@##/ /rgya gar skad du/ AR+ya bid+yA ut+ta ma ma hA tan+t+ra/ bod skad du/ 'phags pa rig pa mchog gi rgyud chen po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas byang chub sems dpa' sems dpa' chen po lag na rdo rje rig pa bye ba phrag du mas bskor nas/ /bcom ldan 'das ga la ba der song ste phyin nas bar snang las babs te/ /bcom ldan 'das kyi zhabs la mgo bos phyag 'tshal nas bcom ldan 'das la lan gsum bskor ba byas te phyogs gcig tu 'dug go/ /de nas byang chub sems dpa' spyan ras gzigs dbang phyug kyang rig pa bye ba du mas yongs su bskor nas 'khor de nyid du 'dus te/ bcom ldan 'das kyi zhabs la mgo bos phyag 'tshal 95-1-2a nas bcom ldan 'das la lan gsum bskor ba byas te phyogs gcig tu 'dug go/ /de nas 'byung po'i bdag po dbang ldan 'byung po bye ba phrag du mas bskor nas 'khor de nyid du 'dus par gyur te/ bcom ldan 'das kyi zhabs dang phyag na rdo rje la mgo bos phyag 'tshal nas phyogs gcig tu 'dug go/ /de nas gdol pa'i rgyal po phur bu gsum pa yang 'khor de nyid du 'dus par gyur to/ /rgyal po chen po bzhi yang g.yog 'khor bye ba phrag du mas kun nas bskor te 'khor de nyid du 'dus nas bcom ldan 'das kyi zhabs la mgo bos phyag byas te phyogs gcig tu 'dug go/ /de nas byang chub sems dpa' lag na rdo rjes bla gos phrag pa gcig tu gzar te/ pus mo g.yas pa'i lha nga sa la btsugs nas bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das sems can thams cad kyi don gyi slad du bdag gsang sngags kyi tshig 'chad par gnang bar mdzad du gsol/ bcom ldan 'das kyis byang chub sems dpa' lag na rdo rje la 'di skad ces bka' stsal to/ /lag na rdo rje khyod ni shin tu ma rungs pa/ lag na rdo rje khyod ni shin tu brtsam pa med pa/ shin tu gtum pa yin na/ ci ltar sems can rnams kyi don gyi phyir gsang sngags 'chang / lag na rdo rje khyod ni dam tshig shes pa yin la/ sems can gang dag dam tshig mi shes par brjod pa rnams ni rdo rjes mthar byed pa yin na/ khyod ci ltar gsang sngags 'chang / gsol pa/ bcom ldan 'das de de lta lags 95-1-2b mod kyi/ /bcom ldan 'das gang dag rig pa mchog 'di'i don 'don pa dang / 'chang ba dang / mchod pa bgyid pa de dag ni bdag gi dam tshig 'tshal ba lags/ bdag gi dkyil 'khor du zhugs pa lags pas bcom ldan 'das kyis gnang ba mdzad du gsol/ de nas bcom ldan 'das la gnod sbyin gyi bdag po lag na rdo rjes 'di skad ces gsol to/ /bcom ldan 'das bdag gi yi ge bzhi pa zhes bgyi ba 'di ni rig pa'i tshogs thams cad kyi snying por gyur pa las mang po rab tu sgrub pa/ stobs dang pha rol gnon pa dpag tu ma mchis pa bstan pa thogs pa ma mchis pa ste/ bcom ldan 'das rig pa'i rgyal po bshad par bgyi'o/ /kye kye lha yul dang sa dang chu la gnas pa'i 'byung po'i tshogs rnams khyed yid rtse gcig tu gyis la nyon cig /rdo rjes mgo bkas par gyur ta re/ de nas lag na rdo rjes rang gi rig pa'i tshogs la bltas nas gsang sngags smras pa/ /na mo rat+na tra ya s+ya/ na ma sh+tsaN+Da badzra pANi s+ya/ ma hA yak+Sha se nA pa ti s+ya/ /ma hA shAkya sam+dud+d+hA ya/ birli/ kirli/ mirli/ hirli/ bid+yA t+to ma ya rtsi rmi ni durmi ni li swA hA/ de nas thams cad dang ldan pa'i 'khor de 'dar yed yed nas thal mo sbyar te bcom ldan 'das la 'di skad ces gsol to/ /bcom ldan 'das bdag cag la bskyab tu gsol/ bde bar gshegs pa bdag cag la bskyab tu gsol/ de nas gnod sbyin gyi dbang po lag na rdo rjes thams cad dang ldan pa'i 'khor de dag la grogs po dag ma 'jigs shig ma 'jigs shig /rig pa'i rgyal po dran par gyis shig ces dbugs phyung ngo / /de nas thams cad dang ldan pa'i 'khor de ngo mtshar du gyur nas/ bcom ldan 'das la 'di skad ces gsol to/ /bcom ldan 'das byang chub sems dpa' lag na rdo rje 'di lta bu'i gsang sngags kyi tshig dag 'chad pa ni ngo mtshar to/ /bcom ldan 'das bdag cag ni rig pa'i rgyal po gang na gnas pa der mchod par 'tshal lo/ / 95-1-3a su klog pa dang / mchod par bgyid pa dang / sgrub pa'i rig sngags 'chang de'i brtson pa bskyed par bgyi'o/ /bka' stsal pa/rigs kyi bu dag de de bzhin te/ de de bzhin no/ /de nas rig pa'i rgyal po'i las ni 'di lags te/ srad bu'am thal ba'am chu la lan cig brjod pas bsrung bar 'gyur ro/ /rig sngags bcad na mtshon rnon po la lan gnyis brjod de rtswa ku sha gcad do/ /yang na sa dra'o/ /de ltar na rig sngags thams cad gcad par 'gyur ro/ /lan gsum brjod na rig sngags tshang bar 'gyur ro/ /mar gyi ngo zhag brgyad la 'phags pa lag na rdo rje'i mdun du mchod pa bgyis la rig sngags gang yi ge ma tshang ba'am dran pa nyams pa de lan brgya rtsa brgyad brjod de/ rig pa'i mchog gi snying po dang lhan cig tu lan gsum brjod na rmi lam du ston to/ /ci ste las bcad par gyur na rtswa ku shas byab par bya ste rdzogs par 'gyur ro/ /lag na rdo rje'i mdun du lan bzhi brjod na dge ba dang mi dge ba ston par 'gyur ro/ /ci 'dod pa yid bzhin du sbyor ba bgyis na las rnams su 'gyur ro/ /gdon tshar gcad na thal ba'am chu'am dur khrod kyi sol bas bsnun no/ /yang na gzugs bgyis te lcug mas bzhus na gtong bar 'gyur ro/ /yang na sa la gzugs bgyis te dur khrod kyi sol bas lag mthil la rdo rje bris te lag pas bkab na gtong bar 'gyur ro/ / skud pa la mdud pa bor ba rnams kyis rig sngags bcing ngo / /mkha' 'gro ma rnams bcad par bgyis na yungs kar dag la lan bdun bdun bsngags te bsnun na mkha' 'gro ma thams cad ma rungs par 'gyur ro/ /dbab par bgyi na rna bar bzlas brjod bgyi'o/ / yang na tsan dan dmar pos dkyil 'khor byugs la rdo rje rtse lnga pa bris te gu gul gyis bdug pa dang me tog rnams kyis dbab bo/ /phyag rgya gzhig na chu'am thal lcag gam/ so phag gi dum bu rnams kyis so/ /dug las gson chu'am/ rma bya'i mdongs sam/ chu 95-1-3b gri'am/ me long gis so/ /mar gyi ngo zhag bcu bzhi nas lag na rdo rje'i mdun du zhag gsum smyung bar byas la lan brgyad stong bzlas brjod bgyi'o/ /de nas bcom ldan 'das lag na rdo rjes dam pa stsol bar 'gyur te/ de'i 'og tu dug gso ba la sogs pa dang las gzhan rnams kyang bgyi'o/ /gal te mkha' 'gro ma rnams shin tu bcad par 'tshal na de nas lag na rdo rje'i mdun du 'bras kyi gzegs mas lan brgya stong du sbyin sreg bgyis na lag na rdo rjes ji skad bshad pa bzhin du tshe ci tsam 'dod thub par rig sngags thams cad ma rungs par 'gyur ro/ /seng ldeng gi rdo rje bgyis te rig sngags 'chang gi ming nas brjod la sa la lan cig btsugs nas bshig par 'gyur te/ de phyin cad rig sngags 'chang de'i gsang sngags rnams mi 'jug go/ /rig sngags gcad par bgyid 'tshal na/ rig sngags 'chang gi gzugs bgyis pa gcad na bcad pa bgyis par 'gyur ro/ /rig sngags bshig par bgyid 'tshal bas rig sngags de rig pa mchog gi snying po dang lhan cig brjod na rig sngags thams cad bshig par 'gyur te las mi bgyid do/ / rig pa 'gugs par 'tshal bas mar gyi ngo zhag brgyad la nyin zhag gcig smyung ba bgyis la lag na rdo rje'i mdun du mchod pa bgyis te/ rig pa mchog gi snying po dang lhan cig lan brgyad stong bzlas brjod bgyis na rig pa 'gugs te phyis rig pa bsgrub bo/ /rig pa nyams par bgyis na bzlas brjod byas pas chog ste/ che ge mo'i rig pa la gnod pa mdzod cig ces bgyis na rig pa de las mi bgyid do/ /rig pa tshar gcad par bgyi na thal ba la gzugs bgyi ste/ rig pa mchog gi snying po dang lhan cig brjod la rkang pa g.yon pas kyang phyis na rig pa smad pa dang nyams par 'gyur te las mi bgyid do/ /gal te rig sngags 'chang ga zhig par 'tshal na lag na rdo rje'i mdun du rig sngags 'chang gi ming nas brjod de mar me'i snying po me lce dang bcas pa bdun sbyin sreg bgyis na rig sngags 'chang bshig par 'gyur te bsod 95-1-4a nams kyang 'jig go/ /srog kyang 'jig go/ /rig sngags 'chang de'i tshe ci tsam par gsang sngags rnams mi 'grub bo/ /slar gso bar bgyi nam la ta'i me tog mar la smyugs pa'i sbyin sreg bgyi ba lan nyi shu rtsa gcig lag na rdo rje'i mdun du sbyin sreg bgyis na rig pa 'grub bo/ /las 'di dag ni ma bsgrubs kyang bgyid do/ /ci ste bgyid 'tshal na ri la 'dzegs te kha zas 'o skyo 'thung zhing lan 'bum bzlas brjod bgyis na rig pa'i rgyal po'i mchog rang gi gzugs su mthong bar 'gyur te de la bu ci bya zhes gsung bar 'gyur ro/ /des bcom ldan 'das las thams cad mdzad du gsol zhes brjod par bgyi'o/ /de bzhin du gyur cig ces brjod nas mi snang bar 'gyur ro/ /de nas yid kyis bzlas brjod bgyis na rig sngags 'chang yang 'gug go/ /grog mkhar gyi sa las sbrul bgyis te sngags kyis btab na klu thams cad 'chi'o/ /dbang du yang 'gyur ro/ /gseg ma la lan bdun bsngags te mtshor bor na mtsho skam par 'gyur ro/ /'bab chu chen por bor na 'bab chu chen po skam par 'gyur ro/ /gang du bor ba de skam par 'gyur ro/ /bdag gi rig pa'i rgyal po 'di ni rig pa'i rgyal po thams cad dang rig pa thams cad kyi mchog tu brjod pa'o/ /gal te rig pa gzhan dag gis las mi 'tshal na yang sbyor ba 'dis rig pa thams cad sbyor bar bgyi'o/ /las thams cad bgyid do/ /las bgyid na rig pa'i rgyal po dang lhan cig lan gsum brjod la 'ga' zhig ma mchis na/ de'i mgo dum bu zin thig le'i snyi ma bzhin du 'gas par 'gyur ro/ /gang gi tshe gsang ba pa rnams kyi gsang sngags grub pa de'i tshe las thams cad du rig pa'i mchog bzlas brjod bgyi'o/ / mar gyi ngo zhag brgyad la nyin zhag gcig smyung ba bgyis te lag na rdo rje'i mdun du mchod pa bgyis la ba smad spu mthun gyi mar sar blangs te/ /mar sar des seng ldeng gi mer lan brgyad stong sbyin sreg bgyis na rig pa'i mchog rig pa sgrub pa rnams la dam pa stsol bar 'gyur 95-1-4b ro/ /gang gi tshe pha rol 'bros par bgyid 'tshal na phub ma las lan brgyad stong sbyin sreg bya'o/ /so phag gis kyang 'phangs na 'bros par 'gyur ro/ /mar gyi nyin zhag gcig smyung ba bgyis te lag na rdo rje'i mdun du a rka'i zhugs bus la rtswa dUr ba'i lo ma can brgyad stong sbyin sreg bgyis na ti na ra gcig rnyed par 'gyur ro/ /mar gyi ngo zhag bcu bzhi nas zhag gsum smyung ba bgyis te lag na rdo rje'i mdun du me tog ku mu da dang / zho dang sbrang rtsi dang mar la smyugs pa khri me'i nang du sbyin sreg bgyis na dpal che bar 'gyur ro/ / rgya mtsho'i dbu ba dang rgya spos dang ldong ros rnams cha bsnyams te rma bya'i mkhris pa dang ril bu sran ma tsam du bgyis te/ lag na rdo rje'i mdun du rig pa'i mchog lan brgyad stong bzlas brjod bgyis la sbrul gyis zin pa la chu la btab na 'jog pos zin pa yang 'tsho'o/ /srin bus zin pa dang / bas ldags dang 'bras phreng ba 'gyur ba la chab skol ba las btang ngo / /sbrum ma bu ma phyin pa la ni mar las btang na bde bar btsa' bar 'gyur ro/ /bus pa gdon gyis zin na bdug pas bdugs pa gtong bar 'gyur ro/ /bud med kyi nad las ni dar ba la btang ngo / /phug tu 'jug na lus la bsku'o/ /sgrub pa na bdag la bdugs na log 'dren thams cad las thar bar 'gyur ro/ /lag na rdo rje'i mdun du srad bu la rig pa'i mchog brgyad stong bzlas brjod bgyis te lag pa la btags nas g.yul ngor zhugs na pha rol gyis mi thub par 'gyur ro/ /sbyin sreg bgyis pa'i thal ba'am/ thal ba gtsang mas kham phor bkang la rig pa mchog bzlas brjod bgyis na rkun po gang na 'dug pa der mchi'o/ /gang gis rig pa'i rgyal po 'di yid kyis bzlas brjod bgyis pa de la dbang phyug chen po dang dbang phyug chen po'i tshogs dang / bgegs dang log 'dren dang / /mkha' 'gro ma dang srin po dang / sha za dang / gnod sbyin dang / /'byung po dang / grul bum dang / srul po dang / mdangs 'phrog pa dang / gdon brgyan ma dang / ma mo dang lag na rdo rje'i phyag brnyan dang gang gis kyang 95-1-5a glags mi rnyed kyi lag na rdo rjes de'i mgo 'gems so/ /bcom ldan 'das kyi spyan snga 'am/ phyogs gtsang mar mchod pa bgyis te rtswa ku sha'i mdung rtse gsum pa thogs la yungs kar dang / zho dang / sbrang rtsi dang mar bsregs pa sbyin blugs lan nyi shu rtsa gcig sbyin sreg bgyi zhing nyin bdun dus gsum du gcer bur skra bshig la bgyis na nor s+col bar bgyid do/ /mar gyi ngo zhag drug nas brtsams te mtsho 'gram du mchis la/ mar gyi ngo zhag brgyad pa'i bar du yungs kar dag las sbyin sreg lan brgyad stong bgyis na nor dang gos rnams s+col bar 'gyur ro/ /'phags pa rig pa'i rgyal po'i mchog sgrub pa ni ri mo mkhan gso sbyong bzung bas ma god pa'i ras la sbyin dang ma 'dres pa'i tshon rtsi rnams kyis sangs rgyas kyi sku gzugs bri bar bgyi'o/ /g.yas phyogs su lag na rdo rje stan nang tshangs can gyi steng na mchis par bri'o/ /lag na rdo rje'i 'og tu rig pa'i mchog bri'o/ /bcom ldan 'das ni gser gyi kha dog lta bu'o/ /lag na rdo rje ni sngo bsangs te rgyan thams cad kyis brgyan pa'o/ /rig pa'i rgyal po yang sngo bsangs te rgyan thams cad kyis brgyan la stan gor bu'i steng na mchis par bri'o/ /mar gyi ngo zhag bcu bzhi la nyin zhag gcig smyung ba bgyis te ci nus su mchod par bgyis la rgyal ba'i blo gros kyis rig pa'i rgyal po dgug par bgyi'o/ /rdo rje'i khas nye reg bgyi'o/ /rdo rje'i lte bas spos dbul bar bgyi'o/ /me kha las me tog dbul bar bgyi'o/ /gdong dkar gyis srung bar bgyi'o/ /rdo rje ser mos khrus bgyi'o/ /nag mos khu ba bcing bar bgyi'o/ /gyen du lta ba'i gdong gis phyogs bcing bar bgyi'o/ /rdo rje'i seng ge'i khris 'dug par bgyi'o/ /rdo rje ldan mas bgegs gzhom par bgyi'o/ /shugs ldan mas slar gshegs su gsol lo/ /phyis rig pa mchog gi ri mo'i gzugs kyi mdun du gu gul gyi ril bu brgyad stong sbyin sreg bgyis na dngos grub kyi mtshan mar bcom ldan 'das kyi gzugs 95-1-5b 'gul bar 'gyur ro/ /zhag bdun na ti na ra brgya rnyed par 'gyur ro/ /yang na longs spyod stsol bar 'gyur ro/ /mar gyi ngo zhag brgyad na lag na rdo rje'i mdun du du ru ska'i 'bras bu las lan brgyad brgya sbyin sreg bgyis na gang 'dod pa de smyo bar 'gyur ro/ /lag na rdo rje'i mdun du mar dang gu gul gyi ril bu brgyad brgya'i sbyin sreg bgyis na sos par 'gyur ro/ /mar gyi ngo zhag brgyad la nyin zhag gcig smyung ba bgyis te shing a shwat+tha'i lo 'dab kyi steng du sdong ros bzhag la ci srid kyis rnam gsum grub pa de srid du bzlas brjod bgyi'o/ /dro bar gyur na rkang pas mchi'o/ /du ba 'thul na mi snang ba dang lo bdun stong du 'tsho'o/ /'bar na bskal par gnas par 'gyur ro/ /rlung bzhin du lag na rdo rje'i gnas su mchi zhing kha zas ci 'dod pa za'o/ /a tha RA dzA nA ma shi ka dU kA ma kr-i ta aSh+Ta mya a ho ra tro shi te na badzra pA Ni s+ya a gra ta arka kASh+The ag+ni pra dz+wA le/ ru d+hi ra a ga ta na Na ti lA nAM aSh+Ta sa ha sraM hu dzu ya da rA dzA pa sho ba ti badzra k+Sha mo pa saM hi tam/ ci ste dgra gsod par 'dod pa na/ lag na rdo rje'i mdun du seng ldeng gi zhugs bus la yungs kar dang ske tshe'i 'bru las lan brgyad stong du sbyin sreg bgyis na dgra 'chi'o/ /gnod par sems par bgyid na lag na rdo rje'i mdun du yi dgas kyi shing gi zhugs bus la til nag po la lan brgya stong sbyin sreg bgyis na gnod par sems par bgyis par 'gyur ro/ /mar gyi ngo zhag bcu bzhi la nyin zhag gcig smyung ba bgyis te lag na rdo rje'i rkang pa g.yas pa'i mthe bong las bzung la/ de'i ming nas phyung ste bzlas brjod bgyis na 'phral du dgrar mi 'gyur ro/ /mar gyi ngo zhag brgyad la nyin zhag gcig smyung ba bgyis te rig pa mchog gi sngags kyis btab pa'i chang gis rdo rje bkrus la rig sngags kyang lan brgyad brgya bzlas brjod bgyis na/ gang gi ming nas phyung ste bzlas brjod bgyis pa de gdon gyis zin par 'gyur ro/ /rdo rje 'o mas bkrus la rig sngags lan brgyad stong bzlas pa bgyis na sos par 'gyur 95-1-6a ro/ /yul 'khor gzhig par 'dod pas seng ldeng gi rdo rje bgyis la yar gyi ngo tshes bcu gnyis la lag na rdo rje'i mdun du lan brgyad stong bzlas brjod bgyis te/ yul gyi bzhi mdor btsugs na yul 'khor 'jig par 'gyur ro/ /phyung na snga ma kho na bzhin rtag par 'gyur ro/ /mar gyi ngo zhag dgu la lag na rdo rje'i mdun du rig pa mchog gis ske tshe'i 'bru la lan brgyad stong bzlas brjod bgyis na khyim phung bar 'gyur ro/ /lag na rdo rje'i mdun du mar dang bsres pa'i ske tshe'i 'bru la lan brgyad stong sbyin sreg bgyis na brtas par 'gyur ro/ /mar gyi ngo zhag brgyad la ba smad spu mthun gyi 'o ma blangs te rig pa mchog gi bzlas brjod byed cing bsrungs la/ de las mar sar blangs te thod pa'i nang du bzhag la thod pa de blangs te mar gyi ngo zhag bcu bzhi la nyin zhag gcig smyung ba bgyis la mngon mtshan cig yod par song ste/ 'byung po thams cad pa'i gtor ma bgyis la thod pa de thogs te lus kyis lho phyogs su 'dug la ci tsam na 'bar ba de srid du bzlas brjod bgyi'o/ /de nas de 'thungs na ci 'dod pa'i gzugs su 'gyur ro/ /nam mkha' la 'gro bar 'gyur ro/ /mi snang bar 'gyur ro/ /gzugs sna tshogs ston par 'gyur ro/ /lo lnga brgya 'tsho bar 'gyur ro/ /bdag rig pa'i rgyal po'i mchog 'di ni rig pa thams cad kyi gtso bo'o/ /bdag bsrung na gos kyi mtha' mar mdud pa dor ro/ /gzhan bsrung na spyi gtsug tu skra mdud dor ro/ /chu srin kum+b+hi ra'i kha bcing na phyogs bzhir chu gtor ro/ /stag la ni yid kyis dkyil 'khor bgyis na bcings par 'gyur ro/ /mtshams bcad na yungs kar gyis so/ /zhing bsrung na phur bu dag gis so/ /sman bsrung na yid kyis rig pa'i mchog sbyar bar bgyi'o/ /gzhan yang bsgrub pa na ma god pa'i ras la sbyin dang ma 'dres pa'i tshon rtsi rnams kyis rig pa'i rgyal po'i mchog bri bar bgyi ste/ mdog sngo bsangs sham thabs ser po lag pa g.yon na zhags pa g.yas 95-1-6b pas dam pa sbyin par bri'o/ /'og tu sgrub pa po lag na pog phor thogs pa bri'o/ /zhag bdun zas su 'o skyo btung ngo / /tha mar zhag gsum smyung bar bgyis te mar gyi ngo zhag bcu bzhi la ci nus kyis mchod pa bgyis la skra tshogs las zhags pa bgyis te/ lag pa g.yas par thogs te ji srid du rang gi gzugs kyis mchi ba de srid du bzlas brjod bgyi'o/ /rdo rje bzhad mas smrar gzhug ste de bu ci bya zhes smra bar 'gyur ro/ /des tshangs pa'am/ khyab 'jug gam/ dbang phyug chen po dang / che ge mo zhes bya ba zhags pas zung la khrid de spyon cig ces brjod do/ /yang rgyal po'am/ gnod sbyin nam/ srin po'am/ sha za'am/ gang dgug par 'dod pa de bkug ste/ de dag thams cad phyag brnyan du 'gyur ro/ /gang bsams pa de 'tshal te mchi'o/ / gang na mgod pa'i ras la ri mo mkhan gso sbyong bzung bas sbyin dang ma 'dres pa'i tshon rtsi rnams kyis rig pa'i rgyal po'i mchog bri bar bya ste/ mdog sngo bsangs rgyan thams cad kyis brgyan pa/ stod g.yogs dar dkar/ smad g.yogs ras lag pa bzhi pa/ lag pa g.yon pa gcig na rdo rje/ gcig na lcags kyu/ g.yas pa gcig dam pa sbyin pa/ gcig be con thogs pa bri'o/ /'og tu sgrub pa po lag na pog phor thogs par bgyi'o/ /g.yas phyogs su rdo rje khu tshur mdog gser lta bu rgyan thams cad kyis brgyan pa/ lag pa gnyis ka na rdo rje thogs pa bri'o/ /g.yon logs su rdo rje blo gros bri bar bgyi ste/ de yang mdog gser lta bu rgyan thams cad kyis brgyan pa bri bar bgyi'o/ /de nas rdo rje sgrub pa ni zla ba gcig slong mo'i zas zos la tha mar lus sbyang bar bgyi ste/ cho 'phrul gyi zla ba nya la zhag gsum smyung ba bgyis la lcags sna gsum las bgyis pa'i rdo rje ri mo'i sku gzugs kyi mdun du shing a shwat+tha'i lo ma bdun gyi steng du bzhag la bsgrub ste/ /ji srid kyis 'bar ba de srid du bzlas brjod bgyi'o/ /'bar 95-1-7a nas blang bar bgyi ste blangs ma thag tu lag na rdo rje 'dra bar 'gyur ro/ /nyi ma shar ba'i kha dog 'dra bar 'gyur/ /rig sngags 'chang gi 'khor los sgyur bar 'gyur ro/ /de nas lcags kyu bsgrubs na sngar spyad par bgyi ste/ rtswa ku sha rtsa ba med pa las lcags kyu bgyis la mar gyi ngo zhag bcu bzhi la zhag gsum smyung ba byas te ri mo'i sku gzugs kyi mdun du mchod pa rgya cher bgyis la me tog gi steng du bzhag ste de'i steng du lag pa bzhag la ji srid kyis 'bar ba de srid du bzlas brjod bgyi'o/ /'bar nas blang bar bgyi ste blangs ma thag tu sa ser kha mthong zhing tshangs pa'i gnas su mchi bar 'gyur ro/ /lag na lcags kyu thogs na sum cu rtsa gsum pas kyang zil gyis mnan par mi nus so/ /be con bsgrub pa bshad par bgyi ste/ lcags sna gsum las be con sor bcu drug pa/ dbyibs tho ba 'dra ba zur drug par bgyi'o/ /sngar spyad pa bgyis la mar gyi ngo zhag bcu bzhi la zhag gsum smyung ba bgyis te/ ri mo'i sku gzugs kyi mdun du mchod pa rgya cher bgyis la/ ras dkar po'i steng du bzhag ste ci srid 'bar ba de srid du bzlas brjod bgyi'o/ /de nas blangs ma thag tu lag na rdo rje 'dra bar 'gyur ro/ /lag na rdo rje dang stobs mnyam ste lag na rdo rje'i gnas su mchi bar 'gyur ro/ /dngos grub rnam pa gsum la bskal par gnas par 'gyur ro/ /sgrub pa thams cad du pho nya mo rnams kyis las thams cad bgyis te rig pa sna tshogs sbyar bar bgyi'o/ /de ltar gang gi rig pa'i rgyal po 'don pa dang / mchod pa de de bzhin gshegs pa thams cad mchod pa lags so/ /mnyes par bgyis pa lags so/ /thod pa blangs te khrag gis bkang ste mar gyi ngo zhag brgyad la nyin zhag gcig smyung ba bgyis te khang stong ngam/ kun dga'i ra bar ji srid kyis bud med 'byung ba de srid du bzlas brjod bgyi'o/ /de la che ge mo zhes bya ba la gnod pa gyis shig par brjod na gnod pa bgyid do/ / 95-1-7b gnod pa bgyid du 'jug go/ /rengs par bgyid do/ /rig pa'i rgyal po 'di 'gug pa 'dis bkug nas phyis rgyal ba'i blo gros kyis dgug par bgyi'o/ /na mo rat+na tra ya s+ya/ na ma sh+tsaN+Da badzra pA Ni s+ya/ ma hA yak+Sha se na pa ti s+ya/ tu ru tu ru/ tsu ru tsu ru/ ki ri ki ri/ re+e tra pra tsaN+Da ya Ta ya/ A gats+tsha A gats+tsha/ ma ma ar+t+ta ma/ pa ri pU ru ya/ a skr-i ta/ bid+yA d+ha rot+ta ma a haM/ twa ma Akar+Sha yA mi ma ma/ sarba ar+tha ma no ra tha pa ri pU ra ko b+ha ba/ ma ma ar+tha sid+d+hiny+tsi da da ma ci raM ku ru swa hA/ ci ste tshes brgyad la bsgrub par 'tshal na tshes bdun gyi phyi dro gu gul gyis bdugs la gsang sngags lan brgya rtsa brgyad brjod do/ /sgrub pa ni rgyal ba'i blo gros kyis dgug go/ /sgrub pa thams cad dang las thams cad du'ang dgug pa 'dis dgug go/ /na mo rat+na tra ya s+ya/ na ma sh+tsaN+Da badzra pA Ni s+ya/ ma hA yak+Sha se na pa ti s+ya/ dza ya ma ti/ dzi na ti/ dzi na d+hA ri Ni/ A be sha ya/ da sha ma ta shAM ba/ de ba nA ga yak+Sha gan+d+ha rbe kA nu tsa ra/ ma ru shaM la hu la hu/ gr-ih+Na b+hu mi ma pa ta ye/ shI g+h+raM badzra pA Ni s+t+waM/ adz+nya pa ya ti swA hA/ rgyal ba'i blo gros 'dis dgug par bgyi'o/ /de nas rdo rje lcags sgrog gis bcing bar bgyi'o/ /na mo rat+na tra yA ya/ nam sh+tsaN+Da badzra pA Na ye/ ma hA yak+Sha se nA pa ta ye/ ku ru ku ru/ tsa ta tsa ta/ ma la ma la/ sa ra sa ra/ tiSh+Tha tiSh+Tha/ ma hA ba la/ sa ma ya ma nu sma ra sid+d+ha/ na ma sh+tsaN+Da badzra pA Ni Adz+nyA pa ya ti swA hA/ rdo rje lcags sgrog 'dis gu gul gyi ril bu gsum yungs kar gyi 'bru mar du smyugs la sbyin sreg bgyis na bcings par 'gyur ro/ /rig pa gang bsgrub pa dang pho nya mo yang rung ste de 'di nyid kyis bcing bar bgyi'o/ /rdo rje ser mos ni bcings pa las dgrol bar bgyi'o/ /na mo rat+na tra yA ya/ /na ma sh+tsaN+Da badzra pA Na ye/ ma hA yak+Sha se nA pa ta ye/ hu lu hu lu/ /gats+tsha gats+tsha/ ma hA pa la/ swa b+hA ba nAM/ pu Na na ma ga na ma ya/ ku ru ku ru/ gats+tsha gats+tsha swA hA/ 95-1-8a /chag khyor ba gsum gtor me tog kyang dbul lo/ /de nas shugs ldan gyis slar gshegs su gsol lo/ /na mo badzra pA Na ye phaT phaT/ gats+tsha gats+tsha/ b+ha ga ba ti/ ma hA yak+ShA d+hi ba ti/ tsi ri li tsi ri li/ hi ri li/ a bi ga nAM ku ru swA hA/ shugs ldan gyis slar gshegs su gsol ba'i sngags te/ a ga ru'i bdug pa la lan bdun bzlas brjod bgyis pas so/ /na mo badzra pA Ni s+ya/ na ma ste b+ha ga wa te/ badzra mu khi gau ri bAk+t+re/ ga ra ti ga ra ti/ ki ni ti ki ni ti swA hA/ nye reg bya ba'i gsang sngags so/ /na mo badzra pA Ni s+ya/ dz+wA la badzra Ni bi/ hu ru hu ru/ la hu la hu/ pra ti gr-ih+na twaM i maM gan+d+haM/ kI li kI la ya swA hA/ spos kyi gsang sngags so/ na mo badzra pA Ni s+ya/ da ha da ha/ pa tsa pa tsa/ ban+d+ha ban+d+ha/ shi khi swA hA/ me tog gi gsang sngags so/ /na mo badzra pA Ni s+ya/ a ti ni/ tsa li ni/ kha la karma Ni/ dA ra tsi li ni/ tsi li ni swA hA/ bdug pa'i gsang sngags so/ /na mo badzra pA Ni s+ya/ na ma ste/ b+ha ga ba ti sha ta mu ki/ ma hA go+o ri tsa tshu le/ tsu tsu le/ tsi tsi rak+Sha rak+Sha swA hA/ srad bus bsrung bar bgyi'o/ /na mo badzra pA Ni s+ya/ ka ta ka ta/ ma ta ma ta/ ra ra ra ra/ badzra piM ga la/ ma ta da ra da ra ni/ ki ri Ni ki ri Ni/ki ri Ni ki ri Ni swA hA/ khrus bgyis pa'i gsang sngags so/ /na mo badzra pA Ni s+ya/ na ma ste/ b+ha ga ba ti/ da sha pa ti/ da sha pa ti/ sa ha sra pa ti A gats+tsha/ shI g+h+raM ki ri ki ri shu kra/ ban+d+ha ban+d+ha swA hA/ srad bu la lan bdun bzlas brjod bgyis te khu ba bcing ngo / /na mo badzra pA Ni s+ya/ ut+ta ma rak+Sha/ a do rak+Sha tsa tu rdi shaM rak+Sha/ ma tha ma tha/ trA sa ya trA sa ya/ stam+b+ha ya stam+b+ha ya/ ud+d+hi ta badzra d+ha ra A dz+nyA pa ya ti swA hA/ yungs kar la lan nyi shu rtsa gcig bzlas brjod bgyis te phyogs bcing ngo / /na mo badzra pA Ni s+ya/ ta da ya thA/ badzre badzre Ni/ badzra siM ha ni/ badzra pA Ni/ pre ye badzra pa ra de bi kr-i ta daMSh+TA ka rA la ba 95-1-8b ne/ lam bo da ra bi kr-i ta go+o ra rU pa daR+sha na ma rdza ra bak+t+re/ madz+dza mAM sa sri ye/ e hi e hi/ b+ha ga ba ti b+h+yo gu ru pra dz+wa li ta/ gra ke shi i daM ma nu Sha sha rI ra ma nu pra bi sha/ ka ta ka ta/ pu ra pu ra/ d+hu na d+hu na/ pa ta pa ta/ balgu balgu/ ha sa ha sa/ A bi she A bi she/ spa ta spa ta/ kiny+tsi rA ya si/ b+ha ga ba ti/ ba hu ru be/ ad b+hi ka sri ga la he ru ka ra bit+t+re/ aT+TAT+Ta hA se/ i ma se tu sta gra ha s+ya hri da yaM/ b+hin+da b+hin+da/ tsa la tsa la/ gu mu gu mu/ ku ru ku ru/ A bi sha A bi sha/ badzra pA Ni Adz+nyA pa ya ti swA hA/ las thams cad du rtswa ku sha spams pa la sngags kyis btab ste bdug par bgyi'o/ /na mo badzra pA Ni s+ya/ la la ha se ha sa/ badzra Ne ku ru ku ru/ kam+pa kam+pa/ tsa la tsa la/ dzalba dzalba swA hA/ gshegs nas gsung du gzhug go/ /na mo badzra pA Ni s+ya/ d+hud+hu ma sa la ma sa la/ d+hu ru me a ma le/ badzra pA Ni yak+ShA d+hi pa ti ma tsa me kash+tsid big+h+naM ku ru swA hA/ yungs kar ram/ thal bas bgegs rab tu zhi bar bya'o/ /ci ste rig sngags 'chang grub pa rnams kyi rig pa gcad par 'tshal na/ mar gyi ngo tshes bcwa lnga la lag na rdo rje'i mdun du bak+ku la'i me tog dag las lan brgyad stong sbyin sreg bgyis na rig sngags 'chang thams cad kyi rig sngags gcad par 'gyur ro/ /ma god pa'i ras la sbyin dang ma 'dres pa'i mtshon rtsi rnams kyis rig pa'i mchog bri bar bgyi ste/ mdog sngo bsangs rgyan thams cad kyis brgyan pa'o/ /sbyin sreg bgyi ba bza' zhing bri bar bgyi'o/ /mar gyi ngo zhag bcu bzhi la zhag gcig smyung ba bgyis te ri mo'i sku gzugs kyi mdun du ci nus su mchod pa bgyis la/ byang chub kyi shing gis zhugs bus te ta ma la'i me tog mar la smyugs pa brgyad stong sbyin sreg bgyis na ri mo'i sku gzugs 'gul lo/ /me tog gi phreng ba yang 'gul lo/ /de nas mtshan mo'i lha mo me tog ces bgyi ba grub par 'gyur te/ lha mo me tog gis las rnams su myur du 'gyur ro/ /rig 95-1-9a sngags 'chang gi rig pa'i sgrub pa la bgegs su mi 'gyur ro/ /log 'dren gyis mi tshugs so/ /dngos grub 'dis mtshan mo'i lha mo bzhis dngos grub tu 'gyur te/ srod ni lha mo me tog gi'o/ /mjing ni lha mo phreng ba'i 'o/ /nam gung ni lha mo ku mu ta'i 'o/ /tho rangs ni lha mo mdzes ma'i 'o/ /rig sngags 'chang ni rig pa sgrub na srod la log 'dren gnas su 'ong ste/ de nas mtshan mo'i lha mo me tog gis log 'dren mthong nas bcom ldan 'das lag na rdo rje yid la bgyid do/ /lag na rdo rje yid la bgyid pas log 'dren rnams skrag cing nyams te nyam thag nas 'bros par 'gyur ro/ /lag na rdo rje rig sngags 'chang de'i mdun du 'dug cing dngos grub kyang myur du stsol bar mdzad do/ /mjing la gal te bgegs byung na mtshan mo'i lha mo phreng ba des lha chen po la bcom ldan 'das lag na rdo rje khyod la 'bod do zhes sgrogs so/ /des de thos nas snying 'dar zhing myur ba myur bar mdun du 'dug ste/ des na rig sngags 'chang de la bgegs su mi 'gyur ro/ /dngos grub kyang myur du 'grub bo/ /nam gung la gal te bgegs byung na mtshan mo'i lha mo ku mu da de yang rgyal po chen po bzhi la kye kye btsun pa kun dag lag na rdo rje khyod la 'bod do zhes sgrogs so/ /de dag gis tshig de thos nas snying 'dar zhing myur ba myur bar mdun du 'dug ste/ des na de la bgegs su mi 'gyur ro/ /tho rangs la gal te bgegs byung na mtshan mo'i lha mo mdzes ma yang log 'dren rnams la kye kye log 'dren sdang ba rnams drag po lag na rdo rjes bka' stsal to zhes bsgo bar bgyid do/ /de dag gis de'i tshig thos nas phyogs bcur 'bros so/ /des na de la bgegs su mi 'gyur te bde bar las rnams 'grub par byed do/ /mar gyi ngo zhag brgyad dam bcu bzhi la bud med bu byung ba'i khye'u'i lte ba sor gnyis tsam bcad la gser gyi gyim bag gis dkris te/ mar gyi ngo zhag brgyad la nyin zhag 95-1-9b gcig smyung ba bgyis te lag na rdo rje'i mdun du lan brgyad stong bzlas brjod bgyis na mi snang bar 'gyur ro/ /tshe yang nyis 'gyur du 'gyur ro/ /zhag bdun du phye thug btung ngo / /phyis mar gyi ngo zhag bcu bzhi nas zhag gsum smyung ba bgyis te zhi ba'i mtshan yod par song la mtshan gyi steng gi lho phyogs logs su lag pa g.yas pa bzhag ste skra las bgyis pa'i skud pas bcing ngo / /bcings nas ji srid kyis bcad do zhes sgra 'byung ba de srid du bzlas brjod bgyi'o/ /sgra lan gsum du byung na dngos grub tu 'gyur ro/ /khu tshur bcangs te bsgrub par bgyi'o/ /khu tshur bcangs na mi snang bar 'gyur ro/ /skra lcang lo 'khyil par 'gyur ro/ /lo bcu drug lon pa tsam du 'gyur ro/ /lo bdun brgyar 'tsho bar 'gyur ro/ /dbang phyug chen po'i tshogs rnams kyang phyag brnyan du 'gyur ro/ /ji ste dgra gsad par 'tshal na mar gyi ngo zhag bcu bzhi la nyin zhag gcig smyung ba bgyis te/ spra tshil las gzugs bgyis la seng ldeng gi phur bu lnga snod du btsugs te dur khrod du mchis la dong brkos la dong der bcug la steng du zhugs bus la dug dang khrag dang yungs kar bsres la lan brgyad stong sbyin sreg bgyis na ngu zhing tshig ste 'phral du 'gum mo/ /mar gyi ngo zhag bcu bzhi la ba ser mo'i lci ba sa la ma lhung ba blangs te/ sa phyogs gtsang mar gzugs bgyis la ci nus kyis mchod de zhag gcig smyung ba bgyis la shing bil ba'i lo ma bsregs shing zho dang sbrang rtsi dang mar la smyugs te brgyad stong sbyin sreg bgyis na dpral ba las 'od zer 'byung ngo / /de nas dngos grub tu 'gyur te/ gser dpag tu med pa stsol bar 'gyur ro/ /yang na nyin gcig bzhin du ti na ra stsol bar 'gyur ro/ /gseg ma la lan brgya stong bzlas te dur khrod du bor na yi dgas thams cad glu len cing gar byed par 'gyur ro/ /mar gyi ngo zhag bcu bzhi nas lag na rdo rje'i rkang pa'i drung du zhag gsum smyung ba bgyis la shing kar bI ra'i 95-1-10a me tog las lan brgyad stong sbyin sreg bgyi'o/ /de nas kar bI ra'i me tog dag las me tog gcig blangs te klu'i gnas su song la bzlas brjod bgyis na klu dang klu mo rnams dbang du 'gyur te ci 'tshal ba rnams rnyed do/ /lig bu mig dang / gser dang / mchod phyir thogs kyang ka ra bI ra'i me tog dang 'dra'o/ /gang na gnod sbyin mo 'dug pa der bzlas brjod bgyis na gnod sbyin mo mchi ste chung mar 'gyur ro/ /yang na nor stsol bar 'gyur ro/ /gal te mi mchi na zhag gcig smyung ba bgyis te shing mad na'i tsher ma dang dug dang khrag bsres pa lan brgyad stong seng ldeng gi zhugs la sbyin sreg bgyis na de tshig cing mi sdug par 'gyur la mchi'o/ /gal te klu mo mi mchi na de la yang de nyid kyis sbyin sreg bgyi'o/ /yar gyi ngo'i tshes bcwa lnga la zhag gsum smyung ba bgyis te/ rgya mtshor 'bab pa'i chu bor zhugs la klu shing gi me tog brgyad stong byi dor bgyis na dus ma yin par char 'bab bo/ /zhag bdun 'o skyo 'thungs la mar gyi ngo zhag brgyad la zhag gcig smyung ba bgyis te lag na rdo rje'i mdun du mchod pa bgyis la sa las bgyis pa'i rdo rje bzhag ste/ de'i rked par shing a shwat+tha'i lo ma bdun bzhag la de'i steng du ldong ros bzhag ste ci srid kyis dngos grub gsum du gyur pa de srid du bzlas brjod bgyi'o/ /'bar bar gyur na lo bdun stong du 'tsho'o/ /lus mdzes par bgyis la mar gyi ngo zhag bcu bzhi la nyin zhag gcig smyung ba bgyis te lam gyi sum mdor mchod pa rgya cher bgyis la der 'dug ste ldong ros sran ma tsam cig khar bcug la ji srid du kha'i nang du gas par gyur pa de srid du bzlas brjod bgyi'o/ /de nas dngos grub tu 'gyur te thig le bgyis na mi snang bar 'gyur ro/ /lo lnga brgya thub par 'gyur ro/ /ci 'dod pa'i gzugs can du 'gyur ro/ /nyi ma'i gung tshigs la bgyi'o/ /tshes grangs dang skar ma gdam mi 'tshal/ smyung ba bgyi mi 'tshal bar skyes pa'i ro ma rmas ma nyams pa blangs te/ rdo rje 95-1-10b ser mo'i sngags bzlas brjod bgyis la bkru'o/ /rdo rje lte bas spos stsal bar bgyi'o/ /rdo rje me kha las me tog stsal bar bgyi'o/ /de nas de'i snying gar 'dug ste mi do tsam gyen du ma 'phags kyi bar du rig pa mchog gi snying po dang lhan cig bzlas brjod bgyi'o/ /gyen du 'phags ma thag tu slar 'og tu ltung ngo / /ltung nas bud med bcu nye bar gnas par 'gyur te/ de dag g.yog 'khor rnams la stsal bar bgyi'o/ /de dag kyang stobs mnyam par 'gyur ro/ /ci ste ma stsal na bdag bud med bcus bskor te mi la zhon te gar dga' ba der mchi'o/ /yang yid kyis bsams pa de bzhon pa las 'byung ngo / /lo brgyad khrir 'tsho bar 'gyur ro/ /rig sngags 'chang du yang 'gyur ro/ /mar gyi ngo zhag brgyad dam bcu bzhi la skyes pa shi ba'i ro bzhag pa'i khyogs kyi g.yas rol gyi zur shing khyer te song la/ /phyi ma mar gyi ngo zhag brgyad la de mdung rtse gsum par bgyis la slong mo pa'i zas bza' zhing rig sngags 'chang bzlas brjod bgyi'o/ /phyi ma mar gyi ngo zhag brgyad nas zhag gsum smyung ba bgyis te dur khrod du song la mdung rtse gsum pa la mchod pa rgya cher bgyis te/ mdung rtse gsum pa lag po g.yas par thogs la/ /rig pa'i mchog lan brgyad stong bzlas brjod bgyis na mdung rtse gsum pa las 'od zer 'byung ste de nas dngos grub tu 'gyur ro/ /mtshan mo btsugs na rgyan thams cad kyis brgyan pa'i bud med dag 'byung ngo / /skyes pa ci la ma reg par ches pa dag kyang nye bar gnas so/ /gang bsams pa thams cad rnyed do/ /phyung na thams cad med par 'gyur ro/ /'byung po rnams kyang phyag brnyan du 'gyur ro/ /cho ga gang la blangs pa'i cho ga de nyid la bsgrub par bgyi'o/ /mar gyi ngo zhag bcu bzhi la zhag gcig smyung ba bgyis te lag na rdo rje'i mdun du ci nus kyis mchod pa bgyis la de'i mdun du 'bras chen gyis lo ma bkang ste bzhag la 'bras chan mi snang bar ma 95-1-11a gyur gyi bar du bzlas brjod bgyi'o/ /de nas dngos grub tu 'gyur te phyis 'bras chan la 'pho bar bgyid do/ /rdzas kyang 'pho bar 'gyur ro/ /'bru'i rnam pa gzhan dag kyang 'pho bar 'gyur ro/ /mar gyi ngo zhag brgyad la zhag gcig smyung ba bgyis te seng ldeng la bgyis pa'i rdo rje la shing kun gyis bdugs la rig pa mchog gi snying po dang lhan cig bzlas brjod bgyis na gang gi ming nas phyung ste bzlas brjod bgyis pa de brjed byed kyis zin par 'gyur ro/ /lce pog gis bdugs la lan brgyad stong bzlas brjod bgyis na gtong bar 'gyur ro/ /mar gyi ngo zhag brgyad la nyin zhag gcig smyung ba bgyis la e raN+Da'i shing gis zhugs bus la ba lang gi pags pa las sreg blugs lan brgyad stong ming nas brjod de sbyin sreg bgyis na ba lang rnams 'chi'o/ /skyes pa'i ro ma snad ma nyams pa blangs te chu 'gram gyi phyogs gcig gam/ skam sa gtsang mar pho nya mo rnams kyis las thams cad bgyi'o/ /de nas rig sngags 'chang nyi ma'i gung tshigs la mi ro'i mgo shar phyogs su bstan te phyogs bzhir bsnyen bkur bgyid pa bzhi bzhag par bgyi'o/ /de nas rig sngags 'chang de'i snying gar 'dug la khar ldong ros bcug ste dngos grub rnam gsum ma thob kyi bar du bzlas brjod bya'o/ /'bar bar gyur na lo stong thub bo/ /rkang pa la bskus na lo lnga brgya thub ste 'di ni dngos grub bo/ /mar gyi ngo zhag brgyad la nyin zhag gcig smyung ba bgyis te lag na rdo rje'i mdun du pa la sha'i shing gis zhugs bus la shing bil ba'i yam sreg shing zho dang sbrang rtsi dang mar la smyugs pa brgyad stong sbyin sreg bgyi zhing ming nas brjod na phyugs chung rnyed do/ /gal te ma rnyed na phyugs chung 'chi'o/ /dgra gang la nad kyis btab par bgyid 'tshal na ru rta btags la bdag gi lus la dril ba'i dri ma bsags te/ mar gyi ngo zhag brgyad la lag na rdo rje'i mdun du du ru ska'i shing gis zhugs bus la/ dri ma des lan brgyad stong sbyin sreg bgyi zhing ming 95-1-11b nas brjod na de mdze nad kyis 'debs so/ /lag na rdo rje'i mdun du lce pog gis bdug pas bdugs la rig sngags kyang lan brgyad stong bzlas brjod bgyis na gso ba bgyis par 'gyur ro/ /yar gyi ngo zhag gcig la rgya mtshor 'bab pa'i chu klung du zhugs la zas su chu skyo 'thung zhing zla ba nya'i bar du bzlas brjod bgyis na yul gru 'thob bo/ /bram ze dbang du bgyi na yar gyi ngo tshes drug nas brgyad kyi bar du dus gsum du lag na rdo rje'i mdun du sna ma'i me tog las lan brgya stong bzlas brjod bgyis la tha mar zhag gcig smyung ba bgyis na/ skyes pa'am bud med kyang rung ste dbang du 'gyur ro/ /mar gyi ngo zhag brgyad la zhag gcig smyung ba bgyis te lag na rdo rje'i mdun du bil ba'i shing gis zhugs bus la yungs kar gyi 'bru mar dang bsres pa'i til las lan brgyad stong sbyin sreg bgyi zhing ming nas brjod na dbang du 'gyur ro/ /bud med yugs sa mo dbang du bgyi na nyin zhag gcig smyung ba bgyis la lag na rdo rje'i mdun du arka'i shing gis zhugs bus la arka'i me tog mar la smyugs pa lan brgyad stong sbyin sreg bgyi zhing ming nas brjod na dbang du 'gyur ro/ /dus gsum du khrus bgyi zhing lag na rdo rje'i mdun du shing ma da la'i tsher ma las lan brgyad stong sbyin sreg bgyis na zhag gsum gyis dbang du 'gyur ro/ /mi ngas 'byung bar 'tshal na mar gyi ngo zhag brgyad la dur khrod du song ba dur khrod kyi shing gis zhugs bus la dug rlon pas lan brgyad stong sbyin sreg bgyis na mi ngas 'byung ngo / /zhi bar bgyi na yar gyi ngo zhag brgyad la zhag gcig smyung ba bgyis te lag na rdo rje'i mdun du shing tha mal pa'i zhugs bus la ut+pal dang / zho dang sbrang rtsi dang mar la smyugs pa brgyad stong sbyin sreg bgyis na zhi bar 'gyur ro/ /gzhan bskrad par 'tshal na bya khwa'i gshog pa yungs kar gyi 'bru mar la smyugs pa brgyad stong zhag bdun dus gsum du sbyin sreg bgyi'o/ /'di ni bskrad pa'i mchog go/ /dbye ba bgyi na zhag bdun dus gsum du ba lang gi lci ba la 95-1-12a brgyad stong sbyin sreg bgyis na dbye ba bgyis par 'gyur ro/ /las cig gis cho ga rgyas par sgrub par 'tshal bas mA ma kI thogs la pad ma'i rdzing du song ste/ mA ma kI la reg par pad+ma 'bum phul na rig pa'i rgyal po mchog rang gi gzugs ston te/ /de la bu ci bya zhes smra'o/ /des bcom ldan 'das cho ga rgyas pa'i dngos grub stsal du gsol zhes brjod pa dang de bzhin bya'o zhes brjod nas mi snang bar 'gyur ro/ /de cho ga rgyas pa las 'byung ba'i las thams cad dngos grub tu 'gyur ro/ /gal te des las grub par ma gyur na de'i 'og tu las 'di sgrub na dngos grub kyi mchog tu 'gyur ro/ /yar gyi ngo nya nas bzung ste phyi ma'i nya'i bar du mi smra ba'i brtul zhugs kyis zas su 'o skyo 'thung zhing de bzhin gshegs pa'i mdun du 'bum bzlas brjod bgyis na de bzhin gshegs pa'i gzugs 'gul bar 'gyur te/ de nas cho ga rgyas pa dang dngos grub tu 'gyur ro/ /ras sngon po la lan brgya rtsa brgyad bzlas brjod bgyis te 'og sgor bcings la lan nyi shu rtsa gcig sbyin sreg bgyis pa'i thal bas mgo bor bsrung bar bgyis na gyad phar non cing gyad kyis tshur mi non no/ /yid gzhungs par bgyi na bra ma'i khu ba mar dang cha bsnyams la mar gyi ngo zhag bcu bzhi la nyin zhag gcig smyung ba bgyis te lag na rdo rje'i mdun du lan brgyad stong bzlas brjod bgyis pa 'thungs na thos pa 'dzin par 'gyur ro/ /yar gyi ngo tshes zhag gcig nas brtsams te lag na rdo rje'i mdun du mar dang 'o ma bsres pa las lan brgya rtsa brgyad bzlas brjod bgyis pa 'thungs shing zhag bdun bgyis na thos pa 'dzin par 'gyur ro/ /yar gyi ngo nya la nyin zhag gcig smyung ba bgyis te lag na rdo rje'i mdun du ang go ta'i me tog brgyad stong sbyin sreg bgyis na nyi ma gsum pa la thos pa 'dzin par 'gyur ro/ /zhag bdun na lag na rdo rje'i kha nas 'od zer 'byung ste rig sngags 'chang la bskor ba byas nas gyen du 'gro bar 'gyur ro/ /rig sngags 'chang ci ltar 'dod pa'i 95-1-12b gzugs can du 'gyur ro/ /lo su ma stong thub par 'gyur ro/ /mar gyi ngo zhag bcu la lag na rdo rje'i mdun du sna ma'i me tog brgyad stong phul na gnas ston par 'gyur ro/ /cho ga rgyas pa sgrub pa pos nya dang sha dang til dang sran chan gyi bag dang lha bshos dang kha 'da' dang la phug dang shing thog rnams bza' bar mi bgyi'o/ /gal te 'di dag kyang zos la las kyang bsgrubs na lag na rdo rjes de nyid mthar byed cing las kyang dngos grub tu mi 'gyur ro/ /seng ge bsgrub na mar gyi ngo zhag brgyad la grog mkhar rtse mo yod pa'i mdun nas sa blangs te ba'i rnam lnga dang bsres la seng ge'i gzugs bgyis te gso sbyong bzung la zla ba gcig zas su 'o skyo 'thung zhing tha mar zhag gsum smyung ba bgyis te mar gyi ngo zhag brgyad la bsgrub bo/ /sngar pho nya mo rnams kyis las rnams bgyi'o/ /bsnyen bkur bgyis pa rnams kyang bsrung bar bgyi'o/ /de nas lag na rdo rje'i mdun du bzlas brjod bgyis te seng ge'i sgra 'byin gyi bar du bgyi'o/ /seng ge'i sgra thos nas lha ma yin gyi bu mo rnams 'byung ste de dag la 'dod pa bskyed par mi bgyi'o/ /gal te 'dod pa bskyed na seng ge ni ma mchis so/ /lha ma yin gyi bu rnams ni mchis te lha ma yin gyi bu rnams kyang yongs su spyad par 'gyur ro/ /gal te de dag la 'dod pa ma bskyed na seng ger 'gyur te/ seng ge la zhon na rig sngags 'chang gi bu mo brgyad cu 'byung ngo / /rig sngags 'chang bzhi stong yang g.yog 'khor du 'gyur ro/ /gang du 'dod pa der mchi'o/ /rig sngags 'chang gi 'khor los sgyur bar 'gyur ro/ /'khor lo la sogs pa'i spyod yul du mi 'gyur ro/ /gang gi tshe rdo rje dang 'khor lo dang mdung rtse gsum pa dang be con dang / zhags pa dang / mdung thung dang dbyug to rnams mchi ba de'i tshe seng ges seng ge'i sgra 'byin te seng ge'i sgras mtshon pa thams cad dpag tshad brgyad khrir mchi'o/ /rig sngags 'chang gi rgyal po gang dag seng ge'i sgra thos pa de dag thams cad sa la lhung 95-1-13a ngo / /mtshon cha de dag thams cad kyang dbang du 'gyur ro/ /bskal par gnas pa'i rig sngags 'chang gi rgyal por 'gyur ro/ /mar gyi ngo zhag brgyad la nyin zhag gcig smyung ba bgyis te ba'i lci ba sa la ma lhung ba blangs te skam sa gtsang ma'i phyogs su gnod sbyin gyi gzugs bgyis te/ de la me tog dmar po dang gtor ma dmar po sbyin no/ /pho nya mo rnams kyis las thams cad bgyi'o/ /phyogs gcig tu gnod sbyin thams cad la me kha las me tog dkar po rnams stsol to/ /gzugs de'i mdun du arga'i shing gis zhugs bus la shing bil ba'i yam sreg shing zho dang sbrang rtsi dang mar la smyugs pa brgyad stong sbyin sreg bgyi'o/ /de nas gzugs 'gul zhing dngos grub tu 'gyur te/ nyin re ti na ra re re dbul lo/ /dpon g.yog bdun gyi zas dbul lo/ / las 'di bsam par bgyi ste gtsang mar bgyis la lan cig bzlas brjod bgyis te ba nag mo ma smad spu 'thun gyi 'o ma blangs la bram ze'i bu mos bsrubs pa'i mar blangs te mar gyi ngo zhag bcu bzhi la zhag gsum du smyung ba bgyis te/ mtshan cig yod pa'am lag na rdo rje'i mdun du song la shing a shwat+tha'i lo ma bdun blangs te de dag gi steng du gnod sbyin gyi gzugs mthe bong gi cha tsam zhig bgyi ste/ de nas 'gul gyi bar du bzlas brjod bgyi'o/ /de nas so la ma reg par mid do/ /de nas dngos grub tu 'gyur te de nyin re ti na ra re re dbul lo/ /dpon g.yog bcu gnyis kyi zan dbul lo/ /'di ni dngos grub bo/ /rig sngags gang gzhan la byin pa'i rig sngags de phyi dro bzlas brjod bgyis la/ phyi de nyin rig pa mchog gi snying po dang lhan cig bzlas brjod bgyis na de la tshigs su bcad par 'gyur gyi gsang sngags su mi 'gyur ro/ /de nas 'byung po'i bdag po dbang ldan gyis bcom ldan 'das la 'di skad ces gsol to/ /bcom ldan 'das rig pa'i rgyal po yi ge bzhi pa ni bskal pa bzhir gnas pa lags so/ /bcom 95-1-13b ldan 'das rig pa'i rgyal po rdzu 'phrul che ba/ dbang che ba/ ma rungs pa/ gtum pa drag po lags so/ /bcom ldan 'das ming brjod pas bdag la gnod pa lags so/ /de nas bcom ldan 'das kyis 'byung po'i bdag po dbang ldan la 'di skad ces bka' stsal to/ /'byung po'i bdag po de de bzhin te/ ci skad smras pa de bzhin no/ /'byung po'i bdag po rig pa'i rgyal po chen po rig pa mchog 'di ni rdzu 'phrul che ba'o/ /'byung po'i bdag po rig pa'i rgyal po chen po 'di ni 'gro lding ba'i gzugs can 'gro lding gi skad du brjod pa'o/ /'byung po'i bdag po rig pa'i rgyal po chen po'i mchog 'di ni phyag 'tshal ba dang bcas par yi ge sum cu rtsa gnyis pa'o/ /yi ge bzhi pa 'di yang mi mnyam pa dang mnyam pa mtshungs pa med pa ste/ bskal pa bzhir gnas pa yin no/ /bcom ldan 'das de bzhin gshegs pa mar me mdzad nas bzung ste bshad pa'o/ /'byung po'i bdag po 'di thos na sems can gang dag mtshams med pa lnga byed pa de dag kyang sems can dmyal ba chen por mnar med par skye ba de ni gnas ma yin zhing go skabs med de/ rig pa'i rgyal po chen po rig pa mchog gi mthu ni 'di yin no/ /'di lta ste dper na/ nor bu rin po che chen po'i rgyal po gtsug tor ldan zhes bya ba mthong ba tsam gyis nad thams cad med par 'gyur zhing gdon thams cad kyang 'bros par 'gyur ro/ /'byung po'i bdag po de bzhin du rig pa'i rgyal po chen po bzhi dag gang gis bzlas brjod byas pa de mtshon gyis 'chi ba'i dus byed par mi 'gyur te/ dug gis ma yin/ chu yis ma yin/ mes ma yin zhing de bar ma dor 'chi bar mi 'gyur ro/ /ngan 'gro log par ltung bar mi 'gyur ro/ /nges par rdo rje'i rigs su skye bar 'gyur ro/ /de nas tshe dang ldan pa shA ra'i bus bcom ldan 'das la lan gsum bskor ba byas te spyan sngar 'dug nas mgo btud de/ bcom ldan 'das la 'di skad ces gsol to/ / 95-1-14a bcom ldan 'das ci'i slad du rig pa'i rgyal po chen po lag na rdo rje 'di skad du rig pa'i rgyal po mi mnyam pa dang mnyam pa mtshungs pa med pa 'di bdag gis bcom ldan 'das de bzhin gshegs pa mar me mdzad nas bzung ste bshad do zhes gsung / bcom ldan 'das bdag gis mngon par shes pa'i stobs kyis mA ma kI'i de ltar rdzu 'phrul che ba yang rjes su dran no/ /rdo rje 'chang chen po 'di nyid kyis de bzhin gshegs pa 'khor ba 'jig gi gsung rab la lha rnams la mA ma kI bstan te/ 'khor 'dus pa der mtshams med pa bgyis pa'i sems can gcig cig ha cang yang mi ring ba zhig na mchis pa de 'od zer gyi snang ba de mthong nas yid dga' bar gyur te rnam par bltas nas rig sngags 'chang rnams kyi rgyal po rdo rje phreng ba zhes bgyi bar gyur te/ shA ri'i bus rig sngags 'chang de la bsams so/ /des bcom ldan 'das la lan gsum bskor ba byas te/ de dang shA ri'i bu yang bcom ldan 'das kyi spyan sngar 'dug nas bcom ldan 'das la 'di skad ces gsol to/ /bcom ldan 'das de'i slad du mA ma kI de ltar rdzu 'phrul che'o zhes bdag mchi'o/ /bcom ldan 'das kyis bka' stsal pa/ /shA ri'i bu don de rdo rje 'chang chen po la dris shig /de nas shA ri'i bus rdo rje 'chang chen po la 'di skad ces smras so/ /rig pa'i rgyal po mchog khyod ci'i phyir bcom ldan 'das de bzhin gshegs pa mar me mdzad nas bzung ste/ bdag gis rig pa'i rgyal po chen po 'di bshad ces de skad smra/ rdo rje 'chang chen pos 'di skad ces smras so/ /shA ri'i bu de ji snyam du sems/ ci de bzhin gshegs pa gtso bo yin nam/ shes rab kyi pha rol tu phyin pa gtso bo yin/ shes rab kyi pha rol tu phyin pa gtso bo yin nam/ de bzhin gshegs pa gtso bo yin zhe na/ /shA ri'i bu de bzhin gshegs pa dgra bcom pa yang dag par rdzogs pa'i sangs rgyas thams cad ni shes rab kyi pha rol tu phyin 95-1-14b pa las byung la/ de bzhin gshegs pa thams cad kyis shes rab kyi pha rol tu phyin pa bshad do/ /shA ri'i bu de bzhin du bdag gis kyang rig pa'i rgyal po chen po mchog gi snying po la byas la/ bcom ldan 'das de bzhin gshegs pa ye shes sgron ma chen po'i 'od zer gyi rgyal po de'i mthus mA ma kI phyag rgya chen po'i rgyal mo chen mo de thob bo/ /de nas shA ri'i bu cang mi smra bar gyur to/ /de'i tshe bcom ldan 'das kyis 'byung po'i bdag po dbang ldan la bka' stsal pa/ 'byung po'i bdag po gang gis de bzhin gshegs pa 'bum phrag gang gA'i klung dgu bcu rtsa gnyis kyi bye ma snyed la phyag byas pa bas gang gis rig pa'i rgyal po chen po'i mchog lag na rdo rje la yid kyis phyag byas pa de ni de nyid las bsod nams mang du bskyed do/ /de nas byang chub sems dpa' rtogs pa dri ma med pas bcom ldan 'das kyi zhabs gnyis la gtugs te/ bcom ldan 'das la 'di skad ces gsol to/ /bcom ldan 'das byang chub sems dpa' lag na rdo rje 'dis ci srid cig nas rig pa'i rgyal po chen po dang / rig sngags 'chang gi bdag por bskos pa thob ste/ 'di ting nge 'dzin gang gis gnas 'di'i sngon gyi dge ba'i bshes gnyen ni su lags/ 'di gnas pa gang gis gnas/ de skad ces gsol pa dang / bcom ldan 'das kyis byang chub sems dpa' rtogs pa dri ma med pa la 'di skad ces bka' stsal to/ /rtogs pa dri ma med pa sngon byung ba 'das pa'i dus na bskal pa gang gA'i klung bcu dgu'i bye ma snyed 'das pa na gdul dka' zhes bya ba'i bskal pa chen po byung ste/ bskal pa chen po de la de bzhin gshegs pa dgra bcom pa yang dag par rdzogs pa'i sangs rgyas ye shes sgron ma chen mo'i 'od zer zhes bya ba 'jig rten du byung ngo / /rigs kyi bu 'jig rten gyi khams mi mjed 'di ni de'i tshe de'i dus na rdo rje ldan zhes bya ba'i 'jig rten gyi khams su gyur to/ /bcom ldan 'das de bzhin gshegs 95-1-15a pa ye shes sgron ma chen po'i 'od zer de ni byang chub sems dpa' bye ba khrag khrig brgya stong phrag drug cu la mun nag rnam par sel ba rnam par snang byed ces bya ba'i chos kyi rnam grangs de bzhin gshegs pa'i gsang ba 'chad do/ /rdo rje 'chang gi rigs 'jig rten gyi khams rab 'byam dpag tu med pa nas 'dus pa 'jig rten gyi khams mtha' yas mu med pa'i rdul phra rab snyed la ting nge 'dzin dang gzungs kyi bsngags pa dpag tu med pa bstan pa'i phyir 'dzum pa mdzad do/ /de nas rdo rje 'chang chen po rdo rje chen po'i khyu mchog tu gyur pa 'jig rten mtha' yas pa'i dbang phyug gi rgyal po zhes bya ba 'khor du 'dus pa de nyid du 'dus par gyur pa de stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das kyi zhabs gnyis la gtugs nas yar langs te/ tog yangs pa chen po rab 'byam gyi 'og gi phyogs nas phyag rgya chen po bsgyur nas rdo rje blangs te phyogs bcu'i 'jig rten gyi khams rab 'byam mtha' yas pa rgya mtsho rnam pa bcu yang dag par bskul nas de dag gis rgyal po bsgyings par bsgyur bas rgya mtsho chen po bsdu ba'i tshul gyi nga rgyal chen po des rdo rje gsor nas dus kyi tha ma 'jig pa'i me lta bu'i mig gis 'dzums pa'i 'od zer 'bar ba'i dkyil 'khor gyi 'og gi phyogs kyi phyag rgya bsgyur bas rdo rje de de bzhin gshegs pa'i zhabs kyi drung du bzhag ste/ /zhabs gnyis la phyag 'tshal nas/ /de bzhin gshegs pa de la 'dzum pa mdzad pa'i rgyu de zhus pa/ de ci'i slad du bcom ldan 'das kyis byang chub sems dpa' chen po'i 'khor 'dus pa la 'dzum pa bstan/ bcom ldan 'das kyi zhal gyi sgo dang smin mtshams kyi mdzod spu nas sngon ma byung ba'i 'od zer kha dog sna tshogs byung / bcom ldan 'das de'i slad du 'khor 'dis bskul nas bdag bcom ldan 'das la zhu zhing mchis na thugs rje chen po dang ldan pa bcom ldan 'das kyis bdag dang byang chub sems 95-1-15b dpa'i tshogs 'di la thugs brtse ba'i slad du de bka' stsal du gsol/ rdo rje bsgyings pa chen po 'jig rten mtha' yas pa'i dbang phyug gi rgyal po lag na rdo rjes de skad zhus pa dang / de nas de'i tshe bcom ldan 'das kyis mtshan dpal gyi be'u chen po las mthon ka chen po dang / bai DUR+ya lta bu 'od zer nor bu rin po che chen po skar mdog lta bu'i 'od dang ldan pa 'od zer chen po'i dkyil 'khor phyogs bcu'i 'jig rten gyi khams rab 'byam mtha' yas par cher snang ba'i 'od zer gyi me lce byung nas dri ma med pa'i 'od zer rnam par 'phro ba'i dkyil 'khor las lag pa g.yon pas rdo rje blangs pa las gsang ba'i bdag po lag na rdo rje rig pa'i rgyal po chen po byung ngo / /lcags kyu'i mtshan las ni lcags kyu/ nyas ni 'dod pa'i rdo rje ma/ bkra shis las ni lu gu rgyud/ g.yung drung 'khyil pa mchog tu mdzes shing me 'bar ba lta bu las ni me kha la/ bya ma bum las ni ser mo/ gdugs las ni rgyal mtshan drag po/ rdo rje las ni dga' ba ste/ rgyal mo chen mo pho nya mo dang 'khor du bcas pa bdun po de dag byung ngo / /de dag gi mdun du ma rungs pa khro bo'i gzugs stobs po che dang / khro bo kI li kI li dus kyi tha ma'i rin po che lta bu rdo rje khu tshur las byung ngo / /lag ngar las ni khu tshur ro/ /phrag pa 'bar zhing mdzes pa las ni rdo rje gnam lcags te/ de ltar 'khor dang bcas pa'i pho nya mo bcu'o/ /de bzhin du drug cu phrag bzhir bsgre'o/ /rtogs pa dri ma med pa 'di lta ste/ lag na rdo rje g.yog 'khor dang bcas shing pho nya mo dang 'khor dang bcas pa byung nas dam tshig chen po dang ldan pa'i dkyil 'khor du bcom ldan 'das de bzhin gshegs pa ye shes sgron ma chen po'i 'od zer las des de bzhin gshegs pa'i byin gyi brlabs kyis gsol ba btab pa dang / de bzhin gshegs pa dri ma med pa zhes bya ba'i ting nge 'dzin la mnyam par gzhag ste/ thog mar de bzhin gshegs pas sku dang gsung dang thugs kyi gsang ba bcu 95-1-16a dang / gsang ba mtha' yas dkrigs phrag bye ba dang ldan pa'i mdo sde'i dbang po'i rgyal po de gdul dka' ba rnams 'dul ba dang / thams cad mkhyen pa'i ye shes bstan pa'i phyir de bzhin gshegs pa'i 'khor dam tshig can 'dus pa'i dkyil 'khor du bshad do/ /rtogs pa dri ma med pa de tshun chad bcom ldan 'das de bzhin gshegs pa ye shes sgron ma chen po'i 'od zer de la sogs pa sangs rgyas bye ba phrag dgu bcu rtsa dgu'i gam du bdud pham par mdzad nas bstan pa kun tu bsrung bar gyur to/ / rtogs pa dri ma med pa de la bcom ldan 'das de bzhin gshegs pa ye shes sgron ma chen po'i 'od zer de'i 'og tu bskal pa dgu bcu rtsa drug pa la 'jig rten gyi khams mi mjed 'dir de bzhin gshegs pa dgra bcom pa yang dag par rdzogs pa'i sangs rgyas don gzigs pa zhes bya ba 'jig rten du byung ste/ bcom ldan 'das de'i gsung rab la bdud ci yang mi smra ba zhes bya ba de byung ngo / /rtogs pa dri ma med pa lag na rdo rje des kyang bdud pham par byas nas don gzigs pa zhes bya ba'i de bzhin gshegs pa brgyad cu dang / sangs rgyas bye ba phrag dgu bcu rtsa gcig las bdud pham par byas te bstan pa bsrung bar byas so/ /de tshun chad bskal pa dgu bcu rtsa drug lhag pa zhig 'das nas sangs rgyas gser du snang bas rnam par rol pa zhes bya ba bskal pa bye ba phrag drug cu rtsa brgyad las bdud pham par byas te bstan pa kun tu bsrungs par gyur to/ /de'i 'og tu der bskal pa stong snyed 'das nas lag na rdo rje 'di de bzhin du de bzhin gshegs pa de dag gi gsang ba 'dzin pa dang bstan pa bsrung bar gyur to/ /de bzhin du sbyar te tha mar de bzhin gshegs pa gtsug tor can dang / rnam par gzigs dang / thams cad skyob dang / gser thub dang / de bzhin du log par dad sel dang / mi 'khrugs pa dang / 'od srung la sogs pa dang / nga'i bstan pa la yang ma dul ba dang / de bzhin du gsang ba 'dzin cing 95-1-16b bskal pa bzang po la 'jig rten gyi khams mi mjed 'di nyid du sangs rgyas kyi mdzad pa byed de/ bskal pa bzang po'i de bzhin gshegs pa dgra bcom pa yang dag par rdzogs pa'i sangs rgyas ji snyed pa thams cad la de bzhin du mthar gyis thabs 'dis bstan pa la bya ba byas nas mngon par rdzogs par sangs rgyas te/rdo rje'i rtsal gyis 'gro ba zhes bya ba'i de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas bka' stsal to/ /de nas bcom ldan 'das la 'byung po'i bdag po dbang ldan gyis 'di skad ces gsol to/ /bcom ldan 'das bdag gis kyang rig pa mchog gi las stsal bar bgyi'o/ /ma god pa'i ras la ri mo mkhan gso sbyong gzung bas sangs rgyas kyi sku gzugs gser gyi kha dog ltar 'drir stsal to/ /de bzhin gshegs pa'i g.yas logs su lag na rdo rje mdog sngo bsangs rgyan thams cad kyis brgyan pa'o/ /lag na rdo rje'i g.yas rol du ni pho nya mo bcu gnyis te/ rgyal ba'i blo gros ma dang / me kha la ni sngo bsangs so/ /rdo rje'i gdong dang / rdo rje lte ba dang / gdong dkar mo dang / rdo rje ser mo dang / nag mo dang / gyen du lta ba'i gdong ni gser mdog go/ /rdo rje seng ge'i khri dang / rdo rje ldan ma dang / shugs ldan ma dang / rdo rje bzhad ma ni dmar mor bri bar bgyi ste/ pho nya mo thams cad kyang rgyan thams cad kyis brgyan par bgyi'o/ /bcom ldan 'das kyi g.yon rol du dbang phyug chen po mdog dkar po ral pa can mtshan ma bsgreng ba/ dka' thub zlog pa dang lhan cig bri bar bgyi'o/ /'byung po mdog dmar po mi sdug pa bzhi yang bri bar bya'o/ /phyis rig sngags 'chang gis dus gsum du khrus bgyi zhing zla ba gcig gi bar du brgyad brgya brgyad brgya bzlas brjod bgyi zhing zas su chu skyo btung bar bgyi'o/ /tha mar lus sbyang bar bgyi ste/ 95-1-17a de'i 'og tu zhag gsum smyung ba bgyis la/ gnas bzhir bsnyen bkur byed pa bzhi bzhag go/ /pho nya mo rnams kyis las thams cad bgyi'o/ /ri mo'i sku gzugs kyi spyan sngar rtswa ku sha sbams pa'i steng du 'dug la/ mchod pa rgya cher bgyis la gtor ma yang shin tu rgya cher bgyi'o/ /lce bog gi bdug pas bdug go/ /ri mo'i sku gzugs kyi spyan sngar arka'i shing gis zhugs bus la/ me tog dkar po zho dang sbrang rtsi dang mar la smyugs pas me tog dag byung gi bar du sbyin sreg bgyi'o/ /de'i 'og tu ut+pal sngon po lta bu'i ral gri byung gi bar du lcags phyes sbyin sreg bgyi'o/ /de blangs ma thag tu skra lcang lor 'khyil bar 'gyur/ lo bcu drug pa lta bur 'gyur/ nyi ma 'char ba'i 'od ltar 'gyur/ dpon g.yog drug nam mkha' la mchi bar 'gyur ro/ /lo khri nyis stong thub par 'gyur ro/ / de bzhin du grogs rnams kyang dpag tshad stong du gyen du 'phags par 'gyur ro/ /de bzhin du 'og ma dbang phyug chen po'i ral gri bsgrub par bgyi'o/ /gzhan yang ral gri bsgrub pa ni zla ba gcig slong mo'i zas za zhing phyis mar gyi ngo zhag bcu bzhi la ri mo'i gzugs kyi mdun du pho nya mo rnams kyis las thams cad bgyi'o/ /zhag gsum smyung ba bgyis te ral gri ma chag cing 'phan med pa blangs la ral gri lag pa g.yas na thogs te 'bar gyi bar du bzlas brjod bgyi'o/ /de blangs pa tsam gyis nam mkha' la 'phag go/ /lo bcu drug lon pa lta bur 'gyur ro/ /rig sngags 'chang stong gi bdag por 'gyur ro/ /lo khri nyis stong thub par 'gyur ro/ /gzhan yang 'khor lo bsgrub pa bshad par bgyi'o/ /slong mo'i zas za zhing phyis mar gyi ngo zhag bcu bzhi nas zhag gsum smyung ba bgyis te/ lag na rdo rje'i mdun du mchod pa rgya cher bgyis la gtor ma dang lha bshos kyang shin tu rgya cher sbyar zhing pho nya mo rnams kyis las thams cad bgyi'o/ /lcags sna gsum la 'khor lo rtsibs bcu drug pa bgyis 95-1-17b la shing a shwat+tha'i lo ma bdun gyi steng du bzhag la 'bar gyi bar du bzlas brjod bgyi'o/ /'bar nas sa g.yo bar 'gyur ro/ /rig sngags 'chang thams cad skrag par 'gyur ro/ /des blangs pa tsam gyis skra lcang lor 'khyil bar 'gyur ro/ /lo bcu drug lon pa lta bur 'gyur ro/ /mdog nyi ma shar ba bzhin du 'gyur ro/ /rig sngags 'chang gi 'khor los sgyur bar 'gyur ro/ /bud med brgyad 'byung bar 'gyur ro/ /dpon g.yog bcu drug 'gro bar 'gyur ro/ /rig sngags 'chang gzhan brgya yang 'byung ste bsnyen bkur bgyid par 'gyur ro/ /gang gi gnas che ge mo zhes bgyi bar mchi bar bsams pa de'i tshe 'khor lo dpag tshad tsam du me lce 'bar ba stong 'byin cing 'gro ste bsngo ba ci yod pa phung bar 'gyur ro/ /lo brgyad khri thub bo/ /gang gi tshe 'chi ba de'i tshe lha'i nang du skye'o/ /de nas rig pa'i rgyal po las kyi dkyil 'khor bshad par bgyi ste/ brtag par bgyis la gnas ma nyams par shes rab can gyis dkyil 'khor bri'o/ /khru ni bcu gnyis sgo bzhi pa/ /de bzhin du ni khru brgyad la/ /de la thog mar bri ba ni/ /rim pa gnyis pa dmar po ste/ /rim pa gsum pa nag po'o/ /dkyil 'khor de yi byang phyogs su/ /sangs rgyas bcom ldan bri bar bgyi/ /de bzhin gshegs dang nye bar ni/ /bcom ldan phyag na rdo rje ste/ /rdo rje thogs shing rim pas bskor/ /sgo rnams kun tu bsrung bar bgyi/ /sgo bzhir sgo ba rnams bri'o/ /shar phyogs su ni drag po dang / /gzhon nu dang ni ma mo bri/ /lho phyogs su ni khyab 'jug dang / /nyi zla dang ni tshangs pa bri/ /nub phyogs su ni gshin rje dang / /kA t+yA'i bu mo gtum mo bri/ /byang phyogs su ni lha mo dpal/ /de bzhin lha mo dbyangs can bri/ /lha rnams 'di dag thams cad ni/ /ji skad bshad pa bzhin du bri/ /bya ma bum mgul chings can gyis/ bskor zhing sgo sgor yang bzhag go/ /dbus su gtun 95-1-18a shing skra'i srad bu dang bcas pa cig bzhag go/ /byam bu gyi lho phyogs su rdo rje bri'o/ /lha rnams kyang mtshon cha dang bcas par bgyis te/ drag po yi ni mdung rtse gsum pa bri'o/ /gzhon nu yi ni mdung thung ngo / /ma mo rnams ni mche ba 'o/ /khyab 'jug gi ni 'khor lo'o/ /zla ba dang ni nyi ma'i gzhu'o/ /tshangs pa'i ril ba spyi blugs so/ /gshin rje yi ni be con no/ /gzhan dag mtshon cha tha mal pa'o/ /zhugs ni rab tu bus nas su/ /brgyad brgyad tshang ba'i yam sreg shing / / lha bshos dri dang bdug spos dang / /gtor ma btsal nas lha spyan drang / /sbyin sreg 'di ni sbrang rtsi dang / /mar dang 'bras yos lan tshwa dang / /de bzhin yungs kar rnams kyis bgyi/ /yungs kar gyis ni bsrung ba bgyi/ /gtsang ma'i gos ni bgo bar bgyi/ /mchod pa dag ni sngar bgyis te/ /de yi 'og tu las brtsam mo/ /'jig rten na ni ci yod pa/ /mna' tshig rnams kyis mnas bsgag go/ /dam tshig 'di ltar su srung ba/ /de la log 'dren thams cad kyis glags mi rnyed cing las kyang dngos grub tu 'gyur ro/ /dkon mchog gsum la dad pas dkyil 'khor sngar mthong nas de'i 'og tu rig pa mchog bsgrub par bgyi'o/ /su zhig gzhan du bgyid na de'i rdo rje nyid kyis mthar bgyid par 'gyur ro/ /dkyil 'khor gyi cho ga rdzogs so// //rig pa mchog sgrub pa ni 'di lags te/ zla ba gcig zas su 'o skyo 'thungs la phyis mar gyi ngo zhag bcu bzhi nas zhag gsum smyung ba bgyis te/ gos gtsang ma bgos la ring bsrel dang bcas pa'i mchod rten nam/ sangs rgyas kyi sku gzugs sam/ byang chub kyi shing ngam/ bcom ldan 'das lag na rdo rje yang ci nus su mchod do/ /pho nya mo rnams kyis dri dang / me tog dang / bdug pa dang / gtor ma sbyin no/ /de nas lcags kyi ral gri bgyis te/ bud med rgyan thams cad kyis brgyan pa bud med bcus 95-1-18b bskor nas nam 'ongs kyi bar du bzlas brjod bgyi'o/ /'ongs nas g.yog 'khor dbul lo/ /ral gri de g.yog 'khor la bzhag na bud med de chung mar 'gyur ro/ /gal te 'tshal na bud med de dag kyang chung mar 'gyur ro/ /gal te mi 'tshal na g.yog 'khor rnams la stsal to/ /g.yog 'khor rnams dang lhan cig tu nam mkha' la mchi'o/ /'og tu yang dpag tshad stong du yang 'chi'o/ /steng du yang de bzhin no/ /ral gri de thogs na 'khor los sgyur ba ma gtogs par rig sngags 'chang thams cad kyis mi sod do/ / lo khri thub bo/ /sgrub pa gzhan yang yod de/ tshes grangs dang skar ma 'dam mi dgos smyung ba bgyi mi dgos/ bud med de legs par bsku zhing me tog gis kyang mchod la pho nya mo rnams kyis kyang las bya'o/ /de'i 'og tu bud med de kha bub tu bzhag la bud med de'i rgyab tu zhon te bud med de 'gul zhing sgra 'byin yang 'jigs par mi bya zhing / gyen du 'phag gi bar du rig pa'i rgyal po bzlas brjod bya'o/ /yang sa la lhung ngo / /lhung nas de las 'bab par bya'o/ /de nas bud med rgyan thams cad kyis brgyan pa rnams mthong ngo / /de'i nang nas bud med gcig khas bub tu 'dug cing dbugs 'byin pa de'i rgyab tu zhon na nam mkha' la 'phag cing mdog nyi ma shar ba lta bur 'gyur ro/ /bud med kyi glo la ral gri 'dzam bu'i chu bo'i gser gyis brgyan cing mu tig dang rin po ches spras pa 'phyang ngo / / las 'di ni rgyal mtshan dang 'dra'o zhes smras nas bya'o/ /le lo can dang byas pa mi gzo ba rnams kyis las 'di mi bya'o/ /gang nus pa brtan zhing mthu stobs dang ldan pa rtsol ba nges par byas pas las 'di brtsam par bya ste/ las 'di sgrub pa pos rtag tu go cha sra ba dang / tshangs par spyod par bya zhing nya dang sha yongs su spang bar bya'o/ /rig sngags 'chang gis ldong ros sgrub pa'i tshe gal te ston na de dgug pa'i phyir las 'di brtsam par bya ste/ rig sngags 'chang grub pa'am/ klu'am/ gnod sbyin nam/ sha za'am/ 95-1-19a grul bum yang rung ste/ dbab pa byas pa de la gang gis rdzas khyer ba des nga la slar byin cig dang phung bar mi bya'o zhes brjod par bya'o/ /mar gyi ngo zhag bcu bzhi la nyin zhag gcig smyung ba bgyis te/ zangs po che btsugs la 'bru mar blugs te bskol la rig pa'i rgyal po bzlas brjod byas na rig sngags 'chang grub pa yang rung / gang yin pa de der 'ong zhing 'ongs nas kyang slar 'bul la de la ci yang mi bya'o/ /gal te mi 'ong na phyis snying pos yan lag dang nying lag rnams gtubs te bzhag go srung ba byas pa'i cho gas bya'o/ /gzhan du na ma rungs par 'gyur ro/ /gal te srung ba ma byas na grub pa rnams kyis ma rungs par byed do/ /yan lag dang nying lag gtubs pas 'ong zhing rdzas kyang sbyin par byed do/ /'di skad du bcom ldan 'das yongs su bskyab tu gsol/ zhes smras so/ /de slar gso ba'i phyir 'bru mar gyi zangs po che las 'bru mar blangs te/ 'phags pa lag na rdo rje'i mdun du snying pos sreg blugs lan stong sbyin sreg byas na sos shing dbang du yang 'gyur ro/ /dbyig dug bsal bar 'dod na lag pa dang rkang pa snod du bcug la rlung g.yab kyis g.yabs te gang du 'dod pa der rig pa'i rgyal po bzlas brjod bgyis na/ dbyig dug byung ste nad med par 'gyur ro/ /mig ser gyi nad bsal bar 'dod na/ chu la lan bdun bsngags la skom du blud na 'tsho'o/ /mig nad bsal bar 'dod na me tog rtsa ba ring po dag la lan bdun bzlas brjod byas te sngags kyis btab la snod du bcug na 'tsho'o/ /de nas rig pa'i rgyal po'i mchog lag na rdo rje la log 'dren gyis 'di skad ces smras so/ /bcom ldan 'das sems can thams cad kyi don gyi slad du rig pa mchog 'di 'chad dam/ bcom ldan 'das gang gis bdag sa la 'khyam zhing sems can rnams la yang glags rnyed par 'gyur bar ba dag la mi gzigs sam/ de nas gnod sbyin gyi dbang po lag na rdo rjes log 'dren la 'di skad ces 95-1-19b smras so/ /khyod nyon cig gang dag dam tshig mi shes par nga'i rig pa'i cho ga rgyas par klog pa de dag khyer cig /gang dag gcig gi lhag ma gcig za ba dang / lha la phul ba'i dri dang / bdug pa dang / me tog la spyod pa de dag khyer cig /gang dag nga'i dam tshig shes pa dang / cho ga rgyas pa las byung ba bzhin du spong bar byed pa dang / gang dag rig pa mchog rdo rje'i rig sngags dang bcas gsang chen dang bcas par 'dzin pa de dag la glags ma tshol cig /chud ma gson cig /de skad thos pa dang / log 'dren de dag ca co nas dga' zhing mgu la yi rangs te/ lag na rdo rje'i rkang pa la phyag bya ba'i gsang sngags smras pa/ na mo rat+na tra yA ya/ na mash+tsaN+Da badzra pA Na ye/ ma hA yak+Sha se nA pa ta ye/ tad+ya thA/ hu ru badzra pA Ni hu ru badzra pA Ni/ tro Ta thA ya badzra pA Ni s+pho Ta ya badzra pA Ni/ da ha pa tsa ma tha badzra pA Ni swA hA/ ri mo mkhan gso sbyong bzung bas ma god pa'i ras la sbyin dang ma 'dres pa'i tshon gyis 'phags pa lag na rdo rje bri bar bya ste/ pri yang ku ltar sngo bsangs pa rgyan thams cad kyis brgyan pa'o/ /de'i g.yog 'khor log 'dren bzhi bcu bri bar bya ste/ kha dog sna tshogs pa lag na rdo rje'i rkang pa gnyis la mgo bos phyag 'tshal ba bri bar bya'o/ /sna dkar la gcu bar bya'o/ /de'i 'og tu rig sngags 'chang gi mar gyi ngo zhag bcu bzhi nas brtsams te/ ba'i rnam lngas lus sbyang ba byas la/ dus gsum du khrus bya zhing ri mo'i sku gzugs kyi mdun du dus gsum du brgya rtsa brgyad sbyin sreg bya'o/ /zla ba phyi ma mar gyi ngo zhag bcu bzhi la nyin zhag gcig smyung ba byas te/ lag na rdo rje la mchod pa byas nas dri dang / me tog dang / bdug pa phul te log 'dren rnams la yang bag chos par pa ta ka dang / mo ka ka da dang / pu pa li ka dang / rtsa ba dang / shing tog gzhan dag kyang phul la/ lag na rdo rje'i mdun du sna ma'i me tog zho dang sbrang rtsi dang mar la smyugs pa brgyad stong sbyin sreg bya'o/ /'og 95-1-20a dang ri mo'i sku gzugs 'gul zhing ha ha zhes bya ba'i sgra grag ste/ de la yang 'jigs par mi bya'o/ /yang lan brgya stong sbyin sreg byas na de nas mi mi sdug pa zhig 'ong ste/ de la yang 'jigs par mi bya'o/ /rdo rje bzhad mas smrar bcug na de ci zhes smras so/ /des lag na rdo rje'i mdun du gang smras pa de dran par bgyis la de bzhin gyis shig ces brjod par bya'o/ /de bzhin du bya'o zhes smras nas mi snang bar 'gyur ro/ /de'i 'og tu rig sngags sgrub pa la log 'dren de dag dngos grub sbyin par 'gyur/ nyin gcig bzhin kAr ShA pa Na nyi shu sbyin par 'gyur/ dbang du yang 'gyur/ yid la gang ci bsams pa de thams cad byed par yang 'gyur ro/ /bcom ldan 'das gzhan yang brjod par bgyi'o/ /gang dag rig pa mchog gi cho ga rgyas par bsgrub par bgyi ba dang / mchod par bgyid pa de dag la ci yang mi bgyi'o/ /'dod pa thams cad za zhing sgrub pa de la dngos grub stsal to/ /gang dag bdag cag gi gsang sngags 'chang ba de dag la log 'dren nam/ log 'dren gyi bu'am/ log 'dren gyi 'khor gang la la zhig glags lta ba'am/ gang glags rnam par tshol ba de'i mgo tshal pa brgyar 'gas so/ /bcom ldan 'das bdag cag gis mi snyan pa brjod par bgyi'o/ /sgrub pa'i dus na gsang sngags 'di nyid kyis me tog la lan bdun sngags kyis btab la stsal bar bgyis na log 'dren thams cad dngos grub stsol to/ /sngags 'di nyid kyis gzhan la bgegs bgyid do/ /skar ma 'dam mi 'tshal smyung ba bgyi mi 'tshal lo/ /lag na rdo rje'i mdun du mon sran gre'u las bgyis pa'i snum khur phu pa la ka brgyad stong sbyin sreg bgyis la 'di skad du che ge mo zhes bya ba'i bgegs gyis shig ces brjod na de'i tshe log 'dren de dag dga' zhing mgu bar gyur pa'i yid kyis bgegs bgyid do/ /bsams na zhi bar 'gyur ro/ /ci ste log 'dren rnams mthong bar 'tshal na/ mar gyi ngo zhag brgyad la nyin zhag 95-1-20b gcig smyung ba bgyis te/ /dur khrod du mchis la mgal ba blangs te/ /dri dang / me tog dang bdug pas brgyan pa bgyis la rig pa dpag tu ma mchis par bzlas brjod bgyis na dgung phyed kyi dus na log 'dren rnams mchi ste/ /de dag la rdo rje lte bas dri stsal bar bgyi'o/ /me kha las me tog stsal bar bgyi'o/ /rdo rje bzhad mas smrar stsal te/ /'di skad sems dang bar gyis shig ces brjod na log 'dren de dag rtse zhing dgod do/ /de nas rig sngags 'chang gis rig pa mchog dran par bgyis na de dag mi 'gul te 'di skad du khyed sems dang bar gyis shig ces brjod par bgyi'o/ /de bzhin du bya'o zhes smras nas mi snang bar gyur to/ /de'i 'og tu rig pa la bgegs mi bgyid do/ /sngags 'di nyid kyis skyes pa dang bud med dbang du bgyi bar 'tshal na mar gyi ngo zhag brgyad la grog mkhar rtse'i mdun gyi dog sa blangs la gzugs bgyis te/ /lag na rdo rje'i mdun du thab khung bgyis la thab khung gi nang du dgon pa'i ba lang gi lci bas zhugs bus te zhugs kyi nang du gzugs stsal la de'i steng du lan tshwa'i sbyin sreg lan brgya rtsa brgyad bzlas brjod bgyis te dgung bdun du dus gsum na dbang du 'gyur ro/ /bgegs brgyad khri gtsug phud 'phyang ba zhes bgyi ba'i bgegs de stong gsum gyi stong chen po'i 'jig rten gyi khams na bgegs bgyid pa lags te/ de'i bar du bsgrub par bgyi'o/ /bsgrub pa'i dus na rig sngags 'chang gis grog mkhar gyi dog sa las gtsug phud 'phyang gi sku gzugs bgyis la/ mar gyi ngo zhag brgyad dam bcu bzhi la lag na rdo rje'i mdun du bzhag ste/ zho dang 'o mas bkrus la me tog dang bdug pas mchod de/ rig pa brgyad stong bzlas brjod bgyis na de nas yid dga' nas/ 'jig rten gyi 'phrul po ches dngos grub stsol to/ /dgos pa zhig grub na yang de la dngos grub stsol to/ /log 'dren gyi sgrub pa rdzogs so// //rig 95-1-21a sngags 'chang gis nor bsgrub pa dang / las byang bar bgyi bar 'tshal na ba lang gi lhas su mchis la mar gyi ngo zhag brgyad nas brtsams te zas su 'o skyo 'tshal zhing 'bum bzlas brjod bgyis na rig pa'i rgyal po tshangs pa'i gdugs kyi gung la ce spyang mo sgra 'byin te/ sgra lan lnga brgya 'byin to/ /de nas dngos grub tu 'gyur te ti na ra stong rnyed cing las kyang byang bar 'gyur ro/ /ci ste lag na rdo rje bcom ldan 'das lag na rdo rje mthong bar 'tshal na pad+ma'i rdzing du mchis la yar gyi ngo zhag bdun nas brtsams te/ zas su 'o skyo 'thung zhing lan sum stong bzlas brjod bgyis na nyid kyis lag na rdo rje mthong ngo / /me kha la bzlas brjod bgyis nas me tog dbul lo/ /rdo rje bzhad mas smrar stsal te/ rig sngags 'chang gis 'di skad du bcom ldan 'das bdag yongs su bskyab tu gsol/ zhes brjod do/ /de 'di skad du bu de ci bya zhes brjod pa dang / de nas bcom ldan 'das yid kyis gang bsams pa de thob par mdzad du gsol/ zhes brjod do/ /de bzhin du gyur cig ces brjod nas mi snang bar 'gyur ro/ /de'i 'og tu yid la gang bsams pa de thams cad 'grub bo/ /byis pa log 'dren gyis zin na lag na rdo rje'i mdun du lan brgya rtsa brgyad bzlas brjod byas pa'i spos chus bkrus na gtong ngo / /gal te log 'dren gyi gnas sgrub par 'tshal na rig sngags 'chang gis yar gyi ngo'i nya nas brtsams te/ zas su 'o skyo 'thung zhing rig pa bzlas brjod bgyi'o/ /de nas mar gyi ngo zhag brgyad la nyin zhag gcig smyung ba bgyis te/ /mtshan gcig mchis par mchis la ci 'byor pas mchod de/ me tog dkar po stong gis mtshan ma bsnun na mtshan brgyar 'gas te/ de nas log 'dren gyi las dngos grub tu 'gyur ro/ /log 'dren rnams ngag nyan par yang 'gyur ro/ /log 'dren rnams gsad do snyam du khros pa'i yid kyis bzlas brjod bgyis na log 'dren rnams 'gum mo/ /gang du bsgoms pa der thams cad bgyid do/ /yar gyi ngo tshes brgyad 95-1-21b nas brtsams la 'phags pa lag na rdo rje'i mdun du nang par rig pa lan brgya rtsa brgyad bzlas brjod bgyi'o/ /gdugs kyi gung la yang de bzhin du bgyi'o/ /phye ma red lan brgya rtsa brgyad bzlas brjod bgyis te de ltar dgung bdun du bgyis na bdun pa'i gdugs la ti na ra sbyin par bgyid do/ /ci nus kyis mchod par bgyi'o/ /zas su 'o skyo 'thung bar bgyi'o/ /yar gyi ngo tshes lnga nas brtsams te rgya mtshor 'bab pa'i chu klung du zhugs la snga dro nas phyi dro'i bar du bzlas brjod bgyis na ti na ra cig rnyed do/ /tshes grangs dang skar ma 'dam mi 'tshal/ smyung ba bgyi mi 'tshal bar yungs kar 'bru stong las rdo rje bgyis te/ kham phor du stsal la lo mas kha bcad de/ rig pa brgya rtsa brgyad bzlas brjod bgyi'o/ /ras zung gcig stsol gyi bar du bzhag go/ /de nas mtshe 'ur 'dor ro/ / tshes grangs dang skar ma 'dam mi 'tshal/ smyung ba bgyi mi 'tshal bar rked pa nub tsam gyi chab tu zhugs la lan brgyad stong bzlas brjod bgyis na/ ras zung gcig stsol bar bgyid do/ /mar gyi ngo zhag brgyad la nyin zhag gcig smyung ba bgyis la lag na rdo rje'i mdun du mchod pa bgyis la/ shing bil ba'i shing gis zhugs bus te sna ma'i me tog zho dang sbrang rtsi dang mar la smyugs pa brgyad stong sbyin sreg bgyid na ti na ra stsol bar bgyid do/ /yar gyi ngo tshes bcu gsum la de bzhin gshegs pa'i spyan sngar mchod pa bgyis te/ nyin zhag gcig smyung ba bgyis la lan brgyad stong bzlas brjod bgyis na ras zung gcig rnyed do/ /de nas lag na rdo rjes bcom ldan 'das la 'di skad ces gsol to/ /bcom ldan 'das bdag la gsan du gsol/ yon tan bsam gyis mi khyab pa'i las brjod par bgyi'o/ /dgung gsum du smyung ba bgyis la mar gyi ngo zhag bcu bzhi la n+ya gro d+ha'i shing gcig pu mchis la/ dri dang me tog dang bdug pas brgyan par bgyi'o/ /pho nya mo rnams kyis thams cad bgyi'o/ /de nas rig sngags 'chang gis ras yug ma 95-1-22a god pas shing n+ya gro d+ha dkris la rtswa ku sha sbams pa'i steng du mchis shing / rig pa'i rgyal po brgyad stong bzlas brjod bgyis na de nas shing n+ya gro d+ha las 'od zer cig byung ste/ des rig sngags 'chang la bskor ba bgyis nas spyi bor nub par 'gyur ro/ /de nas rig sngags 'chang gis ras la btags te/ de bzhin gshegs pa thams cad dang / lag na rdo rje la phyag bgyis la ras de de bzhin gshegs pa la phul na yid la bsams pa tsam gyis skye bo bdun gyis bskor te nam mkha' la mchi'o/ / ci 'tshal ba gzugs can du 'gyur ro/ /dpag tshad sum stong du gyen du 'phag go/ /'og tu yang de bzhin no/ /bsams pa tsam gyis lha'i rigs thams cad 'gugs par bgyid do/ /sems can thams cad kyi sems dang spyod pa yang 'tshal bar 'gyur ro/ /sa dang po la gnas pa'i byang chub sems dpa' rnams dang lhan cig gnas par 'gyur ro/ /lo khri bdun stong thub par 'gyur ro/ /de'i bsams pa dang dgos pa thams cad 'byor par 'gyur ro/ /rig sngags 'chang grub pa dang / sa la gnas pa rnams kyi rnam pa'i spyod yul du mi 'gyur ro/ /gang gi tshe nam mkha' la gnas pa de'i tshe rig sngags 'chang rnams kyi spyod yul du mi 'gyur ro/ /dngos grub 'dis lha thams cad dang rig sngags 'chang thams cad mdun du gnas par 'gyur ro/ / de bzhin du lag na rdo rje'i cho ga rgyas pa thams cad dngos grub tu 'gyur ro/ /'di sgrub pa'i rig sngags 'chang gi mtshams ma mchis pa lnga 'byang bar 'gyur ro/ /gang gi tshe 'gum pa de'i tshe lag na rdo rje'i gnas su mchi'o/ /yar gyi ngo tshes brgyad nas brtsams te lus sbyang ba bgyis pa la zas su 'o skyo 'thung zhing rig pa bzlas brjod bgyi'o/ /mar gyi ngo zhag brgyad la nyin zhag gcig smyung ba bgyis te/ mtshan gcig mchis par mchis la sham thabs ser po bgo zhing bsgrub par bgyi'o/ /de nas rig sngags 'chang gis 95-1-22b gtor ma'i cho ga rgya cher bgyis la mtshan gyi steng du zhabs g.yon pa bzhag ste/ rig sngags brgyad stong bzlas brjod bgyis na de nas mtshan las 'od zer cig byung ste/ des rig sngags 'chang la bskor ba bgyis nas mgo bor nub par 'gyur te/ de nas skra lcang lor 'khyil zhing gdugs shar ba lta bu'i mdog can gyi rig sngags 'chang du 'gyur ro/ /yid kyis gar 'tshal ba der mchi bar 'gyur ro/ /lo dgu stong thub par 'gyur ro/ /bcom ldan 'das 'di yang stobs dang pha rol gnon pa dpag tu ma mchis shing 'byung po thams cad dang / gnod sbyin thams cad dang / klu thams cad dang / log 'dren thams cad kyis mi tshugs pa lags te/ rig pa'i rigs rgyud thams cad kyi snying po mchog gi gsang sngags bshad par bgyi'o/ /Tak+ki hU~M dzaH/ 'di dang pho nya mo rnams kyis las kyi khyad par brjod par bya'o/ snying po'i las rnams ni ri mo mkhan gso sbyong bzung bas ma god pa'i ras la sbyin dang ma 'dres pa'i tshon gyis sangs rgyas kyi sku gzugs bri bar bgyi'o/ /de'i g.yon rol du kun dga' bo dang / g.yas rol du lag na rdo rje rnga yab thogs pa bri bar bgyi'o/ /bcom ldan 'das ni gser gyi mdog can no/ /kun dga' bo ni sngo bsangs so/ /lag na rdo rje yang sngo bsangs te rgyan thams cad kyis brgyan pa'o/ /de'i 'og tu sgrub pa po lag na pog por thogs par bri'o/ /de nas yar gyi ngo nas dgung gsum smyung ba bgyis te/ ri mo'i sku gzugs kyi mdun du lung thang gi shing gis zhugs bus la sna ma'i me tog mar la smyugs pa lan brgyad stong sbyin sreg bgyis na/ de bzhin gshegs pa'i dpral ba las 'od zer 'byung ste/ de nas dngos grub tu 'gyur ro/ / des yid kyis gang bsams pa de 'byor par 'gyur te/ /'khor los sgyur ba nyid dam/ rig sngags 'chang nyid ni ma gtogs so/ /gtor ma rgya cher stsal bar bgyi'o/ /ma bsgrubs kyang las rnams su 'gyur ba lags te/ lan bdun bzlas brjod bgyis 95-1-23a pa'i thal ba'am/ srad bu'am/ chus ni bkru bar bgyi'o/ /grogs bsrung na spyi bor mdud pa dor ro/ /lan gsum bzlas brjod bgyis pas yul 'khor bsrung ngo / /gseg ma la lan bdun bzlas brjod bgyis pa chab tu stsal bas chu srin kum bi ra dang /chu srin bcing ngo / /yal gas ni rims nad gso bar bgyi'o/ /chab bam rtswa ku shas ni dug las gso bar bgyi'o/ /bgegs dang log 'dren phung bar bgyi bar 'tshal bas sgrub pa'i dus na arka'i shing gis zhugs bus la ske tshe'i 'bru las lan brgya stong sbyin sreg bgyis na log 'dren rnams phung bar 'gyur ro/ /phyugs chung dbang du bgyis par 'tshal bas mda' thogs pa la lag na rdo rje'i mdun du lan brgya rtsa brgyad bzlas brjod bgyis te/ phyugs chung gi lag nas bzung na dbang du 'gyur ro/ /chung ma rung bar bgyi bar 'tshal na lan bdun bzlas brjod bgyis pa'i gseg ma khyim gyi sgor dor ro/ /chab la mi 'bying bar bgyis na shing sha le ka'i 'bras bu la lan bdun bzlas brjod bgyis te/ stsal na chab la ni mi 'bying ba bgyis par 'gyur ro/ /mar gyi ngo zhag brgyad la nyin zhag gcig smyung bar bgyis te/ lag na rdo rje'i mdun du shing bil ba'i bud shing gis zhugs bus la sreg blugs rgya skyegs la lan stong du bskyar zhing sbyin sreg bgyis na nad rkang skems kyis 'debs par bgyid do/ /mar dang gu gul gyi sreg blugs lan brgya stong sbyin sreg bgyis na zhi bar 'gyur ro/ /yar gyi ngo nya nas brtsams nas gdugs kyi gung la gos gsar pa bgos la/ zangs kyi snod du zho dang 'bras chan stsal te gdong gtugs la bstan cing phyugs chung gi ming nas phyung ste lan brgya stong bzlas brjod bgyis na phyugs chung mchi'o/ / gal te mi mchi na phyugs chung de 'gum mo/ /gdugs bdun du bgyi'o/ /'bras chan gyis gdugs la dbul lo/ /shing sha mi phur bu sor brgyad pa blangs te/ srad bus dkris te lag na rdo rje'i mdun du lan brgya rtsa brgyad bzlas brjod bgyis la gru mi 'gul bar bgyi'o/ / 95-1-23b zhes bgyis te chab tu dor na gru mi 'gul bar bgyis par 'gyur ro/ /mar gyi ngo zhag bzhi la nyin zhag gcig smyung ba bgyis te mtshan gcig mchis par mchis la/ 'byung po'i gtor ma stsal te/ lho phyogs kyi ngos la shu dag brgya stong sbyin sreg bgyis na ti na ra gsum rnyed do/ /shu dag la lan nyi shu rtsa gcig bzlas brjod bgyis te so phrag tu stsal na shags 'gyed pa'i tshe gzhan gyis lan mi thebs par smra bar 'gyur ro/ /lag na rdo rje'i mdun du gi wang la lan brgya stong bzlas brjod bgyis la des thig le bgyis na dpal che bar 'gyur ro/ /rgyal po'i pho brang 'khor du lan thebs par smra bar 'gyur ro/ /bud med dbang du bgyid na lag na rdo rje'i mdun du pa la sha'i shing gis zhugs bus la snga dro lan tshwa la lan stong rtsa brgyad sbyin sreg bgyis nas ming nas brjod na nyi ma bdun gyis 'grub ste/ za gcig par bgyi'o/ /yugs sa mo dbang du bgyid na mar gyi ngo zhag drug nas brtsams te bcu'i bar du dus gsum du lag na rdo rje'i mdun du lung thang gi shing la zhugs bus la mon sran gre'u la lan brgya rtsa brgyad sbyin sreg bgyis na dbang du 'gyur ro/ /bram ze'i bu mo dbang du bgyid par 'tshal bas mar gyi ngo zhag brgyad la lag na rdo rje'i mdun du du ba ma mchis pa'i me mdag la rgya skyegs kyis lan brgya stong sbyin sreg bgyis na dbang du 'gyur ro/ /skyes pa dbang du bgyi na mar gyi ngo zhag brgyad la zhag gcig smyung ba bgyis na/ lag na rdo rje'i mdun du dong ka'i shing gis zhugs bus la yungs kar la lan brgya stong sbyin sreg bgyis na dbang du 'gyur ro/ /Tak+ki hU~M dzaH rA dza nA ma pa shi ka tu kA me na shukla pany+tsi mye ma ho ra ta shi te badzra pA Ni s+ya a g+h+ra ta pri yaM ku ba ta she rat+ni ma pra dzrA l+ya shwe sar+sha paM in+d+ra ya pany+tsi ki kri t+ya bi shwa ru ti ra ak+ta nAM aSh+Ta sa ha sraM dzU ya sho ba ti/ mar gyi ngo zhag brgyad dam bcu bzhi nas zhag gsum smyung ba bgyis te lag na rdo rje'i mdun du mchod pa ci nus kyis mchod de/ rig pa mchog gis dri dang me tog dang bdug pa thams cad la phul la/ de'i 95-1-24a 'og logs su rig sngags 'chang gis shing sa la ser po las sgrom bu bgyis te/ sgrom bu der lig bu mig stsal la/ dro bar gyur pa dang du ba 'thul ba dang 'bar ba'i bar du bzlas brjod bgyi'o/ /dro bar gyur na dbang du 'gyur ro/ /du ba 'thul na mi snang bar 'gyur ro/ /'bar na nam mkha' la mchi bar 'gyur ro/ /mdog gdugs shar ba 'dra bar 'gyur ro/ /lo bdun stong thub par 'gyur ro/ /lus zhig nas lag na rdo rje mthong bar 'gyur ro/ /mar gyi ngo zhag brgyad la nyin zhag gcig smyung ba bgyis te dur khrod du mchis la skyes pa'i ro ma snad pa blangs te/ /rig pa mchog gi dri dang me tog dang bdug pas brgyan pa bgyis la mgo bo shar phyogs su bstan te/ de nas rig sngags 'chang gcer bur phyung la skra bshig ste/ de'i snying gar mchis la mi ro'i khar mi'i thod pa yungs kar gyis gtams pa bzhag la yungs kar rnams mi snang bar gyur gyi bar du bzlas brjod bgyi'o/ /de nas dngos grub tu 'gyur ro/ /mi thod blangs la mtshe'ur bor na de nas yid kyis bsams pa tsam gyis nam mkha' la mchi bar 'gyur te nam mkha' la mchi'o/ /mi snang bar 'gyur ro/ /rgyal por bgyid do/ /bdag mi sdug par yang ston to/ /slar yang rgyan thams cad kyis brgyan pa dang / mdog gdugs shar ba lta bur yang ston to/ /bdag gis gang bsams pa de dag thams cad 'grub bo/ tshe lo stong thub par 'gyur ro/ /mar gyi ngo zhag brgyad la nyin zhag gcig smyung ba bgyis te/ lag na rdo rje'i mdun du rig pa mchog gis lag na rdo rje la dri dang me tog dang bdug pa rnams dbul lo/ /grong gi phug ron gyi khar ldong ros stsal la dro bar gyur pa dang / du ba 'thul ba dang 'bar gyi bar du bzlas brjod bgyi'o/ /dro bar gyur pas thig le bgyis na chab kyi nang du dgung zla gcig mchis shing chab kyi nang du bzhag go/ /gang mthong ba de dbang du 'gyur ro/ /du ba 'thul na mi snang bar 'gyur te/ mi 95-1-24b snang bar gyur na grub pa rnams kyi spyod yul du mi 'gyur ro/ /lo stong thub par 'gyur ro/ /'bar na nam mkha' la mchi bar 'gyur te/ dpag tshad stong tshun chad mthong zhing sgra yang thos so/ /lo khri nyis stong thub par 'gyur ro/ /lag na rdo rje grub par 'gyur ro/ /chu la lan bdun bzlas brjod bgyis pas gar bgyid du stsal te lan gsum bzlas brjod bgyis pa'i du bas gsang tshig smrar stsal to/ /yid kyis lan bdun bzlas brjod bgyis pa'i me tog gis smrar stsal to/ /yar gyi ngo zhag brgyad la zhag gcig smyung ba bgyis te/ lag na rdo rje'i mdun du pa la sha'i shing gis zhugs bus la ku mu da'i me tog zho dang sbrang rtsi dang mar la smyugs pa brgyad stong sbyin sreg bgyis na yid kyis bsams pa de dag thams cad 'grub ste/ rig sngags 'chang gi rgyal po nyid ni ma gtogs so/ /mar gyi ngo zhag brgyad nas brtsams te/ zas su 'o skyo 'tshal zhing lag na rdo rje'i mdun du bil ba'i shing gis zhugs bus la bil ba'i yam sreg shing 'bum sbyin sreg bgyis na rgyal po nyid du stsol to/ /cho ga 'di nyid kyis rig sngags 'chang nyid kyang stsal to/ /mar gyi ngo zhag brgyad la nyin zhag gcig smyung ba bgyis te lag na rdo rje'i mdun du seng ldeng gi shing gis zhugs bus la ske tshe'i me tog la lan brgya stong sbyin sreg bgyis na las grub pa'i mchog tu 'gyur ro/ /mar gyi ngo zhag bcu bzhi la lag na rdo rje'i mdun du arka'i shing gis zhugs bus la arka'i me tog las lan 'bum sbyin sreg bgyis na ti nar stong stsol to/ /byang chub kyi shing gi 'og tu zas su chu grog 'tshal zhing lan sum 'bum bzlas brjod bgyis na rig sngags 'chang brgyas bskor ba'i rig sngags 'chang du 'gyur ro/ /'dod pa thams cad longs spyod du 'gyur ro/ /lo dgu stong thub par 'gyur ro/ /gang rig pa'i rgyal po bsgrub par 'tshal ba des mar gyi ngo zhag brgyad nas gzung ste/ zas su 'o skyo 'tshal zhing rgya mtshor 'bab pa'i chu klung 95-1-25a du zhugs te/ /ku mu da'i me tog rgyas pa 'bum phul na de nas rig sngags 'chang la chu'i nang du klus reg par bgyid de de la 'jigs par mi bgyi'o/ /de nas bcom ldan 'das rig pa'i mchog 'grub par 'gyur te/ de grub pas cho ga rgyas pa thams cad grub par 'gyur ro/ /rig pa'i mchog gi snying po'i cho ga rgyas pa rdzogs so// //de nas bcom ldan 'das la phyag na rdo rjes 'di skad ces gsol to/ /bcom ldan 'das nye ba'i snying po 'di mchog tu mi bzad pa cho ga rgyas pa mang po rab tu bsgrub pa bgyid pa/ lha dang bcas pa'i 'jig rten gyis 'gal bar bgyi ba ma lags pa/ 'byung po thams cad dang lha thams cad kyis mi tshugs te phyir zhing bshad par bgyi'o/ /de nas bcom ldan 'das kyis lag na rdo rje la 'di skad ces bka' stsal to/ /shod cig gnod sbyin gyi dbang po sems can rnams kyi don gyi phyir de bzhin gshegs pas gnang gis shod cing / de nas lag na rdo rjes thams cad dang ldan pa'i 'khor 'dus pa la rnam par bltas nas lha de dag la 'di skad ces smras so/ /kye kye lha'i tshogs rnams nyon cig nye ba'i snying po 'di ni mchog tu mi bzad pa de bzhin gshegs pas kyang 'gal bar mdzad pa ma yin te/ phyi phyir bshad kyis lha'i tshogs rnams de nyon cig /de nas lag na rdo rjes bcom ldan 'das kyi zhabs gnyis la gtugs nas gsang sngags smras pa/ na mo rat+na tra ya s+ya/ na mash+tsaN+Da badzra pA Ni s+ya/ ma hA yak+Sha s+ya nA pa ti s+ya/ na ma sh+tsaN+Da pra marda nA ya swA hA/ hi ri mi ri ti ri NI swA hA/ de nas gsang sngags smras pas stong gsum gyi stong chen po'i 'jig rten gyi khams rnam pa drug tu g.yos so/ /gzhal med khang na gnas pa'i lha rnams kyang kha bub tu 'gyel nas skyabs med cing dpung gnyen med de/ /'dar yed yed nas gsang ba'i bdag po ci nas bdag cag srog dang bral bar mi 'gyur bar bdag cag la yongs su bskyab tu gsol zhes 95-1-25b lag na rdo rje la skyabs su dong ngo / /log 'dren rnams kyang 'gul ma nus nas yid kyis lag na rdo rje la phyag 'tshal lo/ /de nas bcom ldan 'das lag na rdo rjes cung zad 'dzum pa'i bzhin gyis lha de dag la 'di skad ces smras so/ /grogs po khyed longs shig nga'i dam tshig la yang dag par gnas par gyis shig /de thos nas lha rnams rab tu dga' ba'i bzhin gyis bcom ldan 'das lag na rdo rje'i rkang pa gnyis la phyag 'tshal nas/ bcom ldan 'das la 'di skad ces gsol to/ /bcom ldan 'das lag na rdo rje 'di ni mchog tu mi bzad pa lags so/ /bcom ldan 'das kyis bka' stsal pa/ lha dag de de bzhin no/ /de nas bcom ldan 'das la lag na rdo rjes gsol pa/ bcom ldan 'das bdag gi rig pa 'di ni lha rnams 'chi 'pho bar bgyid pa/ gnod sbyin rnams phung bar bgyid pa/ /dri za rnams lhung bar bgyid pa/ log 'dren rnams nges par brlag par bgyid pa/ rdo rje'i rigs thams cad skrag par bgyid pa/ tshangs pa dang khyab 'jug dang dbang phyug chen po la sogs pa la gnod par bgyid pa lags so/ /bcom ldan 'das bdag gi nye ba'i snying po 'di ni bdag la yang phur bus 'debs pa lags te/ bcom ldan 'das 'gum par bgyid pa/ skom par bgyid pa/ chad pas gcod pa lags so/ /lha rnams 'chi 'pho bar bgyid pa dang / gnod par bgyid pa dang / phur bus gdab par bgyid par 'tshal bas mar gyi ngo zhag bcu bzhi la zhag gsum smyung ba bgyis te/ ba'i lci ba sa la ma lhung ba las brgya byin gyi gzugs bgyis la lag na rdo rje'i mdun du bzhag ste/ de'i steng du shing kun gyi shing gis zhugs bus la pri yang ku'i yam sreg shing yungs kar gyi 'bru mar la smyugs pa brgya stong sbyin sreg bgyi'o/ /de nas lha rnams so so nas tshig cing brgya byin gyi gan du mchi'o/ /brgya byin yang lha rnams dbugs 'byin te/ grogs po dag ma 'jigs 95-1-26a shig ces lha rnams dbugs phyung nas rig sngags 'chang gi gan du mchi ste phyin pa dang / tshig 'di skad du kye ma'o rig sngags 'chang la dge sbyong gi tshul med do zhes smras pa dang / rig sngags 'chang gis 'di skad du bcom ldan 'das lag na rdo rjes gang bshad pa de dran par gyis shig ces brjod par bgyi'o/ /de thos nas shin tu dga' ba'i bzhin gyis rig sngags 'chang la rig pa stsal lo/ /de'i 'og tu rig sngags 'chang gi rig pa mchog gis slar btang bar bgyi'o/ /rig pa mchog des rig sngags 'chang gi 'khor los sgyur bar 'gyur te/ rig sngags 'chang bdun stong gis bdag po bskal par gnas par 'gyur ro/ /lha rnams kyang g.yos par bgyid par 'gyur ro/ /gnod sbyin rnams kyang phung bar bgyid par 'tshal bas gang nas gnod sbyin nam/ gnod sbyin mo gnas pa der ma gyi ngo zhag brgyad la mchis la nyin zhag gcig smyung ba bgyis te/ byang chub kyi shing gis zhugs bus la a pa marga'i yam sreg shing las lan brgya stong sbyin sreg bgyi'o/ /de nas gdon de dag 'bros pa dang tshur sheg ces brjod na slar mchi'o/ /mchis nas kyang nga'i bsnyen bkur ba gyis shig ces brjod do/ /gdugs gcig bzhin du ti na ra bdun bdun stsal to/ /gang du bskos pa de thams cad bgyid do/ /dri za rnams ltung bar bgyid par 'tshal bas rgya mtshor 'bab pa'i chu klung gi ngos su yar gyi ngo tshes brgyad la nyin zhag gcig smyung ba bgyis te/ kham po dza'i shing gis zhugs bus la yungs kar mar dang bsres pas lan khrir sbyin sreg bgyi'o/ /de nas yi dgas kyi gzugs can gyi mi zhig mchi'o/ /mchis nas kyang rkang pa gnyis la phyag bgyid pa dang / bde bar gyur cig ces brjod par bgyi'o/ /de nas mi des rkang pa gnyis la lig bu mig bzhag nas slar mchi'o/ /lig bu mig des mig bskus na dri za'i gzugs su 'gyur ro/ /rkang 95-1-26b gis 'gro bar 'gyur ro/ /lo lnga stong thub par 'gyur ro/ /dri za rnams kyang srung ba dang / skyob pa dang / sbed par bgyid do/ /log 'dren rnams kyang brlag par bgyid na sman a sa de ba dang / shing ba la kar ba sa'i tshig gu dang / ne'u le'i spu dang / sbrul skogs brjes pa dang rdzas de dag gis gnod sbyin gyi gzugs la bdug par bgyi'o/ /rig pa yang lan brgyad stong bzlas brjod bgyi'o/ /de nas rmi lam du log 'dren rnams bred cing ci bya gtol med par mthong ngo / /de'i nang nas mi cig 'di skad ces kye rig sngags 'chang bdag cag la gnod pa ma mdzad par 'di snoms shig ces smra'o/ /de nas nang par ti na ra cig stsal lo/ /bsgrub pa'i dus na yang bdug pa 'di nyid kyis bdag la bdugs na log 'dren thams cad nyams par 'gyur ro/ /log 'dren gyi las bgyi na yang mar gyi ngo zhag brgyad la nyin zhag gcig smyung ba bgyis la bgyi'o/ /rdo rje'i rigs skrag par bgyi na lce 'bab pas bcag pa'i shing blangs la mar gyi ngo zhag gcig smyung ba bgyis te/ lag na rdo rje'i mdun du lce 'bab pas bcag pa'i shing gis zhugs bus la kham po dza'i yam sreg shing brgya stong sbyin sreg bgyis na rdo rje'i rigs thams cad skrag par 'gyur ro/ /ri'i dngos grub kyang stsal lo/ /tshangs pa dang khyab 'jug dang dbang phyug chen po la sogs pa la gnod pa bgyid na mar gyi ngo zhag bcu bzhi la zhag gsum smyung ba bgyis te mtshan gcig mchis par mchis la ci nus kyis mchod de/ mtshan la khrag gis bskus la khros pa dang bcas pas lag pa gnyis kas 'khyud de rig pa lan brgya stong bzlas brjod bgyis na de nas mtshan 'gul lo/ /skrag par 'gyur zhing rang gi cho ga rgyas pa rnams kyis dngos grub stsol to/ /de ltar cho ga rgyas pa thams cad 'grub par 'gyur ro/ /lag na rdo rje la phur bus btab na mar gyi ngo zhag brgyad la zhag gcig smyung ba bgyis te/ lag na rdo rje'i mdun du seng ldeng gi shing gis zhugs bus la 95-1-27a kham po dza'i yam sreg shing brgya stong sbyin sreg bgyis na sreg blugs gsum pa'i tshe 'dar ro/ /brgyas tshar gcod par 'gyur ro/ /sum brgyas skam par 'gyur ro/ /bzhi brgya pa'i tshe lag na rdo rje la phur bus btab par 'gyur ro/ / lag na rdo rje phur bus btab pas lag na rdo rje'i rigs thams cad dang tshangs pa dang / khyab 'jug dang dbang phyug chen po la sogs pa lha thams cad kyang phur bus btab par 'gyur ro/ /brgya stong tshang ba'i tshe lag na rdo rje'i tshig nas mchi ste/ rig sngags 'chang ci 'dod ci sbyin ces brjod pa dang / bcom ldan 'das cho ga rgyas pa'i dngos grub bdag la stsal du stsol zhes brjod par bya'o/ /de ltar gyur cig ces brjod nas mi snang bar gyur to/ /de nas rig sngags 'chang gis myur bar lag na rdo rje'i gzugs 'o mas bkru bar bgyi'o/ / de nas mchis pa'i mar dang gu gul gyis lan brgyad stong sbyin sreg bgyi'o/ /de nas sos par 'gyur ro/ /lha la yang mchod pa rgya cher bgyis la shugs ldan mas slar gshegs su gsol lo/ /bcom ldan 'das rig pa'i rgyal po bsgrub pa'i rig sngags 'chang la gal te dngos grub tu ma gyur na rig sngags 'chang des las bdag gir bya ba yin par dmigs par bgyi'o/ /lan gnyis su yang bsgrub par bgyi'o/ /ma grub na yang las bdag gir bya ba yin par dmigs par bgyi'o/ /bcom ldan 'das kyis bka' stsal pa/ ci'i phyir de skad smra/ gsol pa/ bcom ldan 'das pha 'gums pa'am/ ma 'gums pa'am/ tshangs pa la gnod pa bgyid pa'i sems can dag kyang mchis/ mtshams ma mchis pa lnga dang ldan pa'i sems can dag kyang mchis te/ bcom ldan 'das de'i slad du bdag 'di skad ces brtson 'grus brtsams la bsgrub par bya'o zhes mchi'o/ /lan bdun du yang sgrub pa la 'jug par bgyi'o/ /gal te ma grub na las 'di brtsam par bgyi ste/ mar gyi ngo zhag brgyad la nyin zhag 95-1-27b gcig smyung ba bgyis la dur khrod kyi shing gis zhugs bus te/ seng ldeng gi yam sreg gi shing la bdag gi khrag byugs la lan brgyad stong sbyin sreg bgyi'o/ /gal te ma mchis na rang gi shas lan brgyad stong sbyin sreg bgyis na mchi bar bgyi ste/ bcom ldan 'das rig sngags kyi dngos grub kyang stsal bar bgyi'o/ /las 'di ni mchog tu mi bzad pa lags te rig sngags 'chang de'i mi bzad pa'i las 'di thog mar mi bgyid do/ /de ci'i slad du zhe na/ de bzhin gshegs pa rnams kyi byang chub ni bcom ldan 'das kyis kyang 'gal bar bgyi ba ma lags pa lta bu ste/ gal te rig sngags 'chang gis las thog mar brtsams te/ bcom ldan 'das de ni bdag la gnod pa bgyid de de kho na nyid kyang mi mthong la bdag la gnod par bgyid do/ /bcom ldan 'das bdag la gnod pa bgyid na lha thams cad la gnod pa bgyid par 'gyur ro/ /gnod sbyin thams cad la yang gnod pa bgyid par 'gyur te/ de dag rig sngags 'chang de la glags tshol zhing mchis par 'gyur/ gal te mtshams ma mchis pa lnga dang ldan pa'i rig sngags 'chang zhig rig pa'i rgyal po sgrub na sgrub pa bdun pa la dngos grub stsal bar bgyi'o/ /gal te ma stsal na de bzhin gshegs pa thams cad 'khus par 'gyur ro/ /bcom ldan 'das gzhan yang gang gis rig sngags 'chang rnams kyi dngos grub tu 'gyur ba'i rdzas rnams mi 'phrogs par brjod par bgyi'o/ /byang chub sems dpa' chen po smros shig /bcom ldan 'das rig sngags 'chang gis lig bu mig dang ldong ros la sogs pa sgrub na thog mar 'o mas bkru bar bgyi ste/ bkrus pas dngos grub tu 'gyur ro/ /dngos grub tu 'gyur ba'i rdzas rnams kyang rig sngags 'chang gi bla ma dang bdag dang grogs rnams la cha gsum du bgo bar bgyi'o/ /ral gri dang 'khor lo dang mdung rtse gsum pa zhig grub la/ stor na yid kyis 'di snyam du sems can gang 95-1-28a bsod nams chung ba de'i stor grang snyam du bsams la rig sngags 'chang des sbyin sreg bgyi'o/ /yang na lag pa bkan te mnan no/ /gal te shin tu gnod pa bgyid na rig sngags 'chang des 'di skad du rdzas 'di ni lag na rdo rje'i yin no/ / zhes brjod par bgyi'o/ /bcom ldan 'das bdag gis ming thos nas yid kyis kyang 'khu bas sems pa ni lha dang bcas pa dang / tshangs pa dang bcas pa dang / bdud dang bcas pa dang / dge sbyong dang bram ze'i skye dgu dang bcas pa'i 'jig rten na ma mthong ngo / /de nas thams cad dang bcas pa'i 'khor des byang chub sems dpa' chen po legs so legs so/ /stobs dang pha rol gnon pa dpag tu med pa khyod seng ge'i sgra 'di lta bu 'byin pa legs so zhes te/ legs so zhes bya ba byin no/ /bcom ldan 'das 'di ni bdag gi nye ba'i snying po lags te/ 'di lan cig brjod pas cho ga chen po rgyas pa brgyad brjod par 'gyur ro/ /lag na rdo rje de de bzhin te/ de de bzhin no/ /bcom ldan 'das rig pa'i rgyal po 'di bdun bsgrub pa dang / gnod pa bgyid na yid kyis bzlas brjod bgyi'o/ / ci ste rig sngags 'chang rig sngags sgrub par 'tshal na/ rig sngags 'chang des thog mar rig sngags de lan brgya rtsa brgyad brjod par bgyi'o/ /nye ba'i snying po yang lan brgya rtsa brgyad bzlas brjod bgyi'o/ /de nas rig sngags 'chang gis rig sngags bsgrub par bgyi'o/ /gal te rig sngags ma grub na de nyid du mchis la du ba ma mchis pa'i me mdag tu ske tshe las lan brgya stong sbyin sreg bgyis na rig pa de nyams par gyur nas de'i mdun du mchi ste dngos grub tu stsol to/ /de nyid du mchis la rig sngags 'chang gis yang rig pa bsgrubs na myur du 'grub bo/ /gsang sngags thams cad kyi las kyang 'dis 'grub pa lags so/ /spos rnams kyis lag na rdo rje'i gzugs bgyis la gdugs bdun dus gsum du lan brgya rtsa brgyad bzlas brjod bgyis la mar gyi ngo zhag bcu 95-1-28b bzhi la nyin zhag gcig smyung ba bgyis te/ dpag tu ma mchis par bzlas brjod bgyis na gnod sbyin mo mchi bar 'gyur te/ rdo rje bzhad mas smrar stsal bar bgyi'o/ /gang gi tshe ngas che ge mo zhes bya ba la rgyob shig rgyob shig /sregs shig sregs shig / zung shig myos par gyis shig /ma rungs par gyis shig ces bsgo ba thams cad la gnod pa gyis shig /bcom ldan 'das dran pa tsam gyis kyang thams cad gyis shig ces bsgo bar bgyi'o/ /nye ba'i snying po rdzogs so// //nag mo drag mo'i las rnams lags te/ gsang sngags thams cad du gsang sngags gang las mi bgyid pa de nag mo drag mo 'dis bkug na des las bgyid do/ /bkug kyang gal te ma grub na phye ma red lag na rdo rje'i mdun du rig sngags de lan bdun brjod la/ de'i 'og tu nag mo drag mo'i sngags lan brgya rtsa brgyad brjod par bgyi'o/ /de nas sngags de rmi lam du ston par bgyid do/ /yi ge ma tshang ba dang / phur bus btab pas smra bar bgyid do/ /gal te yi ge ma tshang bar gyur na rig pa mchog gis tshang bar bgyid do/ / gal te phur bus btab par gyur na rig pa mchog nyid kyis phur bus 'byung bar bgyid de/ phye ma red lag na rdo rje'i mdun du mchod pa bgyis la sngags te/ rang gi khrag gis shing ta la'i lo ma la bris te/ rtswa ku sha las bgyis pa'i rdo rje la lan bdun sngags la bsnun na de nas phur bu 'byin par 'gyur ro/ /gdon dgug na me tog gis bgyi'o/ /gdon rengs par bgyi na lan gsum bzlas brjod bgyis pa'i chab kyis bgyi'o/ /gdon spong bar bgyid na bdug pas bgyi'o/ /gdon dbab na rna bar bzlas brjod bgyis pas so/ /gdon gtong bar 'dod na sha kha ra'i chab la lan bdun bzlas brjod bgyis na gtong ngo / /tsan dan dmar po las rdo rje bgyis la mar gyi ngo zhag brgyad la nyin zhag gcig smyung ba bgyis te/ lag na rdo rje'i mdun du ba lang gi shas bdug par bgyi'o/ / 95-1-29a rig pa yang lan brgya stong bzlas brjod bgyis na pha rol brjed byed kyis zin par bgyid do/ /rdo rje 'o mas bkrus la rig pa yang lan brgya stong bzlas brjod bgyis na thar par bgyis par 'gyur ro/ /rdo rje de nyid la sha chen pos bdugs la rig pa yang lan brgya stong bzlas brjod bgyis na 'gum par bgyid do/ /tshes grangs dang skar ma 'dam mi 'tshal/ smyung ba bgyi mi 'tshal te 'di la rgyu ni khro bo nyid do/ /dgra bsad par 'tshal bas gos rlon pa bgos la kha gdugs la bltas te/ dgra'i srog bskams kyi bar du gsang sngags bzlas brjod bgyi'o/ /rdo rje 'o mas bkrus pa'i rig pa yang lan brgya stong bzlas brjod bgyis na snga ma kho na bzhin 'gyur ro/ /gal te nag mo drag mo bsgrub par 'tshal na thog ma nyid du zas su 'o skyo 'tshal zhing lan 'bum bzlas brjod bgyi'o/ /de'i 'og tu ri mo mkhan gso sbyong bzung bas ma god pa'i ras la sangs rgyas kyi sku gzugs gser mdog lta bu bri bar bgyi'o/ /de'i g.yon rol tu nag mo drag mo bri bar bgyi'o/ /mar gyi ngo zhag bcu bzhi la zhag gsum smyung ba bgyis te/ mchod pa rgya cher bgyis la nag mo drag mo mchi bar 'gyur gyis bar du rig pa bzlas brjod bgyi'o/ /mchis pa dang rig pa mchog gis mchod yon dbul lo/ /de nas de rig sngags 'dzin ci sbyin par bya zhes mchi ba dang / de nas bcom ldan 'das ma rgyal po bgyid du stsol cig ces brjod na de bzhin du gyur cig ces brjod nas mi gda' bar 'gyur ro/ /nag mo drag mo'i cho ga rdzogs so// //rgyal ba ldan ma'i las rnams lags te/ lha thams cad dgug na lan gsum bzlas brjod bgyis pa'i chab kyis bgyi'o/ / dud 'gro'i skye gnas su gtogs pa thams cad dgug na yid kyis bgyi'o/ /bud med dbang du bgyid na yar gyi ngo tshes brgyad nas brtsams te/ lag na rdo rje'i mdun du gdugs bdun dus gsum du du ba ma mchis pa'i me mdag la na le sham gyis lan brgya rtsa 95-1-29b brgyad sbyin sreg bgyis na dbang du 'gyur ro/ /dbab par bgyi na chab bam bye'u rug pa'i lo mas bgyi'o/ /gdon bcing ngam bskyod par bgyi na gu gul gyis bgyi'o/ /dur khrod kyi thal ba la gzugs bgyis la lan gsum bzlas brjod byas pas gdon gyis gtong bar bgyid do/ /dur khrod kyi sol ba las gdon gyi gzugs bgyis la mtshon rnon pos bcad na bcad par 'gyur te gtong ngo / /dug las gso na yal gas bgyi'o/ /mar gyi ngo zhag bcu bzhi la dur khrod du dur khrod kyi thal bas gzugs bgyis la bzlas brjod brgya stong bgyis pa'i seng ldeng gi phur bus snying gar btsugs na gzer thabs drag pos btab par 'gyur ro/ /phyung na sos par 'gyur ro/ /yar gyi ngo tshes bdun la nyin zhag gcig smyung ba bgyis te/ lag na rdo rje'i mdun du bya rog ma langs kyi bar du lan stong rtsa brgyad bzlas brjod bgyis na ti na ra cig stsol to/ /sgrub pa bgyi na ma god pa'i ras la sbyin dang ma 'dres pa'i tshon gyis sangs rgyas kyi sku gzugs gser gyi mdog can bri bar bgyi'o/ /de'i g.yon rol tu 'phags pa spyan ras gzigs dbang phyug bri bar bgyi'o/ /de'i g.yas rol tu 'phags pa lag na rdo rje bri bar bya'o/ /'phags pa spyan ras gzigs dbang phyug ni 'dam bu mda' rgyu'i kha dog ltar dkar po'o/ /lag na rdo rje ni sngo bsangs te rgyan thams cad kyis brgyan pa'o/ /lag na rdo rje'i g.yas rol tu ni rgyal ba ldan ma sngo bsangs la de yang rgyan thams cad kyis brgyan pa'o/ /de'i 'og rol tu ni sgrub pa po lag na pog phor thogs pa bri'o/ /de nas zhag gsum smyung ba bgyis te mar gyi ngo zhag brgyad la ri mo'i sku gzugs la mchod pa rgya cher bgyis la gu gul gyis bdug pa sreg cing / ri mo'i sku gzugs kyi mdun du zhugs bus la ka ra bI ra'i me tog dang zho dang sbrang rtsi mar la smyugs pa brgyad stong sbyin sreg bgyi'o/ /de nas me thab nas ka ra bI ra'i me tog pad+ma'i tshad tsam du 'byung ngo / /ka ra bI ra'i pad+ma'i dbus na ka ra bI ra 'dra ba'i ldong ros 'byung ste/ rig pa'i rgyal po bzlas 95-1-30a brjod bgyid bzhin du de blang bar bgyi'o/ /blangs pa tsam gyis gdugs shar ba'i mdog lta bu dang / skra lcang lo 'khyil ba dang lo bcu drug lon pa'i lus lta bur 'gyur/ lo brgyad khri thub par 'gyur/ nam mkha' la mchi ba dang mnyam pa ma mchis pa dang / kha zas ci 'tshal ba rnams 'tshal bar 'gyur ro/ /rig sngags 'chang rnams kyi spyod yul ma lags par 'gyur ro/ /bdag 'gum pa'i dus 'tshal bar 'gyur ro/ /gal te slad kyis kyang brtson 'grus bskyed na tshe de'i nyis 'gyur thub par 'gyur ro/ / yar gyi ngo zla ba nya ba la nyin zhag gcig smyung ba bgyis te/ mchod pa bgyis la me tog dri zhim po las brgya stong phul na kAr ShA pa Na lnga stsal to/ /dgra bskrad par 'tshal na yar gyi ngo tshes gcig la dur khrod kyi gnas su zhugs bus la dur khrod kyi thal bas sbyin sreg bgyis na bskrad par 'gyur ro/ /mar gyi ngo zhag bcu bzhi la nyin zhag gcig smyung ba bgyis te/ lag na rdo rje'i mdun du pri yang ku'i shing gis zhugs bus la be kang+ka ta'i yam sreg shing brgya stong sbyin sreg bgyis na nor stsal to/ /dpal che bar bgyid na lag na rdo rje'i mdun du til gyis lan brgya stong bzlas brjod bya'o/ /dbye bar bgyi na yar gyi ngo tshes lnga la nyin zhag gcig smyung ba bgyis te/ lag na rdo rje'i mdun du mon sran gre'u las lan brgya stong sbyin sreg bgyis na dbye ba bgyis par 'gyur ro/ /tshes grangs dang skar ma 'dam mi 'tshal/ smyung ba bgyi mi 'tshal te/ lag na rdo rje'i mdun du gdugs bdun dus gsum du ba ru ra brgya rtsa brgyad sbyin sreg bgyis na phyugs chung rnyed do/ /bud med dbang du bgyid na gdugs bdun dus gsum du mon sran gre'u las sbyin sreg bgyi'o/ /skyes pa dbang du bgyid na mar gyi ngo zhag bcu bzhi la lag na rdo rje'i mdun du nyin zhag gcig smyung ba bgyis la til las lan brgya stong bgyis na skyes pa dbang du 'gyur ro/ /rA dzA ma te ba shI ka ra me+e shikla pra ti ba d+ha maM b+he badzra pA Nir+g+h+ra ta ar+k+ka aste rag+niM pa dz+wa l+ya shwe ta sar sha pa 95-1-30b na~M aSh+Ta sa ha sraM dzu hu yang+Ya bad asta mi ti ba sha/ rgyal ba ldan pa'i cho ga rdzogs so// //rdo rje lcags sgrog gi las rnams lags te/ rig sngags bcings na srad bu la lan nyi shu rtsa gcig bzlas brjod byas la mdud pa dor ro/ /yungs kar gyis ni zhugs kyi ra bar 'gyur ro/ /chab kyis ni yul gru chen por 'gyur ro/ /thal bas ni rdo rje ra bar 'gyur ro/ /bcing ba thams cad rdo rje lcags sgrog 'di nyid sbyar bar bgyi'o/ /gang dag bdag gi rig pa mchog gi cho ga rgyas pa la dam tshig mthong nas 'jig rten pa dang 'jig rten las 'das pa'i rig sngags sgrub pa de dag la gang dag bgegs bgyid dam/ rdzas 'phrog pa de dag ni dam tshig ma 'tshal cing rigs la 'khu ba lags te/ de dag ma rung bar bgyi ba'i slad du las 'di brtsam par bgyi'o/ /tsan dan dmar po las lag na rdo rje'i gzugs bgyis te mar gyi ngo zhag brgyad la nyin zhag gcig smyung ba bgyis te lag na rdo rje'i mdun du seng ldeng shing gis zhugs bus la/ sha chen po sreg blugs lan bdun sbyin sreg bgyis te de'i 'og tu 'di skad ces lha'am/ gnod sbyin nam/ grub pa'am/ rig sngags 'chang ngam/ log 'dren nam/ log 'dren gyi g.yog 'khor ram/ grul bum mam/ 'byung po'am/ sha za'am/ gang gis bdag gi rdzas ji ltar khyer ba des slar byin cig ces brjod par bya'o/ /de skad thos nas gal te des stsal na ni cang mi bgyi'o/ /gal te ma stsal na yang 'di skad bsgrag par bgyi ste/ gang gis bdag gi rdzas khyer ba des slar byin cig ces bgyi'o/ /ci ste ma stsal na lag na rdo rje'i rigs las phyi rol pa lag na rdo rje'i rigs la 'khu ba lags pas bya gag gi rtug pa blangs la yang lan gsum brjod par bgyi'o/ /de ltar bgyis kyang ma stsal na bya gag gi rtug pa lag na rdo rje la bdug cing rig sngags kyang lan brgyad brgya bzlas brjod bgyi'o/ /de nas lag na rdo rje'i rigs la 'khu ba des kyi hud kyi hud ces 95-1-31a mchi la tshig cing sa phyogs der lhung ngo / /mig kyang 'jar ro/ /'gum par yang 'gyur ro/ /de'i rigs rabs chad par 'gyur ro/ /nor ni slar khugs par 'gyur ro/ /bsad par ni mi bgyi'o/ /gdon gyi las rnams kyang bgyi ste/ sa zin pa'am/ ma zin pa yang rung ste/ yid kyis dbab par bgyi'o/ /bye'u rug pa'i lo ma'am/ sra ci pog gam/ chab kyis dug las gso bar bgyi'o/ /bdag gso zhing mdze nad ma mchis par bgyi na dog sa la lan brgya rtsa brgyad bzlas brjod bgyis la bsku bar bgyi'o/ nad kr-i ta si ma mchis par bgyi na srad bu la lan brgya rtsa brgyad bzlas brjod bgyis la gang na nad kr-i ta si mchis pa der bcing bar bgyi'o/ /mar gyi ngo zhag brgyad la nyin zhag gcig smyung ba bgyis te/ /lag na rdo rje'i mdun du bil ba'i shing gis zhugs bus la bal ba'i yam sreg shing khri sbyin sreg bgyis na longs spyod dag s+col lo/ /yar gyi ngo nya la nyin zhag gcig smyung ba bgyis te lag na rdo rje'i mdun du a pa marga'i yam sreg shing khri rig pa mchog dang lhan cig pas sbyin sreg bgyis na rdo rje lcags sgrog mthong zhing gang blangs pa de stsol lo/ /rdo rje lcags sgrog gi cho ga rdzogs so// //rdo rje ser mo'i las rnams lags te/ gdon babs pa gtong bar bgyi na chab kyis bgyi'o/ /'dar bar bgyi na mdzub mo la lan bdun bzlas brjod bgyis te bstan na 'dar ro/ /gdon rnam par gzhom na yid kyis lan bdun bzlas brjod bgyi'o/ /chab kyis ni rengs par bgyid do/ /rig pas bcings pa las sgrol na rdo rje ser mo'i sngags lan bdun bzlas brjod byas te song shig song shig ces brjod na grol bar 'gyur ro/ /bcings pa dgrol na lan 'bum bzlas brjod bgyis pas dgrol lo/ /rkang rdul la lan brgya rtsa brgyad bzlas brjod bgyis pas thig le bgyis na gang bsams pa de rnyed do/ /mar gyi ngo zhag bcu bzhi nas zhag gcig smyung ba bgyis 95-1-31b te/ n+ya gro d+ha gcig pu mchis par mchis la mchod pa rgya cher bgyis te/ n+ya gro d+ha'i drung du mchis la/ sh+le sh+me ta ka'i lo ma dag gis steng du rtswa dUr ba'i lo ma bzhag ste/ 'bar gyi bar du bzlas brjod bgyi'o/ /'bar nas mgo bor bzhag na de me tog gi phreng bar 'gyur ro/ /de mgo la bcings na dpag tshad stong du gyen la 'phag go/ /lo khri nyis stong thub bo/ /zla ba spyang kis zin pa'i tshe zhag gcig smyung ba bgyis la lag na rdo rje'i mdun du ras dkar po bzhag la 'bar gyi bar la bzlas brjod bgyis na blangs pa tsam gyis gdugs shar ba lta bu'i mdog can du 'gyur ro/ /lo nyis stong thub par 'gyur ro/ /rdo rje ser mo'i cho ga rdzogs so// //shugs ldan ma'i las rnams lags te/ /gdon tshar gcad na dur khrod kyi sol bas gzugs bris la/ lan gsum bzlas brjod bgyis pa'i lcug mas gzhus na gdon gyis gtong ngo / /skra las bgyis pa'i srad bu gtun shing gis brdungs na gdon du zhing gtong ngo / /gzegs ma las sbyin sreg bgyis na gdon gyi yan lag tshig par 'gyur ro/ /ba lang gi lci ba las gzugs bgyis la/ lan bdun bzlas brjod bgyis pa'i thuRa mas mig phyung na zhar bar 'gyur ro/ /lan bdun bzlas brjod bgyis pa'i gseg mas shing ljon pa la bsnun na 'pho bar 'gyur ro/ /dbab na me tog gis bgyi'o/ /dgrol na yid kyis so/ / 'di dag la sogs pa ni gdon gyi las rnams lags so/ /bsrung ba ni lan nyi shu rtsa gcig bzlas brjod bgyis pa'i thal bas bgyi'o/ /yul gru bsrung ba ni lan bdun bzlas brjod bgyis pa'i chab kyis bgyi'o/ /bskrad pa ni yungs kar gyis bgyi'o/ / nangs par langs te shugs ldan ma'i sngags lan brgya rtsa brgyad brjod na nad thams cad las thar bar 'gyur ro/ /bud med dbang du bya na mar gyi ngo zhag brgyad nas brtsams te dgung bdun dus gsum du lung thang gi shing gis zhugs bus la/ til gyi sreg blugs 95-1-32a lan nyi shu rtsa gcig sbyin sreg bgyis na dbang du 'gyur ro/ /rA dz+nyA na ba ma shi ka tu ka ma kr-iSh+Na sra a b+ha mi ma a ho ra tro shi te na badzra pA Ni ra g+hu ta ti la ka shwe rak+niM pra dz+wA l+ya ru d+hi ra ak+ta naM rA dzi ka naM aSh+Ta sa ha sraM dzu hU yAM bA sho b+ha ba ti/ rgya mtshor 'bab pa'i chu ngogs gnyis ka'i sa blangs la za ma tog bgyis te/ za ma tog der lig bu mig stsal la za ma tog kyang mi thod kha sbyar gyi nang du stsal te/ mar gyi ngo zhag brgyad nas dgung gsum smyung ba bgyis te mtshan gcig mchis par mchis la lho phyogs su mchis te mi thod thogs la 'bar gyi bar bzlas brjod bgyi'o/ /'bar nas blangs te rig pa mchog gis bsrung ba bgyis te/ lig bu mig gcig la btab ste/ lig bu mig de 'o ma dang lhan cig 'tshal na 'tshal ba tsam gyis skra lcang lo 'khyil bar 'gyur/ /mdog ut+pa la'i kha dog lta bur 'gyur/ mtshon gang dag 'phangs pa de dag phye mar lhags par 'gyur/ lo drug khri thub par 'gyur/ dbang phyug chen po'i tshogs rnams grogs su 'gyur ro/ /mar gyi ngo zhag bcu bzhi la nyin zhag gcig smyung ba bgyis te/ lag na rdo rje'i mdun du byang chub kyi shing gis zhugs bus la me tog ut+pa la zho dang sbrang rtsi dang mar la smyugs pa brgya stong sbyin sreg bgyis na yul rnyed do/ /'byung po thams cad dbang du bgyi bar 'tshal bas mar gyi ngo zhag gsum du smyung ba byas te/ dur khrod du mchis la pri yang ku'i shing gis zhugs bus te mar la lan brgya rtsa brgyad sbyin sreg bgyis na 'byung po thams cad mchi bar 'gyur te/ de dag la phyag brnyan gyis shig ces brjod na gang dang gang du bskos pa de dag thams cad bgyid do/ /yar gyi ngo tshes lnga la nyin zhag gcig smyung ba bgyis te/ lag na rdo rje'i mdun du a ti muk+ta ka'i me tog stong rtsa brgyad phul na longs spyod rnams stsol te/ /shugs ldan ma'i cho ga rdzogs so// //rdo rje gdong gi las rnams lags te/ lan brgya rtsa brgyad bzlas brjod bgyis 95-1-32b pa'i bum pas gdugs bdun khrus bgyis na sdig pa thams cad las grol bar 'gyur ro/ /byis pa gang dag gdon gyis zin pa de khrus bgyis na gtong bar 'gyur ro/ /gdon gyis zin pa rnams la lan nyi shu rtsa gcig bzlas brjod bgyis pa'i bdug pas bdugs na gtong bar 'gyur ro/ /gang dag nam gru dang / srul po dang / gdon brnyan mas zin pa de dag tshon sna lnga'i skud pa la mdud pa bdun bor te/ lag pa la bcings na gtong ngo / /dug las gso na yal gas bgyi'o/ /srin bu ti kas zin pa dang / nad tsi lu ta dang rkang shu byung ba la sa la lan nyi shu rtsa gcig bzlas brjod bgyis te bskus na lan gsum gyi tha ma la sos par 'gyur ro/ /phyag rgya gzhig na chab kyis bgyi'o/ /dbyig dug bsal bar bgyi na chab kyis rkang lag bkrus la snod du stsal te de nas rtswa ku shas bya bas na 'byang bar 'gyur ro/ /gdon spo na lan bdun bzlas brjod bgyis pa'i thal bas bgyi'o/ /nad tsi lu ma mchis par bgyi na mtshon rnon pos sa shur gyis dras la yang rked du bcad na tsi lu ma mchis par 'gyur ro/ /nad bri ha ma mchis par bgyi ba yang de bzhin no/ /'dzer pa ma mchis par bgyi na sa la lan bdun bzlas brjod bgyis pas bgyi'o/ /mar gyi ngo zhag bcu bzhi la nyin zhag gcig smyung ba bgyis te lag na rdo rje'i mdun du mchod pa ci nus su bgyis la/ gi wang ras dkar po'i steng du bzhag la 'bar gyi bar du bzlas brjod bgyi'o/ /'bar nas blangs par bgyis te/ blangs nas thig le bgyis na mi gda' bar 'gyur/ 'byung po thams cad kyis mi tshugs par 'gyur ro/ /zla ba gcig slong mo pa'i zas 'tshal zhing tha mar zhag gsum smyung ba bgyis la/ mar gyi ngo zhag bcu bzhi la lag na rdo rje'i mdun du mchod pa rgya cher bgyis te/ shu dag 'chang bar bcangs la sbrul du gyur gyi bar du bzlas brjod bgyi zhing / des mi 'jigs par bgyi'o/ /slar yang shu dag tu gyur 95-1-33a gyi bar du bzlas brjod bgyi'o/ /de nas de bza' bar bgyi ste/ 'tshal ba tsam gyis gdugs shar ba lta bu'i mdog can du 'gyur zhing lo lnga stong thub par 'gyur ro/ /mar gyi ngo zhag brgyad la lha chen po gnas su mchis la nyin zhag gcig smyung ba bgyis la/ lha chen po gzhogs g.yas par lig bu mig a shwat+tha'i lo ma'i steng du bzhag ste/ du ba 'thul gyi bar du bzlas brjod bgyi'o/ /de nas lig bu mig blangs te/ lha'i skal ba bzhag la mig la bskus na mi gda' bar 'gyur ro/ /lo bdun stong thub par 'gyur ro/ /arka'i me tog dur khrod kyi mes bsregs nas mar gyi ngo zhag brgyad la nyin zhag gcig smyung ba bgyis nas lha chen po'i gnas su mchis la/ shing a shwat+tha'i lo ma'i steng du bzhag ste lan brgya stong bzlas brjod bgyis la thig le bgyis na mi gda' bar 'gyur ro/ /lo lnga stong thub par 'gyur ro/ /zla ba gcig 'o skyo 'tshal zhing mar gyi ngo zhag bcu bzhi la mi'i rus pa zla gam lta bur bgyis la de nas rig sngags 'chang gis ring bsrel dang bcas pa'i mchod rten gyi drung du lag na rdo rje'i gzugs dang / dbang phyug chen po'i gzugs bzhag la rig sngags 'chang gis bcom ldan 'das dang / lag na rdo rje dang / dbang phyug chen po la rgya cher mchod de/ rig sngags 'chang gis yar gyi ngo'i tshes brgyad nas nyin zhag gcig smyung ba bgyis la zla gam blangs te ras dkar po'i steng du bzhag la 'bar gyi bar du bzlas brjod bgyi'o/ /'bar nas blangs te mgo bor bzhag na ci 'dod pa'i gzugs can du 'gyur ro/ /lag na rdo rje dang dbang phyug chen po'i gzugs su yang bsgyur/ yid kyis gang bsams pa de thams cad kyang 'grub bo/ /lo stong thub par 'gyur ro/ /'chi ba'i dus kyang 'tshal to/ /zas su 'o skyo 'tshal zhing lag na rdo rje'i mdun du sh+le sh+me ta ka'i shing gis zhugs bus la/ a pa marga'i yam sreg shing 'bum sbyin sreg bgyis na rgyal po nyid 'thob 95-1-33b bo/ /rdo rje gdong gi cho ga rdzogs so// //rdo rje lte ba'i las rnams lags te/ ri mo mkhan gso sbyong bzung bas ma god pa'i ras la sbyin dang ma 'dres pa'i tshon gyis 'phags pa lag na rdo rje mdog sngo bsangs rgyan thams cad kyis brgyan pa/ dar ram ras kyi sham thabs can bri bar bya'o/ /de'i g.yas rol tu rdo rje'i lte ba gser gyi mdog can lta bu bri bar bgyis te/ de yang rgyan thams cad kyis brgyan par bgyi'o/ /de nas rig sngags 'chang zas su 'o skyo 'tshal bar bgyi'o/ /mar gyi ngo zhag bcu bzhi nas zhag gsum smyung ba bgyis te/ ci nus kyis mchod pa bgyis la tsan dan dmar po mtho gang la rdo rje bgyis te/ rdo rje'i rked par ldong ros bzhag la byang chub kyi shing gi lo mas g.yogs te dngos grub rnam gsum byung gi bar du bzlas brjod bgyi'o/ /'bar bar gyur na bskal par gnas shing rig sngags 'chang thams cad kyis mi tshugs par 'gyur ro/ /dpag tshad stong gyen du 'phag cing de'i mod la slar mchi'o/ /gang gi tshe 'gum pa de'i tshe lag na rdo rje'i rigs su skye'o/ /ci ste du ba 'thul nas blangs te thig le bgyis na mi gda' bar 'gyur/ lo bcu drug lon pa lta bu'i gzugs su 'gyur/ lo bdun stong thub par 'gyur ro/ /dro bar gyur nas blangs la thig ler bgyis pa na gang mthong ba de dbang du 'gyur te/ /dud 'gro'i skye gnas su gtogs pa yang dbang du 'gyur ro/ / zla ba gcig zas su chu grog 'tshal zhing mar gyi ngo zhag brgyad nas zhag gsum smyung ba byas te/ ba lang gi lhas sam/ kun dga' ra ba'am/ yang na gnas gtsang mar mchod pa rgya cher bgyis la ldong ros til gyi lo ma bdun gyi steng du bzhag ste/ gdol pa'i bu mo'i mo mtshan nam/ 'dzi ba las bgyis pa'i mo mtshan gyi steng du bzhag par bgyi zhing gdol pa'i bu mo ral gri thogs pa bzhi phyogs bzhir bzhag par bgyis la/ de nas rig sngags 'chang gi dngos grub rnam pa gsum byung gi bar du bzlas brjod bgyi'o/ /'bar 95-1-34a bar gyur na gdugs shar ba 'dra ba'i mdog tu 'gyur/ skra lcang lo 'khyil par 'gyur/ lo bcu drug lon pa ltu bur 'gyur/ 'og tu dpag tshad stong du mchi bar 'gyur/ steng du yang de bzhin mchi bar 'gyur/ dpag tshad stong tshun chad kyi thos shing mthong bar 'gyur/ lo khri nyis stong 'tsho bar 'gyur/ nam mkha' la rlung gi shugs dang mtshungs par 'gyur/ grub pa thams cad kyang 'dis dbang du 'gyur/ tshes grangs dang skar ma 'dam mi 'tshal/ smyung ba bgyi mi 'tshal te/ bud med kyi ro blangs la lig bu mig de mo mtshan gyi steng du bzhag ste/ mar gyi do zhag brgyad la nyin zhag gcig smyung ba bgyis la lag na rdo rje'i mdun du mchod pa bgyis te/ lan brgya stong bzlas brjod bgyis la lig bu mig de blangs te/ mig la bskus na mi gda' bar 'gyur/ lo bdun stong thub par 'gyur ro/ /mar gyi ngo zhag brgyad la zhag gcig smyung ba bgyis te gdol pa'i khyim nas zhugs blangs la seng ldeng gi shing gis zhugs bus te/ dug dang khrag bsres pa'i yungs kar gyis lan brgyad stong sbyin sreg bgyis na gang gis ming nas smos te/ sbyin sreg bgyis pa de dbang du 'gyur ro/ /mar gyi ngo zhag bcu gnyis la mi rus kyi thur mas blangs te lan brgyad stong bzlas brjod bgyis la dgra'i khyim sgor btsugs na dgung gsum gyis 'bros par 'gyur ro/ /rdo rje lte ba'i cho ga rdzogs so// //me kha la'i las rnams lags te/ bsrung ba bgyid na lan bdun bzlas brjod bgyis pa'i srad bus lag pa la bcing bar bya'o/ /yul gru bsrung na lan nyi shu rtsa gcig bzlas brjod bgyis pa'i chab kyis bgyi'o/ /dpa' na bye'u rug pa'i lo ma'am/ rma bya'i mdongs kyis bgyi'o/ /gdon la gnod pa bgyi na chab kyis bgyi'o/ /khyim mam lha khang ngam/ kun dga'i ra bar mchis la gang du bzlas brjod bgyis pa de nas 'byung po dang gdon thams cad 'bros par 'gyur ro/ /gdon tshar bcad na khrag gis gzugs bris 95-1-34b la rkang pas mnan te lan brgya rtsa brgyad bzlas brjod bgyis na gdon gyi rigs phung bar 'gyur ro/ /rig pa sgrub na thog ma nyid las 'di bgyis te/ lag na rdo rje'i mdun du sh+le sh+me ta ka'i shing gis zhugs bus la ku ru ba'i me tog brgyad stong sbyin sreg bgyis na lha des rig pa'i lha bzung nas khrid de mchi'o/ /khrid de mchis nas myur du dngos grub tu 'gyur ro/ /ci ste log 'dren rnams kyi rigs bsgrub par 'tshal na/ log 'dren rnams kyi log 'dren gyi rigs ni bzhi mchis te/ so gcig pa'i rigs dang / kam po dza'i rigs dang / rnam par 'joms pa'i rigs dang / phung byed kyi rigs so/ /so gcig pa'i rigs la gtsug phud 'phyang la sogs pa log 'dren brgyad khri mchis te/ de dag ni stong gsum gyi stong chen po'i 'jig rten gyi khams na bgegs bgyid do/ /kam po dza'i rigs la ni dbang phyug chen po'i g.yog 'khor ba lang rna ba la sogs pa la bgegs drug khri mchis te/ dbang phyug chen po'i cho ga rgyas pa la bgegs bgyid cing rig pa yang 'joms par bgyid do/ /rnam par 'joms pa'i rigs la ni 'jig rten skyong ba'i g.yog 'khor mya ngan med pa la sogs pa log 'dren drug khri mchis te/ de dag kyang dbang phyug chen po dang phur bu gsum pa'i cho ga rgyas pa la bgegs bgyid do/ /phung byed kyi rigs la ni lag na rdo rje'i g.yog 'khor mu rda ta ka la sogs pa'i log 'dren bye ba phrag 'bum mchis te/ de dag ni rig pa'i cho ga rgyas pa thams cad la bgegs bgyid cing / rig pa yang 'joms par bgyid do/ /'di ni log 'dren de dag gis bsgrub pa lags te/ so gcig pa'i rigs kyi sgrub pa ni mar gyi ngo zhag bcu bzhi la nyin zhag gcig smyung ba bgyis te lag na rdo rje'i mdun du dur khrod kyi shing gis zhugs bus la ba lang gi mkhris pas sbas pa'i yungs kar la lan brgya stong sbyin sreg bgyis na kyi hud kyi hud ces mchi ba'i sgra grag cing grub par 'gyur te/ grub nas kyang sgrub pa la bgegs mi bgyid do/ /bde bar bsgrub 95-1-35a tu mchis so/ /kam po dza'i rigs kyi sgrub pa ni mar gyi ngo zhag lnga la nyin zhag gcig smyung ba bgyis te/ lag na rdo rje dang dbang phyug chen po la mchod pa bgyis nas lag na rdo rje'i mdun du arka'i shing gis zhugs bus la mon sran gre'u dang mar bsres pa la lan brgya stong sbyin sreg bgyis na/ lag na rdo rje'i gzugs 'gul te de nas grub par 'gyur ro/ /grub nas kyang dbang phyug chen po'i cho ga rgyas pa bklags pa tsam gyis rig pa thams cad 'grub bo/ /rnam par 'joms pa'i rigs kyi sgrub pa ni mar gyi ngo zhag bcu bzhi la nyin zhag gcig smyung ba bgyis te/ mtshan gcig mchis par mchis la mtshan gcig pa la mchod pa chen po bgyis la log 'dren rnams la yang gtor ma bgyi'o/ /de'i mdun du be kang+ka ta'i zhugs zhus la khrag dang bsres pa'i yungs kar gyis lan brgya stong sbyin sreg bgyis ni de'i 'og tu grib ma gda' zhing grub par 'gyur ro/ /rnam par 'joms pa'i rigs grub na log 'dren rnams dbang du 'gyur ro/ /gang dang gang du dgos pa de thams cad bgyid do/ /pung byed kyi rigs kyi sgrub pa ni zla ba phyed zas su 'o skyo 'tshal zhing mar gyi ngo zhag bcu bzhi la nyin zhag gcig smyung ba bgyis te/ lag na rdo rje'i mdun du mchod pa rgya cher bgyis la zhugs mar gnyis bus la/ gcig ni lag na rdo rje la dbul lo/ /gcig ni murda ta ka la dbul lo/ /de nas rig sngags 'chang gis bsrung ba bgyis la lag na rdo rje'i mdun du seng ldeng gi shing gis zhugs bus te na le sham dkar po bdag gi khrag dang bsres pas lan brgya stong sbyin sreg bgyis na lag na rdo rje'i rkang pa g.yas pa'i mthe bong las 'od zer byung ste de nas grub par 'gyur ro/ /phung byed kyi rigs sgrub na rig pa'i cho ga thams cad bde bar sgrub tu mchis te/ bgegs ma mchis pa'o/ /log 'dren de dag kyang phyag brnyan du 'gyur ro/ /log 'dren rnams kyang rig sngags 'chang la gsang sngags stsol te/ des 95-1-35b lo stong thub par 'gyur ro/ /zas su 'o thug 'tshal zhing lag na rdo rje'i mdun du lan 'bum bzlas brjod bgyis na me kha la grub par 'gyur te/ /gdugs gcig bzhin kAr ShA pa Na brgya stong stsol to/ /rtag tu bzlas brjod bgyis na dgra las rgyal lo/ / mar gyi ngo zhag gcig smyung ba bgyis te lag na rdo rje'i mdun du pad+ma brgya stong phul na rig pa'i rgyal po dam pa stsol bar 'gyur ro/ /me kha la'i cho ga rdzogs so// //gdon dkar mo'i las rnams lags te/ ri mo mkhan gso sbyong bzung bas ma god pa'i ras la sbyin dang ma 'dres pa'i tshon gyis lag na rdo rje mdog sngo bsangs rgyan thams cad kyis brgyan pa/ pho nya mo bcu gnyis kyis bskor ba bri bar bgyi ste/ kha dog ji lta ba bzhin du bri bar bgyi'o/ /pho nya mo thams cad kyang rgyan thams cad kyis brgyan pa bri bar bya'o/ /tha mar ri'i rtse mo rnams bri bar bya'o/ /de nas rig sngags 'chang gis yar gyi ngo tshes gcig nas brtsams te zas su chu grog 'tshal zhing mar gyi ngo zhag brgyad la thug gi bar du bzlas brjod bgyi'o/ /mar gyi ngo zhag brgyad la nyin zhag gcig smyung ba bgyis te lag na rdo rje la mchod pa rgya cher bgyis la 'byung po la gtor ma bzang du yang bgyi'o/ /de'i 'og tu rig sngags 'chang gis ri mo'i sku gzugs kyi mdun du byang chub kyi shing gis zhugs bus la pad+ma zho dang sbrang rtsi dang mar la smyugs pa brgyad stong sbyin sreg bgyi'o/ / de nas ca co'i sgra chen po grag par 'gyur te/ de la yang mi 'jigs par bgyi'o/ /de nas gdon dkar mo gzugs mi sdug par gyur nas mchi ste/ de la yang mi 'jigs par bgyi'o/ /rdo rje bzhad ma'i bzlas brjod bgyis la de la 'di skad ces lag na rdo rje'i gnang chen ma bcom ldan 'das ma khyod legs par byon tam zhes brjod par bgyi'o/ /de de skad thos nas dga' bar 'gyur te/ des 'di skad du ci bya zhes brjod pa dang / bcom ldan 'das ma lo lnga stong thub par 'tshal lo zhes brjod par bgyi ste/ de bzhin du gyur 95-1-36a cig ces brjod nas dga' ba'i yid kyis ral gri stsol te/ de nas mi gda' bar 'gyur ro/ /ral gri de blangs nas skra lcang lor 'khyil bar 'gyur/ gdugs shar ba lta bu'i mdog can du 'gyur/ rig sngags 'chang thams cad kyi snying du sdug par 'gyur ro/ /ma bsgrubs par las rnams 'grub par 'gyur ro/ /dbab par bgyi na gdon gyis zin pa'i rkang pa la rkang pas mnan te dbab par bgyi'o/ /'byung po dang / sha za rnams dga' bar bgyi na lan bdun bzlas brjod byas pa'i yungs kar gyis bgyi'o/ /dug las gso na yal gas bgyi'o/ /gdon bza' bar bgyi na lan gsum bzlas brjod bgyis pa'i me tog dmar pos bgyi'o/ /gdon 'khums par bgyi na yid kyis bzlas brjod bgyis pas bgyi'o/ /dbye bar bgyi na mar gyi ngo zhag brgyad nas brtsams te lag na rdo rje'i mdun du gdugs bdun du dus gsum du ba ru ra'i shing gis zhugs bus la sbrul khog pa brjes pa'i sreg blugs gsum sbyin sreg bgyi'o/ /long bar bgyi na dbang phyug chen po'i gnas su mchis la ne'u le'i lces lan brgyad brgya sbyin sreg bgyi zhing ming nas phyung na long bar 'gyur ro/ /lag na rdo rje'i mdun du shu dag brgyad brgya sbyin sreg bgyis na snga mkho bzhin du 'gyur ro/ /gdon dkar mo'i cho ga rdzogs so// //rdo rje ser mo'i las rnams lags te/ yar gyi ngo tshes brgyad nas brtsams te dur khrod du zla ba drug bzlas brjod bgyis na rgyal po nyid du stsol to/ /zla ba gsum bzlas brjod bgyis na nyi tshe ba'i longs spyod rnams stsol to/ /zla ba gcig bzlas brjod bgyis na ti na ra khri nyis stong stsol to/ /zas su ni slong mo'i zas rnams bza' bar bgyi'o/ /dgra bskrad par 'tshal na bya nag bkra'i 'dab ma blangs te/ lag na rdo rje'i mdun du lan brgya stong bzlas brjod bgyis la dgra'i khyim du bzhag na dgra 'phral du 'bros so/ /gzhan nad kyis 'debs par 'tshal na mar gyi ngo zhag brgyad la lag na 95-1-36b rdo rje'i mdun du shing badzra'i rtsa bas rdo rje la bdug par bgyi zhing / rig pa yang lan brgya stong bzlas brjod bgyis na gang yid la bsams pa de nad kyis thebs par 'gyur ro/ /lag na rdo rje'i mdun du ce pog gis bdug cing rig pa yang lan brgya stong bzlas brjod bgyis na gsos pa bgyis par 'gyur ro/ /'byung po dang sha za rnams rengs par bgyi na yid kyis bgyi'o/ /dbab pa ni me long gis bgyis te me'i sbyin sreg bgyis pa'i thal bas dag par phyis la/ khye'u dag la bstan na bden pa brjod do/ /gdon bskrad nas yungs kar gtun du brdungs na ngu zhing gtong bar 'gyur ro/ /dur khrod kyi sol bas sa la gzugs bris la de'i lag pa'am mgul par lag na rdo rje bris te mnan na gtong bar 'gyur ro/ /mar gyi ngo zhag brgyad la nyin zhag gcig smyung ba byas te lag na rdo rje'i mdun du yungs kar za ma tog tu stsal la bzlas brjod bgyis na des reg pa tsam gyis gdon ngu zhing gtong bar 'gyur ro/ /dgra gsad par 'tshal na dur khrod kyi sol ba blangs la gzugs bris te snying gar mnan la bzlas brjod bgyis na 'phral du dgra ma lags par 'gyur ro/ /tshes grangs dang skar ma 'dam mi 'tshal smyung ba bgyi mi 'tshal te dgra skam par bgyi na mar gyi ngo zhag brgyad la shing ma dA na las gzugs bgyis la seng ldeng gi phur bu snying gar btsugs te/ rig pa gang lan brgya stong bzlas brjod bgyis na nad drag pos 'debs shing skam par yang 'gyur ro/ /phyung na sos par yang 'gyur ro/ /rdo rje ser mo'i cho ga rdzogs so// //nag ser gyi las rnams lags te/ yul gru bsrung na chab kyis bgyi'o/ /mtshams bcad na lan nyi shu rtsa gcig pa'i bzlas brjod bgyis pa'i phur bus bgyi'o/ /smad bsrung na yid kyis bgyi'o/ /rkang gnyis pa dang rkang bzhi pa rnams dgar na thal mos brdabs par bgyi'o/ /rig sngags bcad na mtshon rnon pos sa la shub rer dras na rig sngags bcad par 'gyur 95-1-37a ro/ /gdon dbab na yid kyis bgyi'o/ /gdon spo na lan bdun bzlas brjod bgyis pa'i me tog gis bgyi'o/ /yar gyi ngo tshes brgyad la nyin zhag gcig smyung ba bgyis te/ rgya mtshor 'bab pa'i chu klung du zhugs la rig pa lan brgya stong bzlas brjod bgyis na 'grub par 'gyur ro/ /grub nas las su gyur te/ glang po che rengs par bgyi ba dang / rta rengs par bgyi ba dang / pha rol gyi dmag tshogs rengs par bgyi ba dang / gang yid la bsams pa de dag thams cad rengs par bgyid do/ /mar gyi ngo zhag brgyad la nyin zhag gcig smyung ba bgyis te/ nag mo'i mdun du arka'i shing gis zhugs bus la 'bras sA lu mar dang bsres pas lan brgya stong sbyin sreg bgyis na lha mo mchis par 'gyur te/ de la pho nya mo'i gsang sngags kyis mchod yon phul na de khyod nyid la dam pa gang sbyin par bya zhes smra bar 'gyur ro/ /de la 'di skad du sa'i bdag por gyur pa stsol cig ces brjod par bgyi'o/ /des 'di skad du yul gcig gi rgyal por gyur cig brjod na de bzhin du gyur cig ces brjod par bgyi ste/ slar btang ba'i gsang sngags kyis kyang slar btang zhing / me tog dkar pos kyang slar btang na de nas mi gda' bar 'gyur ro/ /lung thang gi shing drung na gtum po kha shar phyogs su bstan pa mchis pa de'i mdun du mar gyi ngo zhag brgyad la zhag gcig smyung ba bgyis te/ du ba ma mchis pa'i mdag mar mar me'i snying po brgya stong bor na ti na ra stong stsol to/ /nag ser gyi cho ga rdzogs so// //rdo rje bstod de 'dzin pa'i las rnams lags te/ mar gyi ngo zhag brgyad la zhag gcig smyung ba bgyis te/ lag na rdo rje'i mdun du me tog dkar po brgya stong phul na mtshan mas btab pa stong stsol to/ /mar gyi ngo zhag bcu bzhi la zhag gcig smyung ba bgyis te lag na rdo rje'i rkang pa g.yas pa'i mthe bo nas bzung la gzugs 'gul gyi bar du bzlas brjod bgyis na yid kyis bsams pas rengs par bgyid de 95-1-37b dud 'gro'i skye gnas su mchis pa'i sems can de dag thams cad rengs par bgyid do/ /yid kyis grol bar 'gyur ro/ /mar gyi ngo zhag brgyad la zhag gcig smyung ba bgyis te/ /lag na rdo rje'i mdun du lag na rdo rje la mchod pa bgyis la shing sh+le sh+me ta ka'i phur bu blangs te/ skud pa dmar pos dkris la de nas rig sngags 'chang gis pa la sha'i shing gis zhugs bus te/ phur bu la lan brgya stong bzlas brjod bgyis la de nas dum bu gsum du bcad de/ dum bu re re la lan nyi shu rtsa re re bzlas brjod bgyis la zhugs su bor na nang par ti na ra sum stong stsol to/ /yar gyi ngo tshes brgyad la zhag gcig smyung ba bgyis te/ rgya mtshor 'bab pa'i chu klung du zhugs la pad+ma 'bum phul na rgyal po nyid stsol to/ /skyes pa dbang du bgyi na mar gyi ngo zhag brgyad la zhag gcig smyung ba bgyis te lag na rdo rje'i mdun du byang chub kyi shing gis zhugs bus la ku mu da'i me tog zho dang sbrang rtsi dang mar la smyugs pa brgya stong sbyin sreg bgyis na skyes pa dbang du 'gyur ro/ /bud med dbang du bgyi na mar gyi ngo zhag bcu gnyis la lag na rdo rje'i mdun du dri mchog gi me tog brgya stong gis lag na rdo rje la bsnun na bud med dbang du 'gyur ro/ /rdo rje bstod de 'dzin gyi cho ga rdzogs so// //rdo rje seng ge'i khri'i las rnams lags te/ dbab na gdon gyis zin pa'am/ ma zin pa yang rung gu gul gyis dbab bo/ /gdon bcings na yid kyis bgyi'o/ /gdon skrag par bgyi na lan bdun bzlas brjod bgyis pa'i thal mos brdabs par bgyi'o/ /gdon 'bros par bgyi na sol bas gzugs bris la lcug mas bsnun na gtong bar 'gyur ro/ /gdon skam na gu gul gyis bdug pas bgyi'o/ /gdon bza' bar bgyi na lan bdun bzlas brjod bgyis pa'i shas bgyi'o/ /gdon gcod na mtshon rnon pos rtswa ku sha bcad na gdon bcad par 'gyur ro/ /dug spo na chab bam yal gas bgyi'o/ /byis pa gdon gyis zin pa rnams la yal gas 95-1-38a bya ba par bgyi'o/ /chur mi 'bying bar bgyi na lan bdun bzlas brjod bgyis pa'i yungs kar gyis bgyi'o/ /mtshon gyis mi tshugs par bgyi na yid kyis bgyi'o/ /mar gyi ngo zhag bcu bzhi la lag na rdo rje'i mdun du tsan dan dmar pos gdong dmar bris nas/ de la gtor ma sna tshogs stsal cing grog mkhar gyi sa la mdung rtse gsum pa bgyis te lag pa g.yon na rdo rje thogs pa mdung rtse gsum pa'i steng du mchis te lan brgya stong bzlas brjod bgyis na gter mthong bar 'gyur ro/ /yar gyi ngo tshes lnga nas brtsams te rgya mtshor 'bab pa'i chu klung du zhugs la lan 'bum bzlas brjod bgyis na rig sngags 'chang gi 'khor los sgyur bar 'gyur/ rig sngags 'chang dgu stong gi g.yog 'khor dang ldan par 'gyur ro/ /bskal par gnas par yang 'gyur ro/ /zla ba gcig zas su 'o skyo 'tshal zhing mar gyi ngo zhag bcu bzhi la zhag gsum smyung ba bgyis te/ /dbang phyug chen po'i gnas su mchis la glo g.yas logs su mchod par bgyis te/ /phag rgod kyi mche ba la gi wang gis bskus la ras dkar po'i steng du bzhag ste/ rig pa bzlas brjod bgyis na bgegs rnam pa sna tshogs 'byung ste/ rig pa'i rgyal pos bsnun par bgyi'o/ /de nas mche ba de 'bar bar 'gyur te/ 'bar nas blang bar bgyi'o/ /blangs ma thag tu mdung rtse gsum par 'gyur te rig sngags thams cad kyi spyod yul du mi 'gyur/ dpag tshad stong gyen du 'phag par 'gyur ro/ /lo dgu stong thub par 'gyur ro/ /rdo rje seng ge'i khri'i cho ga rdzogs so// //rdo rje ldan ma'i las rnams lags te/ ri mo mkhan gso sbyong bzung bas ma god pa'i ras la sbyin dang ma 'dres pa'i tshon gyis 'phags pa phyag na rdo rje mdog sngo bsangs rgyan thams cad kyis brgyan pa bri bar bya'o/ /de'i g.yas rol tu rdo rje dang lag bzangs kyang bri bar bgyi ste/ gnyis ka yang gser gyi mdog can rgyan thams cad kyis brgyan par bgyi'o/ /g.yon rol tu rdo rje 95-1-38b ldan ma rgyan thams cad kyis brgyan pa bri'o/ /tha mar ri'i rtse mo rnams bri bar bgyi'o/ /de nas rig sngags 'chang gis tshes gcig nas brtsams te/ zas su 'o skyo 'tshal zhing zla ba nya'i bar du bzlas brjod bgyi'o/ /de nas zhag gsum smyung ba bgyis te/ bcom ldan 'das la mchod pa rgya cher bgyis la bil ba'i shing gis zhugs bus la/ bil ba'i me tog zho dang / sbrang rtsi mar la smyugs pa brgya stong sbyin sreg bgyis na de nas rdo rje 'gul nas grub par 'gyur te/ nyin gcig bzhin ti na ra lnga lnga stsol to/ /de bzhin du dgod par bgyi'o/ /mar gyi ngo zhag bcu bzhi la zhag gcig smyung ba bgyis te/ ri mo'i gzugs kyi mdun du du ba ma mchis pa'i mdag me la a ga ru stong sbyin sreg bgyis na ri mo'i gzugs kyi me tog gi phreng ba 'gul nas grub par 'gyur te/ grub nas yul gru stsol to/ /bud med dbang du bgyi na gdugs bdun dus gsum du ka ra bI ra'i shing gis zhugs bus la mar dang bsres pa'i yungs kar gyis sbyin sreg lan brgya stong bgyi'o/ /yugs sa mo dbang du bgyi nas phyogs gtsang mar lung thang gi shing gis zhugs bus la til la lan brgya stong sbyin sreg bgyis na yugs sa mo dbang du 'gyur ro/ /skyes pa dbang du bgyi na mar gyi ngo zhag bcu bzhi la zhag gcig smyung ba bgyis te/ lag na rdo rje'i mdun du arka'i shing gis zhugs bus la ske tshe'i 'bru la lan brgya stong sbyin sreg bgyis na dbang du 'gyur ro/ /rdo rje ldan ma'i cho ga rdzogs so// //rdo rje bzhad ma'i las rnams lags te/ dbab na me tog dkar po dag gis bgyi'o/ /bcing na yid kyis bgyi'o/ /smrar stsal na lan bdun bzlas brjod bgyis pa'i chab kyis bgyi'o/ /gang bgyid du stsal na gu gul gyi bdug pas bgyi'o/ /zas stsal na ka ra bI ra'i me tog la lan bdun bzlas brjod bgyis par bgyi'o/ /brjod du stsal na lan bdun bzlas brjod bgyis pa'i yungs kar gyis bsnun na 'das pa dang ma 'ongs pa brjod do/ /gdon dgod du stsal na lan bdun bzlas 95-1-39a brjod bgyis pa'i me tog gtor ro/ /bcings na chab kyis bgyi'o/ /brdeg na se gol gtogs par bgyi'o/ /tshar bcad na rtswa la lan bdun sngags kyis btab la mgo la bzhag na myos par 'gyur te gdon 'bros so/ /gcod na ba lang gi lci ba las gzugs bgyis la sa la mtshon rnon pos bcad na bcad par 'gyur ro/ /gdon bsdigs pa dang rgyug tu gzhug na mdzub mos bsdigs par bgyi'o/ /gdon dkyil 'khor du gzhug na rdo rje'i phyag rgyas bsnun na dkyil 'khor du gzhug go/ /gdon 'bros par bgyi na gdon gyi mdun du lan brgya rtsa brgyad sbyin sreg bgyis na gdon ngu zhing 'bros so/ /gdon spo na yid kyis gar 'tshal ba der rbad do/ /dug dbab na sra rtsi pog gi bdug pas bgyi'o/ /phur bu dbab na lung tang gi lo ma'i bdug pas bgyi'o/ / rims dbab na ka ra bI ra'i me tog gi bdug pas bgyi'o/ /rims zhag bzhi pa dbab na mdas bgyi'o/ /bsrung ba bgyi na lan bdun bzlas brjod bgyis pa'i srad bus bgyi'o/ /chang ma rung bar bgyi na gseg ma la lan bdun bzlas brjod bgyis la khang stengs su bor na chang ma rung bar bgyis par 'gyur ro/ /gdon gyis btab par bgyi na yid kyis bgyi'o/ /skyes pa dang bud med dbang du bgyi na mar gyi ngo zhag brgyad nas brtsams te gdugs bdun dus gsum du phru ma las lan brgya stong sbyin sreg bgyis na dbang du 'gyur ro/ / dbye bar bgyi na mar gyi ngo zhag brgyad la nyin zhag gcig smyung ba bgyis te/ lag na rdo rje'i mdun du skyes pa'i skra las lan brgya stong sbyin sreg bgyis na dbye ba bgyis par 'gyur ro/ /ro langs sgrub par 'tshal bas tshes grangs dang skar ma 'dam mi 'tshal/ smyung ba bgyi mi 'tshal bar bud med kyi ro langs la spos dang bdug pas mchod de mgo shar phyogs su bstan la/ de nas rig sngags 'chang gis rdo rje bzhad ma brjod par bgyis na bud med de dgod cing ldang bar 'gyur te de la nyal po bgyi'o/ /gal te ma nus na rig sngags 95-1-39b 'chad gis la gor du rig pa mchog dran par bgyi zhing snying po gnyis ka bzlas brjod bgyis pa'i yungs kar gyis bsnun par bgyi'o/ /de nas bud med de dgod cing mchi ste/ de la brtsad par bgyi'o/ /de nas bud med de sbrum mar 'gyur te/ de nas rig sngags 'chang gis rdo rje bzhad ma bzlas brjod bgyis pa'i yungs kar gyis bsnun par bgyi'o/ /de nas de mi 'gul bar 'gyur ro/ /yang rig pa mchog gis yungs kar gyis bsnun par bgyi'o/ /de nas lto 'gas te rdo rje bzhad ma bzlas brjod bgyis la mngal blang bar bgyi'o/ /mngal blangs nas kyang yungs kar gyis bsnun na dum bu brgyar 'gyur te phru ma'i nang du stsal la mi thod gsum gyi steng du mchis la yongs su smin par 'gyur gyi bar du rdo rje bzhad ma bzlas brjod bgyis la blangs te grogs rnams la yang stsal cing 'tshal na skra lcang lo 'khyil bar 'gyur/ /gdugs shar ba lta bu'i mdog tu 'gyur/ /lo bcu drug lon pa lta bur 'gyur/ /nam mkha' la mchi bar 'gyur/ /rig sngags 'chang thams cad bran du 'gyur/ /rdo rje 'khor los sgyur bar 'gyur/ dpag tshad stong gyen du 'phag par 'gyur/ dpag tshad stong tshun chad kyis thos par 'gyur/ lo brgyad khri thub par 'gyur/ mtshon chas lus la mi tshugs par 'gyur/ rdo rje nyid du 'gyur/bdag mchi bar 'tshal bar 'gyur ro/ /lha'i bsgrub pa ni zla ba gcig zas su chu grog 'tshal zhing de'i 'og tu mar gyi ngo zhag brgyad nas zhag gsum smyung ba bgyis te/ lag na rdo rje mchod cing lha thams cad kyang mchod par bgyi'o/ /de nas rig sngags 'chang gis lag na rdo rje'i mdun du ldong ros shing a shwat+tha'i lo ma bdun gyi steng du bzhag ste dngos grub gsum byung gi bar du bzlas brjod bgyi'o/ /'bar bar gyur na nam mkha' la mchi bar 'gyur ro/ /du ba 'thul na mi gda' bar 'gyur/ lo lnga stong thub pa'i rig sngags 'chang nyid du 'gyur/ lo lnga stong thub pa'i rkang gis 'gro bar 'gyur ro/ /sa 95-1-40a phyogs gang na gnod sbyin mo mchis pa der mar gyi do zhag brgyad nas zhag gsum smyung ba bgyis te/ gnas dben par mchis la dur khrod kyi shing gis zhugs bus la seng ldeng gi yam sreg shing khrag dang dug la smyugs pa lan brgyad stong sbyin sreg bgyis na gnod sbyin mo de mchi bar 'gyur te/ mchis nas 'di skad du ci bya zhes mchi ba dang / des 'di skad du gang bsams pa de gyis shig ces brjod par bgyi'o/ /gal te btub na 'di skad ces dpag tshad brgya nas bud med nga'i gan du khrid de shog//grogs po brgyad cu la zan byin cig /nyin gcig bzhin ras zung brgyad dang kAr ShA pa Na brgyad brgyad phul cig ces brjod dang de ltar bgyi'o zhes mchi bar 'gyur te/ de'i 'og tu bud med de khrid de mchi'o/ /yid kyis bzlas brjod bgyi'o/ /yid kyis slar gtang bar bgyi'o/ /rdo rje bzhad ma'i cho ga rdzogs so// //pho nya mo thams cad kyi las ni 'di lags te/ rig pa mchog gi pho nya mo ni las thams cad du yang sbyar bar bgyi'o/ /las thams cad du yang rig pa mchog gi snying po dang lhan cig sbyar bar bgyi ste/ sgrub pa ma lags pa'i rig pa yang sgrub par bgyid do/ /srin bu ka ta'i dug gis gnod par gyur pa rnams la ni yi ge bri ba'i gzhi dang snag tsha dang smyug gu yang sngags lan bdun bdun gyis sngags la gang 'dod pa bris te bskur na sos par 'gyur ro/ /de nas yang bcom ldan 'das la lag na rdo rjes 'di skad ces gsol to/ /bcom ldan 'das gzhan yang gang gis rig pa thams cad dngos grub tu 'gyur ba stsol ba'i rig pa'i lha thams cad kyi gsang ba brjod par bgyi'o/ /gal te rig sngags 'chang gi rig pa bsgrub par 'tshal na rig pa'i lha de la 'dis mgu bar bgyi'o/ /mar gyi ngo zhag bcu bzhi la zhag gcig smyung ba bgyis te/ rgya mtshor 'bab pa'i chu klung gi ngos gnyis ka'i sa blangs la lha'i gzugs bgyis te sbyin dang ma 'dres pa'i tshon gyis lha'i kha dog ci 'dra de 'dra bar bri bar bgyi'o/ / 95-1-40b mar dang sbrang rtsis lto dgang bar bgyi'o/ /me tog pad+ma'i dbus su lha de gzhag par bgyi'o/ /pad+ma'i ze ba ni a ka ru dang tsan dan gyis bsku bar bgyi'o/ /dus gsum du bdug pas kyang bdug par bgyi ste/ gu gul dang / du ru ska dang / ga bur dang / shing sha a mra'i me tog dang de rnams bsres pa'i bdug pas bdug par bgyi'o/ /gdugs gsum gyi bar du bgyi'o/ /de nas gzugs de 'o ma'i nang du stsal te zhig par ma gyur gyi bar du bzhag la zhig nas 'o ma rgya mtshor 'bab pa'i chab kyi nang du stsol to/ / de nas sbyor ba 'dis lha de mgu bar 'gyur zhing dga' ba mthong ste myur du dngos grub kyang stsol to/ /bcom ldan 'das 'di ni rig pa'i rigs thams cad kyi gsang ba lags te 'dis lha thams cad 'grub par 'gyur ro/ /bcom ldan 'das gsang ba 'di ni bdag gis sems can thams cad kyi don gyi slad du brjod do/ /bcom ldan 'das rig pa'i rgyal po bdag gis bshad pa 'di ni rig sngags thams cad kyi rgyal po ste/ rig pa thams cad sgrub tu stsal ba/ mtshungs pa ma mchis pa/ mi mnyam pa dang mnyam pa/ zla ma mchis pa lags so/ /'di ni bdag gis sems can thams cad kyi don gyi slad du bshad do/ /de nas bcom ldan 'das kyis thams cad dad ldan pa'i 'khor 'dus pa la bka' stsal pa/ grogs po dag byang chub sems dpa' sems dpa' chen po stobs chen po lag na rdo rje mthong ngam/ gsol pa bcom ldan 'das mthong lags so/ /bde bar gshegs pa mthong lags so/ /bcom ldan 'das kyis bka' stsal pa/ grogs po dag byang chub sems dpa' sems dpa' chen po lag na rdo rje la gang gis 'di ltar yid kyis phyag 'tshal na yang des de bzhin gshegs pa stong phrag dgu la phyag byas par 'gyur ro/ /de nas thams cad dang ldan pa'i 'khor des lag na rdo rje'i rkang pa gnyis la gtugs te phyag 'tshal nas 'di skad ces byang chub sems dpa' chen po khyod de bzhin 95-1-41a gshegs pas bstod cing bkur te bsngags la legs so legs so/ /brtson 'grus dang brtul ba chen po dang ldan pa legs so zhes bya ba smras so/ /de nas gzhon nu rdo rje sdes bcom ldan 'das kyi zhabs dang lag na rdo rje la phyag 'tshal te/ byang chub sems dpa' lag na rdo rje la 'di skad ces smras so/ /yab bdag kyang rig pa mchog la dga' bas gang gis rig pa mchog bsgrub pa'i rig sngags 'chang de la gnod sbyin thams cad dang / log 'dren thams cad dang / rig sngags 'chang thams cad dang / grub pa thams cad dang / klu thams cad dang / yi dgas thams cad dang / grul bum thams cad bgegs bgyid par mi 'gyur bar sems can thams cad kyi don gyi slad du gsang sngags stsal bar bgyi'o/ /de nas gnod sbyin gyi dbang po lag na rdo rjes gzhon nu rdo rje sde la 'di skad ces smras so/ /bzhin bzangs khyod sems can thams cad la phan par brtson pa legs so/ /bzhin bzangs khyod rig pa mchog gi don gyi phyir gsang sngags smros shig /de nas phas gnang bas gzhon nu rdo rje sde dga' mgu yi rangs te/ bcom ldan 'das kyi zhabs gnyis la phyag 'tshal nas log 'dren nges par gzhig pa'i gsang sngags smras pa/ na mo bud+d+hA ya/ na mo d+harma ya/ namaHsaM g+ha ya/ na ma sh+tsaN+Da badzra pA Na ye/ ma hA yak+Sha se nA pa ta ye/ na mo badzra s+ya nA ya/ ku mA ra rU pa d+hA ra Ni/ a pra ti ha tA ya/ ma hA ba la pa rA kra mA ya/ tsa la tsa la/ ku la ku la/ ma tha ma tha/ nA sha ya sarba big+h+nAn/ bi nA ya kAM/ ban+d+ha ban+d+ha/ s+pho Ta ya s+pho Ta ya/ ma ra ma ra/ b+hin+da b+hin+da/ ye ma ma duSh+Ta/ tsin+ta s+t+waM mya krin+ta dzam+b+ha mo ha ma ya ni/ sum+b+ha ya stam+bA ya swA hA/ sgrub pa'i dus na grog mkhar gyi sa las rdo rje bgyis te bsrung bar bgyi'o/ /bsrung ba'i dus na til nag pos sbyin sreg brgya stong bgyis na bgegs thams cad bcom par 'gyur ro/ /sgrub pa'i dus na lan bdun bzlas brjod bgyis 95-1-41b pa'i yungs kar gyis mtshams bcad do/ /rkang rjes kyi sa'am thal ba la lan gsum bzlas brjod bgyis te bsrung ba bgyi'o/ /sgrub pa'i dus na 'jim pa las rdo rje sde'i gzugs bgyis te/ sbos dang me tog dang bdug pas mchod la rig pa lan brgya stong bzlas brjod bgyis na bsgrub pa'i tshe byin gyis rlob par bgyid cing dngos grub tu 'gyur ro/ /lha rnams dbab na gu gul gyi bdug pas bgyi'o/ /klu dkrugs par bgyi na rdo rje'i phyag rgya bgyis la lag na rdo rje'i mdun du bzlas brjod lan brgyad brgya bgyis te/ gang na klu gnas pa'i mtsho der bor na klu thams cad skrag par 'gyur ro/ /dri za rnams g.yos par bgyi na mar gyi ngo zhag brgyad la nyin zhag gcig smyung ba bgyis te/ lag na rdo rje'i mdun du dur khrod kyi sol bas dri za'i gzugs bris la de'i lto bar srin lag bzhag ste/ rig pa lan brgya stong brjod na snying po brjod pas mchi bar 'gyur ro/ /mchis nas bar snang las sman 'dor te/ de 'tshal na thos pa 'dzin par 'gyur/ dri za thams cad kyang bsrung bar 'gyur ro/ /gnod sbyin rnams brlag par bgyi na phyogs gang na gnod sbyin nam/ gnod sbyin mo gnas pa'i phyogs der mchis la lcags phur sor bzhi pa blangs te/ lan brgya rtsa brgyad bzlas brjod bgyis te btsugs na gnod sbyin 'bros par 'gyur ro/ /ci ste bsgrub par 'tshal na ri mo mkhan gso sbyong bzung bas ma god pa'i ras la sangs rgyas kyi gzugs gser gyi mdog can bri bar bgyi'o/ /de'i g.yon rol tu lag na rdo rje mdog sngo bsangs rgyan thams cad kyis brgyan pa bri'o/ /de bzhin gshegs pa'i g.yas rol du rdo rje sde gzhon nu'i gzugs 'dzin pa gser gyi mdog can lag pa g.yon pa na pad+ma g.yas pas dam pa sbyin par bri'o/ /de'i 'og rol tu sgrub pa po lag na pog phor thogs pa bri'o/ /de nas rig sngags 'chang gis zla ba phyed zas su 'o skyo 'thung zhing rig pa bzlas brjod bgyi'o/ /de nas mar gyi ngo zhag brgyad la nyin zhag gcig smyung ba bgyis te/ /rgya 95-1-42a cher mchod la gtor ma yang rgya cher bgyi'o/ /de nas rig sngags 'chang gis sna ma'i me tog brgya stong gis de bzhin gshegs pa la phog par bgyi'o/ /dngos grub kyi mtshan mar ni mar me'i me lce gyen du mchi la spu zing zhes bgyid na dngos grub tu 'gyur ro/ /yid kyis gang bsams pa de stsol te rig sngags 'chang nyid dang 'dod pa dang ldan pa ni ma gtogs so/ /las thams cad du yang sbyar bar bgyi ste yid kyis las bgyi'o/ /rdo rje sde'i cho ga rdzogs so// //de nas mu d+ha da kas lag na rdo rje la 'di skad ces smras so/ /yab bdag ni khyod kyi rig sngags kyi cho ga rgyas pa thams cad la bgegs bgyid pa lags mod kyi/ gang dag rig pa mchog bsgrub pa de dag la bdag slar bcing ba stsal bar bgyi'o/ /bdag bcings na rig sngags 'chang ba de la su yang bgegs bgyid par mi 'gyur ro/ /bzhin bzangs de de bzhin te/ bdag bcing ba smros shig smros shig /de nas mu d+ha da kas lag na rdo rje'i rkang pa gnyis la gtugs te/ bdag bcing ba'i gsang sngags smras pa/ na mo rat+na tra ya s+ya/ na ma sh+tsaN+Da badzra pA Ni s+ya/ ta d+ya tha/ rdzi rdzi ru ru kha ri bi kha ri/ tiSh+Tha tiSh+Tha/ tsa la ya tsa la ya/ badzra pA Ni s+ya/ a kro d+ha b+ha sha d+haM/ sma ra sma ra/ b+han+d+ha b+han+d+ha swA hA/lag na rdo rje dang mu d+ha dka'i mdun du me tog dmar po dang bdug pas mchod la/ de nas sgrub pa'i dus na srad bu dkar po la mdud pa gsum dor ro/ /su zhig rtag tu 'chang ba de la thams cad dngos grub tu 'gyur ro/ /sgrub pa thams cad dang las thams cad du yang spra tshil las mu d+ha dka'i gzugs bgyis te/ lag pa g.yon na mdung rtse gsum pa thogs par bgyi'o/ / de nas rig sngags 'chang gis tsan dan dmar po'i mdung rtse gsum pas snying gar btsugs pa de'i 'og tu rde'u nag pos bkang ste/ dngos grub stsal gyi bar du gzhag par bgyi'o/ /de nas rig sngags 'chang gis mdung rtse gsum pa phyung la 'o mas bkrus te/ rig 95-1-42b pa yang lan brgya rtsa brgyad bzlas brjod bgyis la thams cad bgyi'o/ /gal te las de ltar ma bgyis na dngos grub tu mi 'gyur ro/ /mu d+ha da ka'i bsgrub pa lags te/ ri mo mkhan gso sbyong bzung bas ma god pa'i ras la sangs rgyas kyi gzugs gser gyi kha dog can bri bar bya'o/ /de bzhin gshegs pa'i g.yon rol du lag na rdo rje mdog sngo bsangs rgyan thams cad kyis brgyan pa bri'o/ /de bzhin gshegs pa'i g.yas rol du ni 'phags pa kun dga' bo gser gyi mdog can lag na rnga yab thogs pa bri'o/ / lag na rdo rje'i 'og logs su mu d+ha da ka mdog dmar la mig gsum pa 'dod pa'i gzugs 'dzin pa gad mo rta skad 'byin cing / lag pa g.yas pa kha 'gram du bzhag pa bri'o/ /de nas rig sngags 'chang gis mar gyi ngo zhag bcu bzhi la nyin zhag gcig smyung ba bgyis la ri mo'i gzugs la mchod pa rgya cher bgyis la de'i mdun du a kar+Sha'i shing gis zhugs bus la yungs kar dang / til nag po dang / 'bras yos dang / 'di rnams mar dang bsres la lan brgya stong bgyis na ri mo'i gzugs kyi me tog gi phreng ba 'gul bar 'gyur te dngos grub tu 'gyur ro/ /dngos grub tu gyur na rdo rje'i rigs thams cad kyi dngos grub tu 'gyur ro/ /las gzhan dag kyang bgyis te/ sbrul gyis zin pa dbab na sra rtsi pog gi bdug pas bgyi'o/ /gdon bskrad na rkang rjes kyis lag mthil tu mdung rtse gsum pa bris la bstan na gdon ngu zhing 'bros so/ /skyes pa dang bud med dbang du bgyi na mu d+ha da ka la phyag bgyis la gdugs gang yang rung ste/ sh+le sme ta ka'i shing gis zhugs bus la ba ru ra'i me tog brgya stong sbyin sreg bgyis na dbang du 'gyur ro/ / mo mtshan bcing bar 'tshal na dur khrod kyi thal ba dur khrod kyi ras kyis bcings la rig pa yang lan brgya rtsa brgyad bzlas brjod bgyis na mo mtshan bcings par 'gyur ro/ /dgrol na dbye'o/ /byis pa gdon skem byed kyis zin pa rnams ni chab la lan brgya rtsa 95-1-43a brgyad bzlas brjod bgyis te bkrus na sos par 'gyur ro/ /'byung po dang 'dre dang klu rnams bskrad na thal mo brdabs pas bgyi'o/ /Ar+ya mu d+ha da ka'i cho ga rdzogs so// //de nas byang chub sems dpa' spyan ras gzigs dbang phyug gis bla gos phrag pa gcig tu gzar te/ pus mo g.yas pa'i lha ngas la btsugs nas bcom ldan 'das la 'di skad ces gsol to/ /bcom ldan 'das bdag gis kyang lag na rdo rje la gsang sngags stsal bar bgyi'o/ /lag na rdo rje 'di ni khro bo gos dkar mo'i snying po bton pa tsam gyis 'grub pa ste/ 'di ni kho bos brjod par bgyi'o/ /'di bton pa tsam gyis sems can thams cad rengs par 'gyur ro/ /na maHsarba ta thA ga te b+h+yo/ b+ha ga ba te/ o~M b+ha ya nA sha ne trA sa ne trA sa ya/ b+h+r-i ku TI ta ti be ta ti swA hA/ rig pa 'di bton pa tsam gyis bgegs thams cad bcom par 'gyur ro/ /bdag bsrung na thal ba la lan bdun bzlas brjod bgyis pas bgyi'o/ /gzhan bsrung na spyi bor lan gsum bzlas brjod bgyis te skra mdud par bgyi'o/ /sems can thams cad rengs par bgyi na yid kyis bgyi'o/ /dbang du bgyi na yar gyi ngo zla ba nya la zhag gcig smyung ba bgyis la 'phags pa spyan ras gzigs dbang phyug gi mdun du byang chub kyi shing gis zhugs bus la til gyis lan brgya stong sbyin sreg bgyis na dbang du 'gyur ro/ /ma rungs par bgyi 'tshal na mi rus kyi phur bu blangs la lan brgya stong sngags kyis btab ste/ /dgra'i khyim du btsugs na dgra ma rungs par 'gyur ro/ /dgra dgum na mar gyi ngo zhag brgyad la dur khrod kyi thal ba blangs te dur khrod kyi zhugs su lan brgya stong sbyin sreg bgyis na 'gum mo/ / skam par 'dod na mar gyi ngo zhag bcu bzhi la chab lte ba nub tsam du zhugs la dgra'i srog bskams kyi bar du bzlas brjod bgyi'o/ /mtshams bcad par 'tshal na seng ldeng gi phur pa sor bzhi pa blangs te phur bu re re la yang lan brgya rtsa brgyad bzlas brjod bgyis la phyogs 95-1-43b bzhir btsugs na mtshams bcad par 'gyur ro/ /yul 'khor bcing na lan nyi shu rtsa gcig bzlas brjod bgyis pa'i chab kyis bgyi'o/ /sems can rnams bskrad na lan bdun bzlas brjod bgyis pa'i yungs kar gyis bgyi'o/ /lig bu mig dang ldong ros bsgrub na zla ba gcig zas su 'o skyo 'tshal zhing yar gyi ngo tshes brgyad nas zhag gsum smyung ba bgyis te ring bsrel dang bcas pa'i mchod rten nam/ sangs rgyas kyi sku gzugs kyi spyan sngar shing a shwat+tha'i lo ma bdun gyi steng du lig bu mig dang ldong ros bzhag pa dngos grub gsum byung gi bar du bzlas brjod bgyi'o/ /'bar na ni lo stong thub par 'gyur ro/ /rig sngags 'chang skra lcang lo 'khyil pa can du 'gyur ro/ /du ba 'thul na ni mi gda' bar 'gyur ro/ /lo dgu stong thub par 'gyur ro/ /yul 'khor ma rungs par bgyid par 'tshal bas mar gyi ngo zhag brgyad la dur khrod kyi shing gis zhugs bus la yungs kar dang dug dang / khrag dang bsres la lan brgya stong sbyin sreg bgyis na yul 'khor ma rungs par 'gyur ro/ /mar gyis lan brgya stong sbyin sreg bgyis na zhi bar 'gyur ro/ / dgra dgum na tshes grangs dang skar ma 'dam mi 'tshal te lung thang gi shing gis zhugs bus la shing arka'i lo ma brgya stong sbyin sreg bgyis na zhag gsum na 'gum mo/ /shags 'gyed na rig pa bzlas brjod bgyis la gdong la byugs na rgyal bar 'gyur ro/ /khros pa'i mdun du bzlas brjod bgyis na dga' bar 'gyur ro/ /yugs sa mo dbang du bgyi bar 'tshal bas yar gyi ngo zhag brgyad la 'phags pa spyan ras gzigs dbang phyug gi mdun du me tog dkar po brgya stong sbyin sreg bgyis na dbang du 'gyur ro/ /dgra tshar bcad na 'phags pa spyan ras gzigs dbang phyug gi mdun du du ba ma mchis pa'i me mdag la rgya skyegs kyis lan brgya stong sbyin sreg bgyi'o/ /bzlas brjod bgyis na gang 'dod pa de rnyed par 'gyur ro/ /mkha' 'gro ma thams cad kyi dkyil 'khor bcing na yungs kar 95-1-44a la lan bdun bzlas brjod bgyis pas bgyi'o/ /chu srin kum b+hi ra'i kha bcing na gseg ma la lan bdun bzlas brjod bgyis te chab tu bor na kha bcing bar 'gyur ro/ /seng ge dang / stag dang / ma he dang / glang po che dang / rgyal po dang chom rkun gyi nang du chud na bsam par bya'o/ /ri mo mkhan gso sbyong bzung bas ma god pa'i ras la sangs rgyas kyi sku gzugs bri bar bya ste/ g.yon rol du ni lag na rdo rje/ g.yas rol du ni 'phags pa spyan ras gzigs dbang phyug go/ /de bzhin gshegs pa ni gser gyi mdog can du bri'o/ /lag na rdo rje ni lo bcu drug tsam lon pa'i gzugs 'dra ba/ kha dog sngo ba sangs rgyan thams cad kyis brgyan par bri'o/ /'phags pa spyan ras gzigs kyi dbang phyug gi g.yas rol du ni lha mo bri/ de yang 'dam bu mda' rgyu ltar dkar ba'o/ /'phags pa spyan ras gzigs kyang de dang 'dra'o/ /lha mo ni pad+mo'i phreng bas brgyan par bri'o/ /de'i 'og rol tu sgrub pa po pog phor thogs pa bri'o/ /sgrub pa po zla ba gcig gi bar du zas su 'o skyo 'tshal zhing yar gyi ngo tshes brgyad la mchod pa rgya chen po bgyis te/ /lha mo la 'od zer byung gi bar du bzlas brjod bgyi'o/ /'od zer de de bzhin gshegs pa'i zhabs kyi mthe bor nub par 'gyur ro/ /de nas dngos grub tu 'gyur te rgyal po nyid stsol to/ /yid kyis gang bsams pa de dag thams cad 'byor to/ /yar gyi ngo zla ba nya nas zhag gsum smyung ba bgyis te/ rgya mtshor 'bab pa'i chu klung du zhugs la pad+ma 'bum bor na lha mo nyid mthong ngo / /dam pa gang blangs pa de snyed de rgyal po nyid dam/ rig sngags 'chang nyid du 'gyur ro/ /tha mar zhag gsum smyung ba bgyi'o/ /'phags pa spyan ras gzigs dbang phyug gi cho ga rdzogs so// //de nas bcom ldan 'das kyis lag na rdo rje la 'di skad ces bka' stsal to/ /lag na rdo rje ngas kyang gang gis rdo rje'i rigs dang / cho ga rgyas pa 95-1-44b chen po gzhan dag kyang 'grub par 'gyur ba'i gsang sngags kyi cho ga rgyas pa 'dir sbyin par bgyi'o/ /de lta bas na cho ga rgyas pa thams cad du 'di gcig pu sbyar bar bgyi'o/ /lag na rdo rje 'di dran pa tsam gyis rig pa'i lha thams cad mngon du 'gyur ro/ /na maH sarba ta thA ga te b+h+yo b+ha ga bad+d+h+ya: o~M ru ru s+phu ru dz+wa la tiSh+Ta sid+d+hi lo tsa ni sarba ar+tha sA d+ha ni swA hA/ lag na rdo rje spyan 'di ni sems can thams cad kyi don gyi phyir de bzhin gshegs pa bye ba phrag bcus dgongs te/ ngas kyang de ltar sems can rnams kyi don dang khro bo rnams dga' bar bya ba dang gdul dka' ba rnams gdul ba'i phyir bshad do/ /ri mo mkhan gso sbyong bzung bas ma god pa'i ras la sbyin dang ma 'dres pa'i tshon gyis sangs rgyas kyi sku gzugs gser gyi mdog can chos ston pa bri bar bya'o/ /de'i g.yas rol du 'phags pa lag na rdo rje mdog sngo bsangs rgyan thams cad kyis brgyan pa chos nyan pa bri'o/ /de bzhin gshegs pa'i g.yon rol du 'phags pa spyan ras gzigs kyi dbang phyug 'dam bu mda' rgyu ltar dkar ba/ skra'i thor gtsug dang cod pan can stag lpags kyi sham thabs gyon pa lag na rnga yab thogs pa bri bar bya'o/ /de nas zla ba phyed zas su 'o skyo 'thung zhing rig pa bzlas brjod bya'o/ /de nas mar gyi ngo zhag bcu bzhi la nyin zhag gcig smyung ba bgyis te/ ri mo'i gzugs la mchod pa rgya cher byas la rig pa lan brgya stong bzlas brjod bya'o/ /de bzhin gshegs pa'i glo g.yas nas 'od zer byung ste/ lag na rdo rje la nub na grub par 'gyur ro/ /rgyal po nyid dam rig sngags 'chang nyid de dam pa gnyis sbyin par byed do/ /rgyal po nyid du gyur na rig sngags 'chang rnams kyi 'khor los sgyur bar 'gyur ro/ /rig sngags 'chang nyid du gyur na ni rig sngags 'chang drug khri'i bdag po nyi ma shar ba lta bu'i mdog can lo bcu drug lon pa lta bu'i lus su 'gyur ro/ /lo khri bzhi stong thub par 'gyur ro/ / 95-1-45a sems can thams cad kyi skad ces par 'gyur ro/ /slongs mo'i zas bza' zhing ri bo'i rtse mor ring bsrel dang bcas pa'i mchod rten gyi drung du me tog dkar po zho dang sbrang rtsi dang mar la smyugs pa 'bum sbyin sreg bya zhing lan 'bum bzlas brjod byas na/ de bzhin gshegs pa'i gzugs mngon sum du 'gyur te/ mthong nas gang bsgrub pa de 'grub bo/ /su zhig rtag tu lan gsum brjod cing phyag kyang 'tshal na des de bzhin gshegs pa bye ba phrag bcu la bsti stang byas pa dang bla mar byas pa dang ri mo byas pa dang mchod pa byas par 'gyur ro/ /gang gi tshe shi ba de'i tshe bde ba can du skye bar 'gyur ro/ /mar gyi ngo zhag brgyad la nyin zhag gcig smyung ba byas te/ bcom ldan 'das la mchod pa byas la tsan dan dkar pos dkyil 'khor byugs te/ rig pa lan brgya stong bzlas brjod byas na de nas dngos grub tu 'gyur ro/ /de'i 'og tu las thams cad la sbyar bar bya'o/ /mig la lan bdun bsngags na gang mthong ba de dbang du 'gyur ro/ /lag na rdo rje'i mdun du ldong ros la lan brgyad brgya bzlas brjod byas nas mig la bskus na gang mthong ba de dbang du 'gyur ro/ /rkang rjes kyis blangs la lan bdun sngags kyis btab nas bud med gang gi mgo bor gtor na de dbang du 'gyur ro/ /bdag gi mchil ma la lan bdun bsngags te thig le byas na gang mthong ba de dbang du 'gyur ro/ /gang gi ming nas brjod de yungs kar la lan brgyad brgya sbyin sreg byas pas de dbang du 'gyur ro/ /bud med dbang du bya na til nag po las lan brgyad brgya sbyin sreg bya zhing ming nas kyang brjod na dbang du 'gyur ro/ /kr-iSh+Na tsa tur da sh+ye na shwe ta/ phuSh+Nan ma aSh+Ta sa ha sre na/ badzra pA Ni ra ha na ta ba s+ya/ rA dza pa da ni ya shwa ba ti/ ldong ros kyis lag mthil du gzugs bris la ming nas brjod cing nyi ma la bltas te lan brgyad brgya bzlas brjod byas na dbang du 'gyur ro/ /dur khrod kyi sol ba blangs te rtsig 95-1-45b ngos la gzugs bris la mo mtshan gyi steng du mdzub mo bzhag ste/ lan brgyad brgya bzlas brjod byas na dbang du 'gyur ro/ /spra tshil las gzugs byas te lden pa g.yas par bzhag la lan brgyad brgya bzlas brjod byas na dbang du 'gyur ro/ /gi'u wang dang shu dag dang dung gi lte ba dang rgya spos rnams bsres te btags la rig pa lan brgya stong bzlas brjod byas te zas dang skom dang bza' ba'i nang du btab na dbang du 'gyur ro/ /dur khrod kyi thal ba blangs la lag na rdo rje'i mdun du lan brgyad brgya bzlas brjod byas te gang la gtor ba de dbang du 'gyur ro/ /lag na rdo rje'i mdun du me tog dkar po brgyad brgya gtor na dbang du 'gyur ro/ /dur khrod kyi sol ba blangs te rtsig ngos la gzugs bris la shing kar bI ra'i me tog brgya rtsa brgyad mo mtshan du phog par byas na dbang du 'gyur ro/ / ba lang gi lci ba sa la ma lhung ba blangs te zhi ba'i mtshan gcig byas la de'i mdun du rtswa ku sha las mdung rtse gsum byas pas nyi ma gsum du yungs kar dang zho dang sbrang rtsi bsres pa'i sreg blugs lan bdun bdun sbyin sreg byas na dbang du 'gyur ro/ /lag na rdo rje'i mdun du ldum bu ba sha ka'i yam sreg shing brgyad brgya sbyin sreg byas na dbang du 'gyur ro/ /gzhon nu ma dbang du bya na a rang ga ni me tog brgya stong gis lag na rdo rje la phog par byas na gzhon nu ma dbang du 'gyur ro/ /yugs sa mo dbang du bya na lag na rdo rje'i mdun du mon sran gre'u sbyin sreg bya zhing ming nas kyang brjod na dbang du 'gyur ro/ /thal ba la lan bdun sngags kyis btab ste bud med la gtor na dbang du 'gyur ro/ /bud med kyi mdun du rig pa lan brgyad brgya bzlas brjod byas na dbang du 'gyur ro/ /shing bu sor bzhi pa blangs te g.yabs na 'ong zhing dbang du 'gyur ro/ /me tog dkar po blangs te lag na rdo rje'i mdun du lan brgya stong bzlas brjod byas la bud med mthong bar g.yabs na 'ong zhing dbang du 'gyur ro/ /gzhan yang las byed 'dod na bu mo gtsang mas 95-1-46a bkal ba'i skud pa brkyang nas blangs te lag na rdo rje'i mdun du nyis khugs dang bzhi khugs byas pa bzhag la bzlas brjod byas te gcig la gcig 'khril na dgongs pa 'grub par 'gyur ro/ /gi wang sgrub par 'dod pas nyi ma bdun du zas su 'o skyo 'thung zhing yar gyi ngo tshes bcu bzhi la nyin zhag gcig smyung ba byas te/ lag na rdo rje la mchod pa rgya cher byas la gi wang pad+ma'i steng du bzhag ste 'bar gyi bar du bzlas brjod bya'o/ /'bar nas blang bar bya ste blangs pa tsam gyis nyi ma shar ba lta bu'i mdog dang ldan par 'gyur ro/ /dgos pa thams cad yid kyis bsams pa tsam gyis 'byung bar 'gyur/ rig sngags 'chang thams cad kyis mi sod par 'gyur ro/ /lo dgu stong thub par 'gyur ro/ /zla ba phyed zas su 'o skyo 'thung zhing de nas rig sngags 'chang gis grog mkhar gyi sa las nor rgyas kyi gzugs byas la de'i steng du 'dug la/ nam 'gul bar gyur gyi bar du rig sngags lan 'bum bzlas brjod byas na longs spyod ster ro/ /'das pa dang ma 'ongs pa dang da ltar byung ba rnams ston par 'gyur ro/ /lo lnga brgya thub par 'gyur ro/ /bde ba can du skye bar 'gyur/ zas su 'o skyo 'thung zhing lag na rdo rje'i mdun du lan 'bum bzlas brjod byas na longs spyod ster te/ zla ba gcig gi bar du slong mo'i zas bza' zhing yar gyi ngo tshes bcu bzhi la zhag gcig smyung ba byas te/ lag na rdo rje la mchod pa byas nas bcom ldan 'das la yang lhag par mchod de lag na rdo rje'i rkang pa nas bzung la rig sngags 'chang bzlas brjod byas te/ lag na rdo rje'i gzugs 'gul bar gyur gyi bar du bzlas brjod bya'o/ /'gul bar gyur na grub pa thams cad kyis mthong bar 'gyur ro/ /yid kyis bsams pas kha zas 'byung bar 'gyur/ lo lnga stong thub par 'gyur ro/ /de nas gnod sbyin gyi dbang po lag na rdo rjes bcom ldan 'das la 'di skad ces gsol to/ /sangs rgyas bcom ldan 95-1-46b 'das gang dag sems can rnams kyi don gyi slad du gsang sngags 'di lta bu gsungs pa ni ngo mtshar to zhes gsol nas 'khor thams cad ngo mtshar du gyur to/ /sangs rgyas kyi spyan gyi cho ga rdzogs so// //de nas 'byung po'i bdag po dbang ldan gyis bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das bdag gi ming 'di ni rig pa thams cad kyi gtso mo lags te/ 'di dran pa tsam gyis bdag gis dngos grub stsal bar bgyi'o/ /bcom ldan 'das bdag gis kyang sems can rnams kyi don gyi slad du byang chub sems dpa' chen po lag na rdo rje la ming dbul bar 'tshal lo/ /'byung po'i bdag po de bzhin du gyis shig/de nas 'byung po'i bdag po dbang ldan gyis lag na rdo rje'i zhabs gnyis la gtugs nas lag na rdo rje la 'di skad ces smras so/ /gsang ba'i bdag po khyod kyis rig sngags chen mo'i ming 'di bzhes su gsol/ na mo ru trA ya le le/ li li li li/ ka mu kA ya swA hA/ lig bu mig bud med kyi skras bcings la rgya mtshor 'bab pa'i chu klung gi ngos gnyis ka'i 'jim pa blangs pa'i nang du bcug ste/ bsregs la dbang phyug chen po'i gnas su song nas mar gyi ngo zhag brgyad dam bcu bzhi la zhag gcig smyung ba byas te/ lig bu mig blangs la lan brgya stong bzlas brjod byas nas sbyang bar bya ste/ mig la bskus na gang la bltas pa de dbang du 'gyur ro/ /mar gyi ngo zhag brgyad la dur khrod kyi sol ba blangs te mi'i thod pa la bdar nas lan brgya rtsa brgyad bzlas brjod byas pas thig le byas na gang la bltas pa de dbang du 'gyur ro/ /sol ba yang bsgrub par bya ste/ zhag bdun gyi bar du zas su chu dang phye'i 'dag gu za zhing mar gyi ngo zhag bcu bzhi la zhag gcig smyung ba bgyis te dur khrod du song la de 95-1-47a nas thag bu la skyong nu la ba ko tsam byas te/ mchod pa chen po byas nas dur khrod kyi sol ba blangs te/ de nas rig sngags 'chang gis sol ba mi'i thod pa'i nang du bzhag la lag pas mnan te dud par 'thul bar gyur gyi bar du rig sngags bzlas brjod byas nas blangs te thig le byas na lus mi snang bar 'gyur zhing / bsams pas kyang kha zas 'byung bar byed de tshe lo stong thub par 'gyur la dbang phyug chen po'i las rnams bklags pa tsam gyis 'grub par 'gyur ro/ /tshes grangs dang skar ma yang 'dam mi 'tshal/ smyung ba yang bgyi mi 'tshal bar bud med shi ba'i ro blangs la dri dang me tog gis brgyan te/ /de'i mo mtshan du til gyi lo ma bzhag nas de'i steng du ldong ros srang gcig gam srang phyed bzhag la 'bar bar gyur gyi bar du rig sngags bzlas brjod byas te/ 'bar bar gyur na dbang phyug chen po'i gzugs dang ldan par 'gyur zhing rab tu 'joms pa'i tshogs kyis bskor la/ lo dgu stong thub cing dbang phyug chen po'i tshogs rnams dbang du 'gyur ro/ /dur khrod kyi thal ba blangs te mi'i thod pa'i snod du bzhag la/ mtshan gcig 'dug pa'i gnas su song nas zhag gsum smyung ba byas te/ mar gyi ngo zhag bcu bzhi la 'byung po'i gtor ma yang byas la/ de nas thod pa'i snod lag tu blangs te dngos grub rnam gsum du gyur gyi bar du bzlas brjod byas na dud pa 'thul bas ni lus mi snang bar 'gyur zhing tshe lo lnga stong thub par 'gyur ro/ /'bar bar 'gyur te thig le byas pas ni skra lcang lo 'khyil bar 'gyur zhing nam mkha' la 'gro ba dang / tshe lo lnga stong thub par 'gyur ro/ /gi wang bsgrub par 'dod pas ni mar gyi ngo zhag gcig smyung ba byas te/ lag na rdo rje'i mdun du mchod pa byas la lag na rdo rje'i lag tu gi wang bzhag nas 'bar bar gyur gyi bar du bzlas brjod byas te 'bar bar gyur na blangs pa tsam gyis stobs glang po che dang mnyam zhing pha rol gyi mtshon gyis kyang mi tshugs la tshe lo sum stong thub par 'gyur ba dang / gang gtam byas pa de dbang du 'gyur zhing dbang phyug chen 95-1-47b po'i g.yog rnams kyis nyin gcig bzhin ti na ra bcu gnyis dang gos phrugs bcu gnyis sbyin par bgyid cing / sngon ma byung ba'i bud med kyang khrid de 'ong bar 'gyur ro/ /dbang phyug chen po'i cho ga rdzogs so// //de nas ma thang gi rgyal po phur bu gsum pas lag na rdo rje la 'di skad ces smras so/ /lag na rdo rje bdag gis kyang sems can thams cad kyi don gyi phyir mig dbul bar bgyis te/ 'di dran pa tsam gyis bdag gis cho ga rgyas pa thams cad 'grub par 'gyur ro/ /de nas ma thang gi rgyal po phur bu gsum pas bcom ldan 'das dang / lag na rdo rje'i zhabs la mgo bos phyag 'tshal nas gsang sngags smras pa/ na mo badzra pA Ni s+ya/ ma hA yak+Sha se nA pa ti s+ya/ namaH namaH tri shang+kar+m+ma taM gar+dz+dzas+ya/ a te ba Ta/ u pu ri Ni/ gau ri gaM da ri/ ha na da ha/ pa tsa pa tsa/ san+tar pa ya/ tu ru tu ru/ kam+pA ya swA hA/ yar gyi ngo tshes brgyad kyi srod la dkyil 'khor skyong nul gyis byugs nas/ phur bu gsum ba la dri dang / me tog dang / bdug pa phul te/bcom ldan 'das dang lag na rdo rje la yang bdug pa gsol nas zhag gcig smyung ba byas te/ rig sngags lan brgya stong bzlas brjod byas na 'grub par 'gyur te/ de'i 'og tu las brtsam par bya'o/ /bud med dbang du bya na tshes grangs dang rgyu skar yang 'dam mi dgos/ smyung ba yang bya mi dgos par ka ra bI ra'i yam sreg shing gis brgya stong gis ming nas smos shing sbyin sreg byas na dbang du 'gyur ro/ /dkyil 'khor skyong nul gyis byugs la lan tshwa las gzugs byas nas mtshon rnon pos rkang pa nas brtsams te/ bcad cing dud pa med pa'i mdag ma la lan brgyad brgya sbyin sreg byas na yang dbang du 'gyur ro/ /yar gyi ngo tshes lnga la yang mi'i rus pa'i phur bu sa la btab ste de'i steng du mar me spar la mar me de'i me lce 'bar ba la nim pa'i lo ma khab kyis btsugs te ming nas smos shing brgyad brgya sbyin sreg byas na dbang du 'gyur ro/ /yar gyi ngo tshes bcu gsum la ras bal 95-1-48a gyi 'dab ma rgya skyegs kyis kha dog bsgyur ba sred med kyi bu'i chung ma la phul ba las mar me'i snying po byas te mar me sbar la ka ra bI ra'i me tog khab kyis btsugs te brgya stong sbyin sreg byas na yang dbang du 'gyur ro/ /yar gyi ngo tshes brgyad la zhag gcig smyung ba byas te a ti muk+ta ka'i me tog brgya stong gis dka' bzlog ma'i mo mtshan la bsnun na yang grong dang longs spyod kyi gzhi sbyin par byed do/ /mar gyi ngo zhag brgyad la zhag gcig smyung ba byas te a rang ga na'i me tog gis dka' bzlog ma'i rkang pa la bsnun na bu mo thob par 'gyur ro/ /bud med dbang du bya na lag na rdo rje'i mdun du me tog dkar po brgyad brgya phul na dbang du 'gyur ro/ /yar gyi ngo tshes lnga la zhag gcig smyung ba byas te kam po rtsa'i shing gis me sbar la ko sha ta ka'i me tog brgya stong gis ming nas smos shing sbyin sreg byas na mo mtshan rul bar 'gyur ro/ /dka' zlog ma'i 'o mas bkrus la rig sngags kyang stong rtsa brgyad bzlas brjod byas na sos par 'gyur ro/ /phur bu gsum pa'i cho ga rdzogs so// //de nas nam mkha' la rgyu ba'i ma mo bdun gyis ca co dang ga zha'i sgra bton nas 'khor de nyid du 'dus par gyur te/ /'khor 'dus pa de dag thams cad la lan gsum bskor ba byas nas bcom ldan 'das kyi zhabs la mgo bos phyag 'tshal te bcom ldan 'das la 'di skad ces gsol to/ /bcom ldan 'das bdag cag gis kyang byang chub sems dpa' chen po lag na rdo rje la gsang sngags kyi shas 'bul bar 'tshal lo/ /de nas bcom ldan 'das kyis ma mo de dag la 'di skad ces bka' stsal to/ /sring mo dag gang khyed sems can thams cad la phan pa'i phyir zhugs pa ni legs so legs so/ /de nas ma mo de dag gis tshig mthun par lag na rdo rje la gsang sngags phul ba/ na mo bud+d+hA ya/ na mo badzra pA Na ye/ ma hA yak+Sha se nA pa ta ye/ tad ya thA/ hu lu hu lu/ la hu la hu/ ha ha/ tiSh+Tha tiSh+Tha/ b+h+ra ma b+h+ra ma/ ban+d+ha ban+d+ha/ khA da khA da/ ma tsa me kash+tsid 95-1-48b big+h+nAM ka ri sh+ya te/ mo ha ni mo ha ni/ na ya ti na ya/ mA li ni bi shwe shwa re/ a mo g+he na ma swA hA/ rig sngags 'di dran pa tsam gyis rig pa mchog sgrub pa'i rig sngags 'chang de la bdag cag ma mo bdun gyis dpag tshad gcig gi bar du bsrung bar bgyi/ yang dag par so sor bskyab par bgyi'o/ /rig sngags kyi las rnams 'byung ste ras sar pa la sbyin dang ma 'dres pa'i tshon rtsis lag na rdo rje mdog sngo bsangs la lo bcu drug lon pa'i sha gzugs can rgyan thams cad kyis brgyan pa ma mo bdun gyis bskor bar bri'o/ /ma mo bdun ni 'jigs pa'i tshul du bsgrub par bya'o/ /de nas zhag gsum smyung ba byas te mar gyi ngo zhag bcu bzhi la ci nus kyi mchod pa byas te/ chang dang sha'i gtor ma yang sbyin par bya'o/ /de nas rig sngags 'chang gis ri mo'i sku gzugs kyi mdun du seng ldeng gi shing gis me sbar la yungs kar khrag gis bsgos pas lan brgya stong sbyin sreg byas te/ de nas ri mo'i sku gzugs 'gul bar mthong na rig sngags 'chang gis rig pa mchog dran par bya'o/ /bud med mche ba gtsigs pa yang 'ong bar 'gyur te des 'jigs par mi bya bar sring mo khyod 'ongs pa legs so/ /rdo rje 'dzin gyis dam tshig byin pa gang yin pa de dran par gyis shig ces smros shig /de skad thos nas ca co'i sgra phyung ste de bzhin du bya'o zhes nas mi snang bar 'gyur ro/ /de nas nyin gcig bzhin du ti na ra re sbyin par byed cing don thams cad bsgrubs te rig sngags kyi dngos grub kyang sbyin par byed do/ /las gzhan dag kyang 'byung ste/ log 'dren phung bar bya ba la ni ske tshe dang lan tshwa sbyin sreg lan brgyad brgya bya'o/ /gdon gzhig pa ni skra gtubs pa'i bdug pas bdugs na gdon thams cad 'jigs par 'gyur ro/ /gdon gzhom pa ni mdzub mos bya'o/ /lo thog ma rung bar bya ba ni mar gyi ngo zhag bcu bzhi la ni a 'bra'i shing gis phur bu sor brgyad pa blangs te lag na rdo rje'i mdun du lan brgyad brgya bzlas brjod byas nas zhing la 95-1-49a btab na lo thog med par 'gyur ro/ /chang ma rung bar bgyi na 'o ma'i sreg blugs la lan nyi shu rtsa gcig sbyin sreg byas na chang ma rung bar 'gyur ro/ /dgra lus mi sdug par bya na lam gyi sum mdor skyu ru ra'i shing gis me sbar te/ dgra'i ming nas smos shing dug gis lan brgya stong sbyin sreg byas na dgra'i lus la mi gtsang ba'i dri mnam par 'gyur ro/ /phyir gso ba ni lag na rdo rje la mchod pa rgyas par byas te/ mar dang gu gul gyis lan stong rtsa brgyad sbyin sreg byas na phyir 'tsho bar 'gyur ro/ /dbye bar bya ba ni mar gyi ngo zhag brgyad la zhag gcig smyung ba byas te/ lag na rdo rje'i mdun du spen ma'i shing gis me spar la phub mas lan brgya stong sbyin sreg byas na dbye bar 'gyur ro/ /dgra bskrad par 'dod pas ni mar gyi ngo zhag brgyad la ne'u le'i rus pa blangs nas dgra'i ming nas smos te/ sbrul gyi khung bur btsugs na de ma thag tu dgra 'bros par 'gyur ro/ /rig pa mchog sgrub pa'i rig sngags 'chang gi cho ga rgyas pa las 'byung ba'i lha rnams la mchod pa byas la btsugs nas byung na yang rtag tu bcing bar bya'o/ /de bcings na cho ga rgyas par 'grub par 'gyur te/ rig sngags kyi dngos grub la su yang glags tshol bar mi 'gyur ro/ /gang la rig pa mchog gi cho ga rgyas pa thams cad rdzogs pa yod pa de thams cad la ni lha rnams yid dga' bar 'gyur te/ rig sngags kyang sbyin par byed do/ /de ma yin na lag na rdo rje'i bya ba sgrub pa rnams glags tshol ba'i phyir 'khod do/ /cho ga rgyas pa bsgrubs pas cho ga rgyas pa las bshad pa bzhin du 'gal ba rnams bsrung bar bya ste/ nya dang sha spang bar bya'o/ /rtag tu sangs rgyas dang chos dang dge 'dun la mngon par dga' bar bya'o/ /gang dag nga'i rdo rje'i rigs la mchod pa byed cing dang bar byed pa dang rig pa'i mchog 'don cing mchod pa de dag ni nga'i dam tshig shes pa yin no/ /de dag ni nga la shas cher dang ste de dag la nga zhi bar sems so/ /lha thams cad kyang zhi 95-1-49b par sems par 'gyur ro/ /gang dag byang chub sems dpa' rnams kyi tshul las phyi rol tu gyur cing 'dod do cog za ba dang / dge sbyong du mi 'dzin pa dang / bram zer mi 'dzin par cho ga rgyas pa 'di sgrub pa de dag ni lag na rdo rje 'dzin gyi rdo rjes bshig par 'gyur ro/ / lha thams cad kyang ma dad pa'i sems su 'gyur ro/ /log 'dren rnams kyang glags blta zhing klan ka tshol ba'i phyir 'khod de/ de ma thag tu nad kyis 'debs shing log 'dren rnams kyis non par 'gyur ro/ /ma mo rnams kyi cho ga rdzogs so// //de nas rdo rje khro bo bdud rtsi thab sbyor gyis 'khor 'dus pa thams cad la glang po che'i lta stangs kyis bltas nas bcom ldan 'das la 'di skad ces gsol to/ bcom ldan 'das 'di'i sems can rnams ni bsod nams dman pa dang / tshul la mi gnas pa dang / pha la ma gus pa dang / ma la ma gus pa dang / bsod nams chung ba dang / dad pa med pa dang /glags tshol ba dang / 'chal ba dang / rtag tu zang zing la brkam pa dang / rtag tu log 'dren dang / mche ba can dang / sha za rnams kyis zin pa lags te bgegs dang log 'dren de dag gzhig pa dang mthar gtug pa'i slad du gsang sngags bshad par 'tshal lo/ /de nas bcom ldan 'das kyis rdo rje khro bo la bka' stsal to/ /bdud rtsi thab sbyor gang khyod sems can thams cad la phan pa'i phyir zhus pa legs so legs so/ /khyod la de bzhin gshegs pas gnang gis sems can thams cad kyi phyir gsang sngags shod cig /de nas rdo rje khro bo bdud rtsi thab sbyor gyis bcom ldan 'das dang lag na rdo rje'i zhabs la gtugs nas gsang sngags bshad pa/ na mo rat+na tra yA ya/ na mash+tsaN+Da badzra pA Na ye/ ma hA yak+Sha se nA pa ta ye/ na mo badzra kro d+hA ya/ pra dz+wa li ta dIp+ta/ daMSh+T+wota ka Ta b+hai bA ra ya/ a si mu sa la/ badzra pa ra shu pA sha ha stA ya/ tad+ya thA/ o~M hu lu hu lu/ a mr-i ta kuN+Da li/ kha kha kha kha khA na/ khA na khA na/ 95-1-50a khA na/ khA da khA da khA da khA da/ khA hi khA hi khA hi khA hi/ tiSh+Tha tiSh+Tha/ ha na ha na/ da ha da ha/ pa tsa pa tsa/ gr-ih+Na grih+Na/ ban+d+ha ban+d+ha/ gar+dz+dza gar+dz+dza/ tar+dz+dza rar+dz+dza/ bi s+pho Ta ya bi s+pho Ta ya/ b+ha ga bA na a mr-i ta kuN+Da li/ mUrtAn+tA Da ya/ badzre Na sarba big+h+nAM bi nA yA kan+ni bA ra ya ma hA ga Na pa ti/ dzI bi tAn+ta kA rA ya/ hU~M hU~M phaT phaT phaT/ o~M kro d+ha gA Na ye swA hA/ bdud rtsi thab sbyor gyi gsang sngags dang po'o/ /na mo rat+na tra yA ya/ na mash+tsaN+Da badzra pA Na ye/ ma hA yak+Sha se nA pa ta ye/ na mo ma hA badzra kro d+hA ya/ daM Sh+T+rota ka Ta b+he+e ra bA ya a si mu sa la pa ra shu pA sha has+t+wa ya/ he he pa ta pa ta/ d+ha ba d+ha ba/ kha kha/ khA hi khA hi/ a mr-i ta kuN+Da li/ tiSh+Tha tiSh+Tha/ ban+d+ha ban+d+ha/ ha na ha na/ gar+dz+dza gar+dz+dza/ ga Na pa ti/ dzI bi tAn+ta ka rA ya swA hA/ gsang sngags gnyis pa'o/ /na mo rat+na tra yA ya/ na mash+tsaN+Da badzra pA Na ye+e/ ma hA yak+Sha se nA pa ta ye/ na mo badzra kro d+hA ya/ bi ma la ka na ka dz+wa pu sha nA ya ga ga na/a mr-i ta/ saM b+ha bA ya/ garta rag ta mA le a nu le/ pa na pri yA ya/ badzra pA Ni pri yA ya/ badzra pA Ni tu l+ya/ b+ha gA ya de ba nA ga ya ga yak+Sha rAk+Sha sa pra marda na ya/ tre+e lokya/ go tsarA ya/ sha ta se+e n+ya bi tra ka ra ya hr-i da nan/ gad+b+ho t+ta mA ya/ a mr-i ta kuN+Da li/ e h+ye hi daMSh+To ta ka Ta b+hai ra ba g+hi bi tud+dz+wa la spu liM ga sha ni du le ru pho ti ti saM b+hud+d+ha/ o~M kha kha kha kha/ gr-ih+Na gr-ih+Na/ ban+d+ha ban+d+ha/ ha na ha na/ gar+dz+dza gar+dz+dza/ bi spo Ta la/ bi s+pho Ta ya/ d+ha ka d+ha ka /dz+wa la dz+wa la/ pra dz+wa la pra dz+wa la/ gra sa gra sa/ sarba big+h+nAM bi nA ya kA nAM hr-i da yaM spata/ gan+d+ha rba hr-i da yaM spa ta/ rAk+Sha sa hr-i da yaM spa ta/ sarba dz+wa ra hr-i da yaM spa ta/ sarba tsa tu ra ka hr-i da yaM spa ta/ sarba nA ga nAM hr-i da ye spa ta/ hU~M hU~M spa ta/ da ha da ha/ pa tsa pa tsa/ A bi shA A bi sha/ i dan tsa me kar+yaM ku ru badzra d+ha ra A dz+nyA pa ya ti swA hA/ gsang sngags gsum pa'o/ /na mo badzra kro d+hA ya/ daMSh+Tota ka Ta b+he+e ra bA ya/ tad+ya thA/ hu lu hu lu/ kha ga ga ga /khA hi khA hi/ 95-1-50b tiSh+Tha tiSh+Tha/ ban+d+ha ban+d+ha swA hA/ khro bo bdud rtsi thab sbyor gyi gsang sngags bzhi pa'o/ /de nas 'di dag gi snying po don yod pa gang 'don pa dang / bzlas brjod byas shing bsgrubs na bdag gi gsang sngags thams cad bton cing bzlas brjod bgyis pa dang bsgrubs par gyur pa de bshad par 'tshal lo/ /de la 'di ni bdag gi snying po lags so/ /o~M a mr-i te hU~M phaT/ bdud rtsi thab sbyor gyi snying po rdo rje khro bo bdud rtsi thab sbyor gyi gsang sngags rnams bshad ma thag tu sa chen po 'di rnam pa drug tu g.yos so/ /log 'dren rnams kyang skrag ste/ skyabs med cing rten med par gyur nas de bzhin gshegs pa'i thad du song ste/ bcom ldan 'das bdag cag gi skyabs mdzad du gsol/ bde bar gshegs pa bdag cag gi skyabs mdzad du gsol zhes de skad du smra zhing mgo bo thur du gtugs te/ kye kye log 'dren ma rungs pa rnams longs la nga'i ngag nyon cig rdo rje kun tu 'bar zhing rab tu 'bar la/ kun tu rab tu 'bar bas khyed kyi spyi bo gshags sa re/ ngas ral pa ser po can rnams kyi gsang sngags kyis lha'i lo stong gi bar du log 'dren rnams bcom pa dang / gtubs pa dang / brdungs pa dang / gzir ba dang / bskams pa gang yin pa de dran par gyis shig/nga'i mthu dang brtson 'grus dang pha rol gnon pa chen po dran par gyis shig /gang nga'i gsang sngags 'dzin cing 'don pa dang / bsgrub pa dang des srung bar byed pa de la glags mtshol cig /til sbrus pa'am zas ngan pa za yang rung sha za yang rung grong gi chom rkun spyod kyang rung ste/ rig pa'i mchog la sogs pa rig pa thams cad sgrub pa la glags ma tshol cig /zan za ba'i tshe yang kham dang po la sngags kyis btab ste dbul bar bya'o/ /nyi ma shar ba'i tshe lan bdun brjod na de'i phyi bzhin du rtag tu 'brang ngo / /log 'dren rnams kyang glags mi tshol lo/ /nya dang sha dang til dang sran chan dang pen tshe yang rung snum khur bar+pa ta dang la phug kyang rung ste thams cad zar 95-1-51a zin kyang rig sngags 'dzin na de la thams cad 'grub par 'gyur ro/ /gang nga'i gsang sngags 'dzin pa ni bza' ba ma yin pa za zhing bya ba ma yin pa byed du zin kyang de la gang gis log 'dren rnams glags tshol ba brtun te 'khod par mi 'gyur ba'i gsang sngags bde ba bstan par bya'o/ /rig sngags 'chang grub pa na gang du log 'dren rnams kyis glags rnyed par mi 'gyur ba'i gnas kyang bstan par bya ste/ /nges par byas pa la ni glags tshol ba la brtun par mi 'gyur ro/ /nges par gnas pa la yang gnas nas gnas su 'gro ba na gom pa re re la log 'dren rnams glags tshol ba'i phyir 'khod pa yod do/ /log 'dren sa'i spyi phud ces bya ba gang dag sa brtol nas 'byung ba yang yod do/ /de la bgegs kyi mtshan ma yang bshad par bya ste/ de dag ni gom pa re re 'dzin par byed do/ /de dag gis zin na bgegs su 'gyur te le lo skye bar 'gyur zhing brgyal ba dang skyug pa dang mgo 'khor bar 'gyur ro/ /log 'dren de dag ni bsod nams kyang zad par byed de/ log 'dren rnams kyis reg pa tsam gyis lha'i lo stong gi bar du pha rol tu phyin pa drug bsags pa'i bsod nams kyi phung po yang thal bar rlog par byed cing rig sngags 'chang rig sngags bsgrub pa'i bsod nams zad par byed de/ de nas rig sngags rnams 'grub par mi 'gyur ro/ /de bas na rig sngags 'chang gis lus kyi ci yang las shes par bya ste/ mar dang sra rtsi pog gis bdag nyid bdug par bya'o/ /de nas log 'dren de dag gis gtong bar 'gyur ro/ /gang nga'i gsang sngags 'dzin pa de la ni glags tshol bas brtun par mi 'gyur te/ de bas ni rig sngags 'chang gis rig pa'i mchog dran par byas na de mnyes par gyur pas 'dzum pa'i bzhin gyis dngos grub myur du 'byin par byed de/ log 'dren rnams kyis ma mthong bar grub par 'gyur ro/ /log 'dren sa'i spyi phud ces bya ba rnams kyi mtshan nyid rdzogs so// // 95-1-51b log 'dren chu ltar g.yo ba zhes bya ba de dag ni chu na gnas te/ rig sngags 'chang khrus byed pa na 'dzin par byed do/ /de dag ni mtshan ma 'byung ste sems 'khrug par byed de/ 'dod pa la lhur sems pa dang bru bas gzir cing kha zas la mngon par chags pa dang 'jigs pa'i sems skye bar 'gyur ro/ /de bas na rig sngags 'chang gis bdud rtsi thab sbyor dran par bya ste/ dran pa tsam gyis log 'dren rnams 'chi bar 'gyur ro/ /de nas rig sngags 'chang gis snying rje'i sems bskyed par bya ste/ rig pa mchog dran par bya'o/ /de dran pa tsam gyis 'bras bu che bar 'gyur te rig sngags kyi lha de dag gis log 'dren rnams mos par mthong nas dga' ba'i sems kyis dngos grub myur du sbyin par byed do/ /log 'dren chu ltar g.yo ba zhes bya ba rnams kyi mtshan nyid rdzogs so// //log 'dren rig sngags kyi lha'i mngag gzhug pa zhes bya ba rnams ni mthu che ba ste/ de dag ni rig sngags 'chang rig sngags las ldang ba na 'dzin par byed do/ /zin par gyur na lus kyi tshul las rtogs par bya ste/ /lus tsha bar 'gyur sdang bar 'gyur sdig pa'i sems 'byung bar 'gyur ro/ /de nas rig sngags 'chang gis de dag phyir gzhil bar bya ste/ gtsug phud 'chang la bdug pa thams cad sbyin zhing rig sngags lan brgya stong bzlas brjod byas na phyin cad log 'dren de dag glags tshol ba la brtun par mi 'gyur te/ dga' bar gyur nas dngos grub kyang sbyin par byed do/ /log 'dren 'di dag kyang rig sngags kyi lha thams cad phyi bzhin 'brang zhing gnas pa yin no/ /rtag tu glags tshol ba yang yin te/ su zhig sngags grub pa/ su rig sngags gdon pa/ su mchod pa byed pas de la bgegs kyang byed cing 'dun pa bzlog par byed de le lo yang 'jug par byed do/ /de bas na rig sngags 'chang gis nyi ma logs su kha bltas la rtag tu chu khyor gang gtor nas khro bo'i rig sngags kyang lan bdun brjod par bya ste/ 95-1-52a 'di skad du bdag ming 'di zhes bya bas rig sngags che ge mo zhes bya ba bsgrub kyis khyed yid dga' bar gyis shig ces kyang smros shig /dus thams cad du de skad smras nas des log 'dren rnams dga' zhing mgu la yid dga' bar gyur te dngos grub sbyin par byed cing sems kyang dang bar 'gyur ro/ /grub pa'i tshe yang nang par nyi ma logs su kha bltas la thal mo sbyar nas rig sngags brjod de/ 'di skad du bdag ming 'di zhes bgyi ba'i rig sngags che ge mo zhig bsgrub kyis khyed yid dga' bar gyis shig ces kyang smros shig /de nas gtsug phud 'phyang ba la sogs pa log 'dren de dag de nyid du 'du bar 'gyur te/ rig sngags 'chang gis khro bar byas la khyed ma 'gul cig ces smros shig /de nas log 'dren de dag bcings shing gzir bar gyur te dngos grub myur du sbyin par byed do/ /log 'dren rnams dgrol ba ni yid kyis bya'o/ /log 'dren lha'i mngag gzhug ces bya ba rnams kyi mtshan nyid rdzogs so// //log 'dren 'jig rten me tog ces bya ba rnams ni gang gi tshe rig sngags 'chang rig sngags sgrub cing lha la me tog 'bul ba na de'i tshe log 'dren de dag gis 'dzin par byed de log 'dren de dag nyid kyang me tog gis khongs su 'jug cing gnas so/ /de bas na rig sngags 'chang gis thog ma nyid du me tog de dag rig sngags 'chang bzlas brjod byed bzhin du blang bar bya'o/ /blangs nas gu gul gyi bdug pas bdugs te/ de nas lha la phul na lha rnams yid dga' bar 'gyur ro/ /bde blag tu 'grub par 'gyur ro/ /bdug pas ma bdugs par lha de dag la log 'dren rnams kyis gnod par 'gyur te 'grub par mi 'gyur ro/ /log 'dren 'jig rten me tog ces bya ba rnams kyi mtshan nyid rdzogs so// //log 'dren zas su dri za ba zhes bya ba de dag ni rig sngags 'chang dri la reg pa na 'dzin par byed de/ ci ste rig sngags 'chang gis dri dag lha la 95-1-52b phul na/ lha de dag sems dang ba med cing rgyab kyis phyogs par 'gyur te/ log 'dren de rnams mthong bas 'phang bar 'gyur zhing rig sngags 'chang la 'grub par mi 'gyur ro/ /de bas na rig sngags 'chang gis thog ma nyid du khro bo'i bzlas brjod byed bzhin du dri blang bar bya'o/ /des na log 'dren de dag 'byer te rmas par yang 'gyur ro/ /de nas lha de dag dris tshim par byas pas dga' ba'i sems kyis dngos grub stsol to/ /log 'dren zas su dri za ba rnams kyi mtshan nyid rdzogs so// //log 'dren nag po zhes bya ba rnams ni bdug pa nyid las 'byung ste/ gang gi tshe rig sngags 'chang lha la bdug pa 'bul na de'i tshe 'dzin par byed do/ /log 'dren gyis zin pa'i mtshan ma ni dran pa nyams pa dang / rig sngags gtong bar 'gyur te/ bdug pa mthong bas lha 'phang par 'gyur zhing dngos grub 'grub par mi 'gyur ro/ /de bas na rig sngags 'chang gis thog ma nyid du lag pa g.yon pas mar blangs la kham phor gyi nang nas bdug pa phul na de phyin chad log 'dren rnams 'byung bar mi 'gyur ro/ /bdug pa des kyang lha thams cad tshim par bya'o/ /lha des kyang dngos grub myur du sbyin par byed do/ /nag po dang zas su dri za ba ni mtshan nyid gcig go/ /nag po zhes bya ba'i mtshan nyid rdzogs so// //log 'dren gtsug phud gcig pa zhes bya ba rnams ni mthu che zhing brtson 'grus che ba ste/ log 'dren de dag kyang mar me'i me lce nyid las 'byung ste/ de bas na rig sngags 'chang gis thog ma nyid du 'di ltar bya ste/ ras dkar po las snying po byas te mar gyi mar me gnyis spar nas rig sngags bzlas brjod byed bzhin du kha thur du bstan te bzhag la rig sngags kyang lan brgyad brgya brjod na log 'dren thams cad kha thur du bltas te 'khod par 'gyur ro/ /rig sngags kyang bde blag tu 'grub par 'gyur ro/ /sgrub pa thams cad la yang thog ma nyid du las de dag bya'o/ /log 'dren gtsug phud gcig pa zhes 95-1-53a bya ba rnams kyi mtshan nyid rdzogs so// //bcom ldan 'das gang su log 'dren rnams 'dzin par 'gyur ba dang / gang du rig sngags 'chang rnams kyis dngos grub 'grub par 'gyur ba'i log 'dren rnams kyi gnas bdag gis bshad lags so/ /bcom ldan 'das log 'dren thams cad kyi srog mthar thug par bgyi ba'i las 'di yang bshad par 'tshal lo/ /sgrub pa'i tshe rig sngags 'chang gis rdo rje khro bo'i dkyil 'khor skyong nul gyis byugs la/ ka ra bI ra'i shing gis me sbar la/ ka ra bI ra'i me tog bdag gi khrag gi nang du smyugs pa'i sreg blugs nyi shu rtsa gcig gis sbyin sreg bya ste/ las de byas nas log 'dren thams cad bcing ngo zhes brjod nas bcings par 'gyur ro/ /log 'dren thams cad kyi mthar thug par gyis shig ces brjod na log 'dren thams cad 'chi bar 'gyur ro/ /bcings pa las bkrol na yang yid kyis bya'o/ /las gzhan dag kyang 'byung ste/ bsrung bar bya na lan bdun bzlas brjod byas pa'i chus mgo bor blugs so/ /mtshams bcad na lan nyi shu rtsa gcig bzlas brjod byas pa'i seng ldeng gi phur bus bya'o/ /gdon dbab na ha ha zhes bya ba dang / gu gul gyi bdugs pas bya'o/ /dug las gso bar bya na se gol 'am yal gas bya'o/ /gdon 'bros par bya na me tog dkar po la lan bdun bzlas brjod bya ba'am/ gu gul gyis bdug par bya'o/ /dgra bskrad par 'dod pas ni mar gyi ngo zhag brgyad la zhag gcig smyung ba byas te/ rdo rje khro bo'i dkyil 'khor skyong nul gyis byugs nas pri yang ku'i shing gis me sbar te/ /phub ma'i sbyin sreg lan brgyad stong byas na zhag bdun gyis 'bros par 'gyur ro/ /dgra bsad par 'dod na dur khrod du song la rdo rje khro bo'i dkyil 'khor skyong nul gyis byugs pa'i dbus su sa las gzugs byas pa de'i khar dur khrod kyi shing gis me sbar te/ yungs kar gyi sbyin sreg lan brgya stong byas na de ma thag tu dgra 'chi bar 'gyur ro/ / 95-1-53b mar gyi ngo zhag brgyad la lag na rdo rje'i mdun du ka ra bI ra'i me tog dus gsum du brgya rtsa brgyad zhag bdun gyi bar du sbyin sreg byas na khrag 'dzag par 'gyur ro/ /'phags pa lag na rdo rje'i mdun du mchod pa byas te ka ra bI ra'i me tog dkar po stong rtsa brgyad phul na zhi bar 'gyur ro/ /de nas skyes pa dang bud med dbang du bya bar 'dod nam da na las gzugs byas te ma da na'i tsher ma bdun gyis gnad rnams su btab la tsha ba gsum gyis snying gar bkang nas zangs kyi thur mas kyang bshang bar btsugs la spyi bor phyung ste zhag bdun gyi bar du dus gsum du bzlas brjod byed bzhin du seng ldeng gi me la bsreg cing dus gcig kyang lan brgya rtsa brgyad bzlas brjod byas pa'i mjug tu zhag gcig smyung ba byas la mchod pa rgya cher byas te lan brgya stong bzlas brjod byas na skyes pa dang bud med dbang du 'gyur ro/ /mar gyi ngo zhag bzhi la zhag gcig smyung ba byas te/ lag na rdo rje'i mdun du bil ba'i shing gis me sbar la/ be kang ka ta'i yam sreg shing yungs mar gyi nang du smyugs la brgya stong gis sbyin sreg byas na ti na ra re re thob par 'gyur ro/ /yugs sa mo dbang du bya bar 'dod na yar gyi ngo zhag brgyad nas brtsams te zhag gsum gyi bar du dus gsum du zar ma'i me tog brgya rtsa brgyad kyis lag na rdo rje la bsnun na dbang du 'gyur ro/ /bu mo dbang du bya bar 'dod na zhag gsum smyung ba byas te yar gyi ngo tshes bcu gsum la 'dod pa'i lha'i gzugs byas te 'di'i khar 'bras kyi sbyin sreg lan brgya stong byas na bu mo dbang du 'gyur ro/ /de nas mdzub mo bsgrub par 'dod na zhag gsum smyung ba byas te/ mar gyi ngo zhag bcu bzhi la dur khrod du song nas ba lang gi lci ba sa la ma lhung bas dkyil 'khor skyong nul gyis byugs te/ dkyil 'khor gyi dbus su mi'i thod pa ma chag ma nyams pa bzhag la/ tsan+dan dmar po'i dri chus gtor nas me tog dmar pos mchod la/ de nas sgrub pa pos mdzub mos g.yabs nas gang gi tshe thod pa 'gul na de'i tshe 'grub par 95-1-54a 'gyur te/ gang la mdzub mos bsdigs pa de dbang du 'gyur ro/ /de nas gter dbyung bar 'dod na me'i sbyin sreg gi thab tu lcags bzhag pa blangs pa las rdo rje byas la rdo rje de bal nag gi skud pas dkris te mar gyi ngo zhag bcu bzhi la zhag gcig smyung ba byas nas lag na rdo rje'i mdun du rdo rje de la lan brgya bzlas brjod byas na de'i tshe 'grub par 'gyur ro/ /bsgrubs nas kyang gter gang na yod pa der bzhag la rdo rje des gter de blangs te 'byung bar 'gyur ro/ /de nas khro bo'i bzlas brjod byed bzhin du blang bar bya'o/ / de ste med na rdo rje nyid 'byung bar 'gyur ro/ /de nas gshed byed bslang 'dod na mar gyi ngo zhag bcu bzhi la zhag gcig smyung ba byas te lag na rdo rje'i mdun du dur khrod kyi shing gis me sbar la/ ba lang gi shas sbyin sreg byas pa dang ji tsam na me'i thab nam gshed byed 'byung bar 'gyur te/ gang la yid kyis bsams pa de bskyabs par 'gyur ro/ /mi nad 'byung bar 'dod na mar gyi ngo zhag bcu bzhi la dur khrod du song ste dur khrod kyi shing gis me sbar la/ sgren mor byung zhing skra bshig ste til dang bsres pa'i yungs kar gyis brgyad brgya sbyin sreg byas na mi nad 'byung bar 'gyur ro/ /'phags pa lag na rdo rje'i mdun du pad+ma'i sbyin sreg lan stong rtsa brgyad byas na zhi bar 'gyur ro/ /mi mang po gzhig par 'dod na tshes grangs dang rgyu skar yang 'dam mi 'tshal/ smyung ba yang bya mi dgos par khro bo nyid mchog tu brtsam par bya ste/ dur khrod du song la dur khrod kyi shing gis me sbar la sgren mor byung zhing skra bshig ste/ nim pa'i lo mas bsregs pa'i dur khrod kyi thal ba'i sbyin sreg lan brgya stong byas na mi mang po 'jig par 'gyur ro/ /zhi bar 'dod na sna ma'i me tog zho dang sbrang rtsi dang mar gyi nang du smyugs pas lan brgyad brgya sbyin sreg byas na zhi bar 'gyur ro/ /rdo rje khro bo bdud rtsi thab sbyor gyi cho ga rdzogs so// //de nas mi mjed kyi bdag po tshangs pas bcom ldan 'das la 'di skad ces gsol to/ /bcom ldan 95-1-54b 'das bdud rtsi thab sbyor gang gis log 'dren rnams kyi gsang ba'i gnas 'di dag bshad pa ni brtson 'grus dang mthu dang pha rol gnon pa che ba lags so/ /bdag gis kyang de bzhin gshegs pa la rig sngags rnams kyi dngos grub rnams kyi slad du gang gis rig sngags rnams grub pa dang gang gis mi 'grub pa yongs su zhu bar 'tshal lo/ /de nas bcom ldan 'das kyis tshangs pa chen po la 'di skad ces bka' stsal to/ /tshangs pa chen po gang khyod sems can thams cad la phan pa'i phyir zhus te/ dngos grub 'grub par 'gyur ba dang 'grub par mi 'gyur ba de bzhin gshegs pa la yongs su zhu bar byed pa legs so legs so/ /tshangs pa chen po khyod la rig sngags rnams kyi dngos grub 'grub par 'gyur ba dang 'grub par mi 'gyur ba'i rgyu bshad par bya ste/ 'jug par bya ba ma yin pa la 'jug pa gang yin pa dang tshangs pa chen po 'joms pa dang rig sngags la smod pa gang yin pa de la ni rig sngags grub par mi 'gyur ro/ /mi bzad pa'i las byed pa'am sdig pa'i ngang tshul can nam/ brdzun zer ba'am rig sngags gcod dam phur bus 'debs pa gang yin pa de la yang rig sngags 'grub par mi 'gyur ro/ /tshangs pa byang chub kyi sems yongs su 'dzin pas ni yid kyis kyang lha gzhan la phyag mi bya'o/ /gsol pa bcom ldan 'das de ni de lags so/ /bka' stsal pa rigs kyi bu'am rigs kyi bu mo gang byang chub kyi sems yongs su 'dzin pas lha gzhan la phyag byas na byang chub kyi sems yongs su 'dzin pa min pa'i phyir de la lha de ma dad pa'i phyir te/ de'i phyir des kyang rig sngags 'grub par mi 'gyur ro/ /dud 'gror skyes pa rnams la 'jug par byed pa gang yin pa dang sbrul 'dzin pa dang khas rtswa gcod par byed pa gang yin pa de la yang rig sngags 'grub par mi 'gyur ro/ /pad+ma dang khyu mchog la rkang pas reg par byed pa de la yang rig sngags 'grub par mi 'gyur ro/ /tshangs pa gang gis rig sngags 95-1-55a 'grub par mi 'gyur ba ngas mdor bstan pa yin no/ /de nas mi mjed kyi bdag pos bcom ldan 'das la 'di skad ces gsol to/ /bcom ldan 'das sangs rgyas bcom ldan 'das rnams de ltar sems can dag bde blag tu 'grub par bgyi ba'i gnas rnams ston pa thugs rje che ba lags so/ /de nas bcom ldan 'das kyis tshangs pa la 'di skad ces bka' stsal to/ /tshangs pa gang dag la rig sngags kyi dngos grub 'grub par 'gyur ba'i phyogs 'ga' tsam zhig khyod la bstan par bya ste/ sangs rgyas dang / chos dang / dge 'dun la dga' ba gang yin pa dag dang / dge ba bcu'i las kyi lam dang ldan pa gang yin pa dag dang / pha la gus pa dang ma la gus pa gang yin pa dang / rig sngags la mchod pa byed cing rig sngags la bkur stir byed pa gang yin pa dang / gsang sngags 'dzin par byed pa gang yin pa dang / 'byung po'i zas ngan pa dang / til sbrus pa mi za ba dang sems can thams cad la legs par blta ba gang yin pa de la ni rig sngags 'grub par 'gyur ro/ /de nas mi mjed kyi bdag po tshangs pa dga' zhing mgu la yi rangs te rab tu dga' nas bcom ldan 'das kyi zhabs gnyis la gtugs te bcom ldan 'das la 'di skad ces gsol to/ /bcom ldan 'das bdag gis kyang lag na rdo rje'i cho ga rgyas pa la gang gis rig sngags 'chang rnams bsrung ba'i gsang sngags dbul bar 'tshal ba lags so/ /bka' stsal pa tshangs pa chen po gang khyod kyis sems can thams cad la phan pa'i phyir bsams pa shod cig shod cig /khyod la de bzhin gshegs pas gnang ngo / /de nas mi mjed kyi bdag po tshangs pas lag na rdo rje la gsang sngags phul ba/ na mo rat+na tra ya s+ya/ /nam sh+tsaN+Da badzra pA Ni s+ya/ ma hA yak+Sha se nA pa ti s+ya/ tad ya thA/ nam sh+tsaN+Da bak+Shi Ni/ a ti ni tsa a she b+hi sha ya/ mi ma tsa mye dany+tsa A ha ra swA hA/ bcom ldan 'das rig sngags 95-1-55b 'di dran pa tsam gyis log 'dren rnams las thar bar 'gyur ro/ /'di dag gi las rnams 'byung ste/ /bsrung ba ni lan bdun bzlas brjod byas pa'i skud pas bya'o/ /mtshams gcad pa dang dug bcing ba ni lan brgya rtsa brgyad bzlas brjod byas pa'i chus bya'o/ / dug las gso ba ni yal gas bya'o/ /rgya gzhom pa ni chus bya'o/ dbab pa ni gu gul gyis bdug pa'am chus bya'o/ /gdon bcing ba dang gdon bskyod pa ni mthe bos bya'o/ /gdon 'khor du gzhug pa ni mdzub mo la bzlas brjod byas te bsdigs par bya'o/ /skyes pa dang bud med dbang du bya na yar gyi ngo tshes gcig la brtsams te/ zhag bdun gyi bar du dus gsum du sna ma'i me tog stong rtsa brgyad kyis lag na rdo rje la bsnun na dbang du 'gyur ro/ /bum pa la lan brgyad brgyar bsngags te bdag nyid khrus byas na log 'dren thams cad kyis gtong bar 'gyur ro/ /rig sngags bsgrub pa'i tshe bgegs zhi bar bya na lan bdun bzlas brjod byas pa'i thal ba gtsang mas bya'o/ /gzhan la bgegs 'byung bar 'dod na rig sngags 'chang gang gis nub mo'i rig sngags sgrub pa de nyid kyi nub mo lag na rdo rje'i mdun du be kang+ka ta'i yam sreg shing brgyad brgya sbyin sreg byas na pha rol la bgegs 'byung bar 'gyur ro/ /'phags pa lag na rdo rje'i mdun du rig sngags lan brgya rtsa brgyad bzlas brjod byas na rmi lam du yang dag pa ji lta ba bzhin du ston par 'gyur ro/ /gzhig par 'dod na lag na rdo rje'i mdun du zhag bdun gyi bar du dus gsum du lha la phul ba'i me tog brgya rtsa brgyad sbyin sreg bya'o/ /rims kyis 'debs par bya na mar gyi ngo zhag brgyad na zhag gcig smyung ba byas te/ lag na rdo rje'i mdun du a shwat+tha'i shing gis me sbar nas yungs kar khrag gis bsgos pas lan stong rtsa brgyad sbyin sreg byas na de ma thag tu rims kyis 'debs par 'gyur ro/ /dbye bar bya na zhag bdun gyi bar du dus gsum du phub ma'i sbyin sreg brgya rtsa brgyad bya'o/ /gdon gzhig par 95-1-56a 'dod na lag na rdo rje'i mdun du til dang thal ba'i sbyin sreg brgya rtsa brgyad byas na gdon gyi rigs 'jig par 'gyur ro/ /gdon mdongs par bya na zhim thig le'i lo ma'i sbyin sreg brgya rtsa brgyad byas na mdongs par 'gyur ro/ /yungs kar dang gi wang btags te 'phags pa lag na rdo rje'i mdun du lan stong rtsa brgyad bzlas brjod byas na slar shags 'gyed pa la lan thebs par 'gyur ro/ /nor 'dod na yar gyi ngo zla ba nya la zhag gcig smyung ba byas te/ lag na rdo rje'i mdun du nim pa'i shing gis me sbar nas til gyi sbyin sreg stong rtsa brgyad byas na ti na ra re re thob par 'gyur ro/ /de nas mdzub mo bsgrub par 'dod na mar gyi ngo zhag brgyad la zhag gcig smyung ba byas te khang stong ngam dben pa'i phyogs su bud med kyi mo mtshan du mdzub mo btsugs te rig sngags stong rtsa brgyad bzlas brjod byas na 'grub par 'gyur te/ de nas gang la mdzub mos bsdigs pa de dbang du 'gyur ro/ /gos 'dod na yang yar gyi ngo tshes brgyad la zhag gcig smyung ba byas te lte ba nub tsam du chu'i nang du zhugs la ka ra bI ra'i me tog brgyad brgya phul na gos phrugs re re thob par 'gyur ro/ /klu mchod pa'i tshes lnga la zhag gcig smyung ba byas te/ grog mkhar gyi steng du song la der 'dug nas rig sngags stong rtsa brgyad bzlas brjod byas te/ de nas sbrul mthong ba de la che ge mo zhig gi thad du song la zo shig ces smros shig /phyir gso na yid kyis bya ste/ gcig pus gso nus kyi gzhan sus kyang gso mi nus so/ /tshangs pa'i cho ga rdzogs so// //de nas rgyal po chen po bzhis bcom ldan 'das kyi zhabs gnyis la phyag 'tshal nas bcom ldan 'das la 'di skad ces gsol to/ /bcom ldan 'das bdag cag gis kyang rig pa'i mchog bsgrub pa la dngos grub stsal bar 'tshal te/ bgegs gzhil ba'i gsang sngags kyang bshad par 'tshal lo/ /bcom ldan 'das kyis bka' stsal pa/ rigs kyi bu dag sems can rnams kyi don gyi phyir khyed kyis 95-1-56b shod cig /de nas rgyal po chen po bzhis bcom ldan 'das dang lag na rdo rje'i zhabs gnyis la phyag 'tshal nas tshig mthun par gsang sngags bshad pa/ na mo rat+na tra yA ya/ na mash+tsaN+Da badzra pA Na ye/ ma hA yak+Sha se nA pa ta ye/ tad ya thA/ u grA ya swA hA/ a ti u grA ya swA hA/ u gra pri yA ya swA hA/ a ti u gra bi yA ya swA hA/ u grA kro d+ha nA ya swA hA/ a ti u gra kro d+ha nA ya swA hA/ tsaN+Da ro Sha NA ya swA hA/ ro Sha pra ma NA ya swA hA/ pra ha ra Na badzra pra ha ra Ni swA hA/ aT+Te maT+Te mat+ti ni hA se swA hA/ bcom ldan 'das 'di dran pa tsam gyis gdon thams cad 'byer bar 'gyur ro/ /yi dgas thams cad dang / sha za thams cad dang / grul bum thams cad dang / 'byung po thams cad dang / gnod sbyin thams cad 'byer bar byed de 'gum par yang 'gyur ro/ /de nas rig sngags 'di'i las rnams 'byung ste/ /dbab par bya na ni zhim thig le'i lo mas bya'o/ /gdon thams cad mnye bar bya na gos bsreg par bya'o/ /gdon gyis zin pa la ni lan bdun bzlas brjod byas pa'i gtun shing gis bsdigs par bya'o/ /gdon 'bros par bya na dur khrod kyi sol ba las gzugs byas te/ mtshon rnon pos bcad na gdon cho nges 'debs shing 'bros par 'gyur ro/ /gdon gyi mdun du lan tshwa dang ske tshe'i sbyin sreg lan brgyad brgya byas na gdon gyi lus tshabs 'debs par 'gyur ro/ /ba lang gi lci ba las gdon gyi gzugs byas te lcags kyi thur mas mig tu btsugs na long bar 'gyur ro/ /gdon gyi mdun du phub ma'i sbyin sreg stong rtsa brgyad byas na gdon gyi rigs brlag par 'gyur ro/ /gdon gyi mdun du le sham gyi sreg blugs nyi shu rtsa gcig sbyin sreg byas na gdon khrag tu skyug par 'gyur ro/ /byis pa gdon gyis zin pa la ni bdugs pas gtong bar 'gyur ro/ /ci ste mi gtong na skra gtubs pa dang lug ru dang sgog skya dang sbrul gyi pags pa brjes pa rnams kyi bdug pas bdugs na de ma thag tu gtong bar 'gyur ro/ / 95-1-57a byis pa gdon gyis zin pa rnams la bzlas brjod byas pa'i tshon sna lnga'i skud pas kyang gtong bar 'gyur ro/ /bdag bsrung na lan gsum bzlas brjod byas pa'i thal bas bya'o/ /pha rol bsrung na lan bdun bzlas brjod byas pa'i skud pas bya'o/ / mtshams bcad na lan gsum bzlas brjod byas pa'i gseg mas bya'o/ /sbrul bskrad na lan gsum bzlas brjod byas pa'i chu dang thal bas brdab par bya'o/ /mche ba can thams cad kha bcing bar bya ba dang smad bcing bar bya ba ni yid kyis bya'o/ /gter bcing na lan nyi shu rtsa gcig bzlas brjod byas pa'i seng ldeng gi phur bu sa la btab na gter bcings par 'gyur ro/ /chang ma rung bar bya na til gyi sreg blugs lan bdun sbyin sreg bya'o/ /nya bskrad na nim pa'i lo ma la lan bdun bsngags te mtsho'i nang du bor na nya 'bros par 'gyur ro/ /dud 'gror skyes pa rnams la nad zhi bar 'dod pas bya na lag na rdo rje'i gzugs 'o mas bkrus la bzlas brjod kyang stong rtsa brgyad byas na zhi bar 'gyur ro/ /dus ma yin par char dbab par 'dod na yang yar gyi ngo tshes lnga la zhag gcig smyung ba byas te/ /lte ba nub tsam du chu'i nang du zhugs nas pad+ma'i sbyin sreg khri phul na dus ma yin par char pa 'bab par 'gyur ro/ /zhi bar 'dod na yar gyi ngo tshes brgyad la zhag gcig smyung ba byas la lag na rdo rje'i mdun du byang chub kyi shing gi bud shing gis me sbar nas ut+pa la'i sbyin sreg stong rtsa brgyad sbyin sreg byas na zhi bar 'gyur ro/ /dug gzhom par 'dod na rtswa ku shas bya'o/ /dug bsal na khu tshur gyis bya'o/ /gdon zar gzhug na lan bdun bzlas brjod byas pa'i a pa rA dzi ta'i me tog gis bya'o/ /g.yul 'gyed na a pa rA dzi ta'i me tog la lan nyi shu rtsa gcig bzlas brjod byas te/ mgo la btags na gzhan gyis mi thub par 'gyur ro/ /gang gi tshe rig sngags 'chang rig sngags 'grub par 'dod na zhag gsum smyung ba byas la nang par bum pas rab bzhi 95-1-57b blangs te chus bkang nas rig sngags 'chang gis phye ma red na le sham dkar po la lan nyi shu rtsa gcig bzlas brjod byas te/ bum pa de dag gi nang du blugs na bum pa de dag 'phag cing lud par gyur na rig sngags 'chang gis rig sngags 'grub par shes par bya'o/ / de ste mi 'grub na ni 'phag par mi byed do/ /rig sngags 'chang rig sngags sgrub pa na zhag gcig smyung bar byas la sa las gzugs byas pa bkod de me'i phyogs su kha dog dmar po gzhag par bya'o/ /gshin rje'i phyogs su ni kha dog ser po'o/ /chu lha'i phyogs su ni sngo bsangs so/ /rlung gi phyogs su ni nag po ste 'di dag so so'i gnas ji lta ba bzhin du dgod par bya'o/ /de nas rig sngags 'chang rig sngags sgrub pa na cis te bgegs kyi gzugs dag 'byung bar 'gyur te/ /dngos grub phal sgrub na gshin rje'i phyogs nas yi dgas mo nag mo zhes bya ba de bgegs byed de/ stag gi gzugs su ston pa dang wa'i gzugs su 'tshe bar byed do/ /de lta bu la sogs pa bgegs byed pa dang rig sngags 'chang gis gshin rje'i phyogs la lan bdun bzlas brjod byas pa'i yungs kar gyis bsnun na bgegs rnams med par 'gyur ro/ /gshin rje'i rgyal po'i g.yog yi dgas ku mu da zhes bya ba rdzu 'phrul che ba yi dgas sum khri'i bdag po zhig yod de/ /ku mu da de yang rig sngags 'chang de dngos grub chen po bsgrub pa na bgegs byed de ku mu da'i bgegs 'byung ba yang la la ni yi dgas kyi tshul/ la la ni srin po'i gzugs/ la la ni khyi'i mgo can/ la la ni rnga mo'i mgo can/ la la ni bong bu'i mgo can gyi yi dgas te/ de dag 'ong ba'i tshe yang ha ha zhes bya ba'i sgra 'byin cing skar mda' brgya dag kha nas 'byin par byed do/ /de la rig sngags 'chang gis gshin rje'i phyogs kyi gzugs la lan bdun bzlas brjod byas pa'i thal bas bsnun na de ma thag tu bgegs thams cad med par 'gyur ro/ /rgyal po de'i phyi bzhin 'brang ba sgo 95-1-58a dpon ma sna chad ma zhes bya ba rdzu 'phrul che zhing mthu che ba zhig yod de/ sna chad ma de ni bgegs chen por byed pa yin no/ /de yang des gsang sngags kyis bzlog par mi nus te/ /de 'ong ba dang skar mda' ltung bar ston cing spyugs pa yang len te/ sna chad ma des dkyil 'khor gyi mtshams seng ldeng gi phur bus btab pa ni mo mtshan gyis 'byin par byed do/ /dkyil 'khor gyi mtshams thal bas bcad pa ni bus pas med par byed do/ /dkyil 'khor gyi mtshams chus bcad pa ni mchil mas med par byed do/ / yid kyis dkyil 'khor gyi mtshams bcad pa ni gcin gyis 'bral bar byed do/ /de lta bu'i tshul dag gis dkyil 'khor 'jig par byed pa dang / de la rig sngags 'chang gis myur du sna chad ma'i ming nas smos te sring mo sna chad ma khyod 'ongs pa legs so legs so zhes byas nas/ lan bdun bsngags pa'i seng ldeng gi phur bu sor bzhi pa gshin rje'i phyogs kyi snying gar gdab bo/ /de nas sna chad ma des ngu 'bod kyi sgra phyung nas med par 'gyur te rig sngags kyang grub par 'gyur ro/ /gshin rje'i phyogs kyi cho ga rdzogs so// //rig sngags 'chang rig sngags sgrub pa ni ci ste me'i phyogs nas bgegs kyi gzugs dag 'byung ste/ dngos grub phal sgrub pa na me'i phyogs kyi rgyal po'i g.yog mo'i srin mo rtsed mo can zhes bya ba yod de/ de ni bgegs byed pa yin no/ /srin mo rtsed mo can de yang bya'i gzugs su ston par byed cing nga ro mi snyan pa yang 'byin par byed do/ /de la rig sngags 'chang gis me'i phyogs kyi gzugs la lan bdun sngags kyis bsngags pa'i yungs kar gyis bsnun na med par 'gyur ro/ /dngos grub chen po bsgrub pa na rgyal po de'i g.yog srin mo mi sdug pa zhes bya ba rdzu 'phrul che ba srin po sum khri'i bdag po zhig yod de/ mi sdug pa de yang rig sngags 'chang la bgegs byed pa yin te/ mi sdug pa de 'ong ba dang / mi sdug pa de'i rnam pa'i srin po dag 95-1-58b dang / la la khyi mgo can dag dang / la la glang po che'i mgo can dag dang / la la seng ge'i mgo can lta bu'i bgegs kyi rnam pa dag tu snang ste/ la la ni brag 'phen par byed/ la la ni 'byung po'i 'khrul 'khor ston cing 'jigs pa'i sgra skad dag kyang 'byin te/ skar mda' brgya dag kyang kha nas 'byin par byed do/ /de la rig sngags 'chang gis me'i phyogs kyi gzugs la lan bdun bsngags pa'i thal bas bsnun na bgegs rnams med par 'gyur ro/ /rgyal po de'i g.yog srin po so dkar zhes bya ba mthu che zhing brtson 'grus che ba zhig yod de/ so dkar de yang rig sngags 'chang de la nam gung gi thun la bgegs byed do/ /de yang gsang sngags kyis bzlog par mi nus te/ de 'ong ba dang ngu 'bod kyi sgra chen po ni 'byin/ ri rnams ni g.yo/ ri dgas rnams ni gar byed/ wa rnams ni rtse/ glang po che rnams ni skad 'byin te/ de rig sngags 'chang gi me'i phyogs kyi bgegs yin par shes par bya'o/ /so dkar de yang bus pa'i gzugs kyis sgra 'byin zhing 'ong ngo / /yang na lha'i gzugs kyis 'ongs te/ des kyang bltas pa tsam gyis dkyil 'khor thams cad 'jig par byed do/ /de la rig sngags 'chang gis myur du lan bdun bsngags pa'i seng ldeng gi phur bu sor bzhi pas me'i phyogs kyi gzugs la btab ste/ 'di skad du so dkar bcom mo zhes kyang smras na/ ngu 'bod kyi sgra chen po phyung nas med par 'gyur te/ gsang sngags kyang 'grub par 'gyur ro/ /me'i phyogs kyi cho ga rdzogs so// //rig sngags 'chang rig sngags bsgrub pa na ci ste rlung gi phyogs nas srod la bgegs kyi gzugs dag 'byung ste/ dngos grub phal sgrub pa na rlung gi phyogs kyi rgyal po'i g.yog mo so sgo ma zhes bya ba zhig yod pa de yang bgegs byed de/ mar me gsod cing lha bshos sme bas 'bags par byed do/ /de phyir gzhil bar bya ba ni rlung gi phyogs kyi gzugs 95-1-59a la lan bdun bsngags pa'i yungs kar gyis bsnun na bgegs rnams med par 'gyur ro/ /dngos grub chen po sgrub pa na rlung gi phyogs kyi rgyal po'i g.yog gnod sbyin rdzu 'phrul chen po drug khri'i bdag po zhig yod de tshub ma gcig pa zhes bya ba de yang rig sngags 'chang de la 'jing gi thun la bgegs byed do/ /tshub ma gcig pa de yang 'dod dgur bsgyur ba'i gzugs can yin te/ ched 'ga' ni wa'i gzugs/ ched 'ga' ni stag gi gzugs/ ched 'ga' ni khyu mchog gi gzugs/ gzugs sna tshogs su bdag nyid ston par byed cing / ched 'ga' ni hA hA zhes bya ba'i sgra 'byin cing skar mda' brgya dag ltung bar byed/ gnam yang 'grum par byed do/ /de la rig sngags 'chang gis rlung gi phyogs kyi gzugs la lan bdun bsngags pa'i thal bas bsnun na bgegs rnams med par 'gyur ro/ /rgyal po'i sgo dpon ma lcags kyu dkar mo can zhes bya ba mthu che zhing rdzu 'phrul che la bgegs byed pa chen mo zhig yod de/ de yang gsang sngags kyis bzlog par mi nus te/ de ni nam gung gi thun la 'ong ngo / /de 'ong ba dang dus ma yin pa'i char 'bab cing 'brug kyang di ri ri sgrogs/ gnam yang 'grum par byed de/ lcags kyu dkar mo can de yang mdog dkar zhing gzugs kyi lus bstan pas kyang dkyil 'khor 'jig par byed do/ /de la rig sngags 'chang gis myur du lan bdun bsngags te seng ldeng gi phur bu sor bzhi pas rlung gi phyogs kyi gzugs la btab ste/ lcags kyu dkar mo can bcom mo zhes kyang smras na ngu 'bod kyi sgra chen po phyung nas med par 'gyur te/ gsang sngags kyang 'grub par 'gyur ro/ /rlung gi phyogs kyi cho ga rdzogs so// //rig sngags 'chang rig sngags bsgrub pa na chu lha'i phyogs nas bgegs rnams 'byung ste/ dngos grub phal sgrub pa na chu lha'i rgyal po'i g.yog mo klu 95-1-59b mo rgyal ba mo zhes bya ba zhig yod de rgyal ba mo de yang srod la bgegs byed do/ /thog tu 'ong la khog skam 'dor bar byed cing pha gu 'phen par byed do/ /de la rig sngags 'chang gis chu'i phyogs kyi gzugs la lan bdun bsngags pa'i yungs kar gyis bsnun na med par 'gyur ro/ /rgyal po de'i g.yog klu mo so brtsegs zhes bya ba mthu che zhing rdzu 'phrul che ba klu sum khri'i bdag po zhig yod de/ so brtsegs de yang rig sngags 'chang de la 'jing gi thun la bgegs byed sna tshogs rnam pa mang po byed do/ / so brtsegs de dur khrod du skyes pa thams cad kyi cha lugs dag tu snang zhing kun tu rgyu dang gcer bu pa lta bu'i bgegs kyi cha lugs dag tu snang ste/ de yang ngu 'bod kyi sgra chen po 'byin cing skar mda' dag kyang 'byin par byed do/ /de la rig sngags 'chang gis chu lha'i phyogs kyi gzugs la lan bdun bsngags pa'i yungs kar gyis bsnun na med par 'gyur ro/ /chu lha'i phyogs kyi rgyal po sgo dpon ma mig ser ma zhes bya ba mthu che zhing rdzu 'phrul che ba bgegs chen po byed pa cig yod de de yang gsang sngags kyis bzlog par mi nus te/ rig sngags 'chang de rig sngags sgrub pa na nam gung gi thun la bgegs byed de des kyang sgra phyung bas dkyil 'khor thams cad 'jig par byed cing me'i gzugs kyis bgegs byed la skar mda' stong dag snang bar byed do/ /de la rigs sngags 'chang gis myur du lan bdun bsngags pa'i seng ldeng gi phur bu sor bzhi pas chu lha'i phyogs kyi gzugs la btab cing / 'di skad du mig ser ma 'dug shig 'dug shig ces smras na 'dug shig 'dug shig ces bya ba thos nas bdag ni rma phab bo snyam ste ngu 'bod kyi sgra chen po phyung nas med par 'gyur te/ rig sngags kyi dngos grub kyang grub par 'gyur ro/ /chu lha'i cho ga rdzogs so// //de bas 'jam pa'i las 'di bshad de/ rig sngags 'chang rig sngags bsgrub pa na lan bdun bsngags pa'i seng 95-1-60a ldeng gi phur bu sor bzhi pa tshon sna lnga'i skud pas dkris pa/ bgegs thams cad kyi gnas su rkang pa g.yon pas mnan na bgegs thams cad bcom pa dang rengs par byas par 'gyur ro/ /zhag gsum smyung ba byas te mar gyi ngo zhag brgyad dam bcu bzhi la dbang phyug chen po'i gnas su song ste/ 'byung po'i gtor ma yang byin la rig sngags lan brgyad brgya bzlas brjod byas na bgegs kyi las thams cad 'grub par 'gyur te/ bsams pas bgegs thams cad med par 'gyur ro/ /'jig rten skyong ba rnams kyi cho ga rdzogs so// //de nas 'jig rten phan 'dod pa/ /thub pa kun dang lha chen gyis/ /lag na rdo rje'i mdun du bdar/ /lhan cig tu ni 'dus par 'gyur/ /nyi ma bzhin du gzi 'bar zhing / /dka' thub rnal 'byor ldan pa yi/ /thub pa rab mchog ldan pa kun/ /nyin mo bya ba byas nas 'khod/ /thub pa dag ni thams cad dang / /bde byed lha tshogs lha rnams kyis/ /lag na rdo rje sems dpa' che/ /'byung po kun dbang rje la zhus/ /'jig rten dngos grub byed pa yi/ / bgegs rnams dag ni ga la 'byung / /de dag gi ni tshig thos nas/ /lag na rdo rje grags pa che/ /dga' bar gyur nas dris pa de/ /rgyas par yang ni rab bshad de/ /bgegs rnams ji ltar 'byung 'gyur ba/ /thub pa dag ni kun gyis nyon/ /lha rnams la yang lha min rnams/ /'thab pa'i phyir ni ldang ba ltar/ /sems can rnams la bgegs bya'i phyir/ /de bzhin gshegs pa rnams 'byung 'gyur/ /ci ltar lha yis lha min rnams/ /g.yul du lan brgyar bcom pa dang / /brgya byin gyis ni g.yul bcom ltar/ /de bzhin bgegs rnams bcom par gyur/ /de tshe lha kun dga' gyur nas/ /'jig rten grags pa de dag ni/ /thams cad stobs dang ldan 'gyur zhing / /de dag nga rgyal dregs pas rgyas/ /'jig rten don dang lha rnams kyi/ / 95-1-60b brtson 'grus dang ni mthu bskyed phyir/ /bde zhing rgya mtsho chen po ni/ /gshed byed dag ni dbyung bar brtsams/ /thub pa de dag rmongs pa ste/ /phan pa byas na stobs kyis rgyags/ /nga rgyal 'dis ni 'jig rten na/ /ring por mi thogs the tshom med/ / de nas drang srong lhar bcas rnams/ /ca co'i sgra ni ra ba 'don cing / /rtsom pa chen po skad cig tu/ /'jig rten du ni grags par gyur/ /de nas lha rnams thub par bcas/ /khro ba ru ni gyur pa na/ /lhar bcas drang srong de dag la/ /lha chen gyis ni chig smras pa/ /tshangs bcas lha rnams khyed kyi mthus/ /rtsom pa dag ni ma byed cig /rdo rje 'chang ba dpal ldan 'di/ /gnod sbyin tshogs kun bdag po ste/ /gnod sbyin sde bdag zhi ba bo/ po/ /sems can kun la phan par dga'/ /ma rungs 'di dag rla ga byed pa/ /brtsams zhing tshar gcod nus pa yod/ /de nas lha yi mchog rnams kyis/ /lag na rdo rje dpal ldan mchog /sbyor ba shes shing sbyor gnas nas/ /dpung chen dag ni rab sprul pa/ /rgyal ba'i blo gros rdo rje'i gdong / /rdo rje lte ba gdong dkar ma/ /rdo rje mig ser 'og bag can/ /rdo rje nag mo pho nya che/ /dbang phyug chanachen po gnam ngo ma/ /drag mo rdo rje seng ge'i khri/ /shugs ldan ma dang rdo rje can/ /de bzhin bzhad ma rdo rje can/ /gtum mo rang gi thugs dang ni/ /nye ba'i snying po las kun byed/ /'byung po srin po pho nya ma/ /rnam pa sna tshogs ming grags pa/ /ma rungs gdon rnams bzlog pa dang / /bgegs rnams brlag phyir sprul par gyur/ /de nas dpung de dga' gyur nas/ /dpal gyis su ni 'khyud pa bzhin/ / lag na rdo rje'i pho nya de/ /kun nas bskor te 'khod par gyur/ /de nas rab 'bar mi bzad cing / /'byung po thams cad rlag byed cing / /lag na rdo rje'i rdo rje de/ /phyogs brgyad dag tu 'phros par 'gyur/ /de nas stobs chen brtson chen mo/ /pho nya mo 95-1-61a dag song bar gyur/ /de nas skrag nas gdon de dag /thams cad brdungs te sems stor cing / /rdo rje nag mos 'jigs gzir bas/ /skyabs kyang rnyed par ma gyur te/ /rdo rje sgrogs kyis 'pham byas shing / /rdo rje can gyi yul du bcom/ /de nas de dag yid kyis su/ /de bzhin gshegs la skyabs su song / /dkon mchog gsum gyis mdzes byas shing / /thams cad dge la nges par gyur/ /de nas me ni 'dra ba de/ /rdo rje lta bu'i mtshon thogs pa/ /zhi nas rdo rje la sogs tshogs/ /yid ma zhi la smras pa ni/ /kye kye tshogs rnams zhi bar gyis/ /skal ba che rnams ldog par gyis/ /gdon kun dge la nges byas shing / /zhi bar gyur gyis ma gzhom shig /lag na rdo rje ltas bstan pa'i/ /thad du yang ni khrid par gyis/ / mi bzad tshogs kyis de mnyan nas/ /gdon rnams de dag thams cad ni/ /rnal 'byor bstan bcos mthus btul nas/ /lag na rdo rjes thad du khrid/ /bcom ldan rdo rje ldan pa des/ /mthong nas ci ste gson 'dod na/ /rig pa'i mchog la phyag byos la/ /phyag rgya mthong nas bstan la ma nos/ /gnas nas mi rnams thong shig ces/ /gdon rnams la ni bgad de smras/ /de skad smras nas gdon de dag /kun gyis de tshe bstan smras pa/ /khyod kyis las 'di mchog yin te/ /gzhan gyis mi thub drag cing dge/ /mnga' bdag khyod kyis bka' stsal pa/ /de bzhin du ni bgyi bar 'tshal/ /sangs rgyas la ni skyabs su mchi/ /chos dang dge 'dun de bzhin te/ /zhi la ma rungs 'dul ba po/ /khyod la rtag tu skyabs su mchi/ /sems can kun la phan pa'i phyir/ /stobs chen de ni skyes pa legs/ /bdag cag gi ni 'tsho ba yi/ /thabs kyi phyir yang bka' stsol cig /de nas dpal ldan rdo rje 'chang / /bgad nas tshogs la smras pa ni/ /khyod kyis blang bar bya ba dang / /mi blang ba yang bstan par bya/ / 95-1-61b gang dag rtag tu brdzun smra dang / /drin du mi gzo gtsang sbra med/ /byang chub sems ni rab nyams pa/ /skye bo de dag rtag tu long / /nya dang sha sogs za ba dang / /mi bya ba dag byed pa dang / /rkang pas phyag rgya rdzi byed pa/ /skye bo de dag blang bar gyis/ / ci ste gson par 'dod na ni/ /gang dag bden pa'i tshig smra dang / /drin du gzo zhing nges par gnas/ /srog gi phyir yang byang chub sems/ /gtong bar mi byed rab bsdams dang / /rtag tu nga la dad pa dang / /de bzhin rigs mchog rigs la gnas/ / gang rnams kyi ni khyim dag tu/ /rig rgyal dam pa rtag mchod dang / /nga rig pa yi rgyal po mchog /sgrub nga dang ni bzlas brjod byed/ /de dag la ni zhi bar gyis/ /yi ge bzhi pa zhes bya ba'i/ /rdo rje don yod chen po des/ /gdon gang nga la dad mi 'dzin/ / de yi spyi bo 'gems par byed/ /rtag tu nga dang rig mchog la/ /de bzhin dad pa lhur byed dang / /dam tshig shes pa gang yin te/ /khyed kyis rtag tu mchod pa bgyi/ /lag na rdo rje'i tshig 'di dag /thos nas kyang ni log 'dren rnams/ /dga' zhing ca co'i sgra 'byin nas/ /skad cig gis ni mi snang 'gyur/ /rig pa mchog gi rgyud phyi ma las log 'dren 'byung po rdzogs so// //las 'di ni dam par 'gyur ba dang / /drag cing don yod la gzhan gyis mi thub cing dge ba yin te/ /dngos grub sgrub pa'i tshe dud pa med pa'i me mdag la rig sngags kyi rgyal pos til nag po'i sbyin sreg lan brgyad brgya byas na bgegs thams cad 'byung bar mi 'gyur ro/ /las 'di dag ni mchog yin te/ /'jig rten rnams kyi dngos grub phyir/ /rig mchog mgo bor bzhag na ni/ /spyan rnams dngos grub ston par 'gyur/ /sangs rgyas yum dang chos spyan la/ /gang zhig phyag 'tshal de la ni/ /bcom ldan gsungs pa'i las la sogs/ /lag na rdo rjes bshad pa yi/ /cho ga 'di dang rdo rje'i rigs/ /de dag thams cad 'grub 'gyur te/ / 95-1-62a yum yang yid la bzhag nas ni/ /dngos grub mchog ni bsgrub par bya/ /las 'di dag kyang byas nas ni/ /dngos grub mchog 'gyur shes par bya/ /gang gis nyin mo yang rung ste/ zhag gcig smyung ba byas te lag na rdo rje'i mdun du dri dang me tog dang / /bdug pa phul nas/ /ba ser mo'i lci ba sa la ma lhung bas lha mo'i gzugs byas te/ lag pa g.yas par rdo rje thogs par bya/ de'i 'og logs su sgrub pa po snyim pa zed cing 'dug par bya'o/ /de nas rig sngags 'chang gis yid la bsams te/ rig sngags brjod nas ci ste/ /gzugs 'gul bar 'gyur na de ma thag tu las 'grub cing / rig sngags kyang bde blag tu 'grub ste bgegs thams cad kyang bsams pa tsam gyis 'jigs par 'gyur ro/ /yang na sgrub pa po'i lag tu rdo rje byin na sa'i bdag por 'gyur ro/ /yang na bcom ldan 'das ma las 'od zer 'byung ste/ 'od zer des phog par gyur na ni rig sngags 'chang du 'gyur zhing glang po che'i stobs dang ldan la skra lcang lo 'khyil ba dang / nyi ma shar ba'i kha dog can du 'gyur zhing lag tu ral gri 'ong bar 'gyur te/ de thogs nas rig sngags [(]'chad[,]'chang[)] thams cad kyis mi sod la sgyu 'phrul dag kyang byed par 'gyur ro/ /gang gi tshe gnyid kyis log pa de na ral gri de dpag tshad gcig tsam nas mgal me'i 'khor lo bzhin du kun nas 'khor bar byed cing sad pa na shugs su 'gro ste/ tshe lo khri bzhi stong thub cing nam 'chi ba de'i tshe bde ba can du skye bar 'gyur ro/ /las 'di byas te dngos grub kyi mchog bsgrubs na cho ga rgyas pa'i dngos grub sbyin par byed de/ mas bu la bya ba bzhin no/ /dngos grub bsgrub pa'i phyir dbang phyug chen po bsgrub pa'i mdor bstan te/ de la 'di ni cho ga rgyas pa'i dngos grub mchog bsgrub pa bstan pa ste/ lag na rdo rje'i mdun du byang chub kyi shing gis me sbar la yungs mar dang sbyar bas lan brgya stong sbyin sreg byas na khru do'am khru gsum tsam du dud pa'i khri zhing 'byung ste/ 95-1-62b de nas rig sngags 'chang gis rig sngags kyi rigs 'grub pa dang / cho ga rgyas pa 'grub par shes par bya ste/ de nas las brtsam par bya'o/ /yid la bsams te phur bu gsum pas bshad pa'i cho ga rgyas pa dang / lag na rdo rjes bshad pa bsgrub par bya'o/ / rna bar bshibs te bzlas brjod byas na dngos grub kyi mchog ston par 'gyur te/ nub kar lag na rdo rje la mchod pa byas la lag na rdo rje'i rna ba g.yas par rig sngags lan stong rtsa brgyad bzlas brjod byas nas ci ste rmi lam du bram ze mthong na las 'grub par 'gyur ro/ /'dreg mkhan mthong na ni 'grub par mi 'gyur te/ de la blta zhing las bsgrub par bya'o/ /ri mo'i gzugs gang gis mthong ba des ni rdo rje'i rigs mthong ba yin no/ /rdo rje'i rigs mthong na las 'byang bar 'gyur ro/ /las byang na dngos grub kyi mchog thob par 'gyur te/ ras mnyams pa la ri mo mkhan gso sbyong dang ldan pa tshon rtsi sbyin med pas sangs rgyas kyi sku gzugs gser gyi kha dog can chos ston pa'i tshul du 'drir gzhug go/ /de bzhin gshegs pa'i g.yas logs su lha mo gser gyi kha dog can chos nyan par bri'o/ /de'i 'og logs su lag na rdo rje mdog sngo bsangs la rgyan thams cad kyis brgyan pa chos nyan par bri/ de bzhin gshegs pa'i g.yon logs su dbang phyug chen po 'dam bu mda' rgyu'i mdog can thor tshugs dang cod pan thogs par bri/ de'i g.yon logs su phur bu gsum pa'i ma/ ma tang gi cha lugs can chos nyan pa'i tshul de'i 'og logs su dbang phyug chen po 'dam bu mda' rgyu'i kha dog can/ /thor tshugs 'chang ba'i mgo la zla ba'i mtshan ma yod la mig gsum dang ldan par bri'o/ / de'i drung du ma tang gi rgyal po phur bu gsum pa mdog sngo bsangs rgyan thams cad kyis brgyan pa ma tang gi cha lugs su bri'o/ /de'i logs su 'jig rten skyong ba bzhi kha dog tha dad pa dang / rgyan sna tshogs kyis brgyan pa chos nyan pa'i tshul du bri/ lag na rdo rje'i 95-1-63a logs su rdo rje sde dang gtsug nas byung rtse zhing 'dug par bri ste/ rdo rje sde ni gser gyi mdog can la rgyan thams cad kyis brgyan par bya'o/ /gtsug nas byung gi mdog dmar la mig gsum yod pa glang po che'i pags pa'i smad g.yogs can klu'i rgyal po nor rgyas kyi se ral kar thogs la rgyan sna tshogs kyis brgyan par bya'o/ /khyad par du rdo rje sde'i drung du rdo rje khro bo 'bar la log 'dren rnams 'joms shing 'thor bar bri/ rig pa'i mchog 'dod dgur sgyur ba'i gzugs can lan cig mthong ba tsam gyis ngo shes pa tsam du gsal ba lag na rdo rje'i kha nas 'byung bar bri'o/ /gzugs de mthong na sngon gyi sdig pa thams cad las grol bar 'gyur te/ log 'dren rnams kyis kyang mi tshugs so/ /gang ri mo'i gzugs 'di sgrub pa des ni dngos grub kyi mchog nges par 'grub par 'gyur ro/ /sgrub par 'dod pa'i rig sngags 'chang gis zhag gsum smyung ba byas te zla ba nya la ri mo'i