@#/ /rgya gar skad du/ pad+ma mu ku Tan+t+ra nA ma/ bod skad du/ pad+ma cod pan zhes bya ba'i rgyud/ bcom ldan 'das 'jam pa'i rdo rje la phyag 'tshal lo/ /'di skad bdag gis thos pa dus gcig na/ bcom ldan 'das lha'i gzhal med khang na longs spyod rdzogs pa'i skur sangs rgyas nas byang chub sems dpa'i 'khor dpag tu med pa dang thabs cig tu bzhugs te/ de nas bcom ldan 'das thugs rje chen po'i sgo kun nas 'phro ba zhes bya ba'i ting nge 'dzin la snyoms par zhugs te/ 'od zer gyis rnam par snang mdzad gang chen mtsho'i zhing gi rdul la reg pas reg ma thag tu bskal pa bzang po'i sangs rgyas stong rtsa gnyis la mchod nas/ 'od zer de bcom ldan 'das kyi dbu'i gtsug tu nub bo/ /nub ma thag tu thugs rje chen po phyag stong spyan stong dang ldan pa sku mdog gangs kyi rtse la nyi ma shar ba ltar dkar ba zhal bcu gcig gi rtsa ba'i zhal dkar po/ /steng zhal ser ba/ g.yas ljang gu/ g.yon dmar ba/ steng gi gsum nag po/ /bcom ldan 'das kyi dbu ni byi ru bcag pa lta bur gyur te/'dzum pa mdzad nas thugs rje chen po'i bdag po 'phags pa spyan ras gzigs dbang phyug la gzigs so/ /de nas byang chub sems dpa' 'phags pa spyan ras gzigs dbang phyug gis thal mo sbyar te bcom ldan 'das la gsol pa/ sku dang sngags dang las rnams dang / /khyad par cho ga bstan par gyis/ /zhes gsol ba btab nas/ bcom ldan 'das kyis byang chub sems dpa' 'phags pa spyan ras gzigs dbang phyug la legs so zhes bya ba byin nas bka' stsal pa/ sku yi rnam pa 'di lta ste/ /thugs rje dag pas chu shel te/ /mnyam par bzhengs 93-1-158a pas 'gro don mdzad/ /chu shel mdog 'dra zhal gsum dkar/ /ljang gu'i mdog can nag po che/ /ser po de bzhin bcom ldan dmar/ /drang srong rtag tu ri dgas brgyan/ /zhi ba 'dzum dang bzhad pa dang / /khros pa'i zhal mnga' spyan gsum mdzes/ /bcu pa sems dpa'i rtags can de/ /bcu gcig bcom ldan 'das kyi bdag /yon tan nor bu mu tig phreng / /phrin las sna tshogs smad dkris pa/ /dang po'i phyag ni thal sbyar te/ /g.yas pa rin chen phreng ba 'dzin/ /g.yon pa dri med pad+ma 'dzin/ /g.yas pa mchog sbyin mdzad pa po/ /g.yon pa ril ba spyi blugs te/ /g.yas pa 'khor lo rab tu 'dzin/ /g.yon pa na ni mda' gzhu ste/ /lhag ma mchog sbyin spyan ldan pa'o/ /de nas yang bcom ldan 'das kyis 'dzum pa mdzad de/ cod pan gnyis nas 'od zer rab tu 'phros pa dang / bcom ldan 'das la sangs rgyas thams cad kyi byin gyis brlabs las byung ba'i pad+ma'i steng du rigs lnga byung ba 'di lta ste/ rnam par snang mdzad dang / rin chen 'byung ldan dang / snang ba mtha' yas dang / don yod grub pa dang / mi bskyod pa'o/ /khang bu brtsegs pa rin po che de'i nang du seng ge dang / rta dang / rma bya dang / nam mkha' lding dang / glang po che de dag ni cod pan las byung ba'o/ /yang yum ni sku mdog sngon mo ste/ /pad+ma las byung pad+ma'i steng / /tshad med bzhi ste phyag bzhi mdzes/ /sems dpa'i rgyan du ldan pa yi/ /mnyam pa yi ni skyil krung bcas/ /yab ni sku mdog ser po ste/ /pad+ma las byung pad+ma'i steng / /thal sbyar nor bu bgrang phreng 'dzin/ /rgyan rnams yongs su 'dzin pa'o/ /yang na 'od zer rab bkye ste/ /zla ba nyi ma las byung ba'i/ /nyi ma'i mdog can nyi ma ni/ /gzhon nu ut+pal mchog sbyin mdzad/ /zla ba las skyes nam mkha'i mdog /cung zhig khros pa rdo rje can/ /dkar po gangs ltar dkar ba ste/ /nyi zla'i steng na pad+ma 'dzin/ /drag po gnyis dang hrIHyig las/ /gnyis med tshul gyis 'bras