi shes pa dang / 'gro ba gzhan du gnas pa'i drung du bslab pa phul ba ni bslab pa ma phul ba zhes bya'o/ /phrin gyis bslab pa 'bul na yang bslab pa ma phul ba zhes bya'o/ /spring yig dang / lag brda dang / gzhan zer ba dang / brda dang / mtshan mas bslab pa 'bul na yang bslab pa ma phul ba zhes bya'o/ /'phags pas 'phags pa'i skad kyis mtha' 'khob pa'i drung du bslab pa phul na mtha' 'khob pa des kyang 'phags pa'i skad mi shes na bslab pa ma phul ba zhes bya'o/ /'phags pas mtha' 'khob pa'i skad kyis 'phags pa'i drung du bslab pa 'bul na 'phags pa des kyang mtha' 'khob pa'i skad mi shes na bslab pa ma phul ba zhes bya'o/ /mtha' 'khob pas 'phags pa'i skad kyis mtha' 'khob pa'i drung du bslab pa 'bul na mtha' 'khob pa des kyang 'phags pa'i skad mi shes na bslab pa ma phul ba zhes bya'o/ /mtha' 'khob pas mtha' 'khob pa'i skad kyis 'phags pa'i drung du bslab pa 'bul na 'phags pa des kyang mtha' 'khob pa'i skad mi shes na bslab pa ma phul ba zhes bya'o/ /mi dben pa la dben par 'du shes shing bslab pa 'bul na bslab pa ma phul ba zhes bya'o/ /dben pa la dben par 'du shes shing bslab pa phul na'ang bslab pa ma phul ba zhes bya'o/ / dben pa la mi dben par 'du shes shing bslab pa phul na yang bslab pa ma phul ba zhes bya'o/ /mi dben pa la mi dben par 'du shes shing bslab pa phul na bslab pa ma phul ba zhes bya'o/ /ca co can gyi nang du bslab pa phul na bslab pa ma phul ba zhes bya'o/ / 'jig rten tshul bzhin gnas pa ma yin pa la bslab pa 'bul bar smras kyang bslab pa ma phul ba zhes bya'o/ /mdo'am rgyas par kyang rung ste/ bzod pa gsol ba'i sems kyang mi byed la/ dge slong gi dngos po la ni dgos par byed/ khyim pa'i dngos 13-1-238a po la ni mi dgos par byed la rang bzhin du gnas pa ma yin pa la tshig tu smras kyang bslab pa phul ba ma yin te 'di ni bslab pa ma phul ba zhes bya'o/ /bslab pa phul ba gang zhe na/ 'di lta ste/ dge slong de chags par gyur la mi dga' ba'am/ 'dod dam/ dge sbyong gi la mi dgos par gyur tam/ dge slong gi gtong bar byed dam/ smod dam/ ngo tsha ba'am/ khrel lam/ 'gyod kyang rung ste/ de dge slong gi drung du song nas bslab pa 'bul lo zhes smras na bslab pa phul ba zhes bya'o/ /sangs rgyas dang / chos dang / dge 'dun dang / mdo sde dang / 'dul ba dang / ma lta bu dang / mkhan po dang / slob dpon rnams dang / bdag la khyim par zung shig /dge tshul dang / ma ning dang /za ma dang / dge slong ma sun phyung ba dang / pha dang / ma dang / dgra bcom pa bsad pa dang / dge 'dun gyi dbyen bgyis pa dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / so sor gnas pa dang / mi gnas par zung shig ces zer ram/ chung ngu ni 'di skad du khyod cag dang chos mtshungs pa dang / tshangs pa mtshungs par spyad pas chog go zhes smras na yang bslab pa phul ba zhes bya ste/ gang de ltar chags shing mi dga' 'am 'bab par 'dod kyang rung ste/ des ngag dang / tshig dang / brjod pa dang / skad dang / dbyangs dang / nges pa'i tshig dang / ngag gi lam dang / ngag gi sgra dang / ngag gi las dang / ngag gi dmigs pas brjod pa 'di ni bslab pa phul ba zhes bya'o/ /tshul khrims nyams par brjod pa gang zhe na/ 'di lta ste dge slong de chags par gyur pa nas/ 'gyod pa'i bar du snga ma bzhin te/ de dge slong gi drung du song nas 'di skad ces tshangs par spyod pa ni spyad dka'o/ /rab tu dben pa ni shin tu dka'o/ /gcig pu mngon par dga' ba'ang dka'o/ /nags dang tshal na 13-1-238b gnas pa dang / bas mthar gnas shing mngon du chud pa yang dka'o/ /nam 'tsho'i bar du bdag gcig pu dgon pa na gnas shing gcan gzan khro bo dang / lhan cig tu gnas par bya ba dang / rtswa bting ba'am lo ma bting ba la mal stan du sbyar ba'ang dka'o/ /nam 'tsho'i bar du bdag dang gzhan la 'tsho ba ltos pa'ang dka'/ nam 'tsho'i bar du gos dang / zas dang / mal stan dang / na ba'i rkyen gyi sman dang yo byad rnams gzhan las btsal bar bya ba'ang sdug bsngal lo/ /ma dran no/ /pha dang / phu nu dang / sring mo rnams kyang dran no zhes zer ba dang / bdag ni bzo slob tu chug shig /las rnams la chug shig /rigs pa'i phyogs su bdag zhog shig /dge ba'i rigs la bdag chor cig /gang de ltar chags pa nas snga ma bzhin du ngag gis brjod pa'i bar du ste/ 'di ni bslab pa nyams par brjod pa zhes bya'o/ /bslab pa phul ba dang / bslab pa nyams par brjod pa la khyad par ci mchis/ yi ge la yang khyad par med/ sdom pa spong ba la yang khyad par med de/ gcig gis kyang sdom pa btang bar gyur/ gnyis kyis kyang de bzhin no/ /rtsod pa gang zhe na/ rtsod pa rnam pa bzhi ste/ 'khrug pas rtsod pa dang / lung mi bsgo ba'i rtsod pa dang / nyes pas rtsod pa dang / bya ba'i rtsod pa ste/ 'di ni rtsod pa zhes bya'o/ /ci'i phyir rtsod pa zhes bgyi/ de dag gi mthus 'thab pa 'byung ste/ de'i phyir rtsod pa zhes bya'o/ /rtsod par bsdu ba gang zhe na/ rgyu gang dang rkyen gang gis rgyu'i dbang du byas te rtsod pa byung ba de ni rtsod pa sdud pa zhes bya'o/ /rtsod pa zhi ba gang zhe na/ rtsod pa zhi ba'i chos bdun te/ mngon sum gyis 'dul ba dang / dran pas 'dul ba dang / mi g.yengs pas 'dul ba dang / de'i rang bzhin rtsod pa dang / gang mang du bya ba dang / yi dam 'char gzhug pa dang / rtswa bting ba lta bu de ni rtsod pa zhi bar byed pa zhes bya'o/ /de ci'i phyir na rtsod pa zhi ba zhes bgyi/ rtsod pa bzhi po de dag ni chos bdun gyis 'dul bar 'gyur ba dang / zhi ba dang / rnam 13-1-239a par zhi ba dang / 'dul ba dang / spong ba dang / 'gog pa'i phyir te/ de ltar na rtsod pa zhi ba'i chos zhes bya'o/ /rtsod pa rab tu ma zhi ba gang zhe na/ chos lnga dang ldan na rtsod pa legs par zhi bar mi 'gyur te/ lnga gang zhe na/ dge 'dun la ma gsol ba yin/ rgyal ba'i gsung dang mi mthun pa yin/ phyogs dang mthun pa'i phyogs kyis dge slong rnams la ma bsgo ba yin/ chos mthun par rgol ba dang / lan lon pa'i dge slong rnams gus par ma bzlog pa yin/ nyes pa byung ba'i dge slong gis nyes pa ma sbyangs pa'ang yin te/ chos 'di lnga dang ldan na rtsod pa legs par zhi ba ma yin no/ /chos lnga dang ldan na rtsod pa legs par zhi ba yin te/ lnga gang zhe na/ dge 'dun la gsol ba byas pa yin/ rgyal ba'i gsung dang mthun pa yin/ phyogs dang phyogs mi mthun pa'i dge slong rnams la bsgo ba yin/ chos mthun par rgol ba dang lan ldon pa'i dge slong rnams gus par bzlog pa yin/ nyes pa byung ba'i dge slong gi ltung ba sbyangs pa yin te/ chos de lnga dang ldan na rtsod pa legs par zhi ba yin te de ni rtsod pa rab tu zhi ba zhes bya'o/ /klog pa gang zhe na/ gang bzhi pa'am bcu gsum pa'ang ste/ rgyas par klog pa de ni klog pa'o zhes bya'o/ /mi klog pa gang zhe na/ gnas gang na so sor thar pa'i mdo klog pa'i dge slong gis so sor thar pa'i mdo mi klog na de'i rjes nas klog pa gzhan gyis klog par bya'o/ /des kyang ma bklags la mi spobs na/ de'i yang rjes nas zlos pa gzhan gyis lhogs shig /des kyang mi nus la ma spobs te/ de bzhin du rjes nas zlos pa'i mthar phyin gyi bar du gang gis kyang spobs pa med na de ma bklags pa zhes bya'o/ /byin gyis brlab pa gang zhe na/ dge slong gang gnas na gcig pu 'dug na des bco lnga'i gso sbyin de nyid du sngar langs te mchod rten dang khang par phyag dar bya/ khyams kyang phyag dar bya/ gso sbyin gyi gnas kyang phyag dar byas la shin tu gsar pa'i ba lang gi lci bas 'jam 13-1-239b por byugs te/ dus su rim bzhin du stan rnams bting la/ chu gtsang ma'i ril ba rnams dang / bshang sa'i ril ba'ang chus dgang bar bya/ me yang nye bar gzhag par bya/ me mar dang / me mar gyi kong bu dang / me mar gyi sdong bu dang / lag gi tshul shing yang nye bar gzhag par bya ste/ gal te gso sbyin ma byas pa'i dge slong dag 'ongs na de dang lhan cig tu gso sbyin bya zhing so sor thar pa'i mdo bklags pa'ang bsgrag par bya'o/ /gal te ma 'ongs nas phyogs mtho ba der 'dzegs te/ der 'grengs nas phyogs bzhi kun tu bltas la de ste 'ga' zhig 'ongs na/ des tshe dang ldan pa myur du shog shig /gso sbyin bya'o zhes bod de/ de ste su'ang mi 'ong na des de nas babs te dus kyi mthar gyur gyi bar du sdod la 'dug ste/ rkyang pa gsum pa brjod par bya/ sbyin pa'i yon tan bklag par bya sems bskyed par bya/ kha nas kyang deng ni dge 'dun gyi bco lnga'i gso sbyin te/ bdag dge slong ming 'di zhes bya ba'i yang deng bco lnga'i gso sbyin te/ bar chad kyi chos rnams kyang yongs su dag gis lha rnams kyis kyang bdag dge slong ming 'di zhes bgyi ba yongs su dag par zung shig /'dir ni tshul khrims kyi phung po yongs su bskang ba'i phyir gso sbyin byin gyis brlab par bya ste/ nam dge 'dun mthun par tshogs pa de ni gso sbyin rgyas par myong ba dang so sor thar pa'i mdo yang myang bar bya'o zhes de ltar lan gnyis lan gsum du brjod par bya'o/ /ji ltar dge slong gcig la de bzhin du dge slong gnyis sam/ gsum gnas kyang rung ste/ de bzhin du mngon du sbyang bar bya/ sems bskyed par bya'o/ /gcig la gcig brjod par bya/ de ltar byas na gso sbyin byas pa yin te/ 'di ni byin gyis brlab pa zhes bya'o/ /smyos pa'i sdom pa gang zhe na/ dge slong gang myos par gyur la sems 'khrugs shing nad kyis gzir ba de la smyos pa'i sdom pa gsol ba dang gnyis kyi las kyis sbyin par bya ba ni ji ltar tshe dang ldan pa bye ma can bzhin rgyas par sbyar te/ 13-1-240a ji ltar 'dul ba de ni smyos pa'i sdom pa zhes bya'o/ /ma smyos pa'i sdom pa gang zhe na/ smyos pa'i sdom pa de dag ma gtogs par de las gzhan pa'i sdom pa de ni ma smyos pa'i sdom pa zhes bya'o/ /dad pas byin pa ma rung bar byed pa gang zhe na/tshul khrims nyams pa la byin na dad pas byin pa ma rung ba zhes bya'o/ /yang dag par byin pa la zhugs pa las log par zhugs pa la byin na kham gcig kyang rung dad pas byin pa ma rung bar byas pa zhes bya ste/ de na dad pas byin pa ma rung bar byed pa zhes bya'o/ /las rnams gang zhe na/ las mngon sum du ma gyur nas bya ba'i las bcu'o/ /de 'di lta ste/ lhung bzed khas phub pa dang / lhung bzed bkan pa dang / bslab pa la sdom pa dang / bslab pa'i sdom pa bkrol ba dang / gtsug lag khang gi sdom pa dang / dge tshul gyi sdom pa dang / smyon pa'i sdom pa dang / mi smra ba'i sdom pa dang / phyag mi bya bar rigs pa'i sdom pa dang / spyod pa mi gcig pa'i sdom pa ste/ 'di dag ni las rnams zhes bya'o/ /las ma yin pa gang zhe na/ bzhi 'dus te las su bya ba la bzhi ma 'dus par byed na de las ma yin te/ de ltar ni mi bya'o/ /khyim pas bzhir bskangs te byin na las ma yin te/ de ltar yang mi bya'o/ /dge tshul pha dang / za ma dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / dge 'dun phye ba dang / de bzhin gshegs pa la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / sngar nyams pa dang / sngar 'khrugs pa dang / rgyud gzhan du gnas pa dang / mi gnas pa dang / tha dad du gnas pa dang / gnas par mi bya ba dang / bslab pa byin pa dang / chad pa byed pa dang / chad pa ma byas pa dang / yid mgu bar ma byas pa dang / yid mgu bar mi byed pa dang / bslab pa byin pa rnams kyis byed pa ni las ma yin te/ 13-1-240b de ltar yang mi bya'o/ /ji ltar bzhi 'dus nas las su bya ba de bzhin du lnga 'dus nas bya ba dang / bcu 'dus nas bya ba dang / nyi shu 'dus nas las su bya ba ni rgyas par sbyar te/ 'di ni las ma yin pa rnams zhes bya'o/ /'dul ba zhes bya ba gang zhe na/ 'di ltar 'dul ba las byung ba bzhin te/ 'dul ba rgyas par bya ba de ni 'dul ba zhes bya'o/ /lta ba brjod pa gang zhe na/ lta ba brjod pa chos bzhin ma yin pa lnga dang / chos bzhin pa lnga'o/ /lta ba brjod pa chos bzhin ma yin pa gang zhe na/ mi gnas pa'i drung du lta ba brjod pa dang / so sor gnas pa'i drung du lta ba brjod pa dang / nye bar phyogs pa'i drung du lta ba brjod pa dang / bsnyen par ma rdzogs pa'i drung du lta ba brjod pa dang / lhag ma ma lus pa'i drung du lta ba brjod pa de ni chos bzhin ma yin par lta ba brjod pa lnga'o/ /chos bzhin du lta ba brjod pa lnga po gang zhe na/ mi gnas pa'i drung du lta ba ma brjod pa dang / so sor gnas pa'i drung du lta ba ma brjod pa dang / nye bar phyogs pa'i drung du lta ba ma brjod pa dang / bsnyen par ma rdzogs pa'i drung du lta ba ma brjod pa dang / dngos po'i lhag ma ma lus pa'i drung du lta ba ma brjod pa 'di ni chos bzhin du lta ba brjod pa dang lnga'o/ /gsol ba gang zhe na/ gsol ba zhes bya ba ni go bar bya ba'i tshig gi las te/ ji ltar byed pa'i tshe go bar bya ba yin/ ji ltar gang la de'i don tshig gis brjod pa ni gsol ba zhes bya'o/ /gsol ba'i las gang zhe na/ gsol ba dang las kyis dge 'dun la bsgo ba ste/ ji ltar skabs dbye ba dang / dbyung ba dang / lhung bzed brim pa dang / rtswa bting ba'am/ gzhan yang gsol ba'i las kyis bya ba de lta bu thams cad ni gsol ba'i las su blta ste/ de ni gsol ba'i las zhes bya'o/ /gsol ba dang gnyis kyi las gang zhe na/ gsol ba byas na rjes su bsgrags pa gcig pu byed pa ni gsol ba dang gnyis pa yin te/ 'di ni gsol ba dang gnyis kyi las zhes bya'o/ / 13-1-241a gsol ba dang bzhi'i las gang zhe na/ gsol ba byas la rjes su bsgrags pa gsum brjod pa de ni gsol ba dang bzhi pa yin te/ de ni gsol ba dang bzhi'i las zhes bya'o/ /gsol bar bya ba'i las la gsol ba ma byas par byed na nyes pa'o/ /gsol ba ma byas par rjes su bsgrags pa byed na nyes pa'o/ /gsol ba dang gnyis kyi las la gsol ba ma byas par rjes su bsgrags pa byed na nyes pa'o/ /gsol ba byas la rjes su ma bsgrags na nyes byas so/ /rjes su bsgrags pa byas la gsol ba ma byas na'ang nyes pa'o/ /gsol ba dang bzhi'i las la gsol ba ma byas par rjes su bsgrags pa byas na nyes pa'o/ /gsol ba byas la rjes su bsgrags pa ma byas na nyes pa'o/ /rjes su bsgrags par byas la gsol ba ma byas na nyes pa'o/ /gsol ba'i las la gsol ba byas na nyes pa med do/ /gsol ba byas la rjes su bsgrags pa byas na nyes pa med do/ /gsol ba dang gnyis kyi las la gsol ba byas na rjes su bsgrags pa gcig byas na nyes pa med do/ /gsol ba byas nas rjes su bsgrags pa mang po byas na nyes pa med do/ /gsol ba dang bzhi'i las la gsol ba byas nas rjes su bsgrags pa mang po byed na nyes pa med do/ /de dag de lta bu'i tshul du sbyar ro/ /de ltar las mang po byas kyang nyes pa med do/ /phyung bar byas pa zhes bya'o/ /de ste gsol ba byas nas rjes su bsgrags pa sgrogs pa'i tshe dge 'dun dag rnam grangs gzhan zhig gi phyir stan las langs te 'dod na ma langs pa phyi ma'i 'khor rnams la de bzhin gsol ba byos shig /de ste gsol ba gzhan du bya 'dod par gyur na rjes su bsgrags pa nyes pa med par byos shig /tshig gis kyang dge 'dun la btsun pa rnams gsol ba slar bgyid do/ /rjes su bsgrags pa yang bgyid do zhes gsol ba byos shig /de ste des gsol ba rdzogs par ma gyur na su la bsdigs pa'i las bgyi/ dge slong dag thab mo byed pa dang rtsed mo byed pa la gsol ba dang bzhi'i las kyis mi bskyo mi gzhag par rigs pas bya ste/ 'di ni bsdigs pa'i las zhes bya'o/ /smad pa'i las gang 13-1-241b zhe na/ dge slong gang ltung ba phyi phyir byung bar gyur pa de la smad pa'i las gsol ba dang bzhi'i las kyis bskyo ba med pa dang / gzhag pa med par byas te/ 'di ni smad pa'i las zhes bya'o/ /bskrad pa'i las gang zhe na/ dge slong gang rigs sun par gyur pa de la bskrad pa'i las gsol ba dang bzhi'i las bskyo ba med pa dang / gzhag pa med par bya ste/ de ni bskrad pa'i las zhes bya'o/ /slar bsdum pa'i las gang zhe na/ dge slong gang khyim pa la smod par gyur pa de la bsdum pa'i las gsol ba dang bzhi'i las kyis bskyo ba med pa dang gzhag pa med par bya ste/ 'di ni bsdum pa'i las zhes bya'o/ /ma mthong ba'i phyir spang ba'i las gang zhe na/ dge slong gang ltung ba byung ba las ltung ba byung ba ma mthong ngo zhes zer ba de la ma mthong ba'i phyir spang ba'i las gsol ba dang bzhi'i las kyis bskyo ba med pa dang / gzhag pa med par byas te/ de ni ma mthong ba'i phyir spang ba'i las zhes bya'o/ /slar las mi byed pa'i phyir spang ba'i las gang zhe na/ gang ltung ba byung ba las chos bzhin du slar las mi byed pa spang ba'i phyir gsol ba dang bzhi'i las kyis bskyo ba med pa dang / gzhag pa med par bya ba de ni slar las mi byed pa'i phyir spang ba'i las zhes bya'o/ /sdig par lta ba slar ma btang ba'i phyir spang ba'i las gang zhe na/ dge slong gang sdig par lta ba byung bar gyur pa bzung nas rab tu 'dzin pa spyod de slar mi gtong ba de la sdig par lta ba de slar ma btang ba'i phyir spang ba'i las gsol ba dang bzhi'i las kyis bskyo ba med pa dang / gzhag pa med par byed pa de ni sdig par lta ba slar ma btang ba'i phyir spang ba'i las zhes bya'o/ /chad pas gcad pa gang zhe na/ mu stegs can gang gzhan zhig thog ma mu stegs can las dge bar gsungs pa'i chos 'dul ba la rab tu byung zhing bsnyen par rdzogs nas dge slong gi dngos por 'dod pa de la mkhan pos sngar gos sbyor zhing zla ba bzhi'i bar du chad pas bcad la/ gsol ba dang bzhi'i las kyis bskyo ba med pa dang gzhag pa med par bya'o/ /chad pas gcad pa yang 'di bya 13-1-242a ste/ dge slong gang dngos po bcu gsum las gang yang rung dngos po gcig byas te/ bcabs na/ des ji srid du bcabs par shes pa de srid du ma dad bzhin chad pas gcad pa de la yang chad pas gcad pa yang gsol ba dang bzhi'i las kyis bskyo ba med pa dang / gzhag pa med par sbyin par bya ba ni chad pas gcad pa zhes bya'o/ /gzhi nas bslang bas gcad pa gang zhe na/ dge slong gang chad pa byed de/ chad pa byed bzhin pa'i skabs su nyes pa des gzhi nas bslang ba'i las bya bar gsol ba dang bzhi'i las kyis bskyo ba med pa yang/ gzhag pa med par gcad pas dge slong des slar yang chad pa bya ste/ snga ma ma byas pa'i phyir ro/ /rnam grangs gzhan du na chad pa byas kyang rung/ ma byas kyang rung las de nyid gzhi nas zlos su gzhug pa yod de/ de ni gzhi nas zlos pas gcad pa zhes bya'o/ /yid mgu bar byed pas gcad pa gang zhe na/ dge slong gang dge 'dun gyi lhag ma'i chos bcu gsum las gang yang rung byas pa las ma bcabs sam/ chad pa byas par gyur kyang rung de la zhag drug tu yid mgu bar byed pa gsol ba dang / bzhi'i las kyis bskyo ba med cing/ gnas pa med pas gcad pa ste/ dge slong des kyang dge slong thams cad la yid mgu bar byed pa de ni yid mgu bas gcad pa zhes bya'o/ /dbyung ba gang zhe na/ dge slong gang chad pa khor nas zhag drug tu yid mgu ba bya ba'ang spyad par gyur na/ de la gsol ba dang bzhi'i las kyis bskyo ba med cing gzhag pa med par bya ste/ de ni dbyung ba zhes bya'o/ /ci'i phyir na/ dbyung ba zhes bya zhe na/ mi dge ba'i gnas nas phyung ste/ dge ba'i gnas su rab tu bzhag pa ste/ de lta bu'i phyir na dbyung ba zhes bya'o/ /dri zhes bya ba ni chos rnams la'o/ /chad pa bgyid pa la yon tan ci mchis/ ci'i slad du gzhi nas bzlas par bgyi/ yid mgu bar bgyi ba la yon tan ci mchis/ ci'i slad du na dbyung/ chos rnams bcabs pa la chad pa byed pa ni yon tan no/ /chad pa byas pa la yid mgu bar byed pa ni yon tan no/ /ci'i phyir na gzhi nas bzlas zhes bya ba ni nan tur du bya ba'i phyir gzhi nas 13-1-242b zlos pa'o/ /yid mgu bar bya ba'i phyir yon tan ni dbyung bar bya ba'o/ /ci'i phyir na dbyung zhes bya zhe na/ dbyung ba ni rnam par dag pa'i phyir ro/ /ci'i slad du na chad pa bgyis pas yid mgu ba bya ba'i yon tan du 'gyur/ chad pa byas pa'i dge slong tshegs mi che bar dge slong rnams la yid mgu bar byed do/ /yid mgu bar byas na dge slong rnams de la yid mgu bar byas so bar sems te/ de lta bu'i phyir na chad pas byas pa ni yid mgu ba'i yon tan no/ /ci'i slad du na gzhi nas bzlas pas nan tur du 'gyur/ gzhi nas bzlas na gang zag la nan tur byas pa yin te/ 'jigs pas phyin chad de lta bu mi byed pa dang / dge slong rnams kyis kyang shes par 'gyur te/ de ltar na nyon mongs pa che ba tshe dang ldan pa ngo tsha ba'i phyir phyis mi byed par 'gyur te/ de lta bu'i phyir na gzhi nas bzlas pa ni nan tur byas par 'gyur ro/ / ci'i slad du na yid mgu bas dbyung ba'i yon tan du 'gyur/ dge slong yid mgu ba spyod pa'i tshe tshegs mi che bar dge slong rnams la yid mgu bar byed de/ yid mgu bar byas pas dge slong rnams de la dbyung bar sems te/ tshe dang ldan pa 'di ni phyin par 'dod kyis tshe dang ldan pa 'di ni nyon mongs pa mi 'dod do zhes nas tshe dang ldan pa 'di ni dge'o zhes stsol te/ tshe dang ldan pa 'di ni dbyung bar bya'o zhes bya ba'o zhes bya ba'i phyir te/ de lta bu na yid mgu bar bya ba ni dbyung ba'i yon tan no/ /ci'i slad du na dbyung bar bgyi/rnam par dag pa'i phyir dbyung bar bya ste/ phyung na dge slong de rnam par dag par 'gyur zhing ltung ba med do/ /ji ltar gang zag 'di gnyis ni rnam par dag pa dang / nyon mi mongs pa yin no zhes gsungs te/ gang la ltung ba mi 'byung ba dang / gang la byung na'ang ji ltar chos bzhin slar byed pa yin te/ phyung ba yang de la dag par 'gyur te/ de'i phyir na dbyung ba yang rnam par dag pa'i phyir ro/ /de'i ngo bo nyid tshol ba'i phyir sbyin pa gang zhe na/ dge slong gang nyes pa las bsnyon/ bsnyon pa las khas blangs/ khas blangs pa las yang bsnyon/ yang bsnyon pa de la ni ngo bo nyid tshol ba'i phyir gsol ba 13-1-243a dang bzhi'i las kyis bskyo ba med cing gzhag pa med par bya ste/ 'di ngo bo nyid tshol ba'i phyir chad pas gcad pa zhes bya'o/ /nyes pa gang zhe na/ nyes pa sde lnga po ni nyes pa'i phung po zhes bya ste/ phas pham pa dang / dge 'dun gyi lhag ma dang / ltung ba dang / so sor 'chags pa dang / nyes byas te/ gang de rnams la spyod cing byas pas bskyo bar mi byed pa de ni nyes pa zhes bya'o/ /nyes pa med pa gang zhe na/ nyes pa'i rigs lnga po de dag nyes pa med pas na nyes pa med pa'i phung po zhes bya ste/ phas pham pa dang / dge 'dun gyi lhag ma dang / ltung ba dang / so sor gnas pa dang / nyes byas dag las kyang las mi byed de/ ma spyad cing ma byas pas bsgo ba 'di ni nyes pa med pa zhes bya'o/ /nyes pa lci ba gang zhe na/ gang dbyung du med pa'o/ /nyes pa yang ba gang zhe na/ gang dbyung du yod pa'o/ /lhag mar bcas pa'i nyes pa gang zhe na/ nyes pa'i rigs 'og ma rnams te/ dge 'dun gyi lhag ma dang / ltung ba dang so sor 'chags pa dang / nyes byas so/ /lhag ma med pa'i nyes pa gang zhe na/ nyes pa'i ris dang po ltung ba bzhi po'o/ /nyes pa sbom po'i nyes pa gang zhe na/ phas pham pa'i dang / dge 'dun gyi lhag ma'i 'o/ /ci'i phyir na nyes pa sbom pa'i nyes pa zhes bya zhe na/ rnam pa gnyis kyi phyir na nyes pa sbom po zhes bya ste/ nyes pa sbom po bas na nyes pa sbom po zhes bya ba dang / rang bzhin gyis nyes pa sbom po bas na nyes pa sbom pa ste/ de ni nyes pa sbom po zhes bya'o/ /nyes pa sbom po med pa'i nyes pa gang zhe na/ nyes pa'i ris lhag ma gsum po ste/ ltung ba dang / slar 'chags pa dang / nyes byas te/ 'di ni nyes pa sbom po med pa'i nyes pa zhes bya'o/ /las dang bcas pa'i nyes pa gang zhe na/ bshags par bya ba dang / bsdam par bya'o/ /las su mi bya ba'i nyes pa gang zhe na/ nyes pa dang po rnams so// //'dul ba gzhung dam pa/bam po bzhi bcu rtsa brgyad pa/ nyes pa slar las bya ba gang zhe na/ dge slong gang bzhi po'am/ lnga pa'i chos nang du dran pa nye bar 'jog cing dad pas nyes pa ji ltar 13-1-243b chos bzhin du slar byed pa de ni nyes pa slar las bya ba'o/ /nyes pa slar las mi bya ba gang zhe na/ dge slong gang chos bzhi pa yang med/ chos lnga pa yang med la nang du dran pa nye bar bzhag cing dad pas nyes pa ji ltar chos bzhin du slar mi byed pa de ni nyes pa slar las mi bya ba zhes bya'o/ / nyes pa bslang ba gang zhe na/ rnam pa gcig gis na nyes pa thams cad bsdus par 'gyur te de ni sdom pa'o/ /rnam pa gcig gis na nyes pa thams cad ma bsdus par gyur te/ de ni sdom pa med pa'o/ /de ni nyes pa bslang ba zhes bya'o/ /gleng ba gang zhe na/ de 'di ltar dge slong de 'di skad du tshe dang ldan pa khyod la 'di dang 'di lta bu'i nyes pa byung ba de slar mthol cig /shogs shig /ji ltar chos bzhin du slar byos shig ces smra ba de ni gleng ba'o/ /dran par byed pa gang zhe na/ 'di lta ste dge slong des dge slong la 'di skad du tshe dang ldan pa 'di dang 'di lta bu'i nyes pa byung ba mi dran nam zhes smras pa de ni dran par byed pa'o/ /tshig dang bcas pa'i las gang zhe na/ gang tshig dang bcas pa'i las so/ /de yang gang zhe na/ de 'di ltar dge slong gis dge slong la tshig dang bcas pas tshe dang ldan pa la rma ba zhig yod kyis khyod gnas 'di nas nga la ma sbran gyi bar du ma 'gro shig /tshe dang ldan pa khyod nga dang lhan cig tu brtsad pa zhig yod do zhes smras pa ni tshig dang bcas pa'i las zhes bya'o/ /tshig 'jebs pa'i las gang zhe na/ tshig 'jebs pa'i las rnam pa lnga ste/ gang zag gi skabs phye ba la 'di skad ces zer te/ khyod kyi dngos po de 'di lta bu zhig smras pa'o zhes tshig 'jebs par byed pa dang / khyod kyi dngos po de 'di lta bu'i gnas der smra'o zhes tshig 'jebs par byed pa dang / khyod kyi dngos po de gnas 'dir smra'o zhes tshig 'jebs par byed pa dang / khyod kyi dngos po dang gang du dga' ba der smra'o/ / zhes tshig 'jebs par byed pa dang / mi smos par byed/ de la nyes pa skyed/ nyes pa ston/ tshig 'jebs pa dang / tshig gsob tu byas nas gtong ba'o/ /'di lta ste dper na/ kha lo sgyur bas gang de'i rta ma rungs pa 'dul ba'i gnas su 'gro bar mi btub pa de la kha lo sgyur ba de nyid kyis 13-1-244a thag pa dang bcas/ kha lcags dang bcas pas gnod pa dang bcas nas btags te bor ba lta bu 'di ni tshig 'jebs pa'i las zhes bya'o/ /lung mi bsgo ba gang zhe na/ gang lung du mi bsgo ba de ni tshig tu mi brjod pa ste/ mthong ba'am thos pa'am/ dogs pa'i phyir mi smra ba ste/ de ni lung du mi bsgo ba zhes bya'o/ /lung bsgo ba la 'gog pa gang zhe na/ gang lung du mi bsgo ba de la brtson pa'o/ /lung du bsgo ba yongs su rdzogs par mi bya ba gang zhe na/ gang des lung du mi bsgo ba la phyal bar bor ba'o/ /skabs 'byed pa gang zhe na/ skabs phye nas bzod par gleng bar bya/ dran par bya ba 'di ni skabs 'byed pa zhes bya'o/ /skabs dbye ba'i las gang zhe na/ skabs dbye ba'i las lnga ste/ 'di skad du khyod kyis nga la skabs phye shig dang / ngas khyod la smra'o/ /khyod la brjod do/ /khyod la gleng ngo / /khyod la dran par bya'o zhes zer ba 'di ni skabs 'byed pa zhes bya'o/ /skabs 'byed pa'i las dang gsol ba gang zhe na/ skabs 'byed pa'i las de dag gis gzhan la gsol ba'o/ /gso sbyin 'gog pa gang zhe na/ chos bzhin ma yin pa bcu ni gso sbyin 'gog pa'o/ /chos bzhin pa yang bcu'o/ /chos bzhin ma yin pas gso sbyin 'gog pa bcu gang zhe na/ phas pham par gyur pa ma yin/ phas pham par gtam du brjod pa ma yin/ bslab pa phul ba ma yin/ bslab pa phul bar gtam du brjod pa ma yin/ dge 'dun la smod pa ma yin/ dge 'dun la smod par gtam du brjod pa ma yin/ tshul khrims nyams pa ma yin/ lta ba nyams pa ma yin/ spyod pa nyams pa ma yin/ 'tsho ba nyams pa ma yin pa'o/ /ji ltar na phas pham par gyur pa ma yin pa gang zhe na/ gang gi rnam pa dang / gang gi mtshan ma dang / gang gi rtags kyis dge slong de phas pham pa byed par 'gyur ba de lta bu'i rnam pa dang / mtshan ma dang / rtags kyis dge slong de phas pham pa'i nyes par ma mthong na/ des de la gso sbyin 'gog pa ni chos bzhin ma yin par 'gog pa ste/ de ltar na phas pham pa'i ma yin 13-1-244b pa'o/ /ji ltar na phas pham par gtam du brjod pa ma yin pa gang zhe na/ de ltar gtsug lag khang gi nang ngam phyi rol du'ang rung dge slong mang po lhan cig 'dus shing 'khod nas/ de dag kyang de las byung ngam/ de'i rang bzhin du de las mthun pa'i gtam du brjod pa yang ma yin dad pa las thos pa'ang med de/ rang gi rnam pa la rnam par rtog pa las byung ba'ang med de/ des thos pa med bzhin du gso sbyin 'gog pa ni chos bzhin ma yin par gso sbyin 'gog pa ste/ de lta bu ni phas pham par gtam du brjod pa ma yin pa'o/ /ji ltar na bslab pa phul ba ma yin pa gang zhe na/ dge slong gis gang gi rnam pa dang / gang gi mtshan ma dang / gang gi rtags kyis bslab pa phul bar 'gyur ba de lta bu'i rnam pa dang de'i mtshan ma dang / de'i rtags su dge slong gis mthong ba med bzhin du bslab pa phul ba yin no zhes des de ma mthong bar gso sbyin 'gog na chos bzhin du gso sbyin 'gog pa ma yin te/ de ltar na bslab pa phul ba ma yin no/ /ji ltar na bslab pa phul bar gtam du brjod pa ma yin pa gang zhe na/ de 'di ltar gtsug lag khang gi nang ngam phyi rol tu'ang rung/ dge slong mang po lhan cig 'dus shing 'khod nas de dag kyang de las byung ba'am/ de'i rang bzhin nam/ mthun pa'i gtam du brjod pa'ang ma yin/ dad pa las thos pa'ang med de/ rang gi rnam pa la rnam par rtog pa las byung ba'ang med de/ des de thos pa'ang med de/ dogs pa'ang med bzhin du gso sbyin 'gog pa ni chos bzhin ma yin par gso sbyin 'gog pa ste/ de lta bu ni bslab pa phul bar gtam du brjod pa ma yin no/ /ji ltar na dge 'dun la smod pa ma yin zhe na/ dge slong gis gang gi rnam pa dang / gang gi mtshan ma dang / gang gi rtags kyis dge slong de dge 'dun la smod par byed pa de lta bu'i rnam pa dang / mtshan ma dang / de'i rtags kyis dge slong de dge 'dun la smod par byed pa ma mthong na des de la gso sbyin 'gog pa ni/ chos bzhin ma yin par gso sbyin 'gog pa ste/ de lta bu ni dge 'dun la smod pa ma yin pa zhes bya'o/ /ji ltar na dge 'dun la smod 13-1-245a par gtam du brjod pa ma yin zhe na/ 'di lta ste/ de'i gtsug lag khang gi nang ngam phyi rol du'ang rung/ dge slong mang po lhan cig 'dus shing 'khod nas de dag kyang de las byung ba'am/ de'i rang bzhin nam/ de las mthun pa'i gtam du brjod pa'ang med/ dad pa las thos pa'ang med/ de rang gi rnam pa la rnam par rtog pa las byung ba'ang med/ thos pa'ang med/ dogs pa'ang med bzhin du gso sbyin 'gog pa ni chos bzhin ma yin par gso sbyin 'gog pa ste/ de lta bu ni dge 'dun la smod par gtam du brjod pa ma yin pa'o/ /ji ltar na tshul khrims nyams pa ma yin pa gang zhe na/ phas pham pa'i chos bzhi'i nang nas gang yang rung/ phas pham pa'i chos las 'das par ma gyur pa ste/ de lta bu ni tshul khrims nyams pa ma yin pa'o/ /ji ltar na lta ba nyams pa ma yin zhe na/ lta ba drug bcu rtsa gnyis su gtogs pa'i lta ba las lta ba gang la'ang rung/ der ma gyur pa yin te/ de lta bu ni lta ba ma nyams pa'o/ /ji ltar na spyod pa ma nyams pa yin zhe na/ mi spyod pa mi spyod cing dge slong gi bslab pa la yang slob pa ste/ de lta bu ni spyod pa ma nyams pa zhes bya'o/ /ji ltar na 'tsho ba ma nyams pa yin zhe na/ 'tsho ba yongs su dag pa yin te/ de lta bu ni 'tsho ba ma nyams pa zhes bya ste/ 'di dag ni chos bzhin ma yin pas gso sbyin 'gog pa bcu'o/ /chos bzhin gyis gso sbyin 'gog pa bcu gang zhe na/ phas pham par gyur pa dang / phas pham pa gtam du brjod par gyur pa dang / bslab pa phul bar gyur pa dang / bslab pa phul bar gtam du brjod par gyur pa dang / dge 'dun la smod par gyur pa dang / dge 'dun la smod pa gtam du brjod par gyur pa dang / tshul khrims nyams par gyur pa dang / lta ba nyams par gyur pa dang / spyod pa nyams par gyur pa dang / 'tsho ba nyams par gyur pa'o/ /ji ltar na phas pham par gyur ce na/ gang gi rnam pa dang / gang gi mtshan ma dang / gang gi rtags kyis dge slong de phas pham pa byed par gyur pa de lta 13-1-245b bu'i rnam pa dang / mtshan ma dang / rtags kyis dge slong de phas pham pa'i nyes pa byed par mthong na des de la gso sbyin 'gog pa ni chos bzhin du gso sbyin 'gog pa ste/ de lta bu ni phas pham par gyur pa'o/ /ji ltar na phas pham par gtam du brjod par gyur pa gang zhe na/ de 'di ltar gtsug lag khang gi nang ngam phyi rol du'ang rung/ dge slong mang po dang lhan cig 'dus shing 'khod nas/ de dag kyang de las byung ba dang / de'i rang bzhin dang / de dang mthun pa'i gtam du'ang brjod/ dad pa las thos pa yang yod de/rang gi rnam par rtog pa las byung ba'ang yin/ des thos pa'ang yin/ dogs pa'ang yin/ gzhan du gso sbyin 'gog pa ni chos bzhin du gso sbyin 'gog pa zhes bya ste/ de lta bu ni phas pham par gtam du brjod pa zhes bya'o/ /ji ltar na bslab pa phul ba yin zhe na/ dge slong gis gang gi rnam pa dang / gang gi mtshan ma dang / gang gi rtags kyis bslab pa phul ba de'i rnam pa dang / de'i mtshan ma dang / de'i rtags kyis dge slong de bslab pa phul ba mthong na/ des de la gso sbyin 'gog pa ni chos bzhin du gso sbyin 'gog pa ste/ de lta bu ni bslab pa phul ba zhes bya'o/ /ji ltar na bslab pa phul bar gtam du brjod pa yin zhe na/ de 'di ltar gtsug lag khang gi nang ngam phyi rol du'ang rung/ dge slong mang po 'dus shing 'khod nas de dag kyang de las byung ba'am/ de'i rang bzhin nam/ de dang mthun pa'i gtam du'ang brjod/ dad pa las thos pa'ang yin/ rang gi rnam pa las rnam par rtog pa las byung ba'ang yin te/ des thos pa'ang yin/ dogs pa'ang yin bzhin du gso sbyin 'gog pa ste/ de lta bu ni bslab pa phul bar gtam du brjod pa zhes bya'o/ /dge 'dun la smod par gyur pa gang zhe na/ dge slong gis gang gi rnam pa dang / gang gi mtshan ma dang / gang gi rtags kyis dge slong de dge 'dun la smod par gyur pa de lta bu'i rnam pa dang / de'i mtshan ma dang / de'i rtags kyis dge slong de dge 'dun la smod par byed pa mthong na des de la gso sbyin 'gog pa ni chos bzhin du gso sbyin 13-1-246a 'gog pa ste/ de lta bu ni dge 'dun la smod par gyur pa zhes bya'o/ /dge 'dun la smod par gtam du brjod par gyur pa gang zhe na/ de 'di ltar gtsug lag khang gi nang ngam phyi rol du'ang rung/ dge slong mang po lhan cig tu 'dus shing 'khod nas de dag kyang de las byung ba'am/ de'i rang bzhin nam/ de las mthun pa'i las su brjod pa'ang yin/ dad pa las thos pa'ang yin/ rang gi rnam pa la rnam par rtog pa las byung ba'ang yin/des thos pa'ang yin/ dogs pa'ang yin bzhin du gso sbyin 'gog pa ste/ de lta bu ni dge 'dun la smod par gtam du brjod par gyur pa zhes bya'o/ /tshul khrims nyams par gyur pa gang zhe na/ phas pham pa'i chos bzhi las gang yang rung ba'i phas pham pa'i chos zhig byung bar gyur pa de lta bu ni tshul khrims nyams pa zhes bya'o/ /lta ba nyams par gyur pa gang zhe na/ lta ba drug bcu rtsa gnyis su gtogs pa'i lta ba las gang yang rung lta bar gyur pa de lta bu ni lta ba nyams pa zhes bya'o/ /spyod pa nyams pa gang zhe na/ mi spyod cing dge slong gi bslab pa la mi slob pa de lta bu ni spyod pa nyams pa zhes bya'o/ /'tsho ba nyams pa gang zhe na/ 'tsho ba yongs su ma dag pa yin te/ de lta bu ni 'tsho ba nyams pa zhes bya ste/ 'di bcu ni chos bzhin du gso sbyin 'gog par byed pa'o/ /skabs 'byed pa 'gog par byed pa gang zhe na/ chos bzhin ma yin par skabs 'byed pa 'gog pa bzhi dang / chos bzhin skabs 'byed pa 'gog pa bzhi'o/ /chos bzhin ma yin par skabs 'byed pa la 'gog par byed pa bzhi gang zhe na/ tshul khrims nyams pa'i rtsa ba med bzhin skabs 'byed pa 'gog pa ni chos bzhin ma yin par skabs 'byed pa 'gog pa'o/ /lta ba nyams pa dang / spyod pa nyams pa dang / 'tsho ba nyams pa'i rtsa ba med par skabs 'byed pa 'gog pa ni chos bzhin ma yin par skabs 'byed pa 'gog pa ste/ rnam pa de bzhi ni chos bzhin ma yin par skabs 'byed pa la 'gog pa'o/ /chos bzhin skabs 'byed pa la 13-1-246b 'gog par byed pa bzhi gang zhe na/ tshul khrims nyams pa'i rtsa ba yod pas skabs 'byed pa 'gog pa ni chos bzhin skabs 'byed pa 'gog pa'o/ /lta ba nyams pa dang / spyod pa nyams pa dang / 'tsho ba nyams pa'i rtsa ba yod pa la skabs 'byed pa 'gog pa ni chos bzhin du skabs 'byed pa 'gog pa ste/ 'di bzhi ni chos bzhin du skabs 'byed pa 'gog pa'o/ /nang du bzhag pa gang zhe na/kun dga'i nang du rung ba'i sar ma bskos par bzhag par gyur pa de ni bsnyen par rdzogs pa'i dge slong rnams kyis bzar mi rung ba'o/ /rung ba'i sar bskos pa ni bzar rung ba'o/ /nang du btsos pa'i bza' ba dang bca' ba gang zhe na/ gang nang du btsos pa'i bca' ba dang bza' ba rnams bsnyen par rdzogs pa'i dge slong gis bzar mi rung ba'o/ /bzar mi rung ba de ni nang du btsos pa zhes bya'o/ /rang gis btsos pa gang zhe na/ yangs pa'i grong khyer du lo nyes pas dkon zhing rnyed dka' bar gyur pa na bram ze dang khyim bdag dag gis dge 'dun gyi zas sbyar bar 'dod par gyur nas/ de dag 'di snyam du sems te/ ji ste khyim du g.yos byas na ni gnyen mang po dang / mdza' bo mang po dang / skye bo mang po la sbyin par bya dgos par 'gyur te/ de dag gis dge slong rnams la gnod par mthong nas/ de dag gis dge slong rnams kyi drung du song nas/ btsun pa rnams gang gtsug lag khang gi nang du g.yos byas te/ 'brim par bya na nyes par cir 'gyur zhes smras pa dang / de ltar gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ gtsug lag khang gi phyi rol du g.yos byas la brim par ni gnang ngo / / bcom ldan 'das kyis gtsug lag khang gi phyi rol du g.yos byos la brim par byos shig ces gsungs pa dang / der dud pa che zhing mi dben par gyur/ skye bo mang po dag 'ong bas lang long du gyur nas dge slong de dag gis kun la bgos