gzugs la mchod pa rgyas par byas nas gsang sngags snga ma dag gis las rnams bya'o/ /'o mas bkang ba'i snod bzhi dang / zhos bkang ba bzhi dang / de bzhin du btung ba dang / sbyar thug gis bkang ba bzhi bzhi dbul zhing 'byung po'i gtor ma yang sbyin no/ /de nas rig sngags 'chang gis dngos grub kyi mtshan ma byung gi bar du nam phyed kyi dus su me tog dri zhim po stong rtsa brgyad bzlas brjod lan re re sbyar zhing bcom ldan 'das ma sangs rgyas kyi yum la bsnun na ri mo'i gzugs 'gul ba dang / me tog gi phreng ba g.yo ba dang / lha mo las 'od zer 'byung bar 'gyur te ri mo'i gzugs 'gul na ni dbab pa'i las dang / zhi ba dang / rgyas pa'i cho ga 'grub par 'gyur ro/ /me tog phreng ba g.yo na ni dbab pa'i rig sngags kyi cho ga 'grub par 'gyur ro/ /'od zer byung na ni cho ga rgyas pa'i dngos grub mchog tu 'gyur te/ sgrub par gyur na rdo rje'i rigs thams cad 'grub par 'gyur ro/ /'phags pa spyan ras gzigs dbang phyug gi dpal chen mo'i rig sngags kyi cho ga rgyas pa 95-1-63b lhag ma dag kyang 'grub par 'gyur ro/ /ci ste dbang phyug chen po'i cho ga rgyas par bsgrub par 'dod na rig sngags 'chang des me tog dmar po stong rtsa brgyad bzlas brjod lan re re dang sbyar te/ dbang phyug chen po la bsnun na de'i yang dngos grub rnam pa gsum du 'gyur te/ dbang phyug chen po'i cho ga rgyas pa yang 'grub par 'gyur ro/ /ci ste phur bu gsum pa'i cho ga rgyas par bsgrub par 'dod na rig sngags 'chang des me tog nag po stong rtsa brgyad rtsa brgyad bzlas brjod lan re dang sbyar te/ phur bu gsum pa'i ri mo la bsnun na de yang dngos grub rnam pa gsum du 'gyur te/ phur bu gsum pas byas pa'i ma tang gi cho ga rgyas pa thams cad kyang 'grub par 'gyur ro/ /sems can rnams la phan pa'i phyir/ cho ga 'di ni bdag gis bshad/ khyed rnams yid ni dga' bzhin pas/ / dngos grub dam pa sbyin par gyis/ gang sangs rgyas kyi yum dran pa tsam gyis 'ong bar mi byed na dngos grub kyang sbyin par mi byed pa ni de bzhin gshegs pa la snying rings pa yin te/ ngas kyang rdo rjes spyi bo bkas par bya'o/ /gang cho ga rgyas pa 'di 'chang ba de la gdon thams cad dang / log 'dren thams cad dang / sha za thams cad kyang 'byer zhing skrag par 'gyur ro/ /gang zhig cho ga 'dis mchod pa/ /de la lha mchog rnams kyis mchod/ /gang zhig dngos grub mchod pa la/ /de yis cho ga lha mchod bya/ /gang zhig cho ga 'di mchod dang / /thams cad rdzogs par mchod byed pa/ /de yi lag na rdo rje yis/ /bshad pa bzhin du nges par 'grub/ /gang zhig cho ga 'di 'chang ba/ /sangs rgyas kun gyi byin gyis brlabs/ /lag na rdo rje dpal ldan pa/ /de yi lus kyi spyi bor gnas/ /yi ge bzhi pa zhes bya ba/ /rig sngags kyi rgyal po'i cho ga rdzogs so// //de nas bcom ldan 'das lag na rdo rje bla gos phrag pa gcig tu gzar nas pus mo g.yas pa'i lha nga sa la btsugs te bcom ldan 'das gang na ba de logs su 95-1-64a thal mo sbyar ba btud nas bcom ldan 'das la 'di skad ces gsol to/ /skye bo phyi ma rnams dang / /sems can bsod nams chung ngu rnams kyi slad du rig sngags kyi rgyal po dang / /lha thams cad kyi cho ga phyi ma rgyas par bshad par 'tshal na de bzhin gshegs pas gnang bar mdzad du gsol/ /bcom ldan 'das kyis gnang bar mdzad du gsol/ bcom ldan 'das kyis bka' stsal pa/ rdo rje 'dzin rig sngags kyi rgyal po'i las phyi ma rnams shod cig /de nas bcom ldan 'das lag na rdo rjes rig sngags kyi rgyal po chen po la bsams nas las phyi ma rnams bshad do/ /de nas rig sngags kyi rgyal po mchog gi las 'byung ste/ dgon pa'am/ ri'i rtse mo'am/ dben pa'i phyogs su skyong nul bya ste/ thab dbyibs gru bzhir byas la lha bshos su zho dbul bar bya'o/ /g.yog byed pa rnams la yang zho blud do/ /yang na ngos kun du khru bcu pa'i dkyil 'khor skyong nul gyis byugs te der me sbar la shar phyogs su kha bltas te 'dug nas be kang ka ta'i yam sreg shing srid du khru gang sboms su chang bar 'khyud pa/ 'phan med pa stong rtsa brgyad zho dang / sbrang rtsi dang / mar gyi nang du smyugs te dus gsum du sbyin sreg bya'o/ /zas su phye'am 'o ma'i 'dag gu'am/ slong mo'i zas bza' zhing las bya ste/ mi smra bar 'dug cing dus gsum du khrus bya'o/ /khang pa'i shar phyogs kyi glor grog mkhar gyi sa las lag na rdo rje'i stegs bu khri 'phang can byas la dri dang / me tog dang / bdug pa dang / lha bshos dbul zhing pho nya mo'i sngags thams cad kyi las bya zhing ci 'byor pas mchod pa byas nas rig sngags 'chang gis bcom ldan 'das ma sngags kyis btab pa'i chus kha zas bsang gtor byas te bza' bar bya'o/ /ci dga' ba'i 'dod pa yang gsol bar bya'o/ /sbyin sreg de yang zhag nyi shu rtsa gcig gi bar du bya'o/ /de nas bcom ldan 'das lag na rdo rje me thab de'i nang nas 'byung ngo / /de nas bcom ldan 'das 95-1-64b kyis dam pa'am rdo rje stsol bar mdzad de/ rdo rje de lag na thogs pas lag na rdo rje dang mthu stobs mnyam par 'gyur te/ thams cad du yang thogs pa med par 'gro bar 'gyur ro/ /mig btsums pa'i yud tsam gyis kyang 'og min gyi gnas su 'gro bar 'gyur zhing bskal par gnas par 'gyur te/ rig sngags 'chang thams cad kyang des bsgo ba bzhin byed par 'gyur ro/ /rig sngags 'chang la cho ga rgyas pa'i dngos grub kyang sbyin par mdzad de/ cho ga rgyas pa bsgrubs na las thams cad rdo rje bsgyur ba tsam gyis 'grub pa dang byed par 'gyur te bskal par gnas par 'gyur ro/ /dbang du bya na gtsang sbrar byas te mchod rten la me tog dang / dri dang / bdug pa phul zhing bcom ldan 'das lag na rdo rje la yang mchod par byas la de'i mdun du dkyil 'khor skyong nul gyis byugs nas zhag bdun gyi bar du dus gsum du me tog dkar po snyim par bcug ste/ ming nas smos shing lan stong rtsa brgyad rtsa brgyad bzlas brjod byas la phyogs mtshams ma nor bar mchod rten la bor na dbang du 'gyur ro/ /gter dang lha ma yin gyi phug gang na yod par yungs kar gyis bsnun na lha ma yin gyi phug gi 'khrul 'khor tshogs par 'gyur zhing gter gyi 'khor thams cad choms par 'gyur te phyin par yang 'gyur ro/ /thams cad du skud pas bsrung bar bya'o/ /gter dang lha ma yin gyi phug gi gnas bsgrub pa thams cad la bgegs dang / log 'dren thams cad med par bya ba'i phyir sangs rgyas bcom ldan 'das dang / 'phags pa lag na rdo rje'i mdun du dkyil 'khor skyong nul gyis byugs te zhag gcig smyung ba byas te nim pa'i shing dang arga'i bud shing gis me sbar nas yungs kar dang lan tshwa yungs mar gyis bsgos pa'am/ yang na mar dang 'bras yos kyis lan brgyad stong sbyin sreg bya ste/ sangs rgyas bcom ldan 'das la me tog dri zhim po dang / bdug pa dang / lha bshos dbul 95-1-65a shing lag na rdo rje la yang mchod pa byas na de'i 'og tu las brtsam par bya'o/ /de nas mi'i gtso bo dbang du bya bar 'dod na 'phags pa lag na rdo rje'i mdun du dkyil 'khor skyong nul gyis byugs la zhag bdun gyi bar du dus gsum du dri dang / me tog dang / lha bshos phul nas byang chub kyi shing gi bud shing gis me sbar la 'bras yos kyi 'o thug gis sbyin sreg stong rtsa brgyad rtsa brgyad byas na dbang du 'gyur te/ ji skad smras pa bzhin byed cing nor sbyin par 'gyur ro/ /bram ze dbang du bya na cho ga de nyid kyis til gyi sbyin sreg brgya stong bya'o/ /rgyal rigs la ni nas kyi sbyin sreg bya'o/ /rje'u rigs la ni nas dang lan tshwa'i sbyin sreg bya'o/ /dmangs rings la ni sbyar thug gi sbyin sreg bya'o/ /yugs sa mo dbang du bya na yungs kar gyi sbyin sreg bya'o/ /bu mo dbang du bya na yungs kar gyi sbyin sreg bya'o/ /'di dag la yang de bzhin du dri dang / me tog dang / lha bshos dbul zhing sbyin sreg lan stong stong byas na dbang du 'gyur te za gcig par bya'o/ /dgra phung bar bya na mar gyi ngo zhag bcu bzhi'am mar gyi ngo zhag brgyad la zhag gcig smyung ba byas te dkyil 'khor gru gsum pa skyong nul gyis byugs nas seng ldeng gi bud shing gis me sbar la ske tshe'i sbyin sreg lan brgya stong byas na de ma thag tu med par 'gyur ro/ /dgra bsad na zhag bdun gyi bar du dus gsum du dug dang khrag gi sbyin sreg stong rtsa brgyad byas na 'chi bar 'gyur ro/ /gnod sbyin dang / /gnod sbyin mo dbang du bya na gnod sbyin dang / gnod sbyin mo phyogs gang na gnas pa der mar gyi ngo zhag brgyad la zhag gcig smyung ba byas te/ dkyil 'khor skyong nul gyis byugs nas dri dang / me tog dang / bdug spos dang / mar me phul te mngar gsum gyi lha bshos kyang dbul lo/ /de nas a sho ka'i bud shing gis me sbar la a sho ka'i me tog brgya stong gis sbyin sreg byas na dbang du 'gyur ro/ /bcom ldan 'das gang zhig gis rdo rje'i 95-1-65b rigs gtso bo mchog gi ming tsam 'dzin pa de la yang lha thams cad kyis zil gyis gnon par mi nus na gang mdo nyid 'chang ba lta smos kyang ci 'tshal/ de nas 'jigs pa thams cad la ni skud pa la brgya rtsa brgyad bzlas brjod byas pas bsrung ba byas par 'gyur ro/ /dug go cog la ni chu'am rma bya'i mdongs kyis bya bas na med par 'gyur ro/ /zhag gcig smyung ba byas te nyi ma bzang ba la 'bab chu'i 'gram du song ste me tog brgya stong phul na me tog gi kha dog ji lta bu phul ba de lta bu'i gos rnams zhag bdun tshun chad kyi thob par 'gyur ro/ /gzhon nu'i gdon gyis byis pa zin pa la ni dkyil 'khor skyong nul gyis byugs pa la dri dang / me tog dang / lha bshos phul nas byis pa shar phyogs su kha bstan te bzhag la bdug pas bdug ste bya ba pa yang byas nas lag pa la yang skud pa btags na sos par 'gyur ro/ /rig sngags sgrub pa thams cad dang / ro langs bsgrub pa dang bdag nyid bsrung ba dang / phyogs bcing ba dang / /pha rol bsrung ba dang / mtshams bcad pa dang / bsgrub pa thams cad la rig sngags kyi rgyal po 'di gcig pus bya'o/ /char dbab par 'dod na chu klung gi sar 'gram gnyi ga'i sas rdo rje byas la mar gyi ngo zhag bcu bzhi la zhag gcig smyung ba byas te/ chu klung rgya mtshor 'bab pa'i 'gram du song la sa de lta bu la nor rgyas kyi bu'i gzugs byas te/ de la dri dmar po dang / me tog dmar po dang / bdug pa dang / mar me phul nas de'i mdun du rdo rje la lan brgya stong bzlas brjod byas te/ bzlas brjod zin na dus ma yin par char 'bab par 'gyur ro/ /bcad na lag na rdo rje'i mdun du lag na rdo rje la phul ba'i me tog rnying pa brgyad brgyas sbyin sreg byas na 'chad par 'gyur ro/ /mar gyi ngo zhag bcu bzhi la zhag gcig smyung ba byas te rgya shug dang ban+da ka'i shing blangs la mar gyi ngo zhag brgyad la zhag gcig smyung ba byas nas dur khrod du song la dkyil 'khor skyong nul du byugs te/ dri dang / me tog dang / bdug 95-1-66a pa phul nas nam dro bar gyur gyi bar du rig sngags kyi rgyal po lan stong rtsa brgyad rtsa brgyad bzlas brjod byas na 'grub par 'gyur te/ grub nas de 'chang na rgyal po la bzhag na gzhan gyis mi thub par 'gyur te ci rnyed pa yang 'phral du zad par 'gyur ro/ / ri bong gi khrag dang / mig gnyis dang / de bzhin du sbal pa'i mig gnyis dang / ri dgas kriSh+Na sa ri'i mig gnyis blangs la skar ma rgyal dang sbyar zhing zhag gcig smyung ba byas te/ btags la lag na rdo rje'i mdun du til gyi lo ma'i bar du bzhag nas dro bar gyur gyi bar du bzlas brjod byas na grub par 'gyur te/ rkang pas mgyogs pa'i sman du 'gyur ro/ /des mig la bskus na lo bcu drug lon pa'i na tshod dang ldan par 'gyur zhing / gter thams cad mthong ste/ /tshe lo lnga brgya thub par 'gyur la tshan po che'i stobs dang ldan par 'gyur ro/ /mar gyi ngo zhag bcu bzhi la zhag gcig smyung ba byas te/ dur khrod du song la dkyil 'khor skyong nul du byugs nas de'i dbus su 'bras phye las mi'i gzugs byas te de la gtor ma rgyas pa dang / dri dang / me tog dang / bdug pa yang byin la ta la'i lo ma'i spu gri skra la sogs pa breg pa ltar bya/ de'i g.yas logs su mi'i thod pa dri dang / me tog dang / bdug pas brgyan te bzhag la thod pa'i steng na 'dug pa bzhin du rig sngags 'chang gis rig sngags kyi rgyal po lan brgyad brgya bzlas brjod byas te/ de nas thod pa blangs te dur khrod kyi mes bsregs na thod pa chag pa de'i dum grugs blangs te/ gzugs byas te de'i lte ba'i steng du bzhag ste lan brgyad brgya bzlas brjod bya'o/ /de nas thod pa'i du ma grugs blangs te lag na rdo rje'i mdun du btags la/ lan brgyad brgya bzlas brjod byas pas lus bskus na 'dod dgur bsgyur ba'i gzugs can du 'gyur te/ gang dri mi zhim pa de dag kyang dri zhim par byed cing chu klung gyen du 'bab par byed la tshe lo bdun brgya thub par 'gyur te bsrung ba'i cho ga byed pas bya'o/ /chu srin 95-1-66b na kra dang / sbal pa'i tshil blangs la til mar dang sbyar te 'phags pa lag na rdo rje'i mdun du bzlas brjod byas nas til mar des gdong bskus na chu'i nang du zla ba drug gi bar du 'dug nus par 'gyur ro/ /mig sman bsgrub par 'dod na tshes grangs dang rgyu skar yang 'dam mi dgos/ smyung ba bya mi dgos par phag gi mig gnyis dang / glang po che'i mig gnyis dang / lig bu mig dang / pha wang long bu dang / stang zil dang / pu tra 'dzi ba dang / 'di rnams blangs nas mar gyi ngo zhag brgyad la zhag gcig smyung ba byas te lag na rdo rje'i mdun du dri dang / me tog dang / bdug pa phul nas rig sngags kyi rgyal po lan brgyad brgya bzlas brjod byas te des mig bskus na lus la nad yod pa rnams med par 'gyur ro/ /mi gdon gyis zin pa yang gdon gyis de mthong bar 'gyur te mthong nas 'bros par 'gyur ro/ /klu dbang du bya na ba lang gi lhas sam/ kun dga'i ra bar dkyil 'khor skyong nul du byugs la sid t+ya'i shing gis me sbar te rig sngags kyi rgyal pos sna ma'i me tog brgya stong sbyin sreg byas na ha ha zhes bya ba'i sgra thos par 'gyur ro/ /de nas las de 'grub par 'gyur te/ klu mthong na tshur shog ces brjod na sa'i steng na gnas pa'i klu'am/ klu'i bu mo rnams 'ongs te yid la bsams pa tsam gyis thams cad 'ong bar 'gyur ro/ /bsgrub pa thams cad la rgyal po chen po bzhi rnams shes par bya ba'i las 'di byas na bgegs thams cad med par 'gyur ro/ /rig sngags 'chang gis bsgrub par 'dod na lag na rdo rje'i mdun du so ma ra dza'i khu bas log 'dren gyi gdong bris la de'i steng du seng ldeng gi shing gis me sbar te/ le brgan rtsi'i me tog rgya skyegs kyi khu bas kha dog bsgyur ba brgya stong sbyin sreg byas na bgegs thams cad bcom zhing brtags par 'gyur ro/ /de phyin chad bsgrub pa rnams ci 'dod pa bzhin 'grub par 'gyur ro/ /gang zhig so ma ra dza'i khu bas log 'dren gyi gdong 'dri na yang sgrub pa thams cad la bgegs med 95-1-67a par 'gyur ro/ /gtum po nub phyogs su kha bstan pa'i mdun du mar gyi ngo zhag dgu la zhag gcig smyung ba byas te mchod pa rgyas par byas nas dri dang / me tog dang / bdug pa phul nas be kang+ka ta'i bud shing gis me sbar te 'bras las byas pa'i khu ba lan brgya stong blangs nas sbyin sreg byas na lha mo'i dpral ba nas 'od zer 'byung ste de nas 'grub par 'gyur ro/ /grub nas kyang ti na ra lnga brgya 'am/ yang na longs spyod kyi gzhi sbyin par 'gyur ro/ /dgra la gtse bar 'dod na mar gyi ngo zhag lnga la zhag gcig smyung ba byas te/ dur khrod du song la 'bras phye las gzugs byas nas seng ldeng gi phur bu dug gi dud pas bdugs pas tshigs rnams su btab la/ rig sngags kyi rgyal po lan brgya stong bzlas brjod byas na dgra'i yan lag thams cad du zug par 'gyur ro/ / phyung ste 'o mas bkrus na sos par 'gyur ro/ /dpyid zla 'bring po'i tshes gsum la 'dod pa'i gzugs byas la de'i mdun du seng ldeng gi phur bu sor bzhi pa bzhag ste zhag gcig smyung ba byas la mchod par byas te rig sngags kyi rgyal po lan brgya stong bzlas brjod byas na 'grub par 'gyur te/ de nas sred med kyi bu'i chung ma la phul ba'i ras bal gyi 'dab ma rgya skyegs kyi khu bas kha dog bsgyur ba dug gis bsgos pas mo mtshan gyi gzugs byas te bud med kyi ming nas smos shing phur bu des phug na bud med kyi mo mtshan na zhing khrag 'dzag par 'gyur te phyung na sos par 'gyur ro/ /smigs bu'i skad dam/ ce spyang gi skad dam/ wa'i skad shes par 'dod na dur khrod dam/ khyim gtsang ma'am/ lha khang du yar gyi ngo tshes dgu la zhag gcig smyung ba byas te/ dkyil 'khor skyong nul gyis byugs la lag na rdo rje'i gzugs bzhag nas de'i g.yas phyogs su lha chen po bzhag ste/ lha chen po'i mdun du 'bras phye las smigs bu'i gzugs sam/ ce spyang gi gzugs sam/ wa'i gzugs byas la bzhag nas 'phags pa lag na rdo rje la mchod 95-1-67b pa byas la/ lha chen po la yang lha bshos ci 'byor pa phul nas smigs bu la 'bras chan zho dang sbyar ba sbyin no/ /ce spyang la ni sha sbyin no/ /wa la ni ci 'dod pa sbyin no/ /de nas rig sngags 'chang gis yid la bsams te rig sngags kyi rgyal po bzlas brjod byas na ci ste smigs bu yid la bsams na ni smigs bu smra bar 'gyur ro/ /ce spyang yid la bsams na ni ce spyang smra bar 'gyur ro/ /wa yid la bsams na ni wa smra bar 'gyur ro/ /yang na de dag thams cad yid la bsams na thams cad smra bar 'gyur te smras na 'grub par 'gyur ro/ /grub nas kyang 'dzam bu'i gling na yod pa'i don thams cad ston par 'gyur ro/ /nam 'chi ba yang ston par 'gyur ro/ /nor yang ston par 'gyur ro/ /rig sngags gang zhig las 'grub par mi byed na rig sngags de'i ming nas smos shing lag na rdo rje'i mdun du u dum bA ra'i yam sreg shing brgya stong sbyin sreg byas na rig sngags mthu dang ldan par 'gyur zhing dngos grub kyang myur du sbyin par byed do/ /'byung po dbang du bya bar 'dod na zhag gsum smyung ba byas te/ mar gyi ngo zhag brgyad la dkyil 'khor skyong nul gyis byugs nas de'i dbus su tshon rtsi sna gsum gyis phye mas lag na rdo rje'i gzugs byas te de'i g.yas phyogs su 'byung po'i bdag po bzhag go/ /de nas lag na rdo rje la mchod pa bya ste/ 'byung po'i bdag po la lha bshos rgyas par dbul zhing 'byung po'i kha zas kyang sbyin par bya ste/ sangs rgyas kyi spyan sngar spyan drang bar byas la rig sngags kyi rgyal po dang bcas te/ lan brgya stong bzlas brjod byas nas ba ru ra'i shing gis me sbar la/ ba ru ra'i sa bon nye ba'i snying pos lan brgyad brgya sbyin sreg bya'o/ /de nas 'byung po'i bu nag po zhes bya ba 'ong bar 'gyur te/ 'ongs nas ci bya zhes zer ba dang / des yid la ci dang ci bsams pa thams cad gyis shig ces smros shig /de nas de ltar bya'o zhes smras nas mi snang bar gyur te/ bsams pa tsam gyis dpag tshad brgyar yang 'gro zhing de bzhin du phyir yang 'ong 95-1-68a ngo / /dpag tshad brgya nas bud med khrid de 'ong zhing phyir yang skyel lo/ /kun dga' ra ba dang / skyed mos tshal dang / khang khyim dang / mal stan dag kyang sprul par byed do/ /g.yog kyang byed par 'gyur ro/ /bza' ba dang / gzhib pa dang / bldag pa dang / btung ba la sogs pa yang sprul par byed do/ /tshe lo sum brgya thub par 'gyur te/ lus zhig nas lcang lo can du skye bar 'gyur ro/ /zhag gsum smyung ba byas te mar gyi ngo zhag bcu bzhi la ma mo'i nang du song nas mchod pa rgyas par bya ste gtor ma yang rgyas par byas nas bcom ldan 'das mas bsrung ba bya zhing pho nya mo rnams kyis las thams cad byas la mar me gnyis spar te/ stang zil ba so'i gab nang du bcug nas ma mo'i gtso mo'i mdun du pus mo gnyis btsugs te 'dug la lag pa g.yon pas mnan te/ rig sngags kyi rgyal po lan brgya stong bzlas brjod byas na de nas dngos grub kyi mtshan ma 'byung bar 'gyur te/ dro ba dang /dud pa 'thul ba dang / 'bar bar 'gyur ro/ /de la 'bar ba ni nam mkha' la 'gro bar 'gyur zhing nyi ma shar ba'i kha dog dang ldan te lo bcu drug lon pa'i sha tshugs can du 'gyur la rig sngags 'chang thams cad kyis mi sod par 'gyur ro/ /dud pa 'thul na ni lus mi snang bar 'gyur zhing rig sngags 'chang gi rigs me tog ces bya ba dang / rigs sngags 'chang gi rigs dri zhes bya ba dang / rig sngags 'chang gi rigs yi dgas zhes bya ba'i rig sngags 'chang gi rigs thams cad kyang shes par 'gyur ro/ /de la rig sngags 'chang gi rigs me tog ces bya ba de dag ni gnod sbyin mo rnams dang / lhan cig tu rtse zhing dga' la dga' mgur spyod de tshe lo stong thub la rig sngags 'chang dri zhes bya ba rnams kyis mi tshugs shing dbang yang mi byed do/ /rig sngags 'chang gi rigs dri zhes bya ba de dag ni rgyal po'i btsun mo dag dang / ded dpon chen po'i rigs rnams dang / khyim bdag khyim chen po'i rigs rnams kyi bud 95-1-68b med gang dag yin pa de dag dang lhan cig tu rtse zhing dga' la dga' mgur spyod de tshe lo lnga brgya thub bo/ /de dag kyang rig sngags 'chang me tog ces bya ba rnams kyis mi tshugs so/ /rig sngags 'chang gi rigs yi dgas zhes bya ba de dag ni mi 'dod de de dag gi yi dgas rdzu 'phrul chen po'i bu mo 'byung bar 'gyur te/ de dag dang lhan cig tu rtse zhing dga' la dga' mgur spyod de tshe lo sum brgya thub bo/ /de la me tog gi rigs rnams ni me tog gi ming gis dgug par bya'o/ /dri'i rigs rnams ni dri'i ming rnams kyis dgug par bya'o/ /yi dgas kyi rigs rnams ni yi dgas kyi ming gis dgug par bya'o/ /de bkug na skrag ste drung du 'ong bar 'gyur ro/ /rig sngags 'chang thams cad kyi mnga' bdag tu gyur te ming smos pa tsam gyis kyang rig sngags 'chang rnams skrag par 'gyur ro/ /gang zhig rgyud phyi ma mtha' dag chub par byed pa la ni rig sngags kyi lha thams cad dang / rig sngags kyi rgyal po chen po lag na rdo rje yang phyi bzhin 'brang bar 'gyur te/ lha thams cad kyang sems rangs par 'gyur la dngos grub kyang bde blag tu 'grub par 'gyur ro/ /cho ga rgyas pa rgyud phyi ma dang bcas pa lag na rdo rje dang / lha chen pos gang bshad pa 'di ni bcom ldan 'das kyis bstod cing bsngags te/ de la lha thams cad sems dga' nas dngos grub sbyin par byed do/ /rig sngags kyi rgyal po chen po rig pa mchog gi cho ga rgyas pa'i snying po brgyan pa bcom ldan 'das ma mchog la drag tu skul ba byed pa gang yin pa de'i snying po chen po rig pa mchog gi snying po la drag tu skul bar byed pa yang ngas bshad zin to/ rig sngags mchog la drag shul can pha rol gnon pa gang yin pa de dag la drag shul skul bar byed pa de nyid kyi snying po yang ngas bshad zin te/ 'di ni dngos grub gnyis ka sbyin par byed pa yin pas na des ni lha rnams kyang de bzhin du yid skyod par byed do/ /nye ba'i snying po bshad pa na lha'i tshogs 95-1-69a 'khod pa gang yin pa de dag skrag cing 'jigs par 'gyur te/ de dag bcom ldan 'das lag na rdo rje la mgo bos phyag 'tshal nas 'khod do/ /de nas bcom ldan 'das phyag na rdo rjes lha dag la bka' stsal pa/ lha dag rig sngags bshad par byas te/ re zhig khyed la snying po mchog gi las rnams nyon cig /de nas snying po'i las rnams 'byung ste/ bsrung ba ni lan bdun bzlas brjod byas pa'i thal bas bya'o/ /mtshams bcad pa ni lan bdun bzlas brjod byas pa'i phur bus bya'o/ /bskrad pa ni skras bya'o/ /kum+b+hi ra kha bcing bar bya ni lan bdun bzlas brjod byas pa'i gseg mas bya'o/ /las thams cad dang sgrub pa thams cad la yang rig sngags kyi rgyal po'i snying po sbyar bar bya'o/ /sgrub pa'i tshig bgegs bsal ba ni me sbar la yungs kar bdag gi khrag gis bsgos pas lan brgyad brgya sbyin sreg byas na bgegs thams cad choms par 'gyur ro/ /bgegs thams cad rengs par bya na tsam pa ka'i sa bon la lan nyi shu rtsa gcig bzlas brjod byas pas bya'o/ /ro langs rengs par bya na lan gsum bzlas brjod byas pa'i yungs kar gyis bya'o/ /ro langs sgrub pa thams cad dang / bgegs rengs par bya ba thams cad la ni snying pos bya'o/ /bdag dang grogs rnams bsrung ba ni bcom ldan 'das mas bya'o/ /mtshams bcad pa ni rig sngags kyi rgyal pos bya ste/ rtsa ba'i las rnams la yang sbyar ro/ /phyi ma'i las rnams ni bcom ldan 'das ma yum gyis bya'o/ /rigs kyi rgyal po'i snying po'i las rnams sgrub pa ni snying po'i phyi ma'i las gzhan rnams rig sngags kyi rgyal po dang / bcom ldan 'das mas bya'o/ /rig sngags kyi rgyal po la ni bcom ldan 'das ma yum gyis bya'o/ /nye ba'i snying po la ni snying po'am/ yum mam/ rig sngags kyi rgyal pos bya'o/ /pho nya'i gsang sngags rgyud phyi ma dang bcas pa thams cad ni bcom ldan 'das mas sbyar bar bya'o/ / 95-1-69b nor 'dod na mar gyi ngo zhag brgyad la zhag gcig smyung ba byas te/ lag na rdo rje'i mdun du mchod pa rgyas par byas la spra ba'i shing gis me sbar nas 'bras dmar po la rdo rje byas te/ mar gyi nang du smyugs pa stong rtsa brgyad sbyin sreg byas na dngos grub kyi mtshan mar me tog phreng ba 'gul bar 'gyur ro/ /grub nas kyang ti na ra lnga brgya'am yang na yul sbyin par byed do/ /skyes pa dbang du bya na mar gyi ngo zhag brgyad la zhag gcig smyung ba byas te/ lha chen po'i gnas su song ste/ gzugs kyi g.yas logs su arka'i shing gis me sbar nas zhag gsum gyi bar du seng ldeng gi yam sreg shing skud pas dkris pa stong rtsa brgyad rtsa brgyad sbyin sreg byas na skyes pa dbang du 'gyur ro/ /mi'i gtso bo dbang du bya bar 'dod na yar gyi ngo tshes brgyad la zhag gcig smyung ba byas te/ grog mkhar gyi phung po gcig 'dug par song nas de'i steng du me tog dang / dri dang bdug pa phul la de'i 'og tu a shwat+tha'i shing gis me sbar te yungs kar gyi sbyin sreg lan stong sbyin sreg byas na mi'i gtso bo dbang du 'gyur ro/ /bud med dbang du bya bar 'dod na zhag gsum gyi bar du dud pa med pa'i mdag ma la 'bras dang phub ma bsres pas sbyin sreg lan brgya rtsa brgyad byas na dbang du 'gyur ro/ /yugs sa mo dbang du bya na lag na rdo rje'i mdun du yar gyi ngo tshes brgyad la zhag gcig smyung ba byas te/ pa la sha'i shing gis me sbar nas ske tshe dang / lan tshwa lan brgya stong sbyin sreg byas na yugs sa mo dbang du 'gyur ro/ /spyan ma ma gtogs par gang gsang sngags thams cad la snying gzir bar byed pa dang / gdung bar byed pa dang / rig sngags kyi rgyal po gdung bar byed pa'i snying po dang bcas par sbyar bar bya'o/ /de ltar sbyar na bde blag tu 'grub par 'gyur ro/ /zla ba gcig gi bar du slong mo'i zas bza' zhing snying po bzlas brjod byas pa la de'i 'og tu mar gyi ngo zhag brgyad la skyes pa'i ro ma nyams pa blangs te snying pos gtor ma sbyin zhing de'i lag tu lig bu mig bzhag la de nas rig sngags kyi rgyal 95-1-70a po bzlas brjod bya ste yi dgas kyi rig sngags 'chang gis lag tu lig khu mig 'bul bar 'gyur gyi bar du bzlas brjod bya'o/ /de nas 'grub par 'gyur te/ de nas mig gnyis bskus na gang la reg pa de gser du 'gyur ro/ /nye ba'i snying po thogs pa med cing stobs kyis pha rol gnon pa'i phyi ma'i las rnams 'byung ste/ bcom ldan 'das yang dag par rdzogs pa'i sangs rgyas kyi rig sngags thams cad kyi yum gsungs pa gang dran par byas na rig sngags thams cad 'grub par 'gyur ba yin pa dang / rig sngags thams cad kyi nye ba'i snying po dam pa 'jug par byed pa ngas bshad pa gang yin pa'i spyan dang / nye ba'i snying po dran par byas na rig sngags bsgrub par dka' ba thams cad kyang 'grub par byed cing rig sngags rnams las gang dang gang la sbyar ba de yang myur du byed par 'gyur ro/ /rig sngags gang las thams cad la las mi byed pa de la rig sngags 'chang gi yum dang nye ba'i snying po ldan pas lag na rdo rje'am lha chen po'i mdun du sna ma'i me tog mar gyi nang du smyugs pa brgya stong gis las thams cad bde blag tu dngos grub sbyin par byed do/ /rig sngags yid la bsams te grog mkhar gyi sa las gzugs byas la/ dri dang / me tog dang / bdug pas brgyan nas lag na rdo rje'i mdun du bzhag ste yum dang nye ba'i snying por ldan pas sna ma'i me tog brgyad brgyas bsnun na rmi lam du ston de de bzhin du 'grub par 'gyur ro/ /rmi lam nyid du rig sngags 'grub pa'am/ yang na mi 'grub pa yin pa'i rig sngags thams cad ston par byed de/ de ltar rtogs nas rig sngags bde blag tu bsgrub par bya'i gzhan du ni ma yin no/ /yar gyi ngo tshes brgyad nas brtsams te rgya mtshor 'bab pa'i chu klung gi nang du zhugs la slong mo'i zas za zhing lan 'bum bzlas brjod byas na yul sbyin par 'gyur ro/ /yar gyi ngo tshes brgyad nas nya'i bar du zas 'o ma dang phye ma'i 'dag gu za zhing rig sngags bzlas brjod byas na gzhan gyi yul 'khor la gnod 95-1-70b pa byed par 'gyur ro/ /de nas zas su chu dang phye'i 'dag gu za zhing bzlas brjod byas na dmag gi dpung 'joms par byed do/ /mar gyi ngo zhag brgyad la zhag gcig smyung ba byas te 'phags pa lag na rdo rje'i rkang pa g.yas pa'i mthe bong bzung nas nye ba'i snying po bzlas brjod byas na ji tsam na lag na rdo rje'i rkang pa g.yas pa'i mthe bong las 'od zer 'byung bar 'gyur te/ 'od zer des kyang rig sngags 'chang g.yas phyogs su bskor nas lag na rdo rje'i spyi bor mi snang bar 'gyur ro/ /de nas 'grub par 'gyur te/ rgyal po sbyin par byed cing tshe lo brgya thub par 'gyur ro/ /slong mo'i zas za zhing rgya mtshor 'bab pa'i chu klung gi nang du zhugs te nye ba'i snying po spyan dang bcas par lan 'bum bzlas brjod byas la de nas rig sngags 'chang gis chu'i nang du yungs kar gyi sreg blugs lan brgya stong byas na bar snang la ral gri mthong bar 'gyur te de blang bar bya'o/ /ci ste snang bar mi byad na ni rig sngags 'chang gis rig pa mchog bzlas brjod byas na snang bar 'gyur ro/ /'og pag can gyi rig sngags bzlas brjod byed bzhin du blang bar bya'o/ /de blangs pas skra lcang lor 'khyil zhing lo bcu drug lon pa'i sha tshugs can du 'gyur te/ dpag tshad nyis stong gyen du 'phag pa dang / rig sngags 'chang thams cad kyis mi song pa dang / tshe lo nyis stong thub par 'gyur ro/ /gter 'byung bar 'dod na rig sngags 'chang gnas gang na gter yod par song la tshes grangs dang rgyu skar yang 'dam mi dgos/ /smyung ba yang bya mi dgos par bil ba'i me'i nang du yungs kar dang / pad+ma'i lo ma bsregs pa la nye ba'i snying po lan brgya stong sbyin sreg byas na gter gyi lha des rmi lam du ston par byed do/ /de nas rig pa mchog gis bgegs rnams kyi sbyin sreg byas nas blang bar bya'o/ /dga' byed gdong gis gnas bsrung bar bya'o/ /nye ba'i snying pos ni mar me sbar bar bya ste/ ba lang gi rwa arka'i shing bal gyis dkris la/ ba ser mo'i mar gyis mar me sbar bas 95-1-71a gter gang na yod pa de brtol te/ sgra tshig tshig por 'byung bar 'gyur ro/ /yang na srin phyes arka'i shing bal gyi dkris la rdo rje khro bo'i sngags dang ldan pas srog chags go ta'i tshil gyis mar me sbar ro/ /mtshan ma ni de nyid dang 'dra'o/ /nA ga pa la'i arka'i shing bal gyis g.yogs te pad+ma'i rgyus pas dkris la mi'i tshil gyis me sbar te bzung ngo / /mtshan ma ni de nyid dang 'dra ste snying po chen po zhes bya'o/ /lha rnams ngas rnam pa sna tshogs mthong nas nye ba'i snying po'i las rnams bshad pa yin no/ / sgrub pa'i snying po stobs ldan pa/ /gang dag snying stobs med pa dang / /bsod nams chung ngu de dag gi/ /pha rol phyin pa rdzogs bya'i phyir/ /gter gyi sgo yi khyad par dag /bdag gis su ni bshad par bya/ /bcom ldan lag na rdo rje yis/ /de nas tshig ni 'di skad smras/ /gter sgo gang dag tshangs pa yis/ /gsang sngags kyis ni sbyor ba dang / /cho ga sa ni nges bzhag pa/ /mi rnams cho ga med pa dang / /stobs dang mthu ni med pa yi/ /rtag tu choms par mi 'gyur te/ /gang gis mi rnams bde blag tu/ / longs par spyad par 'gyur ba dang / /pha rol phyin pa'ang rdzogs byed dang / /ji ltar nor rnams rab bzhag pa/ /de dag bdag gis bshad par bya/ /bcom ldan lag na rdo rje yis/ /de skad du ni tshig kyang smras/ /gter gyi sgo ni rab bshad pa/ /sa mthar rgya mtshor thug pa yi/ /sa yi 'og gnas gang yin pa/ /bdag gis su ni rab bshad kyis/ /lha rnams kyis ni mnyan par gyis/ /de dag gi ni kha dog mtshan/ /gsang sngags gang gis gzhom pa dang / /cho ga ji bzhin las rnams dang / /bde blag tu ni thob pa yi/ /sbyar sman bdag gis bshad par bya/ /de dag gi ni mtshan ma yang / /so so ru ni bshad par bya/ /gru gsum dang ni zla gam dang / /zlum po dang ni zur bzhi dang / /pad+ma chu shing lo ma dang / /de bzhin gzhan ma bsil yab 'dra/ /gter gyi sgo ni brgyad bshad pa/ /de dag kha dog legs 95-1-71b par nyon/ /ngang pa'i mdog 'dra gter sgo yod/ /ka ra bI ra'i mdog 'dra dang / /'dam bu chu gsher 'dra ba dang / /rgya skyegs khu ba'i kha dog 'dra/ /ljang gu'i mdog can gter sgo yod/ /ba bla'i mdog dang 'dra ba dang / /gi wang gi ni kha dog 'dra/ /de bzhin 'bring ga ra dang mtshungs/ /kha dog bshad pa 'di dag gi/ /gter sgo rnams kyi bgegs bsal bzhin/ /steng dang sa 'og gnas pa yi/ /bgegs rnams gang gis brlag 'gyur ba'i/ /sbyin sreg las ni cho ga rnams/ /rab tu bshad kyi mnyan par gyis/ /gter sgo gsang sngags gang gis dgod/ /de dag rim bzhin bshad par bya/ /na mo badzra pA Na ye/ na mo ru trA ye/ na mo ma hA bid+ya rA dzA ya/ bi ru dri ne swA hA/ ra ra nA ra swA hA/ ang+ga nA ya swA hA/ bi rU pi ni swA hA/ ti b+ha ri swA hA/ muk+ti ni swA hA/ bi muk+ti ni swA hA/ pre ta he swA hA/ bi da ri Ni swA hA/ ho+orgag kho swA hA/ ga ga ne swA hA/ bi ri Ni swA hA/ ang+ga ri Ni swA hA/ bir ga Ni swA hA/ma hA ba ra te swA hA/ ru Ni ba ni swA hA/ ka ra pa ra bi ka ra swA hA/ bi rU pi swA hA/ ma ri pa swA hA/ brdzadza ni swA hA/ gardzadza ni swA hA/ mArma Ni swA hA/ ku ni pa ti na swA hA/ sa la dkyil 'khor gru bzhir skyong nul du byugs la ku sha'i stan bting la shar phyogs su kha bltas te 'dug nas gtsang sbra dang / tshangs par spyad pa dang / dbang po dul bar bya ste/ zas su chu grog 'thung zhing las brtsams la cho ga 'dis lha thams cad bkod nas 'khur ba bkra shis ldan dang / pen tse dang / tsan+dan dri zhim po dag phyogs dang mtshams kyi lha rnams la dbul zhing zho dang dmar bag sbangs te/ sngags snga mas sha mya'i yam sreg shing mar gyi nang du smyugs pa brgya stong sbyin sreg bya'o/ /bgegs thams cad phung bar byed pa'i gcod byed ces bya ba'i rig sngags bstan par bya ste/ /na mo badzra pA Ni s+ya/ ku ti ku ti/ tsi ti tsi ti/ mi ti mi ti/ ri Ni ri Ni/ mo ti ni pra mo ti ni swA hA/ rig sngags 'dis yungs kar la lan bdun bzlas brjod byas te/ phyogs 95-1-72a bzhir gtor na bsrung bar byas par 'gyur ro/ /na mo badzra pA Ni s+ya/ a ma ra a ma ra/ ma ri ka ti ni ta la ti swA hA/ rig sngags 'dis yungs kar la bzlas brjod byas te/ mgo bor gtor na bgegs rnams 'tshe bar mi byed do/ /na mo badzra pA Ni s+ya/ ku ti ku ti/ tu ti tu ti/ ha ra ha ra swA hA/ rig sngags 'dis chu la bzlas brjod byas pa'i sar bzhag na me'i 'jigs pa mi 'byung ngo / /gter sgo kun gyi bgegs rnams ni/ /rnam pa brgyad du rab bshad do/ /mi ra dag ni mi'u thung dang / / 'jigs par byed pa skad cig pa/ /glang po che dang ma he dang / /rab tu 'jigs pa'i srin po dang / /stag dang bya dang spyil po tsam/ /bgegs rnams brgyad po rab bshad de/ /de dag phung bar bya ba'i phyir/ /rig sngags 'di ni sbyar bar bya/ /na mo badzra pA Ni s+ya/ a ri ba ri/ ti ri mi ri/ tsi ri mi ri/ pa ra pa na ra ti/ ki ri ki ri/ ka li ka li/ mi ri mi ri/ shi ri shi ri/ nA sha ni nA sha ni/stam+b+ha ni stam+b+ha ni/ mo ha ni swA hA/ rig sngags 'di dang / rig sngags kyi rgyal pos yungs kar la bzlas brjod byas te phyogs bzhir gtor na bgegs thams cad mi snang bar 'gyur ro/ /na mo rat+na tra yA ya/ na mo b+ha ga ba te/ /pra hA ya/ kha ri bi bi ki ri/ nA ri ba na ri/ mo ha na ni ha ri ha ri pho ShA Ni swA hA/ rig sngags 'di chu la bzlas brjod byas te/ phyogs bzhir gtor na bgegs thams cad bcom zhing mi snang bar 'gyur ro/ /na mo badzra pA Ni s+ya/ na mo mi ri mi ri/ tsan+d+rI tsan+d+rI/ man+ti swA hA/ gsang sngags 'dis chu la bzlas brjod byas te/ phyogs dang phyogs mtshams rnams su gtor na phyogs bcing bar byas par 'gyur te/ khwa yi gzugs ni mi snang 'gyur/ /'phur zhing che la gsum du snang / /spyil bo tsam zhes bya ba ni/ /phyogs rnams kun tu zhi bar 'gyur/ /gter gyi sgo yi ri mo ni/ /thod pa rab 'dra rtogs par bya/ /de na phur bu zer snang ba/ /'ja' khugs 'dra 95-1-72b ba'i 'od dang bcas/ /phur bu de ni dpal gzugs ldan/ /de la lag pas reg mi bya/ /lus ni sbyar sman bskus nas kyang / /de nas phur bu dbyung bar bya/ /gang gis sa la de lhung ba'i/ /nam mkha'i phub ma shu dag yung / /nim pa'i lo ma ldong ros dang / /sgog skya nas dang shing kun rnams/ /mi khrag gis ni sbyar ba yi/ /byugs pas de la bsku bar bya/ /de nas sa la lhung bar 'gyur/ /de ltar ma byas nus mi 'gyur/ /shri ri sha yi me tog dang / /de yi rtsa ba shun lpags dang / /ru rta rgya spos 'bri ha ti/ /yungs kar 'di rnams cha mnyam pa/ /ra gcin dag dang btag par bya/ /lus la bskus pa'i sbyar sman 'di/ /khrag 'joms pa yi mchog yin no/ /ru rta dang ni rgya spos dang / /lig bu mig dang ldong ros bcas/ /sbal pa'i tshil dang ldan byas te/ /dud pa'i mig rtsi rab sbyar ba/ /'di ni mig rtsi'i rgyal po ste/ /gter gyi sgo rnams gcod pa yin/ /nya ri kun da'i shun lpags blangs/ /sin+du ba ra'i gi wang bcas/ /bring ga'i dud pas rab bdugs pa/ /'di ni sbyar sman mchog yin te/ /sbyar sman gyis ni lus bskus nas/ /de nas phur bu dbyung bar bya/ /ci ste snang bar mi byed na/ /khra yi 'khrul 'khor rengs byed cing / /bgegs kun phung bar byed pa yi/ /rig sngags 'di ni de yis sbyar/ /ka rung+gA ka rung gi dI bya/ rU pi na/ kan+ne tum+pa ka gA tra/ sam+b+ha be bi du lu ni/ ku mi ni/ hI hI ni/ hU hU hU ni/ ki ri ki ri/ kA la ka ra Ni/ ma hA bid+yA de/ ha ra ha ra ha ra/ tsa la tsa la tsa la/ ra ra ra/ tha tha tha/ sha sha sha/ stam+b+ha ya/ nA sha ya nA sha ya/ hi ri hi ri/ gi ni gi ni/ hu na da hu na da/ gr-ih+Na mu ya/ ha na brah+ma Ni/ pa ta ni/ mo ha ni/ bi tsi ri/ ma ba na/ tha ra tha ra/ mi ti mi ti/ si ti si ti/ mi ri mi ri/ bi ri bi ri/ hi ri hi ri/ de mya ni de mya ni/ bit+ti ba ti/ pa ta ni pa ta ni/ ha ha ha ni swA hA/ phur bu 'byin pa na 'dom gsum du bcal te chu 95-1-73a dang yungs kar gyis bsnun na khra de rengs par 'gyur ro/ /yang na rgyang ring por lhung bar 'gyur te rig sngags 'dis ni bgegs thams cad bcom par 'gyur ro/ /na mo badzra pA Na ye/ na mo ru drwa ya/ na mo brah+mA ya/ gar+sha ri shi ri ri/ si si ri ri/ mi ri/ ba ba pa swA hA/ rig sngags 'di'am yang na gos dkar can gyis gtsug phud bcing bar bya'o/ /gang gis nor rnams blang bya ba'i/ /gru gsum 'joms pa 'di yin te/ /kho ra khor yug sbyang byas la/ /rab tu bsgrims te brtag par bya/ /de yi mtshams kyi dbus dag tu/ /ri mo gru gsum gnag pa yod/ /ci ste de ltar mi snang na/ /de nas 'o mas gtor bar bya/ /a pa marga'i thal sman gyis/ /mkhas pa dag gis rab gtor zhing / /dung gi phye mas phyi bar bya/ /kho ra khor yug gtor bya zhing / /gtor dang byi dor byas nas kyang / /ci ste mtshan ma mthong 'gyur na/ /sbyar sman gyis ni bskus na yang / /lcags kyi khar bas brdab byas na/ /chag par 'gyur te gzhan du min/ /zla gam dag gi dbus dag na/ /bkra shis ldan pa'i gzugs kyang snang / / ci ste de ltar mi snang na/ /thal ba'i sman 'di sbyar bar bya/ /e 'dra bye'u rug lo ma rnams/ /mnyam par bzhag pas btsir nas ni/ /ba gcin dag dang lhan cig sbyar/ /bskol nas gtor ba byas nas ni/ /bkra shis ldan pa der snang ste/ /'di la blo ldan the tshom med/ /sbyar sman gyis ni bskus nas kyang / /lcags kyi khar bas brdab par bya/ /des na sa la de ltung ste/ /rnam pa gzhan du 'gyur ba med/ /zlum po gzhom pa'i cho ga yis/ /sbyar bar bya ba rab bshad de/ /kho ra khor yug sbyangs nas ni/ / rab tu bsgrims te brtag par bya/ /pad+ma'i rtsa ba'i mdog 'dra ba/ /sbrul mgo gdengs ka'i ri mo snang / /ci ste de dag mi snang na/ /thal ba'i sman 'di sbyar bar bya/ /ka li sha yi sa bon dang / /btsod rnams dang ni ba gcin gyis/ /sbyar nas kun tu blugs 95-1-73b par bya/ /de nas mtshan ma snang 'gyur te/ /sbyar sman gyis ni lus bskus nas/ /lcags kyi khar ba brdab par bya/ /des na des ni 'jig 'gyur te/ /rnam pa gzhan du 'gyur ba med/ /gru bzhi po yi ri mo yang / /gru bzhi yin te bshad par bya/ /ci ste de ni mi snang na/ /thal ba'i sman 'di sbyar bar bya/ /snu ha sha ra'i yal ga blangs/ /mnyam par bzhag pas btsir byas la/ /ba gcin gyis ni sbyar nas kyang / /mkhas pa yis ni blugs par bya/ /blugs nas mtshan ma snang 'gyur te/ /de la sman gyis bskus byas shing / /lcags kyi khar bas brdab byas na/ /chag par 'gyur te gzhan du min/ /pad+ma yi ni dbus su yang / /snying po dag ni snang ba yod/ /sman rnams kyis ni lus bskus nas/ /rdo ba yis ni brdab bya zhing / /de ni snying po gzhom par bya/ / de na yod par the tshom med/ /ji ltar bdag gis bzhag pa bzhin/ /lhag par yang ni blang bar bya/ /chu shing lo ma'i dbyibs 'dra ba/ /sbyar ba'i thabs ni mnyan par bya/ /de ni mtshan ma snang ba ni/ /gi wang thig le 'dra ba yin/ /ri mo gnyis sam gsum yang rung / /yang na bzhi'am lnga yod de/ /mtshan ma 'di dag snang bar 'gyur/ /ci ste mtshan ma mi snang na/ /thal ba'i sman 'di sbyar bar bya/ /a shwat+tha dang pa ta pa'i/ /lo ma a pa marga rnams/ /ra yi gcin gyis sbyar nas su/ /kho ra khor yug blugs par bya/ /blugs ma thag tu snang 'gyur te/ /sbyar sman gyis ni bskus nas kyang / /lcags kyi khar bar brdab byas na/ /chag par gyur te gzhan du min/ /bsil yab dag dang 'dra ba ni/ /yu bar bcas par snang bar 'gyur/ /gshor gyis legs par sbyar byas la/ /de yi mtshan ma brtag par bya/ /ci ste de na mi snang na/ /thal ba'i sman 'di sbyar bar bya/ /in+d+ra shing gi lo ma dang / /nir rgun dag gi lo ma dag /rta yi gcin gyis sbyar nas kyang / /kho ra khor yug blugs nas ni/ /de nas mtshan 95-1-74a ma snang ba der/ /sbyar sman gyis ni bskus nas kyang / /lcags kyi khar bas brdab byas na/ /chag par 'gyur te gzhan du min/ /chu shing lo ma 'dra ba las/ /rus sbal rgyab dang 'dra ba dang / /rdo rje ci ste rab 'ongs pa/ /de ni gzhom du med pa yin/ / gter gyi sgo ni thams cad la/ /phur bu rnam pa bzhi yod do/ /dbang po gshin rje lus ngan dang / /khyab 'jug phur bu bzhi pa'o/ /gter gyi sgo ni thams cad du/ /rig sngags 'dis gtor ma sbyin par bya ste/ /gshin rje la ni bsreg bya rnams so/ /khyab 'jug la ni 'bras can sna tshogs pa'o/ /ku be ral ni sbyar thug go/ /dpal ldan la ni 'bras kyi 'o thug sbyin par bya'o/ /na mo badzra pA Ni s+ya/ nan te su nan te/ g+ho bin+te/ ri ti ri ti/ mi ti mi ti/ mo ri ti swA hA/ /sngags 'dis ci 'dod pa'i gtor ma thams cad byin la de nas las brtsam par bya'o/ /gzhor gyi sngags ni 'di yin te/ /na mo badzra pA Ni s+ya/ ti sha ya bi ti sha ya/ na mo ma hA Sha yA ya swA hA/ /sngags 'di dag gis chu la bzlas brjod byas te/ /bsang gtor bya ste de nas las bya'o/ /de la gter sgo gcog pa'i mchog /rdo rje rnams dang gzhan yang gang / /khra yi rigs rnams gcog pa yi/ /sbyar sman rnams kyang bshad par bya/ /ka na ka yi rtsa ba dang / /a sha nak+ta'i gi wang dang / /spu yi rtsa ba 'di dag rnams/ /arka dar ba'i shun lpags dang / /ril bu sran tsam byas nas kyang / /grib ma dag tu bskam par bya/ /gter sgo thams cad gcog pa 'di/ /'byung po'i mchog ces bya ba yin/ /'bam po dang ni gcod rnams dang / /gi wang ldong ros bcas pa dang / /ka ra bI ra'i rtsa ba dang / /arka dkar po'i shun lpags dang / /sho na ka yi shun lpags dang / /'di dag cha ni bsnyams byas la/ /ba gcin dag dang btag par bya/ /gter sgo thams cad gcog pa yin/ /sbyar sman dag gi dam pa ste/ /lag na rdo rjes bshad pa yin/ /ag+ni man+ta'i lo ma dang / /e ran+ta yi 95-1-74b rtsa ba dang / /snu ha ga shi ri sgog skya rnams/ /ba gcin dag dang btag par bya/ /gter sgo gcog pa'i sbyar sman 'di/ /rdo rje zhes ni bya ba yin/ /ka ra bI ra'i rtsa ba dang / /chu shing sa bon skyer pa dang / /yung dang nag ta ma la dang / /gi ri kar ni dkar po rnams/ / ba gcin dag dang btag par bya/ /sbyar sman gyi ni rgyal po 'di/ /gter sgo gcog pa'i mchog yin no/ /bid+yud dzi hwa mo ra ti/ /de bzhin ram nye'u yungs kar rnams/ /ba gcin gyis ni legs sbyar ba/ /gter sgo gcog pa dam pa yin/ /ba lung gi ni me tog dang / /shal la ka yi snying po dang / /'bam po sni ha k+Shi ri dang / /gi wang dag dang ldan par ni/ /ra gcin dag dang btag byas pa/ /rdo rje 'joms pa'i mchog yin no/ /ko sha ta ka'i sa bon dang / /ko bi ra yi 'bras bu dang / /du ru ska yi lo ma rnams/ /ba gcin dag dang btag byas la/ /zhag grangs bzhi bcu dgur bzhag pa/ /rdo rje 'joms pa'i dam pa yin/ /pa ri dzA ti'i rtsa ba dang / /su bar+Na dang ta ka dang / /spen ma yi ni lo ma dang / /sbrang rtsi dang ni shing kru dang / /gi wang dag dang sbyar ba ni/ /gter sgo gcog pa'i dam pa yin/ /sbyar sman dam pa 'di dag ni/ /rdo rje 'joms pa yin par bshad/ /gser rnams blang bar 'dod pa yi/ /lag pa bsku ba nga las nyon/ /ru rta dang ni rgya spos dang / /a li ta dang mo ra ti/ /lag pa bsku ba'i mchog yin te/ /rdo rje 'bar byed 'jigs pa yin/ /zhim thig le yi sa bon dang / /nag ta ma le'i 'bras bu rnams/ /ba gcin dag dang sbyar ba ni/ /bde bar byed pa'i lag skud yin/ /pad+ma'i rtsa ba rgya spos dang / /sa rak+Shi dang spu rnams ni/ /ra yi gcin dang legs sbyar ba'i/ /bde bar byed pa'i lag skud yin/ /ka gan 'dzi yi sa bon dang / /kar Ni ka ra'i me tog dang / /pri yang ku dang rgya spos dang / /su ra bi dang tsan+dan dkar/ /gi wang dag dang ldan pa ni/ /bde bar byed pa'i lag skud yin/ /sgo glegs lag pas reg pa na/ / 95-1-75a mtshams nas kyang ni 'bye bar 'gyur/ /de nyid rengs pa bya ba'i phyir/ /rig sngags 'di ni sbyar bar bya/ /na mo badzra pA Ni s+ya/ /ti ri ti ri/ mi ri swA hA/ /rig sngags 'dis chu la lan bdun bsngags te sgo glegs kyi ngos la gtor na rengs par 'gyur te/ bde blag tu gzung bar 'gyur ro/ /gter gyi sgo rnams thams cad la/ /rig sngags 'di ni sbyar bar bya/ /rengs byed rmongs byed dge ba ste/ /bgegs rnams thams cad 'joms byed pa/ /tshangs pa nyid kyis byas pa ste/ /rmongs byed sgo yi them pa'i phyir/ /ri rab brtol nas byung ba ste/ /dri za lha mo rnams dang ni/ /mi'am cis ni rab tu mchod/ /'joms par byed cing skrag byed pa/ /lha yi gzugs ldan blo gros che/ /rig sngags 'di ni bshad par bya/ /ki li ki li/ /ping+ga lAk+Shi ha ha b+hi mang+gi/ ha na ha na/ shU le na bi dA ra ya badzra Na/ ki li ki li/ /shap+de Na/ stam+b+ha ya ru tre Na/ de na ha na ha na/ shak+ti na/ ki ri ki ri/ tsi ri tsi ri/ mi ri mi ri/ /na ru ti na ru ti/ tha ra tha ra/ tha tha/ ra Ra/ pa ta ya pa ta ya/ stam+b+ha ya stam+b+ha ya/ pa ta ya pa ta ya/ gardza gardza/ mardza mardza/ tardza tardza/ king+ki ni king+ki ni/ dun+du b+hi duN+du b+hi/ shukla daMSh+T+ra ka rA lA na ne/ ka na ne dI pya rU pe/ tsa ma bi dus saM ma dA/ dI pya bra be/ ba sha ne/ka ha ka ha/ khaD+ga ha ste/ tri ne tre/ ru drA ya nesh+ma shA ne/ ya dA kri da se/ glo pa gle bA ga gleM ba yur+pa ra Ni/ an+d+ha kA re swa yaM ke sha ki mu ku Ta/ tsan+h+rAM ka /shiR+She/ de ba gan+d+harba/ yak+Sha bid+yA/ da Re+e a tsi te/ su pU dzi te/ drem+bA drem+bA/ thi thi/ ma ba pa spaR+sha ma ba/ ha ha ma pa/ ka kam pa/ tsit+t+re/ ha na ha na/ stam+b+ha ya stam+b+ha ya/ ma hA bid+yA tsa turmu kha/ A dz+nyA pa ya ti swA hA/ rig sngags 'dis yungs kar dang chu dang thal ba rnams las gang yang rung ba cig blangs te/ rig sngags bzlas brjod byas la phyogs bzhir gtor na bgegs thams cad rengs par 'gyur zhing / khra yang bcom par 'gyur ro/ /de nyid kyis bsad pa dang / 95-1-75b gnyid log tu gzhug pa dang / mun par bya ba dang / gar dang glu dang rol mo la sogs pa byed du gzhug pa dang / gzhan yang sems can mi snang ba gang yin pa dag dang / snang ba gang yin pa dag dang / bgegs dang log 'dren gang yin pa dang / ci ste rgyal po'i pho brang ngam/ dur khrod kyi gnod pa byung ngam/ sbrul gyis bcings pa'ang rung / /gzhan yang sems can gnod par byed pa gang yin pa de dag thams cad 'joms par byed cing rmongs par byed pa yin no zhes bcom ldan 'das rdo rje 'dzin gyis de skad bshad do/ /gser len pa na rdo rje lag na thogs shing rig sngags kyi mchog 'dis sbyin sreg legs par bya'o/ /na mo badzra pA Ni s+ya/ bi be tA ya swA hA/ ti steM su kha la hA ya swA hA/ kum+ba Sh+Te na yA/ ba ran+ti asta nA ya swA hA/ nidrA d+hi pA ta ye swA hA/ sha ye yurbA yu swA hA/ li bi gra re tA ya swA hA/ ba hu yak+ShA ya swA hA/ ya swA hA/ ga NA ya swA hA/ ga Na pa tA ya swA hA/ kA ma rU pA ya swA hA/ kang li ni swA hA/ byA g+h+rA ya swA hA/ byAg+h+rA d+hi pa ta ye swA hA/ rAk+Sha sA ya swA hA/ rAk+Sha sA d+hi pa te ye swA hA/ kha D+gA ya swA hA/ khaD+gA d+hi pa ta ye swA hA/ /ru drA ya swA hA/ ya mA ya swA hA/ ba ru NA ya swA hA/ ku be rA ya swA hA/ pr-i thi byai swA hA/ ma tri byai swA hA/ brah+ma ya swA hA/ gang gsang sngags 'di dag gis sha ma'i yam sreg shing brgyad brgya sbyin sreg byas na bgegs thams cad bcom par 'gyur ro/ /zhes bcom ldan 'das rdo rje 'dzin gyis bshad de/ de yang 'khrul 'khor thams cad 'joms pa'i nye ba'i snying po dang ldan pas sbyin sreg bya'o/ /yang na nye ba'i snying po gcig pus bya'o/ /de ltar ma byas na brlag par 'gyur ro/ /de nas dbang ldan gyis bcom ldan 'das lag na rdo rje la zhus pa/ bcom ldan 'das stobs po che pha rol gnon pa/ mi rnams la phan pa'i phyir nyan par 'tshal ba de bdag la gsungs shig /khra rnams bshad pa du zhig mchis/ /brtson 'grus mthu stobs ci tsam lags/ / 95-1-76a bdag gi the tshom de dag gsungs/ /ji bzhin du ni gsungs pa'i rigs/ /rdo rje 'dzin chen mnga' bdag gis/ /dbang ldan gyi ni tshig thos nas/ /dbang ldan gzi brjid chen po pa/ /tshangs pas bshad pa'i khra de nyid/ /sngon ni sa 'di steng dag na/ /rtag tu gter rnams mang po yod/ /gter de dag ni bsrung ba'i phyir/ /tshangs pa nyid kyis khra rnams yod/ /khra yi rnam pa brgyad bshad pa/ /brtson 'grus che zhing stobs po che/ /lag na rdo rje bka' mchog gis/ /de dag gang gis brgyar 'gyes dang / /gtor ma'i sngags rnams ji bzhin pa/ /de dag bdag gis bshad par bya/ /gnag dang dkar dang de bzhin dmar/ /mgrin pa mthon kar grags pa dang / /ka piny+dza ra mig dmar dang / /'dab bkra dang ni shel mig can/ /de la nag po ni gshin rje lhar 'dzin pa yin no/ /dkar po ni tshangs pa lhar 'dzin pa yin no/ /de bzhin du mgrin pa mthon ka ni smin drug gi bu lhar 'dzin pa yin no/ /ka piny+dza ra ni khyab 'jug lhar 'dzin pa yin no/ /mig dmar ni ku be ra lhar 'dzin pa yin no/ / de bzhin du 'dab bkra ni dbang po lhar 'dzin pa yin no/ /shel mig can ni sa'i lha lhar 'dzin pa yin no/ /khra de dag gi kha dog mtshan/ /rtags rnams bdag gis bshad pa yin/ /de dag gi ni mdog dang dbyibs/ /rim bzhin du ni bshad par bya/ / nag po yi ni gzugs gang dang / /mthu stobs gang yin rab bshad de/ /kha dog rab tu gnag pa dang / /bong tshad che zhing 'jigs par byed/ /dpag tshad gcig na gnas bzhin du/ /dril bu'i skad 'dra 'byin par byed/ /gtor ma 'dod phyir yang dang yang / /de bzhin rgyun du skad kyang 'byin/ /gang gis zhi bar 'gyur ba yi/ /zas rnams kyang ni bshad par bya/ /sha btsos de bzhin brngos pa rnams/ /bya rje la ni sbyin par bya/ /myur du sngags kyang sbyar bya zhing / /gtor ma yang ni sbyin par bya/ / 95-1-76b na mo badzra pA Ni s+ya/ kr-iSh+Na yak+Sha ya kr-iSh+Na a d+hi pa ta ye swA hA/ /gtor ma la yang sngags 'dis bsngags la de nas sbyin par bya'o/ /dkar po yi ni gzugs gang dang / /mthu stobs gang yin rab bshad de/ /nam mkha' la dag bskor byas nas/ /de ni chu skyar mdog 'dra yi/ /'dab ma'i shugs kyis 'ong bar 'gyur/ /rgyun du kho ra khor yug nas/ /'dab ma'i gshog sgra chen po yis/ /'brug sgra chen po 'byin par byed/ /gnas rnams su ni lan cig gam/ /lan gnyis lan gsum skor bar byed/ / gdon rnams lan gsum tshang ba'i bar/ /de srid du ni gtor ma sbyin/ /sna ma 'bras yos mar dag gi /gtor ma rnams ni sbyin par bya/ /sngags la/ /na mo badzra pA Ni s+ya/ /sho d+ha ya sho d+ha ya/ pa ta ya/ sho pa d+hi pa ta ye swA hA/ dmar po yi ni gzugs gang dang / /mthu stobs gang yin rab bshad de/ /bzhad bzhin du ni skad 'byin cing / /zab mo'i sgra ni rab tu sgrogs/ /lan lnga'i bar du skad 'byin zhing / /de ni myur du 'ong bar byed/ /ji srid lan lnga skad 'byin pa/ /de srid du ni gtor ma sbyin/ /dri dmar dang ni me tog dmar/ /pu pa li ka sbyin par bya/ /bza' ba dang ni la tu dang / /til gyi khu ba sbyin par bya/ /sngags la/ /na mo badzra pA Ni s+ya/ /rak+te rak+ta/ k+She rAk+tA d+hi pa ta ye swA hA/ mgrin pa mthon ka'i gzugs gang dang / /mthu stobs gang yin rab bshad de/ /sder mos kyang ni brad par byed/ /de ni khwa ltar skad 'byin cing / /lan bdun bar du skad 'byin te/ /de ni myur du 'ong bar 'gyur/ /gtor ma myur du sbyin par bya/ /sngags kyang legs par dran par bya/ /lan tshwa med pa'i sha sbyin cing / /yam sreg shing yang sbyin par bya/ /gtor ma'i las ni 'di dag gis/ /de ni myur du ltung bar 'gyur/ /sngags la/ na mo badzra pA Ni s+ya/ nI la ga sho/ nI la te dzo/ nI lA d+hi pa ta ye swA hA/ ka biny+dza ra'i gzugs gang dang / /mthu stobs gang yin rab 95-1-77a bshad de/ /srin bya bzhin du yang dang yang / /srin bya bzhin du yang dang yang / /skad po che ni 'byin par byed/ /myur ba myur bar skad 'byin cing / /de bzhin sgra yang lan gsum 'byin/ /nye ba dag tu 'ong bar 'gyur/ /de tshe zas kyang sbyin par bya/ /gsang sngags kyis ni bya ba yin/ /khrag gis su ni bkang ba yi/ /mngon sum dag kyang sbyin par byed/ /de bzhin nya dang sha rjen sbyin/ /sngags la/ na mo badzra pA Ni s+ya/ ka rA li/ pi ka rA li/ ka rA lA d+hi pa ta ye swA hA/ mig dmar gyi ni gzugs gang dang / mthu stobs gang yin rab bshad de/ /rta bzhin du ni skad 'byin cing / /khar ba'i sgra ltar tsher tsher po/ /de bzhin sgra cher sgrogs par byed/ /me lce 'bar ba kha nas 'byin/ /the tsom med cing myur ba ru/ /de la gtor ma sbyin par bya/ /de bzhin sha ni rjen pa dang / /chang gis bkang ba'i snod kyang sbyin/ /sngags la/ na mo badzra pA Ni s+ya/ rak+ta kane tro rak+ta ni ba/ /rak+tA d+hi pa ta ye swA hA/ 'dab bkra yi ni gzugs gang dang / /mthu stobs gang yin rab bshad de/ /'brug sgra bzhin du skad 'byin cing / /de yang de bzhin 'ong bar 'gyur/ /rang gi lus las de bzhin 'dab/ /glog gi rgyud 'drar snang bar 'gyur/ /rnga mo ltar ni brtul zhing 'ong / /ngur ba bzhin du yang dang yang / /lan brgyad du ni skad 'byin zhing / /de ni myur du 'ong bar 'gyur/ /de la gtor ma sbyin bya zhing / /gsang sngags kyang ni bya ba yin/ /bu ram zho dang sbyar ba yi/ /zas kyang rab tu sbyin par bya/ /sngags la/ na mo badzra pA Ni s+ya/ tsi tra tsi tra k+Sho/ bi tsi tra/ a d+hi ba ta ye swA hA/ shel mig can gyi gzugs gang dang / /mthu stobs gang yin rab bshad de/ /nam mkha' dag ni khebs par byed/ /de ni dal nas 'ong bar byed/ /glang po che ltar skad 'byin cing / /'dab mas rlung ni g.yo bar byed/ /'dab ma de ni rlung gis su/ /grang bar yang ni byed par 'gyur/ /skad ni lan gnyis 'byin byed cing / /de ni khad kyis 'od 95-1-77b bar 'gyur/ /de la gtor ma sbyin bya zhing / /gsang sngags kyang ni bya ba yin/ /de bzhin mar dang sbyar bya yi/ /nas kyi zas kyang sbyin par bya/ /ba yi mar dang de bzhin sha/ /bu ram chang gis bkang bar sbyin/ /sngags la/ /na mo badzra pA Ni s+ya/ ke ka rak+Sha/ ka ka ra dr-iSh+Ti/ ke ka rA d+hi pa ta ye swA hA/ khra 'di dag ni bdag gis su/ /mtshon bcas cho gar ldan par bshad/ /gang zhig khra ni nag po yi/ /sngags las brten te las rtsom pa/ /de la 'jigs pa ci yang rung / /cung zad kyang ni 'byung mi 'gyur/ / de la sbrang rtsi 'o mar sbyar/ /de las 'gal bar las bya ba/ /gang yin de ni bdag nyid brlag /bdag nyid chen po khra 'di dag /mchod pa byas na ldog 'gyur te/ /lag na rdo rjes bshad pa bzhin/ /khra thams cad kyi gsang sngags ni lhag par spyan dang rig sngags kyi rgyal po dang sbyar bar bya'o/ /khra gzhom pa'i rig sngags tshangs pas smras pa/ ngas bshad zin te/ /de dang sbyar zhing las bya'o/ /ngas kyang khra thams cad phung bar bya ba'i phyir gtum po mi bzad pa'i rig sngags gang thos pas brag la thog thog 'bab pa bzhin du dum bu brgyar 'gro bar 'gyur bar bshad par bya'o/ /na mo badzra pA Ni s+ya/ ma hA tsan+de tsan+de tsin+ta nam na tsa ma ne/ stam+b+ha ni/ dzam+b+ha ni/ mo ha ni/ hi hi ga ka re/ ba re ye swA hA/ khra thams cad bzlog pa la yungs kar gyis bya'o/ / de nas rdo rje 'byar byed gzhom par 'dod na rdo rje 'byar byed la bltas la/ rdo rje khro bo nyid bsngags te blang bar bya'o/ /sman 'di dag kyang gtor bar bya ste/ rgya sran gyi khu ba dang / sru sru'i rtsa ba dang / 'om bu bsregs pa'i khu ba dang / so ma dang so ma ta ba dang / so ma dza ti dang / 'di rnams bsres pa'i chus gtor la nyi ma'i 'od kyis gdung bar bya'o/ /gang na nyi ma med pa der nor bu me shel bstan par bya'o/ /de nas bcos ma'i rdo rje 'byar byed gzhig par 'dod na/ /swa ri ka'i thal ba dang / /gze ma dang / kan+ta ga 95-1-78a dang / /ab yag dang dun+ti ka'i thal ba dang 'di rnams bsres bas bshig na des 'jig par 'gyur ro/ /de nas bcos ma'i rdo rje 'byar byed bya bar 'dod na lhang tsher srang gnyis dang / /so ma ra tsa'i sa bon srang gcig dang / /ba bla srang phyed dang / mon sran gre'u'i phye ma srang gnyis dang / phye ma zho gnyis dang / sa ma dza ti zho gnyis dang / ka la pa ta'i sa bon zho gnyis dang / 'di rnams lhan cig tu sbyar te phye ma zhib mor bya'o/ /lhang tsher yang btag par bya ste/ ka tsa pa la bsregs pa'i chu dang / 'om bu dang / in+d+ra brik+Sha bsregs pa'i chu dang lhan cig tu sbyar la ma thang gis bskus pa'i snod kyi nang du zla ba gcig gi bar du bzhag nas kra kan+ti dang / mu zi'i phye mas btab na de nas rdo rje 'byar byed de dag dang bar 'gyur ste/ sgo glegs sam/ rtsig ngos sam/ gang 'dod pa la btun pa'i phyir gyis bskus na rdo rje 'byar byed de a sho ka'i me tog 'dra bar dmar por 'gyur ro/ /las thams cad la yang nye ba'i snying po dang ldan par 'gyur ro/ /gter sgo 'di dag ngas bshad de/ gter rnams 'di na yod do zhes/ /mngon pa'i rtags ni gang dag gis/ /nges par rtogs par 'gyur 'di nyon/ /rdzas kyi tshad ni ji tsam pa/ /de kun bdag gis bshad par bya/ /shing med khrad khrod gnas dag na/ /sa la tha yi shing 'dra ba/ /dkar zhing dri zhim snang ba yod/ /zabs su mi 'greng gnyis tsam na/ /nor rnams khri phrag drug yod de/ /de ni klu dang ldan pa yin/ /shing gi gnas ni du ma na/ /pad+ma'i 'dab ma 'dra ba dang / /pad+ma chen po'i dri zhim yod/ /zabs su mi 'greng gnyis tsam yod/ /nor ni drug khri lnga stong yod/ /de ni srin dang ldan pa yin/ /shing med pa yi gnas dag na/ /sa la tha la'i 'bru 'dra ba/ /ta la'i dri dang ldan pa yod/ /zabs su mi 'greng gnyis tsam na/ /'bum las lhag pa'i nor yod de/ /de ni gnod sbyin ldan pa yin/ /shing 95-1-78b med pa yi gnas dag na/ /sa la ta la'i shing 'dra ba/ /gcig pu dri zhim ldan pa yod/ /zabs su mi 'greng gsum tsam na/ /nor rnams bye ba snyed yod de/ /de na rnam thos bu yang gnas/ /shing med pa yi gnas rnams na/ /sa la ta yi mig 'dra ba/ /dkar zhing dri zhim ldan pa yod/ /zabs su mi 'greng gsum tsam na/ /nor rnams bzhi khri drug stong yod/ /de dag na ni dbang ldan yod/ /shing med pa yi gnas rnams na/ /ji ste sa la'i khri 'dra ba/ /rkang pa bzhi la ldan pa ste/ /ke ta ka ti dri can yod/ /de na bye ba snyed yod do/ /de ni klu dang ldan pa yin/ /mtshan rtags chen po 'di dag ni/ /bshad zin gzhan yang nga las nyon/ /dbyar zhing skam la rtsub pa dang / /rgun zhing gsing mar gyur pa dang / /mdza' bo de bzhin byi la sbrul/ / lhan cig gcig tu gnas pa dang / /de bzhin sbrul dang ne'u le gnyis/ /khung gcig na ni lhan cig gnas/ /gang na go da dkar po dang / /byi ba dkar po lhan cig gnas/ /gang na wa ni nyal ba dang / /ci ste sa phyogs dro ba dang / /khyi ni rtag tu grong bor nas/ /dgon pa'i phyogs gcig gang na nyal/ /shing ni thur du mi 'khrung pa/ /ci ste thur du 'khrung 'gyur dang / /'o ma med las 'o ma 'byung / /mu tu'i rtsa ni gdugs 'dra dang / /rgyal mtshan 'dab ma 'dra ba dang / /shing rnams gang dag bum pa 'dra/ /rtswa las rtswa 'byung yal ga 'phyang / /rtsub cing kha rnga 'dra ba dang / /'dab ma skam zhing lo ma snum/ /dus ma yin par me tog 'byung / /rtag tu 'bras bu chags pa dang / /tsher ma med las tsher ma 'byung / /tsher ma can las tsher ma med/ /rtse gcig shing rigs gang yin pa/ /ci ste khra brag gyur pa dang / /shing drung grog mkhar phung chen yod/ /dus ma yin par me tog 'byung / /shing drung gang na gzugs yod la/ /rtag tu 'bras bu mchod pa dang / /mchod pa med cing gzi byin ldan/ /shing drung gis ni phyogs 95-1-79a gcig na/ /bde byed mtshan ni snum byed yod/ /shing drung gi ni phyogs gcig na/ /ci ste rdo leb yod pa dang / /grong gi phyogs gcig ma mo yi/ /gnas yod mchod pa med pa dang / /khron pa'i phyogs gcig sangs rgyas gzugs/ / ci ste khron pa'i phyogs gcig na/ /bde byed mtshan ma stegs bur bcas/ /rtag tu snum pa gnas pa dang / /khron pa yi ni phyogs gcig na/ /rdo leb ming dang ldan pa yod/ /zhing gi phyogs gcig klu rnams kyis/ /mchod cing stegs bur bcas pa dang / /rtag tu snum dang ldan pa yod/ /zhing gi dbus ni gang dag na/ /rdo yi phung po chen po yod/ /de na khung gi sgo yang yod/ /zhing dag gi ni dbus rnams na/ /rdo leb zur gsum yod pa dang / /rdzing bu dag gi 'gram dag na/ /ma mo rnams kyi gnas yod pa/ /mchod pa mod cing gzi byin ldan/ /mchod du zin kyang gzi med na/ /nges par de na nor yod do/ /grong gi phyogs gcig slar song nas/ /rwa dang rmig pas rko bar byed/ /khang pa brtsegs pa'i kha dag nas/ /bya rog thur du blta bzhin du/ /rtag tu skad kyang 'byin par byed/ /rdzing bu yi ni 'gram dag na/ /ci ste gnod sbyin gzugs yod dang / /chu klung 'gram na sangs rgyas gzugs/ /dbang phyug che dang lhan cig gnas/ /grong dang grong gi phyogs gcig na/ /sa 'bigs zhes bya rdo leb yod/ /grong rnams kyi ni dbus dag na/ /stegs bu med pa'i mchod shing yod/ /klu yi mchod shing stegs bu dang / /lhan cig na ni gnas pa yod/ /de dag gi ni lho phyogs na/ /grog mkhar phung po chen po yod/ /grong ngam yang na dgon pa na/ /ma mo'i gnas ni mchod pa med/ /sangs rgyas gzugs dang nyi ma'i gzugs/ /ci ste de dag g.yon phyogs na/ /gang la nyi ma'i gzugs yod pa/ /klu dag dang ni lhan cig gnas/ /zhing dbus rdo phung chen po yod/ /grog mkhar dang yang lhan cig gnas/ / 95-1-79b sa gzhi dag kyang dud par 'thul/ /rtswa yang rnyings par 'gyur ba ste/ /rtag tu yang ni gzi byin ldan/ /chu yang shin tu skam par 'gyur/ /chu ngogs pha gu phung chen yod/ /sa dag kyang ni bye ma 'dra/ /khang pa brtsegs pa'i phyogs gcig na/ / rtag tu dud pa 'dra bar 'thul/ /grong ngam yang na dgon pa'am/ /zhing ngam yang ni khyim dag na/ /khra dang phug ron lhan cig tu/ /gang na shin tu mdza' bar 'gyur/ /grong ngam cha'am bkres pa'am/ /skom pa yis ni gzir bzhin du/ /de ltar dus ni thams cad du/ /phyogs gcig tu ni dga' bar 'dzin/ /zhing dag gi ni dbus dag tu/ /rdo leb ming dang ldan pa yod/ /shing rnams gang la ba lang rdzi/ /bru bas gzir cing skom pas gzir/ /rtag tu 'dzeg cing rtse ba dang / /sdug bsngal de bzhin rab bder 'dzin/ /dus kun du ni ba lang rdzi/ /gang du de bzhin rtse byed cing / /grang zhing grang ba med par 'dzin/ /de bzhin du ni skyo ba med/ /pad+ma'i sdong bu gcig pa la/ /pad+ma la ni pad+ma skyes/ /de bzhin ut+pal ku mu da/ /ci ste kha dog ngan par 'gyur/ /dri yang zhim par mi 'gyur dang / /'dab ma dag kyang 'khums pa dang / /gang la 'bras bu mi chags pa/ /de la pad+ma ku mu da/ /ba gcin dang ni rta gcin dang / /rdo thal rnams dang lhan cig sbyar/ /de dang de yi me tog dang / /chu rnams la ni gtor byas na/ /gang na gter de gnas pa yi/ /sa phyogs de dang chu rnams dang / /me tog sngon po dmar por 'gyur/ /rtag tu sa phyogs gang dag na/ /chu ni khyor gang tsam yod la/ /sa gzhi de yang dro ba dang / /khang pa brtsegs pa gang dag la/ /rdo thal sngon por 'dug pa dang / /byi ru lta bur mdog dmar zhing / /bar bar du ni gnas pa dang / /yang na rab tu mdog sngo zhing / /phug ron mdog ltar 'dug kyang rung / /de bzhin ro ni kha ba dang / /gang na gzugs ni mdog snum zhing / /bkrus kyang shin tu skam pa yod/ /de bzhin dri dang me tog phreng / /de ni snying por ldan pa ste/ /yan lag 95-1-80a 'bru mar bskus pa la/ /mi yi lce yis bldag byas na/ /myur du yal bar 'gyur ba dang / /gang na rdo rje'i gzugs yod pa/ /thur du yang ni lta bar byed/ /phyogs gcig na ni lha gzhan gyi/ /shing ngam yang na rdo gzugs yod/ /mgo la rdza thogs ci ste snang / /rdzing bu 'gram gyi gnas dag na/ /nor lha yi ni bu yi gzugs/ /nub phyogs phyogs pa de 'dug bzhin/ /shar phyogs logs su blta ba dang / /rdzing bu'i 'gram na ma mo gnas/ /nub phyogs phyogs pa de 'dug bzhin/shar phyogs logs su blta ba dang / /khron pa'i phyogs gcig sangs rgyas gzugs/ /ci ste dur khrod gnas dag na/ /sangs rgyas gzugs 'dra snang ba dang / /chu med phyogs na sbrul gzugs dang / /gang na mi ro mgo med 'dra/ /rdo'am yang na shing la byas/ /lam gyi bzhi mdo gang dag na/ /ci ste dbang po'i gzugs snang zhing / /sgra chen la ni zhon bzhin du/ /bum pa mgo la thogs nas kyang / /thur du lta ba yod pa dang / /mig rnams yongs kyi mi gnas pa'i/ /shing med pa yi gnas dag na/ / ma mo dag kyang gnas 'gyur la/ /mtshan ni thur du lta ba dang / /shing gi tshal ni gang dag na/ /ci ste glang chen gzugs yod dang / /grong nas kyang ni rgyang ring ba/ /gang na phag gi gzugs yod pa/ /rngo'am yang na shing las byas/ /shing gi tshal gyi dbus dag dang / /shing mtshams bar la sogs pa na/ /dbang phyug gi ni gzugs yod de/ /de ni rtag tu thur du blta/ /khron pa'i phyogs gcig gnod sbyin gnas/ /gzugs brnyan stegs bur bcas pa ste/ /gang na klu dang gnod sbyin dang / /yang na gtum po'am brgya byin gyi/ /sha tshugs 'dra la shing rings thogs/ /gang na glang gi gzugs yod dang / /gang na glang gzugs shing las byas/ /yang nas las byas pa yod/ /shing gi tshul gyi phyi rol na/ /gang na klu yi rdo gzugs yod/ / 95-1-80b lam gyi bzhi mdo gang dag na/ /klu ni gcig pu gnas pa la/ /shing rnams kyis kyang bskor ba ste/ /mi rnams med pa'i sa phyogs bzang/ /chu med pa yi dgon pa na/ /klu yi mchod shing kha brag bzhi/ /dur khrod na ni sbrul 'dra'i shing / /yang na klu yi mchod shing yod/ /dur khrod de na shing yod pa/ /klu shing dag gis kun nas bskor/ /dur khrod gang na khyi dang ni/ /yang na wa ni rtag tu gnas/ /grog mkhar ba yi dus kun du/ /wa rnams snang ba yod pa dang / /dgun zhing grong gi phyi rol du/ /phyugs ni rtag tu nyal bar byed/ /phag gam yang na khyi yang rung / /song nas rtag tu blta ba dang / /rkang lag dag gis 'bru bar byed/ /bya rog sa la 'dug nas ni/ /rtag tu thur du lta bar byed/ /grog mkhar gyi ni phyogs gcig na/ /gang du bya rog mchu dag gis/ /rtag tu rko bar byed pa dang / /sa ni rtag tu dud par 'thul/ /gang nas ni dkar por snang / /dbyar zhing skam la rtsub pa dang / /rtag tu yang ni dud par 'thul/ gtsang ma'i gnas ni gang dag na/ /rtag tu mi gtsang snang ba dang / /nyi ma nub ka dag tu yang / /dud pa med par dud 'dra snang / /dbyar zhing dra bas khebs 'gyur la/ /kho ra khor yug gas pa dang / /rtag tu yang ni rab tu 'bar/ /shing drung gang na rtag 'bar dang / /gel pa khri shing med pa la/ /dbyar zhing thog thog 'bar ba dang / /rtag tu tshwa sgo gang dag na/ / sa ni 'khor lo gshol dag gis/ /khebs par snang ba yod pa dang / /grang ba'i dus na dro ba dang / /dro ba'i dus na grang ba dang / /gzhan dag gis ni ma 'dres pa'i/ /shing gi tshal gyi dbus dag na/ /mi yi thod pa khung chen yod/ /a ni na dza byi dza na kan te/ /shing med gnas na gter yod do/ /khang pa dog pa dag na yang / /brag ca'i sgra ni yod pa dang / /me tog med cing 'bras bur ldan/ /'bras bu la yang me tog chags/ /shing gang 'bras las 'bras bu 'byung / /me tog las kyang me tog skye/ / 95-1-81a dkyil 'khor bzhi dang 'dra ba yi/ /sa ni rab tu 'bar ba yod/ /gang na yal ga gcig pu las/ /'bras bu 'byung gi gzhan las min/ /lo ma med pa'i yal ga las/ /me tog gang nas 'byung ba yod/ /nyin par lo ma 'khum 'gyur zhing / /mtshan mo 'du bar 'gyur ba dang / /shing gnyis rtse mo'i yal ga dang / /rab tu 'du bar 'gyur ba yang / /rdzing gi 'gram na stobs bzangs gzugs/ /shar phyogs su ni kha blta zhing / /sred med bu yang lho phyogs 'dug /ci ste rdzing gi 'gram dag na/ /sangs rgyas sku gzugs yod pa dang / /kun dga' ra ba'i phyogs gcig na/ /ci ste gnod sbyin gzugs yod dang / /sku pa yi ni lo ma rnams/ /phur mar chags shing bu gu yod/ /ci ste zhing gi dbus dag na/ /klu yi gzugs dang sku la ka /yang na bde byed mtshan yod dang / /ci ste zhing gi dbus dag na/ /khron pa 'ga' zhig yod pa dang / /bde byed gnas kyi stegs bu yi/ /phyogs gcig na ni gzugs gzhan yod/ /lam gyi bzhi mdo'i shing drung na/ /ci ste khron pa yod pa dang / /dUr ba dkar po'i phyogs bzhi nas/ /rtswa rnams kyis kyang bskor ba dang / /shing la ci ste gzugs yod dang / /sa la sbrang mas rtag tu bskor/ /sa phyogs bzang por dbyar gyi dus/ /srin phyis phung po snang ba yod/ /rtags 'di rnams las gter rnams kyi/ /mtshan ma dag ni brtags byas te/ /'byung ba dag ni ngas bshad zin/ /de nas blugs par bya ba'i sman/ /gang dag gis ni rtogs 'gyur nas/ /rtag tu the tshom med 'gyur ba'i/ /blugs sman cho ga mnyan par gyis/ /'bras can zhos sbyar til phye dang / /kun dza ra yi me tog rnams/ /ma he'i 'o mas sbyar bar bya/ /sna ma'i me tog btag par bya/ /ka ra bI ra'i me tog rnams/ /ma he'i 'o ma ba gcin sbyar/ /sran chung til dang lhan cig tu/ /chu yis su ni btag par bya/ /kun da'i me tog blangs byas la/ /'o ma tsan dan dag 95-1-81b dang sbyar/ /in+d+ra brig sha'i lo ma rnams/ /zho ga chu dang btag par bya/ /nya lcibs sa ni blangs nas kyang / /chu dang lhan cig btag par bya/ /kun da'i me tog ma bye ba/ /blangs nas 'o mas sbyar bar bya/ /arka dmar po'i lo ma rnams/ /'o ma yis ni sbyar bar bya/ /a sha na ni zho dang sbyar/ /mkhas pas blugs sman de byas la/ /rang bzhin gyur par rtogs nas ni/ /nor yod par ni bstan pa yin/ /gzhan dag kyang ni bshad bya ste/ /ma bsregs pa yi kham phor dag /'bras phye 'dag gus bskus byas la/ /mdzub gang brkos nas gzhag par bya/ /rang bzhin gzhan du gyur na ni/ /nor rnams yod par shes par bya/ /yungs kar a da'i me tog rnams/ /gong bu dag tu brdzis nas ni/ /rang bzhin gyur na nor yod do/ /'bras rnams til dang lhan cig tu/ /zho dang sbyar te gong bur byas/ /kham phor kha sbyar nang bcug la/ /mdzub gang brkos pa'i 'og tu bzhag /rang bzhin gyur na nor yod do/ /dgun smad dus su dus rnams ni/ /mar gyis bkang ste brkos nas bzhag /zhu bar gyur na nor yod do/ /lha rnams sems can don gyi phyir/ /blugs sman dam pa'i cho ga rnams/ /bdag gis su ni bshad pa yin/ /sems can rnams la phan gdags phyir/ /mig sman gang gis mig bskus na/ /sa la gter kun mthong 'gyur ba'i/ /mig sman rnams kyang bshad par bya/ /'ug pa'i mchi ma zag pa yis/ /lig bu mig ni bsgos nas kyang / /ldong ros dag dang lhan cig tu/ /blo can gyis ni mig kyang bsku/ /ldong ros dag ni shing mngar dang / /gi wang dang ni 'ug pa yi/ /mig rnams lhan cig sbyar byas la/ /blo ldan gyis ni mig kyang bsku/ /ra yi gcin dang de bzhin du/ /byi la yi ni gcin blangs la/ /'ug pa'i mig dang lhan cig tu/ /dud pa bkag ste bsreg par bya/ /lig bu mig dang sbyar byas la/ /blo ldan gyis ni mig kyang bsku/ /rdul bye'u rang ni 95-1-82a shi ba yi/ /khong du lig bu mig bcug la/ /dud pa bkag ste bsregs pa ni/ /mig sman rab tu bzang ba yin/ /'jon mo'i mgo yi nang dag tu/ /lig bu mig ni bcug nas kyang / /dud pa bkag ste bsregs na ni/ /mig sman rab tu bzang ba yin/ /ne'u le'i mgo bo blangs nas ni/ /de yi nang du ldong ros gzhug /dud pa bkag ste bsregs pa ni/ /mig sman rab tu bzang ba yin/ /mthing ril sgo nga bya gag sgong / /de bzhin sbrul mgo de dag rnams/ /dud pa bkag ste bzhag pa ni/ /mig sman rab tu bzang ba yin/ /na ma ska ri sbrul mgo dang / /lig bu mig dang sbyar byas nas/ /dud pa bkag ste bsregs pa ni/ /mig sman rab tu bzang ba yin/ /rang shi ba yi sbrul dag gi/ /khong du lig bu mig bcug la/ /ldong ros dang ni lhan cig tu/ /dud pa bkag ste bsregs pa ni/ /mig sman rab tu bzang ba yin/ /na ma ska ri gi wang dang / /'ug pa yi ni mig rnams dang / /'jon mo'i mgo dang cha mnyam par/ /dud pa bkag ste bsreg par bya/ /lung bong gi ni mig gnyis dang / /de bzhin byi ba'i mig gnyis dang / /bya rgod mgo dang lhan cig tu/ /dud pa bkag ste bsregs pa ni/ /mig sman rab tu bzang ba yin/ /spre'u yi mjug ma dag dang ni/ /de bzhin 'jon mo'i mig gnyis dang / /sbrul gyi mgo dang lhan cig tu/ / dud pa bkag ste bsregs pa ni/ /mig sman kun gyi mchog yin no/ /sems can rnams kyi don gyi phyir/ /mig sman gyi ni sbyor ba mchog /lha rnams dag gis bshad pa yin/ /mig sman rnams dang blugs sman rnams la ni nye ba'i snying po sbyar bar bya'o/ / gter gyi las thams cad ni rig sngags kyi rgyal pos bya'o/ /nye ba'i snying po rdzogs so// //ngas sngar bshad pa'i pho nya ma gang yin pa thams cad kyi pho nya mo'i las bshad par bya'o/ /lha rnams rig sngags chen mo stobs chen mo'i 'phrul gyi 95-1-82b rig sngags de dag gi rig sngags kyi cho ga'i las kyang bshad par bya'o/ /de la pho nya mo thams cad kyi las ni 'di yin te/ longs spyod kyi gzhi bsgrub par 'dod pas zhag gsum smyung bar byas la/ 'phags pa lag na rdo rje'i mdun du lha bshos sna tshogs phul nas mchod par byas te/ pri yang ku'i shing gis me sbar la pri yang ku dang gi'u wang dang / ril bu stong rtsa brgyad sbyin sreg byas na zhag bdun gyi tha mar longs spyod kyi gzhi 'thob par 'gyur ro/ /mar gyi ngo zhag bcu bzhi la mchod sbyin byas pa'i mchod sdong blangs nas/ mi ro bsregs na rig sngags kyi snying po dang ldan par bzlas brjod byed bzhin du/ /mdag ma blangs la blangs pa de spyan gyi sngags bzlas brjod byed bzhin du phug ron gyi khung du shi bar byas te/ phyi ma'i mar gyi ngo zhag bcu bzhi la lha chen po'i gnas su song nas log 'dren gyi sngags kyis gtor ma'i cho ga thams cad byas la zhag gcig smyung ba byas te/ ldum bu so ma'i 'dab ma bdun blangs pa'i steng du sol ba bzhag nas gzugs kyi lho phyogs su rig sngags bzlas brjod bya ste/ dud pa 'thul ba'i bar du bzlas brjod byas la/ de blangs nas nang par bram ze rnams dang / dge slong gi dge 'dun la mchod ston byas la/ de nas sbyar bar bya ste/thig le byas na lus mi snang bar 'gyur zhing tshe lo lnga brgya thub la/ pho nya ma thams cad dbang du 'gyur ro/ /zas su 'o ma'i 'dag gu za zhing tshes gcig la brtsams te/ tshes bdun gyi bar du rig sngags bzlas brjod byas nas zhag gcig smyung ba byas la dka' bzlog ma'i gnas su song ste/ 'bras phye las mdung rtse gsum pa byas pa brgya stong sbyin sreg byas na yul gru thob par 'gyur ro/ /cho ga 'di nyid kyis ma mo'i gnas su song la mchod pa byas te/ /dbang phyug chen po'i sngags kyi las thams cad bya'o/ /ma mo'i gtso bo'i mdun du 'bras phye las khur ba dkris shing ldan par byas pa brgya stong 95-1-83a sbyin sreg byas na yul gru sbyin par byed do/ /mar gyi ngo zhag bcu bzhi la zhag gcig smyung ba byas te 'phags pa lag na rdo rje'i mdun du sna ma'i me tog kha ma bye ba brgya stong sbyin sreg byas na pho nya ma thams cad las so cog byed par 'gyur ro/ /rig sngags kyi rgyal po bsgrub pa'i las rnams la ni pho nya ma rnams sbyar bar bya'o/ /pho nya ma rnams la ni bdud rtsi thab sbyor dang / dga' byed gdong sbyar bar bya'o/ /bdud rtsi thab sbyor la sogs pa'i gsang sngags thams cad la ni rig sngags kyi rgyal po dang spyan sbyar bar bya'o/ /yang na bcom ldan 'das ma nyi tshe sbyar bar bya'o/ /gdon no cog dbye bar 'dod nam da na'i tsher ma dug dang khrag gi nang du smyugs pa brgya stong sbyin sreg byas na 'byer bar 'gyur ro/ /mar gyi ngo zhag bcu bzhi la zhag gcig smyung ba byas te smin drug gi bu'i gnas su song nas/ rig sngags lan brgyad brgya bzlas brjod byas na gzhan gyi yid du 'ong bar 'gyur ro/ /skyes pa dang bud med dbang du bya bar 'dod na mar gyi ngo zhag bcu bzhi la zhag gcig smyung ba byas te/ lha chen po'i gnas su song la gzugs kyi lho phyogs su seng ldeng gi shing gis me sbar nas yungs kar gyis lan brgya stong sbyin sreg byas na skyes pa dang / bud med dbang du 'gyur ro/ /mar gyi ngo tshes bdun la rgyu skar sa ri la bab pa'i tshe bil pa las shing brnyan bdun skyes pa blangs nas dug mo yungs kyi shing drung lan stong bzlas brjod byas te btsugs na grong khyer gyi mi thams cad gnyid log par 'gyur ro/ /mar gyi ngo zhag brgyad la spos kyi reng bu blangs te/ /mi'i tshil gyis bsgos nas mar gyi ngo zhag bcu bzhi la zhag gcig smyung ba byas te/ /lha chen po'i gnas su song nas mchod pa rgyas par byas la gzugs kyi lho phyogs su spos kyi 'dag gus mdung rtse gsum pa bris nas de'i steng du mi'i thod pa bzhag pa la 'dug ste/ thod pa'i snod mi tshil gyis bkang ba'i nang du spos kyi reng bu bzhag pa las thod pa'i nang du dud pa 95-1-83b chags par byas na de blangs pa lag na rdo rje dang / lha chen po dang / grogs rnams la yang skal ba sbyin te/ de nas mig gnyis bskus na lus mi snang bar 'gyur zhing / 'dod dgur sgyur ba'i gzugs can stobs po che tshe lo dgu brgya thub par 'gyur ro/ /gdon las thar bar bya 'dod na a shwat+tha'i shig gis me sbar te lan tshwa dang ske tshes lan brgya stong sbyin sreg byas na cho nge bton nas gtong bar 'gyur ro/ /dgun zla tha chung sa yar gyi ngo tshes bcu bzhi la zhag gcig smyung ba byas te/ 'phags pa lag na rdo rje'i mdun du arka'i shing gis me sbar nas dri na shu le'i me tog brgya stong sbyin sreg byas na pho nya mo thams cad kyis dam pa sbyin par 'gyur ro/ /tshogs kyi bdag po lcags can ni pho nya ma thams cad kyi gzhen 'debs pa dang / sgrub pa byed par ngas bskos te/ de dran par byas na pho nya ma thams cad mdun na 'khod par 'gyur ro/ /nga dang lha rnams kyi snying po lta bur gyur pa 'byung po'i bdag po'i cho ga rgyas pa bsgrub pa pho nya ma thams cad kyi yid dang 'thad pa tshogs kyi bdag po lcags can bshad par bya'o/ /na mo rat+na tra ya s+ya/ /na ma sh+tsaN+Da badzra pA Ni s+ya/ /ma hA yak+Sha s+ya nA pa ti s+ya/ tad+ya thA/ ra ba ra ba/ d+ha ba d+ha ba/ ma ra ma ra/ b+hany+dza b+hany+dza/ ha na ha na/ da ha da ha/ pa tsa pa tsa/ gr-ih+Na gr-ih+Na/ ts+tshin+da ts+tshin+da/ b+hin+da b+hin+da/ha na la ha ka badzra na swA hA/lcags can snying lta bur gyur pa/ 'byung po'i bdag po'i cho ga rgyas par bsgrub bo/ / tshogs kyi bdag po'i pho nya ma thams cad kyi yid dang 'thad pa bshad de/ na mo badzra pA Na ye/ na ma I shwa rA ya/ na mo nan+ta ke shwa rA ya/ ru lu ru lu/ pi la ta ma taM gi /tsa la lo ha ka/ /duSh+Ta saM gra ha mi naM/ a+wa be shA ya swA hA/ 'di ni tshogs kyi bdag po lcags can pho nya ma rnams kyi gzhen 'debs pa dang / sgrub par byed pa thogs pa med pa'i las can no/ /gdon dbab pa thams cad la ni me tog gis bya'o/ /las so cog la yang tshogs kyi bdag po lcags can brjod nas las thams cad bya'o/ /zhag 95-1-84a gsum smyung ba byas nas mar gyi ngo zhag brgyad la lag na rdo rje'i mdun du dkyil 'khor skyong nul gyis byugs te dri dang / me tog dang / bdug pa phul nas be+e kang+ka ta'i shing gis me sbar la bil pa'i yam sreg shing brgya stong sbyin sreg byas/ de'i 'og tu tshogs kyi bdag po lcags can gyis mtshan mo rmi lam du bstan par 'gyur ro/ /de nas pho nya ma thams cad byed par 'gyur ro/ /pho nya ma rnams kyi cho ga rdzogs so// //log 'dren rnams kyi rig sngags bshad pa gang yin pa de ni snying po'i mchog kyang bshad par bya ste/ na mo badzra pA Ni s+ya/ /o~M pi ti ta ma ti ste+e ha/ snying po'i las rnams 'byung ste bsgrub pa thams cad dang / las thams cad la las 'di nyid bya ste/ gu gul dang ni yungs kar dang / /gi wang shu dag ru rta dang / /sug smel yang ni de bzhin te/ /sgron shing dang ni thang shing dang / /tsan+dan dang ni a ga ru/ /ka le ya ka pad tra dang / /ge sar 'di rnams cha bsnyams la/ /chu dang lhan cig btag par bya/ /gang na sbyar sman 'di gnas pa/ /der ni 'jigs pa mi 'byung ste/ /chom rkun ma yin mtshon rnams min/ /sbrul rnams ma yin lha min min/ /lag na rdo rje'ang 'dis bskul bas/ /sa stengs dag tu rgyal bar 'gyur/ /'di yis lus la bskus pa ni/ /log 'dren rnams las thar bar 'gyur/ /sbyar sman 'di ni byas nas kyang / /sgrub pa thams cad bsgrub byas na/ /log 'dren rnams kyis mi tshugs te/ /lag na rdo rjes bshad pa bzhin/ /log 'dren rnams kyang gzhen 'debs pa/ /sgrub pa byed par ni 'phags pa lag na rdo rjes bdud rtsi thab sbyor bskos so/ /mar gyi ngo zhag brgyad la zhag gcig smyung ba byas te/ 'phags pa lag na rdo rje'i mdun du tsan+dan dmar po'i khu bas 'phags pa bdud rtsi thab sbyor bri'o/ /de'i g.yog sum cu rtsa gnyis kyang thal bas bri'o/ /log 'dren rnams la gtor ma sbyin par bya'o/ /bdud rtsi thab sbyor yang 95-1-84b lan brgya bzlas brjod bya'o/ /de nas lag na rdo rjes bshad pa bzhin du log 'dren rnams 'grub par 'gyur ro/ /log 'dren rnams kyi cho ga rdzogs so// //'phags pa spyan ras gzigs kyi dbang phyug gis rig pa mchog las bcom ldan 'das ma gos dkar can bshad pa gang yin pa de'i phyi ma'i las rnams ngas bshad kyis lha rnams nyon cig /sgrub pa thams cad la bsrung ba yin te/ chom rkun dang / stag dang / sbrul dang / chu srin na kra dang / ma ka ra rnams las gnas bsrung ba dang / mtshams bcad pa dang / kha bcing bar bya ba rnams yid kyis bya'o/ /gter blang ba ni gter gang na yod pa der song la smyung bar byas te/ dkyil 'khor skyong nul gyis byugs nas bil ba'i shing gis me'i nang du yungs kar mar dang sbyar bas lan brgya stong sbyin sreg byas na de'i 'og tu gter ston par 'gyur te/ de nas blangs par bya'o/ /mar gyi ngo zhag brgyad la zhag gcig smyung ba byas te/ 'phags pa spyan ras gzigs dbang phyug gi mdun du mchod pa byas nas sna ma'i me tog brgya stong lan re bzlas brjod byas te/ 'phags pa spyan ras gzigs dbang phyug gi brang du bsnun la bzlas brjod rdzogs pa'i til gyis lan brgya stong sbyin sreg byas na dngos grub grub pa'i mtshan mar 'phags pa spyan ras gzigs dbang phyug gi yan lag dang nying lag 'gul bar 'gyur ro/ / de nas grub nas yul gru'am/ yang na gser sbyin par 'gyur ro/ /zla ba gcig gi bar du slong mo'i zas za zhing rig sngags bzlas brjod byas la de nas rig sngags 'chang gis zla ba nya la zhag gcig smyung ba byas te/ ras ma nyams pa la tshon rtsi sbyin med pas 'phags pa spyan ras gzigs dbang phyug 'drir gzhugaste/ 'dam bu mda' rgyu'i mdog can thor tshugs byas pa lag pa g.yon pa na pad+ma thogs pa/ g.yas pa na sngags kyi nor bu thogs te/ brang na dpal be'u yod pa/ pad+ma la bzhugs par bya/ g.yas phyogs 95-1-85a su bcom ldan 'das ma gos dkar can 'dam bu mda' rgyu'i mdog dang ldan pa/ thor tshugs byas shing pad+ma'i phreng bas brgyan pa/ pad+ma la bzhugs te yid tsam gyis 'dud par bya'o/ /de nas rig sngags 'chang spyad pa byas pas mar gyi ngo zhag lnga la sku gdung dang ldan pa'i mchod rten gyi drung du ri mo'i sku gzugs bkram ste/ mchod pa rgyas par byas la lha bshos kyang rgyas par dbul lo/ /ri mo'i gzugs kyi mdun du pri yang ku'i phye ma brdzis pas gzugs byas te/ spyan ras gzigs kyi gsang sngags snying po dang bcas pas lan brgyad brgya bzlas brjod bya'o/ /de nas mjug brtul te rig sngags kyi rgyal po bzlas brjod byas pas mtshams rnams bcad par bya'o/ /bcom ldan 'das mas ni steng dang 'og bcing bar bya'o/ /steng dang 'og bcing ba na lho phyogs su skar mda' ltung bar 'gyur te/ de nas dngos grub 'grub pa'i mtshan mar shes par bya'o/ /de nas rig sngags 'chang gis yang nye reg byas la ri mo'i gzugs kyi mdun du ku sha'i stan byas la 'dug ste/ rig sngags lan brgya stong bzlas brjod byas na ri mo'i gzugs 'gul zhing sa yang g.yo bar 'gyur ro/ /de nas 'grub par 'gyur te bla ma la phyag byas nas/ rig sngags bzlas brjod byed bzhin du gyen du 'phags par bya'o/ /'dod dgur sgyur ba'i gzugs can du 'gyur zhing dpag tshad stong du gyen du 'phags shing rna ba gsang zhing mig rno ba dang rig sngags 'chang thams cad kyis mi sod pa dang / /tshe lo dgu stong thub par 'gyur ro/ /lus dang bral ba'i 'og tu yang bde ba can du skye bar 'gyur ro/ /gos dkar can gyi rig sngags kyi cho ga la gzhen 'debs shing sgrub par byed pa'i gsang sngags chen po yang ngas sbyin par bya'o/ /o~M shrI bAN+Da ra pA si ni/ na dza Ta mu ku d+hA da ra Ne swA hA/ ka be ka be ki bi ri swA hA/ rig sngags 'di lag na rdo rje'i mdun du 'phags pa spyan ras gzigs 95-1-85b dbang phyug gi gzugs gzhag par bya'o/ /de'i g.yon rol du ni gos dkar can gzhag par bya'o/ /de nas rig sngags 'chang gis yar gyi ngo zla ba nya la nyin mtshan du smyung ba byas te/ me tog dang dri dang bdug pa la sogs pas mchod pa byas nas zhag gsum gyi bar du bzlas brjod byas na/ de nas gos dkar can 'grub par 'gyur ro/ /gos dkar can gyi cho ga rdzogs so// //lha rnams ngas 'phags pa spyan ras gzigs dbang phyug gi las rnams bshad zin te/ gzhon nu rdo rje sde'i thogs pa med pa'i las rnams kyang bshad par bya'o/ /ston zla ra ba tshes brgyad la zhag gcig smyung ba byas te/ lag na rdo rje'i mdun du ka ra pI ra'i me tog brgya stong lan re bzlas brjod byas pas 'phags pa rdo rje sde la bsnun nas mdun du 'dug par 'gyur te/ pho nya mo rnams kyis lha'i tshogs so cog 'gugs par 'gyur zhing dngos grub sbyin du 'jug ste/ /mngags ma thag tu yid ci sems pa 'grub par 'gyur ro/ /gdon rnams kyi snying gzhom par bya na/ lan bdun bzlas brjod byas pa'i yungs kar gyis bya'o/ /bca' sga la lan bdun bzlas brjod bya ste/ gdon la bstan na gdon gyi lus tsha bas 'debs par 'gyur ro/ /nad do cog la sa la lan bdun bzlas brjod byas te byin na nad med par 'gyur ro/ /gzhon nu mchog gi gzhen 'debs shing sgrub par byed pa'i snying po bshad zin to/ /drag tu bskul pa gzhan yang bshad par bya'o/ /na mo badzra pA Ni s+ya/ o~M hu yu hu yu swA hA/ /'phags pa rdo rje sde'i snying po'o/ /mar gyi ngo zhag brgyad la zhag gcig smyung ba byas te/ lag na rdo rje'i mdun du rdo rje'i sde bzhag nas me tog dkar po brgya stong snying po dang sbyar te/ 'phags pa rdo rje sde la bsnun na de nas 'phags pa rdo rje sde 'grub par 'gyur te/ /drag tu bskul ba'i snying po mchog bzlas brjod byas pas thams cad byed par 'gyur ro/ /'phags pa rdo rje'i sde'i cho ga rdzogs so// //lha rnams ngas 'phags pa rdo rje sde'i las gang 95-1-86a dag gis myur du mdun na gnas par gyur pa rnams bshad zin te 'ging bar dga' ba mthu dang pha rol gnon pa dpag tu med pa'i rgyud phyi ma gang gis rtse bzhin du bde blag tu las rnams byed pa yang bshad par bya'o/ /mar gyi ngo zhag bcu bzhi la zhag gcig smyung ba byas te 'phags pa lag na rdo rje'i mdun du arka'i shing gis me sbar nas yungs kar mar dang sbyar bas lan brgya stong sbyin sreg byas na gzhon nu mchog 'grub par 'gyur te/ las de grub pas cho ga rgyas par gzhan dag bde blag tu 'grub par 'gyur ro/ /rig sngags 'chang rig sngags sgrub pa na gzhon nu'i gsang sngags dran par byas te/ dran pa tsam gyis myur du mdun na 'dug par 'gyur ro/ /rtse zhing sgrub na lha thams cad gzhon nu blta ba'i phyir 'ong bar 'gyur te/ 'ongs nas dngos grub sbyin par bya'o/ /zhag gsum smyung ba byas te mar gyi ngo zhag bcu bzhi la lha chen po'i gnas sam/ yang na kun dga'i ra ba'am/ khang stong du song nas be'u dkar po blangs te/ dri dang / me tog dang / bdug pas brgyan la kha lho phyogs su bstan nas sbrang rtsi dang / a lam bu mas lag pa gnyis bskus te/ rkang pa g.yas pa byug par bya'o/ /rig sngags kyang lan brgyad stong bzlas brjod byas te/ be'u smrar gzhug go/ /de ste smrar mi btub na yang lan brgyad stong bzlas brjod bya ste/ de nas smrar bcug na ci bya zhes smra bar 'gyur ro/ /des kyang 'dod pa thams cad sbyin par gyis shig ces smros shig de nas yid la gang bsams pa de thams cad 'grub par 'gyur te tshe lo stong nyis brgya thub par 'gyur ro/ /gzhon nu'i las rig sngags sgrub par byed pa bshad zin to/ /ci ste rdo rje'i rigs bsgrub par 'dod na/ lag na rdo rje'i sras gtsug nas byung gtum pa/ drag pa/ 'dul dka' ba bstan par bya'o/ /bsgrub par 'dod pa gang yin pas yum snying la dran par byas te/ sras gtum po dran par bya'o/ /'di las gang bsgrub na rdo rje'i rigs 'grub par 'gyur ba yang bshad par bya ste/ mar gyi ngo zhag brgyad la zhag gcig smyung ba byas nas 'phags pa 95-1-86b lag na rdo rje'i glo g.yas phyogs su ni 'phags pa rdo rje sde/ g.yon phyogs su ni 'phags pa gtsug nas byung bzhag go/ /de dag la dri dang / me tog dang / bdug pa rnams dbul bar bya ste/ 'phags pa rdo rje sde la ni tsan+dan dkar po dbul lo/ /'phags pa lag na rdo rje dang / gzhon nu la ni tsan+dan dmar po dbul lo/ me tog dkar po dang / dmar po yang tshul de dang 'dra bar dbul bar bya ste/ de'i mdun du seng ldeng gi shing gis me sbar la/ yum gyi gsang sngags kyis tsan+dan dmar po'i yam sreg shing mar gyi nang du smyugs pa brgya stong sbyin sreg bya'o/ /de nas gzhon nu 'grub par 'gyur te/ bgegs med pa bde blag tu cho ga rgyas pa 'grub par 'gyur ro/ /lag na rdo rjes bshad pa bzhin/ rig sngags rgyal po mnga' bdag mchog /gang zhig phyag 'tshal mchod byed dang / gang zhig rtag tu lan gcig gam/ /yang dang yang du rjod byed dang / /gzi chen sras ni yum dang bcas/ /legs pa ru ni dran par byed/ /de la ngas ni khor zug tu/ /lag na rdo rjes bskul ba bzhin/ /dngos grub kyang ni sbyin par bya/ /gang zhig cho ga rgyas pa 'di/ /gsang bcas gsang chen ldan pa dang / /lag na rdo rjes sngags bshad dang / /gzi chen phyi ma'i rgyud klog dang / /gzhon nu dam pa mnga' bdag ni/ /spyan dang lhan cig ldan pa dang / /phyi ma'i rgyud las bshad pa yin/ /las rnams gang zhig lta byed pa/ /de la dpal ldan rdo rje 'dzin/ /lus kyi spyi bor rtag tu gnas/ /de nas bcom ldan 'das lag na rdo rjes sangs rgyas kyi spyan spyi bol bkur te/ rdo rje 'bar ba'i ting nge 'dzin la snyoms par zhugs so/ /bcom ldan 'das lag na rdo rjes rdo rje 'bar ba'i ting nge 'dzin la snyoms par zhugs ma thag tu lha thams cad sems 'jigs par 'gyur te/ lhags nas khyab 'jug ni bcom ldan 'das kyi glo g.yon phyogs su 'dug go/ /lha chen po ni g.yas phyogs su 'dug go/ /smin drug ma ni 'dzem bzhin du rgyab logs su 'dug go/ /dka' 95-1-87a zlog ma ni mdun phyogs su 'dug go/ /gzhon nu dril mdzes dang / smin drug gi bu ni glo g.yas phyogs su 'dug go/ /tshogs rnams ni g.yon phyogs su 'dug go/ /pho nya mo drug gis bskor ba'i dpal gyi lha mo gzi brjid chen mo shin tu 'od 'bar ba drag mo pha rol gnon pa drag mo ni phyogs gcig tu 'dug ste/ de'i lha yul ba dang / lha ma yin dang / grub pas brtan pa'i 'khor gyi dkyil 'khor der ma zhugs so/ /de nas bcom ldan 'das lag na rdo rje ting nge 'dzin las bzhengs te lha de dag la glang po che'i lta stangs kyis bltas so/ / de nas phyogs gcig na 'dug pa'i dpal gyi lha mo dang / /pho nya mo stobs chen mo lha'i pha rol gnon pa dang ldan pa drug kyang bltas so/ /de nas pho nya mo drug po rnams kyi dpal gyi lha mo chen mo la legs par bltas nas/ /pho nya mo de dag gis bstod de/ /pho nya mo chen mo me lce ma dang / me stag ma dang / /phreng ldan ma dang / mdzod ldan ma dang / 'bar ldan ma dang / kha 'bar ma dang / 'di dag gis dpal gyi lha mo la bstod pa/ ag+ni dzi hwA swA yaM na maH/ pi ta daMSh+TA ya na maH/ ya mA ya na maH/ da ha nA ya namaH/ bi du dzi hwA ya nA maH A dar+sha nA ya na maH/ bri sha lA ya na maHswA hA/ me lce mas bstod nas lha rnams dga' bar gyur to/ me stag ma'i rig sngags bshad de/ /tsu ru tsu ru/ mu ru mu ru/ pu ru pu ru swA hA/A kets+tsha ba ti swA hA/ me stag mas bstod nas phreng ldan mas bstod pa/ na mo badzra pA Na ye/ de ba ti/ de ba ya/ tsi li mi li/ ka li pra tIts+tsha bi li de ba ti swA hA/ phreng ldan mas bstod nas mdzod ldan mas bstod pa/ /na mo badzra pA Na ye dwe ba ti d+ha bA ya ti pa ri si ri ri/ bi du ri/ dza pe na ta to da ne swA hA/ mdzod ldan mas bstod nas 'bar ldan mas mngon par bstod do/ /na mo badzra pA Ni s+ya/ na maHpra tsan+d+ra s+ya/ na ma skr-i twA sarba b+hU ta/ pra sha ma ni/ sarba arta sing+naM ba she mi hu na ni hu na ni/ mo ha ni mo ha ni/ hi hi badzra pA Ni swA hA/ /'bar ldan mas bstod nas kha 'bar mas mngon par bstod pa/ shri ye ma hA shri ye/ tsa la ma hA tsa le/ ir+yid de ka ni/ 95-1-87b ma hA b+ho gi ni/ b+ho ga ba tI/ ma mA ba lo ka swA hA/ kha 'bar mas bstod nas lha'i mig gis rnam par bltas so/ /de nas dpal gyi lha mo chen mos lag na rdo rje la bstod nas de nas bskyod par brtsams so/ /de nas lha'i dkyil 'khor de dag gis dpal gyi lha mo chen mo rgyang ring po nas 'ong bar mthong nas myur du langs te/ lag na rdo rje'i g.yas phyogs su 'khod do/ /stobs po che'i tshogs brgyad la gtum byed dang / gsar can dang / /rmugs byed dang / rdzong ldan dang / lcags can dang / so can dang / mtshan sbyin dang / bdud rtsi thab sbyor la sogs pa tshogs brgyad po de dag gis mngon par bstod do/ /tshogs rnams kyis dpal gyi lha mo chen mo stobs chen mo bstod pa ni spyan dang lag na rdo rje la phyag 'tshal nas/ thog mar gtum byed ma brjod pa/ na mo badzra pA Ni ye/ da ma da ma rang gA rang gA/ ga ga ga ya ga ya ga ya/ tsan+da ko dz+nyA pa ya ti swA hA/ gnyis pa ste gsar can brjod pa/ na mo badzra pA Ni s+ya/ ba na ba na/ tsa pa la tsa pa la/ /na mo dzA kA dz+nyA pa ya ti swA hA/ /gsum pa ste rmugs byed brjod pa/ na mo badzra pA Ni s+ya/ da ha da ha/ pa tsa pa tsa/ tsUr+Na tsUr+Na/ nA sha ya/ bi nA sha ya dzaM b+ha ko a dz+nyA pa ye ti swA hA/ bzhi pa ste rdzong ldan brjod pa/ na mo badzra pA ni s+ya/ tsu ru tsu ru/ ta ta ta ta/ ma ta ma ta/ kot+ta kot+ta dz+nyA pa ya ti swA hA/ lnga pa ste tshogs chen mo lcags can brjod pa/ na mo badzra pA Ni s+ya/ ta d+ya tha/ ra ba ra ba/ da ba da ba/ ma ra ma ra/ mA ra mA ra/ b+hany+dza b+hany+dza/ ha ne ha na/ da he da ha/ pa tsa pa tsa/ gr-ih+Na gr-ih+Na/ tshin+da tshin+da/ b+hin+da b+hin+da/ ha na lo hA ka badzra Na swA hA/ drug pa ste so can brjod pa/ na mo badzra pA Ni s+ya/ hu ta hu ta/ grA ha ma ba ha ri/ shu mi badzra ha ste na/ su pra ta na da na ta kAdz+nyA pa ya ti swA hA/ bdun pa ste tshogs gzi bo che stobs po che mtshan sbyin brjod pa/ na mo badzra pA Ni s+ya/ tiSh+Tha tiSh+Tha/ b+ho ma hA gra ha badzra sa t+ye na su pra ti pi ba bi la to dA dz+nya pa ya ti swA hA/ brgyad pa ste tshogs chen po bdud rtsi thabs sbyor brjod pa/ na mo badzra pA Ni s+ya/ hu lu hu lu/ tiSh+Tha tiSh+Tha/ 95-1-88a a mr-i ta kun+Da li/ kha kha khA hi khA hi/ ban+d+ha ban+d+ha swA hA/ lha de dag gis tshogs chen po brgyad po 'di dag las brtsams te/ dpal gyi lha mo chen mo la bstod nas/ tshogs chen po de dag gis kyang dpal gyi lha mo chen mo la rim gro byed cing lag na rdo rje'i 'khor gyi dkyil 'khor du song ngo / /de nas gzhon nu smin drug gi bus lha mo de dag la bstod pa mthong nas/ rang gi rig sngags kyis dpal gyi lha mo chen mo la bstod pa/ na mo badzra pA Ni s+ya/ trai lokya dzA la ni bi drA pa Ni/ sarba d+harmA Ni/ sa ma Ni/ sa mi ra Ni/ sarba lo ka pa sh+yaM ka ri/ dzadz+dze mu dze/ hr-i da yaM/ a brti ni/ mi li mi li/ mi li tsa lA ya/ sarba lo kot+sA da ni/ a nu na ha na swA hA/ de nas dpal gyi lha mo chen mo gzhon nu smin drug gi bus bstod nas yid rab tu dga' zhing / 'khor gyi dkyil 'khor gyi nang du song ngo / /de nas dpal gyi lha mo chen mo 'khor gyi dkyil 'khor gyi nang du song ba drug mas mthong nas rang gi rig sngags kyis bstod pa/ na mo badzra pA Ni s+ya/ na maHsat+ya pA Ni naM/ sat+ya bA tsa ne nas t+ya/ ba ti ni sa t+yaM ba de sa t+yaM/ ba hi te dza ba ti/ mA la ni/ ha ri Ni brta ni/ dza lo tic+tsa li/ sarba lo ka pa sh+yang+ka ri/ At+ma naM mu ni s+ya/ ki bi ti/ yo ga me da re/ hi li hi li/ na mo stu de swA hA/ drug mas bstod pa/ dka' zlog mas mthong nas mngon par bstod pa/ na mo badzra pA Ni s+ya/ s+yad de/ da yi te/ a ti tre/ swa me brah+ma/ bi da ni/ r-i Sh-i r-i Shi/ nak+Sha tre/ ya sta tra s+ya d+ya na/ tam ba ta ka te ya ni swA hA/ de nas dpal gyi lha mo chen mo la drug ma dang dka' zlog ma gnyis kyis bstod nas drug ma dang dka' zlog ma gnyis la yang bltas te/ lag na rdo rje'i 'khor gyi dkyil 'khor gyi nang du song ngo / /de nas dpal gyi lha mo chen mo lha rnams kyis bstod de/ lag na rdo rje 'khor gyi dkyil 'khor gyi nang du zhugs nas rig pa mchog gi cho ga chen po rgyas pa phyir zhing 'phel bar bya ba dang / rig pa mchog gi cho ga rgyas pa chen po brgyan pa dang / rig pa mchog gi cho ga chen po rgyas pa bsgrub pa dang / rig pa mchog gi cho ga rgyas pa chen po'i dpal bskyed 95-1-88b pa dang/ rig pa mchog gi cho ga rgyas pa chen po'i rig sngags kyi las thams cad bya ba'i phyir/ rig sngags kyi rgyal po chen po'i mchog lag na rdo rjes rjes su yi rang ba/ ma grub pa rnams grub par byed pa/ grub pa rnams chud mi za bar byed pa/ 'dod pa thams cad rab tu sbyin pa dang / rtag tu dpal mngon par 'phel bar byed pa/ dkyil 'khor thams cad gsal bar byed pa/ dkyil 'khor thams cad kyi nang du gtogs pa/ dkyil 'khor thams cad du 'jug par byed pa/ dkyil 'khor thams cad sgrub pa'i rig sngags bshad de/ de bzhin gshegs pa thams cad la phyag 'tshal nas rig sngags kyi rgyal po chen po lag na rdo rje'i spyi bo la bkur te/ rig sngags 'di bshad do/ /na mo bud+d+ha s+ya/ na mo d+harma s+ya/ na maHsang+g+ha s+ya/ na mo badzra pA Ni s+ya/ na mo yak+ShA nAM/ na mo ma hA shri ye/ tsi li tsi li/ un+mA da/ pra man+te/ dr-iD+ha/ shri ye/ tsa le tsa le/ shri ye/ tsa le tsa le/ shri ye/ a ki ra Ni/ u pa tiSh+Tha/ u pa tiSh+Tha/ i mi tiSh+Tha/ i maM pu ru Sha/ ma na ma u pa tiSh+Tha/ ma ya ram/ gri he gri he/ de pa ti badzra swa mAM swA hA/ rig sngags kyi rgyal po mo chen mo dpal gyi lha mo chen mos rig sngags bshad ma thag tu lha rnams kyis de thos nas snying 'dar te lag na rdo rje'i zhal du lta zhing 'khod do/ /de nas rig sngags kyi rgyal po chen po lag na rdo rjes lha de dag la 'di skad ces smras so/ /lha rnams khyed kyis rig sngags kyi rgyal po chen po dpal gyi lha mo chen mos rig sngags bshad pa gang yin pa nyon cig /rig pa mchog gi cho ga rgyas pa chen po'i phyir 'phel bar bya ba dang / rig pa mchog gi cho ga rgyas pa chen po brgyan pa dang / rig pa mchog gi cho ga rgyas pa chen po bsgrub pa dang / rig pa mchog gi cho ga rgyas pa chen po'i dpal mngon par bskyed pa dang / rig pa mchog gi cho ga rgyas pa chen po'i rig sngags kyi las thams cad bya ba'i phyir ma grub pa rnams grub par byed pa/ grub pa rnams chud mi za bar byed pa/ 'dod pa thams cad rab tu sbyin pa/ rtag tu dpal 'phel bar byed pa/ dkyil 'khor thams cad gsal bar byed pa/ dkyil 95-1-89a 'khor thams cad kyi nang du gtogs pa/ dkyil 'khor thams cad du 'jug par byed pa/ dkyil 'khor thams cad sgrub pa'i rig sngags bshad pa de bzod ldan dag khyed kyis rgyags pa med pa'i sems kyis nyon cig /ngas rdo rje 'bar zhing rab tu 'bar la kun tu rab tu 'bar bas spyi bo gshags sa re/ de nas lha rnams snying 'dar te lag na rdo rje'i zhal du blta zhing rig sngags kyi rgyal po lag na rdo rje dkyil 'khor gyi nang du gtogs pa'i rig sngags kyis kyang mngon par bstod de/ rig sngags kyi rgyal po chen po dpal gyi lha mos rig sngags bshad pa gang yin pa de dag gis lag na rdo rje la bstod nas tshig 'di skad ces smras so/ /rig sngags kyi rgyal po chen po dpal gyi lha mo kun tu lta ba chen po'i rig sngags dkyil 'khor gyi nang du gtogs pa'i las rnams bshad du gsol/ de nas rig sngags kyi rgyal po chen po lag na rdo rjes lha de dag la 'di skad ces smras so/ /lha rnams ngas bshad kyis khyed nyon cig /rig sngags 'chang thams cad kyis dpal mngon par 'byung bar byed pa zhes bya ba'i dkyil 'khor dpal thams cad skyed par byed pa/ pha rol tu phyin pa thams cad kyi tshogs su gyur pa'i dkyil 'khor gyi rgyal po de ngas bshad par bya ste/ gang mthong nas rig sngags 'chang thams cad kyi dpal thams cad kyi mngon par 'gyur ba dang / lha thams cad bskyed par 'gyur ba dang / log 'dren thams cad zhi bar 'gyur ba dang / rgyal srid thams cad brtan par 'gyur ba dang / dgra thul bar 'gyur ba dang / rig sngags 'chang gi dpal rnams 'phel bar 'gyur ba'i dkyil 'khor gyi rgyal po de ngas bshad do/ /sa gzhi mnyam par brtag byas la/ /shes rab can gyis dkyil 'khor bri/ /khru ni bzhi'am bcu drug pa/ /gyo mo dang ni gseg ma med/ /dur khrod yang na shing gcig drung / /yang na chu klung 'dus pa'i mdo/ /sa gzhi de dag brtag byas la/ /de nas mkhas pas dkyil 'khor bri/ /sa de lta bu mthong nas smyung ba byas te gso sbyong dang ldan pas du gu la'i ras dkar po bgos 95-1-89b la/ lag na pog phor thogs nas phye ma red kyi dus mtshams su dpal gyi lha mo'i rig sngags kyis lha rnams spyan drang bar bya'o/ /de nas nam phyed kyi dus sam/ yang na nang par dkyil 'khor bri bar bya ste ci ste gser gyi phye mas bri na ni lha'i dpal 'thob par 'gyur ro/ /dngul gyis ni dgra las rgyal bar 'gyur ro/ /zangs kyis ni zhi bar 'gyur ro/ /yang na tsan+dan gyi phye mas bris na/ ni dpal thob par 'gyur ro/ /tsan+dan dmar po'i phye mas ni dgra las rgyal bar 'gyur ro/ /pu shel cis ni grong khyer zhi bar 'gyur ro/ /yang na 'bras phye dkar pos bris na ni dpal thob par 'gyur ro/ /nas rjen pa'i phyes bris na ni dgra las rgyal bar 'gyur ro/ /yang na me'i bsreg bya byas pa'i thal bas bris na ni zhi bar 'gyur ro/ /ci ste so phag gi phye ma'am sol phye'am/ dur khrod kyi thal ba yang rung ste/ tshon rtsi 'di gsum gyis dkyil 'khor bris na ni yul 'khor la gnod par 'gyur ro/ /rig sngags 'chang ba bdag nyid dag par bya ste/ /rgyu skar dang mthun pa'i dus su smyung ba byas la/ nyi ma bzang ba'am yang na yar gyi ngo tshes lnga la dkyil 'khor khru bcu drug pa'am yang na khru bcu bzhi pa bri'o/ /ci ste thog mar shar phyogs su thig btab na ni rig sngags 'chang rnams kyi dpal 'phel bar 'gyur ro/ /ci ste lho phyogs su thig btab na ni grong khyer la gnod par 'gyur ro/ /ci ste nub phyogs su thig btab na ni rig sngags 'chang rnams phan tshun mi mthun par 'gyur ro/ /ci ste byang phyogs su thig btab na ni dgra thams cad las rgyal bar 'gyur ro/ /ci ste thog mar tshon dkar po bkye na ni rgyal po rgyal bar 'gyur zhing rig sngags 'chang rnams kyi las 'grub par 'gyur ro/ /ci ste tshon dmar po bkye na ni grong khyer zhi bar 'gyur ro/ /ci ste nag po bkye na ni grong khyer la mi dge bar 'gyur ro/ /de nas rig sngags 'chang gis rig sngags kyi rgyal po bzlas brjod byed bzhin du dkyil 'khor bri bar bya ste/ /byang phyogs su ni gangs kyi ri gzhag go/ /lho phyogs su ni ri 'bigs byed gzhag go/ /de nas khor yug gi ris bskor 95-1-90a bar bya'o/ /dbus su ni sangs rgyas bcom ldan 'das bri'o/ /g.yon logs su ni lag na rdo rje bri'o/ /bcom ldan 'das kyi g.yas logs su ni dpal lha mo chen mo bri'o/ /lag na rdo rje'i drung du ni pho nya ma drug bri'o/ /byang phyogs ngos su ni khyab 'jug dang lha chen po dang tshangs pa rnams de dag dang mthun pa'i 'khor dang bdud rtsi gzhag go/ /nub phyogs su drug ma dang / dka' bzlog ma dang / gzhon nu 'khor dang bcas pa gzhag go/ /lho phyogs su ni tshogs drug cu rtsa bzhi po rnams gzhag go/ /sgo re rer yang tshogs rnams gzhag par bya ste/ /shar phyogs kyi sgor gtum byed dang / gsaRa can gnyis gzhag go/ /lho phyogs kyi sgor ni bdud rtsi thab sbyor dang / rmugs byed gnyis gzhag go/ /nub phyogs kyi sgor ni rdzong ldan dang / mtshan sbyin gnyis gzhag go/ / byang phyogs kyi sgor ni lcags can dang so can gnyis gzhag go/ /nang du ni bcom ldan 'das tshig ldan ma dri za'i 'khor gyis bskor ba gzhag go/ /kAr+ShA pa Na brgya rtsa tshang ba'am/ yang na pA Na brgyas rdo rje byas te bzhag la de'i steng du spyan gyis bzlas brjod byas pa'i bum pa mi gnag cing rtsa ba med la mgrin bcings dang bcas pa gzhag par bya ste/ bum pa de'i nang du sa bon thams cad dang / rin po che thams cad gzhug cing / 'o ma yod pa'i shing gi yal ga gzhag go/ /grwa bzhir yang bum pa bzhir gzhag par bya ste/ mgrin bcings dang ldan pa la sa bon dang rin po che thams cad bcug ste 'o ma yod pa'i shing gi yal ga gzhug go/ /de nas rig sngags 'chang gang dag dpal lam rig sngags 'chang las byung ba'i 'bras bu 'dod na/ rig sngags 'chang des bla ma la bsnyen bkur bya'o/ /bla ma des kyang rig sngags 'chang smyung bar byas pa/ byang chub kyi sems yongs su gzung ba/ gso sbyong gi yan lag dang ldan pa/ gos gtsang ma bgos pa/ dar dkar gyis gdong g.yogs pa/ dkyil 'khor du gzhug par bya'o/ /de la nub phyogs kyi sgor bcug na ni dpal mngon par 'phel bar 'gyur 95-1-90b ro/ /lho phyogs su ni rtag tu rgyal bar 'gyur ro/ /shar phyogs su ni 'thab mo 'byung bar 'gyur ro/ /byang phyogs su ni bla ma'i sgo yin te 'jug par mi bya'o/ /de nas bla mas rig sngags 'chang du gu la'i ras dkar pos gdong g.yogs la/ dpal gyi lha mo'i rig sngags kyis mgo bor bsang gtor byas te gzhug go/ /de nas 'gron bu brgyad brgya lha la dor bar bya'o/ /'gron bu de yang lo mas dkris na ni rig sngags 'grub par 'gyur ro/ /ras dkar pos dkris te bor na ni zhag bdun gyis dpal 'ong bar 'gyur ro/ /rig sngags 'chang de dag la lha rnams kyang bstan par bya'o/ /de nas phyir byung ste byang phyogs su song la dbus kyi bum pa'i chu khyor ba'i nang du sbyin no/ /rig sngags 'chang rnams kyis kyang lag pa g.yon pas mnos te btung bar bya'o/ /rig sngags rnams la yang sems can thams cad bdag gis yongs su gzung ngo zhes smros shig ces bsgo bar bya'o/ /de'i 'og tu de dag gi don gyi phyir bdag gis pha rol tu phyin pa drug po rnams yongs su rdzogs par bya'o zhes smrar gzhug go/ /de'i 'og tu de dag gi don gyi phyir rig sngags kyi tshogs rnams bdag la 'grub par gyur cig ces smrar gzhug go/ /de nas rig sngags 'chang ba spu ldang bar 'gyur zhing bstod pa'i glu'i sgra yang thos par 'gyur te/ de'i 'og tu 'ong ba'i bram ze rnams kyang rgyal bar gyur cig/dar bar gyur cig ces brjod par 'gyur ro/ /dung gi sgra dang rnga sgra yang thos par 'gyur ro/ /ci ste bud med gos dkar po bgo zhing snod gang ba thogs pa mthong na ni lag na rdo rjes ji skad bshad pa bzhin du rig sngags 'chang de la dpal 'ong bar 'gyur ro/ /ci ste thub gang ba mthong na ni rgyal srid dam/ /yul gru'am/ /grong gi bdag po thob par 'gyur ro/ /de nas rig sngags 'chang gi dpal thob par 'dod na dpal thams cad mngon par 'byung bar byed pa'i dkyil 'khor chen po 'di mthong na rig sngags 'chang thams cad kyi rgyal por 'gyur te/ rig sngags 'chang thams cad las rgyal bar 'gyur 95-1-91a ro/ /ci ste dpal thams cad mngon par 'byung bar byed pa'i dkyil 'khor thams cad mthong na ni de yang rgyal bar 'gyur te/ dgra rnams btul nas sa'i steng 'khol bar 'gyur ro/ /mi phal pa gang la la dpal 'dod pas dpal thams cad mngon par 'byung bar byed pa'i dkyil 'khor chen po mthong na yang skal ba can gyi khyad par du 'gyur zhing / rgyal sridam/ yul gru'i bdag po'am/ grong gi bdag por 'gyur te dkyil 'khor chen po 'di'i las 'di ni don yod pa yin no/ /zhes rdo rje 'dzin pas bshad do/ /de nas rig sngags 'chang rig sngags kyi dngos grub 'dod pas dpal thams cad mngon par 'byung bar byed pa'i dkyil 'khor chen po mthong la mthong nas zhag nyi shu rtsa gcig gi bar du nges par gnas par bya ste/ rig sngags gang 'dod pa bzlas brjod byas na zhag nyi shu rtsa gcig gis de la rig sngags de 'grub par 'gyur ro/ /rgyal po mthong ste zhag nyi shu rtsa gcig gi bar du nges par gnas na yang yid la bsams pa thams cad thob par 'gyur ro/ /las rnams zin nas rig sngags kyi lha bshos sna tshogs dang / me tog sna tshogs rnying pa de rnams kyang bsdus la dur khrod dam/ chu klung gang yang rung bar dor bar bya'o/ /de nas rig sngags 'chang dbang phyug nyams pa'am/ rgyal po'i dpal nyams pa slar gron par 'dod na rig sngags 'chang des zhag gsum smyung ba byas te/ zla ba nya'i nub mo gnas dben pa'am/ yang na n+ya gro d+ha'i drung du dpal thams cad mngon par 'byung bar byed pa'i dkyil 'khor khru bcu drug pa/ sgo bzhi yod pa/ me'i sbyin sreg byas pa'i thal bas bri zhing dpal gyi lha mo'i rig sngags dang sbyar te de'i dbus su sangs rgyas bcom ldan 'das bri'o/ /g.yon phyogs su ni rdo rje bri'o/ /de bzhin gshegs pa'i g.yas phyogs su ni dpal gyi lha mo chen mo bri'o/ /de nas rig sngags 'chang gis dkyil 'khor gyi shar phyogs kyi ngos su bum pa nyi shu rtsa bdun dgod par bya'o/ /byang dang nub dang lhor yang de bzhin du dgod par bya'o/ /bum pa de dag gi nang du yang sa bon dang / rin po che thams 95-1-91b cad gzhug go/ /bum pa thams cad kyang mgrin bcings dang ldan par bya'o/ /bum pa de dag thams cad du 'o ma yod pa'i shing gi yal ga yang bcug ste lan bdun bdun bsngags so/ /de nas sangs rgyas bcom ldan 'das dang / 'phags pa lag na rdo rje dang dpal gyi lha mo chen mo la lha bshos rgyas par dbul zhing mchod pa rgyas par bya'o/ /sangs rgyas bcom ldan 'das kyi spyan sngar dkyil 'khor gur gum gyis skyong nul du byugs la de'i mdun du bil ba'i shing gis me sbar te/ ba ser mo be'u yod pa'i mar gyi nang du a ga ru'i yam sreg shing ngam/ /yang na pad+ma brgyad stong smyugs te sbyin sreg byas la mar gyi mar me brgyad stong sbar te de nas las bya'o/ /las zin nas bum pa de dag gis rgyal po de khrus byed du bcug la zhag nyi shu rtsa gcig gi bar du nges par gnas par byas na zin pa'i rjes la rgyal srid thob par 'gyur ro/ /phal pa gang la las khrus byas na de'i longs spyod kyi gzhi 'grub par 'gyur te/ /rgyal srid dam/ yul gru'i bdag po'am/ grong gi bdag por 'gyur ro/ /ci ste ba lang dang bram ze gsod par byed na yang sdig pa thams cad las thar bar 'gyur ro/ / gang dang gang 'dod pa'i phyir byas na yang 'dod pa de dang de thob par 'gyur te/ ji ltar nga de bzhin gshegs pa'i zham ring na rtag tu gnas pa de bzhin du dpal gyi lha mo chen mo 'di de'i thad na gnas par 'gyur ro/ /ji ltar rdo rje 'di rtag tu nga la gnas pa de bzhin du dpal gyi lha mo 'di rtag tu de la gnas par 'gyur ro/ /gang zhig rtag tu dpal thams cad mngon par 'byung bar byed pa'i dkyil 'khor 'chang de la ni rtag tu lha rnams srung bar byed cing zhi ba dang bde legs su 'gyur ro/ /rig sngags 'chang ngam/ rig sngags 'chang gi bu'am/ rig sngags 'chang ma gang zhig dpal thams cad mngon par 'byung bar byed pa'i dkyil 'khor chen po mthong na thams cad 'phel bar byed pa'i dpal thob par 'gyur ro/ /dpal thams cad mngon par 'byung bar byed pa'i dkyil 'khor rdzogs so// //de nas drang srong lnga dga' ba'i 95-1-92a tshal du 'khod nas gcig la gcig bltas te 'di skad smras so/ /byang chub sems dpa' sems dpa' che/ /rdo rje 'dzin pa 'di nyid ni/ /sems can rnams la phan 'dod phyir/ /thub pa'i drung na gsang ba'i sngags/ /rnam pa sna tshogs thabs kyis su/ / rig mchog cho ga chen po gang / /lha rnams la ni grub sbyin zhing / /thos nas rtag tu lha rnams ni/ /lha min las rgyal sngon byed kyis/ /sems can rnams kyi don gyi phyir/ /gsang ba'i bdag po stobs po che/ /zhi ba dang ni dul ba yi/ /thad du song nas bri bar bya/ /de nas lha'i drang srong 'od zer can dang / 'od srung dang / kun shes dang / gnas 'jog dang / mi sbyin gyi bu la sogs pa bcom ldan 'das dang / lag na rdo rje dang / dpal thams cad mngon par 'byung bar byed pa'i dkyil 'khor gyi rgyal po ga la ba der dong ste phyin nas lha'i glu dbyangs kyis bcom ldan 'das lag na rdo rje la mngon par bstod do/ /de nas bcom ldan 'das lag na rdo rjes dkyil 'khor de nas langs nas lha'i drang srong de dag la smras pa/ drang srong chen po khyed rnams sems can thams cad la phan pa'i phyir brtson pa dang / sems can thams cad la phan pa'i phyir zhugs pa dang / dpal thams cad mngon par 'byung bar byed pa'i dkyil 'khor gyi rgyal po'i nang du 'ongs pa legs so legs so/ /de nas dga' ba'i tshal chen po yid du 'ong ba dang / shing chen po yongs 'dul gnas pa'i srin mo nam gru zhes bya ba stobs chen mo/ brtson 'grus chen mo/ 'jig rten gsum na byis pa rnams gsod pa/ 'dod dgur sgyur ba'i gzugs can de yang drang srong de dag gi thad du song ste mthong nas ltad mor gyur te/ dkyil 'khor de dang nye ba zhig tu song nas rgyang na 'dug cing rdo rje 'bar ba'i gzi byin gyis de'i nang du 'ong ma nus so/ /de nas dbang phyug chen po la sogs pa lha rnams dang / mi sbyin gyi bu la sogs pa drang srong rnams lag na rdo rje'i zhal du blta zhing / rdo rje 'dzin srin mo nam gru zhes bya ba stobs chen mo/ /brtson 'grus chen mo/ /'di ni skye bo gnas pa dang 'gro 95-1-92b ba 'jig par byed pa lags kyis/ /rdo rje 'dzin chen po srin mo'i 'jigs pa de las bdag cag yongs su skyobs shig /de nas dpal dang ldan pa rdo rje 'dzin khros te mig dmar por bsgyur nas rang gi dpung la bltas te lha de dag la 'di skad ces smras so/ /lha rnams re zhig 'khod cig dang / 'jig rten na sdang ba gang ji snyed yod pa de dag gzhig par bya'o/ /de nas lha rnams dang / drang srong de dag gis lag na rdo rje dang / spyan la bstod nas rdo rje 'dzin srin mo chen mo/ brtson 'grus chen mo/ stobs chen mo/ khyod kyi dkyil 'khor du 'jug mi nus kyis/ rdo rje 'dzin khyod kyis kyang srin mo chen mo 'di la bstod par mdzod cig dang / des na dkyil 'khor du 'ong bar 'gyur ro/ /de nas bcom ldan 'das lag na rdo rjes lha de dag la snying rje'i sems kyis bltas nas srin mo nam gru la rang gi cho 'brang las bstod pa/ nam gru khyod kyi cho 'brang dang / /mtshan nyid dag ni bshad bya na/ /nor bu'i rang bzhin khyod kyi lus/ /rgyab ni 'dzam bu chu bo'i gser/ /khyod kyi gdong yang dngul yin te/ /lto ba'i ngos ni rdo rjes gtams/ /ming po mdzod dang mdzod srung ba/ /khyod kyi ma ni kun 'gro ma/ / khyod kyi pha ni rlung zhes bya/ /skal ldan shing rta khyod kyi rus/ /lha yul dag tu grags pa yin/ de nas byang chub sems dpa' chen po lag na rdo rjes srin mo nam gru rang gi cho 'brang la bstod nas/ sangs rgyas bcom ldan 'das la mgo bos phyag 'tshal te/ /rdo rje 'dzin pa bdag nyid che/ /tshangs dang gsum la phyag 'tshal te/ /dbang phyug che la phyag 'tshal nas/ /sa 'dzin klu rnams gang yin dang / /gang dag gnod sbyin stobs po che/ /grub pa rgyu ba dri za rnams/ /drang srong lha dang lha min pa/ /de nas 'byung po thams cad dang / / 'od zer can dang 'od srung dang / /kun shes dang ni gnas 'jog dang / /thub pa chen po mi sbyin bu/ /dbang po gtum po khyab 'jug dang / /'di rnams bdag la grub sbyin shog /nam gru mo ni bshad bya na/ /mtshan mo nag mo 'jigs byed ma/ /gshin rje'i sring mo 95-1-93a chen mo ste/ /yongs 'du'i shing la gnas pa yin/ /ri la khyab 'jug gcig pu ni/ /bde bar nyal bar mi nyam ste/ /des ni bya yi gzugs kyis su/ /mtshan mo khyab 'jug skrag par byed/ /lha mo nag mo stobs mo ches/ /de mthong nas ni 'ong bar 'gyur/ /de nas rtsed mo byed bzhin du/ /byis pa gsod pa'i mgrin pa nas/ /lag pa g.yon pas bzung nas ni/ /'jigs pa'i sgra yang 'byin par byed/ /rna gnyis kyang ni mi mthong ste/ /sems nyams pas ni de mthong nas/ /shin tu bred cing bzhin yang 'gyur/ /khyod ni nga la ma 'tshe bar/ /lha yi dga' gnas dga' bar gyis/ /de nas khros nas de nyid du/ /byis pa gsod la bsgo ba ni/ /lo gcig pa dang lo gnyis dang / /lo dgu pa la ma 'jug par/ /bzang mo song la skye dgu 'di/ /rang gi las kyis bza' bar gyis/ /ba lang rnams la gor yang byos/ /wa rnams la ni wa gsod dang / /ri dgas la ni ri dgas nad/ /mi rnams la ni mi ngas byos/ /khyod kyi lus la deng brlag gyur/ /byis pa rnams ni rtse gyur cig /byis pa rnams la phan gdags phyir/ /ma mo rnams la snyems pa'i mchog /mi rnams kyang ni rim bzhin du/ /de ni bdag gis bshad par bya/ /dkyil 'khor 'di ni mthong ba la/ /gdon ni gang zhig ldog mi byed/ /gdon mang dag gis de spangs nas/ /mun pa mi bzad gnas par 'gyur/ /gang gis su ni zhi 'gyur ba/ /'di yang lha