bu rdzogs/ /ha ya gri ba khams gsum sdud/ /khro 93-1-158b gnyer can gyi phrin las mdzad/ /gshin rje gshed po gter 'dzin cing / /khams gsum rnam rgyal bdud sde 'joms/ /'khor lo dkar po dag pa'i steng / /gru bzhi sgo bzhi rta babs bcas/ /dang por dkon mchog rab dad cing / /tshad med bzhi ni rab tu rdzogs/ /byang chub yan lag rdzogs pa dang / /chos dbyings rang bzhin stong nyid do/ /gleng gzhi dang sku bstan pa'i le'u ste dang po'o// //de nas gsang sngags bstan pa'i phyir/ bcom ldan 'das kyis rnam par snang mdzad gang chen mtsho'i zhing khams thams cad du 'od bkye nas gtsug tu nub par gyur to/ /de nas yang gsungs pa/ o~M hU~M trAM hrIHaH/ na mo rat+na tra yA ya/ na ma Ar+ya dz+nyA na sA ga rA ya/ be+e ro tsa nA ya/ byU ha rA dzA ya/ ta thA ga tA ya/ aR+ha te samyak+saM bud+d+hA ya/ na maHsarba ta thA ga te b+h+yaH/ aR+had b+h+yaHsamyak+sam bud d+he b+h+yaH/ na ma Ar+yA ba lo ki te shwa rA ya/ bo d+hi satwa ya/ ma hA sa twA ya/ ma hA kA ru Ni kA ya/ tad+ya thA/ o~M d+ha ra d+ha ra/ d+hi ri d+hi ri/ d+hu ru d+hu ru/ iT+Te/ baT+Te/ tsa le tsa le/ pra tsa le pra tsa le/ ku su me ku su ma ba re/ i li mi li/ tsi ti dz+wa la ma pa na ya swA hA/ sngags 'di 'don par byed pa'i rigs kyi bu'am rigs kyi bu mos lan cig brjod dam dran zhing yid la byas sam lus la bcangs na mtshams med pa lnga dang / de dang nye ba'i sdig pa'i las byang zhing sems can dmyal ba dang yi dgas dang dud 'gro'i skye gnas su mi skye zhing mi khom pa brgyad du sdug bsngal dang bcas par mi 'gyur ro/ /gcan gzan dang / srin po dang / mi ma yin pa dang / nad dang 'jigs pa thams cad las grol bar 'gyur ro/ /o~M rak+Sha rak+Sha zhes pas kyang bsrung bar bya'o/ /o~M a kA ro mu khaM sarba d+harmA r+NAM/ Ad+ya nud pan+na twAta zhes pas gtor ma'i chus yi dgas la mchod par bya ste/ o~M AHhU~M zhes pas so/ /de rnams kyi sngags bsdus pa ni/ o~M ma Ni pad+me hU~M zhes pa'o/ /'di ni rigs gsum gyi bdag por 'gyur te/ de'i phan yon ni 'di'o/ /chos kyi sku dang gzugs kyi sku'i thugs rje chen por mthong bar 'gyur ro/ /o~M na maHsarba ta thA ga ta d+hU pe 93-1-159a pU dza me g+ha sa mu dra s+pha ra Na sa ma ye hU~M/ o~M na maHsarba ta thA ga ta puSh+pe pU dza me g+ha sa mu dra s+pha ra Na sa ma ye hU~M/ o~M na maHsarba thA ga ta A lo ke pU dza me g+ha sa mu dra s+pha ra Na sa ma ye hU~M/ o~M na maHsarba ta thA ga ta ga na d+he pU dza me g+ha sa mu dra s+pha ra Na sa ma ye hU~M/ o~M na maHsarba ta thA ga ta ne+e wi d+ya pU dza me g+ha sa mu dra s+pha ra Na sa ma ye hU~M/ o~M na maHsarba ta thA ga ta shap+ta pU dza me g+ha sa mu dra s+pha ra Na sa ma ye hU~M/ oM na maHsarba ta thA ga ta maN+Dal pU dza me g+ha sa mu dra s+pha ra Na sa ma ye hU~M/ de nas mchod pas yang dag mchod/ /stong nyid ye shes las byung ba'i/ /thabs dang shes rab gnyis ldan pa'i/ /hrIHyig dkar po yang dag bzlas/ /sngags kyi le'u ste gnyis pa'o// //de nas las dang cho ga bstan pa'i phyir/ /dang po zhi ba'i las sgrub na/ /yid du 'ong ba'i ljongs dag tu/ /dkar po dang po gsal dus su/ /dri zhim chu yis legs byugs te/ /me tog dkar po bkram byas nas/ /khrus dang kha zas phyogs mthun pa'i/ /bde ba'i stan la nyer 'dug ste/ /bum pa dkar po tsan+dan dkar/ /dris bkang shing gos legs par dkri/ /maN+Dal dbus su legs par bzhag /hrIHlas byung ba'i sems dpa'i sku/ /zhal gcig phyag gnyis sku mdog dkar/ /rgyan rnams rdzogs pa pad+ma