@##/ /rgya gar skad du/ /A R+Ya kr-iSh+NA ya oSh+Tha/ bod skad du/ 'phags pa lcags mchu nag po/sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das 'dam bu'i khrod na/ gzings pa'i 'dug gnas na bzhugs te/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo 'dzam bu'i gling gi gnas der 'dong ngo / /btsun pa de ltar bgyi'o zhes gsol nas/ tshe dang ldan pa kun dga' bos bcom ldan 'das kyi ltar mnyan no/ /de nas bcom ldan 'das 'dzam bu'i gling gi sems can rnams la thugs brtse ba'i phyir klu'i rgyal po ma dros pa dang / rgya mtsho dang / dga' bo dang / 'jog po dang / mtha' yas dang / dung skyong dang / gzi can dang / e la'i 'dab ma dang / mdongs bu dang / klu'i rgyal po glog 'byin dang / klu'i rgyal po chu lha dang / klu'i rgyal po sprin bskul dang / /klu'i rgyal po mgo dgu pa dang / klu'i rgyal po mgo bdun pa dang / klu'i rgyal po mgo lnga pa dang / mgo drug pa dang / mgo gsum pa dang / mgo gnyis pa dang / mgo stong pa rnams la bcom ldan 'das kyis mnas bor shig /a nan ste/ bi na ne ste/ 96-1-54b bi shi ki shi a gu bi gu re re/ /hU~M hU~M hU~M/ phaT phaT phaT/ stam+b+ha ya/ b+hany+dza ya/ ba sa sha rI ra ni/ ma hri tra/ ma tra ma ni swA hA/ sngags tshan dang po des klu rnams 'khrugs nas brgyal lo/ /bcom ldan 'das lags/ lo tog dang / 'bras bu dang / sman rnams dang / rtsi shing dang/ myu gu dang / 'dab ma dang / me tog rnams skam par rngo mi thogs lags so/ /char chu dus su 'bebs so/ /rtsi shing dang nags tshal bskyed par bgyid lags so/ /'dzam bu'i gling gi mi rnams kyi longs spyod 'tshe b.rarngo mi thogs lags so/ /sems can rnams la 'tshe bar mi bgyid lags so/ /gal te bcom ldan 'das kyi bka' las 'das na bdag cag klu rnams kyi lus 'khums par gyur cig /gnas med par gyur cig / lus rtsub par gyur cig /mdze dang/ shu ba dang / sha bkra 'byung bar gyur cig /mgo 'gas pa dang / snying 'drul bar gyur cig ces bros bor ro/ /bcom ldan 'das la mngon par dadapa'i 'byung po brgya stong dag kyang sems can thams cad kyi phyir 'ongs te/ de dag khyed la gnod pa chen po byed par 'gyur du 'ong gis ni rga ts+tsha ta/ /ni rgats+tsha ta/ ni ra gats+tsha ta/ myur du byer cig /khyed cag la gang dag sdang ba'i sems dang ldan pa de dag ni phung bar gyur cig /gang dag byams pa'i sems dang ldan zhing nyes par mi 'dod la/ srung bar 'dod pa de dag ni khyed cag gi lus la 'jug par gyis shig /sangs rgyas 'jig rten la thugs brtse ba can gyis bka' stsal pa/ su mu su mu/ su mu su mu/ su mu ru/ su mu ru/ su mu ru/ su mu ru/ su mu ru/ su mu ru/ mu ru mu ru/ mu ru mu ru/ mi ri mi ri swA hA/ lha rnams dang / klu rnams dang / lha ma yin rnams dang / gnod sbyin pho mo rnams kyis ji ltar 'dod pa'i char gyi rgyun myur du 'bebs so/ /klu'i gnas kun nas chab phul dgu blangs la/ chab so sor bzhag la/ yungs kar gyis bsngags cing chu ru stsal/ sngags rdzogs pa dang / klu'i gnas su bskyal lo/ /char ji ltar 'dod pa bzhin 'bab par 'gyur ro/ /sangs rgyas 'jig rten la thugs brtse ba can gyis sems can rnams 96-1-55a la phan par lhag par dgongs pa mnga' ba/ byams pa la gnas pa/ thugs rje dang ldan pa/ dga' ba la gnas pa/ btang snyoms la gnas pa gshegs shig /k+Shi pran ni ra gad tsha ta swA hA/ /nA ga yu yu swA hA/ sprin la blta zhing phyogs bzhir kha bltas la phyag bya zhing / lan lnga bcur bzlas na/ char