pa dang / dge slong de dag la shin 13-1-247a du nyung bar gyur pas dge slong de dag rmya bar gyur to/ /de lta bur gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ gtsug lag khang gi nang du brtags pa'i sa bskos te/ der g.yos byos la brim par byos shig /bcom ldan 'das kyis gtsug lag khang gi nang du brtags pa'i sa bskos la der g.yos byos la brims shig ces gsungs nas/ dge slong de dag gis de bzhin du byas pa dang / der gtsug lag khang gi mi dang / dge tshul pha rnams kyis sngar rang gi don du de blangs nas de'i 'og tu g.yos bya ba'i dge slong rnams la ci thob thob tu byin pa dang / dge slong de dag gi nyung bar gyur nas dge slong de dag rmya bar gyur te/ de lta bur gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ de lta bu'i lo nyes pa la dkon zhing rnyed dka' ba'i tshe rang gi g.yos bya zhing bza' bar rjes su gnang ngo / /de yang brtags pa'i sar bskos na der ni nang du 'jog pa dang / nang du 'tsho ba'i gnas gnyis su bde bar 'gyur ro/ /de lta bu'i lo nyes pas dkon pa'i rnyed dka' bar gyur pa ma gtogs par gang rung ba'i sar bskos pa dang ma bskos par yang rung ste/ rang gis btsos pa ni bza' mi rung ste/ de ni rang gis btsos pa zhes bya'o/ /dge slong gis 'tshed pa gang zhe na/ dge slong la la ni mang du za bar gyur/ la la ni nyung ngu za ba ste/ de la gang mang du za ba de dag la ni mi 'grangs gang nyung ngu za ba de dag ni lhag nas de gzhan dag la byin na/ de dag bcom ldan 'das kyis zar ma gnang bas na mi za'o/ /de lta bur gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ de lta bu'i lo nyes shing dkon la dka' na ni dge slong gis btsos pa zar gnang ngo / /de yang gang zhe na/ gang bsnyen par rdzogs pa'i dge slong gis btsos pa ste/ 'di ni dge slong gis btsos pa zhes bya'o/ /blangs pa gang zhe na/ gang ngo 13-1-247b tsha ba'i dge slong gis shes bzhin du blangs par gyur pa ste 'di ni blangs pa zhes bya'o/ /byin len ma byas pa gang zhe na/ gang bud med dam/ skyes pa'am/ ma ning ngam/ za ma'am/ mtshan gnyis su yang rung ste/ byin len ma byas pa 'di ni byin len ma byas pa zhes bya'o/ /blangs pa slar len pa gang zhe na/gang bdag gis slar blangs pa las phyis gzhan las byin len byed pa ni blangs pa las slar len pa zhes bya'o/ /snga dro'i byin len gang zhe na/ gang ma zos par byin len byed pa yin te/ bcom ldan 'das kyis yangs pa'i grong khyer de nyid du gnang ba ni de lta bu'i lo nyes shing dkon pa rnyed dka' ba'i tshe dge slong gis chog go bar byas pa las snga dro'i byin len byas pa'i 'og tu lhag mar ma byas kyang blas zo zhig /'di ni snga dro'i dus su byin len byas pa zhes bya'o/ /de nas slar khyer ba gang zhe na/ dge slong gang der zos nas kyang zas khyer zhing 'gro ba ste/ de yang bcom ldan 'das kyis yangs pa'i grong khyer de nyid na gnang ba ni de lta bu'i lo nyes shing dkon pa rnyed dka' bar gyur pa'i tshe na ni dge slong gis slar khyer la lhag mar ma byas kyang zo zhig ces gsungs pa de ni slar khyer ba zhes bya'o/ /nags kyi tshig gu can gang zhe na/ nags kyi tshig gu can zhes bya ba ni sta rga dang / o ru ma na dang / b+ha tam la sogs pa gang gzhan yang nags kyi tshig gu can gyi bza' shing gi 'bras bu rnams te de dag kyang bcom ldan 'das kyis yangs pa'i grong khyer na gnang bar gsungs te/ de 'dra ba'i lo nyes pa'i dkon pa rnyed dka' ba'i tshe na dge slong gis chog par byas kyang nags kyi tshig gu de lhag mar ma byas par yang zo zhig ces gsungs pa ni nags kyi tshig gu can zhes bya'o/ /rdzing bu gang zhe na/ tshe dang ldan pa shA ri'i bu mkhris pa dmar po'i nad kyis gzir ba la sman pas pad mo'i rtsa ba'i bza' ba'i phyir rung bar thabs bstan nas/ de nas tshe dang ldan pa maud gal gyi bu chen pos pad mo can gyi rdzing bu nas pad mo'i rtsa ba blangs nas tshe dang ldan pa shA ri'i bu la byin pa dang / des kyang cung zad cig zos nas phal 13-1-248a cher ma 'dod de/ dge slong rnams la byin pa dang / dge slong rnams kyis kyang bdag cag chog par byas zin gyis mi za'o zhes smras pa dang / de ltar gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ 'di ltar lo nyes shing dkon pa rnyed dka' ba'i tshe ni dge slong gis chog par byas kyang rdzing bu'i lhag mar ma byas kyang zo zhig /de yang gang zhe na/ 'di lta ste/ ri shi g+ha ti ka dang / khar ka ti ka dang / kar shing ga ka ta la sogs te/ gang gzhan yang chu'i nang gi 'bras bu rnams so zhes bya ba 'di ni rdzing bu nas skyes pa zhes bya'o/ /de nas bcom ldan 'das kyis de ltar lo nyes shing dkon pa rnyed dka' ba'i tshe yangs pa can na ji srid dgyes kyi bar du bzhugs nas mnyan du yod pa gang na ba der spyod cing gshegs so/ /rim gyis spyod pa spyad nas mnyan du yod par byon pa dang / mnyan du yod pa dze ta'i tshal mgon med zas sbyin gyi kun dga' ra ba na bzhugs so/ /der bcom ldan 'das kyis tshe dang ldan pa kun dga' bo la bka' stsal pa/ kun dga' bo ngas gang yangs pa'i grong khyer chen po na lo nyes shing dkon la rnyed dka' ba'i tshe dge slong rnams la dngos po brgyad gnang ba ni 'di lta ste/ nang du bzhag pa dang / nang du btsos pa dang / rang gis btsos pa dang / dge slong gis btsos pa dang / snga dro'i dus su byin len byas pa dang / de nas slar khyer ba dang / nags kyi tshig gu can dang / rdzing bu'i rnams gnang na dngos po de dag ci da dung yang der rung ba bzhin du za'am/ btsun pa kha cig ni 'tshal/ kha cig ni mi 'tshal lo/ /de nas bcom ldan 'das kyis gleng gzhi de nyid kyi phyir dge slong gi dge 'dun bsdus nas dge slong rnams la bka' stsal pa/ dge slong rnams gang yangs pa'i grong khyer du de ltar lo nyes shing dkon pa rnyed dka' ba'i tshe dngos po brgyad po 'di dag brtse ba'i phyir dge slong rnams kyis chog par byas kyang rjes su gnang ba dag ni lo nyes pa'i tshe ni zo zhig /lo legs pa'i tshe ni bza' bar mi 13-1-248b bya'o/ /gang gis zos pa de ni 'das pa dang bcas par 'gyur ro/ /bting ba gang zhe na/ sems bskyed pa dgus na gtan pa bting bar 'gyur ro/ /de yang gang zhe na/ gtan pa bting ba'i dge slong gis thog ma nas de ltar gtan pa len pa dang / bkru ba dang / 'tshed pa dang / brgyad pa dang / 'dra ba dang / 'tshem pa na sems rnam pa gsum bskyed de/ dge slong bdag ming 'di zhes bgyi bas gos 'di dge 'dun gyi gtan pa bting bar 'gyur ro/ /gding bar bya'o/ /bdag gis bting ngo / /bar du yang sems gsum bskyed par bya ste/ bdag dge slong ming 'di zhes bya bas gos 'di dge 'dun gyi gtan pa bting bar 'gyur ro/ /gding bar bya'o/ /bdag gis bting ngo / /zin pa'i mjug gi khab so'i tshe yang sems rnam pa gsum bskyed par bya ste/ bdag dge slong ming 'di zhes bya bas gos 'di dge 'dun gyi gtan pa bting bar 'gyur ro/ /gding bar bya'o/ /bdag gis gding ngo / /'di ltar yang gnas gang na dge 'dun 'khod pas thog mar gtan pa bting ba'i tshe/ mtshams de'i nang nas dge slong ji snyed mtshungs par gnas pa rgyud shin du yongs su dag pa'i rnams kyis kyang dge 'dun gyis gtan pa bting ngo zhes thos pa las kyang rjes su yi rangs na/ de dag thams cad kyis kyang gtan pa bting ba zhes bya ste/ de ltar na bting ba zhes bya'o/ /ma bting ba gang zhe na/ de las bzlog pa ni ma bting ba ste/ 'di ltar yang zla ba gsum ma tshang bar dge 'dun rnams kyis gtan pa bting na gtan pa ma bting ba zhes bya ste/ 'di ni gtan pa ma bting ba zhes bya'o/ /phyung ba gang zhe na/ ma lta bu'i tshig brgyad kyis ni gtan pa phyung bar 'gyur te/ de yang gang zhe na/ 'di lta ste phyung ste song ba dang / zin pa dang / kun zin pa dang / nyams pa dang / thos pa dang / mtshams las 'das pa dang / bsam pa chad pa dang / gsol ba'i las dang tshig brgyad de/ 'di ni phyung ba zhes bya'o/ /ma phyung ba gang zhe na/ 'di las bzlog pa ni ma phyung ba ste/ 'on kyang bar du 13-1-249a gcod pa brgyad kyi nang nas gang yang rung ba byung ba ste/ dge slong bting ba'i gnas nas dmigs bzhin du byung ste song na yang gtan pa ma phyung ba zhes bya ste/ de ltar na gtan pa ma phyung ba zhes bya'o/ /lci ba'i yo byad gang zhe na/ gang bgo bar mi rigs pa'o/ / yang ba'i yo byad gang zhe na/ gang bgo bar rigs pa'o/ /bgo bar rigs pa'i yo byad gang zhe na/ gang dge slong shi ba'i rdzas rnams bgo bar bya ste/ de yang gang zhe na/ gang shi ba'i chos gos ma gtogs par gang de las gzhan pa yang ba'i yo byad rnams te/ 'di ni bgo bar rigs pa'i yo byad ces bya'o/ /bgo bar mi rigs pa'i yo byad gang zhe na/ gang dge slong shi ba'i rdzas mi bgo bar bya ba rnams te/ de yang gang zhe na/ shi ba'i chos gos ma gtogs par gang de las gzhan pa'i lci ba rnams te/ 'di ni bgo bar mi rigs pa'i yo byad ces bya'o/ /de las chos gos kyi smod pas lci ba'i yo byad du gzhag pa ni nad g.yog gi chos gos te/ gang de las gzhan pa'i yo byad yang ba lcags las byas pa'i snod lhung bzed dang / lhung bzed chung ngu dang / lhung bzed ma yin pa rnams kyang bgo bar rigs pa'i yo byad do/ /khar ba las byas pa dang / chol zangs dang / lde mig dang / gri khab dang / sen mo gcad pa dang / nal ze dang / zhugs ling dang / sta re dang / thal phyags dang / chu tshags dang 'di rnams ni bgo bar rigs pa'i yo byad do/ /gang yang de bas yang ba'i yo byad de dag kyang bgo bar rigs pa'o/ /gang yang de las gzhan pa'i lci ba'i yo byad de dag ni bgo bar mi rigs pa ste/ de thams cad phyogs bzhi'i dge 'dun gyi phyir gzhag par bya'o/ /shing gi snod rnams las yang mig dang / chos kyi chu tshags dang / phor bu chen po dang / kham pa'i phor bu dang / 'di rnams kyang bgo bar rigs pa'i yo byad do/ /gang de las gzhan pa'i yo byad yang ba rnams de dag kyang bgo bar rigs pa'o/ /gang de las gzhan pa'i yo byad lci ba rnams de dag ni bgo bar mi rigs pa ste/ thams cad phyogs bzhi'i dge 'dun 13-1-249b gyi phyir gzhag par bya'o/ /kham pa'i snod du gtogs pa lhung bzed dang / lhung bzed chung ngu dang / lhung bzed ma yin pa dang / rdza ma dang / bum pa dang / bum bu dang / ril ba spyi blugs dang / 'di rnams ni bgo bar rigs pa'i yo byad do/ /gang de las gzhan pa'i yo byad yang ba'i rnams de dag ni bgo bar rigs pa'o/ /gang yang de las lci ba'i yo byad de dag kyang bgo bar mi rigs pa ste/ thams cad phyogs bzhi'i dge 'dun gyi phyir gzhag par bya'o/ /tshon rtsi gang bskol bar gyur pa ni phyogs bzhi'i dge 'dun gyi gos btso bar bya'o/ /gang yang ma bskol ba'i tshon rtsi ni bgo'o/ /tshon chen po lnga ni mi bgo ba'o/ /rin po che rnams kyi khri yin na bsgyur la bgo bar bya'o/ /chung ngu na gal te lcags las byas pa yin na yo byad du rung na ni gzhag go/ /de las gzhan du lci ba'i yo byad yin na de ni bgo bar mi rigs pa'o/ /gzhan yang gang mi 'tshong ba rnams dang / gang mi 'chang ba rnams dang / gang mi dgos pa rnams dang / mi bgo ba rnams dang / gang gzhan du mi sbyin pa rnams dang / gang su la yang sbyin du mi rung ba'i dngos po lnga yod de/ de yang gang zhe na/ gtsug lag khang gi dngos po dang / gnas khang gi dngos po dang / kun dga'i dri gtsang khang dang / mal stan dang / mi'i yo byad do/ /mi'i yo byad gang zhe na/ bcom ldan 'das kyis gsungs pa/ dge 'dun gyi'am/ mchod rten gyi yang rung/ 'di ni mi'i yo byad ces bya'o/ /mi ma yin pa'i yo byad gang zhe na/ bal glang dang / ra dang / lug dang / ma he ste/ de dag kyang dge 'dun gyi yang rung mchod rten gyi yang rung ste/ bcom ldan 'das kyis gnang bar gsungs pa'o/ /'di ni mi ma yin pa'i yo byad ces bya'o/ /yongs su zin pa'i yo byad gang zhe na/ gang grong ngam/ nags tshal te/ gang bud med dam/ skyes bu'am/ ma ning ngam/ za ma'am/ mtshan gnyis pa yang rung ste/ gzhan gyis zin pa 'di ni yongs su zin pa'i yo byad ces bya'o/ /yongs su ma zin pa'i yo byad gang zhe na/ grong ngam/nags tshal te/ bud med dam/ skyes bu'am/ ma ning ngam/ za ma'am/ mtshan gnyis pa gang gis kyang yongs su ma zin par 13-1-250a gyur pa 'di ni yongs su ma zin pa'i yo byad ces bya'o/ /byin len bya ba'i yo byad gang zhe na/ gang dge slong rnams kyis gzhan las byin len byas shing bza' ba ste/ de yang gang zhe na/ chu dang so shing ma gtogs par gang de las gzhan pa'i khar bza' ba thams cad byin len bya ba'i yo byad de/ 'di ni byin len bya ba'i yo byad ces bya'o/ /byin len mi bya ba'i yo byad gang zhe na/ gang dge slong rnams la gzhan gyis ma byin kyang bza' ba'i rnams te/ de yang gang zhe na/ yongs su spyad pa'i yo byad thams cad dang / khar bza' ba chu dang so shing ste/ 'di ni byin len mi bya ba'i yo byad ces bya'o/ /shi ba'i chos gos gang zhe na/ gang sde lnga rnams shi ba'i chos gos de ni bcom ldan 'das kyis sde lnga rnams la dbyar gyi nang du'am/ dbyar gyi phyi rol ma gtogs par yang shi ba'i chos gos so zhes dus thams cad du yang bgo bar bya'o zhes gnang bar gsungs te/ 'di ni shi ba'i chos gos zhes bya'o/ /mtshan ma'i chos gos gang zhe na/ lo lnga pa'i 'am/ lo drug pa'am/ dus chen po'am/ brtad pa na thob pa'i chos gos gang rnyed pa de ni bcom ldan 'das kyis dbyar gyi nang du'am/ dbyar gyi phyi rol du yang rung ste/ dus thams cad du yang bgo bar bya'o zhes gnang bar gsungs te/ 'di ni mtshan ma'i chos gos zhes bya'o/ /phyag dar khrod pa'i gos gang zhe na/ dge slong rnams kyis phyag dar khrod pa'i gos lnga 'chang du gnang ste/ mes tshig pa dang / bal glang gis zos pa dang / byi bas zos pa dang / slar 'ongs pa'i gos dang / rul ba ste/ 'di ni phyag dar khrod pa'i gos zhes bya'o/ /sna nas blugs pa'i las gang zhe na/ sna nas blugs pa'i las su bcom ldan 'das kyis dge slong rnams la gnang ba ni mig nad kyis na ba'i rnams te/ ji ltar tshe dang ldan pa pi lin da'i bu la gnang ba bzhin rgyas par ji ltar 'dul ba las 'byung ba bzhin te/ de ni sna nas blugs pa'i las zhes bya'o/ /bshang lam nas blugs pa'i las gang zhe na/ dge slong rnams kyis bya ba'i thabs gzhan yod kyi bar du bshang lam nas blugs pa'i mi bya ste/ byed na nyes pa sbom por 'gyur ro/ /bya ba'i thabs 13-1-250b gzhan med na gdod bya ste/ 'di ni bshang lam du blugs pa'i las zhes bya'o/ /mtshon gyi las gang zhe na/ dge slong rnams kyis bya ba'i thabs gzhan yod bzhin du gdong la mtshon gyi las bya bar mi bya'o/ /byas na nyes byas su 'gyur ro/ /bya ba'i thabs gzhan med na bya bar bya ste/ 'di ni mtshon gyi las zhes bya'o/ /'breg pa'i las gang zhe na/ dge slong rnams kyis skra dang kha spu ma gtogs par de las gzhan pa'i yan lag gi spu rnams mi breg go/ /de ste bregs na nyes byas su 'gyur ro/ /'di ni 'breg pa'i las zhes bya'o/ /skra breg pa'i las gang zhe na/ dge slong rnams kyis bab bab tu skra breg par mi bya ste/ phyogs gcig tu skra breg par bya zhing rgan rims bzhin du breg par bya'o/ /yang na spu gris gang gis bregs par gyur na yang bslang bar mi bya'o/ /de ste bslangs na nyes byas su 'gyur te/ 'di ni skra 'breg pa'i las zhes bya'o/ / ched du byas te bza' ba gang zhe na/ sa bon gyi rigs lnga rnams la rung ba'i tshad lngas rung bar byas te bza' bar bya'o/ /btung ba brgyad la ni chus blug par bya'o/ /gos bcu rnams ni kha dog ngan par bya ba gsum gyis kha dog ngan par byas te bcang bar bya'o/ /de ltar na ched du byas te bgo bar bya'o/ /'bras bu za ba gang zhe na/ yangs pa'i grong khyer na 'bras bu mang po zhig dge slong rnams gang zag gir bza' bar byas nas zos pa dang bcom ldan 'das kyis bka' stsal pa/ gang zag gir bza' bar byas nas bza' bar mi bya'i dge 'dun la brim par bya'o/ / bcom ldan 'das kyis dge 'dun la brim par byos shig ces gsungs pa dang / de nas gcig gam gnyis sam gsum rnams kyi'ang len pa dang / kha cig gis ni ma thob/ kha cig la ni lhag nas de ltar gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ thams cad la snyoms par brim par bya'o/ /de dag yang bdams shing bdams shing brims pa dang / bcom ldan 'das kyis bka' stsal pa bzhin du bltas nas bdam zhing bdam zhing brim par mi bya'o/ /de dag yang sor mos ston cing 13-1-251a len pa dang / bcom ldan 'das kyis bka' stsal pa/ sor mos ston cing blang bar mi bya'o/ /de dag gis thams cad la snyoms par brim ma nus nas 'khrugs par gyur pa dang / de ltar gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ gsol ba nyi tshe ba byos la gang yongs su bza' bar 'dod pas rung bar byed pa des dge slong gi rung bar byed pa lngas rung bar byas te/ byin len byos la bza' bar bya'o/ /'di ni 'bras bu'i yongs su spyod pa zhes bya'o/ /mi'i las yongs su spyad pa gang zhe na/ mi'i stan gser las byas pa'am/ dngul las byas pa'am/ shel las byas pa'am/ bai DUr+ya las byas pa yang rung/ dge slong stan la 'dug cing snod du bzar mi rung ste/ 'di ni mi'i las yongs su spyad pa zhes bya'o/ /mi ma yin pa'i las spyad pa gang zhe na/ lha'i khang par ram/ klu'i khang par ram/ gnod sbyin gyi khang par yang rung ste/ gser las byas pa'am/ dngul las byas pa'am/ shel las byas pa'am/ bai DUr+ya las byas pa'i sa gzhi las 'gro ba dang / skas la 'dzeg pa dang / stan la 'dug pa dang / snod la yongs su spyod pa ni dge slong rnams kyis rung ba byas te/ 'di ni mi ma yin pa'i las yongs su spyod pa zhes bya'o/ /'dul ba sdud pa lnga brgya pa gang zhe na/ sangs rgyas bcom ldan 'das yongs su mya ngan las 'das nas ring por ma lon pa na rgyal po'i khab kyi grong khyer du dge slong lnga brgya 'dus na mdo sde thams cad dang / 'dul ba thams cad dang / mngon pa'i chos thams cad bsdus par byas pa 'di ni 'dul ba bsdus pa lnga brgya pa zhes bya'o/ /bdun brgyas 'dul ba sdud pa bdun brgya pa gang zhe na/ sangs rgyas bcom ldan 'das yongs su mya ngan las 'das nas lo brgya dang bcu'i 'og tu grong khyer yangs pa can du yangs pa can na gnas pa'i dge slong rnams kyis mi rung ba'i dngos po bcu rnams phyung ste mdo sde ngan pa dang / 'dul ba ngan pa dang / ston pas bstan pa ngan pa dang / mdo sde las 'gal/ 'dul ba las mi 'byung/ chos nyid dang mi mthun pa yangs pa'i dge slong 13-1-251b rnams kyis 'di ni rung ba'o zhes te spyod par byed/ shin du spyod par byed/ bsgrags par byed pa de yang dge slong bdun brgya rnams gcig tu 'dus nas 'di ni chos ma yin no/ /'di ni 'dul ba ma yin no/ /'di ni ston pas bstan pa ma yin no zhes te/ mngon du zhi bar byas pa 'di ni 'dul ba sdud pa/ bdun brgya pa'o/ /'dul ba byung ba gang zhe na/ so sor thar pa gnyis rnam par 'byed pa dang bcas pa 'dul ba'i dngos po bcwa brgyad rnams dang / 'dul ba gcig gis lhag pa dang / 'dul ba'i ma lta bu dang / 'dul ba lnga pa dang / 'dul ba bcu drug pa dang / 'dul ba ma Na ba ku zhes bya ba dang / 'dul ba phran tshegs dang / nyi tshe ba dang / gleng gzhi dang / gtam gyi dngos po dang / u pA lis zhus pa dang / thun mong ba dang / thun mong ma yin pa rnams dang / bslab pa'i gnas dang / lung bsgo ba lnga brgya dang / skyes pa rabs kyi sde lnga brgya dang / sngon gyi sbyor ba lnga brgya po 'di rnams ni 'dul ba byung ba zhes bya'o/ /nag por ston pa gang zhe na/ nag por ston pa bzhi ste/ bzhi gang zhe na/ 'dir dge slong zhig 'ongs pa la de 'di skad du ngas de nyid mngon sum du bcom ldan 'das kyi drung nas thos te/mngon sum du blangs pa ni 'di lta ste/ chos 'di dang / 'dul ba 'di ste/ 'di ni ston pas bstan pa'o zhes smras pa dang / des dga' bar yang mi bya/ smad par yang mi bya'o/ /dga' bar yang mi byed/ smod par yang mi byed cing rna bas mnyan la chos kyi tshig dang / yi ge rnams blangs nas mdo sde dang bstun par bya 'dul ba dang bstun par bya ste/ gal te mdo sde dang yang bstun/ 'dul ba dang yang bstun na mdo sde dang yang mi mthun/ 'dul ba ltar yang mi snang/ chos nyid dang yang mi mthun te/ de lta bur gyur na tshig 'di skad ces smra bar bya'o/ /tshe dang ldan pa de ltar 'di lta bu'i chos ni bcom ldan 'das kyis kyang ma gsungs/ tshe dang ldan pas kyang 'dra ba nyid chos nyid du ma bzung shig /de lta bu'i chos ni bdag gis mdo sde dang bstun 'dul ba dang bstun na mdo sde dang yang mi mthun/ 'dul ba ltar yang ma gyur/ chos nyid dang yang 'gal te/ 'di ni chos ma yin/ 'di 13-1-252a ni 'dul ba ma yin no/ /ston pas kyang de ltar ma bstan to zhes shes par bya ste dor bar bya'o/ /gzhan yang dge slong zhig 'ongs pa la des 'di skad ces zer te/ gnas 'di zhes bya ba na dge slong gi dge 'dun chen po dag cig gnas brtan dang bcas/ so sor thar pa dang bcas shing 'khod pa'i dge slong gi dge 'dun gyi drung nas bdag mngon sum du thos nas mngon sum du blangs pa ni 'di lta ste/ chos ni 'di'o zhes bya ba nas snga ma bzhin no/ /de lta bu de la 'di skad smra bar bya ste/ tshe dang ldan pa de ltar 'di lta bu'i chos dag ni dge slong gi dge 'dun de dag gis chos su 'du shes 'dul bar 'du shes te/ chos ma yin pa dang / 'dul ba ma yin par smras pas/ tshe dang ldan pa khyod kyis de ltar chos ma yin par blangs so zhes bya ba nas snga ma bzhin du dor bar bya'o/ /gzhan yang dge slong zhig 'ongs pa la de dag 'di skad du zer te/ gnas 'di zhes bya ba na mdo sde 'dzin pa dang / 'dul ba 'dzin pa dang / ma lta bu 'dzin pa'i dge slong rab tu mang ba zhig 'khod pa'i dge slong de dag gi drung nas bdag gis mngon sum du thos nas mngon sum du blangs pa ni 'di lta ste/ 'di ni chos so zhes bya ba nas snga ma bzhin du smra ba la 'di skad du smra bar bya ste/ tshe dang ldan pa de ltar 'di lta bu'i chos dag ni dge slong de dag gis chos su 'du shes/ 'dul bar 'du shes te/ chos ma yin pa dang / 'dul ba ma yin pa smras pa las tshe dang ldan pas log pa'i chos blangs so zhes bya ba nas snga ma bzhin du dor bar bya'o/ /gzhan yang dge slong zhig 'ongs pa la des 'di skad du smras te/ gnas 'di zhes bya ba na dge slong gnas brtan dang / gnas brtan gang yang rung ba dang / shes pa dang / shes pa gang yang rung ba dang / gtso bo dang gtso bo gang yang rung ba dag gnas pa'i dge slong de dag las bdag gis mngon sum du thos nas mngon sum du blangs so zhes bya ba nas snga ma bzhin du ste/ des 'di skad du smra bar bya'o/ /tshe dang ldan pa de ltar dge slong des chos su 'du shes/ 'dul bar 'du shes te/ 13-1-252b chos ma yin pa dang / 'dul ba ma yin par smras pa las tshe dang ldan pas de ltar chos ma yin par blangs so zhes bya ba nas snga ma bzhin du dor bar bya'o/ /ci'i phyir nag por ston pa zhes bya zhe na/ de dang de dag ni nag por ston pas nag por bstan pa ste/ nag por bstan pa'o/ /'phags pa ma yin par bstan pa'o/ /de'i phyir nag por bstan pa zhes bya'o/ /ci'i phyir na des de dag smras chos ma yin pa tshar gcad pa dang / chos bsdu ba dang / dam pa'i chos kyi gzugs brnyan so sor bsal ba'i phyir 'jigs pa med pas nyan thos su 'gyur ba ni 'di lta ste/ sangs rgyas kyi gsung 'dis so/ /'di ni nag por ston pa zhes bya'o/ /cher ston pa gang zhe na/ cher ston pa bzhi ste/ bzhi gang zhe na/ 'dir dge slong zhig 'ongs na des 'di skad du smra ste/ bcom ldan 'das kyi drung nas bdag gis mngon sum du thos nas mngon sum du blangs pa ni 'di lta ste/ 'di ni chos so/ /'di ni 'dul ba'o/ /'di ni ston pas bstan pa'o zhes des 'di skad du smras pa la dga' bar yang mi bya/ smod par yang mi bya'o/ /dga' bar yang mi bya/ smad par yang mi bya bar rna bas mnyan la chos kyi tshig dang / yi ge rnams blangs te/ mdo sde dang yang bstun par bya/ 'dul ba dang bstun par bya ste/ de ste mdo sde dang bstun 'dul ba dang bstun na yang mdo sde dang mthun/ 'dul ba las snang/ chos nyid dang yang mi 'gal na/ des de la 'di skad du smra bar bya ste/ tshe dang ldan pa de ltar 'di lta bu'i chos ni bcom ldan 'das kyis gsungs te/ tshe dang ldan pas kyang chos de bzhin du blangs so/ /bdag gis kyang de bzhin du chos de mdo sde dang yang bstun/ 'dul ba dang yang bstun na mdo sde dang mthun/ 'dul ba las kyang 'byung chos nyid dang yang mi 'gal te/ 'di ni chos so/ /'di ni 'dul ba'o/ /'di ni ston pas bstan pa'o snyam du shes par bya ste/ bcang bar bya'o/ /gzhan yang dge slong zhig 'ongs nas de 'di skad smra ste/ 13-1-253a gnas 'di zhes bya ba na dge slong chen po'i dge 'dun dag cig gnas brtan dang bcas/ so sor thar pa dang bcas shing 'khod pa'i dge slong gi dge 'dun de dag las bdag gis mngon sum du thos nas/ mngon sum du blangs pa zhes bya ba nas snga ma bzhin du ste/ de skad smras pa de la des 'di skad smra ste/ tshe dang ldan pa de ltar chos 'di ni dge slong gi dge 'dun des chos su 'du shes/ 'dul bar 'du shes te/ chos dang 'dul ba smras pa las tshe dang ldan pas kyang chos 'di bzhin du legs par blangs so zhes bya ba nas snga ma bzhin du bcang bar bya'o/ /gzhan yang dge slong zhig 'ongs nas des 'di skad du smras te/ gnas 'di zhes bya ba na mdo sde 'dzin pa/ 'dul ba 'dzin pa/ ma lta bu 'dzin pa'i dge slong rab tu mang po dag cig 'khod pa'i dge slong de dag las bdag gis mngon sum du thos nas/ mngon sum du blangs pa ni 'di lta ste/ chos 'di'o zhes bya ba nas/ snga ma bzhin du de skad smra ba la/ des 'di skad smra bar bya ste/ tshe dang ldan pa de ltar chos 'di ni dge slong dag gis chos su 'du shes/'dul bar 'du shes te/ chos dang 'dul bar smras pa las tshe dang ldan pas kyang de lta bu'i chos dge bar blangs so zhes bya ba nas snga ma bzhin du bcang bar bya'o/ /gzhan yang dge slong zhig 'ongs nas des 'di skad du smra ste/ gnas 'di zhes bya ba na dge slong gnas brtan dang / gnas brtan gang yang rung ba dang / shes pa dang / shes pa gang yang rung ba dang / gtso bo dang / gtso bo gang yang rung ba zhig gnas pa'i dge slong de dag las bdag gis mngon sum du thos nas mngon sum du blangs pa ni 'di lta ste/ chos 'di'o zhes bya ba nas snga ma bzhin du ste/ de skad smras pa la des 'di skad du smra bar bya ste/ tshe dang ldan pa de ltar chos 'di ni dge slong des chos su 'du shes/ 'dul bar 'du shes te/ chos dang 'dul bar smras pa las tshe dang ldan pas kyang chos 'di ni legs par blangs so zhes bya ba nas snga ma bzhin du bcang bar bya'o/ /ci'i phyir na cher ston pa zhes 13-1-253b bya zhe na/ tshig 'di cher ston pa ste/ cher ston pas bstan pa'o/ /de dag ni 'phags pa ltar yang ston pa ste/ de'i phyir na cher ston pa zhes bya'o/ /ci'i phyir na de dag smras zhe na/ chos ma yin pa tshar gcad pa dang / chos bsdu ba dang / dam pa'i chos kyi gzugs brnyan so sor bsal ba'i phyir mi 'jigs pas bdag ni nyan thos su 'gyur ba ste/ 'di lta ste chos ma yin pa tshar gcad pa dang / chos bsdu ba'i phyir 'di ni cher ston pa zhes bya'o/ /de la dge slong rnams gang 'di snga ma'i nag por ston pa bzhi po rnams ni dge slong rnams kyis legs par shin tu yang dag pa'i rjes su sbyor/ yang dag pa'i rjes su bstan te/ 'di ni chos ma yin/ 'di ni 'dul ba ma yin/ 'di ni ston pas bstan pa ma yin pa'o zhes shes par byas te/ dor bar bya'o/ /de la gang 'di phyi ma'i cher ston pa bzhi po ni dge slong rnams kyis legs par shin tu yang dag pa'i rjes su sbyor/ yang dag pa'i rjes su bstan te/ 'di ni chos so/ /'di ni 'dul ba'o/ /'di ni ston pas bstan pa'o zhes shes par bya ste bcang bar bya'o/ /'dres pa gang zhe na/ gang rtsa ba dang sdong bu dang / lo ma dang / me tog dang / 'bras bu'i sman rnams su so sor rnam par bzhag pa'i rgyu las 'dres par gyur pa ni 'dres pa zhes bya'o/ /shin tu 'dres pa gang zhe na/ de nas blangs nas snga dro'i dang / de nas blangs nas phyi dro'i dang / zhag bdun gyi dang / nam 'tsho'i bar gyi ste/ phan tshun du 'dres te snga dro bza' bar bya'o/ /snga dro bar gtogs pa las snga dro 'das na bza' bar mi bya'o/ /de nas blangs nas phyi dro'i dang / de nas blangs nas zhag bdun pa'i dang / nam 'tsho'i bar du phan tshun 'dres na phyi dro bza' ste/ phyi dro las 'das na bza' bar mi bya'o/ /de nas blangs nas zhag bdun pa'i dang / de nas blangs nas nam 'tsho'i bar du phan tshun du 'dres nas zhag bdun par bza' bar bya'o/ /zhag bdun pa las zhag bdun 'das na bza' bar mi bya'o/ /nam 'tsho'i bar du ni nam 'tsho'i bar du 13-1-254a de bzhin du bza' bar bya'o/ /'di ni shin tu 'dres pa zhes bya'o/ /kun dgar rung ba gang zhe na/ dge slong gis rung ba ni kun dga'i nang du 'dug pa'am/ kun dga'i gnas khang gi 'dug pa blangs sam/ len du bcug kyang rung ste/ 'di ni su'i yin pa de la 'di sbyin no zhes de lta bus blangs na ni kun dgar rung ba zhes bya'o/ /nags su rung ba gang zhe na/ nags zhes bya ba ni shing gi nags te/ de la ji snyed kyi yal ga dang / lo ma dang / 'dab ma dang / me tog rnams la gcig la gcig khyab par gyur pa rgyang grags gcig gi mtha' tshun chad la der dge slong gis gang du dga' bar chos gos rnams bzhag la de la gang du dga' bar skya rengs shar gyi bar du gnas par bya ste/ 'di ni nags su rung ba zhes bya'o/ /'khor gyi rung ba gang zhe na/ dge 'dun gyi gtsug lag khang na so so'i khang pa'i 'khor mang du gyur te/ de dag tu ji ltar rnyed pa so sor byin gyis brlabs pa bzhin bgos shing spyad par bya ba ni 'khor gyi rung ba zhes bya'o/ /yul gyi rung ba gang zhe na/ 'dzam bu'i gling gi dus su byang gi sgra mi snyan gyi gling du dge slong zan rung ste/ yul gyis rung ba ni 'dzam bu'i gling 'di'i dus kyi tshe de na byang gi sgra mi snyan gyi gling ni nam phyed de ji ltar 'dzam bu'i gling gi dus kyi tshe gling bzhi po kun du yang sbyar zhing yul der zar rung ba ni yul gyi rung ba zhes bya'o/ /phyogs kyi rung ba gang zhe na/ smod pa can gyi ljongs su len pa dang blangs nas za ba ni dge slong gis rung ba ste/ rdzu 'phrul chen po dang / mthu chen po'i dge slong rnams smod pa can gyi ljongs su der bsod snyoms kyi phyir dong ba dang / de dag la smod pa can gyi mi rnams kyis rang gi lag nas byin len mi byed par mdun du 'dor bar byed pa dang / dge slong de rnams ji ltar grub pa mi shes nas de ltar gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ byin len ni rnam pa lngas shes par bya ste/ byin len rnam pa lnga gang zhe na/ lus kyis lus la bya ba dang / lus kyis lus la zin pa la bya ba dang / lus kyis 13-1-254b zin pas lus la bya ba dang / lus kyis zin pas lus kyis zin pa la bya ba dang / bor ba dang / byin len byas pa dang lnga ste/ 'di ni phyogs kyi rung ba zhes bya'o/ /ljongs kyi rung ba gang zhe na/ kha ba can gyi ljongs su lham yu ba can dang / yu med gnang bar gsungs te/ ljongs gzhan du ni mi gnang ngo / /ljongs u sma pa ran ta kar ni pags pa dang rtag tu khrus gnang bar gsungs te/ ljongs gzhan du ni ma yin no/ /mtha' 'khob kyi ljongs su ni dge 'dun mang ba bcur longs pa med na 'dul ba 'dzin pa dang lngas bsnyen par rdzogs par gnang bar gsungs te/ ljongs gzhan du ni ma yin no/ /'di ni ljongs kyi rung ba zhes bya'o/ /gos kyi rung ba gang zhe na/ gos rnam pa bcu mtshon gyis bcad cing kha dog ngan par byas te bcang ba ni dge slong gis rung ba ste/ 'di lta ste bal dang / ldum bu sha na ka dang / zar ma dang / rtswa du ku la dang / ras bal dang / srin bal dang / gos 'jam po dang / kha che dar dang / rtswa ko tam b+ha ka dang / ke yu ra ka dang de bcu'o/ /gzhan yang dge slong gi gos su rung ba rnam pa bdun rung bar bya mi dgos par bcang du rung ba ni 'di lta ste/ sbyar ma dang / bla gos dang / mthang gos dang / steng g.yogs dang / dbyar gyi ras chen dang / g.yan pa'i g.yogs ma dang / yo byad kyi gos dang / 'di bdun te 'di ni gos kyi rung ba zhes bya'o/ /khu ba skyur po rung ba gang zhe na/ dge slong na bar gyur nas sman pa la dris pa dang / sman pas khu ba skyur po btung bar bya'o zhes smras pa dang / dge slong de dag gis ji ltar bsgrub pa ma shes nas/ da ltar gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ dge slong rnams la rjes su gnang ba ni drod chung zhing yi ga 'chus par gyur pa la khu ba skyur po byos te 'thung shig /khu ba skyur po ji ltar bya zhe na/ 'bras can btsos pa'i khu ba dang / 'bras bkrus pa'i khu ba dang / zhabs kyi tshigs pa lhan cig tu chu dron po'i nang du bsres la ji ltar rtsabs bzhin du skyur ba na btung bar bya ste/ de ni dge slong rnams 13-1-255a kyis dus ma yin pa'i yang dgos par 'gyur ba ste/ bcom ldan 'das kyis bka' stsal pa/ de yang rjes su gnang gis sla zhing gsal ba dang rnyog pa med pa las ras la btsags te chus bslad la nyin par dang mtshan mo'i thun dang po'i bar du btung bar bya ste/ 'di ni khu ba skyur po'i rung ba'o/ /'dul ba gzhung dam pa las ma lta bu'i bsnyen par rdzogs pa'i phung po dang po rdzogs so// //'dul ba gzhung dam pa/ 'dul ba gzhung dam pa/bam po bzhi bcu rtsa dgu pa/rab tu ldan pa'i phung po gang zhe na/ skabs 'byed pa'i rab tu ldan pa dang / skabs phye ba 'bul ba'i rab tu ldan pa dang / skabs phye ba len pa'i rab tu ldan pa dang / skabs phye bar sgrogs pa'i rab tu ldan pa dang / gso sbyin gyi rab tu ldan pa dang / gso sbyin 'bul ba'i rab tu ldan pa dang / gso sbyin len pa'i rab tu ldan pa dang / gso sbyin sgrogs pa'i rab tu ldan pa dang / dad pa'i rab tu ldan pa dang / dad pa phul ba'i rab tu ldan pa dang / dad pa len pa'i rab tu ldan pa dang / dad pa sgrogs pa'i rab tu ldan pa dang / yongs su dag pa'i rab tu ldan pa dang / yongs su dag pa 'bul ba'i rab tu ldan pa dang / yongs su dag pa len pa'i rab tu ldan pa dang / yongs su dag pa sgrogs pa'i rab tu ldan pa dang / dad pa dang yongs su dag pa'i rab tu ldan pa dang / dad pa dang yongs su dag pa 'bul ba'i rab tu ldan pa dang / dad pa dang yongs su dag pa len pa'i rab tu ldan pa dang / dad pa dang yongs su dag pa sgrogs pa'i rab tu ldan pa dang / mchod rten gyi rab tu ldan pa dang / mchod rten gyi dngos po'i rab tu ldan pa dang / mchod rten gyi khyams kyi phreng gi rab tu ldan pa dang / mchod rten gyi mi zad pa'i rab tu ldan pa dang / mchod rten slar bcos pa'i rab tu ldan pa dang / mchod rten gyi rgyan gyi rab tu ldan pa dang / mchod rten la mchod pa'i rab tu ldan pa dang / zas kyi rab tu ldan pa dang / zas dang bcas pa'i rab tu ldan pa dang / thug pa'i rab tu ldan 13-1-255b pa dang / bca' ba'i rab tu ldan pa dang / myang ba'i rab tu ldan pa dang / bza' ba'i rab tu ldan pa dang / lhung bzed kyi rab tu ldan pa dang / gos kyi rab tu ldan pa dang / gding ba'i rab tu ldan pa dang / khab kyi rab tu ldan pa dang / khab ral gyi rab tu ldan pa dang / gnas 'cha' ba'i rab tu ldan pa dang / gnas 'cha' ba blangs pa'i rab tu ldan pa dang / gnas 'cha' ba sbyin pa'i rab tu ldan pa dang / gnas 'cha' ba so sor btang ba'i rab tu ldan pa dang / mkhan po'i rab tu ldan pa dang / lhan cig spyod pa'i rab tu ldan pa dang / slob dpon gyi rab tu ldan pa dang / nye gnas kyi rab tu ldan pa dang / mkhan po dang slob dpon dang lhan cig spyod pa dang nye gnas kyi rab tu ldan pa dang / dge slong gi rab tu ldan pa dang / dge tshul gyi rab tu ldan pa dang / dngos po'i rab tu ldan pa dang / gtsug lag khang gi rab tu ldan pa dang / mal stan gyi rab tu ldan pa dang / las gsar gyi rab tu ldan pa dang / las gsar du byed pa dang rab tu ldan pa dang / phyag 'tshal ba'i rab tu ldan pa dang / khu ba skyur po'i rab tu ldan pa dang / phye ma'i rab tu ldan pa dang / sman gyi rab tu ldan pa dang / btung ba'i rab tu ldan pa dang / pags pa'i rab tu ldan pa dang / lham gyi rab tu ldan pa dang / shing lham gyi rab tu ldan pa dang / drud pa'i rab tu ldan pa dang / khar ba'i rab tu ldan pa dang / dra ba'i rab tu ldan pa dang / khab dang dra ba'i rab tu ldan pa dang / sgog skya'i rab tu ldan pa dang / spu gri'i rab tu ldan pa dang / spu gri'i shubs rab tu ldan pa dang / lde mig kyog pa'i rab tu ldan pa dang / sgo lcags kyi rab tu ldan pa dang / bzhon pa'i rab tu ldan pa dang / gdugs kyi rab tu ldan pa dang / bsil yab kyi rab tu ldan pa dang / rnga ma'i sbrang yab kyi rab tu ldan pa dang / sbrang yab kyi yu ba'i rab tu ldan pa dang / me long gi rab tu ldan pa dang / phreng ba dang dri dang byug pa'i rab tu ldan pa dang / gar dang glu dang rol mo brdung ba'i rab tu ldan pa dang / tshul shing gi rab tu ldan pa dang / mig sman gyi rab 13-1-256a tu ldan pa dang / mig sman gyi thur ma'i rab tu ldan pa dang / mig sman gyi snod kyi rab tu ldan pa dang / gtun dang rab tu ldan pa dang / nyal ba dang rab tu ldan pa dang / 'dug pa'i rab tu ldan pa dang / pus 'khyud kyi rab tu ldan pa dang / brdung ba'i shing gi rab tu ldan pa dang / ska rags kyi rab tu ldan pa dang / 'u rdo'i rab tu ldan pa dang / gos dkris shing mdud pa bor ba'i rab tu ldan pa dang / sa'i rab tu ldan pa dang / skyed shing gi rab tu ldan pa dang / dngos po'i rab tu ldan pa dang / tshal gyi rab tu ldan pa dang / rtsod pa'i rab tu ldan pa dang / dbyen gyi rab tu ldan pa dang / 'dus pa'i rab tu ldan pa dang / btud pa'i rab tu ldan pa'o/ /ma lta bu las dngos po gnyis kyi le'u ste rdzogs so// //skabs 'byed pa'i rab tu ldan pa gang zhe na/ bcom ldan 'das kyis dge slong rnams la mthong ba dang / thos pa dang / dogs pa'i gnas gsum gyis skabs phye shig par rjes su gnang ste/ dbyar gnas pa'i dge slong rnams gcig tu 'dus nas mthong ba dang / thos pa dang / dogs pa'i phyir dge 'dun la skabs dbye bar bya'o/ /ci'i phyir na skabs dbye bar rjes su gnang/ dge slong la ngan