bsnams/ /zla ba'i gdan la legs bzhugs pa/ /hrIHlas 'od zer 'phro ba bsgom/ /phyag stong spyan yang de bzhin te/ /rgyas pa'i sku ni mdun bsams nas/ /hrIHyi 'phro 'du gsal ba ni/ /bzlas ba rab tu gsal ba ste/ /gsang sngags 'di ni brjod par bya/ /na mo rat+na tra yA ya/ na ma Ar+ya dz+nyA na/ sA gar/ be+e ro tsa na/ byU ha rA dzA ya/ ta thA ga tA ya/ aR+ha te/ samyak+saM bud d+hA ya/ na maHsarba ta thA ga te b+h+yaH/ aR+had b+h+yaH/ samyak+saM bud+d+ha ya/ na ma Ar+yA ba lo ki te shwa rA ya/ bo d+hi sa twA ya/ ma hA satwA ya/ ma hA kA ru Ni kA ya/ a mi ta b+ha la che ge mo shan+ti d+ku ru swA hA/ zhes bzlas par bya'o/ /bru~M/ rnam par snang mdzad bum pa'i chus/ /gang zhig legs par khrus byed pa/ /dri ma thams cad yongs dag nas/ /'bras bu bde ba 93-1-159b de thob 'gyur/ /'jigs pa kun las rab grol te/ /myur du chu skyes thob par 'gyur/ /de nas rgyas pa sgrub 'dod na/ /nags tshal shin tu mthug po ru/ /dri zhim chu yis legs byugs la/ /'bras bur bcas pa'i me tog dgram/ /rgyan rnams yongs su brtags nas ni/ /bde ba'i stan la nyer 'dug ste/ /rin chen sna lnga 'bru snar bcas/ /rin chen ga 'ur blugs byas la/ /maN+Dal dbus su legs par gzhag /hrIHlas byung ba sems dpa'i sku/ /zhal gcig phyag gnyis sku mdog ser/ /rgyan rnams rdzogs pa pad+ma bsnams/ /phyag stong spyan yang de bzhin te/ /rgyas pa'i sku ni mdun bsams nas/ /mchod pa lnga yis yang dag mchod/ /hrIHyi 'phro 'du gsal bar bzlas/ /na mo rat+na tra yA ya/ na maHAr+ya dz+nyA na sA ga rA ya/ be+e ro tsa nA ya/ byU ha rA dzA ya/ ta thA ga tA ya/ aR+ha he/ samyak+saM bud+d+ha ya/ na maHsarba ta thA ga te b+h+yaH/ aR+had b+h+yaHsamyak+saM bud+d+he b+h+yaH/ na ma Ar+yA ba lo ki te shwa rA ya/ bo d+hi sa twA ya/ ma hA sa twA ya/ ma hA kA ru Ni kA ya/ rat+na ku na puSh+TiM ku ru swA hA/ bang mdzod stong pa'i steng gzhag ste/ /'bru yis yongs su khengs par 'gyur/ /de nas dbang gi las byed na/ /sdud par byed pa'i chu klung 'gram/ /pa la sha dang a shwat+tha/ /me tog dmar por ril bu byas/ /bse gab dmar po'i nang du gzhug /me tog dmar pos rab tu mchod/ /hrIHyig las byung sgrol ma ni/ /ljang gu phyag na lcags kyu 'dzin/ /phyag stong spyan yang de bzhin te/ /rgyas pa'i sku ni mdun bsams nas/ /mchod pa lnga yis yang dag mchod/ /hrIHyi 'phro 'du gsal bar bzlas/ /na mo rat+na tra yA ya/ na maHAr+ya dz+nyA na/ sA ga rA ya/ be+e ro tsa nA ya/ byU ha rA dzA ya/ ta thA ga tA ya/ aR+ha te/ samyak+saM bud+d+hA ya/ na maH sarba ta thA ga te b+h+yaH/ aR+had b+h+yaHsamyak+saM bud+d+he b+h+yaH/ na maHAR+yA ba lo ki te shwa rA ya/ bo d+hi satwA ya/ ma hA sa twA ya/ ma hA kA ru Ni kA ya/ a mo g+ha b+ha smiM ku ru/ o~M tA re tut+tA re tu re a mo g+ha b+ha smiM ku ru swA hA/ rdzas kyi lde gus lus byugs nas/ /byugs pa de yis khugs par 'gyur/ /de nas 93-1-160a phrin las bya 'dod na/ /dur khrod shing gcig dag tu ni/ /ba yi lci bas legs byugs nas/ /me tog sngon po ni ma pa yi/ /spos kyi tshom bu lnga byas dgram/ /byang du 'dug ste las 'di brtsam/ /gcan gzan steng du chu shel te/ /hrIHyi yi ge las byung ba'i/ /mdog dkar ral pa'i thor tshugs can/ /zhal gcig spyan ni gsum pa ste/ /ri dgas pags pa 'dzin pa yi/ /drang srong khros pa'i cha byad can/ /phyag bzhi dang po mchog sbyin pa/ /g.yon pa pad steng ral gri can/ / g.yas pa ltos 'gros brgyan pa'i mdung / /rtse gsum dkar pos brgyan pa'o/ /g.yon pa thod pa dkar po