D6

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D6</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D6&coll=derge">see text in Tibetan script</a></table>10-1-1b<br><font size=+1>
@#/   /rgya gar skad du/ bi na ya k+Shu dra ka bstu/ bod skad du/ 'dul ba phran tshegs kyi gzhi/bam po dang po/ thams cad mkhyen pa la phyag 'tshal lo/ /phran 
tshegs kyi gzhi'i sdom ni/ so phag chan pa chos gos dang / /shing tshad dang ni gnas brtan lus/ /rgyus pa 'gyod pa dbyung ba nyid/ /phran tshegs gzhir ni yang dag bshad/ /
bsdus pa'i sdom ni/ so phag sen mo bcos pa dang / /lhung bzed yan lag me long skyes/ /lam phran chu tshags mon sran sde'u/ /rkang pa bkru dang gos mdud do/ /sdom ni/ 
so phag dang ni sa dkar dang / /nya phyis dri yi lag ris dang / /ka ba dang ni skud pa gnyis/ /lag rgyan dang ni sor gdub rgya/ /sangs rgyas bcom ldan 'das yangs pa can na 
spre'u rdzing gi 'gram khang pa brtsegs pa na bzhugs so/ /drug sde rnams snga dro sham thabs dang chos gos bgos/ lhung bzed thogs te yangs pa can du bsod snyoms kyi phyir zhugs pa 

</font><hr>10-1-2a<br><font size=+1>
dang / yangs pa can gyi bar dang / khang pa brtsegs pa'i bar gyi bar skabs de na yangs pa can gyi lits+tsha bI rnams kyi skyed mos tshal me tog dang / 'bras bu dang / chu phun sum tshogs pa/ bya sna tshogs skad 'byin pa dga' 
ba'i tshal dang 'dra ba de dag na de dag gi rtse ba dang / gar dang / glu dang / rol mo'i sgra'i cha byad sna tshogs dag dang / khrus kyi yo byad sna tshogs dag kyang bzhag pa dang / drug sde rnams kyis smras pa/ dga' bo nye dga' bo/ yangs pa can 
gyi lits+tsha bI 'di dag dang / skyed mos tshal gyi dga' ba ni bcom ldan 'das kyis sum bcu rtsa gsum pa'i lha rnams kyi dper mdzad na/ re zhig de dag gi skyed mos tshal ci 'dra ba blta'o zhes de rnams glod nas de dag gi skyed mos tshal du zhugs so/ /
de dag gis de na brtsal ba'i yo byad mda' bo che dang / drang ba dang / 'phang rdo sna tshogs dang / gar dang / glu dang / rol mo'i sgra'i cha byad sna tshogs dang / pi bang dang / gling bu dang / rdza rnga dang / khar rnga dang / skad snyan la sogs pa sna tshogs dang / 
khrus kyi yo byad so phag dang / bkru ba'i phye ma dang / mgo bkru ba skyu ru ra sna tshogs mthong ba dang / de rnams kyis phan tshun smras pa/ dga' bo nye dga' bo yo byad phun sum tshogs pa rnam pa du ma 'di dag yod na/ ci re zhig rtsal bya'am/ 'on 
te gar bya'am/ glu blang ngam/ rol mo'i sgra bya'am/ khrus bya/ kha cig gis smras pa/ bdag cag bkrus nas ring zhig lon gyis/ je khrus bya'o zhes de dag glod nas so phag dag gis drud cing drud nas khrus bya bar brtsams pa dang / bzo'i gnas 

</font><hr>10-1-2b<br><font size=+1>
dang / las kyi gnas de dag la mkhas pas khrus la zhugs pa de rnams kyi sgra yid du 'ong ba 'di lta ste/ sil snyan yan lag lnga pa skyes bu mkhas pas legs par dkrol ba'i lta bu byung ngo / /skye bo'i tshogs phal po che lam de nas 'gro bas sgra de thos pa dang / de 
rnams rna byo ste/ yud tsam bsdad nas smras pa/ shes ldan dag yangs pa can gyi lits+tsha bI rnams kyi skyed mos tshal na gar mkhan rnams gar byed pa ltar 'dong ngam/ de ltar bya'o zhes ltad mo la yid 'dun pa de dag myur bar chas te skyed mos tshal du dong nas de dag nang du 
zhugs pa dang / drug sde rnams kyang phyir byung ngo / /de dag gis de rnams la smras pa/ 'phags pa dag phyogs gang na gar mkhan rnams gar bgyid/ de rnams kyis smras pa/ bkren pa khyod kyis bye brag mi phyed de/ gar mkhan gar byed pa la sgra 'di lta bu 
'byung ngam/ 'phags pa dag 'o na 'di su'i sgra lags/ shes ldan dag kho bo cag lus drud nas khrus byas pa yin no/ /'phags pa dag ci dge sbyong khyed 'dod pa'i yon tan gyis gzir tam/ bkren pa khyed kyi mgrin pa rdog pas mnan la dge sbyong kho bo cag 'dod 
pa'i yon tan gyis gzir to/ /khyed kho bo cag gi rjes su ston pa yin nam ci/ ma smra bar deng / khyed la gnod pa byas sa re zhes de rnams kyis de dag bsdigs pa dang / spa gong nas dong ste/ yangs pa can du zhugs nas lam po che dang / srang dang / bzhi mdo 
dang / sum mdo dag tu 'phya bar brtsams so/ /dge slong rnams kyis skabs de thos nas bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni dge slong rnams so phag dag gis lus drud de khrus byed pa 
las gyur gyis/ de lta bas na dge slong gis so phag gis lus drud de khrus mi bya'o/ /'drud na 'gal tshabs can du 'gyur ro/ /bcom ldan 'das kyis dge slong gis so phag gis lus drud de khrus mi bya'o zhes bka' stsal pa dang / dge slong dag rkang pa ser ga 

</font><hr>10-1-3a<br><font size=+1>
byung zhing dri ma dang bcas bzhin bsod snyoms la 'jug pa de dag bram ze dang / khyim bdag rnams kyis mthong nas smras pa/ 'phags pa dag khyed zhabs ser ga byung zhing dri ma dang bcas na/ ci ste dri ma sbyang bar mi bgyi/ de rnams kyis smras pa/
bzhin bzangs dag bcom ldan 'das kyis ma gnang ngo / /ci 'phags pa khyed dri ma'i 'dam bcangs pas dag par 'gyur ram/ de rnams cang mi smra bar 'dug ste/ bsod snyoms la brgyus nas gtsug lag khang du dong ba dang / skabs de dge slong rnams kyis bcom 
ldan 'das la rgyas par gsol to/ /bcom ldan 'das kyis bka' stsal pa/ dge slong dag de ltar na snga ma ni bcas pa'o/ /'di ni gnang ba yin te/ de lta bas na dge slong gis rkang pa so phag gis drud par gnang ngo / /lus gzhan ni ma yin te/ 'drud na 'gal 
tshabs can du 'gyur ro/ /bcom ldan 'das yangs pa can na spre'u rdzing gi 'gram khang pa brtsegs pa na bzhugs so/ /dge slong rnams snga dro sham thabs dang chos gos bgos/ lhung bzed thogs te yangs pa can du bsod snyoms kyi phyir zhugs pa dang / de rnams 
kyis bram ze zhig sa dkar gyis sor ris gsum byugs nas slong mo la rgyu zhing de'i bslangs pa yang mang du rnyed par mthong ngo / /drug sde rnams kyis smras pa/ dga' bo nye dga' bo thabs 'di ni bzang po zhig ste/ bdag cag kyang de ltar bya'o zhes de rnams phyi de nyin sa 
dkar gyis sor ris gsum byugs nas bsod snyoms la zhugs pa ma dad pa rnams kyis mthong nas 'phya zhing gus par smra'o/ /gus par smra'o zhes smras pa dang / drug sde rnams kyis smras pa/ bkren pa khyed kyis gus par smra bar bya ba gang dag yin pa dang / phyag 
bya ba gang dag yin pa 'di yang mi shes sam/ de dag gis smras pa/ 'di la ci zhig 'tshal bar bgyi/ bram ze rgan pa rgan pa rnams ni gus par smra bar bya ba yin la/ dge slong rnams ni phyag bya ba yin na/ de ci'i phyir khyed dge slong rnams la gus par smra ba byed 

</font><hr>10-1-3b<br><font size=+1>
kyi phyag ma yin/ 'phags pa dag bdag cag gis khyed bram ze lags par 'tshal gyi dge slong du ni ma lags so/ /de lta lags pas bdag cag gis ma 'tshal gyis bzod par gsol lo zhes byas pa dang / de dag cang mi smra bar 'dug go/ /skabs de dge slong rnams 
kyis thos nas bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad ci byung ba ni dge slong rnams sor ris gsum 'dri ba las gyur gyis/ de lta bas na dge slong gis sor ris gsum bri bar mi bya'o/ /dge slong sor 
ris gsum 'dri na 'gal tshabs can du 'gyur ro/ /bcom ldan 'das kyis dge slong gis sor ris gsum mi byug go zhes bka' stsal pa dang / dge slong dag sman pas bsgo yang lus sas mi skud pa'i skabs de dge slong rnams kyis bcom ldan 'das la gsol to/ /
bcom ldan 'das kyis bka' stsal pa/ dge slong dag de ltar na snga ma ni bcas pa'o/ /'di ni gnang ba yin te/ de lta bas na sman pas bsgo ba ni ma gtogs so/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun 
dga' ra ba na bzhugs so/ /drug sde rnams snga dro sham thabs dang chos gos bgos/ lhung bzed thogs te mnyan yod du bsod snyoms kyi phyir zhugs pa na/ de rnams kyis bram ze gi'u wang gi thig le byas pa zhig skye bo phal po che'i tshogs kyis bskor zhing ston mo'i 
bsngags pa brjod pa mthong ba dang / de rnams kyis smras pa/ dga' bo nye dga' bo thabs 'di ni bzang po zhig ste/ bdag cag kyang 'di ltar bya'o/ /legs kyis de ltar bya'o zhes de rnams phyi de nyin gi'u wang gi thig le dag gis bdag nyid brgyan pa byas nas bsod 
snyoms la zhugs pa dang / bram ze dang khyim bdag dag gis mthong nas 'phya zhing gus par smra'o gus par smra'o zhes smras pa dang / drug sde rnams kyis smras pa/ bkren pa khyod kyis gus par smra bar bya ba gang dag yin pa dang / phyag bya ba gang dag yin pa 'di yang 

</font><hr>10-1-4a<br><font size=+1>
mi shes sam/ de dag gis smras pa/ 'di la ci zhig 'tshal bar bgyi/ bram ze rgan pa rgan pa rnams ni gus par smra bar bya ba yin la/ dge slong rnams ni phyag bya ba yin na/ de ci'i phyir khyed dge slong rnams la gus par smra ba byed kyi phyag ma yin/ 
'phags pa dag bdag cag gis khyed bram ze lags par 'tshal gyi dge slong du ni ma lags so/ /de'i slad du bdag cag gis ma 'tshal gyis/ bzod par gsol lo zhes byas pa dang / de dag cang mi smra bar 'dug go/ /skabs de dge slong rnams kyis bcom ldan 'das 
la gsol pa dang / bcom ldan 'das kyis dgongs pa/ nyes dmigs gang cung zad ci byung ba ni dge slong dag gi'u wang gi thig le dag gis bdag nyid brgyan pa las gyur gyis/ de lta bas na dge slong gis gi'u wang gi thig le dag gis brgyan par mi bya'o/ /brgyan 
na 'gal tshabs can du 'gyur ro/ /bcom ldan 'das kyis dge slong gis gi'u wang gi thig le dag gis bdag nyid brgyan par mi bya'o zhes bka' stsal pa dang / dge slong zhig 'phral bar rma byung ba de sman pa'i drung du song nas bzhin bzangs bdag la sman ston cig /
'phags pa rma'i than kor gi'u wang gis skus shig dang khyod 'tsho bar 'gyur ro/ /des smras pa/ bcom ldan 'das kyis ma gnang ngo / /'phags pa khyod kyi ston pa ni thugs rje can yin pas gnang bar 'gyur ro/ /skabs de dge slong rnams kyis bcom ldan 'das la 
gsol pa dang / bcom ldan 'das kyis bka' stsal pa/ de lta bas na dge slong dag sman pas bsgo ba ni ma gtogs so/ /bcom ldan 'das kyis dge slong gis so phag gis lus drud par mi bya'o zhes bka' stsal pa dang / dge slong rnams nya phyis kyis 'drud 
par byed do/ /bcom ldan 'das kyis bka' stsal pa/ nya phyis kyis drud par mi bya'o/ /'drud na 'gal tshabs can du 'gyur ro/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /drug sde rnams 

</font><hr>10-1-4b<br><font size=+1>
dris byugs te gzhon nu rnams kyi nang du dong nas smras pa/ gzhon nu dag nged kyi dri ji lta snoms shig /de dag gis smras pa/ gnas brtan ci khyed dris byugs sam/ byugs so/ /gnas brtan khyed dris byug tu rung ngam/ rung yang rung mi rung yang rung ste/ nged 
kyis ni byugs so/ /de dag 'phya smod kha zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni dris nyug pa las gyur gyis de lta bas na dge slong rnams kyis dris byug par 
mi bya'o/ /nyug na 'gal tshabs can du 'gyur ro/ /bcom ldan 'das kyis dge slong rnams kyis dris byug par mi bya'o zhes bka' stsal pa dang / dge slong nad pa zhig sman pa'i drung du song ste/ bzhin bzangs bdag la sman ston cig /des smras pa/ 'phags 
pa dris byugs na khyod 'tsho bar 'gyur ro/ /bzhin bzangs ci kho bo 'dod pa spyod dam/ 'phags pa khyod kyi sman ni 'di yin te/ gzhan gyis ni 'tsho bar mi nus so/ /skabs de dge slong rnams kyis bcom ldan 'das la gsol pa dang / bcom ldan 'das kyis 
bka' stsal pa/ de lta bas na gnang gis sman pa'i lung gis dri bcang bar bya'o/ /dge slong dag dris byugs nas dge 'dun gyi nang na 'dug cing bram ze dang khyim bdag 'ongs shing lhags pa rnams la chos ston par byed/ bram ze dang khyim bdag gi khyim rnams su 
yang 'gro bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ ngas dge slong dri 'chang ba'i kun du spyad pa'i chos bca' bar bya ste/ dge slong dri 'chang bas dris byugs nas dge 'dun gyi nang du 
'dug par mi bya/ bram ze dang khyim bdag 'ongs shing lhags pa rnams la chos bstan par mi bya/ bram ze dang khyim bdag gi khyim rnams su 'gro bar mi bya'i/ nam sos par gyur pa de'i tshe khrus byas nas dri med par gyur pa dang dge 'dun gyi nang du 'dug par 

</font><hr>10-1-5a<br><font size=+1>
bya/ bram ze dang khyim bdag 'ongs shing lhags pa rnams la chos bstan par bya/ bram ze dang khyim bdag gi khyim rnams su 'gro bar bya'o/ /dge slong dri 'chang bas kun du spyad pa'i chos ji ltar bcas pa bzhin yang dag par blangs te mi 'dug na 
'gal tshabs can du 'gyur ro/ /bram ze dang khyim bdag dad pa can dag dge slong rnams la dri 'bul ba na/ dge slong rnams 'gyod nas mi len pa dang / de dag gis smras pa/ 'phags pa dag gang gi tshe sangs rgyas bcom ldan 'das 'jig rten du byung bar ma gyur 
pa de'i tshe ni mu stegs can rnams yon gnas lags/ da ni bcom ldan 'das 'jig rten du byung bas da ltar khyed yon gnas lags na/ gal te khyed kyis ma bzhes na ci bdag cag 'jig rten 'di nas 'jig rten pha rol du dge ba'i lam rgyags ma mchis par mchi'am/ 
bdag cag la thugs brtse ba'i slad du bzhes shig /de dag gis smras pa/ bcom ldan 'das la zhu'o/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ blang bar bya'o/ /dge slong rnams kyis 
blangs nas de dag nyid kyi mdun du bor ba dang / de dag gis smras pa/ 'phags pa dag bdag cag gis rin thang bzhin du nyo nyo na khyed kyis blangs te dor ram/ skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ 
blangs nas dor bar mi bya'i/ 'on kyang de bzhin gshegs pa'i mchod rten la dri'i lag ris byug par bya'o zhes bka' stsal pa dang / dge slong rnams kyis blangs nas dbu skra dang sen mo'i mchod rten dag la dri'i lag ris nyug go/ /de dag gis smras pa/ 'phags pa 
dag ci bdag cag gis mchod rten ma mthong ngam/ bdag cag gis ni khyed kho na la phul te/ dbu skra dang sen mo'i mchod rten dag la ni sngar phul lags so/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/

</font><hr>10-1-5b<br><font size=+1>
blangs nas gnas khang la byug par bya'o/ /de rnams kyis gnas khang gi sgo la byugs pa dang / de dag dri gtsang khang yin no snyam nas phyag 'tshal bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal 
pa/ nang du byug par bya'o/ /dge slong rnams kyis drang thad du byugs pa dang / nyes dmigs de nyid du gyur nas bcom ldan 'das kyis bka' stsal pa/ sngas dang nye ba 'am rkang pa dang nye bar byug par bya zhing dri zhim po thams cad mig la phan pas dus dus su bsnam 
par bya ste/ 'di la 'gyod par mi bya'o/ /sangs rgyas bcom ldan 'das chu srin byis pa gsod kyi ri la 'jigs 'jigs lta'i tshal ri dgas kyi nags na bzhugs so/ /ji tsam na rgyal bu gzhon nu rtogs byed kyi khang bzangs pad ma ris byed du bcug nas bcom 
ldan 'das nyan thos kyi dge 'dun dang bcas pa gdugs tshod la spyan drangs te/ bcom ldan 'das khang bzangs pad ma'i ris su dge slong gi dge 'dun gyi gung la gdan bshams pa la bzhugs so/ /nye dga' bo zan za ba'i tshe lag pas ka ba la bsnun pa dang / 
khang bzangs pad ma ris g.yos par gyur to/ /'dri mkhan rnams kyis smras pa/ 'phags pa rgyal bu rtogs byed kyis khang bzangs pad ma ris tshon brgya rtsa gcig gis bkra bar byas pa khyed kyis gzhig gam ci/ nye dga' bos smras pa/ bkren pa rtogs 
byed 'di la lhag par chags pas dus byas nas gar skye gtol med do/ /khyed kyang 'di la lhag par chags pas dus byas nas yi dgas lba ba can rnams kyi nang du skye bar 'gyur ro/ /de dag kha zer ba'i skabs de dge slong rnams kyis bcom ldan 'das la gsol 
pa dang / bcom ldan 'das kyis dgongs pa nyes dmigs gang cung zad byung ba ni dge slong dag ka ba la lag pas bsnun pa las gyur gyis/ de lta bas na dge slong gis lag pas ka ba la bsnun par mi bya'o/ /bsnun na 'gal tshabs can du 'gyur ro/ /bcom ldan 

</font><hr>10-1-6a<br><font size=+1>
'das kyis dge slong gis ka ba la lag pas bsnun par mi bya zhes bka' stsal pa dang / drug sde rnams khu tshur dang gru mo dang / phrag pa dang / mgo dang / rtsib logs dang / rgyab dang / rked pa dang / brla dang / pus mo dang / byin pa dang / 
rkang pa dang / dbyug pa dang / bong ba dang / gzhan gyis snun par byed pas nyes dmigs de nyid du gyur nas/ bcom ldan 'das kyis bka' stsal pa/ gang gis kyang bsnun par mi bya'o/ /drug sde rnams rtsig pa dang sa dang / gzhan la snun par byed pa dang / 
bcom ldan 'das kyis bka' stsal pa/gzhan la yang gang gis kyang bsnun par mi bya'o/ /bsnun na 'gal tshabs can du 'gyur ro/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /
drug sde rnams snga dro mnyan yod du bsod snyoms kyi phyir zhugs pa dang / de rnams kyis bram ze zhig tshangs pa'i skud pa thogs te slong mo la rgyu zhing des bza' ba dang bca' ba yang mang du rnyed pa mthong nas drug sde rnams kyis smras pa/ dga' bo nye dga' bo thabs 'di ni 
bzang po zhig ste/ bdag cag kyang de lta bu bya'o zhes de dag phyi de nyin tshangs pa'i skud pa thogs te/ bsod snyoms la zhugs pa ma dad pa rnams kyis mthong nas/ 'phya zhing gus par smra'o/ /gus par smra'o zhes smras pa dang / drug sde rnams kyis smras pa/ bkren 
pa khyed kyis gus par smra bar bya ba gang dag yin pa dang / phyag bya ba gang dag yin pa 'di yang mi shes sam/ de dag gis smras pa/ 'di la ci zhig 'tshal bar bgyi/ bram ze rgan pa rgan pa rnams ni gus par smra bar bya ba yin la/ dge slong rnams ni phyag bya ba yin 
na/ de ci'i phyir khyed dge slong rnams la gus par smra bar byed kyi phyag ma yin/ 'phags pa dag bdag cag gis khyed bram ze lags par 'tshal gyi dge slong du ni ma lags so/ /de lta lags pas bdag cag gis ma 'tshal gyis bzod par gsol lo zhes byas pa dang /

</font><hr>10-1-6b<br><font size=+1>
de dag cang mi smra bar 'dug go /skabs de dge slong rnams kyis thos nas bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad ci byung ba ni dge slong rnams tshangs pa'i skud pa thogs pa las gyur gyis/ de lta bas 
na dge slong gis tshangs pa'i skud pa gdags par mi bya'o/ /'dogs na 'gal tshabs can du 'gyur ro/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /drug sde rnams snga dro sham 
thabs dang chos gos bgos/ lhung bzed thogs te mnyan yod du bsod snyoms kyi phyir zhugs pa na/ de dag gis bram ze dri dang me tog gis brgyan pa tshon sna lnga pa'i skud pas lag pa bcings pa zhig dus ston zos nas dbang po tshim ste/ khyim nas byung ba mthong 
ba dang / de dag gis smras pa/ dga' bo nye dga' bo thabs 'di ni bzang po zhig ste/ bdag cag kyang 'di bzhin bya'o zhes de dag phyi de nyin tshon sna lnga pa'i skud pas lag pa bcings nas bsod snyoms la zhugs pa/ bram ze dang khyim bdag rnams kyis mthong 
nas 'phya zhing gus par smra'o/ /gus par smra'o zhes smras pa dang / drug sde rnams kyis smras pa/ bkren pa khyed kyis gus par smra bar bya ba gang dag yin pa dang / phyag bya ba gang dag yin pa 'di yang mi shes sam/ de dag gis smras pa/ 'di la ci zhig 
'tshal bar bgyi/ bram ze rgan pa rgan pa rnams ni gus par smra bar bya ba yin la dge slong rnams ni phyag bya ba yin no/ /de ci'i phyir khyed dge slong rnams la gus par smra bar byed kyi phyag ma yin/ 'phags pa dag bdag cag gis khyed bram ze lags par 'tshal gyi/ 
dge slong du ni ma lags so/ /de lta lags pas bdag cag gis ma 'tshal gyis bzod par gsol lo zhes byas pa dang / de dag cang mi smra bar 'dug go/ /skabs de dge slong rnams kyis thos nas bcom ldan 'das la gsol pa dang / bcom ldan 'das kyis 

</font><hr>10-1-7a<br><font size=+1>
dgongs pa/ nyes dmigs gang cung zad ci byung ba ni dge slong rnams tshon sna lnga pa'i skud pas lag pa 'ching ba las gyur gyis/ de lta bas na dge slong gis tshon sna lnga pa'i skud pas lag pa bcing bar mi bya'o/ /'ching na 'gal tshabs can du 
'gyur ro/ /bcom ldan 'das kyis dge slong tshon sna lnga pa'i skud pas lag pa bcing bar mi bya'o zhes bka' stsal pa dang / dge slong nad pa gzhan zhig sman pa'i drung du song ste/ bzhin bzangs kho bo la nad 'di lta bu byung na sman ston cig ces byas pa dang / des smras 
pa/ 'phags pa skud pa la gsang sngags dag gis bzlas brjod byas te/ lag pa la bcings na khyod 'tsho bar 'gyur ro/ /des smras pa/bzhin bzangs bcom ldan 'das kyis ma gnang ngo / /'phags pa khyod kyi ston pa ni thugs rje can yin pas gnang bar 
'gyur ro/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na gnang gis sman pa'i lung gis skud pa bcang bar bya'o/ /bcom ldan 'das kyis sman pa'i lung gis skud pa bcang bar bya'o zhes 
bka' stsal pa dang / dge slong rnams lag pa g.yas pa'i rtse mo la 'ching ste/ nyes dmigs de nyid du gyur nas/ bcom ldan 'das kyis bka' stsal pa/ dge slong dag lag pa g.yas pa'i rtse mo la bcing bar mi bya'o/ /de rnams lag pa g.yas pa'i dpung pa 
la 'ching ste/ nyes dmigs de nyid du gyur nas/ bcom ldan 'das kyis bka' stsal pa/ lag pa g.yas pa'i dpung pa la bcing bar mi bya'o/ /de rnams lag pa g.yon pa'i rtse mo la 'ching ste/ nyes dmigs de nyid du gyur nas/ bcom ldan 'das kyis 
bka' stsal pa/ lag pa g.yon pa'i rtse mo la bcing bar mi bya'i/ 'on kyang lag pa g.yon pa'i dpung pa la bcing bar bya'o/ /dge slong rnams nad sos par gyur nas skud pa bab bab tu 'dor bas mi ma yin pa rnams 'phya ste/ 'phags pa dag nged kyis sos 

</font><hr>10-1-7b<br><font size=+1>
par byas na da ma gus par byed pa lta/ skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ bab bab tu dor bar mi bya ste/ gal te nad ma byang na chos gos kyi mtha'a'am/ rgya cang la bcing bar 
bya'o/ /'on te thams cad kyi thams cad du sos par gyur na ka ba'i ser ga'am/ rtsig pa'i gseb tu gzhug par bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /drug 
sde rnams snga dro sham thabs dang chos gos bgos/ lhung bzed thogs te mnyan yod du bsod snyoms kyi phyir zhugs pa na/ bram ze dang khyim bdag rnams kyis rgyan slo ma'i nang du bzhag pa drug sde rnams kyis rkang rgyan dang lag rgyan dag thogs nas smras pa/ dga' 
bo nye dga' bo ji lta mdzes sam/ bram ze dang khyim bdag dag gis smras pa/ 'phags pa khyed mgo ni byi/ mchan khung ni spun na 'di la lus mdzes pa ci zhig yod gdon mi za bar dge sbyong khyed 'dod pa'i yon tan dag gis gzir bar gyur to zhes byas pa dang / de 
rnams cang mi smra bar 'dug go/ /skabs de dge slong rnams kyis thos nas bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni dge slong rnams lag rgyan dang rkang rgyan dag gis bdag nyid brgyan pa las gyur gyis/ 
de lta bas na dge slong gis lag rgyan dang rkang rgyan gyis bdag nyid brgyan par mi bya'o/ /brgyan na 'gal tshabs can du 'gyur ro/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /gtsug 
lag khang du ma byin par len pa rnams kyis dge 'dun gyi mdzod dang / gang zag gi gnas khang dag nas brkus so/ /dge slong gzhan dag gcig gi yang stor na/ bdag cag gi stor nas ji tsam lon pa ma tshor ro/ /skabs de dge slong rnams kyis bcom ldan 'das la 

</font><hr>10-1-8a<br><font size=+1>
gsol pa dang / bcom ldan 'das kyis bka' stsal pa/ de lta bas na gnang gis rgya bcang bar bya'o/ /bcom ldan 'das kyis rgya bcang bar bya'o zhes bka' stsal pa dang / drug sde rnams kyis gser dang / dngul dang / bai DUr+ya dang shel las byas 
pa dang / sor gdub rgya rgyan sna tshogs kyis brgyan pa dag bcangs so/ /de nas bram ze dang khyim bdag dag gis mthong nas lag pa brgyang ste smras pa/ bzhin bzangs nad med cig nad med cig /de dag gis smras pa/ 'phags pa 'di ci lags/ bzhin bzangs 
bcom ldan 'das kyis rgya gnang ngo de dag 'phya smod kha zer zhing dge sbyong shAkya'i bu rnams kyis dge sbyong gi tshul nyams shing tshangs pa'i tshul nyams te/ 'di na da ltar rgya la tha snyad 'dogs shing rgyan rnams kyis bdag nyid brgyan par byed do/ /skabs de dge slong rnams kyis thos 
nas bcom ldan 'das la gsol pa dang / bcom ldan 'das kyis bka' stsal pa/ dge slong gis gser dang / dngul dang / bai DUr+ya dang / shel las byas pa'i rgya bcang bar mi bya/ sor gdub rgya yang bcang bar mi bya'i 'on kyang rgya lnga po ra gan dang / zangs 
las byas pa dang / khar ba las byas pa dang / ba so las byas pa dang / rwa las byas pa bcang bar bya'o/ /drug sde rnams kyis rgya la skyes pa dang / bud med nyal po byed pa bris pa dang / bram ze dang khyim bdag rnams kyis smras pa/ 'phags pa ci dge sbyong khyod 
'dod pa'i yon tan dag gis gzir tam/ gnas skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ rgya ni gnyis te/ dge 'dun gyi dang gang zag gi'o/ /de la dge 'dun gyi ni dbus su 'khor lo bris la/ 
glo gnyis su ri dgas 'og tu gtsug lag khang gi bdag po'i ming bri bar bya'o/ /gang zag gi ni rus pa'i keng rus sam/ mgo'i thod pa bri bar bya'o// //sdom ni/ sen mo 'breg dang byi dor dang / /a mra dang ni skyu ru ra/ /lhung bzed brgyad po bkag pa dang / /

</font><hr>10-1-8b<br><font size=+1>
rjes su gnang ba gnyis yin no/ /sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe khyim bdag mgon med zas sbyin gyis sangs rgyas la sogs pa dge slong gi dge 'dun la rgyal bu rgyal byed kyi tshal 
phul ba de'i tshe/ des 'breg mkhan gyi mi la smras pa/ kye skyes bu rgyal bu rgyal byed kyi tshal du song la 'phags pa rnams kyi skra dang kha spu bregs shig /de rgyal bu rgyal byed kyi tshal du song ba dang / drug sde rnams kyi kun du spyod pa ni drug sde gang yang rung ba zhig gis rgyal 
bu rgyal byed kyi tshal gyi sgo mi stong pa yin te/ tshe dang ldan pa nye dga' bo rgyal bu rgyal byed kyi tshal na 'chag cing 'dug pa des de rgyang ring po nas mthong nas smras pa/ bzhin bzangs 'ongs pa legs so/ /'ongs pa legs so/ /khyod zla ba lta bur gnas na ring mo zhig lon 
te/ gang nas 'ongs/ des smras pa/ 'phags pa khyim bdag gis 'phags pa rnams kyi skra dang kha spu breg pa'i slad du 'dir btang ngo / /des smras pa/ sen mo legs par 'breg shes sam/ 'phags pa 'di nyid bdag gi bzo lags so/ /bltas tshur de 
nye bar 'ongs pa dang / nye dga' bos lag pa brkyang ngo / /'breg mkhan gyis smras pa/ 'phags pa ci 'dra bar breg /bzhin bzangs 'bru'i rtse mo ltar bregs shig /des 'bru'i rtse mo ltar bregs pa dang / des smras pa/ da ni ra ba'i cog lta bu dang / spu gri'i so 
dang / ste'u ka dang / zla ba tshes pa ltar gyis shig /des de ji lta/ ji ltar sgo ba de lta bur byas pa dang / mjug tu smras pa/ bkren pa khyod ko cung zad kyang mi shes pa zhig /'di kho na ltar mnyam par gyis la song shig ces des de nyi ma nub kyi bar du ma btang ngo / /de nyi 
ma nub nas khyim bdag mgon med zas sbyin gyi drung du song ba dang / mgon med zas sbyin gyis smras pa/ kye skyes bu khyod kyis 'phags pa mang po ji snyed cig gi mgo dang kha spu bregs/ bdag gis 'phags pa rnams kyi skra dang kha spu ga la bregs/ dge sbyong gzu lums can 

</font><hr>10-1-9a<br><font size=+1>
nye dga' bos bdag bsgor nas/ sen mo 'bru'i rtse mo dang / ra ba'i cog dang / spu gri'i so dang / ste'u ka dang / zla ba tshes pa lta bur gyis shig ces pa'i rnam pa thams cad bdag gis bgyis pa dang / de nas 'di skad ces/ bkren pa khyod ko cung zad 
kyang mi shes pa zhig /'di kho na ltar mnyam par gyis la song shig ces mchi nas da gzod kho na shor na ci zhig bgyi/ khyim bdag mgon med zas sbyin legs par gsungs pa'i chos 'dul ba la rab tu byung ba rnams la nye bar zhi ba med pa lta zhes 'phya ba la zhugs so/ /skabs 
de dge slong rnams kyis thos nas bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni dge slong rnams sen mo 'breg pa las gyur gyis/ de lta bas na dge slong gis sen mo breg par mi bya'o/ /'breg na 'gal tshabs 
can du 'gyur ro/ /bcom ldan 'das kyis dge slong gis sen mo breg par mi bya'o zhes bka' stsal pa dang / dge slong rnams sen mo ring po ring por 'dug pa bram ze dang khyim bdag de dag gis mthong nas smras pa/ 'phags pa dag ci ste sen mo ring po ring por 'jog /bzhin 
bzangs bcom ldan 'das kyis ma gnang ngo / /'phags pa ci khyod sen mo bcangs pas 'dag par 'gyur ram/ skabs de dge slong rnams kyis thos nas bcom ldan 'das la gsol pa dang / bcom ldan 'das kyis bka' stsal pa/ snga ma ni bcas pa'o/ /'di ni gnang 
ba yin te de lta bas na gnang gis sen mo rnam pa gnyis po spu gri'i so dang / ste'u ka lta bur breg par bya'o/ /bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe khyim bdag mgon med zas sbyin gyis 
sangs rgyas la sogs pa dge slong gi dge 'dun la zhes bya ba thams cad de kho na bzhin no/ /khyod sen mo 'chos shes sam/ 'phags pa ji lta bur bgyi/ ser po dang / dmar po dang / dkar po dang / gser gyi kha dog lta bur gyis shig ces pa'i rnam pa thams cad bdag 

</font><hr>10-1-9b<br><font size=+1>
gis bgyis pa dang / de nas 'di skad ces bkren pa khyed ko cung zad kyang mi shes pa zhig /'di kho na ltar mnyam par gyis la song shig ces mchi nas da gzod kho na shor na ci zhig bgyi/ khyim bdag mgon med zas sbyin legs par gsungs pa'i chos 'dul ba la rab tu 
byung ba rnams la nye bar zhi ba med pa lta zhes 'phya ba la zhugs so/ /skabs de dge slong rnams kyis thos nas bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni dge slong rnams sen mo dag byi dor byed pa las 
gyur gyis/ de lta bas na dge slong gis sen mo dag byi dor mi bya'o/ /byed na 'gal tshabs can du 'gyur ro/ /bcom ldan 'das kyis dge slong gis sen mo dag byi dor mi bya'o/ /zhes bka' stsal pa dang / dge slong tshon rtsi'i las dang / lhung bzed kyi las byed 
pa rnams kyi sen mo dri ma chags la mdog mi sdug par gyur cing / de rnams sen mo de 'dra ba kho nar bsod snyoms la 'jug go/ /bram ze dang khyim bdag rnams kyis mthong nas smras pa/ 'phags pa dag khyed ci'i phyir sen mo de lta bur dri ma chags shing mdog mi sdug /
de dag gis bsnyad pa dang / de rnams kyis smras pa/ 'phags pa ci'i phyir dri ma mi dbyi/ bcom ldan 'das kyis ma gnang ngo / /'phags pa khyed ci dri ma'i 'dam bcangs pas 'dag par 'gyur ram/ skabs de dge slong rnams kyis bcom ldan 'das la gsol 
pa dang / bcom ldan 'das kyis bka' stsal pa/ dri ma dbyi ba'i phyir sen mo bzhar bar bya'o/ /sangs rgyas bcom ldan 'das rgyal po'i khab na 'od ma'i tshal bya ka lan da ka gnas pa na bzhugs so/ /rgyal po gzugs can snying po'i kun du spyod pa ni dus kyi 
gsar thog 'bru sar pa'am 'bras bu sar pa gang ci yang rung ba de dag dang por dge 'dun la 'bul lo/ /de'i 'og tu bdag nyid za'o/ /de'i blon po rnams kyis a mra'i shing thog dag phul ba dang / des smras pa/ song la 'phags pa rnams la phul cig /de 

</font><hr>10-1-10a<br><font size=+1>
dag gis bgad pa dang / des smras pa/ shes ldan dag ci la dgod/ de dag gis smras pa/ lha ci khyod da ni 'phags pa rnams la dang por 'bul snyam dgongs kyi/ bdag cag gis ches sngar 'phags pa rnams la phul bar ni ma lags sam/ 
des smras pa/ gal te de lta na ngas 'phags pa rnams la stong gi kun dga' ra ba nyid phul lo/ /lha legs te rjes su yi rang ngo / /des phyogs bzhi'i dge slong gi dge 'dun gyi phyir stong gi kun dga' ra ba phul nas der dus ston kyang btsugs so/ /de ji ltar 
yul ma ga d+hA na gnas pa'i skye bo'i tshogs dus ston la lta bar 'ongs pa a mra'i shing thog smin pa rnams kyis tshim par gyur pa de ltar shing thog rgyas par gyur to/ /de dge 'dun la phul zhes dge slong rnams kyis a mra'i 'bras bu dag ma smin pa nyid du zos so/ /ji tsam na 
mtshams kyi rgyal po zhig la a mra dag dgos par gyur nas/ des rgyal po gzugs can snying po la pho nya btang ste/ grogs po bdag la a mra dag dgos kyis bskur ba'i rigs so zhes byas pa dang / des pho nya de la smras pa/ kye skyes bu ngas stong gi kun dga' ra ba de 
'phags pa'i dge 'dun la phul gyis song la 'phags pa'i dge 'dun rnams la slongs shig /de 'od ma'i tshal du song ba dang / drug sde rnams kyis kun tu spyod pa ni rtag tu kun dga' ra ba'i sgo mi stong par byed pa yin/ tshe dang ldan pa nye dga' bo 'od ma'i tshal gyi sgo na 
'chag cing 'dug go/ /de de'i drung du song nas phyag 'tshal te des smras pa/ rgyal po che ge mo zhig gis a mra'i ched du khyed kyi thad du btang na de'i slad du a mra dag stsal ba'i rigs so/ /des smras pa/ kye skyes bu song la a mra ji tsam dgos pa de tsam long shig /de song nas 
a mra'i shing rnams kyi drung du bltas na mi snang ste/ de slar log nas smras pa/ 'phags pa ma mchis so/ /nye dga' bos de khrid nas kun dga' ra bar zhugs te/ kun dga'i ra ba thams cad bskor nas smras pa/ kye skyes bu shing 'di la 'dzegs shig /des 

</font><hr>10-1-10b<br><font size=+1>
'dzegs nas ma mthong ba dang / nye dga' bos smras pa/ kye skyes bu dag shar gyi yal gar song lho dang nub kyi yal gar song / de thams cad du song nas skyo bar gyur te babs nas smras pa/ 'phags pa ci kun dga'i ra ba 'di lo 'di la 'bras bu ma chags sam/ bzhin 
bzangs ji ltar lo re zhing lo re zhing shing thog yod pa de ltar 'di 'bras bu chags so/ /'phags pa ci rlung dang char pas blags sam/ bzhin bzangs rlung dang char pas ma blags kyi/ 'on kyang kho bo cag gis a mra'i 'bras bu dag ma smin pa nyid du 'chos so/ /de slar 
log nas rgyal po gzugs can snying po la gsol pa/ lha 'phags pa rnams kyi zhal nas kho bo cag gis a mra'i 'bras bu dag ma smin pa nyid du 'chos so zhes gsung ngo / /des smras pa/ legs te nga la longs spyad pa nyid dgos so zhes byas pa dang / mi de slar song 
ngo / /ji tsam na dus ston la bab pa'i tshe yul ma ga d+hA na gnas pa'i skye bo'i tshogs 'dus nas/ de dag gis smras pa/ 'phags pa dag ci stong gi kun dga' ra ba 'di lo 'di la 'bras bu ma chags sam/ bzhin bzangs dag ji ltar lo re lo re zhing shing thog yod pa 
de ltar 'di 'bras bu chags mod kyi/ 'on kyang kho bo cag gis a mra'i 'bras bu dag ma smin pa nyid du 'chos so/ /'phags pa dag gang yul ma ga d+hA na gnas pa'i skye bo'i tshogs thams cad a mra smin pa dag gis tshim par 'gyur ba de khyed kyis 'bras bu ma smin pa kho nar 'chos 
te/ gang kho bo cag la gnod pa byas pa ni ma legs pa zhig byas so/ /des smras pa/ 'di rgyal pos yul ma ga d+hA na gnas pa'i skye bo'i tshogs la byin pa ma yin gyi/ 'on kyang dge slong gi dge 'dun la phul te/ de lta bas na kho bo cag gis ji ltar 'dod pa bzhin 
zos so/ /khyed ci gtogs zhes byas pa dang / de dag 'phya smod kha zer bar byed do/ /skabs de dge slong rnams kyis thos nas bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad ci byung ba ni dge slong rnams a mra dag 

</font><hr>10-1-11a<br><font size=+1>
za ba las gyur gyis/ de lta bas na dge slong gis a mra dag bza' bar mi bya'o/ /dge slong a mra dag za na 'gal tshabs can du 'gyur ro/ /bcom ldan 'das kyis dge slong gis a mra dag bza' bar mi bya'o/ /zhes gsungs pa dang / bram ze 
dang khyim bdag dad pa can dag dge slong rnams la shing sa ha ka ra'i shing tog dag 'bul ba na/ dge slong rnams kyis smras pa/ bcom ldan 'das kyis ma gnang ngo / /de dag gis smras pa/ 'phags pa dag gang gi tshe sangs rgyas bcom ldan 'das 'jig rten du byung bar 
ma gyur pa zhes bya ba nas/ 'jig rten 'di nas 'jig rten pha rol du 'gro'am/ bzhes shig ces bya ba'i bar snga ma bzhin no/ /skabs de dge slong rnams kyis thos nas bcom ldan 'das la gsol pa dang / bcom ldan 'das kyis bka' stsal pa/ de lta bas na gnang 
gis mtshan nyid grub pa yin no zhes byas nas bza' bar bya ste/ 'di la 'gyod par mi bya'o/ /de la mtshan nyid grub pa ni 'di dag yin te/ tshig gu chags pa rnams so/ /bram ze dang khyim bdag dad pa can gzhan dag cig /dge slong rnams la a mra'i shing thog smin 
pa dag 'bul ba na zhes bya ba nas/ de bzhin du 'jig rten 'di nas 'jig rten pha rol du mchi'am/ bzhes shig ces bya ba'i bar thams cad snga ma bzhin no/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ 
de lta bas na gnang gis mtshan nyid bye brag phyed do zhes byas te bza' bar bya'o/ /de la mtshan nyid bye brag phyed pa ni 'di dag yin te/ sha zhugs pa rnams so/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba 
na bzhugs so/ /mnyan yod na dge slong nad pa zhig sman pa'i drung du song ste/ bzhin bzangs bdag 'di 'dra ba'i nad kyis thebs na sman ston cig /des smras pa/ 'phags pa je mar 'thung la snum par gyis shig dang bkru sman sbyin no/ /des mar 'thungs 

</font><hr>10-1-11b<br><font size=+1>
pa dang / skom pas gnod par gyur to/ /sman pa 'ongs te dris pa/ 'phags pa bde bar 'dug gam/ des smras pa/ bzhin bzangs bdag skom pas gnod do/ /skyu ru ra chongs shig ces byas pa dang / des lag tu blangs te 'dug go/ /yang sman pas dris 
pa/ 'phags pa skom pa dang bral lam/ des smras pa/ bzhin bzangs ma bral lo/ /sman pas smras pa/ 'phags pa de'i tshe skyu ru ra ma bcangs sam/ bzhin bzangs yod de 'di yin no/ /'phags pa khar chongs shing / /bzhin bzangs bcom ldan 
'das kyis ma gnang ngo / /'phags pa khyod kyi ston pa ni thugs rje can yin pas gnang bar 'gyur ro/ /skabs de zhes bya ba nas/ bcom ldan 'das kyis bka' stsal pa/ khar bcang bar bya'o zhes bya ba'i bar du'o/ /des khar bcug nas 'dug go/ /yang sman 
pa de 'ongs nas dris pa/ 'phags pa skom pa dang bral lam/ des smras pa/ bzhin bzangs da rung ma bral lo/ /sman pas smras pa/ 'phags pa de'i tshe skyu ru ra khar ma bcangs sam/ bzhin bzangs bcangs te 'dug pa 'di yin no/ /des smras pa/ 
'phags pa mur cig /gzhan du na skom pa dang bral bar mi 'gyur ro/ /des smras pa/ bcom ldan 'das kyis ma gnang ngo / /'phags pa khyod kyi ston pa ni thugs rje can yin pas gnang bar 'gyur ro/ /skabs de dge slong rnams kyis thos nas bcom ldan 'das 
la gsol pa dang / bcom ldan 'das kyis bka' stsal pa/ mur bar bya'o/ /mur mur nas bor gyi ma mid pa dang / skom pas je gnod par gyur to/ /yang sman pa 'ongs nas dris pa/ 'phags pa skom pa dang bral lam/ des smras pa/ bzhin bzangs shin 
tu gnod do/ /'phags pa de'i tshe skyu ru ra ma mur ram/ bzhin bzangs mur nas bor ro/ /'phags pa ci'i phyir ma mid/ bzhin bzangs bcom ldan 'das kyis dus ma yin pa'i zas bkag go/ /'phags pa khyod ni nad pa yin la/ khyod kyi ston pa ni thugs rje 

</font><hr>10-1-12a<br><font size=+1>
can yin pas gnang bar 'gyur ro/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong dag gnang gis 'bras bu lnga dus su yang rung / dus ma yin par yang rung / 
nad pa yang rung / mi na bas kyang rung bza' bar bya ste/ 'di la 'gyod par mi bya'o/ /bcom ldan 'das kyis 'bras bu lnga dus su yang rung / dus ma yin par yang rung / nad pa yang rung / mi na bas kyang rung ste/ bza' bar bya'o zhes gsungs pa dang / dge 
slong rnams kyis 'bras bu lnga gang dag yin pa mi shes pa dang / bcom ldan 'das kyis bka' stsal pa/ skyu ru ra dang / a ru ra dang / ba ru ra dang / pi pi ling dang / na le sham mo/ /sangs rgyas bcom ldan 'das rgyal po'i khab na 'od ma'i tshal bya ka lan da 
ka gnas pa na bzhugs so/ /rgyal po'i khab kyi grong khyer na khyim bdag shin tu bzang po zhes bya ba phyug cing nor mang ba longs spyod chen po zhig gnas pa de gcer bu pa rnams la rab tu dad do/ /des rigs mnyam pa las chung ma blangs nas/ de de dang lhan cig rtse bar byed 
dga' bar byed/ dga' mgur spyod par byed do/ /de rtse bar byed dga' bar byed/dga' mgur spyod par byed pa las dus gzhan zhig na chung ma la sems can zhugs par gyur to/ /bcom ldan 'das kyang snga dro sham thabs dang chos gos mnabs lhung bzed bsnams te rgyal po'i 
khab tu bsod snyoms kyi phyir zhugs nas rgyal po'i khab na bsod snyoms la rgyu zhing khyim bdag shin tu bzang po'i khyim ga la ba de logs su gshegs pa dang / khyim bdag shin tu bzang pos bcom ldan 'das rgyang ma nas mthong ngo / /mthong nas kyang chung ma khrid nas bcom ldan 
'das ga la ba der song ste phyin nas bcom ldan 'das la 'di skad ces gsol to/ /bcom ldan 'das bdag gi mchis 'brang 'di sems can zhugs par gyur na ci zhig tu btsa' bar 'gyur/ bcom ldan 'das kyis bka' stsal pa/ bu phor btsa' bar 'gyur zhing / rigs 

</font><hr>10-1-12b<br><font size=+1>
gsal bar byed par 'gyur/ lha dang mi'i dpal nyams su myong bar 'gyur/ nga'i bstan pa la rab tu byung nas nyon mongs pa thams cad spangs te/ dgra bcom pa nyid mngon sum du byed par 'gyur ro/ /des bcom ldan 'das la bza' ba dang bca' ba gtsang zhing bsod pas lhung 
bzed bkang ste phul ba dang / bcom ldan 'das kyis nad med cig ces gsungs nas bsod snyoms bzhes te gshegs so/ /de dang ha cang mi ring ba zhig na gcer bu pa zhig 'dug pa des bsams pa/ gang bdag cag la bslang ba'i khyim gcig pu zhig yod pa de yang dge 
sbyong gau ta mas kha drangs kyis song la dge sbyong gau ta mas ci lung bstan pa blta'o snyam mo/ /de der song ste smras pa/ khyim bdag dge sbyong gau ta ma 'ongs par gyur tam/ byon to/ /des ci zhig lung bstan/ 'phags pa bdag gis de la chung ma bstan te/ ci zhig tu 
btsa' bar 'gyur zhes bgyis pa dang / de bu phor btsa' bar 'gyur zhing / rigs gsal bar byed par 'gyur/ lha dang mi'i dpal nyams su myong bar 'gyur/ nga'i bstan pa la rab tu byung nas nyon mongs pa thams cad spangs te/ dgra bcom pa nyid mngon sum du 
byed par 'gyur ro zhes gsung ngo / /gcer bu pa de rtsis mkhas pa zhig ste/ rdo rgyus kha dog dkar po blangs nas brtsis pa dang / bcom ldan 'das kyis ji skad du lung bstan pa de thams cad de kho na bzhin du mthong nas/ des bsams pa/ gal te rjes su bsngags na 
ni khyim bdag 'di dge sbyong gau ta ma la je dad par 'ong bas de bas na 'dir cung zad cig ni bsngags par bya/ cung zad cig ni smad par bya'o snyam du bsams nas/ lag pa kyog bzhin bsgyur ba dang / khyim bdag shin tu bzang pos smras pa/ 'phags pa ci ste lag pa kyog bzhin 
bsgyur/ des smras pa/ khyim bdag 'di la cung zad cig ni bden/ cung zad cig ni brdzun no/ /'phags pa gang ni bden gang ni brdzun/ khyim bdag bu phor btsa' bar 'gyur ro zhes zer ba gang yin pa de ni bden no/ /rigs gsal bar byed par 'gyur ro zhes zer ba 

</font><hr>10-1-13a<br><font size=+1>
gang yin pa de ni bden na/ gsal ba ni me'i ming yin pas sems can skal ba chung ngu de btsas ma thag kho nar khyim mes tshig par 'gyur ro/ /lha dang mi'i dpal nyams su myong bar 'gyur ro/ /zhes zer ba gang yin pa de ni brdzun te/ khyim bdag 
khyod kyis mir gyur pa la lha dang mi'i dpal nyams su myong bar gyur pa 'ga' yod pa lta mthong ngam/ nga'i bstan pa la rab tu 'byung ngo zhes zer ba de bden te/ gang gi tshe 'di bza' ba yang med/ bgo ba yang med pa de'i tshe gdon mi za bar dge sbyong gau ta ma'i thad du rab tu 
byung bar 'gyur ro/ /nyon mongs pa thams cad spangs nas dgra bcom pa nyid mngon sum du byed par 'gyur ro zhes zer ba gang yin pa de ni brdzun te/ re zhig dge sbyong gau ta ma la yang nyon mongs pa thams cad spangs pa'i dgra bcom pa nyid med na/ de'i nyan thos la lta smos kyang 
ci dgos/ khyim bdag shin tu bzang po mi dga' bar gyur nas smras pa/ 'phags pa 'di la bdag gis ji ltar bsgrub par bgyi/ gcer bu pas smras pa/ khyim bdag bdag cag ni rab tu byung ba ste/ bslab pa blangs pa yin pas khyod nyid shes so zhes smras nas song ngo / /
shin tu bzang pos bsams pa 'di yang dor ro snyam nas sman ma yin pa sbyin par brtsams pa dang / sems can de srid pa tha ma pa zhig pas sman ma yin pa de yang de la sman du gyur to/ /des de'i dku g.yon pa mnye bar brtsams pa dang / mngal na 'dug pa de dku g.yas 
par song ngo / /shin tu bzang pos dku g.yas pa mnye bar brtsams pa dang / de dku g.yon par song ste/ srid pa tha ma pa'i sems can zag pa zad pa ma thob kyi bar du bar ma dor rgyun chad cing dus byed par 'gyur ba gang yin pa de ni gnas ma yin zhing go skabs med do/ /khyim bdag shin tu bzang po'i chung ma de dku mnyes pas ngu bar brtsams pa dang / khyim tshes dag gis thos nas rings pa rings par song ste dris pa/ shes ldan khyim bdag gi chung ma 'di ci ste ngu / shin tu bzang pos smras pa/ gdon mi za bar 'di bu btsa' ba'i dus la bab po 

</font><hr>10-1-13b<br><font size=+1>
zhes byas pa dang / de de dag dong ngo / /shin tu bzang pos bsams pa/ bdag gis 'di 'dir gsad mi nus kyis/ dgon par bkri'o snyam nas/ des de dgon par khrid nas ci nas 'chi bar 'gyur ba de lta de ltar brtsal nas des de sbas te khyim du khyer nas 
mdza' bo dang / nye du dang / phu nu dang / khyim tshes rnams la smras pa/ shes ldan dag kho bo'i chung ma shi'o/ /de dag gis ngu bar brtsams nas de dag ngu zhing de gos sngon po dang / ser po dang / dmar po dang / dkar po rnams kyis khyogs brgyan nas bsil ba tshal 
gyi dur khrod du khyer ro/ /gcer bu pa dag gis thos nas de dag dga' mgu rangs nas gdugs dang / rgyal mtshan dang / ba dan dag bsgreng ste rgyal po'i khab kyi grong khyer gyi lam po che dang / srang dang bzhi mdo dang / sum mdo dag tu rgyu zhing smras pa/ shes ldan dag nyon cig /
dge sbyong gau ta mas khyim bdag shin tu bzang po'i chung ma bu phor btsa' bar 'gyur zhing / rigs gsal bar byed par 'gyur/ lha dang mi'i dpal nyams su myong bar 'gyur/ nga'i bstan pa la rab tu byung nas nyon mongs pa thams cad spangs te dgra bcom pa nyid mngon sum du 
byed par 'gyur ro zhes lung bstan pa de ni shi nas bsil ba tshal gyi dur khrod du khyer ro/ /re zhig shing gang la rtsa ba nyid kyang med pa de la yal ga dang 'dab ma dang / lo ma 'byung bar lta ga la 'gyur/ skabs 'di lta bu la sangs rgyas bcom ldan 'das rnams mi mkhyen pa 'am/ 
mi gzigs pa 'am/ mi rig pa 'am/ rnam par mi mkhyen pa cung zad kyang mi mnga' ste/ sangs rgyas bcom ldan 'das thugs rje chen po 'jig rten la phan par zhugs pa/ srung ba gcig pu/ gcig tu dpa' ba/ zla med pa gnyis su mi gsung ba/ zhi gnas 
dang lhag mthong gis gnas pa/ bslab pa gsum la legs par bslabs pa/ 'dul ba'i gzhi gsum la mkhas pa/ chu bo bzhi las rgal ba/ rdzu 'phrul gyi rkang pa bzhi'i zhabs kyi mthil la legs par gnas pa/ bsdu ba'i dngos po bzhi la yun ring po 

</font><hr>10-1-14a<br><font size=+1>
nas goms par mdzad pa/ mi 'jigs pa bzhis mi snyengs pa/ yan lag lnga rnam par spangs pa/ 'gro ba lnga las yang dag par 'das pa/ yan lag drug dang ldan pa/ pha rol tu phyin pa drug yongs su rdzogs pa/ drug la rtag tu gnas pa/ byang 
chub kyi yan lag bdun gyi me tog gis phyug pa/ lam yan lag brgyad pa ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs mnga' ba/ grags pas phyogs bcur khyab pa/ stong la dbang sgyur ba bas khyad par du 
'phags pa rnams ni chos nyid kyis nyin lan gsum mtshan lan gsum du sangs rgyas kyi spyan gyis 'jig rten la gzigs shing su ni nyams/ su ni dar/ su ni nyam nga bar gyur/ su ni skobs su chud par gyur/ su ni gnod par gyur/ su ni nyam nga ba dang / skobs 
su chud pa dang / gnod par gyur/ su ni ngan song la gzhol/ su ni ngan song la bab/ su ni ngan song la 'bab/ gang ni ngan song las drangs nas mtho ris dang / thar pa dang / 'bras bu la dgod/ gang zhig gis dge ba'i rtsa ba ma bskyed pa ni bskyed par bya/ gang 
zhig gis bskyed pa ni yongs su smin par bya/ gang zhig smin pa ni grol bar bya zhes ye shes gzigs pa 'jug go/ /yang smras pa/ chu srin gnas kyi rgya mtsho ni/ /dus rlabs 'da' bar 'gyur srid kyi/ /gdul bar bya ba'i sras rnams la/ /sangs rgyas dus las 
mi 'da'o/ /ji ltar ma ni sdug pa'i bu gcig la/ /lta zhing de yi srog kyang srung ba ltar/ /de bzhin gshegs pa gdul ba'i skye bo la/ /de bzhin gzigs shing de yi rgyud kyang srung / /thams cad mkhyen pa'i rgyu la gnas pa yi/ /thugs rje'i ba drus ba gshin be'u stor 
bzhin/ /srid pa bgrod dkar 'khyams par gyur pa yi/ /gdul ba'i sras rnams skyo mi mkhyen par tshol// //'dul ba phran tshegs kyi gzhi/bam po gnyis pa/ de nas bcom ldan 'das kyis phyogs zhig tu 'dzum pa mdzad do/ /chos nyid kyis gang gi 

</font><hr>10-1-14b<br><font size=+1>
tshe sangs rgyas bcom ldan 'das rnams 'dzum pa mdzad pa de'i tshe zhal nas 'od zer sngon po dang / ser po dang / dmar po dang / dkar po dag byung nas kha cig ni 'og tu 'gro/ kha cig ni steng du 'gro ste/ gang dag 'og tu 'gro ba de dag ni dmyal ba yang sos dang / thig nag 
dang / bsdus gzhom dang / ngu 'bod dang / ngu 'bod chen po dang / tsha ba dang/ rab tu tsha ba dang / mnar med pa dang / chu bur can dang / chu bur rdol ba dang / so thams thams dang / kyi hud zer ba dang / a cu zer ba dang / ut+pal ltar gas pa dang / pad ma ltar 
gas pa dang / pad ma ltar gas pa chen por song ste/ tsha ba'i dmyal ba gang dag yin pa de dag tu ni bsil bar gyur nas 'bab/grang ba'i dmyal ba gang dag yin pa de dag tu ni dro bar gyur nas 'bab po/ /des sems can de rnams kyi sdug bsngal gyi khyad par rgyun bcad pa dang / 
de dag 'di snyam du sems te/ shes ldan dag ci bdag cag 'di nas shi 'phos sam/ 'on te gzhan du skyes zhes zer ro/ /de dag dad pa bskyed pa'i phyir bcom ldan 'das sprul pa gtong ste/ de dag gis sprul pa de mthong nas 'di snyam du sems shing shes ldan dag 
bdag cag 'di nas shi 'phos pa yang ma yin gzhan du skyes pa yang ma yin gyi/ 'on kyang sems can 'di sngon ma mthong ba zhig ste/ 'di'i mthus bdag cag sdug bsngal gyi khyad par rgyun chad do zhes zer ro/ /de dag sprul pa la sems mngon par dang bas dmyal ba 
myong bar 'gyur ba'i las de zad par byas nas gang du sems can rnams snod du gyur pa lha dang mi rnams kyi nang du nying mtshams sbyor ba 'dzin to/ /gang dag steng du 'gro ba de dag ni rgyal chen bzhi'i lha dang / sum bcu rtsa gsum pa dang / 'thab bral dang / dga' ldan 
dang / 'phrul dga' dang / gzhan 'phrul dbang byed dang / tshangs ris dang / tshangs pa'i mdun na 'don dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang /

</font><hr>10-1-15a<br><font size=+1>
bsod nams 'phel dang / 'bras bu che ba dang / mi che ba dang / mi gdung ba dang / shin tu mthong ba dang / gya nom snang ba dang / 'og min gyi lha rnams kyi nang du song nas mi rtag pa dang / sdug bsngal ba dang / stong pa dang / bdag med pa zhes bya 
ba yang sgrogs so/ /tshigs su bcad pa gnyis kyang sgrogs te/ brtsam par bya zhing 'byung bar bya/ /sangs rgyas bstan la 'bad par bya/ /'dam bu'i khyim la glang chen bzhin/ /'chi bdag sde ni gzhom par bya/ /chos 'dul 'di la gang zhig ni/ /bag 
dang bcas par spyod byed pa/ /skye ba'i 'khor ba rab spangs nas/ /sdug bsngal gyi ni mthar byed 'gyur/ /de nas 'od zer de dag stong gsum gyi stong chen po'i 'jig rten gyi khams bskor nas bcom ldan 'das nyid kyi phyi bzhin phyi bzhin 'brang zhing 'gro ste/ de gal 
te bcom ldan 'das kyis 'das pa lung ston par bzhed na ni bcom ldan 'das kyi snam logs su nub par 'gyur ro/ /ma 'ongs pa lung ston par bzhed na ni mdun du nub par 'gyur ro/ /dmyal bar skye bar lung ston par bzhed na ni zhabs kyi mthil du nub par 'gyur ro/ /
dud 'gror skye bar lung ston par bzhed na ni long bur nub par 'gyur ro/ /yi dgas su skye bar lung ston par bzhed na ni zhabs kyi mthe bor nub par 'gyur ro/ /mir skye bar lung ston par bzhed na ni pus mor nub par 'gyur ro/ /stobs kyi 'khor los sgyur ba'i rgyal 
srid lung ston par bzhed na ni phyag g.yon gyi mthil du nub par 'gyur ro/ /'khor los sgyur ba'i rgyal srid lung ston par bzhed na ni phyag g.yas kyi mthil du nub par 'gyur ro/ /lhar skye ba lung ston par bzhed na ni lte bar nub par 'gyur ro/ /nyan thos kyi byang chub lung 
ston par bzhed na ni zhal du nub par 'gyur ro/ /rang sangs rgyas kyi byang chub lung ston par bzhed na ni mdzod spur nub par 'gyur ro/ /bla na med pa yang dag par rdzogs pa'i byang chub lung ston par bzhed na ni gtsug tor du nub par 'gyur ro/ /de nas 'od zer de dag gis 

</font><hr>10-1-15b<br><font size=+1>
stong gsum gyi stong chen po'i 'jig rten gyi khams bskor nas bcom ldan 'das la lan gsum bskor ba byas te/ bcom ldan 'das kyi zhal du nub po/ /de nas tshe dang ldan pa kun dga' bos thal mo sbyar te bcom ldan 'das la zhus pa/ rnam pa sna tshogs tshon ni stong dag 
gis/ /bkra ba'i tshogs dag zhal gyi nang nas byung / /nyi ma shar bar gyur pa ji lta bar/ /de yis phyogs rnams kun tu snang bar bgyis/ /tshigs su bcad de yang gsol pa/ sangs rgyas rgod bral zhum dang rgyags pa spangs/ /rgyal ba dgra thul 'gro mchog rgyur 
gyur pa/ /rgyu ma mchis par pad ma'i rtsa lag dang / /dung ltar dkar ba'i 'dzum pa ston mi mdzad/ /de ltas nyid kyi brtan blos dus mkhyen nas/ /rgyal dbang nyan po nyan par 'tshal rnams kyi/ /the tshom skyes pa thub pa skyes mchog gi/ /gsung mchog bzang 
zhing brtan pas bsal du gsol/ /rdzogs pa'i sangs rgyas ri rab ltar brtan pa/ /zung thub rnams ni glo bur 'dzum mi ston/ /mgon po ci slad 'dzum pa mdzad pa de/ /skye bo'i tshogs 'di nyan par yang dag 'tshal/ /bcom ldan 'das kyis bka' stsal pa/ /
kun dga' bo de de bzhin no de de bzhin te/ de bzhin gshegs pa dgra bcom pa yang dag par rdzogs pa'i sangs rgyas rnams ni rgyu med rkyen med par 'dzum pa mi mdzad do/ /kun dga' bo song la dge slong rnams la dge slong dag de bzhin gshegs pa dur khrod du rgyu zhing 
gshegs par bzhed kyis khyed las gang zhig de bzhin gshegs pa dang lhan cig dur khrod du rgyu zhing 'gro bar spro ba de chos gos dag so so nas long shig ces bsgo shig /tshe dang ldan pa kun dga' bos btsun pa de ltar 'tshal lo zhes bcom ldan 'das kyi ltar mnyan nas/ 
dge slong dag gang na ba der song ste phyin nas dge slong rnams la dge slong dag de bzhin gshegs pa dur khrod du rgyu zhing gshegs par bzhed kyis/ khyed las gang zhig de bzhin gshegs pa dang lhan cig dur khrod du rgyu zhing 'gro bar spro ba de chos gos dag so so nas long shig 

</font><hr>10-1-16a<br><font size=+1>
ces bsgo ba dang / dge slong thams cad 'dus nas bcom ldan 'das kyi spyan sngar lhags so/ /de nas bcom ldan 'das dul ba 'khor dul ba zhi ba 'khor zhi ba grol ba 'khor grol ba/ dbugs phyin pa 'khor dbugs phyin pa/ rnam par dul ba 'khor 
rnam par dul ba/ dgra bcom pa 'khor dgra bcom pa/ 'dod chags dang bral ba 'khor 'dod chags dang bral ba/ mdzes pa 'khor mdzes pa/ khyu mchog ba glang gi tshogs kyis bskor ba lta bu/ glang po che glang po che'i phru gu'i tshogs kyis bskor ba lta bu/ seng ge mche ba 
can gyi tshogs kyis bskor ba lta bu/ ngang pa'i rgyal po ngang pa'i tshogs kyis bskor ba lta bu/ nam mkha' lding bya'i tshogs kyis bskor ba lta bu/ bram ze bram ze'i khye'u'i tshogs kyis bskor ba lta bu/ sman pa nad pa'i tshogs kyis bskor ba lta bu/ dpa' bo dmag mi'i 
tshogs kyis bskor ba lta bu/ sa mkhan 'gron pa'i tshogs kyis bskor ba lta bu/ ded dpon tshong pa'i tshogs kyis bskor ba lta bu/tshong dpon 'khor gyi tshogs kyis bskor ba lta bu/ khams kyi rgyal po blon po'i tshogs kyis bskor ba lta bu/ 'khor los sgyur ba bu stong 
gis bskor ba lta bu/ zla ba skar ma'i tshogs kyis bskor ba lta bu/ nyi ma 'od zer stong gis bskor ba lta bu/ yul 'khor srung dri za'i tshogs kyis bskor ba lta bu/ 'phags skyes po grul bum gyi tshogs kyis bskor ba lta bu/ mig mi bzang klu'i tshogs kyis bskor 
ba lta bu/ rnam thos sras gnod sbyin gyi tshogs kyis bskor ba lta bu/ thags zangs ris lha ma yin gyi tshogs kyis bskor ba lta bu/ brgya byin sum bcu rtsa gsum pa'i tshogs kyis bskor ba lta bu/ tshangs pa tshangs ris pa'i tshogs kyis bskor ba lta bu/ rgya mtsho mi 
g.yo ba lta bu/ sprin chu dang bcas pa lta bu/ glang po che'i rgyal po dregs pa med pa lta bu/ dbang po shin tu dul bas spyod lam mi nyams par gshegs pa/ sku skyes bu chen po'i mtshan sum bcu rtsa gnyis kyis brgyan pa/ dpe byad bzang po brgyad bcus mdzes par 

</font><hr>10-1-16b<br><font size=+1>
byas pa/ sku 'od 'dom gang gis brgyan pa/ 'od nyi ma stong bas lhag pa/ rin po che'i ri 'gro ba lta bur kun nas bzang ba/ stobs bcu dang / mi 'jigs pa bzhi dang / ma 'dres pa'i dran pa nye bar gzhag pa gsum dang / thugs rje chen po dang ldan pa/ nyan 
thos chen po kun shes kauN+Di n+ya dang / rta thul dang / rlangs pa dang / ming chen dang / bzang po dang / shA ri'i bu dang / maud gal gyi bu dang / 'od srung dang / grags pa dang / gang po la sogs pa dang / dge slong gi dge 'dun mang po gzhan dang / srog chags brgya 
stong phal mo ches bskor nas bsil ba'i tshal gyi dur khrod du gshegs so/ /sangs rgyas gshegs pa la phan yon bcwa brgyad yod de/ bcwo brgyad gang zhe na/ me'i 'jigs pa med/ chu'i 'jigs pa med/ seng ge'i 'jigs pa med/ stag gi 'jigs pa 
med/ gzig gi 'jigs pa med/ pha rol gyi dmag tshogs kyi 'jigs pa med/ rkun po'i 'jigs pa med/ la gcan pa'i 'jigs pa med/ gru btsas kyi 'jigs pa med/ sho gam gyi 'jigs pa med/ bsel rngan gyi 'jigs pa med/ mi'i 'jigs 
pa med/ mi ma yin pa'i 'jigs pa med/ dus dus su gzugs bzang po dag mthong bar 'gyur/ sgra snyan pa dag thos par 'gyur/ 'od chen po dag mthong bar 'gyur/ kun shes pa lung ston pa dag thos par 'gyur/ chos kyi longs spyod dang / zang zing gi 
longs spyod dang ldan par 'gyur ro/ /sangs rgyas gshegs pa ni gnod pa chung ba yin pas lha dang / mi brgya stong du ma bcom ldan 'das kyi zhabs 'bring du phyi bzhin 'brang ngo / /bsil ba'i tshal logs nas rlung dag kyang langs so/ /rgyal rigs kyi khye'u zhig 
dang / bram ze'i khye'u byis pa gnyis shig rgyal po'i khab nas phyi rol du byung ste rtse zhing 'khod do/ /de gnyis las rgyal rigs kyi khye'u ni dad pa dang ldan pa yin/ bram ze'i khye'u ni de lta ma yin no/ /bram ze'i khye'u des rgyal rigs kyi khye'u la smras pa/ grogs po 

</font><hr>10-1-17a<br><font size=+1>
bcom ldan 'das kyis khyim bdag shin tu bzang po'i chung ma'i bu khye'ur skye bar 'gyur te/ rigs 'bar bar 'gyur zhing lha dang mi'i dpal yang myong bar 'gyur nas nga'i bstan pa la rab tu byung ste/ nyon mongs pa thams cad spangs pas dgra bcom pa 
nyid mngon sum du byed par 'gyur ro zhes lung bstan pa de ni 'chi ba'i dus byas nas bsil ba'i tshal gyi dur khrod du khyer na/ bcom ldan 'das kyis bka' stsal pa/ brdzun du ma gyur grang / rgyal rigs kyi khye'u des tshigs su bcad pa smras pa/ zla ba skar ma'i 
tshogs bcas sa la lhung yang srid/ /sa 'di ri dang nags bcas mkha' la 'gro yang srid/ /rgya mtsho chen po'i chu ni skam par 'gyur srid kyi/ /drang srong chen po brdzun gsung 'gyur ba srid pa min/ /bram ze'i khye'u des grogs po de ltar na bsil ba'i tshal gyi dur khrod lta 
zhing 'dong ngo zhes smras nas de gnyis dong ba dang bcom ldan 'das rgyal po'i khab nas gshegs pa mthong ngo / /rgyal rigs kyi khye'us bcom ldan 'das thag ring po kho na nas mthong nas yang tshigs su bcad pa smras pa/ thub pa the tshom bral zhing rgod pa mi mnga' ba/ /ri 
dgas rgyal po lta bu'i sgra skad mchog sgrogs shing / /the tshom med par pha rol smra bas mi rdzi ba/ /'di ltar skye bo'i tshogs kyis yongs su bskor cing gshegs/ /bsil tshal phyogs su kha ba'i tshogs lta bu'i/ /bsil ba'i ngad can rlung ni langs par gyur pa ni/ /
shAkya thub pa'i rdzu 'phrul brtag pa'i don gyi phyir/ /lha tshogs mang po gnas nas 'ongs pa nyid du nges/ /rgyal po gzugs can snying pos bcom ldan 'das kyis khyim bdag shin tu bzang po'i chung ma'i bu khye'ur skye bar 'gyur te/ rigs 'bar bar 'gyur zhing lha dang 
mi'i dpal yang myong bar gyur nas nga'i bstan pa la rab tu byung ste nyon mongs pa thams cad spangs pas dgra bcom pa nyid mngon sum du byed par 'gyur ro zhes lung bstan na de ni 'chi ba'i dus la bab nas bsil tshal gyi dur khrod du phyung zhing / bcom ldan 'das kyang nyan 

</font><hr>10-1-17b<br><font size=+1>
thos kyi dge 'dun dang thabs cig tu bsil ba'i tshal gyi dur khrod du gshegs so zhes thos so/ /thos nas kyang de 'di snyam du sems te/ bcom ldan 'das ni don med par bsil tshal gyi dur khrod du mi gshegs pas bcom ldan 'das kyis khyim bdag shin tu bzang po'i 
chung ma la brten te gdul ba'i don chen po zhig mdzad par 'gyur gor ma chag gis ltar 'gro'o snyam nas de btsun mo dang / gzhon nu dang / blon po dang / pho brang 'khor ba dang / ljongs kyi mis yongs su bskor nas rgyal po'i khab nas song ba dang / rgyal rigs kyi khye'u des 
rgyal po bzo sbyangs gzugs can snying po thag ring po kho na nas mthong nas yang tshigs su bcad pa smras pa/ ma ga d+hA yi mnga' bdag rgyal po'i gtso bo 'di/ /'di ltar 'khor bcas rgyal po'i khab nas byung ba las/ /skye bo'i tshogs kyi 'byor pa phun sum tshogs par ni/ /
bdag gi snying la nges pa'i blo dag skyes par gyur/ /skye bo'i tshogs rnams kyis bcom ldan 'das mthong nas gshegs shul phye ba dang / bcom ldan 'das zhal 'dzum pa mdzad cing skye bo rnams kyi gung la bzhugs so/ /bcom ldan 'das zhal 'dzum pa mdzad pa gcer bu pa 
dag gis mthong nas bsams pa/ 'di ltar dge sbyong gau ta ma bzhin 'dzum pa byed cing skye bo mang po'i gung la 'dug pa las na sems can 'di ma shi bar nges so snyam nas/ des khyim bdag shin tu bzang po la smras pa/ khyim bdag sems can skal ba chung ngu 'di ni ma 
shi'o/ /des smras pa/ 'phags pa de ltar gyur na skabs 'di la da ji ltar bsgrub par bya/ des smras pa/ khyim bdag kho bo ni bslab pa'i gzhi yang dag par blangs pa yin gyis/ khyod nyid shes par gyis shig /des bud shing bcer te chung ma'i ro me'i phung 
po'i nang du bcug ste bsregs pa dang / de'i lus thams cad tshig na lto'i nyen kor de bzhin du 'dug go/ /de nas lto'i nyen kor de rdol nas pad ma byung ste/ pad ma de'i snying po las gzhon nu gzugs bzang ba blta na sdug pa/ mdzes pa zhig byung ngo / /de srog 

</font><hr>10-1-18a<br><font size=+1>
chags brgya stong dag gis mthong nas mchog tu ngo mtshar chen po skyes par gyur pa dang gcer bu pa dag gi rgyags pa dang / nga rgyal dang / khengs pa dag nyams so/ /de nas bcom ldan 'das kyis khyim bdag shin tu bzang po la bka' stsal pa/ khyim 
bdag gzhon nu long shig /des gcer bu pa'i gdong du bltas pa dang / des smras pa/ khyim bdag me phung rab tu 'bar ba'i nang du zhugs na thams cad kyi thams cad du tshig par mi 'gyur ram/ de skad smras pas des ma blangs so/ /de nas bcom ldan 'das kyis 
'tsho byed gzhon nus gsos la bka' stsal pa/ 'tsho byed gzhon nu long shig /des bsams pa/ bcom ldan 'das kyis gnas ma yin skabs ma yin par bdag mi bskos kyis blang ngo snyam nas de the tshom med par me phung gi nang du zhugs te blangs so/ /rgyal ba'i 
bka' yis me yi phung por zhugs gyur te/ /de yis gzhon nu me yi nang nas blangs pa na/ /rgyal ba'i mthu yis me ni zhi ba nyid gyur cing / /kha ba'i tshogs ltar bsil ba'ang skad cig de la byung / /de nas bcom ldan 'das kyis 'tsho byed gzhon nu la bka' stsal pa/ 'tsho 
byed khyod nyams pa'am/ gnod pa dag tu ma gyur tam/ des gsol pa/ btsun pa bdag rgyal po'i pho brang du btsas zhing rgyal po'i pho brang du skyes par gyur kyang 'di ltar bcom ldan 'das kyi byin gyi rlabs kyis zhugs kyi phung po tsan dan sa mchog lta bur bsil bar gyur pa 
'di lta bu ni sngon chad ma myong lags so/ /de'i tshe bcom ldan 'das kyis khyim bdag shin tu bzang po la bka' stsal pa/ khyim bdag gzhon nu 'di long shig /de log par blta ba la phyogs pas re zhig len par mi byed cing / gcer bu pa de nyid kyi gdong du lta bar 
byed do/ /des smras pa/ khyim bdag mang du smra ci dgos/ mes ni thams cad 'tshig pa yin na/ gzhon nu shin tu skal ba chung ba 'di ma tshig pa las na/ 'di khyod kyi khyim du khyer na khyod kyi khyim yang tshig cing khyod kyi srog gi bar chad du yang 'gyur bar nges so/ /des 

</font><hr>10-1-18b<br><font size=+1>
bdag las gces pa med do snyam nas de ma blangs pa dang / de'i tshe bcom ldan 'das kyis ma ga d+hA'i rgyal po bzo sbyangs gzugs can snying po la bka' stsal pa/ rgyal po chen po gzhon nu long shig /des gus par bsgrims pa dang bcas pas lag pa brkyang ste/ de 
blangs nas kun du brtags te gsol pa/ bcom ldan 'das khye'u 'di'i ming cir gdags/ bcom ldan 'das kyis bka' stsal pa/ rgyal po chen po khye'u 'di 'di ltar me'i nang nas skyes pas de'i phyir khye'u 'di'i ming me skyes zhes bya bar gdags so/ /de nas 
bcom ldan 'das kyis skye bo phal po che'i tshogs de dag gi bsam pa dang / bag la nyal dang /khams dang / rang bzhin thugs su chud nas ci nas kyang sems can brgya phrag mang po de dag gis thos nas khyad par rnyed par 'gyur ba de lta bur chos bstan pa mdzad pas kha 
cig gis ni rgyun du zhugs pa'i 'bras bu mngon sum du byas/ kha cig gis ni lan gcig phyir 'ong ba'i 'bras bu/ kha cig gis ni phyir mi 'ong ba'i 'bras bu/ kha cig gis ni rab tu byung ste/ nyon mongs pa thams cad spangs pas dgra bcom pa nyid mngon sum du byas 
par gyur to/ /kha cig gis ni dro bar gyur pa'i dge ba'i rtsa ba dang / kha cig gis ni rtse mo dang / kha cig gis ni bzod pa chung ngu dang 'bring bskyed par gyur to/ /kha cig gis ni nyan thos kyi byang chub dang / kha cig gis ni rang sangs rgyas kyi byang chub dang / kha cig 
gis ni bla na med pa yang dag par rdzogs pa'i byang chub kyi sems bskyed par gyur to/ /kha cig gis ni skyabs su 'gro ba dang bslab pa'i gzhi dag yang dag par blangs te 'khor de dag las phal cher sangs rgyas la gzhol ba dang / chos la 'bab pa dang / dge 
'dun la bab par gyur to/ /de nas rgyal po gzugs can snying pos khye'u me skyes ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsen grogs kyi ma ma gnyis la rjes su gtad do/ /de ma ma 

</font><hr>10-1-19a<br><font size=+1>
brgyad po dag gis 'o ma dang / zho dang / mar dang / zhun mar dang / mar gyi snying khu dang / gzhan yang yo byad kyi bye brag gtso bo gtso bo dag gis sring bar byed skyed par byed cing / rdzing na gnas pa'i pad ma bzhin du myur du skyed par byed do/ /de'i 
zhang po zong thogs te yul gzhan du song ba des ji ltar bdag gi sring mo la sems can zhugs par gyur pa de bcom ldan 'das kyis khye'ur skye bar 'gyur te/ rigs 'bar bar 'gyur zhing / lha dang mi'i dpal yang myong bar gyur nas/ nga'i bstan pa la rab tu byung ste nyon 
mongs pa thams cad spangs nas dgra bcom pa nyid mngon sum du byed par 'gyur ro zhes lung bstan pa thos nas des zong bsgyur te rin blangs nas rgyal po'i khab tu song ba dang / des 'di ltar bdag gi sring mo de 'chi ba'i dus la bab po zhes thos so/ /thos nas kyang 
bsams pa/ bcom ldan 'das kyis de'i bu khye'ur skye bar 'gyur te/ rigs 'bar bar 'gyur zhing / lha dang mi'i dpal yang myong bar gyur nas nga'i bstan pa la rab tu byung ste nyon mongs pa thams cad spangs pas dgra bcom pa nyid mngon sum du byed par 'gyur ro/ /zhes 
lung bstan na/ bcom ldan 'das kyis bka' stsal pa/ de brdzun du ma gyur tam snyam nas des khyim tshes dag la dris pa/ bdag gi sring mo la sems can zhugs par gyur pa de bcom ldan 'das kyis khye'ur 'gyur te/ rigs 'bar bar 'gyur zhing / lha dang mi'i 
dpal yang myong bar gyur nas nga'i bstan pa la rab tu byung ste/ nyon mongs pa thams cad spangs pas dgra bcom pa nyid mngon sum du byed par 'gyur ro zhes lung bstan par thos so/ /thos nas bdag kun tu dga' ba las de yang 'chi ba'i dus la bab po zhes thos 
na/ bcom ldan 'das kyis bka' stsal pa/ de brdzun du ma gyur tam/ de dag gis tshigs su bcad pa smras pa/ zla ba skar ma'i tshogs bcas sa la lhung yang srid/ /sa 'di ri dang nags bcas mkha' la 'gro yang srid/ /rgya mtsho chen po'i chu ni skam par 'gyur 

</font><hr>10-1-19b<br><font size=+1>
srid kyi/ /drang srong chen po brdzun gsung 'gyur ba srid pa min/ /bcom ldan 'das kyis bka' stsal pa ni brdzun du mi 'gyur te 'di ltar khyim thab des de ji lta ji ltar 'chi bar 'gyur ba de lta de ltar byas pas 'chi ba'i dus la bab nas de'i khye'u dbang thang chen po can 
mer bsregs kyang ma tshig pa mthu bo che zhig da ltar rgyal po'i pho brang na gso zhing 'dug go zhes smras pa dang / de khyim bdag shin tu bzang po'i gan du song ste smras pa/ khyim bdag khyod kyis mi rigs pa zhig byas so/ /ci zhig byas/ gcer bu pas bslus 
nas khyod kyis nga'i sring mo la sems can zhugs pa ji lta ji ltar 'chi bar 'gyur ba de lta de ltar byas pas 'chi ba'i dus la bab par byas so/ /des khye'u dbang thang can mer bsregs kyang ma tshig pa mthu bo che zhig da ltar rgyal po'i pho brang na gso zhing 'dug pa de la ni 
re zhig ci byar yang med de/ 'di ltar da yang gal te gzhon nu de blangs na de lta na legs/ 'on te mi len na ngas khyod gnyen du yang mi brtsi/ rabs yig kyang dor zhing lam po che dang / srang dang lam gyi sum mdo dang / bzhi mdo dag tu yang khyim bdag shin 
tu bzang pos bdag gi sring mo bsad de/ chung ma gsod pa 'di la sus kyang gtam 'dre bar mi bya'o zhes mi snyan pa bsgrag cing rgyal po'i gnod pa yang byed du gzhug go zhes smras pa dang / des de thos nas skrag ste/ de skad smras pa dang sbyar na bdag la de ltar byed 
par nges so snyam nas/ de rgyal po'i gan du song ste rkang pa gnyis la phyag 'tshal nas smras pa/ lha bdag gi nye du po'i mchid nas da yang gal te gzhon nu de blangs na de lta na legs/ 'on te mi len na ngas khyod gnyen du yang mi brtsi/ rabs yig kyang dor zhing / 
lam po che dang / srang dang lam gyi sum mdo dang / bzhi mdo dag tu yang khyim bdag shin tu bzang pos bdag gi sring mo bsad de chung ma gsod pa 'di la sus kyang gtam 'dre bar mi bya'o zhes mi snyan pa bsgrag cing rgyal po'i gnod pa yang byed du gzhug go zhes mchi bas/

</font><hr>10-1-20a<br><font size=+1>
de'i slad du lhas gzhon nu me skyes bdag la stsal ba'i rigs so/ /rgyal pos smras pa/ khyim bdag gzhon nu me skyes ngas khyod la blangs pa ma yin gyi/ bcom ldan 'das kyis nga la gtad pa yin pas khyod la gal te gzhon nu dgos na gzhon nu'i ched du 
bcom ldan 'das la sngar zhus shig /de bcom ldan 'das kyi spyan sngar song nas zhabs gnyis la phyag 'tshal te 'di skad ces gsol to/ /bcom ldan 'das bdag gi nye du po'i mchid nas da yang gal te gzhon nu de blangs na de lta na legs/ 'on te mi len na ngas khyod 
gnyen du yang mi brtsi/ rabs yig kyang dor zhing / lam po che dang / srang dang / lam gyi sum mdo dang / bzhi mdo dag tu yang khyim bdag shin tu bzang pos bdag gi sring mo bsad de/ chung ma gsod pa 'di la sus kyang gtam 'dre bar mi bya'o zhes mi snyan pa bsgrag cing / 
rgyal po'i gnod pa yang byed du gzhug go zhes mchi bas/ de'i slad du gzhon nu me skyes bdag la stsal ba'i rigs so/ /bcom ldan 'das kyis gal te khyim bdag shin tu bzang po gzhon nu me skyes ma thob na khrag tsha ba skyugs nas 'chi ba'i dus byed par 'gyur ba'i gnas 
skabs de lta bu yod par gzigs nas tshe dang ldan pa kun dga' bo la bka' stsal pa/ kun dga' bo song la rgyal po gzugs can snying po la nga'i bkas a rog gya zhes byos la 'di skad ces rgyal po chen po khyim bdag shin tu bzang po la gzhon nu me skyes byin cig /gal te khyim 
bdag shin tu bzang po gzhon nu me skyes ma thob na khrag tsha ba skyugs nas 'chi ba'i dus byed par 'gyur ba'i gnas skabs de lta bu yod par 'gyur ro zhes kyang bsgo shig /tshe dang ldan pa kun dga' bos btsun pa bka' bzhin 'tshal zhes bcom ldan 'das kyi bka' mnyan nas 
rgyal po gzugs can snying po ga la ba der song ste phyin nas/ rgyal po gzugs can snying po la 'di skad ces smras so/ /bcom ldan 'das kyis khyod la rgyal po chen po a rog gya zhes bka' stsal te/ rgyal po chen po khyim bdag shin tu bzang po la gzhon nu me skyes 

</font><hr>10-1-20b<br><font size=+1>
byin cig /gal te khyim bdag shin tu bzang po gzhon nu me skyes ma thob na khrag tsha ba skyugs nas 'chi ba'i dus byed par 'gyur ba'i gnas skabs de lta bu yod par 'gyur ro zhes kyang bka' stsal to/ /rgyal pos smras pa/ btsun pa kun dga' bo bcom ldan 'das la phyag 'tshal lo/ /bcom ldan 
'das kyis ji skad bka' stsal pa de bzhin 'tshal lo/ /tshe dang ldan pa kun dga' bos rgyal po chen po a rog gya zhes smras te song ngo / /rgyal pos smras pa/ khyim bdag gzhon nu 'di ngas bskyed de yid du 'ong zhing sdug pa yin pas dam tshig bcas la sbyin par bya ste/ nyi ma re re la yang dus gsum 
gsum du nga blta ba'i phyir gtong na sbyin par bya'o/ /des smras pa/ lha khyod kyi spyan sngar mi gtang na gzhan su'i thad du gtang bar bgyi/ gtang bar 'tshal lo/ /rgyal pos de rgyan thams cad kyis brgyan te glang po che la bskyon nas btang ngo / /'di ltar 'jig rten pa rnams kyi kun du spyod pa ni ji skad 
du pha gson pa de srid du bu'i ming mi sgrogs so/ /ji tsam dus gzhan zhig na khyim bdag shin tu bzang po 'chi ba'i dus byas nas gzhon nu me skyes pha'i khyim na gnas par gyur te/ de sangs rgyas la mngon par dad/ chos dang dge 'dun la mngon par dad/ sangs rgyas la skyabs su song / chos 
dang dge 'dun la skyabs su song ngo / /des khyim bdag shin tu bzang pos phyogs gang du bdag gi ma bsad pa'i phyogs der gtsug lag khang rtsig tu bcug nas yo byad thams cad phun sum tshogs par sbyar te phyogs bzhi'i dge 'dun la phul nas 'di ltar gnas brtan dag gis kyang mdo sde dag la 
bcom ldan 'das rgyal po'i khab na dku mnyed pa'i tshal na bzhugs so zhes nye bar sbyar to/ /khyim bdag shin tu bzang po'i mi zho shas 'tsho ba yul gzhan du dong ba dag gis khyim bdag shin tu bzang po ni 'chi ba'i dus la bab po/ /gzhon nu me skyes ni rang gi khyim na gnas te/ de sangs rgyas la 
mngon par dad/ chos dang dge 'dun la mngon par dad/ sangs rgyas la skyabs su song / chos dang dge 'dun la skyabs su song ngo zhes thos so/ /thos nas kyang de dag gis tsan dan sa mchog pa'i lhung bzed cig rin po che dag gis bkang ste khyim bdag me skyes la skyes su bskur ro/ /

</font><hr>10-1-21a<br><font size=+1>
des kyang de shing ring po'i rtse mo la btags te bzhag nas/ 'di skad ces 'di sus kyang skas dang / ya gad dang / kyo ba tang dag gis blang bar mi bya'i/'di ltar dge sbyong ngam bram ze gang dag rdzu 'phrul che ba'am/ mthu che ba/ de dag las 'ga' zhig gis len na des 
ni 'di ci bder khyer la rag go zhes dril bsgrags pa yang byas so/ /gzhan mu stegs can rnams nang par sngar langs nas chu ngogs dag tu nye reg byed du 'dong ba de dag gis mthong ngo / /mthong nas kyang khyim bdag me skyes la smras pa/ khyim bdag 'di ci yin/ des de dag la rgyas par bsnyad 
pa dang / de dag gis smras pa/ /khyim bdag khyod shAkya'i bu'i dge sbyong rnams la mngon par dad pas de dag nyid len par 'gyur ro zhes smras nas dong ngo / /ji tsam na dge slong gnas brtan gnas brtan dag rgyal po'i khab tu bsod snyoms la zhugs pa de dag gis de mthong nas de dag gis 
kyang khyim bdag me skyes la smras pa/ khyim bdag 'di ci yin/ des de dag la de kho na bzhin du rgyas par bsnyad pa dang / de dag gis smras pa/ khyim bdag bcom ldan 'das kyis dge slong dag gis yon tan ni bcab par bya/ skyon ni bsgrag par bya'o zhes bka' stsal na/ ji lhung 
bzed tsam gyi ched du bdag nyid bstan par bya'am zhes smras nas dong ngo / /ji tsam na tshe dang ldan pa 'od srung stobs bcu pa de phyogs der 'ongs te/ khyim bdag la smras pa/ khyim bdag 'di ci yin/ des ji lta bu yin pa smras pa dang / tshe dang ldan pa 'od srung stobs bcu pas bsams pa/ 
bdag gis thog ma med pa'i dus nas bsags pa'i nyon mongs pa'i tshogs rnams spangs shing bor la bsal cing sbyang ba byas na khyim bdag gis bdag mu stegs can dang rdzu 'phrul 'gran par chad kyis de'i phyir 'di'i yid mgu bar bya'o snyam nas/ des lag pa glang po che'i sna lta bu brkyang ste lhung bzed 
de blangs nas des de khyer te gtsug lag khang du song ngo / /de la dge slong dag gis smras pa/ gnas brtan khyod kyi tsan dan sa mchog pa'i lhung bzed 'di ga las mchis/ des ji ltar gyur pa brjod pa dang / dge slong dag gis smras pa/ gnas brtan khyod lhung bzed tsam gyi ched du khyim pa'i mdun 

</font><hr>10-1-21b<br><font size=+1>
du rdzu 'phrul rnam par bstan du rung ngam/ de tshe dang ldan pa dag rung yang bla mi rung yang bla ste byas zin pas da ci byar yang med do zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis khyim pa'i mdun du rdzu 'phrul 
rnam par bstan par mi bya'o/ /rnam par ston na 'gal tshabs can du 'gyur ro/ /gzhan yang lhung bzed rnam pa bzhi po gser las byas pa dang / dngul las byas pa dang / bai DUr+ya las byas pa dang / shel las byas pa dang / gzhan yang lhung bzed rnam pa bzhi po ra gan dang / 
zangs dang / khar ba dang / shing las byas pa dag las 'di ltar lhung bzed snga ma bzhi po gang dag yin pa de dag ni ma blangs pa yang blang bar mi bya la/ blangs pa yang gtang bar bya'o/ /lhung bzed phyi ma bzhi po gang dag yin pa de dag ni ma blangs pa ni blang bar mi bya zhing blangs pa na sman phor du longs 
spyad pas spyad par bya ba yin no/ /'di ltar lcags dang / sa'i lhung bzed gnyis ni byin gyis brlab tu rung ba dag yin no/ /de nas dus gzhan zhig na khyim bdag me skyes lha dang mi'i dpal yang myong bar gyur nas/ rgyal po'i khab dang tsam pa dag gi bar na sho gam gyi gnas shig yod pa de'i 
sho gam pa 'chi ba'i dus la bab nas de gnod sbyin gdug pa zhig tu skyes pa dang / des bu'i rmi lam du 'di skad ces bu khyod kyis gnas 'dir gnod sbyin gyi rten 'dzugs su chug la der dril yang gyis la thogs shig dang / gang gi tshe der su dag zong las sho gam mi 'jal bar 'gro bar byed pa 
de'i tshe dril de sgra 'byin par byed cing / de dag phyir ldog pa las sho gam chod par 'gyur ro zhes bstan to/ /des gnyen bshes dang / nye du dang / rtsa lag dag la rmi lam de bzlas nas nyi ma dang / tshes grangs dang / yud tsam dang / gza' dang / rgyu skar dang / dus shis pa 
la bab pa'i tshe gnas der gnod sbyin gyi rten 'dzugs su bcug nas der dril yang byas te btags so/ /grong khyer tsam pa na bram ze zhig gis rigs mnyam pa las chung ma blangs pa dang / bram ze mo des bsams pa/ bdag bram zes thabs de dang de dag gis bsgrubs pa'i nor dag spyod 

</font><hr>10-1-22a<br><font size=+1>
cing las ci yang mi byed par 'dug pa ni bdag gi tshul dang mthun pa ma yin no snyam nas/ de tshong dus su song ste ras bal nyos nas sel gyis zhag par byas shing bkal te tha ga pa mkhas pa la kAr ShA pa Na stong ri ba'i ras zung gcig 'thag tu bcug go/ /de nas des 
bram ze la smras pa/ ras zung 'di kAr ShA pa Na stong ri ba lags kyis/ tshong dus su bzhud la gang dag kAr ShA pa Na stong gis 'jal ba la ni stsol cig /gal te des mi 'jal na tshong 'dus ma yin no zhes bsgrags nas gzhan du bzhud par mdzod cig /des de khyer te tshong 'dus su song 
ba na kAr ShA pa Na stong gis nyo ba su yang med nas/ des tshong 'dus ma yin no zhes bsgrags te/ ras zung de gdugs kyi rtsa ba'i nang du bcug ste 'gron pa dag dang lhan cig rgyal po'i khab tu song ngo / /ji tsam na rim gyis sho gam gyi gnas su phyin pa dang / sho gam pas 'gron pa de dag la sho gam 
bcad pa na de dag gis sho gam phul nas dong ngo / /de na dril sgra 'byin par byed nas sho gam pa dag gis smras pa/ shes ldan dag dril 'di ltar sgra 'byin pa las na 'gron pa dag gis sho gam legs par ma phul gor ma chag gis/ yang sho gam gcad do zhes de dag gis 'gron pa dag yang phyir 
bkug ste btsal na sho gam ma phul ba 'ga' yang med do/ /de dag dong ba dang yang dril sgra 'byin pa nyid du byed nas/ de dag gis 'gron pa dag yang phyir bkug ste btsal na sho gam ma phul ba 'ga' yang med par gyur nas/ 'gron pa dag deng la khyed cag chom po byed par sems sam/ ci na yang dang 
yang du phyir 'gugs par byed ces smod par byed do/ /de dag gis 'gron pa de dag tshoms gnyis su byas te bkye ba dang / tshoms gang gi nang na bram ze de med pa dag ni de bzhin dong ngo / /tshoms cig shos 'dod pa na dril de de bzhin du sgra 'byin par byed nas de dag gis de dag kyang de bzhin du tshoms gnyis 
su byas shing byas shing bkye ba dang / tha mar bram ze de gcig pu nyi tshe lus par gyur nas de de dag gis bzung ngo / /des bdag la cung zad kyang med kyis tshol cig ces smras pa dang / de dag gis btsal na ci yang med nas btang ba na yang dril de sgra 'byin pa nyid du byed do/ /de dag gis bram ze de yang phyir 

</font><hr>10-1-22b<br><font size=+1>
bkug nas smras pa/ kye bram ze lha'i byin gyi rlabs ni de ltar gyur na khyod bden par smros shig dang / kho bo cag khyod la sho gam mi len to/ /des smras pa/ bden pa mi len tam/ de dag gis smras pa/ mi len to/ /des gdugs kyi rtsa ba'i nang nas ras zung de phyung ste bstan to/ /de dag kye ma 
lha'i byin gyi rlabs ni 'di 'dra'o zhes ngo mtshar chen po skyes par gyur nas/ de dag gis de'i ras ya gcig phye ste lha la bstan to/ /bram zes smras pa/ kye khyed cag na re sho gam mi len to zhes zer na da thams cad 'phrog gam/ de dag gis smras pa/ bram ze nged cag len par mi byed de/ lha'i byin 
gyi rlabs de lta bu mdzad pas nged kyis lha la bstan par zad kyis long la song shig /des de blangs nas yang gdugs kyi rtsa ba'i nang du bcug ste song nas khad kyi rgyal po'i khab tu phyin to/ /des tshong 'dus su ras zung de bkram pa na der yang de kAr ShA pa Na stong gis nyo ba su yang med nas des rgyal po'i 
khab kyi tshong 'dus kyang tshong 'dus ma yin no zhes bsgrags so/ /de na gzhon nu me skyes glang po che la zhon te rgyal po'i pho brang nas phyir byung ste/ tshong 'dus kyi nang nas rang gi khyim du 'gro bas de thos pa dang / des shes ldan dag bram ze de ci'i phyir tshong 'dus ma yin no zhes sgrogs par byed pa dri bar 
byas bos shig /de dag gis bos nas me skyes kyis smras pa/ bram ze khyod ci'i phyir tshong 'dus 'di tshong 'dus ma yin no zhes sgrogs par byed/ des smras pa/ khyim bdag ras zung 'di lta bu kAr ShA pa Na stong gis nyo ba su yang med pa'i phyir ro/ /des smras pa/ bltas khyer te shog /
des de nye bar bstan to/ /me skyes kyis smras pa/ bram ze de tsam ni ri mod kyi 'on kyang ras gcig ni spyad zin pa zhig /gcig ni ma spyad pa zhig pas ma spyad pa gang yin pa 'di ni kAr ShA pa Na lnga brgya ri/ gang spyad pa 'di ni nyis brgya lnga bcu ri'o/ /bram zes smras pa/ ci 'di de lta bur 'gyur 
ram/ me skyes kyis smras pa/ bram ze khyod kyi mngon sum du bstan gyis ltos shig ces des ma spyad pa de steng gi nam mkha' la bor ba dang / de brkyang zhing 'dug go/ /spyad pa bor ba na de ma thag tu phyir lhung ngo / /bram ze ngo mtshar skyes te smras pa/ khyim bdag khyod ni rdzu 'phrul che ba mthu che ba zhig go/ /

</font><hr>10-1-23a<br><font size=+1>
me skyes kyis yang ltos shig ces smras nas/ des ma spyad pa gang yin pa de tsher ma'i steng du bor na ma thogs par song ngo / /cig shos de bor na tsher ma la thogs nas bram ze de ngo mtshar chen po des mngon par dad par gyur nas smras pa/ khyim bdag khyod ni rdzu 'phrul che ba mthu che ba 
zhig pas khyod rin ji tsam gyis bzhed pa de tsam gyis snoms shig /des smras pa/ bram ze khyod 'gron yin gyis khyod nyid la mchod pa bya ba'i phyir kAr ShA pa Na stong nyid sbyin par bya'o/ /zhes des de la kAr ShA pa Na stong byin pa dang / bram zes de blangs nas song ngo / /me skyes kyis de dag las 
gang spyad pa ni khye'u zhig la byin/ ma spyad pa ni khrus ras su byas so/ /de nas dus gzhan zhig na rgyal po gzugs can snying po steng gi khang bzangs kyi thog na blon po'i tshogs kyis yongs su bskor cing 'dug pa'i tshe me skyes kyi khrus ras khang pa'i steng du skam du bcug pa rlung gis nam mkha' la 
khyer nas/ rgyal po gzugs can snying po'i steng du lhung ba dang rgyal pos smras pa/ shes ldan dag rgyal po la 'os pa'i gos 'di lta bu ga las 'ongs/ de dag gis smras pa/ lha rgyal po nga las nu byung ba'i tshe ni dgung bdun du rin po che'i char bab po zhes thos na lha la yang na bza'i char bab 
pa las na ring po mi thogs par rin po che'i char 'bab par 'gyur ro/ /rgyal pos smras pa/ bcom ldan 'das kyis khyim bdag me skyes lha dang mi'i dpal yang myong bar 'gyur ro/ /zhes lung bstan la/ 'di yang lha'i gos nam mkha' las 'ongs pa zhig na de 'ongs dang sbyin par 
byas zhog shig ces bsgo'o/ /de dag de skad smra ba'i tshe nyid na me skyes 'ongs pa dang / rgyal pos smras pa/ gzhon nu khyod bcom ldan 'das kyis lha dang mi'i dpal yang myong bar 'gyur ro zhes lung bstan la/ nga la yang lha'i gos nam mkha' las lhung ba 'di lta bu yod kyis de khyod khyer 
cig /des lag pa brkyang ste smras pa/ lha g.yar snga brim gyis tshur stsal zhes brtags na ji tsam na bdag gi khrus ras yin par mthong nas cung zad bgad de smras pa/ lha 'di bdag gi khrus ras bser mas 'tshal nas 'dir mchis pa lags so/ /rgyal pos smras pa/ gzhon 

</font><hr>10-1-23b<br><font size=+1>
nu da khyod kyis lha dang mi'i dpal yang myong bar gyur tam/ lha myong bar gyur to/ /gzhon nu gal te de lta na ci'i phyir nga spyan 'dren par mi byed/ lha spyan 'dren to/ /song la yo lang gi zhal ta dag shoms shig /lha gang gis lha dang mi'i dpal yang myong bar gyur pa la zhal ta bgyi 
ci 'tshal mod kyi/ 'on kyang bdag zhal ta bgyid du mchi'o/ /rgyal po me skyes kyi khyim du song nas bud med kyi 'khor phyi pa dag mthong ba dang dbang po dag phyir glon par byed do/ /me skyes kyis smras pa/ lha ci'i slad du dbang po dag slar glon par mdzad/ des smras pa/ gzhon 
nu mna' ma yin pas de ltar byas so/ /lha snam zungs ma lags te/ 'di ltar bud med kyi 'khor phyi pa dag lags so/ /de ngo mtshar chen po skyes nas yang bud med kyi 'khor bar ma dag mthong ba dang / dbang po dag phyir ldon par byed do/ /me skyes kyis de bzhin du dris pa 
dang rgyal pos kyang de bzhin smras so/ /me skyes kyis smras pa/ lha 'di dag kyang snam zungs ni ma lags te/ 'di ltar bud med kyi 'khor bar ma dag lags so/ /de ngo mtshar chen po lhag par skyes so/ /rgyal pos de'i bar sgo'i phyogs rin po che'i rang bzhin las gyur 
pa rdzing chus gang ba lta bu de na nya dag rgyu ba 'dra ba'i 'khrul 'khor gyi sbyor ba byas pa dag mthong ste/ nang du 'gro bar 'dod nas lham dag 'bud par brtsams pa dang / me skyes kyis smras pa/ lha ci'i slad du chags dag bsil bar mdzad/ des smras pa/ gzhon nu 
chu la 'bog par bya ba'i phyir ro/ /me skyes kyis smras pa/ lha 'di chab ma lags te/ chab lta bur gda' ba ni rin po che'i sa gzhi lags so/ /des smras pa/ gzhon nu nya rgyu ba dag 'di ltar snang ngo / /lha 'khrul 'khor gyi sbyor ba las de dag rgyu bar gda'o/ /
rgyal po yid ma ches pa dang / des sor gdub rgya 'phangs pa na sgra k+r+wa la la zer te rin po che'i sa gzhi'i steng du 'jol bar gyur nas/ de ngo mtshar skyes te nang du song nas seng ge'i khri la 'dug go/ /mna' ma dag rkang pa la phyag 'tshal du lhags pa de dag mchi ma byung nas rgyal pos 

</font><hr>10-1-24a<br><font size=+1>
smras pa/ gzhon nu ci'i phyir mna' ma 'di dag ngu / des smras pa/lha 'di dag ngu ba ma lags te/ 'di ltar lha'i na bza' la shing gi dud pa'i dri gda' bas des 'di dag mchi ma byung bar gyur to/ /rgyal po lha dang mi'i dpal de dag la nye bar spyod cing phyir mi ldog pa na/ rgyal 
po'i bya ba dang rgyal po'i byed pa dag yongs su nyams par gyur nas gzhon nu ma skyes dgra la blon po rnams kyis smras pa/ gzhon nu lha ni me skyes kyi khyim du gshegs nas bag ma mchis par gyur gyis bzhud la sbron cig /de song nas smras pa/ lha khyod 'dir gshegs te bzhugs par mdzad 
dam ci/ blon po rnams kyi mchid nas rgyal po'i bya ba dang byed pa dag yongs su nyams par gyur to zhes mchi'o/ /des smras pa/ gzhon nu ci khyod kyis zhag gcig tsam rgyal srid byed du 'jug kyang mi nus sam/ des smras pa/ lha bdag gis ni lhas dgung bdun lags par 'tshal na/ lhas 
ni dgung gcig lags par mkhyen pa lta/ rgyal pos me skyes kyi gdong du brtags te smras pa/ gzhon nu bden nam/ lha mad de dgung bdun kho na lags so/ /'o na nyin mtshan ji ltar shes/ lha me tog dag kha 'bye zhing 'dzums pa dang / nor bu dag gi 'od 'bar ram mi 'bar ba dang / 
bya dag skad 'byin tam mi 'byin pa'i tshul las gda'o/ /me tog gang dgung la kha 'bye zhing gdugs la zhum par 'gyur ba yang mchis/ gang dag gdugs la kha 'bye zhing dgung la zhum par 'gyur ba yang mchis/ nor bu gang dag dgung la 'bar zhing gdugs la mi 'bar ba yang mchis/ gang 
dag gdugs la 'bar zhing dgung la mi 'bar ba yang mchis/ bya gang dag dgung la skad 'byin cing gdugs la mi 'byin pa yang mchis/ gang dag gdugs la skad 'byin cing dgung la skad mi 'byin pa yang mchis so/ /rgyal po ngo mtshar skyes nas smras pa/gzhon nu bcom ldan 'das 
ni phyin ci ma log par gsung ba ste/ bcom ldan 'das kyis khyod ji ltar lung bstan pa kho na las gzhan du ma gyur to/ /de skad smras nas rgyal po de me skyes kyi khyim nas phyir byung ste song ngo / /gzhon nu ma skyes dgras me skyes kyi nor bu gcig brkus te khye'u zhig gi lag tu gtad pa dang / des gang 

</font><hr>10-1-24b<br><font size=+1>
nas blangs pa de nyid du phyir song ste 'dug go/ /ma skyes dgras smras pa/ khye'u nor bu de bltas khyer shog /des chang pa phye ste smras pa/ gzhon nu gar mchis ma 'tshal to/ /des de brdeg par brtsams pa dang me skyes kyis smras pa/ gzhon nu 'di la ci'i phyir rdeg par byed/ khyim bdag 
kho bo yang rkun ma yin na 'di ni rkun chen zhig ste/ bdag gis khyod kyi nor bu brkus pa de yang 'dis brkus so/ /des smras pa/ gzhon nu khyod kyis kyang ma brkus/ 'dis kyang ma brkus te/ 'di ltar khyod kyis gang nas blangs pa de nyid du phyir song ste 'dug go/ /de lta mod kyi gzhon nu khyod 
nyid kyi khyim yin gyis nor bu ji snyed dgos pa dang / gzhan yang nor rdzas ci dgos pa de dag ci bder long shig /de skyengs nas bsams pa/ nam zhig na bdag gi pha 'chi ba'i dus la bab nas bdag rgyal po byed pa de'i tshe blang ngo snyam mo/ /ji tsam na ma skyes dgra lha sbyin gyis bslus nas pha chos kyi 
rgyal po chos dang ldan pa srog dang phral nas rang gis cod pan bcings te rgyal por zhugs nas de'i tshe des me skyes bos te/ khyim bdag khyod dang nga spun yin pas khyim dag bgo bar bya'o/ /des bsams pa/ 'di ni pha chos kyi rgyal po chos dang ldan pa de lta bu bsad de bdag nyid kyis cod 
pan bcings nas rgyal por zhugs pa yin pas 'dis gal te na bdag kyang bsad par 'gyur ro/ /'di bdag gi khyim dbrog par sems yang dag gis sbyin par bya'o/ /snyam du bsams nas smras pa/ lha 'di khyod mnga' na bgo ci 'tshal/ khyod kyi khab tu ni bdag mchi'o/ /bdag gi 
sdum par ni khyed gshegs su gsol/ ma skyes dgras smras pa/ legs kyis de bzhin bya'o zhes de de'i khyim du 'phos shing me skyes ni ma skyes dgra'i khyim du 'phos pa dang / dpal dang ldan pa'i khyim de mi snang bar gyur cing me skyes ga la ba de nyid du byung ngo / /de ltar lan bdun gyi bar 
du mi snang bar gyur cing byung ba dang ma skyes dgras bsams pa/ 'di ltar me skyes kyi nor bu dag bdag gis dbrog par ma nus kyis thabs gzhan zhig bya'o snyam nas/ des chom rkun pa dag bskos te/ deng la me skyes kyi khyim nas nor bu dag rkus shig ces bsgo nas/ de dag gis skas dang /

</font><hr>10-1-25a<br><font size=+1>
ya gad dang / kyo ba tang dag gis 'dzeg par brtsams pa dang / steng gi khang bzangs kyi gzhir gtogs pa na chung ma'i 'khor 'khod pas de dag mthong nas de dag gis rkun po byung ngo / /rkun po byung ngo zhes bya ba'i sgra phyung ngo / /me skyes kyis de thos nas chom rkun pa dag 'dug 
par gyur cig ces yid la yang bsams tshig tu yang brjod pa dang de dag gang nas ji ltar 'dzegs pa de nyid na de bzhin 'khod par gyur to/ /ji tsam na mtshan mo 'das te nam nangs pa dang skye bo phal po che'i tshogs dag gis mthong nas de dag gis smras pa/ shes ldan dag rgyal po sdig can 
'dis pha chos kyi rgyal po chos dang ldan pa srog dang phral nas nga yang khyim 'joms par byed pa de ci'i phyir bdag cag gis dang du blang bar bya/ ma skyes dgras me skyes kyi gan du pho nya btang ste/ nga la skyon du 'gyur bas de dag thong shig ces byas pa dang / me skyes kyis chom rkun pa 'di dag 
'dong bar gyur cig ces yid la yang bsams tshig tu yang brjod nas de dag dong ngo / /me skyes kyis bsams pa/gang gis 'di ltar pha chos kyi rgyal po chos dang ldan pa srog dang phral ba des bdag bsad par 'gyur gor ma chag gis/ bdag ni bcom ldan 'das kyis nga'i bstan pa la rab 
tu byung ste nyon mongs pa thams cad spangs pas dgra bcom pa nyid mngon sum du byed par 'gyur ro zhes lung bstan pa yin pas rnam pa thams cad du der song la rab tu byung ngo snyam nas/ des nor gyi rnam pa thams cad phongs pa dag dang / mgon med pa dag dang / dbul po dag dang / 
nad pa dag la byin te/ nor med pa rnams nor dang ldan par byas te bzhag go/ /de nas khyim bdag me skyes mdza' bshes dang / rtsa lag dang / nye du dang / phu nu dag gi ngo bltas nas bcom ldan 'das ga la ba der song ste phyin nas/ bcom ldan 'das kyi zhabs gnyis la 
mgo bos phyag 'tshal te mtha' gcig tu 'dug go/ /mtha' gcig tu 'dug nas khyim bdag me skyes kyis bcom ldan 'das la 'di skad ces gsol to/ /btsun pa bdag legs par gsungs pa'i chos 'dul ba la rab tu 'byung zhing bsnyen par rdzogs pa dge slong gi dngos po 'thob pa lta 

</font><hr>10-1-25b<br><font size=+1>
na/ bcom ldan 'das kyi spyan sngar bdag tshangs par spyad pa spyod par 'tshal lo/ /de la bcom ldan 'das kyis dge slong tshur shog ces bya bas dge slong tshur shog tshangs par spyad pa spyod cig ces bka' stsal ma thag kho nar skra byi zhing snam sbyar bgos nas/ lag pa lhung bzed 
dang / bya ma bum dang ldan pa dang / skra dang kha spu bregs nas zhag bdun lon pa tsam du gyur cing / dge slong bsnyen par rdzogs nas lo brgya lon pa'i spyod lam lta bur gnas par gyur to/ /de bzhin gshegs pas tshur shog bka' stsal pas/ /skra byi snam sbyar gyon pa'i lus ldan zhing / 
mod la dbang po rab zhir gnas 'gyur te/ /sangs rgyas dgongs pas lus gzugs bkab par gyur/ /bcom ldan 'das kyis de la lung phog nas des brtsal ba dang / 'bad pa dang / bsgrim pa byas pas 'khor ba'i 'khor lo cha lnga pa g.yo ba dang / mi g.yo ba 'di nyid rig ste/ 'du 
byed kyi rnam pa thams cad nyams pa dang / ltung ba dang / rnam par 'thor ba dang / rnam par 'jig pa'i chos nyid kyis bcom nas nyon mongs pa thams cad spangs pas dgra bcom pa nyid mngon sum du byas te/ dgra bcom pa khams gsum pa'i 'dod chags dang bral ba/ bong pa dang 
gser du mnyam pa/ nam mkha' dang lag mthil ltar sems mnyam pa/ ste'u dang tsan dan du mnyam pa/ rig pas sgo nga'i sbubs dral bar gyur cing rig pa dang / mngon par shes pa dang / so so yang dag par rig pa thob pa/ srid pa dang / 'dod pa'i rnyed pa dang/ bkur sti la 
rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / rjed par bya ba dang / gus par smra bar bya bar gyur to/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa me 
skyes 'dis las ci zhig bgyis na/ las de'i rnam par smin pas ma dang lhan cig zhugs kyi phung por bsregs shing lha dang mi'i dpal myong nas/ bcom ldan 'das kyi bstan pa la yang rab tu byung ste nyon mongs pa thams cad spangs pas dgra bcom pa nyid mngon sum du bgyis par gyur/ bcom 

</font><hr>10-1-26a<br><font size=+1>
ldan 'das kyis bka' stsal pa/ dge slong dag rigs kyi bu me skyes nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa gdon mi za bar 'byung bar 'gyur ba dag byas shing bsags pas/ me skyes nyid kyis las byas shing bsags 
pa dag /gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar las dge ba dang /
mi dge ba byas shing bsags pa dag ni zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag 
sngon byung ba bskal pa dgu bcu rtsa gcig 'das pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston 
pa/ sangs rgyas bcom ldan 'das rnam par gzigs zhes bya ba 'jig rten du byung ste/ dge slong drug khri nyis stong gi 'khor dang thabs cig tu ljongs rgyur gshegs pa na rgyal po'i pho brang rtsa lag can du byon nas rtsa lag can gyi tshal na bzhugs so/ /de'i tshe rgyal po'i pho brang rtsa lag can na rgyal po gnyen 
ldan zhes bya ba chos kyi rgyal po chos dang ldan pas rgyal srid 'byor pa/ rgyas pa/ bde ba/ lo legs pa/ skye bo dang / mi mang pos gang ba/ thab mo dang / 'thab pa dang / rtsod pa dang / 'gyed pa dang / phyi dgra dang / nang 'khrug dang / chom rkun dang / mu ge dang / nad rab tu zhi ba/ 'bru 
dang / bu ram shing dang / ba glang dang / ma he phun sum tshogs pa byed du bcug go/ /de na khyim bdag nyes med ces bya ba/ phyug pa/ nor mang ba/ longs spyod che ba/ yongs su gzung ba/ yangs shing rgya che ba/ rnam thos kyi bu'i nor dang ldan pa/ rnam thos kyi bu la nor gyis 'gran pa zhig 'dug 

</font><hr>10-1-26b<br><font size=+1>
pa des bsams pa/ bdag gis yang dag par rdzogs pa'i sangs rgyas rnam par gzigs lan du ma zhig khyim du spyan drangs te gdugs tshod gsol mod kyi/ zla ba gsum du yo byad thams cad kyis bstabs pa ni nam yang ma byas pas da bdag gis yang dag par rdzogs pa'i sangs rgyas rnam par 
gzigs la zla ba gsum du yo byad thams cad kyis bstabs so snyam nas/ yang dag par rdzogs pa'i sangs rgyas rnam par gzigs ga la ba der song ste phyin nas/ yang dag par rdzogs pa'i sangs rgyas rnam par gzigs kyi zhabs gnyis la mgo bos phyag 'tshal te mtha' gcig tu 'dug 
go/ /mtha' gcig tu 'dug nas yang dag par rdzogs pa'i sangs rgyas rnam par gzigs khyim bdag nyes med la/ chos dang ldan pa'i gtam yang dag par ston par mdzad/ yang dag par 'dzin du 'jug par mdzad/ yang dag par gzengs stod par mdzad/ yang dag par rab tu dga' 
bar mdzad do/ /rnam grangs du mar chos dang ldan pa'i gtam yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung bar bzhugs so/ /de nas khyim bdag nyes med stan las langs te/ 
bla gos phrag pa gcig tu byas nas/ yang dag par rdzogs pa'i sangs rgyas rnam par gzigs ga la ba de logs su thal mo sbyar ba btud nas/ yang dag par rdzogs pa'i sangs rgyas rnam par gzigs la 'di skad ces gsol to/ /bcom ldan 'das dge slong gi dge 'dun dang bcas 
pa la bdag dgung zla gsum du na bza' dang / zhal zas dang / gnas mal dang / snyun gyi rkyen dang / sman gyi yo byad rnams 'bul bar ci gnang / yang dag par rdzogs pa'i sangs rgyas rnam par gzigs kyis khyim bdag nyes med la cang mi gsung bas gnang ngo / /de nas 
khyim bdag nyes med kyis yang dag par rdzogs pa'i sangs rgyas rnam par gzigs kyis cang mi gsung bas gnang bar rig nas yang dag par rdzogs pa'i sangs rgyas rnam par gzigs kyi zhabs gnyis la mgo bos phyag 'tshal te stan las langs nas song ngo / /rgyal po gnyen ldan gyis yang dag 

</font><hr>10-1-27a<br><font size=+1>
par rdzogs pa'i sangs rgyas rnam par gzigs dge slong drug khri nyis stong gi 'khor dang thabs cig tu ljongs rgyur gshegs pa na rgyal po'i pho brang rtsa lag can du byon nas rtsa lag can gyi tshal na bzhugs so/ /zhes thos so thos nas kyang des bsams pa/ bdag gis yang dag par 
rdzogs pa'i sangs rgyas rnam par gzigs lan du ma zhig pho brang du spyan drangs te gdugs tshod gsol mod kyi/ zla ba gsum du yo byad thams cad kyis bstabs pa ni nam yang ma byas pas da bdag gis yang dag par rdzogs pa'i sangs rgyas rnam par gzigs la zla ba gsum du yo byad thams cad kyis 
bstabs so snyam nas yang dag par rdzogs pa'i sangs rgyas rnam par gzigs ga la ba der song ste phyin nas/ yang dag par rdzogs pa'i sangs rgyas rnam par gzigs kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas yang dag par rdzogs pa'i sangs 
rgyas rnam par gzigs rgyal po gnyen ldan la chos dang ldan pa'i gtam yang dag par ston par mdzad/ yang dag par 'dzin du 'jug par mdzad/ yang dag par gzengs stod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i gtam yang dag par 
bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung bar bzhugs so// //'dul ba phran tshegs kyi gzhi/bam po gsum pa/ de nas rgyal po gnyen ldan stan las langs te bla gos phrag pa gcig 
tu gzar nas yang dag par rdzogs pa'i sangs rgyas rnam par gzigs ga la ba de logs su thal mo sbyar ba btud nas yang dag par rdzogs pa'i sangs rgyas rnam par gzigs la 'di skad ces gsol to/ /bcom ldan 'das dge slong gi dge 'dun dang bcas pa la bdag dgung zla gsum du na bza' dang / 
zhal zas dang / gnas mal dang / snyun gyi rkyen dang / sman gyi yo byad rnams 'bul bar ci gnang / rgyal po chen po khyim bdag nyes med kyis dang po kho nar spyan drangs zin to/ /bcom ldan 'das kyis bdag la gnang na ji ltar gnang ba de ltar bdag gis khyim bdag nyes med 'drang bar bgyi'o/ /

</font><hr>10-1-27b<br><font size=+1>
bka' stsal pa/ rgyal po chen po gal te khyim bdag nyes med 'drang na ngas de bzhin gnang bar bya'o/ /rgyal po gnyen ldan yang dag par rdzogs pa'i sangs rgyas rnam par gzigs kyi zhabs gnyis la mgo bos phyag 'tshal nas stan las langs te rang gi gnas ga la ba der song ste phyin nas/ rgyal 
po gnyen ldan gyis khyim bdag nyes med pho nyas bkug nas smras pa/ khyim bdag shes par byos shig /yang dag par rdzogs pa'i sangs rgyas rnam par gzigs dang po nas ngas gdugs tshod gsol bar de'i 'og tu khyod kyis yang dag par rdzogs pa'i sangs rgyas rnam par gzigs 
gdugs tshod gsol na khyod la gnod pa med dam/ des smras pa/ lha yang dag par rdzogs pa'i sangs rgyas rnam par gzigs dang po kho nar bdag gis spyan drangs lags pas bdag gis gdugs tshod gsol bar 'tshal lo/ /rgyal pos smras pa/ khyim bdag gal te de lta 
mod kyi/ 'on kyang khyod nga'i yul na gnas pas dang po kho nar ngas gdugs tshod gsol bar 'os so/ /lha 'di ltar bdag khyod kyi yul na mchis mod kyi/ 'on kyang gang gis sngar spyan drangs pa de nyid kyis gdugs tshod gsol ba 'di la lhas gnod par bgyi ba mi rigs so/ /
khyim bdag khyod 'dod rgyal du mi gtang gis gdugs tshod gang bzang bas spyan drang bar bya ste/ gang gi gdugs tshod bzang bas sngar gsol bar bya zhing / gang gis ma thub pa des phyis gdugs tshod gsol bar bya'o/ /khyim bdag nyes med kyis de bzhin bgyi'o zhes mnyan nas/ 
de nyid kyi nub mo khyim bdag nyes med kyis bza' ba dang bca' ba gtsang zhing bsod pa dag sbyar te/ nang par sngar langs nas gdan thabs mang po bshams shing chu ra dag nye bar bzhag nas/ yang dag par rdzogs pa'i sangs rgyas rnam par gzigs la gdugs tshod kyi dus su spyan 'dren 
gyis bcom ldan 'das gdugs tshod g.yar dgongs 'tshal lags te/ btsun pas da de'i dus la bab par dgongs su gsol zhes gsol pa dang / yang dag par rdzogs pa'i sangs rgyas rnam par gzigs snga dro sham thabs gsol/ lhung bzed dang chos gos bsnams te/ dge 

</font><hr>10-1-28a<br><font size=+1>
slong gi dge 'dun gyi tshogs kyis yongs su bskor cing mdun du bdar te khyim bdag nyes med kyi bkad sa ga la ba der gshegs te byon nas/ dge slong gi dge 'dun gyi gung la gdan bshams pa nyid la bzhugs so/ /de nas khyim bdag nyes med kyis sangs rgyas la 
sogs pa dge slong gi dge 'dun bde bar bzhugs par rig nas/ bza' ba dang bca' ba gtsang zhing bsod pa dag rang gi lag nas bstabs shing tshim par byas te/ lan grangs du mar bza' ba dang bca' ba gtsang zhing bsod pa dag rang gi lag nas bstabs shing tshim par byas pa dang / 
bcom ldan 'das kyis gsol nas phyag bcabs te lhung bzed bzhag par rig nas stan ches dma' ba zhig blangs te/ yang dag par rdzogs pa'i sangs rgyas rnam par gzigs kyi spyan sngar chos mnyan pa'i phyir 'dug go/ /de nas yang dag par rdzogs pa'i sangs rgyas rnam par 
gzigs khyim bdag nyes med la chos dang ldan pa'i gtam yang dag par ston par mdzad/ yang dag par 'dzin du 'jug par mdzad/ yang dag par gzengs stod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i gtam yang dag 
par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas slar gshegs so/ /rgyal po gnyen ldan gyis kyang gzhung gong ma ji lta ba de bzhin du gdugs tshod gsol ba rgya cher rig par bya'o/ /rgyal po dang khyim bdag gnyi 
ga'i gdugs tshod bzang bar 'dra ste/ gang yang pham rgyal med nas rgyal po gnyen ldan rkom tshugs bcas te sems khong du chud cing 'dug pa dang / blon po dag gis smras pa/ lha khyod ci'i slad du rkom tshugs bcas te sems khong du chud cing bzhugs/ des smras pa/ shes ldan 
dag ngas nga'i yul na gnas pa'i grong mi gang yin pa de yang gdugs tshod lhag par bzang pos pham par ma nus na/ nga ji ltar rkom tshugs bcas te sems khong du chud cing mi 'dug tu rung / de dag gis smras pa/ lha zhugs shing 'tshong ba rnams bkag pa dang / khyim bdag de'i zhugs shing 

</font><hr>10-1-28b<br><font size=+1>
ma mchis par 'gyur ro/ /rgyal pos smras pa/ shes ldan dag gang dag nga'i yul na gnas pa de dag gis shing btsong bar mi bya'o/ /gang dag shing 'tshong ba de dag ni nga'i yul na ma 'dug shig ces dril sgrogs shig de ltar byas pa dang / khyim bdag nyes med kyis spos kyi shing dag gis gdugs tshod 
g.yos shing / 'bru mar dri zhim pos brlan pa'i ras kyis bag chos dag btso bar brtsams pa dang / gnyen ldan gyi grong khyer thams cad dri zhim po dag gis khyab par gyur to/ /rgyal po gnyen ldan gyis smras pa/ shes ldan dag 'di lta bu'i dri zhim po gang nas byung / de dag gis rgya cher brjod pa dang / 
des smras pa/ ci nga la yo byad dag med dam ngas kyang de lta bu bya'o/ /blon po dag gis smras pa/ lha de ltar mdzad du mi rung ste/ khyim bdag 'di ni bu ma mchis pas ring po mi thogs par 'gum pa'i dus la bab nas nor thams cad khyod nyid mnga' bar 'gyur gyis/ lha zhugs shing 'tshong du gnang bar 
mdzod cig /de nas des shing dag 'tshong du gnang ngo / /khyim bdag nyes med kyis rgyal pos shing dag 'tshong du ma gnang ngo zhes thos nas sems 'khrugs te/ kho bo la shing dag gis rgyal po gnyen ldan de ma dang lhan cig me'i phung por sreg kyang chog pa tsam yod do zhes tshig brlang po dag brjod do/ /
rgyal po rkom tshugs bcas te sems khong du chud cing 'dug nas/ blon po dag gis smras pa/ lha ci'i slad du rkom tshugs bcas te sems khong du chud cing bzhugs/ des rgyas par brjod pa dang / de dag gis smras pa/ lha mi dgyes par ma mdzad cig dang / bdag cag gis ji ltar lhas khyim 
bdag nyes med thub par 'gyur ba de ltar bgyi'o zhes byas nas/ de dag gis phyi de nyin par rgyal po gnyen ldan gyi grong khyer gyi rdo ba dang / gseg ma dang / gyo mo dag bsal ba byas nas tsan dan gyi chus chag chag btab ste/ dri rab tu zhim pos gang ba'i pog snod dag bzhag cing / dar gyi chun po 
dag dpyangs rgyal mtshan dang ba dan dag kyang bsgreng / me tog sna tshogs dag kyang bkram ste/ dga' ba'i tshal dang 'dra bar 'khor gyi khyams legs par brgyan pa de dang bsgrun du rung ba byas nas/ de rin po che sna tshogs kyis brgyan pa'i gdan thabs rin po che dang / gding ba dang / gos phun 

</font><hr>10-1-29a<br><font size=+1>
sum tshogs pas mdzes par byas pa bshams nas bza' ba dang bca' ba bsod pa mang po rgya che la dri rab tu zhim pa phun sum tshogs pa rnam pa sna tshogs skyu rums dang bcas pa lha'i zhal zas dang 'dra bar yid du 'ong ba/ 'jig rten gsum gyi bla ma dang rjes su mthun pa'i zhal zas dag bshams 
nas rgyal po gnyen ldan la smras pa/ lha'i grong khyer 'di 'dra ba dang / zhal zas dang / yo lang 'di 'dra ba dag bshams kyis dgyes pa bskyed du gsol rgyal po gnyen ldan gyis bltas nas ngo mtshar chen po skyes te/ ngo mtshar dang ldan pa'i sems kyi rgyud kyis yang dag par rdzogs pa'i sangs rgyas rnam par 
gzigs la gdugs tshod kyi dus su spyan 'dren gyis bcom ldan 'das gdugs tshod kyi g.yar dgongs 'tshal lags te/ btsun pas da de'i dus la bab par dgongs su gsol zhes gsol pa dang / de nas yang dag par rdzogs pa'i sangs rgyas rnam par gzigs snga dro sham thabs gsol/ lhung 
bzed dang chos gos bsnams te/ dge slong gi dge 'dun gyi tshogs kyis yongs su bskor cing mdun du bdar te/ rgyal po gnyen ldan gyi bkad sa ga la bar gshegs te byon nas dge slong gi dge 'dun gyi gung la gdan bshams pa nyid la bzhugs so/ /yang dag par rdzogs pa'i sangs rgyas rnam par 
gzigs kyi dbu'i steng du rgyal po gnyen ldan nyid dbang bskur ba'i bkra shis la gtogs pa'i glang po che'i gtso bo rtsibs brgya dang ldan pa'i gdugs 'dzin du bcug go/ /dge slong rnams kyi steng du yang glang po che gzhan dag gdugs gzhan dag 'dzin du bcug go/ /yang dag par rdzogs pa'i sangs rgyas 
rnam par gzigs la rgyal po gnyen ldan gyi btsun mo dam pa bsil yab gser dang nor bu las byas pa'i yu ba can gyis g.yob tu bcug go/ /dge slong rnams la yang btsun mo'i tshogs gzhan dag bsil yab dag gis g.yob tu bcug go/ /khyim bdag nyes med kyis rtog chen gyi mi zhig bskos te/ 
kwa'e nang rje song la bcom ldan 'das la sogs pa dge slong gi dge 'dun la rgyal po gnyen ldan gyis gdugs tshod ji lta bu zhig gsol pa rtogs shig ces bsgo'o/ /de song ste brtags na 'byor pa de lta bu dag mthong nas ngo mtshar chen po skyes te/ ngo mtshar dang ldan pa'i yid kyis de nyid du 'dug go/ /de bzhin du 

</font><hr>10-1-29b<br><font size=+1>
gnyis pa dang gsum pa dag btang na de dag kyang song zhing de nyid du 'dug go/ /de nas khyim bdag nyes med rang nyid der song ste brtags na 'byor pa de dag mthong nas ngo mtshar chen po skyes te des bsams pa/ gzhan ni bdag gis kyang 'byor pa nus na/ glang po che dang / btsun mo'i tshogs bdag gis 
ga la 'byor snyam du rig nas khyim du song ste mi sgo ba bos nas smras pa/ kwa'e sgo ba mi slong mo pa gang dag lhags na de dag ci 'dod pa dag byin la nang du ma btang shig ces bsgo nas/ de mya ngan gyi khang par zhugs te rkom tshugs bcas nas sems khong du chud cing 'dug go/ /de nas lha'i dbang po brgya byin 
gyi shes pa dang / mthong ba ni 'og gi phyogs su 'jug pa yin pas des bsams pa/ 'jig rten na mchod gnas gang dag yin pa de dag gi nang na ni yang dag par rdzogs pa'i sangs rgyas rnam par gzigs mchog yin la/ sbyin bdag gang dag yin pa dag gi nang na ni khyim bdag nyes med 
mchog yin pas de'i grogs bya'o snyam nas bdag nyid kau shi ka'i rigs kyi bram ze zhig tu sprul nas khyim bdag nyes med kyi khyim ga la ba der song ste phyin nas mi sgo ba bos te smras pa/ kye sgo ba song la khyim bdag nyes med la kau shi ka'i rigs kyi bram ze zhig sgor 'ongs te khyod mthong bar 
'dod do zhes gyis shig /des smras pa/ bram ze khyim bdag gis bdag la mi slong mo pa gang dag lhags na/ de dag ci 'dod pa dag byin la nang du ma btang shig ces bsgos/ khyim bdag gis khyod la ci bya/ khyod ci dgos pa de dag khyer la song shig /des smras pa/ kye 
sgo ba kho bo la dgos pa gzhan ci yang med de/ kho bo ni khyim bdag nyid mthong bar 'dod kyis song shig /de khyim bdag nyes med kyi gan du song ste smras pa/ jo bo kau shi ka'i rigs kyi bram ze zhig chab sgor mchis te jo bo mthong bar 'tshal zhes mchi'o/ /des smras pa/ kwa'e sgo ba ngas khyod 
la sngar mi slong mo pa gang dag lhags na/ de dag ci 'dod pa dag byin la nang du ma btang shig ces ma bsgo'am/ de nang du 'ongs pas ci bya/ ci 'dod pa dag byin la thong shig jo bo bdag gis de skad bgyis na/ de'i mchid nas kho bo la dgos pa gzhan ci yang med de/ kho bo ni khyim bdag nyid 

</font><hr>10-1-30a<br><font size=+1>
mthong bar 'dod do zhes mchi'o/ /des smras pa/ kwa'e sgo ba song la de nang du thong shig /des de btang ba dang / des smras pa/ khyim bdag khyod ci'i phyir mya ngan gyi khang par zhugs te rkom tshugs bcas nas sems khong du chud cing 'dug /khyim bdag gis tshigs su bcad pa smras pa/ 
gang gis mya ngan sel bar mi nus pa/ /de la mya ngan brjod par mi bya ste/ /gang gis mya ngan sel bar byed nus pa/ /de la mya ngan brjod par bya ba yin/ /brgya byin gyis smras pa/ khyim bdag khyod kyi mya ngan gang yin pa smros dang / kho bos khyod kyi mya ngan bsal bar bya'o/ /des rgya cher brjod pa dang / 
de nas lha'i dbang po brgya byin gyis kau shi ka'i rigs kyi bram ze'i gzugs mi snang bar byas te rang bzhin du 'dug nas smras pa/ khyim bdag kho bos lha'i bu las thams cad pa khyod kyi grogs byed du gzhug go zhes byas nas song ngo / /de nas lha'i dbang po brgya byin sum bcu rtsa gsum pa'i lha rnams kyi nang du 
song ste/ lha'i bu las thams cad pa bos nas smras pa/ lha'i bu las thams cad pa song la/ khyim bdag nyes med kyi grogs gyis shig /des smras pa/ kau shi ka rab tu legs so zhes lha'i bu las thams cad pas lha'i dbang po brgya byin gyi tshig mnyan nas des de bas ches mdzes shing khyad par du 
'phags pa'i grong khyer dag mngon par sprul cing / lha'i 'khor gyi khyams dang / lha'i gdan dag kyang bshams/ lha'i zhal zas dag kyang g.yos nas/ yang dag par rdzogs pa'i sangs rgyas rnam par gzigs kyi dbu'i steng du ni lha'i dbang po brgya byin gyi skyed mos tshal du spyad pa'i glang po che'i rgyal po sa srung 
gi bu rtsibs brgya dang ldan pa'i gdugs 'dzin du bcug go/ /dge slong rnams kyi steng du yang lha'i glang po che gzhan dag gdugs gzhan dag 'dzin du bcug go/ /yang dag par rdzogs pa'i sangs rgyas rnam par gzigs la lha'i dbang po brgya byin gyi btsun mo dam pa lha mo bde sogs lha'i bsil yab 
gser dang nor bu las byas pa'i yu ba can gyis g.yob tu bcug go/ /dge slong rnams la yang lha'i btsun mo'i tshogs gzhan dag bsil yab gzhan dag gis g.yob tu bcug go/ /rgyal po gnyen ldan gyis rtog chen gyi mi zhig bskos te/ kwa'e nang rje song la bcom ldan 'das la sogs pa dge 

</font><hr>10-1-30b<br><font size=+1>
slong gi dge 'dun la khyim bdag nyes med kyis gdugs tshod ji lta bu zhig gsol ba rtogs shig ces bsgo'o/ /des brtags na 'byor pa de lta bu dag mthong nas ngo mtshar chen po skyes te/ ngo mtshar dang ldan pa'i yid kyis de nyid du 'dug go/ /des blon po dag btang ba dang de dag kyang song 
zhing de nyid du 'dug go/ /gzhon nu btang na de yang song zhing de nyid du 'dug go/ /de nas rgyal po gnyen ldan rang nyid der song ste sgor bsdad pa dang / yang dag par rdzogs pa'i sangs rgyas rnam par gzigs kyis bka' stsal pa/ khyim bdag khyod kyis rgyal po gnyen ldan bden pa mthong 
bar gyur pa la tshig brlang po smras pa/ de sgo 'di na 'dug gis song la bzod par gsol cig /des de'i gan du song ste bzod par gsol nas smras pa/ rgyal po chen po nang du gshegs la nyid kyi phyag nas brim pa dag mdzad du gsol/ de nang du song ste bltas na lha'i 'byor pa dag mthong 
nas ngo mtshar chen po skyes nas sangs rgyas la sogs pa dge slong gi dge 'dun ni khyim bdag khyod gcig pus gdugs tshod gsol ba'i rigs kyi kho bos ni ma yin no zhes smras so/ /khyim bdag nyes med kyis yang dag par rdzogs pa'i sangs rgyas rnam par gzigs la de lta bu'i 'byor 
pas zhal zas dag gis tshim par byas nas/ zhabs la phyag 'tshal te smon lam 'di skad ces ji ltar bdag gis yon gnas 'di lta bu la bsnyen bkur byas pa'i dge ba'i rtsa ba 'dis bdag phyug cing nor mang la longs spyod che ba'i rigs su skye zhing / lha dang mi'i dpal yang myong bar 
'gyur ba dang / chos kyi tshul 'di lta bu thob pa dang / 'di lta bu'i ston pa mnyes par byed cing mi mnyes par mi byed par gyur cig ces btab bo/ /dge slong dag de'i tshe de'i dus na khyim bdag nyes med gang yin pa de ni khyim bdag me skyes 'di yin te/ rigs kyi bu des rgyal po 
gnyen ldan bden pa mthong ba la tshig brlang po smras pa de'i las kyi rnam par smin pas ni tshe rabs lnga brgyar ma dang lhan cig me'i phung por bsregs shing da ltar 'dir yang me'i phung por bsregs par gyur to/ /de bzhin gshegs pa rnam par gzigs gang yin pa la bsnyen bkur byas shing smon lam 

</font><hr>10-1-31a<br><font size=+1>
btab pa de'i las kyi rnam par smin pas ni phyug cing nor mang la longs spyod che ba'i rigs su skyes te/ lha dang mi'i dpal yang myong bar gyur cing / nga'i bstan pa la yang rab tu byung ste/ nyon mongs pa thams cad spangs pas dgra bcom pa nyid mngon sum du byas shing / yang 
dag par rdzogs pa'i sangs rgyas rnam par gzigs dang shugs mnyam pa dang / stobs mnyam pa dang / brtson 'grus mnyam pas kun du mnyam par gyur pa'i ston pa nga mnyes par byas shing mi mnyes par ma byas so/ /dge slong dag de lta bas na las gcig tu gnag pa rnams kyi rnam 
par smin pa ni gcig tu gnag pa yin la/ las gcig tu dkar ba rnams kyi ni rnam par smin pa yang dkar ba yin las 'dren ma rnams kyi rnam par smin pa yang 'dren ma yin no/ /dge slong dag de lta bas na las gcig tu gnag pa rnams dang 'dren ma rnams spangs te/ las gcig tu dkar 
ba rnams la brtsal bar bya ste/ dge slong dag khyed kyis de ltar bslab par bya'o/ /de skad ces bka' stsal nas/ dge slong rnams bcom ldan 'das kyis gsungs pa la mngon par bstod do// //sdom la/ lhung bzed glan dang spyad rnams dang / /gri'u dang khab dang khab ral dang / /
gtan pa dang ni mang po dag /drang srong chen pos rjes su gnang / /gleng gzhi ni mnyan yod na'o/ /mnyan yod na dge slong gcig cig gi lhung bzed rdol nas des de mgar ba'i gan du khyer te song nas smras pa/ bzhin bzangs kho bo'i lhung bzed rdol ba 'di glon la byin cig /des bsams 
pa/ 'di dag ni khas las byed du 'jug pa yin gyi/ gla rngan ni mi ster bas ci nas kyang yun ring du bsgyangs te bzhag na 'di rang gi blos phyir len par 'gyur snyam nas smras pa/ 'phags pa bzhud la sang ngam gnangs spyon cig /snga dro 'am/ gung tshigs sam/ phyi dro spyon cig ces bsgyang 
bar brtsams so/ /dge slong de nyin gcig bzhin der 'gro ba na skyo ba skyes pa dang / de'i mdza' bo zhig gis mthong nas tshe dang ldan pa khyod nyin gcig bzhin der 'gro na/ ci de khyod kyi nye du'i khyim mam sbyin bdag gi khyim yin/ des smras pa/ tshe dang ldan pa 'di kho bo'i nye du'i khyim yang 

</font><hr>10-1-31b<br><font size=+1>
ma yin/ sbyin bdag gi khyim yang ma yin te/ 'di ltar kho bo'i lhung bzed rdol nas de glon du bcug pa na 'di sgyong bar byed pas de'i phyir 'dir 'gro'o/ /des smras pa/ tshe dang ldan pa khyod kyis lag bzo bden par smra ba dkon no zhes bya ba ma thos sam/ kho bo yang bzo shes mod kyi bcom 
ldan 'das kyis ma gnang ngo zhes zer ba'i skabs de dge slong dag gis thos nas bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong bzo bo dag yod na/ des dben pa'i phyogs su lhung bzed glan par rjes su gnang ngo / /de dge 
slong de'i gan du song ste smras pa/ tshe dang ldan pa bcom ldan 'das kyis gnang gis lhung bzed 'di glon cig /des smras pa/ tshe dang ldan pa 'di lag pa 'ba' zhig gis glan du mi rung gi mgar spyad dag kyang dgos so zhes zer ba'i skabs de dge slong rnams kyis bcom ldan 
'das la gsol pa dang / bcom ldan 'das kyis bka' stsal pa/ dge 'dun gyi ched du mgar spyad nye bar gzhag par rjes su gnang ngo / /gleng gzhi ni mnyan yod na'o/ /dge slong dag gi chos gos dra dgos par gyur pa de dag lag pa dag gis 'dral nas ma legs par gyur nas/ 
bcom ldan 'das kyis bka' stsal pa/ lag pas dral bar mi bya bar gri'us dra bar bya'o/ /bcom ldan 'das kyis gri'us dra bar bya'o zhes bka' stsal pa dang / dge slong zhig gi chos gos dra dgos nas des khyim bdag las gri brnyas te dras nas/ des de khyim bdag de la slar byin 
pa dang / des smras pa/ 'phags pa khyod nyid kyi lags so/ /bzhin bzangs bcom ldan 'das kyis ma gnang ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong gis gri'u bcang bar rjes 
su gnang ngo / /bcom ldan 'das kyis gri'u bcang bar bya'o zhes bka' stsal pa dang / drug sde dag gser dang / dngul dang / bai DUr+ya dang / shel las byas pa'i gri yu ba bsrub pas sbyangs pa dag 'chang nas/ bram ze dang khyim bdag dag gis smras pa/ 'phags pa dag 'di ci 

</font><hr>10-1-32a<br><font size=+1>
lags/ de dag gis smras pa/ bcom ldan 'das kyis gri rjes su gnang ba'o/ /'phags pa dag dge sbyong khyed cag ni 'dod pa'i yon tan dag gis gzir to zhes byas pa dang / de dag spobs pa med par gyur nas cang mi smra bar 'khod pa'i skabs de dge slong rnams kyis 
bcom ldan 'das la gsol pa dang / bcom ldan 'das kyis bka' stsal pa/ dge slong gis gser dang / dngul dang / bai DUr+ya dang / shel las byas pa'i gri yu ba khra bo dang / bkra ba bcang bar mi bya bar lcags kyi gri'u bcang bar bya'o/ /bcom ldan 'das kyis lcags kyi gri'u bcang 
bar bya'o zhes bka' stsal pa dang / de dag gri ha cang chen po dag 'chang nas/ bram ze dang khyim bdag dag gis smras pa/ 'phags pa dag 'di ci lags/ bzhin bzangs dag gri'u yin no/ /'phags pa dag gri lags kyi gri'u ni ma lags so zhes zer ba'i skabs de dge slong rnams kyis 
bcom ldan 'das la gsol pa dang / bcom ldan 'das kyis bka' stsal pa/ gri ha cang chen po dag bcang bar mi bya'o/ /dge slong dag gis gri ha cang chung ngu 'chang bar byed pa na des bya ba ci yang mi nus nas/ bcom ldan 'das kyis bka' stsal pa/ gri'u chen po dang / 'bring dang / chung ngu rnam pa 
gsum bcang bar bya ste/ de la chen po ni sor drug go/ /chung ngu ni sor bzhi'o/ /de dag gi bar ma ni 'bring ngo / /gleng gzhi ni mnyan yod na'o/ /dge slong rnams kyi chos gos dag drub dgos par gyur pa na dge slong dag gis smyug ma'i tshal pa dang / bya gag gi gshog shing gis 'drub pa na/ 
de dag ral nas bcom ldan 'das kyis bka' stsal pa/ khab bcang bar bya'o/ /dge slong zhig gi chos gos drub dgos nas/ des khyim bdag las khab brnyas te drubs nas des de khyim bdag de la phyir byin pa dang / des smras pa/ 'phags pa khyod nyid kyi lags so/ /bzhin bzangs 
bcom ldan 'das kyis ma gnang ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong gis khab bcang bar rjes su gnang ngo / /bcom ldan 'das kyis dge slong gis khab bcang bar bya'o zhes bka' stsal 

</font><hr>10-1-32b<br><font size=+1>
pa dang / drug sde dag gser dang / dngul dang / bai DUr+ya dang / shel las byas pa'i khab dag 'chang nas/ bram ze dang khyim bdag dag gis smras pa/ 'phags pa dag 'di ci lags/ de dag gis smras pa/ bcom ldan 'das kyis khab rjes su gnang ba'o/ /'phags 
pa dag dge sbyong khyed cag ni 'dod pa'i yon tan dag gis gzir ba'o zhes byas pa dang / de dag spobs pa med par gyur nas cang mi smra bar 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis gser 
dang / dngul dang / bai DUr+ya dang / shel las byas pa'i khab bcang bar mi bya bar khab rnam pa bzhi po 'di lta ste/ ra gan dang / zangs dang / khar ba dang / lcags las byas pa dag bcang bar bya'o/ /bcom ldan 'das kyis dge slong gis khab rnam pa bzhi po dag bcang bar bya'o 
zhes bka' stsal pa dang / dge slong dag gis bab bab tu bzhag ste/ de dag btsa' zhugs par gyur nas/ bcom ldan 'das kyis bka' stsal pa/ khab ral bcang bar bya'o/ /dge slong dag gis khab ral ci 'dra bar bcang bar bya ba mi shes nas/ bcom ldan 'das kyis bka' 
stsal pa/ khab ral ni rnam pa gnyis te/ sbu gu can dang / chang ba lta bu'o/ /dge slong dag gis chang ba lta bu'i khab ral du gri'u bcug nas de ral bar gyur pa dang / bcom ldan 'das kyis bka' stsal pa/ gri'u ni rnam pa gnyis su bya ste/ bya rog gi mchu dang / bya gag gi gshog pa 
lta bur bya'o/ /gleng gzhi ni mnyan yod na'o/ /bcom ldan 'das kyis dge slong rnams kyis chos gos snam sbyar dag bya'o zhes bka' stsal pa dang / dge slong rnams sa la brkyang ste 'dra bar byed pa na rdul dag gis dri ma can du gyur cing / sril dag gis kyang ma rung bar byas nas/ bcom 
ldan 'das kyis bka' stsal pa/ sa la bting ste dra bar mi bya bar gtan pa dag bya'o/ /dge slong dag gis gtan pa ji ltar bya ba mi shes nas/ bcom ldan 'das kyis bka' stsal pa/ gtan pa ni rnam pa gnyis te/ shing dang smyug ma las gru bzhir byas pa dag go/ /dge slong dag 

</font><hr>10-1-33a<br><font size=+1>
gis phur bur brgyangs pa dang ral nas/ bcom ldan 'das kyis bka' stsal pa/ bu gu byas la sgro gzungs kyis brgyang bar bya'o/ /gleng gzhi ni mnyan yod na'o/ /bcom ldan 'das kyis chos gos rnam pa gsum po chen po dang / 'bring dang / chung ngu'o zhes bka' stsal pas chos 
gos chen po brgyang pa'i gtan pa gang yin pa de la 'bring po dang chung ngu brgyang du mi rung nas/ bcom ldan 'das kyis bka' stsal pa/ gtan pa mang po dag bya'o// //sdom la/ me long dang ni chu dag dang / /de bzhin so mangs smyug shad gnyis/ /gtsug phud dang ni skra rings dang / /bsro gang 
lid tsha chen po'o/ /gleng gzhi ni mnyan yod na'o/ /drug sde dag snga dro sham thabs bgos/ lhung bzed dang chos gos thogs te/ mnyan yod du bsod snyoms la zhugs pa dang / de dag gis bram ze dang khyim bdag dag gis byi dor gyi yo byad gos kyi sprog ma'i steng du bzhag pa mthong nas/ drug 
sde dag gis de dag gi me long blangs te bzhin bltas nas smras pa/ dga' bo nye dga' bo ji lta bdag cag bzang ngam/ bram ze dang khyim bdag dag gis smras pa/ 'phags pa dag khyed mgo ni bregs la mchan khung ni ral bu can du 'dug na khyed kyi gdong mdzes par ga la 'gyur/ dge 
sbyong 'di dag ni 'dod pa'i yon tan dag gis gzir bar nges so zhes byas pa dang / de dag cang mi smra bar 'khod pa'i skabs de dge slong dag gis thos nas/ bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong gis me long la bzhin brtag par 
mi bya'o/ /rtog par byed na 'gal tshabs can du 'gyur ro/ /bcom ldan 'das kyis dge slong gis me long la bzhin brtag par mi bya'o zhes bka' stsal pa dang / de dag gis chu dag la bzhin brtag par brtsams nas/ bcom ldan 'das kyis bka' stsal pa/ chu la yang bzhin brtag par mi 
bya'o/ /bcom ldan 'das kyis dge slong gis chu la yang bzhin brtag par mi bya'o zhes bka' stsal pa dang / dge slong dag chu la rtog par byed pa na bzhin mthong nas de dag 'gyod par gyur nas/ bcom ldan 'das kyis bka' stsal pa/ chu brtag pa dang / rma dang / gnyer ma dang / rgas pa dang /

</font><hr>10-1-33b<br><font size=+1>
lus kyi gnas skabs snga phyir brtag pa'i phyir bltas pa la ltung ba med do/ /gleng gzhi ni mnyan yod na'o/ /drug sde dag snga dro sham thabs bgos lhung bzed dang chos gos thogs te mnyan yod du bsod snyoms la zhugs pa dang / de dag gis bram ze dang khyim bdag dag gis byi dor gyi yo byad gos kyi 
sprog ma'i steng du bzhag pa mthong nas/ drug sde dag gis de dag gi so mangs blangs te skra bshad nas smras pa/ dga' bo nye dga' bo ji lta bdag cag bzang ngam/ bram ze dang khyim bdag dag gis smras pa/ 'phags pa dag khyed mgo ni bregs la mchan khung ni ral bu can du 'dug na khyed kyi 
skra mdzes par ga la 'gyur/ dge sbyong 'di dag ni 'dod pa'i yon tan dag gis gzir bar nges so zhes byas pa dang / de dag cang mi smra bar 'khod pa'i skabs de dge slong rnams kyis thos nas bcom ldan 'das la gsol pa dang / bcom ldan 'das kyis bka' stsal pa/ de lta bas na 
dge slong gis so mangs kyis skra bshad par mi bya'o/ /bshad par byed na 'gal tshabs can du 'gyur ro/ /gleng gzhi ni mnyan yod na'o/ /bcom ldan 'das kyis dge slong gis so mangs kyis skra bshad par mi bya'o zhes bka' stsal pa dang / drug sde dag gis smyug shad kyis bshad 
par brtsams pa na/ bcom ldan 'das kyis bka' stsal pa/ smyug shad kyis kyang bshad par mi bya'o/ /bshad par byed na 'gal tshabs can du 'gyur ro/ /gleng gzhi ni mnyan yod na'o/ /bcom ldan 'das kyis dge slong gis smyug shad kyis skra bshad par mi bya'o zhes bka' 
stsal pa dang / de dag gis phyogs gcig ni so mangs su byas la/ phyogs gcig ni smyug shad du byas pas skra bshad par byed nas/ bcom ldan 'das kyis bka' stsal pa/ so mangs dang / smyug shad gnyi gas kyang skra bshad par mi bya'o/ /gleng gzhi ni mnyan yod na'o/ /
gang gi tshe khyim bdag mgon med zas sbyin gyis sangs rgyas la sogs pa dge slong gi dge 'dun la rgyal byed kyi tshal phul ba de'i tshe des 'dreg mkhan zhes bya ba la sogs pa snga ma ji lta ba bzhin no/ /nye dga'as smras pa/ bzhin bzangs gtsug pud 'jog shes sam/ 'phags pa de ni bdag 

</font><hr>10-1-34a<br><font size=+1>
gi sug las lags so/ /bltas zhog shig /'phags pa ji ltar gzhag par bgyi/ chen por ro/ /des gtsug pud chen por bzhag pa dang / nye dga'as smras pa/ phyogs gcig bregs shig /des phyogs gcig bregs pa dang / des smras pa/ gnyis pa dang / 
gsum pa zhes bya ba nas phyogs bdun pa'i bar bregs shig ces zer nas/ des phyogs bdun pa'i bar du bregs pa dang / nye dga'as smras pa/ bkren pa khyod ko ci yang mi shes pa zhig gis snga ma kho na bzhin du byos te song shig ces bya ba la sogs pa snga ma ji lta ba bzhin no/ /bcom ldan 'das 
kyis bka' stsal pa/ de lta bas na dge slong gis gtsug pud gzhag par mi bya'o/ /'jog par byed na 'gal tshabs can du 'gyur ro/ /gleng gzhi ni mnyan yod na'o/ /tshe dang ldan pa ba lang gnas kau shAm bI na ri chus bskor la bad sa'i rgyal po 'char byed kyi skyed mos tshal gyi phag mo'i phug na 
'dug go/ /de nas dus gzhan zhig na/ gang gi tshe dpyid kyi dus la bab pa de'i tshe shing ljon pa dag me tog rgyas shing ngang pa dang / khrung khrung dang / rma bya dang / ne tso dang / ri skegs dang / khu byug dang / shang shang te'u dag tshal gyi nang na sgra 'byin par byed pa na/ bad sa'i rgyal po 'char byed 
kyis skyed mos tshal srung ba'i mi bos te/ smras pa/ kwa'i mi khyod tshur shog /nga skyed mos tshal du 'gros/ ri chus bskor gyi nyen kor gyi rdo ba dang / gseg ma dang / gyo mo thams cad sol la/ chu ra dag kyang zhog ste/ tshal rtogs la/ la gcan pa dag kyang skos shig /skyed 
mos tshal srung ba'i mis lha bka' bzhin 'tshal zhes bad sa'i rgyal po 'char byed kyi tshig mnyan nas/ ri chus bskor gyi nyen kor gyi rdo ba dang / gseg ma dang / gyo mo thams cad bsal nas/ chu ra dag kyang bzhag ste/ tshal brtags shing la gcan pa dag kyang bskos nas bad sa'i rgyal po 
'char byed ga la ba der song ste/ phyin nas bad sa'i rgyal po 'char byed la 'di skad ces smras so/ /lha 'di ltar mkhyen par mdzad du gsol/ /ri chus bskor gyi gor ma dang / gseg ma dang / gyo mo thams cad bsal cing chu ra dag kyang bzhag ste/ tshal kyang brtags/ la gcan pa 

</font><hr>10-1-34b<br><font size=+1>
dag kyang bskos lags na/ lha da de'i dus la bab par mkhyen par mdzad du gsol/ de nas bad sa'i rgyal po 'char byed btsun mo'i tshogs kyis yongs su bskor nas skyed mos tshal du song ste/ des der dga' ba dang / rtse ba dang / dga' mgur spyod pa nyams su myong bar byas nas 
de gnyid log par gyur to/ /bud med rnams kyi rang bzhin ni me tog dang 'bras bu la dga' ba yin pas/ de'i btsun mo'i 'khor rnams skyed mos tshal der ci dgar rgyu zhing 'khyam du dong ba dang / de'i tshe tshe dang ldan pa ba lang gnas skra dang kha spu ring zhing chos gos rnying pa dang / sham thabs 
hrul po bgos nas shing ljon pa zhig gi drung na rten cing 'dug go/ /tshe dang ldan pa ba lang gnas skra dang kha spu ring zhing / chos gos rnying pa dang / sham thabs hrul po bgos nas 'dug pa btsun mo'i 'khor de dag gis mthong ngo / /mthong nas kyang bsngangs te/ a tsi lha cig 'di na 
'dre zhig gda'o/ /a tsi lha cig 'di na 'dre zhig gda'o zhes bred skad phyung ba dang / tshe dang ldan pa ba lang gnas de nas langs te rings pa rings par phag mo'i phug tu song ngo / /sgra des rgyal po sad nas ral gri shubs nas phyung ste/ brgyugs nas bud med dag 'dre ga la 'dug ces 
smras pa dang / de dag gis smras pa/ lha cig phag mo'i phug tu mchis so/ /de nas bad sa'i rgyal po 'char byed mtshon thogs te phag mo'i phug sgor bsdad nas smras pa/ kwa'e 'byung po khyod su zhig /des smras pa/ lha dge sbyong lags so/ /khyod gang gi dge sbyong yin/ shAkya'i 
sras kyi dge sbyong lags so/ /ci khyod dgra bcom mam/ lha ma lags so/ /'o na khyod phyir mi 'ong ba'am/ lan gcig phyir 'ong ba'am/ rgyun du zhugs pa zhig yin nam/ lha ma lags so/ /'o na ci khyod bsam gtan bzhi pa thob pa yin nam lha ma lags so/ /'o na khyod bsam gtan 
gsum pa'am/ gnyis pa'am/ dang po thob pa zhig yin nam/ lha ma lags so zhes byas pa dang / rgyal po btsun mo'i 'khor la phrag dog za bas phyir lhag par khros te/ blon po rnams la smras pa/ kwa'e shes ldan dag dge sbyong so so'i skye bo 'dis nga'i btsun mo'i 'khor rnams 

</font><hr>10-1-35a<br><font size=+1>
ma rung bar byas kyis rnga mo'i grog ma chen po dag 'dir myur du lhogs shig dang / de dag gis phug 'di khyab par bkang ste dge sbyong 'di gsad par bya'o/ /de nas phag mo'i phug na gnyug mar gnas pa'i lha zhig 'dug pa des bsams pa/ rgyal po gtum po 'dis bdag la skyabs 
su 'ongs pa'i dge sbyong nyes pa med pa skyon med pa bsad par gyur na mi rung gis/ bdag gis 'di thar bar bya ba'i thabs shig la brtson par bya'o snyam nas de bdag nyid phag mo chen mo'i gzugs su mngon par sprul te/ phug nas sgor byung ngo / /rgyal po de lings la dga' bas mi zhig la smras pa/ 
kwa'e mi 'di song la nga'i rta dang mda' gzhu dag khyer te shog shig /des rgyal po'i rta dang mda' gzhu dag phul lo/ /de nas phag mo de skyed mos tshal gyi nang nas phyir byung ste 'bros par brtsams pa dang / rgyal po de de'i phyi bzhin snyegs su 'gro ba na des thag ring du khrid de song ngo / /de nas btsun mo'i 
'khor gyi tshogs kyis tshe dang ldan pa ba lang gnas la smras pa/ 'phags pa rgyal po 'di ni gtum pa lags pas khyod bkrongs par gyur na ma legs kyis khyod da myur du bzhud cig /tshe dang ldan pa ba lang gnas kyis myur ba myur bar lhung bzed dang / chos gos blangs te/ skyed mos tshal de nas phyir 
byung nas mnyan yod du song ngo / /de khad kyis mnyan yod du phyin pa dang / dge slong dag gis mthong nas smras pa/ tshe dang ldan pa 'ongs pa legs so 'ongs pa legs so/ /khyod yun ring po ring po nas zla ba bzhin du rgyu zhing ga las 'ongs/ ko+o shAm bI nas so/ /ji lta tshe dang ldan pas bde bar brgyus 
sam/ tshe dang ldan pa dag ji ltar bde bar brgyus/ bdag bad sa'i rgyal po 'char byed kyis had por de'u bsad do/ /ci'i phyir/ des rgyas par smras pa'i skabs de dge slong rnams kyis bcom ldan 'das la gsol to/ /de nas bcom ldan 'das kyis dge slong zhig la bka' stsal pa dge slong tshur 
shog /khyod dge slong ba lang gnas ga la der song la ba lang gnas la 'di skad ces ston pas bka' stsal pa/ khyod spyan sngar mchi shig ces byung ngo zhes sgo shig /dge slong des btsun pa bka' bzhin 'tshal zhes bcom ldan 'das kyi bka' mnyan nas/ tshe dang ldan pa ba lang gnas ga la ba der song ste 

</font><hr>10-1-35b<br><font size=+1>
phyin nas tshe dang ldan pa ba lang gnas la 'di skad ces smras so/ /ston pas bka' stsal pa/ khyod spyan sngar mchi shig ces byung ngo / /tshe dang ldan pa ba lang gnas kyis tshe dang ldan pa bka' bzhin 'tshal zhes dge slong de'i tshig mnyan nas bcom ldan 'das ga la ba der song ste phyin nas bcom ldan 'das kyi 
zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas bcom ldan 'das kyis tshe dang ldan pa ba lang gnas la 'di skad ces bka' stsal to/ /dge slong khyod bad sa'i rgyal po 'char byed kyis ci'i phyir de'u bsad/ des bcom ldan 'das la skabs de rgyas 
par gsol pa dang / bcom ldan 'das kyis bka' stsal pa/ 'di ltar mi gti mug can khyod phug de la lhag par chags pas des na khyod shin tu sdug bsngal bar gnas par gyur to/ /de cang mi smra bar 'dug nas/ bcom ldan 'das kyis dge slong dag la nyes dmigs cung zad gang byung ba de ni skra ring 
por 'jog pa las gyur par mkhyen nas/ bka' stsal pa/ de lta bas na dge slong gis skra ring por gzhag par mi bya'o/ /'jog na 'gal tshabs can du 'gyur ro/ /bcom ldan 'das kyis dge slong gis skra ring por gzhag par mi bya'o zhes bka' stsal pa dang / dge slong dgon pa pa dag gis 
'dreg mkhan ma rnyed nas de dag gis dgon pa'i gnas mal spangs nas grong mtha'i gnas mal dag tu 'khod do/ /sangs rgyas bcom ldan 'das rnams ni mkhyen bzhin du rmed pas/ sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo ci'i phyir 
dge slong dgon pa pa dag gis dgon pa'i gnas mal spangs nas grong mtha'i gnas mal dag tu 'khod par gyur/ des bcom ldan 'das la skabs de rgyas par gsol pa dang / bcom ldan 'das kyis bka' stsal pa/ de lta bas na dge slong dgon pa pas ni skra sor gnyis kyi tshad du 
gzhag par rjes su gnang ngo / /grong mtha' bas ni de bas thung ngur bya'o/ /gleng gzhi ni mnyan yod na'o/ /mnyan yod na dge slong nad pa zhig 'dug pa de sman pa'i gan du song nas smras pa/ bzhin bzangs bdag la sman ston cig /des smras pa/ 'phags pa bsro gang sten cig dang 

</font><hr>10-1-36a<br><font size=+1>
khyod sos par 'gyur ro/ /des smras pa/ bzhin bzangs ci kho bos 'dod pa dag spyad par bya 'am/ 'phags pa khyod kyi sman ni 'di lags kyi gzhan gyis 'tsho bar mi 'gyur ro zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das 
kyis bka' stsal pa/ gal te sman pas dge slong khyod kyi sman ni 'di yin gyi/ gzhan gyis 'tsho bar mi 'gyur ro zhes bsgo na dge slong gis bsro gang bsten par bya'o/ /bcom ldan 'das kyis dge slong gis bsro gang bsten par bya'o zhes bka' stsal pa dang / dge slong dag gis sman pa de la dris 
pa/ bzhin bzangs bcom ldan 'das kyis gnang na bsro gang ji lta bu yin pa smros shig /des smras pa/ 'phags pa bdag gis 'khor los sgyur ba'i gso ba bklags pa las bsro gang bsro gang zhes 'byung bar bas kyi bsro gang ji lta bu lags pa da dung ma 'tshal te/ 'di ltar khyod nyid kyi ston pa 
thams cad mkhyen pa lags pas de nyid mkhyen to zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ bsro gang gi khang pa zlum po bya'o/ /de dag skar khung mi dod nas bcom ldan 'das kyis bka' stsal pa/ skar khung gdod 
par bya'o/ /de dag skar khung phyi yangs la nang dog pa byed du 'jug nas/ bcom ldan 'das kyis bka' stsal pa/ phyi rub la nang yangs pa rgya mtsho'i rnam pa lta bur bya'o/ /de dag gis mthon por gtod pa na mun gnag par gyur nas/ bcom ldan 'das kyis bka' stsal pa/ ha cang mthon por gdod 
par mi bya'o/ /de dag gis dma' bar btod pa na du ba 'tshang du mi btub nas/ bcom ldan 'das kyis bka' stsal pa/ ha cang dma' bar gdod par mi bya'o/ /de dag gis gar gdod mi shes nas/ bcom ldan 'das kyis bka' stsal pa/ dkyil du gdod par bya'o/ /bye'u dang phug ron dag 'jug 
nas/ bcom ldan 'das kyis bka' stsal pa/ skar khung dra ba can bya'o/ /rlung dang char chu'i zer ma dag nang du 'ong nas/ bcom ldan 'das kyis bka' stsal pa/ skar khung la sgo glegs gzhug par bya'o/ /rlung gis bskyod de 'dug tu mi btub nas/ bcom ldan 'das kyis bka' stsal pa/ 'khor 

</font><hr>10-1-36b<br><font size=+1>
gtan dang / gnam gzer dang / phred gtan gzhug par bya'o/ /dbye ba dang bcad pas dge slong dag nyon mongs par gyur nas/ bcom ldan 'das kyis bka' stsal pa/ dbyug gu skam kha nye bar gzhag par bya'o/ /sgo la sgo glegs mi 'jug nas/ bcom ldan 'das kyis bka' stsal pa/ sgo 
glegs gzhug par bya zhing sgo gtan yang gzhug par bya ste/ de la yang mig dang / lag zungs kyang gzhug par bya'o/ /chu dag dma' ba'i phyogs su bzhag pas de grangs par gyur nas/ bcom ldan 'das kyis bka' stsal pa/ nang gi phyogs su gzhag stegs bya zhing der bum pa dag gzhag 
par bya'o/ /sa gzhir me bus pas des zhal zhal ma rung bar gyur nas/ bcom ldan 'das kyis bka' stsal pa/ so phag gi gcal dgram par bya'o/ /de dag gis me bdal ba dang de shi nas/ bcom ldan 'das kyis bka' stsal pa/ bdal nas de bzhin mi dor bar bcer te gzhag par 
bya'o/ /de dag gis cis bcer ba mi shes nas/ bcom ldan 'das kyis bka' stsal pa/ lcags kyi thal phyags byas la des bcer bar bya'o/ /de dag me 'bar ba na bsro gang gi nang du 'jug cing rmya bar gyur nas/ bcom ldan 'das kyis bka' stsal pa/ me 'bar ba na 'jug par mi bya'o/ /
dge slong dag der zhugs pa na me'i dugs kyis bog par gyur nas de dag myos te sa la sgyel nas/ bcom ldan 'das kyis bka' stsal pa/ phye dang yungs mar du bsres pa dag mer blug par bya'o/ /dri mi zhim par gyur nas/ bcom ldan 'das kyis bka' stsal pa/ bdug spos 
blug par bya'o/ /dud pas dge slong dag mchi ma 'dzag nas/ bcom ldan 'das kyis bka' stsal pa/ nas kyi bag zan gyi chang bus glan par bya'o/ /'on kyang 'dzag nas/ bcom ldan 'das kyis bka' stsal pa/ skyu ru ra'i chang bus glan par bya'o/ /stan med nas dge slong dag gis stan 
khyer te song ba dang / de dag 'bru mar gyis snums par gyur nas/ bcom ldan 'das kyis bka' stsal pa/ rtswa bam dag gzhag par bya'o/ /rkang pa dag sa la bzhag pas rdul gyis gos nas/ bcom ldan 'das kyis bka' stsal pa/ sa gzhir rtswa dag dgram par bya'o/ /skam po dag 

</font><hr>10-1-37a<br><font size=+1>
bting ba na me stag gis tshig nas/ bcom ldan 'das kyis bka' stsal pa/ sngon po dag dgram par bya'o/ /sngon po dag ma rnyed nas/ bcom ldan 'das kyis bka' stsal pa/ chus sbangs la dgram par bya'o/ /dge slong dag 'bru mar gyis snums pa na 'jag ma dang gseg 
ma dag gis lus la phrugs pas rma byung nas/ bcom ldan 'das kyis bka' stsal pa/ lcags kyi phrug spyad bya'o/ /de bab bab tu bzhag pas de ma rung bar gyur nas/ bcom ldan 'das kyis bka' stsal pa/ lung mig byas la the gus btags te rdzas kyi blas dben par gzhag par bya'o/ /de 
snums par gyur nas dge slong dag de yang dang yang du sbyong bar byed nas/ bcom ldan 'das kyis bka' stsal pa/ mes rung bar bya'o/ /dge slong dag gis der khrus byas pas 'dam rdzab tu gyur nas/ bcom ldan 'das kyis bka' stsal pa/ der khrus mi bya bar khrus khang byas la der khrus bya'o/ /
gang dag khrus byed pa de dag la chus gnod par gyur nas/ bcom ldan 'das kyis bka' stsal pa/ khrus dong brkos la so phag gis bsgron te gang khrus byed pa de khrus dong du zhugs la gang khrus chu ldugs pa de ni khar 'dug ste khrus chu blug par bya'o/ /de chus gang nas/ bcom ldan 'das kyis bka' stsal 
pa/ stor khung gdod par bya'o/ /dge slong dag khrus byas nas 'dag rdzas dang / ba lang gi lci ba dang / so shing len du gtsug lag khang du 'dong nas/ bcom ldan 'das kyis bka' stsal pa/ de nyid du 'dag rdzas dang / ba lang gi lci ba dang / so shing gis bkang ba'i gyo mo dag gzhag par bya'o/ /
dge slong dag me'i dugs kyis nyam dmas par gyur nas/ bcom ldan 'das kyis bka' stsal pa/ khye'u sus bza' bar bya'o/ /de dag lag pa bsnyal bas thogs par gyur nas/ bcom ldan 'das kyis bka' stsal pa/ kha gzar bcang bar bya'o/ /dge slong zhig gis khye'u sus thug pa ha cang tsha ba zhig 
rnyed nas/ bcom ldan 'das kyis bka' stsal pa/ kha gzar gyis btung bar bya'o/ /de la lan tshwa dgos pa dang / lo ma dag ma rnyed nas/ bcom ldan 'das kyis bka' stsal pa/ tshwa khug bcang bar bya'o/ /bcom ldan 'das kyis bsro gang du byi dor gyi las bya'o zhes bka' stsal pa dang / dge slong dag 

</font><hr>10-1-37b<br><font size=+1>
gis byi dor gyi las sus bya ba mi shes nas/ bcom ldan 'das kyis bka' stsal pa/ lhan cig gnas pa dang / nye gnas dag gis bya'o/ /de dag gi ni gcig gis gcig la bya'o/ /de ltar bsro gang yo byad dang bcas pa rjes su gnang ngo / /gleng gzhi ni mnyan yod na'o/ /de'i tshe yangs pa can na lits+tsha bI 
chen po zhes bya ba g.yo sgyu med pa drang po drang ba'i rang bzhin can zhig 'dug pa de nyin gcig bzhin bcom ldan 'das kyi zhabs la phyag 'tshal du 'gro ba yin pas de bcom ldan 'das kyi spyan sngar 'gro ba'i tshe dge slong mdza' bo dang / sa las skyes kyang ljongs rgyu zhing 'gro ba na yangs pa can du phyin nas de gnyis kyis 
de lam kar mthong nas de gnyis kyis smras pa/ chen po gar 'gro/ des smras pa/ 'phags pa gnyis bcom ldan 'das kyi zhabs la phyag 'tshal du mchi'o/ /de gnyis tshe dang ldan pa gyad bu nor dang / tshe rabs tshe rabs su kho na yod pas de gnyis kyis smras pa/ chen po sangs rgyas bcom 
ldan 'das la ni gtam gyi skyes dbul bar bya ba yin na/ khyod la gtam gyi skyes cung zad yod dam/ 'phags pa gnyis ma mchis so/ /chen po tshur shog /khyod bcom ldan 'das ga la ba der song ste phyin nas/ bcom ldan 'das la 'di skad ces/ btsun pa 'di ltar 'phags pa gyad 
bu nor gyis bdag gi mchis 'brang dang lhan cig mi tshangs par spyad de pham par gyur pa de ni mi mdzes shing tshul dang mthun pa ma lags so zhes gsol cig dang / bcom ldan 'das khyod la dgyes par 'gyur ro/ /des 'phags pa gnyis de bzhin 'tshal lo zhes smras te/ bcom ldan 'das ga 
la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das la 'di skad ces btsun pa 'di ltar 'phags pa gyad bu nor gyis bdag gi mchis 'brang dang lhan cig mi tshangs par spyad de pham par gyur pa de ni mi mdzes shing tshul dang mthun pa 
ma lags so zhes gsol nas song ngo / /de nas bcom ldan 'das kyis dge slong rnams la bka' stsal pa/ dge slong dag lits+tsha bI chen po dang / gzhan yang de lta bu gang yin pa la lhung bzed khas dbub par bya'o/ /khas dbub pa ni 'di ltar bya ste/ gnas mal bshams pa byas nas/

</font><hr>10-1-38a<br><font size=+1>
gaN+DI brdungs te dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la dge slong gcig gis gsol ba 'ba' zhig gis las bya ste/ dge 'dun btsun pa rnams gsan du gsol/ lits+tsha bI chen pos tshe dang ldan pa gyad bu nor la 
yang dag pa ma lags pas skur na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis lits+tsha bI chen po la lhung bzed khas dbub par bgyi'o/ /'di ni gsol ba'o/ /dge 'dun gyis gang la lhung bzed khas phub pa de'i khyim du dge slong dag gis 
'gro bar mi bya/ stan la longs spyod par mi bya/ bsod snyoms blang bar mi bya/ chos bstan par mi bya'o/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la lits+tsha bI chen po la 'di skad ces/ khyod la dge 'dun gyis lhung bzed khas dbub pa mdzad do 
zhes sgo shig /tshe dang ldan pa kun dga' bos btsun pa bka' bzhin 'tshal zhes bcom ldan 'das kyi bka' mnyan nas lits+tsha bI chen po'i khyim ga la ba der song ngo / /de'i tshe lits+tsha bI chen po bya ba zhig gi ched du phyi rol du song ngo / /des de'i chung ma la smras pa/ sring mo lits+tsha bI chen po gar song / /des smras 
pa/ 'phags pa slad rol du mchis so/ /sring mo 'di lta ste/ khyed la dge 'dun gyis lhung bzed khas dbub pa mdzad pa shes par byos shig /des smras pa/ btsun pa kun dga' bo lhung bzed khas dbub pa zhes bgyi ba ci lags/ sring mo gang la lhung bzed khas dbub pa de'i khyim du dge slong dag 'dong 
bar mi byed/ stan la longs spyod par mi byed/ bsod snyoms len par mi byed/ chos ston par mi byed do/ /'phags pa kun dga' bo dge 'dun gyis thabs kyis bdag gi tshul shing bor te dge 'dun la bdag cag gis nongs pa de lta bu ci zhig bgyis na de'i slad du lhung bzed khas dbub pa mdzad/ sring 
mo 'di ltar khyod kyi khyim thab bcom ldan 'das ga la ba der song ste phyin nas/bcom ldan 'das la 'di skad ces btsun pa 'di ltar 'phags pa gyad bu nor gyis bdag gi mchis 'brang dang lhan cig mi tshangs par spyad de pham par gyur pa de ni mi mdzes shing tshul dang mthun pa ma lags so zhes gsol to/ /de ngo tsha 

</font><hr>10-1-38b<br><font size=+1>
bar gyur nas khyim du zhugs pa dang / tshe dang ldan pa kun dga' bo phyir song ngo / /ji tsam na lits+tsha bI chen po khyim du 'ongs nas/ chung mas smras pa/ rje'i sras 'o skol la dge 'dun gyis lhung bzed khas dbub pa mdzad do/ /bzang mo legs par lhung bzed khas phub bo/ /shin tu lhung bzed khas phub bo/ /
rje'i sras legs par lhung bzed khas phub bo/ /shin tu lhung bzed khas phub bo zhes gsung ngam/ khas phub zhes bgyi ba ji mkhyen tam/ mi shes so/ /rje'i sras gang la lhung bzed khas phub pa de'i khyim du dge slong dag 'ong bar mi bgyid/ stan la longs spyod par mi bgyid/ bsod snyoms len par mi bgyid/ 
chos ston par mi bgyid do/ /rje'i sras ci khyod kyis 'phags pa gyad bu nor dang bdag lhan cig mchis pa gzigs sam/ bzang mo ma mthong ngo / /'o na ci ste 'phags pa la yang dag pa ma lags pas skur/ gal te nga yang 'di ltar bcom ldan 'das dang dge slong gi dge 'dun bzod pa gsol na de lta 
na legs/ mi gsol na khyod kho mo'i khyim du mi gzhug go zhes byas pa dang / de sems khong du chud cing 'dug ste bsams pa 'dis ji skad smras pa de bzhin 'gyur bas bzod pa gsol du 'gro'o snyam nas/ de bcom ldan 'das kyi spyan sngar song ste phyin nas zhabs gnyis la mgo bos phyag 'tshal te 
'di skad ces gsol to/ /bcom ldan 'das bdag gi kun tu spyod pa ni gdugs gcig bzhin nang par sngar langs nas/ bcom ldan 'das kyi zhabs la phyag 'tshal du mchi ba lags pas bdag la dge slong mdza' bo dang / sa las skyes gnyis kyi mchid nas chen po tshur shog /khyod bcom ldan 
'das ga la ba der song ste zhes bya ba nas/ bdag gi mchis 'brang dang lhan cig mi tshangs par spyad de pham par gyur to zhes bya ba'i bar thams cad snga ma bzhin du sbyar ro/ /des btsun pa bdag gis ci nongs pa bzod par gsol zhes gsol pa dang / de nas bcom ldan 'das kyis dge slong rnams la bka' stsal pa/ 
dge slong rnams lits+tsha bI chen po dang / gzhan yang de lta bu gang yin pa la lhung bzed phyir bzlog par bya'o/ /phyir bzlog pa ni 'di ltar bya ste/ gnas mal bsham pa byas nas gaN+DI brdungs te/ dris pa'i tshig gis dge slong rnams la yang dag par bsgo nas dge 'dun thams cad 'dug cing mthun par gyur pa la lits+tsha 

</font><hr>10-1-39a<br><font size=+1>
bI chen pos phyag 'tshal nas rgan pa'i mtha' logs su tsog pur 'dug ste thal mo sbyar nas 'di skad ces brjod par bya'o/ /dge 'dun btsun pa rnams gsan du gsol/ bdag lits+tsha bI chen po mi dge ba'i grogs pos bslus pas 'phags pa gyad bu nor la yang dag pa ma lags pas skur pas 
dge 'dun gyis bdag la lhung bzed khas dbub pa mdzad de/ bdag la lhung bzed khas phub pa/ dge 'dun las lhung bzed slar bzlog par gsol na/ thugs brtse ba can dge 'dun btsun pa rnams kyis lits+tsha bI chen po bdag la thugs brtse ba'i slad du lhung bzed slar bzlog tu gsol/ de bzhin 
du lan gnyis lan gsum du bzlas de nas lits+tsha bI chen po thos pa'i nyen kor nas bkar te mthong ba'i nyen kor du bzhag la dge slong gcig gis gsol ba 'ba' zhig gis las bya'o/ /'di ltar bya ste/ dge 'dun btsun pa rnams gsan du gsol/ lits+tsha bI chen po mi dge ba'i grogs pos bslus pa 
'dis tshe dang ldan pa gyad bu nor la yang dag pa ma lags pas skur te/ dge 'dun gyis de la lhung bzed khas dbub pa mdzad pa las lits+tsha bI chen po lhung bzed khas phub pa de dge 'dun las lhung bzed slar bzlog par gsol na/ gal te dge 'dun gyi dus la bab cing bzod na dge 'dun gyis gnang 
bar mdzod cig dang / dge 'dun gyis lits+tsha bI chen po la lhung bzed slar bzlog pa mdzad do/ /'di ni gsol ba'o/ /dge 'dun gyis gang la lhung bzed phyir bzlog pa de'i khyim du dge slong dag gis 'gro bar bya/ stan la longs spyad par bya/ bsod snyoms blang bar bya/ chos bstan par bya'o// //
sdom la/ yan lag rnam pa me long dang / /gar dang glu dang rol mo'i sgra/ /skad kyi gtang rag gnang ba dang / /lhung bzed bzhi dang lhan cig pa'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra na bzhugs so/ /mnyan yod na dge slong 
spong ba pa zhig gnas pa de gang gi tshe skyil mo krung bcas te 'dug go cog na de'i tshe yan lag gi rnam pa las su rung bar gyur to/ /de dus gzhan zhig na bsod snyoms brgyus nas zas kyi bya ba byas te/ phyi ma'i zas kyi bsod snyoms las phyir log pas lhung bzed dang chos gos mkhos su phab ste rkang pa 

</font><hr>10-1-39b<br><font size=+1>
gnyis bkrus nas shing ljon pa zhig gi drung du skyil mo krung bcas te yid la byed pa la zhugs shing 'dug pa na/ yang de'i yan lag gi rnam pa las su rung bar gyur nas des de ji ltar zhi bar 'gyur ba de ltar byas so/ /sems ni myur du 'gyur ba yin pas de sems yengs pa na yang dang yang du las su rung bar 
gyur nas de 'dod chags kyis kun nas dkris pa na/ zhe sdang chen po yang skyes nas des de rdo ba'i steng du bzhag nas rdo ba gzhan gyis brdungs so/ /de sdug bsngal gyi tshor bas gdungs nas bsams pa/ bdag sdug bsngal gyi tshor bas gdungs na/ bcom ldan 'das kyis mi dgongs pa lta zhig snyam pa 
dang / de nas bcom ldan 'das thugs rje chen po'i dbang gis der gshegs nas bka' stsal pa/ dge slong 'di ci nyes/ des ji ltar gyur pa gsol pa dang / bcom ldan 'das kyis bka' stsal pa/ dge slong ngas 'dod chags kyi gnyen po ni mi sdug pa bsgom pa'o zhes ma gsungs sam/ mi 
gti mug can brdung bar bya ba ni gzhan yin na khyod kyis ni gzhan brdungs so/ /de cang mi smra bar 'dug pa dang / bcom ldan 'das kyis dge slong rnams la bka' stsal pa/ dge slong dag khyed kyis chos gcig bsgoms na phyir mi 'ong bar 'gyur bar nga khas 'che ste/ de ni 'di lta ste/ lus la dmigs  
pa'i dran pa'o/ /dge slong dag khyed kyis lus la dmigs pa'i dran pa sgoms shig dang / phyir mi 'ong bar 'gyur bar nga khas 'che'o/ /de lta bas na dge slong gis brdung bar bya ba gzhan yin la gzhan brdung bar mi bya'o/ /rdung na 'gal tshabs can du 'gyur ro/ /sangs rgyas bcom ldan 'das mnyan 
yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag gcig 'dug pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /des rtse ba dang dga' ba dang / dga' mgur spyad pas 
de'i chung ma la sems can zhugs par gyur to/ /de zla ba brgyad dam dgu 'das te btsas pa las khye'u gzugs bzang ba blta na sdug pa mdzes pa zhig byung ngo / /de dus gzhan zhig na legs par gsungs pa'i chos 'dul ba la rab tu byung nas de dus chung zhig ljongs su 'dug nas lhung bzed dang chos gos thogs te 

</font><hr>10-1-40a<br><font size=+1>
ljongs rgyu zhing song ngo / /de ljongs rgyu zhing 'gro ba na gdong la phol mig byung nas des sman pa gtar ka byed du bcug pa dang / gdong mi sdug par gyur nas/ de dus gzhan zhig na mnyan yod du song ba dang / dge slong zhig gis 'jug tu ma ster to/ /de dge slong gzhan zhig gi gan 
du song nas smras pa/ btsun pas bdag mi mkhyen tam/ des smras pa/ bzhin bzangs mi shes na khyod gang zhig yin/ des smras pa/ bdag gi ming ni 'di zhes bya/ khyim bdag che ge mo zhig gi ni bu'o/ /rab tu ni der byung ngo / /yul de nas ni 'dir 'ongs so/ /des smras pa/tshe 
dang ldan pa khyod bzhin bzang zhing mdog sdug pa yin na ci'i phyir khyod kyi bzhin mi sdug par gyur/ des ji ltar gyur pa kun smras pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gi gdong me long dang 'dra ba yin pas de lta bas na 
dge slong gis gdong la sman pa gtar ka byed du gzhug par mi bya'o/ /byed du bcug na 'gal tshabs can du 'gyur ro/ /bcom ldan 'das kyis dge slong gi gdong la sman pa gtar ka byed du gzhug par mi bya'o zhes bka' stsal pa dang / dge slong dag khrag rgyas nas gtar ka gdab dgos par gyur 
pa na dge slong dag mi 'debs nas/ bcom ldan 'das kyis bka' stsal pa/ gtar ka gdab par bya ste/ 'di la 'gyod par mi bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe mnyan yod na dga' 'dun gnyis 
shig yod de/ tshong pa'i dga' 'dun dang / ru ba'i dga' 'dun no/ /de gnyis las tshong pa'i dga' 'dun gyis ni ru ba'i dga' 'dun gar dang / glu dang / rol mo'i sgra dag gis pham par byed do/ /ru ba'i dga' 'dun gyis ni tshong pa'i dga' 'dun dgra thabs kyis pham par byed do/ /
de nas dus gzhan zhig na ru ba'i dga' 'dun dag gis smras pa/ shes ldan dag 'di dag gis bdag cag gar dang glu dang / rol mo'i sgra dag gis pham par byas shing bdag cag gis kyang de dag dgra thabs kyis pham par byas na bdag cag gis kyang thabs ji lta bu zhig gis de dag gar dang glu dang / rol 

</font><hr>10-1-40b<br><font size=+1>
mo'i sgra dag gis pham par bya/ de dag las kha cig gis smras pa/ de bzhin te bdag cag gis kyang gar dang / glu dang / rol mo'i sgra dag bslab par bya'o/ /kha cig gis smras pa/ legs so su las bslab par bya/ de rnams kyis smras pa/ 'phags pa drug sde dag gar dang / glu dang / 
rol mo'i sgra dag la mkhas pas de dag las bslab par bya na de dag ni 'dod pa'i bdag nyid can yin pas gal te cung zad cig slong na yang sbyin par bya'o/ /de rnams kyis smras pa legs so/ /de bzhin du sbyin par bya'o/ /de rnams drug sde dag ga la ba der dong ste phyin nas rkang pa la phyag 'tshal te 
smras pa/ 'phags pa dag bdag cag la gar dang glu dang / rol mo'i sgra dag bslab tu gsol/ de dag gis smras pa/ shes ldan dag gal te bca' ba'i rin dag nged la sbyin na bslab par bya'o/ /'phags pa dag bdag cag la sman yon btags kyis dbul lo/ /de dag gis de 
rnams gar dang glu dang rol mo'i sgra dag bslabs so/ /gang gi tshe byang bar gyur pa de'i tshe de rnams kyis tshong pa'i dga' 'dun dag dgra thabs kyis kyang pham par byas shing gar dang glu dang / rol mo'i sgra dag gis kyang pham par byas pa dang de dag gis smras pa/ bzhin bzangs dag sngon ni 
khyod cag gis nged dgra thabs kyis pham par byas shing / nged kyis kyang gar dang glu dang rol mo'i sgra dag gis khyed pham par byas na/ da ni khyod kyis kho bo cag gnyis kas pham par byas pa'i sbyor ba gang yin/ de rnams kyis smras pa/ da kho bo cag gis bslabs so/ /su las 
bslabs/ 'phags pa drug sde dag las so/ /de rnams shAkya'i sras kyi dge sbyong dag gi dge sbyong gi tshul ni tshig go/ /bram ze'i tshul ni tshig ste/ 'di ltar gar dang glu dang rol mo'i sgra dag kyang slob par byed do zhes smod par byed/ phyar ka gtong bar byed/ kha zer bar byed pa'i 
skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ dge slong dag la nyes dmigs cung zad gang byung ba ni gar dang glu dang / rol mo'i sgra dag slob pa las gyur par mkhyen nas bka' stsal pa/ de lta bas na dge slong gis 

</font><hr>10-1-41a<br><font size=+1>
gar dang glu dang / rol mo'i sgra dag bslab par mi bya'o/ /slob na 'gal tshabs can du 'gyur ro/ /bcom ldan 'das kyis dge slong gis gar dang / glu dang / rol mo'i sgra dag bslab par mi bya'o zhes bka' stsal pa dang / dga' 'dun de rnams kyis brjed nas de rnams 
yang drug sde dag gi gan du dong ste smras pa/ 'phags pa dag bdag cag gis de bskyud par gyur na yang bslab tu gsol/ de dag gis smras pa/ bzhin bzangs dag bcom ldan 'das kyis dge slong gis gar dang / glu dang / rol mo'i sgra dag bslab par mi bya'o zhes bslab 
pa'i gzhi bca' ba mdzad pas mi bslab bo/ /'phags pa dag gal te mi bslab na sbyang ba tsam mdzad cing gshegs su gsol/ de dag gis smras pa/ bzhin bzangs dag 'dong ngo / /de dag der dong nas sbyangs te de rnams kyis de dag pham par byas pa dang / yang dge sbyong gi tshul ni 
tshig go/ /bram ze'i tshul ni tshig go zhes bya ba nas smod par byed/ phyar ka gtong bar byed/ kha zer bar byed ces bya ba'i bar du snga ma bzhin no/ /skabs de dge slong rnams kyis bcom ldan 'das la gsol pa dang / bcom ldan 'das kyis dge slong dag la nyes dmigs cung zad gang byung ba 
ni gar dang glu dang / rol mo'i sgra dag sbyong bar byed pa las gyur par mkhyen nas bka' stsal pa/ de lta bas na dge slong gis gar dang / glu dang / rol mo'i sgra dag sbyang bar mi bya'o/ /sbyong bar byed na 'gal tshabs can du 'gyur ro/ /bcom ldan 'das kyis dge slong gis gar dang / glu 
dang / rol mo'i sgra dag sbyang bar mi bya'o zhes bka' stsal pa dang / dga' 'dun rnams kyis yang brjed nas de rnams yang drug sde dag gi gan du dong ste/ de bzhin du smras pa dang / de dag gis smras pa/ bzhin bzangs dag bcom ldan 'das kyis bkag pas mi sbyang ngo / /de rnams kyis 
smras pa/ 'phags pa dag khyed gshegs te gzigs pa tsam kho nas kyang bdag cag gis de dag gis pham par 'gyur ro/ /gal te de lta na 'dong ngo zhes de dag der dong ba dang / dga' 'dun de rnams mthong ba tsam nyid kyis bag 'khums par gyur nas de rnams shAkya'i sras kyi dge sbyong dag gi dge 

</font><hr>10-1-41b<br><font size=+1>
sbyong gi tshul ni tshig go/ /bram ze'i tshul ni tshig ste/ 'di ltar gar dang / glu dang / rol mo'i sgra dag blta ba'i phyir yang 'gro zhes smod par byed/ phyar ka gtong bar byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis dge 
slong dag la nyes dmigs cung zad gang byung ba de ni gar dang / glu dang / rol mo'i sgra dag ltar 'gro ba las gyur par mkhyen nas bka' stsal pa/ de lta bas na dge slong gis gar mi bya/ glu blang bar mi bya/ rol mo'i sgra mi bya'o/ /gar dang glu dang / rol mo'i sgra dag sbyang bar mi bya'o/ /
de dag la ltar yang 'gro bar mi bya'o/ /dge slong dag dge slong gar slob bam/ glu slob bam/ rol mo'i sgra slob bam/ gar dang glu dang / rol mo'i sgra sbyong ngam/ de dag la ltar 'gro na 'gal tshabs can du 'gyur ro// //'dul ba phran tshegs kyi gzhi/bam 
po bzhi pa/ sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe ko+o shAm+bI na khyim bdag bzang ldan zhes bya ba dad pa dang ldan zhing bzang la dge ba'i bsam pa can zhig 'dug pa des rigs mnyam pa las chung ma 
blangs te/ de de dang lhan cig rtse bar byed/ dga' bar byed/ dga' mgur spyod par byed do/ /des rtse ba dang / dga' ba dang / dga' mgur spyad pas dus gzhan zhig na de'i chung ma la sems can zhugs par gyur to/ /tshe dang ldan pa shA ri'i bu sems can de gdul ba la ltos pas de'i 
khyim du song ste/ khyim bdag rang bzhin bzang po de skyabs su 'gro ba dang / bslab pa'i gzhi dag la bzhag nas dus dus su de'i gan du 'gro'o/ /ji tsam dus gzhan zhig na tshe dang ldan pa shA ri'i bu phyi bzhin 'brang ba'i dge sbyong med par gcig pu song ba dang / khyim bdag gis smras pa/ 'phags 
pa ci khyod la phyi bzhin 'brang ba'i dge sbyong ma mchis sam/ des smras pa/ bzhin bzangs ci kho bo'i phyi bzhin 'brang ba'i dge sbyong rtswa ka sha'i khrod dang / ku sha'i khrod nas 'ong ngam/ khyod lta bu las 'thob par 'gyur ba gang dag yin pa de dag kho bo'i phyi bzhin 'brang ba'i dge sbyong kho nar 'gyur 

</font><hr>10-1-42a<br><font size=+1>
ro/ /des smras pa/ 'phags pa gal te de lta na bdag gi mchis 'brang la sems can zhugs par gyur pa de gal te khye'u btsas na de 'phags pa'i phyi bzhin 'brang ba'i dge sbyong du dbul lo/ /bzhin bzangs khyod nad med par gyur cig /kho bos bkri'o zhes smras nas song 
ngo / /ji tsam na khyim bdag gi chung ma de zla ba dgu tshang ste btsas pa las khye'u mdog ngan zhing lus chung la skad snyan pa zhig byung ngo / /de'i nye du dag 'dus shing lhags nas nyi ma bdun gsum nyi shu rtsa gcig tu btsas pa'i btsas ston rgya cher byas nas khye'u ming cir gdags zhes ming 'dogs par 
byed pa na/ nye du dag gis smras pa/ gang gi phyir khye'u 'di mdog ngan zhing lus chung yang khyim bdag bzang ldan gyi bu yin zhing skad snyan pa de'i phyir khye'u 'di'i ming snyan pa bzang ldan zhes bya'o zhes de'i ming snyan pa bzang ldan zhes bya bar btags so/ /de bsrings shing bskyed nas chen por gyur to/ /
de nas tshe dang ldan pa shA ri'i bu snga dro sham thabs bgos/ lhung bzed dang chos gos thogs te/ ko+o shAm+bIr bsod snyoms la zhugs so/ /ko+o shAm+bI na bsod snyoms la rgyu ba'i tshe khyim bdag bzang ldan gyi khyim du song ba dang / khyim bdag bzang ldan gyis 'phags pa byon pa legs so zhes 
bya ba'i tshig kun du spyad pas kun du spyad nas rkang pa gnyis la phyag byas so/ /de'i chung mas kyang bca' ba dang / bza' ba gtsang zhing bsod pas lhung bzed bkang ste phul lo/ /khye'u de tshe dang ldan pa shA ri'i bu'i gdong du rtog nas/ tshe dang ldan pa shA ri'i bus khyim bdag bzang ldan la 
brda byas pa dang / des khye'u de la smras pa/ bu khyod ma btsas pa nyid nas/ ngas 'phags pa shA ri'i bu'i zhabs 'bring du phul gyis khyod 'phags pa dang lhan cig song shig /srid pa tha ma pa'i sems can de de'i phyi na 'dug pa'i tshe des de rab tu phyung bsnyen par rdzogs par byas te/ de la lung 
phog nas des brtsal pa dang / 'bad pa dang bsgrim pa byas pas 'khor ba'i 'khor lo cha lnga pa g.yo ba dang mi g.yo ba 'di nyid rig ste/ 'du byed kyi rnam pa thams cad nyams pa dang / ltung ba dang / rnam par 'thor ba dang / rnam par 'jig pa'i chos nyid kyis zil gyis mnan nas nyon mongs pa 

</font><hr>10-1-42b<br><font size=+1>
thams cad spangs pas dgra bcom pa nyid mngon sum du byas te/ dgra bcom pa khams gsum pa las 'dod chags dang bral ba bong ba dang gser du mnyam pa/ nam mkha' dang lag mthil du mtshungs pa'i sems dang ldan pa tsan dan zhag lon par bzhag pa lta bu rig pas sgo nga'i sbubs dral bar gyur 
cing rig pa dang / mngon par shes pa dang / so so yang dag par rig pa thob pa/ srid pa dang 'dod pa'i rnyed pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod par bya ba dang / rjed par bya ba dang / gus par smra bar bya bar gyur to/ /gang gi 
tshe des skad kyi gtang rag gis chos smras pa/ de'i tshe na tshangs pa'i 'jig rten man chad khyab par gyur cing sems can mang po dag gi rgyud la yang thar pa'i cha dang mthun pa'i dge ba'i rtsa ba dag skyed par byed de/ mdor na dud 'gro'i skye gnas su gtogs pa'i sems can dag kyang sgra snyan pa de la rna blags te 
nyan to/ /de nas bcom ldan 'das kyis dge slong rnams la bka' stsal pa/ dge slong dag nga'i nyan thos kyi dge slong skad kyi gtang rag snyan pa rnams kyi nang na 'di lta ste dge slong snyan pa bzang ldan 'di mchog yin no/ /de'i skad kyi gtang rag snyan pa yid du 'ong ba'i sbyor bas dge slong 'dod chags dang 
ma bral ba rnams rang gi bya ba btang nas nyin gcig bzhin de'i gan du 'gro bar byed do/ /ji tsam dus gzhan zhig na ko sa la'i rgyal po gsal rgyal glang po che'i gtso bo pad ma dkar po gcig pa la zhon nas kha lo sgyur ba dpal 'phel dang nam gyi tho rangs ri brags shig tu song ba'i tshe tshe dang ldan pa 
snyan pa bzang ldan gyis nang par skad kyi gtang rag gis chos smra bar brtsams pa glang po che'i gtso bo pad ma dkar po gcig pas thos so/ /des tshe dang ldan pa snyan pa bzang ldan gyi skad kyi gtang rag thos nas kyang yang rna ba blags te mi g.yo bar sdod do/ /kha lo sgyur ba dpal 'phel gyis 
phan tshun nas lag pa dang rkang pa dag g.yabs te bskyod par brtsams kyang de bzhin mi g.yo ba dang / rgyal pos smras pa/ dpal 'phel glang po che thob shig lha btab kyang mi mchi na 'di rgyu gang lags ma 'tshal to/ /rgyal pos smras pa/ zhog shig dang lam gang du 'gro ba blta'o/ /

</font><hr>10-1-43a<br><font size=+1>
des ji bder bzhag pa dang / de rgyal byed kyi tshal logs su song nas khad kyis khad kyis rgyal byed kyi tshal du phyin pa dang / rgyal byed kyi tshal gyi sgo na rna blags te sdod do/ /tshe dang ldan pa snyan pa bzang ldan gyis skad kyi gtang rag gis chos dag smras pa'i mjug tu/ 'byung po 
gang dag 'dir ni lhags gyur te/ /sa 'am 'on te bar snang gnas pa dag /sems can rnams la rtag tu byams byed cing / /nyin dang mtshan du chos kyang spyod par shog /ces yongs su bsngo ba byas pa dang / de nas glang po che'i gtso bo pad ma dkar po gcig pas tshe dang ldan pa snyan pa 
bzang ldan gyis skad kyi gtang rag gis chos dag smras pa mtha' phyin par shes nas yid dang mthun par gang dang gang du bskyod pa de dang der song ngo / /rgyal pos smras pa/ dpal 'phel rgyu gang gis 'dir gang dang gang du bskyod pa de dang der 'gro/ des smras pa lha ma 'tshal te/ 'phags 
pa zhig gis skad kyi gtang rag gis chos smras pa'i sgra gang lags pa de dag thos nas glang po che 'di yid phrogs te dbang ma mchis par gyur to/ /rgyal pos smras pa/ dpal 'phel glang po che phyir zlog shig dang / 'phags pa de btsal la na bza' zhig dbul zhing sang nang par ri brags 
su 'dong ngo / /lha de bzhin 'tshal lo/ /de phyir log ste khyim du song ba dang / btsun mo phreng ldan mas dris pa/ lha ci'i slad du slar gshegs/ des ji ltar gyur pa brjod nas 'di skad ces kyang smras so/ /phreng ldan ma nga la gos byin cig dang song la 'phags pa de la dbul 
lo/ /des bsams pa/ 'phags pa snyan pa bzang ldan gyis skad kyi gtang rag gis chos smras par gyur pa lta zhig na/ de ni mdog ngan zhing lus chung la rgyal po 'di ni rgya chen po la mos pa yin pas 'dis de mthong na gal te ma dad par 'gyur ba'i gnas yod par 'gyur srid kyis thabs kyi 
rnam pa zhig bya'o snyam nas smras pa/ lha ni ri brags su gshegs shig /bdag gis ni 'phags pa de la na bza' dbul lo/ /des smras pa/ phreng ldan ma khyod kyis kyang gos gzhan phul cig /ci gos gnyis kyis ko sa la'i pho brang dbul por 'gyur ram de cang mi smra bar 'dug pa dang /

</font><hr>10-1-43b<br><font size=+1>
rgyal pos chen po la 'os pa'i gos khyer nas rgyal byed kyi tshal du song ngo / /de'i tshe na tshe dang ldan pa kun dga' bo rgyal byed kyi tshal gyi sgo na 'chag cing 'dug nas rgyal po glang po che las babs nas rkang pa gnyis la phyag 'tshal te smras pa/ 'phags pa da nang skad kyi gtang rag gis chos smras pa'i 'phags pa 
de gang lags/ des smras pa/ rgyal po chen po de cir 'tshal/ 'phags pa de la na bza' dbul lo/ /des bsams pa/ tshe dang ldan pa snyan pa bzang ldan gyis skad kyi gtang rag gis chos dag ni smras na de ni mdog ngan zhing lus chung la rgyal po 'di ni rgya chen po la mos pa yin pas 'dis de 
mthong na gal te ma dad par 'gyur ba'i gnas yod par 'gyur srid kyis thabs kyi rnam pa zhig bya'o snyam nas smras pa/ rgyal po chen po bdag la stsol cig dang / bdag gis de la dbul bar bgyi'o/ /rgyal pos smras pa/ 'phags pa bcom ldan 'das kyis rang gi lag nas dbul ba 
bsngags pas rang gi lag nyid nas dbul gyis de ston cig /de'i tshe na tshe dang ldan pa snyan pa bzang ldan nyin mo spyod pa'i phyir shing ljon pa zhig gi drung na nye bar rten cing 'dug go/ /de nas tshe dang ldan pa kun dga' bos smras pa/ rgyal po chen po de ni shing ljon pa zhig gi drung na nye bar rten cing mchis 
kyis bzhud cig /de de'i gan du song ste bltas pa dang / re zhig na de shin tu mi sdug pa mthong ba dang / de ma dad pa skyes nas mi dga' ste bzhin phyir phyogs nas gos 'phangs te phyir song ngo / /tshe dang ldan pa snyan pa bzang ldan gyis de'i tshe tshigs su bcad pa dag smras pa/ gang dag nga yi 
gzugs la rtog /sgra la'ang rjes su 'brang byed pa/ /'dod pa'i dbang du gyur pa yi/ /skye bo de dag nga mi mthong / /gal te nang ni shes gyur cing / /phyi rol dag la mi lta ba/ /nang gi 'bras bu mthong ba gang / /de nyid sgra yis khrid par 'gyur/ /gal te nang ni mi shes shing / /phyi rol rnam par mthong 
gyur pa/ /phyi rol 'bras bu mthong ba gang / /de yang sgra yis khrid par 'gyur/ /gal te nang yang mi shes shing / /phyi rol dag kyang ma mthong ba/ /kun tu rmongs pa'i byis pa dag /de yang sgra yis khrid par 'gyur/ /gal te nang yang rab shes shing / /phyi rol dag kyang mthong ba yi/ /brtan po shes 

</font><hr>10-1-44a<br><font size=+1>
rab phyogs pa de/ /sgra yis khrid par mi 'gyur ro/ /de'i tshe dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa snyan pa bzang ldan gyis las ci zhig bgyis na las de'i rnam par smin pas mdog ngan zhing lus 
chung la skad snyan par gyur/ bcom ldan 'das kyis bka' stsal pa/ dge slong dag rigs kyi bu snyan pa bzang ldan nyid kyis las tshogs rnyed pa/rkyen yongs su bsgyur ba 'od pa bzhin du nye bar gnas pa/ gdon mi za bar 'byung bar 'gyur ba dag byas shing bsags pas snyan pa bzang ldan 
nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 
'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched dag la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur 
ba nyid/ /dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo bzhi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes 
bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'khor ba 'jig 'jig rten du byung ste/ des sangs rgyas kyi mdzad pa mtha' dag mdzad nas/ bud shing zad pa'i me bzhin du phung po'i lhag ma med pa'i mya ngan las 'das 
pa'i dbyings su mya ngan las 'das so/ /rgyal po mdzes ldan gyis sangs rgyas bcom ldan 'das 'khor ba 'jig de'i sku la mchod pa rgya chen po dag byas nas mchod rten khor yug tu dpag tshad re re yod pa gnam 'phang du dpag tshad phyed dang gnyis pa zhig byed du gzhug par brtsams nas de'i lag 

</font><hr>10-1-44b<br><font size=+1>
gi gla mi dad pa dang ldan zhing bzang la dge ba'i bsam pa can las byed pa la brtson pa zhig bskos so/ /de na yang gla mi gzhan zhig yod pa des mchod rten ha cang chen po rtsom pa de mthong nas lta zhing shes ldan dag rgyal po 'dis 'di lta bu'i mchod rten chen po byed du gzhug par brtsams pa nam tsam zin par 
'gyur ma shes so zhes 'phya bar brtsams pa dang / de la lag gi blas smras pa/ kwa'e nang rje ci'i phyir 'phya bar byed/ gal te mi nus na las bya ba thong shig /de cang mi smra bar 'dug pa dang / lag gi gla des de phyir dbyung bar brtsams so/ /des de la bzod pa gsol nas/ yang las bya bar 
brtsams pa na mchod rten de ma zin nas de yang 'phya bar brtsams pa dang / lag gi gla des phyir phyung ngo / /yang shin tu 'bad de bzod pa gsol nas las bya bar brtsams pa dang / ji tsam na mchod rten blta bas mi ngoms pa srog chags 'bum phrag mang po dag gi mig dang yid 'phrog par byed pa 
zhig zin par gyur to/ /de nas gla mi des de mthong nas 'di ltar las byed pa na bdag gis 'di la dpyas pa ni ma legs pa zhig byas so zhes 'gyod pa skyes nas 'di la rnam pa thams cad du mchod pa bya'o zhes des de'i gla rngan ci thob pa de las gser gyi dril bu byed du bcug nas sems mngon par dad pas mchod 
rten de la btags so/ /dge slong dag de'i tshe de'i dus na gla mi gang yin pa de ni dge slong snyan pa bzang ldan 'di nyid yin te/ des yang dag par rdzogs pa'i sangs rgyas 'khor ba 'jig gi mchod rten gyi las byed pa na dpyas pa gang yin pa de'i las kyi rnam par smin pas ni mdog ngan zhing lus chung bar skyes 
so/ /yang dad pa skyes nas gser gyi dril bu byed du bcug nas mchod rten la btags pa'i las kyi rnam par smin pa gang yin pa de ni skad snyan par gyur to/ /de nas yang dge slong rnams the tshom skyes nas/ the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan 
pa snyan pa bzang ldan gyis las ci zhig bgyis na des tshangs pa'i 'jig rten man chad sgras khyab par gyur/ bcom ldan 'das kyis bka' stsal pa/ dge slong dag rigs kyi bu snyan pa bzang ldan nyid kyis las tshogs rnyed pa zhes bya ba nas 'bras bu dag tu 'gyur ba nyid ces bya ba'i bar du snga ma bzhin no/ /

</font><hr>10-1-45a<br><font size=+1>
dge slong dag sngon byung ba 'das pa'i dus na bskal pa bzang po 'di nyid la skye dgu'i tshe lo nyi khri thub pa na ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 
'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'od srung 'jig rten du byung ste/ de bA rA Na sI na drang srong smra ba ri dgas kyi gnas na nye bar rten cing bzhugs so/ /bA rA Na sI dang drang srong smra ba'i bar na a mra'i shing ljon pa zhig yod pa de la 
bya ko ki la pho zhig gnas pa des gang gi tshe sangs rgyas bcom ldan 'das 'od srung bA rA Na sIr bsod snyoms la gshegs pa de'i tshe de la shin tu rtog cing sgra snyan pa khyad par can phyung nas de bzhin du yang dang yang du bltas pas/ sems tshim par gyur nas dad pa skyes so/ /des dus gzhan zhig 
na skad 'byin cing yang dag par rdzogs pa'i sangs rgyas 'od srung la lan gsum bskor ba byas nas dga' ba dang bde ba skyes te a mra'i shing ljon pa de nyid la 'dug go/ /'dug ma thag tu bya khra zhig gis srog dang phral te 'chi ba'i dus byas nas las drug la mkhas pa'i bram ze zhig tu skyes so/ /
dge slong dag de'i tshe de'i dus na bya ko ki la gang yin pa de ni dge slong snyan pa bzang ldan 'di nyid yin te/ des yang dag par rdzogs pa'i sangs rgyas 'od srung la sgra snyan pa phyung ste bskor ba byas pa de'i las kyi rnam par smin pas tshangs pa'i 'jig rten man chad sgras khyab par gyur to/ /de nas yang dge 
slong rnams the tshom skyes nas/ the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa snyan pa bzang ldan gyis las ci zhig bgyis na las de'i rnam par smin pas bcom ldan 'das kyi bstan pa la rab tu byung ste nyon mongs pa thams cad spangs pas dgra bcom 
pa nyid mngon sum du bgyis te bcom ldan 'das kyis skad kyi gtang rag snyan pa rnams kyi mchog tu bstan/ bcom ldan 'das kyis bka' stsal pa/ de ni smon lam gyi dbang gis te/gang du smon lam btab ce na/ yang dag par rdzogs pa'i sangs rgyas 'od srung de nyid kyi gsung rab la dge slong 

</font><hr>10-1-45b<br><font size=+1>
zhig rab tu byung bar gyur pa de bcom ldan 'das 'od srung gis skad kyi gtang rag snyan pa rnams kyi mchog tu bstan to/ /de na 'dis kyang tshe ji srid par tshangs par spyod pa spyad na yon tan gyi tshogs 'ga' yang ma thob nas de'i 'og tu 'chi ba'i tshe 'di skad ces bdag gis bcom ldan 'das yang dag par rdzogs 
pa'i sangs rgyas 'od srung gi spyan sngar tshe ji srid par tshangs par spyod pa spyad na yon tan gyi tshogs 'ga' yang ma thob ste/ bdag gi dge ba'i rtsa ba 'dis bcom ldan 'das yang dag par rdzogs pa'i sangs rgyas 'od srung gis bram ze'i khye'u bla ma la bram ze'i khye'u khyod ma 'ongs pa'i dus na skye dgu'i tshe lo 
brgya thub pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa de'i bstan pa la bdag rab tu byung ste/ nyon mongs pa thams cad spangs pas dgra bcom pa nyid mngon sum du byed cing ji ltar mkhan po 'di bcom ldan 'das yang 
dag par rdzogs pa'i sangs rgyas 'od srung gis skad kyi gtang rag snyan pa rnams kyi mchog tu bstan pa de bzhin du bdag kyang bcom ldan 'das des skad kyi gtang rag snyan pa rnams kyi mchog tu bstan par gyur cig ces btab pas smon lam de'i dbang gis da ltar nga'i bstan pa la rab tu byung ste/ nyon mongs 
pa thams cad spangs pas dgra bcom pa nyid mngon sum du byas te/ ngas dge slong skad kyi gtang rag snyan pa rnams kyi mchog tu bstan to/ /dge slong dag de lta bas na las gcig tu gnag pa rnams kyi rnam par smin pa ni gcig tu gnag pa zhes bya ba nas/ dge slong khyed kyis de ltar bslab par bya'o zhes 
bya ba'i bar du snga ma bzhin no/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /ji tsam na dge slong dag chos 'don pa nyid na rgya shug gi 'bras bu'i tshogs gtor ba bzhin 'don la mu stegs can rnams ni skad kyi gtang rag gis gzhung 
'don to/ /khyim bdag mgon med zas sbyin gyi kun du spyod pa ni nang par sngar langs nas bcom ldan 'das kyi zhabs la phyag 'tshal du 'gro'o/ /des mu stegs can rnams skad kyi gtang rag gis gzhung 'don pa thos nas des bsams pa/ mu stegs can rnams kyi chos 'dul ba ni nyes par smras pa yin 

</font><hr>10-1-46a<br><font size=+1>
yang 'di dag skad kyi gtang rag gis gzhung 'don la/ bdag gi 'phags pa rnams ni gzhung 'don pa nyid na rgya shug gi 'bras bu'i tshogs gtor ba bzhin 'don pas 'di nyid bdag gi bya ba yin no snyam nas/ de bcom ldan 'das ga la ba der song ste phyin nas bcom ldan 'das 
kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug nas khyim bdag mgon med zas sbyin gyis bcom ldan 'das la 'di skad ces gsol to/ /btsun pa 'di ltar re zhig mu stegs can rnams kyi chos 'dul ba ni nyes par smras pa lags 
kyang / de dag skad kyi gtang rag gis gzhung 'don par bgyi la/ 'phags pa rnams ni gzhung 'don pa nyid na rgya shug gi 'bras bu'i tshogs gtor ba bzhin 'don pas de la gal te bcom ldan 'das kyis 'phags pa rnams kyang skad kyi gtang rag gis gzhung 'don par gnang na legs so/ /
bcom ldan 'das kyis khyim bdag mgon med zas sbyin la cang mi gsung bas gnang ngo / /khyim bdag mgon med zas sbyin gyis bcom ldan 'das kyis cang mi gsung bas gnang bar rig nas/ bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga 
nas song ngo / /de nas bcom ldan 'das kyis dge slong rnams la bka' stsal pa/ dge slong dag de lta bas na khyed kyis skad kyi gtang rag gis chos 'don par gnang ngo / /bcom ldan 'das kyis skad kyi gtang rag gis chos gdon par bya'o zhes bka' stsal pa dang / dge slong rnams skad 
kyi gtang rag gis lung 'bogs par byed/ 'don par byed/ kha ton byed/ yongs su 'dri bar byed do/ /ji tsam na khyim bdag mgon med zas sbyin rgyal byed kyi tshal du song ba na des thos nas smras pa/ 'phags pa dag ci khyed kyi gtsug lag khang 'dir rol mo mkhan gyi brang btab bam/ 
skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis skad kyi gtang rag gis lung dbog par mi bya gdon par mi bya/ kha ton mi bya/ yongs su 'dri bar mi bya'o/ /'di ltar ston pa'i yon tan yang dag par bsgrag 

</font><hr>10-1-46b<br><font size=+1>
pa dang / rgyud chags gsum pa gdon pa dag ni skad kyi gtang rag gis gdon par bya'o/ /bcom ldan 'das kyis skad kyi gtang rag gis de dag gdon par bya'o zhes bka' stsal pa dang / gzhon nu zhig skad kyi gtang rag mi shes nas/ des gzhung dag ston pa nyid na rgya shug gi 'bras 
bu'i tshogs gtor ba bzhin ston par gyur nas/ dge slong dag gis smras pa/ tshe dang ldan pa bcom ldan 'das kyis skad kyi gtang rag gnang gis skad kyi gtang rag gis thon cig /des smras pa/ tshe dang ldan pa dag bdag gis skad kyi gtang rag mi shes so/ /skabs de dge slong rnams 
kyis bcom ldan 'das la gsol pa dang / bcom ldan 'das kyis bka' stsal pa/ skad kyi gtang rag bslab par bya'o/ /bcom ldan 'das kyis skad kyi gtang rag bslab par bya'o zhes bka' stsal pa dang / dge slong rnams khyams dang / gnas khang dang / sgo khang dag na skad kyi gtang 
rag dag slob par byed pa na/ khyim bdag mgon med zas sbyin gtsug lag khang du 'ongs pa dang / des thos nas smras pa/ 'phags pa dag gtsug lag khang 'di rol mo mkhan gyi brang ni ma lags na/ khyed kyis da dung yang rol mo mkhan dag ma btang ngam/ skabs de dge slong rnams kyis bcom 
ldan 'das la gsol pa dang / bcom ldan 'das kyis bka' stsal pa/ dben pa'i phyogs su skad kyi gtang rag dag bslab par bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong zhig 'greng ste lhung 
bzed 'byin pa dang / dge slong dag gis de la smras pa/ tshe dang ldan pa 'greng ste lhung bzed ma 'byin cig /des smras pa/ ci nyes/ de dag gis smras pa/ lhung bzed de chag par 'gyur mod gzhan ci nyes par 'gyur/ de cang mi smra bar 'dug pa'i skabs de dge slong rnams kyis bcom ldan 
'das la gsol pa dang / bcom ldan 'das kyis bka' stsal pa/ dge slong gis 'greng ste lhung bzed dbyung bar mi bya'o/ /de bzhin du gzhug pa dang / bkru ba dang / skam pa dag la yang rgya cher sbyar bar bya'o// //sdom la/ lam phran dang ni snod gsum dang / /phying pa dra bar mi bya dang / /

</font><hr>10-1-47a<br><font size=+1>
gding ba dang ni mi 'bral ba/ /drang srong chen pos rjes su gnang / /sangs rgyas bcom ldan 'das ngan spong gi bu dag na chu srin byis pa gsod kyi ri la 'jigs rung gi nags ri dgas kyi gnas na bzhugs so/ /gang gi tshe rgyal bu gzhon nu rtogs ldan gyis khang bzangs pad ma can/ tshon brgya 
rtsa gcig gis bris pa byed du bcug cing ras sar pa kha tshar ring po can dag gis chal par bting ste/ bcom ldan 'das nyan thos kyi dge 'dun dang bcas pa gdugs tshod la spyan drangs pa'i tshe bcom ldan 'das khang bzangs pad ma can du gshegs par bzhed pa na ma gshegs pa dang / rgyal bu gzhon 
nu rtogs ldan gyis smras pa/ bcom ldan 'das gshegs su gsol/ 'on kyang bcom ldan 'das ma gshegs pa dang / rgyal bu gzhon nu rtogs ldan gyis ras rnams bsdus pa mu stegs can rnams kyis thos nas de rnams kyis smras pa/ shes ldan dag dge sbyong gau ta ma ni bkur sti de lta bu'i 
gnas ma yin no zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag gal te bram ze dang / khyim bdag dad pa can dag gis lam phran dag tu yang ras sar pa kha tshar ring po can dag bting zhing 'phags pa dag 
bdag cag la thugs brtse ba'i slad du gshegs su gsol zhes zer na/ mu stegs can rnams zil gyis mnan pa'i phyir mi rtag pa nyid yid la bya bas zil gyis mnan cing 'dong bar bya ste/ 'di la 'gyod par mi bya'o/ /sangs rgyas bcom ldan 'das ngan spong gi bu dag na chu srin byis pa gsod 
kyi ri la 'jigs rung gi nags ri dgas kyi gnas na bzhugs so/ /dge slong zhig lhung bzed lag na thogs te song ba dang / de phyogs gzhan zhig tu sgyel nas lhung bzed de sa la lhung ste chag nas de'i bar chad du gyur pa'i skabs de dge slong rnams kyis bcom ldan 'das la gsol pa dang / bcom ldan 
'das kyis bka' stsal pa/ de lta bas na dge slong gis lhung bzed lag na bkur bar mi bya bar lhung bzed kyi snod du bcug ste bkur bar bya'o/ /bcom ldan 'das kyis dge slong gis lhung bzed lag na bkur bar mi bya bar lhung bzed kyi snod du bcug ste bkur bar bya'o zhes bka' stsal pa dang / dge 

</font><hr>10-1-47b<br><font size=+1>
slong rnams lhung bzed kyi snod du bcug ste lag pa nyid na khyer te 'dong ba na nyes dmigs de nyid du gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ lhung bzed kyi snod lag na bkur bar mi bya bar lung thag btags te mchan 
khung gis bkur bar bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dge slong rnams don mthun dag dang lhan cig ljongs rgyu zhing dong ngo / /ji tsam na bram ze zhig na nas de sman pa'i gan du song ste smras pa/ kye bdag 
nyid chen po kho bo'i nad kyi rnam pa 'di lta bu'i sman ston cig /des smras pa/ jo bo a ru ra gsol dang snyun gdangs par 'gyur ro/ /des smras pa/ lam ka 'di na a ru ra ga la yod/ des smras pa/ bram ze shAkya'i sras kyi dge sbyong 'di dag ni mkhas pa lags pas 'di dag la khyod kyis bslangs 
na 'di dag la mchis par 'gyur gda'o/ /de dge slong rnams kyi drung du song ste dris pa/ 'phags pa dag la a ru ra lta mchis sam/ de dag gis smras pa/ bram ze yod na de cir dgos/ bdag la sman pa'i mchid nas a ru ra tshol cig ces mchi na gal te mnga' na bdag la stsal du gsol/ 
dge slong des de'i mdun du lhung bzed kyi snod phye ba dang / de nyid na smyung bu yang 'dug cing / de nyid na gri'u dang / de nyid na 'breng bu dang / de nyid na sman dag 'dug pa bram zes mthong nas smras pa/ 'phags pa dag khyed ni kun du spyod pa mi gtsang ba yin te/ 'di 'dra ba za ba bas ni bdag shi yang ches 
bla'i mi gtsang ba za ba ni de lta ma yin no zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ snod gsum bcang bar bya ste/ lhung bzed kyi snod dang / sman snod dang / bar bur snod rnams so/ /dge slong dag gis de dag gi 
lung thag mnyam par btags pas de dag gis mchan khung rlo bar gyur pa dang / ma dad pa dag 'phags pa dag ci khyed rdza rnga thogs te 'gro'am zhes co 'dri bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ mnyam par gdags 

</font><hr>10-1-48a<br><font size=+1>
par mi bya bar ci rigs par gdags par bya'o/ /dge slong dag gis ras ma phra mo dag btags pas de dag la na bar gyur nas/ bcom ldan 'das kyis bka' stsal pa/ ras ma zheng chen po dag gdags par bya'o/ /de dag gis zheng chen po dag btags pa dang de dag nyid zhum nas/ 
bcom ldan 'das kyis bka' stsal pa/ dkyil phying bu dang sbyar te skabs skabs su srubs bya rog rkang dag drub par bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dge slong zhig gis phying pa zhig rnyed nas des bsams 
pa/ bcom ldan 'das kyis chos gos gsum dras te bcang bar bya'o zhes bka' stsal gyis dra'o snyam nas/ de gri'u dang khab dag khyer nas shing ljon pa zhig gi drung du song ba dang / bcom ldan 'das kyang phyogs der gshegs te gzigs nas bka' stsal pa/ dge slong 'di ci yin/ 
des gsol pa/ btsun pa bcom ldan 'das kyis dge slong gis chos gos gsum dras te bcang bar bya'o zhes bka' stsal pas bdag gis phying pa 'di rnyed nas chos gos su 'dra ba lags so/ /de nas bcom ldan 'das kyis bslab pa la gus pa'i bsngags pa brjod nas dge slong rnams 
la bka' stsal pa/ dge slong dag de lta bas na lnga po 'di dag ni dra bar mi bya ste/ be'u ras thams cad dang / la ba thams cad dang / phying pa thams cad dang / klam thams cad dang / seng ba thams cad do/ /sangs rgyas bcom ldan 'das mnyan yod na rgyal byed kyi tshal mgon med 
zas sbyin gyi kun dga' ra ba na bzhugs so/ /dge slong zhig bya ba zhig gi phyir gtsug lag khang gzhan du song ba dang / de der nam sros par gyur nas gnas mal gyi zhal ta byed pas smras pa/ tshe dang ldan pa gnas mal dag nos shig /des smras pa/ bdag gis gding ba khyer te ma 'ongs 
so/ /gnas mal gyi zhal ta byed pas smras pa/ gal te de lta na khri brling ba nos shig /des khri brling ba mnos nas nyal ba dang / de grang ba'i sdug bsngal gyis nyen bzhin du mtshan mo 'das nas na bar gyur pa'i skabs de dge slong rnams kyis bcom ldan 'das la gsol pa dang / bcom ldan 

</font><hr>10-1-48b<br><font size=+1>
'das kyis bka' stsal pa/ de lta bas na dge slong gis gding ba med par 'gro bar mi bya'o/ /'gro na 'gal tshabs can du 'gyur ro/ /bcom ldan 'das kyis dge slong gis gding ba med par 'gro bar mi bya'o zhes bka' stsal pa dang / dge slong rnams deng nyid phyir ldog pa'i bsam 
pas de'i nyen kor gyi gtsug lag khang gzhan du 'gro ba dang / 'chag tu 'gro ba dang / grong gzhan du 'gro ba de dag tu yang gding ba khyer ba na gnas brtan rgan po rgas pa nyam chung ba rnams dang / nad pa sbyor mi bzod pa rnams nyam thag par gyur nas/ bcom ldan 'das kyis 
deng nyid phyir ldog pa'i bsam pas 'gro ba der yang gding ba med par 'gror ma gnang ngo zhes 'khod pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong gis nyen kor dang nyin mo spyod du 'gro ba la gding ba bkur 
bar mi bya'o/ /grong gzhan du 'gro ba na deng nyid phyir ldog pa'i bsam pas 'gro na der kyang bkur bar mi bya'o/ /dge slong gzhan dag gding ba med par grong gzhan du de nyid ldog pa'i bsam pas 'gro ba na de rnams la bya ba'i rnam pa de lta bu dag byung nas des nam sros par gyur pa dang / de dag bslab pa la gus 
pas nub mo phyir dong ba na seng ge dang / stag dang / chom rkun pa dang / g.yon can dag gis bgrod par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gal te de ltar bsams te dong ba dag der nam sros par gyur na de nyid du 
gnas par bya ste/ 'di ltar tshangs pa mtshungs par spyod pa dag las gding ba brnyas te nyal bar bya'o/ /gal te rnyed na de lta na legs/ gal te ma rnyed na bla gos bzhi ltab tu byas te bting la yun thung du ni nyal/ yun ring du ni mi nyal bar mtshan mo 'da' bar bya'o/ /dge slong gzhan zhig gis dge slong zhig 
las gding ba brnyas pa dang /de la rmi lam gyi gnod pa byung nas des mi gtsang bas ma rung bar gyur pa de bzhin du dge slong de la phyir dbul bar brtsams pa dang / des ma 'dod pa'i skabs de zhes bya ba la sogs pa snga ma bzhin no/ /bcom ldan 'das kyis bka' stsal pa/ bkrus te sbyin par bya'o/ /

</font><hr>10-1-49a<br><font size=+1>
dge slong des bkrus te byin na 'on kyang de len par mi byed pa'i skabs de zhes bya ba'i bar du yang snga ma bzhin no/ /bcom ldan 'das kyis bka' stsal pa/ ri ba'i rin sbyin par bya ba'am/ de'i sems mgu bar bya'o/ /dge slong dag gtsug lag khang gzhan dang / grong gzhan dag 
tu deng nyid phyir ldog pa'i bsam pas chos gos gsum po dag med par dong ba dang / de rnams der dong ba dag la ci tsam na bya ba'i rnam pa de lta bu dag byung ste der nam sros par gyur to/ /de dag bslab pa la gus pas mtshan mo phyir dong ba na seng ge dang / stag dang / chom rkun pa dang / g.yon can dag 
gis bgrod par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gal te de lta bu'i bsam pas dong ba rnams der nam sros par gyur na/ de nyid du 'dug par bya zhing / tshangs pa mtshungs par spyod pa dag las chos 
gos dag brnyas te byin gyis brlab par bya'o/ /de rnams chos gos dag brnyas nas ji ltar byin gyis brlab par bya ba ma shes nas/ bcom ldan 'das kyis bka' stsal pa/ snga ma rang gi sems kyis phyung ba byin gyis brlab par bya'o/ /lnga po 'di dag ni sems bskyed pas 'grub ste/ gso sbyong 
dang / dgag dbye dang / chos gos byin gyis brlab pa dang / chos gos dbyung ba dang / gang zag mgron du bos pa'o/ /dge slong de dag gis chos gos dras shing kha dog ma bsgyur ba dag rnyed nas/ bcom ldan 'das kyis bka' stsal pa/ gal te dras shing kha dog ma bsgyur ba dag rnyed na dras 
shing kha dog ma bsgyur ba dag byin gyis brlab par bya'o/ /ji ste kha dog ma bsgyur cing ma dras pa dag rnyed na lhan thabs kyis glan la byin gyis brlab par bya'o/ /gal te rnyed na de lta na legs/ gal te ma rnyed na de bzhin byin gyis brlab par bya'o/ /tha na khyim pa'i gos la yang byin gyis brlab par bya ste/ 
'di la 'gyod par mi bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dge slong dag cig gding ba med par yul gzhan du 'dong ba dang / der dong ba de rnams 'gyod par gyur pa'i skabs de dge slong rnams kyis bcom ldan 

</font><hr>10-1-49b<br><font size=+1>
'das la gsol pa dang / bcom ldan 'das kyis bka' stsal pa/ dge slong dag ngas chos gos gsum dang bral bar ni gsungs kyi/ gding ba dang ni ma yin te/ de lta bas na bsams bzhin du bzhag ste 'gro bar mi bya'o/ /brjed pa la ni ltung ba med do// //sdom ni/ chu tshags la ni rnam 
bzhi dang / /sder rnams dang ni gcig tu za/ /gos gcig gis ni za ba dang / /sgren mor khrus ni byed pa'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /lho lam nas dge slong bcom ldan 'das kyi zhabs la phyag 
'tshal ba gnyis shig mnyan yod du dong ngo / /de gnyis lam du chu zad nas skom pa'i sdug bsngal gyis gdungs pa na rdzing bu zhig gi drung du phyin nas de gnyis las gcig gis smras pa/ tshe dang ldan pa khyod kyis myur du chu rtogs shig dang btung ngo / /des brtag par brtsams pa dang / ji tsam na chu ma 
dag par gyur nas des tshigs su bcad pa smras pa/ bskal pa 'bum phrag stong dag tu/ /gang zhig mthong bar rab dka' bas/ /bdag gis chu dag 'thungs nas ni/ /de nas 'dren pa blta bar bya/ /cig shos kyis tshigs su bcad pa smras pa/ gang zhig sems can rnams la thugs 
nas thugs rje zhing / /srid pa kun la chags pa gtan nas spangs gyur pa/ /de yi bstan mchog 'di la bslab pa blang ba yis/ /srog nyid spang gi srog chags gsad par bya ba min/ /de nas gang gis chu 'thungs pa de ni song ngo / /gang gis ma 'thungs pa des ni brtson 'grus brtsams te/ shing ljon pa zhig 
gi drung du 'dug nas/ de ji srid du lus kyi mthu yod pa de srid du dge ba'i phyogs dag byas shing gang gi tshe lus kyi mthu dang bral ba de'i tshe 'chi ba'i dus la bab nas rgyal chen bzhi'i ris kyi lha rnams kyi nang du skyes so/ /lha'i bu'am/ lha'i bu mo'i chos nyid ni skyes nas ring po ma lon pa la sems gsum skye 
ste/ gang nas shi 'phos pa dang / gang du skyes pa dang / las gang gis skyes pa'o/ /des mi rnams kyi nang nas shi 'phos pa dang / rgyal chen bzhi'i ris kyi lha rnams kyi nang du skyes pa dang / bcom ldan 'das la sems mngon par dad par byas pas skyes par mthong ngo / /de nas sngon dge slong lha'i 

</font><hr>10-1-50a<br><font size=+1>
bu de 'di snyam du sems te/ gang gi phyir bdag yongs su gnas pa bsten te bcom ldan 'das la blta ba dang / bsnyen bkur bya ba'i phyir nye bar 'gro ba ni bdag gi tshul dang mthun pa ma yin gyis bdag yongs su gnas pa ma bsten pa kho nar bcom ldan 'das la blta ba dang / 
bsnyen bkur bya ba'i phyir nye bar 'gro'o snyam mo/ /de nas sngon dge slong lha'i bu rna cha gdub kor g.yo zhing dri ma med pa thogs te/ do shal dang se mo dos brgyan pa'i lus kyis lha'i me tog ut+pa la dang / pad ma dang ku mu da dang / pad ma dkar po dang / man dA ra ba dag gis thu ba bkang ste kha 
dog shin tu 'das pas mtshan mo la bab pa dang / bcom ldan 'das ga la ba der song ste phyin nas bcom ldan 'das la me tog dag gis mngon par gtor te bcom ldan 'das kyi zhabs gnyis la mgo bos phyag 'tshal nas mtha' gcig tu 'dug pa dang / 'di ltar sngon dge slong lha'i bu'i kha dog 
gi mthus rgyal byed kyi tshal thams cad snang ba rgya chen pos khyab par gyur to/ /de nas bcom ldan 'das kyis sngon dge slong lha'i bu'i bsam pa dang / bag la nyal ba dang / khams dang /rang bzhin thugs su chud nas/ gang thos nas sngon dge slong lha'i bus stan de nyid la 'dug bzhin du 'jig 
tshogs la lta ba'i ri'i rtse mo nyi shu mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas pa de lta bur 'phags pa'i bden pa bzhi yang dag par so sor rtogs par byed pa'i chos bstan pa mdzad do/ /des bden pa mthong nas btsun pa bcom ldan 'das kyis bdag la gang mdzad 
pa 'di lta bu ni bdag la phas kyang ma bgyis/ mas kyang ma bgyis/ rgyal pos kyang ma bgyis/ lha rnams kyis kyang ma bgyis/ sngon gyi pha mes dag gis kyang ma bgyis/ dge sbyong dang bram ze dag gis kyang ma bgyis/ byams pa dang mdza' bshes dang rtsa lag gi tshogs kyis 
kyang ma bgyis te/ khrag dang mchi ma'i rgya mtsho ni bskams/ rus pa'i ri dag las ni bsgral/ ngan song gi sgo dag ni bkum/ mtho ris dang thar pa'i sgo dag ni phye/ sems can dmyal ba dang / dud 'gro dang / yi dgas dag nas ni rkang pa phyung / lha dang mi rnams kyi nang du ni bzhag go zhes 