rnams mnyan par gyis/ /gang na bud med srung byed pa/ /der ni byis pa bsrung bya ste/ /gser dag dang ni lung tang rnams/ /pud tran dzi ba lig bu mig /gi wang mar dang sbrang rtsi dang / /yang na shu dag gro ba rnams/ /'di dag gang gi khyim na yod/ /der ni byis pa bsrung bar bya/ /de nas gsang ba'i bdag po lag na rdo rje stobs po ches rig sngags bshad pa/ na mo badzra pA Ni s+ya/ tsi li tsi li/ b+hin+da b+hin+da/ muny+tsa muny+tsa/ hi ba la kaM swA hA/ badzra pA Ni rA dz+nyA pa ya ti swA hA/ de bA sa mA dz+nyA pa ya ti swA hA/ 95-1-93b ri ShA ya/ sa mAdz+nyA pa ya ti swA hA/ /de nas byang chub sems dpa' chen po lag na rdo rje stobs po ches 'di bshad ma thag tu srin mo stobs mo che nam grus skad chen po phyung nas/ dpal thams cad mngon par 'byung bar byed pa'i dkyil 'khor chen po gang na ba der song ste phyin nas/ byang chub sems dpa' chen po lag na rdo rje la 'di skad ces smras so/ /stobs po che tshogs mi bzad pa mchog tu mi bzad pa mchog tu 'jigs pa las bdag bskyab tu gsol/ /de nas rig sngags kyi rgyal po chen po lag na rdo rjes srin mo de dag la 'di skad ces smras so/ /srin mo ma 'jigs shig /ma 'jigs shig /rig sngags kyi rgyal po chen po dran par gyis shig /bcom ldan 'das shAkya thub pa de bzhin gshegs pa dran par gyis shig dang / des na 'jigs par mi 'gyur ro/ /skal ba chen po ldog par gyis shig /stobs po che nga'i bka' nyon cig /de nas srin mo chen mo nam grus byang chub sems dpa' chen po lag na rdo rje la 'di skad ces smras so/ /byang chub sems dpa' chen po bdag gis gtang lags kyis/ /bdag gis ci bgyi ba bka' stsol cig / de nas bcom ldan 'das lag na rdo rjes srin mo de la smras pa/ gang na rig sngags kyi rgyal po gnas pa der khyod ma 'dug shig /dpal thams cad 'byung bar byed pa'i dkyil 'khor chen po mthong ba gang yin pa dang / /khyod kyi cho 'brang dang / mtshan nyid gro ga la bris te 'chang ba der yang khyod kyis srungs la zhi ba dang bde legs su gyis shig /smras pa/ stobs po che de ltar bgyi ste gang bdag gi cho 'brang dang / mtshan nyid gro ga la gi wang gis bris nas snod du bcug ste 'chang ba dang / dpal thams cad mngon par 'byung bar byed pa'i dkyil 'khor chen po mthong ba dang / yul lam grong khyer gang na dkyil 'khor chen po 'di 'dri ba'i yul de zhi ba dang bde legs su 'gyur te/ des na sems can sdang bar sems pa rnams kyis khyod kyi bka' mnyan nas srung bar byed de zhi ba dang bde legs su 'gyur ro/ /byis pa gang 95-1-94a nam gru'i cho 'brang dang mtshan nyid snod du bcug ste 'chang ba de la ni gdon thams cad kyis 'jigs par mi 'gyur ro/ /gang zhig dpal thams cad mngon par 'byung bar byed pa'i dkyil 'khor chen po bris pa'i dbus su rdo rje'i dbyibs kyi thab khung byas te/ rab tu grub par byed pa'i rgyud chen po las khro bo stobs po che ngas bshad pa gang yin pa'am/ yang na rig sngags kyi rgyal po chen pos gu gul lam 'bru'i sbyin sreg byas na lag na rdo rjes bshad pa bzhin du yul lam/ grong khyer gyi mi nad zhi bar 'gyur ro/ /zhi ba'i cho ga rdzogs so// //de nas bcom ldan 'das lag na rdo rjes lha de dag la 'di skad ces smras so/ /bzod ldan dag khyed nyon cig /dpal thams cad mngon par 'byung bar byed pa'i dkyil 'khor chen po las ngas rig sngags bshad pa gang yin pa de dag gi las kyi 'bras bu ston pa rnam pa sna tshogs ngas bshad par bya'o/ /smras pa/ /rig sngags kyi rgyal po sngags thams cad kyi las shod cig shod cig/ smras pa/ lha rnams nga'i bka' gcog pa de ni ngas rdo rje 'bar ba kun tu rab tu 'bar bar spyi bo gsheg par bya'o/ /dpal thams cad mngon par 'byung bar byed pa'i dkyil 'khor chen po'i cho ga ngas bshad pa gang yin pa de yang de bzhin du gyis shig /nam gru'i cho 'brang dang / mtshan nyid kyi cho ga bshad par bya ste/ yul gang du mi nad kyi gnod pa byung ba der ngas cho ga bshad pa'i cho ga des dpal thams cad mngon par 'byung bar byed pa'i dkyil 'khor chen po bris la/ de'i dbus su rab tu grub par byed pa'i rgyud las bshad pa'i rdo rje khro bos gu gul las 'bru'i sbyin sreg bya'o/ /srin mo chen mo de'i gtor ma gang gis mi nad zhi bar gyur pa yang bshad par bya ste/ 'bras kyi 'o thug sbyar thug dang / /'bras can mon sran gre'u sbyar dang / /'bras can bu ram sbyar ba dang / /til dang sbyar ba'i snum 'khur dang / /'bras kyi zhing de ngu zho dang / /pen tser 'khur ba bkra shis ldan/ /'bras kyi chung ped la phug til/ /bur mar 'o ma nya dang sha/ / 95-1-94b til phye las byas 'khur ba dang / /chang dang dbyig dang bcas pa dang / /me tog phreng ba dri dang byug /gtor ma de dag byin na ni/ /mi nad kun zhi phan par 'gyur/ /lha thams cad la yang bshos sna tshogs dbul bar bya zhing der shin tu bkra shis pa'i tshigs su bcad pa yang bklag par bya'o/ /rnam par rgyal ba'i rgyud chen po las bcom ldan 'das kyis gsungs pa'i rig sngags kyi rgyal mo chen mo rma bya chen mo'i rig sngags bdun brgyas bskor ba gang yin pa de yang der bklag par bya ste/ /rim gro bya zhing bla mar byas la dri dang / me tog dang / bdug pa dang / bshos rnams kyis mchod par bya'o/ /nam gru'i cho 'brang dang / mtshan nyid kyang bklag par bya ste/ gro ga la bris nas mgo la btags na yul der zhi ba dang bde legs su 'gyur te/ yul der mi nad kyi gnod pa 'byung bar mi 'gyur ro/ /nam gru'i cho 'brang mtshan nyid ni/ /lag na rdo rjes bshad pa bzhin/ /de ni bdag gis nges par bstan/ pho nya mo stobs chen mo rnams kyi las kyang bshad par bya ste/ dpal thams cad mngon par 'byung bar byed pa'i dkyil 'khor chen po la pho nya mo stobs chen mo drug ngas bshad pa gang yin pa rnams dang / tshogs rnams kyi nang na pho nya mo rnams kyi las sgrub pa lcags can bstan pa gang yin pa dang / mthong bar dga' bar bshad pa pho nya tshogs drug gis bskor ba tshogs chen po lcags can gang gis mthong ba des pho nya mo rnams dang / 'grogs pa mi bzad pa dpa' bo tshogs chen po dang / pho nya ma rnams dang lhan cig gnas pa drag po mi bzad pa las drag po byed pa/ gzugs bzang po dang / lcags can pho nya ma rnams dang lhan cig na gnas pa stobs po che sgrub pa ni mar gyi ngo zhag brgyad la smyung bar byas te bcom ldan 'das lag na rdo rje'i mdun du mchod pa rnam pa sna tshogs de bzhin du byas la/ de nas pho nya ma stobs mo che drug gzhag par bya'o/ /de la dbus su ni lag na rdo rje stobs po che drag po'i las byed pa gzugs bzang po gzhag go/ / 95-1-95a 'og logs su ni rkang pa g.yas pa'i lho phyogs su ni pho nya mo stobs mo che drug gzhag go/ /rkang pa g.yas pa de yang 'degs par bya ste/ tshogs chen po lcags can stobs po che tshogs bdun gyis bskor bas lag pa gnyis kyis rdo rje 'dzin chen po'i rkang pa g.yas pa ston cing 'dzin par bya'o/ /de nas lcags can gyi 'og logs su rin po che thams cad dang 'bru thams cad gzhag par bya'o/ /yang na kAr+ShA pa Ni brgya rtsa brgyad tshang bar dbul bar bya'o/ /lag na rdo rje dang lcags can la sogs pa tshogs rnams dang / pho nya mo stobs mo che de dag kyang tshon rtsi sna gsum gyis bri bar bya'o/ /de nas lag na rdo rje dang tshogs chen po rnams dang / pho nya mo'i tshogs de dag la lha bshos sna tshogs dbul bar bya'o/ /de nas tshogs chen po lcags can gyi sngags lan brgya rtsa brgyad bzlas par bya'o/ /de nas mtshan mo rmi lam bzang po rmi bar 'gyur ro/ /yang na skyes pa'am/ bud med mthong bar 'gyur te/ ci ste skyes pa nag po mig dmar la gos ser po gyon pa zhig mthong na ni de phyin cad rig sngags 'chang gi zhi ba dang rgyas pa dang drag shul gyi las rnams 'grub par 'gyur ro/ /ci ste bud med gos dkar po gyon pa mdog nag pa'am sngo bsangs sam dkar po mthong bar gyur na de ji ste dkar po mthong na ni ldong ros bsgrub par bya'o/ /ci ste sngo bsangs mthong na ni mtshon cha thams cad 'grub par 'gyur ro/ /ci ste nag po mthong na ni lig bu mig dang pha bang long bu dang / stang zil la sogs pa'i mig sman rnams 'grub par 'gyur ro/ /pho nya ma rnams kyi las thams cad la ni nang par bla ma dang tshogs lag na rdo rje dang 'dra bar bya ste/ bdag nyid kyis pho nya mo rnams kyi thabs su bud med gang yang rung ba ku sha'i stan byas pa la 'dug pa la ci rigs pa'i kha zas kyis ston na pho nya mo drug dang / tshogs stobs po che brgyad po rnams 'grub par 'gyur te zhag gsum na pho nya ma'i tshogs rnams yongs su mgu bar gyur pas glo bur du skyes pa dang / bud med kyi gzugs kyis shing thog sbyin par byed do/ / 95-1-95b de nas rig sngags 'chang gis shing thog blangs la bdag grub po snyam du shes par byas nas lag na rdo rje dang pho nya ma'i tshogs rnams la mchod par bya'o/ /bcom ldan 'das lag na rdo rje pho nya ma'i tshogs dang lhan cig tu tshon rtsi sna gsum gyis bris pa 'di ni gang gis mthong na yang pho nya ma'i tshogs thams cad 'grub par 'gyur na sgrub pa dang 'chang ba lta ci smos/ dbyig de dag kyang lag par bzhag ste bla ma la dbul bar bya'o/ /phul nas kyang pho nya mo'i tshogs rnams bdag la grub par gyur cig /ces smras la/ de nas kyang bsgrims te pho nya mo'i tshogs kyis bltas pa'i lus 'di bsgrub par bya'o/ /de nas pho nya mo drug dang / tshogs stobs po che brgyad po rnams las sna tshogs kyis bsgrub par bya'o/ /pho nya mo rnams kyi las sna tshogs rnams bshad par bya ste/ me lce ma'i las 'di rnams bsrung ba ni lan bdun bzlas brjod byas pa'i skud pas bya'o/ /mtshams bcad pa ni thal bas bya'o/ /dug las gso ba ni yal gas bya'o/ /gdon thams cad la ni yungs kar gyis gdab pa'i las bya'o/ /gzhon nu'i gdon la ni rna bar bshibs te bzlas brjod byas pas gtong bar byed de/ gzhon nu thams cad la rtag tu sbyar bar bya'o/ /dbab pa ni gu gul gyis bdug par bya'o/ /mar gyi ngo zhag brgyad la zhag gcig smyung ba byas te/ 'phags pa lag na rdo rje la me tog dkar po stong gis bsnun na longs spyod kyi gzhi sbyin par byed do/ /zla ba gcig gi bar du slong mo'i zas bza' zhing rig sngags bzlas brjod byas nas mar gyi ngo zhag brgyad la zhag gcig smyung ba byas te/ 'phags pa lag na rdo rje'i mdun du lcags can bzhag nas mchod pa rgyas par byas la/ de'i mdun du dong ka'i shing gis me sbar la ldong ros ba lang gi mkhris pa dang sbyar bas lan brgyad stong sbyin sreg byas na glo bur du ha ha zhes bya ba'i sgra thos par 'gyur te/ de nas tshogs chen po rmugs byed 'ong bar 'gyur ro/ /'ongs nas rmugs byed kyis ldong ros sbyin par byed de/ de thogs pas 95-1-96a 'dod dgur sgyur ba'i gzugs can du 'gyur zhing lcags can dang / kha dog mtshungs la bskal par gnas par 'gyur ro/ /yang na slong mo'i zas bza' zhing dben pa'i gnas su lan 'bum bzlas brjod byas na tshogs chen po lcags can gyis ral gri sbyin par byed de/ de thogs pas stobs dang pha rol gnon pa dpag tu med cing bskal par gnas par 'gyur ro/ /byan lag gi tshang nas shing bu blangs la/ 'phags pa lag na rdo rje'i mdun du lan 'bum bzlas brjod byas na de thogs pas yid la gang bsams pa de 'grub par 'gyur te/ skyes pa dang / bud med dang / zas dang / gos dang / mal stan rnams yid la bsams pas 'grub par 'gyur ro/ /de lta bu'i shing bu chu klung chen por bor te de nas nyi ma la bltas la chu ngogs su bzlas brjod byas na yid la gang bsams pa de dag thams cad 'grub cing tshe lo khri thub par 'gyur te/ mi'i thod pa la dbab pa dang / ral gri dang / me long la dbab pa yang byed nus par 'gyur ro/ /yar gyi ngo zla ba nya la brtsams te slong mo'i zas za zhing / 'phags pa lag na rdo rje'i zhabs kyi drung du lan 'bum bzlas brjod byas na bud med thob par 'gyur ro/ /dpal thams cad mngon par 'byung bar byed pa'i las bya ba dang / lha rnams la dri dbul ba yang 'di'i rig sngags kyis bya'o/ /me lce ma'i cho ga ste dang po rdzogs so// //me stag ma'i las rnams 'byung ste/ dbab pa ni lan bdun bzlas brjod byas pa'i chus bya'o/ /rgya gzhom pa ni so phag gis bya'o/ /dug las gso ba ni yal gas bya'o/ /sdom dang lu tas zin pa rnams la ni bya ba pas bya'o/ /mar gyi ngo zhag brgyad la zhag gcig smyung ba byas te dur khrod kyi gseg ma blangs nas 'phags pa lag na rdo rje'i mdun du lan brgyad stong bzlas brjod byas na gseg ma de thogs pas gang la bsdigs pa de rgyas btab par 'gyur la/ gu gul gyis bdugs na grol bar 'gyur ro/ /mi ro la bltas te longs zhes smras na ldang bar 'gyur te don du gnyer ba'i mchog ston par 'gyur ro/ /de nas rma bya sgrub 95-1-96b par 'dod na zhag gsum smyung ba byas te mar gyi ngo zhag bcu bzhi la gzhon nu'i gnas su song la tshon rtsi sna gsum gyis rma bya bris nas de'i lus la rma bya'i sgro bzhag ste/ lha bshos sna tshogs phul la de nas skad lan gsum phyung gi bar du rig sngags bzlas brjod byas na de phyin chad dug gso ba'i las thams cad 'grub par 'gyur ro/ /rma bya'i sgro de yang dud pa bkag ste bsregs la des mig bskus na phye ma red lus mi snang bar 'gyur te yid la gang bsams pa'i don de byed nus par 'gyur ro/ /sems can thams cad la yang mtshams bcad par nus so/ /'bru'i zhing gi steng du song la lan stong bzlas brjod byas na 'bru rnams rgyas par 'gyur ro/ /'bru ma rung bar bya bar 'dod na mi'i rus pa'i phur bu la lan stong bzlas brjod byas te btsugs nam rungs par 'gyur ro/ /dpal thams cad mngon par 'byung bar byed pa'i dkyil 'khor chen po la me tog dbul ba dang / lha thams cad la yang lha bshos dbul ba yang 'di'i rig sngags kyis bya'o/ /me stag ma'i cho ga ste gnyis pa rdzogs so// //phreng ldan ma'i las rnams 'byung ste/ bud med dbang du bya na zhag gsum gyi bar du dus gsum du lan tshwa'i sbyin sreg byas na dbang du 'gyur ro/ /zla ba gcig gi bar du dus gsum du khrus byas te dus gsum du lan stong rtsa brgyad bzlas brjod byas na zla ba gcig lon nas bcom ldan 'das lag na rdo rje mthong bar 'gyur te bsams pa thams cad yongs su rdzogs par byed cing tshe lo lnga brgya thub par 'gyur ro/ /yar gyi ngo zhag brgyad la zhag gcig smyung ba byas te dgon pa'i gnas su lan brgyad stong bzlas brjod byas na glo bur du 'ong bar 'gyur te/ 'ongs nas gter sbyin par byed la de yang mi zad par 'gyur ro/ /zhag gsum smyung ba byas te yar gyi ngo tshes lnga la bum pa sa bon dang rin po che thams cad kyis bkang ste mgrin bcings dang bcas par bzhag ste/ rig sngags kyang lan brgyad stong bzlas brjod byas la chu des rgyal po 'am/ rgyal po'i bu khrus byed du bcug na yul de dpal dang ldan 95-1-97a par 'gyur ro/ /de nas gnod sbyin dbang du bya bar 'dod na dgon pa'i gnas skyes pa dang bud med med pa'i phyogs su zla ba gcig gi bar du slong mo'i zas bza' zhing sa las gnod sbyin gyi gzugs byas te dus gsum du lan brgyad brgya'am/ lan stong bzlas brjod byas na zla ba drug lon pa na gnod sbyin gyi bdag po 'ong bar 'gyur te/ de na re bdag cag gis ci zhig bya/ dam pa slongs shig ces zer ba dang / de nas des 'di skad du dpag tshad brgya tshun chad kyi gnod sbyin thams cad bdag gi dbang du gyur cig ces smros shig / de na re de ltar bya'o zhes smras nas mi snang bar 'gyur te/ yid la ci bsams pa de thams cad byed cing dus ma yin par rtsa ba dang / me tog dang / 'bras bu dang / zas dang / gos dang / rin po che dang / ti na ra gang 'dod pa rnams sbyin par byed do/ /de nas longs spyod kyi gzhi blang bar 'dod na zhag drug smyung bar byas te bcom ldan 'das lag na rdo rje la mchod pa'i phyir zhing rgyas par byas la/ zla ba nya'i nub mo a ga ru dang / gu gul dang / du ru ska bsregs shing nam nangs kyi bar du bzlas brjod byas te zhag bdun gyi bar du nges par gnas na de nas longs spyod kyi gzhi chen po thob par 'gyur ro/ /dpal thams cad mngon par 'byung bar byed pa'i dkyil 'khor chen po'i mar me rnams kyang 'di'i rig sngags kyis dbul bar bya'o/ /phreng ldan ma'i cho ga ste gsum pa rdzogs so// //mdzod ldan ma'i las rnams 'byung ste/ 'phags pa lag na rdo rje'i mdun du lan 'bum bzlas brjod byas na nad thams cad thams cad las thar bar 'gyur ro/ /dbab pa ni gu gul gyis bdug par bya'o/ /mar gyi ngo zhag brgyad la zhag gsum la smyung ba byas la gu gul dang / bil ba lhan cig tu sbyar te lan stong bzlas brjod byas na ti na ra stong thob par 'gyur ro/ /mar gyi ngo zhag brgyad la zhag gcig smyung ba byas te dur khrod du song nas mi'i thod pa blangs la ra'i 'o mas bkang ste/ thod pa gsum gyi steng du bzhag nas rig sngags bzlas brjod byed bzhin du 'bras sA lu'i 95-1-97b 'o thug btsos la/ zin pa'i 'og tu rig sngags bzlas brjod byed bzhin du 'thungs te slar thod pa'i nang du skyug par bya'o/ /de nas yi dgas 'ong bar 'gyur te yi dgas na re rig sngags 'chang nga la 'o thug byin cig ces zer ba dang / de nas rig sngags 'chang gis rig sngags thams cad kyi rgyal po bzlas brjod byed bzhin du yi dgas de la sbyin par bya'o/ /yi dgas des 'o thung 'thungs nas 'chi bar 'gyur te de'i lag na ldong ros 'dug pa blangs nas de thogs pas lag na rdo rje dang mthu stobs mnyam zhing bskal par gnas par 'gyur ro/ / rig sngags 'chang gis zla ba gcig gi bar du slong mo'i zas za zhing / rig sngags bzlas brjod byas na 'dod pa thams cad yongs su rdzogs par 'gyur ro/ /kun dga' ra bar zla ba gcig gi bar du slong mo'i zas za zhing lan 'bum bzlas brjod byas pa'i mjug tu zhag gsum smyung ba byas te/ mtshan rangs par bzlas brjod byas na de nas shing gi lhas gzugs ston par byed de/ de las 'grub par 'gyur la de phyin chad nags kyi lhas kha zas sbyin par 'gyur ro/ /dpal thams cad mngon par 'byung bar byed pa'i dkyil 'khor chen po'i lha thams cad la bdug pa dbul ba yang 'di'i rig sngags kyis bya'o/ /mdzod ldan ma'i cho ga ste bzhi pa rdzogs so// //'bar ldan ma'i cho ga rnams 'byung ste/ dbab pa ni gu gul gyis bdug par bya'o/ /bsrung ba ni skud pas bya'o/ /mtshams bcad pa ni so phag gis bya'o/ /bskrad pa ni thal mo brdabs pas bya'o/ /sas ni 'bras dang phol mig rnams med par 'gyur ro/ /zla ba gcig gi bar du me tog dkar po la lan bdun bsngags te phye ma red byang phyogs su bor nas zla ba gcig lon pa na bcom ldan 'das ma 'grub par 'gyur te bsam pa thams cad yongs su rdzogs par 'gyur zhing lo lnga brgya thub par 'gyur ro/ /rna bar bshibs te bzlas brjod byas na gdon thams cad kyis gtong bar 'gyur te/ gzhon nu rnams la rtag tu sbyar bar bya'o/ /mar gyi ngo zhag 95-1-98a brgyad la zhag gcig smyung ba byas te 'phags pa lag na rdo rje la me tog dkar po stong gis bsnun na longs spyod kyi gzhi sbyin par 'gyur ro/ /zla ba gcig gi bar du slong mo'i zan bza' zhing rig sngags bzlas brjod byas nas zhag gsum smyung ba byas te mar gyi ngo zhag bzhi la 'phags pa lag na rdo rje'i mdun du lcags can bzhag nas mchod pa rgyas par byas te lha bshos rgyas par phul nas/ de'i mdun du dong ka'i shing gis me sbar la ldong ros la ba lang gi mkhris pa dang sbyar bas lan brgyad stong sbyin sreg byas na glo bur du ha ha zhes bya ba'i sgra thos nas tshogs kyi bdag po chen po rmugs byed 'ong bar 'gyur ro/ /'ongs nas rmugs byed kyis ldong ros sbyin par byed do/ /de nas 'dod dgur sgyur ba'i gzugs can du 'gyur zhing lcags can dang mthu stobs mnyam la bskal par gnas par 'gyur ro/ /yar gyi ngo zla ba nya la brtsams te slong mo'i zas bza' zhing 'phags pa lag na rdo rje'i zhabs drung du lan 'bum bzlas brjod byas na dpal thob par 'gyur ro/ /dpal thams cad mngon par 'byung bar byed pa'i dkyil 'khor chen po'i las bya ba dang / lha rnams la dri dbul ba yang 'di'i rig sngags kyis bya'o/ /'bar ldan ma'i cho ga ste lnga pa rdzogs so// //kha 'bar ma'i las rnams 'byung ste/ dbab pa ni chus bya'o/ /bsrung ba ni yungs kar gyis bya'o/ /mtshams bcad pa ni so phag gis bya'o/ /dur khrod kyi thal ba blangs te mar gyi ngo zhag brgyad la zhag gcig smyung ba byas nas lag na rdo rje'i mdun du lan stong bzlas brjod byas na thal ba des gang la rig par byas pa de gdon gyis 'debs par 'gyur zhing / tshig gis bsgo bas gtong bar 'gyur ro/ /lus gtsang bar byas te lan 'bum bzlas brjod byas na ba lang brgya thob par 'gyur ro/ /de nas skyes pa dbang du bya bar 'dod na zla ba nya la zhag gcig smyung ba byas te/ mchod pa rgyas par byas nas gur gum dang gser phye mar dang sbyar bas lan brgyad stong sbyin sreg byas na brgya byin yang dbang du 'gyur 95-1-98b na mi rnams lta ci smos/ dge slong dang bram ze brgyad brgya la mchod ston byin la sems can thams cad la yang byams pa bsgoms na ni bram ze gsod pas kyang 'grub par 'gyur ro/ /mar gyi ngo zhag brgyad la zhag gcig smyung ba byas te 'phags pa lag na rdo rje'i mdun du dur khrod kyi shing gis me sbar nas dur khrod kyi yam sreg shing skud pa dmar pos dkris pa brgyad stong sbyin sreg byas na de nas rmi lam du tshogs chen po lcags can ston par byed de de nas 'grub par 'gyur ro/ /chu khyor gang la lan bdun bsngags nas gang la bltas te gtor ba de gdon gyis thebs par 'gyur la/ chu klung gi nang du zhugs te lan brgyad stong bzlas brjod byas na gtong bar 'gyur ro/ /kha 'bar ma'i cho ga ste drug pa rdzogs so// //de nas bcom ldan 'das kyis lha de dag la smras pa/ lha rnams dpal thams cad mngon par 'byung bar byed pa'i dkyil 'khor chen po la pho nya mo rnams kyi las rnams 'byung ba ngas bshad zin te/ tshogs chen po rnams kyi yang bshad par bya'o/ /bdud rtsi thab sbyor gyi las sngar ngas gang bshad pa gang yin pa'i las te tshogs thams cad la sbyar bar bya'o/ /rab tu grub par byed pa'i rgyud chen po las rdo rje khro bo ngas bshad pa gang yin pa de'i las kyis kyang tshogs chen po stobs po che rnams la sbyar bar bya'o/ /lha rnams 'byung po'i bu gzhon nu mchog smin drug gi bu stobs po che'i las rnams ngas bshad kyis sems rtse gcig tu byos la nyon cig//gang la bsams te bzlas brjod byas na de'i dbang du 'gyur ro/ /rgya gzhom pa ni chus bya'o/ /bsrung ba ni skud pas bya'o/ /mtshams bcad pa ni thal bas bya'o/ /bud med dbang du bya ba ni zhag bdun gyi bar du dus gsum du yungs kar gyis lan stong rtsa brgyad brgyad sbyin sreg byas na dbang du 'gyur ro/ /mi'i gtso bo dbang du bya bar 'dod na zhag bdun gyi bar du zas su 'o ma dang phye'i 'dag gu za zhing 'phags pa lag na rdo rje la mchod pa byas te dus gsum du bai kang+ka ta'i yam sreg shing gis 'bru mar dri zhim pa'i 95-1-99a nang du smyugs pa stong rtsa brgyad brgyad sbyin sreg bgyis na dbang du 'gyur ro/ /mar gyi ngo zhag bcu bzhi la zhag gcig smyung ba byas te 'phags pa lag na rdo rje'i mdun du gzhon nu smin drug gi bu bzhag nas de'i mdun du tsan+dan dmar po'i shing gis me sbar nas seng ldeng gi yam sreg shing mar gyi nang du smyugs pa brgyad stong sbyin sreg byas na gzhon nu'i me tog gi phreng ba 'gul bar 'gyur ro/ /de nas 'grub par 'gyur te zhag bdun tshun chad kyis gzhon nu'i sde'i bdag po thob par 'gyur ro/ /mi rnams kyis mi sod la bdag gi tshe'i tshad kyang shes par 'gyur ro/ /zla ba gcig gi bar du slong mo'i zas bza' zhing de nas mar gyi ngo zhag brgyad dam/ /zhag bcu bzhi la zhag gsum smyung ba byas te/ tsan+dan dmar po'i mdung thung bde bar gshegs pa'i mtho gang gi tshad du byas pa ras dmar po'i steng du bzhag nas mchod pa rgyas par bya zhing lha bshos rgyas pa phul la/ de nas rig sngags 'chang ba rtswa ku sha'i stan gyi steng du 'dug pa'i lag pa g.yas pas mnan la 'bar bar gyur gyi bar du bzlas brjod byas na 'grub par 'gyur te/ de thogs pas pha rol gyi yul 'khor 'byed par byed cing gdon thams cad 'joms par byed par 'gyur te/ yul gang du btsugs pa der rgyal bar 'gyur ro/ /klu'am/ klu mo'am/ dri za'am/ rig sngags 'chang rnams la bltas te bsdigs na de dag thams cad bka' bzhin du 'gyur ro/ /glang po che rgyags shing myos pa la bltas shing bsdigs na glang po che dbang du 'gyur ro/ /slong mo'i zas za zhing cho ga 'di bzhin du 'khor lo bsgrubs na rig sngags 'chang gi 'khor los sgyur ba'i rgyal por 'gyur te/ bskal par gnas shing rig sngags 'chang brgyas bskor ba la me long la dbab pa dang / mthe bong la dbab pa dang / bum pa la dbab pa yang nus par 'gyur ro/ /dbye bar bya na zhag gsum gyi bar du phub ma'i sbyin sreg lan stong rtsa brgyad brgyad byas na 'bye bar 'gyur ro/ /smin drug gi bu'i cho ga rdzogs so// //lha mo chen mo drug ma'i 95-1-99b las rnams kyang bshad par bya ste/ bsrung ba ni thal bas bya'o/ /dug las gso ba ni chus bya'o/ /mtshams bcad pa ni so phag gis bya'o/ /de nas longs spyod kyi gzhi bslang bar 'dod na gzhon nu'i gnas su song la lha mo la mchod pa byas te smig ma'i shing gis me sbar nas 'o thug dang mar dang / sbrang rtsir sbyar bas lan brgyad stong sbyin sreg byas la de nas nang par langs la 'phags pa lag na rdo rje la mchod pa byas te/ /gur gum mar dang sbyar bas lan stong rtsa brgyad brgyad sbyin sreg byas na zhag bdun pa'i nyin par sde'i bdag por 'gyur ro/ / de nas 'phags pa lag na rdo rje'i zhabs kyi drung du legs ldan lha chen po dang / gzhon nu smin drug gi bu dang / lha mo drug ma tshon rtsi sna gsum gyis bris la rig sngags 'chang zas su 'o ma dang phye'i 'dag gu za zhing lan 'bum bzlas brjod byas na lha mo mthong bar 'gyur te/ de yang 'dod pa thams cad sbyin par byed do/ /bton pa tsam gyis rgyan skugs las rgyal bar 'gyur ro/ /de nas bdag nyid kyi tshe'i tshad shes par 'dod na mar gyi ngo zhag bcu bzhi la zhag gcig smyung ba byas te/ bcom ldan 'das lag na rdo rje la yang mchod pa rgyas par byas/ a ga ru'i bdug pa dang / /du ru ska dang / gur gum dang / gu gul dang / sbrang rtsi dang / ba mar gyi mar me bzhi phyogs bzhir sbar la/ de nyid du rig sngags bzlas brjod byas te de nyid du nyal na 'jig rten gsum na yod pa'i don rmi lam du ston par 'gyur ro/ /khyod kyi tshe 'di srid du thub par 'gyur ro/ /zhes smra zhing nam 'chi ba 'ang ston par byed de/ ga ge mo zhig tu che ge mo zhig gi tshe srog 'dor ro zhes ston par 'gyur te/ 'di ni dngos grub mchog gi lam yin no/ /de nas 'das pa dang / ma 'ongs pa'i lam shes par 'dod na slong mo'i zas za zhing 'phags pa lag na rdo rje'i zhabs drung du zla ba gcig gi bar du bzlas brjod byas na de nas bung ba 'ong bar 'gyur te/ /bung ba de'ang rna brung du mi snang bar gyur nas 'jig rten gsum na yod pa'i don ston par 'gyur zhes rdo rje 'dzin gyis bshad do/ /drug ma'i cho 95-1-100a ga rdzogs so// //lha mo dka' zlog ma'i dril mdzes kyi las kyang bshad par bya ste/ mig la bsngags na gang bltas pa de thob par 'gyur ro/ /gdong la lag pa byugs te nyal na rmi lam ngan pa rmi bar mi 'gyur ro/ /de nas sde dpon 'dod na yar gyi ngo tshes dgu la zhag gcig smyung ba byas te gtum mo nub phyogs su bstan pa la bltas nas/ mchod pa rgyas par byas la mar dang gu gul gyis lan stong sbyin sreg byas na sde dpon thob par 'gyur ro/ /de nas mi'i gtso bo dbang du bya bar 'dod na mar gyi ngo zhag brgyad la zhag gcig smyung ba byas te 'phags pa lag na rdo rje'i mdun du mchod pa byas nas mtshan rangs par bzlas brjod byas na mi'i gtso bo dbang du khugs par 'gyur ro/ /de nas ral gri bsgrub par 'dod na zla ba gcig gi bar du slong mo'i zas za zhing rig sngags lan bdun 'bum bzlas brjod byas la de nas zhag gsum smyung ba byas te 'phags pa lag na rdo rje'i mdun du mchod pa rgyas par byas nas rig sngags kyi rgyal pos bsrung ba'i cho ga thams cad bya'o/ /de nas lag pa gnyis gu gul gyis bskus la lag pas ral gri bzung ste rig sngags bzlas brjod byas na dngos grub rnam pa gsum du 'gyur te/ ral gri de lag na thogs pas rig sngags 'chang gi rgyal po bskal par gnas par 'gyur zhing lha chen po'i pho brang na 'dug par 'gyur te/ legs ldan lha chen po de dag kyang 'bras bu thob pa sbyin par byed do/ /de nas byang chub sems dpa' rnams dang lhan cig tu gnas par 'gyur zhing /'phags pa spyan ras gzigs kyi dbang phyug dang lhan cig gnas par 'gyur la/ de dang lhan cig tu de bzhin gshegs pa mthong zhing bsnyen bkur byed par 'gyur te/ lus dang bral ba'i tshe yang bde ba can du skye bar 'gyur ro/ /de nas lha'i gsang ba mngon sum du mthong bar 'dod na zhag gsum smyung ba byas te/ zla ba nya la sangs rgyas bcom ldan 'das dang / lag na rdo rje gnyis la ci nus kyis mchod par bya'o/ /de nas yud tsam bzang po la bdag 95-1-100b dang / rgyal po'am/ gzhan yang rung ste du gu la'i ras dkar po bgos te de nas a ga ru bsreg cing rgyal po dang gnyis ka thad kar 'dug ste mig mi 'dzums par bzlas brjod byas na mig snga na 'dug pa'i lhas gang gi don bstan pa de rgyal pos kyang ji ltar thos pa de bzhin du mthong bar 'gyur ro/ /cho ga 'di ni bsten nas lo gcig ma lon par la sbyin par mi bya'o/ /stong rnyed ma byin pa la yang sbyin par mi bya ste/ chos can dad pa dang ldan pa la sbyin par bya'o/ /dka' zlog ma'i cho ga rdzogs so// //lha rnams dpal thams cad mngon par 'byung bar byed pa'i dkyil 'khor chen po las 'byung ba'i rig sngags kyi lha rnams kyi las ngas bshad zin to/ /ngas kyang lha de dag bsgrub pa dang / gzhen gdab pa dang / gnon par bya ba dang / bsad pa dang / bskams pa dang / dpal bskyed pa dang / las nyams pa rnams kyi las sgrub pa dang / rig sngags nyams pa rnams kyi rig sngags bkang ba dang / mi nad kyi gnod pa 'byung ba la mi nad zhi bar bya ba'i phyir rig sngags bshad par bya'o/ /na mo badzra pA Ni s+ya/ o~M badzra dz+wa la b+he+e ra bA ya phaT/ hU~M dz+wa lA na ya phaT swA hA/ de nas lha de dag gis rdo rje 'bar ba 'di thos nas snying 'dar zhing lag na rdo rje'i zhal du bltas so/ /de nas rig sngags kyi rgyal po chen po lag na rdo rjes lha de dag la 'di skad ces smras so/ /lha rnams ma 'jigs shig /ma 'jigs shig /rdo rje 'bar ba zhes bya ba khro bo chen po'i rgyud dang mthun pa 'di ni lha rnams bsgrub pa dang / gzhen 'debs pa dang / gnod pa byed pa dang / bsad pa dang / skems pa dang / dpal bskyed pa dang / las nyams pa rnams kyi las sgrub pa dang / rig sngags nyams pa rnams kyi rig sngags bskyod pa dang / mi nad kyi gnod pa byung ba la mi nad zhi bar byed pa yin te/ lha rnams kyi cho ga rgyas pa 'grub par byed pa 'di ni rnam par rgyal ba'i rgyud chen po las kyang ngas bshad do/ /da ltar yang khyed rnams 'grub par byed pa rdo rje 'bar ba zhes bya ba khro bo chen po 'di ngas bshad pa 95-1-101a yin no/ /'di'i las kyang bshad par bya ste/ gang gis dpal thams cad mngon par 'byung bar byed pa'i dkyil 'khor chen po 'grub par byed pa dang / gang gis dkyil 'khor gyi nang du gtogs pa'i lha rnams 'grub par byed pa dang / rig sngags 'chang mthu zad pa gang yin pa dag dang / rgyal po dbang phyug las nyams pa gang yin pa dag dang / lha'am/ lha'i bu'am/ klu'am/ klu'i bu'am/ gnod sbyin nam/ gnod sbyin gyi bu'am/ srin po'am/ srin po'i bu'am/ dri za'am/ dri za'i bu mthu chung ngu gang yin pa de dag gi mthu bskyed pa'i phyir yang ngas bshad par bya'o/ /mar gyi ngo zhag bcu bzhi la zhag gcig smyung ba byas te gnas dben pa'am/ n+ya gro d+ha'i drung du rnam par rgyal ba'i rgyud chen po las sman ut+pa la dang ldan pa zhes bya ba brtson 'grus chen mo/ /stobs chen mo/ /bcom ldan 'das kyis gsungs pa'i sman de'i phye mas bcom ldan 'das rdo rje khro bo bri bar bya ste/ lag pa g.yon pa na rdo rje thogs la lag pa g.yas pa mchog sbyin par bya'o/ /de'i mdun du bum pa mi gnag cing rtsa ba med la mgrin chings dang bcas pa sa bon thams cad kyis gang bar byas te/ bum pa de'i nang du sman ut+pal dang ldan pa yang gzhug go/ /bum pa de yang gser las byas la 'gron bu bkram pa las byas pa'i rdo rje'i steng du ras dkar po bzhag ste/ de'i dbus su bum pa gzhag par bya'o/ /de nas rig sngags 'chang gis bsam pa rgya chen pos lha bshos dang mchod pa rgyas par bya ste/ /gu gul gyis bdug pa yang dbul lo/ /de nas rig sngags 'chang gis dpal gyi lha mo'i rig sngags lan brgyad brgya bzlas brjod byas nas de'i 'og tu rdo rje 'bar ba khro bo chen po lan brgya stong bzlas brjod bya'o/ /de nas nang par bum pa des bdag nyid khrus bya'o/ /'gron bu las byas pa'i rdo rje dang gos de yang 'phags pa lag na rdo rje la phul nas/ bla ma yang de dang 'dra ba'i phyir bla ma la dbul lo/ /de phul nas kyang yid la bsams pa bslang bar bya'o/ /dge slong gi dge 'dun rnams 95-1-101b kyang ci nus kyis ston par bya'o/ /des na lha thams cad kyi las mngon sum du 'gyur ro/ /las 'di ni skal ba med pas mthong bar mi 'gyur te/ rig sngags las byung ba'i 'bras bu thob pa'am/ rig sngags 'chang gi rigs dang ldan pa gang yin pa de dag gis mthong bar 'gyur ro/ /las 'dis dkyil 'khor gyi nang du gtogs pa'i rig sngags rnams 'grub par 'gyur te/ rig sngags de dag dran pa tsam gyis bsgrub pa dang / bsad par yang nus par 'gyur ro/ /dpal thams cad mngon par 'byung bar byed pa'i dkyil 'khor chen po rdzogs so// //de nas bcom ldan 'das lag na rdo rjes lha de dag la 'di skad ces smras so/ /lha rnams bcom ldan 'das ma yum gang spyi bor bkur nas rdo rje 'bar pa'i ting nge 'dzin thob par gyur pa dang / gang bzung ba dang / bklags pa dang bsgrubs na rig sngags 'chang gis nga dang 'dra ba'i 'bras bu thob par 'gyur ba'i bcom ldan 'das ma yum de bshad kyis/ khyed rnams kyis rgyags pa med pa'i sems kyis nyon cig /de nas dbang phyug chen po la sogs pa lha rnams dga' zhing mgu la yi rangs te bde ba dang / yid bde bar gyur nas byang chub sems dpa' chen po lag na rdo rje la bstod pa/ byang chub sems dpa' chen po legs so legs so/ /stobs dang pha rol gnod pa dpag tu med pa legs so/ /khyod kyis sems can rnams kyi don gyi phyir byang chub sems dpa' chen po bskyed par byed pa shod cig shod cig /de nas rig sngags kyi rgyal po lag na rdo rjes rang gi rig sngags kyi tshogs rnams la glang po che'i lta stangs kyis bltas so/ /'khor 'dus pa de dag thams cad la yang bltas nas bcom ldan 'das la phyag 'tshal te/ snying dga' bar byed pa'i yum bshad do/ /na mo rat+na tra ya s+ya/ na maHtsaN+Da badzra pA Ni s+ya/ ma hA yak+Sha se+e nA pa ti s+ya/ na ma la ga hr-i da ye/ na maHshang+ka re/ shIn+taM ka re/ g+hu Ta g+hu Ta/ g+hu Ti ni/ g+ha TA ya/ g+hu Ti ni swA hA/ byang chub sems dpa' lag na rdo rjes 95-1-102a 'jig rten yum bshad ma thag tu yang stong gsum gyi stong chen po'i 'jig rten gyi khams 'di rnam pa drug tu g.yos te/ mun pa dang ra ba rib dang ling tog gi mun nag thams cad med par gyur to/ /sems can dmyal ba dang dud 'gro'i skye gnas dang yi dgas rnams kyi sdug bsngal thams cad kyang med par gyur to/ /lha rnams thams cad kyang ngo mtshar du gyur nas rig sngags kyi rgyal po chen po lag na rdo rje la 'di skad ces smras so/ /rig sngags kyi rgyal po chen po lha'i yum gyi las rnams shod cig shod cig /bcom ldan 'das bdag cag gis kyang yum 'chang ba'i rig sngags 'chang ba'i rig sngags 'chang de la yongs su dga' nas myur du dngos grub sbyin zhing bsrung ba dang bskyab par bgyi'o/ /de nas rig sngags kyi rgyal po chen po rdo rje 'dzin gyis lha rnams la 'di skad ces smras so/ /bzod ldan dag de de bzhin no/ /de de bzhin du mA ma kI 'chang ba gang yin pa de ni ngan 'gro log par ltung bar mi 'gyur ro/ /lha dang bdud du bcas pa'i 'jig rten dang dge sbyong dang bram zer bcas pa'i skye dgu las gang zhig yum dang sras gnyis ka'i ming tsam 'chang ba de ci ste ngan 'gro log par ltung bar 'gyur ba ni ngas yang dag par rjes su ma mthong ste/ de ni gnas med do/ /de ci'i phyir zhe na/ dper na nor bu rin po che mgo la thogs pa la nad do cog mi 'byung zhing gdon thams cad 'byer bar 'gyur ba bzhin te/'di ltar ngan 'gro rnams las sgrol ba 'di ni yum dang sras su bcas pa'i mthu yin pa'i phyir ro/ /de nas bcom ldan 'das lag na rdo rjes de bzhin gshegs pa la phyag 'tshal nas/ yum gyi las rnams bshad pa/ sgrub pa thams cad la phyag rgya gcig bcings la sgrub pa'i rdzas la phyag rgyas btab na myur du dngos grub kyi mtshan ma 'byung bar 'gyur ro/ /dam tshig mi shes pa la ni phyag rgya bsten par mi bya'o/ /gang gi tshe rig sngags 'chang gis rig sngags 'chang ba la phyag rgya ston pa na/ de'i tshe bcom ldan 'das lag na rdo rje'i mdun du 'gron bu brgyad brgyas rdo rje byas la de'i mdun du phyag 95-1-102b rgya bstan par bya'o/ /de yang 'bras chan bu ram dang sbyar ba'i mchod yon rdo rje la phul nas phyag rgya bstan par bya'o/ /de mthong na lag na rdo rje mthong ba yin te/ byang chub kyi sems bskyed pa rnams la bstan par bya'i/ sdig pa byed pa rnams la bstan par mi bya'o/ / sdig pa byed pa gang yin pa de dag gis ni phyag rgya'i tshogs kyi ming yang thos par mi 'gyur ro/ /dge ba'i rtsa ba byas pa gang yin pa de dag gis ni phyag rgya de dag thos par 'gyur ro/ /nga'i gsang ba'i phyag rgya'i tshogs 'di ni gtsang zhing dben par byas pas blta bar bya'o/ / gang gis phyag rgya'i tshogs mthong ba de la ni rig pa mchog gi cho ga rgyas pa gsang ba dang bcas/ gsang chen dang bcas pa de'i lag tu 'dug par 'gyur te/ rig sngags 'chang gis kyang phyag rgya'i tshogs kyi gzi byin bskyed par bya ba'i phyir bla ma la dpag tu med pa'i yon dbul zhing bla ma'i lag nas rig pa mchog gi cho ga rgyas pa mnod par bya'o/ /bla mas kyang bla ma la gus pa'i slob ma la lag nas mngon par dngos grub sbyin par bya'o/ /de ltar byas na lag na rdo rjes byin pa yin te/ cho ga rgyas pa yang 'grub par 'gyur ro/ /ci ste bla ma'i lag nas phyag rgya mthong ba tsam gyis las byas na phyag rgya de nyid kyis kyang gnod pa med par 'gyur ro/ /de bzhin gshegs pa'i gnas sam sku gdung gi gnas su phyag rgya'i tshogs gzhag par bya'o/ /phyag rgya mthong ba gang yin pa de dag ni phyir mi ldog pa yin par blta bar bya ste/ de dag thams cad lha rnams kyis phyag bya ba'i gnas su 'gyur ro/ /nga gang na gnas pa de na de dag gnas te/ nga mthong bas de dag nges par phyir mi ldog pa'i 'bras bu dang ldan par 'gyur zhing lus dang bral ba na lag na rdo rje'i gnas yid du 'ong ba'am/ bde ba can du skye bar 'gyur ro/ /phyag rgya mthu stobs chen po nan tan du blta bar bya ste/ phyag rgya'i rnam pa lag pa'i tshul gyis bstan par bya'o/ /dkyil 'khor gyi rnam pa bris pa mthong nas phyag rgya chen po rnam pa sna tshogs dgod par bya'o/ /bcom ldan 95-1-103a 'das mA ma kI'i las rnams 'byung bar 'gyur te zas su 'o ma'am/ 'dag gu'am/ lo ma'am/ slong mo'i zas za zhing lan 'bum bzlas brjod byas na sngar bsnyen pa byas par 'gyur ro/ /de nas ras ma nyams pa dang kha tshar ma bcad pa dang spu med pa la tshon rtsi sbyin dang ma sbyar bas ri mo mkhan gso sbyong dang ldan pas sangs rgyas kyi sku gzugs seng ge'i khri la bzhugs shing chos 'chad pa'i tshul du 'drir gzhug go/ /de'i g.yon logs su 'phags pa lag na rdo rje mdog sngo bsangs rgyan thams cad kyis brgyan pa rdo rje dang rnga yab thogs par bri'o/ /g.yas logs su ni bcom ldan 'das mA ma kI mdog sngo bsangs lag pa g.yon pa rdo rje thogs shing lag pa g.yas pa na yid bzhin gyi nor bu thogs pa/ rgyan thams cad kyis brgyan pa 'drir gzhag go/ /de nas sku gdung dang ldan pa'i mchod rten gyi drung du ri mo'i gzugs bkram la yar ngo'i tshes zhag gcig nas brtsams te nya'i bar du bzlas brjod byas pa'i mjug tu zhag gsum smyung bar byas la mchod pa sna tshogs rgyas par bya ste/ 'o ma yod pa'i shing gi me sbar la dud pa med pa'i mdag ma la a ga ru nag po'i yam sreg shing du ru ska'i mar gyi nang du smyugs pa brgya stong phrag gsum sbyin sreg bya'o/ /de nas las zin pa'i 'og tu 'phags pa lag na rdo rje 'ong bar 'gyur te/de 'ong ba'i rtags su me tog gi phreng ba 'gul ba dang / mar me'i me lce chen por 'gyur ba dang / sngon ma byung ba'i dri bsung zhim po'i ngad ldang bar 'gyur ba dang / 'di rnams 'byung bar 'gyur te/ /de la spos chu me tog dang ldan pa'i mchod yon dbul bar bya'o/ /yang na lha mo 'ong bar 'gyur te phyag byas la dam pa rnam pa brgyad la dam pa rnam pa gcig blang bar bya ste/ /rig sngags 'chang gis 'khor los sgyur ba dang bcud kyis len chen po dang / gtsug lag dang bzo thams cad shes pa thob pa dang / mngon par shes pa lnga thob pa dang / gzungs la 'jug pa dang rin po che'i char 'bab pa dang lha ma yin gyi phug tu 95-1-103b 'jug pa dang bskal par gnas pa ste/ dam pa brgyad 'di dag las gcig blang bar bya'o/ /lan bdun bsgrubs pa'i tha mal mtshams med pa lnga byed byed pas kyang 'grub par 'gyur ro/ /de nas bsgrub par 'dod pas ldong ros blangs la bud med kyi nu zho dang btags te ril bu lnga byas te/ yungs kar dang lhan cig tu a ga ru'i sgrom bu'i nang du bcug la zla ba spyang kis zin pa'am/ nyi ma spyang kis zin pa'i tshe gtor ma'i cho ga byas te bsgrub par bya'o/ /gang gi tshe yungs kar rnams tsheg tsheg zer ba'i tshe ni skye bo thams cad dbang du 'gyur ba'i dngos grub dang po ste/ des na 'jig rten pa thams cad dbang du 'gyur zhing gang bsgo ba de dag thams cad byed par 'gyur ro/ /yang na dud pa 'thul bar 'gyur na ni lus mi snang bar 'gyur ba thams cad kyi rgyal por 'gyur ro/ /yang na 'bar bar 'gyur na ni de'i tshe lha gzhon nur 'gyur te/ nyi ma shar ka'i gzi byin dang ldan zhing rig sngags 'chang gi rgyal por 'gyur la/ bskal pa chen po gcig gi bar du 'tsho bar 'gyur ro/ /gi wang dang ba bla la sogs pa'i rdzas rnams kyang de bzhin du bsgrub par bya'o/ /de nas mig rtsi bsgrub par 'dod na lig bu mig dang / ut+pa la sngon po dang ru rta dang / tsan+dan rnams lhan cig sbyar te zangs kyi snod du bcug la zla ba spyang kis zin pa'i tshe dud pa byung gi bar du bzlas brjod byas nas des mig bskus na lus mi snang bar 'gyur zhing 'dod dgur sgyur ba'i gzugs can du 'gyur la lus mi snang bar 'gyur ba thams cad kyi rgyal por 'gyur ro/ /de nas ral gri bsgrub par 'dod na ral gri 'phan med pa blangs la/ mar gyi ngo zhag brgyad dam zhag bcu bzhi la ri mo'i gzugs la mchod pa rgyas par byas te gtor ma'i cho ga byas nas bsrung ba'i cho ga yang nan tan du byas la/ lag pa g.yas pas ral gri bzung ste 'gul bar gyur gyi bar du bzlas brjod byas nas 'gul bar gyur na ni gcig pu gnas pa'i rig sngags 'chang du 'gyur ro/ /'bar na ni 'khor dang bcas par 'gyur te rig sngags 'chang thams cad kyi rgyal 95-1-104a po stobs dang pha rol gnon pa thogs pa med par gyur pa nas g.yas pas ral gri bzung ste/ 'gul bar gyur gyi bar du bzlas brjod byas nas 'phags par 'gyur ro/ /de nas rdo rje bsgrub par 'dod na/ /lcags zhun ma las rdo rje sor bcu drug pa thor to gnyis ka rtse gsum par byas te/ tsan+dan dmar po'i lde gus phyugs la cho 'phrul chen po'i zla ba tshes nas brtsam zhing / ri mo'i gzugs la mchod pa rgyas par byas nas bzlas brjod byed cing nyin gcig bzhin du phyir zhing rgyas par bya'o/ /dge slong rnams ston pa'i rjes su zhag gsum smyung ba byas te ri mo'i gzugs sku gdung dang ldan pa'i mchod rten gyi drung du bkram la mchod pa rgyas par byas te mar gyi mar me brgyad sbar nas rtswa ku sha las stan byas pa la 'dug la rdo rje lag pa gnyis kas bzung ste 'bar bar gyur gyi bar du bzlas brjod byas na rdo rje de thogs pas 'khor dang bcas pa 'phags par 'gyur te/ rig sngags kyi 'khor los sgyur bar 'gyur la/ stobs dang pha rol gnon pa lag na rdo rje dang mnyam zhing bskal pa chen po'i bar du 'tsho bar 'gyur te/ lus dang bral na yang rdo rje'i rigs su skye bar 'gyur ro/ /de bzhin du mdung rtse gsum pa dang mdung thung la sogs pa mtshon cha thams cad kyang 'grub par 'gyur ro/ /ras dang shing lham dang / mchod phyir thogs dang / khar ba dang / shing la sogs pa rnams kyang cho ga gong ma'i tshul gyis bsgrubs na thams cad dngos grub rnam pa gsum du 'gyur ro/ /zhi bar bya bar 'dod na thab khung pad+ma'i dbyibs 'dra bar byas la mchod sbyin la 'os pa'i bud shing dag gis me sbar te/ 'bras bzang po'i chen gyi sreg blugs zho dang sbrang rtsi dang mar sbyar ba blugs gzar gyis lan brgyad stong sbyin sreg byas na zhag gsum byas pas ni bdag gam gzhan zhi bar 'gyur ro/ /zhag bdun byas pas ni grong ngam grong khyer zhi bar 'gyur ro/ /mi nad chen po'i gnod pa la ni shi mi yam sreg shing zho dang sbrang rtsi dang mar gyi nang du smyugs pa'i sbyin sreg bya'o/ /phyugs kyi gor 95-1-104b la ni u dum bA ra'i yam sreg shing zho dang sbrang rtsi dang mar gyi nang du smyugs pa'i sbyin sreg bya'o/ /char mi 'bab pa la ni mngar gsum gyis sbyin sreg bya ste/ thams cad la yang lan stong rtsa brgyad brgyad bya zhing zhag bdun bdun du byas na thams cad 'grub par 'gyur ro/ / dUr ba'i nyag ma zho dang sbrang rtsi dang mar gyi nang du smyugs pa brgyad stong sbyin sreg byas na zhag bcus dus ma yin par 'chi ba zhi bar 'gyur ro/ /lan 'bum sbyin sreg byas na 'chi ba dag las rgyal te tshe ring bar 'gyur ro/ /slong mo'i zas za zhing lan 'bum bzlas brjod byas pa'i mjug tu zhag gsum smyung ba byas te/ zla ba spyang kis zin pa'i tshe ba nag mo'i 'o ma la lan brgyad brgya bsngags te 'thungs na sman bcud kyis len du 'gyur ro/ /rgyas par 'dod na zho'i sbyin sreg brgya stong byas na rgyas par 'gyur ro/ /pha rol gyi dpung rengs par byas na lcags kyi phye ma til mar dang sbyar bas lan sum stong sbyin sreg bya'o/ /rgyal mtshan dang dung la sogs pa la bsngags na yang de mthong zhing thos pas pha rol gyi dpung rengs par 'gyur ro/ /bum pa sar pa 'bru thams cad dang spos chus bkang ste/ lan brgyad stong bzlas brjod byas pas log 'dren gyis zin pa khrus byed du bcug na gtong bar 'gyur ro/ /sbrum ma khrus byed du bcug na bde bar bu btsa' bar 'gyur ro/ /byis pa rnams gdon no cog gis zin pa khrus byed du bcug na gtong bar 'gyur ro/ /dbang bskur ba 'dis ni sdig pa thams cad las grol bar 'gyur te/ byur ngan po yang dpal dang ldan par 'gyur ro/ /dkyil 'khor gyi las kyis kyang gdon thams cad kyi las byed do/ /rma bya'i mjug ma la lan brgyad stong gis bsngags pa ni dug go cog sel bar byed de shi zin pa yang 'tsho bar byed do/ /rims dang mi nad la sogs pa yang de nyid kyis sel bar byed do/ /skud pas ni rims so cog med par byed do/ /rdo rje la lan brgyad stong bzlas brjod byas pas ni lha ma yin gyi 'khrul 'khor thams cad 'joms par byed do/ /seng ldeng gi yam sreg shing zho dang sbrang rtsi dang mar gyi nang du smyugs 95-1-105a pa brgyad stong sbyin sreg byas na gter chen po mthong bar 'gyur la/ de yang spyad bzhin du zad par mi 'gyur ro/ /rgya mtshor 'bab pa'i chu klung gi nang du zhugs te/ pad+ma tsan+dan dmar po'i nang du smyugs pa 'bum sbyin sreg byas na pad+ma'i phung po dang mnyam pa'i gter sbyin par 'gyur ro/ /bil pa'i sreg blugs mar gyi nang du sbyin sreg byas na longs spyod 'phel bar 'gyur ro/ /til rnams lhan cig tu bsdus te mar dang sbyar bas lan 'bum sbyin sreg byas na kha zas 'phel te zad par mi 'gyur ro/ /de nas lha rnams dbang du bya bar 'dod na zhag nyi shu rtsa gcig gi bar du dus gsum du a ga ru'i yam sreg shing mar gyi nang du smyugs pa brgya stong sbyin sreg byas na lha thams cad dbang du 'gyur ro/ /gnod sbyin mo rnams la ni a sho ka'i yam sreg shing gis bya'o/ /klu rnams la ni klu shing gi me tog gis bya'o/ / rig sngags 'chang rnams la mkhan pa'i yam sreg shing gis bya'o/ /'phags pa lag na rdo rje la ni a ga ru'i yam sreg shing du ru ska'i mar gyi nang du smyugs pas bya'o/ /dri za rnams la ni thang chu'i spos kyis sbyin sreg bya'o/ /mi'am ci rnams la ni pog gi sbyin sreg gis bya'o/ / yi dgas rnams la ni sra rtsi pog gi sbyin sreg gis bya'o/ /log 'dren rnams la ni til gyi tshigs ma'i sbyin sreg gis bya'o/ /'byung po rnams la ni 'byung po'i zas kyis sbyin sreg lan brgyad brgya zhag bdun nam zhag nyi shu rtsa gcig gi bar du bya'o/ /mi'i gtso bo'am mi chen po dbang du bya bar 'dod na zhag bdun gyi bar du dus gsum du yungs kar gyi sreg blugs til mar dang sbyar bas lan brgyad stong sbyin sreg bya'o/ /mi'i gtso bo'i bu mo la ni ske tshe'i sreg blugs kyis bya'o/ /mdun na 'don pa la ni mar gyi sreg blugs kyis bya'o/ /bu mo rnams la ni sna ma'i me tog gis bya'o/ /bud med thams cad la ni lan tshwa'i sreg blugs kyis bya'o/ /bram ze la ni 'bras bzang po'i chan gyi sreg blugs kyis bya'o/ /rgyal rigs la ni zho'i sreg blugs kyis bya'o/ /rje'u rigs la ni 'bras kyi sbyar thug gi sreg blugs kyis bya'o/ /dmangs 95-1-105b rigs la ni mon sran gre'u'i sreg blugs kyi sbyin sreg gis bya'o/ /sems can thams cad la ni mar dang til sbyar bas bya ste/ thams cad la yang sbyin sreg lan brgyad brgya'i bar bya'o/ /nyi ma la phyogs de lan 'bum bzlas brjod byas na sdig pa thams cad las grol bar 'gyur te/ zas su ba'i gcin dang bye'i 'dag gu za zhing las bya'o/ /rig sngags 'chang thams cad gso bar 'dod na zhag bdun gyi bar du zho dang sbrang rtsi dang mar la sbyar ba'i til gyis lan brgyad stong sbyin sreg bya'o/ /bcad pa dang bcom pa dang ma rungs par gyur pa dang phur bus btab pa rnams gso bar 'dod na/ pu shel tsi las gzugs byas te me tog dkar pos mchod pa lan brgyad brgya bzlas brjod byas pa'i 'o mas bkru zhing 'o ma'i sbyin sreg kyang bya ste/ a ga ru'i bdug pa yang phul na phyir sos par 'gyur ro/ /de nas bcom ldan 'das ma yum brjod la sngags kyis mchod yon phul na spyan drangs par 'gyur zhing bzlas brjod kyang bsrungs par 'gyur ro/ /lan cig brjod pas ni bdag nyid la srung bar byed do/ /lan gnyis brjod pas ni gzhan la srung bar byed do/ /lan gsum brjod pas ni rdzas srung bar byed do/ /yungs kar gyi bsrung bar bya ba'i rdzas sngags kyi gzi byin bskyed na rgyas par 'gyur zhing dngos grub tu 'gyur ro/ /gi wang gis bcom ldan 'das ma'i gsang sngags gang 'dod pa bar thag yangs par yi ge bris te/ gi wang dang / smyu gu yang der bzhag la der sngags des lan brgyad brgya btab ste/ bcom ldan 'das la mchod pa byas nas nyal na 'ong bar 'gyur te lhag chad skong bar 'gyur ro/ /yang na rmi lam du ston par 'gyur ro/ /lan brgyad brgya bzlas brjod byas te rtswa ku sha'i stan la nyal na legs nyes ston par 'gyur ro/ /bcom ldan 'das ma 'di ni rig pa mchog gi rgyud thams cad kyi snying por gyur pa don thams cad bsgrub pa ste/ bcom ldan 'das ma mA ma kI 'di ni rig sngags kyi rgyal po rig pa mchog gi las gang yin pa rnams dang / pho nya ma bcwa brgyad gang yin pa rnams dang / 95-1-106a phyag rgya chen po gang yin pa rnams kyi so so'i cho ga shin tu myur bar byed cing gzhan gyis mi tshugs shing myur du 'grub par 'gyur ro/ /grog mkhar gyis dang yungs kar bsres pa las rdo rje byas te tsan+dan dmar pos byugs la blangs na lam mi gzur ba dang / mi smra bar lan 'bum bzlas brjod byas nas bzlas brjod byas pa'i mjug tu zla ba spyang kis zin pa'i tshe rdo rje yungs kar gyi dbus su bzhag ste/ yungs kar tsheg tsheg zer gyi bar du bzlas brjod byas na rdo rje 'grub par 'gyur te rdo rje des las thams cad byed la brag gi rtse mo phye mar rlog cing rnyil bar byed do/ /chu klung gyen du zlog par byed do/ /mtsho skom par byed do/ /klu rnams 'byer bar byed do/ /dug rnams kyi dug med par byed do/ /srog chags rnams rengs par byed do/ /rmongs par byed do/ /sgyel bar byed do/ /'khrul 'khor rnams phye mar rlog go/ /shing rta la sogs pa rengs par byed cing phye mar yang rlog ste/ de la sogs pa'i las thams cad byed do/ /bcom ldan 'das mA ma kI 'di ni ro langs thams cad sgrub pa ste/ las sna tshogs byed pa yin no/ /ri'i rtse mor song ste lcags zhun ma las byas pa'i rdo rje thogs la lag pa g.yon pas bzung la lan drug 'bum bzlas brjod byas na de nas ri 'gul bar 'gyur te/ ri 'gul na 'khor dang bcas pa 'phags par 'gyur ro/ /slong mo'i zas za zhing ri'i rtse mor bye ba gcig bzlas brjod byas na yid la gang 'dod pa de thams cad des thob par 'gyur ro/ /lha rnams bcom ldan 'das mA ma kI 'di ni thams cad 'grub pa ste/ las sna tshogs byed pa yin no/ /bcom ldan 'das ma 'jig rten gyi yum gyi las rnams ngas bshad zin te/ de la drag tu 'grub par byed pa'i sngags kyang bshad par bya'o/ / na mo badzra pA Ni s+ya/ o~M dz+wa la mA ma kI s+pho Ta ya hU~M phaT swA hA/ lha rnams 'di'i las kyang bshad par bya ste/ bcom ldan 'das ma'i las ngas bshad pa gang yin pa de dag las nyis 'gyur du bsten par byas na thams cad byed par 'gyur ro/ /de nas bcom ldan 'das lag na rdo rje 95-1-106b 'khor de'i nang nas langs nas bcom ldan 'das la lan gsum bskor ba byas te bcom ldan 'das la 'di skad ces gsol to/ /bcom ldan 'das rig pa mchog gi cho ga chen po las bdag gis lha rnams bshad pa gang lags pa de dag thams cad kyis sgrub pa po gtsang sbra dang cho ga dang spyod yul dang ldan pa gang lags pa bsrung ba dang / bskyab pa dang / sba bar bgyid cing dngos grub kyang thob par 'gyur ba dang / tshor ba rjes su dran par bgyis pas bgegs dang log 'dren de dag thams cad brlag par 'gyur ba dang / gtsang sbra bgyis kyang rung gtsang sbra ma bgyis kyang rung ba na bsrung ba dang bskyab pa dang sba ba dang sems can rnams kyi don gyi slad du bdag gis rdo rje khro bo stobs po che bshad par bgyi na/ bcom ldan 'das kyis gnang bar mdzad du gsol/ de nas bcom ldan 'das kyis byang chub sems dpa' chen po lag na rdo rje la 'di skad ces bka' stsal to/ /byang chub sems dpa' legs so legs so stobs dang pha rol gnon pa dpag tu med pa khyod sems can thams cad la phan pa'i phyir zhugs pa de ni legs so/ /khyod la de bzhin gshegs pas gnang bar mdzad kyis sems can lam du zhugs pa rnams dang / lam ma yin par zhugs pa rnams dang / gtsang sbra byas pa rnams dang / gtsang sbra ma byas pa rnams bsrung ba'i phyir shod cig shod cig /de nas rig sngags kyi rgyal po chen po lag na rdo rjes 'khor 'dus pa la glang po che'i lta stangs kyis bltas nas rdo rje khro bo stobs po che bshad pa/ na mo rat+na tra ya s+ya/ na mo badzra pA Ni s+ya/ na mash+tsaN+Da badzra pA Ni s+ya/ ma hA yak+Sha se nA pa ti s+ya/ o~M badzra kro d+ha ma hA ba la/ ha na da ha pa tsa/ bi twaM sa ya/ dza Ti laM bo da ra/ uts+tshush+ma krod+hA ya hU~M phaT swA hA/ de nas lha de dag ngo mtshar du gyur te/ lag na rdo rje'i zhal du lta zhing tshig 'di skad ces smras so/ /rig sngags kyi rgyal po chen po rdo rje khro bo stobs po che'i las rnams shod cig shod cig /de nas lag na rdo rje drag po chen pos snying rje'i sems kyis las rnams bshad pa/ rig pa mchog sgrub pa'i rig sngags 'chang 95-1-107a lam du 'jug gam/ bshang ba dang gci ba la sogs pa byed na thog mar lan cig brjod na bsrung bar byas par 'gyur ro/ /lam du 'jug na lan gsum brjod nas song na chom rkun la sogs pa'i 'jigs pa 'byung bar mi 'gyur ro/ /de bzhin du chu klung rgal ba na yang chu srin na kra la sogs pa'i 'jigs pa 'byung bar mi 'gyur ro/ /de nas bsgrub par 'dod na tshes grangs dang rgyu skar 'dam mi 'tshal/ smyung ba'ang bya mi dgos par khro bo nyid brtson par bya ste/ nyin par yang rung / mtshan mo'ang rung / zan zos kyang rung / ci ste ma zos kyang rung / gtsang sbra byas kyang rung / gtsang sbra ma byas kyang rung ste/ lan sum 'bum bzlas brjod byas na sngar bsnyen pa byas par 'gyur ro/ /de nas pa la sha'i shing ngam/ bil ba'i shing gis me sbar te 'bras yos sam/ til yang rung mar dang sbyar bas lan brgyad stong sbyin sreg byas na 'grub par 'gyur ro/ /de nas las rnams 'byung ste/ mi'i gtso bo'am/ mi chen po dbang du bya bar 'dod na dong ka'i bud shing gis me sbar la yungs kar gyis lan brgyad stong sbyin sreg byas na dbang du 'gyur ro/ /dmag dpon dbang du bya bar 'dod na dmag dpon gyi rkang rjes kyi rdul blangs la lag pa g.yon pas lan brgyad stong sbyin sreg byas na dbang du 'gyur ro/ /skyes pa dbang du bya na lan tshwa las gzugs byas la rkang pa g.yas pa nas brtsams te/ bcad cing bcad cing lag pa g.yon pas lan brgya stong sbyin sreg byas na skyes pa dbang du 'gyur ro/ /bu mo dbang du bya na 'bras sA lu'i phye ma las gzugs byas la rkang pa g.yon pa nas brtsams te/ bcad cing bcad cing lag pa g.yas pas lan brgyad stong sbyin sreg byas na dbang du 'gyur ro/ /yugs sa mo dbang du bya na dur khrod dam/ gdol pa'i khyim nas me blangs la dur khrod kyi shing gseb la lam gyi sum mdor me sbar te/ mon sran gre'u sbyin sreg lan brgyad stong byas na dbang du 'gyur ro/ /bu mo dbang du bya na lag na rdo rje'i mdun du bu mos spyad pa'i me tog rnying pa brgyad stong sbyin sreg byas na dbang du 'gyur ro/ / 95-1-107b dgra dbang du bya na gi wang ngam/ ldong ros la lan brgya stong bsngags te bdag nyid kyi lus bskus na dgra'i nang du 'jigs par mi 'gyur ro/ /lig bu mig blangs te a shwat+tha'i lo ma'i steng du bzhag la sku gdung dang ldan pa'i mchod rten gyi drung du lan brgya stong bzlas brjod byas pas mig la bskus na skye bo thams cad kyi snying du sdug par 'gyur ro/ /gi wang yang cho ga de dang 'dra'o/ /skyes pa dbang du bya na a mra'i shing gi me sbar la/ nas dang gro dang nA ga ge sar la sogs pas lan brgyad stong sbyin sreg byas na dbang du 'gyur ro/ /grub par ma gyur na las 'di dag byas te bil ba'i shing gis me sbar te til nag po brgyad stong sbyin sreg byas na 'grub par 'gyur ro/ /phyin cad dbang du bya ba dang / bskrad pa dang / dbye ba dang / gzhig pa dang / bsad pa dang / sgo glegs bcag pa dang 'khrul 'khor sgo gtan dang gsheg pa dang gzhom pa la sogs pa byed nus par 'gyur ro/ /mi'i gtso bo dbang du bya na dur khrod kyi shing gis me sbar la/ ske tshe yungs mar dang sbyar bas lan brgya stong sbyin sreg byas na dbang du 'gyur ro/ /me tog la lan bdun bsngags na gang la byin pa de dbang du 'gyur ro/ /spos sam shing thog gam so rtsi rnams kyang cho ga de bzhin du bya'o/ /mig sman la bsngags te mig gnyis la bskus na gang la bltas pa de dbang du 'gyur ro/ /bskrad par byas na arka'i shing gi me sbar la lung tang gi me tog gis lan brgya stong sbyin sreg byas na zhag bdun gyis 'bros par 'gyur ro/ /dbye bar bya na cho ga de dang 'dra bar bya ste phub ma'i sbyin sreg byas na 'bye bar 'gyur ro/ /gzhig par bya na dur khrod nas me blangs pa'i nang du dur khrod kyi thal bas sbyin sreg byas na 'jig par 'gyur ro/ /gsad par bya na ske tshe'i yungs mar dang sbyar ba'i sbyin sreg byas na de ma thag tu 'jig par 'gyur ro/ /bskam par bya na gos gsher ba bgos la khros bzhin du nyi ma la phyogs te bzlas brjod byas na ji tsam du gos bskams par 'gyur ba de tsam du dgra'i srog skam par 'gyur ro/ /khros bzhin du mtshan gcig 'dug pa'i steng du lag pas mnan te bzlas 95-1-108a brjod byas na de ma thag tu dgra med par 'gyur ro/ /'phags pa lag na rdo rje'i mdun du se gol gtogs shing gsang sngags bzlas brjod byas na de ma thag tu dgra 'chi bar 'gyur ro/ /cho ga ji ltar byas kyang rung ste/ khros bzhin du bzlas brjod byas na cho ga des de ma thag tu dgra 'jigs pa dang 'chi bar 'gyur ro/ /zhi bar bya ba dang phyir gso ba thams cad la ni pa la sha'i shing gis me sbar te/ 'o ma dang mar sbyar bas lan brgyad stong sbyin sreg byas na phyir 'tsho bar 'gyur ro/ /hU~M zhes byas pas ni sgo glegs dang sgo gtan choms par 'gyur ro/ /phaT ces byas pas ni lha ma yin gyi 'khrul 'khor thams cad choms par 'gyur ro/ /nim pa'i shing gis me sbar ba'i nang du ske tshe khrag dang sbyar bas lan brgya stong sbyin sreg byas pas dgra la ji ltar 'dod pa bzhin du byed nus par 'gyur ro/ /khyi nag po'i lce blangs la gu gul dang lhan cig tu btags te ril bur byas te zangs dang 'khar ba dang / ra gan gcig tu sbyar bas g.yogs la go phye'i shing gi gab tsher bcug ste/ mar gyi ngo zhag brgyad dang zhag bcu bzhi gang yang rung ba la lag na rdo rje'i mdun du lan brgyad stong bzlas brjod byas te/ de nas sgra tug tug zer bar gyur nas de dag las gcig khar bcug na lus mi snang bar 'gyur la/ /phyir phyung na snang bar 'gyur te tshe lo khri thub par 'gyur ro/ /ri'i rtse mor song ste lan 'bum bzlas brjod byas na lha ma yin gyi phug gi 'khrul 'khor thams cad hU~M zhes bya ba'am/ phaT ces byas pas choms par 'gyur ro/ /lha ma yin gyi phug sgor yungs kar dug dang / khrag dang sbyar bas lan brgya stong sbyin sreg byas pas lha ma yin gyi bu mo gcig bzhin phyir byung nas sgrub pa po nang du khrid par 'gyur ro/ /lig bu mig gi rgyud ma chad par lan stong sbyin sreg byas la zla ba spyang kis zin pa'i tshe zla ba ma btang gi bar du bzlas brjod byas te des mig bskus na lus mi snang bar 'gyur zhing tshe lo stong thub par 'gyur ro/ /gang la dmigs te lan khri bzlas brjod byas na de bran du 'gyur ro/ /yang na 'chi bar 'gyur ro/ /dur khrod kyi ras khru gang tsam blangs la de 95-1-108b tshon rtsi sbyin med pas khro bo'i gzugs mi sdug cing mche ba gtsigs la lus kyi mdog gnag cing me lce 'bar bas bskor te skra kham pa gyen du brdzes shing khros pa'i mig gis bltas la lag pa g.yon pa rdo rje thogs/ lag pa g.yas pa na dbyug pa thogs pa 'drir gzhug go/ / 'og logs su ni sgrub pa po lag na pog phor thogs pa bris la mar gyi ngo zhag brgyad dam/ bcu bzhi gang yang rung ba la de'i mdun du me tog dmar po phul te ldong ros dang / lig bu mig dang gi wang dang dga' byed kyi srad bu dang / dong ka'i shing lham dang / gos dang / rdo rje 'khor lo dang / mdung rtse gsum pa dang / ral gri la sogs pa las gang yang rung ba blangs nas cho ga bzhin du dag par byas la/ a shwat+tha'i lo ma bzhag ste dngos grub rnam gsum gyur gyi bar du bzlas brjod byas na dro bar gyur na ni rkang pas mgyogs par 'gyur ro/ /dud pa thul na ni lus mi snang bar 'gyur ro/ /'bar bar gyur na ni nam mkha' la 'gro ba'i rig sngags 'chang du 'gyur te bskal par gnas par 'gyur ro/ /de nas gnod sbyin mo dbang du bya bar 'dod na sku gdung dang ldan pa'i mchod rten gyi drung du a shwat+tha'i shing gis me sbar la a shwat+tha'i me tog brgyad stong sbyin sreg byas na gnod sbyin mo'i ming nas smos pas dbang du 'gyur ro/ /klu'i bu mo dbang du bya bar 'dod na shi ba liM ga'i shing gis me sbar la nag pus pa brgya stong sbyin sreg byas na dbang du 'gyur ro/ /dgug par bya na mar gyi ngo zhag brgyad dang zhag bcu bzhi gang yang rung ba'i phye ma red arka'i shing gis me sbar la yungs kar gyi lan brgyad stong sbyin sreg byas na ming nas gang smros pa khugs par 'gyur te/ zhag gcig smyung ba byas pa las bya'o/ /zhag bdun gyi bar du dus gsum du byas na ni brgya byin yang khugs par 'gyur ro/ /lan tshwa dang bdag gi khrag sbyar bas sbyin sreg byas na ni gang gi ming nas smos pa de dbang du 'gyur ro/ /de nas log 'dren gzhig par 'dod na mar gyi ngo zhag bcu bzhi la lag na rdo rje'i mdun du mchod pa byas te/ de nyid kyis bsrung bar byas nas zhag gsum smyung ba byas la/ thab 95-1-109a khung rdo rje'i dbyibs 'dra bar bya ste/ gu gul gyi ril bu brgyad stong sbyin sreg byas na bgegs thams cad zhi bar 'gyur ro/ /yar gyi ngo tshes gcig la brtsams te dus gsum du gu gul gyi ril bu mar gyi nang du smyugs pa brgya stong sbyin sreg byas pa'i mjug tu zhag gsum smyung ba byas la de'i mdun du mchod pa chen po byas te/ rdo rje khro bo'i kha nas blo bur du nga grub bo zhes zer ba'i sgra 'byung gi bar du bzlas brjod byas na de nas skra lcang lor 'khyil zhing nyi ma shar ba'i mdog 'dra ba la/ /rig sngags 'chang gi 'khor los sgyur bar 'gyur zhing bskal par gnas shing lag na rdo rje dang mthu stobs mnyam par 'gyur ro/ /de nas lig bu mig bsgrub par 'dod na/ ri mo'i gzugs de nyid kyi mdun du yar gyi ngo las brtsams te dus gsum du lan brgya stong bzlas brjod byas nas de'i mdun du zhag gsum smyung ba byas la/ lig bu mig gam ldong ros a shwat+tha'i lo ma'i steng du bzhag ste lag pa g.yon pas mnan la dro bar gyur pa dang / dud pa 'thul ba dang 'bar bar gyur gyi bar du bzlas brjod byas na dro bar gyur na ni 'gro ba rnams dbang du byed par 'gyur ro/ /dud pa 'thul na ni lus mi snang bar 'gyur te rig sngags 'chang thams cad kyi spyod yul du mi 'gyur zhing / rig sngags 'chang gcod pa thams cad kyis mi tshugs la rig sngags 'chang thams cad kyis byar med par 'gyur ro/ /'bar bar gyur na ni nam mkha' la 'gro zhing 'khor stong dang ldan la g.yog rnams 'chang bar 'gyur ro/ /ci ste mi 'dod na yang rig sngags 'chang rnams g.yog tu 'gyur te/ rig sngags 'chang thams cad kyis mi sod par 'gyur ro/ /de nas rdo rje bsgrub par 'dod na 'dzam bu chu bo'i gser las rdo rje sor bcu gnyis rtse gsum du byas la chu klung rgya mtshor 'bab pa'i 'gram du mar gyi ngo zhag gcig las brtsams te phyi mar yar gyi ngo tshes bcu gnyis kyi bar du dus gsum du bzlas brjod bya'o/ /de nas zhag gsum smyung ba byas te 'phags par gyur gyi bar du bzlas brjod byas na de nas rig sngags 'chang thams cad kyis phyag bya bar 'gyur zhing sum cu rtsa gsum pa'i lha rnams 95-1-109b kyis kyang mchod de/ lag na rdo rje dang 'gran pa dang bskal par gnas par 'gyur ro/ /sku gdung dang ldan pa'i mchod rten gyi drung du lig bu mig la lan 'bum bzlas brjod byas te/ de nas yar gyi ngo tshes bcwa lnga la zla ba spyang kis zin pa'i tshe khar bcug ste zla ba ma btang gi bar du bzlas brjod byas te des mig la bskus pas lus mi snang bar 'gyur ro/ /yang na bud med gang skyes pa dang ma phrad par shi ba de'i mo mtshan du mar gyi ngo zhag bcu bzhi la lig bu mig dang ldong ros bcug ste/ nyi ma shar gyi bar du bzlas brjod byas te des mig bskus pas sems can thams cad kyi snying du sdug par 'gyur zhing shags 'gyed do cog las lan thebs par 'gyur ro/ /shu dag la lan brgyad brgya bzlas brjod bya'o/ /de nas phyung ste mar gyi ngo zhag bcu bzhi la zhag gcig smyung ba byas la/ lha chen po'i gzugs kyi g.yas logs su lan brgya stong bzlas brjod byas na de lag pa la btags pas rgyal po las rgyal bar 'gyur zhing rtsod pa dang 'thab pa la lan thebs par 'gyur te/ rgyal po'am blon po la gang smras pa thams cad tshig nyan par 'gyur zhing gang blangs pa de yang thob par 'gyur ro/ /lig bu mig la lan brgyad stong bsngags te mig la bskus na kun gyi yid du 'ong bar 'gyur ro/ /gi wang gis lus bskus na skye bo thams cad kyi snying du sdug par 'gyur ro/ /de nas rig sngags 'chang la las lig bu mig gam/ ldong ros phrogs par gyur na zhag gsum smyung bar byas la lan sum 'bum bzlas brjod byas nas ba lang gi lci ba sa la ma lhung ba las rig sngags 'chang gi gzugs byas te khrag gis bskus la/ ka ra bI ra'i me tog gis mchod nas lcags zhun ma'i mtshon gyis bcad na/ rig sngags 'chang gis lig bu mig gam/ ldong ros phyir byin par 'gyur ro/ / de nas rig sngags dag par 'dod na de bzhin du zhag gsum smyung ba byas te/ lan 'bum bzlas brjod byas na pog gi chus rig sngags bris la chu klung rgya mtshor 'bab pa'i nang du bcug ste lan brgyad stong byas nas de nyid du nyal na phyi de nyin par lhag chad dag par bya ste phyir 'byung 95-1-110a bar 'gyur ro/ /mi'i gtso bo'am mi chen po dbang du bya bar 'dod na thab khung rdo rje'i dbyibs 'dra bar byas la lung tang gi bud shing gis me sbar te/ rgya skyegs kyis sreg blugs lan brgya stong sbyin sreg byas na de de'i bran bzhin du 'ong bar 'gyur ro/ /yang na grog mkhar gyi sa las gzugs byas te de'i mdun du ba lang gi shas lan brgya stong sbyin sreg byas na nang mi'i gtso bo dbang du 'gyur la/ dbye bar bya 'dod na gnyis ka'i sen mo bcad pa blangs la til nag po dang bsres te tsha ba gsum dang yungs kar mar dang sbyar bas zhag bdun gyi bar du dus gsum du lan brgya rtsa brgyad sbyin sreg byas na dbye bar 'gyur ro/ /grong khyer 'pho bar 'dod na zhag bdun gyi bar du dus gsum du phub mas lan stong rtsa brgyad bzlas brjod byas na 'bros par 'gyur ro/ /yang na 'jigs par 'dod na zhag gsum gyi bar du dus gsum du khyi shas lan stong rtsa brgyad brgyad sbyin sreg byas na 'jigs par 'gyur ro/ /phyir gso ba thams cad la ni u dum bA ra'i yam sreg shing zho dang sbrang rtsi dang mar gyi nang du smyugs pa lan brgyad stong sbyin sreg byas la rdo rje khro bo la'ang mar gyi bdug pa bsregs na phyir zhi bar 'gyur ro/ /de nas gdon gyis zin par bya bar 'dod dam yang na gang la rims kyis 'debs par 'dod na zhag bdun gyi bar du dus gsum du arka'i shing gis me sbar la mi rims kyis btab pa gang yin pa de'i rkang rjes kyi rdul blangs te/ dug dang khrag dang sbyar bas sbyin sreg byas na rims [(]gyis[,]kyis[)] 'debs par 'gyur ro/ /yang na ku sha las gzugs byas te snying gar rkang pa g.yon pas mnan la phye ma red nas brtsams te nam langs kyi bar du bzlas brjod bya'o/ /de ltar byas na zhag bdun gyis rims chen pos 'debs par 'gyur te cis kyang mi slongs par zhag bdun gyis 'chi bar 'gyur ro/ /phyir gso na yungs kar zho dang sbrang rtsi dang mar dang sbyar bas lan brgyad stong sbyin sreg byas la bum pa mi gnag cing rtsa ba med pa blangs te chus bkang la lan stong bsngags pas khrus byed du bcug na gtong bar 'gyur ro/ /de nas gdon gyis zin par bya 'dod na zhag gsum smyung bar byas te dur khrod du grong khyer 95-1-110b gyi sgo bzhi'i sa blangs pas rnga mo'i gzugs byas te/ des de ma yin pa'i mi'i gzugs byas pa'i mgo bo la 'dzin par byas la snying ga dang sta zur du lcags zhun ma'i phur bus btab ste/ rkang pa g.yon pas mnan la mtshan rangs par bzlas brjod byas na gdon drag pos zin par 'gyur te cis kyang mi slongs par zhag bdun gyis 'chi bar 'gyur ro/ /sbrul gyis 'dzin du gzhug na yang cho ga 'di nyid kyis byas na cis kyang mi zlog par de ma thag tu 'chi bar 'gyur ro/ /phyir gso ba ni 'byung po'i gnas su dkyil 'khor bris la 'byung po'i kha zas lan brgya stong bsngags pa dbul lo/ /sbrul gyis zin pa gso ba na sbrang rtsi dang 'o thug phul te byab pa 'ang byas na gtong bar 'gyur ro/ /mdze nad kyis 'debs par bya na zhag bdun gyi bar du dus gsum du ri bong gi spu dug dang khrag gi nang du smyugs pa stong rtsa brgyad brgyad sbyin sreg byas na mdze nad kyis 'debs par 'gyur ro/ /cho ga de bzhin du dug dang khrag gi sbyin sreg byas na nad khong skems kyis 'debs par 'gyur ro/ /phyir gso ba ni bu ram dang 'o ma la lan brgyad stong bsngags pa skom du blud na gtong bar 'gyur ro/ /ba lang gi lci ba sa la ma lhung ba las gzugs byas te seng ldeng gi phur bu la lan brgyad stong bsngags pas btsugs na zag par 'gyur ro/ /phyir gso ba ni phur bu phyung la mar gyi lan brgyad stong sbyin sreg bya'o/ /bud med kyi mtshan zag par 'dod na zhag gcig smyung bar byas te phag sha las mo mtshan gyi gzugs byas la/ khyi'i rus pa'i phur bu la lan brgya stong bzlas brjod byas pa btsugs na zag par 'gyur ro/ /phyir gso ba ni 'o mas lan brgyad brgya sbyin sreg bya'o/ /de nas bsad par 'dod na ma da'i tsher ma dang / ske tshe dang tsha ba gsum dang dug rnams yungs kar mar dang sbyar te/ dur khrod nas me blangs pa'i nang du dus gsum du lan brgyad brgya sbyin sreg byas na dus la bab par zhag bdun gyis 'chi bar 'gyur te/ zhag drug gi bar du ni phyir gsor rung ngo / /zhi bar 'dod na dkyil 'khor skyang nul gyis byugs te lan brgyad brgya bzlas brjod byas pa'i bum pas khrus byed du bcug la/ dUr ba mar 95-1-111a gyi nang du smyugs pas lan brgya stong sbyin sreg byas na zhi bar 'gyur ro/ /pha rol gyi dmag gzhom par 'dod na/ ba ru ra'i shing gis me sbar ba'i nang du mtshon cha phye mar byas pa khrag dang sbyar bas lan brgya stong sbyin sreg byas la de'i thal bas bdag gi dmag dang dmag dpon rnams la thig le byas nas/ rgyal mtshan gyi rtse mo la yang byugs te bstan na mthong ba tsam gyis pha rol gyi dmag tshogs dang dmag dpon de dag pham par 'gyur ro/ /yang na glang po che dang rta shi ba'i sha blangs te phub ma dang ba ru ra'i shing bsres pa'i mer g.yul 'gyed pa'i tshe sbyin sreg byas na sreg blugs blugs pa tsam gyis pham par 'gyur ro/ /yungs kar dmar po blangs te lan brgya stong bsngags pas bdag gi dmag 'khod pa'i sa la gtogs pa'i sa gtor te mgo la yang gtor na bdag gi dmag dang dmag dpon rnams mthong ba tsam gyis pha rol gyi dmag pham par 'gyur te/ nam yang pha rol gyi dmag gis non par mi 'gyur ro/ /yang na bdag gi nang du 'dug ste bzlas brjod byas na pha rol gyi dmag pham par 'gyur ro/ /de nas rgyal srid sgrub par 'dod na ri'i rtse mor song la slong mo'i zas za zhing lan bye bar bzlas brjod byas na bzlas brjod zin pa'i 'og tu rdo rje khro bo 'ong ste rang gi gzugs bstan nas dam pa sbyin par byed de/ 'khor los sgyur ba'i rgyal po dang 'dra bar 'gyur ro/ /de nas gter chen po mthong bar 'dod na nor gyi spyan rgyan thams cad kyis brgyan pa gnod sbyin gyi tshogs kyis bskor ba bri bar bya'o/ /glo g.yas g.yos su yang gter dung dang pad+ma gnyis bris la/ de'i mdun du rdo rje khro bo lig bu mig dang sprin gyi mdog can mche ba gtsigs pa/ skra gyen du 'greng la sa la lta zhing 'dug pa bris te/ yungs kar dang a ka ru gcig tu sbyar nas yar gyi ngo tshes zhag gcig la brtsams la zas su 'o ma'i 'dag gu'am/ slong mo'i zas za zhing lan 'bum bzlas brjod byas te/ ci 'byor pas mchod pa byas pa'i mjug tu zhag gsum smyung ba byas te/ zla ba nya la mar gyi mar me bzhi phul nas gter gcig las ti na ra'i char bab kyi bar du bzlas brjod bya'o/ / 95-1-111b ti na ra de dag kyang blang bar mi bya'o/ /de nas nam langs pa dang sa'i 'og nas gter chen po mthong bar 'gyur la de yang zad par mi 'gyur te/ thog mar dkon mchog gsum gyi phyir spyad par bya'o/ /'bru ma rungs par bya ba dang 'phel bar bya 'dod na/ zhing gi dbus su bzlas brjod byas na rgyas par bya ba'am/ ma rungs par bya ba'i bsam pa ji lta bus bzlas brjod byas pa de bzhin du 'gyur ro/ /grong bshig par 'dod na grong gi dbus su zhag gcig smyung ba byas te/ arka'i yam sreg shing sbyin sreg brgya stong byas na grong 'jig par 'gyur ro/ /grong khyer bshig pa ni cho ga de bzhin du zhag bdun gyi bar du byas na 'jig par 'gyur ro/ /rgyal po'i gyod la thogs par bya na zhag gsum smyung ba byas te rgyal po'i gyod la thogs par bya'o snyam du bsams la log 'dren gyi gzugs byas nas/ rA dza arka'i yam sreg shing yungs mar gyi nang du smyugs pa brgyad stong sbyin sreg bya'o/ /kha zas 'dod na nyi ma shar khar lan brgyad brgya bzlas brjod byas na kha zas ro drug dang ldan par 'grub par 'gyur ro/ /gos 'dod na nyi ma shar bar ras kyi kha tshar re re la bzlas brjod lan re re byas pa brgyad stong sbyin sreg byas na gos thob par 'gyur ro/ /bud med dbang du thob par 'dod na ras bal gyi 'dab ma rgya skyegs kyis kha bsgyur ba dang / ma da na'i tsher ma rgya skyegs kyi nang du smyugs pa dus gsum du lan brgyad brgya sbyin sreg byas na dbang du 'gyur ro/ /yugs sa mo dbang du bya bar 'dod na rdo rje khro bo'i mdun du dus gsum du yungs kar gyis lan stong rtsa brgyad sbyin sreg byas na zhag bdun gyis bran bzhin du 'ong bar 'gyur ro/ /phub ma'i sbyin sreg gis ni dgra ma rungs par 'gyur ro/ /rgya skyegs kyis ni gzi byin med par byed do/ /til btags pa'i sbyin sreg gis ni log 'dren gyis zin par 'gyur ro/ /gang zhig pha rol gyi rig sngags bcad par 'dod na ku sha las gzugs byas te zhag bdun gyi bar du dus gsum du lan brgyad brgya brgyad brgya bzlas brjod byas la/ zhag bdun gyi nyin par lcags zhun ma'i mtshon gyis bcad cing sbyin sreg 95-1-112a byas na zhag gcig gis rig sngags bcad par 'gyur ro/ /bong bu'i rtug pa'am/ glang po che'i rtug pas dus gsum du lan stong rtsa brgyad sbyin sreg byas na zhag bdun gyis rig sngags thams cad bcings par 'gyur ro/ /phyir gso bar 'dod na de nyid du de nyid kyi sbyin sreg byas na gtong bar 'gyur ro/ /bdag dang gzhan gyi phyir log 'dren gzhig par 'dod na/ glang po che'i mgo can gyi gzugs snga nas yod pa der song la/ bgegs kyi gzugs bris nas der me sbar te glang po che'i shas sbyin sreg byas na log 'dren rnams ma rungs par 'gyur ro/ /phyin chad bgegs med do/ /gru thogs par bya bar 'dod na chu srin kum+b+hi ra'i mche ba la lan brgyad brgya bzlas brjod byas te chu'i nang du bcug na gru thogs par 'gyur la phyung na 'gro bar 'gyur ro/ /pha rol gyi dmag rengs par bya na mda' la lan brgyad stong bzlas brjod byas te 'phangs na rengs par 'gyur te mtshon 'debs shing 'phen mi nus par 'gyur ro/ /chom rkun rengs par bya na yid la bzlas brjod byas na rengs par 'gyur ro/ /mi ma yin pa rengs par bya na dur khrod kyi lcags kyi phur bu la bsngags te/ btsugs na bcings pa dang rengs par 'gyur la phyung ba na grol bar 'gyur ro/ /dran pa tsam gyis ngan 'gror 'gro bar mi 'gyur te/ mtshams med pa las thar bar 'gyur ro/ /dngos grub 'di dag ni bzlas brjod byas pa tsam gyis las thams cad byed par 'gyur te/ de dug las gso nam dan 'am/ rma bya'i mdongs sam yal gas bya'o/ /rims so cog gso ba ni tshon rtsi sna lnga'i skud pas bya'o/ /mtshams bcad pa ni yungs kar ram thal ba'am chus bya'o/ /gdon dbab pa ni gu gul gyis bdug par bya'o/ /sbrul gyis zin pa la ni shing kun dang shu dag dang byis ku dang lung thang dang rma bya'i mdongs dang rma bya'i mkhris pa dang ne'u le'i spu dang tsha ba gsum dang 'di rnams snga dro na ga bus pa'i khu ba dang btag cing grib mar bskams pa lan bdun gyi bar du byas la/ de nas lag na rdo rje'i mdun du mchod pa byas te yar gyi ngo tshes 95-1-112b bcwa lnga la zhag gcig smyung ba byas nas lan brgyad stong bzlas brjod byas la/ sbyin pa'i tshe lan bdun bsngags nas sbyin par bya ste/ gson po zhig na ni blud par bya'o/ /shi zin pa zhig na ni snar blugs shing mig la bskus na 'jog pos zin pa yang 'tsho bar 'gyur ro/ / sbrul gyis zin te shi nas bsregs zin pa yang thal bas gzugs byas la rdo rje khro bo'i rig pa mchog dang ldan pa gcig tu lan 'bum bzlas brjod byas pa'i rjes la de nyid du zhag gsum srung ba byas te yar gyi ngo tshes bcwa lnga la zhi ba la 'os pa'i me tog gis mchod pa byas nas nA ga ge sar gyi shing gis me sbar te/ mngar gsum gyis lan brgyad stong sbyin sreg byas la gzugs ras dkar pos bkab ste/ de nas rig pa mchog bzlas brjod byed bzhin du ras bshus la shi ba de na tshod dang gzugs ci 'dra ba de 'dra ba'i na tshod dang gzugs can gyi sems can ldang bar 'gyur ro/ /de nas rdo rje khro bo'i gsang sngags rig pa mchog dang ldan pa la lan bdun bzlas brjod byas na langs te khyim du 'gro bar 'gyur ro/ /ci ste ras kyis bkab kyang mi'i gzugs su ma gyur na rma bya'i sgro rang lhung bas sbyin sreg byas na gdon mi za bar de bzhin du 'gyur te 'grub par 'gyur ro/ /char dbab par 'dod na thab khung pad+ma'i dbyibs 'dra bar byas la mngar gsum gyis lan brgyad stong sbyin sreg byas na char chen po zhag bdun gyi bar du 'bab par 'gyur ro/ /ci ste char ma bab par gyur na me de nyid kyi nang du mngar gsum dug dang khrag dang sbyar te sbyin sreg byas na 'bab par 'gyur ro/ /bcad par bya na mngar gsum dkar dang sbyar bas sbyin sreg byas na 'chad par 'gyur ro/ /gter 'byung bar bya na yungs kar gyi 'khrul 'khor thams cad choms par 'gyur ro/ /bzlas brjod byas pa tsam gyis las thams cad byed par 'gyur ro/ /las byas pa las ci ste 'grub par ma gyur na rig pa mchog dang ldan par byas na las thams cad myur du nges par 'gyur ro/ /de nas gnod sbyin chen po rmugs byed rnams lha ma yin rnams kyis gtses nas dpal thams cad mngon par 'byung bar byed pa'i dkyil 'khor chen po gang na ba der dong 95-1-113a ngo / /de nas skyabs ma rnyed pa'i gnod sbyin de dag lag na rdo rje la skyabs su song ste/ rdo rje 'dzin chen po lha ma yin mchog tu 'jigs pa las skyobs shig ces smras so/ /de nas bcom ldan 'das lag na rdo rjes gnod sbyin chen po rmugs byed de dag la bzod ldan dag khyed ni sdig pa med pa yin te/ dpal thams cad mngon par 'byung bar byed pa'i dkyil 'khor chen po'i rgyal po gang na ba der phyin la lag na rdo rjes nga bstan par gnas pas nam 'jigs shig ma 'jigs shig ces dbugs phyung ngo / /de nas dbang phyug chen po la sogs pa lha rnams dang drang srong de dag gis bcom ldan 'das lag na rdo rje dang spyan la mngon par bstod pa/ gzi brjid chen po legs so legs so/ /stobs po che pha rol gnon pa khyod kyis lha dang bcas pa'i 'jig rten gyi don gyi phyir gang gis lha thams cad rgyal bar 'gyur la/ lha ma yin rnams pham par 'gyur ba'i dpal thams cad mngon par 'byung bar byed pa'i dkyil 'khor chen po bshad pa legs so legs so/ /de nas bcom ldan 'das lag na rdo rjes lha de dag la 'di skad ces smras so/ /bzod ldan dag 'jig rten na sdang ba gang ji snyed yod pa de dag deng shig par byas ma 'jigs shig ma 'jigs shig /de nas bcom ldan 'das lag na rdo rje dang spyan la phyag byas nas lha ma yin rnams dang zas su khrag 'thung ba'i gdon rnams gzhig pa'i phyir rdo rje khu tshur gyi rig sngags chen mo brjod do/ /de nas lha ma yin de dag gi khu tshur gyi ming thos nas brag la gnam lcags kyis phog pa bzhin du ma rung bar 'gyur ro/ /de nas bcom ldan 'das lag na rdo rjes spyan la spyi bos phyag btsal te mnyam par bzhag nas rdo rje khu tshur bshad pa/ na mo rat+na tra ya s+ya/ na maSh+tsaN+Da badzra pA Ni s+ya/ ma hA yak+Sha senA pa ti s+ya/ de ba a ru ra saM kra me/ de ba nA ma b+ha ya ka ri/ badzra muSh+Ti/ sa mut+pA nan/ a su rAn+daM/ k+Sha yaM ka ri ga ta ni sarba sha trU NAM/ nA gA nAM ba sha brte ni badzra muSh+Ti ma pra b+ha k+Sha mi b+hU tA nAM/ marma be ta ni ha ha badzra pA Ni/ hi hi badzra pA Ni/ ha na ha na badzra pA Ni/ a be ri a be ri badzra pA Ni/ o~M ku hu swA hA/ 95-1-113b gsang bdag blo dang ldan pa yis/ /gsang sngags bshad pa tsam gyis ni/ /dkyil 'khor de na sdang ba gang / /de dag yongs su tshig gyur nas/ /stobs chen pha rol gnon pa yis/ /rdo rje khu tshur rab 'jigs las/ /bdag cag bskyab pa gyis shig ces/ / lag na rdo rje'i skyabs su song / /de nas dkon mchog gsum po yis/ /brgyan par sems ni bskyed par gyis/ /'on ta nga zhi ba nyid du 'gyur/ /de nas lha de dag gis 'jigs pa'i sems kyis rig sngags kyi rgyal po chen po lag na rdo rje la mngon par bstod nas/ rig sngags kyi rgyal po rdo rje khu tshur gyis rig sngags chen mo'i las rnams shod cig shod cig ces smras nas/ lag na rdo rje stobs chen gyis/ /spyan la spyi bos phyag 'tshal nas/ /mnyam gzhag rdo rje khu tshur gyi/ /cho ga bshad pa rab bstan pa/ /chu klung gi 'gram mam/ sku gdung dang ldan pa'i mchod rten gyi drung du sgra skad grag pa med pa'i gnas su gtsang sbra dang / tshangs par spyad pa dang / za gcig pa dang slong mo'i zas za zhing mi smra bar lan sum 'bum mam/ lnga 'bum bzlas brjod bya'o/ /chu klung ngam/ pad+ma'i rdzing bur me tog la lan re re bzlas brjod byas te dor bar bya'o/ /slong mo'i zas za zhing ri'am dgon par ba lang gi lci ba bsreg par bya'o/ /chu'i nang du zin thig le'i lo ma bcad cing bcad cing dor bar bya'o/ /las 'di dag byas na lha nyid rang gi cha lugs kyis 'ong bar byed de 'gog par byed do/ /sgrub pa'am/ bdag nyid sad par 'dod pa'am/ yul gru 'dod kyang rung ste ras ma nyams pa/ skra med pa/ kha tshar ma bcad pa la tshon rtsi sbyin dang ma sbyar ba snod sar pa'i nang du bcug ste/ phyis sar pas ri mo mkhan gtsang ma gso sbyong gi yan lag brgyad dang ldan pa bcom ldan 'das kyi sku gzugs 'drir gzhug go/ /rdo rje'i sde yang mi'i gzugs su byas la mgo bor rdo rje bzhag ste 'phags pa rdo rje 'dzin lag pa g.yon pas snyes par bya'o/ /rdo rje'i sde yang sga lcang lor 'khyil zhing rgyan thams cad kyis brgyan par bya'o/ / 95-1-114a bcom ldan 'das lag na rdo rje'i mgo logs su ni gtsug nas byung gzhon nu'i gzugs la rgyan thams cad kyis brgyan pa gser gyi kha dog can/ bcom ldan 'das la phyag 'tshal zhing 'dug par bri'o/ /bcom ldan 'das kyi g.yas logs su ni rdo rje khu tshur ma gzhon nu'i gzugs 'dzin pa rgyan thams cad kyis brgyan cing dpung rgyan dang / gdu bu'i rgyan gyis brgyan la gser gyi mdog can bcom ldan 'das la phyag 'tshal zhing 'dug pa bri'o/ /sgrub pa po yang 'og logs su pus mo g.yas pa'i lha nga sa la btsugs te lag pa g.yas pa na pog phor thogs/ lag pa g.yon pa na me tog gi za ma tog thogs par bri'o/ /de nas yar gyi ngo tshes gcig la brtsams te tshes bcu gsum gyi bar du zas su 'o ma dang 'bras chan za zhing za gcig par byas la dus gsum du lan stong rtsa brgyad bzlas brjod bya'o/ /de nas zhag gnyis sam gsum du smyung ba byas te/ /dus gsum du khrus byed cing gos gtsang ma bgos la/ mtshan mo ni sbyin sreg bya/ nyin mo ni bzlas brjod bya ste/ /yul gru 'dong na ni shu ti mar gyi nang du smyugs pas sbyin sreg bya'o/ /zhag grangs ngu'i sbyin sreg byed pa de srid du bzlas brjod bya ste/ las so cog la dus gsum du lan sum stong bzlas brjod bya'o/ /dngos grub kyi mtshan mar rmi lam du me tog gam/ 'bras bu rnyed pa'am/ 'dzin pa rmis na lha 'grub par 'gyur ro/ /shags 'gyed pa'i cho ga 'di yin te/ rgya skyegs yungs mar gyi nang du smyugs pas sbyin sreg bya'o/ /bu 'dod pas ni til dang 'bras kyis bya'o/ /dgra gzhig pa la ni gu gul 'bru mar dang sbyar te khrag dang bsres pas bya'o/ /'jigs pa thams cad la ni bil ba'i yam sreg shing gis bya'o/ /lha bshos ni 'bras kyi 'o thug dang 'o ma 'bras kyis sbyar bas bya'o/ /phyogs bzhir yang 'jig rten skyong ba rnams las 'byung po'i zas kyi gtor ma sha dang chang dang bcas par nub mo sbyin par bya'o/ /las rnams la ni nas dang yungs kar dang 'bras yos dang so sor sbyin sreg bya'o/ /gdon las thar bar bya na 95-1-114b ba ru ra'i yam sreg shing ske tshes bya'o/ /lo tog rgyas par bya na nas dang u dum bA ra'i yam sreg shing gis bya'o/ /dgra gzhig par bya na ske tshe'i 'bru btags te til dang sbyar ba dang / mad na'i tsher ma'i yam sreg shing gis bya'o/ /gtan du bskrad par bya na ni bil ba'i 'bras bu yungs mar gyi nang du smyugs pa dang / bil ba'i yam sreg shing dang / bil ba'i phye ma dang / rgya skyegs phye mar byas te sbyin sreg bya'o/ /'phags pa lag na rdo rje'i sku gzugs kyang 'drer gzhug go/ /bud med dbang du bya bar 'dod na nyin mtshan du lan tshwas bya'o/ /ka ka dang u du ba'i yam sreg shing dang / lan tshwa las gzugs byas te bud med la ni rkang pa g.yon pa nas/ skyes pa la ni rkang pa g.yas pa nas brtsam mo/ /skyes pa la ni nim pa'i yam sreg shing dang / skyes pa'i gzugs byas la lan tshwa e raN+Da'am/ zar ma'i mar dang sbyar te sbyin sreg bya'o/ /cho ga gzhan yang rtsig ngos sam/ shing leb la 'phags pa lag na rdo rje'i gzugs bris te mgo bor yang bcom ldan 'das kyi gzugs bri'o/ /rdo rje 'dzin gyis lag pa g.yon pa la rdo rje bstod de 'dzin par bya/ lag pa g.yas pa'i mdzub mo ni bsdigs pa'i tshul du bya ste/ g.yon phyogs su rdo rje khu tshur ma mdog nag mor bri/ g.yas phyogs su sgrub pa po lag na rdo rje'i zhal du blta zhing pus mo gnyis sa la btsugs te rdo rje 'dzin la snyim par me tog 'thor bar bya/ rdo rje khu tshur ma yang lag pa g.yon pa khu tshur bcangs la rab tu 'bar bar bya/ lag pa g.yas pa ni mdzub mor bsdigs par bya ste/ khros shing gos ser po gyon par bya'o/ /mar gyi ngo zhag brgyad nas brtsams te mar gyi ngo zhag bcwa lnga'i bar zhag bdun du sngar bsnyen pa mi smra bar dus gsum du lan brgyad brgya brgyad brgya bzlas brjod byas te zas su 'o ma dang 'bras chan za zhing mar gyi mar me dang dri dang me tog gi phreng ba dang bdug pa la sogs pas mchod pa bya zhing dus gsum du khrus byas la nub gcig bzhin du gtor ma rnam pa sna tshogs dbul zhing rtag tu dus gsum du yang dbul lo/ /zhag bdun gyi bar du bzlas brjod byas la yar gyi 95-1-115a ngo tshes gcig la brtsams te kar bI ra dmar po yungs mar gyi nang du smyugs pa dang / arka'i yam sreg shing gis sbyin sreg bya ste cho ga 'di ni snga ma bzhin no/ /me tog dkar pos bya na'ang yam sreg shing ni snga ma nyid de/ mar gyi nang du smyugs par bya'o/ / las 'di rnams gnyis te dgra sdig can la bya'o/ /rtsod pa'i sa'am grong gi logs su rlung phyogs gang nas 'gro ba der nye'u shing dum bu dum bur gtubs pa dang / ba la sha'i yam sreg shing gis sbyin sreg bya ste lha bshos su zho dang 'bras chan sbyar ba dbul zhing smyung ba byas pas bya ste/ sku gzugs kyi cho ga ni snga ma bzhin no/ /dgra'i ba lang ngam/ ma he rnams ma rung par bya na ba lang gi sha dang ma he'i shas sbyin sreg bya'o/ /rdo rje khu tshur gyi cho ga'i skabs su lha bshos dbul zhes 'byung ba kun rdo rje khu tshur nyid dbul mi rnams la ni mi shas sbyin sreg bya'o/ /tsha ba gsum dang ske tshe 'bru mar dang sbyar ba'i sbyin sreg kyang bya'o/ /mi rnams la ni be kang+ka ta'i yam sreg shing gis bya'o/ /ba lang rnams la ni ba lang gi lci bas bya'o/ /ma he rnams la ni ma he'i lci bas bya'o/ /mi dang ba lang ma he rnams kyi nad kyi gnod pa la yang de dang 'dra ste/ mi rnams la ni skra dang sen mo dang byi ba'i rtug pa dang lan tshwa rnams yungs mar dang sbyar te sbyin sreg bya'o/ /ba lang gi nad la ni pags pa dang mjug ma dang spu dang rmig pa rnams dang beg tshong dang lhan cig tu phye mar byas te yungs mar dang sbyar bas ba lang gi lhas sam/ ba lang gi ra ba'am/ yang na gang na ba lang gnas pa yang rung ste/ der sbyin sreg bya zhing nyin mtshan brgyad kyi bar bcom ldan 'das la mchod pa bya'o/ /dge slong rnams la yang mchod ston byas te/ 'dir yang sku gzugs kyi cho ga snga ma bzhin gtor ma'i cho ga yang bya'o/ /mi rnams la ni grong ngam grong khyer gyi nang du sgo'i them pa non par bya ste/ de nyid du khyim du byas la mi rnams la ni seng ldeng gi sol bas bya'o/ /ba lang rnams la ni spos kyis bya'o/ /ma he rnams la ni nim pa'i yam sreg shing gis byas na zhi bar 'gyur ro/ / 95-1-115b ldong ros dang lig bu mig dang gi wang la sogs pa bsgrub par 'dod na sngar bshad pa'i bsnyen pa byas la/ zangs dang lcags dang ra gan la sogs pas yam sreg shing gis mig sman bya ste/ lig bu mig dang ldong ros dang gi wang la sogs pa las gang yang rung ba blangs la bu mo gzhon nu gso sbyong dang ldan zhing gos dkar po gyon pas spos chu dang sbyar te btags nas/ sku gdung dang ldan pa'i mchod rten nas sku gzugs kyi mdun du yar gyi ngo tshes brgyad nas brtsams te tshes bcwa lnga'i bar du nyin par sngar bsnyen par byas la nub mo bsgrub par bya'o/ / gtor ma yang nub mo sbyin par bya'o/ /de nas lag pa gnyis dri chus bkrus la mig sman de blangs de mchod nas/ mar gyi ngo zhag gcig la bud med shi ba mthong ba dang de'i khar mig sman de bcug la ras mnyams par kha bcing bar bya'o/ /bud med de yang thog ma kho nar snum gyis bsku zhing dril te khrus byas nas spos kyis byugs la mig gnyis mig rtsis bsku'o/ /rkang pa gnyis kyi mthil yang rgya skyegs kyis bskus la ras ma nyams pa zung gcig bskon te ku sha'i stan la mgo nub phyogs su bstan te bzhag go/ /de nas dkyil 'khor gyi mtshams bcad par bya ste/ dang por tshon sna lnga'i skud pas bya'o/ /rim pa gnyis pa thal bas bya'o/ /gsum pa ni yungs kar gyis bya'o/ /bzhi pa ni chus byas la shar phyogs su kha bltas te 'dug nas/ bud med de yang seng ldeng gi phur bu'am/ lcags kyi phur bu bzhi la gdags so/ / rig sngags dag gis kyang dkyil 'khor gyi mtshams bcad par bya ste/ dang po ni sangs rgyas byams pas bya'o/ /gnyis pa ni gos dkar mos bya'o/ /gsum pa ni gzugs chen pos bya'o/ /bzhi pa ni rdo rje khro bos bya ste/ rig sngags 'chang gis rkang pa g.yon pa ni sa la gzhag/ /g.yas pa ni snying gar mnan la 'byung po'i gtor ma thams cad kyang sbyin zhing mi'i thod pa bzhi'i nang du phyogs bzhir gtor ma byin nas nam langs kyi bar du bzlas brjod bya'o/ /rig sngags 'chang gi glog g.yas g.yon du ni lag na mtshon thogs pa'i mi gnyis 95-1-116a gzhag par bya ste/ g.yon phyogs su yang gcig /g.yas phyogs su yang gcig gzhag go/ /phyogs bsrung ba yang bzhir mi bzhi bzhag ste/ dkyil 'khor gnyis pa la gzhag go/ /de nas rig sngags 'chang gis brtson 'grus brtun la nam shar phyogs su ce spyang gi skad 'byin gyi bar du bzlas brjod bya ste/ rig sngags 'chang gis 'grub par shes par bya'o/ /bud med kyi kha nas kyang 'od zer 'byung bar 'gyur te/ 'od zer byung ba dang gtor ma sbyin par bya'o/ /bgegs byung na yang gtor ma byin na grub pa yin/ de blangs pas bdag gi grogs rnams dang bcas te gyen du 'phags par 'gyur zhing skra lcang lor 'khyil la nyi ma shar ka'i mdog can dang ldan pa dang / rig sngags 'chang gi rgyal por 'gyur zhing lag na rdo rje dang mthu stobs mnyam zhing in+d+ra nI la'i mdog can dpag tshad gcig tu dri bsung gis khyab pa dang bskal par gnas par 'gyur te/ 'di'i ri mo'i sku gzugs kyi cho ga yang spyi dang 'dra'o/ /a pa marga sgrub pa yang 'dir bshad par bya ste/ ri'i rtse mor bcom ldan 'das bzhugs par bya ste/ pad+ma'i gdan la bzhugs la bcom ldan 'das kyi phyag g.yas pa mi 'jigs pa'i phyag rgyar bya'o/ /'og gi g.yon rol du ni rdo rje 'dzin mdog nag por bri'o/ /rdo rje sde yang rdo rje 'dzin dang 'dra bar bya ste/ lag na rdo rje la lta zhing 'dug par bri'o/ /rdo rje 'dzin gyi lag pa g.yon pa yang rdo rje sde'i steng du bzhag la/ gang gi phyir bsgrub pa de yang pus mo g.yas pa sa la btsugs te me tog gis snyim pa bkang la rdo rje 'dzin la lta zhing 'dug par bya/ rdo rje 'dzin yang sgrub pa po la lta zhing lag pa g.yas pas dbugs 'byin par bya'o/ /rdo rje khu tshur ma yang gzhon nu'i gzugs can rgyan thams cad kyis brgyan par bya ste/ de'i lag pa g.yon pa na rdo rje thogs/ g.yas pa na pad+ma 'am ut+pal thogs te rdo rje 'dzin la lta zhing pad+ma'am/ ut+pa la de rdo rje 'dzin la dbul bar blta bar bya'o/ /ri mo mkhan gyi cho ga dang ras kyi cho ga ni sngar bshad pa dang 'dra bar bya ste/ ri mo mkhan gtsang mas 95-1-116b bya'o/ /mar gyi ngo zla ba phyed kyi bar du bzlas brjod lan brgyad stong brgyad stong byas la/ yar gyi ngo tshes gcig nas brtsams te zhag gsum smyung bar byas la bsgrub par bya ste/ mar gyi ngo la ni sngar bstan pa yin no/ /yar gyi ngo tshes gcig la a pa marga'i yam sreg shing mar dang sbrang rtsi'i nang du smyugs pa lan brgya stong bzlas brjod byas pas sbyin sreg bya'o/ /phyi rol gyi gtor ma yang ci 'byor pas bya'o/ /nang gi lha bshos kyang zho dang 'bras chan sbyar ba'am/ 'bras kyi 'o thug 'bul bar byas na zla ba phyed tshun chad kyis 'dod pa thams cad sbyin par 'gyur ro/ /yang na a pa marga'i yam sreg shing 'bum sbyin sreg bya'o/ /grong dang grong khyer dang mi nye ba'i byang shar gyi phyogs mtshams na tsa pa ta'i shing ngam/ yang na shing 'o ma can gyi drung du song la nyi ma gung gi dus su grib mas ji tsam khebs pa de tsam gyi phyogs byi dor bya ste/ grog mkhar gyi sas skyong nul byugs la/ sa de nyid kyis stegs bu gsum bya ste/ gcig ni sangs rgyas bcom ldan 'das kyi/ gcig ni rdo rje 'dzin gyi/ gcig ni rdo rje khu tshur ma'i bya'o/ /mdun logs der thab khung rdo rje'i dbyibs 'dra bar byas la grog mkhar gyi sas rdo rje byas nas sa de nyid kyis skyong nul byugs te/ tsan+dan dmar pos mchod la ka ra bI ra dmar pos mchod pa bya'o/ /lha bshos kyang ci 'byor pas 'bras chan bu ram dang sbyar ba dang 'bras chan zho dang sbyar ba dbul lo/ /de'i nang du rtswa dUr ba rtse mo ma nyams pa'i stan bting la kha shar phyogs su blta ste/ gtor ma rnam gsum la sogs pa sbyin zhing / bcom ldan 'das de'i mdun logs kyi dkyil 'khor la thab khung rdo rje'i dbyibs 'dra bar ba shar nub tu dkyus ring bar byas pa'i nang du shing 'o ma can tsher ma med cing rtsa ba dang bcas pa bcad de/ sbyin sreg byas na rgyal srid dam nor sbyin par 'gyur te/ mi'i gtso bo dbang du bya bar 'dod na sbyin sreg byas na mi'i gtso bo de yang de nyid du 'ong bar 'gyur te/ rgyal rigs ni zhag gsum gyis dbang du 'gyur ro/ /rje'u rigs ni zhag gnyis kyis dbang du 'gyur 95-1-117a ro/ /dmangs rigs ni zhag gcig gis dbang du 'gyur ro/ /las byed pa'i tshe ci ste la la zhig 'ongs te nor gyis 'drid par byed na yang las yongs su ma rdzogs kyi bar du nor de blang bar mi bya'o/ /g.yog byed pa ma gtogs par gzhan dang lhan cig tu gtam yang mi bya'o/ /ci ste rmi lam du lha mo las 'od zer 'byung bar rmis na de yang de'i dngos grub kyi mtshan ma yin no/ /bsgrub par 'dod pa ni ci ste bud med kun 'ongs te me tog gam/ 'bras bu sbyin par byed na des na dngos grub 'grub par shes par byos shig /lo tog ma rungs par 'dod na zhag bdun gyi bar du dus gsum du lan brgyad stong bzlas brjod byas nas 'bru ma rungs par bya ba gang yin pa'i 'bru de nyid kyi sbyin sreg bya ste/ mchod pa yang ci 'byor pas bya'o/ /gso sbyong dang ldan pas pa la sha'i sbyin sreg byas na zhi bar 'gyur ro/ /nya pa rnams kyi nya mi sod par bya na nya pa nyid kyi khyim nas me'am shing blangs la nya pa de nyid kyi khyim nas nya blangs nas mar gyi nang du smyugs te/ nya pa de dag nyid kyi khyim gyi grwar sbyin sreg byas na nya mi sod par 'gyur ro/ /de bzhin du ri dgas dang phag dang ma he dang ri bong la sogs pa'i cho ga de dang 'dra ste/ lam gyi bzhi mdor sbyin sreg byas kyang rung gtor ma yang sbyin par bya'o/ /gsod pa dang 'ching bar byed pa la ni rtsig ngos la rdo rje khu tshur ma bris te/ de'i mgo bor yang bcom ldan 'das kyi sku gzugs bris la zas su dkar gsum za ba dang / gso sbyong gi yan lag dang ldan pas bya zhing bcom ldan 'das la dri la sogs pas mchod par bya'o/ /rdo rje khu tshur ma ni mdog dkar por bya ste/ lag pa g.yon pa khu tshur bcangs la/ lag pa g.yas pas dbugs 'byin par bya'o/ /sgrub pa po yang pus mo g.yas pa sa la btsugs te snyim par me tog thogs par bya'o/ /de nas yam sreg shing gang 'dod pa dang gu gul yungs mar gyi nang du smyugs pas nub mo sbyin sreg byas na des 'grub par 'gyur ro/ /las thams cad la yang spyan dang lhan cig sbyar bar bya'o/ /lha rnams rig sngags kyi rgyal mo chen mo rdo rje khu tshur ma'i las rnams ni ngas bshad zin te de la 95-1-117b drag tu bskul ba'i rig sngags dran pa tsam gyis mdun du gnas par 'gyur ba yang ngas bshad par bya'o/ /na mo badzra pA Ni s+ya/ ru tu ru tu ma ta swA hA/de nas lha de dag 'jigs pa'i sems kyis lag na rdo rje'i zhal du lta zhing tshig 'di skad du rig sngags 'chang gi rgyal po chen po rig sngags kyi rgyal mo chen mo rdo rje khu tshur ma'i snying po'i las rnams shod cig shod cig ces kyang smos so/ /de nas rig sngags kyi rgyal po lag na rdo rje snying po'i las rnams bshad pa/ ras ma nyams pa kha tshar ma bcad pa la tshon rtsi sbyin dang ma sbyar bas sangs rgyas kyi sku gzugs seng ge'i khri la bzhugs shing chos ston cing bzhugs pa 'drir gzhug go/ /glo g.yon logs su lag na rdo rje ut+pal sngon po'i mdog can rgyan thams cad kyis brgyan pa la tshig gu'i sham thabs gyon zhing lag na rnga yab thogs pa bri'o/ /g.yas logs su ni rdo rje khu tshur ma mdog sngo bsangs ma rgyan thams cad kyis brgyan la/ lag pa g.yon pa na rdo rje thogs/ g.yas na shing thog thogs pa bri'o/ /de nas rig sngags 'chang gis 'o ma'i lde gu'am/ slong mo'i zas za zhing phyogs gtsang mar lan drug 'bum bzlas brjod bya'o/ /de'i 'og tu ri mo'i sku gzugs phyogs gtsang mar bkram ste/ zas dkar gsum bza' zhing dus gsum du khrus byas la/ yar gyi ngo tshes gcig la brtsams te zhag gsum smyung ba byas te me sbar nas gu gul gyi ril bu mon sran rtswa'i 'bru tsam la du ru ska'i mar gyi nang du smyugs pa brgyad stong sbyin sreg byas na/ de nas sku gzugs 'grub par 'gyur te/ lha mo 'ongs nas dam pa gang stsol bar thob par 'gyur ro/ /mchod pa'ang ci 'byor bar bya'o/ /dge slong dag la yang mchod ston gsol bar bya ste/ 'di ni gzhan gyis mi thub pa'i dngos grub yin no/ /sku gzugs de nyid kyi mdun du lag pa g.yon pa khu tshur bcangs te lan sum 'bum bzlas brjod byas na khu tshur bcangs pas lus mi snang bar 'gyur zhing phye nas snang bar 'gyur ro/ /cho ga snga ma bzhin du sa phyogs gtsang mar hU~M dang ldan par lan nyi khri bzlas brjod byas na glang po che rgyags pa dag kyang sgyel bar byed cing 'dren par byed/ 95-1-118a dbang du 'gugs par byed/ 'ching bar byed do/ /'grol bar byed do/ /khu tshur bcangs pas gang la bsdigs pa de srog dang 'bral bar 'gyur ro/ /klu rnams kyang rengs par byed/ 'khrul 'khor rnams kyang sgyel bar byed do/ /gdon rnams kyang rengs par byed cing sgyel bar byed do/ /de bzhin gdon dang yi dgas thams cad brlag par byed do/ /nam mkha' la gyen du bsdigs na rig sngags 'chang thams cad ltung bar byed cing 'ching bar byed do/ /klu rnams rengs par byed/ gru rnams thogs par byed/ me dbal gsod par byed/ dmag gi dpung rengs par byed/ chu brtan par byed/ rgya mtsho skems par byed/ mche ba can thams cad kha bcings par byed/ mo mtshan bcings par byed/ kha bcings par byed/ brag brnyil bar byed cing phye mar rlog par byed de/ las gang dang gang byed na bcom ldan 'das ma dran par bya ste/ khu tshur yang bcangs na thams cad 'grub par 'gyur ro/ /phug gi 'khrul 'khor rnams phye mar rlog par byed/ 'jig par byed/ gnas par byed do/ /gter gyi 'khrul 'khor rnams gcod par byed de/ de bzhin du las thams cad la bcom ldan 'das la sbyar bar bya'o/ /mi'i gtso bo dang mi chen po 'ang dbang du 'gugs par byed do/ /sems can thams cad smrar 'jug cing 'dzin du 'jug la/ rgyas par byed/ 'ching bar byed do/ /dus gsum gdug pas zin pas smrar 'jug ste khu tshur gyis las bya'o/ /bsrung ba'i cho ga la ni bcom ldan 'das ma la mchod pa bya ste/ lan khri bzlas brjod byas na 'grub par 'gyur ro/ /sgrub pa'i tshe'ang 'dis dkyil 'khor gyi mtshams bcad par bya ste/ thal ba'am/ yungs kar ram/ chu'am/ bong pa'am/ skud pa'am/ phur bu'am/ rdo rjes bskor bar bya'o/ / khang bzangs su lan 'bum bzlas brjod byas pa'i yungs kar gyis rdo rje bris na dag par 'gyur ro/ /de bzhin du thams cad la yang bsrung ba byas par 'gyur ro/ /gso sbyong dang ldan pas lan sum 'bum bzlas brjod byas la hU~M dang ldan pas ske tshe'i sbyin sreg sum 'bum byas 95-1-118b na mi'i gtso bo dang bud med kyi gtso mor yang dbang du khugs par 'gyur ro/ /lan 'bum sbyin sreg byas na bram ze dang rgyal rigs dbang du khugs par 'gyur ro/ /de'i 'og tu lan brgyad stong sbyin sreg byas na mi chen po rnams dbang du khugs par 'gyur ro/ /lan cig brjod pas gsang sngags rengs par byed cing bcings pa grol bar byed do/ /lan gsum pas ni pha rol gyi rig sngags gcod par byed do/ /khye'u dang bu mo khrus byed du gzhug par 'dod na bum pa mi nag cing rtsa ba med pa bzhi'am/ bcu gnyis sam/ bcu drug kyang rung ste/ dkyil 'khor gyi steng du bzhag la/ sa bon dang sman thams cad blugs te mchod pa byas te lha bshos kyang dbul la/ lan brgyad stong sbyin sreg bzlas brjod byas te khrus byed du bcug na thams cad kyi yid du 'ong bar 'gyur ro/ /bud med bu tshol ba yang bu yod par 'gyur ro/ /de nas ral gri dang dgra sta dang gsal shing dang dbyug pa dang mdung thung dang / chung ngu na shing lham dang gos dang ska rags dang sor gdub la sogs pa 'grub par 'dod na cho ga sngar bshad pa bzhin du byas te/ lha mo'i mdun du ku sha'i stan la 'dug nas 'bar bar gyur gyi bar bzlas brjod byas na de nas 'grub par 'gyur te/ de blangs pas nam mkha' la 'gro zhing grub pa rnams kyis mi sod par 'gyur ro/ /lus mi snang bar sgrub pa ni lus mi snang ba grub pa rnams kyi rgyal por 'gyur ro/ /dro bar gyur na ni rkang pas 'gro ba rnams kyi bdag por 'gyur ro/ /lha rnams rig sngags kyi rgyal mo rdo rje khu tshur ma'i snying po mchog gi las rnams ngas bshad zin to/ de nas bcom ldan 'das lag na rdo rje rdo rje spyan gyi spyi bo la dbang bskur nas rdo rje 'bar ba'i tig nge 'dzin la snyoms par zhugs so/ /bcom ldan 'das lag na rdo rje rdo rje 'bar ba'i ting nge 'dzin la snyoms par zhugs ma thag tu de nas lha 'dus pa thams cad yid 'jigs par gyur nas/ lha chen po ni bcom ldan 'das kyi glo g.yon phyogs su 'dug go/ /spyan gyi g.yas phyogs su 'dug go/ /drug ma dang dka' zlog ma ni rgyab logs su 'dug ste/ lha thams cad gcig la gcig 95-1-119a lta zhing / lag na rdo rje stobs po che la bskul ba/ rig sngags kyi rgyal po chen po spyan gyi las rnams shod cig shod cig /de nas bcom ldan 'das lag na rdo rjes spyan gyi las gang dag mthong bas lag na rdo rjes bshad pa bzhin du dngos grub dam pa thob par 'gyur ba bshad de/ mar gyi ngo zhag brgyad la zhag gcig smyung ba byas la lag na rdo rje'i mdun du ta gar dkar po'i me tog brgyad stong sbyin sreg byas na 'grub par 'gyur ro/ /zla ba gcig gi bar du zas su 'o ma dang phye'i 'dag gu zos la zla ba nya la zhag gcig smyung ba byas te lag na rdo rje'i mdun du rig sngags lan brgyad stong bzlas brjod byas na/ de nas rig sngags 'chang gis nang par dge slong mchod ston byin te ci 'byor pas mchod pa yang bya'o/ /de'i 'og tu rig sngags 'chang gis ras ma nyams pa la ri mo mkhan gso sbyong dang ldan pa de bzhin gshegs pa'i sku gzugs 'drir 'jug ste/ de bzhin gshegs pa'i g.yas phyogs su ni sangs rgyas kyi spyan bri'o/ /g.yon phyogs su ni 'phags pa lag na rdo rje bri'o/ /de bzhin gshegs pa ni gser gyi mdog can la skyes bu chen po'i mtshan sum cu rtsa gnyis kyis brgyan par bya'o/ / bcom ldan 'das ma de yang gser gyi mdog can la yid tsam gyis 'dud de lo bcu drug lon pa'i gzugs can rgyan thams cad kyis brgyan la/ lag pa gnyis pad+ma 'dzin par bya ste pad+ma yang rdo rje'i mtshan ma dang ldan par bya'o/ /lag na rdo rje mdog sngo bsangs la rgyan thams cad kyis brgyan pa dar la'i gos gyon cing pad+ma la 'dug pa bri'o/ /de nas rig sngags 'chang gis mar gyi ngo zhag bcu bzhi la zhag gcig smyung ba byas te sku gzugs la mchod pa rgyas par bya zhing / lha bshos kyang rgyas par phul nas rig sngags kyi rgyal po dang bcas par lha spyan drang bar bya'o/ /spyan gyis ni las thams cad la bsrung bar bya'o/ /de'i mdun du pho dang mo'i ming dang ldan pa'i rdzas mar gyi nang du smyugs pas lan brgyad stong sbyin sreg byas na bcom ldan 'das ma'i gzugs 'gul bar 'gyur ro/ /yang na me tog gi phreng ba 'gul bar 'gyur na las 95-1-119b de 'grub pa yin te/ 'dod dgur sgyur ba'i gzugs can du 'gyur zhing lus mi snang bar 'gyur la/ tshe lo dgu stong thub par 'gyur ro/ /gang gi tshe bud med kyi gzugs sprul par bya na de'i tshe mo'i ming dang ldan pa'i sa bon rnams blangs la/ lag na rdo rje'i mdun du chu'i bum pa bzhag pa de'i nang du blugs te/ de nas rig sngags brjod na de des bud med du 'gyur te/ bud med de yang bud med rin po che'i yon tan dang ldan par 'gyur la/ yid la ci bsams pa de sprul par byed do/ /gang gi tshe skyes pa'i gzugs sprul par byed na de'i tshe pho'i ming dang ldan pa'i sa bon rnams blangs te/ blugs nas yid kyis bsngags na skyes pa'i gzugs su gnas par 'gyur te/ skyes pa de yang bsgo ba bzhin du byed cing yid la ci bsams pa de byed par 'gyur ro/ /'jim pas bskus na mi gtsang ba dang glang po che'i rtug pa dang rta rtug kyang bza' ru rung bar byed do/ /chu yang 'o mar 'gyur la 'o ma yang chur 'gyur ro/ /nyin mo yang mtshan mor sgyur la/ mtshan mo yang nyin mor 'gyur ro/ /bye ma yang ka rar 'gyur ro/ /lus kyang skad cig gis mi snang bar 'gyur ro/ /tshe lo brgyad khri thub par 'gyur ro/ /shi na yang bde ba can du skye bar 'gyur ro/ /'phags pa lag na rdo rje'i mdun du yungs kar gyis rdo rje'i dbyibs bris la spyan gyi rig sngags kyi rgyal po dang ldan par bzlas brjod byed bzhin du kham phor ram lo mas bkab la/ de nas rig sngags lan brgyad brgya brgyad brgya bzlas brjod bya/ zhag bdun gyi tha mar gos phrugs gcig thob par 'gyur ro/ /bcom ldan 'das gsang ba pa rnams kyi cho ga rgyas par bsgrub pa dang / cho ga rgyas pa rnams ma rung bar bgyi ba'i las 'di ni shin tu ngo mtshar che ba lags so/ /las dam pa 'dis 'phags pa lag na rdo rje'i mdun du rdo rje'i rigs spyan dang bcas pa'am/ gdong drug pa rdo rje gsum pa 'dug par yid kyis bsams la/ bcom ldan 'das ma rigs kyi rgyal po dang ldan par lan brgyad stong bzlas brjod byas na ming 'grub par byed de/ bcom ldan 'das ma ming de nyid kyis sman la bsang gtor 95-1-120a byas na grol bar 'gyur ro/ /cho ga rgyas par ma rung bar byed par bshad par bya ste/ ma rung bar byed pa lag na rdo rjes rnam par bsgyings pa'i las dam pa 'dis phyogs gtsang mar cho ga rgyas pa'i lha bris la/ rig sngags kyi lha'i ba spu rnams su yang rdo rje phyed nub pa rnams bri ste/ rig sngags kyang lan brgyad stong bzlas brjod byas na rig sngags kyi lha thams cad dang / cho ga rgyas pa thams cad phur bus btab pa dang ma rung bar byas par 'gyur ro/ /zhi bar bya na sol bas rdo rje bris la de nyid kyis sman la bsang gtor byas na grol bar 'gyur ro/ /rig sngags bsgrub par 'dod pa la rig sngags gang yin pa de las sgrub par mi byed na 'phags pa lag na rdo rje'am/ lha chen po'i mdun du me tha mal pa'i nang du spyan gyis mon sran gre'u yis sbyin sreg lan brgyad stong byas na rig sngags la yang lan brgyad brgya sbyin sreg byas na des dngos grub myur du sbyin par byed do/ /bud med dbang du bya na zhag bdun gyi bar du dus gsum du phub ma'i sbyin sreg brgya rtsa brgyad byas na dbang du 'gyur ro/ /lha rnams de la ni rig sngags dang / cho ga rgyas pa grub pa dang ma rung bar bya ba dang / rig sngags 'chang rnams la dngos grub sbyin du gzhug par de bzhin gshegs pas gnang gi de la phyag byas la de bzhin gshegs pa'i bkas ngas bshad par bya'o/ /de nas de bzhin gshegs pa rnams la phyag byas nas 'khor rnams la bltas te snying po mchog bshad pa/ na maH sarba b+hU ta hr-i da ya a nu ga te/ e h+ye hi b+ha ga ba te/ o~M ku ruM gi ni swA hA/ o~M lo tsa ni pra ba ri b+h+ra ma ri ni sum+b+ha/ o~M dz+wa li ti swA hA/ snying po'o/ /o~M bi da dU te hU~M ba ri ni phaT/ bcom ldan 'das ma spyan gyi nye ba'i snying po'o/ /gsang sngags bshad pa nas rnam pa drug tu g.yos so/ /rig sngags kyi lha thams cad kyang snying 'dar zhing mdun du 'khod nas byang chub sems dpa' chen po bdag cag gis ci bgyis pa gsungs shig gsungs shig ces smras so/ /de nas rig sngags kyi rgyal po chen po lag na rdo rjes lha de dag la 'di skad ces smras so/ / 95-1-120b lha rnams nyon cig /rig sngags 'chang gang bcom ldan 'das ma mchog la drag tu bskul ba'i snying po dam pa 'chang ba de la khyod kyis dngos grub dam pa byin cig /ci ste ma byin na ngas rdo rje kun tu 'bar bas spyi bor gzhag go/ /de nas lha de dag rtab rtab por gyur te lag na rdo rje'i rkang pa la gtugs nas bcom ldan 'das drag tu bskul ba'i bcom ldan 'das ma'i snying po 'chang ba'am/ phyag 'tshal ba gang yin pa de dbang phyug chen po la sogs pa bdag cag lha rnams kyis rtag tu bsrung bar bgyi'o/ /bcom ldan 'das ma rtag tu rjod par byed pa'am/ sgrub par byed pa'am/ mchod par byed pa gang yin pa de'i mdun du yang 'khod par bya ste/ dngos grub kyang sbyin par bya'o/ /rig sngags mchog 'di ni bzlas brjod byas pa tsam gyis dngos grub 'grub par byed cing ma grub pa yang grub par byed pa yin te/ 'di ni cho ga rgyas pa rnams kyi sa bon lta bur gyur pa dngos grub sbyin par byed pa yin no/ /bcom ldan 'das ma'i snying po mchog la drag tu bskul ba cho ga rgyas pa 'di 'chang ba gang yin pa de la ni lag na rdo rje'i bkas cho ga rgyas pa 'grub par 'gyur ro/ /'phags pa lag na rdo rje'i mdun du mar gyi ngo zhag brgyad la zhag gcig smyung ba byas te 'phags pa lag na rdo rje'i rkang pa g.yas pa'i mthe bong bzung la lan brgyad stong bzlas brjod byas nas rkang pa'i mthe bong mi la reg pa'i nyams 'dra bar gyur na des grub par shes par gyis shig /de nas bgegs bslang bar 'dod na 'phags pa lag na rdo rje'i mdun du ko sha ta'i me tog gis mchod pa byas te lan brgyad stong bzlas brjod byas na bgegs ldang bar 'gyur ro/ /lha rnams bcom ldan 'das ma spyan gyi rgyud phyi ma ngas bshad do/ /dbang phyug chen po dang phur bu gsum pas bshad pa'i ma mo rnams kyi rgyud phyi ma yang ngas bshad par bya ste mar gyi ngo zhag bcu bzhi la zhag gcig smyung ba byas nas 'phags pa lag na rdo rje'i mdun du lan brgyad stong bzlas brjod byas na bgegs ldang bar 'gyur ro/ /mar gyi ngo zhag bcu bzhi la zhag gcig smyung ba byas te 'phags pa lag na rdo rje'i mdun du pa la sha'i shing gis me sbar 95-1-121a nas be+e kang+ka ta'i 'bras bu mar gyi nang du smyugs pa brgyad stong sbyin sreg byas na rig sngags kyi lha thams cad dam pa sbyin par byed do/ /yar gyi ngo zla ba nya la zhag gcig smyung ba byas te/ 'phags pa lag na rdo rje'i mdun du sa gzhi ba ko tsam skyong nul gyis byugs nas dri dang / me tog dang bdug pas brgyan te lha bshos kyang rgyas par phul la las thams cad bcom ldan 'das mas bya'o/ /de nas rig sngags 'chang gis byis pa gzhon nu zla ba drug lon pa blangs te/ dri dang / me tog bdug pas brgyan nas dkyil 'khor gyi dbus su bzhag la/ de nas rig sngags 'chang gis byis pa'i rkang pa g.yas pa nas bzung ste rig sngags lan brgyad stong bzlas brjod bya'o/ /de nas de na re ci bgyi zhes zer ba dang yid la gang 'dod pa de smros la tshe ring ba'am/ rgyal po'am/ rig sngags 'chang rnams las gcig yid la bsams te bsgrub par bya'o/ /mar gyi ngo zhag brgyad la zhag gcig smyung ba byas te 'phags pa lag na rdo rje'i mdun du me tog dang dri dang bdug pa phul nas ni ma pa'i shing gis me sbar te/ me tog dkar po yungs mar gyi nang du smyugs pa brgyad stong sbyin sreg bya'o/ /de nas rig sngags 'chang gis sbyin sreg byas pa'i thal ba blangs la/ rig sngags lan brgyad stong bzlas brjod byas nas dro bar gyur na grub pa yin te/ mkha' 'gro ma mthong na ni bcings par 'gyur ro/ /zhi bar bya na rig sngags kyi rgyal pos yungs kar la bsngags te bsnun na grol bar 'gyur ro/ / yar gyi ngo zla ba nya la zhag gcig smyung ba byas te byang chub kyi shing drung du song nas mchod pa rgyas par byas la lha bshos kyang rgyas par phul te/ rig sngags kyi rgyal po dang bcas pas las thams cad bya'o/ /de nas rig sngags 'chang gis byang chub kyi shing lag pa gnyis kyis bzung ste/ rig sngags lan brgyad stong bzlas brjod byas na byang chub kyi shing las lag pa rkyong bar 'gyur zhing rig sngags 'chang gi mgo la reg par byed de/ reg ma thag tu skra lcang lo 'khyil zhing nyi ma shar ba'i mdog dang ldan la lo bcu drug lon pa'i gzugs dang ldan par 'gyur te/ ci 'dod pa'i 95-1-121b zas la longs spyod cing tshe lo dgu stong thub par 'gyur ro/ /bsrung ba ni lan bdun bzlas brjod byas pa'i skud pas bya'o/ /gnas bsrung ba ni lan gsum bzlas brjod byas pa'i chus bya ste/ bcom ldan 'das ma spyan gyi snying po ngas bshad pa'i bcom ldan 'das ma gang yin pa dang ldan pa rtag tu sbyar bar bya'o/ /de dang ma sbyar ba shas cher rmongs par 'gyur ro/ /bcom ldan 'das ma spyan gyi rgyud phyi ma rdzogs so// //de nas bcom ldan 'das lag na rdo rjes lha de dag la 'di skad ces smras so/ /khyed rnams nyon cig gzi brjid drag po ngas bcom ldan 'das ma ma mo rnams kyi cho ga rgyas pa'i gsang sngags bshad par bya'o/ /de nas lha de dag snying 'dar bzhin du bcom ldan 'das lag na rdo rje la 'di skad ces smras so/ /rdo rje 'dzin snying po la drag tu skul bar byed pa'i gsang sngags 'di brjod na bcom ldan 'das ma rnams bdag cag la gnod kyis thong shig thong shig /de nas rig sngags kyi rgyal po lag na rdo rjes lha de dag la smras pa/ bzod ldan dag rig sngags 'di ni gang tshe khyed rnams kyis ci ste dngos grub skyong bar byed na de'i tshe brjod dgos so/ /de nas bcom ldan 'das lag na rdo rje'i gzi brjid drag pos de bzhin gshegs pa thams cad la phyag 'tshal nas/ /bcom ldan 'das ma rnams kyi snying po la drag tu bskul ba'i gsang sngags bshad pa/ na mo badzra pA Ni s+ya/ o~M ba hi pro ta ri Ni swA hA/ bcom ldan 'das ma rnams kyi snying po la drag tu bskul ba'i gsang sngags bshad ma thag tu de thos pas lha rnams snying 'dar zhing lag na rdo rje'i zhal du lta bar 'gyur ro/ /de nas rig sngags kyi rgyal po chen po lag na rdo rjes lha de dag la 'di skad ces smras so/ /lha rnams rdo rje phreng ba ma'i snying po gnod par byed pa ni dam tshig las 'gal bar byed pa dang / bcom ldan 'das ma rnams kyi dngos grub sbyin par byed pa de dag la rdo rje phreng ba mas khrag 'thung bar byed pa'am/ yang na rdo rjes gshag par byed par zad kyis ma 'jigs shig /de'i las kyang bshad par bya ste/ mar gyi ngo zhag bcu bzhi la zhag gcig smyung ba byas te/ 95-1-122a 'phags pa lag na rdo rje'i mdun du dri dang me tog dang bdug pa phul nas de'i mdun du bcom ldan 'das ma ut+pal dang ldan pa sman chen mo stobs