ste/ /dri zhim me tog dag gis bkang / /rgyal po chen po'i rol pa ltar/ /cung zhig zur gyis gzigs pa'o/ /phyag stong spyan yang de bzhin te/ /bskal pa bzang po'i sangs rgyas stong / /pad+ma'i gdan la legs bzhugs pa'i/ /rgyas pa'i sku ni legs bsams nas/ /hrIHyi 'phro 'du las byung ba'i/ /gsang sngags rgyal po bzlas par bya/ /na mo rat+na tra yA ya/ na maHAr+ya dz+nyA na sA ga rA ya/ be+e ro tsa nA ya/ byU ha rA dzA ya/ ta thA ga tA ya/ aR+ha te/ samyak+saM bud+d+ha ya/ na maHsarba ta thA ga te b+h+yaH/ aR+had b+h+yaH/ samyak+saM bud+d+he b+h+yaH/ na maHAr+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ o~M a ka Te/ ni ka Te/ ki Ta ka Te/ ka ro Te ka ro Ta/ bIr+ye swA hA/ o~M karma a mo g+ha/ bi badzra siM ha nA di hU~M phaT/ dri'am byug pa dag la ni/ /btab la lus la byug par bya/ /me tog sngon po mgo la gzhag /maN+Dal chu yis lus la byug /nyi shu rtsa lnga bzlas nas ni/ /las rnams thams cad grub par 'gyur/ /de nas bzhi ka sgrub 'dod na/ /bkra shis dus gsum rdzogs dus su/ /ri bo yid 'ong gnas dag tu/ /sa gzhi chag chag legs btab ste/ /maN+Dal legs byas me tog ni/ /dri zhim dkar pos yongs gtor te/ /gtsang zhing dag pa'i rdzas rnams dgram/ /gtsang ma bram ze 93-1-160b byas te gzhag /khrus dang ku sha'i steng gnas te/ /hrIHlas byung ba'i chu skyes steng / /chu shel mdog 'dra zhal gsum yang / /'dzum dang zhi ba'i bdag nyid can/ /ljang gu bzhad pa'i zhal gsum ste/ /nag po khros pa dmar ser skra/ /ser po'i zhal ni 'dzum pa ste/ / dmar po bcom ldan 'das kyi dbu/ /ri dgas pags pas stod g.yogs shing / /sna tshogs sham thabs mnabs pa yi/ /zhabs gnyis phyag drug mnyam par bzhengs/ /g.yas g.yon dang po thal mo sbyar/ /bar ma pad+ma bgrang phreng 'dzin/ /tha ma mchog sbyin spyi blugs 'dzin/ /bum pa rnam snang lha mo ni/ /la se ma le gI rti ste/ ni rti nang gi lha mo dag /zla ba'i gdan la legs par bzhugs/ /hrIHyi yi ge las byung ba'i/ /gsang sngags rgyal po bzlas par bya/ /na mo rat+na tra yA ya/ na maHAr+ya dz+nyA na sA ga rA ya/ be+e ro tsa nA ya/ byU ha rA dzA ya/ ta thA ga tA ya/ aR+ha te/ samyak+saM bud+d+ha ya/ na maHsarba ta thA ga te b+h+yaH/ aR+had b+h+yaH/ samyak+saM bud+d+he b+h+yaH/ na maHAr+yA ba lo ki te shwa rA ya/ bo d+hi satwA ya/ ma hA satwA ya/ ma hA kA ru Ni kA ya/ tad+ya thA/ o~M d+ha ra d+ha ra/ d+hi ri d+hi ri/ d+hu ru d+hu ru/ iT+Te baT+Te/ tsa le tsa le/ pra tsa le pra tsa le/ ku su me ku su ma ba re/ i li mi li tsi ti dz+wa la ma pa na ye swA hA/ bum pa'i chu la legs bsgrubs nas/ /lus la byugs pas grub par 'gyur/ /cho gas bsgrubs pa'i le'u ste gsum pa'o// //de nas thabs kyi rim pa ni/ /gro ga'am ras sam shing shun la/ /ra yi 'o mas bris pa yi/ /tshom bu lnga yi 'khor lo la/ /dbus su sku yi sa bon te/ /lnga pa yi ni lnga pa ste/ /shar du de yang bri bar bya/ /bzhi pa'i lnga pas dbus su mtshan/ /lho ru de ni yang dag dgod/ /lnga pa'i dang po bzhi pa'i gsum/ /nub tu de ni yang dag dgod/ /lnga pa yi ni lnga pa la/ /e yis rnam par sbyar bas te/ /byang du de ni yang dag dgod/ /dbus su thugs kyi sa bon te/ /shAn+tiM ku ru mtshams su'o/ /swA hA dbus su dgod par bya/ /de ltar 'khor lo gsal bkod 93-1-161a nas/ /dngul lam dkar po'i ga 'ur gzhug /thams cad las kun zhi bar 'gyur/ /yung ba'i chu yis bris pa yi/ /puSh+TiM ku ru mtshams su'o/ /tsan+dan dkar po dri zhim zhing / /kham phor ser por legs par gzhug /rgyas pa'i