</font><hr>10-1-50b<br><font size=+1>
lan gsum ched du brjod pa ched du brjod do/ /yang smras pa/ khyod mthus rab dregs nyes pa mang ldan pa'i/ /ngan song shul bkag bsod nams rab ldan pa'i/ /mtho ris 'gro ba phye zhing bdag gis ni/ /mya ngan 'das pa'i shul yang thob par gyur/ /shin tu rnam dag khyod brten bdag 
gis ni/ /de ring skyon bral dag pa'i mig thob cing / /go 'phang zhi ba 'phags pa dgyes thob ste/ /sdug bsngal rgya mtsho'i pha rol rgal bar gyur/ /'gro ba lha min mi dang lhas mchod pa/ /skye dang rga dang na 'chi bral ba po/ /srid pa stong du mthong ba rab dkon pa/ /thub pa de ring khyod mthong 'bras 
bu mchis/ /de nas gdud byas do shal rab 'phyang bas/ /zhabs la phyag 'tshal rangs pa skyes gyur nas/ /dgra thul g.yas nas yongs su bskor byas te/ /lha yi 'jig rten mngon phyogs mkha' la song / /de nas sngon dge slong lha'i bu tshong pa khe spogs rnyed pa lta bu dang / zhing pa lo tog 'byor pa 
lta bu dang / dpa' bo g.yul las rnam par rgyal ba lta bu dang / nad pa nad thams cad las yongs su thar ba lta bur gyur te/ cha lugs gang gis bcom ldan 'das kyi spyan sngar 'ongs pa'i cha lugs de nyid kyis rang gi gnas su song ngo / /dge slong cig shos de yang khad kyis mnyan yod du phyin to/ /
de nas lhung bzed dang chos gos mkhos su phab ste/ rkang pa dag bkrus nas bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ /sangs rgyas bcom ldan 'das rnams ni chos nyid kyis dge slong glo bur du 'ongs 
pa la dge slong khyod da gzod gang nas 'dir 'ongs/ dbyar gang du gnas zhes yang dag par dga' bas yang dag par dga' bar mdzad pa yin te/ bcom ldan 'das kyis dge slong de la khyod ga las 'dir 'ongs/ dbyar gang du gnas zhes yang dag par dga' bar mdzad pa dang / des gsol pa/ 
btsun pa bdag lho phyogs nas da gzod 'dir mchis te/ lho phyogs su dbyar gnas lags so/ /bcom ldan 'das kyis bka' stsal pa/ dge slong khyod la grogs dge slong lta yod dam/ bcom ldan 'das mchis so/ /de gar song / des ji ltar gyur pa gsol to/ /de nas bcom ldan 

</font><hr>10-1-51a<br><font size=+1>
'das kyis de'i tshe tshigs su bcad de bka' stsal pa/ nga yi bstan la ma gus gang / /des ni nga mthong ci zhig phan/ /des ni nga la bltas na yang / /mthong ba ma yin mchod pa min/ /nga yi bslab la gang slob pa'i/ /dge slong des ni nga mthong ste/ /shes rab dman pa khyod kyis 
ni/ /sangs rgyas mngon sum ma mthong ngo / /de nas bcom ldan 'das kyis nyid kyi sku las bla gos phye nas yang tshigs su bcad de bka' stsal pa/ ltos shig dge slong lus 'di la/ /gtsang zhing gser gyi mdog 'dra ba/ /sngon gyi las kyi rnam smin dang / /pha dang ma las byung ba'o/ /gang 
gis chos nyid ma mthong ba/ /rdzogs pa'i sangs rgyas des ma mthong / /gang gis chos nyid mthong gyur pa/ /de yis thub pa chen po mthong / /gzhan yang brtan zhing dge ba'i blo gros can/ /bslab pa rjes su srung byed pa/ /de yis dang por nga la ni/ /gzugs kyi sku dang chos skur mthong / /
bdag nyid chen po 'od srung gi/ /bslab mtshams 'das pa da rung du/ /e la'i 'dab de klu yi ni/ /skye gnas dag las ma thar to/ /bcom ldan 'das kyis dgongs pa/ nyes dmigs gang cung zad byung ba ni dge slong rnams chu tshags mi 'chang ba las gyur gyis/ de lta bas na dge slong gis 
chu tshags nye bar gzhag par bya'o/ /bcom ldan 'das kyis chu tshags nye bar gzhag par bya'o zhes bka' stsal pa dang / dge slong dag chu tshags du yod mi shes nas/ bcom ldan 'das kyis bka' stsal pa/ chu tshags ni lnga ste/ chu tshags gru gsum dang / bum tshags 
lce'u can dang / ril ba zhabs tshags can dang / dpyangs tshags dang / bsal tshags rnams so/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong phan tshun zhe 'gras pa gnyis shig 
ljongs rgyu zhing dong ngo / /de dag las gcig la ni chu tshags yod/ cig shos la ni med do/ /gang la yod pa des chu btsags te 'thungs pa dang / gang la med pa des smras pa/ tshe dang ldan pa chu tshags g.yor cig des ma ster nas de phongs par gyur pa'i skabs de dge slong dag gis bcom ldan 'das 

</font><hr>10-1-51b<br><font size=+1>
la gsol pa dang / bcom ldan 'das kyis bka' stsal pa/ dge slong dag de lta bas na dge slong gis zhe 'gras pa dang lhan cig ljongs rgyu zhing 'gro bar mi bya'o/ /gal te de lta bu'i rkyen cig byung na gcig la gcig bzod pa gsol te 'dong bar bya'o// //'dul ba phran tshegs 
kyi gzhi/bam po lnga pa/ sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong gnyis zhig ljongs rgyu zhing dong ba dang / de dag las gcig la ni chu tshags yod/ cig shos la ni med nas de la des 
dris pa/ khyod la chu tshags yod dam med/ des smras pa yod do/ /sbyin nam mi sbyin zhes ni ma smras so/ /de dag las gang chu tshags yod pa des ni chu 'thungs pa dang / gang la med pa des smras pa/ tshe dang ldan pa chu tshags g.yor cig /des smras pa/ tshe dang ldan pa khyod kyis bdag la chu 
tshags ni dris kyi sbyin nam mi sbyin ma dris pas ma gus pa khyod la kho bos chu tshags ci'i phyir sbyin/ mi sbyin gyis song shig /des de la ma byin pas de phongs par gyur pa'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ 'gro bar 'dod pa'i dge 
slong gis gal te chu tshags med na dge slong grogs po la khyod la chu tshags yod dam med dri bar bya'o/ /gal te yod do zhes zer na bdag la sbyin nam mi sbyin zhes brjod par bya zhing gal te sbyin no zhes zer na 'gro bar bya'i gzhan du na 'gro bar mi bya'o/ /sangs rgyas bcom ldan 'das mnyan yod na rgyal bu rgyal byed kyi 
tshal mgon med zas sbyin gyi kun dga' ra ba na bzhugs so/ /mnyan yod na dge slong gnyis shig ljongs rgyu zhing dong ngo / /de dag las gcig la ni chu tshags yod/ cig shos la ni med pa dang / gang la med pa des de la dris pa/ khyod la chu tshags yod dam med/ des smras pa/ yod do/ /bdag la g.yar 
ram mi g.yar/ g.yar ro/ /de dag dong ba dang ji tsam na lam kar 'gron pa dag cig 'ongs nas gang la chu tshags yod pa de'i bya ba gang yin pa de 'gron pa de nyid las grub ste/ de phyir ldog par brtsams pa dang / cig shos des smras pa/ tshe dang ldan pa khyod kyis bdag la chu tshags khas blangs pa g.yor cig /

</font><hr>10-1-52a<br><font size=+1>
des smras pa/ de lta na de ni bden na bdag gis chu btsag pa'i slad du byin gyi/ thams cad kyi thams cad du byin pa ni ma yin no zhes des ma byin pas de phongs par gyur pa'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong 
gang la chu tshags med pa des dge slong grogs po la khyod la chu tshags yod dam med ces dri bar bya'o/ /gal te yod do zhes zer na des ji bdag la sbyin nam mi sbyin zhes brjod par bya'o/ /gal te sbyin no zhes zer na gal te khyod slar ldog par gyur tam/ gzhan du 'gro bar gyur na sbyin nam mi sbyin zhes brjod 
par bya'o/ /gal te sbyin no zhes zer na 'gro bar bya'i gzhan du na 'gro bar mi bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe tshe dang ldan pa nye ba 'khor gyis sangs rgyas bcom ldan 'das la zhus pa/ btsun pa chu 
tshags ma mchis par gtsug lag khang gzhan nam/ grong gzhan du mchir gnang ngam/ nye ba 'khor mi gnang ngo / /gal te der song nas phongs par mi 'gyur na gnang ngo / /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /
de'i tshe tshe dang ldan pa nye ba 'khor gyis sangs rgyas bcom ldan 'das la zhus pa/ btsun pa chu tshags gcig gis gnyis ljongs rgyu zhing mchir gnang ngam/ nye ba 'khor gal te der song nas phongs par mi 'gyur na gnang ngo / /btsun pa chu tshags gcig gis mang po rnams sam/ dge 'dun dag ljongs 
rgyu zhing mchir gnang ngam/ nye ba 'khor gal te der song nas phongs par mi 'gyur na gnang ngo / /btsun pa chu tshags ma mchis par chu klung gi 'gram nas mchir gnang ngam/ nye ba 'khor gnang ste/ mgyogs pa la gal te chu gzhan dang 'dres par ma gyur na rgyang grags re re zhing brtag par bya'o/ /
chu gzhan dang 'dres par gyur na gang dang gang du len pa de dang der brtag par bya'o/ /mi mgyogs pa la ni 'gram dang 'gram du brtag par bya'o/ /de la mgyogs pa ni rgyun myur ba'o/ /mi mgyogs pa ni rgyun bul ba'o/ /btsun pa 'gram gyi nye 'khor gang lags/ nye ba 'khor 'dom 

</font><hr>10-1-52b<br><font size=+1>
gang kho ra khor yug go/ /btsun pa chab ma btsags shing ma brtags pa 'tshal du gnang ngam/ nye ba 'khor mi gnang ngo / /btsun pa chab ma btsags shing brtags pa 'tshal du gnang ngam/ nye ba 'khor mig gis dag go zhes bya ste gnang ngo / /btsun pa chab btsags shing 
brtags pa 'tshal du gnang ngam/ nye ba 'khor gnang ngo / /'on kyang chu rung ba ni lnga ste/ dge 'dun gyis rung ba dang / gang zag gis rung ba dang / chu tshags kyis rung ba dang / chu mig gis rung ba dang / khron pas rung ba'o/ /de la dge 'dun gyis rung ba ni gang dge 'dun 
mthun pas bskos pa'i dge slong gis chu btsags par gyur pa ste/ dge 'dun gyis rung ba de la dge slong gis longs spyad par bya'o/ /gang zag gis rung ba ni dge slong gang tshul khrims ma nyams pa dang / lta ba ma nyams pa dang / spyod pa ma nyams pa dang / 'tsho ba ma nyams pas 
yongs su dag par gyur pa ste/ gang zag gis rung ba de la dge slong gis longs spyad par bya'o/ /chu tshags kyis rung ba ni chu tshags gang nam yang ma dag pa ma yin pa des btsags pa ste/ btung bar bya'o/ /chu mig gis rung ba ni 'bab pa'o/ /khron pas rung ba ni khron pa gang gi chu dag 
pa de las nyi ma nub kar blangs nas ji srid nyi ma shar gyi bar du ste/ khron pas rung ba'i chu btung bar bya'o/ /dge slong rnams ha cang yun ring du chu rtog pas 'khrul pa mthong bar gyur nas/ bcom ldan 'das kyis bka' stsal pa/ glang drug gi shing rta smyig mas bkang ba 'khor ba tsam mam/ ji 
tsam gyis yid ches pa de tsam du brtag par bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bram ze dang khyim bdag dad pa can rnams dge slong rnams la sder spyad dag 'bul bar byed pa na dge slong rnams mi len 
to/ /de dag gis smras pa/ 'phags pa dag gang gi tshe sangs rgyas bcom ldan 'das 'jig rten du byung bar ma gyur pa de'i tshe ni mu stegs can dag yon gnas lags/ da ni sangs rgyas bcom ldan 'das 'jig rten du byung bas khyed yon gnas lags te/ gal te khyed kyis mi bzhes na ci 

</font><hr>10-1-53a<br><font size=+1>
bdag cag 'jig rten 'di nas 'jig rten pha rol du dge ba'i lam rgyags ma mchis par 'chi'am bzhes shig /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge 'dun gyi phyir sder spyad dag 
blang bar bya'o/ /bcom ldan 'das kyis dge 'dun gyi phyir sder spyad dag blang bar bya'o zhes bka' stsal pa dang / dge slong rnams kyis de dag blangs nas mdzod du bcug ste bzhag nas de bzhin du lhung bzed dag tu za ba dang / bram ze dang / khyim bdag dad pa can rnams kyis 
mthong ste smras pa/ 'phags pa dag bdag cag gis sder spyad phul ba de dag mi gda' na/ dge slong rnams kyis smras pa/ bzhin bzangs dag mdzod na 'dug go/ /de dag gis smras pa/ 'phags pa dag ci bdag cag gi khyim na gnas ma mchis te/ bdag cag gis khyed la 
phul lam/ yongs su longs spyad na bdag cag la yongs su longs spyad pa'i rgyu las byung ba'i bsod nams su 'gyur ba zhig na khyed kyis kyang mdzod du bcug pa lta/ skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ sbyin 
bdag gis byin pa'i sder spyad dag yongs su longs spyad par bya'o/ /bcom ldan 'das kyis sbyin bdag gis byin pa'i sder spyad dag yongs su longs spyad par bya'o zhes bka' stsal pa dang / dge slong rnams kyis yongs su longs spyad par brtsams so/ /bram ze dang khyim bdag gzhan 
rgya chen po la mos pa de dag gis sder spyad tshad chen po dag phul ba dang / dge slong gnas brtan gnas brtan rnams de dag 'khru bas ngal bar gyur nas/ bcom ldan 'das kyis bka' stsal pa/ sder spyad kyi zhal ta ba bsko bar bya'o/ /bcom ldan 'das kyis sder spyad kyi zhal ta ba 
bsko bar bya'o zhes bka' stsal pa dang / bye brag med par bskos nas/ bcom ldan 'das kyis bka' stsal pa/ chos lnga dang ldan pa'i sder spyad kyi zhal ta ba ma bskos pa ni bsko bar mi bya/ bskos pa ni dbyung bar bya ste lnga gang zhe na 'dun pas 'gro ba dang / zhe sdang dang / gti mug dang 

</font><hr>10-1-53b<br><font size=+1>
'jigs pas 'gro ba dang / sder spyad brims pa dang ma brims pa dag mi shes pa'o/ /chos lnga dang ldan pa'i sder spyad kyi zhal ta ba ma bskos pa ni bsko bar bya/ bskos pa ni dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis ma yin pa dang / gti mug gis ma 
yin pa dang / 'jigs pas mi 'gro ba dang / sder spyad brims pa dang ma brims pa dag shes pa'o/ /bsko ba ni 'di ltar bya ste/ gnas ma la bshams nas/ gaN+DI brdungs te/ dris pa'i tshig gis dge 'dun rnams la bsgo nas dge 'dun thams cad 'dus te 'dug pa dang / re 
zhig dang por spro ba bya ste/ ming 'di zhes bgyi ba 'di dge 'dun gyi sder spyad 'brim par bsko bar spro'am gal te spro na des spro'o zhes smra bar bya'o/ /de'i 'og tu dge slong gcig gis gsol ba byas nas las bya ste/ dge 'dun btsun pa rnams gsan du gsol/ dge slong ming 'di zhes bgyi 
ba 'di dge 'dun gyi sder spyad 'brim par spro ste/gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis ming 'di zhes bgyi ba sder spyad kyi zhal ta bar bskos te/ sder spyad kyi zhal ta ba ming 'di zhes bgyi ba dge 'dun gyi sder spyad 'brim par 
'gyur ro/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun la sder spyad 'brim par spro ste/ de'i slad du dge 'dun gyis ming 'di zhes bgyi ba sder spyad kyi zhal ta bar bsko zhing sder spyad kyi zhal ta 
ba ming 'di zhes bgyi ba dge 'dun la sder spyad 'brim par 'gyur na/ tshe dang ldan pa gang dag ming 'di zhes bgyi ba sder spyad kyi zhal ta bar bsko bar bzod pa de dag ni cang ma gsung shig /gang dag mi bzod pa de dag ni gsung shig /dge 'dun gyis bzod cing gnang nas sder spyad kyi zhal ta ba 
ming 'di zhes bgyi ba dge 'dun la sder spyad dag 'brim par 'gyur te/ 'di ltar cang mi gsung bas de de bzhin du 'dzin to/ /dge slong rnams kyis zas zos nas lhag mas 'bags bzhin du de nyid la byin pa dang / bcom ldan 'das kyis bka' stsal pa/ lhag mas 'bags pa dag lhan 

</font><hr>10-1-54a<br><font size=+1>
cig gnas pa dang / nye gnas rnams kyis bkru bar bya'o/ /bcom ldan 'das kyis lhag mas 'bags pa dag lhan cig gnas pa dang / nye gnas rnams kyis bkru bar bya'o zhes bka' stsal pa dang / dge slong gzhan dag cig la 'khor med nas de dag bdag nyid 
'khru bar byed pa dang / bcom ldan 'das kyis bka' stsal pa/ de dag ni sder spyad kyi zhal ta ba dag kho nas bkru bar bya zhing de dag gis kyang de dag la sbyin par bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs 
so/ /drug sde rnams lhung bzed nag po gcig tu cig char bza' bar brtsams nas de drug car gyis mnyam du lag pa bcug pa dang / lhung bzed lag pa la thogs te de 'phyang bar gyur pa dang / de dag gis tshe dang ldan pa dag lhung bzed nag po cho 'phrul byed pa la ltos/ de dag gis lag 
pa drangs te lhung nas chag pa dang / de dag gis rta gad kyis btab pa dge slong rnams kyis mthong ste de dag gis smras pa/ tshe dang ldan pa dag 'di lta bu mi mdzes pa byas nas gnong ste 'dug par bya ba yin na/ khyed dgod pa lta/ de dag gis smras pa/ ci byas chang 'thungs sam kun 
dong zos/ dge slong rnams kyis smras pa dang / ci de yang byed dam/ gzhan ci byas/ lhung bzed nag po ma bcag gam/ 'di la 'gal ba ci zhig yod/ ci rdza mkhan shi'am/ 'jim pa med dam/ gzhan byar zad mod/ de dag cang mi smra bar 'dug pa dang / skabs 
de dge slong rnams kyis bcom ldan 'das la gsol to/ /bcom ldan 'das kyis dgongs pa/ nyes dmigs gang cung zad byung ba ni dge slong rnams gcig tu za ba las gyur gyis/ de lta bas na dge slong gis gcig tu bza' bar mi bya'o/ /za na 'gal tshabs can du 'gyur ro/ /
bcom ldan 'das kyis dge slong rnams kyis gcig tu bza' bar mi bya'o zhes bka' stsal pa dang / dge slong dag cig 'gron pa dang / thabs cig chas pa 'gron pa phyogs gcig tu zan bza' bar brtsams pa na dge slong de dag thams cad la sder spyad dag mi bdog ste/ de dag re re 

</font><hr>10-1-54b<br><font size=+1>
nas zan za ba la ring zhig thogs nas 'gron pa thal ba dang / chom po dag gis bcom mo/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ lam du zhugs pa na gal te sder spyad dag ma rnyed na gcig tu bza' bar bya ste/ 
lag pa ni re re nas gzhug par bya zhing dbyung bar bya'i cig car du ma yin no/ /bcom ldan 'das kyis lam du zhugs pa na gal te sder spyad dag ma rnyed na gcig tu bza' bar bya'o zhes bka' stsal pa dang / de na dge tshul gang dag 'khod pa de dag dang lhan cig gcig tu za bar byed pas nyes 
dmigs de nyid du gyur nas/ bcom ldan 'das kyis bka' stsal pa/ lhung bzed bzung la de dag dang lhan cig bza' bar bya'o/ /rung ba byed pa gzhan dag cig yod pa de dag zan za ba na 'gron pa rnams dang bral nas nyes dmigs de nyid du gyur pa dang / bcom ldan 'das kyis bka' stsal 
pa/ gong bur sgongs la byin cig /dge slong gzhan dag cig gnyen gyi khyim du song ba dang / gnyen dag gis smras pa/ bdag cag lhan cig zos nas ring zhig lon pas zan lhan cig bzas tshur/ de dag gis smras pa/ khyed ni khyim pa/ bdag cag ni rab tu byung ba yin pas 
bzar mi rung ngo / /de dag mi dga' nas mchi mas brnangs shing 'dug go/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gal te yang dang yang du don du gnyer na gdon mi za bar dus kyis 'chu bar shes nas gang 
du gzhan dag gis mthong na mi mdzes par mi 'gyur ba der sder spyad bzung la bza' bar bya ste/ 'di la 'gyod par mi bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /drug sde rnams gos gcig 
pu dang bsod snyoms za ba bram ze dang khyim bdag rnams kyis mthong nas dris pa/ shes ldan dag zan za ba 'di dag su zhig /gzhan dag gis smras pa/ dge sbyong shAkya'i bu yin no/ /de dag 'phya zhing shes ldan dag ston pa ngo tsha shes pa dang ldan pa de lta bu la ngo tsha shes pa dang khrel yod pa 

</font><hr>10-1-55a<br><font size=+1>
dang bral ba 'di dag lta bu ga la yod ces zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni dge slong rnams gos gcig gon pa las gyur gyis de bas na dge slong gis gos gcig 
dang zan bza' bar mi bya'o/ /za na 'gal tshabs can du 'gyur ro/ /bcom ldan 'das kyis dge slong gis gos gcig dang zan bza' bar mi bya'o zhes bka' stsal pa dang / rgan po rgan te nyam chung ba dang / nad pa sbyor mi bzod pa dag chos gos rnams gyon te zan bza' bar mi nus nas/ 
bcom ldan 'das kyis bka' stsal pa/ de dag gis rngul zan 'jam po dang / zan bza' bar bya ste/ 'di la 'gyod par mi bya'o/ /'on kyang gzhan dag cig gis ma nus pa dang / bcom ldan 'das kyis bka' stsal pa/ de dag gis phyogs dben par bza' bar bya ste/ 'di 
la 'gyod par mi bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /drug sde rnams chu bo dregs ldan la gcer bur khrus byed pa bram ze dang khyim bdag rnams kyis mthong nas dris pa/ shes ldan dag 
gcer bu pa khrus byed pa 'di dag su zhig gzhan dag gis smras pa/ dge slong shAkya'i bu yin no/ /de dag 'phya zhing shes ldan dag ston pa ngo tsha shes pa dang ldan pa de lta bu la ngo tsha shes pa dang khrel yod pa dang bral ba 'di lta bu dag ga la yod ces zer ba'i skabs de dge slong rnams kyis bcom 
ldan 'das la gsol pa dang / bcom ldan 'das kyis dgongs pa nyes dmigs gang cung zad byung ba ni dge slong rnams sgren mor khrus byed pa las gyur gyis de lta bas na dge slong gis sgren mor khrus mi bya'o/ /byed na 'gal tshabs can du 'gyur ro/ /'on kyang khrus ras bcang 
bar bya'o/ /bcom ldan 'das kyis khrus ras bcang bar bya'o zhes bka' stsal pa dang / dge slong rnams nyis sbyar 'chang nas/ bcom ldan 'das kyis bka' stsal pa/ chig rkyang bcang bar bya ste/ gang la nyis sbyar yod pa des ni chu brtags la bkru bar bya'o/ /chos gos 

</font><hr>10-1-55b<br><font size=+1>
gsum pa rnams mi rung ngo snyam nas mi 'chang ba dang / bcom ldan 'das kyis bka' stsal pa/ de rnams kyis kyang byin gyis brlabs te bcang bar bya'o/ /gzhan dag cig gis khrus ras ma rnyed pa dang / bcom ldan 'das kyis bka' stsal pa/ gang dag gis khrus ras ma rnyed pas 
lo ma dag gis mdun dang rgyab nas g.yogs te/ phyogs dben pa gang na gzhan dag gis mthong nas ma dad par mi 'gyur bar khrus bya'o/ /dge slong rnams khrus ras gcus te de dag 'gyod par gyur pa dang / bcom ldan 'das kyis bka' stsal pa/ ras chig rkyang la ni srog chags dag 
med mod kyi 'on kyang ras bshal nas gcu bar bya ste/ 'di la 'gyod par mi bya'o// //sdom ni/ mon sran gre'u dang mi rung ba'i/ /sa dang bskyugs shing za ba dang / /bdams shing zas ni za ba dang / /'gyod dang khar ba'i lhung bzed do/ /sangs rgyas bcom ldan 'das mnyan yod na 
rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa nam gru gang ci la yang khu phrig za ba cig pas de'i ming nam gru khu phrig can nam gru khu phrig can zhes bya bar chags so/ /de dus gzhan zhig na chab khung sar zhugs pa dang / des de na mon sran gre'u'i 
zhal lu zhig mthong nas de yang dag pa ma yin pa'i rtog pa skyes pa bdag gis sa bon gyi chos ma rung bar byas so snyam mo/ /ci tsam dus gzhan zhig na dge 'dun la mon sran gre'u'i bza' ba dag cig grub pa de mi za bar lhung bzed bkab ste 'dug pa dang / lhan cig gnas pa dang / nye gnas 
dag gis smras pa/ mkhan po dge 'dun la mon sran gre'u'i bza' ba dag byung ba ci'i slad du mi gsol/ des smras pa/ bu dag kho bos sa bon gyi chos ma rung bar byas so/ /de dag gis smras pa/ mkhan po ji lta bu zhig bgyis/ des ji ltar gyur pa bsnyad pa dang / de dag gis kyang mi 
bza' bar brtsams so/ /de dag la 'grogs bshes rnams kyis dris pa/ ci'i phyir mi za/ de dag gis ji ltar gyur pa bsnyad pa dang / de 'khor mang po can zhig pas de la brten nas dge 'dun thams cad kyis ma zos so/ /skabs de dge slong rnams kyis bcom ldan 'das la gsol 

</font><hr>10-1-56a<br><font size=+1>
pa dang / bcom ldan 'das kyis bka' stsal pa/ dge slong dag sa bon gyi rigs tshos dka' ba zhes bya ba yod de/ de yang rlangs pa byung na tshos so zhes byas nas bza' bar bya ste/ 'di la 'gyod par mi bya'o/ /sangs rgyas bcom ldan 'das mnyan yod na rgyal bu rgyal 
byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa nye ba 'khor gyis sangs rgyas bcom ldan 'das la zhus pa/ btsun pa mi rung ba'i sa nas shing 'khrungs la rung ba'i sar 'bras bu lhags na yongs su longs spyad par bgyi'am/ yongs su longs spyad 
par mi bgyi/ bcom ldan 'das kyis bka' stsal pa/ nye ba 'khor yongs su longs spyad par mi bya'o/ /btsun pa re zhig mi rung ba'i sa nas shing 'khrungs la mi rung ba'i sar 'bras bu dag lhags na yongs su longs spyad par bgyi 'am/ yongs su longs spyad par mi bgyi/ nye ba 'khor 
yongs su longs spyad par mi bya'o/ /btsun pa re zhig rung ba'i sa nas shing 'khrungs la mi rung ba'i sar 'bras bu dag lhags na yongs su longs spyad par bgyi'am/ yongs su longs spyad par mi bgyi/ nye ba 'khor gal te zhag tu ma lon na yongs su longs spyad par bya'o/ /btsun pa re zhig 
rung ba'i sa nas shing 'khrungs la rung ba'i sar 'bras bu dag lhags na yongs su longs spyad par bgyi 'am/ yongs su longs spyad par mi bgyi/ nye ba 'khor yongs su longs spyad par bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi 
kun dga' ra ba na bzhugs so/ /mnyan yod na bram ze zhig gnas pa des slong mo btab pas glang zhig rnyed do/ /de'i 'og tu ba zhig rnyed do/ /de'i 'og tu yang glang zhig rnyed do/ /de'i 'og tu yang ba zhig rnyed de de'i ba lang khyu longs par gyur to/ /bram ze des thog mar rnyed pa'i glang la bkra shis kyi 
blo byung nas/ glang de yan du btang ngo / /dus gzhan zhig na de rgas 'khogs nyam chung bar gyur te/ de chu 'dod nas chu bo dregs ldan gyi 'gram du song ba las 'dam du song ngo / /tshe dang ldan pa shA ri'i bu yang lam der song ba las/ des de mthong nas bsams pa/ glang 'di la dge ba'i rtsa ba lta 

</font><hr>10-1-56b<br><font size=+1>
cung zad yod dam snyam pa dang / yod par mthong ngo / /su la rag las snyam pa dang / bdag kho na la ste/ des 'dam nas phyung nas lag pas phyis so/ /de nas bzhin bzangs 'di ltar 'du byed thams cad ni mi rtag pa'o/ /chos thams cad ni bdag med pa'o/ /mya ngan las 'das pa ni zhi 
ba'o zhes chos tshig gsum bshad de nga la dad par yang gyis shig dang / de lta na byol song gi skye gnas las 'dod chags dang bral bar 'gyur ro zhes smras nas song ngo / /de yang wa dag gis zos pa dang / de wa dag gis za ba'i tshe bsams pa/ gal te 'phags pa de 'dir ma phyin na bdag 'di 
'dra ba'i gnas skabs su mi 'gyur ro snyam nas/ de tshe dang ldan pa shA ri'i bu la sems mngon par dang bar byas nas dus las 'das te/ mnyan yod na bram ze las drug la brtson pa'i rigs zhig tu skyes so/ /tshe dang ldan pa shA ri'i bus glang de'i gnas skabs de ji lta bu zhig yin bsams pa 
dang / ji tsam na dus las 'das par mthong ngo / /yang gar skyes bsams pa dang / mnyan yod nyid du bram ze las drug la brtson pa'i rigs su skyes par mthong nas de khyim der yang dang yang du song zhing des bram ze de chung ma dang bcas te skyabs su 'gro ba dang / bslab pa'i gzhi dag la 
bkod do/ /de dus gzhan zhig na phyi bzhin 'brang ba'i dge tshul med par song ba dang / bram ze des smras pa/ 'phags pa ci phyi bzhin 'brang ba'i dge tshul mi mnga' 'am/ des smras pa/ bzhin bzangs ci kho bo'i phyi bzhin 'brang ba'i dge tshul dag rtswa ku sha las bzung ba 'am/ rtswa ku sha 
la bzung bas 'byung ngam/ khyod lta bu las rnyed pa gang yin pa de kho bo'i phyi bzhin 'brang ba'i dge tshul du 'gyur mod/ 'phags pa bdag gi mchis 'brang 'di la sems can zhugs te gal te khye'ur btsas na de khyod kyi phyi bzhin 'brang ba'i dge tshul bgyi'o/ /bzhin bzangs nad med cig blangs so zhes 
smras nas song ngo / /de zla ba brgyad dam dgu 'das nas bu ba lang gi sha tshugs lta bu zhig btsas pa dang / de'i nye du rnams lhags te 'dus nas zhag bdun gsum nyi shu gcig tu btsas pa'i btsas ston rgya cher byas nas ming 'dogs par byed de/ khye'u'i ming cir gdags/ nye du rnams kyis 

</font><hr>10-1-57a<br><font size=+1>
smras pa/ gang gi phyir khye'u 'di sha tshugs ba lang dang 'dra ba'i de'i phyir khye'u'i ming ba lang bdag tu gdags so zhes ming ba lang bdag ces bya bar btags so/ /de bskyed bsrings nas chen por gyur pa dang / de nas tshe dang ldan pa shA ri'i bu snga dro sham thabs dang chos gos bgos 
lhung bzed thogs te/ mnyan yod du bsod snyoms kyi phyir zhugs so/ /mnyan yod du bsod snyoms la rgyu ba na des bram ze de'i khyim du phyin pa dang / bram ze des byon pa legs so zhes bya ba'i smra ba kun du spyad nas rkang pa la phyag byas so/ /chung mas kyang de la bza' ba dang bca' ba gtsang 
zhing bsod pas lhung bzed bkang ste phul lo/ /khye'u de tshe dang ldan pa shA ri'i bu'i gdong du lta nas des bram ze la brda byas pa dang / des khye'u de la smras pa/ bu khyod ngas ma btsas pa nas 'phags pa shA ri'i bu'i phyi bzhin 'brang ba'i dge tshul du phul gyis 'phags pa dang lhan cig song shig /sems 
can de srid pa tha ma pa zhig ste/ de'i phyi bzhin song ba dang / des de rab tu phyung bsnyen par rdzogs par byas te/ gdams ngag byin no/ /des 'bad brtsal bsgrims pas 'khor ba'i 'khor lo g.yo ba dang / mi g.yo ba cha lnga pa 'di nyid rtogs nas 'du byed kyi rnam pa thams cad chos nyid kyis 
'jig pa ltung ba/ 'gyes pa/ rnam par 'jig pa'i chos can du bsgoms te nyon mongs pa thams cad spangs nas dgra bcom pa nyid mngon sum du byas te/ khams gsum gyi 'dod chags dang bral ba/ sems gser dang bong bar mtshungs pa/ tsan dan dang ste'ur 'dra ba/ nam mkha' 
dang lag mthil du mnyam pa/ ma rig pa'i sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa dang rnyed pa la chags pa dang bkur sti la rgyab kyis phyogs pa/ dbang po dang nye dbang du bcas pa'i lha rnams kyis mchod pa dang / phyag 
bya ba dang / gus par smra bar bya ba'i dgra bcom par gyur to/ /de la las las skyes pa'i mid pa gnyis yod de/ gcig nas ni skyugs pa 'byin to/ /cig shos nas ni mid do/ /gang gi tshe bcom ldan 'das kyis dus ma yin pa'i zas kyi bslab pa ma bcas pa de'i tshe ni bskyugs shing 

</font><hr>10-1-57b<br><font size=+1>
mid do/ /gang gi tshe bcas pa de'i tshe ni bskyugs shing 'dor bas de lus rke/ nyam chung / shig shig po/ rod nyams par gyur to/ /sangs rgyas bcom ldan 'das rnams ni mkhyen bzhin du rmed pa yin pas sangs rgyas bcom ldan 'das kyis tshe dang ldan pa kun dga' bo la rmas pa/ kun 
dga' bo ba lang bdag ci'i phyir lus rke/ nyam chung / shig shig po/ rod nyams par gyur/ des ji ltar gyur pa gsol pa dang / bcom ldan 'das kyis bka' stsal pa/ kun dga' bo gang la las kyi rnam par smin pa las skyes pa'i mid pa gnyis grub pa des skyugs pa lan gnyis 
sam/ gsum bor te kha bkrus nas lhag ma mid par bya ste/ 'di la 'gyod par mi bya'o/ /dge slong rnams zas zos nas bskyugs te de dag 'gyod par gyur pa dang / bcom ldan 'das kyis bka' stsal pa/ gal te dge slong gzhan zhig zan zos te skyugs na des kha bkru bar bya ste/ 'di 
la 'gyod par mi bya'o/ /gang gi tshe tshe dang ldan pa ba lang bdag rab tu byung ba de'i tshe bram ze dang khyim bdag rnams 'phya smod/ kha zer zhing dge sbyong shAkya'i bu'i dge sbyong rnams kyi dge sbyong gi tshul nyams shing tshangs pa'i tshul nyams te/ da ni ba lang bdag la sogs pa 'jigs 'jigs lta 
rnams kyang rab tu 'byin to zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ nyan thos chen po ri rab dang 'dra ba la skye bo'i tshogs phal po che ma dad par byed kyis/ de lta bas na ba lang bdag yul dbus su gnas su mi 
gzhug go snyam nas/ tshe dang ldan pa ba lang bdag la bka' stsal pa/ ba lang bdag khyod deng phyin chad yul dbus na ma gnas par mtha' 'khob kyi gnas mal dag sten cig /btsun pa de ltar 'tshal lo zhes tshe dang ldan pa ba lang bdag gis bcom ldan 'das kyi ltar mnyan nas mnyan 
yod nas mi snang bar gyur te/ shing shir sha ka'i gzhal med khang stong par 'dug go/ /de nas bcom ldan 'das kyis dge slong rnams la bka' stsal pa/ dge slong dag nga'i nyan thos kyi dge slong bas mtha'i gnas mal la dad pa rnams kyi nang na mchog ni 'di lta ste/ dge slong ba lang 

</font><hr>10-1-58a<br><font size=+1>
bdag 'di yin no/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa ba lang bdag gis las ci zhig bgyis na las de'i rnam par smin pas sha tshugs ba lang lta bur gyur lags/ bcom ldan 
'das kyis bka' stsal pa/ dge slong dag ba lang bdag nyid kyis las rnams byas shing bsags pa/ tshogs rnyed pa/ rkyen yongs su bsgyur ba/ chu bo bzhin nye bar gnas pa nges par myong bar 'gyur ba yin te/ ba lang bdag nyid kyis byas pa'i las rnams gzhan su zhig gis myong bar 
'gyur/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams la ma yin/ me'i khams la ma yin/ rlung gi khams la ma yin gyi/ 'on kyang las dge ba dang / mi dge ba byas shing bsags pa rnams ni zin pa'i phung po dang / skye 
mched dang / khams dag kho na la rnam par smin par 'gyur ro/ /bskal pa brgya phrag rnams su yang / /las rnams chud zar mi 'gyur te/ /tshogs shing dus la bab pa na/ /lus can rnams la 'bras bur smin/ /dge slong dag sngon byung ba bskal pa bzang po 'di nyid la skye dgu'i tshe lo nyi khri 
thub pa na yang dag par rdzogs pa'i sangs rgyas 'od srung zhes bya ba/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ste de'i 
bstan pa la 'di rab tu byung bar gyur to/ /dge slong gang gis rab tu byung ba de rgas 'khogs nyam chung ba zhig ste/ des de'i lhung bzed 'khru ba na dge slong gzhan zhig dang lhan cig kha ton zer ba las ring zhig thogs nas de'i mkhan po des rang dgar zan zos pa dang / de kha ton la chags pas mkhan 
po de las 'phyas so/ /ji tsam dus gzhan zhig na zan zos nas bdag nyid kyi lhung bzed bkrus te mkhan po'i drung du song ba dang / da dung zan za ba mthong nas de kun nas dkris pas smras pa/ mkhan po ci khyod glang rgan bzhin du ldad cing bzhugs sam/ des bsams pa/ 'di kun nas 

</font><hr>10-1-58b<br><font size=+1>
dkris pas gal te cung zad cig smras na/ je thu bar 'khrug pa skyed par 'gyur gyis gang gi tshe 'di kun nas dkris pa dang bral ba de'i tshe dri bar bya'o snyam nas/ des de kun nas dkris pa dang bral ba dang smras pa/ tshe dang ldan pa ci zer/ des smras pa/ khyod glang rgan bzhin ldad dam zhes de skad 
mchi mod/ des smras pa/ tshe dang ldan pa khyod kyis nga su yin shes sam/ 'tshal te khyod kyang yang dag par rdzogs pa'i sangs rgyas 'od srung gi gsung rab la rab tu byung ba lags la/ bdag kyang de kho na'i gsung rab la rab tu byung ba lags so/ /des smras pa/ de ni de lta 
yin te bden na 'on kyang rab tu byung bas bya ba 'am byed pa gang yin pa de ngas byas te/ de lta bas na nga ni 'ching ba thams cad las grol ba yin/ khyod ni 'ching ba mtha' dag gis bcings pa yin na khyod kyis ngag gi las rtsub mo smras kyis/ khyod kyis las de ci nas kyang bsrabs pa 
nyid dang / yongs su zad pa nyid dang / yongs su gtugs par 'gyur bar nyes pa la nyes par shogs shig /des nyes pa la nyes par bshags so/ /gang 'dis dge slong dgra bcom pa la glang rgan zhes bya ba'i smra ba kun du spyod pa kun du spyad pa'i las de'i rnam par smin pas 
tshe rabs lnga brgyar ba lang gi skye gnas su skyes so/ /las kyi lhag ma de nyid kyis da ltar sha tshugs ba lang lta bur skyes so/ /yang dge slong rnams kyis sangs rgyas bcom ldan 'das la zhus pa/ btsun pa tshe dang ldan pa ba lang bdag gis las ci zhig bgyis na las de'i rnam par 
smin pas/ bcom ldan 'das kyis bas mtha'i gnas mal la dad pa rnams kyi nang na mchog tu lung bstan lags/ bcom ldan 'das kyis bka' stsal pa/ smon lam gyi dbang gis so/ /gang du smon lam btab lags/ 'di yang dag par rdzogs pa'i sangs rgyas 'od srung de kho na'i 
gsung rab la rab tu byung bar gyur te/ der 'dis tshe gcig tu tshangs par spyod pa spyad na yon tan gyi tshogs 'ga' yang thob par ma gyur to/ /gang gi thad du rab tu byung ba de ni bcom ldan 'das 'od srung gis bas mtha'i gnas mal la dad pa rnams kyi nang na mchog tu lung bstan to/ /de na 

</font><hr>10-1-59a<br><font size=+1>
'dis smon lam btab pa/ 'di ltar bdag gis bcom ldan 'das yang dag par rdzogs pa'i sangs rgyas yon gnas bla na med pa 'od srung gi thad du tshe gcig tu tshangs par spyod pa spyad kyang yon tan gyi tshogs 'ga' yang thob par ma gyur gyis/ dge ba'i rtsa ba 'dis bdag bcom 
ldan 'das yang dag par rdzogs pa'i sangs rgyas 'od srung gis bram ze'i khye'u bla ma la/ bram ze'i khye'u khyod skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa gang yin pa de'i gsung rab 
la bdag rab tu byung nas nyon mongs pa thams cad spangs te/ dgra bcom pa nyid mngon sum du byed par 'gyur zhing / ji ltar bdag gis mkhan po bcom ldan 'das yang dag par rdzogs pa'i sangs rgyas 'od srung gis bas mtha'i gnas mal la dad pa rnams kyi nang na mchog tu bstan pa de bzhin 
du bdag kyang shAkya'i rgyal po shAkya thub pa des bas mtha'i gnas mal la dad pa rnams kyi nang na mchog tu ston par gyur cig /smon lam de'i dbang gis da ltar de bzhin gshegs pas bas mtha'i gnas mal la dad pa rnams kyi nang na mchog tu bstan to/ /dge slong dag de ltar na las gcig 
tu gnag pa rnams kyi rnam par smin pa ni gcig tu gnag la/ gcig tu dkar ba rnams kyi ni gcig tu dkar/ 'dren ma rnams kyi ni 'dren ma yin no/ /dge slong dag de lta bas na las gcig tu gnag pa dang 'dren ma rnams spangs nas las gcig tu dkar ba dag la brtsal bar bya ste/ 
dge slong dag gis de lta bu la bslab par bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /drug sde rnams 'di byin cig /'di las byin cig ces 'dam zhing 'dam zhing zas za ba dang 'drim pa 'khrugs par 
gyur nas skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis bdams shing zas bza' bar mi bya ste/ za na 'gal tshabs can du 'gyur ro/ /sangs rgyas bcom ldan 'das mnyan yod na rgyal bu rgyal byed kyi tshal mgon 

</font><hr>10-1-59b<br><font size=+1>
med zas sbyin gyi kun dga' ra ba na bzhugs so/ /dge slong rnams zas za ba na lhung bzed bzed pa las de lhung bzed kyi gzhi'i steng du lhung lhung bzed kyi gzhi bzed pa las lhung bzed du lhung nas de rnams 'gyod de mi za ba'i skabs de dge slong rnams kyis bcom ldan 'das la gsol pa dang / 
bcom ldan 'das kyis bka' stsal pa/ dge slong dag lhung bzed bzed pa las lhung bzed kyi gzhi'i steng du lhung na byin len byas pa zhes bya/ lhung bzed kyi gzhi bzed pa las lhung bzed kyi nang du lhung na byin len byas pa zhes bya/ lhung bzed bzed pa las lhung bzed kyi nang du lhung na byin 
len byas pa zhes bya/ lhung bzed kyi gzhi bzed pa las lhung bzed kyi gzhi'i nang du lhung na byin len byas pa zhes bya ste/ 'on kyang byin len gyi sems ni nye bar gzhag par bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra 
ba na bzhugs so/ /tshe dang ldan pa nye dga' bo khar ba'i mgar ba'i drung du song nas des smras pa/ bzhin bzangs khar ba'i lhung bzed cig bya na nus sam/ des smras pa/ 'phags pa 'di nyid bdag gi bzo lags kyis tshad ji tsam zhig bgyi/ chen por bya'o/ /'phags pa khyod 
la khar ba'i lhung bzed chen po ci 'tshal/ bkren pa khyod ci rin med par byed du 'jug snyam mam/ rin thang sbyin gyis byos shig /des bsams pa/ 'di la bdag gi khar ba ci zhig 'god bya'o snyam nas des de'i khar ba'i lhung bzed chen po zhig byas so/ /des smras pa/ gang 
'di'i nang du chud pa gzhan zhig kyang gyis shig /des gzhan yang byas so/ /de bzhin du gzhan gang yin pa bdun pa'i bar du byas nas de rnams tshe dang ldan pa nye dga' bos dge tshul 'khrur bcug ste/ tshon sna lnga pa'i skud pa las dra ba byed du bcug nas de rnams der bcug ste/ 
go rims bshams nas dge tshul gyi mgo la bskur te gang du mgron du bos pa der 'gro'o/ /son nas de dag bkram ste 'dug pa dang / khyim bdag dang bram ze rnams kyis smras pa/ 'phags pa ci khyod kyis khar ba'i mgar ba'i zong bkram mam/ des smras pa/ bkren pa 

</font><hr>10-1-60a<br><font size=+1>
khyed ci shes/ 'dir ni re zhig phye dag blang ngo / /'dir ni snum khur dag go/ /'dir ni 'bras chan dag go/ /gzhan rnams su ni tshod ma dag blang ngo / /de rnams kyis smras pa/ 'phags pa gal te de lta na ko res 'ga' tshod ma mang po dag 'byung bas gzhan dag dang 
gzhan dag kyang nye bar gzhag dgos so zhes byas pa dang / de cang mi smra bar 'dug go/ /skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni dge slong rnams khar ba'i lhung bzed 'chang ba las gyur 
gyis de lta bas na dge slong gis khar ba'i lhung bzed bcang bar mi bya'o/ /'chang na 'gal tshabs can du 'gyur ro/ /kha gzar dang / tshwa khug dang / phul ba'i btung phor ni ma gtogs so// //sdom ni/ rkang pa bkru ba bkag pa dang / /shol zangs dag ni gnang ba dang / /de bzhin bsil 
yab nyid dang ni/ /sbrang ma rnams la g.yab pa'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong rnams bab bab tu rkang pa 'khru ba der sbrang bu dag gis gang bar 'dug go/ /ji tsam na bram ze dang 
khyim bdag gtsug lag khang ltar 'ongs pa de dag gis mthong nas smras pa/ 'phags pa sbrang bu za zi mchi bas gang ba'i phyogs 'di ci zhig /dge slong rnams kyis smras pa/ bdag cag gis 'dir rkang pa bkrus so/ /de dag 'phya ste/ shAkya'i bu'i dge sbyong rnams ni gtsang 
sbra med de bab bab tu rkang pa 'khru'o zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ rkang pa bab bab tu bkru bar mi bya'i/ 'on kyang gnas khang gi steng shar lho'i mtshams su rkang pa bkru ba'i gnas bya'o/ /bcom ldan 
'das kyis rkang pa bkru ba'i gnas bya'o zhes bka' stsal pa dang / dge slong rnams kyis ji lta bu bya ba mi shes nas/ bcom ldan 'das kyis bka' stsal pa/ ru sbal lta bur bya'o/ /rab tu 'jam par byed pa dang / bcom ldan 'das kyis bka' stsal pa/ rtsub por bya'o/ /dge slong rgas 

</font><hr>10-1-60b<br><font size=+1>
pa 'khogs pa nyam chung ba de dag phyogs der 'gro mi nus pa dang / bcom ldan 'das kyis bka' stsal pa/ de dag gi gyo mo nye bar gzhag par bya'o/ /dge slong rnams gyo mor 'khru ba na de chag nas ji ma rung bar gyur pa dang / bcom ldan 'das kyis bka' stsal pa/ shol zangs nye bar gzhag 
par bya'o/ /bcom ldan 'das kyis shol zangs nye bar gzhag par bya'o zhes bka' stsal pa dang / drug sde rnams kyis gser dang / dngul dang / bai DUr+ya dang / shel las byas pa'i shol zangs dag nye bar bzhag go/ /bram ze dang khyim bdag rnams kyis mthong nas smras pa/ 'phags pa 'di ci zhig /
de rnams kyis smras pa/ bzhin bzangs dag bcom ldan 'das kyis shol zangs gnang ngo / /'phags pa ci dge sbyong khyed 'dod pa'i yon tan dag gis gnod dam/ de dag gis smras pa/ khyed kyi mgrin par rdog pas mnan to/ /de dag 'phya ba'i skabs de dge slong rnams kyis bcom ldan 'das la gsol 
pa dang / bcom ldan 'das kyis bka' stsal pa/ gser dang / dngul dang / shel dang / be+e DUr+ya las byas pa'i shol zangs dag nye bar gzhag par mi bya ste/ 'on kyang 'jim pa las byas pa'i shol zangs nye bar gzhag par bya'o/ /rnga mo lta bu nye bar gzhag pa dang / de ldeg nas bcom ldan 
'das kyis bka' stsal pa/ glang po che'i rkang pa lta bur bya zhing de'i dbus su 'bur ka dam pa'i me tog lta bur bya'o/ /shin tu 'jam por byas pa dang / bcom ldan 'das kyis bka' stsal pa/ rtsub por bya'o/ /dge slong rnams shol zangs bab bab tu 'jog nas/ bcom ldan 'das 
kyis bka' stsal pa/ dge 'dun gyi ni khang tog tu khas phub la zhog cig /gang zag dag gi ni gnas khang gi sgo lkog tu zhog cig /sangs rgyas bcom ldan 'das yul ko+o shAm+bI na sgra len gyi kun dga' ra ba na bzhugs so/ /dpyid kyi dus la bab nas dge slong rnams tsha bas rmya ste/ de dag 
lus skya bo bseng bseng por gyur cing rke/ nyam chung / shig shig po/ rod nyams par gyur pa khyim bdag dang / bram ze rnams kyis mthong nas smras pa/ 'phags pa khyed ci'i slad du lus skya bo bseng bseng por gyur cing rke/ nyam chung shig shig po/ rod nyams par gyur/ de dag gis 

</font><hr>10-1-61a<br><font size=+1>
ji ltar gyur pa bsnyad pa dang / de rnams kyis smras pa/ 'phags pa dag khyed bsil yab mi 'chang ngam/ bzhin bzangs dag bcom ldan 'das kyis ma gnang ngo / /'phags pa dag khyed kyi ston pa ni thugs rje can yin pas gnang bar 'gyur ro/ /skabs de dge slong rnams 
kyis bcom ldan 'das la gsol pa dang / bcom ldan 'das kyis bka' stsal pa/ de lta bas na gnang gis bsil yab bcang bar bya'o/ /bcom ldan 'das kyis bsil yab bcang bar bya'o zhes bka' stsal pa dang / drug sde rnams kyis yu ba gser dang / dngul dang / shel dang / 
bai DUr+ya las byas pa bsrubs pa/ bkra ba dang / nye bar bkra ba'i yu ba can gyi bsil yab dag bcangs pa dang / bram ze dang / khyim bdag rnams kyis zhes bya ba nas/ khyed kyi mgrin pa rdog pas mnan to zhes bya ba'i bar snga ma bzhin no/ /de dag 'phya ba'i skabs de dge slong rnams kyis bcom 
ldan 'das la gsol pa dang / bcom ldan 'das kyis bka' stsal pa/ yu ba gser dang / dngul dang / bai DUr+ya dang / shel las byas pa bsrubs pa bkra ba dang / nye bar bkra ba'i yu ba can gyi bsil yab dag nye bar gzhag par mi bya'i/ 'on kyang bsil yab gnyis po rtswa ba ru ta 
las byas pa dang / shing ta la'i 'dab ma bcang bar bya'o/ /bram ze dang khyim bdag dad pa can dag dge slong rnams la bsil yab rnam pa sna tshogs 'bul ba na zhes bya ba'i bar snga ma bzhin te/ bcom ldan 'das kyis bka' stsal pa/ de lta bas na gnang gis dge 'dun gyi phyir bcang bar 
bya'o/ /sangs rgyas bcom ldan 'das yangs pa can na spre'u rdzing gi 'gram khang pa brtsegs pa na bzhugs so/ /dge slong rnams la sbrang ma dag za ste/ de dag gi lus sbrang mas zos pas 'brum bus gang ste/ de dag gis yang dang yang du phrugs pa dang / bram ze dang khyim bdag rnams kyis 
smras pa/ 'phags pa dag khyed ci'i phyir lus 'di ltar 'brum bus gang / de dag gis ji ltar gyur pa bsnyad pa dang / de rnams kyis smras pa/ 'phags pa dag khyed sbrang yab mi 'chang ngam/ bzhin bzangs dag bcom ldan 'das kyis ma gnang ngo / /'phags pa dag khyed kyi ston pa ni thugs 

</font><hr>10-1-61b<br><font size=+1>
rje can yin pas gnang bar 'gyur ro/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na gnang gis sbrang yab bcang bar bya'o/ /bcom ldan 'das kyis sbrang yab bcang bar bya'o zhes bka' stsal pa dang / drug 
sde rnams kyis yu ba gser dang / dngul dang / bai DUr+ya dang / shel las byas pa dang / rnga ma las byas pa'i sbrang yab dag nye bar gzhag pa dang / bram ze dang / khyim bdag rnams zhes bya ba'i bar snga ma bzhin no/ /sbrang yab ni lnga ste/ bal las byas pa dang / sha na las byas pa 
dang / ras bal las byas pa dang / ras ma dang / lo ma sbams pa'o// //sdom ni/ gos mdud pa dang lus dang ni/ /khar ba dra ba 'chang ba dang / /sgog skya dag ni bkag pa dang / /nad pa la ni gnang ba'o/ /sangs rgyas bcom ldan 'das mnyan yod na rgyal bu rgyal byed kyi tshal 
mgon med zas sbyin gyi kun dga' ra ba na bzhugs so/ /bcom ldan 'das kyis stongs mo bya'o zhes bka' stsal pa dang / de na dge slong gcig skas la 'dzeg pa na 'og na shing mkhan zhig 'dug pa des de mdoms dang ba mthong nas smras pa/ 'phags pa khyod skyes pa'i dbang po dang ldan 
pas bdag gis pho lags par gdod 'tshal lo/ /de gnong nas cang mi smra bar 'dug pa'i skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa nyes dmigs gang cung zad byung ba ni dge slong rnams gos mdud pa ma bor ba nyid du skas la 'dzeg pa las 
gyur gyis de'i phyir dge slong mkhar len byed pa gos mdud pa bor nas mkhar len byed du gzhug go snyam du dgongs nas/ dge slong rnams la bka' stsal pa/ dge slong dag de lta bas na dge slong stongs mo byed pas gos mdud pa bor nas mkhar len bya'o/ /bcom ldan 'das kyis dge slong gis 
gos mdud pa bor nas mkhar len bya'o zhes bka' stsal pa dang / dge slong rnams gos mdud pa bor nas mkhar len byed pa na ma dad pa rnams 'phya ste/ 'phags pa ci stobs 'gyed dam/ de dag gis smras pa/ bzhin bzangs dag mkhar len byed do/ /de dag cang mi smra bar 'dug pa'i 

</font><hr>10-1-62a<br><font size=+1>
skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gang dag skas la 'dzeg pa de dag gis mdud pa bor bar bya'i gzhan dag gis ni ma yin no/ /sangs rgyas bcom ldan 'das mnyan yod na rgyal bu rgyal byed kyi tshal 
mgon med zas sbyin gyi kun dga' ra ba na bzhugs so/ /drug sde rnams lus kyis khur khyer ba dang / bram ze dang / khyim bdag rnams 'phya ste/ 'phags pa bdag cag ni re zhig pha ma dang bu dang chung ma'i slad du khur thogs na khyed su'i slad du lus kyis khur bsnams/ de dag gis smras 
pa/ bzhin bzangs dag bdag cag la yang ston pa mchod pa dang / dge 'dun bshos gsol ba dang / nad pa rnams kyi rim gro dang / bya ba mang po yod do/ /de dag cang mi smra bar 'dug go/ /skabs de dge slong rnams kyis bcom ldan 'das la gsol pa dang / bcom ldan 'das kyis 
bka' stsal pa/ de lta bas na dge slong gis lus kyis khur bkur bar mi bya'o/ /khyer na 'gal tshabs can du 'gyur ro/ /sangs rgyas bcom ldan 'das rgyal po'i khab na bya rgod kyi phung po'i ri la bzhugs so/ /dge slong rnams bya rgod kyi phung po'i ri la 'dzeg cing 'bab pa na de dag gred cing rdeg 
'chos te snad par gyur to/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa dang / de lta bas na dge slong rnams kyi khar ba bcang bar bya'o/ /bcom ldan 'das kyis dge slong rnams kyis khar ba bcang bar bya'o zhes bka' stsal pa 
dang / drug sde rnams kyis gser dang / dngul dang / bai DUr+ya dang / shel las byas pa'i khar ba bsrubs pa/ bkra ba nye bar bkra ba dag bcangs pa/ bram ze dang khyim bdag rnams kyis mthong nas 'phya ba'i skabs de dge slong rnams kyis bcom ldan 'das la gsol pa dang / bcom ldan 
'das kyis bka' stsal pa/ dge slong dag de lta bas na gnyis kyis khar ba bcang bar bya ste/ rgan po rgas te nyam chung ba dang / nad pa sbyor mi nus pas so/ /bcom ldan 'das kyis gnyis kyis khar ba bcang bar bya ste/ rgan po rgas te nyam chung ba dang / nad pa sbyor mi bzod pas so zhes bka' stsal pa 

</font><hr>10-1-62b<br><font size=+1>
dang / rgan por gtogs pa dang / nad par gtogs pa rnams kyang khar ba 'chang ba la zhugs pa dang / bcom ldan 'das kyis bka' stsal pa/ rgan po dang nad pas dge 'dun la khar ba'i sdom pa gsol bar bya zhing / gang la dge 'dun gyis khar ba'i sdom pa byin pa des khar ba bcang bar 
bya'o/ /gsol ba ni 'di ltar bya ste/ gnas mal bshams la gaN+DI brdungs te dris pa'i tshig gis dge slong rnams la bsgo nas dge 'dun thams cad 'dus shing 'khod pa dang / dge slong rgan po rgas te nyam chung ba'am/ nad pa sbyor mi bzod pas rgan pa'i mthar tsog tsog por 'dug la thal mo 
sbyar te 'di skad ces smra bar bya'o/ /dge 'dun btsun pa rnams gsan du gsol/ bdag dge slong rgan po rgas te nyam chung ba'am nad pa sbyor mi bzod pa ming 'di zhes bgyi ba dge 'dun las khar ba'i sdom pa gsol na/ dge 'dun thugs brtse ba can btsun pa rnams kyis thugs brtse ba nye bar 
bzung ste/ bdag dge slong rgan po rgas te nyam chung ba'am/ nad pa sbyor mi bzod pa ming 'di zhes bgyi ba la khar ba'i sdom pa stsal du gsol/ de bzhin du lan gnyis lan gsum gyi bar du'o/ /de'i 'og tu dge slong gcig gis gsol ba byas nas las bya ste/ dge 'dun btsun 
pa rnams gsan du gsol/ dge slong rgan po rgas te nyam chung ba'am/ nad pa sbyor mi bzod pa ming 'di zhes bgyi ba 'di dge 'dun las khar ba'i sdom pa gsol te/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis 
dge slong rgan po rgas te nyam chung ba'am/ nad pa sbyor mi bzod pa ming 'di zhes bgyi ba la khar ba'i sdom pa stsal to/ /'di ni gsol pa'o/ /las ni 'di ltar bya ste/ dge 'dun btsun pa rnams gsan du gsol/ dge slong rgan po rgas te nyam chung ba'am/ nad pa sbyor mi bzod 
pa ming 'di zhes bgyi ba dge 'dun las khar ba'i sdom pa gsol te/ de'i slad du dge slong rgan po rgas te nyam chung ba'am/ nad pa sbyor mi bzod pa ming 'di zhes bgyi ba la khar ba'i sdom pa stsol na/ tshe dang ldan pa gang dag dge slong rgan po rgas te nyam chung ba'am/ nad pa sbyor mi bzod pa 

</font><hr>10-1-63a<br><font size=+1>
ming 'di zhes bgyi ba la khar ba'i sdom pa stsal bar bzod pa de dag ni cang ma gsung shig /gang dag mi bzod pa de dag ni gsung shig /dge 'dun gyis bzod cing gnang nas dge 'dun gyis dge slong rgan po rgas te nyam chung ba'am/ nad pa sbyor mi bzod pa ming 'di zhes bgyi ba la khar 
ba'i sdom pa stsal lags te 'di ltar cang mi gsung bas de de bzhin du 'dzin to/ /gang la dge 'dun gyis khar ba'i sdom pa byin pa des khar ba bcang bar bya ste/ 'di la 'gyod par mi bya'o// //'dul ba phran tshegs kyi gzhi/bam po drug pa/ sangs rgyas bcom ldan 'das 
rgyal po'i khab na bya rgod kyi phung po'i ri la bzhugs so/ /dge slong gnas brtan gnas brtan rnams dang / rlung nad can rnams bya rgod phung po'i ri la 'dzeg pa dang / 'bab pa na gred cid rdeg 'chos nas snad par yang gyur/ bya ma bum dang / ril ba spyi blugs dag kyang chag go/ /skabs de dge 
slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong rnams kyis dra ba bcang bar bya'o/ /bcom ldan 'das kyis dge slong rnams kyis dra ba bcang bar bya'o zhes bka' stsal pa dang / drug sde rnams kyis tshon sna lnga pa'i skud pa las byas 
pa'i dra ba bcangs pa dang / bram ze dang khyim bdag rnams kyis mthong nas 'phya bar byed do/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ tshon sna lnga pa'i skud pa las byas pa'i dra ba bcang bar mi bya'i 'on kyang tshon sna gcig pa las byas 
pa'o/ /bcom ldan 'das kyis tshon sna gcig las byas pa'i dra ba bcang bar bya'o zhes bka' stsal pa dang / rgas pas nyam chung bar gtogs pa rnams dang / rlung nad can du gtogs pa rnams kyang dra ba 'chang ba la zhugs nas/ bcom ldan 'das kyis bka' stsal pa/ rgan po dang rlung nad can gyis 
kyang dge 'dun las dra ba'i sdom pa gsol bar bya zhing / gang la dge 'dun gyis dra ba'i sdom pa byin pa des dra ba bcang bar bya'o/ /gsol ba ni 'di ltar bya ste/ gnas mal bshams la gaN+DI brdungs te dris pa'i tshig gis dge slong rnams la bsgo nas dge 'dun thams cad 'dus te 'dug pa dang / dge slong 

</font><hr>10-1-63b<br><font size=+1>
rgan po rgas te nyam chung ba'am/ rlung nad can gyis rgan pa'i mthar tsog tsog por 'dug ste/ thal mo sbyar nas tshig 'di skad ces brjod par bya'o/ /dge 'dun btsun pa rnams gsan du gsol/ bdag dge slong rgan po rgas te nyam chung ba'am/ rlung nad can ming 'di zhes bgyi ba dge 'dun las dra ba'i 
sdom pa gsol na/ dge 'dun btsun pa thugs brtse ba can rnams kyis thugs brtse ba nye bar bzung ste/ bdag dge slong rgan po rgas te nyam chung ba'am/ rlung nad can ming 'di zhes bgyi ba la dra ba'i sdom pa stsal du gsol/ de bzhin du lan gnyis lan gsum gyi bar du'o/ /de'i 'og tu dge 
slong gcig gis gsol ba byas nas las bya ste/ dge 'dun btsun pa rnams gsan du gsol/ dge slong rgan po rgas te nyam chung ba'am/ rlung nad can ming 'di zhes bgyi ba 'di dge 'dun las dra ba'i sdom pa gsol na/ gal te dge 'dun gyi dus la bab cing bzod na dge 'dun gyis gnang 
bar mdzod cig dang / dge 'dun gyis dge slong rgan po rgas te nyam chung ba'am/ rlung nad can ming 'di zhes bgyi ba la dra ba'i sdom pa gsol to/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ dge slong rgan po rgas te nyam chung ba'am/ rlung 
nad can ming 'di zhes bgyi ba dge 'dun las dra ba'i sdom pa gsol te/ de'i slad du dge 'dun gyis dge slong rgan po rgas te nyam chung ba'am/ rlung nad can ming 'di zhes bgyi ba la dra ba'i sdom pa stsol na/ tshe dang ldan pa gang dag dge slong rgan po rgas te nyam chung ba'am/ rlung nad can ming 
'di zhes bgyi ba la dra ba'i sdom pa stsal bar bzod pa de dag ni cang ma gsung shig /gang dag mi bzod pa de dag ni gsung shig /dge 'dun gyis bzod cing gnang nas dge 'dun gyis dge slong rgan po rgas te nyam chung ba'am/ rlung nad can ming 'di zhes bgyi ba la dra ba'i sdom pa stsal lags 
te/ 'di ltar cang mi gsung bas de de bzhin du 'dzin to/ /gang la dge 'dun gyis dra ba'i sdom pa byin par gyur pa des dra ba bcang bar bya ste/ 'di la 'gyod par mi bya'o/ /dge slong gzhan dag cig la khar ba yang dgos/ dra ba yang dgos nas de dag la dge slong rnams kyis 

</font><hr>10-1-64a<br><font size=+1>
khar ba dang / dra ba'i sdom pa so sor byin pa dang / bcom ldan 'das kyis bka' stsal pa/ khar ba dang dra ba'i sdom pa cig car snga ma bzhin sbyin par bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs 
so/ /mnyan yod na dge slong zhig 'dug pa des sgog skya zos nas/ de bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal nas phyogs gcig tu 'dug go/ /bcom ldan 'das kyis dge slong de la bka' stsal pa/ dge slong dge slong 
khyod la chos bstan gyis rna ba gtod la 'dug cig /des bcom ldan 'das kyi zhabs la mgo bos phyag 'tshal nas phyogs gcig tu 'dug go/ /bcom ldan 'das kyis de la chos bstan par brtsams te/ ji lta ji ltar bcom ldan 'das kyis de la chos bstan pa de lta de ltar dge slong 
de bcom ldan 'das la dris gnod par gyur na mi rung ngo snyam nas kha logs shig tu lta'o/ /lan gnyis lan gsum du bcom ldan 'das kyis dge slong de la 'di skad ces dge slong dge slong khyod la chos bstan gyis rna gtod cig ces bka' stsal na/ dge slong de lan gnyis lan 
gsum du yang kha gzhan du bltas nas/ bcom ldan 'das kyi zhabs la mgo bos phyag 'tshal te bcom ldan 'das kyi spyan snga nas song ngo / /sangs rgyas bcom ldan 'das rnams ni mkhyen bzhin du rmed par mdzad pa yin pas sangs rgyas bcom ldan 'das kyis tshe dang ldan pa kun 
dga' bo la rmas pa/ kun dga' bo ci'i phyir ngas ji lta ji ltar chos bstan pa de lta de ltar dge slong de kha gzhan du lta/ des gsol pa/ btsun pa dge slong des sgog skya 'tshal to/ /kun dga' bo dge slong dag gang gis na bden pa rnams kyi bar chad du 'gyur ba sgog skya za lta/ bcom ldan 'das 
'tshal lags so/ /kun dga' bo gal te dge slong 'dis de ring sgog skya zos par ma gyur na deng nyid du 'dis 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas par 'gyur ro/ /kun dga' bo de lta bas na dge slong gis da phyin cad sgog 

</font><hr>10-1-64b<br><font size=+1>
skya dang kun dong dang / ki'u yongs su longs spyad par mi bya ste/ yongs su longs spyod na 'gal tshabs can du 'gyur ro/ /yang de'i tshe tshe dang ldan pa shA ri'i bu 'khor de nyid du 'dus par gyur te 'dug pa des bsams pa/ dge slong 'dis de ring bden pa dag ma mthong na re zhig sang mthong bar 'gyur 
ram blta'o snyam nas sems pa la zhugs pa dang ma mthong ngo / /des rab kyi mtha' ba'i bsam gtan bzhi pa la rnam par bltas nas dus ji tsam na mthong bar 'gyur ba sems pa la zhugs na/ 'on kyang ma mthong ste/ tshe dang ldan pa shA ri'i bu ting nge 'dzin de las langs nas tshigs su bcad de smras pa/ 
dal ba'i mchog 'di 'dir bor nas/ /'di yis 'di na bden pa dag /nams kyang shin tu mthong bar ni/ /mi 'gyur ba yi gnas de yod/ /de nas bcom ldan 'das kyi thugs kyis tshe dang ldan pa shA ri'i bu'i sems mkhyen nas/ tshe dang ldan pa shA ri'i bu la bka' stsal pa/ shA ri'i bu khyod sangs 
rgyas kyi yul la lag 'jug par ma byed cig /'di ni 'di nas nyan thos dang rang sangs rgyas kyi ye shes kyi yul las 'das pa'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa skyes bu 
'dul ba'i kha lo sgyur ba/ bla na med pa lha dang mi rnams kyi ston pa/ sangs rgyas bcom ldan 'das thams cad zil gyis gnon pa zhes bya ba'i ston pa 'byung bar 'gyur te/ de'i bstan pa la 'di rab tu byung nas nyon mongs pa thams cad spangs te dgra bcom pa nyid mngon sum du byed par 'gyur ro/ /de skad ces 
gsungs nas/ bcom ldan 'das kyis dgongs pa nyes dmigs gang cung zad byung ba ni dge slong sgog skya za ba las gyur gyis de lta bas na dge slong gis sgog skya bza' bar mi bya'o/ /za na 'gal tshabs can du 'gyur ro/ /bcom ldan 'das kyis dge slong gis sgog skya bza' bar mi bya'o zhes bka' stsal pa 
dang / dge slong zhig na ba de sman pa'i drung du song ste/ nad med cig ces byas nas smras pa/ bzhin bzangs kho bo la nad 'di lta bu zhig byung na sman ston cig /sman pas smras pa/ 'phags pa sgog skya gsol cig dang khyod sos par 'gyur ro/ /des smras pa/ bzhin bzangs bcom ldan 'das kyis 

</font><hr>10-1-65a<br><font size=+1>
ma gnang ngo / /'phags pa khyod kyi sman 'di yin te/ gzhan gyis ni gsos par mi nus so/ /skabs de dge slong rnams la smras so/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gal te sman pas dge slong khyod kyi sman 
'di yin te/ gzhan gyis ni gsos par mi nus so zhes zer na bza' bar bya ste/ 'di la 'gyod par mi bya'o/ /bcom ldan 'das kyis dge slong nad pas sman pa'i lung gis sgog skya bza'o zhes bka' stsal pa dang / dge slong nad pas sgog skya zos nas gtsug lag khang la yang longs spyod par byed/ 
gnas mal dang / snam phyis dang / chab khung du yang 'jug /dge 'dun gyi nang du yang 'gro/ bram ze dang khyim bdag 'ongs zhing lhags pa rnams la yang chos ston/ mchod rten la yang phyag byed/ bram ze dang khyim bdag gi khyim dag tu yang nye bar 'gro/ skyed mos tshal dang / 'dun 
sa dang / lha khang dang / skye bos gang ba'i phyogs gzhan dag tu yang 'dug pa dang / bram ze dang khyim bdag rnams kyis dri tshor nas 'phya smod kha zer zhing / dge slong shAkya'i bu rnams kyi dge sbyong gi tshul nyams/ tshangs pa'i tshul nyams te/ da ni rab tu byung ba rnams sgog skya za'o zhes 
pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ ngas dge slong sgog skya za ba'i kun du spyad pa'i chos bca' bar bya ste/ dge slong sgog skya za bas sgog skya za bzhin du gtsug lag khang la yongs su longs spyad par mi bya/ 
gnas mal la ma yin/ snam phyi sar 'jug par mi bya/ chab khung sar ma yin/ dge 'dun gyi nang du 'gro bar mi bya/ bram ze dang khyim bdag 'ongs shing lhags pa rnams la chos bstan par mi bya/ mchod rten la phyag mi bya/ bram ze dang khyim bdag rnams kyi khyim du nye bar 'gro bar mi bya/ 
skyed mos tshal dang / 'dun sa dang / lha khang dang / skye bos gang ba gzhan dag tu gnas par mi bya'i/ phyogs dben pa gang du gzhan dag gis mthong na ma dad pa skye bar mi 'gyur bar bza' bar bya'o/ /gang gi tshe bya ba zin par gyur pa de'i tshe phyogs de nyid du zhag bdun 'dug par bya'o/ /kun dong 

</font><hr>10-1-65b<br><font size=+1>
na ni zhag gsum/ ki'u na ni zhag gcig go/ /de nas khrus byas la chos gos dag kyang bkru bar bya zhing bdug pa dag gis bdug par bya'o/ /de nas dri nga ba med pa dang / gtsug lag khang du 'jug par bya zhing ji ltar bkag pa yang bya'o/ /sgog skya za ba'i dge slong gis kun du spyad pa'i chos 
ji ltar bcas pa rnams yang dag par blangs te/ mi gnas na 'gal tshabs can du 'gyur ro/ /phran tshegs las sgo dang po rdzogs so// //bsdus pa'i sdom ni/ chan pas 'dreg dang gdugs dang ni/ /be'u ras dang ni rgyan spel ma/ /len dang tshogs dang khrus dang ni/ /gcin 
dang sgo 'phar spo ba'o/ /sdom ni/ chan pas 'dreg dang mdoms dang ni/ /de bzhin byin pa nyid dang ni/ /khri dang rtswa stan gcig dang ni/ /khyim na gnas dang bgo ba min/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na 
bzhugs so/ /gang gi tshe khyim bdag mgon med zas sbyin gyis phyogs bzhi'i dge 'dun la rgyal bu rgyal byed kyi tshal phul ba de'i tshe des 'phags pa rnams kyi skra dang kha spu bregs shig ces 'breg mkhan gyi mi btang ba dang zhes bya ba'i bar snga ma bzhin no/ /nye dga' bos smras pa/ bzhin 
bzangs khyod skra chan pas 'breg shes sam/ des smras pa/ 'phags pa de nyid bdag gi bzo lags so/ /bzhin bzangs gal te de lta na tshur shog bregs shig /des skra chan pas bregs pa dang / nye dga' bos smras pa/ da rung bregs shig /des yang bregs pa dang / des smras pa/ da rung 
yang bregs shig /des yang bregs so/ /de bzhin du ji tsam nyi ma nub kyi bar du ma btang nas/ de'i 'og tu 'di skad ces smras so/ /bkren pa khyod ci yang mi shes pa zhig 'di kho na bzhin mnyam par byos te song shig ces bya ba'i bar snga ma bzhin no/ /bcom ldan 'das kyis bka' stsal pa/ 
dge slong gis skra chan pas breg par mi bya'o/ /dge slong skra chan pas 'breg na 'gal tshabs can du 'gyur ro/ /bcom ldan 'das kyis dge slong gis skra chan pas breg par mi bya'o zhes bka' stsal pa dang / dge slong dag gi mgo la rma byung nas spu gris reg pa na de dag snad pa'i skabs de dge slong dag gis 

</font><hr>10-1-66a<br><font size=+1>
bcom ldan 'das la gsol pa dang / bcom ldan 'das kyis bka' stsal pa/ rma'i than kor gyi skra chan pas breg par bya zhing / lhag ma rnams spu gris breg par bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na 
bzhugs so/ /de nas yang khyim bdag mgon med zas sbyin gyis 'breg mkhan gyi mi btang ste zhes bya ba'i bar snga ma bzhin no/ /bzhin bzangs mdoms kyi phyogs kyi spu 'bregs shes sam/ des smras pa/ 'phags pa de nyid bdag gi bzo lags so/ /bzhin bzangs gal te de 
lta na tshur shog bregs shig /'phags pa ji 'dra bar breg /bzhin bzangs mdzes par bregs shig /des breg par brtsams pa dang / nye dga'as smras pa/ bzhin bzangs 'di ltar byos shig /des de bzhin byas pa dang / yang smras pa/ gzhan 'di lta bur yang byos shig ces des 
de ji tsam nyi ma nub kyi bar du ma btang nas/ dge sbyong shAkya'i sras rnams kyi dge sbyong gi tshul ni nyams/ tshangs pa'i tshul ni nyams te/ da ni gsang ba'i phyogs kyi spu yang 'breg par byed do zhes smod par byed/ gzhogs 'phyas byed/ kha zer bar byed pa'i skabs de dge slong dag gis 
bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong gis mdoms kyi phyogs kyi spu breg par mi bya'o/ /dge slong mdoms kyi phyogs kyi spu 'breg par byed na 'gal tshabs can du 'gyur ro/ /bcom ldan 'das kyis dge slong gis mdoms kyi 
phyogs kyi spu breg par mi bya'o zhes bka' stsal pa dang / dge slong dag gis mdoms kyi phyogs su rma byung ba dang / dge slong dag 'gyod nas spu 'breg par mi byed do/ /dge slong gzhan dag la yang srin bu byung ste/ de dag de'i gnod pas dge ba'i phyogs kyi bya ba mi nus pa'i skabs de dge slong dag gis bcom 
ldan 'das la gsol pa dang / bcom ldan 'das kyis bka' stsal pa/ dge slong gnas brtan gnas brtan dag la bstan nas rma'am srin bu'i phyir ni mdoms kyi phyogs kyi spu breg par bya ste/ 'di la 'gyod par mi bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon 

</font><hr>10-1-66b<br><font size=+1>
med zas sbyin gyi kun dga' ra ba na bzhugs so/ /de nas yang khyim bdag mgon med zas sbyin gyis 'breg mkhan gyi mi btang ba dang zhes bya ba'i bar snga ma bzhin no/ /bzhin bzangs khyod byin spu 'breg shes sam/ 'phags pa de nyid bdag gi bzo lags so/ /bzhin bzangs gal te de lta na 
tshur shog bregs shig /'phags pa ci 'dra bar breg par bgyi/ bzhin bzangs mdzes par bregs shig /des breg par brtsams pa dang / nye dga' bos smras pa/ bzhin bzangs 'di ltar byos shig /des de bzhin byas pa dang yang smras pa/ gzhan 'di ltar yang byos shig /des de 
ji tsam nam sros kyi bar du ma btang bas/ khyim bdag mgon med zas sbyin gyis de la zhes bya ba nas/ dris pa zhes bya ba'i bar snga ma bzhin no/ /des ji ltar gyur pa smras pa dang / de smod par byed pa'i skabs de dge slong dag gis bcom ldan 'das la gsol pa dang / bcom ldan 'das kyis 
bka' stsal pa/ de lta bas na dge slong gis byin spu breg par mi bya'o/ /dge slong byin spu 'breg par byed na 'gal tshabs can du 'gyur ro/ /sangs rgyas bcom ldan 'das yangs pa can na spre'u rdzing gi 'gram khang pa brtsegs pa na bzhugs so/ /bcom ldan 'das kyis dge slong gis byin spu breg 
par mi bya'o zhes bka' stsal pa dang / dge slong rnams kyi brla la rma byung zhing dge slong gzhan dag la srin bu byung nas/ de dag de'i gnod pas dge ba'i phyogs bya bar mi nus par gyur pa'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ 
rma byung ba'i phyir ram/ srin byung ba'i phyir ni byin spu breg par bya ste/ 'di la 'gyod par mi bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /drug sde rnams khri gcig la nyal bar byed cing / de dag der nyal 
nas ku re byed/ rtse bar byed/ ca co smra bar byed/ dgod pa dang 'phyar g.yeng dang / lus la rdeg par byed pa'i skabs de dge slong dag gis bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni dge slong rnams khri gcig la nyal bar byed pa las 

</font><hr>10-1-67a<br><font size=+1>
gyur pas de'i phyir dge slong gzhan dang lhan cig khri gcig la nyal du mi gzhug go snyam du dgongs nas/ dge slong rnams la bka' stsal pa/ dge slong dag khyed kyis deng phyin cad dge slong gis khri gcig la nyal bar mi bya'o/ /byed na 'gal tshabs can du 'gyur ro/ /bcom ldan 'das 
kyis dge slong gis khri gcig la nyal bar mi bya'o zhes bka' stsal pa dang / ji tsam na dge slong mang po rnams ljongs rgyu zhing dong ste/ ljongs rgyu ba na ri brags shig tu phyin nas de dag gis der khri brnyas pa dang / de dag gis khri dag byin no/ /de rnams kyis smras pa/ 'di dag nyung gis gzhan 
yang snoms te spyon cig /de dag gis smras pa/ 'phags pa dag bdag cag ni khri re re la skye bo mang po dag nyal bar bgyid na/ khyed gzhan yang g.yor ram/ re re la gnyis sam gsum gzims par mdzod cig /de rnams kyis smras pa/ bcom ldan 'das kyis khri gcig la gnyis sam 
gsum nyal du ma gnang na ji ltar nyal bar bya/ de dag gis smras pa/ 'phags pa dag khri gzhan ni ma mchis so/ /de skad smras pas cang mi smra bar 'khod pa'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong gang dag 
ngo tsha shes shing 'gyod pa dang ldan la/ bslab pa 'dod pa de dag gis dran pa nye bar bzhag ste/ gding ba bting ba la bar du chos gos kyi gtur bu'am/ lhung bzed kyi snod dag bcug la nyal bar bya ste/ 'di la 'gyod par mi bya'o/ /khri la ji lta bar rtswa stan dang gzhan dag la yang de dang 'dra'o/ /
sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong mang po rnams ljongs rgyu zhing dong ba dang / ri brags shig tu phyin nas de rnams kyis khyim bdag cig las bsti gnas brnyas so/ /grang ba'i dus la bab pas de rnams 
kyis gos brnyas pa dag bram ze dang khyim bdag rnams kyis 'di dag ni rab tu byung ba yin no snyam ste/ snying rje nye bar bdag ste gos dag byin pa dang / gang gis gang thob pa des de gyon te nyal nas dge slong gzhan dag grang bas sbrebs par gyur pa'i skabs de dge slong dag gis bcom ldan 'das la gsol pa 

</font><hr>10-1-67b<br><font size=+1>
dang / bcom ldan 'das kyis bka' stsal pa/ gang gis gang thob pa de dag nyid kyis bgo bar mi bya'i thams cad kyis bgo bar bya ste/ gcig rnyed par gyur pa gang yin pa de thams cad kyi steng du rgan rims bzhin ji tsam yog pa dgab par bya'o/ /ji tsam na yang ri brags gzhan zhig 
tu dong ba dang / der gos gcig cig rnyed nas de dag gi steng du g.yogs pa na nye dga'as de gyon te 'chag tu song ba dang / dge slong rnams grang bas sdug bsngal bar gyur nas smras pa/ btsun pa nye dga' bo bdag cag ni grang bas sdug bsngal na khyod 'ba' zhig gyon nas 'chag gam/ des 
smras pa/ kho bos bkag gam ci/ khyed kyang ci'i phyir mi 'chag /de rnams grang ba'i sdug bsngal gyis mtshan 'das par gyur pa'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ 'chag pa gang yin pa des gang zag gi gos 
bgos te bcag par bya'o/ /gzhan gyis 'chag na 'gal tshabs can du 'gyur ro/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /grang ba'i dus la bab pas dge slong rnams grang ba'i gnod pas glos 
phab ste 'dug go/ /ji tsam na khyim bdag mgon med zas sbyin gtsug lag khang du 'ongs pa dang / des de dag mthong nas smras pa/ 'phags pa ci'i slad du gcig tu brtson pa'i gsung rab la glos phab ste bzhugs shing dge ba'i phyogs dag mi mdzad/ de dag gis smras pa/ khyim bdag 
bde ba dang ldan pa dag ni chos dran par 'gyur gyi/ kho bo cag shin tu grang bas sdug bsngal bar gyur to/ /des khyim du song nas be'u ras lnga brgya bskur ba dang / dge slong rnams kyis khyim pa'i gos de dag bgos te phyi rol du dong ba bram ze dang khyim bdag rnams kyis mthong nas co dri zhing smras pa/ 
'phags pa dag ci khyed babs sam/ de dag gis smras pa/ kho bo cag gis grang bar gyur nas bgos kyis tshe dang ldan pa dag de skad ma zer cig /de rnams smod par byed pa'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong gis 

</font><hr>10-1-68a<br><font size=+1>
khyim pa'i gos bgo bar mi bya'o/ /de lta bu'i rkyen cig byung na steng du gos ngur smrig gis g.yogs nas bgo bar bya'o/ /dge 'dun gyi yang de bzhin du gyon par byed nas/ bcom ldan 'das kyis bka' stsal pa/ dge 'dun gyi ni 'og tu gos bcug nas steng nas g.yogs te bgo bar 
bya'i gzhan du na 'gal tshabs can du 'gyur ro// //sdom ni/ gdugs dang 'jig rten rgyang 'phen dang / /bsdebs sbyar de bzhin nags me dang / /gnas med par ni lam dag dang / /la ba bgos pas mi 'chag pa'o/ /sangs rgyas bcom ldan 'das mnyan yod na rgyal bu rgyal byed kyi tshal mgon 
med zas sbyin gyi kun dga' ra ba na bzhugs so/ /mnyan yod na bram ze gos spyod pa zhig 'dug pa de gos byas shing byas shing 'tshong bar byed do/ /dus gzhan zhig na des gos mang po rnyed par gyur nas/ des bsams pa thabs ji lta bu zhig byas na des bsod nams kyang 'thob cing rnyed pa yang 'grub par 'gyur 
snyam pa dang / de dad pa can zhig pas de'i blo skyes te sangs rgyas la sogs pa dge slong gi dge 'dun spyan drangs la gos kyi gdan bshams te gdugs tshod gsol lo/ /de ltar byas na gos kyang yongs su spyad par 'gyur la/ gos yongs su longs spyad pa dang / zhal zas yongs su longs spyad 
pas bsod nams chen po yang 'thob par 'gyur ro snyam du rig nas/ des sangs rgyas la sogs pa dge slong gi dge 'dun rang gi khyim du gdugs tshod la spyan drangs nas zhal zas gtsang zhing bsod pa bshams te gdan dag gi steng du gos bting ngo / /de nas gdam bshams zin pa dang / bcom 
ldan 'das spyan 'dren gyis spyan drangs na dge slong gi dge 'dun ni gshegs/ bcom ldan 'das ni gtsug lag khang na bzhugs shing bsod snyoms drangs so/ /sangs rgyas bcom ldan 'das rnams ni rgyu rnam pa lngas gtsug lag khang na bzhugs shing bsod snyoms 'dren te/ lnga gang zhe na/ 
nang du yang dag 'jog bzhed par gyur pa dang / lha rnams la chos ston bzhed par gyur pa dang / nad pa gzigs bzhed par gyur pa dang / gnas mal gzigs bzhed par gyur pa dang / nyan thos rnams 'dul ba la bslab pa'i gzhi bca' bar bzhed pa'o/ /don 'di la ni sangs rgyas bcom 

</font><hr>10-1-68b<br><font size=+1>
ldan 'das nyan thos rnams 'dul ba la bslab pa'i gzhi bca' bar bzhed nas/ gtsug lag khang na bzhugs shing bsod snyoms drangs so/ /dge slong rnams lam kar char pa bab nas de dag gi gos char pas gsher bzhin du 'khod pas gang gi gos ci 'dra bas 'khod pa de'i de kho na lta bu'i sbra 
sbre byung bar gyur pa bram ze des mthong ba dang 'khrugs nas smras pa/ bdag gi zong 'di lta bu dag zong du mi rung bar bgyis kyis gos 'di dag khyed thal byung snoms shig ces zer ba'i skabs de dge slong dag gis bcom ldan 'das la gsol pa dang / bcom ldan 'das kyis bka' 
stsal pa/ dge slong dag bram ze des ma dad pa skyes nas byin pas blang bar mi bya'o/ /de 'khrugs pa de dang bral nas yang des dad pa'i sems kyis phul ba'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag da 
ni bram ze des dad pa'i sems kyis phul bas blang bar bya ste/ blangs nas kyang rung ba byas la bgo bar bya'o/ /dge slong dag gis blangs pa dang / bram ze des smras pa/ e ma'o 'phags pa dag gdugs bcang ba'i rigs so/ /skabs de dge slong dag gis bcom ldan 'das la 
gsol pa dang / bcom ldan 'das kyis bka' stsal pa/ gal te de lta na rjes su gnang ste/ dge slong dag gis gdugs bcang bar bya'o/ /bcom ldan 'das kyis dge slong dag gis gdugs bcang bar bya'o zhes bka' stsal pa dang / drug sde rnams kyis gdugs kyi rtsa ba gser dang / 
dngul dang / bai DUr+ya dang / shel las byas shing / gzhan yang bkra zhing nye bar bkra ba dang / bsrubs pa las byas la/ gdugs ni dkar po dang / rma bya'i mdongs dag las byas pa dang / bram ze dang khyim bdag rnams kyis mthong nas de dag gis smras pa/ 'phags pa dag 'di ci 
lags/ bcom ldan 'das kyis gdugs gnang ngo / /'phags pa dag dge sbyong khyed ci 'dod pa'i yon tan gyis gzir tam/ gang gi phyir 'di 'dra ba'i gdugs dag 'chang / de dag gis smras pa/ dgra bo rnams kyi mgrin pa rdog pas mnan nas 'dod pa'i yon tan gyis gzir to/ /

</font><hr>10-1-69a<br><font size=+1>
de dag smod par byed pa'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ de lta bu'i gdugs dag bcang bar mi bya'o/ /'on kyang rtswa ba ru rta dang / lo ma las byas pa'i gdugs rnam pa gnyis bcang bar bya'o/ /
bcom ldan 'das kyis gdugs rnam pa gnyis bcang bar bya'o zhes bka' stsal pa dang / drug sde rnams kyis gdugs kyi rtsa ba ring po ring por byas nas gdugs kyi rtsa ba bsgreng ste grong khyer gyi nang du song ba dang / bram ze dang khyim bdag gis mthong nas 'di lta bu nor can nam/ tshong dpon 
nam/ ded dpon nam/ su zhig 'ong zhes langs nas rtog par byed do/ /kha cig stsur dong ba dang / gang gi tshe mthong bar gyur pa de'i tshe ma dad par gyur pa'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ gdugs kyi rtsa ba 
ring po ring por mi bya'i 'on kyang gdugs kyi tshad tsam gyi rtsa ba gdags par bya zhing grong gi nang du gdugs thogs te 'gro bar mi bya'o/ /bcom ldan 'das kyis grong gi nang du gdugs thogs te 'gro bar mi bya'o zhes bka' stsal pa dang / ji tsam na dge slong mang po dag don mthun dang lhan cig 
ljongs rgyu zhing dong ba dang / re zhig na grong du lam byung bar gyur nas de dag gis bsams pa/ bcom ldan 'das kyis grong gi nang du gdugs thogs te 'gro bar mi bya'o zhes bka' stsal pas grong dor bar bya'o snyam nas de dag gis grong spangs pa dang / don mthun rnams dang bral bas chom pos 
bcom pa'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ gal te grong gi dbus su lam byung bar gyur na gdugs glor bsnyal nas 'dong bar bya ste/ 'di la 'gyod par mi bya'o/ /bsod snyoms pa rnams bsod snyoms la zhugs pa 
dang / char pa bab nas char chus gos gsher bar gyur pa'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ bsod snyoms pas gdugs kyi rtsa ba rung bar byas nas 'jug par bya ste/ zhugs nas gal te char pa chad na gdugs khyim 

</font><hr>10-1-69b<br><font size=+1>
dang por bzhag la 'jug par bya zhing de nas phyir blangs te 'gro bar bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /lho phyogs kyi yul nas kun du rgyu 'jig rten rgyang 'phen pa 'char ba zhes bya ba zhig ljongs rgyu zhing 
mnyan yod du 'ongs so/ /de ngal bsos nas tshe dang ldan pa kun shes kauN+Di n+ya ga la ba der song ste phyin nas smras pa/ kye dge slong kho bos bla ma dag las blangs pa'i yi ge cung zad yod de/ de'i phyir khyod dang lhan cig gtam bya bar 'dod do/ /des de la smras pa/ bram ze kho bo smra ba don du 
gnyer ba ma yin gyis song shig /de tshe dang ldan pa rta thul dang / bzang po dang / rlangs pa dang / ming chen dang / grags pa dang / gang po dang / dri med dang / ba lang bdag dang / lag bzangs ga la ba der song ba dang / de rnams kyis kyang de kho na skad smras so/ /de nas tshe dang 
ldan pa shA ri'i bu ga la ba der song ste phyin nas smras pa/ kye dge slong kho bos bla ma las yi ge cung zad blangs pa dag yod de/ de'i phyir khyod dang lhan cig gtam bya bar 'dod do/ /tshe dang ldan pa shA ri'i bus bsams pa/ ci kun du rgyu 'di la dge ba'i rtsa ba cung zad yod dam 'on te med 
snyam na yod par mthong ngo / /su la rag las brtags na bdag nyid la'o/ /ci smra bas 'dul ba gzhan cung zad yod dam snyam na yod par mthong ngo / /ji tsam na tshogs pa brtags na zhag bdun tshun chad kyis chogs par shes nas smras pa/ legs te de bzhin bya na rig pa'i 
gnas gang du bya/ che ge mo zhig tu'o/ /smra ba'i zhal che ba bzhag ste phyogs snga ma dang phyi ma rnam par bzhag nas/ sus phyogs snga ma/ sus gzugs shes glengs pa dang / tshe dang ldan pa shA ri'i bus smras pa/ kun du rgyu glo bur du 'ongs pa yin pas 'di nyid kyis phyogs sa snga 
ma tshugs shig /kun du rgyus phyogs snga ma smras pa dang / tshe dang ldan pa shA ri'i bus bzlas nas khyod kyi 'di ni mi rigs so/ /'di ni mi 'dra'o/ /'di ni mi 'thad do zhes skyon btags so/ /des yang smras pa dang / tshe dang ldan pa shA ri'i bus 'jug tu ma phyin par bzhag go/ /

</font><hr>10-1-70a<br><font size=+1>
lho phyogs kyi yul nas kun du rgyu 'jig rten rgyang 'phen pa 'char ba zhes bya ba zhig mnyan yod du 'ongs te/ de dang tshe dang ldan pa shA ri'i bu dang lhan cig brtsad nas/ deng du zhag bdun lon no zhes kun du sgra grags pa dang / srog chags brgya phrag mang po dag kha cig ni ya mtshan skyes/ 
kha cig ni sngon gyi dge ba'i rtsa ba dag gis bskul nas 'dus pa dang / tshe dang ldan pa shA ri'i bus bsams pa/ bdag gi smra bas 'dul ba 'dus sam snyam na 'dus par mthong ngo / /de nas tshe dang ldan pa shA ri'i bus ma lus par smras pa dang / kun du rgyu de tshar gcad do/ /de nas mngon 
par dad par gyur te smras pa/ btsun pa shA ri'i bu bdag gis legs par gsungs pa'i chos 'dul ba la rab tu byung ba dang bsnyen par rdzogs pa'i dge slong gi dngos po 'thob na/ bdag bcom ldan 'das kyi spyan sngar tshangs par spyod pa spyad do/ /de nas tshe dang ldan pa shA ri'i bus de rab tu 
phyung bsnyen par rdzogs par byas te/ gdams ngag byin no/ /des brtsal ba dang 'bad pa dang bsgrim pa byas pas 'khor ba'i 'khor lo cha lnga pa g.yo ba dang mi g.yo ba 'di nyid rig ste zhes bya ba nas gus par smra bar bya bar gyur to zhes bya ba'i bar snga ma bzhin no/ /de nas 'khor de dag 'phags 
pa shA ri'i bus 'di lta bu'i smra ba chen po pham par byas so/ /zhes shin tu ya mtshan skyes so/ /de nas tshe dang ldan pa shA ri'i bus 'khor de dag gi bsam pa dang / bag la nyal dang / khams dang rang bzhin rtogs nas de dag dang mthun par chos bstan te/ srog chags 'bum phrag mang 
po dag gis de thos nas lhag pa'i khyad par chen po thob pa 'di lta ste/ kha cig gis ni rgyun du zhugs pa'i 'bras bu mngon sum du byas/ kha cig gis ni lan gcig phyir 'ong ba'i 'bras bu kha cig gis phyir mi 'ong ba'i 'bras bu zhes bya ba nas dge 'dun la gzhol zhes bya ba'i bar snga ma bzhin no/ /
skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag thams cad du dge slong shA ri'i bu 'am/ shA ri'i bu dang 'dra bar mi 'gyur bas de lta bas na gnang gis dge slong dag gis 'jig rten rgyang 'phen pa la sogs pa phyi rol pa'i 

</font><hr>10-1-70b<br><font size=+1>
bstan bcos bslab par bya'o/ /bcom ldan 'das kyis dge slong dag gis 'jig rten rgyang 'phen pa la sogs pa phyi rol pa'i bstan bcos bslab par bya'o zhes bka' stsal pa dang / dge slong byis pa'am/ rmongs pa 'am/ mi gsal ba dag gis kyang thams cad kyis khyad par med par 
bslabs pa dang / bcom ldan 'das kyis bka' stsal pa/ phas kyi rgol ba tshar gcod nus pa gang yin pa de dag gis 'jig rten rgyang 'phen pa la sogs pa phyi rol pa'i bstan bcos bslab par bya'i/ byis pa dang / rmongs pa dang / mi gsal ba dang / mi mkhas pa dag gis ma yin 
no/ /de rnams de la brtson pa nyid du gyur nas/ bcom ldan 'das kyis bka' stsal pa/ dus gsum du byas la/ dus gnyis ni sangs rgyas kyi gsung rab bklag par bya zhing gsum pa la ni phyi rol pa'i bstan bcos dag go/ /bcom ldan 'das kyis dus gsum du bya'o zhes bka' 
stsal pa dang / dge slong rnams lo dang zla ba'i dus dag tu slob par byed nas/ bcom ldan 'das kyis bka' stsal pa/ dge slong dag tshe ni skad cig ma yin pas ngas lo dang zla ba'i dus la dgongs te ma gsungs kyi/ 'on kyang nyin gcig la cha gsum du bya'o/ /dge slong rnams 
gsal ba'i dus su ni phyi rol pa'i bstan bcos 'don la/ gzhan dag tu ni sangs rgyas kyi gsung rab 'don nas/ bcom ldan 'das kyis bka' stsal pa/ gsal ba'i dus su sangs rgyas kyi gsung rab gdon par bya ste/ phyi rol pa'i bstan bcos ni ma yin no/ /sangs rgyas 
bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa shA ri'i bus bram ze'i khye'u lha sbyin dang / ba lang 'byor gnyis rab tu phyung nas/ de dag tshe dang ldan pa shA ri'i bus mdo sde 'don du bcug go/ /ji tsam dus gzhan 
zhig na ljongs rgyu zhing dong nas ri brags shig tu phyin pa dang / der de dag la rnyed pa dang bkur sti chen po byung nas de gnyis der 'khod do/ /de gnyis sngon goms pa'i shugs kyis sangs rgyas kyi gsung rab sdeb sbyor dang / tshig dang rim pa sbyar nas kha ton du 'don to/ /de dag las gcig ni shi'o/ /cig 

</font><hr>10-1-71a<br><font size=+1>
shos kyis gzhung brjed par gyur nas/ de la kha ton las byung ba'i rnyed pa med nas de dang de dag tu 'khyam 'khyam nas phyir mnyan yod du 'ongs so/ /de nas ngal bsos te tshe dang ldan pa kun shes ko+oN+Di n+ya ga la ba der song ste phyag byas nas smras pa/ gnas brtan g.yar ton dbog tu 
gsol/ des smras pa/ bu legs so de bzhin kha ton bslab bo zhes des de dang lhan cig kha ton bya bar brtsams pa dang / kha ton thung ngur 'don nas smras pa/ gnas brtan khyod kyis ring por ma bton pas gdon nongs so/ /des smras pa/ bu kho bos de ltar bslabs so/ /des 
de'i rkang pa la mgo bos phyag 'tshal nas/ tshe dang ldan pa rta thul dang / bzang po dang / rlangs pa dang / ming chen dang / grags pa dang / gang po dang / dri med dang / ba lang bdag dang / lag bzangs ga la ba der song ste phyin nas rkang pa la phyag 'tshal te/ smras pa/ gnas brtan 
g.yar ton dbog tu gsol/ des smras pa/ bu legs so de bzhin kha ton bslab par bya'o zhes des de dang lhan cig kha ton gdon par brtsams pa dang / de nas kha ton thung ngur bton nas smras pa/ gnas brtan khyod kyis gdon nongs so/ /des smras pa/ bu kho bos de ltar 
bslabs so/ /des de'i rkang pa la phyag byas nas tshe dang ldan pa shA ri'i bu ga la ba der song ste phyin nas/ tshe dang ldan pa shA ri'i bu'i rkang pa la phyag byas nas tshe dang ldan pa shA ri'i bu la 'di skad ces smras so/ /mkhan pos g.yar ton dbog tu gsol/ des smras pa/ bu legs 
so/ /de bzhin du kha ton du bslab bo/ /des de dang lhan cig kha ton bya bar brtsams pa dang / ji tsam na kha ton ring por bton nas/ tshe dang ldan pa shA ri'i bus kyang ring por bton pa dang / des smras pa/ mkhan po dge slong de dag kun gyis ni gdon nongs kyi/ khyod nyag gcig 
gis ma nyams par bton to/ /des smras pa/ mi blun po khyod nyid kyis gdon nyes kyi/ dge slong dag gis ni ma nyams par bton to zhes des de spyos nas cang mi smra bar 'dug pa'i skabs de dge slong dag gis bcom ldan 'das la gsol pa dang / bcom ldan 'das kyis dgongs pa/

</font><hr>10-1-71b<br><font size=+1>
nyes dmigs cung zad gang byung ba ni dge slong rnams sangs rgyas kyi gsung rab sdeb sbyor dang / tshig dang rim pa sbyar nas 'don pa las gyur gyis/ de lta bas na dge slong gis sangs rgyas kyi gsung rab sdeb sbyor dang / tshig dang rim par sbyar nas gdon par mi bya'o/ /dge slong gis sangs 
rgyas kyi gsung rab sdeb sbyor dang / tshig dang rim par sbyar nas 'don na 'gal tshabs can du 'gyur ro/ /yul gyi nges pa'i tshig dang / skad kyi nges pa'i tshig dang / ljongs kyi nges pa'i tshig yin na ltung ba med do/ /sangs rgyas bcom ldan 'das mnyan yod na rgyal bu rgyal byed kyi tshal mgon 
med zas sbyin gyi kun dga' ra ba na bzhugs so/ /drug sde rnams rgas pa'i gnas skabs na yang rgod bag byed pa dang / dge slong dag gis smras pa/ tshe dang ldan pa dag khyed mgo skyas kyang da dung rgod bag mi gtong ngam/ de dag cang mi smra bar 'khod nas mtha' gcig tu dong ste smras pa/ 
dga' bo nye dga' lhung bzed nag po can dkos thag pa 'di dag la mi dga' ba zhig bya'o zhes de dag de ltar glags tshol ba la brtson par 'khod pa na dge slong gnas brtan gnas brtan dag dgon pa'i gnas su dong ste bsam gtan dang bklag par bya ba dag brtsams so/ /de nas drug sde rnams 
kyis gnas gsum nas nags mes btang ste ngos gcig tu 'dus nas bsdad pa dang / dge slong rnams nags mes tshig pa'i gnod pa byung bas rings pa rings par 'bros par brtsams so/ /drug sde rnams kyis smras pa/ gnas brtan dag ci'i slad du rings rings ltar bzhud/ 
tshe dang ldan pa dag nags kyi me ma mthong ngam/ gnas brtan dag bcom ldan 'das kyis bde ba'i gnas skabs su tshul khrims gsungs sam ci lags zhes cung zad bgad pa dang / de dag gis smras pa/ tshe dang ldan pa dag khyed kyis kho bo cag la bsams bzhin du ma gtses grang / 
bkren pa dag khyed de ltar mi dga' bar bya'o zhes zer ba'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong gis nags mes gtang bar mi bya'o/ /gtong na nyes pa sbom por 'gyur ro/ /sangs rgyas bcom ldan 'das 

</font><hr>10-1-72a<br><font size=+1>
mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong rgan po zhig dang / gsar bu zhig ljongs rgyu zhing dong ba dang / rgan po la ni snod mang zhing yo byad mang la/ gsar bu ni ma grags shing chos gos gsum 
las lhag pa med pa zhig pas/ rgan pos smras pa/ tshe dang ldan pa kho bo ngal gyis re zhig chos gos kyi gtur bu khyer te shog shig /gsar bu des smras pa/ gnas brtan bka' 'bab par mi 'gyur na re zhig cung zad cig gsol ba mchis so/ /tshe dang ldan pa 'di la su 
zhig gshe smros shig /gnas brtan sangs rgyas dang chos dang dge 'dun la ma gzigs sam ci/ rmongs pa'i yo byad 'dis ci zhig bgyi/ bzhin bzangs gal te mi bkur ba ni re zhig rung na 'di dri bar bya ste/ khyod kho bo'i mkhan po 'am/ slob dpon yin nam/ ci gang gi phyir rjes 
su ston par byed/ de cang mi smra bar 'dug pa dang / rgan pos bsams pa/ bkren pa 'di mi dga' bar bya'o snyam mo/ /ji tsam na de gnyis gtsug lag khang du dong ba dang / de na nub gcig kyang mi gnas par 'dug par mi bya ba'i khrims su bya ba yod de/ de gnyis la gnas mal gyi 
zhal ta byed pas gnas mal dag snoms shig ces smras pa dang / rgan pos ni blangs so/ /gsar bu des smras pa/ tshe dang ldan pa kho bos gnas ma bcas kyis/ je gnas gsol lo zhes de dge 'dun gyi gnas brtan gyi gan du song ste rkang pa la phyag 'tshal nas smras pa/ gnas brtan 
bdag gi gnas mdzad du gsol/ des smras pa/ bzhin bzangs khyod su dang lhan cig 'ongs/ gnas brtan dge slong che ge mo zhig dang ngo / /bzhin bzangs de dge 'dun gyi gnas brtan gyis bdag 'khor dang phye'o zhes zer du 'ong gis song la de nyid la gnas gsol cig /de gzhan dag 
gi gan du song ba dang / thams cad kyis de bzhin spangs nas nam sros te rgan po de nyid kyi gan du song nas sgo la brdabs te smras pa/ gnas brtan phyag 'tshal lo/ /khyod su zhig bdag ming 'di zhes bgyi ba de lags so/ /khyod nad med par gyur cig /gnas brtan gtsug lag khang 'di na 

</font><hr>10-1-72b<br><font size=+1>
nub gcig kyang mi gnas par mchis par mi bgyi ba'i khrims su mdzad pa mchis na bdag gi gnas mdzad du gsol/ bzhin bzangs dge 'dun gyis de lta bu'i khrims su bca' ba mdzad pa legs te/ gal te ma mdzad na kho bos 'char gzhug pa zhig de'i tshe ni kho bo snod mang zhing yo byad mang ba yin 
la/ nga ni gnas brtan yin nam/ khyod ma gus pa byas kyang gnas ster ba gang yin pa de la gnas chos shig /de spobs pa med par gyur nas cang mi smra bar 'dug ste/ de'i gnas bar chad du gyur pa'i skabs de dge slong dag gis bcom ldan 'das la gsol pa dang / bcom ldan 'das 
kyis bka' stsal pa/ gnas med par ljongs rgyu zhing 'gro bar mi bya/ dge slong gis seng ge bzhin gtum por mi bya/ dge 'dun gyis kyang dge slong rnams la gnod par 'gyur ba'i khrims bca' bar mi bya ste/ dge slong gnas ma bcas par ljongs rgyu zhing 'gro'am/ seng 
ge bzhin gtum por byed dam/ dge 'dun gyis khrims su bya ba de lta bu bcas na thams cad 'gal tshabs can du 'gyur ro/ /sangs rgyas bcom ldan 'das zhabs 'bring ba tshe dang ldan pa klu skyong dang yul ma ga d+hAr ljongs rgyu zhing gshegs te grong khyer sad kar can du gshegs nas/ 
sad kar can na gnod sbyin ba ku la'i gnas na bzhugs so/ /de nas bcom ldan 'das mtshan mo nam sros te/ mun gnag cing khad kyis cung zad cung zad char 'bab cing glog 'byung ba na bla gab med pa'i 'chag sa na 'chag pa mdzad do/ /chos nyid kyis sangs rgyas bcom 
ldan 'das rnams kyi zhabs 'bring ba dge slong rnams ni ji srid sangs rgyas bcom ldan 'das rnams nang du yang dag 'jog la mi bzhugs pa de srid du nang du yang dag 'jog la mi 'jug go/ /brgya byin lha'i dbang po'i shes pa dang mthong ba ni 'og tu 'jug pa yin pas des bsams pa/ 
sangs rgyas bcom ldan 'das de grong khyer sad kar can nas sad kar can gyi ri la gnod sbyin ba ku la'i gnas na bzhugs shing / de mtshan mo nam sros te mun gnag cing khad kyis cung zad cung zad char 'bab cing glog 'byung ba na/ bla gab med pa'i 'chag sa na 'chag ste/ ma la bdag 

</font><hr>10-1-73a<br><font size=+1>
der nye bar 'gro'o snyam du rig nas bai DUr+ya las byas pa'i dri gtsang khang mngon par sprul te/ bcom ldan 'das ga la ba der song ste phyin nas/ bcom ldan 'das 'chag pa mdzad pa'i zhabs 'bring na 'chag cing 'dug go/ /de'i tshe yul ma ga d+hA pa'i mi 
rnams khye'u dang bu mo ngu ba gang yin pa de dag la de rnams gnod sbyin ba ku la'i ming gis sdigs par byed do/ /de nas tshe dang ldan pa klu skyong gis 'di snyam du bsams te/ kye ma bcom ldan 'das ha cang yun ring du bla gab med pa'i 'chag sa na 'chag pa mdzad pas ma la bdag gis de la 
gnod sbyin ba ku las bsdigs so snyam du rig nas la ba bzlog ste bgos nas 'chag sa'i slad du 'dug ste/ bcom ldan 'das la 'di skad ces gsol to/ /ba ku la ba ku la dge sbyong nga ni gnod sbyin ba ku la yin no/ /de nas bcom ldan 'das kyis tshe dang ldan pa klu skyong la 'di skad 
ces bka' stsal to/ /mi blun po khyod kyang de bzhin gshegs pa la gnod sbyin ba ku las bsdigs par sems sam/ de bzhin gshegs pa dgra bcom pa yang dag par rdzogs pa'i sangs rgyas rnams ni bsnyengs pa dang bag tsha ba dang bral ba ste/ de bzhin gshegs pa la bsnyengs 
pa'am/ zhum pa'am/ spu zing zhes byed pa mi mnga'o/ /de nas lha rnams kyi dbang po brgya byin ma dad par gyur nas/ bcom ldan 'das la 'di skad ces gsol to/ /btsun pa chos 'dul ba 'di la 'di 'dra ba'i gang zag kyang mchis sam/ kau shi ka khyod sdod cig /gau ta ma'i 
rigs ni rgya che ba yin pas 'di yang phyis rnam par dag pa'i chos can du 'gyur ro/ /bcom ldan 'das kyis dgongs pa/ nyes dmigs gang cung zad byung ba ni dge slong dag la ba bzlog ste gyon pa las gyur par mkhyen nas/ dge slong rnams la bka' stsal pa/ dge slong dag mi blun 
po klu skyong gis la ba bzlog ste bgos nas de bzhin gshegs pa la ba ku la ba ku la/ dge sbyong nga ni gnod sbyin ba ku la yin no/ /zhes zer te/ de lta bas na dge slong gis la ba bzlog ste bgo bar mi bya'o/ /gyon na 'gal tshabs can du 'gyur ro/ /bcom ldan 'das kyis dge slong dag 

</font><hr>10-1-73b<br><font size=+1>
gis la ba bzlog ste bgo bar mi bya'o/ /gyon na 'gal tshabs can du 'gyur ro zhes bka' stsal pa dang / dge slong ba lang gi gnas na 'khod pa de dag gis der la ba'i bgo ba dag rnyed pa dang / de dag la shig zhugs te/ dge slong rnams shig gis zos pas bde ba mi 'thob pa'i skabs de dge 
slong dag gis bcom ldan 'das la gsol pa dang / bcom ldan 'das kyis bka' stsal pa/ la ba bzlog ste gyon pas 'dug par bya/ nyal bar bya'i bcag par ni mi bya'o// //sdom ni/ be'u ras dang ni la ba dang / /de bzhin la ba'i mchog dang ni/ /sgrog mig sgrog rten mdud pa 
dang / /ska rags dag ni gsum yin no/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas bcom ldan 'das kyis dge slong rnams la bka' stsal pa/ dge slong dag gal te dge 'dun la be'u ras 
grub na yang gnang la/ gang zag la yang gnang ngo / /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs shing snga ma bzhin te/ dge 'dun la la ba grub na yang gnang la/ gang zag la yang gnang ngo / /sangs rgyas bcom 
ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs shing snga ma bzhin te/ dge 'dun la la ba mchog grub na yang gnang la/ gang zag la yang gnang ngo / /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin 
gyi kun dga' ra ba na bzhugs so/ /mnyan yod na dge slong bsod snyoms pa zhig 'dug pa de snga dro sham thabs dang chos gos bgos/ lhung bzed thogs te mnyan yod du bsod snyoms kyi phyir zhugs so/ /de bsod snyoms kyi phyir rgyu ba na chos gos nar nas/ des myur ba myur bar lhung bzed 
sa la bzhag nas/ de tshags byas pa dang / de bram ze dang khyim bdag rnams kyis mthong nas 'phya zhing dge slong shAkya'i bu rnams ni gtsang sbra med de/ lhung bzed bab bab tu 'jog go zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' 

</font><hr>10-1-74a<br><font size=+1>
stsal pa/ dge slong gis lhung bzed bab bab tu gzhag par mi bya'o/ /dge slong lhung bzed bab bab tu 'jog na 'gal tshabs can du 'gyur ro/ /'on kyang chos gos bsrung ba'i phyir chos gos kyi sgrog mig gdags par bya'o/ /dge slong rnams kyis btags pa dang / des chos gos ral 
nas/ bcom ldan 'das kyis bka' stsal pa/ sgrog zungs kyis glon la thogs shig /dge slong rnams kyis sgrog zungs kyis glan nas btags pa dang / de sgrog mdud med pas ma chags te nyes dmigs su gyur pa dang / bcom ldan 'das kyis bka' stsal pa/ mdud pa bya'o/ /
sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong bsod snyoms pa zhig 'dug pa de snga dro sham thabs dang chos gos bgos/ lhung bzed thogs te mnyan yod du bsod snyoms kyi phyir zhugs 
so/ /de bsod snyoms kyi phyir rgyu ba na smad g.yogs snyil ba dang / de myur ba myur bar lhung bzed sa la bzhag ste/ de tshags bcos so/ /bram ze dang / khyim bdag rnams kyis mthong nas zhes bya ba snga ma bzhin no/ /bcom ldan 'das kyis bka' stsal pa/ chos gos bsrung ba'i 
phyir ska rags rnam pa gsum po/ shur bu dang / shur bu phre'u dang / lcag pod bcang bar bya'o// //'dul ba phran tshegs kyi gzhi/bam po bdun pa/ sdom ni/ ston pa ser skya'i gnas bzhugs pas/ /rgyan spel ma dang phyang phrul can/ /zla gam dang ni gser skud 
can/ /khra bo thams cad bkag pa yin/ /sangs rgyas bcom ldan 'das ser skya'i gnas na n+ya gro d+ha'i kun dga' ra ba na bzhugs so/ /de'i tshe shAkya ming chen gyi khyim gyi zhal ta ba dus las 'das pa dang / ri brags na gnas pa'i skye bo'i tshogs dag shAkya ming chen ga la ba der song ste 
smras pa/ rje khyod kyi khab kyi zhal ta ba gum na/ zhal ta ba gzhan zhig bskor gsol/ des de'i drung na bram ze'i khye'u zhig 'dug pa de la smras pa/ bram ze'i khye'u re zhig khyod song shig /ji tsam na zhal ta ba gzhan zhig btang ngo / /de song nas des chos bzhin du rigs par spyad 

</font><hr>10-1-74b<br><font size=+1>
pas dpya nar ma dang / bla skyes rab tu mang por phul ba dang / shAkya ming chen gyis smras pa/ bram ze'i khye'u dpya nar ma dang bla skyes 'di ltar mang ba khyod kyis skye bo'i tshogs la gnod par ma byas grang / des smras pa/ rje dpya nar ma dang bla skyes 'di rigs pas mchis pa lags te/ bdag 
gis skye bo'i tshogs la gnod pa bgyis pa ma lags so/ /des ri brags na gnas pa'i skye bo'i tshogs de la smras pa/ shes ldan dag bram ze'i khye'u 'dis khyed 'ga' la gnod pa mi byed grang / rje dpya nar ma dang bla skyes 'di rigs pas mchis pa lags te/ 'dis 'ga' 
la yang gnod pa ma bgyis so zhes smras pa dang / des de ri brags kyi zhal ta bar bcug go/ /'jig rten ni 'byor pa 'dod cing rgud pa dang mi mthun pa yin pas/ de la bram ze gzhan zhig gis bu mo byin pa dang / des de nyi ma dang / tshes grangs dang / yud tsam dang sbyar nas bag 
mar blangs so/ /de de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa las bu khye'u zhig btsas te/ de btsas pa'i btsas ston rgya cher byas nas rigs dang mthun pa'i ming yang btags so/ /yang 
de rtse bar byed/ dga' bar byed/ dga' mgur spyod par byed pa las bu mo zhig btsas te/ de'i btsas ston yang rgya cher byas nas ming zla ba zhes bya bar btags so/ /de bskyed bsrings te chen mor gyur pa dang / de mkhas shing spyod lam dang 'gro 'dug 'o gze bas ri brags na gnas pa'i skye bo'i 
tshogs thams cad kyi yid du 'ong bar gyur to/ /ji tsam dus gzhan zhig na bram ze'i khye'u de na bar gyur nas rtsa ba dang / sdong bu dang / lo ma dang / me tog dang / 'bras bu'i sman gyis rim gro byas kyang nad de zhi bar ma gyur nas/ ri brags pa des dpya nar ma dang / bla skyes phul ba gang yin pa de dag 
thams cad spyad cing skyin po gzhan dag blangs nas/ 'on kyang sos par ma gyur nas de de nyid du dus las 'das so/ /ri brags na gnas pa'i skye bo'i tshogs dag shAkya ming chen ga la ba der 'ongs te smras pa/ rje zhal ta ba de ni gum lags so/ /des smras pa/ shes ldan dag de na dpya nar ma dang bla skyes 

</font><hr>10-1-75a<br><font size=+1>
su phul ba yod dam/ rje te por mang du phul mod kyi des bro 'tshal ba'i yo byad du spyad na 'on kyang sos par ma gyur nas skyin po gzhan dag kyang bgyis so/ /nged la de na lhag ma cung zad ci yod pa des bu lon sobs shig /rje de na cung zad kyang ma mchis te/ lus par btab na de'i mchis 
'brang dang / bu pho dang bu mo mchis te/ de'i bu mo de mkhas shing spyod lam dang 'gro 'dug 'o gze ba lags pas ri brags na gnas pa'i skye bo'i tshogs thams cad kyi yid du mchi bar gyur to/ /ming chen gyis smras pa/ shes ldan dag de'i chung ma dang bu pho dag ci dgar thong la bu mo de 'dir khug 
shig /de rnams kyis de'i chung ma dang bu pho de dag ci dgar btang nas bu mo de ming chen gyi gan du khrid do/ /shAkya ming chen gyi chung ma rgan mo gcig kha zas g.yo ba dang / me tog thu ba'i las rnam gnyis byed pa des smras pa/ jo bo da ni bdag shin du rgas pas sug las rnam gnyis bgyid rngo 
mi thog na/ zla ba 'di bdag gi dan grogs su bskor gsol/ des de ngan grogs su bskos so/ /de la des smras pa/ zla ba khyod ni kun dga' bar song la me tog thus shig /ngas ni kha zas g.yo'o/ /de kun dga'i ra bar song nas me tog btus te de nas phreng ba legs par brgyus 
nas ming chen gyi gan du song ba dang / de mthong nas yongs su dga' ste smras pa/ legs so zhog shig ces smras nas chung ma rgan mo de la 'di skad ces smras so/ /ci'i phyir sngon ni me tog nyung la de ring mang bar gyur/ des smras pa/ sngon ni khyod kyi gnyen dag mchis nas bdag la slong ba na 
bdag gis de dag la stsal pa/ 'dis ni su la yang ma stsal ba dang bdag ni rgas pas mig rtul la/ 'di ni mig rno bas thu mkhas pa las gyur to/ /des smras pa/ gal te de lta na de kun dga' ra bar thong la der zhog shig /des de kun dga'i ra ba de nyid du bzhag pa dang / de me tog gi 
phreng ba bzang po rgyud par byed pas de'i ming phreng ldan ma phreng ldan ma zhes bya bar grags so/ /dus gzhan zhig na de khyim nas rang gi zan blangs te kun dga' ra bar song ba dang / bcom ldan 'das kyang bsod snyoms la gshegs so/ /des bcom ldan 'das sku blta bas chog mi shes pa mthong nas shin tu 

</font><hr>10-1-75b<br><font size=+1>
bde zhing rab tu dga' bas rtog par byed cing bsams pa/ 'di lta bu'i yon gnas yang dag pa la bdag gis bya ba ma byas pas des na bdag 'di lta bu'i gnas skabs su gyur par gdon ma zos so/ /de'i phyir gal te bcom ldan 'das kyis bdag las bsod snyoms bzhes na/ bdag gis 
bcom ldan 'das la dbul lo snyam pa dang / skabs de lta bu la sangs rgyas bcom ldan 'das rnams la mi mkhyen pa dang / mi gzigs pa dang / mi rig pa dang / rnam par mi mkhyen pa ci yang mi mnga' bas sangs rgyas bcom ldan 'das rnams ni chos nyid kyis zhes bya ba nas/ lus 
can rnams la 'bras bur smin ces bya ba'i bar snga ma bzhin no/ /de nas bcom ldan 'das kyis de rjes su gzung ba'i phyir lhung bzed bzed de sring mo khyod kyis gal te yongs su btang na lhung bzed 'dir byin cig ces bka' stsal pa dang / des shin tu dad pas bcom ldan 'das la bsod 
snyoms de phul nas zhabs gnyis la phyag 'tshal te smon lam btab pa/ bdag gi dge ba'i rtsa ba 'dis bran mo dang dbul por mi 'gyur bar shog shig /ji tsam na de'i pha'i grogs po bram ze mtshan mkhan zhig yod pa des de mthong nas smras pa/ bu mo khyod ga las 'ongs/ 
ri brags de kho na nas so/ /su la gnas shing 'dug des smras pa/ gang na skal ba chung ngu gnas pa na ste/ bdag ming chen gyi bran mo bgyis so/ /khyod kyi pha de gar song / gum mo/ /ma dang ming po de dag gar dong / gar mchis ma 'tshal to/ /zla ba khyod bran mo'i 'os ma yin na lag 
pa rkyong shig dang blta'o/ /des lag pa brkyang ba dang / des bltas nas tshigs su bcad de smras pa/ gang gi lag pa'i mthil dag la/ /lcags kyi 'khor lo'i mtshan yod pa/ /bran gyi rigs su skyes gyur kyang / /rgyal po'i btsun mor bzhes par 'gyur/ /gang gi bzhin ni 
rgyas pa dang / /ngang pa'i rgyal po'i gdangs 'dra ba/ /bran gyi rigs su skyes gyur kyang / /rgyal po'i btsun mor bzhes par 'gyur/ /gang gi rkang pa'i mthil dag la/ /grong khyer cog dang rta babs bcas/ /bran gyi rigs su skyes gyur kyang / /rgyal po'i btsun mor bzhes par 'gyur/ /

</font><hr>10-1-76a<br><font size=+1>
khyod mi dgar ma byed par song shig dang / khyod bran mor mi 'gyur gyi khyod rgyal po'i btsun mor 'gyur ro/ /de gnas de nas skyed mos tshal du song ba dang / yul ko sa la'i rgyal po gsal rgyal ri dgas shor du chas pa rtas kha khyer te/ gcig pu ser skya'i gnas su 
phyin to/ /de phan tshun 'khyam pa las ming chen gyi kun dga' ra bar song nas/ des bu mo de la dris pa/ bu mo 'di su'i kun dga' ra ba yin/ des smras pa/ lha shAkya ming chen gyi lags so/ /de rta las babs te smras pa/ bu mo rkang pa bkrus chu long shig /de shin du myur 
bar rdzing bur song ste nyi ma'i 'od zer gyis bsros pa'i chu blangs pa dang / des rkang pa bkrus nas yud tsam zhig bsdad de smras pa/ bu mo gdong bkrus chu long shig /des chu'i steng rim lag pas bsal te/ chu ha cang dro ba yang ma yin ha cang grang ba yang ma yin pa blangs nas des gdong 
bkrus so/ /des yang smras pa/ bu mo btung dgos kyis chu long shig /des chu rnam par glongs te chu bsil ba'i lo ma'i snod du blangs pa rgyal pos 'thungs nas smras pa/ bu mo kun dga' ra ba 'di na rdzing bu gsum yod dam ci na/ khyod kyis chu rnam pa gsum khyer te 'ongs/ des 
smras pa/ lha 'di na rdzing bu gcig kho na mchis kyi/ gsum ni ma mchis so/ /des smras pa/ 'o na khyod kyis chu rnam pa gsum ga las khyer te 'ongs/ des ji ltar gyur pa brjod pa dang / rgyal pos smras pa/ des ni go 'o 'di dri bar bya ste/ ci'i phyir khyod kyi chu rnam pa gsum 
khyer te 'ongs/ des smras pa/ lha bdag gis dang por chab dron po 'tshal te mchis pa ni lha mnyel bsos par bgyi ba'i slad du'o/ /slad kyis ha cang dro ba yang ma lags/ ha cang grang ba yang ma lags pa 'tshal te mchis pa ni dro ba dang grang ba gang lags pa dag spyan la gnod pa'i slad du'o/ /
rnam par glongs nas shin tu bsil ba 'tshal te mchis pa ni lha skyems pa dang bral bar bgyi ba'i slad du'o/ /des bsams pa/ bu mo 'di ni mkhas pa yin no snyam du rig nas smras pa/ bu mo mdzangs shing mkhas pa khyod rkang pa mnye dgos kyis re zhig mal chos shig /des de'i rkang pa 

</font><hr>10-1-76b<br><font size=+1>
mnyes pa dang / de reg bya dang ldan pa yin pas mnyes ma thag nyid du de gnyid log go/ /de gnyid log pa dang / des bsams pa/ rgyal po 'di dag la ni dgra mang bas gal te 'di gnyid log pa la 'ga' zhig gis gnod pa byed na nges par bdag gi rje bo la grags pa ma yin par 
'gyur bas sgo gcad par bya'o snyam nas/ de sgo bcad de 'dug pa dang / ji tsam na gcig nas gcig tu thos te dpung gi tshogs yan lag bzhi pa dag skyed mos tshal der lhags nas de rnams sgo phye zhes zer ro/ /des sgo ma phye ba dang / rgyal po ku cho'i sgras sad nas smras pa/ bu mo 
de ci zhig /des smras pa/ lha mi dag cig chab sgo phye zhes mchi zhing / lha'i mtshan yang smos so/ /des smras pa/ bu mo sgo 'di sus bcad/ lha bdag gis bkum mo/ /ci'i phyir bcad/ lha bdag gis glo ba la rgyal po 'di dag la ni dgra mang bas gal te 'di mnal log pa la 
'ga' zhig gis gnod pa bgyis na nges par bdag gi rje bo la grags pa ma lags par 'gyur ro snyam nas/de'i slad du bdag gis chab sgo bkum mo/ /des smras pa/ bu mo mdzangs ma khyod la nga'i the tshom 'di dri bar bya ste/ re zhig khyod ming chen gyi cir 'ong smros shig /des smras 
pa/ bdag de'i mngag gzhug bgyid pa'i bran mo lags so khyod de'i mngag gzhug byed pa'i bran mo ma yin gyi/ khyod nges par de'i bu mo yin gyis drang por smros shig /de cang mi smra bar 'dug pa dang / rgyal pos smras pa/ bu mo khyod ming chen gyi gan du song la/ rgyal po gsal 
rgyal khyod kyi kun dga' ra ba na bzhugs so zhes byos shig /de myur ba myur bar song ste/ jo bo ko sa la'i rgyal po gsal rgyal khyod kyi kun dga' ra ba na bzhugs so zhes smras so/ /shAkya ming chen gyis thos nas bza' ba dang / btung ba dang / dri dang phreng ba dag bshams nas/ skye bo 
phal po ches bskor te kun dga' ra bar song ngo / /de nas gcig la gcig byon pa legs so zhes bya ba'i tshig gis kun du spyad pas so so yang dag par dga' bar byas nas/ rgyal po khrus byas shing zan zos nas gtam dag byas te yud tsam zhig bsdad nas smras pa/ ming chen bu mo 'di khyod kyi cir 'ong /

</font><hr>10-1-77a<br><font size=+1>
lha mngag gzhug bgyid pa'i bran mo lags so/ /'di khyod kyi mngag gzhug byed pa'i bran mo ma yin gyi/ 'di khyod kyi bu mo yin gyis nga la byin cig /des smras pa/ lha shAkya'i bu mo gzhan 'di bas ches khyad par 'phags pa dag mchis na de dag bzhes su gsol/ 'di 
cir 'tshal/ rgyal pos smras pa/ 'di nyid nga la dgos kyis/ 'di nga la byin cig /des smras pa/ lha gal te de lta na tshul bzhin bgyis te dbul lo/ /de bzhin byos shig /de nas shAkya ming chen gyis grong khyer mdzes par byed du bcug ste/ bu mo de rgyan thams cad kyis 
bklubs nas glang po che la bskyon te lam po che dang / srang dang / lam gyi sum mdo dang / bzhi mdo dag tu grong khyer ser skya'i gnas na 'khod pa dang / yul sna tshogs nas lhags pa'i skye bo'i tshogs la shes ldan dag nyon cig shAkya ming chen gyi bu mo phreng ldan ma ko sa la'i rgyal po gsal 
rgyal gyi btsun mor phul lo zhes dril bsgrag pa byas so/ /de nas de ko sa la'i rgyal po gsal rgyal gyi btsun mor phul bar skye bo phal po che rnams kyis kyang shes so/ /de nas ko sa la'i rgyal po gsal rgyal gyis dpal gyi 'byor pa chen pos blangs nas mnyan yod du khrid pa dang / de'i mas 
bdag gi bus bran mo chung mar blangs so zhes thos te/ de kun nas dkris pa skyes nas bsams pa/ 'di ni nges par pha de'i bu ma yin pa'am/ bdag gi khong du don med pa zhig bsrel te/ 'di ltar bran mo'i khyor skyes par gyur to snyam nas/ de yang sems khong du chud cing 'dug 
pa dang / rgyal pos kyang phreng ldan ma la smras pa/ phreng ldan ma song la sgyug mo'i zhabs la phyag byos shig /de song ste de'i rkang pa gnyis la bzung ba dang / de reg bya dang ldan pa yin pas des reg pa tsam gyis de gnyid log ste sad nas bsams pa/ bu zan ma'i bu mo 'di'i reg pa 'di 
'dra bas ko sa la'i rigs 'di rgyas par 'gyur ro snyam mo/ /de'i tshe ko sa la'i rgyal po gsal rgyal la btsun mo dam pa rgyal rigs dbyar tshul ma dang / phreng ldan ma gnyis yod de/ gang gi tshe rgyal po phreng ldan ma dang thabs cig tu bzhugs pa de'i tshe/ phreng ldan ma rgyal rigs dbyar 

</font><hr>10-1-77b<br><font size=+1>
tshul ma ni 'di lta bur yang gzugs bzang ngo zhes dbyar tshul ma'i bsngags pa brjod pa dang / des smras pa/ lha de bdag gis nam zhig na mthong bar 'gyur lags/ rgyal pos smras pa/ ma rings shig dang ring po mi thogs par mthong bar 'gyur ro/ /de re ba dang bcas pas 
'dug go/ /gang gi tshe rgyal rigs dbyar tshul ma dang thabs cig tu 'dug pa de'i tshe yang dbyar tshul ma phreng ldan ma ni de lta bu'i reg bya dang yang ldan pa yin no zhes phreng ldan ma'i bsngags pa brjod pa dang / des smras pa lha de bdag gis nam zhig na mthong bar 'gyur lags/ rgyal 
pos smras pa/ ma rings shig dang ring por mi thogs par mthong bar 'gyur ro/ /de dag rgyal pos ji lta ji ltar ya mtshan bskyed pa de lta de ltar phan tshun mthong bar spro bar gyur to/ /ji tsam dus gzhan zhig na so ga'i dus la bab ste/ nags tshal na shing rnams me tog rgyas par gyur 
cing ngang pa dang / khrung khrung dang / rma bya dang / ne tso dang / ri skegs dang / khu byug dang / shang shang te'u sgra 'byin pa'i skyed mos tshal gyi gnas su rgyal po btsun mo'i tshogs kyis yongs su bskor cing gshegs so/ /bud med ni me tog dang 'bras bu la dga' ba yin pas skyed mos 
tshal de dang de dag tu 'khyam par brtsams pa dang / rgyal rigs dbyar tshul ma ngal bas skyo zhing snyom par gyur nas shing mya ngan 'tshang la snyes te 'dug pa dang / ji tsam na phreng ldan mas mthong ngo / /de de'i gzugs bzang ba mthong bas shing gi lha mo yin no snyam du rig nas/ mod 
la rkang pa la phyag byas pa dang / phreng ldan ma'i lag pas reg ma thag pa nyid du gnyid log par gyur to/ /ji tsam na rgyal pos dbyar tshul ma la phreng ldan ma'i bsngags pa brjod par brtsams pa dang / des smras pa/ lha de bdag gis nam zhig na mthong bar 'gyur lags/ rgyal 
pos smras pa/ de khyed kyis mthong ngo / /lha bdag mi dran no/ /ngas khyod dran par bya'o/ /legs so/ /gang gis lag pa gnyis kyis khyod kyi rkang pa la bzung ba de dran nam/ lha de lha mo phreng ldan ma lags sam/ de yin no/ /lha gang khyod reg bya dang ldan pa'i btsun mo de lta 

</font><hr>10-1-78a<br><font size=+1>
bu spangs te/ bdag gi drung du gshegs pa de ni khyod bdag la nges par byams shing thugs gcugs pa lags so/ /de bzhin du phreng ldan ma la dbyar tshul ma ni 'di lta bu yin no zhes bsngags pa brjod par brtsams pa dang / des smras pa/ lha bdag gis nam zhig na 
mthong bar 'gyur lags/ rgyal pos smras pa/ de khyod kyis mthong ngo / /lha bdag mi dran no/ /ngas khyod dran par bya'o/ /legs so/ /khyod kyis shing mya ngan 'tshang la snyes te 'dug pa gang la phyag byas pa de dran nam/ lha ci de dbyar tshul ma lags sam/ de yin no/ /lha gang khyod 
kyis btsun mo gzugs bzang ba de lta bu spangs te bdag gi drung du gshegs pa de ni khyod nges par bdag la byams shing thugs gcugs pa lags so/ /skabs der ko sa la'i rgyal po gsal rgyal la btsun mo dam pa rgyal rigs dbyar tshul ma dang / phreng ldan ma gnyis yod de/ de dag las 
gcig ni gzugs bzang ba rnams kyi mchog yin la/ cig shos ni reg bya dang ldan pa rnams kyi mchog yin no zhes phyogs su sgra grags pa dang / dge slong rnams the tshom skyes nas/ the tshom thams cad gcod par mdzad pa sangs rgyas bcom ldan 'das la zhus pa/ btsun mo phreng ldan ma 
dang / dbyar tshul mas las ci zhig bgyis na/ las de'i rnam par smin pas gcig ni reg bya dang ldan pa rnams kyi mchog tu gyur la/ cig shos ni gzugs bzang ba rnams kyi mchog tu gyur/ bcom ldan 'das kyis bka' stsal pa/ dge slong dag de dag nyid kyis las tshogs rnyed pa/ /
rkyen yongs su bsgyur ba/ 'od pa bzhin du nye bar gnas pa gdon mi za bar 'byung bar 'gyur ba dag byas shing bsags pas de dag nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni sa'i khams la rnam par smin 
par mi 'gyur/ chu'i khams la ma yin/ me'i khams la ma yin/ rlung gi khams la ma yin gyi/ 'on kyang las dge ba dang / mi dge ba byas shing bsags pa dag ni zin pa'i phung po dang / khams dang / skye mched dag la rnam par smin par 'gyur te/ bskal pa brgya phrag rnams su 

</font><hr>10-1-78b<br><font size=+1>
yang / /las rnams chud zar mi 'gyur te/ /tshogs shing dus la bab pa na/ /lus can rnams la 'bras bur smin/ /dge slong dag sngon byung ba 'das pa'i dus na ri brags shig na bram ze zhig 'dug pa des rigs mnyam pa las chung ma blangs te de de dang lhan cig rtse bar byed/ dga' bar byed/ 
dga' mgur spyod par byed de/ de rtse bar byed/ dga' bar byed/ dga' mgur spyad pas bu khye'u zhig btsas so/ /yang rtse bar byed/ dga' bar byed/ dga' mgur spyod par byed pa las bu mo zhig btsas te/ de dag bsrings shing bskyed nas chen por gyur to/ /ji tsam dus gzhan zhig 
na bram ze de chung ma dang bcas te shi nas bram ze'i khye'u de pha ma dang bral bas dben pa la dga' bar gyur te/ de sring mo de khrid de dgon pa'i gnas su song nas 'khod de/ der de dag rtsa ba dang / sdong bu dang / me tog dang / 'bras bu dag gis 'tsho bar brtsams so/ /bcom ldan 'das kyis 
bka' stsal pa/ dge slong dag sbrul nag po la ni nyes dmigs rnam pa lnga yod de/ lnga gang zhe na/ khro ba dang / khon du 'dzin pa dang / 'khu ba dang / byas pa mi gzo ba dang / dug rno ba'o/ /de bzhin du bud med kha cig la yang nyes dmigs rnam pa lnga yod de/ lnga gang zhe na/ khro ba dang / 
khon du 'dzin pa dang / 'khu ba dang / byas pa mi gzo ba dang / dug rno ba'o/ /dge slong dag de la bud med kyi dug rno ba ni 'di yin te/ 'di ltar bud med ni phal cher 'dod chags lhag par che ba'o/ /de'i sring mo de nyon mongs pa dag gis gdungs nas/ des smras pa/ ming po bdag dgon 
pa'i rtsa ba dang / sdong bu dang / me tog dang / 'bras bus 'tsho ba'i rngo mi thog gis grong mthar bzhud do/ /des de khrid de grong mthar song ste/ de bram ze zhig gi der slong mo la zhugs so/ /des sring mo dang lhan cig slong mo'i phyir cig car sgra phyung ba bram zes thos nas phyir phyung nas smras pa/ 
drang srong dag kyang chung ma dang bcas te rgyu'am/ des smras pa/ 'di bdag gi chung ma ma yin gyi sring mo'o/ /'di su la byin/ su la yang ma byin no/ /gal te de lta na kho bo la ci'i phyir mi byin/ 'di ni dam pa ma yin pa sdig pa'i chos de spangs pa yin no/ /de 'dod pa'i 'dod chags kyis gdungs 

</font><hr>10-1-79a<br><font size=+1>
pas smras pa/ ming po ci bdag dgon pa'i rtsa ba dang / sdong bu dang / lo ma dang / me tog dang / 'bras bus 'tsho ba'i rngo mi thog pa med snyam mam/ bdag gis ni nyon mongs pa spang rngo ma thog pa'i slad du khyod la 'di skad bgyis kyis/ bdag bram ze 'di la stsol cig /des 
smras pa/ de ni chos dang 'gal bas ngas khyod sbyin par mi bya'i khyod nyid shes par zad do/ /bram ze des de dang de'i bsam pa shes pa nas 'byor pa'i dpal chen pos de bag mar blangs te/ rang gi khyim du bcug go/ /de nas de'i ming po de la smras pa/ ming po tshur spyon khyod kyi khab 
dbub par mdzod cig dang thabs cig tu bzhugs so/ /des smras pa/ sring mo kho bo ni 'dod pa don du mi gnyer te/ khyod kyis gnang na rab tu 'byung ngo / /des smras pa/ dam zhig bca' ste/ gal te khyod skabs skabs su bdag gzigs shing byon na gnang bar bgyi'o/ /
des smras pa/ legs te de bzhin bya'o/ /de des gnang nas drang srong rnams kyi nang du rab tu byung ngo / /de dge ba'i rtsa ba bskyed pa yin pas des slob dpon med par byang chub kyi phyogs dang mthun pa'i chos sum bcu rtsa bdun mngon du byas te rang byang chub mngon sum du byas nas des bsams pa/ 
bdag gis sring mo de la 'ong ngo zhes dam bcas pas de'i phyir de'i gan du 'gro bar bya'o snyam nas/ de de'i gan du song ngo / /song nas 'bar ba dang / gsal ba dang / char 'bab pa dang / glog 'byung ba'i cho 'phrul dag bya bar brtsams pa dang / so so'i skye bo dag ni rdzu 'phrul la myur du dad pa 
yin pas de shing drungs nas bcad pa bzhin du rkang pa la phyag 'tshal te smras pa/ ming po khyod kyis yon tan gyi khyad par 'di lta bu thob bam/ thob bo/ /gal te de lta na khyod ni bsod snyoms don du gnyer ba lags/ bdag kyang bsod nams don du gnyer ba lags pas de'i slad du 'di 
nyid du bzhugs shig dang / khyod la bdag gis bsod snyoms dbul bar bgyi'o/ /des smras pa/ sring mo khyod ni gzhan la rag las pa yin gyis/ khyim thab la je dris shig /legs te de bzhin bgyi'o/ /des khyim thab la smras pa/ rje'i sras bdag gi ming po rab tu byung ba 

</font><hr>10-1-79b<br><font size=+1>
brtul zhugs grub pa bdag nyid chen por gyur te/ gal te khyod kyis gnang na bdag gis zla ba gsum du bsod snyoms la spyan drang ngo / /des smras pa/ bzang mo gal te 'di rab tu byung bar ma gyur na bdag cag gis mi 'dod bzhin gso dgos par 'gyur na/ da rab tu byung ste brtul zhugs grub pa 
bdag nyid chen por gyur na lta smos kyang ci dgos/ song la spyan drongs shig /des de zla ba gsum du bsod snyoms la spyan drangs so/ /bram ze de'i chung ma gnyis pa gzhan zhig yod pa des bsams pa/ bdag cag longs spyod thun mong las 'di ni bsod nams 'di lta bu byed na bdag gi ci'i 
phyir mi bya snyam du rig nas de la smras pa/ phu nu mo khyod kyi dral gang lags pa de bdag gi ming po yang de kho na lags pas khyod kyi gdugs gcig bshos gsol la/ bdag gis kyang gdugs gcig bshos gsol bar bgyi'o/ /des smras pa/ legs te/ de bzhin bgyi'o/ /rang sangs 
rgyas kyi sring mo de de'i sems bsrung ba'i phyir zas bsod pa reg bya phun sum tshogs pa zas dman pas g.yogs te de la bstan nas phu nu mo khyod rjes su yi rang bar byos shig /bdag gi ming po la zhal zas 'di lta bu gsol lo/ /des smras pa/ legs so/ /rjes su yi rang ngo / /de yang de'i 
sems bsrung ba'i phyir zas dman pa bsod pa dag gis g.yogs te de la bstan nas/ phu nu mo khyod kyang rjes su yi rang bgyis shig /bdag kyang dral la zhal zas bsod pa kha dog phun sum tshogs pa 'di lta bu gsol lo/ /dge slong dag ji snyam du sems/ rang sangs rgyas kyi sring mo gang 
yin pa des rang sangs rgyas la reg bya phun sum tshogs pa zas dman pas bkab ste 'bul ba gang yin pa de ni lha mo phreng ldan ma 'di nyid yin te/ de'i tshe de'i dus na 'dis gang rang sangs rgyas la reg bya phun sum tshogs pa zas dman pas bkab ste/ phul ba'i las de'i rnam par smin pas tshe rabs lnga brgyar 
reg bya dang ldan par gyur te/ da'i bar du yang reg bya dang ldan pa rnams kyi mchog tu gyur to/ /cig shos gang yin pa des rang sangs rgyas la zas dman pa kha dog phun sum tshogs pas bkab ste phul ba gang yin pa de ni rgyal rigs dbyar tshul ma 'di nyid yin te/ de'i tshe de'i dus na gang 'dis rang sangs 

</font><hr>10-1-80a<br><font size=+1>
rgyas la zas dman pa kha dog phun sum tshogs pas bkab ste phul ba'i las de'i rnam par smin pas tshe rabs lnga brgyar gzugs bzang bar gyur te/ da'i bar du yang gzugs bzang ba rnams kyi mchog tu gyur to/ /dge slong dag de lta bas na las gcig tu gnag pa rnams kyi rnam 
par smin pa ni gcig tu gnag pa yin la zhes bya ba nas/ dge slong dag 'di ltar bslab par bya'o zhes bya ba'i bar snga ma bzhin no/ /dus gzhan zhig na lha mo phreng ldan ma sems can zhugs par gyur to/ /nyi ma gang la sems can zhugs par gyur pa de nyid kyi nyi ma la bram ze mdun na 'don 
gyi chung ma la yang sems can zhugs par gyur te/ nyi ma gang la sems can zhugs par gyur pa de nyid kyi nyi ma nas sdug bsngal gyis nyen to/ /ji tsam na lha mo phreng ldan ma zla ba dgu lon nas khye'u gzugs bzang ba blta na sdug pa mdzes pa zhig btsas so/ /de'i btsas pa'i btsas ston 
rgya cher byas nas/ khye'u 'di'i ming cir gdags zhes ming 'dogs par byed pa na/ rgyal pos smras pa/ song la 'di phyi mo la phul cig dang / de nyid ming 'dogs par 'gyur ro/ /blon po rnams kyis de khyer te de'i gan du dong nas smras pa/ lha mo lha'i zhal nas gzhon nu'i ming 
gdags su gsol zhes byung ngo / /des smras pa/ shes ldan dag ngas dang po nyid nas bu zan ma'i bu mo 'dis ko sa la'i rigs 'di rgyas par 'gyur ro/ /zhes ma smras sam/ blon po dag gis smras pa/ de'i don 'tshal te/ lha mos 'di ma bltam pa nyid nas 'phags skyes po 
zhes kun du spyad pas de'i slad du gzhon nu'i mtshan 'phags skyes po zhes gdags so zhes de'i ming 'phags skyes po zhes bya bar btags so/ /gang gi nyin par gzhon nu 'phags skyes po btsas pa de nyid kyi nyi ma la mdun na 'don gyi bu btsas nas/ de'i nye du dag kyang 'ongs shing 
'dus nas zhag bdun gsum nyi shu gcig tu btsas pa'i btsas ston rgya cher byas nas khye'u 'di'i ming cir gdags zhes ming 'dogs par byed pa na/ de na kha cig gis smras pa/ 'di gang gi nyi ma la ma'i mngal du zhugs pa de'i nyin mo nyid nas ma sdug bsngal gyis nyen cing / skyes nas kyang sdug 

</font><hr>10-1-80b<br><font size=+1>
bsngal ba kho na yin pas de'i phyir khye'u'i ming ma la gnod ces gdags so zhes de'i ming ma la gnod ces bya bar btags so/ /gzhon nu 'phags skyes po ma ma brgyad po nu ma snun pa'i ma ma gnyis dang / pang na 'tsho ba'i ma ma gnyis dang / dri ma 'phyi ba'i ma ma gnyis dang / rtse na grogs kyi 
ma ma gnyis la gtad de/ ma ma brgyad po de dag gis 'o ma dang / zho dang / mar dang / zhun mar dang mar gyi snying khu dang / gzhan yang yo byad kyi khyad par gtso bo gtso bo dag gis rdzing na gnas pa'i pad ma bzhin du bsrings shing bskyed do/ /gang gi tshe de chen por gyur pa de'i tshe yi ge 
bslabs te/ yi ge mthar phyin nas brtag pa brgyad po 'di lta ste/ rin po che brtag pa dang / shing brtag pa dang / gzhi brtag pa dang / gos brtag pa dang / glang po che brtag pa dang / rta brtag pa dang / bud med brtag pa dang / skyes pa brtag pa dag la mkhas par gyur cing / 
dbye ba dang / bklag pa la mkhas shing spyod pa gsal ba/ rnam pa thams cad kyi tshul la mkhas te/ de rgyal po rgyal rigs spyi bo nas dbang bskur ba/ yul gyi dbang phyug mthu dang / brtson 'grus thob pa sa'i dkyil 'khor chen po cham du phab ste/ gnas pa rnams kyi bzo'i 
gnas dang las kyi gnas gang dag yin pa 'di lta ste/ glang po che'i gnyar bzhon pa dang / rta la bzhon pa dang / shing rta'i thabs dang / ral gri'i thabs dang / gzhu gzung ba dang / mdun du bsnur ba dang / phyir bsnur ba dang / lcags kyus sgyur thabs dang / zhags pa gdab 
pa dang / mda' bo che'i 'phen thabs dang / 'dzin stangs dang / gom stabs dang / thor tshugs dang / rgyang nas phog pa dang / sgra grag par phog pa dang / gnad du phog pa dang / mi 'chor bar phog pa dang / tshabs che ba dang / dral ba dang / dbug pa dang / gcad pa'i gnas lnga po 
dag la mkhas par gyur to/ /khye'u ma la gnod kyang ma ma brgyad po dag la gtad de zhes bya ba nas rdzing na gnas pa'i pad ma bzhin du zhes bya ba'i bar snga ma bzhin no/ /de gang gi tshe chen por gyur pa de'i tshe yi ge bslabs te/ bram ze'i lta ba dang / spyod lam dang / tshul dang / gtsang sbra dang /

</font><hr>10-1-81a<br><font size=+1>
spyod tshul dang / ril ba gzung ba dang / sa blang ba dang / thal ba blang ba dang / oM zhes bya ba dang / b+ho zhes bya ba dang / nges brjod kyi rig byed dang / mchod sbyin gyi rig byed dang / snyan tshig gi rig byed dang / srid srung gi rig byed dang / drang srong ga rgas byas pa dang / mA tha 
ras byas pa dang / sa g.yo ba'i dpyad dang / bar snang gi dpyad dang / bram ze'i las kyi mtha' drug po mchod sbyin byed pa dang / mchod sbyin byed du 'jug pa dang / klog pa dang / klog tu 'jug pa dang / sbyin pa dang / len pa dag la mkhas par gyur to/ /ji tsam dus gzhan zhig na 
'phags skyes po dang / ma la gnod lhan cig ri dgas bshor ba'i phyir dong ba dang / de rtas kha khyer te ser skya'i gnas su phyin nas de dang de dag na 'khyam zhing ser skya na gnas pa'i shAkya rnams kyi skyed mos tshal du song ngo / /skyed mos tshal srung ba'i mis ser skya na gnas pa'i shAkya rnams la smras 
pa/ shes ldan dag 'phags skyes po rtas kha khyer te khyed kyi skyed mos tshal du 'ongs so/ /de rnams mi bzod pa skyes nas smras pa/ shes ldan dag gal te de lta na dus la bab pa 'di yin gyis 'dong de bsad do/ /de bzhin bya'o zhes de rnams go bgos te dong ba dang/ shAkya rgan rabs rnams 
kyis mthong nas de dag gis smras pa/ gzhon nu dag gar 'dong / de rnams kyis smras pa/ 'phags skyes po bdag cag gi skyed mos tshal du mchis te/ de 'gums su mchi'o/ /shAkya rgan rabs rnams kyis smras pa/ gzhon nu dag de glo bur pa yin pas de'i nyes pa 'ga' bzod 
pa gyis la phyir log shig /de rnams phyir log pa dang / ji tsam na 'phags skyes po'i dpung gi tshogs yan lag bzhi pas gcig nas gcig tu thos nas tshol zhing skyed mos tshal du 'ongs nas dpung gi tshogs yan lag bzhi pas skyed mos tshal kun nas khyab par gyur pa dang / skyed 
mos tshal srung ba'i mis ser skya na gnas pa'i shAkya rnams la smras pa/ shes ldan dag 'phags skyes po'i dpung gi tshogs yan lag bzhi pa rnams skyed mos tshal du lhags te/ glang po che dang / rta'i mi gtsang ba dag gis skyed mos tshal thams cad ma rung bar byas so/ /de rnams 

</font><hr>10-1-81b<br><font size=+1>
shin tu mi bzod pa skyes nas shAkya rgan po'i tshig bcag ste 'phags skyes po gsad pa'i phyir dong ba dang / 'phags skyes pos 'di ltar ser skya na gnas pa'i shAkya rnams bdag gsod du 'ong ngo zhes thos nas/ des mi zhig bzhag ste smras pa/ kye skyes bu nga gud du 'gros/ /khyod kyi ser skya na 
gnas pa'i shAkya rnams ci zer ba de nga la zlos shig /ser skya na gnas pa'i shAkya rnams skyed mos tshal du 'ongs pa na 'phags skyes po mi snang nas/ de rnams kyi mi de la bran mo'i bu de gar song zhes dris pa dang / des smras pa/ bros te mchis so/ /de dag las kha cig gis smras pa/ 
de gal te bdag cag gis mthong bar gyur na/ bdag cag gis de'i lag pa bcad par 'gyur ro/ /gzhan dag gis smras pa/ gal te bros par ma gyur na/ de kho bo cag gis rkang pa bcad par 'gyur ro/ /kha cig gis smras pa/ kho bo cag gis ni thams cad kyi thams cad du srog 
dang phral bar 'gyur ba zhig na/ gal te bros na da ji ltar bya/ de dag gi gla mi rnams la bsgo ba/ skyed mos tshal phyag dar byos la bran mo'i bus phyogs gang du bcag pa'i phyogs de'i sa dag 'or la sa gzhan gyis khong shig /rtsig pa'i phyogs gang la brten pa de dag kyang zhal zhal 
khogs la gzhan gyis yugs shig /'o ma'i chus chag chag thob la spos chus thor te/ dri dang me tog la sogs pas kyang shin tu phun sum tshogs par byos shig /des de bzhin du byas so/ /de nas mi des ji ltar gyur pa dag mthong nas 'phags skyes po'i gan du song ste rkang pa 
gnyis la phyag 'tshal nas mtha' gcig tu 'dug go/ /'phags skyes pos smras pa/ kwa'e skyes bu ser skya na gnas pa'i shAkya rnams ci zer/ lha ji skad mchi ba lha la gsol ba'i rngo mi thog ste/ de ni de dag nyid la gyur cig /kwa'e skyes bu de yang shes pa tsam du byas smros shig /
des de dus kyis 'chu bar rtogs nas rgyas par bsnyad pa dang / des nang mi rnams la smras pa/ shes ldan dag gang gi tshe nga yab 'das te rgyal por gyur pa de'i tshe ngas de dag srog dang dbral ba gang yin pa de kho na thog mar bya dgos kyis/ khyed kyis ji ltar gyur pa 'di thams cad skul cig dang / ngas 

</font><hr>10-1-82a<br><font size=+1>
ser skya na gnas pa'i shAkya rnams kha gdag go/ /de rnams kyis kyang khas blangs so/ /ma la gnod kyis smras pa/ legs so legs so/ /lha khyod kyis kyang de ni gdon mi 'tshal bar bgyi 'tshal te/ dge ba rnams ni dam bcas pa la brtan pa lags so/ /des smras 
pa/ nga dus ji tsam zhig na rgyal por 'gyur ba de mi shes so/ /ma la gnod kyis smras pa/ de ltar ma dgongs shig /rgyal po bgres po ni ring por mi thogs par lha nyid du gshegs pas khyod nyid rgyal por 'gyur ro/ /'dod pa bsten pas ni sdig pa'i las mi bya ba ci yang med pas 
ko sa la'i rgyal po gsal rgyal la blon po lnga brgya yod pa las 'phags skyes po blon po rnams dang dbye bar brtsams pa dang / spyod pa'i bu ring po ma gtogs pa thams cad kha phyin to/ /blon po'i mchog de ni rje bo la snying nye ba yin pas kha ma phyin to/ /ji tsam dus gzhan zhig na spyod pa'i bu ring 
po bya ba zhig gi phyir 'phags skyes po'i gan du song ba dang / 'phags skyes pos rgyal po gsal rgyal gsad pa'i sbyor bas spyod pa'i bu ring po la ser skya na gnas pa'i shAkya rnams la ngas sha glan par bya na/ nga nam rgyal por 'gyur ba smros shig /des smras pa/ lha ci'i 
slad du bsod nams ma lags pa skyed par mdzad/ rgyal po bgres po ni ring por mi thogs par lha nyid du gshegs te rgyal por gzhan mi 'gyur gyi khyod nyid 'gyur ro/ /spyod pa'i bu ring po de ni ngas bgam par khyod kho na la smras kyi/ khyod kyis su la yang smra bar mi bya'o/ /lha bdag gis 
ma 'tshal tam ci/ su la yang ji ltar brjod par bgyi zhes smras te song ngo / /de'i tshe bcom ldan 'das shAkya rnams kyi nang na shAkya rnams kyi grong rdal me tsu ru di zhes bya ba na bzhugs te/ de nas ko sa la'i rgyal po gsal rgyal bzhon pa bzang po la zhon te kha lo sgyur ba spyod pa'i bu ring po dang / /
ljongs rgyu zhing 'gro ba na grong khyer zhig tu phyin nas ko sa la'i rgyal po gsal rgyal gyis dgon pa'i nags 'dab bas mtha'i gnas mal dben pa skye bo sdig can dang bral ba mi chig rkya thub pas so sor bsten pa nang du yang dag 'jog dang mthun pa mthong ngo / /mthong nas yang spyod pa'i bu ring po 

</font><hr>10-1-82b<br><font size=+1>
la smras pa/ spyod pa'i bu ring po bcom ldan 'das de dgon pa nags 'dab bas mtha'i gnas mal dben pa skye bo sdig can rnams dang bral ba mi chig rkya thub pas so sor bsten pa nang du yang dag 'jog dang mthun pa 'di lta bu na bzhugs te/ der ngas bcom ldan 'das de la re 'ga' bsnyen bkur byas 
na ring po bcom ldan 'das da ltar gang na bzhugs/ ji ga khyod kyis thos sam/ lha bdag gis thos te bcom ldan 'das ni shAkya rnams kyi nang na shAkya rnams kyi grong rdal me tsu ru di zhes bgyi ba na bzhugs so/ /ring po shAkya rnams kyi grong rdal me tsu ru di zhes bya bar thag ji srid yod/ /lha rgyang 
grags gsum lhag tsam mchis so/ /des ring po shAkya rnams kyi grong rdal me tsu ru di ga la ba der shing rta drongs shig /lha de bzhin 'tshal lo zhes spyod pa'i bu ring pos ko sa la'i rgyal po gsal rgyal gyi ltar mnyan nas/ shAkya rnams kyi grong rdal me tsu ru di ga la ba der shing rta khrid de bzhon pas 'gro ba'i 
sa ji srid pa de ji srid du zhon te song nas bzhon pa las babs te rkang pas kun dga'i ra bar zhugs so/ /de'i tshe bcom ldan 'das gtsug lag khang chen po sgo bcad pa zhig na nyin mo gnas pas bzhugs so/ /dge slong mang po rnams ni gtsug lag khang gi phyi rol bla gab med pa'i 'chag sa na 'chag 
par byed pa ko sa la'i rgyal po gsal rgyal gyis mthong ngo / /dge slong mang po dag thag ring po nyid nas mthong nas kyang dge slong mang po dag ga la ba der song ste phyin nas dge slong mang po dag la 'di skad ces smras so/ /btsun pa dag bcom ldan 'das ga la bzhugs/ rgyal po chen po bcom ldan 'das 
ni gtsug lag khang chen po chab sgo bkum pa 'di na nyin mo gnas pas bzhugs te/ rgyal po chen po khyod bzhed na gtsug lag khang chen po sgo bkum pa ga la ba der bzhud de/ der byon pa dang khad kyis dal bu dal bus sgo glegs la rdungs shig dang / bcom ldan 'das chab sgo 'byed par 'gyur ro/ /
de nas ko sa la'i rgyal po gsal rgyal gyi rgyal po'i rtags lnga po gtsug tor dang / gdugs dang / ral gri dang / rnga yab nor bu'i yu ba can dang / lham khra bo dag phud de/ spyod pa'i bu ring po la byin nas kha phyir lta'o/ /de nas spyod pa'i bu ring po 'di snyam du sems te/ lhas rgyal po'i rtags 

</font><hr>10-1-83a<br><font size=+1>
lnga po gtsug tor dang / gdugs dang / ral gri dang / rnga yab nor bu'i yu ba can dang / lham khra bo dag bdag la bzhag ste/ zhal phyir gzigs pa las na/ lha ni phrin las gsang ba zhig mdzad par bzhed pas bdag 'di nyid du 'dug par bya'o snyam mo/ /de nas ko sa la'i 
rgyal po gsal rgyal gtsug lag khang chen po sgo bcad pa ga la ba der song ste phyin nas/ khad kyis dal bu dal bus sgo glegs la brdabs pa dang / de la bcom ldan 'das kyis sgo phye'o/ /de nas ko sa la'i rgyal po gsal rgyal bcom ldan 'das ga la ba der song ste phyin nas bcom ldan 'das 
kyi zhabs gnyis la mgo bos phyag 'tshal te/ gdong dang kha phyis nas 'di skad ces gsol to/ /bcom ldan 'das bdag gis ring mo zhig lags nas mthong ngo / /bde bar gshegs pa bdag gis ring mo zhig lags nas mthong ngo / /de nas bcom ldan 'das kyis ko sa la'i rgyal po 
gsal rgyal la 'di skad ces bka' stsal to/ /rgyal po chen po khyod ci'i phyir de bzhin gshegs pa la shin tu dman pa bas kyang ches dman pa byed/ btsun pa bcom ldan 'das bdag la chos las byung ba'i dad pa mchis te/ des na bdag 'di snyam du bcom ldan 'das ni de bzhin gshegs pa dgra 
bcom pa yang dag par rdzogs pa'i sangs rgyas so/ /khyod kyi chos 'dul ba ni legs par gsungs pa'o/ /nyan thos kyi dge 'dun ni legs par zhugs pa'o snyam mo/ /rgyal po chen po khyod nga la chos las byung ba'i dad pa ji lta bu zhig yod/ btsun pa bdag gis 'di na dge sbyong dang bram ze 
mkhas pa mkhas pa'i nga rgyal can smra ba dang / phas kyi rgol ba la goms par bgyis pa/ skye bo phal po che la byis pa'i dang yas 'bigs pa'i ngo bor bkur ba kha cig mthong ste/ de dag rang gi shes rab dang spobs pas gzhan gyi lta ba'i rnam pa 'dren ma'i ngo bo dag 'jig cing de dag zhu ba rtsom 
par bgyid de/ bdag cag shes ldan go+o ta ma de'i drung du dong la dri ba 'di dang 'di lta bu dag dri ste/ gal te lung ston par mi byed na ni brtsad par bya'o/ /gal te 'di lta bu dang 'di lta bu yin no/ /zhes lung ston par byas na/ de lta na de la 'di skad ces brjod par bya ste/ kye go+o ta ma khyod kyi 'di ni mi 

</font><hr>10-1-83b<br><font size=+1>
rigs so/ /'di ni mi 'dra'o/ /'di ni mi 'thad do/ /zhes brjod par bya'o/ /zhes de rnams kyis zhu ba de dag bsngogs nas bcom ldan 'das kyi spyan sngar bab par mchis pa'i rngo yang ma thog na smra bar lta ga la rngo thog ste/ btsun pa bdag bcom ldan 'das la chos las byung ba'i dad pa de lta 
bu mchis te/ des na bdag 'di snyam du bcom ldan 'das ni de bzhin gshegs pa dgra bcom pa yang dag par rdzogs pa'i sangs rgyas lags/ khyod kyi chos 'dul ba ni legs par gsungs pa lags/ nyan thos kyi dge 'dun ni legs par zhugs pa lags so snyam bgyid do/ /btsun pa 
bdag la bcom ldan 'das la chos las byung ba'i dad pa gzhan yang mchis te/ btsun pa 'di na bdag gis dge sbyong dang / bram ze mkhas pa mkhas pa'i nga rgyal can zhes bya ba nas/ kha cig mthong ste zhes bya ba'i bar snga ma bzhin no/ /de rnams kyis zhus pa de dag bsngogs nas/ bcom 
ldan 'das ga la ba der mchis te phyin nas/ bcom ldan 'das la zhu ba zhu ba'i rngo mi thog gi/ gzhan du na bcom ldan 'das kho na'i zhal du lta ba dang / zhal du rtog par bgyid cing / bcom ldan 'das gau ta ma 'di kho nas shes par bya ba mkhyen to/ /gzigs par bya ba gzigs so snyam ste/ 
btsun pa 'di yang bdag bcom ldan 'das la chos las byung ba'i dad pa lags te/ zhes bya ba snga ma bzhin no/ /btsun pa bdag la chos las byung ba'i dad pa gzhan yang mchis te/ btsun pa 'di na bdag gis dge sbyong dang / bram ze mkhas pa mkhas pa'i nga rgyal can zhes bya ba nas kha cig mthong ste zhes bya ba'i 
bar snga ma bzhin no/ /des zhu ba de dag bsngogs nas bcom ldan 'das ga la ba der mchis te phyin nas/ bcom ldan 'das la zhu ba yongs su ma rdzogs par zhus pa dang / bcom ldan 'das kyis de dag la zhu ba yongs su ma rdzogs par zhus bzhin yongs su rdzogs par lung bstan pa dang / de dag 
zhu ba lung bstan pa de yi rangs shing mgu nas sangs rgyas dang / chos dang / dge slong gi dge 'dun la skyabs su mchi zhing bslab pa'i gnas dag kyang len pa bgyid de/ btsun pa 'di yang bdag bcom ldan 'das la chos las byung ba'i dad pa lags so zhes bya ba'i bar snga ma bzhin no/ /btsun pa 

</font><hr>10-1-84a<br><font size=+1>
bdag la bcom ldan 'das la chos las byung ba'i dad pa gzhan yang mchis te/ 'di na bdag gis bram ze dang khyim bdag mkhas pa mkhas pa'i nga rgyal can zhes bya ba nas/ kha cig mthong zhes bya ba'i bar snga ma bzhin no/ /de dag gis zhus pa de dag bsngogs nas bcom ldan 'das ga 
la ba der song ste phyin nas/ zhu ba rdzogs par zhus pa dang / bcom ldan 'das kyis de dag la chos yongs su rdzogs par lung bstan nas/ de dag lung bstan pa des yi rangs shing mgu nas bcom ldan 'das la rab tu byung ba dang / bsnyen par rdzogs pa dge slong gi dngos po gsol zhing / bcom ldan 
'das kyis rab tu byung bar mdzad/ bsnyen par rdzogs par mdzad de/ rab tu byung ba bsnyen par rdzogs pa dgra bcom pa nyid thob pa rnam par grol ba'i dga' ba dang bde ba nyams su myong ba de dag 'di snyam du sems te/ bdag cag de'u ma rung ngo / /bdag cag rab tu de'u ma rung ngo / /bdag cag 
sngon dge sbyong ma yin bzhin du bdag cag dge sbyong ngo snyam du khas 'che 'che/ bdag cag bram ze dang / dgra bcom pa ma yin bzhin du bdag cag dgra bcom pa'o snyam du khas 'che'i/ nga ni bdag cag dge sbyong dang / bram ze dang / dgra bcom pa yin no snyam ste/ btsun pa 'di yang bdag bcom ldan 
'das la chos las byung ba'i dad pa lags te zhes bya ba snga ma bzhin no/ /btsun pa bdag la bcom ldan 'das la chos las byung ba'i dad pa gzhan yang mchis te/ btsun pa 'di la bdag gis dge sbyong dang bram ze skya bo bseng bseng po sha bri srab pa/ nyam chung ba mdog ngan pa/ dbang po nyams pa skye bo 
mang po'i mig gis bltar mi chags pa dag cig mthong ngo / /mthong nas kyang bdag 'di snyam du sems te/ shes ldan 'di dag mi 'dod bzhin du tshangs par spyad pa spyod pa 'am/ nad yun ring po 'ga' zhig gis thebs sam/ sdig pa mi dge ba'i las 'ga' zhig lkog tu byas nas bcabs par ma 
gyur grang / 'di ltar shes ldan 'di dag skya bo bseng bseng po sha bri ngan pa/ nyam chung ba dbang po nyams pa/ skye bo mang po'i mig gis bltar mi chags so snyam mo/ /de dag gi drung du mchis shing mchis nas 'di skad ces bgyis te/ shes ldan dag ci'i phyir skya bo bseng bseng po sha bri ngan pa/

</font><hr>10-1-84b<br><font size=+1>
nyam chung ba dbang po nyams pa/ skye bo mang po'i mig gis bltar mi chags par gyur/ de dag gi mchid nas rgyal po chen po 'dod chags kyis gnod do/ /btsun pa de la bdag 'di snyam du sems te gal te 'dod pa rnams rnyed pa dang bsten pa dang bsags pas gzugs bzang ba'am blta na sdug pa'am/ mdzes pa 
zhig tu 'gyur na ni da lta ko sa la'i rgyal po gsal rgyal bdag gzugs ches bzang ba dang / ches blta na sdug pa/ ches mdzes par 'gyur ro/ /de ci'i phyir zhe na/ ko sa la'i rgyal po gsal rgyal bdag ni 'dod pa'i yon tan lnga po rnams 'dod dgur rnyed pa dang / tshegs med par rnyed lags so/ /
gang gi phyir 'dod pa rnams rnyed pa dang bsten pa dang bsags pas gzugs ches bzang ba dang / ches blta na sdug pa/ ches mdzes par mi 'gyur ba de'i phyir bdag gis bcom ldan 'das kyi nyan thos kyi dge 'dun gzugs shin tu bzang ba/ dbang po rgyas pa/ bzhin gyi mdangs gsal ba/ pags 
pa'i mdog yongs su dag pa/ sems khral chung ba/ 'tsho ba gzhan la rag ma lus pa mthong ste/ des na ji srid 'tsho'i bar du tshangs par spyod pa ma 'dres pa/ yongs su rdzogs pa/ yongs su dag pa/ yongs su byang ba spyod par nus so snyam ste/ btsun pa 'di yang bdag bcom ldan 
'das la chos las byung ba'i dad pa lags te zhes bya ba snga ma bzhin no/ /btsun pa bdag la bcom ldan 'das la chos las byung ba'i dad pa gzhan yang mchis te/ btsun pa 'di na bdag gis nor gyi slad du mchis pa rnams 'dod pa'i rgyu dang / 'dod pa'i gzhi dang 'dod pa'i ched kyi slad du ma ni bu dang lhan 
cig rtsod/ bu ni ma dang / pha ni bu dang / bu ni pha dang / ming po ni sring mo dang / sring mo ni ming po dang / grogs po ni grogs dang rtsod pa dag mthong na skye bo dang skye bor lta smos kyang ci 'tshal de dag rtsod cing 'gyed par gyur pa na/ ma ni bu'i mi snyan pa smra/ bu ni ma'i/ pha ni bu'i/ bu ni pha'i/ 
ming po ni sring mo'i/ sring mo ni ming po'i/ grogs ni grogs kyi mi snyan pa smra na/ skye bo skye bo'i lta smos kyang ci 'tshal/ yang 'di na bdag gis mthong ba/ dge slong gnyis shig dge slong dag dang lhan cig gzhi 'ga' zhig gi slad du rtsod nas bslab pa phul te babs par gyur na/ de dag rnam grangs gang 

</font><hr>10-1-85a<br><font size=+1>
gis kyang sangs rgyas la mi snyan pa brjod pa'am/ chos dang dge 'dun la mi snyan pa brjod par mi bgyid kyi/ gzhan du na bdag nyid kho na la yongs su smod pas yongs su smod par bgyid de/ bdag cag gnyis ni 'di na dman pa dang ma rabs dang dpal med pa ste bdag cag gis bcom ldan 
'das kyi spyan sngar ji srid 'tsho ba'i bar du tshangs par spyod pa/ ma 'dres pa/ yongs su rdzogs pa/ yongs su dag pa/ yongs su byang ba/ spyad par ma nus so zhes mchis te/ btsun pa 'di yang bdag bcom ldan 'das la chos las byung ba'i dad pa lags so zhes bya ba snga ma bzhin no/ /btsun pa 
bdag la bcom ldan 'das la chos las byung ba'i dad pa gzhan yang mchis te/ btsun pa 'di na ko sa la'i rgyal po gsal rgyal bdag dgum par bgyi ba ma lags pa rnams kyang 'gums/ dgum par bgyi ba rnams ni gtong bar dbang na/ bdag don gyi ched du mchis pa la rgyal rigs rgya chen po shing sA 
la chen po lta bu dag dang / bram ze rgya chen po shing sA la chen po lta bu dag dang / khyim bdag rgya chen po shing sA la chen po lta bu dag gtam mjug tu phyin pa la mi sdod par bar skabs bar skabs su bka' mchid mchi zhing / ma gus pa dang zhes ma mchis par smra bar bgyi bar sems lags so/ /
btsun pa dus gcig cig na/ bcom ldan 'das 'khor brgya phrag du ma'i gung la bzhugs shing / chos ston par mdzad pa de na lud pa'i sgra yang mi gda' sbrid pa'i sgra yang mi gda'o/ /de nas mi zhig gis lud pa'i sgra phyung ba dang / yang mi zhig gis mi de la 'di skad ces kye skyes 
bu khyod kha rog par 'dug /bcom ldan 'das sbrang ma'i sbrang rtsis tshim par mdzad pa lta bu'i chos snyan pa bas snyan pa ston par mdzad pa ma mthong ngam zhes smras lags so/ /de skad ces bgyis pa dang / mi de cang mi mchis par mchis so/ /de la bdag 'di snyam bgyid de/ bcom ldan 'das 
ni de tsam du mthu che zhing / rdzu 'phrul che ba lags na/ 'di na da ltar chad pa med pa dang / mtshon cha med pa'i chos snyan pas 'khor btul ba ngo mtshar to snyam ste/ btsun pa 'di yang bdag bcom ldan 'das la chos las byung ba'i dad pa lags te zhes bya ba'i bar snga ma bzhin no/ /btsun pa bdag la bcom 

</font><hr>10-1-85b<br><font size=+1>
ldan 'das la chos las byung ba'i dad pa gzhan 'di yang mchis te/ btsun pa 'di na bdag gis dge sbyong dang / bram ze kha cig mthong na nor med par bgyis te/ tshangs par spyad pa spyod pa las de zla ba dgu 'am zla ba brgyad 'das pa dang / rnam pa de dag dang / rtags de dag dang mtshan ma de dag bor te/ 
phyir 'dod pa'i yon tan lnga po dag 'byor cing ldan par gyur cing rtse bar bgyid/ dga' bar bgyid/ dga' mgur spyod par yang bgyid do/ /btsun pa 'di na bdag gis mthong ba bcom ldan 'das kyi nyan thos dag ji srid 'tsho'i bar du tshangs par spyod pa/ ma 'dres pa/ yongs su rdzogs pa/ yongs 
su dag pa/ yongs su byang ba spyod cing zhes bya ba nas/ srog gi mtha'i bar zhes bya ba dang / btsun pa 'di yang bdag bcom ldan 'das la chos las byung ba'i dad pa lags so zhes bya ba'i bar snga ma bzhin no// //'dul ba phran tshegs kyi gzhi/bam po brgyad pa/ btsun pa 
bdag la bcom ldan 'das la chos las byung ba'i dad pa gzhan 'di yang mchis te/ btsun pa 'di na bdag drang srong sbyin pa dang / rnying pa dang / de dag la yid rton cing de dag la longs spyod rnams kyang stsol/ grags pa yang stsol ba nas/ de dag gi srog gi bar yang stsol na/ de dag bcom ldan 
'das la ji lta ba de ltar bdag la bgyi ba bgyid par mi sems te/ btsun pa dus gcig cig na bdag drang srong yid brtan pa sbyin pa dang / rnying pa dag brtag par 'tshal nas/ 'khor gyi nang nas byung ste phyogs dog pa zhig tu mchis nas/ 'di ltar 'di dag bcom ldan 'das dang bdag gang logs su rkang pa ston blta'o snyam na/ de dag gis rnam grangs du mar sangs rgyas kyi bsngags pa brjod/ chos dang dge 'dun gyi bsngags pa brjod nas/ bcom ldan 'das gang na ba de logs su ni mgo bstan/ bdag ga la ba de logs su ni rkang pa bstan to/ /de la bdag 'di snyam bgyid de/ 
bcom ldan 'das ni de tsam du rdzu 'phrul che zhing mthu che ste/ 'di na da ltar bdag 'di dag la longs spyod rnams kyang sbyin/ grags pa yang sbyin pa nas/ srog gi bar yang stsol na/ 'di dag bcom ldan 'das ji lta ba de ltar bdag la bya ba byed par mi sems pa ni ngo mtshar to snyam ste zhes bya ba nas/

</font><hr>10-1-86a<br><font size=+1>
btsun pa 'di yang bdag bcom ldan 'das la chos las byung ba'i dad pa lags so zhes bya ba'i bar snga ma bzhin no/ /btsun pa bdag la chos las byung ba'i dad pa gzhan yang mchis te/ btsun pa bdag kyang yul ko sa la pa lags/ bcom ldan 'das kyang yul ko sa la pa lags/ 
bdag gi rigs kyang rgyal rigs lags/ bcom ldan 'das kyi rigs kyang rgyal rigs lags/ bdag kyang rgas pa 'khogs pa/ gtugs pa na tshod lo brgyad bcu lon pa lags/ bcom ldan 'das kyang bgres pa/ 'khogs pa/ gtugs pa/ sku na tshod lo brgyad bcu lon 
pa lags/ btsun pa bdag kyang rgyal po rgyal rigs spyi bo nas dbang bskur ba lags/ bcom ldan 'das kyang bla na med pa'i chos kyi rgyal po lags pas/ btsun pa 'di yang bdag bcom ldan 'das la chos las byung ba'i dad pa lags te/ des na bdag 'di snyam du bcom ldan 
'das ni de bzhin gshegs pa dgra bcom pa yang dag par rdzogs pa'i sangs rgyas so/ /khyod kyi chos 'dul ba ni legs par gsungs pa'o/ /nyan thos kyi dge 'dun ni legs par zhugs pa'o/ /snyam du sems lags so/ /de nas ko sa la'i rgyal po gsal rgyal gyis bcom ldan 
'das kyi spyan sngar chos sna tshogs rgya cher bshad nas/ bcom ldan 'das kyi zhabs la phyag 'tshal te song ngo / /de nas bcom ldan 'das kyis ko sa la'i rgyal po gsal rgyal song nas ring po ma lon par mkhyen nas/ dge slong rnams la bka' stsal pa/ dge slong dag khyed kyis chos sna tshogs 
pa'i chos kyi rnam grangs zung shig /chongs shig /lhogs shig /de ci'i phyir zhe na/ dge slong dag chos sna tshogs pa'i chos kyi rnam grangs ni don dang ldan pa/ chos dang ldan pa/ tshangs par spyod pa dang ldan pa ste/ mngon par shes par byed pa dang / rdzogs par byang chub par byed pa dang / mya ngan 
las 'das par byed pa yin no/ /de lta bas na rigs kyi bu dad pas rab tu byung bas chos sna tshogs pa'i chos kyi rnam grangs blangs te kun chub par byas nas de lta de ltar gzung bar bya/ bcang bar bya/ bklag par bya'o/ /ko sa la'i rgyal po gsal rgyal bcom ldan 'das kyi spyan snga na chos nyan pa la ring zhig 

</font><hr>10-1-86b<br><font size=+1>
thogs pa dang / spyod pa'i bu ring po yang cung zhig bsdad nas shing rtar zhugs te mnyan yod du song nas/ des 'phags skyes po rgyal srid la bzhag go/ /phreng ldan ma dang / dbyar tshul mas spyod pa'i bu la dris pa/ spyod pa'i bu lha ga la bzhugs/ grong rdal me tsu ru di na bzhugs so/ /de dag 
rkang gis grong rdal me tsu ru dir chas so/ /ko sa la'i rgyal po gsal rgyal yang bcom ldan 'das las chos mnyan nas gtsug lag khang nas byung na spyod pa'i bu ring po mi snang nas/ des dge slong rnams la dris pa/ 'phags pa dag spyod byed kyi bu ring po gar mchis/ de dag gis smras pa/ de lha 
nang du gshegs ma thag tu shing rtar zhugs nas mchis so zhes byas pa dang / rgyal po rkang gis song ngo / /bcom ldan 'das kyang ches snga ba zhig tu rgyal po'i khab tu gshegs so/ /ji tsam na rgyal pos lam kar phreng ldan ma dang / dbyar tshul ma mthong nas/ des de dag la dris pa/ khyed 
ci'i phyir rkang gis 'dir 'ongs/ de dag gis smras pa/ lha spyod pa'i bu ring pos 'phags skyes po rgyal srid la bzhag ste/ de nas bdag cag lha'i gan du mchis mod/ bdag cag gzhan gar mchi/ rgyal pos smras pa/ phreng ldan ma khyod kyis khyo'i rgyal srid nyams su myong zin gyis song 
la da bu'i rgyal srid nyams su myong bar gyis shig nga yang dbyar tshul ma dang lhan cig rgyal po'i khab tu 'gro'o zhes byas pa dang / phreng ldan ma snying rje rje skad du smre sngags 'don cing ngu bzhin phyir log go/ /ko sa la'i rgyal po gsal rgyal yang dbyar tshul ma dang lhan cig rgyal po'i khab tu chas te rim 
gyis rgyal po'i khab tu phyin nas phan tshun 'khyam 'khyam pa las ma skyes dgra'i skyed mos tshal du 'dug ste/ des dbyar tshul ma la smras pa/ dbyar tshul ma song la rgyal po ma skyes dgra la ko sa la'i rgyal po gsal rgyal skyed mos tshal na 'dug go zhes gyis shig /des rgyal po ma skyes dgra la smras 
pa/ lha ko sa la'i rgyal po gsal rgyal khyod kyi skyed mos tshal na bzhugs te/ lha gzigs par bzhed do/ /des thos nas bsngangs te smras pa/ shes ldan dag rgyal po de dmag mang po can yin te/ glo bur kho nar 'ongs na khyed sus kyang ma tshor ram/ dbyar tshul mas smras pa/ lha de la dmag 

</font><hr>10-1-87a<br><font size=+1>
ga la mchis/ bus rgyal srid las phyung nas de g.yog dang gnyis 'dir mchis so/ /des smras pa/ de rgyal po byed pa legs te/ bdag ni gzhon nu'i gnas na gnas so zhes smras nas/ blon po rnams la smras pa/ shes ldan dag gang ngas rgyal po rgyal rigs spyi bo nas dbang 
bskur ba bkur sti med par spyan drang ba ni nga la rigs pa ma yin par 'gyur bas deng la grong khyer mdzes pa dang / lam mdzes par gyis shig /de dag gis grong khyer de rdo ba dang / gseg ma dang / gyo mo med par byas zhes bya ba nas/ lha rnams kyi skyed mos tshal dga' ba'i tshal bzhin du zhes 
pa'i bar snga ma bzhin no/ /de nas lam mdzes pa dang / grong khyer mdzes pa so sor khyad par du 'phags par byas nas/ dril bsgrags pa shes ldan rgyal po'i khab na gnas pa dang / pho brang 'khor ba dang / yul sna tshogs nas lhags pa'i skye bo'i tshogs dag nyon cig /ko sa la'i rgyal po 
gsal rgyal skyed mos tshal na 'dug gis/ de khyed lha dang lhan cig tu gdugs dang / rgyal mtshan dang / ba dan dag gis bsu bar bya'o/ /de nas rgyal po ma skyes dgra shing rta stong phrag du ma phyi bzhin du khrid de/ dpung gi tshogs yan lag bzhi pa dang / ko sa la'i rgyal po gsal rgyal 
stsur dong ngo / /de yang ma skyes dgra ring du thogs pas bru bas bskyed pa'i sdug bsngal bar gyur to/ /skyed mos tshal dang ha cang yang mi ring ba zhig na la phug gi ra ba zhig yod pa der song ba dang / de la ldum pas la phug spar gang byin no/ /de nas des la phug gi rdog ma dang / lo ma dag zos pa 
dang / skom rab tu gyur nas rdzing drung du song ste chu ngoms par 'thungs nas langs pa dang / lag pa rengs shing ma zhu bas thebs nas shing rta'i lam du 'gyel ba dang / de 'khor lo'i dril ba'i rdul gyis kha gang nas dus las 'das so/ /rgyal po ma skyes dgra skyed mos tshal du song ste phan tshun btsal 
bar bsams nas ma rnyed de/ des phyogs bzhir pho nya rta pa bkye ste tshol cig ces byas pa dang / de na pho nya gcig la phug gi ra bar phyin nas/ des ldum pa de la dris pa/ kye skyes bu skyed mos tshal 'dir 'ongs pa 'ga' lta yod dam/ 'ongs so de gar song la phug spar gang khyer 

</font><hr>10-1-87b<br><font size=+1>
nas lam 'di nas rdzing bur song ngo / /de de'i rjes bzhin du song na shing rta'i lam na dus las 'das par mthong ngo / /des rgyal po ma skyes dgra la smras pa/ lha shing rta'i lam ga ge mo zhig gi phyogs su dus las 'das so/ /rgyal pos kye ma kyi hud ces smras nas skye bo brgya stong du mas bskor te phyogs der 
song ba dang / ji tsam na shi ba'i ro shin tu mi sdug pa mthong nas yang blon po rnams la smras pa/ shes ldan dag rgyal po rgyal rigs spyi bo nas dbang bskur ba 'di nga'i yul du dus las 'das pa nga la snyan pa ma yin par gyur gyis/ khyed kyi 'di bkur sti chen pos bsil ba'i tshal gyi dur khrod du skyol cig / nga yang 
'di'i khog pa la mchod pa lhag par bya ba'i phyir bcom ldan 'das la zhu'o/ /de dag gis kyang de bkur sti chen pos bsil tshal gyi dur khrod chen por bskyal to/ /rgyal po ma skyes dgra yang bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te 'di 
skad ces gsol to/ /btsun pa ko sa la'i rgyal po gsal rgyal bdag gi yul du dus las 'das na de'i khog pa la bdag gis mchod pa ji lta bu zhig bgyi/ bcom ldan 'das kyis bka' stsal pa/ rgyal po chen po ci nus ci phod kyis lus la mchod pa cher gyis shig /de nas rgyal pos de'i khog 
pa la mchod pa chen po byas nas/ yang bcom ldan 'das kyi spyan sngar song ste bcom ldan 'das la zhus pa/ btsun pa ko sa la'i rgyal po gsal rgyal gyis las ci zhig bgyis na las de'i rnam par smin pas la phug gi rdog ma dang / lo ma dag 'tshal nas sug pa rengs shing ma zhu bas thebs te/ dus 
las 'das lags/ bcom ldan 'das kyis bka' stsal pa/ ko sa la'i rgyal po gsal rgyal nyid kyis las byas shing bsags pa tshogs rnyed pa rkyen yongs su bsgyur ba/ dba' rgal bzhin du nye bar gnas pa/ gdon mi za bar 'byung ba dag gzhan su zhig gis myong bar 'gyur te/ rgyal po 
chen po las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams la ma yin/me'i khams la ma yin/ rlung gi khams la ma yin gyi/ 'on kyang las dge ba dang mi dge ba byas shing bsags pa rnams ni zin pa'i phung po dang / khams dang / skye mched 

</font><hr>10-1-88a<br><font size=+1>
dag kho na la rnam par smin par 'gyur ro/ /bskal pa brgya phrag rnams su yang / /las rnams chud zar mi 'gyur te/ /tshogs shing dus dang ldan pa na/ /lus can rnams la 'bras bur smin/ /rgyal po chen po sngon byung ba ri brags shig na bram ze zhig gnas pa des rigs 
mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa las bu pho zhig btsas te/ ji tsam na bskyed bsrings nas chen por gyur to/ /de dus gzhan zhig na slong mo la song 
ba dang / la phug spar gang zhig rnyed do/ /des ma la 'di re shig zhog shig khrus byas te 'ong ngo zhes btams so/ /des de la btams nas khrus byed du song ngo / /sangs rgyas rnams ma byung ba'i tshe 'jig rten du rang sangs rgyas ngan pa dang dman pa la thugs brtse ba can/ bas mtha'i gnas mal 
la dad pa/ 'jig rten gyi yon gnas gcig pu dag 'byung bar 'gyur ro/ /ji tsam na rang sangs rgyas shig ljongs rgyu zhing 'gro ba na ri brags der phyin te/ de phyogs shig tu zhag lon nas/ snga dro sham thabs dang chos gos bgos/ lhung bzed blangs te ri brags su bsod snyoms la zhugs 
pa dang / rim gyis khyim der phyin to/ /bram ze mo des de lus mdzes pa dang / sems mdzes pa la sogs mthong ste/ de sems dang ba skyes pa des la phug spar gang rang sangs rgyas de la phul lo/ /bdag nyid chen po de dag ni lus kyis chos ston gyi tshig gis ma yin pas/ des 
ngang pa'i rgyal po 'dab ma brkyang ba bzhin du nam mkha'i dbye la 'phags te/ cho 'phrul sna tshogs dag bstan par brtsams so/ /so so'i skye bo ni rdzu 'phrul la myur du dad par byed pa yin pas de shing rtsa ba nas bcad pa bzhin du rkang pa la gtugs pa dang / des de la snying brtse ba byas nas song 
ngo / /ji tsam na bram ze'i khye'u de 'ongs nas smras pa/ yum la phug spar gang po de stsol cig /des smras pa/ bu rjes su yi rang ba gyis shig /ngas de rab tu byung ba zhi ba'i bdag nyid can/ bsod snyoms don du gnyer ba phyin nas de la phul lo zhes byas pa dang / de bkres pas sdug 

</font><hr>10-1-88b<br><font size=+1>
bsngal dang yid mi bde ba skyes te smras pa/ rab tu byung ba des de zos nas ci ste lag pa rengs shing gsud de dus byas par ma gyur/ rgyal po chen po ji snyam du sems/ bram ze'i bu gang yin pa de ni ko sa la'i rgyal po gsal rgyal 'di nyid yin te/ de'i tshe de'i dus na 'dis rang sangs rgyas la 
tshig rtsub mo smras pa'i las de'i rnam par smin pas/ lo mang po/ /lo brgya phrag mang po/ /lo stong phrag mang po/ /lo brgya stong phrag mang por dmyal ba rnams su skyes so/ /las kyi lhag ma de nyid kyis lan drug tu lag pa rengs shing gsud pas dus las 'das te/ da lta'i dus kyi bar 
'di dang lan bdun du lag pa rengs shing gsud pa kho nas dus las 'das so/ /de lta bas na rgyal po chen po las gcig tu gnag pa rnams kyi zhes bya ba nas/ las gcig tu dkar ba rnams kho na la 'bad par bya ste/ rgyal po chen po khyod kyis de lta bur bslab par bya'o zhes bya ba'i bar 
snga ma bzhin no/ /de nas rgyal po ma skyes dgra bcom ldan 'das kyis gsungs pa la mngon par dad nas rjes su yi rangs te/ bcom ldan 'das kyi zhabs la mgo bos phyag 'tshal nas bcom ldan 'das kyi spyan snga nas song ngo / /ji tsam na ma la gnod kyis 'phags skyes po la 'di skad 
ces smras so/ /lha yab rgyal po mdzad cing lha dbang ma bskur ba na/ gang gi tshe nga rgyal por gyur pa de'i tshe ngas shAkya rnams kha gdag ste/ de ni ngas dang por bya ba yin no zhes de lta bu'i khyu mchog gi tshig rlabs po che gsungs nas/ gcig tu chad par mdzad de 'khor gyi nang du seng 
ge'i sgra yang dag par bsgrags pa gang lags pa de dgongs sam/ da ni de'i dus la bab lags so/ /des smras pa/ ma la gnod cing ji snyed smras pa de thams cad bya 'am/ don de 'das pa yin pas thong / rgyal po'i bya ba dag dang rgyal po'i byed pa dag yongs su nyams par 'gyur 
ro/ /des smras pa/ lha dge ba rnams ni dam bcas pa la brtan pa lags pas ji ltar dam bcas pa bzhin bsgrub tu gsol/ ma la gnod re zhig zhog shig dang / de yang mi dka' bar 'gyur ro/ /des smras pa/ lha 'di ni thog mar dam bcas pa lags pas gdon mi 'tshal bar bgyi 

</font><hr>10-1-89a<br><font size=+1>
'tshal te/ deng kho na gdugs kyang bzang / yud tsam yang bzang / skar ma yang bzang / bsod nams kyi gdugs kyang bzang bas lha de dag gis ngo lon ma bshams par deng nyid gshegs pa'i rigs so/ /de nas 'phags skyes po ma la gnod kyis bslus pas dpung gi tshogs 
yan lag bzhi pa glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs go bskon nas ser skya'i gzhi na gnas pa'i shAkya rnams gsad pa'i phyir mnyan yod nas ser skya'i gzhir chas so/ /skabs de lta bu la sangs rgyas bcom ldan 'das rnams la mi mkhyen 
pa'am/ mi gzigs pa'am/ rnam par mi mkhyen pa cung zad kyang mi mnga' ste/ de ser skya na gnas pa'i shAkya rnams kyi las chud mi za bar mkhyen nas ches sngar mnyan yod nas ser skya'i gzhir gshegs so/ /de nas bcom ldan 'das lam kar shing shA ko Ta ka shun pa ra ri 'chus shing mi sdug 
pa/ lo ma srab pa/ grib ma chung ba zhig gi drung du skyil mo krung bcas te nyin mo'i gnas pas bzhugs so/ /rgyal po 'phags skyes pos bcom ldan 'das thag ring po nas mthong ngo / /mthong nas bcom ldan 'das ga la ba der song ste phyin nas/ bcom ldan 'das la 'di skad ces gsol to/ /
btsun pa shing lo ma sdug cing grib ma chung ngu ma lags pa gzhan dag mchis na ci'i slad du bcom ldan 'das de dag spangs te/ shing shA ko Ta ka shun pa 'chus shing mi sdug pa/ lo ma srab pa/ grib ma chung ngu 'di'i drung na bzhugs/ bcom ldan 'das kyis bka' stsal pa/ rgyal po gnyen 
bshes rnams la ni gnyen bshes kyi grib ma bsil lo/ /'phags skyes pos bsams pa/ bcom ldan 'das la gnyen rnams la gzigs shing / thugs brtse ba mnga' ste/ kye ma bcom ldan 'das ni gnyen rnams la thugs brtse ba mdzad do snyam du rig nas de nyid nas slar log go/ /bcom 
ldan 'das kyis dgongs pa/ gal te ser skya na gnas pa'i shAkya rnams kyis bden pa ma mthong bar 'phags skyes po'i dmag gis thebs na bden pa dag mthong ba'i snod du mi 'gyur ro snyam du mkhyen nas/ shAkya rnams kyi nang du ljongs rgyu zhing gshegs pa las ser skya'i gzhir byon te/ ser skya'i gzhi 

</font><hr>10-1-89b<br><font size=+1>
n+ya gro d+ha'i kun dga' ra ba na bzhugs so/ /ser skya na gnas pa'i shAkya rnams kyis bcom ldan 'das shAkya rnams kyi nang na ljongs rgyu zhing gshegs pa las 'dir byon te/ n+ya gro d+ha'i kun dga' ra ba 'di kho na na bzhugs so zhes thos so/ /thos nas kyang bcom ldan 'das ga la ba der song ste phyin nas/ bcom 
ldan 'das kyi zhabs la mgo bos phyag 'tshal te phyogs gcig tu 'khod do/ /de nas bcom ldan 'das kyis de rnams kyi bsam pa dang / bag la nyal ba dang / khams dang / rang bzhin mkhyen nas 'phags pa'i bden pa bzhi rtogs par 'gyur ba'i chos de lta bu bstan pa mdzad pa dang / de thos nas 
srog chags brgya stong phrag du mas khyad par chen po thob ste/ kha cig gis ni rgyun du zhugs pa'i 'bras bu mngon sum du byas/ kha cig gis ni lan gcig phyir 'ong ba'i 'bras bu zhes bya ba nas/ dge 'dun la 'bab pa la bkod do zhes bya ba'i bar snga ma bzhin no/ /ma la gnod kyis 'phags skyes 
po mthong nas/ des smras pa/ lha ci ste slar log /des smras pa/ ma la gnod bcom ldan 'das la nye du rnams la gzigs shing thugs brtse ba mnga' ste/ kye ma bcom ldan 'das nye du rnams la thugs brtse ba mnga' bas rgyal po chen po nye du rnams la ni nye du'i grib ma bsil lo zhes de lta bu'i 
gsung 'di bka' stsal to/ /de ni nga'i snying la lhangs zhes byas kyis/ ser skya na gnas pa'i shAkya rnams gsad pa thong shig /des smras pa/ lha dge sbyong gau ta ma ni 'dod chags dang bral ba lags te/ 'dod chags dang bral ba rnams kyi nye du la mi lta bas deng kho na lha'i nyi ma yang bzang / yud tsam 
yang bzang / skar ma yang bzang / bsod nams kyi gdugs kyang bzang bas deng nyid ser skya'i gzhir gshegs shig /de mi dge ba'i grogs pos log par bzung bas dpung gi tshogs yan lag bzhi pa glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs 
go bskon nas ser skya'i gzhir song ste ha cang mi ring ba zhig tu phru ma btab nas 'dug go/ /de nas tshe dang ldan pa maud gal gyi bu chen po bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'dug nas/ bcom ldan 'das la tshe dang ldan 

</font><hr>10-1-90a<br><font size=+1>
pa maud gal gyi bu chen pos 'di skad ces gsol to/ /btsun pa bdag gis skyes bu gti mug 'phags skyes po dpung gi tshogs yan lag bzhi pa glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs go bskon nas ser skya na gnas 
pa'i shAkya rnams dgum pa'i slad du ser skya'i gzhir mchis zhes thos te/ de'i slad du bdag de dpung dang bzhon pa dang bcas te/ 'jig rten gyi khams gzhan du bskur ba'am/ khor yug gi slad rol du 'phang ba'am/ ser skya'i gzhi'i grong khyer lcags kyi ra bas bskor ba'am/ lcags kyi 
dra bas bskor bar spro lags so/ /maud gal gyi bu de de bzhin no/ /de de bzhin te/ khyod kyis snga ma bzhin du bskor ba zhes bya ba'i bar nus mod kyi/ 'on kyang ser skya'i gzhi na gnas pa'i shAkya rnams nyid kyis las tshogs rnyed pa/ rkyen yongs su bsgyur ba/ dba' rgal bzhin nye bar gnas 
pa/ gdon mi za bar 'byung bar 'gyur ba dag byas shing bsags pa rnams gzhan su zhig gis myong bar 'gyur te/ dge slong dag las byas shing bsags pa rnams ni phyi'i sa'i khams la rnam par smin par mi 'gyur/ me'i khams la ma yin/ chu'i khams la ma yin/ rlung gi khams la ma yin 
gyi/ 'on kyang las dge ba dang mi dge ba byas shing bsags pa rnams ni zin pa'i phung po dang / khams dang / skye mched dag kho na la rnam par smin par 'gyur te/ bskal pa brgya phrag rnams su yang / /las rnams chud zar mi 'gyur te/ /tshogs shing dus dang ldan pa na/ /lus can rnams 
la 'bras bur smin/ /maud gal gyi bu 'jig rten ni las bdag gir bya ba/ las kyi skye gnas pa/ las kyi bgo skal la spyod pa/ las la rton pa yin pas gang gis las dge ba'am sdig pa byas pa de ni las de'i skal ba can du 'gyur ro/ /maud gal gyi bu de lta bas na las la gzhol bar bya'o/ /
de nas tshe dang ldan pa maud gal gyi bu bcom ldan 'das kyi zhabs la mgo bos phyag 'tshal nas song ngo / /ser skya'i gzhi na gnas pa'i shAkya rnams kyis skyes bu gti mug 'phags skyes po dpung gi tshogs yan lag bzhi pa glang po che'i tshogs dang / rta pa'i tshogs dang / shing rta'i tshogs dang / dpung bu 

</font><hr>10-1-90b<br><font size=+1>
chung gi tshogs go bskon nas bdag cag gsod du 'ongs so zhes thos so/ /thos nas de dag gis kyang dpung gi tshogs yan lag bzhi pa glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs go bskon nas g.yul sprad pa'i phyir 'phags skyes po logs su spags 
so/ /de dag bden pa mthong ba yin pas gsod par ni cung zad kyang mi byed kyi/ gzhan du na de'i tshe dbyug pa dang lcag dag gis bsnun cing / gzhu rgyud dang / rgyun dang / 'bring pa rnams gcod pa dang / rna rgyan dag la mda' 'phen par byed do/ /'phags skyes po'i dpung go cha zhig par byas nas ser 
skya'i gnas su zhugs te sgo dag bcad nas ra ba la sbrengs te 'khod do/ /de dag gis pha rol gnod pa'i mthu nye bar bcom pa dang / ma la gnod la smras pa/ ma la gnod mthong ngam/ shAkya rnams kyis bdag cag brlag par byas su 'ong gis thong la 'dong / des smras pa/ lha thugs ma 'chad 
cig/ ser skya na gnas pa'i shAkya rnams ni bden pa mthong ba lags pas 'di rnams srog chags grog sbur yang srog dang 'bral ba'i thugs mi thub ste/ de ni 'di dag gis bdag cag gi sems can gcig kyang ma bsad pa las mngon no/ /de des bslus nas cang mi smra bar 'dug go/ /shAkya rnams 
kyis kyang khrims su bcas pa/ shes ldan dag bdag cag las sus kyang 'phags skyes po'am/ 'phags skyes po'i dpung la bsnun par mi bya ste/ gang zhig bsnun pa de ni bdag cag gi nye du yang ma yin/ shAkya yang ma yin no/ /de'i tshe de'i dus na shAkya sham+b+ha ka zhes bya ba zhig ri brags shig na 
rang zhal ta byed cing las kyi mtha' byed pa des shAkya rnams kyis khrims su bcas pa ma thos so/ /de yang so so'i skye bo zhig yin te/ des 'phags skyes po bdag cag gsad pa'i phyir ser skya'i gnas su 'ongs nas phyogs che ge mo zhig na 'dug go zhes ji lta bu yin pa thos so/ /thos nas kyang khro bas 
kun nas dkris pas bskyed pa'i yid mi bde ba'i mod la 'phags skyes po'i dpung gi thog tu drangs nas des der skye bo'i tshogs mang po zhig ni kha btag /kha cig ni tha ma ma shi tsam du byas so/ /de nas 'phags skyes po yid mi bde nas smras pa/ ma la gnod khyod kyis mthong ngam/ khyod cag na re 

</font><hr>10-1-91a<br><font size=+1>
'di dag bden pa mthong ba yin pas srog chags grog sbur yang srog dang 'bral bar mi byed do zhes na/ re zhig 'di gcig gis kyang bdag cag gi skye bo mang po 'di lta bu bsad na/ gal te thams cad lhags par gyur na bdag cag gi sems can 'ga' yang mi 'tsho bar 'gyur 
ba lta smos kyang ci dgos/ dus kyis gcus pas chog gis slar 'dong / des smras pa/ lha shAkya rnams kyis 'di lta bu'i khrims su bca' ba bgyis te bdag cag las gang gis kyang 'phags skyes po'am/ 'phags skyes po'i dpung la bsnun par mi bya ste/ gang zhig snun pa de ni 
bdag cag gi nye du yang ma yin/ shAkya yang ma yin no zhes dam bcas na de 'dis ma thos pas da ni 'di nang du mi chud pa'i gnas gang lags pa de mchis so/ /de ser skya'i gnas kyi sgor song ste 'dug nas smras pa/ shes ldan dag nang du 'ong gis sgo phye zhig /de dag gis smras pa/ khyod kyi kho 
bo cag gi khrims su bcas pa dral bas da phyin chad khyod kho bo cag gi gnyen yang ma yin/ shAkya yang ma yin na/ khyod nang du lta ga la gtang song shig /des smras pa/ bdag gis khyed kyi khrims su bca' ba ma thos te 'on kyang mang du smra ci dgos/ gal te bdag gis khyed kyi khrims su 
bca' ba dral na bdag gi 'khor phyir phyung shig dang gzhan du 'gro'o/ /de dag gis de'i 'khor phyir phyung ba dang / des de dag khrid nas bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal nas phyogs gcig tu 'dug go/ /phyogs gcig 
tu 'dug nas bcom ldan 'das la shAkya sham+b+ha kas 'di skad ces gsol to/ /btsun pa bdag gis bcom ldan 'das la gang la bgyi ba bgyi ba'i mtshan ma cung zad cig bdag la stsal du gsol/ bcom ldan 'das kyis de la rdzu 'phrul gyi dbu skra dang / sen mo dang / tshems dag cig gnang 
ba dang / des de dag khyer nas yul ba ku dar chas so/ /de rnams kyis shAkya sham+b+ha ka zhes bya ba brtson pa dang / stobs dang / pha rol gnon pa chen po phun sum tshogs pa zhig bdag cag gi yul du rgyal srid 'dod de 'ong ngo zhes thos so/ /thos nas kyang gros bya bar brtsams pa dang / /

</font><hr>10-1-91b<br><font size=+1>
shes ldan dag shAkya sham+b+ha ka zhes bya ba brtson pa dang / stobs dang / pha rol gnon pa chen po phun sum tshogs pa zhig bdag cag gi yul du 'ong ngo zhes grag gis de'i phyir re zhig tshur shog 'dus shig /ci de dang phrad cing 'dong ngam mi 'dong / de dag thams cad re zhig gi drung du 
'dus te re zhig 'dug pa de'i bar du sham+b+ha kas 'khor rnams phyogs gcig tu bzhag nas bang chen gyi cha lugs su byas te de dag gi drung du song ba dang / de dag gis 'ongs pa legs so zhes bya ba'i smras pa kun du spyad nas dris pa/ khyod ga las 'ongs des smras pa/ shAkya sham+b+ha ka zhes bya ba brtson 
pa dang / stobs dang / pha rol gnon pa chen po phun sum tshogs pa de rgyal srid 'dod cing 'dir 'ong bar 'dod de des spring yig 'di bskur gyis 'khod la lhogs shig /de dag gis smras pa/ stan yang med na gang du 'khod/ des ral gri shubs nas phyung nas pha bong dum bu dum bur gshegs 
te 'di la 'khod cig ces byas pa dang / de dag gis mthong nas ngo mtshar gyi mig gdangs te smras pa/ kye skyes bu de la khyod 'dra ba de lta bu'i mi ji tsam yod/ des smras pa/ shes ldan dag kho bo ni de'i bang chen te/ kho bos lta ci zhig nus/ de la skyes bu dpa' bo gzhan mang du yod do/ /de dag 
gis thos nas bsngangs te phan tshun smras pa/ shes ldan dag gang gi bang chen 'di 'dra ba de'i mi gzhan ci 'dra ba zhig yod/ tshur de yong bdag cag gi rgyal por gzhug go zhes de dag gis spring yig bklags nas de la spring yig gi lan byin pa/ byon pa legs so/ /sman btags te bdag cag ni 
bka' bzhin bgyid pa lags so/ /des spring yig gi lan khyer nas 'khor dang bcas te 'byor pa mchog dang / yul ba ku dar 'ongs pa dang / de dag gis de bkur sti chen pos bsu nas/ rgyal srid la bzhag go/ /yul ba ku da pa rnams kyis shAkya sham+b+ha ka zhes bya ba rgyal srid la dbang 
bskur ro zhes kun du sgra grags te/ rgyal po sham+b+ha ka rgyal po sham+b+ha ka zhes bya bar ming chags so/ /des der bcom ldan 'das kyi dbu skra dang / sen mo'i mchod rten byed du bcug ste sham+b+ha ka'i mchod rten sham+b+ha ka'i mchod rten zhes bya bar ming chags so/ /de'i chung ma dad pa med pa zhig na/ de yang de'i 

</font><hr>10-1-92a<br><font size=+1>
btsun mo dam pa yin pas des de'i ngo cung zad kyang mi chod pas des blon po rnams la bsgo ba/dgon pa bsrung bgyis shig /de dag gis dgon pa bsrung ba byas pas da dung yang de na ri dgas dag mi gsod do/ /'phags skyes pos ma la gnod la smras pa/ ma la gnod da 
ni shAkya rnams kyis sgo rnams bcad de ra ba rnams su sbrengs nas/ bag brkyang ste 'khod na nges pa'i dus kyis 'chu bas ci zhig bya 'dod/ des smras pa/ lha ci grong khyer thams cad pha rol gnod pa gcig pus choms sam/ bdag rgyal po'i pho brang na spyod pas thos pa ni/ /mkhas pa rnams ni bzham 
pa dang / /rab tu sbyin dang bslu ba dang / /kun du spyad dang lnga pa ni/ /dpung gis don rnams sgrub par byed/ ces bgyi ste/ de lta bas na de dag la dbyen bgyi ba dgongs shig /'phags skyes pos de dag la spring ba/ shes ldan dag da ni khyed la rjes su chags pa yang med/ khong khro ba yang med kyi/ 'on kyang 
nga'o nir bya ba cung zhig yod de/ de ngas byas shing thob nas myur ba myur bar 'gros sgo phye shig /shAkya rnams kyis smras pa/ shes ldan dag 'dus la ci sgo dbye'am/ 'on te mi dbye ba dpyad par bya'o zhes de dag thams cad 'dus pa dang / de na kha cig gis smras pa/ dbye bar bya'o/ /gzhan dag gis 
smras pa/ gal te phye na ma legs so/ /kha cig gis smras pa/ shes ldan dag kha cig ni dbye'o zhes zer/ gzhan dag ni phye na ma legs so zhes zer bas/ de'i phyir gal te khyed 'dod na tshul shing rims shig dang / skye bo mang po'i 'dod pa gang yin pa de bya'o zhes de rnams kyis tshul shing brim 
par brtsams so/ /skabs der bdud sdig can 'di snyam du sems te/ bdag gis lan du ma zhig dge sbyong gau ta ma la glags btsal zhing klan ka btsal te phyi bzhin phyi bzhin du 'brangs kyang glags ma rnyed kyis/ ma la nga bdag gis 'di'i nye du rnams kha btag go snyam du rig nas bdag nyid shAkya rgan po 
zhig tu mngon par sprul te rgan pa'i mthar 'dug nas des thog mar tshul shing blangs pa dang / shAkya rgan pos tshul shing blangs so zhes thams cad kyis blangs so/ /de nas blo gcig pas 'phags skyes po la spring ba nang du zhugs shig /de dpung gi tshogs yan lag bzhi pa dang nang du zhugs te zhugs 

</font><hr>10-1-92b<br><font size=+1>
nas smras pa/ ngas shAkya rnams kha btag go/ /ngas shAkya rnams yongs su spangs so zhes smras pa'i tshig rjes chad ma thag tu skyes bu mtshon gzas pa rnams kyis shAkya rnams kun nas gsad par brtsams pa dang / ku cho chen po 'thon to/ /shAkya ming chen gyi sgra de thos nas nye du la byams pas bskyed 
pa'i yid mi bde bas rings pa rings par 'phags skyes po'i drung du song ste/ des smras pa/ lha dam pa 'os pa bdag la dam pa stsol cig /des smras pa/ khyod dam pa ci slong smros shig /des smras pa/ lha bdag gi nye du rnams la mi 'jigs pa stsol cig /'phags skyes pos smras pa/ 
ngas khyod kyi nye du rnams la ni mi 'jigs pa mi sbyin no/ /'on kyang khyod 'khor dang bcas te phyir byung shig /des smras pa/ lha ji srid bdag chu'i nang du nub ste 'dug pa de srid du gang dag phyir 'byung ba de dag la mi 'jigs pa stsol cig /des blon po rnams kyi gdong du blta bar brtsams pa dang / de dag 
gis smras pa/ lha ming chen 'di ni khyod kyi yum mes kyang lags/ yab kyi grogs po yang lags pas 'di la ni dam pa de stsal ba'i rigs so/ /des smras pa/ gal te de lta na de skad cig byin no/ /shAkya ming chen nye du la chags pas bskyed pa'i yid mi bde ba snying rjes brlan pa'i sems 
kyis chu'i rdzing du song ste/ de'i 'gram na shing sA la zhig yod pa de'i yal ga rdzing gi chu'i nang du nub pa de la des gtsug phud btags nas nam srog dang bral ba de'i bar du nub ste 'dug go/ /de na ser skya'i gnas na gnas pa'i shAkya gang dag gis tshogs pa can gyi las ma byas pa de dag las kha cig ni ser 
skya'i gnas nas byung ste gyad rgyu bar song ngo / /kha cig ni bal yul du dong ngo / /kha cig ni grong dang grong rdal dang / rgyal po'i yul 'khor dang / pho brang de dang de dag tu song ngo / /gang dag gis tshogs pa can gyi las byas pa de dag ni ser skya'i gzhi'i shar sgor byung nas lho nas 'jug /lho nas byung nas nub 
nas 'jug /nub nas byung nas byang nas 'jug /byang nas byung nas shar nas 'jug pa dang / blon po rnams kyis smras pa/ lha kye ma shAkya rnams ni tshig go/ /kye ma shAkya rnams ni tshig ste/ 'di na da ltar shar sgo nas nang du zhugs nas lhor 'byung / lho nas zhugs nas nub tu 'byung / nub 

</font><hr>10-1-93a<br><font size=+1>
nas zhugs nas byang du 'byung / /byang nas zhugs nas lhor 'byung ngo / /'phags skyes pos smras pa/ shes ldan dag mes po de chur nub nas ring zhig lon gyis ltos shig blon po rnams kyis rings par chu'i rdzing du song nas brtag par brtsam pa las de tsam na dus las 
'das so/ /de dag 'ongs te lha dus las 'das so zhes byas pa dang / de che thang du kun nas dkris pas smras pa/ shes ldan dag stan shoms shig /ji srid du lam po cher khrag gi 'od pa bab par ma gyur pa de srid du phyogs 'di nas mi 'gro'o/ /skyes bu dpa' bo rnams 
bsad na khrag nyung ngu 'byung ba 'di ni chos nyid yin pas blon po rnams phan tshun bgro bar brtsams pa/ shes ldan dag sems can 'di ni sdig pa'i las byed pa dang / dam bcas pa la brtan pa yin na/ 'dir 'di snyed kyi khrag cig ga las 'byung / rgya skegs dag cig len du gzhug go zhes de 
rnams kyis rgya skegs blangs nas rgya skegs kyi chu bum pa brgya stong du ma lam po cher phab pa dang / 'phags skyes pos bsams pa/ bdag gi dam bcas pa rdzogs pas 'gro'o snyam mo/ /de nas skyes bu gti mug 'phags skyes pos shAkya bdun khri bdun stong bsad de phal cher ni bden 
pa mthong ba sha stag go /des sems can de snyed bsad nas gzhon nu lnga brgya dang / bu mo lnga brgya khrid de gzhan mu stegs can kun du rgyu rnams kyi kun dga' ra ba phag mo'i gnas zhes bya ba ga la ba der song ba dang / ma la gnod kyis smras pa/ lha khyod kyis dgra yongs su bskyangs so/ /dgra 
'di dag ci ste yal bar bzhag sod cig /'phags skyes pos gshed ma'i mi rnams la gtad de/ 'di rnams glang po che dag gis rdzir chug shig ces bsgo'o/ /de rnams kyis glang po che dag gis rdzir gzhug par brtsams pa dang / de dag gis glang po che de dag gan rkyal du mnan te lag pa nas lag 
par sbed par brtsams so/ /ma la gnod kyis smras pa/ lha khyod kyis 'di dag gi pha rol gnon pa gzigs sam mthong ngo / /lha 'di dag yal bar bzhag na/ lha la gnod pa bgyid par mi 'gyur ram/ ma la gnod de de bzhin te/ 'di dag ji ltar gsad par bya ba dris smros shig des smras 

</font><hr>10-1-93b<br><font size=+1>
pa/ lha dong du stsol la/ steng nas lcags kyi shal bas 'tshal du stsol cig /de bzhin byed du chug shig des de dag dong du bcug nas steng nas lcags kyi shal bas mnan to/ /de nas gnyis shig bros te bcom ldan 'das kyi spyan sngar song ngo / /son nas de gnyis bcom ldan 'das kyis 
lhung bzed kyis bkab pa dang de nyid du shi'o/ /shAkya rnams bsad pa na bcom ldan 'das kyi dbu shin tu bsnyung bar gyur to/ /de nas skyes bu gti mug 'phags skyes pos mi zhig la smras pa/ kye skyes bu khyod tshur de bzhin gshegs pa'i spyan sngar song ste 'dug la/ bcom ldan 'das ci gsung ba 
de khyod kyis nyon la nga la zlos shig ces smras nas song ngo / /mi de bcom ldan 'das kyi spyan sngar song ste 'dug go/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo nga la chu lhung bzed gang byin cig /des bcom ldan 'das la chu lhung bzed gang phul lo/ /
bcom ldan 'das kyis der chu'i thigs pa gnyis gsum tsam blugs pa dang / de dag chu'i nang de nas du bar 'thul zhing tsi ri ri zer la sgra yang 'byin to/ /dge slong rnams cho 'phrul de mthong nas yid dad cing sangs rgyas bcom ldan 'das la zhus pa/ btsun pa bcom ldan 'das kyis phrin las ci zhig 
mdzad nas/ phrin las de'i rnam par smin pas bcom ldan 'das dbu bsnyung bar gyur/ ser skya na gnas pa'i shAkya rnams kyis sug las ci zhig bgyis na/ des nongs pa yang ma mchis/ gnod pa bgyis pa yang ma mchis par skyes bu gti mug 'phags skyes pos bkum lags/bcom ldan 'das kyis bka' stsal pa/ dge slong dag tshur gzhan mu stegs kun du rgyu rnams kyi kun dga' ra ba phag mo'i gnas gang du skyes bu gti mug 'phags skyes pos shAkya rnams bsad pa ga la ba de kho nar de rnams dang / bdag nyid kyi las kyi rgyu ba lung bstan par bya'o/ /btsun pa de 
ltar 'tshal lo zhes dge slong de rnams bcom ldan 'das kyi ltar nyan to/ /de nas bcom ldan 'das dge slong rab tu mang po dang thabs cig tu gzhan mu stegs can kun du rgyu rnams kyi kun dga' ra ba phag mo'i gnas ga la ba der gshegs so/ /bre bo dang rus mthun pa'i bram ze zhig gis bcom ldan 

</font><hr>10-1-94a<br><font size=+1>
'das thag ring po kho na nas mthong ste/ mthong nas kyang bcom ldan 'das la 'di skad ces gsol to/ /kye gau ta ma gang gi slad du skyes bu gti mug 'phags skyes pos ser skya na gnas pa'i shAkya nongs pa yang ma mchis/ gnod pa bgyis pa yang ma mchis pa rnams srog dang phral ba ni 
bsod nams ma lags pa mang po zhig bskyed do/ /bcom ldan 'das kyis bka' stsal pa/ bram ze de de bzhin no/ /de de bzhin te/ gang gi phyir skyes bu gti mug 'phags skyes pos ser skya na gnas pa'i shAkya nyes pa yang med/ gnod pa byed pa yang med pa rnams srog dang phral ba ni bsod 
nams ma yin pa mang po zhig bskyed do/ /de nas bcom ldan 'das gzhan mu stegs can kun du rgyu rnams kyi kun dga' ra ba phag mo'i gnas ga la ba der gshegs pa dang / de na ser skya na gnas pa'i shAkya lcags kyi shal bas bshal ba las srog gi lhag ma cung zad lus pa gang dag yin pa 
de dag gis bcom ldan 'das mthong nas skad ngan bton to/ /de nas bcom ldan 'das phyogs gcig tu gshegs nas gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag ser skya na gnas pa'i shAkya 'di 
rnams kyi 'di dang lan gsum gyi bar du sgra chen po phyung ste/ sngon nya pa byed pa'i tshe nya 'dod pa'i phyir gang yin pa dang / chom rkun pa byed pa'i tshe grong 'joms pa'i phyir gang yin pa dang / da ltar ser skya na gnas pa'i shAkya byed pa'i tshe skyes bu gti mug 'phags skyes pos srog gi lhag ma cung 
zad tsam lus par byas te 'chi ba la mngon du phyogs pa'i tshe gang yin pa'o/ /'di dag thams cad kyi brdol ba la ni khyad par ram/ bsam pa'am/ tha dad du bya ba cung zad kyang med de mtshungs so/ /dge slong dag ji snyam du sems/ shan pa 'di las de dang bzo de dang 'tsho ba des glang po 
che la zhon te 'gro ba'am/ rta la zhon te 'gro ba'am/ shing rtar zhon te 'gro ba'am/ dpung bu chung dang bcas te 'gro ba'am/ nor gyi phung po rgya chen po mang po grub nas gnas pa lta cig la mthong ngam/ thos sam/ btsun pa ma lags so/ /dge slong dag legs so legs so/ /

</font><hr>10-1-94b<br><font size=+1>
ngas kyang shan pa 'di las de dang zhes bya ba nas/ nor gyi phung po rgya chen po mang po bsgrubs nas gnas pa zhes bya ba'i bar snga ma bzhin te/ ma mthong ma thos so/ /de ci'i phyir zhe na/ 'di ltar shan pa rnams ni sdig pa'i bsam pas rtog par byed de/ des na 'di glang po che la zhon te 'gro 
ba'am/ rta la zhon te 'gro ba'am/ shing rtar zhugs te 'gro ba'am/ dpung bu chung dang chas te 'gro bar yang mi 'gyur la/ nor gyi phung po rgya chen po mang po bsgrubs te gnas par mi 'gyur ro/ /gzhan yang dge slong dag ji snyam du sems/ khyed kyis bya gag gsod pa'am/ phag 
gsod pa'am/ nya pa'am/ ri dgas shor ba'am/ bya ba'am/ bong bu rgyas 'chor ba'am/ ba lang gsod pa dag las de dang zhes bya ba nas/ nor gyi phung po rgya chen po mang po bsgrubs te gnas pa de mthong ngam/ thos sam zhes bya ba'i bar snga ma bzhin no/ /de ci'i phyir zhe na/ 
'di ltar ba glang gsod pa'i sdig pa'i bsam pas rtog par byed de/ des na de glang po che la zhon te 'gro bar mi 'gyur zhes bya ba nas/ nor gyi phung po rgya chen po mang po bsgrubs te gnas par mi 'gyur zhes bya ba'i bar snga ma bzhin no/ /dge slong dag re zhig byol song gi skye gnas su song ba'i 
srog chags rnams kyis kyang sdig pa'i bsam pas brtag na glang po che la zhon te 'gro ba'am/ rta la zhon te 'gro ba'am/ shing rta la zhugs te 'gro ba'am/ dpung bu chung dang chas te 'gro bar yang mi 'gyur la/ nor gyi phung po rgya chen po mang po bsgrubs te gnas par yang mi 'gyur 
na/ skyes bu gti mug 'phags skyes po slob bas longs zhes smras pas tshul khrims kyi gzi brjid kyis nye bar bcom pa lta zhig glang po che la zhon te 'gro ba'am/ rta la zhon te 'gro ba'am/ shing rtar zhugs te 'gro ba'am/ dpung bu chung dang chas te 'gro ba'am/ nor gyi phung po 
rgya chen po mang po bsgrubs te gnas pa lta zhig smos kyang ci dgos te/ de ni gnas med do/ /dge slong dag ko sa la'i rigs 'di 'di nas zhag bdun na sbrul gyis bltas pa bzhin du rabs chad par 'gyur ro/ /skyes bu gti mug 'phags skyes po yang ma la gnod dang bcas te zhag bdun 

</font><hr>10-1-95a<br><font size=+1>
na mes tshig nas cho nge 'don bzhin dmyal ba chen po mnar med par skye bar 'gyur ro/ /dge slong dag de lta bas na 'di ltar bslab par bya ste/ gang mgal dum la yang ngan sems mi bya na rnam par shes pa dang bcas pa'i lus la lta smos kyang ci dgos/ dge slong dag khyed 
kyis de lta bur bslab par bya'o/ /dge slong rnams the tshom skyes nas the tshom thams cad gcod par mdzad pa sangs rgyas bcom ldan 'das la zhus pa/ btsun pa shAkya lnga brgya po 'di rnams kyi las ci zhig bgyis na las de'i rnam par smin pas nongs pa yang ma ma mchis/ gnod pa bgyis pa yang 
ma mchis par skyes bu gti mug 'phags skyes pos srog dang phral/ bcom ldan 'das kyang shAkya rnams bkum pa'i tshe dbu snyun tshabs chen pos thebs par gyur lags/ bcom ldan 'das kyis bka' stsal pa/ dge slong dag 'di dag nyid dang / ngas las byas shing bsags 
pa tshogs rnyed pa/ rkyen yongs su bsgyur ba/ dba' rgal bzhin nye bar gnas pa/ gdon mi za bar 'byung ba dag yin te/ 'di dag dang ngas las byas shing bsags pa gzhan su zhig gis myong bar 'gyur/ dge slong dag las byas shing bsags pa rnams ni phyi rol gyi sa'i 
khams la rnam par smin par mi 'gyur/ chu'i khams la ma yin/ me'i khams la ma yin/ rlung gi khams la ma yin gyi 'on kyang las dge ba dang mi dge ba byas shing bsags pa rnams ni zin pa'i phung po dang / khams dang / skye mched dag kho na la rnam par smin par 'gyur 
te/ bskal pa brgya phrag rnams su yang / /las rnams chud zar mi 'gyur te/ /tshogs shing dus la bab pa na/ /lus can rnams la 'bras bur smin/ dge slong dag sngon byung ba chu bo zhig gi 'gram na nya pa lnga brgya gnas so/ /de rnams kyis nya gnyis shig rgya mtsho chen po na 
phan tshun rgyu rgyu ba las chu bo der zhugs pa mthong ba dang / de rnams rab tu dga' ba skyes nas de dag nya rgya chen pos bcus so/ /de rnams kyis de gnyis kyi lus mthong nas gros bya bar brtsams pa/ shes ldan dag 'di la ji ltar bsgrub par bya/ 'di dag lus che ches pas gal te 

</font><hr>10-1-95b<br><font size=+1>
bsad na sha ldom par mi 'gyur te/ de 'drul bar 'gyur ro/ /de na kha cig gis smras pa/ 'di la ci zhig bsgrub tu yod/ gcig ni bsad la gcig ni btags te gzhag mod/ gzhan dag gis smras pa/ 'di yang che ste/ 'di yang ldom par mi 'gyur bas sdong po la btags la 
gson par sha bcad cing bcad cing btsong ngo / /de rnams kyis smras pa/ legs te de ltar bya'o de dag gis de ltar bya bar brtsams pa dang / de dag de ltar gcod pa na rang gi skad du 'o dod 'bod par brtsams so/ /de dag mi bde ba de nya pa'i khye'u zhig gis thos nas rab tu dga' ba skyed par byed do/ /
de nas nya de gnyis de ltar bcad pa'i tshe de rnams la 'di lta bu'i sems bskyed de/ gang bdag cag gis nyes pa yang med/ gnod pa byed pa yang med par 'di dag gis 'di ltar bsad de/ de'i phyir bdag cag kyang gang du 'di dag nyes pa yang med/ gnod pa byas pa yang med par gsod par 'gyur ba 
der skye bar gyur cig /dge slong dag ji snyam du sems/ nya gnyis po gang dag yin pa de dag ni 'phags skyes po dang / ma la gnod 'di dag kho na yin no/ /nya pa lnga brgya gang dag yin pa de dag ni shAkya lnga brgya po 'di dag kho na yin te/ gang 'di gnyis kyis nya de dag de ltar bsad pa'i las kyi 
rnam par smin pas/ da ltar 'phags skyes po dang ma la gnod dag gis shAkya gyur pa nyes pa yang med/ gnod pa byas pa yang med pa rnams lcags kyi shal bas mnan cing 'o dod 'bod bzhin bsad do/ /nya pa'i khye'u gang yin pa de ni nga nyid de'i tshe de'i dus na de yin te/ gang ngas nya bsad pa na 
rab tu dga' ba bskyed pa'i las de'i rnam par smin pas da ltar nga mngon par rdzogs par sangs rgyas kyang dbu snyun tshabs chen pos thebs par gyur to/ /gal te ngas yon tan gyi tshogs 'di lta bu thob par ma gyur na nga yang las 'di lta bu dag thob par 'gyur ro/ /dge slong dag gzhan yang ser skya na gnas 
pa'i shAkya rnams kyis las gang byas pa de nyon cig /dge slong dag sngon byung ba chom rkun lnga brgya zhig gis lam du 'gro ba dag bcom nas phrogs pa'i rdzas dag khyer te/ ri brags shig tu 'joms su song ngo / /de dag gis ri brags na gnas pa'i skye bo'i tshogs de thams cad bcom nas phrogs 

</font><hr>10-1-96a<br><font size=+1>
so/ /khyim bdag gnyis shig yang tog tu 'dzegs te 'dug pa dang / rkun po rnams kyis smras pa/ shes ldan dag gang dag 'dir 'dzegs pa de dag bobs shig /thams cad kyi thams cad du med par gyur ta re/ de gnyis kyis smras pa/ ji srid 'tsho ba de srid du mi 
'babs so/ /de rnams kyis rtswa dang shing phal mo che bcer nas yang tog de me btang ba dang de gnyis tsha bas sdug bsngal bskyed pas gdungs te 'di lta bu sems bskyed do/ /bdag cag nyes pa yang med/ gnod pa byas pa yang med par 'di rnams kyis bsad pas bdag cag kyang 'di rnams nyes 
pa yang med/ gnod pa byas pa yang med par gsod par gyur cig /dge slong dag ji snyam du sems/ khyim bdag gnyis po gang dag yin pa de dag ni 'phags skyes po dang ma la gnod 'di dag kho na yin no/ /g.yon can lnga brgya po gang dag yin pa de dag ni shAkya lnga brgya po 'di dag kho na yin 
te/ gang 'di rnams chom rkun par gyur pas de dag nyes pa yang med/ gnod pa byas pa yang med par srog dang bral ba'i las de'i rnam par smin pas da ltar 'phags skyes pos ma la gnod dang bsdongs nas shAkya lnga brgya po 'di dag nyes pa yang med/ gnod pa byas pa yang med par srog 
dang phral lo/ /dge slong dag de ltar na las gcig tu gnag pa rnams kyi rnam par smin pa yang gcig tu gnag la gcig tu dkar ba rnams kyi yang gcig tu dkar/ 'dren ma rnams kyi yang 'dren ma yin no/ /dge slong dag de lta bas na las gcig tu gnag pa dang 'dren ma rnams spangs nas 
las gcig tu dkar ba dag la brtsal bar bya ste/ dge slong rnams kyis de lta bu la bslab par bya'o/ /'phags skyes bos shAkya rnams de ltar bsad nas mnyan yod du song ngo / /de nang du zhugs pa dang / rgyal po'i gzhon nu rgyal bu rgyal byed steng gi khang bzangs su song nas skyes pa med par 
rol mos rtse bar byed/ dga' bar byed/ dga' mgur spyod par byed pa/ 'phags skyes pos mthong nas des smras pa/ shes ldan dag rtse ba'o ni su zhig blon po rnams kyis smras pa/ gzhon nu rgyal bu rgyal byed lags so/ /des smras pa/ shes ldan dag de bos shig /de rnams 

</font><hr>10-1-96b<br><font size=+1>
kyis de bos pa dang / 'phags skyes pos smras pa/ rgyal bu rgyal byed nga ni dgra bsad nas 'ongs na khyod rtse zhing 'dug gam/ des smras pa/ lha'i dgra su dag zhig lags/ shAkya rnams so/ /gal te shAkya rnams khyod kyi dgra lags na/ mdza' bo ji lta bu dag cig lags/ 
de smras pa/ shes ldan dag 'di yang de dag gi phyogs kho na yin pas 'di gsad par bya'o zhes de dag gis de bsad de dus las 'das nas lha gya nom pa sum bcu rtsa gsum pa rnams kyi nang du skyes nas/ de'i mi'i rol mo'i sgra ma zhi bar lha'i sgra byung ngo / /de nas bcom ldan 'das kyis 
byung ba de la tshigs su bcad pa dag bka' stsal pa/ bsod nams byas pa 'dir dga' phyi mar dga'/ /gnyi gar dga' ste de ni bdag nyid kyi/ /las rnam smin mthong de dga' rab tu dga'/ /'gro ba bzang por song ba phyir zhing dga'/ /bsod nams byas pa 'dir mgu phyi mar mgu/ /
gnyi gar mgu ste de ni bdag nyid kyi/ /las rnam smin mthong de mgu rab tu mgu/ /'gro ba bzang por song ba phyir zhing mgu/ /de nas bcom ldan 'das la tshe dang ldan pa kun dga' bos 'di skad ces gsol te/ btsun pa tshigs bcad 'di'i don ma mjal lags so/ /bcom ldan 
'das kyis bka' stsal pa/ kun dga' bo gzhon nu rgyal bu rgyal byed de nyes pa med cing gnod pa med par skyes bu gti mug 'phags skyes pos srog dang phral te de'i mi'i rol mo'i sgra ma zhi bar lha'i sgra byung ngo / /ngas de las dgongs nas 'di skad du bsod nams byas pa 'dir dga' phyi mar 
dga' zhes bya ba nas/ 'gro ba bzang por song ba phyir zhing mgu zhes bya ba'i bar du gsungs so/ /zhes gsungs pa dang / de cang mi smra bar 'dug go/ /ji tsam dus gzhan zhig na 'phags skyes po btsun mo'i 'khor gyi nang du ngom zhing rnam par ngom ste/ nga rgyal can mthu dang ldan pa/ 
dpa' bo brtson 'grus dang pha rol gnon pa can gang dag yin pa de dag ngas rmeg med par byas te/ nga dang 'dra ba su zhig yod ces zer ro/ /de nas 'phags skyes pos shAkya'i bu mo lnga brgya khrid pa de dag gis kyang tshigs su bcad de smras pa/ khyod kyi gang dag rmeg med byas/ /de dag rgyal 