po che ngas bshad pa gang yin pa des dkyil 'khor bya'o/ /de nas rdo rje phreng ba ma lan brgyad stong bzlas brjod byas na bcom ldan 'das ma rnams 'grub par 'gyur ro/ /rdo rje phreng ba ma cho ga rgyas pa la drag tu bskul ba 'di ni dam tshig mi shes pa dang / shin tu mi gzo ba dang lo gcig gi bar du ma bsten pa dang stong snyed ma byin pa la sbyin par mi bya'o/ /lha rnams ma mo rnams kyi cho ga rgyas pa'i las ngas bshad zin to/ /ma mo 'jig rten gyi ma rnams kyi yang mdo cung zad tsam bshad par bya ste/'phags pa lag na rdo rje'i mdun du mar gyi ngo zhag brgyad la zhag gcig smyung ba byas te ma mo'i gnas su song nas dri dang me tog dang bdug pa phul la lha bshos kyang rgyas par phul te/ de nyid kyi sngags kyis las thams cad bya'o/ /de nas rig sngags 'chang gis las gcig bsams la bsgrub par bya ste/ rig sngags lan brgya stong bzlas brjod byas na de nas 'jig rten gyi ma mo rnams dam pa sbyin par 'gyur ro/ /hU~M zhes bya bas 'bebs par byed do/ /dug la ni bltas pas dug med par byed do/ /mar gyi ngo zhag bcu bzhi la zhag gcig smyung ba byas te phag mo gcig pu gnas par song nas dri dang / me tog dang bdug pas brgyan la/ rig sngags lan brgyad stong bzlas na bcom ldan 'das ma phag mo chen mo de 'gul te grub par 'gyur zhing longs spyod kyi gzhi sbyin par byed do/ /lha rnams 'jig rten gyi ma mo rnams kyi las ngas bshad zin no/ /snying po la drag tu bskul ba'i rig sngags kyang bshad par bya'o/ /na mo badzra pA Ni s+ya/ ta ki ta ki pu ta ki swA hA/ rig sngags 'dis 'phags pa lag na rdo rje'i mdun du mar gyi ngo zhag bcu bzhi la zhag gcig smyung ba byas te/ dri dang me tog dang bdug pa phul nas dri chu ser po dang / dkar po dang / dmar po dang nag po la sogs pas dkyil 'khor byas te mchod pa yang ci rigs par bya'o/ /de nas rig sngags lan brgyad 95-1-122b stong bzlas brjod byas na 'jig rten gyi ma mo rnams dam pa sbyin par 'gyur ro/ /'jig rten gyi ma mo rnams kyi cho ga rdzogs so// //lha rnams 'jig rten gyi ma mo rnams kyi las rnams ngas bshad do/ /rdo rje khro bo chen po bdud rtsi thab sbyor stobs dang pha rol gnon pa dpag tu med pa las phyi ma yang bshad par bya'o/ /mar gyi ngo zhag bcu bzhi la zhag gcig smyung ba byas te 'phags pa lag na rdo rje'i mdun du khro bo bzhag nas mchod pa rgyas par byas la bcom ldan 'das mas las thams cad bya zhing me tog dkar po re re la lan re re bzlas brjod bye ba brgyad stong gis 'phags pa rdo rje khro bo'i brang du bsnun na dam pa sbyin par 'gyur ro/ /lan bdun bzlas brjod byas pa'i gu gul bdug pas ni 'bebs par byed do/ /chu'am yang na rnam par bzlas brjod byas pas ni rgya 'joms par byed do/ /lo mas ni dug sel bar byed do/ / bsrung ba ni skud pa'am/ gos kyi grwar mdud pa bya ste/ de dag thams cad kyang lan bdun bdun bzlas brjod byas pas ni longs spyod kyi gzhi 'dod na ras ma nyams pa la ri mo mkhan gso sbyong dang ldan pas 'phags pa rdo rje khro bo mdog gnag la mig dmar ba sham thabs ser po gyon zhing skra kham par 'dug la/ sbrul gyi phreng bas brgyan te pad+ma la 'dug pa 'drir gzhug go/ /de nas mar gyi ngo zhag bcu bzhi la zhag gcig smyung ba byas te/ sku gzugs kyi mdun du byang chub kyi shing bud shing gis me sbar nas pad+ma dkar po zho dang sbrang rtsi dang mar gyi nang du smyugs pa brgyad stong sbyin sreg byas na dngos grub pa'i mtshan mar me tog gi phreng ba 'gul par 'gyur te/ grub nas kyang khams gcig gi rgyal por 'gyur ro/ /mchod pa'ang ci 'byor pas bya'o/ /bzlas brjod byas pa tsam gyis gdon thams cad 'joms par byed do/ /lo ma'am chus ni dug sel bar byed do/ /sas ni kham phor lag pa la 'bebs par byed do/ /mi'i thod pa dang bum pa la'ang 'bebs par byed do/ /yan lag kyang ma rungs bar byed nus so/ /mar gyi ngo zhag bcu bzhi la zhag gcig smyung ba byas te li khri blangs la thod 95-1-123a pa'i nang du bzhag ste lha chen po'i gnas su song la gzugs kyi g.yas logs su dur khrod kyi shing gis me sbar te/ li khri btso bar bya zhing rig sngags kyi rgyal pos bsrung bar bya'o/ /de nas rig sngags 'chang gis li khri blangs te khyim du khyer la dri dang / me tog dang bdug pas brgyan nas mar gyi ngo zhag brgyad kyi bar du dus gsum du bzlas brjod lan brgyad brgya brgyad brgya bya'o/ /de nas rig sngags 'chang gis zhag gcig smyung ba byas te/ 'phags pa lag na rdo rje'i mdun du mchod pa byas la/ dri dang me tog dang bdug pa rnams kyang bcom ldan 'das ma'i sngags kyis dbul lo/ /rig sngags kyi rgyal pos ni bsrung bar bya'o/ /de nas rig sngags 'chang gis li khri blangs te/ a shwat+tha'i lo ma bdun gyi steng du bzhag la dro bar gyur gyi bar du rig sngags brjod na 'grub par 'gyur te/ grub nas kyang thig le byas na lus mi snang ba dang / 'dod dgur sgyur ba'i gzugs can du 'gyur la rig sngags 'chang thams cad kyis mi sod la ci 'dod pa'i kha zas rnams longs spyod cing tshe lo lnga stong thub par 'gyur ro/ /mar gyi ngo zhag bcu bzhi la zhag gcig smyung ba byas te sku gdung dang ldan pa'i mchod rten gyi drung du mchod pa rgyas par byas la lha bshos kyang rab tu rgyas par phul te/ bcom ldan 'das mas las thams cad bya'o/ /de nas rig sngags 'chang gi mchod rten gyi mdun du ldong ros kyi ral gri bris la lag mthil du rdo rje bris te/ lag pas ral gri bzung nas 'phar zhing ku co'i sgra thos par 'gyur gyi bar du rig sngags kyi rgyal po brjod par bya'o/ /de nas rig sngags 'chang gis bcom ldan 'das ma dang rig sngags kyi rgyal po dang bcas par dran par bya'o/ /de nas lag tu 'ong bar 'gyur te/ de lag na 'ongs pas nyi ma shar ba'i mdog dang ldan zhing skra lcang lo 'khyil la lo bcu drug lon pa'i gzugs dang ldan par 'gyur te/ 'khor los sgyur ba ma gtogs par rig sngags 'chang thams cad kyis mi sod pa dang / bud med bdun gyis bskor nas nam mkha' la 'gro bar 'gyur ba dang 95-1-123b sdad bar sems gang yin pa de dag thams cad bsams pa tsam gyis choms par 'gyur te tshe lo khri sum stong thub par 'gyur ro/ /lha rnams rdo rje khro bo chen po bdud rtsi thab sbyor stobs dang pha rol gnon pa dpag tu med pa'i las rnams ngas bshad zin to/ /'di la drag tu bskul ba'i snying po mchog gi rig sngags kyang bshad par bya'o/ /na mo badzra pA Ni s+ya/ hU~M dz+wa lA na ya phaT swA hA/ gsang sngags 'di ni cho ga rgyas pa thams cad la drag tu bskul ba yin te/ rig sngags thams cad kyang 'grub par byed do/ /mar gyi ngo zhag bcu bzhi la zhag gcig smyung ba byas te/ 'phags pa lag na rdo rje'i mdun du dri dang / me tog dang /bdug pa phul nas dkyil 'khor tsan+dan dmar pos skyong nul byugs la ka ra bI ra'i me tog brgyad brgyas 'phags pa lag na rdo rje la bsnun nas 'phags pa bdud rtsi thab sbyor 'grub par 'gyur ro/ /de phyin cad las thams cad byed nus par 'gyur ro/ /lha rnams rdo rje khro bo chen po bdud rtsi thab sbyor stobs dang pha rol gnon pa dpag tu med pa'i las rnams ngas bshad zin to/ /tshangs pas bshad pa'i las kyang bstan par bya ste/ srung ba ni lan bdun bzlas brjod byas pa'i thal bas bya'o/ /gdon bskyod pa ni mthe bos bya'o/ /lo tog ma rung bar bya ba [(]na[,]ni[)] yid kyis bya'o/ /chu ma rung bar bya ba ni lan gsum bzlas brjod byas pa'i gseg mas bya'o/ /dgra bsad par 'dod na dgra gang na 'dug pa de logs su kha bltas te zhag bdun gyi bar du dus gsum du lan brgyad brgya brgyad brgya bzlas brjod byas na zhag bdun gyi nyin par dgra 'chi bar 'gyur ro/ /bud med dbang du bya bar 'dod na 'phags pa lag na rdo rje'i mdun du ka ra bI ra'i me tog brgyad brgyas 'phags pa lag na rdo rje la bsnun na dbang du 'gyur ro/ /khrag 'dzag par bya na zhag gsum gyi bar du rgya skyegs kyis sbyin sreg brgyad brgya brgyad brgya byas na khrag mang du 'dzag par 'gyur ro/ /'o ma'i sbyin sreg byas na zhi bar 'gyur ro/ /pha rol gyi yul 'khor gzhom na sngar ngas las bshad 95-1-124a pa'i las gang yin pa des rkang rjes kyi rdul gyis zhag bdun gyi bar du sbyin sreg bya'o/ /lha rnams tshangs pa'i snying po la drag tu bskul ba'i gsang sngags kyang bshad par bya'o/ /na mo badzra pA Ni s+ya/ namaHpi tam hA s+ya/ o~M swa yam+b+hu be dz+wa la phaT swA hA/ mar gyi ngo zhag brgyad la zhag gcig smyung ba byas te 'phags pa lag na rdo rje'i mdun du dri dang me tog dkar po brgyad stong gis 'phags pa lag na rdo rje la bsnun na de nas tshangs pas dam pa sbyin par 'gyur ro/ /lha rnams tshangs pa chen pos bshad pa'i rig sngags kyi las rnams ngas bshad zin to/ /'jig rten skyong ba bzhis bshad pa'i dga' byed gdong gi las kyang bshad par bya ste/ srung ba ni lan bdun bzlas brjod byas pa'i skud pas bya'o/ /dkyil 'khor gyi cho ga la ni las thams cad la yang sbyar bar bya'o/ /bcom ldan 'das mas ni lha rnams spyan drang bar bya'o/ /snying pos ni slar gtang bar bya'o/ /gdon thams cad kyi mtshams bcad pa ni yid kyis bya ste/ /dgrol ba yang yid la bya'o/ /dgra gzhig par 'dod na mar gyi ngo zhag brgyad la brtsams te/ dus gsum du phub ma'i sbyin sreg lan brgyad brgya brgyad brgya sbyin sreg byas na zhag bdun gyi nyin par dgra 'jig par 'gyur ro/ /skyes pa dbang du bya na yar gyi ngo tshes bdun la brtsams te/ 'phags pa lag na rdo rje'i mdun du mchod pa byas nas arka'i shing gis me sbar la til nag pos sbyin sreg lan brgyad stong byas na dbang du 'gyur ro/ /bud med dbang du bya na 'phags pa lag na rdo rje'i mdun du 'bras yos kyis lan brgyad stong sbyin sreg byas na bud med dbang du 'gyur ro/ /gdon gyis zin pa rnams la ni lan bdun bzlas brjod byas pa'i yungs kar gyis gtor bas zhi bar 'gyur ro/ /bzlas brjod byas pa tsam gyis ni gdon thams cad skrag par 'gyur ro/ /mar gyi ngo zhag bcu bzhi la zhag gcig smyung ba byas te/ 'phags pa lag na rdo rje'i mdun du mchod pa byas nas byang chub kyi shing gis me sbar nas 95-1-124b a pa ra dzi te dkar po'i me tog gi lan brgyad stong sbyin sreg byas na dga' byed gdong gis dam pa byin par 'gyur ro/ /gdon gyis zin pa rnams la a pa ra dzi ta'i me tog lan bdun bzlas brjod byas te gdon gyi kha zas kyi nang du byin na gdon lag pa phan tshun 'ching bar byed cing kun tu rgyugs te ci bsgo ba bzhin byed par 'gyur ro/ /cho ga rgyas pa'i rgyud phyi ma dang bcas par mthong zhing ldan par de la ni gdon rnams kyang yid dga' bar 'gyur ro/ /gdon rnams kyis kyang mi 'dod cing mthong na 'byer bar 'gyur ro/ / lha rnams 'di dag gi snying la drag tu bskul ba'i gsang sngags kyang bshad par bya'o/ /na mo badzra bA Ni s+ya/ badzriM badzriM ba lo ka pA lA ya swA hA/ mar gyi ngo zhag bcu bzhi la zhag gcig smyung ba byas te/ 'phags pa lag na rdo rje'i mdun du mchod pa byas nas lan brgyad stong sbyin sreg byas na dga' byed gdong gis dam pa sbyin par byed do/ /rig sngags thams cad la yang bsgrub pa'i tshe thog ma kho nar snying la drag tu bskul ba'i gsang sngags kyis mar dang / gu gul gyis lan brgyad brgya sbyin sreg byas la de nas rig sngags bsgrub par bya'o/ /las kyi mjug tu yang yungs kar mar dang sbyar bas lan brgyad brgya sbyin sreg bya'o/ /de nas byas na las des drag tu bskul ba'i rig sngags thams cad kyis dngos grub sbyin par byed do/ /de nas lha dag las 'di thos pas yid 'jigs shing snying 'dar te lag na rdo rje'i zhal du blta'o/ /de nas bcom ldan 'das lag na rdo rjes lha de dag la 'di skad ces smras so/ /bzod ldan dag khyed sems rtse gcig tu gyis la nyon cig /ci ste dam tshig 'di las 'gal bar byas te/ dngos grub sbyin par mi byed na ngas rdo rje kun tu 'bar bas spyi bo gshag go/ /de nas rdo rje khro bos ca co'i sgra bton te rig sngags kyi rgyal po chen po lag na rdo rje gang na ba der song ste phyin nas byang chub sems dpa' chen po lag na rdo rje la 'di skad ces smras so/ /bcom ldan 'das khyod kyis sems can thams cad la phan pa'i phyir zhus te/ 95-1-125a cho ga rgyas pa chen po rig pa mchog gi rgyud phyi ma dang bcas gsang ba dang bcas par bshad na bdag gis kyang sems can rnams kyi don gyi phyir dad gdon dang drag shul can mi rnams la gang 'tshe ba yin pa'i gdon de dag nges par gzhig pa'i phyir bcom ldan 'das la 'dri bar bgyis/ /bcom ldan 'das snying rje'i sems kyis gdon rnams kyi rus dang rigs ming de dag kha dag la gsungs shig /de skad ces smras nas byang chub sems dpa' sems dpa' chen po bcom ldan 'das lag na rdo rjes rdo rje khro bo la 'di skad ces smras so/ /bdud rtsi thab sbyor gang khyod sems can la phan pa'i phyir zhugs te/ sems can rnams kyi don gyi phyir gdon rnams kyi rus dang ming nga la dris pa legs so legs so/ /de ngas bshad pa bzhin du nyon cig /'jig rten dag na gdon rnams ni/ /drag cing sbyor ba sna tshogs yod/ /gdon yod de dag ci 'dra ba/ /go rims bzhin du bshad par bya/ /gdon rnams stong phrag brgyad cu ni/ /mi yi 'jig rten dag na gnas/ /de las sa 'dir rgyu ba yi/ /gdon ni bcwa brgyad shes par bya/ /gdon rnams 'ong bar 'jug pa dang / / de bzhin mtshan ma dag dang ni/ /gso rung mi rung dpyad pa dang / /gso ba'i thabs ni tha dad dang / /rigs rnams la ni gang bsten dang / /gang gis rus ni gang yin dang / /de las gzhan yang bshad bya ste/ /ngas bshad de ni mnyan par gyis/ /gzugs kyang med la dri yang med/ /sgra yang med cing khyad par du/ /mnyan du med cing bltar med de/ /mtshan ma tsam las shes par bya/ /me long dang ni chu dag las/ /grib ma ji ltar snang ba bzhin/ /de ltar de dag rtogs bya zhing / /de las gdon rnams shes par bya'o/ /thams cad rlung dang 'dra ba ste/ /mthong ba tsam gyis 'dzin par byed/ /mtshan ma dang ni tshul rnams dang / /spyod pas kyang ni rtogs par bya/ /gdon rnams lus la zhugs nas ni/ /mi las mi ma yin par byed/ /grib ma dang ni 'gros dang mdog /de bzhin nga ro 'gyur 95-1-125b bar byed/ /gdon rnams rigs bzhi yan lag bzhi/ /rnam pa bzhi yod shes par bya/ /rigs bzhi dag la spyod pa yang / /mdor na de dag shes par bya/ /rlung can gyis ni rlung can 'dzin/ /de dag gis ni ming dang gzugs/ /so sor yang ni bshad bya ste/ /gcig ni lha gdon shes par bya/ /gcig ni 'byung po'i gdon yin te/ /de bzhin gcig ni dri za nyid/ /gcig ni gnod sbyin gdon yin te/ /gcig ni srin por shes par bya/ /sha za'i gdon ni rnam gsum dang / /klu yi gdon ni shes par bya/ / tshangs pa'i srin po nyid dang ni/ /log 'dren gdon ni shes par bya/ /de bzhin brjed byed gdon dag dang / /gzhon nu'i gdon ni rnam bzhir shes/ /gcig ni smyo byed nyid yin te/ /lha min gdon ni shes par bya/ /de ltar gdon rnams bcwa brgyad de/ /gang gis tshe na gang rgyu dang / /gang gi dus ni gang yin dang / /gang gi mdog ni ci 'dra ba/ /de ni bdag gis bshad kyis nyon/ /gdon rnams bcwa brgyad gang yin pa/ /dus tshigs dag tu 'dzin byed de/ /lo grangs bcu gnyis lon pa yi/ /gdon rnams gso ru rung par bshad/ /de las 'das par gnas pa yi/ /gso rung rung ba ma yin no/ /de las gzhan yang mtshan rnams kyis/ /khyad par dag kyang bshad par bya/ /lha gdon shes par bya ba la/ /de ni gtor ma 'dod pa ste/ /rigs bzhi so sor rgyu bar byed/ / gtsang zhing gtsang sbra spyod pa dang / /dka' thub gnod pa mthar phyin dang / /tshul khrims ldan pa'i mi dag la/ /lha yi gdon ni 'dzin par byed/ /lha yi gdon gyis zin pa ni/ /shes pas legs par rtogs bya ste/ /dga' bar mi 'gyur 'khrug mi 'gyur/ /kha zas la yang mi sems la/ /cung zad kyang ni smra mi byed/ /de ni gnyid kyang mi log ste/ /phyi sa dang ni gcin dag kyang / /rang dgar 'byung bar mi 'gyur la/ /khrus byas khrus ma byas kyang rung / /dri bsung mang po'i ngad ldan zhing / /de yi gdong ni pad+ma bzhin/ 95-1-126a /legs par byas par 'gyur ba ste/ /gang la tshul ni 'di dag yod/ /de ni lha yi gdon du bshad/ /gang gis bde bar 'gyur ba yi/ /gtor ma'i cho ga 'di dag bya/ /me tog dri dang me tog phreng / /mar me yang ni de la sbyin/ /pad+ma ut+pal pu shel tsi/ /chang dang 'bras chan sbyin du gzhug /gdugs dkar dag byed srang bu dang / de bzhin me tog phreng dkar dag /de ni lha yi gnas kyang rung / /lam gyi bzhi mdor sbyin par bya/ /gtor ma'i las ni 'di nyid kyis/ /gdon de myur du gtong bar 'gyur/ / ci ste des kyang ma btang na/ /gang gis gdon de gtong 'gyur ba/ /'di ni de la sbyar bar bgyi/ /na ga ta ma shra sha yi/ /me tog rtsa ba 'bras bu dang / /shun lpags dang ni de bzhin du/ /shu dag dkar po yungs kar dang / /tshogs rnams de dag sogs nas kyang / /me ni chung dus byas pa la/ /mar ni phul bzhi'i nang du btso/ /de nas de la blud par bya/ /de bzhin du ni snar yang blugs/ /mig bskus lus byugs 'jigs par 'gyur/ /snar blugs 'jigs pas gzir ba dang / /mar 'thungs pas kyang 'jigs 'gyur nas/ /gdon de rab tu 'bros par 'gyur/ /ci ste des kyang ma btang na/ /las 'di yang ni legs par brtsam/ /rgyal ba'i blo gros ma sngags kyis/ /dur khrod kyi sol ba las gzugs brnyan byas la rdo rje lcags sgrog gis bcings nas mdun du gzugs brnyan mtshon rnon pos bcad nas gdon gyis ku co bton te 'bros par 'gyur ro/ /ci ste de ltar byas kyang ma bros na rgyal ba'i blo gros mas lan tshwa dang ske tshe lan brgyad brgyas byas na ku co bton te 'bros par 'gyur ro/ /lha'i gdon gyi skabs rdzogs so// //sngar bshad pa ni gang yin pa'i/ /'byung po'i gdon yang shes par bya/ /bram ze dang ni rgyal rigs la/ /'dzin par byed de de bzhin du/ /de ni gtor ma 'dod phyir rgyu/ /de yi tshul rnams nga la nyon/ /gtsang zhing gtsang sbrar spyod pa dang / /gzugs bzang ba yi mi rnams 95-1-126b la/ /'byung po'i gdon ni 'dzin par byed/ /de yi tshul rnams nga las nyon/ /tshes grangs bcu gsum bcu bzhi'ang rung / /gnyi ga'i phyogs la'ang de bzhin te/ /bcu bzhi la ni brtag pa yin/ /dga' ston dag dang 'dus pa dang / /lha rnams kyi ni gnas dag dang / /skabs 'di dag tu gzugs bzang ba'i/ /mi rnams la ni 'dzin par byed/ /gtsang zhing gtsang sbrar spyod pa dang / /dka' thub gdon pa mthar phyin dang / /rtag tu gos dkar gyon pa dang / /smyung ba dga' ba de bzhin no/ /'byung po'i gdon gyis zin pa yi/ / tshul 'di dag ni nga las nyon/ /sems pa dang ni dgod pa dang / /nam mkha' la ni lta bar byed/ /mdog kyang nam mkha' 'dra bar 'gyur/ /gser gyi mdog ltar mdzes pa ste/ /zas dang skom la dga' ba dang / /lha dang bram ze mchod la dga'/ /'byung po'i gdon gyis zin pa yi/ /mtshan ma yang ni de dag yin/ /de ni gang gis bder 'gyur ba'i/ /gso ba'i thabs kyang bshad par bya/ /til zan dang ni 'byung po'i zas/ /sha btsos rjen pa de bzhin te/ /me tog dri dang gtor ma dang / /me tog phreng ba sna tshogs pa/ /gtor ma de dag bsdus nas ni/ /lho phyogs su yang sbyin par bya/ /rdo rje ser skya'i sngags kyis kyang / /sreg blugs gsum dang bdun pa dbul/ /gtor ma'i las ni 'di nyid kyis/ /gdon de myur du gtong bar 'gyur/ /ci ste des kyang ma btang na/ /gang gis gdon de gtong 'gyur ba'i/ /thabs gzhan 'di ni sbyor bar bya/ /gnad ma la du ma bi dang / /ba la a ti ba la dang / /pu shel tse dang thal tres dang / /shu ga na sa sgog pa dang / /tshogs rnams de dag bsags nas ni/ /mar ni phul gang bzhi dag dang / /ba gcin phul bzhi'i nang du btso/ /me ni chung dus btso bar bya/ /de nas de dag blud par bya/ /de bzhin du ni snar yang blugs/ /mig bskus lus byugs 'jigs gyur nas/ /'byung po rab tu 'bros par 'gyur/ /ci ste des kyang ma btang na/ /gang gis gdon de 95-1-127a gtong 'gyur ba'i/ /thabs gzhan 'di ni sbyar bar bya/ /rdo rje ser skya'i sngags kyis las brtsams te/ /dkyil 'khor bris nas lan tshwa dang / ske tshe'i sbyin sreg lan brgyad brgya byas na gdon gyis ku co bton te 'bros par 'gyur ro/ /'byung po'i gdon gyi skabs rdzogs so// //sngar bshad pa ni gang yin pa'i/ /dri za'i gdon yang shes par bya/ /bram ze rgyal rigs 'dzin par byed/ /yar gyi do yi tshes bcu gnyis/ /mar gyi ngo yang de bzhin te/ /dri za rtag tu rgyu bar byed/ /lhag ma'i dus su 'tshe mi byed/ /gtor ma 'dod cing zhi ba dga'/ /gdon de dga' ba 'dod pa ste/ /glu la dga' zhing dga' la sred/ /gtsang zhing gtsang sbrar spyod pa dang / /gzugs bzang pa yi mi dag la/ /dri za dag ni sten par byed/ /de yi tshul ni nga la nyon/ /glu len cing ni gar byed cing / /kha nas rol mo'i sgra yang 'byin/ /zas dang skom la dga' bar byed/ /de bzhin khrus dang phreng la dga'/ /chags shing dri zhim ngad kyang ldang / /dri za yis ni zin pa yi/ /mtshan ma rnams ni de dag yin/ / gang gis des ni bder 'gyur ba/ /gso pa'i thabs kyang bstan par bya/ /gtsang zhing gtsang sbrar spyod pa dang / /dga' bzhin pas ni gso bar bya/ /me tog phreng dmar de bzhin te/ /'bras chan dmar po'ang de bzhin te/ /ba dan dmar po sbyin par byed/ /tsan+dan dmar po nyid dag dang / /skud pa dmar po dag dang ni/ /de dag thams cad sbyin par bya/ /nad pa gos dmar bskon byas la/ /me tog phreng mar byugs par ldan/ /me tog phreng mar lus bskus pa'i/ /dge slong bram ze bkra shis gdon/ /kha zas dmar po byin nas kyang / / de nas nub mo gtor ma sbyin/ /gtor ma'i las ni 'di nyid kyis/ /gdon de myur du gtong bar 'gyur/ /ci ste des kyang ma btang na/ /gang gis gdon de gtong 'gyur ba'i/ /thabs gzhan 'di ni sbyar bar bya/ /gsod dang tsha ba gsum po dang / /seng 95-1-127b ldeng gi ni snying po dang / rtsa ba lnga pa gnyis kyang 'jug /sgog skya brgya yang gzhug par bya/ /de nas tshogs rnams bsogs nas kyang / /mar ni phul tag bzhi dag dang / /ba gcin bzhi chas btso bya zhing / /me ni chung ngus btso bar bya/ /de nas de la blud par bya/ /de bzhin du ni snar yang blugs/ /mig bskus lus byugs 'jigs par 'gyur/ /snar blugs 'jigs pas gzir ba dang / /mar 'thungs pas kyang 'jigs 'gyur nas/ /gdon de rab tu 'bros par 'gyur/ /ci ste des kyang ma btang na/ /gang gis gdon de gtod 'gyur ba'i/ /thabs gzhan 'di ni sbyar bar bya/ /dkyil 'khor gyi dpus su rdo rje ma'am/ yang na bdud rtsi thab sbyor gyis nim pa'i yam sreg shing dug dang khrag gi nang du smyugs pa brgyad stong sbyin sreg byas na de nas gdon ngu zhing 'bros par 'gyur te/ gdon rnam pa gsum po 'di dag gang gis ma gogs nas 'bros par 'gyur ba'i ngo lon rnam pa sna tshogs kyi gzhig par bya'o/ /gdon bcwa brgyad las kyang de bzhin du gso bar bya'o/ /de nas rdo rje 'dzin pa'i sngags ni/ /pho nya mo rdo rje ma'i sngags te/ /na mash+tsaN+Da badzra pA Ni s+ya/ ma hA yak+Sha se nA pa ti s+ya/ tad+ya thA/ /dzi dzi ru ru/ /khu ri bi khu ri/ tiSh+Tha tiSh+Tha/ pA la yA/ yat+ta ta/ badzra pA Ni s+ya/ a gra to ba shi/ ta na ta na/ sma ra sma ra/ ban+d+ha ban+d+ha swA hA/ na mo rat+na tra yA ya/ na maHbadzra kro d+hA ya/ hu lu hu lu/ tiSh+Tha tiSh+Tha/ a mr-i ta muN+Da li/ kha kha khA hi khA hi/ ban+d+ha ban+d+ha swA hA/ /dri za'i gdon gyi skabs rdzogs so// //sngar bshad gang yin tshangs pa yi/ /srin po'i gdon yang shes par bya/ /gtum zhing drag la stobs po che/ /lci la tshugs par dka' ba ste/ /yar gyi ngo yi tshes brgyad dang / /zla ba nya la 'dzin par byed/ /gdon dang dka' thub ldan pa dang / /tshangs par spyod la gnas pa la/ /tshangs pa'i srin po 'dzin par byed/ /lha la 'dran tor byed pa dang / /gang zhig snying ni sdang ba dang / /bram ze ma yin 95-1-128a bram zer smra/ /bram ze gang dag gtsang sbra nyams/ dpa' bo gang dag 'dran tor byed/ /lha gnas dag tu gar rtse zhing / /tshangs par spyod las nyams gyur pa/ /de la tshangs pa'i srin po 'tshe/ /de yi tshul ni nga la nyon/ /gshe zhing 'gyod par byed pa dang / /gar yang byed cing gdon par byed/ /bsgrags par mi 'gyur smra mi byed/ /lha rnams la yang mchod byed cing / /bram ze mthong na mchod par byed/ /rdo ba dag dang shing dag dang / /de bzhin lag pa rkang pa yis/ /rang gi lus la gnod par byed/ /tshangs pa'i srin pos zin pa ni/ /snyan tshig rig byed lhur len cing / /des brjod rig byed rjod par byed/ /bstan bcos kun la mkhas pa ste/ /dri ba dag kyang 'di bra byed/ /sngags 'chang la ni brnyas par byed/ /dgod cing rab tu rgyug par byed/ /tshangs pa'i srin pos zin pa yi/ /mtshan ma yang ni de dag yin/ /gang gis gdon de gtong 'gyur ba/ /de yi gtor ma bshad par bya/ /nas ni bre gsum btsos pa dang / /de bzhin khur ba til zan dang / /me tog phreng dmar bdug pa dang / / shing tog rnam pa sna tshogs dag /til nag de bzhin 'bras yos dang / /de bzhin zho dang 'o ma dang / /gang ba'i snod dang de bzhin bdugs/ /de yi byug pa shu dag ste/ /khrus byas bsgrims te gtsang byas pas/ /lho phyogs su ni sbyin par bya/ /gtor ma'i las ni 'di nyid kyis/ /gdon ni myur du gtong bar 'gyur/ /ci ste des kyang ma btang na/ /gdon de myur du gtong ba yi/ /thabs gzhan 'di ni sbyar bar bya/ /nag ta ma la shri ba yi/ /'bras bu rtsa ba shun lpags dang / /de bzhin me tog thams cad dang / / ba ta li dang a sha na/ /bil pa'i rtsa ba gzhug par bya/ /dug mo yungs kyang de bzhin te/ /thang shing dang ni bil ba dang / de bzhin tshab gsum po dang / /rtsa ba lnga pa gnyis kyang gzhug /sgog skya dang ni phul bdun mar/ /ba gcin kyang ni nyi shu dang / seng ldeng 95-1-128b shun lpags bshus pa ni/ srang grangs nyi shu rtsa bzhi dang / /'di dag thams cad bsres pa ni/ /me chung gis ni dal nas btso/ /de nas de la blud par bya/ /de bzhin du ni snar yang blugs/ /mig bskus lus byugs 'jigs par 'gyur/ /snar blugs 'jigs par gzir ba dang / /mar 'thungs bas kyang 'jigs 'gyur nas/ /gdon de rab tu 'bros par 'gyur/ /ci ste de nas ma btang na/ /gang gis gdon de gtong 'gyur ba'i/ /thabs gzhan 'di ni sbyar bar bya/ /dkyil 'khor zlum po bris nas kyang / /der ni gdon yang dgug par bya/ /gang gis gdon de gtong 'gyur ba'i/ /ngo lon dag ni der bya ste/ /rig pa'i mchog gam yang na ni/ /dga' byed gdon gyis gzhom par bya/ /gang gis gdon te gtong 'gyur ba'i/ /sngags gzhan gyis kyang yang na gzhom/ /tshangs pa'i srin po'i gdon gyi skabs rdzogs so// //sngar bshad pa ni gang yin pa'i/ /srin po'i gdon yang shes par bya/ /gtum zhing drag la gzu lums can/ /lci zhing tshugs par dka' ba ste/ /mar gyi ngo ni zhag brgyad dang / /mar gyi ngo ni bcu bzhi la/ /mi ni gtum zhing gzu lums can/ /spyi brtol can ni gang yin dang / brlang zhing 'thab la sred pa dang / /rtag tu tshig ni rtsub por smra/ /de la srin po sten par byed/ /srin pos zin pa de yi ni/ /mtshan ma rnams kyang shes par bya/ /skad cig gis ni ngu bar byed/ /dga' zhing glu yang len par byed/ /don dang ldan pa'i tshig smra zhing / /don med pa yi tshig kyang smra/ /zas dang skom la dga' ba dang / /de bzhin me ni sha la sred/ /gshe bar byed cing rmungs par byed/ /de bzhin zan za glu yang len/ /mi ni glo bur dag tu len/ /lag pas sa la rko bar byed/ /srin po'i gdon gyis zin pa yi/ /mtshan ma rnams ni de yin te/ /gang gis gdon de gtong 'gyur te/ /de yi ngo lon bshad par bya/ /khu ba zas dang de bzhin dri/ /de bzhin sha btsos rjen pa dang / zas dang skom 95-1-129a dang til zan rnams/ /sdig med khrag gis gtor ba dang / /dri zhim pa yi me tog rnams/ /kha dog sna tshogs rnams kyis bsreg /de nas khrus byas gtsang gyur pa'i/ /dge slong bram ze bkra shis gdon/ /lho phyogs dang ni nub phyogs su/ / gtor ma de dag sbyin par bya/ /gtor ma'i las ni 'di nyid kyis/ /gdon de myur du gtong bar 'gyur/ /ci ste des kyang ma btang na/ /gang gis gdon de gtong 'gyur ba'i/ /thabs gzhan 'di ni bshad par bya/ /dug mo yungs dang sha ri sha/ /nag ta ma la'i lo ma dang / /rtsa ba 'bras bu shun lpags dang / /me tog skam po rnams dang ni/ /pa ta li dang ka ta bi/ /tsha ba gsum po rnams dang ni/ /skyu ru ra yi 'bras bu dang / /lang tang rtsa ba'ang gzhug par bya/ /sgog skya dang ni shing kun dang / /de bzhin rgyam tsha yungs kar rnams/ /de dag cha ni mnyam byas la/ /ra gcin dang ni btag par bya/ /mar ni phul bzhi ldan pa dang / /ba gcin dag ni bzhi 'gyur dang / /me ni chung dus dal nas btso/ /de nas de la blud par bya/ /de bzhin du ni snar yang blugs/ /mig bskus lus byugs 'jigs par 'gyur/ /snar blugs 'jigs pas gzir ba dang / /mar 'thungs pas kyang 'jigs gyur nas/ /gdon de rab tu 'bros par 'gyur/ /ci ste des kyang ma btang na/ /gang gis gdon de gtong 'gyur ba'i/ /thabs gzhan 'di ni sbyar bar bya/ / sngags dang sbyin sreg sna tshogs kyis/ /de yi ngo lon bya ba ste/ /lha min g.yul du 'joms pa ltar/ /rdo rje mas kyang gzhom par bya/ /rdo rje mas ni 'jigs skrag nas/ /gdon de rab tu 'bros par 'gyur/ /srin po'i gdon gyi skabs rdzogs so// //sngar bshad pa ni gang yin pa'i/ /sha za'i gdon yang shes par bya/ /gtum zhing drag la gzu lums can/ /lci zhing tshugs par dka' ba ste/ /mi rnams nga rgyal can dag dang / /phra ma can dang brkam pa dang / /bdag gi phyogs ni 'joms byed dang / /gzhen 95-1-129b nor 'phrog pa 'dzin par byed/ /tshes gnyis dang ni tshes gsum dang / /de bzhin brgyad dang bcu bzhi dang / /tshes gsum la ni rtag tu rgyu/ /sha za yis ni zin pa yi/ /mtshan ma dag kyang shes par bya/ /tshes gnyis la ni gang rgyu ba/ /de yi tshul rnams nga las nyon/ /skyes pa yi ni mdog dang ldan/ /tshil dang rul pa'i dri mnam zhing / /skye bo mthong na dgod par byed/ /drag tu yang ni gshe ba dang / /phyi sa'i dri dang ldan pa dang / /de bzhin khrag gi dri yang mnam/ /gang ma shes bya'i sha za yin/ /gnyis pa'i mtshan yang nga las nyon/ /lus kun yang ni 'dar ba ste/ /skad cig re rer rab tu rgyug /ngu zhing glu yang len par byed/ /skad cig re rer gar yang byed/ /khang stong dag tu bsten pa dang / /de bzhin skye bo 'jigs par byed/ /zas dang skom la dga' ba dang / /de bzhin sha dang chang la dga'/ /sprul pa zhes bya sha za yin/ /gsum pa'i mtshan ma'ang nga las nyon/ /nad pa dag gis mig kyang ni/ /nam mkha' la yang lta bar byed/ /kha zas byin pa rnams dang ni/ /gnas dang gnas min rnams su 'dor/ /de ni sha dang chang dag gi/ / ji ltar byas kyang chog mi shes/ /thab khung dag tu nyal bar byed/ /tshul yang med cing lto che la/ /rtag tu phyi ba reg par byed/ /bud med lam du 'gog par byed/ /sha za gzu lums can zhes bya/ /gsum pa yang ni bshad pa yin/ /de ni gang gis bder 'gyur ba'i/ /gso ba'i thabs kyang za shad par bya/ /til zan la phug sgog skya dang / /til gyi tshigs ma nas kyi zas/ /zho dang sha btsos rjen pa dang / /btung ba dang ni de bzhin zas/ /de yi gtor ma sman pas blangs/ /nub phyogs su ni rang bzhin sbyin/ /gtor ma'i las ni 'di nyid kyis/ /gdon de myur du gtong bar 'gyur/ /ci ste des kyang ma btang na/ /gang gang gdon de gtong 'gyur ba'i/ /thabs gzhan 'di ni sbyin par bya/ /pri yang+ku yi me tog dang / /tsha ba 'di yang de bzhin te/ /'bras bu gsum dang sgog skya'ang gzhug /shu 95-1-130a dag dang ni shing kun dang / phal ta dang bcas par gzhug /ka ta ba ka'ang de bzhin te/ /shri ri sha yi me tog dang / /de dag cha ni mnyam byas la/ /ra gcin dang ni btag par bya/ /mar ni phul bzhir ldan pa dang / /ba gcin dag ni bzhi 'gyur nang / me ni chung ngus dal nas btso/ /mig kyang bskus shing snar yang blugs/ /de bzhin du ni mar kyang btung / /mig bskus lus byugs 'jigs par 'gyur/ /snar blugs 'jigs pas gzir ba dang / /mar 'thungs pas kyang 'jigs 'gyur nas/ /gdon de rab tu 'bros par 'gyur/ /ci ste des kyang ma btang na/ /gang gis gdon de gtong 'gyur ba'i/ /thabs gzhan 'di ni sbyar bar bya/ /sems can rnams la phan 'dod pas/ /dkyil 'khor du ni legs par gzhug /'jigs pa'i phyag rgya sbyin sreg las/ /nag mo yis ni myur du gzhom/ /sbyin sreg las kyis 'jigs skrag nas/ /gdon de rab tu 'bros par 'gyur/ /sha za'i gdon gyi skabs rdzogs so// //sngar bshad pa ni gang yin pa'i/ /klu yi gdon yang bshad par bya/ /gtum zhing stobs che khro ba dang / /drag cing sos kyang 'debs par byed/ /'joms par byed cig sems can 'tshe/ /yar ngo gnyis kyi tshes lnga dang / /de bzhin mar gyi tshes bdun dang / /dus tshigs kun dang gung gi tshe/ /dad pa can gyi bram ze la/ /klu dbang gdon ni rgyu bar byed/ /gdon gyis zin pa 'dar ba dang / /'khor zhing sa la 'gyel bar 'gyur/ /ha rer yang ni blta ba dang / /mig kyang dmar bar 'gyur ba dang / /lce yang 'byin par byed pa dang / /yang dang yang du dbugs kyang gtong / /'bras bu me tog phreng ba dga'/ /de bzhin 'o ma mar la dga'/ /rtag tu yang ni khro bar 'gyur/ /so yang 'thams par 'gyur ba ste/ /gang gi mtshan ma de dag ni/ /klu yi gdon du bshad pa yin/ /de ni gang gi bder 'gyur ba'i/ /gso ba'i thabs kyang bstan par bya/ /rig sngags 'chang gis khrus byas la/ /gtsang zhing yid ni dge 95-1-130b ba yis/ /bsgrims te gtor ma sbyin par bya/ /bkra shis 'bras yos bu ram dang / /snum khur 'bras chan bu ram sbyar/ /pad+ma ut+pal pu shel tsi/ /de bzhin ut+pal dmar po dang / /zas mchog dag ni 'o ma zho/ /sa nag kyang ni de bzhin te/ /me tog phreng mang bdug pa dang / /klu yi me tog sbyin par bya/ /dri mar dag ni de bzhin te/ /skud pa dmar po sbyin par bya/ /gu gul dang ni shang shing gi/ /bdug pa de la sbyin par bya/ /byang phyogs dang ni shar phyogs su/ /gtor ma srod la sbyin par bya/ /gtor ma'i las ni 'di nyid kyis/ /gdon de myur du gtong bar 'gyur/ /ci ste des kyang ma btang na/ /gang gis gdon de gtong 'gyur ba'i/ /thabs gzhan 'di ni sbyin par bya/ /lig bu mig ni chu grang dang / /btags nas mig bsku yang na blugs/ /shwa ta ba la gser phrom dang / /rgyas spos dang ni yungs kar dang / /nag ta ma la tum phyi dang / /thang shing dang ni rnam pa bdun/ /tshogs rnams de dag bsogs nas ni/ /me ni chung dus btso bya zhing / /mar ni phul tag bzhi dag dang / /ba gcin phul bzhi'i nang du btso/ /de nas de la blud par bya/ /de bzhin du ni snar yang blugs/ /mig bskus lus byugs 'jigs par 'gyur/ /snar blugs 'jigs pas gzir ba dang / /mar 'thungs pas kyang 'jigs gyur nas/ /gdon de rab tu 'bros par 'gyur/ /ci ste des kyang ma btang na/ /gang gis gdon de gtong 'gyur ba'i/ /thabs gzhan 'di ni sbyar bar bya/ /gang gis gdon de gtong 'gyur ba'i/ /sbyin sreg las ni sbyar bar bya/ /sbyin sreg las ni mi bzad dang / /rdo rje lte bas bcom byas na/ /sbyin sreg las ni 'jigs gzir bas/ /klu yis mi no gtong byed cing / /klu ni myur du 'bros par 'gyur/ /klu yi gdon gyis zin pa la/ /gang gis gzhan du 'gal bar byed/ /rig sngags 'chang dang mi dag la/ /brtse ba'i phyir ni 'ong byed na/ /go cha brtan par bgo bya zhing / /rig pa mchog 95-1-131a gi go bgos la/ /ma rungs dug ni mi bzad pa/ /pho nya mas ni nges par 'joms/ /lag na rdo rje rigs mchog ma/ /pho nya stobs chen gang yin pa'i/ /snying po drag cing 'jigs pa yi/ /las kyis spyi bor 'joms par byed/ /bcom pa des na dbye byed cing / /gdon de nges par brlag par 'gyur/ /klu'i gdon gyi skabs rdzogs so// //sngar bshad pa ni gang yin pa'i/ /log 'dren gdon yang shes par bya/ /gtum zhing drag la gzu lums can/ /lci zhing 'jig rten 'joms pa ste/ /mar gyi ngo yi tshes lnga dang / /tshes grangs bcu bzhi gnam stong la/ /skye bo gnas dang 'gro ba la/ /dus kun du ni 'tshe bar byed/ /dri ma can la gos ngan can/ /de bzhin kha zas khyos ma za/ /dga' bar 'gyur dang khro ba dang / /bud med kyis spangs gang yin dang / /chu ngogs bud med bltas pa dang / /shing la 'dzeg cing bshad gci byed/ /'greng zhing bshang gci byed pa dang / /gcer bur rgyug pa gang yin dang / /gzhan gyi gos dang 'dres pa dang / /gos kyi mtha' mas g.yab pa yi/ /mi rnams gang gis zin pa yi/ /zhum zhing ngu bar byed pa dang / /nor rnams kyang ni chud za zhing / /gzhan gyi yid du mi 'ong dang / /skyes pa chung ma rnyed mi 'gyur/ /bud med kyi ni khyo mi rnyed/ /tshong byed na yang zong dag gis/ /khe spogs rnyed par mi 'gyur zhing / /zhing gshin dag la rmos btab kyang / /rmos pa'i 'bras bu thob mi 'gyur/ /mtshan ni thams cad rdzogs pa yi/ /chung ma las kyang bu mi 'byung / /don gzhan bya bar brtsams kyang ni/ /log pa'i blo ni gzhan du 'gyur/ /de dag gang la snang gyur pa'i/ /de yi gso ba'i thabs kyang bshad/ / khang pa mnyam zhing gsar byas la/ /rin chen thams cad bsags par bya/ /bum pa bzhi yang der bzhag cing / /bkra shis rnams kyang dbul bar bya/ /rdzas rnams dang ni 'bras rnams dang / /bum pa ba dan sngon po dang / /sha btsos dang ni rjen pa dang / /de bzhin 95-1-131b khu ba zas rnams dang / /dri dang me tog dkar po dang / /'bras kyi 'o thug der sbyin bya/ /gtor ma'i las ni 'di nyid kyis/ /de ni khrus kyang byed du gzhug /pa la a ti ba la dang / /kan+ta ka ri 'bri ha ti/ /pa tra dang ni pu shel tsi/ /bri yang+ku dang shu ti dang / /phye ma'i gong bu 'di yis ni/ /rab tu mnyam gzhag khrus byed gzhug /rig sngags 'chang ni shar phyogs blta/ /nad pa nub phyogs bstan byas la/ /gos dkar can gyi snying po dang / /ldan pa'i chus ni dbang yang bskur/ /de nas blo ldan yid gzhungs pas/ / bdud rtsi thab sbyor ldan pa yi/ /sbyar sman gyis ni lus kyang bsku/ /gu gul dang ni yungs kar dang / /gi'u wang shu dag ru rta dang / /sug smel yang ni de bzhin te/ /sgron shing dang ni thang shing dang / /tsan+dan dang ni a ga ru/ /ka le ya yi pad 'dra dang / /ge sar rnams ni cha bsnyams la/ /chu dang lhan cig btag par bya/ /gang na sbyar sman 'di gnas pa/ /der ni 'jigs pa mi 'byung ste/ /chom rkun ma yin mtshon rnams min/ /sbrul rnams ma yin lha min min/ /lag na rdo rje 'dis bskus pas/ /sa stengs dag tu rgyal bar 'gyur/ /'di yis lus la bskus na ni/ /log 'dren rnams las thar bar 'gyur/ /sbyar sman don kun sgrub pa ni/ /sngar yang ngas ni bshad pa yin/ /log 'dren gyi gdon gyi skabs rdzogs so// //sngar bshad pa ni gang yin pa'i/ /brjed byed gdon yang shes par bya/ /drag cing khro la gtum pa dang / /gzu lums can de tshugs par dka'/ /tshes gnyis dang ni tshes bzhi dang / /de bzhin dgu dang bcu gnyis dang / /mar gyi bcu bzhi de bzhin te/ /brjed byed dag ni 'jug par 'gyur/ /dang po'i thun ni 'das nas kyang / /lhag ma rnams la de bzhin ldang / /phyi nas rlung bzhin yang dang yang / /de nas yud tsam nyin zhag dang / /de bzhin zla phyed zla dang lor/ /dbu ba skyug cing brgyal bar 'gyur/ /lus las rdul yang 'byung bar 'gyur/ /gdon gyis zin pa 95-1-132a 'khor ba dang / /sa la 'gyel zhing 'khor bar 'gyur/ /brjed byed gdon gyis zin pa yi/ /de yi mtshan ma de dag yin/ /gang gis gdon de gtong 'gyur ba'i/ /gso ba'i thabs kyang bshad par bya/ /bdug pa dri dang me tog phreng / /de bzhin sha btsos rjen pa dang / /til zan dang ni 'byung po'i zas/ /de bzhin shug pa bu shel tsi/ /byug pa dang ni mar yang blud/ /'bras bu gsum las srang gcig dang / /tsha ba gsum las srang gcig gzhug /sgog skya brgya yang gzhug par bya/ /yungs kar stong yang de bzhin te/ /nag ta ma la'i sa bon dang / /bil ba'i rtsa ba de bzhin te/ /de dag cha ni mnyam byas la/ /ra gcin dang ni btag par bya/ /mar dang ba gcin bzhi 'gyur gyi/ /mar du yang ni btso bar bya/ /mig kyang bsku zhing snar yang blugs/ /de bzhin mar yang btung bar bya/ /mig bskus lus byugs 'jigs par 'gyur/ /snar blugs 'jigs pas gzir ba dang / /cho ga 'di dag rnams kyis kyang / /gdon de rab tu 'bros par 'gyur/ /ci ste des kyang ma btang na/ /gang gis gdon de gtong 'gyur ba'i/ /thabs gzhan 'di yang bshad par bya/ /dkyil 'khor bris te gzhug par byas la spyan nam yang na bdud rtsi thab sbyor ram/ /tshogs chen po lcags can gyis be kang+ka ta'i yam sreg shing gi sbyin sreg byas na gdon de 'bros par 'gyur ro/ /brjed byed kyi gdon gyi skabs rdzogs so// // sngar bshad pa ni gang yin pa'i/ /smyo byed gdon yang shes par bya/ /drag cing gtum la gzu lums can/ /lci zhing tshugs par dka' ba ste/ /mar gyi ngo yi zhag gnyis dang / /zhag dgu la ni 'tshe byed cing / /rlung dang bad kan rang bzhin gyi/ /smyo byed gdon ni 'jug par 'gyur/ /de yi tshul ni bshad par bya/ /ngas bshad de ni mnyan par gyis/ /gzugs ni rab tu mdzes pa yin/ /shin tu dga' zhing spro bar 'gyur/ /dpa' bo dang ni gzugs bzang dang / /mi ni glu la sred pa la/ /rtsed mo la sogs gtam dag las/ / 95-1-132b smyo byed 'dzin te the tshom med/ /mtshan 'di dag gis shes par bya/ /tshul rnams kyang ni 'dir nyon cig /glu len cing ni gar byed dang / /dgod par byed cing ngu ba dang / /dri dang me tog phreng la dga'/ /rlung dang bad kan gnas pa yin/ /rab tu rgyug gam yang na 'greng / /dal nas kyang ni dgod pa dang / /gnyid kyang che bar mi 'gyur la/ /cung zad kyang ni smra mi byed/ /kha zas la yang dga' ba rnams/ /rlung mkhris bad kan gnas pa yin/ /shin tu drag tu smra ba dang / /mang du yang ni smra ba dang / /gtam gyi tshul la dga' ba'i rnams/ /bad kan gnas la brten pa dang / /gnas gsum la ni rten 'gyur la/ /tshul kun yang ni byed gyur na/ /de ni gsor med shes par bya/ /de la spyad par bya ba med/ /lha rnams lag na rdo rje nga'i mtshams rlung 'di ni gsor mi rung ba la tshar gcod pa yin no/ /gdon gang nga'i ming thos kyang mi 'bros pa de la ni ngas rdo rje drag pos spyi bo gshag par bya'o/ /sman dang gsang sngags gang gis smyo byed kyi gdon stobs po che la gso ba'ang bshad par bya ste/ /dri kun dang ni me tog phreng / /de bzhin rol mo'i spyad kun dang / /'bras chan dri zhim gtsang ma dang / /'o thug 'bru chang sbyar ba'i chang / /de ltar gtor ma rnams bsogs la/ /lam gyi bzhi mdor sbyin par bya/ /gtor ma'i las ni 'di dag gis/ /gdon de myur du gtong bar 'gyur/ /ci ste des kyang ma btang na/ / gang gis gdon de gtong 'gyur ba'i/ /thabs gzhan 'di ni sbyar bar bya/ /mar rnying lo ni sum cu gnyis/ /lon pa'i mar de phul bzhi dang / /'o ma phul bzhi dag dang ni/ /sbrang rtsi phul bzhir ldan par bya/ /ba lang ko ba bsregs pa yi/ /phye ma phul bzhi gzhug par bya/ /sgog skya brgya yang gzhug par bya/ /srang grangs sum cu a ru ra/ /srang grangs nyis 'gyur tsha ba gsum/ /gso ba pos ni gzhug bya ste/ /lhan cig phye ma zhib mor bya/ /gang tshe thams cad chos gyur nas/ /de bzhin du ni thams cad kyi/ /phyi ru yang ni 95-1-133a dbyung bar bya/ /mi yi 'jig rten gnas pa yi/ /gdon rnams thams cad ji snyed pa/ /rlung can dang ni mkhris pa can/ /bad kan can dang 'dus pa can/ /gdon gyi gzugs ni thams cad dang / /sman rnams kyang ni 'di yin te/ /rdo rje lha yi mar zhes bya/ /gdon kun gtong bar 'gyur ba dang / /gdon kun zhi bar byed pa dang / /sems can rnams la phan pa'i phyir/ /nga yis su ni bshad pa yin/ /gang zhig sman gyi rgyal po yi/ /ming ni legs par dran byed pa/ /de la gdon rnams thams cad kyis/ /glags btsal phyir ni brtson mi byed/ /de phyir de la blud par bya/ /de bzhin snar yang blug par bya/ /cho ga 'di dag gis kyang ni/ /gdon de rab tu 'bros par 'gyur/ /ci ste des kyang ma btang na/ /gang gis gdon de gtong 'gyur ba'i/ /thabs gzhan 'di ni sbyar bar bya/ /dkyil 'khor bris la der gzhug par bya ste/ /dkyil 'khor der rig sngags kyi rgyal po'am/ /tshogs lcags can nam/ /rmugs byed kyis sbyin sreg bya'o/ /lha rnams 'di ni lag na rdo rje'i mtshams rlung yin te/ /gsor mi rung ba rnams kyang tshar gcod par byed do/ /gdon gang nga'i ming thos nas mi 'bros pa de la rdo rje drag pos spyi bo gshag par bya'o/ /lha rnams de bzhin gshegs pa'i bkas ma rungs pa rnams gzhom pa bzang po rnams ngas bshad zin to/ /smyo byed kyi gdon gyi skabs rdzogs so// //sngar bshad pa ni gang yin gdon/ /lha ma yin gdon shes par bya/ /gtum zhing gzu lums che ba dang / /'jig rten 'tshe bar byed pa'i ste/ /gzi brjid can dang lus che dang / /gzugs bzang yon tan ldan pa la/ /lha ma yin ni 'jug par byed/ /de yi mtshan ma tshul bzhin nyon/ /rig sngags 'chang la brnyas par byed/ /rig byed kyang ni smra bar byed/ /skem byed nga yin khyab 'jug nga / /zhes ni brdzun yang smra bar byed/ /gdon kun gyi ni tshul dag dang / /rnam pa mang por sgyur bar byed/ /ngu zhing 95-1-133b res 'gas sos kyang 'dzin/ /res 'ga' zas kyang za bar byed/ /lag pas rtswa dag blangs nas kyang / /skad cig gis ni mi la 'tshe/ /tshig ngan dag kyang smra bar byed/ /shin tu yang ni dgod par byed/ /lha ma yin gyi gdon rnams kyi/ /mtshan ma yang ni de yin te/ /cho ga yang ni de bzhin du/ /de yi ngo lon gang dag gis/ /gdon de gtong bar 'gyur bar bya/ /me tog kun dang dri dag dang / /me tog phreng ba sna tshogs dang / /pad+ma ut+pal pu shel tsi/ /ut+pal dmar po'i 'dab ma dang / /sha btsos dang ni rjen pa yin/ / ngo lon dag ni 'jam por bya/ /de nas rig sngags 'chang dag gis/ /gtsang sbra bya ste nub phyogs sbyin/ /gtor ma las ni 'di nyid kyis/ /gdon de myur du gtong bar 'gyur/ /ci ste des kyang ma btang na/ /gang gis gdon de gtong 'gyur ba'i/ /thabs gzhan 'di ni sbyar bar bya/ /'bras bu gsum dang tsha ba dang / /ba la a ti ba la dang / /thal tres dang ni bu shel tsi/ /rtsa ba lnga rnams bsogs nas ni/ /mar ni phul tag bzhi dag dang / /ba gcin phul bzhi'i nang du btso/ /me ni chung dus dal nas btso/ /de nas de la blud par bya/ /de bzhin du ni snar yang blugs/ /mig bskus lus byugs 'jigs par 'gyur/ /snar blugs 'jigs pas gzir ba dang / /mar 'thungs pas kyang 'jigs gyur nas/ /gdon de rab tu 'bros par 'gyur/ /ci ste des kyang ma btang na/ /gang gis gdon de gtong 'gyur ba'i/ /thabs gzhan 'di ni sbyar bar bya/ /rdo rje ser skyas sbyin sreg bya/ /rdo rje sgrog gis bcing bar bya/ /de dag sngags kyis tshar yang bcad/ /lha ma yin gyi gdon gyi skabs rdzogs so// //de nas ngas ni sngar bshad gang / /gzhon nu'i gdon bzhin shes par bya/ /gtum zhing khro la gzu lums can/ /'gro ba'i gnas dang mi gnas 'joms/ /tshes gnyis dang ni bcu gcig dang / /mar gyi ngo yi zhag lnga dang / /phal cher tshes bcu dag la rgyu/ /gzhon nu'i srog ni gcod byed pa/ /rtag tu gsum zhing rgyu bar byed/ /byis pas gsod cing 95-1-134a mi srun na/ /rigs bzhi ldan zhing rtag tu rgyu/ /gtor ma 'dod pa'i gdon chen yin/ /de las gzhan pa gang dag gis/ /rigs rnams ci 'dra bshad par gyis/ /nam gru bram zer shes par bya/ /bya ni rgyal rigs yin par bstan/ /skem byed rje'u rigs shes par bya/ /gzhon nu dmangs rigs shes par bya/ /gyen du lta ba gang yin dang / /skad cig skad cig 'khor bar byed/ /rims dang lud pa dbugs mi bde/ /de ni nam gru'i gdon yin no/ /mig phab pa ni gang yin dang / /so yang 'cha' bar byed pa dang / / rngam pa can dang rims btab gang / /de ni bya nyid yin par bstan/ /glo bur du ni ngu ba gang / /rims kyis btab cing rab tu rgyug/ /dngangs zhing dgod par byed pa dang / /de bzhin 'dar zhing glal bar byed/ /byis pa gang gis kha dag nas/ /dri nga ba ni 'byung ba dang / / lus la rma dang 'brum bu 'byung / /tsha zhing me yi mdog dang 'dra/ /mtshan mo dus mtshams ldang bar 'gyur/ /dus mtshams dag tu bab pa na/ /'khru zhing rims 'debs skyug pa dang / /lus kyang sngon por gyur pa dang / /gang zhig lus ni rdeb par byed/ /rims kyis kyang ni 'tshe ba dang / /nu ma shin tu sos kyang 'debs/ /lan grangs mang du ngu zhing 'dar/ /mig kyang dmar por gyur pa dang / /mi dga' mchu yang mur bar byed/ /byis pa skem byed zin pa yin/ /lag pa dang ni rkang pa gcig /las byas pas ni tshigs kyang na/ /mig ni 'khor zhing lta bar byed/ /mig gcig kyang ni 'dzums par byed/ /rnag dang khrag gi dri yang mnam/ /smin ma ya gcig 'degs par byed/ /skem byed brjed byed gdon rnams kyi/ /mtshan ma dag tu bstan pa yin/ /gzhon nu'i gdon la gtor ma bya/ /legs par khrus byas gtsang mas sgrims/ /dbyig rnams dang ni gser rnams dang / /gos kyang de la sbyin par bya/ /snum khur bkra shis 'bras yos dang / /'bras chan dang ni zan dron dang / /sha btsos dang ni rjen pa dang / /chang dang til 95-1-134b zan rnams dang ni/ /til dang 'bras chan pu shel tsi/ /'bras kyi 'o thug yungs kar ldan/ /ba lang gi ni chu ka 'am/ /shing skam ma mo'i gnas dag tu/ /gtor ma me mar bcas pa 'di/ /srod la yang ni sbyin par bya/ /gtor ma'i las ni 'di nyid kyis/ /gdon de myur du gtong bar 'gyur/ /ci ste des kyang ma btang na/ /gang gis gdon de gtong ba yi/ /thabs gzhan dag ni sbyar bar bya/ /bu tshang rdo dang ram nye ba/ /gser phrom dang ni skyer ba yung / /ka pid ta yi khu ba dang / /pa la sha yi lo ma dang / /sbrang rtsi ran tsam gzhug par bya/ /seng ldeng snying po tsha ba gsum/ /btsod dang shing mngar thams cad dang / /de dag cha ni mnyam byas la/ /ra gcin dang ni btag par bya/ /mar ni phul bzhi gzhug par bya/ /ba gcin yang ni bzhi 'gyur blugs/ /go phye'i lo ma dag dang ni/ /bar ba ra ka rul pa dang / /til rul nas kyi lo ma yin/ /blugs pa'i sman ni bya ba yin/ /mar ni phul tag phyed kyis kyang / /gong bu'i sman mchog gtso bor bya/ /dus mtshams gnyis su mkhas pa yis/ /de ni khrus kyang byed du gzhug /gzhon nu'i gdon ni thams cad las/ /gso ba'i thabs ni dam pa yin/ /kun nas gso ba'i thabs yod de/ /thams cad kyang ni 'tsho ba yod/ /cho ga 'di dag gis kyang ni/ /gdon de rab tu 'bros par 'gyur/ /ci ste des kyang ma btang na/ /gang gis gdon de gtong 'gyur pa'i/ /thabs gzhan 'di ni sbyor bar bya/ /dga' byed gdong gis khrus bya zhing / /gtor ma yang ni de la sbyin/ /yang na rig pa mchog gis bya/ /des na gdon de gtong bar 'gyur/ /gzhon nu'i gdon gyi skabs rdzogs so// // sngar bshad pa ni gang yin pa'i/ /gnod sbyin gdon yang shes par bya/ /gtum zhing gzu lums che ba ste/ /'jig rten dag la'ang 'tshe bar byed/ /ngo gnyis tshes ni bcu gsum dang / /yar gyi tshes lnga dag la rgyu/ /skyed mos tshal dang lha gnas su/ /gtsang 95-1-135a zhing spyod pa gtsang ba dang / /mi rnams gzugs ni bzang ba dang / /rgyan pos rtse la rab chags dang / /bzhi mdor gang du rtse ba na/ /bram ze rgyal rigs rtag tu 'dzin/ /gnod sbyin gdon gyis zin gyur pa/ /de yi mtshan ma shes par bya/ / dri dang me tog phreng la dga'/ /zas dang skom la'ang de bzhin dga'/ /khro ba med cing mi du la/ /yang dang yang du zas kyang za/ /dbang yang che zhing nor mang la/ /de bzhin rtag tu sbyin la dga'/ /rtag tu shin tu gtsang sbrar ldan/ /de ni gso ba'i thabs kyang bshad/ /zas kun dang ni dri kun dang / /de bzhin me tog thams cad dang / /shing tog kun dang sbyar thug dang / /de bzhin 'bras kyi 'o thug dang / /sha btsos dang ni rjen pa dang / /til zan dang ni 'byung po'i zas/ /gdugs ser dang ni mchod phyir thogs/ / de bzhin skud pa ser po dang / /dbyig rnams dang ni gser dag dang / /rin chen rnam pa sna tshogs rnams/ /tshul bzhin du ni sbyin par bya/ /gtor ma de dag bsogs nas kyang / /byang phyogs su ni sbyin par bya/ /gtor ma'i las ni 'di nyid kyis/ /gdon des myur du gtong bar 'gyur/ /ci ste des kyang ma btang na/ /gang gis gdon de gtong 'gyur ba'i/ /thabs gzhan 'di ni sbyar bar bya/ /gro rnams dang ni nas rnams dang / /mon sran gre'u dang rgya sran dang / /'bras bu gsum dang tshab gsum/ /de bzhin yungs kar pri yang+ku/ /shu dag dang ni shing kun dang / /de bzhin rtsa ba lnga pa gnyis/ /til rnams sgog skya ldan par gzhug /mar ni phul bzhi nang du btso/ /'o ma phul bzhi sbrang rtsi bzhi/ /ba gcin phul bzhi blug par bya/ /ba lang ko ba bsregs pa yi/ / phye ma phul bzhi gzhug par bya/ /me ni chung dus dal nas btso/ /de nas de la blud par bya/ /de bzhin du ni snar yang blugs/ /mig bskus lus byugs 'jigs pa dang / /snar blugs 'jigs pas gzir bar gyur/ /cho ga 'di dag gis kyang ni/ /gdon de 95-1-135b rab tu 'bros par 'gyur/ /ci ste des kyang ma btang na/ /gang gis gdon de gtong 'gyur ba'i/ /thabs gzhan 'di yang sbyar bar bya/ /dkyil 'khor bris te der bcug la/ /sbyir sreg gi las mi bzad pas me'i nang du rig pa mchog gis gzhom par bya'o/ / yang na rdo rje nag mos gzhom par bya ste/ /des ni gdon 'bros par 'gyur ro/ /gnod sbyin gyi gdon gyi skabs rdzogs so// //de las gzhan yang gdon rnams kyi/ /mtshan ma'i bye brag bshad par bya/ /gdon rnams dag ni thams cad la/ /rigs bzhi dag ni yod par bshad/ /de dag kyang ni ming gcig dang / /mtshan ma gcig pu 'khrul bar byed/ /gdon rnams gang dag gang du 'dzin/ /de yang bdag gis bshad par bya/ /lha dang 'byung po gnod sbyin dang / /de bzhin dri za tshangs pa'i srin/ /gdon rnams lnga por shes pa ni/ /bram ze rgyal rigs spyod par bshad/ /klu yi gdon du shes pa dang / /srin po yi ni gdon nyid dang / /gdon de gnyis su shes pa ni/ /rje'u rigs dmangs rigs 'tshe ba yin/ /lha min gdon ni rgyal rigs kyis/ /lhag ma'i rigs rnams 'tshe ba yin/ /sha za'i gdon ni dmangs rigs kyis/ /lhag ma'i rigs rnams 'tshe ba yin/ /smyo byed dang ni log 'dren dang / /byis pa'i gdon ni gang yin pa/ /gdon rnams 'di gsum shes pa ni/ /rigs bzhi dag la spyod par bshad/ / gdon gang rigs mthun gang la spyod/ /de ni gso bar sla ba yin/ /ci ste gdon gang 'ga' btsal zhing / /gzhan la ston par 'gyur na ni/ /lag na rdo rjes bshad pa bzhin/ /de la gson du re ba'am med/ /nyi ma nub mo snang mi byed/ /zla ba nyin mo snang mi byed/ / bstan pa de yi tshul gyis na/ /gdon ni rang gi rigs la spyod/ /gdon rnams bcwa brgyad gang yin pa/ /thams cad dus tshigs rnams su rgyu/ /lo grangs bcu gnyis tshun chad kyi/ /gdon rnams gso ba'i thabs bshad de/ /de las 'das pa'i gdon rnams kyis/ / 95-1-136a gso ba'i thabs ni yong med do/ /mtshan gcig gnas dang chu yi nang / /me 'gram dang ni khron pa'i drung / /de bzhin ma mo rnams kyi gnas/ /ba lang dbus dang rta zhon dang / /glang chen zhon dang g.yul du pham/ /ri bo dang ni dur khrod dang / /shing drung dang ni 'dreg mkhan khyim/ /gnas 'di dag ni thams cad du/ /gdon ni gang zhig 'jug 'gyur na/ /lag na rod rjes bshad pa bzhin/ /de la gson du re ba med/ /de las gzhan yang mi bzad gdon/ /gso ba'i thabs kyang bshad par bya/ /grib gnon gdon ni gnyis yod de/ /mthong ba tsam gyi 'brang bar bshad/ /de yi mtshan ma'ang nga las nyon/ /grib gnon gdon gnyis gang yin de/ /thams cad du ni 'jug par byed/ /gdon rnams dang ni thams cad kyang / /grib gnon gyis ni nye bar mtshon/ /so+o gan+d+hi dang ut+pal gyi/ /mtshan ma rnams kyang nga las nyon/ /de las so+o gan+d+hi ka ni/ /gzu lums che zhing drag pa ste/ /tshes grangs nyin zhag nges pa med/ /shing drung dang ni skyed mos tshal/ /lam gyi bzhi mdor 'jug par byed/ /gdon de khus 'debs ngu ba dang / /lus rnams kyang ni 'joms par byed/ /nyin mo thun gcig 'das pa na/ /gsod par yag ni byed pa ste/ /so+o gan+d+hi kas zin 'gyur ba/ /de yi mtshan ma de dag yin/ /bdud rtsi thab sbyor ram/ /dga' byed gdong gis chul bsngags te khrus byed du bcug la bdug pas bdugs na gtong bar 'gyur ro/ /ut+pa la yang nga las nyon/ /ngu zhing dgod par byed pa dang / /so rnams kyang ni gtsigs par byed/ /nu ma yang ni mi shes de/ /dus tshigs med par rgyu bar byed/ /ut+pal las ni zin gyur ba/ /de yi mtshan ma de dag yin/ /gang gis gdon de gtong 'gyur ba'i/ /gtor ma yang ni de la sbyin/ /'bras kyi 'o thug sbyar thug dang / /lag pan 'bras chan bu ram chan/ /sha btsos pa dang rjen pa dang / /chang dang til gyi zan dag dang / /'bras chan sha dang sbyar ba sbyin/ /til dag dang ni de bzhin dbyig /chang dang sbyar 95-1-136b ba'i chang sbyin zhing / /lam gyi bzhi mdor gtor ma sbyin/ /gtor ma las ni 'di nyid kyis/ /gdon de myur du gtong bar 'gyur/ /ci ste des kyang ma btang na/ /gang gis gdon de gtong 'gyur ba'i/ /thabs gzhan 'di ni sbyar bar bya/ /yungs kar shu dag gshing kun dang / /pi pi ling dang na le sham/ /'bras bu gsum ni cha mnyam dang / /gi ri kar ni dkar po dang / /Ru rta dang ni bri yang+ku/ /de bzhin bca' sga dag dang ni/ /thang shing dang ni pu shel tsi/ /nag ta ma la'i 'bras bu dang / /tshogs rnams 'di dag bsogs nas ni/ /ba gcin dag dang btag par bya/ /mar gyi nang du btso bya zhing / /ba gcin bzhi 'gyur blug par bya/ /mig kyang bsku zhing snar yang blugs/ /btung bar bya zhing lus kyang byug /'di ni gdon rnams thams cad kyi/ /sman rnams kyi ni dam pa yin/ /gang na sbyar sman 'di gnas pa/ /de ni ki ta lu ta dang / /byis pa yang ni de bzhin te/ /de dag gis ni 'jigs pa med/ /cho ga 'di dag gis kyang ni/ /gdon de rab tu 'bros par 'gyur/ /ci ste des kyang ma btang na/ /gang gis gdon de gtong 'gyur ba'i/ / thabs gzhan 'di ni sbyar bar bya/ /bdud rtsi thab sbyor ram/ /dga' byed gdong ngam/ /gos dkar can gyi dkyil 'khor du bzhag na gdon thams cad ma rungs par 'gyur ro/ /so+o gan+d+hi dang ut+pal gnyis ka yang las gcig yin par shes par bya'o/ /de nas byang chub sems dpa' bdud rtsi thab sbyor gyis bcom ldan 'das lag na rdo rje la dris pa/ /ma rungs gdon las gso ba'i thabs/ /bcom ldan shes par bgyi bar 'tshal/ /gang la shing bu bab pa dang / /gang dag dkyil 'khor spong ba dang / /gos shing zhen pa gyur pa dang / / phyir yang ldog byed gang yin dang / /nams kyang gtong bar mi byed la/ /gsang sngags dang ni rtsi sman dang / /sbyin sreg las kyis gzhig pa ni/ /gdon rnams gzhig pa'i dam pa ste/ /mar btung ba yi cho ga dang / /cho ga ci 'dra gtor ma'i las/ /gsang ba 95-1-137a yi ni the tshom dang / /gang gis gnod sbyin gtong 'gyur dang / /bsreg pa dang ni bcad pa dang / /bsad cing rus pa gzhom pa dang / /de dag cho ga rab bshad pa/ /de ni stobs chen bdag la gsungs/ /de ltar blo can che ba nyid/ /bdud rtsi thab sbyor gyis dris nas/ /lag na rdo rje skal chen gyis/ /'di skad ces ni tshig kyang smras/ /bdud rtsi thab sbyor khyod kyis su/ /nga la gang dris bshad par bya/ /lha rnams 'khod pa'i nang du nyon/ /ma rungs pa yi gdon nyid ni/ /g.yo dang mi g.yo zhes bya ba/ /sems can kun la 'tshe ba yod/ /sbyin sreg las ni du mas kyang / /g.yo dang mi g.yo'i 'bros mi 'gyur/ /de yi mtshan ma ngas bshad kyis/ /go rims bzhin du lha rnams nyon/ /dris pa yi ni don rnams kyang / /rab tu yang ni smra bar byed/ /ngu bar byed cing rab tu khro/ / de ni ma rungs mtshan mar shes/ /'dus shing 'tshogs pa'i nang dag tu/ /shin tu yongs su srung ba gang / /khang stong dag tu dga' bar byed/ /de ni ma rungs mtshan mar shes/ /gang gis rtag tu phyag 'tshal dang / /snyan par yang ni smra bar byed/ /stan dag kyang ni stobs par byed/ /de ni ma rungs mtshan mar shes/ /stan dag las ni stan dag la/ /ci ste 'pho zhing ldang bar byed/ /de ni ma rungs mtshan mar shes/ /nga ni lha yin khyab 'jug nga / /tshangs pa nga yin dbang phyug nga / /skye dgu'i bdag po nga yin zhes/ / de skad kyi ni tshig smra zhing / /gdon kun gyi ni tshul yang byed/ /gang gis gdon te gtor 'gyur ba/ /de yi gso ba'i thabs kyang bshad/ /a shwa gan+d+ha shu dag dang / /'bras bu gsum dang pu tse shel/ /kan+ta ka ri bri ha ti/ /ki ri kar ni dkar po dang / /nag ta ma la'i 'bras bu dang / /shi ri sha yi me tog dang / /de bzhin gso ma pa ta li/ /pa la sha yi lo ma dang / /bu tshang rdo dang ram nye ba/ /ba la a ti ba la dang / /bil ba arga gnyis kyi rtsa/ /de bzhin rtsa ba lnga pa gnyis/ /lo ni sum cu lon pa yi/ /mar ni 95-1-137b rnying ba gang yin pa'i/ /mar ni phul bzhi ldan par bya/ /'o ma phul bzhi sbrang rtsi bzhi/ /ba lang ko ba bsregs pa yi/ /phye ma phul pa zhi gzhug par bya/ /sgog skya brgya yang gzhug par bya/ /srang grangs sum cu'i a ru ra/ /tsha ba gsum yang de bzhin te/ /de bzhin 'bru mar blug par bya/ /shing kun yang ni srang gcig dang / /lhan cig phye ma zhib mor bya/ /gang tshe thams cad tshogs gyur nas/ /ba gcin phul bzhi blug par bya/ /de nas me ni chung ngus btso/ /rlung can dang ni mkhris pa can/ /bad kan can dang 'dus pa can/ / gdon gyi gzugs ni thams cad kyi/ /sman rnams kyang ni 'di yin te/ /cho ga dang ni 'di nyid kyis/ /gdon des myur du gtong bar 'gyur/ /ci ste des kyang ma btang na/ /gang gis gdon de gtong 'gyur ba'i/ /thabs gzhan 'di ni sbyar bar bya/ /lcags sgrog gis ni bcing bya zhing / /skra yi thag pas bcing bar bya/ bdug pa sna tshogs kyis kyang bdug /lus kyang bsku zhing byug par bya/ /de nas cho ga sbyar bya zhing / /dus las kyang ni bshol mi bya/ /dkyil 'khor yangs la bzhag nas ni/ /khor yug nas ni gzir bar bya/ / gdon gyis zin pa dbus bzhag ste/ /lcags thag gis ni gdags par bya/ /de ni brtan pos 'khor du gzhug /bdug pas legs par bdug bya zhing / /lan grangs brgyar ni tshang bar bya/ /de bzhin ko ba chu dron dang / /shing kun dang ni sgog skya dang / /bun pa dang ni bca' ba dang / /'di dag chu dang sbyar bya zhing / /chu yi nang du nub par bya/ /mis ni gdon zin ngal yang bso/ /de ltar nub par byas pa yi/ /cho ga 'di dag gis kyang ni/ /ci ste gdon des mi gtong na/ /las la mkhas pas rab bsgrims te/ /cho ga 'di ni sbyar bar bya/ /bdug pa sbyar ba 'di dag gis/ /myos pa nyid du bya ba ste/ /'dir ni dred spu sen mo dang / /de bzhin stag gi sen mo blang / /sha l+ya ka yi 'bras bu dang / /khyi dang dom gyi rtug pa dang / /ba lang byi ba'i pags pa dang / /ba tu na yi rtug pa dang / /rnga mo bong bu'i 95-1-138a rtug pa dang / /spu dang rta yi rmig pa dang / /de bzhin ba lang rwa dag dang / /spre'u'i rus pa sgog skya dang / /de bzhin du ni spen ma rnams/ /de dag cha ni mnyam byas la/ /chu dang lhan cig btag par bya/ /lag na rdo rje phyag byas la/ /bdug pa 'di ni sbyar byas te/ /yud tsam ngal yang bso bya zhing / /bdug pas yang dang yang du bdug /dung dang 'o ma shing kun dang / /de bzhin ku sha na sa dang / /a nan thal tres pu shel tse/ /ngal bso de la phan pa ste/ /snar yang blugs shing 'thung du gzhug/ /legs par yang ni blug par bya/ /phan par 'dod pas gdon zin gyi/ /lus la yang ni bsku bar bya/ /rgyam tsha dang ni bca' sga dang / /byi tang ka dang tsha ba gsum/ /ba bla dang ni ru rta rnams/ /cha mnyam par ni bsreg par bya/ /ra yi gcin dang btag bya ste/ / mig bskus nas ni gdon kun sel/ /snar blugs na yang gdon kun sel/ /nir gun da dang bye'u rug dang / /lung tang yungs kar pi pi ling / /de dag mi bzad gdon rnams kyis/ /zin pa la ni snar yang blugs/ /bkru sman yang ni gtang bya zhing / /sman gyis mig \u0f84 bskus lus kyang byug /de lta bu ni byas na yang / /ci ste gdon ni mi gtong na/ /gang gis gdon de gtong 'gyur ba'i/ /thabs gzhan 'di ni sbyar bar bya/ /sdong chen la ni gdags bya zhing / /sgren mor shin tu skrag par bya/ /thag pa sbom pos bcing bya zhing / /lus ni shin tu bsgrim par bya/ /khron pa nas ni bcus pa'i chu/ /rab tu yang ni gtong bar bya/ /gdon pa des ni rab zin nas/ /mi bzad pas ni lus kyang bsku/ /bdug pa sbyar ba'i lus rims kyis/ /gdon de myur du med par 'gyur/ /ngal bso ba yang bya ba ste/ / shu dag nim pa'i lo ma dang / /pa dag dang ni pu tse shel/ /ka pid ta yi lo ma dang / /sgog skya sbrul lpags rjes pas bsre/ /'di ni zhi bar byed par bshad/ /cho ga 'di dag gis kyang ni/ /gdon des ci ste mi gtong na/ /gang gis gdon de gtong 'gyur ba'i/ / 95-1-138b thabs gzhan 'di ni sbyar bar bya/ /'di la the tshom med par ni/ /mi bzad gsang sngags sbyar bar bya/ /rmugs byed lcags can so can dang / /mtshan sbyin bdud rtsi thab sbyor sogs/ /tshogs rnams so so'i las kyis gzhom/ /bcings nas karka ta ka yi/ / bdug pa mi bzad bdug bya ste/ /mgo dang lkog ma de bzhin dbus/ /phrag pa gnyis kyang nges par bdug /drag po'i las kyis drag po rnams/ /skrag par byas nas gtong bar 'gyur/ /yid ni 'byung bar byed pa yi/ /gsang sngags sbyar sman ldan de bzhin/ /yungs kar reg bdug drag po yis/ /blo ngan de ni skrag par bya/ /blo can rgyud la 'jigs med cing / /de nyid rtogs pas gtong du gzhug /cho ga 'di dag nyid kyis kyang / /ci ste gdon des mi gtong na/ /gdon rnams rab tu tshar gcod pa'i/ /thabs gzhan 'di ni sbyar bar bya/ /nges par yang ni khyad par du/ /gsang sngags kyi ni sbyor bar bya/ /lag na rdo rjes byas pa yis/ /gzhig pa'i thabs kyang rab tu bya/ /gtsang sbra bya zhing zhag lnga'i bar/ /gso sbyong dag ni ldan par bya/ /gtsang mas dur khrod gtsang ma'i dbus/ /dkyil 'khor yang ni bri bar bya/ /rdzas bzhi sbyar ba gang yin pa/ /de yang legs par bshad par bya/ /lung tang phreng yang de bzhin du/ /shing sha pa dang seng ldeng dang / /ba ru ra dang rgya sran dang / /ka ku b+ha dang ardzu na/ /thang shing yam sreg shing rnams bsdu/ /chu yi bum pa bzhi dag kyang / /khrag gis su ni gtor bar bya/ /sha btsos pa dang rjen pa dang / /til zan la phug sbrang rtsi dang / /mar rnying dag gi tshogs rnams dang / /yungs kar dag ni bre bzhi yi/ /tshogs rnams dang ni ba bla dang / /a ti pa la'ang de bzhin no/ / dri kun yang ni de bzhin te/ /sid+ha dang s+t+ra'i me tog dang / /sa ha de ba'ang gzhug par bya/ /gser dag dang ni dngul rnams dang / /'bru kun yang ni gzhug par bya/ /kha dog dag kyang ngan par bya/ /khrag gis kyang ni bsreg par bya/ /dri dang 'bras bu me tog 95-1-139a phreng / /tshon rtsi btags dang ma btags dang / /a ka ru ni mnyams spos/ /ta me ru dang gu gul mar/ /pi tsu ma rnga'i li ma dang / /de bzhin skud pa shus pa ste/ /mig sman gyi ni ril bu dang / /de bzhin snar yang blug par bya/ /lus la yang ni bsku bar bya/ /de nas khrus kyang bya ba ste/ /zhi ba'i las kyi cho gas kyang / /gdon rnams drag tu tshar gcod pa/ /dngos grub mchog 'dod gang yin pas/ /rab tu bsgrims te bya ba yin/ /'byung po'i bdag dang 'byung po yi/ /go cha de la bshad par bya/ / dkyil 'khor phun sum tshogs pa der/ /sa bon thams cad bkod pa yi/ /dkyil 'khor shes rab can gyis bris/ /'byung po'i bdag po chung mar byas/ /mkhas pa yis ni gzhag par bya/ /so can dang ni lcags can dang / /de bzhin rmugs byed rdzogs ldan rnams/ /de dag phyogs rnams gzhag par bya/ /kun nas lag na bdug pa thogs/ /lho phyogs kyi ni ngos su yang / /dga' byed grong khyer 'od dang bcas/ /dam pa brgyad po gang bshad bris/ /kho ra khor yug dag nas kyang / /yam sreg shing ni dgram par bya/ /nang du bkod pa de dag kyang / /bsam par bya zhing shes par bya/ /ngos rnams bkra shis 'bar ba dang / /ma rungs gdon ni mkhas pas bri/ /nges par yang ni mchod byas nas/ /me tog phreng dang dris rgyas pas/ /lag na rdo rjes legs bshad pa'i/ /las rnams kyang ni sbyar bya zhing / /rgyud mthong ba yi las kyis ni/ /ma rungs gdon rnams dgug par bya/ /dkyil 'khor 'di ni 'byung rnams kyi/ /'byung po'i rigs ni brlag par 'gyur/ /drag po chen po mi bzad pa/ /chos lugs mi bzad gang yin pa/ /de dag nga yi dkyil 'khor gzhug /drag po g.yo dang mi g.yo ba/ /drag tu 'khrul cing sems can rnams/ /nga yi dkyil 'khor nang du gzhug /de mthong sems can 'chi bar 'gyur/ /gdon rnams kyi ni dkyil 'khor du/ /'thab pa drag pa der gzhug cing / /shin 95-1-139b tu tshar yang gcad par bya/ /rig pa'i mchog gam spyan gyis ni/ /'jig rten dkyil 'khor bri bar bya/ /gdon gyi dkyil 'khor rdzogs so// //de nas gdon skrag pa'i mtshan ma rnams dang / med par 'gyur ba'i mtshan ma rnams blta bar bya ste/ 'di ni btang bar ma gyur cing / /skrag pa'i mtshan mar shes par bya/ /lus kun yang ni 'dar ba dang / /mgo bo yang ni 'dar bar byed/ /dbugs kyi shugs kyang 'byin par byed/ /de ni skrag pa'i mtshan mar shes/ /shin tu dgod par byed pa dang / /yang dang yang du khro bar byed/ /tshig kyang shin tu 'dzin par byed/ /de ni skrag pa'i mtshan mar shes/ /mthong na yang ni zhi bar 'gyur/ /zhi ba'i tshul gyis blta ba dang / /bdug pa yang ni snom par byed/ /hU~M zhes bya bas sdod par 'gyur/ /de ni skrag pa'i mtshan mar shes/ / ngal zhing rims nad 'debs gyur pa/ /de ni med pa'i mtshan mar shes/ /smras pas rtogs pa gang yin dang / /thams cad myur du 'dzin pa dang / /yang na shin tu 'dar bar 'gyur/ /de ni med pa'i mtshan mar shes/ /gang zhig mthong na rang dbang dang / /slar ni rang dgar 'gyur ba dang / /mi yi tshul ni spyod gyur pa/ /de ni med pa'i mtshan mar shes/ /'jigs bzhin 'dren pa gang yin dang / /zhi ba'i tshul gyis blta ba dang / /mi ni ngo mtshar ldan gyur pa/ /de ni med pa'i mtshan mar shes/ /de bzhin 'dun gyis mi phyogs la/ /dris na yang ni smra mi byed/ /rims nad byang zhing rmongs med pa/ /de ni med pa'i mtshan mar shes/ /khyod kyis nga la gang dris pa/ /de kun khyod la bshad par bya/ /bcom ldan ji ltar gdon 'bros dang / /mi ni 'bros tshul ci 'dra dang / /gnas pa'i tshul ni ci 'dra dang / /bya ba bsgrub par ji ltar 'gyur/ /ji ltar mi 'joms mnyan par 'tshal/ /lag na rdo rje stobs chen gyis/ /de yi tshig de thos gyur nas/ /bdud rtsi thab sbyor khyod kyis su/ /nga la dris pa gang yin pa/ /gdon rnams nyan par 'gyur pa yi/ / 95-1-140a las de so sor ci rigs nyon/ /dkyil 'khor dag ni bzhi mdo dang / /de bzhin khyim dang ba lang lhas/ /dur khrod dang ni shing gcig drung / /de ni mkhas shing 'jigs med pas/ /gdon de gtong du gzhug par bya/ /thog mar cho gar bya ba ni/ / zhag gsum yang na zhag lnga'am/ /zhag bdun bar du cung zad bsten/ /yang na zla ba phyed kyi bar/ /de bzhin zhag ni nyi shu gcig/ /rig sngags stobs ni che ba dang / /bdag nyid rig sngags gsang ba yi/ /rig sngags de bzhin shes nas ni/ /ci nas de ni dbang 'gyur zhing / /nyan du yang ni gzhug par bya/ /phye ma red kyi ni dus mtshams su/ /bab na bdud rtsi thab sbyor gyis/ /'byung po rnams kyi dkyil 'khor ni/ /khru gsum gru bzhi mdzes pa bri/ /des ni the tshom med par yang / /gsang ba bdag ni nyan par 'gyur/ /bdag nyid 'byor bar gang 'dod pas/ /gsang ba yang ni 'dis bya zhing / /gsang sngags 'di yis 'byung po rnams/ /nyan par 'gyur ba zhes bya ba/ /'di ni mkhas pas byed du gzhug /lo ni bcu gnyis dag tu yang / /ma bsnyen pa la sbyin mi bya/ /stong snyed ma byin sbyin mi bya/ / sdig pa'i tshul can sbyin mi bya/ /gang gis gdon ni nyan par 'gyur/ /gang gis gsang sngags dbang 'gyur ba/ /phyag rgya'i cho ga nges pa yis/ /gsang sngags dkyil 'khor 'di yang bshad/ /phyag rgya tshogs dang bcas btang zhing / /gsang ba'i phyag rgyas btang byas nas/ /brtags nas rtag tu 'dzin par byed/ /gsod pa byas pa'i phyag rgya yi/ /dkyil 'khor mchog tu gsang ba 'di/ /gsang ba pa rnams gzhig pa dang / /cho ga bsgrub phyir bshad par bya/ /de nas bcom ldan 'das lag na rdo rje rnal 'byor dam pa la gnas nas gdon nyan par 'gyur ba'i phyag rgya'i dkyil 'khor 'di bshad de/ khru gsum pa tshon sna lnga'i phye mas dbus su bcom ldan 'das lag na rdo rje bri'o/ /de nas phyag rgya dgod par bya ste/ shar phyogs kyi sgo logs su ni rgyal ba zhes bya ba'i phyag rgya dang / rnam par rgyal ba dang / rdo rje mtshan ma 95-1-140b dang / rdo rje'i mtshan rtags rnams dgod do/ /lho phyogs su ni bkra shis dang / shin tu bkra shis dang / klu lag dang / pad+ma'i mtshan rnams dgod do/ /byang phyogs su ni 'tshe ba dang / pad+ma'i phreng ba dang / g.yung drung ris dang / mdung rtse gsum pa dgod do/ / nub phyogs su ni mdung thung dang / rdo rje dang / zhags pa dang / ral gri rnams dgod do/ /gdon gyi dbyug pa yang g.yon logs su bzhag go/ /'khor lo ni g.yas phyogs su bzhag go/ /de nas rig sngags 'chang gis lha bshos rnam pa sna tshogs dbul zhing dri dang / me tog rnams kyang 'bul lo/ /rigs sngags kyang lan brgyad stong bzlas brjod bya'o/ /gdon gyis zin pa yang bum pa'i chus khrus byed du gzhug go/ /de nas gdon gyis gtong bar 'gyur ba'i rig sngags bklag par bya'o/ /des na gdon gyis rig sngags 'chang ji skad zer ba bzhin byed par 'gyur te/ song shig song shig ces byas na 'gro bar 'gyur ro/ /de nas gdon bkol bar 'dod na gdon gang dang gang du dgos pa de thams cad byed par 'gyur ro/ /lha rnams gsang ba dang / gsang chen dang / gdon nyan par 'gyur ba'i phyag rgya'i tshogs kyis phyag rgya'i dkyil 'khor thams cad ngas pa shad zin to/ /phyag rgya rnams kyi cung zad dpe tsam du bya ba de ngas bshad par bya ste/ rig pa mchog gi cho ga rgyas pa chen po'i rgyud phyi ma dang bcas pa/ phyag rgya rnams kyis btab pa 'di 'chang ba gang yin pa dang / klog pa dang / phyag 'tshal ba gang yin pa de la'ang lha rnams yid dga' bar 'gyur na bcom ldan 'das rig sngags kyi rgyal po spyan dang bcas pa 'di 'chang ba'am/ phyag 'tshal blta ci smos te/ de'i mdun du gdon thams cad snying 'dar zhing myur du 'khod par 'gyur ro/ /bcom ldan 'das rig pa mchog gi cho ga rgyas pa chen po bcom ldan 'das ma spyan dang bcas pa gang yin pa ngas bshad zin to/ /snying po'i rgyal po'i las gang gis cho ga rgyas pa thams cad 'grub par 'gyur ba'am/ 'joms par byed pa yang ngas 95-1-141a bshad par bya ste/ snying po'i rgyal po bcom ldan 'das ma dang bcas pa/ rgyud phyi ma dang ldan pa la gnas pa dang / 'chang ba gang yin pa de la ni lag na rdo rjes bshad pa bzhin du ring po mi thogs par dngos grub 'grub par 'gyur ro/ /gang gis dngos grub 'grub par 'gyur ba de yang bshad par bya ste/ tshes grangs 'dam mi dgos/ smyung ba yang bya mi dgos par ba lang gi lci bas dkyil 'khor skyong nul gyis byugs la/ der tsan+dan dmar po las byas pa'i rdo rje bzhag nas de'i mdun du mi'i gzugs byas te snying po'i rgyal po bzlas brjod byed cing ba ka la'i me tog gis bsnun na cho ga rgyas pa'i gdon bcom par 'gyur ro/ /cho ga de nyid kyis sna ma'i me tog gis bsnun na cho ga rgyas pa 'grub par 'gyur te dam pa sbyin par 'gyur ro/ /zla ba gcig gi bar du slong mo'i zas sam/ /'o ma dang phye ma'i 'dag gu za zhing mchod rten drung du song la snying po'i rgyal po bzlas brjod byas na gang bsgrub pa de la 'bras bu yod par 'gyur ro/ /de nas rig sngags 'chang gis mar gyi ngo zhag bcu bzhi la zhag gcig smyung ba byas te/ gos gtsang ma bgos nas mchod rten gyi khung bur song la dri dang / me tog dang / bdug pas brgyan nas ku sha'i stan gnyis bzhag ste/ rig sngags 'chang shar phyogs su kha blta zhing rig sngags 'chang gcig nub phyogs su kha bltas te 'dug la de nas rig sngags 'chang gi lag pas rig sngags 'chang gi lag pa bzung nas/rig sngags kyi rgyal po lan brgyad stong bzlas brjod bya'o/ /de nas 'phags pa lag pa sbyar ba'i nang nas 'od zer 'byung bar 'gyur ro/ /'od zer de yang rnam pa gnyis su 'gyur te/ rig sngags 'chang la g.yas phyogs su bskor nas mi snang bar gyur pa dang / rig sngags 'chang gi mgo bo la gtsug gi nor bur 'gyur te/ de mgo la 'dug pas rig sngags 'chang gi 'khor los sgyur bar gyur te/ rig sngags 'chang thams cad kyis mi sod la 'dod dgur sgyur ba'i gzugs can du 'gyur zhing bskal par gnas 95-1-141b pa dang / sred med kyi bu'i stobs phyed dang ldan par 'gyur te/ de gnyis ka yang sred med kyi bu'i stobs phyed dang ldan par 'gyur zhing dpag tshad nyis stong du gyen du 'phags par 'gyur ro/ /zla ba phyed kyi bar du zas su 'o ma dang phye ma'i 'dag gu la rig sngags bzlas brjod byas la de nas mar gyi ngo zhag bcu bzhi la lha chen po'i gnas su song ste/ rig sngags lan brgyad stong bzlas brjod bya'o/ /de nas rig sngags 'chang zla ba nya la n+ya gro d+ha'i shing gcig 'greng gi drung du song la de'i drung du khru lnga tsam byi dor byas nas pho'i ming dang ldan pa'i shing las mdung byas te/ dri dang / me tog dang bdug pos brgyan la/ bcom ldan 'das ma dang rig sngags kyi rgyal pos las byas te/ de nas rig sngags 'chang de n+ya gro d+ha'i shing la 'dzegs la/ rig sngags lan brgyad stong bzlas brjod byas te/ bzlas brjod byed bzhin du mdung gi steng du bdag nyid mchongs nas des reg ma thag tu lcang lo 'khyil zhing lo bcu drug lon pa'i gzugs can du 'gyur te/ rig sngags 'chang thams cad kyis mi sod la/ tshe lo khri nyis stong thub par 'gyur te/ lus zhig pa'i tshe yang 'phags pa lag na rdo rje mthong bar 'gyur ro/ /yum dang snying po'i rgyal po 'chang ba gang yin pa de la ni lha rnams yid dga' bas dngos grub sbyin par 'gyur ro/ /cho ga rgyas pa rgyud phyi ma dang bcas pa 'di 'chang ba'am/ klog pa gang yin pa de dag la ni lha thams cad srung ba dang / skyob pa dang / sbed par 'gyur te/ sdig pa thams cad las kyang grol bar 'gyur ro/ /snying po'i rgyal po 'chang ba gang yin pas ni lag na rdo rjes bshad pa bzhin du ring po mi thogs par dngos grub thob par 'gyur ro/ /gdon thams cad kyang 'di nyid kyis dbang du bya'o/ /gdon 'khrugs par bya 'dod na na le sham blangs la ka na ka'i 'bras bu'i nang du btsos nas na le sham des gdon la bdugs na smyo bar 'gyur ro/ /gu gul gyi bdug pa'am gtor mas gtong bar 'gyur ro/ /mig 'khrul bar bya bar 'dod na ba bla blangs te rtsangs pa zar bcug ste/ ba bla rtsangs pa'i kha nas byung ba 95-1-142a blangs nas mig sngar bstan na mig 'khrul bar 'gyur te/ /mar dang sbrang rtsis bskus na slar 'tsho bar 'gyur ro/ /gdon gyi klad pa na bar bya na ba la ta ka'i 'bras bu blangs la phye mar btags te me tog dang lhan cig tu snom du bcug na bsnams ma thag tu klad pa'i nad kyis 'debs par 'gyur ro/ /gu gul gyi bdug pa'am gtor mas gtong bar 'gyur ro/ /de nas gdon mkhris pa'i rims kyis 'debs par 'dod na a ga ni ma sdu ba gcin bgos la/ bgos nas phye ma zhib mor btags te me tog dang lhan cig tu snom du bcug na bsnams ma thag tu mkhris pa'i rims gyis 'debs par 'gyur te/ gu gul gyi bdug pa dang / gtor mas gtong bar 'gyur ro/ /pri ti pi pi ta dang / tsan+dan dmar po dang / mi'i thod pa lhan cig tu sbyar te 'thung du bcug na gdon myos par 'gyur te/ mar dang / sbrang rtsi'am gtor mas gtong bar 'gyur ro/ /tu ma pa'i rtsa ba dang / ka sha ta ki dang / ka na ka'i 'bras bu lhan cig tu btags te blud na yang myos par 'gyur ro/ /bu ram dang rtsa bas sam gtor mas gtong bar 'gyur ro/ /gdon ni cho gas gtong bar 'gyur ba'i bdug pa bshad par bya ste/ gzhon nu la ni lhag par yang / /rma bya'i sgro dang d+ha ta ki/ /gser phrom lug ru ba lang rwa/ /de bzhin ma hA sa gan+d+ha/ /sbrul lpags rjen pa dag dang ni/ /rgya skyegs byi la'i pags pa dang / /mon sran sde'u ma ru'i rtsa ba dang / /na le sham dkar 'bru bzhi dang / /ras bal tshi gu bil ba'i rtsa/ /thang shing tsan+dan dmar por bcas/ /the tshom med par gnod sbyin mo/ /bdug pa 'di dag sbyin bya zhing / /byis pa rnams la phan 'dogs pas/ /bdug pa 'di ni sbyar bar bya/ /gdon rnams kyi ni ngo lon dang / / gtong bar byed pa dang / /'khrul bar byed pa de ngas bshad zin to/ /sems can rnams la phan gdags pa'i phyir rig sngags kyis gdon rnams bcad pa dang / gzhom pa dang / phyir bslang bar bya ba ngas bstan pa de yang bshad par bya'o/ /na mo badzra pA Ni s+ya 95-1-142b hu ru hu ru pa hu me/ ut+tiSh+Tha/ i me swA hA/ phyir bslang ba ni chus bya'o/ /lha rnams gdon rnams kyi mtshan ma dang / gso ba'i thabs ngas bshad zin to/ /rig pa mchog gi cho ga rgyas pa ma lus pa'i dbang du byas te/ las byed pa gang yin pa'am yang na bcom ldan 'das rig sngags kyi rgyal po spyan dang bcas par 'chang ba gang yin pa des kyang gdon rnams ma rung bar bya ba dang bsad par nus so/ /gang zhig bzod ldan khro thul ba/ /tshangs par spyod cing dbang po thul/ /gtsang zhing spyod pa gtsang ba dang / /byang chub tu ni nges byas dang / /rig pa mchog gi de nyid rtogs/ /cho ga'i lha rnams mchod byed pa/ /de 'drar spyod pa mkhas pa yis/ /gsang ba pa rnams gzhig par bya/ /gdon thams cad kyi ngo lon rdzogs so// //de nas sa'i lha mos lag na rdo rje'i zhabs gnyis la gtugs nas lag na rdo rje la 'di skad ces smras so/ /bcom ldan 'das cho ga rgyas pa legs par gsungs so/ /bdag gis kyang rig sngags 'chang rnams kyi don gyi phyir bcom ldan 'das rig sngags 'chang gis rig sngags ni ji ltar bsgrub par bgyi/ ji ltar ni 'jug par bgyi/ nor bsgrub pa'i las kyi dus ni gang / drag shul bya ba'am/ zhi ba'am/ rgyas pa'i las kyi dus ni gang / rig sngags ni gang du bsgrub par bgyi/ de nas bcom ldan 'das lag na rdo rjes sa'i lha mo la 'di skad ces smras so/ /sa'i lha mo khyod sems can thams cad la phan pa'i phyir zhugs te/ nga la dris pa gang yin pa de legs so legs so/ /sems can rnams kyi don gyi phyir lha mo khyod la bshad par bya ste/ rig sngags 'chang rig sngags bsgrub pa zla ba phyed dam/ zhag nyi shu'i bar du rig sngags bsten par bya ste/ de yang dor bar bya'o/ /gsum pa ni ro smad dkris nas lha'i thad du 'gro bar bya'o/ /rig sngags 'chang rig sngags gang de nyid kyis chu la sngags te khrus bya zhing / khrus byed pa'i tshe su la yang smra bar mi bya ste/ rig sngags la phyag byas nas khrus bya'o/ / 95-1-143a rig sngags bsgrub pa na skyil mo krung brtan por 'dug par bya ste/ rgyas pa'am rig sngags bsgrub pa la ni skyil mo krung gis 'dug par bya'o/ /drag shul la ni rkang pas rkang pa mnan te 'dug par bya'o/ /rgyas pa'i las dang nor bsgrub pa dang / bsgrub pa chen po rnams la ni nang par las bya ste/ de'i tshe lha thams cad mngon du phyogs par 'gyur bas na de'i phyir las 'grub par 'gyur ro/ /drag shul gyi las rnams la ni nyi ma gung ngam nam phyed na las bya ste/ de'i tshe yi dgas thams cad mngon du phyogs par 'gyur bas na de phyir de dag ma rung bar byed pa la 'jug par 'gyur ro/ /zhi ba dang rig sngags bsgrub pa ni srod kyi dus su bya ste/ de'i tshe gnas gtsang ma'i rigs kyi lha rnams rig sngags 'chang la lta bar byed pas na de'i phyir de la zhi ba 'grub par 'gyur ro/ /nub mo yang cho ga 'di bzhin du las bya'o/ /lha mo gzhan yang bshad par bya ste/ rig sngags gang gi sbyin sreg nub mo bya bar bshad pa de'i sbyin sreg ni nub mo bya ste/ bzlas pa nyid ni nyin mo bya'o/ /lha mo gang gi sbyin sreg nyin par bya ba de'i bzlas brjod ni nub mo bya'o/ /lha mo cho ga des na rig sngags thams cad bde blag tu 'grub par 'gyur ro/ /de nas sa'i lha mo de mgu zhing rab tu dga' nas/ rig pa mchog gi cho ga rgyas pa mngon par 'phel bar bya ba'i phyir lag na rdo rje'i zhabs la phyag bya ba'i gsang sngags smras pa/ na mo badzra pA Ni s+ya/ /bal gu bal gu hu lu hu lu/ taM gi ni swA hA/ /de nas sa'i lha mo des lag na rdo rje la 'di skad ces smras so/ /bcom ldan 'das rig sngags kyi las rnams shod cig shod cig /de nas bcom ldan 'das lag na rdo rjes rig sngags kyi las rnams bshad pa/ rig sngags bsgrub pa na rig sngags 'chang gis zla ba phyed kyi bar du zas su 'o ma dang 'dag gu za zhing rig sngags bzlas brjod bya'o/ /de nas yar gyi ngo tshes brgyad la tsan+dan dkar po las sa'i lha mo'i gzugs byas la/ tsan+dan dmar po las lag na rdo rje'i gzugs byas te/ dkyil 'khor skyong nul gyis 95-1-143b byugs nas dkyil 'khor gyi dbus su lag na rdo rje'i gzugs bzhag la/ dbus der sa'i lha mo yang bzhag ste/ lag na rdo rje dang sa'i lha mo la mchod pa byas la lha bshos rgyas par phul nas lag na rdo rje'i drung du ni ba dan dmar po gzhag go/ /sa'i lha mo'i drung du ni ba dan dkar po gzhag go/ /phyogs bzhir yang gos dmar po gyon pa'i mi rnams gzhag go/ /rig sngags 'chang gis kyang gos dmar po bgos la nges par gnas par bya ste/ rig sngags bsgrub pa bya'o/ /de nas nyi ma'i 'od las byung ba'i mes bil ba'i shing sbyar te/ bil ba'i me tog zho dang / sbrang rtsi dang / mar gyi nang du smyugs pa brgyad stong sbyin sreg byas na sa'i lha mo 'gul bar 'gyur ro/ /de nas rig sngags 'chang gis sa'i lha mo de lag na rdo rje'i zhabs kyi drung du gzhag go/ /de nas rig sngags 'chang gis lag na rdo rje la tsan+d+ran dmar po'i mchod yon phul ba la tsi ra kan+da ka'i phye ma yungs mar dang sbyar bas lan brgya stong sbyin sreg bgyi'o/ /de nas nam mkha' las sa'i lha mo 'grub po zhes sgra 'byung bar 'gyur ro/ /de nas rig sngags 'chang gis sa'i lha mo de blangs la/ blangs nas phye ma zhib mor btags na phye mas gang la reg pa de las grub nas sa la gnas pa'i rig sngags 'chang rigs sngags 'chang thams cad mngon du phyogs par 'gyur zhing / rin po che thams cad dang / sman thams cad mngon du phyogs par 'gyur ro/ /sa yang de las gnas sbyin par 'gyur zhing / 'dod dgur sgyur ba'i gzugs can du 'gyur te/ tshe lo bdun stong thub par 'gyur ro/ /las thams cad la lan gsum bzlas brjod byas pa'i thal bas bsrung bar bya'o/ /bskrad pa ni mar gyi ngo zhag bcu bzhi la za ma gcig par bya ste/ lam gyi sum mdo'am/ bzhi mdo'am/ dur khrod kyi thal bas sa'i lha mo'i gzugs byas la de'i steng du tsan+dan dmar pos gtor bar bya ste/ thal bar blangs la dur khrod kyi shing gis me sbar la lan brgyad stong sbyin sreg byas na zhag gsum gyis 'bros par 'gyur ro/ /gzer thabs 95-1-144a kyis gdab par 'dod na/ mar gyi ngo zhag brgyad la rdza mkhan gyi 'jim pa la gzugs byas to/ /mdung rtse gsum pa'am/ ma da na'i tsher ma dbus nas blangs pa'i ma da na'i tsher ma la lan brgyad brgya bzlas brjod byas pas btsugs na gang du btsugs pa der gzir bar 'gyur te/ phyung na gtong bar 'gyur ro/ /thig le bsgrub par 'dod na zhag gsum smyung bar byas pas mar gyi ngo zhag brgyad dam zhag bcu bzhi la lam gyi bzhi mdo'am/ dur khrod du ba lang gi lci bas dkyil 'khor skyong nul gyis byugs te/ lha bshos rnam pa sna tshogs phul nas tsan+dan dmar po'i chus dkyil 'khor bsang gtor byas la/ dkyil 'khor gyi dbus su dur khrod kyi thal ba bzhag ste/ rig sngags 'chang ku sha'i stan la 'dug pas thal ba lag pas mnan nas lha mo'i gzugs snang bar 'gyur gyi bar du rig sngags bzlas brjod bya'o/ /de nas 'grub par 'gyur te/ lha thams cad la phyag byas nas sa'i lha mo spyan drangs na der 'dug par 'gyur te/ de 'dug pas bgegs rnams 'byung bar mi 'gyur zhing dngos grub kyang myur du thob par 'gyur ro/ /sa'i steng na sdang bar sems pa gang yin pa de dag gis kyang glags mi rnyed do/ /lha thams cad kyang mngon du phyogs par mi 'gyur te/ de nas dngos grub thob par 'gyur ro/ /dgun zla tha chung sa la zas su 'o ma dang phye'i lde gu za zhing shing a sho ka'i drung du lan 'bum bzlas brjod byas te/ zhag gsum smyung ba byas pas yar gyi ngo zla ba nya la shing de nyid kyi drung du a sho ka'i shing gis me sbar la gu gul gyi ril bu brgyad stong gis sbyin sreg byas na shing mi snang bar gyur na las de 'grub pa yin no/ /de nas nam mkha' la 'phags par 'gyur te/ 'dod dgur sgyur ba'i gzugs can du 'gyur zhing tshe lo lnga stong thub par 'gyur ro/ /lha bshos kyang rgyas par 'bul lo/ /lha mo khyod kyi rig sngags kyi las rnams ngas bshad zin to/ /ngas kyang lha mo khyod la drag tu bskul ba'i rig sngags gang brjod na khyod kyi mdun du gnas par 'gyur ba bshad par bya'o/ /na mo badzra pA Ni s+ya/ o~M 95-1-144b sid+d+hi r-i Shi ni swA hA/ bsgrub pa'i tshe rig sngags 'dis ma da na'i tsher ma khrag gi nang du smyugs pa brgyad stong gis sbyin sreg byas na bgegs thams cad 'byung bar mi 'gyur ro/ /mar gyi ngo zhag brgyad la zhag gcig smyung ba byas te 'phags pa lag na rdo rje'i mdun du tsan+dan dmar pos dkyil 'khor byas nas rig sngags lan brgyad stong bzlas brjod byas na sa'i lha mo 'grub par 'gyur te/ /de phyin cad las thams cad byed nus par 'gyur ro/ /sa'i lha mo'i cho ga rdzogs so// //de nas lha'i drang srong mes sa'i lha mo'i tsham brlang mthong nas lag na rdo rje'i thad du song ste smras pa/ rdo rje 'dzin chen po bdag gis kyang rig sngags 'chang thams cad gang gis dngos grub myur du thob par 'gyur ba'i dngos grub bstan par bya'o/ /de nas bcom ldan 'das byang chub sems dpa' chen po lag na rdo rje stan las langs nas lha'i drang srong me la 'di skad ces smras so/ /drang srong chen po khyod sems can thams cad la phan pa'i phyir brtson pa dang / sems can thams cad la phan pa'i phyir zhugs pa gang yin pa ni legs so legs so/ /drang srong chen po khyod ni lha thams cad kyi zhal yin no/ /drang srong chen po khyod ni lha thams cad kyi rje yin gyis drang srong chen po sems can rnams kyi don gyi phyir dngos grub kyi rgyu shod cig shod cig /de nas lha'i drang srong me lag na rdo rjes bstod pas yid dga' bar gyur nas lag na rdo rje stobs po che la 'di skad ces smras so/ /gnod sbyin gyi bdag po bdag 'ong ba ni dngos grub 'grub pa'i rgyur 'gyur te/ gang gi bdag 'ong bar 'gyur ba'i bdag spyan drang ba'i gsang sngags bshad par bya'o/ /na mo badzra pA Ni s+ya/ /o~M ag+ni de ba tA ya/ d+hu pa ta ye dz+wa li ni swA hA/ rig sngags 'di spyan drang ba'i sngags so/ /na mo badzra pA Ni s+ya/ na mo ag+na ye/ ku ti ku ti/ /ga ti ye gats+tsha gats+tsha/ sho Shan+ti la li pu tra swA hA/ rig sngags de slar btang ba'i sngags so/ /rig sngags 'chang gang dag bdag la lta ba de dag gis ni dngos grub nges par thob par 'gyur ro/ /bdag 'ong ba'i mtshan ma lta ba ni sgrub pa thams cad la yang 95-1-145a bdag mdun du bzhag la pa la sha'i shing gis me sbar nas 'bras yos mar dang sbyar bas lan brgyad stong sbyin sreg bya'o/ /de nas me'i dbus sngo bre nger 'dug pa dang / mtha' sngo ba dang / me'i rtse mo rgyas pa dang / drung sngo zhing mgyogs pa las brtag ste/ de nas rtags bshad pa de dag gis 'ong bar shes par bya'o/ /de nas rig sngags 'chang gis lha bshos phul te/ mar gyi sreg blugs bdun gyis sbyin sreg bya'o/ /bdag 'dug pa dang bgegs thams cad mi 'byung zhing rig sngags kyang 'grub par 'gyur ro/ /de nas lha'i drang srong mes lag na rdo rje la 'di skad ces smras so/ /byang chub sems dpa' chen po rig sngags kyi las rnams shod cig shod cig /de nas bcom ldan 'das lag na rdo rje yid dga' bar gyur nas rig sngags kyi tshogs rnams la bltas te/ rig sngags kyi las rnams bshad pa las thams cad la yang pa la sha'i shing gis me sbar la/ 'bras yos zho dang / sbrang rtsi dang / mar dang sbyar bas lan brgyad stong sbyin sreg byas na las 'grub par 'gyur te/ me yang dam pa sbyin par byed cing gang 'bar ba snang ba der bsrung bar 'gyur ro/ /lha dbab na bye'u rug pa'i lo ma'am chus bya'o/ /skyes pa dbang du bya na yar gyi ngo tshes bcu bzhi la zhag gcig smyung ba byas te/ sbyin sreg gi gnas sam/ khang stong dben pa'i phyogs su me'i sbyin sreg byas pa'i mes bil ba'i shing gis me sbar te/ kun+da'i me tog kha ma bye ba mar gyi nang du smyugs pa sum stong gis sbyin sreg byas na skyes pa dbang du 'gyur ro/ /de nas me bsgrub par 'dod na zhag bdun gyi bar du zas 'o ma dang phye'i lde gu za zhing rig sngags bzlas brjod byas na de nas yar gyi ngo tshes bcu gnyis la zhag gcig smyung bar byas te/ khang stong du song la nang du zhugs nas gtsang mar byas te/ phyogs bzhir gtor ma byin la dkyil 'khor gyi dbus su lag na rdo rje'i gzugs bzhag nas/ de'i mdun du me'i sbyin sreg byas pa'i mes bil ba'i shing gis me sbar la/ de nas me tog dkar po dang / gu gul gyis bdug pas me lha spyan drang ngo / /de nas rig sngags 'chang gis 95-1-145b rtswa dUr ba'i stan byas te rtswa dUr ba'i stan la 'dug la/ sna ma'i yam sreg shing zho dang / sbrang rtsi dang mar gyi nang du smyugs pa brgyad stong gis sbyin sreg bya'o/ /de nas me stag gang gis rtswa rol bar byed na rig sngags 'chang gis rig pa mchog dran par bya zhing rig pa mchog nyid kyis sreg blugs lan bdun du sbyin sreg byas na des zhi bar 'gyur ro/ /de nas 'od zer cig byung ste/ rig sngags 'chang la g.yas phyogs nas bskor nas slar de nyid du zhugs na 'grub par 'gyur te/ grub nas lag stangs tsam byas pas kyang sbyin sreg gi las thams cad 'grub par 'gyur ro/ /de nas rig sngags bsgrub par 'dod na me'i thab khung de nyid nas sol ba blangs te/ cho ga 'di nyid kyis lag na rdo rje'i mdun du bzlas brjod byas nas dngos grub rnam pa gsum du 'gyur ro/ /de nas me 'byung bar 'dod na mar gyi ngo zhag gcig smyung ba byas te/ sbyin sreg gi gnas su song nas a mra ra te ka'i rus pas lan brgyad stong sbyin sreg byas na me'i kha nas me stag 'byung bar 'gyur te/ che ge mo zhig bsreg cing yul de tshig par gyis shig ces yid kyis bzlas na yid la bsams ma thag tu las thams cad byed par 'gyur ro/ /dgra bsad par 'dod na mar gyi ngo zhag brgyad dam mar gyi ngo zhag bcu bzhi la zhag gcig smyung ba byas te/ dur khrod kyi shing blangs nas/ 'byung po'i gter ma yang byin la shing blangs pa la lan brgyad stong bzlas brjod byas te che ge mo zhig choms shig ces smras na rims tsha bas btab ste zhag bdun gyis 'chi bar 'gyur ro/ /nor 'dod na rtag tu mar dang 'bras kyi sbyin sreg byas na nor 'phel bar 'gyur ro/ /lha bsgrub par 'dod na gang gi nyin mo yang rung ste/ glo bur du me 'bar ba mthong na de blangs la mar gyi ngo zhag bcu bzhi'i bar du bzhag ste dus gsum du khrus byed cing zhag bdun du bzlas brjod bya'o/ /de nas zhag gsum smyung ba byas te/ mar gyi ngo zhag bcu bzhi la lag na rdo rje'i mdun du lha bshos rnam pa sna tshogs phul te/ ku sha'i stan la 'dug cing me de nyid kyis sha me'i shing gis me sbar nas me de'i nang 95-1-146a nas pad+ma 'dab ma stong pa dpag tshad brgyad dri bsung gis khyab pa byung gi bar du bzlas brjod bya'o/ /de nas rig sngags 'chang gis rig sngags kyi rgyal po bzlas brjod byed bzhin du blangs na de blangs ma thag tu mthu stobs che zhing nyi ma shar ba'i mdog dang ldan la/ dpag tshad brgyad dri bsung gis khyab pa dang / gzhan gyis mi tshugs pa'i 'dod pa'i longs spyod dang ldan la sreg pa'i rang bzhin can 'dod dgur sgyur ba'i gzugs dang ldan pa dang bskal par gnas par 'gyur ro/ /lha rnams drang srong chen po'i las rnams ngas bshad zin to/ /de la drag tu bskul ba'i gsang sngags kyang bshad par bya ste/ na mo badzra pA Ni s+ya/ hu tA sha Na/ i ha A gats+tsha/ pra ti gr-ih+Na i ma mA hU ta ni/ pra ti bud+d+ha/ ma hA b+ha ga /dz+yeSh+Tha s+t+waM/ pra pU ra ba b+ha ya/ a hA duSh+Ta gra ha sarba bu na ra/ A brti tash+tsa ye/ ni run ti ni run ti/ badzra pA Ni s+t+waM/ de ba de ba na maHswA hA/ bsgrub pa thams cad la rig sngags 'dis mar dang / 'bras yos kyis sreg blugs lan nyi shu rtsa gcig sbyin sreg byas na des thams cad byed nus par 'gyur ro/ /'phags pa lag na rdo rje'i mdun du mar gyi ngo zhag bcu bzhi la zhag gcig smyung bar byas te mchod pa bya zhing lha bshos kyang lhag par phul la de nas lan brgyad stong bzlas brjod byas na mes dam pa sbyin par 'gyur ro/ /me'i cho ga rdzogs so// //de nas lha mo tshig ldan mas rab tu rol pa mthong nas lag na rdo rje'i g.yas phyogs nas bskor ba byas te/ dri za'i 'khor gyis bskor nas 'khor de nyid kyi nang du song ste phyin nas byang chub sems dpa' chen po lag na rdo rje la 'di skad ces smras so/ /lag na rdo rje bdag ni lha thams cad dang / rig sngags 'chang thams cad dang / sems can thams cad kyi mchog tu gyur pa dang / sgrub par byed pa dang / rab tu ston par byed pa yin no/ /stong gsum gyi 'jig rten gyi khams 'di dag thams cad ni rgyags pas myos pa ste/ bdag med du zin na de dag ma rung bar 'gyur ro/ /de bas na sems can thams cad la phan pa'i phyir rig pa mchog gi cho ga rgyas pa'i dngos grub sbyin par bya ste/ 95-1-146b bcom ldan 'das bdag gi gsang sngags 'chang ba gang yin pa de dag la ni bdag rtag tu 'grub cing de'i mdun du rtag tu rab tu dga' ba'i sems kyis gnas so/ /de nas byang chub sems dpa' lag na rdo rjes lha mo chig ldan ma la 'di skad ces smras so/ /legs so legs so/ / lha mo tshig ldan ma legs so/ /lha mo 'jig rten gyi ma khyod ngas shes te mchog tu gyur pa dang / sgrub par byed pa dang / dngos grub sbyin pa yin no/ /lha mo 'jig rten gyi ma khyod legs kyis rig pa mchog gi cho ga rgyas pa cho ga chen po'i gsang sngags shod cig shod cig /de nas lha mo tshig ldan ma de lag na rdo rjes bstod pas dga' zhing mgu la yid rab tu dga' nas rig sngags kyi tshogs la yang bltas/ byang chub sems dpa' chen po lag na rdo rje la yang bltas te/ phyag 'tshal nas rig sngags bshad pa/ na mo badzra pA Ni s+ya/ na maHsa ra swa t+ye+e/ lo ka tA ya/ lo ka uM mi li ka la/ dA ma yan+ti kA ya/ tsaN+Di kA ya/ sa kA ya/ ba d+yI ya/ di bya rU pA ya/ de bya swA hA/ nu ma dA ya swA hA/ ku ru ku ru/ karmi kA ya/ marda nI ya/ lo ka dA yi kA ya/ sar swa t+ye+e swA hA/ de nas lha mo tshig ldan ma yid rab tu dga' nas rig sngags kyi rgyal po chen po lag na rdo rje la 'di skad ces smras so/ /rig sngags kyi rgyal po chen po rig pa mchog 'di'i las rnams shod cig shod cig /de nas bcom ldan 'das rig sngags kyi rgyal po chen po lag na rdo rje gzi brjid drag pos 'jig rten gyi ma tshig ldan ma'i las thams cad bshad pa/ ras ma nyams pa la ri mo mkhan gso sbyong dang ldan pas 'phags pa lag na rdo rje'i gzugs 'drir bcug ste/ de'i g.yas logs su 'jig rten gyi ma tshig ldan mdog sngo bsangs la lag na bi bang thogs shing glu len te/ byang chub sems dpa' lag na rdo rje la bstod cing 'dug pa'i tshul du 'drir gzhug go/ /lha bshos kyang rgyas par 'bul lo/ /de nas rig sngags 'chang zhag gsum smyung bar byas pas yar gyi ngo tshes lnga la sku gzugs kyi mdun du mchod pa rgyas par byas te ku sha'i stan la 'dug cing lha la mchod par bya'o/ / 95-1-147a lha bshos kyang rgyas par dbul lo/ /de nas rig sngags 'chang gis tsan+dan dkar pos me sbar la/ a ga ru'i yam sreg shing brgyad stong gis sbyin sreg byas na dngos grub kyi mchog mtshan mar me tog gi phreng ba 'gul bar 'gyur ro/ /grub nas kyang tshig grub pa dang / rig sngags thams cad kyang 'grub par 'gyur te/ las rnam pa sna tshogs stong yang byed nus par 'gyur ro/ /'jig rten gyi ma rnams dbab na yang lan bdun bzlas brjod byas pa'i bye'u rug pa'i lo ma'am thal bas bya'o/ /bsrung ba ni lan gsum du bzlas brjod byas pa'i skud pas bya'o/ /mtshams bcad pa ni chu'am yid kyis bya'o/ /sbrul gsod na lan tshwa dang ske tshes sbyin sreg bya'o/ /phyir gso ba ni yid kyis bya'o/ /dug las gso ba ni yal gas bya'o/ /mo mtshan 'dzag par bya na sred med kyi bu'i chung ma la phul ba'i ras bal gyi 'dab ma rgya skyegs kyi khu bas kha dog bsgyur ba las gzugs bya ste/ mi'i rus pa'i phur bu la lan stong rtsa brgyad bzlas brjod byas pas mo mtshan du btsugs na khrag 'dzag par 'gyur te/ phyung na gtong bar 'gyur ro/ /grong khyer bshig par bya na be kang+ka ta'i phur bu mi'i mkhris pas bgos te dug dang khrag gi nang du smyugs pa la lan brgyad stong bzlas brjod byas te/ sgo'i them pa la btsugs na zhag gsum gyi grong khyer ba rnams 'bros par 'gyur ro/ /phur bu phyung ste mar dang sbrang rtsi bskus na des zhi bar 'gyur ro/ /phyir yang snga ma kho na bzhin du gnas par 'gyur ro/ /chang ma rung bar bya 'dod na ka la ha ka ri ka blangs la lan bdun bzlas brjod byas te khyim du btsugs na chang ma rung bar 'gyur ro/ /de nas ldong ros bsgrub par 'dod na rgyu skar rgyal la bab pa'i tshe ldong ros tshong pa'i kha thabs bzhin du nyos la phag gi mkhris pas bgos te phyung nas lag na rdo rje'i zhabs kyi drung du bzhag la/ de nas zas su 'o ma dang phye'i lde gu za zhing zhag bcu bdun gyi bar du dus gsum du stong rtsa brgyad bzlas brjod byas nas mar gyi ngo zhag brgyad la kha zas mi bza' bar ldong ros lag pa g.yon pas bzung ste/ lan brgyad stong bzlas brjod byas na 'grub par 95-1-147b 'gyur te/ thig le byas na lus mi snang bar 'gyur zhing sgyu 'phrul thams cad byed pa dang / 'dod dgur sgyur ba'i gzugs can du 'gyur te/ tshe lo lnga stong thub par 'gyur ro/ /de nas lha mo tshig ldan ma mthong bar 'dod na zla ba gcig gi bar du slong mo'i zas za zhing dgon par rig sngags bzlas brjod byas la zhag gsum smyung ba byas pas zla ba nya la shing sA la'i drung du ci 'byor pas mchod pa bya zhing / lha bshos kyang pu la nas rig sngags bzlas brjod bya'o/ /de nas nam phyed kyi dus su gcig pu rang 'ong bar 'gyur te/ de la me tog dkar po dang ldan pa'i mchod yon phul zhing bcom ldan 'das ma byon pa legs so legs so zhes smros shig /de nas lha mo de dgod pa dang / rig sngags 'chang gis de la 'jigs par mi bya bar rig pa mchog dran par bya'o/ /de nas lha mo de na re bu khyod la dam pa ci zhig sbyin zer ba dang / dam pa gang 'dod pa de blang bar bya ste/ rgyal rigs dang / rig sngags 'chang dang / lus mi snang ba dang / gter mthong ba dang / rin po che mthong ba dang / rgya mtsho chen po mthong ba dang / 'dod dgur sgyur ba'i gzugs can dang / yid gzhungs pa dang / 'di rnams las gcig blang bar bya zhing snga nas bsams te las bsgrub par bya'o/ /gang yid la bsams te las sgrub pa de nyid de la blang bar bya'o/ /de ltar ma byas na ma rung bar 'gyur ro/ /de la rgyal srid grub pa ni dgra med par 'gyur ro/ /rig sngags 'chang du grub pa ni gzhan gyis mi tshugs pa'i gnas thob cing nyi ma shar ba'i mdog dang ldan la/ rig sngags 'chang gi rgyal po dpag tshad brgyad dri bsung gis khyab pa zhes bya bar 'gyur te/ yid la ci bsams pa de thams cad 'grub par 'gyur ro/ /lus mi snang na ni bsams pa tsam gyis 'dod dgur sgyur ba'i gzugs can du 'gyur zhing tshe lo dgu stong thub par 'gyur ro/ /gter mthong ba grub pa ni gter mi zad par 'gyur ro/ /rin po che mthong ba grub ni ni yid la ci bsams pa de thams cad 'grub par 'gyur zhing mgo bo la gtsug gi nor bur 'gyur te/ gtsug gi nor bu mthong ba 95-1-148a gang yin pa de dag kyang nad med cing tshe lo nyis stong thub par 'gyur ro/ /rig sngags 'chang nyid ni tshe lo lnga stong thub par 'gyur ro/ /rgya mtsho chen po mthong ba grub na ni ji ltar 'dod pa bzhin du de nyid du gnas par 'gyur ro/ /mi 'dod na yang rin po che rnams len nus par 'gyur ro/ /yang na lha ma yin gyi bu mo dang lhan cig tu gnas shing lha ma yin rnams kyi longs spyod la longs spyod par 'gyur ro/ /'dod dgur sgyur ba'i gzugs can du 'grub na ni yid kyis ji ltar 'dod pa de thams cad du 'gyur ro/ /yid gzhugs pa grub na ni thos pa 'dzin par 'gyur te/ gang ci thos pa de thams cad 'dzin nus par 'gyur ro/ /de nas tshig 'grub pa bsgrub pa 'dod na mar gyi ngo zhag brgyad la pha bong gcig pu gnas par song la/ mtshan thams cad rdzogs par mthong ba dang mchod pa rgyas par bya zhing / /lha bshos rgyas par phul nas de'i sta zur phyogs su mar dang sbrang rtsi byugs la/ rig sngags lan brgyad stong bzlas brjod byas te lces drud par bya'o/ /de nas bud med la reg pa'i nyams 'dra bar gyur nas las grub par shes par bya ste/de phyin cad thos pa 'dzin par 'gyur zhing / su dang gtam byas pa de dbang du 'gyur ba dang / yid la ci bsams pa de de bzhin du 'gyur ba dang / glu mchog tu snyan pa len par 'gyur ba dang / dug kyang za nus par 'gyur ro/ /rig pa mchog sgrub pa'i rig sngags 'chang gis tshul bsngags te gdong bkrus la nye reg byas na des rig sngags kyi lha thams cad dran ma thag tu 'ong bar 'gyur ro/ /sgrub pa'i tshe yang tshig ldan ma spyan drang bar bya ste/ ma dang yan+ti ka'i shing gis me sbar la shi kru'i me tog gi sreg blugs nyi shu rtsa gcig sbyin sreg byas na gnas gar btab pa der gnas par 'gyur ro/ /de 'ongs pas rig sngags 'chang gi sngon gyi bsod nams ma yin pa rnams byed par 'gyur ro/ /mar gyi ngo zhag brgyad la zhag gcig smyung ba byas te/ lag na rdo rje'i mdun du tsan+dan dmar pos dkyil 'khor byas nas lan brgyad stong bzlas brjod byas na des cho ga rgyas pa'i lha thams cad dam pa sbyin par byed 95-1-148b do/ /de nas bcom ldan 'das lag na rdo rjes lha de dag la 'di skad ces smras so/ /lha rnams 'jig rten gyi ma'i las rnams ngas bshad zin to/ /ngas kyang dran par byed du gzhug pa dang / dam tshig 'dzin du gzhug pa'i gsang sngags bshad par bya'o/ /na mo badzra pA Ni s+ya/ na maHsa ra swa t+ye+e/ o~M sa ra swa t+ye+e swA hA/ lha rnams rig sngags 'di'i las rnams kyang 'byung ste/ 'phags pa lag na rdo rje'i mdun du mar gyi ngo zhag bcu bzhi la zhag gcig smyung ba byas te/ rig sngags 'dis 'od ma'i shing gis me sbar la/ yungs kar zho dang / sbrang rtsi dang mar dang sbyar bas lan brgyad stong sbyin sreg byas na tshig ldan ma 'grub par 'gyur te/ las kyi mchog stong byed nus par 'gyur ro/ /sgrub pa'i tshe yang mdun du gu gul gyis lan brgyad stong sbyin sreg byas na lha mo yongs su gzir cing tshig bzhin du myur du 'ong bar 'gyur te sdig pa'i las byed par mi bya'o/ /tshig ldan ma'i cho ga rdzogs so// //de nas rdzong ri'i lha mos byang chub sems dpa' chen po lag na rdo rje'i gzugs su sprul nas nam mkha'i dkyil 'khor na rtse zhing gar byed de rab tu 'joms pa'i tshogs kyis bskor la lha mo rdzong gi 'phags pa ma rnga 'bum rdung zhing gar byed de lha mo rtse zhing nga ni lag na rdo rje yin no/ /nga ni lag na rdo rje yin no/ /zhes skad chen pos smra zhing gar byed de/ lha mo rdzong gi 'phags ma cha lugs mi bzad cing stobs dang pha rol gnon pa/ gzhan gyis mi tshugs pa'i lha mo rab tu 'joms ma'i tshogs kyis bskor te rtse bar byed do/ /de nas byang chub sems dpa' chen po lag na rdo rjes mig yid tsam bteg ste bltas nas bgad do/ /de nas lha mo rdzong gi 'phags ma cha lugs mi bzad cing stobs dang pha rol gnon pa gzhan gyis mi tshugs pa'i lha mo rab tu 'joms pa'i tshogs kyis bskor ba de sa'i steng du lhung ngo de nas lha mo des lag na rdo rje'i rkang pa gnyis la gtugs nas byang chub sems dpa' chen po lag na rdo rje la 'di skad ces smras so/ /bcom ldan 'das brtson 'grus dang pha rol gnon pa chen po khyod kyi bdag sa'i steng du ltung bar byed nus kyi lhar bcas 95-1-149a pa'i 'jig rten dang / bdud du bcas pa dang / tshangs par bcas pa dang / dge sbyong dang bram zer bcas pa'i skye dgu'i nang na bdag la blta nus pa yang gzhan su zhig yod na ltung bar byed pa lta ci smos/ khyod ni lha'i lha stobs dang pha rol gnon pa dpag tu med pa yin/ khyod ni rig sngags kyi rgyal po 'jig rten thams cad 'joms pa/ 'jig rten thams cad kyis phyag bya ba yin no/ /khyod ni 'jig rten thams cad kyi rje yin te/ de bas na bdag sa'i steng du ltung bar byed kyi lhar bcas pa'i 'jig rten dang / bdud du bcas pa dang / tshangs par bcas pa dang / dge sbyong dang bram zer bcas pa'i skye dgu'i nang na bdag la blta bar nus pa yang gzhan su zhig yod na/ ltung bar byed pa lta ci smos zhes tshig de skad smra zhing 'khor 'dus pa de'i nang du 'dug nas/ lha gang 'khor der 'dus pa de dag skrag cing 'jigs te/ lag na rdo rje'i zhal du blta bar gyur to/ /de nas lha mo cha lugs mi bzad pa des lha mo lag na rdo rje'i gzugs kyis lha de dag la 'di skad ces smras so/ /lha rnams khyed kyis sems can rnams la phan pa'i phyir ngas bskal pa stong phrag dgu bcu rtsa dgu'i bar du de bzhin gshegs pa mnyes par byas/ mchod par byas/ bkur stir byas/ bla mar byas/ ri mor byas pa la ltos/ ngas las gcig gis rig pa mchog gi cho ga rgyas pa chen po'i rgyal po bsgrubs pa gang yin pa dang / las gcig gis lha thams cad mngon du phyogs par byas shing / bsgrubs pa gang yin pa de ngas bshad kyis bzod ldan dag rgyags pa med pa'i sems kyis nyon cig /lha dang bcas pa dang / bdud dang bcas pa dang / tshangs pa dang bcas pa dang / dge sbyong dang bram zer bcas pa'i skye dgu'i nang na las gcig shes pa yang gzhan su zhig yod na bshad pa lta ci smos/ de nas lha de dag rtab rtab por gyur te/ mig sa la phab bo/ /de nas bcom ldan 'das rig sngags kyi rgyal po chen po lag na rdo rjes lha de dag la 'di skad ces smras so/ /rdzong gi 'phags pa cha lugs mi bzad pa rab tu 'joms pa'i tshogs kyis bskor ba 'di ni rig pa 95-1-149b mchog gi cho ga rgyas pa chen po'i rgyal po chen po'i rig sngags bshad par bya ba'i phyir 'ongs pa yin gyis bzod ldan dag ma 'jigs shig /ma 'jigs shig /lha mo 'dis ni bskal pa stong phrag dgu bcu rtsa dgu'i bar du de bzhin gshegs pa mnyes par byas/ mchod par byas/ bkur stir byas/ ri mor byas/ bla mar byas nas/ rig pa mchog gi cho ga rgyas pa chen po yang bsgrubs te/ des na lha mo 'di ni nga'i gzugs 'dzin par byed kyi lhar bcas pa'i 'jig rten dang / bdud du bcas pa dang / tshangs par bcas pa dang / dge sbyong dang bram zer bcas pa'i skye dgu'i nang na nga'i gzugs 'dzin par nus pa gzhan su yod/ de nas bcom ldan 'das rig sngags kyi rgyal po chen po lag na rdo rjes rdzong gi lha mo la 'di skad ces smras so/ /lha mo gang khyod sems can thams cad kyi don gyi phyir rig pa mchog gi cho ga rgyas pa chen po'i rgyal po bshad par bya ba'i don la 'ongs pa legs so legs so/ /lha mo sems can rnams kyi don gyi phyir rig pa mchog gi cho ga rgyas pa chen po'i rgyal po'i gsang sngags de shod cig shod cig /de nas lha mo rdzong gi 'phags pa ma yid rab tu dga' bar gyur nas de bzhin gshegs pa thams cad la phyag 'tshal te/ byang chub sems dpa' chen po lag na rdo rje la 'di skad ces smras so/ /rig sngags kyi rgyal po chen po rig pa mchog gi cho ga rgyas pa chen po'i rgyal po gsang sngags dang / bdag gi las sngon bdag gis bsgrubs pa bdag gis bshad par bya'o/ /de nas byang chub sems dpa' chen po lag na rdo rjes lha de dag la 'di skad ces smras so/ /bzod ldan dag lha mo rdzong gi 'phags pas gsang sngags bshad pa khyod kyis nyon cig /lha mos kyang shod cig shod cig /de nas lha mo des de bzhin gshegs pa thams cad la phyag 'tshal nas rig sngags bshad pa/ /na mo rat+na tra ya s+ya/ na mo badzra pA Ni s+ya/ ma hA yak+Sha se nA pa ti s+ya/ /na maHkrod+ha gi rik+Sha ya/ sid+ha shardU la bA ha nA ya/ /e h+ye hi/ /b+ha ga ba ti/ /badzra pA Ni/ /sa t+ye na/ s+thA ne shwa ri/ A gats+tsha a 95-1-150a gats+tsha/ nan+ti ni/ ma ma karma/ sA d+ha ya/ bud+d+ha sa t+ya/ a mo g+ha gA mi ni/ ya sho d+ha ri/ hu ru hu ru/ d+hu na d+hu nam ni na/ karmA Ni hud dru swA hA/ gsang sngags 'di bshad pa'i tshes rnam pa drug tu g.yos so/ /lha rnams rtab rtab por gyur te 'bros pa la zhugs so/ /de nas bcom ldan 'das lag na rdo rjes lha de dag la 'di skad ces smras so/ /bzod ldan dag khyed kyis lha dran par gyis shig /de nas lha mo des rig sngags kyi rgyal po chen po lag na rdo rje la 'di skad ces smras so/ /rig sngags kyi rgyal po chen po sngon bdag gis bsgrubs pa gang yin pa'i rig sngags kyi las shod cig shod cig /de nas bcom ldan 'das lag na rdo rje dreg pa chen pos rjes su dran par bya ba'i rig sngags kyi las bshad pa/ rig sngags 'di zhag bdun gyi bar du dben par 'dug la gcer bu'am yang na khyed rings su byas te/ rig sngags bzlas brjod byas na zhag bdun pa'i nyin par mtshan ma 'byung bar 'gyur te/ nam phyed kyi dus su skar mda' lngas bskor ba'i skar mda' ltung bar 'gyur ro/ /de nas rig pa mchog gi cho ga grub par shes par bya ste/ nang par gyi dus su 'phags pa lag na rdo rje'i mdun du [(]sin+du ra[,]sin rdu ra[)] sngon po'i yam sreg shing brgyad stong gis sbyin sreg byas la/ dge slong bdun la mchod ston bya zhing bram ze dag kyang ston nas las de grub na lag na rdo rje dang mthu stobs mnyam zhing / bskal par gnas pa dang / 'dod dgur sgyur ba'i gzugs can dang / stobs dang pha rol gnon pa gzhan gyis mi thub pa dang / rig sngags 'chang gi 'khor los sgyur bar 'gyur te/ rig sngags 'chang thams cad kyis mi sod la mthu stobs che ba dang / bdag na ma 'chi ba shes pa dang / pha rol nam 'chi ba shes pa dang / 'dzam bu'i gling na yod pa'i don 'das pa dang / ma 'ongs pa dang / da ltar byung ba thams cad yang dag pa ji lta ba bzhin du shes te/ lus zhig nas kyang lag na rdo rje'i gnas yid du 'ong bar skye bar 'gyur ro/ /pho nya ma rnams sgrub pa'i thabs kyang de bzhin te/ zhag gsum smyung bar byas la 95-1-150b dngos grub kyi ma la phyag byas nas bya'o/ /lha thams cad kyi las rnams la yang cho ga de nyid yin te/ zhag lngas 'grub par 'gyur ro/ /sbyin sreg kyang las 'di nyid kyis byas na las thams cad 'grub par 'gyur ro/ /mjug tu yungs kar gyi sbyin sreg bya'o/ /ras ma nyams pa la ri mo mkhan gso sbyong dang ldan pa tshon rtsi sbyin med pas sangs rgyas kyi sku gzugs 'drir gzhug go/ /de'i g.yas logs su lha mo mdog dkar zhing 'byung po'i tshogs kyis bskor ba bri'o/ /bcom ldan 'das kyi g.yon rol du 'phags pa lag na rdo rje mdog sngo bsangs sam/ yang na dmar po bya ste/ rgyan thams cad kyis brgyan pa/ dar ram ras kyi sham thabs can bri'o/ /'og tu ni sgrub pa po bri'o/ /mtha' mar ni ri'i rtse mo rnams bri'o/ /lag na rdo rje yang rig sngags thams cad kyis bstod cing 'dug par bri'o/ /steng du ni nam mkha' la rgyu ba'i ma mo bdun bri'o/ /de nas rig sngags 'chang gis zhag gsum smyung ba byas te/ /sa phyogs gtsang mar sku gzugs bkram la mar gyi ngo zhag bcu bzhi la sna ma'i me tog brgyad stong gis 'phags pa lag na rdo rje'i rkang pa g.yon pa la bsnun na des gzugs 'gul zhing spu zing zhes byed par 'gyur ro/ /las de grub pa dang de phyin cad las bsgrub na cho ga rgyas pa'i rig sngags thams cad dang / rig sngags gzhan dag kyang bde blag tu 'grub par 'gyur ro/ /de nas byang chub sems dpa' chen po lag na rdo rjes lha de dag la 'di skad ces smras so/ /lha rnams lha mo chen mo 'di ni drag cing rdzu 'phrul che ba yin no/ /de nas lha rnams kyis byang chub sems dpa' chen po lag na rdo rje la 'di skad ces smras so/ /stobs po che khyod ni mchog sbyin pa yin/ khyod ni gtso bo ste brtson 'grus dang pha rol gnon pa chen po yin gyis gang gis mi rnams 'grub par 'gyur ba'i sbyin sreg dang / bzlas brjod dang / yam sreg shing rnams kyi las legs par sbyar ba thams cad ma lus par shod cig/ /de nas byang chub sems dpa' chen po lag na rdo rjes sems can thams cad la phan par 95-1-151a dga' ba'i lha rnams la sbyin sreg dang / bzlas brjod dang / yam sreg shing rnams kyi cho ga'i rim pa bshad pa lha rnams nyon cig /nor bsgrub pa'i sbyin sreg rnams la ni 'bras ma drus pa dang / shi ti dang / thang chu la sogs pa'i rdzas rnams kyis bya'o/ / drag shul la ni phub ma dang / lan tshwa dang / ske tshe dang / dug dang / khrag la sogs pa'i rdzas rnams kyis bya'o/ /zhi ba la ni mar dang / 'o ma dang / sbrang rtsi dang / ka ra la sogs pa'i rdzas rnams kyis bya'o/ /lha rnams yam sreg shing rnams kyang nyon cig /bud med dbang du bya ba la ni mo'i ming dang ldan pa'i yam sreg shing rnams kyis bya'o/ /nor bsgrub pa dang dbang du bya ba la sogs pa la ni bil pa dang / pa la sha dang / u dum bA ra dang / a pa marga dang / ba sa ka la sogs pas bya'o/ /drag shul la ni ma dan dang / /seng ldeng dang / be kang+ka ta dang / nim pa'i shing la sogs pas bya'o/ /rgyas pa la ni bil ba dang / amra dang / pa nas la sogs pas bya'o/ /lha rnams me tog rnams kyang bshad kyis nyon cig /zhi ba'i las ni pad+ma dang / ut+pal dang / so+o gan+d+hi ka dang / sna ma'i me tog dang / a ti muk+ta ka dang / klu shing gi me tog dang / a sho ka la sogs pa yin no/ /drag shul gyi las kyi ni ka ra bI ra dang / ta ka ra dang / ku ran+ta ka la sogs pa yin no/ /lha rnams yam sreg shing gi mtshan ma sna tshogs kyang nyon cig /nor bsgrub pa la ni mtho gang gi tshad du bya'o/ / drag shul la ni mdzub gang gi tshad du bya'o/ /lha mthong bar bya ba la ni mthe'u chung gi tshad du bya'o/ /dbang du bya ba la bud med kyi ni rtse mo'i yam sreg shing gis bya'o/ /skyes pa'i ni dbus kyis bya'o/ /drag shul dang mi'i gtso bo dbang du bya ba la ni drung bas bya'o/ /rgyal po'i las la ni sa la'i drung bas bya'o/ /dbus kyis bya ba la yang dbus kyis bya'o/ /drung bas bya ba la yang drung bar bya'o/ /rig sngags thams cad la yang las 'di nyid kyis sbyar bar bya ste/ rig sngags gang gis zhi ba dang / rgyas pa'i las rnams la me tog dang / yam sreg 95-1-151b shing gang bstan pa de nyid kyis las byas na 'grub par 'gyur ro/ /yang na rig sngags kyi rigs gsang ba las me tog dang / yam sreg shing ngas bshad pa gang yin pa de las byas na bde blag tu 'grub par 'gyur ro/ /lha rnams yam sreg shing rnams kyi sbyor ba gsang ba 'di dag ngas bshad zin to/ /gzhan yang don yod pa'i las gang gis gsang sngags rnams 'grub par 'gyur ba'i sku gzugs kyi mtshan nyid bshad par bya'o/ /de nas lha rnams yid rab tu dga' nas byang chub sems dpa' chen po lag na rdo rje rdzong gi 'phags ma dang bcas pa la bstod cing mngon par bstod do/ /de nas byang chub sems dpa' chen po lag na rdo rjes lha de dag la 'di skad ces smras so/ /bzod ldan dag khyod kyis de bzhin gshegs pa'i gzugs nyon cig /de bzhin gshegs pa'i gzugs brnyan mtshan thams cad yongs su rdzogs shing dpal gyi be'us brgyan pa/ phyag g.yas pa mchog sbyin pa'i tshul du mdzad pa la bltas te/ des rig sngags bsgrub par bya'o/ /yang na de bzhin gshegs pa chos ston cing bzhugs la skyabs sbyin pa'i tshul du mdzad pa la bltas te der bsgrub par bya'o/ /de bzhin gshegs pa'i spyan sngar drag shul bsgrub par mi bya ste/ de ni lag na rdo rje'i mdun du bsgrub par bya'o/ /lag na rdo rje'i gzugs kyang bshad par bya ste/ mtshan thams cad yongs su rdzogs pa mdog sdug cing sngo bsangs la zhi ba'i gzugs can mchog sbyin pa'i tshul du 'dug pa de'i mdun du rig sngags bsgrub par bya ste/ zhi ba ni skyil mo krung bcas pas bya'o/ /drag shul