las rnams grub par 'gyur/ /pa la sha yis legs par bris/ /ba shaM ku ru mtshams su dgod/ /kham phor dmar por legs par gzhug /dbang gi las rnams 'grub par 'gyur/ /nim pa'i chu yis legs par bri/ /mA ra ya ni mtshams su dgod/ /lcags sam thod par yang dag gzhug /phrin las thams cad grub par 'gyur/ /tsan+dan dkar po dri zhim zhing / /zhi bas de ni me la bsreg /'bras bu mngar dang bcas pa'i shing / /rgyas pas de ni me la bsreg /dbang ni pa la sha yi shing / /de la bsregs na khugs par 'gyur/ / nim pa'i shing la tshar gcad pa'i/ /bsregs pas phrin las 'grub par 'gyur/ /'khor lo'i le'u ste bzhi pa'o// //de nas las kyi rim pa ni/ /dUr ba'i rtswa dang 'bras kyi 'dab/ /til dang yungs kar ci tse la/ /gsang sngags bzlas nas grub pa ni/ /da li'i shing la legs bsregs nas/ /thams cad rab tu zhi bar nus/ /ku sha star bu shug 'brum dang / /stag ma'i me tog dmar po la/ /gsang sngags bzlas par rab bya ste/ /tsan+dan shing la legs bsregs nas/ /rgyas par bya ba'i las grub cing / /nus pa mchog ni thob par 'gyur/ /pa la sha yi shing dag dang / /khre dang ci tse mon sran la/ /gsang sngags bzlas pa rab bya ste/ /pad+ma ka yi shing la bsreg /nus pa mchog ni thob par 'gyur/ /thams cad dbang du 'du bar 'gyur/ /gro dang so ba 'bras dang ni/ /bra bo mon sran til nag po/ /gsang sngags rab tu bzlas bya ste/ /kha ti ra yi shing la bsreg /nus dang ldan de las rnams ni/ /myur ba nyid du 'grub par 'gyur/ /pra ha kha tsha'i shing dag la/ /lo ma 'bras bur bcas pa dang / /rdo rje'i shing la sngags bzlas nas/ /mya ngan 93-1-161b 'tshang gi shing la bsreg /nus pa thob nas myur du ni/ /mi rnams thams cad dbang du sdud/ /ldong ros pad+ma'i rtsa ba dang / /mu la pa tra'i shing dag la/ /gsang sngags rab tu bzlas byas nas/ /a ru ra yi shing la bsreg /'khor lo'i 'og tu bcug pa yis / / rgyal po dbang du byed par 'gyur/ /pa la sha yi shing dag dang / /ka ra bI ra'i 'bras bu la/ /gsang sngags rab tu bzlas byas te/ /'dzam bu'i shing la rab bsregs nas/ /ral gri'i 'og tu bcug nas ni/ /g.yul dbang yang ni dbang du 'gyur/ /tshe rabs brgya ru lon pa'i rus/ /mtshon gyis bsnun pa'i rus pa dag /gsang sngags rab tu bzlas byas nas/ /skyer pa'i me la rab bsregs te/ /lcags kyu'i 'og tu rab bcug na/ /glang po dbang du 'du bar 'gyur/ /ba le ta dang ta le sha/ /kha ti ra da d+ha ti ma/ / dur khrod shing la legs bsregs nas/ /stag la sogs pa dbang du 'du/ /nas dang 'bras dang so ba dang / /sman dang rin chen sna tshogs kyis/ /maN+Dal zlum po legs byas te/ /rgyan rnams rdzogs pa'i sangs rgyas ni/ /pad+ma chu shel las skyes pa'i/ /chu shel mdog can 'dzum pa can/ /rdo rje'i skyil mo krung bzhugs pa/ /ku sha'i stan bcas shar du 'dug /pad+ma'i phyag rgya bcas pa yis/ /byams pa'i sems kyis dbul bya'o/ /nad dang rims dang 'brum bu dang / /shu ba g.yan pa me dpal dang / /nad dang gdon ni thams cad bzlog /mtshams med lnga dang mi dge ba'i/ /'bras bu sdug bsngal nad rnams zlog /me'i las bya ba'i le'u ste lnga pa'o// //de nas rgyal po'i 'jigs pa la/ /maN+Dal dkar po legs byas la/ / tsan+dan dkar po'i dris bsgos te/ /mchod yon me tog dkar po dang / /ci 'byor pa yi mchod pa yis/ /rgyal po lta bu'i gzugs la mchod/ /sdig pa thams cad de mdun du/ /bshags nas myur du skyabs su 'gro/ /gro ga dag gam shing shun la/ /rgyal 93-1-162a po dag gi gzugs byas te/ /yig 'bru lnga po btab pa yis/ /tshon sna lnga yis