grogs su 'gyur ba'i phyir te/ gcig la gcig gleng bar byed/ dran par byed/ brjod pa dang rjes su ston par byed cing de dag la mthus chad pa dang / bsngags pa dang / 'jigs pas bsdigs na gtsang ba dang / nyes pa med pa kha na ma tho ba med par des de ma thag tu byas par 'gyur te/ 'di ltar bdag ni dag pa'o/ /bdag ni nyes pa med pa'o zhes zer ba 'di ni skabs 'byed pa'i rab tu ldan pa zhes bya'o/ /skabs phye ba 'bul ba'i rab tu ldan pa gang zhe na/ dge slong gang nad pa skabs 'byed pa'i gnas su 'gro mi nus pa ni skabs phye ba dbul bar bya'o/ /gal te nad pa ma yin pa las ma song na nyes byas su 'gyur ro/ /gal te de la 'tsho ba'i bar du gcod pa'am/ tshangs par spyod pa'i bar du gcod pa'am/ bar du gcod pa brgyad las gang yang rung ba'i 'jigs par 'gyur ba zhig mngon sum du gnas pa yod na des kyang skabs phye ba dbul 13-1-256b bar bya'o/ /gzhan gyis bzung ste dbang med par gyur pas kyang skabs phye ba dbul bar bya'o/ /dbul ba ni 'di ltar bya ste/ stan las langs nas bla gos phrag pa gcig tu byas te/ lham phud la dge slong gi mdun du tsog pur 'dug ste/ thal mo rab tu sbyar la 'di skad ces smra bar bya'o/ /tshe dang ldan pa dgongs shig deng ni dge 'dun gyi bcwa lnga'i skabs 'byed pa ste/ bdag dge slong ming 'di zhes bgyi ba la yang deng bcwa lnga'i skabs dbye ba de la bdag dge slong ming 'di zhes bgyi ba la yang mthong ba dang / thos pa dang / dogs pa'i gnas gsum du btsun pa'i dge 'dun la skabs 'byed kyis/ tshe dang ldan pa bdag la brtse bar gyis shig /brtse ba can brtse ba'i phyir nyes pa shes pa dang mthong ba rnams tshe dang ldan pas bdag la smros shig /tshe dang ldan pa bdag la rjes su ston cig dang chos bzhin du slar bgyi'o zhes de ltar lan gnyis lan gsum du smra bar bya'o/ /des kyang rigs so zhes smros shig /gnyis pas ni legs so zhes bya'o/ /de ste de ltar nus na ni legs mi nus na 'dug ste dbul bar bya'o/ /'dug kyang mi nus na nyal te dbul bar bya'o/ /nyal te yang mi nus na chung ngu'ang 'di skad du skabs phye ba 'bul lo zhes smras na yang skabs phye ba phul ba yin no/ /bdag gi phyir skabs phye bar rjod cig ces smras na yang skabs phye ba phul ba yin no/ /gang gis kyang skabs phye ba 'bul mi nus na lus kyi dmigs pas phul na yang skabs phye ba phul ba zhes bya'o/ /lus kyis kyang mi nus na tshig gi brda tsam gyis phul na yang skabs phye ba zhes bya'o/ /lus kyi dmigs pas kyang mi nus/ tshig gis kyang mi nus na dge 'dun thams cad der deng shig /yang dge slong de tshur khug shig /dge 'dun thams cad der ma 'dong la dge slong de yang der ma bkug na dge 'dun gyis las ma 'dus par byas pas 'das pa dang bcas par 'gyur ro/ /skabs phye ba len pa'i dge slong gis skabs phye ba blangs pa las des dus byas te shi na/ skabs phye ba ma phul ba zhes bya ste/ gzhan la skabs phye ba dbul bar bya'o/ /de yang bdag nyid khyim pa yin par khas blangs na yang skabs phye ba ma phul ba 13-1-257a zhes bya ste/ gzhan la skabs phye ba dbul bar bya'o/ /de yang dge sbyong ngam/ ma ning ngam/ dge slong ma sun phyung ba'am/ pha bsad pa'am/ ma bsad pa'am/ dgra bcom pa bsad pa dang / dge 'dun la dbyen byas pa'am/ de bzhin gshegs pa'i sku la ngan sems kyis khrag phyung ba'am/ mu stegs can nam/ mu stegs can du song ba'am/ rkun gnas can nam/ sngon du nyams pa'am/ sngar nyes pa byung ba'am/ 'gro ba gzhan du gnas pa rnams yin par bdag nyid kyis khas blangs na yang skabs phye ba ma phul ba yin te/ gzhan la skabs phye ba dbul bar bya'o/ /de ste za ma yin par bdag nyid kyis khas blangs na yang skabs bye ba ma phye ba zhes bya'o/ /dge 'dun gyi dbyen byas pa dang / mi gnas pa dang / so sor gnas pa dang / nye bar phyogs pa dang / bslab pa byin pa rnams yin par bdag nyid kyis khas blangs na yang skabs phye ba ma phul ba zhes bya ste/ 'di ni skabs phye ba 'bul ba'i rab tu ldan pa zhes bya'o/ /skabs phye ba len pa'i rab tu ldan pa gang zhe na/ dge slong gang dge 'dun gyi drung nas skabs phye ba len pa na des 'di ltar blang bar bya'o/ / gcig gis gcig gi'am/ gcig gis gnyis kyi'am/ gcig gis mang po'i yang rung ste/ ji snyed kyi ming smos nus pa de snyed kyi blang bar bya'o/ /skabs phye ba len pa'i dge slong gis skabs phye ba blangs nas brgyug par mi bya'o/ /mchong bar mi bya/ 'phar bar mi bya/ sa'i 'og nas 'gro bar mi bya/ nam mkha' las 'gro bar mi bya/ mtshams kyi phyi rol du skabs phye ba blang bar mi bya/ mtshams kyi nang nas shes bzhin pas skabs phye ba blang bar bya'o/ /de ste mtshams kyi phyi rol nas len na nyes byas su 'gyur ro/ /de ste mtshams kyi nang nas blang ba las 'tsho ba'i bar du gcod pa'am/ tshangs par spyod pa'i bar du gcod pa'am/ bar du gcod pa brgyad las gang yang rung ba'i bar du gcod pas 'jigs par 'gyur ba zhig mngon sum du gnas par gyur na des mtshams kyi phyi rol nas 'ongs kyang nyes pa med de/ 13-1-257b 'di ni skabs phye ba len pa'i rab tu ldan pa zhes bya'o/ /skabs phye ba brjod pa'i rab tu ldan pa gang zhe na/ skabs phye ba brjod pa'i dge slong dge 'dun gyi nang du ma 'ongs pa las dus 'das na skabs phye ba ma brjod pa zhes bya'o/ /khyim pa yin par bdag nyid kyis khas blangs na yang skabs phye ba ma brjod pa zhes bya'o/ /dge sbyong dang / ma ning dang / dge slong ma sun phyung ba dang / pha bsad pa dang / ma bsad pa dang / dgra bcom pa bsad pa dang / dge 'dun gyi dbyen byas pa dang / de bzhin gshegs pa'i sku la ngan sems kyis khrag phyung ba dang / mu stegs can dang / mu stegs can du song ba dang / rkun gnas dang / sngon nyams pa'am/ sngar nyes pa byung ba'am/ 'gro ba gzhan du gnas pa rnams su bdag nyid kyis khas blangs na yang skabs phye ba ma brjod pa zhes bya'o/ / de ste za ma yin par bdag nyid kyis khas blangs na yang skabs phye ba ma brjod pa zhes bya'o/ /dge 'dun la dbyen byas pa dang / mi gnas pa dang / so sor gnas pa dang / nye bar phyogs pa dang / bslab pa byin par bdag nyid kyis khas blangs na yang skabs phye ba ma brjod pa zhes bya'o/ /skabs phye bar brjod pa'i dge slong gi skabs phye ba blangs nas nyal bar mi bya/ snyoms par 'jug par mi bya ste/ shes bzhin du skabs phye bar brjod par bya'o/ /de yang 'di ltar brjod de/ gsol ba byas pa'i 'og tu stan las langs te bla gos phrag pa gcig tu byas la skabs 'byed pa'i dge slong gi drung du tsog tsog por 'dug la thal mo rab tu sbyar te 'di skad smros shig /dgongs shig tshe dang ldan pa deng dge 'dun gyi bco lnga'i skabs 'byed pa ste/ dge slong ming 'di zhes bgyi ba'i yang deng bco lnga'i skabs 'byed pa lags na dge slong ming 'di zhes bgyi ba de la mthong ba dang / thos pa dang /dogs pa'i gnas gsum du btsun pa dge 'dun la skabs 'byed kyis/ tshe dang ldan pa bdag la brtse bar gyis shig /brtse ba can brtse ba'i phyir bdag gi nyes pa shes dang / mthong ba rnams tshe dang ldan pas bdag la smros 13-1-258a shig /tshe dang ldan pas bdag la rjes su ston cig dang / chos bzhin du slar bgyi'o zhes de ltar lan gnyis lan gsum du smra bar bya ste/ des kyang rigs so zhes smros shig /gnyis pas ni legs so zhes bya'o/ /rnam pa bzhis ni skabs phye ba ma brjod pa zhes bya ste/ bzhi gang zhe na/ ngo tsha med pa dang / bag med pa dang / gnyid kyis log pa dang / snyoms par zhugs pa'o/ /de las gang ngo tsha med pa dang / bag med pa dang / rnam pa gnyis la ni nyes pa dang bcas par 'gyur ro/ /de la gang gnyid kyis log pa dang / snyoms par zhugs pa dang rnam pa gnyis la ni nyes pa med par 'gyur te/ 'di ni skabs dbye ba brjod pa'i rab tu ldan pa zhes bya'o/ /gso sbyin gyi rab tu ldan pa gang zhe na/ bcom ldan 'das kyis dge slong rnams la gso sbyin rjes su gnang ba ni zla ba phyed phyed cing dge slong rnams gcig tu 'dus nas rang gi rgyud la so sor blta bar bya ste/ mtshan mo'i rgyud dang nyin par gyi rgyud dang zla ba gcig gi rgyud la bdag gis de'i bar skabs su ltung ba 'ga' zhig byung ngam ma byung/ de ste byung bar gyur na yid brtan pa'i dge slong zhig rnyed na mthol bar bya'o/ /ma rnyed na sems kyis bsngo bar bya'o snyam pa 'di ni gso sbyin gyi rab tu ldan pa zhes bya ste/ ci'i phyir gso sbyin zhes bya zhe na/ sdig pa mi dge ba'i chos dang / nyon mongs pa dang / rnam par ma byung ba dang / rang bzhin gyis ma dag pa'i rnams nges par spong bar 'gyur zhing dag pa'i rang bzhin nye bar thob par 'gyur te/ de lta bu'i phyir gso sbyin zhes bya'o/ /'di ni gso sbyin gyi rab tu ldan pa zhes bya'o/ /gso sbyin dbul ba'i rab tu ldan pa gang zhe na/ dge slong gang nad pa gso sbyin gyi gnas su 'gro mi nus pa ni gso sbyin dbul ba zhes bya'o/ /nad pa ma yin par ma song na nyes byas su 'gyur ro/ /gal te de'i 'tsho ba'i bar du gcod pa'am/ tshangs par spyod pa'i bar du gcod pa'am/ bar du gcod pa brgyad las gang yang rung ba'i bar du gcod pas 'jigs par 'gyur ba zhig mngon sum du gnas par gyur na des kyang gso sbyin dbul bar bya'o/ /dbang 13-1-258b med pa zhig tu zin par gyur kyang gso sbyin dbul bar bya'o/ /de yang 'di ltar dbul te/ stan las langs nas bla gos phrag pa gcig tu byas te/ dge slong gi mdun du tsog tsog por 'dug nas thal mo rab tu sbyar te tshig 'di skad ces brjod do/ /dgongs shig tshe dang ldan pa deng dge 'dun gyi bco lnga'i gso sbyin te/ bdag dge slong ming 'di zhes bgyi ba'i yang bco lnga'i gso sbyin na/ bdag dge slong ming 'di zhes bgyi ba gso sbyin la dad pa dang yongs su dag pa dbul lo/ /de bzhin lan gnyis lan gsum du brjod cig /des kyang rigs so zhes smros shig /gnyis pas ni legs so zhes bya'o/ /de ltar sbyin nus na ni legs/ mi nus na 'dug la gso sbyin phul cig /de yang phul ba zhes bya'o/ /'dug ste yang mi nus na nyal bas kyang phul ba zhes bya'o/ /der yang mi nus na chung ngu na gso sbyin 'bul lo zhes smras na yang phul ba yin no/ /bdag gi phyir rjod cig ces zer na yang gso sbyin phul ba yin no/ /gang gis ma yin gyi lus kyis dmigs na yang gso sbyin phul ba yin no/ /lus kyis ma yin ngag gis brjod na yang gso sbyin phul ba yin no/ /lus kyis kyang ma yin ngag gis kyang ma yin na dge 'dun thams cad de'i drung du deng shig /yang na de dge 'dun gyi nang du khug shig /dge 'dun yang der ma dong ngam de'ang dge 'dun gyi nang du ma bkug par dge 'dun gyis ma 'dus par las byas na 'das pa dang bcas par 'gyur te/ 'di ni gso sbyin dbul ba'i rab tu ldan pa zhes bya ste/ gso sbyin len pa'i gang zag gso sbyin blangs nas de nyid du dus 'das na gso sbyin ma phul ba yin te/ gzhan la dbul bar bya'o/ /bdag nyid khyim par khas blangs na gso sbyin ma phul ba yin te/ gzhan la gso sbyin dbul bar bya'o/ /dge sbyong ngam/ ma ning ngam/ dge slong ma sun phyung ba'am/ pha bsad pa'am/ ma bsad pa'am/ dgra bcom pa bsad pa'am/ dge 'dun gyi dbyen byas pa'am/ de bzhin gshegs pa'i sku la ngan sems kyis khrag phyung ba'am/ mu stegs can nam/ mu stegs can du 13-1-259a song ba'am/ rkun gnas dang / sngon nyams pa'am/ sngar nyes pa byung ba'am/ 'gro ba gzhan du gnas par bdag nyid khas blangs na gso sbyin ma phul ba yin te/ gzhan la gso sbyin dbul bar bya'o/ /de ste za ma yin par bdag nyid kyis khas blangs na yang gso sbyin ma phul ba yin te/ gzhan la dbul bar bya'o/ /mi gnas pa dang / so sor gnas pa dang / bslab pa byin pa bdag nyid kyis khas blangs na yang gso sbyin phul ba ma yin te/ gso sbyin gzhan la phul bar bya ste/ 'di ni gso sbyin dbul ba'i rab tu ldan pa zhes bya'o/ /gso sbyin len pa'i rab tu ldan pa gang zhe na/ gso sbyin len pa'i dge slong gis gso sbyin blangs nas brgyug par mi bya/ mchong bar mi bya/ 'phar bar mi bya/ sa'i 'og nas 'gro bar mi bya/ nam mkha' las 'gro bar mi bya/ mtshams kyi phyi rol du gso sbyin blang bar mi bya/ mtshams kyi nang nas shes bzhin pas gso sbyin blang bar bya'o/ /de ste mtshams kyi phyi rol nas len na nyes byas su 'gyur ro/ /de ste des mtshams kyi nang nas len pa la 'tsho ba'i bar du gcod pa'am/ tshangs par spyod pa'i bar du gcod pa'am/ bar du gcod pa brgyad las gang yang rung ba'i bar du gcod pas 'jigs par 'gyur ba zhig mngon sum du gnas par gyur na des mtshams kyi phyi rol nas len kyang nyes pa med de/ 'di ni gso sbyin len pa'i rab tu ldan pa zhes bya'o/ /gso sbyin brjod pa'i rab tu ldan pa gang zhe na/ gso sbyin brjod pa'i dge slong de dge 'dun gyi nang du ma 'ongs pa las dus 'das te shi na gso sbyin ma brjod pa zhes bya'o/ /khyim pa yin par bdag nyid kyis khas blangs na'ang gso sbyin ma brjod pa zhes bya'o/ /dge sbyong ngam/ ma ning ngam/ dge slong ma sun phyung ba'am/ zhes bya ba nas 'gro ba gzhan du gnas pa zhes bya ba'i bar du snga ma bzhin te/ bdag nyid kyis khas blangs na'ang gso sbyin ma brjod pa zhes bya'o/ /de ste za ma yin par bdag nyid kyis khas blangs na'ang gso 13-1-259b sbyin ma brjod pa zhes bya'o/ /dge 'dun la dbyen byas pa dang / mi gnas pa dang / so sor gnas pa dang / nye bar phyogs pa dang / bslab pa byin par bdag nyid kyis khas blangs na'ang gso sbyin ma brjod pa zhes bya ste/ 'di ni gso sbyin brjod pa'i rab tu ldan pa zhes bya'o/ /dad pa'i rab tu ldan pa gang zhe na/ dad pa zhes bya ba ni dge 'dun gyi chos bzhin du bya ba rnams la lta ba dang / blo gros dang / 'dod pa dang / bsam pas dad pa dbul ba dang / dge 'dun gyi chos bzhin du bya ba rnams la rjes su yi rang ba dang / nye bar phyogs pa dang / khas blangs pa dang / khas blangs len par byed pa 'di ni dad pa'i rab tu ldan pa zhes bya'o/ /dad pa dbul ba'i rab tu ldan pa gang zhe na/ dge slong gang nad pa gso sbyin gyi gnas su 'gro mi nus pas ni dad pa dbul bar bya'o/ /de ste mi na bar ma song na nyes byas su 'gyur ro/ /gal te 'tsho ba'i bar du gcod pa'am/ tshangs par spyod pa'i bar du gcod pa'am/ bar du gcod pa brgyad kyi nang nas gang yang rung ba'i bar du gcod pas 'jigs par 'gyur ba zhig mngon du gnas par gyur na des kyang dad pa dbul bar bya'o/ / dbang med pas zin par gyur pa yang dad pa dbul bar bya'o/ /de yang 'di ltar dbul bar bya'o/ /stan las langs te bla gos phrag pa gcig tu byas nas dge slong gi mdun du tsog tsog por 'dug ste thal mo rab tu sbyor la 'di skad smros shig /dgongs shig tshe dang ldan pa/ bdag dge slong ming 'di zhes bgyi ba yang dge 'dun gyi chos bzhin du bya ba la dad pa dbul lo/ /dge 'dun gyi chos bzhin du bya ba rnams la rjes su yi rang ngo khas len no/ /khas blang bar bgyi'o zhes de ltar lan gnyis lan gsum du smra bar bya'o/ /des kyang rigs so zhes smros shig /gnyis pas ni legs so zhes bya'o/ /de ste de ltar dbul nus na ni legs/ mi nus na 'dug ste dbul bar bya'o/ /'dug ste yang mi nus na nyal te dbul bar bya'o/ /nyal te yang mi nus na chung ngu na 'di skad du dad pa dbul lo zhes smras na'ang dad pa phul ba yin no/ / 13-1-260a bdag gi phyir yang dad pa brjod cig ces zer na'ang dad pa phul ba yin no/ /ngag gis ma nus te lus kyi dmigs pas byas na'ang dad pa phul ba yin no/ /lus kyis ma nus te tshig gis brda byas na yang dad pa phul ba yin no/ /lus dang tshig gnyi gas brda byas na yang dad pa byin pa yin no/ /lus kyis kyang mi nus tshig gis kyang mi nus na der dge 'dun thams cad deng shig /yang na dge 'dun thams cad kyis de khug shig /dge 'dun thams cad kyang der ma dong la dge slong de'ang der ma bkug na ma 'dus par byas pa ste/ dge 'dun las byed pa rnams kyang 'das pa dang bcas par 'gyur ro/ /dad pa len pa'i dge slong gis dad pa blangs nas de nyid du dus 'das te shi na dad pa ma phul ba zhes bya ste/ gzhan la dad pa dbul bar bya/ khyim pa yin par bdag nyid kyis khas blangs na yang dad pa ma phul ba zhes bya ste/ gzhan la dad pa dbul bar bya/ dge sbyong ngam/ ma ning ngam/ dge slong ma sun phyung ba zhes bya ba nas/ 'gro ba gzhan du gnas pa'i bar du snga ma bzhin bdag nyid kyis khas blangs na'ang dad pa ma phul ba zhes bya ste gzhan la dad pa dbul bar bya'o/ /de ste za ma yin par bdag nyid kyis khas blangs na'ang dad pa ma phul ba zhes bya'o/ /dge 'dun phye ba'am/ mi gnas pa'am/ so sor gnas pa'am/ nye bar phyogs pa'am/ bslab pa byin par bdag nyid kyis khas blangs na yang dad pa ma phul ba zhes bya ste/ 'di ni dad pa dbul ba'i rab tu ldan pa zhes bya'o/ /dad pa len pa'i rab tu ldan pa gang zhe na/ dge slong gang dge slong gi drung nas dad pa len pa des 'di ltar bya ste/ gcig gis gcig gi'am/ gcig gis gnyis kyi'am/ gcig gis mang po'i'am/ ji snyed kyi ming smos nus pa de snyed kyi blang bar bya'o/ /dad pa len pa'i dge slong gis dad pa blangs nas brgyug par mi bya/ mgyogs par 'gro bar mi bya/ mchong bar mi bya/ 'phar bar mi bya/ sa'i 'og nas 'gro bar mi bya/ nam mkha' las 'gro bar mi bya/ mtshams kyi phyi rol nas blang bar mi bya/ 13-1-260b mtshams kyi nang nas shes bzhin pas dad pa blang bar bya'o/ /de ste mtshams kyi phyi rol nas len na nyes byas su 'gyur ro/ /de ste mtshams kyi nang nas len du 'tsho ba'i bar du gcod pa'am/ tshangs par spyod pa'i bar du gcod pa'am/ bar du gcod pa brgyad las gang yang rung ba'i bar du gcod pas 'jigs par 'gyur ba zhig mngon du gnas par gyur na/ des mtshams kyi phyi nas blangs kyang nyes pa med de/ 'di ni dad pa len pa'i rab tu ldan pa zhes bya'o/ /dad pa brjod pa'i rab tu ldan pa gang zhe na/ dad pa byin pa'i dge slong dge 'dun gyi nang du ma 'ongs pa las dus 'das te shi na dad pa ma brjod pa zhes bya'o/ /khyim pa yin par bdag nyid kyis khas blangs na dad pa ma brjod pa zhes bya'o/ /dge sbyong ngam/ ma ning ngam/ dge slong ma sun phyung ba zhes bya ba nas 'gro ba gzhan du gnas pa'i bar du snga ma bzhin du ste/ bdag nyid kyis khas blangs na'ang dad pa ma brjod pa zhes bya'o/ /de ste za ma yin par bdag nyid kyis khas blangs na'ang dad pa ma brjod pa zhes bya'o/ /dge 'dun phye ba'am/ mi gnas pa'am/ so sor gnas pa'am/ nye bar phyogs pa'am/ bslab pa byin par bdag nyid kyis khas blangs na'ang dad pa ma brjod pa zhes bya'o/ /dad pa brjod pa'i dge slong gis dad pa blangs nas mi nyal bar bya/ snyoms par 'jug par mi bya'o/ /shes bzhin pas dad pa brjod par bya/ de yang 'di lta bur brjod par bya'o/ /stan las langs nas bla gos phrag pa gcig tu byas nas dge slong gi mdun du tsog tsog por 'dug ste thal mo rab tu sbyar la 'di skad du smra bar bya ste/ dgongs shig tshe dang ldan pa/ bdag dge slong ming 'di zhes bgyi ba dge 'dun gyi chos bzhin du mdzad pa la dad pa dbul lo/ /dge 'dun gyi chos bzhin mdzad pa la rjes su yi rang ngo / /rjes su mngon par 'gro'o zhes de ltar lan gnyis lan gsum du smra bar bya'o/ /des kyang rigs so zhes smros shig /gnyis pas ni legs so zhes bya'o/ /rnam pa bzhis na dad pa ma brjod pa zhes bya'o/ /bzhi gang zhe na/ 13-1-261a ngo tsha med pa dang / bag med pa dang / gnyid kyis log pa dang / snyoms par zhugs pa'o/ /de la gang ngo tsha med pa dang / bag med pa dang ldan pa rnam pa 'di gnyis ni nyes pa dang bcas par 'gyur ro/ /gang gnyid kyis log pa dang / gang snyoms par zhugs pa rnam pa 'di gnyis ni nyes pa med par 'gyur ba ste/ 'di ni dad pa brjod pa'i rab tu ldan pa'o/ /yongs su dag pa'i rab tu ldan pa gang zhe na/ 'di ltar bdag ni nyes pa med pa/ 'di ltar bdag ni dag pa/ 'di ltar bdag ni nyes pa ma byung mod kyis 'on kyang zla ba phyed phyed cing dge slong gis sems rtse gcig pas bdag gi sems la/ bdag gis ji ltar blangs pa'i tshul khrims kyi phung po dang ldan pa las ma god dam/ ma nyams sam/ ma ral lam/ 'dres par ma byas sam/ yongs su dag gam/ bdag la nyes pa ma byung ngam/ nyes pa med pa yin nam brtag par bya ste/ 'di ni yongs su dag pa'i rab tu ldan pa zhes bya'o/ /yongs su dag pa dbul ba'i rab tu ldan pa gang zhe na/ dge slong gang nad pa gso sbyin gnas su 'gro mi nus pas ni yongs su dag pa dbul bar bya'o/ /de ste mi na bar ma song na nyes byas su 'gyur ro/ /ji ste de'i 'tsho ba'i bar du gcod pa'am/ tshangs par spyod pa'i bar du gcod pa'am/ bar du gcod pa brgyad las gang yang rung ba'i bar du gcod pas 'jigs par 'gyur ba zhig mngon du gnas par gyur na des kyang yongs su dag pa dbul bar bya'o/ /dbang med pas zin par gyur pa yang yongs su dag pa dbul bar bya'o/ /de yang 'di ltar dbul bar bya ste/ stan las langs te bla gos phrag pa gcig tu byas te dge slong gi mdun du tsog tsog por 'dug la thal mo sbyar te 'di skad du smros shig /dgongs shig tshe dang ldan pa deng dge 'dun gyi bco lnga'i gso sbyin te/ bdag dge slong ming 'di zhes bgyi ba'i yang deng bco lnga'i gso sbyin te/ bdag gi bar chad kyi chos rnams kyang yongs su dag na/ tshe dang ldan pas kyang bdag la yongs su dag pa zung shig dang / dge 13-1-261b slong ming 'di zhes bgyi ba yang gso sbyin gyi phyir yongs su dag pa dbul gyis/ gang gi phyir tshe dang ldan pas dad pa 'bul ba'i tshe long la yongs su dag par brjod cig brjod pas na go bar 'gyur ro zhes de ltar lan gnyis lan gsum du smros shig /des kyang rigs so zhes smros shig /gnyis pas ni legs so zhes bya'o/ /de ste de ltar dbul nus na ni legs/ mi nus na 'dug ste dbul bar bya'o/ /'dug ste'ang mi nus na nyal te dbul bar bya'o/ /nyal te'ang mi nus na chung ngu na 'di skad yongs su dag pa sbyin no zhes smras na yongs su dag pa phul ba zhes bya'o/ /bdag gis yongs su dag pa rjod cig ces zer na yang yongs su dag pa phul ba zhes bya'o/ /tshig gis mi nus te lus kyi dmigs pas phul na yang yongs su dag pa dbul ba zhes bya'o/ /lus kyis mi nus te tshig gis brda byas na yongs su dag pa phul ba zhes bya'o/ /lus dang ngag gnyi gas brda byas na yang yongs su dag pa phul ba zhes bya'o/ /lus dang ngag gis brda byed mi nus na dge 'dun thams cad der deng shig /yang na dge slong de tshur khug shig /dge 'dun thams cad kyang der ma dong la dge slong yang der ma bkug na las ma 'dus par byas pa ste/ dge 'dun rnams kyang 'das pa dang bcas par 'gyur ro/ /yongs su dag pa len pa'i dge slong gis yongs su dag pa blangs pa las de nyid du dus 'das te shi na yongs su dag pa ma phul ba zhes bya ste/ gzhan la yongs su dag pa dbul bar bya'o/ /khyim pa yin par bdag nyid kyis khas blangs na'ang yongs su dag pa ma phul ba zhes bya ste/ gzhan la yongs su dag pa dbul bar bya'o/ /dge tshul pha'am/ ma ning ngam/ dge slong ma sun phyung ba zhes bya ba nas/ 'gro ba gzhan du gnas pa'i bar snga ma bzhin te/ bdag nyid kyis khas blangs na yang yongs su dag pa ma phul ba zhes bya ste/ yongs su dag pa gzhan las dbul bar bya'o/ /de ste ma ning yin par bdag nyid kyis khas blangs na yang yongs su dag pa ma phul ba zhes bya'o/ /dge 'dun phye ba'am/ 13-1-262a mi gnas pa'am/ so sor gnas pa'am/ nye bar phyogs pa'am/ bslab pa byin par bdag nyid kyis khas blangs na yang yongs su dag pa ma phul ba zhes bya ste/ 'di ni yongs su dag pa dbul ba'i rab tu ldan pa zhes bya'o/ /yongs su dag pa len pa'i rab tu ldan pa gang zhe na/ dge slong gang dge slong gi drung nas yongs su dag pa len na des 'di ltar len par bya ste/ gcig gis gcig gi'am/ gcig gis gnyis kyi'am/ gcig gis mang po'i rnams kyi'am/ ji snyed kyi ming smos nus na de snyed kyi blang bar bya'o/ / yongs su dag pa len pa'i dge slong gis yongs su dag pa blangs nas brgyug par mi bya/ mgyogs su 'gro bar mi bya/ mchong bar mi bya/ 'phar bar mi bya/ sa'i 'og nas 'gro bar mi bya/ nam mkha' las 'gro bar mi bya/ mtshams kyi phyi rol nas yongs su dag pa blang bar mi bya/ gal te mtshams kyi phyi rol nas len na nyes byas su 'gyur ro/ /de ste mtshams kyi nang nas len du 'tsho ba'i bar du gcod pa'am/ tshangs par spyod pa'i bar du gcod pa'am/ bar du gcod pa brgyad las gang yang rung ba'i bar du gcod pas 'jigs pa zhig mngon du gnas par gyur na des mtshams kyi phyi rol nas blangs kyang nyes pa med do/ /'di ni yongs su dag pa len pa'i rab tu ldan pa zhes bya'o/ /yongs su dag pa brjod pa'i rab tu ldan pa gang zhe na/ yongs su dag pa len pa'i dge slong gis yongs su dag pa blangs nas/ dge 'dun gyi nang du ma 'ongs pa las dus 'das te shi na yongs su dag pa ma brjod pa zhes bya'o/ /khyim pa yin par bdag nyid kyis khas blangs na'ang yongs su dag pa ma brjod pa zhes bya'o/ /dge sbyong dang / ma ning dang / dge slong ma sun byung ba zhes bya ba nas/ 'gro ba gzhan du gnas pa'i bar du snga ma bzhin te/ bdag nyid kyis khas blangs na'ang yongs su dag pa ma brjod pa zhes bya'o/ /de ste za ma yin par bdag nyid kyis khas blangs na'ang yongs su dag pa ma brjod pa zhes bya'o/ /dge 'dun phye ba'am/ 13-1-262b mi gnas pa'am/ so sor gnas pa'am/ nye bar phyogs pa'am/ bslab pa byin par bdag nyid kyis khas blangs na'ang yongs su dag pa ma brjod pa zhes bya'o/ /yongs su dag pa brjod pa'i dge slong des yongs su dag pa blangs nas nyal bar mi bya/ snyoms par 'jug par mi bya ste/ shes bzhin pas yongs su dag pa brjod par bya ste/ de'ang stan las langs nas bla gos phrag pa gcig tu byos la dge slong gi mdun du tsog tsog por 'dug ste thal mo rab tu sbyor la tshig 'di skad smros shig /dgongs shig tshe dang ldan pa/ deng dge 'dun gyi bco lnga'i gso sbyin te/ dge slong ming 'di zhes bgyi ba'i yang bco lnga'i gso sbyin te/ dge slong ming 'di zhes bya ba'i bar chad kyi chos rnams kyang dag go zhes bdag nyid mchi ste/ des gso sbyin la yongs su dag pa'ang dbul na bdag gis de'i ming nas brjod par bya'o/ /tshul shing yang long shig ces de ltar lan gnyis lan gsum du smros shig /des kyang rigs so zhes smros shig /gnyis pas ni legs so zhes bya'o/ /rnam pa bzhis ni yongs su dag pa ma brjod pa zhes bya'o/ /bzhi gang zhe na/ ngo tsha med pa dang / bag med pa dang / gnyid kyis log pa dang / snyoms par zhugs pa'o/ /de la gang ngo tsha med pa dang / gang bag med pa dang rnam pa 'di gnyis ni nyes pa dang bcas par 'gyur ro/ /gang gnyid kyis log pa dang / snyoms par zhugs pa dang / rnam pa 'di gnyis ni nyes pa med par 'gyur ba ste/ 'di ni yongs su dag pa brjod pa'i rab tu ldan pa zhes bya'o/ /dad pa dang yongs su dag pa'i rab tu ldan pa gang zhe na/ gang du gso sbyin dang dge 'dun gyi las byed pa na der dad pa dang yongs su dag pa bsres te dbul bar bya ste/ 'di ni dad pa dang yongs su dag pa'i rab tu ldan pa zhes bya'o/ /dad pa dang yongs su dag pa dbul ba'i rab tu ldan pa gang zhe na/ dge slong gang nad pa gso sbyin gyi gnas su 'gro mi nus pa ni dad pa dang yongs su dag pa dbul bar bya'o/ /de ste mi na bar ma song 13-1-263a na nyes byas su 'gyur ro/ /de ste de'i 'tsho ba'i bar du gcod pa'am/ tshangs par spyod pa'i bar du gcod pa'am/ bar du gcod pa brgyad las gang yang rung ba'i bar du gcod pas 'jigs par 'gyur ba zhig mngon sum du gnas par gyur na des kyang dad pa dang yongs su dag pa dbul bar bya'o/ /dbang med pas zin par gyur pa yang dad pa dang yongs su dag pa dbul bar bya'o/ /de yang 'di ltar dbul bar bya ste/ stan las langs nas bla gos phrag pa gcig tu byas te/ lham phud la dge slong gi mdun du tsog tsog por 'dug ste thal mo rab tu sbyor te tshig 'di skad du smros shig /dgongs shig tshe dang ldan pa/ deng dge 'dun gyi bco lnga'i gso sbyin te/ bdag dge slong ming 'di zhes bgyi ba'i yang bco lnga'i gso sbyin na/ bar chad kyi chos rnams kyang yongs su dag gis tshe dang ldan pas kyang bdag la yongs su dag par zung shig /bdag dge slong ming 'di zhes bgyi ba dge 'dun gyi chos bzhin bya ba la dad pa dang / gso sbyin dang /yongs su dag pa'ang dbul gyis bdag gi phyir tshe dang ldan pas tshul shing long la yongs su dag pa rjod cig /brjod na de bzhin shes so/ / de ltar lan gnyis lan gsum du smros shig /des kyang rigs so zhes smros shig /gnyis pas ni legs so zhes bya'o/ /de ste de ltar dbul nus na ni legs/ mi nus na 'dug ste dbul bar bya'o/ /'dug ste yang mi nus na nyal te dbul bar bya'o/ /nyal te'ang mi nus na chung ngu na 'di skad kyang dad pa dang yongs su dag pa dbul lo zhes smras na yang dad pa dang yongs su dag pa phul ba zhes bya'o/ /bdag gi dad pa dang yongs su dag pa rjod cig ces smras na'ang dad pa dang yongs su dag pa brjod pa zhes bya'o/ /tshig gis ma yin par lus kyi dmigs pas byed na'ang dad pa dang yongs su dag pa brjod pa zhes bya'o/ /lus kyis ma yin te ngag gis dmigs na yang dad pa dang yongs su dag pa brjod pa zhes bya'o/ /lus dang tshig gnyi gas brda byed na'ang dad pa dang yongs su dag pa byin pa zhes bya'o/ /lus dang tshig gnyi gas brda byed mi 13-1-263b nus na der dge 'dun thams cad deng shig /yang na dge slong de der khug shig /dge 'dun thams cad kyang der ma dong la/ dge slong de yang der ma bkug na las ma 'dus par byas pa ste/ dge 'dun thams cad 'das pa dang bcas par 'gyur ro/ /dad pa dang / yongs su dag pa len pa'i dge slong gis dad pa dang yongs su dag pa blangs nas de nyid du dus 'das te shi na dad pa dang yongs su dag pa ma phul ba zhes bya ste/ dad pa dang yongs su dag pa gzhan la dbul bar bya'o/ /khyim pa yin par bdag nyid kyis khas blangs na'ang dad pa dang yongs su dag pa ma phul ba zhes bya ste/ gzhan la dad pa dang yongs su dag pa dbul bar bya'o/ /dge tshul pha'am/ ma ning ngam/ dge slong ma sun phyung ba zhes bya ba nas/ 'gro ba gzhan du gnas pa zhes bya ba'i bar du snga ma bzhin te/bdag nyid kyis khas blangs na'ang dad pa dang yongs su dag pa ma phul ba zhes bya ste/ gzhan la dad pa dang yongs su dag pa dbul bar bya'o/ /de ste za ma yin par bdag nyid kyis khas blangs na'ang dad pa dang yongs su dag pa ma phul ba zhes bya'o/ /dge 'dun phye ba dang / mi gnas pa dang / so sor gnas pa dang / nye bar phyogs pa dang / bslab pa byin par bdag nyid kyis khas blangs na'ang dad pa dang yongs su dag pa phul ba ma yin pa zhes bya ste/ 'di ni dad pa dang yongs su dag pa dbul ba'i rab tu ldan pa zhes bya'o/ /dad pa dang yongs su dag pa len pa'i rab tu ldan pa gang zhe na/ dge slong gang dge slong gi drung nas yongs su dag pa dang dad pa len pa des 'di ltar blang bar bya'o/ /gcig gis gcig gi'am/ gcig gis gnyis kyi'am/ gcig gis mang po'am/ ji snyed kyi ming smos nus pa de snyed kyi blang bar bya/ dad pa dang yongs su dag pa len pa'i dge slong gis dad pa dang yongs su dag pa blangs nas brgyug par mi bya/ mgyogs par 'gro bar mi bya/ 'phar bar mi bya/ mchong bar mi bya/ sa'i 'og nas 'gro bar mi bya/ nam mkha' las 'gro bar mi bya/ mtshams kyi phyi rol 13-1-264a nas yongs su dag pa dang dad pa blang bar mi bya/ mtshams kyi nang nas shes bzhin pas dad pa dang yongs su dag pa blang bar bya/ de ste mtshams kyi phyi rol nas dad pa dang yongs su dag pa blangs na nyes byas su 'gyur ro/ /de ste mtshams kyi nang nas len du 'tsho ba'i bar du gcod pa'am/ tshangs par spyod pa'i bar du gcod pa'am/ bar du gcod pa brgyad kyi nang nas gang yang rung ba'i bar du gcod pas 'jigs par 'gyur ba zhig mngon sum du gnas na de mtshams kyi phyi rol nas blangs kyang nyes pa med do/ /'di ni yongs su dag pa dang dad pa len pa'i rab tu ldan pa zhes bya'o/ /dad pa dang yongs su dag pa brjod pa'i rab tu ldan pa gang zhe na/ yongs su dag pa dang dad pa brjod pa'i dge slong gis dge 'dun gyi nang du ma 'ongs nas dus 'das te shi na yongs su dag pa dang dad pa ma brjod pa zhes bya'o/ /khyim pa yin par bdag nyid kyis shes par khas blangs na'ang yongs su dag pa dang dad pa ma brjod pa zhes bya'o/ /dge sbyong ma'am/ ma ning ngam/ dge slong ma sun phyung ba zhes bya ba nas 'gro ba gzhan du gnas pa'o zhes bya ba'i bar du snga ma bzhin te/ bdag nyid kyis khas blangs na'ang yongs su dag pa dang dad pa ma brjod pa zhes bya'o/ /de ste ma ning du bdag nyid kyis khas blangs na'ang yongs su dag pa dang dad pa ma brjod pa zhes bya'o/ /dge 'dun phye ba'am/ mi gnas pa'am/ so sor gnas pa'am/ nye bar phyogs pa'am/ bslab pa byin par bdag nyid kyis khas blangs na'ang yongs su dag pa dang dad pa ma brjod pa zhes bya'o/ /yongs su dag pa dang dad pa brjod pa'i dge slong gis yongs su dag pa dang dad pa blangs nas nyal bar mi bya/ snyoms par zhugs par mi bya/ shes bzhin pas yongs su dag pa dang dad pa brjod par bya'o/ /de yang 'di lta bur brjod par bya ste/ stan las langs nas bla gos phrag pa gcig tu byas nas dge slong gi mdun du tsog tsog por 'dug nas thal mo rab tu sbyor la 'di skad du smros shig /dgongs shig tshe dang ldan pa/ deng dge 'dun gyi bco lnga'i 13-1-264b gso sbyin te dge slong ming 'di zhes bya ba'i yang bco lnga'i gso sbyin te/ bdag dge slong ming 'di zhes bya bas yongs su dag par bdag nyid smra ste/ bar chad kyi chos rnams kyang med de/ dge 'dun gyi chos bzhin gyi bya ba la dad pa dang / gso sbyin dang / yongs su dag pa 'bul lo zhes de ltar lan gnyis lan gsum smros shig /des kyang rigs so zhes smros shig /gnyis pas ni legs so zhes bya'o/ /rnam pa bzhis na yongs su dag pa dang dad pa ma brjod pa zhes bya'o/ /bzhi gang zhe na/ ngo tsha med pa dang / bag med pa dang / gnyid kyis log pa dang / snyoms par zhugs pa'o/ /de la ngo tsha med pa dang / bag med pa dang rnam pa 'di gnyis ni nyes pa dang bcas par 'gyur ba'o/ /gnyid kyis log pa dang / snyoms par zhugs pa dang rnam pa 'di gnyis ni nyes pa med par 'gyur ba'o/ /'di ni yongs su dag pa dang dad pa brjod pa'i rab tu ldan pa zhes bya'o/ /mchod rten gyi rab tu ldan pa gang zhe na/ bcom ldan 'das kyis gsungs pa'i dbu skra'i mchod rten dang / sen mo'i mchod rten te/ ji ltar 'dul ba las mgon med pa la zas sbyin pa'i khyim bdag gis mchod rten gyi rab tu ldan pa bzhin du rgya cher brjod par bya ste/ de yang sems can la phan pa'i phyir bcom ldan 'das kyis dbu skra'i mchod rten dang / sen mo'i mchod rten du gsungs pa'o/ /de la sangs rgyas bcom ldan 'das kyi mchod rten ni thams cad du rdzogs par bya'o/ / rang sangs rgyas kyi ni bum pa sul can med par bya'o/ /dgra bcom pa'i ni phang lo bzhi pa'o/ /phyir mi 'ong ba'i ni phang lo gsum pa'o/ /lan gcig phyir 'ong ba'i ni phang lo gnyis pa'o/ /rgyun du zhugs pa'i ni phang lo gcig pa'o/ /so so'i skye bo dge ba can dag gi ni mgo yu bor bya'o/ /mchod rten gyi phyi rol gyi dag ra'i phyir mgon med pa la zas sbyin pa'i khyim bdag rab tu dad pa mngon par dad pa can de bcom ldan 'das gang na ba der song nas drung du phyin pa dang / bcom ldan 'das kyi zhabs la mgo bos phyag 'tshal te phyogs gcig tu 'dug go/ / 13-1-265a phyogs gcig tu 'dug nas bcom ldan 'das la khyim bdag mgon med zas sbyin pas gang gi tshe na bcom ldan 'das ljongs rgyu zhing gshegs par gyur pa de'i tshe bcom ldan 'das kyi zhal mi mthong bas shin tu yongs su gdung bar 'gyur na bcom ldan 'das kyi dbu skra dang / sen mo bdag la stsal na bdag gis mchod do zhes gsol pa dang / bcom ldan 'das kyis de la khyod kyi mchod gnas 'di'o zhes bya ba nas de la dbu skra dang / sen mo byin pa dang / des 'di skad ces smras so/ /gal te bcom ldan 'das kyis bkas gnang na dbu skra dang / sen mo las mchod rten bgyi'o/ /bcom ldan 'das kyis bka' stsal pa/ khyim bdag rjes su gnang gis dbu skra'i mchod rten dang / sen mo'i mchod rten kyang byos shig /'di ni mchod rten gyi rab tu ldan pa zhes bya'o/ /mchod rten gyi dngos po'i rab tu ldan pa gang zhe na/ gang mchod rten gyi zhing ngam/ nags tshal lam/ gang du rung ba'i phyogs su thog mar mchod rten gzhag par byas te/ mchod rten de'i dngos po'i kho ra khor yug tu mchod rten gyi dngos por gzhag par bya ste/ 'di ni mchod rten gyi dngos po'i rab tu ldan pa zhes bya'o/ /mchod rten gyi khyams kyi phreng gi rab tu ldan pa gang zhe na/ mchod rten gyi khyams dang ka ba ni bcom ldan 'das kyis ji ltar 'dul ba las gsungs pa bzhin du rgya cher brjod par bya ste/ 'di ni mchod rten gyi khyams kyi phreng gi rab tu ldan pa zhes bya'o/ /mchod rten gyi mi zad pa'i rab tu ldan pa gang zhe na/ yangs pa'i grong khyer gyi tshong pas bcom ldan 'das kyi mchod rten zhig byas nas mchod rten gyi khyams kyang byas te/ dge slong rnams la mchod rten gyi mi zad pa phul ba dang / dge slong rnams the tshom du gyur nas so sor ma blangs pa dang / de lta bur gyur pa dge slong rnams kyis bcom ldan 'das la gsol nas/ bcom ldan 'das kyis bka' stsal pa/ rjes su gnang gis kun dga' ra ba na gnas pa'am/ dge bsnyen gyis mchod rten mi zad pa de long shig / 13-1-265b mchod rten la rim gror bya ba'i phyir spel bar bya ste/ gang de'i rnyed pa skyes nas des mchod rten la mchod par bya/ gang de las kyang lhag na des mchod rten la yon du dbul bar bya ste/ 'di ni mchod rten gyi mi zad pa'i rab tu ldan pa zhes bya'o/ /mchod rten slar bcos pa'i rab tu ldan pa gang zhe na/ 'jim pa'i gong bu'am/ rdo thal gyi gong bu'am/ sa mar gyi gong bus mchod rten slar bcos par bya ste/ 'di ni mchod rten slar bcos pa'i rab tu ldan pa zhes bya'o/ /mchod rten gyi rgyan gyi rab tu ldan pa gang zhe na/ mchod rten brgyan par bya/ gdugs dang / rgyal mtshan dang / ba dan la sogs pa dpyang ba rnams dang / dril bu dang / 'khor lo dang / g.yung drung ris dang / dpal gyi gru gu ris dang / dga' ba can gyis bskor ba dang / phreng ba dang / se mo do dang / mu tig gi phreng