ni 'greng bas bya ste/ drag shul ni gzugs mi sdug pas bya'o/ /zhi ba dang rgyas pa la ni zhi ba'i gzugs su bya'o/ /sku gzugs la thad kar blta zhing bsgrub par bya ste/ gzhan du blta zhing bsgrub par mi bya'o/ /yan lag nyams pa dang / lus skyon can dang / gzi byin med pas bsgrub na ni lag na rdo rjes bshad pa bzhin du gnod par 'gyur ro/ /rig sngags kyi lha bri ba de gang yin pa de ci ste mdog sngo bsangs sam/ ser 95-1-152a ram/ dmar ba'am/ dkar sham zhing na de yang de'i kha dog tu bri bar bya'o/ /bud med gang yin pa de'i ni bud med kyi cha byad can du bya'o/ /skyes pa gang yin pa de ni skyes pa'i mtshan dang ldan par bya zhing / gzugs gang yin pa dang / kha dog gang yin pa dang / mtshon cha dang ldan par bya'o/ /ci ste mtshon cha med pa zhig na'ang mtshon cha thogs par bya'o/ /gzugs log par byas pas ni dngos grub 'grub par mi 'gyur ro/ /drag shul gyi las rnams la lha drag po gang yin pa de'i drung du de bzhin gshegs pa gzhag par bya'o/ /mchod rten nam mtshan gyi drung du bsgrub na mchod rten ni bya gag gi sgo nga 'dra bar 'dug na dngos grub sbyin par 'gyur ro/ /mtshan yang mtshan nyid rtags dang ldan par bya ste/ /'di dag ni gzugs kyi mtshan nyid do/ /de nas lha de dag yid dga' bar gyur nas lag na rdo rje la legs so zhes bya ba byin te/ byang chub sems dpa' chen po gang khyod sems can thams cad la phan pa'i phyir zhugs te/ sems can thams cad kyi don gyi phyir rig pa mchog gi cho ga rgyas pa chen po mtshan nyid dang bcas/ /cho ga dang bcas par bshad pa legs so legs so/ /de nas byang chub sems dpa' chen po lag na rdo rjes lha de dag la 'di skad ces smras so/ /bzod ldan dag khyed nyon cig /gang gis de bzhin gshegs pa'i sku'i mtshan nyid 'di mthong na/ de mthong ma thag tu de bzhin gshegs pa bye ba phrag dgu bcu rtsa dgu dngos grub stsol bar mdzad do/ /rig pa mchog pho nya ma'i tshogs kyi dkyil 'khor dang bcas pas kyang dngos grub sbyin par 'gyur ro/ /yar gyi ngo tshes brgyad la zhag gcig smyung ba byas te/ 'phags pa lag na rdo rje la mchod pa byas nas me tog dkar po la lan re bzlas brjod byas pa brgyad stong gis 'phags pa lag na rdo rje la bsnun la/ de nas mchod rten nam mtshan la bltas te rig sngags bsgrubs na bde blag tu 'grub par 'gyur ro/ /lha rnams lha mo rdzong gi 'phags ma'i las rnams ngas bshad zin to/ /de la drag tu bskul ba'i gsang sngags dran par byas nas mdun 95-1-152b du gnas par 'gyur ba yang bshad par bya'o/ /na mo badzra pA Ni s+ya/ o~M shwe ta rU pa d+hA ri Ni swA hA/ mar gyi ngo zhag bcu bzhi la zhag gcig smyung bar byas te/ rig sngags 'dis lha mo ut+pal dang ldan par byas nas/ /'phags pa lag na rdo rje'i mdun du bzhag la mchod pa chen po byas te/ lha bshos kyang rgyas par phul nas pa la sha'i shing gis me sbar la/ gu gul sbrang rtsi dang mar dang sbyar bas lan brgyad stong sbyin sreg byas na lha mo chen mo rdzong gi 'phags ma 'grub par 'gyur te/ las thams cad byed nus par 'gyur ro/ /rdzong gi 'phags ma'i cho ga rdzogs so// //de nas 'gro ba'i bdag po sred med kyi bus byang chub sems dpa' chen po 'phags pa lag na rdo rje rig sngags kyi cho ga rgyas pa 'chad pa mthong nas 'khor de nyid kyi nang du 'dus par gyur te 'dus nas lag na rdo rje la bstod pa/ byang chub sems dpa' chen po stobs dang pha rol gnon pa dpag tu med pa khyod sems can thams cad la phan pa'i phyir zhugs pa dang / sems can thams cad la phan pa'i phyir brtson pa gang yin pa ni legs so legs so/ /byang chub sems dpa' chen po bdag gis kyang rig sngags mchog gi cho ga rgyas pa'i las rig sngags 'chang rnams brgyan pa dang / 'grub par bya ba'i phyir gsang sngags bshad par bya'o/ /de nas bcom ldan 'das byang chub sems dpa' chen po lag na rdo rjes 'gro ba'i bdag po sred med kyi bu la 'di skad ces smras so/ /'gro ba'i bdag po sred med kyi bu khyod sems can thams cad la phan pa'i phyir zhugs pa gang yin pa legs so legs so/ /rig sngags 'chang rnams brgyan pa'i phyir gsang sngags shod cig shod cig /de nas byang chub sems dpa' chen po sred med kyi bus de bzhin gshegs pa thams cad la phyag 'tshal lo/ /rig sngags kyi tshogs la bltas nas gsang sngags bshad pa/ na mo badzra pA Ni s+ya/ na mo nA rA ya NA ya/ na mo be+e shra ba NA ya/ shrI bad sa tsakra d+ha rA ya/ ma pa dan+ta/ twa ba b+han+d+han ban+d+hA mi/ ni pa ngan+taM/ tsa tuSh+pa dan+ta/ a shi byi shA nash+tsa ban+d+hA mi/ sarba duSh+TaM sh+tsa/ da ru NAM/ i ti mi ti 95-1-153a ni/ ma hA sha mi ra/ na mo de ba bA yu/ tsa tur+b+hu dzA ya/ ma spu ra/ ma spun swA hA/ de nas 'gro ba'i bdag po sred med kyi bus byang chub sems dpa' chen po lag na rdo rje la 'di skad ces smras so/ /rdo rje 'dzin chen po rig sngags kyi las shod cig shod cig / de nas rig sngags kyi rgyal po chen po lag na rdo rjes rig sngags kyi tshig la bltas nas rig sngags kyi las bshad pa/ rig sngags 'chang gi las gcig pus rig sngags mchog la sogs pa rig sngags thams cad bsgrub par 'dod na/ zla ba gcig gi bar du slong mo'i zas za zhing gnas dben par rig sngags bzlas brjod byas la/ zla ba gcig tshang nas zhag gcig smyung ba byas te/ yungs kar gyis lan brgyad stong sbyin sreg byas na/ rig sngags kyi rgyal po chen po mthong bar 'gyur te/ yid la gang 'dod pa de dag thams cad byed par 'gyur ro/ /bsrung ba ni chos dkar can gyis bya'o/ /de nas 'gro ba'i bdag po sred med kyi bus lag na rdo rje la 'di skad ces smras so/ /rdo rje 'dzin bdag gis kyang rig sngags 'chang rnams brgyan par bya ba'i las gang gis rig sngags 'chang rnams rin po ches brgyan par gyur pa bshad par bya'o/ /de nas lag na rdo rje grags pa chen pos 'gro ba'i bdag po sred med kyi bu la 'di skad ces smras so/ /'gro ba'i bdag po gang gis rig sngags 'chang rnams rin po ches brgyan par gyur pa shod cig shod cig /de nas 'gro ba'i bdag po sred med kyi bus rig sngags rnams rin po ches brgyan par bya ba'i las bshad pa/ ro nye pha bong long bu dang / /tshon mo steng dang zangs rnams dang / /lan tshwa chu yi bcu cha rnams/ /til gyi thal ba'i chu dang btags/ /ag+ni til mar dag dang sbyar/ /mi thod nang du btso bar bya/ /gser mchog dag tu 'gyur ba ste/ /yid gnyis su ni bya ba med/ /sbyor ba gcig ni ngas bshad zin/ /sbyor ba gnyis pa nga las nyon/ /mtshal dang dug bcas pa bla dang ni mu zir ldan/ /shing thog khu bas btags te zangs ma gle bas la bsku/ /dud pa bkag ste bsregs nas btags 95-1-153b na gser dang 'dra/ /gser kha skya bo'i cha brgyad cha yis bsgyur bar nus/ /mtshal dang dug bcas b+hu mi bal li ba blar bcas/ /tsin tsha'i shing brnyan tshwa dang tshwa chur ldan byas la/ /mi thod gsar nang ag+ni'i til mar ldan byas na/ /lha yi rgyan du rung ba'i gser gyi sbram bur 'gyur/ /mtshal dang ldong ros bcas dang rta khrag pa blar ldan/ /tsin tsha'i shing brnyan tshwa dang tshwa chur ldan byas la/ /mi thod gsar nang ag+ni'i til mar ldan byas la/ /lha yi rgyan du rung ba'i gser gyi sbram bur 'gyur/ /gser dang ra gan dngul rnams kha bsgyur te/ /btsong dang go bye dag gis nad du bsgos byas la/ /mi thod gsar pa dag gi nang du btso byas na/ /'dzam bu chu bo'i gser dag dang ni 'dra bar 'gyur/ /mtshal phye zhib mor kha lung khu bas lan bdun bsgo/ /shing kun sha yi khu bas kyang ni lan bdun bya/ /mi thod gsar nang ag+ni'i til mar ldan byas na/ /lha yi rgyan du rung ba'i gser gyi sbram bur 'gyur/ /sbyor ba 'di dag bdag gis bshad zin gyis/ /bai DUr+yasngon po'i cho ga yang bdag las gson cig /mching bu'i sngon po'i cha bzhi dang / pad+ma rA ga de dang mnyam pa dang /be+e DUR+ya sum 'gyur dang / ma ra ka ta'i cha'i phyed dang / dun las byi la'i mig gi mdog 'dra ba sum 'gyur dang / zangs de'i phyed rnams sbyar na bai DUr+yasngon po bzang por 'gyur ro/ /mkhas pa dag gis li khri dang / mtshal dang ba so sbyar nas ra gsar du 'brangs pa'i 'o mas sprus la blo dang ldan pas byi ru byas te grib mar legs par bskams nas nya'i khong du bcug la yungs mar brngos te/ gtun gyi nang du mon sran gre'u skam po bcug nas snum cung zad tsam dang ldan par byas la byi ru der bcug ste/ 'jam por 'gyur gyi bar du mkhas pas gtun bus brdung na byi rU bzang por 'gyur ro/ /cho ga de ltar byas te thing shin blugs na ni in+d+ra nI lar 'gyur ro/ /nya phyis kyi phye ma blugs na ni mu tig tu 'gyur ro/ /gzhan dag kyang kha dog ci 'dra ba'i bye brag dang sbyar te de bzhin du bya'o/ /bcom ldan 'das rin po che'i rgyan rnam pa sna tshogs 'di dag ni 95-1-154a bdag gis bshad zin gyis/ gser gyi don du bdag gis rdzas bshad pa gang yin pa'i rdzas de dag gi mtshan nyid kyang gson cig /bdar na mdog gi dmar ser 'gyur/ /lci zhing 'od kyang chags pa dang / /mnyen zhing mdog kyang mi gnag pa/ /de ni gser gyi mchog tu bshad/ /rdul zhing 'jam zhing lci la snum/ /bsregs na dngas la shin tu dkar/ /'od bzangs mnyen bag yod pa'i yul/ /gang yin de ni rab tu bzang / /phyi rol nyi ma 'chaRa ka'i mdog /bcag 'phro dngul chu'i mdog dang 'dra/ /lci zhing mdog sdug de 'dra'i zangs/ /gang yin de ni rab tu bzang / /phyi rol phug ron mig 'dra zhing / /bcag 'phro gser gyi phye ma 'dra/ /lci zhing mdog sdug de 'dra ba/ /mtshal gyi mchog tu bshad pa yin/ /phyi rol ne tso'i sgro mdog 'dra/ /bcag 'phro gser gyi phye ma bzhin/ / lci zhing mdog sdug de 'dra ba/ /mu zi'i mchog tu bshad pa yin/ /nyi ma 'char ka'i mdog 'dra zhing / /ka ra bI ra'i me tog 'dra/ /yang na la la gser 'dra ba/ /ldong ros kyi ni gtso bor bshad/ /gser gyi gyim bag mdog 'dra zhing / /rim pa'i sul gyis gang ba dang / / mdog kyang sdug cing lci ba dang / /ba bla'i mchog tu bshad pa yin/ /rdzas 'di dag ni bdag gis bshad/ /bzang por bcos pa'ang bdag las gson/ /gser glebs la kha lung gi khu ba dang tshwa chu dang snum dang ldan par byas te/ ba lang gi lci ba'i me'i nang du lan bdun bsregs na des gser dul bar 'gyur ro/ /ra gan gyi cho ga yang 'di yin te/ mkhas pas bu ram dang / kha lung dang / bram+hi dang / lan tshwa dang / keng shu ka rnams so so'i nang du zhag bdun bdun gzhag go/ /thabs de lta bur byas na dngul dang zangs kyang dul bar 'gyur ro/ /ldong ros ni ba lang gi sha'i nang du bcug la btags te/ kha lung gi khu ba'i nang du lan bdun bdun bcug na des dul bar 'gyur ro/ /mtshal yang mu zi'i cho gar bstan pa bzhin du byas na dul bar 'gyur ro/ /ba bla ni ras kyis dkris la shi snu ha'i 95-1-154b sbubs su bcug ste ba lang gi lci bas g.yogs nas bdugs la lan bdun gyi bar du ba lang gi lci ba'i khu ba'i nang du bcug na ba bla dul bar 'gyur ro/ /byi ru la sogs pa'i rdzas rnams gdul ba yang de ltar byas na dul bar 'gyur ro/ /dngul la sogs pa'i rdzas rnams sngar legs par btul te/ dri ma med par byas nas gdod sbyor ba thams cad la sbyar bar bya'i de ma yin pa ye mi bya'o/ /bcom ldan 'das 'di dag ni bdag gis sems can rnams la phan pa'i phyir bshad de/ gang zhig de dang mi mthun pa'i las byed na las grub pa med do/ /bcom ldan 'das gzhan yang gang dag bdag gi gsang sngags 'chang ba de dag la thams cad du bsrung bar 'gyur ba 'di yang bshad par bgyi'o/ /de nas bcom ldan 'das lag na rdo rjes 'gro ba'i bdag po sred med kyi bu la 'di skad ces smras so/ /'gro ba'i bdag po ngas kyang khyod la drag tu bskul ba'i gsang sngags bshad par bya'o/ /na mo badzra pA Ni s+ya/ o~M lo lA tsakrA ya swA hA/ gsang sngags 'dis lag na rdo rje'i mdun du mar ngo'i tshes bcu bzhi la zhag gcig smyung ba byas te/ lan brgyad stong bzlas brjod byas na sred med kyi bu 'grub par 'gyur te/ las thams cad byed par nus so/ /sred med kyi bu'i cho ga rdzogs so// //de nas gang ga klung la sogs pa klung chen po bzhi 'khor brgyad khri bzhi stong gis bskor ba rnams lag na rdo rje'i zhabs drung du song ste/ phyin nas byang chub sems dpa' chen po lag na rdo rje la 'di skad ces smras so/ /byang chub sems dpa' chen po bdag cag gis kyang sems can thams cad la phan pa'i phyir rig pa mchog gi cho ga rgyas pa chen po'i gsang sngags bshad par bgyi'o/ /de nas byang chub sems dpa' chen po leg na rdo rjes gang gA klung la sogs pa klung brgyad khri bzhi stong gis bskor ba rnams la 'di skad ces smras so/ /bzod ldan dag khyed sems can thams cad la phan pa'i phyir zhugs pa dang / /sems can thams cad la phan pa'i phyir brtson pa legs so legs so/ /bzod ldan dag rig pa mchog gi cho ga rgyas pa chen po'i gsang sngags shod cig shod 95-1-155a cig /de nas gang gA klung la sogs pa klung chen po brgyad khri bzhi stong gis bskor ba rnams gcig tu phyogs par gyur nas byang chub sems dpa' chen po lag na rdo rje la phyag 'tshal te rig sngags bshad pa/ na mo badzra pA Ni s+ya/ na mash+tsa tur+NAM/ ma hA sa ma drA NAM/ gang gA na dI/ pra mu khA NAM/ tsa tur+shI ti nA d+ha siM ha sa nAM/ ma ya go gi ni ba si nAM/ sa ri ti d+hA ri NAM/ shwe ta bA sa sA nAM/ dza Ta mu ku Ta d+hA ri NAM/ na mo stu te kI li kI li swA hA/ yo ga d+hA ri Ni/ ma hA yo ga d+hA ri Ni swA hA/ de nas gang gA klung la sogs pa klung chen po bzhi klung brgyad khri bzhi stong gis bskor ba rnams kyis byang chub sems dpa' chen po lag na rdo rje la 'di skad ces smras so/ /rig sngags kyi rgyal po chen po rig sngags kyi las rnams shod cig shod cig /de nas byang chub sems dpa' chen po lag na rdo rjes rig sngags kyi las bshad pa/ dgun zla tha chung sa chos bdun la zhag gcig smyung ba byas te/ gang gA'i klung gi nang du chu lte bar phyin pa tsam du zhugs la/ rig sngags lan brgyad stong bzlas brjod byas te/ gang gA'i lha mo la zangs kyi snod kyi nang nas tsan+dan dmar po dang / me tog dmar po dad ldan pa'i mchod yon dbul lo/ /de nas 'grub par 'gyur te/ klung chen po bzhi dang / klung thams cad kyang 'grub par 'gyur ro/ /klung gi chu gang gA'i nang du zhugs te/ bsgrubs nas yang de dag myur du 'grub par 'gyur ro/ /lha rnams klung chen po rnams kyi las ngas bshad zin to/ /de dag la drag tu bskul ba'i gsang sngags kyang bshad par bya ste/ yar gyi ngo tshes brgyad la zhag gcig smyung ba byas nas 'phags pa lag na rdo rje'i mdun du sna ma'i me tog brgyad stong phul na klung chen po bzhi 'grub par 'gyur ro/ /na mo badzra pA Ni s+ya/ o~M shwe ta dza Ti kr-iSh+Na rU pa d+hA ri Ni swA hA/ klung chen po bzhi'i cho ga rdzogs so// //de nas bcom ldan 'das rig sngags kyi rgyal po chen po lag na rdo rje 'khor de nyid kyi nang nas langs te/ gos phrag pa gcig tu gzar nas pus mo g.yas pa'i lha ngas la btsugs te/ bcom ldan 95-1-155b 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das bdag ni rig sngags kyi rgyal po chen po'o/ /rig sngags kyi rgyal po chen po rig sngags kyi bdag po chen po/ rig sngags thams cad kyi bdag po rig sngags thams cad sgrub pa dang / phur bus 'debs pa dang / /gcod par bgyid pa lags te/ bcom ldan 'das bdag gis sems can thams cad la sman pa dang / sems can thams cad la phan pa dang bde ba'i slad du rig pa mchog gi cho ga rgyas pa bshad pa lags so/ /bcom ldan 'das sems can rnams la sman par 'tshal ba'i slad du/ lha thams cad kyis ma 'tshal ba dang / ma thos pa gang lags pa de yang bshad par 'tshal lo/ /bcom ldan 'das 'di ni rig pa mchog gi cho ga rgyas pa'i snying por gyur pa lags so/ / 'di ni yang dag pa lags so/ /bcom ldan 'das 'di ni bdag gi rlabs chen po lags te/ thabs 'di 'ba' zhig gis rig sngags thams cad bsgrub par 'tshal lo/ /thabs 'di 'ba' zhig gis gsang sngags thams cad phur bus gdab par 'tshal lo/ /de nas bcom ldan 'das kyis lag na rdo rje la 'di skad ces bka' stsal to/ /rig sngags kyi rgyal po byang chub sems dpa' chen po gang gis sems can rnams 'grub pa'i nye bar bsgrub pa'i las rnams shod cig shod cig /de nas rig sngags kyi rgyal po chen po lag na rdo rjes snying rje'i sems kyis rig sngags kyi tshogs la bltas nas/ sems can rnams kyi don gyi phyir rig sngags 'chang gi gsang ba bshad pa/ mi gang mdog sdug pa dang / lag pa ring ba dang / sen mo zangs kyi mdog lta bu dang / rkang pa ru sbal 'dra ba'i rig sngags 'chang de la ni rig sngags 'chang de dag gis rig sngags 'chang gi las rnams 'grub par 'gyur ro/ /mi gang mdog gnag pa dang / mig dmar ba dang / sna yo ba dang / sen mo ser ba dang / sen mo sngo ba dang / mdze can dang / sha gzig gu dang / shu ba dang / 95-1-156a 'brum bu phra mos yog pa dang / ma rungs pa'i las byed pa gang yin pa de dag la ni las drag po 'grub par 'gyur ro/ /mi gang mdog sngo bsangs dang / lag pa ring ba dang / mdog sdug pa dang / mig rtsa dmar ba dang / sen mo ru sbal lta bu dang / rkang pa ru sbal lta bu sha bkra'i mig lta bu'i rig sngags 'chang de dag la ni rig sngags 'chang gi gsang sngags 'grub par 'gyur ro/ /mi gang skra dmar ba dang / mig ser ba dang / sen mo sngo ba dag ni ma rungs pa'i las byed pa yin te/ de dag la ni drag shul gyi las rnams 'grub par 'gyur ro/ /mi gang mdog sngo bsangs dang /skra 'jam pa dang / sha bkra'i mig lta bu dang / mgo gdugs lta bu dang / shing n+ya gro d+ha lta bu chu zheng gab pa dang / byin pa ri dgas e na ya lta bu'i rig sngags 'chang rnams la ni las thams cad 'grub par 'gyur ro/ / mi gang sor mo rdum pa dang / lag pa rdum pa dang / sgur bu dang / zhar ba dang / mig yo ba dang / shel mig can dang / kha dog gcig gi shas che ba de dag la ni las phran tshegs 'grub par 'gyur te/ de dag la gzhan ci yang 'grub par mi 'gyur ro/ /mi gang lag pa ring ba dang / pri yang+ku'i mdog lta bur 'dug pa dang / skra dang / lus dang rkang pa mdog snum pa de dag ni rig sngags 'chang gi rgyal po yin te las thams cad 'grub par 'gyur ro/ /lha rnams mi gang dag gis rig pa mchog gi cho ga rgyas pa chen po 'grub par 'gyur ba'i mi'i mtshan ma ngas bshad zin to/ /mi mchog de dag la gsang ba gang gis bde blag tu lha rnams dga' bar 'gyur ba'i gsang ba ngas bshad par bya'o/ /steng na rgyu ba'i rig sngags kyi lha gang yin pa de dag la ni sna ma'i me tog gis zhag brgyad kyi bar du lha de dag mchod pa byas te/ ga pur dang / /gu gul gyi bdug pa yang phul na de dag 'grub par 'gyur ro/ /ci ste steng du rgyu ba'i rig sngags kyis lha rnams dgug par 'dod na dkyil 'khor byas te/ /zhag gsum gyi bar du lha de la ko sha ta ka'i me tog gis mchod pa byas te ka ra 95-1-156b bIr kha 'bus pa'i 'dug pa yang phul na des lha mthong bar yang mi 'gyur na dngos grub lta ci smros/ rig sngags kyi lha sa 'og na rgyu ba gang yin pa de dag cis dga' bar 'gyur ba de yang bshad par bya ste/ dkyil 'khor byas la zhag nyi shu rtsa gcig gi bar du pri yang+ku'i me tog gis mchod de/ a ga ru dang pog gi bdug pa yang dbul bar bya'o/ /ci ste dkrug par 'dod na zhag gsum gyi bar du ku ran+ta ka sngon po'i me tog gis mchod de/ de nyid kyi rtsa ba'i bdug pa yang de la phul na des lha yang mthong bar mi 'gyur na dngos grub lta ci smos/ rig sngags kyi lha dur khrod du dga' ba gang yin pa de dag cis dga' bar 'gyur de yang bshad par bya ste/ zhag bdun gyi bar du ba ru ra'i me tog gis mchod de/ nya sha dang sha'i bdug pa yang dbul lo/ /ci ste dkrug par 'dod na zhag gsum gyi bar du pad+ma'i me tog gis mchod de/ tsan+dan dang ga pur gyi bdug pa phul nas de nas lha yang mthong bar mi 'gyur na dngos grub lta ci smos/ lha phal pa rnams la ni dkyil 'khor skyong nul gyis byugs te zhag bcu'i bar du me tog dkar po dang / gu gul gyi bdug pa yang dbul lo/ /ci ste dkrug par 'dod na dkyil 'khor byas la zhag gcig gi bar du dug ti ka'i me tog gis mchod de/ gan+d+ha ha sti'i rtsa ba'i bdug pa phul na des lha yang mthong bar mi 'gyur na dngos grub lta ci smos/ lha rnams kyi mchog tu gsang ba 'dis ni las thams cad kyang las gcig gis 'grub par 'gyur te rig sngags kyi rigs kyi rim pa bzhin du las bya'o/ /de nas cho ga rgyas pa gzhig par 'dod na rig sngags kyi cho ga thams cad la yang dkyil 'khor skyong nul gyis byugs la zhag gsum gyi bar du des de bzhin du lha bshos dang / me tog dang / bdug pa thams cad blangs te/ cho ga rgyas pa ming nas smos shing mchod pa byas na cho ga rgyas pa'i lha yang mthong bar mi 'gyur na dngos grub lta ci smos/ rab tu grub par bya na yang cho ga de nyid yin no/ /bcom ldan 'das rig sngags kyi lha thams cad kyi gsang ba dang / gsang chen bdag gis bshad lags te/ lhar bcas pa'i 'jig rten bdud du 95-1-157a bcas pa dang / tshangs par bcas pa dang / dge sbyong dang bram zer bcas pa'i skye dgu gzhan lta su zhig gis 'tshal bar mi nus na/ bshad pa lta smos kyang ci 'tshal/ bdag gis rig pa mchog gi cho ga rgyas pa chen po bshad pa rig pa mchog gi snying por gyur pa/ rig sngags kyi lha thams cad kyi snying po gsang ba'i las 'di ni dkon mchog gsum la dang ba la stsal bar bgyi'o/ /sdig pa'i las can dag la ni gsang ba 'di stsal bar mi bgyi'o/ /lha rnams mchod par bya ba dang dkrug par bya ba'i cho ga rdzogs so// //de nas byang chub sems dpa' chen po lag na rdo rjes rig sngags kyi tshogs thams cad la bltas nas lha de dag la 'di skad ces smras so/ /bzod ldan dag khyed rgyags pa med pa'i sems kyis nyon cig /sems can rnams kyi don gyi phyir ngas rig pa mchog gi cho ga rgyas pa chen po bshad pa dang / rig sngags kyi lha rnams kyi rig sngags gsang ba bshad pa dang / cho ga rgyas pa'i lha rnams bshad pa 'di ni cho ga rgyas pa chen po'i snying po yin te/ cho ga rgyas pa gsang ba'i dkyil 'khor dang ldan pa 'di dang / dpal thams cad mngon par 'byung ba gang gis mthong ba'i rig sngags 'chang de dag ni ring por mi thogs par dngos grub 'grub par 'gyur te/ cho ga rgyas pa chen po gsang sngags dang ldan pa gang gis mthong ba'i rig sngags 'chang de dag ring por mi thogs par dngos grub 'grub par 'gyur bar lag na rdo rje ngas bshad do/ /cho ga rgyas pa 'di gang gis mthong ba dang / /lha thams cad la brten pa byas pa de la dga' ba dang / yid rab tu dga' bas dngos grub byin cig /gsang ba'i dkyil 'khor gyi cho ga dam pa 'di gang gis mthong ba de la ni dngos grub sbyin pa'i phyir nga rtag tu phyi bzhin 'brang ngo / /rig sngags 'chang gso sbyong 'dzin cing smyung ba byas pa dang / gtsang ba dang / gos gtsang ma bgos pas phyogs gtsang zhing dben pa'i sa'am/ khyim gtsang mar dkyil 'khor khru bzhi pa'am/ khru bcu gnyis pa byas la ci 'byor pa'i tshon rtsi sna gsum gyis tshon pa kye ste/ thog mar 95-1-157b sangs rgyas bcom ldan 'das gzhag go/ /de'i g.yon logs su 'phags pa lag na rdo rje pho nya ma'i tshogs kyi 'khor dang bcas pa gzhag go/ /de'i drung du 'phags pa rdo rje sde lag pa na pad+ma thogs pa gzhag go/ /de'i g.yon logs su 'phags pa gtsug nas 'byung ba gzhag go/ /de'i drung du lha chen po dang / tshangs pa dang / khyab 'jug dang / ma mo bdun gzhag go/ /de'i drung du tshogs drug cu rtsa bzhi dang / log 'dren sum cu rtsa gnyis gzhag go/ /bcom ldan 'das kyi spyan sngar ni spyan gsum gzhag par bya'o/ /bcom ldan 'das kyi g.yas logs su ni 'phags pa spyan ras gzigs dbang phyug gos dkar can dang lhan cig tu gzhag go/ /de'i drung du rgyal po chen po bzhi dpung dang bcas par gzhag go/ /lha thams cad kyang ji lta ba bzhin du mtshon cha thogs par bya'o/ /nang du yang klung chen po bzhi 'dab chags su gzhag go/ /gang gA'i bum pa ni mgrin chings dkri bar bya'o/ /bum pa'i nang du snying po gsum gzhag par bya'o/ /sgo dang po'i nang du ni rdzong gi 'phags ma dang / tshig ldan ma gzhag par bya'o/ /byang phyogs su ni lcags can gzhag go/ /nub phyogs su ni rgyal po'i blo gros ma gzhag go/ /lho phyogs su ni bdud rtsi thab sbyor gzhag go/ /bum pa'i mdun du ni lha'i drang srong me 'bar ba dang ldan par gzhag go/ /sgo bzhir yang bum pa mgrin chings dang bcas pa bzhi gzhag go/ /sgo re rer yang skra'i skud pa mtshon cha dang bcas par gzhag go/ /dbus su yang tshogs rnams kyi ta la'i tho ba gcig dang / skra'i skud pa gzhag go/ /thog mar thig gdab pa ni rig pa mchog gis bya'o/ /lha thams cad bri ba ni snying pos bya'o/ /lha thams cad spyan drang ba ni bcom ldan 'das mas bya'o/ /dri dang me tog dang bdug pa dbul ba yang des bya'o/ /dkyil 'khor gyi bgegs byed pa gang yin pa de dag kyang snying pos sbyin sreg bya ste/ yungs kar dang zho dang sbrang rtsi dang mar dang ldan pas lan brgya rtsa brgyad sbyin sreg bya'o/ /de nas rig sngags 'chang gis rig sngags 'chang zhag gcig smyung 95-1-158a ba byed du bcug la byang chub kyi sems sbyin par bya'o/ /de nas bcom ldan 'das ma'i snying po mgo bor bsngags la nye ba'i snying po rna bar bzhag ste/ nag mo'i sngags bzlas brjod byed bzhin du gzhug cing shar phyogs kyi sgo'i byang stod du bab pa'i lha rnams la phyag 'tshal du bcug la me tog gam/ 'gron bu'i phur ma 'dor du bcug na gang la bab pa de dag gi rigs yin te/ /de dag ni gsang ba'i rigs zhes bshad do/ /gsang ba dang lha thams cad kyi gsang ba'i phyag rgya yang der bstan par bya'o/ /gdon nyan du gzhug pa'i skabs nas ngas bshad pa'i phyag rgya dang / lha gang yin pa de dag kyang rig sngags 'chang rnams la bstan par bya'o/ /lha thams cad kyi phyag rgya ni mdung rtse gsum pa yin no/ /lag na rdo rje'i ni rdo rje yin te rdo rje gang yin pa de ni mdung rtse gsum pa yin la/ /mdung rtse gsum pa gang yin pa de yang rdo rje yin par blta bar bya'o/ /gsang ba 'di dag rtogs nas gsang ba rnams la yang mchod par bya'o/ /gsang ba'i phyag rgya lha thams cad kyi gsang chen 'di gang gis mthong ba de la ni lha thams cad yid dga' nas dngos grub sbyin par byed de de'i las rnams la rig sngags bde blag tu 'grub par 'gyur ro/ /de nas rig sngags 'chang gis lag na rdo rje dang 'dra bar bla ma la phyag byas nas bcom ldan 'das la yon dbul lo/ /de'i 'og tu byang phyogs su song la de nas rig sngags 'chang rnams la phyag 'tshal du gzhug go/ /gsang ba'i dkyil 'khor sangs rgyas thams cad kyis byin gyis brlabs pa 'di sus mthong ba de ni sangs rgyas kyi bsam pa dang 'dra bar mi 'gyur te/ bde ba can du yang skye bar 'gyur ro/ /cho ga rgyas pa 'di su 'chang ba de ni lag na rdo rje dang 'dra'o/ /dkyil 'khor 'di mthong na cho ga rgyas pa chen po brgyad bde blag tu 'grub par 'gyur ro/ /rig sngags kyi lha thams cad kyang rtag tu srung bar byed do/ /rig pa mchog gi cho ga rgyas par rgyud phyi ma dang bcas pa pho nya ma'i tshogs kyi 'khor dang bcas pa/ phyag rgya'i rgyan dang bcas pa/ gsang chen 95-1-158b dang bcas pa gang ba dang bcas pa lag na rdo rjes bshad pa/ sangs rgyas thams cad kyis byin gyis brlabs pa 'di thams cad ma lus par su 'chang ba de'i lus kyi spyi bor ni dpal dang ldan pa rdo rje 'dzin rtag tu gnas par 'gyur ro/ /gsang ba'i dkyil 'khor rdzogs so// //de nas bcom ldan 'das kyis byang chub sems dpa' chen po lag na rdo rje la 'di skad ces bka' stsal to/ /byang chub sems dpa' chen po khyod legs so legs so/ /byang chub sems dpa' chen po khyod sems can thams cad la phan pa'i phyir zhugs pa dang / sems can thams cad la phan pa'i phyir brtson pa yin te/ cho ga rgyas pa chen po bshad pa gang yin pa de ni legs so/ /rig pa mchog gi cho ga rgyas pa chen po 'di ni de bzhin gshegs pa dgra bcom pa yang dag par rdzogs pa'i sangs rgyas rnams kyis kyang rjes su gnang ste/ de bzhin gshegs pa thams cad kyis byin gyis brlabs pa dang / de bzhin gshegs pa thams cad kyis bstod cing bsngags pa yin no/ /rig sngags 'chang gang spyan gyi snying po dang bcas pa/ rig sngags kyi rgyal po chen po dang bcas par dran par byed dam/ dus gsum du phyag 'tshal ba de dag la ni ngan 'gro log par ltung bar 'gyur ba de dag med do/ /'chi ba'i tshe'ang de bzhin gshegs pa thams cad mngon sum du phyogs par 'gyur te/ des na de dag la ngan 'gro log par ltung bar 'gyur ba med do/ /sems can mtshams med pa lnga dang ldan pa dag kyang mnar med par skye bar mi 'gyur ro/ /'di ni rig sngags kyi rgyal po chen po'i mthu yin no/ /dper na nor bu rin po che gtsug phud can zhes bya ba mthong ma thag tu nad thams cad zhi bar 'gyur zhing gdon thams cad kyang 'byer bar 'gyur ba de bzhin du rig sngags kyi rgyal po 'di spyan dang snying po dang bcas par dran pa tsam gyis las kyi sgrib pa thams cad byang bar byed do/ /'di ni rig sngags kyi rgyal po chen po'i rgyu dang mthun pa yin te/ sangs rgyas bcom ldan 'das rnams kyi gzhan du gsungs pa ma yin no/ /rigs kyi bu'am 95-1-159a rigs kyi bu mo gang la la byang chub sems dpa' rnam par 'phrul pa'am/ 'jig rten gyi sna tshogs byed par 'dod na des rig sngags kyi rgyal po btsal bar bya zhing bsgrub par bya'o/ /sems can dge ba'i rtsa ba bskyed pa gang yin pa de dag gi lag tu ni thams cad ma lus par 'ong bar 'gyur ro/ /sems can bsod nams ma byas pa dag gi lag tu ni 'ong bar mi 'gyur ro/ /rig sngags kyi rgyal po chen po gang gi lag tu 'ongs par 'gyur ba de dag la ni lhar bcas pa'i 'jig rten gyis phyag bya bar 'gyur ro/ /de nas lha de dag snying 'dar zhing de bzhin gshegs pa la blta bar gyur to/ /de nas bcom ldan 'das kyis byang chub sems dpa' chen po lag na rdo rje la 'di skad ces bka' stsal to/ /lag na rdo rje rig sngags kyi rgyal po 'di ni thogs pa med pa'i las yin te/ las thams cad la don yod pa yin no/ /sems can ma rungs pa'i las byed pa gang yin pa de dag gis kyang ji ltar 'dod pa bzhin du las sna tshogs byed nus shing lha rnams la yang 'tshe bar nus te dge ba'i rtsa ba bskyed cing / /dge ba bcu'i las kyi lam dang ldan pa'i lha de dag la yang gnod pa byed nus so/ /brtul phod pa'i mi de dag la rig sngags thams cad kyi snying po gsang ba bstan par bya ste/ sems can de dag gis de mthong na ji ltar 'dod pa bzhin du byed par 'gyur ro/ /sems can nga'i gsang ba'i phyag rgya'i tshogs mthong ba gang yin pa de dag gis ni don yod pa'i las kyi mchog gis lha thams cad dang nga la gtse bar nus so/ /de nas lag na rdo rjes bcom ldan 'das la 'di skad ces gsol to/ /bcom ldan 'das lha rnams la sman pa'i slad du de bzhin gshegs pa rnams kyi bka' rig sngags kyi rgyal po chen po'i gsang ba rig sngags thams cad kyi snying po mA ma kI'i phyag rgyas btab pa bdag gis bshad par 'tshal lo/ /de nas rig sngags kyi rgyal po chen po lag na rdo rjes bcom ldan 'das kyi zhabs gnyis la gtugs nas rig sngags kyi rgyal po chen po rig pa mchog gi rig sngags cho ga rgyas pa chen po don yod par bsgrub pa bshad do/ /bcom ldan 95-1-159b 'das lha thams cad kyis rig pa mchog gi cho ga rgyas pa chen po'i rig sngags bshad pa gang lags pa'i rig sngags de dag bsgrub pa'i slad du yang rig sngags thams cad kyi snying po gang thos na rig sngags thams cad dngos grub tu 'gyur ba bshad par 'tshal lo/ /de nas bcom ldan 'das lag na rdo rjes bcom ldan 'das kyi zhabs gnyis la gtugs nas rig sngags thams cad kyi snying po bshad pa/ na mo rat+na tra ya s+ya/ namash+tsaN+Da badzra pA Ni s+ya/ ma hA yak+Sha se nA pa ti s+ya/ tad+ya thA/ uSh+Ti ri li/ maM ga l+ye/ saM ha ri ba la na ri swA hA/ rig sngags thams cad kyi snying po thos ma thag tu sa rnam pa drug tu g.yos te/ g.yo ba dang mi g.yo ba'i rgyu skar dang / gza' chen po rnams 'khrugs so/ /bcom ldan 'das rig sngags thams cad kyi snying po 'di ni bdag gi rig pa mchog lags te/ mnyam pa ma mchis la stobs che zhing rmad du byung ba lags so/ /'di ni bdag gi gsang ba lags te/ mu 'di cho ga dang ldan par 'dod pa des ni de bzhin gshegs pa'i spyan sngar dri dang me tog dang bdug pa phul la/ lag na rdo rje la yang me tog dmar po phul te/ zhag gcig smyung ba bgyis te byang chub kyi sems yongs su bzung la bla ma la yang mchod cing yon phul nas rig sngags thams cad kyi snying po dang / rig pa mchog gdon par bgyi'o/ /de nas lha thams cad yid rab tu dga' nas byang chub sems dpa' chen po lag na rdo rje la 'di skad ces smras so/ /byang chub sems dpa' chen po legs so legs so/ /rig sngags thams cad kyi snying po 'dzin pa'i rig sngags 'chang de la myur du dngos grub stsol cig /de nas lag na rdo rjes lha de dag la 'di skad ces smras so/ /bzod ldan dag khyod nyon cig /ngas gsang ba'i dkyil 'khor bshad pa las gsang ba dang rig sngags thams cad kyi snying po bstan pa gang yin pa 'di dang / rig pa mchog su 'dod pa'am mchod par byed pa de la ni rig sngags kyi rgyal po chen po dam pa sbyin par 'gyur ro/ /ci ste rig sngags thams cad kyi snying po dang / /rig sngags kyi rigs ma mthong ba 95-1-160a zhig yin na ni myos par 'gyur re/ /'di mthong na ni cho ga rgyas pa chen po brgyad kyang 'grub par 'gyur ro/ /bcom ldan 'das bdag gi gsang ba'i rig sngags thams cad kyi snying po 'di ni sangs rgyas dang / chos dang / dge 'dun la dad pa dang 'phags ba lag na rdo rje'i rigs la dang bar bgyid pa dang / bla ma la phan 'dogs par bgyid pa de la stsal bar bgyi'o/ /de ltar ma bgyis na ma rung bar 'gyur ro/ /bdag gi rig sngags kyi rgyal po'i cho ga rgyas pa 'di ni de la gnas par 'gyur ro/ de nas bcom ldan 'das lag na rdo rje bcom ldan 'das kyi zhabs gnyis la gtugs nas bcom ldan 'das la 'di skad ces gsol to/ /bcom ldan 'das rig sngags thams cad kyi snying po'i las bdag gis bshad par 'tshal lo/ /de nas dbang phyug chen po la sogs pa dkyil 'khor der lha 'dus pa rnams kyis rdo rje 'dzin gyi tshig de thos te thos nas de dag 'bros pa la zhugs so/ /de nas bcom ldan 'das kyis byang chub sems dpa' lag na rdo rje la 'di skad ces bka' stsal to/ /gsang ba pa'i bdag po rig sngags thams cad snying po'i las 'di ni lha rnams la gnod kyis thong shig /de nas rig sngags kyi bdag po lag na rdo rje stan de las langs nas bcom ldan 'das la 'di skad ces gsol to/ /bcom ldan 'das lha rnams lta gar mchis kyis de bzhin gshegs pas rig sngags thams cad kyi snying po'i las gnang bar mdzad du gsol/ de nas bcom ldan 'das sems can rnams kyi don gyi slad du rig sngags thams cad kyi snying po las bdag gis bshad bar 'tshal na de bzhin gshegs pas gnang mdzad du gsol/ bde bar gshegs pas gnang bar mdzad du gsol/ de nas bcom ldan 'das kyis rig sngags kyi rgyal po chen po lag na rdo rje la 'di skad ces bka' stsal to/ /gsang ba pa'i bdag po lha rnams la gnod kyis thong shig thong shig /de nas bcom ldan 'das rig sngags kyi rgyal po chen po lag na rdo rjes bcom ldan 'das la 'di skad ces gsol to/ /bcom 95-1-160b ldan 'das lha rnams dam tshig bsrung na bdag gis bskyang bar bgyi'o/ /bcom ldan 'das lha gang rig sngags thams cad kyi snying po'i ming thos pa na'ang dngos grub stsol bar mi bgyid pa de la ni bdag gis dgum pa'i slad du phyag rgya'i tshogs mi bzad pa btang bar 'tshal lo/ /de nas bcom ldan 'das lag na rdo rjes rnal 'byor dam pa la gnas nas phyag rgya'i tshogs rjes su dran par byas so/ /bcom ldan 'das ma phyag rgya'i rgyal mo phyag rgya la 'tshe ba/ phyag rgya la phur bu 'debs pa/ /lha thams cad skrag par byed pa/ gnod sbyin gyi tshogs thams cad tshar gcod pa/ gsod pa gnod par byed pa/ phur bus 'debs pa/ skrag par byed pa/ zhi bar byed pa/ rgyas par byed pa/ bde bar byed pa/ phyag rgya bzhi'i bdag mo'i rgyal mo mA ma kI'ang rjes su dran par byas so/ /de nas bcom ldan 'das ma phyag rgya'i tshogs brgyad cus bskor ba 'bar ba dang bcas pa/ me stag 'phro ba dang bcas pa/ bsreg pa'i rang bzhin can gyis lag na rdo rje gtso bor byas nas de bzhin gshegs pa shAkya thub pa'i spyan sngar 'dug go/ /de nas rig sngags kyi rgyal po chen po lag na rdo rjes de bzhin gshegs pa la phyag 'tshal nas gsang sngags bshad pa/ na mo rat+na tra ya s+ya/ o~M ku lan+d+ha ri swA hA/ de nas gsang ba'i bdag po blo dang ldan pas 'di smras ma thag tu dbang phyug chen po la sogs pa lha de dag phyag rgya rnams kyis bcom nas lag na rdo rje'i dkyil 'khor du zhugs so/ /gdon drag po dang srin po ma rungs pa gang yin pa de dag thams cad kyang phyag rgya rnams kyis zhe bcil nas khrag skyug bzhin du lag na rdo rje'i zhabs drung du bzhag go/ /de nas lha de dag rtab rtab tu gyur te phyag rgya rnams kyis bcom nas lag na rdo rje la 'di skad ces smras so/ /rdo rje 'dzin chen po phyag rgya'i tshogs kyis shin tu 'jigs kyis bdag cag yongs su bskyab par gsol/ de nas bcom ldan 'das lag na rdo rjes lha de rnams la 'di skad ces smras so/ /lha rnams ma 'jigs shig ma 'jigs shig /phyag rgya'i tshogs de nyid dran par gyis shig dang / des zhi bar 'gyur 95-1-161a ro/ /de nas bcom ldan 'das shAkya thub pas byang chub sems dpa' chen po lag na rdo rje la 'di skad ces bka' stsal to/ /rdo rje 'dzin chen po lha 'di dag yang dag par dbugs phyung shig /de nas bcom ldan 'das lag na rdo rjes bcom ldan 'das la 'di skad ces gsol to/ /bcom ldan 'das bdag gis gsang ba'i dkyil 'khor las lha rnams dang rig sngags 'chang rnams dang / gdon rnams kyi gsang ba bshad pa de ni bcom ldan 'das 'gal bar bgyir mi rung lags te/ su 'gal bar bgyid pa de la bdag khros te phyag rgya'i tshogs 'jigs pa btang bar 'tshal lo/ /de nas bdud rtsi thab sbyor de'i nang nas yangs te 'di skad ces smras so/ /gdon rnams chos lugs mi bzad pa/ /mda' dang gsang sngags gang dag dang / /rtsi sman dang ni sbyin sreg gi/ /las kyi cho ga gtong 'gyur ba/ / shod cig shod cig rig rgyal che/ /mar btung ba yi cho ga dang / /gtor ma'i las ni tshul bzhin dang / /gsang ba dang ni the tshom dang / /gang gis gsang ba gtong gyur pa'i/ /bsreg pa dang ni bcad pa dang / /bsad cing rus pa gzhom bya ba/ /de dag cho gar gang bshad pa/ /de ni stobs chen bdag la gsungs/ /bdud rtsi'i bdag nyid chen po yis/ /'dod pa de skad dris nas ni/ /dpal dang ldan pa rdo rje 'dzin/ /dpa' bos tshig ni 'di skad smras/ /ma rungs gdon las gso ba yi/ /gsang sngags sbyor ba'i cho ga'i rim/ /nga la stobs chen khyod kyis dris/ /dris pa gang yin bshad par bya/ /lha kun 'khod pa'i nang du nyon/ /gdon rnams tshar ni gcad pa dang / /de bzhin lha rnams bskyod pa dang / /lha rnams phyag rgyas gdab pa dang / /de bzhin 'dzin byed gsal ba dang / /rig sngags rnams kyang bsgrub pa dang / /rig sngags cho ga rgyas gdab dang / /de bzhin gdon rnams dkrug pa dang / /rig sngags 'chang la brtse ba dang / /shin tu byin rlabs dkyil 'khor dang / /phyag rgya'i cho ga 'dir bshad de/ /dpa' bo la ni phyag 'tshal nas/ /snying po dga' bar byed pa'i yum/ / 95-1-161b 'byung po rnams ni skrag byed cing / /cho ga'i dngos grub stsol bar bshad/ /sangs rgyas dpa' bos gsungs pa yi/ /gdon kun 'gugs pa'i lcags kyu ma/ /de yang mgo bos phyag 'tshal nas/ /gdon kun lcags kyu bshad par bya/ /na mo rat+na tra ya s+ya/ na maSh+tsa N+Sha badzra pA Ni/ rA dz+nyA pa ya ti swA hA/ /ma hA yak+Sha se nA pa ti s+ya/ tad+ya thA/ badzre badzri Ni/ /badzri li/ badzra ang+ku shi/ /hi ri hi ri/ /badzra muSh+Ti/ /o~M badzra dz+wa la/ ang+ku shA ya phaT/ sid+d+ha sh+tsaN+Da/ badzra pA Ni rA dz+nyA pa ya ti swA hA/ gsang ba'i dbang po blo ldan gyis/ /rig sngags 'di ni bshad nas byang / /de nas zas su lha rnams dang / /gdon rnams kyi ni khrag 'thung ba'i/ /phyag rgya de dag lhags par gyur/ /de nas ca co'i sgra bton nas/ /gsang ba'i dbang po stobs chen gyis/ /gdon rnams kyi ni gsang ba'i mchog /rab tu gsang ba 'di bshad de/ /phyag rgya dag ni bcwa brgyad rnams/ /cho ga'i dngos grub sbyin byed pa/ /phyag rgya 'bar ba'i stobs po che/ /gdon rnams sel ba 'di bshad do/ /gsang ba pa yang 'jig byed pa'i/ /phyag rgya rgyal dang rnam rgyal ba/ /rdo rje mtshan dang rdo rje rtags/ / bkra shis shin tu bkra shis dang / /pad+ma dang ni pad+ma phreng / /g.yung drung ris kyang de bzhin te/ /mdung rtse gsum pa rdo rje dang / /mche ba dang ni mdung thung dang / /klu lag dang ni zhags pa dang / /ral gri dbyig pa 'khor lo rnams/ /drag cing pha rol gnon pa yi/ /phyag rgya 'di dag bdag gis bshad/ /de nas lha tshogs de dag dang / /'byung po dang ni za ba dang / /de bzhin srin po rnams skrag nas/ /gcig la gcig bltas mgo bo yis/ /lag na rdo rje phyag 'tshal nas/ /'di skad kyi ni tshig smras pa/ /rab 'jigs phyag rgya'i tshogs rnams las/ /gsang ba'i dbang pos bskyab par gsol/ de nas rig sngags kyi rgyal po chen po lag na rdo rjes lha de dag la 'di skad ces smras so/ /ma 'jigs ma 'jigs bzod ldan dag /mnga' bdag rig sngags kun dbang po/ /phyag rgya bcwa brgyad go cha can/ /pho nya 95-1-162a mor bcas bltas pa'i mchog /rig sngags kun gyis bskor ba'i rje/ /rig sngags rgyal po dran par gyis/ /bcom ldan 'das mas grub stan dang / /rig sngags kun gyi snying po las/ /bshad pa dag kyang dran par gyis/ /de dag dran pas 'jigs med cing / /phyag rgya rnams kyis gsang bar mthong / /spyod gzugs sna tshogs gdon rnams la/ /rdo rje'i phyag rgya gang btab na/ /gdon rnams phyogs brgyar 'byer ba yi/ /phyag rgya'i tshul yang bstan par gyis/ de nas lha'i tshogs de dag gis lag na rdo rje la 'di skad ces smras so/ /bcom ldan 'das gang na phyag rgya 'di dag gi ming tsam gnas pa der yang dpag tshad lnga'i nang tshun chad du bdag cag yongs su mi gnas so/ /bzod ldan dag de de bzhin te/ de de bzhin no/ /nga yang rig sngags kyis bskor ba'i phyag rgya 'di dag gang na gnas pa de na gnas so/ /gdon rnams la ni rtag tu phyag rgya'i mtshan nyid bstan par bya'o/ /gdon thams cad la rdo rje smos pa'i lcags kyu ma/ rdo rje lcags kyu ma'i phyag rgya dang ldan pas kyang sbyar bar bya'o/ /de la phyag rgya rnams kyi rtags dang mtshan nyid ngas bshad par bya ste/ lag pa g.yas pa'i mthe bos sor mo rnams kyi sen mo mnan te/ khu tshur bcangs la mdzub mo brkyang ste rdo rje ltar byas pa ni rgyal ba'i'o/ /gung mo yang brkyang la sor mo'i bar nas gang tsam gyis phye ba ni rnam par rgyal ba'i 'o/ / srin lag dang bcas par brkyang la sor mo de dag gi bar nas gnyis tsam gyis phye ba ni rdo rje mtshan gyi'o/ /de nyid las sor mo thar phral te brang gi dkyil du bzhag pa ni rdo rje rtags kyi'o/ /phyag 'tshal ba'i thal mo las sor mo rnams kyi bar du sor mo thabs btsug nas lag pa'i rgyab tu legs par sbyar la gung mo dang mthe'u chung gnyis gshibs te bzhag nas brang gi dkyil du bzhag pa ni bkra shis kyi'o/ /de nyid lte ba'i gnas su bzung ba ni shin tu bkra shis kyi'o/ /phyag 'tshal ba'i thal mo las pad+ma'i sbubs 'dra bar byas la gung mo gnyis sprad de lhag ma rnams 95-1-162b yid tsam gyis ma phrad par byas pa ni pad+ma mtshan gyi'o/ /de nyid las mthe bong dang mthe'u chung gnyis sprad pa la lhag ma rnams mi sprad pa ni pad+ma phreng ba'i 'o/ /lag pa gnyis bkan te mdzub mo dang srin lag rnams bsnol bar dkris la mthe bong gnyis lag pa'i nang du bkug nas sor mo lhag ma rnams ni thams cad kyang 'dra bar so so nas lag pa'i gting du gdu bu ltar bkug pa ni g.yung drung ris kyi'o/ /sor mo phan tshun bsnol te khu tshur bcangs la lag ngar yang gcig tu sbyar nas gung mo bsgrengs te gshibs la mdzub mo gnyis brkyang ste nang du yang mi dgug /phyi rol du yang mi dgye bar tha mal par bsgreng nas mthe bong gnyis nang du gzhug pa ni mdung rtse gsum pa'i 'o/ /phyag 'tshal ba'i thal mo las srin lag lu gu rgyud ltar dkris la mthe bos srin lag gi sen mo gnyis mnan nas mdzub mo dang gung mo dang / mthe'u chung rnams gzhibs te bzhag la sor mo de rnams kyi bar nas gnyis tsam gyi tshad tsam du byas te/ drung du khong stong du bya ba 'di ni rdo rje'i 'o/ /phyag 'tshal ba'i thal mo las sor mo rnams nang du bsnol te khu tshur bcangs pa lag pa g.yas pa'i gung mo'i steng du phyung ste/ brkyang ba mchod sdong gi dbyibs ltar byas te bzhag pa ni mche ba'i 'o/ /phyag 'tshal ba'i thal mo las sor mo rnams phyi rol du bsnol te/ khu tshur bcas la sor mo lag pa'i rgyab tu gzhar/ lag ngar gnyis gshibs te gcig la gcig sbyar te lag pa'i rting sprad la gung mo brkyang ste gshibs pa ni mdung thung gi'o/ / phan tshun bsnol mar dkris la lag pa gnyis kyi mthe bong dang / mthe'u chung rnams lu gu rgyud du sbrel nas sor mo lhag ma rnams rdo rje'i mtshan nyid las/ klu mgo'i gdengs ka ltar byas te/ bar rnams nas gang tsam du bya ba ni klu'i lag gi'o/ /lag pa gnyis ka'i mthe bos mthe'u chung gi sen mo mnan te/ zhags mig gi dbyibs ltar byas la lag pa g.yon pa bkan nas lag pa g.yas pa khas phub ste sbyar la sor mo rnams kyi ngos so sor legs par phrad par bya ba ni zhags pa'i 'o/ /sor mo rnams phan tshun nang du bsnol la/ lag pa gnyis kyi gru mo sbyar 95-1-163a te gung mo gnyis gshibs nas mthe bo gnyis kyi nang du gung mo gnyis kyi gnas su bcug nas lag pa g.yas pa'i gung mo drang por bsgreng la/ g.yon pa'i gung mo bkug pa'i rtse mo mthe bong dang phrad pa ni ral gri'i'o/ /de nyid las g.yas pa'i gung mo rang gi gnas su nang du bcug la lag pa g.yon pa'i gung mo gyen du drang por bsrang ba ni dbyug pa'i'i 'o/ /lag pa g.yon pa bkan la lag pa g.yas pa khas bub ste/ gcig la gcig ngos sbyar nas g.yon pa'i mthe'u chung steng na 'dug pa'i tshigs kyi srubs bzhag ste/ tshigs gcig tsam phyir lhag par bya/ g.yon pa'i mthe'u chung gi rtse mor g.yas pa'i mthe bo'i tshigs kyi srubs bzhag ste/ tshigs gcig tsam phyir lhag par bya ste/ sen mo lhag ma rnams ni mdung rtse gsum pa'i tshul du bzhag ste/ 'khor lo'i mtshan nyid byas la sor mo rnams kyi thor to lag pa'i steng du dmar pos bkram pa ni 'khor lo'i'o/ /de la de dag gsang sngags rnams/ /bdag gis su ni mdor bshad de/ /rim bzhin du ni ngas bshad pa/ /ci rigs par ni mnyan par gyis/ /na mo badzra pA Ni s+ya/ o~M dza ye dza ya ba he swA hA/ rgyal ba'i gsang sngags so/ /na mo badzra pA Ni s+ya/ o~M bi da ye bi kra me/ trai lo kya bi kra me swA hA/ rnam par rgyal ba'i gsang sngags so/ /na mo badzra pA Ni s+ya/ o~M badzrAM ke swA hA/ rdo rje mtshan gyi gsang sngags so/ /na mo badzra pA Ni s+ya/ o~M badzra tsih+ni swA hA/ rdo rje rtags kyi gsang sngags so/ /na mo badzra pA Ni s+ya/ o~M swa sti ka bi shud+d+ha rat+ne swA hA/ bkra shis kyi gsang sngags so/ /na mo badzra pA Ni s+ya/ o~M tri shang+ku swA hA/ shin tu bkra shis kyi gsang sngags so/ /na mo badzra pA Ni s+ya/ o~M shrI ba he swA hA/ pad+ma mtshan gyi gsang sngags so/ /na mo badzra pA Ni s+ya/ o~M bi shud+d+he swA hA/ pad+ma phreng gi gsang sngags so/ /na mo badzra pA Ni s+ya/ /o~M pra mardi ni swA hA/ g.yung drung ris kyi gsang sngags so/ /na mo badzra pA Ni s+ya/ /o~M ba tra sa ni pra ma rda ni ts+tshin+da bin+da ni swA hA/ mdung rtse gsum pa'i gsang sngags so/ /na mo badzra pA Ni s+ya/ o~M bi nA ya 95-1-163b ka nA sha ni swA hA/ rdo rje'i gsang sngags so/ /na mo badzra pA Ni s+ya/ o~M sarba duSh+TaM pra marda ni ye swA hA/ mche ba'i gsang sngags so/ /na mo badzra pA Ni s+ya/ o~M a ti sha yA bi kra me swA hA/ mdung thung gi gsang sngags so/ /na mo badzra pA Ni s+ya/ /o~M hU~M phaT swA hA/ klu lag gi gsang sngags so/ /na mo badzra pA Ni s+ya/ o~M pA she swA hA/ zhags pa'i gsang sngags so/ /na mo badzra pA Ni s+ya/ o~M bid trA sa ni swA hA/ ral gri'i gsang sngags so/ /na mo badzra pA Ni s+ya/ o~M ma hA daN+Da swA hA/ dbyug pa'i gsang sngags so/ /na mo badzra pA Ni s+ya/ o~M tsakra a spu tang+ke swA hA/ 'khor lo'i gsang sngags so/ /phyag rgya'i las rnams mthu bskyed phyir/ /gsang sngags 'di dag bshad pa yin/ /phyag rgya yi ni las rnams kyi/ /mtshan nyid bdag gis bshad par bya/ /de la rgyal ba'i phyag rgya ni/ /lha yi gdon la bstan par bya'o/ /rnam par rgyal ba'i phyag rgya ni dri za la bstan par bya'o/ /rdo rje'i mtshan ni 'byung po la bstan par bya'o/ /rdo rje rtags ni lha ma yin rnams la bstan par bya'o/ /bkra shis ni tshangs pa'i srin po rnams la bstan par bya'o/ /shin tu bkra shis ni gnod sbyin rnams la bstan par bya'o/ /pad+ma mtshan gyi ni srin po rnams la bstan par bya'o/ /pad+ma phreng bzhi ni gzu lums can rnams la bstan par bya'o/ /g.yung drung ris kyi ni be sa ra la bstan par bya'o/ /mdung rtse gsum pa ni smyo byed rnams la bstan par bya'o/ /rdo rje ni log 'dren rnams la bstan par bya'o/ /mche ba ni sha za rnams la bstan par bya ste/ lhag par yang tsi ba ni la bstan par bya'o/ /mdung thung ni brjed byed rnams la bstan par bya'o/ /klu lag ni dug rgyas par byed pa'i klu rnams la bstan par bya'o/ /zhags pa ni nam gru la bstan par bya'o/ /ral gri ni bya la bstan par bya'o/ /dbyugs pa ni skem byed la bstan pa'o/ /'khor lo ni gzhon nu la bstan par bya'o/ /mA ma kI ni thams cad la bstan par bya'o/ /rtags bcas mtshan nyid bcas pa yi/ /phyag rgya 'di dag bdag gis bshad/ /gdon rnams 95-1-164a rnam par 'phrul pa la/ /rdo rje lcags kyu bstan bya zhing / /rdo rje 'dzin pa bzlas brjod bya/ /lag na rdo rjes bshad pa yi/ /phyag rgya 'di ni gcod byed pa/ /gang yin de la bdag gis su/ /rdo rje 'bar ba rab 'bar gyis/ /spyi bo yang ni gzhom par bya/ /lag na rdo rjes sngags bstan pa/ /gdon rnams 'jig par byed pa 'di/ /rig sngags rnams ni bsgrub pa'i phyir/ /lag na rdo rje'i bka' mchog gis/ /rang gi mtshan ni bstan na 'grub/ /mA ma kI ni phyag rgya yi/ /rtags bcas mtshan ma gar gnas pa/ / lha rnams kun gyis tshugs mi 'gyur/ /phyag rgya kun ldan mA ma kI'i/ /phyag rgya 'di ni bdag gis bshad/ /mdung rtse gsum pa phyed mtshan can/ /mA ma kI yi phyag rgya ni/ /gang du bstan pa de dag tu/ /lha dang dri za srin mi gnas/ /lag na rdo rje'i bka' mchog gis/ /gdon rnams thams cad ma rungs 'gyur/ /mA ma kI yi rgyas btab pa'i/ /cho ga rgyas pa 'di bsgrub cing / /dngos grub 'dod pa gang yin des/ /gsang ba 'di ni bstan par byed/ /mA ma kI yi rgyas btab pa'i/ /phyag rgya 'di ni mthong ba dang / /mA ma kI yi gsang mthong bas/ / cho ga tshul bzhin bsgrub par bya/ /bsgrub pa gang gis ma kI'i/ /mthong na ring por mi thogs par/ /dngos grub mchog thob the tshom med/ /mA ma kI yi phyag rgya'i mtshan/ /gsang ba bdag gis bshad pa yi/ /phyag rgya 'di ni gang dag tu/ /bzhag nas dngos grub phyir bsgrubs na/ /mA ma kI yi rgya mthong bas/ /ring por mi thogs dngos grub thob/ /phyag rgya lcags kyu lhan cig tu/ /gdon rnams kun la sbyar bar bya/ /rig sngags rnams dang sbyin sreg las/ /gtor ma byas shing mar 'thungs kyang / /drag cing mi bzad pha rol gnon/ / gdon rnams gang du mi 'gro der/ /phyag rgya mthong na mi bzad rnams/ /lcags kyu ma dang lhan cig sbyar/ /so sor bstan kyang gdon rnams gang / /'gro bar mi byed gang yin pa/ /de la lag na rdo rje yi/ /bka' mchog gis ni phyag rgya'i tshogs/ /mi bzad rnams 95-1-164b kyang bstan par bya/ /gtum pa'i gzugs can mA ma kI'i/ /gcig pu mi bzad bstan par bya/ /mthong nas sems ni mA ma kIs/ /'jigs nas gdon rnams 'byer bar byed/ /phyag rgya'i rnam par 'phrul pa sna tshogs kyang bshad par bya ste/ gdon ni chos lugs mi bzad pa/ rig sngags la 'da' bar byed pa gang yin pa'i gdon thams cad gang yin pa de la ni las 'di bya ste/ sa phyogs gtsang mar brtags nas rig sngags kyi rgyal po yongs su sbyang bar byas la/ der rdo rje lcags kyu ma'i phyag rgya ming dang ldan par gzhag go/ / tshon rtsi sna gsum gyi phye mas rgyal ba dang / rnam par rgyal ba dang / /rdo rje'i mtshan ni shar phyogs su dgod do/ /rdo rje rtags dang / bkra shis dang / shin tu bkra shis ni byang phyogs su dgod do/ /pad+ma mtshan dang / pad+ma phreng dang / g.yung drung ris ni lho phyogs su dgod do/ / mdung rtse gsum pa dang / rdo rje dang / mche ba ni nub phyogs su dgod do/ /dkyil 'khor gyi nang du song la mdung thung ni shar phyogs su gzhag go/ /klu lag ni byang phyogs su gzhag go/ /ral gri ni nub phyogs su gzhag go/ /phyag rgya bzhis ni bskor nas kyang / blo ngan de ni skrag par bya/ de nas dug bzhin du dbyug pa'i tshul du bstan na gdon de ngu zhing tshig bzhin du dkyil 'khor der 'ong bar 'gyur te/ der rdo rje lcags kyu mas bzlas brjod byas nas phyag rgya'i tshul bstan na de mthong bas de nyid du 'gyel te/ gdon gyi rigs kyang bcom par 'gyur ro/ / rig sngags rnams kyi gsang ba yi/ /dkyil 'khor 'di ni gsang mchog yin/ /rig pa mchog gi gsang ba'i rgyu/ /gsang ba 'di ni gang mthong dang / /gang gis phyag rgya 'di mthong ba/ /de la nga ni gnas pa yin/ /phyag rgya'i go cha bgos nas ni/ /lag na rdo rje'i bka' mchog gis/ /phyag rgyas drang zhing mthong byed gang / /de la nga ni rtag tu yang / /phyag rgya bcings pas dngos grub sbyin/ /dngos grub mchog phyir bstan pa yis/ /cho ga ji ltar mthong ba bzhin/ /sgrub pa kun la phyag rgya dgod/ /de nas las rnams brtsam 95-1-165a par bya/ /bsgrub pa rnams kyi dngos grub phyir/ /gang gis mi rnams grub phyir/ /gang gis mi rnams grub 'gyur ba/ /mA ma kI ni rtag par gzhag /phyogs gang du rig sngags bsgrub pa der mA ma kI'i phyag rgya bri bar bya'o/ /gang du bcom ldan 'das mA ma kI'i drag tu bskul ba'i mchog spangs pa der ni lag na rdo rjes bshad pa bzhin du dngos grub med do/ /mA ma kI bstan pas ni gdon rnams la rgyas 'debs par 'gyur te/ smras pas las thams cad byed do/ /bcom ldan 'das gang lag na rdo rje gang du spyan drang ba der ni mA ma kI'i phyag rgya gzhag par bya ste/ gang na mA ma kI gnas pa de na nga gnas so/ /gang na phyag rgya'i tshogs gnas pa de na nga rig sngags kyi rgyal po dang lhan cig tu rig sngags thams cad dang ldan pa dang / pho nya ma'i tshogs kyi 'khor dang gnas so/ /dus gsum du ni phyag rgya la/ /phyag byas dngos grub dam pa bsgrub/ /nga yi rdo rje phyag rgya yis/ /btab pas de la dngos grub sbyin/ /mA ma kI ni der gzhag na/ /rig sngags nges par 'grub 'gyur te/ /de la yid gnyis mi bya'o/ /gang zhig phyag rgya 'di dag dang / /mA ma kI yi phyag rgyar ldan/ /de ni rig mchog cho ga yi/ / gsang dang gsang chen ldan pa yin/ /de la lha rnams mgu ba yi/ /yid kyis dngos grub sbyin par byed/ /phyag rgya 'di dag dran byed dang / /lhag par yang ni ston byed pa/ /de la lha rnams dga' ba'o/ /sems kyis dngos grub sbyin par byed/ /lha rnams bye bas bshad pa yi/ /phyag rgya 'di dag gar gnas pa/ /der ni dngos grub sbyin pa'i phyir/ /nga ni rtag tu gnas par 'gyur/ /mA ma kI yi phyag rgya'i mtshan/ /phyag rgya kun gyi mchog yin te/ /phyag rgya thams cad ston pa na/ /mA ma kI yi phyag rgya yang / /bstan par byas na don yod 'gyur/ /gang du phyag rgya'i tshogs bshad cing / /mA ma kI yi gsang mchog bstan/ /der ni nga yang gnas par 'gyur/ phyag rgya 'di dag ni char yang 'bebs par byed do/ /lha rnams la yang rgyas 'debs par byed do/ /mdor na yid la ji ltar 'dod pa bzhin du cho ga sna tshogs 95-1-165b kyis las byed de/ phyag rgya'i tshul bstan pas las byed par 'gyur ro/ /phyag rgya thams cad la yang rdo rje lcags kyu ma dang sbyar bar bya ste/ phyag rgya 'di rnams ni gdon la bstan par mi bya'o/ /phyag rgya rnams bstan na lha rnams 'jigs shing skrag par 'gyur la rig sngags 'chang yang brlag par 'gyur ro/ /mA ma kIs phur bus btab na rtag tu zhi bar byed par 'gyur ro/ /skrag pas dngos grub sbyin par byed do/ /phyag rgya'i tshul ni lag pa'i stabs kyis bstan par mi bya'o/ /dkyil 'khor du yang ming dang phyag rgya'i tshul bri'o/ /mA ma kI ni las thams cad la yang bstan par bya'o/ /gang na mA ma kI gnas pa de na nga gnas la/ gang na mA ma kI gnas pa de na lag pas ji ltar bstan par bya ba de bzhin du sa la yang bri'o/ /phyag rgya gang dag gi tshul gyis bskul bas kyang mi rnams dngos grub 'grub par 'gyur bstan na des cho ga dang / las dang / /gnas rnams kyis kyang las su rung bar byed do/ /de nas phyag rgya'i tshogs bstan nas las rnams bya ste/ mthu stobs chen po sna tshogs rnams bstan par bya'o/ /dkyil 'khor 'di ni gsang ba'i mchog yin no/ /nga la blta bar 'dod pa gang yin pa des ni mA ma kI la sogs pa'i phyag rgya'i tshogs rnams kyi phyag rgya'i tshogs rnams kyi phyag rgya'i dkyil 'khor blta bar bya'o/ /phyag rgya'i tshogs kyi ming thos nas phyag 'tshal ba gang yin pa de ni 'jigs par bya ba rnams kyis 'jigs par mi 'gyur ro/ /ci ste phyag rgya'i tshogs ma mthong na de la dam tshig gis dngos grub sbyin par mi 'gyur ro/ /gang gis mA ma kI'i phyag rgya mthong ba de'i mdun du ngas dngos grub sbyin par bya'o/ /phyag rgya'i tshogs kyis bskor ba'i mA ma kI'i phyag rgyas bkod la mA ma kI'i gzugs kyang gzhag par bya ste/ de nas rig sngags 'chang gis mA ma kI'i phyag rgya blta bar bya'o/ /de nas mA ma kI'i las zhi ba dang / rgyas pa dang / drag shul la sogs pa'i las bya ste/ mA ma kI'i mdun du bzlas brjod byas pa des bsrung bar bya'o/ /mA ma kI'i phyag rgya'i tshogs bris pa gang na 'dug pa de nang pho nya 95-1-166a ma rnams kyi tshogs kyis bskor ba yang gnas so/ mchod rten gyi drung ngam sku gzugs kyi gnas su phyag rgya'i tshogs dgod par bya'o/ /yang na glegs bam la bris te glegs bam de yang de bzhin gshegs pa'i gnas su gzhag go/ /gzhan du bzhag na brtag pa'am gnod pa byed par 'gyur ro/ /phyag rgya'i tshogs la bris nas der spyad spyad pa mtshor gnas pa'i chu klung du dor bar bya'o/ /lcags kyu mas yongs su sbyang ba byas la gyo mo dang gseg ma med pa'i sa phyogs su lcags kyu mas phyag rgya'i tshogs bri bar bya'o/ /mA ma kI'i phyag rgya'i tshogs kyis bskor ba yang gzhag par bya ste gzugs su gzhag par bya'o/ /zug rngu yod pa'i sa ra bris na ni gnod par byed par 'gyur te/ yul dang / grong khyer dang / rgyal po la yang mi dge ba bskyed par 'gyur ro/ /mA ma kI yang ngas rig pa mchog gi cho ga rgyal po chen po'i dngos grub ston du gzhug go/ /phyag rgya'i tshogs stobs chen mo mi bzad pa 'di bshad zin to/ /rtags dang mtshan ma'i tshul bstan pa de dag kyang bshad zin to/ /de nas mA ma kI blta bar 'dod pas ni nga la blta bar bya'o/ /nga blta bar 'dod pas ni mA ma kI sman brgyad kyis bskor ba tshang pa dang / sman brgyad dang bcas pa'i ut+pal dang ldan pa'i yid du 'ong ba blta bar bya'o/ /de nas rig sngags 'chang nga la blta bar 'dod pas byang chub kyi sems bskyed la gso sbyong yan lag brgyad dang ldan pa dang / zhag gcig smyung bar byas pa'i nyi ma bzang ba la rig pa'i rgyal pos bsrung ba'i cho ga byas te/ dri dang / me tog dang / bdug pa phul nas sman gyis lus kyi yan lag rnams dbyung bar bya ste/ de bzhin gshegs pas gsungs pa'i sman/ /sa ma dzi ni dbyung bar bya/ /lha chen gyis byin gnyis pa ste/ /'bam po yang ni dbyung bar bya/ /de bzhin sred med bus byin pa/ /ni la su sri dbyung bar bya/ /de bzhin tshangs pas bshad pa yi/ /bram hi yang ni dbyung bar bya/ /'jig rten skyong gis bshad pa yi/ /ram nye ba yang dbyung bar bya/ /rdzong gi 95-1-166b 'phags mas byin pa yi/ /she twa dz+ha yang de bzhin dbyung / /tshig ldan mas ni byin pa yi/ /ni la dz+wa yang dbyung bar bya/ /yan lag kun gyi ut+pal ldan/ /lag na rdo rjes bshad pa dge/ /de nas sman gyi lus thams cad phyung nas lhan cig tu gzhag go/ /de nas rig sngags 'chang gis bsrung ba'i cho ga byas nas gtor ma'i cho ga byas la/ ku sha'i stan la 'dug ste rdo leb shin tu bkrus pa la dbyig dang gser bkram nas/ rig sngags kyi rgyal po bzlas brjod byed bzhin du sman rnams bcom ldan 'das ma tsan+dan dmar po'i chus bkrus pa'i chu la sngags kyis btab pa de dang btags te/ sman gyi lus thams cad blangs la/ gser ram/ rdo'i snod dam/ kham pa'i snod kyi nang du bzhag nas/ kAr+ShA paN brgya rtsa brgyad kyis rdo rje rdzogs par byas te/ shin tu mnyam par bzhag pas tsan+dan dmar po'i chus bsang gtor byas la lag pas mnan nas/ rig sngags thams cad kyi snying po lan brgyad brgyad bzlas brjod byas te/ rdo rje'i dbus su lha mo'i gzugs rnams bzhag la gzugs bzang ma lan brgyad bzlas brjod bya'o/ /de nas mA ma kI'i gzugs su byas la/ de nas rig sngags 'chang gis ras dkar po'i steng du bzhag ste/ /mA ma kI'i rig sngags kyis brjod par bya'o/ /gdu bu la yang rin po che sna tshogs kyis spras par bya'o/ /der yang las rnams sbyar bar bya/ de rin po che thams cad dang / sa bon thams cad kyi mchod yon dbul bar bya'o/ /gtor ma'i cho ga yang rgyas par bya'o/ /rig sngags kyi rgyal po yang mA ma kI'i drung du gzhag par bya'o/ /lha thams cad kyi gzugs kyang spyan drangs la/ mA ma kI'i mdun du rig sngags kyi rgyal po lan brgyad brgya bzlas brjod bya'o/ /de nas me tog gi phreng ba 'gul ba dang / mar me'i me lce chen por 'gyur ba dang / spu zing zhes byed pa dang / sems dga' ba 'byung bar 'gyur ro/ /de nas rig sngags 'chang gi tshogs rnams la gtor ma sbyin par bya'o/ /de nas nang par bla ma la mchod 95-1-167a pa bya ste/ rin thang med pa'i rin po che'i yon phul la/ de nas rig sngags kyi rgyal po bzlas brjod byed bzhin du dngos grub gsol du bcug na cho ga rgyas pa'i dngos grub sbyin par byed dam/ yang na las gcig gi dngos grub sbyin par byed de/ bla mas ji skad smras pa de yid la bzhag nas tshig de yang mnyan par bya'o/ /de nas rig sngags 'chang gis bla ma la mA ma kI bstan par bya ste/ mthong na ji skad smras pa de de la 'grub par 'gyur te/ /ci ste khro ba'i sems kyis smras na ni las drag por 'grub par 'gyur ro/ /ci ste dga' ba'i sems kyis smras na ni dngos grub mchog 'grub par 'gyur te/ bla mas mA ma kI rgya mtshor 'bab pa'i chu klur gi nang du btang la bla ma'i las pas mA ma kI btsal bar bya ste/ /lag tu thob na mA ma kI'i cho ga rgyas pa'i dngos grub bde blag tu 'grub par 'gyur ro/ /rig sngags 'chang gis kyang cho ga'i gzugs rgya mtshor 'bab pa'i chu klung gi nang du gtang bar bya'o/ /bsgrub pa'i tshe spyan gyis mA ma kI gzhag par bya'o/ /ut+pal dang ldan pas kyang mA ma kI gzhag par bya'o/ /o~M ha raM dz+wa na be ta rany+dza na be swA hA/ cho ga 'di nyid kyis mar gyi ngo zhag brgyad la mA ma kI'i mdun du rdo rje dbus su pad+ma brgyad stong gis sbyin dor bya'o/ /de nas cho ga rgyas pa 'grub par 'gyur te/ /nang bar gyi dus su bla ma la mchod pa byas nas dngos grub gsol du gzhug go/ /dngos grub byin nas kyang zhag bdun pa'i nyin par glo bur du mi nag po mthong bar 'gyur te/ mthong na cho ga rgyas pa 'grub par shes par bya'o/ /sdig pa'i las ni byed pa dang / /bram ze gsod dang mi gsod dang / /tshul khrims 'chal la sbyin mi bya/ /mi bzad pa ni gang yin pa'i/ /mi rnams kyis ni thob mi 'gyur/ /rdo rje rigs mchog gang dad pa/ / mA ma kI ni de mdun gnas/ /tshul khrims 'chal dang sdig pa can/ /de dag gis ni gzugs mi mthong / /gang na mi bzad sdig byed pa/ /de na bdag gi ming yang med/ /der ni mi mthong ci zhig smos/ /gang dang dge ba bcu po yi/ /las kyi lam dang ldan pa'i 95-1-167b mi/ /de dag gis ni nga yang mthong / /gang dag tshul khrims ldan pa dang / /rdo rje rigs la dad pa'i mi/ /de dag gis ni nga mthong zhing / /reg 'gyur sems can de dag ni/ /nga yi rigs su gtogs pa yin/ /mA ma kI ni gang gis mthong / /stobs chen de dag nga yi gnas/ /yid du 'ong bar skye bar 'gyur/ /gang gi tshe cho ga rgyas pa de'i tshe bla ma la yon phul nas mA ma kI bslang bar bya'o// bla mas ut+pal ni mtshan dang ldan pa'i sngags kyis mA ma kI'i gzugs sor bzhi pa byas la/ /de nas bla mas sbyin par bya ste/ dngos grub kyang gsol du gzhug go/ /pho nya ma rnams dang / tshogs rnams la yang gtor ma sbyin par bya'o/ /sa yongs su sbyang ba dang / dkyil 'khor gyi bgegs kyi sbyin sreg kyang bya'o/ /pho nya ma rnams kyi las rnams la ni lan 'bum bzlas brjod byas na 'grub par 'gyur ro/ /zhi ba'i las rnams la ni ri mo la lha mo mdog gnag pa gcig bris te/ spyi bo na de bzhin gshegs pa bzhugs pa la skyabs sbyin pa'i phyag rgya dang / lag pa g.yon pa la rdo rje 'bar ba thogs par bri'o/ /de nas mar gyi ngo zhag bcu bzhi la brtsams te zhag bdun gyi bar du gu gul yungs mar dang sbyar ba'i sbyin sreg bya'o/ /tshogs rnams la yang gtor ma'i cho ga bya'o/ /tshogs rnams kyang las la yang bdud rtsi thab sbyor gyi skabs su ngas las bshad pa gang yin pa'i las des sbyar bar bya'o/ /phyag rgya de dag gi so so'i rtags kyang bshad par bya ste/ mA ma kI'i rtags ni stegs bu la rdo rje rtse gsum pa kha gcig pa bri'o/ /de'i g.yon logs su rdo rje rtse gsum pa dbyug pa la btsugs par bri'o/ /g.yas logs su rdo rje rtse gsum pa kha gnyis pa dbus kyi chang zungs drang por 'dug la chang zungs nas dgra sta srab mo'i kha phyi rol du bltas pa bri'o/ /rgyal ba'i stegs bu'i steng du rdo rje rtse gsum kha gnyis pa dbus kyi chang zungs drang por 'dug par bya'o/ /rnam par rgyal ba'i ni de nyid las dbus nas 'bras bu byas la g.yas phyogs su rdo rje rtse gsum kha gcig pa me lce 'bar ba gsum dang ldan pa dbyug pa la 95-1-168a btsugs pa yin no/ /rdo rje mtshan gyi ni stegs bu'i steng du rdo rje rtse gsum kha gnyis pa dbus drang por byas pa'o/ /rdo rje rtags kyi ni de nyid la dbus nas 'bras bu 'dug pa yin no/ /bkra shis kyi stegs bu'i steng du rdo rje rtse gcig pa kha gnyis pa rtse mo ka n+ya'i dbyibs 'dra bar byas pa de'i g.yas logs su rdo rje rtse gsum kha gnyis pa dbus drang por 'dug par bya'o/ /shin tu bkra shis kyi ni stegs bu'i steng du thor tshugs kyi phung po bcings pa bzhag ste/ thor tshugs kyi mtha' 'bar ba'i phreng bas bskor la/ de'i g.yas logs su rdo rje rtse gsum kha gnyis pa dbus drang por byas la pad+ma'i steng na 'dug par bri'o/ /pad+ma mtshan gyi ni stegs bu'i steng du pad+ma yid tsam gyis kha phye ba rtsa ba dang / sdong bu dang bcas par 'dug par byas la/ de'i g.yon logs su rdo rje rtse gsum pa kha gnyis pa dbus drang por 'dug par bri'o/ / g.yas logs su rtse gsum kha gdengs mdung rtse gsum pa 'dra bar bya'o/ /pad+ma phreng gi ni pad+ma kha bye ba bcu gcig la gcig 'khril ba bris la de'i dbus su rdo rje rtse gsum kha gnyis pa dbus nas 'bras su 'dug pa gzhag go/ /g.yung drung ris kyi steng du ni dkyil 'khor gru bzhi lham pa nyi rim du bris te ngos bzhi nas shad bzhi drangs la tshigs bcag ste g.yas phyogs su 'khyil pa bri'o/ /shad bzhi po de dag kyang rin po che'i phreng bas bskor bar bya'o/ /de dag gi steng du rdo rje rtse gcig pa mar gyi me lce 'dra ba rnams bri/ de'i g.yon logs su rdo rje rtse gsum pa kha gdengs pa bri'o/ /g.yas logs su rdo rje rtse gsum kha gnyis pa dbus drang por bya'o/ /mdung rtse gsum pa ni stegs bu'i steng du mdung rtse gsum pa kha gnyis pa dbus drang por byas la/ de'i g.yas logs su rtse gsum kha gdengs rdo rje 'dra bar bya'o/ /rdo rje ni stegs bu'i steng du rdo rje rtse gsum kha gnyis pa rtse mo dbus ma ka na ya'i rtse mo'i dbyibs ltar 'dug par byas la/ /de'i g.yas logs su rtse gsum kha gdengs mdung rtse gsum pa 'dra bar bya'o/ /mche ba'i stegs ni rdo rje rtse gsum kha gnyis pa dbus kyi chang zungs drang por 'dug par bris 95-1-168b la/ de'i g.yas logs su pad+ma kha ma bye ba la mche ba'i phyir dgu bor 'dug par bri'o/ /mdung thung gi stegs bu'i steng du rdo rje rtse gsum kha gnyis pa dbus nas 'bras bu 'dug pa bris la/ de'i g.yas logs su mdung yu ba can rtse mo ka na ya'i dbyibs 'dra bar bri'o/ /klu lag gi ni sbrul gnyis gcig la gcig mjug ma sbrel te tsham ngam byed cing dmigs rtsa bsgrims la lce 'byin cing gcig la gcig blta bar bris te/ de gnyis kyi mgo bo la 'bar ba gsum dang ldan pa'i nor bu thogs la/ de gnyis kyi bar na rdo rje gsum kha gnyis pa dbus nas 'bras bu 'dug pa sbrul gyi mjug ma'i steng na 'dug par bya'o/ /zhags pa'i ni stegs bu'i steng du rdo rje rtse gsum kha gnyis pa dbus nas 'bras ltar 'dug par bya'o/ /de'i g.yas logs su mdung rtse gsum pa yu ba can rtse gsum kha gdengs 'dra bar bri'o/ /g.yon logs su klu'i zhags pa tsham ngam byed pa bri'o/ /ral gri ni stegs bu'i steng du ral gri bris la de'i g.yon logs su rdo rje rtse gsum kha gnyis pa dbus nas 'bras bu 'dug par bya'o/ /dbyug pa'i stegs bu'i steng du dbyug pa gla gor zho sha'i shing ltar 'dug cing / snye ma lnga po yod par bris la/mgor ni chang zungs bya/ drung du ni skyu ru ra'i 'bras bu 'dra bar bya/ de'i g.yon logs su rdo rje rtse gsum kha gnyis pa dbus nas 'bras su 'dug le rtse mo dbus ma ka na ya'i rtse mo'i dbyibs ltar bya/ g.yon logs su mdung rtse gsum pa rdo rje 'dra ba dbyug pa la btsugs pa bri'o/ /'khor lo'i stegs bu'i steng du 'khor lo rtsibs bcu drug pa 'bar bas bskor bar bris la/ de'i g.yas logs su rdo rje rtse gsum kha gnyis pa dbus nas 'bras bu 'dug par bya'o/ /sems can rnams la phan gdags phyir/ /phyag rgya 'di dag bdag gis bshad/ /phyag rgya 'di dag so sor mthong ba'i las kyang bshad par bya'o/ /phyag rgya sna tshogs dag gi lha rnams kyang bstan par bya'o/ /rgyal ba'i phyag rgya ni pho nya ma thams cad kyi'o/ /rnam par rgyal ba'i ni tshangs pa'i'o/ /rdo rje mtshan ni lha chen po'i'o/ /rdo rje rtags ni log 'dren rnams kyi'o/ / 95-1-169a bkra shis ni rdo rje sde'i'o/ /shin tu bkra shis ni phur bu gsum pa'i'o/ /pad+ma'i mtshan ni 'phags pa spyan ras gzigs dbang phyug go/ /pad+ma'i phreng ni dpal chen po'i yin par bshad do/ /de bzhin du g.yung drung ris rnams ni tshogs rnams kyi'o/ / mdung rtse gsum pa'i ni rdzong gi 'phags ma'i'o/ /rdo rje ni khro bo yin par bshad do/ /mche ba ni ma mo rnams kyi'o/ /de bzhin du mdung thung ni drug pa rnams kyi'o/ /klu lag ni rgya mtsho chen po'i'o/ /de bzhin du zhags pa ni 'jig rten skyong ba rnams kyi'o/ /ral gri ni me'i yin par bshad do/ /dbyug pa ni sa'i lha mo'i'o/ /'khor lo ni nor lha'i bu'i'o/ /lha rnams kun gyi phyag rgya 'di dag dang las sna tshogs bstan pa rnams ngas bshad zin te/ phyag rgya rnams ni phyag rgya'i mtshan nyid 'dir mchog tu gsang ba yin no/ /phyag rgya 'di dag bsgrub pa gang yin pa des ni mA ma kI'i phyag rgya'i mtshan nyid gzung bar bya'o/ /gang gi phyir nga rdo rje 'dzin yin pas na de'i phyir ngas phyag rgya'i las kyi mchog bshad par bya'o/ /mA ma kI'i las ngas bshad pa gang yin pa la yang zhi ba dang / rgyas pa dang / drag shul rnam gsum du bshad pa'i las gang yin pa de dag gi rim pa sna tshogs kyang bshad par bya'o/ /drag shul gyi las rnams la ni mA ma kI'i mtshan nyid ji lta ba bzhin bzhag la rdo rje mtshan dang / rdo rje rtags dang / 'khor lo dang / mche ba dang / g.yung drung ris dang / mdung rtse gsum pa dang / phyag rgya 'di dag gis bskor bar bya ste/ de'i mdun du sbyin sreg gi cho gar bstan pa gang yin pa de la yang de bzhin du bya'o/ /bzlas brjod kyi bsgrub pa la yang bzlas brjod bya'o/ /de nas rgyas pa byed na rgyal ba dang / bkra shis dang / shin tu bkra shis dang / klu lag dang / pad+ma'i phreng dang / rdo rje dang / 'di rnams gzhag par bya'o/ /mA ma kI yang mtshan nyid ji lta ba bzhin gzhag par bya ste/ de'i mdun du sbyin sreg gi cho ga'i las gang yin pa ba sha ka'i yam sreg shing ngam/ /'bras chan gyis bya'o/ / 95-1-169b mA ma kI'i mdun du rnam par rgyal ba'i rgyud chen po las nyi ma dang zla ba stobs dang pha rol gnon pa gzhan gyis mi thub pa dang / gzhon nu mchog gi phyag rgya ngas bshad pa gang yin pa de dag kyang gzhag par bya ste/ nyi ma dang zla ba'i g.yon logs su ni gzhu gzhag go/ /g.yas logs su ni gzhon nu'i mdung rtse gsum pa bzhag ste/ 'di dag thams cad kyang gzugs su gzhag par bya'o/ /yang na yid kyis gzhag go/ /dri chab kyi ri mos gzhag par bya ste/ de'i mdun du g.yas logs su sreg blugs bdun bdun sbyin sreg bya'o/ /de nas bzlas brjod byas na las grub par 'gyur ro/ /lig bu mig dang ldong ros la sogs pa'i las kyang de bzhin du bya'o/ /de nas zhi ba'i las byed na rnam par rgyal ba dang / pad+ma mtshan dang / mdung thung dang / zhags pa dang / ral gri dang / dbyug pa rnams mA ma kI dang lhan cig tu gzhag par bya ste/ mA ma kI yang mtshan nyid ji lta ba bzhin du gzhag par bya'o/ /de'i mdun du rab tu 'grub par byed pa'i rgyud chen po las lha mo 'jig rten gyi ma rnams kyi phyag rgya'i tshogs ngas bshad pa gang yin pa rnams kyang gzhag par bya'o/ /de'i mdun du sreg blugs bdun gyis sbyin sreg bya'o/ /de nas las brtsam par bya'o/ /de nas bzlas brjod byas na las 'grub par 'gyur ro/ /lha gang bsgrub par 'dod pa'i lha de'i mdun du bdag gi phyag rgya dang / mA ma kI'i gzugs dri chab kyi ri mor bris te gzhag go/ / de'i mdun du gtor ma'i cho ga byas te de nas las brtsam par bya'o/ /phyag rgya 'di dag gi gtor ma'i cho ga bshad par bya ste/ rgyal ba la ni mon sran gre'u dang pen tse sbyin par bya'o/ /rnam par rgyal ba la ni mar dang 'bras kyi'o/ /rdo rje mtshan la ni 'byung po'i zas sbyin no/ /rdo rje rtags la ni til mar gyi tshigs ma dang / /'bras chan bsres pa sbyin no/ /bkra shis la ni gtor ma sna tshogs sbyin no/ /shin tu bkra shis la ni sha sbyin no/ /pad+ma mtshan la ni 'bras can 'o ma dang sbyar ba sbyin no/ /pad+ma phreng la ni khu ba la sogs gtor ma sna tshogs sbyin no/ / 95-1-170a g.yung drung ris la ni mon sran gre'u'i chan dang 'bras drus brdungs pa la sogs pa sbyin no/ /mdung rtse gsum pa la ni 'bras chan zho dang sbyar ba sbyin no/ /rdo rje la ni gtor ma sna tshogs sbyin no/ /mche ba la ni mon sran gre'u dang zan dron sbyin no/ /mdung thung la ni 'bras kyi 'o thug sbyin no/ klu lag la ni mngar gsum gyi gtor ma sbyin no/ /zhags pa la ni mon sran gre'u'i chan dang / 'bras drus brdungs pa dang / sbyar thug dang / sbrang rtsi sbyin no/ /ral gri la ni mar dang / zho dang 'bras yos sbyin no/ dbyug pa la ni 'byung po'i zas thams cad kyi gtor ma sbyin no/ /'khor lo la ni khu ba bkra shis ldan dang pen tse sbyin no/ /phyag rgya rnams gsang ste blta ba'i gtor ma 'di dag bdag gis bshad zin to/ /phyag rgya thams cad kyi gtor mar bstan pa gang yin pa 'di dag ni bcom ldan 'das mA ma kI la yang dbul bar bya'o/ /de nas phyag rgya bsgrub na zla ba gcig gi bar du slong mo'i zas bza' zhing mA ma kI la yang bsnyen bkur byas na phyag rgya thams cad 'grub par 'gyur ro/ /rig pa mchog gi las sngar ngas bshad pa gang yin pa'i rig sngags kyi rgyal po ni snying po dang lhan cig tu sbyar bar bya'o/ /snying po yang nye ba'i snying po dang lhan cig tu sbyar bar bya'o/ /rig sngags kyi rgyal po ni spyan dang lhan cig tu sbyar bar bya'o/ /spyan yang snying po'i rgyal po dang lhan cig tu sbyar bar bya'o/ /lha rnams 'di yang ngas bshad par bya'o/ /sems rtse gcig tu gyis la nyon cig /zhi ba'i las rnams la ni snying po dang lhan cig tu sbyar bar bya'o/ /rgyas pa rnams la ni spyan dang lhan cig tu sbyar bar bya'o/ /drag shul rnams la ni nye ba'i snying po dang lhan cig tu sbyar bar bya'o/ /bcom ldan 'das ma'i drag shul la ni rig sngags kyi rgyal po dang lhan cig tu bzlas brjod bya'o/ /rgyas pa'i las la ni mA ma kI gzhan las gzugs bzang ba dang lhan cig tu bzlas brjod bya'o/ /mA ma kI nyid kyi rgyas pa'i las la ni mA ma kI'i snying po'i rgyal po dang / /lhan cig tu bzlas brjod bya'o/ /pho nya ma rnams la ni lcags 95-1-170b can dran par bya ste bzlas brjod bya'o/ /yang na tshogs kyi phyag rgya rnams bkod la bsgrub par bya'o/ /cho ga rgyas pa'i lha thams cad kyang rang rang gi phyag rgya'i gzugs bzhag nas bsgrub par bya'o/ /phyag rgya bris nas sbyin sreg bsnyen bkur bya'o/ /de nas lha rnams kyis bcom ldan 'das lag na rdo rje la bstod de smras pa/ rdo rje 'dzin chen po bdag cag snying dga' bar byed pa'i gzugs bzang ma'i phyag rgya'i mchog rnams kyi las gang rjes su dran par byas na mi rnams la bdag cag dngos grub stsol bar 'gyur ba'i las rnams shod cig /lha rnams de de ltar bya'o/ /de de ltar bya ste/ snying dga' bar byed pa'i las rnams bshad par bya'o/ /de nas bcom ldan 'das lag na rdo rje rnal 'byor dam pa la gnas nas gzugs bzang ma bshad pa/ /na mo rat+na tra yA ya/ na maHkA la tri tan+tA ru ti ni shaM ka re shi ka re/ g+ha Ta g+ha Ta/ g+hu Ti ni/ pA ta ni swA hA/ rnam par rgyal ba'i rgyud chen po'i snying po bdun gyis brgyan pa/ gang las sangs rgyas kyi snying po dpa' bo chen po bcom ldan 'das kyis gsungs pa dang / sog med gtum po dang / de bzhin du lus dmar drag po dang / stobs chen rgyas pa dang / de bzhin du dpal byed zhi bar grags pa dang / las sna tshogs kyis brtse ba dang / lha rnams 'gyel bar byed pa drag po'i phreng ba 'dzin pa rnams ngas bshad pa gang yin pa'i snying po stobs po che 'di dag ni rnam par rgyal ba de las 'byung ste/ /stobs che zhing pha rol gnon pa yin no/ /de la ngas bshad pa gang yin pa de dag gi nang na ni phyag rgya stobs po che pha rol gnon klu mgo can dang / phreng ba 'dzin dang phyag rgya 'di nyid grub pa yin te grub pa pha rol gnon pa yin no/ /rab tu 'grub par byed pa'i rgyud chen po snying po gsum gyis brgyan pa las 'gro lding dang / rtsed mo can dang / grub pa gtum mo rtsed mo can ngas bshad pa gang yin pa dang / de bzhin du de las phyag rgya 'jig rten gyi ma ngas bshad pa dang / de las snying po'i rgyal po stobs po che bshad pa 'di dag gi nang na ni gdong dmar bstan pa'i phyag rgya stobs po 95-1-171a che de cho ga rgyas pa de'i dngos grub sbyin par byed pa yin no/ /rig pa mchog gi cho ga rgyas pa chen po bcom ldan 'das ma la drag tu skul bar byed pa ngas bshad pa gang yin pa dang / cho ga rgyas pa chen po 'di dag gi nang na ni rig pa mchog gtso bo yin par ngas bshad do/ / de'i nang nas ngas bshad pa'i mA ma kI'i phyag rgya'i mtshan nyid gdong dmar dang / klu mgo can dang / phreng ba 'dzin dang / mA ma kI la drag tu bskul ba'i mchog gi phyag rgya 'di rnams dang ldan par mkhas pa gang zhig zla ba gcig gi bar du 'dzin par byed la slong mo'i zas za zhing tshangs par spyod pa des ni de bzhin du dus gsum du mchod pa byas te/ der mA ma kI'i ming bsgrags pa yang brjod na zla ba tshang nas bcom ldan 'das lag na rdo rje phyag rgya'i lha dang thabs cig tu mthong bar 'gyur te/ yid la smon pa thams cad yongs su rdzogs par byed do/ /de nas zla ba phyed kyi bar du slong mo'i zas bza' zhing khang pa stong par dus gsum du rig sngags kyi rgyal po stong dang ldan par ming yang dag par brjod par bya'o/ /yang na ta la'i lo ma'am gro ga la bris te mchod na yang zla ba phyed kyis phyag rgya'i lha mthong bar 'gyur te/ ci 'dod pa bzhin du lha des byed par 'gyur ro/ /phyag rgya de dag las gang yang rung ba bzhag nas bsnyen bkur byas na phyag rgya rnams 'grub par 'gyur te/ de phyin chad las thams cad la phyag rgya bzhag nas las bsgrub par bya'o/ /zla ba gcig gi bar du slong mo'i zas za zhing / khang pa stong par rig sngags kyi rgyal pos mA ma kI dang / gdong dmar dang / klu mgo can dang / phreng ba 'dzin dang / phyag rgya'i rgyal mo 'di dag la bsnyen bkur byas te/ mjug zhag gsum gyi bar du smyung bar byas nas/ dben pa'i phyogs su dkyil 'khor skyong nul gyis byugs nas mar gyi ngo zhag bcu bzhi la rdzas de dag gis mA ma kI'i gzugs byas te gzhag go/ /gdong dmar gyi gzugs tsan+dan dkar po'i phye ma las byas te g.yas phyogs su gzhag go/ /klu mgo can dang / phreng ba 'dzin ni tsan+dan dmar po'i phye ma las byas te gzhag go/ /de nas rig sngags 'chang gi 95-1-171b phyag rgya de dag gi ming brjod par bya ste/ lha bshos gtsang ma sna tshogs ci 'dod pa yang dbul lo/ /de nas rig sngags 'chang gis glo phyogs su bum pa bzhag la de'i nang du lus kyi yan lag gi gzugs gzhug par bya'o/ /de nas rig sngags 'chang gi rgyal po bzlas brjod byed bzhin du chu skyor ba re re nas lan brgyad stong tshang ba'i bar du phyag rgya mchog de dag la bsnun par bya/ de nas lha de der 'ong bar 'gyur ro/ /de nas gang 'dod pa de nyid blang bar bya'o/ /de nas yid la ci bsams pa de lha des byed par 'gyur ro/ /ci ste las 'di byas kyang ma 'ongs na mA ma kI'i phyag rgya rnams kyi sbyin sreg lan brgya byas na lha de tshig bzhin du de nyid du 'ong bar 'gyur ro/ /de nas lha'i tshogs de dag skrag cing sgyid lug nas bcom ldan 'das lag na rdo rje la 'di skad ces smras so/ /stobs po che las 'di ni drag cing mi bzad la gtum pa yin gyis ming brjod pa tsam gyis kyang dngos grub chen po sbyin par bya na 'chang ba dang mchod pa byed pa gang yin pa lta ci smos/ dus gsum du khrus byed la slong mo'i zas za zhing zla ba gcig gi bar du bcom ldan 'das ma rnams kyi ming brjod par bya ba snying dga' bar byed pa stobs po ches bshad pa des nang par langs nas dran par byed cing klog pa gang yin pa de la ni las 'grub pa sbyin zhing rtag tu bsrung bar yang bgyi'o/ /lha rnams de de bzhin no/ /de de bzhin te/ snying dga' bar byed pa'i las klog cing rjod par byed pa dang / mA ma kI'i las la sogs pa'i phyag rgya'i tshogs rnams cho ga 'di bzhin du ta la'i lo ma la bris te mchod cing ri mor byed pa gang yin pa de la nga'i bkas khyod kyis dngos grub sbyin par gyis shig /su nga'i bka' gcog pa de ni de bzhin gshegs pa thams cad la snying rings pa yin te/ de'i mgo bo ngas rdo rje kun tu 'bar zhing rab tu 'bar bas gzhom par bya'o/ / gang zhag bdun gyi bar du mA ma kI dang bcas pa'i phyag rgya'i tshogs kyi las nang par zhing klog par byed pa de la ni de dag gis dga' ba'i sems kyis myur du dngos grub stsol bar 'gyur ro/ /de bzhin gshegs pa thams cad kyang mngon du phyogs par 'gyur te/ rmi lam du'ang ston par mdzad 95-1-172a do/ /bcom ldan 'das lag na rdo rje'ang rtag tu rjes su 'brang bar 'gyur ro/ /rdo rje'i rigs kyang rtag tu ston par byed do/ /cho ga 'di dag ltar phyag rgya'i tshogs kyi ming brjod na yang sems can dmyal bar 'gro bar mi 'gyur na mA ma kI 'chang ba dang / klu mgo can chen mo dang / phreng ba 'dzin dang / gdong dmar rnams 'chang ba dang / dran pa dang mchod par byed pa lta ci smos te/ de ngan 'gro log par ltung ba dag tu skye bar 'gyur ba ni gnas med do/ /skal ba med cing bsod nams ma byas pa gang yin pa de dag gis ni ming yang mi shes so/ /bsod nams byas pa gang yin pa de ni lag na rdo rjes yongs su bzung ba dang / lag na rdo rje'i bu yin te de dag gis ni mA ma kI dang / klu mgo can chen mo dang / gdong dmar dang / phreng ba 'dzin rnams kyi ming thos par 'gyur ro/ /rdo rje'i rigs gtso bor gtogs pa de las shi 'phos nas 'dir skyes pa gang yin pa de dag gis ni de dag mthong bar 'gyur te/ ming brjod pa dang lhag par yang bsgrub par 'dod pa gang yin pa la rig sngags kyi rgyal po tshogs dang bcas pa de dag gis dngos grub sbyin par 'gyur ro/ /gang gi nyin par yang rung ste/ zas su 'o ma dang / 'bras chan bza' zhing bcom ldan 'das ma lag na rdo rje dang bcas pa la mchod pa phyi de nyin par smyung ba byas te/ de nas rig sngags 'chang dus gsum du khrus byas pas rig sngags kyi rgyal po bzlas brjod byed bzhin du bcom ldan 'das ma la mchod pa bya'o/ /de nas phye ma red lag na pog phor thogs la gtso bo lag na rdo rje dang bcom ldan 'das ma spyan drang bar bya'o/ /de nas nub mo rmi lam du lha mo mthong bar 'gyur ro/ /de nas nang par langs te khrus byas la gtso bo lag na rdo rje dang / /bcom ldan 'das ma la mchod pa byas nas bla ma dang / dge slong gang yang rung ba gcig dang / bdag dang mi gsum la mchod ston byas te/ bla ma ni rig sngags kyi rgyal po bzlas brjod byed bzhin du bla ma'i stan la lho phyogs su kha bltas te 'dug tu gzhug go/ /dge slong cig shos ni shar phyogs su kha bltas te 'dug tu gzhug cing gzugs bzang ma bzlas brjod byed 95-1-172b bzhin du gzhug par bya'o/ /bdag ni spyan bzlas brjod byed bzhin du nub phyogs su kha bltas te 'dug la bla ma'i mdun du dri dang / me tog dang / bdug pa dbul bar bya'o/ /dge slong de la yang dbul bar bya'o/ /bdag gi rkang pa la yang dbul bar bya'o/ /bla ma la ni sa ma ta'i khur ba la sogs pa zas sna tshogs sbyin par bya'o/ /dge slong de la ni 'o ma'i thug pa dang / zho'i thug pa dang / sbyar thug gi zas sbyin par bya'o/ /bdag gis kyang de bzhin du zho dang / 'o ma dang / mar la sogs pa dang ldan pa'i zas gnang ba gang yin pa rnams bza' bar bya ste/ mgo mnyam du zas bza' zhing zas slong ba la gang gis kyang zas sbyin par mi bya'o/ /bla ma'i snod ni rig sngags kyi rgyal pos gdab par bya'o/ /dge slong de'i yang gzugs bzang mas gdab bo/ /bdag gi ni bcom ldan 'das ma btab ste bza' bar bya'o/ /de nas zos zin nas bla ma la rdo rje'i rigs bdag la dga' bar gyur cig ces smros shig /dge slong la yang phyag rgya'i tshogs bdag la dga' bar gyur cig ces smros shig /bdag gis kyang rig sngags kyi rgyal po gzugs bzang ma dang / spyan bzlas brjod byed bzhin du cho ga rgyas pa'i lha rdo rje'i rigs dang bcas pa bdag la dga' bar gyur cig ces smra bar bya ste/ bla ma'i lag pa g.yas pa nas bzung nas lan gsum du smros shig /de nas cho ga rgyas pa'i lha thams cad rdo rje rigs dang bcas pa rnams grub par 'gyur te/ de'i nub mo nam phyed kyi dus su bcom ldan 'das lag na rdo rje lha thams cad kyis bskor ba mthong bar 'gyur te nang bar mchod pa bya'o/ /'di ni las thams cad kyi nang nas las dam pa ste mchog tu gsang ba yin no/ /ji ltar tshogs thams cad kyi nang na rig sngags kyi rgyal po mchog yin pa bzhin du mA ma kI dang / klu mgo can dang / phreng ba 'dzin dang / gdong dmar rnams kyang de dang 'dra bar bstan te/ de ltar na 'di ni las thams cad du lha thams cad la drag tu bskul ba zhes bya ba dang / lha rnams dbang du byed pa zhes bya ba yin te/ cho ga rgyas pa 'di khung stong gtsang mar 'don par byed pa gang yin pa de la ni lag na rdo rjes 95-1-173a bshad pa bzhin du mA ma kI'i tshogs dang bcas par nges par 'grub par 'gyur ro/ /nang par langs nas tshogs rnams dang / mA ma kI dang bcas pa'i ming yang dag par dran par byed pa gang yin pa de ni mtshams med pa'ang grol bar 'gyur te/ de'i pha rol tu phyin pa rnams 'phel bar 'gyur ro/ /de nas mA ma kI bsgrub par bya ste/ thog mar gzugs bzang mas las byas la de nas mA ma kI bzlas brjod bya ste/ der mA ma kIs bstan na lha thams cad 'ong bar 'gyur te/ de dag la gzugs bzang mas dri dang / me tog dang / bdug pa dbul bar bya'o/ /ji ltar bstan pa bzhin du rig sngags 'chang gi+is bla ma la mchod pa byas nas mA ma kI bslang bar bya'o/ /bla mas kyang sems mnyam par gzhag pas de bzhin gshegs pa thams cad la phyag byas la rig sngags kyi rgyal po bzlas brjod byed bzhin du sbyin par bya'o/ /de nas rig sngags 'chang gis mA ma kI bslangs nas dngos grub blangs par byas te bla mas gang smras pa de de la 'grub par 'gyur ro/ /lha rnams ngas kyang mA ma kI blangs nas pha rol tu phyin pa drug yongs su rdzogs par byas so/ /rig sngags 'chang mA ma kI mchod dam 'chang bar byed pa gang yin pa de la pha rol tu phyin pa drug mngon du phyogs par 'gyur ro/ /pha rol tu phyin pa drug mngon du phyogs par 'gyur bas rig sngags 'grub par 'gyur te/ ngan 'gro'i 'jigs pa yang med par 'gyur ro/ /mA ma kI la phyag 'tshal zhing me tog gis mchod pa byed pa dang dri dang / bdug pa dang / gser gyis mchod pa gang yin pa des ni de bzhin gshegs pa'i rang bzhin la bkur sti byas pa dang / bla mar byas pa dang / brjod pa dang / mchod pa byas par 'gyur ro/ /gang gis mA ma kI'i sku gzugs byas la cho ga snga ma bzhin du bzhag nas ku sha'i stan la 'dug ste/ nyi ma bzang ba la pad+ma stong gis bsnun na mA ma kI'i khong nas 'od zer gcig 'byung ste/ rig sngags 'chang de la g.yas phyogs su bskor nas rna ba g.yas pa'i nang du 'jug par 'gyur ro/ /de nas rig sngags 'chang gis mngon par shes pa thob par 'gyur 95-1-173b te de bzhin gshegs pa rnams dang / byang chub sems dpa' rnams kyang mthong bar 'gyur/ bcom ldan 'das lag na rdo rje pho nya ma'i tshogs kyi 'khor dang bcas pa yang mthong bar 'gyur ro/ /de nas bcom ldan 'das lag na rdo rjes rig sngags de blangs nas dga' ldan gyi gnas su 'jog par byed do/ /'phags pa byams pa dang lhan cig tu gnas par 'gyur ro/ /mA ma kI sman brgyad dang ldan pa mthong ba gang yin pa de ni mthong bas cho ga rgyas par 'grub par 'gyur te/ rig sngags 'grub par 'gyur ba'i mtshan ma dag kyang 'byung bar 'gyur zhing 'dod dgur sgyur ba'i gzugs can gyi bar du yang 'gyur ro/ /bcom ldan 'das ma'i cho ga yang bshad par bya ste/ bsgrub pa thams cad la phyag rgya gcig gzhag par bya'o/ /phyag rgyas btab na bsgrub pa la myur du dngos grub kyi mtshan ma 'byung bar 'gyur ro/ /dam tshig mi shes pa la ni phyag rgya bstan par mi bya'o/ /gang gi tshe rig sngags 'chang gis rig sngags 'chang la phyag rgya bstan pa de'i tshe bcom ldan 'das lag na rdo rje'i mdun du 'gron bu brgyad brgyas rdo rje byas la rdo rje de'i mdun du phyag rgya bstan par bya'o/ /bla ma la dad pas kyang rdo rje la mchod yon phul nas bla ma la yon phul te phyag rgya blta bar bya'o/ /mthong na lag na rdo rje mthong ba yin te byang chub kyi sems bskyed pa rnams la bstan par bya'o/ /sdig pa byed pa rnams la bstan par mi bya'o/ /sdig pa byed pa gang yin pa de dag gis ni phyag rgya'i tshogs kyi ming yang mi shes te/ dge ba'i rtse ba bsags pa gang yin pa de dag gis ni phyag rgya 'di thob par 'gyur ro/ /nga'i phyag rgya'i tshogs gsang ba 'di ni gtsang ba dang / dben par blta bar bya ste/ phyag rgya mthong ba gang yin pa de dag la ni rig pa mchog gi cho ga rgyas pa gsang ba dang bcas/ gsang chen dang bcas pa lag tu son pa yin no/ /rig sngags 'chang gis kyang phyag rgya'i tshogs kyi drung du bla ma la dpag tu med pa'i yon phul la bla ma'i lag nas rig pa mchog gi cho ga rgyas pa mnod par bya ste/ bla ma la dad pa de la mngon par dga' ba'i dngos grub sbyin par 95-1-174a bya'o/ /de ltar byas na bcom ldan 'das lag na rdo rjes byin pa yin te cho ga rgyas pa yang 'grub par 'gyur ro/ /de nas bla ma'i lag nas phyag rgya mthong ba tsam gyis sbyor ba byas na ni phyag rgya ma rung bar byed par 'gyur ro/ /de bzhin gshegs pa'i gnas sam/ sku gdung gi gnas su phyag rgya'i tshogs bkod nas phyag rgya la lta ba gang yin pa de dag ni phyir mi ldog pa yin par blta bar bya ste de ni lha thams cad kyis phyag bya ba yin no/ /nga gang na 'dug pa de na phyag rgya gnas la/ phyag rgya gang na gnas pa de na nga 'dug ste/ nga mthong bas de dag nges par phyir mi ldog pa'i 'bras bu dang ldan par 'gyur ro/ /lus zhig pa'i tshe yang lag na rdo rje'i gnas yid du 'ong ba'am/ bde ba can du skye bar 'gyur ro/ /gang gi phyir phyag rgya lta bar byed na phyag rgya'i dbyibs lag pa'i tshul gyis bstan par bya'o/ /dkyil 'khor du yang dbyibs su bri bar bya ste/ de mthong nas cho ga bzhin du phyag rgya chen po bsgrub par bya'o/ /de nas bcom ldan 'das byang chub sems dpa' chen po lag na rdo rje 'khor gyi nang nas langs te/ /bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das sems can rnams kyi don gyi slad du rig pa mchog gi cho ga rgyas pa chen po gsang ba dang bcas gsang chen dang bcas pa bdag gis bshad lags kyis bcom ldan 'das rgyal po'i pho brang lcang lo can du mchis la sems can rnams gdul bar 'tshal lo/ /de skad ces gsol nas bcom ldan 'das kyis gsang ba'i bdag po lag na rdo rje la 'di skad ces bka' stsal to/ /lag na rdo rje gang khyod kyis rig pa mchog gi cho ga rgyas pa chen po 'di bshad pa ni khyod gtum pa yin/ /bsten par dka' ba yin/ /shin tu thub par dka' ba yin/ /'phags pa'i tshul med pa yin te/ /lag na rdo rje khyod kyis rig pa mchog gi cho ga rgyas pa bshad pa gang yin pa de dag thams cad ni gsang ba med par las mi byed do/ /lag na rdo rje de bas na rdo rje'i rigs 'di dang / rig pa mchog gi cho ga 95-1-174b rgyas pa chen po 'di bde blag tu 'grub par bya ba'i phyir khyod kyi ming brgyad pa gsang sngags kyi 'khor dang bcas pa gang thos nas mtshams med pa lnga byed pa yang sdig pa 'byang par 'gyur ba dang / lag na rdo rje khyod kyang mthong bar 'gyur ba dang / bgegs dang log 'dren thams cad kyang 'byer bar 'gyur ba dang / log 'dren bye ba khrag khrig brgya stong phrag brgyad cu rtsa bzhi rnams kyang phyogs bcur 'byer bar 'gyur ba dang / gang thos na tshangs par ma spyad pa yang tshangs par spyod par 'gyur ba dang / thub par ma byas pa yang thub par byas par 'gyur ba dang / smyung bar ma byas pa yang smyung bar byas par 'gyur ba dang / dge sbyong ma yin pa yang dge sbyong gi 'bras bu dang ldan par 'gyur ba dang / sangs rgyas dang byang chub sems dpa' thams cad de la bsrung ba mdzad pa dang / las kyi dngos grub kyang stsol ba bshad par bya'o/ /de nas bcom ldan 'das lag na rdo rjes bcom ldan 'das kyi zhabs gnyis la gtugs nas bcom ldan 'das la 'di skad ces gsol to/ /bcom ldan 'das bdag gi ming brgyad pa gsang ba gsang sngags kyi dkyil 'khor dang bcas pa rnams gang lags/ bcom ldan 'das kyis bka' stsal pa/ lag na rdo rje ngas bshad kyis nyon cig /'di lta ste khyod ni glang po'i rna ba can yin/ khyod ni rgyan bzang po dang ldan pa yin/ khyod ni rnam par gnon pa yin/ khyod ni yon tan rin po che'i 'byung khungs yin/ khyod ni bden pa'i sprin yin/ khyod ni gzugs sdug pa'i rgyan dang ldan pa yin/ khyod ni 'bar ba'i me lce dang ldan pa yin/ khyod ni gzugs mdzes pa yin/ khyod kyi ming 'di dag mkhas pa gang gis thos na bskal pa bye ba khrag khrig brgya stong phrag bdun gyi bar du sems can dmyal bar skye bar mi 'gyur ro/ /sangs rgyas dang byang chub sems dpa' thams cad kyang de 'chi ba'i dus kyi tshe mdun na bzhugs shing de dag de la chos ston par mdzad do/ /chos bstan pa des ni dga' ldan gyi lha rnams kyi nang du skye bar 'gyur te/ /byang chub sems dpa' rnams dang thabs cig tu gnas par 'gyur ro/ / 95-1-175a na mo bud+d+hA ya/ na mo d+harmA ya/ /na maHsaMg+hA ya/ na mo badzra pA Ni ye/ tad+ya thA/ aT+Te maT+Te ba raT+Te/ so+o me sa ma mu khi hi ri/ thi Ri mi ri ki ri/ /b+hi b+hi b+hi/ si ni sid+d+h+yan+tu sarba kAr+yA ni/ man+t+ra pa dAHswA hA/ de nas bcom ldan 'das byang chub sems dpa' sems dpa' chen po lag na rdo rjes bcom ldan 'das la 'di skad ces gsol to/ /bcom ldan 'das legs so legs so/ /'di ltar gsang chen bka' stsal pa/ gang lags pa ni bdag lags te bcom ldan 'das de de legs so/ /de de legs te bcom ldan 'das rig pa mchog gi bsgrub pas bzlas brjod bgyis pa dang / bsgrub pa'i tshe mchod pa bgyis pa ming brgyad pa bklag par bgyi'o/ /bklags na bstod par 'gyur te/ dga' nas dngos grub stsal bar 'tshal lo/ /bgegs kyang 'byung bar mi 'gyur la lha rnams kyang dga' nas myur du dngos grub stsol bar bgyid do/ /nyal ba'i tshe bklags na rmi lam ngan pa mthong bar mi 'gyur ro/ /sku gdung dang ldan pa'i mchod rten gyi drung du lan 'bum bzlas brjod bgyis na sdig pa thams cad las grol bar 'gyur ro/ /mtshams med pa lnga bgyis pa yang bskal pa bzang por byang chub sems dpar 'gyur zhes bdag mchi'o/ /de nas yang lan 'bum bzlas brjod bgyis na slob dpon du 'gyur te/ de'i 'og tu rig pa mchog gi dkyil 'khor rnams bri bar bgyi'o/ /de nas yang lan 'bum bzlas brjod bgyis na rig sngags 'chang gi lus kyi dkyil 'khor nas mtshan rnams 'byung bar 'gyur ro/ /de'i 'og tu rig pa mchog kyang lan 'bum bzlas brjod bgyis na lag na rdo rje bdag nyid mchis nas lag pas blangs te gang dang gang du mchi ba de dang der khrid cing lag na rdo rje dang 'dra bar sems can rnams kyis bsams pa 'tshal bar 'gyur la gdul ba'i sems can rnams ji lta bus dbang du 'gyur ba de lta bus dbang du 'gyur ba de lta bur chos ston de byang chub sems dpa' rnams dang lhan cig tu gnas shing / bdag nyid ji ltar 'dod pa bzhin du skye bar 'gyur ba dang / 'chi ba'i tshe'ang bdag nyid 95-1-175b gzugs sna tshogs su mthong par 'gyur ba dang bsdu ba rnam bzhis sems can rnams yongs su 'dzin pa dang / sa bcu la gnas pa'i byang chub sems dpar 'gyur ba dang / de bzhin gshegs pa la bskul ba dang / yongs su bsrung bar bgyi ba dang / bdud bzhi las rnam par rgyal bar 'gyur ro/ /de'i las rnams 'byung ste/ rig pa mchog bsgrub pa'i rig sngags 'chang dam tshig nyams pas bag med pa'i dbang gis mi bsad pa la sogs pa byas sam/ nya dang sha dang sha zos sam grong gi chos byas na zla ba nya la zhag gcig smyung ba byas te/ 'phags pa lag na rdo rje la mchod pa byas nas lan brgyad stong bzlas brjod byas na dam tshig skongs par 'gyur ro/ /dkyil 'khor du ma zhugs pas kyang de ltar byas na dkyil 'khor thams cad du zhugs par 'gyur te/ de'i 'og tu rig pa mchog bsgrub pa na rig sngags 'chang gis zan za ba'i tshe slong mo'i zas la lan gsum bzlas brjod byas nas ming brgyad pa lan cig bton de zos na kha zas ngan pa dag par 'gyur la/ sbyar ba'i dug gis kyang mi tshugs par 'gyur ro/ /de ltar ma byas na sha bsten pas log 'dren rnams kyis tshugs par 'gyur te log 'dren rnams kyis gtses pa la ni rig pa mchog 'grub par mi 'gyur ro/ /las rnams la rig pa mchog gis byas na thams cad byed par 'gyur ro/ /de nas gzhon nu rdo rje sdes byang chub sems dpa' chen po lag na rdo rje'i rkang pa gnyis la gtugs nas 'di skad ces smras so/ /bcom ldan 'das bgegs rnams dang / gdon rnams ni mi bzad pa ste/ sgrub pa po rnams la rtag tu glags tshol lo/ /sems can sna tshogs dang / sgrub pa po rig sngags dang / gsang sngags brtson pa gang yin pa de dag gi cho ga nyams pa la yang gdon rnams dang / rims la sogs pa'i gnod pas 'tshe bar bgyid de bcom ldan 'das de dag la phan pa'i phyir/ bde blag tu 'grub par 'gyur ba'i thabs gang gis log 'dren rnams bsal nas bde blag tu gsang sngags 'grub par 'gyur ba dang / ji ltar 'dod pa bzhin du bde bar 95-1-176a gnas par 'gyur ba'i gsang chen bsdus pa'i cho ga 'ba' zhig bshad par gsol/ /de nas gsang ba'i bdag po lag na rdo rjes gzhon nu rdo rje sde la 'di skad ces smras so/ /gzhon nu gang khyod sgrub pa po rnams la phan pa'i phyir brtson pa dang / byang chub sems dpa'i spyod pa la zhugs pa legs so legs so/ /de legs par nyon la yid la zung shig dang bshad par bya'o/ /rdo rje sde phyag rgya chen po 'bar ba stobs po che don thams cad 'grub pa/ cho ga bzhin du tshul bstan pa tsam gyis de ma thag tu las thams cad byed pa dang / gdon thams cad kyang skrag par byed pa/ bgegs rnams kyang 'jigs par byed pa dang / lha rnams kyang 'grub par byed pa/ klu rnams kyang 'dren par byed pa/ 'byung po rnams kyang skrod par byed pa dang / stag la sogs pa mche ba can rnams kyang 'byer bar byed pa dang / de la sogs pa'i las rnams byed pa yod do/ /de dag kun gyi mi rnams dang / /mtshan nyid dang ni dbyibs rnams dang / /so so yi ni las rnams kyang / /mdo tsam rab tu bshad par bya/ /bgegs rnams dang ni gsang ba dang / /'khrul 'khor gzhom par bstan pa la/ /sngags rnams phyag rgyar sbyar na ni/ /myur du las rnams nges par byed/ /lha la sogs pa gzi chen rnams/ /sngon gyi dkyil 'khor 'dus pa yi/ /lha rnams kun la bdag gis ni/ /phyag rgya dam tshig bcas pas na/ /phyag rgya dag gis lha rnams kun/ /byams pa yi ni sems su 'gyur/ /'gal bar byed pa gang de dag /rdo rje 'dzin pas gsad par 'gyur/ /stobs chen pha rol gnon pa dang / /rdzu 'phrul che ba'i lha de dag /rig mchog rgyud kyi g.yog 'khor du/ /bya ba'i phyir na bshad pa yin/ /rig sngags khro bo pho nya ma/ /rigs dang nye ba'i rigs kyi lha/ /rnal 'byor ma ni gang bstan pa/ /de dag phyag rgya bshad pa yin/ /rig mchog rtsa ba'i phyag rgya rnams/ /thog mar rab tu bstan pa yin/ /de ni snying po'i phyag rgya dang / /nye ba'i 95-1-176b snying po rab tu bshad/ /rig sngags rgyal po gnod mdzes kyi/ /phyag rgya las kun byed pa dang / /rdo rje lcags kyu'i phyag rgya ni/ /bkug pa'i las la sbyor bar bya/ /de bzhin phyag rgya chen po brgyad/ /brtson 'grus che zhing gzi brjid che/ /rab tu gtum zhing las kun la/ /lag na rdo rje'i mthu dang ldan/ /rgyal ba dang ni rnam par rgyal/ /mA ma kI dang gdong dmar dang / /phreng ba 'dzin dang klu mgo can/ /rna cha gdong dang 'od zer phreng / /phyag rgya chen po brgyad bshad pa/ /lag na rdo rje gzi chen gyi/ /yan lag kun la 'byung ba yin/ /bdag gis bshad pa gang yin pa'i/ /gdon gyi dkyil 'khor las bshad pa/ /bcwa brgyad po ni brtson 'grus che/ /me lce 'bar ba'i de dag dang / /phyag rgya drug cu rtsa bzhi gang / /las kyi dkyil 'khor las bshad dang / /rdo rje 'phags byed dkyil 'khor las/ /phyag rgya bstan pa gang yin dang / /de dag gi ni gtso bo yi/ /phyag rgya mdor bshad gang yin pa/ /de dag gi ni tshul dang rtags/ /las rnams kyang ni bstan par bya/ /de nas bcom ldan 'das rig sngags thams cad kyi bdag po rig pa mchog stobs dang pha rol gnon pa gzhan gyis mi thub pa'i phyag rgya'i mtshan nyid 'byung ste/ mdun du lag ngar lhan cig tu sbyar la sor mo phan tshun bsnol te/ khu tshur bcangs te gung mo bsgreng la gshibs la/ /de'i phyi rol gyi glo gnyis nas mdzub mo gnyis rdo rje'i dbyibs su byas nas mthe bong gnyis rdo rje'i dbyibs ltar rab tu bzhag pa ni bcom ldan 'das rig pa mchog gi rtsa ba'i phyag rgya'o/ /de nyid las mthe bong gnyis sprad de bzhag pa ni rig sngags kyi rgyal mo'i phyag rgya'o/ /spyan drang ba ni rig sngags kyi rgyal po'i phyag rgya las gung mo gnyis kyi dbus bkug la gung mo gshibs pa'i phyi rol gyi tshigs drang por bstan par bya ste/ rgyal ba'i blo gros kyi phyag rgya yin no/ /slar btang ba ni de nyid las mdzub mo gnyis cung zad brkyang bar byas te shugs ldan gyi yin no/ /rtsa ba'i phyag rgya las gung mo gshibs pa'i phyi rol gyi tshigs drang por 95-1-177a mdzub mo gdu bu ltar bkug ste bzhag pa ni snying po'i phyag rgya'o/ /tshigs dbu mar gzhar ba ni nye ba'i snying po'i phyag rgya'o/ /mdzub mo'i thor to mnyam du gshibs pa ni blo gros rdo rje'i phyag rgya'o/ /de nyid las rgyab tu bsnyams te gzhar ba ni dga' byed gdong gi phyag rgya'o/ /rtsa ba'i phyag rgya las mdzub mo gnyis kyi sen mo phan tshun sprad de bzhag pas mthe bong gnyis mnan pa ni ral gri'i phyag rgya'o/ /ral gri'i phyag rgya las mdzub mo gnyis tshigs re re bkug ste/ /mthe bong gnyis kyi phyi rol du bzhag pa ni rig sngags kyi rgyal po rab tu grub par byed pa'i rtsa ba'i phyag rgya'o/ /de las mdzub mo gnyis brkyang ba ni dbang phyug chen po'i'o/ /de nyid las mthe bong cung zad bkug pa ni lha mo rtse gsum ka gdeng gi phyag rgya'o/ /snying po'i phyag rgya las gung mo gshibs pa'i tshigs dang po bkug pa ni sangs rgyas bcom ldan 'das kyi rtsa ba'i phyag rgya'o/ /de nyid las mdzub mo gnyis btang ste tshigs re re bkug la/ 'og tu phan tshun sprad pa ni gtsug tor gyi phyag rgya'o/ /mdzub mo gnyis phyi rol du ma phrad par bzung ba ni pad+ma 'dzin gyi phyag rgya'o/ /gtum sel gyi phyag rgya yang de nyid yin no/ /cung zad brkyang ba ni dpal chen mo'i phyag rgya'o/ /de nyid las tshigs dang po'i steng du bzhag pa ni rdo rje mi g.yo ba'i phyag rgya'o/ /tshigs re re bkug ste mthe bong gnyis kyi phyi rol du gzhar ba ni rta mgrin gyi phyag rgya'o/ /sen mo gnyis la gzhar ba ni rdo rje snying po'i phyag rgya'o/ /de bzhin du ral gri'i phyag rgya las mdzub mo gnyis kyi tshigs re re bkug pa ni rdzong gi 'phags ma'i phyag rgya'o/ /de nyid las mthe bong gnyis so sor sbas pa ni ral pa gcig pa'i phyag rgya'o/ /ral pa gcig pa'i phyag rgya nyid las tshigs gcig bkug pa las gshibs pa ni sangs rgyas thams cad kyi phyag rgya'o/ /rdzong gi 'phags ma'i phyag rgya las bkug pa ni gnod sbyin thams cad kyi phyag rgya'o/ /rtsa ba'i phyag rgya las gung mo gshibs pa yid tsam gyis bkug pa ni gzhan gyis mi thub pa'i phyag rgya'o/ /rig sngags kyi rgyal 95-1-177b po'i phyag rgya las mthe bong gnyis yid tsam phyir bkyed pa ni 'jigs byed chen po'i phyag rgya'o/ /rgyal ba'i blo gros kyi phyag rgya las phye ste mthe bong bsgreng ba ni rdo rje ser skya'i phyag rgya'o/ /de bzhin du rdo rje 'jigs byed kyi spyan gyi phyag rgya ni shugs ldan ma yang yin no/ /snying po'i phyag rgya las mdzub mo gnyis pa kug pa ni lag na rdo rje'i phyag rgya'o/ /me tog gi phyag rgya yang de nyid yin no/ /nye ba'i snying po'i phyag rgya las de bzhin du mdzub mo gnyis mthe bong la reg par byas pa ni rdo rje khro bo mdzes pa'i phyag rgya'o/ /'dod pa'i rdo rje ma'i phyag rgya yang de nyid yin no/ /mdzub mo gnyis cung zad phye ba ni tshangs pa'i mig gi phyag rgya'o/ /blo gros rdo rje phyag rgya las mthe bong gnyis sbas pa ni rig sngags kyi rgyal po yi ge 'bru bzhi pa'i phyag rgya'o/ /'phags pa spyan ras gzigs dbang phyug dbu bzhi pa'i phyag rgya yang de nyid yin no/ / mdzub mo cung zad phye ba ni brgya byin gyi phyag rgya'o/ /dga' byed gdong gi yang de nyid yin no/ /mthe bong gnyis sbas pa ni gtsug tor thub med kyi phyag rgya'o/ /mdzub mo gnyis bkug la gung mo gshibs pa'i phyi rol tshigs drang por bstan pa ni rdo rje 'od zer phreng gi phyag rgya'o/ / tshigs dbus mar bstan pa ni 'phags pa bdud rtsi thab sbyor gyi phyag rgya'o/ /thur du bstan pa ni phur bu gsum pa'i phyag rgya'o/ /ral gri'i phyag rgya las gshibs pa'i rtse mo bkug pa ni dbang phyug chen po'i mtshan gyi phyag rgya'o/ /de nyid las mdzub mo dang sbyar ba ni nyi ma'i nam mkha'i phyag rgya'o/ /rab tu 'grub par byed pa'i mdzub mo'i tshigs gnyis bkug pa ni rig sngags 'chang thams cad 'grub pa'i phyag rgya'o/ /rgyal ba'i rgyud las dbang bskur ba'i phyag rgya yang de nyid yin no/ /rtsa ba'i phyag rgya las mdzub mo brkyang ba ni srin po'i phyag rgya'o/ /rtse gsum ka gdeng gi phyag rgya las mthe bo sbyar ba ni ma mo thams cad kyi phyag rgya'o/ /de nyid las mdzub mo gnyis gung mo gshibs pa'i phyi rol nas gdu bu ltar dkris pa ni rdo rje sgrogs kyi phyag rgya'o/ /de ltar 'dug bzhin du bkug pa ni rdo rje gdu bu'i phyag rgya'o/ /sangs rgyas 95-1-178a thams cad kyi phyag rgya las mdzub mo phye ste gdu bu ltar byas la gung mo gshibs pa'i phyi rol gyi tshigs dang por bstan pa ni klu chen po'i phyag rgya'o/ /de ltar de lta bu'i tshul gyis mdor bsdus te rig pa mchog gi phyag rgya'i khyad par phyag rgya grangs med par 'byung ngo / / phyag 'tshal ba'i thal mo sbyar la srin lag bsnol te nang du bcug nas mthe bong gnyis kyi drung du bzhag la de gnyis kyi bar du mthe bong gnyis dam du gshibs te gzhag /gung mo gshibs pa'i glo gnyis nas mdzub mo gnyis rdo rje'i tshul du byas/ mthe'u chung gnyis kyang gshibs te bzhag pa ni rig sngags kyi rgyal po'i rtsa ba'i phyag rgya'o/ /de las mthe bong gnyis gshibs te bstod pa ni rdo rje rtse lnga pa yin no/ /de nyid las gung mo gshibs pa nas gang tsam gyis phye ba ni rdo rje 'joms pa'i phyag rgya'o/ /mthe bo dang mthe'u chung gnyis gshibs la gung mo gshibs pa dang lhan cig tu sbyar ba ni lag na rdo rje'i snying po thams cad kyi phyag rgya'o/ /de las mdzub mo brkyang ba ni rdo rje 'bar ba'i phyag rgya'o/ /mdzub mo tshigs dbus ma bkug la gung mo gshibs pa'i tshigs dang por gzhag pa ni blon mo bdun gyi spyi'i phyag rgya'o/ /de nyid las mthe bo gnyis gshibs la mthe'u chung gnyis gshibs pa las bsnol ba ni pho nya ma thams cad kyi spyi'i phyag rgya'o/ /rig sngags kyi rgyal po'i phyag rgya las mdzub mo gnyis ral gri phyag rgya ltar byas la srin lag gnyis kyang mthe bong gnyis kyi rtse mo'i glo phyogs su bstod de gzhar ba ni rdo rje 'jigs byed chen po'i phyag rgya'o/ /rtse la srin lag gnyis snga ma kho na bzhin bzhag pa ni rdo rje khro bo chen po su ru su ru'i phyag rgya'o/ /de la mdzub mo'i tshigs gcig bkug pa ni khro bo me'i phyag rgya'o/ /de ltar de lta bu'i tshul gyis mdor bsdus te rig sngags kyi rgyal po gnod mdzes kyi phyag rgya las phyag rgya grangs med par 'byung ngo / /phyag 'tshal ba'i thal mo sbyar te srin lag dang mdzub mo gshibs pa nang du sbas la/ sor mo rnams kyi bar phye ba ni nam mkha'i rtsa ba'i phyag rgya'o/ /de nyid las sor mo rnams gzhum 95-1-178b pa ni 'phags pa don yod pa'i zhags pa'i phyag rgya'o/ /de nyid las lag pa g.yon pa'i mdzub mo brkyang ba ni rta mgrin gyi phyag rgya'o/ /g.yas pa brkyang pa ni rdo rje snying po'i phyag rgya'o/ /mA ma kI'i phyag rgya de nyid las mdzub mo gnyis kyi tshigs gcig bkug pa ni mA ma kI spyan drang ba'i phyag rgya'o/ /brkyang ba ni slar btang ba'i phyag rgya'o/ /khro bo rnam par mi bzad pa'i phyag rgya yang de nyid yin no/ /gung mo gshibs pa las rdo rje'i tshul du bya ba ni khro bo rtse gcig ldan gyi phyag rgya'o/ /g.yas pa'i mdzub mo bkug pa ni rdo rje dgra sta'i phyag rgya'o/ / de nyid las mthe bong gnyis rab tu bzhag ste/ tshigs gcig bkug la mdzub mo'i ngos la gzhar ba ni rdo rje mi g.yo ba'i phyag rgya'o/ /de nyid las mdzub mo'i thor to sprad pa ni rdo rje zhags pa'i phyag rgya'o/ /tshigs gnyis bkug pa ni log 'dren gyi phyag rgya'o/ /rdo rje'i tshul du byas pa ni gtsug nas byung ba'i phyag rgya'o/ /mA ma kI'i phyag rgya'i mdzub mo gnyis phye ste/ gung mo gshibs pa'i tshigs dang por bzhag la mthe bong gnyis kyang bcum pa ni rdo rje sde'i phyag rgya'o/ /tshigs dbus mar bzhag pa ni lag bzangs kyi phyag rgya'o/ /drung du bzhag pa ni gtsug nas 'byung gi phyag rgya'o/ /de gnyis gung mo gshibs pa'i rgyab tu gdu bu ltar sbyar ba ni log 'dren thams cad bcing ba'i phyag rgya'o/ /mA ma kI'i phyag rgya de nyid las mdzub mo kha phye ste gung mo gshibs pa'i phyi rol nas rdo rje'i tshul du bzung / mthe bong gnyis gshibs te bstod pa ni rdo rje rtse lnga pa ste bcom ldan 'das lag na rdo rje yin no/ /de bzhin du mdzub mo'i dbus bkug ste tshigs dang por bzhag pa ni chu srin ma ka ra'i phyag rgya yin no/ /mA ma kI'i phyag rgya nyid las mthe'u chung gshibs pa mthe bong gshibs pa dang gung mo gshibs pa rnams bcum pa ni rdo rje nag mo'i phyag rgya'o/ /mthe'u chung dang mthe bong gshibs pa phan tshun bsnol la gyen du rdo rje rtse gsum par bya ba ni mA ma kI'i snying po'i phyag rgya ste/ las thams cad byed pa dang / /shin tu drag po yin no/ /de nyid las sor mo rnams bcum pa ni rdo rje 'byin 95-1-179a ma'i phyag rgya'o/ /mthe bong gshibs pa bcum ste bzhag pa ni rdo rje lte ba'i phyag rgya'o/ /mthe bong nang du sbas la mthe'u chung gshibs pa phye ba ni gdeng dkar ma'i phyag rgya'o/ /de nas 'phags pa mA ma kI'i phyag rgya tha dad pa gdon thams cad 'jigs par byed pa 'byung ste/ g.yas brkyang tshul gyis gnas par byas la lag pa g.yon pa ni rdo rje mtshan ma blta ba'i dmigs su gtad par bya/ g.yas pa sta zur phyogs su gzhag /bcom ldan 'das mA ma kI'i las kun byed pa'i phyag rgya gzhan 'di ni gdon rnams la sogs pa dang / sna tshogs pa'i bgegs la sbyar bar bya'o/ /de ltar de lta bu'i tshul gyis phyag rgya grangs med par 'byung ngo / /lag pa g.yas pa'i sor mo rnams bcangs te khu tshur tha mal par byas nas mdzub mo brkyang ba'i glor mthe bo gzhar ba ni rgyal ba'i phyag rgya'o/ /de nyid las gung mo dang bcas par brkyang ba ni rnam par rgyal ba'i phyag rgya'o/ /de nyid las mthe bong ril nang du bcug ste/ /sor mo thams cad kyis mnan pa ni lag na rdo rje'i khu tshur gyi phyag rgya'o/ /sor mo phan tshun yid tsam lhag par byas pa ni bdud rtsi thab sbyor gyi phyag rgya'o/ /gung mo dang srin lag gnyis kyi bar du mthe bo'i thor to tshigs gcig tsam phyi rol du byung bar byas pa ni rdo rje khu tshur gyi phyag rgya'o/ /lag na rdo rje khu tshur gyi phyag rgya las mdzub mo brkyang ba ni rdo rje rtse gcig pa'i phyag rgya'o/ /de ltar de lta bu'i tshul du phyag rgya grangs med par 'byung ngo / /snyim pa bkan te gung mo gnyis lu gu rgyud kyi tshul du 'khyud nas sor mo lhag ma rnams bkug pa la mthe bos mnan pa ni gdong dmar gyi phyag rgya'o/ /de nyid las snyim pa phye ste srin lag gnyis 'khyud la mdzub mo gung mo'i rtse mor gzhar ba ni 'od zer phreng gi phyag rgya'o/ /de nyid las mthe'u chung dang srin lag 'khyud de lag pa'i nang du btsug la phyi rol nas mdzub mo gnyis kyi thor to'i steng nas gung mo bkug pa'i rtse mo mthe bong gnyis kyi rtse mo dang sprad pa ni rna cha gdong gi phyag rgya'o/ /de nyid las gung mo mthe bo'i thor to la gzhar ba ni dga' byed gdong gi phyag rgya'o/ / 95-1-179b de nyid las lag pa g.yon pa'i srin lag brkyang ba ni rdo rje sde'i phyag rgya'o/ /de nyid las g.yas pa'i srin lag phyir brkyang ba ni lag bzangs kyi phyag rgya'o/ /de nyid las snyim pa phye ste gnyis ka phan tshun 'khyud nas mthe'u chung gnyis srin lag dang gung mo mnan la mdzub mo gnyis kyi thor to sprad de mthe bong gnyis kyis srin lag dang gung mo mnan pa ni khro bo thams cad kyi phyag rgya'o/ /de nyid las g.yas pa brkyang ba ni khro bo rdo rje rtse gcig ldan gyi phyag rgya'o/ /de nyid las bzlog pa ni snying po'i rgyal po'i phyag rgya'o/ /de las snyim pa phye la mthe'u chung dang srin lag dang gung mo rnams 'khyud nas mdzub mo gnyis bkug ste sprad la srin lag gnyis kyi drung du mthe bong gzhag pa ni lus dmar gyi phyag rgya'o/ /de nyid las srin lag bsnol ba'i rtse mor mthe bong gnyis bzhag la/ /mthe'u chung dang gung mo tha mal par bkug pa ni rdo rje 'jigs byed kyi phyag rgya'o/ /de nyid las snyim pa phye ste sor mo thams cad kyi thor to bsnol mar phan tshun 'khyud de mthe bong dang mdzub mo'i thor to sprad la mthe'u chung rang rang mthe bo'i drung du gzhar ba ni rdo rje lu gu rgyud kyi phyag rgya'o/ /de nyid las bzlog ste bkug pa ni rdo rje 'og pag can gyi phyag rgya'o/ /de ltar de lta bu'i tshul gyis phyag rgya grangs med pa 'byung ngo / /snyim pa bkan la mthe'u chung gshibs nas de'i rgyab nas srin lag gshibs par bya/ de gnyis kyi blo'i tshigs dang por gung mo gnyis bzhag la mdzub mo gnyis so so nas bkug ste/ mthe bong gnyis glo la gzhar ba ni klu mgo can gyi rtsa ba'i phyag rgya'o/ /de nyid las gung mo dang mdzub mo dang mthe bong klu mgo gdengs ka ltar dgug pa ni klu thams cad kyi snying po'i phyag rgya'o/ /mthe bong gnyis gcig tu sbyar te klu mgo gdengs ka ltar byas pa ni nam mkha' lding gi phyag rgya'o/ / gung mo dang mdzub mo sngon du sbyar ba ni lha ma yin thams cad kyi phyag rgya'o/ /rtsa ba'i phyag rgya de nyid las mthe bo gnyis nang du bcug pa de'i ngos su gung mo gnyis kyi tshigs gcig bkug ste bzhag nas mdzub mo gnyis phyi rol du rdo rje ltar bzung ba ni rdo rje yangs pa chen po'i phyag 95-1-180a rgya'o/ /rtsa ba'i phyag rgya las mdzub mo dang gung mo bkug la de'i nang du mthe bong gzhug pa ni de nyid kyi spyan drang ba'i phyag rgya'o/ /mdzub mo brkyang ba ni slar btang ba'i phyag rgya'o/ /rtsa ba'i phyag rgya las gung mo cung zad tsam phye la mdzub mo'i tshig dang po'i ngos la bzhag pa 'di yang klu mgo can gyi phyag rgya yin no/ /rtsa ba'i phyag rgya las mdzub mo'i dbus bkug la gung mo gnyis kyi tshigs dang po'i ngos su bzung ba 'di ni klu mgo can gyi phyag rgya tha dad pa yin no/ /de nyid las mthe bo'i bar du gdu bu ltar bkug pa ni klu chen po'i phyag rgya'o/ /de bzhin du gcig tu sprad de/ rtse gcig pa'i tshul du gzhag pa ni 'phrog ma'i phyag rgya'o/ /dga' bo dang nye dga' bo'i phyag rgya yang de nyid yin no/ /tshigs dang po gnyis bkug pa ni kha 'bar ma'i phyag rgya'o/ /tshigs gnyis bkug pa ni khro bo thub dka'i phyag rgya'o/ / rtsa ba'i phyag rgya de nyid las mdzub mo gnyis kyi tshigs dang po'i phyi rol du sbyar te bzhag pa 'di ni klu mgo can gyi phyag rgya tha dad pa yin no/ /'phags pa spyan ras gzigs dbang phyug gi khrus kyi cho ga yang de nyid yin no/ /de ltar de lta bu'i tshul gyis phyag rgya grangs med par 'byung ngo / /lag pa gnyis kyi sor mo phan tshun bsnol te mthe bong gnyis nang du bcug la mdzub mo gnyis gshibs pa'i thor to bkug pa ni phreng ba 'dzin gyi rtsa ba'i phyag rgya'o/ /de nyid las mdzub mo'i dbus bkug ste phan tshun thor to sprad pa ni rdo rje khang pa'i phyag rgya'o/ / rtsa ba'i phyag rgya las mdzub mo bkug pa ni 'od zer phreng gi phyag rgya'o/ /de nyid las mdzub mo gnyis kyi dbus bkug la gung mo gnyis bsnol la bzhag /mthe bo gnyis bstod de rtse gcig pa'i tshul du byas pa ni gdon thams cad skrag par bya ba'i phyag rgya'o/ /de nyid las mthe bong gnyis kyi thor to gshibs te nang du bcug pa ni gdon thams cad bcings pa yin no/ /de gdon thams cad skrag par bya ba de nyid ni lag na rdo rje dang dbang phyug chen po'i phyag rgya'o/ /gdon bcings pa ni khro bo 'gro ba'i phyag rgya'o/ /rtsa ba'i phyag rgya gung mo mthe bo'i 95-1-180b thor to la gzhar ba ni gnod sbyin mo thams cad kyi snying po'i phyag rgya'o/ /de ltar de lta bu'i tshul gyis phyag rgya grangs med pa 'byung ngo / /phyag 'tshal ba'i thal