rab tu bcing / /byams pa'i sems kyis chu bo la/ /bskur na rgyal po'i chad las thar/ /o~M hU~M trA~M hrIHaHsho na ha ri ma ka to/ /sa ra sa ra ka ra ka ra swA hA/ gcan gzan 'jigs pa 'ong ba'i tshe/ /maN+Dal dkar po legs byas la/ /me tog dkar po rab tu gtor/ /mchod pa lnga yis rgyal po mchod/ /sdig bshags myur du skyabs su 'gro/ /'bru sna lnga dang rin chen lnga/ /tshon sna lnga yi phur ma lnga/ /byas pa lus la btags pa na/ /gcan gzan 'jigs pa thams cad las/ /myur ba nyid du grol bar 'gyur/ /o~M AHhU~M trA~M hrIHsho sha na ha ri ha tirma ka ro sa ra sa ra ka ra ka ra swA hA/ chom rkun dag gi 'jigs pa la/ /me tog sngon po rdo rje can/ /mthing nag sa gnon phyag rgya can/ /mchod gnas bdag nyid skyabs su 'gro/ /o~M ak+Sho b+h+yaHta ka ka ra na ga ra kha ti pa swa d+hi tsa kri ta ya ri ka tse tsa tra ti na dur ta na/ sa ra sa ra ka ra ka ra swA hA/ sbrul gyi gdug pas 'jigs pa la/ /bal po se'u'i lcug ma yis/ /bram ze'i gzugs kyi rgyan bsgoms te/ /rin chen 'byung ldan skur bsgoms nas/ / spyi bor mu tig byi ru dang / /man shel pad+ma rA ga dang / /in+d+ra nI la dung g.yas 'khyil/ /gser dang dngul dang dUr ba dang / /rin chen brgyad dang 'bru snar bcas/ /ku sha gla rtsi tsan+dan dang / /ba lu skyer pa ut+pa la/ /gur gum dri zhim lus la byug /oM rat+na saM b+ha ba sa ti bi sha sa ra sa ra ka ra ka ra swA hA/ lce 'bab pa yi 'jigs pa la/ /stag dang 'brug gi rus pa dang / /'khar ba'i phye ma lcags phye dang / /zangs phye ra gan phye ma dang / /gser gyi phye ma gro bar btums/ /snang ba mtha' yas skur bsgoms te/ /byams pas phyogs mtshams kun tu bstan/ /dug rnams sna tshogs dud pas bdugs/ /o~M a mr-i ta ba badzra dz+wa la badzra dz+wa la/ /gardza gardza/ sa ra sa ra/ ka ra ka ra swA hA/ me yi 'jigs pa dag la ni/ /'brug rus sen ta wa sha dang / /til dang sA lu ci tse dang / /nas dang gro dang rgun 'brum 93-1-162b gyi/ /thang phrom dag la sngags btab ste/ /me yi phyogs su gtor bar bya/ /o~M be+e ro tsa na pra b+hA dz+wa la dz+wa la/ sa ra sa ra/ ka ra ka ra swA hA/ rnam par snang mdzad skur bsgoms te/ /me la gtor nas sa yis gsod/ /chu bo dag gis 'jigs pa la/ /mdze can pho mo'i thod par ni/ /ra dang khyi dang phag gi khrag /sa bdag sde brgyad gzugs dang bcas/ /nang du bcug ste chu bor dor/ /don yod grub pa'i sku ru bsgom/ /o~M a mo g+ha sid d+hi/ o~M ka be+e tA ra Ni sa ra sa ra/ ka ra ka ra swA hA/ phyag stong spyan yang de bzhin te/ /thugs rje chen po'i sku mchog ni/ /so sor gsal zhing bsgom par bya/ /so so'i dbu la so sor bsam/ /byams pas kun la rab tu lta/ /'jigs pa kun las grol bar 'gyur/ /'jigs pa kun las yongs su bsrung ba'i le'u ste drug pa'o// //sku gdung me tog dkar pos mchod/ /sa gzhi dri yis chag chag gdab/ /snying po gzugs dang bcas pa 'am/ /khru gang tshad kyi mchod rten la/ /legs par mchod cing bstod par bya/ /stong nyid ye shes las byung ba'i/ /thugs rje'i gzugs kyi rten du shar/ /rdzu 'phrul tshad med bzhi dang ldan/ / byang chub phyogs rnams yongs su rdzogs/ /dri med dung 'dra dkar po ste/ /rgyal chen bzhi yang de bzhin no/ /byang chub chen po'i mchod rten ni/ /khri 'phang bcu gsum tog dang ldan/ /lha yi rol mo char du 'bab/ /chos sgra rgyun mi 'chad pa'i gter/ /rin chen lnga yi bdag nyid de/ /phur bus gdab cing yongs su gzung / /sangs rgyas kun gyi byin rlabs che/ /de yi bsod nams bstan pa ni/ /mtshams med lnga dang mi dge