nges par myur du 'bab bo/ /char 'bebs pa'i tshe klu mi srun pa'i gnas su song la/ lus spos chus bkrus la zas dkar gsum 'tshal la/ sha chang sgog ba congaspang bar bya'o/ /byams pa'i sems dang ldan par bsams la/ kha shar phyogs su bltas nas/ 'phags pa rnams la gsol ba gdab bo/ /ri pu ri bu/ pa la ya thA/ hU~M hU~M phaT phaT swA hA/ badzra badzra dz+wa la ya swA hA/ sarba du shaM na bi ran sha ka swA hA/ ga ru Da hri ti swA hA/ ya stags la bla re sngon pos dbub/ rgyal mtshan sngon po gzugs/ rig sngags 'chang ba stan sngon po/ gos sngon po/ rkang pa yang sngon por bgrad/ lha bshos sngon po/ bum pa chus bkang ba bzhi dkyil 'khor gyi grwa bzhir bzhag /dbus su klu'i rgyal po rgya mtsho'i gzugs dgod/ shar gyi pad+ma la klu'i rgyal po mgo gsum pa dgod/ lho phyogs kyi pad+ma la klu'i rgyal po mgo bdun pa dgod/ /nub phyogs kyi pad+mal klu'i rgyal po mgo dgu pa dgod/ /byang phyogs kyi pad+ma la klu mgo lnga pa dgod/ phrin las kyi gzhung las 'byung ba yang dgod/ oM he hu la phaT phaT/ hU~Mbi dza ya phaT phaT/ nA ga li dz+wa la/ shad shad/ dz+wa li bi kr-i ta/ badzra badzra la ma hA pa la pIR+Ya pa ra kr-i d+ha/ da ra tsi/ pra me ru/ phaT phaT phaT du/ gzungs 'di brjod ma thag tu sa chen po rnams g.yo bar 'gyur ro/ /klu'i rgyal po chen po bye ba khrag khrig brgya stong phrag drug cu khas sbub tu 'gyel nas/ rab tu 'dar te brgyal nas 'dre ldog cing ngu'o/ / de nas klu'i rgyal po rnams kyis/ bcom ldan 'das la smre zhing sngags 'dis klu rnams shin tu tshig go/ /ma rungs lags so zhes gsol pa dang / bcom ldan 'das kyis bka' stsal pa/ klu'i rgyal po rnams kyis 'dzam bu'i gling gi sems can rnams la 96-1-55b phan pa dang / bde ba dang / lo legs pa dang / bsrung ba dang / bskyab pa dang / zhing rnams kyi mig shin tu gang bar gyis shig /lo tog phun sum tshogs pa sgrubs shig /mi rnams dang / mi ma yin pa rnams la rnam par 'tshe bar ma byed cig /char gyi rgyun pho ba shig /'on kyang khyed kyis yun ring po'i bde ba dang / klu'i gnod pa kun dang bral bar 'gyur ro/ /rkang mangs khyed cag bde legs shog /rkang bzhi khyed cag bde legs shog /rkang gnyis khyed cag bde legs shog / rkang med khyed cag bde legs shog /khyed cag lam 'gro bde legs shog /phyir 'ong rnams kyang bde legs shog /khyed cag sdug par ma gyur cig /sangs rgyas lha rnams stong dag gis/ /yongs su bskor te gshegs mdzad kyis/ /sdang sems ldan pa rnams byer cig /snying rje'i bdag nyid can rnams 'khod/ /gling 'dir char phob don rnams kyis/ /sa dang bar snang gnas pa rnams/ /skye dgu rnams la byams byed shog /char med than pa byung ba'i tshe/ /sngags tshan dang po brgya bzlas so/ /bar ma lnga bcu lnga bcu bzlas/ /tha ma lan bdun bzlas par bya'o/ /sprin la blta zhing bar bar sus kyang ma tshor bar shib bur bzlas so/ /grangs las thal na ser bar 'gyur bas sdig che'o/ /klu gnad la gtad pa yin pas sdig che'o/ /lan grangs yang yang mi gdab bo/ zhag gcig gam/ zhag gnyis sam/ zhag lngar char gyi rgyun mi 'bab mi srid do/ /chos kyi rgyal po rga shi mi mnga' ba/ /kun gyi smon lam myur du 'grub 'gyur shog /bcom ldan 'das kyis de skad ces bka' stsal nas tshe dang ldan pa kun dga' bo dang / dge slong de dag rnams yi rangs te/ bcom ldan 'das kyis gsungs pa la mngon par bstod do// //'phags pa lcags mchu nag po'i gzungs rdzogs s+ho//// |