mo las srin lag gnyis bsnol ba mthe bong drung du bzhag la bar du mthe bong gnyis bzhag ste mdzub mo gnyis kyi dbus bkug nas gung mo gshibs pa'i steng du bzhag la mthe'u chung gnyis gshibs pa'i 'od zer phreng ba'i rtsa ba'i phyag rgya'o/ /mdzub mo gnyis kyi tshigs dbus ma bkug pa ni spyan drang ba'i phyag rgya'o/ /brkyang ba ni slar btang ba'i phyag rgya'o/ /rtsa ba'i phyag rgya las mdzub mo gnyis kyi tshigs gcig bkug la mthe bo'i ngos la gzhar ba ni rig pa mchog gi phyag rgya tha dad pa yin no/ /mthe bong gnyis bkug pa ni gnod mdzes kyi phyag rgya'o/ /steng nas gdu bu ltar byas pa ni rdo rje lcags kyu ma'i phyag rgya'o/ /phyi rol nas dkri ba ni gdon bcing ba yin no/ /rtsa ba'i phyag rgya las mdzub mo rdo rje'i tshul du bzung ba ni 'od zer phreng gi phyag rgya gnyis pa yin no/ /de nyid las mdzub mo gnyis drung nas bkug ste/ /gdu bu ltar bsnol ba 'di ni 'od zer phreng gi phyag rgya tha dad pa yin no/ /de nyid las mthe bong gnyis bkug pa ni dbang bskur ba'i phyag rgya'o/ / de nyid las mthe bong rtse gcig pa'i tshul du bzhag pa ni gdon bskrad par bya ba yin no/ /de nyid legs par bstabs pa ni dpal mo'i blo gros ma'i phyag rgya'o/ /rtsa ba'i phyag rgya las mdzub mo gnyis dbus bkug ste mthe bong gnyis kyi steng du ral gri ltar byas pa ni khro bo kI li kI li'i phyag rgya'o/ /mA ma kI'i phyag rgya gshibs pa'i tshul de nyid las phye ba ni rdo rje khro bo su ru su ru'i phyag rgya'o/ /mdzub mo gnyis ral gri ltar byas te srin lag gnyis yid tsam gyis bstod pa ni nyi ma'i phyag rgya'o/ /rtsa ba'i phyag rgya de nyid las gung mo gshibs pa'i tshigs bkug pa ni 'phags pa mA ma kI'i snying po'i phyag rgya'o/ /rtsa ba'i phyag rgya de nyid las mdzub mo gnyis tshigs dang por bzhag la srin lag gnyis kyi rtse mor mthe bong gnyis kyi thor to la so sor bzhag pa ni dpal gyi rgyud kyi dbang bskur ba'i phyag rgya'o/ /de nyid las mthe bong gnyis kyi drung 95-1-181a du bkug ste cung zad sbyar ba ni ma tang mig gi phyag rgya'o/ /mthe bong gnyis gshibs pa'i phyi rol gyi ngos la mdzub mo gnyis bzhag pa ni grub pa'i phyag rgya'o/ /de ltar de lta bu'i tshul gyis phyag rgya grangs med par 'byung ngo / /phyag 'tshal ba'i thal mo las mthe'u chung dang srin lag gnyis bsnol te mthe bo'i drung du bzhag la gung mo gnyis kyis mdzub mo bshibs par dkris nas mthe bong gnyis nang du bcug pa ni rna cha gdong gi rtsa ba'i phyag rgya'o/ /de nyid las tha mal par sbyar ba ni rna cha gdong gi phyag rgya gnyis pa'o/ /rtsa ba'i phyag rgya las gshibs pa'i kha phye ba ni dga' byed gdong gi phyag rgya'o/ sor gnyis tsam gyis phye ba ni khro bo cher bzhad kyi phyag rgya'o/ /gung mo gnyis kyi rtse mo srin lag gnyis kyis rtse mor sbyar pa ni rdo rje rtse mo'i phyag rgya'o/ /mthe bo'i tshigs bstod de klu mgo ltar byas pa ni skrag byed chen po'i phyag rgya'o/ /de nyid las snyim pa'i tshul du byas la mthe bong gnyis kyi rtse mo sprad de kha sbyar ba ni spyan drang ba'i phyag rgya'o/ /mthe bong gnyis brkyang ba ni slar btang ba'i phyag rgya'o/ /mthe bong gnyis bkug pa'i thor to nang du bcug pa ni rdo rje b+h+ring gi ri ti'i phyag rgya'o/ / rna cha gdong gi phyag rgya gnyis pa'i las mthe bong gnyis sbas pa ni rdo rje ser skya'i phyag rgya'o/ /gshibs pa las sor gnyis tsam gyis phye ste mthe bong bstod pa ni gdon skrag par byed pa dang / bcing par bya ba yin no/ /gshibs pa'i rtse mor gung mo gnyis kyis bkab ste bsdams pa ni gtsug nas 'byung gi phyag rgya'o/ /de bzhin du mdzub mo phye ste dbus su bkug nas gung mo gshibs pa la gzhar ba ni de bzhin gshegs pa'i spyan gyi phyag rgya'o/ /gung mo sbas pa mdzub mo gnyis rtse gcig pa'i tshul du bya ba ni sgrol ma'i phyag rgya'o/ /de nyid las mdzub mo bkug pa ni khro gnyer can gyi phyag rgya'o/ /cung zad phye ba ni 'jig rten gsum las rnam par rgyal ba'i phyag rgya'o/ /mthe bong gnyis sbas pa ni rdo rje rtse gcig gi phyag rgya'o/ /cung zad brkyang ba ni rdo rje sgrog gi phyag rgya'o/ /mthe bo yang gshibs la 95-1-181b mthe'u chung yang gshibs pa ni rdo rje gdong gi phyag rgya'o/ /de nyid las phye ba ni rdo rje sel gyi phyag rgya'o/ /gung mo gcig bsgreng ba ni gtsug phud kyi phyag rgya'o/ /mthe bong gnyis bsgreng ba ni rdo rje gdong gi phyag rgya'o/ /de nyid las thur du bstan te mthe'u chung dang lhan cig sprad pa ni rdo rje nam mkha' lding gi phyag rgya'o/ /srin lag gnyis sbyar ba ni khro bo 'chol pa'i phyag rgya'o/ /de ltar de lta bu'i tshul du phyag rgya grangs med pa 'byung ngo / /rna cha gdong gi phyag rgya nyid las gung mo gnyis gshibs pa la mdzub mo gnyis kyis dkris pa ni gdong dmar gyi rtsa ba'i phyag rgya'o/ /mdzub mo gnyis rdo rje ltar byas pa ni spyan drang ba'i phyag rgya'o/ /btang nas gyen du glod de bzhag pa ni slar btang ba'i phyag rgya'o/ /spyan drang ba'i phyag rgya las mthe bong gnyis bstod de bzhag pa ni gdon 'joms pa'i phyag rgya'o/ /rtsa ba'i phyag rgya las mthe'u chung dang srin lag gnyis sprad de sbyar ba ni rdo rje rigs kyi mdzes ma'i phyag rgya'o/ /de nyid las mthe bong gnyis sbas pa ni dbang phyug chen po'i mig gi phyag rgya'o/ /mdzub mo gnyis bkug pa las btang bas gung mo gshibs pa'i sen mo gnyis kyi phyi rol nas bstan pa ni rigs gsum spyi'i phyag rgya chen po yin te/ rig sngags thams cad bsrung ba dang / dbang bskur ba thams cad dang / las thams cad la dam tshig gi phyag rgya chen po yin no/ /spyan drang ba'i phyir yang sbyar bar bya'o/ /de las mthe'u chung btang ba ni me lce 'bar ba'i phyag rgya ste/ rig sngags thams cad bcing ba dang grol bar byed pa yin no/ /de ltar de lta bu'i tshul gyis phyag rgya grangs med pa 'byung ngo / /rkang pa g.yas pa brkyang ba'i tshul du bzhag nas mdzub mo gcig drang por bsrang ste/ lta ba'i dmigs su gtad pa lag pa g.yas pa'i rdo rje mdun logs su bzhag nas sta zur gyi phyogs su bstan pa ni rgyal ba rtsa ba'i phyag rgya'o/ /de nyid las dpung pa brkyang la khro bo'i lta ba byas te bsdigs pa ni khro bo srog med pa'i phyag rgya'o/ /de nyid las mthe bong dang gshibs pa ni 95-1-182a khro bo rab tu gtum pa'i phyag rgya'o/ /de nyid las g.yon brkyang gi tshul du byas pa ni rdo rje dbyug sngon gyi phyag rgya'o/ /khro bo thams cad kyi spyi'i phyag rgya snga ma las mthe bong brkyang ba ni zhabs las byung ba'i phyag rgya'o/ /rdo rje nyid bstod de bstan pa ni rdo rje pho nya ma'i tshogs thams cad kyi spyi'i phyag rgya'o/ /de nyid las snying gar rdo rje byas pa ni khro bo me gtum po'i phyag rgya'o/ /lag pa g.yon pa'i sor mo gsum bcum la mthe bong ngos kyis mdzub mo'i sen mo mnan te snying ga'i phyogs su bzung la lag pa g.yas pa'i rdo rje bstod pa ni khro bo lha'i yan lag gi phyag rgya'o/ /de nyid las lag pa g.yon pa'i mdzub mo btang ste/ de bzhin du bzung ba ni gdon zhi bar bya ba'i phyir pho nya ma thams cad kyi spyi'i phyag rgya yin no/ /de bzhin du mdzub mo dang gung mo brkyang ba ni rnam par rgyal ba'i phyag rgya'o/ /de nyid las mdzub mo cung zad bkug ste g.yon brkyang ba'i tshul du byas pa ni spyan drang ba'i phyag rgya'o/ /gung mo'i rtse mo mthe bos bka' ste mdzub mo brkyang ba ni gdon 'joms pa'i phyag rgya'o/ /rtsa ba'i phyag rgya de nyid las mdzub mo dang srin lag gnyis kyis phyi rol nas dkris la/ /g.yas brkyang ba'i tshul du byas pa ni mi bzad pa'i phyag rgya'o/ /de nyid las g.yon brkyang ba'i tshul du byas pa ni rnam par rgyal ba mi bzad pa'i phyag rgya'o/ /phyag rgya de nyid mgo bor bzhag pa ni 'jigs pa'i phyag rgya'o/ /rkang pa g.yas brkyang gi tshul du byas la lag pa g.yon pa lta zur gyi phyogs su bzhag nas g.yas pa'i mthe bong gi ngos kyis mthe'u chung dang srin lag bsnol ba mnan te/ gung mo bsgreng la mdzub mo cung zad bkug nas rna ba'i phyogs su bzhag pa ni bcom ldan 'das ma rdo rje lcags kyu ma'i rtsa ba'i phyag rgya'o/ /de nyid las mthe bong btang ba ni lcags kyu ma'i phyag rgya tha dad pa yin no/ /g.yon brkyang gi tshul du byas la lag pa g.yon pas de bzhin du byas pa ni lcags kyu'i phyag rgya'o/ /rtsa ba'i phyag rgya nyid las rkang pa bsnyams te bsgrengs pa ni sa'i lha mo'i phyag rgya'o/ /rtsa ba'i phyag rgya las rkang pa gnyis bskums la mdzub mo brkyang ste bstan pa ni rdo rje lcags kyu ma'i gdon 95-1-182b zhi bar bya ba'i phyag rgya'o/ /mdun logs su mdzub mo gcig gi dbus bkug ste bzhag la gung mo brkyang ste bstan pa ni rdo rje gdan gyi phyag rgya'o/ /g.yon pa'i sor mo gnyis kyis de bzhin du byas pa ni lha'i phyag rgya'o/ /mdzub mo gcig pu ni 'jam dpal gyi phyag rgya'o/ / gung mo ni rdo rje mdzes ma'i phyag rgya'o/ /g.yas brkyang gi tshul du gnas la lag pa g.yon pa'i sen mo rnams sbas te/ khu tshur bcangs nas de bzhin du lag pa g.yas pa'i rdo rje brkyang ste lta ba'i dmigs su gtad pa ni rdo rje khu tshur gyi phyag rgya'o/ /mdzub mo steng du bzhag pa ni snying po'i phyag rgya'o/ /gung mo yang de ltar byas pa ni ne ba'i snying po'i phyag rgya'o/ /gung mo dang mthe bo gnyis sbyar la sor mo gzhan rgyab tu bzhag pa ni rdo rje 'joms ma'i yin te/ phyogs bzhi bsrung ba yin no/ /g.yas brkyang gi tshul gyis lag pa g.yon pa'i rdo rje g.yas pa'i dpung mgor bzhag la lag pa g.yas pa'i rdo rje bstod nas dpung pa g.yon pa rna ba'i phyogs su bzhag ste lta ba'i dmigs su gtad pa ni rdo rje phag mo'i phyag rgya'o/ /g.yon brkyang gi tshul gyis lag pa g.yon pa bkan la mdzub mo dang mthe'u chung gnyis bkug ste/ pad+ma'i rtsa ba ltar byas la g.yas pa yang de nyid dang 'dra bar bzhag pa ni lus dmar gyi phyag rgya'o/ /'bar ba'i phyag rgya yang de nyid yin no/ /snying po gang nas 'byung ba'i phyag rgya yang de nyid yin no/ /rdo rje b+h+ring gi ri ti'i phyag rgya yang de nyid yin no/ /g.yas brkyang gi tshul gyi lag pa g.yon pa bkan te brkyang la mthe bong dang mthe'u chung so sor bskyed nas sor mo lhag ma rnams klu mgo'i gdengs ka ltar bzhag /g.yas pa yang mtshan nyid de dang 'dra bar byas la/ /gzhu 'gengs pa ltar gru mo rna ba'i phyogs su bzung ba ni klu chen po'i phyag rgya'o/ /khyab 'jug gi 'dug stangs kyis mthe bo'i sen mo rkang pa g.yon pa'i 'og tu sbyar te/ /lag pa steng dang bcas par sbyar ba'i mthil gyis gdeg cing lag pa bsnol bas bzung la/ /pho long gi thabs su gyen du sbar zhing lag pa bskor te bkan pas nu ma'i bar du gdeg cing bskor la/ /lag pa 95-1-183a gnyis kyi mthil logs kyi sor mo la bltas nas mig gyen khar bsgyur te bteg la glog sgyur ba'i phyag rgya yang bcings nas g.yon pa'i sor mo'i rdo rje'i chen po bstod pa byas na des lha dang / gnod sbyin dang / lha ma yin dang / klu dang / srin po rnams dang / log 'dren rnams dang / 'gram na gnas pa thams cad dang / tshangs pa dang / skem byed dang / dbang chen dang / drag po la sogs pa'i snying la glog 'gyu ba'i shugs 'di bab pas 'ong bar 'gyur te/ mthu stobs bcom nas rdo rje'i rjes su mthun pa dang dul zhing rdo rje la 'dud par 'gyur ro/ /de dag gi phyir zhi bar byas na de'i tshe phyag rgya de snying gar bkrol ba de dag de'i mod las mthun par bde bar 'gyur ba'i phyir dang zhing byams pa'i sems dang ldan par bzlas brjod bya'o/ /de nas bcom ldan 'das ma rdo rje lu gu rgyud kyi phyag rgya'i mtshan nyid 'byung ste/ lag pa g.yon pa phyir bstan g.yas pa nang du bstan de gcig tu sbyar nas/ lag pa'i sor mo rnams kyis g.yon pa'i mthe'u chung nas brtsams te re re nas bzung ste dkris la gru mo bsnyams nas phyag rgya snying gar bzhag ste mthe bong gnyis kyis so so'i srin lag mnan la lag pa gnyis phyir bstan pa ni bcom ldan 'das ma rdo rje lu gu rgyud kyi rtsa ba'i phyag rgya'o/ /thabs de nyid las lag pa gnyis bkan pa ni bcings pa'i phyag rgya'o/ /lag pa gnyis ka'i mdzub mo dang mthe bo dang gdu bu ltar phan tshun sprad pa 'di ni rdo rje lu gu rgyud tha dad pa yin no/ /mthe bong gnyis bkyed pa ni rdo rje sgrog gi phyag rgya'o/ /g.yon pa bkan la g.yas pa khas phub ste/ sor mo rnams gcig la gcig bsdams pa 'di yang rdo rje lu gu rgyud kyi phyag rgya yin no/ /de las khu tshur bcangs te mthe bong gnyis brkyang ba ni rdo rje thog gi phyag rgya'o/ /sor mo rnams phye ste khu tshur bcangs la mdzub mo gnyis kyis mnan te sgra dang bcas par brdab pa ni dgrol ba'i phyag rgya'o/ /phyag 'tshal ba'i thal mo'i sor mo bsnyams la mdzub mo gnyis so sor bkug ste/ /gung mo gnyis ngos la bstan pa ni sangs rgyas kyi spyan gyi phyag rgya'o/ /phan tshun bsnol te snyim pa 95-1-183b bzed la mdzub mo gnyis kyi sen mo gcig gis gcig bkab pa ni spyan drang ba yin no/ /de las bzlog pa ni slar btang ba yin no/ /de bzhin du lag pa g.yas pa'i khu tshur gyi rdo rje tho ba phrag pa logs su bzhag ste/ /lta stangs kyis snying la bsdigs pa ni khro bo'i phyag rgya'o/ / yig 'bru bcu pa'i tshul du byas pa ni rdo rje dbyug pa'i yin no/ /de nyid las bstod pa ni khro bo 'gro ba'i phyag rgya'o/ /mthe bong bkyed pa ni gzhom pa'i phyag rgya'o/ /g.yas pa'i mthe bo dang mthe'u chung gnyis kyis g.yon pa'i khu tshur bzung la mdzub mo dang gung mo dang srin lag rnams brkyang ste/ mdung rtse gsum pa'i dbyibs ltar byas pa ni gtsug nas byung gi phyag rgya'o/ /me lha spyan drang ba'i phyag rgya yang de nyid yin no/ /g.yon pa'i srin lag dang gung mo sbas pa ni gtsug nas byung gi phyag rgya tha dad pa yin no/ /lag pa g.yon pa'i srin lag dang gung mo bkug pa ni mthe bos bzung la mdzub mo dang mthe'u chung gnyis brkyang ba ni rdo rje 'jigs byed chen po'i phyag rgya'o/ /de nyid mdzub mo'i thor to mthe bo'i rtse mo logs su btud pa 'di ni rdo rje 'jigs byed chen po'i phyag rgya tha dad pa ste/ rdo rje rtse gcig pa yin no/ /gzhan yang nam mkha' lding dang dpal gyi be'u'i dbyibs de las mthe'u chung dang srin lag gnyis kyi thor to bkug pa ni mig gi phyag rgya zhes grags so/ /mthe'u chung dang srin lag dang gung mo rnams kyi thor to legs par bkug pa ni khro gnyer can gyi phyag rgya'o/ /ming med dang / gung mo dang / srin lag dang gung mo rnams kyi thor to legs par bkug pa ni khro gnyer can gyi phyag rgya'o/ /mdzub mo dang / gung mo dang srin lag dang mthe'u chung rnams sprad la/ mthe bong gnyis kyi thor to gung mo dang srin lag gi mtshams su bzhag pa ni rta mgrin gyi phyag rgya'o/ /de nyid las srin lag dang gung mo gnyis kyi tshigs nang du bkug ste/ mthe'u chung gnyis brkyang ba ni ru sbal gyi phyag rgya gnyis pa yin no/ /lag pa gnyis bla 'og tu bstan te bsnol la sor mo rnams gcig la gcig dkris nas mthe bong dang mthe'u chung rnams sprad pa ni ru sbal dang rdo rje sa 'og gi phyag 95-1-184a rgya'o/ /lag pa gnyis ka khu tshur bcangs la gung mo brkyang ste rdo rje ltar byas nas g.yon pa'i mdzub mo brkyang ba ni rdo rje dbyug pa'i phyag rgya'o/ /sgrol ma'i phyag rgya nyid las mdzub mo gnyis kyi thor to nas gang tsam gyis phye ba ni rdo rje yangs pa'i phyag rgya'o/ /nas gnyis tsam gyis phye ba ni bdud rtsi thab sbyor gyi phyag rgya'o/ /mdzub mo gnyis brkyang pa ni kun tu yangs pa'i phyag rgya'o/ /de nas mdzub mo gnyis brkyang ste sprad pa ni pad+ma yangs pa'i phyag rgya'o/ /mdzub mo gnyis brkyang mar brjod pa ni rdo rjes 'og gi phyag rgya'o/ /de nyid las gung mo gnyis kyi thor to'i tshigs dang po gdu bu ltar bkug la mdzub mo gnyis kyi rtse mo sprad pa ni rdo rje dgra sta'i phyag rgya'o/ /g.yon pa'i mdzub mo brkyang ba ni ral gri dang / dgra sta'i phyag rgya'o/ /gung mo dang srin lag gnyis thor to bsnol te sbyar la/ mdzub mo dang mthe'u chung brkyang ste gung mo dang mthe bong gnyis kyi rtse mo sbyar ba ni rdo rje seng ge'i khri'i phyag rgya'o/ /mdzub mo dang gung mo gcig la gcig bstan la/ mthe bong brkyang ste sbyar nas mthe'u chung yang brkyang ste sbyar ba ni rdo rje lcags mda'i phyag rgya'o/ /lag pa gnyis bsnol la mthe bong gnyis bsgreng ste sor gnyis tsam gyis phye ba ni ru sbal gyi phyag rgya dang / phur bu dbyung ba'i phyag rgya'o/ /lag pa gnyis bsnol te sor mo thams cad sbyar bar bya ba ni rdo rje ra ba'i phyag rgya'o/ /lag pa gnyis bkan la mthe'u chung nang du sbyar te mdzub mo dang gung mo dang / srin lag rnams rgyab tu bsgrengs nas mdzub mo dang gung mo dang srin lag rnams kyis mnan te mthe bong gnyis ru sbal gyi phyag rgya bzhin du byas pa ni shes rab kyi pha rol tu phyin pa'i phyag rgya'o/ /srin lag nang du bkug la mthe bong gnyis kyi tshigs drang por mnan mdzub mo gnyis kyi rtse mo gung mo gnyis kyi tshigs dang por sbyar nas mthe'u chung gnyis drang por sbyar ba ni mtshon cha chen po'i phyag rgya'o/ /de nyid las mdzub mo gung mo gnyis kyi sen mo la brten pa ni mtshon cha mchog gi phyag rgya'o/ /mtshon cha chen po'i phyag rgya de nyid las mdzub mo gnyis gung mo gnyis kyi tshigs dang po'i srubs kyi glor 95-1-184b gzhar ba ni mtshon cha'i shugs kyi phyag rgya'o/ /de nyid las mdzub mo gnyis kyi thor to gung mo'i tshigs dang po nas cung zad bkug ste gung mo gnyis kyi tshigs dbu mar sbyar ba ni mtshon cha'i snying po yin no/ /mtshon cha chen po de nyid las srin lag dang mthe bong ngos sbyar ba ni tshol ba'i mtshon cha'o/ /lag pa phyag rgya drang thabs su byas pa ni dam tshig chen po'i phyag rgya yin te phyag 'tshal ba'i phyag rgya dang 'dra'o/ /nam mkha' lding gi dpal be'u'i phyag rgya ltar srin lag phye ste mthe bong gnyis drang por gshibs pa yang rdo rje dbyug sngon gyi phyag rgya'o/ /de nyid las mthe bong gnyis kyi tshigs dang po legs par bkug ste srin lag gnyis kyi drung du brtan pa ni rdo rje dbyug pa'i phyag rgya'o/ /mda' bo che'i dbyibs ltar gung mo gnyis kyi drung du mthe bong gnyis gshibs pa'i rtse mo bkug pa ni gtsug tor gyi phyag rgya'o/ /pad+ma'i gdan gyi dbyibs ltar byas te gung mo gnyis kyi thor to sprad pa ni spyan ras gzigs dbang phyug gi phyag rgya'o/ /mthe'u chung dang srin lag gdub bu ltar bkug la de bzhin tu sprad/ /gung mo gnyis gshibs pa mnan nas gshibs pa'i tshigs dang por mdzub mo gnyis sbyar ba ni 'dod pa'i rdo rje ma'i phyag rgya'o/ /de nyid las mthe bong gnyis sen mo sprad pa de la srin lag gnyis sbyar ba ni lus las byung gi phyag rgya'o/ /thal ba'i khu tshur ni 'joms byed lnga'i phyag rgya'o/ /lag pa gnyis bkan te sor mo'i phyi rol du bsnol mar brkyang la mdzub mo bsrang ste thor to sbyar nas mthe bo brkyang nas mdung rtse gsum pa'i dbyibs ltar byas pa ni ta mu'i phyag rgya'o/ /mthe'u chung dang srin lag gi thor to mthe bos mnan la sor mo lhag ma rnams brkyang ste mdung rtse gsum pa'i phyag rgya'o/ /lag pa gnyis bkan te sor mo'i dbyibs ltar byas pa ni lus dpag med kyi phyag rgya'o/ /lag pa gnyis glang po che'i sna'i dbyibs ltar byas pa ni 'jigs byed kyi phyag rgya'o/ /smin ma yang bkug pa ni khro bo dbang phyug gi yin te/ /'di dag ni rigs kyi rgyal po bcwa brgyad kyi phyag rgya yin no/ /mdzub mo gnyis so so'i gung mo'i drung du bkug pa ni log 'dren rnams kyi phyag rgya'o/ /lag pa'i 95-1-185a khu tshur nam mkha' ltar/ khong stong sbyar nas de bzhin du/ /mthe bong gnyis kyang bstod pa ni/ /tshangs pa zhes ni bya bar bshad/ /mthe bong gnyis ni btud nas kyang / /cung zad bstod pa khyab 'jug gi/ /gung mo gyen du bsgreng byas la/ /de yi steng du mdzub mo dang / /mthe bong lhan cig bzhag pa ni/ /nyi ma yi ni yin par bshad/ /g.yon pa'i sor mo bzhi po rnams/ /g.yas pa yis ni bcum par bya/ /de ltar khu tshur bcang byas nas/ /mthe bong gnyis ni bskyed de sbyar/ /g.yon pa mthong bar byas pa ni/ /mig g.yon gyi ni phyag rgya yin/ /lag pa g.yas pa'i mthe bong dang / /mdzub mo yang ni de bzhin sbyar/ /sor mo gsum po rnams kyang ni/ /mthe bong lhan cig sbyar bya zhing / /byi la'i sder mo'i dbyibs 'dra ba/ /zhabs kyi snying po'i phyag rgya 'di/ /'jig rten gsum gyis mchod pa yin/ /sor mo dag ni bzhi po rnams/ /lag pa g.yon pas brkyang bar bya/ /g.yon pa'i mthe bong bskyed nas ni/ /g.yas pa yang ni bstod par bya/ /phrag pa gnyis kyi rgyab tu ni/ /rtag tu 'dug par bya ba yin/ /sor mo yi ni mdzub mo dang / /gung mo tshigs kyi bar du ni/ /mthe bong gnyis kyi mtha' ma'i tshigs/ /sbyar zhing legs par gzhag par bya/ /g.yon pa'i mkhrig ma'i phyogs su ni/ /g.yas pas mthe bong brtan byas pa/ /seng ge'i rna ba 'dra ba ste/ /phyag rgya dpal ldan snying po yin/ /phyag rgya gsum po 'di dag ni/ /'khrul 'khor rnams kyi snying por bshad/ /'di dag gis ni sbyar byas shing / /gsang sngags ldan par byas na ni/ /'khrul 'khor 'od 'bar gang yin dang / /'khrul 'khor rtse mo mi zad gang / /snang ba dang ni mi snang dang / /che chung dang ni dkar nag rnams/ /thams cad kyang ni 'jigs 'gyur te/ /'di la dpyad par mi bya'o/ /'khrul 'khor phyag rgya gsum bshad pa/ /thor tshugs gsum pa yin par bshad/ /de la gnyis ka'i sor mo kun/ /'og gi phyogs 95-1-185b su brtan bya zhing / /mthe bong yang ni de bzhin no/ /gung mo gyen du bsgreng nas ni/ /gnyis ka lhan cig sbyar bya ba/ /nam mkha' phyag rgyar bstan pa ste/ /lha chen gyi ni yin par shes/ /bdag nyid dang ni ldan pa yin/ /g.yon pa'i gung mo gang yin pa/ /gnyis ka yi ni bar du gzhug /lag pa gnyis ka'i sor mo yi/ /lhag ma yang ni dgyed par bya/ /mthe bong gnyis kyang bskyed bya ste/ /lha mo'i phyag rgya yin par bshad/ /mdor na phyag rgya 'di dag ni/ /byas na las rnams grub pa ste/ /bgegs rnams zhi bar 'dod pa bzhin/ /rab tu bsgrims te sbyar bar bya/ /de las gzhan pa rgyud kun gyis/ /don kun sgrub par byed pa yi/ /phyag rgya spyi yi sgrub pa'i thabs/ /'di dag kyang ni bshad par bya/ /spyan drang la sogs don rnams la/ /bsrung ba la sogs las rnams las/ /sgrub pa pos ni rim bzhin du/ /phyag rgya 'di dag sbyar bar bya/ /phyag rgya kun gyi cho ga yi/ /gtang ba dang ni dgug pa la/ /shin tu bzlas pa'i sgrub pa po/ /bgegs rnams dang ni log 'dren gyis/ /ring du yongs su spong bar byed/ /thog mar las ni thams cad la/ /bgegs kun zhi bar bya ba'i phyir/ /bgegs rnams kun gyi dgrar gyur pa/ /bdud rtsi thab sbyor bshad par bya/ /lag pa gnyis ka'i mthe bong gnyis kyis mthe'u chung gi sen mo mnan la sor mo lhag ma rnams kyi bar nas gang tsam gyis phye ste rdo rje'i mtshan nyid du byas la de gnyis bsnol te dpung mgor bzhag nas mche ba mnan la drag tu lta zhing khur ba bus te rkang pa phral la 'greng zhing g.yas brkyang gi tshul gyis lus btud pa ni 'phags pa bdud rtsi thab sbyor gyi rtsa ba'i phyag rgya'o/ /'di mngon sum du bstan te/ log 'dren rnams dang gdon gzhan rnams chings shig ces byas na bcings par 'gyur ro/ /lag pa g.yon pa'i rdo rje gang yin pa de ni las kyi rdo rje zhes bya'o/ /g.yas pa ni dam tshig gi rdo rje yin no/ /snyim pa bkan la mthe'u chung gnyis bsnol ba'i bar du srin lag gnyis bzhag nas mdzub mo gnyis dbus bkug 95-1-186a la gung mo gnyis gzhibs pa de'i tshigs dang por bstan te mthe bo gnyis glo la bcar nas snyim pa'i thabs su byas pa ni khrus kyi phyag rgya ste/ khrus byed pa'i tshe de la lan bdun bzlas brjod byas nas phyag rgya'i chu mgo bor blugs na bgegs rnams las grol zhing khrus byas nas kyang 'jug par mi 'gyur ro/ /de nyid las mthe bong gnyis bar du bcug la gzhan thams cad snga ma bzhin du byas pa ni bsrung ba'i phyag rgya ste/ mgo bo dang lag pa gnyis dang snying kha dang lkog ma dang gnas lngar rim pa bzhin gtugs par bya'o/ /de nyid las mdzub mo gnyis bkug mthe bong gnyis tshigs dang po yang nang du btud pa ni lha thams cad kyi spyi'i khrus kyi phyag rgya'o/ /bsrung ba'i phyag rgya las mdzub mo gnyis btang ste rdo rje'i tshul du byas pa ni bsrung ba chen po log 'dren thams cad 'joms par byed pa yin te/ snying gar bzhag la nyi ma gcig bzlas brjod byas na log 'dren gyis zin pa las grol bar 'gyur te gdon thams cad la yang de bzhin du sbyar bar bya'o/ /g.yon pa'i sor mo gnyis kyi mthe bong sbas te gdu bu ltar 'dug pa'i nang du mthe'u chung dang mdzub mo gnyis dbu bkug pa'i thor to bcug la lag pa g.yas pa sta zur phyogs su rdo rjer byas te las thams cad la dri dang me tog dang bdug pa la sogs pa thams cad la sbyar na bgegs 'ong bar mi 'gyur ro/ /rdo rje de nyid g.yon pa'i gtum mo phyogs su bzung na gzi byin skye bar 'gyur ro/ /g.yon pa'i srin lag bsgreng ba'i ngos la mthe'u chung dang gung mo bsnol ba bstan te/ mdzub mos mthe'u chung gi thor to dam du bzung nas/ /mdzub mo dang gung mo'i thor to mthe bos mnan pa ni bcom ldan 'das de nyid kyi mche ba'i phyag rgya ste/ gdon thams cad dang bgegs chen po rnams la sbyar bar bya'o/ /sor mo rnams phan tshun bsnol la mthe bong gnyis nang du bcug pa'i steng du mdzub mo tshigs gcig bkug ste/ gdu bu'i thabs su sprad pa ni chu bstsal ba'i phyag rgya ste/ /chu la bskor nas ci dga' bar khrus bya'o/ /rdo rje'i phyag rgya las mdzub mo bkug pa ni de nyid spyan drang ba'i phyag 95-1-186b rgya'o/ /gnyis ka brkyang ba ni slar gtang ba yin te/ bdud rtsi thab sbyor gyi phyag rgya yin no/ /lag pa g.yon pa'i rdo rje gang yin pa ni khro bo chen po'i phyag rgya ste/ bcing ba dang dkyil 'khor gyi skabs su bshad pa'i las gang dang gang yin pa de dang de la khro bo chen po sbyar bar bya'o/ /spyan drang ba dang / slar btang ba la yang phyag rgya rnams ji lta ba bzhin du sngags dang sbyar bar bya'o/ /rigs kyi phyag rgya thams cad la yang de dag nyid kyis sbyar bar bya'o/ /snyim pa las mthe'u chung dang srin lag phan tshun bsnol te mthe bong gnyis glo la sbyar mdzub mo glod de dbus bkug la gung mo gshibs pa'i tshigs dang por gzhag pa ni rig gsum car gyi spyi'i mchod yon gyi phyag rgya'o/ /de bzhin du sor mo phrugs gsum phan tshun bsnol la mdzub mo brkyang ba'i thor to sprad nas mthe bong gnyis kyis glo la gzhar te snyim pa'i thabs su byas pa ni me tog gi phyag rgya'o/ /snyim pa bkan la mthe'u chung gshibs te/ de'i rgyab tu srin lag gshibs te gzhar/ de'i rgyab tu gung mo gshibs la mdzub mo gnyis logs shig tu brkyang ste gshibs nas mthe bong gnyis glo la gzhar te snyim pa'i thabs su byas pa ni bdug pa'i phyag rgya'o/ /snyim pa bzed mdzub mo gnyis cung zad bkug pa ni spyi'i lha bshos kyi phyag rgya ste/ nang du me tog gzhag par bya'o/ /lag pa g.yas pa skyabs sbyin gyi phyag rgyar byas la g.yon pa mkhrig ma nas gdu bu ltar bzung ba ni dri'i phyag rgya'o/ /lag pa g.yas pa khu tshur bcangs la mthe bong dang gung mo gshibs pa ni spyi'i mar me'i phyag rgya'o/ /mthe bong dang srin lag gnyis kyis sngags kyi nor bu bzung la mthe'u chung dang gung mo brkyang ste/ mdzub mo'i dbus bkug nas gung mo'i rgyab kyi tshigs dang por bzhag pa 'di ni rig sngags kyi nor bu'i phyag rgya'o/ /snyim pa'i nang du sngags kyi nor bu blangs la gsang sngags bzlas brjod byas na dag par byas par 'gyur ro/ /lag pa g.yas skyabs sbyin gyi tshul du byas te bstan la mdzub mo bkug nas mthe bong yang lag pa'i mthil du bkug pa ni me spyan drang ba'o/ /mdzub mo dang 95-1-187a mthe bo'i thor to bkug ste lhan cig sbyar ba ni me slar btang ba'i 'o/ /g.yas pa'i rdo rje gang yin pa de ni sems dpa' yin no/ /lag pa gnyis gung mo gnyis dang sprad de sbyar la gzhan bsnol nas zla 'og tu bstan te dra ba'i thabs su bya ba ni rdo rje dra ba'i'o/ / mdzub mo dang mthe'u chung gshibs la mthe bo gnyis bkyed nas 'og dang thad kar sa la bzhag ste/ gsang sngags bzlas brjod byas na las thams cad la sa gzhi bstsal ba dang yongs su bzung ba byas par 'gyur te/ rigs kyi spyi'i snying po'i phyag rgya yin no/ /lha rnams la bstan na yang lha rnams dga' bar byas pa dang / bskul bar byas par 'gyur ro/ /khro bo kI li kI la'i phyag rgya bcings pa la phyag 'tshal ba'i thal mo las sor mo rnams sbyar ba ni mchod pa'i phyag rgya'o/ /bsnol mar sbyar ba ni phyag 'tshal ba'i phyag rgya'o/ /me tog la sogs pa ma 'byor na yang phyag rgya bcings pas 'byor pa byas par 'gyur ro/ /las thams cad la yang bskrad pa ni las kyi rdo rjes bya'o/ /sangs rgyas spyan gyi phyag rgya ni thams cad du rig sngags bsrung bar bya'o/ /sor mo phan tshun sbyar te khu tshur bcangs la gung mo gshibs pa'i phyi rol du mdzub mo rdo rje ltar byas nas mthe bong gnyis glo la gzhar ba ni dam tshig chen po'i phyag rgya ste/ /ngan du byas pa dag la yang bsrung ba chen po yin la nye 'khor du mtshams de bcad de 'khor los sgyur ba'i bzlas brjod byas su zin kyang sus kyang rig sngags kyi mthu nyams par byed mi nus so/ /khro bo 'chol pa'i sbas pa'i phyag rgya la yang bsrung bar 'gyur te/ 'di dag ni bsgrub pa rnams kyi spyi'i phyag rgya yin no/ /de las gzhan yang sbyin sreg gi gsang sngags las gang gi skabs su bstan pa lung las ji skad 'byung ba de dag la yang las kyi phyag rgya sbyar bar bya'o/ / rdo rje'i phyag rgya ni rdo rje'i rigs thams cad spyi'i yin no zhes bcom ldan 'das rdo rje 'dzin gyis bshad do/ /na mo rat+na tra yA ya/ /na mo badzra d+ha ra s+ya/ /na mo bid+yA ga Na s+ya stuM/ 'di ni snying po yin te de bzhin du/ /rdo rje rigs chen de dang ni/ /rig sngags rigs ni thams 95-1-187b cad kyi/ /rig sngags blon mo bdun dag dang / /ring sngags yan lag bdun dang bcas/ /'dod pa'i rdo rje 'dzin gyis bshad/ /dang po 'dod pa'i rdo rje ma/ /rig sngags rdo rje me tog bzhin/ /las mchog la ni gnyis pa yin/ /rdzu 'phrul dang ni stobs ldan pa/ / rdo rje sgrog ces bya ba dang / /'og pag ser mo gtum mo dang / /de bzhin rdo rje tshugs bar dka'/ /rig sngags chen mo bdun de dag /nyi ma bdun dang stobs mnyam zhing / /sems can tshogs kun mchog rnams la/ /thal mo sbyar te phyag kyang bya/ /gzhan yang ya mtshan las 'das shing / /dus kyi mtha' yi me 'dra ba/ /rdo rje khro bo khro bo che/ /de la yang dang yang du 'dud/ /de bzhin rdo rje thog thog ni/ /'byung po rnams la thog thog bzhin/ /gzung dka' rig sngags las kun byed/ /lho phyogs sgo ni bsrung ba dang / /rdo rje khu tshur mchog sbyin dang/ /gtum po chen po stobs po che/ /bdag dang gzhan kun bsrung ba'i mchog /byang phyogs sgo ni bsrung ba dang / /pho nya chen po grub pa bcu/ /de bzhin de dag g.yog mo rnams/ /pho nya ma ni drug cu bzhi/ /rig sngags tshogs ni sna tshogs dang / /rdo rje dbyug pa nyi ma la/ /rdo rje rigs kyi slob dpon gyis/ /grub pa'i rdo rje cho ga yi/ /snying nas kyang ni phyag byas nas/ /de las gzhan rnams bshad par bya/ /las kyi dkyil 'khor gtso bo ni/ /ji bzhin du ni bris nas kyang / /gdon gyi las rnams bsgrub par bya/ / gang gi ming ni smos tsam gyis/ /ma bcos par yang gdon rnams 'jig /dbang po'i rgyal mtshan bstan pa yis/ /ma bcos lha min pham pa bzhin/ /'byung po kun las grol ba'i thabs/ /'jig rten kun tu mchog gyur gang / /thams cad zhi bar byed pa yi/ /dam pa gang yin bshad par bya/ /gang zhig tshul bzhin dran byas shing / /bsgrims te mchod pa byas na ni/ /'byung po kun gyis mi tshugs la/ /'jigs med bde bar gnas par 'gyur/ /'jig rten 'jig rten slob dpon 'dra/ /'jig rten gyi ni snang byed mchog / 95-1-188a 'byung po'i tshogs ni thams cad kyis/ /rtag tu lha chen bzhin du mchod/ /mchog gyur mchog gis mchod pa des/ /cho ga bzhin du rgyas par ni/ /gdon gyi mtshan nyid bar du yang / legs par rab tu bshad par bya/ /zla phyed yud tsam nyin mo dang / rgyu skar dag ni bzang ba la/ /gtsang zhing gos gtsang bgos pa dang / /bsdams shing nges par gnas pa dang / /gtsang ma'i grogs dang ldan pa dang / /gtsang ma'i grogs dang ldan pa dang / /gtsang ma'i lam du zhugs pa yi/ /yar gyi ngo'i ni tshes gcig gam/ /tshes gnyis de bzhin lnga yang rung / /chos drug gam ni brgyad dam bcu/ /bcu gsum yang na nya dag gi/ /nyin par yongs su gzung bar bya/ /ba bla dang ni bal pa/ /be sho de bde bzhin te/ /yang na te'u tu la yang rung / /zhag phyed yongs su gzung bar bya/ /shwa ta me tra pa la dang / /sha ra ma tha a bi tsi/ /dza ya se'u me'i yud tsam la/ /dkyil 'khor dam pa bya ba yin/ /bsgrims te lag na rdo rje dang / /rgyal dbang la ni phyag byas nas/ /zhi zhing sngan chad las byas pa'i/ /sa phyogs mkhas pas 'gro bar bya/ /kun dga' tshong 'dus gtsug lag khang / /grong dang grong khyer byang shar mtshams/ /de bzhin lho nub mtshams kyang rung / /mnyam zhing mdangs dga' mdog sdug dang / /tshad ldan tshwa sgo me pa dang / /rdo dang gseg ma rus pa dang / /skyon kun med pa des mthong nas/ /de 'dra'i sa de rnyed nas ni/ /rdo rje lcags kyu dran bya zhing / /shar phyogs nas ni gom pa dor/ /ha cang mi drag rgod mi bya/ /rig sngags gang la dad pa'i sa/ /bdag nyid de nas bsrung bar bya/ /yan lag gsum po nas dang ni/ /yungs kar 'bras kyang gzhag par bya/ /de nas dkyil 'khor gnas der yang / /dge ltas dag kyang blta bar bya/ /sngags kyis dag par byas pa'i chus/ /thams cad legs par gtor bar bya/ /ba lang lci bas legs par sbyar/ /ku sha dag kyang gding bar bya/ /khru ni bzhi'am drug gam brgyad/ /sa yi phyogs char thig kyang gdab/ /thig skud gsar zhing grims 95-1-188b pa dang / /ran pa dang ni mdzes pa dang / /dri zhim dang ni blta na sdug /gzabs pa dang ni legs pa dang / /thung ngu dang ni sbom la sogs/ /ma legs mdud pa rnams med na/ /dri dang me tog mchod pa yis/ /shes rab can gyis thig kyang gda'/ /bu ngag chog shes dben pa bde/ /chos la mi dmod bde ba yin/ /'tshe ba spangs pa 'jig rten bde/ /srog chags rnams la sdom pa dang / /'dod chags bral ba 'jig rten bde/ /'dod pa rnams las 'das pa dang / /nga snyam nga rgyal zhi ba dang / /dul ba 'dir ni mchog tu bde/ /bu dag rgyun las bzlogs pa yi/ /lam bgrod zab cing blta dka' ba/ /mun nag thibs pos bsgribs pa dang / /'dod la chags pas rtogs mi 'gyur/ /ngas ni dkar ba rtogs byas nas/ /skye bo rgyun bzhin 'khyam pa dang / /'dod pa dag gi mdud pa yis/ /bcings pa'i bar du bshad pa ste/ /'di ni lag na rdo rje yi/ /yid 'ong ched du brjod pa brgyad/ /kI li kI las bsrung byas nas/ /nges par kun tu 'jigs pa med/ /byang phyogs yang na nub phyogs su/ /tshon rtsi la sogs de dag gzhag /shar ltas lag pa g.yon pa yis/ / dri dang me tog phreng bas mchod/ /mtshon cha bsngags shing phyogs bcings la/ /thig gis grwa yang btsal bar bya/ /de ltar mnyam par bkod nas ni/ /khang pa gru bzhi bri bar bya/ /ji ltar thig ni gdab pa bzhin/ /thig dang mthun par bsgrub par bya/ /rig sngags rdo rje lcags kyu ma/ /ya mtshan de nyid dran par bya/ /nang gi khang pa mnyam pa dang / /grwa bzhi legs par gnas par bya/ /grwa yi phyogs ni thams cad du/ /de yi tshang dang mthun par ni/ /rdo rje khang gnas rdo rje yi/ /dbus dang thog ma dbyibs legs shing / /rtse mtho shin tu rgya che ba/ /shar du brten te gzhag par bya/ /rdo rje yi ni byang phyogs su/ /rdo rje rig sngags gdab cing bya/ /dbus dang rtse mo legs pa yi/ /rgyal mtshan rtse mo nang du bsgreng / /nub byang glar ni gzhag par bya/ /rdo rje sgo ni nub tu 'dod/ /'di ni gsang ba'i sgor 95-1-189a bshad de/ /'byung po thams cad 'jigs par byed/ /dkyil 'khor 'dod pas sgo de yi/ /byang phyogs kyi ni nye 'khor dang / /lho phyogs su ni gang bshad pa/ /bsnyen te legs par gzhag par bya/ /gur gum dag ni yid 'ong ba/ /rgya skyegs khu bas sbyar ba'am/ /le brgan rtsis ni dmar byas bya/ /dar ni yid kun 'phrog byed pa/ /des ni ba dan byas nas kyang / /shing rings dag la gdags par bya/ /sgo yi lho phyogs ngos su yang / /de dag las gzhan gang 'dod pa'i/ /ku ran+da yi phreng ba dag /rdo rje rtse mor gdags par bya/ /yang na me tog dmar po yi/ /phreng ba sna tshogs bzag po gdags/ /rdo rje'i sgo ni don grub pa/ /'gro dang mi 'gro 'jig rten gsum/ /'di dag 'joms nus gang yin pa/ /sgo srung gnyis kyang gzhag bya zhing / /de yang rig sngags brjod bzhin bya/ /grags pa gzhan yang gang 'dod pa/ /rdo rje thog thog lho phyogs su/ /rdo rje khu tshur byang phyogs bzhag /rdo rje lo tog lho phyogs su/ /me tog yungs kar steng dag tu/ /dri bsung zhim pos cher bsgos shing / /dri dang me tog rgyas pa'ang gzhag /rdo rje khu tshur stobs po che/ /dpal ldan de bzhin byang phyogs su/ /rdo rje khu tshur phyag rgya yis/ /bzhag na glags ni rnyed mi 'gyur/ /'jig rten gsum rgyal gang gang las/ /rdo rje 'dzin pa yid kyis bkug/ /rdo rje khu tshur khu tshur gyis/ /bsnun na rnam par 'jig par 'gyur/ /rdo rje snying po'i khang pa der/ /g.yon logs nas ni 'jug par bya/ /de ni g.yas logs skor ba yang / /'jig rten dag tu bshad par bya/ /'khor kun dang ni lhan cig tu/ /rdo rje sgrog kyang gzhag par bya/ /klu yi gtso bo nor rgyas bu/ /gzi can gnyis kyang grwa ru gzhag /'di gnyis klu kun bdag po ste/ /klu kun gyi ni gnas kyang yin/ /bram ze las byung dug can de/ /'di gnyis sngags dang phyag rgyar ldan/ /'di gnyis kyi ni mdun logs su/ /mkha' lding rnam par 'dud pa'i bu/ /mkha' lding 95-1-189b gi ni cho ga bzhin/ /rkang dang byis pa la sogs bskor/ /de nas 'byung po'i tshogs bdun dag /cho ga bzhin du gzhag par bya/ /gnod sbyin kun dang ku be ra/ /de yi be con byang phyogs gzhag /de nas klu chen tshogs rnams dang / /bya bsgrub po g.yog dang bcas/ / klu yi g.yog rnams mthu stobs ldan/ /de dag shar phyogs ngos su dgod/ /de nas phyi rol rig sngags tshogs/ /thams cad bzhag ste dbang phyug che/ /chos kyi ngang can grags ldan ma/ /lha mo dka' zlog zham ring ldan/ /lag na rdo rje lha chen dang / /dka' zlog gnyis kyi bar dag tu/ /rig sngags rigs dag gzhag par bya/ /der ni lag na rdo rje yi/ /rdo rje 'bar bas rab tu gzir/ /de nas grwa logs lha mo ni/ /ka ta ya na log 'dren dang / /sna yon sum cu rtsa gnyis so/ /de dag las ni gang 'dod dang / /de yi 'og tu dri za ni/ /skal chen brtson 'grus che ba rnams/ /shar du dbang po rdo rje dang / /de bzhin dbang po lha yi tshogs/ /de yi 'og tu lha yi gza'/ /de nas khyab 'jug 'khor lor bcas/ /me dang drug ma bstan pa yi/ /me dang mdug thung grwa ru gzhag /lho phyogs dang por lho phyogs kyi/ /'byung po'i bya ba bsgrub pa gzhag /de yi 'og tu gshin rje dang / /gshin rje dbyug pa grul bum rnams/ /grul bum la sogs tshogs kun dang / /ma mo rnams dang 'jig rten ma/ /bden bral grwar ni 'phags ma'i mdun/ /'byung po'i tshogs kyis bskor bar bya/ /nub phyogs dang por skem byed ni/ /drag mo tshogs rnams mang por bcas/ /klu dang mkha' lding grags ma rnams/ /de yi 'og tu gtor ma'i gnas/ /tshul li zhes bya rgya chen yang / /der ni nges par gzhag par bya/ /de ltar de dag thams cad du/ /tshogs rnams thams cad bkod pa'i dbus/ /rdo rje dkyil 'khor nang dag tu/ /rdo rje dbyibs kyi stegs bu ni/ /shar nub phyogs su blta ba'i dbyibs/ /de yi dbyibs legs gzhag par bya/ /de yi nub phyogs gnas su yang / /rig sngags 'chang 95-1-190a ni gus gnas shing / /lag na rdo rje'i snying po ni/ /rab tu bsgrims te bzlas brjod bya/ /tsan+dan phye ma la sogs spos/ /nas dang yungs kar la sogs dang / /yang na de dag re re yis/ /lag na rdo rje thog mar bris/ /bdag nyid g.yon phyogs ngos la 'dug /lho mo lho nub mtshams su gzhag /g.yas pas dri dang phreng bas mchod/ /bdug pa sna tshogs dag kyang bsreg /shin tu bkra shis tshigs bcad kun/ /chos kyi 'khor lo bskor ba'am/ /yang na 'dus pa chen po'i mdo/ /the tshom med par gdon par bya/ /de nas chos kyi rgyal po yi/ /chos kyi 'khor lo mkhas pas bri/ /dpal dang ldan pa lha yi lha/ /sangs rgyas sku gzugs 'od can bri/ /de nas rdo rje lcags kyu yi/ /rig sngags gus pas mchod cing bzlas/ /lha mo stobs chen de nyid dang / /rdo rje ri bo bri bar bya/ /snying po lag na rdo rje ni/ /mtshon rtse gsum gyi bdag nyid kyi/ /tshul bzhin bri zhing rigs rnams kyi/ /blon mo bdun gyis bskor bar bya/ /pho nya ma bcu dpung gi mchog /drug cu rtsa bzhis rjes 'brang dang / /rig sngags tshogs ni thams cad dang / /rdo rje khro bo yan chad bri/ /yid bzhin nor bu 'dra ba dang / /skal ldan mchog sbyin gzungs bzang 'dra/ /'jig rten kun gyi thabs su ni/ /dus kun du ni phyag bya ba/ /lha kun rig sngags chen mo ste/ /gnod sbyin 'byung po klu 'jigs byed/ /gdon chen dag ni stong phrag rnams/ /gcig pus gsod par byed pa ste/ /de yi ming ni brjod byas shing / /me tog bdug pas mchod byas na/ /gdon rnams bye ba stong phrag dag /'khyam par 'gyur zhing g.yo bar 'gyur/ /de yi dngos grub gzugs bzang bzhin/ /dpal dang ldan par mngon sum gnas/ /thams cad don ni sgrub pa pos/ /'di la the tshom med par bsgrub/ /bsgrub pas rab dang 'bring la sogs/ /bshos dang bdug pa la sogs mchod/ /a gu ru spos du ru ska/ /yungs kar gu gul shu dag dang / /nir kun di dang 95-1-190b shul si/ /pad 'dra ma dang sbrang rtsi mar/ /ma hA byi sha la dang bcas/ /'dir ni las kyang bya ba yin/ /thams cad 'jug pa'i sgo dag tu/ /thams cad kyang ni 'byung bar bya/ /sgo ma yin pa gzhag dag tu/ /'dir ni ci yang mi bya'o/ /zhes sdang gti mug rgyags dang myos/ /'dod chags mi shes dbang gis kyang / /'di la 'jug dang 'byung byas na/ /mi rnams myur du nad kyis 'debs/ /gdon rnams myos shing rgyags pa yis/ /rdo rje dag la brdzi byed dam/ /rkag pas rdo rje ri mo brdzis/ /myur du dam tshig nyams 'gyur te/ / de dag rdo rje 'dzin pa yis/ /myur du rdo rje chen pos 'joms/ /de dag gi ni rigs rnams kyang / /rdo rje rig sngags tshogs kyis gzhag /slob dpon yang na dam tshig shes/ /gdon gang dag gis brnyas byed na/ /rdo rje lcags kyu'i bzlas brjod dang / /sbyin sreg dag gis de yi rigs/ /skad cig gis ni bcom par 'gyur/ /gzhan yang rdo rje rigs chen las/ /rig sngags 'dor gyur gang yin pa/ /de yang sngar ni bsgrub byas la/ /myos la sogs pas gdon rnams bskrad/ /gang phyir sgor yang 'grub pa'i phyir/ / rtag tu 'di ni nang dag tu/ /mchod pa'i tshogs ni brjod pa dang / /brdeg pa la sogs las mi bya/ /gzhan yang nad gtang mang po dang / /yi dgas 'byung po sha za dag /dkyil 'khor spong bar byed pa dag /de dag 'dir ni bshig pa yi/ /drag po'i las la 'jug par bya/ /gzhig par bya ba gang yang rung / /thams cad lho phyogs nang du bya/ /kun la me ni 'bar bar bya/ bdug pa'i snod ni phyi rol gzhag /lha bshos sna tshogs mdzes pa dag /ci 'dod kun ni thams cad du/ /thams cad zad mi shes par bya/ /gdon gyi dkyil 'khor pha rol gyi/ /byang shar mtshams su gang 'dod pa'i/ /lha yi phyag rgya'i tshogs kyang bri/ /pad+ma 'khor lo rgyal mtshan mdung / /mdung thung dbyug pa be con ri/ /zhags pa rtse gsum kha gdeng dung / /gdon drag rnams la gnas par bya/ /gang na 95-1-191a rig sngags gdon drag pa/ /mthu drag gnas pa de dag ni/ /mthu nyid kyis ni bsgrub bya zhing / /'di la dpyad par mi bya'o/ /dkyil 'khor de yi phyogs kun du/ /'byung po'i tshogs kun gnas kyang bya/ /gtor ma dang ni bdug pa rnams/ / rab tu rgyas par mchod par bya/ /de nas gdon ni dul ba yis/ /thems par gyur na mchod par bya/ /mi bzad la ni snar blugs dang / /mig bsku ba dang btung pa dang / /sbyin sreg sogs pas gzhig par bya/ /gdon gyis drag tu btab pa la/ /dal nas bzung bas yongs mi bya/ /dal nas byas pa sman pa nyid/ /mi bzad gdon gyis bcom par 'gyur/ /de phyir sman pa mi bzad pa/ /gtum zhing spyod pa rig pa dang / /brtan mchog dga' zhing spro ba dang / /snying snyoms rig sngags brtson pa yis/ /khros nas mthu ni gnas bya zhing / / brdeg pa'am yang ni bsdigs par bya/ /dul ba'i gdon ni dang ba yis/ /de ma thag tu 'grub par 'gyur/ /dkyil 'khor phyin nga bcas par yang / /gtor ma'i las ni bya ba dang / /khur ba dang ni gzhibs pa dang / /kha zas ci 'byor rim bzhin dbul/ /dam tshig ci rigs sbyin par bya/ /rig sngags 'byung po la sogs kyi/ /gtor ma kun ni ci snyed sbyin/ /gdon kun la ni mchod par bya/ /bcom ldan nyid kyis bshad pa bzhin/ /bden par smra zhing dam tshig shes/ /slob dpon phyir ni 'dir brtson pa'i/ /slob ma dam tshig 'dzin du gzhug /thams cad kyi ni phyag rgya'i tshogs/ /skrag par bya dang mchod bya dang / /de dag thams cad g.yon pa yis/ /rnam pa thams cad bstan par bya/ /rdo rje gom par 'dor dang 'jig /cig char yongs su bsgyur ba dang / g.yon pas brdab par bya ba dang / /rgyags pa'i seng ge sgra bsgrags dang / /mdzub mo bstan te hU~M zhes bya/ /shin tu sgra yang rab tu bskyed/ /rdo rje rigs can skyes pa yis/ /slob dpon gyis ni bstan par bya/ /lha yi gdon ni thams cad kyi/ /rtags kyi phyag rgya tshogs bshad pa/ /rkyen du bab pa gang yin pa'i/ / 95-1-191b so so'i phyag rgya'i tshogs 'di yin/ /tshangs pa'i pad+ma lha chen mdung / /gshin rje'i dbyug chen dam pa yin/ /khyab 'jug 'khor lo sman pa'i mi/ /nam mkha' lding gi sna dang 'dab/ /dbang po rdo rje me yi lce/ /chu lha yi ni zhags pa bstan/ /rlung ni dar gyis shugs can te/ /ta na ta yi be con sogs/ /'byung po'i gdon rnams thams cad kyi/ /lag pa g.yon pas de dag bzung / /'jug byed kyi ni 'khor lo rdzing / /lta ba dang ni di ri ri/ /dri za dag ni thams cad kyi/ /gling bu pi wang la sogs bstan/ /gar mkhan dag ni lhag par yang / /gar dang rol mo'i cha byad bstan/ /gnod sbyin rnams kyi cher bgad pa/ /rab gtum gyi ni sgra chen te/ /ku be ra yi mtshon mang dang / /yang na phyag rgya'i tshogs kun yin/ /klu chen gdengs ka ches pa ste/ /lag pa g.yon pas mgo bor gzhag /dbugs ni rgyun ring rgyu ba dang / /mig dmar dug dang bcas pa yin/ /klu rnams gdangs ka mang po dag /gcig tu gzhibs nas ci dgar gzhag /bya ba sgrub pa thams cad ni/ /sbrul yong pa yi gdengs ka'i dbyibs/ /tshangs pa srin po gnyis kyi ni/ /sngags kyi ril ba nor bu dang / /o~M brjod pa yi dbyug pa dang / /mchod phyir thogs la sogs par bstan/ /srin po rnams kyi so gtsigs dang / /rdzu 'phrul dag kyang rab tu bstan/ /bza' ba dang ni bca' ba dang / /mtshon cha dang kyang 'dra ba yin/ /sha za rnams ni 'tshe ba dang / /ha rer lta zhing sha la sred/ /'jigs pa sna tshogs ston pa dang / /kun tu yang ni lta bar byad/ /skem byed dang ni rang bzhin tshul/ /mdung thung la sogs dpung la brten/ /ma mo'i gdon ni thams cad ni/ /rang gi lha yi mtshon mchog byed/ /pad+ma phyir dang thor tshugs dbyug sngags ni nor bu bskor bar bya/ /ril ba 'dzin pa 'phags pa rnams/ /tshangs pa'i phyag rgya bdun pa yin/ /mdung rtse gsum pa zla phyed dang / /thor tshugs mig dang rgyal mtshan dang / /khyu mchog skad 'byin ral gri rnams/ /dbang phyug chen po'i phyag rgya bdun/ / 95-1-192a mdung thung dril bu ba dan dang / /de bzhin ra dang bya gag dang / /rma bya yi ni mjug ma rnams/ /gzhon nu'i phyag rgya bdun po yin/ /'khor lo dung dang be con dang / /ral gri dang ni phub zlum dang / /nam mkha' lding dang phag rnams ni/ /khyab 'jug phyag rgya bdun po yin/ /mche ba dang ni sprin dang sa/ /de bzhin bum pa gtun shing dang / /gshol dang rkang pa g.yon pa rnams/ /phag mo yi ni phyag rgya bdun/ /nam gru dag ni gnyer ma gdong / /rgyan skad la sogs ston pa dang / /skem pa nam gru'i phyag rgya ste/ /rang bzhin nyid du bstan pa yin/ /zas su mdangs za rnams kyi ni/ /lhung bzed ral gri lag g.yon bcum/ /lha min rnams kyi mi yi gzugs/ /hU~M dang bcas par bstan par bya/ /'phags pa rnams ni 'khor dang bcas/ /kun la mdung rtse gsum pa yin/ /dri ba byas na lhag par yang / /gdon rnams mtshan nyid gsal bar shes/ /log 'dren sna tshogs brjod pa gang / /de dag tshul ltas bstan par bya/ /de dag la rang gi lag pa bskum pa dang / /brkyang ba dang / /rkang pa tha mal bar brkyang ba dang / /smrar gzhug pa de dag las gsang sngags gyi las bstan te/ /dri ba dang / /brdeg pa dang / /dgrol ba'i tshul rnam pa gsum bya'o/ /las rgya che ba rig sngags kyi tshogs kyi bshad pa phyag rgya'i tshogs kyi dkyil 'khor gyi las grub pa 'di ni shin tu ngo mtshar che ba ste/ /sde bas su bya ba'i mdo bstan pa dang sngags kyi tshogs rnams kyang bshad do/ /'dus pa chen po'i mdo las shin tu bkra shis pa'i tshigs su bcad pa bstan pa dang / /rdo rje'i rigs las rig sngags kyi tshogs rdzu 'phrul dang ldan pa rnams kyang bshad do/ /lag na rdo rje dkyil 'khor thams cad kyi rgyal po las lag na rdo rje dang / /lha chen po dang / /dka' bzlog mas bshad pa'i las kyi dkyil 'khor phyag rgya dang bcas par bshad la rdzogs so// //dkyil 'khor chen po 'di dag las/ /las kyi dkyil 'khor ci bstan dang / /rig sngags kyi ni dkyil 'khor rnams/ /so sor rgyas 95-1-192b bar bstan pa dang / /gdon gyi las kyi phyag rgya dang / /phyag rgya nyi tshe byed pa dang / /rig sngags bsgrub pa'i sa rnams dang / /khrus kyi dkyil 'khor dag tu yang / /dri dang me tog phreng ba dang / /bdug pa dang ni mchod pa dang / /gtor ma sna tshogs de dag kun/ / dbul bas kun tu rnam kun gyis/ /don kun rab tu bsgrub ba'i phyir/ /spyan drang 'di ni nges par bya/ /'byung po thams cad bder 'gyur ba/ /'byung po kun dga' zhes bya ba'i/ /gtor ma rig sngags ldan bya zhing / /g.yas g.yon nas ni sbyin par bya/ /rtag tu 'di dag thams cad kyang / /phyogs kun bltas pas 'di skad brjod/ /dkon mchog gsum la phyag 'tshal lo/ /rdo rje 'dzin la phyag 'tshal lo/ /rig sngags tshogs la phyag 'tshal lo/ /phyag rgya'i tshogs la phyag 'tshal lo/ /rig sngags brgyad brgyar skyes pa yi/ / gdon gyi srog gi rten gyur dang / /rgyu ba rab tu bshad par bya/ /dkyil 'khor spyan drang mchod pa dang / /dkyil 'khor ris gsum mchod pa la/ /gdon rnams kyi ni gdon las mchog /gdon gyi gdon stobs rmugs bya dang / /nges par rtag tu bzlas bya bshad/ /bye ba phrag stong gdon rnams ni/ /sa steng dag na rgyu ba yod/ /dus tshigs sna tshogs bab pa na/ /de dag rgyu ba sna tshogs pa/ /gdon mchog dam pa 'grub pa'i phyir/ /de dag bdag gis bshad par bya/ /gdon rnams nyan par byed pa dang / /gtor ma len cing grub sbyin pa/ /de dag tshul dang gnas byas pa/ /dben pa dag tu rgyu bar byed/ /ri bo yid du 'ong rnams dang / /rtse mo rnams dang khyim rnams dang / /'bras bu me tog rgyas rnams dang / /drang srong dag gi gnas rnams dang / /dka' thub tshal dang gzhal med khang / /rig byed rjes su slob pa dang / /me tog sna tshogs mchod ldan dang / /gnas dang kun dga' yid 'ong dang / /bya rnams skad chen 'byin pa dang / /'jig rten mar me byed kun dang / /nyi ma'i gnas na dga' byed cing / /nyi ma lhan cig 'gro bar byed/ /nyi ma'i 'od dang kha dog 95-1-193a mnyam/ /gza' dang rgyu skar mal/ /de dag rtag tu rgyu bar byed/ /zla ba nya ba'i 'od zer gyi/ /phung po rgyas pa dag la gnas/ rin chen kun gyis rab brgyan cing / /rtse nas ngos ni lda ldi dang / /phug brgya dag gis gang ba yis/ lhun po ril de dag gnas/ /gangs ri ri bo rtse mo dang / /gangs kyi sul ni stong ba dang / /sman kun gyis ni rgyas pa yi/ /gsang rnams dag ni nags tshal dang / /sman brgyas yongs su gang ba yi/ /spos dang ldan la de dag gnas/ /spos kyi ngad ni zhim pa yis/ / phyogs rnams dang ni rgyas byed dang / /dpag bsam shing gis brgyan pa yi/ /skyed mos tshal chen dga' byed dang / /lha rnams gzhal med khang rnams su/ /lha yi gzugs kyis gnas par byed/ /de dag sprin phung gseb na gnas/ /sprin phung gi ni sgra dag 'dra/ / sprin phung dag dang 'grogs byed cing / /sprin phung lhan cig dga' bar byed/ /rgya mtsho nang gi chul gnas/ /chu yi shugs kyis rjes 'brang zhing / /de dag rgya mtsho'i chu klung dang / /lhan cig tu ni rgyu bar byed/ /mun nag gi ni klong chen dang / /rgya mtsho yi ni sgra rnams dang/ /rgya mtsho chen po 'khrugs pa la/ /de dag rtag tu 'khrugs par byed/ /dpyid zla'i dus la bab pa na/ /shing rnams kun la gdon de dag /khu byug bung ba'i gzugs su gnas/ /chu klung chen po'i 'gram dag na/ /gling ma rnams dang rdzong rnams dang / / chu mar dag gis rgyas pa yi/ /'jing rnams na ni gnas par byed/ /chu rgyun yid du 'ong ba dang / /chu rnams rab tu 'byung ba dang / /khron pa rnam pa sna tshogs dang / /ri bo dang dang chu rnams dang / /sbrul gyi tshogs kyis gang ba yi/ /nags khung chen po dag na yang / /de dag sbrul du gzugs bsgyur nas/ /sbrul dang lhan cig dga' bar byed/ /ljon shing chen po mi bzad dang / /'byung po dag ni tshogs chen dang / /khang stong dang ni yul stong dang / /ba lang gnas ni gang ba dang / /rgyal po dag gi dkor khang 95-1-193b dang/ /pad+ma rnams dang gzhan dag kyang / glang chen gnas na yid 'ong dang / /rta rnams kyi ni bres dag dang / /gzhan yang grong khyer rnams dang gzhan/ /tshong dus dag na gnas par byed/ /chang 'thung gnas dang khyim dang gzhan/ /srang dang lam dang shing rta dang / / rgyu ba dag gi gnas rnams dang / bu mo la sogs lta ba'i rnams/ /skyed mos tshal snying mi bzad dang / /lha yi gnas ni zhigs pa dang / /bu btsa' ba yi gnas gzhan dang / /'chi la thug pa'i khyim dag dang / /dga' ston sa dang 'dus pa dang / /'dus ston sa dang 'thab mo'i sa/ /g.yul gyi sa ni thams cad ni/ /gdon rnams rtag tu gnas par byed/ /drug cu rtsa bzhir gdon bshad pa/ /yid ltar mgyogs shing 'dod dgur bgrod/ /'dod dgur sgyur ba'i gzugs can de/ /thams cad rang dgar rtsen par byed/ /lha tshogs ma mo'i gdon drug bcas/ /tshangs pa srung bar byed pa ste/ /bar snang gza' ni nyi ma yang / /gdon rnams kyi ni gtso bor bshad/ /skem byed la sogs srin po'i bar/ /rdzong ldan ma dang klu gnyis dang / /srin po bcu dang lha mo dang / /nor bu mgul ni bar ma yin/ /grul bum la sogs yi dgas dang / /brjed byed bcas dang srul por bcas/ /mdangs 'phrog de bzhin smyo byed dang / /thams cad gdon gyi tha mar bshad/ /de dag gi ni khyed par bzhin/ /dkyil 'khor mngon par mchod byas nas/ /mngon par dga' par bya ba yi/ /bstod pas mchod pa dag kyang bya/ /dbang po rdo rje 'chang pa'i lha/ /lha yi rgyal po gdon gyi bdag /shar phyogs gdon gyi tshogs bcas la/ /mchod par byas te phyag kyang 'tshal/ /me ste bsreg bya bzhes pa'i lha/ /'byung po'i rgyal po gdon gyi bdag /me mtshams gdon gyi tshogs bcas la/ /mchod par byas te phyag kyang 'tshal/ gshin rje dbyug pa 'chang ba'i lha/ /sa yi bdag po gdon gyi bdag /brnab sems bdag nyid gdon bcas la/ /mchod par byas te phyag kyang 'tshal/ /bden dang bral ba legs ldan lha/ / 95-1-194a srin po'i bdag po gdon gyi bdag/ /sna tshogs gdon gyi tshogs bcas la/ /mchod par byas te phyag kyang 'tshal/ /zhags pa thogs pa chu yi lha/ /bden pa bsrung ba gdon gyi bdag /nub phyogs gdon dang bcas pa la/ /mchod par byas te phyag kyang 'tshal/ /rlung ste srog kyang 'dzin pa'i lha/ /tshig srung gdon gyi bdag po ste/ /rlung gi tshogs kyi gdon bcas la/ /mchod par byas te phyag kyang 'tshal/ /gnod sbyin lag na be con thogs/ /nor srung gdon gyi bdag po ste/ /byang phyogs gdon dang bcas pa la/ /mchod par byas te phyag 'tshal/ /dbang dang ldan pa 'dren pa'i lha/ /bgegs kyi rgyal po gdon gyi bdag /dbang ldan phyogs kyi gdon bcas la/ /mchod par byas te phyag kyang 'tshal/ /'og gi klu dang che ba'i lha/ /rgyal po chen po glang po che/ /dam tshig shes pa'i gdon bcas la/ /mchod par byas te phyag kyang 'tshal/ /steng gi lha tshogs thams cad dang / /zla ba nyi ma gza' chen dang / /gza' skar rgyu skar bcas pa dang / /skar ma'i 'khor lo'i dkyil 'khor dang / /rig sngags tshogs dang gsang sngags dang / /de bzhin phyag rgya'i tshogs kun dang / /dam tshig shes dang slob dpon dang / /tshangs pa la sogs lha chen dang / /rdo rje 'dzin pa tshe yi lha/ /lag na rdo rje stobs po che/ /gtum po 'jig rten gsum gyi bdag /'jigs byed lag na rdo rje thogs/ /thams cad zhi bar byed pa ste/ / 'byung po'i tshogs ni kun gyis mchod/ /rnam pa kun gyis 'byung po kun/ /dus kun du ni srung ba po/ /rig sngags bcas pa de dag dang / /'byung po'i tshogs ni thams cad la/ /bshos dang dri sogs sna tshogs rnams/ /des ni dga' zhing dbul bar bya/ /dam tshig shes pa rnams dang ni/ /'byung po'i tshogs kyis bdag la bsrungs/ /de yi rgyas pa 'phel ba yang / /bcom ldan 'das kyis mdzad par gsol/ /sna tshogs tshig gis smra bar bya/ /zhi ba'i tshig ni yang dang yang / /bdag gi bla ma'am yang na gzhan/ /dam tshig shes 95-1-194b pa gzhan gyis byas/ /'di ni 'byung po kun la phan phyir bshad pa ste/ /'byung po'i tshogs kun 'das la rtag tu mchod par bya/ /dkyil 'khor dag las gtor ma'i las ni rgyas pa 'di/ /rgyu ba dag gi gnas dang rten gyur dpal bskyed phyir/ /'dir ni thams cad dus su phyogs rnams thams cad du/ /yongs su dag pa'i yid dang rnam pa thams cad kyis/ /thams cad zhi bar byed pa gsum du rab bshad pa/ /don rnams bsgrub pa'i phyir ni bla mas bya ba yin/ /las kyi dkyil 'khor rdzogs so// //kun rig sems can kun gyis mchod/ /rig sngags bdag po kun gyis brjod/ /mtshungs pa med pa'i sangs rgyas ni/ /rnam gsum nyi ma'i 'od dang ldan/ /mtshan med mang po mnga' ba ste/ /'dom gang 'od chen 'chang ba dang / /rig sngags ston pa chen po ste/ /mchog chen 'chang zhing sbyin byed dang / /dag pa'i chos kyi nges gsungs pa/ /zhi ba'i grong khyer zhi ba'i lam/ /gang gis thub rnams shes pa dang / /gzhan yang sngon gshegs gshegs gyur dang / /ya mtshan gnas ldan dge 'dun rnams/ /mya ngan 'das pa'i grong 'jug pa/ / shin tu rgyas pa de kun la/ /yang dang yang du phyag 'tshal zhing / /thub pa sangs rgyas gnyis pa ni/ /'phags pa sha ra dwa ti'i bu/ /lha dang lha min dri zar bcas/ /klu dang gnod sbyin tshogs kyis mchod/ /de bzhin dam pa grub pa de/ /rig sngags 'chang kun dbang phyug rje/ /dpa' bo gcig pu dgra thul ba/ /lag na rdo rje phyag 'tshal lo/ /de bzhin rdo rje lcags kyu yum/ /rdo rje thog thog bzang mo dang / /de nas lag na rdo rje'i mthus/ /kI li kI li gtum po dang / /rdo rje sgrog gi nyi ma bzhin/ /blo gros rdo rje phas mi thub/ /'od dpa' khro bo dril bu can/ /de bzhin rdo rje nag mo la/ /ci ste shes rab can dag gis/ /gzhan don grub par 'dod pa na/ /mchod cing phyag kyang byas nas ni/ /dkyil 'khor gzung bya legs par bshad/ /grub pa lag na rdo rje yi/ /dngos grub thams cad sgrub byed cing / / 95-1-195a dngos grub thams cad rab rdzogs pa/ /ji skad du ni rab bstan pa'i/ /dkyil 'khor ci 'dra gang yin dang / /de yi yon tan sna tshogs gang / /tshogs kyang ji ltar bstan pa dang / /dkyil 'khor gyi ni dam tshig dang / /cho ga dam pa grub pa dang / /phan dang mi phan don rnams dang / /dam tshig shes pa'i yon tan dang / /nyams pa'i gnas ni gang yin pa/ /de dang gzhan yang gang mthong ba/ /de dag thams cad legs par bshad/ /lag na rdo rje'i sras gtum pa/ /rdo rje sde la phyag byas nas/ /zla phyed yud tsam zhag gcig dang/ /rgyu skar dag ni bzang ba la/ /gtsang zhing gos gtsang bgos pa dang / /bsdams shing nges par gnas pa dang / /grogs po gtsang mar ldan pa dang / /gtsang ma'i las kyi rjes 'brang bas/ /yar gyi ngo yi tshes gcig gam/ /tshes gnyis de bzhin lnga yang rung / / tshes drug dang ni brgyad dang / /bcu gnyis yang na bcu gsum ma ma/ /yang na nya yi nyin par ni/ /yongs su gzung bar bya ba ste/ /de dag brtsam gyis gzhan la min/ /dkyil 'khor gnas ni sbyang byas la/ /zla ba nya yi nub mo ni/ /dkyil 'khor chen po bri bar bya/ /bsgrims te lag na rdo rje dang / /rgyal dbang la ni phyag byas nas/ /zhi zhing sngan chad las byas pa'i/ /sar ni khas pas 'gro bar bya/ /tshong dus kun dga' gtsug lag khang / /grong ngam yang na grong khyer gyi/ /byang shar mtshams ni gang mthong ba/ / de yi lho nub mtshams dag tu/ /zla ba re re brtul zhugs bya/ /mdangs dga' tshal ldan gtsang ma dang / /tshwa sgo rdo gseg rus pa dang / /mtho dman skyon rnams rnam spangs pa/ /de 'dra'i sa de rnyed na ni/ /rdo rje lcags kyu dran byas la/ /shar phyogs nas ni gom pa 'dor/ / ha cang mi drag dgod mi bya/ /de nas rig sngags gang 'dod pas/ /bdag nyid kyang ni bsrung bar bya/ /de nas dkyil 'khor gnas der yang / /dge ba'i ltas rnams blta bar bya/ /sngags kyis btab pa'i chu dag gis/ /thams cad legs par gtor bar bya/ /ba lang 95-1-195b lci bas legs par sbyang / /ku sha dag kyang gding bar bya/ /mnyam pa'i dbus kyi dkyil dag tu/ /dkyil 'khor byed pa 'dug nas ni/ /phyogs mtshams steng dang thad kar yang / /kho ra khor yug blta bar bya/ /bsrung zhing yid dga' dri dag gis/ /khrus byas zhag gsum smyung bar bya/ /sbos dang ldan pa'i ri bzhin du/ /spos kyis phyogs kun rgyas par bya/ /thig skud gsar zhing rab gtsang dang / /tshad dang ldan zhing mdzes pa dang / /dri zhim reg na 'jam pa dang / /sra zhing legs par gzabs pa dang / /thung dang sbom sogs ma legs dang / /mdud pa rnams ni med pa yis/ /thig ni shes rab can gyis gdab/ /de yi tshad kyang bshad par bya/ /rdo rje 'dzin chen dga' ba yi/ /dang po'i gnas ni rdzogs gyur nas/ /de las gzhan pa'i dkyil 'khor che/ /grangs rnams kyang ni bshad par bya/ /lag na rdo rje'i dkyil 'khor chen po'i rgyal po ste gnas dang po'o// //bu dag chog shes dben pa bde/ /chos la mi smod bde ba yin/ /'tshe ba spangs pas 'jig rten bde/ /srog chags rnams la sdom pa dang / /'dod chags bral ba 'jig rten bde/ /'dod chags rnams las 'das pa dang / /nga snyam nga rgyal zhi ba dang / /dul ba 'di ni mchog tu bde/ /bu dag rgyun las bzlog pa yi/ /lam bgrod zab cing blta dka' ba/ /mun nag thibs pos bsgribs pa dang / /'dod la chags pas rtog mi 'gyur/ /ngas ni dka' bas rtogs byas nas/ /skye bo rgyun bzhin 'khyam pa dang / /'dod pa dag gi mdud pa yis/ /bcings pa'i bar du bshad pa ste/ /'di ni lag na rdo rje yi/ /yid 'ong ched du brjod pa brjod/ /rtsed mo can gyis bsrung byas nas/ /nges par kun tu 'jigs pa med/ /dkyil 'khor khru ni bcu drug tu/ /ci nas rab tu tshang bar bya/ /srid du yang ni ci nas kyang / /sum cu rtsa gnyis yod pa dang / /gtsang mas gtsang ma'i gos bgos la/ /thig skud de ni bdag gis gzung / /lha la dga' ba'i grogs po yis/ / 95-1-196a kho ra khor yug drang bar bya/ /thig drangs de yi steng dag tu/ /thig ni snyoms par legs par bri/ /rig sngags rdo rje lcags kyu ma/ /rmad du byung ba de nyid brjod/ /thub chen gnas par gyur pa yi/ /khor yug brag ni rgya che ba/ /rang 'byung gis ni bstan pa bzhin/ /blo can dag gis zlum por bya/ /thung sbom la sogs skyon bral zhing / /thig ni legs shing bsnyams par bya/ /sbom ches pa ni sngar bshad zin/ /thung ches pas ni nad kyis 'debs/ /gang zhig dngos grub mchog 'dod pas/ /de ni yungs kar dag gis bri/ /gang zhig tsan+dan phye mas 'dri/ /des ni 'jig rten nges par 'joms/ /nas rnams kyi ni ma 'dres pa'i/ /sA lu bzang por byas na ni/ /de yi nor dang 'bru rnams dang / /dbyig rnams rtag tu 'phel bar 'gyur/ /gang zhig dngos grub mchog 'dod pas/ /der ni gsum char gyis kyang bri/ /yang na de dag gcig pu yis/ /shes rab can gyis bri bar bya/ /de nas ri yi rgyal po ni/ /rin chen kus las grub pa ste/ /nyi ma bzhin du rtag tu yang / /rang gi 'od kyis rab 'bar zhing / /bang rim yod pa'i ri rab de/ /thog ma nyid du gzhag par bya/ /sngar bstan pa yi khor yug ni/ /gru bzhi tshad du bya ba yin/ /de nyid khongs su rim pa gsum/ /khru re tsam du bri bar bya/ /gzhan yang mtho ni do do dang / /sor bzhi bcas par bri bar bya/ /gnyis pa dang ni lhag ma rnams/ /chu drug mdzes dang ldan par bya/ /gzhan ni mtshams la thug pa'i bar/ /ci rigs par ni bri bar bya/ /ci rigs par ni bri bar bya/ /ngu 'bod chen po zhes bya ba'i/ /dmyal ba bden bral phyogs su gzhag /bstan pa bzhin du de byas nas/ /gzhan yag bshad pa bzhin bya ba/ /ras gsar pa ni sA lu'am/ /tsan+dan bzang po'i phyem yis/ /rdo rje srid du khru gang ba/ /rtse drug yang na rtse gsum bri/ /de yang ci ste mi 'byor na/ /grog mkhar gyi ni sa dag gis/ /sor bzhi tsam du bya ba yin/ /gang gis gdon ni stong phrag rnams/ /khyad par 'dir ni sgrub byed pa/ /de nyid 'jig 95-1-196b rten gsum dag gi/ /'jigs byed drag po yin par nges/ /de nyid ngo mtshar bye ba snyed/ /ya mtshan rnams kyang ston pa yin/ /gcig pu rdo rje gnyis ldan pa/ /de nyid kyi ni drung dag tu/ /dkyil 'khor rnam pa bzhi bo dag /byin gyis brlabs pa'i cho ga bya/ / bden dang gtor ba rgya che ba/ /ting 'dzin zhi ba ya mtshan ldan/ /yang na gang gis 'di dag kun/ /thub pa'i shes rab byin brlab bya/ /bden dang nges par gnas byas nas/ /bden bral phyogs su bri ba dang / /chu lha'i phyogs su song nas kyang / /rgya chen don rnams bya ba na/ /si ta ku ni bu dang bcas/ /bzhi ba de ni legs par gnas/ /grong khyer mchog gi drung dag tu/ /gru ni byang phyogs blta bar bya/ /de nas 'jug par rab bstan de/ /dkyil 'khor dag pa gzhan mi bya/ /gzugs gnas sgo mchog de nyid ni/ /rdo rje 'dzin pa dgyes pa yin/ /dkyil 'khor 'dod pa gang yin pa/ /de yi sgo byang phyogs kyi ni drung dag tu/ /bstan pa gang yin gzhag par bya/ /phur gum yid du 'ong ba dang / /ldan pa'i rgya skyegs khu ba dang / /le brgan rtsi yis bsgyur ba yi/ /sar ni dmar zhing yid 'ong ba/ /bug rdol med cing ma nyams la/ /dri nga bdag med pa yi/ /gdan dag kyang ni nges byas shing / /shing rings la ni legs par gdags/ /de nas logs shig rtse mo yi/ /ma byad sna tshogs khyad par du/ /rnam par mdzes pa gzhag bya ste/ /rgya skyegs las ni legs byas pa'i/ /pho long chen po ri mo can/ /gzhan yang dril dang sgo nga'i dbyibs/ /ste'u 'khor gyi ni tshogs rnams dang / /gzhan yang rnam pa sna tshogs gzhag /ku ran+ta ka'i me tog phreng / /rgyal mtshan rtse mor 'phyad du gzhug /yang na me tog dmar ba yi/ / phreng ba bzang po sna tshogs gdags/ /de dag bstan pas shes pa yis/ /dkyil 'khor de yi phyi rol gzhag /de nas ri dbang khor yug gi/ /nang du yang ni 'gro ba dbya/ /de ltar mtshungs med ces bya ba'i/ /dkyil 'khor gyi ni thig gdab pa/ /gnas gnyis pa ni rgyas 95-1-197a par bstan/ /lag na rdo rje'i dkyil 'khor thams cad kyi rgyal po las gnas gnyis pa rdzogs so// //rig sngags rdo rje lcags kyu ma/ /rmad du byung ba de dran zhing / /g.yon phyogs dag tu go rims bzhin/ /lha rnams kyang ni dgod par bya/ /chu lha'i phyogs kyi sgo dag ni/ /kAr+ShA pa Na brgyad dag gi/ /'gron bu rnams ni shar nub tu/ /mnyam zhing mdzes par dgod par bya/ /de yi lho phyogs rdo rje yi/ /rig sngags bla ma'i rigs rnams dgod/ /de ni rdo rje lcags kyu ma/ /rig sngags rgyal mo dbus su gzhag /dregs shing stobs kyis rgyags pa yi/ /sngon mo chen mo sngon mo gnyis/ /der ni rig sngags rigs rnams kyi/ /sgo srung dag tu gzhag par bya/ /rig sngags rdo rje'i rigs skyes rnams/ /shar phyogs su ni blta bar bya/ /'dod pa'i rdo rje dang por bshad/ / rdo rje khro bo mjug tu gzhag /me tog yid 'ong rtse mo can/ /lug rgyud gtum mo ser mo rnams/ /pho nya ma dag grangs bzhin du/ /thams cad de yi pha rol dgod/ /bung ba ma dang lta ba ma/ /dga' ma thub dka' byang phyogs gzhag /rdo rje ka ta ya na dang / /'di dag g.yas phyogs bri bar bya/ /rdo rje sde yi 'khor rnams dang / /de yi lho phyogs dgod par bya/ /de nas klu rgyal nor rgyas bu/ /bzhi pa dag la gzhag par bya/ /'byung po sna tshogs ba skor ba yi/ /gzhon nu tshogs dang bcas pa yang / /dkyil 'khor lnga par gzhag par bya/ /mdung thung yang ni mdun du gzhag /de nas drug la bden bral phyogs/ /'byung po rengs byed mi bzad pa/ /'phags pa yi ni mdun bris la/ /'phags ma yi ni mdun du gzhag /ma mo rnams kyi rigs lnga po/ /tshangs ma dang ni dbang phyug ma/ / skem byed khyab 'jug phag mo zhes/ /bya ba dkyi 'khor bdun par gzhag /grong khyer de yi nang dag tu/ /chu klung 'gram dang ldan par bri/ /grwa rnams shar byang grwa dag dang / /lho dang nub phyogs phyin par bya/ /sdig can chu na gnas pa'i nang / /ngoms mi shes pa'i 95-1-197b ri dgas shig /nang du ma chu btsugs phyogs gcig gnas/ /de nang khyu mchog 'gro bar bya/ /rlung lha'i phyogs kyi gnas gcig tu/ /bde byed lha mo khyu mchog dang / /de bzhin ra dang bum rna gnyis/ /grong khyer gyi ni sgo srung gzhag /klung gi g.yas rol 'gram dag tu/ /rig sngags chen po bu smad bcas/ /dbang ldan phyogs su gzhag bya ste/ /dkyil 'khor bdun pa 'das pa yin/ /dkyil 'khor brgyad pa sngar bshad pa'i/ /'byung po'i bya bsgrub pa bdun/ /'byung po sna tshogs bskor ba gzhag /dgu par yang ni rim bzhin bri/ /de nas dkyil 'khor bcu par ni/ /tshangs pa'i drang srong rnams kyang gzhag /de nas gshin rje tshogs mang bcas/ /bcu gcig par ni gzhag par bya/ /me lce 'bar bas bskor ba yi/ /me lce lha mo'i tshogs kyis bskor/ /me de mthu las skyes pa ste/ / de ni bcu gnyis shes par bya/ /yi dgas rnams kyi 'khor dang bcas/ /yi dgas dag kyang gzhag par bya/ /lag na rdo rjes bshad pa bzhin/ /de ni bcu gsum shes par bya/ /zla ba phyogs bzang stobs po che/ /khyab 'jug dbang po nye dbang gnyis/ /rgyal ba'i dbang po sangs rgyas kyi/ /blo gros lha mo gnyis kyang gzhag /gang na lhan bang gnyis gnas pa/ /de ni bcu bzhir shes par bya/ /bcwa lnga pa yi dkyil 'khor du/ /klu chen rigs brgyad dgod par bya/ /bka' stsol pa zhes bya ba yi/ /tshangs pa'i srin rnams bcu drug tu/ /bcu bdun pa yi dkyil 'khor du/ /ka ta ya na gzhag par bya/ /de yi 'khor ni gang yin pa/ /de yang drung du gzhag par bya/ /dbang phyug chen po'i chung mar bcas/ /dbang ldan phyogs su gzhag bya ste/ /de ni bcwa brgyad shes par bya/ /de nas phyi rol rig sngags rigs/ /rig sngags kyi ni sna tshogs dge/ /bcu dgu par ni gzhag par bya/ /de nas kyang ni rig sngags rnams/ /ming smos 'di dag la sogs bri/ /dri gshed thabs kyis dri gshed dang / /ro langs mar ni grags pa dang / /dkar mo chen mo dkar mo 95-1-198a dang/ /gzhan yang sa steng gnas rnams gzhag /rdo rje'i mnga' bdag dgyes pa yi/ /gzhan gyi rigs sngags mchog 'ching ba/ /rab tu gsal zhing 'bar ba de/ /dbus der mkhas pas gzhag par bya/ /de nas rdo rje 'dzin chen rje/ /nyi shu par ni gzhag par bya/ /gang na rdo rje 'dzin gnas te/ /ming ni rdo rje pho brang yin/ /nyi shu gcig pa'i byang phyogs su/ /ku be ra ni tshogs bcas bri/ /ku be ra ni gar gnas pa/ /grong khyer lcang lo can zhes bya/ /klu yi bya bsgrub pa brgyad/ /grong khyer nyi shu gnyis par gzhag / bya ba sgrub bcas klu chen rnams/ /lnga po nyi shu gsum par gzhag /dkyil 'khor nyi shu rtsa bzhir ni/ /klu yi dkyil 'khor gzhag par bya/ /klu mgo yi ni gdengs ka can/ /klu chen gyis ni g.yas su bskor/ /dkyil 'khor de yi nang dag tu/ /klu chen kha dog sna tshogs pa/ /mtha' yas nor rgyas pad+ma dang / /de bzhin nor bu la sogs klu/ /ka lpa la dang rab mgyogs gnyis/ /de bzhin gzhan yang klu rnams kyi/ /ma dang rgyal tshab 'jog po yang / /dkyil 'khor nang du gzhag par bya/ /shar sgor 'od ma'i rtse mo gzhag /dga' skyed pa ni lho phyogs su/ /nub phyogs su ni legs mthong gzhag /byang phyogs su ni stobs kyis rgyu/ /de nas rlung lha'i phyogs dag tu/ /'byung po'i tshogs ni bdun rnams dgod/ /de ni nyi shu lnga pa yi/ /dkyil 'khor du yang grags pa yin/ / dkyil 'khor nyi shu rtsa lnga pa/ /'di dag kyang ni mkhas pa yis/ /ci rigs par ni bri bya zhing / /rdzogs byed rnams kyang legs par bri/ /chu lha'i phyogs su ni ma bri/ /shar phyogs su ni zla ba gzhag/ /ku ru na ni gling bzhir ni/ /phyogs mtshams dag tu gzhag par bya/ / lhag ma dag ni byang phyogs su/ /nges par yang ni dgod par bstan/ /'di dag rnams ni mdor bsdu na/ /khor yug gi ni khong nas dbyung / /de nas rdo rje shugs kyis ni/ /der ni stobs chen 'gro bar bya/ /bang rim la ni song nas kyang / /dang po legs par dgod par bya/ / 95-1-198b rdzong gi 'phags ma don grub pa/ /dur khrod gnas na drag mo ni/ /bden bral phyogs su gzhag bya zhing / /ma yang drung du gzhag par bya/ /phyogs kyi lha ni bye ba rnams/ /dbang ldan phyogs su dgod par bya/ /log 'dren drag po chen po yang / /dkyil 'khor du ni legs par dgod/ /rlung lha'i phyogs su mkha' lding gzhag /de nas dang po skyong ba yi/ /rdzong gi 'phags ma gnyis pa yang / /yongs su rdzogs par gzhag par bya/ /bang rim dag ni gnyis pa la/ /rdo rje'i shugs kyis bsgom bya zhing / /klu rigs nor bu gzhag par bya/ /mtha' yas bden bral phyogs su gzhag /de nas phyogs kyi lha nyid ni/ /gshin rje'i phyogs su legs par gzhag /de nas yi dgas tshogs rnams kyang / /me yi phyogs su gzhag par bya/ /de nas cho ga shes pa yis/ /yi dgas kyi ni rigs rnams dgod/ /brjed byed kyi ni rigs rnams dang / /nam gru dag gi rigs kyang gzhan/ /dbang ldan 'byung po rnams dang ni/ /'byung po'i chang khyu rnams kyang gzhag /tshangs pa'i srin po zhes bya rnams/ /dkyil 'khor byang phyogs dgod par bya/ /phyi rol klu yi rigs rnams kyang / / rlung lha'i phyogs su legs par dgod/ /dkyil 'khor dam pa gnyis pa las/ /bang rim 'di ni yongs su rdzogs/ /rdo rje rim gyis bsgoms nas ni/ /gsum pa yang ni bden bral phyogs/ /sha za bzhag ste song na yang / /rnal 'byor mkha' 'gro'i dkyil 'khor gzhag / yi dgas kyi ni khyim rnams kyang / /gshin rje'i phyogs su legs par dgod/ /me yi phyogs su dkyil 'khor du/ /stobs chen lha ma yin rnams gzhag /de nas dpal ldan 'jig rten skyong / /'jig rten chos las phyir phyogs pa/ /yul 'khor srung ni dpag med pa'i/ / dri zar lhan cig kun tu dgod/ /dbang phyug chen mor bcas pa yi/ /dbang ldan phyogs su gnas par bya/ /de nas rig sngags rnams kyi bdag /lag na rdo rje rnal 'byor che/ /grogs bcas rdo rje 'dzin pa yi/ /rdo rje pho brang dga' bar gzhag /de nas stobs chen 95-1-199a 'jig rten skyong / /dpal ldan 'jig rten chos spangs pa/ /lag na rdo rje 'dzin pa yi/ /dbang ldan byang gi phyogs su gzhag /de bzhin lcang lo can dag tu/ /nor sbyin tshogs dang bcas par bri/ /klu rnams ma ni su ru sa/ /rlung lha'i phyogs su gnas par bya/ /de dag bu dang bcas par ni/ /de yi drung du dgod par bshad/ /mkha' lding rnam par 'dud pa'i bu/ /mthu rtsal shin tu rdzogs pa'ang gzhag /de nas 'byung po'i tshogs rnams dgod/ /chu lha yang ni nub phyogs gzhag/ /gsum pa dag kyang 'das pa yin/ /bzhi pa dag gis bshad par bya/ /bang rim bzhi pa'i steng dag tu/ /rdo rje shugs kyis song nas ni/ /nyi ma rnams ni g.yog dang bcas/ /chu lha'i phyogs su gnas par bya/ /bden bral phyogs su srin rnams dgod/ /de yi pha rol grul bum gzhag /de nas grul bum lcags can yang / /lho phyogs su ni gzhag par bya/ /me yi phyogs su rlung lha gzhag /shar phyogs zla ba 'khor dang bcas/ /thags bzangs ris kyang de bzhin te/ /de gnyis kyis ni bzhi pa dgang / /de nas bang rim ldan pa la/ /rdo rje shugs kyis 'gro bar bya/ / lha bsrung phyir ni klu rnams kyang / /chu lha'i phyogs su dgod par bya/ /dbang ldan dang ni shar mtshams su/ /lha yi mdzod kyang gzhag par bya/ /gzhan gyis mi thub rdo rje che/ /dbang ldan phyogs su gzhag par bya/ /de nas rdo rje'i drung dag tu/ /gnas gtsang ris kyi lha chen gzhag /lha yi srungs ma gnod sbyin che/ /byang phyogs dag tu gnas par bya/ /rdo rje shugs kyis drug pa la/ /song nas chu lha'i phyogs dag tu/ /klu rgyal rgya mtsho chen po'i bu/ /drag cing shugs dang ldan pa gzhag /der ni g.yog dang bcas par bya/ / gzhan dag gis ni sprul pa la/ /dbang byed lha ni gang yin rnams/ /bden bral phyogs su gnas par bya/ /tshangs ris kyi ni tshogs rnams kyang / /me yi phyogs su dgod par bya/ /tshangs pa'i mdun na 'don pa yi/ /lha rnams shar phyogs gzhag par bya/ /shin 95-1-199b tu mthong lha dbang ldan du/ /srid rtse de yi pha rol dgod/ /de bzhin dka' zlog byang phyogs gzhag /drug pa dag kyang 'das pa yin/ /bang rim dag ni bdun pa la/ /rdo rje shugs kyis rdo rje 'chang / /song nas khru yi gtso bo ni/ /rgya mtsho chen po rmad byung gzhag / byang phyogs bya ba zin nas ni/ /grags shing bsod nams che ba yi/ /'phrul dga' ba yi lha chen rnams/ /gshin rje'i phyogs su gnas par bya/ /de nas rdo rje shar phyogs kyi/ /gnas kyi gtso bor gzhag par bya/ /sum cu gsum pa'ang shar phyogs su/ / bzhag cing bdun pa yongs su dgang / /lha rnams sna tshogs rgyas pa yi/ /ri yi dbang po dam pa yi/ /bang rim dag ni yongs su rdzogs/ /de yi 'og tu bya ba bshad/ /ri rab steng du thams cad mkhyen/ /rig sngags snying po 'chang ba po/ /sangs rgyas 'jig rten rtogs mdzad pa/ /thar pa'i grong khyer dbang phyug gzhag /gang gi 'od zer de dag gi/ /phyogs rnams thams cad rgyas mdzad dang / /gang gi sku la mtshan kun gyi/ /mdzod rnams thams cad 'byung ba dang / /mtshan dang gzhon dang brtson 'grus dang / /gzhan yang zhi bar ldan pa dang / /mchog rnams mchog sbyin byed pa la/ /gang gis mchog gi mchog sbyin dang / /thugs rje che dang ldan pa'i mgon/ /nyi ma 'chaRa ka'i 'od dang 'dra/ /'od zer nyi ma bye ba yis/ /gang gis mun pa bsal pa dang / /chos dang mtshan nyid rigs pa yi/ /yid bzhin nor bu'i thugs mnga' gang / /gang gis bskal pa grangs med par/ /sems can rnams ni rab tu bsrungs/ /rin chen in+d+ra nI la ltar/ /gang gi gtsug tor mdzes pa dang / /nor bu yi ni rgyal po bzhin/ /zla mdog can gyi mdzod srung sna/ / gang gi bdud rtsi gtong ba'i zhal/ /pad+ma rA ga'i mdog 'dra dang / /dus mtshams gser gyis bsgyur ba yi/ /gser gyi ri ltar sku mdog mdzes/ /'khor lo chen po rtsibs stong pas/ /phyag dang zhabs ni legs spras pa/ /skyil mo krung ni mdzes pa yis/ / 95-1-200a thub pa chen po legs par bzhugs/ /chos kyi chu klung chen po'i mchog /de yi zhal nas kun tu 'bab/ /rmad du byung bar 'bab pa ste/ /bdag gis kha ni stong phrag rnams/ /stong snyed kyis ni brjod pa 'am/ /khong du chud par nus mi 'gyur/ /de ni rgyas par 'gengs pa dang / /ye shes pha mtha' bla na med/ /shin tu rmad byung gsang bar bshad/ /tshig ldan gyi ni lha mo de/ /'jig rten mgon po sangs rgyas kyi/ /gsung la rab tu gnas pa yin/ /'jig rten gsum ma bdag mchog sbyin/ /'jig rten gsum gyis phyag byas pa/ /'di ni gnas dang 'gro ba yi/ /'jig rten thams cad 'dzin pa yin/ /che ba'i che mchog stobs chen te/ /dga' zhing kun gyi tshig la gnas/ /gzhan gcig sangs rgyas 'dra ba med/ /gud na yang ni gnas ma yin/ /de yi bsngags pa sangs rgyas sam/ / lha rnams nyid kyis brjod par nus/ /mchog sbyin 'jig rten gsum gyi ma/ /nyes pa thams cad rnam par spangs/ /mdor na 'gro ba 'di kun ni/ /khyod kyi rang bzhin nyid yin te/ /lha dang dri za klu dbang dang / /gnod sbyin lha min tshogs bskor ba'i/ /rgyu dang mi rgyu rnams kyi gter/ /ya mtshan las kyi dkyil 'khor ni/ /der gtogs der ni brtson zhing spro/ /de dang 'brel bar the tshom med/ /chos klung bsod nams ldan pa de/ /bsod nams rin chen dag gis rgyas/ /lag na rdo rje'i bsod nams kyi/ /las kyi rgya mtsho dag las 'byung / /chu klung rgya mtshor 'bab pa na/ skye bos bsten nas 'bab par 'gyur/ /de bzhin chos kyi chu klung 'di/ /'di dag gis bsten byas nas kyang / /lag na rdo rje'i mgo bo dang / /rna gnyis dang ni gsum du dbab/ /zer ma 'phros pas lha mo dang / dbang phyug tshogs bcas phog par 'gyur/ /de phyir chos kyi chu klung 'di/ /sangs rgyas las ni 'byung byas la/ /lag na rdo rje'i mgo bor yang / /rab tu dbab cing bdug par bya'i/ /bsod nams ldan pa'i chu klung rgya chen de nyid las/ /skye bo mtha' dag gcig tu sems btud nyan par byed/ /de nyid la ni 95-1-200b lha rnams thams cad mngon par dga'/ /de nyid la ni rig sngags grub pa'i tshogs kun brten/ /gnas rnams gsum pa 'di ni lha yi gnas yin te/ /rdo rje 'dzin pa nga yi dgongs pa bzhin du rdzogs/ /de nas dam tshig mkhyen pas dkyil 'khor rgyal po yi/ /gsang ba gang dang gang gsungs dga' rgyas bdag gis bshad/ /lag na rdo rje'i dkyil 'khor chen po dkyil 'khor thams cad kyi rgyal po las gnas gsum pa rdzogs so// //ri rab kyi ni byang phyogs su/ /chos kyi klung chen 'dzin pa yi/ /rdo rje 'dzin chen rab gtum pa/ /stobs chen lag na rdo rje gzhag /de yi rkang pa g.yon pa yis/ /dbang phyug chen po mnan par bya/ /g.yas pa yi ni rkang pa yis/ /lha mo dka' zlog mnan par bya/ /ri yi dbang po 'khor yug dang / /bang rim dag gi bar dag tu/ /gling chen rnam pa bzhi po dang / /gnas rnams ji bzhin gzhag par bya/ /de nas chu klung bdun yang gzhag /lho phyogs su ni dbyibs legs pa'i/ /'dzam bu gling ni gzhag par bya/ /chu klung dang ni shing dang yul/ /sna tshogs kyis ni shin tu rgyas/ /de yi mngon mtshan chen po ni/ /'dzam bu'i shing mchog skyes pa de/ /'phang du dpag tshad brgya yod do/ /'og logs su ni gzhag par bya/ /de nas chu klung bdun yang gzhag /nags tshal yang ni bdun dag dang / /yid du 'ong ba'i ri bdun dang / /yul bdun dag kyang gzhag par bya/ /dang po byang nas brtsam bya zhing / /lho phyogs logs su thur du drang / /shar nas nub tu drang bya zhing / /kho ra khor yug bsgrubs nas ni/ /rgyal ba'i gsung rab yid 'ong ba/ /chos kyi 'khor lo rjes bsgrub pa/ /'phags pa sha ra dwa ti'i bu/ /snying rje'i bdag nyid pad+ma'i mchog /dge slong dge slong ma rnams dang / /rgyal po dag gis bsten pa gzhag /'dzam bu gling gi lho phyogs su/ /khri shing dag kyang bri bar bya/ /nub phyogs su ni ba lang spyod/ /chu bo brgyas ni gang ba dang / /yul dang skye bo stong dag dang / /ban lang khyu ni stong gis rgyas/ /de 95-1-201a bzhin shar gyi lus 'phags kyang / /shar phyogs su ni gzhag par bya/ /yul rnams dang ni ri dag gis/ /kun tu rab tu rgyas par gnas/ /de nas gnas brtan chos skyong ba/ /bcu gnyis dag dang lhan cig tu/ /sgra gcan 'dzin zhes grags pa ste/ /sangs rgyas sras ni mngon sum gnas/ /gnod sbyin lha min lto 'phye rnams/ /nyin mtshan du ni der song nas/ /dri dang phreng ba dpe med pas/ /mchod pa byed cing phyag kyang 'tshal/ /de nas byang gi sgra mi snyan/ /lhun po yi ni byang phyogs gzhag /gtsang zhing gru bzhi lham pa ste/ /chu klung dag gis rab tu brgyan/ /gang dag gi ni tshe yi tshad/ /chig stong tshang bar brjod pa dang / /sangs rgyas rnams kyis gsungs pa yi/ /sems can ya mtshan de na gnas/ /rgya mtsho'i sa ni bskor ba yi/ /ri yi dam pa ri rab la/ /phyogs kyi lha ni bzhi po rnams/ /kun nas nges par gzhag par bya/ /kAr+ShA pa Na brgyad dag gis/ /dkyil 'khor dang por rdo rje bri/ /de yi gnas rnams de dag tu/ /gser gyi gdu bu dag kyang bya/ /sgo rnams re rer don sgrub pa/ /rgyu dang mi rgyu 'jig rten gsum/ /thub par nus pa gang yin pa'i/ /sgo srung gnyis kyang gzhag par bya/ /de yang sngags dang ldan bya zhing / /kun tu gzhal yas rgyas par bya/ /rdo rje thog thog lho phyogs bri/ /rdo rje khu tshur byang phyogs gzhag /de nas der ni lha bshos rnams/ /rnam pa sna tshogs bkra ba dang / / bla med rab mdzes rgyas par bya/ /dri dang me tog phreng bas mchod/ /zhib de'i tha lu sna tshogs pa/ /sbrang rtsis byugs shing gzabs pa dang / /legs byas a shwa ka brti/ /de bzhin be reg nas khur dbul/ /ji tsam du ni rgyas pa phul/ /de tsam du ni 'grub par bshad/ /'bras kyi 'o thug tshu la ka /thub pa sbyar thug sa mi ta/ /'bras chan tshod ma sna tshogs pa/ /kha dog sna tshogs sor lngar ldan/ /de la sogs pa gang 'dod pa/ /lo ma sna tshogs skyon med pa/ /yang na kham por sar pa'am/ /pad+ma'i lo ma dag la 95-1-201b gzhag /nas dang gro dang mon sran gre'u/ /sA lu dang ni til 'bru rnams/ /snod sar dag gi nang du gzhag /yang na gzhan du de bzhin gzhag /hwags dang kha ras gang ba dang / /btung ba bsil zhing zhim pa dag /snod sar dag gi nang dag tu/ /bzhag nas rab tu dbul bar bya/ /des na su la'ang 'tshe mi 'gyur/ /dga' ba'i sems kyis za 'dod la/ /kha zas dag kyang sbyin par bya/ /de nas dga' bar bya ba'i phyir/ /ta la'i lo ma bsil yab dbul/ /dri zhim pa yi dri kun gyis/ /dkyil 'khor la ni mchod par bya/ / spos kyi phye ma sna tshogs pa/ /mchog rnams kyis kyang de bzhin mchod/ /dza ya mu sa na la sogs/ /dri zhim thams cad sbyar bas mchod/ /a ga ru dang du ru ska/ /shing gi thang chu gsar sbyar rnams/ /bdug pa'i rgyur ni bsngags pa yin/ /dngos grub sgo drung 'dug par bya/ /yang na nang du song nas ni/ /de ni byang phyogs kha blta zhing / /lag na rdo rje tshul bzhin bod/ /shin tu bkra shis tshigs bcad dang / /de bzhin bde legs rdzogs pa gdon/ /de nas der ni rig sngags ma/ /rdo rje lcags kyu rtse mo can/ /rdo rje'i rigs las byung ba yi/ /rig sngags bstan pa gang yin pa/ /de ni bdag nyid bsrung bar bya/ /de nas thog mar spyan drang ba/ /ri rab de yi rtse mor ni/ /'dug nas sgra chen gdon par bya/ /chos kyi chu klung spyan drang ba/ /dam pa 'di ni brjod par bya/ /bkra shis tshigs bcad brjod pa dang / / chos kyi 'khor lo bskor ba dang / /'dus pa chen po'i mdo dag dang / /'phags pa'i bden pa bzhi po dang / /rten cing 'brel par 'byung ba de/ /ma nyams the tshom med pa dang / /'phags pa sha ra dwa ti'i bu'i/ /seng ge'i sgra ni dpe med gdon/ /de nas rdo rje rigs kyi yum/ / rig sngags rdo rje lcags kyu bzlas/ /de nas kyang ni rtse mo can/ /de nas rdo rje rigs skyes kyi/ /rig sngags dag ni gang 'dod dang / /snying po 'gro lding gtum po dang / /de yi steng dang 'dod pa yi/ /rdo rje ma dang 'og pa gcan/ /lu gu rgyud dang gtum mo dang / /ser gtum rdo rje 95-1-202a thog thog ma/ /de bzhin rdo rje khu tshur ma/ /rdo rje thub dka' pho nya ma/ /chen mo bcu dang drug cu bzhi/ /dang po blo gros rdo rje ma/ /gnyis pa rdo rje dril bu ma/ /gsum pa rdo rje nag mo dang / /bzhi pa gzhan gyis mi thub pa/ /lnga pa rdo rje rol pa dang / /drug pa yang ni rgod bag can/ /bdun pa rdo rje shugs yin te/ /brgyad pa rdo rje nyi ma yin/ /dgu pa rdo rje dbyug pa ste/ /de ni sna tshogs gzugs zhes grags/ /bcu pa rdo rje bden pa ste/ /ci dga' bar ni bzlas brjod bya/ /rdo rje dbyug pa blta bar bya/ /rdo rje khro bo 'joms byed dang / /bung ba blta ba chu klung dang / /rdo rje kAt+yA na ya dang / /bdug pas 'jil dang srung ma dang / /yon tan chen mo de la sogs/ /nges pa nyid du bzlas brjod bya/ /des na dkyil 'khor 'grub par 'gyur/ /nges par gnas pas rig sngags ni/ /mchog 'gyur rdo rje lcags kyu ma/ /bdug pa kun gyis rgyas pa yis/ /dkyil 'khor du ni brgyad brgya bzlas/ /de nas las su bsgrub pa yis/ /rig sngags des ni grub par 'gyur/ /rig sngags gang la dga' ba des/ /dkyil 'khor du ni bzlas brjod bya/ /lag na rdo rjes bshad pa yi/ /rig sngags mang po de nyid ni/ /mchog 'dod dngos grub 'dod pa yis/ /ci nas skyo bar mi 'gyur spyad/ / de nas rdzogs par spyan drangs shing / /gsang sngags rgyas par byas nas ni/ /de nas dkyil 'khor 'dod pa kun/ /gzung ba yang ni bshad par bya/ /sangs rgyas chos dang dge 'dun dang / /dkon mchog gsum la gtso bor 'dzin/ /dad cing mnyam par gzhag pa yi/ /mi ni dam tshig 'dzin du gzhug /des na de la mkhas pa yis/ /bslab gzhi lnga ni sbyin par bya/ /ming 'di zhes ni bya ba bdag /phyin cad nam 'tsho'i bar dag tu/ /srog gcod log par g.yem pa dang / /rku dang brdzun du smra ba dang / /'bru dang sbyar ba'i chang 'thung ba/ /rtag tu bdag gi spangs zhes smros/ /bslab gzhi mchog dang ldan pa de/ /blo gros rdo rje bsrung bar bya/ /'bogs par 'gyur bar bya ba'i phyir/ /byin gyis rlabs kyi cho ga'ang bya/ /de nas der ni bum pa bdun/ /chu ni rab tu blugs nas kyang / /blo gros rdo rjes bsngags pa des/ /bdud rtsi zhes 95-1-202b ni brjod pa yin/ /rdo rje 'dzin pa'i phyag rgya ni/ /dril bur bcas pas dran byed brjod/ /lag pa gnyis ka bla 'og sbyar/ /mthe'u chung mthe bo sbrel bya zhing / /bdud rtsi'i chu ni blug par bya/ /gos gtsang bgos shing rab bsdams pa/ /skra bshig pa la ngu 'bod che/ /mi bzad rnams ni bsgo bar bya/ /'di ni ngu 'bod chen po ste/ /'khrug cing sdug bsngal chen po'i gnas/ /'di yis khyod ni dam tshig las/ /nyams na myur du gdungs par 'gyur/ /khyod ni dam tshig shes gyur na/ /rkyen du bab par ma lus sbyin/ /des na khyod la mkhas pa 'di/ / 'khrug pa'i sdug bsngal byed mi 'gyur/ /dam tshig spangs pa gang yin dang / /dkyil 'khor du ni ma zhugs pa/ /de la dam tshig gzhan med pa/ /bstan bcos kyi ni gzhung lugs yin/ /dmyal ba yod pa 'di la ltos/ /nad rnams thams cad tshogs pa dang / /'byung po la sogs rnams kyis rgyas/ /khyod ni de nyid ltung bar byed/ /gdon mi za yi sdig pa'i las/ /'di la dpyad par bya ba med/ /rtag tu khyod kyis dam tshig srungs/ /rtag tu dkyil 'khor mchod pa gyis/ /'on kyang 'byung po sha za sogs/ /sdig byed de dag 'jug mi 'gyur/ /slob dpon la ni gus par bya/ /de ni rdo rje 'dzin nyid yin/ /da ni khyod tshe 'bras bur bcas/ /khyod kyi 'tsho ba 'bras bu yod/ /da ni dam tshig lha rnams dang / /khyod ni mtshungs pa nyid du 'gyur/ /rdo rje 'dzin pa'i rgyal mtshan 'di/ /ji ltar rtag tu mdzes pa bzhin/ /de ltar khyod ni yon tan gyis/ /dam tshig nges par gnas par 'gyur/ /de nas rdo rje de blangs la/ /lag pa g.yon pas dril bu bzung / /lag pa g.yas pas de yi g.yas/ /bzung nas kyang ni spro bar bya/ /'di skad rtag tu grub pa 'di/ /sdug bsngal dag las sgrol ba ste/ /rdo rje 'dzin chen nyid dang ni/ /lhan cig tu ni 'jug par 'gyur/ /de nas grur ni zhugs nas kyang / /'khor yug las ni brgal bar bya/ /lag pa btang nas de la ni/ /dkyil 'khor thams cad bstan par bya/ /'khrul pa med par me tog gis/ /mdun bzhugs bde gshegs man chad 95-1-203a dang / /dkyil 'khor gang dang gang mthong ba/ /de dang de la bde bar mchod/ /de nas thams cad mthong nas kyang / /yon gyi bum par dbul bar bya/ /blo can gyis ni mtshan yang bzung / /dam pa gzhan yang bdag gis bshad/ /rdo rje stangs thabs 'gro ba dang / /gad mo bcas par bsgyur ba dang / /g.yon pas kyang ni brdab par bya/ /seng ge'i sgra sgrogs 'gying ba dang / /mdzub mos hU~M yang bsgrags byas te/ /thams cad shin tu byed pa'i mchog/de nas gzhan yang mi shes pa/ /cho ga bzhin du mnod par bya/ /slob dpon gus par legs bya zhing / /dam tshigs kyang ni nges par bstan/ /til zan la sogs mon sran gre'u/ /bdag nyid kyis ni legs par bza'/ /lhag par bla mar gus byas dang / /de la dga' bar byas nas ni/ /rdo rje 'dzin pa chen po dang / /rig sngags rnams la sdug par 'gyur/ / de nas rig sngags tshogs rnams la/ /de yis rig sngags gang 'dod pa/ /de ni bsgrims te bklag bya zhing / /dngos grub 'dod pas rtag tu mchod/ /de ltar slob dpon rgya chen tshogs rnams dang / /lha dang lha min mchog gzugs du ma yis/ /mthong zhing thos la 'brang bar 'gyur ba dang / /rtag tu legs mchod rjes su bstan pa yin/ rdo rje'i rigs dpal dang ldan pa las mnyes pa dka' zhing me dang nyi ma las lhag pa de kho na nyid kyi mi dang dam pa'i yon tan dang ldan pa mchog tu gyur pa gang dang gang yin pa de dag ni dkyil 'khor dang dam tshig rab tu rtogs pas rtag tu mthong zhing thos pa'am/ bsgrub pa'i tshul dang ldan par byas na dngos grub 'grub pa'am/ phan pa yang thob par 'gyur ro/ /rdo rje chen po thogs bzhin du rtag tu bdug pa dang / me tog dang / dri dang / lha bshos rgyas par dbul zhing sbyin sreg bya'o/ /de ltar gnas bzhi pa tshul 'dzin cing nyi ma'i gzi brjid dang ldan pa'i dkyil 'khor dam pa 'di ni dpal skyed cing mchog tu myur ba'i cho ga yin pas na dkyil 'khor thams cad kyi rgyal po nyid yin no/ /lag na rdo rje'i dkyil 'khor gyi rgyal po chen po lag na rdo rje dbang phyug chen po gnyis kyis 95-1-203b dam tshig bshad pa las gnas bzhi pa rdzogs so// //de nas rdo rje lcags kyu ma/ /rdo rje yi ni rigs kyi yum/ /bsgrub pa yi ni don rnams kun/ /sgrub pa byed pa gang yin bshad/ /na mo rat+na tra yA ya/ na mash+tsaN+Da badzra pA Na ye/ ma hA yak+Sha se nA pa ta ye/ na ma ste badzra d+ha ra badzra pA Ni badzrA ya/ na maHsu badzrA ya/ na mo badzra dU ta ye/ na mo badzra shA na ye/ na mo badzra hraM da yA ya/ na mo badzrAM ku shA ya/ na mo badzra ko ShA ya/ na mo badzra pA shA ya/ na mo badzra bi dza yA ya/ na mo badzrAM ku sha ko Sha pA sha bi dza yA ya/ na maHpra brta A brta/ badzraM ku shi/ /mi li mi li/ hi li hi li/ hi ri hi ri/ ki ri ki ri/ AkaD+D+h+ya/ A kaD+D+h+ya/ gi ri gi ri/ khi ri khi ri/ b+hi ri b+hi ri/ ki li ki li/ badzrA ku laM saM sma ra/ gi ri gi ri/ ti ri ti ri/ b+hi ri b+hi ri/ A gats+tsha/ A gats+tsha/ A na ya me hi rat+na/ su bar+Na d+ha na d+ha n+yaM/ a ta pa ya ma/ pa ru Na ku be ra/ in+d+ra mA kaD+D+h+ya ya/ yan+t+ra dA ma ni/ gr-ih+NAM ku she na/ tat+taM/ ki li ki li/ tsu ru tsu ru/ tsaN+Da tsaN+Di/ ki ri Ni brah+ma na ba de hiM biSh+Nu na ba de hiM kalpi/ ko Na kalpi/ ni li bi la ni lilbi ku mA raM ad+d+ha ru tri ma de hiM tsan+d+raM pa de hiM shuk+k+raM ba de hiM/ sUr+ya ba de hiM/ ya maM ba de hiM/ tat+taM pa de hiM/ tsi ri tsi ri/ pI ri pI ri/ akram+m+yA/ A na la a kram+m+ye/ i hi tu rA hi/ tu ru tu ru/ sarba kA laM su/ di gra bI ri/ ki li ki li/ mi li mi li/ ti ri ti ri/ mi li mi li/ tsa ka tsa ka/ki ni ki ni/ bi ri bi ri/ sha tha ku shi sa ha sra/ mi la bi sha tsang+ku shi/ badzraM ba he badzrA Ni pri ye/ma ti ma ti/ ti ri ti ri/ ki ri ki ri/ akram+m+ya/ a n+ya karmaM ma n+ya/ ba ra ka na ma nA ya/ ya she ya shi na/ /ku ru ku ru/ ki ri ki ri/ g+hi ni g+hi ni/ khi ri khi ri/ bi tsa ra bi tsa ra/ ko shaM ko shi ni/ ku be ra ma kraSh+Ti ka kra ma kad+d+ha/ la la la la/ ha si ni pri ye/ pri yaM ka ri/ /tsuk+Shurma ti/ /tsuk+ShuHpra bi sha /ma na ma ki ri/ sha ya sne tsan+d+ha ni/ b+hi la b+hi li/ pA sha de ba ra de/ tsak+Shu rde/ ha ra ha ra/ ba su ba su/ mi si mi si/ he he hi hi ha ha/ ki ri ka la ka la/ /ba la ba la/ tsak+ShuHtsak+ShuHte me ka thA 95-1-204a ya sarba sarbe shang+ku ru ku ru/ ba ki me ka ta ya/ mi li mi li/ tsi li tsi li/ tsu lu tsu lu/ pri yaM pri ye na/ sa ra sa ra/ ka ra ka ra/ tsa ra tsa ra/ bi ri bi ri/ bi mi ya shaM ya she na/ la b+ha la b+ha/ ki ri ki ri/ mi ti mi ti/ lo ke/ ra ma ra ma/ ra ti ka ri b+hi ti ka ri/ ma ma su kha ka ri/ nir b+h+ri ti ka ra/ king+ka ri king+ka ri/ ka ra ma ri/ bi ti bi ti/ mi ri mi ri/ tsi ri tsi ri/ hi ri hi ri/ bi ri bi ri/ g+hi ri g+hi ri/ b+hi ri b+hi ri/ hi ri hi ri/ badzri Ni/ badzrAng+ku shi ba ra mAng+ku shi ha re badzre k+ShI pA Ni ka la shi ba ni/ b+hak+Sha pA Ni/ tsak+Shu rAM ku shi pA Ni/ /b+ha ra b+ha ra/ ma ma pi ri pi ri/ ku ru ku ru/ ki ri ki ri/ tu ru tu ru/ ta ra ta ra/ badzrAM ku shI ye swA hA/ ko ShAng+ku shI ye swA hA/ pA shAng+ku shI ye swA hA/ bi dza yAng+ku shI ye swA hA/ k+She mAng+ku shI ye swA hA/ A dz+nyA yAng+ku shI ye swA hA/ sarbAng+ku sa A kar+Sha NI ye swA hA/ de bAng+ku shI ye swA hA/ s+t+rI pu ru ShAng+ku shI ye swA hA/ hr-i da yAng+ku shI ye swA hA/ d+harmAng+ku shI ye swA hA/ sarba lo ka dza yAng+ku shI ye swA hA/ sarba satwA nA mA kaR+Sha Na ba shI ka ra NAng+ku shI ye swA hA/ rdo rje lcags kyu de nyid ni/ /'di ltar rnam pa gzhan du yang / / rdo rje rigs chen gtso mo ste/ /'bar ba chen mo mchog sbyin mchog /rigs kyi yum ste rigs kyi mchog /las mchog kun gyi byed pa mo/ /bcing dang bkrol ba thams cad kyi/ /las kun la ni thub med pa/ /dam pa ci 'dra de bzhin 'dra/ /bar ma ci 'dra de bzhin 'gyur/ /snying po dang ni ming 'di yang / /gtso bo dang ni mchog tu bshad/ /lag na rdo rje nyid kyang ni/ /skad cig gis ni 'di bkug na/ /phyi rol rgyal po pho nya sogs/ /tshogs rnams lta la ci zhig smos/ /lha yi rigs ni mthong ba yi/ /rig sngags 'chang ba de la ni/ /'grub par mi 'gyur gang yang med/ /gang zhig rab tu bsgrims nas ni/ /yum 'di rtag tu 'chang byed pa/ /de la mchog kun 'grub par 'gyur/ bcing ba dang ni grol ba la/ /rig sngags gsang sngags kun bdag 'gyur/ /nang dang phyi rol bcas pa yi/ / 95-1-204b 'khor dang ldan par byas na ni/ /gcig pu 'jig rten gsum mchog dang / /rnam pa gsum du 'gyur bar bshad/ /de dag thams cad khyad par du/ /stobs dang ldan par skye bos brjod/ /mdor na yum 'di thams cad kyi/ /mchog gi dam par bshad pa yin/ / de dag bsgrubs pa'i dus dang ni/ /tha mal dus su rtag tu yang / /ji skad bshad pa de bzhin du/ /rig sngags 'di ni sbyar bar bya/ /na maHtsu ru kun+da/ tsu ru kun+da/ tsu ru ku n+da/ badzra pA Ni/ na mo bud+d+ha s+ya swA hA/ lan nyi shu rtsa gcig bzlas brjod byas pa'i yungs kar gyi phye mas gzhag par bya/ na maHku ru tsu ru badzra pA Ni/ na mo bud+d+ha s+ya swA hA/ 'dis ni me tog dang bdug pa dbul bar bya'o/ /na mo dum+me dum+me/ u dum+me dus+sa dum+me/ tsu ru tsu ru swA hA/ 'dis bshos dbul lo/ /na mo badzrI badzrI/ badzri Ni badzri Ni/ ha na ha na/ da ha da ha/ pa tsa pa tsa/ e taM sarba big+ha nAM bi nA ya kaM/ sa ma mA ra ya/ ha na ha na/ ut+sA da ya/ nA sha ya/ bi d+h+waM sa ya/ sarba duSh+Ta tsit+ta sh+tsa ma me/ hu ru hu ru/ sid+d+ha sh+tsaN+Da badzra pA Ni/ rA dz+nyA pa ya ti swA hA/ me sbar la sngags 'dis shing 'o ma can gyi yam sreg shing ngam/ ka rim la ka ri'i yam sreg shing dang ske tshe dang / lan tshwa dang tsha ba gsum rnams lhan cig tu sbyar te/[ (]sbyan[,]sbyin[)] sreg byas na bgegs dang log 'dren gyi gnod pa thams cad sel bar byed do/ /de nas de yi bsgrub pa ni/ /rig sngags 'chang ba kun gyis mchod/ / sgrub pa'i thabs ni gang gis su/ /stobs chen 'di ni grub pa bshad/ /thams cad mkhyen pas thams cad gzigs/ /sangs rgyas 'grub byed mgon po dang / /'jig rten dag na ya mtshan gsang/ /rdo rje 'dzin la phyag 'tshal nas/ /lha rnams dang ni dri za dang / /rig sngags 'chang dang lto 'phye che/ /shin tu ya mtshan gsang ba 'di/ /don kun 'grub byed mnyan par gyis/ /gang zhig gsang ba'i rgyal po'i mchog /'di ni so sor 'chang byed pa/ /de la 'jig rten thams cad na/ /bka' las 'gal bar byed pa med/ /ci ste sgrub pa'i 95-1-205a de nyid shes/ /yang na dngos grub 'dod pa yis/ /cho ga bzhin du kun byas na/ /sgrub pa pos ni thams cad 'thob/ /lha 'am lha ma yin rnams dang / /gnod sbyin yang na rig sngags 'chang / /gzhan yang gang dag su yang rung / /'gal bar byed pa gang yang med/ /sangs rgyas sha ra dwa ti'i bu/ /rdo rje 'dzin pa chen po dang / /rig sngags bdag gi bla ma la/ /ci ste mchog tu dang byed na/ /de ni kun las lhag pa dang / /sems can kun gyis mchod pa dang / /rtag tu dngos grub kun byed dang / /gzhan gyi dngos grub 'jig par nus/ /dus kun du ni gtsang ba dang / /gsang ba thams cad 'chang byed la/ /rig sngags 'chang gi go 'phang mchog /shin tu sems par byed pa yi/ /cho gar ldan zhing rgyas par bcas/ /de ni ma lus bshad par bya/ /de nas lha dang lha ma yin/ /mi dang rig sngags 'chang rnams dang / /'byung po'i tshogs dang klu rnams dang / /gnod sbyin rnams dang srin por bcas/ /gsang ba'i mchog ni mnyan pa'i phyir/ /thams cad thal mo sbyar nas 'khod/ /de nas tshig don rtogs pa yi/ /rdo rje 'dzin pas de dag la/ /gsal bar bya phyir tshig 'di smras/ /nga ni dkyil 'khor dam pa dang / /bla ma'i rigs ni sngon mthong la/ /rdo rje dang ni rdo rje 'dzin/ /rig sngags sgrub pa rtogs byas nas/ /zla ba phyed gsum bar du ni/ /zla gcig pas ni bsgrub par bya/ / sangs rgyas gzugs ni rdzogs pa'am/ /sku gdung ldan pa'i mchod rten der/ /rig sngags rdo rje lcags kyu ma/ /rig sngags rigs kyi tshogs bskor ba/ /cho ga bzhin du byas nas ni/ /yid dang 'thad pas mchod par bya/ /mtshams bcad dang ni phyogs bcings dang / / chus ni kun nas bcad pa dang / /thams cad du ni bsrung ba rnams/ /cho ga bzhin du legs par dgod/ /sna gsum rdo rje bkra shis dang / /lcags kyu kha gdengs yungs kar gyis/ /tshul bzhin dang por mdun dag tu/ /rdo rje lcags kyu'i gzugs su bri/ /kha zas 95-1-205b kyang ni dkar gsum gyis/ /cho ga bzhin byas bza' bar bya/ /dus gsum yang na nub bdun du/ /zlas brjod mchog gi brgyad brgya bya/ /de nas der ni rdo rje dang / /lcags kyu 'bar ba mthong bar 'gyur/ /der ni gzugs las grub pa po/ /lha yi rig sngags 'chang bzhin 'gyur/ /'jig rten gsum yang snang bar byed/ /sa steng dag kyang 'bar ba dang / /'jig rten gsum yang g.yo bar ni/ /bdag nyid kyis ni der mthong 'gyur/ /rig sngags rdo rje lcags kyu dge/ /de nas de la 'grub par 'gyur/ /ri dgas kyis bskor gzhon nu ma'i/ /thad de dga' ba rtsen par 'gyur/ /de nas lha dang 'byung po dag /rgya mtsho nam mkha' sa gnas pa/ /dang ba med cing ma grub rnams/ /de ltar dga' bar gyur nas ni/ /don rnams kun yang byed par 'gyur/ /de bzhin du ni ji ltar yang/ /kun tu dngos grub ya mtshan can/ /mkha' la de bzhin byed par 'gyur/ /de nas ci dga' rgyu ba dang / /de yi dga' mgur de bzhin byed/ /rtse dga' mchog tu shes par bya/ /de ni yun du 'tsho bar 'gyur/ /de ni dga' bzhin mkha' la 'gro/ /lha yi rig sngags 'chang gis bskor/ /de ni gcig pu ci dga' bar/ /rdo rje 'dzin pa yin bzhin du/ /lhag par dga' ba'i gnas rnams su/ /rig sngags 'chang bas bskor bar 'gyur/ /de ni na da ku ber bzhin/ /dga' bar gang yang rtse bar 'gyur/ /dus min par ni shing rnams dang / /me tog tshal dang 'bras bu'i tshal/ /khang bzangs yid du 'ong ba rnams/ /thams cad kyang ni sprul bar byed/ /'on kyang 'di ni mdo tsam ste/ /'dir ni de las bshad mi bya/ /rdo rje lcags kyu grub na ni/ /tshig tu brjod pa thams cad grub/ /las kyi dam pa 'di nyid kyis/ /thams cad kyang ni 'grub par bshad/ /dam tshig tshul bzhin mthong nas ni/ /dam tshig dag la mkhas pa yis/ /gsang rgyas rig sngags rdo rje 'dzin/ /bla ma tshul bzhin mchod par bya/ /bsgrims te mchod pa byas na ni/ /lha bshos dag kyang tshul 95-1-206a bzhin dbul/ /de nas 'dod pa kun sbyin pa/ /rdo rje lcags kyu rig sngags gdon/ /lha bshos de yi cho ga dang / /me tog bdug pas mchod byas nas/ /sgrub pa pos ni ci nus kyis/ /dus gsum bzlas brjod byas na ni/ /nyi shu rtsa gcig bzlas pas kyang/ /gdon gyis las rnams 'grub par 'gyur/ /des na gdon ni stong phrag rnams/ /dga' mgur yang ni gzhig par nus/ /yang na g.yul ngor mi bzad 'jig /gdon dag gi ni dkyil 'khor du/ /myur du gdon ni 'bebs pa dang / /de bzhin gzhig dang bsad pa dang / /bcing dang brdeg dang gzir ba dang / /ku co 'don du 'jug yang rung / /grong khyer dang ni gnas rnams dang / /smas pa'i rma ni sbo ba dang / /rig sngags dam pa bshad pa 'dis/ /thams cad kyang ni byed par 'gyur/ /babs pa de dag thams cad kyang / /pi wang dag kyang len du gzhug /de bzhin gar gyi cho ga rnams/ /yid 'ong ya mtshan byed du gzhug /dgug dang rmi lam cho ga dang / /de bzhin lcags sgrog gzhom pa dang / /rgyal po'i pho brang dag na ni/ /rtsod pa dag las lhag par rgyal/ /gzugs dang stobs chen ldan pa yi/ /rig sngags rdo rje lcags kyu ma/ /gang gi snying la tshul bzhin rtag /de yi don kun 'grub par 'gyur/ /skyes pa'am yang na bud med dam/ /klu 'am lha yang dga' ba yod/ /der ni kun tu thams cad la/ /don rnams thams cad 'grub par 'gyur/ /rgyal po dang ni blon po dang / /blon po chen po mdun na 'don/ /zhag bdun yang na lnga yi bar/ /brgya rtsa brgyad bzlas dbang du 'gyur/ /gang zhig 'chi bar bya 'dod na/ /de yi gzugs de der bris la/ /lag pas mnan la bzlas brjod bya/ /gdon dang klu yi gdon yang rung / /'byung po 'byung po'i gdon dang ni/ / khar ni rdo rjes gzir byas na/ /zhag bdun gyis ni brlag par 'gyur/ /bran mo dang ni mi rnams kyang / /zhag gsum gyis ni brlag par 'gyur/ /dbang du bya bar 'dod na ni/ /der yang nyi shu rtsa gcig bzlas/ /brgyad brgyar bzlas brjod byas na ni/ /bu dang bu mo chung 95-1-206b ma dang / /khyim thab dang ni nor 'jog dang / /khyim dang bzhon pa glang chen rta/ /ma he dang ni grong yang rung / /zhag bdun gyis ni myur bar 'thob/ /gzhan gyis rig sngags rigs kun dang / /gdon rnams kyang ni brlag par 'gyur/ /khye'u dag dang ni bu mo rnams/ / nad kyis kyang ni ma rung 'gyur/ /ro bsregs sol ba'i ri mo yis/ /dgra yi gzugs ni der bris la/ /de yi steng du 'dug nas ni/ /gang du gzhom par 'dod pa der/ /gzir bar byas te zhag bdun du/ /bzlas brjod dang ni sbyin sreg bya/ /de ltar byas na gzir bar 'gyur/ /ci ste bu mo thob 'dod na/ /des ni zhag bdun bya bar bstan/ /zhag bdun 'bum du bzlas na ni/ /bu mo'i mchog kyang thob par 'gyur/ /rig sngags 'chang ba bdag nyid kyis/ /khros nas bzlas brjod byas na ni/ /grong khyer dag ni 'bar ba dang / /gser dang de bzhin 'jig pa dang / /gdon dag gis ni 'debs par 'gyur/ /gang las rgyal 'dod dmag gi nang / /'dug nas kyang ni bzlas brjod bya/ /grong khyer dbus 'dug bzlas na ni/ /nad kyis grong khyer dkrugs par 'gyur/ /grong gi dbus 'dug bzlas na ni/ /grong mi nad kyis dkrugs par 'gyur/ /dgon par 'dug nas bzlas na ni/ /gdug pa kun las thar bar 'gyur/ /de nas yid ni zhi ba yis/ /zhi ba'i rig sngags brjod par bya/ /zhi phyir rig sngags brjod na ni/ /thams cad du ni zhi bar 'gyur/ /bsad phyir rig sngags bzlas na ni/ /phan tshun du yang gsod par 'gyur/ /'thab tu gzud phyir rig sngags bzlas/ /'thab mo mngon du 'byung bar 'gyur/ /shing skam phyir ni chu la bzlas/ /zla ba gcig gis lo ma 'byung / /kun dga' ra ba yid 'ong yang / /zla ba gcig gis bshig par 'gyur/ /ci ste nyi ma rangs par bzlas/ /chu dang zas dang bag chos dang / /'bras bu rnam pa sna tshogs kyang / /de ma thag tu sgyur bar byed/ /gzhan gyis bzhon dang de bzhin du/ /shing rta'i bzhon pa 'joms par byed/ /ci ste chu klung chen po yi/ /'gram du song 95-1-207a nas bzlas brjod byas/ /las rnams gang dang gang 'dod dang / /gang gang cho ga ji bzhin gang / /de bzhin cho ga gtor ma dang / /bzlas brjod sbyin sreg gtsang byas na/ /des na don rnams thams cad kyang / /byed 'gyur de la the tshom med/ /rtag tu bden smra bslab la dga'/ /dngos grub mchog chen thams cad ldan/ /'byung po sgrub par 'dod na ni/ /zhag gsum smyung byas mar gyi ngo / /bcu bzhi la ni gtor ma sbyin/ /zla ba drug gam zla ba phyed/ /shing drung yang na dgon par gnas/ /gcig pu bsrung ba mchog byas la/ /slong mo yi ni zas kyang bza'/ /zla drug yang na zla ba gcig /lha 'am gdon kyang gnas kyang rung / /zla gcig phyugs kyi lhas su gnas/ /zho dang 'o ma mar yang bza'/ /sku gdung ldan pa'i mchod rten drung / /zla gcig sna tshogs zas kyis mchod/ /zla ba gnyis ni dur khrod du/ /gtor ma bdug pa gtsang sogs mchod/ /thang ngam mchod rten drung du bzlas/ /de nas 'byung po brlag par 'gyur/ /der ni 'byung po dam pa gang / /yang na thog mar gang 'ongs dang / /gang tshe de la nye bar 'gyur/ /gang na gang zhig sems kyis 'dod/ /de tshe shin tu bsnyen nas ni/ / rdo rje lcags kyu rtag tu bzlas/ /de yi ming ni dris nas kyang / /de nyid ming ni gzung bar bya/ /gcig pus dkyil 'khor byas na ni/ /rig sngags rdo rje lcags kyu'i tshogs/ /dri la sogs pas legs mchod nas/ /des ni 'byung po de dag dgug /de yis ming brjod 'byung po rnams/ /dga' nas der ni 'ong bar 'gyur/ /de nas des ni legs par mchod/ /gzhan yang 'ongs nas mchod par bya/ /ming ni legs par brjod bya zhing / /skrag byed ming la brten nas ni/ /'byung po sgrub tu grub 'gyur na/ /mi ni 'grub par 'gyur ba yin/ /de nas de la 'byung po rnams/ /kun nas nye bar 'khor bar 'gyur/ /rgyal po'i zham ring mthun byed bzhin/ /las kun yang ni byed par 'gyur/ /de ni rgyal po'i dmag rnams la/ /rgyal po chen pos byas pa bzhin/ /stobs chen 'byung po'i sde dag la/ /bka' ni kun tu stsol bar byed/ /sa stengs kun tu 95-1-207b rtse byed cing / /'byung po'i bdag po kun gyis mchod/ /'byung po dag gis phul ba yi/ /kha zas la sogs thams cad za/ /grong ni gang la rgyal 'dod cing / /yang na phan par 'dod kyang rung / /bsgrub phyir yang ni gzhig pa'i phyir/ /der ni 'byung po rnams kyang gtong / /des ni ming gang ma bkug pa'i/ /'byung po'am 'byung po'i tshogs kyang rung / /de yi las mchog 'dod na ni/ /de yi ming yang smos par bya/ /ming ni smos pa de yis ni/ /snyems pa med pa'i 'byung po yang / /bkug pa med par myur du ni/ /bka' bzhin byed par 'gyur ba bstan/ /de ni mi yi 'khor dag tu/ /sgyu 'phrul du ma byed par 'gyur/ /lhag par 'byung po'i 'khor dag tu/ /spyod pa sna tshogs byed par 'gyur/ /srog chags mi la sogs rnams kyi/ /srog la dbang bar des 'gyur ro/ /'byor bar bya ba'i phyir yang rung / /yang na lus ni gzhig phyir des/ /ming gis bkug pa'i 'byung po la/ /dga' bzhin bag brkyang smra bar bya/ /ming la sogs pa 'di dag gis/ /sna ni shin tu che ba dang / /shin tu ring bar byos shig ces/ /bsgo na de bzhin byed par 'gyur/ /de bzhin rkang lag bzhin mdog bsgyur/ /rid pa dang ni skam pa dang / /ma rung bar ni byos shig ces/ /bsgo na de tshe de bzhin byed/ /de bzhin rnam pa mang po dang / /shin tu 'jigs pa sna tshogs ston/ /de bzhin zhi byed sna tshogs kyis/ /'byung po sgrub pa rtse bar 'gyur/ /mi 'dod na yang mi rnams dang / /'byung po mang pos mthong mi 'gyur/ /rig sngags 'chang chen bzhin du 'gyur/ /gang zhig rig sngags rtag tu zlos/ /lha la yang ni phyag 'tshal zhing / /rtag tu 'byung po rnams la yang / /kha zas ci 'dod sbyin byed por/ /de ni lhag par bde 'gyur zhing / /tshe yang lhag par bskal par thub/ /'byung po mang po'i rgyal po mchog /gtso bor yang ni 'gyur ba dang / /lha yi rgyal po 'dra ba yang / /rkyen du bab par bshad pa yin/ /rdo rje lcags kyu ma yi bsgrub pa rdzogs so// //rdo rje lcags kyu'i rig la ni/ /rig sngags don kun grub byed pa/ /lha mo mchog 'gror grags pa 'di/ /sems can rnams 95-1-208a kyis bsten par bshad/ /zla ba drug gis 'grub 'gyur te/ /tshig gis don kun byed par bstan/ /rtsi sman thams cad blangs nas ni/ /srang gcig nges par gzhag par bya/ /na mo rat+na tra ya s+ya/ na mo badzra pA Ni s+ya/ ba ti ba ra ti/ ku sha sa m+ban+na ma na se/ a ta ra te/ ba te/ ye saM tse b+hU te/ at+te the/ rU pi ta a smr-i mi swA hA/ sku gdung ldan pa'i mchod rten drung / /dus gsum bzlas brjod brgyad brgya bya/ /gtsang zhing tshangs par spyod pa yis/ /lha bshos me tog bdug pa dang / /de bzhin mtshan mo mar me dang / /mchod pa ci nus ci dga' bya/ /mtshams bcad phyogs bcing bsrung ba rnams/ /rtag tu rdo rje lcags kyus bya/ /de ltar rtag tu brtson pa la/ /de ni zla ba drug gis 'grub/ /de nas 'dod chags la sogs dang / /sman chen mnyam par 'jog par 'gyur/ /nad dang sman kun ston pa dang / /gtam rgyud thams cad smra bar 'gyur/ /sgrub pa po la legs nyes rnams/ /tshig gis ston cing smra bar byed/ /gsang sngags de'i cho ga ni 'di yin te/ ras ma nyams pa la tshon rtsi sbyin med pas bcom ldan 'das dang lag na rdo rje'i sku gzugs bris te/ /lha mo yang bcom ldan 'das kyi zhabs la 'dud par byas nas/ yar gyi ngo tshes gcig la brtsams te/ zas su 'o ma dang phye'i lde gu za zhing dus gsum du sna ma'i me tog brgyad brgya la lan re re bzlas brjod byas pas lag na rdo rje la bsnun par bya'o/ /bcom ldan 'das dang lag na rdo rje la mchod pa yang rtag tu byas te/ mjug tu zhag gsum smyung bar byas nas/ zla ba nya'i nub mo brgyad stong gis bsnun la ci 'byor pas mchod na 'grub par 'gyur te/ don thams cad ston par byed do/ /gzhan yang tshes bcu gnyis nas brtsams te/ nya'i bar du gtsang zhing nges pa dang ldan par byas te/ ras la bcom ldan 'das dang / lag na rdo rje dang / lha mo dang / sgrub pa po rnams dge bsnyen la 'drir bcug ste/ sku gdung dang ldan pa'i mchod rten gyi drung du bcom ldan 95-1-208b 'das kyi spyan sngar mchod pa byas nas/ sna ma'i me tog brgyad brgya la lan brgyad brgya sngags kyis btab nas phung po lngar bcad de/ de rnams las cha gcig bcom ldan 'das la dbul bar bya'o/ /lhag ma rnams ni phyogs bzhir gtor bar bya'o/ /de nas bcom ldan 'das la phul ba de dag las kha cig blangs te ras dkar po'i nang du phur nas sngas su bcug ste nyal bar bya'o/ /'o ma dang phye'i 'de gu dang zas dkar po za zhing me tog dkar po dang / dri dkar po phul na zla ba nya la 'grub par 'gyur ro/ /de nas gang gi nyin par yang rung ste/ cho ga de bzhin du sna ma'i me tog brgyad brgya la lan brgyad brgya bzlas brjod byas te/ mchod pa byas la lhag ma yang de bzhin du gtor nas nyal na rmi lam du thams cad ston par byed do/ /cho ga gsum pa ni me long la bsgrub par bya'o/ /mchog 'gro ma'i rig sngags kyi cho ga rdzogs so// //na mo rat+na tra ya s+ya/ na mash+tsaN+Da badzra pA Ni s+ya/ ma hA yak+Sha se nA pa ti s+ya/ e h+ye hi badzra pA Ni/ i daM bA ha na/ ma nu sma ra shI g+h+raM ma na tsa ba la li ta ga ti/ ma hA yak+Sha se nA pa ti badzra pA Ni/ hi hi he hi he hi hi hi/ he ku ru he ku ru/ ku ku ku ku/ ku badzra pA Ni/ sa ra sa ra/ be+e ri be+e ri/ he hi he hi he hi/ ku ku b+ha ku ku b+ha/ badzra pA Ni swA hA/ 'di ni snying po spyan drang pa'o/ /de la 'di ni lag na rdo rje'i snying po yin no/ /sarba tra a pa rA dzi taM/ sarba tra a pra ti ha taM/ sarba tra ar+tha sA d+ha naM/ o~M dza ste dzo grA ma NaM/ swa rU pa mu pa dar+ShA N+RaM/ kI li kI li/ mo ku sa shap+dA ru taM badzro t+yA t+t+wa ka ra ka ra kr-i t+yu ka ra na Ra Na dza naM/ ad+d+ha na sid+d+haM pa ra ma sid+d+haM/ pa tsa laM tsaN+DaM pi tra/ pa kaM sa kaM ra ka ta ka raM shAM ti ka raM/ puSh+Ti ka raM/ swa pa no pa ra dar+ShaM/ tsa ra dan/ sarba karma ar+tha sA d+ha kaM/ A kar+ShA NAM/ badzra bA Ni s+ya/ bo la lA pa naM/ badzra pA Ni s+ya/ ha sa pA naM/ badzra pA Ni s+ya/ pa ra ma hr-i da ya mi daM na/ badzra pA Ni s+ya/ badzra pA Ni ra ma hA yak+Sha se nA pa ti rA dz+nyA pa ya ti badzre Na/ ha na ti/ da ha ti/ pa tsa ti/ ts+tshin+da ti/ ts+tshin+da ti/ bid drA pa ya ti/ A lo ka bi lo kaM ka ro ti/ hi li ni/ li mi li/ o u ho u ho u b+ha badzra pA Ni/ hu ru 95-1-209a hu ru/ saM g+haM badzra ba \u0fb7ny+dza ye duSh+TAM/ ha na ha na/ da ha da ha/ pa tsa pa tsa/ gr-ih+Na gr-ih+Na/ ba sh+yaM ka ro hi ha la ha lA ya swA hA/ hu lu hu lA ya swA hA/ hi li hi lA ya swA hA/ ka la ka lA ya swA hA/ ku lu ku lA ya swA hA/ kI li kI lA ya swA hA/ ki li ki lA ya swA hA/ da ya ma na sma ra badzra pA Ni/ ma hA yak+Sha se nA pa ti sa ma ya pra ti gr-ih+Na hu te hu ti d+huM pa pa pA sha pa gan+d+ha ma l+yaM tsa ra swa ma dU twa swa ma yaM b+h+ya ti kra ma mAd ma/ sa ma yo bi ti shu ti/ hi li hi ri na i li/ ku ru kaM du pra sa de shak+to smin du ru me ha ra ba rA hi ri li/ ni ri li/ badzra pA Ni/ ti li ti li/ ba shi ma nu brta hi ri Ni/ ni ri Ni badzra pA Ni sa ma yA nu brta hi ri mi'i i b+ha ha ya ni/ sa twaM badzra pA Ni ma ma hi/ swa ya mu pa tiSh+Tha swA hA/ 'di ni de'i bdug pa'i sngags so/ /li hi li hi bi li tu u b+h+yo/ ub+ha/ hu ru hu/ b+hany+dza b+hany+dza/ ba sh+ye mye ka ro haM daM swA hA/ lag na rdo rje phyag 'tshal bcas/ /rtsed mo can zhes bya ba yi/ /snying po 'di ni 'jig rten grags/ /de na 'dod dgur bsgrub pa yin/ /gang zhig dngos grub mchog 'dod cing / /'di yi bsgrub pa'i don shes pa/ /des ni rdo rje bsgrub pa'i mchog /ya mtshan 'di ni bsgrub par bya/ /de nas rim pa ji bzhin du/ /bdag gis legs par bshad par bya/ /dam pa'i don gyi rjes mthun pa/ /thub la spyi bos phyag 'tshal ba/ /gser ram ra gan zangs la sogs/ /yang na tsan+dan dmar po las/ /rdo rje rtse mo brgyad pa'am/ / yang na rtse mo bzhi bar bya/ /sor gsum yang na drug gam brgyad/ /yang na sor ni bcu gnyis pa/ /zur brgyad shin tu rdzogs pa'am/ /yang na zur ni drug tu bya/ /de nas dgon pa'am rang gi khyim/ /gtsang zhing mnyam pa'i sa phyogs su/ /ba lang lci bas dkyil 'khor byugs/ /sku gdung mchog dga' gtsang ma yis/ /de yi steng du dri zhim pa'i/ /spos kyis dkyil 'khor byug par bya/ /yungs kar phul thag bzhi rnams kyang / /dbus dag tu ni gzhag par bya/ /de yi steng du rdo rje de/ /dri dang me tog phreng 95-1-209b bas brgyan/ /rtag tu yang ni dus gsum du/ /mchod pa rnam pa sna tshogs bya/ /tsam pa ka dang tsam pa ka'i/ /me tog sna ma'i me tog rnams/ /yid du 'ong bas sangs rgyas dang / /rdo rje 'dzin la nges par mchod/ /du ru ska dang a ga ru/ /bdug pa'i mchog ni rtag tu bsreg /sku gzugs cho ga bzhin bris la/ /cho ga 'di ni bya ba ste/ /sangs rgyas gser gyi kha dog 'dra/ /sangs rgyas thad na gnas pa yi/ /lag na rdo rje g.yon phyogs bri/ /rgyal po bzhin du brgyan bya zhing / /ha cang dmar bar mi bya ste/ /sku gzugs nub phyogs logs su bstan/ /shes rab can gyis cho ga 'di/ /bya ste de ni rim bzhin bshad/ /dang po yang ni tshes gcig brtsams/ /nges par gnas shing gtsang ba yis/ /khrus ni ba lang lci ba dang / /ba gcin btsags pas dus gsum bya/ / mdun du rtag tu gos phrugs ni/ /bdug pas rab tu bdugs pa bgo/ /tsam pa ka dang tsam ka yi/ /me tog rnams kyis rtag tu mchod/ /sna tshogs dri dang me tog phreng / /mdzes shing yid du 'ong bas mchod/ /lan grangs brgyad brgyar bzlas brjod bya/ /du ru ska dang a ga ru/ /bsreg cing mar me gnyis kyang dbul/ /rtag tu 'chi bar mi bya ste/ /de bzhin mar gyi mar me gzhan/ /nyin gcig bzhin du bskyed par bya/ /de tshe 'o ma'i 'dag gu rnams/ /za zhing mnyam par gzhag pa dang / /gso sbyong yan lag brgyad ldan pas/ /tshes ni bcu gnyis bar du yang / /rtag tu ku sha'i mal stan 'dug /de nas zhag gsum smyung byas nas/ /zla ba nya la cho ga bzhin/ /dpe med pa yi mchod pa bya/ /der ni tshon rtsi sna gsum gyis/ /grong khyer dag kyang bri bar bya/ /gru bzhi lham pa slo bzhir ldan/ /phyogs cha legs par gcad bya zhing / /mnyam byas de yi nang dag tu/ /lha bshos dkar po dpe med dbul/ /phyi rol du yang sna tshogs pa/ /ci 'dod thams cad gzhag par bya/ /de nas ku sha'i stan 'dug cing / /bsrung byas cho ga shes 95-1-210a pa des/ /rdo rje 'bar bar gyur gyi bar/ /a ka ru dang du ru ska/ /bsreg cing dga' bzhin bzlas brjod bya/ /nyi ma las lhag de yi gzi/ /rdo rje de ni legs par blangs/ /cis kyang mi 'jigs mkha' la 'gro/ /rig sngags grub pa'i stobs dang ldan/ /rig sngags bdag po thams cad dang / /lag na rdo rje rigs skyes pa'i/ /rig sngags tshogs ni kun gyis mchod/ /don mang dag la brten bya zhing / /rnam pa mang du ci zhig smos/ /lag na rdo rje mnyam 'gyur te/ /'di la the tshom ci yang med/ / de nas dga' ba ma yin pa'i/ /las de dag kyang 'dir bya ste/ /de dag gi ni mdor bstan pa/ /snying po bsdus pa bshad par bya/ /gang zhig mi yi gtso bo'am/ /blon po dbang du bya 'dod des/ /de yi bsgrub pa gang yin pa/ /'di yang rab tu bshad par bya/ /zhag bdun gtsang mar byas nas ni/ /nas kyi zas ni dus su bza'/ /de nas seng ldeng me bsangs la/ /yam sreg shing dang sbrang rtsi zho/ /mar blangs brgyad brgya tshang bar ni/ /dus gsum du yang sbyin sreg bya/ /dus kyi lhag ma rtag tu bzlas/ /lan gsum khrus byas nges par gnas/ /dbang du bya 'dod gang yin pa/ /de dang yang ni phrad par bya/ /de yi ming ni smos pas kyang / /de ni bran bzhin dbang du 'gyur/ /mi ni gang zhig bran nor 'dod/ /des ni nor gyi tshad bsams la/ /de yi bsgrub mchog 'di bya zhing / /lan gsum khrus byas bil ba yi/ /bdug pa mar dang ldan pa bsreg /de nas lag na rdo rje'i mdun/ /der ni ba lang lci ba'i mer/ /sngar bshad pa ni gang yin pa'i/ /sbyin sreg mnyam par gzhag par bya/ /yang na bil ba'i sbyin sreg ni/ /mar dang yungs kar ldan pa'am/ / yungs kar mar dang ldan pa'ang rung / /yang na mar ldan bil ba'am/ /mar dang yungs kar ldan pa yi/ /sbrang rtsi bzang po bil bar ldan/ /yang na re re sbyin sreg mchog /brgya rtsa brgyad du bya ba ste/ /seng ldeng yam sreg shing bzang gis/ /dus gsum du ni rnam 95-1-210b gsum byas/ /phye dang ba gcin 'de gu dang / /phye dang 'o ma'i 'de gu'ang rung / /dus gsum bza' zhing yang na ni/ /mi smra mi bza' rig sngags bzlas/ /yang na sbyin sreg yid kyis bya/ /gtsang zhing brtson par gnas pa des/ /nor ni yid la gang 'dod pa/ /zhag bdun gyis ni thob par 'gyur/ /zla phyed yang na zla ba gcig /yang na zla ba phyed gsum gyis/ /rnam pa kun gyi thabs rnams kyi/ /'dod pa thams cad ma lus sbyin/ /yang na gdon gyi las rnams 'dir/ /sbyin sreg bzlas brjod brtson pa dang / /gtsang zhing dam tshig mkhas pa yis/ /thams cad rab tu 'grub par 'gyur/ /rtsed mo can gyi snying po rdzogs so// //de nas gtum po'i snying po'i cho ga rgyas par bshad par bya'o/ /na maHtsi li/ /tsi ri ni/ i li ku ru hat+ti pra sid+d+ha b+hak+to smi ku ru me ha ba raM ki li bi li/ hi ri Ni su ru ku ru/ sa ma ya ma nu brta hr-i da yaM swA hA/ snying po dran par byed pa'i tshig 'di dag gang du brjod pa der dga' bar gyur nas las thams cad byed par 'gyur ro/ /na maHkI li kI lA ya swA hA/ ma hA kI li kI lA ya swA hA/ kro d+ha kI li kI lA ya swA hA/ tsaN+Da kI li kI lA ya swA hA/ de ba ti kI li kI lA ya swA hA/ badzra kI li kI lA ya swA hA/ badzra d+ha rA ya swA hA/ badzra mo ta nA ya swA hA/ badzra stam+b+ha nA ya swA hA/ badzra pra b+han+d+ha nA ya swA hA/ e hi sti badzra/ e hi su sti badzra/ e hi pra ti pra ti ra badzra/ e hi a pra ti ha ta badzra/ e hi a mo g+ha badzra/ e hi shI g+h+raM nI la be ga badzra/ ma hA yak+Sha se nA pa ti/ badzra pA Ni/ mu ne mu ne mu ne/ ri ma ti/ me hA ma ti/ su ma ti/ e hi pa ni ti li/ so+o haM di li pi+ir+t+wa ma ti to ni ra ti ra ti ti/ ku la ti li shi li/ tsa ra di mo ti/ ku tsit+tha marte/ su bu ru bu ru/ khu khu ti/ khu khu ti/ khud li ti li ti ri/ e hi shI g+h+raM badzra pA Ni/ ma hA yak+Sha se nA pa ti/ i daM g+han+d+ha mA le/ a nu le pa na maH/ pra tIts+tsha ku di ku di ku ti swA hA/ /ku di bi ri bi ri ti swA hA/ bi ti maM ku ti la swA hA/ a ra li sa ra shi li tsa ra li sa ra li gi ri ni/ barma li ni si li ti/ pur+Na kur+Na/ sharba durba karba turba 95-1-211a kut+ta/ mut+ta narba parba/ balba ram+ba ha hwa/ e hi e hi/ shI g+h+raM badzra pA Ni/ he he he+e he+e/ tu ru tu ru la hU~M la hU~M swA hA/ sma ra taM nA ga ri yat+t+ra/ pra ti dz+nyA kr-i ta/ mi ti ri ti/ di ri ri ti li pu swA hA/ ku khu lu tu ti lu ti li ri swA hA/ e hi tri ma hA yak+Sha se nA pa ti hi ri/ ti ri b+hi ti/ ri li gi ni/ ni ra jan+tu/ bi ri dza yan+tu/ ri kan+ti rang+ga / tsu ru tsu ru/ tsi ri ti ri swA hA/ narba sharba ba ku ku lu/ khu khu lu/ khu khu ti ni/ ru ru ta ru/ smra ra taM/ pra ti dz+nyAM swA hA/ lag na rdo rje gtum rab gtum/ /nga yi snying po gnyis pa ni/ / gtum zhing rab gtum las yin te/ /ming yang gtum po zhes par grags/ /gtum po rdo rje 'dzin pa yi/ /snying po gtum po 'di dag ni/ /gnyis pa zhes ni bya bar bstan/ /las rnams la ni zla phyed de/ /dam pa rnams kyi las kun mchog /gdon la sogs dang sems can kun/ /'gugs pa'i mchog la sogs pa dang / /bsrung ba la sogs dpe med pa/ /'di yi las ni stong rnams dang / /cho ga chen po brgyad rnams kyang / /lha gnas mthong bar nges par ni/ /bzlas brjod sbyin sreg rnams kyis bya/ /la la gang zhig rdo rje 'dzin/ /mngon sum mthong bar 'dod na ni/ nga yi sgrub pa'i thabs 'di dag /spyan 'dren mchog 'di de yis bya/ /dus gsum ba lang li bas bskus/ /las kyang dag cing sems dag dang / /rdo rje 'dzin la gus pa dang / /rkang lag la sogs bkrus nas kyang / /dgon pa'am rang gi khyim yang rung/ /gtsang ma'i phyogs su mchod rten nam/ /sku gzugs yang na sku gdung gi/ /mdun du rtag tu mnyam par gzhag /mi ni gtsang sbrar spyod pa yis/ /bdug pa me tog la sogs pa/ /mchog dang khyad par 'phags pa yis/ /dus gsum rtag tu mchod par bya/ /de la rab spro de la gus/ /srog kyang de la bstan byas nas/ /lag na rdo rje gzugs kyang rung / /ji skad bstan bzhin ri mor bri/ /dri dang phreng ba byug pa yis/ /rtag tu de la mchod par bya/ /mar dang ldan pas dus su bza'/ /sbrang rtsi 'o thug bza' bar bya/ /ri mo'i sku gzubs nub 95-1-211b phyogs bstan/ /rtag tu shar phyogs kha blta 'dug /mar gyi mar me mi 'chi bas/ /nyin par mchod pa legs par bya/ /cho 'phrul gyi ni zla phyed dam/ /yar gyi ngo yi tshes brgyad la/ /brtsams te brgyad stong bzlas brjod bya/ /yang na nyin re dus gsum du/ /lan grangs brgyad brgyar bzlas brjod bya/ /thang chu yang ni bsreg par bya/ /dang zhing rtse gcig sems kyis ni/ /bsrung ba'i mchog byas bzlas brjod bya/ /zla ba phyed ni lon nas kyang / /des ni zhag gsum smyung bar bya/ /mchod pa la sogs kun rgyas shing / /shin tu mang por byas nas kyang / /'dod pa yid la gzhag bya zhing / /de nas gus pa mchog gis su/ /o~M ni tshig stong bzlas brjod byas/ /de nas rdo rje can yang mthong / /de la mchog sbyin gtso bo de/ /dam pa'i mchog ni sbyin par byed/ /bsgrub pa'i cho gas spyan drangs nas/ /mchod sbyin mchog la ci 'dod smros/ /tshig gis gang dag gang brjod pa'i/ /bsgrub pa'i dam pa thob par 'gyur/ /de yi slar btang cho ga de/ /rnam pa thams cad bshad par bya/ /des ni phyag dang mchod pa dang / /mchod yon me tog la sogs dbul/ /'dod pa'i rig sngags lan cig brjod/ /des ni rdo rje 'dzin par 'gro/ / na maHhi li hu la/ ni li hu la/ a ha ha ha ha ha sa/ bri ti gats+tsha/ tu b+ha ga bAM/ badzra pA Ni re tha su khaM tsu lu tsu lu swA hA/ /'di ni gcig gam gsum du brjod/ /lnga 'am bdun nam nyi shu gcig /brgya'am yang na brgyad brgya 'am/ lan stong cho ga bzhin du brjod/ /'byung po'i gnas sam gzhan dag tu/ /rdo rje dang ni lha yi mdun/ /dri kun gyi ni sbyor ba dang / /bcing dang grol la bzlas brjod bya/ dgug dang slar btang thams cad dang / bcing dang grol ba thams cad la/ der ni lan cig brjod par bya/ /des na rdo rje 'dzin par 'gro/ /'di ni rtsed mo ldan pa yi/ /bsgrub dang slar btang ba yang yin/ /'di gnyis la ni khyad par du/ /dbye bar bya ba mang po yod/ /gang gis rtag tu gtsang byas la/ /lo gcig bar du dus gsum du/ /bzlas brjod rnam pa gsum byas na/ /de yis bde bar 'dod pa 'thob/ /gang 95-1-212a zhig zla drug sgrub byed cing / /bzlas brjod nyi shu rtsa gcig byed/ /legs byas de ni mkha' la rgyu/ /'bring dang lhag ma nyid du 'gyur/ /gang zhig zla gsum bzlas brjod byed/ /yang na yid kyis sbyin sreg las/ /byas na cho ga 'di dag gis/ /de ltar de yang 'grub par 'gyur/ /zla ba phyed gsum za gcig zos/ /des kyang dngos grub tha ma 'am/ /'bring dang khyad par 'phags pa thob/ /khyim gyi don rnams grub byed cing / /nad rnams kyang ni sel bar byed/ /don rnams ji skad bshad pa bzhin/ /de dag thams cad rab tu 'grub/ / zla ba gcig tu bzlas brjod byed/ /'o thug sbrang rtsi mar bcas bza'/ /dus gsum brgyad brgya bzlas pas ni/ /gsum brjod mkha' la 'gro bar 'gyur/ /legs par ma byas gdon la sogs/ /don rnams thams cad 'grub par 'gyur/ /bcing dang grol ba thams cad dam/ /bsgrub pa'am gzhig pa bcang bar byed/ /zla phyed nas kyi kha zas zos/ /gdon gyi las rnams byed par nus/ /ba gcin nas kyi kha zas zos/ /don rnams thams cad 'grub par nus/ /zhag bdun du ni dus gsum du/ /de bzhin brgyad brgya bzlas brjod byas/ /dbang du bya dang bcings la sogs/ /bsad par yang ni nus par 'gyur/ /gang zhig zhag lngar zas mi za/ /nyin gcig bzhin du bzlas brjod byed/ /des na mo rnams gzhig pa'am/ /dgrol dang dbang du bya bar nus/ /zhag gsum bar du dus gsum du/ / gang zhig sbyin sreg rnam gsum byed/ /lhag ma'i dus su khros nas bzlas/ /des ni gzhan yang gzhig par nus/ /drag po yi ni las byed na/ /zhag gcig smyung byas dur khrod du/ /khrag gi sbyin sreg byas na ni/ /nges ni gdon dang mi rnams gzhig /de dag bsgrub par bya ba'i phyir/ /dang por zhag gsum smyung byas nas/ /mar gyi ngo ni bcu bzhi la/ /sum brgya lnga bcu gtsang mas bzlas/ /sngar bstan 'di dag byas na ni/ /de nas nges par gnyis kas kyang / /tshig gis gang dang gang smras pa/ /bsam pa'i las ni byed par 'gyur/ / 95-1-212b de ltar rtsed mo ldan pa yi/ /dkyil 'khor snying po mchog kyang bshad/ /'gro lding snying po gsum po yang / /cho ga dag dang bcas par ni/ /las kyi dam pa thams cad dang / /de bzhin 'bring dang tha ma la/ /rdo rje rdzogs par khru gang srid/ /rtse gsum yongs su dag pa'i mchog /yang na rtse drug dam pa ni/ /de kun gyis ni bri bar bya/ /gus mchod rdo rje rig sngags kyis/ /rdo rje de ni spyan yang drang / /me tog dam pa mnyams pa/ /lag pa g.yon thogs legs par mchod/ /lag na bdug thogs pus mo btsugs/ /des na rig sngags 'di yang bzlas/ /na mo reM reM grAM grAM/ tsi ri Ti bi NAM/ tra pa ru Ni/ badzrA ma ya/ tu pi ta ye badzra pA Ni/ma hA ba hA ya swA hA/ bris pa de ni lag g.yon thogs/ /mchod gnas kyang ni mchod par bya/ /bya ba zin nas slar gtang phyir/ /mchod nas slar ni gtang bar bya/ / gtum po dang rtsed mo can gyis bsgrub par rdzogs so// //'gro lding gi snying po bshad par bya ste/ /gleng gzhi ni mnyan du yod pa'o/ /de nas gnod sbyin gyi sde'i bdag po lag na rdo rje bcom ldan 'das gang na ba der song ste/ /bla gos phrag pa gcig tu gzar nas dul ba mchog gis gnas shing bcom ldan 'das kyi spyan sngar 'dug ste/ pus mo g.yas pa'i lha nga sa la btsugs nas mgo bo btud cing thal mo rab tu sbyar te bcom ldan 'das la 'di skad ces gsol to/ /bcom ldan 'das bdag gis skye bo mang po la sman pa dang / /skye bo mang po la bde ba'i slad du bdag nyid kyi snying po 'jig rten dag la bshad la gsol/ /bdag gi snying po ni 'di lags te bcom ldan 'das gang gis bdag nyid kyi snying po 'dis bdag bkug na de'i thad du bdag myur du mchi bar 'tshal lo/ /bcom ldan 'das ci ste bdag nyid kyi snying po 'dis bdag bkug pa las ma mchis na 'jig rten pa la la dgra bcom pa gsod pa'am/ /dge 'dun gyi dbyen bgyid pa gang lags pa de dag gi skye gnas su mchi bar 'gyur ro/ /bcom ldan 'das de bas na zhag gcig smyung bar bgyis pas bdag bkug na de las bcom ldan 'das 95-1-213a kyis slar gtang bar gsol/ /de skad ces gsol nas bcom ldan 'das yid tsam 'dzum pa mdzad de lag na rdo rje la 'di skad ces bka' stsal to/ /lag na rdo rje legs so legs so/ /khyod kyis 'jig rten dag la khas blangs pas khyod la nga mnyes kyis gnod sbyin gyi sde'i bdag po lag na rdo rje khyod song la dad pa dang ldan pa yi chad par ma byed cig /de lta mod kyi nga yang khyod kyi snying po nyan par ni 'dod do/ /de skad ces bka' stsal nas gnod sbyin gyi sde'i bdag po chen po lag na rdo rjes gdong cung zad tsam phab nas 'dzem bzhin du bcom ldan 'das la 'di skad ces gsol to/ /bcom ldan 'das bdag la gsan du gsol/ tad+ya thA/ e hi s+thi ra badzra/ e hi su s+thi ra badzra/ e hi ma tu badzra/ a pra ti ha ta badzra/ i hi i ma ka badzra/ e hi shI g+h+raM nI la be ga badzra be ga badzra/ ma hA badzra/ badzra pA Ni ma hA yak+Sha se nA pa ti mu ne mu ne/ a ne+e ri ma ti ma ti a ne+e ri ma ti ma hA la ti su ma ti e rin+ti li/ d+hu ri ti me de pu li ri ti/ dzi ri ti ku la ti shi li shi ba li ti ma ti pu tshot+ta marta tsit+ta tsit+ta marte/ du ru du ru/ khu khu ti khu khu ti ha la ti la/ ti ri e hi shI g+h+raM badzra pA Ni i daM gaM d+ha mA le nu le pa naM/ pra tIts+tsha/ ut+ta li swA hA/ ut+tha li swA hA/ ku ti bi ri ti swA hA/ tsi ti bi ti ha ti swA hA/ na mo badzra pA Ni s+ya/ a la li ma la ri bi li ni/ pa ra ma li ni shi li/ li bi ba li/ lo ti pUr+Na garba sharba narba/ turba ut+ta put+ta narba tsarba sharba malba dzalba ralba swA hA/ e hi shI g+h+raM badzra pA Ni he hi he hi/ tu ri tu ri/ la hU~M la hU~M swA hA/ sma ra tAn+ta ka rAn+ta ti dz+nyA taM mi ti ri ti mi ti ri ti/ mi di ti ti li/ ri ri ri/ khu khu lu khu khu ti la hU~M ri ti e hi twaM/ ma hA yak+Sha se nA pa ti li ri li ri/ ba si ri ri ki ri ti sma ri ma hA sma ri u dzu ri ge tsu ru tsu ru ti swA hA/ tarba b+harba marba khu khu la khu ti li/ tu ru tu ru/ sma ra taM pra ti dz+nyAM swA hA/ 'gro lding zhes bya'i snying po 'di/ /'jig rten gsum grags 'jig rten gyi/ /rab kyi mchog gi gtso bo ste/ /lag na rdo rje gsum pa yin/ /'jig rten gsum mchog gtso bos kyang / /'di las 'gal bar byed mi nus/ /'jig rten gsum mchog 'jig gsum dbang / /tshangs pa la sogs snying po'i bar/ /de yi bsgrub pa de nyid de/ /de yi las rnams rgyas pa yang / / 95-1-213b rtsed mo can dang gtum po bzhin/ /'di yang de ltar bya ba ste/ /bsgrub pa'i mdo tsam bshad bya na/ /gtsang ma'i mis ni gtsang ma'i phyogs/ /dri dang phreng ba byug pa rnams/ /mchod dang khyad par 'phags pa yis/ /mchod rten yang na sku gzugs rnams/ /sku gdung ldan pa mchod par bya/ /rdo rje bris pa legs mchod nas/ /ri mo'i sku gzugs nub phyogs bstan/ /yar gyi tshes brgyad brtsams byas la/ /sbrang rtsi 'o thug mar dang bcas/ /dus gsum za zhing rig sngags bzlas/ /thang chu bzang po bsreg par bya/ /lci ba sogs par legs par bkru/ /dag pas shar phyogs bltas te 'dug /shin tu mnyam gzhag dus gsum du/ /lan grangs brgyad brgya bzlas brjod bya/ /de nas yid du 'ong ba yi/ mchod pa las bzhin mjug tu bya/ /zla bya phyed ni 'das nas kyang / /nya yi nub mo spyan yang drang / /lha yi gnas ni mthong ba des/ /cho ga mchog gis bsrung bar bya/ /brgya rtsa brgyad ni brjod byas na/ /de nas rdo rje can yang mthong / /de nas gzhan yang stong gi phyed/ /ci ste gus pas 'dun pas mchod/ /rdo rje 'dzin chen mngon sum du/ /mthong 'gyur de la the tshom med/ /mchod sbyin mchog gi gtso bo des/ /de la dam pa sbyin pa 'gyur/ /yang na 'khor los sgyur ba nyid/ /'dod pa gzhan lta ci zhig smos/ /ji skad bshad pa'i cho ga dang / /ji skad bshad pa'i slar gtang dang / /ji skad bshad pa'i las rnams kyang / /mjug tu legs par bya ba yin/ /'gro lding gi cho ga dang bcas pa rdzogs so// //sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /gnod sbyin gyi sde'i bdag po chen po lag na rdo rje la phyag 'tshal lo/ /gleng gzhi ni mnyan du yod pa na ste/ de nas gdon sbyin gyi sde'i bdag po chen po lag na rdo rjes bla gos phrag pa gcig tu gzar te pus mo g.yas pa'i lha nga sa la btsugs nas/ spyi bor thal mo sbyar te dul ba mchog gis gnas nas bcom ldan 'das la 'di skad ces gsol to/ /bcom ldan 'das bdag gis skye bo mang po la sman pa'i slad du bdag nyid kyi snying po 'jig rten dag la bshad lags te/ bdag gi snying 95-1-214a po ni 'di lags so/ /gang gis snying po 'dis bdag bkug na de'i thad du bdag myur du mchi bar 'tshal lo/ /ci ste bdag snying po 'dis bkug pa las ma mchis na 'jig rten la la mtshams ma mchis par bgyid cing dge 'dun gyi dbyen bgyid pa gang lags pa de dag gi skye gnas su mchi bar 'gyur ro/ bcom ldan 'das de bas na zhag gcig smyung bar bgyis pas bdag bkug na de las bcom ldan 'das kyis slar gtang du gsol/ lag na rdo rjes de skad ces gsol nas/ bcom ldan 'das kyis yid tsam 'dzum pa mdzad de 'di skad ces bka' stsal to/ /lag na rdo rje legs so legs so/ /khyod kyis 'jig rten dag la khas blangs pas khyod la nga mnyes kyis/ gnod sbyin gyi sde'i bdag po chen po khyod song song la dad pa dang ldan pa yi chad par ma byed cig /de lta mod kyi nga yang khyod kyi snying po nyan par ni 'dod do/ /de skad ces bka' stsal to/ /gnod sbyin gyi sde'i bdag po chen po lag na rdo rjes gdong yid tsam phab nas 'dzem bzhin du bcom ldan 'das la 'di skad ces gsol to/ /bdag gi snying po cho ga dang bcas pa gsan du gsol/ 'di bsgrub par 'tshal zhing bcom ldan 'das la mchod par dga' bas yar gyi ngo tshes gcig la brtsams te zas su 'o ma dang phyi'i 'de gu 'tshal te/ dus gsum du ba lang gi lci bas khrus bgyis la/ gtsang mas gos gtsang ma bgos nas bdug pa bsreg cing sku gdung dang ldan pa'i mchod rten nam/ /sku gzugs kyi mdun du mchod pa rgyas par bgyis la snying po brjod par bgyi ste/ /gsang sngags kyi tshigs 'di dag gis thog mar bdag nyid bsrung bar bgyi'i/ /na mo rat+na tra ya s+ya/ /na mo badzra pA Ni s+ya/ ma hA yak+Sha se nA pa taM s+ya/ shrI nu at+t+re+e b+ha/ badzra bA Ni ma ti shi ba mA nA ya/ a n+yo n+ya badzra a sha nir namaH sarba gra ha duSh+Ta a pa ra ti shu rak+Sha yaM ma nash+tsa a b+ha yA ka ri hi hi badzra pA Ni hi hi he ha hi/ hi ri ku ku bu/ hi ri ku pi sa ra sa ra su bi ri tsi ri badzra pA Ni durdan+tA nAM/ da ma ka da ma da ma swA hA/ lan bdun bzlas brjod bgyis nas lag pa la btags na sems can thams cad kyis mi thub par 'gyur ro/ /na mo rat+na tra ya s+ya/ na mo badzra pA Ni s+ya/ ma hA 95-1-214b yak+Sha se nA pa ti s+ya/ e hi badzra pA Ni/ i daM aM b+ha ha na ma nu sma ra ma hA s+thi ra badzra/ e hi su s+thi ra badzra/ e hi na ma pA badzra/ e hi a pra ti ha ta badzra/ e hi shI g+h+raM ma na tsa pa la ga ti ma hA yak+Sha se nA pa ti/ badzra pA Ni hi hi he hi hi he hi hi he hi hi he hi hi he he/ ku tu ku tu ku tu ku tu badzra pA Ni e hi/ hi hi he/ hi hi hi hi hi/ hi hi hi hi hi hi hi hi/ badzra pA Ni ku ku bu ku ku bu ku ku bu/ ku b+h+ya ku b+h+ya/ ku ku b+h+ya/ badzra pA Ni/ sa ra sa ra/ e bai ri/ e bai ri/ ha ra ni li/ a ba ha ya mi twaM/ ma ma hi sa mA ye no pa tiSh+Ta swA hA/ lan brgya rtsa brgyad bzlas brjod bgyis pa'i thang chu'i bdug pas spyan drang bar bgyi'o/ /na mo rat+na tra ya s+ya/ na mo badzra pA Ni s+ya/ ma hA yak+Sha se nA pa ti s+ya/ hi ri hi ri ni/ badzra pA Ni/ pra te gr-ih+Na/ A hu tiM/ uSh+paM d+hU paM gan+d+ha mA l+yeM/ ma twaM/ sa ma yo b+ha d+hi sh+ye ti swA hA/ bcom ldan 'das dam tshig bgyi ba dang / de dag gi me tog dbul ba lags te/ me tog rnams ci nas kyang sku gzugs kyi dbu la bab par gyen du gtor bar bgyi ste/ ba ru ra'i yam sreg shing brgyad brgya sbrang rtsi dang mar gyi nang du smyugs pas sbyin sreg bgyi'o/ /na mo rat+na tra ya s+ya/ na mo badzra pA Ni s+ya/ ma hA yak+Sha se nA pa ti s+ya/ mu ne mu ne mu ne mu ne mu ne mu ne/ ri ma ti ma ti ma ti ma hA ma ti su ma ti/ smra ras ma yaM badzra pA Ni e raN+Ti li s+phu ti pha te phuH/ b+hi li ki ti/ tsi ri li ti ti ko ra la hi t+ti li si ri ba la ti/ ba di phu tsit+ti/ ma re te phuH/ khu khu ti khu ti li li ti ri swA hA/ mu na mu na ne badzra pA Ni/ gan+d+ha mA l+ya a nu le ba na ma pra tIts+tsha/ ku tu li ku tu ku tu li swA hA/ tsa ti li swA hA/ tu tu b+ha ri swA hA/ bid+ya ma tu ti li swA hA/ a ra li ma ra li/ sha li ni badzra mA li ni/ bi lit+ti/ si ri li bi/ g+hur+Na g+hur+Na sharba sarba narba brah+ma/ b+ha t+ta puN+ya narba sarba/ harba darba rarba tsarba rba swA hA/ e hi shI g+h+raM badzra pA Ni he he ho+o ho+o/ tu ru/ tu ru/ tu ru/ tu ru/ tu ru/ la hi la hu la hu la hu swA hA/ sma ra taM/ nA ga riM/ yat+t+ra seM/ pra tidz+nyA taM/ bud+d+ha sa kA she/ ut+ta hr-i da ya/ mi ti ri ti/mi ti ri ti/ ma ti ma ti ti ti/ la ri swA hA/ khu la lu lu khu khu ti lu ti swA hA/ e hi twaM ma hA yak+Sha se nA pa ti/ hi li ri ri ti b+h+yo/ ma ri ki ri dzaM sa ri dzam+b+ha/ shu 95-1-215a ri tsi ti/ tsu ru tsu ru tsu ru/ li ti swA hA/ narba sharba b+harba khu khu lu khu khu ti ti swA hA/ tu ru tu ru sma ra twaM/ pra ti dz+nyAM/ badzra pA Ni swA hA/ ha la ha lA ya swA hA/ ku lu ku lA ya swA hA/ ka la ka lA ya swA hA/ kI li kI lA ya swA hA/ ma hA kI li kI lA ya swA hA/ kro d+ha kI li kI lA ya swA hA/ tri ba ta kI li kI la ya swA hA/ tsaN+Da kI li kI li lA ya swA hA/ badzra kI li kI lA ya swA hA/ badzra d+ha rA ya swA hA/ badzre b+hany+dza ya swA hA/ badzra pA Na ye swA hA/ hi li mi li ni li/ o~M sum+b+ha sum+b+ha/ phu ru phu ru saM b+hany+dza nA ma b+ha be b+h+yaHswA hA/ bcom ldan 'das snying po 'di ni las thams cad bgyid pa lags te/ don thams cad la gzhan gyis mi thub cing don mchis pa dang / zhi ba dang / zhi bar bgyi ba dang / dgra 'joms shing gzhan gyis mi tshugs pa lags te/ thang chu dang / sra rtsi'i pog dang / pog dkar po dang / a ga ru'i bdug pa bsreg shing brjod par bgyi'o/ /phyag 'tshal ba ni snga ma nyid de/ ha ri ha ri Ni/ badzra pA Ni/ muny+tsa d+ha/ ha sa na sbA hA/ khi ri khi ra zhes smos pas dgod par 'gyur ro/ /na mo rat+na tra yA ya/ na mo hi li mu li li mu badzra pA Ni tsu ru tsu ru/ dzalba dzalba swA hA/ bdug pa de dag nyi shu dag dang sbyar bar bgyi'o/ /na mo rat+na tra ya s+ya/ hi li ha ri badzra pA Ni pa ti s+ya/ sid+ha b+hak+to smi swA hA/ ba dan dmar po phyar te dbul bar bgyi'o/ /lag na rdo rje'i snying po 'di ni sems can thams la bde ba'i phyir las thams cad byed pa yin no/ /lag na rdo rje'i snying po rdzogs so// //sngar bshad blon mo 'bar ba gang / /de dag kun gyi mchog gyur pa/ /'dod pa yi ni rdo rje ma/ 'bar ba de ni bshad par bya/ /dkon mchog gsum la phyag 'tshal lo/ /lag na rdo rje dang / 'dod pa'i dbang phyug la phyag 'tshal lo/ /gleng gzhi ni mnyan du yod pa'o/ /de nas 'dod pa'i dbang phyug rig sngags 'chang dang bcas par bcom ldan 'das gang na ba der song ste/ bcom ldan 'das kyi spyan sngar rig sngags byas nas bcom ldan 'das la 'di skad ces gsol to/ /bcom ldan 'das bdag gis rig sngags kyi blon mo zhes bgyi ba de bcom ldan 'das kyi spyan sngar bdag gis bshad 95-1-215b par 'tshal na/ dge slong ma dang / dge bsnyen dang / dge bsnyen ma rnams la sman par 'gyur ba dang / rtsed mo dang las thams cad bgyid pa dang / las thams cad bsgrub pa'i slad du bzhes su gsol/ de nas bcom ldan 'das kyis bka' stsal ba/ 'dod pa'i dbang phyug nga'i nyan thos dge slong dang / dge slong ma dang / dge bsnyen dang / dge bsnyen ma 'dod chags dang ldan pa dang yod de/ de dag gi bar du gcod par 'gyur gyis thong shig /de ltar 'dod pa'i dbang phyug gis lan gsum gyis bar du bcom ldan 'das la gsol to/ /btsun pa bcom ldan 'das kyi nyan thos dge slong dang / dge slong ma dang / dge bsnyen dang / dge bsnyen ma 'dod chags dang ldan pa ma mchis pa de dag la rig sngags kyi rtsed mor 'gyur na/ bdag gi de bcom ldan 'das kyis bzhes su gsol/ de nas bcom ldan 'das kyis rtag tu zham ring na 'dug cing g.yon phyogs na gnas/ gnod sbyin lag na rdo rje la gzigs so/ /de nas gnod sbyin lag na rdo rjes bcom ldan 'das la bltas nas 'dod pa'i dbang phyug la 'di skad ces smras so/ /'dod pa'i dbang phyug skye bo mang po la phan pa dang / skye bo mang po la bde ba'i phyir rig sngags de shod cig shod cig /de nas 'dod pa'i dbang phyug dga' zhing mgu la yi rangs te/ rab tu dga' nas dga' ba dang yid bde ba skyes te de'i tshe rig sngags 'di bshad do/ /s+yAd ya the da na/ i ti yo ba pa ti sam+ba ti b+ha ya ni/ tsi li ta ni tsa/ yo ta na d+harma ma bi dza ni ti pra ban+tu naM/ a ti kra naM taM be+e ma de ba nA ma se na ti sarba sid+d+ha tsa yo gi ni/ ye na sit+t+ye na/ b+ha ga bAM/ shA sta lo ke a nut+ta ra/ a te na saM t+yaM bA tsa ne na/ a yim bit+tsa sa mu dza sa ma y+ya bi da/ khi ni khi ni/ kuN+Da la mu khu ki swA hA/ku tiny+dza re ku tiny+dza ye/ tham+pu le/ suM de kuM phe ba ste/ pra se a ga ste thaM ga ti ni pa ka sid+d+ha karma bi nA sha ni ya ya karma ma hA sra ni/ pra yuk+ta ni ba na ye ta/ kr-i taM ya ma/ in+d+rA ga ni/ man+t+ri Na/ tsit+ta ro ri sha ba/ tsa tur+Ni shan su kr-i taM kun+da/ tsUr+Na yo go ba di ye te/ su hr-i dra dre/ s+t+raM hr-i da yaM/ ba sham+baM/ bash+tsa hr-i da ya/ bi d+ye shwa na/ dzam+b+ha naM/ stam+b+ha naM/ mo ha naM/ tsa ka ri shI ti/ 95-1-216a tsaN+Da lI bar+Sha dzA/ bi te pra yuk+ta mU la karma su pA ta pAM su rA dzA na tsai ba sarba me da ni kA ra yed da/ e ka ut+ta ba ne to/ de ni ri ba ra bi nA sha ne sarba karma ri bid+ya de marda dat+ta/ pA she s+yAt+te/ badzra pA Ni/ ma te gau ri/ bid+ya rA dzA a nut+ta ra/ o~M dzam+b+ha ya swA hA/ stam+b+hA ya swA hA/ mo hA ya swA hA/ mA lA ya swA hA/ ya mA ya swA hA/ ya ma ma mA ya swA hA/ badzrA ya swA hA/ ma hA badzrA ya swA hA/ badzra d+ha rA ya swA hA/ badzra pA Na ye swA hA/ badzra hastA ya swA hA/ badzro gra hastA ya swA hA/ badzra daN+DA ya swA hA/ badzro gra daN+DA ya swA hA/ bi shwa pA Na ye swA hA/ na maHkA me shwa ra badzra pA Na ye swA hA/ rig sngags 'dod pa'i rdo rje ma/ /'di ni rlung gi shugs zhes bya/ /'dod pa'i khams ni kun gyi mchog /rig sngags rgyal mo bla na med/ /'dod pa'i khams gnas ci yang rung / /'dod pa'am 'dod pa zhig bar rung / rab tu bsgrubs na de dag ni/ /don du mi sgrub gang yang med/ /las kyi dam pa ji bzhin dang / /khyad par dang ni bsgrub pa'i mchog /de nyid thog mar bshad par bya/ /rang byung la ni phyag byas nas/ /sangs rgyas byang chub shing drung du/ /shar phyogs blta zhing 'dug par bya/ /kar ni ka ra'i me tog dang / /de ni btso ma'i gser mdog 'dra/ /sangs rgyas kyi ni g.yas logs su/ /rigs mchog rab sbyin shes nyen can/ /'dod pa'i dbang phyug rma bya yi/ /mgrin pa bzhin du sngo bar bri/ /sangs rgyas kyi ni g.yon logs su/ /mnga' bdag rdo rje 'dzin chen ni/ /sprin dmar mdog 'dra 'od dang bcas/ /dpal mchog pad+mar bzhugs pa bri/ /de nas mar gyi brgyad la brtsams/ /nas kyi zas bza' dus sum cu/ /dus gsum du ni bsgrim bya zhing / /cho ga 'di ni rtag tu bya/ /me tog dkar po sngon po dang / /dmar po dang ni rnam pa gsum/ /blangs te gnas der zhugs nas ni/ /cho ga bzhin du mchod par bya/ /der ni lnga bcu gcig bzlas pas/ /tshes grangs bcu gnyis bar du yang / /dkar bo sangs rgyas bsnun par bya/ /sngon pos 'dod pa'i dbang phyug la/ /pad+ma dmar po la sogs pas/ /lag na rdo rje bsnun pas kyang / /zhag gsum khrus byas 95-1-216b gso sbyong ldan/ /bcwa lnga yi ni gtsang ma yis/ /lha batshos sna tshogs kun tu dgram/ /du ru skra dang a ga ru/ /sangs rgyas kyi ni bdug mchog bsreg /thang chu'i snod ni tha dad gzhag /lag na rdo rje gu gul dbul/ /sangs rgyas rig sngags rdo rje 'dzin/ /slob dpon la ni gus mchod bya/ /de nas sems ni bsdus nas kyang / /mchod pa dag ni rgyas par bya/ /bden pa bzhi ni ston pa pos/ /me tog dkar po bcom ldan la/ /bzhi brgya'am brgyad brgya dam pa yis/ /bzlas shing bzlas shing bsnun par bya/ /sngo ba'i nang na mdog sngon mchog /sum brgyas 'dod pa'i dbang phyug la/ /dmar ba'i nang na mdog dmar mchog /sum brgyas rdo rje 'dzin la bsnun/ /bsrung ba la ni khri lam du/ /zla gcig brgyad brgya bzlas brjod bya/ /bsgrub pa thog ma tha mar yang / skud pa nag pos bcing bar bya/ /ba ti bi da ra rak+Sha d+ha re rak+Sha/ ma hA d+ha ni rak+Sha/ ta thA ga ta sa ha dzA ta rak+Sha/ puSh+pa ke ru rak+Sha/ a pa ta rak+Sha swA hA/ rtsa ba'i skud pa gtsang byas nas/ /bsgrub pa de ltar bsrung byas la/ /mtshams bcad pa ni 'dis byas na/ /mtshams bcad kun gyi mchog tu 'gyur/ /d+ha ni ka ni d+ha ne ke ni sarba sI ma ban+d+ha ni swA hA/ mtshams bcad kyi ni me 'di yang / /brgyad brgya bzlas sam yang na ni/ /de bzhin tshon skud sna tshogs kyis/ /gnas rnams kun tu bskor bar bya/ /dngos grub bsgrub cing nor 'dod pas/ dngos grub ltas ni blta ba'i phyir/ /rig sngags rgyal dbang grub rnams kyi/ /bsgrub pa'i tshig ni bzlas brjod bya/ /a gaM de sA d+ha ya a mo g+he sA d+ha ya/ sa pa le sa d+hA ya ut+sa de sat+t+ye t+ya ge pradz+nye u pa sha Ne sA d+ha ya swA hA/ de nas rig sngags sgrub pa na/ /mtshan ma dag ni rtogs par bya/ /sku gdung ldan pa'i sku gzugs de/ /nyi ma bzhin du 'bar bar 'gyur/ /dad dang mchod pa'i nyes pa dang / /rig sngags nyams pa'i nyes pa yis/ /ci ste der na ma grub na/ /yar gyi ngo la'angs bsgrub par bya/ /dad dang mchod dang cho ga yis/ /de bzhin rdzogs par brtsam par bya/ /dus gsum gtsang sbra rdzogs bya zhing / / 95-1-217a nas kyi kha zas dus su bza'/ /bzlas brjod 'dun pas mtshan ma gsum/ /ma byung bar du bzlas brjod bya/ /sangs rgyas zhal nas an+d+ra rnyil/ yang na mthon ka chen po 'byung / /'dod pa'i dbang phyung kha nas kyang / /bzang po dkyil 'khor steng du lhung / / lag na rdo rje'i kha nas kyang / /phun sum tshogs pa'i dbyig rnams 'byung / /yid bzhin nor bu 'dra ba yi/ /nor bu legs sdug mgo la gdags/ /'dod na g.yas pa'i mkhrig mar yang / /cho ga bzhin du gdags par bya/ /sa dang nam mkha' snang byed cing / /'khor los sgyur ba gzhan bzhin 'gyur/ /nor bu'i mthus ni 'jigs byed cing / /rig sngags grub mthus stobs chen 'gyur/ /des ni mun par 'jigs byed cing / /rgya mtsho chen por 'jigs pa med/ /'dod pa dag la mchod par 'gyur/ /rig sngags mchog bsgrub skyabs kyi mchog /de yang rin chen spyod kun gyi/ /nang na tshugs par nus pa med/ /mu stegs rnams kyis kun rig bzhin/ /ji ltar dbang phyug 'dod la spyod/ /'dod pa lhag ma de bzhin du/ /rig pa'i rgyal po mchog bsgrub ste/ /'dod la mngon du spyod par 'gyur/ /ci ste dad cing gus pa dang / /lag na rdo rje cho ga shes/ de yang rdo rje 'dzin bzhin du/ /'jig rten gsum na 'jigs med rgyu/ /dbyig rnams dang ni dong tse dag /'phags pa la las bsgrub na yang / /gnyis ka des bsgrub 'jigs pa med/ /bde can dag dang ldan pa dang/ /nag mo chen dang ldan pa des/ /mngon du yid bzhin nor bu 'chang / /grong khyer rgyal po bzhin du 'thob/ /bya ba mang las brten pa dang / /rnam pa mang po sna tshogs pa/ /mang po 'di dag ci smos te/ /mdo tsam 'di ni mnyan par gyis/ /'dod pa yi no rdo rje ma/ /'di ni las kun bsgrub pa ste/ /blon mo rnams kyi dam pa'i mchog /las rnams kun la don yon pa/ /ci ste yid la 'dod pa yi/ /dngos grub bde mchog dgongs na yang / /bya ba'i don kun grub pa yi/ /'bod ba'i rdo rje ma nyid bsgrub/ /rtag tu rang dgar bde ba sbyin/ /rang dgar 'gro ba'i gzhi yang yin/ /rang 95-1-217b dgar rtse zhing spyod pa yang / /'chang ba la sogs rang dgar 'gyur/ /'di ni spro ba'i dad can la/ /nams kyang rgyab kyis phyogs mi 'gyur/ /bsgrub pa de yang 'joms mi byed/ /'bras bu med par mi 'gyur la/ /bgegs kyang byed par mi 'gyur ro/ /dkyil 'khor las ni nyams gyur dang / /dam tshig dang kyang spangs pa dang / /sangs rgyas rdo rje 'dzin mchog sogs/ /ma dad rnams la grub mi 'gyur/ /de phyir dkon mchog gsum po dang / /de bzhin rdo rje 'dzin pa dang / /rig sngags rang gi bla ma la/ /gus byas mchod cing bsgrub par bya/ /rtsa ba'i rig sngags stobs ldan pa/ /las rnams stog dag 'grub byed pa/ /gang yin de dag shes par gyis/ /kri ki ma la ka yi shing / /yam sreg shing ni brgya rtsa brgyad/ /gtsang ma'i phyogs su me sbar te/ / cho ga dang ni rgyas par bya/ /zhag bdun bar du dus gsum du/ /de bzhin bzlas brjod brgyad brgya bya/ /mar bcas 'o thug sbrang rtsir ldan/ /me mchog sbyin sreg byas na ni/ 'dis ni rgyal po'am yang na ni/ /'khor los sgyur ba'ang dbang gyur na/ /rgyal srid dag la phan pa yi/ /rgyal po'i 'khor lta ci zhing smos/ /lan tshwa las ni gzugs byas nas/ /rkang pas nas brtsams sbyin sreg bya/ /cho ga des ni bud med dang / /skyes pa dbang du 'gugs par 'gyur/ /bu mo yi ni gzugs byas nas/ /rkang pa nas brtsams sbyin sreg bya/ / cho ga des ni bud med rnams/ /dbang du bya ba bstan pa yin/ /lo ma'i sbrang ma'i dpung byas nas/ /yungs kar me tog bsregs pa yis/ /de bzhin zhag bdun dus gsum du/ /rab tu bsgrims te mchod par bya/ /de ni yungs kar me tog gis/ /zhag bdun bar du bsgrubs na ni/ /lan bdun bzlas pa 'grub 'gyur te/ /lo ma'i sbrang ma 'phro bar 'gyur/ /cho ga dag ni mchog dang ni/ /de bzhin man ta ka blangs nas/ /bzlas brjod brgyad brgya bzlas bya zhing / /thog mar legs par mchod byas nas/ /gang gi ming ni brjod pa de/ /skad cig gis ni dbang 95-1-218a du 'gyur/ /de bzhin cho ga byas nas ni/ /nan ta ka ni phyi nas blang / /a ga ru dang tsan+dan dang / /ma ru pa ka rlon pa blang / /dri la sogs pa de dag gis/ /khrus byas skye bo thams cad dgra/ /thog mar mchod pa la sogs pa/ /byed cing byed cing zhag bdun du/ / dus gsum brgyad brgya bzlas brjod bya/ /phyi nas mkhas pas khrus kyang bya/ /mar gyi ngo ni bcu bzhi la/ /bzlas brjod brgya rtsa brgyad byas na/ /rgyal pos de la mchod par bya/ /bong nga yi ni rtsa ba yang / /byang phyogs blta zhing brko bar bya/ /de nas de yi shun lpags ni/ /mar gyi ngo yi bcu bzhi la/ /phye mar byas nas bzlas brjod bya/ /de bzhin brgyad brgya bzlas nas ni/ /phur mar byas te bcang bar bya/ /bud med la ni des gtor na/ /de ma bag tu dbang du 'gyur/ /thams cad dbye bar bya ba ni/ /nim pa'i yal ga bsreg bya zhing / /'di dang 'di gnyis rtsod gyur cig /ces bya cho ga gsang ba yin/ /de las phyir gso dam pa ni/ /gsang sngags 'dis ni bkru bar bya/ /dri la sogs pas snying nas mchod/ /bzlas brjod brgyad brgya byas na ni/ /byad stems dgrol ba'i mchog yin te/ /ci dga' bar ni brtsam bya zhing / /zhag bdun bar du bsgrubs na ni/ / mi song 'jigs med 'bab par 'gyur/ /kar+Na pi lu li gcig dang / /ske tshe'i 'bru dang lan tshwa dang / /nim pa'i 'bru dang ras bal gyi/ /sa bon de dag sbyin sreg bya/ /'di nas gzhan du che ge mo/ /song shig bros shig med gyur cig /ces ni ming yang brjod byas na/ 'gro 'gyur 'di la the tshom med/ /de las slar ni gso ba dang / /bzhag par byas na lan bdun du/ /de la bsrung ba mchog byas na/ /gnas su dga' bar byed par 'gyur/ /pa ta la yi lo ma dang / /bil ba 'dzam bu a mra dang / /skyu ru ra la sogs pa yis/ /skal chung de ni khrus byas na/ /skal dang ldan par byed pa'i mchog /gos 'dod pa sha'i me tog rnams/ /sbyin sreg byas na gos rnams tob/ hir+Na ne mu li ki rnams/ /sbyin sreg byas na dbyig rnams 'phel/ /gser 'dod pas ni su bar+Na/ tshul bzhin sbyin sreg byas na 'thob/ /gser bsgrub pa yi nang na ni/ /cho ga 'di ni 95-1-218b mchog tu bshad/ /'dod pa'i rdo rje ma'i cho ga rdzogs so// //de nas rdo rje 'og pag can/ /gnod sbyin rnams kyi snying po ste/ /'phrog ma zhes kyang rab grags te/ /'bar ba de ni bshad par bya/ /dkon mchog gsum la phyag 'tshal lo/ /gnod sbyin sde'i bdag po lag na rdo rje gsum po la phyag 'tshal lo/ /gnod sbyin thams cad la phyag 'tshal lo/ /lngas rtse na la phyag 'tshal lo/ /gnod sbyin mo chen mo 'phrog ma rdo rje'i 'og pa gcan rigs thams cad dang ldan pa la phyag 'tshal lo/ /de nas gnod sbyin thams cad snying po brjod par bya yis/ khyed kun nga la nyon cig /mthong na don yod zhi ba dang / /gsum mchog blta na mi bzad dang / /'byung po thams cad rab zhi byed/ /lag na rdo rje stobs po che/ /nor gyi bdag po rnam thos bu/ /gnod sbyin kun gyi mnga' bdag rje/ /gnod sbyin gang dag ri la gnas/ /sa ti ri dang ri bo che/ /zho gdong dang ni gdog rgyas dang / /'dod pa'i don sbyin gnod sbyin gang / /mtshon cha 'thab cha sna tshogs can/ /stobs ldan rdzu 'phrul chen po dang / /rgyal dang rnam par rgyal ba dang / /pad+ma dkar dag dgra 'joms dang / /rgyan phreng rgyas dang rgyan phreg che/ /bdud rtsi snying rje snying rje grong / / gnod sbyin chen po lngas rtsen dang / /gnod sbyin na la ku be ra/ /nor bu'i sul can gnod sbyin gang / /nor bu bzang zhes grags pa dang / /rdzogs ldan dang ni rdzogs bzangs dang / /rab tu bzang dang bzang po nyid/ /bdag gi snying pos bkug pas na/ /de dag thams cad 'dir gshegs shig /ma smos gnod sbyin de dag dang / /bdag gi don grub de dag dang / /rtag tu dge dang phan byed dang / /gnod sbyin gdon ni skyed byed dang / /gnod sbyin mo ni 'phrog ma mo/ /bu mangs khyod ni 'dir shog shig /gzugs chen ldan zhing stobs che ba'i/ /bu de dag kyang 'dir shog shig / khyod ni rtag tu gnod sbyin dang / /bu yi 'khor dang lhan cig tu/ /lag na rdo rjes rab bskul bas/ /las rnams thams cad bsgrub par gyis/ /dgra yi phyogs dang mdza' bo'i phyogs/ /de bzhin rgyal po sa gang dang / /nags dang brag khrod rdzong rnams dang / /g.yul du rgyal bar bya ba dang / / 95-1-219a rgyas pa yi ni las rnams dang / /rtsod pa dang ni 'thab pa dang / /bsrung ba'i las dang dbang bsgrub dang / /bag ma dag ni len pa la/ /lag na rdo rjes bshad pa bzhin/ /rdo rje dbyug sogs lhan cig tu/ /dam pa 'chang ba'i 'og pag mas/ /don rnams thams cad myur te gyis/ s+yAd ya the dan/ a ma le/ bi ma le/ nir ma le/ maM ga l+ya sa hi te/ ha na ha na/ sa ra sa ra/ a sha ne be ga nA ma tiSh+Tha rA dzA dU ti/ de ba dU ti/ yaka \u0fb5dU ti/ badzra dU ti/ sarba gra ha nA sha ni sha truM pra marda ni badzra dU ti i daM/ kurbA hi badzre sA dA ya kA R+ya ma ma pa re shaM d+hu b+ha ga kAR+ya ma b+hi duSh+Ti ka du rmu khe du rmu kha me ma ma/ sha tra bo nA tha b+han+d+ha bi dza ye bi dza yo me b+ha ba tu/ a pa rA dzi te/ a pa rA dza yo me b+ha ba tu ba la ba la/ ban+to b+haM bA mi ma ti d+hi te man+to b+ha ba ni a ma le maM ga l+ye/ ma re hi taM bi ma l+ye/ na she ha taM maM ga l+ye/ /re hi taM bi ma l+ye/ na she hi taM dan+ta da karma dan+to hi da na la g+hu pA sha ni pra she hi taM/ sarba rA dzA dwA ra bi rA dzA ni a pa rI dza ti/ sarbA yak+Sha hr-i da ya brta ni/ a pa yA mi bA pi tsa nu sa ra sa ra sarba yak+Sha hr-i da yA ni a pi ba pi tsa so ni so ni/ sa ra sa ra/ sa ma ya ma nu sma ra/ a yA na/ ya na saM tsa la ni/ sarba yak+Sha hr-i da yA ni/ ha na ha na/ da ha da ha/ pa tsa pa tsa/ b+hany+tsa b+hany+tsa/ b+ha na b+ha na/ mu ru mu ru/ tu ru tu ru/ b+ha ba b+ha ba/ rak+Sha rak+Sha mAM karma dU ti ma ma karma/ pra b+hi sha/ sarba ar+tha sA d+ha ni/ sarba ar+tha sA d+ha ma me sA d+ha ya/ i dany+tsa me/ kAR+yaM ku ru ku ru swA hA/ rig sngags rdo rje 'og pag can/ /gnod sbyin kun gyi snying po ste/ /'phrog ma zhes kyang rab grags pa/ /shes ldan de ni bshad pa yin/ /dkyil 'khor gyi ni las mthong dang / /dkyil 'khor bsgrub ba byas pa yis/ /dkyil 'khor cho ga de bzhin du/ /las kyi dkyil 'khor mchog mchod nas/ /nyin zhag gcig tu smyung bar bya/ /yang na zhag gsum smyung byas la/ / gtsang mas gtsang ma'i sa phyogs su/ /gnod sbyin dkyil 'khor rab gsal bri/ /yang na zhag gi go gnyis las/ /gang 'dod pa yi mtshan ma ni/ /gru bzhi lham pa sgo bzhir ldan/ /khru bcu pa la dbyibs legs pa/ /sangs rgyas dbu gsum shar phyogs gzigs/ / 95-1-219b yang na chos kyi dkyil 'khor bri/ /de yi g.yon phyogs rig sngags kyi/ /stobs 'chang lag na rdo rje bri/ /sangs rgyas kyi ni g.yas logs su/ /nor gyi dbang phyug gnod sbyin bcas/ /de dag mdun du 'phrog ma ni/ /'og pag rig sngags sna tshogs mchog /de yi rig sngags tshogs kun ni/ /g.yas phyogs ngos su gnas par bya/ /rgyal po chen po yul 'khor srung / /dri za mchog gi dpung gis bskor/ /shar phyogs sgor ni rab gnas shing / /nub phyogs su ni blta bar bya/ /rgyal po chen po 'phags skyes so/ /grul bu mchog gi dpung gis bskor/ /lho phyogs sgo yi nang na gnas/ /lho phyogs nas ni byang du lta/ /rgyal po chen po mig mi bzang / /klu dang dang ni nam mkha' lding / /mchog rnams kyi ni mdun du 'dug /nub phyogs nas ni shar du lta/ /rgyal po chen po ku ber/ /gnod sbyin mchog gi dpung gis bskor/ /byang phyogs kyi ni sgo na gnas/ /lho phyogs phyogs su blta bar bya/ /kho ra khor yug thams cad nas/ /gdon rnams brgyad brgyas bskor bar bya/ /me rnams kyang ni shin tu dgod/ /bshos rnams kun tu dgram par bya/ /de nas gnod sbyin gtor ma yang / /sha bcas dkyil 'khor nang du dgram/ /mar me la sogs dri rnams dang / /me tog 'bras bu kun gyis bskor/ /de ltar byas na rig sngags che/ /rgyal mo yi ni dam pa 'di/ /bzlas brjod byed na bshos rnams dang / /bdug pa dri la sogs pa dbul/ /bzlas brjod bsnyen pa grangs med par/ /bzlas brjod bya zhing kun nas mchod/ /bdug pa thams cad nang du bsreg /bzlas brjod brgyad brgya bkra shis pa/ /mkhas pas sngon du byas na ni/ /de nyid bsrung ba'i mchog yin no/ /de nyid rab tu bsgrub pa yin/ /phyogs bcing ba yang de nyid de/ /de nas 'di yi bzlas brjod rnams/ /brgya rtsa brgyad ni bzlas pa na/ /bsgrub pa'i 'phrog ma 'gul ba dang / /sa gzhi dang kyang g.yo bar 'gyur/ /gnod sbyin rnam pa sna tshogs dag /kun nas der ni snang bar 'gyur/ /g.yo zhing sgra 'byin lta bar byed/ /rab tu 'du zhing 'bungs 95-1-220a pa dang / /'jigs pa'i gzugs rnams mtheng 'gyur zhing / /gzugs so cog ni du mar ston/ /de ni de yis 'jigs mi bya/ /sangs rgyas kyi ni drung dag tu/ /rig sngags tshogs ni bzlas brjod bya/ /rig sngags rgyal po rab 'bar ba/ /rdo rje 'og pag rnams bsgrub pa/ /de tshe bdag nyid 'og bar 'gyur/ /de mthong de ni sde dang bcas/ /mkha' la rgyu ba'i mchog tu 'gyur/ /gzhon nu la sogs gnod sbyin gyi/ /tshogs mchog kun gyis de la mchod/ /gnod sbyin bzhin du'ang rgyu ba dang / /ji bzhin stobs dang ldan par rgyu/ /de srid du ni mkha' la 'gro/ /yang na tshe dpag med par gnas/ /dkyil 'khor mngon par mchod nas ni/ /rnam pa kun gyis rig sngags bzlas/ /ma grub na yang gdon la sogs/ /las rnams thams byed par nus/ /yid dang tshig gis bzlas byas nas/ /don rnams rnam pa sna tshogs pa/ /thams cad kyang ni bsgrub par nus/ /rtag tu bzlas brjod sbyin sreg dang / /mchod pa kun dang mnyam gzhag dang / /rtag tu mchod pa dga' ba yis/ /don rnams thams cad bsgrub par bya/ /rdo rje 'og pag can gyi cho ga rdzogs so// //de nas sngags 'chang gyis mchod/ /lag na rdo rje'i sras gtum pa/ /rdo rje'i sde ni stobs po che/ /mthong na don yod zhi ba po/ /gtum po rdo rje 'dzin dga' ba/ /'bar ba chen po mchod sbyin mchog /'bar ba chen po mchod sbyin mchog /don kun grub byed bshad par bya/ /na mo rat+na tra ya s+ya/ na mo ma hA satwa s+ya/ satwa satwa s+ya/ a ti ba la s+ya/ a pra me ya ba la s+ya/ badzra se nA ya s+ya/ badzra kA ma da s+ya/ tu ru tu ru/ badzra se nA ya swA hA/ ku ru ku ru ma hA se nA ya swA hA/ hu ru hu ru/ sarba satwa/ pU dzi tA ya swA hA/ su ru su ru/ sa twa kA ma tA ya swA hA/ mu ru mu ru ma hA pu ru ShA ya swA hA/ ma hA se nA pa ta ye/ sarba karma dA ya swA hA/ sarba dza ya dza ya dA ya swA hA/ sarba sid+d+hi sid+d+hi dA ya swA hA/ sarba dA na dA ni n+ya pra dA ya swA hA/ badzra se nA ya swA hA/ a pra me ya ku nA ya swA hA/ sarba ba ti sa twa pU dzi tA ya swA hA/ pra ti gr-ih+Na mAM rak+Sha mAM sarba kA ma da/ sarba 95-1-220b kA ma ma me pU rA ya swA hA/ /'di yi cho ga bshad par bya/ /ngas bshad de ni mnyan par gyis/ /cho ga bzhin du rdo rje sde/ /ri mo'i gzugs ni brgya byas nas/ /bdug pa'i mchod pas mchod bya zhing / /bsgrims te rtag tu bzlas brjod bya/ /sku gdung ldan pa'i mchod rten nam/ / gang na sku gdung yod pa der/ /ci nus kyis ni rab bsgrims te/ /sngar ni bsnyen pa 'di dag bya/ /de nas zla phyed yang na gcig /yang na zhag ni bdun yang rung / /dus gsum khrus byas dkar gsum bza'/ /mnyam gzhag rtag tu bzlas brjod bya/ /gso sbyong yan lag brgyad ldan pas/ /nas kyi kha zas dus gsum bza'/ /shin tu mnyam gzhag dus gsum du/ /brgya rtsa brgyad ni bzlas brjod bya/ /der ni mar gyi mar me gnyis/ /ma shi bar ni gzhag par bya/ /phyi nang gzhag pa'i smyung ba bya/ /zla ba nya la rab bsgrims te/ /bza' dang btung ba mang po yis/ /lha bshos mnyam par gzhag pas dbul/ /cho ga dam pas bsrung bya zhing / /cho ga brten pa nges byas nas/ /rdo rje'i sde ni stobs po che/ /lan grangs brgya stong bzlas brjod bya/ /de nas stobs chen rdo rje sde/ /de la yang ni 'grub 'gyur te/ /yid la ci dang ci 'dod pa'i/ /don rnams thams cad byed par 'gyur/ /nad kun yang ni sel byed cing / /'dod pa thams cad sbyin par byed/ /yungs kar nas dang lan tshwa dang / /shu ti dang ni nye'u shing dang / /pri yang+ku dang shu dag rnams/ /mnyam par gzhag pas zhag bdun du/ /seng ldeng mdag ma dud med la/ /de yi ming smos sbyin sreg bya/ /zhag bdun bar du lan cig ni/ /dus gsum du ni brgya rtsa brgyad/ /sbyin sreg rab tu legs byas na/ /skal chung gis kyang 'grub par 'gyur/ /tshul 'dis sbyin sreg byas na ni/ /sems can kun kyang 'khrugs par 'gyur/ / don gang yid la bzhag nas ni/ /stobs chen 'di ni bsgrub byas nas/ /de yi las de byed 'gyur te/ /'di la dpyad bar bya ba med/ /cho ga gzhan yang rtag tu yid la lan gsum bzlas brjod byas te/ bsrung ba yang lan gsum bzlas brjod byas nas/ gang 'dod pa 95-1-221a de bslangs na thob par 'gyur ro/ /'dod pa thams cad brjod pas 'grub par 'gyur te/ 'di ni de'i rtsa ba'i bsgrub pa yin no/ /zhag gsum smyung bar byas te/ /yar gyi ngo tshes bcu gsum la mchod rten gyi drung du ba ser mo'i lci ba las gnod sbyin gyi gzugs byas la/ sna ma'i me tog gi phreng ba phyogs bzhir spyan drangs nas/ gnod sbyin gyi gtor ma dang / tsan+dan dkar po dang / ka ra bIr dmar po dang / rnam pa sna tshogs gzhan dag gis kyang sku gzugs mchod par byas la/ gu gul dang / a ga ru dang / du ru ska'i bdug pa bsregs shing / mar me dang / dri dang me tog gi phreng bas mchod pa rgyas par byas nas/ dus gsum du lan brgya rtsa brgyad bzlas brjod byas la/ yar gyi ngo tshes gcig la brtsams te tshes brgyad dang / bcu bzhi'am/ nya'i bar du dus gsum du grangs med par bzlas brjod byas na don grub par byed do/ /rdo rje sde'i snying po rdzogs so// //na mo bud+d+he b+h+yaH/ ma hA pu tsu sha /ka b+he b+h+yaH/ na maHsarba lo ka pa b+ha biSh+Nu be/ I shwa rA a ma sta yak+Sha se nA pa ta ye pra bar dA ya/ ma hA sa twA ya a na ni ni dA nA ya ma hA dak+Shi NI yA ya sarba/ bo d+hi sa twA nAM/ pra ba ra NAM pra ba ra/ yi mi tre bar+d+ha ya ba ri sh+hA ya/ sarba sa twA na ma skr-i ta/ pU dzi tA ya ma hA yak+Sha se nA pa ta ye/ badzra se nA ya ba ru/ be ru bu ru bu ru/ mu ru mu ru/ tsu ru tsu ru/ du ru du ru/ hu ru hu ru/ hu ru hu ru/ badzra se nA ya swA hA/ ma hA se nA ya swA hA/ sarba kA ma dA ya swA hA/ sarba su kha dA ya swA hA/ sarba ar+tha sA d+ha nA ya swA hA/ sarba karma kA ma ba ra/ ba ra dA ya swA hA/ na mo badzra se nA ya stu se nA ya/ ma hA se nA ya/ sarba kA ma dA ya/ sarba su kha dA ya/ sarba ar+tha sA d+ha nA ya swA hA/ saM b+ho shat+ti dr-i nA b+ha ya ti ye swA hA/ br-i go sha shuM ne gar de/ ba dA ya swA hA/ rA dz+nyA mA kar+Sha na maH e kar+Sha NA ya swA hA/ pra t-i gr-ih+Na nA ma ma rak+Sha/ na maHsarba karma da ba ra da/ sarba kA ma ma me pU rA ya/ da ha da ha/ pa tsa pa tsa i daM me kAR+yaM sA d+ha ya swA hA/ sa phyogs gtsang ma'am/ bdag gi khyim du rus mnyams pa la tshon rtsi sbyin med pas rdo rje sde bri bar 95-1-221b bya ste/ gzhon nu'i gzugs 'chang ba gser gyi mdog can rgyan phreng dang / do shal dang / dpung rgyan dang / cod pan dang / rgyan sna tshogs kyis brgyan pa pad+ma rtsa ba dmar po'i steng na 'dug ste/ lag pa g.yon pa na pad+ma bsgreng ste 'dzin/ lag pa g.yas pa dbugs 'byin pa'i tshul du 'dug pa bri/ de'i steng du 'du byed thams cad ni mi rtag pa'o/ /'du byed thams cad ni sdug bsngal ba'o/ /chos thams cad ni bdag med pa'o/ /mya ngan las 'das pa ni zhi ba'o zhes rtogs pa brjod pa rnams bri bar bya'o/ /de nas yar gyi ngo tshes gcig la brtsam zhing bsgrub par bya ste/ des de'i drung du dri thams cad kyis dkyil 'khor byugs la me tog dri zhim po dang / bdug pas mchod nas bstod pa dbul bar bya'o/ mar gyi mar me gnyis kyang dbul bar bya ste/ gcig ni sangs rgyas la/ gcig ni gzhon nu la dbul lo/ /dus gsum du sbyin sreg sum cu rtsa gnyis gnyis bya zhing 'o ma dang / bu ram sbyar ba dang / zho dang bu ram sbyar ba dbul bar bya'o/ /til zan dang 'byung po'i zas kyi gtor ma yang sbyin no/ /zas su 'o ma'am phye'i 'de gu'am/ 'o ma rjen pa'i 'de gu za zhing / nas dang / yungs kar dang / shu ti dang / nye'u shing dang / shu dag dang / pri yang+ku dang / lan tshwa dang / til rnams cha bsnyams te btags pa'i phye mas sbyin sreg byas na zhag bdun pa'i nyin par bsod nams chung ngu la yang lung nges par ston par byed do/ /phyi de nyin par yang kha zas mi bza' zhing grangs nges pa med par bzlas brjod bya'o/ /bzlas brjod byas pas thams cad bsrung ba la sogs pa byed do/ /cho ga gzhan yang mar gyi ngo zhag bcu bzhi la kha zas mi bza' bar byang chub kyi shing drung du ba rog mo'i lci ba sa la ma lhung bas rdo rje'i gzugs byas te kha nub phyogs su bltas nas 'byung po'i gtor ma byas la/ me tog dri zhim po phul te/ mar gyi mar me gnyis kyang mtshan mo sbar la/ shar phyogs su kha bltas te 'dug nas/ thog mar shu ti dang / nye'u shing dang / yungs kar dang / nas rnams mar dang sbyar ba'i sbyin sreg lan gsum bya'o/ /de nas gu gul dang / bil ba dang / 95-1-222a a ga ru'i bdug pa rnams kyi sbyin sreg lan gsum bya'o/ /de nas lan sum cu rtsa gnyis byas te/ dngos grub kyi mtshan ma ma byung gi bar du ka ra bI ra dmar po'i me tog la lan re bzlas brjod byas pas mtshan rangs par snying gar bsnun na nges par 'grub par 'gyur ro/ /de nas mi'i gtso bo'am mi chen po dbang du bya bar 'dod na nyin gcig bzhin du lan tshwa las de'i gzugs byas/ rkang pa g.yas pa nas brtsams la sbyin sreg lan sum cu rtsa gnyis byas te thog mar shu ti dang du ru ska mar dang sbyar bas lan gsum sbyin sreg bya'o/ / de nas gu gul mar dang sbyar ba'i bdug pas lan gsum bya'o/ /de'i 'og tu sbyin sreg lan sum cu rtsa gnyis byas na zhag bdun gyi dbang du 'gyur ro/ /rdo rje sde ni blo ldan gyi/ /gsang sngags gnyis pa 'di dag ni/ /snga ma bzhin du bsdam byas na/ /las rnams thams cad byed par 'gyur/ /de skad sngar bshad sman rnams kyis/ /sbyin sreg sum cu rtsa gnyis bya/ /zla ba gcig tsam byas na ni/ /'dod pa thams cad thob par 'gyur/ /dri dang me tog la sogs pas/ /lha dang lha min klu rnams dang / /sems can kun kyang dbang du 'gyur/ /zhag bdun bar du dus gsum du/ /sbyin sreg brgya rtsa brgyad byas shing / /bzlas brjod brtson par byas na ni/ /rgyal po'i yid du 'ong ba dang / /'jigs pa kun las bsrungs pa dang / /skal ldan nor rnams 'phel bar byed/ /de bzhin me tog 'bras bu dang / /dri dang bdug pa la sogs dang / /zas dang skom la sogs pa rnams/ /bsngags nas gang dag byin pa yi/ /sems can thams cad dbang du 'gyur/ /sngar bshad sman rnams bzlas brjod byas/ /sems can gang la phye mas gtor/ /yang na gang la zas skom byin/ /de ni dbang du khugs par 'gyur/ /yungs kar nas dang lan tshwa dang / /shu ti dang ni nye'u shing dang / /pri yang+ku dang shu dag rnams/ /cha ni mnyam par byas nas kyang / /seng ldeng ma dag ma dud med la/ /de dag gis ni sbyin sreg bya/ /zhag bdun yang na zla ba phyed/ / 95-1-222b dus gsum khrus byed nges par gnas/ /dus gsum brgya rtsa brgyad byas na/ sems can tams cad dbang du 'gyur/ /yang na zla ba gcig tsam gyis/ /don rnams thams cad 'grub par 'gyur/ /cho ga 'di dag nyid kyis ni/ /lha klu de bzhin gnod sbyin dang/ /dri za mi dang mi 'am ci/ /mnyam par gzhag pas dbang du 'gyur/ /snga ma bzhin du 'di bsgrubs na/ /snga ma bzhin du 'dod kun sbyin/ /'di ni bsgrub par ma gyur kyang / /las rnams thams cad byed 'gyur te/ /rnam pa gang dang gang dag gis/ / gang gi las ni gang gang sgrub/ /rnam pa de dang de dag gis/ /de yi las de byed par 'gyur/ /rdo rje sde yi chad pa 'di/ /don yod gzhan gyis mi thub la/ /las rnams thams cad byed pa dang / /'dod pa thams cad sbyin pa yin/ /bum pa zhabs med mi gnag pa/ /dri dang sman rnams thams cad ldan/ /rin chen kun dang ldan pa dang / /sa bon kun gyis mchod byas shing / /go tsa da nas dkris pa'am/ /de yi gzhi la bzhag nas ni/ /lan grangs brgyad stong bzlas brjod bya/ /bsdams shing legs par gnas byas nas/ /rdo rje sde la rab bsgrims te/ /dri la sogs pas legs mchod nas/ /zla ba nya la mnyam gzhag pas/ /bum pa des ni khrus kyang bya/ /bum pa de yis khrus byas nas/ /mtshungs pa med par skal ldan 'gyur/ /de yi don rnams thams cad 'grub/ /rgyas shing dpal yang skye bar 'gyur/ /lig bu mig dang tsan+dan dang / /ba bla dang ni ldong ros dang / /nA ga puSh+pa pa tra dang / /de bzhin bo la brgyad pa ste/ /'di dag cha ni mnyam byas la/ /phye ma zhib mor btag par bya/ /rgyal gyi dus la bab pa'i tshe/ /mchod rten drung du bsgrub par bya/ /dri bsung nga po dbul bya zhing / /lan grangs brgya stong bzlas brjod bya/ /de dag gis ni lus bskus nas/ /don rnams thams cad 'grub par 'gyur/ /dkon mchog gsum la dang ba dang / /gus par byed pa de dag ni/ /don rnams thams cad byed par nus/ /'di la dpyad par bya ba med/ / 95-1-223a 'phags pa rdo rje sde'i cho ga rdzogs so// //na mo rat+na tra ya s+ya/ na mash+tsaN+Da badzra pA Ni s+ya/ ma hA yak+Sha se nA pa ti s+ya/ ha re ha re/ gats+tsha ha ra pA Ni/ shIg+h+raM b+ha ba na ba si ni dU ti kA la kalbe/ a mu kan tsaN+Da/ kI li su ra li/ ni ri ni ri/ ba she ma ma/ ku swa ba shAn+ti/ suM b+ha ri suM b+ha ri/ pa ru Na pA she na ban+d+ha/ la hur A na ya ti ro ti si/ ru ru tsan+de tsAk+Shi Ni badzra ha Ne/ hi hi hi hi/ hi he hi/ ya hi ba d+he hi la/ hU~M ba na yA hi/ da me d+hi/ da ma bi ni/ de hi ho/ badzra rA dz+nyA pa ya ti/ tsaN+DI tsaN+DI/ tsaN+Di gaN+Di/ g+hu ru g+hu ru/ ki ri ki ri/ ha ha ka re Na/ aM gi Ri Ni/ a sho ba da ni/ sma ra ba raM go ni pa ta ni/ tsaN+DI badzra pA Ni hr-i da ya/ mA brta Ni/ ma ye ma ye/ ma hA ma ye/ ma hA ma yAM ku shi/ kau shi ka /bid badzra rA dz+nyA pa ya ti swA hA/ blon mo gtum mor grags pa ste/ /gzhal med khang na gnas par grags/ /dkyil 'khor cho ga mthong ba yis/ /don kun rab tu sgrub byed pa/ /'di yi las rnams mi bzad pa/ /mang zhing rnam pa sna tshogs yod/ /de las gces pa bsdus pa yi/ /mdor bstan pa ni bshad par bya/ /nor 'dod pas ni bsdams byas nas/ /rdza mkhan 'jim pa'i bur ma blangs/ /che ge mo ni 'di yin zhes/ /de nas de yi gzugs brnyan bya/ /gtsang mas bzlas brjod byed bzhin du/ /bram mang ku ru blangs nas ni/ /de yi lte bar gzhag par bya/ /de yang snod kyi nang du gzhug /rig sngags mchod pa la sogs bya/ /de yang lan stong rtsa brgyad du/ /sbyin sreg byas nas zin pa'i mjug /de nyid phyi rol bor nas ni/ /rang gi gnas su 'gro bar bya/ /gang gi ming gis sbyin sreg bya/ /des ni nor kun sbyin par byed/ /sbyin byed de yi mdun dag tu/ /sngar ni dran byas de bzhin byed/ /me tog brgyad brgya bzlas brjod byas/ /lha chen mtshan gyi steng du gzhag /kha zas 'dod pas kha zas dag /gang 'dod de ma thag tu 'thob/ /grong khyer nang du 'gro 'dod pas/ /bzlas brjod byas pa'i rdul dag gis/ /sgo yi them par bsnun byas na/ /grong khyer bsgrub pa 'grub 'gyur zhing / /der ni 'jig rten thams cad kyi/ /yid du 'ong bar der 'gyur ro/ /rtsod pa dang ni 'thab 95-1-223b pa la/ /shags lan yang ni thebs par 'gyur/ /bud med yang ni skyes pa gang / /dbang du bya bar 'dod na ni/ /rig sngags blon mo gtum mo ni/ /zhag gcig smyung byas bzlas brjod bya/ /be kang+ka ta'i yam sreg shing / /bzang po stong phrag brgya rnams kyang / /zhag bdun bar du dus gsum du/ /rgyun mi 'chad par sbyin sreg bya/ /dbang du bya 'dod gang yin pa/ /de dag dang yang phrad par bya/ /lan cig zhag ni bdun gsum bya/ /skal chung la yang 'grub 'gyur te/ /gnod sbyin mi 'am ci mo'am/ /dri za mo yang dbang 'gyur na/ /gzhan dag lta ci zhig smos te/ / de yi cho ga bshad par bya/ /cho ga snga ma de nyid kyis/ /ming bcas me tog sbyin sreg bya/ /de bzhin be kang+ka ta'i shing / /brgya stong yang ni sbyin sreg byas/ /ci ste gzhal med khang mchog gam/ /ci ste ri bo man dA ra'i/ /steng na rig sngags rig sngags rgyal/ /byas nas nges par dbang du 'gyur/ /arga yi ni yam sreg shing / /gzhig par bya ba'i dam pa yin/ /snu ha dang ni dri ldan kun/ /yam sreg shing rnams sngar bshad par/ /gzugs kyi drung du 'dug nas ni/ /de bzhin rgyun du sbyin sreg bya/ /gi'u wang gis ni lus byugs na/ /lha rnams kyang ni dbang du 'gyur/ /de bzhin gzugs kyi drung 'dug cing / /sbyin sreg rgyun du byas na ni/ /lig bu mig ni dam pa yis/ /mig tu bskus na dga' bar 'gyur/ /gyad rnams brdab pa'i mchog yin te/ /bzlas brjod byas nas brgal na ni/ /gnam lcags brag la bab pa bzhin/ /des ni gyad zla bcom par 'gyur/ /gzugs brnyan red par gdags pa'am/ /skud pa sngon po bzlas brjod byas/ /de bzhin tshon skud btags na ni/ /de yang rgyal byed srung byed mchog /las rnams rnam pa sna tshogs pa/ /ci yang rung ba gang dag dang / /de dag kun ni thams cad la/ /rnam pa thams cad byed par 'gyur/ /gtum po gzhal med khang gnas pa/ /'di ni thams cad 'ching byed dang / /bcings pa thams cad grol byed cing / /las kun byed de 'grub pa yin/ /gsang sngags 95-1-224a 'di ni de yi grogs/ /lag na rdo rje'i grogs mchog yin/ /gdon dang gdon 'grol la sogs pa/ /las rnams kun la mchod pa yin/ /sgrub pa'i thabs dang cho ga ni gser dang dngul dang / zangs sna gsum las mdung rtse gsum pa byas la/ de'i dbus su rdo rje'i dbyibs byas nas/ sku gdung dang ldan pa'i mchod rten gyi drung ngam/ khang pa'i nang du ri mo'i gzugs nub phyogs su kha bstan pa'i mdun du/ ba lang gi lci ba sa la ma lhung bas dkyil 'khor skyong nul du byugs te/ de'i steng du spos kyi skyong nul byas nas de'i dngos su yungs kar las mdung rtse gsum byas la/ de'i steng du bzhag ste/ dus gsum du khrus byed cing dus gsum du mchod pa rgyas pa byas nas lan brgyad brgya bzlas brjod byas la/ de nyid du rtswa dUr ba'i stan gyi steng du nyal bar bya'o/ /yar gyi ngo tshes brgyad dam bcu bzhi la/ zhag gcig gso sbyong gi yan lag brgyad dang ldan pas rang bzhin gyi tshul gyis ma 'ongs pa'i bar du bzlas brjod byas na/ las thams cad byed par 'gyur te/ yid ldan ma ka ta ya na zhes bya ba'i las rnams kyang grub par 'gyur ro/ /rdza mkhan gyi 'jim pa'i bur mas gzugs byas te/ snod du bcug la be kang+ka ta'i yam sreg shing brgyad stong gis rgyun ma chad par sbyin sreg byas nas/ de'i 'og tu yungs kar mar dang sbrang rtsi dang sbyar bas rgyun ma chad par sbyin sreg byas na/ gang gi ming nas smos te sbyin sreg byas pa de dbang du 'gyur te phrad par yang bya'o/ /bya ba zin nas gzugs brnyan yang phyi rol du dor bar bya'o/ /kha zas 'dod pas me tog brgyad brgya la bzlas brjod byas te lha chen po'i steng du phul na kha zas ji lta bu 'dod pa thob par 'gyur ro/ /rdul la bsngags te sgo'i them pa la bsnun na grong khyer 'grub par 'gyur ro/ /'thab pa dang 'khrug pa dang / rtsod pa thams cad la shags lan thebs par 'gyur ro/ /nang par langs te/ chu'i nang du lte ba tsam zhugs la lan brgyad stong bzlas brjod byas te mi'i gtso bo'am mi chen 95-1-224b po dbang du 'gyur ro/ /gzugs byas pa'i nang du rdo rje'i rig sngags bcug la de'i steng du be kang+ka ta'i bud shing gis me sbar te ske tshe dang / /yungs kar dang / /lan tshwas sbyin sreg byas na zhag bdun gyis dbang du 'gyur ro/ /gsang sngags 'di ni de yi grogs/ /lag na rdo rje'i grogs mchog yin/ /gdon dang gdon las dgrol la sogs/ /kun la de ni mchod pa yin/ /gzhal med khang gnas kyi cho ga rdzogs so// //na mo rat+na tra ya s+ya/ na maHsa man+tA nAM/ saM myak+saM bud d+hA nAM/ na maHa pra ti ha ta ta ba la pa rA kra ma yo ga gra te dzA se ti Ta sa ma ya sa twA ya sarba lo ka su dzi hwA ya ma he shwa ra su khA ya/ ma hA yak+Sha se nA pa ta ye badzra pA Na ye/ na mo dr-i D+ha badzra s+ya/ na ma s+thi ra badzre d+ha ra s+ya/ sarba bo d+hi sa twA ye/ b+hU ta ga Na da ma ka s+ya/ ma hA yak+Sha se nA pa ta ye/ badzra pA Ni ma hAR+Sha yA mi/ dA ma yA mi/ dA ma yA mi/ mo ha yA mi/ be+e sha yA mi/ twAM ma hA yak+Sha se nA pa ti da n+ya su badzra pA Na ye/ yo hi me ya ha hi sa be to b+ha ga ba to bud+d+he na ta thA pra ti sa t+ya/ i daM na tsa te su badzra badzra mur+Ni swe le y+ya yA ti mA kI la ye yA mi/ tad+ya thA/ da ma da ma/ da ha da ha/ g+hur+Na g+hur+Na/ tar+Na shar+m+ma shar+m+ma/ b+har+b+ba nar+b+ba shra ma saT+Ta naT+Ta/ nar+b+ba bar+b+ba dzar+b+ba mar+b+ba rar+b+ba A ra li/ ma dA li/ khi rI khI na/ ha na ha na/ da ma da ma/ sam+mo hA ya a mu kam+me ba sha mA ya swA hA/ /gsang sngags mchog 'di gtum pa ste/ /lag na rdo rje'i grogs su bshad/ / dbyug 'dra stobs dang ldan pa ste/ /gdon la sogs pa 'dul ba'i mchog /de ni dbang chen dga' ba ste/ /rdo rje 'dzin gyi grogs po yin/ /las kun yang ni byed pa ste/ /rdo rje dbyug pa rab dbyug bzhin/ /de nas lag na rdo rje yi/ /pho nya mas ni blo gros bzang / tshogs bcu 'bar ba'i rig sngags kyi/ /tshogs kun gyis mchod bshad par bya/ /na mo rat+na tra ya s+ya/ na mash+tsa N+Da badzra pA Ni s+ya/ ma hA yak+Sha se nA pa ti s+ya/ ma ti badzra badzri Ni/ sma ra sa ma ya na/ ti li ti li/ ki li ki li/ /ban+d+ha ban+d+ha/ ka la ka la/ ba la ba la/ 95-1-225a ra la ra la/ badzri Ni ha na ha na/ da ha da ha/ pa tsa pa tsa/ gr-ih+Na gr-ih+Na/ dU ti daM ku ru hu ru ru/ sid+d+ha tsaN+Da badzra pA Ni/ RA dz+nyA pa ya ti swA hA/ pho nya mo ni bcu po las/ /las kun byed pa dang po 'di/ /blo gros rdo rje grags pa ste/ /rig sngags chen mo stobs chen yin/ / na mo ma ti haM b+ho badzra pA Ni pa ri brta ga na ta na ta kA la hU~M/ khu ru khu ru/ hi ri hi ri/ hu ru hu ru/ si li si li/ pi ri pi ri/ ku ru ku ru/ ki ri ki ri/ badzri Ni badzri Ni/ A bi sha yo d+ya te na rU paM daR+sha ya bi krAn+ta gan+d+ha ta/ ar+Na la li ti ni la li ti ni/ gan+d+ha shab+de na de ba/ /gra ha yak+Sha/ b+hU ta sha ku ni/ skan+b+ha/ a pa smA ra/ kU Ta bU ta na/ pi shA tsa rAk+Sha sa/ A be sha na/ sma ra sa ma ya/ ka ta ka ta/ ma ta ma ta/ tu ru tu ru/ ti ti ti ti/ dz+hi dz+hi dz+hi dz+hi/ li li li li/ hu la hu la/ hi li hi li/ hu ru hu ru/ thA thA thA thA/ thi thi thi thi/ pa ta pa ta/ hi ni hi ni/ nI la ma hA nI la/ badzra ri ri ri ri ra ra ra ri ri/ kum+b+hAN+Da/ a pa smra ra A be sha na/ pu ru pu ru/ da ra da ra/ ka ra ka ra/ sarba gra ha nA ma ba ha ya a smiM sha rI re/ u mu ka s+ya gri hi he/ gri hi he b+ha sat+ye/ sat+ye/ ba ra ba ra/ tsu ru tsu ru/ tsi ri ri ri/ e hi e hi/ badzra pA Ni/ pi ni pi ni/ si ri si ri/ ku ru ku ru/ mu ru mu ru/ su ru su ru/ dU ti daM/ ku ru hu ru ru/ sid+d+ha k+Sha Na nA da badzra pA Ni rAdz+nyA pa ya ti swA hA/ pho nya ma ni bcu po las/ /las kun byed pa gnyis pa 'di/ /rdo rje dril bur grags pa ste/ /rig sngags chen mo stobs chen yin/ /na mo ma tu hu Tu hu Tu/ mud+d+ha na ka mud+d+ha na ka la la la la/ la li ta la li ta/ hi ni hi ni/ hi ni/ kA li kA li/ ma hA kA li/ ma hA kA li/ ma hA ke shi ma hA kro d+he/ uk+k+ro sha baM nI pa ta ba/ gats+tsha b+ha/ a shu tan+ti shat+ta/ ho sid+d+ha ma na ya sh+ya/ ni badzra tuM d+ha sra tso ti/ ta na su ru su ru/ mu ru mu ru/ bi ri bi ri/ ki ri ki ri ki ki ri/ badzrI Ni/ badzrAM ku shi badzre Na/hi ni hi ni/ A kaD+D+h+ya A kaD+D+h+ya/ ni sum+b+ha ni sum+b+ha/ ha ra ha ra/ hA sa ya hA sa ya/ pA ta ya pA ta ya/ re u tre ma hA re u tre/ shI g+h+raM A gats+tsha/ dU ti daM ku ru 95-1-225b ku ru hu ru hu ru/ sid+d+ha sh+tsaN+Da badzra pA Ni rA dz+nyA pa ya ti swA hA/ pho nya ma ni bcu po las/ /las kun byed pa gsum pa 'di/ /rdo rje nag mor grags pa ste/ /rig sngags chen mo stobs chen yin/ /na mo ma ti s+thi ra badzra/ e hi su ti s+thi ra badzra/ e hi ma hA badzra/ e hi a pra ti ha ta badzra/ e hi a mo g+ha badzra/ e hi e hi a ti/ shI g+h+raM ma ni/ la ba la/ be sa sa ma/ badzra badzra pA Ni ma hA yak+Sha se nA pa ti d+hu ru d+hu ru/ d+ha ra d+ha ra/ ti ri ti ri/ hi d+hi hi d+hi/ da hi la hu na/ d+hu d+hu d+hu d+hu/ Nu d+hu Nu d+hu/ si Ni si Ni/ ba b+ha hi ba b+ha hi/ tu ri taM badzra bA Ni badzra Na/ ki ni ki ni/ ku ru ku ru/ shI g+h+raM A gats+tsha rak+Sha mAM rak+Sha mAM/ sa mu tsa sa mu tsa/ b+ha gA gra te/ dza siM ha te/ dza so+o mya ma ma da ri sha nang+kha ro hi/ bi ka ro hi/ bi ka ro hi/ tha ra Ni ot+tha ra Ne/ u pa ti ya sha sarba ho mi ho mi/ hi hi hi hi/ badzra pA Ni ma te+e a dzi te/ a ba rA dzi te/ ut+ta ri ut+ta ri/ sarba b+ha bud+d+he shwa ri/ hu hu ke ra li/ ke ra Ni/ shu Ne hi su Ne hi/ dU ti daM ku ru hu ru ru/ sid+d+ha sh+tsaN+Da badzra pA Ni rAdz+nyA pa ya ti swA hA/ pho nya mo ni bcu po las/ /las kun byed pa bzhi po 'di/ /gzhan gyis mi thub grags pa ste/ / rig sngags chen mo stobs chen yin/ /na mo ma ti sma ra ya/ sa ma yeM sa da badzri Na kr-i tA ya te na sa t+ye na/ sa ma yeM hi ri/ ki ri mi ri/ si ri la li te/ a la ke ma la ke/ ba su ki ri ra ka/ ra ka ra Ne Ne/ ti ni ti ni/ hi ni hi ni/ mi ti mi ti/ ki ti ki ti/ mu Ta tra mu Ta tra/ su ru su ru/ mu ru mu ru/ ku lu ku lu/ dU ti daM ku ru hu ru ru/ sid+d+ha sh+tsaN+Da badzra pA Ni rA dz+nyA pa ya ti swA hA/ pho nya ma ni bcu po las/ /las kun byed pa lnga pa 'di/ /rdo rje mdzes mar grags pa ste/ /rig sngags chen mo stobs chen yin/ /na mo ma ti/ d+h+r-i ti d+h+r-i ti gi b+h+r-i g+h+r-i/ ru ru br-i g+h+r-i gri/ ru ru br-i g+h+r-i na re ru pa tsa la mA gats+tsha ki ri ki ri/ sat+ya sa ma ya/ ma nu sma ra hi badzre Ni/badzre Ni/ Na ti Na ti/ ku lu ku lu/ hi ri mi ri/ ku ru su ru/ su ru/ ha na ha na/ da ha da ha/ pa tsa pa tsa/ dU ti daM ku ru hu ru/ sid+d+ha sh+tsaN+Da badzra pA Ni 95-1-226a rA dz+nyA pa ya ti swA hA/ pho nya mo ni bcu po las/ /las kun byed pa drug po 'di/ /rdo rje shugs chen grags pa ste/ /rig sngags chen mo stobs chen yin/ /na mo ma ti bo la ri badzraM ku k+Shi pa pe ga k+Shi pa pe ga gi gi/ g+hi gi gi g+hi/ g+hi hi g+hi hi/ ba hi ba hi/ sa ra sa ra/ ha ra ha ra/ hu ru hu ru hu ru/ ki ri bi ri/ dU ti daM ku ru/ hu ru ru/ shid+d+ha sh+tsaN+Da badzra pA Ni rAdz+nyA pa ya ti swA hA/ pho nya mo ni bcu po las/ /las kun byed pa bdun po 'di/ /rdo rje shugs zhes grags pa ste/ /rig sngags chen mo stobs chen yin/ /na mo ma ti sUR+ya sa ma tri dzA te dzA badzri Ni te dza badzri Ni/ bi la ba li/ he+e li he+e li/ ku tu ku tu/ g+ha d+hi g+ha d+hi/ sa ra sa ra/ ku lu ku lu/ hi li hi li/ hu la ni/ ha hi ha hi/ dU ti daM ku ru hu ru ru/ sid+d+ha sh+tsaN+Da badzra pA Ni rA dz+nyA pa ya ti swA hA/ pho nya mo ni bcu po las/ /las kun byed pa brgyad po 'di/ / rdo rje nyi mar grags pa ste/ /rig sngags chen mo stobs chen yin/ /na mo ma ti/ dzi dzi dzi dzi/ ru ru ru du/ tsaN+Da badzra pA Ni kriSh+Na sha pa rA dz+nyA pa ya ti bi kr-i dza badzri Ni ma na ya/ hi hi hi hi hi/ ki ri ki ri/ ma ma ga me na/ ti ti ti ti/ mu tu mu tu/ hi hi ra/ hi hi ra/ hi hi dU ti daM/ ka ro ta hi hi ru ru sid+d+ha sh+tsaN+Da badzra pA Ni rA dz+nyA pa ya ti swA hA/ pho nya mo ni bcu po las/ /las kun byed pa dgu po 'di/ /rdo rje dbyug par grags pa ste/ /rig sngags chen mo stobs chen yin/ /na mo ma ti sat+ya/ sat+ya ni sat+ya ba ti ni/ satwa/ badzra pra tista ta na/ sat+ye na d+ha R+ya te badzre Na sa taM/ badzra lo ke pra tiSh+Thi te i daM sa t+ye na sat+yan sat+ya bak+Sha Na/ shI g+h+raM ya hi badzri Ni/ hi hi hi hi hi hi/ ha ha he/ d+ha ra d+ha ra/ d+hu ru d+hu ru/ lo ka ya naM sh+tsaN+Da d+hi mo ta ni/ mo ti si bi stu bi stu/ bi tu ri bi tu ri/ ru ru ru ti pU ra bA dag ni dz+wa la ma nu sma ra badzri d+h+ri te/ dU ti daM ku ru hu ru ru/ sid+d+ha sh+tsaN+Da badzra pA Ni rAdz+nyA pa ya ti swA hA/ pho nya mo ni bcu po las/ /las kun byed pa bcu po 'di/ /rdo rje bden par grags pa ste/ /rig sngags chen mo stobs chen yin/ /lag na rdo rje'i cho ga rgyas pa las pho nya mo bcu bshad pa zhes bya ba'i le'u rdzogs so// // 95-1-226b na mo rat+na tra ya s+ya/ na mash+tsaN+Da badzra pA Ni s+ya/ ma hA yak+Sha se nA pa ti s+ya/ su khi b+ha pa tu badzra pA Ni sa pa ri bA ra badzra pA Ni/ bA tsa ni na bA tsa ne na sa t+ye na badzre Na/ A dz+nyA pa ya ti/ badzre Na ts+tshin+da ti/ badzre Na ts+tshin+da ti/ badzre Na b+hin+da ti/ a lo la g+ha lo la/ ga lin+d+ha/ ban+d+ha/ ha na ha na/ da ha da ha/ pa tsa pa tsa/ badzra pA Ni/ ma hA yak+Sha se nA pa ti rA dz+nyA pa ya ti swA hA/ zla ba phyed kyi bar du zas su 'o ma dang phye'i lde gu za zhing bsgrub par bya ste/ /lag na rdo rje ri mo'i gzugs tshon rtsi sbyin med pas 'drir gzhug go/ /ri mo'i gzugs kyi drung du ras ma nyams pa'i stan la gser dang dngul dang zangs sna gsum las byas pa'i rdo rje bzhag ste steng g.yogs par bya'o/ /pog dang sra rtsi'i phog sbyar ba yang dbul lo/ /na maHku ru badzra pA Ni pra ti gr-ih+Na hi myed+hU pa hu ti ma ba spa hu ti ma ma ma tsa/ rak+Sha maM twAM sa ma yo byA d+hi shu ti swA hA/ gtsang mas gos gtsang ma bgos te/ dus gsum du bdug pa thogs shing lan brgyad brgya bzlas brjod byas nas/ phyi de nyin par mchod pa lhag par bskyed de bzlas brjod bya'o/ /mar me yang ci 'byor pas bskyed par bya'o/ /de nas lag na rdo rje 'ong bar 'gyur te/ bya ba gang yin pa de byed par 'gyur ro/ /grub nas kyang zla ba phyed kyi bar du cho ga bsrung bar bya'o/ /dam tshig ma mthong bas byas na ma rung bar 'gyur ro/ /slob dpon la gus pa dang mchod pa byas nas gdod cho ga rgyas par mnod par bya ste/ rdo rje dkyil 'khor gyi dbus su kA ra NA pa Na brgyad kyi 'gron bus rdo rje byas nas slob dpon la dbul bar bya'o/ /de lta bus cho ga rgyas pa bsgrubs na gdod 'grub par 'gyur te/ rig sngags thams cad 'grub par 'gyur ro/ /slob dpon ma yin zhing bu ma yin pa bsten nas lo gcig ma lon pa la sbyin par mi bya ste/ yang na slob dpon gyis rab tu sbyang byas nas gzod gzung bar bya'o/ /de nas pho nya mo yi tshogs/ /bcu po rnams kyi g.yog mo ni/ /yid las skyes pa drug cu bzhi/ /bstan pa rnams ni bshad par bya/ /na mo ma ti hi badzra pA Ni badzra pA Ni ma ma hA yak+Sha se nA pa ti rA dz+nyA pa ya ti swA hA/ las thams cad byed pa'o/ /na mo 95-1-227a badzra pA Ni badzri Ni/ ha na ha na/ da ha da ha/ pa tsa pa tsa/ u mu kaM me/ ma ba shA mA nA ya swA hA/ sna ma'i me tog gis sbyin sreg bya'o/ /na mo nan+te/ ts+tshin+da badzre/ ts+tshin+da badzri Ni/ ts+tshin+da pA ta ya ni sum+b+ha ya swA hA/ las thams cad byed pa'o/ /na mo a ra ga Ni ba ra ga Ni/ su ra ga Ni/ badzre Na tsa te swA hA/ na mo nan+ta ka li/ su ra ka li/ b+hi ri b+hi ri/ ku sha sha ya n+ye ku sha ri Ni swA hA/ khros nas byang phyogs su kha bltas te bdug par bya'o/ /na mo g+ho She Ni/ g+ho She badzri Ni/ ha na ti/ bi na ti/ ut+sA da ya ti/ badzrI badzre Na tsa te swA hA/ bra ma tsan d+has sbyin sreg byas na 'jigs par byed do/ /na mo hi ni hi ni/ kun+dA ya swA hA/ d+hi ni d+hi ni/ g+hi ni g+hi ni swA hA/ las thams cad byed pa'o/ /na mo mu ne mu ne/ ni ma ti ma ti/ ma hA ma ti/ su ma ti/ rAk+Sha sa ti ra badzra pA Ni rA dz+nyA pa ya ti/ da ha da ha/ sarba b+ha ye b+h+yaHswA hA/ las thams cad byed pa'o/ /na maHhe hi Da pA sa go ra ma li ba ra ma li shu tsi ro ta shud+d+ha ba li badzra pA Ni rA dz+nyA pa ma ti swA hA/ las thams cad byed pa'o/ /na maHkum+b+he kum+b+he ko Ti ni ko Ti ni/ ku ru badzra pA Ni/ sa t+ye na sa ma ye na tsa swA hA/ me tog gi rig sngags kyis ci yang rung ba la bzlas brjod dam sbyin sreg bya'o/ /na maHsu khi b+ha ba/ ru d+hi ra badzra pA Ni tro TA ya tro TA ya ni dzi hi ni/ ku ru me kAR+ya b+ha ma ri b+h+ra ma ri swA hA/ lte ba'i sngags te las thams cad byed pa'o/ /na maHti Ti ni/ tu Tu ni/ ku ru badzre Na pA Ni/ no tsi yat+ka ma ma bud+d+hA ya/ bi so me ka mo sid+d+hi tu swA hA/ lag pa la bzlas brjod byas te gang don du bsgrub pa de blang bar bya'o/ /na mo badzre Na ha na ti ma ma tsa/ sa ma yaM rak+Sha badzra bA Ni/ ma ta twAM sa ma yo byA ti she ti swA hA/ lag pa'i rig sngags so/ /na mo b+hi b+hi b+hi ru ru badzre Na yan+ta swA hA/ las thams cad byed pa'o/ /na maHku ru b+h+ra ma ri muny+tsa ma ya ma badzra pA Ni ni ri daM ka ra ka ri ke swA hA/ las thams cad byed pa'o/ /na maHhi ri hi ri/ hi hi ri/ ki ri Ni/ ki ri Ni swA hA/ gyad brdabs pa'i sngags so/ /na mo man+de man+de/ da ha da ha/ 95-1-227b pa tsa pa tsa/ ba shi ka ro hi/ ba shi ka ro hi/ ba shi ka ro hi/ de ba ma ba ma pi rAk+Sha sam+b+ha ut+t+rA sa ni/ b+hi ri b+hi ri swA hA/ sbyin sreg bya'o/ /na mo ni ri ni ri/ pA sha pA she ti swA hA/ lte ba'i sngags te/ sbyin sreg thams cad las sbyar bar bya'o/ /mig rtsi'i sngags dang / me tog gi sngags kyang yin no/ /rgyan thams cad la yang bzlas brjod bya'o/ /na mo g+hu Tu g+hu Tu/ gu tu ni gu tu ni/ ni sa ra ya/ /mu ti ne+e swA hA/ 'khor du gzhug pa dang / brdab pa dang / bsrung ba dang / bcing ba la ras sngon pos bya ste las thams cad byed pa yin no/ /na mo g+hA ta ya g+hA ta ya/ tsi ri tsi ri tsi ri swA hA/ kha zas drang ba'i sngags yin te/ dong brkos la de'i nang du kha zas kyi brul ma gzhug cing phyi rol gyi kha zas ci 'dra ba de 'dra ba'i kha zas kyi brul ma ras sar pa'i nang du bcug ste/ lan brgyad bzlas brjod byas nas/ ras de'i steng du dbyug pa gzhag go/ /gang ci yang rung ba yang 'dren par byed do/ /na mo g+hi ni g+hi ni/ kuN+DA ya ban+d+ha ni staM b+ha ni/ g+hu g+hu g+hu swA hA/ rig sngags thams cad bcing ba'o/ /na maHtso ti ni/ ban+d+ha ni/ pa ta ni swA hA/ rig sngags thams cad gso ba ste/ mar dang sbrang rtsi la bzlas brjod byas pas bya'o/ /na mo badzri Ni s+pho Ta ya/ kuN+Di ni s+pho Ta ya swA hA/ khros pa la ni yungs kar gyis gtor ro/ /gzhig pa la ni bong bu'i khrag gis bya'o/ /zhi bar gyur nas phyir gso ba la ni mngar gsum gyi sbyin sreg bya'o/ /na mo badzra pA Ni rA nu ga te na hi ri ki ri/ ga me/ badzra hA Ni ku ru b+hiHswA hA/ me'i sngags so/ /na maHti ni swA hA/ mig sman gyi sngags te/ lig bu mig dang / rdo pha bang long bu dang / u dum bA ra dang / su nod dza dang / sa ha dza ra dang / glang po che'i rdul rnams ni dbang du bya ba'i mig rtsi yin te/ /gang la bltas pa de dbang du 'gyur ro/ /na mo badzre Na ha na hi sa ma ye na tiSh+Tha ti bA sha mi ya ga ri/ b+hu ri b+hu ri/ pa tra shI ti ni swA hA/ chu khyor gang la bzlas brjod byas te/ /shing la gtor na lo ma rnams rnyis par 'gyur ro/ /nA b+he nA b+he/ ba 95-1-228a na ga ta de/ ba na ga ta de/ ba nag ta de/ sti ri sti ri swA hA/ nags khung du 'gro na bsrung ba'i sngags so/ /na maHki mo ka me/ ku mA ri Ni swA hA/ sman gyi sngags te bu mo gzhon nus bkal ba'i skud pas bya zhing rkang pa snum gyis bsku bar bya'o/ /na maH kuN+DA ni kuN+DA ni swA hA/ pho nya ma'i rig sngags blta ba'i sngags te/ rdza mkhan gyi snod nas zas dang sman blang bar bya'o/ /na mo g+ha te g+ha te g+hi ti ni swA hA/ gzhon nu ma'i sngags so/ /na maHku ru Na/ ba shen/ ba shen/ badzra pA Ni/ hi hi ni/ ti rU pa ma ma ma karma ku ru swA hA/ las thams cad byed pa'o/ /na maHki ri ki ri swA hA/ ut+ka ru Ni/ tro Ta ni s+pho Ta ni swA hA/ gnod sbyin mo'i rig sngags te ci 'dod pa thams cad 'grub pa'o/ /na maHye la la te la b+hi ni badzri Ni swA hA/ /rkang pa bsku ba'i sngags so/ /na maHkum+b+he kum+b+ha ni swA hA/ sman blang ba dang / nags tshal gyi shing tog blang ba'i sngags so/ /na maHste dza dza ni/ d+hu na d+hu na d+hu ma ti swA hA/ thams cad dbrog pa'i sngags kyis 'grub par 'gyur ro/ /na mo hu dza hu dza hu dza ne ti swA hA/ sman no cog blang ba'i sngags so/ /na maHsh+yA ma ri bi ma ri saM kra saM kra ma Ni swA hA/ rmas pa'i rma spo ba'o/ /na maHhi ni/ pa tsa pa tsa/ ban+d+ha ban+d+ha ni khri ri Ni swA hA/ khrus bya ba'i sngags te las thams cad byed pa yang yin no/ /na maHa re te many+tsa ri pany+tsa ba ba na ba si ni tu ti kA la kA la si swA hA/ gang gi ming gis ska rags dum bu dum bur bcad na ming de bcad par 'gyur ro/ /na maHpu sha many+tsa ri dza yA many+dza ri pu sha pU ri ke nI la grI be d+hu na du bi ni ti ri swA hA/ sgo lcags dbye ba dang gnyid log tu gzhug pa dang dgrol ba dang dbyung ba'i sngags te/ brdab par bya'o/ /yungs kar la bsngags pas kyang sgo la bsnun par bya'o/ /na mo b+hi na ya duM du b+hi ga tA ya duM du b+hi tha/ sum+b+ha sum+b+ha d+ha ri b+hasma ha hi/ sa ma yaM ma te na nu ma te na br-ik+Sha mAdz+nyA pa ya ti ut+ga ta ni pa ti ni swA hA/ sgo lcags dbye ba dang gnyid log tu gzhug pa dang dgrol ba dang / dbyung ba dang / gzhom pa dang / rab tu 95-1-228b gzhom pa dang / gzhig pa dang / bsgyel ba dang / gcad pa'i sngags te/ las thams cad byed pa yang yin no/ /na mo bA re bA re bA ra dat+te sid+d+ha si swA hA/ sman blang ba dang gdon dang rims kyis thebs su gzhug pa'i sngags te las thams cad byed pa yang yin no/ /na maHki ri ki ri badzra pA Ni ti la ri ti li ri Ni li dza ri swA hA/ dbang du bya ba ste yungs kar dang / lan tshwa dang / ci yang rung bas sbyin sreg bya'o/ /na mo ma ti ma tib+h+ra ma ri b+h+ra ma ri swA hA/ dbang du bya ba ste ci yang rung bas bya'o/ /na mo diM b+he diM b+hi/ daM b+he daM b+he/ daM b+he daM b+he/ badzra d+hi da yats+tshe da ni be da ni/ ye mai ya mai/ ya ma ya me bi sti bi ri badzri Ni tsa te swA hA/ sems can thams cad bcing ba dang / las thams cad byed pa'o/ /na maHut+to Ta ya tro Ta ni b+hin+da pa ni/ b+hin+da pa naM swA hA/ dbang du bya ba ste ci yang rung bas sbyin sreg bya'o/ /ni sum+b+ha ni sum+b+ha/ badzra ha na ni te b+hi ri b+hi ri swA hA/ rig sngags dgrol ba dang las thams cad byed pa'o/ /na mash+tsaN+De ri ga shi ni as+thi ni ts+yA s+ya bi sh+ya he midz+dza mye tsaN+Da A ha ra swA hA/ tshul ji lta ba bzhin du 'dug la bzlas brjod cing ming brjod par bya'o/ /las thams cad byed pa yang yin no/ / na maHpa ko pa ti ni/ mi b+hi mi b+hi/ taM ke ke maM me/ ku ru ka ra pa ma badzra ha na ne swA hA/ sgo lcags dbye ba dang / dbang du bya ba dang gzhig pa la sbyin sreg bya'o/ na maHbi shi li be she le/ tsi ti li/ tsi li b+hi tsi li/ tsi li b+hi tsi li/ tsa ru Ni ti tsa ru Ni swA hA/ mo mtshan bcing ba ste/ las thams cad byed pa yang yin no/ na maHsum+b+ha ni sum+b+ha ban+d+ha d+ha la hU~M A na ye swA hA/ ci yang rung bas sbyin sreg bya'o/ /hi hi hi ni li ni i ri ti sum+b+ha badzra pA Ni/ hu ru hu ru b+hany+dzA ni swA hA/ bdug pa thogs pa dang / me tog steng du 'dor ba'i sngags so/ / na maHhu lu hu lu hu lA ya/ ku lu ku lu ku lA ya/ ki li ki li ki lA ya swA hA/ 'di ni lag na rdo rje sbyin sreg thog mar bya ba yin te/ gnod par bya ba la sbyin sreg byas nas de'i 'og tu bdug pas dgrol bar bya'o/ /hi ri mi ri hi li mu li dzi mu lu mu lu tsi swA hA/ lag 95-1-229a na rdo rje smraRa gzhug go/ /pi ri li tsi ri li/ badzra pA Ni b+hi ri b+hi ri a ne me hi swA hA/ dgod du gzhug pa'o/ /bi li bi ri Ni/ i li ku ru ba ti/ pra sid+d+ha ka tosmi ku ru me ba raM swA hA/ mi 'jigs pa sbyin pa'o/ /na maHki li mi li ni ri ni/ su ru ku ru/ sa mA ya ma nu brta hr-i da yaM ban+d+ha swA hA/ spyan drang ba dang las thams cad byed pa'o/ /na mo rak+Sha ha rA ya a gra gr-i ba Ri Ni/ ru Ni ru Ni/ ba Ri Ni shi ma ni/ pra sA d+ha ni/ badzra pA Ni/ rAdz+nyA pa ya ti swA hA/ rab tu bsgrub pa ste bzlas brjod byed cing bdug pa bsregs par bya'o/ / na mo b+ha g+ha ru gaTU gaN+De dza ha ra Ur+d+haM sat+ya/ na sa ma ye na pra sA d+ha ya si badzre Na swA hA/ dga' bar bya ba ste/ bil ba dang shu tis khrus byed cing las bya'o/ /hi ri mi ri a ba hA yA mr-i ta nA ma ma hi sa ma ya mu pa tIk+Sh+Na swA hA/ bzlas brjod byed cing bdug pa bsregs pas 'jigs pa 'byung bar mi 'gyur ro/ /mu ne mo ne/ mu ne mo ne/ kAR+ya mi daM ku ru b+he+e ra ba badzra pA Ni ha ha swA hA/ las thams cad byed pa'o/ /badzra d+huM da ma hA be gaM badzra g+ho na pa yaM kaM badzre badzre na ha na pa ta ya ni pa ta ya swA hA/ mi'i gtso bo dbang du bya ba ste/ sbyin sreg gis bya'o/ /las thams cad byed pa yang yin no/ /kA li kA li/ ko ni k+She/ a i ti bi li li/ pi li li/ pi li li swA hA/ na mo ban+d+ha mi t+ya mu khaM a mu ka badzra hasta s+ya bi ni na a li tsi li bi li mi li/ na mo badzra pA Ni s+ya swA hA/ lan bdun bzlas brjod byas te/ /ras kyi tshar tshar la mdud pa dor bar bya'o/ /na maHtsi li tsi li/ kuT+Tu kuT+Tu/ su khI b+ha ba tu badzra pA Ni/ ma hA yak+Sha se nA pa ti i mi ni/ puSh+pa ni gr-i hi twa/ a mu ko b+ha sha ma gats+tsha ti swA hA/ sna ma'i me tog la lan brgyad brgya bzlas te/ bcom ldan 'das kyi zhabs drung du nub mo nas dbul lo/ /na mo badzra rA dz+nyA pa ya ti hi hi hi hi shu kra sho na ti ban+b+ha ni/ ma hA bid+yA shu kra me ban+d+ha rak+Sha tsa mAM swA hA/ skud pa la lan nyi shu rtsa gcig bzlas brjod byas nas/ mdud pa byas te rked pa la btags na khu ba dang khrag bcings par 'gyur te/ lag na rdo rje'i cho ga 95-1-229b rgyas pa chen po las pho nya ma drug cu rtsa bzhi rdzogs so// //de nas pho nya mo bcu'i cho ga rgyas par bshad par bya ste/ ras ma nyams pa la tshon rtsi sbyin med pas/ bcom ldan 'das kyi sku gzugs chos 'chad pa'i tshul du bzhugs par bri'o/ /g.yon logs su gnod sbyin lag na rdo rje bri bar bya ste/ de yang 'khor dang bcas par bya'o/ /de'i mdun du rdo rje'i gzugs bri'o/ /g.yas logs su ni pho nya mo bcu 'khor dang bcas par bri ste rgyan thams cad kyis brgyan la thams cad kyi mgo bor rdo rje'i mtshan ma yod par bris nas/ sku gdung dang ldan pa'i mchod rten gyi drung du'am yang na ched du sku gdung bzhag ste sku gzugs kha nub phyogs su bstan la sku gzugs kyi mdun du gser dang dngul dang zangs rnam gsum las byas pa'i rdo rje ras sar pa mnyams pa'i steng du bzhag ste steng g.yogs par bya'o/ /de'i ngos gcig tu thab khung rdo rje'i dbyibs 'dra bar bya'o/ /de nas nye bar 'gro ba'i gzhon nu zla ba phyed gsum la bsgrub par bya ste/ gso sbyong gi yan lag brgyad dang ldan zhing zas su 'o ma dang phye'i 'dag gu za ba dang / dus gsum du khrus byed cing dus gsum du gos brje ba dang / rtswa dUr ba'i stan la nyal bar bya'o/ /rtag tu dus gsum du bdug pa dang / dri dang /me tog dbul zhing rig sngags bzlas brjod bya'o/ /sbyin sreg kyang thams cad kyis bya ste/ seng ldeng gi yam sreg shing dang yungs kar dang / sbrang rtsi mar dang sbyar ba'i sbyin sreg bya'o/ /lha bshos kyang rtag par dbul bar bya'o/ /mar gyi mar me ci 'byor pa yang mtshan rangs par sbyar ro/ /bcom ldan 'das la rtag tu mchod par bya'o/ /zla ba phyed phyed kyi mtshams su yang zhag gsum smyung bar bya'o/ /de ltar sbyar na 'grub par 'gyur te/ don thams cad byed do/ /de'i las rnams 'byung ste/ skyes pa dang bud med dbang du bya ba la ba ru ra'i shing ngam mar dang sbrang rtsi dang yungs kar rnams kyis zhag bdun gyi bar du sbyin sreg bya'o/ / 95-1-230a de bzhin du mi'i gtso bo'am/ mi chen po'am/ gnod sbyin dang / mi 'am ci yang dbang du khugs par 'gyur te/ ci nus kyis smyung ba bya'o/ /bram ze la ni zhag gsum rgyal rigs la ni zhag gnyis rje'i rigs la zhag gcig smyung bar bya'o/ /dmangs rigs la ni smyung ba bya mi dgos par nim pa'i yam sreg shing gis bya'o/ /gzhig pa la ni dug dang khrag dang 'byung po'i zas kyis sbyin sreg bya'o/ /gdon gyis thebs su gzhug pa la ni e raN+Das bya'o/ /'khrug par bya ba la ni ba'i mar gyis bya'o/ /dbye ba la ni sbrul gyi pags pa brjes par bya'o/ /dbang du bya ba la ni mar dang ne'u le'u sbus bya'o/ /snying po gcad pa la ni lan tshwa dang ka ras sbyin sreg bya'o/ /gdon dgug pa la ni gu gul gyi bdug pas bya'o/ /dbab pa la ni gu gul dang tu la si'i li mas bya'o/ / nya'i sbyin sreg gis ni rmi lam du ston par 'gyur ro/ /bsrung ba'i las la ni skud pa'am thal ba'am chus bya'o/ /gtsug phud bcing ba la ni chus bya'o/ /dug zhi bar bya ba la ni bzlas brjod kyis bya'o/ /gdon dang rmi lam gyi 'jigs pa la ni lan tshwas bya'o/ / sgo lcags dbye ba dang / gdon dbang du bya ba dang / skyes pa dang bud med dbang du bya ba dang / gdon dbab pa dang / brdeg pa dang / smrar gzhug pa dang / gzir du gzhug pa ni ra'i gzugs bya'o/ /mar gyis bskus na phyir 'tsho bar 'gyur ro/ /smrar gzhug pa dang / khus 'debs su gzhug pa dang / gar byed du gzhug pa dang / dur gzhug pa dang / cho rigs bri ba dang / byi ba zar gzhug pa dang / bung ba zar gzhug pa la yang ra'i gzugs bya'o/ /mar gyis bskus na ni phyir 'tsho bar 'gyur ro/ /las 'di dag dang gzhan yang grangs med pa dag byed par 'gyur te/ brdeg pa ni gtun shing ngam skra'i thag gus bya'o/ /ro bsregs pa'i sol bas gzugs bris la sa las byas pa'i rdo rjes bkab na gdon dbugs chad par 'gyur ro/ /mar gyi ngo 95-1-230b zhag bcu bzhi la lam gyi bzhi mdo'am tshan gcig pu 'dug par ka ra bI ra dmar po'i me tog kha ma bye ba la bzlas brjod bya ste nub mo nas gzhag la phyi de nyin bar gyi dus mtshams dang por lan bdun bdun bzlas brjod byas nas dgra la bltas te bor na gdon gyis thebs par 'gyur ro/ /dgrol ba la ni ka ra bI ra'i me tog dkar pos bya'o/ /cho ga de dag nyid kyis sug smel dang / shu dag dang / lig bu mig dang / thing ril gyi sgo nga'i shun lpags rnams cha bsnyams te zhag gsum smyung ba byas nas brgya stong bzlas brjod bya'o/ /de ltar byas na lus mi snang bar 'grub par 'gyur ro/ /de bzhin du bya gang dang / bya gar dang / ne tso dang / bya tsa sha rnams las gang yang rung ba gcig gi sgo nga'i shun lpags dang / nya ro hi ta'i sgo nga'i shun lpags dang / yung ba dang / pu tse shel dang / nya mkhris rnams sbyar bas kyang lus mi snang bar byed do/ /kr-iSh+Na ba li dang / ku be ra dang / ku be ra k+Shi rnams char pa'i chu dang btags pa'i ril bus lus bskus na rgyal po'i pho brang du 'ongs pa dang / skal ba bzang po dang ldan zhing bza' ba dang btung ba dang ldan par 'gyur ro/ /lus mi snang ba bsgrub pa ni zhag gsum smyung ba byas te/ mar gyi ngo zhag bcu bzhi la lus bsku bar bya'o/ /a sho a ka dang / spo ra dang / sha b+ha ra'i rtsa ba dang / gze ma dang / 'bras dang / rim pa 'di dag ni gdon gyis mi tshugs pa'i sbyar sman yin no/ /gur gum dang / rgya spos dang / ru rta dang / spos dang / ki ri ki ra Ni ni ka dang / i dra ba nu ni'i rtsa ba dang / a mr-i ta lnga'i 'jim pa rnams kyi sbyar sman ni gdon gyis 'jigs pa la lus bsku bar bya'o/ /ril bu'i sbyor ba thams cad ni zhag gsum smyung bar byas te mar gyi ngo zhag bcu bzhi la lan brgyad stong bzlas brjod byas na des 'grub par 'gyur ro/ /lan tshwa las dug ma'i gzugs byas la de'i rkang pa'i drung du sbyin sreg byas te ro bsregs pa'i sol bas gzugs bris la 'jim pa las rdo rje byas pas bkab na dbugs chad par 'gyur 95-1-231a ro/ /de nas blo gros rdo rje ma nyi tshe'i cho ga bshad par bya ste/ yar gyi ngo tshes gcig la brtsams la sku gdung dang ldan pa'i sku gzugs bzhag ste/ pho nya ma'i ri mo'i gzugs cho ga bzhin du nub phyogs su bstan nas de'i mdun du ba lang gi lci ba'am sa dkar gyis dkyil 'khor skyong nul gyis byugs la de'i steng du gur gum dang tsan+dan dkar pos byugs te/ tsan+dan dkar po'am yungs kar gyis rdo rje bri'o/ /de'i phyogs gcig tu thab khung rdo rje'i dbyibs 'dra bar byas la/ de nas las brtsam par bya ste/ dus gsum du khrus byed cing dus gsum du gos brje ba dang / phyi rol du rtswa dUr ba'i stan la nyal ba dang / gso sbyong gi yan lag brgyad dang ldan pa dang / kha zas dus gcig tu 'o ma dang / 'bras sA lu'i chan bza' zhing dka' thub spyod pas nang du lha bshos dbul bar bya'o/ /gtor ma yang til zan dang / 'byung po'i zas sbyin par bya'o/ /bdug pa ni bcom ldan 'das la a ga ru dbul lo/ /lag na rdo rje la ni gu gul dang / thang chu dbul lo/ /bcom ldan 'das la ni me tog dri zhim po rnams dbul lo/ / lag na rdo rje la ni ka ra bI ra dmar po dbul lo/ /mtshan mo ni mar me gnyis dbul bar bya ste/ dus gsum du lan brgyad brgya bzlas brjod byas la sbyin sreg kyang bya'o/ /mjug tu zhag gsum smyung bar byas nas zla ba nya la mchod pa rgyas par byas te/ nam zhig rang bzhin gyi tshul gyis 'ong ba'am/ yang na 'od ston pa'am/ yang na rmi lam legs par ston pa'am/ yang na gnod sbyin mo 'am/ rig sngags sam/ ci 'dod pa thams cad sbyin par 'gyur gyi bar du pho nya ma'i bzlas brjod grangs med par bya'o/ /bdug pa'i gsang sngags la/ na mo ba ra mu ni ba ra mu ni ba ra mu ni pra tIts+tsha me b+ha ga t+yo pa ni taM pu Sh+pa gan+d+ha mA l+ye pa ha ra ma i li mi li li me/ i li mi li li me swA hA/ 'dis dus gsum du dri dang / bdug pa dang / me tog gi phreng ba'i mchod pa dbul bar 95-1-231b bya'o/ /'di ni sbyin sreg gi sngags te/ /na maHin+d+rA ya swA hA/ ya mA ya swA hA/ ba ru NA ya swA hA/ ag+na ye swA hA/ pra dza ba ta ye swA hA/ b+ha ga ba ga te swA hA/ bi rU pAk+Sha ya swA hA/ bA ya be swA hA/ ku be rA ya swA hA/ badzra pA Na ye swA hA/ dz+wa la dz+wa la mi li ti i ti mi ri dzU hi ri swA hA/ gsang sngangs 'dis a pa marga dang / sa mi dang / shing 'o ma can gyi yam sreg shing gi sreg blugs sna re yang brgyad brgya brgyad brgya zho dang sbrang rtsi dang mar gyi nang du smyugs te sbyin sreg byas la de'i 'og tu grangs nges par pho nya ma'i bzlas brjod bya'o/ / gsang sngags 'dis bcing bar bya ste/ na mo ma li ma li ma hA ma li/ i ti mi ti/ ye tra bi ha ri Ni hiM sra nan+ti sha ban+d+ha/ mA dz+nyA na pa ya ti rak+Sha maM sarba twa ti/ tsi hi ri ki ri swA hA/ lan bdun bzlas brjod byas pa'i chu dang skud pas bya'o/ /'di ni lag na rdo rje slar gtang ba'i sngags te/ na maHtsi li tsi li badzra pA Ni swa b+hA ba nAM gats+tsha pu na rA ga ma nA ya/ su na pra ti ga ma nA ya swA hA/ chus slar gtang bar bya'o/ /de ltar de bsgrub pa ni 'dod pa thams cad sbyin par 'gyur te/ 'dis bsgrubs na 'dod pa thams cad sbyin par 'gyur te/ ma grub na yang las rnams byang bar byed do/ /gdon dbab pa gtsug phud bcing ba ni chus bya'o/ /gnod par bya ba ni shing shun thag gu'am/ ta la'i lo mas sbyin sreg bya'o/ /rmi ltas kyi rig sngags dang bsrung ba'i skud pa ni yungs kar dang / chu dang / thal ba rnams kyis bya'o/ /dug zhi bar bya ba ni bzlas brjod bya'o/ /gdon bdun po skrag par bya ba la ni lan tshwa'i sbyin sreg gis bya'o/ /sgo lcags dbye ba dang / gdon dbang du bya ba dang / mi'i gtso bo dang / mi chen po dbang du bya ba ni zhag bdun gyi bar du dus gsum du sbrang rtsi dang / mar dang / yungs kar dang / seng ldeng gi yam sreg shing gis lan brgya rtsa brgyad sbyin sreg gis bya ste/ dus gsum du khrus byed cing gtsang mas gos gtsang ma bgos nas bya'o/ /de ltar byas na gnod sbyin mo'am/ dri za mo'am/ srin mo yang dbang du khug 95-1-232a par 'gyur ro/ /zla ba gcig gis ni 'dod chags dang bral ba dang / shi ba ma gtogs par sems can thams cad ji lta ji ltar 'dod pa bzhin du dbang du khugs par 'gyur ro/ /blo gros rdo rje ma'i cho ga gnyis pa ni mar gyi ngo zhag brgyad la brtsams te/ zas su 'o ma dang 'bras chan za zhing lag na rdo rje'i mdun du thab khung gru bzhi pa byas te/ /seng ldeng gi me spar la/ /u dum bA ra'i yam sreg shing brgyad brgyad sbrang rtsi'i nang du smyugs pas dus gsum du sbyin sreg bya'o/ /thab khung du yang rtswa ku shas bskor bar bya'o/ /yungs kar gyis kyang bsrung bar bya'o/ /sna ma'i me tog gis kyang sangs rgyas kyi gzugs rnams la mchod par bya'o/ /sna ma'i me tog gis mchod pa byas nas sna ma'i me tog gi phreng ba yang phyag du dbul lo/ /lag na rdo rje la yang zla ba nya la zhag gcig smyung ba byas te mtshan mo ku ran tas len brgyad stong sbyin sreg byas na las rnams 'grub par 'gyur te/ me tog gi phreng ba 'bul bar 'gyur ro/ /de ltar 'grub par gyur na phyi de nyin par mchod pa shin tu rgyas pa'o/ /de nas rdo rje blo gros ma de'i bsgrub pa'i cho ga yin te/ ras ma nyams pa la tshon rtsi sbyin med pas blo gros rdo rje ma pad+ma'i mdog 'dra ma lag na pad+ma thogs shing pad+ma la 'dug pa bri'o/ /de nas zhag lnga'i bar du ni ba gcin dang / phye'i 'de gu za zhing dus gsum du khrus byas pa dang / dus gsum du gos brje ba dang /rtswa dUr ba'i stan gyi steng du nyal bar bya ste/ dus gsum du pad+ma brgyad brgya la lan re re bzlas brjod byas te dbul lo/ /mjug tu zla ba nya la zhag gcig smyung ba byas te/ mchod pa ni rgyas par byas nas lha bshos kyang phul la mtshan mo pad+mo brgyad stong phul na 'grub par 'gyur ro/ /'dod pa thams cad sbyin par 'gyur ro/ /mchod pa yang ci 'byor pas bya'o/ /'di ni blo gros rdo rje ma de'i cho ga yin no/ /na mo bud+d+hA ya/ na mo d+harmA ya/ na maHsaM g+hA ya/ na mash+tsaN+Da badzra pA Na ye/ ma ti badzro badzri ni/ badzra badzri ni sma ra sa mA yaM/ b+hi ri b+hi ri/ ki ri ki ri/ ban+d+ha ban+d+ha/ ka la ka la/ 95-1-232b ba la ba la/ ra la ra la/ badzre/ ha na ha na ha na/ pa tsa pa tsa pa tsa/ dU ti bar+Na sa ha sraM me pra yats+tsha hu ru hu ru/ sid+d+ha sh+tsaN+Da badzra pA Ni rA dz+nyA pa ya ti swA hA/ cho ga ni yar gyi ngo tshes bcu gsum la brtsams te/ gso sbyong gi yan lag brgyad dang ldan pas zas mi za bar dus gsum du las bya'o/ /bcom ldan 'das la me tog dri zhim po dang / a ga ru'i bdug pa dang / lha bshos dkar po dang mar gyi mar me rnams phul te/ lag na rdo rje'i zhabs drung du a sha ku ra'i skyong nul gyis dkyil 'khor byugs te/ der gur gum mam/ tsan+dan dmar pos rdo rje bri'o/ /lag na rdo rje dang / rdo rje la yang gur gum dang / tsan+dan dang / me tog dmar po dang / lha bshos dmar po dang / ser po dang / dkar po dang / mar gyi mar me rnams dbul zhing / dus gsum du khrus byas te las dang mchod pa bya'o/ /de nas rdo rje'i drung du snod sar pa'am/ kham phor sar pa'i nang du me sbar te/ gu gul gyi ril bu brgyad brgya la lan re re bzlas brjod byas pas sbyin sreg bya ste/ zhag gsum smyung bar byas nas/ zla ba nya la lan brgyad stong bya'o/ /de'i mjug tu dngos grub kyi rtags g.yo bar 'gyur te/ zla ba drug tshang nas 'bras bu yod par 'gyur ro/ /de nas blo gros rdo rje ma'i cho ga tha dad par bshad de yar gyi ngo tshes gcig la brtsams te/ zas su dkar gsum za zhing /lig bu mig gam/ ldong ros las zho gnyis gnyis sam/ srang re re blangs te bzlas brjod byas te/ dus gsum du khrus byed cing / dus gsum du gos brje ba dang / rtswa dUr ba'i stan la nyal zhing dus gsum du brgyad brgya bzlas brjod byas nas bcom ldan 'das lag na rdo rje la mchod pa byas la mjug tu zhag gsum smyung bar byas te/ zla ba nya la yang bcom ldan 'das dang / lag na rdo rje la mchod pa byas nas lig bu mig dang ldong ros a shrat+tha'i lo ma bzhi'i steng du bzhag la/ gsum gyis bkab nas lag pa g.yas pas mnan te/ g.yon pas tsan+dan dmar po'am/ be kang+ka ta'am/ grog mkhar gyis las byas pa'i 95-1-233a rdo rje srid du sor brgyad yod pa rtse lnga pa blangs te bsrung ba byas shing cho ga bzhin du lha bshos phul nas dngos grub 'grub pa'i gnas gang yin par nyi ma'am zla ba la gza' 'jug pa'i tshe/ nam dro bar 'gyur ba'i dud pa 'thul ba'am 'bar bar gyur gyi bar du bzlas brjod bya'o/ /mchod rten gyi drung ngam sku gzugs sam/ byang chub kyi shing drung du ba mar srang gcig gser ram dngul lam/ zangs kyi snod du bzhag ste/ bcom ldan 'das dang lag na rdo rje la mchod pa byas te/ zla ba mi mthong bar rtswa dUr bas btsugs te/ bzlas brjod byas la dro bar gyur nas 'thungs na 'jig rten thams cad dbang du byed par 'gyur ro/ /dbu ba byung nas 'thungs na ni thos pa 'dzin par 'gyur ro/ /dud pa 'thul nas 'thungs na ni lus mi snang bar 'gyur ro/ /'bar bar gyur nas 'thungs na nam mkha' la rgyu bar 'gyur te/ dngos grub chen po yin no/ /de nas nor bsgrub pa 'byung ste/ tsan+dan dmar po las blo gros rdo rje ma'i gzugs rgyan thams cad kyis brgyan la/ de'i lag pa g.yas pa na pad+ma thogs pa/ g.yon pa na rdo rje thogs par byas te/ gtsang ma'i phyogs su grog mkhar gyi sa las stegs bu sor brgyad pa byas nas der kha nub phyogs su bstan te bzhag la/ zla ba nya la zhag gcig smyung bar byas nas thab khung rdo rje'i dbyibs 'dra bar byas pa'i nang du ba lang gi lci bas me spar te/ dgang blugs phul la tsan+dan dmar po'i phye ma sbrang rtsi dang mar dang sbyar ba'i sreg blugs lan brgyad stong sbyin sreg byas na 'grub par 'gyur ro/ /de nas za gcig pa byas te/ gtsang ma bzlas brjod byas la brtson pas dus mtshams kyi dus su ba lang gi rmig pa mar gyis bkang bas rtswa dUr ba dang bcas par sbyin sreg byas nas lan brgyad brgya bzlas brjod bya'o/ /nyin gcig bzhin du de bzhin byas nas ba lang gi rmig pa ji snyed cig sbyin sreg byas pa rmig pa re re zhing ba lang brgyad brgya thob par 'gyur ro/ /ma he dang ra yang de dang 'dra'o/ /yang na 95-1-233b 'bras ma brdungs pa mar dang sbyar ba'i yul ma ga d+hA'i bre tshad gcig tsam gyi sreg blugs cho ga gong ma bzhin zhag bdun sbyin sreg byas la brgyad brgya rdzogs shing dgang blugs phul na nyin re zhing bre re re thob par 'gyur ro/ /de bzhin du 'bru thams cad dbul bar bya ste/ dUr ba'i myu gu sbyin sreg bya'o/ /mar 'thung bar 'dod pas ni mar gyi ngo zhag bcu bzhi la zhag gcig smyung bar byas te/ /gu gul srang gcig seng ldeng gi thang chu dang bcas pa la lan brgyad stong bzlas brjod byas nas mar dang sbyar te/ 'thungs na nad thams cad med par 'gyur ro/ /zla ba nya la zhag gcig smyung ba byas te/ yungs kar srang gcig a shwat+tha'i lo ma bzhi'i steng du bzhag nas gsum gyis bkab ste/ lag pas mnan la lan brgyad stong bzlas brjod byas na las thams cad dang 'jigs pa thams cad dang / ci yang rung ba thams cad la mgo bor gdags par bya'o/ /mar gyi ngo zhag bcu bzhi la skud pa nag po la lan brgyad brgya bzlas brjod byas te mdud pa bor na 'jigs pa thams cad bsrung ba rnams la su yang 'gal bar mi byed do/ /rig sngags zhu dag par 'dod na yar gyi ngo tshes gcig la brtsams te/ zas su dkar gsum zos la rig sngags zhu dag par 'dod pa de gro ga la bris nas smyu gu dang snag tsha dang bcas par bum pa sar pa'i nang du gzhug go/ /de yang bum pa mi gnag cing rtsa ba med pa'i nang du gzhug par bya'o/ /mar gyi mar me yang sbyar la lha bshos su khu bcud dbul bar bya'o/ /de nas dus gsum du lan brgyad brgya bzlas brjod byed cing thang chu'i bdug pa bsregs la/ gtsang mas gos gtsang ma bgos nas de nyid kyi drung du sa la nyal bar bya'o/ /mjug tu za ma bzhi smyung bar byas la zla ba nya la mchod pa shin tu rgyas par byas te/ grangs nges pa med pas bzlas brjod byas la tshes bcu drug la kha phye na thams cad zhu dag par 'gyur ro/ /yang na las thams cad la rdo rje lag tu blangs te sngar bsnyen pa bya'o/ /blo gros rdo rje ma'i cho ga rdzogs so// //de nas rdo rje nag mo'i cho 95-1-234a ga bshad par bya ste/ ras mnyams pa la tshon rtsi sbyin med pas bcom ldan 'das kyi gzugs 'drir gzhug ste/ g.yon logs su ni lag na rdo rje bri'o/ /g.yas phyogs su pho nya ma rgyan thams cad kyis brgyan pa bcom ldan 'das la thal mo sbyar ba bri'o/ / de nas sku gdung dang ldan pa'i mchod rten nam sku gzugs kyi drung du ras kyi sku gzugs kha nub phyogs su bstan nas/ de'i mdun du dkyil 'khor ba lang gi lci ba'i skyong nul gyis byugs la de'i steng du mchod pa bya zhing de'i steng du dris kyang byugs te de'i steng du yungs kar las stegs bu rdo rje'i dbyibs 'dra ba byas nas de'i steng du tsan+dan dmar po las byas pa'i rdo rje shar phyogs su bstan te gzhag go/ /bcom ldan 'das dang lag na rdo rje la yang mchod de/ dus gsum du ka ra bI ra dmar po'i me tog brgyad brgya la lan re re bzlas brjod byas pas rdo rje la bsnun par bya'o/ /de'i mjug tu za ma bzhi smyung ba byas la zla ba nya la mchod pa shin tu rgyas pa byas te/ gtor ma la sogs pa yang byas nas mar gyi mar me gnyis spar la/ lhag ma ni ci 'byor pas bya ste/ nam dngos grub kyi rtags 'od ston pa'am/ rang bzhin gyi tshul gyis 'ong ba'am/ bcom ldan 'das la phul ba'i mar me me lce chen por gyur pa'am/ rmi lam du ston par gyur gyi bar du rdo rje la bsnun na de nas las thams cad byed par 'gyur ro/ /mi'i gtso bo'am mi chen po skyes bu'i khyad par 'di gnyis dbang du bya bar 'dod na yar gyi ngo tshes brgyad la brtsams te gso sbyong gi yan lag brgyad dang ldan pas zas su dkar gsum bza' zhing sbyin sreg bya ste/ bai kang+ka ta'i bud shing ngam/ de ma rnyed na pa la sha'i bud shing gis me spar nas sbrang rtsi dang / mar dang lan tshwas sbyin sreg byas na mi'i gtso bo'am mi chen po dbang du 'gyur ro/ /dus gsum du yungs kar mar dang sbyar ba'i sbyin sreg bya ba ni lhag par yang gtsug nas byung ba'i cho ga'i khyad par gyi thabs yin no/ /rdo rje nag mo'i cho ga rdzogs so// // 95-1-234b gzhan gyis mi thub pa'i cho ga las gdon thams cad dbab pa dang / btsas pa za ba dang grul bum bsal ba dang / mdangs 'phrog pa dang / gnod sbyin dang 'byung po dang srin po dang sha za dang yi dgas la sogs pa bsal ba dang gzhig par bya ba ni/ i RaN+Da'i shing gis me spar la/ /e raN+Da'i yam sreg shing dang yungs kar mar dang sbyar bas cig shar sbyin sreg bya'o/ /gdon gyis ma rungs par byas pa la nim pa'i yam sreg shing gis bya'o/ /dbab pa la ni seng ldeng gi yam sreg shing gis bya ste/ /khrag gi sbyin sreg bya'o/ /de nas gdon khus 'debs shing gtor ba dang 'pho bar 'gyur ro/ /'byung po'i zas kyis ni spyir yang 'bebs par 'gyur ro/ /gsang ba pa dang klu ni zla ba phyed kyis dbang du 'gyur ro/ /gnod sbyin mo ni zhag bdun gyis so/ /skyes pa ni zhag gsum gyis so/ /bud med ni za ma bzhes dbang du 'gyur te/ 'di ltar sna ma'i me tog dang be kang+ka ta'i yam sreg shing sbrang rtsi dang mar gyi nang du smyugs pas sbyin sreg byas la dus gsum du lan brgyad brgya bzlas brjod byas te bdag bsrung bar bya'o/ /sems can thams cad kha bcing bar bya ba ni mang po yang rung / gcig la yang rung / srad bu la mdud pa byas te bzlas brjod lan brgyad brgya dang mdud pa lan brgyad brgya bya'o/ /gzhig pa la ni lan tshwas bya'o/ /gdon gzhom pa ni nim pa'i yam sreg shing gis bya ste/ cho ga snga ma bzhin du bya'o/ /ras sngon po la lan bdun bzlas brjod byas te ro smad du bcings na sus kyang mi thub pa'i rgyan du 'gyur ro/ /de bzhin du g.yul 'gyed pa dang / 'khrug pa dang / 'thab pa dang / rtsod pa thams cad la bsrung ba'i phyir bcings na rgyal zhing thebs par 'gyur ro/ /dur khrod du las bya ba rnams dang / zhi bar bya ba dang rgyas par bya ba dang / gdon dgug pa dang / dam tshig 'dzin du gzhug par bya ba la ni cho ga bzhin du bzlas brjod dang / rdo rje'i phyag rgyas bya'o/ /rmi lam du ston du gzhug pa la ni gtsug phud dang ras kyi tshar tshar ram chos gos kyi grwa la lan 95-1-235a bdun bzlas brjod byas te mdud pa bya'o/ /gzhan gyis mi thub pa'i cho ga rdzogs so// //rig sngags thams cad kyi spyi'i cho ga bshad par bya ste/ sa gzhi mdog sdug cing gseg ma dang rus pa dang / srog chags kyi gnas med par bkra shis pa'i phyogs su mar gyi ngo zhag brgyad las yongs su sbyang ba brtsams nas dkyil 'khor khru bcu drug gru bzhi pa byas nas/ mar gyi ngo zhag bcu bzhi la tshon rtsi sna lngas bri bar bya ste/ sgo bzhi gdod par bya'o/ /tshon rtsi 'byung khungs nas byung ba'i tshon gyis bri bar bya ste/ dkyil 'khor gyi dbus su lag na rdo rje gnas pa'i stegs bu byas la de'i phyogs gcig tu gur gum gyis rdo rje sor brgyad tsam bri'o/ /de'i steng du yang yungs kar gyis rdo rje bya'o/ /de'i steng du yang tsan+dan dmar po las rdo rje sor brgyad pa byas la gzhag go/ /dkyil 'khor gyi phyi rol shar phyogs kyi sgor ni rdo rje dang 'khor lo gzhag go lho phyogs su ni rdo rje dang dbyug pa gzhag go/ /nub phyogs su ni rdo rje dang zhags pa gzhag go/ /byang phyogs su ni rdo rje dang be con gzhag go/ /dkyil 'khor zlum po'i nang du phyogs bzhi nas rdo rje thams cad gzhag go/ /de dag gi phyi rol du khru gang tsam gyis dpag ste/ dkyil 'khor gyi mtshams kyis bskor nas tshes gcig la brtsams te bsgrub par bya'o/ /sgo bzhir ni bum pa mi gnag cing rtsa ba med pa bzhi 'o mas bkang ste gzhag go/ /nyin gcig bzhin du mtshan mo mar gyi mar me yang dbul lo/ /lnga pa ste lag na rdo rje dang bcom ldan 'das la yang dbul lo/ /stegs bu der sku gdung dang ldan pa'i sku gzugs bzhag la de'i mdun du lha dang rdo rje dri thams cad kyis legs par bri bar bya ste khru gang tshun du bya'o/ /de'i phyogs gcig tu thab khung rdo rje'i dbyibs 'dra bar byas la der shing 'o ma can gyi yam sreg shing gis me spar te dgang blugs phul nas/ zho dang sbrang rtsi dang / 'o ma dang / yungs kar gyis sbyin sreg byas la de nas bzlas brjod lan brgyad stong bya'o/ /zas su 'o ma dang phye'i 'de gu za zhing dus gsum du bdug pa dang me tog gi phreng ba la sogs pas mchod de dus gsum du gos 95-1-235b brje ba dang / mi smra ba bsgrub par bya'o/ /de'i mjug tu zhag gsum smyung ba byas te/ zla ba nya la mchod pa rgyas par byas nas bsgrub cing lag pas rdo rje mnan te nam dro bar gyur pa dang / dud pa 'thul ba dang / 'bar bar gyur pa dang / nam mkha' la 'phags par gyur gyi bar du bzlas brjod bya'o/ /de nas blangs na lag na rdo rje dang mthu mnyam par 'gyur te tshe bskal par thub cing mngon par shes pa lnga dang ldan la/ dmod pa 'dor ba dang / phan 'dogs nus par 'gyur ro/ /smyung bar 'dug pa'i nyin mo ni rtag tu mnan te bzlas brjod bya'o/ /lag na rdo rje dang 'jig rten skyong ba rnams la yang phyogs thams cad kyang lha bshos rgyas pa dbul lo/ /sgo re rer yang mar gyi mar me gnyis dbul lo/ /nang du mar gyi mar me bzhi dbul lo/ /thog ma ni dkyil 'khor gyi gnas ba lang gi lci bas skyong nul byugs la dri byugs nas gdod bri bar bya'o/ /'di ni pho nya ma thams cad kyi rdo rje bsgrub pa spyi'i cho ga yin te las thams cad kyang las kyi rdo rje lag na thogs par bya'o/ /de nas me tog gi chun po 'gul bar 'gyur ro/ /de ltar grub nas phyi de nyin par mchod pa shin tu rgyas par bya'o/ /blo gros rdo rje ma bsgrub pa'i cho ga gsum pa ni ras mnyams pa la tshon rtsi sbyin med pas blo gros rdo rje ma pad+ma'i mdog can lag na pad+ma thogs shing pad+ma la 'dug pa bri'o/ /de nas zhag lnga'i bar du ba gcin dang / phye'i 'de gu za zhing dus gsum du khrus bya zhing dus gsum du gos brje ba dang / rtswa dUr ba'i stan la nyal bas dus gsum du pad+ma brgyad brgya la lan re bzlas brjod byas te dbul lo/ /zla ba nya la nyin mtshan du smyung bar byas te mchod pa rgyas par byas nas lha bshos kyang phul la nub gsum pad+ma brgyad stong phul na 'grub par 'gyur ro/ /'dod pa thams cad sbyin par 'gyur ro/ /blo gros rdo rje ma'i cho ga rdzogs so// //na mo rat+na tra yA ya/ na mo badzra pA Na ye/ ma hA yak+Sha se nA pa ta ye/ ni ri ni ri/ pA sh+ye bA sh+ye ne swA hA/ 'di pho nya ma lta ba ma zhes bya ba ste/ 'di ni las thams cad rgyas par bshad par bya'o/ /gsal snang gi cho ga bya bar 'dod na ni ri mo'i gzugs kyi mdun du dkyil 'khor skyong nul gyis byugs te/ 95-1-236a bdug pa dang / me tog dang dri phul nas bu mo gzhon nus bkal ba'i skud pa phra mo nyis bltab tu byas pa sor bzhi pa gnyis byas la/ de nas lan bdun bzlas brjod byas te dkyil 'khor de'i steng du bzhag la de nas rig sngags brjod par bya ste/ 'di skad du ci ste don 'di 'grub pa lta na gcig la gcig 'khri bar gyur cig /mi 'grub pa lta na so sor gyes par gyur cig ces bya'o/ /de nas yang dag pa ji lta ba bzhin du ltas ston par 'gyur te/ gtsang zhing tshangs par spyod pa dang / smyung bar byas pas bya'o/ /skyes pa dang bud med dbang du bya bar 'dod na de'i ming dang ldan par rig sngags brjod par bya ste/ ma da na'i shing las gzugs byas nas tsha ba gsum gyis bkang la tshigs bdun du ma da na'i tsher ma bdun gyis btab nas/ zangs kyi thur ma rkub tu btsugs te spyi bor phyung la seng ldeng gi mdag ma'i dugs kyis bdug cing / zhag bdun gyi bar du kha shar phyogs su bstan te dus gsum du lan brgyad brgya bzlas brjod byas nas mjug tu lan stong byas na 'grub par 'gyur ro/ /de nas gzhig par 'dod na yungs nag gi 'bru las gzugs byas la rkang pa g.yas pa nas brtsams te/ seng ldeng gi me'i nang du dus gsum du sbyin sreg byas na zhag bdun gyis 'jig par 'gyur ro/ /de nas mar gyi ngo zhag brgyad la gso sbyong dang ldan pas ro bsregs pa'i sol ba blangs te/ lan brgyad stong bzlas brjod byas nas dgra'i gzugs bris la rtag tu mgo bo dang / snying ga dang lag pa gnyis dang / rkang pa gnyis su lcags kyi phur bu re btab na lce 'chings par 'gyur ro/ /de ming nas smos shing de'i rkang pa'i drung du nim pa'i bud shing khrag gi nang du smyugs pas me bus pa yungs nag dang lan tshwa dang til nag po bsregs te/ khrag dang sbyar bas dus gsum du lan nyi shu rtsa re re sbyin sreg byas na zhag nyi shu rtsa gcig gis 'jig par 'gyur ro/ /bdag nyid kyi mthu ba skyed par 'dod na sku gdung dang ldan pa'i mchod rten gyi drung du bdug pa dang / me tog dang dri phul la bum pa sar pa chus bkang ste/ sman thams cad dang sa bon thams cad dang dbyig rnams blugs la lan 95-1-236b brgyad brgya bzlas brjod byas nas ras ma nyams pas smad g.yogs byas te/ khrus byas na sdig pa thams cad rab tu bcom par 'gyur ro/ /de nas mig sman bsgrub par 'dod na ut+pa la dmar po dang / pad+ma skyon med pa dang / pad mot+ta ra dang / sa ha tsa ra dang / gi'u wang dang/ rdo pha bang long bu dang / mig sman gyi gtso bo 'di dag glang po'i rdul dang sbyar nas rgyun ma chad par lan stong sbyin sreg bya ste/ skar ma rgyal la mig bskus ni de ma thag tu 'jig rten thams cad la dbang sgyur bar 'gyur ro/ /de nas lus mi snang bar 'dod na mig sman gong ma de nyid lcags las mi'i gzugs byas pa'i spyi bo phug la de'i lto ba mig sman gyis bkang ste/ lcags kyi phur bus btab nas zhag gsum smyung bar byas la mar gyi ngo zhag bcu bzhi'i nub mo bzlas brjod byas te/ ro bsregs pa'i me 'bar ba'i nang du bor nas 'byung po'i gtor ma thams cad phul la grangs nges pa med par bzlas brjod bya'o/ /de nas rmi lam du mi nag po mthong bar 'gyur te grub zin no zhes zer ba dang nang par langs te des mig bskus na lus mi snang bar 'gyur ro/ /rdul la lan brgyad brgya bzlas brjod byas te/ gdong bskus na rgyal po'i pho brang dang rtsod pa'i nang du rgyal bar 'gyur te/ don yang grub par 'gyur ro/ /gsal snang bya bar 'dod na smyung ba byas la bdug pa dang me tog dang / dri dang lha bshos phul te mthe bong rgya skyegs kyi khu bas mdog bsgyur nas dri zhim pos bgos pa'i til mar gyis bskus te/ byis pa byad bzang la mdog gnag pa byed du bcug nas/ rig sngags bzlas brjod byas na nges par rtogs par 'gyur ro/ /yang na me long la yang bya ste/ mig la sngags kyis gdab bo/ /gos dang rgyan thams cad la yang sngags kyis gdab bo/ /lta ba ma'i cho ga rdzogs so// //de nas lha kun lu gu rgyud/ /lag na rdo rje'i g.yung drung las/ /rdo rje lu gu rgyud grags pa/ /bdag gis rab tu bshad par bya/ /de nas lag na rdo rjes bcom ldan 'das la 'di skad ces gsol to/ /bcom ldan 'das bdag gis rig sngags kyi rgyal mo 95-1-237a 'di ni thams cad du gzhan gyis mi thub cing don thams cad la 'grub pa lags kyis skye bo mang po la sman pa dang / skye bo mang po la bde ba stsal ba dang / dge slong dang / dge slong ma dang / dge bsnyen dang / dge bsnyen ma rnams la sman pa gang lags pa bdag gis 'di bcom ldan 'das kyis bzhes su gsol/ sa'i steng gang na bdud sdig can gyi dbang du gyur pa dad pa ma mchis pa 'dod pa na spyod pa'i bar gang dag bcom ldan 'das kyi bstan pa la bgegs bgyid pa de dag gzhom pa'i slad du rig sngags rdo rje lu gu rgyud ces bgyi ba 'di bgegs thams cad rab tu zhi bar bgyid pa/ las thams cad bgyid pa/ thams cad gzhan gyis mi thub pa'i sdig pa thams cad rab tu zhi bar bgyid pa 'di'i slad du bcom ldan 'das kyis bdag la thugs brtse bar mdzad du gsol/ de nas lag na rdo rjes rig sngags kyi tshogs rnams la bltas so/ /de nas rig sngags rig sngags kyi tshogs kyis bskor ba'i rig sngags bcom ldan 'das gang na ba der song ste phyin nas/ bcom ldan 'das la lan gsum bskor ba byas te/ de'i tshe ched du brjod pa 'di ched du brjod do/ /nad med pa ni rnyed pa'i mchog /chog shes pa ni nor gyi mchog/yid brtan pa ni gnyen gyi mchog /mya ngan 'das pa bde ba'i mchog /dkon mchog gsum la phyag 'tshal lo/ /gsang ba pa'i bdag po lag na rdo rje rdo rje 'dzin gnod sbyin gyi sde dpon chen po 'khor dang bcas pa g.yog dang bcas pa/ phyi bzhin 'brang ba dang bcas pa la phyag 'tshal lo/ /'jig rten skyong ba bzhi la phyag 'tshal lo/ /de nas rig sngags kyi rgyal mo chen mo rdo rje lu gu rgyud bshad par bya'o/ /rdo rje lu gu rgyud la phyag 'tshal lo/ /rdo rje mchog 'dzin pa lag na rdo rje la phyag 'tshal lo/ /rdo rje mdzes pa lag na 'khor lo dang rdo rje thogs pa la phyag 'tshal lo/ /rig sngags rdo rje'i rigs su gtogs pa la phyag 'tshal lo/ /rdo rje zhags pa dang rdo rje lu gu rgyud la phyag 'tshal lo/ /rdo rje rnam par rgyal ba la phyag 'tshal lo/ /rdo rje dga' bar byed pa la phyag 'tshal lo/ /nor bu rdo rje 95-1-237b 'od la phyag 'tshal lo/ /gser dang / nor bu dang / mu tig dang / byi ru dang / rdo rje mdzes pa sna tshogs can la phyag 'tshal lo/ /lha thams cad kyis phyag byas shing bstod pa khyod la phyag 'tshal lo/ /dri za thams cad kyis mchod pa khyod la phyag 'tshal lo/ /klu'i dbang po thams cad kyis brjod pa khyod la phyag 'tshal lo/ /gnod sbyin thams cad kyis phyag byas pa khyod la phyag 'tshal lo/ /'byung pos brjod pa khyod la phyag 'tshal lo/ /'jig rten skyong gis brjod pa khyod la phyag 'tshal lo/ /rig sngags thams cad kyis phyag byas pa khyod la phyag 'tshal lo/ / dbang po dang gshin rje dang chu lha dang / ku be ra dang / phur bu dang / drang srong bdun gyis phyag byas pa la phyag 'tshal lo/ /dkar mos phyag byas pa la phyag 'tshal lo/ /dri len gyis phyag byas pa la phyag 'tshal lo/ /nag mos phyag byas pa la phyag 'tshal lo/ /ma tang gis phyag byas pa la phyag 'tshal lo/ /tshangs pas phyag byas pa la phyag 'tshal lo/ /dbang pos phyag byas pa la phyag 'tshal lo/ /khyab 'jug gis phyag byas pa la phyag 'tshal lo/ /gzhon nus phyag byas pa la phyag 'tshal lo/ /nyi ma dang zla bas phyag byas pa la phyag 'tshal lo/ /bram zes phyag byas pa la phyag 'tshal lo/ /sngon gyi drang srong gis mchod pa la phyag 'tshal lo/ /rlung lhas phyag byas pa la phyag 'tshal lo/ /de nas bcom ldan 'das lag na rdo rje pho nya ma'i tshogs kyi 'khor dang bcas par mi snang bar gyur to/ /bcom ldan 'das kyis de skad ces bka' stsal pa dang / byang chub sems dpa' sems dpa' chen po lag na rdo rje dang / tshangs pa dang / khyab 'jug dang / dbang phyug chen po dang / phur bu gsum pa la sogs pa dang / 'jig rten skyong ba bzhi dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// //'phags pa rig pa mchog gi rgyud chen po rdzogs so// //rgya gar gyi mkhan po bid+yA ka ra pra b+ha dang / lo tsA ba ban+de dpal brtsegs kyis bsgyur ba'o// // |