ba dang / dar dang / seng dar dang / ko shon dang / ras bal dang / srin bal dang / gser dang / dngul dang / bai DUr+ya dang / shel dang / dung dang / man shel dang / byi ru dang / dngul dang / sa le sbram dang / asma gar ba dang / mu sar galba dang / mu tig dmar po dang / g.yas su 'khyil bas bskor pa zhes bya ba la sogs te/ gang gzhan yang 'jig rten na rgyan du bya ba'i rab tu sbyor ba thams cad kyis mchod rten la brgyan par bya ste/ 'di ni mchod rten gyi rgyan gyi rab tu ldan pa zhes bya'o/ /mchod rten la mchod pa'i rab tu ldan pa gang zhe na/ mchod rten la mchod par bya ba ni phreng ba dang / dri dang / byug pa dang / bdug pa dang / me tog dang / gur gum gyi chag chag dang / ldong ros dang / yungs mar gyi byug pa dang / me tog gi phreng ba dang / me mar gyi phreng ba dang / dri'i phreng ba dang / a ru ra'i phye ma dang / a ga ru'i phye ma dang / tsan dan gyi phye ma dang / ka la nu sa ri dang / gser gyi me tog dang / dngul gyi me tog dang / rin po che'i me tog dang / rol mo la sogs pa dang / gang yang gzhan yang 'jig rten pa'i mchod pa'i yo 13-1-266a byad du sbyor ba thams cad kyis kyang mchod rten la mchod par bya/ phyi phyir zhing phyag dar bya/ phyag 'tshal bar bya'o/ /mchod rten la phreng ba'i chun po gdags pa'am/ mchod rten gyi phyir rnam pa gzhan du byed cing 'jog pa ni dge slong gi rung ba ste/ 'di ni mchod rten la mchod pa'i rab tu ldan pa zhes bya'o/ /zas kyi rab tu ldan pa gang zhe na/ gtsug lag khang gang du yang rung ste/ dge slong gnas pa la der zas shig 'thob par byed pa 'di ni zas kyi rab tu ldan pa zhes bya'o/ /zas dang bcas pa'i rab tu ldan pa gang zhe na/ dge slong gang bza' ba zhig chos dang bcas par rnyed na de'i rkyen gyis phyir 'dus te za ba dang / yang yang za ba yod na yang gnas gnyi gar bag yangs su za ba ste/ 'di ni zas dang bcas pa'i rab tu ldan pa zhes bya'o/ /thug pa'i rab tu ldan pa gang zhe na/ bcom ldan 'das kyis dge slong rnams la thug pa rnam pa bcu gsungs pa ni 'di lta ste/ 'o ma'i thug pa dang / zho'i thug pa dang / dar ba'i thug pa dang / sha'i thug pa dang / mar gyi thug pa dang / 'bru mar gyi thug pa dang / til gyi thug pa dang / bal sran gyi thug pa dang / se'u'i thug pa dang / chu'i thug pa dang / thug pa 'di rnams bcu ni dge slong rnams kyis shes bzhin du sgra chung ba dang / hub hub med pa dang / na ba'i 'du shes dang / rkyen gyi 'du shes nye bar bzhag ste btung bar bya'o/ /gzhan yang thug pa la yon tan rnam pa gnyis yod de/ bkres pa gzhom pa dang / skom pa gzhom pa zhes bya'o/ /bca' ba'i rab tu ldan pa gang zhe na/ bcom ldan 'das kyis dge slong rnams la bca' ba rnam pa dgu gsungs pa ni/ 'di lta ste/ rtsa ba'i bca' ba dang / sdong bu'i bca' ba dang / lo ma'i bca' ba dang / me tog gi bca' ba dang / 'bras bu'i bca' ba dang / kha ra'i bca' ba dang / til gyi bca' ba dang / 'bras khur gyi bca' ba dang / bu ram gyi bca' ba dang / bca' ba 'di rnams dgu ni dge slong rnams kyis shes bzhin pas sgra chung ngu dang / balcag sgra med par na ba'i 'du shes dang / sman gyi 'du shes dang / 13-1-266b phyir phan pa'i 'du shes dang / rkyen gyi 'du shes nye bar bzhag ste bca' bar bya'o/ /'di ni bca' ba'i rab tu ldan pa zhes bya'o/ /myang ba'i rab tu ldan pa gang zhe na/ bcom ldan 'das kyis dge slong rnams la myang ba rnam pa lnga rnams gsungs pa 'di lta ste/mar dang / 'bru mar dang / sbrang rtsi dang / bu ram dang / mar sar dang / myang ba 'di lnga rnams ni dge slong rnams kyis shes bzhin du sgra chung ba dang / balcag sgra med pas na ba'i 'du shes dang / sman gyi 'du shes dang / phyir phan pa'i 'du shes dang / rkyen gyi 'du shes su nye bar bzhag ste myang bar bya'o/ / 'di ni myang ba'i rab tu ldan pa zhes bya'o/ /bza' ba'i rab tu ldan pa gang zhe na/ bcom ldan 'das kyis dge slong rnams la bza' ba rnam pa lnga gsungs pa 'di lta ste/ 'bras chan dang / nas chan dang / 'bras phye dang / sha dang / khur ba dang / bza' ba 'di lnga ste/ dge slong rnams kyis shes bzhin du sgra chung ba dang / balcag sgra med par na ba'i 'du shes dang / sman gyi 'du shes dang / rkyen gyi 'du shes dang / phyir phan pa'i 'du shes nye bar bzhag ste bza' bar bya'o/ /'di ni bza' ba'i rab tu ldan pa zhes bya'o/ /lhung bzed kyi rab tu ldan pa gang zhe na/ bcom ldan 'das kyis dge slong rnams la lhung bzed rnam pa gnyis gsungs te/ lcags las byas pa dang / kham pa las byas pa'o/ /lhung bzed rnam pa brgyad ni mi gnang ba ste/ gser dang / dngul dang / bai DUr+ya las byas pa dang / shel las byas pa dang / shing las byas pa dang / rdo las byas pa dang / mching bu las byas pa dang / khar ba las byas pa ste/ 'di ni lhung bzed kyi rab tu ldan pa zhes bya'o/ /gos kyi rab tu ldan pa gang zhe na/ bcom ldan 'das kyis dge slong rnams la gos rnam pa bcu gsum gsungs te/ 'di lta ste/ sbyar ma dang / stod g.yogs dang / mthang gos dang / gding ba dang / khrus ras dang / g.yan pa g.yogs pa dang / stod chags dang / stod chags kyi 'theb dang / smad g.yogs dang / smad g.yogs kyi 'theb dang / lus phyi ba dang / 13-1-267a skra bzed pa dang / dbyar gyi ras chen dang / yo byad kyi gos bcu gsum ste/ chos gos bcu gsum po 'di rnams dge slong rnams kyis mtshon gyis gcad cing kha dog bsgyur te rung bar bya mi dgos par byin gyis brlabs pa'i dbang gis yongs su spyad par bya'o/ /'di ni gos kyi rab tu ldan pa zhes bya'o/ /steng g.yogs kyi rab tu ldan pa gang zhe na/ bcom ldan 'das kyis dge slong rnams la mal stan dgab pa'i phyir steng g.yogs gnyis su gsungs te/ stug na ni chig rim/ srab na ni sbyar ma'o/ /'di ni steng g.yogs kyi rab tu ldan pa zhes bya'o/ /khab kyi rab tu ldan pa gang zhe na/ bcom ldan 'das kyis dge slong rnams la gos 'tshem pa'i phyir lcags dang / khar ba dang / zangs dang / ra gan gyi khab gnang ste/ 'di ni khab kyi rab tu ldan pa zhes bya'o/ /khab ral gyi rab tu ldan pa gang zhe na/ bcom ldan 'das kyis dge slong rnams la khab sba ba'i phyir khab ral gnang ste/ 'di ni khab ral gyi rab tu ldan pa zhes bya'o// //'dul ba gzhung dam pa/bam po lnga bcu pa/ gnas 'cha' ba'i rab tu ldan pa gang zhe na/ sangs rgyas bcom ldan 'das kyis glo bur du lhags pa'i dge slong gis gnas bca' ba'i don gyi phyir dge 'dun gyi gtsug lag khang du 'ongs ma thag tu gnas ma bcas kyi bar du rkang pa'i rdul ma phyi shig /chu snod ma len cig ces gsungs pa dang / dge slong gzhan zhig glo bur du 'ongs pas gnas bca' ba'i don gyi phyir gtsug lag khang du 'ongs na des bcom ldan 'das kyis dge slong glo bur du 'ongs pas gnas bca' ba'i don gyi phyir dge 'dun gyi gtsug lag khang du 'ongs na gnas ma bcas kyi bar du rkang pa'i rdul ma 'phyi shig /chu snod kyang ma len cig ces bslab pa'i gnas bcas so zhes pa thos nas des gnas bca' ba'i phyir lus ngal/ lus tshegs che/ lus dub bzhin du phan tshun du brgyugs pa las brgyal te sa la 'gyel nas dus 'das so/ /de lta bur gyur pa dge slong dag gis bcom ldan 'das la gsol nas bcom 13-1-267b ldan 'das kyis bka' stsal pa/ lhung bzed dang chos gos zhog la rkang pa'i rdul phyis chu snod long la gdod gnas chos shig /dge slong de dag su las kyang rung gnas bab bab tu bca' ba dang / dge ba'i chos yal bar gyur nas de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ gnas 'cha' ba'i dge slong gis gnas 'cha' bar 'dod na ring thabs bab bab tu gnas ma 'cha' bar zhag gsum gyi bar du bsam pa shin tu soms/ brtag pa shin tu rtogs/ dpyad pa shin tu dpyad nas gdod gnas bca' bar bya'o/ /gang las gnas 'cha' bar 'dod pa dge slong de'i spyod pa ci 'dra ba dang / 'khor ci 'dra ba dang / de'i gnyis po phyi bzhin 'brang ba'i grogs rnams ci 'dra ba dang / lung bsgo'am mi bsgo ba dang / rjes su ston nam mi ston pa dris shig / bdag dge slong de la 'jigs pa dang rim gro bkur sti byed par 'gyur ram mi 'gyur/ dge ba'i chos rnams skye'am/ de ste 'grib par 'gyur zhes bsam pa shin tu soms/ brtag pa shin tu rtogs/ dpyad pa shin tu dpyod la/ gdod gnas chos shig /gnas sbyin pa'i dge slong gis kyang gnas sbyin par 'dod na/ gang la'ang rung rings par bab bab tu ma sbyin par zhag gsum gyi bar du shin tu soms/ brtag pa shin tu rtogs/ dpyad pa shin tu dpyod la gdod gnas byin cig /gang la gnas sbyin par 'dod pa'i dge slong de'i spyod pa ci 'dra ba dang / de'i spyod lam ci 'dra ba dang / kun tu spyod pa ci 'dra ba dris shig /dge slong de bdag la 'jigs pa dang / rim gro bkur sti byed pa dang / dge ba'i chos skye bar 'gyur ram/ de ste 'grib par 'gyur/ dge slong de bdag la 'jigs par 'gyur ram mi 'gyur/ mos shing bkur sti dang dge ba'i chos 'phel lam mi 'phel shin tu bsams pa bsams/ brtag pa shin tu brtags/ dpyad pa shin tu dpyod la de ste sems mgu bar byed na gdod de la gnas byin cig /de ni gnas 'cha' ba'i rab tu ldan pa zhes bya'o/ / 13-1-268a gnas 'cha' ba blang ba'i rab tu ldan pa gang zhe na/ gnas 'cha' ba len par 'dod pa'i dge slong gis gnas bca' ba blang bar 'dod na 'di bzhin du gnas long shig /stan las langs te bla gos phrag pa gcig tu byos/ lag pa gnyis kyis rkang pa gnyis las bzung ste lan gnyis su tshir la tshig 'di skad du smros shig dgongs shig btsun pa/ bdag dge slong ming 'di zhes bgyi ba btsun pa las gnas 'cha' bar gsol na/ btsun pas bdag la gnas bca' ba stsol cig /bdag btsun pa la gnas 'cha' zhing mchis so zhes de bzhin lan gnyis lan gsum du smros shig /des kyang rigs so zhes smros shig /des yang slar legs so zhes sam shin tu legs so zhes bya'o/ /slar yang bag yod par sgrubs shig /ces pa 'di ni gnas 'cha' ba blang ba'i rab tu ldan pa zhes bya'o/ /gnas 'cha' ba sbyin pa'i rab tu ldan pa gang zhe na/ dge slong lo bcu ma lon pas gnas 'cha' ba mi sbyin no/ /lo bcu lon du zin kyang mi shes pa glen pa/ mi gsal ba/ mi mkhas par grags na des kyang gnas 'cha' ba ma sbyin cig /chos lnga dang ldan pa'i dge slong gis gnas 'cha' ba sbyin par bya ste/ nyes pa shes pa dang / nyes pa med pa shes pa dang / lci ba shes pa dang / yang ba shes pa dang / so sor thar pa'i mdo dang rgyas pa shes par gyur pa ste/ de ni gnas 'cha' ba sbyin pa'i rab tu ldan pa zhes bya'o/ /gnas bca' ba so sor btang ba'i rab tu ldan pa gang zhe na/ chos lnga dang ldan na gnas bca' ba btang bar gyur te/ lnga gang zhe na/ dad pa med pa yin/ le lo can dang / bkur sti med pa dang / tshig ngan du smra ba dang / sdig pa'i grogs po can yin no/ /gzhan yang rgyu lnga dang rkyen lngas na gnas 'cha' ba btang bar 'gyur te/ spyo ba dang / song ba dang / phyogs las gzhan gyi phyogs su song ba dang / mkhan po mthong ma thag tu gnas 'cha' ba btang bar 'gyur ba dang / gnyis kas kyang btang ba de ni gnas 'cha' ba btang ba'i rab tu ldan pa zhes bya'o/ / 13-1-268b mkhan po'i rab tu ldan pa gang zhe na/ dge slong de dag mkhan po med par rab tu byung zhing bsnyen par rdzogs par byas pas na ma dul bar gyur/ ngan par dul ba dang / tshul dang mi ldan pa/ smad g.yogs mi sdug par gyon/ bla gos mi sdug par gyon/ spyod pa nyams shing mi sdug par spyod pa la zhugs pa dang / cha lugs ngan/ cha lugs mi sdug pa la zhugs nas de la su yang nad g.yog mi byed par gyur pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ mkhan po yod pa dang / des de dag 'dul bar byed/ lung bsgo bar byed/ rjes su yang ston par byed/ 'chos par byed na yang bsnyen bkur dang nad g.yog byed par 'gyur ro zhes gsungs so/ /bcom ldan 'das kyis bsnyen bkur byos shig ces gsungs pa 'di ni mkhan po'i rab tu ldan pa zhes bya'o/ /lhan cig spyod pa'i rab tu ldan pa gang zhe na/ de dge slong gi rab tu phyung bsnyen par rdzogs par byas na mkhan po la rim gro mi byed nas de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ lhan cig spyod pas ni mkhan po la rim gro byos shig /gzhar bar byos shig /blta bar byos shig /mgu bar byos shig /rjes bzhin du 'brang bar byos shig /bsnyen bkur byos shig /bya ba thams cad kyang mkhan po la ma dris kyi bar du ma byed cig /rnam pa gsum ma gtogs te/ bshang gci dang / so shing dor ba dang / mtshams kyi nang nas mchod rten la phyag 'tshal ba ma gtogs so/ /lhan cig spyod pa dang ldan pas kyang bya ba thams cad mkhan po la dris shing byos shig /bshang gci dang / so shing dor ba dang / mtshams kyi nang du mchod rten la phyag 'tshal ba ma gtogs so/ /lhan cig spyod pa dang ldan pa dag gis kyang lhan cig spyod pa'i mkhan po la bkur sti byos shig /bla mar byos shig /mchod par byos shig /mgu bar byos shig /de'i bya ba zhig yod na yang le lo 13-1-269a mi bya zhing shes bzhin du myur du gyis shig /rim gro dang bcas/ 'dzem pa dang bcas/ 'jigs pa dang bcas par 'gyur bar byos shig /ngo tsha ba dang / sems dman pa dang / bdag gi dge ba cir 'gyur snyam pa dang / de log pa zhig la 'jug na yang mkhan pos bzlog par gyis shig /mkhan po la yang des bzlog par gyis shig /mkhan po na na des nad g.yog gus par bya/ bdag gi don kyang ma nyams par bya ba de ni lhan cig spyod pa'i rab tu ldan pa zhes bya'o/ /slob dpon gyi rab tu ldan pa gang zhe na/ dge slong de dag slob dpon med par rab tu byung zhing bsnyen par rdzogs par byas pas na ma dul bar gyur/ ngan par dul ba dang / tshul dang mi ldan/ sham thabs mi sdug par gyon/ bla gos mi ran par gyon/ spyod pa nyams shing mi sdug par spyod pa la zhugs pa dang / cha lugs mi sdug /cha lugs log pa la zhugs nas/ de la su yang nad g.yog mi byed par gyur pa dang / de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ slob dpon yod kyang des de dag dul bar byed/ lung bsgo bar byed/ rjes su yang ston par byed/ 'chos par byed/ na na yang bsnyen bkur dang nad g.yog byed par 'gyur ro zhes gsungs so/ /bcom ldan 'das kyis bsnyen bkur byos shig ces gsungs pa 'di ni slob dpon gyi rab tu ldan pa zhes bya'o/ /nye gnas kyi rab tu ldan pa gang zhe na/ de dge slong dag gis rab tu phyung bsnyen par rdzogs par byas na slob dpon la rim gro mi byed nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ nye gnas kyis ni slob dpon la rim gro byos shig /gzhar bar byos shig /blta bar byos shig /mgu bar byos shig /rjes bzhin du 'brang bar byos shig /bsnyen bkur byos shig /bya ba thams cad kyang slob dpon la ma dris kyi bar du ma byed cig /rnam pa gsum ma gtogs te/ bshang 13-1-269b gci dang / so shing dor ba dang / mtshams kyi nang du mchod rten la phyag 'tshal ba ma gtogs so/ /nye gnas dang ldan pas kyang bya ba thams cad slob dpon la dris shing byos shig /bshang gci dang / so shing dor ba dang / mtshams kyi nang du mchod rten la phyag 'tshal ba ma gtogs so/ /nye gnas dang ldan pa dag gis kyang nye gnas kyis slob dpon la bkur stir byos shig /bla mar byos shig /mchod par byos shig /mgu bar byos shig /de'i bya ba zhig yod na yang le lo mi bya zhing shes bzhin du myur du gyis shig /rim gro dang bcas/ 'dzem pa dang bcas/ 'jigs pa dang bcas par byos shig /ngo tsha ba dang / sems dman pa dang / bdag gi dge ba cir 'gyur snyam pa dang / de log pa zhig la 'jug pa na yang slob dpon gyis bzlog par gyis shig /slob dpon la yang des bzlog par gyis shig /slob dpon na na des nad g.yog gus par bya/ bdag gi don kyang ma nyams par bya ba de ni nye gnas kyi rab tu ldan pa zhes bya'o/ /mkhan po dang slob dpon dang lhan cig spyod pa dang nye gnas kyi rab tu ldan pa gang zhe na/ mkhan po dang slob dpon gyis lhan cig spyod pa dang nye gnas la bu lta bu'i 'du shes mngon du zhog shig /lhan cig spyod pa dang nye gnas kyis kyang mkhan po dang slob dpon la phar 'du shes mngon du dga' bar bya ste/ 'di ni mkhan po dang slob dpon dang lhan cig spyod pa dang nye gnas kyi rab tu ldan pa zhes bya'o/ /dge slong gi rab tu ldan pa dge tshul gyi rab tu ldan pa gang zhe na/ bcom ldan 'das kyis dge slong rnams la dge tshul pha chongs shig par gnang ste/ tha ma ni bya rog skrod nus la lo bdun pa'o/ /de la nyes pa'i dmigs shig byung na dge bsnyen dad pa'i mdun du spyo zhing spongs shig /sgren mor ma spang shig /gos gcig par ma spang bar stod g.yogs mthang gos dang ldan par spang ste/ 'di ni dge tshul gyi rab tu ldan pa zhes bya'o/ /dngos po'i rab tu ldan pa gang zhe na/ phyogs gar thog ma gtsug lag khang rtsig pa der las gsar du byed pa'i dge 13-1-270a slong gis rtogs shig /sngar gtsug lag khang gi dngos po brtag pa ni 'od pa dang ldan nam/ skyed shing dang ldan nam/ chu dang ldan nam/ 'chag sa dang ldan nam/ nye 'khor dang ldan nam/ rtsod pa med dam/ dog pa med dam/ spyod yul dang mi ring ngam/ ha cang yang mi nye'am/ nyin par ldugs mi mang ngam/ 'khrug pa mi che'am/ mtshan mo yang sgra mi che'am/ ca co mi che'am/ gdug pa'i srog chags dang sbrang bu dang sbrul dang rlung dang tsha bas mi bde ba lta med dam/ zhi ba dben pa bsam gtan gyi rjes su mthun nam/ nang du yang dag 'jog pa'i gzhir rung ngam mi rung zhes shin tu rtogs par byas la gdod gtsug lag khang brtsig go/ /las gsar byed pa'i dge slong gis shin tu ma brtags par gtsug lag khang brtsigs na 'das pa dang bcas par 'gyur te/ 'di ni dngos po'i rab tu ldan pa zhes bya'o/ /gtsug lag khang gi rab tu ldan pa gang zhe na/ bcom ldan 'das kyis dge slong rnams la gtsug lag khang rab tu gnang ba ni khang bzangs khyams bzhi pa dang / khang bzangs khyams bcu gnyis po de sgo khang ni bzhi rtseg gam bdun rtseg go/ /khang bu brtsegs pa dang / bsro gang dang / tshang mang dang / bkad sa dang / 'chag sa dang / dugs khang dang / rkang pa'i bkru khang dang / gnas khang dang / snga khang dang / khang pa 'khor du bcas pa dang / khang pa glo 'bur te/ dge 'dun gyi yang rung/ gang zag gi yang rung/ slob pa dang mi slob pa'i yang rung ste/ spyod lam bzhir rung bar 'gyur ba ni gtsug lag khang gi rab tu ldan pa zhes bya'o/ /mal stan gyi rab tu ldan pa gang zhe na/ bcom ldan 'das kyis dge slong rnams la mal stan rjes su gnang ba ni 'di lta ste/ khri dang / khri'u dang / stan nang tshangs can dang / la ba dang / sngas rten dang / gru bzhi pa ste/ dge 'dun gyi'ang rung gang zag gi yang rung/ gding ba dang / bgo ba 'di ni mal stan gyi rab tu ldan pa zhes bya'o/ /las gsar gyi rab tu ldan pa gang zhe na/ de 'di ltar bcom ldan 'das kyis gang gi tshe gtsug lag khang byos shig par rjes su gnang ba de na/ dge slong rnams 13-1-270b kyis ji ltar dga' ba bzhin du las gsar pa byed de/ de la kha cig gis ni brtsams pa las dus 'das par gyur/ kha cig gis ni brtsams nas dong/ kha cig gis ni zin par byed do/ /sangs rgyas bcom ldan 'das 'brog dgon pa na 'brog dgon pa'i mchog gi nags na bzhugs te/ de'i tshe na dgon pa'i gtsug lag khang rnams zhig kyang las gsar pa mi byed de/ dgon pa'i gtsug lag khang zhig kyang las gsar pa mi byed par bcom ldan 'das kyis gzigs so/ /de ltar gzigs nas yang/ tshe dang ldan pa kun dga' bo la kun dga' bo ci'i rgyu ci'i rkyen gyis na dgon pa 'di dag las gsar pa mi byed ces gsungs pa dang / btsun pa de 'di ltar dgon pa'i dge slong dag las kha cig ni dus las 'das/ kha cig ni dong/ kha cig ni legs par bgyid pas na btsun pa rgyu de dang rkyen de lta bu'i phyir dgon pa pa dag las gsar pa mi byed do zhes smras pa dang / bcom ldan 'das kyis bka' stsal pa/ las gsar du byed pa'i dge slong skos shig /de yang rim bzhin du ma yin gyi gang rang bzhin gyis dge ba la brtson zhing le lo med pa brtson 'grus kyi nan tan dang ldan pa las gsar du byed nus pa/ las gsar pa la don byed pa de lta bu ni las gsar du byed par gsol pa dang / gnyis kyi las kyis bsko bar bya'o/ /de na dge slong rnams 'di ltar rtsig pa ral ba las slar brtsig pa tsam mam/ bal glang gi lci ba byugs pa tsam dang / gang ci yang rung ba zhag gcig tsam gyi phyir yang las gsar du byed pa'i dge slong bsko ba dang / bcom ldan 'das kyis bka' stsal pa/ gang ci'i la yang rung zhag gcig tsam gyi phyir las gsar pa byed pa'i dge slong ma bsko bar/ gang mchod rten nam/ gtsug lag khang rnying pa slar bcos sam/ de ste gsar pa byed kyang rung gis de'i phyir las gsar pa byed pa skos shig /de dag nam 'tsho ba'i bar du bskos te/ dud pa can gyi nang de nyid du 'khod par byed pa dang / bcom ldan 'das kyis bka' stsal pa/ nam 'tsho ba'i bar du ma bsko shig /dud pa can gyi nang na 'khod par yang ma byed cig /las 13-1-271a gsar du byed pa yang gnas khang rnying pa 'chos na lo drug tu skos shig /gnas khang gsar pa la ni lo bcu gnyis so/ /las gsar dang rab tu ldan pa'i dge slong des kyang gtsug lag khang gang na gnas par dge slong des gtsug lag khang der dus dus su kun tu byul zhing rtogs shig /de ste gtsug lag khang de na ral zhing zhig par mthong na de ste bdag nyid kyis nus par gyur na ni bdag nyid kyis slar gso bar byos shig /bdag nyid kyis bya ba mi nus na tshangs pa mtshungs par spyod pa gzhan dag la ston cig /ston la bdag gis mngon sum du zhal ta gyis la slar chos shig /de yal bar ma dor cig /phyal bar bor na 'das pa dang bcas par 'gyur te/ 'di ni las gsar gyi rab tu ldan pa zhes bya'o/ /las gsar du byed par rab tu ldan pa gang zhe na/ de la las gsar du byed pa'i dge slong gis dge 'dun gyi las gsar du byed pa la zhugs na de dge 'dun gyi las kyis rmongs pas na las gsar du bya ba yang shor bar gyur nas/ de ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ ngas rjes su gnang gis las gsar du byed pa'i dge slong la dge 'dun gyi las ma bsko shig /gtsug lag khang rnying pa slar gso ba de la ni lo gnyis su las kyi res su mi bsko ste/ nam brtsigs g.yogs skyong nul zin gyi bar du'o/ /gang gis gnas khang bzhi pa'i gtsug lag khang zhig rtsig na de la lo bzhi'i bar du las su mi bsko ste/ nam brtsigs g.yogs skyong nul zin gyi bar du'o/ /gang gnas khang brgyad pa'i gtsug lag khang rtsig na de la lo brgyad kyi bar du las kyi res su mi bsko ste/ nam brtsigs g.yogs skyong nul zin gyi bar du'o/ /gnas khang khyams bcu gnyis pa'i gtsug lag khang zhig rtsig na de la lo bcu gnyis kyi bar du las kyi res su mi bsko ste/ nam brtsigs g.yogs skyong nul zin gyi bar du'o/ /gang mchod rten dang bcas pa'i dge 'dun kun dga' ra ba zhig rtsig la mal stan rnams kyang sbyor bar byed na nam 13-1-271b 'tsho'i bar du las kyi res su mi bsko ste/ las gsar gyi rab tu ldan pa de yang chos lnga dang ldan pa'i dge slong las gsar la ma bskos na ni ma bsko shig /bskos na ni phyung shig /lnga gang zhe na/ mi brtson pa dang / le lo can dang / nan tan du mi byed pa dang / myur du mi byed pa dang / las gsar pa byas pa dang ma byas pa mi shes pa'o/ /chos rnam pa lnga dang ldan pa'i dge slong las gsar pa byed par ma bskos na ni bskos shig /bskos na ni ma phyung shig /lnga gang zhe na/ brtson pa can dang / le lo med pa dang / nan tan dang ldan pa dang / myur bar byed pa dang / las gsar pa byas pa dang ma byas pa shes pa'o/ /las gsar pa byed pa'i dge slong gis kyang gtsug lag khang dus dus su byul cig /ci nas gtsug lag khang las byed pa des kun tu spro bar bya ba ni ji ltar gtsug lag khang thams cad la las gsar pa byas pa nyams par mi 'gyur ba de lta bur spro ba bskyed par bya ste/ de ltar byas na ni legs/ de ltar ma byas na 'das pa dang bcas par 'gyur te/ de lta bu ni las gsar du byed pa dang rab tu ldan pa zhes bya'o/ /phyag 'tshal ba'i rab tu ldan pa gang zhe na/ bcom ldan 'das kyis dge slong rnams la phyag 'tshal ba rnam pa gnyis gnang ste/ dge slong la phyag bya ba dang / ston pa la phyag bya ba'o/ /dge slong gis ni ji ltar rgan rims kyi dge slong la mngon du tshig snyan pa dang / phyag bya ba dang / mngon du ldang ba dang / thal mo sbyar ba dang / phyag bya bar bya ste/ mgos rkang pa la phyag bya ba dang / lag pa gnyis kyis rkang pa gnyis nas bzung zhing btsir ba'o/ /de bzhin gshegs pa la ni dkyil 'khor lngas phyag bya ste/ de ni phyag bya ba'i rab tu ldan pa zhes bya'o/ /khu ba skyur po'i rab tu ldan pa gang zhe na/ khu ba skyur po ni dge slong na ba dang / rlung nad can rnams la ste/ ji ltar tshe dang ldan pa shA ri'i bu la gnang ba bzhin no/ /rdzas gang la khu ba skyur po bya zhe na/ rtsa ba dang / sdong bu dang / lo ma dang / me tog dang / sman dang / sa bon thams cad de dag gcig tu sbangs nas nam skyur bar gyur pa de na 13-1-272a dang ba/ ma rnyogs pa/ dar tshags kyis btsags la chus bslad de dang bar byas nas nyin par dang srod kyi bar du btung ste/ de ni khu ba skyur po'i rab tu ldan pa'o/ /phye ma'i rab tu ldan pa gang zhe na/ bcom ldan 'das kyis dge slong rnams la phye ma rnam pa gnyis yongs su gnang ste/ sman gyi phye ma dang / bkru ba'i phye ma'o/ /sman gyi phye ma rnams nad gzhil ba'i phyir gnang ngo / /bkru ba'i phye ma dge slong rnams la gnang ba ni rgyags pa'i phyir ma yin/ dregs pa'i phyir ma yin/ mdzes pa'i phyir ma yin/ brgyan pa'i phyir ma yin gyi lus kyi dri ma bsal ba'i phyir ro/ /ci las bkru ba'i phye ma bya zhe na/ sran gre'u dang / sran mA Sha dang / rgya sran dang / sran ma dang / de rnams kyi phyi shun dang / 'bru hri min ta rnams la bya ste/ dge slong rnams la dri sna tshogs kyis sbags pa de brgyan pa'i phyir ma yin gyi bkru ba'i phye mar yongs su spyad par bya'o/ /ma bslangs par dri dang sbags pa zhig rnyed par gyur na nyes pa med de/ de dang mthun pa'i sman rnams kyis rang gis kyang sbags shing spyod na de bzhin te/ de ni phye ma'i rab tu ldan pa zhes bya'o/ /sman gyi rab tu ldan pa gang zhe na/ bcom ldan 'das kyis dge slong nad pa rnams la nad gzhil ba'i phyir sman rjes su gnang ste/ snga dro dang / phyi dro dang / bdun pa dang / nam 'tsho'i bar du ste/ rtswa ba'i sman dang / sdong bu'i sman dang / lo ma'i sman dang / me tog gi sman dang / 'bras bu'i sman no/ /dge slong mi na bas ni na ba'i sman yongs su mi spyad de/ 'di ni sman gyi rab tu ldan pa zhes bya'o/ /btung ba'i rab tu ldan pa gang zhe na/ bcom ldan 'das kyis dge slong rnams la drang srong kai n+ya ya zhes bya ba las te dge slong rnams la btung ba rnam pa brgyad rjes su gnang ngo / /de dag gang zhe na/ 'di lta ste/ shing tog tso tsa'i dang / mo tsa'i dang / rgya shug gi dang / 'bra go'i dang / pa ru sha dang / a shwat+tha'i dang / u dum bA ra'i dang / rgun 'brum gyi ste/ btung ba rnam pa brgyad po 'di dag ni dge slong rnams 13-1-272b la gnang gis kha zas ma 'bags pa dang / mi myos pa dang / mi skyur ba dang / sangs pa dang / dang ba dang / ma rnyogs par dar tshags kyis tshogs la chus slod de phyi dro'i byas pa btang ste/ 'di ni btung ba'i rab tu ldan pa zhes bya'o/ /pags pa'i rab tu ldan pa gang zhe na/ dge slong gis pags pa gzhag par mi bya/ bcang bar mi bya/ byin gyis brlab par mi bya/ gding bar mi bya/ de la 'dug par mi bya/ stan du gding bar mi bya/ de la 'jug par mi bya/ de la 'dres par mi bya/ lham gong ral sbu bu can dang / mchil can dang / gong cad dang / yu thung ste/ khyim pa'i nang du de 'dra ba'i rkyen cig byung na ni pags pa la 'dug par bya'o/ /nad pas ni pags pa la 'dug par bya ste/ 'di ni pags pa'i rab tu ldan pa zhes bya'o/ /lham gyi rab tu ldan pa gang zhe na/ bcom ldan 'das kyis dge slong rnams la lham rnam pa gnyis gnang ste/ lham mchil rim gcig pa dang / khyim pa'i lham rim mang po yang rung ngo / /dge slong gis ri mor bris pa'i lham ma 'chang shig /de ni lham gyi rab tu ldan pa zhes bya'o/ /shing lham gyi rab tu ldan pa gang zhe na/ bcom ldan 'das kyis dge slong rnams la shing lham rnam pa gnyis gnang ste/ bshang gci'i shing lham dang / khri rten gyi shing lham mo/ /dge slong gis de ma yin par gzhan du shing lham mi bcang ste/ gzhan du bcangs na 'das pa dang bcas par 'gyur te/ 'di ni shing lham gyi rab tu ldan pa zhes bya'o/ /drud pa'i rab tu ldan pa gang zhe na/ dge slong gis rta'i drud pa'am/ mtsho'i dbu ba'am/ gyo mos rkang pa drud pa ma 'chang shig /de ni drud pa'i rab tu ldan pa zhes bya'o/ /khar ba'i rab tu ldan pa gang zhe na/ bcom ldan 'das kyis dge slong nad pa dang / rgan po la khar ba rjes su gnang ngo / /de ste rtsa bar gas na ni lcags kyis bskor cig /rtse mor gas na ni sbu bur chug shig /de ni khar ba'i rab tu ldan pa zhes bya ste/ rgyal po'i khab kyi grong khyer gyi bsil ba'i tshal gyi dur khrod na sbrul yod de/ 13-1-273a dge slong rnams dur khrod kyi nang du dong ba dang / sbrul gyis reg par gyur nas de lta bur gyur pa dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ sbrul rnams bskrad pa'i phyir sgra dang bcas pa'i khar ba 'chang bar gnang ste/ 'di ni khar ba'i rab tu ldan pa zhes bya'o/ /dra ba'i rab tu ldan pa gang zhe na/ bcom ldan 'das kyis dge slong na ba dang rgas pa la dra ba gnang ste/ dge slong gis tshon sna tshogs kyis dra ba brgyan pa'i phyir ma 'chang shig /'di ni dra ba'i rab tu ldan pa zhes bya'o/ /khar ba dang dra ba'i rab tu ldan pa gang zhe na/ bcom ldan 'das kyis dge slong na ba dang rgas pa la khar ba dang dra ba'i sdom pa gsol ba dang gnyis kyi las kyis byin cig par rjes su gnang ste/ rgyas par ni 'dul ba las 'byung ba bzhin te/ 'di ni khar ba dang dra ba'i rab tu ldan pa zhes bya'o/ /sgog skya'i rab tu ldan pa gang zhe na/ bcom ldan 'das kyis na ba rlung nad can la sgog skya rjes su gnang ste/ ji ltar tshe dang ldan pa shA ri'i bu la gnang ba bzhin no/ /dge slong mi na bar sgog skya ma za shig /za na 'das pa dang bcas par 'gyur ro/ /de ste na zo la tshul bzhin du byos shig /sgog pa'i tshul de ni 'di lta bu ste dge slong gis sgog skya zos na ston pa la ltar ma 'gro shig /mkhan po dang slob dpon gyi drung du ma 'gro shig /bla ma la yang ma yin/ bla ma'i gnas su gyur pa yang ma yin ston par yang ma byed cig /nod par yang ma byed cig /dran par yang ma yin/ 'dri bar yang ma yin/ grong du yang ma 'jug shig /zas la gral du yang mi bkad/ thug pa 'thung bar yang ma yin/ skyo ma 'thung bar yang ma yin/ chos nyan par yang ma yin/ dge slong rnams dang lhan cig tu 'dug par yang ma byed cig /'du bar yang ma yin/ gzhan ci'i don la yang rung ste/ lhan cig mi 'dug /gnas khang dben par 'dug par bya/ de ste gang zag gi gding ba dang bgo ba med par gyur na phyogs bzhi'i dge 'dun gyi ngan pa las long shig /bshang gci'i sa yang logs shig tu byos shig /de 13-1-273b ste zhag gcig sgog skya zos na zhag bdun gyi bar du song shig /bdun du zos na yang bdun du song shig /bdun 'das nas ni gding ba dang bgos pa yang khrus shig /gnas khang yang byi bdar gyis shig /gnas khang gi zla rnams kyang phyag dar phyogs shig /zhal zhal gyis 'jam por gyis shig /ba lang gi lci bas yugs shig /bshang gci sar yang byi bdar gyis shig /chos gos khrus shig /khrus byos shig /de'i 'og tu ci bder ston pa la ltar song shig /mkhan po dang slob dpon dang / bla ma'i gnas su 'gyur ba rnams la ltar song shig /ston pa yang byin cig /nod pa dang dran par bya ba dang / dri ba yang byos shig /grong du yang zhugs shig /zas la gral du yang bkad par bya'o/ /skyo ma dang thug pa 'thung ba'i gral du yang bkad par bya/ chos mnyan par bya/ dge slong dang lhan cig tu 'dug par bya'o/ /sgog skya za ba'i dge slong gis ji ltar mtshungs par spyad pa'i chos bcas pa bzhin mtshungs par ma spyad na 'das pa dang bcas par 'gyur te/ 'di ni sgog skya'i rab tu ldan pa zhes bya'o/ /spu gri'i rab tu ldan pa gang zhe na/ bcom ldan 'das kyis dge slong rnams la skra breg pa'i phyir spu gri rjes su gnang ba de ni spu gri'i rab tu ldan pa zhes bya'o/ /spu gri'i shubs rab tu ldan pa gang zhe na/ bcom ldan 'das kyis dge slong rnams la spu gri'i tshas kyi phyir spu gri'i shubs rjes su gnang ba de ni spu gri'i shubs rab tu ldan pa zhes bya'o/ /lde mig kyog po'i rab tu ldan pa gang zhe na/ bcom ldan 'das kyis dge slong rnams la mal stan drub pa dang / dge 'dun la bde ba dang / dge 'dun la dge bar spyod pa'i phyir lde mig kyog po rjes su gnang ste/ 'di ni lde mig kyog po'i rab tu ldan pa zhes bya'o/ / sgo lcags kyi rab tu ldan pa gang zhe na/ bcom ldan 'das kyis dge slong rnams la sgo lcags rjes su gnang ba ni 'khrul 'khor byas pa lde mig gis rab tu dbye ba ste/ 'di ni sgo lcags kyi rab tu ldan pa zhes bya'o/ /bzhon pa'i rab tu ldan pa gang zhe na/ bcom ldan 'das kyis dge slong 13-1-274a rgan pa dang / rgan 'khogs pa dang / na ba dang / rtsol mi nus pa dang / dar la bab pa rnams kyi phyir bzhon pa rjes su gnang ste/ dge slong gis brgyan pa'i ri mo bris pa'i bzhon pa la ma zhon cig /bzhon pa mo la rang gi bzhon par ma byed cig /'di ni bzhon pa'i rab tu ldan pa zhes bya'o/ /gdugs kyi rab tu ldan pa gang zhe na/ bcom ldan 'das kyis dge slong rnams la char dang tsha ba'i gnyen po'i phyir gdugs rjes su gnang ste/ gdugs bris pa ri mo can brgyan pa'i phyir ma 'chang shig /yu ba ring po ma 'chang shig / gdugs thogs bzhin du grong du 'gro bar mi bya ste/ 'di ni gdugs kyi rab tu ldan pa zhes bya'o/ /bsil yab kyi rab tu ldan pa gang zhe na/ bcom ldan 'das kyis dge slong rnams la tsha ba'i gnyen po'i phyir bsil yab gnang ste/ dge slong gis bsil yab ri mo can brgyan pa'i phyir ma 'chang shig /de ni bsil yab kyi rab tu ldan pa zhes bya'o/ /rnga ma'i sbrang yab kyi rab tu ldan pa gang zhe na/ bcom ldan 'das kyis dge slong rnams la srog chags gdug pa dang sbrang bu bskrad pa'i phyir rnga ma'i sbrang yab gnang ste/ sbrang yab rnga ma gang las bya zhe na/ rnga mo dang / ri dgas dang / skud pa'am/ ra da las te/ dge slong gis sbrang yab ri mo can brgyan pa'i phyir ma 'chang shig /sbrang yab ni rnam pa gnyis te/ gcig ni rang bzhin gyis pa'o/ /gcig ni smug pa'o/ /'di ni rnga ma'i sbrang yab kyi rab tu ldan pa zhes bya'o/ / sbrang yab kyi yu ba'i rab tu ldan pa gang zhe na/ dge slong gis rnga yab kyi yu ba ring po ma 'chang shig /de ste rnyed na long shig /long la sangs rgyas kyi mchod rten nam/ nyan thos kyi mchod rten la dbul te/ 'di ni sbrang yab kyi yu ba'i rab tu ldan pa zhes bya'o/ /me long gi rab tu ldan pa gang zhe na/ dge slong rnams me long ngam/ lhung bzed kyi me long ngam/ chu long la gdong ma lta zhig /de ste gdong la rma yod dam/ gdong sngon gyi dad da'ang ci 'dra ba'i phyir lta'am/ gdong gi gnyer ma dang skra dkar la lta'am/ 'dus byas kyi dngos po 'di rnyings par 'gyur ba'o/ / 13-1-274b 'jig par 'gyur ba'o snyam du lta 'dod pa la ni nyes pa med de 'di ni me long gi rab tu ldan pa zhes bya'o/ /phreng ba dang / dri dang / byug pa'i rab tu ldan pa gang zhe na/ dge slong gis phreng ba dang / dri dang / byug pa rang la yang ma 'chang shig /gzhan la yang ma sbyin cig /de ste rnyed na yang long shig /long la sangs rgyas kyi mchod rten nam/ nyan thos kyi mchod rten la phul cig /'di ni phreng ba dang / dri dang / byug pa'i rab tu ldan pa zhes bya'o/ /gar dang glu dang rol mo brdung ba'i rab tu ldan pa gang zhe na/ dge slong gis gar dang glu dang brdung ba rang gis kyang ma byed cig /gzhan la yang byed du ma 'jug shig /bltar yang ma 'gro shig /ci nas gar dang glu dang brdung ba spang bar bya ste/ 'di ni gar dang glu dang rol mo brdung ba'i rab tu ldan pa zhes bya'o/ /tshul shing gi rab tu ldan pa gang zhe na/ bcom ldan 'das kyis dge slong bgrang ba'i phyir tshul shing rjes su gnang ste/ tshul shing shin tu ring ba yang ma yin/ thung ba yang ma yin/ sbom pa yang ma yin/ phra ba yang ma yin/ 'khyor ba yang ma yin/ rtsub pa yang ma yin par snyoms par bya/ drang ba dang / 'jam pa dang / bzhin gnang ba lta bur bya'o/ / 'di ni tshul shing gi rab tu ldan pa zhes bya'o/ /mig sman gyi rab tu ldan pa gang zhe na/ bcom ldan 'das kyis dge slong mig na ba la mig sman rnam pa lnga gnang ba ni 'di lta ste/ me tog gi mig sman dang / phye ma'i mig sman dang / ril bu'i mig sman dang / bro'i mig sman dang / mig sman nag po'o/ /dge slong rnams sgeg cing cha ba'i phyir ni mig sman mi 'chang bar bya'o/ /de ste na bar gyur na rjes su mthun pa'i sman de ba sku bar bya'o/ /de ni mig sman gyi rab tu ldan pa zhes bya'o/ /mig sman gyi thur ma'i rab tu ldan pa gang zhe na/ bcom ldan 'das kyis dge slong rnams la mig sman dang thur ma gnang ba ni ji ltar 'dul ba las rgyas par 'byung ba bzhin te de ni mig sman gyi thur ma'i rab tu ldan pa zhes bya'o/ /mig sman gyi snod kyi rab tu ldan pa gang zhe na/ bcom ldan 'das kyis dge slong rnams la mig sman gyi snod gnang ba ni ji ltar 'dul ba las rgyas par 'byung ba bzhin te/ 13-1-275a de ni mig sman gyi snod dang rab tu ldan pa zhes bya'o/ /gtun dang rab tu ldan pa gang zhe na/ bcom ldan 'das kyis dge slong rnams la sman 'thag pa'i phyir gtun dang gtun bu gnang ba de ni gtun gyi rab tu ldan pa zhes bya'o/ /nyal ba dang rab tu ldan pa gang zhe na/ dge slong rnams nyin par mi nyal/ me mar 'bar ba la yang ma yin/ de ste stur ba can zhig yin na ni langs te bcag par bya/ de ste mi nus na gzhan du 'gro bar bya'o/ /de'i rkyen gyis gzhan la yang mi gnod par bya ba de ni nyal ba