@#/ /rgya gar skad du/ Ar+ya o dzaHprat+yaM gi ra Ni sU tra/ bod skad du/ 'phags pa mdangs phyir 'phrog pa zhes bya ba'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na bzhugs te/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis mdangs phyir 'phrog pa'i rig sngags zung shig /chongs shig /lhogs shig /kun chub par gyis shig /kun dga' bo gang la la zhig mdangs phyir 'phrog pa'i rig sngags 'chang ngam/ ston tam/ klog gam/ kun chub par byed na/ de'i mdangs phyir mi 'phrogs shing / 'phrog par mi 'gyur ro/ /phrogs na yang phyir yang dag par gnas par 'gyur ro/ /de nas bcom ldan 'das kyis de'i tshe gsang sngags kyi gzhi 'di dag bka' stsal to/ /tad+ya thA/ phi phi le phi le me/ phi lu meM ge/ phi lu ma hi/ balgu ma ti/ sA ra ba ti/ k+Shi ra ba ti/ ku ru mA ti/ u ta ba la ni/ go ri/ gan+d+ha ri/ tsau ri/ tsaN+Da li/ stu re stu ba re/ in+d+ra mA li ni/ dza la ni/ so bA ke tri k+Sho Sha me sA ga re/ ma hA sA ga re/ phu ru tse/ phu ru tsu re/ sa ne ma ne/ da ba phe/ da dam pa phe/ hu lu hu lu swA hA/ rig sngags 'di bka' stsal ba na/ stong gsum 91-1-59a gyi stong chen po'i 'jig rten gyi khams 'di g.yos/ rab tu g.yos/ kun tu g.yos/ kun tu rab tu g.yos pa nas/ 'khrugs rab tu 'khrugs/ kun tu rab tu 'khrugs pa'i bar du gyur to/ /gnod sbyin rnams kyang / kye ma'o sdug bsngal lo/ /kye ma'o nyam thag go zhes ngu zhing skad chen po sgra chen po 'byin cing 'khod do/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ngas bden pa dang / bden pa'i tshig gang gis mdangs phyir 'phrog pa'i rig sngags 'di gsungs pa'i bden pa dang / bden pa'i tshig des ngas bsrung bar bya'o/ /bde legs su 'gyur ba'i bar du'o/ /de'i mdangs 'phrog par bya'o/ /phyir dbrog par bya'o/ /nye bar bsgrub par bya'o/ /gnod sbyin gyis zin tam/mi dang mi ma yin pas zin na dus de dang / tshod de dang / yud tsam de la mdangs 'phrog go/ phyir mi 'phrog go/ /rnam par 'jug go/ /gal te 'phrog cing phyir mi 'phrog par mi byed de/ gnas na 'dug bzhin du rnam par mi 'jig cing / yang 'joms par 'dod dam/ 'phrog par 'dod par gyur na/ des bcom ldan 'das de bzhin gshegs pa shAkya thub pa nyan thos kyi tshogs dang bcas pa de mi mnyes par byas par 'gyur ro/ /bcom ldan 'das kyis de skad ces bka' stsal nas/ tshe dang ldan pa kun dga' bo yi rangs te bcom ldan 'das kyis gsungs pa la mngon par bstod do// //'phags pa mdangs phyir 'phrog pa zhes bya ba theg pa chen po'i mdo rdzogs so// |