bcu/ /nyon mongs dbang gyur sdig pa rnams/ /skad cig tsam gyis dag par 'gyur/ /shin tu gtsang ba'i gnas dag ni/ /byams dang snying rje can gyis bya/ /bram ze'i rigs las byung ba yi/ /'dri mkhan snying rje can gyis bya/ /rang bsam lhag par gnas pa yis/ /mdun du bdar te mchod pa bya/ /tshad dang kha dog yongs dag gsal/ /yid du 'ong ba dag la'o/ /zas dag 93-1-163a yid du 'ong ba'am/ /dkar gsum 'bags pa spangs pa yis/ /sha dang sgog pa la phug dang / /zwa dang chang ni shin tu spang / /shel phreng pad+ma'i snying po dang / /bo d+hi tse dang mu tig shis/ /glal dang sbrid pa mi tshig rnams/ /nam yang chod par mi bya'o/ / yo byad dang dam tshig la brten pa'i le'u ste bdun pa'o// //las rnams sna tshogs sgrub byed na/ /po ti'am lugs ma ras ris la/ /brten nas bdag nyid byams sems ldan/ /mu~M las 'phags pa 'jam dpal ni/ /dmar ser po ti ut+pal 'dzin/ /mnyam pa'i skyil mo krung gis bzhugs/ /bum pa kha dog ser po'i nang / /rin chen lnga dang 'bru lngar bcas/ /tad+ya thA/ o~M d+ha ra d+ha ra/ d+hi ri d+hi ri/ d+hu ru d+hu ru/ iT+Te baT+Te/ tsa le tsa le/ pra tsa le pra tsa le/ ku su me ku su me ba re/ i li mi li/ tsi te dz+wa la ma pa na ye swA hA/ lan bdun yongs su bzlas byas na/ /gti mug thams cad zhi bar 'gyur/ /shes rab chen po thob par 'gyur/ /ras ris mchod rten la brten nas/ /maN+Dal dri zhim me tog dgram/ /dkar gsum mngar gsum dag tu ni/ /'bras dang til dang yungs kar dang / /pad+ma'i rtsa ba dkar po la/ /ril bu rgya shug 'brum bu tsam/ /spyan ras gzigs kyi dbang phyug ni/ /hrIHlas byung ba'i sku mdog dkar/ /phyag na pad+ma mchog sbyin mdzad/ /sems dpa'i skyil mo krung gis bzhugs/ /tad+ya thA/ o~M d+ha ra d+ha ra/ d+hi ri d+hi ri/ d+hu ru d+hu ru/ iT+Te baT+Te/ tsa le tsa le/ pra tsa le pra tsa le/ ku su me ku su me ba re/ i li mi li/ tsi ti dz+wa la ma pa na ye swA hA/ ril bu dag la sngags btab ste/ /byams pa'i sems dang ldan pas bza'/ /srid pa'i 'dod chags zhi gyur nas/ /rab tu bde ba thob par 'gyur/ /maN+Dal sngon po legs nas/ /ut+pal sngo dang nim pa dang / /a ga ru dang tsan+dan dang / /dri yi chu yis bum pa dgang / /phyag na rdo rje gos sngon can/ /sku mdog ljang sngon cung zhig khro/ /de ni rdo rje phyag na bsnams/ /sems dpa'i skyil mo krung gis bzhugs/ /tad+ya thA/ oM d+ha ra d+ha ra/ 93-1-163b d+hi ri d+hi ri/ d+hu ru d+hu ru/ iT+Te baT+Te/ tsa le tsa le/ pra tsa le pra tsa le/ ku su me ku su me ba re/ i li mi li/ tsi ti dz+wa la ma pa na ye swA hA/ hU~M skyes phyag na rdo rje yis/ /bum pa'i chu yis khrus byas na/ /zhe sdang rab tu zhi byas nas/ /bzod pa chen po thob par 'gyur/ / dug rnams rab tu zhi bar byed pa'i le'u ste brgyad pa'o// //ras sam gro ga'am shing shun la/ /'khor lo rtsibs bzhi mu khyud bcas/ /d+ha ra d+ha ra/ d+hi ri d+hi ri/ d+hu ru d+hu ru/ che ge mo la rak+Sha rak+Sha zhes pa'o/ /srung ba lus la btags byas na/ /nad dang gdon dang rims dang ni/ / 'jigs pa'i nad dang gdon las thar/ /bde ba yongs su rdzogs par 'gyur/ /skud pa dag ni dkar po la/ /mdud pa dag ni rab byas te/ /bdun nam nyi shu rtsa gcig gam/ /brgya rtsa brgyad du legs bzlas nas/ /bsrung ba'i dam pa 'di byas na/ /bsrung ba yi ni dam pa 'dis/ /bsrung ba'i mchog tu 'gyur ba'o/ /mu tig byi ru rin chen gser/ /ga bur gur gum gla rtsi dang / /a ga ru dang du ru ska/ /phur ma snying gar gdags par bya/ /tsan+dan gla rtsi gur gum dang / /gu gul nag