dang rab tu ldan pa zhes bya'o/ /'dug pa'i rab tu ldan pa gang zhe na/ nyin par 'chag gam/ 'dug pa'i tshe sgrib pa'i chos rnams sems la yongs su sbyang bar bya'o/ /nyin par 'chag cing 'dug pa'i tshe sgrib pa'i chos rnams sems la yongs su sbyangs nas mtshan mo mel tshe dang po la 'chag cing 'gro ba'i tshe yang sgrib pa'i chos rnams sems la yongs su sbyang bar bya/ mel tshe dang po'i tshe 'chag cing 'gro ba na sgrib pa'i chos rnams sems la yongs su sbyangs nas mtshan mo mel tshe bar ma'i tshe gtsug lag khang gi phyi rol du byung ste rkang pa bkrus nas gnas khang du zhugs te bla gos bzhi ltab tu bltab ste bting/ sbyar ma stug por bltab ste sngas su bcug la g.yas phyogs kyis nyal bar bya ste/ rkang pa la rkang pas mnan te yan lag mi dbral ba dang / sems mi g.yeng ba dang / gos ma gyes pa dang / gnang bar 'du shes pa dang dran zhing shes pa dang ldang ba'i 'du shes yid la bya ste/ tho rangs myur zhing rings par langs te 'chag gam 'dug pa'i tshe sgrib pa'i chos rnams sems la yongs su sbyong ba'i de ni 'dug pa'i rab tu ldan pa zhes bya'o/ /pus 'khyud kyi rab tu ldan pa gang zhe na/ bcom ldan 'das kyis dge slong rnams la na ba dang rgyab na ba'i phyir ji ltar tshe dang ldan pa shA ri'i bu la pus 'khyud gnang ba bzhin te/ dge slong gis pus 'khyud ri mo can brgyan pa'i phyir mi bcang bar bya ste/ de ni pus 'khyud kyi rab tu ldan pa zhes bya'o/ /brdung shing gi rab tu ldan pa gang zhe na/ bcom ldan 'das kyis dge slong la 13-1-275b chos gos brdung ba'i phyir shing gi brdung gzhi dang brdung tho gnang ba de ni brdung shing gi rab tu ldan pa zhes bya'o/ /ska rags kyi rab tu ldan pa gang zhe na/ ska rags la rnam pa gsum ste/ bcom ldan 'das kyis dge slong rnams la 'di lta ste/ ska rags lhas ma dang rgya cang dang lcag pod rnams gnang ste/ dge slong rnams brgyan pa'i phyir ska rags khra bo ma 'chang shig /ska rags med par grong du ma 'gro shig /mdud pa gcig bor ba yang grong du ma 'gro shig /song na nyes byas su 'gyur te/ de ni ska rags kyi rab tu ldan pa zhes bya'o/ /'u rdo'i rab tu ldan pa gang zhe na/ bcom ldan 'das kyis dge slong rnams la sgras rkun po rnams bskrad par bya ba'i phyir ni 'u rdo gnang ste/ rnam grangs kyis kyang phog par mi bya ste/ de ni 'u rdo'i rab tu ldan pa zhes bya'o/ /gos dkris shing mdud pa bor ba'i rab tu ldan pa gang zhe na/ dge slong rnams gos dkris shing mdud pa bor te 'gro bar ma byed cig /khang steng na las byed pa ni ma gtogs te de ni gos dkris shing mdud pa bor ba'i rab tu ldan pa zhes bya'o/ /sa'i rab tu ldan pa gang zhe na/ sa la rnam pa gnyis te/ bcom ldan 'das kyis dge slong rnams la 'chag pa'i sa dang / lha khang gi sa ni rjes su gnang ngo / /de ni sa'i rab tu ldan pa zhes bya'o/ /skyed shing gi rab tu ldan pa gang zhe na/ bcom ldan 'das la dge slong dag gis ri bya rgod 'phungs pa'i shul der shing dag ma mchis la nam mkha' ma bsgribs pas bya rgod 'phungs pa'i ri la 'dzeg cing 'bab pa'i tshe tsha bas rmya bar gyur to zhes gsol pa dang / bcom ldan 'das kyis bka' stsal pa/ der grib mar 'gyur ba'am/ me tog du 'gyur ba'am/ 'bras bur 'gyur ba de dag bskyed par gnang ngo / /de dang de dag tu skyed shing bsrung ba'i phyir 'od ma'i ra bas kyang bskor ba de ni skyed shing gi rab tu ldan pa zhes bya'o/ /dngos po'i rab tu ldan pa gang zhe na/ bcom ldan 'das kyis dge slong rnams la ldum ra'i phyir zhing rjes su gnang ngo / /ldum ra ni bcom ldan 'das kyis gtsug lag khang gi phyir rjes su gnang/ zhing gi dngos po dang ldum ra dang gtsug lag khang bcom 13-1-276a ldan 'das kyis dge slong gi phyir rjes su gnang ste/ de ni dngos po'i rab tu ldan pa zhes bya'o/ /tshal gyi rab tu ldan pa gang zhe na/ tshal zhes bya ba ni skyed shing gi tshal te der ji ltar rgan rims bzhin du bya ba ni rgyas par 'dul ba las 'byung ba bzhin te/ de ni tshal gyi rab tu ldan pa zhes bya'o/ /rtsod pa'i rab tu ldan pa gang zhe na/ rtsod pa zhes bya ba ni 'thab pa dang / mtshang 'dru ba dang / 'khrug pa dang / rtsod pa dang / phra ma dang / rnar gsang ba dang / phan tshun tshig mi 'phrod pa dang / mi 'dum pa dang / mi mthun pa dang / yid mi gcig pa dang / dge 'dun dbye ba dang / dge 'dun sgrogs pa dang / dge 'dun gnyis su chad pa dang / dge 'dun tha dad du gyur pa dang / dge 'dun gcig tu mi sbyor ba dang / dge 'dun gcig tu mi sbyor ba'i gtsor gyur pa dang / dus ma yin par mi bya ba dang / gnod par 'gyur bar mi bya ba dang / mthu med na chos bzhin du mi bya ba dang / phyogs med dam grogs med na yang mi bya ba dang / 'khor med na yang mi bya ba dang / bdag nyid la gnod par gyur na yang rtsod par mi bya/ pha rol la'ang 'jigs pa dang gnod par 'gyur bas rtsod par mi bya'o/ /'di lta bu dang gzhan la gzigs nas nyes pa'i dmigs su gyur te rtsod pa mi bya ba de ni rtsod pa'i rab tu ldan pa zhes bya'o/ /dbyen gyi rab tu ldan pa gang zhe na/ dbyen la rnam pa gnyis te dge 'dun gyi dbyen dang 'khor lo'i dbyen no/ /'khor lo'i dbyen ma yin gyi dge 'dun gyi dbyen gang zhe na/ dbyen du 'gyur ba'i dngos po bcu bzhi'i nang nas gang yang rung dngos po gcig la shin tu legs so zhes 'dzin pa yin te/ chos bzhin kyang rung/chos bzhin ma yin kyang rung/ 'dul ba bzhin kyang rung/ 'dul ba bzhin ma yin kyang rung/ ltung ba yang rung/ ltung ba ma yin kyang rung/ lci ba yang rung/ yang ba yang rung/ lhag ma bcas pa yang rung/ lhag ma ma lus pa yang rung/ bshags par bya ba yang rung/ bsdam par bya ba yang rung/ 'dul ba las shin tu 'da' ba yang rung/ mi snyan par smra ba las byung ba yang rung ste/ 13-1-276b dge slong rnams mtshams kyi nang na mtshungs par gnas pa rnams 'dus par dge 'dun gyi las byed de/ dge 'dun gyis bya ba'i gso sbyin dang / skabs dbye ba dang / gsol ba dang / gsol ba dang gnyis dang / gsol ba dang bzhi'i las byed pa de ni dge 'dun gyi dbyen zhes bya'i 'khor lo'i dbyen ma yin no/ /'khor lo'i dbyen gang zhe na/ de 'di ltar dge slong bdag nyid ston par rnam par 'jog ste/ tshul shing brims nas gsol ba byas te 'khor de nas 'gro ba ni 'khor lo'i dbyen zhes bya ste/ 'phags pa'i lam gyi yan lag brgyad pa las de spangs nas gzhan gyi lam du 'jog pa 'di ni 'khor lo'i dbyen zhes bya ste/ snga ma dge 'dun gyi dbyen dang / 'khor lo'i dbyen gnyis gcig tu bsdus pa de ni dbyen gyi rab tu ldan pa zhes bya'o/ /'dus pa'i rab tu ldan pa gang zhe na/ 'dus pa zhes bya ba ni dge 'dun 'dus pa ste/ dge slong ji snyed pa mtshams kyi nang na 'khod pa dang las la 'du ba de dag thams cad 'dus shing 'khod pa yin te/ dad pa len pas kyang dad pa blangs pa yin/ gang gis bskyod pa dang / gang gis gzhag par byas na yang brtsan par 'gyur ba'i dge slong rnams kyis kyang bskyod pa yang med/ gzhag par bya ba yang med de/ las kyang byed pa 'di ni 'dus pa'i rab tu ldan pa zhes bya'o/ /phyag gi rab tu ldan pa gang zhe na/ de bzhin gshegs pa la 'di ltar phyag bya'o/ /de ltar mkhan po la yang de bzhin/ slob dpon la yang de bzhin/ bla ma la yang de bzhin bla ma'i gnas su gyur pa la yang de bzhin/ rgan rims rnams la yang de bzhin/ gzhon nu rnams la yang de bzhin te/ de ltar na thams cad du yang phyag byas la mkhas par bya ba de ni phyag gi rab tu ldan pa zhes bya'o/ /ma lta bu'i rab tu ldan pa'i phung po zhes bya ba phung po gnyis pa rdzogs so// //bya ba'i phung po gang zhe nabya ba'i phung po gang zhe na/ phyung bas bya ba dang / so sor gnas pas bya ba dang / gzu bos bya ba dang / de'i ngo bo nyid tshol bas bya ba dang / bslab pa byin pas bya ba dang / mtshams ma bcad pa'i gnas brtan gyi bya ba dang / kun dga' 13-1-277a ra ba'i bya ba dang / kun dga' ra ba'i gnas brtan gyi bya ba dang / gnas khang gi bya ba dang / gnas khang gi gnas brtan gyi bya ba dang / khang pa 'khor du bcas pa'i bya ba dang / khang pa 'khor du bcas pa'i gnas brtan gyi bya ba dang / nags kyi bya ba dang / mal stan gyi bya ba dang / sgo leb kyi bya ba dang / 'khor lo'i bya ba dang / gnas stong pa'i bya ba dang / gnas stong pa'i gnas brtan gyi bya ba dang / lhung bzed kyi bya ba dang / chos gos kyi bya ba dang / gding ba'i bya ba dang / khab kyi bya ba dang / khab ral gyi bya ba dang / thug pa'i bya ba dang / chu'i bya ba dang / chu rdza'i bya ba dang / yongs su sbyar ba'i chu rdza'i bya ba dang / gtsang ma'i ril ba'i bya ba dang / zas kyi bya ba dang / bza' ba'i bya ba dang / zas gtad pa'i bya ba dang / bsod snyoms kyi bya ba dang / bsod snyoms spyod pa'i bya ba dang / zan nod pa'i bya ba dang / dgon pa'i bya ba dang / dgon pa'i gnas brtan gyi bya ba dang / grong 'dab kyi bya ba dang / grong 'dab kyi gnas brtan gyi bya ba dang / glo bur du 'ongs pa'i bya ba dang / glo bur du 'ongs pa'i gnas brtan gyi bya ba dang / 'gro ba'i bya ba dang / 'gro ba'i gnas brtan gyi bya ba dang / rkang pa bkru ba'i bya ba dang / rkang pa bkru ba'i gnas brtan gyi bya ba dang / 'dug pa'i bya ba dang / 'dug pa'i gnas brtan gyi bya ba dang / chos 'chad pa'i bya ba dang / chos 'chad pa'i gnas brtan gyi bya ba dang / dus kyi bya ba dang / dus ma yin pa'i bya ba dang / dus ma yin par dge 'dun 'du ba'i bya ba dang / dus ma yin par dge 'dun 'du ba'i gnas brtan gyi bya ba dang / smra ba'i bya ba dang / mi smra ba'i bya ba dang / dbyar tshul du 'jug pa'i bya ba dang / dbyar tshul du zhugs pa'i bya ba dang / dbyar tshul du zhugs pa'i gnas brtan gyi bya ba dang / dbyar tshul na gnas pa'i bya ba dang / 'khor gyi bya ba dang / 'khor gyi nang du 'gro ba'i bya ba dang / 'khor gyi nang du zhugs pa'i bya ba dang / 'khor gyi nang du zhugs pa'i gnas brtan gyi bya ba dang / gso sbyin gyi bya ba dang / gso sbyin mngon du bya ba dang / gso sbyin gyi las kyi bya ba dang / so sor thar pa'i bya ba dang / 13-1-277b so sor thar pa klog pa'i bya ba dang / so sor thar pa klog par byed pa'i bya ba dang / gnas brtan gyi bya ba dang / bar ma'i bya ba dang / gsar bu'i bya ba dang / gnas brtan gyi dang bar ma dang gsar bu'i bya ba dang / dugs khang du bya ba dang / dugs khang du khrus bya ba dang / dugs khang du gnas brtan gyi bya ba dang / mkhan po'i bya ba dang / lhan cig spyod pa'i bya ba dang / slob dpon gyi bya ba dang / nye gnas kyi bya ba dang / dge tshul gyi bya ba dang / nan tan du bya ba dang / phyi bzhin 'brang ba'i dge sbyong gi bya ba dang / grong du nye bar 'gro ba'i bya ba dang / grong du nye bar 'gro ba'i gnas brtan gyi bya ba dang / grong du nye bar song ba'i bya ba dang / grong du nye bar song ba'i gnas brtan gyi bya ba dang / gzhi na gnas pa'i bya ba dang / ngal bso ba'i bya ba dang / bar snang gi bya ba dang / gtan pa'i bya ba dang / chu tshags kyi bya ba dang / 'chag sa'i bya ba dang / 'chag pa'i bya ba dang / 'phyen gyi bya ba dang / gzhar ba'i bya ba dang / bshang ba'i bya ba dang / bshang sa'i bya ba dang / bshang sa'i khung bu'i bya ba dang / bshang sar gnas brtan gyi bya ba dang / bshang sa'i khor yug gi bya ba dang / gci ba'i bya ba dang / gci ba'i sa'i bya ba dang / gcis khung gi bya ba dang / gci sar gnas brtan gyi bya ba dang / gci sa'i 'khod phyogs kyi bya ba dang / bkru ba'i bya ba dang / bkru ba'i sa'i bya ba dang / khrus kyi sa'i bu gu'i bya ba dang / khrus kyi sar gnas brtan gyi bya ba dang / khrus sa'i 'khor gyi bya ba dang / mchil ma'i bya ba dang / mchil ma'i snod kyi bya ba dang / so shing gi bya ba dang / so drud pa'i bya ba dang / lce bzhar ba'i bya ba dang / rna spabs bru ba'i bya ba dang / spyad pa dang mi spyad pa'o/ /ma lta bu'i dum bu gsum po'i dngos po rdzogs so// //'dul ba gzhung dam pa/ 'dul ba gzhung dam pa/bam po lnga bcu rtsa gcig pa/ phyung bas bya ba gang zhe na/ phyung ba zhes bya ba ni spangs pa yin te/ spangs pa'i dge slong gis ni bya ba 'di lta bu la 'jug par bya'o/ /spangs pa'i dge slong gis rab tu dbyung bar mi bya/ bsnyen par rdzogs par mi bya/ gnas 13-1-278a sbyin par mi bya/ lung bstan par mi bya/ dran par mi bya/ dri bar mi bya/ dge tshul pha nye bar mi gzhag /dge slong ma la lung ston par mi bsko/ sdom pa mi bsko/ sngar bskos na yang dge slong ma la ston cing las ma byed cig /dge slong de las byed par mi bsko/ las bsko bar ma byed cig /las byed pa'i dge slong la dgag par ma byed cig /'dul ba 'dzin pa gzhan yod na dge 'dun gyi nang du 'dul ba ma 'chad cig /so sor thar pa'i mdo klog pa gzhan yod na dge 'dun gyi nang du so sor thar pa'i mdo klog par ma byed cig /chos 'chad pa gzhan yod na dge 'dun gyi nang du chos ma 'chad cig /tshul bzhin du gnas pa'i dge slong lung ston pa la 'gog par ma byed cig /tshul bzhin gnas pa'i dge slong la gso sbyin bsgo bar ma byed cig /tshul bzhin gnas pa'i dge slong la skabs 'byed pa 'gog par ma byed cig /tshul bzhin gnas pa'i dge slong la ma gleng shig /dran par ma byed cig /de dag dang lhan cig sten par ma byed cig /gang dge 'dun gyis phyung ba'i las byas pa dang / gang de dang 'dra ba gzhan yang rung/ des de lta bu'i nyes pa phyis kyang ma byed cig /de las thu ba yang ma byed cig /des phyi phyir spu nyal ba lta bur bya/ 'byung ba la 'jug par bya/ phyag 'tshal ba nye bar bstan par bya/ tshul bzhin gnas pa'i dge slong gis lhung bzed byin na yang des ma len cig /chos gos kyang ma len cig /zas kyang ma len cig /de la skra breg pa yang ma 'chol cig /dugs khang du yang las ma byed cig /mi na ba'i bar du las thams cad la'ang tshul bzhin gnas pa'i dge slong gi las nyams su blang bar mi bya'o/ /dge 'dun thams cad 'dus shing 'khod pas gces su gsang ba'i gnas su sdom pas mi bsko/ dbang gi gnas thams cad du yang sdom pas mi bsko/ gang zag bcu gnyis kyi gnas su yang sdom pas byin gyis brlab par mi bya ba ni phyung bas bya ba zhes bya'o/ /so sor gnas pas bya ba gang zhe na/ so sor gnas pa la rnam 13-1-278b pa gnyis te/ gang bdag nyid kyis bdag so sor gnas par byed pa dang / dge 'dun gyi chos bzhin du byas pa'o/ /bdag nyid kyis bdag so sor gnas par byed pa gang zhe na/ bsams bzhin du chos kyi phyogs pa las chos ma yin pa'i phyogs su song ba ste/ de ltar na bdag nyid kyis bdag so sor gnas par byed pa'o/ /dge 'dun gyis chos bzhin du byas pa gang zhe na/ dge 'dun gyis bskyo ba med pa/ gzhag pa med par rigs pa'i gsol ba dang bzhi'i las kyis chos bzhin du 'dus pa'i dge 'dun gyis spangs pa yin te/ de ltar na dge 'dun gyis chos bzhin du spangs pa'o/ /mtshungs par lhan cig gnas pa yang gnyis te/ bdag nyid kyis bdag nyid lhan cig gnas par byed pa dang / dge 'dun gyis chos bzhin du byas pa'o/ /bdag nyid kyis bdag nyid lhan cig gnas par byed pa gang zhe na/ bsams bzhin chos ma yin pa'i phyogs las chos kyi phyogs su 'ongs pa ste/ de ltar na bdag nyid kyis bdag nyid lhan cig tu gnas par byed pa'o/ /dge 'dun gyis chos bzhin du byas pa gang zhe na/ dge 'dun gyis mi bskyob gzhag par mi rigs pas chos bzhin du 'dus pa'i dge 'dun gyis spangs pa ste/ mngon sum du gsol ba dang bzhi'i las kyis phyung ba yin te/ de ltar na dge 'dun gyis chos bzhin du byas pa'i so sor gnas pa'i dge slong des rab tu dbyung bar mi bya ba nas/ snga ma bzhin te/ ji ltar dge 'dun gyis gang la spangs pa'i las byas pa dang / gzhan de dang 'dra ba ste/ des de lta bu'i nyes par yang mi bya/ de las yang thu bar yang mi bya ba'i bar du ste/ gang zag bcu gnyis las su yang sdom pas kyang mi bsko/ so sor gnas pa'i dge slong gis tshangs pa mtshungs par spyod pa'i gnas brtan dang / bar ma dang / gsar bu pa'ang rung ba dbab par bya/ nyes pa mi bya/ nyes pa zhig byas na yang slar 'byung ba'i tshul du bya'o/ /de ste slar 'byung ba'i tshul du mi byed na so sor gnas par bya ba nyid yin te/ de la 'di skad ces bsgo bar bya'o/ /dge 'dun gyis khyod la 13-1-279a thig btab pa bzhin byed do/ /phur pa btsugs pa bzhin byed do/ /nyes pa de yang dge 'dun la 'di nyid du bshags par bya'i 'di las phyi rol du ni ma yin no/ /khyod kyi las de yang dge 'dun de dag nyid kyis slar bde bar byed kyis 'di las phyi rol du ni ma yin no/ / khyod kyis nyes pa de yang ma bshags sam slar ma byas na ni tshangs pa mtshungs par spyod pa shes pa dag gis gang du 'dod pa der gleng bar byed do/ /de ste yang de bzhin du byas pa las kyang dul bar ma gyur na gang zag de thig btab pa bzhin byas phur pa btsugs pa bzhin du byas la spang bar bya'o/ / de 'di lta ste/ rta rgod bzhin te/ de ni so sor gnas par bya ba zhes bya'o/ /gzu bos bya ba gang zhe na/ rtsod pa zhi bar byed pa'i phyir dge slong gzu bo chos nyi shu rtsa gnyis dang ldan pa btsal bar bya'o/ /nyi shu rtsa gnyis gang zhe na/ tshul khrims dang ldan zhing sngar bsnyen par rdzogs par gyur pa dang / ngo tsha zhing 'gyod pa can dang / sdom zhing bslab pa la mos pa dang / mang du thos la mang du thos pa 'dzin cing mang du thos pa bsags pa dang /gzhung kha don lobs pa dang / 'dul ba dang 'dul ba lhag pa shin tu rtogs pa dang / rtsod pa la mkhas pa dang / rtsod pa byung ba la mkhas pa dang / rtsod pa zhi bar bya ba la mkhas pa dang / rtsod pa zhi bar gyur pa phyis mi 'byung bar mkhas pa dang / bstan bcos la mkhas pa dang / dngos po la mkhas shing dngos po spyod pa la mkhas pa dang / khro ba med pa khro bzhin mi smra ba khro bar mi 'gyur ba dang / 'jam bzhin spyod pa dang / lus dang / ngag dang / bsgo ba yang rtogs par byed pa dang / rdzogs par bsgo zhing rdzogs par byed pa dang / go bar byed cing go bar byas pas yang chud par byed pa dang / brtags nas smra zhing brtags nas smras pa rtogs par byed pa dang / 'dod par mi 'gro ba dang / zhe sdang du mi 'gro ba dang / gti mug tu mi 'gro ba dang / 'jigs par mi 'gro ba ste/ gzu bo dge slong chos nyi shu rtsa gnyis po 'di dang ldan na gzhan la mi rten pa yin zhing phyogs gnyi ga la yang chos kyi longs spyod du 'gyur ro/ /'di ltar yang gzu bo'i dge slong 13-1-279b gis rgol ba dang lan glon pa'i dge slong rnams las snyan tshig tu smra ba dang / phyag byed pa dang / sngar ldang ba dang / thal mo sbyor ba dang / phyag byas par gyur pa rnams bdag gir ma byed cig /de dag bsnyen bkur byed na yang nyams su ma len cig /lhung bzed 'bul na yang mi blang/ chos gos 'bul na yang mi blang/ zas 'bul na yang mi blang/ yo byad gzhan ci yang rung dbul ba bdag gir mi bya'o/ /des kyang de dag la bsnyen bkur mi bya/ lhung bzed mi sbyin/ chos gos mi sbyin/ de dag las lung ston par yang mi blang/ dran par bya ba yang ma yin/ rnal 'byor yang ma yin/ yid la bya ba yang ma 'dri shig /des kyang de dag la lung bstan pa ma sbyin cig /dran par bya ba ma yin/ kun dri ba ma yin/ rnal 'byor ma yin/ yid la bya ba yang mi bsgo'o/ /stan gcig la 'dug par mi bya/ 'chag sa gcig tu 'chag par mi bya/ gnas khang gcig tu 'khod par mi bya/ gzhan du tshig 'di skad ces brjod do/ /tshe dang ldan pa khyed kyis 'di lta bu las legs par rnyed pa ci yod na 'di ltar khyed kyis legs par gsungs pa chos 'dul ba las rab tu byung na thab mo byed pa la zhugs shing rnam par bzung nas rtsod pa la zhugs te/ tshe dang ldan pa rnams rtsod pa gnyis su gyur pa ni gnyi ga rgyal bar mi 'gyur gyi/ de dag gtan la phab na gcig ni rgyal bar 'gyur/ gcig ni pham par 'gyur gyis tshe dang ldan pa rnams 'di ltar so sor rtsod pa dang / rnam par rtsod pa dang / mi mthun par smra ba de lta bu de thong shig ces bya ba de ni gzu bos bya ba zhes bya'o/ /de'i ngo bo nyid tshol ba byin pas bya ba gang zhe na/ dge slong gang gis nyes pa spyod pa de khas len khas blangs pa las bsnyon/ bsnyon pa las kyang slar khas len pa de la dge 'dun gyis bzhag pa ma yin pa bskyo ba ma yin pa gsol ba dang bzhi'i las kyis de'i ngo bo nyid tshol ba byin cig /de'i ngo bo nyid tshol ba byin pa'i dge slong gis bya ba 'di lta bu la 'jug par bya'o/ /de'i ngo bo nyid tshol ba byin pa'i dge slong gis rab tu dbyung bar mi bya ba nas snga ma bzhin te/ gang la dge 'dun gyis 13-1-280a de'i ngo bo nyid tshol ba byin pa dang / gang de dang 'dra bas kyang rung ste/ nyes pa de lta bu byung ba mi bya/ de bas thu ba yang ma byed cig pa'i bar du ste/ snga ma bzhin 'di ltar gang zag bcu gnyis kyir sdom pas mi bsgo ba de ni de'i ngo bo nyid tshol ba byin pas bya ba zhes bya'o/ /bslab pa byin pas bya ba gang zhe na/ dge slong gang mi tshangs par spyod pa 'khrig pa'i chos byas kyang de la se gol gcig gtogs pa tsam du yang bcab pa'i sems ma skyes pa ste/ de la dge 'dun gyis bskyo ba med/ gzhag pa med par gsol ba dang / bzhi'i las kyis bslab pa sbyin par bya ste/ ji ltar tshe dang ldan pa dga' ldan bzhin pa ni rgyas par 'dul ba dang sbyar ro/ /bslab pa byin pa'i dge slong gis rab tu dbyung bar mi bya ba nas snga ma bzhin te/ gang la dge 'dun gyis bslab pa byin pa dang gang de dang 'dra ba gzhan dag kyang rung ste/ nyes pa de lta bu'i ltung ba phyis kyang ma byed cig /de bas thu ba yang ma byed cig pa'i bar du ste/ snga ma bzhin te de 'di ltar gang zag bcu gnyis kyis sdom pas mi bsko'o/ /bslab pa byin pa'i dge slong gis dge slong gi bslab pa thams cad la bslab par bya'o/ /dge 'dun gyi mthar 'dug par bya'o/ /des bsnyen par rdzogs pa'i rnams la byin len byos shig /de la bsnyen par ma rdzogs pas byin len byos shig /de bsnyen par rdzogs pa dang lhan cig nyal ba bsgyur zhing gud du phyung shig /bslab pa byin pa'i dge slong gis las rnam pa gnyis byas te/ gso sbyin dang / skabs dbye ba'o/ /bslab pa byin pas grangs su bskangs te gso sbyin ma byed cig /dge 'dun gyi las gzhan la yang de bzhin no/ /de ste bslab pa byin pa gso sbyin gyi nang du 'ongs na ni ma bskyo shig / de ste 'gro na yang ma gzung shig /de ci'i phyir zhe na/ dge 'dun ma 'dus par yang mi 'gyur/ 'dus par yang mi 'gyur te/ 'di ni bslab pa byin pas bya ba zhes bya'o/ /mtshams ma bcad pa'i gnas brtan gyi bya ba gang zhe na/ mtshams ma bcad pa'i gnas brtan gyi 13-1-280b dge slong gis bya ba 'di lta bu la 'jug par bya'o/ /de la gang gsar bu'i dge slong 'khod pa rnams des de dag kun shes par bya/ bskyang bar bya/ rjes su bstan par bya/ sdig pa las bzlog par bya/ dge ba la gzhug par bya/ kha ton byed pa dang / kun 'dri ba dang / spong ba dang / so sor dben par 'jug pa dang / rnal 'byor dang / yid la byed pa'i rnams de dag la so sor lung bsgo bar bya/ kun mtshungs par spyod pa la gzhug par bya/ bslab par bya ba la so sor brtag par bya/ rnyed pa grub par bya/ nam so sor bged pa'i tshe so sor bgo skal snyoms par mig sngar bgo'o/ /nad pa la blta bar bya/ nad pa'i nad g.yog tu dge slong rnams spro bar bya/ nad pa rnams la chos kyi gtam bya/ lam dang lam ma yin pa yang dag par bsgrag par bya/ mthong ba rnam par spyod pa'i rgyud mi gtang bar bya/ rnam pa thams cad du yang nad pa la g.yel bar mi bya/ mtshams ma bcad pa'i gnas su dge slong rnams lhags pa la gang gzhan ci yang rung bya bar 'gyur ba de thams cad la dge slong gnas brtan gyis thog mar 'jug par bya ste/ 'di ni mtshams ma bcad pa'i gnas brtan gyi bya ba zhes bya'o/ / kun dga' ra ba'i bya ba gang zhe na/ kun dga' ra ba'i zhes bya ba ni dge 'dun rnams kun tu dga' ba'i gnas te de so so nas dge slong dag lhags pa rnams bya bar bcas pa yang tha dad pas na dge slong des 'di dag gis bya ba bcas pa de chos bzhin yin nam/ 'on te chos bzhin ma yin zhes brtag par bya'o/ /de ste chos bzhin yin la bdag la yang gnod par mi 'gyur/ gzhan la yang gnod par mi 'gyur na g.yel bar gzhag go/ /de ste chos bzhin ma yin la bdag la yang gnod par 'gyur/ gzhan la yang gnod par 'gyur bar shes la bdag cag gi phyogs mthu dang ldan/ grogs dang ldan/ 'khor dang ldan par gyur cing de lta bu'i phyir dge 'dun gyi dbyen dang / dge 'dun 'khrugs pa dang / dge 'dun gnyis su chad pa dang / dge 'dun so sor yang mi 'gyur/ bdag gis chos bzhin ma yin par bya ba la bcas pa 13-1-281a de phyung nas chos bzhin bya'o/ /chos bzhin bya'o snyam du nus pa dang / des dge 'dun rnams la kye 'di ni chos bzhin du bya bar bcas pa ma yin gyis 'di phyung la chos bzhin pa gzhan bya'o zhes go bar sgo shig /de ste bdag cag gi phyogs mthu chung ngam/ 'gron pa med dam 'khor med par gyur pa de'i phyir dge 'dun kyang 'byed/ dge 'dun kyang 'khrugs dge 'dun so sor yang 'gyur zhing/ bdag gis chos ma yin par bca' ba 'di phyung la chos bzhin du bya bar mi nus par shes pa de cang ma zer bar 'dug shig /yang na gud du song shig /de lta bu'i rkyen gyis rnam par 'dzin cing ma 'dug shig /kun dga' ra ba zhes bya ba ni 'di rnams kyang yin te/ kun dga' ra ba'i nang na khang phran dang / khang pa dang / khang bu brtsegs pa dang / khang pa 'khor du bcas pa dang / spyil po dang / spyil bu'i dngos po dang / 'chag sa dang / skyed shing dang / gsing ma rnams thams cad kyang ji ltar rgan rims bzhin du bsgo bar bya'o/ /phyi bdar bya ba de ni kun dga' ra ba'i bya ba zhes bya'o/ /kun dga' ra ba'i gnas brtan gyi bya ba gang zhe na/ kun dga' ra ba'i dge slong gnas brtan gyis bya ba de lta bu la 'jug par bya/ kun dga' ra ba'i dge slong gi gnas brtan gyis bzhin mdog gsal bar bya/ khro gnyer med par bya/ sngar 'dzum par bya/ sngar smra bar bya'o/ /snyan par smra bar bya/ tshur shog bde bar 'ongs sam zhes snyan tshig smra bar bya/ tshig snyan cing mi rtsub pa mgu zhing rangs par smra bar bya/ gang de na dge slong gzhon nu gsar bu 'khod par gyur pa de dag ni shes par bya ba nas snga ma bzhin te/ thams cad du'ang dge slong gnas brtan gyis thog mar 'jug par bya/ rgyud mi gtang bar bya ba'i bar du ste/ 'thab pa dang / mtshang 'dru ba dang / 'khrug pa dang / rtsod pa'i rnams byung bar gyur na gdul ba'i phyir rig par bya/ zhi ba'i phyir rnam par zhi bar rig par bya/ 'di ltar yang dge slong kun dga' ra ba'i gnas brtan gyis thog mar bza' ba'am/ bca' ba'am/ skyo ma'am/ thug pa'am/ nang 13-1-281b par bsgo'am/ gaN+DI brdungs sam/ sngar myur du 'gro bar bya/ sngar 'dug par bya/ bkur stir bcas/ spyi dma' bar bcas/ 'jigs pa'i dbang du bcas/ sems dman pa dang / rdul 'phyag pa'i sems lta bur byas la dge 'dun gyi mdun du 'gro bar bya'o/ /song nas kyang rgan rims kyi mthar phyag byas la rang gi stan ga la ba der 'dug par bya'o/ /gnas brtan dang / bar ma dang / gsar bu la byams pa'i sems dang / phan pa'i sems dang / rjes su brtse ba'i sems dang / pha dang ma dang phu nu bor 'du shes bskyed de/ 'khor thams cad la brtag par bya ste/ legs pa bzang por bcas sam/ su legs par bgos/ su legs par ma bgos brtags te/ gang bzang zhing legs par chas pa de dag la ni g.yel bar gzhag /gang legs par ma chas shing mi sdug pa de dag ni bsgo zhing bcos par bya/ legs par bgos pa ni des g.yel bar gzhag /legs par ma bgos pa de la ni brda dang mtshan ma bya/ des mtshan ma ma tshor na yang drung na 'dug pa la mtshan ma bya/ drung na 'dug pas kyang ma tshor na der dge slong gnas brtan nyid kyis ji nas legs par gyon pa dang / sgra ma che bar sgo shig /dge slong gnas brtan gyis rgan rims su gzar bu thogs nas kha zas 'brim par shom pa'i tshe rung bar byas sam/ ma byas zhes smros shig 'byor tshogs shes ma byung gi bar du skad cig sdod la thams cad la snyoms par brims shig ces smra bar bya'o/ /dge slong gnas brtan gyis gnas brtan dang bar ma dang gsar bu dag gi rjes su mthun par bya/ gnas brtan dang bar ma dang gsar bus kyang de'i rjes su mthun par gyis shig /de ste dad pa'i bram ze dang khyim bdag rnams lhags na de dag la yang mtshungs par bgo zhing sbyin par bya'o/ /de ste de bgor ma dad dam/ dad pa'i bram ze dang khyim bdag ma 'dod na yang dge slong gnas brtan gyis chos kyi gtam yang dag par bstan par bya/ bstab par bya/ yang dag par gzengs bstod par bya/ 13-1-282a yang dag par dga' bar byas la/ bdag cag la ni 'di yod do zhes smra bar bya ste/ 'di ni kun dga' ra ba'i gnas brtan gyi bya ba zhes bya'o/ /gnas khang gi bya ba gang zhe na/ dge slong gang gnas khang na 'dug pa des gnas khang de dus dus su chag chag gdab/ phyag dar bya/ phyags pa dor bar bya/ lci bas shin tu 'jam por byug par bya/ sngo cung zad byung na yang med par bya/ gas pa dang / zhigs pa dang / gogs pa rnams slar bcos par bya/ bum pa chus bkang ste gzhag par bya ste/ yongs su spyad pa'i bum pa dang / gtsang ma'i ril ba dang / snam phyi sa'i ril ba dang / rkang pa bkru ba rnams bkang ste bzhag pa de ni gnas khang gi bya ba zhes bya'o/ /gnas khang gi gnas brtan gyi bya ba gang zhe na/ gnas khang gi dge slong gnas brtan gyi bya ba ni des 'di lta bu la 'jug par bya'o/ /dge slong gsar bu gang dag de na 'khod par gyur pa de dag shes par bya ba nas snga ma bzhin te/ dge slong gnas brtan gyis thams cad la thog mar 'jug par bya/ rgyud mi gtang bar bya ba'i bar du ste/ 'di ni gnas khang gi dge slong gnas brtan gyi bya ba zhes bya'o/ /khang pa 'khor du bcas pa'i bya ba gang zhe na/ khang pa 'khor dang bcas pa de na dge slong gang 'dug pa des khang pa 'khor dang bcas pa de dus dus su byi bdar bya ba ni snga ma bzhin te/ rkang pa bkru ba'i rnams bkang ste gzhag pa'i bar du'o/ /khang pa 'khor dang bcas pa de na dge slong grogs po gang 'khod pa'i rnams la yang byams pa'i lus kyi las kyis mtshungs par spyad par bya/ byams pa'i ngag gi las dang / byams pa'i yid kyi las kyang mtshungs par spyad par bya/ der yang thab mo mi dbyung bar bya/ mtshang 'dru ba dang / 'khrug pa dang / rtsod pa mi dbyung bar bya/ de ste der 'thab pa dang / smod pa dang / 'khrug pa dang / rtsod pa zhig byung na zhi bar nus na ni de bzhin legs/ de ste yang mi nus na gud du song shig /'di ni khang pa 'khor du bcas pa'i bya ba zhes bya'o/ /khang pa 'khor du bcas pa'i gnas brtan 13-1-282b gyi bya ba gang zhe na/ khang pa 'khor du bcas pa'i dge slong gnas brtan gyi bya ba ni des 'di lta bu la 'jug par bya'o/ /de na dge slong gsar bu gang 'khod par gyur pa de dag kun shes par byas nas/ snga ma bzhin te/ thams cad du yang dge slong gnas brtan thog mar 'jug par bya ba dang / rgyud mi gtang bar bya ba'i bar du ste/ 'di ni khang pa'i 'khor dang bcas pa'i gnas brtan gyi bya ba zhes bya'o/ /nags kyi bya ba gang zhe na/ nags zhes bya ba ni skyed shing gi nags de na dge slong 'khod pa rnams kyis bdag cag gnas 'di na 'khod la 'tsho ba'i bar chad du 'gyur ba'am/ tshangs par spyod pa'i bar chad du 'gyur ba lta yod dam med ces rgyang grags gcig tshun chad 'khor yug tu brtag par bya'o/ /de ste yod par mthong na ring du dor bar bya'o/ /de ste med par mthong la dgos par gyur dang rgyang grags gcig tshun chad du sdom pa bsko bar bya/ rung ba'i sa yang bsko bar bya/ gso sbyin gyi gnas kyang bsko bar bya/ de na phan tshun kha zas kyi longs spyod dang / chos kyi longs spyod kyis spro ba bskyed par bya/ de na 'thab pa mi 'byung ba dang / mtshang 'dru ba mi 'byung ba dang / khon pa mi 'byung ba dang / rtsod pa mi 'byung bar bya ba de ni nags kyi bya ba zhes bya'o/ /mal stan gyi bya ba gang zhe na/ dge slong rnams kyis mal stan dus dus su brtag par bya/ bskam par bya/ sprug par bya/ bgrang bar bya/ sba bar bya/ de ste dri ma can du gyur na bkru bar bya/ rdol tam zad pa'i chos su gyur na ci nus su btsem zhing glan par bya/ 'tshem zhing glon du gzhug par bya/ dge slong gis phyogs bzhi'i dge 'dun gyi gos bgos nas bshang ba'i sar 'gro bar mi bya/ gci ba'i sar mi 'gro/ dugs khang du ma yin/ rkang pa bkru ba'i sar ma yin/ tshang mang du ma yin/ char 'bab pa la gyon te 'dug par mi bya/ nyi ma tsha ba la ma yin bsro khang du gzhag par mi bya/ ci nas gnod par 'gyur ba'i sa thams cad du phyogs bzhi'i dge 'dun gyi gos dang 'jug par mi bya/ bgo bar mi bya/ gzhag par mi bya/ dge slong 13-1-283a rnams kyis mal stan rnam pa 'di lngar spyad par mi bya ste/ lnga gang zhe na/ dud pa dang / rdul dang / chu dang / bshal ba dang / drud pa'o/ /dge slong rnams kyis phyogs bzhi'i dge 'dun gyi gos bgos bzhin gtsug lag khang chag chag mi gdab/ sa mi phyag /phyag dar mi dor/ lci bas zhal zhal mi bya/ chu'i bum pa dgang bar mi bya/ yongs su spyod pa'i bum par ma yin/ gtsang ma'i ril bar ma yin/ bshang ba'i ril bar ma yin/ rkang pa bkru ba'i bum pa dgang bar mi bya/ snod 'brim par ma yin/ gtsug lag khang skyong du ma yin/ lhung bzed kyi las byed par ma yin/ gos kyi las byed par ma yin/ dge slong rnams kyis phyogs bzhi'i dge 'dun gyi gos lus kyi mthang la bgo bar mi bya/ rngul zan med par bgo bar mi bya/ dge slong dag gis phyogs bzhi'i dge 'dun gyi mal stan rnams bla gab med pa la bting ba dang / sgo khang phan chad nye 'khor 'dom bzhi bcu rtsa dgu'i bar du bor te ma 'gro shig /de ste bshang ba'am/ gci ba'i sar 'gro na yang dge slong 'khod pa'i rnams la bsgo la song shig /ji ltar bdag nyid kyis lhung bzed dang chos gos dang lus kyi pags pa bzhin du dge slong dag gis phyogs bzhi'i dge 'dun gyi mal stan rnams yongs su bsrung bar bya'o/ /dge slong dag gis ci'i mtha' nas kyang phyogs bzhi'i dge 'dun gyi mal stan yal bar mi bya ste/ 'di ni dge 'dun gyi mal stan gyi bya ba zhes bya'o/ /sgo leb kyi bya ba gang zhe na/ sgo leb ces bya ba ni sgo'i 'phar ma ste/ dge slong gis de la rdung na yun ring du brdung bar mi bya/ sngar nang na 'khod pa'i rnams kyis tshor bar bya ba'i phyir dal nas bags kyis brdung bar bya'o/ /dbye ba'i tshe yang drag tu mi dbye gcod pa'i tshe'ang drag tu mi gcad/ shes bzhin du dal nas bags kyis 'jug cing 'byung bar bya/ sgo'i phyogs gnyi gar kyang mi 'drud bzhin 'byung bar bya ste/ 'di ni sgo leb kyi bya ba zhes bya'o/ /'khor lo'i bya ba gang zhe na/ 'khor lo zhes bya ba 13-1-283b ni sgo'i [(]stan[,]sten [)]pa bla 'og ste/ de shin tu 'byor par bya'o/ /dge slong gtsug lag khang nas gud du 'dong na bla 'og gnyi ga chug la deng shig dang / gtsug lag khang rub par 'gyur ro/ /gtsug lag khang rub na bdag cag nyid dang / lhung bzed dang / chos gos dang / mal stan rnams kyang rub par 'gyur te/ 'di ni 'khor lo'i bya ba zhes bya'o/ /gnas stong pa'i bya ba gang zhe na/ dge slong gis gnas stong pa de chag chag gdab par bya/ sa phyag par bya/ phyag dar dor bar bya/ ci nus su lci bas zhal zhal 'jam por bya/ gsang dang / zhigs pa dang / gogs pa rnams slar bcos par bya/ de ste snod rnams so so nas 'dug par gyur na yang spyad du bzod na ni bkru zhing gzhag par bya/ mi bzod na dor bar bya/ de ste rung bar byed pa yod na yang rtswa sngon po rnams regs shig /khyim pa dag lhags na de dag la chos kyi gtam bya bar bya/ dge slong gis gnas stong par zhugs na yang yal bar dor bar mi bya/ de ste gnas par mi 'dod na/ des ga las gar 'gro brtag par bya/ 'gro ba'i nye 'khor dang / bshang sa dang / gci sa dang / skas ka dang / them skas dang / sgo bcad pa dang / spyod yul rnams kyang brtags la gnas par bya'o/ /ji ltar de dag gis phyir brel ba dang / gnod par mi 'gyur bar bya ste/ de ni gnas stong pa'i bya ba zhes bya'o/ /gnas stong pa'i gnas brtan gyi bya ba gang zhe na/ gnas stong pa'i dge slong gnas brtan gyi bya ba ni des 'di lta bu la 'jug par bya'o/ /gnas stong pa'i dge slong gnas brtan gyi bzhin gsal ba dang / khro gnyer med par bya ba nas snga ma bzhin/ thab mo dang / mtshang 'dru ba dang / khon pa dang / rtsod pa'i rnams byung bar gyur pa gdul bar nan tan bya/ zhi bar bya/ rnam par zhi bar bya ba'i bar du ste/ 'di ni gnas stong pa'i gnas brtan gyi bya ba zhes bya'o/ /lhung bzed kyi bya ba gang zhe na/ dge slong gis thal ba ma btsags pa lhung bzed bkru bar mi bya/ lci ba gseg ma can gyis bkru ba 13-1-284a ma yin/ bye ma dang 'dres pa'i sas ma yin/ bye ma dang 'dres pa'i lci ba'i ril bus ma yin gyi sran phyes lhung bzed bkru bar bya'o/ /lhung bzed langs te bkru bar mi bya/ bskam par mi bya/ snod du gzhug par mi bya/ sba bar mi bya/ lam du 'gro ba ma yin/ chu rgal ba la ma yin/ sa mi bde bar lhung bzed gzhag par mi bya/ dge slong gis lhung bzed kyis gnas khang du chag chag gdab par mi bya/ phyag dar dor bar mi bya/ lci bas zhal zhal 'jom por byug par mi bya/ lag pa bkru ba'i chu blang bar mi bya/ rkang pa bkru ba'i chu la ma yin/ gdong bkru ba'i chu la ma yin/ lus bkru ba'i chu la ma yin/ des chu'i bum pa dgang bar mi bya/ dge slong gis lhung bzed bshang sar bkur bar mi bya/ gci ba'i sar ma yin/ dugs khang du ma yin/ rkang pa bkru ba'i sar ma yin te/ ci nas dge slong gis sa mi gtsang ba thams cad du lhung bzed bkur bar mi bya/ dge slong lhung bzed thogs bzhin du mchod rten la phyag bya bar mi bya/ glan pa'i rigs na glan par mi bya/ shin tu gsher bzhin gzhag par mi bya/ shin tu skam par g.yel bar mi bya/ dal nas bags kyis shes bzhin du yongs su spyad par bya ste/ nam zhigs pa'i mthar thug gi bar du bcang bar bya ste/ dge slong gis lhung bzed de mig bzhin du bsrung bar bya'o/ /ci nas kyang phyin chad btsal mi dgos par byas te/ de ni lhung bzed kyi bya ba zhes bya'o/ /chos gos kyi bya ba gang zhe na/ bcom ldan 'das kyis dge slong rnams kyi chos gos gsum rjes su gnang ste/ dregs pa'i phyir ma yin/ rgyags pa bskyed pa'i phyir ma yin/ brgyan pa'i phyir ma yin/ bzhag pa'i phyir ma yin gyi/ de 'di ltar dge slong rnams bde bar spyod pa'i phyir te/ sbrang bu dang / sbrang ma dang / rlung dang / tsha ba dang / sbrul la sogs pa reg na mi bde ba'i gnyen po'i phyir ngo tsha ba dang / khrel ba g.yog pa'i phyir ro/ /de yang dge slong rnams kyis ji ltar yongs su spyad pa bzhin yongs 13-1-284b su spyad par bya'o/ /de la sbyar ma yang sbyar ma'i spyad pa bzhin spyad par bya'o/ /stod g.yogs kyang stod g.yogs kyi spyad pa bzhin spyad par bya/ mthang gos kyang mthang gos kyi spyad pa bzhin spyad par bya'o/ /de la sbyar mas mi spyad pa ni 'di rnams te/ dge slong rnams sbyar ma gon bzhin gtsug lag khang du chag chag gdab par mi bya/ sa phyag par mi bya/ phyag dar dor bar mi bya/ lci bas zhal zhal 'jam por byug par mi bya/ chu'i snod dgang bar mi bya/ spyad pa'i bum par ma yin/ gtsang ba'i ril bar ma yin/ bshang ba'i ril bar ma yin/ rkang pa bkru ba'i sar ma yin/ snod bged par ma yin/ gtsug lag khang skyong du ma yin/ lhung bzed kyi las su ma yin/ chos gos kyi las su ma yin/ khrus mi bya/ sbyar ma bgos nas rtswa'am/ shing ngam/ lci ba'am sa'ang rung bkur bar mi bya/ sbyar ma bgos nas bshang sar mi 'jug gci sar mi 'jug /dugs khang du ma yin/ rkang pa bkru ba'i sar ma yin te/ ci nas sbyar ma bgos la mi gtsang ba'i sa thams cad du 'gro bar mi bya/ mthang la bgo bar mi bya/ gding bar mi bya/ de rgyun du bgo bar mi bya/ sbyar ma la 'jug par mi bya/ nyal bar mi bya ste/ 'di ni sbyar ma de lta bur mi spyod pa'o/ /sbyar ma 'di ltar spyad par bya ste/ dge slong ma sbyar ma bgos nas bsod snyoms la 'jug par bya/ grong du 'jug par bya/ spyod yul du 'jug par bya/ zas la 'jug par bya/ skyo ma dang thug pa la 'jug par bya/ 'di ltar yang sbyar ma ni rnam pa gnyis su spyad pa bzhin spyad par bya ste/ yang na steng du bgo bar bya/ yang na sngas su gzhug par bya'o/ /stod g.yogs spyad pa yang 'di ltar spyad de/ dge slong rnams stod g.yogs bgos nas/ gtsug lag khang du chag chag gdab par mi bya/ sa phyag par mi bya/ phyag dar dor bar mi bya/ lci bas zhal zhal 'jam por byug par mi bya/ lhung bzed kyi las mi bya/ chos gos kyi las mi bya/ bkru bar mi bya/ stod g.yogs 13-1-285a bgos bzhin du rtswa'am/ shing ngam/ sa bkur bar mi bya/ stod g.yogs dang bshang ba'i sar 'jug par mi bya/ gci ba'i sar 'jug par mi bya/ dugs khang du ma yin/ rkang pa bkru ba'i sar ma yin te/ stod g.yogs dang bcas mi gtsang ba thams cad du 'jug par mi bya'o/ /lus kyi mthang la bgo bar mi bya/ rngul zan du gding ba mi bya/ rgyun du spyad cing bgo bar mi bya ste/ 'di ni stod g.yogs te 'di ltar ni stod g.yogs mi spyad pa'o/ /stod g.yogs de 'di ltar spyad de/ stod g.yogs bgos nas chu'i rdza ma dgang bar bya/ spyad pa'i rdza ma dgang/ gtsang ma'i ril ba dgang/ bshang sa'i ril ba dgang/ rkang pa bkru ba'i ril ba yang dgang bar bya/ snod bgo bar bya/ gtsug lag khang skyong bya/ gzhan gang yang rung ste rung bar 'gyur ba thams cad la'ang stod g.yogs bgo bar bya'o/ /mthang gos ni thams cad du bgos te/ lus kyi mthang la bgo/ rtag tu yang bgo zhing spyad par bya'o/ /dge slong gis mi gtsang ba'i sar chos gos gzhag par mi bya/ ljid kyis mnan par mi bya/ drub par rigs na drub par bya/ bkru bar rigs na bkru bar bya/ kha bsgyur bar rigs na kha bsgyur bar bya/ dge slong gis tshon chen po rnam pa lnga po nyid bcang bar mi bya ste/ tshon chen po rnam pa lnga gang zhe na/ 'di lta ste/ thing shing dang / le brgan rtsi dang / rgya skyegs dang / gur gum dang / mtshal lo/ / shun phrags kri ma sha ma gtogs te/ gzhan kha dog ngur smrig tu 'gyur ba shing gi shun phrags la kha dog can chongs shig /de yang gzhan med par gyur na gdod nyes pa med do/ /sbyar ma nges par mtshan ma can du bya'o/ /stod g.yogs la nges par med la mthang gos la yang nges par med do/ /dge slong la chos gos ngan nam nyung na tshal bus logs shig nas glan par bya ste/ lnga'am/ bdun nam/ dgu'am/ bcu'am/ bcu gcig gam/ lhag par yang rung ste/ de ltar dge slong gis sbyar ma spyad pa ni sbyar mar spyod cig / 13-1-285b stod g.yogs su spyad pa ni stod g.yogs su spyod cig /mthang gos su spyad pa ni mthang gos su spyod cig /dge slong gis ji ltar rang gi pags pa bzhin du chos gos la bsrung bar bya'o/ /ci nas de phyi phyir btsal mi dgos par bya ste/ 'di ni chos gos kyi bya ba zhes bya'o/ /gding ba'i bya ba gang zhe na/ bcom ldan 'das kyis dge slong rnams la gding ba rnam pa gnyis rjes su gnang ste/ mal stan la bde ba'i phyir ro/ /stug na rim gcig bya/ srab na ni rim pa gnyis su bya'o/ /dge slong gis gding ba ma bting gi bar du 'dug par mi bya/ nyal bar mi bya/ gding ba gcig rkyang la bsngo bar mi bya/ gding ba med par zhag tu gnas par mi bya/ dge slong gis gding ba la nan tan du bya/ legs par bya/ ci nas de phyi phyir de btsal mi dgos par byas te/ 'di ni gding ba'i bya ba zhes bya'o/ /khab kyi bya ba gang zhe na/ bcom ldan 'das kyis dge slong rnams la khab rnam pa gnyis rjes su gnang ste/ chos gos drub pa'i phyir te/ lcags dang / zangs kyi'o/ /dge slong rnams kyis khab med bzhin ljongs kyi spyad pa ma spyod cig /dge slong gis khab legs par zhog shig /legs par byos shig /ci nas phyi phyir de btsal mi dgos par bya ste/ 'di ni khab kyi bya ba zhes bya'o/ /khab ral gyi bya ba gang zhe na/ bcom ldan 'das kyis dge slong rnams la khab ral rjes su gnang ste/ khab rnams sba ba'i phyir ro/ /dge slong gis ngo tsha med pa'i dge tshul rnams la khab ral ma gzhag cig /mi stor bar bya/ bsnyen par rdzogs kyang yid mi ches na ma yin/ 'di ltar yang gang zag lnga la khab ral gzhag par mi bya ste/ ngo tsha med pa dang / khon yod pa dang / mi mdza' ba dang / dran pa nyams pa dang / tshul bzhin mi gnas pa la'o/ /dge slong gis khab ral legs par gzhag par bya/ nan tan du bya/ ci nas phyi phyir de btsal mi dgos par bya ste/ 'di ni khab ral gyi bya ba zhes bya'o/ /thug pa'i bya ba gang zhe na/ bcom ldan 'das kyis 13-1-286a dge slong rnams la thug pa rjes su gnang ste bde bar spyod pa'i phyir dang / sbyin pa dang sbyin bdag rnams la byin pa'i chos rnams yongs su spyod pa'i phyir ro/ /dge slong gis sgra 'byin bzhin du thug pa ma 'thung shig /shes bzhin du thug pa sgra bskyungs te 'thung bar bya/ dregs pa'i phyir ma yin/ nga rgyal gyi phyir ma yin/ snyems pa'i phyir ma yin/ bzang ba'i phyir ma yin gyi lus 'di rma gso ba'i phyir dang gzung ba'i phyir te/ 'di ni thug pa'i bya ba zhes bya'o/ /chu'i bya ba gang zhe na/ dge slong gis chu shin tu brtag par bya/ dang ba/ gsal ba/ ma rnyogs pa/ ma 'dres pa/ sangs pa/ gtsang ma yongs su spyad par bya ste/ 'di ni chu'i bya ba zhes bya'o/ /chu rdza'i bya ba gang zhe na/ bcom ldan 'das kyis dge slong rnams la chu snod rjes su gnang ste/ dge 'dun dang gang zag la yang rung zhabs rten dang chu dgab pa'i kha gab tu bcas pa'o/ /dge slong rnams kyis shin tu legs par khrus te skoms la gtsang mar bya ste bcang bar bya/ lag pa rung ba dang / gos rung bas chu gzhag par bya/ brim par bya/ bram ze dang khyim bdag lhags na yang blud par bya/ dge slong rnams kyis chu rdza shin tu sba bar bya/ nan tan du bya/ ci nas phyi phyir btsal mi dgos par bya ste/ 'di ni chu snod kyi bya ba zhes bya'o/ /yongs su spyad pa'i chu rdza'i bya ba gang zhe na/ bcom ldan 'das kyis dge slong rnams la yongs su spyad pa'i chu rdza rjes su gnang ste/ shin tu bkrus/ bskams la gtsang mar byas te bcang bar bya/ bkang nas gtsug lag khang gi sgor gzhag par bya/ yongs su spyad pa'i rdza ma de dge slong rnams kyis dben par bya/ nan tan du bya/ ci nas phyi phyir de btsal mi dgos par bya ste/ 'di ni yongs su spyad pa'i chu'i rdza ma'i bya ba zhes bya'o/ /gtsang ma'i ril ba'i bya ba gang zhe na/ bcom ldan 'das kyis dge slong rnams la ril ba rjes su gnang ste/ de mchod rten gyi drung du gzhag par mi bya/ dge slong gis de dus dus su brtag 13-1-286b par bya/ bskam par bya/ dgang bar bya ste/ 'di ni gtsang ma'i ril ba'i bya ba zhes bya'o/ /zas kyi bya ba gang zhe na/ bca' ba lnga dang / bza' ba lnga ste/ dge slong rnams kyis bca' ba dang / bza' ba rnams las gang yang rung ste/ bza' ba'i tshe dran pa mngon par gzhag par bya/ zas la brtag par bya/ btsal ba'o/ /nan tan gyis bsgrubs pa'o/ /de dang 'dra ba'o/ /yongs su spyad pa'o/ /nyam du 'gyur ba'o/ /'gyes pa'o snyam du shes par byas la bza' bar bya'o/ /dran pa nye bar bzhag cing sems mi g.yeng bar zas la rgyu mthun par 'du shes/ nad par 'du shes/ gzhan la rag las par 'du shes/ rkyen du 'du shes/ rten cing 'brel bar 'byung bar 'du shes/ mngon du bzhag la zas bza' bar bya/ 'dus te za ba dang / yang yang za ba dang / chog par bya ba la'ang dran pa mngon du gzhag par bya ste/ de ni zas kyi bya ba zhes bya'o/ /bza' ba'i bya ba gang zhe na/ dge slong gis zan bza' ba'i tshe'am/ skyo ma'i tshe'am/ thug pa btung ba'i tshe yang rung dus bsgo ba'am/ gaN+DI brdungs ma thag tu myur du 'ong bar bya/ myur du 'du bar bya/ shes bzhin du 'greng bar bya/ shes bzhin du 'dug par bya/ shes bzhin du bza' bar bya/ dran pa nye bar bzhag cing sems mi g.yeng bar bya ba dang / chas bzang ba dang / spyod lam du ldan pa dang / shin tu bsdams shing rab tu dben par byas la/ sgra bskyungs shing mig mi g.yeng la mig gnya' shing gang tsam du blta/ rim gror bcas/ bdag dman par bcas/ 'jigs pa dang / gzhan gyi dbang du yid la bsams nas rdul phyag go snyam pa'i sems dang / gnas brtan dang / bar ma dang / gsar bu rnams la byams pa'i sems dang / brtse ba'i sems dang / pha dang / bu dang / phu nu bor 'du shes mngon du bzhag ste stan la 'dug pa mkhas par bya/ bza' ba la mkhas par bya ste/ 'di ni bza' ba'i bya ba zhes bya'o/ /zas btang ba'i bya ba gang zhe na/ dge slong gis zas blangs 13-1-287a nas slar gtang bar mi bya/ bab bab tu gtang bar mi bya/ zas gang la gtang bar bya zhe na/ ma la sbyin par bya/ pha dang / phu nu bo dang / sring mo la sbyin par bya/ gnyen la'ang sbyin par bya/ kun dga' ra ba'i nang du khyim pa 'ongs pa la'ang sbyin par bya/ phan btags pa la sbyin par bya/ mi phan pa la'ang sbyin par bya/ nad pa dang / bzung ba dang / brel bar gyur pa la'ang sbyin par bya/ de ste bud med sbrum pa zhig 'ongs na yang dran pa nye bar bzhag ste sbyin par bya/ byol song la'ang zas chang gcig sbyin par bya/ rab tu 'byung bar 'dod pa la'ang sbyin par bya/ de yang dum bur byas/ lhag mar byas la sbyin pa ste/ 'di ni zas gtang ba'i bya ba zhes bya'o/ /bsod snyoms kyi bya ba gang zhe na/ dge slong gis bsod snyoms gus par blang bar bya/ rim bzhin du blang bar bya mu dang mnyam par ma yin/ tshod ma dang mnyam par ma yin/ shes bzhin pa dang / dran pa nye bar gzhag pa dang / sems mi g.yeng ba dang / mi bo ba dang / ji tsam gyis de chog par 'gyur ba de tsam du blang bar bya ste/ 'di ni bsod snyoms kyi bya ba zhes bya'o/ /bsod snyoms spyod pa'i bya ba gang zhe na/ bsod snyoms spyod pa'i dge slong gis shes bzhin du 'jug par bya/ shes bzhin du 'dug par bya/ shes bzhin du 'greng bar bya/ dran pa nye bar gzhag pa dang / sems mi g.yeng ba dang / mdzes pa dang / spyod lam du ldan pa dang / shin tu bsdams pa dang / shin tu g.yogs pa dang / sgra bskyungs pa dang / mig mi g.yeng zhing gnya' shing gang du brtag pa dang / dbang po bsdam pa dang / yid phyir mi g.yeng ba dang / snga phyir 'du shes pa dang / ma lta bu'i bud med mthong na mar 'du shes nye bar gzhag /sring mo lta bu'i bud med mthong na sring mor 'du shes nye bar gzhag /bu mo lta bu'i bud med mthong na bu mor 'du shes mngon par gzhag /bsod snyoms spyod pa'i dge slong gis srang dang /tshong 'dus dang / bzhi mdo dang / sum mdo dang / sgo 13-1-287b khang dag gi mtshan ma gzung bar bya/ khyim gyi sgor song nas khar gsil dkrogs te dal nas bags kyis sgo la gtugs par bya/ de ste bud med gnyid log na se gol gtogs la sad par bya ste/ rdung ba zhig la zhugs na gtun bu thabs gnyis gsum rdung ba'i bar du bsdad par bya/ 'on te sreg pa zhig la zhugs na khur ba gcig bsregs kyi bar du bsdad par bya/ de ste 'thag pa zhig tu gyur na/ lan gnyis gsum bskor gyi bar du bsdad par bya/ dran pa nye bar gzhag par bya/ sems mi g.yel bar bsod snyoms blang bar bya/ ji tsam chog pa de tsam blang bar bya/ de ste dge slong bsod snyoms spyod pas 'dod na dge 'dun gyi nang du bza' bar bya/ mgron du bos na yang bdag gir byas te/ bsod snyoms spyod pa'i bya ba ni des gtang bar bya ste/ 'di ni bsod snyoms spyod pa'i bya ba zhes bya'o/ /zas nod pa'i bya ba gang zhe na/ zas nod pa'i dge slong gis dus dang tshod rig par byos la bsod snyoms long shig /shes par bya/ dran pa mngon par gzhag par bya/ sems mi g.yel bar bya/ mi rnyogs par bya/ mi 'dres par bya/ ci nas kyang mdzes shing dben par bya/ ci nas kyang de la mi gtsang ba 'bags pa dang / rings shing brtun pa'i tshul du mi bya/ gtsang zhing mdzes par bya/ rings shing 'dun pa ltar 'ong bar bya/ skabs su ma bab pa'i don gzhan mi gnyer/ gtsug lag khang du song nas dge slong de la bzhin gyi mdangs bzang ba dang / khro gnyer med pa dang / tshig snyan pa dang / mgu bar byos la zan long shig /'di ni zas nod pa'i bya ba zhes bya'o/ /dgon pa'i bya ba gang zhe na/ dgon pa'i dge slong gis mdangs bzang bar bya/ khro gnyer med par bya/ dran pa mngon par gzhag /thog mar snyan tshig bya/ tshur shog bde bar 'ongs sam zhes tshig snyan pas bsu/ khyed cag legs par gnas sam/ legs par spyad dam/ legs par bya ba byas sam/ zhes thog mar dris shig /dgon pa'i dge slong 13-1-288a rnams kyis chu legs par gzos te zhog shig /chu snod kyang zhog shig /kha zas kyang gzos la zhog shig /zas kyi snod kyang zhog shig /me yang gzos te zhog shig /zhugs ling yang gzos te zhog shig /mar me dag kyang gzos te zhog shig /me mar gyi snod kyang gzos te zhog shig /me mar gyi snying po yang gzos te zhog shig /mar dang / 'bru mar dang / sbrang rtsi dang / snad pa'i bcing ba yang shoms te zhog shig /ko ba'i dum bu yang shoms te zhog shig /rgyus pa dang / 'breng bu dang / smyung bu yang shoms te zhog shig /khab dang / gri dang / skud pa dang / zas rnams kyang shoms te zhog shig /sman rnams kyang chongs shig /brtan pa'i khar ba yang chongs shig /dgon pa'i dge slong rnams kyis me shel dang / chu shel gzhan la ma bstan cig /dgon pa'i dge slong gis khron pa rgyus shes par gyis shig /nye spyod la mkhas pa dang / mtshan mo la mkhas pa dang / yul phyogs la mkhas pa dang / dgon pa'i dge slong gis mdo sde la mkhas par bya/ 'dul ba la mkhas par bya/ ma lta bu la mkhas par bya/ smra ba la mkhas pa dang / chos ston pa la mkhas pa dang / phung po la mkhas pa dang / khams la mkhas pa dang / skye mched la mkhas pa dang / rten cing 'brel bar 'byung ba la mkhas pa dang / gnas dang gnas ma yin pa la mkhas par bya/ dgon pa'i dge slong rnams kyis chos shes par bya/ don shes par bya/ dus shes pa dang / tshod shes pa dang / bdag nyid shes pa dang / 'khor shes pa dang / gang zag shes pa dang / gang zag gi khyad par shes par bya/ dgon pa'i dge slong rnams kyis dregs pa mi bskyed/ gcam bur mi bya/ bkur stir bcas/ dbang gzhan la rag las par bcas/ kha mi rgod/ tshig brtan par bya/ ngo tsha dang khrel yod par bya/ gtam mi mang ba dang / thab mer 'gyur ba'i rnams mi smra/ brtson 'grus su bya/ le lor 13-1-288b mi bya/ dran pa can dang shes bzhin du spyod par bya/ dbang po dben par bya/ zas la tshod zin par bya/ bdag gi shes par mi bya/ srod dang / tho rangs kyi tshe rnal 'byor bya ba la nan tan du bya/ gnyid kyi bde ba dang / 'phres pa'i bde ba dang / mal stan gyi bde ba nyams su mi blang/ dus su spyod pa dang / dus ma yin par spyod pa shes par bya/ stan la 'dug pa la mkhas pa dang / dge slong gnas brtan rnams la mi smod pa dang / dge slong gsar bu rnams la'ang mi smod pa dang / dgon pa'i dge slong gis brtson 'grus yal bar mi bya/ ma thob pa thob pa dang / ma chud pa chud pa dang / mngon du ma byas pa mngon du bya ba dang / dgon pa la gnas pa'i dge slong gis chos kyi dbyug pa dang / ril bu dang / pho long gis srod dang tho rangs la rnal 'byor byos shig /dgon pa'i dge slong gis mtshungs par spyad pa'i chos bcas pa bzhin du rdzogs par ma byas na 'das pa dang bcas par 'gyur te/ /'di ni dgon pa'i bya ba zhes bya'o/ /dgon pa'i gnas brtan gyi bya ba gang zhe na/ dgon pa'i dge slong gis bya ba de lta bu la 'jug par bya'o/ /dge slong gsar bu rnams de na 'khod pa kun shes par bya ba nas snga ma bzhin te/ thams cad du yang dge slong gnas brtan gyis thog mar 'jug par bya'o/ /rgyud gtang bar mi bya ba'i bar du ste/ dgon pa na bya ba'i rnams gzung bar bya/ dgon pa'i bya ba rnams la gzud par bya/ de dag gis kyang des rjes su bstan pa'i tshig la mnyan cing bsgrub par bya ste/ 'di ni dgon pa'i gnas brtan gyi bya ba zhes bya'o/ /grong 'dab kyi bya ba gang zhe na/ grong 'dab kyi dge slong gis mdangs bzang bar bya ba nas/ snga ma bzhin te/ bde bar spyod pa'i bar du'o/ /dge slong dag 'ongs shing lhags pa'i rnams la bde bar phyin tam zhes dri bar bya/ ji ltar rgan rims pa dang / ji ltar rigs par ngal bso bar bya/ mal stan dag kyang ji lta bu yod pa sbyin par bya/ de ste snga dro lhags na ni kha zas ci 'byor 13-1-289a pa bzhin bgo zhing sbyin par bya/ des zas kyi 'og tu 'ongs na btung ba dang / bu ram dang / sha kha ra dang / hwags dang / ha se rnams ci 'byor pa sbyin zhing tshim par bya/ nub mo mal stan kyang bgo zhing sbyin par bya/ rkang pa bkru ba dang / rkang pa bsku ba yang sbyin par bya/ kun dga' ra ba'i phyir 'byung ba dang / nang du 'jug pa dang / nye 'khor dang / bshang ba'i sa dang / gci ba'i sa dang / skas ka dang / them skas dang / gcad pa dang / dbye ba'i rnams so sor ston cig /dge 'dun gyi bya ba bcas pa rnams kyang sgrogs shig /de ste bsod snyoms pa zhig yin na yang spyod yul rnams rig par ston cig /'ongs pa la yang kha zas dang skom rnams sbyar bar bya/ de ste 'dug par gyur na de la dris te gnas par gyur na/ gnas khang dang / khang bu brtsegs pa yang rung dben par rung ba byin cig /de ste 'gro bar gyur na rab tu mgu bar byas la phyi bzhin du bskyal bar gyis shig /de ste khyim pa dag lhags na yang grong 'dab pa'i dge slong gis mgu ba'i bzhin dang / khro gnyer med par gyis la mdun du bsu ste tshig snyan par gyis shig /stan thing shig /de ste kha zas dang skom dgos na yang byin cig /nyal na yang mal stan byin cig /de ste chos nyan par 'dod na des nus na bdag nyid kyis chos kyi gtam byos shig /de ste bdag nyid kyis mi nus na dge slong gzhan skos te chos kyi gtam sgrogs shig /grong mtha'i dge slong gis bram ze dang khyim bdag gi rnams 'ongs shing lhags pa la sbyin pa dang / sbyin pa la 'jug pa dang / skyabs su 'gro ba dang / bslab pa'i gzhi 'dzin par bstabs par byos shig /spos dang / dri dang / me tog kyang sbyin par byos shig /mchod rten la skor zhing phyag 'tshal du chug shig /ci nus su bslabs bstan te gtang bar byas te 'di ni grong 'dab kyi bya ba zhes bya'o/ /grong 'dab kyi gnas brtan gyi bya ba gang zhe na/ grong 'dab kyi gnas brtan gyis bya ba de 'di lta bu la 'jug par bya'o/ /dge slong gsar bu de na gang 13-1-289b 'khod pa de kun shes par bya ba nas snga ma bzhin te/ grong 'dab kyi dge slong gnas brtan gyis thams cad du yang thog mar 'jug par bya/ rgyud mi gtang bar bya ba'i bar du ste/ grong 'dab kyi bya ba rnams la de dag gzud par bya/ grong 'dab pa'i bya ba rnams la 'dzin pa gzhug par bya/ bya ba bzang po la gzud par bya/ 'di skad ces bsgo bar bya ste/ tshe dang ldan pa rnams dran pa nye bar zhog la grong 'dab du gnas par bya ste/ kun dga' ra ba pha dang / dge tshul pha dang / bud med rnams la rgyun du lta ba spang bar byas la lta na yang dran pa nye bar bzhag la blta zhing smra bar gyis shig /dregs par ma byed cig /dus dus su chos kyi gtam bya bar bya/ spyod yul ma yin pa rnams las ni bzlog par bya/ spyod yul rnams la ni gzud par bya/ de dag gis kyang des bsgo ba dang / bstan pa'i tshig rnams mnyan cing 'jug par bya ste/ 'di ni grong 'dab kyi dge slong gnas brtan gyi bya ba zhes bya'o/ /glo bur du 'ongs pa'i bya ba gang zhe na/ glo bur du 'ongs pa'i dge slong gis bab bab tu kun dga' ra ba'i nang du 'jug par mi bya/ kun dga' ra ba'i sgo kar lhung bzed dang chos gos zhog la de ste chu yod na ni rkang pa khrus shig /chu med na ni rdul phyi ba'i ra da'am/ lo ma dang / lo ma rnyis pas rdul phyis shig /bshang ba bro'am gci ba bro na yang gshong shig /gcis shig /de nas chos gos gyon la phrag pa g.yon pas chos gos kyi tshang thur dang / lhung bzed kyi snod rnams thogs shig /lag pa g.yas pas ni khar gsil thogs shig /lag pa g.yon pas ni lham khyer cig /de ste kun dga' ra ba rtsig pas bskor tam/ shing thags kyis bskor tam/ 'obs kyis bskor bar gyur na shes bzhin du sgo la mi 'drud bzhin du nang du zhugs shig /mchod rten rnams la bskor bar bya/ shes bzhin du dran pa nye bar bzhag la sems mi g.yeng/ spyod lam mdzes pas sbyar zhing/ rab tu bkab nas sgra bskyungs la mig mi g.yeng zhing gnya' shing gang tsam 13-1-290a du lta zhing gtsug lag khang gi nang du zhugs la snang g.yel che ba'i phyogs su 'dug shig dang / ci nas gzhi na gnas pa'i dge slong dag gis mthong nas dge slong 'di ni glo bur du 'ongs pa zhig go zhes nas de dag gis ngal bso bar bya bar 'gyur/ glo bur du 'ongs pa'i dge slong gtsug lag khang gi nang du zhugs pa dang / gang rigs par chos gos kyi tshang thur dang / lhung bzed kyi snod dang / ril ba dang / lham rnams gzhag par bya'o/ /de nas dge slong gnas brtan dag la bkur stir bcas/ ri mor bcas/ 'jigs pa'i dbang du gyis la rkang pa la phyag byos shig /dge slong gsar bu rnams la tshig snyan pas dga' bar byos shig /stan ji lta bu thob pa de la 'dug par bya/ glo bur du 'ongs pa'i dge slong zas kyi tshe'am/ btung ba'i tshe'am/ thug pa btung ba'i tshe'am/ phyag bya ba'i tshe'ang rung/ bsgo'am/ gaN+DI brdungs nas dge 'dun 'du ba'i khar 'dus shig /lo grangs dris la gar bab pa'i rim bzhin du 'dug shig /de ste mal stan 'brim na shin tu rtogs la long shig /gnas khang bskos na ci 'di na gnas sam mi gnas zhes dris shig /de ste gnas na ni ci bde zhes byos shig /de ste mi gnas pa zhig yin na ni des lhung bzed dang chos gos phyogs gcig tu zhog la phyag dar bya ba'i phyir phyags ma tshol cig /chu rdza dang shing stan kyang tshol cig /gnas khang gi sgo drung du 'ongs na yang dal nas rdungs shig /'on te de na sbrul lam/ sdig pa'am/ rkang mangs sam/ te ma pu ka'am/ he la ta ka'am/ srog chags gdug pa gzhan dag kyang rung ste yod na tshor bar byas par 'gyur ro/ /de sgo'i dpyis bla 'og tu rtogs shig /sgo 'phar la'ang rtogs shig /de nas sgo dal nas phye ste shes bzhin du nang du zhugs la dbus su 'dug nas grwa bzhir sbrul gyi gnas sam/ sdig pa'i gnas sam/ srin bu'am/ sbrang ma'am/ grog sbur gzhan gyi gnas ltos te/ yod par gyur na 13-1-290b de dag mi gnod pa'i tshul du logs shig tu 'gro bar gyis shig /de nas gnas khang du chag chag thob shig /phyag dar byos shig /phyag dar 'or cig /lci bas zhal zhal 'jam por yugs shig /de na 'di lta ste/ mal stan khri'am/ khri'u shing ngam/ khri'u'am/ la ba'am/ stan nang tshangs can nam/ gru bzhi pa dag yod na phyir byung nas de ste rgan po zhig sngar 'dug na ni skad cig sdod cig /ma yin na se gol gyis dal nas gtogs te shes bzhin du nang du zhugs la rkang pa khrus shig /glo bur du 'ongs pa'i dge slong gis gzhi na gnas pa'i dge slong rnams la 'di na bsdigs pa'i las byas pa'am/ smad pa'i las byas pa'am/ bskrad pa'i las byas pa'am/ slar bsdum pa'i las byas pa'am/ ma mthong bas spangs pa'i las byas pa'am/ slar las ma byas pa'i phyir spangs pa'i las byas pa'am/ sdig pa la lta ba ma btang ba'i phyir spangs pa'i phyir las byas pa'am/ chad pa byed pa'am/ gzhi nas bslang ste chad pa byed pa'am/ yid mgu bar byed pa'am/ gzhi nas bslang ste yid mgu bar byed pa yang rung ste/ de lta bu dag yod dam med dris shig /de ste yod na yang de dang de lta bur spang bar bya'o/ /gtsug lag khang nas phyir 'byung ba dang / nang du 'jug pa dang / nye 'khor dang / snam phyi sa dang / gci sa dang / skas dang / them skas dang / sgo bcad pa de dbye ba la sogs pa rtogs shig /dris shig /dge 'dun gyi bya ba bcas pa ji lta bu dris shig /gnas khang du zhugs te stan thing la skyil mo krung chos te lus drang por srong la dran pa mngon du bzhag ste reg par bya ba brgyad la spang bar bya'o/ /de ni 'di lta ste/ nad do/ /skran no/ /mtshon no/ /dug go/ /mi rtag pa'o/ /sdug bsngal ba'o/ /stong pa nyid do/ /bdag med pa'o snyam du soms te 'dug la/ de ste nus na ni ji srid nus bzhin 'dug /'on te yang mi nus na langs te bklag pa gsum bklag go/ /sbyin pa'i yon tan brjod la sbyin pa'i yon tan brjod nas g.yas phyogs su 'phres par bya'o/ /rkang pas rkang pa mnan te snang ba'i dran pa mngon du 13-1-291a bzhag nas ldang bar shes bzhin du 'du shes bzhag nas yid la byed bzhin mtshan mo zad pa'i tho rangs kyi tshe rings shing myur bar longs la de nas skyil mo krung bcas shing lus drang por bsrangs te 'dug la sems dran pa mngon du byas te lus 'dis reg par bya ba brgyad spang bar bya ste/ 'di lta ste/ nad do/ /skran no/ /dug go/ /mtshon no/ /mi rtag pa'o/ /sdug bsngal ba'o/ /stong pa nyid do/ /bdag med pa'o snyam du soms te/ de nas nam nangs na so shing zo la 'or cig /de nas bya ba rnams byos la ci deng dge 'dun gyi bshos mgron du bzhud dam/ 'on te bsod snyoms la 'jug ces dris shig /de ste dge 'dun gyi bshos mgon du bzhud na dge ba'i phyogs ci bder spyod la bsod snyoms gyis shig /de ste bsod snyoms la 'jug na de nas grong dang / spyod yul dang / dad pa'i rigs gang yin pa dang / ma dad pa'i rigs gang yin pa dang / rigs 'dir bslab pa byin pa ma yin nam zhes dris shig /lhung bzed khas phub ma yin nam zhes dris shig /rta ma rungs pa dang / ba lang ma rungs pa med dam zhes dris shig /de nas snga dro sham thabs bgos/ lhung bzed dang chos gos khyer te/ shes bzhin du bsod snyoms la 'jug par bya'o/ /bsod snyoms bskor nas zas kyi bya ba byas te/ phyis bsod snyoms blang ba dang / zas kyi bya ba spangs nas chos gos dang lhung bzed bzhag nas ci bder 'dug par bya ba 'di ni glo bur du 'ongs pa'i bya ba zhes bya'o/ /glo bur du 'ongs pa'i gnas brtan gyi bya ba gang zhe na/ glo bur du 'ongs pa'i dge slong gnas brtan gyis glo bur du lhags pa'i dge slong rnams rig par bya/ de dag la'ang mdangs bzang bar bya/ khro gnyer med par bya/ tshig snyan pas sngar dge slong rnams la mgu bar bya/ glo bur du lhags pa'i dge slong rnams kyi phyir mal stan brnya bar bya/ 'dug 'dug pa las mgron rnam pa lngar bsgo bar bya ste/ gtsug lag khang du gnas khang 'di yin gyis ltos shig ces bsgo ba dang mal stan 'di yin na stan ltos shig ces pa dang / lde mig 'di yin no/ /zhes bsgo zhing gtad pa dang lnga ste/ 'di 13-1-291b ni glo bur du 'ongs pa'i gnas brtan gyi bya ba zhes bya'o// //'dul ba gzhung dam pa/bam po lnga bcu rtsa gnyis pa/ 'gro ba'i bya ba gang zhe na/ 'gro ba'i dge slong des yul phyogs gang logs su 'gro ba de'i yul phyogs brtag par bya/ de phyogs nas 'ongs pa'i dge slong rnams la bar chad du 'gyur ba brgyad las gang yang rung bar chad du 'gyur ba mi 'byung ngam zhes dri bar bya/ bdag der song nas bsod snyoms dang na ba'i sman dang / bsnyen bkur byed pas brel bar mi 'gyur ram/ bdag la bsod snyoms dang / na ba'i sman dang / bsnyen bkur byed pas kyang rung brel cing ma rnyed par gyur na lus nyams shing dus 'da' bar mi 'gyur ram bdag der song na lus bde ba dang sems la bde bar 'gyur ram/ bdag der song nas dge ba'i chos rnams 'phel bar 'gyur ram/ bdag der song na dge slong tshul khrims dang ldan pa/ yon tan dang ldan pa/ des pa dge ba'i chos can/ lta ba mtshungs pa/ gnas pa mtshungs par 'gyur ram/ bdag the tshom ma skyes pa de dag mi skye bar byed dam/ skyes pa yang slar sel bar byed dam/ sdig par lta ba ma skyes pa mi skye bar byed dam/ skyes pa'i rnams slar ldog par byed dam/ bdag dang tshe dang ldan pa de dag dang lhan cig lus bde ba dang sems bde bar 'gyur ram/ bdag tshe dang ldan pa de dag dang lhan cig tu dge ba'i chos rnams la 'phel bar 'gyur ram zhes dri bar bya ste/ de ltar na yul phyogs brtag par bya ba'o/ /grogs rnams la brtag par bya ste/ tshe dang ldan pa 'di dag tshul khrims dang ldan nam/ yon tan dang ldan nam/ des pa dge ba'i chos can yin nam/ lta ba mtshungs sam/ gnas pa mtshungs sam/ gal te 'di ltar bdag la the tshom ma skyes pa la mi skye bar byed dam/ skyes pa slar sel bar byed dam/ sdig par lta ba la yang ma skyes pa las mi skye bar byed dam/ bdag tshe dang ldan pa de dang lhan cig tu lus dang sems bde bar 'gyur ram/ bdag tshe dang ldan pa de dag dang lhan cig tu 13-1-292a dge ba'i chos 'phel bar 'gyur ram/ gal te tshe dang ldan pa 'di dag gis bdag lam du nad kyis btab na mi 'bor bar 'gyur ram snyam du grogs po la brtags nas/ lam la brtag par bya ste/ bdag lam der bar chad du 'gyur ba brgyad las gang yang rung ba 'byung bar mi 'gyur ram/ bdag lam der bsod snyoms dang / na ba'i sman dang / bsnyen bkur byed pas brel bar mi 'gyur ram/ de ste bsod snyoms dang bsnyen bkur byed pa med na gnod cing dus 'das par mi 'gyur ram/ bdag lam de na lus la bde'am/ sems la bde bar 'gyur ram/ bdag lam der dge ba'i chos rnams 'phel bar 'gyur ram/ de ste brel bar mi 'gyur na 'gro bar bya'o/ /de lta bur yul phyogs dang / grogs dang lam rnams brtags la de ste sang 'gro'o snyam na/ des mkhan po dang / slob dpon rnams la blta bar bya de ste bdag yul phyogs ni 'di lta bur/ grong khyer ni 'di lta bur mchi'o zhes zhu'o/ /mkhan po dang / slob dpon gyis kyang de'i yul phyogs brtag par bya/ lam brtag par bya/ dge slong grogs po rnams la brtag par bya ste/ 'di'i grogs po dge slong rnams ci 'dra/ 'di'i 'khor ci 'dra/ 'di'i grogs po rjes bzhin du 'dong ba ci 'dra ba'i rnams rtogs la de ste mthun par gyur na ni zhu ba yang byin cig /mthun par ma gyur na ma sbyin cig /'gro ba'i dge slong gis ma zhus par song na 'das pa dang bcas par 'gyur ro/ /de ste na dge ba'i chos 'phel ba zhig tu 'gyur la mkhan po dang slob dpon yang tshul bzhin pa zhig ma yin na ma zhus par song na yang bla'o/ /gnas khang na gnas pa'i gnas khang de chag chag gis gdab par bya/ phyag dar bya/ phyag dar dor bar bya/ lci bas zhal zhal 'jam por byug par bya/ nang par sngar rkyang pa gsum bklags bklags nas sbyin pa'i yon tan brjod par bya/nam langs nas mal stan rnams ji lta bur dgas pa de rnams bsngos la grongs te sprug cing brdab par bya'o/ /de nas rtsig pa las sor bzhi tsam gyis spogs la bcer te bzhag nas sgo bcad de nang gtan dang / bla gtan chug la de na gnas pa dang / gzhi na 13-1-292b gnas pa'i dge slong rnams la gdod de ltos shig ces bsgo nas 'gro bar bya'o/ /mal stan la sogs pa la ltos shig ces bsgo ba la rnam pa lnga ste/ gnas khang 'di la'o/ /gnas khang 'di la ltos shig /mal stan rnams la'o/ /mal stan 'di rnams la ltos shig / lde mig gtad pa dang lnga yin no/ /kun dga' ra ba'i phyi rol du byung na dge slong grogs po rnams la brtag par bya ste/ ring du ma song bar su la yang rung/ brjed cing lus pa med dam zhes phan tshun du dris shig /de ste brjed cing lus pa zhig yod na dge slong de slar log la blangs te/ 'ongs kyi bar du bsdad par bya ba 'di ni 'gro ba'i bya ba zhes bya'o/ /'gro ba'i gnas brtan gyi bya ba gang zhe na/ 'gro ba'i gnas brtan gyis nang par sngar langs nas 'dong ba'i dge slong rnams la char gzhug /de dag la tshe dang ldan pa'i rnams lhung bzed dang chos gos rnams legs par long la khyer te 'dong ngo / /sus kyang brjed par ma byed cig ces bsgo bar bya/ dong ba'i 'og tu dge slong gnas brtan nyid kyis de dag gis brjed pa lta yod dam med ces brtag par byas la thams cad kyis mjug nas 'gro bar bya'o/ /ring por ma 'phags par de dag la su'i yang rung brjed cing lus pa ci yod ces smra bar bya/ dge slong gnas brtan gyis dge slong de thams cad la rjes su bstan par bya ste/ tshe dang ldan pa'i rnams las gang yang rung sngon du 'dor te ma 'dong zhig /phyir nur te ma 'khod cig /thams cad lhan cig tu 'dus la phan tshun du lta rtog bzhin du 'dong bar bya'o/ /dge slong gnas brtan gyis lam du zhugs pa'i tshe bde ba dang ldan mi ldan rig par byas la bdag nyid kyis 'di dag la sngon du 'dor te 'dong ba lta yod dam med/ phyir nur te lus pa lta yod dam med/ de ste sngon du 'dor te 'dong ba lta yod na yang de dag bskul zhing 'dong bar bya/ bdag nyid kyang dge slong rnams kyi dbus su zhugs la 'gro bar bya/ de ste 'gro mi phod na nyid kyis lhung bzed dang chos gos la sogs dge slong de dag la bsgos shing bskur bar bya/ de ste 'gro mi 13-1-293a nus pa zhig tu gyur na dge slong de dag gis dge slong de phrag pa'am khur du khyer te/ dgon pa de las phyung la grong 'dab tu phyin par gyis shig /dge slong de la nye gnas kyi dge slong de yang byin cig /nye gnas dge slong des kyang de'i zan dang sman gzhan las tshol cig /de ste lam de 'jigs pa dang bcas par gyur na rings shing myur bar dong ste/ de nas byung ba dang ngal bso bar gyis shig /de ste yang nus par gyur na ni gang na chu 'gram mam/ nags mtha'a'am/ gsang ma sngon po'am/ sa phyogs gar dga' ba zhig tu rtogs te dge slong rnams ngal bsor gzhug par bya/ ngal bsos nas kyang 'dong bar bya ste/ dge slong gnas brtan gyis de dag kun la kye thams cad kyis kyang 'dir sbyin pa'i yon tan re re rjod cig ces bsgo bar bya/ dge slong thams cad kyis sbyin pa'i yon tan gyi tshigs bcad bklags zin pa dang / dge slong gnas brtan gyis mjug tu byin pa'i yon tan gyi tshigs bcad lhogs te sa phyogs su lan gnyis sam gsum brtags te 'gro bar bya'o/ /grong 'dab tu phyin na yang des dge slong rnams kyi phyir gnas btsal bar bya/ mal stan btsal bar bya/ yang na rtswa dang lo ma btsal te/ de ste yang 'byor par gyur na rkang pa bkru ba dang / rkang pa bsku ba dang / btsags pa'i btung ba dang / bu ram dang / khan da la sogs pa bslang bar bya'o/ /gci ba dang bshang ba'i sa yang dris brtags la mtshan mo gnas par bya'o/ /khyim gyi lha rnams kyi phyir yang rkyang pa gsum dang / sbyin pa'i yon tan brjod par bya/ der gnas na yang dge slong gnas brtan gyis de dag gi zan dang thug pa dang skyo ma rnams bstabs shing btsal nas dge slong rnams la bsnyod par bya/ de na dge slong gsar bu 'khod pa rnams la smra bar bya/ yang dag par smra bar bya/ kun shes par bya/ rtogs par bya/ bstan par bya/ rjes su bstan par bya ste/ ci nas de dag dregs pa can dang / mi rigs pa dang / rtsed mo las bzlog par bya/ 13-1-293b 'gro ba'i dge slong gnas brtan gyis ji ltar mtshungs par spyad pa'i chos bcas pa bzhin du mi byed na 'das pa dang bcas par 'gyur ro/ /'di ni 'gro ba'i gnas brtan gyi bya ba zhes bya'o/ /rkang pa bkru ba'i bya ba gang zhe na/ bcom ldan 'das kyis dge slong rnams la rkang pa bkru ba'i phyir rkang pa bkru ba rjes su gnang ste/ de dge slong dag rjes su de dag gis snod stong par mthong na bdag cag nyid kyis dgang bar gyis shig /yang na dge slong gis kun dga' ra ba na gnas pa rnams la khongs shig par sgo shig /rkang pa bkru bar bya ba 'di yang yin te/ dge slong gis rkang pa bkrur 'dod na shes bzhin du rkang pa bkru ba'i sar 'gro bar bya/ de ste rgan pa zhig snga na 'dug na skad cig sdod cig /su yang med na shes bzhin du zhugs la rkang pa bkru bar bya/ dge slong gis rkang pa bkru ba'i sar yun ring du 'dug par mi bya/ snyoms pa la 'jug par mi bya/ lung bsgo bar mi bya/ dran par mi bya/ 'dri bar mi bya/ gtam la zhugs shing mi 'dug /myur du rkang pa bkrus nas shes bzhin du slar 'byung bar bya ste/ 'di ni rkang pa bkru ba'i bya ba zhes bya'o/ /rkang pa bkru ba'i gnas brtan gyi bya ba gang zhe na/ rkang pa bkru ba'i dge slong gnas brtan gyis dge slong rkang pa 'khru ba la zhugs nas yang ma zin gyi bar du bslang zhing dbyung bar ma byed cig /rkang pa 'khru ba la zhugs pa zhes bya ba ni chung ngu na rkang pa chus gsher ba tsam du gyur pa'o/ / de ste dge slong dag spyod lam mi mdzes par gyur tam/ gtam la zhugs shing 'khod na dge slong gnas brtan gyis de dag zlog shig /lung bsgo bar bya/ rjes su bstan par bya/ spyod lam mdzes pa la gzud par bya/ ji ltar rkang pa bkru ba'i gnas brtan gyis mtshungs par spyad pa'i chos la gzud par bya/ 'di ni rkang pa bkru ba'i gnas brtan gyi bya ba zhes bya'o/ /'dug pa'i bya ba gang zhe na/ gnas dang gzhi na gnas pa'i dge slong gis tshes brgyad