</font><hr>10-1-97a<br><font size=+1>
sras shAkya'i sras/ /bslab pa'i sdom pas bsdams pa yin/ /khyod kyis 'dir smras ci zhig rung / de skad ces smras pa dang / khros nas blon po rnams la tshigs su bcad pas bsgo ba/ klu rnams bsad na klu'i bu mo dag /dug gis gang ba sprin gyis khebs pa ltar/ /
'di dag la gor rkang lag rnams chod la/ /nye du de dag nyid rjes myur du thong / /blon po rnams kyis shAkya'i bu mo lnga brgya po de dag dmar bu can gyi rdzing 'gram du lag pa dang rkang pa dag bcad de/ de lag pa'i dong lag pa'i dong zhes bya bar ming chags nas gnas brtan rnams kyis kyang de 
bzhin du mdo sde'i mgo la bcom ldan 'das mnyan yod na lag pa'i dong gi rdzing 'gram na bzhugs so zhes dris so// //'dul ba phran tshegs kyi gzhi/bam po dgu pa/ de rnams sdug bsngal mi bzad pa rtsub pa tsha ba yid du mi 'ong ba'i tshor ba nyams su myong ba na bsams 
pa/ bdag cag mi bzad pa dog pa nyam nga bar gyur na/ bcom ldan 'das kyis ma dgongs pa lta snyam mo/ /skabs de lta bu la sangs rgyas bcom ldan 'das rnams la mi mkhyen pa'am/ mi gzigs pa'am/ thugs su ma chud pa'am/ rnam par mi mkhyen pa cung zad kyang mi 
mnga' ste/ de nas bcom ldan 'das thugs rje chen pos bskul nas phyogs der gshegs pa dang / ji tsam na bud med de dag thams cad sgren mor 'dug pa gzigs so/ /gzigs nas kyang bcom ldan 'das kyis 'jig rten pa'i thugs bskyed do/ /chos nyid kyis gang gi tshe sangs rgyas bcom 
ldan 'das rnams kyis 'jig rten pa'i thugs bskyed pa de'i tshe srog chags grog sbur rnams kyis kyang bcom ldan 'das kyis thugs sems kyis shes so/ /gang gi tshe 'jig rten las 'das pa'i thugs bskyed pa de'i tshe ni nyan thos dang rang sangs rgyas rnams kyis kyang bcom ldan 'das kyi thugs 
sems kyis mi shes na/ dud 'gro'i skye gnas su song ba'i srog chags rnams kyis lta smos kyang ci dgos/ bcom ldan 'das kyis dgongs pa/ kye ma lha'i bu mo bde sogs kyis gos dag dang chu khyer te 'ongs kyang bla na snyam du bcom ldan 'das kyis thugs bskyed ma thag tu lha'i bu mo bde sogs 

</font><hr>10-1-97b<br><font size=+1>
kyis ras zung lnga brgya dang / mtsho chen po ma dros pa las chu blangs nas/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te 'di skad ces gsol to/ /btsun pa ras yug lnga brgya 'di dag dang chab 'tshal te mchis so/ /bcom 
ldan 'das kyis bka' stsal pa/song la shAkya'i bu mo 'o ni rnams dbugs phyung ste/ dbugs phyung nas rkang pa dang lag pa dag khrus la gos rnams skon cig /btsun pa de ltar 'tshal lo zhes smras nas/ des de rnams kyi rkang pa dang lag pa dag bkrus nas gos rnams bskon no/ /de 
nas bcom ldan 'das kyi zhabs la mgo bos phyag 'tshal te bcom ldan 'das kyi spyan sngar 'khod do/ /de nas bcom ldan 'das kyis rdzu 'phrul gyis shAkya'i bu mo lnga brgya po de rnams kyi sdug bsngal rgyun bcad do/ /rgyun bcad nas bka' stsal pa/ sring mo dag khyed nyid kyis las 'di 
dag byas shing bsags pa/ tshogs pa rnyed pa/ rkyen yongs su bsgyur ba/ dba' rgal bzhin nye bar gnas pa/ gdon mi za bar 'byung ba yin te/ khyed kyis las byas shing bsags pa rnams gzhan su zhig gis myong bar 'gyur/ sring mo dag las la gzhol bar gyis shig 
ces gsungs nas bcom ldan 'das gshegs so/ /de dag kyang bcom ldan 'das la sems rab tu dang bar byas nas dus las 'das te/ rgyal chen bzhi'i lha rnams kyi nang du skyes so/ /chos nyid kyis lha'i bu'am lha'i bu mo skyes nas ring po ma lon pa la sems gsum skye ste/ gang 
nas shi 'phos pa dang / gang du skyes pa dang / las gang gis yin pa'o/ /de rnams kyis mi rnams kyi nang nas shi 'phos pa dang / rgyal chen bzhi pa'i lha rnams kyi nang du skyes pa dang / las gang gis zhe na/ bcom ldan 'das la sems rab tu dang bar byas pas yin par 
mthong ngo / /de nas sngon shAkya'i bu mo byed byed pa'i lha lnga brgya po de rnams 'di snyam du sems te/ bdag cag zhag tu 'dug nas bcom ldan 'das blta ba'i phyir 'dong ba ni cha ma yin gyis/ ma la bdag cag zhag ma lon pa nyid du bcom ldan 'das blta ba'i phyir 'dong ngo snyam mo/ /de 

</font><hr>10-1-98a<br><font size=+1>
nas sngon shAkya'i bu mo byed byed pa'i lha rnams rna cha gdub kor dri ma med pa g.yo ba thogs shing / lus do shal dang se mo dos brgyan nas de nyid kyi mtshan mo lha rdzas kyi me tog ut+pa la dang / pad ma dang / ku mu da dang / pad ma dkar po dang / man dA ra ba rnams kyis thu ba bkang nas rgyal bu rgyal byed kyi tshal thams cad snang ba rgya chen pos snang bar byas te/ bcom ldan 'das la me tog rnams kyis gtor nas bcom ldan 'das kyi spyan sngar chos mnyan pa'i phyir 'dug go/ /bcom ldan 'das kyis de rnams kyi bsam pa dang / bag la nyal dang / khams dang / rang bzhin 
mkhyen nas 'phags pa'i bden pa bzhi rtogs par 'gyur ba de lta bu'i chos bstan pa mdzad pa dang / de rnams kyis de thos nas 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun du zhugs pa'i 'bras bu mngon sum du byas so/ /de rnams kyis bden pa mthong nas ched du 
brjod pa lan gsum brjod pa/ bcom ldan 'das kyis gang bdag cag la sman btags pa 'di lta bu ni bdag cag la mas ma bgyis/ phas ma lags/ rgyal pos ma lags/ lha rnams kyis ma lags/ rang gi skye bo dang gnyen sdug pa'i tshogs kyis ma lags/ sngon gyi mes po rnams 
kyis ma lags/ dge sbyong dang bram ze rnams kyis ma lags te/ khrag dang mchi ma'i rgya mtsho ni bskams/ rus pa'i ri las ni bsgral/ ngan song gi sgo rnams ni bcad/ mtho ris dang thar pa'i sgo rnams ni phye/ lha dang mi rnams la ni bkod do/ /yang smras pa/ khyod kyi mthu yis ngan song lam 
dag ni/ /shin tu mi bzad nyes mang ldan pa bcad/ /mtho ris sgo phye bdag gis bsod nams ni/ /shin tu bzang dang mya ngan 'das lam thob/ /khyod bsnyen de ring bdag gis skyon bral zhing / /shin tu rnam par dag mig dag pa thob/ /'phags pa dgyes pa'i go 'phang zhi ba'ang thob/ /sdug bsngal 
rgya mtsho pha rol mchog tu rgal/ /'gro bar lha min lha dang mis mchod cing / /skye rga 'chi ba'i skyon dang bral ba po/ /srid pa stong du mthong rab rnyed dka' ba/ /thub pa khyod deng mthong ba 'bras bu mchis/ /de nas se mo do 'phyang dga' skyes rnams/ /zhabs gnyis la ni gdud pa byas nas kyang / /dgra 

</font><hr>10-1-98b<br><font size=+1>
thul ba la yongs su bskor byas nas/ /slar yang lha yi 'jig rten mngon phyogs dong / /dge slong rnams the tshom skyes nas the tshom thams cad gcod par mdzad pa sangs rgyas bcom ldan 'das la zhus pa/ btsun pa shAkya'i bu mo lnga brgya po dag gis las ci zhig bgyis na des lag pa dang rkang pa dag bkum/ 
las ci zhig bgyis na des lha rnams kyi nang du skyes/ las ci zhig bgyis na des bcom ldan 'das kyi spyan sngar bden pa mthong bar bgyis lags/ bcom ldan 'das kyis bka' stsal pa/ dge slong dag 'di dag nyid kyis las byas shing bsags pa/ tshogs rnyed pa zhes bya ba nas/ lus can 
rnams la 'bras bur smin/ /ces bya ba'i bar snga ma bzhin no/ /dge slong dag sngon byung ba bskal pa bzang po 'di nyid la skye dgu'i tshe lo nyi khri thub pa na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ 
skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das ston pa 'od srung zhes bya ba 'jig rten du byung ste/ de'i gsung rab la 'di rnams rab tu byung bar gyur to/ /de na 'di rnams kyis slob pa dang mi slob pa'i dge slong rnams la lag rdum rkang 
rdum zhes bya ba'i tshig kun du spyod pa kun du spyad de las de'i rnam par smin pas lo mang por dmyal ba rnams kyi nang du skyes so/ /las de nyid kyi lhag mas 'di rnams tshe rabs lnga brgyar lag pa dang / rkang pa dag bcad de/ da lta'i bar du yang lag pa dang rkang pa dag bcad pa yin no/ /gang nga la sems 
rab tu dang bar byas pa'i las de'i rnam par smin pas ni lha rnams kyi nang du skyes so/ /gang 'di rnams kyis de na lung mnos pa dang / bklags pa dang / kha ton byas pa des na nga'i spyan sngar bden pa mthong bar byas pa yin no/ /dge slong dag de ltar na las gcig tu gnag pa rnams kyi zhes bya ba nas/ 
brtsal bar bya ste/ dge slong dag khyed kyis de lta bur bslab par bya'o zhes bya ba'i bar snga ma bzhin no/ /de nas mi de 'phags skyes po'i drung du 'ongs pa dang / 'phags skyes pos smras pa/ kye skyes bu bcom ldan 'das ci gsung /des smras pa/ lha bcom ldan 'das kyi zhal nas 'di nas zhag bdun 

</font><hr>10-1-99a<br><font size=+1>
na ko sa la'i rgyal rigs sbrul gyis bltas pa bzhin du rabs 'chad par 'gyur ro/ /'phags skyes po yang ma la gnod dang bcas te mes tshig bzhin sems can dmyal ba chen po mnar med par ltung bar 'gyur ro zhes gsung ngo / /'phags skyes pos thos nas lag pa 'gram pa la 
gtad nas sems khong du chud de 'dug go/ /ma la gnod kyis smras pa/ lha khyod ci'i phyir phyag 'gram pa la gtad nas sems khong du chud cing bzhugs/ des smras pa/ ma la gnod 'di ltar bcom ldan 'das 'di skad ces zhag bdun na 'phags skyes po ma la gnod dang bcas te mes tshig 
bzhin sems can dmyal ba chen po mnar med par ltung bar 'gyur ro zhes gsung na/ da ji ltar sems khong du chud cing mi 'dug /des smras pa/ lha gang zhig bram ze 'ongs pa la 'tshal ma mi stsol ba de yang phung ba brgya stong du sems na/ lhas dge sbyong gau ta ma'i gnyen bshes de snyed cig 
bkum pa lta smos kyang ci 'tshal/ de de skad gsung yang rung / gzhan gsung yang rung ste/ 'on kyang lhas skyed mos tshal du chab kyi nang du khang bzangs ka ba gcig pa zhig bgyid du stsal te/ lha der gshegs nas dgung bdun du bzhugs la dgung bdun 'das pa dang / slar mnyan 
yod du gshegs par mdzod cig /des smras pa/ de ltar byas 'gro'o zhes de btsun mo'i 'khor dang bcas te der song nas 'dug go/ /nyin zhag gcig thal ba dang / ma la gnod kyis smras pa/ lha dgung zhag bdun las gcig ni thal lags/ lhag ma dgung zhag drug mchis 
te/ dgung zhag drug 'das nas mnyan yod du gshegs par mdzad do zhes bya ba nas/ nyin zhag gnyis dang gsum nas bdun pa la lha deng kho na la mnyan yod du gshegs par mdzad do zhes bya ba'i bar de bzhin du byas so/ /de na yul ngan zhig kyang byung bar gyur to/ /bud med ni rgyan la dga' ba yin 
pas btsun mo'i 'khor rnams kyis smras pa/ phu nu mo dag bdag cag deng mnyan yod du 'dong dgos pas rgyan thogs par bya'o zhes de rnams kyis rgyan thogs par brtsams so/ /de na btsun mo'i 'khor zhig gis sngas nang tshangs can gyi steng du nor bu me shel bzhag nas rgyan thogs par brtsams 

</font><hr>10-1-99b<br><font size=+1>
so/ ji tsam na yul ngan sangs pa dang / nyi ma'i 'od zer gyis me shel gyi thog tu bab nas me byung ba de sngas nang tshangs can la mched do/ /de las kyang khang bzangs la mched nas btsun mo'i 'khor rnams ni bros so/ /'phags skyes po dang ma la gnod tshig bzhin bros par brtsams pa dang / 
ji tsam na mi ma yin pa dag gis sgo rnams bcad nas 'phags skyes pos tshig bzhin du smras pa/ ma la gnod tshig go/ /des smras pa/ lha tshos so zhes de dag de skad du 'o dod 'bod cing dmyal ba chen po mnar med par skyes so/ /de nas bcom ldan 'das kyis byung ba de la 
tshigs su bcad pa dag bka' stsal pa/ sdig pa byas pas 'dir tshig phyi mar tshig /gnyi gar tshig ste de ni bdag nyid kyi/ /las rnam smin mthong de tshig rab tu tshig /'gro ba ngan par song ba phyir zhing tshig /sdig pa byas pa 'dir smre phyi mar smre/ /gnyi gar smre ste de ni bdag nyid kyi/ /las 
rnam smin mthong de smre rab tu smre/ /'gro ba ngan par song ba phyir zhing smre/ /zhes gsungs pa dang / bcom ldan 'das la tshe dang ldan pa kun dga' bos 'di skad ces gsol to/ /btsun pa tshigs su bcad pa 'di dag gi don bdag gis ma 'tshal to/ /bcom ldan 'das kyis bka' stsal pa/ kun 
dga' bo skyes bu gti mug 'phags skyes po de ma la gnod dang bcas te mes tshig bzhin dmyal ba mnar med par song ste ngas de las dgongs nas/ sdig pa byas pa 'dir tshig phyi mar tshig /ces bya ba nas/ 'gro ba ngan par song ba phyir zhing smre/ /zhes bya ba'i bar gsungs pa yin no/ /gang gi 
tshe 'phags skyes pos shAkya rnams bsad pa de'i tshe shAkya'i bu mo rnams kyis de rnams kyi rgyan dag mthong nas ngu bar brtsams te/ de rnams kyis bsams pa/ shAkya rnams ni 'phags pa rnams la mngon par dad pa yin pas rgyan 'di dag 'phags pa rnams la dbul lo zhes de rnams kyis rgyan de dag 
dge slong rnams la phul lo/ /drug sde rnams kyis rgyan de dag thogs nas ser skya'i gnas su zhugs pa dang / shAkya'i bu mo rnams kyis de dag mthong nas de bzhin du ngu bar gyur cing smras pa/ 'phags pa dag bdag cag gis de'i slad du 'di dag phul na nyes dmigs de nyid byung bar gyur to zhes byas 

</font><hr>10-1-100a<br><font size=+1>
pa dang / de dag cang mi smra bar 'dug go/ /skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni dge slong rnams rgyan thogs pa las gyur gyis de lta bas na dge slong gis rgyan spel ma dang / 'phyang 
phrul can dang / zla gam can dang / gser skud dang / rgyan sna tshogs ci yang rung ba yang thogs par mi bya ste/ thogs na 'gal tshabs can du 'gyur ro// //sdom ni/ blangs pa dang ni bslab pa dang / /du ba'i ri lu sman gce'u bcas/ /lhung bzed snod dang zu nga dang / /mar dkar 'bru mar 
byug pa'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /ri brags zhig na khyim bdag cig gnas pa des rigs mnyam pa las chung ma blangs nas de de dang rtse bar byed/ dga' bar byed/ dga' mgur spyod par 
byed do/ /dus gzhan zhig na de nye du rnams kyang zad par gyur/ nor yang zad/ longs spyod kyang zad nas/ des bsams pa/ da ni bdag rgas pas nor bsgrub par bya yang mi nus/ bdag la longs spyod dag kyang med/ bdag gi nye du rnams kyang dus las 'das pas/ song la rab tu 
'byung ngo snyam du rig nas des chung ma la smras pa/ bzang mo da ni nga rgas pas nor bsgrub par bya yang mi nus/ nga la longs spyod dag kyang med/ nga'i nye du rnams kyang dus las 'das pas khyod la dris te song la rab tu 'byung ngo / /khyim bdag de drang bo zhig na de ni g.yos kun du spyod cing rtag tu skyes pa 
gzhan dag la lta ba zhig pas des smras pa/ rje'i sras de bzhin du mdzod cig /'on kyang dus dus su ltar spyon cig /des de bzhin bya'o zhes dam bcas nas rgyal bu rgyal byed kyi tshal du song ste/ dge slong zhig gi drung du phyin nas smras pa/ 'phags pa rab tu 'byung bar 'tshal lo/ /des smras 
pa/ bzhin bzangs khyod 'jigs pa med par spobs pa dge ste legs so/ /bcom ldan 'das kyis kyang phan yon lnga yang dag par mthong ba'i mkhas pas ni rab tu 'byung bar mos par bya ba nyid du 'os te/ lnga gang zhe na/ bdag gis rang gi don ma 'dres pa thob par 'gyur bar yang dag par 

</font><hr>10-1-100b<br><font size=+1>
mthong ba'i mkhas pas rab tu 'byung bar mos par bya bar 'os pa nyid dang / bdag gang dag gi bran dang / mngag gzhug pa dang / bkol ba dang / rang dbang med pa dang / dga' mgur 'gror med pa yin pa de dag gis mchod par bya bar 'gyur ba dang / bstod par bya bar 'gyur bar 
yang dag par mthong ba'i mkhas pas rab tu 'byung bar mos par bya bar 'os pa nyid dang / mya ngan las 'das pa grub pa dang bde ba bla na med pa 'thob par 'gyur bar yang dag par mthong ba'i mkhas pas rab tu 'byung bar mos par bya bar 'os pa nyid dang / bdag mya ngan las 'das pa grub pa 
dang bde ba bla na med pa ma thob pa las yongs su nyams kyang lha rnams kyi nang du skye bar 'gyur bar yang dag par mthong ba'i mkhas pas rab tu 'byung bar mos par bya bar 'os pa nyid dang / sangs rgyas rnams dang / sangs rgyas kyi nyan thos skyes bu dam pa yang dag par song ba mchog rnams 
kyi rnam grangs du mar rab tu 'byung ba bsngags par yang dag par mthong ba'i mkhas pas rab tu 'byung bar mos par bya bar 'os pa nyid do zhes bka' stsal te/ khyod kyis sems bskyed pa dges legs par gsungs pa'i chos 'dul ba 'di la rab tu byung shig ces des de rab tu phyung bsnyen par 
rdzogs par byas so/ /de nas zhag gnyis gsum zhig kun du spyad pa'i chos bslabs nas smras pa/ bzhin bzangs ri dgas kyis ri dgas mi sos kyis mnyan yod rgya chen por rang gi spyod yul pha'i yul du bsod snyoms la rgyu zhing 'tsho bar gyis shig /de phyi de nyin snga dro sham thabs 
dang chos gos bgos/ lhung bzed thogs te mnyan yod du bsod snyoms kyi phyir zhugs so/ /de bsod snyoms la rgyu ba na rang gi chung ma 'dra ba'i bud med cig mthong nas/ des bsams pa/ bdag gi sngon gyi chung ma de la rab tu byung nas ltar 'ong ngo des dam bcas kyis de'i phyir bdag 
da gzod rab tu byung ba yin pas dus cung zad cig bsdad la de mi dga' bar mi 'gyur bar de ltar 'gro'o snyam du bsams nas/ bsod snyoms la brgyus te rgyal bu rgyal byed kyi tshal du song ngo / /de dus cung zhig bsdad nas/ mkhan po la smras pa/ mkhan po bdag la sngon kyi 

</font><hr>10-1-101a<br><font size=+1>
mchis 'brang zhig mchis te/ de la bdag gis rab tu byung nas ltar mchi'o zhes dam bcas pas de'i slad du gnang bar mdzod cig dang mchi'o/ /des smras pa/ bu song la khyod kyis sems srungs shig /des smras pa/ bsrung bar bgyi'o zhes smras nas chas 
pa dang / rim gyis ri brags der phyin no/ /des de rgyang ring po kho na nas mthong ba dang / dga' ba dang bcas shing myur ba myur bas bsu nas smras pa/ rje'i sras byon pa legs so/ /byon pa legs te/ ring mo zhig lon nas mthong ngo zhes smras nas/ reg par brtsams pa dang / des 
smras pa/ ci byed chos gos dag blangs nas mnyel bsor gzhug mod/ des smras pa/ ma reg shig /ci'i slad du mkhan pos nga la khyod kyi sems srungs shig ces bsgo'o/ /des smras pa/ rje'i sras khyod sems srung la rag mod/ bdag gis bkag gam/ ci zhes des de'i chos 
gos blangs stan bting ste rkang pa bkrus nas bskus so/ /de nas khrus byas nas zan byin te/ de yang de nyid du zan bza' bar 'dug pa dang / des smras pa ci byed des smras pa/ rje'i sras khyod dang lhan cig zan zos nas ring mo zhig lon no/ /des smras pa/ mkhan pos nga la khyod kyis 
sems srungs shig ces bsgo'o/ /des smras pa/ rje'i sras khyod sems srung la rag mod/ bdag gis bkag gam ci bdag khyod dang lhan cig zan zos nas ring mo zhig lon pas gdon mi za bar bza'o zhes des de dang lhan cig zan zos so/ /de nas mal bshams nas smras pa/ rje'i 
sras gzims mal 'dir shul gyis mnyel ba'i mnyel sos shig /des rkang pa bkrus nas nyal ba dang / de yang de nyid du nyal bar brtsams so/ /des smras pa ci byed/ des smras pa/ rje'i sras khyod dang lhan cig nyal nas ring mo zhig lags pas ma bkyon cig /des smras pa/ mkhan pos 
nga la khyod kyi sems srungs shig ces bsgo'o/ /des smras pa/ rje'i sras khyod sems srung la rag mod/ bdag gis bkag gam ci/ khyod dang bdag lhan cig nyal nas ring mo zhig lags pas gdon mi za bar nyal bar bgyi'o/ /des ma btub pa dang / des bsams pa/ mgul nas 

</font><hr>10-1-101b<br><font size=+1>
'jus na bdag gi dbang du 'gyur ro snyam nas/ des de'i mgul nas 'jus pa dang / bud med ni reg pa'i dug yin pas reg pa tsam gyis log par spyad do/ /dus ring zhig 'dug nas smras pa/ bzang mo 'gro'o/ /des bsams pa/ 'di dang bdag lhan cig gsang ba byas pa gang yin pa 
de dge slong rnams kyis mi shes pas skye bo mang pos shes par bya'o/ /des na de dag gis bskrad pas slar 'ong bar 'gyur ro snyam du bsams nas/ des smras pa/ rje'i sras de bzhin du ji ltar bzhud/ lam rgyags kyi zong kAr ShA pa Na dag snoms shig /des smras pa/ bzang mo dge slong 
rnams dbyig la mi reg na ji ltar blang / des smras pa/ rje'i sras bdag gis ji nas kyang mi reg pa de ltar bgyis snoms shig ces des dbyig thum por bcug nas bcings te/ 'khar gsil gyi rtsa ba la btags so/ /dregs pas ldongs pa dang / sred pas ldongs pa rnams ni mi byed pa cung zad 
kyang med pas des de khyer te song ba dang / rim gyis mnyan yod du phyin no/ /drug sde rnams kyi kun du spyod pa ni drug sde gang yang rung ba zhig gis rgyal bu rgyal byed kyi tshal gyi sgo mi stong pa yin pas tshe dang ldan pa nye dga' bo rgyal bu rgyal byed kyi tshal gyi sgo na 'chag cing 'dug pa des de thag ring po nas 
mthong na skra spra ba'i me tog lta bu smin ma rab tu 'phyang ba zhig nas/ des bsams pa/ 'di dge slong gnas brtan zhig 'ong gis bsur 'gro'o zhes de bsur song ste/ gnas brtan byon pa legs so/ /byon pa legs so zhes byas pa dang / de slob dpon phyag 'tshal lo phyag 'tshal lo zhes 
zer nas tshe dang ldan pa nye dga'as bsams pa/ kye ma 'di ni rgan zhugs zhig ste/ slob dpon yang mi shes/ mkhan po yang mi shes so/ /re zhig 'di ga las 'ongs pa dri'o snyam du bsams nas smras pa/ rgan zhugs khyod ga las 'ongs/ des smras pa/ slob dpon bdag sngon gyi mchis 
'brang zhig mchis pa ltar mchis te/ bdag de nas mchis so/ /rgan zhugs legs te khyod ni byas pa gzo ba zhig go/ /byas pa gzo ba ni mkhas pa rnams kyis bsngags te/ bcom ldan 'das kyis bka' stsal pa/ dge slong dag de lta bas na/ 'di ltar bslab par bya ste/ 'di ltar 

</font><hr>10-1-102a<br><font size=+1>
byas pa gzo ba dang byas pa tshor bar bya zhing byas pa chung ngu yang chud gzan par mi bya na/ chen po lta smos kyang ci dgos zhes bka' stsal to/ /sngon gyi chung ma mthong ngam/ mthong lags so/ /de khams bde'am/ khams bde lags so/ /rgan zhugs de ni go na 'khar gsil gyi rtsa ba la 'phyang 
ba'o ni ci yin/ slob dpon de shul rgyags kyi zong du kAr ShA Na dag cig stsal ba lags so/ /rgan zhugs khyod lta bsod nams byas pa zhig ste/ sngon gyi chung ma yang mthong la/ rnyed pa yang grub bo/ /slob dpon khyod kyi bka' drin lags so/ /des bsams pa/ 'di las gzhan yang 'byung 
gis/ re zhig 'di la dri bar bya'o snyam nas/ des de la tshig 'jam po brjod pa'i tshul gyis thams cad dris pa dang / rgan zhugs de drang po'i rang bzhin can zhig pas des ji ltar gyur pa bsnyad do/ /des smras pa/ rgan zhugs de thams cad mkhan po la smros shig dang / khyod kyi mkhan po yid 
dga' bar 'gyur ro/ /de de ltar bslus pas ji ltar gyur pa mkhan po la bsnyad pa dang / des kyang dge slong rnams la bsnyad/ dge slong rnams kyis kyang bcom ldan 'das la gsol to/ /bcom ldan 'das kyis bka' stsal pa/ dge slong dag skyes bu gti mug 'di sbyor ba nyams kyi 
bsam pa ni ma nyams so/ /'di phas pham pa byung ste/ de lta bas na gnang gis rab tu byung ma thag tu phas pham par gyur pa'i chos bzhi rgyas par shod cig dang / nyes pa 'dir mi 'gyur ro/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi 
kun dga' ra ba na bzhugs so/ /mnyan yod na dge slong dga' ba can zhes bya ba zhig gnas pa de rtag tu dgon pa nags mtha'i gnas mal dag na bsam gtan byed pa zhig pas/ de'i ming bsam gtan pa dga' ba can zhes bya bar chags so/ /de gang gi tshe skyil mo krung bcas nas bsam 
gtan byed pa de'i tshe bdud kyi ris kyi lha dag gis gtses so/ /de dus gzhan zhig na skyil mo krung bcas te 'dug pa dang / bdud kyi ris kyi lha mo zhig gis de'i skyil mo krung gi steng du 'dug pa dang / bud med ni reg pa'i dug yin pas des de dang lhan cig log par spyad do/ /log par spyad ma thag tu zug 

</font><hr>10-1-102b<br><font size=+1>
rngus zug pa bzhin du gnod nas sems bskyed pa bdag gis mi tshangs par spyod pa 'khrig pa'i chos bsten pas/ bdag song la 'babs so snyam mo/ /yang bsams pa/ bdag gis bcab pa'i sems gcig gis kyang ma bcabs pas re zhig bcom ldan 'das kyi spyan sngar song ste/ gal 
te skal ba yod pa zhig tu gyur na ni gnas so/ /'on te med na ni dga' mgur spyad par bya'o snyam du bsams nas/ lag pa g.yas pas ni chos gos rnams khyer/ lag pa g.yon pas ni yan lag skyes bkab nas ngom zung gnag cing mchi ma dang bcas bzhin bcom ldan 'das ga la ba der 
song ngo / /de'i tshe bcom ldan 'das 'khor dge slong brgya stong du ma'i gung la gdan bshams pa la bzhugs te chos ston to/ /bcom ldan 'das kyis tshe dang ldan pa dga' ba can rgyang ring po kho na nas gzigs so/ /gzigs nas kyang dgongs pa/ gal te dga' ba can la ma smras na gang 
khrag dron por skyugs nas dus byed par 'gyur ba'i gnas de yod do snyam du dgongs nas/ tshe dang ldan pa dga' ba can la 'di skad ces bka' stsal to/ /dga' ba can 'ongs pa legs so/ /khyod ji ste ngom zung gnag /des gsol pa/ btsun pa bdag sngon ni dga' ba 
can lags kyi da ni mi dga' ba can lags so/ /dga' ba can ci ste de skad smra/ khyod kyis ci zhig byas/ btsun pa bdag gis bslab pa ma phul bar mi tshangs par spyod pa 'khrig pa'i chos bsten te/ de ni bcab pa'i sems gcig gis kyang ma bcabs lags so/ /dga' 
ba can khyod ji srid 'tsho'i bar du bslab pa la slob par spro'am/ bcom ldan 'das spro lags so/ /de nas bcom ldan 'das kyis dge slong rnams la bka' stsal pa/ dge slong dag dge slong dga' ba can gyis spyad par bya ba ma yin pa spyad kyang sems gcig gis kyang ma bcabs pas/ 
'di phas pham par ma gyur gyi/ dge slong dga' ba can dang gzhan yang rung ste/ 'di lta bu gang yin pa la ji srid 'tsho'i bar du bslab pa'i sdom pa byin cig /sbyin pa yang 'di ltar bya ste/ gnas mal bshams nas gaN+DI brdungs te dris pa'i tshig gis dge slong rnams la bsgo nas dge 

</font><hr>10-1-103a<br><font size=+1>
'dun thams cad 'dus te 'dug pa dang / dge slong dga' ba can gyis rgan rims ji lta ba bzhin du gdud pa byas la rgan pa'i mthar tsog tsog por 'dug ste thal mo sbyar nas 'di skad ces brjod par bya'o/ /dge 'dun btsun pa rnams gsan du gsol/ bdag dge slong dga' 
ba can zhes bgyi bas bslab pa ma phul bar mi tshangs par spyod pa 'khrig pa'i chos bsten te/ de ni bcab pa'i sems gcig gis kyang ma bcabs nas/ bdag dge slong dga' ba can dge 'dun las ji srid 'tsho'i bar du bslab pa gsol na/ dge 'dun thugs brtse ba can btsun pa rnams 
kyis thugs brtse ba nye bar bzung ste/ bdag dge slong dga' ba can la ji srid 'tsho'i bar du bslab pa stsal du gsol/ de bzhin du lan gnyis lan gsum gyi bar du'o/ /de'i 'og tu dge slong dga' ba can thos pa'i nyen kor nas bkar te mthong ba'i nyen kor du bzhag la/ dge slong gcig gis 
gsol ba byas nas las bya ste/ dge 'dun btsun pa rnams gsan du gsol/ dge slong dga' ba can 'dis bslab pa ma phul bar mi tshangs par spyod pa 'khrig pa'i chos bsten te/ de ni 'dis 'chab pa'i sems gcig gis kyang ma bcabs nas/ dge slong dga' ba can 'di dge 'dun las 
ji srid 'tsho'i bar du bslab pa gsol na/ gal te dge 'dun gyi dus la bab cing bzod na dge 'dun gyis gnang bar mdzod cig dang / 'di ltar dge 'dun gyis dge slong dga' ba can la ji srid 'tsho'i bar du bslab pa stsol to/ /'di ni gsol ba'o las ni 'di ltar bya ste/ dge 'dun btsun pa 
rnams gsan du gsol/ dge slong dga' ba can 'dis bslab pa ma phul bar mi tshangs par spyod pa 'khrig pa'i chos bsten te/ de ni 'dis bcab pa'i sems gcig gis kyang ma bcabs nas/ dge slong dga' ba can 'di dge 'dun las ji srid 'tsho'i bar du bslab pa gsol te/ de'i slad 
du dge 'dun gyis dge slong dga' ba can la ji srid 'tsho'i bar du bslab pa stsal na/ dge slong dga' ba can la ji srid 'tsho'i bar du bslab pa stsal bar tshe dang ldan pa gang dag bzod pa de dag ni cang ma gsung shig /gang dag mi bzod pa de dag ni gsung shig /'di ni las brjod pa dang po ste/ las brjod 

</font><hr>10-1-103b<br><font size=+1>
pa gnyis pa dang / gsum pa yang de bzhin du bya'o/ /dge 'dun gyis bzod cing gnang nas dge 'dun gyis dge slong dga' ba can la ji srid 'tsho'i bar du bslab pa stsal lags te/ 'di ltar cang mi gsung bas de de bzhin du 'dzin to/ /ngas bslab pa byin pa'i dge slong gi kun du spyad pa'i chos 
bca' bar bya ste/ bslab pa byin pa'i dge slong gis rang bzhin du gnas pa'i dge slong gi gus par smra ba dang / phyag 'tshal ba dang / mngon du ldang ba dang / thal mo sbyor ba dang / gdud ba'i las bdag gir mi bya/ stan gcig la 'dug par mi bya/ gal te 'dug na yang stan ches dma' 
ba long shig /'chags gcig tu 'chag par mi bya/ gal te 'chag na yang gom pa bsri'o/ /phyi bzhin 'brang ba'i dge sbyong rang bzhin du gnas pa'i dge slong dang / bram ze dang khyim bdag gi khyim dag tu 'gro bar mi bya/ gal te 'gro na dge sbyong mdun du gtang bar bya/ steng g.yogs 
gcig par nyal bar mi bya/ rab tu dbyung bar mi bya/ bsnyen par rdzogs par mi bya gnas sbyin par mi bya/ dge sbyong gi ched du gzhag par mi bya/ gsol ba'i las mi bya/ gsol ba dang gnyis ma yin/ gsol ba dang bzhi mi bya'o/ /las byed par bsgo bar mi bya/ dge slong 
ma'i ston pa mi bya/ sngon bskos pa zhig na yang des dge slong ma la gdams par mi bya/ dge slong la tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pas gleng bar mi bya/ des gdams ngag dbog par mi bya/ gso sbyong ma yin/ 
dgag dbye ma yin/ gsol ba'i las ma yin/ gsol ba dang gnyis ma yin/ gsol ba dang bzhi ma yin/ nang par sngar langs te sgo dbye bar bya/ mar me'i snod bsal bar bya/ gtsug lag khang chag chag gdab par bya/ phyag dar bya/ ba lang gi lci ba sar pa bzang pos 
byug par bya/ bshang gci khang phyag dar bya/ sa dang lo ma dag dang chu grang mo 'am dron mo dus dang mthun par gzhag par bya/ de nas wa'i kha phyag par bya/ dus shes par bya ste/ stan bsham par bya/ bdug pa'i snod dang bdug pa nye bar gzhag par bya/ gal te ston pa'i yon tan sgrogs 

</font><hr>10-1-104a<br><font size=+1>
par nus na bdag nyid kyis bya/ ci ste mi nus na smra ba po la gsol bar bya'o/ /zas kyi skos sa la brtag par bya zhing / zas bskos zin nas khang steng du song ste gaN+DI brdung bar bya/ tsha ba'i dus su dge slong rnams la bsil yab kyis g.yab par bya/ de nas bsnyen 
par rdzogs pa thams cad kyi ni 'og /bsnyen par ma rdzogs pa rnams kyi ni gong du spyod lam zhi bas dge slong gi 'du shes nye bar bzhag ste/ zas bza' bar bya/ zas kyi bya ba byas nas gnas mal phug tu brtul bar bya/ lhung bzed kyi gzhi dor bar bya/ dus shes par byas nas 
de bzhin gshegs pa'i dbu skra dang / sen mo'i mchod rten dag phyag dar bya zhing / ba lang gi lci ba sar pa bzang pos byug par bya/ 'du ba'i dus su gnas mal bsham par bya zhing bdug pa dang bdug pa'i snod gzhag par bya/ ston pa'i yon tan bsgrag par bya/ dge 'dun btsun pa rnams 
gsan du gsol/ deng dge 'dun gyi tshes gcig lags te/ gtsug lag khang gi bdag po dang / gtsug lag khang gi lha rnams kyi don du tshigs su bcad pa gsung shig ces nyi ma brjod par bya/ ci ste mi nus na dge slong la bcol bar bya'o/ /dge slong rnams de'i gnas khang 
sko bar mi byed nas/ bcom ldan 'das kyis bka' stsal pa/ gnas khang bsko bar bya'o/ /rnyed pa yang mi ster nas/ bcom ldan 'das kyis bka' stsal pa/ rnyed pa sbyin par bya'o/ /de dge ba'i phyogs la brtson par mi byed nas/ bcom ldan 'das kyis bka' stsal pa/ dge ba'i phyogs 
la brtson par bya'o/ /de'i spyad pa ni 'di yin te/ ji srid lam du ma zhugs kyi bar du'o/ /de la lam du zhugs pa ni 'di yin te/ zag pa zad pa'o/ /des 'bad brtsal bsgrims pas 'khor ba'i 'khor lo g.yo ba dang mi g.yo ba cha lnga pa 'di nyid rtogs nas 'dus byas kyi rnam pa thams cad chos nyid 
kyis 'jig pa/ lhung ba/ 'gyes pa/ rnam par 'jig par bsgoms te nyon mongs pa thams cad spangs nas dgra bcom pa nyid mngon sum du byas te/ khams gsum gyi 'dod chags dang bral ba/ gser dang bong bar mnyam pa/ nam mkha' dang lag mthil du mtshungs pa/ tsan dan dang ste'ur 

</font><hr>10-1-104b<br><font size=+1>
'dra ba/ ma rig pa'i sgo nga'i sbubs bcom pa/ rig pa dang / mngon par shes pa dang / so so yang dag par rig pa thob pa/ srid pa'i rnyed pa la chags pa dang / bkur sti la rgyab kyis phyogs pa/ dbang po dang nye dbang du bcas pa'i lha rnams kyis mchod pa dang / rjed pa dang / gus par smra bar bya 
ba'i dgra bcom par gyur to/ /dgra bcom pa nyid thob kyang de bzhin du 'dug cing las kyang byed nas/ bcom ldan 'das kyis bka' stsal pa/ de rgan rims bzhin 'dug par bya zhing ji ltar bkag pa yang rang bzhin du gnas pa'i dge slong rnams kyis bya'o/ /sangs rgyas bcom ldan 'das rgyal po'i 
khab na 'od ma'i tshal bya ka lan da ka gnas pa na bzhugs so/ /tshe dang ldan pa pi lin da'i bu rab tu byung tshun chad de rtag tu na nas tshangs pa mtshungs par spyod pa rnams kyis de'i drung du song ste dris pa/ gnas brtan bde 'am/ des smras pa/ tshe dang ldan pa dag bdag na ste mi bde'o/ /gnas brtan 
khyod ci na/ tshe dang ldan pa dag bdag glo lu zhing na'o/ /gnas brtan sman cung zad mdzod cig /tshe dang ldan pa dag bdag gis sngon ri lu'i du ba bsten to/ /gnas brtan da ci ste mi sten/ bcom ldan 'das kyis ma gnang ngo / /skabs de dge slong rnams kyis bcom ldan 'das la gsol pa 
dang / bcom ldan 'das kyis bka' stsal pa/ de lta bas na gnang gis dge slong nad pas ri lu'i du ba brngub par bya'o/ /bcom ldan 'das kyis dge slong nad pas ri lu'i du ba brngub par bya'o zhes bka' stsal pa dang / dge slong rnams de bzhin du rngub pa dang ma legs nas/ bcom ldan 'das 
kyis bka' stsal pa/ kham phor bu ga phug la/ kham phor kha sbyar nas rngubs shig /'on kyang ma legs nas bcom ldan 'das kyis bka' stsal pa/ sbu gu can gyis rngubs shig /de rnams kyi smyug ma'i sbu gus brngubs pa dang / nyes dmigs de nyid du gyur nas/ bcom ldan 'das kyis 
bka' stsal pa/ smyug ma'i sbu gus brngub par mi bya'i/ 'on kyang lcags kyi sman gce'u bya'o/ /ha cang thung ba byed nas/ bcom ldan 'das kyis bka' stsal pa/ ha cang thung ngur mi bya'o/ /ha cang ring por byed nas/ bcom ldan 'das kyis bka' stsal pa/ ha cang ring por mi bya'i/'on 

</font><hr>10-1-105a<br><font size=+1>
kyang sor bcu gnyis kyi tshad du bya'o/ /de dag rnon por byed nas/ bcom ldan 'das kyis bka' stsal pa/ rnon por mi bya'o/ /rtsub por byed nas bcom ldan 'das kyis bka' stsal pa/ rtsub por mi bya'o/ /de bab bab tu 'jog nas/ bcom ldan 'das kyis bka' stsal pa/ bab 
bab tu gzhag par mi bya'i/ 'on kyang snod du bcug ste gzhag par bya'o/ /de rnams kyi snod du bcug ste sa la 'jog pa dang / bcom ldan 'das kyis bka' stsal pa/ snod sa la gzhag par mi bya'i/ 'on kyang zung nga 'am/ gos kyi gdang la gdags par bya'o/ /de btsas khyer nas bcom 
ldan 'das kyis bka' stsal pa/ mar dkar ram 'bru mar gyis bskus te gzhag par bya'o/ /dgos pa byung ba'i tshe de bkrus pa dang / bcom ldan 'das kyis bka' stsal pa/ bkru bar mi bya'i/ 'on kyang mer gzhug par bya ste/ de nyid de'i bkru ba yin no// //sdom ni/ bsogs pa dang 
ni khrus rtsi dang / /snar blugs spyad dang btung phor dang / /khyogs dang chab khungs dag dang / /chu dang bkru ba'i sa yin no/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong nad pa zhig sman pa'i drung du song 
nas bzhin bzangs sman ston cig ces byas pa dang / des smras pa/ 'phags pa bsogs pa'i khrus kyis khrus mdzod cig dang sos par 'gyur ro/ /des smras pa/ bzhin bzangs bcom ldan 'das kyis ma gnang ngo / /khyod kyi ston pa ni thugs rje can yin pas gnang bar 'gyur ro/ /
skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gal te sman pas bstan na bsogs pa'i khrus kyis khrus bya ste/ khrus bya ba 'di la 'gyod par mi bya'o/ /bcom ldan 'das kyis bsogs pa'i khrus kyis khrus bya'o zhes 
bka' stsal pa dang / dge slong rnams kyis bsogs pa'i khrus ji lta bu yin pa ma shes nas/ de rnams yang sman pa'i drung du song ste/ de rnams kyis smras pa/ bzhin bzangs bcom ldan 'das kyis gnang na/ bsogs pa'i khrus ji lta bu yin pa ston cig /des smras pa/ 'phags 

</font><hr>10-1-105b<br><font size=+1>
pa bdag gis kyang mi shes te/ bdag gi 'khor los sgyur ba'i gso ba'i spyad las bsogs pa'i khrus zhes bya ba bton na/ de ni ji lta bu yin pa ni mi shes so/ /'on kyang khyed nyid kyi ston pa thams cad mkhyen pa yin pas de nyid kyis mkhyen gyis song la de nyid la zhus shig /skabs de dge slong 
rnams kyis bcom ldan 'das la gsol pa dang / bcom ldan 'das kyis bka' stsal pa/ rlung 'byin pa'i rtsa ba dang / sdong bu dang / me tog dang / 'bras bu gang dag yin pa de dag bskol nas khrus bya'o/ /dge slong rnams kyis de dag bskol te khrus byas pa dang / de rnams rtsub por gyur 
to/ /skabs de dge slong rnams kyis bcom ldan 'das la gsol pa dang / /bcom ldan 'das kyis bka' stsal pa/ snum bsku bar bya'o/ /de rnams kyis bskus pa dang / ha cang snum ches pas gnas mal dag ma rung bar gyur pa dang / bcom ldan 'das kyis bka' stsal pa/ khrus rtsis 
bkru bar bya'o/ /de rnams de bzhin du rtsub por gyur nas/ bcom ldan 'das kyis bka' stsal pa/ chu'i bum pa tha ma'i nang du 'bru mar thigs pa gsum mam/ gnyis blug par bya'o/ /sangs rgyas bcom ldan 'das rgyal po'i khab na 'od ma'i tshal bya ka lan da ka gnas pa na bzhugs so/ /
tshe dang ldan pa pi lin da'i bu gang nas rab tu byung ba de tshun chad rtag tu na nas tshangs pa mtshungs par spyod pa rnams de'i drung du song ste/ gnas brtan bde'am zhes dris pa dang / tshe dang ldan pa dag bdag na ste mi bde'o/ /gnas brtan khyod ci na/ tshe dang ldan pa dag bdag cham pa bdo'o/ /gnas brtan 
sman cung zad mdzod cig /tshe dang ldan pa dag sngon bdag gis snar blugs pa'i las byas so/ /gnas brtan ci ste mi byed/ bcom ldan 'das kyis ma gnang ngo / /skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ de lta bas na gnang gis 
snar blugs pa'i las bya'o/ /bcom ldan 'das kyis snar blugs pa'i las bya'o zhes bka' stsal pa dang / dge slong rnams de bzhin du snar blugs pa dang po nas/ bcom ldan 'das kyis bka' stsal pa/ de bzhin du blug par mi bya'o/ /dge slong rnams kyis lo ma'i phur mas blugs pa dang / nyes 

</font><hr>10-1-106a<br><font size=+1>
dmigs de nyid du gyur nas/ bcom ldan 'das kyis bka' stsal pa/ lo ma'i phur mas blug par mi bya'o/ /dge slong rnams kyis chos gos kyi grwas blugs pa dang / nyes dmigs de nyid du gyur nas/ bcom ldan 'das kyis bka' stsal pa/ chos gos kyi grwas blug par mi 
bya'i/ 'on kyang snar blugs pa'i spyad kyis blug par bya'o/ /dge slong rnams snar blugs pa'i spyad mchu gcig pa byed nas/ bcom ldan 'das kyis bka' stsal pa/ snar blugs pa'i spyad mchu gnyis pa bya'o/ /dge slong rnams mchu rnon por byed nas/ bcom ldan 'das kyis bka' stsal pa/ 
mchu rnon por mi bya'o/ /dge slong rnams lag pa ma bkrus par blugs nas/ bcom ldan 'das kyis bka' stsal pa/ lag pa dag bkrus te byin len byas nas blug par bya'o/ /sangs rgyas bcom ldan 'das rgyal po'i khab na 'od ma'i tshal bya ka lan da ka gnas pa na bzhugs so/ /tshe dang ldan pa pi 
lin da'i bu gang nas rab tu byung ba de tshun chad rtag tu na nas tshangs pa mtshungs par spyod pa rnams de'i drung du song ste/ gnas brtan bde 'am zhes dris pa dang / des smras pa/ bdag na ste mi bde'o/ /gnas brtan khyod ci na/ tshe dang ldan pa dag gnang ngo / /gnas brtan sman cung zad mdzod 
cig /tshe dang ldan pa dag bdag gis sngon phul ba'i btung phor bcangs so/ /gnas brtan da ci ste mi bcang / bcom ldan 'das kyis ma gnang ngo / /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na gnang 
gis phul ba'i btung phor bcang bar bya'o/ /sangs rgyas bcom ldan 'das rgyal po'i khab na 'od ma'i tshal bya ka lan da ka gnas pa na bzhugs so/ /tshe dang ldan pa pi lin da'i bu'i gnyen dag 'ongs pa dang / des 'ongs pa de dag la chos bstan nas de rnams khyim du song ste chung ma dag la smras 
pa/ 'phags pa pi lin da'i bus chos snyan cing snyan pa dag bshad de/ bdag cag gis de mnyan nas 'ongs so/ /de dag gis smras pa/ khyed ni sangs rgyas byung ba 'bras bu dang bcas pa yin no/ /ci'i phyir de dag gis smras pa/ khyed kyis 'phags pa pi lin da'i bu la chos 

</font><hr>10-1-106b<br><font size=+1>
snyan cing snyan pa dag mnyan pas so/ /khyed kyang ci'i phyir mi nyan/ bdag cag ni ngo dman pa ste ngo tsha'o/ /'on kyang gal te 'phags pa 'dir gshegs te bshad na bdag cag gis kyang mnyan to/ /gal te de lta na 'phags pa la bya'o/ /de dag gis smras pa legs so/ /de rnams kyis 
de'i drung du song nas/ 'phags pa bud med dag chos nyan par 'tshal lo zhes byas pa dang / des smras pa/ shes ldan dag nyan la rag mod/ ci kho bos bkag gam/ de rnams kyis smras pa/ 'phags pa bud med kyi mchid nas bdag cag ngo tsha ste/ gal te 'phags pa 'dir 
gshegs nas bshad na bdag cag kyang nyan to zhes mchi'o/ /des smras pa/ shes ldan dag bdag na bas song ste bshad mi nus so/ /'phags pa khyogs 'tshal te mchis des gshegs shig /bzhin bzangs bcom ldan 'das kyis ma gnang na ji ltar 'gro/ /skabs de dge 
slong rnams kyis thos nas/ bcom ldan 'das la gsol pa dang / bcom ldan 'das kyis bka' stsal pa/ de lta bas na gnang gis bzhon pas 'gro bar bya'o/ /bcom ldan 'das kyis bzhon pas 'gro bar bya'o zhes bka' stsal pa dang / tshe dang ldan pa pi lin da'i bu lhan 
cig gnas pa dang / nye gnas dag gis bskor te khyogs su zhugs nas chos ston du chas pa drug sde rnams kyis mthong nas/ de rnams kyis de'i lhan cig gnas pa dang / nye gnas dag la dris pa/ shes ldan dag 'gro ba 'di su zhig /de rnams kyis smras pa/ mkhan 
po'o/ /ci bcom ldan 'das kyis khyogs gnang ngam/ gnang ngo / /bcom ldan 'das kyis dgongs pa ni bzang ste/ shAkya skyid de ba 'di rnams rkang gis 'gro bar mi nus pas rnam pa thams cad du bdag cag la thugs brtse bar mdzad do/ /de dag song ba dang / drug sde rnams kyis 
smras pa/ dga' bo nye dga' bo bdag cag ci ste 'khod/ khyogs bya'o/ /legs te de bzhin bya'o zhes de rnams kyis rnga ma dang dril bu la sogs pas mdzes par byas pa'i khyogs byas so/ /de nas de rnams zhugs nas srang gi nang du 'jig rten la bu bzhin du rlom zhing chas pa dang / bram ze 

</font><hr>10-1-107a<br><font size=+1>
dang khyim bdag rnams kyis smras pa/ shes ldan dag 'di ci zhig /bcom ldan 'das kyis bzhon pa gnang ngo / /'phags pa ci dge sbyong khyed kyang 'dod pa'i yon tan dag gis gnang ngam/ de dag cang mi smra bar 'dug go/ /skabs de dge slong rnams kyis bcom ldan 'das la 
gsol pa dang / bcom ldan 'das kyis bka' stsal pa/ dge slong mi na ba bzhon pas 'gro bar mi bya'o/ /dge slong mi na ba bzhon pas 'gro na 'gal tshabs can du 'gyur ro/ /'on kyang bzhon pas 'gro ba ni gnyis te/ rgas 'khogs pa nyam chung ba dang / nad pa sbyor mi bzod pa'o/ /
sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag dad pa can zhig 'dug pa de bram ze ma dad pa zhig dang lhan cig rgyal bu rgyal byed kyi tshal du song ste/ dad pa can gyis de la nye ba'i tshal bstan par 
brtsams so/ /de phan tshun 'khyam 'khyam pas shing drung na ngan skyugs shig mthong nas/ des smras pa/ grogs po dge sbyong shAkya'i bu'i rnams ni gtsang sbra med pa ste/ me tog dang 'bras bu'i shing gi drung du bshang ba dang gci ba byed do/ /des smras pa/ grogs po bdag nyid chen 
po de dag ni de ltar mi byed kyi gdon mi za bar khyim pa 'ga' zhig gis byas so/ /de dag de skad du smra ba na rgan zhugs zhig mgo gos kyis dkris nas shing drung du bshang ba bya bar brtsams pa dang / de bram ze ma dad pa des mthong nas smras pa/ grogs po khyed cag na re khyim pas byas so zhes mi 
zer ram/ dge sbyong mgo gos kyis dkris te shing drung na bshang ba byed pa'o ni la ltos zhes byas pa dang / de skyengs nas cang mi smra bar 'dug go /des skabs de dge slong rnams la bsnyad do/ /dge slong rnams kyis bcom ldan 'das la gsol pa dang / bcom ldan 'das kyis 
dgongs pa/ nyes dmigs gang cung zad byung ba ni dge slong rnams shing drung du bshang ba byed pa las gyur gyis/ de lta bas na dge slong gis shing drung du bshang ba dang gci ba mi bya'o/ /byed na 'gal tshabs can du 'gyur ro/ /bcom ldan 'das kyis shing drung du bshang ba dang gci ba mi bya'o zhes bka' 

</font><hr>10-1-107b<br><font size=+1>
stsal pa dang / dge slong dag lam du zhugs te dong ba dang / ji tsam du 'brog cig tu phyin to/ /de na dge slong kha cig bshang ba bro'o/ /kha cig ni gci ba bro na de rnams shing 'di dag 'dab chags pa'o snyam nas bshang ba yang ma byas gci ba yang ma byas pas de rnams na bar gyur to/ /skabs de dge  
slong rnams kyis bcom ldan 'das la gsol pa dang / bcom ldan 'das kyis bka' stsal pa/ dgon pa'i shing 'dab chags pa gang yin pa der ni bshang ba dang gci ba bya ste 'di la 'gyod par mi bya'o/ /bcom ldan 'das kyis dgon par bshang ba dang gci ba dag bya'o zhes bka' stsal pa dang / 
grong mtha'i dge slong rnams mi byed de/ ji tsam na dpyid kyi dus la bab pa dang bshang ba dang gci ba byed cing nyi ma la bshang ba dang gci ba byed pas rmya bar gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na gnang gis shing 
tsher ma can gang dag yin pa de dag gi drung du bshang ba dang gci ba bya ste/ 'di la 'gyod par mi bya'o/ /gang gi tshe nye dga'as la phug gi ra ba bshang bas ma rung bar byas pa de'i tshe bcom ldan 'das kyis bka' stsal pa/ dge slong gis rtsa sngon po yod par bshang ba dang gci ba mi bya'o/ /dge 
slong rnams rtsa sngon po med pa'i sa phyogs su bshang ba dang gci ba byas pas de mi gtsang bas gang bar gyur pa dang / bram ze dang khyim bdag rnams kyis mthong nas/ 'phya bar byed/ smod par byed de/ dge sbyong shAkya'i bu 'di rnams kyi chos re bzang ji ltar gcig tu 'dus nas za ba de kho na 
bzhin du bshang ba dang gci ba byed do zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na gnang gis bshang ba'i sa bya'o/ /dge slong rnams kyis byang dang nub kyi ngos su bshang ba'i khang pa bya bar brtsams pa 
dang / de dag gis ji lta bu bya ba ma shes nas/ bcom ldan 'das kyis bka' stsal pa/ chab khungs ni rnam pa gnyis su bya ste/ khang bu lta bu dang ba gam lta bu'o/ /de la khang bu lta bu ni gru bzhir byas la dbus su gdung bres la khung bu gdod cing wa gzhug par bya'o/ /ba gam lta bu yang 

</font><hr>10-1-108a<br><font size=+1>
gdung phyir phyung la bya ste/ de'i 'og tu shing tsher ma can bskyed do/ /chab khung sar chab khung sa'i khung bu'i steng du chab khung sa'i rkang rten gzhag par bya/ ril ba spyi blugs gzhag pa'i gnas bya zhing / sgo bsnol mar gtod la sgo 'phar dang sgo gtan dag kyang gzhug par bya'o/ /
gal te gcig nang du zhugs par gyur na cig shos kyis sgra dbyung bar bya zhing / gal te sdod na nang du 'jug par bya'o/ /nang na gnas pas kyang sgra dbyung bar bya'o/ /dri mi zhim par gyur na khang skyong gis nyin gcig bzhin sbyang bar bya zhing / sa dang lo ma dag kyang gzhag par bya ste/ de lta 
bas na chab khung sa 'khor dang bcas pa rjes su gnang ngo // //'dul ba phran tshegs kyi gzhi/bam po bcu pa/ sdom ni/ gci ba'i sa dang snod spyad dang / /ston pa la ni dga' nyid dang / /bza' ba lnga dang 'o ma dang / /zho dang zas dang gnang ba'o/ /sangs rgyas 
bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis chab khung sa 'khor dang bcas pa bya'o zhes bka' stsal pa dang / dge slong dag de nyid du gci bar byed pa na/ dge slong gzhan dag bshang ba bro bas mi 
bde zhing de dag bgags pas na bar gyur nas/ bcom ldan 'das kyis bka' stsal pa/ gci ba'i gnas logs shig tu bya'o/ /dge slong dag phyogs gang du ji lta bur bya ba mi shes nas/ bcom ldan 'das kyis bka' stsal pa/ de nyid dang nye bar ba gam lta bu bya ste/ wa 
bcug la sgo gdod cing sgo 'phar dang sgo gtan gzhug par bya ste/ chab khung ji lta bar thams cad snga ma bzhin du bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /so ga'i dus kyi tshe bram ze zhig skom pas 
nyam thag ste/ chu 'dod nas gtsug lag khang du zhugs te de dge slong zhig gi gan du song nas/ des smras pa/ dge slong dag skom na chab stsal du gsol/ des ril ba blangs nas song ste/ des smras pa/ bram ze 'thung shig /des smras pa/ 'phags pa gtsang sbra ni tha dad pa lags na/ kye 

</font><hr>10-1-108b<br><font size=+1>
ma'o khyed kyi chab snod bzhag la/ de nas dge sbyong ngam/ bram ze dag blud na ci nongs/ khyed bsod nams la mi sbyor ram/ skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge 'dun gyi chu snod gzhag par bya'o/ /bcom ldan 
'das kyis dge 'dun gyi chu snod gzhag par bya'o zhes bka' stsal pa dang / khyim bdag cig gis bcom ldan 'das kyis dge 'dun gyi chu snod gzhag par gnang ngo zhes thos nas/ des rdza mkhan gyis byas pa'i snod spyad gtsug lag khang gi nang du spungs te/ de las kun dga' ra ba pa dang / 
khyim pa gzhan dag gis kyang gang dang gang 'dod pa khyer nas dong ste/ dge slong rnams kyis ma bkag pas snod spyad de dag zad nas/ dge slong dag gis khyim bdag de la smras pa/ bzhin bzangs snod spyad dag zad kyis gzhan dag byin cig /des smras pa/ 'phags pa dag bdag gis mang po rab 
tu phul na ci'i slad du ring por ma thogs pa kho nar bas par gyur/ de dag gis ji ltar gyur pa brjod pa dang / des smras pa/ 'phags pa dag yal bar bor ba gang lags pa ni ma legs pa zhig bgyis te/ de dag bdag gis khyim pa rnams la ni ma stsal to zhes zer ba'i skabs de dge slong dag 
gis bcom ldan 'das la gsol pa dang / bcom ldan 'das kyis bka' stsal pa/ de bzhin yal bar dor bar mi bya'o/ /'on kyang snod spyad 'brub pa bsko bar bya'o/ /dge slong rnams kyis bye brag med par bskos nas/ bcom ldan 'das kyis bka' stsal pa/ snod spyad 'brub pa chos lnga 
dang ldan pa ni ma bskos pa yang bsko bar mi bya la bskos pa yang dbyung bar bya ste/ lnga gang zhe na/ 'dun pas 'gro ba dang / zhe sdang gis 'gro ba dang / gti mug gis 'gro ba dang / 'jigs pas 'gro ba dang / snod spyad brubs pa dang / ma brubs pa mi shes pa'o/ /snod spyad 'brub pa chos lnga 
dang ldan pa ni ma bskos pa yang bsko bar bya la/ bskos pa yang dbyung bar mi bya ste/ lnga gang zhe na/ 'dun pas mi 'gro ba dang / zhe sdang gis mi 'gro ba dang / gti mug gis mi 'gro ba dang / 'jigs pas mi 'gro ba dang / snod spyad brubs pa dang ma brubs pa shes pa'o/ /bsko ba yang 'di ltar 

</font><hr>10-1-109a<br><font size=+1>
bya ste/ gnas mal bsham par byas la gaN+DI brdungs nas zhes bya ba nas/ spro bar bya ste zhes bya ba'i bar du snga ma bzhin no/ /ming 'di zhes bya ba khyod dge 'dun gyi snod spyad 'brub par spro'am/ gal te spro na des spro'o zhes brjod par bya'o/ /de'i 'og tu dge slong gcig gis gsol 
ba byas nas las bya ste/ dge 'dun btsun pa rnams gsan du gsol/ dge slong ming 'di zhes bgyi ba dge 'dun gyi snod spyad 'brub par spro na/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis dge slong ming 'di zhes bgyi ba 'di dge 'dun 
gyi snod spyad 'brub par bsko bar bgyi ste/ dge slong ming 'di zhes bgyi ba 'di dge 'dun gyi snod spyad 'brub po/ /'di ni gsol ba'o/ /las kyang 'di ltar bya ste/ dge 'dun btsun pa rnams gsan du gsol/ dge slong ming 'di zhes bgyi ba 'di dge 'dun gyi snod spyad 'brub par spro ste/ 
de'i slad du dge slong ming 'di zhes bgyi ba 'di dge 'dun gyi snod spyad 'brub par bsko na/ tshe dang ldan pa gang dag dge slong ming 'di zhes bgyi ba 'di dge 'dun gyi snod spyad 'brub par bsko bar bzod pa de dag ni cang ma gsung shig /gang dag mi bzod pa de dag ni gsung shig /dge 'dun gyis bzod cing 
gnang nas dge 'dun gyis dge slong ming 'di zhes bgyi ba 'di dge 'dun gyi snod spyad 'brub par bskos lags te/ 'di ltar cang mi gsung bas de de bzhin du 'dzin to/ /des dge slong rnams la ni snod spyad rnying pa dag sbyin zhing / khyim pa rnams la ni sar pa dag sbyin par byed nas/ bcom ldan 'das kyis 
bka' stsal pa/ dge slong rnams la sar pa dag sbyin par bya zhing / khyim pa rnams la ni rnying pa dag sbyin par bya'o/ /de khyim pa rnams la byin pa ni phyir len par mi byed cing / dge slong rnams las ni phyir len nas/ bcom ldan 'das kyis bka' stsal pa/ khyim pa rnams la byin pa ni blang bar bya'i/ 
dge slong rnams la ni ma yin no/ /phyi rol du bzhag pas de dag 'khyams par gyur nas/ bcom ldan 'das kyis bka' stsal pa/ snod spyad kyi mdzod cig byas la der rdza mkhan gyis byas pa'i snod spyad rnams gzhag par bya'o/ /bcom ldan 'das kyis snod spyad kyi mdzod cig byas la/ der rdza mkhan 

</font><hr>10-1-109b<br><font size=+1>
gyis byas pa'i snod spyad rnams gzhag par bya'o zhes bka' stsal pa dang / ji tsam na byang phyogs nas 'gron pa zhig 'ongs nas des dge 'dun la zla ba gsum du yo byad thams cad kyis bstabs te/ des bsams pa/ bdag gis dge 'dun la yo byad brnyan pos ci'i phyir bsnyen bkur bya/ 
ma la bdag nyid kyi snod spyad kyis bsnyen bkur bya'o snyam nas des zangs kyi snod spyad mang po nye bar bzhag go/ /de nas yo byad mang pos bcom ldan 'das dge slong gi dge 'dun dang thabs cig zla ba gsum du ston mo gsol nas/ mjug tshod kyi ston mo byas nas chas so/ /de 'gro ba'i tshe zangs kyi snod spyad 
de dag thams cad dge 'dun la phul nas/ dge slong dag gis mdzod de nyid du rdza mkhan gyis byas pa'i snod spyad dang lhan cig bzhag pa dang / zangs kyi snod spyad kyis bsngos te rdza mkhan gyis byas pa'i snod spyad rnams chag nas/ bcom ldan 'das kyis bka' stsal pa/ zangs kyi snod spyad 
rnams gud du gzhag cing / rdza mkhan gyis byas pa'i snod spyad rnams kyang gud du gzhag par bya'o/ /ji tsam na bram ze zhig skom pas nyen nas dze ta'i tshal du song ste de dge slong zhig gi gan du phyin nas smras pa/ kye dge slong bdag skom na bdag la chab stsal du gsol/ des de la bum 
pa dang srad bu dag byin pa dang / des smras pa/ 'phags pa 'dis ci bgyi/ chab stsal du gsol/ des smras pa/ bram ze chu bcus zin pa med do/ /'phags pa khyed ni sems can thams cad la phan par zhugs pa lags pas kye ma'o khyed kyis chab nye bar bzhag kyang ci ma rung / des 
smras pa/ bcom ldan 'das kyis ma gnang ngo / /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge 'dun gyis chu nye bar gzhag par bya'o/ /dge slong dag gis khyams dang / gnas khang dang / gtsug lag khang gi nang 
dang / sgo khang dang bang rim dag tu bab bab tu bzhag nas/ bcom ldan 'das kyis bka' stsal pa/ khyams dang / gnas khang dang / gtsug lag khang gi nang dang / sgo khang dang / bang rim dag tu bab bab tu gzhag par mi bya'i/ 'on kyang chu'i khang pa bya'o/ /bcom ldan 'das kyis chu'i 

</font><hr>10-1-110a<br><font size=+1>
khang pa bya'o zhes bka' stsal pa dang / dge slong dag gis phyogs gang du ji lta bu bya ba mi shes nas/ bcom ldan 'das kyis bka' stsal pa/ gtsug lag khang gi nang lho dang nub kyi ngos su chu'i khang pa bya'o/ /mun gnag par gyur nas/ bcom ldan 'das kyis bka' stsal 
pa/ skar khung dag gdod par bya'o/ /rdzab chags par gyur nas/ bcom ldan 'das kyis bka' stsal pa/ so phag gi gcal dgram par bya zhing stor khung gdod par bya'o/ /sgo gdod par bya zhing sgo glegs dang yang ming kyang gzhug par bya'o/ /chu sa la 'jog par byed nas/ bcom ldan 
'das kyis bka' stsal pa/ shing gi khri la gzhag par bya'o/ /shing dag med nas/ bcom ldan 'das kyis bka' stsal pa/ so phag gi stegs bu byas la de'i steng du rten ma bya zhing bum pa gzhag par bya'o/ /bum pa'i nang gi chu rul nas/ bcom ldan 'das kyis bka' 
stsal pa/ bcom ldan 'das kyis dus dus su bum pa bkru bar bya'o zhes bka' stsal pa dang / dge slong dag gis cis bkru ba mi shes nas/ bcom ldan 'das kyis bka' stsal pa/ shing la pu shel tsi'i khrud shing ngam/ lo ma sbams pa'am/ ras ma'i thum po bcings nas rung 
bar bya ste bkru bar bya'o/ /'on kyang chu rul ba nyid du gyur nas/ bcom ldan 'das kyis bka' stsal pa/ bum pa dag la phyed ni bkru bar bya zhing / phyed du chu blug par bya'o/ /bcom ldan 'das kyis chu blug par bya'o zhes bka' stsal pa dang / dge slong dag gis sus chu blugs pa mi 
shes nas/ bcom ldan 'das kyis bka' stsal pa/ gnas pa dag gis chu blug par bya ste/ de lta bas na chu'i khang pa 'khor dang bcas pa gnang ngo / /sangs rgyas bcom ldan 'das ser skya'i gnas na shing n+ya gro d+ha'i kun dga' ra ba na bzhugs so/ /de nas skye dgu'i bdag mo chen mo gau 
ta mI 'khor lnga brgya dang / bcom ldan 'das ga la ba der song ste phyin nas bcom ldan 'das kyi zhabs gnyis la mgo bos phyag 'tshal te/ phyogs gcig tu 'dug go/ /skye dgu'i bdag mo chen mo gau ta mI 'dug pa dang / bcom ldan 'das kyis chos dang mthun pa'i gtam gyis zhes bya ba 

</font><hr>10-1-110b<br><font size=+1>
nas/ bcom ldan 'das sbrid pa byung zhes bya ba'i bar snga ma bzhin no/ /de nas skye dgu'i bdag mo chen mo gau ta mIs bcom ldan 'das la 'di skad ces gsol to/ /bdag gi bcom ldan 'das yun ring du 'tsho zhing thub pa chen po bskal par bzhugs par gyur cig /skye dgu'i bdag mo chen 
mo gau ta mI'i sgra thos nas/dge slong ma lnga brgya po dag gis kyang de kho na skad du bcom ldan 'das yun ring du 'tsho zhing thub pa chen po bskal par bzhugs par gyur cig ces smras so/ /dge slong ma lnga brgya po dag gi sgra sa bla pa'i gnod sbyin dag gis thos nas bcom ldan 'das yun ring du 'tsho zhing thub 
pa chen po bskal par bzhugs par gyur cig ces sgra 'byin cing dbyangs sgrogs par byed do/ /sa bla pa'i gnod sbyin gyi sgra nam mkha' la gnas pa'i gnod sbyin dang / rgyal chen bzhi'i ris kyi lha rnams dang / sum bcu rtsa gsum dang / 'thab bral dang / dga' ldan dang / 'phrul 
dga' dang / gzhan 'phrul dbang byed kyi lha rnams kyis thos nas/ skad cig de dang / thang cig de dang / yud tsam de dang / skad cig dang / thang cig dang / yud tsam de la tshangs pa'i 'jig rten gyi bar du sgra grags par gyur nas/ tshangs ris kyi lha rnams kyis bcom ldan 'das 
yun ring du 'tsho zhing thub pa chen po bskal par bzhugs par gyur cig ces sgra 'byin cing dbyangs sgrogs par byed do/ /de nas bcom ldan 'das kyis skye dgu'i bdag mo chen mo gau ta mI la 'di skad ces bka' stsal to/ /gau ta mI khyod kyis sems can mang po'i bar chad byas te/ gau ta mI khyod 
kyi sgra dge slong ma lnga brgya po dag gis thos nas de bzhin du sgra sgrogs par byed cing / dge slong ma lnga brgya po dag gis sgras bla pa'i gnod sbyin dang nam mkha' la gnas pa'i gnod sbyin dang / rgyal chen bzhi'i ris kyi lha rnams dang / sum bcu rtsa gsum pa dang / 'thab bral dang / dga' 
ldan dang / 'phrul dga' dang / gzhan 'phrul dbang byed kyi lha rnams kyis thos nas/ skad cig de dang / thang cig de dang / yud tsam de dang / skad cig dang / thang cig dang / yud tsam de la tshangs pa'i 'jig rten gyi bar sgras khyab par gyur cing / tshangs ris kyi lha rnams kyis 

</font><hr>10-1-111a<br><font size=+1>
kyang de kho na bzhin sgra phyung mod kyi/ gau ta mI de bzhin gshegs pa dgra bcom pa yang dag par rdzogs pa'i sangs rgyas la ni de ltar phyag mi bya ste/ de ltar phyag byas pa ni legs par phyag byas pa ma yin no/ /btsun pa de bzhin gshegs pa dgra bcom pa yang dag par rdzogs 
pa'i sangs rgyas la phyag ji ltar bgyi/ phyag ji ltar bgyis na legs par phyag bgyis par 'gyur/ gau ta mI de bzhin gshegs pa dgra bcom pa yang dag par rdzogs pa'i sangs rgyas la ni 'di ltar phyag bya ste/ bdag gi bcom ldan 'das nyan thos kyi dge 'dun dang bcas te 
mthun kun du dga'/ mi rtsod rtse gcig /'don pa gcig cing chu dang 'o ma gcig tu 'dres pa lta bur gyur la/ ston pa'i bstan pa gsal ba mthong bar gyur cig ces de ltar de bzhin gshegs pa dgra bcom pa yang dag par rdzogs pa'i sangs rgyas la phyag bya ste/ de ltar phyag 
byas na legs par phyag byas par yang 'gyur ro/ /de'i tshe dge slong zhig gis tshigs su bcad de smras pa/ skye dgu'i bdag chen gau ta mIs/ /ston pa'i zhabs la phyag 'tshal te/ /bdag gi bcom ldan ring du bzhugs/ /thub chen bskal par bzhugs gyur cig /de yis 
ston la de skad gsol/ /sru la 'di skad bka' stsal te/ /gau ta ma ji ltar phyag byas pa/ /de bzhin gshegs la phyag byas min/ /shes rab ldan pa ji ltar du/ /de bzhin gshegs la phyag bgyis na/ /ji ltar legs par phyag bgyis 'gyur/ /zhus pa bdag la bstan du 
gsol/ /brtson 'grus brtsams pa bdag nyid brtson/ /rtag tu pha rol gnon brtan pa'i/ /nyan thos mthun pa lta phyed pa/ /de ni sangs rgyas phyag 'tshal yin/ /skye dgu'i bdag mo chen mo gau ta mIs bsams pa/ bcom ldan 'das ni dge 'dun mthun pa'i bsngags pa brjod par 
mdzad de/ de'i phyir ji srid bcom ldan 'das bzhugs shing dge slong gi dge 'dun mthun pa de'i tshe bdag yongs su mya ngan las 'da' bar bya'o snyam du rig nas stan las langs te bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol 

</font><hr>10-1-111b<br><font size=+1>
to/ /btsun pa bdag bsams bzhin du yongs su mya ngan las 'da' bar 'tshal lo/ /de skad ces gsol pa dang /bcom ldan 'das cang mi gsung bar bzhugs nas/ skye dgu'i bdag mo chen mo gau ta mIs bcom ldan 'das la lan gnyis lan gsum du 'di skad ces gsol to/ /
btsun pa bdag bsams bzhin du yongs su mya ngan las 'da' bar 'tshal lo/ /bcom ldan 'das lan gnyis lan gsum du cang mi gsung bar bzhugs nas/ skye dgu'i bdag mo chen mo gau ta mIs yang bcom ldan 'das la 'di skad ces gsol to/ /btsun pa bdag bsams 
bzhin du yongs su mya ngan las 'da' bar 'tshal lo/ /de skad ces gsol pa dang / bcom ldan 'das kyis skye dgu'i bdag mo chen mo gau ta mI la 'di skad ces bka' stsal to/ /gau ta mI mya ngan las 'da' ba'i phyir smra'am/ bcom ldan 'das mya ngan las 'da' ba'i slad du'o/ /
gau ta mI mya ngan las 'da' ba'i phyir smra'am/ bde bar gshegs pa mya ngan las 'da' ba'i slad du'o/ /gau ta mI khyod mya ngan las 'da' ba'i phyir smra na/ gau ta mI 'dus byas thams cad ni de lta bu'i chos can yin na ngas smra ci dgos/ dge slong ma lnga brgya po de dag gis kyang bcom ldan 'das 
kyi zhabs gnyis la mgo bos phyag 'tshal nas 'di skad ces gsol to/ /btsun pa bdag cag kyang bsams bzhin du yongs su mya ngan las 'da' bar 'tshal lo/ /bcom ldan 'das kyis bka' stsal pa/ gau ta mI dag mya ngan las 'da' ba'i phyir smra'am/ bcom ldan 'das mya ngan 
las 'da' ba'i slad du'o/ /gau ta mI dag mya ngan las 'da' ba'i phyir smra'am/ bde bar gshegs pa mya ngan las 'da' ba'i slad du'o/ /gau ta mI dag khyed mya ngan las 'da' ba'i phyir smra na 'dus byas thams cad ni de lta bu'i chos can yin pas ngas smra ci dgos/ de nas skye dgu'i bdag 
mo chen mo gau ta mI bcom ldan 'das kyis gsungs pa la mngon par dga' zhing rjes su yi rangs nas bcom ldan 'das kyi zhabs gnyis la mgo bos phyag 'tshal te song ngo / /tshe dang ldan pa dga' bo dang / ma 'gags pa dang / sgra can zin dang / tshe dang ldan pa kun dga' bo 

</font><hr>10-1-112a<br><font size=+1>
ga la ba der song ste phyin nas/ tshe dang ldan pa kun dga' bo'i rkang pa gnyis la phyag 'tshal te/ tshe dang ldan pa kun dga' bo la 'di skad ces smras so/ /btsun pa bdag cag bsams bzhin du yongs su mya ngan las 'da' bar 'tshal lo/ /gau ta mI dag khyed mya ngan las 
'da' ba'i phyir smra'am/ btsun pa kun dga' bo mya ngan las 'da' ba'i slad du'o/ /gau ta mI dag mya ngan las 'da' ba'i phyir smra'am/ btsun pa kun dga' bo mya ngan las 'da' ba'i slad du'o/ /gau ta mI dag khyed mya ngan las 'da' ba'i phyir smra na sring mo dag 'dus byas rnams ni de lta bu'i 
chos can yin pas nged kyis smra ci dgos/ de nas skye dgu'i bdag mo chen mo gau ta mI dang / 'khor dge slong ma lnga brgya dge slong gnas brtan gnas brtan dag gi rkang pa gnyis la mgo bos phyag 'tshal te dbyar khang du song ngo / /der 'khor gsum po dag gi rnam pa la brtags nas 
nyin zhag bdun du gang thos nas sems can mang pos khyad par chen po thob pa de lta bu'i chos bstan to/ /de nas sa phyogs bar skabs yangs pa zhig tu dge slong ma'i dge 'dun gyi gung la skyil mo krung phyed bcas nas 'dug go/ /dge slong ma de dag kyang de bzhin du 'dug go/ /
de nas skye dgu'i bdag mo chen mo gau ta mI ting nge 'dzin 'di lta bu la snyoms par zhugs te/ gang la sems mnyam par bzhag na rang gi stan las mi snang bar gyur cing / shar phyogs kyi steng gi nam mkha' la mngon par 'phags nas spyod lam rnam pa bzhi po 'chag pa dang / 
'greng ba dang / 'dug pa dang / nyal bdag ston par byed cing me'i khams la yang snyoms par zhugs so/ /me'i khams la snyoms par zhugs nas/ skye dgu'i bdag mo chen mo gau ta mI'i lus las 'od zer rnam pa sna tshogs 'di lta ste/ sngon po dang / ser po dang / 
dmar po dang / dkar po dang / btsod kha dang / shel gyi kha dog lta bu dag ston par byed cing cho 'phrul zung dag kyang ston par byed de/ lus kyi smad nas me 'bar la/ lus kyi stod nas chu grang mo'i rgyun 'byung ba dang / lus kyi stod nas me 'bar la/ lus kyi smad nas chu grang mo'i 

</font><hr>10-1-112b<br><font size=+1>
rgyun 'byung bar byed do/ /shar phyogs su ji lta ba de bzhin du lho dang / nub dang / byang gi phyogs su yang de bzhin byed de/ 'di ltar phyogs bzhir rdzu 'phrul gyi cho 'phrul rnam pa bzhi po dag ston par byed cing bsam gtan dang po la snyoms par zhugs so/ /dge slong ma lnga brgya po de dag 
kyang bsam gtan dang po la snyoms par zhugs so/ /bsam gtan dang po las langs nas bsam gtan gnyis pa la/ gnyis pa las bsam gtan gsum pa la/ gsum pa las bsam gtan bzhi pa la/ bzhi pa las nam mkha' mtha' yas skye mched la/ nam mkha' mtha' 
yas skye mched las rnam shes mtha' yas skye mched la/ rnam shes mtha' yas skye mched las ci yang med pa'i skye mched la/ ci yang med pa'i skye mched las 'du shes med 'du shes med min skye mched la snyoms par 'jug cing / 'du shes med 'du shes med min skye mched las langs 
nas/ yang ci yang med pa'i skye mched la snyoms par zhugs so/ /ci yang med pa'i skye mched las rnam shes mtha' yas skye mched la/ rnam shes mtha' yas skye mched las nam mkha' mtha' yas skye mched la/ nam mkha' mtha' yas skye mched las bsam gtan bzhi pa la/ 
bzhi pa las gsum pa la/ gsum pa las gnyis pa la/ gnyis pa las bsam gtan dang po la snyoms par zhugs so/ /de nas bsam gtan dang po nyid la brten nas yongs su mya ngan las 'das so/ /dge slong ma lnga brgya po de dag kyang de bzhin du lugs dang mthun pa dang / lugs 
las ldog par snyoms par zhugs nas bsam gtan dang po nyid la brten te yongs su mya ngan las 'das so/ /skye dgu'i bdag mo chen mo gau ta mI mya ngan las 'das ma thag tu sa chen po g.yos par gyur cing / skar mda' ltung ba dang / phyogs dmar po dang / bar snang la lha'i rol 
mo'i sgra dag byung ngo / /de nas dge slong gang ri rab kyi bang rim dang / gzhan yang grong khyer dang / grong rdal dang / yul 'khor dang / rgyal po'i pho brang dang / dben pa'i gnas mal dag na bsam gtan byed pa de dag gis sa chen po g.yos par rig nas sa chen po 'di ci'i phyir g.yos 

</font><hr>10-1-113a<br><font size=+1>
zhes bsam pa la zhugs na/ ji tsam na skye dgu'i bdag mo chen mo gau ta mI 'khor lnga brgya dang yongs su mya ngan las 'das par mthong nas/ de dag 'di snyam du sems te/ sangs rgyas kyi sru yongs su mya ngan las 'das na/ de'i lus la mchod pa lhag par bya ba la brtson par 
byas 'dong ngo snyam nas/ de dag shing dri zhim po dag khyer nas skye dgu'i bdag mo chen mo gau ta mI'i dbyar khang du dong ngo / /bcom ldan 'das kyang nyan thos chen po kun shes kauN+Di n+ya dang / 'od srung chen po dang / rlangs pa dang / ming chen dang / ma 'gags pa dang / shA ri'i bu dang / maud gal 
gyi bu la sogs pa dang / gzhan yang dge slong gi dge 'dun chen po dag dang thabs cig tu skye dgu'i bdag mo chen mo gau ta mI'i dbyar khang du gshegs so/ /de bzhin du yul ko sa la'i rgyal po gsal rgyal btsun mo'i 'khor dang / gzhon nu dang / blon po dang / grong mi dang / yul gyi mi 
rnams kyi 'khor gyis yongs su bskor ba dang / khyim bdag mgon med zas sbyin 'khor gyis yongs su bskor ba dang / ri dgas 'dzin gyi ma sa ga dang / bla mkhyen drang srong byin dang / rnyid pa dang / gzhan yang yul sna tshogs nas lhags pa'i skye bo'i tshogs dag kyang skye dgu'i bdag 
mo chen mo gau ta mI'i dbyar khang du song ngo / /de nas rgyal po gsal rgyal gyis rin po che dang / gos sna tshogs kyis brgyan pa'i khyogs lnga brgya dang / dri dang / bdug spos dang / me tog dang / phreng ba dang / gdugs dang / rgyal mtshan dang / ba dan dang / rol mo'i sgra rnam pa sna 
tshogs dag phul lo/ /de nas tshe dang ldan pa dga' bo dang / ma 'gags pa dang / kun dga' bo dang / sgra can zin gyis skye dgu'i bdag mo chen mo gau ta mI'i khyogs bteg go/ /bcom ldan 'das kyis kyang phyag g.yas pas bzung ngo / /dge slong lhag ma rnams kyis kyang dge slong 
ma lhag ma rnams kyi khyogs bteg go/ /de nas mchod pa chen po byas te khyer nas sa phyogs bar skabs dben par khyogs rnams bzhag go/ /de nas bcom ldan 'das kyis skye dgu'i bdag mo chen mo gau ta mI dang / dge slong ma lnga brgya po dag gi lus las bla gos phud nas/ dge slong 

</font><hr>10-1-113b<br><font size=+1>
rnams la bka' stsal pa/ dge slong dag skye dgu'i bdag mo chen mo gau ta mI dang / dge slong ma lnga brgya po 'di dag lo brgya nyi shu lon yang lus la gnyer ma dang / skra dkar med cing bu mo lo bcu drug lon pa lta bu la ltos/ de nas yul ko sa la'i rgyal po gsal rgyal btsun mo'i tshogs 
dang / gzhon nu dang / blon po dang / grong mi dang / yul mi dang bcas pas dri sna tshogs kyi shing gi phung po spungs nas skye dgu'i bdag mo chen mo gau ta mI la sogs pa dge slong ma lnga brgya po dag bsregs so/ /bcom ldan 'das kyis kyang mi rtag pa dang ldan pa'i chos dag bshad nas 
gtsug lag khang du gshegs so/ /gshegs nas kyang dge slong gi dge 'dun gyi gung la gdan bshams pa nyid la bzhugs so/ /bzhugs nas dge slong rnams la bka' stsal pa/ dge slong dag 'di ltar sbrid pa byung ba la sos zhes zer ba la nyes dmigs 'di lta bu dang / 
gzhan dag kyang yod pas de lta bas na dge slong gis sbrid pa byung ba la sos zhes brjod par mi bya'o/ /brjod na 'gal tshabs can du 'gyur ro/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa skye dgu'i bdag 
mo chen mo la sogs pa dge slong ma lnga brgya po dag gis las ci zhig bgyis na/ des 'di dag skyes nas dgung lo brgya nyi shu lags kyang lus la gnyer ma dang / skra dkar ma mchis shing bu mo dgung lo bcu drug lon pa lta bu lags/ bcom ldan 'das kyis bka' stsal pa/ dge slong dag 
skye dgu'i bdag mo chen mo gau ta mI la sogs pa dge slong ma lnga brgya po dag nyid kyis las tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar myong bar 'gyur ba dag byas shing bsags te/ skye dgu'i bdag mo chen mo la sogs pa dge 
slong ma lnga brgya po dag nyid kyis las byas shing bsags pa dag gzhan su zhig gis so sor myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi 

</font><hr>10-1-114a<br><font size=+1>
khams la mi 'gyur gyi/ 'di ltar las dge ba dang mi dge ba byas shing bsags pa dag ni zin pa'i phung po dang / khams dang / skye mched dag la rnam par smin par 'gyur te/ bskal pa brgya phrag rnams su yang / /las rnams chud zar mi 'gyur te/ /tshogs 
shing dus la bab pa na/ lus can rnams la 'bras bur smin/ dge slong dag sngon byung ba 'das pa'i dus na bskal pa bzang po 'di nyid la skye dgu rnams kyi tshe lo nyi khri thub pa na ston pa 'od srung zhes bya ba 'jig rten du byung ste zhes bya ba nas/ de grong khyer bA rA Na sI na drang srong smra ba ri dgas kyi 
gnas na rten cing bzhugs so zhes bya ba'i bar snga ma bzhin no/ /gang gi tshe yang dag par rdzogs pa'i sangs rgyas 'od srung gis sangs rgyas kyi mdzad pa mtha' dag mdzad nas shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das pa de'i tshe rgyal 
po kr-i kI zhes bya bas de'i sku la sku'i mchod pa byas nas/ lam po che'i bzhi mdor rin po che sna bzhi las byas pa'i mchod rten khor yug tu dpag tshad gcig yod la gnam 'phang du dpag tshad phyed pa byas so/ /rgyal po kr-i kI'i btsun mo dam pa la sogs pa bud med lnga brgya po de dag rgas pa'i gnas 
skabs na lus la gnyer ma dang skra dkar byung nas rgyal pos spangs pa dang / de dag phan tshun smra bar brtsams pa/ grogs mo dag lhas da bdag cag ci'i phyir spangs/ de dag las kha cig gis smras pa/ 'di la dpyad du ci yod bdag cag da lus gnyer ma dang skra dkar can du gyur 
pas de'i phyir bdag cag spangs mod/ gzhan dag gis smras pa/ de ni de lta yin te/ da bdag cag lha la ji zhig bya/ bud med gzugs dang na tshod dang ldan pa gzhan dag yod pa de dag dang lhan cig dga' mgur spyod grang / de'i phyir bcom ldan 'das 'od srung gi mchod rten gyi drung du dong 
nas mchon pa byas la des na bdag cag phyin chad 'khor bar lus gnyer ma dang skra dkar can du ma gyur cig ces smon lam gdab par bya'o/ /de dag gis smras pa/ legs kyis de bzhin bya'o zhes de dag gis yang dag par rdzogs pa'i sangs rgyas 'od srung gi mchod rten la dri dang / phreng ba dang /

</font><hr>10-1-114b<br><font size=+1>
byug pa dang / gdugs dang / rgyal mtshan dang / ba dan dag gis mchod pa byas nas me tog rnam pa sna tshogs dri zhim zhing ma rnyis pa'i chun po dang / phreng ba yid du 'ong ba dag btags nas/ bdag cag gis bcom ldan 'das yang dag par rdzogs pa'i sangs rgyas yon gnas bla na med pa 'od 
srung la mchod pa bgyis pa'i dge ba'i rtsa ba gang lags pa 'dis bdag cag skyes nas lo brgya nyi shu lon yang lus la gnyer ma dang skra dkar mchis par ma gyur cig ces smon lam btab bo/ /dge slong dag ji snyam du sems/ rgyal po kr-i kI'i btsun mo dam pa la sogs pa bud med lnga brgya po 
gang dag yin pa de dag ni skye dgu'i bdag mo chen mo la sogs pa dge slong ma lnga brgya po 'di dag nyid yin te/'di dag gis yang dag par rdzogs pa'i sangs rgyas 'od srung gi mchod rten la mchod pa byas shing smon lam btab pa gang yin pa'i las de'i rnam par smin pas da ltar skyes nas lo brgya 
nyi shu lon yang lus la gnyer ma dang skra dkar med cing bu mo lo bcu drug lon pa'i gzugs lta bur gyur to/ /dge slong dag de lta bas na las gcig tu gnag pa rnams kyi zhes bya ba nas de ltar brtsal bar bya ste/ dge slong dag khyed kyis de ltar bslab par bya'o zhes bya ba'i bar snga ma 
bzhin no/ /bcom ldan 'das kyis de skad ces bka' stsal pa dang / dge slong rnams bcom ldan 'das kyis gsungs pa la yi rangs te mngon par bstod do/ /bcom ldan 'das kyis dge slong gis sbrid pa byung ba la sos shes brjod par mi bya'o zhes bka' stsal pa dang / 
mnyan yod na khyim bdag cig 'dug pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed kyang / bu pho yang med/ bu mo yang 
med la/ rgas pa'i gnas skabs su nor zad cing longs spyod zad par gyur nas/ des chung ma la smras pa/ bzang mo kho bo ni rgas shing bkren la bu pho yang med/ bu mo yang med pas rgyal byed kyi tshal du rab tu byung du 'gro'o/ /des smras pa/ rje'i sras de bzhin rab tu 'byung bar mdzod 

</font><hr>10-1-115a<br><font size=+1>
cig/ de rgyal byed kyi tshal du song ste rab tu byung ngo / /ji tsam dus gzhan zhig na de'i chung ma blta ba'i phyir 'ongs pa dang / de sbrid pa byung na dge slong gang gis kyang sos zhes ma byas so/ /de nas de'i sngon gyi chung mas lag pa g.yon pas sa blangs te sas mtshams gcad 
pa byas nas yun ring du 'tsho bar gyur cig ces smras so/ /dge slong dag gis de la brtag par brtsams pa dang / des de'i lag nas bzung ste drangs nas smras pa/ rje'i sras khyod dgra bo rnams kyi nang du rab tu byung ste rgyal byed kyi tshal 'di gnod sbyin gos sngon po gyon pa lnga brgyas mi stongs 
te/ bdag 'ba' zhig gis khyod la sos zhes bgyis pa des na de rnams kyis khyod kyi mdangs ma khyer te/ 'dir bzhugs pas 'tshal gyis/ khyim nyid du bzhud kyis gshegs zhes des de'i lag pa nas bzung ste song ba dang / de la dge slong rnams kyis smras pa/ rgan zhugs ma 
'gro bar 'dug shig /de 'gro ba nyid du byed cing mi 'dug nas dge slong dag gis de'i lag pa ya gcig nas bzung ste drangs pa dang / des smras pa/ na'o na'o zhes zer ba'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ khyod kyi 
lag pa gang na zhes dri bar bya ste/ gal te khyed kyis bzung ba gang yin pa'o zhes zer na rgan zhugs 'gro 'dod par nges kyis thams cad kyi thams cad du gtang bar bya'o/ /gal te sngon gyi chung mas bzung ba gang yin pa'o zhes zer na 'gro bar mi 'dod pas de gtang bar mi bya'o/ /'on kyang dge slong 
dag rgan zhugs ni 'tsho bar 'dod pa'i bsam pa can yin pas de lta bas na rgan zhugs sbrid pa byung ba la sos zhes brjod par bya'o/ /dge slong dag gis de la smras pa/ rgan zhugs khyod kyi lag pa gang na/ des smras pa/ tshe dang ldan pa dag khyed kyis bzung ba gang yin pa'o/ /de dag 
gis de btang ba nas rang gi khyim du song ste/ de nyid de'i rab tu byung ba dang bsnyen par rdzogs pa dge slong gi dngos po'i bar chad du gyur to/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag 

</font><hr>10-1-115b<br><font size=+1>
dad pa can zhig 'dug pa de bram ze ma dad pa zhig dang lhan cig rgyal byed kyi tshal du song ba dang / khyim bdag de sbrid pa byung na dge slong gang gis kyang sos zhes ma byas kyi/ bram ze de nyid kyis sos zhes byas nas des smras pa/ grogs po khyed ni dgra bo rnams la dad de rgyal byed kyi tshal 'di ni gnod 
sbyin gos sngon po gyon pa lnga brgyas mi stongs te/ khyod la kho bo 'ba' zhig gis sos zhes byas pa des na de dag gis khyod kyi mdangs ma phrogs kyis tshur shog 'dong zhes zer ba'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ 
dge slong dag khyim pa rnams ni 'tsho ba'i bsam pa can yin pas de lta bas na khyim pa sbrid pa byung ba la sos zhes brjod par bya'o/ /gzhan yang dge slong dag rgan pa sbrid pa byung ba la ni langs nas phyag bya zhing gzhon pa sbrid pa byung ba la ni rgan pas nad med cig ces brjod par bya'o/ /sangs rgyas 
bcom ldan 'das grong khyer bA rA Na sI na drang srong smra ba ri dgas kyi nags na bzhugs so/ /gang gi tshe bcom ldan 'das kyis dge slong lnga tshan pa rnams nges pa la zhugs pa dang ldan pas legs par gsungs pa'i chos 'dul ba la btsud pa de'i tshe de dag gis bca' bar bya ba gang yin pa dang / 
bza' bar bya ba gang yin pa mi shes pa'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag bca' ba ni lnga ste/ rtsa ba'i bca' ba dang / sdong po'i bca' ba dang / lo ma'i bca' ba dang / me tog gi bca' ba dang / 
'bras bu'i bca' ba'o/ /bza' ba ni lnga ste/ phye ma dang / 'bras chan dang / zan dron dang / sha dang snum khur ro/ /de dag gis tshod ma gang dag dang / bza' bar bya ba mi shes nas/ bcom ldan 'das kyis bka' stsal pa/ 'o ma dang / zho dang / mar sar dang / mar dang / 
nya dang / sha dang / sha skam dang / gzhan yang rung ba gang yin pa ste tha na chus kyang rlan par bya ste bza' bar bya'o/ /dge slong dag rlan pa thams cad ni nyam skyed par byed pa yin no// //sdom la/ sgo 'phar gyi ni lag zungs dang / /skar khung dag gi dra ba dang / /ma dpyis dang ni ya dpyis 

</font><hr>10-1-116a<br><font size=+1>
dang / rked gtan dbyug gu skam ka'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong rnams gnas khang dag rtsig cing sgo dod par mi byed nas/ bcom ldan 'das kyis 
bka' stsal pa/ sgo gdod par bya'o/ /dge slong rnams kyis sgo btod cing sgo 'phar 'jug par mi byed pas bsam gtan dang 'don pa la zhugs pa dag snang ste/ de dag bram ze dang khyim bdag dag gis mthong nas nye bar 'ongs te de dag gtam brjod pas sems rtse gcig pa nyid du ma gyur 
nas/ bcom ldan 'das kyis bka' stsal pa/ dge slong dag sgo 'phar gzhug par bya'o/ /dge slong dag gis sgo 'phar bcug cing lag zungs yang mig ma btags pas dbye dka' bar gyur nas/ bcom ldan 'das kyis bka' stsal pa/ lag zungs yang mig gdags par bya'o/ /
de phye ba na sgra 'byung nas/ bcom ldan 'das kyis bka' stsal pa/ ko ba'i dum bu gzhug par bya'o/ /skar khung ma btod pas mun gnag par gyur nas/ bcom ldan 'das kyis bka' stsal pa/ skar khung gdod par bya'o/ /ha cang dma' bar btod nas chom rkun pa dang / g.yon can dag 
gis bgrod par gyur nas/ bcom ldan 'das kyis bka' stsal pa/ dma' bar gdod par mi bya'o/ /ha cang mtho bar btod pa dang nyes dmigs de nyid du gyur nas/ bcom ldan 'das kyis bka' stsal pa/ dkyil du gdod par bya'o/ /dge slong dag gis nang rub la phyi yangs par byas nas/ 
bcom ldan 'das kyis bka' stsal pa/ phyi rub la nang yangs pa rgya mtsho'i rnam pa lta bur gdod par bya'o/ /bye'u dang phug ron dag 'jug nas/ bcom ldan 'das kyis bka' stsal pa/ dra ba bya'o/ /dge slong dag gis dra ba byas shing sgo glegs ma bcug pas sbrul dang / sdig pa dang / srin bu t+r+yai
ma bu ka dang/ trai la ta dag 'jug nas/ bcom ldan 'das kyis bka' stsal pa/ sgo glegs gzhug par bya'o/ /dge slong dag gis sgo glegs bcug pa dang / 'og mi chags nas/ bcom ldan 'das kyis bka' stsal pa/ ma dpyis gzhug par bya'o/ /dge slong dag gis ma dpyis bcug na 

</font><hr>10-1-116b<br><font size=+1>
steng 'dug tu mi rung nas/ bcom ldan 'das kyis bka' stsal pa/ ya dpyis gzhug par bya'o/ /dge slong dag gis ya dpyis bcug na rlung gis phye nas/ bcom ldan 'das kyis bka' stsal pa/phreng gtan gzhug par bya'o/ /dge slong dag gis phreng gtan bcug pa dang / gcad dka' ba 
dang / dbye dka' bar gyur nas/ bcom ldan 'das kyis bka' stsal pa/ dbyi gu skam ka bcang bar bya ste/ des gcad pa dang dbye bar bya'o// //sdom la/ gsor dang lcags kyi thu lum dang / /phor pa shing gi thal phyags dang / /rdo gu khri dang rgyab rten dang / /sta re dang ni gzong bu'o/ /sangs 
rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis sgo 'phar la lag zungs kyi lung mig gdags par bya'o zhes bka' stsal pa dang / dge slong dag gis sgo 'phar la yang mig gis brkos te sgo 'phar gas 
nas/ bcom ldan 'das kyis bka' stsal pa/ sgo 'phar la brko bar mi bya'o/ /bcom ldan 'das kyis sgo 'phar la brko bar mi bya'o zhes bka' stsal pa dang / dge slong dag gis yang mig btags te drangs na mi brtan zhing phyir byung nas/ bcom ldan 'das kyis bka' stsal pa/ de lta bas na 
rjes su gnang ste gsor bcang bar bya zhing / des phug la yang mig gdags par bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa pi lin da'i bu gang gi tshe rab tu byung ba nas zhes bya ba nas/ tshe dang ldan pa 
dag bdag na ste mi bde'o zhes bya ba'i bar snga ma bzhin no/ /gnas brtan khyod ci na/ tshe dang ldan pa dag bdag rlung nad na'o/ /gnas brtan sman cung zad mdzod cig /tshe dang ldan pa dag sngon ni bdag gis lcags kyi thu lum bsregs te/ des chab bsros nas lus rngul bar bgyis so/ /gnas brtan ci'i 
slad du mi srel/ bcom ldan 'das kyis ma gnang ngo / /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ de lta bas na rjes su gnang ste/ rlung nad can gyis lcags kyi thu lum bcang bar bya ste/ des chu bsros la lus rngul bar bya'o/ /bcom 

</font><hr>10-1-117a<br><font size=+1>
ldan 'das kyis lcags kyi thu lum bcang bar bya'o zhes bka' stsal pa dang / dge slong dag gis de bsregs pa dbyung ma nus nas/ bcom ldan 'das kyis bka' stsal pa/ lcags thag gis gdags par bya'o/ /dge slong dag gis lcags thag kyang mer bcug pas de yang tsha bar gyur 
nas/ bcom ldan 'das kyis bka' stsal pa/ de der gzhug par mi bya'i des gsher ba'i nang du bcug la lcags kyi thu lum bsreg par bya'o/ /de dag lcags kyi thu lum rtswa u Sha tu gas rung bar byed nas/ bcom ldan 'das kyis bka' stsal pa/ de rung bar mi bya'i bsregs pa de nyid de'i rung 
ba yin no/ /dge slong dag dang por yongs su spyad pa'i chu bsro bar byed cing phyis rung ba'i chu bsro bar byed nas/ bcom ldan 'das kyis bka' stsal pa/ sngar rung ba'i chu bsro bar bya zhing phyis yongs su spyad pa'i chu bsro bar bya'o/ /sangs rgyas bcom ldan 'das rgyal po'i khab na 'od ma'i tshal bya ka len 
da ka'i gnas na bzhugs so/ /tshe dang ldan pa pi lin da'i bu gang gi tshe rab tu byung ba nas zhes bya ba nas/ tshe dang ldan pa dag bdag na ste mi bde'o zhes bya ba'i bar snga ma bzhin no/ /gnas brtan khyod ci na/ tshe dang ldan pa dag 'di dang 'di na'o/ /gnas brtan sman cung zad mdzod cig /tshe dang 
ldan pa dag sngon ni bdag gis sman phor bcangs so/ /gnas brtan da ci ste mi bcang / bcom ldan 'das kyis ma gnang ngo / /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ de lta bas na rjes su gnang ste/ sman phor bcang 
bar bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /khyim bdag cig gis dge 'dun gyi bsro khang byas na der sol ba dag bdal de 'jog nas/ bcom ldan 'das kyis bka' stsal pa/ bsdu bar bya'o/ /
bcom ldan 'das kyis sol ba dag bsdu bar bya'o zhes bka' stsal pa dang / dge slong dag cis bsdu bar bya ba mi shes nas/ bcom ldan 'das kyis bka' stsal pa/ lcags kyi thal phyags byas la des bsdu bar bya'o/ /bcom ldan 'das kyis lcags kyi thal phyags bya'o zhes bka' stsal na/

</font><hr>10-1-117b<br><font size=+1>
dge slong dgon pa ba dag la de'i 'byor pa med pa'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ de dag gis shing gi thal phyags byed du gzhug go/ /bcom ldan 'das kyis shing gi thal phyags byed du gzhug go zhes bka' stsal 
pa dang / dge slong dag gis thal phyags ji lta bu bya ba mi shes nas/ bcom ldan 'das kyis bka' stsal pa/ mgo sbom por byas la de nas lci ba dang 'jim pas bskus te des sol ba bsdu bar bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas 
sbyin gyi kun dga' ra ba na bzhugs so/ /dge slong zhig na nas sman pa'i gan du song ste smras pa/ bzhin bzangs kho bo la nad 'di lta bu byung na sman ston cig /des smras pa/ 'phags pa 'di dang 'di mdzod cig dang khyod sos par 'gyur ro/ /de la sman sbyar ba'i rdo gu dgos nas de khyim bdag 
cig gi gan du song ste/ rdo gu brnyas pa dang / des de la rdo gu byin no/ /des sman sbyar te slar khyim bdag de nyid la byin pa dang / des smras pa/ 'phags pa khyod kyi lags kyis bzhud cig /des smras pa/ khyim bdag bcom ldan 'das kyis ma gnang ngo / /des smras pa/ 'phags 
pa gal te de lta na zhog la bzhud cig /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ de lta bas na rjes su gnang ste/ rdo gu bcang bar bya'o/ /ri dgas 'dzin gyi ma sa gas bcom ldan 'das kyis dge slong rnams la rdo gu ji ltar 
'chang du gnang ba thos nas des lcags rdo gu lnga brgya phul na/ dge slong dag gis ji ltar bya ba mi shes nas/ bcom ldan 'das kyis bka' stsal pa/ rgan rims ji lta ba bzhin brim par bya'o/ /bcom ldan 'das kyis rgan rims ji lta ba bzhin brim par bya'o zhes bka' stsal pa dang / gzhon 
pa'i mthar ma khyed pa'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ ma thob pa gang dag yin pa de dag la kham pa'i rdo gu sbyin par bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi 

</font><hr>10-1-118a<br><font size=+1>
kun dga' ra ba na bzhugs so/ /dge slong zhig sa la nyal bas de'i kha zas ma zhu bar gyur nas des khyim bdag cig gi gan du song ste khri brnyas nas de de'i steng du nyal bas sos te slar de la byin pa dang / des smras pa/ 'phags pa khyod nyid kyi lags kyis bzhud cig /khyim bdag bcom 
ldan 'das kyis ma gnang ngo / /des smras pa/ 'phags pa gal te de lta na zhog la bzhud cig /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ de lta bas na rjes su gnang ste/ dge slong gis khri bcang bar bya'o/ /ri dgas 'dzin 
gyi ma sa gas bcom ldan 'das kyis dge slong rnams la khri bog ri can ji ltar gnang ba thos nas de khri bog ri can lnga brgya phul na dge slong rnams kyis ji ltar bya ba mi shes nas/ bcom ldan 'das kyis bka' stsal pa/ rgan rims ji lta ba bzhin brim par bya'o/ /sangs rgyas bcom ldan 'das 
mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong zhig la rgyab rten dgos par gyur nas des khyim bdag cig la brnyas te des dgos pa byas nas slar byin pa dang / des smras pa/ 'phags pa khyod nyid kyi lags kyis bzhud cig /khyim 
bdag bcom ldan 'das kyis ma gnang ngo / /des smras pa/ 'phags pa gal te de lta na zhog la bzhud cig /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ de lta bas na rjes su gnang ste/ dge slong gis rgyab rten bcang bar bya'o/ /
ri dgas 'dzin gyi ma sa gas bcom ldan 'das kyis dge slong rnams la rgyab rten ji ltar gnang ba thos nas des rgyab rten lnga brgya phul na dge slong rnams kyis ji ltar bya ba mi shes nas/ bcom ldan 'das kyis bka' stsal pa/ rgan rims bzhin brim par bya'o/ /sangs rgyas bcom ldan 
'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong zhig gi btso blag gi las byed pa de la sta re dgos par gyur nas des khyim bdag cig la brnyas te des dgos pa byas nas slar byin pa dang / des smras pa/ 'phags pa khyod 

</font><hr>10-1-118b<br><font size=+1>
nyid kyi lags kyis bzhud cig /khyim bdag bcom ldan 'das kyis ma gnang ngo / /des smras pa/ 'phags pa gal te de lta na zhog la bzhud cig /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ de lta bas na rjes su 
gnang ste dge slong gis sta re bcang bar bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong zhig gi khri'i ya thog chag nas des khyim bdag cig las gzong bu brnyas te/ des dgos pa byas nas 
slar byin pa dang / des smras pa/ 'phags pa khyod nyid kyi lags kyis bzhud cig /khyim bdag bcom ldan 'das kyis ma gnang ngo / /des smras pa/ 'phags pa gal te de lta na zhog la bzhud cig /skabs de dge slong dag gis bcom ldan 'das la gsol pa dang / bcom 
ldan 'das kyis bka' stsal pa/ de lta bas na rjes su gnang ste/ dge slong dag gis gzong bu bcang bar bya'o// //sdom la/ ste'u dang skas ni gsum dag dang / /sgre'u dang nang pa phan gdags dang / /shing dang rdo dang sa dag gi/ /thang ma skas gsum gnang ba'o/ /sangs rgyas 
bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong zhig gi khri'u'i rkang pa chag ste de la ste'u dgos nas des khyim bdag cig la ste'u brnyas nas des dgos pa byas nas slar byin pa dang / des smras pa/ 'phags pa 
khyod nyid kyis lags kyis bzhud cig /des smras pa/ khyim bdag bcom ldan 'das kyis ma gnang ngo / /des smras pa/ 'phags pa gal te de lta na zhog la bzhud cig /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ 
de lta bas na rjes su gnang ste/ dge slong gis ste'u bcang bar bya'o/ /sangs rgyas bcom ldan 'das mnyan yod na shar gyi kun dga' ra ba na ri dgas 'dzin gyi ma'i khang bzangs na bzhugs so/ /bcom ldan 'das kyis dge slong dag gis rtsig pa'i grogs bya'o zhes bka' stsal pa dang / dge 

</font><hr>10-1-119a<br><font size=+1>
slong dag mchod rten dang / gtsug lag khang rtsig pa'i grogs byed do/ /ji tsam na ri dgas 'dzin gyi ma'i khang bzangs mthon por brtsigs pas de la gzeg dgos par gyur na/ dge slong dag gis ci las gzeg par bya ba mi shes nas/ bcom ldan 'das kyis bka' 
stsal pa/ skas las gzeg par bya'o/ /bcom ldan 'das kyis skas la gzeg par bya'o zhes bka' stsal pa dang / dge slong dag skas du yod mi shes nas/ bcom ldan 'das kyis bka' stsal pa/ skas ni rnam pa gsum ste/ shing gi dang / thag pa'i dang / smyug 
ma'i'o/ /sangs rgyas bcom ldan 'das ser skya'i gnas shing n+ya gro d+ha'i kun dga' ra ba na bzhugs so/ /bcom ldan 'das kyi gcung po dge slong dga' bo zhes bya ba de'i lus gser gyi mdog 'dra zhing skyes bu chen po'i mtshan sum bcu can/ srid kyang bcom ldan 'das las sor bzhis 
thung ba zhig yod pa de'i chung ma mdzes ma zhes bya ba gzugs bzang ba/ mdzes pa/ blta na sdug pa/ skyes pa'i yid du 'ong ba zhig yod pa de la/ de lhag par chags pa dang / zhen pa dang / 'chums pa dang / mdud pa bor ba dang / brgyal ba dang / lhag par zhen 
pa dang / lhag par chags par gyur to/ /bcom ldan 'das kyis de gdul ba'i dus la bab par mkhyen nas snga dro sham thabs gsol/ lhung bzed dang chos gos bsnams te phyi bzhin 'brang ba'i dge sbyong kun dga' bo dang / ser skya'i gnas su bsod snyoms la gshegs so/ /ser 
skya'i gnas na bsod snyoms mdzad pa na dga' bo'i khyim ga la ba der gshegs te byon nas bcom ldan 'das de'i sgor bzhugs te 'od zer gser gyi kha dog lta bu btang nas de dag gis khyim de gser zhun ma lta bur snang bar gyur to/ /des bsams pa/ nges par bcom ldan 'das gshegs te 
des na bdag gi khyim gser zhun ma lta bur snang bar gyur to/ /snyam nas des mi zhig btang ste/ kye mi khyod song la sgo na su yod ltos shig /de phyir byung ba dang / ji tsam na bcom ldan 'das mthong nas de rings pa rings par nang du song ste/ des smras pa/ jo bo bcom ldan 'das gshegs te chab 

</font><hr>10-1-119b<br><font size=+1>
sgo na bzhugs so/ /de gus pa dang bcas pas 'gro bar brtsams pa dang / mdzes mas bsams pa/ gal te 'di bcom ldan 'das kyi spyan sngar song na 'di nges par bcom ldan 'das kyis rab tu phyung ngo snyam nas des gos kyi tha ma nas bzung ste/ rje'i sras ma gshegs par bzhugs shig /
des smras pa/ thong shig bcom ldan 'das kyi zhabs la phyag 'tshal nas slar 'ong ngo / /des de la mtshan ma btab nas smras pa/ rje'i sras gal te khyod 'di bskams te gshegs na bdag kAr shA pa Na lnga brgya dbang ngo / /des smras pa/ legs te de bzhin byas thong shig /des de dam 
bcas nas btang ste song nas bcom ldan 'das kyi zhabs la phyag 'tshal te bcom ldan 'das las lhung bzed blangs nas slar song ngo / /de nas bza' ba dang bca' ba gtsang zhing bsod pas lhung bzed bkang ste byung ba dang / bcom ldan 'das bzhes pa nyid du mi mdzad par gshegs shing tshe dang ldan pa 
kun dga' bo la yang ma len cig pa'i brda mdzad do/ /sangs rgyas bcom ldan 'das rnams ni bsnyen par dka' zhing bzod par dka' ba yin pas sangs rgyas bcom ldan 'das la bzhes zhes smra ma nus so/ /de nas tshe dang ldan pa kun dga' bo la dbul bar brtsams pa dang / des smras pa/ dga' 
bo gang kho na las blangs pa de nyid la phul cig /de spobs pa med par gyur nas/ bcom ldan 'das kyi lhung bzed khyer nas chas te/ bcom ldan 'das gtsug lag khang du gshegs te bzhugs pa dang / dga' bos lhung bzed phul lo/ /de nas bcom ldan 'das kyis zhal zas kyi mdzad pa 
mdzad nas dga' bo la bka' stsal pa/ dga' bo lhung bzed kyi lhag ma zo shig /bcom ldan 'das 'tshal lo/ /bcom ldan 'das kyis de la lhung bzed kyi lhag ma stsal nas des zos so/ /zos nas bcom ldan 'das kyis bka' stsal pa/ dga' bo khyod ci ste rab tu mi 'byung / 'di ltar 
bcom ldan 'das kyis gdung rabs de dang de dag tu yab yum dang / mkhan po dang / slob dpon dang / gzhan yang bla ma'i gnas lta bu dag gi chos dang ldan pa'i tshig 'ga' yang ma bcag pas/ des smras pa/ bcom ldan 'das bdag rab tu 'byung ngo / /de nas bcom ldan 'das kyis tshe dang ldan 

</font><hr>10-1-120a<br><font size=+1>
pa kun dga' bo la bka' stsal pa/ kun dga' bo song la dga' bo'i skra dang kha spu bregs shig /btsun pa bka' bzhin 'tshal zhes tshe dang ldan pa kun dga' bos bcom ldan 'das las mnyan nas 'breg mkhan gnyer te breg par brtsams pa dang / dga' bos 'breg mkhan la kwa'i 
'breg mkhan nga ni ring po mi thogs par stobs kyis 'khor lo sgyur ba'i rgyal por 'gyur te/ gal te khyod kyis nga'i skra dang kha spu bregs na ngas khyod kyi lag pa mkhrig ma man chad bcad do zhes bsdigs pas de skrag ste 'breg spyad btul te 'dug pa dang / tshe dang ldan pa kun dga' bos bcom ldan 'das 
la gsol to/ /de nas bcom ldan 'das tshe dang ldan pa dga' bo ga la ba der gshegs te byon nas bka' stsal pa/ dga' bo khyod rab tu mi 'byung ngam/ des gsol pa/ bcom ldan 'das bdag rab tu 'byung ngo / /de nas bcom ldan 'das nyid kho nas chu snod nas mgor chu blugs shing 'breg 
mkhan gyis skra dang kha spu bregs pa dang / des bsams pa/ re zhig bcom ldan 'das la gus par bya ba'i phyir rab tu byung la nam sros nas 'gro'o snyam nas de nam sros nas song ba dang / bcom ldan 'das kyis g.yang sa zhig sprul to/ /dga' bos bsams pa/ mdzes ma dang thag ring ba 
nyid du gyur cing bdag gzhan kho nar 'chi bar 'gyur gyis nam nangs te 'gro'o snyam nas/ de shin tu bzang mo la rnam par rtog cig sdug bsngal bas mtshan mo 'das so/ /bcom ldan 'das kyis de'i sems thugs kyis mkhyen nas/ tshe dang ldan pa kun dga' bo la bka' stsal pa/ kun dga' 
bo khyod song la/ dga' bo la khyod khang skyong byos shig ces bsgo shig /des song nas tshe dang ldan pa dga' bo bcom ldan 'das kyis khyod khang skyong byos shig ces bka' stsal to zhes de la bsgo'o/ /des smras pa/ btsun pa kun dga' bo khang skyong zhes bya ba de ci lags/ de ji lta bu dag bgyi/ 
des smras pa/ tshe dang ldan pa dga' bo gtsug lag khang gi las bya ste/ dge slong rnams bsod snyoms la dong nas dang por je gtsug lag khang phyag dar bya zhing de nas ba lang gi lci ba sar pas skyong nul bya/ gtsug lag khang bsrung bar bya/ dge slong rnams kyis smras pa/ gang yin pa de brjod par 

</font><hr>10-1-120b<br><font size=+1>
bya/ dri dang / me tog dang / bdug spos la sogs pa ji snyed yod pa de dag kyang dge 'dun la brim par bya/ nub mo sgo gcad par bya zhing nang par dbye bar bya/ bshang ba'i gnas dang / gci ba'i gnas dag kyang sbyang bar bya zhing /gzhan yang gtsug lag khang dang 'brel ba'i bya ba gang yin pa de dag 
bya'o/ /des smras pa/ btsun pa kun dga' bo bcom ldan 'das kyis ji skad bka' stsal pa de bzhin 'tshal lo/ /ji tsam na dge slong rnams snga dro sham thabs bgos/ lhung bzed dang chos gos thogs te ser skya'i gnas su bsod snyoms la zhugs pa dang / dga' bos bsams pa/ 
gtsug lag khang phyags la 'gro'o snyam nas des phyag dar byas pa dang / bcom ldan 'das kyis gang gi tshe khyams cig phyags pa de'i tshe gnyis pa phyag dar gyis gang bar gyur pa de ltar byin gyis brlabs so/ /des bsams pa/ phyag dar bor la 'gro'o snyam nas des phyags ma bzhag ste 
phyag dar dbo bar brtsams pa dang / zad par ma gyur nas des bsams pa/ gnas khang rnams kyi sgo bcad la 'gro'o snyam nas des gnas khang rnams kyi sgo bcad par brtsams pa dang / bcom ldan 'das kyis de gang gi tshe gnas khang gcig gi sgo bcad pa de'i tshe gzhan bye bar 
gyur pa de lta bur byin gyis brlabs pas de skyo nas smras pa/ bdag rgyal por gyur nas 'di bas ches lhag pa'i gtsug lag khang byas 'gro'o/ /yang bsams pa gseb lam du 'gro'o snyam nas des gseb lam du song ba dang / bcom ldan 'das kyis de'i sems kyi rtog pa thugs kyis 
mkhyen nas lam de nyid du gshegs so/ /des bcom ldan 'das thag ring po kho na nas mthong nas de dang ha cang mi ring ba na shing yal ga stug po thur du 'phyang ba zhig yod pa de myur ba myur ba nyid du song ste/ de'i 'og tu gab nas 'dug pa dang / bcom ldan 'das kyis shing de'i yal ga 
rnams ji ltar gyen du 'phags par gyur pa de ltar byin gyis brlabs so/ /de nas bcom ldan 'das kyis bka' stsal pa/ dga' bo khyod gar 'gro/ /tshur shog 'dong / de spobs pa med par gyur cing ngo tsha ba'i yid kyis bcom ldan 'das kyi phyi bzhin song ngo / /bcom ldan 'das 

</font><hr>10-1-121a<br><font size=+1>
kyis dgongs pa/ 'di shin tu bzang mo la lhag par chags pas 'di de dang 'bral bar bya'o snyam du mkhyen nas de de dang dbral bar bya ba'i phyir ser skya'i gnas su ji tsam bzhed pa bzhugs nas mnyan yod ga la ba der rgyu zhing gshegs te khad kyis mnyan yod du gshegs pa dang / ri dgas 
'dzin gyi ma sa gas bcom ldan 'das kyi gcung dga' bo zhes bya ba de'i lus gser gyi mdog 'dra zhing skyes bu chen po'i mtshan sum bcu can bcom ldan 'das pas sor bzhis thung ba de bcom ldan 'das dang thabs cig 'dir 'ongs so zhes thos nas de bdag gis nam mthong snyam mo// // 
'dul ba phran tshegs kyi gzhi/bam po bcu gcig pa/ de nas tshe dang ldan pa dga' bo dus gzhan zhig na snga dro sham thabs bgos lhung bzed dang chos gos thogs te mnyan yod du bsod snyoms la zhugs nas de khad kyis ri dgas 'dzin gyi ma sa ga'i khyim du song ngo / /des de'i gzugs bzang 
zhing kha dog shin tu rgyas pa mthong nas bsams pa/ 'di ni nges par bcom ldan 'das kyi mched dga' bo yin no snyam nas/ de dad pa skyes te de'i rkang pa la gtugs nas phyag byas so/ /des de'i rkang pa la reg pa dang / bud med kyi reg pa ni gdug pa yin pas de 'dod chags bdo bas de'i khu ba stor nas 
sa ga'i mgor lhung ba dang / sangs rgyas bcom ldan 'das rnams ni bsnyel ba mi mnga' ba'i chos can yin pas bcom ldan 'das kyis de tu ruSh+ka'i 'bru mar du byin gyis brlabs so/ /des bsams pa/ 'di na tu ruSh+ka'i 'bru mar ga las 'byung / nges par 'phags pa dga' bos mi 
gtsang ba shor la/ bcom ldan 'das bsnyel ba mi mnga' ba'i chos can des 'di tu ruSh+ka'i 'bru mar du byin gyis brlabs so snyam du rig nas yi rangs pas yi rangs shing kye ma'o sangs rgyas/ kye ma'o chos/ kye ma'o dge 'dun/ kye ma'o chos legs par gsungs pa nyid 'di ltar nga ni 
'phags pa dga' bo la sogs pa 'dod chags shas che ba dag kyang tshangs par spyad pa spyod do zhes ched du brjod pa ched du brjod do/ /de nas tshe dang ldan pa dga' bo bdag la dge 'dun lhag ma'i ltung ba byung bar ma gyur tam snyam nas 'gyod pa skyes te/ des skabs de dge slong rnams la brjod pa dang / dge 

</font><hr>10-1-121b<br><font size=+1>
slong dag gis bcom ldan 'das la gsol nas/ bcom ldan 'das kyis bka' stsal pa/ dge slong dag dge slong dga' bo 'dod chags lhag par che ba 'di la ltung ba med do/ /de lta bas na rjes su gnang ste 'dod chags lhag par che bar gyur pa de lta bu gang dag yin pa de dag gis 'dzag snod 
bcang bar bya ste/ 'di la 'gyod par mi bya'o/ /bcom ldan 'das kyis 'dod chags lhag par che bas sgre'u bcang bar bya'o zhes bka' stsal pa dang / dge slong rnams ci'i pags pa'i sgre'u bcang bar mi shes nas/ bcom ldan 'das kyis bka' stsal pa/ ra dang / ri dgas dang / byi ba dang 
gsum gyi pags pa'i sgre'u bcang bar bya'o/ /de dag gis de bzhin bzhag pas dri mi zhim par gyur nas/ bcom ldan 'das kyis bka' stsal pa/ bkru bar bya/ mnye bar bya/ skam par bya'o/ /de dag gis ji srid bkrus nas skems par byed pa de'i bar du de dag bud med mthong nas khu ba 
stor bas sham thabs dbra dbrer gyur nas/ bcom ldan 'das kyis bka' stsal pa/ gnyis byas la gcig bskam par bya zhing gcig gdags par bya'o/ /kha cig khu ba lhag par mang du byung bas de gsher bar gyur nas/ bcom ldan 'das kyis bka' stsal pa/ der phru blugs 
par bya'o/ /dge slong dag gis so phag gi bur ma dag blugs pas sdug bsngal bar gyur nas/ bcom ldan 'das kyis bka' stsal pa/ bye ma'am sa'i phru blug par bya'o/ /dge slong dag de btags bzhin du zas za bar byed cing mchod rten la phyag 'tshal bar byed nas/ bcom ldan 'das 
kyis bka' stsal pa/ de phyogs dben pa zhig tu bzhag la khrus byas nas zas bza' ba dang mchod rten la phyag dag bya'o/ /de nas dus gzhan zhig na tshe dang ldan pa dga' bo phyogs gzhan zhig na rdo leb la 'dug pa dang / des shin tu bzang mo dran nas des de rdo leb de la ri lus bri bar brtsams 
pa dang / tshe dang ldan pa 'od srung chen po yang der 'ongs te des de mthong nas smras pa/ tshe dang ldan pa dga' bo khyod ci byed/ des smras pa/ btsun pa 'od srung chen po bdag shin tu bzang mo 'dri'o/ /des smras pa/ tshe dang ldan pa bcom ldan 'das kyi dge slong gi bya ba ni gnyis te/ bsam gtan 

</font><hr>10-1-122a<br><font size=+1>
dang / gdon pa'o zhes gsungs na khyod rang gi chung ma 'dri zhing 'dug gam/ de cang mi smra bar 'dug go/ /skabs de tshe dang ldan pa 'od srung chen pos bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni 
dge slong dag ri mo 'dri ba las gyur par mkhyen nas/ dge slong rnams la bka' stsal pa/ dge slong dag skyes bu gti mug dga' bos shin tu bzang mo la chags pa'i sems kyis ri mo bris so/ /de lta bas na dge slong gis ri mo bri bar mi bya'o/ /dge slong ri mo 'dri bar byed na 'gal tshabs 
can du 'gyur ro/ /bcom ldan 'das kyis dge slong gis ri mo bri bar mi bya'o/ /zhes bka' stsal pa dang / dge slong dag de bzhin gshegs pa'i dbu skra dang / sen mo'i mchod rten la yang dris byug pa dang / dris gtor bar mi byed do/ /sangs rgyas bcom ldan 'das rnams ni 
mkhyen bzhin du 'dri bar mdzad pas sangs rgyas bcom ldan 'das kyis tshe dang ldan pa kun dga' bo la dris pa/ kun dga' bo ci'i phyir dge slong dag de bzhin gshegs pa'i dbu skra dang sen mo'i mchod rten la dris byug pa dang dris gtor bar mi byed des skabs de bcom ldan 'das la rgyas 
par gsol pa dang / bcom ldan 'das kyis bka' stsal pa/ de lta bas na rjes su gnang ste/ dris byug pa dang / dris gtor ba dag bya'i sems can gyi gzugs ni bri bar mi bya'o/ /bcom ldan 'das kyis dgongs pa/ skyes bu blun po dga' bo 'di ni da dung yang shin tu bzang 
mo la chags pa dang ldan zhing sems 'brel gyis 'di la thabs bsham pa zhig bya'o snyam du mkhyen nas/ tshe dang ldan pa dga' bo la bka' stsal pa/ dga' bo khyod kyis ri spos kyi ngad ldang mthong ngam/ btsun pa ma mthong lags so/ /gal te de lta na de bzhin gshegs pa'i chos gos kyi tha ma nas 
zung shig /des bcom ldan 'das kyi chos gos kyi tha ma nas bzung ngo / /de nas bcom ldan 'das ngang pa'i rgyal po 'dab ma brkyang ba ltar nam mkha'i dkyil du 'phags te steng gi nam mkha' las ri bo spos kyi ngad ldang la gshegs nas/ de der tshe dang ldan pa dga' bo dang thabs cig de dang de 

</font><hr>10-1-122b<br><font size=+1>
dag tu gshegs pa na shing sa ha ka ra zhig gi drung du byon pa dang / de na spra mo zhar ma zhig ci dgar rgyu zhing 'dug pa des bcom ldan 'das mthong nas mi g.yeng bar rtog par byed do/ /de nas bcom ldan 'das kyis tshe dang ldan pa dga' bo la bka' stsal pa/ dga' bo khyod kyis spra mo zhar ma 'di 
mthong ngam/ bcom ldan 'das mthong lags so/ /dga' bo khyod ji snyam du sems spra mo 'di dang shin tu bzang mo gnyis gang gzugs bzang / gang mdzes pa dang blta na sdug pa yin/ des gsol pa/ btsun pa spra mo 'dis shAkya'i bu mo shin tu bzang mo'i brgya'i char yang nye bar mi 
mchi/ stong gi char yang / brgya stong gi char yang / grangs dang / bgrang ba dang / cha dang / rtsis dang / dpe dang / rgyur yang nye bar mi mchi ste/ btsun pa shAkya'i bu mo shin tu bzang mo ni lha'i bu mo dag dang 'gran pa lags so/ /bcom ldan 'das kyis bka' stsal pa/ dga' bo 
gal te de lta na de bzhin gshegs pa'i chos gos kyi tha ma nas zung shig /des bcom ldan 'das kyi chos gos kyi tha ma nas bzung ngo / /de nas bcom ldan 'das ngang pa'i rgyal po 'dab ma brkyang ba bzhin nam mkha'i dkyil du 'phags te steng gi nam mkha' las gshegs nas khad kyis sum bcu rtsa gsum 
pa'i lha'i nang du byon to/ /de nas bcom ldan 'das dga' ba'i tshal gyi skyed mos tshal du bzhugs nas/ tshe dang ldan pa dga' bo la bka' stsal pa/ dga' bo khyod song la sum bcu rtsa gsum pa'i lha rnams ltos shig /de nas lha rnams kyi rtse ba dang / dga' ba dang / skyid pa dang / bsam 
pa'i gnas skyed mos tshal dang / dga' ba'i tshal dang / shing rta sna tshogs dang / rtsub 'gyur dang / 'dres pa dang / yongs 'du dang / chos bzangs la sogs pa bltas na/ de dag gcig pas gcig bzang zhing spa ba mchog tu gyur pa mthong nas grong khyer blta na sdug tu phyin to/ /de der song 
ste bltas na/ pi bang dang / gling bu dang / pi bang rgyud gsum pa dang / jeng dang / sgra snyan la sogs pa rnam pa sna tshogs bzhag cing gnas dang gnas dag na lha'i bu rnams lha'i bu mo dag dang lhan cig rtse zhing 'khod pa mthong ngo / /de 'byor pa de dag la blta zhing thog thag tu 'gro bar brtsams pa 

</font><hr>10-1-123a<br><font size=+1>
dang / ji tsam na phyogs gzhan zhig na lha'i bu med cing lha'i bu mos gang ba'i gzhal med khang zhig mthong nas/ des lha'i bu mo rnams la dris pa gang gis na gzhal med khang gzhan dag na ni lha'i bu dang lha'i bu mo dag gis gang zhing rtse ba dang dga' ba nyams su myong la khyed la ni lha'i 
bu dag med pa 'di la rgyu ci zhig yod/ de dag gis smras pa/ bcom ldan 'das kyi gcung dga' bo zhes bya ba bcom ldan 'das kyi spyan snga na tshangs par spyad pa spyod pa de dus byas nas 'dir 'ong bar 'gyur te/ de'i phyir gzhal med khang 'di 'dzin cing bdag cag kyang de la sdod cing 'khod do/ /
des thos nas dga' zhing mgu la rab tu dga' nas rings pa rings par bcom ldan 'das kyi spyan sngar song ba dang / bcom ldan 'das kyis bka' stsal pa/ khyod kyis sum bcu rtsa gsum pa'i lha rnams mthong ngam/ des gsol pa/ bcom ldan 'das mthong lags so/ /bcom ldan 
'das kyis bka' stsal pa/ khyod kyis der ci dag mthong smros shig /des ci dag mthong ba rgyas par gsol pa dang / bcom ldan 'das kyis bka' stsal pa/ dga' bo khyod kyis lha'i bu mo dag mthong ngam/ bcom ldan 'das mthong lags so/ /dga' bo ji snyam du sems/ shin tu 
bzang mo dang lha'i bu mo de dag gang gzugs bzang zhing mdzes pa dang blta na sdug pa yin/ des gsol pa/ btsun pa lha'i bu mo dag la shAkya'i bu mo shin tu bzang mos brgya'i char yang nye bar mi mchi/ stong gi char yang brgya stong gi char yang / grangs dang / bgrang ba dang / cha dang / rtsis dang / dpe 
dang / rgyur yang nye bar mi mchi'o/ /dga' bo de lta bas na tshangs par spyod pa la gnas na phan yon 'di lta bu dang gzhan dag kyang yod de/ khyod kyis de la mngon par dga' bas tshangs par spyad pa spyod cig dang lha'i dpal nyams su myong bar 'gyur ro/ /de bcom ldan 'das kyi bka' la sems kyis rjes 
su yi rangs nas cang mi smra bar 'dug go/ /de nas bcom ldan 'das sum bcu rtsa gsum pa'i lha'i gnas nas mi snang bar gyur nas mnyan yod du gshegs so/ /de nas tshe dang ldan pa dga' bo lha'i 'jig rten la mngon par dga' bas tshangs par spyad pa spyod do/ /de nas bcom ldan 'das kyis de'i sems 

</font><hr>10-1-123b<br><font size=+1>
thugs kyis mkhyen nas/ tshe dang ldan pa kun dga' bo la bka' stsal pa/ kun dga' bo song la dge slong rnams la 'di skad ces dge slong dag khyed cag gang gis kyang dga' bo dang lhan cig stan gcig la 'dug par mi bya/ 'chag sa gcig tu bcag par mi bya/ chos gos kyi gdang bu 
gcig la chos gos gzhag par mi bya/ lhung bzed kyi gzhi gcig tu lhung bzed gzhag par mi bya/ chu gzhag pa'i khri gcig la chu gzhag par mi bya/ bklag par mi bya/ gdon par mi bya'o zhes bsgo shig /btsun pa bka' bzhin 'tshal zhes tshe dang ldan pa kun dga' bos bcom 
ldan 'das kyi ltar mnyan nas/ dge slong rnams la tshe dang ldan pa dag /bcom ldan 'das kyis 'di skad ces bka' stsal te/ tshe dang ldan pa dag khyed kyis dga' bo dang lhan cig stan gcig la 'dug par mi bya zhes bya ba nas/ gdon par mi bya zhes bya ba'i bar snga ma bzhin no/ /
btsun pa kun dga' bo de bzhin te/ bcom ldan 'das kyis ji skad bka' stsal pa de bzhin 'tshal lo zhes de dag de dang lhan cig stan gcig la 'dug par mi byed/ 'chag sa gcig tu 'chag par mi byed/ chos gos kyi gdang gcig la chos gos 'jog par mi byed/ lhung 
bzed kyi gzhi gcig la lhung bzed 'jog par mi byed/ chu gzhag pa'i khri gcig la chu 'jog par mi byed/ de dang lhan cig klog pa dang / 'don par mi byed do/ /de dge slong rnams kyis de ltar spangs pa na shin tu gnong bar byed/ ngo tsha bar byed/ khrel bar byed/ smod par 
byed do/ /ji tsam dus gzhan zhig na tshe dang ldan pa dga' bo dge slong mang po rnams dang lhan cig rim gro'i gnas su chos gos kyi las byed pa na tshe dang ldan pa dga' bos bsams pa/ dge slong 'di dag gis ni bdag spangs grang na/ tshe dang ldan pa kun dga' bo 'di ni bdag gi phu nu bo 
yin na ci 'dis kyang bdag spang ngam snyam du rig nas des lhan cig 'dug pa dang / tshe dang ldan pa kun dga' bo myur ba myur ba kho nar langs so/ /des smras pa/ tshe dang ldan pa kun dga' bo tshangs pa mtshungs par spyod pa 'di dag gis ni re zhig bdag spang ba rigs na/ khyod bdag gi phu nu bo 

</font><hr>10-1-124a<br><font size=+1>
lags na bdag ci'i slad du spang / des smras pa/ tshe dang ldan pa dga' bo de ni bden na 'on kyang khyod ni lam gzhan du zhugs pa yin la/ kho bo cag kyang lam gzhan du zhugs pa yin pas spang dgos ches mod/ des smras pa/ tshe dang ldan pa kun dga' bo khyed shul gang du 
zhugs pa dang / bdag gang du zhugs pa gsung shig /des smras pa/ khyod ni lha'i 'jig rten la mngon par dga' bas tshangs par spyad pa spyod la/ kho bo cag ni mya ngan las 'das pa'i bsam pas tshangs par spyad pa spyod do/ /de skad ces smras pa dang / de shin tu skyo bar gyur to/ /de nas 
bcom ldan 'das kyis de'i sems thugs kyis mkhyen nas/ tshe dang ldan pa dga' bo la bka' stsal pa/ dga' bo khyod kyis dmyal ba mthong ngam/ bcom ldan 'das ma mthong lags so/ /bcom ldan 'das kyis bka' stsal pa/ nga'i chos gos kyi tha ma nas zung shig /des bcom ldan 
'das kyi chos gos kyi tha ma nas bzung ngo / /de nas bcom ldan 'das kyis tshe dang ldan pa dga' bo khrid de dmyal ba'i gnas su gshegs so/ /de nas bcom ldan 'das lhag pa'i phyogs shig tu bzhugs nas/ tshe dang ldan pa dga' bo la bka' stsal pa/ dga' bo song la dmyal ba rnams ltos 
shig/ des bltas na/ chu bo rab med dang / lo ma ral gri lta bu'i nags dang / ro myags dang / me ma mur dang / lhag pa'i gnas de dag gcig pas kyang gcig sdug bsngal gyi khyad par shin tu mi bzad pa mthong nas dmyal ba'i gnas su song na/ des de na dbyung ba dang / gcad pa dang / 
gzhom pa la sogs pa'i sdug bsngal gyi khyad par gyis sems can rnams sdug bsngal zhing kha cig ni skam pas mig dang / so dag phyung / kha cig ni sog les gshegs/ kha cig ni sta res rkang pa dag bcad/ kha cig ni mdung thung dang / mda' bo che dang / mtshon rtse gcig pa dag gis 
phug /kha cig ni lcags kyi tho bas brdungs/ kha cig ni lcags kyi zangs po che 'bar/ rab tu 'bar/ kun du rab tu 'bar la/ me lce gcig tu gyur cing bskol ba'i nang du bcug pa mthong ngo / /des sdug bsngal gyi khyad par rnam pa sna tshogs de dag mthong nas phyogs gzhan zhig tu song ba dang /

</font><hr>10-1-124b<br><font size=+1>
ji tsam na de na lcags kyi zangs po che khol ba zhig mthong ngo / /mthong nas kyang mi dga' nas dmyal ba'i srung ma rnams la dris pa/ shes ldan dag gang gis na lcags kyi zangs po che gzhan dag tu ni sems can dag bcug la 'di gcig po khol zhing 'dug pa 'di la rgyu ci yod/ de dag gis smras pa/ 
bcom ldan 'das kyi gcung dga' bo zhes bya ba de lha'i 'jig rten la mngon par dga' bas/ bcom ldan 'das kyi spyan snga na tshangs par spyad pa spyod pa de shi nas 'dir 'ong ste/ de'i phyir 'di bsdogs shing kho bo cag kyang de la sdod cing 'khod do/ /des thos nas 'jigs skrag mi dga' zhing spu zing zhes 
byed nas bsams pa/ da lta nyid du bcug par 'gyur du 'ong gis/ myur du 'bros so snyam du rig nas/ rings pa rings par bros nas rod nyams shing ngom zung nag por bcom ldan 'das kyi spyan sngar song ba dang / bcom ldan 'das kyis bka' stsal pa/ dga' bo khyod kyis 
dmyal ba rnams mthong ngam/ de sro shi zhing lce ldib bzhin tshig snying rje rje skad du dal bu bags kyis gcom chung ngur gsol pa/ bcom ldan 'das mthong lags so/ /bcom ldan 'das kyis bka' stsal pa/ khyod kyis der ji lta bu dag mthong ba smros shig /des ji lta bu dag mthong ba rgyas 
par gsol pa dang / bcom ldan 'das kyis bka' stsal pa/ dga' bo lha'i 'jig rten la smon pas tshangs par spyad pa spyod pa la ni nyes dmigs 'di lta bu dang gzhan dag kyang yod de/ de lta bas na khyod kyis mya ngan las 'das pa la mngon par dga' bar bya'i lha'i 'jig rten la mngon par dga' 
bar mi bya'o/ /de ngo tsha bar gyur pa'i sems kyis cang mi smra bar 'dug go/ /de nas bcom ldan 'das dmyal ba'i gnas nas mi snang bar gyur cing grong khyer tsam par drang srong garga'i rdzing drung du gshegs so/ /de nas dus gzhan zhig na tshe dang ldan pa dga' bo 'khor dge slong lnga brgya dang phyi dro nang du yang 
dag 'jog las langs nas/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ /dge slong lnga brgya po de dag kyang bcom ldan 'das kyi zhabs gnyis la mgo bos phyag 'tshal nas phyogs gcig 

</font><hr>10-1-125a<br><font size=+1>
tu 'dug go/ /de nas bcom ldan 'das kyis dge slong gi dge 'dun phyogs gcig tu 'dug par mkhyen nas/ tshe dang ldan pa dga' bo la bka' stsal pa/ dga' bo khyod la chos bstan par bya ste/ 'di lta ste/ mngal du 'jug pa zhes bya ba'i chos kyi rnam grangs 
thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa yongs su rdzogs pa/ yongs su dag pa/ yongs su byang ba/ tshangs par spyod pa rab tu bstan gyis de legs par rab tu nyon la yid la zung shig dang bshad do/ /btsun pa 
bka' bzhin 'tshal zhes tshe dang ldan pa dga' bos bcom ldan 'das kyi ltar mnyan pa dang / de la bcom ldan 'das kyis 'di skad ces bka' stsal to/ /dga' bo ma'i mngal du 'jug pa dang / mi 'jug par 'gyur ba ji lta bu zhe na/ dga' bo 'di lta ste/ pha ma chags par gyur cing 
phrad pa dang / ma yang rung bar gyur cing zla mtshan dang ldan pa dang / dri za yang nye bar gnas par gyur cing 'jug par 'dod na ste/ dga' bo dri za zhes bya ba de ni/ srid pa bar ma pa'i sems can gyi tshig bla dgas yin no/ /de yang kha dog bzang po pa dang / kha dog ngan pa dang rnam pa gnyis te/ 
sems can dmyal ba rnams kyi srid pa bar ma ni kha dog ngan pa dper na sdong po tshig pa lta bu'o/ /dud 'gro'i skye gnas su song ba rnams kyi srid pa bar ma ni kha dog du ba lta bu'o/ /yi dgas rnams kyi kha dog chu lta bu'o/ /mi rnams dang lha rnams kyi srid pa bar ma ni kha dog gser lta bu'o/ /
gzugs na spyod pa'i lha rnams kyi ni dkar po'o/ /gzugs med pa na spyod pa'i lha rnams ni gzugs med pa'i phyir srid pa bar ma med do/ /srid pa bar ma'i sems can kha cig ni lag pa gnyis dang rkang pa gnyis pa yin/ kha cig ni rkang bzhi pa/ kha cig ni rkang mangs/ kha cig ni rkang med 
yin no/ /srid pa bar ma pa'i sems can ni sngon gyi las las skyes pa'i 'gro ba ci 'dra ba de 'dra bar 'gyur te/ srid pa bar ma pa'i sems can thams cad kyang nam mkha' la 'gro ba rdzu 'phrul dang ldan pa lta bu dang / lha'i mig can lta bur 'gyur ro/ /ma zla mtshan dang ldan par gyur pa zhes bya ba 

</font><hr>10-1-125b<br><font size=+1>
la dga' bo zla mtshan zhes bya ba ni dus dang tshe ste/ dga' bo de la bud med kha cig ni zhag gsum mam/ zhag lnga 'am/ zhag bdun du zla mtshan can du 'gyur ro/ /kha cig ni rgyu dang rkyen gyi dbang gis yun ring du zla mtshan can du 'gyur te/ zla mtshan dang zla mtshan du mtshams 'byor par yang 
'gyur ro/ /de la bud med sdug bsngal ba/ byur ngan pa/ nye bar gdungs pa/ bza' ba dang / btung ba mi bsod pa zos pa gang dag yin pa de dag ni zla mtshan ring po mi thogs shing myur du yongs su zad pa dang gtugs par 'gyur te/ dga' bo dper na sa phyogs rtsub por chus btab na myur 
du yongs su zad pa dang / gtugs par 'gyur ba de bzhin du bud med sdug bsngal ba/ byur ngan pa/ nye bar gdungs pa/ bza' ba dang btung ba mi bsod pa zos pa gang dag yin pa de dag gi zla mtshan yang ring por mi thogs shing myur du yongs su zad pa dang gtugs par 'gyur ro/ /de la bud 
med bde ba dang ldan pa/ bde ba mang ba/ nye bar ma gdungs pa/ bza' ba dang / btung ba bsod pa zos pa gang dag yin pa de dag gi zla mtshan ni ring du thogs shing myur du yongs su zad pa dang gtugs par mi 'gyur te/ de dag gi zla mtshan dang / zla mtshan du mtshams 'byor par yang 'gyur 
ro/ /dga' bo dper na sa phyogs 'jam por chus gtor na myur du yongs su zad pa dang / gtugs par mi 'gyur ba de bzhin du bud med bde ba dang ldan pa/ bde ba mang ba/ nye bar ma gdungs pa/ bza' ba dang btung ba bsod pa zos pa gang dag yin pa de dag gi zla mtshan yang ring du thogs shing yongs 
su zad pa dang gtugs par mi 'gyur te/ de dag gi zla mtshan dang / zla mtshan du mtshams 'byor par yang 'gyur ro/ /dga' bo gal te pha las khu ba byung la/ ma las ma byung na yang de'i tshe re zhig mngal du 'jug par mi 'gyur ro/ /gal te ma las byung la pha las ma byung na yang de'i tshe re zhig 
mngal du 'jug par mi 'gyur ro/ /gal te ma las kyang ma byung / pha las kyang ma byung na yang de'i tshe re zhig mngal du 'jug par mi 'gyur ro/ /ma dag par gyur pa la pha ma dag par gyur pa dang / pha dag par gyur la ma ma dag par gyur pa dang / de'i tshe ma'i mngal rlung gis bgags par gyur 

</font><hr>10-1-126a<br><font size=+1>
pa'am/ mkhris pas bgags pa'am/ bad kan gyis bgags pa'am/ khrag gis bgags pa'am/ tshil gyis bgags pa'am/ mtshams shas gang ba'am/ sman gyis bsgyur ba'am/ dbus nas 'dra ba'am/ grog ma'i rked pa 'dra ba'am/ 
rnga mo'i kha lta bu'am/ sgo shing 'ba' ta kha dbus pa lta bu'am/ sgo gshol mda' lta bu'am/ sgo shing rta lta bu'am/ sba lta bu'am/ lo ma lta bu'am/ nang du gra ma lta bu skyes pa'am/ 'og zab pa'am/ steng zab pa'am/ mngal snod du mi rung ba'am/ khrag zag 
pa'am/ thung ba'am/ bya rog gi mchu lta bu'am/ g.yon yangs pa'am/ g.yas yangs pa'am/ steng yangs pa'am/ 'og yangs pa'am/ mtho ba'am/ dma' ba'am/ khas bub pa'am/ mtshan ma tsam yod pa'am/ yo ba'am/ skyon dang bcas 
pa'am/ skabs bsgyur ba'am/ srog chags be sa ra kas zos par gyur na yang de'i tshe re zhig mngal du 'jug par mi 'gyur ro/ /pha dang ma dag dbang che bar grags la dri za dbang chung bar grags na yang de'i tshe re zhig mngal du 'jug par mi 'gyur ro/ /dri za dbang che bar grags la pha 
dang ma dag dbang chung bar grags na yang de'i tshe re zhig mngal du 'jug par mi 'gyur ro/ /gal te thams cad dbang chung bar grags la/ pha ma dag gis kyang bu rnyed par 'gyur ba'i las ma byas shing ma bsags par gyur/ dri zas kyang pha mar gyur pa'i las ma byas shing ma bsags 
par gyur/ dri zas sems gnyis po/ /pho'i sems sam/ mo'i sems las sems gang yang rung ba zhig nye bar bzhag par ma gyur na yang de'i tshe re zhig mngal du 'jug par mi 'gyur ro/ /gal te thams cad dbang che bar grags la/ pha ma dag gis kyang bu rnyed par 'gyur ba'i 
las byas shing bsags par ma gyur/ dri zas kyang pha mar 'gyur ba'i las byas shing bsags par ma gyur/ dri zas sems gnyis po pho'i sems sam/ mo'i sems las sems gang yang rung ba zhig nye bar ma bzhag na yang de'i tshe re zhig mngal du 'jug par mi 'gyur ro/ /dga' bo ji 

</font><hr>10-1-126b<br><font size=+1>
ltar na ma'i mngal du 'jug par 'gyur zhe na/ dga' bo 'di na pha dang ma chags par gyur cing 'dus pa dang / ma yang rung zhing zla mtshan dang ldan par 'gyur/ dri za yang nye bar gnas shing 'jug 'dod par gyur/ pha dang ma las kyang khu ba byung / pha dang ma dag par yang gyur/ de'i tshe 
ma'i mngal rlung gis bgags par ma gyur/ mkhris pas ma bgags/ bad kan gyis ma bgags/ khrag gis ma bgags/ tshil gyis ma bgags/ mtshams shas gang ba ma yin/ sman gyis ma bsgyur/ dbus nas 'dra ba ma yin/ grog mo'i rked pa 'dra ba ma yin/ 
rnga mo'i kha lta bu ma yin/ sgo shing 'ba' ta kha 'bus pa lta bu ma yin/ sgo gshol mda' lta bu ma yin/ sgo shing rta lta bu ma yin/ sba lta bu ma yin/ lo ma lta bu ma yin/nang du gra ma lta bu skyes pa ma yin/ 'og zab pa ma yin/ steng zab pa ma yin/ mngal snod du mi rung ba ma yin/ 
khrag zag pa ma yin/ thung ba ma yin/ bya rog gi mchu lta bu ma yin/ g.yon yangs pa ma yin/ g.yas yangs pa ma yin/ steng yangs pa ma yin/ 'og yangs pa ma yin/ mtho ba ma yin/ dma' ba ma yin/ khas bub pa ma yin/ mtshan ma tsam yod pa ma yin/ 
yo ba ma yin/ skyon dang bcas pa ma yin/ skabs ma bsgyur/ srog chags be sa ra kas zos par ma gyur/ pha dang ma dag dbang che bar grags na dri za yang dbang che bar grags/ pha dang ma dag dbang chung bar grags na/ dri za yang dbang chung bar grags/ thams cad dbang che bar grags 
par gyur la/ pha dang ma dag gis kyang bu rnyed par 'gyur ba'i las byas shing bsags par gyur/ dri zas kyang pha mar 'gyur ba'i las byas shing bsags par gyur/ dri zas sems gnyis po pho'i sems sam/ mo'i sems las sems gang yang rung ba zhig nye bar bzhag na ma'i mngal du 
'jug par 'gyur ro/ /dga' bo de la dri za ma'i mngal du 'jug par 'dod pa na sems phyin ci log dang ldan pa/ log pa'i nga rgyal can gyis skye ba so so tha dad par sngon gyi las kyi rgyu dang / rkyen gyi stobs kyis yang dag pa ma yin pa'i 'du shes bcu po 'di lta ste/ dro ba'i 'du shes dang / nyi ma'i 

</font><hr>10-1-127a<br><font size=+1>
'du shes dang / rlung gi 'du shes dang / char gyi 'du shes dang / rdzi char gyi 'du shes dang / grang ba'i 'du shes dang / yul ngan gyi 'du shes dang / rlung dmar gyi 'du shes dang / char drag gi 'du shes dang / skye bo phal po che ku co 'don pa'i 'du shes de dang de dag thob par 'gyur ro/ /
dga' bo de'i 'du shes de dag skye ba thob cing ldan nas yang dag pa ma yin pa'i 'du shes gzhan bcu nang du skye ba na skye bar 'gyur te/ 'o na bdag khyim du 'jug go snyam pa dang / khang bzangs la gzeg go snyam pa dang / khang pa brtsegs mar 'jug go snyam pa dang / khri la 'dzeg go snyam pa dang / 
rtswa spyil du 'jug go snyam pa dang / lo ma'i spyil bur 'jug go snyam pa dang / rtswa stug po'am/ nags thibs po'am/ rtsig pa'i gseb bam/ rtsig pa'i drung du 'gro'o snyam pa ste/ dga' bo 'du shes 'di rnams las 'du shes gang yang rung ba zhig la brten nas ma'i mngal du 'jug 
par 'gyur ro/ /de der skyes nas lus nur nur por mngon par 'grub par 'gyur ro/ /dga' bo de la nur nur po'i lus ni pha ma'i mi gtsang ba yin par yang mi blta la/ nur nur po'i lus pha ma'i mi gtsang ba las gzhan yang ma yin te/ dga' bo 'on kyang pha ma'i mi gtsang ba de nyid la brten 
nas rgyu dang rkyen tshogs pa'i dbang gis nur nur po'i lus 'byung bar 'gyur te/ 'di ltar khu ba dang khrag ni dmigs pa tsam dang / rten tsam du 'gyur bar zad do/ /dga' bo dper na zho la yang brten/ rdza ma la yang brten/ srub ma la yang brten/ skyes bu'i de las byung ba'i rtsol ba la 
yang brten nas zho las mar sar 'byung ngo / /dga' bo de la so so la mar sar mi dmigs mod kyi/ dga' bo 'on kyang zho de nyid la brten nas rgyu dang rkyen tshogs pa'i dbang gis mar sar 'byung ste/ 'di ltar zho ni mar sar gyi dmigs pa tsam dang rten tsam du 'gyur bar zad do/ /de bzhin du pha 
ma'i mi gtsang ba las nur nur po'i lus blta bar bya ste/ nur nur po'i lus pha ma'i mi gtsang ba las gzhan ma yang ma yin no/ /dga' bo 'on kyang pha ma'i mi gtsang ba de nyid la brten nas rgyu dang rkyen tshogs pa'i dbang gis nur nur po'i lus mngon par 'grub ste/ 'di ltar khu ba dang khrag ni dmigs 

</font><hr>10-1-127b<br><font size=+1>
pa tsam dang rten tsam du 'gyur bar zad do/ /dga' bo dper na rtswa sngon po la brten nas srin bu skye'o/ /dga' bo de la srin bu ni rtswa sngon po yin par yang mi blta la/ srin bu rtswa sngon po las gzhan par yang mi blta'i/ 'on kyang rtswa sngon po de nyid la brten nas rgyu dang rkyen tshogs pa'i dbang gis srin 
bu kha dog mthun pa'i mthu can skye zhing kha dog gi mthu des na srin bu de de'i ngo bo nyid de lo ma sngon po lta bur 'gyur ro/ /dga' bo de bzhin du nur nur po'i lus pha ma'i mi gtsang ba yin par yang mi blta/ nur nur po'i lus pha ma'i mi gtsang ba las gzhan pa yang ma yin gyi/ dga' bo 'on 
kyang pha ma'i mi gtsang ba la brten nas rgyu dang rkyen tshogs pa'i dbang gis dbang po'i 'byung ba chen po dag mngon par 'grub par 'gyur ro/ /dga' bo dper na ba lang gi lci ba la brten nas srin bu skye'o/ /dga' bo de la srin bu ni ba lang gi lci ba yin par mi blta/ srin bu ba lang gi lci ba las 
gzhan par yang mi blta'i/ dga' bo 'on kyang ba lang gi lci ba de nyid la brten nas rgyu dang rkyen tshogs pa'i dbang gis srin bu kha dog mthun pa'i mthu can skye zhing kha dog gi mthu des na srin bu de de'i ngo bo nyid de ser por 'gyur ro/ /dga' bo de bzhin du nur nur po'i lus kyang pha ma'i mi gtsang 
ba yin par mi blta/ nur nur po'i lus pha ma'i mi gtsang ba las gzhan pa yang ma yin gyi/ dga' bo 'on kyang pha ma'i mi gtsang ba de nyid la brten nas rgyu dang rkyen tshogs pa'i dbang gis dbang po'i 'byung ba chen po dag mngon par 'grub bo/ /dga' bo dper na rgya shug la brten nas srin bu 
skye'o/ /dga' bo de la srin bu ni rgya shug yin par blta bar mi bya/ srin bu rgya shug las gzhan du yang blta bar mi bya'i/ dga' bo 'on kyang rgya shug de nyid la brten nas rgyu dang rkyen tshogs pa'i dbang gis srin bu kha dog mthun pa'i mthu can skye zhing kha dog gi mthu des na srin bu de de'i ngo bo nyid de dmar 
por 'gyur ro/ /dga' bo de bzhin du nur nur po'i lus kyang pha ma'i mi gtsang ba yin par mi blta/ nur nur po'i lus pha ma'i mi gtsang ba las gzhan pa yang ma yin gyi/ dga' bo 'on kyang pha ma'i mi gtsang ba de nyid la brten nas rgyu dang rkyen tshogs pa'i dbang gis dbang po'i 'byung ba chen po dag 

</font><hr>10-1-128a<br><font size=+1>
mngon par 'grub par 'gyur ro/ /dga' bo dper na zho la brten nas srin bu skye'o/ /dga' bo de la srin bu ni zho yin par mi blta/ srin bu zho las gzhan par yang blta bar mi bya'i/ dga' bo 'on kyang zho de nyid la brten nas rgyu dang rkyen tshogs pa'i dbang gis srin bu kha dog mthun pa'i 
mthu can skye zhing kha dog gi mthu des na srin bu de de'i ngo bo nyid de dkar por 'gyur ro/ /dga' bo de bzhin du nur nur po'i lus kyang pha ma'i mi gtsang ba yin par mi blta/ nur nur po'i lus pha ma'i mi gtsang ba las gzhan pa yang ma yin gyi/ dga' bo 'on kyang pha ma'i mi gtsang ba de nyid la brten 
nas rgyu dang rkyen tshogs pa'i dbang gis pha ma dang 'dra ba'i dbang po'i 'byung ba chen po dag mngon par 'grub bo/ /dga' bo de la pha ma'i rgyu las byung ba mi gtsang ba nur nur po'i lus la sa'i khams ni sra ba nyid du/ chu'i khams ni gsher ba nyid du/ me'i khams ni dro ba nyid du/ rlung gi khams ni 
yang zhing g.yo ba nyid du nye bar gnas pa yin no/ /dga' bo gal te pha ma las byung ba mi gtsang ba nur nur po'i lus de la sa'i khams yod kyi chu'i khams med na skam pa dang 'gyes par 'gyur te/ dper na phye spar gang ngam thal ba spar gang lta bu'o/ /dga' bo gal te pha ma'i rgyu las 
byung ba mi gtsang ba nur nur po'i lus de la chu'i khams yod kyi sa'i khams med na gsher bas 'bo bar 'gyur te/ dper na 'bru mar ram chu lta bu'o/ /dga' bo 'on kyang chu'i khams kyis sa'i khams bsdus pas mi 'gyes la sa'i khams kyis chu'i khams bzung bas mi 'bo'o/ /
dga' bo gal te pha ma'i rgyu las byung ba mi gtsang ba nur nur po'i lus de la sa'i khams dang / chu'i khams yod kyi me'i khams med na gsher ba dang / 'jig pa dang / 'drul bar 'gyur te/ dga' bo dper na so ga rnams kyi zla ba phyi ma la sha'i dum bu me'i khams med pas gsher ba 
dang / 'jig pa dang / 'drul bar 'gyur ba de bzhin du dga' bo gal te pha ma'i rgyu las byung ba mi gtsang ba nur nur po'i lus de la sa'i khams dang / chu'i khams yod kyi me'i khams med na gsher ba dang / 'jig pa dang / 'drul bar 'gyur ro/ /dga' bo gal te pha ma'i rgyu las byung ba 

</font><hr>10-1-128b<br><font size=+1>
mi gtsang ba nur nur po'i lus de la sa'i khams dang / chu'i khams dang / me'i khams yod kyi/ rlung gi khams med na g.yo bar yang mi 'gyur/ 'phel zhing rgyas pa dang / yangs par yang 'gyur du mi btub pa zhig na dga' bo 'on kyang 'byung ba chen po nang gis kun 
nas bslang ba sngon gyi las kyi rnam par smin pa las byung ba nye bar gyur pa/ zin pa phan tshun gyi rgyu can 'di dag nyid sa'i khams kyis brten/ chu'i khams kyis bsdus/ me'i khams kyis yongs su smin par byas/ rlung gi khams kyis g.yo bar byas pas 'phel zhing yangs pa dang / 
rgyas par 'gyur ro/ /dga' bo dper na snum khur mkhan nam/ snum khur mkhan gyi slob mas bu ram byi dor byas pa mer bskol ba dang / dbugs kyis pad ma'i rtsa ba'i sbubs su bsgrubs na de dag nyid 'phel zhing rgyas pa dang / yangs par 'gyur ro/ /dga' bo de bzhin 
du 'byung ba chen po nang gis kun nas bslang ba sngon gyi las kyi rnam par smin pa las byung ba nye bar gyur pa zin pa phan tshun gyi rgyu can 'di dag nyid sa'i khams kyis brten/ chu'i khams kyis bsdus/ me'i khams kyis yongs su smin par byas/ rlung gi khams kyis g.yo bar byas na 
'phel zhing yangs pa dang rgyas par 'gyur ro/ /dga' bo de la nur nur po'i lus pha ma'i mi gtsang ba yin par blta bar mi bya ste/ pha'i rked las ma yin/ ma'i mngal nas ma yin/ las de las ma yin/ rgyu de las ma yin/ rkyen de las ma yin mod kyi/ dga' bo 'on 
kyang pha ma'i mi gtsang ba de dag nyid la brten cing rgyu rnams tshogs pa dang / 'dus pa dang / 'byor pa dang / mngon du gyur pa las mngal na gnas pa 'grub par 'gyur ro/ /dga' bo dper na sa bon sar pa grung po ma grugs pa/ ma phug pa/ ma gas pa/ ma rul ba/ rlung dang nyi 
mas ma nyams pa dag rlan dang bcas pa'i sa phyogs snyi ba'am/ zhing bzang po gshin pa zhig la btab par gyur cing legs par tshas byas pa ni sa bon de dag las rgyu rkyen gyi dbang gis myu gu dang / 'dab ma dang / sdong bu dang / snying po dang / me tog dang / 'bras bu dag rim gyis mngon 

</font><hr>10-1-129a<br><font size=+1>
par 'grub po/ /dga' bo de la myu gu la sogs pa dag ni sa bon de dag nyid ma yin zhing de dag ma gtogs par rgyu med pa dang rkyen med pa las myu gu la sogs par 'gyur ba ma yin no/ /'on kyang rgyu rkyen tshogs pa las myu gu la sogs par 'gyur ba de bzhin du dga' bo nur nur po'i 
lus kyang pha ma'i mi gtsang ba yin par mi blta ste/ pha'i rked las ma yin/ ma'i mngal nas ma yin/ las de las ma yin/ rgyu de las ma yin/ rkyen de las ma yin mod kyi/ dga' bo 'on kyang pha ma'i mi gtsang ba de nyid la brten cing rgyu rnams tshogs pa dang / 'dus pa dang / 
'byor pa dang / mngon du gyur pa las mngal na gnas pa 'grub par 'gyur ro/ /dga' bo dper na skyes bu mig dang ldan pa me yang dag pa kho nar 'byung bar 'dod pas nor bu me shel blangs te nyi ma la bstan te bzhag nas ba lang gi lci ba skam po'i phye ma legs par bzhag pa las me 'byin 
par byed na dga' bo rgyu de dag la me yod pa yin/ rgyu de dag spangs te rgyu med pa dang / rkyen med pa las me 'byung bar 'gyur ba ma yin mod kyi/ 'on kyang rgyu rkyen tshogs pa las me 'byung bar 'gyur ba de bzhin du dga' bo pha ma'i mi gtsang ba de dag nyid la brten cing rgyu rnams tshogs pa dang / 
'dus pa dang / 'byor pa dang / mngon du gyur pa las mngal na gnas pa 'grub par 'gyur ro/ /dga' bo de la pha ma'i rgyu las byung ba mi gtsang ba nur nur po'i lus gang yin pa 'di ni gzugs so/ /de dang lhan cig 'byung ba tshor ba dang / 'du shes dang / 'du byed rnams dang / rnam par shes 
pa 'di dag ni ming ngo / /ming 'di dang gong ma'i gzugs de dag gcig tu bsdus nas ming dang gzugs zhes bya ba'i grangs su 'gro ste/ dga' bo 'di lta ste/ ming dang gzugs de ni de dag kho na tsam du zad do/ /dga' bo nga ni srid pa mngon par grub pa chung ngu la yang bsngags par mi byed/ srid pa 
mngon par grub pa skad cig la yang bsngags par mi byed do/ /de ci'i phyir zhe na/ srid pa mngon par grub pa ni sdug bsngal ba'o/ /dper na ngan skyugs ni chung ngu yang dri mnam mo/ /dga' bo de bzhin du srid pa mngon par grub pa yang chung ngu yang skad cig kyang sdug bsngal ba'o/ /dga' bo 

</font><hr>10-1-129b<br><font size=+1>
de la gzugs kyi skye ba dang / gnas pa dang / mngon par 'grub pa dang / 'byung ba dang / tshor ba dang / 'du shes dang / 'du byed rnams dang / rnam par shes pa'i skye ba dang / gnas pa dang / mngon par 'grub pa dang / 'byung ba gang yin pa skye ba de ni 
sdug bsngal ba'o/ /gnas pa de ni nad do/ /'byung ba de ni rga ba dang / 'chi ba'o/ /dga' bo de la srid pa mngon par 'dod pa ma'i ltor mngal na gnas pa la mnog ci zhig yod/ dga' bo de la zhag bdun pa dang po la ni mngal gyi zug rngu mi gtsang ba rul ba/ rab tu 'bar ba'i 'dam gyi nang 
na 'dug pa lus kyi dbang po thams cad sdug bsngal ba/shin tu dka' ba/ dog pa dang / nyam nga bar gyur pa/ sdug bsngal bar ro gcig pa'i rnam par shes pa can de ma'i ltor nur nur por 'gyur ro/ /dga' bo de la nur nur po'i rang bzhin ji lta bu zhe na/ dga' bo nur nur po'i rang 
bzhin ni dper na 'bras khu'am zho'i zho kha chu lta bu ste/ nur nur po ni de lta bu'i rang bzhin no/ /de der zhag bdun du gnas shing de zhag bdun po der gdung ba dang / kun du gdung ba dang / tsha ba dang / kun du tsha ba dang / yongs su tsha bar 'gyur te/ de la sa'i khams ni sra ba nyid du/ 
chu'i khams ni gsher ba nyid du/ me'i khams ni tsha ba nyid du/ rlung gi khams ni yang zhing g.yo ba nyid du nye bar gnas so/ /dga' bo zhag bdun pa gnyis pa la ni mngal gyi zug rngu mi gtsang ba/ rul ba/ rab tu 'bar ba'i 'dam gyi nang na 'dug pa lus kyi dbang po thams 
cad rab tu tsha ba/ shin tu mi bzad pa dang / dog pa dang / nyam nga bar gyur pa/ sdug bsngal bar ro gcig pa'i rnam par shes pa can de la ma'i ltor nang gi rlung sngon gyi las kyi rnam par smin pa las skyes pa kun sdud ces bya ba dag ldang ste/ de'i reg pas mngal gyi zug 
rngu de mer mer por 'gyur ro/ /dga' bo de la mer mer po'i rang bzhin ji lta bu zhe na/ dga' bo dper na zho'am mar mkhrang po lta bu ste/ mer mer po ni de lta bu'i rang bzhin yin no/ /de der zhag bdun du gnas shing de zhag bdun po der gdung ba dang / kun du gdung ba dang / tsha ba 

</font><hr>10-1-130a<br><font size=+1>
dang / kun du tsha ba dang / yongs su tsha bar 'gyur te/ de la sa'i khams ni sra ba nyid du/ chu'i khams ni gsher ba nyid du/ me'i khams ni dro ba nyid du/ rlung gi khams ni yang zhing g.yo ba nyid du nye bar gnas so/ /dga' bo zhag bdun pa gsum pa la ni mngal gyi zug rngu mi 
gtsang ba/ rul ba/ rab tu 'bar ba'i 'dam rdzab kyi nang na 'dug pa/ lus kyi dbang po thams cad rab tu tsha ba shin tu mi bzad pa dang / dog pa dang / nyam nga bar gyur pa/ sdug bsngal bar ro gcig pa'i rnam par shes pa can de la ma'i ltor nang gi rlung sngon gyi las kyi rnam par smin pa 
las skyes pa mdzod sgo zhes bya ba dag ldang ste/ de'i reg pas mngal gyi zug rngu de nar nar por 'gyur ro/ /dga' bo de la nar nar po'i rang bzhin ji lta bu zhe na/ dga' bo dper na zangs kyi thur ma phra mo 'am srin khrol ma lta bu ste/ nar nar po ni de lta bu'i rang bzhin du 'gyur ro/ /mngal gyi zug 
rngu de der zhag bdun du gnas shing de zhag bdun po der gdung ba dang / kun du gdung ba dang / tsha ba dang / kun du tsha ba dang / yongs su tsha bar 'gyur te/ de la sa'i khams ni sra ba nyid du/ chu'i khams ni gsher ba nyid du/ me'i khams ni dro ba nyid du/ rlung gi khams ni yang zhing g.yo 
ba nyid du nye bar gnas so/ /dga' bo zhag bdun pa bzhi pa la ni mngal gyi zug rngu mi gtsang ba/ rul ba/ rab tu 'bar ba'i 'dam gyi nang na 'dug pa/ lus kyi dbang po thams cad rab tu tsha ba/ shin tu mi bzad pa dang / nyam nga ba dang / dog par gyur pa/ sdug bsngal bar ro 
gcig pa'i rnam par shes pa can de la ma'i ltor nang gi rlung sngon gyi las kyi rnam par smin pa las skyes pa nang 'dren pa zhes bya ba dag ldang ste/ de dag gis mngal na gnas pa de gor gor por 'gyur ro/ /dga' bo de la gor gor po'i rang bzhin ji lta bu zhe na/ dga' bo dper na gdar ram/ 
mchi gu lta bu ste/ gor gor po ni de lta bu'i rang bzhin yin no/ /de der zhag bdun du gnas shing de zhag bdun po der gdung ba dang / kun du gdung ba dang / tsha ba dang / kun du tsha ba dang / yongs su tsha bar 'gyur te/ de la sa'i khams ni sra ba nyid du/ chu'i khams ni gsher ba nyid du/ me'i 

</font><hr>10-1-130b<br><font size=+1>
khams ni dro ba nyid du/ rlung gi khams ni yang zhing g.yo ba nyid du nye bar gnas so/ /dga' bo zhag bdun pa lnga pa la ni mngal na gnas pa de la ma'i lto'i nang du nang gi rlung sngon gyi las kyi rnam par smin pa las skyes pa kun du sdud pa zhes bya ba dag ldang ste/ des na mngal gyi zug rngu de'i lus la 
mtshan ma lnga po dpung pa gnyis kyi dpung pa'i mtshan ma dag dang / brla gnyis kyi brla'i mtshan ma dag dang / lnga pa mgo'i mgo'i mtshan ma 'byung bar 'gyur ro/ /dga' bo dper na dus tshigs kyi dus kyi tshe dbyar gyi char bab na dang por shing gi phung po dag las myu gu 'byung bar 'gyur ro/ /dga' 
bo de bzhin du mngal na gnas pa de la ma'i lto'i nang du nang gi rlung rnam par smin pa las skyes pa kun du sdud pa zhes bya ba dag ldang ste/ des na mngal na gnas pa de lus la mtshan ma lnga po dpung pa gnyis kyi dpung pa'i mtshan ma dag dang / brla gnyis kyi brla'i mtshan ma dag dang / lnga pa mgo'i 
mgo'i mtshan ma 'byung bar 'gyur ro/ /dga' bo zhag bdun pa drug pa la ni mngal na gnas pa de la ma'i ltor nang nas nang gi rlung sngon gyi las kyi rnam par smin pa las skyes pa rgya chen po zhes bya ba dag ldang ste/ des na mngal gyi zug rngu de'i lus la mtshan ma bzhi po lag ngar gnyis kyi lag ngar 
gyi mtshan ma dag dang / rje ngar gnyis kyi rje ngar gyi mtshan ma dag 'byung bar 'gyur ro/ /dga' bo dper na dbyar gyi char bab na dang por rtsa dUr ba'i myu gu skye bar 'gyur ro/ /dga' bo de bzhin du mngal na gnas pa de la ma'i ltor nang nas nang gi rlung sngon gyi las kyi rnam par smin pa las skyes pa rgya chen 
po zhes bya ba dag ldang ste/ des na mngal gyi zug rngu de'i lus la mtshan ma bzhi po lag ngar gnyis kyi lag ngar gyi mtshan ma dag dang / rje ngar gnyis kyi rje ngar gyi mtshan ma dag 'byung bar 'gyur ro/ /dga' bo zhag bdun pa bdun pa la ni mngal na gnas pa de la ma'i ltor nang nas nang gi rlung kun du 
sgyur ba zhes bya ba dag ldang ste/ des na mngal na gnas pa de'i lus la mtshan ma gzhan bzhi po lag pa'i bol gnyis kyi lag pa'i bol gyi mtshan ma dag dang / rkang pa'i bol gnyis kyi rkang pa'i bol gyi mtshan ma rgya chen po 'byung bar 'gyur te/ dga' bo dper na sbu ba'i phung po'am nya lcibs 

</font><hr>10-1-131a<br><font size=+1>
kyi phung po lta bu'o/ /dga' bo de bzhin du ma'i lto'i nang du mngal na gnas pa'i zug rngu de'i lus la mtshan ma bzhi po lag pa'i bol gnyis kyi lag pa'i bol gyi mtshan ma dag dang / rkang pa'i bol gnyis kyi rkang pa'i bol gyi mtshan ma dag 'byung bar 'gyur ro/ /dga' bo 
zhag bdun pa brgyad pa la ni mngal na gnas pa de la ma'i ltor nang nas nang gi rlung yongs su sgyur ba zhes bya ba dag ldang ste/ des na mngal gyi zug rngu de'i lus la mtshan ma nyi shu po lag pa'i sor mo bcu'i lag pa'i sor mo'i mtshan ma rnams dang / rkang pa'i sor mo bcu'i rkang pa'i sor 
mo'i mtshan ma rnams skye bar 'gyur ro/ /dga' bo dper na dbyar char bab na dang por shing gi phung po'i drung gi rtsa ba dag skye bar 'gyur ro/ /dga' bo de bzhin du ma'i lto'i nang du mngal gyi zug rngu de'i lus la mtshan ma nyi shu po lag pa'i sor mo bcu'i lag pa'i sor mo'i mtshan ma rnams dang / 
rkang pa'i sor mo bcu'i rkang pa'i sor mo bcu'i mtshan ma rnams 'byung bar 'gyur ro/ /dga' bo zhag bdun pa dgu pa la ni ma'i lto'i nang du mngal na gnas pa zug rngu de'i lus la mtshan ma dgu po mig gi mtshan ma gnyis dang / rna ba'i mtshan ma gnyis dang / sna'i mtshan ma gnyis dang / 
smad kyi mtshan ma gnyis dang / kha'i mtshan ma 'byung bar 'gyur ro/ /dga' bo zhag bdun pa bcu pa la ni mngal na gnas pa de la ma'i ltor nang nas nang gi rlung sngon gyi las kyi rnam par smin pa las skyes pa brtan pa zhes bya ba dag ldang ste/ des na mngal na gnas pa de'i lus la sra ba 
nyid dang / lci ba nyid kun du gnas par 'gyur ro/ /zhag bdun pa de nyid la mngal na gnas pa de la ma'i ltor nang nas rlung kun nas sgo zhes bya ba dag ldang zhing de dag gis mngal na gnas pa de gang bar byed/ kun du gang bar byed/ kun du yongs su gang bar byed de/ dga' bo dper 
na rkyal pa'am sbud pa gang ba bzhin no/ /dga' bo zhag bdun pa bcu gcig pa la ni mngal na gnas pa de la ma'i ltor nang nas rta byed ces bya ba'i rlung dag ldang ste/ des na mngal na gnas pa de khong stong du 'gyur zhing de'i lus la bu ga dgu yang dod par 'gyur te/ ji lta ji ltar de'i mas 

</font><hr>10-1-131b<br><font size=+1>
bskyod pa dang / kun du bskyod pa dang / yongs su bskyod pa'am/ drag tu brtsal ba'am/ lus dag rnam par g.yengs pa de lta de ltar mngal na gnas pa de khong stong du 'gyur zhing de'i bu ga de dag kyang mngon par 'grub par 'gyur ro/ /dga' bo rta byed ces bya ba'i rlung de dag ni gyen du ltas 
te 'gro ba na stod kyi bu ga 'byung bar byed/ thur du ltas te 'gro ba na smad kyi bu ga 'byung bar byed do/ /dga' bo dper na mgar ba'i sbud pa mgar ba mkhas pa'am mgar ba'i slob mas blangs pa ji lta ji ltar lag pa gnyis kyis bus pa de lta de ltar rlung g.yo bar 'gyur ro/ /dga' bo de bzhin du 
rlung rta byed ces bya ba de dag kyang gyen du ltas te 'gro ba na stod kyi bu ga 'byung bar byed/ thur du ltas te 'gro ba na smad kyi bu ga 'byung bar byed do/ /dga' bo rlung rta byed de dag ni skye mched de rnams btod nas de nyid du med par 'gyur ro/ /dga' bo zhag bdun pa bcu gnyis pa la ni mngal na gnas 
pa de la ma'i ltor nang nas rlung yon po'i sgo zhes bya ba dag ldang ste/ de dag gis mngal na gnas pa de'i lto g.yas g.yon du rgyu ma dang gnye ma dag mngon par 'grub par byed de/ dga' bo dper na pad ma'i rtsa ba'i sbu bu'i rtsa lag dag breng chags pa bzhin du de'i nang grol 'brel pa/ dog pa 
'dzings pa lta bu de 'dra ba lus la rten par 'gyur ro/ /de nas zhag bdun pa de nyid la rlung spu byed ces bya ba dag ldang ste/ de dag gis mngal na gnas pa de'i lus la tshigs sum brgya sum bcu las mi mang mi nyung ba skyed cing rlung gi dbang gis lus la gnad brgya rtsa gcig kyang rten par 'gyur 
ro/ /dga' bo zhag bdun pa bcu gsum pa la mngal na gnas pa de la ma'i lto'i nang du bkres pa dang skom pa dag 'byung ste/ de'i mas zos shing 'thungs pa gang yin pa de las bcud de'i lte ba nas 'jug cing de de na des 'tsho bar byed do/ /de yi ma yis zas dang skom gnyis po spyad pa gang 
yin des/ /ma yi lto na 'dug pa yi/ /mi de de na skyed par byed/ /dga' bo zhag bdun pa bcu bzhi pa la ni mngal na gnas pa de la ma'i ltor nang nas rlung skud pa'i sgo zhes bya ba dag ldang ste/ de dag gis mngal na gnas pa de'i lus la chu rgyus dgu brgya po lus kyi mdun du nyis brgya nyi shu rtsa lnga 

</font><hr>10-1-132a<br><font size=+1>
dang / lus kyi rgyab tu nyis brgya nyi shu rtsa lnga dang / lus kyi g.yas su nyis brgya nyi shu rtsa lnga dang / lus kyi g.yon du nyis brgya nyi shu rtsa lnga skyed par byed do/ /dga' bo zhag bdun pa bcwa lnga pa la ni mngal na gnas pa de la ma'i ltor nang nas rlung pad ma zhes bya ba dag ldang ste/ de dag 
gis mngal na gnas pa de'i lus la rtsa nyi shu skyed par 'gyur te/ dga' bo de la lus kyi mdun du rtsa lnga'o/ /lus kyi rgyab tu rtsa lnga'o/ /lus kyi g.yas su rtsa lnga'o/ /lus kyi g.yon du rtsa lnga'o/ /rtsa de dag la yang ming du ma dang / ming sna tshogs dang / kha dog du ma dang / kha dog sna tshogs 
te/ grogs zhes bya ba yod/ stobs zhes bya ba yod/ brtan pa zhes bya ba yod/ mthu can zhes bya ba yod do/ /kha dog sngon po dang / kha dog ser po dang / kha dog dmar po dang / kha dog dkar po dang / ba bla lta bu'i ser skya dang / khra bo dang / mar gyi kha dog dang / zho'i kha dog 
dang / 'bru mar gyi kha dog dang / mkhris pa ma smin pas khyab pa dang / mkhris pa smin pas khyab pa dag yod do/ /dga' bo rtsa nyi shu po de dag re re la yang 'khor rtsa bzhi bcu bzhi bcu yod pas rtsa de dag brgyad brgyar 'gyur ro/ /dga' bo de la nyis brgya ni lus kyi mdun du/ nyis 
brgya ni lus kyi rgyab tu/ nyis brgya ni lus kyi g.yas su/ nyis brgya ni lus kyi g.yon du 'byung bar 'gyur te/ nyis brgya ni grogs rnams kyi yin/ nyis brgya ni stobs rnams kyi yin/ nyis brgya ni brtan pa rnams kyi yin/ nyis brgya ni mthu can rnams kyi yin no/ /
dga' bo yang rtsa brgyad brgya po de dag re re la yang 'khor rtsa brgya brgya yod de/ de dag na rtsa de dag brgyad khrir 'gyur ro/ /dga' bo de la nyi khri ni lus kyi mdun du/ nyi khri ni lus kyi rgyab tu/ nyi khri ni lus kyi g.yas su/ nyi khri ni lus kyi g.yon du 'byung bar 'gyur ro/ /dga' 
bo yang rtsa brgyad khri po de dag gi gzhi la bu gu du ma dang / bu gu sna tshogs te/ bu gu gcig pa yang yod/ bu gu gnyis pa dang / bu gu gsum pa dang / bzhi pa dang / lnga pa dang / drug pa dang / bu gu bdun pa dag kyang yod de/ dga' bo 'di lta ste/ dper na pad ma'i 

</font><hr>10-1-132b<br><font size=+1>
rtsa ba dang / sdong bu la bu gu du ma dang / bu gu sna tshogs te/ bu gu gcig pa yang yod/ bu gu gnyis pa dang / bu gu gsum pa dang / bzhi pa dang / lnga pa dang / drug pa dang / bu gu bdun pa dag yod pa de bzhin du dga' bo rtsa brgyad khri po de dag gi gzhi la yang bu gu du ma dang / bu 
gu sna tshogs te/ bu gu gcig pa yang yod/ bu gu gnyis pa dang / bu gu gsum pa dang /bzhi pa dang / lnga pa dang / drug pa dang / bu gu bdun pa dag yod do/ /dga' bo de la rtsa de dag ni ba spu'i khung bu so so so so dang 'brel par 'dug go/ /dga' bo zhag bdun pa bcu drug 
pa la ni mngal na gnas pa de la ma'i ltor nang nas rlung mi 'chi ba zhes bya ba dag ldang ste/ de dag gis mngal na gnas pa de'i mig gi skye mched gnyis kun du 'god par byed/ nges par 'god par byed/ 'jog par byed/ yang dag par 'jog par byed/ so sor 'jog par byed cing de'i 
rna ba'i skye mched gnyis dang / sna'i skye mched gnyis dang / kha'i sgo dang / mid pa dang / snying gi than kor dang / gang gis zos pa dang / 'thungs pa dang / 'chos pa dang / myangs pa 'ju bar byed pa dang / gang du gnas pa dang / gang gis thur du 'byung bar byed pa de 
yang de la kun du 'god par byed/ nges par 'god par byed/ 'jog par byed/ yang dag par 'jog par byed/ so sor 'jog par byed do/ /dga' bo dper na rdza mkhan nam/ rdza mkhan gyi slob ma mkhas pas 'jim pa'i gong bu legs par bstar ba blangs nas 'khor lo'i 
steng du bzhag ste snod kyi rnam pa kun du 'god par byed/ nges par 'god par byed/ 'jog par byed/ yang dag par 'jog par byed/ so sor 'jog par byed do/ /dga' bo de bzhin du rnam par smin pa las skyes pa'i rlung de dag kyang de'i mig gi skye mched gnyis dang / rna ba'i skye mched 
dag dang / sna'i skye mched dag dang / kha'i sgo dang / mid pa dang / snying gi than kor dang / gang gis zos pa dang / 'thungs pa dang / 'chos pa dang / myangs pa 'ju bar byed pa dang / gang du gnas pa dang / gang gis thur du 'byung bar byed pa de yang kun du 'god par byed/

</font><hr>10-1-133a<br><font size=+1>
nges par 'god par byed/ 'jog par byed/ yang dag par 'jog par byed/ so sor 'jog par byed do/ /dga' bo zhag bdun pa bcu bdun pa la mngal na gnas pa de la ma'i ltor nang nas rlung 'bri'i gdong zhes bya ba dag ldang ste/ de dag gis mngal na gnas pa 
de'i mig gi skye mched gnyis yongs su byang bar byed/ so sor 'jog par byed/ nges par 'god par byed/ rnam par 'god par byed/ kun nas 'jog par byed cing / de'i rna ba'i skye mched gnyis dang / sna'i skye mched dag dang / kha'i sgo dang / mid pa dang / snying gi than kor dang / gang 
gis zos pa dang / 'thungs pa dang / 'chos pa dang / myangs pa 'ju bar byed pa dang / gang du gnas pa dang / gang gis thur du 'byung bar byed pa de yang yongs su byang bar byed/ nges par 'god par byed/ rnam par 'god par byed/ kun nas 'jog par byed do/ /dga' bo dper na khye'u 'am/ 
bu mo mkhas pa me long gi dkyil 'khor yongs su ma dag pa blangs nas thal ba thogs pa'am/ sa'i phye ma thogs pa'am/ 'bru mar thogs pa'i lag pa'am/ ras ma'i chang bus phyi ba dang / kun du phyi ba dang / yongs su sbyang ba byed cing rab tu gsal bar byed do// // 
'dul ba phran tshegs kyi gzhi/bam po bcu gnyis pa/ dga' bo de bzhin du las kyi rnam par smin pa las skyes pa'i rlung de dag kyang de'i mig gi skye mched gnyis dang / rna ba'i skye mched dag dang / sna'i skye mched dag dang / kha'i sgo dang / mid pa dang / snying gi than kor dang / 
gang gis zos pa dang / 'thungs pa dang / 'chos pa dang / myangs pa 'ju bar byed pa dang / gang du gnas pa dang / gang gi thur du 'byung bar byed pa de yang yongs su byang bar byed/ kun du 'jog par byed/ so sor 'jog par byed/ nges par 'god par byed/ rnam par 'god par byed/ 
yang dag par 'god par byed do/ /dga' bo zhag bdun pa bcwa brgyad pa la ni mngal na gnas pa de la ma'i ltor nang nas rlung dri ma med pa zhes bya ba dag ldang ste/ de dag gis de'i skye mched de rnams yongs su dag pa dang / yongs su byang bar 'gyur ro/ /dga' bo dper na nyi ma'i dkyil 

</font><hr>10-1-133b<br><font size=+1>
'khor ram/ zla ba'i dkyil 'khor sprin chen pos khebs par gyur pa rlung chen pos gtor na yongs su dag pa dang / yongs su byang bar 'gyur ro/ /dga' bo de bzhin du zhag bdun pa bcwa brgyad pa la yang mngal na gnas pa de la ma'i lto'i nang du rlung dri ma med pa zhes bya ba dag 
langs na de dag gis de'i skye mched rnams yongs su dag pa dang / yongs su byang bar 'gyur ro/ /dga' bo zhag bdun pa bcu dgu pa la ni mngal na gnas pa des ma'i lto'i nang du dbang po bzhi po mig gi dbang po dang / rna ba'i dbang po dang / sna'i dbang po dang / lce'i dbang po 'thob 
par 'gyur ro/ /dbang po gsum po lus kyi dbang po dang / yid kyi dbang po dang / srog gi dbang po dag ni des sngon ma'i mngal du zhugs pa na thob par 'gyur ro/ /dga' bo zhag bdun pa nyi shu pa la ni mngal na gnas pa de la rlung sra ba zhes bya ba dag ldang ste/ de dag gis 
mngal na gnas pa de'i rkang pa g.yon pa la brten nas rus pa nyi shu skyed par byed/ rkang pa g.yas pa la brten nas rus pa nyi shu skyed par byed/ long bu'i rus pa bzhi dang / rje ngar gyi rus pa gnyis dang / pus mo'i rus pa gnyis dang / brla'i rus pa gnyis dang / mjug do'i rus pa gsum 
dang / sgal tshigs kyi rus pa bcwa brgyad dang / rtsib ma'i rus pa nyi shu rtsa bzhi dang / rked pa'i rus pa gsum skyed par byed do/ /lag pa g.yon pa la brten nas rus pa nyi shu skyed par byed/ lag pa g.yas pa la brten nas rus pa nyi shu skyed par byed/ dpung pa'i rus pa gnyis dang / 
lag ngar gyi rus pa bzhi dang / brang gi rus pa bdun dang / sog phrag gi rus pa bdun dang / sgrog rus dang / 'gram slang gi rus pa gnyis dang / so rtsa'i rus pa sum bcu rtsa gnyis dang / mgo'i thod pa'i rus pa bzhi skyed par byed do/ /dga' bo dper na gzugs 
mkhan nam/ gzugs mkhan gyi slob ma mkhas pa dang por shing gi dum bu sra ba dag srad bus bcings nas de dang de'i kha dog dang dbyibs kyi gzugs mngon par sgrub par byed do/ /dga' bo de bzhin du las kyi rnam par smin pa las skyes pa'i rlung de dag kyang rus pa'i lus de lta bu 

</font><hr>10-1-134a<br><font size=+1>
mngon par sgrub par byed do/ /dga' bo de ltar na zhag bdun pa nyi shu pa la ni rus pa lhan cig 'byung ba chung ngu dang / phra mo ma gtogs pa rus pa chen po nyis brgya 'byung bar 'gyur ro/ /dga' bo zhag bdun pa nyi shu rtsa gcig pa la ni mngal na gnas pa de la ma'i ltor nang nas rlung kun 
du 'byung ba zhes bya ba dag ldang ste/ de dag gis de'i sha skyed par byed do/ /dga' bo dper na zhal zhal mkhan nam/ zhal zhal mkhan gyi slob ma mkhas pa 'jim pa legs par byas pas rtsig pa'i gzhi la zhal zhal byed do/ /dga' bo de bzhin du kun du 'byung ba'i rlung de dag kyang mngal na gnas 
pa de la sha skyed par byed do/ /dga' bo zhag bdun pa nyi shu rtsa gnyis pa la ni mngal na gnas pa de la ma'i ltor nang nas rlung yongs su rgyal ba zhes bya ba dag ldang ste/ de dag gis mngal na gnas pa de'i khrag skyed par byed do/ /dga' bo zhag bdun pa nyi shu rtsa gsum pa la ni mngal na gnas pa de la 
ma'i ltor nang nas rlung gtsang 'dzin ces bya ba dag ldang ste/ de dag gis mngal na gnas pa de'i lus la pags pa skyed par byed do/ /dga' bo zhag bdun pa nyi shu rtsa bzhi pa la ni mngal na gnas pa de la ma'i ltor nang nas rlung yongs su 'phyo ba zhes bya ba dag ldang ste/ de dag gis mngal na gnas 
pa de'i lus la pags pa rab tu dang bar byed do/ /dga' bo zhag bdun pa nyi shu rtsa lnga pa la ni mngal na gnas pa de la ma'i ltor nang nas rlung khyer 'jig ces bya ba dag ldang ste/ de dag gis mngal na gnas pa de'i lus la sha dang khrag rab tu dang bar byed do/ /dga' bo zhag bdun pa nyi shu rtsa drug pa la ni 
mngal na gnas pa de la ma'i lto'i nang du skra dang spu dang sen mo dag skye bar 'gyur te/ skra dang spu dang sen mo de dag kyang so so so sor rtsa rnams dang 'brel to/ /dga' bo zhag bdun pa nyi shu rtsa bdun pa la ni mngal na gnas pa de la ma'i ltor nang nas rlung sman yon chen po zhes bya ba dag ldang ste/ de dag gis 
mngal na gnas pa de'i skra dang spu dang sen mo rnams rab tu dang bar byed do/ /dga' bo gal te des sngon ser sna'i dra bas kun nas dkris shing 'jungs par gyur pa dang / yo byad kun du 'dzin pa dang / bla ma rnams la gus par mi nyan pas lus dang ngag dang yid kyi sdig pa mi dge ba'i las byas shing 

</font><hr>10-1-134b<br><font size=+1>
bsags la/ de yang gal te rnam par smin pa'i phyir mngon du gyur na de brgya la mi rnams dang skal ba mnyam pa 'di lta bur 'ong na yang dbyibs kyi sdom gyi tshigs su bcad pa/ ring dang thung dang 'brel pa dang / /de bzhin du ni mang po nyid/ /mnyam dang yangs dang mkhregs pa dang / /mtho dang nag po mdzes 
pa'o/ /de yan lag ring na mdzes pa gang dag yin pa de dag ni de la thung ngur 'gyur la/ thung na mdzes pa gang dag yin pa de dag ni de la ring por 'gyur/ sbom na mdzes pa gang dag yin pa de dag ni de la phra mor 'gyur/ phra na mdzes pa gang dag yin pa de dag la ni de la sbom por 'gyur/ 'brel na 
mdzes pa gang dag yin pa de dag ni de la ma 'brel bar 'gyur/ ma 'brel na mdzes pa gang dag yin pa de dag ni de la 'brel bar 'gyur/ mang na mdzes pa gang dag yin pa de dag ni de la mi mang bar 'gyur/ mi mang na mdzes pa gang dag yin pa de dag ni de la mang bar 'gyur/ mnyam na mdzes pa gang 
dag yin pa de dag ni de la mi mnyam par 'gyur/ mi mnyam na mdzes pa gang dag yin pa de dag ni de la mnyam par 'gyur/ yangs na mdzes pa gang dag yin pa de dag ni de la mi yangs par 'gyur/ mi yangs na mdzes pa gang dag yin pa de dag ni de la yangs par 'gyur/ mkhregs na mdzes 
pa gang dag yin pa de dag ni de la ma mkhregs par 'gyur/ ma mkhregs na mdzes pa gang dag yin pa de dag ni de la mkhregs par 'gyur/ dma' na mdzes pa gang dag yin pa de dag ni de la mtho bar 'gyur/ mtho na mdzes pa gang dag yin pa de dag ni de la dma' bar 'gyur/ gnag na mdzes pa gang dag 
yin pa de dag ni de la dkar por 'gyur/ dkar na mdzes pa gang dag yin pa de dag ni de la nag por 'gyur ro/ /yang dga' bo des ji lta ji ltar sdig pa mi dge ba'i las byas shing bsags pa de lta de ltar glen pa dang / lkugs pa dang / mthong na yid du mi 'ong ba dang / rten 'phye dang / rna ba nyams pa dang / 
lce nyams pa dang / kha'i sgo zums pa dang / lag pa zha bar 'gyur zhing / yi dgas rnams dang 'dra bar 'gyur gyi mi rnams dang 'dra bar ni ma yin no/ /de rang gi nye du dang snag gi gnyen mtshams rnams kyis kyang mi 'dod pa dang / mthong na yid du mi 'ong ba dang / spang ba'i chos can du 

</font><hr>10-1-135a<br><font size=+1>
'gyur na skye bo gzhan gyis lta smos kyang ci dgos te/ des 'jig rten la lus dang / ngag dang / yid kyis gang cung zad bsgrubs pa de thams cad kyang 'jig rten la gzung bar 'os pa dang / mngon par mi 'gyur ro/ /dga' bo de ci'i phyir zhe na/ 'di ltar de ni sdig pa mi dge 
ba'i las byas pa dang bsags pa'i phyir de lta bur 'gyur ro/ /dga' bo gal te des ser sna'i dri ma spangs shing gtong ba dang ldan pa dang / bla ma la gus par nyan pas lus dang ngag dang yid kyi las dge ba byas shing bsags la de yang gal te rnam par smin pa'i phyir mngon du gyur na de brgya la mi rnams 
dang skal ba mnyam pa 'di lta bur 'ong na yang de yan lag ring na mdzes pa gang dag yin pa de dag ni de la ring por 'gyur la/ thung na mdzes pa gang dag yin pa de dag ni de la thung ngur 'gyur/ yan lag sbom na mdzes pa gang dag yin pa de dag ni de la sbom por 'gyur/ yan lag phra na mdzes pa gang 
dag yin pa de dag ni de la phra mor 'gyur/ 'brel na mdzes pa gang dag yin pa de dag ni de la 'brel bar 'gyur/ ma 'brel na mdzes pa gang yin pa de dag ni de la ma 'brel bar 'gyur/ mang na mdzes pa gang yin pa de dag ni de la mang bar 'gyur/ mi mang na mdzes pa gang yin pa de dag ni de la mi 
mang bar 'gyur/ mnyam na mdzes pa gang yin pa de dag ni de la mnyam par 'gyur/ mi mnyam na mdzes pa gang yin pa de dag ni de la mi mnyam par 'gyur/ yangs na mdzes pa gang yin pa de dag ni de la yangs par 'gyur/ mi yangs na mdzes pa gang yin pa de dag ni de la mi yangs par 'gyur/  mkhregs na mdzes pa gang yin pa de dag ni de la mkhregs par 'gyur/ ma mkhregs na mdzes pa gang yin pa de dag ni de la ma mkhregs par 'gyur/ dma' na mdzes pa gang yin pa de dag ni de la dma' bar 'gyur/ mtho na mdzes pa gang yin pa de dag ni de la mtho bar 'gyur/ gnag na mdzes pa 
gang yin pa de dag ni de la nag por 'gyur/ dkar na mdzes pa gang yin pa de dag ni de la dkar por 'gyur ro/ /yang dga' bo des ji lta ji ltar dge ba'i las byas shing bsags pa de lta de ltar gzugs bzang ba dang / mdzes pa dang / blta na sdug pa dang / kha dog rgyas pa mchog dang ldan par 'gyur zhing 

</font><hr>10-1-135b<br><font size=+1>
de skye bo gzhan gyis kyang 'dod pa dang / yid du 'ong bar 'gyur na nye du dang snag gi gnyen mtshams kyis lta smos kyang ci dgos/ de lus dang ngag dang yid kyis 'jig rten la gang cung zad bsgrubs pa de thams cad kyang 'jig rten la gzung bar 'os pa dang mngon par 'gyur ro/ /dga' bo de ci'i phyir zhe na/ 'di ltar de ni 
las dge ba dag byas pa dang bsags pa'i phyir de lta bur 'gyur ba'i phyir ro/ /dga' bo gal te khye'ur 'gyur na ni de ma'i dku g.yas par tsog tsog por 'dug ste/ lag pa gnyis kyis gdong bkab nas ma'i sgal tshigs la kha bltas te pho ba'i 'og long ka'i steng na pho bas bkab long kas brten nas bcing 
ba lngas bcings pa'am gsal shing gis btsugs pa bzhin gnas so/ /dga' bo gal te bu mor 'gyur na ni ma'i dku g.yon par tsog tsog por 'dug ste/ lag pa gnyis kyis gdong bkab nas ma'i lto la kha bltas te/ pho ba'i 'og long ka'i steng na pho bas bkab long kas brten nas bcing ba lngas 
bcings pa'am gsal shing gis btsugs pa bzhin gnas so/ /dga' bo ma ha cang zas mang du zos na mngal na gnas pa la gnod cing ha cang zas nyung du zos na yang mngal na gnas pa la gnod par 'gyur la/ de bzhin du ha cang snum pa dang / ha cang rtsub pa dang / ha cang grang ba dang / ha cang tsha 
ba dang / ha cang lan tshwa che ba dang / ha cang skyur ba dang / ha cang mngar ba dang / ha cang kha ba dang / ha cang tsha ba dang / ha cang bska ba'i zas dag zos na yang mngal na gnas pa la gnod par 'gyur ro/ /'dod pa dag la spyod par byed pa dang / ha cang rgyug pa dang / mgyogs pa dang / mchong ba dang / rkyal 
ba dag la spyod par byed na 'gro ba la zhugs pa mngal na gnas pa la gnod pa dang / me'i drung na 'dug gam tsog tsog por 'dug na mngal na gnas pa la gnod par 'gyur te/ dga' bo ma'i mngal na gnas pa ni de ltar sdug bsngal drag po rtsub pa tsha ba yid du mi 'ong ba yin no/ /dga' bo bde 'gro'i 'gro bar ming 
thogs pa mi gang dag yin pa de la yang de lta bu'i sdug bsngal myong bar 'gyur na ngan song ngan 'gro log par ltung ba sems can dmyal ba dag la lta smos kyang ci dgos te/ de'i sdug bsngal ni dpe bya bar yang mi nus so/ /dga' bo de la srid pa tshol ba ma'i mngal na gnas pa la mnog ci zhig yod/

</font><hr>10-1-136a<br><font size=+1>
dga' bo zhag bdun pa nyi shu rtsa brgyad pa la ni mngal na gnas pa des ma'i mngal gyi nang du phyin ci log gi 'du shes brgyad po khyim gyi 'du shes dang / bzhon pa'i 'du shes dang / skyed mos tshal gyi 'du shes dang / khang pa brtsegs pa'i 'du shes dang / kun dga' ra ba'i 
'du shes dang / khri'i 'du shes dang / chu bo'i 'du shes dang / rdzing bu'i 'du shes thob par 'gyur ro/ /dga' bo zhag bdun pa nyi shu rtsa dgu pa la ni mngal na gnas pa de la ma'i ltor nang nas rlung yang dag skyed pa zhes bya ba dag ldang ste/ de dag gis mngal na gnas pa de'i lus kyi pags pa'i 
mdog yongs su byang bar byed/ rab tu dang bar byed do/ /dga' bo de la kha cig gi pags pa'i mdog ni las kyi rnam par smin pas nag po/ kha dog nag po/ nag po lta bur ston pa/ 'od nag po 'byung ba yongs su byang bar byed/ rab tu dang bar byed do/ /kha cig gi pags pa'i mdog ni 
sngo bsangs/ kha dog sngo bsangs/ sngo bsangs lta bur ston pa/ 'od sngo bsangs 'byung ba yongs su byang bar byed/ rab tu dang bar byed do/ /kha cig gi pags pa'i mdog ni rtsub pa/ kha dog rtsub pa/rtsub pa lta bur ston pa/ 'od rtsub po 'byung ba yongs su byang bar byed/ rab tu dang bar 
byed do/ /de bzhin du kha cig gi mdog snum pa dang / dkar po/ kha dog dkar po zhes bya ba la sogs pa snga ma bzhin no/ /kha cig gi pags pa'i mdog ni rtswa dUr ba'i shun pa'i mdog lta bu/ mdog rtswa dUr ba'i shun pa'i lta bu/ mdog rtsa dUr ba'i shun pa'i mdog lta bur ston pa/ rtswa dUr ba'i 
shun pa'i mdog yongs su byang bar byed/ rab tu dang bar byed do/ /dga' bo zhag bdun pa sum bcu pa la ni mngal na gnas pa de la ma'i ltor nang nas rlung lcags kyi sgo zhes bya ba dag ldang ste/ de dag gis mngal na gnas pa de'i lus la skra dang spu dang sen mo'i bar yongs su byang bar byed/ rab tu dang 
bar byed cing / kha cig gi ni skra dang spu dang sen mo'i bar gnag pa/ kha dog gnag pa/ kha cig gi ni ser skya/ kha dog ser skya/ rtsub pa/ kha dog rtsub pa/ snum pa kha dog snum pa yongs su byang bar byed/ rab tu dang bar byed do/ /dga' bo zhag bdun pa sum bcu rtsa gcig pa la ni mngal na 

</font><hr>10-1-136b<br><font size=+1>
gnas pa de ma'i lto'i nang du 'phel zhing rgyas par 'gyur te/ dga' bo de bzhin du zhag bdun pa sum bcu rtsa gnyis pa dang / sum bcu rtsa gsum pa dang / sum bcu rtsa bzhi pa la yang mngal na gnas pa de ma'i lto'i nang du 'phel zhing rgyas par 'gyur ro/ /dga' bo zhag bdun pa sum bcu rtsa lnga 
pa la ni mngal na gnas pa de ma'i lto'i nang du yan lag dang nying lag thams cad dang ldan par 'gyur ro/ /dga' bo zhag bdun pa sum bcu rtsa drug pa la ni mngal na gnas pa de 'byung 'dod cing mngon par mi dga'o/ /dga' bo zhag bdun pa sum bcu rtsa bdun pa la ni mngal na gnas pa des ma'i lto'i 
nang du phyin ci ma log pa'i 'du shes gsum po mi gtsang ba'i 'du shes dang / dri nga ba'i 'du shes dang / 'byung ba'i 'du shes dag thob par 'gyur ro/ /dga' bo zhag bdun pa sum bcu rtsa brgyad pa la ni mngal na gnas pa de la ma'i ltor nang nas rlung yan lag ces bya ba dag ldang ste/ de dag gis mngal 
na gnas pa de bsgyur nas lag pa gnyis bcum ste/ ma'i mngal gyi sgor 'jog par byed do/ /de'i las dang 'bras bus rlung kha thur du lta ba zhes bya ba dag ldang ste/ de dag gis de'i rkang pa gyen du bstan cing mgo thur du bstan nas ma'i gci ba'i lam du phyogs par 'phul lo/ /dga' bo gal te des 
sngon ma'i mngal gyi nang du 'chi bar 'gyur ba sdig pa mi dge ba'i las byas shing bsags na de rkang pa log pa'am/ lag pa log par 'gyur ro/ /de log cing 'byung du ma btub na de'i srog gi dbang po 'gag par 'gyur ro/ /de nas de la mkhas pa'i bud med dam/ gzhon nu gso ba la mkhas pa dag 
gis mar ram/ 'bru mar 'jam tsam dang / shing shal ma li legs par btags pa'i 'de gu 'am/ gzhan dag gis lag pa bskus nas lag pa de nyid la mtshon srab mo so legs par bdar ba shin tu rnon po spu gri lta bu btags nas chab khungs bzhin du shin tu skyug bro ba/ dri nga ba mun khung / 
nyal nyil bcer ba/ srin bu'i rigs stong phrag shin tu mang po'i gnas rtag tu 'dzag pa can/ rgyun du byi dor bya dgos pa/ btsog pa khu chu dang / khrag dang / dri ma dang / chu ser gyis kun du rul/ rnam par rul cing myags pa/ 'greng ba mthong na 'jigs su rung ba'i bu ga'i pags pas 

</font><hr>10-1-137a<br><font size=+1>
g.yogs pa/ sngon gyi las kyi rnam par smin pa las byung ba'i lus kyi rma'i sbubs der lag pa mar ram/ 'bru mar dang / shing shal ma li'i 'de gus 'jam por byas pa bcug nas mngal na gnas pa de kun du mnams te dum bur bcad nas 'byin par byed do/ /
gzhi de las de'i ma bu mngon par 'dod pa yang sdug bsngal gyi tshor ba drag pa/ rtsub pa/ mi bzad pa yid du mi 'ong ba myong bar 'gyur zhing tshor bas nyen pas 'chi bar 'gyur ba'am/ shi la thug pa'i sdug bsngal myong bar 'gyur ro/ /dga' bo gal te des sngon tshe ring bar 'gyur ba'i 
las dge ba byas shing bsags na de log cing 'byung du mi btub par yang mi 'gyur/ de'i srog gi dbang po yang 'gag par mi 'gyur/ gzhi de las de'i ma sdug bsngal gyi tshor ba drag pa/ rtsub pa/ mi bzad pa/ yid du mi 'ong ba char cig nyams su myong bar mi 'gyur ro/ /de zhag 
bdun pa sum bcu rtsa brgyad pa 'das nas sdug bsngal gyi tshor ba chen po/ drag pa chen po dang / rtsub pa chen po dang / mi bzad pa chen pos ma'i lto nas 'byung ste/ dga' bo skye ba ni shin tu sdug bsngal ba'o/ /dga' bo byung ma thag pa de la 'du shes gnyis 'byung bar 'gyur te/ 
khye'u'am/ bu mo skyes so snyam mo/ /dga' bo khye'u 'am/ bu mo btsas ma thag tu gal te lag pas blangs nas de gzhi de las sdug bsngal gyi tshor ba drag pa/ rtsub pa/ mi bzad pa/ yid du mi 'ong ba so sor myong bar 'gyur ro/ /gal te gos kyis blangs na de gzhi de las sdug 
bsngal gyi tshor ba drag pa/ rtsub pa/ mi bzad pa/ yid du mi 'ong ba so sor myong bar 'gyur ro/ /gal te pang du blangs sam/ gal te khri la bzhag gam/ gal te khri'u'am/ gal te sa'am/ gal te shing leb la'am/ gal te bla gab can nam/ gal te bla gab med 
pa'am/ gal te grib ma la bzhag gam/ gal te nyi mas reg gam/ gal te lhags pas reg na gzhi de las sdug bsngal kho na'i tshor ba so sor myong bar 'gyur zhing / drag pa nyid dang / rtsub pa nyid dang / mi bzad pa nyid dang / yid du mi 'ong ba nyid dag so sor myong bar 'gyur 

</font><hr>10-1-137b<br><font size=+1>
ro/ /dga' bo dper na ba lang gi pags pa bshus pa ni gal te rtsig pa la rten cing 'dug na de na de la rtsig pa la rten pa'i srog chags gang dag yin pa de dag za la/ gal te shing ngam/ gal te rtswa'i phung po'am/ gal te nam mkha' la rten cing 'dug na de na de la nam mkha' la 
rten pa'i srog chags gang yin pa de dag za ste/ dga' bo ba lang pags pa bshus pa de gang la brten cing 'dug kyang de la brten pa'i srog chags rnams za bar byed cing gzhi de las sdug bsngal gyi tshor ba drag pa/ rtsub pa/ mi bzad pa/ yid du mi 'ong ba myong bar 'gyur ro/ /dga' 
bo de bzhin du khye'u'am/ bu mo btsas ma thag pa yang gal te lag pas blangs na de gzhi de las sdug bsngal gyi tshor ba zhes bya ba nas yid du mi 'ong ba so sor myong bar 'gyur ro zhes bya ba'i bar snga ma bzhin no/ /gal te gos kyis blangs sam/ gal te pang du blangs sam/ gal te khri la bzhag 
gam/ gal te khri'u 'am/ gal te sa'am/ gal te shing leb bam/ gal te bla gab can nam/ gal te bla gab med pa'am/ gal te grib ma la bzhag gam/ gal te tsha ba'am/ gal te grang bas reg na de gzhi de las sdug bsngal kho na so sor myong bar 'gyur zhing drag pa 
nyid dang / rtsub pa nyid dang / mi bzad pa nyid dang / yid du mi 'ong ba nyid so sor myong bar 'gyur ro/ /dga' bo byis pa btsas ma thag pa ni chu 'jam tsam gyis btab na yang de gzhi de las sdug bsngal kho na zhes bya ba nas/ yid du mi 'ong ba kho na'i bar so sor myong bar 'gyur ro/ /dga' 
bo dper na skyes bu mdze can lus 'dzag pa/ lus tshos pa/ lus zhigs pa/ sdug bsngal ba/ dbang po nyams pa la lcag gis gzhus na sdug bsngal kho na so sor myong bar 'gyur zhing drag pa nyid dang / rtsub pa nyid dang / mi bzad pa nyid dang / yid du mi 'ong ba nyid so sor 
myong bar 'gyur ro/ /dga' bo de bzhin du byis pa btsas ma thag pa de gal te chu 'jam tsam gyis btab na yang de gzhi de las sdug bsngal kho na so sor myong bar 'gyur zhing drag pa nyid dang / rtsub pa nyid dang / mi bzad pa nyid dang / yid du mi 'ong ba nyid so sor myong bar 'gyur ro/ /dga' bo 

</font><hr>10-1-138a<br><font size=+1>
de ltar skyes shing de ltar byung / de ltar mngon par grub pa dang / de nas de mas rang gi khrag gi dri mas skyed par byed/ gso bar byed/ sring bar byed do/ /dga' bo khrag gi dri ma de ni 'phags pa'i chos 'dul ba 'di la 'di lta ste/ ma'i nu zho la bya'o/ /dga' bo de la 'khor ba na yang 
srid pa mngon par 'dod pa de ltar sdug bsngal du mas nyen pa la mnog ci zhig yod/ de ltar skyes shing de ltar byung ba'i lus la zhag bdun 'das nas srin bu'i rigs brgyad khri 'byung bar 'gyur zhing de dag gis sems can de'i lus thams cad la za bar byed de/ dga' bo de la srin bu'i rigs skra 
za ba zhes bya ba ni skra'i drung na rten cing skra dag za bar byed/ srin bu'i rigs gnyis po dbyug gu can dang / mgo bo che dag ni mgo la rten cing mgo za bar byed/ srin bu'i rigs mig zan ces bya ba ni mig la rten cing mig za bar byed/ srin bu'i rigs bzhi po rgyug pa dang / sbyin byed dang / 
rigs ldan dang / gang po rnams ni klad pa la rten cing klad pa za bar byed/ srin bu'i rigs bsam lo zhes bya ba ni mig la rten cing mig dag za bar byed/ srin bu'i rigs mdzod sgo zhes bya ba ni sna la rten cing sna dag za bar byed/ srin bu'i rigs gnyis po 'phen byed dang / 'jog byed ni mchu 
la rten cing mchu dag za bar byed/ srin bu'i rigs sbrang rtsi'i 'dab ces bya ba ni so la rten cing so dag za bar byed/ srin bu'i rigs shing sgo zhes bya ba ni so'i rtsa ba la rten cing so'i rtsa ba dag za bar byed/ srin bu'i rigs khab mchu zhes bya ba ni lce la rten cing lce za bar byed/ srin bu'i rigs mchu rnon zhes 
bya ba ni lce drung la rten cing lce drung za bar byed/ srin bu'i rigs lag can zhes bya ba ni dkan la rten cing dkan za bar byed/ srin bu'i rigs gnyis po chu'i dra ba dang / phyed sgur ni lag sor la gnas shing lag sor dag za bar byed/ srin bu'i rigs gnyis po 'phyang ba dang rab tu 'phyang ba ni lag 
pa'i bol la rten cing lag pa'i bol za bar byed/ srin bu'i rigs gnyis po dpung pa dang nye dpung ni dpung pa la rten cing dpung pa dag za bar byed/ srin bu'i rigs gnyis po rko ba dang / nye rko ni lkog ma la rten cing lkog ma za bar byed/ srin bu'i rigs gnyis po khon can dang / khon can chen po ni snying 

</font><hr>10-1-138b<br><font size=+1>
la rten cing snying za bar byed/ srin bu'i rigs gnyis po dung dang dung chu ni sha la rten cing sha za bar byed/ srin bu'i rigs gnyis po mdog can dang stobs can ni khrag la rten cing khrag 'thung bar byed/ srin bu'i rigs gnyis po dpa' bo dang dri sgo ni chu rgyus la rten cing chu rgyus za bar byed/ srin bu'i 
rigs gnyis po dma' ba dang / kha sbubs can ni sgal tshigs la rten cing sgal tshigs za bar byed/ srin bu'i rigs tshil mdog ces bya ba ni tshil la rten cing tshil za bar byed/ srin bu'i rigs mkhris mdog ces bya ba ni mkhris pa la rten cing mkhris pa za bar byed/ srin bu'i rigs mu 
tig ces bya ba ni mcher pa la rten cing mcher pa za bar byed/ srin bu'i rigs mu tig chen po zhes bya ba ni mkhal ma la rten cing mkhal ma za bar byed/ srin bu'i rigs 'ongs min zhes bya ba ni mchin pa la rten cing mchin pa za bar byed/ srin bu'i rigs bzhi po chu 'dres dang / chu 'dres chen 
po dang / khab mchu dang khab mchu chen po ni rgyu ma la rten cing rgyu ma dag za bar byed/ srin bu'i rigs lnga po zla ba dang / zla gdong dang / zla 'od dang / zla 'od gdong dang / rgya chen ni glo g.yas pa la rten cing glo g.yas pa za bar byed/ srin bu'i rigs de skad ces bya ba gzhan dag ni glo 
g.yon pa la rten cing glo g.yon pa za bar byed/ srin bu'i rigs bzhi po rim 'bigs dang / sngar 'bigs dang / sra 'bigs dang / brtan 'bigs ni rus pa la rten cing rus pa za bar byed/ srin bu'i rigs bzhi po dkar po dang / nye dkar dang / stobs 'phrog dang / snom pa ni rtsa 
la rten cing rtsa za bar byed/ srin bu'i rigs bzhi po seng ge dang / stobs can dang / 'dam bu dang / me tog len ni pho ba la rten cing pho ba za bar byed/ srin bu'i rigs gnyis po brtan pa dang / nye brtan ni long ka la rten cing long ka za bar byed/ srin bu'i rigs bzhi po srin bu'i mchu dang / 
phung po'i gdong dang / dra ba'i kha dang / 'dral byed ni gci ba'i lam la gnas shing gci ba'i lam za bar byed/ srin bu'i rigs bzhi po sgra ngan dang / sgra ngan chen po dang / 'dren byed dang / 'drul ldan ni bshang ba'i lam la rten cing bshang ba'i lam za bar byed/ srin bu'i rigs gnyis po kha nad dang /

</font><hr>10-1-139a<br><font size=+1>
'jigs byed ni brla la rten cing brla za bar byed/ srin bu'i rigs gnyis po mdze dang / nye mdze ni pus mo la rten cing pus mo dag za bar byed/ srin bu'i rigs glen gzhi zhes bya ba ni rje ngar la rten cing rje ngar za bar byed/ srin bu'i rigs mgo nag ces bya ba ni rkang sor la rten cing rkang sor dag za 
bar byed do/ /dga' bo lus 'di ni de ltar srin bu'i rigs brgyad khris nyin mtshan du za bas gtses te des na gdung ba dang / kun du gdung ba dang / nyam chung ba dang / rmya bar 'gyur zhing dga' bo gzhi de las gdung ba dang / kun du gdung ba dang / yongs su gdung ba dag myong bar 'gyur/ 
so sor myong bar 'gyur/ tshor bar 'gyur/ yang dag par tshor bar 'gyur la/ sems kyi gdung ba dang / kun du gdung ba dang / yongs su gdung ba dag kyang myong bar 'gyur/ so sor myong bar 'gyur/ tshor bar 'gyur/ yang dag par tshor bar 'gyur ro/ /lus kyi rims dang / 
ngal ba dang / yongs su gdung ba dag kyang myong bar 'gyur/ so sor myong bar 'gyur/ tshor bar 'gyur/ yang dag par tshor bar 'gyur zhing sems kyi rims dang / ngal ba dang / yongs su gdung ba dag kyang myong bar 'gyur/ so sor myong bar 'gyur/ tshor bar 'gyur/ yang 
dag par tshor bar 'gyur te/ de la ni sman pa rnams kyang rmongs shing sman gyi sbyor ba mi shes na dga' bo de la 'khor ba na yang srid pa la mngon par dga' ba de ltar sdug bsngal du mas nyen pa la mnog ci zhig yod/ dga' bo de ltar byung zhing de ltar mngon par grub pa de lus la gdon 'di lta bu 
dag 'byung ste/ 'di lta ste/ lha'i gdon dang / klu'i gdon dang / lha ma yin gyi gdon dang / rlung lha'i gdon dang / nam mkha' lding gi gdon dang / dri za'i gdon dang / mi'am ci'i gdon dang / lto 'phye chen po'i gdon dang / gnod sbyin gyi gdon dang / srin po'i gdon dang / yi dgas 
kyi gdon dang / sha za'i gdon dang / 'byung po'i gdon dang / grul bum gyi gdon dang / srul po'i gdon dang / lus srul po'i gdon dang / srul po long ba'i gdon dang / skem byed kyi gdon dang / smyo byed kyi gdon dang / grib gnon gyi gdon dang / rngul byed kyi gdon dang / bya'i gdon dang /

</font><hr>10-1-139b<br><font size=+1>
ri dgas kyi gdon dang / nam gru'i gdon dang / phyugs bdag gi gdon dang / ma mo'i gdon dang / 'dzums byed kyi gdon dang / rkang bam gyi gdon dang / nyams byed kyi gdon dang / zla ba'i gdon dang / nyi ma'i gdon dang / rgyu skar gyi gdon te/ gdon de lta bu dag lus la 'byung 
na dga' bo de la srid pa tshol ba ma'i mngal na gnas pa la mnog ci zhig yod/ dga' bo de ltar skyes shing de ltar mngon par grub pa de mas rang gi khrag gi dri mas skyed par byed/ gso bar byed/ sring bar byed de/ dga' bo ma'i nu zho de ni 'phags pa'i chos 'dul ba la 'di lta ste/ khrag gi dri ma 
zhes bya'o/ /dga' bo de la srid pa tshol ba ma'i mngal gyi gnas na gnas pa de ltar skyes shing de ltar byung / de ltar mngon par grub/ de ltar zas rags pa za ba la mnog ci zhig yod de/ de ltar legs par bde bar yongs su bsrungs na de ring na lo brgya'am/ cung zad cig lhag par 'tsho'o/ /
de las kyang phyed ni gnyis kyis khebs so/ /lo bcu ni byis pa'o/ /lo nyi shu rgas pa ste/ mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams kyis kyang gcad/ lus las byung ba'i nad rnam pa du ma brgya phrag du mas kyang gcad do/ /dga' bo lus 
kyi nad shin tu bzod par dka' ba dag 'byung bar 'gyur te/ de dag gis gzir na srog chags rnams 'chi yang 'dod do/ /dga' bo da ltar lus can rnams kyi 'tsho ba ni shin tu mi bzad pa thung ba ngan pa ste/ de yang sdug bsngal dang ldan zhing tshe phyi mar 'gro ba yin pas dge ba bya zhing tshangs par spyod pa  
spyad par bya ste/ skyes pa la mi 'chi ba med do/ /'on kyang da ltar mi rnams ni 'di lta ste/ don spyad pa dang / chos spyad pa dang / bsod nams spyad pa dang / dge ba spyad pa dang / dge legs spyad pa la bag bor nas gnas te/ las kyis ni 'di la las dge ba dang / mi dge ba dag byed pa yin no/ /dga' 
bo dran pa dang ldan pa dang / bag yod par gnos shig /khyod mjug tu 'gyod ta re/ 'dod pa dang / sdug pa dang / dga' ba dang / yid du 'ong ba thams cad dang 'bral bar 'gyur te/ 'bral ba dang / 'gyes pa ni gdon mi za bar 'byung ngo / /dga' bo lus can rnams ni las bdag gir bya ba dang / las 

</font><hr>10-1-140a<br><font size=+1>
kyi bgo skal la spyod pa dang / las la rton pa can yin te/ las dge ba'am/ sdig pa yang rung / gang dang gang kho na byed pa'i las de dang de'i skal ba can du 'gyur ro/ /dga' bo lo brgyar 'tsho ba la gnas skabs bcu so sor myong bar 'gyur te/ gnas skabs 
dang po la ni byis pa dman pa gan rkyal du nyal bar 'gyur ro/ /gnas skabs gnyis pa la ni gzhon nu rtse ba'i rang bzhin can du 'gyur ro/ /gnas skabs gsum pa la ni thor bu 'dod pa spyod par 'gyur ro/ /gnas skabs bzhi pa la ni stobs dang ldan zhing spro ba can du 'gyur ro/ /
gnas skabs lnga pa la ni shes rab dang ldan zhing spobs pa dang ldan par 'gyur ro/ /gnas skabs drug pa la ni dran pa dang ldan zhing dpyod pa'i rang bzhin can du 'gyur ro/ /gnas skabs bdun pa la ni brtan pa tshad la bab par 'gyur ro/ /gnas skabs brgyad pa la ni brtan pa rgyal po lta bur 
'gyur ro/ /gnas skabs dgu pa la ni rgan po rga bas 'khogs par 'gyur ro/ /gnas skabs bcu pa la ni tshe zad cing 'chi ba'i chos can du 'gyur te/ dga' bo de ltar na lo brgyar 'tsho ba la gnas skabs bcu po de dag so sor myong bar 'gyur ro/ /lo brgyar 'tsho ba ni dus tshigs 
sum brgyar 'tsho bar 'gyur te/ dgun rnams kyi dus tshigs brgya dang / so ga rnams kyi dus tshigs brgya dang / dbyar rnams kyi dus tshigs brgya'o/ /dus tshigs sum brgyar 'tsho ba ni zla ba stong nyis brgyar 'tsho ste/ dgun rnams kyi bzhi dang / so ga rnams kyi bzhi dang / dbyar rnams 
kyi bzhi'o/ /zla ba stong nyis brgyar 'tsho ba ni zla ba phyed po nyis stong bzhi brgyar 'tsho bar 'gyur te/ dgun rnams kyi brgyad dang / so ga rnams kyi brgyad dang / dbyar rnams kyi brgyad do/ /zla ba phyed po nyis stong bzhi brgyar 'tsho ba ni nyin zhag sum khri drug stong du 'tsho bar 'gyur te/ nyin zhag 
sum khri drug stong du 'tsho ba ni zan gyi bar chad kyi zan ma gtogs par zan bdun khri nyis stong za bar 'gyur ro/ /de la zan gyi bar chad ni 'di dag yin te/ gang khros pas mi za ba dang / bde bas mi za ba dang / sdug bsngal bas mi za ba dang / rnyed kyang mi za ba dang / ma rnyed de mi za ba dang / nyal te 

</font><hr>10-1-140b<br><font size=+1>
mi za ba dang / smyung bar gnas te mi za ba dang / rtse bas myos te mi za ba dang / bya bas g.yengs te mi za ba'o/ /za ba gang yin pa dang / mi za ba gang yin pa de dag gcig tu bsdus nas ma'i nu zho dang bcas te zan bdun khri nyis stong du 'gyur ro/ /dga' bo de lta bas na mi tshe lo brgya 
thub pa rnams kyi tshe dang / dus tshigs dang / zla ba dang / zla ba phyed dang / nyin zhag dang / zan dang / zan gyi bar chad dag kyang brjod pa yin no/ /dga' bo de ltar skyes shing de ltar byung / de ltar mngon par grub pa'i lus la lus kyi nad 'di lta bu dag 'byung bar 'gyur te/ 'di lta ste/ mgo 
nad dang / mig nad dang / rna ba'i nad dang / sna nad dang / so nad dang / mgul nad dang / snying nad dang / cham pa dang / shu ba dang / g.yan pa dang / rkang shu dang / mdze dang / 'bras dang / 'brum bu phra mo dang / sha bkra dang / brjed byed dang / lhog pa dang / rkang bam dang / mtshan bar rdol dang / 
dmu rdzing dang / skyigs bu dang / skyug bro ba dang / ser ga dang / 'khru ba dang / rims dang / rims drag po dang / lud pa dang / dbugs mi bde ba dang / skem pa dang / bkres ngab dang / skya rbab dang / skrang ba dang / tshil nad dang / mkhris nad dang / me dbal dang / rims nad dang / rims nyin 
gcig pa dang / nyin gnyis pa dang / nyin gsum pa dang / nyin bzhi pa dang / rtag pa'i rims dang / yan lag tsha ba dang / rtsib logs tsha ba dang / snying tsha ba dang / yan lag na ba dang / rtsib logs na ba dang / snying na ba dang / nam tshong na ba ste/ dga' bo de lta bu dang cha mthun pa'i nad rlung las gyur 
pa'i nad brgya rtsa gcig dang / mkhris pa las gyur pa'i nad brgya rtsa gcig dang / bad kan las gyur pa'i nad brgya rtsa gcig dang / 'dus pa las gyur pa'i nad brgya rtsa gcig ste/ de dag bsdoms na nad bzhi brgya rtsa bzhi nang du 'byung bar 'gyur te/ dga' bo lus 'di ni nad du gyur pa/ 'bras su 
gyur pa/ zug rngur gyur pa/ ring po mi thogs pa dang / 'jig pa dang / mi rtag pa dang / sdug bsngal ba dang / stong pa dang / bdag med pa dang /'gran zla dang bcas pa dang / dbugs mi phyin pa dang / rnam par 'gyur ba'i chos can no/ /dga' bo srog chags rnams ni skyes na lag pa bcad 

</font><hr>10-1-141a<br><font size=+1>
pa'i sdug bsngal myong bar 'gyur/ so sor myong bar 'gyur/ tshor bar 'gyur/ so sor tshor bar 'gyur/ rkang pa bcad pa'i sdug bsngal dang / rna ba bcad pa'i sdug bsngal dang / mchu bcad pa'i sdug bsngal dang / lce bcad pa'i sdug bsngal dang / mgo bcad pa'i sdug bsngal dang / su mi 
'dod dang / lcags dang / mdor thod dang / phyin ka log tu bcings pa dang / bcing ba lngas bcing ba la sogs pa'i sdug bsngal rnam pa sna tshogs myong bar 'gyur/ so sor myong bar 'gyur/ tshor bar 'gyur/ so sor tshor bar 'gyur/ re lder dril ba dang / gsal shing gis gzugs pa dang / gag shing 
du gzhug pa dang / zangs su btso ba la sogs pa'i sdug bsngal rnam pa sna tshogs drag pa/ rtsub pa/ mi bzad pa/ 'chi ba la thug pa'i sdug bsngal myong bar 'gyur/ so sor myong bar 'gyur/ tshor bar 'gyur/ so sor tshor bar 'gyur ro/ /gsad pa dang / bcing ba dang / brdeg pa dang / bsdigs 
pa dang / bkres pa dang / skom pa'i sdug bsngal dang / lhags pa dang / char pa dang / sha sbrang dang / sbrang bu mchu rings dang / rlung dang nyi ma dang / sdig sbrul gyi reg pa las byung ba'i sdug bsngal rnam pa sna tshogs dag myong bar 'gyur/ so sor myong bar 'gyur/ tshor bar 'gyur/ so sor tshor 
bar 'gyur ro/ /dga' bo de ltar sdug bsngal de lta bu dag gis g.yen spyo zhing shin tu nyam nga bar gyur pa'i srog chags kun du tshol ba'i rtsa ba can gyi sdug bsngal don du gnyer ba yongs su tshol ba rnams la yang dang yang du don du gnyer ba la zhen pa las 'byung / lus dang sems kyi sdug bsngal 
drag pa/ rtsub pa/ mi bzad pa/ yid du mi 'ong ba/ nad gdung bar byed pa dag skye bar 'gyur te/ dga' bo de lta bas na skye ba ni sdug bsngal ba'o/ /rga ba ni sdug bsngal ba'o/ /na ba ni sdug bsngal ba'o/ /'chi ba ni sdug bsngal ba'o/ /sdug pa dang bral ba ni sdug bsngal ba'o/ /mi sdug pa dang phrad 
pa ni sdug bsngal ba'o/ /gang 'dod pa btsal te mi rnyed pa de yang sdug bsngal ba'o/ /mdor na nye bar len pa'i phung po lnga sdug bsngal ba'o/ /dga' bo 'chag pa dang / 'dug pa dang / 'greng ba dang / nyal ba'i spyod lam dag kyang so so so sor sdug bsngal bar rig par bya ste/ bsam gtan pas spyod lam de dang /

</font><hr>10-1-141b<br><font size=+1>
de dag gi rang bzhin brtags na/ gal te 'chag pas nyi ma 'da' bar byed cing / 'greng bar mi byed/ 'dug par mi byed/ nyal bar mi byed na des 'chag pa de la sdug bsngal kho na so sor myong bar 'gyur zhing / drag pa nyid dang / rtsub pa nyid dang / mi bzad pa nyid dang / yid du mi 'ong ba nyid so sor myong bar 
'gyur gyi/ 'chag pa de la bde ba'i 'du shes 'byung bar ni mi 'gyur ro/ /gal te 'dug pas nyi ma 'da' bar byed cing / 'chag par mi byed/ 'greng bar mi byed/ nyal bar mi byed na de 'dug pa de la/ sdug bsngal kho na so sor myong bar 'gyur zhing / drag pa nyid dang / rtsub pa nyid dang / mi bzod pa nyid 
dang / yid du mi 'ong ba nyid so sor myong bar 'gyur gyi/ 'dug pa de la bde ba'i 'du shes 'byung bar ni mi 'gyur ro/ /gal te 'greng bas nyi ma 'da' bar byed cing / 'dug par mi byed/ 'chag par mi byed/ nyal bar mi byed na des 'greng ba de la sdug bsngal kho na so sor myong bar 'gyur zhing / drag pa nyid dang / 
rtsub pa nyid dang / mi bzad pa nyid dang / yid du mi 'ong ba nyid dag so sor myong bar 'gyur gyi 'greng ba de la bde ba'i 'du shes 'byung bar ni mi 'gyur ro/ /gal te nyal bas nyi ma 'da' bar byed cing 'chag par mi byed/ 'greng bar mi byed/ 'dug par mi byed na des nyal ba de la sdug bsngal kho na so sor myong 
bar 'gyur zhing / drag pa nyid dang / rtsub pa nyid dang / mi bzad pa nyid dang / yid du mi 'ong ba nyid so sor myong bar 'gyur gyi/ nyal ba de la bde ba'i 'du shes 'byung bar ni mi 'gyur ro/ /dga' bo 'on kyang spyod lam gyi sdug bsngal de dang de rgyun gcad pa'i phyir sdug bsngal sar pa gzhan dang gzhan 'byung 
ba la bde ba'i 'du shes 'byung ste/ dga' bo 'byung ba na yang sdug bsngal 'di kho na 'byung la/ 'gag pa na yang sdug bsngal kho na 'gag /'byung ba na yang 'du byed dag nyid 'byung la/ 'gag pa na yang 'du byed dag nyid 'gag go/ /de bzhin gshegs pas ni 'du byed rnams kyi rgyud nying mtshams sbyor ba thugs su 
chud nas sems can rnams kyi 'chi 'pho dang skye ba bka' stsal to/ /dga' bo 'du byed thams cad ni mi rtag pa/ mi brtan pa/ 'du byed thams cad ni dbugs mi phyin pa/ rnam par 'gyur ba'i chos can no/ /dga' bo de lta bas na 'du byed thams cad la yid byung bar bya ba'i rigs spangs pa dang / rnam par grol 

</font><hr>10-1-142a<br><font size=+1>
bar bya ba'i rigs so/ /dga' bo bde 'gro'i 'gro ba'o snyam pa'i 'du shes can gang yin pa de dag na yang shin tu mi bzad pa/ 'jigs su rung ba/ smad pa/ brjod dka' ba de lta bu dang / slu ba de lta bu dang / sdug bsngal gyi rnam pa de lta bu 'byung na/ dmyal ba dang / dud 'gro dang / yi dgas kyi 
yul du skyes pa rnams la lta smos kyang ci dgos te/ de dag gi sdug bsngal gyi rnam pa ni 'di 'dra'o zhes dpe bstan par yang shin tu dka'o/ /dga' bo mngal du 'jug pa ni bzhi ste/ bzhi gang zhe na/ 'di na la la shes bzhin du ma'i mngal du 'jug /shes bzhin du ma'i mngal na gnas/ shes bzhin du ma'i 
mngal nas 'byung ste/ 'di ni mngal du 'jug pa dang po'o/ /dga' bo gzhan yang 'di na la la shes bzhin du ma'i mngal du 'jug /shes bzhin du ma'i mngal na gnas shing shes bzhin ma yin par ma'i mngal nas 'byung ste/ 'di ni mngal du 'jug pa gnyis pa'o/ /dga' bo gzhan yang 'di na la 
la shes bzhin du ma'i mngal du 'jug cing / shes bzhin ma yin par ma'i mngal na gnas/ shes bzhin ma yin par ma'i mngal nas 'byung ste/ 'di ni mngal du 'jug pa gsum pa'o/ /dga' bo gzhan yang 'di na la la shes bzhin ma yin par ma'i mngal du 'jug /shes bzhin ma yin par ma'i mngal 
na gnas/ shes bzhin ma yin par ma'i mngal nas 'byung ste/ 'di ni mngal du 'jug pa bzhi pa'o/ /ji ltar na 'di shes bzhin du ma'i mngal du 'jug /shes bzhin du ma'i mngal na gnas/ shes bzhin du ma'i mngal nas 'byung zhe na/ 'di na la la so so'i skye bo nyid yin la rang bzhin gyis tshul khrims 
dang ldan par gyur cing / dge ba'i chos can/ dge ba la 'dun pa/ dge ba kun du spyod pa/ sdom pa mang ba so sor rtog pa mang ba/ bag yod par gnas pa/ shes rab chen po can yin zhing / de 'gyod pa med par ram/ rgyun du zhugs pa de ltar thogs na srid pa lan bdun pa 'am/ rigs nas rigs 
su skye ba'am/ lan gcig phyir 'ong ba'am/ bar chad gcig pa zhig 'chi ba'i dus byed na dge ba'i chos de dag gis nye bar brtan pa de 'chi ka'i sdug bsngal gyi tshor ba drag pa/ rtsub pa/ mi bzad pa/ yid du mi 'ong ba/ srog 'phrog par byed pa dag gis kun du reg kyang dran pa nyams par mi 'gyur zhing /