po rus pa'i phye/ /ba yi 'o mas lde gu byas/ /gnas gsum dag tu byugs pas ni/ /gdon dang nad kyis 'jigs kun la/ /byugs pas de ni bsrung bar 'gyur/ /bsrung ba 'khor lo'i le'u ste dgu pa'o// //ser ba yongs su bsrung ba ni/ /seng ldeng lhang ti'i phur bu la/ /gzungs sngags bzlas nas dbus su ni/ /hU~M las byung ba'i sku bskyed do/ /phyogs bzhir khro bo chen po ni/ /shaRa du khams gsum rnam rgyal ni/ /sku mdog dkar po me dpung 'bar/ /rdo rje 'khor lo sdigs mdzub mdzad/ /o~M pradz+nyAn+ta kr-i ta ha na ha na hU~M phaT/ lho ru gshin rje gshed po ni/ /dmar nag rin chen be con 'dzin/ /o~M ya mAn+ta kr-ita tiSh+Tha tiSh+Tha hU~M phaT/ nub tu rta mgrin dmar po ni/ /me dpung rdo rje dbyug pa 'dzin/ /o~M ha ya grI ba hu lu hu lu hU~M phaT/ byang phyogs khro gnyer can gyi sku/ /ljang sngon ral gri 'dzin pa ste/ / 93-1-164a o~M a mo g+ha kab+h+r-i ku Ti ban d+ha ban d+ha hU~M phaT/ phyogs bzhi'i phur bu dag la ni/ /bdun nam nyi shu rtsa gcig bzlas/ /gcan gzan dri ma yungs kar bsres/ /gsang sngags bzlas shing mkha' la gtor/ /o~M badzra kro d+ha hu lu hu lu/ tiSh+Tha tiSh+Tha/ ban d+ha ban d+ha/ ha na ha na hU~M phaT/ ser ba bsrung ba'i le'u ste bcu pa'o// //de nas bcom ldan 'das kyis 'od zer rab tu bkye ste/ phyag stong dang spyan stong las 'od zer byung ba 'di lta ste/ dkar po dang / dmar po dang / nag po dang / ljang gu dang / ser po ste/ 'od zer de dag gis 'gro ba ris drug po de dag la khyab ste/ dbugs dbyung bar mdzad do/ /de nas rgyal chen rigs bzhi dang / sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa kun 'khor dang / tshangs pa mdun na 'don dang / tshangs pa chen po dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang / mi che ba dang / mi gdung ba dang / shin tu mthong ba dang / gya nom snang dang / 'og min la sogs pa lha'i bu de dag gis mchod pa'i sprin gyi char phab nas lha'i bu rnams kyis tshigs su bcad pas bstod pa/ spyan ras gzigs dbang thugs rje'i sku/ /phyag stong nyon mongs sgrol ba'i phyag /spyan stong shes rab 'od gsal te/ /'gro don mdzad la phyag 'tshal bstod/ /ces bstod nas/ bcom ldan 'das thugs rje chen po'i sku de mi snang bar gyur nas/ bcom ldan 'das shAkya thub par gyur to/ /de nas lha yi bus gsol pa/ 'di yi phan yon ci yin zhes zhus pa dang / bcom ldan 'das kyis bka' stsal pa/ /gang zhig rgyud 'di yid byed na/ /nad dang gdon dang rims dang ni/ /rgyal po gcan gzan 'jigs pa dang / /'jigs pa kun las grol bar 'gyur/ /'dod chags zhe sdang gti mug dang / /mtshams med mi dge'i sdig pa kun/ /rab tu zhi bar byed par 'gyur/ /dmyal ba ngan 93-1-164b song sdug bsngal dang / /mi khom brgyad las rnam grol te/ /nyan dang 'chang dang bsgom par 'gyur/ /dri med nam mkha'i dkyil lta bu'i/ /bcom ldan 'das kyang mthong bar 'gyur/ /zhes bka' stsal nas/ byang chub sems dpa' sems dpa' chen po 'phags pa spyan ras gzigs dbang phyug stan las langs te/ bcom ldan 'das kyi zhabs la btud nas legs so legs so zhes bya ba gsungs nas stan la 'khod do/ /byang chub sems dpa' 'bum phrag lnga stong dang lha dang mi dang / lha ma yin dang bcas pa'i 'jig rten yi rangs te bcom ldan 'das kyis gsungs pa la mngon par bstod do/ /pad+ma cod pan zhes bya ba'i rgyud le'u bcu gcig pa rdzogs so// //rgya gar gyi mkhan po paN+Di ta d+harma shrI mi tra dang / bod kyi lots+tsha ba dge slong chos kyi bzang pos bsgyur cing zhus te gtan la phab pa// // |