dang / bcu bzhi dang / bco lnga la gcig tu 'dus te sangs rgyas kyis gsungs pa'am/ 13-1-294a nyan thos kyis gsungs pa'i chos kyang rung ste smra bar bya'o/ /de dag nang par sngar sgo'am/ gaN+DI brdungs ma thag tu 'du bar bya ste/ myur du 'dus nas shes bzhin du 'khod par bya/ shes bzhin du 'khod nas dran pa nye bar gzhag par bya/ sems mi g.yeng bar bya/ spyod lam tshogs shing phun sum du ldan par bya/ shin tu bsdam par bya/ shin tu dga' bar bya/ sgra bskyud par bya/ mig mi g.yeng zhing gnya' shing gang tsam du blta bar bya/ bkur stir bcas/ bdag dman par bcas/ 'jigs pa dang dbang du 'gyur bar bcas/ yid dman pa phyags ma dang 'dra ba'i sems su bya/ gnas brtan dang / bar ma dang / gsar bu'i rnams la byams pa'i sems su bya/ phan pa'i sems su bya/ rjes su brtse ba'i sems su bya ba dang / phu nu bo dang / bur 'du shes pa nye bar gzhag par bya/ stan la 'dug pa la mkhas pa dang / 'dug nas yang phyi phyir nges pa'i chos kyi gtam gyis mtshan mo nam zad par bya'o/ /de ste mi bde na yang spyod lam gnyis kyis nam zad par bya ste/ 'chag pa dang / 'greng bas so/ /dge slong rnams 'dus nas 'khod na yang dus su chos mnyan par bya ste bkur sti bya/ mnyan par bya/ smad par mi bya/ tshul bzhin du 'jug par bya/ glags mi btsal bar bya/ chos la bkur sti mngon du gzhag par bya/ chos smra ba'i gang zag la yang brnyas par mi bya/ bdag nyid la smad par mi bya/ sems gcig tu thub pa dang bka' yin no bar bsam pa dang / rna ba mi g.yeng ba dang / sems gus pa dang / sems thams cad gcig tu thub par bsdus la chos mnyan par bya'o/ /de'i 'og tu lha rnams dang / rgyal po dang / yon bdag dang / sbyin pa byed pa rnams kyi phyir sbyin pa'i yon tan gyi tshigs bcad bklag par bya ste/ 'di ni 'dug pa'i bya ba zhes bya'o/ /'dug pa'i gnas brtan gyi bya ba gang zhe na/ 'dug pa'i dge slong gnas brtan gyis sngar sgo'am gaN+DI brdungs kyang rung ste/ 13-1-294b de thog mar 'gro bar bya/ thog mar 'greng bar bya/ thog mar 'dug par bya/ 'dug nas yang skad cig cang mi smra bar bya/ de nas bdag nyid kyis chos smra bar bya/ yang na nus pa'i dge slong la chos smros shig par bsgo bar bya/ bdag nyid kyis chos ma smras sam/ dge slong nus pa yang ma bsgo na 'das pa dang bcas par 'gyur ro/ /de ste 'khod pa la yang bram ze dang khyim bdag dag lhags na des de dag la yang chos kyi gtam bya/ de ste gzhan mu stegs can kun tu rgyu ba skabs tshol lam glags tshol zhing lhags na de dag la yang chos kyis brgal ba la 'jug par bya/ 'di ni mi rigs pa'o/ /'di ni mi 'dra ba'o/ /'di ni ma grub pa'o zhes rigs pa'i chos kyis gdul bar bya/ khro ba mi bskyed par bya/ ma khros par bya/ mi smad par byas te/ 'di ni 'dug pa'i gnas brtan gyi bya ba zhes bya'o/ /chos 'chad pa'i bya ba gang zhe na/ chos 'chad pa'i dge slong gis bkur stir bcas/ bdag nyid dman par bcas 'jigs pa dang dbang du 'gyur bar bcas/ yid dman zhing phyags ma dang 'dra ba'i sems su bya ste/ 'khor gyi nang du zhugs la chos bshad par bya ba ni rigs pa dang / gsal ba'i tshig dang / 'bru dang / ma 'khrugs pa dang / ma 'dres pa dang / 'brel ba dang / ma 'khrul ba dang / sems mi g.yeng ba dang / zang zing gi sems su ma yin pa dang / chos nyid la yang bkur sti mngon du bya/ chos nyan pa rnams la yang bkur sti mngon du bya/ chos la brnyas pa mi bya/ chos nyan pa rnams la yang brnyas pa mi bya/ bdag nyid la'ang smad par mi bya/ chos rnams la'ang chos nyid dang rten cing 'brel ba yin par chud par bya ste/ byams pa'i tshul du bya/ rjes su brtse ba dang chos 'di yun ring du gnas par 'gyur bar bya/ chos nyid la rten gyi zang zing la rten te chos bshad par mi bya/ bkur sti'i thog mar 'jug la rjes su mthun pa dang / rjes su 'byor par bya/ rims su bya ste/ mgu ba dang / dad pa dang / rangs pa/ spro ba dang / 13-1-295a mos pa dang / rigs par ldan pa dang / 'khrug pa ma yin par chos bshad par bya/ ji ltar 'khor rnams la byams pa'i sems dang / rjes su brtse ba'i sems su gnas par bya/ rnyed pa dang bkur sti dang grags pa ni ma yin no/ /chos 'chad pa'i tshe bdag nyid la bstod par mi bya/ gzhan la smad par yang mi bya ste/ 'di ni chos 'chad pa'i bya ba zhes bya'o/ /chos 'chad pa'i gnas brtan gyi bya ba gang zhe na/ chos 'chad pa'i gnas brtan gyis gang na chos 'chad pa der 'gro bar bya/ dge slong 'di chos bzhin du 'chad pa'am 'on te chos bzhin ma yin par 'chad mnyan la/ de ste chos bzhin 'chad na ni spro ba bskyed par bya/ chos ma yin par 'chad na ni slar bcos par bya ste/ de ste slar bcos nus na legs/ de ste mi nus na ji ltar nus shing ci thub thub kyis smad par bya ste/ dge slong 'di ni chos ma yin/ 'dul ba ma yin/ ston pas bstan pa ma yin gyis/ bcom ldan 'das kyi chos kyi gzhi ma gzhig cig /chos kyi spyan ma gzhar cig /ces smros la/ stan las langs te 'gro bar bya ba 'di ni chos 'chad pa'i gnas brtan gyi bya ba zhes bya'o/ /dus kyi bya ba gang zhe na/ dge slong rnams dus [(]du [,]su [)]'gro bar bya ste/ 'di ni dus kyi bya ba zhes bya'o/ /dus ma yin pa'i bya ba gang zhe na/ dge slong gis dus ma yin par grong du 'jug par mi bya/ de 'dra ba'i rkyen byung ba ma gtogs te/ 'khod pa'i dge slong la ma bsgo bar mi 'gro ba ni dus ma yin pa'i bya ba zhes bya'o/ /dus ma yin par dge 'dun 'du ba'i bya ba gang zhe na/ tshes brgyad dang / tshes bcu bzhi dang / tshes bco lnga la dge 'dun 'du ba ma gtogs par de las gzhan gyi phyir dge 'dun 'du zhing dge 'dun gyi las dang / dge 'dun gyi bya ba dang / dge 'dun gyi byed pa rnams yin te/ de la sngar bsgo'am/ gaN+DI brdungs kyang rung myur du 'du bar bya/ shes bzhin du 'dong bar bya ba nas snga ma bzhin te/ 'dug pa la mkhas par bya ba'i bar du der dge 'dun gyi gnas 13-1-295b brtan gyis rgan rims su phyag byas nas bdag gi stan gang na bar 'dug par bya/ gnas brtan gnyis pos kyang dge 'dun gyi gnas brtan la phyag byas nas rang gi stan gang na bar 'dug par bya/ de bzhin du gnas brtan gsum po dang / bzhi po nas dge slong gsar bu'i bar du ste/ rgan rims su phyag byas nas rang gi stan gang na bar 'khod par bya'o/ /der dge slong gnas brtan dang / bar ma dang / gsar bu rnams kyis ji ltar chos bzhin/ ji ltar 'dul ba bzhin/ ji ltar ston pas bstan pa bzhin du de lta bur dge 'dun gyi las bya/ dge slong gnas brtan gyis dge slong rnams la spyo bar mi bya/ smad par mi bya/ ma gus par mi bya ste/ 'di ni dus ma yin par dge 'dun 'du ba'i bya ba'o/ /dus ma yin par dge 'dun 'du ba'i gnas brtan gyi bya ba gang zhe na/ dus ma yin par dge 'dun 'du ba'i dge slong gnas brtan gyis dus ma yin par 'du ba na sngar bsgo'am/ gaN+DI brdungs kyang rung ste/ thog mar 'gro bar bya/ thog mar 'greng bar bya/ thog mar 'dug par bya ste/ bkur stir bcas/ yid dma' bar bcas/'jigs shing dbang du 'gyur bar bcas/ yid phab la phyags ma lta bu'i sems su bcas la dge 'dun gyi nang du 'gro bar bya/ rgan rims su phyag byas nas rang gi stan la rab tu 'jug par bya/ gnas brtan dang / bar ma dang / gsar bu'i rnams la yang byams pa'i sems su bya/ phan pa'i sems su bya/ rjes su brtse ba'i sems su bya/ pha dang / phu nu bo dang / bur 'du shes mngon du bzhag /'khor rnams la yang blta bar byas te/ gang chas sdug /gang chas mi sdug /gang mdzes par gyur/ gang mi mdzes par gyur/ gang gis legs par bgos/ gang gis mi sdug par bgos/ gang gis mdzes par chas pa de dag la ni g.yel bar gzhag /gang gis mi mdzes par chas pa de dag la ni sbran par bya/ bsgo bar bya/ gang gis legs par bsgos pa de dag la yal bar gzhag /gang gis mi sdug par bgos pa de dag la ni brda bya/ des 13-1-296a brda ma tshor na drung na 'dug pa la brda bya/ drung na 'dug pas kyang ma tshor na dge slong gnas brtan gyis der ci nas mi 'khrul ba'i tshul du sbran par bya/ ji nas legs par bgos pa dang / sgra cher mi dbyung bar bya'o/ /dge slong gnas brtan gyis 'khor gyi nang du brtag par bya ba ni ci 'khor 'di dag chos bzhin du byed dam/ 'on te chos bzhin ma yin/ de ste chos bzhin yin na ci bder byos shig ces las thams cad du byed du chug shig /de ste chos bzhin ma yin na chos bzhin pa'i phyogs su gnas par bya/ chos bzhin du 'dri ba la sbyin/ yang cang mi smra bar stan las langs te 'gro bar bya/ de'i phyir rtsod pa dang / 'khrug pa rjes su 'byung bar mi bya ba 'di ni dus ma yin par dge 'dun 'du ba'i gnas brtan gyi bya ba zhes bya'o/ /smra ba'i bya ba gang zhe na/ rgyal po'i khab kyi grong khyer na mu stegs can kun tu rgyu ba gzhan dag cig tshes brgyad dang / bcu bzhi dang / bco lnga'i tshe/ gcig tu 'dus nas chos smra ba dang / de na der skye bo mang po 'dus nas de dag la rnyed pa dag kyang rnyed par gyur/ bkur sti byed/ de dag gi 'khor dag kyang mang du 'phel bar gyur pa dang / yul mnyam dka'i rgyal po mkhas pa can gzugs can snying po gsung rab 'di la dad par gyur nas des 'di snyam du bsams so/ /mu stegs can kun tu rgyu ba 'di dag chos brgyad ces bya ba nas/ de dag gi 'khor dag kyang mang du gyur ces bya ba'i bar du snga ma bzhin no/ /'di ltar dge slong yang tshes brgyad dang / bcu bzhi dang / bco lnga la gcig tu 'dug nas chos smra na bdag kyang der 'gro ste/ rgyal po yang 'gro'o snyam nas skye bo mang po dag kyang 'du bar 'gyur/ dge slong rnams kyis rnyed pa yang rnyed la bkur sti yang 'byung/ 'khor rnams kyang mang du 'phel bar 'gyur/ skye bo mang po la'ang bsod nams mang du 'phel/ dge slong rnams kyang mi 'jigs par 'gyur/ bstan pa yang rgyas par 'gyur/ dam pa'i chos kyang yun ring du gnas par 'gyur/ chos kyi sgron 13-1-296b ma yang 'bar bar 'gyur/ phyi ma'i skye bo rnams la'ang snang bar byas par 'gyur ro snyam nas yul mnyam dka'i rgyal po mkhas pa can gzugs can snying po bcom ldan 'das gang na ba der song nas drung du phyin pa dang / bcom ldan 'das kyi zhabs la mgo bos phyag 'tshal nas phyogs gcig tu 'dug go/ /phyogs gcig tu 'dug ste/ yul mnyam dka'i rgyal po gzugs can snying pos bcom ldan 'das la 'di skad ces gsol to/ /btsun pa mu stegs can kun tu rgyu ba gzhan ni tshes brgyad nas/ de dag gis 'khor dag kyang mang du gyur to zhes bya ba'i bar du snga ma bzhin no/ /'di ltar dge slong rnams kyang tshes brgyad nas phyi ma'i skye bo rnams la snang bar bgyis par 'gyur na dgongs par ci gnang zhes bya ba'i bar du snga ma bzhin no/ /bcom ldan 'das kyis yul mnyam dka'i rgyal po mkhas pa can gzugs can snying po la cang mi gsung bzhin dgongs so/ /de nas yul mnyam dka'i rgyal po mkhas pa can gzugs can snying pos bcom ldan 'das cang mi gsung bzhin dgongs par shes nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das kyi drung nas song ngo / /de nas bcom ldan 'das kyis yul mnyam dka'i rgyal po mkhas pa gzugs can snying po song nas ring po ma lon par mkhyen te/ dge slong rnams la bka' stsal pa/ de lta bas na dge slong rnams ngas rjes su gnang gis tshes brgyad dang / bcu bzhi dang bco lnga la gcig tu 'dus nas chos smra bar bya'o/ /de yang 'di lta bur smra bar bya ste/ chos smra ba'i dge slong gis don dang tshig gis 'khor rnams go bar byos shig /de na dge slong dag tshig tha mal par smra ste tshig tha mal par smras pas 'khor rnams go bar ma gyur pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ rjes su gnang gis dbyangs kyis chos smra bar bya'o/ /de dag gis ji lta bur 'dug bzhin du smras pa dang / 'khor de dag gis go bar ma gyur te/ bcom ldan 'das kyis bka' 13-1-297a stsal pa/ rjes su gnang gis stan mthon po chos shig /de dag gis mdo sde chen po bsdus shing smras pa dang / the tshom du gyur rgyas par yang mi byed la de nyid kyis nyi ma zad par byed de/ 'khor rnams skyo bar gyur te/ bcom ldan 'das kyis bka' stsal pa/ rjes su gnang gis don gyi dbang du ci bder rgyas par byos shig /de dag mdo sde'i las don nyi tshe thus te gtam brjod par bya/ gsungs pa'i bzhin du gzhung 'cha' bar 'dod pa dang / de dag mdo sde'i mtha' ma rung bar mi 'gyur ram/ snyam du the tshom du gyur nas/ bcom ldan 'das kyis bka' stsal pa/ rjes su gnang gis mdo sde'i don nyi tshe thus la skabs skabs su gtam rgyud du yang bya/ gsungs pa yang gzhung bzhin byos te don dang tshig tu 'brel bas 'khor rnams go bar gyis shig /mdo sde de dag kyang de bzhin du gzung bar bya'o/ /de dag gnyis 'khor lhan cig tu 'khor gcig la 'chad nas/ bcom ldan 'das kyis bka' stsal pa/ 'khor gcig gi nang du gnyis lhan cig ma 'chad cig /gang 'chad pa de ni nyes byas su 'gyur ro/ /de dag 'khor 'khor du 'chad nas de dag 'khrugs par gyur nas/ bcom ldan 'das kyis bka' stsal pa/ 'khor 'khor du ma 'chad cig /'chad na 'das pa dang bcas par 'gyur ro/ /de yang 'khor gnyis la cig car 'chad par gyur pa dang / bcom ldan 'das kyis bka' stsal pa/ 'khor gnyis la cig car ma 'chad cig /gang 'chad pa de nyes byas su 'gyur ro/ /'di ltar 'chad pa las gnyis po 'khrug par mi 'gyur ba de lta bur bshad par bya'o/ /de dag 'khor ded cing 'dong nas/ bcom ldan 'das kyis bka' stsal pa/ 'khor ded cing ma 'dong shig /gang 'khor ded cing 'dong na 'das pa dang bcas par 'gyur ro/ /bdag cag nyid dang de 'dong ba la ni nyes pa med do/ /de dag chos kyi sgo nas rnyed pa tshol te/ chos 'tshong bas 'tsho bar byed pa dang / bcom ldan 'das kyis bka' stsal pa/ chos kyi 13-1-297b sgo nas rnyed pa yang ma tshol cig /chos 'tshong zhing 'tsho bar yang ma byed cig /de nas smra ba med nas/ bcom ldan 'das kyis bka' stsal pa/ rjes su dran par byed pas rjes su dran par gyis shig /rjes su dran par byed pa'ang med nas rim gyis smra bar gyis shig / tshigs bcad dang dbyangs su sbyar zhing byed nas/ bcom ldan 'das kyis bka' stsal pa/ bdag nyid kyis smros shig /yang na dge slong gzhan la chol cig /bcol ba'i gang zag kyang rig par bya/ bdag nyid kyis mi smra/ yang na dge slong gzhan la ma bcol/ bcol ba'i gang zag kyang shes par ma byas na 'das pa dang bcas par 'gyur ro/ /de dag rim bzhin du bskos pa dang / 'di ltar zhar ba dang / glen pa dang / sgur po dag la mu stegs can kun tu rgyu ba gzhan dag dge sbyong shAkya'i bu'i nang na 'di dag 'di ni skyes bu dam pa'o/ /skyes bu gtso bo'o/ /skyes bu mchog go/ /zhes nyes pa ngor brjod cing 'phyas 'dogs mi snyan pa zer bar gyur to/ /ji ltar gyur pa dge slong dag gis bcom ldan 'das la gsol pa dang / bcom ldan 'das kyis bka' stsal pa/ nus pa yod na chos smra ba rims su ma bsko shig /gang nus pa de bsko bar bya'i/ 'khor 'khrug par mi 'gyur ba de lta bu bsko bar bya'o/ /smra ba'i bya ba gzhan yang dus gang dang gang du yang rung ste/ dge slong rnams 'dus shing 'khod pa dang chos kyi gtam nges pa rnams brjod par bya'o/ / de ste mi shes na'ang gcig la gcig dri bar bya/ gcig la gcig zhu bar bya/ bgam par mi bya/ glags btsal ba'i phyir mi bya/ 'phyas bya ba'i phyir mi bya/ nyams bskyod par mi bya'i ci nas chos la rim gro dang bkur sti'i phyir dri bar bya/ zhu bar bya ste/ ci dge ba'am/ 'on te mi dge ba'am/ ci kha na ma tho ba dang bcas pa'am/ 'on te kha na ma tho ba med pa yin/ ji ltar byas na dge bar 'gyur ram/ 'on te sdig par 'gyur ba zhes bya ba 'di ni smra ba'i bya ba'o/ /mi smra ba'i bya ba gang zhe na/ gnas gang na dge slong 13-1-298a rnams smra zhing gzhan la brjod par mi 'dod pa de dag gis ji lta bur yid la bya ba grub pa de bzhin du bsgom par bya/ spyod lam bzhi la 'jug par bya/ phan tshun du mi smra bar 'jug pa la rgyas par bya ba ni 'di lta ste/ klung dga' ldan gyi dge slong rnams ji lta ba bzhin du bya ste/ 'di ni mi smra ba'i bya ba zhes bya'o/ /dbyar tshul du 'jug pa'i bya ba gang zhe na/ dbyar tshul du 'jug par 'dod pa'i dge slong gis bsam pa shin tu bsams/ brtag pa shin tu brtags/ shin tu dpyad pa bzhin dpyad de/ tshul du 'jug par bya ste/ bdag gnas de na dge slong ji ltar tshul khrims dang ldan/ yon tan dang ldan/ mkhas pa dang ldan/ dge ba'i chos dang ldan/ lta ba mtshungs/ gnas pa mtshungs/ grogs su mtshungs/ yid gcugs pa dag dang lhan cig gang bde bar 'gyur ba ni 'di lta ste/ 'gro na yang rung/ smra yang rung ba dag gnas de na dge slong mdo sde 'dzin pa/ 'dul ba 'dzin pa/ ma lta bu 'dzin pa gang bdag the tshom ma skyes pa las ni mi skyed/ skyes pa ni dul bar byed/ sdig pa lta bu ma skyes pa las ni mi skyed/ skyes pa las ni dul bar byed pa yod dam/ gnas de na bdag na ba dang rjes su mthun pa'i sman dang / zas dang / yo byad dang / bsnyen bkur byed par 'byor par 'gyur ram/ gnas de na bdag gi lus kyang rung/ sems kyang rung bde bar 'gyur ram/ gnas de na dge slong dag thab mo byed pa/ mtshang 'dru bar byed/ 'khrug par byed/ rtsod pa gleng bar byed pa lta mi gnas grang/ des bdag la ma thob pa las thob pa dang / ma chud pa las chud par bya ba dang / mngon du ma byas pa las mngon du byed pa'i bar chad du mi 'gyur/ gnas de na dbyar gyi nang du dge 'dun 'bye bar mi 'gyur grang zhes de bzhin du bsam pa shin tu bsams/ brtag pa shin tu brtags/ dpyad pa shin tu dpyad de/ na ba'i bsnyen bkur ba'i grogs mthun pa dang 'gro bar bya ste/ 'di ni dbyar tshul du 'jug pa'i 13-1-298b bya ba zhes bya'o/ /dbyar tshul du zhugs pa'i bya ba gang zhe na/ dbyar tshul du zhugs pa'i dge slong gis don med pa'i phyir zhag gcig kyang mtshams kyi phyi rol du 'gro bar mi bya/ don cig yod par gyur na des zhag bdun nam/ zhag bzhi bcur byin gyis brlabs la 'gro bar bya/ de yang don gyi phyir te/ don gang gi phyir zhe na/ dge slong gi don nam/ dge slong ma'i don nam/ dge tshul pha'i 'am/ dge tshul ma'i 'am/ dge bsnyen pha'i 'am/ dge bsnyen ma'i don kyang rung/ gnyen gyi don kyang rung/ bdag gi don kyang rung/ de ste sangs rgyas la'am/ chos la'am/ dge 'dun la'am/ sdug bsngal la'am/ kun 'byung la'am/ 'gog pa la'am/ lam la yang rung/ the tshom du gyur tam/ yid gnyis su gyur tam/ dogs par gyur kyang rung/ ma thob pa las thob pa'i 'du shes su gyur/ ma chud pa las chud pa'i 'du shes dang / mngon du ma byas pa las mngon du bya ba'i 'du shes te/ de 'di ltar mu stegs can kun tu rgyu ba gzhan dag gi don la yang rung/ de ste dge slong des gnas der dbyar dge 'dun 'bye bar 'gyur ram/ mchod rten nam/ gtsug lag khang yang rung 'dral bar 'gyur ram/ tshig par 'gyur ba yang rung ste/ der dge slong des sangs rgyas kyang rung/ chos sam/ dge 'dun gyi don la yang rung ste/ zhag bdun nam/ zhag bzhi bcur byin gyis rlobs la 'gro bar bya ste/ der song ba las zhag bdun nam/ zhag bzhi bcur yang rung lon par gyur na dge slong dbyar chad pa'i nyes pa 'byung bar mi 'gyur te/ de ni dbyar tshul du zhugs pa'i bya ba zhes bya'o/ /dbyar tshul du zhugs pa'i gnas brtan gyi bya ba gang zhe na/ dbyar tshul du zhugs pa'i dge slong gnas brtan gyis gtsug lag khang gi rnams dang / mchod rten gyi rnams shes par bya/ ji lta bur ral tshems bya ba dang / su byed pa la spro ba bskyed par bya/ bsgrag par bya/ su mi byed pa de la ni bskul bar bya/ dran par bya ba 'di ni dbyar tshul du zhugs pa'i gnas brtan gyi bya ba zhes bya'o/ / 13-1-299a dbyar tshul na gnas pa'i bya ba gang zhe na/ dbyar tshul na gnas pa'i dge slong rnams kyis las rnam pa gsum bya ste/ dbyar gang du gnas pa'i gnas khang de dag gas pa dang zhig pa'i rnams bcos su gzhug par bya/ mtshan rtog par bya/ mtshan rtog par byed du gzhug /gnas der gos gang rnyed pa'i gos de gtan par gding bar bya/ yang na gding du gzhug par bya ba 'di ni dbyar tshul na gnas pa'i bya ba zhes bya'o/ /'khor gyi bya ba gang zhe na/ 'khor gyi gtso bo des dus dus su 'khor rnams la gang legs par spyod/ gang legs par mi spyod pa dang / gang mdzes par sgrub gang mi mdzes par sgrub brtags te gang legs par spyod cing mdzes par sgrub pa de la ni yongs su bskyang bar bya ste/ tshe dang ldan pa legs so legs so/ /ji ltar khyod spyod pa de lta bur spyad par bya'o zhes spro ba bskyed par bya/ yang dag par dga' bar bya/ de dus dus su phyi phyir bstan par bya/ bslab par bya'o/ /gang legs par mi spyod dam mdzes par mi sgrub pa de la gang la ji lta bur 'os pa de lta bur chad pas gcad par bya ba ni 'khor gyi bya ba zhes bya'o/ / 'khor gyi nang du bya ba gang zhe na/ dge slong 'khor gyi nang du dran pa nye bar bzhag nas 'khor gyi nang du 'gro bar bya ste/ 'di ni rgyal rigs kyi 'khor to/ /'di ni bram ze'i 'khor to/ /'di ni khyim bdag gi 'khor to/ /'di ni dge sbyong gi 'khor yin te/ der bdag 'di lta bur 'gro bar bya/ 'di lta bur 'greng bar bya/ 'di lta bur 'dug par bya ste/ 'di lta bur smra bar bya/ 'di lta bur smra bar mi bya'o zhes bya ba de ni 'khor gyi nang du 'gro ba'i bya ba zhes bya'o/ /'khor gyi nang du zhugs pa'i bya ba gang zhe na/ dge slong 'khor gyi nang du zhugs na des gtam sna tshogs mi bya/ gtam mi rigs pa'i rnams mi bya/ 'khor rnams rigs par byas la de dag dang mthun pa'i gtam bya bar bya/ gtam byas nas stan las ldang bar bya ba de ni 'khor gyi nang du zhugs pa'i bya ba zhes bya'o/ /'khor gyi nang du zhugs pa'i gnas 13-1-299b brtan gyi bya ba gang zhe na/ 'khor gyi nang du zhugs pa'i dge slong gnas brtan gyis 'khor rnams la 'di dag ji lta bu'i gtam la dga'am/ 'on te cang mi smra ba la dga' zhes 'khor rnams la brtag par bya'o/ /de ste gtam la dga' ba dag cig yin na ni de dag la de dang mthun pa'i gtam bya'o/ /de ste mi smra ba la dga' ba dag cig yin na ni der cang mi smra bar 'dug par bya ste/ 'di ni 'khor gyi nang du zhugs pa'i gnas brtan gyi bya ba zhes bya'o/ /gso sbyin gyi bya ba gang zhe na/ bcu bzhi'am/ bco lnga'i gso sbyong de nyid kyi tshe rang gi rgyud la brtag par bya ste/ mtshan mo'i rgyud dang / nyin par gyi rgyud der bdag la skabs der ltung ba lta byung ngam/ de ste byung ba yod na dge slong yid brtan pa zhig rnyed na ni de'i mdun du bshags par bya/ de ste ma rnyed na sems kyi byin gyis brlab pa dang / de ste nyes pa ma byung na ni sems bskyed par bya ste/ bdag ni ltung ba de las yongs su dag go zhes tshig tu brjod par bya/ gso sbyin ni tshul khrims yongs su dag par byed pa ste/ 'di ni gso sbyin gyi bya ba zhes bya'o/ /gso sbyin mngon du bya ba'i bya ba gang zhe na/ dge slong gso sbyin mngon du byung la min na dad bzhin du yang 'gro bar bya ste/ de yang shes bzhin du 'gro bar bya ba nas snga ma bzhin te 'dug pa la mkhas par bya ba'i bar du'o/ /'dug nas kyang so sor thar pa'i mdo sde la ston pa'o snyam du 'du shes mngon du gzhag par bya/ bkur sti bya/ rim gror byas la mnyan/ bla mar bya/ gces par bya/ yid la gzung bar bya/ sems gcig tu bya/ rna ba mi g.yel bar bya/ sems thams cad gcig tu dmigs nas mnyan par bya'o/ /mnyan nas kyang de lta bur nan tan bya/ bsgrub par bya ba de ni gso sbyin mngon du bya ba'i bya ba zhes bya'o/ / gso sbyin gyi las kyi bya ba gang zhe na/ gso sbyin gyi bya ba la rnam pa lnga ste/ gdon pa dang / bsngo ba dang / dad pa yongs su dag pa dang / skabs dbye ba dang / sems kyis byin gyis brlab pa'o/ /gzhan yang gso sbyin gyi las la rnam pa bzhi ste/ chos bzhin ma 13-1-300a yin la ma 'dus par byed pa dang / chos bzhin ma yin la 'dus par byed pa dang / chos bzhin la ma 'dus par byed pa dang / chos bzhin la 'dus par byed pa'o/ /de las chos bzhin byed pa'i gso sbyin gyi las de ni 'di lta ste/ chos bzhin byed pa yin no/ /de ni gso sbyin gyi las kyi bya ba zhes bya'o/ /so sor thar pa'i bya ba gang zhe na/ bcu bzhi'am/ bco lnga'i gso sbyin de nyid kyi tshe mtshams dang las kyi nang du phyin pa'i dge slong ji snyed pa de dag thams cad gcig tu 'dus shing 'khod pa dang / dge 'dun gyi gnas brtan dge slong gis so sor thar pa'i mdo sde bklag par bya/ so sor thar pa'i mdo la yang ston par 'du shes mngon par gzhag par bya/ bkur sti dang rim gror byas la mnyan/ bla mar bya/ gces par bya/ yid la gzung bar bya/ mtshams gcig tu bya/ rna ba mi g.yel bar bya/ gzhan thams cad gcig tu thub par byas la mnyan par bya/ thos nas yang de bzhin du nan tan bya/ bsgrub par bya ste/ de ni so sor thar pa'i bya ba zhes bya'o/ /so sor thar pa klog pa'i bya ba gang zhe na/ so sor thar pa klog pa la rnam pa lnga ste/ gsol ba byas nas gleng gzhi bklags te/ lhag ma rnams ni thos pa bzhin no zhes bsgrag par bya ba dang / de yang so sor thar pa bsgrags na so sor thar pa bklags pa zhes bya ste/ 'di ni so sor thar pa klog pa dang po'o/ /gsol ba byas nas gleng gzhi bklags/ phas pham pa bzhi bklags pa la lhag ma rnams ni thos pa bzhin no zhes bsgrag par bya ste/ de yang so sor thar pa klog pa gnyis pa'o/ /gsol ba byas la gleng gzhi yang bklags/ phas pham pa bzhi yang bklags/ dge 'dun gyi lhag ma bcu gsum yang bklags nas lhag ma ni thos pa bzhin no zhes bsgrags pa ni so sor thar pa bklags pa yin te/ 'di ni so sor thar pa klog pa gsum pa'o/ /gsol ba byas la gleng gzhi bklags/ phas pham pa bzhi yang bklags/ dge 'dun gyi lhag ma bcu gsum 13-1-300b yang bklags/ mi mngon pa'i chos gnyis po yang bklags la lhag ma rnams ni thos pa bzhin no zhes bsgrags pa yang so sor thar pa bklags pa yin te/ 'di ni so sor thar pa klog pa bzhi pa'o/ /rgyas par so sor thar pa klog pa dang lnga ste/ 'di ni so sor thar pa klog pa'i bya ba'o/ /so sor thar pa klog par byed pa'i bya ba gang zhe na/ so sor thar pa klog pa'i dge slong gis so sor thar pa'i mdo de kha ton du gsal por byang bar bya/ dran par bya/ gtan la phebs par bya/ nam klog pa'i tshe mi 'khrul bar legs par klog par bya/ des bdag gi rgyud kyang brtag par bya ste/ mtshan mo'i rgyud dang nyin par gyi rgyud las/ bdag de'i skabs su nyes pa lta byung ngam ma byung bar brtag ste/ de ste nyes pa byung bar gyur la yid brtan pa'i dge slong yod na de'i drung du bshags par bya/ de ste med na re zhig gso sbyin byas la de'i 'og tu bdag gis ltung ba ji ltar chos bzhin slar bshags par bya'o/ /snyam du sems kyis byin gyis brlab par bya'o/ /ji ltar so sor thar pa'i mdo las 'byung ba bzhin du des nan tan du bya ba de ni so sor thar pa klog par byed pa'i bya ba zhes bya'o/ /gnas brtan gyi bya ba gang zhe na/ de ste dge slong rnams khyim pa'i der zan la mgron du bos na de'i tshe dge slong gnas brtan gyis snga zad du sham thabs bgo bar bya/ dag rar byung ste 'dug par bya ba de ni gnas brtan gyi bya ba zhes bya'o/ /bar ma'i bya ba gang zhe na/ dge slong bar mas dge slong gnas brtan mdun du byas nas grong du 'jug par bya/ de ste gnas brtan bshang ba'am gci ba zhig tu thogs nas des mi ring ba zhig tu song la bsdad par bya/ de ste ring du song na grong 'dab tu song la bsdad par bya/ de ste bram ze dang khyim bdag dag gis spyan 'dren pa btang na yang gnas brtan 'ongs kyi bar du cung zad bsdad de bya'o zhes smra bar bya/ de ste lag chu btang na gnas brtan la bsdad do zhes smra bar bya/ de ste gnas brtan 'ongs par gyur na yang 'khod pa thams cad ldang bar bya ste/ 'di ni bar ma'i bya ba zhes bya'o/ /gsar 13-1-301a bu'i bya ba gang zhe na/ dge slong gsar bus gtsug lag khang chag chag gdab par bya/ sa phyag par bya/ phyag dar dor bar bya/ lci bas zhal zhal 'jam por byug par bya/chu rnams so sor bcu zhing gzhag par bya/ stan rnams gding bar bya/ zan rnams sko sar drang bar bya/ dugs khang du bsgrub pa'i rnams byas te/ der shing bskya bar bya/ 'bru mar gzhag par bya/ sa dang phye ma gzhag par bya/ chu gzhag par bya/ dge slong gang las khas len pa de dag la las bya bar bya/ gzhan mtshungs par spyad pa gang yang rung ste/ thams cad gsar bus bya bar bya/ 'di ltar yang dge slong gsar bus dge slong gnas brtan rnams la pha dang phu bo lta bur 'du shes nye bar gzhag cing bkur stir bcas/ bdag la dbang bcas/ 'jigs pa dang dbang du 'gyur bar bcas/ sangs rgyas dang chos dang dge 'dun la dmigs bzhin pa'i sems mngon du gzhag par bya/ mtshungs par spyad pa'i chos rnams ji lta bur bcas pa bzhin du rdzogs par bya ba 'di ni gsar bu'i bya ba zhes bya'o/ /gnas brtan dang bar ma dang gsar bu'i bya ba gang zhe na/ dge slong gnas brtan dang bar ma dang gsar bu thams cad kyis kyang rab tu byung ba'o snyam du sems mngon du gzhag par bya/ sangs rgyas bcom ldan 'das mgon mdzad pa la mgon po'o snyam du 'du shes mngon du gzhag par bya/ mya ngan 'da' ba la gzhol bar bya/ bslab pa'i gzhi ji lta bur bcas pa la mtshungs par spyad par bya/ bla ma'i khyad par du chud pa'i phyir nan tan du bya ste/ 'di ni gnas brtan dang bar ma dang gsar bu'i bya ba zhes bya ba'o/ /dugs khang du bya ba gang zhe na/ dge slong dugs khang du 'jug par 'dod na des shes bzhin du nang du 'gro bar bya/ shes bzhin du nang du 'greng bar bya/ shes bzhin du 'dug par bya/ dran pa mngon du gzhag cing sems mi g.yeng bar bya/ spyod lam bzang ba dang / shin tu mdzes pa dang / shin tu bsdams pa dang / sgra bskyung ba dang / bkur stir 13-1-301b bcas/ 'jigs pa dang dbang du 'gyur bar bcas/ yid dman pa'i sems phyags ma lta bur bya/ gnas brtan dang bar ma dang gsar bu la yang byams pa'i sems su bya/ phan pa'i sems dang rjes su brtse ba'i sems su bya/ pha dang bu dang phu nu bo lta bur 'du shes mngon du gzhag par bya/ dge slong dugs khang gi nang du zhugs nas/ gtam sna tshogs mi bya/ gtam mi rigs pa mi bya/ spyod lam gnyis la 'jug par bya ste/ 'phags pa'i cang mi smra ba'am/ nges pa'i chos kyi gtam la ste/ de ni dugs khang gi bya ba zhes bya'o/ /dge slong dugs khang du khrus bya ba'i bya ba gang zhe na/ bcom ldan 'das kyis dge slong rnams la dugs khang du rjes su gnang ba yang rgyags pa'i phyir ma yin/ dregs pa'i phyir ma yin/ brgyan pa'i phyir ma yin/ 'khrul ba'i phyir ma yin gyi lus 'di gso ba'i phyir ro/ /dugs khang la yon tan rnam pa lnga ste/ rngul dang dri ma 'byang/ pags pa dang mdangs gsal/ pags pa la nad yod pa rnams 'byin/ rlung dang bad kan rnams med par byed/ dugs khang ni nad med par byed pa'o/ /gzhan yang yon tan rnam pa lnga ste/ rngul dang dri ma 'byang/ pags pa dang mdangs gsal/ pags pa la nad yod pa rnams 'byin/ rlung dang bad kan rnams med par byed/ dugs khang du skyo ba bskyed par bya ba'o/ /dge slong gis dugs khang du khrus byed par 'dod na des sngar mkhan po la zhu bar byed bkru ba'i dus su bzod par bya/ shes bzhin du dugs khang gi nang du 'jug par bya/ skyil mo krung bcas te 'dug la na ba'i 'du shes mngon du gzhag par bya/ khrus bya mdun du 'dug la mi bde bar mi bya/ dran pa mngon du bzhag la las bya/ dge slong dag las kyang las byed pa nyams su blang bar bya/ mkhan po dang slob dpon la ma zhus kyi bar du mtshungs pa rnams la las mi bya/ byed pa yang bdag gir mi bya/ mkhan po dang slob dpon dag tu khon yod na de de dag gi drung du mi bskor/ de ste chu blugs par 'dod na chu grang mo dang bsres la lugs shig / 13-1-302a de ste chu tsha na grogs la yang chu tsha'o zhes sbron cig /shes bzhin du khrus byas la dugs khang de na khri'u dang / ril ba dang / nya phyis dang / khrus ras dang / dugs khang gi snod spyad gzhan ci yod kyang rung legs par bkrus te gnas gnas su gzhag par bya ba 'di ni dugs khang du khrus byed pa'i bya ba zhes bya'o/ /dugs khang du gnas brtan gyi bya ba gang zhe na/ dugs khang du dge slong gnas brtan gyis gsar bu rnams la yo byad la zhugs na bslang bar mi bya/ dugs khang der chung ngu na lus las rdul byung ba tsam yang bslang bar mi bya/ de ste de na dge slong rnams spyod lam rnams mi mdzes sam/ mi bzang bar 'dug gam/ 'on te gtam rgyud la zhugs la dge slong gnas brtan gyis slar zlog cing sgo shig /rjes su bstan par bya/ mdzes shing bzang ba la gzud par bya/ ji lta bu der spyad pa'i chos bcas pa de lta bur gzud par bya/ de dag chos kyi gtam la gzud par bya ba de ni dugs khang du gnas brtan gyi bya ba zhes bya'o/ /mkhan po'i bya ba gang zhe na/ mkhan pos lhan cig spyod pa'i rnams bslab par bya/ gsal bar bya/ bsgo bar bya/ rjes su bstan par bya/ sdig pa las bzlog par bya/ dge ba la gzud par bya/ sdig pa'i grogs po las bskal bar bya/ dge ba'i bshes gnyen la gzhar bar bya/ lhung bzed kyis bsdu bar bya/ chos gos dang / dra ba dang / phor bu dang / ska rags dang / rjes su dran pa dang / slar 'dri ba dang / lung bsgo ba dang / kha thon la gzhug pa dang / yid la byed pa la gzhug par bya/ nyes pa las bslang ba dang / na na nad g.yog bya ba dang / spong ba la gzhug par bya ba dang / nang du yang dag 'jog la 'jug pa dang / bla ma'i khyad par chud par bya ba la mtshungs par spyod du gzhug par bya/lhan cig spyod pa phyogs gang na mi bde bar gnas pa de nas dbyung bar bya ba de ni mkhan po'i bya ba zhes bya'o// //'dul ba gzhung dam pa/bam po lnga bcu rtsa gsum pa/ lhan cig spyod pa'i bya ba gang zhe na/ lhan 13-1-302b cig spyod pas mkhan po la ston pa'o snyam du 'du shes mngon du gzhag par bya/ rim gro bya/ myur du ldang bar bya/ myur du 'gro bar bya/ gus par bya/ zhu bar bya ste/ lhan cig spyod pas mkhan po la ma zhus kyi bar du spyad 'brim pa'i las mi bya/ gtsug lag khang skyong gi res mi bya/ lhung bzed kyi las mi bya/ chos gos kyi las mi bya/ snga res mi bya/ phyad res mi bya/ zla res mi bya/ klung la spyod par mi bya/ ri la spyod par mi bya/ dur khrod du spyod par mi bya/ ljongs rgyu bar mi bya/ rkang pa bkru bar mi bya/ mal bca' bar mi bya/ chu bcu bar mi bya/ grong du 'jug par mi bya/ mtshams kyi phyi rol du 'gro bar mi bya/ mi rigs pa'i gang zag la gzhar bar mi bya/ de lta bu'i drung du 'dug pa yang bdag gir mi bya/ de 'dra ba'i drung nas bsnyen bkur yang bdag gis blang bar mi bya/ lhung bzed kyang blang bar mi bya/ chos gos blang bar mi bya/ zas blang bar mi bya/ sman blang bar mi bya/ yo byad gzhan gang yang rung byin na bdag gir mi bya'o/ /de lta bu la bsnyen bkur yang mi bya/ lhung bzed sbyin par mi bya/ zas sbyin par mi bya/ sman sbyin par mi bya/ yo byad gang yang rung sbyin pa bdag gir mi bya/ de 'dra ba'i gang zag gi drung nas lung bsgo ba mi blang/ dran par bya ba ma yin/ yongs su dri bar bya ba ma yin/ yid la bya ba mi dri/ de lta bu dag la yang lung bsgo ba mi sbyin/ dran pa ma yin/ yongs su dri ba ma yin/ yid la bya ba yang mi bstan te/ bya'o cog thams cad kyang mkhan po la ma zhus kyi bar du mi bya'o/ /las rnam pa gsum ni ma gtogs te/ bshang gci dang / so shing dor ba dang / mtshams kyi nang du mchod rten la phyag bya ba'o/ /de ste mkhan po'i lhung bzed bkru'am/ sreg pa zhig tu gyur na yang de la ci nas mkhan po'i lhung bzed kyi las bdag gis bya'o snyam mam/ gzhan byed du gzhug go snyam du lhan cig spyod pa des myur du spro ba bskyed par bya'o/ /de ste mkhan po'i chos gos drub par gyur tam/ kha bkru bar gyur 13-1-303a tam/ kha bsgyur ba zhig tu gyur na yang de la bdag gis mkhan po'i chos gos kyi las rang gis bya'o snyam mam/ gzhan la byed du gzhug go snyam du lhan cig spyod pas myur du spro ba bskyed par bya/ de ste mkhan po na ba zhig tu gyur na yang de la bdag nyid kyis mkhan po na ba'i nad g.yog bya'o snyam mam/ gzhan la nad g.yog byed du gzhug go snyam du lhan cig spyod pas myur du spro ba bskyed par bya/ de ste mkhan po la the tshom zhig skyes par gyur na/ de la ci nas bdag gis mkhan po'i the tshom skyes pa de bdag nyid kyis slar bsal lo snyam mam/ gzhan mkhan po'i the tshom sel du gzhug go snyam du lhan cig spyod pas myur du spro ba bskyed par bya'o/ /de ste mkhan po sdig pa la lta bar gyur na yang de la ci nas bdag gis mkhan po sdig pa la lta bar gyur pa de slar gtang bar bya'o snyam mam/ gzhan la slar gtong bar byed du gzhug go snyam du lhan cig spyod pas myur du spro ba bskyed par bya'o/ /de ste mkhan po la chad pa'i las shig mngon du 'byung ngam byung bar gyur na/ de la ci nas bdag gis mkhan po chad pa'i las kyis gcod par byed dam bcad kyang rung ste/ dbyung bar bya'o snyam du lhan cig spyod pas spro ba myur du bskyed par bya'o/ /de ste mkhan po la spang ba'i las shig mngon du byed par 'gyur ram/ byas par gyur kyang rung ste/ der ci nas bdag gis mkhan po la spang ba'i las shig mngon du byed kyang rung byas kyang rung ste/ dbyung ngo snyam du lhan cig spyod pas myur du spro ba bskyed par bya'o/ /de ste mkhan po la dge 'dun gyi lhag ma'i nyes pa zhig byung bar gyur na/ de la ci nas bdag gis mkhan po la chad par byed pa byin cig pa dang / gzhi nas bslang ba'i chad pa'am/ chad pa byas zin nas yid mgu bar bya ba byin cig pa'am/ gzhi nas bslang ste yid mgu bar bya ba'am/ yid mgu bar spyad nas dbyung ba byin cig par lhan cig gnas pas spro ba bskyed par gyur na ni legs/ spro ba ma bskyed na 'das pa dang bcas par 'gyur ro/ /de ltar 13-1-303b lhan cig spyod pas mkhan po la bya ba ci dang ci yod kyang rung spro ba bskyed par bya ba de bzhin du mkhan pos kyang lhan cig spyod pa la bya ba ci dang ci yod kyang rung spro ba bskyed par bya ste/ zhu ba rnams ni ma gtogs so/ /lhan cig spyod pas mkhan po'i stan gding bar bya/ rkang pa bkru ba'i chu dang / lham yang bshams te phyogs gcig tu gzhag par bya/ rkang pa bkru bar bya/ bsku bar bya/ mal bya'o/ /gci