</font><hr>10-1-142b<br><font size=+1>
de dran pa ma nyams par 'chi ba'i dus byed de/ de nas de dran pa ma nyams par shes bzhin du ma'i mngal du 'jug par 'gyur ro/ /de der zhugs nas las bdag gir bya ba/ las kyi skye gnas pa/ las kyi bgo skal la spyod pa/ las la brten pa/ sems pas byas pa/ rten cing 'brel par 'byung ba de 
phug rab tu tsha ba/ las bdag gir bya ba/ las kyi bgo skal la spyod pa/ las la rton pa/ sems pas byas pa/ rten cing 'brel par 'byung ba/ bdud la rag las pa/ bdud kyi snod bdud kyi khyim/ mi gtsang ba thams cad kyi gter/ mi brtan pa/ slu ba'i chos can byis pa 'drid pa/ rus pa'i 
'khrul 'khor rtsa'i breng chags pa can/ chu rgyus kyi dra bas che long sbrel ba/ sha dang / khrag dang / tshil gyis dkris pa/ pags pa tsam gyis g.yogs pa/ sla tsha'i tshogs bcer ba skra dang sen mo dang / so dang / spu skye bar 'gyur bar mngon pa can nga'o snyam pa'i nga rgyal ngar 'dzin pa dang / nga yir 'dzin 
pa/ gsal bas mngon par zhen pa/ rang dbang med pa/ snabs rul pa'i rlan sungs shing myags pa dang / tshil dang / chu ser dang / rngul gyi dri ma dang / kha chu dang / mkhris pa dang / bad kan dang / glo ba dang / rgyu ma dang / gnye ma dang /mcher pa dang / lgang pa dang / mi gtsang ba rnam pa mang pos yongs su gang 
ba/ srin bu'i rigs stong phrag mang po'i gnas shin tu dri nga ba'i sgo gnyis dang ldan pa/ rus pa'i bu ga dang / khung bu phug du ma dang ldan pa/ gcin dang / klad pa dang / klad rgyas dang / rkang gi tshogs kyi ljan ljin can du pho ba'i 'og long ka'i steng na kha ni sgal tshigs la bltas/ rgyab ni lto ba'i pags 
pa la bstan te/ zla ba re re zhing zla mtshan 'byung bas ni brta ma'i zas kyi rnam pa so'i phreng ba gnyis kyis zhib mor byas shing mid par mid pa/ 'og nas kha'i rma'i dri ma dang kha chus brlan pa steng nas klad rgyas kyis sbags pa/ skyugs pa dang 'dra ba'i zas kyi ro khong na lte ba'i bu gnas 'jug pas ni skyed cing / nur 
nur po dang mer mer po dang / nar nar po dang / gor gor po dang / rkang lag 'gyus pa'i ngo bor yongs su 'gyur bar 'gyur zhing / lag pa dang / rkang pa dang / 'gram pa ni sha ma'i snod kyis dkris/ snam phyis bzhin du dri nga ba mnam pa mi bzad pa/ mun gnag 'greng bar ni yan man rgyu/ zas kyi ro kha ba dang /

</font><hr>10-1-143a<br><font size=+1>
skyur ba dang / rtsub pa dang / lan tshwa dang / tsha ba dang / bska ba me stag lta bu dag gis ni reg /srin grol ma bzhin mi gtsang ba'i khu bas ni gso/ /mi gtsang ba myags pa rab tu 'bar ba'i 'dam gyi nang du ni song / srog gi dbang po ni mi brtan/ ma'i lus kyi nang gi mes ni kun nas gdung / 
kun du gdung / yongs su gdung / tsha kun du tsha/ yongs su tsha/ sreg kun du sreg /yongs su sreg cing sdug bsngal gyi tshor ba chen po drag pa/ rtsub pa/ mi bzad pa/ yid du mi 'ong ba myong bar 'gyur ro/ /ji lta ji ltar de'i ma g.yo ba dang / kun du g.yo ba dang / yongs su g.yo ba dang khur lci ba khyer 
ram/ lus 'phyang ba de lta de ltar yang de bcing ba lngas bcings pa dang / me ma mur gyi dong du bcug pa lta bur sdug bsngal gyi tshor ba chen po drag pa/ rtsub pa/ mi bzad pa/ yid du mi 'ong ba/ dpe bya bar dka' ba myong bar 'gyur ro/ /de de ltar ma'i mngal gyi gnas na gnas shing sdug bsngal gyis 
nyen kyang dbang po rno ba'i phyir dran pa nyams par mi 'gyur ro/ /de ltar ma'i mngal na gnas pa rnams la yang kha cig la sngon gyi las kyi rgyu dang rkyen gyi dbang gis mngal log par 'gyur zhing / mngal na gnas pa la mi bde bar 'gyur ro/ /mas bza' ba dang btung ba mi mthun pa ha cang grang ba'am/ ha cang 
dro ba'am/ ha cang skyur ba'am/ ha cang mngar ba'am/ ha cang kha ba 'am/ ha cang tsha ba'am/ ha cang bska ba 'am/ ha cang rtsub pa'am/ ha cang lan tshwa che ba bsten pa'am/ btung bas mus byung bar gyur pa'am/ skyes pas mus byung bar gyur pa 'am/ nad mang ba 'am/ smra ba mang ba 'am/ 
mya ngan mang ba'am/ chags ches pa'am/ sgyel ba'am/ brgyab par gyur na rgyu de dag gis de'i lus la gnod par 'gyur ro/ /lus la gnod na de la brten pa mngal na gnas pa la yang gnod par 'gyur ro/ /de de na gnod cing shin tu sdug bsngal bas nyen pa na 'gul te 'gul bas log 
par 'gyur ro/ /de nas de shes pa'i bud med dam/ gzhon nu gso ba la mkhas pas chu 'jam tsam dang / mar dkar dang / 'bru mar gyis lag pa byugs nas chab khungs lta bur dri nga ba/ mnam pa/ mi bzad pa/ mun gnag /ljan ljin gyi 'dam can/ srin bu'i rigs stong phrag shin tu mang po'i 

</font><hr>10-1-143b<br><font size=+1>
gnas rtag tu 'dzag pa/ rgyun du byi dor bya dgos pa/ btsog pa/ khrag gi dri ma dang / chu ser kun du rul/ rnam par rul cing myags pa can/ 'dred pa mthong na shin tu 'jigs su rung ba/ bu ga'i pags pas g.yogs pa/ rus pa'i 'khrul 'khor chen po'i bu ga der lag pa bcug ste/ dal bu dal 
bus mnams shing gnas ji lta ba bzhin du 'jog par byed do/ /de der chu 'jam tsam dang / mar dkar dang / 'bru mar gyis byugs pa'i lag pas mnams shing cham du 'bebs pa na sdug bsngal gyi tshor ba chen po drag pa/ rtsub pa/ mi bzad pa/ yid du mi 'ong ba myong bar 'gyur ro/ /dga' 
bo dper na rigs kyi bu shin tu gzhon nu'i rang bzhin can gyi lus la spu gri rnon po spu breg tu rung bas yan lag dang nying lag thams cad bcad cing / lus rtsi drag pos kun nas bskus na lus la sdug bsngal gyi tshor ba chen po shin tu drag pa/ rtsub pa/ mi bzad pa/ yid du mi 'ong ba 'byung bar 'gyur 
ro/ /dga' bo de bzhin du de la chu 'jam tsam dang / mar dkar dang / til mar gyis byugs pa'i lag pas mnams na lus la sdug bsngal gyi tshor ba chen po drag pa/ rtsub pa mi bzad pa/ yid du mi 'ong ba 'byung bar 'gyur ro/ /mngal gyi gnas na gnas pa de'i lus la sdug bsngal gyi reg pa las byung 
ba'i sdug bsngal gyi tshor ba chen po drag pa/ rtsub pa/ mi bzad pa/ yid du mi 'ong ba de dag byung yang dbang po rno ba'i phyir dran pa nyams par mi 'gyur te/ de ltar na de shes bzhin du ma'i mngal na gnas pa yin no/ /de nas de yan lag dang nying lag thams cad skyes nas gcin gyi gnas rul ba/ ltung ba/ 
'greng ba/ mi bzad pa/ dri nga ba/ mnam pa/ mun gnag /mthong na shin tu 'jigs su rung ba/ phyi sa dang / gcin gyis bsgos pa/ dri mi zhim pa'i dri ma dang / khrag dang chu ser can rtag tu 'dzag pa'i rma'i sgor sngon gyi las kyi rnam par smin pa las skyes pa'i rlung gis rkang pa ni gyen du bstan/ mgo 
ni thur du bstan/ lag pa gnyis ni bskums pa na rus pa'i 'khrul 'khor gnyis kyis gzir/ kun du gzir/ yongs su gzir cing / sdug bsngal gyi tshor ba chen po drag pa/ rtsub pa/ mi bzad pa/ yid du mi 'ong ba dag gis lus kyi yan lag rma sar pa lta bu gze re can thams cad sngon por 

</font><hr>10-1-144a<br><font size=+1>
'gyur la/ lus kyi dbang po thams cad ni tsha/ mngal gyi dri ma shin tu btsog pas ni lus yog /skom pas chu dang mgrin pa dang snying ni skams te/ dog pa dang nyam nga bas mi bzad par gnas pa de rgyu dang rkyen gyi dbang gis sngon gyi las kyi rnam par smin pa las skyes pa'i rlung gis phul ba na dka' dka' 
ltar ji zhig lta ste 'byung ngo / /de byung ma thag tu phyi rol gyi rlung rma la rtsi drag po'i reg pa can lta bu'am/ lag pa 'am/ gos kyis reg na ral gris bcad pa bzhin du sdug bsngal gyi tshor ba chen po drag pa/ rtsub pa mi bzad pa/ yid du mi 'ong ba myong bar 'gyur ro/ /de sdug bsngal de lta bus nyen kyang dbang po rno ba'i phyir dran 
pa nyams par mi 'gyur te/ de ltar na de shes bzhin du ma'i mngal nas 'byung ba yin no/ /dga' bo de ltar na ma'i mngal du 'jug pa yang sdug bsngal ba/ gnas pa yang sdug bsngal ba ma'i mngal nas 'byung ba yang sdug bsngal ba yin na/ dga' bo de la srid pa mngon par 'dod pa ma'i mngal gyi gnas na 
gnas pa la mnog ci zhig yod/ ji ltar na 'di shes bzhin du ma'i mngal du 'jug /shes bzhin du ma'i mngal du gnas shing shes bzhin du ma yin par ma'i mngal nas 'byung zhe na/ 'di na la la so so'i skye bo nyid yin la/ rang bzhin gyis tshul khrims dang ldan par gyur cing / dge ba'i chos can/ dge ba la 
'dun pa/ dge ba kun du spyod pa/ sdom pa mang ba/ so sor rtog pa mang ba/ bag yod par gnas pa yin zhing 'gyod pa med pa'am/ rgyun du zhugs pa de ltar thogs na srid pa lan bdun pa'am/ rigs nas rigs su skye ba'am/ lan gcig phyir 'ong ba'am/ bar chad gcig pa zhig 'chi ba'i dus byed na dge 
ba'i chos de dag gis nye bar brtan pa/ de 'chi ka'i sdug bsngal gyi tshor ba drag pa/ rtsub pa/ mi bzad pa/ yid du mi 'ong ba/ srog 'phrog par byed pa dag gis reg kyang dran pa nyams par mi 'gyur zhing de dran pa ma nyams par 'chi ba'i dus byed de/ de nas de dran pa ma nyams par shes bzhin du ma'i mngal 
du 'jug go/ /de der zhugs nas las bdag gir bya ba zhes bya ba nas/ srin grol ma bzhin du khu bas ni gso/ /mi gtsang ba myags pa rab tu 'bar ba'i 'dam gyi nang du ni song / srog gi dbang po ni mi brtan/ ma'i lus kyi nang gi mes ni kun nas gdung zhes bya ba'i bar snga ma bzhin no/ /sreg /kun du 

</font><hr>10-1-144b<br><font size=+1>
sreg /yongs su sreg cing / sdug bsngal gyi tshor ba chen po drag pa/ rtsub pa/ mi bzad pa yid du mi 'ong ba myong bar 'gyur ro zhes bya ba nas/ ji lta ji ltar de'i ma g.yo ba dang / kun du g.yo ba dang / yongs su g.yo ba de lta de ltar yang de bcing ba lngas bcings pa dang / me ma mur gyi dong du bcug pa lta bur sdug 
bsngal gyi tshor ba chen po drag pa/ rtsub pa/ mi bzad pa yid du mi 'ong ba/ dpe bya bar dka' ba myong bar 'gyur ro/ /de de ltar ma'i mngal gyi gnas na gnas shing sdug bsngal gyis nyen kyang dran pa nyams par mi 'gyur ro/ /de ltar ma'i mngal na gnas pa rnams la yang kha cig la sngon gyi las kyi rgyu dang rkyen 
gyi dbang gis mngal log par 'gyur zhing mngal na gnas pa la mi bde bar 'gyur ro/ /mas bza' ba dang / btung ba mi mthun pa ha cang grang ba'am/ ha cang dro ba 'am zhes bya ba'i bar snga ma bzhin no/ /chags ches pa'am/ sgyel ba'am/ brgyab par gyur na rgyu de dag gis de'i lus la gnod par 'gyur 
ro/ /lus la gnod na de la rten pa mngal na gnas pa la yang gnod par 'gyur ro/ /de de na gnod cing shin tu sdug bsngal bas nyen pa na 'gul te 'gul bas log par 'gyur ro/ /de nas de shes pa'i bud med dam/ gzhon nu gso ba la mkhas pas chu 'jam tsam dang / mar dkar dang 'bru mar gyis lag 
pa byugs nas zhes bya ba nas/ mnams shing gnas ji lta ba bzhin du 'jog par byed do zhes bya ba'i bar snga ma bzhin no/ /de der chu 'jam tsam dang / mar dkar dang / 'bru mar gyis byugs pa'i lag pas mnams pa na sdug bsngal gyi tshor ba chen po drag pa/ rtsub pa mi bzad pa/ yid du mi 'ong ba myong bar 
'gyur ro/ /dga' bo dper na rigs kyi bu shin tu gzhon nu'i rang bzhin can gyi lus la spu gri rnon po spu breg tu rung bas yan lag dang / nying lag thams cad bcad cing lus la rtsi drag pos kun nas bskus na lus la sdug bsngal gyi tshor ba chen po drag pa/ rtsub pa mi bzad pa yid du mi 'ong ba myong 
bar 'gyur ro// //'dul ba phran tshegs kyi gzhi/bam po bcu gsum pa/ dga' bo de bzhin du de la chu 'jam tsam dang / mar dkar dang / 'bru mar gyis bskus pa'i lag pas mnams pa na lus la sdug bsngal gyi tshor ba chen po drag pa/ rtsub pa mi bzad pa yid du mi 'ong ba 'byung bar 

</font><hr>10-1-145a<br><font size=+1>
'gyur ro/ /mngal gyi gnas na gnas pa de'i lus la sdug bsngal gyi reg pa las byung ba'i sdug bsngal gyi tshor ba chen po drag pa/ rtsub pa mi bzad pa/ yid du mi 'ong ba de dag byung yang dran pa nyams par ni mi 'gyur te/ de ltar na 'di shes bzhin du ma'i mngal na gnas pa yin no/ /
de nas de yan lag dang nying lag thams cad skyes nas gcin gyi gnas rul ba/ ltung ba 'gred pa/ mi bzad pa dri nga ba/ mnam pa/ mun gnag mthong na 'jigs su rung ba/ phyi sa dang / gcin gyis bsgos pa/ dri mi zhim pa'i dri ma dang / khrag dang chu ser can rtag tu 'dzag pa'i rma'i sgor sngon gyi 
las kyi rnam par smin pa las skyes pa'i rlung gis rkang pa ni gyen du bstan/ mgo ni thur du bstan/ lag pa gnyis ni bskums pa na rus pa'i 'khrul 'khor gnyis kyis gzir kun du gzir/ yongs su gzir cing / sdug bsngal gyi tshor ba chen po drag pa/ rtsub pa/ mi bzad pa/ yid du mi 'ong ba 
dag gis lus kyi yan lag rma sar pa lta bu gze re can thams cad sngon por gyur la/ lus kyi dbang po thams cad ni tsha/ mngal gyi dri ma shin tu btsog pas ni lus g.yogs/ skom pas mchu dang / mgrin pa dang / snying ni bskams te/ de dog pa nyam nga bas mi bzad par gnas pa 
de rgyu dang rkyen gyi dbang gis sngon gyi las kyi rnam par smin pa las skyes pa'i rlung gis phul ba na dka' dka' ltar ji zhig lta ste 'byung ngo / /de byung ma thag tu phyi rol gyi rlung rma la rtsi drag po'i reg pa can lta bu'am/ lag pa 'am/ gos kyis reg na ral gris bcad pa bzhin du sdug 
bsngal gyi tshor ba chen po drag pa/ rtsub pa mi bzad pa/ yid du mi 'ong ba myong bar 'gyur ro/ /de sdug bsngal de lta bus nyen na dbang po 'bring po yin pa'i phyir dran pa nyams pa dang / sems nye bar nyams par 'gyur te/ de ltar na de shes bzhin ma yin par ma'i mngal nas 
'byung ba yin no/ /dga' bo de ltar na ma'i mngal du 'jug pa yang sdug bsngal ba/ ma'i mngal na gnas pa yang sdug bsngal ba/ ma'i mngal nas 'byung ba yang sdug bsngal ba yin na/ dga' bo de la srid pa 'dod pa ma'i mngal gyi gnas na gnas pa la mnog ci zhig 

</font><hr>10-1-145b<br><font size=+1>
yod/ ji ltar na 'di shes bzhin du ma'i mngal du 'jug cing shes bzhin ma yin par ma'i mngal na gnas/ shes bzhin ma yin par ma'i mngal nas 'byung zhe na/ 'di na la la so so'i skye bo kho na rang bzhin gyis tshul khrims dang ldan par gyur cing / dge ba'i chos can dge 
ba la 'dun pa/ dge ba kun tu spyod pa/ sdom pa mang ba/ so sor rtog pa mang ba/ bag yod par gnas pa/ 'gyod pa med pa'am/ rgyun du zhugs pa de ltar thogs na srid pa lan bdun pa'am/ rigs nas rigs su skye ba'am/ lan gcig phyir 'ong ba'am/ 
bar chad gcig pa zhig 'chi ba'i dus byed na dge ba'i chos de dag gi nye bar brtan pa de 'chi ka'i sdug bsngal gyi tshor ba drag pa rtsub pa/ mi bzad pa/ yid du mi 'ong ba srog 'phrog par byed pa dag gis reg kyang dran pa nyams par mi 'gyur zhing de dran pa ma nyams par 'chi 
ba'i dus byed de/ de nas de dran pa ma nyams par shes bzhin du ma'i mngal du 'jug go/ /de der zhugs nas las bdag gir bya ba las kyi skye gnas pa/ las kyi bgo skal la spyod pa/ las la rton pa/ sems pas byas pa/ rten cing 'brel par 'byung ba de 
phug rab tu tsha ba/ las bdag gir bya ba/ las kyi bgo skal la spyod pa/ las la rton pa/ sems pas byas pa/ rten cing 'brel par 'byung ba/ bdud la rag las pa/ bdud kyi snod/ bdud kyi khyim mi gtsang ba thams cad kyi gter/ mi brtan pa/ slu ba'i 
chos can/ byis pa 'drid pa/ rus pa'i 'khrul 'khor/ rtsa'i breng chags pa can/ chu rgyus kyi dra bas che long sbrel ba/ sha dang khrag dang tshil gyis dkris pa/ pags pa tsam gyis g.yogs pa/ sla tsha'i tshogs bcer ba/ skra dang sen mo dang / so dang / 
spu skye bar 'gyur bar mngon pa can/ nga'o snyam pa'i nga rgyal/ ngar 'dzin pa dang / nga yir 'dzin pa gsal bas mngon par zhen pa/rang dbang med pa/ snabs rul pa'i rlan sungs shing myags pa dang / tshil dang / chu ser dang / rngul gyi dri ma dang / khu chu 

</font><hr>10-1-146a<br><font size=+1>
dang / mkhris pa dang / bad kan dang / glo ba dang / rgyu ma dang / gnye ma dang / mcher pa dang / lgang pa dang / mi gtsang ba rnam pa mang pos yongs su gang ba/ srin bu'i rigs stong phrag mang po'i gnas/ shin tu dri nga ba'i sgo gnyis dang ldan pa/ 
rus pa'i bu ga dang khung bu'i phug du ma dang ldan pa/ gcin dang / klad pa dang / klad rgyas dang / rkang gi tshogs kyi ljan ljin can du pho ba'i 'og long ka'i steng na kha ni sgal tshigs la bltas/ rgyab ni lto'i pags pa la bstan te/ zla ba re re zhing zla mtshan 'byung bas ni brta ma'i 
zas kyi rnam pa so'i phreng ba gnyis kyis zhib mor byas shing mid par mid pa/ 'og nas kha'i rma'i dri ma dang / kha chus brlan pa/ steng nas klad rgyas kyis spags pa/ skyugs pa dang 'dra ba'i zas kyi ros khong na lte ba'i bu gnas 'jug pas ni skyed cing nur nur po dang / mer mer po 
dang / nar nar po dang / gor gor po dang / rkang lag 'gyus pa'i ngo bor yongs su 'gyur bar 'gyur zhing lag pa dang / rkang pa dang / 'gram pa ni sha ma'i snod kyis dkris snam phyi sa bzhin du dri nga ba/ mnam pa/ mi bzad pa/ mun gnag 'gred par ni yan man 
rgyu/ zas kyi ro kha ba dang / skyur ba dang / rtsub pa dang / lan tshwa dang / tsha ba dang / bska ba me stag lta bu dag gis ni reg/ /srin grol ma bzhin mi gtsang ba'i khu bas ni gso/ /mi gtsang ba myags pa rab tu 'bar ba'i 'dam gyi nang du ni song / srog gi dbang po 
ni mi brtan/ ma'i lus kyi nang gi mes ni kun nas gdung / kun tu gdung / yongs su gdung / tsha kun tu tsha/ yongs su tsha/ sreg kun tu sreg /yongs su sreg cing / sdug bsngal gyi tshor ba chen po drag pa/ rtsub pa/ mi bzad pa/ yid du mi 'ong ba myong 
bar 'gyur ro/ /ji lta ji ltar de'i ma g.yo ba dang / kun tu g.yo ba dang / yongs su g.yo ba dang / khur lci ba khyer ram/ lus 'phyang ba de lta de ltar yang de bcing ba lngas bcings pa dang / me ma mur gyi dong du bcug pa lta bur sdug bsngal gyi tshor ba chen po 

</font><hr>10-1-146b<br><font size=+1>
drag pa/ rtsub pa/ mi bzad pa/ yid du mi 'ong ba dpe bya bar dka' ba myong bar 'gyur ro/ /de de ltar ma'i mngal gyi gnas na gnas shing sdug bsngal gyis nyen pa na dran pa nyams par 'gyur ro/ /de ltar ma'i mngal na gnas pa rnams la yang kha cig la sngon gyi las kyi rgyu 
dang rkyen gyi dbang gis mngal log par 'gyur zhing mngal na gnas pa la mi bde bar 'gyur ro/ /mas bza' ba dang btung ba mi mthun pa ha cang grang ba 'am/ ha cang dro ba 'am zhes bya ba nas chags ches pa'am/ sgyel ba'am/ brgyab par gyur na rgyu de dag gis de'i lus la gnod 
par 'gyur ro/ /lus la gnod na de la brten pa mngal na gnas pa la yang gnod par 'gyur ro/ /zhes bya ba'i bar snga ma bzhin no/ /de de nas log par 'gyur te/ de nas de shes pa'i bud med dam/ gzhon nu gso ba la mkhas pas chu 'jam tsam dang / mar dkar 
dang / 'bru mar gyis lag pa byugs pas mnams shing cham du 'bebs par byed do/ /de der chu 'jam tsam dang / mar dkar dang / 'bru mar gyis byugs pa'i lag pas cham du 'bebs pa na sdug bsngal gyi tshor ba chen po drag pa/ rtsub pa/ mi bzad pa/ yid du mi 
'ong ba myong bar 'gyur ro/ /dga' bo dper na rigs kyi bu shin tu gzhon nu'i rang bzhin can gyi lus la spu gri rnon po/ spu breg tu rung bas yan lag dang nying lag thams cad bcad cing / lus rtsi drag pos kun nas bskus na lus la sdug bsngal gyi tshor ba chen po drag 
pa/ rtsub pa/ mi bzad pa/ yid du mi 'ong ba 'byung bar 'gyur ro/ /dga' bo de bzhin du mngal na gnas pa de la chu 'jam tsam dang / mar dkar dang / 'bru mar gyis bskus pa'i lag pas mnams na lus la sdug bsngal gyi tshor ba chen po drag pa/ rtsub 
pa/ mi bzad pa/ yid du mi 'ong ba 'byung bar 'gyur ro/ /mngal gyi gnas na gnas pa de'i lus la sdug bsngal gyi reg pa las byung ba'i sdug bsngal gyi tshor ba chen po drag pa/ rtsub pa mi bzad pa/ yid du mi 'ong ba de dag byung na dbang po rtul ba'i phyir dran pa 

</font><hr>10-1-147a<br><font size=+1>
nyams par 'gyur zhing sems nye bar nyams par 'gyur te/ de ltar na de shes bzhin du ma'i mngal du 'jug cing shes bzhin ma yin par ma'i mngal na gnas pa yin/ shes bzhin ma yin par ma'i mngal nas 'byung ba yin no/ /dga' bo de ltar ma'i 
mngal du 'jug pa yang sdug bsngal ba/ ma'i mngal na gnas pa yang sdug bsngal ba/ ma'i mngal nas 'byung ba yang sdug bsngal ba yin na/ dga' bo de la 'khor ba na srid pa mngon par 'dod pa ma'i mngal gyi gnas na gnas pa la mnog ci zhig yod/ ji ltar na 
'di shes bzhin ma yin par ma'i mngal du 'jug /shes bzhin ma yin par ma'i mngal na gnas/ shes bzhin ma yin par ma'i mngal nas 'byung zhe na/ 'di na la la rang bzhin kho nas tshul khrims 'chal pa yin zhing mi dge ba'i chos can/ mi dge ba la 'dun pa/ 
mi dge ba kun tu spyod pa/ sdom pa ma yin pa mang ba/ so sor rtog pa med pa mang ba/ bag med par gnas pa/ yo byad kun tu 'dzin pa/ ser sna can/ 'jungs pa/ brnab sems can/ gnod sems can/ log par lta ba/ 'gyod pa can yin la/ 
'chi ba'i dus byed na mi dge ba'i chos de dag gis nye bar brtan pa de 'chi ka'i sdug bsngal gyi tshor ba drag pa/ rtsub pa/ mi bzad pa/ yid du mi 'ong ba/ srog 'phrog par byed pa de dag gis reg na/ dran pa nyams par 'gyur zhing sems nye bar nyams par 'gyur 
te/ de na sdug bsngal du ro gcig pa'i rnam par shes pa can 'di gang yin/ 'di ji lta bu yin/ bdag gang yin/ gang nas shi 'phos gang nas 'ongs/ gang du skye zhes bya ba mi shes te/ de ltar na 'di shes bzhin ma yin par ma'i mngal du 'jug /shes bzhin 
ma yin par ma'i mngal na gnas/ shes bzhin ma yin par ma'i mngal nas 'byung ba yin no/ /dga' bo de ltar na ma'i mngal du 'jug pa yang sdug bsngal ba/ ma'i mngal na gnas pa yang sdug bsngal ba/ ma'i mngal nas 'byung ba yang sdug bsngal ba yin na 

</font><hr>10-1-147b<br><font size=+1>
dga' bo de la 'khor ba na yang srid pa la mngon par dga' ba de ltar sdug bsngal du mas nyen pa la mnog ci zhig yod/ dga' bo skye ba de ni de ltar sdug bsngal du mas gtses par gyur pa yin yang mi nyid ni bskal pa bye ba brgya stong du yang rnyed par dka'o/ /dga' bo lha 
dag 'chi 'pho ba na lha gzhan dag kye bde 'gro'i 'jig rten du song la rab tu brtan par so sor gnos shig ces skul bar byed do/ /dga' bo lha rnams kyi bde 'gro'i 'jig rten gang zhe na/ mir skye ba yin te/ de ltar shin tu rnyed par dka'o/ /de lta bas na dal ba phun 
sum tshogs pa shin tu rnyed par dka'o/ /sems can dmyal ba rnams ni gcig tu sdug bsngal ba dang / gcig tu drag pa dang / gcig tu rtsub pa dang / gcig tu mi bzad pa dang / gcig tu yid du mi 'ong ba ste/ dga' bo de ni sdug bsngal gyi dpe yang 
bya bar mi nus so/ /yi dgas rnams ni gnod sems can/ sems nyon mongs pa can/ sems 'jam pa ma yin pa/ g.yo dang sgyu yod pa/ rtsub pa/ 'tshe ba/ lag pa khrag gis gsher ba/ yid du mi 'ong ba/ sgrib pa can/ gcer bu/ gzugs 
mi sdug pa/ 'jigs su rung ba/ bkres pa dang / skom pa'i sdug bsngal gyis nyen pa yin no/ /lha rnams ni 'chi 'pho ba dang / ltung ba dang / rnam par 'gyur ba dang / sdug pa dang 'bral ba'i sdug bsngal dang / mya ngan gyi chos can rtag tu 'jigs 
pa yin no/ /dud 'gro'i skye gnas pa'i sems can ni mtha' med na dga' bo de na don spyod pa ma yin/ bsod nams spyod pa ma yin/ chos spyod pa ma yin/ dge ba spyod pa ma yin/ dge legs spyod pa ma yin gyi/ gcig la 
gcig za bar byed pa ste/ sems can de dag ni ji ltar mthu chung ba za bar byed pa'o/ /dga' bo dud 'gro rnams kyi nang du skyes pa'i sems can dag la gang dag mun par skyes shing mun par rgas/ mun par 'chi ba'i dus byed pa dag kyang yod do/ /de dag kyang 

</font><hr>10-1-148a<br><font size=+1>
gang zhe na/ 'di lta ste/ sbur ba dang / phye ma leb dang / sbrang bu mchu rings dang / zas su til gyi phub ma za ba dang / srin bu t+r+yai ma bu ka dang / srin bu trai la ta dang / gzhan yang sems can mun par skyes shing mun par rgas/ mun par 'chi 
ba'i dus byed pa gang dag yin pa'o/ /de la byis pa so so'i skye bo thos pa dang mi ldan pa/ sngon ro la lhag par chags pa/ lus kyis nyes par spyod pa spyad cing ngag dang yid kyis nyes par spyod pa spyad nas sems can de lta bu rnams dang skal ba mnyam par skye bar 'gyur te/ 
sems can de dag ni mun par skyes shing mun par rgas mun par 'chi ba'i dus byed par 'gyur ro/ /dga' bo dud 'gro rnams kyi nang du skyes pa'i sems can dag la gang dag lus las skye zhing lus la rgas/ lus la 'chi ba'i dus byed pa dag kyang yod do/ /de dag kyang gang 
zhe na/ 'di lta ste/ sro ma dang / shig dang srin bu g.yon can dang / 'bu dang / gzhan yang sems can lus las skyes shing lus la rgas/ lus la 'chi ba'i dus byed pa gang dag yin pa'o/ /de la byis pa so so'i skye bo thos pa dang mi ldan pa sngon ro'i rjes 
su chags pa/ lus kyis nyes par spyod pa spyad cing ngag dang yid kyis nyes par spyod pa spyad nas sems can de lta bu dag dang skal ba mnyam par skye bar 'gyur te/ sems can de dag ni lus las skye zhing lus la rgas/ lus la 'chi ba'i dus byed par 'gyur ro/ /
dga' bo dud 'gro rnams kyi nang du skyes pa'i sems can dag la gang dag chur skyes shing chur rgas/ chur 'chi ba'i dus byed pa dag kyang yod do/ /de dag kyang gang zhe na/ 'di lta ste/ nya dang ru sbal dang / sbal pa dang / chu srin byis pa gsod dang / srog 
chags pa lu ka dang / gzhan yang sems can chur skyes shing chur rgas/ chur 'chi ba'i dus byed pa gang dag yin pa'o/ /de la byis pa so so'i skye bo thos pa dang mi ldan pa sngon ro'i rjes su chags pa/ lus kyis nyes par spyod pa spyad cing ngag dang yid kyis 

</font><hr>10-1-148b<br><font size=+1>
nyes par spyod pa spyad nas sems can de lta bu rnams dang skal ba mnyam par skye bar 'gyur te/ sems can de dag ni chur skyes shing chur rgas/ chur 'chi ba'i dus byed do/ /dga' bo dud 'gro rnams kyi nang du skyes pa'i sems can dag la gang dag bshang ba dang gci ba'i 
dri tshor nas 'di bza'o 'di btung ngo snyam zhing der rgyug /kun tu rgyug pa dag kyang yod do/ /de dag kyang gang zhe na/ 'di lta ste/ ra dang lug dang / bya gag dang / phag dang / khyi dang / wa dang / bya rog dang / chun lag dang / sbrang bu dang / gzhan 
yang sems can bshang ba dang / gci ba'i dri tshor nas 'di bza'o 'di btung ngo snyam zhing der rgyug /kun tu rgyug pa gang dag yin pa'o/ /de la byis pa so so'i skye bo thos pa dang mi ldan pa/ sngon dri'i rjes su chags pa/ lus kyis nyes par spyod pa spyad cing 
ngag dang yid kyis nyes par spyod pa spyad nas sems can de de lta bu rnams dang skal ba mnyam par skye bar 'gyur te/ sems can de dag ni bshang ba dang gci ba'i dri tshor nas 'di bza'o 'di btung ngo snyam zhing rgyug /kun tu rgyug par 'gyur ro/ /dga' bo dud 
'gro rnams kyi nang du skyes pa'i sems can dag la gang dag rtswa skam po dang / gsher ba lce'i rtse mos bsdus nas so'i skam pas bcad de za ba dag kyang yod do/ /de dag kyang gang zhe na/ 'di lta ste/ glang po che dang / rta dang / rnga mo dang / ba lang dang / 
bong bu dang / ri dgas dang / ma he dang / phag rgod dang / gzhan yang sems can rtswa skam po dang / gsher ba lce'i rtse mos bsdus nas so'i skam pas bcad de za ba gang dag yin pa'o/ /dga' bo 'khor ba ni bzang rlag pa shin tu bzang rlag pa ste/ 'di thams 
cad ni 'bar/ kun tu 'bar kun tu rab tu 'bar zhing me lce gcig tu gyur pa yin no/ /dga' bo gzhan yang thams cad ni mig dang / rna ba dang / sna dang / lce dang / lus dang / yid dang / gzugs rnams dang / sgra dang dri dang / ro dang /

</font><hr>10-1-149a<br><font size=+1>
reg bya dang /chos rnams so/ /dga' bo de thams cad gang gis kun tu 'bar/ rab tu 'bar/ kun tu rab tu 'bar zhing me lce gcig tu gyur pa yin zhe na/ 'dod chags kyi me dang / zhe sdang gi me dang / gti mug gi mes kyang kun tu 
'bar kun tu rab tu 'bar zhing me lce gcig tu gyur pa yin/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams kyis kyang kun tu 'bar sdug 
bsngal gyis kyang kun tu 'bar ro zhes bshad do/ /dga' bo le lo can sdig pa mi dge ba'i chos kun nas nyon mongs par byed pa/ yang srid pa pa/ rnam par smin pa sdug bsngal ba can/ tshe phyi ma la skye ba dang / rga ba dang / 'chi bar 'gyur ba dag dang / 
'dres pa can ni sdug bsngal bar gnas so/ /dga' bo brtson 'grus brtsams pa/ mthu dang ldan pa/ brtson 'grus dang ldan pa/ spro ba can/ pha rol gnon pa brtan pa/ nem nur med pa/ dge ba'i chos rnams la brtson pa ma btang ba ni bde bar 
gnas so/ /dga' bo de lta bas na 'di ltar bslab par bya ste/ pags pa dang / chu rgyus dang / rus pa tsam lus kyang rung / lus las sha dang khrag dag skams kyang bla 'on kyang kye ma brtson 'grus brtsams pa mthu dang ldan pa/ brtson 'grus dang ldan 
pa/ spro ba can/ pha rol gnon pa/ brtan pa/ nem nur med pa/ dge ba'i chos rnams la brtson pa ma btang bas thob par bya ba gang yin pa de ma thob par bar skabs su brtson 'grus dor bar mi bya'o zhes dga' bo khyod kyis de ltar bslab par bya'o/ /dga' 
bo nga ni 'jig rten dang lhan cig rtsod par mi byed de/ 'jig rten nyid nga dang lhan cig rtsod par byed do/ /de ci'i phyir zhe na/ chos smra ba ni su yang 'ga' dang yang lhan cig rtsod par mi byed de/ nga'o zhes rtsod par mi byed/ lta ba rtog pa'i bzod pas ma yin/

</font><hr>10-1-149b<br><font size=+1>
skal ba yod pa'i gzugs kyis ma yin gyi/ nga ni bdag gis ji tsam mthong ba dang / rig pa dang / mngon par rdzogs par sangs rgyas pa dang / mngon sum du byas pa de kho na smra'o/ /dga' bo de ji snyam du sems/ de bzhin gshegs pa gzhan du 
'gyur ba'i tshig gang yin pa de gsung ngam/ btsun pa ma lags so/ /dga' bo legs so legs so/ /de bzhin gshegs pa gzhan du 'gyur ba'i tshig gang yin pa de gsung ba ni gnas ma yin zhing go skabs med de/ dga' bo de bzhin gshegs pa ni yang dag pa 
gsung ba/ bden pa gsung ba/ chos gsung ba/ de kho na nyid gsung ba/ phyin ci ma log par gsung ba'o/ /de bzhin gshegs pa ni yun ring po nas 'jig rten la phan pa bzhed pa/ bde ba bzhed pa/ grub pa dang bde ba bzhed pa/ lam mkhyen pa/ lam 
grub pa/ lam ston pa/ lam brjod pa/ lam yongs su 'dren pa'o/ /de bzhin gshegs pa ni dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i 
kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das so/ /dga' bo 'jig rten ni dad pa med pa/ dbang pos 'khol ba/ 'phral gang du lta ba/ lag tu 'ongs pa mthong ba/ 'god pa che ba/ bsags pa nyung 
ba ste/ sla ba mi byed kyi dka' bas bdag nyid kun tu rtsol bar byed do/ /dga' bo lung yang mi dgos/ shes rab kyang mi dgos/ khyod kyis sha'i mig gis ji tsam mthong ba de kho na la yang dag par rtogs shig dang / ji ltar mthong ba la yang dag par brtags 
pa nyid kyis thar par 'gyur ro/ /dga' bo khyod nga la dad pas ma 'gro/ dga' bas ma 'gro/ rjes su thos pas ma 'gro/ rnam pa la rtog pas ma 'gro/ dge sbyong du lta bas ma 'gro/ dge sbyong gi lta ba rtog pa bzod pas ma 'gro/ dge sbyong la gus pas 

</font><hr>10-1-150a<br><font size=+1>
ma 'gro/ bdag gi bla ma dge sbyong gau ta ma'o zhes ma 'gro shig dga' bo 'on kyang gcig pu lkog tu song la ngas chos gang dag nyid kyi mngon par mkhyen pas mngon par rdzogs par sangs rgyas pa de dag soms shig /gzhol cig /nye bar rtogs shig 
lan mang du gyis shig dang / chos gang dang gang mngon sum du byas pa'i chos de dang de rdzogs par byas na bdag nyid gling dang / bdag nyid skyabs can dang / chos gling dang / chos skyabs can dang / gzhan ma yin pa gling dang / gzhan ma yin pa skyabs can 
du gnas so/ /dga' bo ji ltar na dge slong bdag nyid gling dang / bdag nyid skyabs can dang / chos gling dang / chos skyabs can dang / gzhan ma yin pa gling dang / gzhan ma yin pa skyabs can du gnas she na/ dga' bo 'di na dge slong rtun pa dang ldan pa/ 
dran pa dang shes bzhin can/ 'jig rten la brnab sems dang / yid mi bde ba rnam par spangs nas nang gi lus la lus kyi rjes su lta zhing gnas/ phyi'i lus la lus kyi rjes su lta zhing gnas/ phyi dang nang gi lus la lus kyi rjes su lta zhing gnas/ lus la kun 
'byung ba'i chos su rjes su lta zhing gnas/ lus la kun 'byung ba la zad pa'i chos su lta zhing gnas/ lus yod do zhes de'i dran pa 'di lta ste/ shes pa tsam dang / mthong ba tsam dang / so sor dran pa tsam du legs par gnas shing mi rten par gnas la/ 'jig 
rten na chung zad kyang len par mi byed do/ /dga' bo de bzhin du dge slong rtun pa dang ldan pa/ dran pa dang shes bzhin can/ 'jig rten la brnab sems dang / yid mi bde ba rnam par spangs nas/ nang gi lus la yang lus kyi rjes su lta zhing gnas/ phyi dang nang gi 
lus la yang lus kyi rjes su lta zhing gnas/ nang gi tshor ba dag dang / phyi'i tshor ba dag dang / phyi dang nang gi tshor ba dag la tshor ba'i rjes su lta zhing gnas/ nang gi sems dang / phyi'i sems dang / phyi dang nang gi sems la sems kyi rjes su lta zhing gnas/

</font><hr>10-1-150b<br><font size=+1>
nang gi chos rnams dang / phyi'i chos rnams dang / phyi dang nang gi chos rnams la chos kyi rjes su lta zhing gnas/ chos rnams la kun 'byung ba'i chos su rjes su lta zhing gnas/ chos rnams la kun 'byung ba la zad par rjes su lta zhing gnas/ chos rnams yod 
do zhes de'i dran pa 'di lta ste/ shes pa tsam dang / mthong ba tsam dang / so sor dran pa tsam du legs par gnas shing mi rten par gnas la/ 'jig rten na cung zad kyang nye bar len par mi byed de/ dga' bo de ltar na dge slong bdag nyid gling dang / bdag nyid 
skyabs can dang / chos gling dang / chos skyabs can dang / gzhan ma yin pa gling dang / gzhan ma yin pa skyabs can du gnas pa yin no/ /dga' bo tshur skyes bu g.yo med pa/ sgyu med pa/ drang po/ brtan pa'i rang bzhin can de ni ngas nang btams na/ nub 
kun shes pa lung ston par 'gyur/ nub btams na nang kun shes pa lung ston par 'gyur ro/ /dga' bo nga'i chos ni legs par gsungs pa/ yang dag par mthong ba/ nad med pa/ dus chad pa med pa/ nye bar gtod pa/ 'di mthong ba la don yod pa/ 
mkhas pa rnams kyis rang gis rig par bya ba yin no/ /gsung rab 'di ni 'di lta ste/ ston pa yang mngon sum du gyur/ dam pa'i chos nye bar gtod pa/ yongs su mya ngan las 'da' bar 'gyur ba/ rdzogs pa'i byang chub tu 'gro ba/ bde bar gshegs pas thugs 
su chud pa yang ston pas snying po btung bar bya ba yin no/ /dga' bo de lta bas na khyod kyis rang gi don dang / gzhan gyi don dang / gnyi ga'i don la lta zhing so sor yang dag par bslab par bya ste/ ci nas kyang bdag rab tu byung nas don yod pa dang / 'bras bu dang bcas pa dang / rnam 
par smin pa bde bar 'gyur ba dang / gang dag gi chos gos dang / bsod snyoms dang / gnas mal dang / na ba'i rkyen gyi yo byad sman dag yongs su spyad pa/ de dag gi bya ba byas pa de dag kyang ci nas kyang shin tu 'bras bu che ba dang / shin tu phan yon che ba dang /

</font><hr>10-1-151a<br><font size=+1>
shin tu gzi brjid che ba dang / rgya chen por 'gyur ba de ltar dga' bo khyod kyis bslab par bya'o/ /gang la dga' ba dang / gang la mngon par dga' ba'i gzugs de la rnam par 'gyur ba dang / gzhan du 'gyur ba dang / mya ngan dang / smre sngags 'don pa 
dang / sdug bsngal ba dang / yid mi bde ba dang / 'khrug pa rnams 'byung bar mi 'gyur ba'i gzugs ni ngas gcig kyang yang dag par rjes su ma mthong ngo / /dga' bo de ji snyam du sems/ gzugs rtag gam mi rtag btsun pa mi rtag lags so/ /
mi rtag pa gang yin pa de sdug bsngal ba yin nam sdug bsngal ba ma yin/ btsun pa de ni sdug bsngal ba lags te/ gang mi rtag pa ni sdug bsngal bar 'gyur ba'i chos can lags so/ /de ji ga 'phags pa nyan thos thos pa dang ldan pa 'di ni bdag 
gi'o/ /'di ni bdag go/ /de ni bdag gi bdag go zhes bdag gir khas len tam/ btsun pa ma lags so/ /dga' bo de ji snyam du sems/ tshor ba dang / 'du shes dang / 'du byed rnams dang / rnam par shes pa rtag gam mi rtag btsun pa mi 
rtag lags so/ /mi rtag pa gang yin pa de sdug bsngal ba yin nam/ sdug bsngal ba ma yin/ btsun pa de ni sdug bsngal ba lags te/ gang mi rtag pa ni sdug bsngal bar 'gyur ba'i chos can lags so/ /de ji ga 'phags pa nyan thos thos pa dang ldan pa 
'di ni bdag gi'o/ /'di ni bdag go/ 'di ni bdag gi bdag go zhes bdag tu khas len tam/ btsun pa ma lags so/ /dga' bo de lta bas na khyod kyis gzugs gang yin pa ci yang rung / 'das pa'am/ ma 'ongs pa'am/ da ltar byung ba'am/ nang 
gi'am/ phyi'i'am/ rags pa'am/ phra ba'am/ ngan pa'am/ gya nom pa'am/ thag ring ba gang yin pa'am/ nye ba gang yin pa de dag thams cad la/ 'di ni bdag gi ma yin/ 'di ni bdag ma yin/ 'di ni bdag gi bdag ma yin no/ /zhes de 
</font><hr>10-1-151b<br><font size=+1>
de ltar yang dag pa'i shes rab kyis yang dag pa ji lta ba bzhin du blta bar bya zhing / tshor ba gang yin pa ci yang rung ba dang / 'du shes gang yin pa ci yang rung ba dang / 'du byed gang yin pa ci yang rung ba dang / rnam par shes pa gang yin pa ci yang rung / 'das pa'am/ 
ma 'ongs pa'am/ da ltar byung ba'am/ nang gi'am/ phyi'i 'am/ rags pa'am/ phra ba'am/ ngan pa'am/ gya nom pa'am/ thag ring ba gang yin pa'am/ nye ba gang yin pa de thams cad la 'di ni bdag gi ma yin/ 'di ni bdag ma yin/ de ni 
bdag gi bdag ma yin no/ /zhes de de ltar yang dag pa'i shes rab kyis yang dag pa ji lta ba bzhin du blta bar bya'o/ /'phags pa nyan thos thos pa dang ldan pa de ltar lta ba na gzugs las kyang yid 'byung bar 'gyur zhing / tshor ba dang / 'du shes dang / 'du byed 
rnams dang / rnam par shes pa las kyang yid 'byung bar 'gyur ro/ /yid byung na 'dod chags dang 'bral lo/ /'dod chags dang bral na rnam par grol lo/ /rnam par grol na bdag gi zag pa zad do/ /tshangs par spyod pa bsten to/ /bya ba byas so/ /'di las 
srid pa gzhan mi shes so zhes rnam par grol lo snyam pa'i ye shes mthong bar 'gyur ro/ /chos kyi rnam grangs 'di bshad pa na tshe dang ldan pa dga' bo chos rnams la chos kyi mig rdul med cing dri ma dang bral ba skyes so/ /dge slong lnga brgya ni len pa med par zag pa 
dag las sems rnam par grol lo/ /bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad bka' stsal to/ /dga' bo mnyam gzhag min sems la/ phung po thams cad zad pa dang / /
ye shes dag pa skye mi 'gyur/ /de ltas brtson pa lhur blang bya/ /phung po skye zhing 'jig pa dag /yang dang yang du so sor brtag /dag pa yang dag skyes pa la/ /lha rnams thams cad dga' bar 'gyur/ /sdug dang grogs dang 'grogs pa dang / /

</font><hr>10-1-152a<br><font size=+1>
ldang zhing rim gro byed pa dang / /rnyed dang bkur sti tshigs su bcad/ /gang de dga' bo yongs spang gyis/ /khyim gnas de bzhin khyim pa min/ /gnyi ga dang ni mi 'dre na/ /sdug bsngal gyi ni mthar byed khyod/ /de lta na ni mthar phyin 'gyur/ /dang po 
nur nur por 'gyur te/ /de nas mer mer por 'gyur ro/ /mer mer po las nar nar 'gyur/ /nar nar po las gor gor 'gyur/ /gor gor po las yan lag ni/ /bzhi dang mgo yang skye 'gyur zhing / /las kyi rgyu las byung ba yi/ /rus tshigs sna 
tshogs skye bar 'gyur/ /mgo yi thod pa'i dgu dang ni/ /'gram pa yi ni rus pa gnyis/ /so ni sum bcu rtsa gnyis dang / /so yi rtsa ba sum bcu gnyis/ /mgrin pa dang ni rna ba'i drung / /sna dang dkan ni gong ma dang / /snying ga lkog ma med pa yi/ /
rus pa dag ni nyi shur 'gyur/ /mig gi rus pa bzhi dang ni/ /thal gong gi yang rus pa bzhi/ /dpung pa g.yas dang g.yon dag gi/ /rus pa dag ni lnga bcu yod/ /brang gi rus pa brgyad yin te/ /de la sgal tshigs sum bcu gnyis/ /rgyab kyi 
rtsib ma'i rus pa ni/ /rus pa dag ni sum bcu'o/ /ngos gnyis rtsib logs g.yas pa na/ /rtsib rus bcu gsum ldan pa ste/ /de bzhin rtsib logs g.yon pa na/ /gzhan yang bcu dang gsum yod do/ /de dag nyi shu rtsa drug ste/ /tshigs gsum pa ni gsum 
gsum dang / /tshigs gnyis pa ni gnyis dang ldan/ /lhag ma rnams ni tshigs med do/ /brla ni g.yas dang g.yon dag la/ /rus pa dag ni bcwa lnga yod/ /lus 'di dag la rus pa ni/ /brgya dang lnga dang gsum yod par/ /rdzogs pa'i sangs rgyas rab 
mkhyen pa/ /bden pa'i mtshan gyis bka' stsal to/ /'og tu rkang pa'i mthil nas ni/ /gong du klad pa'i bar gyi lus/ /gang dag gis ni nyer brten pa/ /'dam bu'i khyim bzhin nyam chung ngo / /gzer gyi gzungs kyis ma zin pa/ /sha dang khrag gis 

</font><hr>10-1-152b<br><font size=+1>
g.yogs pa ste/ /sgyu ma mkhan gyi srad bu yis/ /shing gi 'khrul 'khor sbrel ba ltar/ /de bzhin du ni lus 'di yang / /chu rgyus dag gis breng gis sbrel/ /pags pa rlon pas so sor g.yogs/ /sgo dgu'i rma ni chen por ldan/ /mi gtsang rul pa'i dri mnam 
pa/ /kun nas rab tu 'dzag par 'gyur/ /ji ltar 'bru ni sna tshogs kyis/ /spyad ni bkang bar gyur pa ltar/ /de bzhin du ni lus 'di yang / /sna tshogs rul pa'i 'byung gnas yin/ /rus pa'i 'khrul 'khor 'di 'dra ba'i/ /lus ni rul pa snying po med/ /
'di la byis pa bag med de/ /chags su med par shes par gyis/ /rngul dang mchil ma snabs dag dang / /bad kan rnag dang khrag rnams dang / /mchin pa mkhris pa zhag dang ni/ /zag pa klad pa klad rgyas dang / /snying dang sul mangs mkhal ma dang / /mi gtsang 
glo ba lgang pa dang / /tshil dang spu dang mcher pa dang / /rgyu ma dang ni gnye ma ste/ /'di ni rul pa sna tshogs pa/ /'di 'dra ba yi 'byung khung yin/ /sdig lus 'jigs pa chen po ste/ /dgra dang 'dra bar shes par bya/ /grong khyer rnying pa ci bzhin du/ /rul pa'i 
lus ni nyam chung ngo / /'dus byas nyin dang mtshan du yang / /rnam par 'jig cing rab tu 'jig /grong khyer rus pa'i rtsig pa can/ /sha dang khrag gis zhal zhal byugs/ /de la 'dod chags zhe sdang dang / /gti mug dang ni 'chab pa skye/ /grong khyer 
rtsig pa'i rus pa can/ /sha dang khrag gis byugs pa dag /phyi dang nang bcas rtag tu yang / /mi mdza' ba yis mngon par gtses/ /bcom ldan 'das kyis de skad ces bka' stsal pa dang / tshe dang ldan pa dga' bo dang / dge slong lnga brgya pa de dag yi rangs 
te/bcom ldan 'das kyis gsungs pa la mngon par bstod do/ /de nas bcom ldan 'das kyis tshe dang ldan pa dga' bo mngal du 'jug pa'i mdos btams nas 'khor ba'i dgon pa las bsgral te shin tu mthar thug pa'i grub pa dang bde ba mya ngan las 'das 

</font><hr>10-1-153a<br><font size=+1>
pa la bzhag go/ /de nas bcom ldan 'das kyis dge slong rnams la bka' stsal pa/ dge slong dag nga'i dge slong dbang po'i sgo bsdams pa rnams kyi mchog ni 'di lta ste/ dge slong dga' bo 'di yin no/ /de nas tshe dang ldan pa dga' bo dgra 
bcom pa nyid thob ste rnam par grol ba'i dga' ba dang bde ba myong bas de'i tshe tshigs su bcad de smras pa/ bsro gang gi ni khrus dag dang / /zas dang snum bsku byug pa dang / /gdugs kyis dgab pa byas pa yi/ /bde ba mang po nyams su myong / /dge 
slong rnams the tshom skyes nas the tshom thams cad gcod par mdzad pa sangs rgyas bcom ldan 'das la zhus pa/ btsun pa tshe dang ldan pa dga' bos las ci zhig bgyis na las de'i rnam par smin pas 'di'i lus kyi mdog gser gyi kha dog lta bur grub cing skyes bu chen 
po'i mtshan sum bcus ni brgyan/ bcom ldan 'das pas ni sor bzhis thung la/ 'dod pa dag la lhag par chags pa las bcom ldan 'das kyis nan gyis phral nas 'khor ba'i dgon pa las bsgral te/ shin tu mthar thug pa'i grub pa dang bde ba mya ngan las 
'das pa la bzhag lags/ bcom ldan 'das kyis bka' stsal pa/ dge slong dag dga' bo nyid kyis las byas shing bsags pa/ tshogs rnyed pa/ rkyen yongs su bsgyur ba/ dba' rgal bzhin nye bar gnas pa/ nges par gyur pa yin te/ dga' bo nyid kyis 
las byas shing bsags pa gzhan su zhig gis myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la ma yin/ me'i khams la ma yin/ rlung gi khams la ma yin gyi/ 'on kyang las 
dge ba dang mi dge ba byas shing bsags pa rnams ni zin pa'i phung po dang khams dang skye mched dag kho na la rnam par smin par 'gyur te/ bskal pa brgya phrag rnams su yang / /las rnams chud zar mi 'gyur te/ /tshogs shing dus la bab pa na/ /lus can rnams la 

</font><hr>10-1-153b<br><font size=+1>
'bras bur smin/ /dge slong dag sngon byung ba skye dgu rnams kyi tshe lo brgyad khri thub pa na ston pa sangs rgyas bcom ldan 'das rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams 
kyi ston pa rnam par gzigs zhes bya ba mi'i 'jig rten du byung ste/ de 'khor dge slong 'bum phrag drug bcu rtsa gnyis dang ljongs rgyu zhing gshegs pa na rgyal po'i pho brang gnyen ldan du byon nas gnyen ldan gyi tshal na bzhugs so/ /de'i g.yas khyim gyi gcung 'dod pa dag 
la shin tu chags par gyur pa las yang dag par rdzogs pa'i sangs rgyas rnam par gzigs kyis nan gyis phral nas 'khor ba'i btson ra las bsgral te shin tu mthar thug pa'i grub pa dang bde ba mya ngan las 'das pa la bzhag go/ /de'i tshe rgyal po'i pho brang gnyen ldan na rgyal 
po gnyen ldan zhes bya ba rgyal srid byed du 'jug ste/ rgyal srid 'byor pa dang / rgyas pa dang / bde ba dang / lo legs pa/ skye bo dang / mi mang pos gang ba/ 'thab pa dang / rtsod pa dang / 'khrug pa dang / 'khrug long zhi ba chom rkun dang / nad dang 
bral ba/ sA lu dang / bu ram shing dang / ba lang dang / ma he phun sum tshogs pa/ chos kyi rgyal po chos dang mthun pas chos bzhin du byed du 'jug go/ /de'i g.yas khyim gyi nu bo ni 'dod pa rnams la shin tu chags par gyur to/ /rgyal po gnyen ldan gyis 
yang dag par rdzogs pa'i sangs rgyas rnam par gzigs 'khor dge slong 'bum phrag drug bcu rtsa gnyis dang 'dir byon nas 'di nyid na gnyen ldan gyi tshal na bzhugs so zhes thos so/ /thos nas kyang btsun mo'i 'khor dang / gzhon nu dang / blon po dang / grong 
khyer gyi mi dang bcas te yang dag par rdzogs pa'i sangs rgyas rnam par gzigs ga la ba der song ngo / /de la yang dag par rdzogs pa'i sangs rgyas rnam par gzigs kyis gang zhig thos nas rgyal po gnyen ldan btsun mo'i 'khor dang / gzhon nu dang / blon 

</font><hr>10-1-154a<br><font size=+1>
po dang / grong khyer gyi mi dang bcas te/ khyad par chen po thob pa de lta bu'i chos bstan to/ /de'i g.yas khyim gyi nu bo ni 'dod pa la lhag par chags pa dang ldan pas khyim nas ma byung ba dang / de la blon po'i bu dang / mdun na 'don gyi bu dang / 
gzhan yang chung po grogs rnams kyis dong ste smras pa/ grogs po rgyal po ni btsun mo'i 'khor dang / gzhon nu dang / blon po dang / grong mi dang bcas te yang dag par rdzogs pa'i sangs rgyas rnam par gzigs blta ba'i phyir gshegs na/ khyod lta bu mi nyid 
rnyed dka' zhing shin tu rnyed dka' ba thob nas 'dod pa rnams la shin tu chags nas khyim nas ma byung ngo / /de de dag gis btams pa dang / snying la ngo tsha bar gyur nas de dag 'grogs te yang dag par rdzogs pa'i sangs rgyas rnam par gzigs ga la ba der song ngo / /ji 
tsam na yang dag par rdzogs pa'i sangs rgyas rnam par gzigs kyi gcung gis de rnams kyis bzhin btab nas khrid pa mthong ste/ des dris pa/ ci'i phyir 'di de ltar bzhin btab nas khrid/ de dag gis ji ltar gyur pa de la rgyas par bsnyad pa dang / des smras pa/ shes 
ldan dag nga yang yang dag par rdzogs pa'i sangs rgyas rnam par gzigs kyi gcung yin te/ de kho na bzhin du 'dod pa rnams la lhag par chags par gyur pa las/ nga bcom ldan 'das yang dag par rdzogs pa'i sangs rgyas rnam par gzigs kyis nan gyis 
phral nas 'khor ba'i dgon pa las bsgral te shin tu mthar phyin pa'i grub pa dang bde ba mya ngan las 'das pa la bzhag go/ /de lta bas na skyes bu gti mug kha cig ni de ltar bya dgos pas khyed kyis 'di khrid de 'ongs pa gang yin pa ni legs pa byas kyis/ deng la bcom 
ldan 'das kyi spyan sngar khrid cig dang / 'di gdon mi za bar bcom ldan 'das la dad pa rnyed par 'gyur ro/ /ji tsam na de dag gis de yang dag par rdzogs pa'i sangs rgyas rnam par gzigs kyi spyan sngar khrid pa dang / de la yang dag par rdzogs pa'i sangs rgyas 

</font><hr>10-1-154b<br><font size=+1>
rnam par gzigs kyis de lta bu'i chos bshad do/ /des de thos nas de bzhin gshegs pa rnam par gzigs la dad pa rnyed pa dang ldan te/ stan las langs nas bla gos phrag pa gcig tu gzar te/ yang dag par rdzogs pa'i sangs rgyas rnam par gzigs 
ga la ba de logs su thal mo sbyar ba btud nas yang dag par rdzogs pa'i sangs rgyas rnam par gzigs la 'di skad ces gsol to/ /bcom ldan 'das nyan thos kyi dge 'dun dang bcas te bdag gi sdum par khrus khang gi khrus mdzad par ci gnang / bcom ldan 
'das yang dag par rdzogs pa'i sangs rgyas rnam par gzigs kyis cang mi gsung bas gnang ngo / /de nas yang dag par rdzogs pa'i sangs rgyas rnam par gzigs kyis cang mi gsung bas gnang bar rig nas bshad pa la mngon par dga' ste/ rjes su yi rangs nas 
zhabs la mgo bos phyag 'tshal te/ stan las langs nas song ste rgyal po gnyen ldan ga la ba der song ngo / /song nas rgyal po gnyen ldan gyi rkang pa la mgo bos phyag 'tshal te rgyal po gnyen ldan la 'di skad ces smras so/ /lha bdag gis yang dag par rdzogs pa'i sangs 
rgyas rnam par gzigs nyan thos kyi dge 'dun dang bcas te bdag gi sdum par khrus khang gi khrus mdzad par spyan drang ba las des cang mi gsung bas gnang ste/ de ni bkur sti bgyi bar 'os pa lags pas lha de'i slad du de grong khyer du gshegs pa'i grong khyer du mdzes 
par bgyi ba dang / shul mdzes par bgyi ba'i rigs so/ /rgyal po gnyen ldan gyis bsams pa/ gal te de lta na bdag gis bcom ldan 'das grong khyer du gshegs pa'i grong khyer mdzes pa dang / lam mdzes par bya na/ ci bcom ldan 'das kyis gdul dka' 
ba gang yin pa 'di yang btul ba lta snyam du rig nas smras pa/ nu bo legs pa byas kyis khyod song la rdzas dag sta gon gyis shig /ngas ni grong khyer mdzes pa dang / lam mdzes pa bya'o/ /de dga' ba dang rab tu dga' ba skyes nas rgyal po gnyen ldan gyi rkang 

</font><hr>10-1-155a<br><font size=+1>
pa la mgo bos phyag 'tshal nas stan las langs te song ngo / /rgyal po gnyen ldan gyis blon po rnams la bsgo ba/ shes ldan dag de nga la grong khyer du dril sgrogs te/ sang yang dag par rdzogs pa'i sangs rgyas rnam par gzigs grong khyer du 
gshegs kyis/ de'i phyir khyed grong khyer na gnas pa dang / yul sna tshogs nas lhags pa'i skye bo'i tshogs kyis grong khyer mdzes pa dang / lam mdzes par gyis la rang gi 'byor pa dang mthun pa'i mdzes pas bsu shig lha de ltar 'tshal lo zhes blon po rnams 
kyis rgyal po gnyen ldan gyi ltar mnyan nas dril bsgrags te/ 'di skad du shes ldan grong khyer na gnas pa dag dang / grong mi dang / yul sna tshogs nas lhags pa'i skye bo'i tshogs dag nyon cig lha'i zhal nas bcom ldan 'das yang dag par rdzogs pa'i sangs 
rgyas rnam par gzigs grong khyer du gshegs kyis de'i phyir khyed grong khyer na gnas pa dang / yul sna tshogs nas lhags pa'i skye bo'i tshogs thams cad kyis grong khyer mdzes pa dang / lam mdzes par gyis la thams cad kyis rang gi 'byor pa dang mthun pa'i mdzes 
pas bsu shig ces de skad bka' stsal to/ /de dag gis grong khyer de yang rdo ba dang / gseg ma dang / gyo mo ni med par byas/ tsan dan gyi chus ni chag chag btab bdug pa dri zhim po can gyi pog phor ni bzhag dar gyi lda ldi mang po ni bres/ rgyal mtshan dang ba 
dan ni bsgreng / me tog sna tshogs ni bkram ste lha rnams kyi skyed mos tshal dga' ba'i tshal bzhin du dga' dga' ltar byas/ lam yang de bas kyang lhag par mdzes par byas te/ der yang dri sna tshogs kyis bsgos pa'i chu dron dang / 'bru mar yang sta gon byas/ khrus 
khang yang byi dor byas/ gdan yang bshams nas yang dag par rdzogs pa'i sangs rgyas rnam par gzigs grong khyer du gshegs pa bsu'o/ /de nas yang dag par rdzogs pa'i sangs rgyas rnam par gzigs rgyal po gnyen ldan btsun mo'i 'khor dang / gzhon nu 

</font><hr>10-1-155b<br><font size=+1>
dang / blon po dang / grong mi dang / gzhan yang skye bo'i tshogs phal po che dang bcas pas zhabs ring byas te 'byor pa mchog gis rgyal po'i pho brang gnyen ldan du gshegs so/ /de nas rgyal po'i nu bo de dad pa skyes nas khrus khang gi nang du gshegs su gsol to/ /
nang du gshegs nas khrus mdzad par brtsams pa dang / ji tsam na sangs rgyas rnam par gzigs kyi sku gser gyi mdog lta bu skyes bu chen po'i mtshan sum bcu rtsa gnyis kyis kun nas brgyan pa mthong ngo / /mthong nas kyang yang dad pa skyes te/ khrus byas nas 
zhabs la gtugs te smon lam btab pa/ gang bdag gis yon gnas yang dag pa 'di lta bu la bya ba byas pa'i dge ba'i rtsa ba 'dis bdag kyang bdag nyid chen po 'di'i ji lta bar lus gser gyi mdog lta bu dang / 'dis gcung po 'dod pa rnams la shin tu chags pa 
las nan gyis phral te rab tu phyung nas 'khor ba'i dgon pa las bsgral te shin tu mthar thug pa'i grub pa dang / bde ba mya ngan las 'das pa la bzhag pas ji lta bar bdag kyang ston pa 'di lta bu'i gcung du gyur cing gal te bdag de bzhin du 'dod pa rnams la lhag par 
chags par gyur na yang / bdag bcom ldan 'das des nan gyis phral te rab tu phyung nas 'khor ba'i dgon pa las bsgral te shin tu mthar thug pa'i grub pa dang bde ba mya ngan las 'das pa la 'jog par gyur cig ces byas so/ /dge slong dag ji snyam du sems/ 
rgyal po gnyen ldan gyi nu bo gang yin pa de ni rigs kyi bu dga' bo 'di nyid yin te/ de'i tshe de'i dus na 'dis yang dag par rdzogs pa'i sangs rgyas rnam par gzigs la khrus khang gi khrus kyis khrus byas nas/ smon lam btab pa gang yin pa'i las de'i rnam par smin 
pas de bzhin gshegs pa'i gcung du gyur cing / 'di'i lus kyang gser gyi kha dog lta bur gyur la/ ngas kyang nan gyis phral te rab tu phyung nas 'khor ba'i dgon pa las bsgral te shin tu mthar thug pa'i grub pa dang bde ba mya ngan las 'das pa la bzhag pa yin no/ /

</font><hr>10-1-156a<br><font size=+1>
yang dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa dga' bos las ci zhig bgyis na/ las de'i rnam par smin pas 'di la skyes bu chen po'i mtshan sum bcu mngon par 
grub lags/ bcom ldan 'das kyis bka' stsal pa/ dge slong dag 'di nyid kyis las byas shing bsags pa/ tshogs rnyed pa/ rkyen yongs su bsgyur ba/ dba' rgal bzhin nye bar gnas par gyur pa yin te/ 'di nyid kyis las byas shing bsags pa dag 
gzhan su zhig gis myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la ma yin/ me'i khams la ma yin/ /rlung gi khams la ma yin gyi/ 'on kyang dge ba dang mi dge 
ba'i las byas shing bsags pa rnams ni zin pa'i phung po dang / khams dang / skye mched dag kho na la rnam par smin par 'gyur te/ bskal pa brgya phrag rnams su yang / /las rnams chud zar mi 'gyur te/ /tshogs shing dus la bab pa na/ /lus can rnams la 
'bras bur smin/ /dge slong dag sngon byung ba ri brags shig na khyim bdag phyug pa/ nor mang ba/ longs spyod che ba zhig gnas te/ de la skyed mos tshal me tog dang / 'bras bu dang / rtsa ba sna tshogs dang / chu phun sum tshogs pa/ shing rnam pa sna tshogs kyis 
brgyan pa rab tu byung ba'i skye bo dang mthun pa zhig yod do/ /sangs rgyas dag 'byung ba med pa na 'jig rten du rang sangs rgyas dman pa dang phongs pa la snying brtse ba can/ bas mtha'i gnas mal la dga' ba/ 'jig rten gyi yon gnas gcig pu dag 'byung bar 
'gyur ro/ /de nas rang sangs rgyas shig ljongs rgyu zhing ri brags der phyin te/ de gnas tshol zhing phan tshun rgyu ba na/ skyed mos tshal der phyin pa dang / skyed mos tshal srung ba'i mis byon pa legs so zhes bya ba'i kun tu spyod pas spyad nas bstir bcug go /

</font><hr>10-1-156b<br><font size=+1>
de nub mo me'i khams la snyoms par zhugs pa dang / skyed mos tshal srung ba'i mis mthong nas rab tu byung ba 'di ni 'di lta bur bdag nyid chen po brtul zhugs grub pa'o zhes shin tu ngo mtshar skyes par gyur nas de nyid kyi mtshan mo langs te/ khyim bdag la smras pa/ rje 
rab tu dgyes pa bskyed du gsol/ khyod kyi skyed mos tshal du rab tu byung ba bdag nyid chen po brtul zhugs grub pa zhig dgongs btab ste/ des skyed mos tshal de thams cad mtshan mo snang bar bgyis so/ /des thos nas rab tu dga' ba skyes te/ rings pa 
rings par song ste rkang pa la gtugs nas smras pa/ 'phags pa khyod ni bsod snyoms don du gnyer pa/ bdag ni bsod nams don du gnyer ba lags na skyed mos tshal 'di nyid du bzhugs su gsol/ bdag gis khyod kyi bsod snyoms sbyar bar bgyi'o/ /
des khas blangs nas de der bsam gtan dang / rnam par thar pa dang /ting nge 'dzin dang / snyoms par 'jug pa'i bde ba nyams su myong bar byed cing / dus cung zad cig 'dug nas des bsams pa/ bdag gis lus rul pa 'dis thob par bya ba gang yin pa de 
ni thob zin gyi ma la bdag zhi ba mya ngan las 'das pa'i dbyings su 'jug go snyam du rig nas 'bar ba dang / gsal ba dang / char 'bab pa dang / glog 'gyu ba'i cho 'phrul dag byas te/ phung po'i lhag ma ma lus pa'i mya ngan las 'das pa'i dbyings su yongs su 
mya ngan las 'das so// //'dul ba phran tshegs kyi gzhi/bam po bcu bzhi pa/ de nas khyim bdag des dri thams cad kyi bsreg shing dag bcer nas bsregs te/ bsreg shing de dag 'o mas bsad do/ /rus pa de rnams bum pa sar par bcug 
ste/ rus pa'i mchod rten byas nas gdugs dang / rgyal mtshan dang / ba dan dag btsugs so/ /btsugs nas dad pa skyes te/ de nas gur gum gyis bskus nas dri'i lag ris sum bcu byas so/ /dge slong dag ji snyam du sems/ khyim bdag gang 

</font><hr>10-1-157a<br><font size=+1>
yin pa de ni rigs kyi bu dga' bo 'di nyid yin te/ de'i tshe de'i dus na 'dis rang sangs rgyas kyi mchod rten byas nas gdugs dang / rgyal mtshan dang / ba dan btsugs te/ dad pa skyes nas gur gum gyis byugs shing / dri'i lag ris 
sum bcu byas pa gang yin pa'i las de'i rnam par smin pas 'di la skyes bu chen po'i mtshan sum bcu grub pa yin no/ /yang dge slong rnams the tshom skyes nas the tshom thams cad gcod par mdzad pa sangs rgyas bcom ldan 'das la zhus pa/ btsun pa tshe dang ldan pa dga' 
bos las ci zhig bgyis na las de'i rnam par smin pas gal te rab tu byung bar ma gyur na 'dis stobs kyis 'khor lo sgyur ba'i rgyal srid bgyis par 'gyur lags/ bcom ldan 'das kyis bka' stsal pa/ dge slong dag rigs kyi bu dga' bo 'di nyid kyis las byas shing 
bsags pa tshogs rnyed pa/ rkyen yongs su bsgyur ba/ dba' rgal bzhin nye bar gnas pa nges par gyur pa yin te/ las byas shing bsags pa rnams gzhan su zhig gis myong bar 'gyur/ dge slong dag las byas shing bsags pa rnams ni phyi rol gyi 
sa'i khams la rnam par smin par mi 'gyur/ chu'i khams la ma yin/ me'i khams la ma yin/ rlung gi khams la ma yin gyi/ 'on kyang dge ba dang mi dge ba'i las byas pa rnams ni zin pa'i phung po dang khams dang / skye mched dag kho na la rnam par smin 
par 'gyur te/ bskal pa brgya phrag rnams su yang / /las rnams chud zar mi 'gyur te/ /tshogs shing dus la bab pa na/ /lus can rnams la 'bras bur smin/ /dge slong dag sngon byung ba bskal pa bzang po 'di nyid la skye dgu'i tshe lo nyi khri thub pa na ston pa 
de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 

</font><hr>10-1-157b<br><font size=+1>
'od srung zhes bya ba 'jig rten du byung ste/ de grong khyer bA rA Na sI na rten cing drang srong smra ba ri dgas kyi nags na bzhugs so/ /de'i tshe de'i dus na bA rA Na sI na rgyal po kr-i kI zhes bya ba rgyal srid byed du 'jug ste/ rgyal srid 'byor pa dang / rgyas pa dang / bde ba dang / 
lo legs pa/ skye bo dang / mi mang pos gang ba zhes bya ba nas/ chos bzhin byed du 'jug go zhes bya ba'i bar snga ma bzhin no/ /rgyal po de la bu gsum ste/ rab dang / 'bring po dang / tha chungs so/ /gang gi tshe yang dag par rdzogs pa'i sangs rgyas 'od 
srung sangs rgyas kyi mdzad pa mtha' dag mdzad nas bud shing zad pa'i me bzhin du phung po'i lhag ma med pa'i mya ngan las 'das pa'i dbyings su yongs su mya ngan las 'das pa de'i tshe rgyal po kr-i kIs de'i sku la mchod pa byas nas rin po che bzhi las byas pa mchod rten khor 
yug tu dpag tshad gcig pa/ 'phang du dpag tshad phyed pa zhig brtsigs so/ /de la gdugs 'dogs par byed pa ni rgyal po kr-i kI'i bu 'bring po dad pa skyes nas gdugs 'bring zhig btags so/ /dge slong dag ji snyam du sems/ rgyal po kr-i kI'i bu 'bring po gang yin pa de ni rigs 
kyi bu dga' bo 'di nyid yin te/ 'dis yang dag par rdzogs pa'i sangs rgyas 'od srung gi mchod rten la dad pa skyes nas gdugs 'bring btags pa gang yin pa'i las de'i rnam par smin pas stobs kyis 'khor lo sgyur ba'i rgyal srid nyis stong lnga brgya byas te/ gal te da 
ltar rab tu byung bar ma gyur na da ltar yang 'dis stobs kyis 'khor lo sgyur ba'i rgyal srid byas par 'gyur ro/ /yang dge slong rnams kyis sangs rgyas bcom ldan 'das la zhus pa/ btsun pa tshe dang ldan pa dga' bos las ci zhig bgyis na las de'i rnam par 
smin pas bcom ldan 'das kyis dbang po'i sgo bsdams pa rnams kyi mchog tu bstan lags/ bcom ldan 'das kyis bka' stsal pa/ smon lam gyi dbang gis so/ /gang du smon lam btab lags/ dge slong dag 'di yang dag par rdzogs pa'i sangs rgyas 

</font><hr>10-1-158a<br><font size=+1>
'od srung gi bstan pa la rab tu byung bar gyur te/ gang las 'di rab tu byung ba de bcom ldan 'das yang dag par rdzogs pa'i sangs rgyas 'od srung gis dbang po'i sgo bsdams pa rnams kyi mchog tu bstan to/ /de na 'dis tshe ji srid par tshangs par spyod pa spyad kyang 
yon tan gyi tshogs 'ga' yang ma thob po/ /de na 'dis 'chi ba'i dus kyi tshe smon lam btab pa/ 'di ltar bdag gis yon gnas bla na med pa bcom ldan 'das yang dag par rdzogs pa'i sangs rgyas 'od srung gi spyan sngar tshe ji srid par tshangs par spyod pa spyad kyang yon tan gyi 
tshogs 'ga' yang thob par ma gyur gyis/ bdag dge ba'i rtsa ba 'dis bcom ldan 'das yang dag par rdzogs pa'i sangs rgyas 'od srung gis bram ze'i khye'u bla ma la bram ze'i khye'u khyod skye dgu'i tshe lo brgya thub pa na de bzhin gshegs pa dgra bcom yang dag par rdzogs pa'i sangs rgyas shAkya 
thub par 'gyur ro zhes lung bstan pa gang yin pa de'i gsung rab la rab tu byung nas nyon mongs pa thams cad spangs te dgra bcom pa nyid mngon du byed par 'gyur ba dang / ji ltar bcom ldan 'das yang dag par rdzogs pa'i sangs rgyas 'od srung gis bdag gi mkhan po dbang 
po'i sgo bsdams pa rnams kyi mchog tu bstan pa de bzhin du bdag kyang bcom ldan 'das shAkya thub pa shAkya'i rgyal po gtso bo des dbang po'i sgo bsdams pa rnams kyi mchog tu lung ston par gyur cig ces byas te/ smon lam de'i dbang gis da ltar de bzhin gshegs pas dbang po'i 
sgo bsdams pa rnams kyi mchog tu bstan to/ /dge slong dag de lta bas na las gcig tu gnag pa rnams zhes bya ba nas brtsal par bya ste/ dge slong rnams kyis de ltar bslab par bya'o zhes bya ba'i bar snga ma bzhin no/ /gleng gzhi ni mnyan yod na'o/ /dge slong zhig 
na ste de sman pa'i drung du song nas smras pa/ bzhin bzangs bdag la nad 'di lta bu byung na sman ston cig /des smras pa/ 'phags pa sman mas gtang ba mdzod cig dang khyod sos par 'gyur ro/ /des smras pa/ bzhin bzangs bcom ldan 'das kyis ma gnang ngo / /

</font><hr>10-1-158b<br><font size=+1>
sman pas smras pa/ 'phags pa khyod kyi ston pa ni thugs rje can yin pas gnang bar 'gyur ro/ /des skabs de dge slong rnams la bsnyad do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas 
na gnang gis dge slong nad pas sman pa'i lung gis sman mas gtang bar bya'o/ /gleng gzhi ni mnyan yod na'o/ /bcom ldan 'das kyis dge slong rnams kyis gtsug lag khang lnga rtseg tu byed na dri gtsang khang ni bdun rtseg sgo khang steng gi bsil khang yang 
bdun rtseg tu bya'o/ /dge slong rnams kyis gtsug lag khang sum rtseg tu byed na dri gtsang khang ni lnga rtseg sgo khang steng gi bsil khang yang lnga rtseg tu bya'o zhes bka' stsal pa dang / dge slong dag gis phyogs gang nas 'dzeg mi shes nas bcom ldan 'das kyis 
bka' stsal pa/ them skas rnam pa gsum pa shing gi them skas dang sa'i them skas dang / rdo'i them skas dag bya'o/ /dge slong dag steng du ni rdo'i bar du ni sa'i tha mar ni shing gi btsugs nas 'dzegs pa dang / /bcom ldan 'das kyis bka' stsal pa/ tha mar ni 
rdo'i/ bar du ni sa'i steng du ni shing gi gzugs par bya'o/ /phran tshegs kyi gzhi las sgo gnyis pa'o// //bsdus pa'i sdom ni/ chos gos gdang dang nang dang bskrad/ /khang bzangs lan tshwa sbu bu dang / /gdong phyis dang ni phyi ba dang / /mkhar len 
stan dang spu gri'o/ /sdom ni/ chos gos tshad kyi shing dang ni/ /glegs bu dag dang rdul phyags dang / /sa drud pa ni nyid dag dang / /mchig ni mchig gur bcas pa'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas 
sbyin gyi kun dga' ra ba na bzhugs so/ /bcom ldan 'das kyis dras pa'i chos gos gsum dge slong dag gis bcang bar bya'o zhes gsungs pa dang / dge slong dag gis chos gos dra bar brtsams te/ de dag gis glegs bu dang / glegs bu phyed dag mi 

</font><hr>10-1-159a<br><font size=+1>
mnyam par byas so/ /skabs de dge slong dag gis bcom ldan 'das la gsol pa dang / bcom ldan 'das kyis glegs bu dang glegs bu phyed dag mi mnyam par dra bar mi bya'i 'on kyang mnyam par dra'o zhes bka' stsal pa dang / de dag gis ji ltar mnyam par 'gyur ba 
mi shes nas/ bcom ldan 'das kyis bka' stsal pa/ glegs bu dang glegs bu phyed dag gi tshad kyi shing bcad par bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong 
dag gis chos gos kyi tshal bu dag mi mnyam par drubs pa dang / de dag mi mdzes nas/ skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ tshal bu dag mnyam par drub par bya'o/ /bcom ldan 
'das kyis tshal bu mnyam par drub par bya'o zhes gsungs pa dang / dge slong dag ji ltar mnyam par bya ba mi shes nas/ bcom ldan 'das kyis bka' stsal pa/ tshal bu'i tshad kyi shing bcad zhing des gzhal nas drub par bya'o/ /bcom ldan 'das kyis tshal bu 
shing gis gzhol la drubs shig ces gsungs pa dang / dge slong dag gis tshal bu tshad las 'das par byas nas/ bcom ldan 'das kyis bka' stsal pa/ tshal bu tshad las 'das par mi bya'o/ /'on kyang tshal bu ni gsum ste/ chen po dang / 'bring dang / 
chung ngu'o/ /de la chen po ni sor bzhi 'am/ bya rog gi mtho gang ngo / /chung ngu ni sor gnyis sam mthe bo'i lto gang ngo / /'bring ni de dag gi bar ro/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na 
bzhugs so/ /dge slong dag sa rdul can la chos gos 'drub pa dang / de dri ma can du gyur nas/ bcom ldan 'das kyis bka' stsal pa/ lci ba'i byug pas bskus la chos gos drub par bya'o/ /bcom ldan 'das kyis lci ba'i byug pas bskus la chos gos 

</font><hr>10-1-159b<br><font size=+1>
drubs shig ces gsungs pa dang / lci ba ma rnyed nas/ bcom ldan 'das kyis bka' stsal pa/ phyogs der chag chag btab cing phyags te drub par bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun 
dga' ra ba na bzhugs so/ /dge slong dag gis khri'i rkang pa rnon por byas pa dang / de dag gis sa bstar ba ma rung bar gyur nas bcom ldan 'das kyis bka' stsal pa/ khri'i rkang pa rnon por mi bya'i 'on kyang zlum por gcad par bya'o/ /'on kyang ma rung par gyur 
nas bcom ldan 'das kyis bka' stsal pa/ phub ma'i thum po la gzhag gam/ ras mas dkri bar bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na bram ze zhig 
'dug pa de dgos pa zhig gi phyir phyi rol du byung nas de de dang de dag tu 'khyam pa las nyi ma phyed kyi dus kyi tshe yongs su ngal nas rgyal byed kyi tshal du zhugs pa dang / des de na stan bzang po bshams pa dang / kha zas bsod par sbyar ba mthong ngo / /des mthong nas mngon 
par dad de/ des chen po la 'os pa'i gos gyon pa de des gding ba'i phyir rgan pa'i mtha' logs su gos de phul lo/ /de dus gzhan zhig na dri ma can du gyur nas dge skos kyis gzhon pa'i mtha' logs su bting ngo / /re zhig cig na bram ze de gtsug lag khang du zhugs 
pa dang / des gos de rgan pa'i mtha' logs na mi snang nas de rim gyis lta zhing gzhon pa'i mtha' logs su song ba dang / ji tsam na dri ma can du gyur nas gzhon pa'i mthar bting ba mthong ste/ des bsams pa/ gos 'di sar pa chen po la 'os pa yin na/ gang gis 
'di lta bu'i gnas skabs su gyur pa 'di la rgyu gang yin re zhig blta'o snyam nas cung zhig bsdad pa dang / ji tsam na dge skos kyis gdan rim bzhin bshams nas phyag dar bya bar brtsams pa dang / des bsams pa/ gang gis gos 'di dri ma can du gyur pa 'di la 

</font><hr>10-1-160a<br><font size=+1>
rgyu ni 'di yin no snyam du rig nas/ dge skos la smras pa/ 'phags pa khyod kyis ji ltar sa la chag chag btab ste phyags nas rim bzhin gding bar bya ba 'di tsam yang mi mkhyen tam/ de bas kyang khyod kyis bdag gi gos dri ma can du byas so/ /skabs 
de bcom ldan 'das la dge slong dag gis gsol pa dang / bcom ldan 'das kyis bka' stsal pa/ sa la chag chag btab ste phyags nas rim bzhin gding bar bya'o/ /dge skos kyis rdul gyis gang ba'i stan la mal stan dag bting ba dang / nyes dmigs 
de nyid du gyur nas/ bcom ldan 'das kyis bka' stsal pa/ stan rnams sprugs la mal stan dag gding bar bya'o/ /ci yis sprug pa dge skos kyis mi shes nas/ bcom ldan 'das kyis de las gos gcig gis sprug par bya'o zhes gsungs pa dang / des 
bzang pos sprugs nas/ bcom ldan 'das kyis bka' stsal pa/ ngan pas sprug par bya'o/ /dge skos kyis ngan pas sprugs pa dang / gang gi tshe de rnyings shing zhigs nas bcos su mi rung ba de'i tshe bor ba dang / bcom ldan 'das kyis bka' stsal pa/ de 
nyid tshal bu dang shar bu dag tu gyis la shing la bcings te sprug par bya'o/ /de shin tu spyad par mi rung ste bor nas/ bcom ldan 'das kyis bka' stsal pa/ shin tu spyad par mi rung yang ma dor bar lci ba'am/ 'jim pa dang bsres la ka ba'i ser ga 'am/ rtsig 
pa'i bu ga dag tu skus shig dang / sbyin bdag gi bsod nams yun ring du 'phel bar 'gyur ro/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas dus de'i tshe dge slong gzhon nu 
zhig phyogs shig na 'chag pa dang / de 'chag pa'i sa phyogs de rkang pas drud pas zad do/ /ji tsam na khyim bdag cig de dang de dag tu 'khyam zhing phyogs der 'ongs pa dang / des bsams pa/ re zhig yang gnas skabs 'di lta bur gyur na 'phags pa 'di'i 

</font><hr>10-1-160b<br><font size=+1>
rkang pa ci 'dra ba zhig tu gyur snyam nas smras pa/ 'phags pas 'di ci zhig gis 'di ltar yongs su zad/ des smras pa/ khyim bdag bdag 'chag 'chag pas so/ /khyim bdag gis smras pa/'phags pa re zhig yang gnas skabs 'di lta bur gyur na/ khyod 
kyi zhabs ci 'dra bar gyur/ re zhig khyod kyi zhabs blta'o/ /des de la rkang pa bstan pa dang / des mthong ste snying rje skyes nas/ des smras pa/ 'phags pa bdag gis sa 'di la par tang dag gding bar bgyis/ bde bar tshogs shig ces smras pa dang / des smras pa/ 
khyim bdag bcom ldan 'das kyis ma gnang ngo / /'phags pa khyod kyi ston pa ni thugs rje can yin pas gnang bar 'gyur ro/ /skabs de des dge slong dag la bsnyad do/ /dge slong dag gis bcom ldan 'das la gsol pa dang / bcom ldan 'das kyis bka' 
stsal pa/ de lta bas na gnang gis dge slong brtson 'grus brtsam pa'i 'chag sar par tang bting bar bya'o/ /khyim bdag des bting ba dang / dge slong de de la phyogs gcig tu 'chag par brtsams pas ji tsam na de dum bu gnyis su gyur nas/ de'i dum bu 
gcig ni phyogs gcig na 'dug/ gnyis pa yang gzhan na 'dug go/ /ji tsam na khyim bdag de 'ongs nas par tang de'i dum bu gcig ni phyogs gcig na 'dug /gnyis pa yang gzhan na 'dug pa mthong nas des smras pa/ 'phags pa par tang de gnas 
skabs 'di lta bur gyur na/ e ma khyod kyis ral ba btsem na ci nongs/ skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ khyim bdag de zer ba bden te de lta bas na ral ba dang ral ba dag drub cing 
gzungs dang lhan bdag gdab par bya'o/ /gang gi tshe shin tu rnyings shing dengs te bcos dka' ba de'i tshe de lci ba'am/ 'jim par bsres la de nyid du byugs shig dang / sbyin bdag gi bsod nams yun ring du 'phel bar 'gyur ro/ /sangs rgyas bcom ldan 

</font><hr>10-1-161a<br><font size=+1>
'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong zhig na ste sman pa'i drung du song ste smras pa/ bzhin bzangs bdag la nad 'di lta bu byung na sman ston cig ces smras pa dang / des 
smras pa/ 'phags pa 'di lta bu dang 'di lta bu mdzod dang khyod sos par 'gyur ro/ /des sman btag pa'i mchig dgos nas de khyim bdag gcig gi drung du song ste/ mchig brnyas pa dang / des de la mchig mchi gu dang bcas te byin no/ /des sman btags 
nas yang khyim bdag de nyid la slar byin pa dang / des 'phags pa khyod nyid bzhes la bzhud cig /des smras pa/ khyim bdag bcom ldan 'das kyis ma gnang ngo / /des smras pa/ 'phags pa gal te de lta na zhog la bzhud cig /skabs de bcom ldan 'das la 
dge slong dag gis gsol pa dang / bcom ldan 'das kyis bka' stsal pa/ de lta bas na gnang gis dge slong gis mchig mchi gu dang bcas te bcang bar bya'o// //sdom ni/ /nang dang phyi rol chos gos gdang / /de bzhin lcug ma thag gu dang / /mar me 
dang ni 'khor gyi khyams/ /chos gos mtshan mas gdab pa'o/ /bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong dag chos gos bab bab tu 'jog ste/ de rdul gyis dri ma can du gyur 
cing / sril gyis zos nas skabs de bcom ldan 'das la dge slong dag gis gsol pa dang bcom ldan 'das kyis bka' stsal pa/ chos gos bab bab tu gzhag par mi bya'o/ /'on kyang chos gos gdang la gzhag par bya'o/ /dge slong dag gis rtsig pa la khung 
brkos nas chos gos kyi gdang bcug pa dang / rtsig pa snyi bar gyur te/ bcom ldan 'das kyis bka' stsal pa/ rtsig pa la khung brko bar mi bya'o/ /'on kyang gang gi tshe gtsug lag khang rtsig pa de nyid kyi tshe bu ga gdod par bya zhing / der chos gos kyi gdang 

</font><hr>10-1-161b<br><font size=+1>
gzhug par bya'o/ /bcom ldan 'das kyis gtsug lag khang du chos gos kyi gdang gi bu ga thod cig ces gsungs pa dang / nyen kor du ma byas nas/ bcom ldan 'das kyis bka' stsal pa/ gtsug lag khang du ji lta ba de bzhin du nyen kor dag tu yang bya'o/ /bcom 
ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis chos gos kyi gdang la chos gos dag gzhag par bya'o/ /zhes gsungs pa dang / dge slong dgon pa pa dag gis chos gos kyi 
gdang ma rnyed nas skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ de dag gis lcug ma btags nas gzhag par bya'o/ /gzhan dag la lcug ma yang med nas/ bcom ldan 'das kyis bka' stsal pa/ 
de dag gis tha gu btags te gzhag par bya'o/ /bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong dag mtshan zhing chos mnyan pa sbyin par bya'o zhes gsungs te/ 
dge slong dag mtshan mo chos mnyan pa sbyin par brtsams so/ /ji tsam na chos nyan pa'i dus su sbrul zhig 'ongs pa de dge slong gzhon nu zhig gis mthong nas de sngangs te/ shes ldan dag rgyab rings rgyab rings zhes smras so/ /dge slong dag kyang so so'i skye bo yin 
pas sngangs te/ de dag gis chos nyan pa bar bcad do/ /skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ chos mnyan pa gcad par mi bya'i 'on kyang mar me bus te chos bstan par bya'o/ /bcom 
ldan 'das kyis mar me bus te chos bstan par bya'o zhes gsungs pa dang dge slong dag gis dbyar gyi mtshan mo mar me bus te chos bshad pa dang / srog chags dag mar mer song nas bcom ldan 'das kyis bka' stsal pa/ /mar me'i khang bu bya'o/ /dge 

</font><hr>10-1-162a<br><font size=+1>
slong dag gis mar me'i khang bu ji ltar bya ba mi shes nas/ bcom ldan 'das kyis bka' stsal pa/ smyig ma'i tshal pa gzer bur gyis la ras dkar pos g.yog par bya'o/ /ras dkar po ma rnyed nas/ bcom ldan 'das kyis bka' stsal pa/ 
lhang tsher gyis g.yog par bya'o/ /de yang ma rnyed nas bcom ldan 'das kyis bka' stsal pa/ dge slong dag bu ga brgya pa bya'o/ /dge slong dag gis bu ga brgya pa ci 'dra bar bya ba mi shes nas/ /bcom ldan 'das kyis bka' stsal pa/ rdza mkhan gyis 'jim 
pa gsher ba las gyo mo byas la bu ga brgya par bya'o/ /rdza mkhan med na bum pa'i gyo mo 'am/ gzhan yang rung bcag nas bu ga brgya pa bya ste/ de nas mar me sbar la des g.yog par bya'o/ /sangs rgyas bcom ldan 'das mnyan yod na rgyal bu rgyal byed kyi 
tshal mgon med zas sbyin gyi kun dga' ra ba na bzhugs so/ /so ka'i dus la bab pa dang / dge slong dag tsha bas gdungs te lus rmya zhing sha bri ngan pa dang / /mdog ngan pa skya bo bseng bseng por gyur to/ /sangs rgyas bcom ldan 'das rnams ni mkhyen 
bzhin du 'dri bar mdzad pa yin pas sangs rgyas bcom ldan 'das kyis tshe dang ldan pa kun dga' bo la rmas pa/ kun dga' bo ci'i phyir da ltar dge slong dag lus rmya zhing / sha bri ngan pa dang / mdog ngan pa skya bo bseng bseng por gyur/ skabs de bcom ldan 
'das la rgyas par gsol nas bcom ldan 'das kyis bka' stsal pa/ de bas na gnang gis 'khor gyi khyams bya'o/ /dge slong dag gis ji ltar bya ba mi shes nas/ bcom ldan 'das kyis bka' stsal pa/ ngos gsum par bya'o/ /de dag gis nang du 
ni rtsig pa brtsigs/ phyir ni ka ba'i phreng ba byas pa dang / bcom ldan 'das kyis bka' stsal pa/ nang du ni ka ba'i phreng ba bya'o/ /phyi rol du ni rtsig pa brtsig go/ /skar khung ma btod pas phyir tsha bar gyur nas/ bcom ldan 'das kyis bka' 

</font><hr>10-1-162b<br><font size=+1>
stsal pa/ skar khung dag gdod par bya'o/ /de dag gis dma' bar btod pas nyes dmigs de nyid du gyur te/bcom ldan 'das kyis bka' stsal pa/ bstod de gdod par bya'o/ /ha cang mthon por btod nas bcom ldan 'das kyis bka' stsal pa/ ha cang 
mthon por mi gdod kyi/ 'on kyang stan dang thad kar gdod par bya'o/ /bye'u dang phug ron dag 'jug nas/ bcom ldan 'das kyis bka' stsal pa/ skar khung dra ba can du bya'o/ /rlung dang char pa dag gis gnod par gyur nas/ /bcom 
ldan 'das kyis bka' stsal pa/ sgo 'phar gzhug par bya'o/ /dge slong dag gis zan za ba na sgo bcad pas mun pa gnag par gyur nas/ bcom ldan 'das kyis bka' stsal pa/ zan za ba'i dus kyi tshe dbye bar bya'o/ /dge slong dag tsha ba'i dus na klog pa dang / 
kha ton byed pa dang / rnam par nges pa'i gtam la 'khod pa'am/ chos gos kyi las byed pa'am/ las kyis shin tu dub pa na der rngul gzan dang / sham thabs gnyis gyon la 'dug par bya'o/ /sangs rgyas bcom ldan 'das mnyan yod na rgyal bu 
rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dga' bo rab tu phyung bsnyen par rdzogs par mdzad nas ri spos kyi ngad ldang dang / sum bcu rtsa gsum pa'i lha dang sems can dmyal ba dag tu khrid de 
slar mnyan yod du khrid pa dang / de glo bur pa yin pas dge slong thams cad kyis ngo ma shes te/ de'i lus gser gyi kha dog lta bu mtshan gyis mngon par gsal ba'i lus de mthong nas bcom ldan 'das gshegs so snyam nas dge slong gnas brtan gnas 
brtan dag kyang ldang bar byed do/ /gang gi tshe kun shes par gyur pa de'i tshe 'gyod pa skyes nas skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ dge slong dag 'di ni ston pa'o/ /'di ni gzhan no zhes 

</font><hr>10-1-163a<br><font size=+1>
bde blag tu shes par bya ba'i phyir dga' bo dang gzhan yang rung gang de lta bu'i chos gos la mtshan mas gdab par bya'o// //sdom ni/ dge slong rnams ni bskrad pa dang / /so shing rnam pa gsum dag dang / /gzhon nu bskrad par bya ba dang / /kun 
du bskrad par mi bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe chu bo snyan ldan gyi 'gram gyi dge slong dag gis dang po bum pa dang / pho long gi sbyor bas 'bad 
pa dang / bsgrim pa dang / brtsal bas nyon mongs pa thams cad spangs te dgra bcom pa nyid mngon sum du byas pa de'i tshe de dag gi spyod lam dang / spyod pa dag la sgrub pa des skye bo mang po rnams mngon par dad do/ /de nas bcom ldan 'das kyis dge slong 
rnams la bka' stsal pa/ dge slong dag gang dag gi grong gi zhing na chu bo snyan ldan gyi 'gram gyi dge slong rnams gnas pa'i mi de dag gi rnyed pa ni legs par rnyed do/ /bcom ldan 'das kyi bsnyen bkur ba tshe dang ldan pa kun dga' bo bcom ldan 'das kyi drung na spyod 
cing gnas pa des bcom ldan 'das kyis dgongs pa rtags sam/ gsung ba las shes nas des de dag la tshe dang ldan pa dag bcom ldan 'das ni khyed kyi bsngags pa brjod cing gzigs par yang bzhed kyis khyed 'ong ba'i rigs so zhes spring ngo / /de dag gis 
thos nas phan tshun glengs pa/ tshe dang ldan pa dag bcom ldan 'das ni bdag cag gi bsngags pa brjod cing gzigs par yang bzhed ces zer na de la ji ltar bsgrub par bya/ de na kha cig gis smras pa/ 'di la ci zhig bsgrub tu yod 'dong mod/ dgra bcom pa 
rnams ni ma bsams par ye shes mthong ba mi 'jug pas gzhan dag cig gis smras pa legs te/ 'on kyang skye bo'i tshogs mang po dag la sbran nas 'dong ngo / /de nas de dag gis dge slong rnams la smras pa/ tshe dang ldan pa dag shes par gyis shig /bcom ldan 

</font><hr>10-1-163b<br><font size=+1>
'das bdag cag gi yon tan brjod cing gzigs par bzhed de/ khyed la bltas nas 'dong ba yin no/ /de dag gis smras pa/ tshe dang ldan pa dag de lta na bdag cag kyang 'gro'o/ /de ltar gyis shig /de rnams de dag dang lhan cig chas te rim gyis mnyan 
yod du phyin pa dang / de nas kun dga'i ra bar dge slong glo bur ba dag dang / gzhi ba rnams phan tshun yang dag par dga' bar byed pa'i sgra mthon po/ sgra chen po dang / skye bo'i tshogs phal po che'i sgra skad byung bar gyur to/ /bcom ldan 'das kyis kun dga'i 
ra bar sgra mthon po/ sgra chen po dang / skye bo'i tshogs phal po che'i sgra skad gsan te/ sangs rgyas bcom ldan 'das rnams ni mkhyen bzhin du 'dri bar mdzad pa yin pas sangs rgyas bcom ldan 'das kyis tshe dang ldan pa kun dga' bo la rmas pa/ kun dga'i 
ra bar sgra mthon po/ sgra chen po dang / skye bo'i tshogs phal po che'i sgra skad grag pa 'o ni ci zhig /des gsol pa/ btsun pa de ni chu bo snyan ldan gyi 'gram gyi dge slong rnams kyis skye bo mang po sbran nas dge slong rab tu mang po dang lhan cig 'dir mchis te/ dge 
slong gzhi ba dang / glo bur ba rnams phan tshun yang dag par dga' bar bgyid pa'i sgra mthon po/ sgra chen po dang / skye bo'i tshogs phal po che'i sgra skad lags so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo 
song la chu bo snyan ldan gyi 'gram gyi dge slong rnams la dge slong dag khyed 'di na ma gnas par deng shig ces skrod cig /btsun pa de ltar 'tshal lo/ /zhes tshe dang ldan pa kun dga' bos bcom ldan 'das kyi ltar mnyan nas snyan ldan gyi 'gram gyi dge slong rnams 
la 'di skad ces smras so/ /tshe dang ldan pa dag shes par gyis shig /bcom ldan 'das kyis khyed 'di na ma gnas par deng shig ces bskrad do/ /de dag bdag cag ni bcom ldan 'das kyis bskrad do snyam du rig nas lhung bzed dang chos gos blangs te ljongs rgyu 

</font><hr>10-1-164a<br><font size=+1>
zhing dong ngo / /lan gnyis lan gsum du yang bcom ldan 'das kyis dge slong rnams la bka' stsal pa/ dge slong dag gang dag gi grong gi zhing na chu bo snyan ldan gyi 'gram gyi dge slong rnams gnas pa'i mi de dag gi rnyed pa ni rnyed pa legs par rnyed do 
zhes bya ba nas/ de dag bdag cag ni bcom ldan 'das kyis bskrad do snyam nas lhung bzed dang chos gos blangs te ljongs rgyu zhing 'dong ngo zhes bya ba'i bar snga ma bzhin no/ /yang bcom ldan 'das kyis dge slong rnams la bka' stsal pa/ dge slong dag gang dag 
gi grong gi zhing na chu bo snyan ldan gyi 'gram gyi dge slong rnams gnas pa'i mi de dag gi rnyed pa ni rnyed pa legs par rnyed do zhes bya ba nas/ 'ong ba'i rigs so zhes bya ba'i bar snga ma bzhin no/ /de dag phan tshun gleng ba tshe dang ldan pa dag ci'i phyir bcom ldan 'das bdag cag 
gi bsngags pa brjod cing gzigs par yang bzhed la/ 'on kyang song dgun bcom ldan 'das kyis bskrad/ gdon ma zos par bdag cag gis skye bo mang po la sbran pas bskrad kyis/ ma la da ni bdag cag gis mi sbran pa kho nar 'dong ngo zhes de dag gis ma 
sbran pa kho nar nyi tshe bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal te phyogs gcig tu 'khod do/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la 
gtsug lag khang gcig tu de bzhin gshegs pa dang / chu bo snyan ldan gyi 'gram gyi dge slong dag gi khri shoms shig /btsun pa de ltar 'tshal lo zhes tshe dang ldan pa kun dga' bos bcom ldan 'das kyi ltar mnyan nas gtsug lag khang gcig tu de bzhin gshegs 
pa dang / chu bo snyan ldan gyi 'gram gyi dge slong dag gi khri bshams nas bcom ldan 'das gang na ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas tshe dang ldan pa kun dga' 

</font><hr>10-1-164b<br><font size=+1>
bos bcom ldan 'das la 'di skad ces gsol to/ /btsun pa bcom ldan 'das dang / chu bo snyan ldan gyi 'gram gyi dge slong rnams kyi khri gtsug lag khang gcig tu bshams lags na/ bcom ldan 'das da de'i dus la bab par dgongs su gsol/ de nas bcom ldan 
'das chu bo snyan ldan gyi 'gram gyi dge slong rnams kyi gtsug lag khang gang na ba der gshegs so/ /gshegs nas gtsug lag khang gi phyi rol tu zhabs bkrus te gtsug lag khang du gshegs nas khri bshams pa nyid la skyil mo krung bcas nas sku drang por bsrang ste 
dgongs pa mngon du bzhag nas bzhugs so/ /chu bo snyan ldan gyi 'gram gyi dge slong rnams kyang rang rang gi gtsug lag khang gang na ba der dong ste phyin pa dang / gtsug lag khang gi phyi rol du rkang pa bkrus nas gtsug lag khang du dong ste ji ltar sten bting ba la 
'khod do/ /de nas bcom ldan 'das bsam gtan dang po la snyoms par zhugs pa dang / chu bo snyan ldan gyi 'gram gyi dge slong rnams kyang bsam gtan dang po la snyoms par zhugs so/ /bcom ldan 'das bsam gtan dang po las bzhengs nas 
gnyis pa dang / gsum pa dang / bzhi pa dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched la snyoms par zhugs pa dang / chu 
bo snyan ldan gyi 'gram gyi dge slong rnams kyang bsam gtan dang po las langs nas gnyis pa dang / gsum pa dang / bzhi pa dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes 
med 'du shes med min skye mched la snyoms par zhugs so/ /de nas bcom ldan 'das 'du shes med 'du shes med min skye mched las bzhengs nas ci yang med pa'i skye mched la snyoms par zhugs pa dang / chu bo snyan ldan gyi 'gram gyi dge slong rnams kyang 

</font><hr>10-1-165a<br><font size=+1>
'du shes med 'du shes med min skye mched las langs nas ci yang med pa'i skye mched la snyoms par zhugs so/ /bcom ldan 'das ci yang med pa'i skye mched las bzhengs nas rnam shes mtha' yas skye mched dang / nam mkha' mtha' yas skye mched 
dang / bsam gtan bzhi pa dang / gsum pa dang / gnyis pa dang / dang po la snyoms par zhugs pa dang / chu bo snyan ldan gyi 'gram gyi dge slong rnams kyang ci yang med pa'i skye mched las langs nas rnam shes mtha' yas skye mched dang / nam mkha' mtha' 
yas skye mched la snyoms par zhugs nas bsam gtan bzhi pa dang / gsum pa dang / gnyis pa dang / bsam gtan dang po la snyoms par zhugs so/ /de nas bcom ldan 'das 'di snyam du dgongs so/ /nga bsam gtan dang po la snyoms par zhugs na 
chu bo snyan ldan gyi 'gram gyi dge slong dag kyang bsam gtan dang po la snyoms par zhugs/ nga bsam gtan dang po las langs nas 'du shes med 'du shes med min skye mched kyi bar la snyoms par zhugs na/ chu bo snyan ldan gyi 'gram gyi dge slong rnams kyang bsam 
gtan dang po las langs nas 'du shes med 'du shes med min gyi skye mched kyi bar la snyoms par zhugs/ nga 'du shes med 'du shes med min skye mched las langs nas ci yang med pa'i skye mched la snyoms par zhugs na/ chu bo snyan ldan gyi 'gram gyi dge slong rnams kyang 
'du shes med 'du shes med min skye mched las langs nas ci yang med pa'i skye mched la snyoms par zhugs/ nga ci yang med pa'i skye mched las langs nas bsam gtan dang po'i bar la snyoms par zhugs na chu bo snyan ldan gyi 'gram gyi dge slong rnams kyang ci yang med pa'i skye mched 
las langs te bsam gtan dang po'i bar la snyoms par zhugs kyis ma la da ni nga rnam pa de dag dang / rtags de dag dang / rgyu mtshan de dag gis gang la nyan thos dang / rang sangs rgyas thams cad rdugs pa'i bsam gtan dang po rdzogs par byas te gnas par 

</font><hr>10-1-165b<br><font size=+1>
bya'o snyam du dgongs so/ /de nas bcom ldan 'das rnam pa de dag dang / rtags de dag dang / rgyu mtshan de dag gis gang la nyan thos dang / rang sangs rgyas thams cad rdugs pa'i bsam gtan dang po rdzogs par byas te bzhugs so/ /de nas chu bo snyan 
ldan gyi 'gram gyi dge slong rnams 'di snyam du sems te/ tshe dang ldan pa dag shes par gyis shig /da ltar bcom ldan 'das ni nyid kyi gnas pas gnas kyis ma la bdag cag kyang rang gi gnas pas gnas par bya'o zhes de dag kyang rang gi gnas pas gnas par 
brtsams so/ /de nas bcom ldan 'das nang par sngar ting nge 'dzin de las bzhengs te/ dge slong gi dge 'dun gyi gung la gdan bshams pa nyid la bzhugs so/ /de nas tshe dang ldan pa kun dga' bo stan las langs te bla gos phrag pa gcig tu gzar te/ bcom 
ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /btsun pa bcom ldan 'das yang dang yang du chu bo snyan ldan gyi 'gram gyi dge slong dag gi bsngags pa brjod cing gzigs par yang bzhed la/ 'on 
kyang de dag la bcom ldan 'das kyis yang dag par dga' bar ni ma mdzad do/ /bcom ldan 'das kyis bka' stsal pa/ kun dga' bo de bzhin gshegs pas chu bo snyan ldan gyi 'gram gyi dge slong rnams la yang 'phags pa'i yang dag par dga' bas yang dag 
par dga' bar byas so/ /btsun pa ji tsam gyis na 'phags pa'i chos 'dul ba la 'phags pa'i so so yang dag par dga' ba lags/ ji ltar na bcom ldan 'das kyis 'phags pa'i yang dag pa'i dga' bas yang dag par dga' bar mdzad lags/ kun dga' 
bo 'di nang chu bo snyan ldan gyi 'gram gyi dge slong dag gi gtsug lag khang gang na ba der song ste phyin pa dang / gtsug lag khang gi phyi rol du zhabs bkrus te gtsug lag khang du gshegs nas stan bshams pa nyid la skyil mo krung bcas nas lus drang por bsrang 

</font><hr>10-1-166a<br><font size=+1>
ste dran pa mngon du bzhag nas 'dug go/ /chu bo snyan ldan gyi 'gram gyi dge slong rnams kyang gtsug lag khang gi phyi rol du rkang pa bkrus nas gtsug lag khang du dong ste rang gi stan bshams pa la skyil mo krung bcas te lus drang por bsrang nas 
dran pa mngon du bzhag ste 'khod do/ /nga bsam gtan dang po la snyoms par zhugs na/ chu bo snyan ldan gyi 'gram gyi dge slong rnams kyang bsam gtan dang po la snyoms par zhugs so/ /nga bsam gtan dang po las langs te 'du shes med 'du shes 
med min skye mched kyi bar la snyoms par zhugs na/ chu bo snyan ldan gyi 'gram gyi dge slong rnams kyang bsam gtan dang po las langs nas 'du shes 'du shes med min skye mched kyi bar la snyoms par zhugs so/ /nga 'du shes med 'du shes med 
min skye mched las langs nas ci yang med pa'i skye mched la snyoms par zhugs na/ chu bo snyan ldan gyi 'gram gyi dge slong rnams kyang 'du shes med 'du shes med min skye mched las langs nas ci yang med pa'i skye mched la snyoms par zhugs so/ /nga ci yang med pa'i skye mched las langs nas snga ma bzhin du bsam gtan dang po'i bar la snyoms par zhugs pa dang / chu bo snyan ldan gyi 'gram gyi dge slong rnams kyang ci yang med pa'i skye mched las langs nas snga ma bzhin du bsam gtan dang po'i bar 
la snyoms par zhugs so/ /de la nga 'di snyam du sems te/ nga bsam gtan dang po la snyoms par zhugs na/ chu bo snyan ldan gyi 'gram gyi dge slong rnams kyang bsam gtan dang po la snyoms par zhugs/ nga bsam gtan dang po las langs 
te snga ma bzhin du 'du shes med 'du shes med min skye mched kyi bar la snyoms par zhugs na/ chu bo snyan ldan gyi 'gram gyi dge slong rnams kyang bsam gtan dang po las langs nas snga ma bzhin du 'du shes med 'du shes med min skye mched kyi bar la 

</font><hr>10-1-166b<br><font size=+1>
snyoms par zhugs/ nga 'du shes med 'du shes min skye mched las langs nas ci yang med pa'i skye mched la snyoms par zhugs na/ chu bo snyan ldan gyi 'gram gyi dge slong rnams kyang 'du shes med 'du shes med min skye mched las langs nas ci yang 
med pa'i skye mched la snyoms par zhugs/ nga ci yang med pa'i skye mched las langs nas snga ma bzhin du bsam gtan dang po'i bar la snyoms par zhugs na/ chu bo snyan ldan gyi 'gram gyi dge slong dag kyang ci yang med pa'i skye mched las langs 
nas snga ma bzhin du bsam gtan dang po'i bar la snyoms par zhugs kyis/ ma la da ni nga rnam pa de dag dang / rtags de dag dang / rgyu mtshan de dag gis gang la nyan thos dang / rang sangs rgyas thams cad rdugs pa bsam gtan dang po 
rdzogs par byas te gnas par bya'o snyam nas nga rnam pa de dag dang / rtags de dag dang / rgyu mtshan de dag gis gang la nyan thos dang / rang sangs rgyas thams cad rdugs pa'i bsam gtan dang po rdzogs par byas te gnas so/ /de nas chu bo snyan 
ldan gyi 'gram gyi dge slong de dag 'di snyam du sems te/ tshe dang ldan pa dag bcom ldan 'das ni da ltar nyid kyi gnas pas gnas kyis/ ma la bdag cag kyang rang gi gnas pas gnas par bya'o snyam nas de dag kyang rang gi gnas pas gnas par 
brtsams te/ kun dga' bo de tsam gyis na 'phags pa'i chos 'dul ba la 'phags pa'i yang dag par dga' ba yin zhing / de ltar na 'phags pa'i yang dag par dga' bas yang dag par dga' bar byas pa yin no/ /btsun pa 'phags pa'i 
chos 'dul ba la 'phags pa'i yang dag par dga' ba ni bzang ngo / /btsun pa 'phags pa'i chos 'dul ba la 'phags pa'i yang dag par dga' ba ni shin tu bzang ste/ bcom ldan 'das kyis chu bo snyan ldan gyi 'gram gyi dge slong dag 

</font><hr>10-1-167a<br><font size=+1>
kyang 'phags pa'i yang dag par dga' bas yang dag par dga' bar mdzad do/ /bcom ldan 'das kyis chu bo snyan ldan gyi 'gram gyi dge slong rnams 'phags pa'i yang dag pa'i dga' bas yang dag par dga' bar mdzad do/ /zhes kun du sgra grags pa nyen kor na 'khod 
pa'i bram ze dang khyim bdag rnams kyis thos nas/ de rnams blta ba'i phyir 'ong ba dang / de dag nye bar 'ongs pa de rnams la chos ston par byed do/ /de dag la chos ston pa na kha nas dri mi zhim pa byung nas de dag phan tshun du bltas nas dris pa/ 'phags pa dri mi zhim pa 'di su las 
byung / de dag gis smras pa/ tshe dang ldan pa dag kho bo cag gi kha nas byung ngo / /de dag gis smras pa/ 'phags pa dag ci khyed so shing mi 'dor ram/ tshe dang ldan pa dag mi dor ro/ /'phags pa ci'i slad du tshe dang ldan pa dag bcom ldan 'das kyis ma gnang ngo / /'phags 
pa ci khyed so shing ma zos pas yongs su dag par 'gyur ram/ de dag cang mi zer bar 'khod do/ /skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/dge slong dag bram ze dang khyim bdag dag gis legs par smras so/ /de 
lta bas na gnang gis dge slong gis so shing dor bar bya'o/ /de ci'i phyir zhe na/ dge slong dag so shing la yon tan lnga ste/ lnga gang zhe na/ mkhris pa 'dren par byed/ bad kan 'dren par byed/ rlung 'dren par byed/ kha'i dri mi zhim pa sel bar byed/ yi ga 'byed par byed cing dge 
slong dag so shing ni mig la phan pa yang yin no/ /bcom ldan 'das kyis so shing dor bar bya'o zhes gsungs pa dang / ji tsam na dge slong gzhon nu zhig gis mi dben par 'dug ste/ so shing thung ngu zhig dor bar brtsams pa na bcom ldan 'das kyang phyogs der gshegs so/ /de nas 
dge slong des bcom ldan 'das mthong ba dang spa gong bar gyur nas de 'di snyam du sems te/ bdag gis bcom ldan 'das kyi spyan sngar kha gdangs te so shing bza' ba gang yin pa ni bdag gi cha ma yin no snyam nas des mid pa dang mgrin par thogs so/ /sangs rgyas bcom ldan 'das 

</font><hr>10-1-167b<br><font size=+1>
rnams ni bsnyel ba mi mnga' ba'i chos can yin te/ de nas bcom ldan 'das kyis phyag g.yon pa 'khor lo dang / bkra shis dang / g.yung drung can bsod nams brgya phrag du ma las skyes pa 'jigs pa rnams la dbugs 'byin par mdzad pas mgo nas mnan te/ phyag g.yas 
pa'i mdzub mo bkug pas khrag dang bcas te kha nas phyung ste/ dge slong de la bka' stsal pa/ dge slong 'di ci yin des skabs de bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni dge slong dag mi dben par 
so shing za ba las gyur to snyam du mkhyen nas dge slong dag la bka' stsal pa/ dge slong dag dge slong gzhon nu [(]cha[,]che [)]ge mo zhig gis mi dben par 'dug ste so shing thung ngu zhig zos pa dang / de la nyes dmigs 'di lta bu byung ngo / /de lta bas na dge slong gis mi dben par 'dug 
ste so shing bza' bar mi bya/ thung ngur yang mi bya'o/ /dge slong mi dben par 'dug ste so shing za 'am/ thung ngur byed na 'gal tshabs can du 'gyur ro/ /bcom ldan 'das kyis dge slong gis mi dben par 'dug ste so shing bza' bar mi bya'o zhes gsungs pa dang / dge slong 
gsar bu rnams gnas brtan dag gi nang du 'dug nas so shing za bar brtsams pa dang / bcom ldan 'das kyis bka' stsal pa/ dge slong gsar bu dag gnas brtan rnams kyi nang na 'dug cing so shing bza' bar mi bya/ mi dben par yang mi bya'i 'on kyang gsum ni dben par bya 
ste/ bshang ba dang / gci ba dang / so shing bza' ba'o/ /bcom ldan 'das kyis so shing thung ngu bza' bar mi bya'o zhes gsungs pa dang / drug sde rnams lcug ma ring po ring po dag za bar rtsom pa dge slong dag gis mthong nas smod de/ tshe dang ldan pa dag ci lhag chad du byed dam/ 'di la 
lhag chad ci zhig yod/ khyod kyis dge slong so shing thung ngu zos te de'u shi ba las bcom ldan 'das kyis bskyabs pa ma mthong ngam/ ci khyed cag nged kyi lhung bzed dang chos gos 'dod dam/ 'di la phan yon gzhan dag kyang yod de rdza ma'i 'og tu bud pa dang / dge sbyong brdab pa'o/ /de dag 

</font><hr>10-1-168a<br><font size=+1>
cang mi zer bar 'khod nas/ skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ dge slong gis so shing ha cang ring po bza' bar mi bya ste/ dge slong so shing ha cang ring po za bar byed na 'gal tshabs can du 'gyur 
ro// //'dul ba phran tshegs kyi gzhi/bam po bcwa lnga pa/ bcom ldan 'das kyis dge slong gis so shing ring po bza' bar mi bya'o zhes gsungs pa dang / dge slong dag gis tshad ji tsam bza' bar bya ba mi shes nas/ bcom ldan 'das kyis bka' stsal pa/ so shing rnam pa gsum 
ste/ ring po dang 'bring dang thung ngu'o/ /ring po ni sor bcu gnyis so/ /thung ngu ni sor brgyad do/ /de'i bar ni 'bring po'o/ /bcom ldan 'das kyis phyogs dben pa dag tu so shing bza' bar bya'o zhes gsungs pa dang / nad pa dang rgan po 'khogs pa dag gis gnas dben par 'gro mi nus 
nas/ bcom ldan 'das kyis bka' stsal pa/ de dag gis chol zangs gzhag par bya'o/ /dge slong dag gis khang bzangs su de bzhin gyo mo dag nye bar bzhag pa dang / de la rkang pas reg pas 'gyel te sa gzhi ma rung bar gyur nas/ bcom ldan 'das kyis bka' stsal pa/ glang po 
che'i rkang pa lta bu dag nye bar gzhag par bya'o/ /gzhan dag gis chol zangs ma rnyed nas/ bcom ldan 'das kyis bka' stsal pa/ de dag gis chu khung gi sgor bza' bar bya'o/ /dge slong dag chu khung gi sgo nas ha cang thag ring ba na za bar byed nas/ bcom ldan 'das kyis bka' stsal pa/ chu 
khung gi sgo nas khru gang nyen kor du 'dug ste bza' bar bya'o/ /bcom ldan 'das kyis so shing bza' bar bya'o zhes gsungs pa dang / dge slong dag gis so shing za zhing lce ma bzhar bas nyes dmigs de nyid du gyur pa dang / bcom ldan 'das kyis bka' stsal pa/ so shing zos 
nas lce bzhar bar bya'o/ /bcom ldan 'das kyis so shing zos nas lce bzhar bar bya'o zhes gsungs pa dang / dge slong rnams ci zhig gis lce bzhar bar bya ba mi shes nas/ bcom ldan 'das kyis bka' stsal pa/ de lta bas na gnang gis lce bzhar bcang bar bya'o/ /bcom 

</font><hr>10-1-168b<br><font size=+1>
ldan 'das kyis lce bzhar bcang bar bya'o zhes gsungs pa dang / drug sde rnams kyis gser dang / dngul dang / bai DUr+ya dang / shel las byas pa'i lce bzhar bcangs pa bram ze dang khyim bdag dag gis mthong nas smras pa/ 'phags pa 'di ci zhig /bzhin bzangs bcom ldan 'das 
kyis lce bzhar gnang ngo / /'phags pa ci dge sbyong khyed 'dod pa'i yon tan gyis gzir tam/ de dag cang mi zer bar 'khod do/ /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ lce bzhar bzhi bcang bar bya ste/ ra gan dang 
zangs ma dang lcags dang khar ba'i 'o/ /dge slong dag gis rnon por byas nas/ bcom ldan 'das kyis bka' stsal pa/ rnon por mi bya'o/ /bcom ldan 'das kyis lce bzhar bzhi bcang bar bya'o zhes gsungs pa dang / dge slong kha cig gis ma 'byor nas/ bcom ldan 'das kyis 
bka' stsal pa/ gang dag gis ma 'byor pa de dag gis so shing de nyide nyid bkas te/ lce bzhar bar bya'o/ /dge slong dag gis so shing bkas nas ma sbyangs par lce bzhar ba dang snad nas/ bcom ldan 'das kyis bka' stsal pa/ so shing bkas te phan tshun drud nas lce bzhar bar bya'o/ /
dge slong dag gis so shing zos nas sgra ma phyung bar de bzhin bor ba dang / gtsug lag khang de na gnas pa dag gi mgor phog ste/ de dag phya nas bcom ldan 'das kyis bka' stsal pa/ de bzhin mi dor gyi 'on kyang sgra dbyung bar bya'o/ /dge slong dag so shing 'dor ba na sgra 'byin gyi/ 
gzhan yang gang cung zad bshang ba dang / gci ba dang mchil ma dang snabs dang / skyugs pa dang 'khru ba dag de bzhin bor ba dang / nyes dmigs de nyid du gyur nas/ bcom ldan 'das kyis bka' stsal pa/ gang cung zad bshang ba dang / gci ba la sogs pa thams cad 
la sgra dbyung zhing dor bar bya'o/ /bcom ldan 'das kyis so shing bza' bar bya'o zhes gsungs pa dang / dge slong dag lam du zhugs pa na/ lam du zhugs pa de rnams la phyogs kha cig na shing dang lo ma dang yal ga med de so shing ma rnyed nas de dag zan gcad par byed pa dang /

</font><hr>10-1-169a<br><font size=+1>
bcom ldan 'das kyis bka' stsal pa/ zan gcad par mi bya'i/ 'on kyang lci ba'i phye ma 'am/ lci bas kha rung bar byas la lan gsum bshal nas bza' bar bya ste 'di la 'gyod par mi bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon 
med zas sbyin gyi kun dga' ra ba na bzhugs so/ /tshe dang ldan pa shA ri'i bu la dge tshul tsun da dang / sgra can zin dang gnyis yod do/ /de nas dus gzhan zhig na tshe dang ldan pa shA ri'i bu ljongs rgyur chas pa na dge sbyong gi mched tsun da dang / sgra can zin la smras pa/ /dge tshul dag nga ni 
ljongs rgyu zhing 'gro na/ khyed 'dug gam 'on te 'gro/ tshe dang ldan pa tsun ngas smras pa/ mkhan po bdag ni khyod kho na dang lhan cig mchi'o/ /sgra can zin gyis smras pa/ mkhan po bdag ni 'di nyid na mchis so/ /tshe dang ldan pa shA ri'i bus smras pa/ sgra can zin gal te de lta na su la gtad/ 
des smras pa/ mkhan po btsun pa 'char ka la gtad du gsol/ de'i drung na mchis so/ /des smras pa/ sgra can zin de ni gnas ngan len kun du spyod pa yin pas khyod la gnod pa byed par mi 'gyur grang / mkhan po de ni bdag gi pha ma dang 'dra bar gnas pa lags pas des gnod pa ci zhig bgyid 
par 'gyur/ des de la gtad nas ljongs rgyur chas pa dang / de dang sgra can zin yang gtsug lag khang nas byung ngo / /des smras pa/ sgra can zin 'di dang 'di gyis shig /des smras pa/ mi byed do/ /'char kas khros te smras pa/ blun po 'di tsam yang mi bya na gzhan ci zhig bya des smras pa/ ci khyod 
nga'i slob dpon yin nam/ mkhan po yin nam/ mi byed do/ /'char ka je khros nas des de'i mgul nas bzung ste gtsug lag khang nas bskrad pa dang / de rgyal byed kyi tshal gyi sgo na ngu zhing 'dug go/ /skye dgu'i bdag mo chen mo gau ta mI 'khor lnga brgya dang / bcom ldan 'das kyi zhabs la phyag 'tshal 
du rgyal byed kyi tshal du 'ongs pa dang / des de ngu ba mthong nas smras pa/ 'phags pa sgra can zin ci ste bshums/ gau ta mI bdag bskrad do/ /su zhig gis/ tshe dang ldan pa 'char kas so/ /des bsams pa bdag gis sangs rgyas kyi sras la rgyab bstan te 'gro ba gang yin pa ni bdag gi cha ma 

</font><hr>10-1-169b<br><font size=+1>
yin no snyam nas de dag gis de bskor te 'khod do/ /ji tsam na ko sa la'i rgyal po gsal rgyal bcom ldan 'das kyi zhabs la phyag 'tshal du 'ongs pa dang / des kyang de la dri bar brtsams pa/ 'phags pa sgra can zin ci ste bshums/ des ji ltar gyur pa bsnyad pa dang / des kyang bsams 
pa bdag gis sangs rgyas kyi sras dang / sangs rgyas kyi sru la rgyab bstan te 'gro ba gang yin pa ni bdag gi cha ma yin no snyam nas des kyang de bskor te 'dug go/ /tha gi tsam na khyim bdag mgon med zas sbyin bcom ldan 'das kyi zhabs la phyag 'tshal du 'ongs te des kyang de la dri bar brtsams 
pa/ tshe dang ldan pa sgra can zin ci ste bshums/ des ji ltar gyur pa bsnyad pa dang / des bsams pa bdag gis sangs rgyas kyi sras dang / sangs rgyas kyi sru dang / rgyal po la rgyab bstan te 'gro ba gang yin pa ni bdag gi cha ma yin no snyam nas des kyang de bskor te 'dug go/ /
bar skabs der kun dga'i ra ba'i nang du sgra mthon po sgra chen po dang / skye bo'i tshogs phal po che'i sgra skad byung bar gyur to/ /sangs rgyas bcom ldan 'das rnams ni mkhyen bzhin du rmed par mdzad pa yin pas sangs rgyas bcom ldan 'das kyis tshe dang ldan pa kun dga' bo la rmas 
pa/ kun dga' bo kun dga'i ra ba na sgra mthon po sgra chen po dang / skye bo'i tshogs phal po che'i sgra skad grag pa 'o ni ci zhig /des gnas skabs de bcom ldan 'das la rgyas par gsol pa dang / bcom ldan 'das kyis bka' stsal pa/ kun dga' bo dge slong dag dge slong dge 'dun 
gyi gtsug lag khang nas skrod par byed dam/ bcom ldan 'das skrod par byed do/ /bcom ldan 'das kyis bka' stsal pa/ kun dga' bo dge slong ni rang gi gnas khang la dbang gi dge 'dun gyi gtsug lag khang la ni ma yin no/ /de lta bas na dge slong gis dge slong dge 'dun gyi gtsug lag khang 
nas bskrad par mi bya'o/ /skrod na 'gal tshabs can du 'gyur ro/ /bcom ldan 'das kyis dge slong gis dge slong dge 'dun gyi gtsug lag khang nas bskrad par mi bya'o zhes bka' stsal pa dang / dge slong rnams lhan cig gnas pa dang / nye gnas dag la cung zad kyang ma smras pas de dag 

</font><hr>10-1-170a<br><font size=+1>
dbang du ma gyur cing ma dul nas bcom ldan 'das kyis bka' stsal pa/ thul gzhug par bya'o/ /bcom ldan 'das kyis thul gzhug par bya'o zhes bka' stsal na/ de dag gis ji ltar thul gzhug par bya ba mi shes nas/ bcom ldan 'das kyis bka' stsal pa/ thul 
gzhug pa ni lnga ste/ mi smra ba dang mi gdams pa dang longs mi spyod pa dang / dge ba'i phyogs rgyun gcad pa dang gnas dgag pa'o/ /de la mi smra ba ni smra bar mi bya ba dang / kun du smra bar mi bya'o/ /mi gdams pa ni gdams par mi bya ba dang rjes su bstan par mi bya'o/ /longs mi spyad pa 
ni de dag las rim gro bdag gir mi bya ba dang / zang zing gi longs spyad mi bya ba dang chos kyi longs spyod kyang mi bya ba'o/ /dge ba'i phyogs rgyun gcad pa ni de dag gis dge ba'i phyogs gang brtsams pa de rgyun gcad par bya ba'o/ /gnas dgag pa ni de dag gnas 'char mi 
gzhug pa'o/ /bcom ldan 'das kyis thul gzhug par bya'o zhes bka' stsal pa dang / dge slong dag khyad par med par thul 'jug par byed nas/ bcom ldan 'das kyis bka' stsal pa/ chos lnga dang ldan pa'i lhan cig gnas pa'am/ nye gnas thul gzhug par bya ste/ lnga 
gang zhe na/ ma dad pa dang / le lo can dang bka' blo mi bde ba dang ma gus pa dang sdig pa'i grogs po can no/ /dge slong dag gang zhig chos lnga car dang ldan pa de kho na thul 'jug par byed kyi/ gang zhig de dag las gang yang rung ba zhig dang ldan pa de ni thul 'jug par mi byed nas/ 
bcom ldan 'das kyis bka' stsal pa/ chos lnga po 'di dag las gang yang rung ba zhig dang ldan na de yang thul gzhug par bya'o/ /de thul bcug pa dang gzhan sdud par byed nas/ bcom ldan 'das kyis bka' stsal pa/ mkhan po dang slob dpon dag gis thul bcug pa bsdu bar mi bya ste/ 
byed na dbyen dang nye ba'i nyes pa sbom por 'gyur ro/ /bcom ldan 'das kyis lhan cig gnas pa'am/ nye gnas thul bcug pa sus kyang bsdu bar mi bya ste/ byed na dbyen dang nye ba'i nyes pa sbom por 'gyur ro zhes bka' stsal pa dang sus kyang ma bsdus pas de dag shin tu ma gus par gyur te 

</font><hr>10-1-170b<br><font size=+1>
kha cig ni yul gzhan du 'gro/ /kha cig ni bstan pa las 'da' bar byed nas/ bcom ldan 'das kyis bka' stsal pa/ gang zhig de sdums byed pa'i dge slong bsko bar bya'o/ /de dag gis mi mkhas pa bskos te/ de song nas tshe dang ldan pa khyod kyi mkhan po na re tshur spyon bzod pa 
mdzod cig ces zer ro zhes byas pa dang / de je khengs par gyur nas/ bcom ldan 'das kyis bka' stsal pa/ gang zhig rang gi blo gros kyis sdums byed pa'i mkhas pa bsko bar bya'o/ /thams cad la khyad par med par bzod pa gsol bas de dag dge ba'i chos mi 'phel 
zhing gsar bu gzhan dag kyang bstan pa las gyed par byed nas/ bcom ldan 'das kyis bka' stsal pa/ chos lnga dang ldan pa la bzod pa gsol bar bya ste/ dad pa can dang brtson 'grus brtsams pa dang / gus pa dang bka' blo bde ba dang dge ba'i bshes gnyen can no/ /
dge slong dag gang zhig chos lnga car ldan pa de la bzod pa gsol nas/ bcom ldan 'das kyis bka' stsal pa/ gang zhig de dag las gang yang rung ba zhig dang ldan pa de la bzod pa gsol bar bya'o/ /dge slong thul gzhug par mi 'os pa thul 'jug na 'gal tshabs can du 
'gyur ro/ /thul gzhug par 'os pa thul mi 'jug na 'gal tshabs can du 'gyur ro/ /bzod pa gsol bar 'os pa la bzod pa mi gsol na 'gal tshabs can du 'gyur ro/ /bzod pa gsol bar mi 'os pa la bzod pa gsol na 'gal tshabs can du 'gyur ro/ /de la chos gong ma lnga las gang yang 
rung ba zhig dang ldan pa bzod pa gsol te/ gal te sems ngad ldang bar 'gyur ba lta na bzod pa gsol bar bya'o/ /sems ngad mi ldang ba lta na bzod pa gsol bar mi bya'o/ /gang zhig chos lnga car dang ldan pa de la ni bzod pa gsol bar mi bya ba nyid de/ bzod pa gsol bar byed na 'gal tshabs can du 'gyur 
ro/ /gang zhig bzod pa mi byed pa de gal te dge tshul yin na chu tshags dang / ril ba dang stod g.yogs dang / smad g.yogs bcas pa byin te bskrad par bya'o/ /'on te bsnyen par rdzogs pa'am bsnyen par rdzogs par 'dod pa zhig yin na yo byad lnga byin te bskrad par bya'i sgren mor ni mi bya'o// //

</font><hr>10-1-171a<br><font size=+1>
sdom ni/ /khang bzangs stegs bu de bzhin du/ /lan kan dra ba zu nga dang / /phyags ma dang ni yang tog dang / /yang tog lan kan gdags pa'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra 
ba na bzhugs so/ /bcom ldan 'das kyis gnas mal rnams kyi nang na shing drung ni rung ba rnyed kyang sla ba ste/ de la gnas na dge slong legs par gsungs pa'i chos 'dul ba la rab tu byung zhing bsnyen par rdzogs pa dge slong gi dngos por 'gyur ro/ /lhag par rnyed na gnas khang ngam/ 
snga khang ngam khang pa rtseg ma'am zhes bka' stsal pa dang / dge slong rnams gnas khang dag byed nas/ bcom ldan 'das kyis bka' stsal pa/ khang bzangs bya'o/ /bcom ldan 'das kyis khang bzangs bya'o zhes bka' stsal na/ dge slong dag gis ji lta bur bya ba mi shes 
nas/ bcom ldan 'das kyis bka' stsal pa/ gzhi so phag rim pa bdun nam brgyad brtsigs te stegs bu pus mo tsam du phyin pa dang ka rten gzhag go/ /de'i steng du ka ba'i phreng ba gzugs so/ /ka ba rnams kyi steng du ka zhu'o/ /ka zhu'i steng du gdung ngo / /gdung 
gi steng du spang leb po/ /de rnams kyi steng du so phag gis g.yogs so/ /de nas so phag gi phye mas g.yogs te/ khang bzangs ni de ltar bya'o/ /bcom ldan 'das kyis khang bzangs de ltar bya'o zhes bka' stsal nas dge slong rnams kyis khang bzangs byas te lan kan ma byas nas/ 
bcom ldan 'das kyis bka' stsal pa/ lan kan bya'o/ /lan kan byas pa dang de lhung nas bcom ldan 'das kyis bka' stsal pa/ 'byor par bya zhing de lcags kyi gzer bu dag gis gdab par bya'o/ /dge slong rnams khang bzangs su zan za ba na bye'u dang phug ron dag gis 
gtses nas/ bcom ldan 'das kyis bka' stsal pa/ rgyas gcad par bya'o/ /bcom ldan 'das kyis rgyas gcad par bya'o zhes bka' stsal na/ dge slong dag gis ji lta bu bya ba mi shes nas bcom ldan 'das kyis bka' stsal pa/ rgya ni lnga ste/ sha na las byas pa 

</font><hr>10-1-171b<br><font size=+1>
dang / rtswa mun dza las byas pa dang / rtswa bal ba dza las byas pa dang / rtswa ku sha las byas pa dang / srad bu las byas pa'o/ /dge slong dag gis phyogs gang du bre ba mi shes nas/ bcom ldan 'das kyis bka' stsal pa/ grwa bzhi nas zu nga thogs pa de dag la legs par 
gdags par bya'o/ /de rnams kyis shing gi zu nga btags pa dang / nyi mas gas shing char gyi chus kyang rul nas bcom ldan 'das kyis bka' stsal pa/ lcags las byas pa gdags par bya'o/ /bya rog dang bye'u dang phug ron dag phyin cad mi 'ong nas/ bcom ldan 
'das kyis bka' stsal pa/ phyogs gcig tu bya rog gi khung gdod par bya zhing de yang zan za ba'i dus su chod la dge slong dag zan zos zin nas yang dbye bar bya'o/ /dge slong zhig zan za ba na de'i mdun na khyi zhig bdag la gdon mi za bar sbyin par 'gyur ro snyam nas/ 
re bzhin sdod pa las dge slong des de la ma byin pa dang / de yi chad de dus las 'das so/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dud 'gro'i phyir zas kyi chang bu gzhag par bya'o/ /bcom ldan 
'das kyis dud 'gro'i phyir zas kyi chang bu gzhag par bya'o zhes bka' stsal pa dang / dge slong dgon pa pa zhig 'dug pa des wa rnams la zas kyi chang bu byin te bya rog dag bskrad pa dang / de dag khros nas bya rog gi skad du rkun po'i sde dpon la dge slong 'di la gser mang du 
yod do zhes smras so/ /rkun po'i sde dpon de bya rog gi skad la mkhas pa zhig pas des dge slong de la brdeg par brtsams pa dang / des smras pa/ kye skyes bu nga la ci ste brdeg /des smras pa/ 'phags pa khyod la gser yod pa byin cig /des smras pa/ kye skyes bu 
nga la gser gyi 'byor pa ga la yod/ dmigs med par ma rdeg shig /des smras pa/ khyod la gser yod kyis byin cig /gal te mi ster na khyod ngas gsad do/ /des smras pa/ kye skyes bu khyod ni gcig gis bslus na khyod la su zer ba smros shig rkun po'i sde 

</font><hr>10-1-172a<br><font size=+1>
dpon gyis smras pa/ bya rog dag zer ro/ /des smras pa/ kye skyes bu de dag ni nga la khros pa yin no/ /ci'i phyir/ des ji ltar gyur pa bsnyad pa dang / rkun po'i sde dpon gyis smras pa/ 'phags pa gal te khyod kyis bdag la de skad du drang por ma 
smras par gyur na bdag khyod bsad par gyur to/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag nyes dmigs 'di dag bsdos te bzhag pa las gyur gyis de lta bas na sems can thams cad 
kyi phyir spyi la ci bde ba'i zas kyi chang bu gzhag par bya'o/ /dbyar khang bzangs chus gang nas bcom ldan 'das kyis bka' stsal pa/ skyabs bya'o/ /bcom ldan 'das kyis skyabs bya'o zhes bka' stsal na/ dge slong dag skyabs ji lta bu bya ba mi shes nas/ bcom ldan 'das 
kyis bka' stsal pa/ ka ba'i bar rnams su spang leb kyis gcad par bya'o/ /thams cad du bcad pas mun nag par gyur nas/ bcom ldan 'das kyis bka' stsal pa/ thams cad du gcad par mi bya'i 'on kyang snang ba'i sa gzhag par bya'o/ /shing dag ma rnyed nas 
bcom ldan 'das kyis bka' stsal pa/ re lde 'am seg gis gcad par bya'o/ /de dag gis bcad pa dang chus rul cing sril dag kyang zhugs nas/ bcom ldan 'das kyis bka' stsal pa/ zla ba bzhi bzhir bzhag nas phyis dbyung bar bya'o/ /sangs rgyas bcom ldan 
'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /khyim bdag mgon med zas sbyin gyi kun du spyod pa ni nang par sngar langs nas bcom ldan 'das la blta ba'i phyir nye bar song nas rgyal byed kyi tshal rang gis 'phyag go/ /de nas 
dus gzhan zhig na khyim bdag mgon med zas sbyin brel ba 'ga' zhig byung nas de ma 'ongs pa dang / rgyal byed kyi tshal ma phyags par lus te phyag dar gyis gang ba de bcom ldan 'das 'chag pas gzigs so/ /gzigs nas kyang kye ma lha'i dbang po brgya byin gyis ri spos kyi ngad 

</font><hr>10-1-172b<br><font size=+1>
ldang las phyags ma khyer te 'ongs kyang bla na snyam du 'jig rten pa'i thugs bskyed de/ chos nyid kyis gang gi tshe sangs rgyas bcom ldan 'das rnams 'jig rten pa'i thugs bskyed par mdzad pa de'i tshe srog chags grog sbur rnams kyis kyang bcom ldan 'das kyi thugs sems kyis shes so/ /
gang gi tshe 'jig rten las 'das pa'i sems bskyed par mdzad pa de'i tshe ni nyan thos dang rang sangs rgyas rnams kyis kyang bcom ldan 'das kyi thugs sems kyis mi shes na dud 'gro'i skye gnas su su song ba'i srog chags rnams kyis lta smos kyang ci dgos/ lha'i dbang po brgya byin gyis ci'i 
phyir bcom ldan 'das kyis 'jig rten pa'i thugs bskyed snyam du bsams na rgyal byed kyi tshal phyag bzhed par mthong ngo / /de nas lha'i dbang po brgya byin gyis bcom ldan 'das kyi thugs sems kyis shes nas shing bal ltar reg na 'jam pa'i phyags ma lnga brgya blangs te/ bcom ldan 
'das kyi spyan sngar 'dug go/ /de nas bcom ldan 'das kyis bsod nams 'dod pa'i sems can rnams la bsod nams kyi stegs nye bar bstan pa'i phyir nyid kyis phyags ma bsnams te rgyal byed kyi tshal 'phyag par zhugs so/ /bcom ldan 'das mthong nas nyan thos chen po shA ri'i bu 
dang maud gal gyi bu dang 'od srung dang kun dga' bo dang nam gru la sogs pa yang 'phyags pa la zhugs so/ /de nas nyan thos chen po dag dang thabs cig rgyal byed kyi tshal phyags nas rim gro'i khang par gshegs te/ dge slong gi dge 'dun gyi gung la gdan bshams pa nyid la 
bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag phyag dar 'chags pa la phan yon lnga yod de/ lnga gang zhe na/ bdag nyid kyi sems rab tu dang bar 'gyur/ gzhan gyi sems rab tu dang bar 'gyur/ lha rnams 
yid dga' bar 'gyur mdzes par 'gyur ba'i dge ba'i rtsa ba sogs par 'gyur/ lus zhig nas bde 'gro mtho ris lha rnams kyi nang du skye bar 'gyur ro/ /de nas khyim bdag mgon med zas sbyin yang phyogs der phyin pa dang / de nas bcom ldan 'das nyan thos chen po dang 

</font><hr>10-1-173a<br><font size=+1>
thabs cig nyid kyis tshal ji ltar phyags pa thos nas de 'di snyam du sems te/ gang du bcom ldan 'das nyan thos chen po dang thabs cig nyid kyis phyag dar mdzad pa de'i steng du bdag ji ltar 'gro snyam mo/ /de nas khyim bdag mgon med zas sbyin ngo tsha shes pa snying 
la ngo tsha nas de nyid du 'dug go/ /sangs rgyas bcom ldan 'das rnams ni mkhyen bzhin du rmed par mdzad pa yin pas bcom ldan 'das kyis dge slong rnams la rmas pa/ dge slong dag 'o ni su zhig /dge slong rnams kyis gsol pa/ mgon med zas sbyin lags te gang 
du bcom ldan 'das nyan thos chen po dang thabs cig nyid kyis phyag dar mdzad pa de'i steng du sug pa dor du bcom ldan 'das la g.yar tsha nas bcom ldan 'das kyi spyan sngar mchi bar mi 'tshal lo/ /de nas bcom ldan 'das kyis de la bka' stsal pa/ khyim bdag sangs rgyas kyi bka' 
kha ton bya zhing 'jug par bya ste/ 'di ltar sangs rgyas bcom ldan 'das rnams ni chos la gus pa yin la/ chos ni dgra bcom pa rnams kyi yang bla ma yin no/ /de nas mgon med zas sbyin tshigs su bcad pa'i dbyangs 'don cing bcom ldan 'das kyi spyan sngar nye bar song ngo / /de nas 
bcom ldan 'das kyis de la chos dang ldan pa'i gtam gyis yang dag par ston par mdzad/ yang dag par len du 'jug par mdzad/ yang dag par gzengs stod par mdzad/ yang dag par dga' bar mdzad de/ bcom ldan 'das kyis de la chos dang ldan pa'i gtam gyis yang dag 
par bstan/ yang dag par len du bcug yang dag par gzengs bstod/ yang dag par dga' bar byas nas song ngo / /dge slong rnams the tshom skyes nas the tshom thams cad gcod par mdzad pa/ sangs rgyas bcom ldan 'das la zhus pa/ btsun pa bcom ldan 'das chos la gus pa skyes 
shing zhe sa dang bcas par gyur pas de ltar chos kyi bsngags pa brjod pa gang lags pa ni ngo mtshar lags so/ /bcom ldan 'das kyis bka' stsal pa/ dge slong dag de bzhin gshegs pa da ltar 'dod chags dang bral ba zhe sdang dang bral ba/ gti mug dang bral ba/ skye ba dang /

</font><hr>10-1-173b<br><font size=+1>
rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams las yongs su grol zhing thams cad mkhyen pa rnam pa thams cad mkhyen pa ye shes kyis shes bya thams cad la dbang brnyes nas chos la 
gus pa skyes shing zhe sa dang bcas par gyur pas de ltar chos kyi bsngags pa rjod par mdzad pa gang yin pa 'di la ngo mtshar ci zhig che/ 'das pa'i dus na nga 'dod chags dang bcas zhe sdang dang bcas gti mug dang bcas/ skye ba dang / rga ba dang / na ba dang / 'chi ba dang / mya ngan 
dang / smre sngags 'don pa dang / sdug bsngal ba dang / yid mi bde ba dang / 'khrug pa dag las yongs su ma grol bas chos kyi phyir rang gi srog yongs su btang ba gang yin pa de legs par rab tu nyon la yid la zung shig dang bshad do/ /dge slong dag sngon byung ba grong khyer bA 
rA Na sI na rgyal po tshangs byin zhes bya ba rgyal srid byed du 'jug ste/ rgyal srid 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba/ 'thab pa dang / /rtsod pa dang / 'khrug pa dang / 'khrug long rab tu zhi ba/ chom rkun med 
pa sA lu dang bu ram shing dang / ba lang dang ma he phun sum tshogs pa/ chos kyi rgyal po chos dang mthun pas chos bzhin byed du 'jug go/ /rgyal po de yang dad pa can dge ba'i bsam pa bzang ba/ bdag dang gzhan la phan par zhugs pa/ snying rje can bdag nyid chen po chos 'dod 
pa/ skye dgu la 'o byams pa/ thams cad rab tu sbyin pa/ thams cad yongs su gtong ba zhig ste/ gtong ba chen po la 'jug go/ /de dus gzhan zhig na btsun mo dam pa dang lhan cig rtse bar byed dga' bar byed/ dga' mgur spyod par byed do/ /de rtse bar byed dga' bar 
byed dga' mgur spyod par byed pa las btsun mo la sems can zhugs par gyur te/ de la legs par gsungs pa nyan 'dod pa skyes so/ /des rgyal po la smras nas/rgyal pos mtshan mkhan rnams bos te dris pa dang / de dag gis smras pa/ lha sems can 'di'i mthu 

</font><hr>10-1-174a<br><font size=+1>
lags so/ /de nas rgyal pos legs par gsungs pa'i don du gser srang 'bum bskur te/ grong dang grong rdal dang / yul 'khor dang rgyal po'i pho brang 'khor du bskor kyang legs par gsungs pa ma rnyed do/ /ji tsam na zla ba dgu tshang nas btsun mo de la khye'u gzugs 
bzang ba/ blta na sdug pa mdzes pa mdog gser gyi kha dog can/ mgo gdugs lta bu dpung pa ring ba/ dpral ba'i dbyes che ba/ smin ma 'dab chags pa/ sna mtho ba/ yan lag dang nying lag thams cad dang ldan pa zhig btsas pa dang / zhag bdun gsum nyi shu rtsa gcig 
tu de btsas pa'i btsas ston rgya cher byas nas khye'u'i ming cir gdags zhes ming 'dogs par byed do/ /blon po rnams kyis smras pa/ lha gang gi slad du khye'u 'di ma btsas pa nyid nas legs par gsungs pa tshol ba de'i slad du khye'u'i ming legs gsungs tshol zhes 
de'i ming legs gsungs tshol zhes bya bar btags so/ /khye'u legs gsungs tshol ma ma brgyad po pang na 'tsho ba'i ma ma gnyis dang / nu ma snun pa'i ma ma gnyis dang / dri ma 'phyi ba'i ma ma gnyis dang / rtsen grogs kyi ma ma gnyis la gtad nas de ma ma brgyad kyis 
'o ma dang zho dang mar sar dang / zhun mar dang / mar gyi snying khu dang / yo byad kyi khyad par gtso bo gzhan dang gzhan dag gis bskyed bsrings nas rdzing gi pad ma bzhin du skye drag par gyur to/ /de gang gi tshe chen por gyur pa de'i tshe yang legs par gsungs pa btsal na ma rnyed do/ /
de pha 'das nas rgyal srid la bzhag pa dang / blon po rnams la smras pa/ gtso bo dag nga la legs par gsungs pa dgos kyis legs par gsungs pa tshol cig /de nas blon po de rnams kyis gser srang 'bum bskur te 'dzam bu'i gling mtha' dag gi grong dang / grong rdal dang / 
yul 'khor dang / rgyal po'i pho brang 'khor dag tu bskor kyang legs par gsungs pa ma rnyed do/ /de nas de rnams kyis rgyal po la byas pa dang / de nas rgyal po legs par gsungs pa mnyan pa'i phyir re bas yongs su gdungs par gyur to/ /lha'i dbang po brgya byin gyi 

</font><hr>10-1-174b<br><font size=+1>
shes pa dang mthong ba ni 'og tu 'jug pa yin pas des rgyal po legs par gsungs pa'i phyir sdug bsngal bar mthong nas de 'di snyam du sems te/ ma la bdag gis rgyal po bgam par bya'o snyam mo/ /de nas lha'i dbang po brgya byin gnod sbyin gyi gzugs su lag pa dang rkang pa dang / 
mig mi sdug par bsgyur nas rgyal po'i mdun du 'dug nas de'i tshe tshigs su bcad de smras pa/ legs par spyad pa'i chos spyad bya/ /nyes spyad de ni spyad mi bya/ /chos spyod 'jig rten 'di dang ni/ /pha rol du yang bde bar gnas/ /de nas rgyal pos tshigs su bcad pa de thos ma 
thag tu dga' ba dang rab tu dga' ba skyes nas gnod sbyin la smras pa/ gsang ba po tshigs su bcad pa de yang smros shig /smros shig mnyan par bya'o/ /de nas gnod sbyin des rgyal po la smras pa/ lha bdag gis smras pa gang yin pa de mdzad na gdod bdag kyang bka' stsal pa gang 
lags pa de bgyid do/ /rgyal pos smras pa/ ci smra/ gnod sbyin gyis smras pa/ nyin zhag bdun du seng lding gi shing dag me dong du bus nas gal te der bdag nyid 'dor na de'i 'og tu bdag gis tshigs su bcad pa smra'o/ /de thos ma thag tu rgyal po yid dga' nas gnod sbyin de la smras 
pa de bzhin bya'o/ /de nas rgyal po des yul thams cad du dril bsgrags te/ zhag bdun na rgyal po legs par gsungs pa mnyan pa'i phyir me dong du bdag nyid 'dor na gang dag ya mtshan blta bar 'dod pa de dag kyang shog shig ces byas so/ /de nas srog chags brgya stong phrag du ma yang 
'dus/ nam mkha'i ngos la yang lha brgya stong du ma yang 'dus te byang chub sems dpa'i lhag pa'i bsam pa dag pa nyid shes nas ya mtshan gyi ngo bo blta ba'i phyir der 'khod do/ /de nas gnod sbyin de nam mkha' la 'phags nas byang chub sems dpa' la smras pa/ rgyal po chen po ji 
ltar dam bcas pa bzhin mdzod cig /de nas rgyal po des gzhon nu thu bo rgyal srid la bzhag ste/ blon po dang / grong rdal pa dang / yul mi rnams la yang bzod pa gsol/ skye bo'i tshogs kyang dbugs phyung nas me dong gi drung du nye bar song ste tshigs su bcad pa smras pa/ me dong 

</font><hr>10-1-175a<br><font size=+1>
'jigs pa che byed nyi ma 'char ka'i 'od dang 'dra ba 'dir/ /chos phyir srog la 'dzem med nges pa'i yid kyis rab tu mchong bar bya/ /bdag gi bsod nams mthu yis me dong 'di yang pad ma 'khrigs pa yi/ /mtsho chu tsan dan 'de gus bcin pa lta bur bsil ba 
bzang gyur cig /de skad ces smras nas byang chub sems dpa' me dong der mchongs pa dang / de mchongs ma thag tu me'i dong de mtshor gyur to/ /de nas lha'i dbang po brgya byin gyis rgyal po'i ya mtshan lha dang mi dad par byed pa'i cho 'phrul de mthong nas gnod sbyin gyi gzugs mi snang 
bar byas nas rang gi gzugs kyis 'dug ste/ de'i tshe tshigs su bcad pa smras pa/ legs par spyad pa'i chos spyad bya/ /nyes spyad de ni spyad mi bya/ /chos spyod 'jig rten 'di dang ni/ /pha rol du yang bde bar gnas/ /de nas byang chub sems dpas tshigs 
su bcad pa de bzung nas gser gyi glegs ma dag la bris te 'dzam bu'i gling mtha' dag gi grong dang / grong rdal dang / yul 'khor dang / rgyal po'i pho brang 'khor dag tu bskur to/ /bcom ldan 'das kyis bka' stsal pa/ dge slong dag ji snyam du sems/ de'i tshe 
de'i dus na rgyal por gyur pa gang yin pa de ni nga yin te/ de'i tshe yang ngas chos kyi phyir srog yongs su btang na da lta lta smos kyang ci dgos/ dge slong dag de lta bas na 'di ltar bslab par bya ste/ chos la gus par bya bla mar bya/ mnyes par bya mchod par bya ste chos la gus par 
byas/ bla mar byas/ mnyes par byas/ mchod par byas shing nye bar brten te gnas par bya'o zhes dge slong dag khyed kyis de ltar bslab par bya'o/ /bcom ldan 'das kyis de skad ces bka' stsal pa dang / dge slong de dag yi rangs te bcom ldan 'das kyis gsungs pa la mngon par bstod do/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis phyag dar 'phyag pa la phan yon lnga yod do zhes bka' stsal pa dang dge slong gnas brtan gnas brtan dag bsam 

</font><hr>10-1-175b<br><font size=+1>
gtan dang 'don pa bor te rgyal byed kyi tshal 'phyag pa la zhugs nas/ bcom ldan 'das kyis bka' stsal pa/ ngas dge skos las dgongs te gsungs kyi dge slong gnas brtan gnas brtan dag ni ma yin no/ /'on kyang legs par gsungs pa'i chos 'dul ba la rab tu byung ba'i dge slong 
gi las ni gnyis te/ 'di lta ste bsam gtan dang / gdon pa'o/ /bcom ldan 'das kyis ngas dge skos la dgongs te gsungs so zhes bka' stsal pa dang / des rgyal byed kyi tshal ril phyag par ma nus nas/ bcom ldan 'das kyis bka' stsal pa/ ji tsam sbyang dgos 
pa de dge skos kyis phyag par bya zhing gzhan tshes brgyad dang bcu bzhi la gaN+DI brdungs te dge 'dun thams cad kyis phyag par bya'o/ /bcom ldan 'das kyis tshes brgyad dang bcu bzhi la gaN+DI brdungs te dge 'dun thams cad kyis phyag par bya'o zhes bka' stsal pa dang / dge slong 
kha cig lag na phyags ma thogs te gtam bzang po ma yin pa zer zhing las byed pa dang / rgyal byed kyi tshal na gnas pa'i mi ma yin pa dang / dge slong gzhan dag kyang 'phya nas/ bcom ldan 'das kyis bka' stsal pa/ rnam par nges pa'i gtam chos dang mthun par 
bya ba 'am 'phags pa'i mi smra bas phyag dar bya'o/ /dge slong dag rgyal byed kyi tshal phyags nas lus la rdul gyis gos bzhin 'dug pa dang / ma dad pa dag gis mthong ste 'phya nas/ bcom ldan 'das kyis bka' stsal pa/ phyags te phyag dar bor nas gang dag khrus byed par 'dod pa 
de dag gis ni khrus bya'o/ /gang dag khrus bya bar mi 'dod pa de dag gis ni lus chus phyis nas lag pa dang rkang pa bkrus te 'jug par bya'o/ /de nyid kyis nyin par gnas mal la blta bar bya'o zhes bka' stsal pa dang / dge 'dun thams cad de bzhin du lta nas/ bcom ldan 'das kyis 
bka' stsal pa/ dge 'dun thams cad kyis blta bar mi bya'i 'on kyang gnas 'cha' ba rnams kyis blta bar bya'o/ /bcom ldan 'das kyis phyag dar byas pa'i steng du sangs rgyas kyi bka' kha ton bya zhing 'gro bar bya'o zhes bka' stsal pa dang / dge slong dag chag chag btab nas phyag dar 

</font><hr>10-1-176a<br><font size=+1>
byed cing dkyil 'khor byed de des na phyogs der 'gror mi rung ngo snyam nas dge slong dag mi 'gro ba dang / bcom ldan 'das kyis bka' stsal pa/ gtsug lag gi tshigs su bcad pa gdon zhing 'gro bar bya ste/ de la 'gyod par mi bya'o/ /dri gtsang khang gi grib ma 
dang / sku gzugs dang / mchod rten gyi srog shing gi grib ma dag byung ba dang / de dag la yang dge slong rnams 'gyod cing ma bgoms pa dang / bcom ldan 'das kyis bka' stsal pa/ dge slong dag grib ma ni mi brtan pa yin pas de la yang gtsug lag gi tshigs su bcad 
pa gdon cing bgom par bya ste/ 'di la 'gyod par mi bya'o/ /ge ra'i rgyal pos ko sa la'i rgyal po gsal rgyal la ge ra'i khye'u bran bu dang / skyong ba zhes bya ba gnyis skyes su bskur te/ de gnyis las bran bu ni bza' ba dang btung ba'i cho ga la mkhas/ skyong ba ni gnas 
mal gyi cho ga la mkhas so/ /mtha' 'khob na gnas pa rnams ni phal cher brkam chags can gyi rang bzhin can yin pas gang gi tshe srang du 'gro ba de'i tshe yul mi las nya dang / sha dang / snum khur dag phrogs shing za nas de rnams kyis de dag la brgyab pa dang / de gnyis kyis 
rgyal po la smras pa/ lha deng bdag cag srang du mchis nas der bdag cag gis nya las cung zad cig sug nya bgyis na de rnams kyis bdag cag btsogs te tha ma ma gum tsam du bgyis so/ /rgyal po gsal rgyal gyis dril bsgrags nas sus kyang bran bu dang / skyong ba dag brdeg 
par mi bya'i 'on kyang bdag nyid kyi rdzas bsrung bar bya'o zhes bsgo nas gang gi tshe de gnyis srang du 'gro ba de'i tshe skye bo'i tshogs kyis de gnyis mthong nas bdag nyid kyi rdzas sbed par byed do/ /ji tsam dus gzhan zhig na rgyal po las byed pa las ngal te mal du 'phres pa dang / bran 
bu dang skyong ba dag de'i rkang pa mnyed cing drung na 'khod pas rgyal po bsgul nas bran bus skyong ba la smras pa/ skyong ba lha mnal log gam/ des smras pa/ mnal log go/ /rgyal pos thos nas bsams pa gdon mi za bar 'di gnyis gsang gtam cung zad cig byed 'dod 

</font><hr>10-1-176b<br><font size=+1>
par gyur to snyam nas des gnyid log pa ltar rdzus te 'dug pa dang / bran bus skyong ba la smras pa/ skyong ba 'jig rten pha rol yod dam med cig gu/ des smras pa/ bran bu 'jig rten pha rol yod re skan/ skyong bas smras pa/ bran bu 'jig rten na dgra bcom pa yod dam/ des 
smras pa/ 'jig rten na dgra bcom pa yod re skan/ rgyal pos de thams cad thos nas des bsams pa/ 'di gnyis kyang 'di lta bu'i sdig pa'i lta ba kun du spyod de/ 'di la gcig ni rtag par lta/ gcig ni chad par lta'o snyam mo/ /kun tu yang yul ko sa la'i rgyal 
po gsal rgyal gyi ge ra'i khye'u gnyis las gcig ni rtag par lta/ cig shos ni chad par lta'o zhes sgra grags par gyur to/ /de'i tshe khyim bdag mgon med zas sbyin gyis khyu mchog gi tshig rlabs po che 'di lta bu mgo gcig bzung nas smras pa/ su gang zhig nga'i khyim 
du mir gyur nas dus byed pa de thams cad lus zhig nas bde 'gro mtho ris lha rnams kyi nang du skye bar 'gyur ro zhes 'khor gyi nang du seng ge'i sgra yang dag par bsgrags so/ /rgyal po gsal rgyal gyis bsams pa/ gang gi tshe khyim bdag mgon med zas sbyin 'dir 'ongs pa de'i 
tshe de la khye'u 'di gnyis thabs zhig bshams te sbyin no snyam mo/ /ji tsam dus gzhan zhig na khyim bdag mgon med zas sbyin rgyal po'i drung du song ba dang / khye'u zhig gis de'i stan bting ste dus ran pa dang 'ong ngo snyam nas phyir byung ste byis pa rnams dang lhan cig rtse bar brtsams 
so/ /rgyal pos de song bar shes nas bsams pa/ 'di gnyis thabs bshams nas sbyin pa'i dus de ni 'di yin no snyam du rig nas des sgo ba la gsang ste/ khyim bdag mgon med zas sbyin gyi khye'u phyir byung ba gang yin pa de nang du ma gtang shig ces bsgo ba dang / sgo bas 
de nang du ma btang ngo / khyim bdag mgon med zas sbyin 'gro bar brtsams nas stan las langs te phan tshun bltas pa dang / rgyal pos smras pa/ khyim bdag ci lta lha stan 'tshal ba'i khye'u 'o/ /des smras pa/ khyim bdag ngas bran bu dang / skyong ba gnyis sbyin gyis 

</font><hr>10-1-177a<br><font size=+1>
khyer la song shig /des rgyal po'i dor khas blangs nas des bsams pa/ ci'i phyir lhas bran bu dang / skyong ba gnyis bdag la byin snyam mo/ /yang bsams pa/ 'di gnyis sdig pa'i lta ba can yin pas lhas bdag brtag par bzhed do snyam nas des 
de gnyis khyim du khrid de mdzod pa bos te smras pa/ kye skyes bu 'di dag ci 'dod pa de thams cad khyod kyis byin cig /srang du song ste skye bo'i tshogs la smras pa/ bran bu dang / skyong ba ci len pa de khyed kyis byin la rin yang rtsis te zhog shig dang ngas nyis gyur du sbyin no/ /
de dag gis mdzod pa'i lag nas gang cung zad ci bslangs pa de thams cad thob pa dang / de dag mgu nas smras pa/ kye skyes bu kho bo cag gis gang bslangs pa de thams cad khyod kyis kho bo cag la byin na khyod la su zhig gis bsgo/ des smras pa/ bdag la khyim 
bdag gis de skad du bsgo'o/ /de dag gis bsams pa/ khyim bdag ni bdag cag gi pha ma dang 'dra bar gnas te gang bslangs pa de thob po snyam mo/ /dus gzhan zhig na de dag srang du song ba dang / de dag la skye bo'i tshogs kyis sgra phyung nas sbyin te/ kha cig ni bran bu nged las 
khyer cig ces zer/ gzhan dag kyang nged las khyer cig ces zer ba dang / de dag gis smras pa/ shes ldan dag khyed sngon nged mthong na snod du sbed na da sgra phyung nas ster ba 'di la rgyu gang zhig yin/ de dag gis smras pa/ sngon ni khyed 'phrog cing za/ da ni khyim bdag gis rin 
nyis gyur tu byin no/ /de dag gis bsams pa/ khyim bdag ni bdag cag shin tu phan bsgrub pa lhur len to snyam nas de dag khyim bdag gi drung du song ste smras pa/ khyim bdag bdag cag la las dbog tu gsol/ shes ldan dag sdod cig dang las kyang yod do/ /ji tsam 
na dus gzhan zhig na khyim bdag mgon med zas sbyin bran bu dang skyong ba dag khrid nas rgyal byed kyi tshal 'phyag tu song ngo / /de der son pa dang bya ba cung zad cig byung nas/ des smras pa/ bran bu dang / skyong ba nga la bya ba zhig byung gis khyed kyis rgyal byed tshal phyogs la sheg shig /

</font><hr>10-1-177b<br><font size=+1>
de dag gis phyag par brtsams pa dang / bcom ldan 'das kyis ji ltar phyag dar mi zad pa de ltar byin gyis brlabs so/ /de dag jo bo la snying nye bas skyo bzhin ma btang ngo / /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo bran bu dang / 
skyong ba dag la lhung bzed kyi lhag ma zhog shig /des de dag la lhung bzed kyi lhag ma bzhag go/ /phyag dar bor ba dang / de kho na bzhin du zad ma shes nas de dag ji srid nam sros par gyur pa de srid du las byed cing 'khod do/ /de nas bcom ldan 'das kyis tshe dang ldan pa kun 
dga' bo la bka' stsal pa/ kun dga' bo khyod kyis bran bu dang / skyong ba dag drung du snyol cig /dge slong rnams la yang ngas dge slong dag khyed kyis dge ba mi spyoms pa dang / sdig pa bshags te gnas par bya'o zhes gsungs mod kyi 'on kyang bran bu dang / skyong ba 
dag lta ba dbral bar bya dgos pas khyed las gang gis gnas pa'i snyoms par 'jug pa gang thob pa des gnas pa'i snyoms par 'jug pa des gnos shig ces byos shig /btsun pa de ltar 'tshal lo zhes tshe dang ldan pa kun dga' bos bcom ldan 'das kyi ltar mnyan nas 
bran bu dang / skyong ba la smras pa/ khyed kho bo kho na'i drung du nyol cig /dge slong rnams la yang smras pa/ tshe dang ldan pa dag bcom ldan 'das kyi zhal nas ngas dge slong dag khyed kyis dge ba mi spyoms pa dang / sdig pa bshags te gnas par bya'o zhes gsungs 
mod kyi 'on kyang bran bu dang / skyong ba dag lta ba dbral bar bya dgos pas khyed las gang gis gnas pa'i snyoms par 'jug pa gang thob pa des gnas pa'i snyoms par 'jug pa des gnos shig ces de skad bka' stsal to/ /btsun pa kun dga' bo bcom ldan 'das 
kyis ji skad bka' stsal pa de bzhin 'tshal lo zhes smras nas/ mtshan mo thun dang po la rdzu 'phrul bstan pa brtsams te/ kha cig ni 'bar bar byed/ kha cig ni glog 'gyu bar byed pa dang / bran bu dang / skyong bas smras pa/ 'phags pa kun dga' bo 'di ci zhig lags/ des 

</font><hr>10-1-178a<br><font size=+1>
smras pa/ 'di dag ni dgra bcom pa rdzu 'phrul gyis rnam par rtse ba yin no/ /de dag gis smras pa/ kun dga' bo 'jig rten na dgra bcom pa mchis pa lta zhig 'di dag mngon sum kho nar mi snang ngam/ 'di la the tshom zar ci zhig yod ces byas pa dang / de dag 
las gang gi lta ba 'jig rten na dgra bcom pa med do snyam pa de dang bral zhing 'jig rten na dgra bcom pa yod do snyam pa yang dag pa'i lta ba thob par gyur to/ /de nas bcom ldan 'das kyis gung thun la kye ma brgya byin dang tshangs pa la sogs pa lha dag 'ongs kyang bla na snyam du 
'jig rten pa'i thugs bskyed par mdzad do/ /gang gi tshe sangs rgyas bcom ldan 'das rnams 'jig rten pa'i thugs bskyed par mdzad pa zhes bya ba nas/ brgya byin dang tshangs pa la sogs pa lha rnams kyis bcom ldan 'das kyi thugs sems kyis shes nas bcom ldan 
'das kyi spyan sngar song ngo zhes bya ba'i bar snga ma bzhin no/ /de rnams kyi mthus snang ba rgya chen po byung ba dang / bran bu dang / skyong ba dag gis smras pa/ 'phags pa kun dga' bo 'di ci zhig lags/ des smras pa/ 'di dag ni brgya byin dang tshangs pa la sogs pa 
lha rnams bcom ldan 'das kyi spyan sngar lhags pa yin no/ /'jig rten pha rol mchis pa lta zhig /'di dag mngon sum kho nar mi snang ngam/ 'di la the tsom zar ci yod ces byas pa dang / de dag las gang gi lta ba 'jig rten pha rol med do snyam pa de dang bral zhing 
'jig rten pha rol yod do snyam pa yang dag pa'i lta ba skyes so/ /de dag dad pa skyes nas bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /bcom ldan 'das kyis de dag gi bsam pa dang / 
bag la nyal ba dang / khams dang / rang bzhin thugs su chud nas 'phags pa'i bden pa bzhi rtogs par 'gyur ba de lta bu'i chos bstan pa mdzad do/ /de thos nas bran bu dang / skyong ba dag gis 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom 

</font><hr>10-1-178b<br><font size=+1>
nas rgyun du zhugs pa'i 'bras bu mngon sum du byas so/ /de dag bden pa mthong nas bcom ldan 'das kyi zhabs la gtugs te gsol pa/ btsun pa bdag cag legs par gsungs pa'i chos 'dul ba la rab tu 'byung zhing bsnyen par rdzogs pa dge slong gi dngos po thob na/ 
bdag cag bcom ldan 'das kyi spyan sngar tshangs par spyod pa spyad par 'tshal lo/ /bcom ldan 'das kyis de gnyis la bran bu dang / skyong ba khyed tshur tshangs par spyad pa spyod cig ces dge slong tshur shog ces bya bas kun tu bka' stsal to/ /bcom ldan 'das kyis bka' 
stsal ma thag tu de dag skra bregs pa dang / snam sbyar gyon pa dang / lag na lhung bzed dang / bya ma bum thogs pa dang / skra dang kha spu bregs nas zhag bdun lon pa lta bu dang / dge slong bsnyen par rdzogs nas lo brgya lon pa'i spyod lam lta bur gnas par gyur 
to/ /de bzhin gshegs pas tshur shog bka' stsal pas/ /mgo bregs lus la snam sbyar bgos gyur cing / /mod la dbang po rab tu zhir gnas te/ /sangs rgyas dgongs pas lus kyi cha lugs bsgyur// //'dul ba phran tshegs kyi gzhi/bam po bcu 
drug pa/ bcom ldan 'das kyis de gnyis la gdams ngag gnang ba dang / de gnyis kyis 'bad brtsal bsgrims pas nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum las 'dod chags dang bral ba sems bong 
ba dang gser du mnyam pa/ nam mkha' dang lag mthil du mnyam pa/ ste'u dang tsan dan du mtshungs pa/ ma rig pa'i sgo nga'i sbubs dral ba/ rig pa dang / mngon par shes pa dang / so so yang dag par rig pa thob pa/ srid pa dang rnyed pa las chags pa dang / bkur 
sti la rgyab kyis phyogs pa/ dbang po dang nye dbang du bcas pa'i lha rnams kyis mchod pa dang / rjed pa dang / gus par smra bar bya bar gyur to/ /gang gi tshe bcom ldan 'das kyis bran bu dang / skyong ba dag rab tu phyung ba de'i tshe rgyal po gsal rgyal bcom ldan 'das 

</font><hr>10-1-179a<br><font size=+1>
kyis bran bu dang / skyong ba dag rab tu byung ba gang yin pa ni ma legs pa zhig mdzad de de dag ni sdig pa'i lta ba kun tu spyod pa'o zhes ma dad par gyur to/ /bcom ldan 'das kyis dgongs pa nyan thos chen po ri rab dang 'dra ba dag la rgyal po gsal rgyal ma dad par gyur 
gyis/ de'i phyir de dag gi yon tan brjod par bya'o snyam du dgongs so/ /bcom ldan 'das de snyam du dgongs pa dang / de nas khyim bdag mgon med zas sbyin bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te 
phyogs gcig tu 'dug go/ /phyogs gcig tu 'dug pa dang / bcom ldan 'das kyis khyim bdag mgon med zas sbyin la chos dang ldan pa'i gtam gyis yang dag pa ston par mdzad/ yang dag par len du 'jug par mdzad/ yang dag par gzengs stod par mdzad/ 
yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par len du bcug /yang dag par gzengs bstod/ yang dag par rab tu dga' bar mdzad nas cang mi gsung bar bzhugs so/ /de 
nas khyim bdag mgon med zas sbyin stan las langs te bla gos phrag pa gcig tu gzar nas bcom ldan 'das ga la ba de logs su thal mo sbyar ba btud de bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs cig sang 
bdag gi sdum par gdugs tshod gsol bar ci gnang / bcom ldan 'das kyis khyim bdag mgon med zas sbyin la cang mi gsung bas gnang ngo / /de nas khyim bdag mgon med zas sbyin bcom ldan 'das cang mi gsung bas gnang bar rig nas/ bcom ldan 'das 
kyis bshad pa la mngon par dga' ste rjes su yi rangs nas/ bcom ldan 'das kyi zhabs la mgo bos phyag 'tshal te bcom ldan 'das kyi spyan snga nas song ngo / de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo bran bu dang / skyong ba dag 

</font><hr>10-1-179b<br><font size=+1>
gi drung du song la song nas 'di skad ces/ sang khyim bdag mgon med zas sbyin gyis gdugs tshod sbyar ba'i tshe khyed gnyis kyis chu rims shig ces gyis shig /btsun pa de ltar 'tshal lo zhes tshe dang ldan pa kun dga' bo bcom ldan 'das kyi ltar mnyan nas/ tshe dang ldan pa bran bu dang / 
skyong ba ga la ba der song ste phyin nas tshe dang ldan pa bran bu dang / skyong ba la 'di skad ces smras so/ /tshe dang ldan pa dag bcom ldan 'das kyi zhal nas sang khyim bdag mgon med zas sbyin gyi gdugs tshod sbyar ba'i tshe khyed gnyis kyis chu rims shig ces de skad bka' stsal to/ /de dag 
gis smras pa/ btsun pa kun dga' bo bcom ldan 'das kyis ji skad bka' stsal pa de bzhin 'tshal lo zhes smras nas bsams pa/ ci'i phyir bcom ldan 'das kyis dge slong gnas brtan gnas brtan dag bzhag ste/ bdag cag la sang khyed gnyis kyis chu rims shig ces 
bka' stsal/ gdon ma zos par bdag cag kho na'i yon tan[(] brdzod[‚]brjod [)]par mdzad par bzhed de legs kyis ston pa'i dgongs pa rdzogs par bya'o snyam mo/ /de nas khyim bdag mgon med zas sbyin de nyid kyi mtshan mo bza' ba dang bca' ba gtsang zhing bsod pa yang dag par bsgrubs 
nas nang par sngar langs te gdan bshams/ chu ra bzhag nas bcom ldan 'das la pho nya las btsun pa gdugs tshod dus su bshams lags te/ bcom ldan 'das da de'i dus la bab par mkhyen par mdzad du gsol zhes dus bdas par gsol to/ /de nas bcom ldan 'das 
snga dro chos gos mnabs lhung bzed bsnams te/ dge slong gi tshogs kyis bskor nas dge slong gi dge 'dun gyis mdun du bdar te khyim bdag mgon med zas sbyin gyi bkad sa ga la ba der gshegs so/ /gshegs nas dge slong gi dge 'dun gyi gung la gdan bshams pa nyid la 
bzhugs so/ /de nas khyim bdag mgon med zas sbyin gyis rgyal po gsal rgyal gyi thog tu pho nya btang ste/ lha bdag gis sangs rgyas la sogs pa dge slong gi dge 'dun sdum par gdugs tshod la spyan drangs na/ de'i slad du gshegs shing rjes su yi rang ba mdzad pa'i 

</font><hr>10-1-180a<br><font size=+1>
rigs so zhes byas pa dang / de btsun mo'i 'khor dang / gzhon nu dang / blon pos bskor nas khyim bdag mgon med zas sbyin gyi khyim du gdugs tshod sbyar ba la rjes su yi rang bar bya ba'i phyir 'ongs te rgan rims bzhin du phyag byas nas 'dug go/ /de nas 
tshe dang ldan pa bran bus rgan pa'i mtha' logs su 'dug nas ji ltar gzhon pa'i mthar phyin nas 'bo ba de ltar chu'i rgyun byin gyis brlabs so/ /tshe dang ldan pa skyong bas kyang ji ltar rgan pa'i mthar phyin nas 'bo ba de ltar chu'i rgyun byin gyis brlabs pa dang / rgyal po gsal 
rgyal gyis bsams pa/ ston pa'i spyan sngar rdzu 'phrul rnam par 'phrul ba byed pa'i dge slong gang zhig yin snyam nas chu'i rgyun gyi rjes bzhin gzhon pa'i mthar song ba dang / ji tsam na tshe dang ldan pa skyong ba mthong ngo / /de nas yang phyir chu'i rgyun gyi rjes bzhin rgan pa'i 
mthar song ba dang / ji tsam na tshe dang ldan pa bran bu mthong nas de shin tu ya mtshan skyes nas ro stod bstod/ lag pa g.yas pa brkyang ste/ kye ma'o sangs rgyas/ kye ma'o chos/ kye ma'o dge 'dun/ kye ma'o chos legs par gsungs pa nyid/ da ltar 'di na bran 
bu dang / skyong ba la sogs pa sdig pa'i lta ba can dag kyang yon tan 'di lta bu dag thob par gyur to zhes ched du rjod par byed do/ /de nas khyim bdag mgon med zas sbyin sangs rgyas la sogs pa dge slong gi dge 'dun bde bar bzhugs par rig nas rang gi lag dar te bza' ba dang bca' ba 
gtsang zhing bsod pas kun du tshim par byed/ kun tu stobs par byed do/ /rnam grangs du mar rang gi lag dar te bza' ba dang bca' ba gtsang zhing bsod pas kun du tshim par byas/ kun du bstabs nas bcom ldan 'das gdugs tshod gsol te/ phyag bcabs lhung bzed 
gyu bar rig nas stan ches dma' ba zhig blangs te chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis rgyal po gsal rgyal dang / khyim bdag mgon med zas sbyin la chos dang mthun pa'i gtam gyis yang dag par bstan/ yang dag par len du 

</font><hr>10-1-180b<br><font size=+1>
bcug /yang dag par gzengs bstod/ yang dag par dga' bar mdzad nas gdan las bzhengs te gshegs so/ /dge slong rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa bran bu dang / skyong ba dag 
gis las ci zhig bgyis na des na yul mtha' 'khob tu skyes shing gcig ni rtag par lta/ gcig ni chad par lta bar gyur/ las ci zhig bgyis na des na bcom ldan 'das kyi bstan pa la rab tu byung nas nyon mongs pa thams cad spangs te dgra bcom pa nyid mngon sum 
du bgyis lags/ bcom ldan 'das kyis bka' stsal pa/ dge slong dag bran bu dang /skyong ba dag gis sngon gyi tshe rabs gzhan dag tu las byas shing bsags pa/ tshogs rnyed pa zhes bya ba nas/ lus can rnams la 'bras bur smin zhes bya ba'i bar snga ma bzhin no/ /dge 
slong dag sngon byung ba bskal pa bzang po 'di nyid la skye dgu'i tshe lo nyi khri thub pa na ston pa 'od srung zhes bya ba nas/ drang srong smra ba ri dgas kyi nags na zhes bya ba'i bar snga ma bzhin no/ /de'i bstan pa la 'di gnyis rab tu byung bar gyur te de na 'di gnyis mtha' 'khob tu dong nas gdams 
ngag med par yid la bya ba bskyed do/ /de na 'di gnyis kyis ma rtogs par rtogs so snyam pa'i 'du shes thob po/ /de nas 'di gnyis 'chi ba'i dus kyi tshe 'jig rten las 'das pa la log par lta ba thob po/ /de gnyis log par lta bas nyams nas smras pa/ yang dag 
par rdzogs pa'i sangs rgyas 'od srung gis bslus te/ re zhig bdag cag la yang nyon mongs pa spangs pa'i dgra bcom pa nyid med na gzhan la lta yod par 'gyur re skan zhes smras so/ /dge slong dag ji snyam du sems/ yang dag par rdzogs pa'i sangs rgyas 'od srung gi gsung rab 
la rab tu byung nas mtha' 'khob tu gdams ngag med par yid la byed pa bskyed pa gang yin pa de dag ni bran bu dang / skyong ba 'di dag nyid yin no/ /de na 'di dag gis mtha' 'khob tu song ste gdams ngag med par yid la byed pa bskyed nas lta ba log pa thob pa gang yin pa'i las 

</font><hr>10-1-181a<br><font size=+1>
de'i rnam par smin pas ngan song rnams kyi nang du skyes nas lo mang por mtha' 'khob rnams su skyes shing log par lta ba can du gyur te/ da lta'i bar du yang mtha' 'khob tu skyes nas log par lta ba can du gyur pa yin no/ /gang yang 'di dag gis de na bklags 
pa dang / kha ton byas pa dang / phung po la mkhas pa dang / khams la mkhas pa dang / skye mched la mkhas pa dang / rten cing 'brel par 'byung ba la mkhas pa dang / gnas dang gnas ma yin pa la mkhas par byas pa des na nga'i bstan pa la rab tu byung nas nyon 
mongs pa thams cad spangs te dgra bcom pa nyid mngon sum du byas so/ /dge slong dag gdams ngag med par bsam gtan byed pa la nyes dmigs/ 'di dag dang gzhan yang yod de/ de lta bas na dge slong gis gdams ngag med par bsam gtan mi bya'o/ /dge slong 
gdams ngag med par bsam gtan byed na 'gal tshabs can du 'gyur ro/ /dge slong dag de lta bas na las gcig tu gnag pa rnams kyi rnam par smin pa yang gcig tu gnag /las gcig tu dkar ba rnams kyi yang gcig tu dkar/ 'dren ma rnams kyi yang 'dren 
ma yin no/ /dge slong dag de lta bas na las gcig tu gnag pa dang 'dren ma rnams spangs nas/ las gcig tu dkar ba dag la brtsal bar bya ste/ dge slong dag gis de ltar bslab par bya'o/ /gleng gzhi ni mnyan yod na'o/ /mnyan yod na khyim bdag cig 'dug 
pa des dgon par spyil bu byed du bcug ste/ de na dge slong gcig 'dug pa de so ka tsha bas rmya nas skya bo bseng bseng por gyur cing lus sha bri ngan pa/ nyam chung ba/ shig shig por gyur nas de khyim bdag shes par gyis shig /gzhan zhig tu 'gro'o zhes byas pa dang / 
des smras pa/ 'phags pa cung zad cig brel bar ma gyur grang / des smras pa/ khyim bdag brel ba ni cung zad kyang med mod kyi 'on kyang so ka'i dus la bab pas spyil bu de na tsha ste skyo'o/ /des smras pa/ 'phags pa bzhugs shig dang / sa'i khang pa bgyid du stsal 

</font><hr>10-1-181b<br><font size=+1>
lo/ /khyim bdag bcom ldan 'das kyis ma gnang ngo / /'phags pa bcom ldan 'das ni thugs rje can yin pas gnang bar 'gyur ro/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na 
gnang gis sa'i khang pa byed du gzhug go/ /bcom ldan 'das kyis sa'i khang pa byed du gzhug go/ /zhes bka' stsal pa dang / khyim bdag des sa'i khang pa byas so/ /de dbyar gyi dus su rlan par gyur pa dang / dge slong de khyim bdag gi drung du song nas smras pa/ 
khyim bdag shes par gyis shig /gzhan zhig tu 'gro'o/ /des smras pa/ 'phags pa cung zad brel bar ma gyur grang / des smras pa/ khyim bdag brel ba ni cung zad kyang med mod kyi 'on kyang sa'i khang pa tshan can 'dir 'dug mi phod do/ /des smras pa/ 
'phags pa gal te de lta na yang thog bgyid du stsal gyis bzhugs shig /des smras pa/ bcom ldan 'das kyis ma gnang ngo / /bcom ldan 'das ni thugs rje can yin pas gnang bar 'gyur ro/ /skabs de dge slong rnams kyis bcom ldan 'das la gsol 
pa dang / bcom ldan 'das kyis bka' stsal pa/ de lta bas na gnang gis yang thog byed du gzhug go/ /bcom ldan 'das kyis yang thog byed du gzhug go zhes bka' stsal pa dang / khyim bdag des yang thog byas so/ /de rdib par gyur nas/ bcom ldan 'das kyis 
bka' stsal pa/ lan kan gdags par bya'o/ /de 'gul nas bcom ldan 'das kyis bka' stsal pa/ rten ma gzhug cing lcags gzer dag gis gdab par bya'o// //sdom ni/ lan tshwa dang ni sbu bu rwa/ /kha sbyar sman gyi phor bu dang / /par tang dang ni gding 
ba dang / /rkang pa'i rten dang rdo ba'o/ /sangs rgyas bcom ldan 'das rgyal po'i khab na 'od ma'i tshal bya ka lan da ka gnas pa na bzhugs so/ /tshe dang ldan pa pi lin da bad sa'i bu gang nas bzung ste rab tu byung ba de tshun chad rtag tu na'o/ /de'i drung du tshangs pa mtshungs par 

</font><hr>10-1-182a<br><font size=+1>
spyod pa rnams song ste dris pa/ gnas brtan bde 'am/ des smras pa/ tshe dang ldan pa dag bdag na ste mi bde'o/ /gnas brtan khyod kyis sngon ci dag bsrel/ bzhin bzangs lan tshwa'o/ /gnas brtan gal te de lta na da ci ste mi srel/ 
bzhin bzangs bcom ldan 'das kyis ma gnang ngo / /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na gnang gis lan tshwa bsrel bar bya'o/ /bcom ldan 'das kyis lan tshwa bsrel bar bya'o zhes 
bka' stsal pa dang / dge slong dag gis bab bab tu bzhag ste chud zos pa dang / bcom ldan 'das kyis bka' stsal pa/ bab bab tu gzhag par mi bya'i 'on kyang sbu bur gzhag par bya'o/ /de dag gis smyug ma'i sbu bur bzhag pa dang de zhu nas/ bcom ldan 'das 
kyis bka' stsal pa/ rwa'i sbu bur gzhag par bya'o/ /dge slong dag gis rwa tsam pa'i nang du bcug ste/ de'i dri mi zhim par gyur nas/ bcom ldan 'das kyis bka' stsal pa/ rwa tsam pa'i nang du gzhug par mi bya'i 'on kyang ba lang gi gci ba dang / tshos la bkrus te 
gzhug par bya'o/ /gleng gzhi ni rgyal po'i khab na'o/ /bcom ldan 'das kyis lan tshwa rwa'i nang du gzhug par bya'o zhes bka' stsal pa dang / tshe dang ldan pa pi lin da'i bus lan tshwa rwa'i nang du bcug nas bzhag ste kha gab ma bkab pas rdul zhugs so/ /skabs de dge slong 
rnams kyis bcom ldan 'das la gsol pa dang / bcom ldan 'das kyis bka' stsal pa/ kha gab dgab par bya'o/ /bcom ldan 'das kyis kha gab gdab par bya'o zhes bka' stsal pa dang / dge slong dag gis ji lta bus dgab pa mi shes nas/ bcom ldan 
'das kyis bka' stsal pa/ rwa de kho na lta bu gnyis pa zhig byas la rwa kha sbyar du gzhag par bya'o/ /sangs rgyas bcom ldan 'das rgyal po'i khab na 'od ma'i tshal bya ka lan da ka gnas pa na bzhugs so/ /tshe dang ldan pa pi lin da'i bu gang nas bzung ste rab tu byung ba 

</font><hr>10-1-182b<br><font size=+1>
tshun chad de rtag tu na'o/ /de'i drung du tshangs pa mtshungs par spyod pa rnams song ste dris pa gnas brtan bde'am/ des smras pa/ tshe dang ldan pa dag bdag na ste mi bde'o/ /de dag gis smras pa/ gnas brtan khyod kyis sngon ci zhig bcangs/ bzhin bzangs sman gyi 
phor bu'o/ /gnas brtan gal te de lta na da ci ste mi bcang / bzhin bzangs bcom ldan 'das kyis ma gnang ngo / /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na gnang gis sman phor bcang bar 
bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe mnyan yod na khyim bdag cig yod pa des rigs mnyam pa las chung ma blangs nas/ de de dang rtse bar byed/ dga' bar 
byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa las bu zhig btsas te/ de bskyed bsrings nas chen por gyur to/ /de dus gzhan zhig na legs par gsungs pa'i chos 'dul ba la rab tu byung ba dang / des 
khri 'ba' zhig thob kyi mal stan ni med do/ /ji tsam dus gzhan zhig na khyim bdag de rgyal byed kyi tshal du song ba dang / bu de khri stong pa la nyal te mal stan med par mthong nas des smras pa/ bu dge slong 'di rnams la mal stan yod na khyod la ci ste med/ des smras pa/ pha 
dge slong 'di dag ni rab tu byung nas yun ring du lon pas 'di dag gis mal stan thob kyi bdag ni da gzod rab tu byung bas na bdag gis ma thob po/ /des smras pa/ bu gal te de lta na/ ngas khyod la par tang zhig bskur gyis de 'dir thing shig /des smras pa/ bcom ldan 
'das kyis ma gnang ngo / /bu bcom ldan 'das ni thugs rje can yin pas gnang bar 'gyur ro/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na gnang gis dge slong gis par tang gding bar 

</font><hr>10-1-183a<br><font size=+1>
bya'o/ /bcom ldan 'das kyis dge slong gis par tang gding bar bya'o zhes bka' stsal pa dang / des par tang de gding ba med par spyad pas dri ma can du gyur to/ /re zhig cig na khyim bdag de yang gtsug lag khang du 'ongs pa dang par tang dri ma can de mthong nas 
des ngo ma shes te smras pa/ bu khyod shes nyen can bsod nams chen por gyur tam/ pha ci mngon par tang gzhan 'di rnyed mod/ pha gzhan rnyed re skan/ bu ci'i phyir 'di 'di ltar dri ma can du gyur/ pha bdag gis gding ba med par spyad pas so/ /bu khyod kyis chen po la 
'os pa'i gos 'di lta bu yang ma rung bar byas sam/ kye ma khyod kyis gding ba bting nas spyad kyang bla na/ skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ gang zag gi khra bo la yang gding ba med par spyad 
par mi bya ste/ spyod na 'gal tshabs can du 'gyur ro/ /sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis chos mnyan pa sbyin par bya'o zhes bka' stsal pa dang / chos smra ba 
seng ge'i khri la 'dug pa'i rkang pa 'phyangs nas/ bcom ldan 'das kyis bka' stsal pa/ rkang rten bca' bar bya'o/ /bcom ldan 'das kyis rkang rten bca' bar bya'o zhes bka' stsal pa dang / dge slong dag gis ji lta bu bca' ba mi shes nas/ bcom ldan 
'das kyis bka' stsal pa/ seng ge'i khri brtan po gang yin pa la ni so phag gi them skas bya'o/ /'on te yang dang yang du rkyong na ni shing gi khri'u gzugs so/ /bskyod dka' bar gyur nas/ bcom ldan 'das kyis bka' stsal pa/ rtsa ba bzhi la lcags kyi yang 
mig gdags par bya zhing de dag nas bzung ste/ ci dgar spyod par bya'o/ /bsod nams 'dod pa'i dge slong dag dang / bram ze dang khyim bdag dad pa can rnams kyis rkang rten la dri'i lag ris dang / dri dag gis byugs pa dang chos smra ba 'gyod de de la rkang pa 

</font><hr>10-1-183b<br><font size=+1>
'jog par mi byed nas/ bcom ldan 'das kyis bka' stsal pa/ de'i steng du lo ma'i khres sam/ rtswa bam gzhag par bya zhing bzhag nas rkang pa gzhag par bya ste/ 'di la 'gyod par mi bya'o/ /sangs rgyas bcom ldan 'das rgyal bu rgyal byed kyi tshal mgon med zas sbyin gyi 
kun dga' ra ba na bzhugs so/ /bcom ldan 'das kyis seng ge'i khri la rkang rten gzugs par bya'o zhes bka' stsal pa dang / dge slong dgon pa pa rnams la rkang rten mi bdog nas de dag rkang pa 'phyang bzhin chos ston par byed pas ngal bar gyur to/ /skabs de dge slong rnams 
kyis bcom ldan 'das la gsol pa dang / bcom ldan 'das kyis bka' stsal pa/ de dag gis rdo gzhag par bya'o// //sdom ni/ phyi ba seng ras mchil ma'i snod/ /lus phyi ba dang gzhong rings dang / /gcal dang me shel dag dang ni/ /gtso blag mkhan 
dang shing leb po/ /bcom ldan 'das rgyal po'i khab na 'od ma'i tshal bya ka lan da ka gnas pa na bzhugs so/ /tshe dang ldan pa pi lin da'i bu gang nas bzung ste rab tu byung ba tshun chad de rtag tu na'o/ /de'i drung du tshangs pa mtshungs par spyod pa rnams song ste dris pa/ gnas brtan bde'am/ 
des smras pa/ tshe dang ldan pa dag bdag na ste mi bde'o/ /gnas brtan khyod kyis sngon ci zhig bcangs/ bzhin bzangs gdong phyi ba'o/ /gnas brtan gal te de na da ci ste mi bcang / bcom ldan 'das kyis ma gnang ngo / /skabs de dge slong rnams kyis bcom ldan 'das la 
gsol pa dang / bcom ldan 'das kyis bka' stsal pa/ de lta bas na gnang gis gdong phyis bcang bar bya'o/ /sangs rgyas bcom ldan 'das rgyal po'i khab na 'od ma'i tshal bya ka lan da ka gnas pa na bzhugs so/ /so ga'i dus la bab pa dang / tshe dang ldan pa 
pi lin da'i bu tsha bas rmya ste/ skya bo bseng bseng por gyur cing lus sha bri ngan pa/ nyam chung ba shig shig por gyur to/ /de'i drung du tshangs pa mtshungs par spyod pa rnams song ba dang / de dag gis 'di'i lus kyi gnas skabs mthong nas smras pa/ gnas brtan ci ste skya 

</font><hr>10-1-184a<br><font size=+1>
bo bseng bseng po lus sha bri ngan pa nyam chung ba shig shig por gyur/ des smras pa/ bzhin bzangs tsha bas bdag gi lus kyi gnas 'di lta bur gyur to/ /gnas brtan khyod kyis sngon so ga'i dus su ci zhig bcangs/ bzhin bzangs seng ras so/ /gnas 
brtan gal te de lta na da ci ste mi bcang / bzhin bzangs bcom ldan 'das kyis ma gnang ngo / /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na gnang gis dge slong gis seng ras bcang bar bya'o/ /sangs 
rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong zhig cham lud bdo ste na ba des sa la mchil ma bor bas mal gyi g.yas g.yon gnyis mi mdzes par byas so/ /ji tsam na de'i lhan cig gnas pa nang par sngar 
langs te gnas khang du zhugs nas phyag byas te nad dris nas byung ngo / /de phyag 'tshal ba na dpral ba la mchil ma'i thal ba reg pa de dge slong rnams kyis mthong nas de dag gis smras pa/ tshe dang ldan pa gang du khyod kyis dpral ba la mchil ma 'di reg /des smras pa/ 
mkhan po cham lud na ba des sa la mchil ma bor bar ma gyur grang / re zhig blta'o zhes de gnas khang du zhugs pa dang / ji tsam na mal gyi glo g.yas g.yon du mchil ma bor ba mthong ngo / /des dge slong dag la bsnyad pa dang / de dag 'phya bar byed/ smod par 
byed/ kha zer bar byed de da ji lta bu zhig tu gyur/ dge slong dag mchil mas dge 'dun gyi gnang khang ma rung bar byed do zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gi 
gnas mal bcas par mchil ma dor bar yang mi bya/ mun par phyag byed pas mgos drung du gtugs par yang mi bya'i/ tshig tsam gyis phyag bya zhing gang cung zad bya ba yod na yang der tshig tsam gyis dri bar bya'o/ /gzhan yang gang la cham pa dang kha chu bdo ba des mchil ma'i snod nye bar gzhag 

</font><hr>10-1-184b<br><font size=+1>
par bya'o/ /dge slong dag gis kham phor du mchil ma bor ba dang de 'dril te ches mang du ma rung bar gyur nas/ bcom ldan 'das kyis bka' stsal pa/ mchil ma snod rten ma dang bcas pa'am/ yang na zangs po che gzhag par bya'o/ /dge slong dag zangs po che ci 'dra ba 
yang rung nye bar 'jog par byed pas de yang 'dril te nyes dmigs de nyid du gyur nas bcom ldan 'das kyis bka' stsal pa/ glang po che'i rkang pa lta bu nye bar gzhag par bya'o/ /gzhan dag cig mchil ma 'dor ba na zer ma yar nas/ bcom ldan 'das kyis bka' stsal pa/ 
gcal dgram par bya'o/ /dge slong rnams kyis gcal ci zhig gis dgram pa mi shes nas bcom ldan 'das kyis bka' stsal pa/ so phag gi bur ma 'am bye ma'o/ /der sbrang ma dag 'du nas bcom ldan 'das kyis bka' stsal pa/ bskrad par bya'o/ /dri mi zhim 
par gyur nas/ bcom ldan 'das kyis bka' stsal pa/ dus dus su bshal bar bya'o/ /dge slong dag gis bshal nas ma bskams pa dang srog chags dag byung nas bcom ldan 'das kyis bka' stsal pa/ bshal nas bskam par bya'o/ /dge slong gzhan 
dag cig lud pa bdo nas de dag ji srid du bskams pa de'i bar du nyam nga bar gyur nas/ bcom ldan 'das kyis bka' stsal pa/ nad pa tshabs po che gang dag yin pa de dag gis ni mchil ma'i snod gnyis nye bar gzhag par bya'o/ /dge slong khang bzangs dag tu 
klog pa dang / kha ton byed pa dang / chags pa de dag mchil ma bro ba dang / de dag sems yengs shing bab bab du mchil ma 'dor bar byed nas/ bcom ldan 'das kyis bka' stsal pa/ brjed phyal bar gnas mal bcas par mchil ma dor bar mi bya'i 
'on kyang gtsug lag khang gi grwa bzhir ka ba'i drung du dge 'dun gyi mchil ma'i snod bzhi gzhag par bya zhing de dag tu klog pa dang / kha ton byed pa'am/ 'chags pas dran pa nye bar bzhag ste mchil ma dor bar bya'o/ /sangs rgyas bcom ldan 'das rgyal bu rgyal byed kyi 

</font><hr>10-1-185a<br><font size=+1>
tshal mgon med zas sbyin gyi kun dga' ra ba na bzhugs so/ /de'i tshe tshe dang ldan pa gang gi ka spun po tshe rabs lnga brgyar sems can dmyal ba dag gi nang nas shi 'phos nas sems can dmyal ba dag gi nang du skyes shing de nas phyir 'dir skyes pa de byis pa'i gnas 
skabs nas khyim pa/ khyim la lhag par chags pa/ rtse ba'i dga' bas dga' ba dang / cha ba la brtson pas dmyal ba la dmigs pa'i dran pa ma skyes so/ /de dus gzhan zhig na legs par gsungs pa'i chos 'dul ba la rab tu byung nas bcom ldan 'das kyis mdo 
sde dang / 'dul ba dang / chos mngon pa'i phyogs de dang de dag tu dmyal ba dang / yi dgas dang / dud 'gro dang / lha dang mi dag bshad pa dang / des dmyal ba'i gtam thos nas sems can dmyal ba'i tshor ba mngon du gyur te ba spu'i khung bu thams cad nas khrag byung 
ste/ chos gos dag kyang khra bor gyur/ dri yang mi zhim par gyur to/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na gnang gis dge slong rnams kyis lus phyi ba bcang bar bya'o/ /
bcom ldan 'das kyis lus phyi ba bcang bar bya'o zhes bka' stsal pa dang / de dag gis chos gos kyi phyi rol du bgos pas nyes dmigs de nyid du gyur nas/ bcom ldan 'das kyis bka' stsal pa/ nang du bgo bar bya'o/ /de dag gis de kho nas lus drud pas ril rma 
byung nas/ bcom ldan 'das kyis bka' stsal pa/ de kho nas drud par mi bya'i 'on kyang bska ba'i chus sbangs nas dal bus bags kyis bkru bar bya'o/ /lus phyi ba'i gos kyis rnag dang khrag kyang dus dus su bkru bar bya zhing de yang tshon gyis kha bsgyur bar bya'o/ /
sangs rgyas bcom ldan 'das rgyal po'i khab na 'od ma'i tshal bya ka lan da ka gnas pa na bzhugs so/ /tshe dang ldan pa pi lin da'i bu gang nas bzung ste rab tu byung tshun chad de rtag tu na'o/ /de'i drung du tshangs pa mtshungs par spyod pa rnams song ste dris pa/ gnas brtan 

</font><hr>10-1-185b<br><font size=+1>
bde'am/ bzhin bzangs bdag na ste mi bde'o/ /de dag gis smras pa/ gnas brtan khyod kyis sngon ci zhig bcangs/ bzhin bzangs lcags kyi gzhong rings so/ /gnas brtan gal te de lta na da ci ste mi bcang / bzhin bzangs bcom ldan 'das kyis ma gnang ngo / /
skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na gnang gis dge slong gis lcags kyi gzhong rings bcang bar bya'o/ /sangs rgyas bcom ldan 'das rgyal bu rgyal byed kyi tshal mgon med zas 
sbyin gyi kun dga' ra ba na bzhugs so/ /dge slong dag mchod rten la phyag 'tshal ba na de dag gi rkang pa la 'dam rdzab gos nas/ bcom ldan 'das kyis bka' stsal pa/ gcal dgram par bya'o/ /de dag gcal ci las 'gram pa mi shes nas/ bcom ldan 'das kyis 
bka' stsal pa/ so phag gi gcal dgram par bya zhing de nas so phag gi phye mas btab ste rdo thal gyis byug par bya'o/ /mchod rten gyi 'khor sa chen por gyur te ma 'byor nas/ bcom ldan 'das kyis bka' stsal pa/ nyen kor 'dom gang dgram par bya'o/ /'on 
kyang ma 'byor nas/ bcom ldan 'das kyis bka' stsal pa/ gal te mi 'byor na spang leb dgram par bya'o/ /de yang ma 'byor nas/ bcom ldan 'das kyis bka' stsal pa/ bar bar tu so phag gzhag par bya'o/ /dge slong sgo gang la rten pa rnams 
kyi khyams su 'dam rdzab chags nas/ bcom ldan 'das kyis bka' stsal pa/ der yang rim pa de bzhin du bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod 
na khyim bdag cig 'dug pa des dgon par spyil bu byed du bcug ste/ de na dge slong gcig gnas so/ /dgun stod kyi dus la bab pa dang / de lhags pas nyen nas skya bo bseng bseng por gyur cing lus sha bri ngan pa rid pa rmya bar gyur nas de khyim bdag de'i drung du song 

</font><hr>10-1-186a<br><font size=+1>
ste/ khyim bdag shes par gyis shig /gzhan zhig tu 'gro'o zhes byas pa dang / des smras pa/ 'phags pa cung zad brel bar ma gyur grang / des smras pa/ brel ba ni cung zad kyang med mod kyi 'on kyang lhags pas skyo'o/ /des smras pa/ 'phags 
pa bzhugs shig dang / khyed la nor bu me shel sbyin to/ /des smras pa/ khyim bdag bcom ldan 'das kyis ma gnang ngo / /'phags pa bcom ldan 'das ni thugs rje can yin pas gnang bar 'gyur ro/ /skabs de dge slong rnams kyis bcom ldan 'das la 
gsol pa dang / bcom ldan 'das kyis bka' stsal pa/ de lta bas na gnang gis dge slong nor bu me shel nye bar gzhag par bya zhing des me phyung la me'i bya ba bya'o/ /khyim bdag des dge slong de la nor bu me shel byin nas/ de des me 'byin cing me'i bya ba byed do/ /ji 
tsam na rkun po lnga brgya ri brags shig tu las byed par 'dong ba phyogs der phyin pa dang / de dag gis dge slong de la smras pa/ 'phags pa lhags pas sbrebs na 'di na me yod dam/ des smras pa/ bzhin bzangs med do/ /'phags pa khyod me'i bya ba ji ltar byed/ 
bzhin bzangs bdag ni nor bu me shel gyis me phyung nas me'i bya ba byed do/ /'phags pa nor bu de dag ga re/ bzhin bzangs phyogs 'di na'o/ /de dag gis de mthong nas ri brags su song ste/ der las byas nas byung ste smras pa/ shes ldan dag tshur 'phags 
pa de'i nor bu dbrog gis 'dong / de dag de'i drung du dong nas/ smras pa/ nor bu me shel de ga re bzhin bzangs phyogs 'di nyid na 'dug go/ /de dag gis de khyer te song ngo / /yang dge slong de lhags pas nyen nas khyim bdag de'i drung du song ste smras pa/ khyim bdag 
shes par gyis shig gzhan zhig tu 'gro'o/ /des smras pa/ 'phags pa chung zad brel bar ma gyur grang / des smras pa/ khyim bdag brel ba ni chung zad kyang med kyi 'on kyang lhags pas skyo'o/ /des smras pa/ 'phags pa bdag gis khyod la nor bu me shel 

</font><hr>10-1-186b<br><font size=+1>
ma byin tam/ khyim bdag byin no/ /de ga re rkun po dag gis phrogs so/ /chen po la 'os pa'i nor bu de lta bu yang khyod kyis rkun po la bkur ba lta/ kye ma khyod kyis phyogs dben pa zhig tu bzhag mod/ skabs de dge slong rnams kyis bcom ldan 'das 
la gsol pa dang / bcom ldan 'das kyis bka' stsal pa/ rin po che de lta bu dag ma byin pa len pa rnams la bstan par mi bya'i/ 'on kyang me phyung la gtad par bya'o/ /me shel ji lta bar chu shel yang de dang 'dra'o/ /sangs rgyas bcom ldan 'das 
mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /drug sde rnams btso blag mkhan la chos gos dag 'khrur 'jug go/ /ji tsam dus gzhan zhig na mnyan yod du dus ston byung ste/ mnyan yod kyi bram ze dang / khyim bdag 
rnams kyi gos tshon sna tshogs can dag btso blag mkhan la 'khrur bcug go/ /nye dga' yang nyi ma nub kar chos gos ngur smrig gcig khyer te btso blag mkhan gyi drung du song nas/ bzhin bzangs chos gos 'di khrus shig ces byas so/ /des smras pa/ 'phags pa deng 
'jig rten pa'i gos mang zhig 'tshal te mchis kyis bzhud cig sang bkru bar bgyi'o/ /de khros nas bsdigs par brtsams pa dang / des smras pa/ 'phags pa bsdigs su ci mchis/ gal te mi bzod na zhog la bzhud cig sad bkru mod des bzhag ste song ba dang / 
de'i tug rid kyis btso blag mkhan sems g.yengs par gyur nas des chos gos de bul tog gi nang du sbangs nas gos tshon sna tshogs can rnams kyi nang du bzhag pa dang / der zhag lon nas gos tshon sna tshogs can rnams kyis thams cad khra bor byas so/ /btso blag 
mkhan lag pa 'gram pa la gtad de sems khong du chud cing 'dug pa dang / skye bo'i tshogs ma dad par gyur to/ /skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ bram ze dang khyim bdag dag ma dad par gyur pa thog tu 

</font><hr>10-1-187a<br><font size=+1>
bab par mkhyen nas/ dge slong rnams la bka' stsal pa/ dge slong nye dga'as chos gos ngur smrig btso blag mkhan la 'khrur bcug pa 'jig rten pa'i gos tshon sna tshogs can rnams kyis khra bor byas so/ /de lta bas na dge slong gis gos ngur smrig dag btso 
blag mkhan la 'khrur mi gzhug go/ /dge slong gos ngur smrig dag btso blag mkhan la 'khrur 'jug na 'gal tshabs can du 'gyur ro/ /bcom ldan 'das kyis dge slong gos ngur smrig dag btso blag mkhan la 'khrur mi gzhug go/ /zhes bka' stsal pa dang / drug 
sde rnams kyis gos dkar po dag 'khrur gzhug par brtsams so/ /btso blag mkhan gyis de dag bag med par shing leb la brdabs nas bkrus pa dang / de na gos kha cig ni ral/ kha cig ni mtha' zegs so/ /skabs de dge slong rnams kyis bcom ldan 'das la 
gsol pa dang / bcom ldan 'das kyis bka' stsal pa/ dge slong dag de lta bas na dge slong gis thams cad du btso blag mkhan la gos 'khrur mi gzhug go/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra 
ba na bzhugs so/ /bcom ldan 'das kyis dge slong gis thams cad kyis thams cad du btso blag mkhan la gos 'khrur mi gzhug go zhes bka' stsal pa dang / drug sde rnams btso blag mkhan gyi 'khru sar dong nas/ mgo chos gos kyis dkris te/ btso blag mkhan 
bzhin du sngam pa su su zhing bdag nyid gos dag 'khru bar byed pa bram ze dang khyim bdag dag gis mthong nas ma dad par gyur to/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong gis btso blag 
mkhan gyi 'khru sar song ste/ btso blag mkhan bzhin du sngam pa su su zhing bdag nyid kyis gos dag bkru bar mi bya'o/ /dge slong btso blag mkhan gyi 'khru sar song ste/ btso blag mkhan bzhin du sngam pa su su zhing bdag nyid kyis gos dag 'khru bar byed na 'gal tshabs can du 'gyur 

</font><hr>10-1-187b<br><font size=+1>
ro/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong gis btso blag mkhan gyi 'khru sar song ste/ btso blag mkhan bzhin du sngam pa su su zhing bdag nyid kyis gos dag 
bkru bar mi bya'o/ /zhes bka' stsal pa dang / drug sde rnams shing leb la 'khru bar byed de nyes dmigs de nyid du gyur nas/ bcom ldan 'das kyis bka' stsal pa/ shing leb la gos dag bkru bar mi bya'i 'on kyang gzhong khung du chu 'jam tsam gyi nang du dal bus bzlog 
cing bzlog cing bdag nyid kyis bkru bar bya'o/ /bcom ldan 'das kyis gzhong khung du dal bus bzlog cing bzlog cing bkru bar bya'o zhes bka' stsal pa dang / dge slong gzhan dag cig gis lag pa gnyis kyis bkru bar ma nus nas/ bcom ldan 'das kyis bka' 
stsal pa/ gang dag lag pa gnyis kyis 'khru bar mi nus pa de dag gi rkang pa gnyis kyis bkru bar bya'o/ /gzhan dag cig gi lag pa gnyis kyis kyang ma nus la/ rkang pa gnyis kyis kyang ma nus nas/ bcom ldan 'das kyis bka' stsal pa/ de dag gi zhal 
ta gyis la gzhan dag 'khrur chug shig/ //sdom ni/ phyi ba dang ni sbrul gyi rnyi/ /rdo phru 'gyod pa nyid dang ni/ /tshon gyi gzhong khung rtsig pa dang / /tshon rtsi rnam pa bzhi yin no/ /sangs rgyas bcom ldan 'das mnyan yod na rgyal bu rgyal byed kyi tshal mgon 
med zas sbyin gyi kun dga' ra ba na bzhugs so/ /dge slong rnams khrus byas nas lus gsher bzhin du chos gos dag gyon pa dang / de dag khra bo dang dri mi zhim par gyur to/ /skabs de dge slong rnams kyis bcom ldan 'das la gsol pa dang / bcom ldan 'das 
kyis bka' stsal pa/ de lta bas na gnang gis lus phyi ba bcang bar bya'o/ /bcom ldan 'das kyis lus phyi ba bcang bar bya'o zhes bka' stsal pa dang / dge slong gzhan dag cig la de mi bdog nas/ bcom ldan 'das kyis bka' stsal pa/ gang dag la mi bdog 

</font><hr>10-1-188a<br><font size=+1>
pa de dag gis re zhig tsog tsog por 'dug la khrus ras kyis lus phyis te chos gos dag bgo bar bya'o/ /dge slong rnams kyis lham la rdul chags par gyur nas dge slong dag gis de dag brdabs so/ /de dag brdabs pa dang ral cing gzungs kyi srad bu dag 
kyang chad nas/ bcom ldan 'das kyis bka' stsal pa/ lham brdabs par mi bya'o/ /dge slong dag gis chus bkrus pa dang / de dag ma rungs nas/ bcom ldan 'das kyis bka' stsal pa/ chus bkru bar mi bya'i 'on kyang ras chus sbangs la phyi bar bya ste/ 
de lta bas na gnang gis lham phyi ba bcang bar bya'o/ /sangs rgyas bcom ldan 'das yul tsam pa na drang srong gar ga'i rdzing bu'i 'gram na bzhugs so/ /yul tsam pa na tsam pa'i klu'i bu mo dad pa can dge ba'i bsam pa bzang ba zhig yod pa de'i bu ma dad pa ma dul ba 
byed pa zhig go/ /des de chos mnyan pa yang dag par len du bcug ste/ bu song la 'phags pa rnams kyi drung du phyin nas chos nyon cig dang / khyed la bsod nams su 'gyur ro zhes byas pa dang / de des yang dag par len du bcug pas rang bzhin gyi cha lugs kyis chos 
nyan par zhugs pa rnams kyi nang du song ngo / /de gzhon nu zhig gis mthong nas de sngangs te/ tshe dang ldan pa dag rgyab rings po rgyab rings po zhes smras pa dang thos nas dge slong gang dag 'dod chags dang ma bral ba de dag sngangs nas de dag gis de ske nas rnga ma'i srad bus btags 
te/ gtsug lag khang gi steng nas 'phangs so/ /de mas mthong ste smras pa/ bu khyod kyis 'phags pa rnams las chos thos sam/ des smras pa/ ma de 'dra ba'i 'phags par ni su yang ma gyur cig /bu de dag gis khyod la ci zhig byas/ des ji ltar gyur pa bsnyad pa dang / 
des smras pa/ bu de bas dang de dag 'phags pa yin no/ /gzhan dag cig gis khyod mthong du zin na bsad par gyur to zhes pa dang / de cang mi zer bar 'dug go/ /de la ne'u ldangs rnams kyis bzhad gad du mgrin snad mgrin snad ces smras pa dang / de de dag gis ku re smras 

</font><hr>10-1-188b<br><font size=+1>
pas lus skya bo bseng bseng por gyur cing sha bri ngan pa rke ba skem por red par gyur to/ /de la mas smras pa/ bu khyod ci ste lus skya bo bseng bseng por sha bri ngan pa rke ba skem por gyur/ des smras pa/ ma bdag la klu gzhon nu 'di dag mgrin snad mgrin snad ces 
co 'dri bar byed de ci bya'i gtol med do/ /bu khyod rang gi cha lugs kyis song bas des na gnas skabs 'di lta bur gyur gyi gal te khyod sprul pa'i gzugs kyis song bar gyur na rnga ma'i rnyis btags par yang mi 'gyur ro/ /da sprul pa'i gzugs kyis song la chos 
nyon cig dang khyod la thams cad legs par 'gyur ro/ /'on te rang gi gzugs kyis nyan na khyod gnas na 'dug ste nyon cig ces byas pa dang / de ma dad pa'i phyir khas ma blangs te ma'i ngor cang mi zer bar 'dug go/ /des bsams pa/ 'phags pa dag 
klu gzhon nu rnga ma'i rnyis 'dogs pa ni gang su yang rung / chos nyan par 'dod pa de dag gi yang bar chad du 'gyur bas 'di kho na bdag gis bya ba yin no snyam ste/ de kha dog 'phags pas nam sros pa dang / bcom ldan 'das ga la ba der song ste phyin nas bcom ldan 
'das kyi zhabs la mgo bos phyag 'tshal te/ phyogs gcig tu 'dug pa dang / de'i tshe tsam pa'i klu'i bu mo'i kha dog gi mthus drang srong gar ga'i rdzing 'gram thams cad snang ba rgya chen pos khyab par gyur to/ /phyogs gcig tu 'dug nas tsam pa'i klu'i bu mos 
bcom ldan 'das la 'di skad ces gsol to/ /btsun pa bdag gi bu ma dad pa zhig mchis pa de bdag gis chos nyan pa yang dag par len du stsal nas de chos nyan du mchis pa dang / 'phags pa rnams kyis rnga ma'i rnyis ske nas btags te bor bas de'i mgrin pa snad de/ 
de la ne'u ldangs rnams kyis mgrin snad mgrin snad ces gtses lags so/ /de de ltar gtses pa na lus skya bo bseng bseng por gyur cing / sha bri ngan pa rke ba skem par gyur na/ kye ma bcom ldan 'das kyis thugs brtse bar dgongs te/ gang gis na 'phags pa rnams 

</font><hr>10-1-189a<br><font size=+1>
klu gzhon nu rnga ma'i rnyis 'dogs par mi 'gyur bar 'phags pa rnams dran par bgyid pa chung zad cig bcar gsol/ bcom ldan 'das kyis tsam pa'i klu'i bu mo la cang mi gsung bas gnang ba dang / de nas tsam pa'i klu'i bu mo bcom ldan 'das kyi zhabs la 
mgo bos phyag 'tshal nas de nyid du mi snang bar gyur to/ /de nas bcom ldan 'das kyis de nyid kyi mtshan mo 'das nas dge slong gi dge 'dun gyi gung la gdan bshams pa nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge 
slong dag mdang tsam pa'i klu'i bu mo nga ga la ba der 'ongs te phyin nas nga'i zhabs la mgo bos phyag 'tshal te phyogs gcig tu 'dug pa dang / de'i tshe tsam pa'i klu'i bu mo'i kha dog gi mthus drang srong gar ga'i rdzing 'gram thams cad snang ba rgya chen pos khyab par gyur to/ /phyogs 
gcig tu 'dug nas tsam pa'i klu'i bu mos nga la 'di skad ces gsol to/ /btsun pa bdag gi bu ma dad pa zhig mchis pa de bdag gis chos nyan pa yang dag par len tu stsal nas de 'phags pa rnams kyi drung du chos nyan du mchis pa dang / de dag gis de rnga ma'i rnyis btags te 
bor bas de'i mgrin pa snad nas/ de la ne'u ldangs rnams kyis mgrin snad mgrin snad ces co dri ba smras lags so/ /de la/ de skad ces bgyis pa na lus skya bo bseng bseng por gyur cing sha bri ngan pa/ rke ba skem por gyur na kye ma bcom ldan 'das kyis thugs brtse bar dgongs 
te gang gis na 'phags pa rnams klu gzhon nu rnga ma'i rnyis 'dogs par mi 'gyur bar 'phags pa rnams dran par bgyid pa cung zad cig bcar gsol zhes zer ro/ /dge slong dag de lta bas na gang la da ltar lha rnams kyang kye ma shAkya'i bu'i dge sbyong rnams ni dge ba'i chos rnams 
las yongs su nyams par gyur to zhes 'phya bar 'gyur ba 'di ni mdzes pa ma yin rung ba ma yin gyis de lta bas na dge slong gis klu gzhon nu rnga ma'i rnyis gdags par mi bya'i 'on kyang klu gzhon nu mthong na se gol gyi sgra phyung ste/ bzhin bzangs mthong ba'i lam na ma 'dug shig ces 

</font><hr>10-1-189b<br><font size=+1>
brjod par bya'o/ /gal te mthong ba'i lam na mi 'dug na de lta na legs/ ji ste 'dug na dbyug gu skam khas dal gyis blangs te bum pa'am rdza mar bcug la de la bu ga btod de kha bcad nas dbyung bar bya'o/ /gal te dbyug gu skam kha med na shur bu'am/ lcags pod 
dam/ rgya cang gis ske nas btags te dbyung bar bya'o/ /ji ste shur bu'am/ lcags pod dam/ rgya cang med na gdang thag gi rnyi'am/ gres thag gi rnyi la ras mas dkris nas des gdags par bya zhing de nas bum par bcug ste dbyung bar bya'o/ /dge slong dag gis 
de de bzhin du phyung nas nags kyi nang du bor ba dang / de khros pa'i mes nags bsregs te de yang de nyid du tshig pa dang / bcom ldan 'das kyis bka' stsal pa/ nags kyi nang du dor bar mi bya'o/ /dge slong dag gis snang ba'i gnas su bor ba dang / skad cig kyang ma thogs 
par srog chags 'ol bas khyer nas/ bcom ldan 'das kyis bka' stsal pa/ de'i mod kho na la ldog par mi bya'i 'on kyang snang ba'i gnas su bzhag nas ji srid gnas su ma zhugs pa de srid du bsdad par bya'o/ /sangs rgyas bcom ldan 'das rgyal po'i khab na 'od ma'i tshal ka 
lan da ka gnas pa na bzhugs so/ /rgyal po'i khab na khyim bdag cig 'dug pa rdo'i las la mkhas pa zhig ste/ rdo phru dag byas shing byas shing 'tshong ngo / /dus gzhan zhig na de la rnyed pa mang du grub nas des bsams pa/ gang gis na bsod nams su yang 'gyur la rnyed pa 
yang mang du 'grub par 'gyur ba'i thabs de gang zhig yin snyam pa dang / de dad pa can zhig pas de 'di snyam du sangs rgyas la sogs pa dge slong gi dge 'dun khyim du spyan drangs la/ rdo phru dag nas bshos gsol na bdag gi bsod nams su yang 'gyur la/ rnyed pa yang mang du 
'gyur ro snyam du bsams so/ /de bcom ldan 'das ga la ba der song ste zhes bya ba nas/ dge slong gi dge 'dun gyi gung la gdan bshams pa nyid la bzhugs so/ /zhes bya ba'i bar snga ma bzhin no/ /de nas khyim bdag des sangs rgyas la sogs pa dge slong gi dge 'dun 

</font><hr>10-1-190a<br><font size=+1>
bde bar bzhugs par rig nas rang gi lag dar te bza' ba dang bca' ba gtsang zhing bsod pas kun tu tshim par byed/ kun tu stobs par byed do/ /rnam grangs du mar rang gi lag dar te bza' ba dang bca' ba gtsang zhing bsod pas kun tu tshim par byas/ kun tu 
bstabs nas bcom ldan 'das gdugs tshod gsol te phyag bcabs lhung bzed gyu bar rig nas stan ches dma' ba zhig blangs te chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis sbyin pa de la rjes su yi rang ba 'dis rjes 
su yi rang ba mdzad do/ /mchod sbyin nang na sbyin sreg mchog /bsdebs sbyar nang na skyong byed mchog /mi yi nang na rgyal po mchog /chu bo'i nang na rgya mtsho mchog /skar ma'i nang na zla ba mchog /gsal ba'i nang na nyi ma mchog /steng dang 'og dang thad kar yang / /
skye bo'i 'gro ba ji snyed pa/ /lha dang bcas pa'i 'jig rten na/ /mchod bya dam pa rdzogs sangs rgyas/ /zhes bya ba nas yang dag par rab tu dga' bar mdzad nas gdan las bzhengs te bzhud do zhes bya ba'i bar snga ma bzhin no/ /des yang sangs rgyas la sogs pa 
dge slong gi dge 'dun khyim du bshos la spyan drangs nas des rgan rims bzhin rdo phru sar pa brims nas spyad spyad pa de dag nyid kyang brim par brtsams pa dang / dge slong rnams 'gyod de len par mi byed nas/ bcom ldan 'das kyis bka' stsal pa/ khyim pas yongs su dag 
go zhes byas nas blang bar bya ste/ 'di la 'gyod par mi bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis tshon gyi las bya'o zhes bka' stsal pa dang / dge slong dag 
gis tshon gsher bar bskol ba dang / de zho can yin pa'i phyir btsos pa dang mi sdug par gyur cing de dag kyang ma rung nas/ bcom ldan 'das kyis bka' stsal pa/ bskams nas bskol bar bya'o/ /dge slong dag gis nyi ma la bskams te non chung bar gyur nas/

</font><hr>10-1-190b<br><font size=+1>
bcom ldan 'das kyis bka' stsal pa/ nyi ma la bskam par mi bya'o/ /dge slong dag grib ma la skems te rlams khyer nas/ bcom ldan 'das kyis bka' stsal pa/ grib ma la bskam par mi bya'i 'on kyang nyi ma phyed yod pa la bskam par bya'o/ /dge slong dag gis tshon 
dang chos gos dag gcig char chur bcug ste btsos pa dang / de dag ma rung bar gyur nas bcom ldan 'das kyis bka' stsal pa/ tshon logs shig tu bskol bar bya'o/ /dge slong dag lan gcig kho na bskol te 'dor bar byed nas bcom ldan 'das kyis bka' stsal pa/ lan 
gsum gyi bar du bskol nas dor bar bya'o/ /dge slong dag gis lan gsum gyi bar du bskol na gcig kho nar bzhag pa dang / bcom ldan 'das kyis bka' stsal pa/ snod so sor gzhag par bya'o/ /dge slong dag gis dang po ni gang yin/ gnyis pa ni gang yin/ 
gsum pa ni gang yin ma shes nas/ bcom ldan 'das kyis bka' stsal pa/ 'di ni dang po'o/ /'di ni gnyis pa'o/ /'di ni gsum pa'o zhes yi ge bri bar bya'o/ /dge slong dag gis tshon nyid du chos gos dag bcug pa dang / bcom ldan 'das kyis bka' stsal 
pa/ tshon nyid du chos gos dag gzhug par mi bya'i 'on kyang gzhong khung du tshon blugs la bsug par bya'o/ /dge slong gis ha cang gsher ba la bsugs pas de 'khrus nas bcom ldan 'das kyis bka' stsal pa/ ha cang gsher ba la bsug par mi bya'o/ /dge slong dag 
gis ha cang skam pa la bsugs pas chos gos dag khra bor gyur nas/ bcom ldan 'das kyis bka' stsal pa/ ha cang skam po la bsug par mi bya'i 'on kyang ran tsam la bsug par bya'o/ /dge slong rnams chos gos dag sa la skems par byed de/ de dag rdul gyis dri 
ma can du gyur nas/ bcom ldan 'das kyis bka' stsal pa/ sa la bskam par mi bya'o/ /dge slong dag gis rtswa bting nas bskams te tshon phyogs gcig tu song nas/ bcom ldan 'das kyis bka' stsal pa/ gzar thag la btags la der bskam par bya'o/ /dge 

</font><hr>10-1-191a<br><font size=+1>
slong dag gis de bzhin du gzar thag la bkal bas bar du tshon ma chags nas/ bcom ldan 'das kyis bka' stsal pa/ grwa nas tha gus btags la rgyang shing bres nas gzungs btab ste bskam par bya'o/ /dge slong dag gis bsugs nas ma bzlog 
ste tshon phyogs gcig tu 'dris nas/ bcom ldan 'das kyis bka' stsal pa/ yang dang yang du bzlog par bya'o/ /snam sbyar gzhan dag cig tshad che ste gzar thag la ma shong nas/ bcom ldan 'das kyis bka' stsal pa/ rtswa bting nas bskam par bya zhing yang dang yang 
du bzlog par bya'o/ /dge slong dag chos gos rnying pa dag la ni tshon sar pa ldugs/ chos gos sar pa dag la ni tshon rnying pa ldugs nas/ bcom ldan 'das kyis bka' stsal pa/ tshon sar pa yang sar pa kho na dag la blug par bya zhing rnying pa yang rnying pa dag la blug 
par bya'o/ /dge slong rnams chos gos sar pa dag ni grib ma la skems/ rnying pa dag ni nyi ma la skems nas/ bcom ldan 'das kyis bka' stsal pa/ sar pa dag ni nyi ma la bskam par bya zhing / rnying pa dag ni grib ma la bskam par bya'o/ /dge slong dag dang por 
ni tshon gsum pa/ de'i 'og tu ni gnyis pa/ de'i 'og tu ni dang po ldugs pas dang po lhag par gyur nas/ bcom ldan 'das kyis bka' stsal pa/ dang por dang po dang gnyis pa blug par bya zhing phyis gsum pa blug par bya'o/ /dge slong dag gis chu'i nang du ma 
bsugs pas chos gos dag khra bor gyur nas/ bcom ldan 'das kyis bka' stsal pa/ chu'i nang du bsug par bya'o/ /dge slong dag gis de nyid kyi nyin par chu'i nang du bsugs pa dang / bcom ldan 'das kyis bka' stsal pa/ phyi de nyin bsug par 
bya'o/ /dge slong gzhan dag cig tshon gyi las byed pa na rlung dang char pa byung nas dge slong rnams phyogs gang du bskam zhes chos gos dag phan tshun sbed par byed nas/ bcom ldan 'das kyis bka' stsal pa/ rlung dang char pa byung na khang bzangs su tshon gyi las bya'o/ /

</font><hr>10-1-191b<br><font size=+1>
bcom ldan 'das kyis rlung dang char pa byung na khang bzangs su tshon gyi las bya'o zhes bka' stsal pa dang / dge slong dag gis khang bzangs su tshon gyi las byas pas khang bzangs tshon gyis sbags nye bar sbags shing 'dug pa bram ze dang khyim bdag rnams kyis mthong nas 
smras pa/ 'phags pa khrag 'di ga las bo/ /dge slong dag gis smras pa/ 'di khrag ma yin gyi kho bo cag gis phyogs 'dir tshon gyi las byas so/ /de dag gis smras pa/ bdag cag gis khrag yin no snyam du bsams so/ /skabs de dge slong rnams 
kyis bcom ldan 'das la gsol pa dang / bcom ldan 'das kyis bka' stsal pa/ phyogs der ba lang gi lci ba 'am 'jim pas byug par bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs 
so/ /gang gi tshe khyim bdag mgon med zas sbyin gyis sangs rgyas la sogs pa dge slong gi dge 'dun la rgyal byed kyi tshal phul ba na de'i blo skyes pa/ bdag gis rgyal byed kyi tshal sangs rgyas la sogs pa dge slong gi dge 'dun la phul na der rtsig pa dag ri 
mo ma bris pas song la bcom ldan 'das la bdas par gsol te bri'o snyam nas/ de bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas khyim 
bdag mgon med zas sbyin gyis bcom ldan 'das la 'di skad ces gsol to/ /bcom ldan 'das bdag gis 'dir rtsig pa dag ri mo ma bris te de'i slad du gal te bcom ldan 'das kyis gnang na da rtsig pa ri mo bri bar 'tshal lo/ /bcom ldan 'das kyis 
bka' stsal pa/ khyim bdag gnang gis bris shig /bcom ldan 'das kyis rtsig pa ri mo bri bar bya'o zhes bka' stsal pa dang / dge slong dag gis tshon sna du'i ri mo bri ba ma shes nas de dag gis bcom ldan 'das la zhus pa/ bcom ldan 'das kyis khyim bdag 

</font><hr>10-1-192a<br><font size=+1>
mgon med zas sbyin la gnang ste/ rtsig pa ri mo bri bar bya'o zhes bka' stsal pa de tshon sna du zhig gis bri bar bgyi lags/ bcom ldan 'das kyis bka' stsal pa/ dge slong khyim bdag mgon med zas sbyin gyis ma shes pa de khyed kyis dris pa legs 
so legs so/ /tshon sna bzhi po sngon po thams cad dang / ser po thams cad dang / dmar po thams cad dang / dkar po thams cad kyis bri bar bya'o// //'dul ba phran tshegs kyi gzhi/bam po bcu bdun pa/ sdom ni/ mkhar len pa yi spyad dag 
dang / /bu ga can gyi khri'u dang ni/ /phyag dang skra rnams bzed pa dang / /phreng ba khab dang tshar ma'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag cig 
gnas pa de'i khyim du bsod snyoms pa zhig dus dus su 'ong zhing des de skyabs su 'gro ba dang / bslab pa'i gzhi dag la bzhag go/ /dus gzhan zhig na de la rdzas las byung ba'i bsod nams bya ba'i dngos po bdun gyi bsngags pa brjod pa dang / des smras pa/ 'phags 
pa bdag gis rdzas las byung ba'i bsod nams bya ba'i dngos po gang yang rung ba zhig bgyi'o/ /bsod snyoms pas smras pa/ khyim bdag legs kyis de bzhin du gyis shig /'phags pa ci zhig bgyi/ khyim bdag dge 'dun gyi gtsug lag khang gyis shig /
'phags pa bdag la kAr ShA pa Na dag ni mchis na/ 'on kyang chos kyi grogs bgyid pa ma mchis so/ /khyim bdag kAr ShA pa Na dag byin cig dang / khyod kyi chos kyi grogs nga yin no/ /'phags pa legs kyis kAr ShA pa Na 'di re zhes des de la kAr ShA pa Na dag 
byin no/ /bsod snyoms pa des bsams pa/ 'di phyogs bzhi'i tshangs pa mtshungs par spyod pa rnams kyi nor yin pas 'di las ji ltar spyad par bya/ bzhag la re zhig gzhan bslang bar bya'o snyam nas des kAr ShA pa Na mdzod du bcug ste bzhag go/ /ji tsam 

</font><hr>10-1-192b<br><font size=+1>
dus gzhan zhig na khyim bdag des bsams pa/ 'phags pa bdag gi gtsug lag khang byed kyis re zhig song la de na ci dag byed blta'o snyam mo/ /de song ba dang ji tsam na ci yang mi snang nas/ des smras pa/'phags pa bdag gi gtsug lag khang 
cung zad kyang ma bgyis sam/ bsod snyoms pas smras pa/ re zhig gtsug lag khang gi mkhar len pa'i lag spyad kyang med na cis bya/ 'phags pa kye ma kAr ShA pa Na dag gar mchis/ khyim bdag mdzod na 'dug go/ /'phags pa de nyid las mkhar len pa'i 
lag cha bgyid du stsol cig /khyim bdag ngas ji ltar phyogs bzhi pa'i nor gyis mkhar len pa'i lag cha byed du gzhug /'phags pa gtsug lag khang 'di yang phyogs bzhi'i dge slong dag kho na'i slad du bgyid na 'di la ci zhig 'gal/ khyim bdag bcom ldan 'das 
la zhu'o/ /'phags pa de bzhin mdzod cig /des gnas skabs de dge slong rnams la bsnyad pa dang / dge slong rnams kyis bcom ldan 'das la gsol to/ /bcom ldan 'das kyis bka' stsal pa/ nor de nyid las mkhar len pa'i lag spyad bya ste/ 'di la 
'gyod par mi bya'o/ /bsod snyoms pa de gtsug lag khang byed cing bsod snyoms la yang rgyu ba dang / khyim bdag gis smras pa/ 'phags pa bdag gis gtsug lag khang mdzad cing bsod snyoms la yang rgyu'am/ 'di nyid las mkhar len pa'i bsod snyoms 
su mdzod cig dang bdag gis kAr ShA pa Na gzhan dag kyang dbul lo/ /khyim bdag mkhar len pa'i nor las ji ltar bsod snyoms su bya/ 'phags pa 'di bdag nyid kyi sems kyis bag yangs su bgyis pas mdzod cig /'di la 'gal ba ci zhig mchis/ des 
smras pa/ bcom ldan 'das la zhu'o/ /'phags pa de bzhin mdzod cig /des gnas skabs de dge slong rnams la bsnyad pa dang / dge slong rnams kyis bcom ldan 'das la gsol to/ /bcom ldan 'das kyis bka' stsal pa/ mkhar len byed pas mkhar 