ba'i snod dang bshang ba'i snod bshams te gzhag par bya/ de ste lung zhig mnod dgos par gyur na yang lung mnod par bya/ yid la byed pa zhig mnod dgos par gyur na'ang yid la byed pa mnod par bya/ phyogs gcig tu song ste 'dug nas bsgom par bya'o/ /nang par langs nas gci ba'i snod dang bshang ba'i snod dbyung bar bya/ mkhan po'i rkang pa la mgo bos phyag byas te/ mkhan po bde bar mdzad dam/ bde bar bgyis sam/ bde bar spyad dam zhes dri bar bya/ de ste na bar gyur na yang na ba'i sman dang / nad g.yog la spro ba bskyed par bya/ de ste mi na na ni bde bar yal bar gzhag /de ste dge 'dun gyi zas shig gam mgron du bos pa'i zas kyang rung ste/ dge 'dun gyi zas ni mkhan po dang dge 'dun gyi zas mchis kyis deng dge ba bde bar spyod cig /de ste bsod snyoms kyi zas na yang mkhan po bsod snyoms la gshegs kyis chos shig ces bsgo'o/ /lhan cig spyod pas mkhan po la so shing dang bde ba'i chu dang / lci ba dang /phye ma dbul bar bya/ nam mkhan pos las de rnams zin pa de na lhung bzed dang chos gos bstab par bya/ de ste dge 'dun dang lhan cig bsod snyoms la 'jug na ni mkhan po mdun du btang la bdag gis gral gang du bab pa nas 'gro bar bya/ de ste gang zag gi bsod snyoms la 'jug na ni mkhan po'i sbyar ma dang lhung bzed dang khar gsil dbul bar bya/ de ste rlung dang char pa dang dus grang ba zhig tu gyur na mkhan po'i sbyar ma 'og tu chug la bdag gi steng du phyung shig /de ste yul dro na bdag gi sbyar ma 'og tu chug la mkhan po'i steng du 13-1-304a phyung shig /lhan cig spyod pa mkhan po'i mdun du song la zil pa la sogs pa bsal bar bya/ de ste chu 'gram mam gang g.yang sa zhig na mkhan po'i lag pa nas bzung zhing brten par bya/ dong nas grong 'dab tu phyin na sbyar ma dang lhung bzed dang khar gsil dbul bar bya/ phul te mkhan po'i mdun du btang la grong gi nang du 'jug par bya'o/ /de ste skas sam/ them skas shig 'dzeg na yang lhan cig spyod pa sngon du 'dzegs la lag nas drang bar bya/ de na chos bzhin gyi rnyed pa zhig grub na yang bdag gis blang bar bya/ bsod snyoms spyad de slar grong gi phyi rol du byung na mkhan po'i sbyar ma dang lhung bzed dang khar gsil blangs la mkhan po'i mdun du btang nas gtsug lag khang du 'dong bar bya'o/ /der lhags nas lhung bzed dang chos gos bzhag ste mkhan po'i rkang pa bkru ba'i chu dang lham bsnyen te bzhag la rkang pa bkru bar bya'o/ /de nas dus la bab par gyur na mkhan po'i lhung bzed kyi gzhi gding zhing lhung bzed dbul bar bya'o/ /bdag gis zas bzang ba dang zhim pa dang / dam pa ci yod pa mkhan po la dbul bar bya/ mkhan pos kyang tshod rig par bya/ zas kyi bya ba byas pa dang / mkhan po la bde ba'i chu bsnyen par bya lci ba dang phye mas lhung bzed bkrus la lhung bzed dang chos gos slar gzhug par bya/ mkhan po la phyag byas nas mkhan po 'di bzhin bzhugs sam/ nyin par spyod par gshegs sam zhes dri bar bya/ de ste nyin par spyod par 'gro na yang mkhan po'i khri'u dang gding ba dang / ril ba spyi rings khyer la mkhan po mdun du bcug ste nyin par gang na spyod par 'gro'o/ /song nas mkhan po'i stan bting la lung mnod dgos na yang lung mnod par bya/ yid la byed pa mnod dgos na yang yid la byed pa mnos la phyogs gcig tu song nas bsgom par bya'o/ /de nas dus la bab na mkhan po'i khri'u dang / gding ba dang / ril ba spyi rings khyer te/ mkhan po mdun du byas la 'gro bar bya'o/ /de ste gso sbyin gyi dus 13-1-304b la bab ste/ 'du bar gyur na yang mkhan po'i stan ltebs na brkyang bar bya/ brkyang na ni legs par gding bar bya/ de nas dus su bsgo'am/ gaN+DI brdungs kyang rung ste/ lag pa g.yon pas ni mkhan po'i lag pa nas bzung/ lag pa g.yas pas ni mar me thogs te mkhan po mdun du byas la gso sbyin gyi gnas su 'dong bar bya'o/ /so sor thar pa'i mdo bklags zin na mkhan po'i drung du song la/ mkhan po ci gshegs sam/ chos gsan cing bzhugs zhes dri bar bya/ de ste 'gro na lag pa g.yon pas mkhan po gzung/ lag pa g.yas par ni mar me thogs te mkhan po mdun du byas la gtsug lag khang du 'dong bar bya'o/ /de ste dugs khang du khrus byed pa zhig tu gyur na nang par sngar langs nas mkhan po deng dugs khang du khrus mdzad kyis char gsol zhes bsgo bar bya/ lhan cig spyod pas mkhan po'i phyir dugs khang du stan dang khri'u dang / ril ba spyi rings dang / khrus ras dang dugs khang gi yo byad gzhan gang yang rung ste khyer te mkhan po mdun du byas nas dugs khang du 'dong bar bya/ 'ongs nas kyang chos gos phyogs gcig tu bzhag la mkhan po las mi nye mi ring bar 'dug par bya/ nam mkhan po rngul bar gyur na de na lhan cig spyod pa des de la rim bzhin rjes su las rnams bya ste bkru bar bya'o/ /bkrus nas mdun du bcug ste/ gtsug lag khang du bskyal bar bya/ de'i 'og tu bdag nyid bkru bar bya/ de ste lhan cig spyod pa de mkhan po'i drung nas dge ba'i chos mi 'phel bar gyur na mkhan po la bdag dge slong ming 'di zhes bgyi ba 'di la gtad du gsol zhes smros shig /mkhan pos kyang dge slong de la dge slong 'di ci 'dra/ de'i rjes su 'brang ba dang drung na 'dug pa ci 'dra/ 'di'i lung rnams ston tam/ de ste mi ston/ rjes su ston tam/ de ste mi ston pa brtag par bya/ dpyad par bya/ de bzhin du brtags dpyad nas de ste rung ba zhig tu gyur na/ de la gtad par bya/ de ste rung ba ma yin na gzhan la 13-1-305a gtad par bya'o/ /de ste mkhan po nyid rung ba ma yin la tshul dang mi ldan na ma zhus par song yang bla ste/ 'di ni lhan cig spyod pa'i bya ba zhes bya'o/ /slob dpon gyi bya ba gang zhe na/ slob dpon gyis nye g.yog rnams shes par bya ba nas snga ma bzhin te/ phyogs gang na nye g.yog de nyon mongs shing 'dug pa zhig tu gyur na phyogs de nas dgug par bya/ dgug tu gzhug par bya ste/ 'di ni slob dpon gyi bya ba zhes bya'o/ /nye g.yog gi bya ba gang zhe na/ nye g.yog gis slob dpon la ston pa'o snyam du 'du shes mngon du bzhag la rim gro bya ba nas/ snga ma bzhin ma zhus kyang 'gro bar bya ba'i bar du ste/ de ni nye g.yog gi bya ba zhes bya'o/ /dge tshul gyi bya ba gang zhe na/ dge tshul gyis mkhan po dang slob dpon la ston pa'o snyam du 'du shes mngon du bzhag la rim gro bya ba nas snga ma bzhin no/ /de ste mkhan po'am/ slob dpon sdig pa lta bar gyur na rang gis slar gtang bar bya/ yang na gtong du 'jug par bya ste/ de ltar spro ba skyes na ni de bzhin legs/ ma skyes na 'das pa dang bcas par 'gyur ro/ /der yang dge tshul phas ji ltar mkhan po dang / slob dpon la byung zhing gyur pa'i rnams ji ltar gyis shig ces spro ba bskyed par bya ba de bzhin du mkhan po dang / slob dpon gyis kyang dge tshul pha la byung zhing gyur pa'i rnams ji ltar bya zhes spro ba bskyed par bya'o/ /de la zhu ba rnams ni ma gtogs so/ / dge tshul phas mkhan po dang / slob dpon gyi stan gding ba la sogs pa bya ba snga ma bzhin te bdag nyid tha mar bkru bar bya ba'i bar du'o/ /'di ltar dge tshul phas rtswa sngon po med par bya/ me tog rnams btog /'bras bu rnams btog /so shing rnams sbyin/ lhung bzed kyi gzhi lo ma rnams sbyin/ rung bar bya/ dge slong rnams la byin len du gzhug par bya/ mdzes pa dang / bag yod par bsgrub par bya/ de ste dge tshul pha de mkhan po dang slob dpon gyi drung nas dge ba'i chos 'phel bar mi 'gyur ba nas/ snga ma bzhin ma zhus kyang song 13-1-305b yang bla ba'i bar du ste/ 'di ni dge tshul pha'i bya ba zhes bya'o/ /nan tan du bya ba gang zhe na/ de ste dge 'dun gyi kun dga' ra bar gnod pa zhig byung na der dge slong gis ji ltar de mi shor zhing zin par bya/ de ste rnam grangs gang gis kyang zin par ma gyur na gzhan dag la ni bab bab tu smra bar mi bya'i/ thog mar rgyal po'i gnang ba rnams la bsgo bar bya/ de'i 'og tu btsun mo dang / gzhon nu dang / blon po dang / ded dpon dang / zhang blon dang / zhabs 'bring ba rnams la bsgo bar bya/ de la nan tan du bya ba ni ji nas tshig gis bstan pa tsam gyis thar par 'gyur gyis de la gsang ba'i las rnams mi 'byung bar bya ste/ de ni nan tan du bya ba zhes bya'o/ /phyi bzhin 'brang ba'i dge sbyong gi bya ba gang zhe na/ phyi bzhin 'brang ba'i dge sbyong gis snga na mo'i dge sbyong las ring nas kyang ma yin/ shin tu bsnyen de yang ma yin/ phrag pa sbyar zhing yang mi 'gro bar bya/ khyim gyi nang du 'jug na yang gtam glo bur du de la mi bya/ phyi nas smra bar bya/ des bsgo ba rnams bya/ bkur stir bya/ bdag dman par bya/ 'jigs pa dang dbang du 'gyur bar bya/ dge sbyong snga na po chos ma yin pa zhig smra na slar dgag par bya/ chos bzhin du smra na rjes su yi rang bar bya/ de la chos bzhin pa'i rnyed pa zhig byung na blang bar bya ste 'di ni phyi bzhin 'brang ba'i dge sbyong gi bya ba zhes bya'o/ /grong du nye bar 'gro ba'i bya ba gang zhe na/ rigs su ston pa'i dge slong gis dregs par mi bya/ nga rgyal mi bskyed/ mi brtan par mi bya/ byung rgyal du mi smra/ mi gtsigs par mi bya/ yang dag par shes par bya/ nye bar gzhag par bya/ sems mi g.yeng bar bya/ dga' bar 'gyur ba dang / spyod lam mdzes par bya/ shin tu bsdam pa dang / shin tu bkab pa dang / sgra chung ba dang / mig gnya' shing gang tsam las mi g.yeng bar bya/ bkur stir bcas/ bdag nyid dman par bcas/ 'jigs pa dang / dbang du 'gyur bar bcas/ yid dman pa dang / sems phyags ma dang 'dra bar bya/ rnyed pa dang bkur sti la 'dod par 13-1-306a mi bya/ phan par byed pa de ni grong du 'gro bar byed pa'i bya ba zhes bya'o/ /grong du 'gro ba'i bya ba gang zhe na/ dge slong grong du 'gror 'dod na shes bzhin du 'gro bar bya/ dran pa nye bar gzhag par bya/ sems mi g.yeng bar bya/ dbang po bsdam par bya/ yid mi g.yeng bar bya/ snga phyi la 'du shes pa dang / bla 'og la 'du shes gzhag /dge slong dran pa nyams bzhin du grong du 'gro na nyes pa'i dmigs rnam pa lngar rig par bya ste/ dge slong 'khod pa rnams la ma bsgo bzhin du grong du dus ma yin par 'jug pa dang / ma brtags par stan la 'dug pa dang / rig pa'i skyes pa med bzhin du bud med la chos tshig lnga'am drug las lhag par ston pa dang / bud med dang lhan cig gnyis su skyabs yod pa dben pa na 'dug par byed pa dang / sman dang nad du bcas pa'i grong du nan gyis stan la 'dug par byed pa'o/ /dge slong dran pa nyams bzhin du grong du 'gro na gzhan yang nyes pa'i dmigs rnam pa lngar rig par bya ste/ phyi phyir bud med la blta ba dang / lta ba las kyang gtam du 'dzer ba dang / gtam zer ba las chags par gyur pa dang / chags par gyur pa las tshul bzhin mi byed pa dang / tshul bzhin yid la mi byed pas na ma dad bzhin mi tshangs par spyod par 'gyur te/ nyes pa 'byung bar 'gyur ba'am/ yang na bslab pa phul nas slar babs par 'gyur ro/ /dran pa nye bar bzhag bzhin du grong gi nang du 'jug na nyes pa'i dmigs de lta bu 'byung bar mi 'gyur te/ de ni grong du 'gro ba'i bya ba zhes bya'o/ /grong du nye bar song ba'i bya ba gang zhe na/ grong du song ba'i dge slong gis gtam sna tshogs mi smra/ gtam ngan pa mi bya/ chos kyi gtam smra bar bya/ gtam rgyud mi chad par bya/ khyim pa'i rnams la chos kyi gtam yang dag par bstan/ bstabs/ yang dag par gzengs bstod par bya/ rab tu mgu bar bya/ skyabs su 'gro ba'i bslab pa'i gnas 'dzin du gzhug /dus khrims la 13-1-306b gnas pa dang / tshangs par spyod pa la gnas pa dang / sbyin pa dang / dul ba dang / sdom pa dang / skyes bu dam pa bsnyen pa'i chos nyan pa dang / tshul bzhin yid la byed pa dang / chos dang rjes su mthun pa'i chos la nan tan du byed pa dang / lam ma yin pa la lam ma yin par de ltar yang dag par bsgrag par bya/ ye shes dang lta ba rnam par sbyang bar bya ste/ de ni grong du nye bar song ba'i bya ba zhes bya'o/ /grong du nye bar song ba'i gnas brtan gyi bya ba gang zhe na/ grong du song ba'i dge slong gnas brtan gyis de na dge slong gsar bu rnams la bsgo bar bya/ rjes su bstan par bya/ ci rgyags pa dang / dregs pa dang / lus la 'tshog pa dang / rtsed mo mi byed par bya/ dga' bar 'gyur ba la gzhug par bya/ ji ltar mtshungs par spyod pa bcas pa la gzhug par bya/ de dag gis kyang des ji ltar bsgo ba dang / rjes su bstan pa'i tshig rnams la mnyan par bya ste/ de grong du song ba'i gnas brtan gyi bya ba zhes bya'o/ /gzhi na gnas pa'i bya ba gang zhe na/ gzhi na gnas pa'i dge slong gis mdangs bzang ba dang / khro gnyer dang bral bar bya/ dran pa thog mar 'gro ba dang / thog mar smra bar bya ste/ tshur spyon bde bar byon nam zhes tshig snyan pa dang / tshig yid du 'ong ba dang / mgu bar 'gyur bas smra bar bya/ glo bur du lhags pa'i dge slong dag mthong nas mdza' ba'i tshul gyis mdun du bsu bar bya/ snyan pa'i tshig gis rab tu dga' bar bya/ bde ba la reg par spyod dam/ bde bar lhags sam zhes dri bar bya/ de ste rgan pa zhig yin na ni de la phyag byas nas lhung bzed dang chos gos blangs te gtsug lag khang gi nang du bcug la stan la gzhag par bya/ rkang pa bkru zhing bla mar bya/ skom na chu grang mo blud par bya/ ji ltar nus shing mgu bar 'gyur ba'i chos bzhin bsgyur bar bya/ ji ltar rigs pa bzhin mal stan rnams kyang sbyin par bya/ ji srid du 'dug pa de la pha dang / phu nu dang / bu ltar 'du shes mngon du gzhag cing gzung bar bya'o/ / 13-1-307a na na yang g.yel bar mi dor te/ de ni gzhi na gnas pa'i bya ba zhes bya'o/ /ngal bso ba'i bya ba gang zhe na/ glo bur du 'ongs pa'i dge slong gis gtsug lag khang du 'ongs na des gzhi na gnas pa'i dge slong dag las mal stan gyi rnams brkam zhing rings thabs su dgug par mi bya/ snang ba'i gnas su 'dug par bya/ spyod lam bzang bar bya/ legs par bgo bar bya/ legs par bsdam par bya'o/ /'di yang ngal bso ba'i bya ba yin te/ gzhi na gnas pa'i dge slong dag gis dge slong glo bur du lhags pa mthong na de ste ngo shes na ngal bso bar bya/ ji ltar mtshungs par spyod pa'i chos bcas pa bzhin du mtshungs par spyad par bya/ de ste ngo mi shes na bab bab tu ngal bso bar mi bya/ dge slong dag la yang tshe dang ldan pa 'di su'i lhan cig spyod pa yin/ 'di spyod pa ji lta bu zhes dri bar bya'o/ /de ste de'i spyod pa dang / spyod yul dang / tshul khrims dang / sdom pa dang / mtshungs par spyod pa'i rnams rtogs na gdod ngal bso bar bya'o/ /de gcig pu la gtsug lag khang gtad par mi bya/ dge 'dun gyi mdzod dang / bang ba dang / dge 'dun gyi mal la dbang du gzhug par mi bya/ shin tu rtogs par byas la gdod yid gcugs par bya ba de ni ngal bso ba'i bya ba zhes bya'o/ /bar snang gi bya ba gang zhe na/ bar snang thams cad ni mtshams gcig pa ma yin te/ der gnas pa dang / 'di na gnas pa lhan cig tu las bya zhing bskyo ba yang mi brtsan/ 'di na gnas pa dang de na gnas pa dag lhan cig tu las byas par mi 'gyur/ bskyos pa yang mi brtsan no/ /dge slong skya rengs ma shar bar chos gos med bzhin du steng du mi 'byung/ dbyar tshul du zhugs na yang zhag bdun nam/ zhag bzhi bcur byin gyis ma brlabs par nam mkha' la byung zhing gnas par mi bya'o/ /de ste byung zhing gnas na chos gos dang bral bar 'gyur la dbyar kyang zhig par 'gyur te/ 'di ni bar snang gi bya ba zhes bya'o/ /gtan pa'i bya ba gang zhe na/ gtan 13-1-307b pa la yon tan lnga ste/ zhag gcig gis bral ba med/ zhag bcu'i 'da' ba med/ zla ba gcig gis 'da' ba med/ ji snyed du dgos pa'i gos rnams byin gyis ma brlabs kyang 'chang du rung/ stod g.yogs dang mthang gos kyis ljongs rgyu bar rung ngo / / gzhan yang gtan pa la yon tan rnam pa lnga ste/ 'dus shing za ba med/ yang yang za ba med/ phyi ma la ma bsgo bar 'gro ba med chos gos ji dgos pa tshol du rung/ ston zla tha chungs nas dpyid zla ra ba'i bar du dbyar tshul du zhugs pa'i dge slong dge 'dun gyi rnyed pa ma bgos shing bzhag pa de yang gtan pa bting ba rnams kyis ma dad na gzhan la mi sbyin no/ /de ni gtan pa'i bya ba zhes bya'o/ /chu tshags kyi bya ba gang zhe na/ dge slong chu tshags med na lam du zhugs shing 'gro bar mi bya'o/ /de ste chu rgyun du 'bab la de yang rung bar gyur de chu gzhan dang ma 'dres pa zhig gam/ khron pa rung ba zhig gam/ rgyang grags phyed phyed du gtsug lag khang rgyun chags par yod pa ma gtogs te de ni chu tshags kyi bya ba zhes bya'o/ /'chag sa'i bya ba gang zhe na/ bcom ldan 'das kyis 'chag sa rnam pa gnyis rjes su gnang ste/ bsam gtan la zhugs pa dang / kha ton la zhugs pa'o/ /bsam gtan la zhugs pa'i 'chag sa ni khru bco brgyad do/ /kha ton la zhugs pa'i 'chag sa ni khru bcu gnyis te de ni 'chag sa'i bya ba zhes bya'o/ /'chag pa'i bya ba gang zhe na/ dge slong 'chag par 'dod na des drag tu yang ma yin/ dal nas 'chag par bya/ shes bzhin du 'chag par bya/ dran pa nye bar gzhag /dbang po nang du gzhag /yid phyir mi dbyung bar bya/ rdeg mi 'chos par bya/ phan tshun mi 'khyor bar bya/ drang por 'chag par bya/ de ste drang por 'chag mi nus na srad bu bre bar bya/ srad bu bres pa la sngu bu bcug nas de la 'ju zhing 'chag par bya ste/ 'di ni 'chag pa'i bya ba zhes bya'o/ /'phyen gyi bya ba gang zhe na/ ston pa'i mdun du mi gtang/ mchod rten gyi drung du ma yin/ mkhan po dang slob 13-1-308a dpon gyi drung du ma yin/ bla ma'i drung du ma yin/ bla mar bya ba'i drung du ma yin/ grong gi nang du skye bo'i mdun du ma yin/ phyi phyir gtang bar mi bya/ de ste yang phyi phyir gtong ba zhig tu gyur na gnas gud du song la gtang bar bya'i/ de'i rkyen gyis gzhan la mi bde bar 'gyur bar mi bya ste/'di ni 'phyen gyi bya ba zhes bya'o/ /gzhar ba'i bya ba gang zhe na/ dge slong gzhar 'dod na rno ba'i yo byad kyis gzhar bar mi bya/ rtswa bsdus pas mi bya/ lo ma'am/ ra da'am/ 'jam pa gzhan gyis gzhar bar bya ste/ de ni gzhar ba'i bya ba zhes bya'o/ /bshang ba'i bya ba gang zhe na/ dge slong gis bab bab tu bshang bar mi bya/ rtsig pa'i drung du ma yin/ shing gi drung du ma yin/ shes bzhin du phyogs gcig tu bshang bar bya'o/ /de ste phyi phyir bshang ba zhig tu gyur na bshang ba'i gyo mo drung du gzhag par bya/ yang na khung bu brko bar bya ste/ 'di ni bshang ba'i bya ba zhes bya'o/ /bshang sa'i bya ba gang zhe na/ dge slong bshang sar 'gro bar 'dod pas snga na 'dug pas tshor bar bya ba'i phyir se gol gtogs par bya/ sngon du zhugs pas lud pa dbyung bar bya/ shes bzhin du nang du 'gro bar bya/ chos gos legs par brdzes nas 'dug par bya/ bshang sa'i khung bur rkang rten gnyis la legs par brtags nas dbus su 'dug par bya/ bshang ba mi 'ong ba la nan gyis gzir bar mi bya/ 'ong ba la'ang dgag par mi bya ste/ de ni bshang sa'i bya ba zhes bya'o/ /bshang sa'i khung bu'i bya ba gang zhe na/ dge slong bshang bar 'dod na dal nas bags kyis shes bzhin du bshang bar bya/ bshang sa'i khung kha rnams su gos shing chags par mi bya ste/ 'di ni bshang sa'i khung bu'i bya ba zhes bya'o/ /bshang sar gnas brtan gyi bya ba gang zhe na/ bshang sar dge slong gnas brtan gyis gsar bu 'dug pa slar bslang bar mi bya/ bshang sar 'dug pa las slar bslang bar mi bya ba ni chung ngu bshang sa'i nang du zhugs pa las slar bzlog par mi bya ste/ de ni bshang 13-1-308b sar gnas brtan gyi bya ba zhes bya'o/ /bshang sa'i khor yug gi bya ba gang zhe na/ dge slong bshang sa'i nye 'khor na 'greng bar mi bya/ 'dug par mi bya/ 'chag par mi bya/ lung bsgo bar mi bya/ lung nod par mi bya/ dran par mi bya/ slar 'dri bar mi bya/ rnal 'byor dang yid la byed pa mi bya/ gtam la zhugs shing mi bya/ lhung bzed kyi las mi bya/ chos gos kyi las mi bya/ so shing 'cha' bar mi bya/ lag pa dang rkang pa bkru bar mi bya/ bya'o cog thams cad kyang bshang sa'i phyogs kun tu mi bya'o/ /bshang sa'i gnas su nges par bya ba'i rnams ni ma gtogs te/ 'di ni bshang sa'i nye 'khor gyi bya ba zhes bya'o/ /gci ba'i bya ba gang zhe na/ dge slong gis bab bab tu gci bar mi bya/ rtsig drung du gci bar mi bya/ shing drung du gci bar mi bya/ shes bzhin du phyogs gcig tu gci bar bya'o/ /de ste gcin snyi bar gyur na gcin snod gyo mo gtad par bya/ yang na khung bu brko bar bya ste/ 'di ni gci ba'i bya ba zhes bya'o/ /gci ba'i sa'i bya ba gang zhe na/ dge slong gci sar 'jug par 'dod na des snga na 'dug pas tshor bar bya ba'i phyir se gol gtogs nas snga ma bzhin te/ mi bro ba la ni mi gzir/ bro ba la ni mi dgag pa'i bar du ste/ 'di ni gci ba'i sa'i bya ba zhes bya'o/ /gci ba'i khung gi bya ba gang zhe na/ dge slong gis gci sa'i khung khar bags kyis shes bzhin du gci bar bya/ gcin khung gi khar mi gtor ba dang / mi sbres par bya ste/ de ni gci sa'i bya ba zhes bya'o/ /gci sar gnas brtan gyi bya ba gang zhe na/ gci sar dge slong gnas brtan gyis gci sar dge slong gsar bu gci zhing 'dug pa bslang bar mi bya/ gci sar 'dug pa las mi bslang bar bya ba ni chung ngu na gci sar zhugs pa yang bzlog par mi bya ste/ 'di ni gci sar gnas brtan gyi bya ba zhes bya ba'o/ /gci sa'i nye 'khor gyi bya ba gang zhe na/ dge slong gci sa'i nye 'khor du 'greng bar mi bya ba nas snga ma bzhin te/ gci ba'i nye 'khor gyi 13-1-309a bya ba ni ma gtogs so zhes bya ba'i bar du ste/ de ni gci ba'i sa'i nye 'khor gyi bya ba zhes bya'o/ /bkru ba'i bya ba gang zhe na/ dge slong gis ma bkrus kyi bar du ston pa la ltar 'gro bar mi bya/ mchod rten la ma yin/ mkhan po dang / slob dpon la ma yin/ bla ma la ma yin/ bla mar bya ba la ma yin te/ phyag mi bya/ kha ton mi bya/ lung mi bsgo/ blang bar mi bya/ dran par mi bya/ kun dri bar mi bya/ grong du 'jug par mi bya/ zas la 'dug par mi bya/ skyo ma la 'dug par mi bya/ thug pa la 'dug par mi bya/ 'thung ba la 'dug par mi bya/ chos bshad pa la 'dug par mi bya/ phyogs bzhi'i dge 'dun gyi mal stan la 'dug par mi bya/ na bar gyur na ni nyes pa med de/ yang na mi'i lha chu yin par gyur tam/ de ste chu ma 'byor tam/ de ste bkru bar mi rung ba'i sman cig btang ba ni ma gtogs te/ de ni bkru ba'i bya ba zhes bya'o/ /bkru ba'i gnas kyi bya ba gang zhe na/ bkru ba'i gnas su 'gro ba'i dge slong gis se gol gtogs nas snga ma bzhin bkru ba'i gnas kyi dbus su 'dug par bya ba'i bar du ste/ 'di ni bkru ba'i gnas kyi bya ba zhes bya'o/ /bkru ba'i gnas su rkang pa bzhag pa'i gnas kyi bya ba gang zhe na/ khrus byed par 'dod pa'i dge slong gis bkru ba'i tshe bkru ba'i gnas su kha chus mi dgang ba dang / chus ma gsher bar bya ste/ 'di ni bkru ba'i gnas kyi rkang pa bzhag pa'i gnas kyi bya ba zhes bya'o/ /khrus kyi sar gnas brtan gyi bya ba gang zhe na/ khrus sar dge slong gnas brtan gyis khrus sar dge slong gsar bu bslang bar mi bya/ khrus la zhugs pa las mi bslang ba ni chung ngu na khrus sar zhugs pa las bzlog par mi bya ste/ de ni khrus sar gnas brtan gyi bya ba zhes bya'o/ /khrus sa'i nye 'khor gyi bya ba gang zhe na/ dge slong gis khrus sa'i nye 'khor du 'greng zhing 'dug par mi bya ba nas snga ma bzhin khrus sa'i nye 'khor du bya ba'i rnams ni ma 13-1-309b gtogs pa'i bar du ste/de ni khrus sa'i nye 'khor gyi bya ba zhes bya'o/ /mchil ma'i bya ba gang zhe na/ de ni dge slong gis sgra dang bcas par mchil ma dor bar mi bya/ lce dril bar sos mnan par mi bya/ ston pa'i spyan sngar ma yin/ mchod rten gyi drung du ma yin/ mkhan po dang / slob dpon gyi drung du ma yin/ bla ma'i drung du ma yin/ bla mar gyur pa'i drung du ma yin/ zan za ba na ma yin/ 'thung ba la ma yin/ yongs su las bya ba'i sar ma yin/ dge slong gis bab bab tu mchil ma dor bar mi bya/ mchil ma dor nas phyal bar mi bya ste/ yang na rkang pas nyes shig /yang na sas khob shig /dge slong gis mchil ma phyi phyir dor bar mi bya'o/ /de ste phyi phyir 'dor na de'i rkyen gyis gzhan mi bde bar mi 'gyur ba'i phyir gnas gzhan du 'gro bar bya ste/ de ni mchil ma'i bya ba zhes bya'o/ /mchil ma'i snod kyi bya ba gang zhe na/ bcom ldan 'das kyis dge slong rnams la mchil ma dor ba'i phyir mchil ma'i snod rnam pa gnyis gnang ste/ rdza mkhan gyis byas pa dang / bdag nyid kyis byas pa'o/ /dge slong gis mchil ma'i snod dus dus su brtag par bya/ bskam par bya/ dben par gzhag par bya/ shin tu bkru bar bya/ ci nas de'i rkyen gyis phyi phyir tshol bar mi 'gyur bar bya ste/ de ni mchil ma'i snod kyi bya ba zhes bya'o/ /so shing gi bya ba gang zhe na/ dge slong gis so shing ring po bca' bar mi bya/ shin tu thung ba'ang ma yin/ shin tu sbom pa yang ma yin/ shin tu phra ba yang ma yin/ yun ring du yang ma yin/ ston pa'i spyan sngar ma yin/ mchod rten gyi drung du yang ma yin/ mkhan po dang / slob dpon gyi thad du yang ma yin/ bla ma'i thad du yang ma yin/ bla mar gyur pa'i drung du ma yin/ me khang du ma yin/ bkad sar ma yin/ 'chag sar ma yin/ dugs khang du ma yin/ rkang pa bkru ba'i sar ma yin/ gnas khang du ma yin/ rim khang du ma 13-1-310a yin/ sgo khang du ma yin/ bshang sar ma yin/ rtsig pa'i drung du ma yin/ shing drung du ma yin/ gtsug lag khang gi phyag dar bya ba'i khor yug tu ma yin/ skye bo mang po 'du ba thams cad du yang so shing 'dor bar mi bya/ dge slong gis rnam pa gsum dben par bya ste/ bshang ba dang / gci ba dang / so shing bca' ba'o/ /dge slong gis so shing 'chos nas/ de bzhin du mi dor gyi chus bkru bar bya/ yang na rdog pas mnye bar bya/ sa la drud par byas te/ 'di ni so shing gi bya ba zhes bya'o/ / so drud pa'i bya ba gang zhe na/ dge slong gis so shing rnon pos drud par mi bya/ bag med par nang du gzhug par mi bya/ dal nas bags kyis shes bzhin du drud par bya/ so rnyil drud par mi bya ste/ 'di ni so drud pa'i bya ba zhes bya'o/ /lce bzhar ba'i bya ba gang zhe na/ dge slong gis lce bzhar ba rnon pos bzhar bar mi bya/ bag med par nang du gzhug par mi bya/ bags kyis dal nas shes bzhin du lce bzhar bar bya/ lce'i sha bzhar bar mi bya ste/ 'di ni lce bzhar ba'i bya ba zhes bya'o/ /rna spabs bru ba'i bya ba gang zhe na/ dge slong gis rtse mo rnon pos rna spabs bru bar mi bya/ bag med par nang du gzhug par mi bya/ bags kyis dal nas shes bzhin du rna spabs bru bar bya/ rna ba'i sha bru bar mi bya ste/ 'di ni rna spabs bru ba'i bya ba zhes bya'o/ /kun spyad pa gang zhe na/ dge sbyong gi yo byad thams cad mtshungs par spyod pa ni spyad pa'o/ /mi spyad pa gang zhe na/ de ltar bzlog pa ni mi spyad pa'o/ /ma lta bu'i bya ba'i phung po zhes bya ba'i phung po gsum pa rdzogs te/ ma lta bu rdzogs so// //btsun pa 'dul ba'i lus gang lags/ dmigs pa gang lags/ byin gyis brlabs pa gang lags/ mtshan nyid gang lags/ gleng gzhi gang lags/ ngo bo nyid gang lags/ 'bras bu gang lags/ u pA li 'dul ba'i lus ni dmigs pa'o/ /dmigs pa ni nan tan no/ /byin gyis brlab 13-1-310b pa ni lus dang ngag dang yid do/ /mtshan nyid ni las so/ /gleng gzhi ni bsgrags pa'o/ /ngo bo nyid ni nyes pa'o/ /'bras bu ni mtho ris dang thar pa'o/ /'dul ba gzhung dam pa rdzogs te/ u pA lis kun dris pa rdzogs so// //thams cad mkhyen pa la phyag 'tshal lo/ /'dul ba gzhung ni dam pa 'di/ /'phags pa nye ba 'khor gyis ni/ /ma 'ongs pa yi gang zag gi/ /ma rtogs la sogs bsal ba'i phyir/ /gzhi dang rnam 'byed la sogs kyi/ /'grel bshad nges pa don gyi lung/ /zhus nas rgyal bas bka' stsal to/ /de dag rnams kyang gang zhe na/ /spyi'i sdom la/ zhu ba 'dul byed gcig las 'phros/ /lnga tshan bcu drug tshan dang ni/ /gleng gzhi rkyang pa gtam gyi gzhi/ /ma na pi ka ma mo dang / /lus sogs ston pa tha ma ste/ /le'u dag tu yang dag 'dod/ /thog mar zhus pa de yang ni/ /rnam 'byed ltung ba sde bzhi dang / /rang byung la sogs gzhi rnams kyi/ /gtan la 'bebs pa dag tu 'dod/ /de nyid dris lan zhes kyang bsgrags/ /de nas 'dul byed dag yin te/ /pham pa bzhi dang lhag ma yi/ /smyan gyi ltung ba yan chad dag /gtan la 'bebs par byed pa yin/ /de nas gcig las 'phros pa ste/ /gcig nas bcu yi bar du yin/ /gcig las 'dzegs pa zhes kyang bsgrags/ /de nas 'dul ba lnga tshan te/ /lnga lnga ston phyir lnga tshan no/ /bcu drug sde tshan ston pa'i phyir/ /de nas 'dul ba bcu drug tshan/ /gleng gzhi la ni sgo lnga las/ /dang po bzhi la sdom gyi ni/ /tshigs bcad bcu bcu'o lnga pa la/ /sdom gyi tshigs bcad drug yod de/ /gleng gzhi dag la brten pa'i phyir/ /gleng gzhi zhes ni btags pa yin/ / byang ba sgo bzhi re re yang/ /tshigs bcad bcu bcu'o de nyid la/ /sil bu zhes bya bslab pa'i gzhi/ /rigs mi mthun pa phra mo rnams/ /ston phyir don dang ldan pa yin/ /'dul ba gtam gyi dngos po ni/ /ldebs kyi tshul du byung ba ste/ /sdom gyi tshig gis bsdus 13-1-311a pa med/ /mU la zhes pa'i sgra yi don/ /gzhi dang rtsa ba dngos po la'ang/ /'jug phyir gtam gyi gzhir yang 'gyur/ /ma na pi ka'i sgo dang po/ /tshigs bcad bcu yin gnyis pa la/ /tshigs bcad bcu dang lhag tsam yod/ /shin tu phra zhing che bas na/ /bram ze'i bu mo lta bu zhes/ /don dang mthun pa'i mtshan yin no/ /'dul ba ma mo lta bu la/ /bsnyen par rdzogs pa'i phung po dang / /rab tu ldan dang bya ba yi/ /phung po gsum du shes par bya/ /ma dang 'dra phyir ma mo'o/ /lus dang dmigs pa byin brlab dang / /mtshan nyid gleng gzhi ngo bo dang / /'bras bu'i don rnams tha ma ste/ /u pA li yis zhus pa ni/ /de dag rnams kyis rdzogs pa yin/ /mtshan gyi grangs kyi rim pa dang / /mtshan gyi bshad pa de yin pas/ /de ltar bsngogs nas blta bar bya/ / de ltar na gzhung dam pa'i brjod bya don gyi lus ni de dag nyid yin la/ rjod byed gzhung gi lus ni zhu ba ma rdzogs pa la 'grel par/ 'phags pa nye ba 'khor gyis zhus pa'i gzhung rgya gar yul pa yang sha lo ka nyis stong tsam gyi tshad cig la lan spyod pa kho na'o zhes yul kha cig na zhu ba ma rdzogs pa la sha lo ka nyis stong las med pa'ang bshad mod kyi/ bod du 'gyur ba'i zhu ba ma rdzogs pa la sha lo ka sum stong drug brgya ste bam po bcu gnyis dang / zhu ba rdzogs pa la sha lo ka khri lnga stong dgu brgya ste/ bam po lnga bcu rtsa gsum yod pas spyir bsdoms na sha lo ka khri dgu stong lnga brgya ste/ bam po drug bcu rtsa lnga yod do// //bsod nams chen po'i dpal gyis phyogs las rnam par rgyal ba stobs kyi 'khor los sgyur ba'i rgyal po dang mtshungs pa rgyal po chen po'i bla'i mchod gnas bde bar gshegs pa'i gzhung lugs mang du thos pa/ rig pa dang grol ba'i spobs pa dge ba can/ lung dang rigs pa'i dbang phyug /gangs can gyi rgyud kyi mkhas pa chen po/ sdom brtson dam pa shAkya'i dge slong 'jam pa'i dbyangs kyis/ bka' 'gyur legs 13-1-311b par bzhengs pa rnams las 'di dag ni mkhan po chen po mchims kyis dge ba'i bshes gnyen rgya 'dul ba 'dzin pa zhal bzhugs pa'i dus na/ dge ba'i bshes gnyen 'dul ba 'dzin pa zhing mo che ba byang chub seng ges gnyer mdzad nas/ lung phran tshegs kyi bam po bcu gnyis ma tshang ba dang / gzhung bla ma'i zhu ba ma rdzogs pa bam po bcu gnyis dang / sdom tshig yi ge tshar gnyis ma tshang ba rnams bsam yas mchims phu la sogs pa dbus gtsang gi gtsug lag khang rnams nas btsal te/ la stod 'ol rgod kyi gtsug lag khang du gnas brtan d+harmA seng ges lung sde bzhi tshang bar bzhengs pa snar thang gi gtsug lag khang du gdan drangs te/ de la dpe phyi mdzad nas bzhengs pa dang / gzhan yang chu mig ring mo'i gtsug lag khang dang / rung klung shod grog gi gtsug lag khang gi 'dul ba lung la sogs pa rnams la gtugs te snga zhus legs par bgyis nas bzhengs pa sangs rgyas kyi bstan pa'i rtsa ba legs par gsungs pa dam pa'i chos 'dul ba lung sde bzhi'o/ /de'i bka' 'gyur gyi dpe phyi rnam par dag pa rnams/ mkhas pa'i 'byung gnas dpal snar thang gi gtsug lag khang nas gdan drangs te/ 'phags pa 'jig rten dbang phyug gi sprul pa'i sku chos rgyal srong btsan sgam po'i nang blon chen po mgar stong btsan yul zungs kyi rgyud pa/ gtsug lag gnyis kyi mdzad pas/ bstan pa rin po che'i zhabs tog la g.yel ba mi mnga' zhing/ 'gro ba mang po'i mgon skyabs dam par gyur pa dpal ldan rgyal ba'i sde yis/ 'gro ba ma lus pa'i gnas skabs dang / mthar thug gi phan bde ma lus pa'i 'byung gnas rgyal ba'i bstan pa rin po che yun ring du gnas shing/ phyogs kun tu dar zhing rgyas par bya ba'i phyir/ bod khams su smon lam gyi stobs can mnga' bdag lha btsan po byang chub sems dpa' rnams dang / lo paN skyes mchog khyad par can rnams kyi bdag 13-1-312a rkyen la brten nas/ bde bar gshegs pa'i gsung rab thog mtha' bar du dge zhing sgro skur gyi mtha' dang bral la gzhung lugs ngan pa'i dri mas dben pa mdo sde dang / rgyud sde'i phyogs snga phyir bod du 'gyur ro cog rnams mi'i dbang po tho gen the mur gyi ring la/ ti shri kun dga' rgyal mtshan dpal bzang po bstan pa skyong ba'i dus/ rgyal ba'i bstan pa lnga brgya bdun pa'i mthar nye ba/ 'gro ba'i bla ma ston pa gdul bya'i ngor zhi bar gshegs pa'i tshul bstan nas/ lo sum stong bzhi brgya brgyad bcu 'das pa me mo phag gi lo gsar gyi zla ba tshes grangs gza' skar bzang po la dbu btsugs te/ rgyal ba'i sras po rig pa 'dzin pa byang chub dpal ldan gyis/ bstan pa la shes nas mi phyed pa'i dad pa brtan pos kun nas bslang nas zhal ta'i rim pa rnams dang / rgyu'i dngos po bzang zhing mang la kha na ma tho ba med pas mthun pa'i rkyen bsgrubs nas/ bstan pa'i 'byung gnas dpal na len dra dang mtshungs pa sprul pa'i rgyal po se chen gan gyi dgos kyi lha khang dpal gung thang gi gtsug lag khang chen por legs par bzhengs te/ sde snod kyi tshul la cung zad blo kha phyogs pa thang po che ba'i btsun pa kun dga' 'bum gyis kha ta dang / zhus dag gi dang dos pa bgyis shing/ gzhan yang dad pa dang brtson 'grus che zhing blo gros gsal ba'i sdom brtson dam pa mang du thos shing sde snod 'dzin pa mkhas pa rnams kyis/ rgya gar skad la sogs pa legs par sbyar ba'i skad sor bzhag rnams ni sngon gyi lots+tsha ba chen po rnams kyis mdzad pa'i bye brag tu rtogs byed chen po dang / sgra sbyor bam po gnyis pa la sogs pa la brten nas dag par byas shing/ bod skad rnams ni yul skad dang / 'phral skad ngan pa rnams dang ma 'dres par bod yul gyi sngon gyi brda mes mkhan po rnams dang / sgyur byed dam pa snga phyir byon pa rnams kyi brda gsar rnying dang / skad gsar bcad la sogs pa'i rjes su 'brangs nas da drag dang / ma mya dang / sa stsogs la sogs pa yod med 13-1-312b rnams mkhas pa rnams kyis ji ltar mdzad pa ltar brda don ma nor bar dag par bgyis nas/ gzhi dung gi sa gzhi ltar dkar 'jam mkhregs pa lho rgyal po lha khang gi sho gu la/ dam che zhing mdangs gsal ba ut+pal sngon po lta bu rgya nag chen po las 'ongs pa'i snag tshas/ 'bur dkyus tshugs gsum la mkhas pa'i mthar phyin pas yi ge'i rig byed la slob dpon gyi go 'phang thob pas dag snyoms mdzes par bzhengs pa dpon dpal bzang rin chen dang / sangs rgyas grags la sogs pa dbus gtsang gi yi ge pa yid gzhungs shing mkhas pa rnams kyis legs par bris pa la zhus dag lan gsum du bgyis te bzhengs pa rnams/ sa mo glang gi lo bkra shis lo gsar gyi zla ba la legs par grub cing/ 'bras bu dang bsgrub pa'i dus kyi lnga brgya phrag drug dang / lung mngon pa'i dus kyi bzhi brgya brgyad bcu rtsa gnyis 'das la/ lhag ma mngon pa'i lo bco brgyad dang / mdo sde/ 'dul ba/ rtags tsam 'dzin pa'i lnga brgya phrag gsum ste/ stong lnga brgya bco brgyad bstan pa'i lhag mar yod pa'i dus su bka' 'gyur legs par grub pa rnams las 'di dag ni lung sde bzhi'o/ /'dul ba lung phal che ba la dge slong pha ma'i so sor thar pa dang / zhu ba ma rdzogs pa bzhengs pa med mod kyi 'on kyang so sor thar pa gnyis rnam 'byed gnyis kyi rtsa ba yin zhing/ rnam 'byed gnyis ni so sor thar pa rnam pa gnyis kyi 'grel pa yin la/ zhu ba ma rdzogs pa ni zhu ba dag shos yin pa'i phyir lung rnam 'byed so so'i dbu dang / gzhung bla ma ma rdzogs pa dbu nyid du bzhengs so/ /lung sde bzhi'i go rims ni gzhi dang / rnam par 'byed pa dang / de dag gi dka' ba'i gnas zhus lan gyis gtan la 'bebs pa gzhung bla ma dang / de dag tu ma tshang ba kha skong ba phran tshegs so/ /don gyi go rims de ltar yin yang mkhas pa rnams kyis gzhi dang / rnam par 'byed pa'i rjes la phran tshegs dang / de'i rjes la gzhung dam pa nyid 13-1-313a bris shing/ ka cog la sogs pas mdzad pa'i mtshan byang dkar chag las kyang rim pa de kho na ltar 'byung bas 'dir yang gzhung dam pa mjug nyid du bris so/ /'di rnams kyi bam po'i grangs ni shwo lo ka sum brgya la bam po rer byas nas lung gzhi la bam po brgya dang dgu/ dge slong pha'i rnam 'byed la bam po brgyad bcu rtsa gsum dang bam po sum cha/ dge slong ma'i rnam 'byed la bam po nyi shu rtsa brgyad/ phran tshegs la bam po lnga bcu rtsa dgu/ gzhung bla ma'i zhu ba ma rdzogs pa la bam po bcu gnyis/ zhu ba rdzogs pa'i gzhung dam pa la bam po lnga bcu rtsa gsum ste/ bsdoms na gzhung dam pa la bam po drug bcu rtsa lnga yod pas spyir lung sde bzhi chad pa la bam po sum brgya bzhi bcu rtsa bzhi dang bam po sum cha yod do/ /sngar ma tshang ba rnams tshang bar bzhengs pa'i tshul ni phran tshegs dang / zhu ba ma rdzogs pa'i mjug dag tu bris zin pa'i phyir de dag tu blta bar bya'o// //ye d+harmA he tu pra b+ha bA he dun te ShAn+ta thA ga to h+ya ba data/ te ShAny+tsa yo ni ro d+ha e ba~M bA dI ma hA shra ma Na// // |