</font><hr>10-1-193a<br><font size=+1>
len gyi nor kho na las bsod snyoms yongs su spyad par bya'o/ /bcom ldan 'das kyis mkhar len pa'i nor kho na las bsod snyoms yongs su spyad par bya'o zhes bka' stsal pa dang / de ha cang ngan pa za nas/bcom ldan 'das kyis bka' 
stsal pa/ ha cang ngan pa bza' bar mi bya'o/ /de ha cang bsod pa bza' bar brtsams pa dang / bcom ldan 'das kyis bka' stsal pa/ ha cang bsod pa bza' bar mi bya'i 'on kyang gtsug lag khang gzhan gyi thad tsam du yongs su spyad par bya'o/ /sangs 
rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong zhig 'khru bag na ba de yang dang yang du chab khung sar 'gro bas rmya'o/ /skabs de dge slong rnams kyis bcom ldan 'das la 
gsol pa dang / bcom ldan 'das kyis bka' stsal pa/ khri'u bu ga can bya'o/ /bcom ldan 'das kyis khri'u bu ga can bya'o zhes bka' stsal pa dang / dge slong dag gis khyad par med par khri'u dag la mtshon gyis phug ste bu ga btod pa dang / bcom 
ldan 'das kyis bka' stsal pa/ sbas btags pa dang / 'breng bus btags pa gang yin pa de la ni phug nas bu ga gdod par bya'o/ /the gus btags pa gang yin pa de la ni bu ga btod la bcing bar bya'o/ /de bshang ba byed pa na rkub rus na nas/ bcom ldan 
'das kyis bka' stsal pa/ phyogs der lo ma'i khres gzhag par bya'o/ /bshang ba sa la lhung nas bcom ldan 'das kyis bka' stsal pa/ 'og tu gyo mo gzhag par bya'o/ /ha cang mthon por 'jog par byed nas/ bcom ldan 'das kyis bka' stsal pa/ 
ha cang mthon por gzhag par mi bya'o/ /de dri mi zhim par gyur te dge slong dag gis de phyung nas bor te gzhan bzhag pa dang / de yang dri mi zhim par gyur to/ /de yang bor ba dang gzhan ma rnyed nas bcom ldan 'das kyis bka' stsal pa/ thams cad dor bar 

</font><hr>10-1-193b<br><font size=+1>
mi bya'i gnyis bcangs la gcig bkrus te bskam par bya zhing cig shos kyang de bzhin du bya'o/ /'on te gnyis su ma rnyed par gyur na de'i steng du lo ma sbrel ba gzhag cing der bshang bar bya ste/ de lta bu gzhan yang gzhag par bya'o/ /bcom ldan 'das kyis 
gyo mo de bkru bar bya'o zhes bka' stsal pa dang / de bkrus kyang dri mi zhim par gyur nas/ bcom ldan 'das kyis bka' stsal pa/ til mar gyis bsku bar bya'o/ /'on kyang dri mi zhim par gyur nas/ bcom ldan 'das kyis bka' stsal pa/ yungs mar 
gyis bsku bar bya'o/ /bcom ldan 'das kyis nad pa la blta bar bya'o zhes bka' stsal nas/ de'i drung du nad pa la blta ba'i dge slong rgan po yang 'ong ngo / /gzhon nu dag kyang 'ong ngo / /de nas gzhon nu gang dag yin pa de dag ni de phyag 'tshal bar byed/ rgan po 
gang dag yin pa de dag la ni nad pa de phyag 'tshal bar byed pas de skyo bar gyur nas/ bcom ldan 'das kyis bka' stsal pa/ 'bags pa la phyag mi bya/ 'bags pas phyag mi bya/ 'bags pas phyag bdag gir mi bya/ 'bags pa las phyag bdag 
gir mi bya'o/ /'bags pa la phyag byed dam/ 'bags pas phyag byed dam/ 'bags pas phyag bdag gir byed dam/ 'bags pa las phyag bdag gir byed na 'gal tshabs can du 'gyur ro/ /sangs rgyas bcom ldan 'das la tshe dang ldan pa nye ba 'khor 
gyis zhus pa/ bcom ldan 'das kyis 'bags pa la phyag mi bya/ 'bags pas phyag mi bya/ 'bags pas bdag gir mi bya/ 'bags pa las phyag bdag gir mi bya'o zhes gang gsungs pa/ btsun pa 'bags pa du zhig mchis lags/ nye bar 'khor 
'bags pa ni gnyis te/ zas kyis 'bags pa dang / mi gtsang bas 'bags pa'o/ /de la zas kyis 'bags pa ni so shing dang / bza' ba dang / btung ba dang / 'bras bu dang / rtsa ba la sogs pa za bas brel ba'o/ /mi gtsang bas 'bags pa ni 

</font><hr>10-1-194a<br><font size=+1>
bshang ba dang / gci ba dang / de dag bkru bar mi gtsang ba'i gnas kyi byi dor bya ba byed pa'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /sangs rgyas bcom 
ldan 'das la tshe dang ldan pa nye ba 'khor gyis zhus pa/ btsun pa bcom ldan 'das la bram ze pad ma'i snying pos bcom ldan 'das kyis nam bdag shing rta la 'tshal ba'am/ kha lo sgyur ba'am/ lcag sgreng ba'am/ skad cher smra ba gzigs pa de'i tshe 
bdag phyag 'tshal bar gau ta ma khyod kyis gzung du gsol/ nam srang na mchis sam/ lham 'bud dam/ shul las byol lam/ sug pa brkyang pa gzigs pa de'i tshe bdag phyag 'tshal bar gau ta ma khyod kyis gzung du gsol/ nam 'khor gyi nang nas 
mchis sam/ stan las 'phags sam/ gtsug tor dang / gdugs phog pa de'i tshe bdag phyag 'tshal bar gau ta ma khyod kyis gzung du gsol zhes gsol pa gang lags pa/ btsun pa ci lags 'phags pa'i chos 'dul ba la de lta bu dag phyag 
'tshal bar chud dam/ nye ba 'khor phyag byas pa ma yin gyi/ nye ba 'khor de ni gus par smra ba'i tshig tsam du zad kyi lus 'dud pa dang / tshig tu 'byin pa gang yin pa de ni mchod pa yin no/ nye ba 'khor 'on kyang 'phags pa'i chos 'dul ba la ni phyag gnyis 
te/ yan lag lnga pa dang / byin pa la 'khyud pa'o/ /gleng gzhi ni mnyan yod na'o/ /dge slong dag chos gos gang dag gyon nas skra dang kha spu 'breg pa byed pa de dag nyid gyon nas zan za bar byed/ de dag nyid dang ston pa la phyag 'tshal bar byed pa dang / ma dad pa 
rnams 'phya bar byed cing shAkya'i bu'i dge slong rnams ni gtsang sbra med pa ste/ chos gos gang dag gyon nas skra dang kha spu 'breg pa de dag nyid gyon nas zan za bar byed cing de dag nyid dang ston pa la phyag 'tshal bar byed do zhes zer ba'i skabs de dge slong rnams kyis bcom ldan 

</font><hr>10-1-194b<br><font size=+1>
'das la gsol pa dang / bcom ldan 'das kyis bka' stsal pa/ chos gos dag gyon nas skra dang kha spu breg par mi bya'i 'on kyang skra bzed kyi gos bcang bar bya zhing de bgos nas skra breg par bya'o/ /bcom ldan 'das kyis skra bzed kyi gos bcang bar bya'o zhes 
gsungs pa dang / gzhan dag cig la 'byor pa med nas/ bcom ldan 'das kyis bka' stsal pa/ gang dag la 'byor pa med pa/de dag gis rngul gzan gyis lus dkris la skra breg par bya'o/ /dge slong dag gis skra dang kha spu bregs nas de bzhin du song ba 
dang / bram ze dang khyim bdag dag shAkya'i bu'i dge sbyong rnams ni spu gri'i las byas nas khrus mi byed pas gtsang sbra med pa'o zhes 'phya bar byed do/ /skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ 
spu gri'i las byas nas khrus bya'o/ /dge slong gzhan dag cig ni rgas 'khogs shing nyam chung bar gyur/ gzhan dag cig ni na nas khrus kyi sbyor ba mi bzod par gyur/ gzhan dag cig la ni chu'i rnyed pa med nas/ bcom ldan 'das kyis bka' stsal pa/ de 
dag gis ni yan lag lnga tsam bkru bar bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bram ze dang khyim bdag dad pa can dag gis dge slong dag la me tog gi phreng ba 'bul 
ba dang / de dag gis ma blangs nas bram ze dang khyim bdag dag gis smras pa/ 'phags pa dag gang gi tshe sangs rgyas bcom ldan 'das zhes bya ba nas/ ci bdag cag 'jig rten 'di nas 'jig rten pha rol tu dge ba'i lam rgyags bral te mchi'am/ bzhes shig 
ces bya ba'i bar snga ma bzhin no/ /skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ de lta bas na me tog gi phreng ba len par rjes su gnang ngo / /de dag gis blangs te de dag nyid kyi mdun du bor ba 

</font><hr>10-1-195a<br><font size=+1>
dang / de dag 'phya zhing 'phags pa bdag cag gis ri ba'i rin gyis nyos pa yin na ci khyed kyis blangs te dor ram zhes zer nas/ bcom ldan 'das kyis bka' stsal pa/ dor bar mi bya'o/ /dge slong dag gis dbu skra dang sen mo'i mchod rten 
dag la btags pa dang de dag gis smras pa/ ci 'phags pa bdag cag gis de bzhin gshegs pa'i dbu skra dang / sen mo'i mchod rten ma mthong snyam mam/ bdag cag gis khyed la byin pa lags kyi bdag cag gis de bzhin gshegs pa'i dbu skra dang sen mo'i 
mchod rten dag la ni dang po nyid du phul lo/ /dge slong rnams kyis blangs nas gnas khang gi sgor bzhag pa dang / bram ze dang khyim bdag dad pa can gyis mthong nas dri gtsang khang yin no snyam ste phyag 'tshal nas/ bcom ldan 'das kyis bka' stsal pa/ gnas khang gi sgor 
gzhag par mi bya'i nang du gzhag par bya'o/ /dge slong dag gis sgo'i drang thad du bzhag pas nyes dmigs de nyid du gyur nas/ bcom ldan 'das kyis bka' stsal pa/ dri zhim po thams cad mig la phan pas phyogs dben par gzhag cing bsnam par bya'o/ /bcom 
ldan 'das kyis gnas dben par gzhag cing bsnam par bya'o zhes gsungs pa dang / dge slong dag gis ji ltar gzhag pa mi shes nas/ bcom ldan 'das kyis bka' stsal pa/ sngas logs su khab bam tsher ma btab la 'phyang du gzhug par bya'o// //sdom ni/ 
stan bzang dang ni rgyab rten dang / /dris bsku lhung bzed bu ga dang / /'bru mar snod ni gsum dag dang / /gtur thag dang ni khron pa'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /
de nas bcom ldan 'das kyis dge slong dag la bka' stsal pa/ dge slong dag dge 'dun la ni 'byor na stan bzang po gnang gi gang zag la ni mi gnang ngo / /dge 'dun la ni 'byor na rgyab rten gnang gi gang zag la ni mi gnang ngo / /sangs rgyas bcom ldan 'das 

</font><hr>10-1-195b<br><font size=+1>
mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bram ze dang khyim bdag dad pa can dag gis dge slong rnams la dri phul ba dang / dge slong rnams kyis ma blangs nas de dag gis smras pa/ 'phags pa gang gi tshe sangs 
rgyas bcom ldan 'das 'jig rten du ma byung ba zhes bya ba nas bcom ldan 'das kyis bka' stsal pa/ de lta bas na gnang gis dri blang bar bya'o/ /zhes bya ba'i bar snga ma bzhin no/ /de rnams kyis blangs nas de dag nyid kyi mdun du bor ba dang / de dag gis 
'phags pa dag bdag cag gis ri ba'i rin gyis nyos pa yin na khyed kyis blangs te dor ram zhes 'phya bar byed do/ /skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ dor bar mi bya'o/ /de dag gis 
dbu skra dang sen mo'i mchod rten la phul ba dang / de dag gis smras pa/ 'phags pa dag ci bdag cag gis de bzhin gshegs pa'i dbu skra dang sen mo'i mchod rten ma mthong ngam/ bdag cag gis khyed la phul gyi de bzhin gshegs pa'i dbu skra dang sen mo'i mchod 
rten la ni bdag cag gis dang po nyid du phul lags so/ /dge slong dag gis blangs nas gnas khang gi sgor bzhag pa dang / bram ze dang khyim bdag dad pa can dag gis mthong nas dri gtsang khang yin no snyam ste zhabs la gtugs nas/ bcom ldan 'das kyis 
bka' stsal pa/ gnas khang gi sgor mi gzhag gi/ 'on kyang nang du gzhag par bya'o/ /dge slong dag gis sgo'i drang thad du bzhag nas nyes dmigs de nyid du gyur te/ bcom ldan 'das kyis bka' stsal pa/ sgo'i drang thad du gzhag par mi bya'i 'on kyang dri zhim 
po thams cad ni mig la phan pas sngas kyi thad kar dri'i lag ris bya zhing de nas dus dus su bsnam par bya'o/ /gzhan dad pa can dag gis dge slong dag khyim du spyan drangs te mchod ston gsol nas de rnams de dag gi rkang pa la dri'i lag ris skud pa dang / dge slong 

</font><hr>10-1-196a<br><font size=+1>
dag gis ma blangs nas de dag gis smras pa/ 'phags pa gang dag bram ze la mngon par dad pa de dag gis de dag la dang por dri dang phreng ba dag phul na de dag gis blangs te/ mgo dang lus la nye bar sbyor bar bgyid na bdag cag gis ni khyed la mngon par dad de 
zhabs dag la 'bul ba 'gal ba ci zhig mchis bzhes su gsol/ skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ rkang pa dag la 'bul ba bdag gir bya'o/ /dge slong dag gis blangs te de dag nyid kyi mdun du bor ba dang / de dag gis smras pa/ e ma 'phags pa khyed cag gtsug lag khang du gshegs te ci bder mdzod cig /ji ltar bdag cag dad pa skyes pa de ltar ma dad pa'ang skyes so/ /skabs de bcom ldan 'das la dge slong dag gis gsol pa dang / 
bcom ldan 'das kyis bka' stsal pa/ de dag nyid kyi mdun du dor bar mi bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong dag lhung bzed bab chol du 'jog par 
byed pas de dag ma rung bar gyur nas/ skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ lhung bzed bab chol du gzhag par mi bya'i/ 'on kyang lhung bzed bzhag pa'i bu ga byas la der gzhag par 
bya'o/ /dge slong dag rtsig pa rko bar byed nas/ bcom ldan 'das kyis bka' stsal pa/ rtsig pa brko bar mi bya'i 'on kyang gang gi tshe/ gtsug lag khang rtsig pa de kho na'i tshe lhung bzed kyi bu ga bya ste/ de bzhin du 'khor gyi khang pa la'ang bya'o/ /bcom ldan 'das 
kyis lhung bzed gzhag pa'i bu gar lhung bzed gzhag par bya'o zhes gsungs pa dang / dge slong dgon pa pa dag lhung bzed gzhag pa'i bu ga med nas/ bcom ldan 'das kyis bka' stsal pa/ de dag gis lcug ma 'am/ srad bu'i skon bu byas te de la ba lang gi 

</font><hr>10-1-196b<br><font size=+1>
lci ba'am/ 'jim pas bskus la der gzhag par bya'o/ /rdul gyis khyer nas bcom ldan 'das kyis bka' stsal pa/ de la de dang 'dra ba'i kha gab bya'o/ /dge slong dag gis de sa la bzhag nas bcom ldan 'das kyis bka' stsal pa/ sa la mi gzhag gi 
'on kyang gdang thag gam/ shing gi yal ga la dpyang du gzhug par bya'o/ /de dag gang gi tshe ljongs rgyu zhing 'gro ba de'i tshe de khyer zhing dong nas ma dad pa dag 'phags pa ci 'dir khyim bya 'am spre'u khyer zhes 'phya bar byed nas/ bcom ldan 'das kyis bka' stsal 
pa/ gar 'gro dgur skon bu khyer te/ 'gro bar mi bya'i 'on kyang gang du 'gro ba der gzhan zhig gzhag par bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong zhig ljongs 
rgyu zhing ri brags shig tu phyin te/ des khyim zhig tu gnas brnyas nas rkang pa bkrus te 'bru mar bslang bar brtsams pa dang / ji tsam na bud med cig gis til mar khyer te 'ongs nas dge slong des lag pa brkyang ba dang / des smras pa/ 'phags pa 
slong bar mdzad la snod mi mnga' ba de ga la gda'/ e ma'o khyod kyis 'bru mar gyi snod bcang 'dad cig /des smras pa/ sring mo bcom ldan 'das kyis ma gnang ngo / /de cang mi zer bar 'dug nas skabs de bcom ldan 'das la dge slong dag gis gsol 
pa dang / bcom ldan 'das kyis bka' stsal pa/ de lta bas na gnang gis 'bru mar gyi snod bcang bar bya'o/ /bcom ldan 'das kyis 'bru mar gyi snod bcang bar bya'o zhes gsungs pa dang / tshe dang ldan pa nye dga'i dge tshul gnyis 'bru mar gyi 'brag 
khyer te 'bru mar gyi bsod snyoms la zhugs pa dang / bud med cig gis 'bru mar khyer te 'ongs pa dang / ji tsam na dge tshul gnyis shig 'bru mar gyi 'brag thogs pa mthong nas des brang brdungs te smras pa/ 'phags pa khyed kyi 'di su zhig gis 'gengs 

</font><hr>10-1-197a<br><font size=+1>
par byed/ de dag gis smras pa/ bkren pa mo khyod kyis re zhig ci byin pa de lugs shig /lhag ma lta bram ze dang khyim bdag dad pa can dag 'gengs so/ /de cang mi zer bar gyur nas skabs de bcom ldan 'das la dge slong dag gis 
gsol pa dang / bcom ldan 'das kyis bka' stsal pa/ dge slong dag gis 'bru mar gyi snod ha cang chen po bcang bar mi bya'o/ /bcom ldan 'das kyis dge slong dag gis 'bru mar gyi snod ha cang chen po bcang bar mi bya'o zhes gsungs pa dang / de 
dag gis ha cang chung ngu bcangs pas des dgos pa mi chog nas/ bcom ldan 'das kyis bka' stsal pa/ ha cang chung ngu yang mi bcang gi 'on kyang 'bru mar gyi snod ni gsum ste/chen po dang / 'bring dang / chung ngu'o/ /de la chen po ni phul gang ba'o/ /
chung ngu ni phul phyed pa'o/ /de dag gi bar ni 'bring ngo / /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong rgan po dang gsar bu zhig dang gnyis lam du zhugs 
te dong ba dang / de dag gtam bzang po ma yin pa zer zhing 'gro ba ji tsam na gnod sbyin ma dad pa zhig gis thos nas des bsams pa/ shAkya'i bu'i dge sbyong 'di gnyis gtam bzang po ma yin pa zer zhing 'dong bas 'di dag gi mdangs dbrog par bya'o snyam 
bsams te/ de de gnyis kyi phyi bzhin 'brang ngo / /yang bsams pa/ gang 'das pa de ni 'das su zad/ gal te da gtam bzang po ma yin pa dag zer na nges par mdangs dbrog par bya'o snyam mo/ /de de ltar sems shing de dag gi phyi bzhin 'brang 
ba las gnod sbyin dad pa can gzhan zhig phyogs der 'ongs te/ des de la grogs po gar 'gro zhes dris pa dang / des ji ltar gyur pa de la smras so/ /des smras pa/ grogs po dge slong 'di dag ni dka' thub dang ldan pas gor ma chag 

</font><hr>10-1-197b<br><font size=+1>
par chos kyi gtam zer zhing 'dong ngo / /khyod la dge slong dag gis ci zhig byas/ 'dug cig dang / bdag cag phan tshun yang dag par dga' ba'i gtam dag bya zhing 'dong ngo / /des smras pa/ grogs po bdag gis 'di gnyis nges par mi gtang gis tshur shog 
'dong ngo / /des de dus kyis 'chu bar shes nas de dang lhan cig tu de gnyis kyi phyi bzhin du 'brangs pa dang / dge slong de gnyis gtam bzang po ma yin pa kho na zer zhing 'dong ba las ji tsam na lam gnyis su gyur nas/ dge slong de gnyis las kyang gcig ni rgyal 
byed kyi tshal du 'gro'o/ /gcig ni ri dgas 'dzin gyi ma'i khang bzangs su 'gro'o/ /de gnyis las gsar bu gang yin pa des rgan po la phyag byas te/ des smras pa/ tshe dang ldan pa bdag ni ri dgas 'dzin gyi ma'i khang bzangs su mchi yis khyod bag 
yod par mdzod la nad med par gshegs shig ces smras nas de song ba dang / gnod sbyin ma dad pa de skra gyen du bslang ste mdangs dbrog ces byas pa dang / gnod sbyin dad pa can des smras pa/ grogs po gzu lums ma byed cig /'di gnyis kyis 
chos bshad de/ gang nad med par gyur cig ces smras pa nad med pa de ni rnyed pa'i mchog yin la/ gang bag yod par byos shig ces zer ba bag yod pa ni chos thams cad kyi rtsa ba yin no/ /bcom ldan 'das kyis kyang / bag yod 'chi med gnas yin 
te/ /bag med pa ni 'chi ba'i gnas/ /bag yod 'chi bar mi 'gyur te/ /bag med rtag tu 'chi bar 'gyur/ /zhes gsungs so zhes des de slar bzlog go/ /gnod sbyin dad pa can de 'di snyam du 'di kho na bdag gis bya ba yin no snyam bsams nas/ 
bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal nas phyogs gcig tu 'dug go/ /phyogs gcig tu 'dug nas bcom ldan 'das la gnod sbyin des 'di skad ces gsol to/ /btsun pa bcom ldan 

</font><hr>10-1-198a<br><font size=+1>
'das kyi bstan pa la mngon par ma dad pa/ mi ma lags pa/ gnod sbyin gtum po rtag tu gnas shing mchis lags so/ /btsun pa mngon par dad pa gang dag lags pa de dag ni nyung zad cig mchis lags te/ bcom ldan 'das 
kyi bstan pa la mngon par dad pa/ mi ma lags pa/ gnod sbyin gtum po/ /rtag tu gnas kyang bcom ldan 'das kyi bstan pa la mngon par ma dad pa'i gnod sbyin gtum po rtag tu gnas pa ni ches mang lags la/ btsun pa 'phags pa 'di dag ni 
gtam bzang po ma lags pa mchi zhing shul du zhugs te mchi na/ kye ma bcom ldan 'das kyis brtse bar dgongs te/ gang gis na 'phags pa dag gtam bzang po ma lags pa mchi zhing shul du zhugs te mchi bar mi 'gyur bar 'phags pa rnams dran par 
bgyid pa cung zad cig bcar gsol/ bcom ldan 'das kyis gnod sbyin de la cang mi gsung bas gnang nas/ de nas gnod sbyin de bcom ldan 'das cang mi gsung bas gnang bar rig nas bcom ldan 'das kyi zhabs la mgo bos phyag 'tshal te/ bcom 
ldan 'das kyi spyan snga nas song ngo / /de nas bcom ldan 'das kyis gnod sbyin de song ste ring po ma lon par mkhyen nas dge slong gi dge 'dun gyi gung la gdan bshams pa nyid la bzhugs so/ /bzhugs nas bcom ldan 'das kyis dge slong dag la bka' 
stsal pa/ dge slong dag ngas gnod sbyin zhig las dge slong dag gtam bzang po ma yin pa zer zhing lam du zhugs te 'dong ba la gnod sbyin ma dad pa dag skabs tshol zhing glags lta zhes thos so/ /dge slong dag legs par gsungs pa'i chos 'dul ba la 
rab tu byung ba rnams 'di lta ste/ gtam bzang po ma yin pa zer ba de ni mdzes pa ma yin zhing 'tsham pa ma yin no/ /de lta bas na ngas dge slong lam du 'jug pa'i kun tu spyod pa'i chos dag bca' bar bya ste/ lam du 'jug pa'i dge slong gis chos 

</font><hr>10-1-198b<br><font size=+1>
kyi gtam dang / 'phags pa'i mi smra ba dang rnam pa gnyis kyis lam du zhugs nas 'gro'o/ /ngal bso ba'i gnas kyi phyogs su gtsug lag gi tshigs su bcad pa gdon par bya'o/ /chu chu ba na chu de gang gi yin pa dang / de'i lha la tshigs su bcad 
pa gdon par bya'o/ /gang du gnas 'cha' ba der rgyud chags gsum pa gdon par bya'o/ /lam du zhugs pa'i dge slong gis kun tu spyod pa'i chos ji ltar bcas pa dag yang dag par blangs te 'jug par mi byed na 'gal tshabs can du 'gyur ro/ /sangs 
rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong dag gis chos gos zin pa/ chos gos mthar phyin pa tshon sar pa can dag phrag pa la bkal te lam du zhugs pa dang / 
de dag rdul dang rdul gyis ma rung bar gyur nas/ bcom ldan 'das kyis bka' stsal pa/ gtur bu byas la der bcug ste bkur bar bya'o/ /bcom ldan 'das kyis gos dag gtur bur bcug ste bkur bar bya'o zhes gsungs pa dang / dge slong dag 
gis chos gos kyi gtur bu ji lta bu bya ba mi shes nas/ bcom ldan 'das kyis bka' stsal pa/ ras gang chur ni khru gsum zheng du ni khru phyed dang do pa de gnyis su bltab la drub par bya'o/ /dge slong dag gis mtha' mar kha btod pas glang po che'i sna 
ltar gyur nas bcom ldan 'das kyis bka' stsal pa/ mthar kha mi gdod kyi 'on kyang dbus su gdod par bya'o/ /de dag gis kha thag ma btags pas de bzhin du rdul zhugs nas/ bcom ldan 'das kyis bka' stsal pa/ srad bus dra ba lta bu 
byas la de nas srad bu gzhan gyis brgyu bar bya'o/ /de dag gis chos gos gang dag bgo ba de dag ni 'og tu bzhag /gzhan ni steng du phyung ba dang / de dag gtur bu yang dang yang du 'byed pa na 'chol bar gyur nas/ bcom ldan 'das kyis bka' stsal 

</font><hr>10-1-199a<br><font size=+1>
pa/ gang dag bgo ba de dag ni steng du bzhag la/ lhag ma dag ni 'og tu gzhag par bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe 
mi rgod dag gis 'gron pa bcom nas phan tshun khus 'debs shing bros pa dang / so so'i grong na gnas pa dag khyim nas lhags te mi rgod dag btags rab tu btags nas/ mgon med cing skom pas gdungs te/ gcig nas gcig tu chu btsal ba'i 
phyir rmed cing khron pa zhig tu phyin pa dang / rkun po'i sde dpon gyis smras pa/ shes ldan dag 'dir chu snod dang / thag pa dag ltos shig /bltas na thag pa yang med/ chu snod kyang med do/ /sde dpon gyis smras pa/ shes ldan dag gal te 'gron pa 'ga' 
zhig 'ong na de la thag pa dang / chu snod brnyas/ shing la 'dzegs te ltos shig /de dag gis shing la 'dzegs te blta bar brtsams na/ ji tsam na thag ring ba zhig nas dge slong dag cig 'ong ba mthong ste/ de dag gis smras pa/ sde dpon shAkya'i bu 
mang zhig 'ong ngo / /des smras pa/ shes ldan de dag ni mkhas pa yin pas gdon mi za bar de dag la gdang thag dang / chu snod yod do/ /de dag gis smras pa/ sde dpon gal te de dag la yod na de lta na legs/ ji ste med na de dag gi lto dral te khrag 
btung bar bya'o/ /de dag gis de ltar gros byas te bsdad pa dang / dge slong dag kyang lhags so/ /mi rgod dag gis dris pa/ 'phags pa bdag skom na khyod la gdang thag dang / chu snod yod dam/ de dag gis smras pa/ bzhin bzangs med do/ /mi 
rgod dag 'khrugs par gyur te mtshon cha la nom pa dang / de na dge 'dun gyi gnas brtan dgra bcom pa zhig gis ci'i phyir 'di dag 'khrugs shing mtshon cha la nom zhes bsam pa la zhugs pa dang / dge slong dag gsad par 'dod par mthong nas/ des 

</font><hr>10-1-199b<br><font size=+1>
smras pa/ tshe dang ldan pa dag khyed ci'i phyir 'khrugs par gyur/ de dag gis ji ltar gyur pa smras so/ /des smras pa/ tshe dang ldan pa dag thabs yod kyis tha mal par 'dug la chu 'thung shig /de dag tha mal par 'dug pa dang / dge slong dag 
gis lhas ma dang / lcag phod dang / rgya cang dag mthud de lhung bzed khron par dpyang la btang nas de nas chu bcus te btags so/ /btags nas mi rgod thams cad ngoms par byas pa dang / de dag gis smras pa/ 'phags pa dag gal te khyed kyis bdag 
cag la chu ma stsal bar gyur na bdag cag gis khyed thams cad bsad par gyur to/ /e ma khyed gdang thag 'chang bar mdzod cig /de dag gis smras pa/ tshe dang ldan pa dag de bzhin bya'o/ /mi rgod dag gis phyag byas te dong ngo / /dge slong dag 
gis kyang ji tsam ngoms pa chu 'thungs nas ril ba dang / bya ma bum dag bkang ste dong nas de rim gyis mnyan yod du lhags so/ /dge slong dag gis 'ongs pa legs so zhes bya ba'i kun du spyod pas kun tu spyad nas tshe dang ldan pa dag ci bde bar spyad dam/ 
zhes dris pa dang / de dag gis ji ltar gyur pa smras so/ /skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ de lta bas na gnang gis dge slong dag gis gdang thag bcang bar bya'o/ /bcom 
ldan 'das kyis dge slong dag gis gdang thag bcang bar bya'o zhes gsungs pa dang / dge slong rnams kyis shin tu ring po dag 'chang nas/ bcom ldan 'das kyis bka' stsal pa/ shin tu ring po yang bcang bar mi bya'o/ /de dag shin tu thung ngu dag bcangs 
nas/ bcom ldan 'das kyis bka' stsal pa/ shin tu thung ngu yang bcang bar mi bya'o/ /'on kyang gdang thag gsum bcang bar bya ste/ ring po dang / 'bring dang / thung ngu'o/ /ring po ni khru brgya lnga bcu'o/ /thung ngu ni khru brgya'o/ /de dag gi bar ni 'bring ngo / /

</font><hr>10-1-200a<br><font size=+1>
bcom ldan 'das kyis gdang thag gsum bcang bar bya'o/ /zhes gsungs pa dang / dge slong rnams 'chang bar gyur te/ yul gzhan zhig na chu mod pa der yang dge slong dag gdang thag khyer te 'dong nas/ bcom ldan 'das kyis 
bka' stsal pa/ gdang thag ni yul rnams dang sbyar zhing bcang bar bya'o// //sdom ni/ spu gri bdar dang sen gri dang / /smang tsher dang ni sngas shing dang / /bad tsha'i rigs la 'jim pa ni/ /dri yis yongs su bsgos pa'o/ /sangs rgyas 
bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong zhig gi skra ring po ring por gyur te/ de 'breg mkhan gyi gan du song nas bzhin bzangs bdag gi skra regs shig /des bsams pa/ 
shAkya'i bu'i dge sbyong 'di dag ni nan che ste rngan pa med par las byed du 'jug pas gal te 'di'i skra bregs nas thos pa dang / gzhan dang gzhan dag kyang 'ong bar 'gyur bas dus ring du bsgyangs te bzhag pa dang / 'di rang gi blos ldog go snyam nas des dus btab 
pa/ 'phags pa gshegs la sang gnangs snga dro'am/ slad gro'am/ gdugs kyi gung zhig la spyon cig /de des bslus pas yang dang yang du 'gro'o/ /de la dge slong mdza' bshes shig yod pa des de yang dang yang du 'gro ba mthong nas smras pa/ tshe dang 
ldan pa khyod ci'i phyir 'dir yang dang yang du 'gro/ /ci 'di gnyen gyi khyim mam/ rigs kyi khyim yin/ des smras pa/ tshe dang ldan pa de ni gnyen gyi khyim dang / rigs kyi khyim yang ma yin mod kyi 'on kyang bdag gi skra ring po ring por gyur nas bdag gis 'breg 
mkhan de la 'di skad du/ bdag gi skra ring po ring po regs shig dang / khyod la bsod nams su 'gyur ro zhes byas pa dang / des dus btab ste ma bregs so/ /des smras pa/ tshe dang ldan pa bzo bo la bden par smra ba dkon no zhes khyod kyis ma thos sam/ kho 

</font><hr>10-1-200b<br><font size=+1>
bo ni skra 'breg kyang mkhas na bcom ldan 'das kyis ma gnang ngo / /des skabs de dge slong dag la bsnyad pa dang / dge slong dag gis bcom ldan 'das la gsol to/ /bcom ldan 'das kyis bka' stsal pa/ de lta bas na gnang gis dge slong gang zhig 
shes pa des phyogs dben par skra breg par bya ste/ 'di la 'gyod par mi bya'o/ /bcom ldan 'das kyis dge slong gang zhig mkhas pa des phyogs dben par skra breg par bya'o zhes bka' stsal pa dang / dge slong dge slong de'i drung du song nas tshe dang ldan pa bcom 
ldan 'das kyis gnang gis skra regs shig des smras pa/ tshe dang ldan pa bcom ldan 'das kyis gnang ba ni legs na de ci mdzub mos breg par bya'am/ 'di la spu gri dang / bdar dang / sen gri dang / smang tsher dag kyang dgos so/ /des skabs de dge slong dag 
la smras nas/ dge slong dag gis kyang bcom ldan 'das la gsol pa dang / bcom ldan 'das kyis bka' stsal pa/ de lta bas na gnang gis dge 'dun gyi phyir spu gri'i lag cha bcang bar bya'o/ /sangs rgyas bcom ldan 'das ser skya'i gnas n+ya gro d+ha'i kun 
dga' ra ba na bzhugs so/ /gang gi tshe bcom ldan 'das kyis ser skya na gnas pa'i shAkya'i rigs las re re rab tu phyung ba na de dag rab tu gzhon pa'i rang bzhin can yin pas de dag sngas shing med par khas bub tu nyal nas gnyid log go/ /de dag de bzhin du 
gnyig log pas khams ma snyoms te drod chung bar gyur nas de dag sman pa'i drung du song ste smras pa/bzhin bzangs bdag cag drod chung bar gyur na sman ston cig /des smras pa/ 'phags pa bzhud cig dang khyed cag ci 'dra bar nyal zhing 'dug pa ltar 'dong ngo / /
de song ba dang / ji tsam na sngas shing med par khas bub tu nyal ba mthong nas des smras pa/ 'phags pa khyed cag khas bub tu nyal bas de'i phyir khyed khams ma snyoms la drod chung bar gyur gyis sngas shing chug la nyol cig /des smras pa/ bcom ldan 'das 

</font><hr>10-1-201a<br><font size=+1>
kyis ma gnang ngo / /des smras pa/ 'phags pa khyed kyi ston pa ni thugs rje can yin pas gnang bar 'gyur ro/ /skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ de lta bas na gnang 
gis sngas shing btsugs te nyal bar bya'o/ /de dag sngas shing btsugs te nyal na 'on kyang sos par ma gyur nas de dag gis yang sman pa la smras pa dang / des smras pa/ 'phags pa sngas nang tshangs can bcug ste nyal bar bya'o/ /bzhin bzangs bcom 
ldan 'das kyis ma gnang ngo / /'phags pa khyed kyi ston pa thugs rje can yin pas gnang bar 'gyur ro/ /skabs de bcom ldan 'das la rgyas par gsol pa dang / bcom ldan 'das kyis bka' stsal pa/ de lta bas na gnang gis dge slong gis sngas 
nang tshangs can bcang bar bya'o/ /bcom ldan 'das kyis sngas nang tshangs can bcang bar bya'o zhes gsungs pa dang / dge slong dag gis ci 'dra ba zhig bya ba mi shes nas/ bcom ldan 'das kyis bka' stsal pa/ ras de ni srid du khru bzhi zheng du khru dor byas la 
drub ste/ de nas shing bal gyis bkang la sngas su gzhug par bya'o/ /sangs rgyas bcom ldan 'das rgyal po'i khab 'od ma'i tshal bya ka lan da ka gnas pa na bzhugs so/ /tshe dang ldan pa pi lin da'i bu rab tu byung tshun cad ces bya ba nas/ gnas brtan khyod kyis 
ci bcangs zhes bya ba'i bar snga ma bzhin no/ /des smras pa/ tshe dang ldan pa dris bsgos pa'i 'jim pa dag bcangs so/ /gnas brtan da ci'i phyir mi bcang / tshe dang ldan pa dag bcom ldan 'das kyis ma gnang ngo / /skabs de bcom ldan 'das la dge slong dag gis 
gsol pa dang / bcom ldan 'das kyis bka' stsal pa/ dge slong nad pas dris bsgos pa'i 'jim pa bcang bar bya ste/ 'di la 'gyod par mi bya'o/ /'dul ba phran tshegs kyi gzhi las sgo gsum pa rdzogs s+ho// //bsdus pa'i sdom ni/ gnas 

</font><hr>10-1-201b<br><font size=+1>
brtan rab lhan pa dang / /nad pa dang ni rigs ngan phag /ri mo lhung bzed med pa dang / /gnas bca' ba dang shing bskyed pa'o/ /sdom ni/ gnas brtan re mos gzhan dang ni/ /gso sbyong mtshams ni sbyar ba dang / /btung ba rnams gnyis ldan pa 
dang / gtsug lag khang ni dus kun pa'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis zla ba phyed phyed cing gso sbyong gi tshe kha ton gdon par bya'o 
zhes bka' stsal pa dang / dge slong dag gis gang gis kha ton gdon par bya ba mi shes nas/ bcom ldan 'das kyis bka' stsal pa/ dge 'dun gyi gnas brtan gyis kha ton gdon par bya'o/ /bcom ldan 'das kyis dge 'dun gyi gnas brtan 
gyis kha ton gdon par bya'o zhes bka' stsal nas/ dge 'dun gyi gnas brtan zla ba phyed phyed cing gso sbyong gi tshe kha ton 'don par zhugs so/ /re zhig cig na gtsug lag khang gzhan zhig na gnas brtan zhig 'dug pa de kha ton 'don mi nus pa dang / de 
la dge slong dag gis smras pa/ gnas brtan gso sbyong nye bar gnas na ci mi sems par 'dug gam/ des smras pa/ tshe dang ldan pa dag bdag gis mi nus na ji ltar bya/ skabs de dge slong rnams kyis bcom ldan 'das la gsol pa dang / bcom 
ldan 'das kyis bka' stsal pa/ gal te dge 'dun gyi gnas brtan gyis mi nus na gnas brtan gnyis pas kha ton gdon par bya'o/ /bcom ldan 'das kyis gnas brtan gnyis pas kha ton gdon par bya'o zhes bka' stsal pa dang / re zhig na gtsug 
lag khang gzhan zhig na gnas brtan gnyis pas kyang ma nus nas skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gal te gnas brtan gnyis pas kyang ma nus na gnas brtan gsum pas kha ton 

</font><hr>10-1-202a<br><font size=+1>
gdon par bya'o/ /bcom ldan 'das kyis gnas brtan gsum pas kha ton gdon par bya'o zhes bka' stsal pa dang / re zhig cig na gtsug lag khang gzhan zhig na gnas brtan gsum pas kyang ma nus nas skabs de dge slong rnams kyis 
bcom ldan 'das la gsol pa dang / bcom ldan 'das kyis bka' stsal pa/ gal te gnas brtan gsum pas kyang ma nus na dge slong rnams kyis res su bklags te kha ton gdon par bya'o/ /bcom ldan 'das kyis dge slong rnams kyis res su 
bklags te kha ton gdon par bya'o zhes bka' stsal nas/ dge slong rnams res su bklags te kha ton gdon par brtsams pa dang / res su bklags te kha ton gdon pa de dag las kha cig ni nus pa la res bab/ kha cig ni mi nus pa la res bab 
nas/ de la nus pa gang yin pa des ni res bab pa na zla ba phyed phyed cing so sor thar pa'i mdo gdon pa 'don par byed/ mi nus pa gang yin pa de ni res bab pa na mi shes na ji ltar bya zhes zer ba'i skabs de dge slong rnams kyis bcom ldan 'das la gsol 
pa dang / bcom ldan 'das kyis bka' stsal pa/ des kyang nus pa gang yin pa de la bcol bar bya'o/ /bcom ldan 'das kyis mi nus pa la res bab pa gang yin pa des kyang gzhan la bcol bar bya'o zhes bka' stsal pa dang / re zhig cig 
na gtsug lag khang gzhan zhig na mi nus pa la res bab pa des gang la bcol ba de ma btub nas skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ nus pa gzhan gang yin pa de kho na la 
rtag tu bcol bar bya'o/ /bcom ldan 'das kyis zla ba phyed phyed cing dge 'dun gyi gnas brtan gyis so sor thar pa'i mdo gdon par bya'o/ /de med na gnas brtan gnyis pas so/ /de yang med na gsum pas so/ /de yang med na res su bklags 

</font><hr>10-1-202b<br><font size=+1>
te kha ton gdon par bya ba'am/ gzhan nus pa gang yin pa de la bcol bar bya'o zhes bka' stsal pa dang / gtsug lag khang gzhan zhig na so sor thar pa'i mdo bstan pa ril thon pa ni 'ga' yang med kyi dge 'dun gyi gnas brtan gyis phas pham par gyur 
pa'i chos bzhi bton te/ lhag ma mthon nas dge slong dag gis gso sbyong bzhag go/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gso sbyong gzhag par mi bya'i 'on kyang gang 
gis gang thon pa des de gdon par bya ste/ gal te dge 'dun gyi gnas brtan gyis phas pham par 'gyur ba'i chos bzhi thon na de dag gdon par bya zhing gzhan gyis dge 'dun lhag ma'i chos bcu gsum gzhan gyis ma nges pa'i chos gnyis/ gzhan gyis 
spang ba'i ltung byed kyi chos sum bcu/ gzhan gyis ltung byed kyi chos dgu bcu/ gzhan gyis so sor bshags par bya ba'i chos bzhi/ gzhan gyis bslab pa mang po'i chos rnams gzhan gyis rtsod pa zhi bar byed pa'i chos bdun te/ de ltar gso sbyong gi 
mtshams sbyar na gso sbyong gi bar chad du 'gyur bar nga mi smra'o/ /gleng gzhi ni mnyan yod na'o/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa dus su rung ba'i btung ba zhes kyang bka' stsal/ dus ma lags par rung 
ba zhes kyang bka' stsal na/ btsun pa dus su rung ba ni gang lags/ dus ma lags par rung ba ni gang lags/ nye ba 'khor ma btsags pa ni dus su rung ba'o/ /btsags te chu dang bsres pa ni dus ma yin par rung ba'o/ /gleng gzhi ni mnyan yod na'o/ /
drug sde rnams sdig pa 'dod pa/ ser snas mi rigs par gtsug lag khang la yongs su spyod par byed de kha cig la ni dus thams cad pas kha cig la ni gnas res su gcod pas/ kha cig la ni dus re zhig pas/ kha cig la ni rting gnon pas yongs su 

</font><hr>10-1-203a<br><font size=+1>
spyod par byed do/ /ji ltar dus thams cad pas yin zhe na/ 'di ni bdag gi dgun gyi gtsug lag khang ngo / /'di ni dpyid kyi'o/ /'di ni dbyar gyi'o zhes bya ba ste/ de ltar na dus thams cad pas yin no/ /ji ltar na gnas res su gcod 
pas yin zhe na/ 'di ni bdag gi sang gi gtsug lag khang ngo / /'di ni gnangs kyi'o/ /'di ni gzhes kyi'o zhes bya ba ste/ de ltar gnas res su gcod pas yin no/ /ji ltar na dus re zhig pas yin zhe na/ 'dir ni snga dro gnas so/ /'dir ni phyi 
dro'o zhes bya ba ste/ de ltar na dus re zhig pas yin no/ /ji ltar na rting gnon pas yin zhe na/ 'di ni bdag gi slob dpon gyi gtsug lag khang ngo / /'di ni mkhan po dang / lhan cig gnas pa dang / nye gnas dang / gtam 'dres pa dang / phebs par 
smra ba'i 'o zhes bya ba ste/ de ltar na rting gnon pas yin no/ /yul sna tshogs na gnas pa'i dge slong dag lhags pa dang phongs par gyur nas skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ 
de lta bas na dge slong gi gtsug lag khang dag la dus thams cad pa dang / gnas ris su gcod pa dang / dus re zhig pa dang / rting gnon pas yongs su spyad par mi bya ste/ spyod na 'gal tshabs can du 'gyur ro// //sdom ni/ ra ba dang ni 
shing thags dang / /lam dang 'obs dang skar rgyal dang / /chos gos bcags shing phyis pa dang / /cha ga dang ni bram ze'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /gang 
gi tshe khyim bdag mgon med zas sbyin gyis rgyal byed kyi tshal phyogs bzhi'i dge slong gi dge 'dun la phul ba de'i tshe 'jig rten dag rgyal byed kyi tshal gyi nang du dga' mgur 'gro zhing 'ong nas khyim bdag mgon med zas sbyin gyis bsams pa/ bdag gi 

</font><hr>10-1-203b<br><font size=+1>
gtsug lag khang lam po cher gyur gyis de'i phyir gal te bcom ldan 'das kyis gnang na bdag gis ra bas bskor ro snyam du bsams nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te 
phyogs gcig tu 'dug go/ /phyogs gcig tu 'dug nas khyim bdag mgon med zas sbyin gyis bcom ldan 'das la 'di skad ces gsol to/ /btsun pa gtsug lag khang 'di shul po cher gyur te de'i slad du gal te bcom ldan 'das kyis gnang na 
bdag gis 'di ra bas bskor bar bgyi'o/ /bcom ldan 'das kyis bka' stsal pa/ khyim bdag de lta bas na gnang gis skor cig /des ra bas bskor ba dang / gang gi tshe dbyar gyi dus la bab pa'i tshe rgyal byed kyi tshal chus sbyang bzhin gang ste 'dug go/ /
ji tsam na khyim bdag mgon med zas sbyin bcom ldan 'das kyi zhabs la phyag 'tshal du song ba dang / des rgyal byed kyi tshal chus sbyang bzhin du gang ba mthong nas/ des bsams pa bdag gis rgyal byed kyi tshal ra bas bskor gyi stor khung ma btod pas des na 
'di chus sbyang bzhin du gang ste 'dug go/ /de'i phyir gal te bcom ldan 'das kyis gnang na stor khung gdod do snyam du bsams nas/ bcom ldan 'das la 'di skad ces gsol to/ /btsun pa bdag gis rgyal byed kyi tshal ra bas bskor gyi stor khung ma btod pas 
des na 'di chab kyis sbyang bzhin bltam ste mchis so/ /de'i slad du gal te bcom ldan 'das kyis gnang na bdag gis stor khung gdod par bgyi'o/ /bcom ldan 'das kyis bka' stsal pa/ khyim bdag de lta bas na gnang gis thod cig /des stor khung btod do/ /
ba lang dag 'ongs shing 'ongs nas rtsig pa la lus kyis bsnyogs shing rwas brud pa dang / ji tsam na khyim bdag mgon med zas sbyin gyis mthong nas des bsams pa/ bdag gis rgyal byed kyi tshal ra bas bskor gyi shing thags ma bres pas des na ba lang dag 'ongs shing 

</font><hr>10-1-204a<br><font size=+1>
'ongs nas 'di la lus kyis bsnyogs shing rwas brud do/ /de'i phyir gal te bcom ldan 'das kyis gnang na bdag gis 'di shing thags kyis bskor bar bya'o snyam du bsams nas/ bcom ldan 'das ga la ba der song ste phyin nas bcom ldan 'das kyi 
zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas khyim bdag mgon med zas sbyin gyis bcom ldan 'das la 'di skad ces gsol to/ /btsun pa bdag gis rgyal byed kyi tshal ra bas bskor gyi shing thags ma bres pas ba lang 
dag mchis shing mchis nas de la lus kyis bsnyogs shig rwas brud de/ de'i slad du gal te bcom ldan 'das kyis gnang na shing thags bre bar bgyi'o/ /bcom ldan 'das kyis bka' stsal pa/ khyim bdag de lta bas na gnang gis shing thags res shig /des 
shing thags bres pa dang / ma byin par len pa dag gis shing thags dral te brkus so/ /ji tsam dus gzhan zhig na khyim bdag mgon med zas sbyin 'chag cing song ba dang / shing thags bar bar nas dral zhing shing de yang brkus par mthong ngo / /des bsams pa/ 
bdag gis rgyal byed kyi tshal ra bas bskor nas shing thags bres na/ 'di bar bar nas dral te shing yang brkus kyis de'i phyir gal te bcom ldan 'das kyis gnang na bdag gis 'obs kyis bskor ro snyam du bsams nas bcom ldan 'das ga la ba der song ste phyin nas 
bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas khyim bdag mgon med zas sbyin gyis bcom ldan 'das la 'di skad ces gsol to/ /btsun pa bdag gis rgyal byed kyi tshal ra bas bskor 
cing shing thags bres na de 'obs kyis ma bskor bas bar bar nas dral nas shing brkus na/ de'i slad du gal te bcom ldan 'das kyis gnang na bdag gis 'obs kyis bskor bar bgyi'o/ /bcom ldan 'das kyis bka' stsal pa/ khyim bdag de lta bas na gnang 

</font><hr>10-1-204b<br><font size=+1>
gis 'obs kyis skor cig /des 'obs kyis bskor to/ /gleng gzhi ni mnyan yod na'o/ /mnyan yod na dge slong ma skar rgyal zhes bya ba zhig 'dug pa de skra ring po ring por gyur nas de 'breg mkhan gyi drung du song ste/ bu skra regs shig /khyod la bsod nams su 'gyur 
ro zhes byas pa dang / des bsams pa/ ji ltar shAkya'i bu'i dge sbyong dag nan che ba de ltar 'di dag kyang rngan pa med par las byed du 'jug ste/ gal te 'di'i skra bregs na gzhan dang gzhan dag kyang 'ong bar 'gyur bas dus ring du bshol te bzhag pa dang / 'di rang gi blos 
ldog par 'gyur ro snyam nas/ des 'phags ma bzhud la sang gnangs snga dro'am/ nyi ma'i gung ngam/ slad dro spyon cig ces dus btab po/ /de des bslus pas yang dang yang du 'gro ba dang / de'i smos 'drin dge slong ma zhig yod pa des de yang dang yang du 'gro ba mthong 
nas/ des smras pa/ 'phags ma khyod ci'i phyir 'dir yang dang yang du 'gro/ ci 'di khyod kyi nye du'i khyim mam/ rigs kyi khyim yin/ des smras pa/ 'phags ma 'di ni bdag gi nye du'i khyim yang ma yin/ rigs kyi khyim yang ma yin mod kyi 'on kyang bdag gi skra 
ring po ring por gyur nas bdag gis 'breg mkhan 'o ni la bu bdag gi skra ring po ring po bregs shig dang / khyod la bsod nams su 'gyur ro zhes byas na des ma bregs te dus btab po/ /des smras pa/ 'phags ma khyod kyis bzo bo la bden par smra ba dkon par ma thos 
sam/ kho mo ni skra 'breg mkhas na 'on kyang bcom ldan 'das kyis ma gnang ngo / /des skabs de dge slong ma rnams la bsnyad pa dang / dge slong ma rnams kyis dge slong rnams la'o/ /dge slong rnams kyis bcom ldan 'das la gsol pa dang / bcom ldan 'das 
kyis bka' stsal pa/ dge slong ma gang zhig mkhas pa des phyogs dben par skra breg par bya'o/ /bcom ldan 'das kyis dge slong ma gang zhig mkhas pa des phyogs dben par skra breg par bya'o zhes bka' stsal nas/ dge slong ma de dge slong ma de'i drung du song ste/

</font><hr>10-1-205a<br><font size=+1>
'phags ma bcom ldan 'das kyis gnang gis tshur spyon skra regs shig /des smras pa/ 'phags ma gal te bcom ldan 'das kyis gnang na legs na/ de ci'i sor mos breg gam/ 'di la spu gri dang / bdar dang /sen gri dang / smang tsher 
dag dgos so/ /des skabs de dge slong ma rnams la bsnyad pa dang / dge slong ma rnams kyis dge slong rnams la'o/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na gnang gis dge slong 
ma rnams kyis dge 'dun gyi phyir spu gri'i spyad dag bcang bar bya'o// //'dul ba phran tshegs kyi gzhi/bam po bcwa brgyad pa/ sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /gang gi 
tshe bcom ldan 'das kyis dga' bo rab tu byung ba de'i tshe de la bzang mos chos gos bcags shing rab tu bcags pa dag mnyan yod du bskur ro/ /de nas tshe dang ldan pa dga' bos chos gos bcags shing rab tu bcags pa sar pa ba sos phyis pa dag bgos/ lhung bzed 'tsher ba 
thogs nas dge slong rnams kyi mdun na 'gying bag tu rlom nas skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni dge slong dag chos gos bcags pa dang / rab tu 
bcags pa dag gyon pa las gyur to snyam du mkhyen nas dge slong rnams la bka' stsal pa/ dge slong dag de lta bas na skyes bu gti mug dga' bo chos gos bcags shing rab tu bcags pa sar pa ba sos phyis pa dag bgos lhung bzed 'tsher ba thogs nas/ dge slong 
rnams kyi mdun du 'gying bag tu rlom pa 'di ni mdzes pa ma yin zhing 'tsham pa ma yin no/ /de lta bas na dge slong gis chos gos bcags shing rab tu bcags pa dag bcang bar mi bya ste/ 'chang na 'gal tshabs can du 'gyur ro/ /bcom ldan 'das kyis dge slong 

</font><hr>10-1-205b<br><font size=+1>
gis chos gos bcags shing rab tu bcags pa dag bcang bar mi bya'o zhes bka' stsal pa dang / bram ze dang khyim bdag dad pa can dag dge slong rnams la chos gos bcags shing rab tu bcags pa dag 'bul ba na dge slong rnams kyis ma blangs nas/ de dag gis 
smras pa/ 'phags pa dag gang gi tshe sangs rgyas bcom ldan 'das 'jig rten du ma byung ba de'i tshe ni mu stegs can rnams sbyin gnas lags/ bcom ldan 'das 'jig rten du byung na da ltar khyed sbyin gnas lags na/ gal te khyed mi bzhes na ci bdag cag 
'jig rten 'di nas 'jig rten pha rol tu dge ba'i lam rgyags ma mchis par mchi'am zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa dang / de lta bas na gnang gis blang bar bya zhing 
blangs nas 'tsher ba yal bar byas te yongs su longs spyod par bya'o/ /de dag gis lag pas mnyes nas yal bar ma nus nas/ bcom ldan 'das kyis bka' stsal pa/ zil pa la bzhag ste yal bar bya'o/ /zil pa la bzhag ste yal bar byas na 
'on kyang thams cad kyi thams cad du yal bar ma gyur nas/ bcom ldan 'das kyis bka' stsal pa/ chu'i nang du bsug par bya'o/ /dge slong dag gis chu'i nang du bsugs na 'on kyang yal bar ma gyur nas/ bcom ldan 'das kyis bka' stsal pa/ de ltar byas 
kyang ma yal na yongs su longs spyad par bya ste/ 'di la 'gyod par mi bya'o/ /de bzhin du bram ze dang khyim bdag dad pa can dag gis dge 'dun la chos gos bcags pa dang rab tu bcags pa dag phul na de la yang rim pa 'di nyid kyis yongs su longs spyad par 
bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe mnyan yod kyi bram ze dang khyim bdag rnams rtog khang du 'dus shing 'khod nas bar skabs kyi gtam 'di lta bu dag gleng ste/ dge 

</font><hr>10-1-206a<br><font size=+1>
sbyong gau ta ma bcom ldan 'das kyang bgo bsha' byed pa'i rang bzhin can ma yin la/ de'i nyan thos rnams kyang bgo bsha' byed pa'i rang bzhin can ma yin pas/nyis na mu stegs can dag rung gi dge sbyong mgo reg de dag ni ma yin no zhes zer ro/ /
de na bram ze gcig cig gis smras pa/ kho bos dge sbyong gau ta ma bgo bsha' byed pa'i rang bzhin can yin nam/ 'on te bgo bsha' byed pa'i rang bzhin can ma yin/ de'i nyan thos rnams bgo bsha' byed pa'i rang bzhin can yin nam/ 'on te ma yin pa sang 
khyed kyis mngon sum du gyur par bya'o/ /de dag gis smras pa legs te/ de bzhin du gyis shig dang blta'o/ /des ras yug cig khyer nas rgyal byed kyi tshal du song ste/ des ras yug de rgan pa'i mtha' logs su bzhag nas/ phyogs bzhi'i dge slong 
gi dge 'dun la phul te/ 'phags pa bdag gis ras yug 'di dge 'dun la phul gyis ci bder mdzod cig ces byas pa dang / de la dge 'dun gyi gnas brtan gyis smras pa/ bram ze chen po nad med par gyur cig /sbyin pa 'dis khyod kyi sems kyi rgyan 
dang / sems kyi yo byad dang / rnal 'byor gyi tshogs dang / don gyi mchog thob pa dang / lha dang mi'i gos dag thob par gyur cig ces byas pa dang / des bcos mar mgos phyag byas nas song ngo / /de nas bcom ldan 'das kyis tshe dang ldan pa kun dga' 
bo la bka' stsal pa/ kun dga' bo song la dge slong rnams la ras yug 'o ni bram zes glags btsal ba'i phyir phul gyis de lta bas na khyed kyis mnyam par bgos la/ la las ni cha gar thob shig /la las sgrog gzungs su/ la las ni lhan par/ la las 
ni chos gos kyi sgro gur gyis shig ces bsgo shig /btsun pa de ltar 'tshal lo zhes tshe dang ldan pa kun dga' bos bcom ldan 'das kyi ltar mnyan nas/ dge slong rnams la tshe dang ldan pa dag bcom ldan 'das kyi zhal nas ras yug 'o ni bram zes glags btsal ba'i 

</font><hr>10-1-206b<br><font size=+1>
phyir phul gyis/ de lta bas na khyed kyis mnyam par bgos la/ la las ni cha gar thob shig /la las ni sgrog gzungs su/ la las lhan par/ la las ni chos gos kyi sgro gur gyis shig ces de skad bka' stsal to/ /dge slong rnams kyis smras pa/ btsun pa kun 
dga' bo bcom ldan 'das kyis ji skad bka' stsal pa de bzhin 'tshal lo zhes de rnams kyis de mnyam par gses/ de bzhin du bgos so/ /ji tsam na bram ze nang par sngar langs nas mnyan yod kyi sgo na 'dug go/ /dge slong dag kyang snga dro sham thabs bgos/ lhung 
bzed dang chos gos thogs te mnyan yod du bsod snyoms kyi phyir 'jug par brtsams pa dang / bram ze des smras pa/ 'phags pa bdag gis dge 'dun la ras phul ba gang lags pa de khyed kyis cir bgyis/ de na dge slong gcig cig gis smras pa/ bram ze chen 
po dge 'dun gyis mnyam par gses nas bgos te/ kho bo'i skal ba gang yin pa de ni cha gar btab pa 'di yin no/ /gzhan zhig gis smras pa/ kho bo'i ni sgrog gzungs su btags pa 'di yin no/ /gzhan zhig gis smras pa/ kho bo'i ni lhan par btab pa 'di yin 
no/ /gzhan zhig gis smras pa/ kho bo ni chos gos kyi sgro gur byas pa 'di yin no/ /bram ze des bsams pa/ bram ze rnams shAkya'i bu'i dge sbyong rnams bgo bsha' byed pa'i ngang tshul can ma yin no zhes zer ba ni gyi na zhig brdol te/ bdag nyid chen po 'di dag 
ni bgo bsha' byed pa'i ngang tshul can yin pas 'di dag kho na'i nang du rab tu 'byung ngo snyam nas/ de dad pa skyes te/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces 
gsol to/ /btsun pa bdag legs par gsungs pa'i chos 'dul ba la rab tu 'byung zhing bsnyen par rdzogs pa dge slong gi dngos po 'thob na bdag bcom ldan 'das kyi spyan sngar tshangs par spyad pa spyod do/ /bcom ldan 'das kyis bka' stsal pa/ bram ze 

</font><hr>10-1-207a<br><font size=+1>
legs so legs so/ /khyod kyis sems bskyed pa ni bzang ste/ rab tu 'byung ba ni mchog go/ /phan yon lnga mthong ba'i mkhas pas rab tu 'byung ba kho nar mos par bya ba'i rigs te/ lnga gang zhe na/ bdag gis rang gi don ma 'dres pa thob par 
'gyur ro zhes bya bar mthong ba'i mkhas pas rab tu 'byung ba kho nar mos par bya ba'i rigs so/ /bdag gang dag gi bran dang mngag gzhug pa dang / bsgo ba bzhin byed pa dang / rang dbang med pa dang / dga' mgur byed pa de dag gi yang mchod par bya ba dang / bsngags 
par bya bar 'gyur ro zhes bya bar mthong ba'i mkhas pas rab tu 'byung ba kho nar mos par bya ba'i rigs so/ /grub pa dang bde ba bla na med pa mya ngan las 'das pa 'thob par 'gyur ro zhes bya ba mthong ba'i mkhas pas rab tu 'byung ba kho nar mos par bya ba'i rigs so/ /bdag grub 
pa dang bde ba bla na med pa mya ngan las 'das pa thob pa las nyams kyang lha rnams kyi nang du skye bar 'gyur ro zhes bya bar mthong ba'i mkhas pas rab tu 'byung ba kho nar mos par bya ba'i rigs so/ /sangs rgyas rnams dang / sangs rgyas kyi nyan thos dam pa yang dag par 
zhugs pa'i skyes bu dam pa rnams kyis rab tu byung ba rnam grangs du mar bsngags so zhes bya bar mthong ba'i mkhas pas rab tu 'byung ba kho nar mos par bya ba'i rigs so/ /de lta bas na legs kyis rab tu byung shig /de nas bcom ldan 'das kyis dge slong tshur 
shog zhes bya bas rab tu phyung bsnyen par rdzogs par mdzad nas gdams ngag gnang ba dang / des 'bad brtsal bsgrims pas 'khor ba'i 'khor lo g.yo ba dang mi g.yo ba cha lnga pa 'di nyid rig nas 'du byed kyi rnam pa thams cad nyams pa ltung ba dang 'gyes pa 
dang /'jig pa'i chos nyid kyis 'joms par rtogs te nyon mongs pa thams cad spangs nas dgra bcom pa nyid mngon sum du byas te/ dgra bcom pa khams gsum las 'dod chags dang bral ba/ sems bong ba dang gser du mnyam pa/ nam mkha' dang 

</font><hr>10-1-207b<br><font size=+1>
lag mthil du mnyam pa/ ste'u dang tsan dan du mtshungs pa/ rig pas ma rig pa'i sgo nga'i sbubs dral ba/ mngon par shes pa dang / so so yang dag par rig pa thob pa/ srid pa dang rnyed pa dang bkur sti la rgyab kyis phyogs pa/ dbang po dang nye dbang du bcas 
pa'i lha rnams kyis mchod pa dang rjed pa dang gus par smra bar bya bar gyur to/ /de nas bcom ldan 'das kyis dge slong rnams la bka' stsal pa/ dge slong dag tshod zin pa la phan yon 'di dang / gzhan dag kyang yod do/ /dge slong dag de lta bas na zas kyi rnyed pa 
zhig byung na/ 'u su'i lo ma tsam du yang mnyam par byas te bgo bar bya'o/ /gos kyi rnyed pa zhig byung na mar me'i snying po tsam du yang mnyam par byas te bgo bar bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi 
kun dga' ra ba na bzhugs so/ /mnyan yod na bram ze gtsang sbra 'dod pa zhig rab tu 'byung bar 'dod pa des bsams pa/ gang zhig gi gtsang sbras bdag gi sems rangs pa de'i bstan pa la bdag rab tu 'byung ngo snyam nas des mu stegs can gyi gnas de dag 
byul na/ de dag gis gtsang sbras de'i sems ma rangs so/ /des bsams pa/ bdag gis mu stegs can thams cad bgams na gang gis kyang bdag gi sems ma rangs kyis/ da ni shAkya'i bu'i dge sbyong dag lus pas song ste de dag bgam par bya'o snyam nas de rgyal 
byed kyi tshal du song ba dang / ji tsam na tshe dang ldan pa shA ri'i bu ril ba thogs te phyi rol du chab khung sar chas pa mthong nas des bsams pa/ dge sbyong gau ta ma'i nyan thos kyi mchog 'di yin pas re zhig 'di kho na gtsang sbra ji ltar byed pa blta'o snyam mo/ /de de'i phyi bzhin 
'brang zhing song ba dang / dgra bcom pa rnams ni ma bsams par ye shes mthong ba mi 'jug pas tshe dang ldan pa shA ri'i bu sems pa la zhugs te/ bram ze 'di ci'i phyir bdag gi phyi bzhin 'brang snyam na ji tsam na gtsang sbra 'dod par mthong ngo / /yang bsam pa la zhugs 

</font><hr>10-1-208a<br><font size=+1>
te/ ci 'di la dge ba'i rtsa ba 'ga' zhig yod dam 'on te med snyam na yod par mthong ngo / /su la rag las snyam na bdag kho na la yin par mthong ngo / /des bsams nas/ lham phud/ chos gos dag bzhag ste/ de nas phyogs gcig tu sa phung bu 
bdun bzhag /gzhan zhig tu bdun/ gzhan zhig tu yang sa'i phung bu gnyis bzhag go/ /de nas sa phung bu gsum zhig khyer nas ci nas bram ze des mthong ba de ltar bshang ba bya bar brtsams so/ /de nas bshang sa zin nas sa phung gcig gis rkub phyis/ gnyis 
kyis khrus byas so/ /de nas dal gyis langs nas phyogs der 'ongs te phyin nas lag pa g.yon pas sa phung bu bdun gyis khrus byas so/ /de nas gnyi gas phung bu bdun gyis khrus byas so/ /de nas sa phung bu gcig gis dpung pa man cad bkrus so/ /lag pa dag 
bkrus nas gnyis pas ril ba dag bkrus so/ /de nas dal gyis langs te spyod lam zhi bas chos gos bgos nas rkang pa dag bkrus pa dang / bram ze des mthong nas mngon par dad par gyur te/ des bsams pa/ shAkya'i bu'i dge sbyong rnams kyi sa'i phung bu gcig 
ni mchog yin gyi mu stegs can rnams kyi brgya yang de lta ma yin no snyam du rig nas/ tshe dang ldan pa shA ri'i bu'i rkang pa la gtugs nas tshe dang ldan pa shA ri'i bu la 'di skad ces smras so/ /'phags pa shA ri'i bu bdag legs par gsungs pa'i chos 'dul ba la rab tu 
'byung zhing bsnyen par rdzogs pa dge slong gi dngos po thob na/ bdag 'phags pa shA ri'i bu'i spyan sngar tshangs par spyad pa spyod do/ /shA ri'i bus smras pa/ bram ze legs so/ /khyod kyis sems bskyed pa ni bzang ste/ rab tu 'byung ba ni mchog go/ /bcom ldan 
'das kyis kyang phan yon lnga mthong ba'i mkhas pas rab tu 'byung ba kho nar mos par bya ba'i rigs te zhes bya ba nas/ sangs rgyas rnams dang /sangs rgyas kyi nyan thos dam pa yang dag par zhugs pa'i skyes bu dam pa rnams kyis rab tu byung ba rnam grangs du mar bsngags 

</font><hr>10-1-208b<br><font size=+1>
so zhes bya bar mthong ba'i mkhas pas rab tu 'byung ba kho nar mos par bya ba'i rigs so zhes gsungs zhes bya ba'i bar snga ma bzhin no/ /de lta bas na legs kyis rab tu phyung shig /des de rab tu phyung bsnyen par rdzogs par byas te gdams ngag byin pa dang / des 'bad 
brtsal bsgrims pas 'khor ba'i 'khor lo g.yo ba dang mi g.yo ba cha lnga pa 'di nyid rig nas zhes bya ba nas/ gus par smra bar bya bar gyur to zhes bya ba'i bar snga ma bzhin no/ /dge slong rnams the tshom skyes nas the tshom thams cad gcod par mdzad pa/ sangs rgyas bcom 
'das la zhus pa/ btsun pa tshe dang ldan pa shA ri'i bus gtsang sbras bram ze 'di dad par bgyis nas 'khor ba'i dgon pa las bsgral te/ grub pa dang bde ba bla na med pa shin tu mthar thug pa mya ngan las 'das pa la bzhag pa la gzigs/ bcom ldan 'das kyis bka' stsal 
pa/ dge slong dag 'di 'ba' zhig tu ma zad kyi/ ji ltar 'das pa'i dus na yang 'dis 'di rkun po las bzlog ste brtul zhugs kyi gnas lnga la bzhag pa de nyon cig /dge slong dag sngon byung ba ri brags shig na bram ze zhig gnas pa des rigs mnyam pa las chung ma 
blangs te/ de dang lhan cig rtse bar byed dga' bar byed/ dga' mgur spyod par byed do/ /de rtse bar byed dga' bar byed/ dga' mgur spyod par byed pa las dus gzhan zhig na chung ma la sems can zhugs par gyur to/ /de zla ba brgyad dam dgu 'das nas bu mo gzugs 
bzang ba/ blta na sdug pa mdzes pa zhig btsas te/ de btsas ston zhag bdun gsum nyi shu gcig tu rgya cher byas nas/ rigs dang mthun pa'i ming btags so/ /de bskyed bsrings te chen mor gyur pa dang / re zhig cig na ri brags der rkun po lnga brgya zhig 'joms 
'dod cing lhags so/ /de dag gi sde dpon gang yin pa de skom pas gdungs nas bram ze de'i khyim du zhugs pa dang / ji tsam na bu mo de mthong ngo / /mthong nas kyang smras pa/ bu mo chu byin cig /des smras pa/ re zhig cung zhig gzhes shig /de cang mi smra bar 

</font><hr>10-1-209a<br><font size=+1>
'dug go/ /des myur ba myur bar mar me bus pa dang / rkun po'i sde dpon bu mo de la mig gtad de rtog go/ /bu mo de mar me bus nas chu la lta ba dang / rkun po'i sde dpon gyis smras pa/ bu mo ci la lta/ des smras pa/ chu la lta'o/ /des smras pa/ de 
la bltar ci yod/ des smras pa/ 'dir sbur ma'am skra song du 'ong bas so/ /des smras pa/ bu mo kho bo ni khyed la gnod pa bya ba'i phyir zhugs pa yin pas kho bo la dug blud par bya ba yin na khyod ko de skad smras pa lta zhig /des tshigs su bcad de smras pa/ gzhan gyi nor 
'phrog g.yon can gyis/ /bya ba gang de rkun po rnams/ /byed dam 'on te min yang rung / /bdag gis chos ni rtag bsrung bya/ /de shin tu dga' nas smras pa/ bu mo khyod bdag gi sring mor bya na ci zhig bya smros shig /des smras pa/ khyod gzhan gyi nor la mngon par chags 
pa bskyed pas mdas gnad du bsnun nas dus byas par gyur na/ bdag ming po dang bral ba'i sdug bsngal gyis nyam thag cing cho nges 'debs na dga' bar mi 'gyur bas rkun po byed pa'i ming po gang yin pa de lta bu ni bdag la mi dgos so/ /de lta bas na gal te khyod kyis brtul 
zhugs kyi gzhi lnga yang dag par len nus na de lta na bdag gis khyod kyi sring mo bya'o/ /des mi 'dod bzhin du tshig yid du 'ong ba snyan pa'i tshul gyis smras pa dang / des de sring mo bya bar shin tu dga' zhing 'dod par gyur te/ des smras pa/ sring mo legs te de bzhin du bya'o/ /
des de chom rkun las bzlog ste brtul zhugs kyi gnas lnga la bzhag go/ /dge slong dag ji snyam du sems de'i tshe de'i dus kyi rkun po'i sde dpon de ni bram ze 'di nyid yin no/ /de'i tshe de'i dus kyi bram ze'i bu mo de ni dge slong shA ri'i bu 'di nyid yin te/ de'i tshe yang 'dis de rkun 
po las bzlog ste bslab pa'i gzhi lnga la bzhag go/ /da ltar yang 'di gtsang sbras dad par byas nas 'khor ba'i dgon pa las bsgral te/ grub pa dang bde ba bla na med pa shin tu mthar thug pa'i mya ngan las 'das pa la bzhag pa yin no/ /dge slong dag de ltar na gtsang sbra la 

</font><hr>10-1-209b<br><font size=+1>
phan yon 'di dang gzhan dag kyang yod do/ /de lta bas na ji ltar shA ri'i bus byas pa ltar dge slong dag gis rnam pa des gtsang sbra bya'o// //sdom ni/ cha ga gzungs dang rngul gzan dang / /dge slong ma ni zla ba dang / /gnas ni bca' ba drug ldan dang / /khri la gsum 
ni 'dug bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe dge slong dag gis dus su bgos pa'i chos gos rnams mi bsri bar spyad pas de dag gi mtha' ma'i skud pa rnams 
zegs so/ /skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ chos gos zegs pa rnams kyi mthar cha ga gdab par bya'o/ /bcom ldan 'das kyis chos gos zegs pa rnams kyi mthar cha ga gdab par 
bya'o zhes gsungs pa dang / dge slong dag gis cha ga btab nas spyad par brtsams na/ 'on kyang skud pa rnams zegs par gyur nas/ bcom ldan 'das kyis bka' stsal pa/ bar bar du gzungs gdab par bya'o/ /sangs rgyas bcom ldan 'das mnyan yod na rgyal bu rgyal 
byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis snam sbyar ni pags pa dang 'dra bar bsrung bar bya'o zhes gsungs pa dang / dge slong gzhan dag cig la gos spyad par 'os pa gzhan med nas de dag gis rtag par snam sbyar bgos 
pas/ de so ga tsha ba'i dus su mchan khung gi phyogs kyi rngul zags pas dri ma can du gyur cing dengs pa dang / dri mi zhim par gyur nas/ skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ mchan khung gi phyogs su 
rngul gzan gzhug par bya'o/ /bcom ldan 'das kyis mchan khung gi phyogs su snam sbyar gyi rngul gzan gzhug par bya'o zhes gsungs pa dang / dge slong dag gis rngul gzan ji lta bu bya ba mi shes nas bcom ldan 'das kyis bka' stsal pa/ gos chur khru phyed dang ngo / zheng du 

</font><hr>10-1-210a<br><font size=+1>
mtho gang gang yin pa de phyogs der gzhug par bya'o/ /dge slong dag gis drubs pa dang / bcom ldan 'das kyis bka' stsal pa/ drub par mi bya'o/ /de dri ma can du gyur nas/ bcom ldan 'das kyis bka' stsal pa/ dus dus su bkru zhing kha bsgyur bar bya'o/ /
dge slong dag gis ngos gcig tu bcug nas/ bcom ldan 'das kyis bka' stsal pa/ ngos gnyi gar gzhug par bya'o/ /bcom ldan 'das kyis kha bsgyur bar bya'o zhes gsungs pa dang / dge slong dag gis ngur smrig btsos nas/ bcom ldan 'das kyis bka' stsal pa/ 
ngur smrig tu btso bar mi bya'i btsag gis kha bsgyur bar bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na bram ze zhig 'dug pa des rigs mnyam pa las chung ma blangs te/ de 
de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa las dus gzhan zhig na de'i chung ma la sems can zhugs par gyur to/ /de zla ba dgu 'das pa dang bu mo zhig btsas te/ de'i 
btsas ston rgya cher byas nas de'i ming zla ba zhes bya bar btags te/ de bskyed bsrings nas chen mor gyur to/ /ji tsam dus gzhan zhig na skye dgu'i bdag mo chen mo gau ta mI las rab tu byung zhing bsnyen par rdzogs pa dang / de nas skye dgu'i bdag mo chen mo gau ta mI 'khor lnga 
brgyas bskor te/ bcom ldan 'das ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ /phyogs gcig tu 'dug pa dang / bcom ldan 'das kyis skye dgu'i bdag mo chen mo gau ta mI la chos 
dang ldan pa'i gtam gyis yang dag par bstan/ yang dag par len du 'jug par mdzad yang dag par gzengs stod par mdzad/ yang dag par rab tu dga' bar mdzad do/ /rnam grangs du mar chos dang ldan pa'i gtam gyis yang dag par bstan/ yang dag par bskul/

</font><hr>10-1-210b<br><font size=+1>
yang dag par gzengs bstod/ yang dag par rab tu dga' bar mdzad de cang mi gsung bar bzhugs so/ /de nas skye dgu'i bdag mo chen mo gau ta mI stan las langs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces 
gsol to/ /btsun pa bcom ldan 'das kyis dge slong rnams la dge slong gi 'dul ba bstan lags na/ kye ma bcom ldan 'das kyis thugs brtse ba nye bar bzung ste/ dge slong ma rnams la dge slong ma'i 'dul ba bstan du gsol/ bcom ldan 'das kyis bka' stsal pa/ 
gau ta mI de bzhin gshegs pa chos tshig re nas gsungs pa de ni gnas ma yin zhing go skabs med do/ /'on kyang gal te dge slong ma 'ga' zhig ngas lan gcig bshad pa 'dzin par spro na de ltar na ngas bstan par bya'o/ /de nas de'i tshe dge slong ma zla ba 'khor de nyid du 'dus te 
'dug par gyur to/ /de nas dge slong ma zla ba stan las langs te bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das kyis lan gcig bka' stsal pa/ bdag gis gzung bar 'tshal na bstan 
du gsol/ de nas bcom ldan 'das kyis de la bstan pa dang / des lan gcig gsungs pa bzung ngo / /de nas bcom ldan 'das kyis dge slong rnams la bka' stsal pa/ dge slong dag nga'i nyan thos kyi dge slong ma rnams kyi nang na thos pa 'dzin pa'i mchog ni 'di 
lta ste/ dge slong ma zla ba 'di yin no/ /bcom ldan 'das kyis dgongs pa/ thams cad du dge slong ma zla ba'am/zla ba lta bu 'byung bar mi 'gyur ro/ /de lta bas na dge slong rnams kyis kyang dge slong ma'i 'dul ba bzung nas bcang bar bya zhing / dge slong ma rnams la 
yang bstan par bya/ kha ton byed pa dang / 'dri bar byed pa dag la yang sbyin par bya'o snyam du dgongs nas/ dge slong rnams la bka' stsal pa/ dge slong dag gal te dge slong ma zla ba sang las dge slong ma'i 'dul ba lan gcig bshad pa blangs mod kyi 'on kyang thams 

</font><hr>10-1-211a<br><font size=+1>
cad du dge slong ma zla ba'am/ zla ba lta bu mi 'byung bas dge slong dag gis kyang dge slong ma'i 'dul ba gzung bar bya/ bcang bar bya zhing dge slong ma rnams la yang bstan par bya/ kha ton byed pa dang / 'dri bar byed pa dag la yang sbyin par bya'o/ /bcom 
ldan 'das kyis tshul khrims la brten cing tshul khrims la gnas nas zhi gnas dang lhag mthong gi chos gnyis bsgom par bya'o zhes gsungs pa dang / dge slong ma zla bas 'dul ba'i rjes su mthun par tshul khrims la brten cing tshul khrims la gnas nas/ bsam 
gtan dang 'don pa'i sbyor bas 'bad brtsal bsgrims pas 'khor ba'i 'khor lo g.yo ba dang mi g.yo ba cha lnga pa 'di nyid rig ste/ 'du byed kyi rnam pa thams cad nyams pa dang / ltung ba dang / 'gyes pa dang / 'jig pa'i chos nyid kyis 'joms par rtogs te/ 
nyon mongs pa thams cad spangs nas dgra bcom pa nyid mngon sum du byas te/ dgra bcom ma khams gsum gyi 'dod chags dang bral ba/ sems gser dang bong bar mnyam pa/ nam mkha' dang lag mthil du mnyam pa/ ste'u dang tsan dan du mtshungs pa/ rig 
pas ma rig pa'i sgo nga'i sbubs dral ba/ mngon par shes pa dang / so so yang dag par rig pa rnams thob pa/ sred pa dang rnyed pa dang bkur sti la rgyab kyis bltas pa/ dbang po dang nye dbang du bcas pa'i lha rnams kyis mchod par bya ba dang / rjed par bya ba dang / 
gus par smra bar bya bar gyur to/ /de nas bcom ldan 'das kyis dge slong rnams la bka' stsal pa/ dge slong dag nga'i nyan thos dge slong ma rnams kyi nang na shes rab che ba dang / spobs pa che ba dang / thos pa 'dzin pa'i mchog ni 'di lta ste/ dge slong ma zla ba 'di yin 
no/ dge slong dag the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa bcom ldan 'das dge slong ma zla bas las ci zhig bgyis na las de'i rnam par smin pas shes rab che zhing spobs pa che ba dang / bcom ldan 'das kyis kyang thos pa 'dzin 

</font><hr>10-1-211b<br><font size=+1>
pa'i mchog tu bstan la/ bcom ldan 'das kyi bstan pa la rab tu byung nas kyang nyon mongs pa thams cad spangs te dgra bcom pa nyid mngon sum du bgyis/ bcom ldan 'das kyis bka' stsal pa/ dge slong dag dge slong ma zla ba nyid kyis las byas shing bsags pa tshogs 
rnyed pa zhes bya ba nas/ lus can rnams la 'bras bur smin/ /ces bya ba'i bar snga ma bzhin no/ /dge slong dag sngon byung ba bskal pa dgu bcu rtsa gcig na skye dgu rnams kyi tshe lo brgyad khri thub pa na de bzhin gshegs pa dgra bcom pa yang dag par rdzogs pa'i sangs rgyas 
rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das rnam par gzigs zhes bya ba ston pa 'jig rten du byung ste/ de 'khor dge slong drug khri 
nyis stong dang rgyal po'i khab gnyen ldan du gshegs te/ gnyen ldan gyi tshal na bzhugs so/ /de nas de'i tshe rgyal po'i khab gnyen ldan na khyim bdag cig 'dug pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' 
mgur spyod par byed do/ /de rtse bar byed/ dga' bar byed/ dga' mgur spyod par byed pa las dus gzhan zhig na chung ma la sems can zhugs par gyur to/ /de zla ba dgu 'das nas bu mo zhig btsas te/ de'i btsas ston rgya cher byas nas rigs dang mthun pa'i ming 
btags te/ de bskyed bsrings nas chen mor gyur pa dang / khyim bdag de dad pa can zhig pas dgag dbye'i tshe de khrid nas dge slong ma'i dbyar khang du song ste/ des dge slong ma rnams la so sor khab dang gri la sogs pa'i yo byad kyis dge slong ma'i dge 'dun la 
dgag dbye byed do/ /bu mo des mdzes par mthong nas dad pa skyes te/ pha la smras pa/ yab bdag gis kyang ji zhig cig gis dge slong ma'i dge 'dun la dgag dbye bgyi'o/ /khyim bdag des smras pa/ bu mo legs te de bzhin dgag dbye gyis shig /des 

</font><hr>10-1-212a<br><font size=+1>
khab dang / gri dang / gser dang / dbyig la sogs pa yo byad kyi khyad par dag gis dge slong ma'i dge 'dun la dgag dbye byas te/ rab tu dang ba drag pos rgan pa'i mtha' nas rkang pa la phyag byas nas smon lam btab pa/ bdag gis sems bskyed 
de sbyin par bya ba'i chos yongs su btang ba'i dge ba'i rtsa ba 'dis shes rab che zhing spobs pa che ba dang / thos pa 'dzin par gyur cig ces byas so/ /dge slong dag ji snyam du sems/ khyim bdag gi bu mo gang yin pa de ni dge slong ma zla ba 'di nyid yin te/ 'dis gang yang 
dag par rdzogs pa'i sangs rgyas rnam par gzigs kyi dge slong ma'i dge 'dun la khab dang / gri dang / gser dang / dbyig la sogs pa yo byad kyi khyad par dag gis dgag dbye byas nas/ bdag gis sems bskyed cing sbyin par bya ba'i chos yongs su btang ba'i dge ba'i 
rtsa ba 'dis bdag shes rab che zhing spobs pa che ba dang / thos pa 'dzin par gyur cig ces smon lam btab po/ /de'i las kyi rnam par smin pas da ltar shes rab che zhing spobs pa che ba dang / thos pa 'dzin par gyur to/ /yang bcom ldan 'das 'od srung gi gsung rab las 
rab tu byung bar gyur te/ des de na tshe gcig tu tshangs par spyod pa spyad kyang yon tan gyi tshogs 'ga' yang thob par ma gyur to/ /mkhan po gang las rab tu byung ba de ni bcom ldan 'das yang dag par rdzogs pa'i sangs rgyas 'od srung gis thos pa 'dzin pa'i mchog tu bstan 
to/ /de na 'dis 'di ltar bdag gis bcom ldan 'das yang dag par rdzogs pa'i sangs rgyas yon gnas bla na med pa 'od srung gi spyan sngar tshe gcig gi bar du tshangs par spyod pa spyad kyang yon tan gyi tshogs 'ga' yang thob par ma gyur gyis/ bdag dge ba'i rtsa ba 'dis gang 
yang dag par rdzogs pa'i sangs rgyas 'od srung gis bram ze'i khye'u bla ma zhes bya ba la bram ze'i khye'u khyod skye dgu'i tshe lo brgya thub pa na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa de'i bstan 

</font><hr>10-1-212b<br><font size=+1>
pa la bdag rab tu byung nas nyon mongs pa thams cad spangs te dgra bcom pa nyid mngon sum du byas te/ ji ltar bdag gi mkhan po bcom ldan 'das yang dag par rdzogs pa'i sangs rgyas 'od srung gis thos pa 'dzin pa'i mchog tu bstan pa de bzhin du bdag kyang bcom 
ldan 'das shAkya thub pa/ shAkya'i rgyal po'i gtso bo des thos pa 'dzin pa'i mchog tu bstan par gyur cig ces smon lam btab bo/ /de'i smon lam de'i dbang gis da ltar de bzhin gshegs pas thos pa 'dzin pa'i mchog tu bstan pa yin no/ /de lta bas na dge slong dag 
las gcig tu gnag pa rnams kyi rnam par smin pa yang gcig tu gnag /gcig tu dkar ba rnams kyi rnam par smin pa yang gcig tu dkar zhes bya ba nas/ brtsal bar bya ste/ dge slong dag gis de ltar bslab par bya'o zhes bya ba'i bar snga ma bzhin no/ /sangs 
rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe na dge slong gzhon nu zhig dge slong zhig dang lhan cig ljongs rgyu zhing mnyan yod du phyin nas dge slong de ni ri dgas 'dzin gyi ma'i khang bzangs 
su song / gzhon nu de yang rgyal byed kyi tshal du song ste/ des dge slong zhig la gnas bcas nas de de'i thad na cung zad cig 'dug nas smras pa/ bdag gis 'phags pa gtsug lag khang che ge mo zhig tu lhung bzed dang chos gos bzhag ste mchis la de blangs nas 
slar mchi'o/ /des smras pa/ bu song la myur du shog shig /des smras pa/ slob dpon bdag de na ci zhig bgyid de/ bdag myur du mchis par bgyi'o zhes rkang pa la phyag byas te song nas rim gyis gtsug lag khang der phyin no/ /ji tsam na dge 'dun dag gis gtsug lag 
khang der gnas med par nub gcig kyang mi gnas par khrims su bya ba bcas so/ /des khrims bzhin du dge slong zhig la gnas bcas nas de nub mo nyal lo/ /nam nangs nas bsams pa/ bdag song la slob dpon de blta'o snyam nas de'i gnas khang du song ste/ sgo la 

</font><hr>10-1-213a<br><font size=+1>
brdabs te slob dpon phyag 'tshal lo/ /khams bde 'am zhes byas pa dang / bu bdag na ste mi bde'o/ /de 'di snyam du bdag slob dpon na ba bor te 'gro ba gang yin pa ni bdag gi tshul ma yin te/ bcom ldan 'das kyis kyang de'i phyir gcig gis gcig 
bstang zhing na ba'i nad g.yog bya ba'i phyir gnas bca' bar gnang bas de'i phyir de'i nad g.yog byas te sos nas 'gro bar bsams so/ /des de'i g.yog byas nas sos par gyur pa dang / des smras pa/ slob dpon mkhyen par mdzod cig mchi'o/ /des smras pa/ 
bu cung zad mi bde ba lta med grang / slob dpon mi bde ba ni cung zad kyang ma mchis na 'on kyang bdag 'dir gnas su mchis pa ma lags kyi bdag gis chos gos dang lhung bzed bzhag pa len du mchis pa las dge 'dun gyi gnas med par nub gcig kyang mi gnas 
par khrims su bya ba bcas so/ /de'i slad du bdag gis khrims bzhin du gnas bcas pa dang / khyod na bar gyur nas bdag gis bsams pa/ bdag slob dpon bor nas 'gro ba gang yin pa ni bdag gi tshul ma lags te/ bcom ldan 'das kyis kyang de'i phyir 
gcig gis gcig bstang zhing na ba'i nad g.yog bya ba'i phyir gnas bca' bar gnang bas de'i phyir nad g.yog byas la sos na 'gro'o snyam pa las/ da ni khyod sos par gyur pas mkhyen par mdzod cig mchi'o/ /tshe dang ldan pa legs so legs so/ /khyod ji ltar zhugs 
pa de ltar lhan cig gnas pa dang / nye gnas dag gis mkhan po dang slob dpon dag la bsgrub par bya'o/ /lhan cig gnas pa dang / nye gnas rnams kyis mkhan po dang / slob dpon dag la de ltar sgrub na ji ltar ut+pa la chu nas 'byung ba bzhin du dge ba'i chos 
rnams kyis 'phel bar 'gyur ro/ /skyes bu dam pa khyod bag yod par byos la song shig /des de la phyag byas nas rim gyis rgyal byed kyi tshal du phyin pa dang / de'i slob dpon gyis mthong nas smras pa/ tshe dang ldan pa 'ongs pa legs na/ ci ste ring zhig thogs 

</font><hr>10-1-213b<br><font size=+1>
nas 'ongs/ des ji ltar gyur pa smras so/ /des smras pa/ tshe dang ldan pa legs so legs so/ /khyod ji ltar zhugs pa de ltar gnas pa dang nye gnas dag gis mkhan po dang / slob dpon dag la bsgrub par bya'o/ /de ltar bsgrubs na ji ltar ut+pa la chu nas 
'byung ba bzhin du dge ba'i chos rnams kyis 'phel bar 'gyur ro/ /dge slong de 'gyod pa skyes te/ 'di'i gnas de nyid kyis chog gam/ 'on te gzhan zhig sbyin dgos snyam nas des skabs de dge slong dag la smras te/ dge slong dag gis bcom ldan 'das la gsol 
pa dang / bcom ldan 'das kyis bka' stsal pa/ dge slong dag des re zhig pa'i gnas bcas par zad de/ de lta bas na de'i gnas de kho nas chog gi gzhan ni ma yin no/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi 
kun dga' ra ba na bzhugs so/ /mnyan yod na dge slong spong ba pa zhig la dge slong gzhon nu zhig gis gnas bcas pa dang / de 'di snyam du bcom ldan 'das kyis dge slong dag rab tu phyung zhing bsnyen par rdzogs par byas nas gdams ngag ma byin zhing rjes su ma bstan pa bas 
ni shan pa byed kyang bla'o zhes gsungs te/ 'di ltar nye gnas kyang de bzhin du slob ma yin na/ bdag kyang spong ba pa zhig pas 'di gang zhig sbyin par byed pa 'ga' zhig la gtad do snyam bsams nas de dge slong zhig gi thad du song nas tshe dang ldan pa gzhon nu 'di bslab par gyis 
shig /des smras pa/ gal te khyod bdag gi g.yog byed na dam bcas te bslab par bya'o/ /des smras pa/ bslab tu gsol bgyi'o/ /des de bslab par brtsams so/ /dus gzhan zhig na de na bar gyur nas gnas bcas pa'i slob dpon des de'i nad g.yog byas so/ /
ji tsam dus gzhan zhig na gnas bcas pa'i slob dpon de na bar gyur na/ des de slar ma bltas shing de bzhin du lan gsum gyi bar du yang ma bltas nas/ des de la smras pa/ tshe dang ldan pa khyod gzhan zhig gi drung du song la gnas chos shig /des smras pa/ 'phags 

</font><hr>10-1-214a<br><font size=+1>
pa bdag khyod kho na'i drung du mchis te/ bdag la phongs pa cung zad kyang ma mchis so/ /des smras pa/ tshe dang ldan pa khyod la phongs pa med pa ni bden na/ 'on kyang kho bo phongs te khyod na bar gyur pa na ngas khyod kyi nad g.yog byas na nga lan gsum gyi 
bar du na bar gyur pa na ci ste khyod kyis nga la slar ma bltas kyis song la gang zhig khyod 'dra ba'i ma gus pa la gnas ster ba de la gnas chos te 'dug shig /des spobs pa med de cang mi zer bar 'dug nas skabs de bcom ldan 'das la dge slong dag gis gsol pa 
dang / bcom ldan 'das kyis bka' stsal pa/ gnas pas slob dpon la rim gro bya'o/ /ji tsam dus gzhan zhig na klog pa'i slob dpon na bar gyur na des slar ma bltas kyi gang gi tshe sos par gyur pa de'i drung du song ste des smras pa/ slob dpon bdag la lung 
phog shig /des smras pa/ tshe dang ldan pa kho bo na ba na khyod kyis res 'ga' yang slar ma bltas kyis khyod song la gang zhig khyod lta bu ma gus pa la klog tu 'jug pa de las lhogs shig /des spobs pa med de cang mi zer bar 'dug nas skabs de bcom ldan 'das 
la dge slong dag gis gsol pa dang / bcom ldan 'das kyis bka' stsal pa/ klog pa'i slob dpon la rim gro bya'o/ /bcom ldan 'das kyis klog pa'i slob dpon la rim gro bya'o zhes gsungs pa dang / ji tsam dus gzhan zhig na klog pa'i slob dpon dang / 
gnas kyi slob dpon de gnyi ga na bar gyur nas des gang gi rim gro bya ba mi shes nas skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ gal te nus na gnyis ka'i bya'o/ /ji ste mi nus na gnas kyi slob dpon la bya ste 
'di ltar klog pa med par ni 'dug tu rung gi gnas pa med par ni ma yin no/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /rab tu 'byung bar 'dod pa zhig dge slong zhig gi drung du 

</font><hr>10-1-214b<br><font size=+1>
song ba dang / des de rab tu phyung zhing bsnyen par rdzogs par byas te ljongs rgyu zhing song ngo / /lhan cig gnas pa de la zang zing gis bsdu ba ni byas na/ chos kyis ma byas pas de gzhan zhig la gnas te 'dug go/ /bcom ldan 'das kyis bsdu ba'i dngos po 
bzhi po sbyin pa dang / snyan par smra ba dang / don spyod pa dang / don mthun pa zhes gsungs pas des de la chos dang zang zing dag gis kyang sdud pas de slob dpon de la rtag tu lta zhing sems la 'dzin to/ /ji tsam dus gzhan na de'i mkhan po ci 'dod par ljongs 
brgyus nas slar mnyan yod du phyin pa dang de mthong nas tshangs pa mtshungs par spyod pa gsar bu gang dag yin pa de dag ni stan las ldang bar byed/ gang dag rgan pa de dag gis ni 'ongs pa legs so zhes bya ba'i kun tu spyod pas kun tu spyod do/ /de'i lhan cig gnas pa de 
ni stan las kyang ma langs pa dang / de la dge slong dag gis smras pa/ tshe dang ldan pa khyod kyi mkhan po 'ongs na tshangs pa mtshungs par spyod pa kha cig ni ldang ba byas/ kha cig gis ni mngon du ldang bar byas/ kha cig gis ni legs par 'ongs so zhes kun tu spyod pas 
kun tu spyad na khyod de mthong bzhin du stan las kyang ma langs pa de ni rigs pa ma yin no/ /des smras pa/ bdag 'dis rab tu phyung nas ci zang zing gis bsdu ba byas sam/'on te chos kyis bsdu ba byas/ gang zhig dran nas ldang bar bya/ de dag gis smras pa/ tshe dang 
ldan pa de skad ma zer cig /bcom ldan 'das kyis kyang gang zag gcig gang zag gang zhig la brten nas de bzhin gshegs pas gsungs pa'i chos 'dul ba la skra dang kha spu bregs nas gos ngur smrig bgos te yang dag par dad pas khyim nas khyim med par rab tu byung 
ba'i gang zag des ni gang zag de la ji srid 'tsho ba'i bar du yang 'di lta ste/ chos gos dang / bsod snyoms dang / nad kyi gsos sman dang / mal stan dang / yo byad dag gis lan glan par sla ba ma yin no/ /zhes ma gsungs sam/ tshe dang ldan pa khyod de skad zer 

</font><hr>10-1-215a<br><font size=+1>
ba de ni legs pa ma yin no/ /de spobs pa med de cang mi zer bar 'dug nas/ skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ lhan cig gnas pa dang / nye gnas kyi dge slong rnams 
kyis mthong ma thag tu stan las ldang bar bya ste/ mkhan po mthong ma thag tu gnas bcas pa yang med par 'gyur ro/ /bcom ldan 'das kyis mkhan po mthong ma thag tu gnas bcas pa med par 'gyur ro zhes gsungs pa dang / gzhan dag cig gis mkhan 
po 'dug mi phod pa dag cig 'ongs shing de dag dus cung zad 'dug nas 'gro bar byed do/ /de la kha cig la ni mkhan po dang slob dpon rnams gshe /kha cig la ni dga' bar gyur cing / de rnams gang dag la gshe ba de dag la ni sngun gnas bcas pa la yang mi ster 
cing bdag nyid kyang sdud par mi byed/ gang dag la dga' ba de dag ni sdud par byed pa nas/ sngun gyi slob dpon rnams 'khrug par gyur cing song ba de dag yang sdud par mi byed pa'i skabs de bcom ldan 'das la dge slong dag gis gsol pa dang / bcom ldan 
'das kyis bka' stsal pa/ 'dug mi phod pa gang dag yin pa de dag la yang thams cad bya zhing / sngon gyi slob dpon rnams la yang thams cad bya mod kyi/ 'on kyang gnyis ka'i sems kyang mgu ba lhur blang bar bya zhing gnyi ga la yang dri bar bya'o/ /
gal te thams cad kyi thams cad du mkhan po dag 'dug na de nyid la dri bar bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong zhig gis gzhon nu gcig cig la gnas byin te/ de zla 
ba phyed cing gso sbyong gi tshe de'i thad du song nas smras pa/ slob dpon/ phyag 'tshal lo/ /zhu'o/ /gso sbyong byin gyis brlabs so/ /des smras pa/ bzhin bzangs kho bo ji ltar khyod kyi slob dpon du 'gyur/ des smras pa/ bdag ni khyod nyid la gnas bcas te 

</font><hr>10-1-215b<br><font size=+1>
mchis pas so/ /des smras pa/ bzhin bzangs gang zhig khyod lta bu ma gus shing zhe sa med pa la gnas ster ba de la gnos te 'dug la de nyid la zhus shig de spobs pa med de cang mi zer bar 'dug nas/ skabs de bcom ldan 'das la dge slong dag gis gsol pa dang / 
bcom ldan 'das kyis dgongs pa nyes dmigs gang cung zad byung ba ni dge slong dag dus gsum du mkhan po dang slob dpon rnams la ltar mi 'gro ba las gyur to/ /de lta bas na lhan cig gnas pa dang / nye gnas rnams kyis dus gsum du mkhan po dang / slob dpon 
rnams blta ba'i phyir 'gro bar bya'o snyam du dgongs nas/ dge slong rnams la bka' stsal pa/ dge slong dag de lta bas na lhan cig gnas pa dang / nye gnas rnams kyis dus gsum du mkhan po dang slob dpon dag blta ba'i phyir 'gro bar bya'o/ /sangs rgyas bcom 
ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong zhig gis dge slong gzhon nu gcig cig la gnas byin nas des de bu bzhin bskyangs so/ /des dus gzhan zhig na ljongs rgyu bar chas te 
smras pa/ slob dpon phyag 'tshal lo/ /mkhyen par mdzod cig /ljongs rgyur mchi'o/ /des smras pa/ bu mi bde ba cung zad med dam/des smras pa/ slob dpon mi bde ba ni cung zad kyang ma mchis na 'on kyang bdag ljongs rgyu bar spro ste slar yang mchi'o/ /
des smras pa/ bu de lta na song la lam kar 'gyod par gyur na slar ldog par gyis shig /des smras pa/ slob dpon legs kyis slar ldog par bgyi'o zhes de chas pa dang / ci tsam na de lam kar 'gyod pa skyes te des bsams pa/ bdag la slob dpon des 
yo byad thams cad sbyar ba las bdag song ba ma legs kyis slar ldog par bya'o snyam du bsams nas der slar log pa dang / slob dpon gyis mthong nas des smras pa/ bu ci ste slar log /cung zad brjed pa lta med dam/ des smras pa/ slob dpon brjed pa lta ci yang 

</font><hr>10-1-216a<br><font size=+1>
ma mchis na 'on kyang bdag gis bsams pa/ bdag la slob dpon gyis yo byad thams cad sbyar na don ci zhig la 'gro snyam nas bdag slar log pa lags so/ /des smras pa/ bu gal te slar log na legs so/ /khyod kyi slob dpon ni nga nyid yin no zhes smras 
nas bsams pa/ ci 'di'i gnas bcas pa de kho nas chog gam/ 'on te gdod sbyin par bya snyam ste/ des skabs de dge slong dag la smras nas/ dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag gal te 
slob dpon gyis ma btang ba la/ nye gnas kyis btang na gnas bcas pa ma zhig pa zhes brjod do/ /slob dpon gyis btang la nye gnas kyis ma btang na gnas bcas pa ma zhig pa zhes brjod do/ /slob dpon gyis kyang ma btang la nye gnas kyis kyang ma btang na gnas bcas 
pa ma zhig pa zhes brjod do/ /slob dpon [(]kyis [,]gyis [)]kyang btang la nye gnas kyis kyang btang na gnas bcas pa zhig pa zhes brjod par bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod 
na dge slong tshogs la ston pa zhig 'dug pa de gzhon nu mang po dag klog tu 'jug go/ /de dus gzhan zhig na na bar gyur pa dang / de dag gis slar ma bltas shing de bzhin du lan gsum na bar gyur kyang de dag gis slar ma bltas so/ /de dus gzhan zhig na sos par gyur 
pa dang / nye gnas dag de'i drung du 'ongs te/ de na gcig gis smras pa/ slob dpon bdag la lung dbog tu gsol/ gzhan zhig gis smras pa/ bdag la g.yar ton dbog tu gsol/ gzhan zhig gis smras pa/ zhu bar 'tshal lo/ /des smras pa/ tshe dang 
ldan pa dag bdag lan gsum gyi bar du na bar gyur kyang khyed gang gis kyang slar ma bltas pas gang zhig khyed lta bu ma gus pa la gdams ngag dang / kha ton dag 'bogs par byed pa de'i thad du deng shig /skabs de bcom ldan 'das la dge slong dag gis gsol pa dang /

</font><hr>10-1-216b<br><font size=+1>
bcom ldan 'das kyis bka' stsal pa/ klog pa'i slob dpon la rim gro bya'o/ /de dag thams cad kyis byas pa dang de rnams kyi dge ba'i phyogs nyams par gyur nas/ bcom ldan 'das kyis bka' stsal pa/ res su bcad de bya'o/ /de dag gis res kyis bya bar brtsams 
pa dang / rgan po rab tu byung ba zhig de la gnas te 'dug pa de la de dag gis smras pa/ rgan zhugs sang khyod la res bab po/ /des smras pa/ tshe dang ldan pa dag ci slob dpon la res kyis g.yog bya'am/ kho bo kho nas g.yog byas/ khyed cag sems las chung ngur gyis 
shig /de dag gis smras pa/ rgan zhugs gal te de lta na legs so/ /bcom ldan 'das kyis kyang gang nad pa la rim gro byed pa de ni nga la rim gro byed pa yin no/ /zhes gsungs pas skyes bu dam pa khyod kyis gyis shig /des de'i rim gro byed par brtsams nas/ de sos 
par gyur te de'i lus kyi gnas skabs shes nas smras pa/ slob dpon bdag la gdams ngag dbog tu gsol/ des smras pa/ khyod kyi res la ma bab pas re zhig sdod cig /yang smras pa/ slob dpon kha ton dang zhu ba dag gnong shig /khyod kyi res la ma bab pas re zhig 
sdod cig /des smras pa/ slob dpon rim gro byed pa ni bdag la res bab na klog pa dang 'don pa ni 'di dag la res bab pa ci'i slad du bdag mchi'i mkhyen par mdzod cig /des smras pa/ bu thams cad byas ma 'gro bar sdod cig /de cang mi zer bar 'dug nas skabs de bcom ldan 
'das la dge slong dag gis gsol pa dang / bcom ldan 'das kyis bka' stsal pa/ gang zhig rtag tu g.yog byed pa de mi dga' bar ma gyur par gzhan dag la lung dang / kha ton dang zhu ba dag sbyin par bya'o/ /mkhas pa dang mi mkhas pa kha cig klog pa na mkhas pa dag la ni lung 
byin pas mi mkhas pa dag la gnod par gyur nas/ bcom ldan 'das kyis bka' stsal pa/ de rnams la yang lung dang kha ton dang dri ba dag skabs su sbyin par bya'o// //bar sdom ni/ nad pa spong ba mkhan po dang / /zla ba phyed cing 'ong ba dang / /tshogs dag klog tu 'jug 

</font><hr>10-1-217a<br><font size=+1>
byed pa/ /bar sdom dag tu yang dag bstan/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /drug sde rnams rigs kyi khyim du song ba dang / de dag gis khri phyung ste 'phags pa ci 
bder bzhugs shig /de rnams cig car 'khod nas khri de chag par gyur te/ de dag gis rta gad kyis btab pa dang / dge slong gzhan dag kyang der 'ongs te/ de dag gis de rnams mthong nas/ des smras pa/ tshe dang ldan pa khyed 'di lta bu'i 'phyar po byas nas/ dgod 
dam zhes smras pa dang / de dag gis smras pa/ ci chang 'thungs sam/ sgog skya zos/ des smras pa/ ci de dag kyang byed dam/ gzhan ci zhig byas/ khri ma bcag gam/ ci shing zad dam/ shing mkhan dag shi'am/ de dag ma rangs bzhin cang mi zer bar 'dug nas skabs de 
bcom ldan 'das la dge slong dag gis gsol pa dang / bcom ldan 'das kyis bka' stsal pa/ de lta bas na khri gcig la drug 'dug par mi bya'o/ /bcom ldan 'das kyis khri gcig la drug 'dug par mi bya'o/ /zhes gsungs pa dang / lnga 'dug ste nyes dmigs de nyid 
du gyur nas/ bcom ldan 'das kyis bka' stsal pa/ lnga yang 'dug par mi bya'o/ /bzhi 'dug ste nyes dmigs de nyid du gyur nas/ bcom ldan 'das kyis bka' stsal pa/ bzhi yang 'dug par mi bya'i 'on kyang khri la ni gsum 'dug par mi bya'o/ /khri'u la ni gnyis 
so/ /khri'u chung la ni gcig go// //sdom ni/ nad pa yi ni nad g.yog dang / /shing la 'dzeg par mi bya dang / /bkrabs pa bsnyen rdzogs mi bya dang / /lag pa gcad par mi bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med 
zas sbyin gyi kun dga' ra ba na bzhugs so/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa bcom ldan 'das kyis nad pa'i rim gro bya'o zhes gsungs pa gang lags pa de yo byad ji lta bu dag gis bgyi/ bcom ldan 'das kyis bka' 

</font><hr>10-1-217b<br><font size=+1>
stsal pa/ nye ba 'khor rang bzhin gyis kha na ma tho ba dang bcas pa dag ma gtogs pa gzhan dag gis bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa nye dga'i dge tshul bsnyen 
par rdzogs par 'dod nas des bsnyen par rdzogs par bya ba'i ched du las byed pa'i dge slong dang / gsang ste ston pa dang / dge slong gang dag dkyil 'khor du 'ong ba la gsol ba btab ste/ de nas dge tshul dang stan khyer te dkyil 'khor du sngar song nas dkyil 'khor phyag dar 
byas te stan bshams na dge slong dag ma 'ongs te/ nye dga'as phan tshun du bltas na des me tog gi shing zhig mthong ste/ des smras pa/ dge tshul re zhig me tog dag lhogs la dge slong rnams la rims shig /des 'dzegs pa dang ma stes te lhung nas lag pa chag ste/ 
de nyid de'i bsnyen par rdzogs pa dge slong gi dngos po'i bar chad du gyur nas skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ dper na 'khor los sgyur ba'i rgyal po'i bu thu bo dbang bskur bar 'os pa dbang ma bskur bar 
'dug cing mtshams la bab pa bsrung bar bya ba dang / bskyang bar bya ba yin pa de bzhin du dge slong gis dge tshul bsnyen par rdzogs par 'dod pa yang bsrung zhing bskyang bar bya ba yin no/ /de lta bas na dge slong gis bsnyen par rdzogs par 'dod pa'i dge tshul shing la 
'dzeg tu mi gzhug ste/ 'dzeg tu 'jug na 'gal tshabs can du 'gyur ro// //'dul ba phran tshegs kyi gzhi/bam po bcu dgu pa/ sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /
yul ko sa la'i rgyal po gsal rgyal la nang mi gcugs pa chen po zhes bya ba zhig yod do/ /de dus gzhan zhig na rgyal pos spyos nas des bsams pa/ rgyal po dag ni ji ltar byas kyang mgu dka' bas song la rab tu 'byung bar bya'o snyam nas de rgyal byed kyi tshal du song ngo / /drug 

</font><hr>10-1-218a<br><font size=+1>
sde rnams kyi kun tu spyod pa ni drug sde gang yang rung ba zhig gis rgyal byed kyi tshal gyi sgo mi stong pa yin pas tshe dang ldan pa nye dga' sgo na 'dug go/ /des de snga na ngo shes pas des de la 'ongs pa legs so zhes bya ba kun tu spyad nas chen po khyod zla ba lta bur gnas na ring mo 
zhig lon te ga las 'ongs zhes byas pa dang / des smras pa/ 'phags pa yang dang yang mthong bas ni brnyas par 'gyur gyi yun ring zhig lon te mthong ba ni legs pa yin no/ /chen po dgos pa ci zhig la 'ongs/ 'phags pa rgyal po ni mgu dka' bas lha'i thugs mnyes par 
bya mi nus te rab tu 'byung ngo / /chen po khyod kyi sems bskyed pa ni bzang ste legs so/ /rab tu 'byung ba ni mchog yin te/ bcom ldan 'das kyis kyang phan yon rnam pa lnga mthong ba zhes bya ba nas/ sangs rgyas rnams dang / sangs rgyas kyi nyan thos dam pa yang dag par 
zhugs pa skyes bu dam pa rnams kyis rab tu byung ba rnam grangs du mar bsngags pa zhes bya ba'i bar snga ma bzhin no/ /legs kyis rab tu byung zhig ces de rab tu byung nas bsnyen par rdzogs par byas so/ /rgyal pos blon po dag la bka' stsal pa/ shes ldan dag chen 
po mi snang na mi na grang / de dag gis smras pa/ lha de bro 'tshal ba ni ma mchis mod kyi lhas ci zhig bka' stsal na rgyal byed kyi tshal du mchis nas rab tu byung lags/ sus rab tu phyung / 'phags pa nye dga'as so/ /rgyal pos de thos nas khros te/ des de la pho nya btang 
nas 'phags pa dag gis spyos pa khyod kyis rab tu dbyung ngam/ khyod kyis chen po rab tu phyung na nga bdag dang 'phags skyes po dang / phreng ldan ma dang / dbyar byed ma dag kyang rab tu phyung la khyed rang rgyal srid gyis shig /des kyang de la lan spring ba/ lha kye tshur shog /khyod 
dang / 'phags skyes po dang / phreng ldan ma dang / dbyar byed ma rab tu phyung la nga nyid rgyal srid byed do/ /'di ltar ngas khyod kyi chen po'am gzhan yang rung ba bslus te rab tu phyung ngam ci/ nged ni gang zhig rgyal byed kyi tshal du 'ongs nas nged la gsol ba 'debs pa de rab tu 'byin to/ /rgyal 

</font><hr>10-1-218b<br><font size=+1>
pos thos te ma dad par gyur nas skabs de bcom ldan 'das la dge slong dag gis gsol pa dang / bcom ldan 'das kyis dgongs pa nyes dmigs gang cung zad byung ba ni dge slong dag rgyal pos bkrabs pa rab tu 'byin pa las gyur gyis de'i phyir dge slong gis rgyal pos bkrabs 
pa rab tu mi dbyung bar dgongs nas/ dge slong rnams la bka' stsal pa/ dge slong dag skyes bu gti mug nye dga'as blon po rab tu phyung bas rgyal po ma dad par gyur to/ /de lta bas na dge slong dag gis rgyal pos bkrabs pa rab tu dbyung bar mi bya'o/ /gang yang rung ba zhig gi drung du 
rab tu 'byung bar 'dod pa zhig nye bar 'ongs na des de la rgyal pos bkrabs pa ma yin nam zhes dri bar bya ste/ ma dris par rab tu 'byin na 'gal tshabs can du 'gyur ro/ /bcom ldan 'das kyis rgyal pos bkrabs pa rab tu dbyung bar mi bya'o zhes gsungs pa dang / kha cig yul ring 
po dag nas kyang 'ong / rgyus mi shes pa yang 'ong ma gnang ba dag kyang 'ong nas dge slong dag the tshom du gyur te de dag kyang rab tu ma phyung nas/ bcom ldan 'das kyis bka' stsal pa/ gang yul ring po dang / rgyus mi shes pa dang / ma gnang ba dag 'ong ba de dag rab tu dbyung 
bar bya ste 'di la 'gyod par mi bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa dga' bo skra dang kha spu bregs nas ring po ma yin par snga dro chos gos bgos te lhung bzed 
thogs nas mnyan yod du bsod snyoms la zhugs so/ /de rim gyis srang du song ba dang / ji tsam na bram ze zhig bram ze'i khye'u lnga brgya tsam bram ze'i gsang tshig klog tu 'jug ste/ de yang gtum po gzu lums can rtsub mo zhig yin pas des bram ze'i khye'u zhig la smras 
pa/ kye bram ze'i khye'u khyod dge sbyong mgo reg 'di'i mgor ltag dbyug snun nus sam/ des smras pa/ mkhan po te por rngo thog go zhes de de'i drung du song nas de'i mgor ltag dbyug gis brgyab po/ /tshe dang ldan pa dga' bo log ste bram ze de la bltas pa dang / de je khros nas 

</font><hr>10-1-219a<br><font size=+1>
des smras pa/ bram ze'i khye'u yang rgyob shig /des de la lan gnyis su ltag dbyug gis brgyab pa dang / tshe dang ldan pa dga' bos bsams pa/ bdag gis bltas te ci rung 'gro'o snyam ste song ngo / /rgyal byed kyi tshal du phyin nas zas kyi bya ba byas te lhung bzed 
bkrus nas dge slong dag la smras pa/ tshe dang ldan pa dag srang che ge mo zhes bya bar ma 'dong shig /dge slong dag gis smras pa/ci'i phyir des smras pa/ de na bram ze gtum po gzu lums can rtsub mo zhig bram ze'i khye'u lnga brgya tsam zhig la bram ze'i gsang tshig klog tu 
'jug pa 'dug ste/ des bdag la ltag dbyug gnyis bsnun no/ /de dag gis smras pa/ khyod kyis ci nyes/ des smras pa/ tshe dang ldan pa dag gcig ni nyes/ gnyis pa ni ma nyes so/ /ji ltar ni nyes ji ltar ni ma nyes/ gcugs med par des kho bo la ltag dbyug gis 
bsnun nas kho bos log ste bltas pa dang / des lan gnyis bsnun nas kho bos de la log ste bltas pa gang yin pa de ni nyes so/ /snga ma ni ma nyes so/ /tshe dang ldan pa nye dga'as thos nas/ des smras pa/ 'phags pa ci zhig gsung / des smras pa/ chen po ma 
lags so/ /nye dga'as smras pa/ 'phags pa de bdag gis thos kyis yang gsungs shig /des ji ltar gyur pa smras pa dang / nye dga'as mgo lan gsum gcogs nas mjal to zhes byas te mi dga' bar bya'o/ /snyam nas de mgo bzlas te bregs nas til mar 
gyis bskus te bkrus nas snga dro sham thabs bgos lhung bzed dang chos gos thogs te mnyan yod du bsod snyoms la zhugs so/ /de rim gyis srang du phyin na bram ze de gzhan du yengs pas des de ma mthong ngo / /tshe dang ldan pa nye dga' de'i mdun du 'chag par brtsams pa dang / 
bram ze des mthong nas des bram ze'i khye'u zhig la smras pa/ bram ze'i khye'u song la dge sbyong mgo reg 'di'i mgor ltag dbyug gis snun cig /tshe dang ldan pa nye dga'as de thos nas smras pa/ bkren pa 'o ni gtang ci dgos/ khyod nyid tshur/ de skad smras pa dang / bram ze de khros 

</font><hr>10-1-219b<br><font size=+1>
te des bdag nyid song nas nye dga' la ltag dbyug gis bsnun nas nye dga'as bram ze de'i dpung pa nas bzung ste bkren pa nye dga' la yang rdeg gam/ tshur rgyal po'i pho brang du 'dong ngo zhes des de'i dpung pa nas bzung ste drangs pa dang / des bram ze'i khye'u de dag la bos nas de dag 
gis kyang de'i dpung pa ya gcig nas bzung ste drangs so/ /nye dga' tshan po che chen po'i stobs can des bram ze'i khye'u lnga brgya po de dag dang / bram ze de drangs nas rgyal po'i pho brang gi sgor song ste 'dug go/ /'di ni chos nyid yin te/ gang gi tshe drug sde rnams khros nas rgyal po'i pho 
brang gi sgo na 'dug pa de'i tshe rgyal po gsal rgyal gyi khang bzangs g.yo bar 'gyur ro/ /rgyal pos bltas te mthong nas mi zhig la bsgo ba/ kye skyes bu sgor 'phags pa drug sde 'ga' zhig byon par ma gyur grang / song la ltos/ des byung ste/ bltas na tshe dang ldan pa nye dga' bram 
ze'i khye'u lnga brgya tsam dang sgo na 'dug nas/ des rgyal po la smras pa/ lha 'phags pa nye dga' chab sgo na mchis so/ /rgyal pos smras pa/ de nang du spyan drongs shig /de nang du 'ongs te smras pa/ lha 'phags pa dga' bo rab tu byung bar ma gyur na ci zhig tu 'gyur/ 'phags 
pa stobs kyis 'khor los sgyur ba'i rgyal por 'gyur ro/ /'o na khyod de'i cir 'gyur/ 'phags pa g.yog tu 'gyur ro/ /lha khyod kyis dge slong rnams ni gzhon nu'i thabs su gnang / dge slong ma rnams ni btsun mo'i 'khor gyi thabs su gnang ste/ de ltar bdag cag la'o 
byams na bram ze gcig cig gis lha khyad du bkum ste/ slob dpon dga' bo la ltag dbyug gnyis bsnun/ bdag la yang khros nas ltag dbyug gis brgyab bo/ /rgyal po khros te des blon po rnams la bka' stsal pa/ song la bram ze de'i lag pa chod cig /des de khrid de 
srang du song na bram ze de'i pha ma gnyis kyis thos nas de dag mdza' bo dang / phu nu dang gnyen dag dang 'dus shing snying rje rje ltar sma bab pa'i tshig dal gyis smra zhing kyi hud bu zhes cho nges 'debs bzhin srang du song nas de dag dang skye bo'i tshogs des blon po de la smras pa/ kye 

</font><hr>10-1-220a<br><font size=+1>
dge ba lha la nyes pa byas pa lag pa bcad pa'i ni rigs na bram ze 'di lag pas 'tsho ba zhig pas lag pa g.yon pa gcad pa'i rigs so/ /des de'i lag pa g.yon pa bcad pa dang / ji tsam dus gzhan zhig na bram ze de de bzhin du lag pa g.yon pa g.yogs 
nas g.yas pas klog par byed do/ /re zhig cig na nye dga'as mthong nas de shin tu khros te rgyal po'i thad du song nas smras pa/ rgyal po rnams kyi bde ba ni 'di lta ste/ bka'i 'bras bu brtsan pa 'dir zad na de yang lha la med do/ /des smras pa/ 'phags pa ci zhig byas/ 
nye dga'as smras pa/ lha bram ze de'i lag pa ma bcad do/ /rgyal pos blon po rnams bos te smras pa/ khyod kyis bram ze de'i lag pa ma bcad dam/ des smras pa/ lha bkum lags so/ /de lta na 'o na 'phags pa nye dga' 'di skad zer ro/ /tshe dang ldan pa nye dga'as smras pa/ 
lha bram ze de de bzhin du lag pa g.yas pas sgyur sgyur bgyid cing bram ze'i khye'u rnams klog tu 'jug go/ /blon pos smras pa/ lha de'i pha ma dag gi mchid nas bram ze 'di lag pas 'tsho ba zhig pas lag pa g.yon pa chod cig ces mchi ste/ de'i slad du bdag gis de'i sug pa 
g.yon pa bkum mo/ /rgyal pos smras pa/ gal te de'i pha ma dag gis lag pa g.yon pa gcod du bcug na ngas g.yas pa gcod du gzhug gis song la chod cig /des de'i drung du song nas lag pa g.yas pa bcad pa dang / de lag pa gnyi ga 'phyang zhing 'dug go/ /de sdug 
bsngal zhing 'dug pa dang nye dga' bos smras pa/ bram ze ci ste kho bo cag la ltag dbyug gis mi rdeg par lag pa dpyangs te 'dug /de sma bab nas dregs pa dang nga rgyal bcag ste cang mi zer bar 'dug pa dang / bram ze dang khyim bdag rnams dge sbyong shAkya'i bu rnams ni snying 
rje med pa ste/ chad pas bcad nas kyang zhe gcod par byed do zhes 'phya bar byed/ smod par byed/ kha zer bar byed pa'i skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa nyes dmigs gang cung zad byung ba ni dge slong 

</font><hr>10-1-220b<br><font size=+1>
dag lag pa yang gcod du 'jug pa las gyur gyis/ de lta bas na dge slong gis lag pa dang / rkang pa dag gcad par mi bya'o snyam du dgongs nas/ dge slong rnams la bka' stsal pa/ dge slong dag skyes bu gti mug nye dga'as dge sbyong gi las ma yin pa byas te/ dge 
slong dag nga'i bstan pa la rab tu byung ba rnams las de lta bu byed du 'jug pa de ni mdzes pa ma yin/ 'tsham pa ma yin no/ /de lta bas na dge slong gis lag pa dang rkang pa dag gcad par mi bya'o/ /gcod par byed na nyes pa sbom por 'gyur ro/ /dge slong dag the tshom 
skyes nas/ the tshom thams cad gcod pa sangs rgyas bcom ldan 'das la zhus pa/ btsun pa bram ze de tshe dang ldan pa dga' bos ni bsrungs/ nye dga'as ni yongs su btang ba la gzigs/ bcom ldan 'das kyis bka' stsal pa/ dge slong dag da ltar 'ba' zhig tu ma 
zad kyi ji ltar 'das pa'i dus na yang dga' bos ni bsrungs/ nye dga'as ni btang ba de nyon cig /dge slong dag sngon byung ba skyed mos tshal shing sna tshogs kyi tshal gyis brgyan pa me tog dang 'bras bu dang chu phun sum tshogs pa zhig na drang srong 'bras bu dang / rtsa ba dang / chu za zhing 
'thung ba g.yang gzhi dang shing shun gyon pa zhig gnas te de shing bil ba'i drung na 'dug cing rang gi don sems par byed do/ /de'i steng nas spre'u zhig gis bil ba'i 'bras bu zhig 'phangs pa des drang srong de'i mgo snad nas des tshigs su bcad de smras pa/ khyod med 'gyur ba gang 
yin pa/ /de ni kho bo mi byed kyi/ /khyod med 'gyur ba gang yin pa/ /de ni khyod nyid byed cing 'dug /drang srong de'i smos 'drin rngon pa zhig 'dug pa de ri dgas shor du song ba las bsti gnas der phyin to/ /drang srong de ni bya ba 'ga' zhig gi phyir shing bil ba'i drung nas gzhan zhig tu 
song ngo / /rngon pa de de mi snang nas te por lta zhing bil ba de'i drung na 'dug go/ /spre'u des rngon pa de'i mgor bil ba'i 'bras bu gcig 'phangs pa dang / rngon pa de spyi cer zhig pas de'i klad pa snad nas bil ba'i 'bras bus bsnun pas bskyed pa'i sdug bsngal dang yid mi bde 

</font><hr>10-1-221a<br><font size=+1>
bas gyen tu blta bar brtsams pa dang /ji tsam na spre'u mthong nas de khros pas gzhu rna drung du bkang ste dug mda' gcig de'i gnad du bsnun pa dang / sa la lhung nas dus las 'das so/ /dge slong dag ji snyam du sems/ de'i tshe de'i dus kyi drang srong 
gang yin pa de ni dge slong dga' bo 'di nyid yin no/ /de'i tshe de'i dus kyi spre'u gang yin pa de ni bram ze 'di nyid yin no/ /de'i tshe de'i dus kyi rngon pa gang yin pa de ni nye dga' 'di nyid yin te/ de'i tshe yang 'di dga' bos ni bsrungs la/ nye dga'as ni yongs su btang ngo / /da ltar 
yang dga' bos ni bsrungs la/ nye dga'as ni yongs su btang ngo // //sdom ni/ /rigs ngan dang ni 'char kar bcas/ /snam sbyar dang ni brnyas pa dang / /mtshams bzangs dang ni bzang sbyin dang / /bdag gir 'du shes lhung bzed blangs/ /ma pham pa dang zla 
srungs kyi/ /rang gi bcos bu'i ras brkus pa'o/ /sdom gyi tshigs su bcad pa 'di ni phas pham pa gnyis pa las ji skad 'byung ba de bzhin du rgyas par sbyar bar bya ste/ khyad par cung zad kyang med do// //sdom ni/ phag dang bu ram shing dang ni/ /ta la chos gos gnag 
dga' bo/ /spra tshil gyis ni byugs pa'i snod/ /mching bu'i phor ba sbom dga' mo'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe mu ge'i dus la bab nas ma byin par len pa rnams 
kyis phag dag cig brkus te tshal stug po'i nang du dong ste der de dag gis de bsad do/ /bsad nas sha bzang po rnams zos te/ mgo dang / rus thogs dang / sug pa rnams bor ro/ /drug sde rnams kyi kun tu spyod pa ni nang par sngar langs nas khang pa'i steng du 'dzegs te 
phyogs bzhir lta zhing de dag gis gang na dud pa 'thul ba dang / bya rgod lding ba dag mthong ba der thams cad 'dus te 'dong bas nang par sngar langs nas khang pa'i steng du 'dzegs te phyogs bzhir blta bar brtsams pa dang / ji tsam na tshal stug po'i nang na dud pa dang bya rgod lding 

</font><hr>10-1-221b<br><font size=+1>
ba mthong nas smras pa/ dga' bo nye dga' tshal gyi nang na dud pa 'thul zhing bya rgod lding bas gal te cung zad rnyed kyang srid pas 'dong ngo / /de dag myur ba myur bar dong ba dang / phag gi mgo dang / rus thogs dang / sug pa bor ba dag mthong nas de dag gis smras pa/ dga' bo nye 
dga' phyag dar lta bu zhig rnyed kyis btsos te bza' bar bya'o/ /de dag gis bsdus nas 'tshed pa na phag bdag rnams tshol zhing der lhags pa dang / ji tsam na drug sde rnams phag sha 'tshod pa mthong ste/ de dag gis smras pa/ 'phags pa dag drang srong gi rgyal mtshan yang 
thogs la bya ba 'di lta bu yang byed dam/ de dag gis smras pa/ bzhin bzangs kho bo cag srog gcod du rung na lta bdag cag gis ri dgas bzang po bzang po dag bsad nas sha bzang po dag bza' mi nus sam ci/ ci'i phyir kho bo cag mgo dang rus pa dang / sug pa dag bsdus 
nas 'tshed/ ma byin par len pa 'ga' zhig gis brkus te zos nas bor ba 'di dag kho bo cag gis phyag dar bor ba lta bu blangs par zad do/ /de dag gis smras pa/ 'phags pa gal te de lta na 'on kyang 'di ltar khyed rab tu byung ba yin pas 'di ni 'tsham pa ma yin no zhes zer 
ba'i skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ dge slong dag dge slong gis de lta bu'i phyag dar blang bar mi bya'o/ /blangs na 'gal tshabs can du 'gyur ro/ /sangs rgyas bcom ldan 'das mnyan yod na 
rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /ma byin par len pa rnams kyis bu ram gyi shing dag brkus te zos nas de dag gis rtsa ba dang / thor to ro chung ba dag bor ba dang / drug sde rnams phan tshun 'phyan zhing phyogs der phyin pa dang / 
de dag gis mthong nas smras pa/ dga' bo nye dga' phyag dar lta bu 'di rnyed kyis blang bar bya'o/ /de dag gis blang bar brtsams na/ bu ram shing srung ba dag tshol zhing der lhags pa dang / ji tsam na drug sde rnams bu ram shing gi rtsa ba dang / thor to ro chung ba dag len pa 

</font><hr>10-1-222a<br><font size=+1>
mthong nas des smras pa/ 'phags pa dag drang srong gi rgyal mtshan yang thogs la 'di lta bu'i sdig pa'i las kyang byed dam/ de dag gis smras pa/ bzhin bzangs gal te bdag cag ma byin par len du rung na lta bdag cag gis bdams shing bdams nas bu 
ram shing bzang po'am/ gzhan yang nor bu dang mu tig la sogs pa rin po che dbrog par mi nus sam ci/ ma byin par len pa 'ga' zhig gis brkus te zos nas da gzod kho bo cag gis rtsa ba dang / rtse mo ro chung ba dag bsdus par zad do/ /de dag gis smras pa/ 'phags 
pa gal te de lta na 'on kyang 'di ltar khyed rab tu byung ba yin pas 'di ni 'tsham pa ma yin no/ /de dag cang mi zer bar 'dug nas skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ dge slong dag dge slong gis 
de lta bu'i phyag dar blang bar mi bya'o/ /dge slong de lta bu'i phyag dar len na 'gal tshabs can du 'gyur ro/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /ma byin par len pa rnams 
kyis shing ta la'i 'bras bu dag brkus nas nags stug po'i nang du khyer nas bdams shing bdams te zos te snyigs ma dag bor ba dang / drug sde rnams phan tshun 'khyam pa las phyogs der phyin nas de dag gis de mthong nas/ de dag gis smras pa/ dga' bo nye dga' 
phyag dar lta bu 'di rnyed kyis bsdu bar bya'o/ /de rnams kyis de bsdu bar brtsams na/ shing ta la'i srung ma 'tshol zhing der son pa dang / ji tsam na drug sde rnams shing ta la'i mgo thogs dang snyigs ma dag sdud pa mthong nas/ des smras pa/'phags pa drong srong gi rgyal 
mtshan yang thogs la 'di lta bu'i sdig pa'i las kyang byed dam/ de dag gis smras pa/ bzhin bzangs gal te kho bo cag ma byin par len du rung na lta bdams shing bdams te shing ta la'i 'bras bu bzang po dag dang / gzhan yang nor bu dang mu tig la sogs pa rin po che 

</font><hr>10-1-222b<br><font size=+1>
dag dbrog par mi nus sam ci/ ma byin par len pa 'ga' zhig gis 'di dag brkus pa las kho bo cag gis nyal nyil bsdus par zad do/ /des smras pa/ gal te de lta na yang 'di ltar khyed rab tu byung ba yin pas 'di ni 'tsham pa ma yin no/ /de dag cang mi zer bar 
'dug nas skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ dge slong dag gis de lta bu'i phyag dar blang bar mi bya'o/ /dge slong gis de lta bu'i phyag dar blangs na 'gal tshabs can du 'gyur ro/ /sangs rgyas bcom 
ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe mnyan yod na spos 'tshong gi khye'u zhig 'dug pa de la la ba bzang po zhig bdog nas de de la shin tu chags so/ /de dus gzhan zhig na na bar gyur pa dang / la ba de la 
ji lta bar dbyig dag la ni mya ngan mi byed do/ /de rtsa ba dang / sdong bu dang / 'dab ma dang / me tog dang / 'bras bu'i sman dag byas kyang phan par ma gyur te/ des gang gi tshe lus kyi gnas skabs shes pa de'i tshe nye du rnams bsogs te smras pa/ gang gi tshe kho bo shi bar gyur na de'i 
tshe khyed cag gis ma bsregs par 'on kyang la ba 'dis dkris nas 'or cig /de dag gis de dbugs phyung ste smras pa/ ji snyed nad kyis btab pa thams cad 'chi'am ci sos par 'gyur bas ma 'jigs shig /de tshe zad pa zhig pas rim gro dang gsos byas kyang ma phan te shi 
nas la ba la lhag par chags pas yi dgas lba ba can rnams kyi nang du skyes so/ /de nye du rnams kyis gos sngon po dang / ser po dang /dmar po dang / dkar po dag gis khyogs brgyan nas la ba de nyid kyis dkris te dur khrod du bor ro/ /de dge slong dag gis mthong nas/ 
de dag gis dge slong dur khrod pa gnag dga' bo zhes bya ba de la smras pa/ tshe dang ldan pa spos 'tshong gi khye'u shi ba de nye du dag gis la bas dkris nas/ dur khrod du bor gyis song la phyag dar khrod long shig /de myur ba myur bar dur khrod du song nas la ba blangs pa dang / mi ma yin pa 

</font><hr>10-1-223a<br><font size=+1>
des smras pa/ 'phags pa gnag dga' bo bdag gi la ba ma bsnams shig /dur khrod pa phal cher snying stobs can yin pas des de la smras pa/ bkren pa khyod la ba 'di la lhag par chags pa yi dgas lba ba can rnams kyi nang du skyes na/ da yang ci dmyal 
bar skye bar 'dod dam thong shig ces byas na/ 'on kyang des ma btang ngo / /de lhag par chags pas des de la rdog pas bsnun nas bshus te des de khyer nas rgyal byed kyi tshal du song ngo / /de yang cho nges 'debs shing de'i phyi bzhin du 'brangs te/ 'phags pa gnag dga' bo/ 
la ba 'o ni stsol cig ces byas na des khyad du bsad de rgyal byed kyi tshal du song ba dang / rgyal byed kyi tshal na sangs rgyas la mngon par dad pa'i lha dang / klu dang / gnod sbyin dag 'dug pas dbang chung ngur grags pa de nang du 'jug ma nus nas rgyal byed kyi tshal gyi sgo na cho nges 'debs 
shing 'dug go/ /sangs rgyas bcom ldan 'das rnams ni mkhyen bzhin du rmed par mdzad pa yin pas de nas tshe dang ldan pa kun dga' bo la rmas pa/ kun dga' bo ci'i phyir rgyal byed kyi tshal gyi sgo na mi ma yin pa du/ des gsol pa/ btsun pa gnag dga' bos de'i 
la ba blangs lags so/ /bcom ldan 'das kyis dgongs pa mi ma yin pa 'di chags pa de lta bus ngu ste/ gal te la ba ma thob na khrag dron du skyugs nas 'chi bar 'gyur ba gang yin pa'i gnas de yod do snyam du dgongs nas/ tshe dang ldan pa kun dga' bo la bka' 
stsal pa/ kun dga' bo song la dge slong gnag dga' bo la mi ma yin pa 'di la la ba byin cig /gal te 'di la la ba ma byin na gdon mi za bar 'di khrag dron du skyugs nas 'chi bar 'gyur ro/ /gang gi tshe byin pa de'i tshe yang mdun du song shig ces smra bar bya'o/ /gang gi tshe dur khrod 
du son pa de'i tshe yang nyol cig ces brjod par bya zhing gang gi tshe nyal ba de'i tshe de'i steng du dgab par bya'o zhes gyis shig /btsun pa de ltar 'tshal lo zhes tshe dang ldan pa kun dga' bos bcom ldan 'das kyi ltar mnyan nas tshe dang ldan pa gnag dga' bo ga la ba der song ste phyin nas tshe dang 

</font><hr>10-1-223b<br><font size=+1>
ldan pa gnag dga' bo la 'di skad ces smras so/ /tshe dang ldan pa gnag dga' bo shes par gyis shig /bcom ldan 'das kyi zhal nas mi ma yin pa 'di la la ba byin cig /gal te 'di la la ba ma byin na gdon mi za bar khrag dron du skyugs nas 'chi bar 'gyur ro/ /gang gi tshe byin pa 
de'i tshe yang mdun du song shig ces brjod par bya'o/ /gang gi tshe dur khrod du phyin pa de'i tshe yang nyol cig ces brjod par bya zhing / gang gi tshe nyal ba de'i tshe de'i steng du dgab par bya'o zhes de skad bka' stsal to/ /tshe dang ldan pa kun dga' bo bcom ldan 'das kyis ji skad bka' stsal pa de 
bzhin du 'tshal lo/ /tshe dang ldan pa kun dga' bo song ba dang / gnag dga' bos mi ma yin pa de la smras pa/ gal te khyod la ba 'dod na mdun du song shig dang sbyin no/ /de mdun du song ba dang / yang smras pa/ gal te khyod la ba 'dod na nyol cig ces byas pa dang / de nyal 
nas de'i steng du bkab bo/ /mi ma yin pas kyang de la rdog pas bsnun pa dang / de stobs dang ldan pa yin pas des mnags so/ /skabs de dge slong rnams la bsnyad pa dang / dge slong dag gis bcom ldan 'das la gsol nas/ bcom ldan 'das kyis bka' stsal pa/ dge 
slong dag gya tshom du ro'i gos blang ba'am sbyin par mi bya'i/ len na des rkang pa'i mtha' nas mgo'i mthar song ste blang bar bya'o/ /gang zhig sbyin pa des kyang mgo'i mtha' nas rkang pa'i mthar song ste sbyin par bya'o/ /dge slong ro'i gos la nyes dmigs lnga yod de/ lnga gang zhe na/ 
kha dog ngan pa dang / dri mi zhim pa dang / rnyings pa dang / shig mang ba dang / gnod sbyin mi srun pa mang ba'o/ /'on kyang phyag dar khrod pas ji srid du rma ma phyung bar ro'i gos blang bar mi bya'o/ /bcom ldan 'das kyis rma ma phyung bar shi ba'i gos blang bar mi bya'o zhes gsungs pa dang / 
drug sde rnams kyis khyi khrid de dong ba dang / ma dad pa dag gis mthong nas/ 'phags pa khyed ci ste khyi khrid nas dgon par 'dong / ci srog gcod par byed dam zhes kha zer ba dang / de dag gis lan gzhan du glan no/ /skabs de dge slong rnams kyis bcom ldan 'das la 

</font><hr>10-1-224a<br><font size=+1>
gsol pa dang / bcom ldan 'das kyis bka' stsal pa/ khyi khrid de 'gro bar mi bya'o/ /de dag gis mtshon gyis rma phyung ste blangs pa dang / bcom ldan 'das kyis bka' stsal pa/ mtshon gyis rma phyung ste blang bar mi bya'i 'on kyang gang gi tshe srin bu phre'u dang / 
grog mas zos kyang rung de'i tshe blang bar bya'o/ /de dag gis blangs te de bzhin du gyon nas/ bcom ldan 'das kyis bka' stsal pa/ de bzhin du bgo bar mi bya'i/ 'on kyang zhag bdun nam brgyad du dben par bzhag la gang gi tshe rlung dang nyi mas gdungs par gyur pa de'i tshe 
bkrus nas btsos la bgo bar bya'o/ /de dag gis de bgos te gtsug lag khang du 'jug cing mchod rten dag la phyag 'tshal bar byed nas/ skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ ngas dge slong dur khrod 
pa'i kun tu spyod pa'i chos bca' bar bya ste/ dge slong dur khrod pas ro'i gos bgos te gtsug lag khang du 'gro bar mi bya/ mchod rten la phyag 'tshal bar mi bya/ de ste phyag byed na yang 'dom gang khor yug las nye bar 'gro bar mi bya/ gnas khang la longs spyad par mi 
bya/ gnas mal la yang 'dug par mi bya/ dge 'dun gyi nang du 'dug par mi bya/ bram ze dang khyim bdag 'ongs shing lhags pa rnams la chos bstan par mi bya/ bram ze dang khyim bdag gi khyim dag tu 'gro bar mi bya/ gal te 'gro na yang sgor bsdad par bya'o/ /gal te 
'phags pa nang du gshegs zhes zer na/ bdag ni dur khrod pa'o zhes smra bar bya'o/ /ji ste 'phags pa gal te khyed lta bu sbyangs pa'i yon tan yang dag par blangs te 'dug pa dag khyim gyi nang du byon na bdag gis rnyed pa dag legs par rnyed pa ma lags sam zhes zer na 
nang du 'gro bar bya zhing stan la ni 'dug par mi bya'o/ /gal te 'phags pa gdan la bzhugs shig ces zer na/ bdag ni dur khrod pa'o zhes brjod par bya'o/ /ji ste 'phags pa gal te khyod lta bu sbyangs pa'i yon tan yang dag par blangs te 'jug pa dag stan dang khyim la 

</font><hr>10-1-224b<br><font size=+1>
yongs su longs spyod na bdag gis rnyed pa dag legs par rnyed pa ma lags sam zhes zer na der 'dug par bya ste 'di la 'gyod par mi bya'o/ /dge slong dur khrod pas kun tu spyad pa'i chos ji ltar bcas pa bzhin yang dag par blangs te mi 'jug na 'gal tshabs can du 'gyur ro/ /
sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong rnams gri dang khab dag bab chol du 'jog pas de dag btsas zos nas/ skabs de dge slong rnams kyis bcom ldan 'das la gsol pa dang / 
bcom ldan 'das kyis bka' stsal pa/ bab chol du gzhag par mi bya'i 'on kyang snod du gzhag par bya'o/ /bcom ldan 'das kyis snod du gzhag par bya'o zhes bka' stsal pa dang / dge slong dag gis snod ji lta bu bya ba mi shes nas/ bcom ldan 'das kyis bka' stsal pa/ 
ras la spra tshil gyis byugs nas/ der khab dang gri dag gzhug par bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na dge slong ma sbom dga' mo zhes bya ba de la mching phor zhig yod 
do/ /ji tsam na dge slong ma gzhan zhig skom pas nyam thag ste chu 'thung 'dod nas de de'i drung du song ste smras pa/ 'phags ma skom ste chu btung gis mching phor g.yor cig des smras pa/ 'di na 'dug gis long la song shig /des blangs te song ba dang / lag nas lhung ste 
chag nas de cang mi smra bar 'dug go/ /dus gzhan zhig na sbom dga' mos de dran nas de'i drung du song ste smras pa/ 'phags ma mching phor bsnams pa de stsol cig /des smras pa/ 'phags ma 'tshal na 'on kyang lag nas lhung ste chag gis gzhan zhig nyos te dbul lo/ /des 
smras pa/ de nyid byin cig ces des de ring zhig tu gtses te btang ngo / /skabs de dge slong ma dag gis dge slong dag la bsnyad do/ /dge slong rnams kyis bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni 

</font><hr>10-1-225a<br><font size=+1>
mching phor nas chu 'thung ba las gyur gyis/ de'i phyir dge slong mas mching phor du chu btung bar mi bya'o snyam du mkhyen nas/ dge slong rnams la bka' stsal pa/ nyes dmigs gang cung zad byung ba ni dge slong ma dag mching phor nas chu 'thung ba las gyur gyis/ de 
lta bas na dge slong mas mching phor nas chu btung bar mi bya zhing gzhan yang btung ba dang bza' bar mi bya'o/ /dge slong ma mching phor nas chu'am gzhan du yang rung 'thung ngam za na 'gal tshabs can du 'gyur ro// // sdom ni/ ri mo'i mkhar len me dang ni/ /khrus dang 
'gags dang lhung bzed kyi/ /lhag rol ma yin lhung bzed gzhir/ /rkang pa mi gzhag lham dag go/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /gang gi tshe khyim bdag mgon med zas 
sbyin gyis phyogs bzhi'i dge 'dun la rgyal byed kyi tshal phul ba de'i tshe de'i blo skyes pa 'di ri mo ma bris pas mi sdug ste/ de'i phyir gal te bcom ldan 'das kyis gnang na 'di ri mo bri'o snyam du rig nas de bcom ldan 'das ga la ba der song ste phyin nas/ bcom ldan 'das kyi zhabs 
la mgo bos phyag 'tshal te phyogs gcig tu 'dug go/ /phyogs gcig tu 'dug nas bcom ldan 'das la khyim bdag mgon med zas sbyin gyis 'di skad ces gsol to/ /btsun pa bdag gis rgyal byed kyi tshal 'di ri mo ma bris pas mi sdug ste/ de'i slad du bcom 
ldan 'das kyis gnang na bdag gis 'di ri mo bri bar bgyi'o/ /bcom ldan 'das kyis bka' stsal pa/ khyim bdag de lta bas na gnang gis ri mo ris shig /bcom ldan 'das kyis ri mo ris shig ces bka' stsal nas/ des tshon rtsi dag kyang bsogs/ ri mo 
mkhan rnams kyang bos te smras pa/ shes ldan dag bcom ldan 'das kyis gnang gis/ de'i phyir tshon rtsi 'di dag gis rgyal byed kyi tshal ri mo ris shig /de dag gis smras pa/ khyim bdag ri mo bri na phyogs gang du ci zhig bri ba gsung shig /des smras pa/

</font><hr>10-1-225b<br><font size=+1>
shes ldan dag bdag gis mi shes kyis sdod cig dang bcom ldan 'das la zhu'o/ /de dag gis smras pa/ khyim bdag legs te de bzhin du mdzod cig dang sdod do/ /de bcom ldan 'das kyi spyan sngar song nas zhabs la mgo bos phyag 'tshal te gsol pa/ bcom ldan 
'das tshon rtsi dag kyang bsogs/ ri mo mkhan rnams kyang bos na de dag gi mchid nas khyim bdag phyogs gang du ci zhig bri ba smros shig ces mchi na/ de'i slad du bcom ldan 'das kyis thugs brtse ba nye bar bzung ste phyogs gang du ci zhig bri ba bka' stsal du gsol/ 
bcom ldan 'das kyis bka' stsal pa/ khyim bdag gal te de lta na song la re zhig phyi sgor gnod sbyin lag na dbyug thogs 'drir bcug nas/ sgo khang du ni cho 'phrul chen po dang 'khor ba'i 'khor lo cha lnga pa/ khyams su ni skyes pa'i rabs kyi phreng ba/ dri gtsang khang gi sgor ni 
gnod sbyin lag na phreng ba thogs pa dag /rim gro'i khang par ni dge slong gnas brtan gnas brtan dag chos rnam par gtan la 'bebs par byed pa/ bkad sar ni gnod sbyin lag na zas thogs pa dag /mdzod kyi sgor ni gnod sbyin lag na lcags kyu thogs pa dag /chu'i khang 
par ni klu lag na bum pa thogs pa rgyan sna tshogs kyis brgyan pa dag /khrus khang ngam/ bsro gang du ni lha'i mdo las 'byung ba'am/ gzhan dmyal ba'i rabs/ nad pa'i sman khang du ni de bzhin gshegs pa nad pa'i nad g.yog mdzad pa/ chab khung sar ni dur khrod shin tu 
'jigs su rung ba/ gnas khang gi sgor ni rus pa'i keng rus dang / mgo'i thod pa bri'o/ /btsun pa de ltar 'tshal lo zhes khyim bdag mgon med zas sbyin gyis bcom ldan 'das kyi ltar mnyan nas thams cad de kho na bzhin du 'drir bcug go/ /gang gi tshe khyim bdag 
mgon med zas sbyin gyis rgyal byed kyi tshal ri mo bris pa de'i tshe dge slong shes bzhin med par gnas pa kha cig gis der me bus pas du bas ri mo ma rung bar gyur nas/ skabs de dge slong rnams kyis bcom ldan 'das la gsol pa dang / bcom ldan 'das kyis bka' 

</font><hr>10-1-226a<br><font size=+1>
stsal pa/ dge slong dag ngas me'i khang pa gnang gis dge slong gang zhig la me dgos pa des me'i khang par me bud par bya'i khang bzangs su ni ma yin no/ /khang bzangs su me 'bud na 'gal tshabs can du 'gyur ro/ /bcom ldan 'das kyis me'i khang 
par me bud par bya'i khang bzangs su ni ma yin no zhes bka' stsal pa dang / dge slong gzhan nad pa dag cig 'khod pa de dag mes phongs par gyur nas/ bcom ldan 'das kyis bka' stsal pa/ nad pa gang dag mes phongs pa de dag gis gtsug lag khang gi phyi 
rol lam/ rdzing drung du me bus la mdag ma du ba med pa nang du gzhag par bya'o/ /dge slong rnams khang bzangs su khrus byed pas ri mo byid nas/ bcom ldan 'das kyis bka' stsal pa/ khang bzangs su khrus mi bya'i 'on kyang rdzing gi grwa gcig tu ston pa'i spyan sngar 
ma bab pa'am/ khrus kyi khang pa byas nas der khrus bya'o/ /'dam du gyur nas/ bcom ldan 'das kyis bka' stsal pa/ phyogs der so phag gi gcal dgram par bya'o/ /chu 'khyil nas bcom ldan 'das kyis bka' stsal pa/ chu'i stor khung gdod par bya'o/ /
bcom ldan 'das kyis chu'i stor khung gdod par bya'o zhes bka' stsal pa dang / chu'i stor khung gi kha 'gags par gyur nas/ bcom ldan 'das kyis bka' stsal pa/ dus dus su bsal bar bya zhing chu'i stor khung gi kha nyid du khrus bya'o/ /sangs rgyas bcom ldan 'das 
mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na bram ze zhig gi bu na bar gyur nas de sman pa'i drung du song ste smras pa/ bkra shis par gyur cig /bkra shis par gyur cig /sman pas smras pa/ jo bo ci bzhed 
gsung shig /des smras pa/ kye dge ba cung zad kyang mi 'dod mod kyi/ 'on kyang kho bo'i bu nad 'di dang 'dis thebs kyis sman ston cig /sman pa de dad pa can zhig pas des smras pa/ bram ze 'phags pa rnams kyi drung du bzhud la lhung bzed kyi chu slongs la de khrus 

</font><hr>10-1-226b<br><font size=+1>
shig dang sos par 'gyur ro/ /des bram ze bkra shis par gyur cig ces smras nas chas te rgyal byed kyi tshal du song ngo / /drug sde rnams kyi kun tu spyod pa ni drug sde gang yang rung ba zhig gis rgyal byed kyi tshal gyi sgo mi stong pa yin te/ tshe dang ldan pa nye dga' rgyal byed kyi tshal 
gyi sgo na 'chags pa des bram ze de mthong nas smras pa/ bram ze chen po 'ongs pa legs so 'ongs pa legs so/ /khyod zla ba lta bur gnas pa yin na ring mo zhig ste ga las 'ongs/ 'phags pa phyag 'tshal lo/ /ring mo zhig ste mthong ba ni legs te/ yang dang yang du 
mthong bas ni brnyas par 'gyur ro/ /dgos pa ci zhig la 'ongs/ 'phags pa bdag gi bu bro tshabs chen po zhig gis thebs te/ de la sman pas 'phags pa rnams kyi thad nas lhung bzed kyi chu blangs te des bkrus dang sos par 'gyur ro zhes bstan nas/ bdag lhung bzed kyi 
chu bslang ba'i slad du 'dir mchis kyis stsol cig /des smras pa/ khyod ko lhung bzed kyi chu'i phyir 'dir 'ongs pa lta/ 'phags pa de lta lags te dgos pa de ni mchis so/ /gal te de lta na sdod cig dang kho bos lhung bzed kyi chu blang ngo zhes byas nas de nang du song ngo / /
des zan zos nas lhung bzed bkrus te der rus pa dang / sha'i kham tshad dang / nya'i gram dang / 'bras can gyi brul ma dang / phye dang / tshong shol dang / khur ba cung zad cig blugs so/ /de nas phyir byung nas smras pa/ bram ze lhung bzed kyi chu 'de re khyer cig /bram zes 
mthong nas smras pa/ 'phags pa bdag gi bu gum bla'i chu 'di lta bu mi gtsang bas khrus bgyis pa ni mi rung ngo / /tshe dang ldan pa nye dga'as smras pa/ khyod dad pa 'di lta bu dang ldan pas khyod kyi bu sos zin du zad do/ /bram ze de 'phya ba la zhugs nas/ skabs de 
dge slong rnams kyis bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni dge slong dag lhung bzed nas lhag rol 'dor ba las gyur gyis/ de'i phyir dge slong gis lhung bzed nas lhag rol dor bar mi bya'o snyam 

</font><hr>10-1-227a<br><font size=+1>
du dgongs te/ dge slong rnams la bka' stsal pa/ dge slong dag de lta bas na dge slong gis lhung bzed nas lhag rol dor bar mi bya'o/ /'dor na 'gal tshabs can du 'gyur ro/ /'on kyang ngas dge slong gis lhung bzed kyi chu sbyin par byed pa'i 
kun tu spyod pa'i chos bca' bar bya ste/ dge slong lhung bzed kyi chu sbyin par byed pas lhung bzed lan gsum bkrus te/ lhung bzed kyi chu la gtsug lag gi tshigs su bcad pas mngon par bsngags nas sbyin par bya'o/ /dge slong lhung bzed kyi chu sbyin par byed pas kun 
tu spyod pa'i chos ji ltar bcas pa bzhin yang dag par blangs te mi 'jug na 'gal tshabs can du 'gyur ro/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong dag lhung bzed kyi gzhi la rkang 
pa bzhag ste zan za ba bram ze dang khyim bdag rnams kyis mthong nas/ shAkya'i bu'i dge sbyong rnams ni gtsang sbra med pa ste/ lhung bzed kyi gzhi la rkang pa bzhag ste zan za'o/ /zhes 'phya ba'i skabs de dge slong rnams kyis bcom ldan 'das la gsol pa dang / bcom ldan 
'das kyis bka' stsal pa/ dge slong dag bram ze dang khyim bdag rnams 'phya ba ni thog tu bab po/ /de lta bas na dge slong gis lhung bzed kyi gzhi la rkang pa bzhag ste zan bza' bar mi bya'o/ /dge slong lhung bzed kyi gzhi la rkang pa bzhag ste zan za na 'gal tshabs can du 
'gyur ro/ /sangs rgyas bcom ldan 'das yangs pa can na spre'u rdzing gi 'gram khang pa brtsegs pa na bzhugs so/ /dge slong dag lham ma phud par zan za ba bram ze dang khyim bdag rnams kyis mthong nas/ shAkya'i bu'i dge sbyong rnams ni gtsang sbra med pa ste lham ma phud 
par zan za'o zhes 'phya ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag bram ze dang khyim bdag 'phya ba ni thog tu bab bo/ /de lta bas na dge slong gis lham ma phud par zan bza' bar mi 

</font><hr>10-1-227b<br><font size=+1>
bya'o/ /dge slong lham ma phud par zan za na 'gal tshabs can du 'gyur ro/ /bcom ldan 'das kyis dge slong gis lham ma phud par zan bza' bar mi bya'o zhes bka' stsal nas/ dge slong dag gis lham phud de zan za bar brtsams pa dang / de dag na bar gyur pa'i skabs 
de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ nad pa gang dag yin pa de dag gis ni ma phud par zan bza' bar bya ste 'di la 'gyod par mi bya'o// //sdom ni/ lhung bzed med dang grags pa dang / /dbyar 
gnas pa dang gnas med dang / /lo lnga rnyed pa gcig pa dang / /glo dang rgyab dang rked pa mgo/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /nye dga' bos gcig cig rab tu phyung ba de la 
snga nas lhung bzed nye bar ma bzhag go/ /ji tsam na dge slong rnams zas kyi dus la bab ste rang rang gi lhung bzed dag bkrus nas lhung bzed kyi gzhi la bzhag ste mchod rten la phyag 'tshal du dong ba dang / des bsams pa/ lhung bzed 'di dag mang mo zhig 'dug pas gdon mi za bar 
gang gang gis ji ltar blangs pa des zos shing zos nas 'di nyid du 'jog go/ /de lta bas na re zhig bdag gis kyang blangs la slar bzhag go snyam nas des gnas brtan kun shes kauN+Di n+ya'i lhung bzed blang bar brtsams pa dang / gzhan zhig gis de la smras pa/ tshe dang ldan pa lhung bzed 
'di ni gnas brtan kun shes kauN+Di n+ya'i yin gyis 'di ma len cig /des de bzhag nas tshe dang ldan pa rta thul dang / bzang po dang / rlangs pa dang / ming chen dang / gang po dang / dri ma med pa dang / ba lang bdag dang / lag bzangs dang / dge slong gzhan dag cig gi lhung bzed dag blang 
bar brtsams pa dang / dge slong rnams kyis smras pa/ tshe dang ldan pa khyod la lhung bzed med na lhung bzed med pa khyod sus rab tu phyung / des smras pa/ mkhan po nye dga'as so/ /dge slong rnams 'phya bar byed de gnas ngan len kun tu spyod pa de ma yin pa gzhan su zhig gis lhung 

</font><hr>10-1-228a<br><font size=+1>
bzed med pa rab tu 'byin ces zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gis lhung bzed med pa rab tu dbyung bar mi bya ste/ rab tu 'byin na 'gal tshabs can du 'gyur ro/ /rab tu 
'byin par byed pas yo byad drug gis mi brel bar bya'o/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa re zhig dge slong dag gis lhung bzed med pa zhig bsnyen par rdzogs par bgyid na bsnyen par rdzogs pa zhes brjod par bgyi 'am/ nye ba 
'khor bsnyen par rdzogs pa zhes bya ste/ bsnyen par rdzogs par byed pa rnams ni 'gal tshabs can du 'gyur ro/ /btsun pa dge slong dag gis lhung bzed chung ngu'am/ lhung bzed chen po'am/ lhung bzed skya bos bsnyen par rdzogs par bgyid na bsnyen par rdzogs pa zhes 
bgyi'am/ nye ba 'khor bsnyen par rdzogs pa zhes bya ste/ bsnyen par rdzogs par byed pa rnams ni 'gal tshabs can du 'gyur ro/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe 
chom rkun par grags pa zhig rkun po byed pa tshor nas des bzung ba dang / brkus pa bor nas bros so/ /de lam gyi ngal bas dub nas rgyal byed kyi tshal gyi lam ka shing zhig gi drung na lag pa 'gram pa la gtad de sems khong du chud cing 'dug pa dang / tshe dang ldan pa nye dga' 
snga dro sham thabs bgos lhung bzed dang chos gos thogs te mnyan yod du bsod snyoms kyi phyir chas pa des de mthong nas smras pa/ tshe dang ldan pa khyod su'i/ des smras pa/ 'phags pa bdag ni mgon med pa zhig ste/ bdag la ci yang ma mchis so/ /des smras pa/ bzhin 
bzangs gal te de lta na ci ste rab tu mi 'byung / des smras pa/ 'phags pa khyod rab tu byung ba lags pas re zhig drang por smra bar bgyi ste/ bdag ni chom rkun par grags pa lags na su zhig bdag rab tu 'byin/ bu bcom ldan 'das kyi bstan pa ni thugs rjes rab tu phye ba 

</font><hr>10-1-228b<br><font size=+1>
yin pas su zhig rab tu mi 'byin/ sems rton cig dang ngas rab tu dbyung ngo / /'phags pa legs te rab tu 'byung ngo / /des de rab tu phyung bsnyen par rdzogs par byas nas/ smras pa/ bzhin bzangs ri dgas kyis ri dgas mi gsos kyis mnyan yod rgya chen por rang gi spyod 
yul pha yul du bsod snyoms la rgyus la 'tsho bar gyis shig /de snga dro sham thabs bgos lhung bzed dang chos gos thogs te mnyan yod du bsod snyoms kyi phyir zhugs pa dang / de bsod snyoms la rgyu ba na/ bram ze dang / khyim bdag rnams kyis ngo shes nas/ de na kha cig na re shes 
ldan dag 'di ni chom rkun par grags pa de yin na rab tu byung ngo zhes zer/ gzhan dag na re dge sbyong shAkya'i bu pa rnams kyi chos ni bzang ste chom rkun par grags pa yang rab tu 'byin par byed do/ /'di dag ni nyin mo bsod snyoms pa'i cha byad kyis khyim dag tu glags bcad nas nub 
mo rkur 'ong ngo zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni dge slong dag chom rkun par grags pa rab tu 'byin pa las gyur te/ de'i phyir dge slong gis chom rkun par grags 
pa rab tu dbyung bar mi bya'o snyam du dgongs nas dge slong rnams la bka' stsal pa/ dge slong dag bram ze dang / khyim bdag rnams 'phya ba ni thog tu bab po/ /de lta bas na dge slong gis chom rkun par grags pa rab tu dbyung bar mi bya'o/ /bcom ldan 'das kyis dge slong 
gis chom rkun par grags pa rab tu dbyung bar mi bya'o zhes bka' stsal pa dang / dge slong dag gis chom rkun pa yin par mngon pa med pa dag kyang rab tu ma phyung bas de dag gi rab tu 'byung ba dang bsnyen par rdzogs pa dge slong gi dngos po'i bar chad du gyur pa'i skabs de dge slong 
rnams kyis bcom ldan 'das la gsol pa dang / bcom ldan 'das kyis bka' stsal pa/ chom rkun pa yin par mngon pa rab tu dbyung bar mi bya'i/ mngon pa med pa ni rab tu dbyung bar bya'o/ /de lta bas na gang yang rung ba zhig gi drung du rab tu 'byung bar 'dod pa zhig nye 

</font><hr>10-1-229a<br><font size=+1>
bar 'ongs na/ des de la chom rkun par grags pa ma yin nam zhes dri bar bya'o/ /ma dris par rab tu 'byin na 'gal tshabs can du 'gyur ro// //'dul ba phran tshegs kyi gzhi/bam po nyi shu pa/sangs rgyas bcom ldan 'das mnyan yod 
na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe gnas zhig na dge slong mang po zhig gcig cig la gnas bcas te 'dug pa las/ ji tsam na de dag gi gnas kyi slob dpon de dus las 'das pa dang / de dag gis su zhig la 
bdag cag gis 'phral gyi bya ba zhu bar bya ba dang / gang la gnas bcas te 'dug par bya ba mi shes nas/ skabs de dge slong rnams la bsnyad do/ /dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong de dag gis 
dge slong zhig las su bsko ba spang ba dang / gnas khang spang ba dang / mal stan spang ba dang / rim gro pa spang bas btsal bar bya ste/ ci ste rnyed na de lta na legs/ ci ste ma rnyed na dge slong de dag gis gnas der gso sbyong gnyis pa'i bar du 'dug par mi bya ste 'dug na 'gal tshabs 
can du 'gyur ro/ /dge slong gzhan dag cig gnas zhig tu gnas kyi slob dpon gcig cig dang dbyar gnas par khas blang bar 'dod pa las/ de dag gi gnas kyi slob dpon de yang dus las 'das nas de dag kyang ji ltar bsgrub pa mi shes pa'i skabs de dge slong rnams kyis bcom 
ldan 'das la gsol pa dang / bcom ldan 'das kyis bka' stsal pa/ dge slong de dag gis kyang dge slong zhig las su bsko ba spang ba dang / gnas khang spang ba dang / mal stan spang ba dang / rim gro pa spang bas btsal bar bya ste/ gal te rnyed na de lta na legs/ ji ste ma 
rnyed na dge slong de dag gis gnas der dbyar snga mar gnas par dam bca' bar mi bya ste/ gnas par dam 'cha' na 'gal tshabs can 'gyur ro/ /dge slong gzhan dag cig gnas shig tu gnas kyi slob dpon gcig cig dang dbyar snga mar gnas par dam bcas pa las de 

</font><hr>10-1-229b<br><font size=+1>
dag gi slob dpon de yang dus las 'das nas/ de dag gis kyang ji ltar bsgrub pa mi shes pa'i skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ dge slong de dag gis kyang dge slong zhig las su bsko ba spang ba dang / 
gnas khang spang ba dang / mal stan spang ba dang / rim gro pa spang bas btsal bar bya ste/ gal te rnyed na de lta na legs/ ci ste ma rnyed na dge slong de dag gis der gnas par mi bya'i gzhan du song la dbyar nye bar sbyor ba gnyis par dbyar gnas par khas blang bar bya'o/ /der gnas 
na 'gal tshabs can du 'gyur ro/ /dge slong gzhan dag cig gnas shig tu gnas kyi slob dpon gcig cig dang dbyar gnas par khas blang bar 'dod pa las/ de dag gi gnas kyi slob dpon de yang dus las 'das nas/ de dag gis kyang ji ltar bsgrub pa mi shes pa'i skabs 
de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong de dag gis kyang dge slong zhig las su bsko ba spang ba dang / gnas khang spang ba dang / mal stan spang ba dang / rim gro pa spang bas btsal bar bya ste/ gal te rnyed 
na de lta na legs/ ji ste ma rnyed na dge slong de dag gis der dbyar snga mar gnas par dam bca' bar mi bya ste/ gnas par dam 'cha' na 'gal tshabs can du 'gyur ro/ /dge slong gzhan dag cig gnas shig tu gnas kyi slob dpon gcig cig dang dbyar phyi mar gnas par 
dam bcas pa las/ de dag gi slob dpon de yang dus las 'das nas de dag gis kyang ji ltar bsgrub par mi shes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong de dag gis zla ba gnyis kyi bar du gcig 
la gcig dri zhing so sor brtags par gnas par bya'o/ /zla ba gnyis 'das nas dge slong zhig las su bsko ba spang ba dang / gnas khang spang ba dang / mal stan spang ba dang / rim gro pa spang bas btsal bar bya ste/ gal te rnyed na de lta na legs/ ji ste ma rnyed na dge slong de 

</font><hr>10-1-230a<br><font size=+1>
dag gis gnas der gso sbyong gnyis pa'i bar du 'dug par mi bya ste/ 'dug na 'gal tshabs can du 'gyur ro/ /dge slong gzhan dag cig gnas shig tu dge slong gcig cig gis rab tu phyung bsnyen par rdzogs par byas pa las/ de dag gi mkhan po de dus las 
'das pa dang / de dag gis kyang ji ltar bsgrub pa mi shes zhes bya ba nas thams cad slob dpon la ji lta bar snga ma bzhin du brjod par bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /ri 'or zhig 
na khyim bdag cig gnas pa des gtsug lag khang byed du bcug ste yo byad thams cad kyis bkang nas phyogs bzhi'i dge slong gi dge 'dun la phul lo/ /ji tsam dus gzhan zhig na khyim bdag de rgyal po'i pho brang du bzung ba dang / dge slong rnams kyis thos so/ /de dag gis thos 
nas gtsug lag khang bor te bros pa dang / dkon mchog gsum gyi dkor ma byin par len pa rnams kyis brkus so/ /ji tsam na khyim bdag de slar btang ste/ dge slong rnams kyis gtsug lag khang gi bdag po de ji ltar slar btang ba thos nas de dag khyim bdag de'i drung du song ba dang / 
khyim bdag des ji ltar dge slong dag gtsug lag khang bor te bros nas dkon mchog gsum gyi dkor ma byin par len pa rnams kyis brkus pa snga nas thos pas des de dag bskyengs pa/ 'phags pa khyed ci'i phyir bros/ de dag gis smras pa/ kho bo cag gis khyod rgyal po'i pho brang du 
ji ltar bzung ba thos te thos nas de nas bdag cag skrag ste bros so/ /'phags pa dag gal te bdag rgyal po'i pho brang du bzung yang khyed ko ci'i slad du 'bros/ bdag gi nye du dag ni ma bzung na ci de dag kyang khyed kyi yo byad sbyor bar mi 'gyur ram/ de dag spobs pa med par cang mi zer 
bar 'dug pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de bzhin 'bros par mi bya'i 'on kyang gtsug lag khang gi bdag po'i nye du dag la gtsug lag khang gi bdag po ni rgyal po'i khab tu bzung na/ ci khyed kyis bdag 

</font><hr>10-1-230b<br><font size=+1>
cag gi bsod snyoms kyi yo byad sbyar nus sam zhes dri bar bya ste/ gal te de dag sbyor na de lta na legs/ ci ste mi sbyor na lo lnga'i bar du bsod snyoms bya zhing 'dug par bya'o/ /lo lnga 'das nas gal te gtsug lag khang gi bdag po slar btang na de lta na legs/ ji ste ma btang na 
gsol ba dang gnyis kyi las byas nas gtsug lag khang de'i nyen kor gyi gtsug lag khang dag yongs su skyong bar byed pa rnams dang / rnyed pa thun mong dang gso sbyong tha dad pa dag gis lo gzhan lnga'i bar du 'dug par bya'o/ /las ni 'di ltar bya ste/ nyen kor gyi gtsug lag khang 
dag tu gnas mal bshams te/ gaN+DI brdungs nas dris pa'i tshig gis dge slong rnams la yang dag par bsgo nas dge 'dun thams cad 'dus shing 'khod pa dang / dge slong gcig gis gsol ba byas nas las bya ste/ dge 'dun btsun pa rnams gsan du gsol/ gtsug 
lag khang che ge mo zhig gi bdag po rgyal pos bzung ste/ gal te dge 'dun gyi dus la bab cing bzod na dge 'dun gyis gnang bar mdzod cig dang / dge 'dun gyis gtsug lag khang de gtsug lag khang 'di dag dang rnyed pa thun mong dang gso sbyong tha dad par bgyi'o/ /'di ni 
gsol ba'o/ /las ni 'di ltar bya ste/ dge 'dun btsun pa rnams gsan du gsol/ gtsug lag khang che ge mo zhig gi bdag po rgyal pos bzung ste/ de'i slad du dge 'dun gyis gtsug lag khang de gtsug lag khang 'di dag dang rnyed pa thun mong dang gso sbyong tha dad par mdzad 
na/ tshe dang ldan pa gang dag gtsug lag khang de gtsug lag khang 'di dag dang rnyed pa thun mong dang gso sbyong tha dad par mdzad par bzod pa de dag ni cang ma gsung shig /gang dag mi bzod pa de dag ni gsung shig /dge 'dun gyis bzod cing gnang nas dge 'dun gyis gtsug lag khang che ge 
mo zhig rnyed pa thun mong dang gso sbyong tha dad par mdzad lags te/ 'di ltar cang mi gsung bas de de bzhin du 'dzin to/ /gal te rnam pa des lo bcu'i bar du gnas pa rnams la gtsug lag khang gi bdag po 'ongs na de lta na legs/ ji ste ma 'ongs na nyen kor gyi gtsug lag khang dag tu 

</font><hr>10-1-231a<br><font size=+1>
gnas mal dang / snod dang / yo byad dag bzhag nas nang sgo bcad de 'gro bar bya'o/ /gang gi tshe gtsug lag khang gi bdag po slar btang ba de'i tshe nyen kor gyi gtsug lag khang nas rdzas ji ltar bzhag pa rnams phyir blangs te de nyid du sbyin par bya'o/ /gal te nyen kor 
gyi gtsug lag khang na gnas pa'i dge slong rnams kyis byin na de lta na legs/ ci ste ma byin na 'gal tshabs can du 'gyur ro/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /drug sde rnams lus kyis 
khur khyer ba bram ze dang khyim bdag rnams kyis mthong nas 'phya bar byed de/ 'phags pa re zhig bdag cag ni khyim pa khyim na gnas pa lags pas pha ma dang bu dang / bu mo dang / bran pho dang / bran mo dang / las byed pa dang / zho shas 'tsho ba dang / rgyal po dang / lha dang / gshin ngog 
dang / dge sbyong dang / bram ze rnams kyi don du lus kyis khur 'tshal na khyed ko su'i don du khur snoms/ de dag cang mi zer bar 'dug pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag bram ze dang khyim 
bdag rnams 'phya ba ni thog tu bab po/ /de lta bas na dge slong gis lus kyis khur bkur bar mi bya'o/ /dge slong lus kyis khur khyer na 'gal tshabs can du 'gyur ro/ /bcom ldan 'das kyis dge slong gis lus kyis khur bkur bar mi bya'o zhes bka' stsal pa dang / 
drug sde rnams kyis rgyab dang / rked pa dang / glo dang / mgos khur bkur bar brtsams te nyes dmigs de nyid du gyur nas/ bcom ldan 'das kyis bka' stsal pa/ rgyab kyis ma yin/rked pas ma yin/ glos ma yin/ mgos khur bkur bar mi bya ste/ 'khur na 'gal 
tshabs can du 'gyur ro// // sdom ni/ gnas dang yo byad drug dang ni/ /de nas de las phrogs pa dang / /yid gcugs len pa lnga dang ni/ /btso blag sgo khang 'chag sa'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin 

</font><hr>10-1-231b<br><font size=+1>
gyi kun dga' ra ba na bzhugs so/ /de'i tshe bram ze rab tu 'byung bar 'dod pa zhig rgyal byed kyi tshal du song ba dang / ji tsam na dge slong lag na lhung bzed thogs pa mang po khar gsil thogs nas bsod snyoms la chas pa de dag des mthong nas des bsams pa/ re zhig 'di dag gang du 'gro 
dri'o snyam nas des de dag la dris pa/ 'phags pa gang du bzhud de dag gis smras pa/ bram ze bsod snyoms la 'gro'o/ /des smras pa/ 'phags pa dge slong thams cad bsod snyoms la rgyu'am/ de dag gis smras pa/ bram ze dge slong bshes gnyen can gang dag yin pa de dag la ni bram ze 
dang khyim bdag rnams bsod snyoms gtsug lag khang du khyer te 'ongs nas 'bul lo/ /bshes gnyen med pa gang dag yin pa de dag ni bsod snyoms la 'gro'o/ /des bsams pa/ dge sbyong shAkya'i bu pa rnams kyi nang du rab tu phyung ba dang khyad par ci yod kyis bdag gis 'dir yang de bzhin 
du bsod snyoms la 'gro bar bya'o snyam mo/ /des yang bsams pa/ re zhig dge slong gzhan zhig la yang ci 'di dag bsod snyoms kho na la gnas te rab tu byung ngam/ 'on te gnas gzhan yang yod dri bar bya'o snyam nas/ de dge slong zhig gi drung du song ba dang / des de la 'ongs pa legs 
so zhes bya ba'i kun tu spyod pa kun tu spyad nas smras pa/ bram ze khyod gang nas ci'i phyir 'dir 'ongs/ des smras pa/ 'phags pa khyod blta ba kho na'i phyir 'ongs te/ re zhig khyod ci la gnas nas rab tu byung ba dri'o/ /des smras pa/ bram ze legs so legs so/ /khyod kyi rtog pa 
ni bzang ste 'dug shig dang gtam bya'o/ /bram ze rab tu 'byung bar 'dod pa des rkang pa la phyag byas nas de'i mdun du 'dug pa dang / des smras pa/ bram ze bzhi po 'di dag ni bcom ldan 'das kyis legs par gsungs pa'i chos 'dul ba la rab tu byung ba bsnyen par rdzogs pa dge slong gi 
gnas su bcas pa yin no/ /bram ze bzhi gang zhe na/ bcom ldan 'das kyis dge slong dag gos rnams kyi nang na phyag dar khrod ni rung ba rnyed kyang sla ba ste/ de la gnas na dge slong legs par gsungs pa'i chos 'dul ba la rab tu byung bsnyen par rdzogs pa dge slong gi dngos por 'gyur 

</font><hr>10-1-232a<br><font size=+1>
ro/ /zas rnams kyi nang na bsod snyoms dang / gnas mal rnams kyi nang na shing drung dang / sman rnams kyi nang na bkus te bor ba ni rung ba rnyed kyang sla ba ste/ de la gnas na dge slong legs par gsungs pa'i chos 'dul ba la rab tu byung bsnyen par rdzogs pa dge slong gi dngos por 
'gyur ro zhes bka' stsal to/ /bram ze bcom ldan 'das kyis bdag cag la gnas su bcas pa ni bzhi po 'di dag yin te/ 'di dag la gnas nas bdag cag legs par gsungs pa'i chos 'dul ba la rab tu byung bsnyen par rdzogs pa dge slong gi dngos por 'gyur ro/ /bram 
zes smras pa/ 'phags pa su zhig gnas 'di dag gis 'tsho bar nus/ bdag rab tu 'byung ngo snyam ste 'dir mchis na rab tu 'byung ba 'di yang dka' ba zhig pas phyag 'tshal lo mchi'o zhes smras te song ngo / /de nyid de rab tu 'byung zhing bsnyen par rdzogs par dge slong gi dngos po'i 
bar chad du gyur nas/ skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni dge slong dag rab tu ma byung ba kho na la gnas bzhi brjod pa las gyur gyis/ de lta bas na dge slong gis rab tu ma byung ba'am/ 
bsnyen par ma rdzogs pa la gnas bzhi brjod par mi bya'i/ gang gi tshe rab tu byung bsnyen par rdzogs pa/ de'i tshe gnas bzhi brjod par bya'o/ /rab tu ma byung bsnyen par ma rdzogs pa la gnas bzhi rjod na 'gal tshabs can du 'gyur ro/ /gleng gzhi ni mnyan yod na'o/ /mnyan yod na khyim 
bdag cig gnas pa des rigs mnyam pa las chung ma blangs nas de de dang rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa las zhes bya ba snga ma bzhin no/ /rigs dang mthun pa'i ming btags te de bskyed bsrings 
nas chen por gyur to/ /de dus gzhan zhig na phas spyos pa dang / des bsams pa/ pha mgu dka' bar gyur gyis rgyal byed kyi tshal du song la rab tu 'byung ngo snyam nas de rgyal byed kyi tshal du song ngo / /drug sde rnams kyi kun tu spyod pa ni drug sde gang yang rung ba zhig gis rgyal byed kyi tshal gyi sgo mi stong 

</font><hr>10-1-232b<br><font size=+1>
pa yin te/ tshe dang ldan pa nye dga' sgo na 'dug pa des de mthong nas smras pa/ bzhin bzangs 'ongs pa legs so/ /khyod zla ba lta bur gnas pa yin na ring mo zhig lon te ga las 'ongs/ des smras pa/ 'phags pa ring mo zhig lon te mthong ba ni legs kyi/ yang dang yang mthong ba ni 
brnyas par 'gyur ro/ /'on kyang 'phags pa rab tu 'byung bar 'tshal gyis rab tu phyung shig /bzhin bzangs khyod kyi sems bskyed pa ni bzang ste rab tu byung ba ni mchog go/ /bcom ldan 'das kyis phan yon lnga mthong ba'i mkhas pas rab tu 'byung bar bya bar mos par bya ba'i rigs so zhes bya ba 
nas/ sangs rgyas rnams dang / sangs rgyas kyi nyan thos dam pa yang dag par zhugs pa'i skyes bu dam pa rnams kyis zhes bya ba'i bar snga ma bzhin no/ /de lta bas na legs kyis rab tu phyung shig /de lta mod kyi 'di la yo byad drug dgos na khyod la yo byad drug yod dam/ 'phags pa yo byad 
drug po de dag ji lta bu zhig lags/ bzhin bzangs lhung bzed dang / chu tshags dang / chos gos gsum dang / gding ba'o/ /'phags pa ma mchis so/ /bzhin bzangs kho bo la yang med de/ re zhig song shig dang kho bos yo byad drug btsal lo/ /de pha spangs nas gnyen dag gi drung du song 
ba dang / de dag gis khye'u de ji ltar rab tu 'byung ba thos pas de dag gis de'i chung ma blangs so/ /tshe dang ldan pa nye dga'as yo byad drug bzhag ste mnyan yod du bsod snyoms kyi phyir zhugs pa dang / des khye'u de srang du mthong nas/ des smras pa/ bzhin bzangs kho bos yo byad drug po de 
dag rnyed de/ tshur rab tu dbyung gis 'dong / des smras pa/ 'phags pa bdag gis kyang yo byad drug rnyed do/ /bzhin bzangs ci 'dra ba dag cig /'phags pa mig dang / rna ba dang / sna dang / lce dang / lus dang / yid do/ /bzhin bzangs de ji tha tshig /'phags pa bdag nye 
du rnams kyis chung ma blangs na/ ci da rab tu 'byung ngam/ de nyid de'i rab tu 'byung zhing bsnyen par rdzogs pa dge slong gi dngos po'i bar chad du gyur nas/ skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag de 

</font><hr>10-1-233a<br><font size=+1>
lta bas na gnang gis yo byad drug brnyas nas rab tu dbyung bar bya zhing bsnyen par rdzogs par bya'o/ /legs par gsungs pa'i chos 'dul ba la rab tu 'byung zhing bsnyen par rdzogs pa dge slong gi dngos po rnyed dka' bas yo byad drug po dag rim gyis btsal nas brnyas pa slar 
byin cig /gleng gzhi ni mnyan yod na'o/ /de'i tshe dge slong rab tu mang po ljongs rgyu zhing dong ba dang rkun po dag gis bcom nas de dag gis phrogs pa de khyer te rgyal byed kyi tshal du lhags nas btsong bar brtsams so/ /dge slong bcom pa de dag kyang de nyid du 'ongs nas dge slong de dag gis 
rang gi lhung bzed dang chos gos dag ngo shes te de dag gis ku cho'i sgra bton nas shes ldan dag 'di dag gis bdag cag gi lhung bzed dang chos gos 'di phrogs kyis/ rkun po rnams zung shig zung shig ces byas pa dang / de dag ku cho'i sgra thos nas skrag ste bros so/ /dge slong rnams 
kyis rang rang gi lhung bzed dang chos gos blangs nas 'dug ste ci 'di bdag cag la rung ba yin nam 'on te rung ba ma yin mi shes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de ni gang gis phrogs pa de kho na'i 
yin pas de dag bsdigs par mi bya'o/ /bcom ldan 'das kyis de ni gang gis phrogs pa de kho na'i yin no zhes bka' stsal pa dang / dge slong gzhan dag cig ljongs rgyu zhing dong ba dang / rkun po rnams kyis mthong nas de dag gis de rnams gzhom par brtsams te/ de dag 
gis de rnams kyi lhung bzed dang chos gos ji snyed la lag pas reg pa de rnyed lta ba med par bor nas de rnams lhung bzed dang / chos gos kyis phongs par gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ ji srid rkun po 
dag gis phrogs khyer nas sbyor ba'i rgyun ma bcad pa de srid du lta ba med par mi bya'o/ /bcom ldan 'das kyis ji srid du rkun po dag gis phrogs pa khyer nas sbyor ba rgyun ma bcad pa de srid du lta ba med par mi bya'o zhes bka' stsal pa dang / rkun po de dag gis phrogs pa de khyer nas 

</font><hr>10-1-233b<br><font size=+1>
mnyan yod du zhugs te srang du btsong bar brtsams so/ /dge slong de rnams kyis phrogs pa de ngo shes te ngo shes nas rkun po de rnams rgyal po'i pho brang du khrid de/ de dag der gsad pa dang / bcing ba dang / gcad pa dang / dbug pa la sogs pa sdug bsngal gyi khyad par dag gis 
nye bar gzir cing shin tu sdug bsngal bar byas pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ rgyal po'i pho brang du sbron par mi bya'i 'on kyang sngar chos bshad nas bslang bar bya'o/ /gal te mi ster na rin phyed kyis 
blang bar bya'o/ /gal te de ltar yang mi ster na rin tshang bar byin la blang bar bya ste/ dge slong dag gis lhung bzed dang chos gos byas pa mthar phyin pa ni rnyed par dka'o/ /gleng gzhi ni mnyan yod na'o/ /dge slong dag gis lci ba skam po dang / so shing tshon rtsi'i shal ma la 
sogs pa de bzhin du bor nas mi lta bar dong ba dang / de dag dge slong 'gas kyang 'gyod pas ma blangs pas de nyid du chus zos pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ yid gcugs pa lngas len pa 
mdza' ba dang / yid du 'ong ba dang / bla ma dang / dran par bya ba dang / thos nas dga' bar 'gyur ro snyam nas len pa ni legs par blangs pa yin te 'di la 'gyod par mi bya'o/ /gleng gzhi ni mnyan yod na'o/ /bcom ldan 'das kyis btso blag gi las bya'o zhes bka' stsal pa/ 
dge slong dag gis sgo khang dang 'chag sa dag tu chos gos dag btsos pas de dag rdul gyis kyang phog /rdzi char gyis kyang gsher ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gtsug lag khang du btso blag 
gi las bya'o/ /dge slong dag gis gtsug lag khang du btso blag gi las bya bar brtsams pa dang / tshon sa la bo ba khrag lta bur snang ba bram ze dang khyim bdag rnams kyis mthong nas smras pa/ 'phags pa phyogs 'dir ra lug gsad dam ci/ de dag gis smras pa/ shes ldan 

</font><hr>10-1-234a<br><font size=+1>
dag bdag cag gis phyogs 'dir btso blag gi las byas pas 'dir tshon rtsi bo'o/ /de dag gis smras pa/ 'phags pa gal te tshon rtsi pho na te por mi sdug par snang gis sa byi dor bgyid du stsol cig /skabs de dge slong rnams kyis bcom ldan 'das la gsol pa 
dang / bcom ldan 'das kyis bka' stsal pa/ zhal zhal byug par bya'o/ /de dag gis thams cad du byugs pa dang / rdo thal dag ma rung bar gyur nas/ bcom ldan 'das kyis bka' stsal pa/ rdo thal can ni bkru bar bya'o/ /gzhan du ni zhal zhal gyis byug par bya'o// // 
sdom ni/ shing rnams bskyed par gnang ba dang / /na me ru ka gos dag dang / /kha tshar ring po tshigs bcad du/ /bsdus nas sdom du yang dag bstan/ /sangs rgyas bcom ldan 'das rgyal po'i khab 'od ma'i tshal bya ka lan da ka gnas pa na bzhugs so/ /gang gi tshe bcom 
ldan 'das kyis lha'i dbang po brgya byin lus 'phags ri la bden pa la bzhag pa'i tshe rgyal po gzugs can snying pos der dus ston btsugs pas der yul ma ga d+hA na gnas pa'i skye bo'i tshogs thams cad 'du'o/ /lus 'phags ri rdo can shing med pa zhig pas yul ma ga d+hA na 
gnas pa'i skye bo'i tshogs tsha bas gdungs te smras pa/ 'phags pa kye ma khyod kyis 'dir shing bskyed mdzod cig /de dag gis smras pa/ shes ldan dag bcom ldan 'das kyis ma gnang ngo / /'phags pa 'di la ci zhig 'gal/ de dag cang mi smra bar 'dug pa'i skabs 
de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na gnang gis shing bskyed par bya'o/ /bcom ldan 'das kyis shing bskyed par bya'o zhes bka' stsal pa dang / dge slong dag gis shing bskyed de dong bas 
de dag de bzhin du bskams so/ /yul ma ga d+hA na gnas pa'i skye bo'i tshogs phyi de lo lhags pa dang / de bzhin du tsha bas gdungs nas smras pa/ 'phags pa khyed kyis shing de dag ma bskyed dam/ shes ldan dag bskyed na 'on kyang zhal ta ma byas pas ma rung ngo / /'phags pa 

</font><hr>10-1-234b<br><font size=+1>
gal te khyed kyang pha ma dag gis bskyed nas zhal ta byas par ma gyur na khyed kyang ma rung bar 'gyur ro/ /kye ma khyed kyis zhal ta mdzod cig /skabs de dge slong rnams kyis bcom ldan 'das la gsol pa dang /bcom ldan 'das kyis bka' stsal pa/ shing bskyed nas yal bar 
dor bar mi bya'i 'on kyang zhal ta bya'o/ /bcom ldan 'das kyis shing bskyed nas yar bar dor bar mi bya'i 'on kyang zhal ta bya'o zhes bka' stsal pa dang / dge slong dag gis ji ltar zhal ta bya ba mi shes nas/ bcom ldan 'das kyis bka' stsal pa/ dus dus su 
chus bcu bar bya'o/ /dge slong dag de kho na lhur len pas dge ba'i phyogs yongs su nyams par gyur nas/ bcom ldan 'das kyis bka' stsal pa/ de lhur blang bar mi bya'i la lar ni lag pa/ la lar ni rkang pa bkru bar bya'o/ /la lar ni so shing bza' bar bya'o/ /la lar 
ni lhung bzed bkru bar bya'o/ /la lar ni khrus bya'o/ /de dag dgun stod kyi dus su kha bas tshig nas bcom ldan 'das kyis bka' stsal pa/ tshas su gzhug par bya'o/ /dge slong dag gis tshas su bcug pa dang / de dag nags me shor bas tshig nas/ bcom ldan 'das kyis 
bka' stsal pa/ ra bas bskor bar bya'o/ /rlung ma shor bas tsha bas gdungs nas/ bcom ldan 'das kyis bka' stsal pa/ skar khung gdod par bya'o/ /dbyar sbyong bzhin du chus gang ste 'dug nas/ bcom ldan 'das kyis bka' stsal pa/ dbyar gyi dus su rtsig pa bshig 
la chu 'bo bar bya'o/ /dge slong dag gis ji srid shing de dag chen por ma gyur par de dag bor te dong ba dang / de dag de bzhin du bskams nas/ skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ ngas dge slong shing 
skyed par byed pa'i kun tu spyod pa'i chos bca' bar bya ste/ dge slong shing skyed par byed pas gal te me tog gi shing bskyed par gyur na ji srid du me tog ma chags pa de srid du 'gro bar mi bya'o/ /'on te 'bras bu'i shing bskyed par gyur na ji srid du 'bras bu ma chags pa de srid du 'gro 

</font><hr>10-1-235a<br><font size=+1>
bar mi bya'o/ /bcom ldan 'das kyis dge slong shing skyed par byed pas/ji srid du me tog dang 'bras bu ma chags pa de srid du 'gro bar mi bya'o zhes bka' stsal pa dang / dge slong rnams la bya ba rings pa dag cig byung ste/ de dag gis ji ltar bsgrub pa 
mi shes nas/ bcom ldan 'das kyis bka' stsal pa/ de dag gis kun dga' ra ba pa'am/ dge slong smos 'drin la bcol nas 'gro bar bya ste 'di la 'gyod par mi bya'o/ /gleng gzhi ni rgyal po'i khab na'o/ /rgyal po sa 'dzin gyis rgyal po gzugs can snying po 
la la ba rin po che zhig skyes su bskur ba dang / de rgyal po gzugs can snying pos tshe dang ldan pa pi lin da'i bu la byin no/ /tshe dang ldan pa pi lin da'i bus de gyon nas dgon pa'i gnas su song ste 'dug pa dang / rkun po rnams kyis rgyal po sa 'dzin gyis rgyal po gzugs 
can snying po la la ba rin po che zhig bskur ba de des 'phags pa pi lin da'i bu la byin pa dang / des de gyon nas dgon pa'i gnas che ge mo zhig na 'dug go zhes ji lta ba bzhin du thos nas de dag phan tshun gros bya bar brtsams pa/ shes ldan dag de skad ces grag na 'di 
la ji ltar bsgrub par bya/ kha cig gis smras pa/ 'di la ci zhig bsgrub tu yod/ tshur dong la dbrog mod/ de dag dong ste sgo la dal gyis brdungs pa dang / tshe dang ldan pa pi lin da'i bus smras pa/ 'di su zhig /de dag gis smras pa/ 'phags pa bdag 
cag ni rkun po'o/ /ci 'dod/ 'phags pa la ba rin po che'o/ /bzhin bzangs dag gal te de lta na skar khung nas lag pa rkyong shig /de nas gcig cig gis lag pa brkyang ba dang / tshe dang ldan pa pi lin da'i bus la ba rin po che de ma 'chad cig /ma 
'tshig cig 'dren pa na zad par ma gyur cig ces de ltar byin gyis brlabs nas skar khung nas de'i phyogs cig phyung ba dang / rkun po rnams kyis drang shing drang nas phung por byas te drangs nas zad du ma btub nas de dag gis mtshon gyis bcad par brtsams na yang ma 

</font><hr>10-1-235b<br><font size=+1>
chod/ mes bsregs par brtsams na yang 'tshig tu ma btub nas/ de dag gis smras pa/ 'phags pa pi lin da'i bu bdag cag la ci zhig tho btsam/ thong shig /des smras pa/ skyes bu gti mug dag khyed kyis tho ma btsams na ngas ji ltar tho btsam/ khyed 
kyi stobs dang / brtson 'grus dang / pha rol gnon pa gang yin pa des drangs na ngas ji ltar mi gtang / de dag gis smras pa/ shes ldan dag 'phags pa pi lin da'i bu rdzu 'phrul chen po mthu chen pos ma btang phan chad 'dzin pa 'ongs na mi rung gis bros te 'dong ngo 
zhes de dag bros so/ /skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni dge slong de lta bu'i rin po che dag gyon nas dgon pa'i gnas na 'dug pa las gyur gyis/ de'i 
phyir dge slong gis de lta bu'i rin po che dag dgon pa'i gnas su bkur bar mi bya'o snyam du dgongs nas dge slong rnams la bka' stsal pa/ dge slong dag dge slong pi lin da'i bus la ba rin po che de 'dra ba gyon nas dgon pa'i gnas su 'dug pa gang yin pa ni ma legs 
pa zhig byas so/ /de lta bas na dge slong gis la ba rin po che de lta bu gyon nas dgon pa'i gnas su 'dug par mi bya'o/ /'dug na 'gal tshabs can du 'gyur ro/ /'on kyang dge slong dgon pa'i gnas na gnas pa gang zhig la la ba rin po che de lta bu bdog pa 
des khyim du gzhag par bya'o/ /bcom ldan 'das kyis la ba rin po che de 'dra ba khyim du gzhag par bya'o zhes bka' stsal pa dang / dge slong dgon pa'i gnas na 'dug pa gzhan zhig la chen po la 'os pa'i la ba grub pa des de khyim du bzhag pa dang / srog 
chags dag gis rmugs pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ na me ru kas btab ste gzhag par bya'o/ /gal te ma rnyed na shing kun nam/ ba sha ka'i lo ma'am/ a ri sta'i 

</font><hr>10-1-236a<br><font size=+1>
lo mas rim pa rim par btab nas gzhag par bya'o/ /rim pa rim pas gdab tu ma 'byor nas/ bcom ldan 'das kyis bka' stsal pa/ gal te 'byor pa med na steng du btab nas gzhag par bya zhing dus dus su bskam par bya'o/ /gleng gzhi ni mnyan yod 
na'o/ /gang gi tshe khyim bdag mgon med zas sbyin gyis rgyal byed kyi tshal phyogs bzhi'i dge slong gi dge 'dun la phul ba de'i tshe de'i dus na dus su ston pa'i zhabs dang / dge slong gnas brtan gnas brtan rnams la phyag 'tshal du 'ong ngo / /ji tsam dus gzhan zhig na dgun ga 
dge slong rnams lhags pas sbrebs nas bskums te gnas khang dag na nyal zhing 'dug go/ /khyim bdag mgon med zas sbyin gyi ston pa'i zhabs la phyag 'tshal du rgyal byed kyi tshal du song ba des dge slong de dag dge ba'i phyogs btang ste de bzhin du 'dug pa mthong nas des 
smras pa/ 'phags pa gcig tu brtson pa'i bstan pa la ci ste dge ba'i phyogs btang ste bzhugs/ de dag gis smras pa/ khyim bdag lhags pas sbrebs so/ /de cang mi smra bar rkang pa la phyag byas te song ngo / /des khyim du phyin nas gos lnga brgya dge 'dun la bskur ba 
dang / dge slong rnams kyis kha tshar bcad nas btsag dang tshon gzhan gyis ci dga' mgur kha bsgyur te gyon no/ /ji tsam na khyim bdag mgon med zas sbyin yang ston pa'i zhabs la phyag 'tshal du 'ongs pas dge slong rnams kyi gnas khang du bltas na gos de dag 
mi snang nas des smras pa/ 'phags pa gos de dag mi gda' na khyed kyis gang du bzhag /de dag gis ji ltar gyur pa bsnyad pa dang / des smras pa/ 'phags pa khyed kyis chen po la 'os pa'i gos de lta bu chud gsan to/ /kye ma khyed kyis kha tshar ring po nyid dang 
dkar por bzhag mdzod cig /de dag spobs pa med nas cang mi zer bar 'dug pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na gnang gis dge 'dun gyis gos sar pa kha tsar ring po ring po dag 

</font><hr>10-1-236b<br><font size=+1>
bcang bar bya'o/ /'dul ba phran tshegs kyi gzhi las sgo bzhi pa rdzogs s+ho// //bsdus pa'i sdom ni/ lus dang gleng ba sangs rgyas dang / /spang ba dag dang nga 'das dang / /mtshams las phyi rol dge slong rnams/ /dus ston rgyu bar bcas pa'o/ /sdom 
ni/ ro ni bsreg par bya ba dang / /shA ri'i bu yi mchod rten dang / /der ni dus ston bya ba dang / /dung dang nya phyis tshong pa'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na 
khyim bdag cig gnas pa des rigs mnyam pa las chung ma blangs te/ de de dang lhan cig ces bya ba nas/ bu pho zhig btsas te de btsas pa'i btsas ston zhag bdun gsum nyi shu gcig tu rgya cher byas nas rigs dang mthun pa'i ming btags te bsrings bskyed nas chen por 
gyur to zhes bya ba'i bar snga ma bzhin no/ /ji tsam dus gzhan zhig na legs par gsungs pa'i chos 'dul ba la rab tu byung ba dang / de'i khams ma mnyam nas na bar gyur te/ de rtsa ba dang / sdong bu dang / me tog dang / 'bras bu'i sman dag gis rim gro byas na ma 
phan te dus las 'das so/ /de dge slong dag gis lhung bzed dang bcas/ chos gos dang bcas par lam dang nye ba zhig tu bor ro/ /ji tsam na lam de nas bram ze dang khyim bdag 'gro ba de dag gis de mthong ste/ de na kha cig gis smras pa/ shes ldan dag 
shAkya'i bu zhig dus las 'das so/ /gzhan dag gis smras pa/ tshur sheg blta bar bya'o/ /de dag gis mthong nas ngo shes te de dag gis smras pa/ shes ldan dag 'di ni khyim bdag che ge mo'i bu yin te/ dge sbyong shAkya'i bu pa mgon med pa rnams kyi 
nang du rab tu byung bas gnas skabs 'di 'dra bar gyur to/ /'di dag gi nang du rab tu byung bar ma gyur na de nye du dag gis 'di rim gro byas par 'gyur ba zhig /skabs de bcom ldan 'das la dge slong dag gis gsol pa dang / bcom ldan 'das kyis bka' stsal 

</font><hr>10-1-237a<br><font size=+1>
pa/ dge slong dag de lta bas na gnang gis dge slong shi ba'i rim gro bya'o/ /bcom ldan 'das kyis dge slong shi ba'i rim gro bya'o zhes gsungs pa dang / dge slong dag ji ltar rim gro bya ba mi shes nas/ bcom ldan 'das kyis bka' stsal pa/ bsreg 
par bya'o/ /bcom ldan 'das kyis bsreg par bya'o zhes gsungs pa dang / bcom ldan 'das la tshe dang ldan pa nye ba 'khor gyis zhus pa/ btsun pa bcom ldan 'das kyis lus 'di la srin bu'i rigs brgyad khri yod do zhes gang gsungs pa de dag ji lta bu lags/ 
bcom ldan 'das kyis bka' stsal pa/ nye ba 'khor de skyes ma thag tu de dag kyang skye la/ shi ba'i tshe de dag kyang 'chi mod kyi 'on kyang rma'i sgo rnams su brtags te bsreg par bya'o/ /bcom ldan 'das kyis bsreg par bya'o zhes gsungs pa dang / shing ma 'byor nas 
skabs de bcom ldan 'das la dge slong dag gis gsol pa dang / bcom ldan 'das kyis bka' stsal pa/ chu klung dag tu dor bar bya'o/ /chu klung med nas bcom ldan 'das kyis bka' stsal pa/ sa brkos te gzhug par bya'o/ /dbyar kha sa yang 'thas la 
shing yang srog chags can du gyur nas/ bcom ldan 'das kyis bka' stsal pa/ thibs po'i phyogs su mgo byang phyogs su bstan te sngas su rtswa'i bam po bzhag la glo g.yas pas bsnyal te rtswa'am lo ma'i tshogs kyis g.yogs la yon bsngo zhing rgyun chags gsum gyi chos mnyan pa byin nas 'dong bar bya'o/ /dge slong dag de bzhin du dong ba dang / bram ze dang khyim bdag dag shAkya'i bu'i dge sbyong rnams ni ro bskyal nas khrus mi byed par de bzhin 'dong ste gtsang sbra med do/ /zhes 'phya bar byed nas/ skabs de bcom 
ldan 'das la dge slong dag gis gsol pa dang / bcom ldan 'das kyis bka' stsal pa/ de bzhin du 'dong bar mi bya'i 'on kyang khrus bya'o/ /de dag thams cad bkru bar brtsams pa dang / bcom ldan 'das kyis bka' stsal pa/ thams cad khrus mi 

</font><hr>10-1-237b<br><font size=+1>
bya'i gang dag reg pa de dag gis gos dang bcas te bkru bar bya'o/ /gzhan dag gis ni rkang lag nyi tshe bkru bar bya'o/ /de dag mchod rten la phyag mi 'tshal nas/ bcom ldan 'das kyis bka' stsal pa/ mchod rten la phyag 'tshal bar bya'o/ /sangs rgyas bcom 
ldan 'das rgyal po'i khab bya ka lan da ka gnas pa na bzhugs so/ /tshe dang ldan pa shA ri'i bu dang / maud gal gyi bu gnyis kyi kun tu spyod pa ni dus dus su sems can dmyal bar yang rgyu zhing 'dong / dud 'gror yang 'dong / yi dgas dag tu yang 'dong / lha'i 
nang du yang 'dong / mi dag tu yang rgyu zhing 'dong ngo / /de gnyis dus gzhan zhig na dmyal bar rgyu zhing 'dong ba las mnar med pa'i dmyal ba chen por son pa dang / der tshe dang ldan pa shA ri'i bus tshe dang ldan pa maud gal gyi bu chen po la smras pa/ tshe dang ldan pa maud 
gal gyi bu dmyal ba pa'i sems can rnams ngal sos par gyis shig /tshe dang ldan pa maud gal gyi bus tshe dang ldan pa shA ri'i bu de bzhin du bgyi'o zhes tshe dang ldan pa shA ri'i bu'i ltar mnyan te/ nam mkha' la 'phags nas char shing rta'i srog shing tsam gyi 
rgyun dbab par brtsams pa dang / chu de mnar med pa'i me lce'i 'od kyis bar du bskams par gyur to/ /tshe dang ldan pa shA ri'i bus smras pa/ tshe dang ldan pa maud gal gyi bu chen po gzhes shig dang / bdag gis ngal sos par bgyi'o/ /des smras pa/ legs 
kyis de bzhin du ngal sos par mdzod cig ces smras te/ tshe dang ldan pa maud gal gyi bu chen pos bsdad pa dang / tshe dang ldan pa shA ri'i bus ting nge 'dzin mos pa can zhes bya ba la snyoms par zhugs nas des mnar med pa chen po de bsil bar byas te/ mnar 
med pa'i sems can rnams kyi sdug bsngal rgyun bcad do/ /de nas de gnyis kyis rdzogs byed chos log par ston pas lus chen por gyur cing de'i lce la yang gshol lnga brgyas rmed pa mthong ba dang / des smras pa/ 'phags pa shA ri'i bu dang / maud gal gyi bu 

</font><hr>10-1-238a<br><font size=+1>
gal te 'dzam bu'i gling du gshegs na tshangs pa mtshungs par spyod pa rnams la bdag gi mchid nas/ ngas chos log par bstan pas skye bo'i tshogs mang po bslus te/ nga las yang dag par blangs shing kun tu spyad pa des lce la gshol 
lnga brgyas rmed cing khyed kyis ji lta ji ltar nga'i mchod rten la rjed pa byas pa de lta de ltar nga la sdug bsngal ches mi bzad par gyur gyis phyin cad ma byed par thong shig ces mchi'o zhes gsungs shig /tshe dang ldan pa shA ri'i bu dang / maud gal gyi bu dag gis rdzogs 
byed la cang mi smra bas khas blangs so/ /tshe dang ldan pa shA ri'i bu dang / maud gal gyi bu mnar med pa nas mi snang bar gyur te/ rgyal po'i khab tu dong ngo / /de gnyis rgyal po'i khab tu phyin pa dang / kun tu rgyu dbyug thogs spyi phud can dag cig phyir byung nas 
de dag kha cig gis smras pa/ shes ldan dag shAkya'i bu'i dge sbyong 'di dag brdeg go/ /kha cig gis smras pa/ de bzhin kho nar brdegs na ma legs te klan ka btsal nas brdeg par bya'o/ /de dag gis smras pa/ de bzhin du bya'o/ /tshe dang ldan pa shA ri'i bu 
sngar song ba dang / de dag gis de la smras pa/ 'phags pa shA ri'i bu kun tu 'tsho ba dag la dge sbyong yod dam/ des tshigs su bcad de smras pa/ kun tu 'tsho la dge sbyong med/ /shAkya rnams kyi nang na yod/ /dgra bcom dag la chags ldan med/ /bus pa so 
so'i skye bo'ang med/ /de dag gis tshigs su bcad pa de'i don khong du ma chud nas de dag gis smras pa/ shes ldan dag 'di ni bdag cag gi bsngags pa smras kyis su ci yang ma smra bar 'gror chug shig ces byas te de song ngo / /tshe dang ldan pa maud gal gyi bu phyi 
bzhin du 'ong ba sngon gyi las kyi rnam par smin pa nye bar gnas pas dal nas dal nas 'ong ba de dag gis mthong nas/ 'phags pa maud gal gyi bu kun tu 'tsho ba dag la dge sbyong yod dam/ des smras pa/ shes ldan dag kun tu 'tsho ba dag la dge sbyong ga la yod 

</font><hr>10-1-238b<br><font size=+1>
de/ bcom ldan 'das kyis kyang 'di la dge sbyong dang po yod/ 'di la gnyis pa yod/ 'di la gsum pa yod/ 'di la bzhi pa yod kyi 'di las phyi rol pa la ni dge sbyong dang bram ze med de pha rol rab tu smra ba rnams ni dge sbyong dang bram zes stong ngo / /de lta bas na 'dir 
'khor gyi nang du seng ge'i sgra yang dag par bsgrags so/ /zhes gsungs so/ /gzhan yang khyed kyi ston pa de mnar med pa chen por skyes te/ chos log par bstan pas lus chen por gyur cing lce la gshol lnga brgyas rmed do/ /des nga la than btang ba bdag gi tshangs 
pa mtshungs par spyod pa rnams la ngas chos log par bstan pas skye bo'i tshogs mang po bslus te/ nga las yang dag par blangs shing kun tu spyad pa des lce la gshol lnga brgyas rmed cing khyed kyis ji lta ji ltar nga'i mchod rten la rjed par byas pa de lta de ltar nga la sdug 
bsngal ches mi bzad par gyur to/ /zhes gsungs shig ces zer ro/ /de dag rngam nas smras pa/ shes ldan dag mgo reg ngan pa bdag cag la kha zer bar ma zad/ bdag cag gi ston pa la yang mi snyan pa zer na ji ltar bsgrub par bya/ de na kha cig gis smras pa/ 'di 
la bsgrub tu ci yod/ 'di te por gtal du zad mod/ gzhan dag gis smras pa/ sngar yang bdag cag gis smras pa yin te/ de de bzhin du brdeg gis tshur/ khyed na re klan ka btsal nas brdeg go zhes zer ba de ni da bdag cag dang bdag cag gi ston pa la kha byas 
pas don gyis grub po zhes de dag gis de'i yan lag dang nying lag 'dam bu bzhin bcom nas dong ngo / /tshe dang ldan pa shA ri'i bus tshe dang ldan pa maud gal gyi bu ci thogs snyam bsam nas/ des phyir log ste bltas na ji tsam na yan lag dang nying lag 'dam bu bzhin 
du bcom nas sa la 'gyel ba mthong ste/ des smras pa/ tshe dang ldan pa maud gal gyi bu 'di ci nyes/ des smras pa/ tshe dang ldan pa shA ri'i bu las su zad mod gzhan ci zhig yin par 'gyur/ tshe dang ldan pa shA ri'i bus smras pa/ tshe dang ldan pa maud gal gyi 

</font><hr>10-1-239a<br><font size=+1>
bu khyod bcom ldan 'das kyis rdzu 'phrul can gyi mchog tu ma bstan tam/ de ji ltar gyur/ des smras pa/ tshe dang ldan pa shA ri'i bu bdag las kyis non pas rdzu zhes bya ba yang mi dran na rdzu 'phrul lta smos kyang ci dgos/ de nas tshe dang ldan pa shA ri'i 
bus tshe dang ldan pa maud gal gyi bu byis pa chung ngu bzhin du bla gos kyi nang du bcug nas gtsug lag khang du khyer ba dang / dge slong dag gis de lta bu'i mi sdug pa mthong nas sngangs te 'dus nas tshe dang ldan pa shA ri'i bu la dris pa/ 'di ci zhig /des smras pa/ tshe dang 
ldan pa maud gal gyi bu kun tu rgyu dbyug thogs spyi phud can rnams kyis 'di lta bur byas mod ces smras te/ des de dal gyis sa la bsnyal lo/ /dge slong dag gis smras pa/ tshe dang ldan pa shA ri'i bu 'di bcom ldan 'das kyis rdzu 'phrul can gyi mchog tu bstan pa ma yin 
nam/ des smras pa/ bstan na tshe dang ldan pa dag las rnams kyi mthu la ltos/ gang gis lha rnams kyi dbang po rgya brgya byin gyi khang bzangs rnam par rgyal byed rkang pa g.yas pa'i mthe bos bsgul/ rab tu bsgul/ kun tu rab tu bsgul te/ bcom ldan 'das kyis rdzu 
'phrul che ba dang mthu che ba rnams kyi mchog tu bstan pa deng las kyis non nas rdzu zhes bya ba mi dran na rdzu 'phrul lta smos kyang ci dgos/ de na dge slong gang dag 'phags pa'i lam ma skyes pa de dag mi dga' zhing shin tu skyo nas dgon pa dang / nags khrod dang / bas mtha'i 
gnas mal dag tu gnas nas yid la byed pa bskyed par brtsams so/ /rgyal po'i khab kyi grong khyer kun du kun du rgyu dbyug thogs spyi phud can rnams kyis/ 'phags pa maud gal gyi bu chen po brdegs te yan lag dang nying lag 'dam bu bzhin du bcom nas/ 'phags 
pa shA ri'i bus bu chung ngu bzhin du bla gos kyi nang du bcug ste 'od ma'i tshal du khyer nas srog gi lhag ma cung zad cig lus de ring po mi thogs par dus byed par 'gyur ro/ /zhes bya ba'i sgra de grags nas srog chags brgya stong du ma 'od ma'i tshal du 'dus pa dang / rgyal po ma 

</font><hr>10-1-239b<br><font size=+1>
skyes dgra'i blon po dag gis lha 'phags pa maud gal gyi bu chen po kun du rgyu dbyug thogs spyi phud can rnams kyis brdegs te yan lag dang nying lag 'dam bu bzhin du bcom nas/ 'phags pa shA ri'i bus de bus pa chung ngu bzhin du bla gos kyi nang du bcug ste/ 'od ma'i tshal 
du 'tshal te mchis na/ srog gi lhag ma cung zad cig lus te ring po mi thogs par dus bgyid par 'gyur ro/ /zhes sbran pa dang / des thos nas khros de de rnams la smras pa/ shes ldan dag kun du rgyu dbyug thogs spyi phud can rnams tshol cig ces smras nas/ de btsun 
mo'i 'khor dang / gzhon nu dang / pho brang 'khor gyi mi dag dang lhan cig 'od ma'i tshal du song ngo / /de nas skye bo'i tshogs mang pos rgyal po mthong nas lam phye ba dang / de mig mchi mas gang zhing snying rje rje skad du mi dga' ba'i tshig gis dal gyis dris pa/ 'phags 
pa maud gal gyi bu chen po 'di ci zhig /des smras pa/ rgyal po chen po las su bas mod/ gzhan ni ci zhig tu 'gyur/ 'phags pa khyod bcom ldan 'das kyis rdzu 'phrul can gyi mchog tu bstan pa ma yin nam/ rgyal po chen po de de bzhin te bstan mod kyis las kyis non pas 'on kyang rdzu zhes bya ba yang mi dran na rdzu 'phrul lta smos kyang ci dgos/ bcom ldan 'das ni gnyis su mi gsung ba ste/ bcom ldan 'das kyis 'di skad du/ bskal pa brgya phrag rnams su yang / /las rnams chud zar mi 'gyur te/ /tshogs shing dus 
la bab pa na/ /lus can rnams la 'bras bur smin/ /ces gsungs pa de nye bar gnas par gyur to zhes byas pa dang / rgyal pos gos kyi mtha' mas mchi ma phyis te sman pa thams cad bkug nas bsgo ba/ shes ldan dag gal te 'phags pa maud gal gyi bu chen 
po zhag bdun na sos par ma byas na khyed kyi dbang thang gcad par bya'o/ /zhes bsgo ste blon po dag la yang gtad nas song ngo / /kun du rgyu dbyug thogs spyi phud can rnams kyang thos nas bros so/ /sman pa rnams kyis phan tshun gros bya bar brtsams pa/ shes ldan 

</font><hr>10-1-240a<br><font size=+1>
dag rgyal pos ni de skad bka' stsal na 'di la ji ltar bsgrub par bya/ 'phags pa maud gal gyi bu chen po ni bgres la/ de'i yan lag dang nying lag thams cad 'dam bu bzhin du bcom pas de ji ltar gso bar nus/ ye de nyid mthu che ba rdzu 'phrul 
che ba yin pas de nyid la skyabs su 'dong ngo / /kha cig gis smras pa/ legs kyis de bzhin du bya'o zhes de dag thams cad 'dus nas tshe dang ldan pa maud gal gyi bu chen po'i thad du song ste rkang pa gnyis la phyag byas nas/ smras pa/ 'phags pa bdag cag la lhas 'di 
skad du 'phags pa maud gal gyi bu chen po zhag bdun na ma sos na khyed kyi dbang thang gcad do zhes bka' stsal na/ khyod ni bgres pas sngon bzhin du bgyi bar bdag cag gis rngo mi thog ste/ khyod nyid rdzu 'phrul che zhing mthu che bas ji ltar bdag cag gi dbang thang gcad par mi 
'gyur ba de ltar mdzad du gsol/ des smras pa/ shes ldan dag gal te de lta na deng la/ rgyal po ma skyes dgra la 'phags pa maud gal gyi bu chen po bdag nyid zhag bdun na rgyal po'i khab tu bsod snyoms la 'jug go zhes gyis shig /de dag rab tu dga' nas de'i 
rkang pa gnyis la phyag byas nas rgyal po ma skyes dgra'i thad du song nas rkang pa gnyis la gtugs te smras pa lha 'phags pa maud gal gyi bu chen po bdag nyid dgung bdun na rgyal po'i khab tu bsod snyoms la 'jug go/ /rgyal po rab tu dga' nas smras pa/ shes ldan 
dag gal te de lta na legs so/ /ji tsam na zhag bdun lon pa dang / 'phags pa maud gal gyi bu chen po rang nyid kyi rdzu 'phrul gyis mi bde ba de med par byas te rgyal po'i khab tu bsod snyoms la zhugs so/ /dgra bcom pa rnams kyi ye shes mthong ba ni bsam pas 
'jug pas tshe dang ldan pa shA ri'i bus tshe dang ldan pa maud gal gyi bu chen po rab tu na na ci'i phyir bdag nyid rgyal po'i khab tu bsod snyoms la zhugs shes bsam pa la zhugs na yongs su mya ngan las 'da' 'dod par mthong ngo / /de de dang mdza' ba'i bag chags kyis 

</font><hr>10-1-240b<br><font size=+1>
rgyud bsgos pas de nyid kyi nyin par nas na bar gyur te/ des bsam pa/ tshe dang ldan pa maud gal gyi bu chen po yongs su mya ngan las 'da' na bdag ci ste 'dug /bdag ches sngar mya ngan las 'da' bar bya'o snyam du bsams te/ rgyal po'i khab nas grong na la dar 
song ste/ de nas tshe dang ldan pa shA ri'i bu yul ma ga d+hA'i grong khyer na la da na rim gro pa dge sbyong gi ched skul byed dang / nad tshabs chen pos mi bde zhing sdug bsngal te 'dug go/ /de nas tshe dang ldan pa shA ri'i bu nad de nyid kyis yongs su mya ngan las 'das pa dang / 
tshe dang ldan pa maud gal gyi bu chen po yang grong khyer shing thags can du song nas/ de'i phyi dro yongs su mya ngan las 'das so/ /gang gi tshe tshe dang ldan pa shA ri'i bu yongs su mya ngan las 'das pa de'i tshe/ dge slong phal cher dbang dang ldan pa sha stag la brgyad khri yongs 
su mya ngan las 'das so/ /gang gi tshe tshe dang ldan pa maud gal gyi bu chen po yongs su mya ngan las 'das pa de'i tshe/ yang dge slong phal cher dbang dang ldan pa sha stag la bdun khri bdun stong yongs su mya ngan las 'das so/ /de nas dge sbyong gi ched skul byed 
kyis tshe dang ldan pa shA ri'i bu'i ring bsrel la lus kyis mchod pa byas te/ ring bsrel dang / lhung bzed dang / chos gos dag khyer nas/ rgyal po'i khab ga la ba der rgyu zhing song ste rim gyis rgyu zhing song ba na rgyal po'i khab tu phyin to/ /dge sbyong gi ched skul byed lhung 
bzed dang chos gos cham du phab nas/ rkang pa gnyis bkrus te/ tshe dang ldan pa kun dga' bo gang na ba der song ste phyin pa dang / tshe dang ldan pa kun dga' bo'i rkang pa gnyis la mgo bos phyag byas te phyogs gcig tu 'dug go/ /phyogs gcig tu 'dug nas dge sbyong 
gi ched skul byed kyis/ tshe dang ldan pa kun dga' bo la 'di skad ces smras so/ /btsun pa kun dga' bos mkhyen par mdzod cig /bdag gi mkhan po btsun pa shA ri'i bu ni yongs su mya ngan las 'das te/ de'i ring bsrel dang / lhung bzed dang / chos gos kyang 

</font><hr>10-1-241a<br><font size=+1>
'di lags so/ /de nas tshe dang ldan pa kun dga' bos/ dge sbyong gi ched skul byed khrid de/ bcom ldan 'das gang na ba der song nas phyin pa dang / bcom ldan 'das kyi zhabs la mgo bos phyag 'tshal te/ phyogs gcig tu 'dug go/ /phyogs 
gcig tu 'dug nas/ tshe dang ldan pa kun dga' bos bcom ldan 'das la 'di skad ces gsol to/ /btsun pa dge sbyong gi ched skul byed kyis 'di bdag gang na ba der mchis te/ mchis nas bdag la 'di skad du/ btsun pa kun dga' bos mkhyen par mdzod cig /
bdag gi mkhan po btsun pa shA ri'i bu yongs su mya ngan las 'das te/ de'i ring bsrel dang / lhung bzed dang / chos gos kyang 'di lags so/ /zhes mchis nas/ btsun pa bdag gi lus gdung bar gyur cing phyogs kyang bslang / chos shes pa rnams kyang bskyud 
par gyur to// //'dul ba phran tshegs kyi gzhi/bam po nyi shu gcig pa/ kun dga' bo ci dge slong shA ri'i bus tshul khrims kyi phung po khyer te yongs su mya ngan las 'das sam/ btsun pa ma lags so/ /ting nge 'dzin gyi phung po dang / shes rab kyi 
phung po dang / rnam par grol ba'i phung po dang / rnam par grol ba'i ye shes mthong ba'i phung po khyer te yongs su mya ngan las 'das sam/ btsun pa ma lags so/ /gang yang ngas nyid kyi mngon par shes pas mngon par rdzogs par sangs rgyas te bshad pa'i 
chos 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs dang / byang chub kyi yan lag bdun dang / 'phags pa'i lam yan lag brgyad pa dag khyer te yongs su mya ngan las 'das 
sam/ btsun pa ma lags te/ btsun pa tshe dang ldan pa shA ri'i bus tshul khrims kyi phung po 'tshal te/ yongs su mya ngan las 'das pa ma lags/ ting nge 'dzin gyi phung po yang ma lags/ shes rab kyi phung po yang ma lags/ rnam par grol ba'i phung po yang 

</font><hr>10-1-241b<br><font size=+1>
ma lags/ rnam par grol ba'i ye shes mthong ba'i phung po 'tshal te mya ngan las 'das pa yang ma lags/ gang yang bcom ldan 'das kyis nyid kyi mngon par shes pas mngon par rdzogs par sangs rgyas te/ bshad pa'i chos 'di lta ste/ dran pa nye bar gzhag pa 
bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad pa dag 'tshal te yongs su mya ngan las 'das pa yang ma lags mod kyi 'on kyang / 
tshe dang ldan pa shA ri'i bu ni tshul khrims dang ldan pa/ mang du thos pa/ chog shes pa/ 'dod pa chung ba rab tu dben pa/ brtson 'grus brtsams pa/ dran pa nye bar gnas pa/ mnyam par gzhag pa/ shes rab can/ shes rab myur ba/ shes rab mgyogs pa/ 
shes rab rno ba/nges par 'byung ba'i shes rab can/ nges par 'byed pa'i shes rab can/ shes rab che ba/ shes rab yangs pa/ shes rab zab pa/ shes rab mnyam pa med pa/ shes rab rin po che dang ldan pa/ yang dag par ston par bgyid pa/ yang 
dag par len du 'jug par bgyid pa/ yang dag par gzengs stod par bgyid pa/ yang dag par rab tu dga' bar bgyid pa/ yang dag par ston pa dang / yang dag par len du 'jug pa dang / yang dag par gzengs stod pa dang / yang dag par rab tu dga' ba'i 
bsngags pa brjod pa/ 'khor bzhi la chos ston pa na dub pa ma mchis pa ste/ bdag tshe dang ldan pa shA ri'i bu'i chos dang / chos kyi longs spyod gang dag lags pa de dag rjes su dran na/ tshe dang ldan pa shA ri'i bu'i yongs su mya ngan las 'das pa de'i slad du dbyar 
ngan dang / smre sngags 'don to/ /kun dga' bo khyod mya ngan ma byed/ blong bar ma byed/ smre sngags 'don par ma byed cig /gang skyes pa dang / byung ba dang / byas pa dang / 'dus byas pa dang / bsams pa dang / rten cing 'brel bar byung ba de ni 

</font><hr>10-1-242a<br><font size=+1>
'jig pa'i chos can te/ de dang ldan pa la 'jig par mi 'gyur ba de ga la yod de de ni gnas med do/ /kun dga' bo ngas snga nas khyod la 'dod pa dang / sdug pa dang / dga' ba dang / yid du 'ong ba thams cad ni 'gyes pa dang / med pa dang / bral 
ba dang / mi ldan par 'gyur bar ma bstan tam/ kun dga' bo dper na ljon shing chen po rtsa ba dang bcas/ snying po dang bcas/ sdong po dang / lo ma dang / 'dab ma dang / me tog dang / 'bras bu dag dang ldan pa'i 'dab ma gang ches mtho ba de dang por ltung ngo / /rin po 
che'i ri chen po'i rtse mo gang ches mtho ba dag kyang dang por rnyil lo/ /de bzhin du sangs rgyas la sogs pa dge slong gi dge 'dun bzhugs pa'i nang na dge slong shA ri'i bu yongs su mya ngan las 'das te/ dge slong shA ri'i bu phyogs gang na gnas pa'i phyogs der nga thugs khral 
chung ngur bzhugs so/ /'di lta ste/ dge slong shA ri'i bu gang na gnas pa'i phyogs de ngas stong pa ma yin par mthong ngo / /de lta bas na kun dga' bo khyod mya ngan ma byed/ blong bar ma byed/ smre sngags 'don par ma byed cig /gang skyes pa dang / byung ba dang / byas 
pa dang / 'dus byas pa dang / bsams pa dang / rten cing 'brel par byung ba de ni 'jig pa'i chos can te/ de dang ldan pa la 'jig par mi 'gyur ba de ga la yod de de ni gnas med do/ /kun dga' bo ngas snga nas khyod la 'dod pa dang / sdug pa dang / dga' ba 
dang / yid du 'ong ba thams cad ni 'gyes pa dang / med pa dang / 'bral ba dang / mi ldan par 'gyur bar ma bstan tam/ kun dga' bo de lta bas na da lta nga'am/ nga 'das kyang rung bdag nyid gling dang / bdag nyid skyabs dang / chos gling dang / chos skyabs 
dang / gling gzhan ma yin pa dang / skyabs gzhan ma yin par gnas par bya'o/ /de ci'i phyir zhe na/ kun dga' bo da ltar ram/ nga 'das kyang rung gang dag bdag nyid gling dang / bdag nyid skyabs dang / chos gling dang / chos skyabs dang / gling gzhan ma yin 

</font><hr>10-1-242b<br><font size=+1>
pa dang / skyabs gzhan ma yin pa la gnas pa de dag ni 'di lta ste/ nga'i dge slong bslab pa 'dod pa rnams kyi mchog tu 'gyur ro/ /ji ltar dge slong bdag nyid gling dang / bdag nyid skyabs dang / chos gling dang / chos skyabs dang / gling gzhan ma yin pa dang / skyabs 
gzhan ma yin par gnas pa yin zhe na/ 'di na dge slong nang gi lus la lus kyi rjes su lta zhing 'jig rten la brnab sems dang / yid mi bde ba brtul nas rtun pa dang / shes bzhin dang / dran pa dang ldan par gnas shing phyi'i lus dang / phyi nang gi lus dang / nang gi tshor 
ba dang / phyi'i tshor ba dang / phyi dang nang gi tshor ba dag dang / nang gi sems dang / phyi'i sems dang / phyi dang nang gi sems dang / nang gi chos dang / phyi'i chos dang / phyi dang nang gi chos dag la chos kyi rjes su lta zhing 'jig rten la brnab sems dang /yid mi bde ba 
brtul nas rtun pa dang / shes bzhin dang / dran pa dang ldan par gnas pa yin te/ kun dga' bo de ltar na dge slong bdag nyid gling dang / bdag nyid skyabs dang / chos gling dang / chos skyabs dang / gling gzhan ma yin pa dang / skyabs gzhan ma yin par gnas 
pa yin no/ /de nas tshe dang ldan pa kun dga' bo bcom ldan 'das kyis gsungs pa la mngon par bstod de rjes su yi rangs nas/ bcom ldan 'das kyi zhabs la mgo bos phyag 'tshal te/ bcom ldan 'das kyi spyan snga nas song ngo / /rgyal po'i khab na gnas pa'i 
skye bo'i tshogs kyis ji ltar kun tu rgyu dbyug thogs spyi phud can rnams kyis 'phags pa maud gal gyi bu chen po'i yan lag dang nying lag dag 'dam bu bzhin du bcom pas/ 'phags pa shA ri'i bu rgyud de dang mdza' ba'i bag chags kyis bsgos pa yang grong na la dar 
song ste/ snga dro yongs su mya ngan las 'das tshe dang ldan pa maud gal gyi bu chen po yang grong shing thags can du song ste yongs su mya ngan las 'das pa thos so/ /bar skabs der dge slong rnams the tshom skyes nas the tshom thams cad gcod par mdzad pa/

</font><hr>10-1-243a<br><font size=+1>
sangs rgyas bcom ldan 'das la zhus pa/ btsun pa tshe dang ldan pa maud gal gyi bu chen pos las ci zhig bgyis na/ las de'i rnam par smin pas kun tu rgyu dbyug thogs spyi phud can rnams kyis 'di'i yan lag dang / nying lag 'dam bu bzhin du 
bcom lags/ bcom ldan 'das kyis bka' stsal pa/ dge slong dag dge slong maud gal gyi bu 'di nyid kyis las byas shing bsags pa/ tshogs rnyed pa/ rkyen yongs su bsgyur ba/ 'od pa bzhin du nye bar gnas pa/ gdon mi za bar 'byung bar 'gyur ba zhes bya 
ba nas/ lus can rnams la 'bras bur smin ces bya ba'i bar snga ma bzhin no/ /dge slong dag sngon byung ba ri 'or zhig na bram ze zhig gnas pa des rigs mnyam pa las chung ma blangs de/ de de dang lhan cig rtse bar byed/ dga' bar byed/ dga' mgur spyod par byed 
do/ /de rtse bar byed/dga' bar byed/ dga' mgur spyod par byed pa las dus gzhan zhig na chung ma la sems can zhugs par gyur to/ /de zla ba brgyad dam dgu 'das nas khye'u zhig btsas te zhag bdun gsum nyi shu gcig tu de btsas pa'i btsas ston rgyas par byas 
nas ming btags te bskyed bsrings nas chen por gyur to/ /phas de'i chung ma blangs nas de de dang lhan cig rtse bar byed/ dga' bar byed/ dga' mgur spyod par byed cing de la yang rab tu chags so/ /de la de'i mas rtag tu tshig yid du mi 'ong ba ngan par smra ba dag gis spyos 
pa dang / des khyo la bzlas nas des de ci nas kyang ma la shin tu byams pa med pa dang / de'i bya dgu la phyi lang byed pa de lta de ltar bslus so/ /des smras pa/ khyod gang gi phyir de la shin tu chags pas nga la phyir lang byed dam/ de ngo tsha nas cang mi zer bar 'dug pa dang / de'i chung 
mas bsams pa/ re zhig kha dug can 'di lang tsho yal yang rang gi khyo la chags pa cung zad kyang mi gtong zhing bdag gi khyo la gshe bar byed do snyam du rig nas de glags tshol bar zhugs so/ /ji tsam na dus gzhan zhig na de'i ma skar ma dang sbyar te khrus byas nas dri dang me tog dag 

</font><hr>10-1-243b<br><font size=+1>
gis lus brgyan te nyi ma ma nub pa kho nar des khyim mi dag ma brtags par khyo dang lhan cig gsang ba spyod do/ /de nas mna' ma des khyo de khrid nas ci nas kyang phyogs der son pa de ltar byas pa dang / ji tsam na pha dang ma gnyis gsang ba spyod pa mthong nas/ des bsams pa/ 
'dug can 'di/ bdag la ni khyod bud med la shin tu chags so/ /zhes gshe bar byed na 'di da rung yang zhi ba med de/ khyim mi dag la yang mi rtog par nyi ma ma nub pa nyid du gsang ba spyod do/ /snyam du bsams nas khros te/ gang zhig 'di gnyis kyi yan lag dang nying 
lag 'dam bu bzhin bcom pa de 'ga' med dam zhes ngag gi las rtsub mo smras so/ /bcom ldan 'das kyis bka' stsal pa/dge slong dag ji snyam du sems/ de'i tshe de'i dus na bram ze'i khye'ur gyur pa gang yin pa de ni/ dge slong maud gal gyi bu 'di nyid yin te/ gang 
'dis sems 'khrugs te/ pha dang ma la ngag gi las rtsub mo smras pa de'i las kyi rnam par smin pas tshe rabs lnga brgyar 'di'i yan lag dang nying lag 'dam bu bzhin du bcom ste/ da ltar srid pa tha ma/ gnas tha ma/ lus tha ma/ bdag nyid tha ma thob ste/ rdzu 'phrul can gyi nang 
na mchog tu bstan pa'i bar du yang yan lag dang nying lag 'dam bu bzhin du bcom par gyur to/ /dge slong dag de lta bas na las gcig tu gnag pa rnams kyi rnam par smin pa yang gcig tu gnag /gcig tu dkar ba rnams kyi yang gcig du dkar/ 'dren ma rnams 
kyi yang 'dren ma'o/ /dge slong dag de lta bas na las gcig tu gnag pa dang / 'dren ma rnams spangs nas/ las gcig tu dkar ba dag la brtsal bar bya ste/ dge slong dag khyed kyis de ltar bslab par bya'o/ /bcom ldan 'das kyis de skad ces bka' stsal pa dang / 
dge slong de dag yi rangs te/ bcom ldan 'das kyis gsungs pa la mngon par bstod do/ /yang sangs rgyas bcom ldan 'das la dge slong rnams kyis zhus pa/ btsun pa kun tu rgyu dbyug thogs spyi phud can rnams kyis tshe dang ldan pa shA ri'i bu ni btang / tshe dang ldan pa maud gal gyi 

</font><hr>10-1-244a<br><font size=+1>
bu chen po ni brdegs pa la gzigs/ bcom ldan 'das kyis bka' stsal pa/ dge slong dag da ltar 'ba' zhig ma yin gyi/ 'das pa'i dus na yang ji ltar shA ri'i bu ni btang la/ maud gal gyi bu ni brdegs pa de nyon cig /dge slong dag sngon byung ba 
ri'i 'or zhig na khye'u dang / bu mo dag cig rtse ba de dag gis bram ze'i khye'u gnyis shig mthong nas de dag gis smras pa/ bram ze'i khye'u pha bi dag brdeg go/ /yang smras pa/ re zhig mi brdeg par je dri ba zhig dris la/gal te sems mgu bar byas na ni mi brdeg ji ste ma yin 
na ni brdeg go/ /de dag gis bram ze'i khye'u gcig la dris pa dus gang du grang / des bsams pa/ ji lta bu'i sems kyis 'di dag bdag la 'dri snyam na des gor ma chag par 'di dag brdeg par 'dod par shes nas/ des tshigs su bcad de smras pa/ grang ngam gal te 
dro yang rung / /gang gi tshe na rlung langs pa/ /rlung gis btab na grang ba ste/ /rlung med pa yi grang ba med/ /de de dag gis btang nas/ cig shos la dris pa dang / des smras pa dgun drang mod ces byas pa dang / de de dag gis brdegs so/ /dge slong dag ji snyam du 
sems/ btang ba gang yin pa de ni shA ri'i bu 'di nyid yin no/ /brdegs pa gang yin pa de ni maud gal gyi bu 'di nyid yin te/ de'i tshe yang shA ri'i bu ni btang la/ maud gal gyi bu ni brdegs so/ /da ltar yang shA ri'i bu ni btang la/ maud gal gyi bu ni brdegs so/ /yang ji 
ltar shA ri'i bu ni btang la/ maud gal gyi bu ni brdegs pa de nyon cig /dge slong dag sngon byung ba chu klung bskams pa'i shol cig na khye'u dang bu mo dag cig rtse ba de dag gis shing shal ma la'i me tog chu'i rgyun gyis khyer ba zhig dang / bram ze'i khye'u gnyis shig 'ong 
ba mthong nas zhes bya ba nas/ de dag gis bram ze'i khye'u gcig la dris pa/ chus khyer ba 'di ci zhig /des bsams pa/ ci 'dra ba'i sems kyis 'di dag bdag la 'dri snyam na/ gor ma chag par brdeg 'dod par zhes bya ba'i bar snga ma bzhin no/ /des 

</font><hr>10-1-244b<br><font size=+1>
kyang tshigs su bcad de smras pa/ stobs dang ldan pas tshar bcad pa/ /nges par 'byung ba'i tshol ba yis/ /shal ma li zhes mi bsam ste/ /skam gyi pad ma bzhin par bsam/ /de de dag gis btang nas/ cig shos la dris pa dang / des smras pa/ ma mthong ngam/ 
shing shal ma li'i me tog yin mod ces byas pa dang / de de dag gis brdegs so/ /dge slong dag ci snyam du sems zhes bya ba rgyas par snga ma bzhin no/ /de nas bcom ldan 'das rgyal po'i khab na ji tsam dgyes par bzhugs nas mnyan yod gang na ba der rgyu zhing gshegs so/ /rgyu 
zhing gshegs pa dang / rim gyis mnyan yod du byon te mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /khyim bdag mgon med zas sbyin gyis 'phags pa shA ri'i bu yongs su mya ngan las 'das te/ de'i ring bsrel 'phags pa kun 
dga' bo'i lag na yod do zhes thos so/ /thos nas kyang tshe dang ldan pa kun dga' bo gang na ba der song ste phyin nas/ tshe dang ldan pa kun dga' bo'i rkang pa gnyis la mgo bos phyag 'tshal te/ phyogs gcig tu 'dug go/ /phyogs gcig tu 'dug nas khyim bdag 
mgon med zas sbyin gyis tshe dang ldan pa kun dga' bo la 'di skad ces smras so/ /'phags pa kun dga' bo mkhyen par mdzod cig /'phags pa shA ri'i bu ni bdag gi yun ring po nas sdug pa dang / yid du 'ong ba dang / bla ma dang / dran par bgyid pa lags 
na/ de yongs su mya ngan las 'das te/ de'i ring bsrel khyod kyi phyag na mnga' ba de dag bdag la stsol cig dang / de'i ring bsrel la ring bsrel gyi mchod pa bgyi'o/ /des smras pa/ khyim bdag de ni bdag gi yang yun ring po nas sdug pa dang / yid du 'ong 
ba dang / bla ma dang dran par bya ba yin pas bdag nyid de'i ring bsrel la ring bsrel gyi mchod pa byed do/ /de nas khyim bdag mgon med zas sbyin gyis/ bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos 

</font><hr>10-1-245a<br><font size=+1>
phyag 'tshal te/ phyogs gcig tu 'dug go/ /phyogs gcig tu 'dug nas/ khyim bdag mgon med zas sbyin gyis/ bcom ldan 'das la 'di skad ces gsol to/ /btsun pa mkhyen par mdzad du gsol/ 'phags 
pa shA ri'i bu ni/ bdag gi yun ring po nas sdug pa dang / yid du 'ong ba dang / bla ma dang / dran par bgyi ba lags te/ de'i ring bsrel 'phags pa kun dga' bo'i sug pa na mchis pa/ bcom ldan 'das kyis bdag la stsol du stsal bar gsol/ bdag 
de'i ring bsrel la ring bsrel gyi mchod pa 'tshal lo/ /de nas bcom ldan 'das kyis tshe dang ldan pa kun dga' bo pho nyas bkug nas 'di skad ces bka' stsal to/ /kun dga' bo dge slong shA ri'i bu'i ring bsrel rnams khyim bdag mgon med zas sbyin la byin la/ de 
mchod pa byed du chug shig /bram ze dang / khyim bdag rnams ni don 'dis na dad pa can yin no/ /kun dga' bo gzhan yang 'di tsam gyis na/ khyod kyis nga'i bstan pa la phan pa byas pa'am/ lan lon pa ma yin no/ /de lta bas na khyod kyis rab tu phyung shig /
bsnyen par rdzogs par gyis shig /gnas byin cig /dge sbyong gi ched nye bar zhog shig /de dag la yang ji ltar thon pa bzhin 'don du chug shig /'dzin du chug shig /slobs shig dang 'di tsam gyis na/ khyod kyis nga'i bstan pa la phan btags pa dang / 
lan lon pa yin no/ /de nas tshe dang ldan pa kun dga' bos ston pa'i bkas khyim bdag mgon med zas sbyin la/ tshe dang ldan pa shA ri'i bu'i ring bsrel dag byin te/ 'di ltar bcom ldan 'das sngon byang chub sems dpar gyur pa na/ lan 'ga' yang yab yum dang / 
mkhan po dang / slob dpon dang / gzhan bla ma'i gnas lta bu dag gi tshig ma bcag pas so/ /de nas khyim bdag mgon med zas sbyin gyis/ tshe dang ldan pa shA ri'i bu'i ring bsrel dag khyer nas/ rang gi khyim ga la ba der song ste phyin nas/ de dag khyim gyi 

</font><hr>10-1-245b<br><font size=+1>
mchog gi nang du mthon po zhig tu bzhag nas nang mi dang bcas/ mdza' bo dang / nye du dang / phu nu dang bcas te/ mar me dang / bdug pa dang / me tog dang / dri dang / phreng ba dang / byug pa rnams kyis mchod pa bya bar brtsams so/ /mnyan 
yod na gnas pa'i skye bo'i tshogs kyis ji ltar 'phags pa shA ri'i bu yul ma ga d+hA'i grong na la dar yongs su mya ngan las 'das pa de'i ring bsrel dag 'phags pa kun dga' bos blangs nas/ khyim bdag mgon med zas sbyin la byin te/ des de dag khyim du 
bzhag nas nang mi dang bcas/ mdza' bo dang / gnyen dang / phu nu dang bcas te/ mar me dang / bdug pa dang / me tog dang / dri dang / phreng ba dang / byug pa dag gis mchod pa thos so/ /de bzhin du yul ko sa la'i rgyal po gsal rgyal gyis kyang 
thos nas/ btsun mo phreng ldan ma dang / rgyal rigs dbyar tshul ma dang / drang srong byin dang / rnying pa dag dang / ri dgas 'dzin gyi ma sa ga dang / gzhan yang dad pa can mang po dag dang / lhan cig de dag thams cad mchod pa'i yo byad dag khyer te/ khyim bdag 
mgon med zas sbyin gyi khyim du dong nas/ de rnams kyis mchod pa'i yo byad dag gis mchod par brtsams pa las der kha cig gis yon tan gyi tshogs dag thob bo/ /ji tsam dus gzhan zhig na khyim bdag mgon med zas sbyin ri 'or zhig tu bya ba cung zad zhig byung nas des der 
sgo bcad nas song ngo / /skye bo phal po che dag de bzhin du 'ongs pa dang / ji tsam na sgo bcad pa mthong nas khyim bdag mgon med zas sbyin gyis sgo bcad de song bas des bdag cag gi bsod nams kyi bar chad byas so/ /zhes de dag 'phya bar byed/ gzhogs 'phyas byed/ smod par byed 
do/ /de nas khyim bdag mgon med zas sbyin ri 'or de nas 'ongs pa dang / de'i nang mis smras pa/ khyim bdag skye bo'i tshogs chen po mchod pa'i yo byad thogs te 'ongs pa las sgo bcad pa mthong nas/ des bdag cag gi bsod nams kyi bar chad byas so/ /zhes 'phya bar byed/ gzhogs 'phyas byed/

</font><hr>10-1-246a<br><font size=+1>
smod par byed do/ /de 'di snyam du 'di nyid bdag gis bya ba yin no snyam du shes nas/ bcom ldan 'das gang na ba der song ste phyin pa dang / bcom ldan 'das kyi zhabs gnyis la mgos phyag byas te phyogs gcig tu 'dug go/ /phyogs gcig tu 'dug nas bcom ldan 'das la 
'di skad ces gsol to/ /btsun pa 'phags pa shA ri'i bu la rab tu dad pa'i skye bo'i tshogs chen po mchod pa'i yo byad dag thogs te/ bdag gi sdum par mchis pa las bdag bgyi ba cung zad cig gi slad du chab sgo bkum nas gzhan du mchis pa dang / de dag khyim 
bdag mgon med zas sbyin gyis sgo bcad de song bas/ bdag cag gi bsod nams kyi bar chad byas so zhes 'phya bar bgyid/ gzhogs 'phyas bgyid smod par bgyid do/ /de'i slad du gal te bcom ldan 'das kyis gnang na bdag gis/ 'phags pa shA ri'i bu'i 
mchod rten phyogs snang yal can zhig tu bgyis la/ der skye bo'i tshogs chen po bag yangs su mchod pa bgyid du stsal to/ /bcom ldan 'das kyis bka' stsal pa/ khyim bdag de lta bas na gnang gis byos shig /bcom ldan 'das kyis gnang gis byos shig ces bka' 
stsal pa dang / des ji lta bur bya ba mi shes nas/ bcom ldan 'das kyis bka' stsal pa/ rim gyis bang rim bzhi byas la de nas bum rten bya'o/ /de nas bum pa dang bre dang srog shing dang / gdugs gcig dang / gnyis dang / gsum dang / bzhi bya ba byas nas bcu 
gsum gyi bar du bya zhing char khab dag gzhag par bya'o/ /bcom ldan 'das kyis mchod rten de lta bu bya'o zhes gsungs pa dang / des ci 'phags pa shA ri'i bu 'ba' zhig la mchod rten rnam pa de lta bu'am/ 'on te 'phags pa thams cad la bya ba mi shes nas/ skabs de 
bcom ldan 'das la dge slong dag gis gsol pa dang / bcom ldan 'das kyis bka' stsal pa/ khyim bdag re zhig de bzhin gshegs pa'i mchod rten ni rnam pa thams cad rdzogs par bya'o/ /rang sangs rgyas kyi char khab mi gzhag par bya'o/ /dgra bcom pa'i ni gdugs 

</font><hr>10-1-246b<br><font size=+1>
bzhi'o/ /phyir mi 'ong ba'i ni gsum mo/ /phyir 'ong ba'i ni gnyis so/ /rgyun du zhugs pa'i ni gcig go/ /so so'i skye bo dge ba rnams kyi mchod rten ni byi bor bya'o/ /bcom ldan 'das kyis 'phags pa rnams kyi mchod rten ni rnam pa 'dis so/ /so so'i skye bo rnams kyi ni 'dis 
so zhes bka' stsal pa dang / des gang gi gnas gang du bya ba mi shes nas/ bcom ldan 'das kyis bka' stsal pa/ ji ltar de bzhin gshegs pa bzhugs pa na/ shA ri'i bu dang / maud gal gyi bu dag 'dug pa de bzhin du yongs su mya ngan las 'das pa'i mchod rten yang bya'o/ /
gzhan yang gnas brtan gnas brtan rnams kyi mchod rten ni rgan rims bzhin sbreng bar bya'o/ /so so'i skye bo dge ba rnams kyi ni dge 'dun gyi kun dga' ra ba'i phyi rol du bya'o/ /khyim bdag mgon med zas sbyin gyis gsol pa/ gal te bcom ldan 'das kyis gnang na/ bdag 
gis 'phags pa shA ri'i bu'i mchod rten gyi dus ston dag bgyi'o/ /bcom ldan 'das kyis bka' stsal pa/ khyim bdag gnang gis gyis shig /yul ko sa la'i rgyal po gsal rgyal gyis ji ltar/ khyim bdag mgon med zas sbyin gyis bcom ldan 'das la 'phags 
pa shA ri'i bu'i mchod rten gyi dus ston gzugs par gsol ba las/ bcom ldan 'das kyis 'dzugs par gnang ba thos nas/ ma la bdag gis kyang de'i grogs bya'o snyam nas/ des 'di ltar dril bsgrags nas/ shes ldan mnyan yod na gnas pa'i grong khyer pa rnams dang / 
yul gzhan nas lhags pa'i skye bo'i tshogs dag nyon cig /'phags pa shA ri'i bu'i mchod rten gyi dus ston la bab pa'i tshe zong thogs nas 'ongs pa gang yin pa de la sho gam yang med la gcan kyang med/ gru btsas kyang med kyis de bag yangs su 'dir shog shig bar skabs 
der rgya mtsho chen po nas tshong pa lnga brgya zhig gru bo che'i nor grub ste/ mnyan yod du phyin pa de dag gis ji ltar rgyal pos mnyan yod du dril bsgrags te/'di skad du gang zhig 'phags pa shA ri'i bu'i mchod rten gyi dus ston la bab pa'i tshe zong thogs te 'ong ba de la sho gam yang med la 

</font><hr>10-1-247a<br><font size=+1>
gcan yang med/ gru btsas kyang med kyis de bag yangs su 'dir shog shig /ces bsgo ba thos nas re zhig rgyal po 'di rang gi bsod nams kyi 'bras bu la gnas kyang bsod nams dag gis ngoms mi shes te/ sbyin pa dag sbyin/ bsod nams dag byed 
na bdag gis ci'i phyir sbyin pa dag mi sbyin/ bsod nams dag mi bya snyam nas/ de dag yid rab tu dang ba skyes te/ dus ston de'i dus su dung dang / nor bu dang mu tig la sogs pa phul ba dang / dge slong dag gis ji ltar bsgrub pa mi shes nas/ bcom ldan 'das kyis bka' stsal 
pa/ pud dud gang yin pa de dag ni shing 'dzam bu'i grib ma na bzhugs pa'i sku gzugs la dbul bar bya'o/ /gzhan yang chung shas shig ni shA ri'i bu'i mchod rten de'i bcos legs bya bar bzhag la lhag ma ni dge 'dun tshogs pas bgo bar bya'o/ /de de bzhin gshegs 
pa'i mchod rten gyi ma yin gyi/ shA ri'i bu'i mchod rten gyi yin te/ de lta bas na 'gyod par mi bya'o// //sdom ni/ gleng dang dran pa nyid dang ni/ /skabs dbye ba dang smra mi bya/ /lung 'bogs pa dang gso sbyong dang / /dgag dbye 'jog par byed pa'o/ /sangs rgyas bcom ldan 'das 
mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong drug sde dag gis nyes par mthong ba dang / nyes par thos pa dang / nyes par dogs pas dge slong dag la glengs so/ /dge slong dag la nyes par mthong ba dang / nyes par thos 
pa dang / nyes par dogs pas glengs pa na de dag bag tsha bzhin du gnas so/ /de dag bag tsha bzhin du gnas pas rid pa dang / skem pa dang / rnyis pa dang / lus las su ma rung bar gyur te lung ston pa dang / klog pa dang / kha ton dang / rnal 'byor dang / nang gi tshul bzhin yid la byed pa dag shor nas skabs de dge slong dag gis bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni dge slong dag dge slong la nyes par mthong ba dang / nyes par thos pa dang / nyes par dogs pas gleng ba las gyur gyis de lta bas na dge slong gis dge slong la nyes par 

</font><hr>10-1-247b<br><font size=+1>
mthong ba dang / nyes par thos pa dang / nyes par dogs pas gleng bar mi bya'o/ /dge slong gis nyes par mthong ba dang / nyes par thos pa dang / nyes par dogs pas dge slong la gleng bar byed na 'gal tshabs can du 'gyur ro/ /gleng bar byed pa ji lta bar dran par byed pa dang / skabs 'byed par byed pa dang / mi smra 
bar byed pa dang / lung 'bogs par byed pa dang / gso sbyong 'jog par byed pa dang / dgag dbye 'jog par byed pa yang de dang 'dra ste/ sdom gyi tshigs su bcad pa thams cad snga ma bzhin du brjod par bya'o// //sdom ni/ sangs rgyas mtshan nas smos pa dang / /tshe dang ldan pa kun mi spyad/ /'phral 
thabs can la ma dad dang / /'dul ba mdor ni bsdus pa'o/ /sangs rgyas bcom ldan 'das bA rA Na sI na drang srong smra ba ri dgas kyi nags na bzhugs so/ /de nas bcom ldan 'das kyis dge slong lnga po dag la bka' stsal pa/ dge slong dag ngas sngon ma thos pa'i chos rnams la 'di ni sdug bsngal 
'phags pa'i bden pa'o zhes tshul bzhin yid la byas pa na mig skyes so/ /shes pa dang rig pa dang / blo dang / rtogs pa skyes so/ /dge slong dag ngas sngon ma thos pa'i chos rnams la 'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gyur ba 
'phags pa'i lam mo/ /zhes tshul bzhin du yid la byas pa na mig skyes so/ /shes pa dang rig pa dang / blo dang / rtogs pa skyes so/ /dge slong dag ngas sngon ma thos pa'i chos rnams la sdug bsngal 'phags pa'i bden pa de mngon par shes pas yongs su shes par bya'o/ /zhes tshul 
bzhin yid la byas pa na mig skyes so/ /shes pa dang rig pa dang / blo dang / rtogs pa skyes so/ /dge slong dag ngas sngon ma thos pa'i chos rnams la sdug bsngal kun 'byung ba 'phags pa'i bden pa de mngon par shes pas spang bar bya'o zhes tshul bzhin yid la byas pa na mig skyes so/ /shes 
pa dang rig pa dang blo dang / rtogs pa skyes so/ /dge slong dag ngas sngon ma thos pa'i chos rnams la sdug bsngal 'gog pa 'phags pa'i bden pa de mngon par shes pas mngon sum du bya'o zhes tshul bzhin du yid la byas pa na mig skyes so/ /shes pa dang rig pa dang blo dang / rtogs pa skyes so/ /

</font><hr>10-1-248a<br><font size=+1>
dge slong dag ngas sngon ma thos pa'i chos rnams la sdug bsngal 'gog par 'gyur ba'i lam 'phags pa'i bden pa de bsgom par bya'o/ /zhes tshul bzhin yid la byas pa na mig skyes so/ /shes pa dang rig pa dang blo dang rtogs pa skyes so/ /dge slong dag ngas sngon ma thos pa'i chos 
rnams la sdug bsngal 'phags pa'i bden pa de mngon par shes pas yongs su shes so/ /zhes tshul bzhin yid la byas pa na mig skyes so/ /shes pa dang rig pa dang blo dang rtogs pa skyes so/ /dge slong dag ngas sngon ma thos pa'i chos rnams la sdug bsngal kun 'byung ba 'phags pa'i bden pa de mngon par shes 
pas spangs so zhes tshul bzhin yid la byas pa na mig skyes so/ /shes pa dang rig pa dang blo dang rtogs pa skyes so/ /dge slong dag ngas sngon ma thos pa'i chos rnams la sdug bsngal 'gog pa 'phags pa'i bden pa de mngon par shes pas mngon sum du byas so/ /zhes tshul bzhin yid la byas pa na mig skyes so/ /
shes pa dang rig pa dang blo dang rtogs pa skyes so/ /dge slong dag ngas sngon ma thos pa'i chos rnams la sdug bsngal 'gog par 'gyur ba 'phags pa'i lam de mngon par shes pas bsgoms so/ /zhes tshul bzhin yid la byas pa na mig skyes so/ /shes pa dang rig pa dang blo dang rtogs pa skyes so/ /dge slong dag gang la 
ji srid du 'phags pa'i bden pa bzhi po 'di dag la de ltar lan gsum du bzlas te rnam pa bcu gnyis pa'i mig skyes par ma gyur/ shes pa ma yin/ rig pa ma yin/ blo ma yin/ rtogs pa ma skyes pa de srid du nga 'jig rten lha dang bcas/ bdud dang bcas/ tshangs pa dang bcas/ dge sbyong dang bram ze'i skye dgu dang 
bcas/ lha dang mi dang bcas pa 'di las grol ba dang / nges par byung ba dang / bral ba dang / rab tu grol ba dang / phyin ci log dang bral ba'i sems kyis mang du gnas par ma gyur pa de srid du nga bla na med pa yang dag par rdzogs pa'i byang chub mngon par rdzogs par sangs rgyas so snyam du shes par ma gyur gyi dge slong dag gang nas 
bzung ste/ nga la 'phags pa'i bden pa bzhi po 'di dag la de ltar lan gsum du bzlas te rnam pa bcu gnyis pa'i mig skyes/ shes pa dang rig pa dang blo dang rtogs pa skyes pa de nas bzung ste/ nga 'jig rten lha dang bcas bdud dang bcas tshangs pa dang bcas/ dge sbyong dang bram ze'i skye dgu dang bcas/ lha dang mi dang 

</font><hr>10-1-248b<br><font size=+1>
bcas pa 'di las grol ba dang / nges par byung ba dang / rab tu grol ba dang / phyin ci log dang bral ba'i sems kyis mang du gnas par gyur/ de nas bzung ste nga bla na med pa yang dag par rdzogs pa'i byang chub tu mngon par rdzogs par sangs rgyas so snyam du shes par gyur to/ /chos kyi rnam grangs 
'di bshad pa na tshe dang ldan pa kauN+Di n+ya dang / lha brgyad khri chos rnams la chos kyi mig rdul med cing dri ma dang bral ba skyes par gyur to/ /de nas bcom ldan 'das kyis tshe dang ldan pa kauN+Di n+ya la bka' stsal pa/ kauN+Di n+ya khyod kyis chos kun shes sam/ bcom ldan 'das kun 'tshal to/ /kauN+Di n+ya khyod kyis chos 
kun shes sam/ bde bar gshegs pa kun 'tshal to/ /tshe dang ldan pa kauN+Di n+ya chos kun shes pa de'i phyir tshe dang ldan pa kauN+Di n+ya'i ming kun shes kauN+Di n+ya zhes bya bar chags so/ /tshe dang ldan pa kauN+Di n+ya chos kun shes pa na sa bla ba'i gnod sbyin rnams kyis sgra phyung zhing dbyangs rjes su bsgrags pa/ grogs 
po dag bcom ldan 'das kyis skye bo mang po la phan pa dang / skye bo mang po la bde ba dang / 'jig rten la thugs brtse ba dang / lha dang mi rnams kyi don dang / phan pa dang / bde bar mdzad pa'i slad du 'jig rten na dge sbyong ngam/ bram ze'am/ lha'am/ bdud dam/ tshangs pa gang gis kyang chos dang 
mthun par ma bskor ba'i chos kyi 'khor lo chos dang mthun pa lan gsum du bzlas te rnam pa bcu gnyis pa 'di yul bA rA Na sI drang srong smra ba ri dgas kyi nags su bskor bas lha'i ris dag ni mngon par 'phel bar 'gyur/ lha ma yin gyi ris dag ni yongs su nyams par 'gyur ro/ /sa bla pa'i gnod 
sbyin rnams kyi sgra bar snang la spyod pa'i gnod sbyin rnams dang / rgyal chen bzhi'i lha rnams dang / sum bcu rtsa gsum pa rnams dang / 'thab bral ba rnams dang / dga' ldan pa rnams dang / 'phrul dga' ba rnams dang / gzhan 'phrul dbang byed kyi lha rnams kyis thos nas skad cig de dang / thang cig 
de dang / yud tsam de dang / skad cig dang / thang cig dang yud tsam de la tshangs pa'i 'jig rten gyi bar du sgra grags par gyur te/ tshangs ris pa'i lha rnams kyi sgra phyung zhing dbyangs rjes su bsgrags pa/ grogs po dag bcom ldan 'das kyis lha dang mi rnams kyi zhes bya ba nas/ 'di yul bA rA Na sI 

</font><hr>10-1-249a<br><font size=+1>
drang srong smra ba ri dgas kyi nags su bskor bas lha'i ris dag ni mngon par 'phel bar 'gyur/ lha ma yin gyi ris dag ni yongs su nyams par 'gyur ro zhes bya ba'i bar snga ma bzhin no/ /bcom ldan 'das kyis yul bA rA Na sI drang srong smra ba ri dgas kyi nags su chos kyi 'khor lo chos dang 
mthun pa lan gsum gyi bar du bzlas te rnam pa bcu gnyis pa bskor te/ de'i phyir chos kyi rnam grangs 'di chos kyi 'khor lo bskor ba zhes bya'o/ /gang gi tshe bcom ldan 'das kyis dge slong lnga po dag gi rgyud la chos kyi 'khor lo bskor te/ de dag bsnyen par rdzogs pa dge slong gi dngos por gyur pa de'i tshe de dag 
de bzhin gshegs pa la shin tu mtshan nas smos pa dang / gdung nas smos pa dang / tshe dang ldan pa zhes smos pa kun tu spyod nas bcom ldan 'das kyis de dag la bka' stsal pa/ dge slong dag khyed de bzhin gshegs pa la shin tu mtshan nas smos pa dang / gdung nas smos pa dang / tshe dang ldan pa zhes smos pa kun tu 
ma spyod cig /dge slong dag de ci'i phyir zhe na/ gang zhig de bzhin gshegs pa la shin tu mtshan nas smos pa dang / gdung nas smos pa dang / tshe dang ldan pa zhes smos pa kun tu spyod pa de ni skyes bu gti mug de la yun ring por gnod pa dang / phan pa ma yin pa dang sdug bsngal bar 'gyur ro/ /bcom ldan 
'das kyis dgongs pa/ nyes dmigs gang cung zad byung ba ni dge slong dag de bzhin gshegs pa la mtshan nas smos pa dang / gdung nas smos pa dang / tshe dang ldan pa zhes smos pa kun tu spyod pa las gyur gyis/ de'i phyir dge slong gis de bzhin gshegs pa la mtshan nas smos pa dang / gdung nas 
smos pa dang / tshe dang ldan pa zhes smos pa kun tu spyad par mi bya'o snyam du dgongs nas dge slong lnga po dag la bka' stsal pa/ dge slong dag de lta bas na dge slong gis de bzhin gshegs pa la mtshan nas smos pa dang / gdung nas smos pa dang / tshe dang ldan pa zhes smos pa kun du spyad par mi bya ste/ kun tu 
spyod na 'gal tshabs can du 'gyur ro/ /bcom ldan 'das kyis dge slong gis de bzhin gshegs pa la mtshan nas smos pa dang / gdung nas smos pa dang / tshe dang ldan pa zhes smos pa kun tu spyad par mi bya ste/ kun tu spyod na 'gal tshabs can du 'gyur ro zhes bka' stsal pa dang / dge slong gzhon 

</font><hr>10-1-249b<br><font size=+1>
nu gzhon nu dag dge slong rgan pa rgan pa dag la ming nas smos pa dang / rus nas smos pa dang / tshe dang ldan pa zhes smos pa kun tu spyod nas skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong gzhon nus dge slong ches rgan pa la 
ming nas smos pa dang / rus nas smos pa kun tu spyad par mi bya'o/ /'on kyang tshe dang ldan pa zhes bod pa'am/ btsun pa zhes bod pa gnyis kun tu spyad par bya'o/ /dge slong gzhon nus dge slong ches rgan pa la ming nas smos sam/ rus nas smos pa kun tu spyod na 'gal tshabs can du 'gyur 
ro/ /gleng gzhi ni mnyan yod na'o/ /mnyan yod na dge slong 'phral thabs can dang / dge slong ma gsod mo ji lta ji ltar skye bo'i tshogs mang po mi dad par 'gyur ba de lta de ltar khyim dag tu rgyu ba byed ces bya ba rgyas par rnam par 'byed pa las ji skad 'byung ba bzhin no/ /sangs rgyas bcom 
ldan 'das ku sha'i grong khyer na gyad kyi nyen 'khor shing sA la zung gi tshal na bzhugs so/ /de nas bcom ldan 'das yongs su mya ngan las 'da' ba'i dus kyi tshe de na dge slong rnams la bka' stsal pa/ dge slong dag ngas 'dul ba rgyas par bstan na/ mdor bsdus te yang ma bstan pas 
legs par rab tu nyon la yid la zung shig bshad do/ /dge slong dag khyed kyis ngas sngon gnang ba yang med/ bkag pa yang med pa gang yin pa de yang gal te mi rung ba sten cing rung ba dang mi mthun na rung ba ma yin pa'i phyir spyad par mi bya'o/ /gal te rung ba sten cing mi rung ba dang mi mthun na rung 
ba yin pa'i phyir spyad par bya ste 'di la 'gyod par mi bya'o// //sdom ni/ spangs pa dag ni bged pa dang / /sbrang ma rnams kyi skyabs dang ni/ /spyad tshags dang ni gyo mo dang / /sra brkyang gding dang mang po'o/ /sangs rgyas bcom ldan 'das mnyan yod na rgyal bu rgyal byed kyi tshal 
mgon med zas sbyin gyi kun dga' ra ba na bzhugs so/ /dge slong zhig la chos gos kyi spang ba byung nas/ des de rgan pa'i mtha' logs su 'dug ste dge 'dun la spangs so/ /dge skos kyis bsams pa/ 'di ni dge 'dun gyi rnyed pa grub pa yin te spel nas bgo bar bya'o snyam nas/ des 

</font><hr>10-1-250a<br><font size=+1>
de spel nas dge 'dun la brims pa dang / dge slong de phongs par gyur to/ /skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa nyes dmigs gang cung zad byung ba ni dge slong dag spang ba dge 'dun la spangs pa las 
gyur gyis/ de'i phyir dge slong gis dge 'dun la spang bar mi bya'o snyam du dgongs nas/ dge slong rnams la bka' stsal pa/ dge slong dag dge slong zhig gis spang ba dge 'dun la spangs pa dang / de dge skos kyis spel te bgos kyis/ de lta bas na dge slong gis spang ba dge 'dun 
la spang bar mi bya'i/ 'on kyang gang zag la spang bar bya'o/ /gal te mi shes pas spangs na yang dge 'dun gyis bgo bar mi bya'o/ /dge slong gis spang ba dge 'dun la spangs sam/ dge 'dun gyis bgos na gnyi ga la 'gal tshabs can du 'gyur ro/ /bcom ldan 'das kyis 
dge slong gi spang ba dge 'dun la spang bar mi bya'i/ 'on kyang gang zag la spang bar bya'o zhes bka' stsal pa dang / dge slong gzhan zhig la chos gos kyi spang ba byung ste/ des dge slong mi shes pa zhig la spangs pa dang / des blangs nas cang mi zer bar 'dug go/ /skabs de dge slong 
rnams kyis bcom ldan 'das la gsol pa dang / bcom ldan 'das kyis bka' stsal pa/dge slong gzhan gyis brda sprad par bya ste/ gal te byin na legs/ ci ste mi ster na mthus phrogs la byin gyis brlab par bya'o/ /rung bar bya ba'i phyir spangs pa yin pas spangs pa gtan 
bkur bar mi bya'i 'on kyang spangs pa slar sbyin par bya'o/ /gleng gzhi ni yangs pa can na'o/ /dbyar gyi dus su dge slong dag sbrang bu mchu rings kyis zos te/ de dag g.ya' ste sen mos lus kun phrugs pa dang / bar bar du khrag gi thigs pa dang thor bu dag byung bar snang 
ngo / /de ltar lus mi sdug pa de dag bram ze dang khyim bdag rnams kyis mthong nas/ de dag gis smras pa/ 'phags pa khyed ci zhig gis lus kyi gnas skabs 'di lta bur gyur/ de dag gis ji ltar gyur pa bsnyad pa dang / de dag gis smras pa/ 'phags pa khyed sbrang 

</font><hr>10-1-250b<br><font size=+1>
skyabs mi 'chang ngam/ bzhin bzangs bcom ldan 'das kyis ma gnang na ji ltar bcang / 'phags pa khyed kyi ston pa ni thugs rje can yin pas gnang bar 'gyur ro/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' 
stsal pa/ de lta bas na gnang gis dge slong dag gis sbrang skyabs bcang bar bya'o/ /bcom ldan 'das kyis dge slong gis sbrang skyabs bcang bar bya'o zhes bka' stsal na/ dge slong gis ci 'dra ba bcang bar ma shes nas/ bcom ldan 'das kyis bka' stsal pa/ ras srid du khru bzhi 
zheng du khru do pa de shing la brgyangs la steng nas dgab par bya zhing ras khru bcu gnyis pas ngos khor yug tu bskor bar bya'o/ /dge slong dag gis ras de ma lus par byas pa dang / glo nas sbrang bu mchu rings dag 'jug nas/ bcom ldan 'das kyis bka' stsal pa/ ras lhag ma dang bcas pa 
bcang bar bya zhing des glo nas dkri bar bya'o/ /dge slong dag gis sbrang skyabs byas nas ras de phyogs gcig nas bteg ste 'dzul ba dang /bcom ldan 'das kyis bka' stsal pa/ sgo gdod par bya'o/ /dge slong dag gis sgo thad kar btod pa dang / bcom ldan 'das kyis bka' stsal 
pa/ bsnol mar bya'o/ /tsha nas bcom ldan 'das kyis bka' stsal pa/ de nyid du bsil yab gzhag par bya'o/ /'og nas sbrang ma mchu rings dag 'jug nas/ bcom ldan 'das kyis bka' stsal pa/ gnas mal gyis dgab par bya zhing rnam pa gang dang gang gis sbrang bu mchu rings 
za ba de thams cad rung ba bya'o/ /gleng gzhi ni mnyan yod na'o/ /bcom ldan 'das kyis chu btsag par bya'o zhes bka' stsal pa dang / dge slong dag lag pas chu tshags 'dzin pas de dag ngal bar gyur nas/ bcom ldan 'das kyis bka' stsal pa/ shing la btags te btsag par 
bya'o/ /dge slong dag gis shing la btags te btsags na 'on kyang ngal nas/ bcom ldan 'das kyis bka' stsal pa/ dbyug gu gsum bcang bar bya'o/ /dge slong dag gis dbyug gu gsum la btags na 'dug tu ma btub nas/ bcom ldan 'das kyis bka' stsal pa/ de dag phug la srad 

</font><hr>10-1-251a<br><font size=+1>
bu'am/ gzer bus sbrel la chu tshags gdags par bya'o/ /dge slong dag gis chu tshags btags nas chu blugs pa dang / phyed sa la bo nas/ bcom ldan 'das kyis bka' stsal pa/ ci nas sa la mi 'bo bar dran pa nye bar gzhag ste blug par bya'o/ /dge slong 
dag gis bum pa zhabs rten med par bzhag pas de 'dril nas/ bcom ldan 'das kyis bka' stsal pa/ zhabs rten gzhug par bya'o/ /dge slong gzhan dag gcig gis chu blang bar brtsams pa dang / de chu tshags su ma tshags pa'i skabs de dge slong rnams kyis bcom ldan 'das la 
gsol pa dang /bcom ldan 'das kyis bka' stsal pa/ gcal gzhug par bya'o/ /dge slong dag gis ci zhig gzhug pa ma shes nas/ bcom ldan 'das kyis bka' stsal pa/ bye ma'am/ ba lang gi lci ba'o/ /'on kyang ma tshags nas/ bcom ldan 'das kyis bka' stsal 
pa/ tshags rten snod bcang bar bya'o/ /bcom ldan 'das kyis tshags rten snod bcang bar bya'o zhes bka' stsal pa dang / dge slong dag gis ji lta bu bcang mi shes nas/ bcom ldan 'das kyis bka' stsal pa/ tshags rten snod ni gnyis te/ zangs las byas pa dang / 
sa las byas pa'o/ /dge slong dag gis tshags rten snod lag pas bzung ba dang / de dag ngal nas bcom ldan 'das kyis bka' stsal pa/ zangs las byas pa gang yin pa de ni phug la lcags thag 'jam pos dbyug gu gsum la gdags par bya'o/ /sa las byas pa gang yin 
pa de ni phug la tha gus gdags par bya'o/ /chu tshags gzhan dag chu ma phyin nas/ bcom ldan 'das kyis bka' stsal pa/ de dag gis glor yang dang yang du brdab par bya'o/ /dge slong dag chu rtog pa na bum pa ma gang ba la brtags pas srog chags dag ma rtogs nas/ 
bcom ldan 'das kyis bka' stsal pa/ bum pa legs par bkang la ji srid du chu mi g.yo ba de srid du gzhag par bya zhing / de nas brtag par bya'o/ /bum pa bkang ba dang / steng du rdul zhugs pa dge slong dag gis de ma bsal bas srog chags dag ma rtogs nas/ bcom 

</font><hr>10-1-251b<br><font size=+1>
ldan 'das kyis bka' stsal pa/ rdul bsal nas brtag par bya'o/ /dge slong dag gis srog chags mdzub mo'i rtse mos bstan pas de dag 'gul te mig gis ma sod pa dang / bcom ldan 'das kyis bka' stsal pa/ shing bu'i rtse mo'am/ rtswa'i rtse mo'am phra mo gzhan gang yang 
rung bas bstan par bya'o/ /dge slong dag gis chu tshags nyid nas chu khron par pho ba dang / srog chags dag rdab snun pas gnod par gyur nas/ bcom ldan 'das kyis bka' stsal pa/ bsal tshags bsrel bar bya'o/ /dge slong dag gis bkang ste btang na phyir gang bzhin du 'ong ba gang 
yin pa de lta bu bsrel nas/ bcom ldan 'das kyis bka' stsal pa/ bkang ste btang na phyir stong par 'ong ba ci 'dra ba de 'dra ba bsrel bar bya'o/ /gzhan dag gcig gis bsal tshags ma 'byor nas/ bcom ldan 'das kyis bka' stsal pa/ de dag gis ni chu tshags the gus btags 
la ci nas bkang ste btang na phyir stong par 'ong ba de ltar gtang bar bya'o/ /dge slong dag gis chu pho nas chu tshags bshal bar mi byed 'khru bar mi byed/ 'tshir bar mi byed/ skems par mi byed/ ltob par mi byed nas/ bcom ldan 'das kyis bka' stsal pa/ chu tshags kyis chu pho nas de bshal 
bar bya/ bkru bar bya/ btsir bar bya/ bskam par bya/ bltab par bya'o/ /dge slong dag dge 'dun gyi chu yang chu tshags kyis tshag par byed pa dang / dge slong gi dge 'dun phal ches pas skyo bar gyur nas/ bcom ldan 'das kyis bka' stsal pa/ gal te dge slong gi dge 'dun phal che bar 
gyur na chu tshags mang po bcang ba'am/ yang na bum tshags gce'u can bcang bar bya'o/ /bcom ldan 'das kyis bum tshags gce'u can gyis btsag par bya'o zhes bka' stsal pa dang / dge slong dag gis bum tshags gce'u can ji lta bu mi shes nas/ bcom ldan 'das kyis bka' stsal pa/ sa 'am zangs 
las bum pa'i dbyibs lta bu bya zhing de la pad ma'i snying po lta bu'i bu ga dag gdod par bya'o/ /de dag bsdu ba'i phyir de dag gi steng du bu ga chen po gcig gdod do/ /de dag nyid bsdu ba'i phyir gce'u gzhug par bya'o/ /de nas steng ras kyis g.yogs la chu btsag par bya zhing ras de yang bshal bar bya/ bkru bar bya/ bskam par 

</font><hr>10-1-252a<br><font size=+1>
bya'o// //'dul ba phran tshegs kyi gzhi/bam po nyi shu gnyis pa/ dge slong dag gis shig dang / rtswa shig dang / srog chags gzhan dag g.yang sa nas bor ba dang / de dag dran pa nyams shing gnod par gyur to/ /skabs de dge slong rnams kyis 
bcom ldan 'das la gsol pa dang / bcom ldan 'das kyis bka' stsal pa/ srog chags thams cad g.yang sa nas dor bar mi bya'o/ /de dag gis gar bab bab tu bor ba dang / bcom ldan 'das kyis bka' stsal pa/ gar bab bab tu bor bar mi bya'i/ shig ni 
ra de'i nang du gzhug par bya/ de ma rnyed na ka ba'i ser ka'am/ rtsig pa'i bu gar chug shig /rtswa shig ni ne'u gsing sngon po'i sa phyogs su gzhag par bya'o/ /de ma rnyed na bsil ba'i phyogs su'o/ /srog chags gzhan yang rang rang gi gnas su gtang bar 
bya'o/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa chab btsags pa ma brtags pa 'tshal du rung lags sam/ nye ba 'khor mig gis ma brtags na mi rung ngo / /btsun pa chab btsags pa brtags pa 'tshal du rung 
lags sam/ nye ba 'khor mig gis brtags pa'i phyir rung ngo / /gleng gzhi ni mnyan yod na'o/ /bcom ldan 'das kyis dbyar gnas par khas blangs pa'i dge 'dun gyis sra brkyang gding bar bya'o zhes bka' stsal pa/ ko sa la'i rgyal po gsal rgyal gyis 
thos nas des dge 'dun la sra brkyang phul lo/ /de bzhin du btsun mo phreng ldan ma dang / rgyal rigs dbyar tshul ma dang / khyim bdag mgon med zas sbyin dang / drang srong byin dang / rnying pa dag dang / phya mkhan dag dang / gzhan mang po dag gis sra brkyang 
phul ba dang / dge slong dag gis sra brkyang gcig cig byin gyis brlabs nas lhag ma gzhan de dag nyid la slar bskur bar brtsams pa dang / de dag gis 'phags pa 'di dag ni bdag cag gis dge 'dun la phul ba lags pas bdag cag slar ji ltar 'tshal/

</font><hr>10-1-252b<br><font size=+1>
skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ de'i phyir gnang gis blang bar bya zhing blangs nas kyang gtan pa 'ding ba'i dge slong mang po bsko bar bya'o/ /ji ltar sngar bskos pa de las phyis gcig gding 
bar bya'o/ /lhag ma rnams ni gzhag par bya zhing / de ni dbyar gnas par khas blangs pa'i dge 'dun gyi bgo ba'i rnyed pa yin pas dbyar gnas par khas blangs pa'i dge 'dun tshogs pas ci dgar bgo bar bya ste 'di la 'gyod par mi bya'o// //sdom ni/ 
nga 'das pa la sbyin med dang / /gang gis bsngos pa shi ba dang / /gang la gtad pa shi ba dang / /babs pa dang ni 'gyod pa'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan 
yod na khyim bdag cig gnas pa des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed dga' bar byed/ dga' mgur spyod par byed pa las rim gyis bu gsum byung ngo / /de 
rnams kyi tha chungs gang yin pa de legs par gsungs pa'i chos 'dul ba la rab tu byung ngo / /de dus gzhan zhig na ljongs rgyu zhing song ngo / /ljongs rgyu zhing song ba na de'i pha nad kyis thebs nas de rtsa ba dang / sdong bu dang / lo ma dang / me tog dang / 'bras bu'i 
sman rnams kyis rim gro byas kyang de'i nad de zhi bar ma gyur te/ gang gi tshe de shi la thug pa'i tshor ba byung ste/ ring po mi thogs par 'chi ba'i dus byed par 'gyur ba de'i tshe des mdza' bo dang / gnyen dang phu nu bo dang / khyim tshes rnams bsdus nas bu de gnyis la smras 
pa/ bu nga'i khyim na cung zad ci yod pa de thams cad khyer te shog shig /de dag gis kyang de'i tshig mnyan te thams cad khyer te 'ongs pa dang /des mdza' bo dang / gnyen dang / phu nu de dag dang / khyim tshes kyi mi de la smras pa/ shes ldan dag gson cig /

</font><hr>10-1-253a<br><font size=+1>
bdag gi bu gsum yod pa las phu bo gnyis ni 'di dag yin/ tha chungs gang yin pa de ni dge sbyong shAkya'i nang du rab tu byung ngo / /de'i phyir bdag gi khyim na nor gang cung zad ci yod pa de thams cad de rnams mnyam par bgos shig ces smras nas/ bsags 
pa kun gyi mtha' zad cing / /mthon po'i mtha' ni rnyil bar 'gyur/ /'du ba'i mtha' ni 'bral ba ste/ /gson po'i mtha' ni 'chi ba yin/ /zhes bya bas dus kyi chos dang ldan par gyur te/ de khyogs gos sngon po dang / dmar po dang / ser po dang / dkar po dag 
gis brgyan te dur khrod du khyer nas bsregs so/ /de'i bu de dag gis de'i shid btang ba dang mya ngan bsang ba byas te 'dug go/ /de'i bu des bdag gi pha de shi'o zhes thos nas/ de 'di snyam du bdag song la ma yar mo de dang / phu bo de dag la chos bshad de mya ngan bsang bar bya'o 
snyam du bsams nas de ji srid 'dod par ljongs na 'dug nas lhung bzed dang / chos gos khyer te/ mnyan yod gang na ba der rgyu zhing song nas/ rim gyis rgyu zhing song ba las mnyan yod du phyin to/ /des chos gos dang lhung bzed rgyal byed kyi tshal du bzhag ste lam 
gyis dub pa ngal bso nas rang gi khyim du song ngo / /nang mi rnams kyis de mthong nas ngus so/ /ngu ba de thos nas khyim tshes rnams 'dus te/ la la ni skad phyung ste ngu / la la ni mig mchi mas gang bar gyur to/ /de so so'i skye bo yin pas skye bo'i tshogs chen 
po smre zhing 'dug pa thos nas da yang mig mchi mas gang zhing 'dug pa dang / de la khyim tshes kyi bud med gcig gis smras pa/ bu mya ngan ma byed cig /khyod kyi pha de bsod nams byas pas lha yul du song ngo / /khyod la yang phas mdza' bo dang / gnyen dang / phu nu 
bo dang / khyim tshes rnams bsdus te nor gyi sum cha gcig kyang byin no/ /des bsams pa bcom ldan 'das kyis nga 'das nas 'di la byin cig ces zer ba ni med pa yin no zhes gsungs pa gang yin pa de ni 'di lta bu yin no snyam du rig nas nga de'i phyir mya ngan byed pa ni 

</font><hr>10-1-253b<br><font size=+1>
ma yin gyi nga'i pha de dka' ba byed byed pas dbang med par mchi ma byung ngo / /bcom ldan 'das kyis kyang pha ma ni bu la dka' ba byed de/ snyod pa dang / gso ba dang / bskyed pa dang / 'dzam bu'i gling sna tshogs ston pa yin te/ bu'i phrag pa gcig gis pha blangs shing / 
cig shos kyis ma blangs te lo brgya tshang bar bkur ba byas pa'am/ sa chen po 'di la nor bu dang / mu tig dang / bai DUr+ya dang / man shel dang / byu ru dang / dngul dang / gser dang / rdo'i snying po dang / spug dang / pad ma rA ga dang / g.yas su 'khyil pa 
de lta bu'i dbang phyug gi bdag por bzhag kyang 'di tsam gyis na bus pha dang ma la phan thogs pa'am lan lon par mi 'gyur gyi/ gang zhig gis pha ma de dag ma dad pa las dad pa phun sum tshogs pa yang dag par len du 'jug /gzengs stod par byed/ 'dul 
bar byed/ 'jog par byed/ rab tu 'jog par byed cing / tshul khrims 'chal ba tshul khrims phun sum tshogs pa dang / 'jungs pa gtong ba phun sum tshogs pa dang / shes rab 'chal pa shes rab phun sum tshogs pa yang dag par len tu 'jug /gzengs 
stod par byed/ 'dul bar byed/ 'jog par byed/ rab tu 'jog par byed na de tsam gyis na bus pha ma la phan btags pa dang lan blan par 'gyur ro zhes gsungs so/ /yang bcom ldan 'das kyis nga 'das nas de la byin cig ces zer ba ni sbyin pa ma yin no 
zhes bkag go /bud med de cang mi zer bar 'dug go/ /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag ngas ni khyim pa las dgongs te gsungs pa ma yin gyi/ 'on kyang rab tu 
byung ba las dgongs pa yin no/ /khyim bdag ni chags pa dang bcas bzhin du 'chi bar 'gyur la/rab tu byung ba ni ma yin no/ /de lta bas na de'i phyir khyim pa 'di snyam du nga 'das nas 'di la sbyin no snyam du sems pa ni byin pa yin gyi/ rab tu byung ba ni ma yin 

</font><hr>10-1-254a<br><font size=+1>
pas blang bar bya zhing blangs nas kyang ji ltar 'dod pa bzhin du longs spyod du yongs su spyad par bya'o/ /gleng gzhi ni mnyan yod na'o/ /dge slong zhig gis dge slong zhig la chos gos dag bsngos so/ /des de dag bsngos nas dus las 'das pa dang / dge slong 
de dag gis de khyer nas sreg tu song ngo / de'i bar du dge slong des de'i gnas khang nas de'i chos gos de dag blangs te rang gi gnas khang du bzhag go/ /de nas dge slong de dag gis de'i rim gro byas nas gtsug lag khang du log pa dang / /dge skos kyis de'i gnas khang du 
brtags na/ ji tsam na lhung bzed dang chos gos gsum dang / chu tshags mthong nas/ des rgan pa'i mthar khyer ba dang / de la dge slong de dag gis smras pa/ tshe dang ldan pa khyod kyis de'i chos gos gsum po 'di khyer te 'ongs sam/ de la chos gos rung 
bar byas pa gzhan yang mang du yod na de dag khyer te shog shig /des smras pa/ de'i gnas khang na ni 'dir zad kyi gzhan cung zad kyang med do/ /dge slong dag gis smras pa/ tshe dang ldan pa de'i smos 'drin dge slong che ge mo zhes bya ba de la dris shig /des de la dris pa dang smras 
pa/ bdag gis khyer te/ des bdag la bsngos so/ /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag rung bar bya ba'i phyir ngas bsngo bar gnang ste/ gang gis de dag khyer ba de la 'di skad 
ces gyis shig /shi ba'i yo byad kyi rnyed pa de dag dge 'dun la phul la rang gi skal bas chog par gyis shig ces sgos shig /gleng gzhi ni mnyan yod na'o/ /dge slong gzhan zhig gis dge slong zhig la chos gos dag bsngos pa dang / gang la bsngos pa de dus 
las 'das so/ /de dge slong rnams kyis dur khrod du khyer nas bsregs te slar 'ongs nas de'i chos gos de dag rgan pa'i mthar khyer ba dang de la dge slong dag gis smras pa/ tshe dang ldan pa 'di dag su'i yin/ des smras pa/ 'di dag ni bdag gi lags mod kyi 'on kyang 

</font><hr>10-1-254b<br><font size=+1>
bdag gis de la bsngos so/ /dge slong dag gis de ji ltar bsgrub pa mi shes nas/ skabs de dge slong dag gis bcom ldan 'das la rgyas par gsol pa dang / bcom ldan 'das kyis bka' stsal pa/ dge slong dag rung bar bya ba'i phyir ngas bsngo bar gnang mod kyi 
'on kyang gang gis bsngos pa de nyid kyi yin no/ /gleng gzhi ni mnyan yod na'o/ /dge slong gzhan zhig gis dge slong zhig la chos gos dag bsngos pa dang / gang la bsngos pa de babs nas/ des bsams pa/ bdag la dge slong des chos gos dag bsngos pas 
bdag babs mod kyi 'on kyang de dag bdag dbang gis len du 'gro'o snyam nas/ de dge slong de'i drung du song ste/ des smras pa/ 'phags pa khyod kyis chos gos dag bdag la bsngos na de dag bdag la stsol cig /skabs de dge slong dag la brjod pa dang / de dag 
gis ji ltar bsgrub pa mi shes nas/ skabs de dge slong dag gis bcom ldan 'das la rgyas par gsol pa dang / bcom ldan 'das kyis dgongs pa/ nyes dmigs gang cung zad byung ba ni dge slong gang kho na la yid brtan te chos gos dag btams pa de kho na'i 
mdun du bsngo ba las gyur gyis de'i phyir dge slong gis gang la yid brtan te chos gos dag btams pa de kho na'i mdun du bsngo bar mi bya'o snyam du dgongs nas/ dge slong rnams la bka' stsal pa/ dge slong dag de lta bas na dge slong gis yid brtan cing chos gos btams 
pa de nyid kyi mdun du chos gos bsngo bar mi bya'i/ de'i mngon sum du bsngo bar ma byas na nyes dmigs der mi 'gyur ro/ /gleng gzhi ni mnyan yod na'o/ /dge slong gzhan zhig gis dge slong zhig la chos gos dag bsngos te/ gang la bsngos pa de thab khrol 
can zhig ste/ rtag tu dge slong dag dang lhan cig thab khrol byed pa las de gzhan zhig dang thab mo byas nas 'gro bar chas pa dang / gang gis de la chos gos dag bsngos pa des de mi btang bar brtsams te/ tshe dang ldan pa ma 'gro shig ces des de bzung ba dang /

</font><hr>10-1-255a<br><font size=+1>
'dug tu ma btub bo/ /des yang dang yang du bzlog pa dang / de la dge slong zhig gis smras pa/ tshe dang ldan pa 'di ni thab khrol can zhig ste rtag tu dge slong rnams la mi bde bar byed pa yin gyis thong shig /des smras pa/ gzhan gyi phyir 'di 
mi gtong ba ma yin gyi/ nga nyid kyi chos gos dag 'di la bsngos pas 'di 'dzin to/ /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ gal te yid brtan pa'i dge slong rgya mtsho'i pha rol na 'dug pa zhig yin 
na de la yang yid brtan te/ bsngo ba byas nas gzung bar byas te/ 'di la 'gyod par mi bya'o/ /bcom ldan 'das kyis gal te yid brtan pa'i dge slong rgya mtsho'i pha rol na 'dug pa zhig yin na de la yang chos gos dag bsngo bar bya'o zhes bka' stsal pa dang / dge 
slong gzhan zhig gis dge slong yul shin tu thag ring po na 'dug pa zhig la chos gos bsngos te/ de dus las 'das par gyur pa dang / dge slong des dge slong de ji ltar dus las 'das par gyur pa'i ring zhig lon nas thos pa dang / dge slong de 'gyod pa skyes so/ /skabs 
de dge slong dag la smras pa dang / dge slong dag gis bcom ldan 'das la gsol nas/ bcom ldan 'das kyis bka' stsal pa/ gang gi tshe thos pa de'i tshe gzhan la bsngo bar bya ste/ 'di la 'gyod par mi bya'o// //sdom ni/ mtshams kyi phyi rol 'dug pa yis/ /
dad pa mi dbul sbyin mi bya/ /gcig la gcig ni mi bya dang / /gso sbyong dang ni dgag dbye'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /dge slong drug sde dag mtshams kyi 
phyi rol na gnas kyang dad pa 'bul ba'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ mtshams kyi phyi rol na gnas pas dad pa dbul bar mi bya'o/ /bcom ldan 'das kyis mtshams kyi phyi rol na gnas 

</font><hr>10-1-255b<br><font size=+1>
pas dad pa dbul bar mi bya'o zhes bka' stsal pa dang / dge slong gzhan dag cig mtshams kyi phyi rol du song ngo / /de dag chas pa dang / dge 'dun gyi bya ba zhig byung nas drug sde rnams kyis de dag las dad pa blangs so/ /skabs de dge slong dag gis bcom ldan 'das 
la gsol pa dang / bcom ldan 'das kyis bka' stsal pa/ mtshams kyi phyi rol du song ba las dad pa blang bar mi bya'o/ /bcom ldan 'das kyis mtshams kyi phyi rol na gnas pas dad pa dbul bar mi bya/ mtshams kyi phyi rol du song ba las dad pa blang bar yang 
mi bya'o zhes bka' stsal pa dang / drug sde rnams mtshams kyi phyi rol na gnas bzhin du gcig la gcig dad pa sbyin par byed de/ dga' bos ni nyes dga' la/ nye dga'as kyang dga' bo la/ 'dun pas ni 'char ka la/ 'char kas kyang 'dun pa la/ 'gro mgyogs 
kyis ni nab so la/ nab sos kyang 'gro mgyogs la dad pa byin pa dang / skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong gis gcig la gcig dad pa sbyin par mi bya ste/ byin na 'gal tshabs can 
du 'gyur ro/ /gleng gzhi ni mnyan yod na'o/ /bcom ldan 'das kyis zla ba phyed phyed cing gso sbyong gi tshe so sor thar pa'i mdo gdon pa thon cig ces bka' stsal pa dang / drug sde dag mtshams kyi phyi rol na gnas shing gso sbyong la 'dun pa dang / yongs su dag pa 
'bul lo/ /skabs de dge slong dag gis bcom ldan 'das la gsol pa dang /bcom ldan 'das kyis bka' stsal pa/ mtshams kyi phyi rol na gnas pas gso sbyong la 'dun pa dang / yongs su dag pa dbul bar mi bya'o/ bcom ldan 'das kyis mtshams kyi phyi rol na 
gnas pas gso sbyong la 'dun pa dang / yongs su dag pa dbul bar mi bya'o zhes bka' stsal pa dang / dge slong gzhan dag gcig mtshams kyi phyi rol du song ngo / /de dag chas pa dang / dge 'dun gso sbyong bya bar bzhed nas 'dus pa dang / drug sde rnams kyis de dag las 

</font><hr>10-1-256a<br><font size=+1>
'dun pa dang / yongs su dag pa blangs so/ /skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ mtshams kyi phyi rol du song ba las 'dun pa dang / yongs su dag pa blang bar mi bya'o/ /
bcom ldan 'das kyis mtshams kyi phyi rol na gnas pas dad pa dang / yongs su dag pa dbul bar mi bya/ mtshams kyi phyi rol du song ba las dad pa dang / yongs su dag pa blang bar yang mi bya'o zhes bka' stsal pa dang / drug sde dag mtshams kyi phyi rol na gnas bzhin du gcig 
la gcig dad pa sbyin par byed de/ dga' bos ni nye dga' la/ nye dga'as kyang dga' bo la/ 'dun pas ni 'char ka la/ 'char kas kyang 'dun pa la/ 'gro mgyogs kyis ni nab so la/ nab sos kyang 'gro mgyogs la dad pa byin pa'i skabs de dge slong dag gis bcom 
ldan 'das la gsol pa dang / bcom ldan 'das kyis bka' stsal pa/ dge slong gis gcig la gcig gso sbyong gi dad pa dang / yongs su dag pa sbyin par mi bya'o/ /dge slong gis gcig la gcig gso sbyong gi dad pa dang / yongs su dag pa sbyin na 'gal tshabs can 
du 'gyur ro/ /gleng gzhi ni mnyan yod na'o/ /bcom ldan 'das kyis dbyar gnas par khas blangs pa'i dge slong gis gnas gsum po mthong ba dang / thos pa dang / dogs pas dgag dbye bya'o zhes bka' stsal pa dang / drug sde dag mtshams kyi phyi rol na gnas shing dgag 
dbye'i dad pa dang / yongs su dag pa 'bul ba rgyas par thams cad gso sbyong bzhin no// //sdom ni/ dge slong bgrang bar bya ba dang / /tshul shing dag dang gang 'dod dang / /stan gcig khyim na gnas pa dang / /dge tshul gsar bu mi 'dug pa'o/ /sangs rgyas bcom ldan 
'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na bram ze zhig 'dug pa de bya ba cung zad cig la phyir byung nas rgyal byed kyi tshal du song ba dang / de re zhig 'di na dge slong du zhig gnas dri'o snyam pa'i 'dod pa 

</font><hr>10-1-256b<br><font size=+1>
skyes nas/ des dge slong rnams la dris pa/ 'phags pa dag 'di na dge slong du zhig gnas/ de dag gis smras pa/ bram ze ma shes so/ /bram zes smras pa/ yul ko sa la'i rgyal po gsal rgyal gyi khrom gyi ru'i grangs kyang shes na khyed kyis dge slong dag mi shes 
pa lta/ de dag cang mi smra bar 'dug pa dang / bram ze de song ngo / /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag bgrang bar bya'o/ /bcom ldan 'das kyis dge slong dag bgrang bar bya'o zhes 
bka' stsal pa dang / dge slong dag gis gcig ces bya ba la sogs pas bgrangs ba dang / phyis brjed nas bcom ldan 'das kyis bka' stsal pa/ gcig ces bya ba la sogs pas bgrang bar mi bya'o/ dge slong dag gis sor mos 'dzugs shing bgrangs na 'on 
kyang brjed nas/ bcom ldan 'das kyis bka' stsal pa/ sor mos gzugs shing bgrang bar mi bya'o/ /bcom ldan 'das kyis dge slong dag gis gcig ces bya ba la sogs pas bgrang bar mi bya/ sor mos btsugs shing bgrang bar mi bya'o zhes bka' stsal 
pa dang / dge slong dag gis ji ltar bgrang ba ma shes so/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ tshul shing brim par bya zhing brims nas bgrang bar bya/ bgrangs nas dge 'dun la dge slong 
'di snyed do zhes brjod par bya'o/ /bcom ldan 'das kyis tshul shing brim par bya'o zhes bka' stsal pa dang / dge slong dag gis nyi ma'am zla ba'am/ lo gang la brim pa mi shes nas bcom ldan 'das kyis bka' stsal pa/ dbyar nye bar gtong ba'i tshe tshul shing brim par 
bya'o/ /bcom ldan 'das kyis dge slong dag bgrang bar bya'o zhes bka' stsal pa dang / mnyan yod na khyim bdag cig gnas pa de dus dus su rgyal byed kyi tshal du nye bar 'ongs te/ des de na dge slong dag bsam gtan dang / 'don pa dang / yid la byed pa'i rnal 

</font><hr>10-1-257a<br><font size=+1>
'byor la brtson pa mthong nas/ de de dag gi spyod lam dang / spyod pa dang / sgrub pa des mngon par dad de/ des bsams pa/ re zhig 'di na dge slong ji snyed cig yod pa dris la phyis spyan [(]dras [,]drangs [)]te bshos gsol lo snyam nas/ des dge slong rnams 
la dris pa/ 'phags pa/ dge slong ji snyed cig bzhugs/ dge slong dag gis smras pa/ 'di snyed cig go/ /des rkang pa la phyag 'tshal te song nas rang gi khyim du phyin te nang mi la smras pa/ song kho bos sangs rgyas la sogs pa dge slong gi dge 'dun bshos gsol 
gyis khyed kyis dge slong 'di snyed cig gi bshos sbyor cig /de dag gis smras pa/ rje'i sras legs te de bzhin du bgyi'o zhes de dag gis hwags dang / bu ram dang / sha ka ra la sogs pa sta gon bya bar brtsams so/ /khyim bdag de yang mdza' bo dang / nye 
du dang / phu nu rnams sbran nas bshams zin pa'i dus su de dag dang lhan cig rgyal byed kyi tshal du song ste/ rgan pa'i mtha' nas rkang pa la phyag byas nas/ dge skos la smras pa/ 'phags pa khyim bdag che ge mo zhig sang sangs rgyas la sogs pa dge slong gi dge 
'dun sdum par gdugs tshod la spyan 'dren to/ /zhes de skad gsungs shig /dge skos kyis smras pa dang / dge slong gi dge 'dun gyis gnang nas de rkang pa la phyag 'tshal te song ngo / /dge slong gzhan dag cig kyang ljongs rgyu ba rgyu zhing mnyan yod du phyin to/ /de nas khyim 
bdag de de nyid kyi nub mo bza' ba dang bca' ba gtsang zhing bsod pa sta gon byas nas/ nang par sngar langs te gdan bshams chu ra bzhag nas/ bcom ldan 'das la pho nya las btsun pa gdugs tshod bshams lags na/ bcom ldan 'das kyis da de'i dus la bab par 
dgongs su gsol zhes gdugs tshod gdas par gsol to/ /dge slong rnams snga dro sham thabs bgos lhung bzed dang chos gos thogs te khyim bdag de'i khyim du dong ngo / /bcom ldan 'das ni gtsug lag khang na bzhugs shing gdugs tshod der drangs so/ /

</font><hr>10-1-257b<br><font size=+1>
sangs rgyas bcom ldan 'das rnams ni rgyu lngas gtsug lag khang na bzhugs shing gdugs tshod 'dren te/ lnga gang zhe na/ nang du yang dag 'jog par bzhed pa yin/ lha rnams la chos ston par bzhed pa yin/ gnas mal la gzigs par bzhed pa yin/ nad 
pa la gzigs par bzhed pa yin/ nyan thos rnams 'dul ba la bslab pa'i gzhi bca' bar bzhed pa yin no/ /don 'di la ni bcom ldan 'das nyan thos rnams 'dul ba la bslab pa'i gzhi bca' bar bzhed nas gtsug lag khang na bzhugs shing der gdugs tshod drangs so/ /
khyim bdag des dge slong gi dge 'dun gyi tshad bzhin stan bshams/ zan sta gon byas pa las ji tsam na dge slong rab tu mang bar mthong nas des smras pa/ 'phags pa bdag gis khyed kyis dge slong ji snyed yod pa bstan pa de snyed kyi dge slong gi gdan bshams/ 
bshos sta gon byas na dge slong mang du byon to/ /dge slong rnams kyis smras pa/ khyim bdag dge slong glo bur pa dag lhags kyis rab tu dga' ba skyed cig /des smras pa/ 'phags pa kye ma khyed kyis dge slong gzhan dag kyang 'ongs so zhes bgyis dang / bdag gis 
bshos kyang mang du sta gon bgyis/ gdan yang mang du bshams pa zhig /dge slong dag spobs pa med nas cang mi smra bar 'dug go/ /de na kha cig tha ma ma smyungs tsam du gyur te/ de dag la dge slong rnams gshe bzhin du kham zin tsam za bar gyur to/ /skabs de dge 
slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge skos kyi dge slong glo bur ba 'di snyed cig lhags so zhes dge slong glo bur pa rnams shes par byas nas khyim bdag la sbran par bya'o/ /dge slong gzhan dag 
gcig zan gyi thad ka kho nar 'ongs nas bcom ldan 'das kyis bka' stsal pa/ de dag kyang sbran par bya'o/ /dge slong gzhan dag gcig sngar bos pa las gud du song nas/ bcom ldan 'das kyis bka' stsal pa/ de dag kyang sbran par bya'o/ /gzhan yang ngas 

</font><hr>10-1-258a<br><font size=+1>
dge 'dun gyi gnas brtan gyi dge slong gi kun tu spyad pa'i chos bca' bar bya ste/ dge 'dun gyi gnas brtan gyis dge slong gi dge 'dun blta bar bya zhing / gal te dge slong ni mang zan ni nyung na/ sbyin bdag la bzhin bzangs zan ni nyung / dge slong 
ni mang gis snyoms par rims shig ces brjod par bya'o/ /'on te zan ni mang dge slong ni nyung na des bzhin bzangs zan ni mang gis ci 'byor pa bzhin rims shig ces brjod par bya'o/ dge 'dun gyi gnas brtan gyi dge slong gis kun tu spyad pa'i chos ji ltar bcas pa 
rnams yang dag par blangs te mi 'jug na 'gal tshabs can du 'gyur ro/ /gleng gzhi ni mnyan yod na'o/ /de nas tshe dang ldan pa 'char ka snga dro sham thabs bgos lhung bzed dang chos gos thogs te mnyan yod du bsod snyoms kyi phyir zhugs so/ /mnyan yod du bsod snyoms la 
brgyus nas/ btsun mo phreng ldan ma ga la ba der song ste phyin nas btsun mo phreng ldan ma la chos bstan par brtsams so/ /des de la chos ston pa na ri dgas 'dzin gyi ma sa ga dge slong gi dge 'dun gyi na ba'i sman khyer nas glu dang rol mo'i sgra dang / rgyal byed kyi tshal 
du chas pa btsun mo phreng ldan mas thos nas des smras pa/ 'phags pa glu dang rol mo'i sgra grags pa'o ni su'i lags/ des smras pa/ btsun mo ri dgas 'dzin gyi ma sa ga dge slong gi dge 'dun gyi na ba'i sman khyer nas 'gro ste/ sgra 'o ni de'i yin no/ /des smras pa/ 
'phags pa gal te de lta na btsun mo phreng ldan gyis dge slong gi dge 'dun la na ba'i sman gyis bstabs so zhes bdag gi ming gis dge slong gi dge 'dun la brjod pa'i rigs so/ /des smras pa/ btsun mo legs te/ bcom ldan 'das kyis kyang gang zhig nad pa la 
rim gro byed pa de ni nga la rim gro byed pa yin no zhes gsungs pas/ khyod kyis ming gis dge slong gi dge 'dun la bstab par bya'o zhes smras nas/ btsun mo phreng ldan ma la nad med par gyur cig ces byas te stan las langs nas song ngo / /de nas gtsug lag khang 

</font><hr>10-1-258b<br><font size=+1>
du song ste/ rgan pa'i mthar 'dug nas smras pa/ btsun mo phreng ldan mas dge slong gi dge 'dun la na ba'i sman gyis bstabs kyis/ gang zhig sman gang 'dod pa de song la slongs shig /dge skos kyis bsgo ba dang / dge slong rnams kyis smras pa/ tshe dang ldan pa 'char ka 
bcom ldan 'das kyis rgyal po'i pho brang du 'gro ba la nyes dmigs bcu yod do zhes ma gsungs sam/ de ji ltar bdag cag gis sman gyi phyir bslab pa las 'da' bar bya/ de spobs pa med nas cang mi zer bar 'dug ste/ dge slong 'ga' yang phreng ldan ma las sman mi slong ngo / /ji tsam 
na tshe dang ldan pa 'char ka yang btsun mo phreng ldan ma'i der song ba dang / des smras pa/ 'phags pa khyod kyis bdag gi ming gis dge slong gi dge 'dun la na ba'i sman gyis ma bstabs sam/ btsun mo bstabs so/ /'phags pa gal te de lta na ci'i slad du dge slong dag mi byon/ 
btsun mo bcom ldan 'das kyis rgyal po'i pho brang du 'gro ba la nyes dmigs bcu yod do zhes ma gsungs sam/ dge slong dag 'dir ji ltar 'ong / 'phags pa gal te de lta na bdag gis 'di la ji ltar bsgrub par bgyi/ btsun mo tshong dus pa'i tshong pa'i lag tu kAr ShA pa Na dag gtad na/ dge 
slong gang zhig gang 'dod pa de de las de slong grang / des smras pa/ 'phags pa legs te de ltar bgyi'o zhes tshong 'dus pa'i tshong pa'i lag tu kAr ShA pa Na dag gtad nas smras pa/ 'phags pa dag rgyal po'i pho brang du mi 'ong gis dge slong gang zhig gang 'dod pa de la de byin cig /
tshong pas rgyal mo'i bkas kAr ShA pa Na dag blangs te bzhag pa dang / dge slong rnams kyis lha mo phreng ldan mas spos 'tshong che ge mo zhig la kAr ShA pa Na dag gtad de/ dge slong gang zhig gang 'dod pa de khyod kyis sbyin par bya'o zhes bsgo ba thos nas song la bslang ngo snyam mo/ /de na dge 
slong kha cig ni song nas smras pa/ bzhin bzangs kho bo cag la khur skam dang / khur ba dang / sha khu dag byos la byin cig /kha cig gis smras pa/ kho bo cag la khur ba dang sha skam byin cig /kha cig gis smras pa/ kho bo cag la sha khu khrol bu dang / tshog pa byin cig /de 

</font><hr>10-1-259a<br><font size=+1>
de dag gis gtses pa dang / smras pa/ 'phags pa bdag ni khur mkhan yang ma lags sha g.yos mkhan yang ma lags pas/ dbyig 'di snoms te bzhud la gang zhig gang bzhed pa des de bgyid du stsol cig /de dag gis smras pa/ bzhin bzangs 
bcom ldan 'das kyis dbyig ma gnang ngo / /des smras pa/ 'phags pa bdag ni spos 'tshong ste tshong 'dus kyis 'tsho ba lags na/ de lta na bdag gi 'tsho ba 'chad par 'gyur ro/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' 
stsal pa/ /sbyin bdag la yid brtan te kAr ShA pa Na dag blangs nas ci 'dod par yongs su spyad par bya ste/ 'di la 'gyod par mi bya'o/ /gleng gzhi ni mnyan yod na'o/ /drug sde rnams khyim pa dag dang lhan cig stan gcig la 'dug pa bram ze dang / khyim bdag dad pa can dag gis mthong 
nas 'phya bar byed cing / 'phags pa khyed rab tu byung ba tshangs par spyod pa yin na/ ji ltar 'dod pa'i longs spyod spyod pa 'di dag dang lhan cig stan gcig la 'dug ces byas pa dang / de dag cang mi zer bar 'dug pa'i skabs de dge slong rnams kyis bcom ldan 'das la gsol pa dang / 
bcom ldan 'das kyis bka' stsal pa/ dge slong dag bram ze dang / khyim bdag dad pa can dag 'phya ba ni thog tu bab bo/ /de lta bas na dge slong dag gis khyim pa dag dang lhan cig stan gcig la 'dug par mi bya ste/ 'dug na 'gal tshabs can du 'gyur ro/ /bcom ldan 'das 
kyis khyim pa dag dang lhan cig stan gcig la 'dug par mi bya'o zhes bka' stsal pa dang / dge tshul dag dang lhan cig stan gcig la 'dug pa dge bsnyen dag gis mthong nas smras pa/ 'phags pa khyed ni bsnyen par rdzogs pa lags na/ ji ltar dge tshul dag dang lhan cig stan 
gcig la bzhugs de dag gis smras pa/ tshe dang ldan pa dag 'di dag ni khyim pa ma yin te/ 'di dag dge sbyong yin na 'di la 'gal ba ci zhig yod/ de dag cang mi smra bar 'dug pa'i skabs de dge slong dag gis bcom ldan 'das la gsol pa dang / bcom ldan 'das kyis bka' 

</font><hr>10-1-259b<br><font size=+1>
stsal pa/ bsnyen par ma rdzogs pa dang lhan cig stan gcig la 'dug par mi bya'o/ /bcom ldan 'das kyis bsnyen par ma rdzogs pa dang lhan cig stan gcig la 'dug par mi bya'o zhes bka' stsal pa dang / dge slong rgan pa rgan pa dag gsar bu gsar bu dag dang lhan 
cig stan gcig la 'dug pas gsar bu rnams rgan pa rnams la ma gus par byed pa'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ rgan pa dang gsar bu lhan cig stan gcig la 'dug par mi bya'i/ 'on kyang bar na lo 
gsum zhugs pa dang lhan cig stan gcig la 'dug par bya ste/lor ma lon pa dang / lo gsum lon pa yang lhan cig 'dug par bya zhing / lo gcig lon pa dang / lo bzhi lon pa nas de bzhin du lo dgu lon pa dang / lo bcu gnyis lon pa'i bar yang lhan cig 'dug par bya'o/ /
bcom ldan 'das kyis bar na lo gsum zhugs pa dang lhan cig 'dug par bya ste/ lor ma lon pa dang / lo gsum lon pa yang lhan cig 'dug par bya zhing / lo gcig lon pa dang / lo bzhi lon pa nas de bzhin du lo dgu lon pa dang / lo bcu gnyis lon pa'i bar yang lhan 
cig 'dug par bya'o zhes bka' stsal te/ bcom ldan 'das kyis bar na lo gsum zhugs pa dang lhan cig 'dug par bya'o zhes bka' stsal pa dang / dge slong dag khyim gyi nang du yang bar na lo gsum zhugs pa dang lhan cig 'dug par mi byed pas des stan dag ma 'byor nas/ 
bcom ldan 'das kyis bka' stsal pa/ khyim gyi nang du ni slob dpon dang mkhan po dag dang yang lhan cig 'dug par bya ste 'di la 'gyod par mi bya'o// //sdom ni/ dge tshul khri'u g.yogs mi sbyin dang / /dge tshul kha drang mi bya dang / /mna' dang skugs 'dzugs mi bya dang / /stag 
gi god ma mi bza' ba'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis chos nyan pa'i stan bsham par bya'o zhes bka' stsal pa dang / dge tshul dag kyang khri'u g.yogs ma 

</font><hr>10-1-260a<br><font size=+1>
can la 'dug nas chos nyan par byed de/ /de dag gnyid log nas de nyid du bshang gci shor te khri'u g.yogs ma can dag ma rung bar gyur pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge 
tshul la khri'u g.yogs ma can sbyin par mi bya'o/ /bcom ldan 'das kyis dge tshul la khri'u g.yogs ma can sbyin par mi bya'o zhes bka' stsal pa dang / tshe dang ldan pa shA ri'i bu'i dge tshul skul byed ces bya ba de chos nyan du song ba dang / de la dge slong dag gis khri'u rkyang pa zhig 
byin pa dang / des smras pa/ tshe dang ldan pa dag ci'i phyir bdag la khri'u rkyang pa sbyin/ de dag gis smras pa/ bcom ldan 'das kyis dge tshul rnams la khri'u g.yogs ma can bkag go/ /des smras pa/ tshe dang ldan pa dag ci kho bo yang nyes dmigs de byed dam/ skabs de dge 
slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge tshul gang dag dran pa nye bar 'jog pa de dag la/ khri'u g.yogs ma can sbyin par bya'i/ gzhan dag la ni ma yin no/ /gleng gzhi ni mnyan yod na'o/ /dge slong zhig la 
dge tshul zhig yod pa de la des nan tur byas pa dang / de rgyal byed kyi tshal gyi sgo na ngu zhing 'dug go/ /drug sde las gang yang rung ba zhig gis rgyal byed kyi tshal gyi sgo mi stong pa yin pas tshe dang ldan pa nye dga' sgo na 'dug pa des de mthong nas des smras pa/ dge tshul ci'i phyir 
ngu / des smras pa/ btsun pa nye dga' bdag mkhan pos nan tur byas so/ /bu tshur ngas khyod kyi lhung bzed dang / chos gos dang / dra ba dang / phor bu dang / ska rags dang / khyod gang dang gang gis phongs pa de dang des mi phongs par bya'o zhes des gnas khang du khrid do/ /
bcom ldan 'das kyis nan tur byas nas yal bar dor bar mi bya'o/ /'on kyang slar dgug par bya'o zhes bka' stsal pas/ dge slong des dge sbyong de la dge slong zhig mngags nas des de la smras pa dang / des smras pa/ kho bo la mkhan po ci dgos/ nye dga'as kho bo'i 

</font><hr>10-1-260b<br><font size=+1>
yo byad thams cad sbyar bas mi 'gro'o/ /dge slong de 'phya bar byed/ gzhogs phyas byed/ smod par byed de/ bdag gis rab tu phyung ba nye dga'as kha phyung ngo zhes zer ba'i skabs de dge slong dag gis bcom ldan 'das la gsol pa dang / bcom ldan 'das kyis bka' 
stsal pa/ dge slong gis gzhan gyis dge tshul kha drang bar mi bya ste kha 'dren na dbyen dang nye ba'i nyes pa sbom por 'gyur ro/ /gleng gzhi ni mnyan yod na'o/ /drug sde rnams gang dang gang du dgos par mna' 'dor bar byed de/ sangs rgyas la mna' 'dor/ chos dang dge 
'dun la mna' 'dor/ slob dpon dang mkhan po la mna' 'dor ba dang / bram ze dang khyim bdag dad pa can rnams kyis smras pa/ slob dpon dag bdag cag khyim pa lags kyang / ston pa la mna' 'dor bar mi bgyid na/ khyed rab tu byung ba lags na ji ltar ston 
pa la mna' 'dor 'di ni 'tsham pa ma lags so zhes byas pa dang / de dag cang mi zer bar 'dug pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag bram ze dang khyim bdag dad pa can 
rnams 'phya ba ni thog tu bab po/ /rab tu byung ba ni bden pa'i bsam pa can yin te/ de lta bas na dge slong gis mna' 'dor bar mi bya'o/ /dge slong mna' 'dor na 'gal tshabs can du 'gyur ro/ /gleng gzhi ni mnyan yod na'o/ /drug sde dag gang dang gang du dgos 
par lhung bzed dang / chos gos dang / dra ba dang / phor bu dang / ska rags dang / gzhan yang dge sbyong gi yo byad gang yang rung ba dag skugs su 'dzugs par byed pa bram ze dang khyim bdag rnams kyis mthong nas 'phya bar byed cing 'phags pa khyed ci khyim pa dag 
bzhin du lhung bzed la sogs pa yo byad skugs su 'dzugs sam/ de ni 'tsham pa ma yin no/ /de dag gis smras pa/ sgog skya zos sam/ chang 'thungs sam/ 'di la mi 'tsham pa ci zhig yod/ de dag cang mi zer bar 'dug pa'i skabs de dge slong rnams kyis 

</font><hr>10-1-261a<br><font size=+1>
bcom ldan 'das la gsol pa dang / bcom ldan 'das kyis bka' stsal pa/ dge slong dag bram ze dang khyim bdag rnams 'phya ba ni thog tu bab po/ /de lta bas na dge slong gis skugs gzugs par mi bya ste/ dge slong skugs 'dzugs na 'gal 
tshabs can du 'gyur ro/ /gleng gzhi ni mnyan yod na'o/ drug sde rnams kyi kun tu spyod pa ni nang par sngar langs nas khang thog tu 'dzegs te phyogs bzhir blta zhing de dag gang na du ba 'thul ba'am/ bya rgod lding ba snang ba der myur du gom pa bslang ste 'gro bar byed 
do/ /ji tsam dus gzhan zhig na nye dga' nang par sngar khang thog tu 'dzegs te blta bar brtsams na/ des bya rgod lding ba mthong nas de rings pa rings par song ba dang / ji tsam na stag gis nags thibs po'i sa phyogs zhig tu god ma zhig sbas pa mthong nas de dga' ste/ de 
khyer nas rgyal byed kyi tshal du song ba dang / stag dri snom zhing phyi bzhin 'brangs nas rgyal byed kyi tshal gyi sgo na sgra 'byin par byed do/ /sangs rgyas bcom ldan 'das rnams ni mkhyen bzhin du rmed par mdzad pa yin pas bcom ldan 'das kyis tshe dang ldan pa kun dga' bo 
la rmas pa/ stag 'o ni ci ste skad 'byin/ des gsol pa/ btsun pa des god ma sbas pa de btsun pa nye dga'as 'tshal te mchis pa'i slad du'o/ /bcom ldan 'das kyis bka' stsal pa/ kun dga' bo dge slong stag gi god ma za'am/ btsun pa 'tshal lags so/ /
kun dga' bo ri dgas kyi rgyal po seng ge ni ri dgas bzang po bzang po dag bsad nas sha bzang po dag zos shing khrag bzang po dag 'thungs nas bor te 'gro'i/ stag ni god ma sbed par byed pas de lta bas na dge slong gis stag gi god ma bza' bar mi bya ste/ za na 'gal tshabs 
can du 'gyur ro/ /dge slong dag gzhan yang ngas dge 'dun gyi gnas brtan gyi kun du spyad pa'i chos bca' bar bya ste/ dge 'dun gyi gnas brtan gyi dge slong gis sha 'drim pa'i tshe 'di ci'i sha stag gi god ma ma yin nam zhes dri bar bya'o/ /ma dris par len na 'gal tshabs can 

</font><hr>10-1-261b<br><font size=+1>
du 'gyur ro// //sdom ni/ tshul shing rnams ni brims pa na/ /spun gnyis dag ni gab pa dang / /la ba bsgyur bar bya ba dang / /de lta bu la sogs pa'o/ sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba 
na bzhugs so/ ri 'or zhig na gtsug lag khang zhig yod de/ ji tsam dus gzhan zhig na dga' bo dang / nye dga' ljongs rgyu zhing dong ba las ri 'or der phyin to/ /de dag der phyin pa na dge 'dun la yang rnyed pa zhig grub na de dag gnas ngan len kun tu spyod pa yin pas dge 
slong gang gis kyang ma bcar ba dang / nye dga' bos dga' bo la smras pa/ slob dpon lhung bzed nag po can 'di dag khengs pa nga rgyal can dag cig pas gtses tshul spyon/ gab ste bzhugs la 'di dag rnyed pa ji ltar 'ged pa gzigs so/ /des smras pa/ legs te de 
bzhin bya'o zhes de dag gab ste 'dug pa dang / dge 'dun gyis rnyed pa de bgos so/ /gang gi tshe rnyed pa bgos zin pa de'i tshe de dag 'ongs nas smras pa tshe dang ldan pa dag dge 'dun gyi rnyed pa grub pa bgo'o/ /dge slong rnams kyis smras pa/ khyed ga las da gzod 'dir 'ongs kyi/ 
rnyed pa de 'drim pa'i tshe ma yin/ de dag gis smras pa/ ci khyed bgod rgyu zhig yin nam/ bgos par mi chud kyi bgo nyes te/ ci khyod kyis go bar byas nas bgos sam/ skabs de dge slong rnams kyis bcom ldan 'das la gsol pa dang / bcom ldan 'das kyis 
bka' stsal pa/ dge 'dun la deng dge 'dun gyi rnyed pa 'drim na/ dge slong gang yang gang du yang ma 'gro shig ces go bar byas nas rnyed pa brim par bya'o/ /dge slong rnams kyis rnyed pa de slar bsdus so/ /bsdus nas dge 'dun la dge 'dun gyi rnyed pa 'drim na/ dge 
slong gang yang gang du yang ma 'gro shig ces bsgo nas/ de dag gis bgo bar brtsams pa dang / dga' bo dang nye dga' de bzhin du gab ste 'dug go// //'dul ba phran tshegs kyi gzhi/bam po nyi shu gsum pa/ gang gi tshe dge 'dun gyis rnyed pa de bgos 

</font><hr>10-1-262a<br><font size=+1>
zin pa de'i tshe de dag yang 'ongs nas smras pa/ tshe dang ldan pa dag tshur rnyed pa de bgo'o/ /dge slong dag gis smras pa/ khyed gang nas da gzod 'dir 'ongs kyi rnyed pa de dge 'dun la go bar byas nas 'drim pa'i tshe ni ma yin/ de dag gis smras pa/ gal te 
khyed kyis go bar byas kyang bgos par mi chud kyi bgo nyes te/ ci khyod kyis go bar byas nas gaN+DI brdungs sam/ skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ go bar byas nas gaN+DI brdungs te dge 
'dun la rnyed pa de brim par bya'o/ /dge slong rnams kyis yang rnyed pa de slar bsdus so/ /bsdus nas de bzhin du go bar byas te/ gaN+DI brdungs nas bgo bar brtsams pa dang / de dag de kho na bzhin du gab ste 'dug go/ /gang gi tshe rnyed pa de bgos zin pa de'i tshe yang 
'ongs te de kho na bzhin du smras pa dang / dge slong rnams kyis smras pa/ dge 'dun la yang go bar byas/ gaN+DI yang brdungs nas khyed ga las da gzod 'dir 'ongs/ de dag gis smras pa/ khyod kyis go bar yang byas/ gaN+DI yang brdungs kyang ci ga khyed kyis 
tshul shing brims sam/ bgos par mi chud kyi bgo nyes so zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ go bar byas te gaN+DI brdungs nas tshul shing brim par bya'o/ /dge slong rnams 
kyis yang rnyed pa de bsdus so/ /bsdus nas go bar byas/ gaN+DI brdungs/ tshul shing brims te bgo bar brtsams pa dang / de dag de kho na bzhin du gab ste 'dug go/ /gang gi tshe rnyed pa de bgos zin pa de'i tshe de dag 'ongs nas de kho na bzhin du smras pa dang / dge slong 
rnams kyis smras pa/ tshe dang ldan pa khyed kyis dge 'dun la de ltar co dri'am/ dge 'dun la go bar byas/ gaN+DI brdungs tshul shing brims na khyed ga las da gzod 'dir phyin/ de dag gis smras pa/tshe dang ldan pa dag rnyed pa lta phar zhog /gal te de lta na kho 

</font><hr>10-1-262b<br><font size=+1>
bo cag gis dge 'dun ji ltar co dris pa smros shig /gal te khyod kyis dge 'dun la go bar byas/ gaN+DI brdungs/ tshul shing brims na de ci khyed kyis kho bo cag gi bgo skal bstan tam/ der zad/ rnyed pa med kyang bla 'gro'o zhes zer ba'i skabs de dge slong rnams 
kyis bcom ldan 'das la gsol pa dang / bcom ldan 'das kyis bka' stsal pa/ dge 'dun la go bar byas/ gaN+DI brdungs/ tshul shing brims nas gang zhig mi snang ba de'i bgo skal bstan nas bgo bar bya'o/ /bgos zin te 'ong ba gang yin pa de la ni 
rnyed pa sbyin par mi bya ste/ gal te de ltar bgos na legs par bgos pa yin pas 'di la 'gyod par mi bgyi'o/ /dge slong gis ched du bsams te de ltar dge 'dun la co dri bar yang mi bya'o/ /dge slong ched du bsams te dge 'dun la co 'dri bar byed na 'gal 
tshabs can du 'gyur ro/ gleng gzhi ni mnyan yod na'o/ /gang gi tshe khyim bdag mgon med zas sbyin gyis rgyal byed kyi tshal phyogs bzhi'i dge slong gi dge 'dun la phul nas tshon rtsi'i khyad par rnam pa sna tshogs kyis phyi nang bcas te ri mo bris pa de'i tshe mnyan yod 
na gnas pa'i skye bo'i tshogs kyis ji ltar khyim bdag mgon med zas sbyin gyis rgyal byed kyi tshal tshon rtsi'i khyad par rnam pa sna tshogs kyis phyi nang bcas te ri mo bris nas mchog tu phun sum tshogs par byas pa thos te/ de'i tshe srog chags brgya stong phrag du ma 
rgyal byed kyi tshal blta ba'i phyir nye bar song ngo / /yang de'i tshe mnyan yod na bram ze zhig gnas pa de la rgyal po dang / blon po dang / grong mi rnams bram ze 'di mdzes so zhes mngon par dad de des rgyal po'i pho brang nas chen po la 'os pa'i la ba zhig thob bo/ /
des de bgos nas rgyal byed kyi tshal du ltad mo ltar song ba dang / de mthong ma thag kho nar dad pa chen po skyes nas des la ba de phyogs bzhi'i dge slong gi dge 'dun la phul lo/ /bcom ldan 'das kyis gos kyi rnyed pa byung na tha na me mar gyi snying po'i rgyu tsam du yang mnyam 

</font><hr>10-1-263a<br><font size=+1>
par bgo'o zhes gsungs pas/ dge slong rnams kyis de tshal bu tshal bur byas nas mnyam par bgos so/ /bram ze des bsams pa/ la ba de chen po la 'os pa zhig pas bdag gis 'phags pa rnams la kAr ShA pa Na dag phul la slar blang ngo snyam 
ste de nang par sngar langs nas rgyal byed kyi tshal du song ba dang / rgyal byed kyi tshal gyi sgo na dge slong mang po dag cig 'dug go/ /des smras pa/ 'phags pa dag phyag 'tshal lo/ /bram ze chen po nad med cig /'phags pa la la ba phul ba de khyed kyis cir bgyis/ 
dge slong rnams kyis smras pa/ bram ze chen po rjes su yi rang bar gyis shig /kho bo cag gis mnyam par bgos so/ gcig gis smras pa/ bdag gis ni bgo skal zhwa la glan no/ /gzhan zhig gis smras pa/ bdag gis ni lham yu thung la glan no/ /gzhan 
zhig gis smras pa/ bdag gis ni stod kor la glan no/ /gzhan zhig gis smras pa/ bdag gis ni lhung bzed phyi bar byas so/ des smras pa/ 'phags pa la ba de chen po la 'os pa zhig na kye ma khyed kyis de kAr ShA pa Na dag tu bsgyur la kAr ShA pa Na dag bgo 
'dad cig ces zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag bram ze de zer ba bden te/ de lta bas na dge 'dun la gos kyi rnyed pa de lta bu grub pa gang yin pa de kAr ShA 
pa Na dag tu bsgyur la/ kAr ShA pa Na dag bgo bar bya'o// //sdom ni/ /rung ba ma yin lnga dag gi/ /lham ni dgag pa mdzad pa dang / /dom lpags kyi ni lham dag dang / /de yi steng gi rim pa'o/ /sangs rgyas bcom ldan 'das mnyan yod na rgyal bu 
rgyal byed kyi tshal mgon med zas sbyin gyi kun dga' ra ba na bzhugs so/ /drug sde rnams kyis smras pa/ dga' bo nye dga' bo bdag cag gis mnyan yod du skye bo mang po thams cad la ma lus par bza' ba'i rim bslangs na/ rgyal po'i glang po che 'dul ba de dag gis 

</font><hr>10-1-263b<br><font size=+1>
bdag cag la cung zad kyang ma byin gyis tshur shog 'dong cung zad cig bslang ngo / /de na kha cig gis smras pa/ legs te de ltar bya mod kyi/ 'on kyang thabs shig bsham par bya'o/ /ci zhig bya/ seng ge'i pags pa las lham byas la de bgos te rdzi kar 'dug 
nas glang po che rnams bskrog par bya'o/ /gzhan dag gis smras pa/ re zhig de bzhin du bslangs la gal te ma ster na phyis de ltar bya'o zhes de rnams nang par sngar langs te de dag gi drung du song nas smras pa/ bzhin bzangs dag gtum po khyod kyis kho bo cag la zas 
kyi rin mi sbyin nam/ de dag gis smras pa/ 'phags pa khyed la kho bo cag ci rag lus na gang gi phyir kho bo cag gis zas kyi rin sbyin/ drug sde rnams kyis 'jal to zhes byas nas song ngo / /de dag gis sngar gros byas pa bzhin seng ge'i pags pa las lham byas nas 
bgos te de dag glang po che rnams rgyu ba'i rdzi kar dong ste 'dug pa dang / glang po che rnams kyis seng ge'i dri tshor te bred nas gcin rtug stor te 'bros par brtsams so/ /glang po che 'dul ba rnams kyis lcags kyu dag gis zho sha yod med kyis bzung na ma thub pa dang / drug 
sde rnams kyis smras pa/ tshe dang ldan pa dag ma gtang shig ma gtang shig /de dag gis smras pa/ 'phags pa mi thub na ji ltar mi gtang / drug sde rnams kyis smras pa/ kho bo cag gis glan nam/ 'phags pa de ltar gnang na sman che'o/ /tshe dang ldan pa 
dag gal te bza' ba'i rin ster bar dam 'cha' na glan no/ /'phags pa dbul lo/ /bden grang zhes byas nas de dag rdzi phyogs ma yin par dong ste 'dug pa dang / seng ge'i dri mi mnam par glang po che rnams sdod do/ /glang po che 'dul ba rnams kyis smras pa/ 
'phags pa ci khyod rig sngags mkhyen tam/ bzhin bzangs kho bo cag gis rig sngags mi shes so/ /'phags pa gal te de lta na khyed kyis ji ltar bzlog /de rnams kyis ji ltar gyur pa bsnyad pa dang / de dag gis smras pa/ khyed kyis gnod pa 'di lta bu 

</font><hr>10-1-264a<br><font size=+1>
yang byas pa lta/ gal te rgyal po'i glang po che dam pa yan lag mchog can 'di lta bu dag nags kyi nang du shor bar gyur na/ khyed kyis rgyal po la dgu byas par ma gyur tam/ de dag 'dzum dmul nas cang mi zer bar 'dug pa'i skabs de dge slong rnams 
kyis bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni dge slong dag seng ge'i pags pa'i lham gyon pa las gyur gyis/ de'i phyir dge slong gis seng ge'i pags pa'i lham bcang bar mi bya'o snyam du 
dgongs nas/ dge slong rnams la bka' stsal pa/ dge slong dag de lta bas na dge slong gis seng ge'i pags pa'i lham bcang bar mi bya ste/ dge slong seng ge'i pags pa'i lham 'chang na 'gal tshabs can du 'gyur ro/ /bcom ldan 'das kyis dge slong gis seng ge'i 
pags pa'i lham bcang bar mi bya'o zhes bka' stsal pa dang / drug sde rnams kyis stag lpags kyi lham bcang bar brtsams pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na sen mo 
dang / mche ba'i stobs can lnga po glang po cang shes dang / rta cang shes dang / seng ge dang / stag dang / gung gi pags pa'i lham bcang bar mi bya'o/ bcom ldan 'das kyis sen mo dang mche ba'i stobs can lnga'i pags pa'i lham bcang bar mi bya'o zhes bka' stsal 
pa dang / tshe dang ldan pa nye ba 'khor gyis bcom ldan 'das la zhus pa btsun pa sen mo dang mche ba'i stobs can gzhan dag kyang mchis na/ ci lags de dag gi pags pa'i lham yang bcang bar mi bgyi lags sam/ nye ba 'khor de dag gi pags pa'i lham yang bcang bar mi 
bya ste/ 'chang na 'gal tshabs can du 'gyur ro/ /gleng gzhi ni mnyan yod na'o/ /mnyan yod na dge slong zhig gzhang 'brum gyi nad kyis thebs pa de sman pa'i drung du song nas bzhin bzangs bdag gzhang 'brum gyis thebs na sman ston cig des smras pa/ 'phags pa dom lpags 

</font><hr>10-1-264b<br><font size=+1>
kyi lham mnobs shig dang khyod sos par 'gyur ro/ des smras pa/ bcom ldan 'das kyis ma gnang ngo / 'phags pa khyod kyi ston pa ni thugs rje can yin pas gnang bar 'gyur ro skabs de dge slong rnams kyis bcom ldan 'das la gsol pa dang / bcom ldan 'das 
kyis bka' stsal pa/ de lta bas na gnang gis dge slong gzhang 'brum gyi nad kyis thebs pas dom lpags kyi lham bcang bar bya'o/ /bcom ldan 'das kyis dge slong gzhang 'brum gyi nad kyis thebs pas dom lpags kyi lham bcang bar bya'o zhes bka' stsal pa dang / rim 
pa mang po ma rnyed nas/ bcom ldan 'das kyis bka' stsal pa/ gal te rim pa mang por ma rnyed na steng rim cig spun pag tu glan par bya'o// //'dul ba phran tshegs kyi gzhi las sgo lnga pa rdzogs s+ho// //bsdus pa'i sdom ni/ rgyus pa rab snang drag po dang / /
bran dang de bzhin btsod ka dang / /babs pa dang ni tshong dpon dang / /dge slong lhag ma mi dor ba'o/ /sdom ni/ de yi rgyus pa 'breng bu dang / de bzhin brang lhan rting lhan dang / /yu chad dang ni yu thung dang / /sgro gu can dag mi bya'o/ /sangs rgyas bcom ldan 'das 
mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong gis sen mo dang mche ba'i stobs can lnga'i pags pa'i lham bcang bar mi bya'o zhes bka' stsal pa dang / drug sde rnams kyis de dag gi 
rgyus pas lham btsems te nyes dmigs de nyid du gyur nas/ bcom ldan 'das kyis bka' stsal pa/ de dag gi rgyus pas lham btsem par mi bya'o/ /bcom ldan 'das kyis de dag gi rgyus pas lham btsem par mi bya'o zhes bka' stsal pa dang / drug sde rnams 
kyis de dag gi pags pa'i 'breng bus btsems te/ nyes dmigs de nyid du gyur nas/ bcom ldan 'das kyis bka' stsal pa/ de dag gi pags pa'i 'breng bus lham btsem par mi bya'o/ /bcom ldan 'das kyis de dag gi rgyus pa dang pags pa'i 'breng bus lham 

</font><hr>10-1-265a<br><font size=+1>
btsem par mi bya'o zhes bka' stsal pa dang / drug sde rnams kyis de dag gi pags pa las brang lhan byas te nyes dmigs de nyid du gyur nas/ bcom ldan 'das kyis bka' stsal pa/ de dag gi pags pa las brang lhan mi bya'o/ /bcom ldan 'das kyis 
de dag gi pags pa las brang lhan mi bya'o zhes bka' stsal pa dang / drug sde rnams kyis de dag gi pags pa la rting lhan byas te/ nyes dmigs de nyid du gyur nas/ bcom ldan 'das kyis bka' stsal pa/ de dag gi pags pa las rting lhan mi bya'o/ /bcom ldan 'das 
kyis de dag gi pags pa las brang lhan dang / rting lhan mi bya'o zhes bka' stsal pa dang / drug sde rnams kyis de dag gi pags pa las lham yu chad byas te nyes dmigs de nyid du gyur nas/ bcom ldan 'das kyis bka' stsal pa/ de dag gi pags pa las lham yu chad 
mi bya'o/ /bcom ldan 'das kyis de dag gi pags pa las brang lhan dang / rting lhan dang / lham yu chad mi bya'o zhes bka' stsal pa dang / drug sde rnams kyis de dag gi pags pa las lham yu thung byas te/ nyes dmigs de nyid du gyur nas/ bcom ldan 'das 
kyis bka' stsal pa/ de dag gi pags pa las lham yu thung mi bya'o/ /bcom ldan 'das kyis de dag gi pags pa las lham yu thung mi bya'o zhes bka' stsal pa dang / drug sde rnams kyis de dag gi pags pa las lham sgro gu can byas te nyes dmigs de nyid du gyur nas/ 
bcom ldan 'das kyis bka' stsal pa/ de dag gi pags pa las lham sgro gu can mi bya'o// //sdom ni/ rab snang 'dod pa thams cad dang / /dge 'dun bshos dang bzo sbyangs dang / /mgon med zas sbyin khre'u rnams dang / /gtsug lag khang dang bzang po'o// // 
bar sdom ni/ bltam dang rgyal po che dang bdag gi mthu/ /de bzhin mi dkar rab byung rgyal tshab dang / /sangs rgyas rgyal srid nyid dang yan lag mchog /de bzhin rmi lam sa 'dzin skyes dang gnas/ /byang chub sems dpa' dga' ldan gyi gnas na bzhugs pa na rgyal 

</font><hr>10-1-265b<br><font size=+1>
po'i khab kyi grong khyer na rgyal po pad ma chen po zhes bya ba rgyal srid byed du 'jug ste/ chos kyi rgyal po rgyal srid 'byor pa dang / rgyas pa dang / bde ba dang lo legs pa dang / skye bo dang / mi mang pos gang ba 'thab pa dang / rtsod pa dang / 'khrug pa dang / 'khrug long 
rab tu zhi ba/ chom rkun dang / nad med pa/ sA lu dang / bu ram shing dang / ma he phun sum tshogs pa/ chos dang mthun pas byed du 'jug go/ /mnyan yod na ni rgyal po tshangs byin ring du 'phur/ 'phags rgyal na ni mu khyud mtha' yas/ kau shAm bI na ni dmag brgya 
pa zhes bya ba rgyal srid byed du 'jug ste/ rgyal srid rgyas pa dang zhes bya ba nas/ chos dang mthun par byed du 'jug go zhes bya ba'i bar snga ma bzhin no/ /gang gi tshe byang chub sems dpa' bcom ldan 'das dga' ldan gyi gnas na bzhugs pa na gzigs pa lnga po rigs 
la gzigs pa dang / dus la gzigs pa dang / yul la gzigs pa dang / rus la gzigs pa dang / bud med la gzigs pas 'jig rten la gzigs te/ 'dod pa na spyod pa'i lha drug kyang lan gsum du sbyang ba mdzad nas glang po cher bstan pas yum gyi 
lhums su zhugs so/ /de'i tshe sa chen po yang shin tu g.yos par gyur/ /'jig rten 'di thams cad kyang snang ba rgya chen pos sum bcu rtsa gsum pa'i lha rnams kyi kha dog gi mthu yang zil gyis mnan nas khyab par gyur/ 'jig rten dang 'jig rten gyi bar gyi 
mun pa mun gnag thibs po smag tu gyur pa gang du nyi ma dang zla ba 'di ltar rdzu 'phrul che ba/ 'di ltar mthu che ba 'di dag gi 'od kyis snang bar ma nus pa gang dag yin pa de dag kyang de'i tshe snang ba rgya chen pos khyab par gyur te/ der sems can gang dag skyes pa de dag 
rang gi lag nas bzung yang mi mthong ba de dag kyang 'od des sems can phan tshun mthong nas shes ldan dag sems can gzhan dag kyang 'dir skyes pa lta/ shes ldan dag sems can gzhan dag kyang 'dir skyes pa lta zhes bya bar shes so/ /gang gi tshe byang chub 

</font><hr>10-1-266a<br><font size=+1>
sems dpa' bcom ldan 'das bltam pa de'i tshe rgyal po chen po bzhi'i bu yang btsas te/ rgyal po'i khab tu ni rgyal po pad ma chen po'i bu btsas so/ /mnyan yod du ni tshangs byin gyi 'phags rgyal du ni mu khyud mtha' yas kyi/ kau shAm+bIr ni rgyal 
po dmag brgya pa'i bu btsas so/ /byang chub sems dpa' bltam pa na sa chen po 'di gser zhun ma lta bur snang bar gyur pa dang / rgyal po so so nas bsams pa/ bdag gi bu'i mthu'o bdag gi bu'i mthu'o snyam nas de dag so so nas ming 'dogs par byed de/ rgyal po 
pad ma chen pos smras pa/ shes ldan dag nga'i bu btsas pa na nyi ma'i gzugs bzhin du 'jig rten snang bar byas pas de'i phyir gzhon nu'i ming gzugs can snying po zhes gdags so/ /rgyal po tshangs byin ring du 'phur gyis smras pa/ nga'i bu btsas pa na gzhongs rnams 
gsal zhing gsal ba lta bur snang bas de'i phyir gzhon nu'i ming gsal rgyal zhes bya bar gdags so/ /rgyal po mu khyud mtha' yas kyis smras pa/ nga'i bu btsas pa na 'jig rten rab tu snang ba kho nas snang bar byas pas de'i phyir gzhon nu'i ming rab snang zhes bya bar 
gdags so/ /rgyal po dmag brgya pas smras pa/ nga'i bu btsas pa na 'jig rten nyi ma shar ba bzhin du snang bar byas pas de'i phyir gzhon nu'i ming shar bar gdags so/ /de'i tshe ri ki skin da la drang srong mi dkar ba zhes bya ba 'jig rten 'di'i 'jig pa la mkhas pa/ 
'chags pa la mkhas pa zhig gnas so/ /de'i tsha bo na la da zhes bya ba zhig yod pa de de'i drung du yang dang yang du nye bar 'gro'o/ /des nye bar 'ongs pa de la rtag tu 'jig pa dang 'chags pa'i gtam byas te/ de 'jig pa dang 'chags pa'i gtam thos nas skyo ste de'i thad 
du rab tu byung ngo / /des dus gzhan zhig na drang srong mi dkar ba'i phug snang ba rgya chen pos khyab pa mthong ngo / /mthong nas kyang tshigs su bcad de smras pa/ nyi ma thams cad cig car du/ /'dir ni shar bar gyur tam ci/ /'di ltar ri dang phug bcas par/ /'od zer dag 

</font><hr>10-1-266b<br><font size=+1>
gis 'bar ba bzhin/ /mi dkar ba yis de smras pa/ /nyi ma'i 'od tsha 'od 'di bsil/ /lus 'dir snang ba 'jug pas na/ /'di ni nges par thub pa'i 'od/ /byang chub sems dpa' 'od po che/ /gdon mi za bar lhums nas byung / /'di ni byang chub sems dpa' de/ /
byung ba'i 'od ni dri med pa/ /'jig rten gsum po dag kun ni/ /gser dang 'dra ba bkye ba yin/ /na la das smras pa/ mkhan po gal te de lta na tshur spyon/ byang chub sems dpa' gzigs kyis bzhud do/ /des smras pa/ bu da ltar byang chub sems dpa' lha dbang che bar 
grags pa/ dbang che bar grags pa rnams kyis bskor cing bzhugs te/ de bdag cag gis mthong bar sla ba ma yin gyis/ gang gi tshe pho brang du gshegs nas mtshan btags te phyir byung ba de'i tshe ltar 'dong ngo / /gang gi nyin par byang chub sems dpa' bltam pa de 
nyid kyi nyin mo 'dun pa la sogs pa rim gro pa lnga brgya dang / 'dun ma la sogs pa'i rim gro ma lnga brgya dang / glang po che mo lnga brgya dang / rta rgod ma lnga brgya yang btsas shing 'brangs/ gter lnga brgya yang kha bye ste snang ngo / blon po rnams kyis rgyal po zas gtsang la 
sbran pa/ lha zhal rjes dgyes pa mdzad du gsol/ gzhon nu bltam pa na don 'di snyed grub ste/ rim gro pa lnga brgya dang / rim gro ma lnga brgya yang btsas/ glang po che mo lnga brgya dang / rta rgod ma lnga brgya yang 'brangs/ gter lnga brgya yang kha bye ste bstan lags 
so/ /rgyal po zas gtsang gis thos nas yid bde ba skyes te smras pa/ shes ldan dag gzhon nu btsas pa ni nga'i don thams cad dang las kyi mtha' thams cad grub pas de'i phyir gzhon nu'i ming don thams cad grub pa zhes bya bar gdags so zhes byang chub sems dpa'i mtshan 'di lta ste 
don thams cad grub pa zhes bya bar der btags so/ /byang chub sems dpa' rin po che sna bzhi'i khyogs la bzhag ste sems can stong phrag du mas bskor nas lha dang mi'i bkur sti chen pos ser skya'i gzhi'i grong khyer du zhugs so/ /byang chub sems dpa' grong khyer du zhugs 

</font><hr>10-1-267a<br><font size=+1>
pa na shAkya nga rgyal can mur cor smra ba/ thug thub can rnams thub pa bzhin du cang mi smra bar 'dug pa dang / rgyal po zas gtsang gis smras pa/ shAkya nga rgyal can mu cor smra ba thug thub can 'di dag gzhon nu grong khyer du zhugs pa dang thub pa bzhin du cang mi smra 
bar 'dug pas de'i phyir gzhon nu'i ming shAkya thub par gdags so zhes de ni byang chub sems dpa'i mtshan gnyis pa 'di lta ste shAkya thub pa zhes bya ba der btags so/ /shAkya rnams la gnod sbyin gnyug mar gnas pa shAkya spel ba zhes bya ba zhig yod de/ shAkya su'i 
bu'am/ bu mo btsas kyang rung de dang por gnod sbyin shAkya spel ba'i rkang pa la phyag 'tshal du khrid nas rgyal po zas gtsang gis smras pa/ shes ldan dag deng la gzhon nu gnod sbyin shAkya spel ba'i rkang pa la phyag 'tshal du chug shig /blon po rnams kyis de'i 
mdun du khrid pa dang / gnod sbyin shAkya spel bas byang chub sems dpa' thag ring po kho na nas mthong ngo / /mthong nas kyang de brtad de rings pa rings par gom pa bslang nas byang chub sems dpa' bsu ste rkang pa la phyag byas pa dang / rgyal po zas gtsang gis smras pa/ shes 
ldan dag gnod sbyin shAkya spel ba yang gzhon nu'i rkang pa la phyag 'tshal te/ de lta bas na 'di ni lha'i yang lha yin pas de'i phyir gzhon nu'i ming lha'i yang lha zhes gdags so zhes des na byang chub sems dpa'i mtshan gsum pa 'di lta ste/ lha'i yang lha zhes bya ba der btags 
so/ /de nas rgyal po zas gtsang gis byang chub sems dpa' bram ze rnams dang / mtshan mkhan rnams dang / skar mkhan rnams la bstan nas/ shes ldan dag gzhon nu cig gang dag dang ldan na skyes bu chen po'i 'gro ba gnyis su 'gyur gyi gzhan du ma yin te/ gal 
te khyim pa khyim na gnas pa 'khor los sgyur ba'i rgyal po mtha' bzhir rnam par rgyal ba chos kyi rgyal po chos dang mthun pa rin po che sna bdun dang ldan par 'gyur zhing / de'i rin po che sna bdun ni 'di lta bu dag yin te/ 'khor lo rin po che dang / glang po rin po che dang /

</font><hr>10-1-267b<br><font size=+1>
rta rin po che dang / nor bu rin po che dang / bud med rin po che dang / khyim bdag rin po che dang / bdun pa blon po rin po che'o/ /gal te skra dang kha spu bregs nas gos ngur smrig dag bgos te dad pas yang dag par khyim nas khyim med par rab tu phyung na 'jig rten na de bzhin 
gshegs pa dgra bcom pa yang dag par rdzogs pa'i sangs rgyas zhes sgra rnam par grags par 'gyur/ skyes bu chen po'i mtshan sum bcu rtsa gnyis dang ldan nam/ de dag gis smras pa/ lha de lta lags te/ gzhon nu ni gang dag dang ldan na skyes bu chen po'i 'gro ba 
gnyis su 'gyur gyi gzhan du ma lags te zhes bya ba nas 'jig rten na sgra rnam par grags par 'gyur ba skyes bu chen po'i mtshan sum bcu rtsa gnyis dang ldan lags so/ /na la das smras pa/ mkhan po byang chub sems dpa' ser skya'i gzhi'i grong khyer du gshegs te/ 
de'i mtshan yang btags lags kyis tshur gshegs gzigs su bzhud do/ /des smras pa/ bu legs te/ de bzhin byas 'dong ngo zhes de gnyis rdzu 'phrul gyis chas pa dang / byang chub sems dpa'i mthus de'i rdzu 'phrul nyams te rkang pa kho nas ser skya'i 
gzhi'i grong khyer du zhugs nas rgyal po zas gtsang gi pho brang ga la ba der song ste phyin nas rgyal po'i pho brang gi sgo na sdod do/ /de nas drang srong mi dkar bas mi zhig la smras pa/ kye skyes bu khyed tshur shog song la rgyal po zas gtsang la drang srong mi dkar ba lha lta bar 'dod 
de sgo na 'dug go zhes sbron cig /de song nas rgyal po zas gtsang la lha drang srong mi dkar ba lha lta bar 'tshal te chab sgo na mchis so zhes sbran pa dang / des smras pa/ shes ldan dag drang srong mi dkar ba las su 'gog nang du shog shig de nang du zhugs pa dang / rgyal po zas 
gtsang gis byon pa legs so zhes bya ba'i kun du spyod pas kun du spyad nas rkang pa la mchod yon phul te seng ge'i khri la 'dug tu bcug go/ /de nas rgyal po zas gtsang gis de'i rkang pa gnyis la gtugs nas smras pa/ drang srong chen po ci zhig gi slad du byon/ des tshigs 

</font><hr>10-1-268a<br><font size=+1>
su bcad de smras pa/ rgyal chen bdag ni khyod kyi sras/ /blta bar 'tshal nas mchis lags te/ /'jig rten gtso bo rnam 'dren pa/ /thub pa de ni blta 'tshal lo/ /rgyal po zas gtsang gis smras pa/ drang srong chen po gzhon nu gnyid log go/ /
des smras pa/ mnal bzhin blta bar bya'o/ /rgyal po zas gtsang gis smras pa/ drang srong chen po legs kyis de bzhin du mdzod la gzigs shig /des song nas byang chub sems dpa' mig mi 'dzums par gzugs rnams la gzigs pa mthong ngo / /mthong 
nas kyang tshigs su bcad de smras pa/ rigs kyi rta po rnam dag ni/ /nam gyi gung la nyal ba ltar/ /dgos pa don du gnyer rnams kyi/ /mig la yun ring gnyid mi gnas/ /zhes smras nas smras pa/ lha ci gzhon nu bram ze rnams dang / mtshan mkhan rnams 
dang / skar mkhan rnams la bstan tam/ des smras pa/ drang srong chen po bstan to/ /lha de dag gis ci zhig tu lung bstan/ rgyal po zas gtsang gis smras pa/ 'khor los sgyur ba'i rgyal por 'gyur ro zhes mchi'o/ /des byang chub sems dpa' la yan man 
brtag par brtsams pa dang / ji tsam na byang chub sems dpa' la sangs rgyas kyi mtshan rnams mthong nas/ dus ci tsam gyis bdud rtsi thob par 'gyur zhes bsams pa la zhugs nas des lo nyi shu rtsa dgu lon pa dang khyim nas byung ste lo drug tu dka' ba spyad nas bdud rtsi 
thob par 'gyur bar mthong ngo / /de na bdag nyid kyi rgyud bsam pa la zhugs pa dang / bar skabs su 'chi bar mthong nas 'dod pa na spyod pa'i sred pa byung nas de mig mchi mas gang bzhin tshigs su bcad de smras pa/ sa bdag rtog ge rnams kyi blo gros 'khrul/ /dus kyi 
mthar ni 'khor los sgyur mi 'byung / /bsod nams mchog can 'di ni chos kyi mdzod/ /nyes pa rnams las rgyal te sangs rgyas 'gyur/ /mi yi dbang po mtshan gsal min rnams kyis/ /gling bzhi rnams kyi bdag po'i dbang phyug 'gyur/ /shin tu mtshan 

</font><hr>10-1-268b<br><font size=+1>
gsal thub dbang rdzogs sangs rgyas/ /mi mchog chos kyi 'khor lo skor bar 'gyur/ /de nas rgyal pos de mig mchi mas gang ba mthong nas bag tsha ste mi dga' nas slar tshigs su bcad de smras pa/ skyes pa bud med dag ni gang phrad nas/ /ngoms par mi 'gyur dga' ba 
thob 'gyur ba/ /lus bzangs dga' byed de ni 'dir gzigs nas/ /ci slad khyod kyi zhal ni mchi mar bcas/ /bdag gi gzhon nu 'ga' las 'jigs pa'am/ /tshe zad nye bar gnas par mi 'gyur grang / /de slad dge ba 'di myur bdag la gsungs/ /khyod kyi bshums 
mo byung bas bdag 'dar ro/ /des kyang tshigs su bcad de smras pa/ /gal te 'di yi steng du mkha' las ni/ /rdo rje'i char drag rab tu bab gyur kyang / /thub pa chen po'i sku yi spu nyag gcig /kun tu bskyod par nus pa ma yin no/ /tshan chen rlung gis rab tu bskyod pa yi/ /
shin tu mi bzad mtshon rnon rnam dag dang / /sbrul gdug rnams dang shin tu gdug pa'i dug /gzhon nu'i lus la bab kyang smas mi nus/ /mi dbang bdag ni chos mchog mdzod 'di dang / /phrad nas don ma grub par 'chi 'gyur te/ /zhi ba mi 'thob rang gi nyes mthong nas/ /
de yi slad du bdag ni ngu bar bas/ /'jig rten dag ni gang rnams dus su ni/ /smra ba'i dam pa mtshungs med 'di yi chos/ /nyan cing thos nas rab zhi mchog 'gro ba/ /bde skyid bsod nams can de rims nad bral/ /rgyal po zas gtsang gis byang chub sems 
dpas bdud rtsi 'thob par thos nas cang mi zer bar 'dug go/ /log pa'i lta bas nyams pa ni phal chen brdzun smra ba dang g.yo kun du spyod pa la zhugs pa yin pas drang srong mi dkar bas smras pa/ lha khyod kyi grong khyer na gnas pa'i skye bo'i tshogs 'di snyam du kye ma drang srong 
mi dkar ba rkang gis ser skya'i gzhi'i grong khyer du 'ongs kyang ci ma rung snyam du yun ring po nas smon pas bdag skye bo la snying brtse ba'i phyir rkang kho nas ser skya'i gzhi'i grong khyer du 'ongs te rkang kho nas 'byung gis grong khyer mdzes par bgyid du stsol cig /rgyal po zas gtsang gis 

</font><hr>10-1-269a<br><font size=+1>
blon po rnams la bsgo ba/ shes ldan dag drang srong mi dkar ba rkang gis grong khyer nas 'byung gis/ grong khyer dang lam mdzes par byed du chug la dril sgrogs te 'di skad du ser skya'i gzhi na gnas pa'i skye bo'i tshogs dang yul sna tshogs nas lhags pa 
gzhan gyis kyang drang srong mi dkar ba grong khyer nas 'byung ba su zhig ces sgo shig /lha de ltar 'tshal lo zhes blon po rnams kyis ser skya'i gzhi'i grong khyer rdo dang / gseg ma dang / gyo mo med par byas/ tsan dan gyi chus chag chag btab dri zhim po'i pog phor bzhag /
dar gyi lda ldi mang po bres/ rgyal mtshan dang ba dan bsgreng / me tog sna tshogs bkram lha rnams kyi skyed mos tshal dga' ba'i tshal bas kyang lhag par dga' dga' ltar grong khyer mdzes pa dang / lam mdzes par byas nas dril bsgrags te/ 'di skad ces shes ldan grong 
khyer na gnas pa rnams dang / pho brang 'khor ba rnams dang / yul sna tshogs nas lhags pa'i skye bo'i tshogs nyon cig /lhas 'di skad ces drang srong mi dkar ba sang rkang gis ser skya'i gzhi'i grong khyer nas 'byung gis de'i phyir khyed thams cad kyis de su zhig ces bka' stsal 
to/ /ji tsam nam nangs pa dang / drang srong mi dkar ba mi'i mchog stong phrag du mas bkur sti chen pos bskyal nas rkang gis ser skya'i gzhi'i grong khyer nas byung ngo / /des ri ki skin dar song nas yang bsam gtan dag kyang bskyed/ rdzu 'phrul yang bsgrubs so/ /de'i tshe 
rnam par smin pa'i las yongs su zad pas nad kyis thebs te/ rtsa ba dang / sdong bu dang / me tog dang / 'dab ma dang / 'bras bu'i sman rnams kyis rim gro byas kyang nad de nye bar zhi bar ma gyur to/ /na la das de'i lus kyi gnas skabs shes nas rkang pa la phyag 'tshal te 
smras pa/ mkhan po gang cung zad rab tu 'byung ba de thams cad ni bdud rtsi don du gnyer ba bdud rtsi tshol ba lags te/ de'i slad du gal te khyod kyis bdud rtsi brnyes na/ bdag la yang bdud rtsi'i bgo bsha' mdzad du gsol/ des smras pa/ bu nga yang gang cung zad rab tu byung ba 

</font><hr>10-1-269b<br><font size=+1>
de thams cad bdud rtsi don du gnyer ba dang / bdud rtsi tshol ba yin na ngas bdud rtsi ma rnyed do/ /'on kyang khyod shAkya rnams kyi nang du gzhon nu 'khrungs pa de'i spyan sngar rab tu byung la rigs rlom par ma byed/ rus rlom par ma byed/ bram ze'i bu'i rlom pa ma byed par nga rgyal chog la 
tshangs par spyad pa spyod cig dang / des na khyod bdud rtsi thob par 'gyur ro zhes smras nas/ bsags pa kun gyi mtha' zad cing / /mthon po'i mtha' ni snyil bar 'gyur/ /phrad pa'i mtha' ni 'bral ba ste/ /gson pa'i mtha' ni shi ba yin/ /zhes bya bas dus kyi chos dang 
ldan par gyur to/ /des de'i rus bu la rus bu'i mchod pa byas nas grong khyer bA rA Na sIr song ste drang srong gi nang na 'dug go/ /de na la da dang rus mthun pas de'i ming drang srong na la da zhes bya bar chags so/ /gzhon nu rab snang ma ma brgyad po pang na 'tsho ba'i ma ma gnyis dang / 
nu ma snun pa'i ma ma gnyis dang / dri ma 'phyi ba'i ma ma gnyis dang / rtsen grogs kyi ma ma gnyis la gtad nas de ma ma brgyad kyis 'o ma dang / zho dang / mar sar dang / mar dkar dang / mar gyi snying khu dang / gzhan yang yo byad kyi khyad par gtso bo dag gis bskyed 
bsrings pas mtshe'u na 'dug pa'i pad ma bzhin du skyed drag par gyur to/ /de gang gi tshe chen por gyur pa de'i tshe yi ge dang / grangs dang / rtsis dang / lag rtsis dang / rgyal po rgyal rigs spyi bo nas dbang bskur ba/ yul [(]kyi [,]gyi [)]dbang phyug la gnas pa'i mthu thob pa/ sa 
chen po'i dkyil 'khor rnal du phab ste gnas pa rnams kyi bzo'i gnas dang / las kyi gnas tha dad pa gang dag yin pa 'di lta ste/ glang po che'i gnyar zhon pa dang / rta la zhon pa dang / shing rta'i thabs dang / ral gri'i thabs dang / 'phang dpyad dang / phyir bsnur ba 
dang / mdun du bsnur ba dang / lcags kyus bsgyur thabs dang / zhags pa gdab pa dang / mda' bo che 'phen pa dang / gcad pa dang / dral ba dang / 'dzin stangs dang / gom stabs dang / thor tshugs dang / rgyang nas phog pa dang / sgra grag par phog pa dang /

</font><hr>10-1-270a<br><font size=+1>
gnad du phog pa dang / mi 'chor bar phog pa dang / tshabs chen po de dag la mkhas par gyur te gnas lnga la yang byang bar gyur to/ /gang gi tshe byang chub sems dpa' bcom ldan 'das gzhon nu'i rol pa la rol pa'i tshe gzhon nu rab snang yang gzhon nu'i rtse ba 
la rtse'o/ /gang gi tshe byang chub sems dpa' rgyal tshab tu dbang bskur ba de'i tshe gzhon nu rab snang yang rgyal tshab tu dbang bskur to/ /gang gi tshe byang chub sems dpa' rgan po dang nad pa dang shi ba gzigs nas skyo ste sa 'tsho ma dang / ri dgas skyes dang / grags 'dzin ma la sogs 
pa bud med drug khri spangs nas nam gyi gung la dka' thub kyi nags su gnas te/ gong ma dang 'og ma'i rnam pa las grol ba'i drang srong rnams kyi thad nas 'dod pa'i khams las 'dod chags dang bral ba dang / gzugs kyi khams las 'dod chags dang bral ba dang / rangs byed kyi bu 
lhag spyod kyi thad nas gzugs med pa'i khams ci yang med pa'i skye mched kyi bar las 'dod chags dang bral bar byas te lung 'bogs pa med pa'i phyir dka' ba spyad pa rung ngo snyam nas lo drug tu dka' ba spyad na khyad par rtogs pa thob par ma gyur te/ dbugs kyang ci bder brngubs shing ci 
bder phyung / zhal zas rags pa 'bras can dang zan dron kyang gsol/ mar dkar dang / til mar gyis kyang sku byugs/ chu grang dro ran pas kyang sku khrus mdzad nas sde grong zhes bya ba'i grong du gshegs nas bu mo dga' mo dang dga' stobs las 'o thug sbrang rtsi can lan bcu 
drug tu nying khur byas pa bzhes te gsol nas/ klu'i rgyal po nag pos bstod cing rtswa 'tshong bkra shis las rtswa dag bzhes nas byang chub kyi shing drung ga la ba der gshegs te byon nas/ nyid kyis rtswa ma 'khrugs ma 'dzings par bting ste bzhugs nas skyil mo krung bcas te sku drang por 
bsrang dgongs pa mngon sum du bzhag nas ji srid zag pa zad pa ma thob pa de srid kyi bar du skyil mo krung mi gzhig go snyam du thugs bskyed cing tshig tu yang gsungs te/ des ji srid du zag pa zad pa ma brnyes pa/ de srid du skyil mo krung ma bshig go/ /gang gi tshe bcom 

</font><hr>10-1-270b<br><font size=+1>
ldan 'das kyis bdud 'byung po dkrigs phrag drug bcu'i 'khor can byams pa'i mtshon gyis pham par mdzad nas bla na med pa'i ye shes brnyes te/ tshangs pas bskul nas yul bA rA Na sIr gshegs te lan gsum du bzlas te rnam pa bcu gnyis pa'i chos kyi 'khor lo chos dang mthun 
pa bskor ba de'i tshe gzhon nu rab snang yang rgyal po chen por dbang bskur bas dbang bskur ro/ /de na yul 'phags rgyal na rgyal po rab snang zhes bya ba chos kyi rgyal po rgyal srid 'byor pa dang / rgyas pa dang / bde ba dang / lo legs pa skye bo mang po dang / mis gang ba 'thab 
pa dang / rtsod pa dang / 'khrug pa dang / 'khrug long rab tu zhi ba chom rkun dang / nad med pa sA lu dang / bu ram shing dang / ma he phun sum tshogs pa chos dang mthun par byed du 'jug ste/ de'i mthus rtag tu dga' ston gyis rab tu dga'o/ /grong khyer 'phags rgyal 
de na dbang po lnga dang / nye dbang lnga yod do/ /rdzing bu lnga brgya las wa nas 'bab pa'i chu lnga brgya rgyal po'i pho brang mdzes pa zhes bya ba de nyid du 'bab bo/ /rgyal po rab snang la yan lag mchog lnga po glang po che 'dam bu'i ri dang / glang po che mo bzang ldan dang / rnga mo rgya mtsho'i 
rkang pa dang / rta gos mgrin dang / 'phar ma pa khwa zhes bya ba yod de/ de dag las 'dam bu'i ris ni nyin zhag gcig la dpag tshad brgya chod do/ /bzang ldan gyis ni dpag tshad brgyad bcu'o/ /rgya mtsho'i rkang gis ni dpag tshad bdun bcu'o/ /rta gos mgrin gyis 
ni dpag tshad lnga bcu'o/ /khwas ni dpag tshad nyi shu'o/ /de de ltar 'byor pa phun sum tshogs pa de khams ma mnyam pas nad gnyid med pa zhes bya bas thebs so/ /rgyal po de ni mar la sdang zhing chang la dga' ba zhig ste/ de la sman pa rnams kyis rdzas kyi tshogs kyi 
khyad par sna tshogs dang sbyar ba'i mar blud na de 'thung du mi btub bo/ /de la btsun mo'i 'khor dang / gzhon nu dang / blon po dang / pho brang 'khor gyi mi rnams kyis mar blud par byas na mar la je khro bar rtsom zhing gang zhig mar gyi ming 'byin pa de'i mgo drungs nas bcad nas 

</font><hr>10-1-271a<br><font size=+1>
sa la 'dor bar byed do/ /de gnyid med pas nam gyi thun dang po la ni btsun mo'i 'khor dang lhan cig dga' ba'i rtsed mo nyams su myong bar byed do/ /gnyis pa la ni glang po che dang / rta dag la blta'o/ /gsum pa la ni 'bangs mel tshe ba rnams la da ltar mel tse 
su byed ces 'dri zhing / de gang zhig tshig dang po la ni lan mi glon pa de la yang bzod do/ /gnyis pa la lan mi glon pa de la yang bzod de/ gang zhig gsum pa la lan mi glon pa de'i ni mgo drungs nas bcad nas sa la 'dor bar byed pas de'i ming rgyal po rab snang rgyal po rab snang zhes 
bya ba gang yin pa de nub nas ming gtum po rab snang gtum po rab snang zhes bya bar chags so/ /des dus gzhan zhig na btsun mo'i 'khor rnams la smras pa/bud med dag nga ni mel tse byed na khyed ci'i phyir mel tse mi byed/ de dag gis smras pa/ lha bdag cag kyang zhugs tshe bgyid do/ /
de dag gis mel tse cung zad cig byas nas smras pa/ lha gal te bdag cag gis rtag tu zhugs tshe bgyi na lha'i thugs bsrung bar bgyi ba'i rngo mi thog gi steng du 'di ni bdag cag gi sug las ma lags so/ /des smras pa/ gal te 'di khyed kyi las ma yin na 'o na 'di su'i las yin/ de 
dag gis smras pa/ lha gzhon nu rnams kyi lags so/ /des de dag btang nas gzhon nu rnams kyi drung du song ste smras pa/ gzhon nu dag nga yang mel tse byed na khyed ci'i phyir mel tse mi byed/ de dag gis smras pa/ lha bdag cag kyang zhugs tshe bgyid do/ /de dag gis kyang mel 
tse cung zad cig byas nas smras pa/ lha gal te bdag cag gis rtag tu zhugs tshe bgyi na/ rgyal po'i bya ba gang dag lags pa zhes bya ba nas/ gnas lnga la zhes bya ba'i bar snga ma bzhin te/ byang bar bgyi ba'i rngo mi thog gi steng du 'di ni bdag cag gi sug las ma 
lags so/ /des smras pa/ gal te 'di khyed kyi las ma yin na 'o na su'i las yin/ de dag gis smras pa/ lha blon po rnams kyi lags so/ /des de dag btang nas blon po rnams la smras pa/ shes ldan dag nga yang mel tse byed na khyed ci'i phyir mel tse mi byed/

</font><hr>10-1-271b<br><font size=+1>
de dag gis smras pa/ lha bdag cag kyang zhugs tshe bgyid do/ /de dag gis kyang mel tse cung zad cig byas nas smras pa/ lha gal te bdag cag gis rtag tu zhugs tshe bgyi na/ chos dang mthun par rgyal srid bgyi ba'i rngo mi thog gi steng du 'di ni bdag cag gi sug 
las ma lags so/ /des smras pa/ gal te 'di khyed kyi las ma yin na 'o na su'i las yin/ de dag gis smras pa/ lha khrom gyi ru'i las so/ /des de dag btang nas khrom gyi ru'i drung du song ste smras pa/ shes ldan dag nga yang mel tse byed na khyed ci'i phyir 
mel tse mi byed/ khrom gyi rus smras pa/ lha bdag cag kyang zhugs tshe bgyid do/ /de dag gis kyang mel tse cung zad cig byas nas smras pa/ lha bdag cag gis rtag tu zhugs tshe bgyi na/ lha la rgol ba dang / phyir rgol ba rnams dang lhan cig g.yul sprad pa'i rngo mi thog 
gi steng du 'di ni bdag cag gi sug las ma lags so/ /des smras pa/ 'di khyed kyi las ma yin na 'o na su'i las yin/ de dag gis smras pa/ lha grong mi dang / yul mi rnams kyi lags so/ /des de dag btang nas grong mi dang / yul mi rnams kyi drung du song ste 
smras pa/ shes ldan dag nga yang mel tse byed na khyed ci'i phyir mel tshe mi byed/ de dag gis smras pa/ lha bdag cag kyang zhugs tshe bgyid do/ /des de dag rtag tu mel tse byed pa bskos nas/ de dag res su bcad de mel tse bya bar brtsams so/ /ji tsam na spos 'tshong 
gi khye'u zhig la res bab pa dang / de rgyal po de gtum pas bsad du dogs te yid mi dga' zhing lag pa 'gram pa la gtad nas sems khong du chud cing 'dug pa dang / de sems khong du chud pa grogs po zhig gis mthong nas smras pa/ grogs po ci ste lag pa 'gram pa 
la gtad nas sems khong du chud cing 'dug /des ji ltar gyur pa bsnyad pa dang / de'i khyim drung nas 'dzin pa zhig yod de/ des de la smras pa/ grogs po khyod kyis khyim drung nas 'dzin pa zhig yod na ci'i phyir de la mi 'chol/ des smras pa/ grogs po ji ltar 

</font><hr>10-1-272a<br><font size=+1>
kho bo'i srog phangs pa ltar de'i yang de dang 'dra na/ ci'i phyir kho bo'i bcol ba byed/ des smras pa/ grogs po de la kAr ShA pa Na dag byin dang gdon mi za bar mel tse byed do/ /des de la bcol ba dang / des smras pa/ kAr ShA pa Na lnga brgya byin cig dang 
mel tse bya'o/ /des sbyin no zhes dam bcas pa dang / des smras pa/ re zhig nyis brgya lnga bcu zhig byin cig /lhag ma ni gal te kho bo gson por slar 'khor na byin cig /ci ste ma yin na khyod nyid kyi yin gyis ci bder gyis shig /des smras pa/ legs te de bzhin 
bya'o zhes des de la kAr ShA pa Na nyis brgya lnga bcu byin pa dang / des de dag blangs nas srang du song ste/ des der sha dang chang dang khur ba mang du nyos so/ /de nas rgyal po gtum po rab snang gi nang mi thams cad mgron du bos te zan byin/ chang yang ci 'dod pa blud nas/ smras pa/ shes 
ldan dag kho bo la mel tse'i res bab na rgyal po 'di'i spyod pa ci 'dra ba smros shig /de dag gis de la ji lta bu yin pa thams cad bsnyad pa dang / des smras pa/ shes ldan dag kho bos cung zad byas pa dran par gyis shig /de dag gis smras pa/ sa 'dzin pa da dung khyod kyis zan 
byin pa dang / skom blud pa yang ma zhu na ci ste mi dran/ ci bya ba smros shig /des smras pa/ gal te ma stes te kho bo nyal ba la rgyal pos mel tse ba dag byul na khyed kyis kho bo slong shig /de dag gis smras pa/ legs te de bzhin bya'o/ /de la bas smad dkris nas mel tse 
byed pa na thal byung gnyid kyis log go/ /ji tsam na rgyal po de kho na bzhin du thun dang po la btsun mo'i 'khor dag dang lhan cig rtses dga' bar byas/ dga' mgur spyad de/ thun bar ma la glang po che dang / rta dag la bltas nas thun tha ma la mel tse ba rnams la brtag par brtsams 
pa na/ de dag gis sa 'dzin pa de la sa 'dzin pa lha gshegs kyis longs shig ces bslang ba dang / de myur ba myur ba kho nar langs nas de bzhin du la bas smad dkris te 'dug go/ /rgyal pos su mel tse byed ces sgra phyung ba dang / sa 'dzin pas bsams pa/ gal te tshig 

</font><hr>10-1-272b<br><font size=+1>
dang po kho na'i lan glan te phyis lan ma glan dang / rgyal po 'dis gdon ma zos par bdag gi mgo drungs nas bcad de sa la 'dor ro snyam du rig nas cang mi zer bar 'dug go/ /lan gnyis kyi bar du rgyal pos su mel tse byed ces sgra phyung na yang de bzhin du cang mi zer bar 'dug 
go/ /lan gsum du rgyal pos su mel tse byed ces sgra phyung ba dang / des smras pa/ sa 'dzin pa bdag go/ /rgyal pos smras pa/ sa 'dzin pa ci sems/ de sems ngan la 'jig rten gyi sgrung gtam la yang mkhas pa zhig pas/ des smras pa/ 'jig 
rten gyi bsam pa sems lags so// //bar sdom ni/ 'ug pa khrung khrung mun dza dang / /nag mo sreg pa bum pa dang / /lan tshwa phye dang shi ba dang / /dong thags rdza ma sdig pa'o/ /sa 'dzin pa 'jig rten gyi bsam pa ji lta bu zhig sems/ lha srog chags 
'ug pa sgro dang bcas pa dang / sgro ma mchis pa srang la gzhal na mnyam pa kho nar 'gyur te/ de ngo mtshar che lags so/ /sa 'dzin pa ci de ltar 'gyur ram/ lha spyan sngar bab par bgyi'o/ /sa 'dzin pa legs so/ /des phyi de nyin 'ug pa zhig khyer te 'ongs nas/ de 
rgyal po'i mdun du sgro dang bcas te bcal nas yang sgro btogs te bcal na de kho na dang mnyam mo/ /rgyal pos smras pa/ sa 'dzin pa 'di la rgyu ci zhig yod/ des smras pa/ lha 'di'i sgro dag gis rlung 'dzin pa'i slad du'o/ /rgyal pos smras pa/ sa 'dzin pa khyod ni 
mkhas pa zhig go/ /des lha khyod kyi bka' drin lags so/ /zhes byas pa dang / rgyal po cang mi zer bar 'dug go/ /sa 'dzin pa nam ngo ma langs te nangs nas mgo la byugs te rgyal po'i pho brang nas byung ba dang / spos 'tshong gi khye'u des kAr ShA pa Na nyis brgya lnga bcu 
po de dag kyang de la byin no/ /yul 'phags rgyal na gang dang gang la res bab pa des kAr ShA pa Na lnga brgyas des glas te gtong bas de rtag tu mel tse kho na byed par gyur to/ /yang rgyal pos de kho na bzhin du su mel tse byed ces smras pa dang / des snga ma'i tshul du smras pa/ lha 

</font><hr>10-1-273a<br><font size=+1>
bdag zhugs tshe bgyid do/ /rgyal pos de kho na bzhin du sa 'dzin pa ci sems zhes smras pa dang / des smras pa/ lha 'jig rten pa'i bsam pa sems lags so/ /rgyal pos smras pa/ sa 'dzin pa 'jig rten gyi bsam pa ji lta bu zhig sems/ lha 
khrung khrung zhes bgyi ba'i bya de dag la 'o ma dang chu bsres te stsal na/ de dag 'o ma ni 'tshal/ chab ni 'dor ro/ /sa 'dzin pa ci de de ltar 'gyur ram/ lha spyan sngar bab par bgyi'o/ /sa 'dzin pa legs so/ /des phyi de nyin khrung khrung zhig khyer de 'ongs nas de rgyal po'i drung 
du 'o ma chu dang bsres te blud pa dang des 'o ma ni 'thungs chu ni bor ro// //'dul ba phran tshegs kyi gzhi/bam po nyi shu bzhi pa/ rgyal pos smras pa/ sa 'dzin pa 'di la rgyu ci zhig yod/ des smras pa/ lha 'di'i mchu la skyur mchis te des de 'tshal ba'i 
'o ma zhor 'gyur ba'i slad du'o/ /rgyal pos smras pa/ sa 'dzin pa khyod ni mkhas pa zhig go/ /lha khyod kyi bka' drin lags so zhes byas pa dang / rgyal po cang mi zer bar 'dug go/ /yang rgyal pos de bzhin du su mel tse byed ces smras pa dang / des snga ma'i tshul 
du smras pa/ lha bdag zhugs tshe bgyid do/ /rgyal pos smras pa/ sa 'dzin pa ci sems/ des smras pa/ lha 'jig rten pa'i bsam pa sems lags so/ /sa 'dzin pa 'jig rten pa'i bsam pa ji lta bu zhig sems/ lha rtswa mun dza tho bas brdungs pa dang / 
ma brdungs pa srang la bcal na mnyam pa kho nar 'gyur lags so/ /sa 'dzin pa ci de de ltar 'gyur ram/ lha spyan sngar bab par bgyi'o/ /sa 'dzin pa legs so/ /des phyi de nyin rtswa mun dza khyer te 'ongs nas/ rgyal po'i mdun du ji ltar bstan pa bzhin byas na 
thams cad de bzhin du gyur pa dang / rgyas pos smras pa/ sa 'dzin pa 'di la rgyu ci zhig yod/ /lha tho bas brdungs pas rlung bsdus pa'i slad du'o/ /sa 'dzin pa khyod ni mkhas pa zhig go/ /des lha khyod kyi bka' drin lags so zhes byas pa dang / rgyal po cang mi 

</font><hr>10-1-273b<br><font size=+1>
zer bar 'dug go/ /yang rgyal pos de bzhin du su mel tse byed ces smras pa dang / des snga ma'i tshul du smras pa/ lha sa 'dzin pa bdag go/ /rgyal pos smras pa/ sa 'dzin pa ci sems lha 'jig rten pa'i bsam pa sems lags so/ /sa 'dzin pa 'jig rten 
pa'i bsam pa ji lta bu zhig sems/ lha shing spra mgo nag mo zhes bgyi ba de'i lus ji tsam pa mjug ma yang de tsam mo/ /sa 'dzin pa ci de de ltar 'gyur ram/ lha spyan sngar bab par bgyi'o/ /sa 'dzin pa legs so/ /des phyi de nyin spra mgo nag mo zhig khyer te 'ongs 
nas/ rgyal po'i mdun du ji lta ba bzhin du bstan na thams cad de bzhin du gyur pa dang / rgyal pos smras pa/ sa 'dzin pa khyod kyis ji ltar shes/ lha bdag gis so ga'i dus na 'di 'jug pa'i tshe mjug mas mgo slebs pa mthong lags so/ /sa 'dzin pa khyod ni mkhas 
pa zhig go/ /lha khyod kyi bka' drin lags so zhes byas pa dang / rgyal po cang mi zer bar 'dug go/ /yang rgyal pos su mel tse byed ces smras pa dang / des snga ma'i tshul du smras pa/ lha sa 'dzin pa bdag go/ /rgyal pos smras pa/ sa 'dzin pa ci sems/ 
lha 'jig rten pa'i bsam pa'o/ /sa 'dzin pa 'jig rten pa'i bsam pa ji lta bu zhig /lha sreg pa'i gshog pa bkra ba yang ji snyed pa mi bkra ba yang de kho na snyed mchis so/ /sa 'dzin pa ci de de ltar 'gyur ram/ lha spyan sngar bab par bgyi'o/ /sa 'dzin pa 
legs so/ /des phyi de nyin rgyal po'i mngon sum du byas na de thams cad de bzhin du gyur pa dang / rgyal pos smras pa/ sa 'dzin pa khyod kyis ji ltar shes lha sngon bdag gis bgrangs lags so/ /sa 'dzin pa khyod ni mkhas pa zhig go/ /lha'i bka' drin 
lags so zhes byas pa dang / rgyal po cang mi zer bar 'dug go/ /rgyal pos yang de bzhin du su mel tse byed smras pa dang / des snga ma'i tshul du smras pa/ lha sa 'dzin pa bdag go/ /rgyal pos smras pa ci sems/ lha 'jig rten pa'i bsam pa'o/ /

</font><hr>10-1-274a<br><font size=+1>
sa 'dzin pa 'jig rten pa'i bsam pa ji lta bu zhig /lha bye ma bum pa gang gi nang du chab bum pa gang blugs na chab de thams cad de'i nang du shong ngo / /sa 'dzin pa ci de de ltar 'gyur ram/ lha spyan sngar bab par bgyi'o/ /sa 'dzin pa legs so/ /des phyi 
de nyin mngon sum du byas na de thams cad de bzhin du gyur pa dang / rgyal pos smras pa/ sa 'dzin pa khyod kyis ji ltar shes/ lha bye ma chu las byung ba'i slad du'o/ /sa 'dzin pa khyod ni mkhas pa zhig go/ /lha khyod kyi bka' drin lags so/ /zhes byas pa dang / rgyal po cang mi 
zer bar 'dug go/ /yang rgyal pos de bzhin du su mel tse byed ces smras pa dang / des snga ma'i tshul du lha sa 'dzin pa bdag go/ /rgyal pos smras pa/ sa 'dzin pa ci sems/ lha 'jig rten pa'i bsam pa'o/ /sa 'dzin pa 'jig rten pa'i bsam pa ji lta bu zhig sems/ 
lha chab phul gang gi nang du lan tshwa phul gang stsal na chab phul gang kho nar 'gyur ro/ /sa 'dzin pa ji de de ltar 'gyur ram/ lha spyan sngar bab par bgyi'o/ /sa 'dzin pa legs so/ /des phyi de nyin mngon sum du byas pa na thams cad de bzhin du gyur pa dang / rgyal pos smras pa/ 
sa 'dzin pa 'di la rgyu ci yod/ lha lan tshwa chab las byung ba'i slad du'o/ /sa 'dzin pa khyod ni mkhas pa zhig go/ /lha khyod kyi bka' drin lags so zhes byas pa dang / rgyal po cang mi zer bar 'dug go/ /yang rgyal pos de bzhin du su mel tse byed ces smras pa dang / des 
snga ma'i tshul du smras pa/ lha sa 'dzin pa bdag go/ /rgyal pos smras pa/ sa 'dzin pa ci sems/ lha 'jig rten pa'i bsam pa'o/ /sa 'dzin pa 'jig rten pa'i bsam pa ji lta bu zhig /lha zhib phul gang gi nang du chab phul gang stsal na sla bar yang mi 'gyur gar bar yang 
mi 'gyur ro/ /sa 'dzin pa ci de ltar 'gyur ram/ lha spyan sngar bab par bgyi'o/ /sa 'dzin pa legs so/ /des phyi de nyin mngon sum du byas na thams cad de bzhin du gyur pa dang / rgyal pos smras pa/ sa 'dzin pa 'di la rgyu ci yod/ lha bdag cag sa 'dzin pa 

</font><hr>10-1-274b<br><font size=+1>
rnams ni phye 'tshal ba lags pas bdag gis lan du ma mthong lags so/ /sa 'dzin pa khyod ni dran pa can zhig go/ /lha khyod kyi bka' drin lags so zhes byas pa dang / rgyal po cang mi zer bar 'dug go/ /yang rgyal pos de bzhin du su mel tse byed ces rmas pa dang / des 
snga ma'i tshul du smras pa/ lha sa 'dzin pa bdag go/ /rgyal pos smras pa/ sa 'dzin pa ci sems/ lha 'jig rten pa'i bsam pa'o/ /sa 'dzin pa 'jig rten pa'i bsam pa ji lta bu zhig /lha gum pa dang / gson po gnyis srang la bcal na mi mnyam par 
'gyur ro/ /sa 'dzin pa ci de de ltar 'gyur ram/ lha spyan sngar bab par bgyi'o/ /sa 'dzin pa legs so/ /des phyi de nyin mngon sum du byas na thams cad de bzhin du gyur pa dang / rgyal pos smras pa/ sa 'dzin pa 'di la rgyu ci yod/ lha gum pa mi ma lags 
pas mdangs phrogs pa'i slad du'o/ sa 'dzin pa khyod ni mkhas pa zhig go/ /lha khyod kyi bka' drin lags so zhes byas pa dang / rgyal po cang mi zer bar 'dug go/ /yang rgyal pos de bzhin du mel tse su byed ces rmas pa dang / des snga ma'i tshul du smras pa/ lha 
sa 'dzin pa bdag go/ /rgyal pos smras pa/ sa 'dzin pa ci sems/ lha 'jig rten pa'i bsam pa'o/ /sa 'dzin pa 'jig rten pa'i bsam pa ji lta bu zhig /lha dong brkos pa la sa de de nyid du stsal na mnyam par mi 'gyur lags so/ sa 'dzin pa ci de de 
ltar 'gyur ro/ /lha spyan sngar bab par bgyi'o/ /sa 'dzin pa legs so/ /des phyi de nyin mngon sum du byas na thams cad de bzhin du gyur pa dang / rgyal pos smras pa/ sa 'dzin pa 'di la rgyu ci yod/ lha mi ma lags pas mdangs phrogs pa'i slad du'o/ /sa 
'dzin pa khyod ni mkhas pa zhig go/ /lha khyod kyi bka' drin lags so zhes byas pa dang / rgyal po cang mi zer bar 'dug go/ /yang rgyal pos de bzhin du mel tse su byed ces rmas pa dang / des snga ma'i tshul du smras pa/ lha sa 'dzin pa bdag go/ /rgyal pos smras pa/

</font><hr>10-1-275a<br><font size=+1>
sa 'dzin pa ci sems/ lha 'jig rten pa'i bsam pa'o/ /sa 'dzin pa 'jig rten pa'i bsam pa ji lta bu zhig /lha tha ga pas nyin mtshan du gos btags na gar mchis pa ma 'tshal to/ /kye sa 'dzin pa gar song mi shes pa yus so/ /lha sar gyur pa lags so/ /kye sa 'dzin pa 
sar gyur pa lta zhig /yang rgyal pos de bzhin du mel tse su byed rmas pa dang / des snga ma'i snga ma'i tshul du smras pa/ lha sa 'dzin pa bdag go/ /sa 'dzin pa ci sems/ lha 'jig rten pa'i bsam pa'o/ /sa 'dzin pa 'jig rten pa'i bsam pa ji lta bu zhig /lha rdza mkhan gyis nyin mtshan du 
snod bgyis na de gar mchis ma 'tshal to/ /kye sa 'dzin pa gar song mi shes pa yus so/ /lha sar gyur to/ /kye sa 'dzin pa sar gyur pa lta zhig /kye sa 'dzin pa khyod ni mkhas pa zhig ste/ thams cad shes na nga gnyid med pa 'di la rgyu ci yod/ lha mi 'jigs pa stsal na smra bar bgyi'o/ /sa 
'dzin pa mi 'jigs pa sbyin gyis bag ma tsha bar smros shig /lha khyod ni sdig pa las skyes so/ /sa 'dzin pa ci khyod nga la mi snyan par zer ram/ lha de skad ma gsung shig /lha la bdag gis mi snyan pa ji skad du bgyis/ lha mi snyan pa ma bgyis te lha'i mngon sum du bgyi'o/ /sa 'dzin pa 
legs so/ /des dong brkos ba lang gi lci ba skam pos bkang ste/ de'i steng du mal bcas nas phyi de nyin rgyal po la lha mal 'dir gzims shig ces smras pa dang / rgyal pos der nyal lo/ /nyal ma thag tu gnyid kyis log par gyur to/ /gang gi tshe sad pa de'i tshe lha khyod kyis gzigs sam zhes smras pa 
dang / des bdag gis mngon sum du byas pa shes nas btsun mo'i 'khor du song ste ma la dris pa/ yum bdag su las skyes pa brdzun ma gsung bar drang por gsung shig /lha smra bar bgyi'i/ bdag la mi 'jigs pa stsol cig /yum gsol lo/ /lha khyod kyi yab btsun mo'i 'khor rgya chen 
po dang ldan pas de ljongs shig tu song ba na bdag zla mtshan dang ldan par gyur te/ de'i tshe bdag zla mtshan gyi khrus bgyid pa na/ sdig pa zhig mthong ba dang / bdag gis blo skyes pa/ ji ste 'di pho zhig tu gyur na bdag 'di dang lhan cig 'dod pa'i longs spyod dga' mgur spyad par bya'o snyam pa dang / stes 

</font><hr>10-1-275b<br><font size=+1>
te de pho zhig tu gyur nas de dang bdag lhan cig tu 'dod pa'i longs spyod dga' mgur spyad pa dang / de las khyod skyes par gyur to/ des bsams pa/ sa 'dzin pa de ni mkhas pa zhig ste/ des bdag shes na de la bdag gis mi 'jigs pa byin pas de gsad du ni mi rung gi gzhan su la yang mi zer bar bya 
ba'i phyir bya dga' byin la yul dbyung ngo snyam nas/ des de la kAr ShA pa Na lnga brgya byin te yul phyung ngo // //sdom ni/ 'tsho byed dang ni gser 'od dang / /e la'i 'dab dang na la dang / /rab byung skra can zas dang ni/ /'bru mar snod ni tha ma'o/ /rgyal po gtum po rab snang gis bsams pa/ bdag gi 
nad 'di gzhi cher gyur pas sman pa dag bsdus la dpyad bya'o snyam du bsams nas/ des yul na gnas pa'i sman pa thams cad bsdus te smras pa/ shes ldan dag nga'i nad 'di lta bu la dpyad gyis shig /de dag gis smras pa/ lha bdag cag gis khyod kyi dpyad pa bgyid pa'i rngo mi thog ste/ 
'on kyang rgyal po'i khab na rgyal po gzugs can snying po'i bu sman pa'i rgyal po 'tsho byed ces bgyi ba mchis te/ gal te na des lha'i dpyad bgyid rngo thog go/ /des rgyal po gzugs can snying po la yi ge springs te/ sman pa'i rgyal po 'tsho byed tshur thong shig /yang na nga'o nir 'ong gis rtswa dang / 
chas sta gon gyis shig ces byas pa dang / rgyal po gzugs can snying pos yi ge bklags nas sngangs te lag pa 'gram pa la gtad nas sems khong du chud cing 'dug ste/ gal te 'tsho byed ma btang na de la ci dang ci dgos pa de 'gugs pas don gyis bdag kyang de'i dpyas par gyur pas ma legs so 
snyam nas de yid mi bde ba sman pa'i rgyal po 'tsho byed kyis mthong ngo / /de nas rkang pa la phyag 'tshal te smras pa/ lha ci'i slad du phyag 'gram pa la gtad nas sems khong du chud cing bzhugs/ des smras pa/ bu khyod kyis 'di lta bu'i bzo bslabs pa des na gnod par gyur to/ /'tsho byed 
kyis smras pa/ ji ltar gnod par gyur/ des ji ltar gyur pa brjod pa dang / lha bka' lung stsal du gsol mchi bar bgyi'o/ /bu rgyal po de gtum po zhig ste/ ci'i phyir yang sems can gsod par byed pas khyod mi gsad grang / lha bdag srung mi nus pa'i sman pa de ci 'dra ba zhig ste/ thugs 

</font><hr>10-1-276a<br><font size=+1>
mi chung bar bdag gtang du gsol/ des smras pa/ bu gal te de lta na song la ji ltar nga dang / btsun mo'i 'khor dang / gzhon nu dang / blon po dang / pho brang 'khor gyi mi dang / yul sna tshogs nas 'ongs pa'i skye bo'i tshogs rnams mya ngan skye bar mi 'gyur ba de ltar khyod kyis 
bag yod par gyis shig /des lha ci'i slad du de ltar gyur/ bdag gis nad pa'i sems bsrung rngo thog go zhes byas pa dang rgyal po cang mi zer bar 'dug go/ /'tsho byed kyis 'phar ma pa'i mi de la dris pa/ kye skyes bu rgyal po de'i spyod pa ni ci 'dra ba zhig nad ni ji lta bu zhig gis thebs/
des ji ltar gyur pa rgyas par bsnyad do/ /de nas 'tsho byed kyis chang gi kha dog dang / chang gi dri dang / chang gi ro bro ba'i mar sbyar nas dge mtshan dang / bkra shis dang / bde legs dag byas te grogs po dang / gnyen dang / phu nu bo rnams la sbran nas yul 'phags rgyal du song ngo / /
de mthar gyi yul ka n+yA kub dzar phyin pa dang / de na gnas pa'i sman pa'i khye'u zhig yod pa des ji ltar sman pa'i rgyal po'i 'tsho byed 'ongs te 'phags rgyal du 'gro ba thos so/ /des a ru ra gcig khyer te de'i drung du song ste phan tshun yang dag par dga' ba dag byas nas/ 'tsho byed kyis 
smras pa/ kye chos kyi spun rgyal po gtum po rab snang de nad ji lta bu zhig gis thebs/ khyed cag gis de'i dpyad ma byas sam/ des smras pa/ rgyal po de gnyid med pa'i nad kyis thebs te/ de la mar phan na de mar la ni sdang / chang la ni dga' zhing gtum ste/ gang zhig de'i mdun du mar gyi 
ming 'byin pa de'i mgo drungs nas bcad de sa la 'dor bas de dag 'jigs nas 'bros na su zhig de'i dpyad byed par nus/ 'tsho byed kyis smras pa/ de'i phyir ngas chang gi kha dog dang / chang gi dri dang / chang gi ro bro ba'i mar bskol te khyer te 'ongs kyis 'dong / gang gi tshe ngas khyod la brda byas pa 
de'i tshe khyod kyis mar 'di tsam gyi tshod cig byin cig /nga ni de'i mdun nas 'gro yis khyod kyis re zhig tsam zhig de'i rim gro gyis shig dang / sos nas ngas khyod la rngan pa rab tu mang po sbyin zhing sbyin du yang gzhug go/ /des smras pa/ legs kyis bzhud do zhes de de dang lhan cig dong ngo / /'tsho 

</font><hr>10-1-276b<br><font size=+1>
byed rim gyis 'phags rgyal dang nye bar phyin pa dang / rgyal po rab snang gis ji ltar sman pa'i rgyal po 'tsho byed 'ongs pa thos nas des bsams pa/ de ni rgyal po'i bu yang yin la sman pa'i rgyal po yang yin pas mchod pa dang bkur stis grong khyer du 'ong bar bya'o snyam nas des grong khyer 
mdzes pa dang / lam mdzes par byas te/ btsun mo'i 'khor dang / gzhon nu dang / blon po dang / pho brang 'khor gyi mi dang bcas pas bsu nas sman pa'i rgyal po 'tsho byed mi stong phrag du mas bskor te grong khyer du 'ongs so/ /de nas de lam gyis dub pa ngal bso ste cung zhig bsdad nas rgyal 
po gtum po rab snang gis 'tsho byed la bdag gnyid med pa'i nad dkyel cher gyur na dpyad gyis shig ces smras pa dang / des smras pa/ lha bgyi mod kyi 'on kyang 'di la sman 'tshal na de dag kyang yul sna tshogs dang / gnas sna tshogs na mchis te/ sman kha cig bdag gis ngo 'tshal la gzhan 
gyis ma 'tshal ba yang mchis/ kha cig gzhan gyis 'tshal la bdag gis ma 'tshal ba yang mchis/ kha cig bdag gis kyang 'tshal la gzhan gyis kyang 'tshal ba yang mchis/ kha cig thag ring po na yang mchis/ kha cig nye ba na yang mchis pas khyod kyis glang po che mo bzang ldan 
bdag cag la ci bder mdzod cig /rgyal pos 'tsho byed legs kyis de bzhin du gyis shig ces smras nas/ des glang po che 'dul ba rnams la bsgo ba/ 'tsho byed glang po che mo bzang ldan ci bder spyod du bcug gis khyed cag gis ma dgag shig /blon po dang chab sgo ba rnams la yang bsgo 
ba/ 'di nyin par yang rung mtshan mo yang rung glang po che bzang ldan la zhon te 'gro zhing 'ong ba khyed cag gis ma dgag par ji ltar 'dod par dga' mgur 'gro zhing 'ong du chug shig /blon po dang / chab sgo ba dang / glang po che 'dul ba rnams kyis smras pa/ lha ji ltar bka' stsal pa bzhin 'tshal 
lo/ /sman pa'i rgyal po 'tsho byed glang po che mo bzang ldan la zhon te mig slob par rtsom pa na snga dro song zhing res 'ga' phyi dro slar 'ong ngo / /gung la song zhing res 'ga' phyi dro 'ong ngo / /phyi dro song zhing res 'ga' nub mo'i thun 'da' zhing 'ong ste/ de de ltar yid ches pa bskyed pa'i rtags kyis 'gro ba 

</font><hr>10-1-277a<br><font size=+1>
dang / 'ong bar byed do/ /rgyal pos smras pa/ 'tsho byed dpyad gyis shig /des smras pa/ lha re zhig khrus mdzod cig /des bkrus nas/ yang smras pa/ 'tsho byed ngas khrus byas na ci sdod/ des smras pa/ lha re zhig gdugs tshod gsol cig /des zan bza' 
bar brtsams pa dang / 'tsho byed kyis smras pa/ lha bdag gis yul ma ga d+hA'i skyems shin tu bda' ba zhig 'tshal te mchis kyis/ gal te lha gsol na cung zad cig gsol lo/ /rgyal pos smras pa/ 'tsho byed legs kyis 'o na cig blta'o/ /des sman pa'i khye'u de la de tsam 
gyi tshod cig byin cig pa'i brda byas pa dang / des de tsam gyi tshod cig byin nas rgyal pos 'thungs so/ /'thungs ma thag tu gnyid kyis log pa dang / 'tsho byed glang po che mo bzang ldan la zhon te bros so/ /rgyal po yang nam phyed na sad do/ /ji tsam na de la mar gyi sgregs pa byung ba dang / 
des mi zhig la bos te kwa'e skyes bu 'tsho byed bos shig /des nga la mar blud kyis mgo drungs nas bcad de sa la dor ro/ /des kun tu btsal bar brtsams na mi snang nas des de la smras pa/ lha mi gda' ste/ de gdon ma 'tshal bar bros so/ /rgyal po je khros nas smras pa/ kwa'e skyes bu 
'phar ma pa khwa bos shig ces bsgo ba dang / des de bos so/ /des kye 'phar ma pa khwa song la myur du glang po che 'dam bu'i ri la zhon te 'tsho byed ske nas thogs la khrid de shog shig /de'i mgo drungs nas bcad do/ /gal te sgyu mkhan des khyod la cung zad cig byin na khyod kyis blang bar mi bya'o/ /
lta de ltar 'tshal lo zhes 'phar ma khwas rgyal po gtum po rab snang gi ltar mnyan nas myur bar glang po che 'dam bu'i ri la zhon te rjes bzhin du song ngo / /des de skyu ru ra'i tshal du zhugs pa mthong nas smras pa/ 'tsho byed lha gsung gis tshur shog 'dong / des smras pa/ kye khwa ci rings tshur re zhig 
skyu ru ra zo shig /des smras pa/ lhas nga la de sgyu mkhan yin pas khyod kyis de las cung zad kyang ma len cig ces bsgo'o/ /'tsho byed kyis smras pa/ kwa'e khwa gal te de lta na khyod kyis phyed zo/ /ngas kyang phyed bza'o/ /des bsams pa/ phyed bza' ste phyed la sgyu ji lta bu zhig byar yod snyam du rig 

</font><hr>10-1-277b<br><font size=+1>
nas smras pa/ 'tsho byed bza' yis byin cig /de skyu ru ra phyed zos te/ sen mo'i bar phye mas bkang ba'i sen mos bcad pa'i phyed byin no/ /des de zos pa dang de mdze can zhig pas yan man gnyi gar 'khrus so/ /des de ri 'or zhig tu bzhag nas ri 'or pa de dag la bsgo ba/shes ldan dag rgyal po 
gtum po rab snang gi yan lag gi mchog gsum ni glang po 'dam bu'i ri dang / glang po che mo bzang ldan dang / 'phar ma pa khwa 'di yin na 'di na ste 'di dpyad 'dis rim gro gyis dang sos par 'gyur ro/ /gzhan du na rgyal pos khyed cag nges par phung bar byed do zhes smras nas song ngo / /de dag gis de'i 
rim gro byas pa dang sos par gyur nas song ngo / /rgyal po yang sman pa'i khye'u des ji ltar bstan pa'i dpyad kyis rim gro byas pas de yang sos par gyur to/ /'phar ma pa khwa yang rim gyis rgyal po'i drung du phyin pa dang / rgyal pos dris pa khwa 'tsho byed de ga re lha bros lags so/ /khwa gal te bros na ma 
legs pa zhig byas so/ /lha ci ste khugs par gyur na de la lhas ci zhig bgyis par 'gyur/ khwa ngas de'i mgo drungs nas gcad de sa la bor bar 'gyur ro/ /lha sman pa'i rgyal po gang gis lha dang bdag kyang sos par bgyis pa de lta bu dgum pa de ni rigs pa ma lags so/ /khwa gal te de lta na de la ci 
zhig bya/ lha rngan pa rgya cher stsal mod/ legs kyis de bzhin du bya'o/ /des de la yi ge spring ste/ sman pa'i rgyal po 'tsho byed khyod ci ste bros/ khyod rngan pa sbyin gyis tshur shog rngan pa long shig /'tsho byed kyis de la spring pa/ lha khyod kyi bka' drin la bdag gi khyim na nor tsam mchis so/ /'on 
kyang gal te lhas bdag la thugs dpag mdzad na sman pa'i khye'u gang gis lha'i rim gro bgyis pa de la bya dga' stsal ba'i rigs so/ /rgyal pos khye'u de la rngan pa mang du byin no/ /'tsho byed la yang brgya stong ri ba'i ras yug chen gyi gos bskur ba dang / 'tsho byed kyis bsams pa/ gos 'di ni 
rgyal po la 'os pa yin te/ su la sbyin snyam na des bcom ldan 'das ni chos nyid kyis bdag gi pha yin pas 'di la dbul lo snyam du bsams nas des de bcom ldan 'das la phul lo/ /bcom ldan 'das kyis tshe dang ldan pa kun dga' bo la bka' stsal pa/ kun dga' bo 'di chos 

</font><hr>10-1-278a<br><font size=+1>
gos su gyis la nga la phul cig /tshe dang ldan pa kun dga' bos de blangs nas blangs pa des bcom ldan 'das kyis chos gos gsum langs pa bas lhag par mthong nas des drub par brtsams na de las bcom ldan 'das kyi chos gos gsum dang / tshe dang ldan pa kun dga' bo'i stod 
g.yogs su smad g.yogs dang bcas pa dang / sgra can zin gyi rngul zan yang langs so/ /dga' ldan gyi gnas na sangs rgyas kyis gsungs pa'i dri ba 'di skad du/ bdag po rgyal po gang zhig ni/ /chags na rdul dang ldan pa yin/ /rdul med na ni rdul bral 'gyur/ /gang gis 'dir ni chags 
zhes brjod/ /blo ngan ji ltar mya ngan byed/ /mkhas pa ji ltar dga' bar 'gyur/ /gang gis ldan pa las bral nas/ /'di na grub dang bde zhes brjod/ /ces bris te/ 'dug pa gang gi tshe sangs rgyas bcom ldan 'das 'jig rten du ma byung ba de'i tshe sus kyang gzung bar yang mi nus/ de dag gi don 
smra bar yang mi nus so/ /gang gi tshe sangs rgyas bcom ldan 'das 'jig rten du byung ba de'i tshe yang dri ba de dag gzung bar nus kyi de dag gi don smra bar ni mi nus so/ /re zhig cig na gnod sbyin gyi bdag po rnam thos kyi bu bya ba zhig gi phyir dga' ldan gyi lha'i nang du song ba dang / des dri ba dris pa de dag mthong 
ngo / /de nas ya mtshan skyes te de bzung na don khong du chud par ma nus te/ des de dag pho brang lcang lo can du khyer nas spang leb la bris te bzhag go/ /de'i tshe rdo 'jog ces bya ba na klu'i rgyal po e la'i 'dab ces bya ba gnas pa de yun ring po nas bdag gis nam zhig sangs rgyas bcom ldan 'das mthong zhes 
de snyam du smon to/ /de'i mdza' bo gnod sbyin gser 'od ces bya ba de bya ba zhig gi phyir gnod sbyin gyi bdag po rnam thos kyi bu'i pho brang lcang lo can du song ba dang / des dri ba de dag spang leb la bris pa mthong nas des de dag blangs te chub par byas nas dpyad par brtsams na don khong du ma chud nas des rdo 'jog tu khyer 
te klu'i rgyal po e la'i 'dab la byin nas smras pa/ grogs po dri ba 'di dag ni sangs rgyas kyis gsungs pa yin na/ 'di dag ni don sus kyang ma rtogs kyis khyod kyis 'di dag dang gser 'bum khyer la grong dang / grong rdal dang / rgyal po'i pho brang 'khor du bskor te 'di skad ces gang gis dri ba 'di 

</font><hr>10-1-278b<br><font size=+1>
dag gi don smra nus pa de la ngas gser 'bum sbyin zhing bkur sti chen pos kyang rim gro bya'o zhes smros shig /gal te 'ga' zhig gis smra bar nus na de la gser 'bum byin cig /ji ste ma nus na grong khyer dang / grong rdal ma yin no zhes sgrogs la gzhan du song shig /des de bzung nas kun chub par 
byas te/ bdag nyid bram ze'i khye'u'i gzugs su sprul nas/ gser 'bum khyer te grong dang / grong rdal dang / rgyal po'i pho brang dag tu bskor nas bA rA Na sIr phyin to/ /de bA rA Na sI'i lam po che dang / srong dang / bzhi mdo dang / sum mdo dag tu shes ldan bA rA Na sI'i grong na gnas pa dang / yul 
so so nas 'ongs pa'i skye bo'i tshogs dag nyon cig /bdag gis dri ba 'di dag khyer te 'ongs te gang zhig 'di dag gi don smra bar nus pa de la ngas gser 'bum 'di sbyin zhing bkur sti chen pos kyang rim gro bya'o zhes bsgrags pa dang / kha cig ni mkhas pa snyems/ kha cig ni ya mtshan skyes nas srog 
chags brgya stong phrag du ma 'dus kyang sus kyang don smra bar ma nus so/ /des grong khyer dang / grong rdal ma yin no zhes bsgrags par brtsams pa dang / bA rA Na sI na gnas pa'i bram ze dang khyim bdag gis smras pa/ re zhig grong dang / grong rdal ma yin no zhes ma sgrogs par bdag cag gi skye bos 
nges par bkur ba'i dge sbyong dang / bram ze dgon pa'i gnas na 'dug pa gang dag yin pa de dag je 'ong du chug la phyis grong khyer dang / grong rdal ma yin no zhes sgrogs shig /des smras pa/ de dag gang zhig yin/ na la da la sogs pa'o/ /des legs kyis de bzhin bya'o zhes smras nas/ de 
sdod pa dang / ji tsam zhig na na la da 'ongs so/ /des de'i mdun du 'dug ste smras pa/ drang srong chen po bdag gis dri ba 'di dag khyer te 'ongs te/ gang zhig 'di dag gi don smra bar nus pa de la gser 'bum 'di yang sbyin zhing bkur sti chen pos kyang rim gro bya'o/ /na la das de dag bklags nas smras pa/ 
bram ze'i khye'u legs kyis de bzhin du byas te smra'o/ /yun ji srid cig na lo bcu gnyis 'das nas so/ /drang srong chen po dus de ni rings so/ /drug na'o/ /de yang rings so/ /gsum na'o/ /gcig na'o/ /zla ba drug na'o/ /zla ba gsum na'o/ /zla ba na'o/ /zla ba phyed na'o/ /zhag bdun 'das na'o/ /

</font><hr>10-1-279a<br><font size=+1>
e la'i 'dab kyis drang srong chen po legs kyis de ltar byos shig /de bar du sdod do zhes smras nas de sdod pa dang / drang srong na la da'i smos 'drin dge slong lnga po yin pas de de dag gi drung du song nas smras pa/ shes ldan dag bram ze'i khye'u zhig gis dri ba 'di dag dang / gser 'bum khyer 
nas bdag gi drung du 'ongs te gang zhig dri ba 'di dag gi don smra nus pa de la gser 'bum 'di sbyin zhing bkur sti chen pos kyang ri mor bya'o zhes zer na dri ba 'di dag gi don mang la tshig nyung bas khong du chud par dka' na 'di la ji ltar bsgrub par bya/ de dag gis smras pa/ na la da song la sangs rgyas bcom 
ldan 'das la zhus shig /shes ldan dag ci sangs rgyas bcom ldan 'das 'jig rten du byung ngam/ byung ngo / /gang na bzhugs/ drang srong smra ba ri dgas kyi nags na'o/ /de dga' ba dang mgu ba skyes nas myur ba myur bar bcom ldan 'das gang na ba der song ba dang / na la das sangs rgyas bcom ldan 'das 
sku skyes bu chen po'i mtshan sum bcu rtsa gnyis kyis brgyan pa/ dpe byad bzang po brgyad bcus mdzes par byas pa/ 'od 'dom gang gis brgyan pa/ nyi ma stong bas lhag pa'i 'od can rin po che'i ri bo 'gro ba lta bu kun nas bzang ba mthong ste/ ji ltar dge ba'i rtsa ba bsags pa'i sems kyis thog ma 
sangs rgyas mthong ba ltar/ lo bcu gnyis kyi bar du zhi gnas kyi sems goms par byas pa'am/ bu med pas bu rnyed pa'am/ dbul pos gter mthong ba'am/ rgyal srid la mngon par dga' ba rgyal srid kyi dbang bskur ba ni de ltar nyams bde bar 'gyur ba ma yin no/ /mthong nas kyang bcom ldan 
'das gang na ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug pa dang / bcom ldan 'das kyis de'i bsam pa dang / bag la nyal ba dang / khams dang / rang bzhin thugs su chud nas 'phags pa'i bden pa bzhi rtogs 
par 'gyur ba de lta bu'i chos bshad pa mdzad pa dang / de thos nas drang song na la das 'jig tshogs la lta ba'i ri'i rtse mo nyi shu mtho ba ye shes kyi rdo rjes bcom nas rgyun tu zhugs pa'i 'bras bu mngon sum du byas so/ /des bden pa mthong nas zhabs la phyag 'tshal te gsol pa/ btsun pa bdag legs par 

</font><hr>10-1-279b<br><font size=+1>
gsungs pa'i chos 'dul ba la rab tu 'byung zhing bsnyen par rdzogs pa dge slong gi dngos po 'thob na bcom ldan 'das kyi spyan sngar bdag tshangs par spyad pa spyod par 'tshal lo/ /bcom ldan 'das kyis bka' stsal pa/ na la da khyod kyis bram ze'i khye'u de la dri ba'i don smra'o zhes dam bcas pas de'i phyir song la 
re zhig sngar dam bcas pa de tshar phyung ste phyis rab tu byung shig /des gsol pa/ btsun pa bdag gis yon tan gyi tshogs 'di lta bu thob mod kyi 'on kyang dri ba de dag gi don bdag gis smra rngo mi thog na der mchis te ci zhig bgyi/ bcom ldan 'das kyis bka' stsal pa/ na la da song la son nas 'di skad du re zhig dri ba 
de dag smos shig ces gyis shig /gang gi tshe des 'di skad ces ni/ bdag po rgyal po gang zhig ni/ /chags na rdul dang ldan pa yin/ /rdul med na ni rdul bral 'gyur/ /gang gis 'dir ni chags zhes brjod/ /blo ngan ji ltar mya ngan byed/ /mkhas pa ji ltar dga' bar 'gyur/ /gang gi ldan pa las 
bral nas/ /'di ni grub dang bde zhes brjod/ /ces smras par gyur pa de'i tshe khyod kyis 'di skad ces smros shig /drug pa bdag po rgyal po ni/ /chags na rdul dang ldan pa yin/ /rdul med na ni rdul bral 'gyur/ /chags na byis pa zhes 'dir brjod/ /blo ngan de ltar mya ngan byed/ /mkhas pa de ltar dga' 
bar 'gyur/ /'di yi ldan pa las bral nas/ /'di ni grub dang bde zhes brjod/ /gal te brda ma phrad do zhes zer na de la/ /legs par gsungs pa shes pa gces pa ste/ /thos dang ting 'dzin shes pa gces pa yin/ /mi gang gya tshom bag med gyur pas ni/ /mi shes de la thos pa don mi che/ /zhes 
smros shig /gal te sangs rgyas gsung dag smra mod kyi/ khyod la mtshan ni mi snang ngo / /'di la bdag gi blo rmongs kyis/ the tshom myur du gcad par gyis zhes zer na/ /de'i mdun du sen mos rtswa chod cig /gal te ci sangs rgyas bcom ldan 'das 'jig rten du byung ngam zhes zer na byung ngo zhes 
smros shig /ji ste gang na bzhugs zhes zer na drang srong smra ba ri dgas kyi nags na'o zhes gyis shig /btsun pa de bzhin du 'tshal zhes rigs kyi bu na la das bcom ldan 'das kyi ltar mnyan te bram ze'i khye'u gang na ba der song ste phyin pa dang / bram ze'i khye'u la 'di skad ces smras so/ /bram ze'i 

</font><hr>10-1-280a<br><font size=+1>
khye'u de re zhig dri ba de dag smros shig /des tshigs su bcad de smras pa/ bdag po rgyal po gang zhig ni/ /chags na rdul dang ldan pa yin/ /rdul med na ni rdul bral 'gyur/ /gang gis 'dir ni chags zhes brjod/ /blo ngan ji ltar mya ngan byed/ /mkhas pa ji ltar dga' bar 'gyur/ /
gang zhig ldan pa las bral nas/ /'di ni grub dang bde zhes brjod/ /des smras pa/ drug pa bdag po rgyal po ni/ /chags na rdul dang ldan pa yin/ /rdul med na ni rdul bral 'gyur/ /chags na byis pa zhes 'dir brjod/ /blo ngan de ltar mya ngan byed/ /mkhas pa de ltar dga' bar 'gyur/ /'di 
yi ldan pa las bral nas/ /'di na grub dang bde zhes brjod/ /bram ze'i khye'us smras pa/ /drang srong chen po brda ma phrad do/ /des smras pa/ legs par gsungs pa shes pa gces pa ste/ /thos dang ting 'dzin shes pa gces pa yin/ /mi gang gya tshom bag med gyur pas ni/ /mi shes de la thos pa 
don mi che/ /bram ze'i khye'us smras pa/na la da/ sangs rgyas gsung dag smra mod kyi/ /khyod la mtshan ni mi snang ngo / /'di la bdag gi blo rmongs kyis/ /the tshom myur du gcad par gyis/ /na la das de'i mdun du sen mos rtswa bcad pa dang / des smras pa/ na la da ci sangs rgyas bcom ldan 
'das 'jig rten du byung ngam/ des smras pa/ bram ze'i khye'u byung ngo / /gang na bzhugs/ yul bA ra Na sI 'di nyid na'o/ /phyogs gang na/ drang srong smra ba ri dgas kyi nags na'o/ /bram ze'i khye'us bsams pa/ gal te bdag gis 'di la rang gi rigs bsnyad na ni 'dis brnyas par 'gyur 
ro/ /'on te bram ze'i khye'u'i cha lugs kho nas song na ni bA rA Na sI na gnas pa'i bram ze rig pa gsum dang ldan pa'am/ kha cig bram ze'i khye'u rigs mthon po las skyes pa dag dge sbyong gau ta ma'i drung du song ngo zhes ma dad par 'gyur ro/ /gal te rang gi cha lugs kyis song na ni bdag dang / 
klu mang po 'khon yod pas la las bdag la gnod pa byas su 'ong bas ma la bdag gis bdag nyid 'khor los sgyur bar mngon par sprul la bcom ldan 'das kyi spyan sngar 'gro'o snyam mo/ /de nas klu'i rgyal po e la'i 'dab kyis bdag nyid 'khor los sgyur ba'i rgyal por mngon par sprul te/

</font><hr>10-1-280b<br><font size=+1>
rin po che sna bdun gyis ni mdun drangs/ khrom gyi ru bye ba phrag dgu bcu rtsa dgus ni bskor/ bu stong rin po che sna tshogs kyi rgyan gyis brgyan cing zla ba kham pa lta bur bskor/ mu stegs can dang / dge sbyong dang / bram ze dang / bkren pa dang / phongs pa sna tshogs dang / mi'i mchog 
stong ni phyi bzhin 'brang / rtsibs stong dang ldan pa'i gdugs ni steng nas 'dzin cing nyi ma 'od stong gi 'od kyis snang bas zla ba rgyu skar dang gza' dang bcas pa'i gzhal med khang gis mdzes pa yang zil gyis gnon pa'i 'od kyang zil gyis mnan nas drang srong smra ba ga la ba der song ngo / /yang 
de'i tshe bcom ldan 'das 'khor brgya phrag du ma'i mdun na bzhugs shing chos ston to/ /'khor de dag gis klu'i rgyal po e la'i 'dab rgyang ring po nas mthong ngo / /mthong nas kyang ngo mtshar du gyur te mig bgrad nas rtog pa rnam pa sna tshogs skyes te/ kha cig ni 'di skad du shes ldan dag 
rgyal po 'di ga las 'ongs pa zhig ces zer ro/ /gzhan dag na re shes ldan dag gang la 'di lta bu'i 'byor pa phun sum tshogs pa yod pa 'di rgyal po ma yin gyi sa'i steng gi sa'i dbang phyug gang zhig yin zhes zer ro/ /gzhan dag ni 'di rgyal po ma yin gyi lha'i dbang po brgya byin bcom ldan 
'das la blta ba'i phyir 'dir 'ongs so zhes zer ro/ /de na gang dag chags pa'i dbang du song ba de dag gis de mthong nas bdag kyang 'di 'dra bar nam zhig 'gyur zhes chags pa bskyed do/ /de dag de ltar rnam pa du mar rtog pa na klu'i rgyal po e la'i 'dab bcom ldan 'das ga la ba der 
song ste phyin pa dang / bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug pa dang / bcom ldan 'das kyis klu'i rgyal po e la'i 'dab la 'di skad ces bka' stsal to/ /skyes bu blun po khyod yang dag par rdzogs 
pa'i sangs rgyas 'od srung gi bslab pa'i mtshams las 'das pas klu'i skye gnas smad par skyes na/ da nga'i 'khor yang bslu bar 'dod dam ci song la sprul pa thong ste rang gi cha lugs kyis shog shig /des gsol pa/ btsun pa bdag dang / klu mang po khon mchis pas la las 

</font><hr>10-1-281a<br><font size=+1>
bdag la gnod pa bgyis su mchi'o/ /de nas bcom ldan 'das kyis gnod sbyin lag na rdo rje la bka' stsal pa/ lag na rdo rje song la klu'i rgyal po e la'i 'dab la bsrung bar gyis shig /btsun pa de ltar 'tshal lo zhes gnod sbyin lag na rdo rjes bcom ldan 'das kyi ltar 
mnyan nas klu'i rgyal po e la'i 'dab bsrung ba lhur len cing phyi bzhin 'brang ngo // //'dul ba phran tshegs kyi gzhi/bam po nyi shu lnga pa/ de nas klu'i rgyal po e la'i 'dab bcom ldan 'das kyi spyan snga nas song ste rang gi rang bzhin du mngon par bsgyur nas mjug ma ni 
rdo 'jog na 'dug /mgo bdun po ni bA rA Na sI na 'dug ste/ mgo re re la sngon gyi las kyi rnam par smin pas grub pa'i shing e la skyes pas kun nas srin bu'i rigs brgya phrag du mas ni gang / sbrang bu'i tshogs du ma ni lding zhing 'bab/ rnag dang khrag gi dri mnam zhing rab tu mnam 
pa ni 'dzag go/ /de nas sems can rnams kyis mthong na mig bsgyur ba de lta bur lus bsgyur nas/ bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug pa dang / 'khor de dag gis klu'i rgyal po e 
la'i 'dab kyi lus mthong na mi 'dod pa shin tu 'jigs su rung ba/ 'dod chags dang ma bral ba 'jigs pa dang / mya ngan dang / skyo bar byed pa che zhing gas pa/ rtsub pa/ mdangs med pa/ kha dog gi rnam pa dang dbyibs kyi khyad par du ma dang ldan pa mthong ngo / /mthong nas kyang skrag nas 
bcom ldan 'das la 'di skad ces gsol to/ /bcom ldan 'das bcom ldan 'das kyi spyan sngar mchis pa shin tu 'jigs su rung ba 'di gang zhig lags/ bcom ldan 'das kyis bka' stsal pa/ dge slong dag 'di ni 'khor los sgyur ba'i cha lugs 'chang zhing nga'i drung du 'ongs pa gang 
la khyed kyis 'khor ba'i sgo'i khyad par 'dod pas chags pa bskyed pa de yin te/ de'i da lta'i lus 'di ni mi 'dod pa'i las kyi nyes pas mngon par grub pa rang bzhin pa yin no/ /snga ma ni sprul pa yin no/ /de dag gis las chud mi za ba thos pas yid mi bde ba skyes te cang mi zer bar 'dug go/ /

</font><hr>10-1-281b<br><font size=+1>
de nas klu'i rgyal po e la'i 'dab kyis bcom ldan 'das la 'di skad ces gsol to/ /bcom ldan 'das bdag lung bstan du gsol/ bde bar gshegs pa bdag lung bstan du gsol/ bcom ldan 'das kyis bka' stsal pa/ klu'i dbang po mi rnams kyi tshe lo brgyad khri par gyur 
te mi rnams kyi tshe lo brgyad khri thub pa na ston pa byams pa zhes bya ba de bzhin gshegs pa dgra bcom pa zhes bya ba nas/ lha dang mi rnams kyi ston pa/ sangs rgyas bcom ldan 'das 'jig rten du 'byung bar 'gyur ro zhes bya ba'i bar snga ma bzhin te/ des khyod la lung ston par 'gyur ro/ /
de nas klu'i rgyal po e la'i 'dab bcom ldan 'das kyi zhabs la mgo bos phyag 'tshal nas de nyid du mi snang bar gyur to/ /dge slong dag the tshom skyes te the tshom thams cad gcod par mdzad pa sangs rgyas bcom ldan 'das la zhus pa/ btsun pa klu'i rgyal po e la'i 'dab kyis las ci zhig 
bgyis na las de'i rnam par smin pas klu'i skye gnas smad par skyes nas shing e la mgo la skyes pas kun nas srin bu'i rigs brgya phrag du mas ni gang / sbrang ma'i tshogs du ma ni lding zhing 'bab/ rnag dang khrag gi dri mnam zhing rab tu mnam pa ni 'dzag pa'i sdug bsngal 'di lta 
bu 'di nyams su myong lags/ bcom ldan 'das kyis bka' stsal pa/ dge slong dag klu'i rgyal po e la'i 'dab kyis las byas shing bsags pa/ tshogs rnyed pa/ rkyen yongs su bsgyur ba/ 'od pa bzhin du nye bar gnas pa nges par 'byung ba yin te/ klu'i rgyal po e 
la'i 'dab kyis las byas shing bsags pa gzhan su zhig gi myong bar 'gyur/ dge slong dag las byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la ma yin/ me'i khams la ma yin/ rlung gi khams la ma yin gyi/ 'on kyang 
las dge ba dang mi dge ba byas pa dag ni zin pa'i phung po dang / khams dang / skye mched dag kho na la rnam par smin par 'gyur te/ bskal pa brgya phrag rnams su yang / /las rnams chud zar mi 'gyur te/ /tshogs shing dus la bab pa na/ /lus can rnams la 'bras bur smin/ /

</font><hr>10-1-282a<br><font size=+1>
dge slong dag sngon byung ba bskal pa bzang po 'di nyid la skye dgu'i tshe lo nyi khri thub pa na ston pa 'od srung zhes bya ba rig pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs 
rgyas bcom ldan 'das 'jig rten du byung ste/ de grong khyer bA rA Na sI'i drang srong smra ba ri dgas kyi nags na gnas shing bzhugs so/ /de'i bstan pa la 'di rab tu byung nas sde snod gsum dang ldan pa spong ba par gyur te/ de dben pa'i phyogs shig na shing e la'i drung du 'chag sa bcas te/ 
de de na 'chag pa'i dpral bar shing e la'i 'dab mas phog pa dang / des de mnags so/ /ji tsam dus gzhan zhig na yid la byed pa'i rnal 'byor gyis ngal te 'chag pa na de'i dpral ba la de'i 'dab mas phog pa dang / des de la khros te bcad nas lag pa gnyis kyis dum bu dum 
bur byas te bor nas 'di skad du srog kyang med/ 'tsho ba yang med pa 'di la bcom ldan 'das 'od srung gis nyes pa ci zhig gzigs na/ gang gi phyir bslab pa'i gzhir bcas zhes kyang smras so/ /des khros te bslab pa dral bas lus zhig nas klu rnams kyi nang du skyes te mgo la shing 
e la skyes pas srin bu'i rigs brgya phrag du mas ni gang / sbrang ma'i tshogs du ma ni lding zhing bab/ rnag dang khrag gi dri mnam zhing rab tu mnam pa ni 'dzag go/ /dge slong dag ji snyam du sems/ de'i tshe de'i dus kyi dge slong sde snod gsum pa spong ba pa gang yin pa de ni klu'i 
rgyal po e la'i 'dab 'di nyid yin te/ gang 'dis yang dag par rdzogs pa'i sangs rgyas 'od srung gi bstan pa la rab tu byung nas rab tu khros te bslab pa dral ba'i las de'i rnam par smin pas klu rnams kyi nang du skyes te/ mgo la shing e la skyes pas kun nas srin bu'i rigs brgya 
phrag du mas ni gang / sbrang bu'i tshogs du ma ni lding zhing bab/ rnag dang khrag gi dri mnam zhing rab tu mnam pa ni 'dzag go/ /dge slong dag de ltar na las gcig tu gnag pa rnams kyi rnam par smin pa yang gcig tu gnag /gcig tu dkar ba rnams kyi yang gcig tu dkar/

</font><hr>10-1-282b<br><font size=+1>
'dren ma rnams kyi yang 'dren ma'o/ /dge slong dag de lta bas na las gcig tu gnag pa dang / 'dren ma dag spangs te las gcig tu dkar ba dag kho na la brtsal bar bya ste/ dge slong dag khyed kyis de ltar bslab par bya'o/ /bcom ldan 'das kyis de skad ces bka' stsal 
pa dang / dge slong de dag yi rangs te bcom ldan 'das kyis gsungs pa la mngon par bstod do/ /de nas drang srong na la da bcom ldan 'das gang na ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig 
tu 'dug nas bcom ldan 'das la drang srong na la das 'di skad ces gsol to/ /btsun pa bdag gis sngon dam bcas pa tshar phyung lags te/ btsun pa bdag legs par gsungs pa'i chos 'dul ba la rab tu 'byung ba dang bsnyen par rdzogs pa dge slong gi dngos po 'thob na 
bdag bcom ldan 'das kyi spyan sngar tshangs par spyad pa spyod par 'tshal lo/ /bcom ldan 'das kyis de la dge slong tshur tshangs par spyad pa spyod cig ces dge slong tshur zhes bya bas bka' stsal pa dang / de bcom ldan 'das kyis bka' stsal ma thag tu skra byi/ snam sbyar 
gyon/ lag na lhung bzed dang bya ma bum thogs shing skra dang kha spu bregs nas zhag bdun lon pa lta bu bsnyen par rdzogs nas lo brgya lon pa'i spyod lam du gnas par gyur to/ /de bzhin gshegs pas tshur shog bka' stsal pas/ skra bregs snam sbyar bgos pa'i lus ldan 
zhing / sangs rgyas dgongs pas cha lugs bsgyur nas ni/ mod la dbang po rab zhi kho nar gnas/ gang gi tshe bcom ldan 'das kyis tshe dang ldan pa na la da dge slong tshur shog ces bya bas rab tu phyung ba de'i tshe de la tshangs pa mtshungs par spyod pa dag gis ji skad bod mi shes pa'i skabs de dge 
slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong dag 'di'i rus ka t+ya'i bu yin te de bas na 'di la ka t+ya'i bu zhes bos shig /dge slong dag gis de la ka t+ya'i bu zhes bod par brtsams pa dang / de'i ming ka t+ya'i bu zhes bya bar chags 

</font><hr>10-1-283a<br><font size=+1>
so/ /de nas bcom ldan 'das kyis tshe dang ldan pa ka t+ya'i bu la bka' stsal pa/ ka t+ya'i bu 'jig rten 'di ni phal cher yod pa dang med pa gnyis la rten to/ /ka t+ya'i bu 'jig rten 'di ni phal cher phung po dang nye bar len pas rnam par 
bcings shing yod pa dang med pa gnyis la rten to/ /ka t+ya'i bu sems kyi mngon par zhen pa bag la nyal du 'gyur ba 'di dag la bdag ces bya bar khas mi len/ len par mi byed/ gnas par mi byed/ mngon par zhen par mi byed do/ /
ka t+ya'i bu skye ba na sdug bsngal 'di skye'o/ /'gag pa na sdug bsngal 'di 'gag go/ /ka t+ya'i bu 'di la khyod yid gnyis dang / the tshom med par gzhan la rag ma las pa'i shes pa kho na skyes na ka t+ya'i bu 'di tsam gyis na yang dag pa'i lta ba yin te/ 'di 
tsam gyis na de bzhin gshegs pas yang dag pa'i lta bar 'dogs pa na 'dogs par mdzad do/ /de ci'i phyir zhe na/ ka t+ya'i bu 'jig rten kun 'byung ba yang dag pa ji lta ba bzhin du yang dag pa'i shes rab kyis lta ba ni 'jig rten la med pa gang yin pa der 
mi sems so/ /ka t+ya'i bu 'jig rten 'gog pa yang dag pa ji lta ba bzhin du yang dag pa'i shes rab kyis lta ba ni 'jig rten la yod pa gang yin pa der mi sems so/ /ka t+ya'i bu de bzhin gshegs pa ni mtha' gnyis po de dag la mi rten par 'jig 
rten la dbu ma'i lam gyis chos ston cing 'di ltar 'di yod pas 'di 'byung / 'di skyes pas 'di skye ste/ 'di lta ste/ ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ 
ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis 

</font><hr>10-1-283b<br><font size=+1>
rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung ste/ de ltar na sdug bsngal gyi phung po chen po 'di 'ba' zhig kun du 'byung bar 'gyur ro/ /'di ltar 'di med pas 'di mi 'byung / 'di 'gags 
pas 'di 'gag ste/ 'di lta ste ma rig pa 'gags pas 'du byed 'gag /'du byed 'gags pas rnam par shes pa 'gag /rnam par shes pa 'gags pas ming dang gzugs 'gag /ming dang gzugs 'gags pas skye mched drug 'gag /skye 
mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len pa 'gags pas srid pa 'gag /srid pa 'gags pas skye ba 'gag /skye ba 
'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag ste/ de ltar na sdug bsngal gyi phung po chen po 'ba' zhig pa ni 'gag par 'gyur ro/ /de nas tshe dang ldan pa ka t+ya'i bus 
bden pa mthong ste/ 'khor ba'i 'khor lo g.yo ba dang mi g.yo ba cha lnga pa 'di nyid rig ste/ 'dus byas kyi rnam pa thams cad chos nyid kyis 'jig pa dang / ltung ba dang / 'gyes pa dang / 'joms par rtogs nas nyon mongs pa thams cad spangs te 
dgra bcom pa nyid mngon sum du byas nas/ dgra bcom pa khams gsum pa'i 'dod chags dang bral ba/ sems gser dang bong bar mnyam pa/ nam mkha' dang lag mthil du 'dra ba/ tsan+dan dang ste 'ur mtshungs pa/ rig pas ma rig pa'i sgo nga'i 
sbubs bcom pa/ mngon par shes pas so so yang dag par rig pa thob pa/ srid pa dang rnyed pa la chags pa dang / bkur sti la rgyab kyis phyogs pa/ dbang po dang nye dbang dang bcas pa'i lha rnams kyis mchod pa dang / rjed pa dang / gus par smra bar 

</font><hr>10-1-284a<br><font size=+1>
gyur to/ /bcom ldan 'das kyis de la ka t+ya'i bu zhes bka' stsal cing bos pas de'i ming ka t+ya'i bu chen po zhes bya bar chags so/ /ji tsam dus gzhan zhig na 'phags rgyal du khyogs dang khyogs su 'dom pa'i mi ngas shig byung nas rgyal po gtum 
po rab snang btsun mo'i 'khor dang / gzhon nu dang / blon po dang / pho brang 'khor gyi mi dang bcas te sems khong du chud cing 'dug go/ /de na kha cig gis smras pa/ lha zhi ba bgyid du stsol cig /gzhan dag gis smras pa/ bram ze rnams 'tshal 
ma stsol cig /kha cig gis smras pa/ lha nye 'khor na gnas pa'i dge ba'i ngo bor bkur ba'i dge sbyong dang bram ze gang yang rung ba de dag tshol du stsol cig /rgyal po gtum po rab snang gis chab sgo ba rnams la bsgo ba/ shes ldan dag dge sbyong ngam 
bram ze gang su yang rung ba yams kyi nad zhi bar byed par 'gyur ba zhig 'dir 'ongs na de nga la sbron cig /skabs 'di lta bu la sangs rgyas bcom ldan 'das rnams ni mi mkhyen pa'am mi gzigs pa'am mi rig pa dang / rnam par mi mkhyen pa cung zad 
kyang mi mnga' ste/ sangs rgyas bcom ldan 'das thugs rje chen po mnga' ba/ 'jig rten la phan 'dogs par zhugs pa/ srung ba gcig pa/ gcig tu dpa' ba/ zla med pa/ gnyis su mi gsung ba/ zhi gnas dang / lhag mthong la gnas pa/ gdul 
ba'i dngos po gsum la mkhas pa/ chu bo bzhi las rgal ba/ rdzu 'phrul gyi rkang pa bzhi zhabs kyi mthil la legs par gnas pa/ bsdu ba'i dngos po bzhi la yun ring po nas goms pa/ yan lag lnga spangs pa/ 'gro ba lnga las shin tu 'das pa/ yan lag 
drug dang ldan pa/ pha rol tu phyin pa drug yongs su rdzogs pa/ byang chub kyi yan lag bdun gyi me tog gis phyug pa/ 'phags pa'i lam yan lag brgyad pa ston pa/ mthar gyis gnas pa'i snyoms par 'jug pa dgu la mkhas pa/ stobs bcu'i stobs dang ldan pa/

</font><hr>10-1-284b<br><font size=+1>
phyogs bcur grags pas khyab pa/ brgya phrag bcu la mnga' sgyur bas khyad par du 'phags pa rnams ni chos nyid kyis nyin lan gsum mtshan lan gsum du sangs rgyas kyi spyan gyis 'jig rten la gzigs shing su ni rgud/ su ni dar/ su ni phongs par gyur/ su ni nyam nga bar 
'gyur/ su ni gnod par gyur/ su ni phongs pa dang nyam nga ba dang gnod par gyur/ su ni ngan song la gzhol/ su ni ngan song la 'bab/ su ni ngan song la bab/ su ni ngan song nas drangs te mtho ris dang thar pa la gzhag /su'i dge ba'i rtsa ba ma skyed pa dag ni bskyed par 
bya/ su'i bskyed pa dag ni yongs su smin par bya/ su'i smin pa ni rnam par grol bar bya/ su ni 'dod pa'i 'dam du bying ba las lag nas drang bar bya/ su ni 'phags pa'i nor dang bral ba las 'phags pa'i nor gyi dbang phyug la dbang byed par gzhag /su ni 
sangs rgyas 'byung bas brgyan pa'i 'jig rten 'bras bu dang bcas par bya'o zhes ye shes gzigs pa 'jug go/ /smras pa/ rgya mtsho chu srin rnams kyi gnas/ /dus rlabs yol bar 'gyur srid kyi/ /gdul bar bya ba'i sras rnams la/ /sangs rgyas dus 
las yol ba med/ /ji ltar ma ni bu gcig sdug pa la/ /lta bar byed cing de yi srog bsrung ltar/ /de bzhin gdul ba'i skye bo rnams la ni/ /de bzhin gshegs pa gzigs shing de'i rgyud srung / /thams cad mkhyen pa'i rgyud la gnas pa yi/ /thugs 
rje'i ba drus srid pa bgrod dka' bar/ /'khyams par gdul bar bya ba'i sras dag ni/ /ba gshin be'u stor bzhin du skyo med tshol/ /bcom ldan 'das kyis dgongs pa/ rgyal po gtum po rab snang btsun mo'i 'khor dang / gzhon nu dang / blon po dang /'phags rgyal 
na gnas pa'i skye bo'i tshogs dang bcas pa gang gis gdul bar bya ba yin snyam na dge slong ka t+ya'i bu chen po yin par gzigs so/ /de nas bcom ldan 'das kyis tshe dang ldan pa ka t+ya'i bu chen po la bka' stsal pa/ ka t+ya'i bu 'phags rgyal gyi rgyal po gtum po rab snang btsun 

</font><hr>10-1-285a<br><font size=+1>
mo'i 'khor dang / gzhon nu dang / blon po dang / 'phags rgyal na gnas pa'i skye bo'i tshogs dang bcas pa la soms shig /btsun pa de ltar 'tshal lo zhes tshe dang ldan pa ka t+ya'i bu chen pos bcom ldan 'das kyi ltar mnyan te/ de nyid kyi mtshan mo 'das 
nas snga dro chos gos dang sham thabs bgos/ /lhung bzed thogs te bA rA Na sIr bsod snyoms la zhugs so/ /bA rA Na sIr bsod snyoms spyad nas zas kyi bya ba byas te zas phyis len pa spangs nas/ gnas mal ji ltar spyad pa cham du phab ste/ lhung bzed dang chos 
gos thogs nas 'khor lnga brgya dang 'phags rgyal gang na ba der rgyu zhing song ngo / /de'i tshe yul ka n+yA kub dza na tshe dang ldan pa ka t+ya'i bu chen po'i sngon khyim pa'i mdza' bo bram ze zhig gnas pa de'i bu mo gzugs khyad par can dang ldan pas tshe rabs snga ma'i ming dang mthun 
par skra can zhes btags so/ /ji tsam na lho phyogs nas gar mkhan gyi slob dpon zhig 'ongs te des de'i skra bzang bar mthong nas bram ze'i drung du 'ongs te des smras pa/ kye bram ze chen po bu mo 'di'i skra rnams bdag la byin cig dang / kAr ShA pa Na stong sbyin no zhes smras pa 
dang / des slob dpon bdag cag ni bram ze yin te/ bdag cag skra 'tshong du mi rung na ji ltar skra btsong zhes smras pa dang / gar mkhan gyi slob dpon de cang mi zer bar song ngo / /bram ze de yang phyi de nyin dus las 'das so/ /de'i chung mas ji ltar 'phags pa ka t+ya'i 
bu chen po 'khor lnga brgya dang de nas thag mi ring ba zhig na 'dug ste/ 'phags rgyal du 'ong bar 'dod do zhes thos so/ /khyo dang bral bas sdug bsngal ba dang yid mi bde ba skyes pa de tshe dang ldan pa ka t+ya'i bu chen po 'ong ba thos nas lag pa 'gram pa la gtad de sems khong du 
chud cing 'dug go/ /bu mo skra can mas ma de ltar 'dug pa mthong ngo / /mthong nas kyang smras pa/ ma ci'i phyir lag pa 'gram pa la gtad de sems khong du chud cing 'dug /des smras pa/ bu mo 'phags pa ka t+ya'i bu chen po khyod kyi pha'i chung po grogs 'di nas mi ring ba zhig na 'dug 

</font><hr>10-1-285b<br><font size=+1>
ste 'phags rgyal du 'ong 'dod na khyod kyi pha ni dus las 'das/ bdag cag gi khyim gyi gnas skabs ni 'di lta bur gyur pas ring zhig na 'ongs pa de la nyi ma 'ga'i bsod snyoms kyang sbyin mi nus pas so/ /des smras pa/ ma gal te de lta na gar mkhan gyi slob dpon de 
bdag gi skra kAr ShA pa Na stong gis nyo bas de nyid du tshongs la 'phags pa ka t+ya'i bu chen po la bsod snyoms phul cig /bdag gi skra ni yang skye bar 'gyur gyis mya ngan ma mdzad cig /des de'i tshig dad pa las byung ba de thos nas/ bu mo legs kyis de ltar bya'o zhes smras te/ 
gar mkhan gyi slob dpon gang na ba der song ste phyin nas smras pa/ slob dpon khyod kyis nga'i bu mo'i skra kAr ShA pa Na stong gis 'jal na de snoms la kAr ShA pa Na stong stsol cig /des smras pa/ sring mo de'i tshe ni kho bo la de dag dgos kyi da ni de dag mi dgos mod kyi 'on kyang kAr ShA 
pa Na lnga brgyar 'tshong na blang ngo / /des smras pa/ slob dpon stsol la 'di dag bzhes shig /de blangs so/ /ji tsam na tshe dang ldan pa ka t+ya'i bu chen po yul ka n+yA kub dzar phyin nas de dben pa bla gab med pa zhig tu 'dug go/ /de nas bram ze mo de rtabs por gom pa 
bslang ste/ tshe dang ldan pa ka t+ya'i bu chen po gang na ba der song nas phyin pa dang / tshe dang ldan pa ka t+ya'i bu chen po la 'di skad ces smras so/ /'phags pa ka t+ya'i bu chen po sang bdag gi sdum par gdugs tshod gsol bar ci gnang / des smras pa/ bram ze mo nga'i 'khor skye bo 
phal po che'o/ /des smras pa/ 'phags pa 'khor ji snyed cig mchis/ bram ze mo nga'i 'khor lnga brgya yod do/ /'phags pa legs te de bzhin bgyi yis gnang bar mdzod cig /tshe dang ldan pa ka t+ya'i bu chen pos bram ze mo de la cang mi zer bas khas blangs so/ /de nas 
bram ze mo de tshe dang ldan pa ka t+ya'i bu chen pos cang mi zer bas khas blangs par rig nas rkang pa la phyag byas nas stan las langs te song ngo / /de nas bram ze mo des de nyid kyi nub mo gtsang zhing bsod pa'i bza' ba dang bca' ba dag bshams te nang par sngar langs nas stan bting /

</font><hr>10-1-286a<br><font size=+1>
chu ra bzhag nas tshe dang ldan pa ka t+ya'i bu chen po la spyan 'dren gyis 'phags pa gdugs tshod bshams lags te/ 'phags pa da de'i dus la bab par dgongs su gsol zhes dus gdab par byas so/ /de nas tshe dang ldan pa ka t+ya'i bu chen po snga dro chos gos dang 
sham thabs bgos lhung bzed thogs nas dge slong mang pos bskor cing dge slong gi dge 'dun gyis mdun du bdar te bram ze mo de'i bkad sa gang na ba der song ngo / /phyin nas dge slong gi dge 'dun gyi gung la stan bshams pa nyid la 'dug go/ /de nas bram ze mo des ka t+ya'i 
bu chen po la sogs pa dge slong gi dge 'dun dag bde bar bzhugs par rig nas gtsang zhing bsod pa'i bza' ba dang / bca' ba dag rang gi lag dar te yang dag par tshim par byed/ yang dag par stobs par byed do/ /rnam grangs du mar gtsang zhing bsod pa'i bza' 
ba dang bca' ba dag rang gis lag dar te yang dag par tshim par byas yang dag par bstabs nas tshe dang ldan pa ka t+ya'i bu chen po bshos gsol nas lhung bzed gyu phyag bcabs par rig nas tshe dang ldan pa ka t+ya'i bu chen po'i mdun du chos mnyan pa'i phyir stan ches dma' 
ba zhig bting nas 'dug go/ /de nas tshe dang ldan pa ka t+ya'i bu chen po bram ze mo de la chos 'chad par 'dod nas bram ze mo de la 'di skad ces smras so/ /bram ze'i bu mo skra can ga re/ des smras pa/ 'phags pa spyod lam nyams lags so/ /dgra bcom pa rnams ni 
ma bsams par ye shes mthong ba mi 'jug pas des bu mo skra can gyi spyod pa bsams nas smras pa/ bram ze mo dge ba'i bsam pa can gyi bu mo de bos shig /des bos pa dang / khang pa nas phyung ste dad pa drag pos tshe dang ldan pa ka t+ya'i bu chen po'i rkang pa la phyag 'tshal te phyogs 
gcig tu 'dug pa dang / bram ze mo des smras pa/ 'phags pa skra can ma 'di sdig pa spangs pas khyod kyi sras mo lags te/ de'i slad du ji ltar bgyis kyang bdag cag gis khyod kho na la zhu 'tshal na 'di bdag cag gis su la stsal bar bgyi gsungs shig /des smras pa/ bram ze mos cha 

</font><hr>10-1-286b<br><font size=+1>
ma yin pa zhig dris te/ de ni rab tu byung ba la 'tsham pa ma yin mod kyi 'on kyang bu mo 'dis gsang ba'i rgyan lnga brgya dang / phyi rol gyi rgyan lnga brgya dang / grong gi mchog lnga brgya rnyed par 'gyur ro/ /des smras pa/ 'phags pa bdag cag bram ze ni dbul ba lags na bdag 
cag gis de dag ga las rnyed/ des smras pa/ bram ze mo de skad ma zer cig /bu mo 'dis zhing bzang po la dad pa drag pos bya ba byas pas bsod nams kyi dbang che bar grags pa yin te/ nges par 'di la thams cad 'byor par 'gyur gyis smre sngags ma 'don cig ces 
byas pa dang / de cang mi zer bar 'dug go/ /tshe dang ldan pa ka t+ya'i bu chen pos bram ze mo de dang bu mo de la chos dang mthun pa'i gtam gyis yang dag par ston/ yang dag par len du 'jug /yang dag par gzengs stod/ yang dag par dga' bar byed cing rnam pa du mar chos 
dang mthun pa'i gtam gyis yang dag par bstan/ yang dag par len du bcug /yang dag par gzengs bstod/ yang dag par dga' bar byas nas stan las langs te song nas rim gyis 'phags rgyal du phyin to/ /de grong khyer du zhugs pa'i tshe mod la yams kyi nad phyed zhi 
bar 'gyur ba dang / chab sgo bas rgyal po la sbran pa/ lha sngon ma byung ba'i rtags dang cha lugs 'chang ba'i dge sbyong zhig g.yog lnga brgya dang mchis te/ de mchis pa'i mod la yams kyi nad phyed zhi bar gyur to/ /rgyal pos smras pa/ kye skyes bu legs kyis de la bkur sti gyis 
shig /bram ze rnams kyis smras pa/ lha bdag cag gis nyin mtshan du zhi ba'i las la brtson par bgyis pas na bdag cag gi mthus yams kyi nad phyed zhi bar gyur te dgung ring po mi thogs par thams cad yong ye zhi bar bgyi'o/ /dge slong dag gis ni rgyal po gtum po rab 
snang la nad med par gyur cig ces smras nas cang mi zer bar dong ngo / /rgyal pos blon po rnams la smras pa/ shes ldan dag chab sgo ba ni lha sngon ma byung ba'i rtags dang cha lugs 'chang ba'i dge sbyong zhig 'khor lnga brgya dang 'dir mchis te/ de mchis pa'i mod nyid la yams 

</font><hr>10-1-287a<br><font size=+1>
kyi nad [(]phyad [,]phyed [)]zhi bar gyur to zhes zer/ bram ze rnams ni lha bdag cag gis gdugs mtshan du zhi ba'i las la brtson par bgyis pas bdag cag gis mthus yams kyi nad phyed zhi bar gyur to zhes zer te de gang gi mthu yin pa mi shes na/ deng la dge sbyong dang 
bram ze de dag glang po che'i bres kyi mi gtsang ba'i phyogs shig tu 'bras chan ngan pa dang / rtsabs dag gi zas byin la zos nas phyir byung ba dang gnyi ga la zan ci 'dra ba zhig dris shig /lha de ltar 'tshal lo zhes smras nas/ blon po rnams kyis bsgo ba bzhin du glang po che'i bres 
kyi mi gtsang ba'i phyogs shig tu stan bting nas dge sbyong dang bram ze dag la zan byin te zos zin nas phyir byung ba dang / bram ze rnams la sgo bas kye bram ze chen po dag lhas khyed cag ci 'dra ba'i kha zas kyis tshim par byas zhes dris pa dang / de dag khros te smras pa/ 
byed stangs dang rgyal po thams cad chos ma yin pa la gzhol ba zhig ste/ des bram ze rnams la 'bras chan mi gtsang ba dang / sran tshod yan lag gnyis pa dang / rtsab mo byin te tshim par byas mod ces byas pa dang / de cang mi zer bar 'dug go/ /de dag dong nas dge slong 
rnams la dris pa/ 'phags pa khyed lhas ci 'dra ba'i kha zas kyis tshim par byas/ de dag gis smras pa/ bzhin bzangs sbyin pa pos ni byin/ len pa po rnams kyis ni zos te/ 'byung ba chen po rnams tshim par byas shing nyin zhag gi rgyags blangs so/ /sgo bas rgyal po 
la smras pa/ lha bram ze rnams ni 'di skad mchi'o/ /dge slong rnams ni 'di skad mchi'o/ /rgyal pos blon po rnams la bsgo ba/ shes ldan dag deng la da ni gnyi ga glang po che'i bres ma yin pa'i gtsang ma'i phyogs shig tu kha zas bsod pa dag byin la de bzhin du dris 
shig /de dag gis glang po che'i bres ma yin pa'i gtsang ma'i phyogs shig tu stan bshams te kha zas bsod pas tshim par byas na de bzhin du sgo bas dris pa dang / bram ze rnams kyis smras pa/ byed stangs dang rgyal po rgyal rigs spyi bo nas dbang bskur ba zhig ste zas ci 

</font><hr>10-1-287b<br><font size=+1>
'dod pa byin nas tshim par byas so/ /des bram ze dag rgyal po'i pho brang 'di ni sko sham pa'i kha na las pas res 'ga' ni ngan par gyur/ res 'ga' ni bzang por gyur gyis nga ma 'phya shig ces smras pa dang / de dag cang mi zer bar 'dug go/ /de dag dong nas dge slong 
dag la dris pa dang / de dag gis snga ma bzhin du smras so/ /sgo bas rgyal po la de bzhin du smras so/ /glang po che'i bres ji lta ba de bzhin du rta'i bres dang / phyag dar khrod dang / sa phyogs gtsang mar ngan pa dang bsod pa dag sbyar bar byas so/ /rgyal po gtum po rab snang gis bsams 
pa/ dge slong dag sbyin gnas yin gyi bram ze dag ni ma yin no snyam du rig nas dad pa skyes te tshe dang ldan pa ka t+ya'i bu chen po ga la ba der song ste phyin pa dang / tshe dang ldan pa ka t+ya'i bu chen po'i rkang pa la mgo bos phyag byas te phyogs gcig tu 'dug go/ /phyogs gcig 
tu 'dug pa dang rgyal po gtum po rab snang la tshe dang ldan pa ka t+ya'i bu chen pos chos dang ldan pa'i gtam gyis yang dag par ston/ yang dag par len du 'jug yang dag par gzengs stod/ yang dag par dga' bar byed cing rnam grangs du mar chos dang ldan pa'i gtam gyis 
yang dag par bstan/ yang dag par len du bcug /yang dag par gzengs bstod/ yang dag par rab tu dga' bar byas nas mi smra bar 'dug go/ /de nas rgyal po gtum po rab snang stan las langs te bla gos phrag pa gcig tu gzar nas tshe dang ldan pa ka t+ya'i bu chen po gang na ba de 
logs su thal mo sbyar ba btud de/ tshe dang ldan pa ka t+ya'i bu chen po la 'di skad ces 'phags pa ka t+ya'i bu chen po dge slong gi dge 'dun dang thabs cig tu sang bdag gi sdum par gdugs tshod gsol bar ci gnang zhes smras pa dang / tshe dang ldan pa ka t+ya'i bu chen pos rgyal po gtum po rab 
snang la cang mi zer bas gnang ngo / /de nas rgyal po gtum po rab snang gis tshe dang ldan pa ka t+ya'i bu chen pos cang mi smra bas gnang bar rig pas tshe dang ldan pa ka t+ya'i bu chen po'i rkang pa la mgo bos phyag 'tshal te stan las langs nas song ngo / /de nas rgyal po gtum po rab snang gis de nyid 

</font><hr>10-1-288a<br><font size=+1>
kyi nub mo gtsang zhing bsod pa'i bza' ba dang bca' ba dag bshams te/ nang par sngar langs nas gdan bting chu ra bzhag ste/ tshe dang ldan pa ka t+ya'i bu chen po la spyan 'dren pas 'phags pa ka t+ya'i bu chen po gdugs tsho de bshams lags te da de'i dus la bab par dgongs 
su gsol zhes dus tshod gdas par byas so/ /tshe dang ldan pa ka t+ya'i bu chen po snga dro chos gos dang sham thams bgos lhung bzed thogs te dge slong gi tshogs kyis bskor cing dge slong gi dge 'dun gyis mdun du bdar te rgyal po gtum po rab snang gi bkad sa gang na ba der song ste phyin 
pa dang / dge slong gi dge 'dun gyi gung la stan bshams pa nyid la 'dug pa dang / de yang 'dug ste rol mo'i sgra phyung nas bro gar mkhan rnams kyis bro gar rnam pa du ma dag bya bar brtsams pa dang / tshe dang ldan pa ka t+ya'i bu chen po dang dge slong dag dbang po bsdams te 'khod do/ /
glu gar dang rol mo'i sgra de dag zhi nas rgyal po gtum po rab snang gis 'phags pa ci gar bzang lags sam/ glu snyan lags sam zhes smras pa dang / tshe dang ldan pa ka t+ya'i bu chen pos smras pa/ rgyal po chen po gang gis thos pa'am/ mthong ba dag la'o/ /des smras pa/ 'phags 
pa dbang po nang du bsdus pa rnams kyis ma gzigs su ni stsol na ji ltar ma gsan/ des smras pa/ lha khyod la mi gsad pa la thug pa 'ga' yod dam/ 'phags pa mchis na de cir 'tshal/ lha skyes bu de'i lag tu snod til mar gyis khong ste bskur la phyi bzhin gshed ma'i mi thong ste de la 
'di skad ces kyi mi khyod tshur shog /snod 'bru mar gyis kha da chad du gang ba/ bya rog gis btung du rung ba 'di khyer la ljongs bzang po thams cad skor la 'dir khyer te shog shig /ji ste til mar thigs pa gcig sa la bo na mi ral gri gdengs pa 'dis khyod kyi mgo drungs nas bcad de sa la 
'dor du gzhug go zhes bsgo la/ de'i mdun du rol mo'i sgra sna tshogs phyung ste bro gar rnam pa sna tshogs byed du chug shig dang / de nas khyod yid ches par 'gyur ro zhes smras so/ /rgyal po gtum po rab snang des ji skad bstan pa thams cad rim gyis byas nas mi de la kye skyes bu ci gar 

</font><hr>10-1-288b<br><font size=+1>
bzang ngam/ glu snyan pa blangs sam/ rol mo'i sgra snyan tam zhes dris pa dang / des smras pa/ lha gang gis mthong ba'am/ thos pa dag la'o/ /rgyal pos smras pa/ kwa'e skyes bu dbang po nang du bsdus pa dag gis ma mthong du ni chug na/ ji ltar ma thos/ des lha bdag 'di 
snyam du gal te bdag gis 'bru mar gyi snod 'di las 'bru mar thigs pa gcig sa la bo na yang gshed ma mi ral gri gdengs pa 'dis bdag gi mgo drungs nas bcad nas sa la bor ro snyam ste bdag 'chi bas 'jigs skrag nas 'bru mar gyi snod la sems rtse gcig tu gtad de 
lta bas nyam thag ste 'dir mchis na ji ltar mthong ngam thos zhes smras pa dang / rgyal po spobs pa med nas cang mi zer bar 'dug go/ /tshe dang ldan pa ka t+ya'i bu chen pos smras pa/ lha khyod kyis mthong ngam/ 'phags pa mthong lags so/ /lha re zhig mi 'di tshe gcig gi 
sdug bsngal gyi phyir bdag nyid mi g.yeng ba dang / bag yod par kun tu srung bar bgyid na/ bdag cag dge slong rol mo'i sgra la lta ba dang / nyan pa spong ba blangs te/ bslab pa bzung ba dag tshe rabs du ma'i sdug bsngal gyi rgyu gar dang / glu dang / rol mo'i sgra la lta ba'am nyan pa 
lta smos kyang ci dgos te de ni gnas med do/ /rgyal po gtum po rab snang 'bru mar gyi snod mthong bas yid ches te lhag par dad nas btsun mo'i 'khor dang / gzhon nu dang / blon po dang / pho brang 'khor gyi mi dang bcas pas ka t+ya'i bu la sogs pa dge slong gi dge 'dun bde bar 
bzhugs pa la gtsang zhing bsod pa'i bza' ba dang bca' ba dag rang gi lag nas dar te yang dag par tshim par byed/ yang dag par stobs par byed cing rnam grangs du mar gtsang zhing bsod pa'i bza' ba dang bca' ba dag rang gi lag nas dar te yang dag par tshim par byas/ yang 
dag par bstabs nas tshe dang ldan pa ka t+ya'i bu chen pos gdugs tshod gsol nas lhung bzed gyu phyag bcabs par rig nas stan ches dma' ba zhig blangs te/ tshe dang ldan pa ka t+ya'i bu chen po'i mdun du 'dug go/ /'dug nas tshe dang ldan pa ka t+ya'i bu chen po la 'di skad ces 

</font><hr>10-1-289a<br><font size=+1>
smras so/ /'phags pa ji ltar bdag gis bgyis pa de ltar 'khor lnga brgya la bsod pa'i zhal zas kyis tshim par bgyis pa gzhan 'ga' mchis sam/ des smras pa/ lhas bdag du ma bas khyad zhugs pa khyod kyis bdag 'khor lnga brgya dang bsod pa'i kha zas 
'di lta bus tshim par byas pa gang yin pa 'di la ngo mtshar ci zhig che/ bdag 'dir 'ongs pa'i tshe ri 'or na gnas pa'i bu mo zhig gis bdag nyid kyi skra btsongs nas 'khor lnga brgya dang kha zas bsod pa 'di lta bus tshim par byas pa ni 'di bas ches khyad zhugs par ngo mtshar 
che'o/ /rgyal po gtum po rab snang gis bsams pa/ bu mo gang zhig gis skra kAr ShA pa Na lnga brgyar ldom pa de lta bu'i bud med ni lha dag gi nang na yang ga la yod/ mdor na de btsal bar bya'o snyam na tshe dang ldan pa ka t+ya'i bu chen po ni bsnyen par dka' ba yin pas des de la bu mo 
de ri 'or gang na 'dug ces dri bar ma nus te/ des zho shas 'tsho ba rnams la bsgo ba/ shes ldan dag ka t+ya'i bu chen po lam gang nas 'ongs pa de nas deng la ri 'or gang na bu mo zhig gis skra btsongs nas 'phags pa ka t+ya'i bu chen po 'khor lnga brgya dang bcas pa la bshos 
gsol ba tshol la btsal nas de nga'i don du slongs shig /lha de ltar 'tshal lo zhes zho shas 'tsho ba rnams kyis rgyal po gtum po rab snang gi ltar mnyan te rim gyis tshol ba na ka n+yA kub dzar phyin te de dag gis de btsal lo/ /btsal nas lam gyis dub pa ngal bso ste/ bram 
ze mo de'i khyim gang na ba der song ste phyin pa dang / sgo khang du 'khod nas smras pa/ bkra shis par gyur cig /bkra shis par gyur cig /bram ze mo des smras pa/ shes ldan dag ci 'dod/ de dag gis smras pa/ bu mo skra can ma'o/ /bram ze mos smras pa/ su'i don du slong 
de dag gis smras pa/ bram ze mo rgyal po gtum po rab snang gi'o/ /des smras pa/ shes ldan dag legs mod kyi 'on kyang 'di la gnyod mang du dgos so/ /de dag gis smras pa/ sring mo ji tsam zhig dgos/ des smras pa/ gsang ba'i rgyan lnga brgya dang / phyi rol gyi 

</font><hr>10-1-289b<br><font size=+1>
rgyan lnga brgya dang / grong khyer mchog lnga'o/ /de dag gis rgyal po gtum po rab snang la lha bu mo gnyod 'di snyed cig gis khugs so zhes don de spring ba dang / rgyal po gtum po rab snang gis phyir spring ba/ shes ldan dag bu mo gnyod ji tsam gyis khugs pa nos shig 
thams cad sbyar ro/ /de dag gis blangs nas rgyal pos nyi ma dang / tshes grangs dang / yud tsam dang sbyar te dpal gyi 'byor pa chen pos bag mar blangs so/ /gang gi nyin par 'phags rgyal du phyin pa de nyid kyi nyin par yul 'phags rgyal du mi ngas thams cad kyi 
thams cad du nye bar zhi zhing zhi bar gyur nas de'i ming zhi ba zhes bya bar chags so// //'dul ba phran tshegs kyi gzhi/bam po nyi shu drug pa/ sdom ni/ skye dang 'tsho byed ka t+ya'i bu/ /zhi dang tshong dpon g.yul dang ni/ /mdun na 'don dang sgrol ma dang / /
pi bang len dang skra bregs dang / /rus pa'i keng rus gtogs par ni/ /de ni tshoms su yang dag bsdus/ /de'i tshe 'phags rgyal na tshong dpon gyi bu zhig gnas pa des rigs mnyam pa las chung ma blangs nas de de dang lhan cig rtse bar byed dga' bar byed/ dga' mgur 
spyod par byed do/ /des dus cung zad cig rtses dga' bar byas/ dga' mgur spyad nas zong khyer te yul gzhan du song ngo / /de'i chung ma zhim po dang bzang po zos shing gyon pas nyon mongs pas shin tu gzir te/ de nyin gcig bzhin du khang thog tu song nas thams cad 
du skyes pa la lta'o/ /ji tsam du dus gzhan zhig na rgyal po gtum po rab snang glang po che la zhon te de'i khyim dang nye ba zhig tu song ba dang / des de la me tog gi phreng ba 'phongs pa de rgyal po gtum po rab snang gi phrag pa la phog go/ /des gyen du blta bar brtsams pa 
dang / ji tsam na na tshod gzhon nu kha dog dang dbyibs kyi khyad par gyis bdag nyid shin tu mdzes pa rlom pa/ 'dod pas thebs pa'i spyod pas zur stegs su mig zur gyis lta ba de mthong ngo / /mthong nas kyang de la sems kyi bsam pa 'chums par gyur te/

</font><hr>10-1-290a<br><font size=+1>
des smras pa/ gal te de lta na phyir byung shig /des smras pa/ lha mchid g.yar tshas 'di nyid du spyon cig /de yang de la chags pas ldog ma nus te/ de glang po che las babs nas de'i khyim du zhugs te de dang lhan cig dga' mgur spyad 
pas sems can zhugs par gyur to/ /bud med mkhas pa'i rang bzhin can kha cig la ma 'dres pa'i chos lnga yod de/ lnga gang zhe na/ skyes pa chags pa shes shing ma chags pa shes pa dang / dus shes shing zla mtshan dang ldan pa shes pa dang / mngal du zhugs 
pa shes pa dang / gang las mngal du zhugs pa shes pa dang / khye'ur shes shing bu mor shes pa yin no/ /des rgyal po la lha bdag ni sems can dang ldan par gyur to zhes ji ltar gyur pa smras pa dang / rgyal pos de la mu tig gi se mo do zhig byin te smras pa/ gal te 
khyod las bu khye'u zhig byung na de la mu tig gi se mo do 'di byin la nga'i drung du thong shig /'on te bu mo na khyod nyid kyi yin no zhes smras te song ngo / /de la mngal gyi mtshan ma byung bar gyur pa na tshong dpon des yi ge spring ste/ bdag kyang bde bar 'ong gis mi dga' bar 
ma byed par bag rton cig ces byas pa dang / des thos nas skrag ste des rgyal po la gsol pa dang / lha bdag gi khyim thab de nye ba zhig tu mchis na bdag gis ji ltar bsgrub par bgyi/ rgyal pos de la spring ba/ khyod mi dga' bar ma byed par bag rton cig 
dang / ngas ji ltar de thag ring bar 'gro ba de ltar bya'o zhes spring nas de cang mi zer bar 'dug go/ /rgyal pos de la nor 'di lta bu zhig nga la dgos kyis de ma rnyed par ma 'ong shig ces spring ba dang / de dag tshol du lam ring po shig tu song ngo / /de yang zla ba dgu 
'das nas khye'u gzugs bzang zhing mdzes pa dang blta na sdug pa zhig btsas pa dang / des mar dang sbrang rtsis kha bkang ste sgrom gyi nang du shing bal bting nas de'i thog tu bzhag ste/ steng nas gos dkar pos g.yogs nas de'i thog tu mu tig gi se mo do bzhag ste kha bcad 

</font><hr>10-1-290b<br><font size=+1>
nas sgrom de la rgya skyegs la rgya btab ste bran mo la bran mo khyod sgrom 'di khyer te song la/ rgyal po'i khab kyi sgor dkyil 'khor gyis la mar me bus te zhog shig /bzhag nas nam sus blangs kyi bar du phyogs gcig tu 'khod cig ces bsgo ba dang / des de bzhin du 
byas so/ /ji tsam zhig na ba lang lam de nas 'gro ba dag gis sgrom de bskor te 'khod do/ /re zhig cig na rgyal po gtum po rab snang btsun mo zhi ba dang lhan cig khang bzangs kyi steng du song ste 'dug pa des de bskor te 'dug pa'i ba lang de dag mthong ste des zho shas 'tsho ba 
rnams la bka' stsal pa/ shes ldan dag ba lang gis bskor cing 'dug pa de ci yin ltos shig /de dag gis mthong nas smras pa/ lha sgrom rgya skyegs la rgya btab pa zhig mchis so/ /rgyal pos smras pa/ khyer te shog shig /btsun mo zhi bas lha sgrom 
de'i nang na rdzas ci mchis pa de bdag la stsol cig ces gsol pa dang / rgyal pos smras pa/ legs kyis de bzhin du bya'o/ /ji tsam na sgrom de rgyal po'i thad du blangs nas rgyal pos kha phye ste bltas na re zhig na mu tig gi se mo do dang bu zhig mthong ste/ des mu tig gi se 
mo do ngo shes nas de 'di ni bdag gi bu yin no snyam pa'i sems skyes nas/ des de zhi ba la 'di ni khyod kyi bu'o zhes gtad do/ /des smras pa/ lha khye'u 'di'i ming ji skad du gdags/ des smras pa/ khye'u 'di ba lang dag gis bskyangs pas de'i phyir 'di'i ming ba lang skyong du 
gdags so zhes de'i ming ba lang skyong zhes bya bar btags so/ /de nas btsun mo zhi bas de bskyed pas na de'i ming yang ba lang skyong gi ma zhes bya bar chags so/ /de'i tshe yul rdo 'jog na rgyal po pad ma'i snying po can zhes bya ba rgyal srid byed du 'jug ste/ 'byor pa zhes bya ba 
nas chos dang mthun pas rgyal srid byed du 'jug go zhes bya ba'i bar du snga ma bzhin no/ /de'i yul na dus bzhin du char bab pas shing rnams kyi me tog dang / 'bras bu yang rtag tu chags/ sa la lo yang legs te slong mo bas kyang zas rnyed sla'o/ /ji tsam du dus 

</font><hr>10-1-291a<br><font size=+1>
gzhan zhig na rgyal po pad ma'i snying po can khang bzangs kyi thog tu song ste blon po'i tshogs kyis bskor cing 'dug pa des blon po rnams la smras pa/ shes ldan dag rgyal po gzhan gang gi yul na yang 'di ltar char dus bzhin du 'bab cing shing las me tog 
dang 'bras bu rtag tu 'chags pa dang / sa la lo legs shing slong mo bas kyang zas rtag tu rnyed sla ba yod dam/ de dag gis smras pa/ lha mchis te rgyal po gtum po rab snang gi yul 'phags rgyal zhes bgyi ba na char dus bzhin du 'bab cing shing las me tog dang 
'bras bu yang rtag tu 'chags/ sa la lo legs pas slong mo bas kyang rtag tu zas rnyed sla'o zhes gda'o/ /des smras pa/ shes ldan dag gal te de lta na dpung gi tshogs yan lag bzhi pa go skon cig dang de'i yul 'khor gzhom par byas 'dong ngo / /de dag gis dpung 
gi tshogs yan lag bzhi pa go bskon nas rgyal po pad ma'i snying po can dpung gi tshogs yan lag bzhi pa dang / yul 'phags rgyal du dong ste rim gyis rgyal po gtum po rab snang gi yul du phyin to/ /des de dag gzhom par brtsams pa na/ yul de na gnas pa'i skye bo'i 
tshogs kyis rgyal po gtum po rab snang la lha rgyal po pad ma'i snying po can zhes bgyi ba dpung gi tshogs chen po bsdus nas lha'i yul 'joms su mchis so zhes sbran pa thos pa dang / des kyang dpung gi tshogs yan lag bzhi pa glang po che'i tshogs dang / rta'i tshogs dang / 
shing rta'i tshogs dang / dpung bu chung gi tshogs go bskon te rgyal po pad ma'i snying po can dang g.yul 'gyed pa'i phyir spags so/ /de na rgyal po pad ma'i snying po can gyis rgyal po gtum po rab snang gi glang po che'i tshogs thams cad kyang phrogs/ rta'i tshogs dang / shing rta'i 
tshogs dang / dpung bu chung gi tshogs kyang phrogs te rgyal po gtum po rab snang bcom btags byin bsgral pham par byas te/ g.yul bzlog pa na phan tshun kun tu byer ba las blon po dang skye bo'i tshogs gzhan rnams ni 'phags rgyal du zhugs nas ra ba'i khar sbrengs te 'dug go/ /

</font><hr>10-1-291b<br><font size=+1>
rgyal po ni rkya gcig por ri 'or zhig tu phyin pa dang / ri 'or de na zhing pa snams byed ces bya ba zhig zhing rmid pa des de mthong nas smras pa/ kye khrom gyi dpa' bo rgyal po pad ma'i snying po can gyis rgyal po gtum po rab snang bcom btags byin bsgral pham par byas te g.yul bzlog  
ces grag na de bden nam/ kye skyes bu bden no/ /yul na gnas kyang yul gzhan nas 'ongs pa'i rgyal po pad ma'i snying po can gyis bcom btags byin bsgral pham par byas te g.yul bzlog pa rgyal po de'i blon po dang / /dmag dpon ci 'dra ba zhig /gal te nga de'i blon por gyur 
na myur zhing myur bar rgyal po pad ma'i snying po can mgul nas btags te 'phags rgyal du khrid pa zhig /de de skad du gtam zer zhing 'dug pa na/ de'i chung ma ri khrod ma zhes bya ba zan khyer te 'ongs nas des sa brkos te lo ma bting nas lag pa bkrus te zan bza' bar byas pa 
na/ rgyal po la bltas te/ kye khrom gyi dpa' bo khyod ngal bas skyo zhing bkres skom pas nyon mongs kyis bdag cag dbang thang chung ngu'i bza' ba dang / btung ba ci 'dra yang mi bsngo de gsol gyis tshur gshegs zhes smras pa dang / rgyal po gtum po rab snang gis 
bsams pa/ gal te ma zos na ltogs te 'chi bar 'gyur ro snyam du rig nas rta las babs te lag pa dang rkang pa bkrus nas rta las stan phog ste bting nas 'dug go/ /'dug nas des 'tsho ba'i bsam pas bza' bar brtsams so/ de nas phor bu kha chag cig nas chang blud pa 
dang / rgyal pos bsams pa/ phor pa ni kha chag mod kyi 'on kyang gang du ma chag pa'i phyogs de nas chang btung ngo snyam mo/ /rgyal po rnams ni shes rab dang ldan pa tshul phun sum tshogs pa yin pas des yang bsams pa/ gal te kha ma chag pa'i phyogs nas bdag gis 
chang 'thungs na 'dis ni ma chag pa nas 'thungs so zhes 'di khu 'phrig za bar 'gyur zhing 'dis bdag spangs par 'gyur bas 'dis gang nas 'thungs pa de nyid nas 'thungs na bdag la shin tu dga' bar 'gyur ro snyam nas des ngos de nyid nas 'thungs pa dang snams byed kyis bsams pa/

</font><hr>10-1-292a<br><font size=+1>
khrom gyi dpa' bo 'di ni cho ga med pa zhig ste/ bdag gis ngos gang nas 'thungs pa'i ngos de nyid nas 'dis kyang 'thungs pas 'di dang 'jig rten gyi lugs yun ring du mi 'chor bar mdza' bo bya'o snyam nas/ des chung ma la smras pa/ bzang mo khrom gyi 
dpa' bo 'di nga'i snying gi grogs po yin gyis 'di khyim du khrid de song la/ dril phyi dang khrus gyis te zan byin la rta yang rtswa dang chas byin cig /des de khyim du khrid nas dril phyi dang khrus byas te zan byin nas rta yang rtswa dang chas byin no/ /rgyal po pad ma'i snying po can la ri 
brags pa skya bseng zhes bya ba dag gis bsdos nas de dag ri brags kyi lung pa nas brlugs te rgyal po pad ma'i snying po can gyi yul gzhom par brtsams pa dang / blon po rnams kyis rgyal po pad ma'i snying po can la lha ri brags pa skya bseng dag gis lha'i yul gzhom par 
bgyis kyis ji ltar bgyi ba dgongs su gsol zhes yi ge spring ste/ yi ge'i nang du yang tshigs su bcad pa/ gzhan gyis yul ni gzhom pa'i phyir/ /ji ltar nan tan mdzad pa ltar/ /rang gi yul 'khor bsrung ba yang / /de bzhin lhas kyang mdzad du gsol/ /zhes bris so/ /
rgyal po pad ma'i snying po can gyis yi ge bklags nas bsam pa/ gal te bdag de bzhin du song na 'jig rten dag rgyal po pad ma'i snying po can pham ste/ de'i phyir log go zhes sems par 'gyur bas yong mjal dum byas te 'gro'o snyam nas des rgyal po gtum po rab snang la 
spring ba/ grogs po sdug pa gang thal zin pa de thal du zad/ da phyir byung shig dang khyod la cung zad kyang mi byed kyi gzhan du na phan tshun mgul nas 'jus te 'gro bar zad do/ /blon po dag gis spring ba de thos nas bsams pa/ gal te 'di na rgyal po med do zhes spring 
na glags rnyed par 'gyur gyis ye g.yo zhig bya'o snyam ste de dag gis de la yi ge spring ba/ grogs po sdug pa gal te de lta yin yang kho bo cag rgyal po ni bya rog bzhin du dogs pa dang bcas pa yin pas bdag ni phyir mi 'byung ngo / /khyod kyi mdza' bo'i bu rgyal po'i gzhon nu ba lang skyong 

</font><hr>10-1-292b<br><font size=+1>
'di 'ong gis de dang brang sprod la bzhud cig ces spring ba dang / rgyal po pad ma'i snying po can gyis rgyal po gzhon nu ba lang skyong dang brang sprad nas 'phags rgyal bskor ba btang ste rdo 'jog du song ngo / /blon po rnams kyis smras pa/ shes ldan dag rgyal po pad ma'i snying po can 
gyis bag phab ste yul rdo 'jog tu song gis da ni lha tshol du 'dong ngo zhes de dag gis pho nya rta pa kun tu btang ngo / /rgyal po gtum po rab snang gis rgyal po pad ma'i snying po can gyis 'phags rgyal bskor ba btang nas yul rdo 'jog tu song ngo zhes thos pa dang / des zhing pa 
snams byed de la smras pa/ snams byed bdag ni 'jigs pa dang bral bas de'i phyir bdag 'phags rgyal du 'gros/ gal te khyod 'phags rgyal du 'ong na bdag gi khyim du shog shig /des smras pa/ khrom gyi dpa' bo khyod kyi ming yang kho bos mi shes na ji ltar khyim 
du 'ong / /des smras pa/ snams byed nga'i khyim mi shes kyang bla 'on kyang khyod 'phags rgyal du 'ongs pa dang rta mangs kyi khyim gang yin zhes dris shig ces smras nas song nas rim gyis yul 'phags rgyal du phyin pa dang / des chab sgo ba la bsgo ba/ kwa'e 
skyes bu 'ga' zhig rta mangs kyi khyim gang yin zhes 'dri ba dang / de nga'i drung du khrid de shog shig ces smras nas khyim du zhugs so/ /ji tsam dus gzhan zhig na yul 'phags rgyal du dus ston la bab nas/ yul de na gnas pa'i skye bo'i tshogs dag kyang der dong ba 
dang / zhing pa'i chung ma ri khrod mas rje'i sras yul 'phags rgyal na dus ston la bab ste skye bo'i tshogs der dong na bdag cag kyang bzhud la/ der dus ston kyang nyams su myong bar bya zhing rta mangs de yang gzigs so/ /des smras pa/ bzang mo ci khrom gyi 
dpa' bos gang smras pa de thams cad bden du re'am/ de ni gnas gsum gyis blta bar bya ste/ bcom pa dang / bros pa dang / rgyal srid las nyams pa zhig na'o/ /des smras pa/ rje'i sras gal te de lta na thong / bzhud la dus ston nyams su 

</font><hr>10-1-293a<br><font size=+1>
myong bar bgyis nas byon to/ /des smras pa/ bzang mo legs kyis de bzhin du byas 'dong ngo zhes de gnyis dong nas rim gyis 'phags rgyal du phyin pa dang / snams byed kyis sgo ba la kye skyes bu rta mangs zhes bya ba'i khyim gang yin zhes dris pa 
dang / des de chung ma dang bcas te rgyal po gtum po rab snang gi drung du khrid pa dang / rgyal pos rgyang ring po nas zhes byas te 'ongs pa legs so zhes bya ba'i kun tu spyod pa kun tu spyad nas/ snams byed khyod 'ongs sam/ lha bdag mchis so/ /rgyal po 
de spyi cer zhig yin pa las/ des cod pan bcings pas des rgyal po ngo ma shes so/ /rgyal pos seng ge'i khri las babs pa dang / des ngo shes nas des chung ma dang bcas te rkang pa la phyag byas so/ /rgyal po gtum po rab snang gis kyang rim gro cher byas 
nas btsun mo'i 'khor gyi nang du khrid de dril phyi dang khrus byas zan byin nas nyal khang yang byin te btsun mo'i 'khor rnams la bsgo ba 'di dag nga'i pha ma yin te/ de'i phyir khyed kyis 'di gnyis la bza' ba dang / btung ba dang / mal cha dang / stan dang / bran 
pho dang / bran mo dang / las byed pa'i mi dang / rim gro pa dang / yo byad dag gis rim gro gyis shig /de rgyal pos bkur sti dang mchod pa byas so snyam nas btsun mo'i 'khor dang / gzhon nu dang blon po dang / pho brang 'khor gyi mi thams cad kyis 
rim gro bya bar brtsams so/ /zhing pa snams byed cung zad cig 'dug nas smras pa/ lha mkhyen par mdzod cig /bdag mchis te slar lha'i zhal lta ba mi dka' lags so/ /rgyal pos smras pa/ snams byed 'di nyid du 'dug shig dang lhan cig rgyal 
srid gzung ngo / /des smras pa/ lha zhing pa bdag lta bus rgyal srid gzung ba'i rngo ci zhig thog /rgyal pos smras pa/ snams byed de'i tshe ni khyod na re gal te bdag rgyal po de'i blon po'am/ dmag dpon du gyur na bdag gis myur zhing myur bar rgyal 

</font><hr>10-1-293b<br><font size=+1>
po pad ma'i snying po can mgul nas btags te 'phags rgyal du khrid pa zhig ces zer/ nga ni mi nus so zhes zer na de ji lta bu zhig ces byas pa dang / de cang mi zer bar 'dug go/ /rgyal po gtum po rab snang la blon po lnga brgya yod de/ des de dag la de 
gsor bcug go/ /de dag gis de gsos pa dang / de'i ming gsos pa gsos pa zhes bya bar chags so/ /dus gzhan zhig na rgyal pos de la dris pa/ gsos pa khyod ji lta zhig 'dug /lha ji 'dra zhig mchis/ bdag la blon po de rnams brnyas 
bzhin bgyid mod rgyal pos smras pa/ gsos pa de lta na de rnams dgos pa byung ba'i gros byed pa'i nang du khyod kyang zhugs shig dang / su yang khyod la ma gus par mi byed do/ /des smras pa/ lha zhing pa bdag lta bus gros dag gi nang du 'jug pa'i rngo ci zhig 
thog /rgyal pos gsos pa de bzhin du gyis shig dang blon po de thams cad gus pa byed par 'gyur ro zhes bsgo ba dang / de cang mi zer bar 'dug go/ /ci tsam dus gzhan zhig na rgyal po gtum po rab snang blon po'i tshogs kyis bskor cing 'dug pa dang / 
des gsos pa smrar gzhug par 'dod pa'i blo sngon du btang ste blon po rnams la shes ldan dag don 'di ji ltar bya zhes rmas pa dang / de na kha cig gis smras pa/ lha de 'di dang 'di lta bur bgyi/ rgyal pos smras pa/ don 'di ni de ltar mi bya'o/ /gzhan 
dag cig gis smras pa/ lha don 'di ni 'di dang 'di lta bur bgyi'o/ /rgyal pos smras pa/ don 'di ni de ltar mi bya'o/ /rgyal pos gsos pa la don 'di ji ltar bya zhes rmas pa dang des lha don 'di ni 'di ltar bgyi ste/ de ltar mdzad na legs par 'gyur ro zhes smras 
pa dang / rgyal pos de bzhin du byas so/ /blon po rnams kyis smras pa/ rgyal po yang 'di'i gros bzhin mdzad pas de la ma gus par mi bya'o zhes de dag gis de la gus pa bya bar brtsams so/ /yang rgyal pos gsos pa la dris pa/ khyod ji lta zhing 'dug /

</font><hr>10-1-294a<br><font size=+1>
des smras pa/ lha ci 'dra zhing mchis/ re zhig dang por bdag la khyim ma mchis so/ /rgyal pos blon po rnams la bsgo ba/ shes ldan dag gsos pa la khyim byin cig /de dag gis smras pa/ lha blon po che ge mo zhig bgyi ba dus las 
'das pa de'i khyim zhig mchis te/ de'i mchis 'brang yang de na mchis so/ /rgyal pos khyim de chung ma dang nor du bcas par gsos pa la byin cig ces bsgo ba dang / de dag gis khyim de chung ma dang bcas te gsos pa la byin no/ /yang rgyal pos gsos pa 
la rmas pa/ gsos pa khyod ji lta zhing 'dug /des smras pa/ lha mchis 'brang gi 'khor rnams mi 'di zhing pa'o zhes brnyas par bgyid lags so/ /rgyal pos smras pa/ gsos pa gal te de lta na gang gi tshe khyod khrus byed par 'dod pa de'i tshe ngas khyod 
la 'gugs pa gtang dang khyod kyis de la khrus zin te 'ong ngo zhes byos shig /gsos pas smras pa/ ji ltar bdag gis lha'i bka' gcag /rgyal pos smras pa/ gsos pa ngas khyod la gnang na 'di la 'gal ba ci zhig yod/ /gang gi tshe khyod zan za bar 'dod pa 
de'i tshe ngas 'gugs pa gnyis pa gtang gis de la yang khyod kyis zan zos te 'ong ngo zhes gyis shig dang / de nas nga nyid khyod kyi khyim du 'ongs te/ 'ongs nas khyod dang lhan cig tu snod gcig tu zan bza'o/ /des smras pa/ lha bdag ni 'bangs lags/ 
khyod ni rje bo lags pas bdag khyod dang lhan cig gcig tu 'tshal ma mi 'tshal te/ de ni cha ma lags so/ /rgyal pos gsos pa ngas khyod la gnang na 'di la 'gal ba ci zhig yod/ khyod zo shig dang de lta na de dag khyod la gus pa byed par 'gyur ro zhes bsgo 
ba dang des khas blangs nas cang mi zer bar 'dug go/ /de nas rgyal pos de khrus byed pa'i dus su gsos pa dgos pa cung zad cig yod kyis myur du shog shig ces pho nya btang ba dang / des de'i drung du song ste smras pa/ gsos pa dgos pa cung zad cig 

</font><hr>10-1-294b<br><font size=+1>
yod kyis rings par shog shig ces lhas bka' stsal to/ /des smras pa/ kye nang rje khrus byas te 'ong gis song shig ces byas pa dang / mi de slar song ngo / /de'i chung ma'i 'khor dag cig gtam gleng bar brtsams pa phu nu mo 'u bu cag gi khyo zhing pa 'di 'di ltar 
tshod med de/ lha'i bka' khyad du gsod pa la ltos/ /de na kha cig na re phu nu mo gang dag rigs ngan pa las byung ba de dag ni gyi nas kyang dregs par 'gyur ro zhes zer ro/ /gzhan dag na re phu nu mo ma rings par ltos shig dang / mthon po'i mtha' ltung 
bas na gdon mi za bar rgyal pos 'di brlag par 'gyur ro zhes zer ro/ /de khrus byas nas zan bza' bar brtsams pa na rgyal pos de la gsos pa bya ba cung zad cig yod pa mi slebs kyis rings par shog shig ces pho nya gnyis pa btang ba dang / des der 
song ste de bzhin du bsgo na/ des smras pa/ kye mi khyod song shig zan zos te 'ong ngo / /ji tsam na rgyal po nyid 'ongs nas smras pa/ gsos pa ci zan za'am/ des smras pa/ lha 'tshal ma 'tshal lo/ /rgyal pos smras pa/ gsos pa nga la mgron 
mi bya'am/ des smras pa/ lha mgron bgyi yis bshos gsol cig /chung ma dag gis bsams pa/ lha 'di dang lhan cig bzhad pa gad mdzad do snyam nas de dag ngo mtshar du gyur te mig tshugs su rtog par brtsams so/ /rgyal pos rkang pa dang 
lag pa bkrus te de dang lhan cig tu zan bza' bar brtsams pa dang / chung ma rnams kyis mthong nas sngangs te phan tshun du smras pa/ phu nu mo bdag cag gis 'di la 'di zhing pa'o zhes brnyas pa byas na lha 'di dang lhan cig bshos gsol ba la la ltos/ de na kha cig 
gis smras pa/ phu nu mo 'di la ji ltar bsgrub par bya/ gzhan dag gis smras pa/ 'di la ci zhig bsgrub tu yod/ /gang dang lhan cig rgyal po bshos gsol ba de la bdag cag gis bkur sti ma byas na ji ste rgyal pos mkhyen na bdag cag la gdon 

</font><hr>10-1-295a<br><font size=+1>
mi za bar gnod pa byed par 'gyur bas gang thal de thal du zad/ da ni nam yang de la mi gus pa mi bya'o zhes byas pa dang / gzhan dag gis smras pa/ legs kyis de bzhin du bya'o zhes de dag 'tsher zhing mi dga' bzhin du de'i ngag mi gcog 
go/ /yang rgyal pos gsos pa la ji lta zhing 'dug ces rmas pa dang / lha ci 'dra zhing mchis/ khyod kyi zhang po de bdag la shin tu khyad du 'gums lags mod/ /rgyal pos smras pa/ gsos pa de lta bu bya bar mi nus mod kyi 'on kyang thams cad khyod kho na la 
rag las kyis khyod nyid shes so/ /des smras pa/ lha gal te de lta na khyod kyis bdag la bka' gyod mi rma bar ci gnang / rgyal pos smras pa/ legs kyis de bzhin du gyis shig /ji tsam dus gzhan zhig na gsos pa srang gi nang nas song ba dang / de na pha 
ma dang bral ba'i byis pa gnyis shig ci dgar rgyu zhing gnas pa gang yang rung ba nyin par gyi zas bsgrubs nas ngan gong gis rtse zhing 'dug go/ /ji tsam na bran mo zhig chu'i bum pa khyer nas lam de nas 'gro ba dang de na khye'u cig gis grogs po ltos shig ri lu'i 
bum pa 'di brtol lo zhes smras pa dang / des smras pa/ gal te khyod kyis ri lu skam pos bu ga phyung na de ni ngo mtshar mi che'o/ /ngas ri lu gsher ba 'dis glan pa gang yin pa 'di ni ngo mtshar che'o/ /des legs kyis de bzhin du bya'o zhes smras nas/ des 
de la ri lu skam pos brtol ba dang / der gsher bas glan to/ /de nas gsos pas de dag mthong nas shin tu ngo mtshar skyes te/ des bsams pa/ de gnyis kyis bstangs na de la sha glan par nus so snyam du rig nas kwa'i byis pa khyed gnyis su'i yin 
zhes dris pa dang / de gnyis kyis smras pa/ lha bdag cag pha ma dang bral nas gang yang rung ba nas nyin par gyi zas tshol ba zhig lags so/ /des smras pa/ gal te de lta na ci nga'i gan du mi 'dug gam/ lha mchis par ni bgyi na/ 'on kyang gsol ba zhig 

</font><hr>10-1-295b<br><font size=+1>
mchis te/ bdag cag gis khyod kyi las ci zhig bgyi bar 'tshal/ des smras pa/ cung zad kyang byar med kyi/ ngan gong 'di nyid goms par byed du gzhug cing gzhag go/ /'on kyang khyod kyis nga'i don gcig bya ste/ gang zhig nga dang lhan cig tu thab mo byed pa 
de'i kha khyed gnyis kyis mi gtsang ba'i nang du bsgres pa'i ri lus khong shig /de gnyis kyis smras pa/ lha legs kyis de bzhin du bgyi'o/ /ji tsam dus gzhan zhig na ji zhig gi phyir de de dang lhan cig tu thab mo byed par brtsams pa na de gnyis kyis de'i khar 
mi gtsang ba'i nang du bsgres pa'i ri lus bkang ba dang / de skyengs nas la gor du phyis te kha btsums nas spobs pa med par gyur to/ /yang rgyal pos gsos pa la gsos pa khyod ji lta zhing 'dug ces rmas pa dang / des smras pa/ lha ci 'dra zhing mchis/ 
khyod kyi nang mi des zhing pa'i mi yin no zhes bdag la brnyas par bas mod/ rgyal pos smras pa/ gsos pa gal te de lta na gang gi tshe nga btsun mo'i 'khor gyi nang du song ba de'i tshe khyod shog la rgyal po ga la bzhugs zhes dris shig /gal te btsun mo'i 
'khor gyi nang na bzhugs so zhes zer na de btsun mo'i 'khor gyi nang du bzhud cing gnas na rgyal po'i bya ba dang rgyal po'i don dag nyams par 'gyur ro zhes smros shig /gal te yang der nga'i mal lam khri dag mthong na khyod der 'dug shig dang / ngas khyod kyi 
rkang pa bkru bar bya'o/ /des smras pa/ lha khyod ni rje lags/ bdag ni 'bangs lags pas de ji ltar rung ste de ni cha ma lags so/ /rgyal pos smras pa/ gsos pa nga de ltar 'dod na 'di la khyod la 'gal ba ci zhig yod/ /de ltar na de dag khyod la rim 
gro byed par 'gyur ro zhes byas pa dang / des khas blangs nas thams cad rim gyis byas so/ /rgyal po'i mal stan gang yin pa'i steng du re zhig ngal bso'o zhes byas nas nyal ba dang / de nyid du gnyid kyis log go/ /rgyal po phyir byung nas 'di su zhig ces 

</font><hr>10-1-296a<br><font size=+1>
rmas pa dang / de dag gis smras pa/ gsos pa lags so/ /rgyal pos smras pa/ 'di sus kyang rkang pa ma bkrus sam/ chu khyer te shog shig rkang pa bkru'o zhes rgyal pos de'i rkang pa bkrus pa dang / de dag dogs shing mi dga' bzhin de la 
rim gro bya bar brtsams so/ /rgyal po gtum po rab snang bud med la brkam chags can zhig pas de dus gzhan zhig na blon po'i bu ne'u ldangs dag dang lhan cig khang bzangs kyi steng du song nas de dag dang / gtam bzang po ma yin pa zer zhing 'dug ste/ shes 
ldan dag grong dang / grong rdal dang / yul 'khor gang na bud med bzang / de na kha cig gis smras pa/ lha ka n+yA kub dza na bud med bzang lags so/ /gzhan dag gis smras pa/ lha kam po dzi ka pa'i bud med bzang lags so/ /gzhan dag gis smras 
pa/ lha sbrul gdug pa dag bzang lags/ gzhan dag gis smras pa/ grong khyer gzhan na gnas pa'i bud med dag lta zhog 'phags rgyal 'di nyid na gzugs kyis 'tsho ba bzang mo zhes bgyi ba gang zhig mthong na sum bcu rtsa gsum pas bkur ba'i lha mo 
gzugs dang / kha dog dang / na tshod dang / dbyibs dang ldan pa yang nyi ma'i 'od zer gyi snang bas lha'i gzhal med khang na gnas pa'i skar ma rnams kyi 'od kyi snang ba zil gyis gnon pa de lta bu zhig gnas lags so/ /rgyal pos de'i gzugs dang na tshod 
kyi yon tan brjod pa thos nas lhag par gzhan gyi bud med kyi gan du 'gro 'dod par gyur te cha lugs mi mngon par byas nas de nyid kyi nub mo kAr ShA pa Na lnga brgya khyer te de'i khyim du song ba dang / des de la byon pa legs so zhes bya ba'i kun du spyod pa kun du spyad nas 
mngag gzhug ma'i bu mo la gtad do/ /bu mo song la rigs kyi bu 'di dril phyi dang khrus gyis shig /jo mo de ltar 'tshal lo zhes bu mo des gzugs kyis 'tsho ba bzang mo'i ltar mnyan te rgyal po gtum po rab snang la dril phyi bya bar brtsams so/ /de de la 

</font><hr>10-1-296b<br><font size=+1>
dril phyi byed pa na mi gzhan zhig kyang kAr ShA pa Na lnga brgya khyer te der 'ongs nas des bzang mo dga' mgur spyad kyis 'dong zhes smras so/ /gzugs kyis 'tsho ba bzang mo de'i kun du spyod pa ni gal te gcig nang du 'ongs la yang gcig 'ongs na snga ma bsad cing phyi 
ma dang / lhan cig dga' mgur spyod do/ /bu mo des rgyal po gtum po rab snang de'i gzugs dang na tshod mdzes pa de mthong nas 'di lta bu'i rgyal rigs kyi bu yang sdig pa'i chos kun du spyod pa 'dis gsad do snyam nas ngus so/ /des ngus pa dang / mchi 
ma'i thigs pa rgyal po gtum po rab snang gi lus la phog par gyur to/ /des rgyal po gtum po rab snang gis gyen du bltas na bu mo de ngu nas/ des smras pa/ bu mo ci'i phyir ngu / des smras pa/ gzhon nu chen po ma lags so/ /rgyal 
po dogs par gyur nas yang dris pa/ bu mo ci'i phyir ngu ba bag ma tsha bar smros shig ces dris pa dang / des rgyas par brjod do/ /rgyal po gtum po rab snang gis smras pa/ bu mo gang gis na nga 'bros pa'i thabs lta 'ga' yod dam/ des 
smras pa/ 'di'i khyim kun nas gshed ma'i mi ral gri thogs pas bskor bas med mod kyi 'on kyang phyogs gcig cig yod na/ de mi gtsang bas de lta zhig smras kyang ci rung / rgyal pos smras pa/ bu mo gtsang yang rung mi gtsang yang rung smros la srog 
byin cig /des smras pa/ phyogs 'di na chab khungs zhig yod de de lcags kyi phur pas btab cing 'dug gis gal te 'byin nus na de phye la bros shig /rgyal pos smras pa/ bu mo tshur phyogs de gang yin pa ston cig dang / ngas de dbyung nus so zhes smras 
pa dang / des phyogs de de la bstan to/ /smad 'tshong ma de'i khyim dang 'dab chags na bram ze ltas mkhan zhig gi khyim yod de/ re zhig na bram ze de gcin gcir byung na/ de'i chung ma yang chu khyer nas phyi bzhin du 'ongs te/ bram ze des skar ma la bltas pa dang /

</font><hr>10-1-297a<br><font size=+1>
mi bzang bar mthong nas des bram ze mo la smras pa/ bram ze mo skar ma mi bzang bas lha ni mi bzad pa dogs pa nyam nga bar gyur to/ /des smras pa/ bram ze de skad ma zer cig de ni rgyal po khro bar 'gyur ro/ /des smras pa/ bram 
ze mo bdag cag ni rgyal po'i skyabs na bde bar gnas pa yin pas des na mi dga' ste de skad smra mod/ /de thams cad rgyal pos thos so/ /de nas rgyal pos lcags kyi phur pa de bsgul bar brtsams na ma nus nas stobs dang ldan pa des bsgrims te bsgul 
nas phyin pa dang / bshang ba 'bab pa de dang lhan cig byung ste song ngo / /bram ze des bram ze mo de la smras pa/ bram ze mo lha de'i mi bzad pa dogs pa nyam nga bar gyur pa gang yin pa de dang lha bral te/ rgyal po gson pa bdag cag dbang thang che na/ 
rgyal po ni de ltar sbags bzhin du btsun mo zhi ba'i thad du song ngo / /des lha de ci zhig ces smras pa dang / des ji lta bur gyur pa smras so/ /btsun mo zhi ba mig mchi mas gang bzhin du de smig ma'i tshal pas bzhar to/ /smig ma'i tshal pas bzhar nas 
sa gar gyis dril phyi byas so/ /sa gar gyis dril phyi byas nas spos sna tshogs kyis bsgos pa'i chus bkrus te mthun pa'i gos dag bskon to/ /de phyi de nyin par don bya ba'i sar 'dug nas blon po rnams la smras pa/ shes ldan dag ltas mkhan 
dag bos shig /de dag gis ltas mkhan dag bos pa dang / de dag la rgyal pos rmas pa/ shes ldan dag mdang nga'i mtshan mo ji lta bur 'das par gyur/ de dag gis smras pa/ lha ji ltar rgyal po rgyal rigs spyi bo nas dbang bskur ba 
chos bzhin du sa skyong ba ltar lags so/ /rgyal pos smras pa/ shes ldan dag phyogs che ge mo zhig na bram ze ltas mkhan zhig gnas pa de bos shig /de dag gis de'i thog tu rgyal po'i mi dag btang ngo / /de dag der song nas bram ze de la 

</font><hr>10-1-297b<br><font size=+1>
lha 'bod do zhes bsgo ba dang / des shes ldan dag lhas ji ltar bka' stsal pa bzhin 'tshal gyis song shig gos 'tshal la mchi'o zhes smras so/ /de dag slar song ba dang bram ze mo des smras pa/ bram ze bdag gis sngar khyod la rgyal po gtum po khro bar 
'gyur ba ma smra shig ces byas na khyod nga'i ngag nyan du ma btub pas da ni de byung ngo / /des bram ze mo la thams cad legs par 'gyur gyis bag ma tsha zhig ces smras nas des de dbugs phyung ste rgyal po'i drung du song ngo / /rgyal pos rgyang ring po nas mthong nas 
byon pa legs so zhes bya ba'i tshig brjod nas/ mkhan po byon pa legs te phyogs 'dir bzhugs shig ces byas pa dang / de yid dga' ba skyes nas rgyal po la rgyal ba dang tshe spel ba byas nas ji ltar sgo ba'i gnas su 'dug go/ /rgyal pos yud tsam zhig bsdad 
nas smras pa/ mkhan po khyod ltas mkhyen tam/ des smras pa/ lha mnyes par rngo thog go/ /mkhan po bdag mdang ji lta zhig tu 'das par 'gyur/ lha mi bzad pa dogs pa nyam nga bar gyur pa las khyod bsod nams kyi mthu can zhig ste de'i 
slad du mi mdza' ba rnams kyi nang nas 'o brgyal te thar bar gyur to zhes byas pa dang / rgyal pos mgu nas shes ldan dag mkhan pos ji skad smras pa de de bzhin te gzhan du ma yin no zhes smras nas/ mkhan po khyod la dam pa ci zhig dbul ba gsungs shig 
ces smras pa dang / des smras pa/ re zhig nang mi dang mchid gros 'tshal te slad kyis gsol bar 'tshal lo/ /rgyal pos smras pa/ mkhan po legs kyis de bzhin gyis shig /des rings par 'gros bslang nas song ste rang gi khyim du phyin 
pa dang / nang mi rnams la bos te smras pa/ nga la lhas dam pa sbyin par chad na/ khyod ci 'dod pa smros shig /bram ze mos smras pa/ bram ze re zhig khyod nyid la dris khyod ci 'dod/ /des smras pa/ bram ze mo nga ni grong mchog lnga'o/ /des smras pa/

</font><hr>10-1-298a<br><font size=+1>
bram ze gal te de lta na bdag ni ba lang brgya'o/ /bus smras pa/ yab bdag ni cang shes kyi shing rta'o/ /bu mos smras pa/ bdag ni nor bu'i rna cha gdub 'khor ro/ /de'i bran mo skyed mas smras pa/ ci ste khyed cag de lta bu 'dod na bdag ni 
rdo leb bzang po'o/ /bram zes bsams pa/ tshigs su bcad pa'i dbyangs kyis lha las dam pa gsol gyi phal pa gzhan ltar ni mi bya'o/ /snyam du bsams nas tshigs su bcad pa sems shing rgyal po'i drung du song ste smras pa/ lha bdag cag ci 
'tshal ba de gsan du gsol/ bdag ni grong khyer lnga zhig 'tshal/ /bram ze mo yang ba lang brgya/ /bu ni cang shes shing rta ste/ /bu mo nor bu'i rna cha 'tshal/ /bdag gi bran mo skyed ma ste/ /de yang rdo leb bzang po 'tshal/ /rgyal po gtum 
po rab snang gis kyang de la de bzhin du slar tshigs su bcad de smras pa/ khyod la grong mchog lnga sbyin te/ /chung ma la yang ba lang brgya/ /bu la rta yi shing rta brgyan/ /bu mo la yang rna cha dag /bran mo skyed ma slong ba yi/ /rdo leb bzang po 'dod pa yang / /
de yi re ba 'bras yod par/ /ji ltar 'dod pa bskang bar bya/ /de nas rgyal pos de la ji ltar 'dod pa'i dam pa byin nas smras pa/ mkhan po rub ste rgyal srid bgyis/ bdag la gros ston cig /des lha bdag cag ni bram ze lags pas de ni bdag 
gi cha ma lags so zhes smras pa dang / des de nan tan gyis mdun na 'don du bcug go/ /re zhig cig na rgyal po gtum po rab snang la ri khrod pa skya bseng pa zhes bya ba dag log pa dang / des gsos pa la bka' stsal pa/ song la skya bseng dag rnal du phob 
shig /des kyang dpung gi tshogs yan lag bzhi pa glang po che'i tshogs dang / rta pa'i tshogs dang / shing rta pa'i tshogs dang / dpung bu chung gi tshogs go bskon nas song ngo / /des de dag rnal du phab ste/ de nas der gte'u yang bzung / dpya nar ma 

</font><hr>10-1-298b<br><font size=+1>
dang / bla skyes kyang 'bul du bcug nas song ngo / /rgyal pos ji ltar gsos pas skya bseng dag rnal du phab nas gte'u yang bzung / dpya nar ma dang / bla skyes kyang 'bul du bcug nas 'ongs pa thos so/ /des thos nas kyang dpung gi tshogs 
yan lag bzhi pa dang bsur song ngo / /ji tsam zhig na gte'u pa de'i nang na ri brags kyi bu mo shu ba dang g.yan pas thebs pa zhig mthong ngo / /mthong nas kyang gsos pa la dris pa/ gsos pa 'di dang lhan cig dga' mgur spyod pa'i mi lta 'ga' yod 
dam/ des smras pa/ lha dga' mgur spyod pa 'ba' zhig tu ma bas/ gang la 'di stsal pa de'i rgyab tu 'di 'tshal na/ rta skad 'byin par bgyid pa de gnas mchis so/ /rgyal pos smras pa/ gsos pa de ci de bzhin du 'gyur ram/ 
des smras pa/ lha spyan sngar bab par bgyi'o/ /gsos pas bu mo de sman pa rnams la gtad nas shes ldan dag kho bos yo byad thams cad sbyar gyis khyed kyis 'di dpyad gyis shig /de dag gis de la dpyad byas pa dang nad kyang sos par gyur to/ /
de nas rim gyis yo byad kyi khyad par rnams kyis bskyed pas gzugs bzang mor gyur pa dang / gsos pas de bu mor bzung ste/ de'i ming skya bseng gi bu mo sgrol ma zhes bya bar btags so/ /gsos pas bu mo de la bu mo ngas lha 'dir gdugs 
tshod la spyan drang gis khyod rgyan thams cad kyis bklubs la lha la bdag nyid ston cig ces bsgo ba dang / de cang mi smra bar 'dug go/ /gsos pas rgyal po la smras pa/ lhas bdag gi sdum pa yongs su spangs pa lta zhig da mi gzigs sam/ 
des smras pa/ gsos pa khyod kyis ma bos par ji ltar blta bar bya/ des smras pa/ lha gal te de lta na spyan 'dren no/ /legs te phan btags so/ /gsos pas rgyal po la 'os pa'i bza' ba dang btung ba dag sbyar te khyim yang byi dor byas pa dang /

</font><hr>10-1-299a<br><font size=+1>
rgyal po de'i khyim du 'ongs so/ /des kyang rgyal po la 'os pa'i dril phyi dag gis phyis nas dri sna tshogs kyis bsgos pa'i chus ni bkrus/ byug pa rnam pa sna tshogs kyis ni byugs/ gos rnam pa sna tshogs ni bskon te/ rgyal po 
la 'os pa'i bshos gsol nas gsos pa dang lhan cig tu gtam dag gleng zhing 'dug pa na des kyang yol bas bskor ba'i nang nas pho long 'phangs nas des yol ba bzlog ste yab gcig pho long slar stsol cig ces smras pa dang / de na tshod gzhon zhing 
mdzes pa rgyal pos mthong ngo / /mthong ma thag tu chags par gyur te smras pa/ gsos pa 'di su'i bu mo yin/ lha bdag gi bu mo lags so/ /gsos pa ci 'ga' zhig la byin nam/ lha ma stsal to/ /gsos pa gal te de lta na ci'i 
phyir nga la mi sbyin/ lha 'bul bar 'tshal lo/ /de rgyal po gtum po rab snang gis dpal gyi 'byor pa chen pos chung mar blangs so/ /sar pas rnying pa thams cad zil gyis gnon pa 'di ni chos nyid yin pas/ rgyal po yang de la gcig tu 
blta zhing sems chags pas las gzhan btang ste de kho na lhur len cing 'dug go/ /gsos pas bsams pa/ sngon dam bcas pa bya ba'i dus de ni 'di yin no snyam nas bu mo la 'di skad ces smras so/ /bu mo khyod kyis rgyal po 'di'i rgyab tu zhon nas 
rta skad zer du gzhug par nus sam/ des cung zad cig bgad nas smras pa/ yab gcig re zhig gal te rngo thog gam mi thog blta bar bgyi'o// //'dul ba phran tshegs kyi gzhi/bam po nyi shu bdun pa/ bud med rnams ni ma 
bslabs par mkhas pa yin pas de gos dri ma can bgos nas khri'u dra ba can gyi steng na nyal zhing 'dug pa dang / rgyal pos smras pa/ lha mo 'di ci'i tha tshig /des smras pa/ lha lha rnams 'khrugs par gyur to/ /des smras pa/ khyod kyis lha 

</font><hr>10-1-299b<br><font size=+1>
rnams la ci byas/ lha gang gi tshe lhas bdag gi pha ri khrod pa skya bseng 'bebs su btang ba de'i tshe bdag gis de zhi bar bgyi ba'i slad du lha rnams la gsol ba btab ste/ gal te bdag gi phas don yang dag par grub nas slar 'khor na gang gis bdag 
blangs pa de'i rgyab tu bdag zhon la rta skad zer du stsal to zhes bgyis pa las bdag ni lha la phul/ lha'i btsun mo'i 'khor ni rgya ches pas cis kyang bdag gis don 'di mi bgyis par 'gyur bas so/ /'dod pa'i 'dod chags la zhen pa rnams kyis ni mi 
bya ba ci yang med pa yin pas des smras pa/ lha mo khyod kyis don du nga'i ched du gsol ba byas pa yin pas thams cad bsgrub kyis bde bar 'dug shig /de cang mi zer bar 'dug go/ /rgyal po gtum po rab snang gis smras pa/ lha mo khyod ci'i phyir 
mi smra bar 'dug /lha mo khyod kyis gsol pa gzhan yang cung zad med grang / des smras pa/ lha cung zad kyang ma mchis mod kyi 'on kyang de'i dus su bram ze mdun na 'don gyis lha'i shis pa brjod pa brjod par bgyi/ pi bang len pa'i mis 
kyang pi bang dag blang bar bgyi'o/ /des smras pa/ lha mo de yang sla ste bram ze mdun na 'don ni yod na 'on kyang pi bang len pa zhig btsal bar bya'o/ /des smras pa/ lha legs kyis pi bang len pa btsal du gsol/ de'i tshe yul sa 
'dzin nas sa 'dzin pa zhig zong thogs nas 'phags rgyal du 'ongs so/ /de smad 'tshong ma la ji ltar 'dod pa'i 'dod chags kyis zil gyis non pa des zong thams cad btsongs te/ de dang lhan cig zos pa de ltar lhag par chags so/ /de'i gla mi gang 
dag yin pa de dag thams cad kyis bor nas bros pa dang / des de la smras pa/ rje'i sras bdag ni zhing pa ma lags tshong pa ma lags/ grong mi zong thogs nas yul gzhan du 'gro ba yang ma lags kyi/ gzhan du na khyed lta bu dag las 

</font><hr>10-1-300a<br><font size=+1>
rnyed pa gang lags pa des 'tsho ba lags pas kAr ShA pa Na dag stsol cig /yang na skyes bu gzhan gyi skabs phye shig /des smras pa/ bzang mo kho bo la kAr ShA pa Na dag med mod/ ji ste kAr ShA pa Na dag bdog na khyod las lhag pa gzhan 
su zhig yod de sbyin ches mod/ /'on kyang khyod bdag la sdug pas 'dir 'dug gis ma bskrad cig /ci ste bdag gis smras pa gang yin pa de byed na de lta na gdod bdag khyod la sdug par shes so/ /des smras pa/ bzang mo mgo bos bkur 
ro/ /des bshang ba byas nas de'i steng du rgya shug gi tshig gu bzhag ste smras pa/ ci ste khyod bdag la byams na rgya shug gi tshig gu 'di sos zung shig /des bzung bar brtsams pa dang / des rdog pa cig bsnun nas phul te bkren pa ci 'di lta bu dag 
kyang byed dam btsog pa khyod dang lhan cig mi 'dug gis song shig ces smras nas/ des de khyim nas bskrad do/ /de yang pi bang la mkhas pa zhig ste/ pi bang len pas 'tsho ba tshol bar gyur to/ /rgyal pos gsos pa la smras pa/ khyod kyi bu mos 'di 
lta 'di ltar lha rnams la gsol ba byas te bram ze mdun na 'don ni nga la yod na pi bang sus blang bar bya/ des smras pa/ lha sa 'dzin pa pi bang len pas 'tsho bar bgyid pa cig mchis kyis de'i mig dar gyis bkab la nang du dgug par bgyi'o/ /rgyal pos smras pa/ gsos pa legs kyis de bzhin du gyis la khug shig /rgyal po dang mdun na 'don khang pa bdun rtseg gi steng du 'dzegs nas des mdun na 'don la ji ltar gyur pa thams cad bsnyad pa dang / de cang mi zer bar 'dug go/ /
gsos pas kyang sa 'dzin pa'i mig dar gyis bkab nas khang pa bdun rtseg gi steng du bzhag go/ /skya bseng gi bu mo sgrol ma yang ngo mtshar dang / bkra shis dang / bde legs dag byas te/ gos dkar po bgos nas rgyal po'i rgyab tu 

</font><hr>10-1-300b<br><font size=+1>
zhon pa dang bram ze mdun na 'don gyis ni shis par brjod pa brjod par brtsams/ sa 'dzin pa'i mis ni pi bang blangs/ rgyal po gtum po rab snang yang rta'i skad 'byin par zhugs pa dang / sa 'dzin pa des bsams pa/ khang pa 'di ni bdun 
rtseg yin pas rtas 'dir ga la thar/ gdon mi za bar 'dir bdag lta bu bud med kyi dbang du gyur pa 'ga' zhig bud med kyis co dris so snyam nas des glu tshig tu blang ba/ rgya shug tshig gus gyur pa ltar/ /rgya shug tshig gus gyur pa ltar/ /don 
'di'ang phal cher 'dra ba yin/ don 'di'ang phal cher 'dra ba yin/ /zhes zer zhing de pi bang mi len par yang nas yang du rgyun mi 'chad par glu len cing glu tshig de smra'o/ /rgyal pos de la dris pa/ kye skyes bu glu de'i don 'di ci yin/ des ji ltar 
gyur pa rnams brjod pa dang / des bsams pa/ 'dis bdag shes kyis yul dbyung bar bya'o snyam nas rgyal pos de la kA r+ShA pa Na lnga brgya byin nas yul phyung ngo / /dus gzhan zhig na mdun na 'don gyis rgyal po la lha khyod kyis mi rigs pa zhig bgyis 
te/ rgyal po dag ni bud med kyi dbang du 'gyur ba ma lags so zhes smras pa dang / de snyad med par cang mi zer bar 'dug go/ /des phyi de nyin gsos pa la smras pa/ deng bram ze des 'di skad ces smras na/ de rang gi chung mas mgo dbyir gzhug na khyod 
kyis nus sam/ des lha re zhig bltas te bgyi'o zhes smras nas/ gsos pas khyim du song ste chung ma la smras pa/ bzang mo bram ze mdun na 'don gyis lha la 'di dang 'di skad ces smras pa las de kho bo la smra na/ khyod kyis ci nas bram ze de rang 
gi chung mas mgo dbyir gzhug pa de lta bu'i sbyor ba bya bar nus sam/ des smras pa/ rje'i sras 'di la ci zhig bgyir mchis/ de lta zhig bgyis lags su bas kyis gzigs shig /des smras pa/ bzang mo gal te de lta na legs so/ /

</font><hr>10-1-301a<br><font size=+1>
g.yon can gyi chung ma g.yon can nyid du 'gyur bas des bram ze de'i chung ma dang lhan cig mdza' mor bya bar brtsams so/ /gang gi tshe de gnyis phan tshun yid phebs par gyur pa de'i tshe des bram ze mo la smras pa/ grogs mo bdag gi khyim 
thab ni rab tu byams te/ de bdag gis gang smras pa de byed do/ /des smras pa/ grogs mos kho mo la thub re skan/ ji ltar khyim thab bdag gi dbang du 'gyur ba de ltar khyod kyis ga la 'gyur/ gsos pa'i chung mas smras pa/ grogs mo ci 
ste khyod kyi khyim thab khyed kyi dbang du 'gyur na blta yis de'i mgo phyi shig /des de nga rgyal bskyed pas grogs mo dbyis ltos shig ces smras nas/ de gos dri ma can gyon nas khri'u dra ba can gyi steng na nyal te 'dug go/ /mdun na 'don gyis dris pa/ bram 
ze mo 'di ci'i tha tshig des smras pa/ bram ze lha rnams 'khrugs par gyur to/ /des smras pa/ bram ze mo khyod kyi khyim na mi bdog gam ci khyod kyis lha rnams la khas blangs pa gang yin pa de thams cad gyis shig dang bde bar 'gyur ro/ /de cang mi 
zer bar 'dug pa dang / mdun na 'don gyis smras pa/ bram ze mo khyod kyis lha rnams la ci zhig khas blangs/ des smras pa/ bram ze gang gi tshe khyod bram ze'i tshul du gnas pa na lhas bos pa de'i tshe bdag gis lha rnams la 'di skad ces bdag gi khyim 
thab bde bar slar 'ongs na/ bdag gis de'i mgo phyi nas de'i skra rnams khyed la dbul lo zhes gsol ba byas pa las de'i rjes la khyod kyang longs spyod skyes par gyur/ bdag gis kyang brjed de da ni lha de rnams 'khrugs par gyur pas mdor na 
bdag 'gum du bas so/ /des smras pa/ bram ze mo khyod kyis gang lha rnams la gsol ba byas pa de yang nga'i ched yin pas longs shig dang lha gsol te thams cad bsgrub par bya'o/ /des gsos pa'i chung ma de la bdag gi khyim thab ni 'di skad du 

</font><hr>10-1-301b<br><font size=+1>
lha las gsol te thams cad bya'o zhes spring ba dang / des kyang gsos pa la rje'i sras mdun na 'don gyi chung ma des bdag la 'di skad du bdag gis khyim thab khas len du bcug ste/ lha la gsol nas thams cad bya'o zhes zer ro zhes spring ba mchis so/ /
gsos pas kyang rgyal po la smras pa/ lha don de grub lags te mdun na 'don de khyod la zhur mchis mkhyen par mdzad du gsol/ /rgyal pos smras pa/ gsos pa de nga'i ched yin pas bag ma tsha zhig /re zhig na mdun na 'don de rgyal po la gsol du 
'ongs te/ lha bdag lha rnams kyi don cung zad cig bgyid de zla ba drug na lha'i zhal lta zhing mchi bar 'tshal lo/ /rgyal pos smras pa/ legs kyis de bzhin du gyis shig /de khyim du song nas mgo phyi'o/ /de mgo phyi nas kyang khyim gyi nang nyid na 
'dug go/ /de'i chung mas gsos pa'i chung ma la grogs mo kho mo'i khyim thab de ni mgo phyi zin no zhes spring ba dang / des kyang gsos pa la bsnyad do/ /gsos pas kyang rgyal po gtum po rab snang la smras pa dang de rab tu dga' ste mdun na 'don de 
khug cig ces bsgo'o/ /gsos pas kyang khye'u gnyis shig glu tshig bslabs pa/ gang na bud med gzugs ldan la/ /rigs dang ldan zhing rigs spel ma/ /de na rta med rta skad zer/ /mdun 'don mgo bo phyi la ltos/ /zhes bslabs so/ /ji tsam 
na mdun na 'don de zhwa zhig gyon nas rgyal po'i drung du 'ongs pa dang / khye'u de gnyis kyis glu tshig bya bar brtsams pa/ gang na bud med gzugs ldan la/ /rigs dang ldan zhing rigs spel ma/ /de na rta med rta skad zer/ /zhes byas nas gzhan zhig de'i 
zhwa phud nas/ mdun na 'don mgo bo phyi la ltos/ /zhes byas pa dang / de nas gad mo chen po byung ste/ mdun na 'don yid la ngo tsha bar gyur nas kha rog par mgo smad de sma bab nas song ngo / /gsos pas dgos pa dag byung ba na de dag la gtse bar brtsams 

</font><hr>10-1-302a<br><font size=+1>
nas gang na 'di lta bur bud med kyi dbang du gyur pa de na rgyal po'i don ga la yod ces byas pa dang / rgyal pos mdun na 'don la smras pa/ mkhan po khyod kyis gsos pa de gtse bar nus sam/ des smras pa/ lha re zhig rngo thog gam mi thog bltas te 
bgyi'o/ /de'i tsha bo sgyu ma mkhas pa zhig yod pas des de la smras pa tsha bo gsos pa 'dis rgyal po 'khor dang bcas pa'i mdun du bdag la tho btsams na de la khyod kyis gtse bar nus na bdag gi sha glan par 'gyur ro zhes smras pa dang / des zhang po re zhig nus sam mi nus bltas 
te bgyi'o zhes smras nas des mig 'phrul gyis 'gron pa sprul/ phyag dar gyi phung po las khyim du sprul/ rus pa'i rus gong las ded dpon gyi chung ma gzugs bzang zhing blta na sdug pa mdzes pa zhig sprul to/ /rgyal po'i kun tu spyod pa ni gal te 'gron pa 'ongs na de la 
bdag nyid kyis sho gam gcod pa'am/ yang na gsos pa gtong ngo / /gsos pas 'gron po de dag las sho gam gcad par brtsams nas des 'gron po rnams la dris pa/ shes ldan dag ded dpon gyi khyim gang yin/ de dag gis khyim 'di lags so 
zhes bstan to/ /de der zhugs pa dang / re zhig na ded dpon gyi chung ma gzugs bzang ba mdzes pa blta na sdug pa/ dbang po 'phrog pa/ sems g.yo bar byed pa zhig mthong ngo / /mthong ma thag tu chags par gyur nas/ des smras pa/ bzang 
mo khyod dang lhan cig dga' mgur spyad na 'gron pa'i sho gam mi gcad par bgyi'o/ /des smras pa/ rje'i sras de ltar ni bgyi na 'on kyang mtshan mo dga' mgur spyad do/ /de'i mig 'phrul gyis mtshan mor sprul pa dang / gsos pa de dang lhan cig dga' 
mgur spyad nas ji tsam na mgul pa nas 'khyud de gnyid kyis log go/ /mig 'phul mkhan gyis mig 'phrul slar bsdus pa dang / gsos pa phyag dar khrod na keng rus kyi mgul nas 'khyud de nyal zhing 'dug go/ /mdun na 'don gyis rgyal po la lha gsos 

</font><hr>10-1-302b<br><font size=+1>
pa'i gnas skabs de gzigs shig ces smras pa dang / rgyal pos blta ba'i phyir srog chags brgya stong phrag du ma bsdus te song nas rgyal pos de se gol gyi sgras bslang nas gsos pa ci bud med gang dang lhan cig dga' mgur spyad pa de'i sha yang za'am zhes 
smras pa dang / de rab tu skyengs nas langs te bsams pa/ 'di ltar rgyal po 'dis bdag co dris na gson te yang ci rung ba dag rang 'chi bar bya'o snyam mo/ /yang bsams pa/ bdag rang gis rang 'chi bar bya ba ni dkas song la 'phags pa ka t+ya'i bu chen 
po'i gan du rab tu 'byung ngo snyam nas de tshe dang ldan pa ka t+ya'i bu chen po gang na ba der song ste phyin nas tshe dang ldan pa ka t+ya'i bu chen po la 'di skad ces smras so/ /'phags pa bdag rab tu 'byung bar 'tshal gyis rab tu dbyung du gsol/ /des de rab tu phyung ste bsnyen 
par rdzogs par byas nas gcig las 'phros pa'i lung klog tu bcug go/ /rgyal po gtum po rab snang de med pa dang mi dga' bar gyur nas de rab tu byung ba las phab ste sngon gyi gnas ji lta ba bzhin bzhag go// //sdom ni/ ba lang skyong dang rngon pa 
nyid dang ni/ /bud med rnams dang bad sa'i rgyal po dang / /nor lhas byin pa dang ni rab snang dang / /rgyal po rdo 'jog tu ni song ba dang / /rmi lam rmis par gyur pa tha ma yin/ /rgyal po gtum po rab snang mal chen por 'dug pa rnam par rtog pa 
'di skyes te ci bdag 'das na gzhon nu ba lang skyong gis rgyal srid bya bar nus sam 'on te mi nus snyam mo/ /yang bsams pa/ re zhig 'di bgam par bya'o snyam nas des de bos te smras pa/ bu re zhig btsun mo'i 'khor du bya ba cung zad cig yod de nga zhag 
bdun gyi bar du btsun mo'i 'khor gyi nang na 'dug gis de'i bar du khyod kyis rgyal po gyis shig ces bsgo nas de rgyal po byed cing rgyal po gtum po rab snang ni btsun mo'i 'khor gyi nang na 'dug go/ /gzhon nu ba lang skyong yang rgol ba dang / phyir rgol ba rnams kyi tha 

</font><hr>10-1-303a<br><font size=+1>
snyad la legs par sbyong ste/ rgyal po'i mi rnams kyis byi ba byed pa dang bud med gang dag bzung ba de dang de dag la so sor kye mi khyod bud med 'di 'dod dam zhes rmed la bud med la yang khyod skyes pa 'di 'dod dam zhes rmed cing gal te de dag phan tshun 
mngon par 'dod par gyur na de nas blon po rnams la shes ldan dag 'di dag phan tshun mngon par 'dod na nga ci'i phyir mi 'dod/ /'di dag la nga'i chab 'og na 'tsho ba sus kyang cung zad kyang ma smra bar 'di dag ci dgar spyod cing 'dug tu chug shig ces bsgo'o/ /dpya 
'bul ba rnams la ni nan tan du lta'o/ /zhag bdun lon te rgyal po phyir byung nas gsos pa la rmas pa/ gsos pa ci gzhon nu ba lang skyong nga 'das nas rgyal srid byed nus sam/ des smras pa/ lha rngo ni thog na 'on kyang byi ba bgyid pa rnams ni dar bar 
'gyur lags so/ /rgyal pos smras pa/ gsos pa byi ba byed pa dang byi ba mi byed pa zhes bya ba de ji lta bu yin/ des ji lta bu yin pa brjod pa dang / rgyal pos bsams pa ci gzhon nu 'di gzhan gyi bud med rnams la phrag dog med pa zhig gam/ 'on 
te rang gi chung ma la yang de bzhin pa de re zhig brtag par bya'o snyam nas des sa 'dzin pa zhig la sa 'dzin pa khyod song la gzhon nu ba lang skyong gi chung ma dang lhan cig dga' mgur spyod cig ces bsgo ba dang / des rna ba gnyis bkag nas smras pa/ lha sdig 
pas brlag lags so/ /rgyal pos smras pa/ sa 'dzin pa rgyal po'i don ni de lta bur gnas pa yin gyis song shig /gal te rim pa bzhin ma byas na rgyal po'i don nyams par 'gyur ro/ /des smras pa/ lha mod la de ltar bgyi ba'i rngo mi thog pas bags 
kyis bgyi'o/ /des smras pa/ de bzhin du ni byed la rag na sa 'dzin pa thabs ji lta bu zhig byed/ lha de'i sdum pa dang nye ba zhig tu zong bkram pa bgyis/ zong stsol cig dang de nas 'dris par bgyis nas bka' ji skad stsal pa bsgrub par bgyi'o/ /

</font><hr>10-1-303b<br><font size=+1>
rgyal pos de la zong byin pa dang / des rdzas dag bsags te tshong zong bkram pa dang / ba lang skyong gi sgyug mo'i bran mo zhig yod pa de zong khyer nas spos kyi phur ma nyor 'ongs so/ /sa 'dzin pas bu mo de la bu mo spos kyi phur ma 'di su 'ir bya zhes dris pa dang / des smras 
pa/ gzhon nu ba lang skyong gi sgyug mo'i'o/ /de ming ci zhig /ming 'di zhes bya'o/ /bu mo nga'i ma de yang ming ni de skad ces bya bas de ni nga'i ma dang 'dra'o zhes smras nas des de la spos kyi phur ma rin bskyungs nas mang du byin no/ /ba lang skyong gi sgyug mos bu mo de la dris 
pa/ bu mo sngon chad ni rin 'di tsam gyis rdzas nyung ngu khugs la/ da ni shin tu mang du khugs pa 'di la rgyu ci yod/ /des kyang ji ltar gyur pa thams cad brjod do/ /des smras pa/ legs te/ de ni nga'i bu dang 'dra'o/ /de bzhin du lan gnyis lan gsum du byas pa dang / de de la 
dga' bar gyur to/ /dus gzhan zhig na sa 'dzin pas smras pa/ bu mo ma la 'di skad du ma'i zhal ltar mchi'o zhes gyis shig /des de la byas pa dang / des smras pa/ legs kyis tshur shog shig ces gyis shig /des de la smras pa dang / des skyes su dri'i rdzas 
dag khyer te 'ongs nas des de la brang sprad de ngus pa dang / des smras pa/ bu ci'i phyir ngu / des smras pa/ yum ci 'dra ba bdag gi ma'i dbyibs kyang de 'dra bas de'i slad du bdag mchi ma byung ngo / /des bu nga nyid khyod kyi ma de yin te/ khyod nga'i bu yin gyis ma ngu shig ces 
smras nas de de la lhag par dga' bar gyur to/ /ji tsam zhig na phyogs shig tu ba lang skyong gi chung ma song ba las des de bos nas bu mo tshur ming po'i zhabs la phyag gyis shig ces byas pa dang / de 'ongs so/ /ma gcig bu mo 'di'i ming ci lags/ bu ming 'di zhes bya'o/ /
ma gcig bdag gi mna' ma yang ming yang 'di dang 'dra/ dbyibs kyang 'di dang 'dra bas 'di ni bdag gi mna' ma lags so/ /des bu legs so zhes smras so/ /gang gi tshe de dag phan tshun gcugs par gyur pa de'i tshe des g.yo thabs su na ba ltar bcos nas 

</font><hr>10-1-304a<br><font size=+1>
'dug go/ /bu mo de yang rdzas nyor 'ongs pa dang / sa 'dzin pa'i khye'u des smras pa/ bu mo nga ni the gi na na ma cig da ltar mi 'ong ngam/ des khyod na bar mi shes so/ /des smras pa/ de la gyis shig des de la byas pa dang / de yang blta ba'i phyir 
'ongs te dris pa bu khyod ji ltar na/ des smras pa/ ma gcig bdag gi bro ni ya nga ba zhig lags so/ /des smras pa/ bu sman pa la dris te dpyad dag gyis shig /des smras pa/ ma gcig 'di ni dpyad kyis 'tsho ba ma lags te/ bdag nad 'di kho nas srog 
dang 'bral bar 'gyur ba'i gnas gang lags pa de mchis so/ /des smras pa/ bu ci sems thabs gang gis nad 'di zhi bar 'gyur/ ma gcig zhi bar 'gyur ba'i thabs shig ni mchis na 'on kyang mi 'byor to/ /bu ci mi 'byor smros shig dang thams cad 
'byor par bya'o/ /des smras pa/ ma gcig ba lang skyong gi btsun mo dang lhan cig dga' mgur spyad na de lta na bro 'di sos par 'gyur lags so zhes smras pa dang de rab tu khros nas smras pa bkren pa khyod da shir zad khyod rgyal po'i btsun mo dang lhan cig dga' mgur spyod 'dod dam 
zhes des de la spyos te langs te song ngo sa 'dzin pa de g.yon can zhig pas des nor thams cad dkar chag la bris nas dkar chag de la nga shi na rdzas thams cad ba lang skyong gi sgyug mo'i yin no zhes de skad du yang bris so/ /dkar chag de de la bskur ba dang des bklags nas khro 
ba zhi bar gyur te bsams pa de bdag gis da gzod kho na spyos te 'ongs na de bdag la je byams par gyur gyis de'i phyir bud med rnams kyi rang bzhin ni de lta bu yin pas de shi na mi rung bas de la bsgrub po snyam nas des bu mo de bos te de nas sa 'dzin pa'i bsngags pa rim gyis 
brjod nas smras pa bu mo khyod kyi skud po de na na de ltar rim gro'am des smras pa ma gcig sman pa ma mchis sam/ ci ste dpyad ma bgyis/ des smras pa/ bu mo de'i nad ni ya nga ba zhig ste de nad de kho nas dus byed par 'gyur ba gang yin pa'i gnas de yod na 'on 

</font><hr>10-1-304b<br><font size=+1>
kyang de na re gal te mna' ma dang lhan cig dga' mgur spyad na de lta na bdag 'tsho bar 'gyur ro zhes zer ro/ /de khros nas smras pa/ ma gcig bkren pa de da dus byas su pas rgyal po'i btsun mo dang lhan cig dga' mgur spyad 'tshal lam/ des smras pa mo khyod kyi gyos po gang 
las skyes pa khyod shes sam/ ma gcig ma 'tshal to/ /bu mo de ni sdig pa las skyes te rgyal por gyur nas dpung gi dmag mang ba yin no/ /khyod kyi khyo de yang tshong dpon zhig gi bu yin te yang rgyal por 'gyur ro/ /khyod kyang 'di dang lhan cig dga' mgur spyod cig 
dang / khyod las bu gang 'byung ba de yang / rgyal por 'gyur ro zhes de des bslus pa dang / khas blangs nas des sa 'dzin pa'i khye'u de la spring ba/ bu bu mo 'dis khas ni blangs na khyod la gnod par byed srid kyis dus shes par gyis la shog shig ces byas so/ /
sa 'dzin pas rgyal po la lha don 'di ni grub na 'on kyang re zhig ba lang skyong mi gtang du gsol zhes spring ngo / /rgyal pos bsams pa/ bdag 'das nas gzhon nu ba lang skyong rgyal por 'gyur zhing de 'das nas kyang de'i bu rgyal por 'gyur ba yin na/ gal te ba lang 
skyong gi chung ma las sa 'dzin pa'i bu skyes par gyur na de rgyal por 'gyur bas de'i phyir gang gis na sa 'dzin pa de'i dbang po sa bon du mi 'gyur ba de lta bu'i sman sbyin par bya'o snyam nas des de'i dbang po sa bon du mi 'gyur ba'i la du dag cig bskur nas/ sa 'dzin pa khyod 
gang gi tshe gzhon nu ba lang skyong gi chung ma dang lhan cig dga' mgur spyod pa de'i tshe khyod kyis la du 'di dag zo shig ces spring ngo / /ba lang skyong la yang bu gros su bya ba cung zad cig yod kyis re zhig khyim du ma 'gro shig ces bsgo ba dang de 'dug go/ /sa 'dzin pas kyang dbang 
po sa bon du mi 'gyur ba'i la du zos nas/ ba lang skyong gi chung ma la dga' mgur spyad nas 'dod pa'i dga' bas dub par gyur te/ de'i mgul nas 'khyud bzhin du gnyid log par gyur to/ /rgyal pos bsams pa/ des de la dga' mgur spyad de song grang gis 

</font><hr>10-1-305a<br><font size=+1>
gzhon nu gtang bar bya'o snyam nas des gzhon nu ba lang skyong la smras pa/ bu mna' ma mi dga' bar 'gyur gyis ring po ma 'dug par song shig /de khyim du song ba dang re zhig na chung ma gzhan gyi skyes bu zhig dang lhan cig tu 'dug cing sa 'dzin pa de'i lag 
pa 'phyang ba mthong nas/ des de'i lag pa bskums nas 'di dag 'ga' zhig gis mthong bar 'gyur du 'ong ngo snyam nas gos kyis g.yogs so/ /sa 'dzin pa mtshan rangs par nyal nas nam nangs te nyi ma shar ba dang sad nas des bdag mthong ngam ma mthong snyam nas 
rgyugs te song ngo ba lang skyong la rgyal pos bu mdang sum nga'i rmi lam na khyod kyi chung ma skyes pa gzhan zhig dang lhan cig dga' mgur spyod pa mthong ngo zhes smras pa dang / lha khyod kyis ni rmang lam du gzigs/ bdag gis ni mngon sum kho nar mthong ngo / /ji lta zhig tu/ des ji 
ltar gyur pa'i gtam rgyas par brjod do/ /rgyal pos smras pa/ bu khyod la phrag dog med dam/lha ma mchis so/ /bu de ci'i phyir/ lha bdag rang bzhin gyis tshe rabs dran te/ bdag sngon gyi tshe rabs gzhan zhig na ded dpon zhig gi chung mar gyur pa las/ ded dpon de zong 
'tshal nas yul gzhan du chas pa dang / de la bdag gis rje'i sras bdag kyang mchi'o/ /zhes smras so/ /des de na khyod kyi rim gro su byed ces smras te/ de bdag mi bkri bar bgyis pa dang ngus so/ /de la zho shas 'tsho ba rnams kyis smras pa/ ded dpon gyi chung ma ci'i phyir ngu / 
des de dag la ji ltar gyur pa brjod pa dang / de dag gis ded dpon khrid cig dang bdag cag gis rim gro bya'o zhes smras nas des bdag khrid do/ /ji tsam na lam kar mi rgod lnga brgya tsam byung nas de dag gis 'gron pa de rnams kyang bcom/ ded dpon yang bsad nas 
bdag ni mi rgod lnga brgya po de rnams kyis dga' mgur spyad do/ /de rnams kyis 'gron pa gzhan bsad pa'i bud med gzhan zhig rnyed pa dang / de bdag gis 'di ni bdag gi chun mar 'gyur ro snyam nas khron pa rnying par bor ba dang de nyid du gum par gyur to/ /lha bdag gi mi rgod 

</font><hr>10-1-305b<br><font size=+1>
lnga brgyas dga' mgur spyad na ngoms par ma gyur pa de lta bu bdag gis 'tshal bzhin du ci bud med rnams la phrag dog skyed lags sam/ lha 'on kyang 'jig rten gang zhig bud med rnams yid brtan par 'jog pa de ni blun pa lags kyi/ bud med rnams kyis skyes pa dag yid brtan 
par gzhag par bgyi ba 'di ni rigs lags so/ /des smras pa/ bu de de bzhin te/ bud med rnams kyis skyes pa dag yid brtan par gzhag par bya'o/ /'phags rgyal na rngon pa zhig gnas pa de'i chung ma gzugs bzang zhing mdzes pa blta na sdug pa zhig pas de de la shin tu 
chags te/ des bsams pa/ gal te chung ma bzhag ste dgon pa'i gnas su song na ni 'di skyes pa gzhan dang lhan cig dga' mgur spyod par 'gyur/ ci ste ma song na ni bdag rngon pa ste/ gzhan gyi srog gcod cing gzhan gyi srog bcad pas 'tsho bar byed pa yin gyis 
bdag ni zhing pa ma yin/ tshong pa ma yin/ gzhan gyis 'tsho ba yang ma yin pas gdon mi za bar ltogs te 'chi bar 'gyur bas ma la bdag gis chung ma khrid la 'gro'o snyam nas/ des chung ma khrid de dgon pa'i gnas su song nas phyogs gcig cig tu lo ma'i spyil bu byas te 
'dug go/ /des der ri dgas mchog bdams shing bsad de sha bzang po btsongs nas 'tsho bar byed do/ /ji tsam dus gzhan zhig na rgyal po gtum po rab snang ri dgas shor du song ba las de rtas kha khyer nas phyogs der phyin pa dang / rngon pa des de ngo shes par gyur cing ji ltar 
rtas kha khyer ba yang shes nas des de la byon pa legs so zhes bya ba'i tshig kun tu spyad pa dang / de rta las babs te shing drung zhig tu 'dug go/ /rngon pas bsams pa/ bdag gis rgyal po rgyal rigs spyi bo nas dbang bskur ba la zhag lon pa'i sha dbul ba gang yin pa ni bdag gi cha ma 
yin pas ma la bdag gis zhag ma lon pa gzhan zhig khyer te 'ong ngo snyam nas des mda' lcugs bgos mda' gzhu lag na khyer te ri dgas shor du song ngo / /rgyal po gtum po rab snang gis de'i chung ma gzugs dang na tshod dang ldan pa de mthong nas nyon mongs pa drag po'i mthus 'dod 

</font><hr>10-1-306a<br><font size=+1>
pa'i 'dod chags bskyed pas rngon pa de'i chung ma dang lhan cig tu de ma thag tu log par spyad do/ /rngon pa des ri dgas bsad nas slar log pa dang re zhig na chung ma de la log par spyad pa mthong ngo / /khon rnams kyi nang na 'di lta ste bud med rnams kyi phyir khon pa de tha chad yin pas de khros nas 
bsams pa dus ngan pa'i rgyal po rgyal po'i chos las 'das pa 'di gsad do snyam pa las yang bsams pa/ bud med tsam gyi phyir ci 'di gsad dam/ de de snyam du sems pa na ma stes te seng ge zhig dang gdong thug tu phrad nas des de bsad do/ /des rgyal po gtum po rab snang la byams pa'i 
sems bskyed pas shi nas rgyal chen bzhi'i ris kyi lha rnams kyi nang du skyes so/ /rgyal pos bsams pa/ bud med 'di bdag gis longs spyad la 'di'i khyo yang dus las 'das na bdag gis 'di bor ba gang yin pa ni bdag gi cha ma yin no snyam bsams nas/ des de spro bsrings nas de 
dang lhan cig gtam zer zhing 'dug go/ /ji tsam na blon po dang / gzhon nu dang / khrom gyi ru dag yan man du tshol zhing phyogs der phyin pa dang / de dag gis smras pa/ lha bud med 'di su'i lags/ des smras pa/ nged ni rgyal po yin pas nga la su zhig bud med mi 'bul/ deng la 'di btsun 
mo'i 'khor gyi nang du zhog shig /de dag gis de btsun mo'i 'khor gyi nang du bzhag go/ /rgyal po yang dpung dang bzhon pa'i tshogs dang ji ltar 'dod pa bzhin du song nas 'phags rgyal du phyin par gyur pa na de'i btsun mo'i 'khor dag rgya cher 'phel bar gyur to/ /bcom ldan 'das kyis ji ltar 
sems 'di myur du 'gyur ba de lta bu'i chos ni gcig kyang ngas yang dag par rjes su ma mthong ngo zhes gsungs pas rgyal po gtum po rab snang gis btsun mo'i 'khor rgya che ba dag mthong nas bsams pa/ re zhig rngon pa nyon mongs des chung ma gcig cig 'brog dgon par khrid de 
bzhag na de yang bsrung bar ma nus na bdag gis btsun mo'i 'khor shin tu rgya che ba bsrung ba lta smos kyang ci dgos snyam nas/ des 'phags rgyal du dril bsgrags te/ 'di skad du shes ldan 'phags rgyal na gnas pa dang / grong khyer pa dang / yul sna tshogs nas 'ongs pa'i skye bo'i tshogs dag 

</font><hr>10-1-306b<br><font size=+1>
nyon cig /ngas btsun mo'i 'khor rnams ji ltar 'dod par longs spyad du gtang gis gang gis btsun mo'i 'khor dag yongs su longs spyad pa des ni legs par longs spyad pa yin no zhes bsgrags so/ /btsun mo'i 'khor rnams kyang bos nas khyed kyang gzhan gyi skyes pa dang lhan cig 
dga' mgur spyod du deng la gang zhig rnga brdungs pa'i tshe slar ma 'ongs pa de'i mgo drungs nas bcad de sa la dor bar bya'o zhes kyang bsgo'o/ /bud med thams cad ni skyes pa 'dod pa yin na rgyal po'i btsun mo'i 'khor rnams lta smos kyang ci dgos pas de dag 'phags rgyal na kun tu 'phyan 
cing gang gis skyes pa gang mthong ba de de dang lhan cig dga' mgur spyod par brtsams so/ /ba lang skyong gi ma zhi ba dang / skya bseng gi bu mo sgrol ma ni rgyal po gtum po rab snang lhag par byams pas de dag rgyal po'i ngo ma chod de ma song ngo / /rgyal pos zhi ba la smras pa/ zhi ba khyod kyang 
song la gzhan gyi skyes pa dag dang lhan cig dga' mgur spyod cig des smras pa/ lha bdag ni lha btang nas skyes pa gzhan dang lhan cig dga' mgur mi spyod lags so/ /skya bseng gi bu mo sgrol ma la khyod song shig ces smras pa dang / de na tshod kyis gzhon la mi brtan pa'i rang bzhin 
can zhig yin pas skyes pa gzhan 'dod de des khas blangs nas de srang na mar song ngo / /de kun tu 'phyan pa na spos 'tshong gi khye'u sdu gu zhig mthong nas des de la smras pa/ dga' mgur spyod kyis tshur/ des smras pa/ re zhig mar me zung shig dang / ji 'du 'god brtsis la phyis dga' 
mgur spyad par bgyi'o zhes byas pa dang / des mar me bzung nas 'dug go/ /spos 'tshong gi khye'u des 'di las ni 'di khugs so/ /'di ni che ge mo zhig la byin pa yin no zhes de rtsis byed cing de la mi sems par 'dug gi bar du ji tsam na nam nangs par gyur te/ rgyal po'i pho brang du rnga 
brdungs pa dang / skya bseng gi bu mo sgrol mas mar me sa la bzhag ste song ngo / /des smras pa/ dga' mgur spyad kyis sdod cig /des smras pa/ ji ltar dga' mgur spyad/ lhas 'di skad du bud med gang zhig rnga brdungs te ma 'ongs pa de'i mgo bo drungs nas bcad de sa la dor bar bya'o zhes khrims su 

</font><hr>10-1-307a<br><font size=+1>
bcas te bzhag la/ da gzod rnga de yang brdungs zin na ci bdag la mgo gnyis yod dam 'gro'o zhes de dga' mgur ma spyad pa nyid du song ngo / /rgyal pos dris pa/ sgrol ma khyod kyis dga' mgur spyad dam/ des smras pa/ lha dga' mgur ma spyad do/ /ci'i phyir zhes byas pa dang / 
des ji ltar gyur pa brjod nas rgyal po cang mi zer bar 'dug go/ /yang rgyal pos de bzhin du dril bsgrags pa dang / kun tu rgyal po gtum po rab snang gis btsun mo'i 'khor ji ltar 'dod pa bzhin du skyes bu longs spyod du btang ngo zhes sgra grags so/ /kau shAm bI'i rgyal po shar ba'i bus ji 
ltar rgyal po gtum po rab snang gis btsun mo'i 'khor ji ltar 'dod pa bzhin du skyes bu longs spyod du btang ngo zhes thos so/ /thos nas kyang sbyor ba 'chang la smras pa/ sbyor ba 'chang rgyal po gtum po rab snang gis btsun mo'i 'khor ji ltar 'dod pa bzhin du skyes bu longs spyod du btang ngo zhes grag gis/ rgyal po gtum po rab snang gi btsun mo'i 'khor rnams dang lhan cig dga' mgur spyod du 'gro'o/ /des smras pa/ lha rgyal po gtum po rab snang ni khyod kyi yun ring po nas gsod pa phyir rgol ba mi mdza' ba lags pas gal te lha der bzhud de mjal na gnod pa bgyid pa'i 
gnas gang lags pa de mchis so/ /des smras pa/ sbyor ba 'chang mi rnams kyi nang na mi gzu lums can dag yod mod kyi 'on kyang khyod 'dir 'dug shig nga ni 'gro'o des smras pa/ gal te lha de ltar bzhed na/ lha bag mi mnga' ba lags mod kyi 'on kyang bag mdzad pa'i rigs so/ /rgyal po 
shar pa'i bu yang shin tu bud med la brkam chags can zhig pas des de'i tshig khyad du bsad nas 'phags rgyal du song ba dang / skya bseng gi bu mo des de gzugs bzang zhing blta na sdug pa mdzes pa mthong ngo / /des de mthong nas smras pa/ rgyal rigs tshur spyon skya bseng gi bu mo sgrol ma 
dang dga' mgur spyad par bgyi'o/ /des smras pa/ legs kyis mal gyis shig /des smras pa/ khyod mal gyis shig de gnyi ga yang dregs shing nga rgyal gyis khengs pas rgyal po shar pa'i bus kyang mal ma byas/ skya bseng gi bu mo sgrol mas kyang ma byas par de gnyis khyod mal byos shig nga mi 

</font><hr>10-1-307b<br><font size=+1>
byed do zhes smra ba'i bar du nam nangs par gyur te/ rgyal po'i pho brang du rnga brdungs pa dang / skya bseng gi bu mo sgrol ma song ngo / /rgyal po shar pa'i bus smras pa/ sdod cig dga' mgur spyad par bya'o/ /skya bseng gi bu mo sgrol mas smras pa/ ji ltar dga' mgur spyad lhas 'di skad du bud med gang zhig rnga brdungs 
te ma 'ongs pa de'i mgo bo drungs nas bcad de sa la dor ro zhes khrims su bcas pa bzhag la/ da gzod rnga de yang brdungs na ci bdag la mgo gnyis yod dam 'gro zhes de dga' mgur ma spyad par rgyal po shar pa'i bu'i lag nas sor gdub rgya phyung ste song ngo / /rgyal pos dris pa/ sgrol ma khyod kyis 
dga' mgur spyad dam/ des smras pa/ lha dga' mgur ma spyad do/ /ci'i phyir khyod kyis dga' mgur ma spyad/ des ji ltar gyur pa brjod nas sor gdub rgya bstan te 'di ni bdag gis de'i sor gdub rgya 'tshal te mchis pa lags so/ /rgyal po gtum po rab snang gis de'i rgya bklags nas 
gsos pa la smras pa/ gsos pa rgyal po shar pa'i bu dmag mang po can 'dir 'ongs pa sus kyang ma tshor te/ de yang nga'i btsun mo'i 'khor 'dod na khyod kyis ji ltar yal bar dor des smras pa/ lha ma tshor bar de 'dir mchis mod ci ste da dung 'dir mchi na mi bzod par bgyi'o/ /de nas rgyal po gtum 
po rab snang gis yang de bzhin du dril bsgrags pa dang / rgyal po shar pa'i bu des de bzhin du thos nas sbyor ba 'chang la smras pa/ sbyor ba 'chang rgyal po gtum po rab snang gis yang btsun mo'i 'khor ji ltar 'dod pa bzhin du skyes bu longs spyod du btang ngo zhes grag gis de'i phyir rgyal po gtum po 
rab snang gi btsun mo'i 'khor rnams dang lhan cig dga' mgur spyad kyis tshur shog 'dong sbyor ba 'chang gis smras pa/ lha de'i tshe ni khyod ma tshor bar bzhud pas de'i slad du bde bar 'dir 'khor gyi/ da ni rgyal po gtum po rab snang sta gon du chas shing mchis pas ma gshegs na legs so/ /des 
smras pa/ sbyor ba 'chang mi rnams kyi nang na mi gzu lums can dag yod de 'gro'o zhes de song ba dang sbyor ba 'chang yang rgyal po'i bkas song ngo / /rgyal po shar pa'i bu rim gyis 'phags rgyal du phyin te khyim gang du zhugs pa de gsos pas lag na ral gri thogs pa'i mi dag gis kun tu bskor nas de rnams 

</font><hr>10-1-308a<br><font size=+1>
la bsgo ba/ shes ldan dag gal te bud med cig phyi rol du byung na ni thong shig /ji ste skyes pa zhig na ma gtang zhig /sbyor ba 'chang gis tshor nas des bsams pa bdag gis rgyal po mi bzad pa dogs pa nyam nga bar gyur pa yal bar dor ba gang yin pa ni bdag gi cha ma yin no snyam nas/ des rgyal po de bud 
med phal pa'i cha lugs dang rgyan gyis brgyan te/ de nas bum pa bskur nas lcug mas gzhus te spyo zhing lha da cung tshems shing ma gsol na khyod chu khyer te mi 'ong ngam/ zhes byas nas phyir phyung ngo / /rgyal po'i mi rnams kyis bu mo mngag gzhug ma yin no snyam nas yal bar btang ba dang des bum pa rdzing bu'i 
'gram du bor nas bros te song ngo / /gsos pas khyim de bltas pa dang re zhig na bros par gyur nas des sbyor ba 'chang bzung ste rgyal po gtum po rab snang la phul nas lha mi 'dis rgyal po shar pa'i bu btang lags so/ /sbyor ba 'chang gis smras pa/ lha bdag gis de'i zas dang gos dag bdag gir 
bgyis te bdag gis de btang ba gang lags pa de ni bdag gis rigs pa zhig bgyis kyi/ 'dis ni khyod kyi zas dang gos bdag gir bgyis la btang ba na yal bar bor ba gang lags pa de ni rigs pa ma lags so/ /zhes smras pa dang / rgyal po gsos pa la khros nas smras pa/ gsos pa rgyal po 
shar pa nga'i btsun mo'i 'khor 'dod pa yal bar btang ba'i rigs sam/ de'i phyir gal te re zhig rgyal po shar pa'i bu khrid de 'ongs na de lta na legs/ ji ste ma 'ongs na chad pas cher gcad do zhes byas pa dang / de skrag nas de gzung ba'i thabs sems shing 'dug go/ /re zhig na lho phyogs nas 'khrul 'khor gyi 
sgyu rtsal gyi slob dpon zhig 'ongs pa dang / gsos pas kye skyes bu 'di dang 'di lta bu'i 'khrul 'khor byed nus sam zhes dris pa dang / des smras pa/ lha bdag gis mnyes par rngo thog go/ /gsos pas glang po che'i gtso bo 'dam bu'i ri zhes bya ba dben pa zhig tu sbas nas 'phags rgyal du glang po che'i 
gtso bo 'dam bu'i ri bros so zhes sgra btang ba dang de'i tshe sgra de yang phyogs dang phyogs mtshams dag tu grags par gyur to/ /de'i tshe des 'khrul 'khor gyi sgyu rtsal gyi mkhan po la 'di lta bu'i 'khrul 'khor zhig gyis shig ces smras pa dang des kyang glang po che'i gtso bo 'dam bu'i ri ci 'dra ba de kho na 'dra ba'i 'khrul 'khor 

</font><hr>10-1-308b<br><font size=+1>
zhig byas nas 'khrul 'khor der mi lnga brgya yang bcug /glang po che'i lci ba dang chu yang mang du bcug ste/ de nas mi de rnams la bsgo ba/ ci nas khyed cag gis ji ltar kau shAm+bI'i nyen 'khor mig lam du 'bab pa de ltar 'khrul 'khor 'di drongs shig /ji ste rgyal po shar pa'i bu dpung gi tshogs yan lag bzhi pa dang byung 
na ni khyed kyis de'i lag tu ma sbyin cig /'on te gcig pu 'ongs na ni zung la bzung nas myur du 'dir khrid de shog shig ces byas pa dang / de dag gis ji ltar 'khrul 'khor de kau shAm+bI'i nyen 'khor bltar rung ba de ltar legs par drangs te 'dug pa dang / phyugs rdzi dang / ba lang rdzi dang / rtswa thun dang / shing 
thun dang / lam gyis 'tsho ba dang / lam gol bas 'tsho ba'i mi rnams ngo mtshar du gyur pa'i mig bgrad nas bskor te blta bar brtsams so/ /de na kha cig na re shes ldan dag 'di ni glang po che'i gtso bo rgod yin no zhes zer ro/ /gzhan dag na re 'di glang po che rgod ma yin gyi 'phags rgyal gyi rgyal po gtum 
po rab snang gi glang po che'i gtso bo 'dam bu'i ri zhes bya ba bros pa de 'dir 'ongs pa yin no zhes zer ro/ /de nas kha cig gis rgyal po shar pa'i gan du song nas gcam bu gsol pa/ lha 'phags rgyal na gnas pa'i rgyal po gtum po rab snang gi glang po che'i gtso bo 'dam bu'i ri bros par gyur pa 
gang lags pa de ni lha'i bsod nams kyi mthus 'dir mchis te srog chags brgya stong du ma ltar mchis so zhes byas pa dang / rgyal po shar pa'i bus thos nas dga' ba dang / yid bde ba skyes te dga' ba'i rnga ni brdungs/ dung zung kha bstams pa ni bus nas sbyor ba 'chang la bsgo ba/ song 
la dpung gi tshogs yan lag bzhi go skon la grong khyer du yang dril sgrogs te/ 'di skad du grong khyer na gnas pa thams cad dang / yul sna tshogs nas 'ongs pa'i skye bo'i tshogs rnams la rgyal po glang po che'i gtso bo 'dam bu'i ri 'dzin tu gshegs kyis mtshon cha rnam pa sna tshogs dang 
zhags pa thogs te shog shig ces bsgo shig /sbyor ba 'chang gis dpung gi tshogs yan lag bzhi pa go bskon te/ grong khyer du yang dril bsgrags nas 'di skad du shes ldan grong khyer na gnas pa rnams dang / pho brang 'khor na gnas pa rnams dang / yul sna tshogs nas 'ongs pa'i skye bo'i tshogs 

</font><hr>10-1-309a<br><font size=+1>
dag nyon cig lhas nga glang po che'i gtso bo 'dam bu'i ri 'dzin du gshegs kyis khyed cag mtshon cha sna tshogs dang zhags pa dag thogs te shog shig ces bka' stsal to/ /zhes byas so/ /de nas rgyal po shar pa dpung gi tshogs yan lag bzhi pa dang / mi'i mchog stong phrag du 
ma dang / lhan cig tu glang po che'i gtso bo 'dam bu'i ri 'dzin du dong ba dang / 'khrul 'khor 'phul ba rnams kyis ji ltar glang po che'i gtso bo 'dam bu'i ri ltar bcos pa de 'bros par rtsom pa de ltar 'khrul 'khor de phul ba dang / blon po rnams kyis smras pa/ lha khyod nyid glang po che'i cho ga la 
mkhas pa lags pas glang po che 'di 'bros su bgyid kyis khyod nyid kyis thabs mdzad du gsol/ rgyal pos sbyor ba 'chang la bsgo ba/ dpung gi tshogs yan lag bzhi pa khyed cig /nga nyid thabs kyis 'di'i drung du 'gro'o/ /des dpung gi tshogs yan lag bzhi pa bkyed nas rgyal po bdag 
nyid pi bang snyan pa len cing nye bar 'gro bar brtsams pa dang / 'khrul 'khor 'phul ba rnams kyis ji ltar 'khrul 'khor rgyal po shar pa'i bu drung du song nas 'dug pa de ltar phul te mi lnga brgya po de dag 'khrul 'khor nas byung ste bzung ngo / /bzung nas 'khrul 'khor du bcug ste 'khrul 'khor 
de ji ltar rlung gi shugs ltar mgyogs par gyur pa de ltar phul lo/ /rgyal po shar pa'i bu khrid do/ /rgyal po shar pa'i bu khrid do zhes blon po rnams kyis kun tu sbran pa dang / srog chags brgya stong du ma dang / dpung gi tshogs yan lag bzhi pas bsnyag par brtsams so/ /gang gi tshe sa 
tshigs 'das par gyur pa de'i tshe sbyor ba 'chang gis smras pa/ shes ldan dag rgyal po khrid zin te thabs gzhan zhig bsam gyis slar log shig ces byas pa dang de dag thams cad log go/ /rgyal po shar pa'i bu yang 'phags rgyal du khrid nas gsos pas rgyal po gtum po rab snang 
la phul te/ lha rgyal po shar pa'i bu 'di lags so zhes byas pa dang / rgyal po dga' ba'i rnga ni brdungs/ dung zung kha bstams pa ni bus te/ grong dang grong khyer dang / grong rdal dang / srang na gnas pa'i srog chags snying na ba du ma tshogs pa dang / gsos pa la bsgo ba ngas rgyal po 

</font><hr>10-1-309b<br><font size=+1>
shar pa'i bu yongs su btang gis sod cig /blon po rnams kyis smras pa/ lha rgyal po 'di ni glang po che'i cho ga la mkhas pa zhig ste/ gal te 'di bkum na glang po che'i cho ga nub par 'gyur bas de'i slad du re zhig lhas 'di las glang po che'i cho ga bslab tu gsol/ slad kyis ji ltar bka' stsal pa 
bzhin bgyi'o/ /rgyal pos smras pa/ gsos pa gal te de lta na khyod kyis 'di las glang po che'i cho ga slobs shig /ngas 'di las glang po che'i cho ga bslabs te nga'i slob dpon du gyur na ji ltar slob dpon bsad par bya/ gsos pas smras pa/ lha bdag la yang nyes dmigs de nyid du 'gyur 
bas de ni cha ma lags so/ /rgyal pos smras pa/ gsos pa gal te de lta na su zhig 'di la slob tu bcug la de las ngas bslab par bya/ gsos pas smras pa/ lha khyod kyis sras mo nor lhas byin 'di le lo ma mchis pa/ brtson 'grus dang ldan pa/ mkhas pa/ grims pa lags pas 'di slob tu 
stsal te/ 'dis lha la bslab par bgyi'o/ /rgyal po gtum po rab snang gis nor lhas byin la smras pa/ bu mo mi de mtshan ngan pa bcwa brgyad dang ldan na/ 'on kyang glang po che'i cho ga la mkhas pa zhig pas khyod kyis de las bar du yol bas bcad de glang po che'i cho ga slobs la phyis nga la 
slobs shig /khyod kyis de la blta bar yang mi bya ste/ de mthong na bkra mi shis pas khyod kyis de mthong na khyod 'chi'o zhes byas pa dang / des yol bas bcad de de las glang po che'i cho ga bslab par brtsams so/ /sbyor ba 'chang gis bsams pa/ gal te lha btsal te gson na ni de 
thar pa'i thabs shig bsam mo/ /'on te shi ste dus las 'das na ni gzhan zhig rgyal por dbang bskur ro snyam nas/ de'i sring mo gser phreng can zhes bya ba sgyu bsham pa la sbyor ba 'chang ba bas kyang lhag pa zhig yod pa de la des smras pa/ sring mo 'phags rgyal du song la son nas rgyal po 
kun du tshol te/ gal te gson na de thar pa'i thabs shig bsam par bya'o/ /'on te shi ste dus las 'das na gzhan zhig rgyal por dbang bskur ro zhes byas pa dang des de la cang mi smra bas khas blangs te kun tu rgyu'i cha lugs su bsgyur nas 'phags rgyal du song ngo / /de rgyal po'i sgor 

</font><hr>10-1-310a<br><font size=+1>
'dug nas rgyal po'i mi dag la dris pa/ shes ldan dag rgyal po shar pa'i bu ci gson nam 'on te shi/ rgyal po'i mi dag gis smras pa/ re zhig rab tu byung ba khyod la dris/ des khyod la gnod pa ci zhig byas/ des smras pa/ shes ldan dag des kho mo'i khyo dang bu ni 
'tsho ba dang phral/ bdag gi nor rdzas thams cad ni phrogs so de dag gis smras pa/ rab tu byung ba de ni dus las ma 'das te/ de rgyal po'i sras mo nor lhas byin pa la glang po che'i cho ga slob po de bzhin du des rgyal po'i sgo bzhir rgyal po'i mi dag la dris pa dang / de dag gis 
kyang de bzhin du lan btab po/ /de g.yo thabs de dang des nang du chud pa dang / de rgyal po shar pa'i bu mthong nas phyogs bzhir bltas te dal bus lha gson nam zhes smras pa dang de yang bag tsha zhing yid mi dga' bzhin du phyogs bzhir bltas nas sring mo gson no zhes smras so/ /
des de mngon sum byas nas thabs gzhan zhig gis nor lhas byin pa mthong nas smras pa/ bu mo khyod su las glang po che'i cho ga slob des smras pa/ bgres mo mi mtshan ngan pa bcwa brgyad dang ldan pa zhig yod de de la bar yol bas bcad nas slob bo/ /des smras pa/ 'di na mi mtshan 
ngan pa bcwa brgyad dang ldan pa 'ga' yang ga la yod/ gang zhig khyod slob pa de ni rgyal po shar pa'i bu yin te/ gzugs bzang ba mdzes pa blta na sdug pa mtshan thams cad legs par rdzogs pa yin na/ khyod la su zhig gis de skad du bslus/ ci ste khyod yid mi ches na yol ba phye la ltos shig ces 
byas pa dang / des de'i gzugs dang na tshod thos nas dad de yol ba phye ba dang mthong ngo / /mthong ma thag tu rlung gi stobs kyi shugs kyis bskyod pa bzhin du 'dod pas g.yems nas smras pa/ bgres mo khyod ji skad gsung pa gang lags pa de ni mad na 'on kyang gsol ba zhig mchis te/ bdag 'di 
dang lhan cig mjal bar khyod kyis spyod dam/ des smras pa/ bu mo bdag gis khyod kyi de kho na bzhin du bsgrub par bya ste/ gar bskor kyang skyes bu 'di lta bu dang phrad pa yang dka' na gang khyod nga la 'di lta bu 'chol ba lta smos kyang ci dgos// //

</font><hr>11-1-1b<br><font size=+1>
@##/ /'dul ba phran tshegs kyi gzhi/bam po nyi shu brgyad pa/ khyod kyi 'dod pa gnas bzang por skyes te/ rgyal po rgyal rigs spyi bo nas dbang bskur ba dang phrad par 
bdag gis bya'o/ /des de rgyal po shar ba dang lhan cig phrad par byas te/ nor lhas byin de dang lhan cig shin tu chags par gyur pa dang / gser phreng can gyis sbyor ba 'chang la lha ni 
gson te/ rgyal po gtum po rab snang gi sras mo nor lhas byin la glang po che'i cho ga slob bo zhes spring ngo / /des kyang rgyan lnga mi mngon par byas nas bdag nyid gos hrul po bgos te ming 
dpyid ldan zhes bya bar btags nas smyon pa'i cha lugs kyis 'phags rgyal du song ngo / /de der lam po che dang / srang dang / bzhi mdo dang / sum mdo dag tu rgyug mchong rgal zhing 
dpyid ldan dga'o zhes smyon tshig kyang smra'o/ /gang dag gis 'di sbyor ba 'chang ba yin no zhes de ngo shes pa de dag la ni des rgyan byin pa dang / de dag gis de blangs nas cang mi zer bar 

</font><hr>11-1-2a<br><font size=+1>
'gro'o/ /gang dag mi shes pa de dag ni 'di smyon pa zhig go zhes yal bar gtong ste/ de rgyal po'i pho brang 'khor dang khyim bzang po gang du zhugs pa der bza' ba dang / me tog dang gos dag kyang rnyed cing shar ba dang lhan cig 
gsang ste gros gcig go/ /ji tsam dus gzhan zhig na nor lhas byin gyis rgyal po shar ba'i bu la smras pa/ lha gal te na bdag gi phas tshor du mchis tshur spyon 'bros so/ /des smras pa/ lha mo gal te de lta na song la pha la 'di skad ces yab bdag 
gis glang po che'i cho ga ni lobs na 'on kyang las su bgyi ba ma mthong ste/ de'i slad du lhas bdag la glang po che mo bzang ldan ci bder bgyid du stsol cig dang de la 'tshal nas las dag blta bar bgyi'o zhes gyis shig /de song nas rgyal po la de bzhin 
smras pa dang / rgyal po gtum po rab snang gis kyang glang po che'i rdzi rnams la shes ldan dag glang po che mo bzang ldan bu mo nor lhas byin la ci bder gyis la/ de la zhon nas las dag bltar chug shig ces bsgo'o/ /de dag gis de la glang po che mo bzang 
ldan ci bder byas pa dang / de rgyal po shar ba'i bu dang lhan cig de la zhon nas 'bros pa'i thabs shom par rtsom ste/ res 'ga' ni snga dro song zhing nyi ma phyed na slar 'ong / res 'ga' ni nyi ma phyed na song zhing phyi dro slar 'ong / res 'ga' ni phyi dro song nas 
dgongs su slar 'ong / res 'ga' ni dgongs song nas mtshan mo nam phyed na slar 'ong / res 'ga' ni 'jing la slar 'ong / res 'ga' ni lnga tshigs la slar 'ong / res 'ga' ni nam chung na slar 'ong / res 'ga' ni skya rengs shar na slar 'ong ngo / /

</font><hr>11-1-2b<br><font size=+1>
shar bas sbyor ba 'chang la 'bros pa'i thabs smras pa dang / des glang po che'i lci ba dag phyir dbyung bar brtsams so/ /chab sgo ba dag gis smras pa/ dpyid ldan 'di ci yin/ des smras pa/ shes ldan dag rgyal po'i bshos su byas te 'di dag der la dur 'gyur ro zhes byas pa 
dang / de dag gis bgad nas 'di ni smyon pa'o snyam nas cang mi smra bar 'dug go/ /des kyang de dag khyer te kau shAm+bI'i lam gyi bar bar du shing gi yal ga la dpyangs so/ /yang glang po che'i gcin dag gis bum pa bkang ste bkur bar brtsams pa dang / sgo ba dag gis de 
bzhin du dris pa dang / des smras pa/ shes ldan dag rgyal po'i bshos su byas te 'di ni der skyems su 'gyur ro zhes byas pa dang / de dag de bzhin du 'di ni smyon pa yin no snyam nas bgad de 'khod do/ /des kyang de khyer te kau'u shAm+bI'i lam gyi bar bar du shing gi yal ga la 
dpyangs so/ /rgyal po shar ba dang / sbyor ba 'chang dang / gser phreng can gyis nyi ma che ge mo zhig la phyogs che ge mo zhig tu thams cad 'du bar bya'o zhes dus btab nas rgyal po shar ba'i bu dang / nor lhas byin glang po che mo bzang ldan la zhon nas phyogs der song ste/ 
sbyor ba 'chang dang / gser phreng can yang de nyid la zhon te/ de rnams pi bang snyan pa len zhing dong ba na/ rgyal po shar ba'i bus pi bang snyan pa blangs pa dang / sbyor ba 'chang dga' ba skyes te glu blangs pa/ bzang ldan ma dang dbyangs snyan dang / /nor lhas byin dang shar ba 
dang / /gser phreng can dang dpyid ldan dang / /'di dag don mthun 'dong ba yin/ /dus gang du de dag slar 'ong ba'i dus de yang myur du thal/ dus tha ma gang yin pa de yang thal nas rgyal po gtum po rab snang gis gsos pa la smras pa/ gsos pa nor lhas byin 
deng thogs na 'di ci las gyur ces byas pa dang / gsos pas btsal bar brtsams pa las ma rnyed nas/ des rgyal po la smras pa/ rgyal po shar ba'i bus glang po che mo bzang ldan la 'tshal te/ nor lhas byin khrid nas bros lags so/ /rgyal po sngangs nas smras pa/ gsos 

</font><hr>11-1-3a<br><font size=+1>
pa myur du song la glang po che 'dam bu'i ri la zhon te shar ba dang / nor lhas byin khrid de shog shig /de rings pa rings par glang po che 'dam bu'i ri la zhon nas bsnyags so/ /des bsnyags te slebs la thug nas sbyor ba 'chang gis glang po che'i lci ba'i 
thum po bshig pa dang / 'dam bu'i ris de bsnam par brtsams so/ /ji srid snom pa de'i bar du glang po che mo bzang ldan gyis dpag tshad bcu 'das so/ /yang 'dam bu'i ris slebs la thug nas sbyor ba 'chang gis gcin gyi bum pa gcig pa dang 'dam bu'i ris 
de bsnams par brtsams so/ /ji srid snom pa de'i bar du glang po che mo bzang ldan gyis dpag tshad gzhan bcu 'das te/ gzhan gyi yul du phyin par gyur pa dang / gsos pas bsams pa 'di ni gzhan gyi yul yin pas glang po che 'dam bu'i ri yang shor du 'ong gis ldog 
go snyam nas de re thag chad de slar log go/ /rgyal po gtum po rab snang gis smras pa/ gsos pa ci grag /des smras pa/ lha ci zhig gda' bros lags mod ces byas pa dang / rgyal po lag pa 'gram pa la gtad nas sems khong du chud cing 'dug go/ /rgyal po shar 
ba'i bu yang srog stor ba las slar rnyed de/ kau shAm+bIr 'ongs nas dge sbyong dang / bram ze dang / bkren pa dang / phongs pa dang / mdza' bo dang / phu nu dang / gnyen rnams la sbyin pa dag byin zhing dga' ston chen po byas nas nor lhas byin dang lhan cig rtse bar byed/ dga' 
bar byed/ dga' mgur spyod par byed do/ /dus gzhan zhig na khang bzangs kyi thog tu byung nas nor lhas byin dang lhan cig tu bre mo gtam dag zer zhing 'khod pa las smras pa/ lha mo khyod kyang ngas de ltar sgyus phrogs pa yin no/ /des smras pa/ lha khyod kyang de bzhin 
du bdag gi phas thabs kyis bzung ste bzhag pa lags so/ /des smras pa/ lha mo ci ste khyod kyi pha 'dir bkug ste thag pa'i las slob tu ma bcug na/ nga rgyal po shar ba'i bu ma yin du zad ces byas pa dang / de khros bzhin du cang mi smra bar 'dug go/ /rgyal po shar bas 

</font><hr>11-1-3b<br><font size=+1>
sbyor ba 'chang la smras pa/ nga'i mi dga' ba khyod kyis bsal bar nus sam/ lha ci zhig bgyi/ rgyal po gtum po rab snang mgul pa nas thogs te 'dir khug la thag pa'i las slob tu chug shig /des smras pa/ lha gang gi tshe khyod kyis nor lhas byin dang glang po che mo bzang 
ldan phrogs pa'i tshe don gyis na khyod kyi mi dgyes pa bsal lags mod kyi/ 'on kyang gal te rngo thog kyang gdas bsams te bgyi'o zhes byas te/ des 'phags rgyal du 'gro ba'i zong dag sta gon byas nas ded dpon spro ba bskyed de/ smad 'tshong ma gzugs dang na tshod dang ldan 
pa rgyan sna tshogs kyis brgyan pa zhig kyang ded dpon gyi chung mar byas nas de rim gyis grong dang / grong khyer dang / yul 'khor dang / rgyal po'i pho brang rnams su tshong dus dag lta zhing 'phags rgyal du phyin to/ /rgyal po gtum po rab snang gis nor mang po dang ldan pa'i ded dpon 
zhig 'ongs so zhes thos so/ /des thos nas kyang bdag nyid nor rtsir song ste des 'gron po de dag la dris pa/ shes ldan dag ded dpon gyi khyim gang yin/ de dag gis ded dpon gyi khyim ni 'di yin no zhes byas pa dang / rgyal po der song ste sgor 'dug nas ded dpon 
gang na 'dug ces dris pa dang / de rnams kyis smras pa/ sgor byung ste song ngo / /des smras pa/ 'di na su 'dug de rnams kyis smras pa/ ded dpon gyi chung ma mchis so/ /des sgo gtan phye ste nang du zhugs pa dang ji tsam na ded dpon gyi chung ma gzugs dang na tshod 
bzang bas 'phags rgyal na gnas pa'i bud med thams cad zil gyis gnon pa zhig mthong ngo / /des de mthong nas kyang rab tu chags par gyur te smras pa/ bzang mo nga dang lhan cig dga' mgur spyad na ded dpon gyi sho gam gtang ngo / /des smras pa/ gal te de lta na mal 'dir 
'dug shig ces byas pa dang / 'dod chags kyis log par gyur pas ni mi bya ba ci yang med pa'i phyir de der 'dug pa dang / rgyal po'i mi rnams kyis sgo bcad de khyogs su bcug nas mi bzhis bteg ste glu len cing sgo gcig nas 'phags rgyal du zhugs so/ /de na kha cig ni 

</font><hr>11-1-4a<br><font size=+1>
thal mo rdob/ kha cig ni rgod/ kha cig ni 'di skad du glu len te/ sbrang ma dag gis zla ba zos/ /rnam thos bu ni gnyer pas ded/ /sa gzhi nags bcas mkha' la 'phags/ /smad 'tshong mas ni rab snang khrid/ /ces byas pa dang / 'phags 
rgyal na gnas pa rnams kyis bsams pa/ ci'i phyir tshong pa 'di dag de skad ces zer snyam pa las/ de rnams sgo gzhan du byung ste/ smyags bcad de bros te song ngo / /gsos pa yang phan tshun du rgyal po tshol zhing de rim gyis kau shAm+bIr song ngo / /blon po dag 
gis rgyal po shar ba la smras pa/ lha dgyes par mdzad du gsol/ rgyal po rab snang ni 'dir khugs lags so zhes byas pa dang / rgyal po shar bas smras pa/ shes ldan dag deng la de thogs te thag pa'i las slob tu chug shig /rgyal po rab snang 'dir 'ongs par nor 
lhas byin la su yang ma zer cig par khrims su yang chos shig ces bsgo'o/ /ji tsam dus gzhan zhig na rgyal po shar ba'i bu nor lhas byin dang lhan cig tu khang bzangs kyi steng du byung ste 'dug pa na rgyal po gtum po rab snang thags kyi gra khang nas bya ba zhig gi phyir sgor 
byung ba dang rgyal po shar bas de mthong nas/ des nor lhas byin la smras pa/ mi 'o ni su yin khyod kyis shes sam/ des kyang ring zhig du brtags pa dang / rgyal po de spyi gcer yin pas ngo shes nas de mchi mas brnangs bzhin du 'dug ste des bsams pa/ rgyal po 
ngan pa 'dis nga'i pha 'di 'dra ba'i gnas skabs su byas kyis gal te rgyal po ngan pa 'di ma bsad na nor lhas byin ma yin du zad/ ji ltar bsad pa yang bdag nyid kyis mi tshor ba de ltar gsad do snyam mo/ /rgyal po de yang yid rno ba zhig pas de khros par shes nas des sbyor 
ba 'chang la bsgo ba/ sbyor ba 'chang dgra la sha lon zin gyis song la rgyal po gtum po rab snang khrol te khrus [(]gyis [,]kyis [)]zan byin la bkur sti chen pos 'phags rgyal du skyol cig ces bsgo ba dang / des kyang ji ltar bsgo ba bzhin du 'phags rgyal du bskyal to/ /nor lhas byin 

</font><hr>11-1-4b<br><font size=+1>
gyis bsams pa/ gal te bdag gis 'di nga nyid gsad pa'i thabs brtsams na g.yon can 'dis 'phrigs par 'ong bas dus chung zhig gis bar du brid do snyam nas/ des de la re zhig cung zad cig bgad pa dang / dga' ba dang / rtse ba dang / dga' mgur spyad pa dag 
gis brid do/ /de nas de gos dri ma can gyon te khri'u dra ba can la nyal zhing 'dug pa dang / rgyal po shar ba'i bus smras pa/ lha mo 'di ci'i tha tshig /des smras pa/ lha lha rnams 'khrugs lags so/ /des smras pa/ lha mo mi bdog gam/ ci ji ltar dam bcas pa 
gzhan gyis shig /des smras pa/ lha gang bdag gis dam bcas pa de mi 'grub lags mod/ rgyal pos smras pa/ khyod kyis dam ci bcas/ gang gis na khyod mi dga' bar gyur pa smros shig dang thams cad yongs su rdzogs par byas/ khyod mi dga' 
bar ma byed cig /des smras pa/ gang gi tshe bdag gi phas lha bzung ste bzhag pa de'i tshe bdag gis lha la 'di skad du ci ste lha dang bdag lhan cig bde legs su kau shAm+bIr phyin na/ der lha dang bdag lhan cig nyin zhag bdun gyi bar du zas mi bza' zhing zhag bdun 
'das nas/ lha ni me tog gi phreng bas rkang pa'i rtse mo nas spyi bo'i bar du dkris te ra ba'i khar 'dug par bya'o/ /bdag ni dka' thub rdzogs nas bram ze stong la zan byin la mchod pa dang bkur sti cher bya'o zhes dam bcas na da lta btsun mo'i 'khor rgya che bar gyur pas ci'i slad 
du 'di lta bu mdzad par 'gyur snyam du bdag de sems shing mchis te/ mdor na gum lags su bas so/ /rgyal pos smras pa/ lha mo khyod kyis lha la gsol ba btab pa yang don gyis na nga'i ched kho na yin pas longs shig dang thams cad bsgrub par bya'o zhes byas pa dang/ 
de langs te des khyi gu gnyis shig ra ba'i drung du btags te bzhag nas/ de ji tsam mi tsam gyi sha za nus pa de tsam du sha gong nas gong du bskyed de byin no/ /gang gi tshe khyi gu de gnyis sha de tsam za nus pa de'i tshe rgyal po dang lhan cig nyin zhag bdun gyi bar du 'dug cing de ni mtshan mo za/

</font><hr>11-1-5a<br><font size=+1>
rgyal po shar ba ni chung ma de la chags pas nyin zhag bdun gyi bar du ma zos pas de lus skya bo bseng bseng por gyur cing sha bri ngan pa dang / nyam chung ba dang / rmya bar gyur to/ /zhag bdun lon pa dang / nor lhas byin gyis me tog phreng rgyud mkhan rnams 
la yang rgyus pa dag gis me tog dri zhim po dag rgyus la myur du khyer te shog shig ces bsgo'o/ /sbyor ba 'chang la yang deng du lha'i dka' thub rdzogs kyis khyod kyis grong khyer mdzes par gyis la bram ze stong dang / rgyal po btsun mo'i 'khor dang / gzhon nu dang / blon 
po dang / grong khyer gyi skye bo'i tshogs dang bcas pa'i zan sbyor cig ces bsgo'o/ /blon po gzhan dag ni mi tshor bar bya ba'i phyir gnas gzhan dang gzhan dag tu las su bskos so/ /sbyor ba 'chang yang rgyal po la snying nye zhing rjes su chags pas grong khyer de rdo dang / gseg ma dang / 
gyo mo ni med par byas/ tsan dan gyi chus ni chag chag btab/ bdug pa dri zhim po'i pog phor ni bzhag /rgyal mtshan dang / ba dan dag ni bsgreng / mu tig dang / dar gyi chun po dang / lda ldi ni dpyangs/ me tog rnam pa sna tshogs ni bkram ste lha rnams kyi skyed 
mos tshal dga' ba'i tshal bzhin du dga' dga' ltar byas nas gnas dang gnas rnams su rol mo'i sgra sna tshogs ni bsgrags/ gar mkhan dang / snyan dngags mkhan dang / 'jo tshar can gyi bro mkhan rnams kyis ni bro gar bya bar brtsams so/ /ca co chen po byung ba 
de'i tshe nor lhas byin gyis rgyal po shar ba'i bu ra ba'i khar rkang pa'i rtse mo nas spyi bo'i bar du me tog gis dkris nas bsnyal lo/ /de nas ra ba'i kha nas phul nas lhung ma thag tu gson por khyi dag gis rus gong 'ba' zhig lus par byas te/ bya rog dang / bya rgod dang / wa 
dang / mi ro la za ba'i srog chags gzhan dag kyang 'thab par gyur to/ /ko+au shAm+bIr lha ra ba'i kha nas grong khyer mdzes pa lta ba las lhung ste/ khyi dag gis zos so zhes ku co'i sgra cher gyur pa dang / de na kha cig ni ngu / kha cig ni dga'/ kha cig ni tha mal par 'dug /

</font><hr>11-1-5b<br><font size=+1>
kha cig ni 'phrog rlom byed par gyur to/ /ku co chen po byung ba de'i tshe kau shAm+bI na gnas pa'i dge slong dag so sor bros nas kha cig ni mnyan yod du song ngo / /kha cig ni gnas gzhan dang gzhan du song ngo / skabs der sbyor ba 'chang ba dang / blon po gzhan rnams dang / 
kau shAm+bI na gnas pa'i mi'i gtso bo dang / bram ze dang / khyim bdag rnams kyis ku cho zhi bar byas te de nas sbyor ba 'chang gis ji ltar rgyal po ra ba'i khar song ngo / /ji ltar ra ba'i drung na khyi 'dug par gyur ces kun tu brtag par brtsams so/ /des de ltar brtags 
pa dang / nor lhas byin gyis ji ltar thabs kyis bsad pa rtsad chod de de khros nas nor lhas byin rgya skyegs kyi khang par bcug ste bsregs so/ /dge slong dag the tshom skyes nas the tshom thams cad gcod par mdzad pa sangs rgyas bcom ldan 'das la zhus pa/ btsun pa rgyal po shar ba'i bus las ci zhig bgyis na/ las de'i rnam par smin pas khyi dag gis 'tshal te dus las 'das lags/ bcom ldan 'das kyis bka' stsal pa/ dge slong dag rgyal po shar ba'i bu nyid kyis las tshogs rnyed pa/ rkyen yongs su bsgyur ba 'ong 
ba bzhin du nye bar gnas pa gdon mi za bar 'byung bar 'gyur ba dag byas shing bsags te/ dge slong dag rgyal po shar ba'i bus las byas shing bsags pa dag gzhan sus so sor nyams su myong bar 'gyur/ dge slong dag las byas shing bsags pa rnams ni phyi rol 
gyi sa'i khams la smin par mi 'gyur/ chu'i khams la ma yin/ me'i khams la ma yin/ rlung gi khams la ma yin gyi/ 'on kyang dge ba dang mi dge ba'i las byas pa dag ni zin pa'i phung po dang / khams dang / skye mched dag kho na la rnam par smin par 'gyur te/
bskal pa brgya phrag rnams su yang / las rnams chud zar mi 'gyur te/ /tshogs shing dus la bab pa na/ /lus can rnams la 'bras bur smin/ /dge slong dag sngon byung ba ri 'or zhig na bram ze mdun na 'don zhig 'dug go/ /sangs rgyas 'byung ba med pa na rang 

</font><hr>11-1-6a<br><font size=+1>
sangs rgyas phongs pa dang / dman pa la thugs brtse ba/ bas mtha'i gnas mal dag la dga' ba/ sbyin gnas gcig pur gyur pa dag 'jig rten du 'byung bas rang sangs rgyas shig ljongs rgyu ba rgyu zhing ri 'or der phyin pa dang / phyogs zhig tu nub mo 
gnas so/ /de phyi de nyin snga dro sham thabs dang chos gos bgos lhung bzed thogs nas ri 'or gyi grong der bsod snyoms la zhugs pa dang / mdun na 'don de yang khyi khrid nas phyir byung ste/ des rang sangs rgyas bdag nyid chen po nyes pa med cing gnod pa mi byed pa de la 
khyi sbad do/ /dge slong dag ji snyam du sems/ mdun na 'don gang yin pa de ni rgyal po shar ba'i bu 'di yin te/ 'dis de'i tshe de'i dus na rang sangs rgyas nyes pa med cing gnod pa mi byed pa la khyi sbad pa gang yin pa de'i las kyi rnam par smin pas tshe rabs lnga brgyar khyis 
zos nas dus las 'das te/ da ltar gyi bar du yang khyis zos te dus las 'das par gyur to/ /dge slong dag de lta bas na las gcig tu gnag pa rnams kyi rnam par smin pa yang gcig tu gnag gcig tu dkar ba rnams kyi yang gcig tu dkar/ 'dren ma rnams 
kyi yang 'dren ma ste/ dge slong dag de lta bas na las gcig tu gnag pa dang / 'dren ma rnams spangs nas las gcig tu dkar ba dag kho na la brtsal bar byas te/ dge slong dag khyed kyis de ltar bslab par bya'o/ /bcom ldan 'das kyis de skad ces bka' stsal 
nas/ dge slong de dag bcom ldan 'das kyis gsungs pa la yi rangs te mngon par bstod do/ /rgyal po shar ba'i bu dus las 'das nas rgyal po gtum po rab snang 'gran zla med par rgyal po byed par gyur to/ /de dus gzhan zhig na khang bzangs kyi steng du byung nas blon 
po'i tshogs kyis bskor te gtam bzang po ma yin pa dag zer zhing 'khod de/ shes ldan dag grong dang grong khyer dang gnas gang na smad 'tshong ma bzang mo yod/ /blon po rnams kyis smras pa/ lha rdo 'jog na smad 'tshong ma bzang mo zhes bgyi ba gzugs dang na tshod dang /

</font><hr>11-1-6b<br><font size=+1>
ldan pa sgyu rtsal drug bcu rtsa bzhi la mkhas pa zhig mchis te/ mthong ma thag tu chags par mi 'gyur ba'i mi gang lags pa de ni sa'i steng na 'ga' yang ma mchis so/ /rgyal po gtum po rab snang gis de'i gzugs dang na tshod dang ldan pa thos nas thos ma thag tu 
chags par gyur te smras pa/ gsos pa ci byas kyang mi phan de lta bu'i bud med la dga' mgur spyad dgos pas rdo 'jog tu song ste de dang lhan cig dga' mgur spyad par bya'o/ /des smras pa lha rgyal po pad ma'i snying po can ni yun ring po nas khyod kyi gshed mar gyur 
pa/ phyir rgol bar gyur pa/ mi mdza' bar gyur pa lags la/ de ni rtag tu rdo 'jog na mchis lags pas ci ste lha rdo 'jog tu gshegs na gdon mi 'tshal bar des lha brlag par bgyid lags so/ /des smras pa/ mi rnams kyi nang na mi gzu lums can 
dag lta yod mod kyi/ 'on kyang khyod ni 'di la 'dug shig /nga ni 'gro'o/ /des smras pa/ ci ste lha de lta bur dgyes na lha nyid mkhyen mod [(]gyi[,]kyi[)]/ 'on kyang bag mdzad pa'i rigs so/ /rgyal po rab snang bud med la brkam chags can yin pas des de'i tshig ma mnyan 
nas glang po che'i gtso bo 'dam bu'i ri la zhon te rdo 'jog tu song ngo / /de rim gyis song nas gtun shing ri la phyin pa dang / des der glang po che'i gtso bo 'dam bu'i ri bzhag nas rdo 'jog tu song ngo / /de nas mu tig gi do shal srang brgya stong ri ba mgul nas bkrol te bzang 
mo gzugs kyis 'tsho ba'i gan du song nas de de dang lhan cig rtse bar byed/ dga' bar byed/ dga' mgur spyod par byed do/ /'phags rgyal na gnas pa'i bram ze dang khyim bdag dag shes ldan dag rgyal po mi snang na gar bzhud ces dpyod pa la zhugs pa dang / de na 
kha cig gis smras pa/ de ci mi phal pa yin nam/ des na mi mngon mngon par 'gyur du zad kyi/ de gar yang ni ma bzhud do/ /gzhan dag gis smras pa/ de ni btsun mo'i 'khor rgya che ba yin pas ci'i phyir phyi rol du 'byung ste/ btsun mo'i 'khor nyid na dga' 

</font><hr>11-1-7a<br><font size=+1>
ba dang rtsed mo so sor nyams su myong bar byed do/ /kha cig gis smras pa/ 'di la the tshom byar ci yod/ tshur sheg gsos pa la 'drir 'dong ngo / /kha cig gis legs kyis de ltar bya'o zhes smras nas de dag thams cad 'dus te gsos pa'i drung 
du dong nas smras pa/ gsos pa lha mi snang na ga shed du ma bzhud grang / des smras pa/ shes ldan dag ci rings mthong bar 'gyur ro/ /de dag gis smras pa/ gsos pa ji srid na mthong bar 'gyur/ des smras pa/ lo bcu gnyis lon nas so/ /de dag khros 
nas smras pa/ gsos pa gang gi phyir de skad smra ba las na gdon mi za bar khyod kyis lha bsad nas bdag nyid rgyal srid byed par 'dod do/ /de'i phyir re zhig gal te zhag bdun na lha ltar yod na de lta na legs ji ste med na ni nged kyis gzhan zhig rgyal por dbang bskur bar bya'o zhes 
byas pa dang / de cang mi zer bar lag pa 'gram pa la gtad de sems khong du chud cing 'dug pa ba lang skyong gi ma zhi bas thos nas bos te dris pa/ gsos pa khyod ci'i phyir lag pa 'gram pa la gtad de sems khong du chud cing 'dug /des smras pa/ lha mo 
bram ze dag 'di skad ces mchi na ji ltar sems khong du chud cing mi mchis/ des smras pa/ gsos pa gal te de lta na song la nas kyi chas mar dang sbrang rtsis bskus pa gser snod kyi nang du lugs te/ rta mang lag la rgyus pa gang yin pa de'i mdun du zhog la 'di 
skad ces gang zhig nged nyid rdo 'jog tu 'gro bar spro ba de nas kyi chas mar dang sbrang rtsis bskus pa 'di dag zo shig ces smros la de ltar bya ste rta bzang po gang gis zos pa nged la sbron cig /gsos pas ji ltar bsgo ba bzhin du byas na 'ga' yang za bar spro ba med do/ /phyogs 
gzhan zhig na rta rid rke ba lus rmya bar gyur pa/ ngan ma za ba/ dbugs rgod pa/ rna ba chag pa zhig 'dug pa de'i drung du de song ste mdun du 'dug nas/ gang zhig nged nyid rdo 'jog tu 'gro bar spro ba de nas kyi chas mar dang sbrang rtsis bskus pa 'di dag zo shig ces smras pa dang /

</font><hr>11-1-7b<br><font size=+1>
des de dag zos so/ /gsos pa song nas/ ba lang skyong gi ma zhi ba la ji ltar gyur pa smras pa dang / des smras pa/ gsos pa song la stod cig /gal te stod pa'i tshe mi srun byed na khyod kyis ma 'jigs par dpung skyed cig /sems stobs dang ldan pa la ni 
sus kyang mi rdzi'o/ /de song nas de bstad par brtsams pa dang / de stod pa'i tshe rab tu 'jigs pa chen po'i gzugs su bdag nyid sprul nas/ kwa'i mi khyod kyis sngon chad 'di lta bu'i rta mthong ba 'ga' yod dam zhes smras so/ /des ral gri shubs nas phyung ste bsdigs 
nas kwa'i rta'i srin po khyod kyis sngon chad rta zhon pa su la yang lcag 'di lta bu mthong ba yod dam zhes smras pa dang / des smras pa/ kye mi sngon ma mthong ngo / /des kye rta'i srin po gal te re zhig mi srun mi byed na de lta na legs/ ci ste byed na mgo drungs nas bcad de 
sa la dor bar bya'o/ /des smras pa/ kye mi ci ste de lta na gal te bdag phyir 'dir khrid de mi 'ong bar dam 'cha' na 'gro'o/ /des smras pa/ legs kyis de bzhin dus byas 'dod do zhes smras nas/ des de la zhon te song nas rim gyis rdo 'jog tu phyin to/ /rgyal po 
gtum po rab snang gis mthong nas smras pa/ gsos pa 'ongs sam/ des smras pa/ lha mchis so/ /dgos pa ci zhig gi phyir zhes byas pa dang / des ji ltar gyur pa rnams brjod do/ /rgyal pos smras pa/ gsos pa re zhig zhag bdun gyi bar du rtses la zhag 
bdun 'das pa dang dus shes par bya'o/ /zhes byas nas zhag bdun gyi bar du gzugs kyis 'tsho ba bzang mo dang lhan cig dga' mgur spyad de zhag bdun 'das nas song ngo / /gtun shing rir phyin nas bdag nyid kyis glang po che'i gtso bo 'dam bu'i ri bstad par 
brtsams pa dang /des bstad pa na skad phyung ba/ de dang mi ring ba zhig na bram ze ltas mkhan long ba zhig gnas pa des thos nas/ des smras pa/ glang po che'i gtso bo 'di'i skad dang sbyar na/ 'di ni 'di nas dpag tshad brgyar song nas lho phyogs kyi rgya mtsho chen po 

</font><hr>11-1-8a<br><font size=+1>
las chu 'thung bar 'gyur ro/ /de nas rgyal po rab snang dang gsos pa glang po che'i gtso bo 'dam bu'i ri la zhon te song ngo / /re zhig cig na phyogs zhig na rdza mkhan zhig 'dug pa de'i snod so ma btang ba dag cig 'dam bu'i ri'i rkang pas brdzis nas rdza mkhan gyis mya 
ngan bya bar brtsams pa dang / gsos pas smras pa/ gang dag sas 'tsho ba de dag ni 'di ltar 'gyur ro/ /rgyal po rnams ni khwa bzhin khu 'phrig za ba yin pas rgyal po rab snang gis bsams pa/ gsos pa 'di bdag la zur za ste/ de ci bdag gcig pu sas 'tsho ba yin nam mjal 
to snyam du bsams nas cang mi zer bar song ngo / /yang phyogs zhig na thing ril gyis lam kar tshang bcas pa de'i sgo nga dag 'dam bu'i ri'i rkang pas bcom nas des kyang mya ngan bya bar brtsams pa dang / gsos pas smras pa/ gang dag spyod yul ma yin par spyod pa de dag ni 'di ltar 
'gyur ro/ /rgyal po rab snang de bzhin du rtog pa skyes nas bsams pa/ yang 'di bdag la zur za ste/ ci smad 'tshong ma bdag gi spyod yul ma yin nam mjal to snyam du bsams nas cang mi zer bar song ngo / /yang 'dam bu'i ri shing drung na mar song ba dang / shing de'i yal ga la 
sbrul zhig gnas pa des bsnyabs nas rgyal po rab snang bza' bar brtsams so/ /re zhig na gsos pas mthong nas des de ral gri shubs nas phyung ste dum bu dum bur gtubs nas sa la bor ba dang g.yo zhing 'gul ba gsos pas bltas te smras pa/ gang dag don du gnyer bar 
bya ba ma yin pa don du gnyer ba de dag ni 'di ltar 'gyur ro/ /rgyal po rab snang de kho na bzhin du rtog pa skyes nas bsams pa/ 'di bdag la lan gsum gyi bar du zur za ste/ ci smad 'tshong ma bdag gis don du gnyer bar bya ba ma yin nam mjal to snyam du bsams nas cang mi zer bar song ngo / /
dus gzhan zhig na 'dam bu'i ri bang theg ste song nas/ rgyal pos de bzung ba dang ma thub nas gsos pas smras pa/ lha bram ze ltas mkhan gyis 'di dpag tshad brgyar song nas lho phyogs kyi rgya mtsho chen po las chu 'thung bar 'gyur ro zhes lung bstan gyi de'i slad du myur du shing gi yal ga la 'jus 

</font><hr>11-1-8b<br><font size=+1>
te glang po che thong shig ces byas pa dang / des myur ba myur bar shing gi yal ga la 'jus so/ /gsos pas kyang shing gi yal ga la 'jus pa dang 'dam bu'i ri 'das te song ngo / /rgyal pos gsos pa la smras pa/ gsos pa song la ma tshor bar zhi ba la lha ni byon nas skyed mos tshal na bzhugs so/ /
zhes gyis shig /de song nas de la brjod pa dang / de dga' ba skyes nas cang mi zer bar 'dug go/ /rgyal pos kyang stor khung nas 'dzul bar brtsams pa las/ re zhig na bu mo gnyis shig bshang sar byung ba dang / de na gcig gis smras pa/ grogs mo lha 'ongs so zhes grag go/ /cig shos 
kyis de stor khung nas 'dzul lo zhes smras pa dang / rgyal pos thos nas des bsams pa/ gsos pa la bdag gis khyod kyis ma tshor bar zhi ba la smros shig ces bsgo na des khyim na 'dug pa ril la smras so snyam du bsams te de khros nas des gsos pa la ji ltar gyur pa dran par byas nas klan ka btsal 
ba/ gsos pa khyod ko nga la gnod pa byed par zhugs pa lta nga gcig pu sas 'tsho ba yin nam/ ci na gang gi phyir khyod nga la phyogs che ge mo zhig tu gang dag sas 'tsho ba de dag ni 'di ltar 'gyur ro zhes zur za/ smad 'tshong ma nga'i spyod yul ma yin nam ci na yang phyogs zhig tu gang dag spyod yul ma yin 
par spyod pa de dag ni 'di ltar 'gyur ro zhes zur za/ smad 'tshong ma ngas don du gnyer bar bya ba ma yin nam ci na yang phyogs zhig tu yang gang dag don du gnyer bar bya ba ma yin pa don du gnyer ba de dag 'di ltar 'gyur ro zhes zur za/ da gzod kyang nga skyed mos tshal na 'dug pas khyod song la ma tshor bar zhi ba 
la lha byon te skyed mos tshal na bzhugs so zhes gyis shig ces bsgo bsgo na/ khyod kyis khyim na 'dug pa ril la smras pas khyod ni nga la gnod pa byed par zhugs so/ /de dogs shing mi dga' nas yid ches par bya ba'i phyir smras pa/ lha sdig pas ni brlag ste bdag gis lha la zur bgyis pa ma mchis so/ /
bdag gis lha la ji ltar zur bgyis/ lha 'di skad du gnas che ge mo zhig tu khyod kyis nga la gang dag sas 'tsho ba de dag ni 'di ltar 'gyur ro zhes zur byas so zhes gsung ba gang lags pa ni phyogs der rdza mkhan gyi snod so ma btang ba dag cig 'dam bu'i ri'i rkang pas brdzis nas rdza mkhan des mya ngan 

</font><hr>11-1-9a<br><font size=+1>
bgyi bar brtsams pa dang / bdag gis de las bsams nas/ 'di skad du gang dag sas 'tsho ba de dag ni 'di ltar 'gyur ro zhes bgyis par bas so/ /phyogs che ge mo zhig tu khyod kyis nga la gang dag spyod yul ma yin par spyod pa de dag ni 'di ltar 'gyur ro zhes zur byas so 
zhes gsung ba gang lags pa ni phyogs der srog chags thing ril gyi sgo nga dag cig 'dam bu'i ri'i rkang pas bcom nas de yang mya ngan byed par brtsams pa dang / bdag gis de las bsams nas 'di skad du gang dag spyod yul ma yin par spyod pa de dag ni 'di ltar 'gyur ro zhes bgyis 
par bas so/ /phyogs che ge mo zhig tu khyod kyis nga la gang dag don du gnyer ba ma yin pa don du gnyer ba de dag ni 'di ltar 'gyur ro zhes zur byas so zhes gsung ba gang lags pa ni phyogs der shing gi yal ga la sbrul zhig gnas pa des bsnyabs nas lha bza' bar brtsams pa dang / 
bdag gis ral gri shubs nas phyung ste dum bu dum bur bcad nas de sa la lhung ba dang / bdag gis de las bsams nas/ 'di skad du gang dag don du gnyer bar bya ba ma yin pa don du gnyer ba de dag ni 'di ltar 'gyur ro zhes bgyis par bas so/ /ngas khyod la ma tshor bar zhi 
ba la lha skyed mos tshal na bzhugs so zhes gyis shig ces byas na khyod kyis khyim na gnas pa ril la smras so zhes gsung ba gang lags pa de yang bdag gis ma tshor ba kho nar zhi ba la bgyis na bdag ji ltar lha la gnod pa bgyid par zhugs pa lags/ rgyal pos smras pa/ gsos pa khyod 
kyis nga la lan thams cad legs par glan na/ da gzod nga stor khung nas 'dzul ba na nga bdag nyid kyis bud med gnyis shig las gcig gis grogs mo lha byon to zhes grag go zhes byas pa dang / cig shos na re de stor khung nas 'dzul lo zhes zer ba thos na de sus byas zhig gu lha de dag 
ni phra men ma lags na lags kyang 'tshal mod/ der yang bdag gis lha la gnod pa ma bgyis so/ /rgyal pos smras pa/ gsos pa khyod kyis ji skad smras pa de de lta yin mod kyi ngas khyod bgams par zad kyis mi dga' bar ma byed cig /'on kyang nga rdo 'jog tu song ba'i tshe bram ze gang dag 

</font><hr>11-1-9b<br><font size=+1>
gis gzhan zhig rgyal por dbang bskur bar brtsams pa de dag thag gzhug pa'i dus 'di yin pas de rnams gsad par bya'o/ /des smras pa/ lha bram ze rnams re zhig gzhag tu gsol/ phra [(]man[,]men [)]ma de rnams je dgum par bgyi'o/ /rgyal pos smras pa/ gsos pa de rnams ji ltar gsad 
par nus/ lha bdag gis de rnams khums pa'i thabs zhig bgyi'o/ /gsos pa legs kyis de bzhin du gyis shig ces byas pa dang / gsos pas mdun na 'don gyi khye'u rig sngags smra ba mkhas pa zhig yod pa de'i drung du song nas bu phra men ma 'di dag skye bo mang po gsod par byed na/ 
de dag gzung bar bya ba'i thabs de 'ga' yod dam zhes smras pa dang / des smras pa/ yab ci bgyir mchis bdag gis gzung bar bas so/ /bu legs so zhes byas pa dang / des mi'i lag pa las ut+pal 'dra bar bsgyur nas mi'i lag tu bskur te smras pa/ kye mi khyod song la srang du phyin 
nas 'dug la/ su rin gyis nyo ba de la ma sbyin par gang zhig mthong na dgod pa de'i ming dris te glegs bu la bris shig /des de thogs te 'dug nas gang zhig rin gyis nyo ba de la mi ster/ gang zhig mthong nas dgod pa de'i ming ni dris nas glegs bu la 'dri bar byed de/ des de ltar 'phags 
rgyal gyi phra men ma lnga brgya'i ming dris nas bris so/ /de nas gsos pa la bstan nas gsos pas kyang rgyal po la bstan pa dang / rgyal pos smras pa/ gsos pa phra men ma mang po 'di dag ci ltar kha btag /des smras pa/ lha de rnams ji ltar dgum pa'i thabs bdag la 'tshal gyis 
lha thugs khral bskyud du gsol/ des smras pa/ gsos pa legs te khyod nyid shes so/ /des 'phags rgyal gyi phyogs zhig tu 'khor gyi khyams zhig byas nas/ des lha ni ma'i dam tshig la 'jug gis 'phags rgyal na srin mo ji snyed gnas pa thams cad 'khor gyi khyams su 'du bar 
gyis shig ces dril bsgrags pa dang / de dag gis bsams pa/ lha 'khor gyi khyams su ma'i dam tshig la 'jug pa der bdag cag la rdzas bzang po mang du ster gyis 'gro bar bya'o snyam nas gang dag mi mngon par 'dug 'dug pa de dag kyang rnyed pa la chags pas bdag nyid nye bar bstan te srin mo 

</font><hr>11-1-10a<br><font size=+1>
lnga brgya lhag tsam 'khor gyi khyams su lhags so/ /de nas mdun na 'don gyi bu des de dag thams cad rig sngags kyi zhags pas bcings pa dang / gsos pas kyang de rnams kha btag go/ /rgyal pos 'phags rgyal na gnas pa'i bram ze rnams bos nas shes 
ldan dag gis phra men ma 'di snyed cig bsad pas bsod nams ma yin pa mang po bskyed kyis/ khyod kyis bdag 'khor ba'i dgon pa de las dbyung ba'i phyir nyin gcig bzhin 'khor gyi khyams su 'du zhing zan zo shig ces bsgo ba dang / de rnams kyis shis pa brjod pa byas nas 
khas blangs so/ /rgyal po rab snang gis sgo ba la bsgo ba/ kye skyes bu bram ze ji snyed cig 'khor gyi khyams su zan zos nas 'gro ba de dag thams cad khyod kyis legs par grongs te nga la snyod cig /des smras pa/ lha de ltar bgyi ste gsol bar 'tshal lo/ /rgyal pos 
blon po rnams la yang bsgo ba shes ldan dag 'phags rgyal na gnas pa'i bram ze ji snyed cig 'khor gyi khyams su zan za ba thams cad la kha zas bsod pa phal cher byin cig /bram ze rnams ni phal cher lto mdun can yin pas rgyal po des de ltar byed du bcug go zhes thos nas 
thams cad lhags nas zan bza' bar brtsams so/ /de rnams zan zos nas 'khor gyi khyams nas phyir byung ba dang / sgo bas bgrangs na lhag chad med par bram ze brgyad khri byung ste/ des rgyal po la lha lhag chad ma mchis par bram ze brgyad khri mchis so zhes gsol to/ /
rgyal pos gang gis na 'di rnams dus gcig tu mgo bcad pa'i thabs de gang yin snyam du bsams nas des zho shas 'tsho ba rnams la bsgo ba/ bram ze zan za ba re re'i rgyab tu gshed ma mi ral gri thogs pa re re zhog la/ gang gi tshe ngas zho 'on cig ces smras pa de'i tshe thams cad 
kyi mgo chod cig /rgyal po gtum po rab snang gis de ltar byas pa dang / 'phags rgyal na gnas pa'i bram ze rnams las 'chi bdag gi zhags pas zin pa brgyad khri tham pa 'khor gyi khyams su 'dus pa de dag sbyor ba des cig car mgo bcad do/ /de na 'phags rgyal na gnas pa'i 

</font><hr>11-1-10b<br><font size=+1>
bram ze las bram ze brgyad khri rgyal po rab snang gis bsad do/ /des de dag bsad nas nub mo mal chen por nyal ba na rmi lam du sa bla'i sgra drug dang / bar snang gi sgra drug ni thos/ rmi lam rnam pa brgyad ni mthong ngo / /sa bla'i sgra drug gang zhe na/ 'di lta ste/ drug /med/ bdag /
ngan/ sems/ bdag cag 'di rnams zhes bya ba ste/ 'di dag ni 'dir tshigs su bcad pa drug gi yi ge dang po yin no/ /de la drug ces bya ba las tshigs su bcad pa ni/ lo ni stong phrag drug bcu dang / /lo ni brgya phrag drug bcu ru/ /sems can dmyal bar 'tshed rnams 
kyi/ /nam zhig mthar ni phyin par 'gyur/ /med ces bya ba las tshigs su bcad pa ni/ mtha' med mtha' lta ga la yod/ /nga dang khyed cag nyid kyis ni/ /mtha' nyid dmigs par mi 'gyur ba/ /de ltar sdig pa'i las byas so/ /bdag ces bya ba las tshigs su bcad pa ni/  
bdag cag gis ni longs spyod dag /mthun dang mi mthun pas bsgrubs pa/ /gzhan dag bde bas dga' byed kyi/ /bdag cag sdug bsngal skal can gyur/ /ngan zhes bya ba las tshigs su bcad pa ni/ 'di na bdag cag 'tsho ba ngan/ /bdag cag gang bdog de ma btang / /
longs spyod dag ni yod pa'i tshe/ /bdag nyid la ni phan ma byas/ /sems zhes bya ba las tshigs su bcad pa ni/ sems kyis su ni bslus gyur cing / /mi shes pas ni bdas gyur pa/ /sems can dmyal bar skyes rnams kyis/ /gnya' ni su zhig byed par gyur/ /bdag 
cag 'di rnams zhes bya ba las tshigs su bcad pa ni/ bdag cag 'di rnams bde 'gro ru/ /song ste dge ba mang byas nas/ /de nas bsod nams byas gyur cing / /shis pas byas rnams mtho ris 'dong / /bar snang gi sgra drug gang zhe na/ 'di lta ste/ thams cad/ su/ gang / 
da ni/ de rnams/ 'di dag ces bya ba ste/ 'di dag ni tshigs su bcad pa drug gi yi ge dang po yin no/ /de la thams cad ces bya ba las tshigs su bcad pa ni/ thams cad gsog tu phyung zin te/ /'di la snying po tsam zhig lus/ /rgyal po srin te snying po la/ /dga' ba med pas 

</font><hr>11-1-11a<br><font size=+1>
re ba bor/ /su zhes bya ba las tshigs su bcad pa ni/ su zhig gnyer len tshul ngan po'i/ /mig ya gcig kyang 'jor byed pa/ /des ni bdag gi bu tsha dang / /bdag kyang sdug bsngal las thar byas/ /gang zhes bya ba las tshigs su bcad pa ni/ rdzing 'di 
nya dang rus sbal ni/ /mang po dag gis gang ba las/ /da ni sbal bas 'tsho mod kyi/ /bdag gis gnas ni mi 'dor ro/ /da ni zhes bya ba las tshigs su bcad pa ni/ gang zhig ri bo gtum ldan la/ /bdag la rkang pas nom byed pa'i/ /long ba nyon mongs de dag ni/ /
da ni mgon yang med par gyur/ /de rnams zhes bya ba las tshigs su bcad pa ni/ de rnams mtsho ni bzang po las/ /chu ni bsil zhing zhim pa dag /bde blag nyid du rnyed par 'gyur/ /bdag kyang da ltar der dga'o/ /'di dag ces bya ba las tshigs su bcad pa ni/ 'di dag 
khrus byas zos nas ni/ /phyogs dang phyogs su 'gro bar byed/ /bdag ni rnyi yis bzung gyur pa/ /sngon go sdig pa ci zhig byas/ /rmi lam brgyad ces bya ba gang zhe na/ 'di lta ste/ tsan dan dkar pos lus byugs pa dang / tsan dan dmar pos gtor ba dang / klad la me 'bar 
ba dang / mchan khung gnyis nas sbrul gnyis 'phyang ba dang / rkang pa gnyis la nya khar ba gnyis ldag pa dang / ngang pa gnyis nam mkha' la 'phur ba dang / ri nag po zhig mdun na tshur 'ong ba dang / chu skyar dag mgo la rtug pas 'thor ba mthong ngo / /de gnyid sad nas 
'jigs par gyur/ bag tsha bar gyur cing spu zing zhes byed nas gzhi 'di las bdag rgyal srid las nyams pa'am/ srog gi bar chad du mi 'gyur grang snyam mo/ /des rmi lam de dag bram ze rmi lam gyi dpyad shes pa gang dag yin pa de dag bos te bsnyad pa dang / de dag gis bsams 
pa/ lhas rmi lam de dag bzang po zhig mthong mod kyi 'on kyang bsngags par ni mi bya ste/ gal te bsngags na 'di ji lta ba ngan par gyur nas bram ze lhag ma gang dag yin pa de dag kyang ma lus par byed par 'ong ngo snyam du rig nas gros byas te smras pa/ lha rmang lam ni mi bzang ba dag 

</font><hr>11-1-11b<br><font size=+1>
cig go/ /des smras pa/ shes ldan dag 'bras bu cir 'gyur/ de dag gis smras pa/ gzhi de las lha rgyal srid las nyams pa'am/ srog gi bar chad du 'gyur ro/ /rgyal pos smras pa/ shes ldan dag gang gis nga rgyal srid las kyang nyams par mi 'gyur zhing srog 
gi bar chad du yang mi 'gyur ba'i thabs de lta 'ga' yod dam/ de dag gis smras pa/ lha khyod kyis sdig chen po byas te bram ze brgyad khri bsad pas de'i slad du gal te spyod na thabs gcig cig mchis so/ /de bram ze bsad pa dran nas snying kun tu 'dar te smras pa/ shes ldan dag 
ci bya smros shig /de dag gis smras pa/ lha skyed mos tshal du rdzing bu rkor stsal te/ /brkos nas rdo thal gyi nyug tu stsol cig /de nas der yan lag gi mchog lnga po gsos pa dang / mdun na 'don dang / ba lang skyong gi ma zhi ba dang / skya bseng gi bu mo sgrol ma dang / 
gzhon nu ba lang skyong rnams bsad de bcug la de rnams kyi khrag gis khrus mdzad de rdzing bu nas byung la pus mo gnyis sa la btsugs nas bram ze rnams kyi rkang pa la lces bldags nas/ de lta na khyod rgyal srid las kyang nyams par mi 'gyur zhing / srog gi bar chad du yang mi 'gyur 
ro/ rgyal pos bsams pa/ gal te bdag gis yan lag gi mchog lnga po gsos pa dang / mdun na 'don dang / ba lang skyong gi ma zhi ba dang / skya bseng gi bu mo sgrol ma dang / gzhon nu ba lang skyong rnams bsad na bdag rgyal po byas te yang ci rung snyam du bsams nas bram ze 
rnams la smras pa/ shes ldan dag khyed kyis gang smras pa de ngas thos kyis deng shig dang re zhig bsams te bya'o/ /bram ze rnams dong ba dang de lag pa 'gram pa la gtad nas sems khong du chud cing 'dug pa ba lang skyong gi ma zhi bas mthong ste des smras pa/ lha ci'i slad du phyag 'gram 
pa la gtad de sems khong du chud cing bzhugs/ des ji ltar gyur pa thams cad de la bsnyad pa dang / des smras pa/ lha bram ze de dag ni rtag tu mi rigs pa bsten pa lags pas de dag ci 'tshal/ bzhud la 'phags pa ka t+ya'i bu chen po la zhus shig /des smras pa/ zhi ba legs 

</font><hr>11-1-12a<br><font size=+1>
so legs so/ /khyod kyis dus su 'phags pa ka t+ya'i bu chen po la gtad pas 'gro'o zhes tshe dang ldan pa ka t+ya'i bu ga la ba der song ngo / /der song ste song nas tshe dang ldan pa ka t+ya'i bu chen po'i rkang pa la mgo bos phyag 'tshal te phyogs gcig tu 'dug go/ /phyogs 
gcig tu 'dug nas rgyal po gtum po rab snang gis tshe dang ldan pa ka t+ya'i bu chen po la 'di skad ces smras so/ /slob dpon ka t+ya'i bu chen po 'di na bdag mtshan mo mal chen po zhig na nyal zhing mchis pa'i tshe rmi lam du sa bla'i sgra drug dang / bar snang gi sgra drug ni thos/ rmi lam 
brgyad ni mthong ste/ sa bla'i sgra drug gang zhe na/ 'di lta ste/ drug /med/ bdag /ngan/ sems/ bdag cag 'di rnams zhes bya ba ste/ 'di dag ni 'dir tshigs su bcad pa drug gi yi ge dang po lags so/ /de la drug ces bya ba las tshigs su bcad pa ni/ lo ni stong 
phrag drug bcu dang / /lo ni brgya phrag drug bcu ru/ /sems can dmyal bar 'tshed rnams kyi/ /nam zhig mthar ni phyin par 'gyur/ /med ces bya ba las tshigs su bcad pa ni/ mtha' med mtha' lta ga la yod/ /nga dang khyed cag nyid kyis ni/ /mtha' nyid dmigs par mi 
'gyur ba/ /de ltar sdig pa'i las byas so/ /bdag ces bya ba las tshigs su bcad pa ni/ bdag cag gis ni longs spyod dag /mthun dang mi mthun pas bsgrubs pa/ /gzhan dag bde bas dga' byed kyi/ /bdag cag sdug bsngal skal can gyur/ /ngan zhes bya ba 
las tshigs su bcad pa ni/ 'di na bdag cag 'tsho ba ngan/ /bdag cag gang bdog de ma btang / /longs spyod dag ni yod pa'i tshe/ /bdag nyid la ni phan ma byas/ /sems zhes bya ba las tshigs su bcad pa ni/ sems kyis su ni bslus gyur cing / /mi shes pas ni 
bdas gyur pa/ /sems can dmyal bar skyes rnams kyi/ /gnya' ni su zhig byed par 'gyur/ /bdag cag 'di rnams zhes bya ba las tshigs su bcad pa ni/ bdag cag 'di rnams bde 'gro ru/ /song ste dge ba mang byas nas/ /de nas bsod nams byas gyur cing / /shis 

</font><hr>11-1-12b<br><font size=+1>
pa byas rnams mtho ris 'dong / /bar snang gi sgra drug gang zhe na/ 'di lta ste/ thams cad/ su/ gang / da ni/ de rnams/ 'di dag ces bya ba ste/ 'di dag ni tshigs su bcad pa drug gi yi ge dang po lags so/ /de la thams cad ces bya ba las tshigs su bcad pa ni/ thams cad 
gsog tu phyung zin te/ /de la snying po tsam zhig lus/ /rgyal po srin te snying po la/ /dga' ba med pas re ba bor/ /su zhes bya ba las tshigs su bcad pa ni/ su zhig gnyer len tshul ngan po'i/ /mig ya gcig kyang 'jor byed pa/ /des ni bdag gi bu tsha dang / /bdag kyang 
sdug bsngal las thar byas/ /gang zhes bya ba las tshigs su bcad pa ni/ rdzing 'di nya dang rus sbal ni/ /mang po dag gis gang ba las/ /da ni sbal bas 'tsho mod kyi/ /bdag gis gnas ni mi 'dor ro/ /da ni zhes bya ba las tshigs su bcad pa ni/ gang zhig ri bo gtum 
ldan la/ /bdag la rkang pas nom byed pa'i/ /long ba nyon mongs de dag ni/ /da ni mgon yang med par 'gyur/ /de rnams zhes bya ba las tshigs su bcad pa ni/ de rnams mtsho ni bzang po las/ /chu ni bsil zhing zhim pa dag /bde blag nyid du rnyed par 'gyur/ /bdag kyang da 
ltar der dga'o/ /'di dag ces bya ba las tshigs su bcad pa ni/ 'di dag khrus byas zos nas ni/ /phyogs dang phyogs su 'gro bar byed/ /bdag ni rnyi yis bzung gyur pa/ /sngon go sdig pa ci zhig byas/ /rmi lam brgyad ces bya ba gang zhe na/ 'di lta ste/ tsan dan dkar pos 
lus byugs pa dang / tsan dan dmar pos gtor ba dang / klad la me 'bar ba dang / mchan khung gnyis nas sbrul gnyis 'phyang ba dang / rkang pa gnyis la nya khar ba gnyis ldag pa dang / ngang pa gnyis nam mkha' la 'phur ba dang / ri nag po zhig mdun nas tshur 'ong ba dang / chu skyar 
dag mgo la rtug pas 'thor ba mthong ste/ gnyid sad nas 'jigs par gyur/ bag tsha bar gyur cing spu zing zhes bgyid nas/ gzhi 'di las bdag rgyal srid las nyams pa'am/ srog gi bar chad du mi 'gyur grang snyam bgyid do/ /'phags pa ka t+ya'i bu chen po la bdag don 'di 

</font><hr>11-1-13a<br><font size=+1>
zhu na/ gzhi 'di las bdag rgyal srid las nyams pa'am/ srog gi bar chad du mi 'gyur ba lags grang / tshe dang ldan pa ka t+ya'i bu chen pos smras pa/ rgyal po chen po khyod kyis sgra de dag dang / rmi lam de dag gzhan 'ga' zhig la bsnyad dam/ des smras pa/ 'phags 
pa bsnyad do/ /su zhig la/ bram ze rnams la'o/ /de dag gis khyod la ji skad du lung bstan/ des ji ltar gyur pa rgyas par bsnyad pa dang / des smras pa/ rgyal po chen po de dag ni rtag tu 'dod pa la longs spyod pa dang / lha'i 'jig rten mngon par 'dod pa yin te/ de dag 
ci shes/ khyod kyis sgra bzang po dag cig kyang thos/ rmi lam bzang po dag cig kyang mthong gis/ khyod ma 'jigs shig dang / gzhi de las khyod rgyal srid las nyams par yang mi 'gyur/ srog gi bar chad du yang mi 'gyur ro/ /de ci'i phyir zhe na/ rgyal po chen po khyod kyis 
rmi lam na sa bla'i sgra drug thos pa gang yin pa de gang gi ltas yin zhe na/ khyod kyi mdun rol gyi rgyal po drug cig gis chos dang chos ma yin pas rgyal srid byed du bcug pas lus zhig nas sems can dmyal ba rnams kyi nang du skyes so// //'dul ba phran tshegs kyi gzhi/bam 
po nyi shu dgu pa// //de na gcig gis sems can dmyal ba'i sdug bsngal gyis nyen nas tshigs su bcad pa/ lo ni stong phrag drug bcu dang / /lo ni brgya phrag drug bcu ru/ /sems can dmyal bar 'tshed rnams kyi/ /nam zhig mthar ni phyin par 'gyur/ /zhes bya ba smras 
so/ /gnyis pas tshigs su bcad pa/ mtha' med mtha' lta ga la yod/ /nga dang khyed cag gnyis kyis ni/ /mtha' nyid dmigs par mi 'gyur ba/ /de ltar sdig pa'i las byas so/ /zhes bya ba smras so/ /gsum pas tshigs su bcad pa/ bdag cag gis ni 
longs spyod dag /mthun dang mi mthun pas bsgrubs pa/ /gzhan dag bde bas dga' byed kyi/ /bdag cag sdug bsngal skal can gyur/ /ces bya ba smras so/ /bzhi pas tshigs su bcad pa/ 'di na bdag cag 'tsho ba ngan/ /bdag cag gang bdog de ma btang / /longs spyod 

</font><hr>11-1-13b<br><font size=+1>
dag ni yod pa'i tshe/ /bdag nyid la ni phan ma byas/ /zhes bya ba smras so/ /lnga pas tshigs su bcad pa/ sems kyis su ni bslus gyur cing / /mi shes pas ni bdas gyur pa/ /sems can dmyal bar skyes rnams kyi/ /gnya' ni su zhig byed par 'gyur/ /zhes bya ba smras so/ /
drug pas tshigs su bcad pa/ bdag cag 'di rnams bde 'gro ru/ /song ste dge ba mang byas nas/ /de nas bsod nams byas gyur cing / /shis pa byas rnams mtho ris 'dong / /zhes bya ba smras te/ de dag ni de'i ltas yin no/ /rgyal po chen po khyod kyis bar snang las sgra drug thos 
pa gang yin pa de gang gi ltas yin zhe na/ khyod kyi khyim gyi gdung ma de la srin bu zhig gnas pa des de'i snying po ma yin pa thams cad zos nas snying po nyi tshe lus pa dang / de der mngon par mi dga' nas tshigs su bcad pa/ thams cad gsog tu phyung zin te/ /'di la snying po tsam zhig 
lus/ /rgyal po srin de snying po la/ /dga' ba med pas re ba bor/ /zhes smras so/ /nam mkha'i sgra dang po ni de yin te/ de bas na khyod kyis phyung la gdung gzhan zhig chug shig /rgyal po chen po gzhan yang khyod kyi rta rdzi [(]gnyar [,]gnyer [)]len zhes bya ba des bya rog mo'i sgo nga byung zhing byung ba rnams 
bcom pa dang / de bu dang bral bas yid mi bde ba skyes te/ snying rje rje skad du ngu zhing dal bus tshigs su bcad pa/ su zhig gnyer len tshul ngan po'i/ /mig ya gcig kyang 'jor byed pa/ /des ni bdag gi bu tsha dang / /bdag kyang sdug bsngal las thar byas/ /zhes bya ba 
smras te/ nam mkha'i sgra gnyis pa ni de yin gyis/ /khyod kyis de 'joms su ma gzhug shig /gzhan yang khyod kyi khyim na rtse ba'i rdzing bu bya rog gis btung slebs tsam du chus kha da chad du gang ba nya dang / rus sbal dang / sbal ba mang po gnas pa de na chu skyar gcig cig 
nya dag za zhing 'dug pa las deng skams te chu med par gyur pa dang / chu skyar des de lta bu de mthong nas mi dga' ste tshigs su bcad pa/ rdzing 'di nya dang rus sbal ni/ /mang po dag gis gang ba las/ /da ni sbal bas 'tsho mod kyi/ /bdag gis gnas ni mi 'dor ro/ /zhes bya 

</font><hr>11-1-14a<br><font size=+1>
ba smras te/ nam mkha'i sgra gsum pa ni de yin gyis khyod kyis de chus khong shig /gzhan yang khyod kyi yul na ri bo gtum ldan zhes bya ba de la glang po che dang glang po che mo dmus long zhig gnas te/ de gnyis la bu gcig yod pa de de dag gi rim gro byed do/ /
de de gnyis kyi zas kyi phyir song ba na glang po che mo zhig dang lhan cig 'dus par gyur pa las/ de khyod kyis thabs kyis brongs te khrid de 'ongs nas btags te bzhag pa dang / de ma dang pha'i rjes su mya ngan byed cing rtswa yang mi za chu yang mi 'thung bar de dag rjes su dran zhing mi dga' 
bar gyur nas tshigs su bcad pa/ gang zhig ri bo gtum ldan la/ /bdag la rkang pas nom byed pa'i/ /long ba nyon mongs de dag ni/ /da ni mgon yang med par gyur/ /ces bya ba smras te/ nam mkha'i sgra bzhi pa ni de yin gyis/ pha ma'i grogs byed pa shi na mi 
rung bas khyod kyis de thong shig /gzhan yang khyod kyi khyim na ri dgas zhig bzung ste 'dug pa de khyu dang bral bas dgon pa'i ri dgas rnams dran nas tshigs su bcad pa/ de rnams mtsho ni bzang po las/ /chu ni bsil zhing zhim pa dang / /bde blag nyid du rnyed par 
'gyur/ /bdag kyang da ltar der dga'o/ /zhes bya ba smras te/ bar snang gi sgra lnga pa ni de yin gyis khyod kyis de thong shig /gzhan yang khyod kyi khyim na ngang pa dag cig bzung ste 'dug pa de dag gis ngang pa gnam la 'phur ba dag mthong nas mi dga' ste tshigs su bcad pa/ 
'di dag khrus byas zos nas ni/ /phyogs dang phyogs su 'gro bar byed/ /bdag ni rnyi yis bzung gyur pa/ /sngon go sdig pa ci zhig byas/ /zhes bya ba smras te/ nam mkha'i sgra drug pa ni de yin pas de dag kyang khyod kyis gtang bar bya ste de ni de dag gi ltas yin no/ /rgyal 
po chen po khyod kyis rmi lam brgyad mthong ba gang yin pa de ci'i snga ltas yin zhe na/ re zhig tsan dan dkar pos lus byugs par mthong ba gang yin pa ni khyod la lus 'phags kyi rgyal pos gos be'u ras yug po che zhig skyes su bskur ba lam du zhugs shing 'dug ste de zhag bdun na 

</font><hr>11-1-14b<br><font size=+1>
phyin par 'gyur bas khyod kyi rmi lam dang po ni de'i snga ltas yin no/ /khyod kyis lus la tsan dan dmar pos gtor bar mthong ba gang yin pa ni khyod las 'dzin gyi rgyal pos la ba rin po che zhig skyes su bskur ba lam du zhugs shing 'dug ste/ de yang zhag bdun na phyin par 'gyur bas rmi 
lam gnyis pa ni de'i snga ltas yin no/ /khyod kyis klad pa la me 'bar bar mthong ba gang yin pa ni khyod la yul ya ba na'i rgyal pos gser gyi phreng ba zhig skyes su bskur ba lam du zhugs shing 'dug ste/ de yang zhag bdun na phyin par 'gyur bas rmi lam gsum pa ni de'i snga ltas yin 
no/ /khyod kyis mchan khung gnyis nas sbrul gnyis 'phyang ba mthong ba gang yin pa ni khyod la rgya'i rgyal pos ral gri zung cig skyes su bskur ba lam du zhugs shing 'dug ste/ de yang zhag bdun na phyin par 'gyur bas khyod kyi rmi lam bzhi pa ni de'i snga ltas yin no/ /khyod kyis 
rkang pa gnyis la nya khar ba gnyis ldag pa mthong ba gang yin pa ni khyod la sing ga la'i rgyal pos nor bu'i lham zung cig skyes su bskur ba lam du zhugs shing 'dug ste de yang zhag bdun na phyin par 'gyur bas khyod kyi rmi lam lnga pa ni de'i snga ltas yin no/ /khyod kyis ngang pa gnyis nam 
mkha' la 'phur ba mthong ba gang yin pa ni khyod la b+haM ga la'i rgyal pos rta gnyis zhig skyes su bskur ba lam du zhugs shing 'dug ste de yang zhag bdun na phyin par 'gyur bar khyod kyi rmi lam drug pa ni de'i snga ltas yin no/ /khyod kyis ri nag po zhig mdun nas tshur 'ong ba mthong ba 
gang yin pa ni khyod la ka ling ka'i rgyal pos glang po che'i gtso bo zhig skyes su bskur ba lam du zhugs shing 'dug ste de yang zhag bdun na phyin par 'gyur bas khyod kyi rmi lam bdun pa ni de'i snga ltas yin no/ /khyod kyis chu skyar dag mgo la rtug pas 'thor ba mthong ba gang yin pa de ni khyod 
dang ba lang skyong gi ma zhi ba shes par 'gyur ro/ /khyod kyis bram ze rnams la yang ngan sems bskyed par mi bya'o/ /de skad ces smras pa dang / rgyal po rab snang srog stor ba las phyir rnyed pa bzhin du dga' ba dang / mgu ba dang / rab tu dga' ba dang / rangs pa dang /

</font><hr>11-1-15a<br><font size=+1>
bde ba dang / yid bde ba skyes nas tshe dang ldan pa ka t+ya'i bu chen pos bshad pa la rjes su yi rangs nas rkang pa la mgo bos phyag 'tshal te stan las langs te song ngo / /de rang gi khyim du song nas tshe dang ldan pa ka t+ya'i bu chen pos ji skad smras pa de thams cad bsgrubs te 
gdung ma yang gzhan zhig bcug /rta rdzi gnyer len yang de ltar byed du ma bcug /rdzing bu yang chus bkang / glang po che dang / ri dgas dang / ngang pa rnams kyang btang ngo / /zhag bdun na de'i skyes ji skad bstan pa thams cad kyang phyin nas de nor rnyed pas yid bde ba 
skyes nas/ tshe dang ldan pa ka t+ya'i bu chen po la je sems mngon par dad par gyur te bsams pa/ bdag gi khyim na dpal dang dbang thang phun sum tshogs pa gang cung zad yod pa de thams cad ni 'phags pa ka t+ya'i bu chen po la brten nas byung ba yin no/ /de'i phyir re zhig gos be'u 
ras yug po che 'di bskur la phyis rgyal srid bstabs par bya'o snyam du rig nas mi zhig la smras pa/ kye skyes bu khyod tshur gos be'u ras yug po che 'di khyer la 'phags pa ka t+ya'i bu chen po la phul cig ces byas pa dang / des gos be'u ras yug po che de khyer nas 'phags pa 
ka t+ya'i bu chen po la byin no/ /de nas ba lang skyong gi ma zhi ba dang / skya bseng gi bu mo sgrol ma dang / gzhon nu ba lang skyong dang / gsos pa dang / mdun na 'don la smras pa/ shes ldan dag nga la yul sna tshogs la dbang ba'i rgyal po rnams kyis skyes 'di dag bskur gyis 
khyed gang ji ltar 'dod pa bzhin khyer cig /de nas ba lang skyong gi ma zhi bas ni gser gyi phreng ba khyer/ skya bseng gi bu mo sgrol mas ni la ba rin po che/ gzhon nu ba lang skyong gis ni rta gnyis/ gsos pas ni ral gri zung cig /mdun na 'don gyis ni nor bu'i lham zung 
cig khyer te glang po che'i gtso bo lus pa de rgyal pos khyer ro/ /de nas rgyal po rab snang yan lag gi mchog lnga la rin po che dag gi bgo bsha' byas nas tshe dang ldan pa ka t+ya'i bu chen po ga la ba der song ste phyin nas tshe dang ldan pa ka t+ya'i bu chen po'i rkang pa la mgo bos phyag 'tshal te 

</font><hr>11-1-15b<br><font size=+1>
phyogs gcig tu 'dug go/ /phyogs gcig tu 'dug nas rgyal po rab snang gis tshe dang ldan pa ka t+ya'i bu chen po la 'di skad ces smras so/ /'phags pa sman 'dogs shing gces spras mdzad pa lags te/ de'i slad du bdag 'phags pa la rgyal srid stobs na thugs 
brtse ba nye bar bzung ste rgyal srid bzhes su gsol/ tshe dang ldan pa ka t+ya'i bu chen pos smras pa/ rgyal po chen po bcom ldan 'das kyis dge slong la rgyal srid byed pa bkag go/ /rgyal pos smras pa/ 'phags pa gal te de ltar na 'dod pa thams cad stobs na/ 'dod pa 
thams cad yongs su spyad du gsol/ des smras pa/ rgyal po chen po bcom ldan 'das kyis 'dod pa thams cad kyang bkag go/ /rgyal pos smras pa/ 'phags pa gal te de lta na longs spyod dang / longs spyod kyi mchog rnams stobs na yongs su spyad du gsol/ 
des smras pa/ rgyal po chen po re zhig bcom ldan 'das la zhus te bya'o/ /rgyal pos smras pa/ 'phags pa de ltar mdzod cig de'i tshe na bcom ldan 'das ni mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /skabs de lta bu la 
sangs rgyas bcom ldan 'das rnams la mi mkhyen pa dang / mi gzigs pa dang / mi rig pa dang / rnam par mi rig pa cung zad kyang mi mnga' ste/ bcom ldan 'das kyis dgongs pa/ dge slong ka t+ya'i bu chen po longs spyod dang longs spyod kyi mchog rnams don du gnyer ba ma 
yin mod kyi 'on kyang skye bo phyi ma rnams la phan gdags so snyam du dgongs nas 'jig rten pa'i thugs bskyed pa mdzad do/ /chos nyid kyis gang gi tshe sangs rgyas bcom ldan 'das rnams kyis 'jig rten pa'i thugs bskyed pa de'i tshe/ srog chags grog spur rnams kyis kyang bcom 
ldan 'das kyi thugs sems kyis shes so/ /gang gi tshe 'jig rten las 'das pa'i thugs bskyed pa de'i tshe ni nyan thos dang / rang sangs rgyas rnams kyis kyang bcom ldan 'das kyi thugs sems kyis mi shes na/ byol song gi skye gnas su song ba rnams kyis lta smos kyang 

</font><hr>11-1-16a<br><font size=+1>
ci dgos/ don 'di la ni bcom ldan 'das dang / tshe dang ldan pa ka t+ya'i bu chen po'i thugs dang sems su 'phrod pa'i 'jig rten pa'i thugs bskyed do/ /de nas bcom ldan 'das dang / tshe dang ldan pa ka t+ya'i bu chen pos lha'i mig dang lha'i rna ba mngon par 
bsgrubs nas phan tshun lta ba dang nyan par yang zhugs so/ /de nas bcom ldan 'das la tshe dang ldan pa ka t+ya'i bu chen pos 'di skad ces gsol to/ /btsun pa dge slong gis dge 'dun gyi ched du longs spyod dang longs spyod kyi mchog dag blang du rung lags sam/ bcom ldan 
'das kyis bka' stsal pa/ ka t+ya'i bu chen po skye bo phyi ma rnams la snying brtse ba'i phyir dang / sbyin pa po rnams kyi longs spyod 'phel bar byed pa'i phyir rung ste/ de lta bas na dge 'dun la longs spyod dang longs spyod kyi mchog rnams gnang gi gang zag la ni ma yin no/ /de la 
longs spyod ni 'di dag yin te/ grong dang / zhing rnams so/ /longs spyod kyi mchog ni ba lang dang / ma he dang / ra dang / lug rnams so/ /de nas tshe dang ldan pa ka t+ya'i bu chen pos bcom ldan 'das la zhus nas rgyal po rab snang la 'di skad ces smras so/ /rgyal po chen 
po bcom ldan 'das kyis skye bo phyi ma rnams la snying brtse ba'i phyir dang / sbyin bdag rnams kyi longs spyod 'phel bar bya ba'i phyir dge 'dun la longs spyod dang longs spyod kyi mchog rnams gnang ngo / /de nas rgyal po rab snang gis tshe dang ldan pa ka t+ya'i bu chen po las brten nas 
yo byad thams cad phun sum tshogs pa'i gtsug lag khang byed du bcug ste/ phyogs bzhi'i dge slong gi dge 'dun la phul nas longs spyod dang longs spyod kyi mchog rnams kyang phul lo/ /de nas bcom ldan 'das kyis dge slong rnams la bka' stsal pa/ dge slong dag nga'i dge 
bsnyen nga'i nyan thos dge 'dun la thog mar 'dod pa thams cad stobs pa rnams kyi nang na mchog ni 'di lta ste/ 'phags rgyal gyi rgyal po rab snang 'di yin no/ /dge slong dag nga'i dge bsnyen nga'i nyan thos dge 'dun la thog mar bshos 'bul ba rnams kyi nang na mchog ni 'di lta ste/

</font><hr>11-1-16b<br><font size=+1>
rgyal po'i khab kyi rgyal po bzo sbyangs gzugs can snying po 'di yin no/ /dge slong dag nga'i dge bsnyen nga'i nyan thos dge 'dun la thog mar gnas mal 'bul ba rnams kyi nang na mchog ni 'di lta ste/ mnyan yod kyi khyim bdag mgon med zas sbyin 'di yin no/ /dge slong dag 
nga'i dge bsnyen nga'i nyan thos dge 'dun la thog mar gtsug lag khang byed pa rnams kyi nang na mchog ni 'di lta ste/ yul bA rA Na sI'i khyim bdag bzang ldan 'di yin no// //bar sdom ni/ 'dod pa kun gyi rab snang ste/ /dge 'dun bshos kyi bzo sbyangs yin/ /gnas 
mal mgon med zas sbyin te/ /gtsug lag khang gi bzang ldan no/ /rgyal po rab snang btsun mo'i 'khor du res kyis zan za ste/ nyi ma gcig ni ba lang skyong gi ma zhi ba'i drung du/ gcig ni skya bseng gi bu mo sgrol ma'i drung du'o/ /de dus gzhan zhig na dgongs pa/ ba 
lang skyong gi ma zhi ba'i thad du zan za ba na rgyal po de zho la dga' bas ba lang skyong gi ma zho'i phor ba thogs te de zan za ba'i mdun na 'dug go/ /ji tsam na phyogs der skya bseng gi bu mo sgrol ma song ste/ des la ba rin po che bgos pa dang / des glog byung ba lta bur rgyal po de ba lang 
skyong gi ma zhi ba dang bcas te snang bar byas so/ /zhi bas snang ba de mthong nas ya mtshan skyes te smras pa/ lha 'di ci lags/ glog cig glo bur du byung ngam/ 'ga' zhig gis zhugs mar 'tshal/ des smras pa/ zhi ba 'di ni glog gi 'od kyang ma yin/ mar 
me'i yang ma yin gyi/ 'on kyang skya bseng gi bu mo sgrol ma phyogs 'di nas song ste/ des la ba rin po che bgos pas 'di ni de'i 'od yin no/ /khyod kyis la ba rin po che de lta bu btang ste gser gyi phreng ba blangs pa ni khyod blun no/ /ji bdag gi khyim na gser gyi phreng ba med dam/ 
nyis na rigs ngan pa las skyes pa de the gi'o/ /des smras pa/ lha de la de lta bu'i shes rab ga la mchis/ gdon ma 'tshal bar khyod nyid kyis la ba rin po che long shig ces bstan te des na des blangs lags mod/ rgyal pos smras pa/ ngas de la ma smras te des rang gi 

</font><hr>11-1-17a<br><font size=+1>
blos blangs so/ /khyod kyis smras so/ /ngas ma smras so zhes de gnyis 'thabs par gyur nas/ zhi bas de'i mgor zho'i phor bas bsnun pa dang / rgyal po de spyi gcer zhig pas de'i klad pa zhom mo/ /des lag pas mnams te bsams pa/ bdag gi klad 
pa yang zhom/ bdag gi klad rgyas kyang lug pas 'dis ye bdag bsad kyis ji srid srog dang ma bral gyi bar du je 'di bsad do snyam nas/ des gsos pa la bsgo ba/ gsos pa ngas ba lang skyong gi ma zhi ba yongs su btang gis sod cig /gsos pas bsams pa/ de 'di 
la shin tu 'phangs na 'di khros pa'i kun nas dkris pas 'di skad du zer bar zad pas 'phral la gsad par mi bya'i kun nas dkris pa dang bral nas bsam pa shes par bya ste gsad kyis re zhig gnas dben pa zhig tu gzhag go snyam du rig nas/ smras pa/ lha de ltar 'tshal te dgum mo 
zhes byas nas/ des de gnas dben pa zhig tu bzhag go/ /rgyal pos kun nas dkris pa dang bral nas smras pa/ gsos pa ba lang skyong gi ma zhi ba ga re/ des smras pa/ lha khyod kyis ngas ba lang skyong gi ma zhi ba yongs su btang gis sod cig ces bka' stsal pas bdag 
gis de lha'i bka' bzhin du bkum lags so/ /des smras pa/ gsos pa legs so/ /da ni nga dang / skya bseng gi bu mo sgrol ma dang / gzhon nu ba lang skyong dang / mdun na 'don kyang song la khyod nyid cod pan chings te rgyal srid byed la rag go/ /ngas ko des nga la ma gus pa byas 
pas ngas de nan thur byas la phyis dga' bar bya'o snyam du bsam bsam na khyod kyis mod kho na la bsad pa lta zhig /des smras pa/ lha 'di na skyes bu mkhas pa kha cig smras pa'i don dpes kyang kun 'tshal bar 'gyur bas re zhig dpe gsan du gsol/ bsdus pa'i sdom ni/ khra 
bo dang ni sgren mo dang / /rnyed par dka' dang slu ba dang / /mi ngoms pa dang gnyid gtogs par/ /bsdus pa'i sdom du yang dag bsdus/ /sdom ni/ khra bo spre'u dang 'jig rten na/ /long ba dag ste tha ma yin/ /rgyal po chen po sngon byung ba ri'i phyogs mi 'du ba dang 'jigs pa ma 

</font><hr>11-1-17b<br><font size=+1>
mchis pa shing sna tshogs kyi tshal gyis brgyan pa/ seng ge dang / stag dang / dred dang / byi la dang / ri dgas dang / phag rgod rgyu ba/ bya'i tshogs sna tshogs kyis bsten pa gcig cig tu srog chags thi bas shing chen po zhig gi khar tshang bcas te/ des de 'bras bu smin pa 
rnams kyis bkang nas chung ma la smras pa/ bzang mo khyod kyis 'bras bu 'di dag bza' bar mi bya ste/ da lta ni gang yang rung bas bdag nyid 'tsho bar bya'o/ /nam rlung dang / yul ngan byung ba de'i tshe 'di dag bza' bar bya'o/ /des smras pa/ legs te de bzhin bya'o/ /ji 
tsam na rlung dang nyi mas phog pas 'bras bu rnams skams te tshang de 'gribs par gyur pa dang / thi bas smras pa/ bzang mo ngas khyod la khyod kyis 'bras bu 'di dag bza' bar mi bya ste/ rlung ngam yul ngan byung ba'i tshe bza' bar bya'o zhes ma bkag gam/ 'o na ci'i phyir khyod 
kyis zos/ des smras pa/ bdag gis ma zos so/ /des smras pa/ ngas tshang 'di bkang ste bzhag na/ gal te khyod kyis ma zos na 'o na tshang 'di ci'i phyir 'gribs par gyur/ des smras pa/ tshang 'di ci'i phyir 'gribs ma shes/ bdag gis ni 'di las 'bras bu cig 
kyang ma zos so/ /khyod kyis zos so ngas ma zos so zhes de gnyis lan dang yang lan 'debs pa na thab mo byung ste des thi ba mo de mchus bsnun nas srog dang bral te de de nyid na 'phyang zhing 'dug go/ /re zhig cig na dus ma yin pa'i char chen po bab pa dang / yang tshang de de kho na 
bzhin du 'bras bu de dag gis gang nas des bsams pa/ tshang 'di 'bras bu dag gis yang gang ba las na des 'di dag ma zos so snyam nas/ des de la bzod pa gsol bar brtsams pa/ khra mo sdug pa longs shig /'di dag khyod kyis ma zos te bdag gi tshang 'di gang gis 
nyes pa cig bzod par mdzod cig ces byas pa dang / lhas tshigs su bcad de smras pa/ nags tshal rgyu ba'i thi ba ni/ /'dab ma khra bo mig dmar ba/ /rang gis sdug ma bsad nas ni/ /blo ngan ci zhig mya ngan byed/ /ji ltar thi ba bab col spyod pa yis/ /'di na sdug pa 

</font><hr>11-1-18a<br><font size=+1>
nyes med bsad nas ni/ /blo rmongs mya ngan byed cing bzang mo zhes/ /de la bzhams te nyes cig bzod gsol ba/ /de bzhin rgyal po gzu lums spyod pa yis/ /zhi ba yid dang 'thad pa 'dir bsad nas/ /blo rmongs mya ngan byed cing bzang mo zhes/ /de la bzhams 
te nyes cig bzod pa gsol/ /zhes bgyi ba lags te/ lha khyod kyis gsungs pa'i don ni bdag dpe de dang 'dra ba snyam bgyid do/ /lha gzhan yang khyim bdag cig dbyar 'das pa dang ston gyi dus su sran ma'i khur 'tshal nas zhing thog tu chas so/ /des sran ma'i 
khur de shing drung zhig tu bzhag nas pha zad du bshang ba'i sar mchis pa dang / ji tsam na spre'u zhig shing de las babs nas sran ma las spar gang blangs te yang shing de las 'dzegs so/ /de 'dzeg pa na sran ma 'brum bu gcig shor de sa la lhung nas des sran ma spar gang po de 
bor te/ sran ma 'brum bu cig po de btsal bar brtsams pa na/ khyim bdag des de la bong ba cig bsnun te de dus las 'das pa dang lhas tshigs su bcad de smras pa/ sran ma spar gang bor nas su/ /gang zhig 'bras bu gcig tshol ba/ /shin tu tshogs mang ldan pa yi/ /
spre'u 'di kye ma re mi mdzangs/ /zhes bgyi ba lags te lhas gsungs pa'i don gang zhig ba lang skyong gi ma bkum nas/ yang bzod pa gsol bar bzhed pa ni bdag dpe de dang 'dra ba snyam bgyid do/ /rgyal pos smras pa/ gsos pa khyod kyis tshig cig kho na'i kha la ba lang 
skyong gi ma zhi ba bsad do/ /des smras pa/ lha/ ston pa gang zag zla med pa/ /gcig pu tshig ni gcig gsung ste/ /gsung ba de ni nges lags pas/ /'di la bdag blo 'gyur ma mchis/ /zhes bgyi ba khyod kyis ma gsan tam/ rgyal pos smras pa/ gsos pa khyod kyis 
gang gi phyir ba lang skyong gi ma zhi ba bsad pas nga long bar byas so/ /des smras pa/ lha/ lha dang mir bcas 'jig rten 'dir/ /long ba gnyis ni nges grub pa/ /rang bzhin gyis ni dmus long dang / /gang yang chos la mi gnas pa'o/ /'jig rten 'di dang pha 

</font><hr>11-1-18b<br><font size=+1>
rol du/ /gzhan yang long ba gnyis lags te/ /gang la sdig lta de yod dam/ /gang zhig khrims la mi brten pa'o/ /zhes bgyi ba khyod kyis ma gsan tam/ /sdom ni/ sgren mo cir yang mi rung dang / /ma spyad gtun dang lan gcig dang / /nad dang bag tsha brnyas 
pa dang / /de bzhin du ni bags kyis so/ /byis pa dang ni bshes dag dang / /skyes bu tha shal nyid dang ni/ /shing rta yis ni 'khor lo dang / /g.yo gtogs par ni yongs su rdzogs/ /rgyal pos smras pa/ gsos pa gang gi phyir khyod kyis ba lang skyong gi ma zhi ba 
bsad pas nga sgren mor byas so/ /des smras pa/ lha sgren mo gsum gyi mi mdzes pa khyod kyis ma gsan tam/ rgyal pos smras pa/ gsos pa gsum gang yin/ lha/ klung ni chu med sgren mo ste/ /yul 'khor 'gron med sgren mo'o/ /gal te ming po bcu yod 
kyang / /khyo med bud med sgren mo'o/ /zhes bgyi ba lags so/ /rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas nga cir yang mi rung bar byas so/ /des smras pa/ lha 'jig rten na cir yang mi rung ba gsum mchis par 
khyod kyis ma gsan tam/ des smras pa/ gsos pa gsum gang yin/ lha/ rta bo thal kar bang bul dang / /ston mo bya na med pa dang / /bud med gang zhig khyim sun 'byin/ /'di gsum cir yang mi rung ba'o/ /rgyal pos smras pa/ gsos pa ba 
lang skyong gi ma zhi ba longs ma spyad par khyod kyis bsad do/ /des smras pa/ lha/ sol ba byed pa'i gos dang ni/ /bkru bshal byed pa'i lham dag dang / /rgyal po'i btsun mo'i 'khor rnams ni/ /longs ma spyad par dengs par 'gyur/ /zhes bgyi ba khyod kyis 
ma gsan tam/ lha de dag 'ba' zhig tu ma bas gzhan yang gsum ste/ nags kyi shing gi me tog dang / /dka' thub can gyi lang tsho dang / /shing rta mkhan gyi chung ma dag /longs ma spyad par dengs par 'gyur/ /rgyal pos smras pa/ gsos pa gang gi 

</font><hr>11-1-19a<br><font size=+1>
phyir khyod kyis ba lang skyong gi ma zhi ba bsad pas khyod ni gtun gyis brdeg pa'i rgyu'o/ /des smras pa/ lha/ shing mkhan rtsang rtsing 'jog pa dang / /bzang mkhan skud pa ring po dang / /kha lo sgyur ba mig rgyang thung / /de gsum gtun gyis brdeg rgyu'o/ /zhes 
bgyi ba khyod kyis ma gsan tam/ lha de dag 'ba' zhig tu ma bas/ gzhan yang gsum ste/ pho nya'i pho nya gang yin dang / /mngag gzhug pa yi mngag gzhug dang / /bud med 'phyon ma byed pa gang / /de gsum btun gyis brdeg rgyu'o/ /lha de dag 'ba' zhig tu ma bas 
gzhan yang gsum ste/ gnag rdzi grong na rgyu ba dang / /'breg mkhan nags na rgyu ba dang / /mag pa rtag tu 'ong byed pa/ /de gsum gtun gyis brdeg rgyu'o/ /rgyal pos smras pa/ gsos pa khyod kyis ba lang skyong gi ma zhi ba lan gcig gis bsad do/ /des smras pa/ lha/ 
rgyal po smra ba lan gcig ste/ /bu mo sbyin pa lan gcig go/ /'phags pa'i gzigs pa lan gcig ste/ /de gsum lan re lan re'o/ /zhes bgyi ba khyod kyis ma gsan tam/ rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas 
khyod ni rang gis nad bslangs so/ /des smras pa/ lha/ sdar ma sna tshogs go gyon dang / /rtswa mjing chung ngu nor mang dang / /rgan po chung ma gzhon len pa/ /de dag rang gis nad bslangs so/ /zhes bgyi ba khyod kyis ma gsan tam/ rgyal pos smras pa/ gsos pa gang gi 
phyir khyod kyis ba lang skyong gi ma zhi ba bsad pas nga ni khyod la bag tsha'o/ /des smras pa/ lha/ dka' thub can ni blun mthong dang / /dpa' bo rma mtshan med pa dang / /bu mo chen mo mthong nas ni/ /snying la bag tsha skye bar 'gyur/ /zhes bgyi ba khyod kyis ma gsan tam/ rgyal 
pos smras pa/ gsos pa gang gi phyir khyod kyis ba lang skyong gi ma zhi ba bsad pas nga brnyas so/ /des smras pa/ lha/ cal le col le smra ba dang / /gnyis pa gos ngan gyon pa dang / /skru zhing za ba gang yin pa/ /de gsum brnyas par bya ba yin/ /zhes bgyi ba khyod kyis 

</font><hr>11-1-19b<br><font size=+1>
ma gsan tam/ rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas ngas khyod dgra zhig bags kyis spel to/ /des smras pa/ lha/ nya ni bags kyis bza' bar bya/ /ri bo la ni bags kyis gzeg /don rnams bags kyis 
bsgrub bya ste/ /'di gsum bags kyis bags kyis bya/ /zhes bgyi ba khyod kyis ma gsan tam/ rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas khyod ni byis pa'o/ /des smras pa/ lha/ ma 'dris pa la yid rton dang / /ma 
rungs pa la sten pa dang / /gya tsom du ni yongs gtong ba/ /byis pa'i mtshan nyid rnam gsum mo/ /zhes bgyi ba khyod kyis ma gsan tam/ rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas khyod ni bshes pa 'byed pa yin no/ /
des smras pa/ lha/ bshes rnams la ni mi sten dang / /gnyis pa ha cang sten pa dang / /dus ma yin par slong byed pa/ /des ni bshes rnams 'byed par byed/ /ces bgyi ba khyod kyis ma gsan tam/ rgyal pos smras pa/ gsos pa gang gi phyir khyod 
kyis ba lang skyong gi ma zhi ba bsad pas khyod ni skyes bu tha shal yin no/ /des smras pa/ lha/ rtag tu gzhan gyi nor dang ni/ /bdag nyid 'dod pa rnog byed dang / /de bzhin sdug bsngal la dga' ba/ /de gsum skyes bu tha shal yin/ /zhes bgyi ba khyod kyis ma 
gsan tam/ rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas khyod ni shing rta'i 'khor los gsad rgyu yin no/ /des smras pa/ lha/ ri mo mkhan ni tshon gtong mi shes dang / /'khrul 'khor mkhan ni 'byor ka mi shes dang / /gyad [(]gyi [,]kyi [)]bu 
ni dor thabs mi shes pa/ /gsad bya gsad par rtag tu bzlog pa med/ /ces bgyi ba lhas ma gsan tam/ rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas khyod ni g.yo can yin no/ /des smras pa/ lha/ bud med khyo gsum 

</font><hr>11-1-20a<br><font size=+1>
brgyud pa dang / /dge slong phyir ni 'ongs pa dang / /bya ni rgya las shor dang gsum/ /g.yo can nang na de g.yo ngan/ /zhes bgyi ba khyod kyis ma gsan tam/ sdom ni/ rnyed par dka' dang gzhan dang gcig /bsags dang de bzhin mi mthun dang / /brdungs 
dang med pa nyid dang ni/ /mi 'tsham pa ni don med do/ /gsos pa khyod kyis ba lang skyong gi ma rnyed dka' ba bsad do/ /des smras pa/ lha/ ri bong rwa can rnyed par dka'/ /ru sbal spu can rnyed par dka'/ /smad 'tshong gcig pu 'dug pa dang / /gzu bo drang por smra rnyed 
dka'/ /zhes bgyi ba khyod kyis ma gsan tam/ rgyal pos smras pa/ gsos pa khyod kyis gzhan gyi ched du ba lang skyong gi ma zhi ba bsad do/ /des smras pa/ lha/ gtams pa len dang gnya' bo dang / /g.yon can gyi ni che bzhi dang / /smyan byed blo zhan bzhi po dag /gzhan 
gyi don du ma rung 'gyur/ /zhes bgyi ba khyod kyis ma gsan tam/ rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas nga gcig pur byas so/ /des smras pa/ lha/ skye ba na yang 'di gcig skye bar 'gyur/ /de bzhin 'chi ba na yang 'di 
gcig 'chi/ /skye bo gcig pus 'di na sdug bsngal myong / /'khor ba la ni grogs yod ma yin no/ /zhes bgyi ba khyod kyis ma gsan tam/ rgyal pos smras pa/ gsos pa khyod kyis ba lang skyong gi ma zhi ba tshogs bsags pa bsad do/ /des smras pa/ lha/ nya sgong a mra'i 
me tog dang / /sdug bsngal gyur pa'i don gnyer ba/ /dper na ston ka'i sprin bzhin du/ /bsags pa rnams kyang don med 'gyur/ /zhes bgyi ba khyod kyis ma gsan tam/ rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas khyod ni mi 
mthun pa yin no/ /des smras pa/ lha/ nyi ma grib mar mi mthun zhing / /snang ba dang ni mun pa dang / /nyin par mtshan mor mi mthun te/ /chos dang chos min rtag mi mthun/ /zhes bgyi ba khyod kyis ma gsan tam/ rgyal pos smras pa/ gsos pa gang gi phyir khyod kyis ba lang 

</font><hr>11-1-20b<br><font size=+1>
skyong gi ma zhi ba bsad pas khyod ni brdung rgyu'o/ /des smras pa/ lha/ gos rnams brdungs na 'jam po dag tu 'gyur/ /bong bu brdungs na de dag mgyogs par 'gyur/ /bud med rnams ni brdungs na dbang du 'gyur/ /rnga dag ma brdungs sgra 'byin mi 'gyur ro/ /zhes bgyi ba khyod 
kyis ma gsan tam/ rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas khyod ni med par bya ba yin no/ /des smras pa/ lha/ rlung gis sbun pa med par byed/ /skye bo'i sgra yis glu de bzhin/ /skyes bu ngan pa bsten pa dang / /mi mdzes yon 
tan med par byed/ /ces bgyi ba khyod kyis ma gsan tam/ rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas khyod ni 'tsham pa ma yin no/ /des smras pa/ lha/ rgyal po brdzun du smra ba dang / /sman pa gsung dang dge sbyong 'khrug / 
blo dang ldan pa kun rmongs pa/ /bzhi ni 'tsham pa ma yin no/ /zhes bgyi ba khyod kyis ma gsan tam/ rgyal pos smras pa/ gsos pa khyod kyis don med par ba lang skyong gi ma zhi ba bsad do/ /des smras pa/ lha/ nyin par mar me bus pa don med do/ /rgya mtshor 
char pa bab pa don med do/ /'grangs la ston mo byin pa don med do/ /skyes bu ngan pa bsten pa don med do/ /zhes bgyi ba khyod kyis ma gsan tam/ sdom ni/ slu dang blta dang ma legs dang / /bskrad dang 'jigs dang mi dga' gtang / /sred dang ma bsams 
mya ngan gtogs/ /de ni tshogs su yang dag bsgrags/ /rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas khyod ni slu ba yin no/ /des smras pa/ lha/ slu ba bzhi mchis par khyod kyis ma gsan tam/ bzhi gang yin/ lha/ mi 
'dod pa la 'doms pa dang / /gnyid kyis dub la 'chad pa dang / /don du gnyer min don gnyer dang / /stobs dang ldan rnams 'gyed pa'o/ /rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas khyod ni blta bar bya ba yin no/ /des smras pa/

</font><hr>11-1-21a<br><font size=+1>
lha/ g.yul ngor dpa' bo blta bya ste/ /mi bzad dug la gsang sngags blta/ /bza' btung tshe na nye du ste/ /don rtogs bya la mkhas pa blta/ /zhes bgyi ba khyod kyis ma gsan tam/ /rgyal pos smras pa/ gsos pa gang gi phyir khyod 
kyis ba lang skyong gi ma zhi ba bsad pas ma legs pa byas so/ /des smras pa/ lha/ khyim pa le lo ma legs chags ma legs/ /rab byung yang dag sdom pa min ma legs/ /rgyal po gzu lums spyod pa'ang ma legs te/ /mkhas gang 'khrug byed de 
yang ma legs so/ /zhes bgyi ba khyod kyis ma gsan tam/ rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas khyod ni bskrad par bya ba yin no/ /des smras pa/ lha/ mi mkhas shing rta gcog pa dang / /khal chen 'gel 
bas glang gsod dang / /ha cang bzhos pas be'u gsod dang / /nye du'i khyim 'dug chung ma bskrad/ /ces bgyi ba khyod kyis ma gsan tam/ rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas khyod mthong na nga 'jigs so/ /
des smras pa/ lha/ 'ur pa dang ni chu skyar dang / /gsum pa phyag dar srin bu dang / /bzhi pa lham bu chu gsher ni/ /'jigs bya min la 'jigs par byed/ /ces bgyi ba khyod kyis ma gsan tam/ rgyal pos smras pa/ gsos pa ba lang skyong gi ma zhi ba med pas 
mi dga'o/ /des smras pa/ lha/ spre'u ni grong na mi dga' ste/ /chu srin byis pa gsod ri la/ /chom rkun dge sbyong khyim du ste/ /byi po rang gi khyim mi dga'/ /zhes bgyi ba khyod kyis ma gsan tam/ rgyal pos smras pa/ gsos pa gang gi phyir khyod kyis 
ba lang skyong gi ma zhi ba bsad pas khyod ni gtang bar bya ba yin no/ /des smras pa/ lha/ rigs kyi phyir ni gcig gtang ste/ /grong gi phyir ni rigs gtang ngo / /yul gyi phyir ni grong gtang ste/ /bdag gi phyir ni yul gtang ngo / /zhes bgyi ba khyod kyis ma gsan 

</font><hr>11-1-21b<br><font size=+1>
tam/ rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas nga'i sred pa 'chad du mi btub po/ /des smras pa/ lha/ rtsa med gzhan gyi bud med dang / /lag pa gcig gis chu 'thung dang / /gzhan gyis chang blud gang yin pa/ /
de dag sred pa 'chad pa med/ /ces bgyi ba khyod kyis ma gsan tam/ rgyal pos smras pa/ gsos pa khyod kyis ma bsams pa kho nar ba lang skyong gi ma zhi ba bsad do/ /des smras pa/ lha/ rgyal po rgyal po'i mdzod ni ma bsams par/ /lam du zhugs la chom 
por ma bsams par/ /khyim na bud med thab mo ma bsams par/ /rab tu byung ba'i rnyed pa ma bsams par/ /zhes bgyi ba khyod kyis ma gsan tam/ rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas mya ngan bya ba yin no/ /des 
smras pa/ lha/ chags can rgas pa'ang mya ngan bya ba ste/ /mi bzang por mo'ang mya ngan bya ba yin/ /smad 'tshong rgas pa'ang mya ngan bya ba ste/ /rab byung gtum po'ang mya ngan bya ba yin/ /sdom ni/ blta bas mi ngoms yid 'thad dang / /brtse bar mi bya nor dang ni/ /smra bar 
mi bya rab sdang dang / /mgon med bshes dang yid brtan pa'o/ /rgyal pos smras pa/ gsos pa khyod kyis nga'i ba lang skyong gi ma zhi ba blta bas mi ngoms pa bsad do/ /des smras pa/ lha/ glang po'i gtso dang rgyal po dang / /rgya mtsho dang ni ri rab dang / /sangs rgyas smra ba 
rnams kyi mchog /blta ba yis ni mi ngoms yin/ /zhes bgyi ba khyod kyis ma gsan tam/ rgyal pos smras pa/ gsos pa khyod kyis ba lang skyong gi ma zhi ba nga'i yid dang 'thad pa bsad do/ /des smras pa/ lha/ gzugs bzang mo dang rigs ldan dang / /des dang 
rigs ni 'phel byed pa/ /dar la bab dang bud med lnga/ /rgyal chen yid dang 'thad pa yin/ /zhes bgyi ba khyod kyis ma gsan tam/ rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas khyod dang lhan cig rtse bar mi bya ba yin no/ /des 

</font><hr>11-1-22a<br><font size=+1>
smras pa/ lha/ byis pa sbrul dang sbal ba dang / /gang gi ma ni g.yem pa dang / /mi gang mdza' ni mi rtag dang / /lhan cig rtse bar mi bya'o/ /zhes bgyi ba khyod kyis ma gsan tam/ rgyal pos smras pa/ gsos pa gang gi phyir khyod kyis ba lang skyong gi 
ma zhi ba bsad pas khyod kyis nor 'phrog pa byas so/ /des smras pa/ lha/ rol mo mkhan dang dmag mi dang / /sman pa chom rkun btson rdzi ste/ /de dag nyam thag gyur pa la'ang / /nor ni 'phrog par byed pa yin/ /zhes bgyi ba khyod kyis ma gsan tam/ rgyal pos smras 
pa/ gsos pa gang gi phyir khyod kyis ba lang skyong gi ma zhi ba bsad pas khyod ni smra bar bya ba ma yin no/ /des smras pa/ lha/ ha cang phyug dang ha cang dbul/ /dma' dang ha cang mtho gang dang / /ha cang ring dang ha cang nye/ /de drug smra bar bya ba min/ /zhes bgyi 
ba khyod kyis ma gsan tam/ rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas khyod ni sems rab tu sdang ba yin no/ /des smras pa/ lha/ sbyin pa mi snang mi mthun byed pa dang / /mthun par mi byed nyes spyod sgrogs pa dang / /
sbyin pa byin nas rim gyis ldog byed pa/ /de dag rab tu sdang ba'i rtags yin no/ /zhes bgyi ba khyod kyis ma gsan tam/ rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas nga mgon med par gyur to/ /des smras pa/ lha/ 
gnas brtan rgyal po rgan po dang / /tshul med bka' blo mi bde dang / /bla ma la ni gnod byed gang / /de drug mgon ni med par bshad/ /ces bgyi ba khyod kyis ma gsan tam/ rgyal pos smras pa/ gsos pa khyod kyis gang gi phyir ba lang skyong gi ma zhi ba bsad 
pas khyod dang lhan cig bshes par bya ba ma yin no/ /des smras pa/ lha/ bzhad gad mkhan dang gar mkhan dang / /pho nya smad 'tshong chang dad can/ /ma ning de bzhin gzhung ngan pa/ /de dag dang ni bshes mi bya/ /zhes bgyi ba khyod kyis ma gsan tam/ rgyal pos 

</font><hr>11-1-22b<br><font size=+1>
smras pa/ gsos pa gang gi phyir khyod kyis ba lang skyong gi ma zhi ba bsad pas khyod ni yid brtan par bya ba ma yin no/ /des smras pa/ lha/ ske tsam nub pa'i chu dang rta dang ni/ /glang po che dang spre'u dang sbrul nag dang / /spu 'greng ba dang gdong gnyer gang ba dang / /kha spu nyung 
la yid ni brtan mi bya/ /zhes bgyi ba khyod kyis ma gsan tam/ sdom ni/ gnyid med 'dod pa ma yin dang / /kun nas mnar sems dngos po dang / /de bzhin snying rje khwa dang ni/ /zlog thabs tha ma stobs yin no/ /rgyal pos smras pa/ gsos pa gang gi phyir 
khyod kyis ba lang skyong gi ma zhi ba bsad pas nga gnyid med do/ /des smras pa/ lha/ g.yem dang skem nad can dang ni/ /cham pas thebs dang sdug bsngal dang / /don sems khros dang brtson pa dang / /'jigs pa de ni rnam kun tu/ /gnyid mi 'ong ste 'jig rten na/ /
brgyad ni rang bzhin sdug bsngal lo/ /zhes bgyi ba khyod kyis ma gsan tam/ rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas nga 'dod pa ma yin no/ /des smras pa/ lha/ 'dod pa ma yin pa'i dngos po brgyad ces bgyi 
ba khyod kyis ma gsan tam/ gsos pa brgyad gang yin/ /na dang rga dang 'chi ba dang / /sdug bral mi sdug phrad pa dang / /ser ba thog tog mi rtag nyid/ /brgyad ni 'jig rten 'dod min rab/ /rgyal pos smras pa/ gsos pa gang gi phyir khyod kyis ba lang 
skyong gi ma zhi ba bsad pas nga khyod la kun nas mnar sems skyes so/ /des smras pa/ lha/ kun nas mnar sems dgu 'dul ba zhes bgyi ba khyod kyis ma gsan tam/ gsos pa dgu gang yin/ lha 'di ni bdag la gnod par 'dod pa phan pa ma yin par 'dod pa bde 
ba ma yin par 'dod pa reg pa ma yin par 'dod pa/ grub pa dang bde ba ma yin par 'dod pa ste/ 'dis bdag la 'dod pa byas so byed do byed par 'gyur ro snyam mo/ /yang de 'di snyam du sems te/ gzhan las bdag gi 'di ltar gyur na mi rung bas bdag gi 'di 

</font><hr>11-1-23a<br><font size=+1>
/kho na ltar 'gyur bar bya'o zhes bya ba 'di 'grub par ga la 'gyur snyam nas/ de de la kun nas mnar sems skyes pa sel bar byed do/ /'di ni gang zhig bdag la gnod par 'dod pa phan pa ma yin par 'dod pa/ bde ba ma yin par 'dod pa/ rig 
pa ma yin par 'dod pa/ grub pa dang bde ba ma yin par 'dod pa/ de la gnod par 'dod pa/ phan pa ma yin par 'dod pa/ bde ba ma yin par 'dod pa/ reg pa ma yin par 'dod pa/ grub pa dang bde ba ma yin par 'dod pa ste/ 'dis de la gnod pa 
byas so byed do byed par 'gyur ro snyam mo/ /yang de 'di snyam du sems te/ gzhan las bdag gi 'di ltar gyur na mi rung bas bdag gis 'di kho na ltar 'gyur bar bya'o zhes bya ba 'di 'grub par ga la 'gyur snyam nas/ de de la kun nas mnar sems skyes pa sel bar 
byed do/ /'di ni gang zhig bdag la gnod par 'dod pa/ phan pa ma yin par 'dod pa/ bde ba ma yin par 'dod pa/ reg pa ma yin par 'dod pa/ grub pa dang bde ba ma yin par 'dod pa/ de la don du 'dod pa/ phan par 'dod pa/ bde bar 'dod pa/ reg 
par 'dod pa/ grub pa dang bde bar 'dod pa ste/ 'dis de la phan par byas so byed do byed par 'gyur ro snyam mo/ /yang de 'di snyam du sems te/ gzhan las bdag gis 'di ltar gyur na mi rung bas bdag gis 'di kho na ltar 'gyur bar bya'o zhes bya ba 'di grub par 
ga la 'gyur snyam nas/ de de la kun nas mnar sems skyes pa sel bar byed do/ /rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas khyod ni snying rje med pa yin no/ /des smras pa/lha/ khyod kyis snying rje med pa bcu po shan pa dang / 
bya gag 'tshong pa dang / phag 'tshong pa dang / nya pa dang / ri dgas kyi rngon pa dang / bya ba dang / ri bong rgyas 'chor ba dang / chom rkun pa dang / gshed ma pa dang / ba lang gsod pa lags par ma gsan tam/ rgyal pos smras pa/ gsos pa gang gi phyir khyod kyis ba 

</font><hr>11-1-23b<br><font size=+1>
lang skyong gi ma zhi ba bsad pas khyod ni khwa lta bu yin no/ /des smras pa/ lha/ yan lag bcu dang ldan na khwa lta bu lags so zhes bgyi ba khyod kyis ma gsan tam/ gsos pa bcu gang yin/ lha/ gcor ba dang / mu cor smra ba dang / thub chod byed pa dang / 'khu ba dang / 
byas pa mi gzo ba dang / snying rje med pa dang / ma byin par len pa dang / bsogs pa dang / dgang dka' ba dang / 'chal pa lags so/ /rgyal pos smras pa/ gsos pa gang gi phyir khyod kyis ba lang skyong gi ma zhi ba bsad pas khyod ni zlog thabs can yin no/ /des 
smras pa/ lha/ zlog thabs can bcu zhes bgyi ba khyod kyis ma gsan tam/ gsos pa bcu gang yin/ lha/ nyi ma zlog thabs can dang / zla ba zlog thabs can dang / me zlog thabs can dang / chu zlog thabs can dang / gzhon nu ma zlog thabs can dang / bud med 
zlog thabs can dang / bram ze zlog thabs can dang / gcer bu pa zlog thabs can dang / dge slong zlog thabs can dang / slad sa zlog thabs can lags so/ /de la nyi ma zlog thabs can ni nyi ma ni dgun glo nas mchi na dro bar yang mi 'gyur la/ so ga thag ring po nas 
mchi na 'on kyang dro bar 'gyur te/ 'di ni nyi ma zlog thabs can zhes bgyi'o/ /zla ba zlog thabs can gang zhe na/ zla ba ni gang gi tshe shas chung ba de'i tshe skye bo thams cad kyis phyag bya bar 'gyur la/ gang gi tshe rnam pa thams cad yongs su rdzogs par gyur pa de'i tshe su 
yang phyag mi 'tshal te/ 'di ni zla ba zlog thabs can zhes bgyi'o/ /me zlog thabs can gang zhe na/ me ni tshig pa me nyid du sreg ste/ 'di ni me zlog thabs can zhes bgyi'o/ /chu zlog thabs can gang zhe na/ chu ni dgun rdzing na bsil na 'on kyang btung du mi rung 
gi/ khron pa na dro na 'on kyang btung du rung la/ so gar rdzing na dro na 'on kyang btung du rung la/ khron pa na bsil na 'on kyang btung du mi rung ste/'di ni chu zlog thabs can zhes bgyi'o/ /gzhon nu ma zlog thabs can gang zhe na/ gzhon nu ma ni gang gi tshe ma byin pa 

</font><hr>11-1-24a<br><font size=+1>
de'i tshe gyos po'i khyim la dga' la/ gang gi tshe gyos po'i khyim du khyer ba de'i tshe khyim la khong du yang dga' la ngu bar byed de/ 'di ni gzhon nu ma zlog thabs can zhes bgyi'o/ /bud med zlog thabs can gang zhe na/ bud med ni gang gi tshe gzhon zhing blta 
na yid du 'ong ba de'i tshe lus bkab ste 'gro la/ gang gi tshe rgas shing yid du mi 'ong ba de'i tshe phye nas 'gro ste/ 'di ni bud med zlog thabs can zhes bgyi'o/ /bram ze zlog thabs can gang zhe na/ bram ze ni gang gi tshe byis pa ste 'dod pa'i 'dod chags ma skyes pa de'i tshe 
tshangs par spyad pa spyod pa la gang gi tshe dar la bab ste 'dod pa'i 'dod chags skyes pa de'i tshe 'dod pa dag sten par byed de/ 'di ni bram ze zlog thabs can zhes bgyi'o/ /gcer bu pa zlog thabs can gang zhe na/ gcer bu pa ni gang gi tshe khyim na 'dug pa de'i tshe gos gyon 
zhing 'dug la gang gi tshe spyod yul du 'gro ba de'i tshe ni gcer bur 'gro ste/ 'di ni gcer bu pa zlog thabs can zhes bgyi'o/ /dge slong zlog thabs can gang zhe na/ dge slong ni gang gi tshe gzhon nu lang tsho la bab cing zos pa dang 'thungs pa dang / 'chos pa dang myangs pa 
rnams 'ju bar nus pa de'i tshe de dag mi rnyed la/ gang gi tshe rgas te zos pa dang / 'thungs pa dang / 'chos pa dang / myangs pa rnams 'ju bar mi nus pa de'i tshe de dag rnyed de/ 'di ni dge slong zlog thabs can zhes bgyi'o/ /slad sa zlog thabs can gang zhe na/ slad sa 
ni gang gi tshe gsher ba de'i tshe chu'i steng na 'phyo la/ gang gi tshe skams pa de'i tshe 'bying ste/ 'di ni slad sa zlog thabs can zhes bgyi'o// //'dul ba phran tshegs kyi gzhi/bam po sum bcu pa/ rgyal pos smras pa/ gsos pa thams cad go ste chog 
go/ /'di dris drang por smros shig /khyod kyis stobs gang gis ba lang skyong gi ma zhi ba bsad des smras pa/ lha bdag la gang gis na ba lang skyong gi ma khums pa'i stobs ga la mchis/ lha 'on kyang 'phags pa ka t+ya'i bu chen po 'di gang gi nyan thos lags pa de ni de 

</font><hr>11-1-24b<br><font size=+1>
bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i/ kha lo sgyur ba/ bla na med pa/ lha dang mi rnams kyi ston pa lags te/ de bzhin 
gshegs pa dgra bcom pa yang dag par rdzogs pa'i sangs rgyas ye shes thogs pa mi mnga' ba'i stobs kyis 'khor los sgyur ba de la gang dag dang ldan na de khyu mchog gi gnas rlabs po che zhal gyis 'che zhing tshangs pa'i 'khor lo bskor bar mdzad/ 'khor gyi 
nang du seng ge'i sgra yang dag par sgrogs par mdzad pa stobs bcu mnga'o/ /bcu gang lags zhe na/ lha de ni gnas la yang gnas su/ gnas ma yin pa la yang gnas ma yin par yang dag par ji lta ba bzhin du rab tu mkhyen to/ /lha 'di ni de'i stobs dang po 
lags te/ stobs de dang ldan pas de khyu mchog gi gnas rlabs po che zhal gyis 'che zhing tshangs pa'i 'khor lo bskor bar mdzad/ 'khor gyi nang du seng ge'i sgra yang dag par sgrogs par mdzad do/ /lha gzhan yang des sems can rnams kyi las dang chos yang 
dag par blangs pa 'das pa dang / ma 'ongs pa dang / da ltar byung ba rnams la gnas dang / gzhi dang / rgyu dang / rnam par smin par yang dag pa ji lta ba bzhin du rab tu mkhyen to/ /des sems can rnams kyi las dang chos yang dag par blangs pa 'das pa 
dang / ma 'ongs pa dang / da ltar byung ba rnams gnas dang / gzhi dang / rgyu dang / rnam par smin par yang dag par ji lta ba bzhin du rab tu mkhyen pa gang lags pa 'di ni lha de'i stobs gnyis pa lags te/ stobs de dang ldan pas de khyu mchog gi gnas 
rlabs po che zhal gyis 'che zhing tshangs pa'i 'khor lo bskor bar mdzad/ 'khor gyi nang du seng ge'i sgra yang dag par sgrogs par mdzad do/ /lha/ gzhan yang des bsam gtan dang / rnam par thar pa dang / ting nge 'dzin dang / snyoms par 'jug pa rnams 

</font><hr>11-1-25a<br><font size=+1>
kyi kun nas nyon mongs pa dang / rnam par byang ba rnam par gzhag pa dang / rnam par dag pa yang dag pa ji lta ba bzhin du rab tu mkhyen to/ /des bsam gtan dang / rnam par thar pa dang / ting nge 'dzin dang / snyoms par 'jug pa rnams kyi kun 
nas nyon mongs pa dang / rnam par byang ba rnam par gzhag pa dang / rnam par dag pa yang dag pa ji lta ba bzhin du mkhyen pa gang lags pa 'di ni lha de'i stobs gsum pa lags te/ stobs de dang ldan pas khyu mchog gi gnas rlabs po che zhal gyis 'che zhing 
tshangs pa'i 'khor lo bskor bar mdzad/ 'khor gyi nang na seng ge'i sgra yang dag par sgrogs par mdzad do/ /lha gzhan yang des sems can gzhan rnams dang gang zag gzhan rnams kyi dbang po mchog dang / mchog ma yin pa nyid yang dag pa ji lta ba bzhin du rab 
tu mkhyen to/ /des sems can gzhan rnams dang gang zag gzhan rnams kyi dbang po mchog dang / mchog ma yin pa nyid yang dag pa ji lta ba bzhin du rab tu mkhyen pa gang lags pa 'di ni de'i stobs bzhi pa lags te/ stobs de dang ldan pas de khyu mchog gi 
gnas rlabs po che zhal gyis 'che zhing tshangs pa'i 'khor lo bskor bar mdzad/ 'khor gyi nang du seng ge'i sgra yang dag par sgrogs par mdzad do/ /lha gzhan yang des sems can gzhan rnams dang / gang zag gzhan rnams kyis mos pa sna tshogs nyid yang dag pa 
ji lta ba bzhin du rab tu mkhyen to/ /des sems can gzhan rnams dang / gang zag gzhan rnams kyi mos pa sna tshogs nyid yang dag pa ji lta ba bzhin du rab tu mkhyen pa gang lags pa 'di ni lha de'i stobs lnga pa lags te/ stobs de dang ldan pas de khyu mchog gi gnas rlabs 
po che zhal gyis 'che zhing tshangs pa'i 'khor lo bskor bar mdzad/ 'khor gyi nang du seng ge'i sgra yang dag par sgrogs par mdzad do/ /lha gzhan yang des 'jig rten khams sna tshogs pa dang / khams du ma pa'o zhes bgyi bar yang dag pa ji lta ba bzhin rab tu mkhyen to/ /

</font><hr>11-1-25b<br><font size=+1>
des 'jig rten khams sna tshogs pa dang / khams du ma pa'o zhes bya bar yang dag pa ji lta ba bzhin rab tu mkhyen pa gang lags pa 'di ni lha de'i stobs drug pa lags te/ stobs de dang ldan pas de khyu mchog gi gnas rlabs po che zhal gyis 'che zhing tshangs pa'i 'khor lo 
bskor bar mdzad/ 'khor gyi nang du seng ge'i sgra yang dag par sgrogs par mdzad do/ /lha gzhan yang des kun du 'gro ba'i lam yang dag pa ji lta ba bzhin rab tu mkhyen to/ /des kun du 'gro ba'i lam yang dag pa ji lta ba bzhin du rab tu mkhyen pa gang lags pa 'di ni lha de'i 
stobs bdun pa lags te/ stobs de dang ldan pas de khyu mchog gi gnas rlabs po che zhal gyis 'che zhing tshangs pa'i 'khor lo bskor bar mdzad/ 'khor gyi nang du seng ge'i sgra yang dag par sgrogs par mdzad do/ /lha gzhan yang des sngon gyi gnas rnam pa du ma rjes su dgongs 
te/ 'di lta ste/ tshe gcig kyang dgongs/ tshe gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu dang / nyi shu dang / sum bcu dang / bzhi bcu dang / lnga bcu dang / tshe brgya dang / tshe stong dang / tshe brgya stong dang / 
tshe brgya phrag du ma dang / tshe stong phrag du ma dang / tshe brgya stong phrag du ma dang / 'jig pa'i bskal pa dang / 'chags pa'i bskal pa dang / 'jig pa dang 'chags pa'i bskal pa dang / 'jig pa'i bskal pa du ma dang / 'chags pa'i bskal pa du ma dang / 'jig 
pa dang 'chags pa'i bskal pa du ma yang rjes su dgongs te/ gang du bdag gi ming ni 'di zhes bya/ rigs ni 'di lta bu/ rus ni 'di lta bu/ kha zas ni 'di lta bu za za/ bde ba dang sdug bsngal ni 'di lta bu zhig nyams su myong / tshe ni 'di tsam thub/ yun ni 'di 
srid cig gnas gnas/ tshe'i mtha' ni 'di srid cig yin par gyur pa na sems can ni de dag byung ngo / /bdag gnas de nas shi 'phos nas ni che ge mo zhig tu skyes so/ /de nas kyang shi 'phos nas ni 'dir skyes so zhes sngon gyi gnas rnam pa du ma rnam pa dang bcas/ yul 

</font><hr>11-1-26a<br><font size=+1>
phyogs dang bcas par rjes su dgongs so/ /des sngon gyi gnas rnam pa du ma rjes su dgongs te/ 'di lta ste/ tshe gcig kyang dgongs pa nas/ 'dir skyes zhes bya ba'i bar sngon gyi gnas rnam pa du ma rnam pa dang bcas/ yul phyogs dang 
bcas par rjes su dgongs pa gang lags pa 'di ni lha de'i stobs brgyad pa lags te/ stobs de dang ldan pas de khyu mchog gi gnas rlabs po che zhal gyis 'che zhing tshangs pa'i 'khor lo bskor bar mdzad/ 'khor gyi nang du seng ge'i sgra yang dag par sgrogs par 
mdzad do/ /lha gzhan yang des lha'i spyan rnam par dag pa mi'i las 'das pas sems can 'chi 'pho ba dang / skye ba dang / kha dog bzang po dang / kha dog ngan pa dang / dman pa dang / gya nom pa rnams kyang gzigs la sems can las ji lta ba bzhin du nye bar 'gro 
ba bde 'gro dang / ngan 'gror 'gro ba yang yang dag pa ji lta ba bzhin du rab tu mkhyen to/ /sems can 'di dag ni lus kyi nyes par spyod pa dang ldan pa/ ngag dang / yid kyi nyes par spyod pa dang ldan pa/ 'phags pa rnams la skur pa 'debs pa/ log par 
lta ba can yin te log par lta ba'i las dang chos yang dag par blangs pa'i phyir rgyu de dang rkyen des lus zhig ste shi ba'i 'og tu ngan song ngan 'gro log par ltung ba sems can dmyal ba dag gi nang du skye bar 'gyur ro/ /sems can 'di dag ni lus kyi legs par spyod pa 
dang ldan pa/ ngag dang yid kyi legs par spyod pa dang ldan pa/ 'phags pa rnams la skur pa mi 'debs pa/ yang dag pa'i lta ba can te/ yang dag pa'i lta ba'i las dang chos yang dag par blangs pa'i rgyus rgyu dang rkyen des lus zhig nas bde 'gro mtho ris su lha 
dag gi nang du skye bar 'gyur ro zhes bya bar yang dag pa ji lta ba bzhin du rab tu mkhyen to/ /lha'i spyan zhes bya ba nas/ bde 'gro mtho ris su lha dag gi nang du skye bar 'gyur ro zhes bya ba'i bar snga ma bzhin no/ /'di ni lha de'i stobs dgu pa lags te/ stobs de dang 

</font><hr>11-1-26b<br><font size=+1>
ldan pas de khyu mchog gi gnas rlabs po che zhal gyis 'che zhing tshangs pa'i 'khor lo bskor bar mdzad/ 'khor gyi nang du seng ge'i sgra yang dag par sgrogs par mdzad do/ /lha gzhan yang de zag pa rnams zad pa'i phyir mthong ba'i chos kho na la zag pa med pa'i 
sems rnam par grol ba dang / shes rab rnam par grol ba rang gi mngon par shes pas mngon sum du byas nas rdzogs par byas te/ bdag gi zag pa zad do/ /tshangs par spyod pa bstan to/ /bya ba byas so/ /'di las srid pa gzhan mi shes so zhes gsung 
ngo / /de zag pa rnams zad pa'i phyir mthong ba'i chos kho na la zag pa med pa'i sems rnam par grol ba dang / shes rab rnam par grol ba zhes bya ba nas/ 'di las srid pa gzhan mi shes so zhes bya ba'i bar snga ma bzhin no/ /lha 'di ni de'i stobs bcu pa 
lags te/ stobs de dang ldan pas de khyu mchog gi gnas rlabs po che zhal gyis 'che zhing tshangs pa'i 'khor lo bskor bar mdzad/ 'khor gyi nang du seng ge'i sgra yang dag par sgrogs par mdzad do/ /de skad ces smras pa dang / rgyal po rab snang spobs pa med nas 
cang mi zer bar 'dug go/ /gsos pas bsams pa/ lha ni spobs pa med de cang mi zer bar 'dug na 'di dang ba [(]long [,]lang [)]skyong gi ma zhi ba ji srid mtho btsam snyam nas des de ngom zung gnag bzhin khrid nas rgyal po'i rkang pa gnyis la phyag 'tshal te/ rgyal po la bzod 
pa gsol bar zhugs pa/ lha/ mi yi dbang pos 'dir rtag chos kyi tshul/ /bgrod cing rjes su bgrod pa yang dag gzigs/ /bzod pa rgyal po rnams kyi chos gtso lha/ /ba lang skyong gi ma yi nongs bzod mdzod/ /'jig rten blta bya legs gsungs rin po che/ /
ji ste gzigs par ma gyur gsan ma gyur/ /khyod kyis glang po che yang gdul bar spyod lags na/ /cung zad nongs bgyid bud med smos ci 'tshal/ /khyod las mi 'phyo gzugs dang yon tan ldan/ /sngon dang phyis kyang de bzhin btsun mo lags/ /rje slad kho nar 

</font><hr>11-1-27a<br><font size=+1>
lha gcig ba lang ma'i/ /thams cad bzod pa mdzod ces de skad mchi'o/ /rgyal pos kyang gsos pa la tshigs su bcad de slar smras pa/ rab smras legs par smras 'di khyod kyis ni/ /nga la snying nye bskyed de smras pa yin/ /de ltas khyod la ka n+yA 
kub dza sbyin/ /nga yis zhi ba la yang snying nas bzod/ /gsos pa'i lan rdzogs sto// //sdom ni/ drag shul can gyis gser snod dang / /'od bzangs ma dang dgon pa pa/ /'tsho byed dang ni 'bras sman dang / /'khor ni mang po sun byed pa'o/ /
sangs rgyas bcom ldan 'das yangs pa can gyi spre'u rdzing gi 'gram na khang pa brtsegs pa'i khang bzangs na bzhugs so/ /de'i tshe bram ze dang khyim bdag mang po dpong sa na 'dus shing 'khod pa dag bar skabs kyi gtam 'di lta bu dag gleng ste/ shes ldan dag 
dge sbyong gau ta ma dang de'i nyan thos rnams kyang 'dod chen che ba'o/ /mu stegs can dag ni de lta ma yin no zhes zer ro/ /de'i tshe khyim bdag drag shul can 'khor de nyid du 'dus nas 'dug par gyur to/ /de nas khyim bdag drag shul gyis yangs pa can gyi bram ze 
dang khyim bdag mang po rnams la 'di skad ces smras so/ /shes ldan dag re zhig sdod cig dang / ngas bcom ldan 'das 'dod chen che'am/ 'dod chen chung ba dang / de'i nyan thos 'dod chen che'am/ 'dod chen chung ba dag khyed kyis mngon sum du bya'o 
zhes byas nas/ de gser dang / dngul dang / bai DUr+ya dang / shel gyi snod dag bsdogs nas/ sangs rgyas bcom ldan 'das ga la ba der song ste phyin nas bcom ldan 'das dang lhan cig mngon sum du yang dag par dga' ba dang / yang dag par mgu ba'i 
gtam rnam pa sna tshogs byas nas phyogs gcig tu 'dug go/ /phyogs gcig tu 'dug pa dang / bcom ldan 'das kyis khyim bdag drag shul can la chos kyi gtam gyis yang dag par ston par mdzad/ yang dag par len du 'jug par mdzad/ yang dag par 

</font><hr>11-1-27b<br><font size=+1>
gzengs stod par mdzad/ yang dag par rab tu dga' bar mdzad do/ /rnam grangs du mar chos dang mthun pa'i gtam gyis yang dag par bstan/ yang dag par len du bcug /yang dag par gzengs bstod/ yang dag par rab tu dga' bar mdzad nas cang mi gsung bar 
bzhugs so/ /de nas khyim bdag drag shul can stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces bcom ldan 'das dge slong gi dge 'dun dang thabs 
cig tu bdag gi sdum par sang gdugs tshod gsol bar ci gnang zhes gsol pa dang / bcom ldan 'das kyis khyim bdag drag shul can la cang mi gsung bas gnang ngo / /de nas khyim bdag drag shul can gyis bcom ldan 'das cang mi gsung bar gnang bar rig nas/ 
bcom ldan 'das kyis gsungs pa la mngon par bstod cing rjes su yi rangs nas stan las langs te song ngo / /des mu stegs can rnams la yang shes ldan dag sang bdag gi khyim du sangs rgyas bcom ldan 'das nyan thos kyi dge 'dun dang bcas pa gdugs tshod la 
spyan drangs kyis khyed kyang de nyid du zan la shog shig ces mgron du bos so/ /yangs pa can gyi bram ze dang khyim bdag rnams la yang shes ldan dag bdag gis sangs rgyas bcom ldan 'das nyan thos kyi dge 'dun dang bcas pa dang / mu stegs can rnams sang 
bdag gis khyim du gdugs tshod la spyan drangs kyis khyed kyang de'i tshe grogs byed du shog shig ces bsgo'o/ /de nas rang gi khyim du song ste zho shas 'tsho ba rnams la bsgo ba shes ldan dag zhal zas gtsang zhing bsod pa mang po dag sta gon gyis shig /de dag gis zhal 
zas gtsang zhing bsod pa mang po dag sta gon byas so/ /de nas khyim bdag drag shul can nang par sngar langs te gdan bshams nas chu ra bzhag ste/ bcom ldan 'das la spyan 'dren gyis btsun pa gdugs tshod sbyar lags te/ da de'i dus la bab na bcom ldan 'das 

</font><hr>11-1-28a<br><font size=+1>
kyis de'i dus la bab par dgongs su gsol zhes gdugs tshod gdas par gsol to/ /de nas bcom ldan 'das snga dro'i dus kyi tshe sham thabs dang chos gos mnabs lhung bzed bsnams te/ khyim bdag drag shul can gyi bkad sa gang na ba der gshegs 
te byon nas dge slong gi dge 'dun gyi gung la gdan bshams pa nyid la bzhugs so/ /de nas khyim bdag drag shul can yul yangs pa can gyi bram ze dang khyim bdag rnams dang lhan cig tu gser dang / dngul dang / bai DUr+ya dang / shel gyi snod rnams sangs rgyas 
la sogs pa dge slong gi dge 'dun rnams la 'brim par zhugs so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong rnams la khyim bdag drag shul can ni brtag pa'i bsam pas gser dang / dngul dang / 
bai DUr+ya dang / shel gyi snod rnams 'brim gyis dge slong khyed cag su yang ma len cig bar sgo shig ces bka' stsal pa dang / tshe dang ldan pa kun dga' bos btsun pa de ltar 'tshal lo zhes bcom ldan 'das kyi ltar mnyan nas dge slong rnams la tshe dang ldan pa dag 
bcom ldan 'das kyis khyim bdag drag shul can bgam pa'i bsam pas/ gser dang / dngul dang / bai DUr+ya dang / shel gyi snod rnams 'brim gyis dge slong khyed cag su yang ma len cig ces bka' stsal to/ /zhes bsgo ba dang / btsun pa kun dga' bo bcom 
ldan 'das kyis ji skad bka' stsal pa de bzhin du mi blang bar bgyi'o zhes smras nas de dag gis ma blangs so/ /de nas khyim bdag drag shul can gyis zangs las byas pa dang / khar ba las byas pa'i snod rnams brims te/ sangs rgyas la sogs pa dge slong gi dge 'dun 
rnams bde bar bzhugs par rig nas rang gis lag dar te bza' ba dang bca' ba gtsang zhing bsod pas yang dag par tshim par byed/ yang dag par stobs par byed do/ /rnam grangs du mar rang gis lag dar te bza' ba dang bca' ba gtsang zhing bsod pas yang dag par 

</font><hr>11-1-28b<br><font size=+1>
tshim par byas/ yang dag par bstabs nas/ bcom ldan 'das bshos gsol te phyag bcabs lhung bzed gyu bar rig nas stan ches dma' ba zhig bting nas chos mnyan pa'i phyir bcom ldan 'das kyi spyan sngar 'dug go/ /de nas bcom ldan 'das kyis khyim bdag 
drag shul can la chos dang mthun pa'i gtam gyis yang dag par ston par mdzad/ yang dag par len du 'jug par mdzad/ yang dag par gzengs stod par mdzad/ yang dag par rab tu dga' bar mdzad do/ /rnam grangs du mar chos dang mthun pa'i gtam gyis 
yang dag par ston par mdzad/ yang dag par len du 'jug par mdzad/ yang dag par gzengs stod par mdzad/ yang dag par rab tu dga' bar mdzad nas yon bsngo ba brjod nas gdan las bzhengs te gshegs so/ /de nas mu stegs can ma dul ba'i cha byad 
can dag bab bab tu ca co zer zhing 'dug pa dang / khyim bdag drag shul can gyis sgo ba'i mi la/ kye nang rje gal te mu stegs can 'ga' zhig gser las byas pa dang / dngul las byas pa dang / bai DUr+ya las byas pa dang / shel las byas pa'i snod rnams khyer te sgor 
'gro na ma sbyin cig /ji ste nged la khyim bdag gis byin no zhes zer dang / kye khyed la khyim bdag gis zan gyi phyir yin gyi gtan ni ma byin no zhes byos shig /de ste yang mi ster na rgyob la phrogs shig ces bsgo ba dang / khyim bdag de ltar 'tshal lo zhes mi des khyim 
bdag drag shul can gyi ltar mnyan no/ /de nas khyim bdag drag shul can gyis mu stegs can rnams la gser dang / dngul dang / bai DUr+ya las byas pa'i snod rnams brim par brtsams pa dang / sgra mthon po dang / sgra mang po bton nas la la na re khyim bdag 
bdag la gser las byas pa byin cig ces zer/ la la ni bdag la dngul las byas pa byin cig ces zer zhing de ltar de dag ku co 'don pa de'i tshe 'thab mo byung nas phan tshun du khu tshur dang / thal lcag dang / dbyug pa dang / ltag dbyug dang / rdog pas brdeg par 

</font><hr>11-1-29a<br><font size=+1>
brtsams pa dang / de dag khyim bdag drag shul can gyis bsdigs pa dang / gzhom pa dang / dbye ba'i sbyor bas nan gyi zan zar bcug go/ /gang gis snod gang du zan zos pa des de nyid khyer te 'gro bar brtsams pa dang / sgo bas gzung bar brtsams 
so/ /de rnams kyis smras pa/ kye nang rje khyim bdag gis nged la byin na ci'i phyir bzung / des smras pa/ khyim bdag gis khyed cag zan gyi phyir byin gyi gtan ni ma byin no zhog la deng shig /de dag gis ma bzhag pa dang / sgo bas de dag brdegs nas ku co rab tu che 
bar gyur pa dang / yangs pa can na gnas pa'i skyes pa dang / bud med dang / khye'u dang / bu mo zhes bya ba skye bo'i tshogs chen po thams cad 'dus par gyur to/ /khyim bdag drag shul can gyis mi sdug pa de dag mthong nas yangs pa can gyi bram ze dang khyim bdag 
rnams la 'di skad ces smras so/ /shes ldan dag khyed kyis bcom ldan 'das nyan thos kyi dge 'dun dang bcas pa dang de dag gi khyad par mthong ngam/ de dag gis smras pa/ khyim bdag mthong ngo / /des smras pa/ shes ldan dag de ltar na bcom ldan 'das kyang 
bzhed chen chung la/ de'i nyan thos dag kyang 'dod chen chung gis mu stegs can nyes par bshad pa'i chos 'dul ba can 'di dag ni de lta ma yin no/ /de nas bcom ldan 'das nyan thos kyi dge 'dun dang bcas pa la mngon par ma dad pa mang po ni mngon par dad par gyur to/ /
bar ma rnams las kyang kha cig ni bcom ldan 'das la dad par gyur to/ /de nas bcom ldan 'das gtsug lag khang du gshegs nas zhabs bkrus te/ dge slong gi dge 'dun gyi gung la gdan bshams pa nyid la bzhugs so/ /bzhugs nas kyang bcom ldan 
'das kyis dge slong rnams la bka' stsal pa/ dge slong dag de lta bas na/ tshod rig pa la phan yon de dang gzhan dag kyang yod pas de'i phyir dge slong gis gser dang / dngul dang / bai DUr+ya dang / shel las byas pa la sogs pa rin po che'i snod du bza' bar mi bya 

</font><hr>11-1-29b<br><font size=+1>
ste/ za na 'gal tshabs can du 'gyur ro/ /bcom ldan 'das kyis dge slong gis gser dang / dngul dang / bai DUr+ya dang / shel la sogs te rin po che'i snod du bza' bar mi bya'o zhes bka' stsal pa dang / dge slong skyon dang bral ba gzhan dag ci yod pa de 
dag gi dbang gis so so'i skye bo dag lha'i gnas dang / klu'i gnas su song ba las der de dag zan la bos pa dang / de dag gi khyim na rang gi bsod nams las grub pa'i gser dang / dngul dang / bai DUr+ya dang / shel gyi snod yod kyi gzhan med pas de dag der 
'gyod de zan ma zos so/ /skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag de lta bas na gang du snod gzhan rnyed pa med pa der ni gser dang / dngul dang / bai DUr+ya dang / shel la 
sogs pa'i snod du za bar gnang gis 'di la 'gyod par mi bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag phyug pa/ nor mang ba/ longs spyod che 
ba/ yongs su gzung ba yangs shing rgya che ba/ rnam thos kyi bu'i nor dang ldan pa/ rnam thos kyi bu'i nor dang 'gran pa zhig gnas pa des rigs mnyam pa las chung ma blangs nas de de dang lhan cig rtse bar byed/ dga' bar byed/ dga' mgur spyod par byed do/ /
de dang rtse bar byed/ dga' bar byed/ dga' mgur spyod par byed pa las dus gzhan zhig na chung ma de la sems can zhugs par gyur to/ /gang gi nyin mo de sems can zhugs par gyur pa de nyid kyi nyin mo nas mdangs bzang bar gyur to/ /de zla ba brgyad 
dam dgu 'das nas bu mo gzugs bzang ba/ mdzes pa/ blta na sdug pa/ yan lag dang nying lag thams cad dang ldan pa zhig btsas so/ /de btsas pa'i tshe de'i khyim nyi ma'i 'od bzhin du snang bar gyur nas mnyan yod kun du khyim bdag che ge mo zhig gi bu mo 

</font><hr>11-1-30a<br><font size=+1>
gzugs bzang ba/ mdzes pa/ blta na sdug pa/ yan lag dang nying lag thams cad dang ldan pa zhig btsas so/ /de btsas pa'i tshe de'i khyim nyi ma'i 'od bzhin du snang bar gyur to zhes sgra de grags pa dang / srog chags brgya stong phrag mang po ngo mtshar du gyur nas khyim 
bdag de'i khyim du 'dus so/ /re zhig na bram ze ltas mkhan zhig yul gzhan nas 'ongs pa de yang ngo mtshar gyi phyir de nyid du 'dus te des de la phan tshun du bltas nas skye bo'i tshogs la smras pa/ shes ldan dag khyed kyis bu mo 'di mthong ngam/ de dag gis smras pa mthong ngo / /shes ldan 
dag bu mo 'di ni ci nas kyang skyes bu lnga brgya dang lhan cig dga' mgur spyod par 'gyur ro/ /de dag gis smras pa/ bram ze 'di'i gzugs 'di ltar mdzes pa dang sbyar na 'di ni gdon mi za bar skyes pa lnga brgya dang dga' mgur spyod par 'gyur ro/ /mnyan yod thams 
cad du yang khyim bdag cig gi bu mo gzugs bzang ba/ mdzes pa/ blta na sdug pa/ yan lag dang nying lag thams cad dang ldan pa zhig btsas te/ de btsas pa'i tshe de'i khyim de nyi ma'i 'od bzhin du snang bar gyur to/ /de la mtshan mkhan gyis bu mo 'di ni skyes 
pa lnga brgya dang lhan cig dga' mgur spyod par lung bstan to zhes sgra grags nas gang gis sgra thos pa de yang der 'ong bar gyur to/ /zhag bdun gsum nyi shu rtsa gcig tu de btsas pa'i btsas ston rgya chen po byas nas ming 'dogs par byed de/ bu mo 'di'i ming ji skad du 
gdags/ nye du dag gis smras pa/ bu mo 'di btsas pa'i tshe khyim nyi ma'i 'od bzhin du snang bar gyur pas/ de'i phyir bu mo'i ming 'od bzang ma zhes gdags so zhes de'i ming 'od bzang ma zhes bya bar btags so/ /'od bzang ma ma ma brgyad po pang na 'tsho ba'i ma ma gnyis 
dang / nu zho ldud pa'i ma ma gnyis dang / dri ma 'phyi ba'i ma ma gnyis dang / rtsen grogs kyi ma ma gnyis la gtad de/ de ma ma brgyad kyis 'o ma dang / zho dang / mar sar dang / mar kar dang / mar gyi snying gu dang / gzhan yang yo byad kyi khyad par gtso bo gtso bo 

</font><hr>11-1-30b<br><font size=+1>
dag gis bskyed bsrings te rdzing gi pad+ma bzhin du skye drag par gyur to/ /de gang gi tshe chen mor gyur pa de'i tshe gzugs dang/ lang tsho mdzes pa dang / g.yer ba dang / sgyu rtsal gyi yon tan gyi khyad par dang ldan pas nags tshal me tog rgyas pa'i nang na nags tshal gyi lha 
bzhin du khyim de na mdzes so/ /de'i gzugs dang / lang tsho dang / kha dog dang / rgyu ba dang / gnas pa'i khyad par gyis 'jig rten pa'i lam gyis 'dod chags dang bral ba'i drang srong dag kyang sems 'phrog par byed na thog ma med pa'i dus nas nyon mongs pa kun 
du spyod pa bsags pa rigs dang / gzugs dang / lang tsho dang / dbang phyug gi dregs pas rgyags pa'i mi rnams lta smos kyang ci dgos/ khyim bdag de yang nang mi'i skye bo'i 'khor dang bcas te de srung ba lhur len cing gnyid kyang mi log go/ /yul ko sa 
la'i rgyal po gsal rgyal btsun mo'i 'khor dang / gzhon nu dang / blon po dang / pho brang 'khor gyi mi dang bcas pa dang / gzhan yang 'dab chags na gnas pa'i rgyal po dang / blon po'i bu dang / mdun na 'don gyi bu la sogs pas bslang bar bsams kyang 
bu mo 'od bzang ma skyes bu lnga brgya dang lhan cig dga' mgur spyod par mtshan mkhan gyis lung bstan pas na 'jig rten gyi dpyas su dogs pa'i phyir sus kyang ma bslangs so/ /de yang de'i khyim gyi skar khung dra ba can dang / skar khung dang / stegs bu dang / khang thog 
tu 'dug nas su slong snyam zhing skyes pa dag la lta bar byed do/ /khyim bdag des de'i spyod pa mthong nas rang gi rigs rgyud dang mthun pa gzhan dag la mi slong yang de bzhin du sbyin par brtsams na 'ga' yang len du ma btub po/ /de nas khyim bdag de de su yang ma 'dod pas 
yid mi bde ba skyes te bya ba thams cad kyi blo btang nas de sbyin pa'i thabs sems pas lus skya bo bseng bseng po sha bri ngan pa rke ba shig shig po zhig tu gyur to/ /de'i tshe mnyan yod na khyim bdag phyug pa/ nor mang ba/ longs spyod che ba zhig gnas pa des rigs 

</font><hr>11-1-31a<br><font size=+1>
mnyam pa las chung ma blangs kyang de rang gi las kyis shi bar gyur to/ /de bzhin du gnyis pa dang / gsum pa nas bdun pa'i bar blangs kyang de yang rang gi las kyis shi bar gyur to/ /de dag gis kyang tshe thung bar 'gyur ba'i las byas la des 
kyang dpya bar 'gyur ba'i las byas pas de'i ming chung ma gsod pa chung ma gsod pa zhes bya bar chags so/ /des gzhan du bslangs pa dang / de dag gis smras pa/ nged kyi bu mo ci ste gsad ces zer ro/ /des yugs sa mo dag kyang bslang bar brtsams pa dang / 
de dag kyang nged kyi lus ci'i phyir dor zhes zer nas de la thams cad kyis kyang ma ster ba dang / chung ma med kyang bla zhes chung ma 'dod pa'i re thag bcad nas dge sbyong dang / bram ze dang / spyod pa pa dang / kun du rgyu rnams dang lhan cig bsten par brtsams so/ /de'i pha 
sangs rgyas pa'i dge bsnyen zhig pas des bsams pa/ bdag gi pha sangs rgyas pa'i dge bsnyen yin na/ bdag la dge sbyong dang / bram ze dang / spyod pa pa dang / kun du rgyu ba rnams kyis ci zhig bya/ bcom ldan 'das kyi nyan thos pa rnams la bsnyen 
bkur bya zhing de dag la bya ba byas nas de nyid du rab tu 'byung ngo snyam nas de yang dang yang du rgyal byed kyi tshal du 'gro bar gyur to/ /ji tsam dus gzhan zhig na mdza' bo zhig gis mthong nas/ des smras pa/ grogs po khyod rgyal byed kyi tshal du yang dang yang du 'gro na rab 
tu 'byung bar mi rtsol grang / grogs po bdag rab tu byung zin na yang rab tu 'byung ci dgos/ bdag gis chung ma gcig blangs kyang rang gi las kyis shi bar gyur/ de bzhin du gnyis pa dang / gsum pa nas bdun pa'i bar yang rang gi las kyis shi bar gyur te/ de dag 
gis kyang tshe thung bar 'gyur ba'i las byas/ kho bos kyang dpya bar 'gyur ba'i las byas pas kho bo'i ming chung ma gsod pa chung ma gsod pa zhes bya bar chags nas bdag yi chad do dge slong dag la nges par bsnyen bkur bya ba ni bdag gi pha'i lugs yin te 'di mi bya na gzhan 

</font><hr>11-1-31b<br><font size=+1>
su la bsnyen bkur bya/ des smras pa/ grogs po de yang bden na 'on kyang gdon mi za bar bu bskyed dgos te gzhan du na rabs 'chad par 'gyur na ci ste gzhan gyi bu mo slong bar mi byed/ des smras pa/ grogs po ci phan gang la bslangs pa de [(]ngad [,]nged [)]kyi bu mo ci ste gsad 
ces zer ro/ /des smras pa/ grogs po gal te de lta na yugs sa mo dag bslang na ci nyes/ des smras pa/ grogs po bdag gis bslang na de dag kyang nga'i lus ci'i phyir yongs su dor zhes zer ro/ /des smras pa/ grogs po gal te de lta na 'od bzang ma ci'i phyir mi 
bslang / des smras pa/ grogs po 'jig rten kun du grags pa des ji smad 'tshong ma'i khyim du bya'am/ des smras pa/ grogs po khyod dad pa can yin pas khyod kyis khyim du dge slong las su zhig 'ong slongs shig /des smras pa/ grogs po gal te de yang mi ster 
mod/ grogs po slongs shig dang / de'i pha yang skyo zhing 'dug pas ster bar 'gyur ro/ /de khyim bdag de'i khyim du song ste des smras pa/ bde legs su gyur cig /bde legs su gyur cig /khyim bdag des smras pa/ ci zhig 'dod/ 'od bzang ma'o/ /
sbyin no/ /des de dpal gyi 'byor pa chen pos bag mar blangs te lde mig dang / lde mig kyog po dag byin nas khyim gyi bdag mor bcug ste smras pa/ bzang mo kho bo cag gi rigs kyi lugs kyis ni ston pa sangs rgyas dang / dge slong dag sbyin gnas yin pas khyod kyis 
kyang de dag la bya ba byos shig /des smras pa/ jo bo legs kyis de bzhin du bgyi'o/ /khyim bdag de'i khyim du dge slong dag nyin gcig bzhin du zan za ba la 'od bzang ma rang gis lag dar te 'brim mo/ /de na dge slong gang dag kha dog dang / dbyibs dang / lang 
tsho'i khyad par phun sum tshogs pa de dag des mthong nas rnam par rtog pa skyes par gyur to/ /de de dag la rtog pa 'phel bas yid bde ba skyes par gyur to/ /khyim bdag de yang ri 'or zhig tu don zhig yod nas des bzang mo kho bo ni ri 'or che ge mo zhig tu don cig yod de/

</font><hr>11-1-32a<br><font size=+1>
bdag der 'gros khyod kyis yon gnas dag de bzhin du bshos gsol cig ces bsgo ba dang / des smras pa/ rje'i sras legs kyis de bzhin du bgyis bzhud cig /des dge slong rnams la yang 'phags pa bdag ni ri 'or che ge mo zhig tu bgyi ba 
zhig byung nas bdag der mchi'i khyed cag de bzhin du bdag gi sdum par bshos gsol cig ces smras pa dang / de dag gis smras pa/ khyim bdag song zhig nad med par gyur cig /zan bza' bar bya'o zhes byas pa dang / de yang ri 'or gyi grong du song ngo / /dge slong dag 
kyang de bzhin du de'i khyim du zan bza' bar brtsams pa dang / 'od bzang ma bdag gi khyo med do snyam nas/ bud med kyi g.yo dang / bud med kyi sgyu dang / bud med kyi tshul 'chos pa gang dag yin pa de dag dge slong rnams la ston par rtsom pa dang / dge slong rnams kyis 
gcig la gcig nyes dmigs byung na/ 'di la ji ltar bsgrub par bya zhes bgros pa dang / de na kha cig gis smras pa/ 'di la bsgrub tu ci yod/ sang nas mi 'ong du zad mod/ gzhan dag gis smras pa/ tshe dang ldan pa bdag cag ni bsod snyoms pa yin pas 
sang nas bsod snyoms la 'dong du zad mod/ gzhan dag gis kye legs kyis de bzhin du bya'o zhes smras nas/ de dag phyi de nyin nas bsod snyoms la zhugs so/ /ji tsam dus gzhan zhig na khyim bdag de slar 'ongs nas 'od bzang ma la dris pa/ 'od bzang ma 
yon gnas dag bshos gsol tam/ des smras pa/ nyin gcig byon nas de phan chad ye ma byon to/ /des bsams pa/ nges par 'dis de dag gi mdun du bud med kyi g.yo dag bstan te bkur sti ma byas pas 'dzem nas de dag ma 'ongs so snyam ste/ des de dag 
gi drung du song nas yang spyan drangs pa dang / de dag gis smras pa/ khyim bdag bdag cag ni bsod snyoms pa yin pas bsod snyoms la rgyu'o/ /des smras pa/ 'phags pa bdag gis 'tshal gyis gshegs dang de lta bu'i nyes dmigs mi mchi'o/ /de dag gis khas 

</font><hr>11-1-32b<br><font size=+1>
blangs pa dang / de dag gi rkang pa la phyag 'tshal nas song ngo / /dge slong dag phyi de nyin de'i khyim du 'ongs pa dang / khyim bdag des 'od bzang ma khyim du bcug nas phyi sgo bcad de bzhag nas de nas de dag la rang gis lag dar te 'brim bar brtsams pa na 'od bzang ma khyim 
gyi nang na 'dug bzhin du dge slong zan za ba de dag la rnam par rtog pa skyes par gyur te 'phags pa che ge mo zhig gi rkang pa ni 'di 'dra/ byin pa ni 'di 'dra/ brla ni 'di 'dra/ rked pa dang / rtsib logs dang / rgyab dang / lto dang / bzhin dang / so dang / mchu dang / sna 
dang / mig dang / dpral ba dang / mgo ni 'di 'dra'o zhes de de ltar rnam par rtog pa na sa bcu pa'i 'dod chags kyi me byung bar gyur pa rnam par rtog pa'i rlung gi shugs bdo ba des spar bas rtul te de nyid du 'chi ba'i dus byas so/ /dge slong dag zan zos te yon 
bshad pa byas nas dong ba dang / khyim bdag des sgo phye nas smras pa/ 'od bzang ma tshur shog zan zo zhes byas na de dus las 'das pas su zhig lan 'debs/ des nang du zhugs na ci tsam na sa la 'gyel ba mthong ngo / /des bsams pa gdon mi za bar 'di 
gnyid kyis log gis bslang ngo snyam nas des de bsgul bar brtsams pa dang / re zhig na dus las 'das par mthong nas de ngom zung gnag cing sma bab nas nang mi dag la smras pa/ shes ldan dag bdag lta byur ngan pa chung ma rin po che 'di lta bu dang bral bar gyur gyis 
mdza' grogs dang / phu nu dang / gnyen dag la 'od bzang ma dus las 'das so zhes sbron cig ces byas pa dang / de dag gis ku cho bton te/ kha cig ni sa la sgyel nas ngu zhing 'dug /kha cig ni khyim bdag ngu ba'i lag pa dang / rkang pa nas 'dzin par byed/ mdza' 
bshes dang / phu nu dang / gnyen kha cig ni ngud mo'i sgra 'byin par byed do/ /khyim bdag de rang gi skye bo dang bshes kyi 'khor rgya che ba zhig pas de rnams ji srid du ngu ba de'i bar du nyi ma nub nas de dag gos sngon po dang / ser po dang / dmar po dang / dkar po dag gis khyogs 

</font><hr>11-1-33a<br><font size=+1>
brgyan te/ bkur sti chen pos de dur khrod du khyer ro/ /re zhig cig na mi rgod lnga brgya tsam zhig ri 'or zhig tu song nas rnyed pa dang khe phyin nas dur khrod de dang ha cang mi ring bar 'ongs pa grong khyer na gnas pa'i mi zhig gis mthong nas des bsams pa/ skye bo'i 
tshogs chen po grong khyer nas byung ste 'od bzang ma skyel bar dur khrod du song ba rnams mi rgod de dag gis tshul ma yin par gnod pa byas na mi rung gis sbran to snyam nas de mgyogs par song ste/ skye bo'i tshogs chen po de dag la shes ldan dag mi rgod lnga brgya tsam ha cang mi ring ba zhig na 
'dug gis bros shig ces sbran pa dang / de dag gis kyang sang rim gro bya'o zhes srung ma gzhag ste/ 'od bzang ma ji ltar rgyan sna tshogs kyis bklubs pa dang / dri dang / bdug pa dang / gos dang / phye ma dang / gdugs dang / rgyal mtshan dang / ba dan dag gis mdzes 
par byas te phyung nas bsnyal ba bzhin du bor te 'bros bslang nas grong khyer du zhugs so/ /ci tsam na mi rgod de dag phyogs der phyin pa dang / srung ma rnams bros so/ /mi rgod rnams kyis rab tu brgyan pa de mthong nas mchog tu ngo mtshar skyes so/ /de nas 'od bzang ma'i gos 
rnams bshus nas bltas pa dang / de dag gis de'i gzugs gzhon la mdzes pa mthong nas rab tu chags te shes ldan dag gar bskor kyang bud med 'di lta bu dang lhan cig dga' mgur spyad par zad do zhes smras nas de dag gis de dang lhan cig dga' mgur spyad de kAr ShA pa Na lnga 
brgya bzhag pa dang / 'od bzang ma'i ro la yang skyes bu lnga brgyas kAr ShA pa Na lnga brgya byin te dga' mgur spyod do zhes kun tu sgra grags so/ /dge slong rnams the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa khyim bdag gi mchis 
'brang 'od bzang mas las ci zhig bgyis na las de'i rnam par smin pas 'od dang ldan par gyur cing btsas ma thag tu khyim thams cad 'od kyis snang bar bgyis pa dang / gum nas kyang mi rgod lnga brgyas kAr ShA pa Na lnga brgya stsal nas dga' mgur spyad lags/ bcom ldan 'das kyis bka' 

</font><hr>11-1-33b<br><font size=+1>
stsal pa/ dge slong dag khyim bdag gi chung ma 'od bzang ma nyid kyis las byas shing bsags pa/ tshogs rnyed pa/ rkyen yongs su bsgyur ba/ dba' rgal bzhin du nye bar gnas pa nges par gyur pa yin te/ 'od bzang mas las byas shing bsags pa dag gzhan su zhig gis myong bar 
'gyur/ dge slong dag las byas shing bsags pa rnams ni phyi rol gyi sa'i khams la rnam par smin par mi 'gyur/ chu'i khams la ma yin/ me'i khams la ma yin/ rlung gi khams la ma yin gyi/ 'on kyang dge ba dang mi dge ba'i las byas shing bsags pa rnams ni zin 
pa'i phung po dang khams dang skye mched dag kho na la rnam par smin par 'gyur te/ bskal pa brgya phrag rnams su yang / /las rnams chud zar mi 'gyur te/ /tshogs shing dus la bab pa na/ /lus can rnams la 'bras bur smin/ /dge slong dag sngon byung ba bskal pa bzang 
po 'di nyid la skye dgu'i tshe lo nyi khri thub pa na ston pa 'od srung zhes bya ba rig pa dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du 
byung ste/ bA rA Na sI'i grong khyer na nye bar rten cing drang srong smra ba ri dgas kyi nags na bzhugs so/ /de'i tshe de'i dus na bA rA Na sI'i grong khyer na rgyal po kr-i kI zhes bya ba rgyal srid byed du 'jug ste/ rgyal srid 'byor pa dang / rgyas pa dang / bde ba dang / lo legs pa dang / 
skye bo dang / mi mang pos gang ba dang / 'thab pa dang / rtsod pa dang / nang 'khrug dang / 'khrug glong rab tu zhi ba/ nad med pa/ sA lu dang / bu ram shing dang / ba lang dang / ma he phun sum tshogs pa chos kyi rgyal pos chos bzhin byed du 'jug go/ /ji tsam na 
yang dag par rdzogs pa'i sangs rgyas 'od srung sangs rgyas kyi mdzad pa mtha' dag mdzad nas bud shing zad pa'i me bzhin du phung po lhag ma med pa'i dbyings su yongs su mya ngan las 'das pa dang / rgyal po kr-i kI btsun mo dang / gzhon nu dang / blon po dang / pho brang 

</font><hr>11-1-34a<br><font size=+1>
'khor gyi mi dang bcas pas de'i sku gdung la bkur sti chen pos sku gdung gi mchod pa byas nas rin po che sna bzhi'i mchod rten kho ra khor yug tu dpag tshad gcig pa phang du dpag tshad phyed pa gcig brtsigs so/ /de na tshong dpon gyi bu mo zhig dad 
pa skyes nas srog shing la me long cig btags so/ /dge slong dag ji snyam du sems/ yang dag par rdzogs pa'i sangs rgyas 'od srung gi mchod rten la dad pa skyes nas srog shing la me long btags pa gang yin pa'i tshong dpon gyi bu mo de ni khyim bdag gi chung ma 'od 
bzang ma 'di nyid yin te/ de'i tshe de'i dus na gang 'dis yang dag par rdzogs pa'i sangs rgyas 'od srung gi mchod rten gyi srog shing la me long btags pa de'i las kyi rnam par smin pas 'od dang ldan bzhin du skyes la skyes ma thag tu yang khyim thams cad 'od kyis snang 
bar gyur pa yin no/ /gang yang shi nas skyes bu lnga brgyas kAr ShA pa Na lnga brgya byin nas dga' mgur spyad pa de yang nyon cig /dge slong dag sngon byung ba bA rA Na sI'i grong khyer na rgyal po tshangs byin zhes bya ba rgyal srid byed du 'jug ste/ rgyal srid 'byor pa dang / rgyas 
pa dang / bde ba dang / lo legs pa/ skye bo dang mi mang pos gang ba/ thab mo dang / rtsod pa dang / nang 'khrug dang / 'khrug glong rab tu zhi ba/ chom rkun dang / nad dang bral ba sA lu dang / bu ram shing dang / ba lang dang / ma he phun sum tshogs pa/ chos kyi 
rgyal pos chos bzhin byed du 'jug go/ /de'i tshe de'i dus na bA rA Na sI na gzugs kyis 'tsho ba bzang mo zhes bya ba gzugs bzang ba/ mdzes pa/ blta na sdug pa/ skyes pa'i yid du 'ong ba/ sngon rgyal po tshangs byin gyi zhang pos yongs su spyad pa zhig 'dug go/ /
re zhig dus gzhan zhig na dga' 'dun pa lnga brgya bza' ba dang bca' ba mang po dag sbyar te skyed mos tshal du dong nas phan tshun shes ldan dag bdag cag gis skyed mos tshal gyi longs spyod thams cad ni bshams na bud med med kyis dong la smad 'tshong 'ga' zhig dgug go zhes 

</font><hr>11-1-34b<br><font size=+1>
smras pa dang / legs kyis de bzhin du bya na su zhig dgug /bzang mo'o/ /de dag bzang mo'i drung du song ste bzang mo tshur shog /skyed mos tshal du 'dong ngo / /des smras pa/ gal te kAr ShA pa Na stong byin na 'gro'i gzhan du ni ma yin no/ /de dag gis smras pa/ kAr 
ShA pa Na lnga brgya je khyer cig /lnga brgya ni dga' mgur spyad nas sbyin no/ /des smras pa/ legs kyis de bzhin du byas byin cig /de dag gis kAr ShA pa Na lnga brgya byin nas/ des smras pa/ deng shig dri dang / phreng ba dang / gos dag bgos la 'ong ngo zhes byas pa dang / de dag dong ngo / /de 'gyod pa skyes 
nas gal te bdag dga' 'dun pa lnga brgya dang lhan cig dga' mgur spyad na bdag gi gnas skabs ci 'dra bar 'gyur/ bdag gis kAr ShA pa Na lnga brgya zhig kyang blangs na da ji ltar bya snyam pa las/ des bdag rgyal po'i zhang pos yongs su spyad pas de kho na la skyabs 'tshal gyi gzhan du ni ma yin 
no snyam pa'i blo skyes nas des de'i gan du bran mo mngag gzhug ma mngags te/ bu mo rgyal po'i zhang po'i drung du song la/ song nas 'di skad ces bdag ngan te dga' 'dun pa las kAr ShA pa Na lnga brgya blangs na dga' 'dun pa de dag lnga brgya yod de/ ji ste bdag dga' 'dun pa lnga 
brgya dang lhan cig dga' mgur spyad par gyur na bdag gi gnas skabs ci 'dra bar 'gyur/ khyod kyis sngon bdag yongs su bzung bas de'i slad du khyod kyis bdag de dag las yongs su bskyab pa'i rigs zhes smros shig /bu mo des de'i drung du song ste smras pa dang / de yang rgyal po 
la rten pa yin pas de dag las de phrogs so/ /sangs rgyas rnams 'byung ba med pa na rang sangs rgyas dman pa dang / phongs pa la thugs brtse ba/ bas mtha'i gnas mal la dga' ba 'jig rten gyi sbyin gnas gcig pur gyur pa dag 'jig rten du byung ngo / /de nas rang sangs 
rgyas shig ljongs rgyu zhing bA rA Na sIr phyin te/ bdag nyid chen po zhi ba'i bdag nyid can rab tu dben par gnas pa de rab tu dben par gnas tshol zhing skyed mos tshal der phyin pa dang / dga' 'dun pa de dag gis lus mdzes pa dang / sems mdzes pa mthong nas de dag gis bsams 

</font><hr>11-1-35a<br><font size=+1>
pa/ gar bskor kyang yon gnas kyi zhing 'di lta bu la bya ba bya dgos so snyam nas de dag gis gcig la gcig dris te/ de la gtsang zhing bsod pa'i bza' ba dang bca' ba dag gis lhung bzed bkang ste phul lo/ /bdag nyid chen po de dag ni ngag gis chos mi 
ston gyi lus kyis chos ston pa yin pas steng gi nam mkha' la mngon par 'phags te 'bar ba dang / gsal ba dang / char 'bab pa dang / glog 'gyu ba la sogs pa'i cho 'phrul bya bar brtsams pa dang / so so'i skye bo ni rdzu 'phrul gyis dad par 'gyur bas shing rtsa ba nas bcad 
pa bzhin du zhabs la gtugs nas gang bdag cag gis yang dag pa'i sbyin gnas 'di lta bu la bya ba byas pa'i dge ba'i rtsa ba 'dis bdag cag gzugs kyis 'tsho ba la tha na shi na yang kAr ShA pa Na lnga brgya byin nas dga' mgur spyod par shog shig ces smon lam btab bo/ /dge slong 
dag ji snyam du sems/ gzugs kyis 'tsho ba bzang mo zhes bya ba gang yin pa de ni khyim bdag gi chung ma 'od bzang ma 'di nyid yin no/ /de'i tshe de'i dus kyi dga' 'dun pa lnga brgya po de dag ni mi rgod lnga brgya po 'di dag nyid yin te/ de'i tshe de'i dus na gang 'di dag gis rang sangs 
rgyas la bsod snyoms phul nas smon lam btab pa de'i las kyi rnam par smin pas 'di dag gis 'khor bar 'khor ba na tshe rabs lnga brgyar kAr ShA pa Na lnga brgya byin zhing dga' mgur spyad de da ltar khyim bdag gi chung mar gyur pa las shi ba'i bar du yang kAr ShA pa Na lnga brgya byin nas dga' 
mgur spyad pa yin no/ /de ltar na dge slong dag las gcig tu gnag pa rnams kyi rnam par smin pa yang gcig tu gnag pa yin/ gcig tu dkar ba rnams dang / 'dren ma rnams kyi yang 'dren ma rnams yin no/ /de lta bas na dge slong dag gcig tu gnag pa'i 
las rnams dang / 'dren ma rnams spangs te gcig tu dkar ba'i las kho na la brtsal bar bya ste/ dge slong dag khyed kyis de ltar bslab par bya'o/ /bcom ldan 'das kyis dgongs pa nyes dmigs gang cung zad byung ba ni dge slong dag de lta bu'i khyim du 'gro ba las 

</font><hr>11-1-35b<br><font size=+1>
gyur gyis/ de'i phyir dge slong dag de lta bu'i khyim du 'gro bar mi bya bar mkhyen nas dge slong rnams la bka' stsal pa/ dge slong dag khyim bdag gi chung ma 'od bzang ma dge slong mthong nas rtog pa skyes te srog dang bral bar gyur gyis de lta bas na dge slong dag dge 
slong gis gang 'di lta bu'i nyes dmigs 'byung bar 'gyur ba de lta bu'i khyim du 'gro bar mi bya'o/ /dge slong de lta bu'i khyim du 'gro na 'gal tshabs can du 'gyur ro/ /gleng gzhi ni rgyal po'i khab na'o/ /dge slong spong ba pa zhig yod pa yang dang yang dgon pa'i gnas su 
song nas bsam gtan byed do/ /der de la bdud kyi ris kyi lha mo zhig gis tshul ma yin par spyad pa bsgugs pa las de ma btub pa dang / des 'phags pa khyod ma btub dang gnod par bya'o/ /des smras pa/ sring mo nga ni dge slong tshul khrims can yin na khyod kyis nga la 
gnod pa byar ci yod/ des 'jal zhes byas nas de la glags tshol ba lhur len cing 'dug go/ /des dus gzhan zhig na snam sbyar pus khyud ltar mdud pa bor nas gnyid log par gyur pa dang / lha mo des bsams pa/ 'di la sha glan pa'i dus ni 'di yin no snyam nas 
des de blangs te/ rgyal po gzugs can snying po steng gi khang bzangs kyi steng na gnyid kyis log pa'i steng du bor ro/ /de sngangs nas gnyid sad de de mthong nas khyod su zhes dris pa dang / des smras pa/ dge sbyong ngo / /dge sbyong gi nang na gang zhig /shAkya'i bu'i dge 
sbyong ngo / /'phags pa khyod ji ltar 'dir 'ong / des de la ji ltar gyur pa smras pa dang / des smras pa/'phags pa khyod ci'i phyir de lta bu'i gdug pa mang po can gyi gnas mal du gnas/ ji ste bdag bcom ldan 'das la dad par ma gyur na bdag gis khyod bsad par 
'gyur ba'am/ bstan pa dang bral bar 'gyur ro zhes byas pa dang / de cang mi zer bar 'dug go/ /skabs de dge slong rnams kyis bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni dge slong dag de lta bu'i gdug 

</font><hr>11-1-36a<br><font size=+1>
pa mang po can gyi gnas mal na gnas pa las gyur gyis/ de'i phyir dge slong gis de lta bu'i gdug pa mang po can gyi gnas mal du gnas par mi bya bar mkhyen nas dge slong rnams la bka' stsal pa/ dge slong dag rgyal po gzugs can snying po 'phya ba ni thog tu bab bo/ /
de bas na dge slong gis de lta bu'i gdug pa mang po can gyi gnas mal du gnas par mi bya'o/ /dge slong de lta bu'i gdug pa mang po can gyi gnas mal du gnas na 'gal tshabs can du 'gyur ro/ /gleng gzhi ni rgyal po'i khab na'o/ /de'i tshe dge slong gzhon nu zhig kha zas dang spyod lam nyes 
pa las 'bras zhes bya ba'i nad kyis thebs nas/ de nad kyis gzer bas mkhun 'byin cing dge slong rnams kyis de bskor nas 'dug go/ /ji tsam na sman pa'i rgyal po 'tsho byed 'ongs te/ des 'phags pa dag 'di ci zhig ces dris pa dang / dge slong dag gis smras pa/ 'tsho byed 
dge slong gzhon nu 'di nad cig gis thebs na nad ci yin pa dang / dpyad ci bya ba ltos shig /des bltas nas smras pa/ 'phags pa 'bras yin pas brtol na phan no/ /dge slong rnams kyis smras pa/ gal te de lta na rtol cig /des de la brtol ba dang / de bya ba cung 
zad cig byung nas des der glan pa ma byas par song ngo / /de rab tu na bar gyur nas dge slong dag gis tshe dang ldan pa dag gang mkhas pa des glan pa gyis shig ces smras pa dang / de la dge slong gzhon nu gzhan zhig gis glan pa byas so/ /'tsho byed kyis bsams pa/ bdag 
gis 'phags pa de'i glan pa ma byas par slar 'gro'o snyam nas de slar log ste dris pa 'phags pa dag /'phags pa gang zhig bdag gis 'bras brtol ba de ga re/ dge slong rnams kyis smras pa/ de ci zhig bya/ 'phags pa glan par bgyi'o/ /'tsho byed de glan pa byas zin 
no/ /'phags pa sus bgyis/ gzhon nu 'dis so/ /'phags pa ji ltar bgyis blta'o/ /zhes de de'i drung du song ste bltas na legs par glan pa mthong nas des smras pa/ 'phags pa glan pa legs lags kyis bdag ma mchis na yang slan chad de bzhin du mdzod cig /des 

</font><hr>11-1-36b<br><font size=+1>
smras pa/ 'tsho byed 'di yang re zhig bdag gis gnang ba med par byas na yang bya ba lta smos kyang ci dgos te/ bcom ldan 'das kyis gnang ngam mi gnang gi gtol med do/ /des smras pa/ 'phags pa bcom ldan 'das ni thugs rje can lags pas ci'i phyir gnang bar mi 'gyur/ 
skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong gang mkhas pa des glon du gnang ngo / /bcom ldan 'das kyis dge slong gang mkhas pa des glon du gnang ngo zhes bka' stsal pa dang / de dag gis 
khyams dang / rdzing drung dang / sgo khang dang / bang rim dag tu glan pa dang / bcom ldan 'das kyis bka' stsal pa/ dben pa'i phyogs su gyis shig /gzhan du byas na 'gal tshabs can du 'gyur ro/ /gleng gzhi ni mnyan yod na'o/ /bram ze dang khyim bdag dad pa can 
dag gtsug lag khang du 'ongs nas dge slong rnams la 'phags pa bdag nad 'di lta bu dang 'di lta bus thebs na bdag gis g.yar zas ni ji lta bu zhig 'tshal bar bgyi/ sman ni ji lta bu zhig bsten par bgyi zhes zas kyi cho ga dris pa dang / de na dge slong gang dag mi shes pa de dag ni ci 
yang mi smra'o/ /shes pa rnams ni the tshom du gyur nas ma smras pa dang / bram ze dang khyim bdag dad pa can rnams mi dga' bzhin du dong ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge 
slong gang mkhas pa des kha zas kyi cho ga dang / sman dpyad rnams ston par gnang gis 'di la 'gyod par mi bya'o/ /gleng gzhi ni mnyan yod na'o/ /gang gi tshe bcom ldan 'das kyis cho 'phrul chen po bstan pas mu stegs can rnams ni thag bcug /lha dang mi rnams ni kun dga' 
bar mdzad/ skyes bu dam pa rnams ni mgu bar mdzad pa de'i tshe yul tha dad pa na gnas pa'i mi ma yin pa dag grong dang / grong rdal dang / yul 'khor dang / rgyal po'i pho brang de dang de dag dang / 'jig rten gyi khams gzhan nas kyang mnyan yod du 'ongs so/ /bcom ldan 'das 

</font><hr>11-1-37a<br><font size=+1>
la mngon par dad pa'i lha dang / klu dang / gnod sbyin dang / ko sa la'i rgyal po gsal rgyal dang / btsun mo phreng ldan ma dang / rgyal rigs dbyar tshul ma dang / phya mkhan drang srong byin dang / rnying ba dag dang / ri dgas 'dzin gyi ma sa ga dang / gzhan 
yang dad pa can mang po mnyan yod du 'ongs nas der zang zing gi rnyed pa dang mchod pa'i bkur stis skye bo'i tshogs mang po yongs su tshim par byas so// //'dul ba phran tshegs kyi gzhi/bam po sum bcu rtsa gcig pa/ de lta bu'i 'byor pa mchog mthong nas mi ma 
yin pa kha cig ni de nyid du mngon par dga'o/ /kha cig ni rang gi yul gyi gnas nyid du dong ngo / /gang dag der mngon par dga' ba de dag gang gi tshe sems 'dod pa'i 'dod chags kyis kun nas dkris par gyur pa de'i tshe bud med gang dag gi khyo phyi rol du don gnyer du song ba de'i cha lugs 
su bdag nyid mngon par sprul nas de dag dang lhan cig tu dga' mgur spyod par byed do/ /de nas bud med de dag las rgyu mthun pa las skye ba'i khye'u dang bu mo dag rkang lag dang mig dang lus mi sdug par skyes te/ kha cig ni gnag la mig dmar/ kha cig ni mgo che la lus chung / 
kha cig ni mgo ser/ kha cig ni skra ljang gu'o/ /de dag ma de dag gis mthong ba dang sngangs nas khyim gyi bar dang / tshang tshing gi phyogs dag tu bor ba dang / de dag mi ma yin pa'i mdangs kyis gso bar byed do/ /kha cig ni mi'i gzugs su mi gsal bar skye zhing / gang gi tshe 
cher skyes pa de'i tshe 'gyur bar ston par byed do/ /de dag kyang mas lam po che'i khar bor ba dang / de yang mi ma yin pa'i mdangs kyis gso bar byed do/ /drug sde rnams kyi kun tu spyod pa ni de dag ji snyed rab tu 'byin/ bsnyen par rdzogs par byed pa de dag dang ji srid du gnas ngan len kun 
tu spyod par mi shes pa de srid du lhan cig gnas so/ /gang gi tshe yongs su shes pa de'i tshe rang bzhin du gnas pa'i dge slong dag dang lhan cig tu gnas te gzhan du na ston pa'i bkas dus gsum du ni ltar 'gro'o/ /re zhig tshe dang ldan pa nye dga' snga dro sham thabs bgos lhung bzed dang 

</font><hr>11-1-37b<br><font size=+1>
chos gos thogs te mnyan yod du bsod snyoms la zhugs so/ /de bsod snyoms la rgyu ba na srang na skra ljang gu can zhig mthong nas des bsams pa/ 'di ni lhung bzed nag po can dag gis phrogs par mi 'gyur bas gal te rab tu 'byung na 'di rab tu dbyung ngo snyam du bsams nas de'i 
drung du song ste dris pa/ bzhin bzangs khyod su'i/ des smras pa/ 'phags pa bdag la su yang ga las mchis/ bdag mgon med pa zhig lags so/ /des smras pa/ bzhin bzangs gal te de lta na ci'i phyir rab tu mi 'byung / des smras pa/ 'phags pa skra ljang gu can bdag su 
zhig rab tu 'byin/ bzhin bzangs bcom ldan 'das kyis bstan pa ni snying rjes rab tu phye ba yin pas gal te sus kyang rab tu ma byung na tshur shog ngas rab tu byung gis 'dong zhes byas pa dang / de yid bde ba skyes te rgyal byed kyi tshal du song nas des de rab tu phyung bsnyen par rdzogs 
par byas so/ /de nas nyin zhag mi mang ba zhig tu kun tu spyad par bya ba'i chos rnams bslabs te bsgo ba/ bzhin bzangs ri dgas kyis ri dgas mi gsos kyis mnyan yod rang gi spyod yul yangs pa yang yin la pha'i yul yang yin pas slong mo la rgyu bas 'tsho bar gyis shig 
de mi dga' nas phyi de nyin snga dro sham thabs bgos chos gos dang lhung bzed thogs nas mnyan yod du bsod snyoms la zhugs so/ /re zhig na bud med gcig bsod snyoms khyer te phyir byung ba las des de mthong ba dang brang brdungs nas smras pa/ 'phags pa khyod skra ljang gu can 
na sus rab tu phyung / des smras pa/ sring mo mkhan po nye dga'as snying rjes bdag rab tu phyung ngo / /des smras pa/ gnas ngan len kun tu spyod pa de ma yin pa gzhan su zhig bcom ldan 'das kyi bstan pa kun nas mdzes pa sun par byed ces byas pa dang / gzhan dag 
kyang de bzhin du 'phya ste/ ma dad pa kha zer ba rnams srang dang / bzhi mdo dang / sum mdo dag tu dge sbyong shAkya'i bu pa rnams kyi dge sbyong gi tshul ni tshig go/ /tshangs pa'i tshul yang tshig ste/ da ni skra ljang gu can dag kyang rab tu 'byin to zhes mi snyan pa smra ba'i skabs de dge slong 

</font><hr>11-1-38a<br><font size=+1>
rnams kyis bcom ldan 'das la gsol pa dang / bcom ldan 'das kyis dgongs pa/ nyes dmigs gang cung zad byung ba ni dge slong rnams de lta bu dag kyang rab tu 'byin pa las gyur gyis/ de'i phyir dge slong gis de lta bu dag rab tu dbyung bar mi bya'o snyam du 
mkhyen nas dge slong rnams la bka' stsal pa/ dge slong dag bram ze dang khyim bdag rnams 'phya ba ni thog tu bab bo/ /de lta bas na dge slong gis 'khor sun par byed pa'i 'khor nye bar gzhag par mi bya'o/ /dge slong gis 'khor sun par byed pa'i 'khor nye bar gzhag na 'gal 
tshabs can du 'gyur ro/ /bcom ldan 'das kyis dge slong gis 'khor sun par byed pa'i 'khor nye bar gzhag par mi bya'o zhes bka' stsal pa dang / dge slong rnams kyis 'khor sun par byed pa ji lta bu ma shes nas/ bcom ldan 'das kyis bka' stsal pa/ dge slong dag 
'khor gyis 'khor sun par byed pa ni rgyu gnyis kyis te/ gang dag gis shes na rigs dang / mtshan mas so/ /de la rigs kyis ni rigs gang yang rung bas te/ ma rabs/ dman pa/ phongs pa/ dkos thag pa/ bkren pa/ bza' ba dang / btung ba chen po mi 
bdog pa de lta bu'i rigs dag las so sor skyes par gyur pa de dag dge slong rnams rab tu 'byin par byed na de lta bu ni rigs kyis yin no/ /mtshan mas ji lta bu zhe na/ skra ser dang ni skra ljang gu/ /de bzhin du ni skra dmar dang / /mi rnams skra ni dkar ba dang / /glang chen skra dang skra 
med pa/ /'di lta bu yi mi dag ni/ /drang srong chen pos spangs pa yin/ /'bar 'bur mgo dang glang po che/ /mgo smyung dang ni mgo leb dang / /bong bu phag gi mgo dang ni/ /mi gang mgo ni gnyis yod pa/ /de lta bu yi mi dag ni/ /drang srong chen pos spangs pa yin/ /glang 
po'i rna dang rta rna dang / /ba lang rna dang spre'u rna dang / /bong bu phag gi rna ba dang / /rna gcig dang ni rna med pa/ /de lta bu yi mi dag ni/ /drang srong chen pos spangs pa yin/ /mig dmar ha cang mig che dang / /mig chung mig ni ha cang ser/ /shel mig dang ni mig 'bur dang / /mig 

</font><hr>11-1-38b<br><font size=+1>
gcig dang ni mig med pa/ /de lta bu yi mi dag ni/ /drang srong chen pos spangs pa yin/ /glang po'i sna dang rta sna dang / /ba lang dang ni spre'u sna dang / /bong bu phag gi sna dag dang / /sna sbubs gcig dang sna med pa/ /de lta bu yi mi dag ni/ /drang srong chen pos spangs pa 
yin/ /rta dang glang chen kos ko dang / /ba lang spre'u'i kos ko dang / /bong bu phag gi kos ko dang / /kos gcig pa dang kos med pa/ /de lta bu yi mi dag ni/ /drang srong chen pos spangs pa yin/ /glang chen so dang rta so dang / /ba lang spre'u yi so dang ni/ /bong bu phag 
gi so dag dang / /so gcig pa dang so med pa/ /de lta bu yi mi dag ni/ /drang srong chen pos spangs pa yin/ /'jing bu thung dang ske rings dang / /phag mig dang ni sgur po dang / /mtshan rdum pa ni rlig rlugs dang / /rlig gcig dang ni rlig med pa/ /de lta bu yi mi dag ni/ /
drang srong chen pos spangs pa yin/ /ha cang ring dang ha cang thung / /skem dang ngal skyen ha cang tsho/ /sha mdog kha dog bzhi pa dang / /gyol po grum po so sto ba/ /de lta bu yi mi dag ni/ /drang srong chen pos spangs pa yin/ /lag rdum dang ni rkang rdum dang / /lag sor zlum 
por 'jas pa dang / /mchu med lus ni ri mo can/ /ha cang rgan dang ha cang gzhon/ /de lta bu yi mi dag ni/ /drang srong chen pos spangs pa yin/ /theng po smad 'chal zhar ba dang / /sor rdum sgur po mi'u thung dang / /lba ba can dang lkugs pa dang / /'on pa rten 'phye rkang 
'bam pa/ /de lta bu yi mi dag ni/ /drang srong chen pos spangs pa yin/ /mdze can 'bras can phol mig can/ /gta' gam shu ba g.yen pa dang / /nad ni gzhan can thams cad kyang / /drang srong chen pos spangs pa yin/ /bud med lam dang khur gyis dub/ /ya za ma lug 
gta' gam dang / /de dag dang gzhan yan lag nyams/ /de kun 'khor sun byed pa yin/ /mdzes pa rab tu dbyung ba dang / /yongs su dag pa bsnyen rdzogs par/ /rdzogs sangs rgyas kyis rab mkhyen te/ /bden pa'i mtshan gyis bka' stsal to/ /nye dga'as skra ljang gu can 

</font><hr>11-1-39a<br><font size=+1>
de'i skra dag kyang gar mkhan gyi lag tu btsongs pa'i skabs de dge slong rnams kyis bcom ldan 'das la gsol ba dang / bcom ldan 'das kyis bka' stsal pa/ de lta bas na dge slong gis skra btsong bar mi bya'o/ /byed na nyes pa sbom por 'gyur ro/ /sdom la/ 
bran can dang ni skyong ba dang / /gleng gzhi dang ni zhu ba dang / /cho 'phrul che dang snyan ldan dang / /dmag kun dang ni srin bu ri/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /tshe dang ldan pa nye ba 'khor 
gyis dge tshul gnyis po bran can dang / skyong ba ste/ de dag phan tshun gtam 'dres pa/ phebs par smra ba/ smos 'drin/ 'grogs bshes yin no/ /de gnyis las gcig gis khyod bsnyen par rdzogs shig dang ngas mkhan po dang khyod kyi rim gro bya'o zhes smras pa dang / 
cig shos kyis kyang de kho na bzhin du smras te/ de dag phan tshun stangs byed pas gnyi ga yang bsnyen par ma rdzogs par gyur to/ /de nas tshe dang ldan pa nye ba 'khor bcom ldan 'das gang na ba der song ste phyin nas/ bcom ldan 'das kyi zhabs la mgo bos phyag 'tshal te phyogs 
gcig tu 'dug nas/ tshe dang ldan pa nye ba 'khor gyis bcom ldan 'das la 'di skad ces gsol to/ /btsun pa mkhan po gcig dang / slob dpon gcig dang / gsol ba'i las gcig gis gnyis bsnyen par rdzogs su rung lags sam/ nye ba 'khor rung ngo / /
de gnyis gang rgan lags/ gang yang ma yin no/ /btsun pa mkhan po gcig dang / slob dpon gcig dang / gsol ba'i las gcig gis gsum bsnyen par rdzogs su rung lags sam/ nye ba 'khor rung ngo / /de dag las gang rgan pa lags/ gang yang ma yin 
no/ /btsun pa mkhan po gcig dang / slob dpon gcig dang / gsol ba'i las gcig gis bzhi bsnyen par rdzogs su rung lags sam/ nye ba 'khor mi rung ngo / /de ci'i phyir zhe na/ nye ba 'khor tshogs kyis tshogs kyi las dag mi bya bas dge 'dun gyis dge 

</font><hr>11-1-39b<br><font size=+1>
'dun bsnyen par rdzogs par 'gal te/ dge 'dun gyis dge 'dun bsnyen par rdzogs par byed na 'gal tshabs can du 'gyur ro/ /tshe dang ldan pa nye ba 'khor gyis de gnyis gsol ba'i las gcig gis bsnyen par rdzogs par byas pa dang / de gnyis gang la phyag bya ba dang / 
las su ji ltar bsko bar bya ba dang / rnyed pa ji ltar blang ba mi shes pa'i skabs de tshe dang ldan pa nye ba 'khor gyis bcom ldan 'das la rgyas par gsol pa dang / bcom ldan 'das kyis bka' stsal pa/ gnyis kyis gcig la gcig phyag ni mi bya'o/ /rnyed pa ni gang sngar 
'ongs pas blang bar bya'o/ /phyis 'ongs pa de ni sngar las su bsko zhing rnyed pa phyis sbyin par bya'o/ /gleng gzhi ni mnyan yod na'o/ /sangs rgyas bcom ldan 'das la tshe dang ldan pa nye ba 'khor gyis zhus pa/ btsun pa ma 'ongs pa'i dus na dge slong dran pa nyams pa dran pa 
zhan pa dag 'byung ste/ de dag gis gnas dang / grong dang / grong rdal gang dang / gang du mdo sde gang bshad pa dang / bslab pa'i gzhi gang bcas pa ma 'tshal bar gyur na de dag gis ji ltar bsgrub par bgyi/ gzhan yang mdo sde dang / 'dul ba dang / chos mngon 
par bskyud par gyur na de dag gis ji ltar bsgrub par bgyi/ gzhan yang rgyal po dang / khyim bdag dang / dge bsnyen rnams kyi sngon gyi bka' mchid dag la gnas dang / rgyal po dang / grong khyer dang / grong rdal dang / khyim bdag dang / dge bsnyen rnams kyis ming bskyud 
par gyur na de dag gis ji ltar bsgrub par bgyi/ bcom ldan 'das kyis bka' stsal pa/ nye ba 'khor gang gis gnas la sogs pa'i ming brjed par gyur pa de dag gis grong khyer chen po drug las gang yang rung ba'am/ yang na de bzhin gshegs pa gang du lan mang du zhugs 
pa brjod par bya'o/ /ji ste rgyal po'i ming brjed na ni gsal rgyal lo/ /khyim bdag gi ming ni mgon med zas sbyin no/ /dge bsnyen ma ni ri dgas 'dzin gyi ma sa ga'o/ /sngon gyi gtan gyi gnas ni bA rA Na sI'o/ /rgyal po ni tshangs sbyin no/ /khyim bdag ni khyim bdag sdums byed do/ /

</font><hr>11-1-40a<br><font size=+1>
dge bsnyen ma ni khyim bdag gso sbyong skyes kyi chung ma brjod par bya'o/ /mdo sde dang / 'dul ba dang / chos mngon pa rnams brjed par gyur na glegs bu la bris nas bcang bar bya ste/ 'di la 'gyod par mi bya'o/ /sangs rgyas bcom ldan 'das rgyal po'i khab 'od 
ma'i tshal bya ka lan da ka gnas pa na bzhugs so/ /rgyal po dang / blon po dang / bram ze dang / khyim bdag dang / grong mi dang / ljongs kyi mi dang / phyug po dang / tshong dpon dang / ded dpon rnams kyis rim gror byas/ bla mar byas/ phu dud du byas/ mchod pa byas pas 
bcom ldan 'das kyis chos gos dang / bsod snyoms dang / gzims cha dang / snyun gsos kyi rkyen sman dang / yo byad rnams kyang brnyes so/ /mu stegs rnams ni rgyal po dang / blon po dang / bram ze dang / khyim bdag dang / grong mi dang / ljongs kyi mi dang / phyug po 
dang / tshong dpon dang / ded dpon rnams kyis rim gro ma byas/ bla mar ma byas/ phu dud ma byas/ mchod pa ma byas pas chos gos dang / bsod snyoms dang / mal stan dang / nad gsos kyi rkyen sman dang / yo byad rnams kyang ma rnyed par gyur to/ /de nas bdud sdig can 'di 
snyam du bdag gis yun ring po nas dge sbyong gau ta ma la rnam par mtho btsams na glags ma rnyed kyis ma la bdag gis mu stegs rnams la rnam par mtho btsam mo snyam mo/ /de'i tshe rdzogs byed la sogs pa ston pa drug po thams cad mkhyen pa ma yin par thams cad mkhyen par nga rgyal byed pa 
rnams rgyal po'i khab na rten cing 'khod do/ /de nas bdud sdig can gyis bdag nyid rdzogs byed kyi cha byad du mngon par sprul nas kun tu rgyu gnag lhas kyi bu ga la ba der song ste phyin pa dang / kun tu rgyu gnag lhas kyi bu'i mdun du 'bar ba dang / snang ba dang / char 'bab pa dang / glog 
'gyu ba'i cho 'phrul dag bstan pa dang / kun tu rgyu gnag lhas kyi bus smras pa/ rdzogs byed khyod kyis 'di lta bu'i yon tan gyi tshogs rnams thob bam/ thob bo/ /de bzhin du smra 'dod kyi bu mo'i bu yang dag rgyal ba can dang / mi pham skra'i la ba can dang / ka t+ya'i bu nog can dang 

</font><hr>11-1-40b<br><font size=+1>
gnyen gyi bu gcer bu pa'i mdun du 'bar ba dang / snang ba dang / char 'bab pa dang / glog 'gyu ba'i cho 'phrul rnams bstan pa dang / des kyang smras pa/ rdzogs byed khyod kyis 'di lta bu'i yon tan gyi tshogs rnams thob bam/ thob bo/ /de bzhin du bdag nyid kun tu rgyu gnag 
lhas kyi bu'i cha byad du mngon par sprul nas thams cad kyi drung du song ba nas de bzhin du bdag nyid mi pham skra'i la ba can du mngon par sprul nas thams cad kyi drung du song nas 'di lta bu'i yon tan gyi tshogs rnams khyod kyis thob bam/ thob bo/ /zhes bya ba'i bar snga ma bzhin no/ /de bzhin du 
bdag nyid smra 'dod kyi bu mo'i bu yang dag rgyal ba can gyi cha byad du mngon par sprul nas thams cad kyi drung du song nas zhes bya ba'i bar snga ma bzhin no/ /de bzhin du bdag nyid ka t+ya'i bu nog can gyi cha byad du mngon par sprul nas thams cad kyi drung du song nas zhes bya ba'i bar snga ma bzhin no/ /
de bzhin du bdag nyid gcer bu pa gnyen gyi bu'i cha byad du mngon par sprul nas thams cad kyi drung du song nas zhes bya ba'i bar snga ma bzhin te/ de rnams so so nas bsams pa/ bdag gcig pu ma gtogs pa 'di dag thams cad ni mthu che ba rdzu 'phrul che ba'o snyam mo/ /de nas dus gzhan 
zhig na rdzogs byed la sogs pa ston pa drug po rnams rtog khang du 'dus shing 'khod pa na bar skabs kyi gtam 'di lta bu dag gleng ste/ shes ldan dag sngon ni bdag cag rgyal po dang / blon po dang / bram ze dang / khyim bdag dang / grong mi dang / ljongs kyi mi dang / phyug po dang / 
tshong dpon dang / ded dpon rnams kyis bkur stir byas/ ri mor byas/ mchod par byas pas chos gos dang / bsod snyoms dang / mal stan dang / na ba'i rkyen sman dang / yo byad rnams kyang rnyed par gyur to/ /da ni bdag cag la bkur sti mi byed/ rim gro mi 
byed/ bla mar mi byed/ mchod par mi byed ces bya ba nas chos gos dang / bsod snyoms dang / mal stan dang / na ba'i gsos kyi rkyen sman dang / yo byad rnams mi rnyed do zhes bya ba'i bar snga ma bzhin no/ /shes ldan dag dge sbyong gau ta ma de la ni bkur stir byas/ ri mor byas/

</font><hr>11-1-41a<br><font size=+1>
zhes bya ba nas/ dge sbyong gau ta mas ni chos gos dang / bsod snyoms dang / mal stan dang / nad gsos kyi rkyen sman dang / yo byad rnams kyang rnyed do zhes bya ba'i bar snga ma bzhin no/ /shes ldan dag de lta bas na bdag cag gis dge sbyong gau ta ma 
mi'i chos bla ma'i rdzu 'phrul gyi cho 'phrul la dgug par bya zhing / gal te dge sbyong gau ta mas mi'i chos bla ma'i rdzu 'phrul gyi cho 'phrul gcig bstan na bdag cag gis gnyis/ dge sbyong gau ta mas gnyis na bdag cag gis bzhi/dge sbyong gau ta mas bzhi na bdag cag 
gis brgyad/ dge sbyong gau ta mas brgyad na bdag cag gis bcu drug /dge sbyong gau ta mas bcu drug na bdag cag gis sum bcu rtsa gnyis te/ dge sbyong gau ta mas mi'i chos bla ma'i rdzu 'phrul gyi cho 'phrul ji snyed bstan pa las bdag cag gis mi'i chos bla ma'i rdzu 'phrul 
gyi cho 'phrul nyis gyur sum gyur du bstan par bya'o/ /de nas rdzogs byed la sogs pa ston pa drug po rnams rgyal po gzugs can snying po gang na ba der song ste phyin nas rgyal po gzugs can snying po la rgyal ba dang tshe spel ba byas nas 'di skad ces smras so/ /lha bdag cag 
ni rdzu 'phrul dang ldan pa/ ye shes can du smra ba lags/ dge sbyong gau ta ma yang bdag nyid rdzu 'phrul dang ldan pa/ ye shes can du smra ba lags par sems na de'i slad du ye shes dang ldan par smra ba dang / ye shes dang ldan par smra ba lhan cig tu mi'i chos bla ma'i rdzu 'phrul gyi cho 'phrul 
ston du stsal ba'i rigs so/ /gal te dge sbyong gau ta mas mi'i chos bla ma'i rdzu 'phrul gyi cho 'phrul gcig bstan na bdag cag gis gnyis zhes bya ba nas bdag cag gis mi'i chos bla ma'i cho 'phrul nyis gyur sum gyur du bstan par bgyi'o zhes bya ba'i bar snga ma bzhin no/ /dge sbyong 
gau ta ma yang shul gyi phyed du dgug tu gsol/ bdag cag kyang shul gyi phyed du mchi'o/ /de nas ma ga d+hA'i rgyal po bzo sbyangs gzugs can snying pos rdzogs byed la sogs pa ston pa drug po rnams la 'di skad ces smras so/ /kye ro dang 'dra ba khyed kyis kyang bcom ldan 'das mi'i chos bla 

</font><hr>11-1-41b<br><font size=+1>
ma'i rdzu 'phrul gyi cho 'phrul la dgug gam rgyal pos de skad ces smras pa dang / de dag dong ngo / /ji tsam dus gzhan zhig na ma ga d+hA'i rgyal po bzo sbyangs gzugs can snying po rgyal po'i khab nas phyung ste/ bcom ldan 'das la blta ba dang / bsnyen bkur bya ba'i phyir bcom 
ldan 'das kyi spyan sngar song ba dang / de dag de'i lam kar song nas/ rgyal po la rgyal ba dang tshe spel ba byas nas 'di skad ces smras so/ /lha bdag cag ni rdzu 'phrul dang ldan pa ye shes can du smra ba lags zhes byas nas/ mi'i chos bla ma'i rdzu 'phrul gyi cho 'phrul nyis gyur 
sum gyur du bstan par bgyi na dge sbyong gau ta ma shul gyi phyed du dgug tu gsol/ bdag cag kyang shul gyi phyed du mchi'o zhes bya ba'i bar snga ma bzhin no/ /rgyal pos smras pa/ kye 'di'i tshe ni der zad/ gal te khyed don 'di lan gsum gyi bar du zer na khyed spyugs te btang ngo 
zhes des de dag thag bcug pa dang slar song ngo / /rang gi gnas su phyin pa dang / yang bgros pa/ shes ldan dag ma ga d+hA'i rgyal po bzo sbyangs gzugs can snying po ni dge sbyong gau ta ma phyogs byed pas mnyan yod na ko sa la'i rgyal po gsal rgyal gzu bo lta bu zhig 
yod ces grag gis/ gang gi tshe dge sbyong gau ta ma mnyan yod du 'ongs pa de'i tshe bdag cag gis dge sbyong gau ta ma mi'i chos bla ma'i rdzu 'phrul gyi cho 'phrul la dgug par bya'o/ /ci tsam dus gzhan zhig na bcom ldan 'das rgyal po'i khab tu ji srid dgyes kyi bar du bzhugs 
nas mnyan yod gang na bar ljongs rgyu zhing gshegs so/ /rim gyis ljongs rgyu zhing gshegs pa las mnyan yod du byon nas/ mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas rdzogs byed la sogs pa ston pa drug po 
rnams kyang bcom ldan 'das kyi rjes bzhin mnyan yod du dong ngo / /de nas rim gyis mnyan yod du phyin pa dang / de dag lam gyis dub pa ngal bso nas ko sa la'i rgyal po gsal rgyal ga la ba der song ste phyin pa dang / ko sa la'i rgyal po gsal rgyal la rgyal ba dang tshe 

</font><hr>11-1-42a<br><font size=+1>
spel ba byas nas smras pa/ lha bdag cag ni rdzu 'phrul dang ldan pa/ ye shes can du smra ba lags/ dge sbyong gau ta ma yang bdag nyid rdzu 'phrul dang ldan pa/ ye shes can du smra ba lags par sems na/ de'i slad du ye shes can du smra ba dang / ye 
shes can du smra ba lhan cig mi'i chos bla ma'i rdzu 'phrul gyi cho 'phrul ston du stsal ba'i rigs so/ /gal te dge sbyong gau ta mas mi'i chos bla ma'i rdzu 'phrul gyi cho 'phrul gcig bstan na bdag cag gis gnyis/ dge sbyong gau ta mas gnyis na bdag cag gis bzhi/ dge sbyong 
gau ta mas bzhin bdag cag gis brgyad/ dge sbyong gau ta mas brgyad na bdag cag gis bcu drug /dge sbyong gau ta mas bcu drug na bdag cag gis sum bcu rtsa gnyis te/ dge sbyong gau ta mas mi'i chos bla ma'i rdzu 'phrul gyi cho 'phrul ji snyed bstan pa las bdag cag 
gis nyis gyur sum gyur tu mi'i chos bla ma'i rdzu 'phrul gyi cho 'phrul bstan par bgyis/ dge sbyong gau ta ma shul gyi phyed du dgug tu gsol/ bdag cag kyang shul phyed du mchi'o/ /ko sa la'i rgyal po gsal rgyal gyis smras pa/ shes ldan dag gal te de lta na bdag gis 
bcom ldan 'das la zhus te byas re zhig sdod cig /de rnams kyis smras pa/ lha legs kyis de ltar mdzad du gsol sdod do/ /de nas yul ko sa la'i rgyal po gsal rgyal bcom ldan 'das gang na ba der song ste phyin nas bcom ldan 'das kyi zhabs la mgo bos phyag 
'tshal te phyogs gcig tu 'dug go/ /phyogs gcig tu 'dug nas bcom ldan 'das la ko sa la'i rgyal po gsal rgyal gyis 'di skad ces gsol to/ /btsun pa mu stegs can de rnams bcom ldan 'das mi'i chos bla ma'i rdzu 'phrul gyi cho 'phrul la spyan 'dren na de'i slad 
du bcom ldan 'das kyis mi'i chos bla ma'i rdzu 'phrul gyi cho 'phrul bstan du gsol/ mu stegs can rnams thag stsal du gsol/ lha dang mi rnams dga' bar bgyir gsol/ skyes bu dam pa rnams glo ba rangs par bgyir gsol/ de skad ces gsol pa dang / bcom 

</font><hr>11-1-42b<br><font size=+1>
ldan 'das kyis ko sa la'i rgyal po gsal rgyal la 'di skad ces bka' stsal to/ /rgyal po chen po nga ni nyan thos rnams la 'di skad du dge slong dag khyed tshur bram ze dang khyim bdag 'ongs shing 'ongs pa rnams la mi'i chos bla ma'i rdzu 'phrul gyi cho 'phrul ston cig ces chos ston par mi byed 
kyi/ 'on kyang nga ni nyan thos rnams la 'di skad du dge slong dag dge ba ni ma spyoms shig /sdig pa ni shogs te gnos shig ces chos ston to/ /ko sa la'i rgyal po gsal rgyal gyis lan gnyis lan gsum gyi bar du bcom ldan 'das la 'di skad ces gsol to/ /btsun pa 
mu stegs can de rnams bcom ldan 'das mi'i chos bla ma'i rdzu 'phrul gyi cho 'phrul la spyan 'dren na de'i slad du bcom ldan 'das kyis mi'i chos bla ma'i rdzu 'phrul gyi cho 'phrul bstan du gsol/ mu stegs can rnams thag stsal du gsol/ lha dang mi rnams dga' bar bgyir gsol/ 
skyes bu dam pa rnams glo ba rangs par bgyir gsol/ bcom ldan 'das kyis ko sa la'i rgyal po gsal rgyal la lan gnyis lan gsum gyi bar du 'di skad ces bka' stsal to/ /rgyal po chen po nga ni nyan thos rnams la 'di skad du dge slong dag khyed tshur bram ze dang khyim bdag 'ongs shing 
'ongs pa rnams la mi'i chos bla ma'i rdzu 'phrul gyi cho 'phrul ston cig ces chos ston par mi byed kyi/ 'on kyang nga ni nyan thos rnams la 'di skad du dge slong dag dge ba ni ma spyoms shig /sdig pa ni shogs te gnos shig ces chos ston to/ /sangs rgyas bcom ldan 'das rnams kyi 
nges par mdzad pa ni lnga yin te/ lnga gang zhe na/ snga phyi med pa'i sems can bla na med pa yang dag par rdzogs pa'i byang chub tu sems bskyed par mdzad pa dang / nyan thos dge ba'i rtsa ba bsags pa rgyal tshab tu dbang bskur bas dbang bskur bar mdzad pa dang / yab dang yum 
bden pa la 'god par mdzad pa dang / mnyan yod du cho 'phrul chen po bstan par mdzad pa dang / sangs rgyas kyis gdul bar bya ba thams cad 'dul ba'o/ /bcom ldan 'das kyis sngon gyi yang dag par rdzogs pa'i sangs rgyas rnams kyi cho 'phrul chen po gang du bstan ces 

</font><hr>11-1-43a<br><font size=+1>
dgongs na mnyan yod du yin par gzigs so/ /yang skye bo'i tshogs chen pos dus ji tsam na khong du chud par 'gyur zhes dgongs na zhag bdun lon nas 'gyur bar mkhyen nas ko sa la'i rgyal po gsal rgyal la 'di skad ces bka' stsal to/ /rgyal po chen po song la 
de bzhin byas ci rigs par sgrubs shig ces gyis shig /bcom ldan 'das dus ji tsam na/ rgyal po chen po zhag bdun na'o/ /de nas ko sa la'i rgyal po gsal rgyal bcom ldan 'das kyi zhabs la mgo bos phyag 'tshal nas bcom ldan 'das kyi spyan snga nas song ste/ mu 
stegs can rnams la smras pa/ kye bcom ldan 'das ni zhag bdun na rdzu 'phrul gyi cho 'phrul chen po ston par mdzad kyis khyed cag gis bya zhing bsham dgos pa ci yod pa de gyis shig /mu stegs can rnams kyis bgros pa/ shes ldan dag yang na ni dge sbyong gau ta ma 'bros par 
'gyur ro/ /yang na ni grogs tshol bar 'gyur na de la ji ltar bsgrub/ de dag 'di skad ces kye dge sbyong gau ta ma ni gdon mi za bar grogs tshol bar 'gyur bas ji ste de ltar gyur na bdag cag gis kyang grogs btsal lo/ /de'i tshe ku sha'i grong khyer na kun du rgyu shin tu bzang po zhes bya 
ba rgas pa/ 'khogs pa/ gtugs pa/ ku sha'i grong khyer gyi gyad rnams kyis dgra bcom par bkur zhing rim gro byas/ bkur stir byas/ bla mar byas/ mchod par byas pa zhig 'dug go/ /de rnams kyis gros bcas nas de'i drung du song ste smras pa/ shin tu bzang 
po khyod dang bdag cag tshangs pa mtshungs par spyod pa yin te/ bdag cag gis dge sbyong gau ta ma mi'i chos bla ma'i rdzu 'phrul gyi cho 'phrul la bos kyis grogs gyis shig /des smras pa/ kye khyed kyis dge sbyong gau ta ma mi'i chos bla ma'i rdzu 'phrul gyi cho 'phrul la bos pa ni ma legs 
pa zhig byas so/ /de ci'i phyir zhe na/ de ni rdzu 'phrul che ba/ mthu che ba yin no/ /ji ltar shes/ 'thad pa lags so/ /'di la gtan tshigs ci yod/ shes ldan dag gang gi tshe dge sbyong gau ta ma 'jig rten du ma byung ba de'i tshe kho bo dal gyis 'bab pa zhes bya ba'i mtsho 'gram 

</font><hr>11-1-43b<br><font size=+1>
na nyin mo gnas shing kho bo bsod snyoms blangs nas mtsho chen po ma dros par song ste za'o/ /de na kho bo phyogs gcig na 'dug pa la ma dros pa na gnas pa'i lha rnams kyis chu bcus shing sbyin par byed do/ /gang gi tshe dge sbyong gau ta ma 'jig rten du byung ba de'i tshe de'i nyan thos kyi mchog shA 
ri'i bu zhes bya ba de'i dge sbyong skul byed ces bya ba des phyag dar khrod pa khyer nas mtsho chen po ma dros par 'ongs pa dang / ma dros pa na gnas pa'i lha de rnams de'i phyag dar khrod pa de dag bkrus nas 'bul bar byed la/ bkrus pa'i chu des kyang bdag nyid kyi mgo bor 'debs par byed do/ /
de lta bas na bdag cag gang gi yang slob ma dang yang mi mnyam pa de khyed kyis mi'i chos bla ma'i rdzu 'phrul gyi cho 'phrul la bos pa ni ma legs par byas so/ /de rnams phan tshun du kye 'di yang de'i phyogs zhig yin pas bdag cag gzhan tshol du 'dong ngo zhes smras nas de rnams kyis de la g.yo'i 
kun tu spyod pas bkur sti bya ba ltar byas te dong nas sa phyogs dben pa gzhan zhig tu 'dug nas bgros pa/ kye bdag cag gis grogs gzhan ji ltar btsal bar bya smros shig /de las kha cig gis smras pa/ grong khyer skyed mos tshal gyi nags zhes bya ba 'di na lnga mngon par 
shes pa che ge mo zhig gnas pas de'i gan du dong dang / de bdag cag gi grogs byed par 'gyur ro/ /kha cig gis smras pa/ des mi nus kyi 'on kyang dka' thub kyi nags tshal che ge mo zhes bya ba na dka' thub can lnga mngon par shes pa che ge mo zhes bya ba gnas pa de'i drung du dong na de 
bdag cag gi grogs byed par 'gyur ro/ /de'i tshe gangs ri'i sul shing sna tshogs kyi nags tshal gyis brgyan pa/ chu mig dang / me tog dang / 'bras bu dang / rtsa ba phun sum tshogs pa/ 'bab chu dang / mtshe 'us mdzes par byas pa na drang srong lnga brgya tsam zhig gnas te 
phal cher mngon par shes pa lnga dang ldan pa'o/ /de'i nang nas drang srong mngon par shes pa lnga dang ldan pa gcig grong khyer gyi nye 'khor du 'ongs nas de phan tshun 'phyan pa las de rnams kyi drung du 'ongs pa dang / de rnams kyis de la byon pa legs so zhes bya ba kun tu spyad nas khyod gang 

</font><hr>11-1-44a<br><font size=+1>
nas 'dir 'ongs zhes dris pa dang / des ji ltar gyur pa rnams brjod do/ /de rnams yid bde ba skyes nas de dag gi drung du song ngo / /de nas phan tshun yang dag par dga' bar byas nas lam gyis dub pa ngal bso ste/ kye khyed dang bdag cag tshangs pa mtshungs par 
spyod pa yin te/ bdag cag gis dge sbyong gau ta ma mi'i chos bla ma'i rdzu 'phrul gyi cho 'phrul la bos na khyed kyis kyang grogs gyis shig /de dag gis smras pa/ kye legs te de bzhin du bya na 'on kyang nged la mtshan ma ston cig /de rnams yid bde ba skyes nas de dag la gus par smra 
bas mgu bar byas te dong ngo / /re zhig na ko sa la'i rgyal po gsal rgyal gyi mas dben gyi nu bo rgyal bu gzhon nu na gu zhes bya ba de dri dang me tog gi phreng bas brgyan nas rgyal po'i pho brang gi drung na mar song ba las de'i btsun mo zhig steng gi khang bzangs kyi thog nas me tog gi phreng ba 
bor ba dang / de'i lus la phog pa gzhan zhig gis mthong ngo / /'jig rten na mdza' ba dang mi mdza' ba dang tha mal pa yin pas des kyang blon po la byas so/ /blon pos kyang rgyal po la lha rgyal bu gzhon nu na gu ni lha'i btsun mo dang khri'o zhes gsol to/ /rgyal po rnams ni ma brtags 
par byed pa yin pas des blon po rnams la shes ldan dag ngas rgyal bu gzhon nu na gu yongs su btang gis deng la rkang lag med par gyis shig ces bsgo ba dang / de dag gis de srang du khrid nas rkang lag med par byas te bzhag nas de'i gnyen mig mchi mas gang ba rnams dang / skye 
bo'i tshogs chen po gzhan dag gis kyang yongs su bskor cing 'dug go/ /ci tsam na mu stegs can rnams kyang phyogs der 'ongs pa dang / de dag la de'i gnyen rnams kyis 'phags pa rgyal bu gzhon nu na gu'i yan lag dang nying lag dag ji ltar snga mkho bzhin du 'gyur ba'i 
bden pa'i tshig mdzad du gsol zhes smras pa dang / de dag spobs pa med nas cang mi zer bar langs te dong ngo / /ji tsam na tshe dang ldan pa kun dga' bo bsod snyoms la rgyu ba las phyogs der phyin pa dang / de dag gis de la smras pa/ 'phags pa rgyal bu gzhon nu na gu yan 

</font><hr>11-1-44b<br><font size=+1>
lag dang nying lag ji ltar snga mkho bzhin du 'gyur bar bden pa'i tshig mdzad du gsol/ des smras pa/ shes ldan dag bcom ldan 'das la zhus te 'ong ngo zhes byas pa dang / de dag 'di da ni sos zin to zhes dbugs phyin par gyur to/ /de nas tshe dang ldan pa kun dga' bo rings pa 
rings par mnyan yod du song ste bsod snyoms bzhag nas bcom ldan 'das kyi spyan sngar song ste skabs de bcom ldan 'das la rgya cher gsol pa dang / bcom ldan 'das kyis bka' stsal pa/ /kun dga' bo song la rgyal bu gzhon nu na gu'i gnyen gyis yan lag dang nying lag 
dag gnas ji lta ba bzhin du 'jog tu chug la bden pa'i tshig 'di ltar gyis shig /bden pa dang bden pa'i tshig gang gis sems can rkang pa med pa dang / rkang gnyis dang / rkang bzhi pa dang / rkang mangs dang / gzugs can dang / gzugs med pa dang / 'du shes yod 
pa dang / 'du shes med pa dang / 'du shes med 'du shes med min gang su yang rung de dag gi nang na de bzhin gshegs pa dgra bcom pa yang dag par rdzogs pa'i sangs rgyas mchog tu gsungs pa dang / 'dus byas dang / 'dus ma byas kyi chos gang ci yang rung ba de dag gi nang na 'dod 
chags dang bral ba'i chos mchog tu gsungs pa dang / 'dus pa'am/ mang po'am/ tshogs pa'am/ 'khor gang su yang rung de dag gi nang na de bzhin gshegs pa'i nyan thos kyi dge 'dun mchog tu gsungs pa dang / tshul khrims dang / brtul zhugs dang / dka' 
thub dang / tshangs par spyod pa la gnas pa gang ci yang rung ba de dag gi nang na 'phags pa dgyes pa'i tshul khrims mchog tu gsungs pa'i bden pa dang bden pa'i tshig 'dis rgyal bu gzhon nu na gu'i yan lag dang nying lag dag sngon gyi ji lta ba bzhin du gyur cig ces byos shig dang snga mkho bzhin 
du 'gyur ro/ /tshe dang ldan pa kun dga' bos btsun pa de ltar 'tshal lo zhes bcom ldan 'das kyi ltar mnyan nas de'i gnyen rnams kyis yan lag dang nying lag gnas ji lta ba bzhin du bzhag nas 'di ltar bden pa'i tshig bya bar brtsams te/ bden pa dang bden pa'i tshig gang gis 

</font><hr>11-1-45a<br><font size=+1>
sems can rkang pa med pa dang zhes bya ba nas/ gang su yang rung de dag gi nang na 'phags pa dgyes pa'i tshul khrims mchog tu gsungs pa'i bden pa dang bden pa'i tshig des de yan lag dang nying lag snga mkho bzhin du gyur cig ces bya ba'i bar snga ma bzhin du byas pa dang / 
bden pa'i tshig gis de'i yan lag dang nying lag ji ltar snga ma bzhin du gnas par gyur nas skye bo'i tshogs kyis ngo mtshar du gyur pa'i mig phye ste/ a la la 'phags pa kun dga' bos mu stegs can pham par byas so zhes sgra bo che bton to/ /de nas tshe dang ldan pa kun dga' bos rgyal bu 
gzhon nu na gu khrid nas bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas tshe dang ldan pa kun dga' bos bcom ldan 'das la 'di skad ces btsun pa rgyal bu gzhon nu na gu de ni 'di 
lags so zhes gsol pa dang / de nas rgyal bu gzhon nu na gus bcom ldan 'das kyi zhabs la mgo bos phyag 'tshal te phyogs gcig tu 'dug go/ /bcom ldan 'das kyis de'i bsam pa dang / bag la nyal dang / khams dang / rang bzhin thugs su chud nas de dang 'tsham pa'i chos 
bstan pa mdzad do/ /rgyal bu gzhon nu na gus de thos ma thag tu bden pa mngon par rtogs te phyir mi 'ong ba'i 'bras bu mngon du byas shing rdzu 'phrul yang thob par gyur to/ /ko sa la'i rgyal po gsal rgyal gyis 'phags pa kun dga' bos bden pa'i tshig ji lta ba bzhin du byas pas rgyal 
bu gzhon nu na gu'i yan lag dang nying lag snga mkho bzhin du gyur to zhes thos so/ /thos nas kyang rgyal bu gzhon nu na gu gang na ba der song ste phyin nas/ rgyal bu gzhon nu na gu la 'di skad ces smras so/ /gzhon nu tshur shog khyim du 'dong / des smras pa/ lha bdag ni bcom ldan 
'das la bsnyen bkur 'tshal zhing 'di nyid du mchis so/ /legs kyis de bzhin du gyis shig ces des kun dga'i ra ba'i nang der 'chags byas so/ /de de na 'dug pa na de'i yan lag dang nying lag dum bu slar 'byor pas de'i ming dum bu'i kun dga' ra ba pa dum bu'i kun dga' ra ba pa 

</font><hr>11-1-45b<br><font size=+1>
zhes bya bar chags so/ /de nas ko sa la'i rgyal po gsal rgyal gyis bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas ko sa la'i rgyal po gsal rgyal gyis 
bcom ldan 'das la 'di skad ces gsol to/ /gal te bcom ldan 'das kyis gnang na bdag gis mnyan yod nas rgyal byed kyi tshal ji srid pa de'i bar du cho 'phrul chen po bstan pa'i 'dun khang bgyi'o/ /bcom ldan 'das kyis bka' stsal pa/ rgyal po chen po legs kyis 
gyis shig dang der gdon mi za bar skye bo'i tshogs chen po 'du bar 'gyur ro zhes bka' stsal pa dang / ko sa la'i rgyal po gsal rgyal gyis mnyan du yod pa dang / rgyal byed kyi tshal ji srid pa de'i bar du sa gzhi yongs su sbyangs nas cho 'phrul chen po bstan pa'i 'dun khang bshams 
te 'dun khang gos brgya stong ri bas g.yogs pa/ tsan dan gyi chus chag chag btab pa/ dri zhim po'i bdug pa'i snod bzhag pa/ ba dan dang rgyal mtshan bsgreng ba/ dar gyi chun 'phyang gi tshogs dpyangs pa/ me tog sil ma sna tshogs bkram pa/ lha rnams kyi dga' 
tshal gyi skyed mos tshal bzhin du nyams dga' bar byas nas der bcom ldan 'das kyi phyir rdo rje dang / bai DUr+ya dang / margad dang / byi ru dang / nor bu dang / mu tig dang / an da rnyil dang / mthon ka chen po dang / pad+ma rA gas brgyan cing spras pa'i gser gyi seng ge'i khri 
yang bshams so/ /mu stegs can gyi dge bsnyen rnams kyis kyang rang gi 'byor pa dang mthun pa'i gos kyis g.yogs pa'i 'dun khang drug kyang byas/ stan drug kyang bshams nas de dag tu mu stegs can rnams rang gi 'khor gyis bskor nas sngar 'ongs te 'dug nas rgyal po la lha 
bdag cag ni mchis lags na dge sbyong gau ta ma dgug tu gsol zhes pho nya btang ngo / /rgyal pos thos nas kyang btsun mo dang / gzhon nu dang / pho brang 'khor gyi mi dang bcas te cho 'phrul chen po'i 'dun khang du song nas des bram ze'i khye'u bla ma la bram ze'i khye'u khyod tshur shog /

</font><hr>11-1-46a<br><font size=+1>
bcom ldan 'das gang na bzhugs pa der song la phyin pa dang / bcom ldan 'das kyi zhabs la mgo bos phyag 'tshal te bdag gi mchid nas gnod pa chung ngam/ nyam nga ba nyung ngam/ bskyod pa yang ngam/ 'tsho'am/ stobs dang bde ba la reg 
par gnas sam/ kha na ma tho ba mi mnga'a'am zhes snyun gsol la 'di skad ces btsun pa mu stegs can de rnams tshogs shing mchis lags na/ bcom ldan 'das kyis de'i dus la bab par dgongs su gsol zhes kyang gsol cig /lha de ltar 'tshal lo zhes bram ze'i 
khye'u bla ma ko sa la'i rgyal po gsal rgyal gyi ltar mnyan nas bcom ldan 'das ga la ba der song ste phyin pa dang / bcom ldan 'das dang lhan cig phan tshun yang dag par dga' ba dang / yang dag par mgu bar gyur pa'i gtam rnam pa sna tshogs byas te phyogs gcig tu 'dug go /
phyogs gcig tu 'dug nas bram ze'i khye'u bla mas bcom ldan 'das la 'di skad ces gsol to/ /kyai gau ta ma ko sa la'i rgyal po gsal rgyal gau ta ma'i zhabs la phyag 'tshal nas gnod pa chung ngam/ nyam nga ba nyung ngam/ bskyod pa yang ngam/ 'tsho'am/ stobs dang bde ba la 
reg par gnas sam/ kha na ma tho ba mi mnga' 'am zhes snyun gsol zhing mchis zhes gsol pa dang / bram ze'i khye'u bla ma ko sa la'i rgyal po gsal rgyal dang / khyod bde bar gyur cig /ko sa la'i rgyal po gsal rgyal gyi mchid nas kye gau ta ma mu stegs can rnams cho 
'phrul chen po'i 'dun khang du lhags nas 'dus shing mchis na bcom ldan 'das kyis de'i dus la bab par dgongs su gsol zhes mchi'o/ /bcom ldan 'das kyis bla ma song shig nga yang 'ong ngo zhes bka' stsal pa dang / bram ze'i khye'u bla ma song ngo / /bcom ldan 'das 
kyis ji ltar ngang pa'i rgyal po 'dab ma brkyang ba de ltar byin gyis brlabs nas nam mkha'i dkyil du 'phags te/ srog chags brgya stong du ma ngo mtshar gyi mig phye nas a la la zhes ca co dang ga zha'i sgra bton te lta bzhin du nam mkha' las cho 'phrul chen po'i 'dun khang du gshegs 

</font><hr>11-1-46b<br><font size=+1>
so/ /ko sa la'i rgyal po gsal rgyal gyis 'byor pa de dag mthong nas ya mtshan gyis yid dad par gyur te mu stegs can rnams la 'di skad ces smras so/ /kye bcom ldan 'das kyis mi'i chos bla ma'i rdzu 'phrul gyi cho 'phrul bstan zin te/ da ni khyed kyi res la bab kyis 
khyed kyis ston cig /de rnams kyis smras pa/ lha gzhes shig skye bo'i tshogs chen po 'dir 'dus lags na cho 'phrul chen po 'di ci dge sbyong gau ta ma lags sam/ 'on te bdag cag gi lags sam gang gi lags sus 'tshal/ de nas de'i mod la dum bu'i kun dga' 
ra ba pa'i rdzu 'phrul gyis ri spos kyi ngad ldang las shing a mra yal ga dang / lo ma dang / 'dab ma dkar po du mas bklubs pa/ bya'i tshogs du ma skad 'byin pa blangs nas cho 'phrul chen po'i 'dun khang gi byang phyogs su bzhag pa dang / de yang rgyal pos mthong nas yid bde 
ba skyes te lan gnyis kyi bar du mu stegs can rnams la 'di skad ces smras so/ /bcom ldan 'das kyis mi'i chos bla ma'i rdzu 'phrul gyi cho 'phrul bstan zin te/ da ni khyed kyi res la bab kyis khyed kyis ston cig /de dag gis smras pa/ lha bdag cag gis khyod la 
sngar ma gsol tam/ lha skye bo'i tshogs chen po 'dir 'dus lags na cho 'phrul chen po 'di ci dge sbyong gau ta ma'i lags sam/ 'on te bdag cag gi lags sam/ su'i lags sus 'tshal/ de nas de'i mod la khyim bdag ngan legs sbyin gyis rdzu 'phrul gyis sum 
bcu rtsa gsum gyi lha'i dpag bsam gyi shing blangs nas cho 'phrul chen po'i 'dun khang gi lho phyogs kyi ngos su bzhag pa dang / de yang ko sa la'i rgyal po gsal rgyal gyis mthong nas yang shin tu dga' ba dang mgu ba skyes nas lan gsum gyi bar du mu stegs can rnams la 'di 
skad ces smras so/ /kye bcom ldan 'das kyis mi'i chos bla ma'i rdzu 'phrul gyi cho 'phrul bstan zin te/ da ni khyed kyi res la bab kyis khyed kyis ston cig /de dag gis smras pa/ bdag cag gis gsol lags mod kyi/ 'on kyang lan gsum gyi bar du gsol ba 

</font><hr>11-1-47a<br><font size=+1>
bgyi ste/ lha skye bo'i tshogs chen po 'dir 'dus lags na cho 'phrul chen po 'di ci dge sbyong gau ta ma'i lags sam/ 'on te bdag cag gi lags sam/ su'i lags sus 'tshal/ de nas bcom ldan 'das kyi cho 'phrul chen po lta bar spro ba'i srog 
chags brgya stong du ma yang 'dus/ lha brgya stong du ma yang nam mkha'i dkyil du 'dus par gyur pa dang / bcom ldan 'das kyis gtsug lag khang gi phyi rol du zhabs bkrus te gtsug lag khang du gshegs nas gdan bshams pa nyid la bzhugs te me'i khams la snyoms par 
zhugs so/ /de nas sgo 'phar gyi gseb nas 'od zer byung bas cho 'phrul chen po'i 'dun khang thams cad bsreg par brtsams pa dang / mu stegs can rnams kyis smras pa/ lha da ni dge sbyong gau ta ma cho 'phrul chen po'i khang pa tshig cing mchis na gal te dge sbyong 
gau ta mas rngo thog na 'dir mchis la zhi bar bgyid grang zhes byas pa dang / rgyal po cang mi zer bar sems khong du chud cing 'dug go/ /de bzhin du btsun mo phreng ldan ma dang / rgyal rigs dbyar tshul ma dang /phya mkhan drang srong byin dang / rnying pa dang / khyim bdag 
mgon med zas sbyin dang / ri dgas dgra'i ma sa ga dang / gzhan yang dad pa can mang po dang / bar mar gnas pa kha cig kyang cang mi zer bar 'dug go/ /mu stegs can rnams dang / de'i slob ma rnams ni rab tu dga' bar gyur to/ /de nas me des cho 'phrul 
chen po'i 'dun khang gi dri ma thams cad bsregs nas rang nyid zhi bar gyur te/ 'di ltar sangs rgyas rnams kyi sangs rgyas kyi mthu dang / lha rnams kyi lha'i mthus cho 'phrul chen po'i 'dun khang dri ma med cing gsal la mdzes par gyur cing 'dug go/ /de nas yang 
rgyal po srog shor ba las rnyed pa lta bur dga' ba dang / yid bde ba skyes nas mu stegs can rnams la 'di skad ces smras so/ /kye bcom ldan 'das kyis mi'i chos bla ma'i rdzu 'phrul gyi cho 'phrul bstan zin te/ da ni khyed kyi res la bab kyis khyed kyis ston cig ces 

</font><hr>11-1-47b<br><font size=+1>
byas pa dang / de dag spobs pa med nas cang mi zer bar 'dug go/ /de nas bcom ldan 'das kyis mngon par 'du bya ba dang bcas par zhabs g.yas pa dri gtsang khang gi nang du bsnun pa dang sa rnam pa drug tu g.yos par gyur nas sa chen po 'di g.yos/ kun 
du g.yos/ kun du rab tu g.yos/ 'gul/ kun tu 'gul/ kun du rab tu 'gul bar gyur te/ shar phyogs mtho na nub phyogs dma'/ nub phyogs mtho na shar phyogs dma'/ byang phyogs mtho na lho phyogs dma'/ lho phyogs mtho na byang 
phyogs dma'/ dbus mtho na mtha' dma'/ mtha' mtho na dbus dma' bar gyur to/ /sa g.yos pa des gangs ri'i khrod kyi kun dga' ra ba na gnas pa'i drang srong rnams bskul bas de dag phan tshun du shes ldan dag bdag cag la tshangs pa mtshungs par 
spyod pa de dag gis mtshan ma dag bstan kyis 'dong ngo zhes smras nas de dag dong ba dang / bcom ldan 'das kyis de rnams 'dul ba la gzigs te nyi ma stong bas lhag pa'i 'od gser gyi kha dog lta bu'i 'od zer bkye bas de dag gis bcom ldan 'das kyi drung nas 
drang srong de rnams kyi bar thag ji srid pa de gser bzhun ma lta bur gyur to/ /drang srong de rnams kyis sangs rgyas bcom ldan 'das nyi ma dang po shar ba'i dkyil 'khor ltar mdzes pa/ gser sbyangs pa'i dum bu'i tshogs spungs pa lta bu/ me tog ku ran da ka dang / 
mya ngan 'tshang gi phung po lta bu'i mdangs can/ gsung dbyangs sprin chu dang bcas pa dang / rgya mtsho dang / khyu mchog dang / rnga sgra ltar zab cing brtan la rnam par gsal ba/ mnyan na bde zhing snyan pa/ 'phral ba'i phyogs 'o ma'i rgya mtsho'i dbu ba dang / mu tig 
gi do shal dang / pad+ma'i rtsa lag dang / ngang pa dang / me tog kun da dang / shel spungs pa lta bur dkar ba'i mdzod spus rnam par brgyan pa/ yon tan rmad du byung ba bsam gyis mi khyab pa grangs med pa'i tshogs kyis gnas pa/ srid pa'i dga' ba dang bde ba 

</font><hr>11-1-48a<br><font size=+1>
dang / bkur sti la mngon par dga' ba'i dri ma'i 'dam gyi skyon dang bral ba/ dus dpag tu med pa nas tshogs bsags pa'i ye shes bla na med pa phul du phyin pa'i rgyan gyis brgyan pa'i grags pa can/ lha'i dbang po'i cod pan rin po che'i myu gus zhabs gnyis la 
gtugs pa/ lha dang / lha ma yin dang / mi dang / lha dang / klu dang / gnod sbyin dang / dri za dang / sngags 'chang dang / brang 'gro mchod 'os rnams kyis rjed pa/ mdor na sku skyes bu chen po'i mtshan sum bcu rtsa gnyis kyis legs par brgyan pa/ dpe byad bzang po brgyad 
cus rnam par spras pa/ 'od 'dom gang pas brgyan pa/ 'od nyi ma stong bas lhag pa/ rin po che'i ri 'gro ba lta bu kun nas bzang ba mthong ngo / /ji ltar sems can dge ba'i rtsa ba bsags pa'i rgyu can gyis dang po sangs rgyas mthong ba ltar lo bcu gnyis su zhi gnas kyi sems goms 
pa'am/ bu med pas bu rnyed pa'am/ bkren pas gter mthong ba'am/ rgyal po mngon par 'dod pa dang po rgyal por dbang bskur ba ni de lta ma yin pas drang srong de rnams kyis bcom ldan 'das kyi zhabs la mgo bos phyag 'tshal nas phyogs gcig tu 'dug go/ /bcom 
ldan 'das kyis de rnams kyi bsam pa dang / bag la nyal dang / khams dang / rang bzhin mkhyen nas 'phags pa'i bden pa bzhi rtogs par 'gyur ba de lta bu'i chos bstan pa mdzad pa dang / de rnams kyis de thos nas 'jig tshogs la lta ba'i ri'i rtse mo nyi shu mtho ba ye shes kyi 
rdo rjes bcom nas rgyun du zhugs pa'i 'bras bu mngon sum du byas so/ /de rnams bden pa mthong nas stan las langs te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /btsun pa bdag cag legs par gsungs 
pa'i chos 'dul ba la rab tu 'byung zhing bsnyen par rdzogs pa dge slong gi dngos po 'thob na bdag cag bcom ldan 'das kyi spyan sngar tshangs par spyad pa spyod par 'tshal lo/ /bcom ldan 'das kyis de rnams rab tu phyung bsnyen par rdzogs par mdzad de gdams ngag phog 

</font><hr>11-1-48b<br><font size=+1>
pa dang / de rnams kyis 'bad brtsal bsgrims pas 'khor ba'i 'khor lo g.yo ba dang mi g.yo ba cha lnga pa 'di nyid rig nas 'du byed kyi rnam pa thams cad 'jig pa dang / ltung ba dang / 'gyes pa dang / 'joms pa'i chos can du rtogs te nyon mongs pa thams cad 
spangs nas dgra bcom pa nyid mngon sum du byas te/ dgra bcom pa khams gsum gyi 'dod chags dang bral ba/ gser dang bong bar mnyam pa/ nam mkha' dang lag mthil du 'dra ba/ tsan dan dang ste 'ur mtshungs pa/ rig pas ma rig pa'i sgo nga'i sbubs bcom 
pa/ mngon par shes pa dang / so so yang dag par rig pa thob pa/ srid pa dang rnyed pa la chags pa dang / bsnyen bkur la rgyab kyis phyogs pa/ dbang po dang nye dbang du bcas pa'i lha rnams kyis mchod pa dang / rjed par bya ba dang / gus par bya bar gyur to/ /
de nas bcom ldan 'das 'khor dgra bcom pa lnga brgya dang thabs cig zla ba kham pa lta bur bskor nas cho 'phrul chen po'i 'dun khang ga la ba der gshegs te byon nas 'khor brgya phrag du ma'i gung la seng ge'i khri la bzhugs so/ /de nas dge bsnyen ma rdzu 'phrul len gyi ma 
bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das thugs khral chung ngur mdzad du gsol/ bdag gis mu stegs can rnams dang lhan cig mi'i chos 
bla ma'i rdzu 'phrul gyi cho 'phrul bstan par bgyi zhing mu stegs can rnams thag stsal bar bgyi/ lha dang mi rnams dga' bar bgyi/ skye bo dam pa rnams glo ba rangs par bgyi lags so/ /bcom ldan 'das kyis bka' stsal pa/ rdzu 'phrul len gyi ma khyod sems khral chung 
ngur gyis shig /khyod kyis mu stegs can rnams dang lhan cig mi'i chos bla ma'i rdzu 'phrul gyi cho 'phrul bstan cing mu stegs can rnams thag gzhug pa dang / lha dang mi rnams dga' bar bya ba dang / skye bo dam pa rnams snying rangs par bya bar nus mod kyi/ 'on kyang 'di rnams 

</font><hr>11-1-49a<br><font size=+1>
khyod mi'i chos bla ma'i rdzu 'phrul gyi cho 'phrul la mi 'bod kyi/ 'di rnams nga mi'i chos bla ma'i rdzu 'phrul gyi cho 'phrul la 'bod pas nga nyid kyis 'di dag la mi'i chos bla ma'i rdzu 'phrul gyi cho 'phrul bstan par bya'o/ /gal te khyod kyis 'di rnams dang lhan cig mi'i 
chos bla ma'i rdzu 'phrul gyi cho 'phrul bstan na mu stegs can rnams dge sbyong gau ta ma la mi'i chos bla ma'i rdzu 'phrul gyi cho 'phrul med kyi/ 'on kyang 'di'i nyan thos ma rdzu 'phrul len gyi ma 'di ltar rdzu 'phrul che zhing 'di ltar mthu che ba zhig nged dang lhan cig mi'i chos bla ma'i rdzu 
'phrul gyi cho 'phrul ston to zhes smra bar 'gyur bas/ khyod rang gi stan ji lta ba la 'dug shig /ces bka' stsal pa dang / de rang gi stan ji lta ba la 'dug ste/ khyim bdag ngan legs sbyin dang / dge tshul skul byed dang / dge tshul ma brjed med dang / dge 
slong ma ut+pa la'i mdog dang / gzhan yang rdzu 'phrul dang ldan pa phal mo che dag kyang de dang 'dra'o/ /de nas tshe dang ldan pa maud gal gyi bu chen po bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom 
ldan 'das la 'di skad ces gsol to/ /bcom ldan 'das thugs khral chung ngur mdzad du gsol/ bdag gis mu stegs can rnams dang lhan cig mi'i chos bla ma'i rdzu 'phrul gyi cho 'phrul bstan par bgyi zhing / mu stegs can rnams thag stsal bar bgyi/ lha dang 
mi rnams dga' bar bgyi/ skye bo dam pa rnams glo ba rangs par bgyi lags so/ /bcom ldan 'das kyis bka' stsal pa/ maud gal gyi bu khyod sems khral chung ngur gyis shig /khyod kyis mu stegs can rnams dang lhan cig mi'i chos bla ma'i rdzu 'phrul 
gyi cho 'phrul bstan cing / mu stegs can rnams thag gzhug pa dang / lha dang mi rnams dga' bar bya ba dang / skye bo dam pa rnams snying rangs par bya bar nus mod kyi/ 'on kyang 'di rnams khyod mi'i chos bla ma'i rdzu 'phrul gyi cho 'phrul la mi 'bod kyi/

</font><hr>11-1-49b<br><font size=+1>
nga 'di rnams kyis mi'i chos bla ma'i rdzu 'phrul gyi cho 'phrul la bos pas/ nga nyid kyis 'di dag la mi'i chos bla ma'i rdzu 'phrul gyi cho 'phrul bstan par bya'o/ /gal te khyod kyis mu stegs can rnams dang lhan cig mi'i chos bla ma'i rdzu 'phrul gyi cho 'phrul bstan na/ mu stegs 
can rnams dge sbyong gau ta ma la ni mi'i chos bla ma'i rdzu 'phrul gyi cho 'phrul med kyi/ 'on kyang 'di'i nyan thos dge slong maud gal gyi bu 'di ltar rdzu 'phrul che ba/ 'di ltar mthu che ba zhig nged dang lhan cig mi'i chos bla ma'i rdzu 'phrul gyi cho 'phrul ston to/ /zhes smra bar 
'gyur bas khyod rang gi stan ji lta ba la 'dug shig /ces bka' stsal pa dang / de yang rang gi stan ji lta ba la 'dug go/ /de nas bcom ldan 'das kyis ko sa la'i rgyal po gsal rgyal la bka' stsal pa/ rgyal po chen po de bzhin gshegs pa la mu stegs 
can rnams dang lhan cig mi'i chos bla ma'i rdzu 'phrul gyi cho 'phrul bstan par gsol pa 'debs pa su yin/ de nas ko sa la'i rgyal po gsal rgyal stan las langs te bla gos phrag pa gcig tu gzar nas/ bcom ldan 'das ga la ba de logs su thal mo sbyar ba 
btud de/ bcom ldan 'das la 'di skad ces gsol to/ /btsun pa bcom ldan 'das mu stegs can rnams dang / thabs cig mi'i chos bla ma'i rdzu 'phrul gyi cho 'phrul bstan cing / mu stegs can rnams thag stsal pa dang / lha dang mi rnams 
dga' bar bgyi ba dang / skye bo dam pa rnams glo ba rangs par bgyi bar gsol ba bdag lags te/ de ni dge sbyong dang bram zer bcas/ lha dang mir bcas pa'i skye dgu la yun ring po'i don dang / phan pa dang / bde bar 'gyur lags 
so/ /zhes gsol pa dang / bcom ldan 'das kyi ko sa la'i rgyal po gsal rgyal la cang mi gsung bas gnang ngo / /de nas ko sa la'i rgyal po gsal rgyal bcom ldan 'das kyis cang mi gsung bas gnang bar rig nas rang gi stan ji lta ba la 'dug go/ /de 

</font><hr>11-1-50a<br><font size=+1>
nas bcom ldan 'das kyis ji ltar thugs mnyam par bzhag na nyid kyi gdan las mi snang bar gyur nas/ shar phyogs kyi steng gi nam mkha' la mngon par 'phags te spyod lam bzhi po 'di lta ste/ gshegs pa dang / 'greng ba dang / bzhugs pa dang / gzims 
pa mdzad par 'gyur ba de lta bu'i ting nge 'dzin la snyoms par zhugs so/ /me'i khams la snyoms par zhugs te sangs rgyas bcom ldan 'das me'i khams la snyoms par zhugs pa'i sku las 'od zer sna tshogs 'di lta ste/ sngon po dang / ser po dang / dmar po dang / dkar 
po dang / btsod ka dang / shel gyi kha dog lta bu dag 'thon to/ /zung gi cho 'phrul sku'i smad nas ni me 'bar/ sku'i stod nas ni chu grang mo'i rgyun 'bab pa dang / sku'i stod nas ni me 'bar/ sku'i smad nas ni chu grang mo'i rgyun 'bab pa dag kyang ston par mdzad do/ /shar 
phyogs su ji lta bar lho dang / nub dang / byang phyogs su yang de dang 'dra ste/ phyogs bzhir rdzu 'phrul gyi cho 'phrul rnam pa bzhi bstan nas rdzu 'phrul mngon par 'du mdzad pa btang ste seng ge'i khri la bzhugs so/ /de nas bcom ldan 'das kyis ko sa la'i rgyal po 
gsal rgyal la bka' stsal pa/ rgyal po chen po de bzhin gshegs pa'i rdzu 'phrul 'di ni nyan thos dang / rang sangs rgyas thams cad dang thun mong yin no/ /rgyal po chen po de bzhin gshegs pa mu stegs can rnams dang skye bo'i tshogs kyi mdun du bla na med pa'i cho 'phrul 
chen po bstan par gsol ba 'debs pa su yin/ de nas ko sa la'i rgyal po gsal rgyal stan las langs te bla gos phrag pa gcig tu gzar nas bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /btsun 
pa bcom ldan 'das kyis mu stegs can rnams dang / skye bo'i tshogs kyi mdun du bla na med pa'i cho 'phrul chen po bstan cing mu stegs can rnams thag stsal pa dang / lha dang mi rnams dga' bar mdzad pa dang / skye bo dam pa rnams glo ba rangs par mdzad par bcom ldan 'das 

</font><hr>11-1-50b<br><font size=+1>
la gsol pa bdag lags te/ de ni dge sbyong dang bram zer bcas/ lha dang mir bcas pa'i skye dgu la yun ring po'i don dang / phan pa dang bde bar 'gyur lags so zhes gsol pa dang / bcom ldan 'das kyis ko sa la'i rgyal po gsal rgyal la cang mi gsung 
bas gnang ngo / /de nas ko sa la'i rgyal po gsal rgyal bcom ldan 'das kyis cang mi gsung bas gnang bar rig nas rang gi stan ji lta ba la 'dug go/ //'dul ba phran tshegs kyi gzhi/bam po sum bcu rtsa gnyis pa/ de nas bcom ldan 'das kyis phyag 
'khor lo dang / bkra shis dang / g.yung drung can dra bas 'brel pa/ bsod nams brgya phrag du ma las 'khrungs pa/ 'jigs pa rnams dbugs 'byin par mdzad pas sa la reg par mdzad de/ kye ma klu rnams kyis pad+ma shing rta'i 'khor lo tsam 'dab ma stong dang ldan 
pa/ thams cad gser las byas pa/ rin po che'i chu ba dang / rdo rje'i ze ba can khyer te 'ongs kyang sla na snyam du 'jig rten pa'i thugs bskyed pa mdzad do/ /sangs rgyas bcom ldan 'das rnams ni chos nyid kyis gang gi tshe 'jig rten pa'i thugs bskyed pa de'i tshe srog chags 
grog sbur rnams kyis kyang bcom ldan 'das kyi thugs sems kyis shes par 'gyur la/ gang gi tshe 'jig rten las 'das pa'i thugs bskyed pa de'i tshe ni nyan thos dang / rang sangs rgyas rnams kyis kyang bcom ldan 'das kyi thugs sems kyis shes par mi 'gyur na/ 
dud 'gro'i skye gnas su song ba klu rnams kyis lta smos kyang ci dgos/ bcom ldan 'das kyis ci'i phyir sa la reg par mdzad snyam na cho 'phrul chen po ston par mthong nas de dag gis pad+ma shing rta'i 'phang lo tsam 'dab ma stong dang ldan pa/ thams cad gser las byas pa/ rin po che'i 
chu ba dang / rdo rje'i ze ba can khyer te sa brtol nas byung ba dang / bcom ldan 'das pad+ma de'i snying po la bzhugs so/ /de nas bcom ldan 'das kyi g.yas g.yon du pad+ma de 'dra ba gzhan rab tu mang po dag byung bar gyur te/ de dag re re la yang sprul pa'i sangs rgyas rnams bzhugs par gyur 

</font><hr>11-1-51a<br><font size=+1>
to/ /de dag gi g.yas g.yon du yang pad+ma de 'dra ba gzhan dag byung bar gyur cing de dag la yang gzhan te de bzhin du 'og min gyi gnas kyi bar du sangs rgyas phal po che sprul to/ /de na sangs rgyas kha cig ni 'bar/ kha cig ni gsal bar mdzad/ kha cig 
ni char 'bebs/ kha cig ni glog 'byin/ kha cig ni kun shes pa lung ston/ kha cig ni zhu ba zhu/ kha cig ni lan 'debs/ kha cig ni 'chag pa mdzad/ kha cig ni gzhes/ kha cig ni bzhengs/ kha cig ni bzhugs/ kha cig ni gzims te/ ji ltar byis pa gzhon 
nu rnams kyis kyang sgrib pa med par sangs rgyas kyi sku mthong ba de ltar yang byin gyis brlabs so/ /cho 'phrul de mthong nas ko sa la'i rgyal po gsal rgyal btsun mo'i 'khor dang / gzhon nu dang / blon po dang / pho brang 'khor gyi mi dang bcas pa dang / yul sna tshogs 
nas 'ongs pa'i srog chags 'bum phrag du ma dang / nam mkha'i dkyil na lha 'bum phrag du ma bcom ldan 'das kyi cho 'phrul chen po la mig mi 'dzums par lta zhing rgyun mi 'chad par phyag 'tshal lo/ /nam mkha' la gnas pa'i lha rnams kyang rnga dag rdung ngo / /gnas gnas na 
yang rnga bo che rnams ni rdung / dung sgril ma ni 'bud/ rol mo'i sgra rnam pa sna tshogs ni 'byin cing / la la ni glu len/ la la ni gar byed do/ /byol song gi skye gnas su gtogs pa'i srog chags rnams kyang yid bde ba skyes nas rang gi ris dang 'dra ba'i sgra skad rnam pa sna 
tshogs sgrogs pa 'di lta ste/ rta rnams ni 'tsher/ glang po che rnams ni ngur/ rnga mo rnams ni 'khong / ba lang rnams ni 'bod/ rma bya rnams ni 'gyur te/ lha dang mir bcas pa'i 'gro ba dga' ba dang rab tu dga' ba skyes nas/ bcom ldan 'das la mchod pa bya bar 
spro bar gyur to/ /de nas lha rnams kyis lha'i me tog ut+pa la dang / pad+ma dang / ku mu da dang / pad+ma dkar po dang / man dA ra ba rnams gtor to/ /lha'i a ga ru'i phye ma dang / rgya spos kyi phye ma dang /tsan dan gyi phye ma dang / lha rdzas kyi gos dag kyang gtor/ mi dang mi 

</font><hr>11-1-51b<br><font size=+1>
ma yin pa'i bar dag kyang de bzhin no/ /de lta bu'i dga' ston chen po byung ba na gdul ba'i skye bos rtogs par mdzad pa'i phyir bcom ldan 'das nyid kyis tshigs su bcad pa 'di dag bka' stsal to/ /brtsam par bya zhing nges 'byung bya/ /sangs rgyas bstan la 'bad par bya/ /'dam bu'i 
khyim la glang chen bzhin/ /'chi bdag sde ni gzhom par bya/ /gang zhig chos 'dul 'di la ni/ bag dang ldan par spyod byed pa/ /skye ba'i 'khor ba rab spangs nas/ /sdug bsngal gyi ni mthar byed 'gyur/ /lhag ma sprul pa'i sangs rgyas rnams kyis kyang gcig car du 
tshigs su bcad pa 'di dag bka' stsal to/ /ji srid nyi ma ma shar ba/ /de srid srin bu me khyer gsal/ /mkha' la nyi ma shar ba na/ /mog mog por 'gyur gsal mi 'gyur/ /ji srid de bzhin gshegs ma byung / /rtog ge can rnams sngon gsal te/ /rdzogs pa'i 
sangs rgyas 'jig rten snang / /rtog ge mi gsal de'i slob min/ /de nas bcom ldan 'das kyis dge slong rnams la bka' stsal pa/ dge slong dag cho 'phrul chen po mi snang bar 'gyur gyis mtshan ma zung shig /bcom ldan 'das kyis de skad gsungs ma thag tu mod la mi 
snang bar gyur to/ /de mi snang bar gyur pa dang / ko sa la'i rgyal po gsal rgyal gyis mu stegs can rnams la 'di skad ces smras so/ /kye bcom ldan 'das kyis mi'i chos bla ma'i rdzu 'phrul gyi cho 'phrul bstan zin te/ da ni khyed kyi res la bab pas khyed kyis ston cig /
de nas 'od srung rdzogs byed cang mi smra bar kun tu rgyu gnag lhas kyi bu la gru phugs byas so/ /des kyang smra 'dod kyi bu mo'i bu yang dag rgyal ba can la'o/ /des kyang mi pham skra'i la ba can la'o/ /des kyang ka t+ya'i bu nog can la'o/ /des kyang gcer bu pa gnyen gyi bu la'o/ /
des kyang 'od srung rdzogs byed la byas na 'ga' yang smra bar mi byed do/ /de dag la lan gnyis lan gsum gyi bar du rgyal pos de skad ces smras na/ de bzhin du gcig la gcig gru phugs byed cing cang mi zer bar gyur/ yul yul por gyur/ zhum zhum por gyur nas 

</font><hr>11-1-52a<br><font size=+1>
mgo smad cing spobs pa med de sems khong du chud cing 'dug go/ /de nas gnod sbyin lag na rdo rje 'di snyam du skyes bu blun po 'di rnams yun ring po nas bcom ldan 'das la tho btsam pas de'i phyir gang gis na 'di rnams kun tu 'bros par 'gyur ba'i thabs zhig bya'o snyam 
nas/ des gang gis na cho 'phrul gyi 'dun khang de de rnams kyi mig lam du yang mi 'bab pa de lta bu'i rlung mar dang char drag btang ba dang / de na kha cig ni bred nas ri'i gseb tu zhugs/ kha cig ni rtswa'i tshang tshing du/ kha cig ni nags thibs por/ kha cig ni 'dun khang du/ 
kha cig ni lha khang du zhugs so/ /bcom ldan 'das ni nyid kyi cho 'phrul chen po'i 'dun khang na bzhugs shing tshigs su bcad pa dag bka' stsal pa/ 'jigs pas skrag pa'i mi rnams ni/ /phal cher ri dang nags tshal dang / /kun dga' ra ba ljon shing dang / /mchod rten 
rnams la skyabs su 'gro/ /skyabs de gtso bo ma yin zhing / /skyabs de mchog gyur ma yin te/ /skyabs de dag la brten nas ni/ /sdug bsngal kun las rab mi thar/ /gang zhig gang tshe sangs rgyas dang / /chos dang dge 'dun skyabs song zhing / /'phags pa yi ni bden 
pa bzhi/ /sdug bsngal sdug bsngal kun 'byung dang / /sdug bsngal yang dag 'das pa dang / /mya ngan 'das bder 'gro ba yi/ /'phags lam yan lag brgyad po dag /shes rab kyis ni lta byed na/ /skyabs de dag ni gtso yin zhing / /skyabs de dag ni mchog yin te/ /skyabs de 
dag la brten nas ni/ /sdug bsngal kun las rab tu thar/ /de nas bcom ldan 'das kyis 'khor de'i bsam pa dang bag la nyal dang khams dang rang bzhin thugs su chud nas de la brten te gang thos na sems can brgya phrag mang pos khyad par chen po thob par 'gyur ba de lta bu'i chos bstan 
pas kha cig gis ni rgyun du zhugs pa'i 'bras bu mngon sum du byas/ kha cig gis ni lan gcig phyir 'ong ba'i 'bras bu/ kha cig gis ni phyir mi 'ong ba'i 'bras bu/ kha cig gis ni nyon mongs pa thams cad spangs te dgra bcom pa nyid mngon sum du byas so/ /kha cig gis 

</font><hr>11-1-52b<br><font size=+1>
ni nyan thos kyi byang chub tu sems bskyed do/ /kha cig gis ni rang sangs rgyas kyi byang chub tu/ kha cig gis ni bla na med pa yang dag par rdzogs pa'i byang chub tu sems bskyed de/ 'khor de phal cher sangs rgyas la gzhol ba dang / chos la 'bab pa dang / dge 'dun la bab par 
bkod do/ /de nas bcom ldan 'das kyis 'khor de dag la chos kyi gtam gyis yang dag par bstan/ yang dag par len du bcug /yang dag par gzengs bstod/ yang dag par dga' bar mdzad de gdan las bzhengs nas gshegs so/ /de nas 'od srung rdzogs 
byed la slob ma rnams kyis dris pa/ mkhan po de kho na nyid ji lta bu lags pa gsung shig /des slob ma de dag kha cig la ni bu 'di lta ste/ 'jig rten rtag pa 'di ni de kho na nyid yin no zhes smras/ gzhan dag la ni mi rtag go/ /gzhan dag la ni rtag kyang rtag mi rtag kyang 
mi rtag go/ /gzhan dag la ni rtag pa yang ma yin mi rtag pa yang ma yin no/ /gzhan la ni mtha' yod do/ /mtha' med do/ /mtha' yod kyang yod mtha' med kyang med do/ /mtha' yod pa yang ma yin mtha' med pa yang ma yin no/ /srog de lus yin no/ /srog kyang 
gzhan la lus kyang gzhan yin no/ /de bzhin song ba shi phan chad yod do/ /med do/ /yod kyang yod la med kyang med do/ /de bzhin song ba shi phan chad yod pa yang ma yin med pa yang ma yin pa 'di ni bden gyi gzhan ni rmongs pa yin no zhes rnam pa gzhan dang gzhan gyis 
bslus so/ /de yang ngo tsha nas mgo smad de mya ngan gyi mes gdungs pas chu bsil ba 'dod pa'i phyir rdzing bur song ba dang / de nas lam du ma ning zhig gis mthong nas des tshigs su bcad de smras pa/ thug re rwa mthu chag pa lta bu yi/ /mdangs med khyod cig ga las rings par 'ongs/ /
shAkya'i chos ni rnam par ma shes pas/ /bong bu bzhin du 'dzem pa med par 'phyan/ /des kyang tshigs su bcad de smras pa/ nga yi mdun na 'dug 'di 'chi bdag des/ /bdag gi lus la stobs dang brtson pa med/ /dngos po thams cad bde dang sdug bsngal sten/ /thar zin 

</font><hr>11-1-53a<br><font size=+1>
nga ni bde ba byed du 'gro/ /nyi zer rab tu tsha bar byed rnams kyis/ /lus dang sems kun gdungs shing ngal gyur gyis/ /mi srun thong la rdzing rab bsil ba de/ /ga la yod pa bdag la myur du smros/ /des kyang tshigs su bcad de smras pa/ pho ngan sdig can 
skyes mchog ma yin pa/ /mtshe'u ltar pad ma ngang pa dang ldan zhing / /gangs kyi chu ltar chu yongs gtsang ba yi/ /rdzing bu shin du bzang po ma mthong ngam/ /des kyang tshigs su bcad de smras pa/ khyod kyang pho min mi yi chung ma'ang min/ /de brda phrad kyis zung la lam phye dang / /rdzing 
bu chu bzang chu bsil gang bar ni/ /gdung ba bsil bar bya phyir bdag 'gro'o/ /de lam de nas bzur ba dang rdzogs byed kyang rdzing bu'i drung du song ste mgul du bum pa bye mas bkang ba btags nas der nub ste/ de nyid du dus las 'das so/ /de nas de'i slob ma rnams kyis gcig 
la gcig dris pa/ mkhan po khyed sus mthong / de rnams kyis smras pa/ ma mthong ngo / /khyed las mkhan pos lung bstan pa su yod/ de na kha cig gis smras pa/ shes ldan dag nged la ni mkhan pos 'jig rten rtag pa 'di ni bden gyi gzhan ni rmongs pa yin no zhes lung 
bstan to/ /kha cig gis smras pa/ nged la ni mi rtag go zhes bstan to/ /gzhan dag gis smras pa/ nged la ni rtag kyang rtag mi rtag kyang mi rtag go/ /rtag pa yang ma yin mi rtag pa yang ma yin no/ /mtha' med do/ /mtha' yod do/ /mtha' yod kyang yod mtha' med kyang 
med do/ /mtha' yod pa yang ma yin mtha' med pa yang ma yin no/ /de bzhin song ba shi phan chad yod do/ /med do/ /yod kyang yod la med kyang med do/ /de bzhin song ba shi phan chad yod pa yang ma yin med pa yang ma yin pa 'di ni bden gyi gzhan ni rmongs pa yin no zhe'o/ /
de rnams kyis smras pa/ shes ldan dag 'di lta ste/ sna tshogs su btags pas bdag cag thams cad mi mthun par gyur gyis ma la bdag cag gis mkhan po kun du btsal la de kho na nyid ji lta bu yin dri'o zhes de rnams dong ba dang / de rnams kyis lam gyi dbus su bu mo zhig mthong 

</font><hr>11-1-53b<br><font size=+1>
nas de rnams kyis de la tshigs su bcad pas dris pa/ chos kyi gos ni gyon pa po/ /dka' thub nal ze gang za ba/ /rdzogs byed 'di nas song gyur pa/ /bzang mo khyod kyis ma mthong ngam/ /des kyang tshigs su bcad pas smras pa/ ngan song sems can dmyal ba pa/ /
lag pa brkyang nas 'gro ba yi/ /rdzogs byed de ni chus g.yengs nas/ /rkang lag skya bor gyur cing 'dug /de rnams kyis kyang tshigs su bcad pas smras pa/ chos kyi gos ni gyon pa po/ /chos spyod thub pa de la ni/ /khyod kyis smras de legs min gyis/ /bzang 
mo de skad ma zer cig /des kyang tshigs su bcad de smras pa/ pho mtshan gyi ni rtags skyes pa/ /blo ldan des su 'jig rten na/ /rtag tu 'jig rten gyis mthong bar/ /gcer bur grong du rgyu bar byed/ /pho mtshan mdun nas dpyod byed pa/ /gang gi chos ni 'di 'dra ba/ /
de ni rgyal po rnam thos bus/ /mda' ni ste'u kas gcod 'dong shig /ces byas pa dang / de dag cang mi zer bar dong nas de dag rdzing bur phyin pa dang / re zhig na rdzogs byed bum pa bye mas bkang ba mgul du btags nas dus las 'das pa mthong nas/ de rnams las gang 
dag bslab pa 'dod pa de rnams kyis shes ldan dag 'di ni bden gyi gzhan ni rmongs pa yin no zhes smras nas/ de dag kyang bum pa bye mas bkang ba mgul du btags nas de nyid du dus las 'das so/ /lhag ma rnams ni slar log nas mtha' 'khob tu dong nas 'dug go/ /gang 
gi tshe bcom ldan 'das skyes bu 'dul ba'i kha lo sgyur ba bla na med pa thogs pa med pa'i stobs kyi 'khor los sgyur ba bla na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo bskor ba de'i tshe mu stegs can thams cad kyis mi'i 
chos bla ma'i rdzu 'phrul gyi cho 'phrul la spyan drangs pa las mu stegs can thams cad thag stsal pham par mdzad rgyab kyis phyogs par mdzad/ spobs pa med par mdzad de/ de nas mtha' 'khob kyi ljongs rnams su rten par gyur to/ /de na dge slong rnams the tshom skyes nas/ btsun 

</font><hr>11-1-54a<br><font size=+1>
pa bcom ldan 'das kyis bla na med pa yang dag par rdzogs pa'i byang chub mngon par rdzogs par sangs rgyas nas mi'i chos bla ma'i rdzu 'phrul gyi cho 'phrul la spyan drangs pa las mu stegs can thams cad thag stsal/ pham par mdzad/ rgyab kyis phyogs par mdzad/ 
spobs pa med par mdzad pa la gzigs/ bcom ldan 'das kyis bka' stsal pa/ dge slong dag da ltar nga 'dod chags dang bral/ zhe sdang dang bral/ gti mug dang bral/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / 
sdug bsngal ba dang / yid mi bde ba dang / 'khrug pa las yongs su grol te/ thams cad mkhyen pa/ rnam pa thams cad mkhyen pa/ shes pa dang / shes bya thams cad la dbang thob pa/ skyes bu 'dul ba'i/ kha lo sgyur ba/ bla na med pa yang dag par rdzogs 
pa'i byang chub mngon par rdzogs par byang chub nas mu stegs can thams cad thag bcug /pham par byas/ rgyab kyis phyogs par byas/ spobs pa med par byas pa 'di la ngo mtshar ci che/ 'das pa'i dus na nga 'dod chags dang bcas/ zhe sdang dang bcas/ gti mug 
dang bcas pa/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las yongs su ma grol ba na yang ston pa drug po 'khor dang bcas pa 'di dag thag bcug /pham 
par byas/ rgyab kyis phyogs par byas/ spobs pa med par byas/ tshar bcad de mtha' 'khob kyi ljongs rnams su rten du bcug pa de bshad kyis legs par rab tu nyon la yid la zung shig /dge slong dag sngon byung ba 'das pa'i dus na lus 'phags zhes bya ba'i 
ljongs na rgyal po skyed pa zhes bya ba rgyal srid 'byor pa dang rgyas pa zhes bya ba nas/ byed du 'jud do zhes bya ba rgyas par ro/ /de nas rgyal po skyed pas btsun mo gzugs bzang ba/ mdzes pa/ blta na sdug pa zhig blangs nas de de dang lhan cig rtse bar byed/ dga' bar byed/

</font><hr>11-1-54b<br><font size=+1>
dga' mgur spyod par byed do/ /de nas btsun mo de la sems can zhugs par gyur nas rim gyis zla ba dgu lon pa dang / khye'u gzugs bzang ba/ blta na sdug pa/ mdzes pa zhig btsas so/ /gzhon nu de btsas pa na lus 'phags kyi ljongs rnams lo legs pa 
dang / bza' ba dang / btung ba mod par gyur cing lhas kyang char dus bzhin du phab/ dus dang mthun pa'i rlung yang ldang ste/ des na rtag tu bza' ba dang / btung ba mod par gyur to/ /de nas gzhon nu'i btsas ston rgya cher byas nas/ gzhon nu'i ming cir 
gdags zhes rgyal po sems pa na gang gi phyir gzhon nu 'di btsas pa na yul du bza' ba dang / btung ba mod par gyur pa de'i phyir gzhon nu'i ming bza' btung zhes btags nas/ de nas gzhon nu bza' btung ma ma brgyad la rjes su gtad do/ /gang gi tshe de chen por gyur pa 
de'i tshe yi ge slob tu bcug pa dang / ring po ma thogs par mthar phyin par gyur to/ /rigs kyi bzo'i gnas la yang ring po ma thogs par mkhas par gyur to zhes gong ma bzhin du rgyas par brjod par bya'o/ /gzhon nu de yang dpa' ba/ tsham tshom med pa/ gtum pa rem 
par gyur to/ /de nas btsun mo bus snyems nas rgyal po yab kyi bka' shin tu mi nyan cing zlog thabs byed par gyur to/ /rgyu des rgyal po yang mi dga' bas gdungs pa dang / de mi dga' ba blon po rnams kyis shes nas smras pa/ lha ci'i slad du mi dgyes par gyur/ rgyal 
pos smras pa/ nga'i btsun mo bus snyems nas da ni nga'i bka' shin tu mi nyan cing zlog thabs byed de rgyu des na nga mi dga' bar gyur to/ /de nas blon po rnams kyis smras pa/ lha gal te 'di bka' bzhin mi bgyid na da gzhan zhig blang bar bgyi ste/ des na 'di yang dbang du 
'gyur la/ lha yang gzhan dang lhan cig dgyes pa bstar par 'gyur ro/ /rgyal pos smras pa/ gang nas blang bar bya/ blon po rnams kyis smras pa/ nyi 'og gi rgyal po 'di'i de nas blang bar bgyi'o/ /rgyal pos smras pa/ de dang nga mi mdza' ba yin na ji ltar de nas blang / blon 

</font><hr>11-1-55a<br><font size=+1>
pos smras pa/ nyi 'og gi rgyal po 'di ni chung bas gnyen du bgyis na bshes par 'gyur lags kyis thams cad du thugs khral chung bar bzhugs shig dang / 'di bdag cag gis bsgrub par bgyi'o/ /de nas blon po rnams nyi 'og gi rgyal po de'i thad du song 
nas der de dag gis de shin tu rangs par byas pa dang / des smras pa ngas dam zhig bcas nas bu mo sbyin te/ gal te nga'i tsha bo zhig yod la de rgyal tshab kyi thabs sbyin na de lta na ngas sbyin par bya'o/ /de rnams kyis smras pa/ de bzhin du bgyi'o/ /rgyal pos smras pa/ 
re zhig sngar rgyal po de la gyis la/ de gal te dam bcas pa de bzhin du btub na de'i 'og tu sbyin par bya'o/ /de nas blon po rnams kyis de la phyag 'tshal te smras pa/ lha rgyal tshab tu stsal bar blon po rnams kyi dad par byas pas ci nas lha'i dbon po zhig mchis na de rgyal 
tshab du stsal ba ye bgyi'o/ /de nas thob ste/ dpal gyi 'byor pa chen pos bag mar blangs nas de dang rgyal po skyed pa lhan cig rtse bar byed/ dga' bar byed/ dga' mgur spyod par byed do/ /de nas btsun mo de g.yer bag che ba zhig pas ji ltar rgyal po dam pa de ltar 
mnyes par byas pa dang / rgyal pos smras pa/ khyod la dam pa ci zhig sbyin/ des thal mo sbyar nas smras pa/ gal te bdag la lhas skabs phye na bdag gi bu btsas pa gang lags pa de rgyal tshab tu stsal bar stsol/ de'i tshig thos ma thag tu rgyal po mtshon gyis gnad du 
bsnun pa bzhin du ting zhes byed nas bsams pa/ bdag gis 'di la dam pa sbyin par skabs phye ba dang / 'dis kyang de lta bu'i dam pa bslang la bdag gi bu bza' btung 'di yang dpa' zhing brtson pa/ gzugs bzang zhing blta na sdug pa/ rigs dang mthun par skyes pa'i bu gcig 
pa yin na ji ltar na 'di btang ste gzhan rgyal thabs sbyin par byas te/ da 'di la ji ltar bya zhes the tshom skyes nas sems pa la zhugs pa dang / re zhig na blon po rnams kyis rgyal po yid mi bde bar rig nas lha ci dgongs zhes dris pa dang / rgyal pos de rnams la rang bzhin smras te/

</font><hr>11-1-55b<br><font size=+1>
ngas btsun mo la dam pa sbyin pa'i skabs phye ba dang / des kyang bu zhig mchis par gyur na rgyal tshab tu stsal bar gsol zhes gsol ba btab nas/ de'i phyir nga sems khong du chud par gyur to/ /de nas blon po rnams kyis smras pa/ lha 'dir yang ma bas te/ nyi 'og gi rgyal po 
gang las bdag cag gis 'di bslang ba de las kyang dam 'di lta bu bcas pas stsal mod kyi/ lha 'on kyang mchis par 'gyur ram/ ma mchis par 'gyur ram/khye'u'am bu mor 'gyur ba da dung sus 'tshal re zhig de la mchog stsol cig /de nas rgyal pos kyang de bzhin 
du bya'o zhes bsgo'o/ /de nas gzhan zhig na btsun mo sems can dang ldan par gyur nas zla ba dgu tshang ba dang / gzhon nu gzugs bzang ba/ mdzes pa/ blta na sdug pa zhig btsas te/ de'i btsas ston rgya cher byas nas gzhon nu 'di'i ming cir gdags zhes 
ming 'dogs par byed do/ /de nas rgyal po skyed pas bsams pa/ gang gi phyir 'di ma btsas pa nas rgyal srid mngon par 'dod cing mngon par dga' bas na de'i phyir gzhon nu 'di'i ming rgyal srid la mngon par dga' ba zhes bya bar btags so/ /de ma ma brgyad po 
rnams la gtad nas de dag gis kyang dril ba dang / phyi ba dang / bkru ba dang / 'o ma dang / sbrang rtsi dang / mar dkar rnams kyis bskyed nas gang gi tshe chen por gyur kyang rgyal tshab tu ma bcug go/ /de nas de'i ma mes nyi 'og gi rgyal pos lus 'phags kyi rgyal 
po skyed pa la pho nya btang ste/ ji ste bdag gi tsha bo rgyal srid la mngon par dga' ba rgyal tshab tu ma bcug na bdag dpung gi tshogs yan lag bzhi pa go bskon te khyod kyi gan du 'ong ngo zhes spring ba dang / des pho nya'i tshig thos nas 'jigs skrag nas yid mi bde zhing 'dug 
go/ /de nas blon po rnams kyis rgyal po skyed pa skrag cing mi dga' bar rig nas smras pa/ lha ci'i slad du 'di ltar mi dgyes par mdzad/ skyed pas smras pa/ nyi 'og gi rgyal po des tsha bo'i phyir pho nya btang nas pho nya de 'di skad ces ci ste nga'i tsha bo rgyal tshab tu mi gzhug na nga 

</font><hr>11-1-56a<br><font size=+1>
'ongs te khyod rgyal po las phyung la nga'i tsha bo gzhug go zhes zer ro/ /de nas blon po rnams kyis smras pa/ lha rgyal srid la mngon par dga' ba rgyal tshab kyi thabs stsal la/ gzhon nu bza' btung 'di dgum par bgyi'o/ /de nas rgyal po skyed pas blon 
po rnams la smras pa/ chos dang mi ldan pa'i tshig de lta bu ma smra shig /'di ltar 'di na bu pha gsod pa thos kyi pha bu gsod pa ni ma yin pas nga ni de ltar gtan mi byed do/ /de dag gis smras pa/ ji ste mi dgum na yang yan lag ma mchis par bgyi'o/ /de nas rgyal 
po skyed pas blon po rnams la smras pa/ gal te yan lag med par byas na bsad pa kho nar zad mod/ de nas blon po rnams kyis rgyal po skyed pa'i tshig thos nas rgyal po la smras pa/ lha 'di la gzhan bgyir ci mchis/ bskrad par bgyi'o/ /rgyal pos smras pa/ nyes 
pa med pa ji ltar bskrad par bya/ blon po rnams kyis smras pa/ ci'i slad du'ang mi bsdo ring po mi thogs par gzhon nu la nongs pa 'byung bar rngo thog gis re zhig rgyal srid la mngon par dga' ba la thabs stsol cig /de nas ni gzhon nu bza' btung rang nyid kyis 'tshal bar 
'gyur ro/ /de nas rgyal po skyed pas dbang thang gi nyi ma shis pa la bkra shis dang shis par brjod pa byas nas rgyal srid la mngon par dga' ba rgyal tshab kyi thabs byin no/ /de thabs byin par gzhon nu bza' btung gis thos nas bsams pa/ lhas ni bdag spangs par gyur kyis 
da bdag 'dir 'dug kyang ci zhig rung ste/ bdag bsad par 'ong ngo snyam nas de ma'i thad du song ste mi bde ba'i lo rgyus bshad nas smras pa/ bdag rgyal po lnga len gyi yul du mchis mkhyen par mdzod cig /de nas de yang sdug bsngal rnam pa sna tshogs kyis ni myos/ bu dang 
bral ba'i sdug bsngal dang ni ldan/ bu'i mgul nas ni 'khyud de snying rje rje skad smre sngags bton te/ smras pa/ du gul ras kyi gding bas mdzes byas pa'i/ /mal stan che la 'os par bder nyal ba/ /bu gcig da ni sa steng thang bu la/ /gos kyis phyogs gcig bting nas 

</font><hr>11-1-56b<br><font size=+1>
ji ltar nyal/ /mal du bde bar nyal nas rol mo dang / /glu sgra sna tshogs dag gis sad byas pa/ /grang dang tsha ba'i chu yis phog gyur na/ /mdangs can lus ni ji ltar nags na dga'/ /sngon chad rgyal pos gnang ba'i bza' btung dang / /sten dang bzhon dang theg mchog la spyod 
pa/ /byug pa rgyan dang gos kyis phongs bzhin du/ /su yi dbang gis sdug bsngal gyur par 'khyam/ /'jig rten dang phrad skye bo'i tshogs rnams kyis/ /thal mo rab sbyar rnga sgra glu dbyangs dag /yid dang rna 'ong rnams kyis legs mchod pa/ /skom pas mngon 
par gdungs bzhin gang du 'khyam/ /gzhon nus smras pa/ gtan du bde ba yang ni su zhig yod/ /gtan du sdug bsngal ba yang su zhig yod/ /mi bde ma thob pa yang su zhig yod/ /'thob par mi 'gyur ba yang su zhig yod/ /'gyur ba'i dbang gis mi rnams bde 
sdug ste/ /rgyu skar 'khor lo mkha' la 'khor ba bzhin/ /bde bas dga' min sdug pas mi dga' med/ /mi dbang rigs rjes 'gro ba'i rtags yin no/ /des ma la de lta bu rnam pa mang po khong du chud par byas te yul lnga len gang na ba der song ngo / /de der grong 
dang nye bar phyin nas lus ngal ba dang / lus bkres pas shing gi grib ma zhig la nyal zhing 'dug go/ /ji tsam zhig na rgyal po'i bya ba cung zad cig gi phyir lnga len gyi bkrabs pa dag gcig phyogs der 'ongs pa dang / bza' btung grib ma de la nyal zhing 'dug pa mthong nas smras 
pa/ 'di lta bur gzugs bzang ba/ blta na sdug pa/ mkhrang ba/ sra ba/ legs par 'brel pa ro stod che ba/ dpung pa ring ba'i skyes bu 'di su zhig ces de dag gis de bslangs nas su'i bu yin zhes dris pa dang / des smras pa/ bdag ni lus 'phags kyi rgyal po skyed 
pa'i bu bza' btung zhes bya ba yin no/ /dgos pa ci zhig gi phyir 'ongs/ des de rnams la ji ltar gyur pa smras so/ /de nas bkrabs pa de dag gis rgyal po'i bu de skyes su khyer nas lnga len gyi rgyal po'i gan du song ste bza' btung de la phul nas/ lha 'di rgyal po skyed pa'i bu 

</font><hr>11-1-57a<br><font size=+1>
bza' btung zhes bgyi ba lags te/ phas 'di lta bu zhig gi slad du bskrad nas 'dir phyin pa lags so/ /de nas bza' btung gis kyang lnga len gyi rgyal po la thams cad rgyas par bsnyad do/ /yang smras pa/ mi yi bdag po skyed pa ni/ /dbang po 'dra ba'i 
sras 'di ste/ /gzugs ldan yon tan phun tshogs pa/ /rgyal srid nyams nas 'dir mchis so/ /de nas lnga len gyi rgyal pos mgul nas 'khyud de/ dga' bar 'gyur ba'i gtam rnam pa sna tshogs smras nas dga' ba khong du chud par byas te/ de la bu mo dang yul dag kyang byin no/ /
de yang de dang lhan cig rtse bar byed/ dga' bar byed/ dga' mgur spyod par byed pa las re zhig na skye dgu'i bdag mo de sems can dang ldan par gyur te zla ba dgu tshang ba dang / khye'u gzugs bzang ba blta na sdug pa/ mdzes pa/ mthong ga seng ge ltar 'dug pa/ dpung 
pa ring ba/ ro stod seng ge 'dra ba zhig btsas nas/ de'i btsas ston rgya cher byas nas gzhon nu'i ming cir gdags snyam pa las/ bdag gi ming bza' btung yin pas 'di ni bza' btung mang po'o/ /de nas gzhon nu bza' btung mang po ma ma brgyad po rnams la gtad 
pa dang / de dag gis bsku ba dang / phyi ba dang / bkru ba dang / 'o ma dang / sbrang rtsi dang / mar dkar rnams kyis bskyed nas gang gi tshe chen por gyur pa de'i tshe/ khye'u yi ge slob pa'i grwar yi ge slob tu btang ngo / /de'i pha bza' btung ni nad kyis btab nas de sman pa dang / 
sman dang nad g.yog rnams kyis kyang gso bar ma nus nas dus las 'das so/ /de dus las 'das pa dang / rgyal po'i bu mo shin tu mya ngan gyis thebs nas cho nges btab ste smre sngags 'don to/ /de nas lnga len gyi rgyal pos bsams pa/ bud med thams cad kyi bsam pa 
ni phal cher skyes pa 'dod pa yin pas gcig la sbyin no snyam nas/ des de dang gzhon nu bza' btung mang po dang bcas par mdun na 'don la byin no/ /de nas mdun na 'don de de dang lhan cig dga' ba rgya chen po nyams su myong bar byed do/ /re zhig mdun na 'don de'i khyim drung na 

</font><hr>11-1-57b<br><font size=+1>
bya gag cig skad 'byin pa phyogs de na bram ze ltas mkhan zhig 'gro bas thos nas des mi gang gis de'i sha zos pa de rgyal por 'gyur ro zhes smras pa dang / tshig de mdun na 'don gyis thos nas des bram ze de la yang dris te/ de nas mdun na 'don gyis bya gag bzung nas bsad de 
chung ma la smras pa/ bya gag 'di 'phral du tshos shig dang / nga rgyal po'i pho brang nas slar 'ong ngo zhes byas nas de rgyal po'i pho brang du song ngo / /ji tsam na khye'u bza' btung mang po grwa nas bkres te khyim du 'ongs na ma yang mi snang ngo / /de nas des bdag cag gi ci dag btsos/ 
ci zhig bza' snyam nas re zhig na ma ni mi snang gi bltas na rdze'u zhig gi nang na bya gag cig mgo gyen du byung zhing 'dug pa mthong ngo / /de nas des kyang rdze'u'i nang na 'dug bzhin du mgo bcad de zos so/ /ji tsam na ma 'ongs nas de la mgo sus zos zhes dris pa dang / des 
bdag gis 'tshal to zhes byas pa dang / de nas zan byin te grwar btang ngo / /mdun na 'don kyang 'ongs nas bza' zhes byas pa dang / bya gag gi mgrin pa mi snang nas 'di'i mgrin pa ga re/ chung mas smras pa/ khye'us 'tshal to zhes byas pa dang / de nas bya gag 
gi lhag ma zos nas bsams pa/ ci re zhig bya gag ril gyis zos pas rgyal por 'gyur ram/ 'on te yan lag ma tshang ba zos pas kyang rgyal por 'gyur snyam du the tshom skyes nas the tshom gcad pa'i phyir thabs gzhan zhig gis bram ze ltas mkhan de nyid bos te kye bram ze 
chen po khyod kyis sngar gang gis bya gag zos pa de rgyal por 'gyur ro zhes bya ba ci yan lag ma tshang ba zos pas der 'gyur ram/ 'on te ril gyis zos pas 'gyur/ des smras pa/ yan lag ma tshang yang gang gis de'i mgo zos pa de rgyal por 'gyur ro/ /yang na gang 
gis de'i mgo zos pa de bsad de de'i mgo zos na de nyid rgyal por 'gyur ro/ /de nas mdun na 'don gyi blo skyes pa gzhon nu 'di bsad nas 'di'i mgo bza' na mas shes par ma byas na ni gsad pa'am bza' bar mi nus pas re zhig btub bam mi btub 'di nyid kyi ma'i nyam 

</font><hr>11-1-58a<br><font size=+1>
drod blang ngo snyam nas/ des snyan pa'i tshig rnam pa du mas bzhams te/ bzang mo ci khyos rgyal po byas na legs sam/ 'on te bus rgyal po byas na legs zhes smras pa dang / des zur dang snol dag las legs par brtags te bsams pa/ gal te bus 
rgyal po byas na legs zhes smras na/ 'di bdag las gyed par 'gyur bas ci nas kyang de dang mthun par smra'o snyam nas des khyos rgyal po byas na legs so zhes smras so/ /bud med de yang mkhas shing mdzangs la dpyod pa can zhig pas des bsams na/ bya gag gi mgo'i phyir khon 
du bzung nas bdag gi bu bsad par chad par 'phrigs te da ni dus la bab kyis ci nas kyang bu bsrung bar bya'o snyam nas des bu la gsang ste bu khyod kyis bya gag gi mgo zos pa ni ma legs pa zhig byas kyis yul 'di nas myur du song shig /song nas mes po rgyal po byed pa de na 
khyod kyi rang gi skye bo'i tshogs yod pa der bde bar 'dug shig /de skad smras pa dang / de bros nas lus 'phags su song ngo / /de ngal zhing bkren skom pas lus gzir te gnas kyi nyen kor gyi skyed mos tshal gyi shing zhig gi drung du gos zhig bting nas nyal zhing 'dug go/ /de'i 
tshe rgyal srid la mngon par dga' ba nad kyis thebs nas sman pa dang / sman dang / nad g.yog rnams kyis gso bar ma nus nas de shi ste rgyal po rabs chad do/ /'di ni rgyal po'i chos nyid de/ ji srid du gzhan rgyal por dbang ma bskur ba de srid du rgyal po'i ro mi 'byin to/ /ci tsam 
na blon po rnams dang / rgyal po'i mi gzhan dang / bram ze dang / ltas mkhan rnams gal te bsod nams kyis dbang che bar grags pa'i sems can 'ga' zhig rnyed na de rgyal srid la gzhag go zhes phan tshun tshol zhing song ste/ de rnams kyis btsal ba las grong khyer gyi phyi rol 
shing drung zhig na khye'u gzhon nu gzugs bzang ba/ blta na sdug pa/ mdzes pa/ mthong ka seng ge 'dra ba/ nyi ma yol yang shing gi grib ma shar phyogs su mi 'khor bar de'i lus mi gtong ba zhig nyal zhing 'dug pa mthong ngo / /de nas blon po drug po de rnams kyis de mthong nas 

</font><hr>11-1-58b<br><font size=+1>
ngo mtshar du gyur te smras pa/ bdag cag gi bsod nams kyis dbang che bar grags pa'i sems can 'di las gzhan bsod nams kyi stobs dang ldan pa ma mthong ngo / /yang 'di ni gzugs bzang ba/ blta na sdug pa/ mdzes pa/ mtshan dang ldan pa zhig pas 'di ni rgyal srid la gzhag 
par 'os so zhes gcig tu nges par byas nas bu longs longs zhes bslang ngo / /de yang langs te dris pa/ nga bslang ste ci bya/ de dag gis smras pa/ rgyal por gzhug go/ /des smras pa/ rgyal po nyal ba de ltar bslang ngam/ blon po rnams kyis smras pa/ 'o na ji ltar 
bslang / gzhon nus smras pa/ glu dang / sil snyan dang / rol mo'i sgra mi grag pas bslang mod/ de rnams kyis de thos pa dang 'di snyam du 'di ni rigs dma' ba las byung ba ma yin gyi 'di nges par rigs mthon po las skyes pa yin no snyam nas de dag gis dris pa/ khyod su zhig /
su'i bu yin/ de nas khye'u gzhon nu des kyang seng ge'i bzhin du bsgyengs nas rang gi rigs smras pa/ lus 'phags kyi rgyal po skyed pa zhes bya ba de'i bu ni bza' btung ngo / /bza' btung de'i bu ni bza' btung mang po zhes bya ste nga yin no/ /de nas blon po drug po rnams 'dzum 
phyung nas bdag cag gis ni bdag cag nyid kyi gzhon nu rnyed do zhes smras so/ /de nas gnas de nyid nas skye bo'i tshogs chen pos yongs su bskor cing glu dang / sil snyan dang / rol mo'i sgra dang / shis par brjod pa la sogs pas mdun du drangs te grong khyer du bcug nas 
rgyal por dbang bskur to/ /gang gi phyir 'dis rgyal po'i rgyud chad pa bsabs pa de'i phyir ming skyed pa kho nar btags nas/ de'i ming bza' btung mang po zhes bya ba gang yin pa de med par gyur to/ /de nas de rgyal srid byed du 'jug pa na byis pa'o snyam nas blon po rnams kyis de khyad du 
bsad de de la dbang cung zad kyang med do/ /de nas dus gzhan zhig na rgyal po bza' btung mang po yul bltar song ste/ des grong dang / grong khyer dang / tshong dus rnams bltas nas grong dang / grong khyer dang / ri 'or pa 'di rnams su'i yin zhes dris pa dang / de dag gis blon 

</font><hr>11-1-59a<br><font size=+1>
po de drug kho na'i lags so zhes smras pa dang / de gcig pus bsams pa/ grong dang / grong khyer dang / ri 'or pa 'di su'i yin zhes de skad du gang dang gang las dris pa de dag thams cad de skad zer bas bdag lta zhig bza' ba dang bgo ba tsam la dbang phyug byed 
kyi gzhan ci la yang ma yin no snyam du rang gis rig nas de sems khong gi rgya mtshor chud nas 'di ji ltar bya zhes sems so/ /de de ltar sems pa na lha zhig gis rgyal po mi dga' bar ma byed cig /'di ltar khyod nyid kyi yul na ri 'or gang po'i mtshan zhes bya ba de na sna la gtogs pa gang 
po zhes bya ba de la bu sman chen po zhes bya ba zhig yod par 'gyur gyis de khyod kyis blon por chug shig dang / des yul bdag gir byas nas khyod la 'bul bas khyod la phan pa dang / bde ba dang / 'dod pa dang ldan par 'gyur ro zhes bsgo'o/ /de nas bza' btung mang pos mi 
dag mngags te ri 'or gang po'i mtshan de na sna la gtogs pa gang po zhes bya ba de tshol to/ /gal te rnyed dang de'i chung ma la bu yod dam med rtogs shig ces bsgo'o/ /de dag song ste mthong nas dris na des bdag gi chung ma la bu yod do zhes smras pa dang / de dag slar 'ongs nas 
rgyal po la gsol pa/ rgyal po sna la gtogs pa de mchis te de'i mchis 'brang yang sbrum lags so/ /de nas rgyal pos yi ge spring ste/ gang po bkug nas bshes pa'i tshig gis de la ri 'or de byin nas 'dir rang gi bu ma'i lto na 'dug pa de deng phyin chad yongs su 
skyongs la ci nas kyang de yan lag gang yang nyams par mi 'gyur ba de ltar gyis shig ces bsgo'o/ /de nas de zla ba dgu tshang ba dang khye'u gzugs bzang ba/ mdzes pa/ blta na sdug pa zhig btsas nas ci 'byor ba'i btsas ston rgya cher byas te/ khye'u 'di ming cir gdags 
zhes byas na de'i mas smras pa/ bdag 'di ltar yun rings su nad bu can du gyur te/ sman pa dang sman dang / nad g.yog rnams kyis nad zhi bar bya ma nus pa las gang gi tshe khye'u 'di ltor zhugs pa de nyid nas nad zhi bar gyur pas des na 'di'i ming sman chen por gdags so/ /smras 

</font><hr>11-1-59b<br><font size=+1>
pa/ sman rnams kun gyi nang na ni/ /bdag gi bu ni sman chen po/ /'di ni sman pas lhag pa'i sman/ /de ltas 'di'i ming sman yin no/ /de nas sman chen po pha'i phrag pa la zhon te khrus bya ba'i phyir srang gi dbus nas rdzing bur khyer te song ba las re zhig na sa'i steng na nya'i dum 
bu zhig 'dug pa mthong nas/ des de la rin po che yin no snyam nas de rkang pa'i mthe bos sa'i steng nas blang bar brtsams pa dang / ji tsam na sman chen pos smras pa/ pha gcig gang po rin chen lhung snyam ste/ /las btang mig mi 'dzums par nya dum la/ /rtog cing de nas rin 
chen yin par sems/ /pha gcig gang po rtogs shig rin chen min/ /nya dum dmar po rkang gis 'dril bar zad/ /rnam thos bu de bag med spyod ma yin/ /de nas de rdzing du song nas gang pos sman chen po dang / gos rdzing 'gram du bzhag ste khrus bya ba'i phyir chur zhugs 
pa na pad ma'i steng na chu skyar zhig 'dug pa dang des chu skyar de bzung ngo snyam nas de de'i drung du song ba dang / de yang de nas 'phur to/ /de nas sman chen pos smras pa/ pad ma'i steng nas chu skyar 'phur/ /chu skyar 'phur bas pad ma lhags/ /pad ma'i steng nas chu skyar mo/ /'phur 
ba re zhig pha gcig gzigs/ /de nas yang dus phyi zhig na des sman chen po phrag pa la khyer nas chu bo gang gAr khrus byed du song ste/ des de dang gos chu 'gram du bzhag nas chur zhugs te khrus byed pa na khar gzhong zhig chu bos khyer ba de'i steng na ngang mo zhig 'dug pa mthong ngo / /de mthong 
nas sman chen pos smras pa/ chu bo gang gAs khar gzhong khyer/ /khar gzhong de steng ngang mo 'dug /khar gzhong ngang mo lhan cig tu/ /gang gAs khyer ba pha gcig gzigs/ /ji tsam du dus gzhan zhig na yang khrus byed cing sman chen po chu 'gram du gzhag pa dang / re zhig na chu 
bo gang gA'i rgyun phyogs su bum pa zhig khyer ba de'i steng na chu sregs zhig 'dug pa de mthong nas sman chen pos pha la smras pa/ chu bo gang gAs bum pa khyer/ /de yi steng na chu sregs 'dug /re zhig pha gcig bum pa ni/ /chu sregs gang gA bcas te gzigs/ /ji tsam dus 

</font><hr>11-1-60a<br><font size=+1>
gzhan zhig na yang khrus byed par 'dod nas chu bo gang gAr song ste/ des sman chen po chu 'gram du bzhag nas der khrus byed pa la zhugs pa dang / re zhig na chu bo gang gA'i rgyun phyogs su lug thug cig khyer ba de'i steng na bya gar zhig 'dug pa mthong ngo / /de nas 
de sman chen pos mthong nas smras pa/ chu bo gang gAs lug thug khyer/ /de bzhin de steng bya gar 'dug /lug thug bya gar lhan cig tu/ /gang gAs khyer ba yab gcig gzigs/ /de nas sman chen po de na byis pa rnams dang lhan cig rtse ba las re zhig na byis pa de 
dag 'dus nas de rgyal por bcug go/ /des kyang kha cig blon por bcug nas de de dag dang lhan cig rtse zhing 'dug go/ /ci tsam na bram ze rgan po zhig chung ma gzhon nu dar la bab pa zhig dang khyo shug lhan cig tu lam du zhugs nas yul gzhan du 'gro ba las re zhig na 
bram ze bshang gci'i sar song ngo / /de nas g.yon can pho zhig gis 'phrigs nas bud med de'i drung du song ste smras pa/ bzang mo khyod kyi pha de gar song / bud med kyis smras pa/ gang zhig /de nas g.yon can gyis smras pa/ de mes po yin pa lta zhig /smras pa/ 'di 
ci zer ba zhig /de nas g.yon can gyis smras pa/ de khyod kyi yang mes po yin pa lta zhig /bud med kyis smras pa/ nga'i pha yang ma yin/ mes po yang ma yin/ yang mes po yang ma yin gyi de ni nga'i khyo yin no/ /de nas g.yon can gyis cung zad cig bgad de smras pa/ blun 
mo khyod grogs mo'am ngo tsha shes pa gzhan gyi drung du 'di lta bu nga'i khyo yin no zhes smra ba ngo mi tsha'am/ sa skal ba ldan pa 'di'i steng na skyes bu lha'i gzugs 'dra bas rab tu gang ba khyod kyis ma mthong ngam/ 'di lta bu'i gzugs mdzes pa chud zos so/ /ngas khyod kyi khyo byas tshur 
bdag cag lhan cig 'dong / gal te khyod kyi phyir bram ze rgan po dang nga 'thab mo byung dang der yang khyod kyis skye bo'i tshogs chen po la nga'i khyo 'di yin no zhes nga khyo yin par phye shig ces byas pa dang de dang g.yon can 'grogs te song ngo / /bram ze yang bshang gci dang bkru bshal byas nas 

</font><hr>11-1-60b<br><font size=+1>
langs pa dang / des de ma mthong ngo / /re zhig na sgang bu mthon po zhig gi steng du 'dzegs nas bltas na skyes pa gzhan zhig dang 'grogs te song ba mthong nas bram ze des brgyugs te lag pa ya gcig nas bzung ngo / /g.yon can gyis kyang lag pa ya gcig nas bzung ba dang de nas bram 
zes smras pa/ nga'i chung ma ci'i phyir dbrog /g.yon can gyis smras pa/ 'di nga'i chung ma yin na/ kye ma khyod re'o brgyal/ bram zes kyang nga'i yin no/ /zhes smras nas de gnyis lam kar 'thab mo byung ste phar drangs tshur drangs pa dang / g.yon can de dar la bab pas 
stobs che nas bram ze las drangs te phrogs so/ /de nas bram ze bcom pas 'brog der bram zer ma byas kyis ra mda' log ces byas so/ /de'i tshe na sman chen po byis pa rnams dang lhan cig dgon pa na rtse zhing 'dug pa las bram zer ma byas so zhes bya ba de yang byis pa dag gis 
thos so/ /de nas byis pa de dag gis smras pa/ kye sman chen po khyed cag na re nga rgyal po'o zhe na/ bram ze pha bi bram zer ma byas so zhes 'bod na/ de ci'i phyir 'jigs pa las mi skyob/ de nas des byis pa rnams la song ste khrid de shog shig ces bkye ba dang / byis pa de dag 
gis de kun khrid de 'ongs so/ /'di ci zhig ces dris pa dang / bram zes smras pa/ bdag grogs ma mchis shing nyam chung ba'i chung ma g.yon can stobs po che 'dis phrogs so/ /g.yon can gyis smras pa/ 'di brdzun mchi ste/ 'di ni bdag gi chung ma lags so/ /bud med 
des kyang bdag gi khyo 'di lags so zhes g.yon can de nyid yin par phye'o/ /de nas sman chen pos bram ze de ma 'os par yi chad par shes nas bgam par bya'o snyam nas/ kye nang rje khyod da gzod bud med 'di dang 'grogs te gang nas 'ongs/ g.yon can gyis smras pa/ gyos 
po'i khyim nas mchis so/ /der ci dag zos sam 'thungs/ des smras pa/ sha dang snum khur dang be tang dang chang dag 'tshal to// //'dul ba phran tshegs kyi gzhi/bam po sum bcu rtsa gsum pa/ sman chen pos smras pa/ gal te de lta na skyugs shig dang /

</font><hr>11-1-61a<br><font size=+1>
bden nam brdzun blta'o zhes smras pa dang / des mdzub mo khar bcug ste/ skyugs na kha zas de lta bur cang ma byung ngo / /bram ze de la gang nas 'ongs zhes dris pa dang / bram ze des gyos po'i khyim nas mchis so zhes smras so/ /der ci zos des dar 
ba dang zan dang la phug dang nas kyi khu ba rnams zos zhes smras so/ /des skyugs shig ces bsgo ba dang / des skyugs pa dang / ci zos ci 'thungs pa mngon du byung ngo / /de lta bur gyur nas sman chen pos skyes pa g.yon can 'dis ni gzhon nu ma bslus te bram ze'i chung ma 
phrogs so snyam bsams nas g.yon can de dbyug pa dang khu tshur gyis brdegs nas mi nub pa'i dong brkos te mgrin pa man chad bcug nas rma bya'i mkhris pas phral bar bris te gang su yang rung / bud med la 'di bzhin du rku na sman chen pos 'di lta bu'i chad pas gcad do/ /gang 
gis bud med brkus pa bzhin du rgyas par byis pa rku ba dang / glang rku ba dang / la ba rku ba dang / skud pa rku ba la sogs pa 'di lta bu lnga brgya tsam bzung nas dbyig pa dang / khu tshur gyis brdegs te mgrin pa man chad dong du bcug nas phral bar rma bya'i mkhris pas de rnams kyi 
ming dang / gzhan gang yang rung rkun po byed na thams cad sman chen pos 'di ltar chad pas gcad ces bris so/ /de nas blon po drug gis yul sa mngon du zos par rgyal pos mthong nas 'di snyam du blo skyes so/ /sman chen po de da ltar ci 'dra bar 'dug pa ltad mo blta'o snyam 
nas/ blon po rnams la nga ni ri dgas shor du 'gro'o zhes byas la ri brags kyi grong rdal du blta'o snyam nas ri dgas shor du 'gro ba ltar byas te 'khor mang po 'dus pa dang ri brags kyi grong rdal logs su chas pa dang / g.yon can lnga brgya sa'i dong du bcug pas rgyal po de mthong 
nas mang po kun gyis rgyal po zhes bos so/ /rgyal pos sgra de thos na mi mi snang nas kun du bltas kyang de skad kyi sgra grag nas de la g.yon can gcig gis mthong nas rgyal po la bzlas te/ rgyal pos bltas pa dang phral ba la rma bya'i mkhris pas bris pa bklags na/ gang bud med rku ba dang /

</font><hr>11-1-61b<br><font size=+1>
byis pa rku ba dang / glang rku ba dang / la ba rku ba la sogs pa rnams sman chen pos 'di lta bu'i chad pas gcad do zhes bris so/ /sman chen po la sogs pa byis pa de rnams rgyal po 'ong ba mthong nas kun du bros so/ /de nas rgyal po des de'i las byas pa mthong nas sems la dga' mgu 
ste byis pa yin mod kyi 'di lta bu byed pa la bltas na 'di dag nyes pa ni ma yin no snyam bsams nas rgyal pos de dag phyung ste bkye'o/ /pUr+Na kats+tsha na gang pos rgyal po der phyin pa thos nas bum pa chus bkang ba dang / gdugs dang / ba dan dang / rgyal mtshan la sogs pas bsu ba dang / rgyal 
pos kyang ma 'jigs shig ces byas nas gang po la khyod kyi bu bltas khrid de shog ces smras pa dang / gang pos lha byis pa chung ches pas na de lha'i spyan sngar mi dgug go zhes gsol to/ /rgyal pos yang khrid de shog ces smras pa dang / de nas phas khrid de 'ongs nas rgyal pos 
bltas na gzugs legs shing / blta na sdug pa/ bzang ba/ dpa' bo zhig na/ byis pa ste shed ma rdzogs nas de'i pha la rnam pa du mar bsgo zhing gtang nas slar chas so/ /dus phyi zhig na rgyal pos sman chen po de blo ci bdog pa bgam na ci 'dri bar bya zhes bsams nas 
rgyal po skyed pas pUr+Na kats+tsha'i ri brags kyi grong rdal du grong dpon gang po la pho nya btang nas bye ma las byas pa'i thag pa khru brgya pa cig 'dir skur cig ces spring ste/ pho nya de song nas ri brags kyi grong rdal du gang po'i drung du phyin nas rgyal pos bka' stsal pa/ bye ma las byas pa'i  
thag pa khru brgya pa cig bskur cig ces byas pa dang / grong dpon gang pos de thos nas rab tu sems shing mi dga' skrag sngangs te/ bdag 'di tsam du skyes nas ma mthong ma thos pa'i klan ka zhig bdag la tshol lo zhes smras te shin tu mi dga' ba dang / gang po la sman chen pos 
pha ci nyes te mi dga' zhes dris pa dang / phas bu bdag gis tshor kyang ma thos ma mthong ba rgyal pos phas ni ci'i thabs zhig gis chad pas gcod par byed dam mi shes so zhes smras pa dang / de nas sman chen pos smras pa/ mi de bdag dang sprod cig dang rgyal po skyed pa la lan 

</font><hr>11-1-62a<br><font size=+1>
bdag gis spring ngo zhes byas pa dang / phas pho nya dang sprad pa dang / sman chen pos pho nya la bdag gi gsol ba 'di rgyal po la ma brjed par gyis shig /bdag cag yul skol ba blo rtsing la mi mkhas shing blun pas ma 'tshal te/ rgyal po bka' stsal na bkal 
bar 'tshal na lhas dpe khru gang pa cig bkal te bdag la skur na dpe de las bltas khru brgya bas stong yang bkal te rdo thog par bgyis nas bskur bar 'tshal lo zhes spring ba dang / de song ste rgyal po la lha khong ta 'di skad mchi'o zhes smras pa dang / rgyal pos smras pa/ 'di skad 
gang po zer ram bu zer zhes dris na pho nyas lha sman chen po gzhon nu 'di skad mchi'o zhes smras pa dang / de nas rgyal po ngo mtshar skyes te bsams pa/ 'di ni lhas bstan pa yang dag ste/ 'dis ni bdag gi rgyal srid rgyas par byed par mngon no/ /de nas yang dus phyis zhig na 
rgyal pos sman chen po bgam par 'dod nas pUr+Na kats+tsha'i ri brags kyi grong rdal du gang po'i drung du pho nya btang ste 'bras chan gtun gyis kyang ma brdungs la dum bur chag pa yang med par gyis te/ khyim gyi nang na yang ma yin/ phyi rol kyang ma yin/ mes kyang ma yin/ me med 
par yang ma yin par tshos la/ lam du yang khyer te mi 'ong / lam ma yin par yang khyer te mi 'ong / nyi mas kyang ma phog /grib ma yang ma yin/ bud med kyis kyang mi bskur/ skyes pas kyang ma yin/ bzhon pas mi bskur/ rkang pas kyang ma yin par 
'bras chan zhig bskur cig ces spring ba dang / rgyal po'i bka' khyer nas pho nya de rim gyis grong dang / grong khyer dang / grong rdal lta zhing rim gyis ri brags kyi grong rdal ga la ba der song ste phyin nas gang po de bos te/ gang po de dang dga' ba'i gtam sna tshogs byas 
nas/ de nas rgyal po'i tshig ji lta bu kun bsgo nas rgyal pos bka' 'di skad ces stsal to/ /zhes smras pa dang / des tshig de thos ma thag tu de shin tu mi dga' rab tu mi dga' ba dang / sman chen pos pha ci nyes te yi ma rangs zhes dris pa dang / gang pos bu ci nyes te 

</font><hr>11-1-62b<br><font size=+1>
mi sems/ rgyal po skyed pas rnam pa 'di lta bu dag bsgo'o zhes smras so/ /ji lta bu zhes dris pa dang / gang pos snga ma bzhin du thams cad zhib tu smras pa dang / de nas sman chen pos smras pa/ pha mi dga' bar ma byed cig /bdag gis kun nus par bya'o/ /de 
nas sman chen pos 'bras nyi ma la bskams nas skyes pa dang / bud med phal po che sogs te mi gcig kyang 'bras spar re re byin nas sen mos shus la ma chag par byos te 'bru re re nas sol cig /de dag gis ma chag par bsal te rdze'ur blugs te sgo'i them pa'i steng du btsos 
nas mes kyang ma yin/ me med par kyang ma yin par tshos shig pa de ni de'i ngos su ni me steng du ni nyi mas btsos so/ /lam du ma yin/ lam ma yin par yang ma yin par khyer te shog shig pa ni skyes bu la bsgo ba/ rkang pa ya gcig lam du song la rkang pa ya gcig lam ma yin par 
song shig /nyi ma la yang ma yin/ grib ma la yang khyer te ma 'ong shig pa ni mi de la bsgo ba dbyug pa'i rtse mo la rdze'u chings la gos srab mos g.yogs te song shig /bzhon pas kyang ma yin/ rkang pas kyang ma yin par khyer te shog shig pa ni mi de la bsgo ba/ rkang pa ya gcig lham 
gyon ya gcig lham med par byos la song shig /skyes pas kyang ma yin/ bud med kyis kyang ma yin pas khyer te shog shig pa ni ma ning la bskur ro/ /rgyal po skyed pa'i drung du des khyer te 'ongs nas/ rgyal po skyed pas mi de la dris pa/ des rgyal po la zhib tu smras pa dang / 
rgyal pos thos nas dga' ste/ ci gang pos bsgos te bskur ram/ 'on te sman chen pos bsgo zhes dris pa dang / pho nyas sman chen pos bskur ro zhes smras so/ /de nas rgyal pos smras pa/ sman chen po de ni rtogs pa dang / lan ldon pa dang / tshul dang / cho ga la 
sogs par ldan no/ /de nas dus phyis zhig na pho nya gzhan zhig btang ste 'di ltar skyed mos tshal ldum ra dang / bza' shing dang / rdzing bu ldan pa skur cig ces spring ba dang / de nas pho nya de pUr+Na kats+tsha'i grong rdal du phyin pa dang / gang po la rgyal pos 'di skad ces bka' stsal 

</font><hr>11-1-63a<br><font size=+1>
to/ /skyed mos tshal ldum ra dang / bza' shing dang / rdzing bu bcas pa zhig skur cig ces bsgo ba dang / gang pos de thos nas mi dga' ste/ skyed mos tshal 'di sngon ma mthong na thabs ji lta bur bya zhes rab tu sems pa dang / de nas sman chen po 
gzhon nus pha sems pa mthong nas sman chen pos smras pa/ pha ci zhig mi dga' zhes dris pa dang / gang pos de la bu ci'i phyir mi dga' bar mi 'gyur/ rgyal pos bdag la 'di skad du bsgo ste/ skyed mos tshal ldum ra dang / bza' shing dang / rdzing bur ldan pa zhig skur cig ce na 
ji lta bur sbyar zhes smras pa dang / sman chen pos smras pa/ bsam pa ma mdzad cig /rgyal po ji ltar mnyes par 'gyur ba bdag gis de ltar bgyi'o/ /de nas pho nya bos nas sman chen pos smras pa/ rgyal po la slar 'di skad ces gsol cig /ri brags kyi skyed mos tshal 'di 
dag ni legs par ni ci yang ma 'tshal na ji ltar bgyis na mchi bar 'gyur ba rgyal po'i pho brang gi skyed mos tshal zhig rgyal pos bskur bar gsol/ phas kyi skyed mos tshal de ji ltar mchi ba bltas te bslabs nas/ de'i rjes bzhin du gtang bar 'tshal lo zhes spring ba dang / de nas 
pho nya de slar btang ste rgyal po la des ji ltar spring ba bzhin gsol to/ /rgyal po dga' ste ci gang po rang gi blos smras pa yin nam/ 'on te sman chen pos smras pa yin zhes dris pa dang / de nas pho nyas sman chen pos spring ba lags so zhes smras pa dang / rgyal pos smras pa/ 'di 
ltar gzhon nu de ni shes rab dang ldan pa zhig go zhes bsams nas/ yang dus phyi zhig na pho nya de lta bu zhig btang nas/ ri brags kyi grong rdal der shing skyed la lo gcig lon pa de la me tog dang ldan pa'i 'bras bur ldan pa zhig skur cig ces spring ba dang / pho nya de song ste gang po la 
bsgo ba dang / gang po snga ma bzhin du rab tu sems nas mi dga' ba sman chen pos mthong nas smras pa/ pha mi dga' bar ma mdzad cig don de mi dka'o zhes smras nas/ des e raN+Da'i shing zhig bskyed nas bskur te de'i lo la 'bras bu dang / me tog byung ba rgyal pos mthong nas 

</font><hr>11-1-63b<br><font size=+1>
ngo mtshar bar bsams te/ pho nya la 'di ci gang po'i thabs sam/ sman chen po'am su'i zhes smras pa dang / pho nyas smras pa/ sman chen po'i lags so/ /legs so legs so zhes smras nas cang mi zer bar 'dug go/ /de nas dus phyi zhig na rgyal pos ri brags kyi grong rdal 
der gang po la glang lnga brgya bdas nas 'di rnams la rtswa byin te zhos la 'o ma dang / zho dang / mar dang / pris ma dang / chur ba rnams byos la skur cig /pho nya des rgyal po'i bka' mnyan te rim gyis grong du song nas gang po la yid ches pa'i tshig gis byas nas bos te 
smras pa/ rgyal pos glang lnga brgya po 'di bdas te 'di rnams zhos la 'o ma dang / zho dang / mar dang / pris ma dang / chur ba gyis la skur cig ces byung ngo / /gang po de skad du thos nas yi chad de grong mi gzhan dag la smras pa/ rgyal po ni thabs 'di lta bus chad pas gcad 
par nges nas glang las 'o ma gyis shig ces byung nas rab tu sems shing 'dug pa dang / sman chen pos smras pa/ pha khyod mi dga' bar ma mdzad cig dang / bdag gis de'i lan bsams la ji nas rgyal po mnyes par gyur cing de rnams kyang byed du mi gzhug /de nas sman 
chen pos spad gnyis shig bslabs te btang nas khyod grong khyer chen por rgyal po las mi ring ba zhig tu song la shing gi gzhong khung cig ltor chor la gos kyis dkris te sa la phar 'gre tshur 'gre zhing ngu ba ltar byos shig /de nas khye'u khyod kyis phyogs kun du gsol ba thob la me tog dang / 
spos dang / bshos kyis phyogs bcur gtor la pha 'di bde zhing legs la bkra shis par bu byung zhig ces brjod cig /de spad gnyis ji ltar bstan pa bzhin du yul pUr+Na kats+tsha'i grong rdal nas rgyal po skyed pa'i drung du song ste/ mi ring ba zhig tu 'dug nas ji ltar bstan pa'i 
chos dang / smre zhing ngu ba la sogs pa byas te/ gang 'jig rten na 'jig rten skyong bas bdag gi pha 'di srung la bde zhing legs la bkra shis par bu btsas par shog shig ces de skad du bos pa rgyal po skyed pas thos nas de ci rtogs shig ces mi gcig btang ngo / /de song ste bltas na skyes 

</font><hr>11-1-64a<br><font size=+1>
pa zhig gsus pa che la sa la 'gre ldog cing ngu ba mthong ngo / /de'i bu yang gshin rje dang / klu'i rgyal po dang / ngal bso po dang / ba sa la sogs pa lha'i dbang po rnams la gsol ba 'debs pa mthong ste/ de dag gis de ci'i phyir zhes dris na/ de nas khye'us 
bdag gis pha las bu 'byung bar bya ba'i phyir ro/ /de dag gis dong nas rgyal po la gsol pa dang / rgyal pos de spad gnyis bos nas khye'u des bdag gi pha las bu byung bar shog shig ces de bzhin du smra'o/ /de nas rgyal pos bgad de ngas gang na yang 'di ltar skyes pa las bu byung ba 
ni ma thos ma mthong ngo zhes smras pa dang / de nas khye'u des lha khyod de bzhin du gsung ba bzhin lags sam/ de bzhin no/ /de nas khye'u des de ltar na ci'i slad du pUr+Na kats+tsha'i ri brags kyi grong rdal du glang lnga brgya bdas te 'di rnams las 'o ma dang / zho dang / mar sar dang / chur ba dag skur 
cig ces byung na khyod kyis glang sbrum ste bu byung ba gang na gzigs/ gang na gsan ces smras pa dang / de nas rgyal pos bgad de ci gang po'i yid brtan pa pha zer ram 'on te sman chen po'i 'am su'i zhes dris pa dang / pho nyas lha sman chen po lags so zhes smras pa dang / rgyal po dang / blon po 
rnams kyis shin tu ngo mtshar dang ldan par bzung ngo / /de nas yang dus phyi zhig na rgyal pos bgam pa'i phyir pho nya dre'u cig bkri ste btang nas pUr+Na kats+tsha'i ri brags kyi grong du song ste/ gang po la dre'u 'di ma bcing bar srung shig /bla gab yod par ma gzhug par 'tsho shig ces bsgo shig /
pho nya de rim bzhin du pUr+Na kats+tsha'i ri brags kyi grong rdal du song ste/ gang po la khyod kyis dre'u 'di srung shig /de lta bu'i tshul las brgyal shor na lus la chad pas cher gcad do zhes bsgo ba dang / de de skad thos nas skrag ste/ de dag thams cad ni byar rung gi da ni 'di la mi rung ste/ 
des bdag la 'di 'dra bar bka' stsal pa ni lhas kyang bde bar byed mi nus so snyam ste rab tu sems shing 'dug pa dang / sman chen pos pha rab tu sems par mthong nas mi dga' bar ma byed cig ces smras te dre'u de nyin mo ni gzas la ci bder btsas nas nub mo mi nyi shus bskor nas mi lnga lngas 

</font><hr>11-1-64b<br><font size=+1>
mel tse thun re rer byas nas rkang lag la mi re res bzung dre'u de'i steng du rtag par mi gcig zhon te 'dug go/ /thabs de lta bur mi nyi shus bla gab med pa la srung zhing 'dug go/ /rgyal po skyed pas mngag gzhug byed pa'i mi gcig gang po'i drung du de ji ltar 'tsho ltos shig ces rtog tu btang ngo / /
des mthong ste rgyal po la lha 'di lta bu'i thabs su bgyid do zhes gsol pa dang / rgyal pos de ltar bsrungs na 'bros mi nus kyis mi de rnams las gcig kha drang ngo zhes smras pa dang / blon pos gang kha drang bar bgyi zhes zhus pa dang / rgyal pos nub mo steng na zhon pa de kha drangs na/ 
gzhan gnyid kyis log pa dang / de khrid de 'ong ngo zhes smras te/ de nas rgyal pos steng na zhon pa de kha drangs nas des kyang dre'u khyer te 'ongs so/ /nam langs pa dang gang po la dre'u de bros so zhes smras pa dang / deng ni bdag gi 'tsho ba ma rung bar gyur to zhes skrag nas smre 
sngags 'don par byed pa ni gang ji ltar bya zhes de mi dga' zhing 'dug pa sman chen pos mthong nas de yang sems pa la zhugs te thabs de dag thams cad ni thabs kyis bsgrubs na 'di'i thabs ni mi snang ngo zhes mi smra ste/ de yang skrag nas de'i thabs sems pa las des pha la khyod kyis 
don de bsgrub par nus na thabs gcig yod do zhes smras so/ /phas ci zhig yod ces dris pa dang / sman chen pos ji nas bdag nyid la mtho btsam par bzod na gdod don sgrub par 'gyur ro zhes smras pa dang / de nas gang pos smras pa/ ji nas bdag gi 'tsho ba dang bral bar mi 'gyur 
ba de ltar gyis shig /de nas sman chen pos pha'i mgo bo skra khrem gnyer bdun du bregs te le kru dang / snag tsa dang / mthing shing dang / dkar po la sogs pas mgo ri mor byas nas bong bu la bskyon te/ rim gyis grong khyer chen por dong ba dang / sman chen po 'ong ngo zhes kun du sgra 
bsgrags so/ /des pha'i mgo bo khrem gnyer bdun du bregs shing bong bu la zhon te 'ongs so zhes kyang grags so/ /de nas rgyal po dang / blon po dag gis de lta bur gyur pa thos nas smras pa/ de mkhas pa'o/ /mdzangs pa'o zhes gtam snyan pa thams cad du grags pa ni 

</font><hr>11-1-65a<br><font size=+1>
legs na ci'i phyir na mi rigs pa 'di lta bu byas/ de nas rgyal po skyed pa blon po dang 'khor du bcas nas sman chen po ltar dong ste/ ci de 'dra ba dang 'ong ngam/ 'on te brdzun/ rgyal po 'khor dang bcas pas de lta bu mngon sum du mthong ba dang / blon po dag 
gis rgyal po la lha ci'i phyir sman chen po la mkhas pa'o/ /gsal ba'o/ /mdzangs pa'o zhes bsngags/ des mi rigs pa 'di lta bu bgyid pa gda'a'am zhes gsol pa dang / de nas rgyal pos sman chen po la sman chen po ci 'di lta bur pha la mtho btsam par byas zhes dris pa 
dang / des smras pa/ lha 'di ni mtho btsam pa ma lags kyis mchod par bgyis te bdag kyang pha bas shin tu mang du 'tshal bas na bdag gis 'di la rnam par mchod par bgyis so/ /rgyal pos smras pa/ ci khyod bzang ngam/ 'on te pha bzang / des bdag bzang gi pha ngan 
to zhes smras pa dang / rgyal pos smras pa/ pha bas bu bzang ba ni ngas gang du yang ma thos ma mthong mod kyi phas bu grags par byed/ mas ni gso ba dang skyed pa dang srung ba'i phyir te/ de bas na nged kyis ni ci nas pha bzang ba yin no snyam du bsams so/ /de nas sman chen pos rgyal 
po la yang pha de ltar lags sam ma lags shin tu rtogs shig ces smras pa dang / rgyal po dang blon pos de bzhin yin gyi gzhan ma yin no zhes smras pa dang / de nas sman chen pos rgyal po'i rkang pa la gtugs te lha de ltar lags mad na/ lhas bdag cag la dre'u 'tshor stsal pa de 
bros te/ lha dang blon po rnams kyis bka' stsal pa yang pha rab tu bzang ngo zhes bstod na/ dre'u de'i pha ni bong bu 'di lags na skyin par bzhes par gsol zhes smras pa dang / de nas rgyal po dang blon pos de'i tshig gis thabs de lta bur sbyar ba thos nas ya mtshan du bzung zhing e ma ho zhes 
te rigs pa dang mi rigs par bya ba 'di lta bu mkhas so/ /de lta bur khong du chud de rgyal po mgu rangs rab tu dga' ba'i sems skyes nas rnam pa mang po'i rgyan bklubs te blon po'i dbang byin no/ /pha la yang ri brags kyi grong de byin no/ /bar gyi sdom ste/ bye ma bkal ba 'bras can dang / /

</font><hr>11-1-65b<br><font size=+1>
e ran Da yi shing dang glang / /dre'u dang de ru song ba dang / /de la blon po'i thabs byin pa'o/ /de nas sman chen pos blon po'i dbang byin pa dang ci bya ba dang / rgyal po'i don ji ltar bya zhes rab tu bde bar sems pa la zhugs pa dang / grong khyer kun tu yang sman chen po blon por 
bcug ste mdzangs la mkhas pa'i sgra sgrogs so/ /de nas dus phyi zhig na bram ze zhig gis bu mo zhig bag mar blangs pa'i yo byad du nor mang zhig zad nas de dang lhan cig mang zhig tu yongs su spyad de bdag gis bag ma blangs pa'i yo byad du nor mang du zad pas da ni 'di ltar nor du 
'gyur ba chen po med la khyim na 'dug na ma legs par 'gyur ro snyam du bsams te/ bram ze de kha ton mang du lobs pa smrang dang smrang gi yan lag tu ldan pas pha rol tu phyin pa nor bsgrubs pa'i phyir ljongs gzhan du song ngo / /de yang de na mthar gyis rgyu zhing song ba las des gser gyi dong 
tse gna' ma lnga brgya rnyed de de khyer nas slar bdag gi khyim du 'ongs so/ /des bdag sngar nor khyer la khyim du mi 'jug go/ /bud med kyi sems kyi spyod pa sus kyang mi rig ste/ bram ze mo de yang dbyibs legs shing blta na sdug pa bzang bas na bdag med pa'i phyin skyes pa gzhan dang chags shing 
'dug kyang srid kyis snyam du bsams nas/ des nam sros pa dang / dur khrod du song nas shing n+ya gro d+hA'i drung du khung brkos nas de'i nang du bcug ste nam sros nas khyim du phyin pa dang / chung ma de yang skyes pa gzhan bram ze rna bo che zhes bya ba de la chags te/ de'i tshe na lhan cig kha zas 
zhim po zos nas bsung zhim pos lus byugs te nyal/ mal gyi steng na de gnyis dga' ba myong zhing 'khod pa las bram ze de yang bdag gi khyim du phyin nas sgo phye zhes bos pa dang / bud med des smras pa/ kye khyed su zhig ces smras so/ /des bdag gi ming phyung ba dang / mo 
nyid kyis dga' dang mgu ba'i sgra phyung nas rna bo che nyal nas bslang ste/ mal gyi 'og tu sbas nas sgo 'byed du 'ongs te/ des khyo la g.yo byed cing rjes byas te 'ongs nas/ sgo phye ste ngus nas mgrin pa nas 'jus mchod pa dang yon 'bul lo/ /zas bsod pa byin no/ /bram ze de za zhing 'di 

</font><hr>11-1-66a<br><font size=+1>
ni skyes pa gzhan zhig la chags par nges pas na 'di ltar mtshan mo kha zas 'di lta bu sbyar ro snyam du bsams so/ /de yang drang ba'i rang bzhin can zhig ste/ de la kye bzang mo tshes grangs can ni ma yin dus kyi ston mo'am/ grong khyer gyi dus kyi ston mo la ni ma 
bab na bza' 'di lta bu ga las 'ongs zhes dris pa dang / bdag la lhas khyod kyi khyo deng 'ong ngo zhes bstan pas na/ khyod kyi phyir 'di ltar sta gon bgyis so zhes smras so/ /bram zes e ma ho nga ni bsod nams can du bas te/ bdag gi chung ma'i rmi lam du yang lhas bstan pa lta zhes 
smras te/ des zan zos nas khrus byas te mal du nyal nas gcig la gcig mdza' bas dge'am/ nyon ma mongs sam zhes gtam 'dri'o/ /de nas chung mas jo bos cung zad mchis sam zhes dris pa dang / des smras pa/ cung zad cig 'ongs so/ /de nas chung mas brda tshig 
tu smras pa/ 'di ni ci zer ba rnas nyon/ rna bo che des smras pa/ gser gyi dong tse lnga brgya po bdag la ma bstan na gar bzhag /des smras pa/ nogs thub par gyis dang yod do/ /de gang du bzhag /des smras pa/ sang bstan to/ /de nas bud med des smras pa/ bdag khyod 
kyi lus phyed na ci'i phyir gsang / bram ze rang bzhin gyis drang bas na grong khyer gyi phyi rol du bzhag go zhes smras pa dang / bud med des smras pa/ nyon cig rna bo che sa phyogs gang du bzhag ces smras pa dang / bram ze des dur khrod kyi shing n+ya gro d+hA'i drung du sa brkos te bzhag go zhes smras 
pa dang / de nas bram ze mo des jo bo lam nas brdab brdab ste mnyel ba bdag gis kyang gtses te/ da khyod mnol cig ces smras so/ /de nas de gnyid kyis log par rig nas rna bo che la gang khyod kyis thos pa de myur du sgrubs zhes byas pa dang / de nas rna bo che dal bus 'jab 
cing khyim de nas byung ste dur khrod du song ngo / /des ji ltar bstan pa bzhin du dur khrod kyi shing n+ya gro d+hA'i drung nas de blangs te rna bo che bdag gi khyim du song ngo / /bram ze de de'i phyi de nyin bltas te dur khrod du song nas bltas na de'i phyogs nas ma rnyed do/ /de nas mgo dang brang rdung zhing khyim du 'ongs 

</font><hr>11-1-66b<br><font size=+1>
pa dang / chung ma dang / gnyen 'dun dang / gzhan grogs po dang / phu nu dag gis ci nyes zhes dris pa dang / des gser gyi dong tse lnga brgya bslangs nas khyer te 'ongs nas khar rtsang mi rgyun chad pa'i dus su dur khrod du brkos te bzhag nas khyim du song ngo / /de ring bdag gis btsal 
na mi snang ngo zhes smras pa dang / de dag gis sman chen po'i drung du song dang / blon po'i mchog de mkhas shing shes la brtag pa dang / dpyad pa yang rtogs shing don rnams la rjes su dpog pas rig gis de la skyabs su song shig dang / des gal te thob par byed kyang 
srid kyis skyabs gzhan mi snang ngo zhes bstan pa dang / de nas bram ze de gdong la mchi ma zag cing ngu bzhin du sman chen po'i drung du phyin nas rgyal ba dang / tshe ring bar shog shig ces brjod nas gsol pa/ lha 'di ltar bdag gis bslangs pa 'tshal te mchis nas khar rtsang mi 
rgyun chad pa'i dus na dur khrod du brkos te sbas nas khyim du mchis/ deng bdag slar der mchis na ma rnyed par gyur to/ /de nas blon po'i mchog sman chen po de ji lta bu zhig ces skad cig cang mi smra bar 'dug nas/ bram ze de la kye bram ze khyod kyis phyogs gang du bzhag /dus ni ji 
tsam na/ kha cig gis mthong ba'am/ kha cig la smras pa lta med dam zhes dris pa dang / des ji lta bur gyur pa zhib tu smras so/ /de nas yang bram ze mo de skyes pa gzhan la chags te de'i sgyu yin par gdon mi za'o zhes bsams nas/ bram ze de dbugs dbyung ba'i phyir khyod mi dga' 
bar ma byed cig dang / de med na bdag nyid kyi nor las sbyin no/ /de ltar bram ze dbugs phyung nas smras pa/ khyod kyi khyim na khyi lta yod dam/ bram ze des mchis so zhes smras so/ /song la bram ze brgyad bos shig /bzhi ni khyod nyid kyis bos shig /bzhi ni chung ma la khyod kyis kyang 
bos shig ces bsgo la de nas 'di skad smros shig /bdag khyim du slar dge zhing bkra shis par 'khor na bram ze brgyad zan sbyin par lha dbang phyug gi spyan sngar khas blangs so zhes byos shig /de nas de khyim du song ba chung ma la bdag lam du zhugs te song ba'i tshe lha'i spyan sngar ji ste dge zhing 

</font><hr>11-1-67a<br><font size=+1>
bkra shis te slar 'khor na bram ze brgyad zan sbyin par dam bcas pa deng bod kyis khyod kyis ni bzhi bos shig /bdag gis kyang bzhi bod do/ /de bzhin bya'o zhes mnyan nas bram ze des bzhi bos/ bram ze mos kyang bzhi mgron du bos so/ /de ltar mgron 
du bos nas sman chen po'i drung du song ste de dag bos lags so zhes smras pa dang / de nas yang sman chen pos smras pa/ nam de dag khyim du khrid pa na bdag gi drung nas mi 'di khrid la de dag nang du 'dong ba'i tshe sgor zhog shig /zan za ba'i tshe ci yang byed du ma gzhug par mdun du zhog shig /
mi de la yang khyod kyis mtshan ma rnams bzung ste/ de dag nang du 'jug pa'i tshe bram ze gang la khyi zugs pa dang / gang la mjug ma 'dril bar 'gyur ba ltos shig /khyi'i tshul ni 'di lta bu'o zhes de la bsgo'o/ /bram ze de la yang khyod kyis bram ze de rnams la ma 'brim par bram ze mo de nyid 
'brim du chug shig ces bsgo'o/ /mi de yang khyod kyis brtag pa ni bram ze mo de 'brim pa'i tshe/ gang la mtshan mar byed mig btsugs shing lta ba dang / dgod cing tshig 'byin la lhag par 'brim pa rnams shes par gyis shig ces bsgo'o/ /de ltar bstan pa dang / bram ze 
des mi de khrid de sgo drung du bzhag go/ /bram ze mo la khyod kyis bram ze gang mgron du bos pa de dag khyod nyid kyis bos shig ces bsgo nas rang gis gang mgron du bos pa de dag kyang bdag nyid kyis bos so/ /de dag rim gyis nang du dong ba la khyi zugs so/ /nam rna bo che de 'ongs pa dang khyi des 
bltas nas rna ba phab mjug ma dril nas phyi bzhin du 'brangs te/ nang du zhugs nas khyi 'dris pa'i sgra 'byin pa dang / rgyal po'i mi des rna bo che 'di yin par shes so/ /de nas des zas 'brim pa la bltas na bram ze mo de 'brim pa la zhugs pa dang / rna bo che la smin ma'i brda byed 
cung zad dgod/ mig der chags/ de dang lhan cig gtam zer lhag par yang der 'brim pa dang / de nas rgyal po'i mi des ji ltar mthong ba bzhin du jo bo tshul 'di 'dra'o zhes sman chen po la bzlas pa dang / sman chen pos de thos ma thag tu rna bo che de khug shig ces rgyal po'i mi 

</font><hr>11-1-67b<br><font size=+1>
btang ngo / /de 'ongs nas sman chen pos de la gzhan gyi nor dbrog par bya ba de lta bu ci bram ze'i chos yin nam/ khyod kyis khyer ba de slar byin cig ces bsgo na/ des sdig pa zhi bar gyur cig bdag gis yong ma 'tshal to zhes smras pa dang / de nas sman chen pos mi rnams 
la ngan pa can 'di btson rar chug la ji nas rus pa byung ba de lta bur nan la 'or cig ces bsgo ba dang / de de lta bus bsdigs pas 'jigs skrag shin tu gdungs pas na lhas skyobs shig /bdag gis de slar 'bul lo zhes smras so/ /de nas rna bo che de bdag gi khyim 
nas gser gyi dong tse gna' ma lnga brgya ji ltar bcings pa bzhin du khyer te 'ongs nas sman chen po la phul lo/ /de nas sman chen pos kyang bram ze de la byin no/ /de nas bram ze de dga' mgu nas/ yid rab tu dga' bar gyur te/ de nas bram ze de 'di snyam du sems par gyur to/ /
bdag gi gser gyi dong tse gna' ma lnga brgya med pa las slar rnyed pa ni thams cad kyang sman chen po'i mthu yin te/ ji nas bdag gis de la bkur sti bya zhing lan glan no/ /sman chen po bdag la byams pa dang / bdag gis kyang lan glon par 'gyur ro/ /snyam du bsams 
nas/ des gser gyi dong tse gna' ma de dag las phyed khyer te sman chen po'i drung du song nas skyes 'di bzhes shig ces phul lo/ /sman chen pos kyang blangs nas de nyid la slar byin no/ /de'i snyan pas kyang grong khyer der khyab par gyur/ rgyal po dang / blon po dang / grong khyer 
pa rnams kyis kyang de mkhas pa dang ldan no/ /zhes bya ba'i sgra kun du bsgrags/ bdag cag bsod nams dang ldan pas na 'di 'dra ba'i blon po bdog go snyam du sems so/ /de nas mi gzhan zhig rang gi don cig gi phyir yul gzhan du song song ba las slar log ste/ rdzing 
'gram zhig tu 'ongs nas phye'i rkyal pa kha phye ste phyung nas zan zos so/ /zan zos nas rkyal pa kha ma bcings bzhin du phyi rol gyi sar song ngo / /de der 'dug pa dang sbrul reg na gdug pa'i dug can de'i rkyal pa'i nang du zhugs so/ /mi de slar 'ongs te des ma brtags par rkyal 

</font><hr>11-1-68a<br><font size=+1>
pa'i kha bcings te phrag pa la thogs nas grong khyer chen por phyin pa dang / de nas ltas mkhan zhig gis rigs kyi bu 'di ni 'tsho ba dang 'bral du nye'o zhes lung bstan to/ /mi des kyang slar log ste de la bltas so/ /de nas de la tshig de skad thos pa'i 'og tu ci'i phyir 
bdag gis ltas mkhan de la ma dris zhes 'gyod pa skyes so/ /de the tshom skyes nas bdag gis don de'i phyir blon po sman chen po la ma dris kyi bar du khyim du mi 'gro'o snyam du bsams nas tshig tu yang smras so/ /de sman chen po'i drung du song ste/ 'di ltar bdag grong khyer du mchi 
ba'i tshe ltas mkhan gyis 'di ltar lung bstan pa'i don de dag smras nas/ de la slar bdag gis ni ma dris te de bas na khyod la gsol lo zhes dris pa dang / sman chen pos gang nas 'ongs zhes dris nas des ji lta bur gyur pa zhib tu smras so/ /des bsams pa/ rkyal pa'i nang 
du sbrul reg na gdug pa yod yang dag gis ltas mkhan des kyang de'i phyir smras so snyam nas/ de nas sman chen pos skye bo mang po'i mngon sum du rkyal pa 'di kha khrol la rgyang ma nas shing gis kha phye shig dang gdod shes par 'gyur ro/ /de lta bur byas pa dang / reg na gdug 
pa de'i nang nas mgo ni bteg /dbugs ni rgod/ lce ni bskyod bzhin du phyir byung ba dang / sman chen pos khyod kyi dogs pa de ni 'di yin no zhes smras so/ /de nas sman chen po yul blta ba'i phyir yan lag bzhi'i stobs mang po rnams go bskon te phyir byung ngo / /de nas grong dang / 
grong khyer dang / tshong dus dag bltas na grong dang / grong khyer dang / grong 'dab 'di su'i yin zhes dris na/ yul na gnas bdag gis 'di ni blon po che ge mo zhig gi lags so/ /'di ni 'di dag gi'o zhes smras pa dang / de nas sman chen pos brtags te bltas na 'di 
ltar yul thams cad blon po drug gis kun bsnams te rgyal po skyed pa ni bza' ba dang / btung ba tsam 'ba' zhig la dbang ngo snyam du bsams so/ /de nas sman chen pos lha grong dang / ri brags kyi grong dang / grong khyer rnams su dbang zhes gsol pa dang / rgyal po de 

</font><hr>11-1-68b<br><font size=+1>
ji ltar bya de'i phyir snying brtse ba'i lha rnams kyis bdag la bstan pa ni pUr+Na kats+tsha'i ri brags kyi grong na gang po zhes bya ba'i bu sman chen po khyod kyi blon po chen por chug shig dang / khyod kyi yul rnams rgyas par byas pas 'bul bar 'gyur te/ de'i tshe na khyod nyid kyang thams cad la 
dbang ba'i rgyal por 'gyur ro zhes lung bstan te/ khyod ni 'di lta bur dgos pa'i phyir bdag gis rum na 'dug tshun cad bde ba'i yo byad kyis bskyed pa yin/ da ltar yang blon po'i mchog tu bcug na da ni lha'i tshig dang / khyod bdag gi blos lcogs pa ston pa ci nas 
bdag rgyal po'i dbang phyug tu 'gyur bar byos shig ces smras pa dang / de nas sman chen pos rgyal po skyed pa la phyag byas nas thugs brtan par mdzod cig dang / ji ltar bdag gis lha mnyes par 'gyur ba de ltar bgyi'o zhes smras so/ /de nas sman chen pos yul dang / grong 
dang / grong khyer dang / ri brags kyi grong de dag na gtso bo gang yin pa de rnams dbyen bcug ste so sor phye nas ci nas khyed bdag la dga' bar gyur pa de lta bur bdag gis bya'o/ /blon po de dag ni 'dod chen che bas dpya nar ma dang / bla skyes dag kyang mi rigs par 'bebs te/ 
gnod par gyur pas na de'i phyir rig par byas/ 'di ltar bdag gi tshig bzhin du byas na bdag gis kyang khong du chud par bstan te dpya yang rigs par dbab/ gzhan yang bde bar dgod cing / bde ba'i yo byad rnams kyis kyang bskyang bar byas/ ci nas khyod cag mi mthun 
par byos shig /khyed mi mthun par byas pa las ji ste rgyal po dang / blon po rnams lhags na yang bdag med kyi bar du de dag gi dbang du ma 'gro bar 'di skad smros shig /de ste blon po'i mchog sman chen po 'ongs na de la bdag cag gis blon po de'i dbang du bya'i gzhan la 
ma yin no zhes smros shig /de nas des 'di lta bu'i rig pa sngar sbyar nas yul de dag kun mi mthun par byed cing byed du bcug pas na bka' rnams kyang bcog par gyur to/ /de nas blon po de dag gis rgyal po la gsol pa dang / 'di ltar rgyal po skyed pas blon po drug po de dag 

</font><hr>11-1-69a<br><font size=+1>
nyid yan lag bzhi'i stobs mang po dang lhan cig bkye yang de dag gis grong dang ri brags kyi grong gcig la yang dbang byed par ma nus so/ /de nas rgyal po la lha nyid ma byon na 'di dag dbang du bgyir mi nus so zhes pho nya btang ba dang / de nas rgyal po nyid 'ongs 
kyang ri brags kyi grong gcig kyang dbang byar ma nus te/ 'thabs pas mang zhig shi ba dang / rgyal po dang / blon po drug po de dag kyang mi dga' bar gyur to/ /de nas ri brags kyi grong mi dag gis de ste sman chen po 'dir 'ongs na de'i ngag mnyan cing de'i dbang bzhin du bgyis te 
bdag cag rgyal po skyed pa dang mi mthun par bgyid pa ni ma lags kyi blon po rnams bdag cag la gnod par bgyid pa'i phyir ro zhes smras pa dang / de nas rgyal pos sman chen po la nged kyis yul rnams phebs par ma nus kyis khyod tshur shog shig ces pho nya btang ngo / /de nas sman chen 
pos yi ge de mthong ma thag tu rgyal po'i drung du 'ongs so/ /de mthong nas yul mi kun gyis phyag byas te yul mi de rnams la ma 'jigs shig /dpya yang chos bzhin dbab/ dman pa dang / dbul ba dang / skyabs med pa rnams kyang dbugs dbyung bar byas/ yul na gnas pa 
dang / grong khyer pa rnams la pha ma dang / phu nu dang / rang gi skye bo bzhin bkur sti dang bya dga'as kun snyoms par byas nas pang nas 'khyud do/ /de nas yul na gnas pa'i rgan pa dang / gzhon pa dang / bud med de dag thams cad kyis kyang sman chen po la bu dang bdag gi ming po 
bzhin du lta bar gyur/ /des kyang thams cad la sems dga' bar byas shing / de nas mthar gyis yul thams cad gcig tu bsdus te rgyal po skyed pa dang lhan cig slar rgyal po'i pho brang du 'ongs so/ /de lta bu'i las byas pas rgyal po gzhan dag la yang snyan pa'i sgra grags par 
gyur to/ /de nas rgyal po mnyes pas na bdag gi bu mo sman chen po'i chung mar byin te de dang lhan cig tu rtse dga' yongs su spyod do/ /de nas yang yul gzhan zhig nas rgyal po longs spyod nyams pa zhig rgyal po skyed pa'i drung du 'ongs nas rgyal po skyed pas kyang de ma 'dod nas de sman chen po'i drung 

</font><hr>11-1-69b<br><font size=+1>
du 'ongs so/ /des snying rje ba'i dbang gis blangs te longs spyod kyang byin no/ /de nas dus phyi zhig na bram ze zhig 'ongs te/ de nas bre gang zhig bslangs pa dang des kyang khas blangs te bang ka ba la gtad na sang sbyin gnangs sbyin las ma byin no/ /de nas dus phyi zhig na rgyal po la blon po rnams 
dang / grong khyer pa dang / ljongs pa dag gis bskor te mi mang po phyag 'tshal ba'i gnas na 'dug go/ /des blon po rnams la kye blon po rnams gsang ba ni su la smra bar bya/ gang la yid brtan par bya zhes smras pa dang / de nas blon po dag sems pa la zhugs so/ /de dag las 
gcig gis ni mdza' bo la smra ba'i rigs zhes byas/ kha cig gis ni lha de chung ma la/ kha cig gis ni ma la/ kha cig gis ni sring mo dang pha la/ kha cig gis ni phu nu la'o zhes gzhan dag gis de skad smras pa dang / rgyal pos sman chen po gzhan gyis ni ji ltar bsams pa 
bzhin smras na khyod kyis ci'i phyir mi smra zhes dris pa dang / de nas sman chen pos rgyal po la lha bdag gis ni 'di snyam du bsams te/ gsang ba de ni su la yang bgyi bar mi rigs na chung ma lta ci smos te/ de ni bdag gis lha'i spyan sngar mngon par bgyi'o zhes smras so/ /de 
nas phyi zhig na rgyal po'i rma bya stor ba sman chen pos btsal te phyogs gzhan zhig tu sbas nas de dang 'dra ba gzhan zhig bzung ste/ chung ma khyod kyis rgyal po'i pho brang nas rma bya stor ba thos sam zhes dris pa dang / des kyang bdag gis thos so zhes smras so/ /sman chen 
pos khyod kyis su la yang ma zer bar 'di myur du tshos shig dang bza'o zhes bsgo'o/ /des ri brags kyi grong mi 'dis rgyal po'i rma bya za ba ltos shig /bdag gi pha ni 'di la shin tu yid brtan par byed na 'di ni rgyal po la gnod pa'i las byed do snyam du bsams so/ /yang re zhig 
na rgyal po'i btsun mo 'dra ba bud med smad 'tshong ma zhig rgyan thams cad kyis bklubs te bdag gi bud med kyi nang du bcug nas chung ma la 'di ni rgyal po'i btsun mo 'di zhes bya ba yin te/ bdag 'di la shin tu yid brtan gyis khyod bdag la sdug na su la yang ma zer cig ces bsgo ba dang /

</font><hr>11-1-70a<br><font size=+1>
de nas rgyal po'i bu mo de 'di ni sman chen po dang lhan cig tu 'dug go snyam bsams nas khros pas 'khrug pa skyes te pha la 'phya nas bdag gi pha 'di lta bur don la rtog pa ci'ang med de/ ri brags kyi grong mi rigs ngan pa las byung na blon po'i mchog tu bcug cing ngan pa 'di 
la rgyal po'i don thams cad gtad pa ga la rigs/ de ci nas sngon gyi gnas rnying par gzhag pa de lta bur bya'o zhes bsams te song nas pha la yab kyis ngan pa de lta bu ma brtags par blon po'i mchog tu bcug cing yid brtan par bgyis pa ga la rigs/ des 'di ltar rgyal po'i 
btsun mo la glo ba rings te yab kyi btsun mo 'di zhes bgyi ba dang lhan cig tu spyod/ rgyal po'i rma bya de yang 'dis zos/ yul gzhan nas mi 'ongs pa rnams kyang bsnyen cing yo byad kun sbyor bar bgyid na yab ni rtag tu yang bdag la sman chen po 'di thams cad pas sdug /'di 
las yid du 'ong ba med do zhes gsung na de ni 'di lta bu mi bgyi ba rnams bgyid kyis ji lta bu yin pa mkhyen par gyis shig ces smras pa dang / de nas rgyal pos don de dag brtag pa'i phyir gshed ma mi rnams la sod cig ces bkri'o/ /de nas rigs ngan pa de dag gis shing ka 
ra bI ra'i me tog gi phreng ba ni mgul du btags/ bong skad lta bu'i rnga brdungs/ tshig rtsub pos spyos/ bsdigs/ tshar bcad de mtshon thogs pa gshin rje'i mi lta bu'i rigs ngan rnams kyis dur khrod du khrid mod kyi/ de gsad par ni gang yang mi dad do/ /grong khyer gyi 
skye bo dang ljongs pa rnams ni mig nas mchi ma zag cing bdag gi bu bsad pa ltar sdug bsngal nas nyam thag pa'i sgra 'byin cing lha dag la gsol ba 'debs so/ /ci tsam zhig na sman chen pos rgyal rigs dbul po bsnyen cing longs spyod bgos te byin pa de dag gis rgyal po'i mi rnams la 
bdag cag gis 'di bsad kyis khyed cag slar log shig ces so// //'dul ba phran tshegs kyi gzhi/bam po sum bcu rtsa bzhi pa/ ci tsam na de grong khyer nas byung ba dang / bram ze mong rtul zhes bya bas gos kyi mtha' ma nas 'jus nas khyod kyis nas bre gang sbyin par 

</font><hr>11-1-70b<br><font size=+1>
byas pa de byin la song shig ces zer ro/ /sman chen pos gnas der tshigs su bcad de smras pa/ rgyal po grogs su 'gyur ba med/ /gdol pa la ni bshes pa med/ /bud med rnams la gsang mi brjod/ /rma bya'i sha ni bza' mi bya/ /bram ze mong rtul po yi ni/ /nas bre gang 
yang 'chags mi bya/ /des de skad smra zhing song ba dang / de nas gshed ma mi rnams kyis smras pa/ sman chen po de ci khyod shes pa dang / rnam par shes pa phun sum tshogs pa yin na bla bar byed dam/ sman chen pos smras pa/ kho bo ni mi bla ste/ 'on kyang de ci bla/ des smras 
pa/ lha bdag mi bla ste/ 'on kyang bdag sdug bsngal gyis nyam thag nas dgos pa smra'o/ /de ci yin/ des smras pa/ rgyal po grogs su 'gyur ba med ces bya ba rgya cher ro/ /des yang smras pa/ lha gsol ba 'tshal na re zhig gsan du gsol/ bdag gis rgyal po grogs 
su 'gyur ba med ces gang smras pa ni sngon lha grong ngam/ grong khyer ram/ grong rdal rnams kyi don gang la yang mi mnga' bar gyur te/ khyod gang gi phyir de skad smra ba smras pa de'i don khyod kyis ma go bar zad do/ /de rnams song ste/ rgyal po skyed pa la sman chen po ci zhig bla na de bla ba zlos 
su stsal bar gsol zhes smras so/ /de nas rgyal pos bos nas dris pa/ zhal zas dang / btung ba dang / slas gang dag lags pa de la mnga' ba las lha deng sa la dbang ba'i rgyal po dang / rgyal srid dang / dpung dang / mdzod dang / dmag la mnga' mdzad par gyur pa gang 
lags pa de lta bu bdag gis bgyis na bdag la khyod kyis sngon byas pa gzo ba nyid ma dgongs par lhas dgum du btang bas de'i slad du bdag 'di skad du rgyal po grogs su 'gyur ba med ces mchi'o/ /gdol pa la ni bshes pa med ces bgyi ba ni lha gdol pa mal dang gos dang bral ba 'di rgyal 
po skyed pas bdag la 'tsho ba'i yo byad byin na des bdag 'tsho bar bya'o snyam nas lha'i drung du mchis pa las lhas yongs su ma bzung ngo / /bdag gis ni bkren pa'o snyam pa dang / yul nas 'khyams pa'o snyam nas bgo bsha' bgyis pa las 'di ltar deng sang bde bar gyur pa lags na deng 

</font><hr>11-1-71a<br><font size=+1>
bdag dgum pa'i slad du chas pas de'i slad du bdag 'di skad du gdol pa la ni bshes pa med ces mchi'o/ /bud med rnams la gsang mi brjod ces bgyi ba ni rgyal po dus gcig na 'khor gyi nang du bzhugs nas tshig 'di skad du ji ltar su la yid gcugs 
par bya zhes gsungs pa dang / de na blon po rnams kyis pha dang / ma dang / sring mo dang / ne'u ldangs rnams la'o zhes gang la smra bar bgyi ba de smras so/ /lhas kyang chung ma la brjod par bya ste/ 'di ltar chung ma ni lus kyi phyed yin pas de'i phyir brjod par bya'o zhes gsungs 
so/ /de nas bdag gis don 'di lha'i spyan sngar bab par bgyi'o snyam nas bgam pa'i slad du rgyal po'i rma bya sbas nas rma bya gzhan zhig blangs te 'tshal lo/ /slas las kyang slas che ge mo zhig las rgyan btsal te smad 'tshong ma che ge mo zhig gi mgul du btags nas khyim du 
bzhag ste lha smad 'tshong ma de yang gzigs su gsol/ de nas rgyal pos bkug nas slas dang / smad 'tshong ma phyogs gcig tu gzhag ste gnyi ga bltas na/ rtags dang / kha dog dang / tshul dang / dbyibs mtshungs te gcig la yang khyad par dmigs pa 
ma yin la cig shos la yang ma yin no/ /de nas rgyal pos brtags nas bdag gis sman chen po ni nyes pa med par khong du chud do/ /bram ze mong rtul po yi ni/ /nas bre gang yang chags mi bya/ /zhes gang smras pa ni bdag lhas dgum par btang nas gshed ma pa rnams 
kyis khrid pa na des nas bre gang byin cig ces nas bre gang gi don du gos kyi mtha' nas bzung bas de'i slad du bdag gis de skad smras so/ /de nas rgyal po don de thams cad mngon sum du bstan pas dga' ste bkrol nas bkur sti chen pos bkur sti byas so/ /de nas rgyal po 
la phyag byas nas gsol pa/ lha khyod kyis bud med rnams kyi gsang gzigs sam/ khyod kyi sras mo ni bdag la yong dgos pa ma mchis so/ /'on kyang rigs dang / gzugs dang / ngang tshul dang / shes rab bdag dang 'dra ba de kho na lta bu'i mchis 'brang zhig blang 

</font><hr>11-1-71b<br><font size=+1>
bar bgyi'o/ /des rgyal po la gnang ba gsol nas bdag nyid bram ze'i cha byad du byas te lag pa g.yas pa bya ma bum thogs/ lus mchod phyir thogs kyis mdzes par byas/ lus la ri dgas kyi pags pa gos su bgos/ gdong la byugs ris gsum byas nas ri 'or nags kyi 
tshang tshing can ga la ba der bu mo btsal ba'i phyir chas so/ /ji tsam na lam gyi bar du grong zhig tu mun sros par gyur to/ /tha gi tsam na bram ze zhig gis dris pa gang nas 'ongs/ des smras pa/ lus 'phags pa'i ljongs nas so/ /gang du 'gro bar sems/ nags kyi tshang 
tshing can du'o/ /ci gang gi khyim du brang gdab pa'i ngo shes 'ga' khyod la yod dam/ des smras pa med do/ /de nas des khyim du khrid de tshul dang mthun pa'i 'byor pas phu dud byas so/ /des de'i chung ma la yang 'di ni skyes pa gzhan la chags pas rung ba ma yin no zhes 'phrigs 
so/ /de phyi de nyin dris nas chas pa dang / bram zes kyang smras pa/ grogs po bdag gi khyim 'di ste/ phan tshun 'gro ba'i tshe phyin pa na rang gi khyim bzhin du soms shig /de bzhin bgyi'o zhes smras nas chas so/ /ji tsam na lam gyi bar zhig na nas kyi zhing zhig 
yod pa de na bu mo gzugs bzang zhing blta na sdug pa/ rigs btsun pa shin tu zhi ba dang ldan pa zhig mthong ngo / /mthong nas kyang de'i yid de la zhen to/ /de nas dris pa/ bzang mo khyod gang zhig yin/ su'i yin/ khyod kyi ming ci/ des smras pa/ sa ga'o/ /
khyod su'i yin/ smras pa/gang zhig grong thams cad kyi shing sgrub par byed pa'i'o/ /de nas sman chen pos bsams pa/ 'di byad ni bzang mo zhig yin na da re zhig blo ci 'dra ba blo bgam par bya'o snyam mo/ /de nas de gro zhing zhig tu zhugs te lag pa bsgreng nas lag pa phangs 
par bya ba'i phyir rkang pas gro phur ba dang / de nas sa gas smras pa/ mkhan po ji ltar lag pa phangs pa de bzhin du khyod rkang pa gnyis kyang phangs par gyis shig /des bsams pa/ bu mo 'di ni mdzangs ma zhig go snyam mo/ /de nas yang bram zes bgad nas smras pa/ bu mo 

</font><hr>11-1-72a<br><font size=+1>
khyod kyis rna cha gdub kor gdu gu zhig ste shin tu lhang nge'o/ /sa gas smras pa/ mkhan po rna ba gnyis dgab pa'i slad du'o/ /de nas sman chen pos smras pa/ bu mo byad bzang zhing blta na sdug pa mdzes pa yin no/ /sa gas smras pa/ grong gi bdag po 
rnams kyi bka' drin gyis so/ /cung zhig 'dug nas smras pa/ khyod kyi pha gar song / bu mos smras pa/ lam gcig gnyis su bgyid du mchis te tsher ma'i yal ga bsdus nas lam gcod par bgyid do/ /des na skye bo dag shul gnyis pa bgyid do/ /khyod kyi ma yang gar 
song / zhing thog nas sa bon gyi phyir mchis so/ /bu mo nga'i chung ma bya'am/ bu mos smras pa/ gal te grong gi bdag po btub na'o/ /des smras pa/ nags kyi tshang tshing can du lam gang nas 'gro na bde ba dang mi 'khyog pa de ston cig /yang smras pa/ nags kyi tshang 
tshing can gyi lam/ /tsher ma med cing thibs po med/ /bde zhing mi 'khyog 'jam pa ni/ /gang nas bdag 'gro dris pa ston/ /des de la lam 'khyog pa zhig bstan nas/ lam gzhan nas mdun du rgyugs te/ rdzing bu zhig tu gos rnams phud nas mig ya gcig btsums te ci ngo 
shes sam/ 'on te ma yin zhes glo gcig gis snyes te 'dug go/ /yang smras pa/ gang gis za bgyid de nas bzhud/ /gang gis za bar mi bgyid pa/ /de ni dor bar bgyis nas su/ /zan gyi nags su bzhud par mdzod/ /de nas sman chen pos ji skad bstan pa'i lam nas 
song ba dang / ci tsam na rgyang ring po nas de ngo shes nas smras pa/ ras bal thags su btags pa mi bdog pas/ /ma bkal thags su ma btags gyon byed pa/ /mdzes ldan g.yon pa'i mig can gang nas ni/ /me tog grong du 'gro ba bdag la ston/ /de nas bu mos cung zhig 
bgad nas smras pa/ 'dir ni g.yon pa'i lam 'or la/ /gang na yos ni yod pa dang / /pa la sha yi me tog rgyas/ /de nas bram ze bzhud du gsol/ /de song song ste phyin nas smras te sa ga'i pha'i khyim du song na de'i pha ma mi snang ngo / /de nas grong gi bdag po rnams la smras 

</font><hr>11-1-72b<br><font size=+1>
pa/ gal te khyod kyis gnang na sa ga 'di bdag gi chung ma bgyid do/ /tshig de smras ma thag kho nar grong gi bdag po de thams cad kyis tshig mthun par bram ze ngan pa slong mo pa khyod gang nged kyi sa ga lha'i bu mo 'dra ba slong ba ngo mi tsha'am/ yul 'di nas ye song shig /khyod la khyi mi srun 
pa dag zar bcug ga re zhes spyos so/ /de skye bos bskrad nas de kho na'i drung du song ba dang / sa gas rgyang ring po nas mthong nas byon pa legs so zhes smras so/ /de nas sman chen pos de rnams kyis de'u brdegs so zhes grong gi bdag po rnams kyi gtam smras pa dang / sa gas 
smras pa/ khyod kyis ji ltar ram thabs ci zhig gis smras/ de nas sman chen pos gtam ji lta ba bzhin du bsnyad pa dang / de nas sa gas sman chen po la smras pa/ bram ze chen po khyod tha gi mi sgom mo/ /bu mo bslang ba ji ltar khyod kyis mdzad pa de ltar bgyi'am/ bram zes smras pa/ 
gzhan du ji ltar bya/ bu mos smras pa/ re zhig sngar nye bar bzhud do/ /de nas rjes su mthun par bgyi'o/ /rjes su mthun par bgyis nas mgron du 'bod cing zas skom bda' ba'i ston mos ston te slad kyis khyod kyi bgyi ba gang lags pa de bgyi mod/ des song ste ji skad bstan pa bzhin 
du grong gi bdag po rnams kha zas [(]gyi [,]kyi [)]rnam pa bsod pas ston to/ /de nas langs te sa ga bslangs pa dang / de rnams kyis deng khyod kyi yid la bsams pa bzhin rdzogs par bya'o zhes khas blangs so/ /de lta bu'i don la zhugs pa na tha gi tsam na de'i pha ma 'ongs so/ /de nas sman chen po 
dang grong gi bdag pos pha ma la gsol ba btab pa dang smras pa/ don de bsams dgos so/ /de nas grong gi bdag po rnams kyis smras pa/ 'di la ci bsam du yod/ bram ze gzhon nu byad bzhin bzang zhing blta na sdug la bstan bcos mang po shes shing rig byed dang rig byed kyi yan 
lag gi pha rol du son pa zhig yin pas cir yang mi 'gyur gyis byin cig /de nas sman chen pos kyang bram ze rnams bos nas bu mo blang bar byas so/ /de nas nyi ma gzhan zhig la gyos po dang sgyug mo bos nas bkur sti byas te gos bskon nas gnyod bcug ste lus 'phags su skyed pa'i drung du chas 

</font><hr>11-1-73a<br><font size=+1>
so/ /de nas 'gro ba na de bram ze zhig gis bcu bzhi pa'i ston mos ston te yon du nas bre gang byin no/ /des nas bre gang gos kyi mtha' mar phur te grogs po'i khyim du song nas sgo brdungs pa dang / bram ze mos smras pa/ de su zhig /des smras pa/ nga ni khyod kyi khyim 
thab kyi grogs po de yin no/ /des smras pa/ 'di na de yang med la 'ga' yang med pas khyim bdag de med par skyes pa gzhan khyim du 'jug tu mi rung gis gzhan zhig tu brang thob shig /ci tsam na sman chen pos bdag ci'i phyir 'jug tu mi ster snyam dpyad na re zhig na skyes pa gzhan 
bcug par mthong ngo / /de nas sman chen pos smras pa/ 'dis 'jug tu ma ster ba ni rung ngo / /de de ltar sems pa dang / tha gi tsam na bram ze de grong gzhan zhig nas 'ongs nas sgor bos pa dang / des khyo'i sgra thos nas de ji ltar bya snyam nas mi dga' ste de spyad du bcug go/ /
de nas gnyi ga zhugs nas bde bar 'khod do/ /ci tsam na sman chen pos bram ze mo la smras pa/ nas 'di dag gar gzhag /bram ze mos smras pa/ sa la'o/ /bram zes smras pa/ byi bas zos par 'ong mod des mal gyi 'og dang / khyim gyi gra phan tshun du brtags 
na de mi snang ngo / /tha gi tsam na phyogs gcig na spyad zhig snang ba dang / des de ni 'di na yod do snyam mo/ /de nas sman chen pos smras pa/ spyad 'dir nas blugs so/ /bram ze mos smras pa/ 'di na bdag gi nor gces pa yod na 'dir nas ji ltar blugs/ 
de nas khyos smras pa/ bram ze mo skyon can de snod gang yang rung ba zhig tu byo shig dang / de nas der nas ldugs so/ /sman chen pos kyang smras pa/ gzhan du ni nas rnams byi bas ma rung bar byed pas de'i phyir 'dir blugs par bya'o/ /de nas bram ze mos nges par 
rtogs nas 'jigs shing skrag ste smras pa/ spyad 'di yang gsher la nas rnams kyang ma rung bar 'gyur ro/ /de nas sman chen pos bram ze mo la smras pa/ yang khyod kyis sems khral bya mi dgos par kho bos ci nas kyang gsher bar mi 'gyur ba dang / nas kyang ma rung bar 

</font><hr>11-1-73b<br><font size=+1>
mi 'gyur ba de ltar bya'o zhes des langs nas ri dgas kyi pags pa snga log phyi log byas/ mchod phyir thogs nyis ltab tu mgul du thogs te spyad skam mo zhes spyad du ba lang gi lci ba dang shing dag bskya bar brtsams pa dang / de nas bram ze mo sdug pa dang bral ba las 
skyes pa'i sdug bsngal mngon du mthong ste/ 'di da ni med par 'ong ngo snyam nas byi bo de'i khyim du 'di ltar gyur gyis myur du sheg shig ces bang chen btang ngo / /de nas de'i phas thos ma thag kho nas song ste sman chen po la smras pa/ spyad 'di rin gyis blang ngo / /des 
smras pa/ bag rton la long shig /ji ltar bya/ gser gyi dong tshe lnga brgya dag gis yin gyi gzhan du ni ma yin no zhes de skad kyang zer zhing spyad de'i nyen kor du me sgron yang sbor bar byed pa dang / de'i phas bsams pa/ don 'di ni bsnyad du mi rung ngo snyam nas khyim sgo phye ste mi 
stobs po ches bteg nas rang gi khyim du khyer ro/ /sman chen pos kyang phyi de nyin gser gyi dong tshe brgya phrag gcig ni khyim bdag de la byin te/ de la khyod kyi chung ma de ni 'di lta bu yin no zhes khyim gyi gtam de dang de bas na khyod kyis bag gyis shig ces smras so/ /gser gyi dong tshe 
lhag ma bzhi brgya ni bram ze de'i lag tu gtad nas 'di rnams nags kyi tshang tshing can du song la bdag gis bslangs pa'i sa ga la byin cig /de dag la kho bo bram ze ma yin te/ kho bo ni lus 'phags pa'i rgyal po skyed pa'i blon po'i mchog sman chen po zhes bya ba yin te kho bo rtags 
'dis tshol ba'i phyir 'ongs par zad do/ /de'i phyir bu mo yongs su skyongs shig ces kyang gyis shig des gser gyi dong tshe de rnams brdzangs nas phrin yig kyang spring ste rgyal po skyed pa'i drung du song ngo / /bram ze des kyang nags kyi tshang tshing can du song ste/ sa ga la phrin 
yig dang gser gyi dong tshe sum brgya byin no/ /ci tsam na sa gas bklags na/ bzhi po yi ni cha dag las/ /gal te ca gcig ma ster na/ /shing gi su mi 'dod blangs nas/ /der 'di chug la cha do shig /des gser gyi dong tshe brgya phrag gcig ma thob par mthong nas de nas 

</font><hr>11-1-74a<br><font size=+1>
rings par mal gyi 'og tu tshol ba dang / des smras pa/ der ci tshol/ des smras pa/ pho brang 'khor nas rgyal po'i mi 'ongs na gnod pa byed pa zung shig ces byung ste/ de'i phyir su ma 'dong tshol lo/ /des blangs te bram ze de la smras pa/ der de lta 
bu su zhig khrid kyang kho mos ma shes na re zhig 'dir rkang pa chud dam mi chud sad kyis thang cig chug shig /bram zes kyang bsam pa mnag pa'i phyir rkang pa bcug pa dang / des rings par gzer ba btab po/ /bram zes smras pa/ nga ci'i phyir gzung / des smras pa/ des bzhi 
brgya bkur na khyod kyis de las brgya bskums pas so/ /de nas bram ze ya mtshan skyes te/ des bsams pa/ sman chen po dang / 'di ni 'dre dag cig ste/ 'dre chen po gnyis gnas gcig tu 'dus par gyur to snyam nas des lhag ma byin no/ /tha gi tsam na pha ma 'ongs pa dang 
gsar de bstan nas de ni bram ze ma lags te de ni lus 'phags pa'i rgyal po skyed pa'i blon po'i mchog sman chen po zhes bgyi ba lags so zhes smras pa thos nas pha ma dang bu mo de'i gnyen 'dun gyi skye bo dag bdag cag gis ni chen po dang gnyen du byas so/ /bdag cag ni bsod nams 
dang ldan pa dang gtsang byed yin te/ da ni bdag cag gi rigs sman chen pos gsol bar byas so zhes shin tu dga' ba dang ldan no/ /de phyin chad sa ga de bsku mnye dang / khrus dang / zas skom dang / gos dang / rgyan gyi khyad par dag gis shin tu byi dor bya bar brtsams pa 
dang ring po ma lon par je khyad par gzugs shin tu bzang ba dang shin tu mdzes par gyur to/ /de nas sman chen po grong khyer du song ba dang / rgyal pos 'ongs so zhes thos so/ /de nas rgyal po dang blon po rnying pa rnams sman chen po 'ongs so zhes shin tu dga' ba skyes so/ /rgyal po 
skyed pas smras pa/ ji ltar 'ongs/ des smras pa/ bdag gis mchis 'brang rnyed do/ /rgyal pos smras pa/ ci 'dra ba zhig /sman chen pos smras pa/ gzugs bzang zhing blta na sdug la mdzes pa dang / blo phun sum tshogs pa zhig ste/ de ni bdag gi sbu la 'bab pa 

</font><hr>11-1-74b<br><font size=+1>
lags so/ /de lta lags kyis kyang lha la da blang bar bgyi 'am zhes zhu'o/ /de nas rgyal pos smras pa/ nga ma gtogs pa gzhan su zhig khyod kyi thog tu 'bab ste/ de ci'i phyir zhe na/ khyod ni blon po'i mchog yin no/ /de lta bas na de ci nas kyang nga mgu bar 'gyur ba de lta 
bu'i 'byor pas blang bar bya'o/ /lha de ltar 'tshal lo zhes smras nas sman chen po blon po'i tshogs kyis bskor cing bram ze dang / khyim bdag dang / skye bo'i tshogs mgron du bos pa gzhan rnams dang / glang po che ba dang / rta pa dang / shing rta pa dang / dpung bu chung 
gi tshogs mang pos bskor nas ri 'or nags kyi tshang tshing can du gyos po'i khyim du song ngo / /song nas bag ma blang ba chen po byas te mthar gyis chung ma khrid nas grong khyer du 'ongs te de na de dang lhan cig rtse bar byed/ dga' bar byed/ dga' mgur spyod par byed do/ /de nas 
byang phyogs nas tshong pa lnga brgya zhig zong du rta khyer nas lus 'phags pa'i ljongs su rgyal po skyed pa'i drung du lhags so/ /gnas de na smad 'tshong ma tshul dang / 'dul ba dang / gzugs dang / rgya che ba dang mthun par byed pa dang / bgad pa dang / sgeg pa dang / spro ba bskyed 
pa dang / glu dang / gar dang / zur stegs dang / bsam pa mkhas pa de lta bu lnga brgya 'khod pas tshong pa gang dag 'ongs shing lhags pa rnams rdzas med par byed do/ /de nas de rnams kyis byang phyogs nas tshong pa'i 'gron pa ji ltar lhags pa thos nas de rnams kyis 
re res tshong pa re re la rim gro bya bar khas blangs pas nye bar bzung ste de dag rnams dang lhan cig rtse bar byed/ dga' bar byed/ dga' mgur spyod par byed do/ /de nas de rnams kyi ded dpon gang yin pa de ni bag yod pa can zhig pas de de rnams dang lhan cig bag med pa 
mi byed do/ /smad 'tshong ma de rnams kyi nang na kun gyi gtso mo gang yin pa de ni ded dpon de 'dod na ded dpon ni mi btub po/ /de nas des tshong pa de rnams bsdus nas gsol ba btab pa bdag dang ded dpon mthun par mdzod cig /de nas tshong pa de rnams dang smad 'tshong ma de 

</font><hr>11-1-75a<br><font size=+1>
rnams kyis nyin gcig bzhin rgyun du phe'u byas na bag med pa'i dbang du mi 'gro'o/ /de nas smad 'tshong ma de rang nyid 'ongs shing ded dpon dang lhan cig bgad pa dang / ga zha byas pa dang / de nas ded dpon gyis smras pa/ nga la 'khrul bar bya 
bar mi nus na ci'i phyir nyon mongs/ des smras pa/ gal te 'khrul bar bgyi na shes ldan gyis ci stsal/ des smras pa/ rta'i mchog lnga sbyin no/ /'o na 'khrul bar ma bgyis na slad kyis kAr ShA pa Na ma mchis bzhin du rjes su 'jug par bgyi'o/ /de nas de 
ltar skugs btsugs nas 'bad de nye bar spyad pa las kyang ma nus so/ /ci tsam dus gzhan zhig na tshong pa de rnams kyis smras pa/ ded dpon grong khyer gyi gtso mo smad 'tshong ma gzhag pa las ma thug gis 'jig rten gyi tshul gyis shig /de nas ded dpon gyis de 
rnams la smras pa/ grogs po dag mtshan mo rmi lam na de la yongs su spyad do/ /tshong pa rnams kyis kyang de la bsnyad pa dang / des ded dpon de rgyal po'i mi rnams 'dzin du bcug nas khyod bdag dang 'dod pa spyad kyis rta'i mchog lnga byin cig /ded dpon gyis smras pa/ 
ngan pa mo brdzun du smra ba zer ram zhes de gnyis rtsod cing rgyal po'i pho brang du dong ngo / /de nas rgyal po 'khor dang bcas pa las shags bkye ba las nyi ma nub kyi bar du gcig kyang ma pham la/ cig shos kyang ma yin no/ /rgyal po dang blon po thams cad kyang skyo bar 
gyur nas bkres pas nyen te phyis dpyad do zhes rang gi khyim du dong ngo / /de nas sman chen po nub mo rang gi khyim du song nas sa gas dris pa/ rje'i sras de ring ci'i slad du thogs/ des zhal che gcad par yang ma nus pa'i gtam de thams cad rgya cher bsnyad do/ /de 
nas sa gas smras pa/ khyod de ltar rtog pa dang / sel ba phun sum tshogs pa de lta bu thams cad kyis gcad par ma spyod na khyod skyes pa'i tshul de lta bu lags pa lta/ sman chen pos smras pa/ de ni de lta bu yin na ci khyod kyis gcad nus sam/ des smras 

</font><hr>11-1-75b<br><font size=+1>
pa/ rngo thog ste/ bdag gi blo'i nus pa la gzigs shig /des smras pa/ gshegs la rdzing bu'i 'gram du rta'i mchog lnga bzhag ste/ de nas gnas de nyid du rgyal po dang blon po rnams kyang 'dus te shags 'gyed du stsal cig /gal te smad 'tshong ma gnyis dang / 
gnyis 'dod pa spyad do zhes mchi na rta'i mchog lnga khyer ces gsungs shig /'on te rmi lam na 'dod pa spyad do zhes mchi na de nas rta'i gzugs brnyan chu na mchis pa dag ston cig /gal te blang du mi rung ba 'di dag bdag la ci dgos zhes smra na/ de nas ji ltar 'di blang du 
mi rung bzhin du rmi lam gyi 'dod pa spyad pa yang de dang 'dra'o zhes gsungs shig /de thos nas sman chen po nyid je ya mtshan du gyur to/ /de phyi nyin par rgyal po yang 'dus pa dang / blon po rnams kyang tshogs nas rta'i mchog lnga khrid de rdzing bur lhags te/ der rta'i mchog lnga 
btags nas shags 'gyed du bcug go/ /de nas sa gas bstan pa bzhin du sman chen pos zhal che bcad pa dang / rgyal po dang blon po dang khram gyi ru rnams kyis thos nas ya mtshan skyes so/ /rgyal pos smras pa kye sman chen po gang 'di khar tshang smras pa dang / nga dang / blon po 
rnams dang / skye bo gzhan yang nyon mongs par mi 'gyur ba zhig na khyod kyi thabs su las byung / des smras pa/ 'di ni sa ga'i thabs lags te/ des kyang khar tshang bstan lags so/ /de nas rgyal po dang / blon po dag dang / skye bo'i tshogs gzhan rnams kyang ya mtshan 
skyes te/ kye ma 'o shing mkhan gyi bu mo sa ga ni shin tu mkhas so/ /sa ga blo dang ldan no zhes yul thams cad du sgra grags par gyur to/ /de nas byang phyogs kyi tshong pa zhig gis rgod ma gnyis shig rgyal po la skyes su phul te/ lha rgod ma 'di dag smad lags na/ ma 'am bu gang lags 
pa ni gzhan gyis ma 'tshal to/ /de la yang rgyal po 'khor dang bcas pa de dag skyo bar gyur nas de kho na bzhin du shing mkhan gyi bu mo sa ga la/ sman chen pos smras pa dang / rje'i sras gang gi spu gshor ba de ni ma'o/ /gang gi spu 'jam pa ni bu'o/ /phyi de nyin de bzhin du sman chen pos 

</font><hr>11-1-76a<br><font size=+1>
smras nas/ lha sa ga'i thabs lags so zhes smras pa dang / de la yang rgyal po ya mtshan skyes so/ /dus gzhan zhig na sbrul khas sdigs pa zhig gis sbrul gnyis khyer te 'ongs nas de la gcig ni pho/ cig shos ni mo lags na gang pho gang mo lags 
pa ni ma 'tshal to/ /de nas rgyal po dang / blon po dang / mdun na 'don rnams skyo nas de kho na bzhin du sman chen pos sa ga la dris shing / gang zhig pho 'am mo yin par ma shes pa yang rgyas par smras pa dang / de nas sa gas cung zhig bgad de smras pa/ gang dag don 'di 
lta bu mi rtogs pa de lta bu khyod kyang blon po'am/ yong rgyal po go blon po rtog pa dang / sel ba phun sum tshogs pa de lta bu drug gis brgyan pa lta zhig dri yis ci khyod kyis shes sam/ smras pa/ ha cang mod 'od ma'i rtse mo'am/ smig ma'i rtse mo la ras bal gyi 'dab 
ma'am/ bal gyis dkris te gnyi ga'i rgyab tu reg par bgyis pa dang / de dag las gang reg tu mi bzod pa de ni pho lags so/ /phyi de nyin de bzhin du byas pa las rgyal po mgu bar gyur to/ /de nas dus gzhan zhig na lho phyogs nas tshong pa dag cig tsan dan gyi sdong po zhig khyer 
te 'ongs pa de'i mgo mjug ma shes te/ de nas de kho na bzhin du chung ma la dris pa dang / rje'i sras rdzing bu'i nang du bor dang / rtsa ba gang lags pa de 'og tu 'bying ngo / /de yang rgyal po skyed pa dang /gzhan yang skye bo'i tshogs dag gis thos nas ya mtshan skyes so/ /rgyal po 
skyed pa'i blo skyes pa nga'i blon po dag gi nang na nor bu rin po che rtog su mkhas shes par bya'o snyam nas/ des khang pa rtseg ma'i steng du rgyal mtshan gyi rtse mo la rin po che btags so/ /de'i 'og na rdzing bu zhig yod do/ /rgyal pos kyang sus nor bu rin po che 'di shes pa 'di la sbyin par 
dam pa bstabs so/ /rdzing bu der zhugs nas 'od de blang ba la zhugs na blang yang ma nus so/ /de nas shing mkhan gyi bu mo sa ga la smras pa dang / rje'i sras steng du gzigs shig dang / de rgyal mtshan gyi rtse mo la btags pa de'i mthus gzugs brnyan gda' mod kyi nang du bzhud 

</font><hr>11-1-76b<br><font size=+1>
de rgyal mtshan gyi rtse mo las blang bar bgyi'o/ /des phyi de nyin de bzhin du byas pa dang / rgyal pos smras pa/ 'di su'i thabs/ des sa ga'i thabs lags so zhes smras pa dang / mgu nas rnam pa thams cad du shin tu mkhas so zhes bstod do/ /de nas sa ga shin tu gzugs 
dang ldan par blon po drug gis shes te/ de bdag cag gis nor bu dang / dngul dang / dbyig dang / gser dang / an da rnyil dang / pad ma rA ga dang / rdo'i snying po la sogs pas brid la lhan cig phrad par bya'o snyam pa las ma zug go/ /de dag rgyun du smra ba dang / 
des sman chen po la smras pa/ khyod kyis yul chos ko bud med gang su yang rung gzhon zhing gzugs bzang ba de gzhan gyi skyes pas slu ba de lta bu zhig lta/ des smras pa/ 'di ni thams cad kyi chos te/ skyes pa rnams ni bud med thams cad la don du gnyer mod kyi bud med nyid 
kyis shes par byas te/ gal te bud med mdzangs na de byed du mi btub po/ /de nas sa gas smras pa/ rje'i sras gal te de lta bu la co dri ba'am/ gnod pa zhig bgyis na de la nyen du mi 'gyur grang / sman chen pos smras pa/ bag rton la byos shig /de nas des khyed kyis 
na'o zhes sgyu mdzod cig dang / de nas mtho btsam par bgyi'o/ /de min par sgyu byas te 'dug pa dang / des kyang de dag gi pho nya gang dag yin pa de dag las bzlugs pa 'di mi bde mod kyi/ ji ltar bka' stsal pa de bzhin du rim gro 'tshal lo zhes 'di skad du so sor spring ngo / /des kyang 
shing las sman chen po'i gzugs brnyan byas nas de gos kyis g.yogs te mal du bsnyal lo/ /de dag so so la yang smras pa/ sman chen po 'di ni nyam chung ste/ che ge mo zhig dang / che ge mo zhig gi dus su gzhan gyis ma 'tshal bar spyon cig ces byas nas sgrom chen po 
drug byas te rang gi khang pa drug tu bcug go/ /de nas de dag 'ongs pa dang sgrom du bcug ste bcings nas phyi de nyin sman chen po shi'o zhes sgra yang btang ngo / /de nas rgyal po'i btsun mo'i 'khor dang bcas pa dang / gzhan yang skye bo'i tshogs dag gis thos nas mya ngan chen 

</font><hr>11-1-77a<br><font size=+1>
po dang ldan te/ bdag cag sems can 'di lta bu dang bral bar gyur to zhes rab tu sems shing mya ngan gyi rgya mtshor zhugs nas snying rje rje skad du smra'o/ /shing mkhan gyi bu mo sa ga des kyang blon po sgrom du bcug pa de drug legs par bsdams nas rgyal po skyed pa'i drung 
du khyer te lha sman chen po ni dus las 'das te/ de'i nor gang lags pa dbyig dang / gser dang / dar dang / rin po che la sogs pa de dag de nyid kyi rgyas btab pa 'di dag lags so/ /de nas rgyal pos/ de ni de ring shi nas deng nyid nga la 'di phul lo zhes shin tu mya ngan gyis gdungs 
so/ /de'i skabs su sman chen po nyid gnas gzhan zhig nas me tog gis brgyan te dgod cing rgyal po'i pho brang du phyin nas rgyal po la phyag byas te smras pa/ lhas bdag gdugs 'ga' yang byams pas ma bzung ste/ deng nyid sdum pa rgyal pos bzhes lags sam/ 
rgyal pos smras pa/ ngas ma blangs te/ khyod nyid kyi khyim nas khyer te 'ongs so/ /yang smras pa/ rgyal po chen po sman chen ni/ /'di nas 'jig rten pha rol mchis/ /de yi rin chen 'di rnams lags/ /de dag mi dbang bzhes su gsol/ /rgyal chen bdag ni 
yugs sa ste/ /khyim thab dang ni bral bas na/ /bdag las brnyas pa bgyis nas lags/ /bdag las nor ni phrogs su mchi/ /de nas sman chen pos blon po'i mchog rnams kyi blo'i dpyod pa'i legs pa yang bstan to/ /rgyal po skyed pas kyang bltas na skra dang kha spu 
bregs/ rkang lag bzhi bskums pa'i blon po drug mthong nas/ bgad de sman chen po la smras pa/ sman chen po thabs 'di su'i yin smros shig /des sa ga'i'o zhes thams cad rgyas par smras so/ /de nas rgyal pos bsams pa/ kye ma bud med kyi blo gros/ kye ma 
brtan pa/ kye ma blo'i dpyod pa/ des blon po'i mchog 'di dag 'di ltar co dris so zhes mgu nas de bkur ba cher byas so/ /yul thams cad du yang shing mkhan gyi bu mo sa ga ni de ltar blo dang ldan no zhes snyan pa grags so// //sdom ni/ nga yang sman gyis de bzhin no/ /khyi dang 

</font><hr>11-1-77b<br><font size=+1>
phyugs la bzas bsod sbyin/ /dam bca' rdo ba rol mo rnams/ /u dum bA ra sgyur mor 'dra/ /se mo do yang stor ba ste/ /ne tso gsang yang bsnyad pa'o/ /bar mdo gnyis pa'i tshigs bcad do/ /de nas rgyal pos sa ga mkhas shing mdzangs par shes nas sman chen po 
bsod nams dang ldan pas ni 'di lta bu'i chung ma blo dang ldan pa rnyed do snyam mo/ /de nas rgyal pos sman chen po la smras pa/ gal te khyod dga' bar lta na nga la yang chung ma 'di ltar blo dang ldan pa zhig btsal te blangs na khyim gyi srid dang / gzhan yang phyi rol rgyal po'i pho brang gi don 
'di la bde bar gnas so/ /sman chen pos smras pa/ gang nas btsal bar bgyi/ gang gi phyir rgyal po skyed pas smras pa/ lnga len gyi rgyal po'i bu mo sman ldan zhes bya ba gzugs bzang zhing mdzes pa/ gzhan yang dran pa dang shes bzhin can 'di ltar sa ga ci 'dra ba'i blo dang 
ldan pa zhig yod ces thos pa de chung mar long shig /de nas sman chen pos smras pa/ lha 'di la thabs zhig bgyi na de yang lha'i mtshams las gzhan pa dgra lta bur mchis pa ste/ de la sngar thabs btsal bar bgyi'o/ /de nas rgyal po skyed pas blon po mdun na 'don dag btang 
ste/ de dag slong ba la zhugs so/ /de nas lnga len gyi rgyal pos blon po rnams bsdus te/ ji ltar bya zhes dris pa dang / de dag gis smras pa/ rgyal po skyed pa 'di sngan chad lha'i bka' mi nyan te don 'dis 'o skol gyi dbang du 'gyur ba ni de dag mchis nas ji ltar bgyi ba gdod 
mdzad kyis re zhig stsol cig des byin nas che ge mo zhig na zla ba phyed kyi nyin par yud tsam pa dag dang sbyar te/ bag ma len du shog shig ces byas nas phyir song ste/ rgyal po skyed pa la bu mo sman ldan ni thob po zhes shes par byas so/ /ji ltar nam blang bar bya/ de dag gis tshes 
grangs che ge mo zhig dang / yud tsam pa dang sbyor la shog shig ces mchi'o/ /dus de'i 'og tu lnga len gyi rgyal pos des bag ma gtang ba'i don du brtsams pa ni bza' ba dang btung ba dag sta gon byas te/ bza' ba dang btung ba'i rnam pa thams cad dug dang bsre ba byas nas lnga 

</font><hr>11-1-78a<br><font size=+1>
len gyi rgyal pos bsdogs pa 'di las ma 'phyi bar shog shig ces pho nya btang ngo / /de nas de thos pa dang / sman chen pos rgyal po skyed pa la smras pa/ lha re zhig 'phral du bgyir mi rung ste/ de ci'i slad du zhe na/ de ni gang gi phyir lha'i mtshams las gzhan 
pa'i rgyal po ste/ de dang rtag tu rtsod cing 'dis rgyun du mi mthun pa lhan cig tu bgyis pas brtag par bgyi'o/ /rgyal pos smras pa/ su rtog tu btang / des smras pa/ rgyal po bde bar bzhugs shig /bdag la ne tso spyod gsal zhes bgyi ba mkhas pa/ gsal ba/ 
yid gzhungs pa de der btang la des thams cad la gtam bgyis nas slar mchi bar bgyi'o/ /de bzhin gyis shig /de der song nas bsams pa/ su la bcar te gang gis na lhan cig 'grogs shing gtam bya/ des kun tu bltas na cung zad kyang ma mthong ngo / /'jig rten gyi 
tha snyad gang gis bya bsam mo/ /ji tsam na rgyal po'i pho brang du zhugs te der bltas na gdung gi bar na ri skegs zhig 'dug pa mthong ste/ de der song nas kyang de gnyis phan tshun gcig la gcig dga' bas yang dag par mgu bar byas nas gang nas 'ongs zhes dris so/ /
ne tsos smras pa/ byang phyogs kyi rgyal po shi bi zhes bya ba de nas kho bo 'ongs so/ /kho bo skyed mos tshal srung ste/ de la kho bo'i chung ma dam pa gzugs bzang ba mdzangs shing rjes su mthun pa yid du 'ong ba smra ba ri skegs mo zhig yod pa las ri skags de yang gzhan 
du song ba las khras khyer te/ des na kho bo mya ngan gyis sems gdungs shing phan tshun 'khyam pa las khyod kyi drung du phyin no/ /bzang mo khyod kho bo'i chung mar mi rung ngam/ des smras pa/ ji ltar na ne tso'i chung ma ri skegs yin zhes ma thos ma mthong ste/ de lta mod kyi ne 
tso'i chung ma ni ne tso nyid yin no zhes thos so/ /de nas spyod gsal gyis gzhan dag phan tshun 'ong zhing 'gro ba'i rnam grangs kyi rnam pas nye bar bsnyen to/ /yang smras pa/ bzang mo bdag ni shi bi'i rgyal/ /skyed mos srung bar gyur pa ste/ /kho bo'i chung ma ri skegs ni/ /'jam 

</font><hr>11-1-78b<br><font size=+1>
pa'i tshig tu smrar gyur pa/ /byas ni nan gyis khyer bas na/ /bdag ni de yis gdungs par gyur/ /kho bo 'dod pas gdungs nas ni/ /khyod kyi gan du 'ongs pa yin/ /ri skegs kyis smras pa/ ne tso'i chung ma ri skegs ni/ /mi rigs par ni bdag gis bsams/ /ne tso'i 
chung ma ne tso bar/ /'di skad du ni mkhas pas bsgrags/ /de nas de bzhin du smras shing bsams pa bsgrubs nas/ de de dang lhan cig rtse bar byed/ dga' bar byed/ dga' mgur spyod par byed do/ /de nas ne tso spyod gsal gyis rgyal po'i pho brang na bza' ba mang po sbrang rtsi'i 
mchog ces bya ba dang / mya ngan med sgyur dang / phe'u te'u dag dog ler 'tshed pa dang / bu ram las byas pa'i kha zas mang po mthong nas ri skegs la smras pa/ ci'i phyir 'di dag 'tshed/ ci ste bdag cag gis thob bam/ de nas ri skegs la tshigs su bcad de smras 
pa/ dog ler mar sar mang po ni/ /'tshed par byed pa 'di rnams dag /kha cig bdag cag gis thob bam/ /ri skegs kyis ni 'jam por smros/ /ri skegs kyis smras pa/ dog ler bca' ba khur ba dag /'tshed par byed pa 'di dag kyang / /ne tso mkhas pa 
spyod gsal ba/ /'di rnams khyod kyi bza' ba min/ /'di dag skyed pa'i ched du ni/ /dug gis thams cad bsres pa yin/ /de nas spyod gsal gyis rig pa sngon du btang nas ri skegs la thabs kyis yang smras pa/ lnga len rang gi bu mo ba/ /skyed pa la ni byin no zhes/ /
de lta bu yang sgra dag gis/ /phyogs kun du ni rgyas gyur na/ /de la su yi tshig bden zhing / /gang gi tshig de de bzhin yin/ /ri skegs kyis smras pa/ ne tso mkhas pa spyod gsal ba/ /gtum po des ni mi byin te/ /blo gros ngan pa nyid dag gis/ /de la gsad pa dag tu 
brtson/ /de dag thos nas slar log ste ne tso spyod gsal gyis mthong zhing thos nas rtogs shing shes pa ni tshong pas don gyi rnyed pa thob pa yongs su grub pa bzhin no/ /ri skegs la shi bi'i phyir smras pa/ bdag gis chung ma 'dra rnyed pa/ /ri skegs 'jam par smra ba ni/ /shi 

</font><hr>11-1-79a<br><font size=+1>
bi'i rgyal pos mkhyen bya'i phyir/ /bzang mo bdag ni 'gro bar bya/ /ri skegs kyis smras pa/ gal te rje yi sras gshegs na/ /shi bi'i rgyal po mkhyen gsol nas/ /dgung bdun dag las gzhan du ni/ /yun mi ring bar mkhyen par mdzod/ 
bdag gi rigs dang rus dag dang / /longs spyod kyang ni 'di 'dra bar/ /shi bi'i rgyal pos mkhyen par mdzod/ /bdag kyang slad rjes khyed ma dgum/ /de song nas phyin pa dang / blon po sman chen po la rgya cher thams cad smras so/ /de nas sman chen pos rgyal po skyed pa 
la mkhyen par byas so/ /de nas lnga len gyi rgyal pos kyang mi 'ong bar rtogs nas dpung gi tshogs yan lag bzhi go bskon nas glang po che'i tshogs dang / rta pa'i tshogs dang / shing rta'i tshogs dang / dpung bu chung gi tshogs dag rgyal po skyed pa'i drung du phyin nas rgyal po skyed 
pa'i pho brang bskor bar byas pa dang / de nas blon po'i mchog sman chen pos bsams pa 'dis lhan cig thab mo 'gyed par yang mi nus na ji ltar bya dbyen zhig bya snyam mo/ /des lnga len gyi rgyal po'i blon po lnga brgya la rnam pa sna tshogs kyi skyes bskur te dbyen byas so/ /dbyen 
byas nas rgyal po skyed pas lnga len gyi rgyal po la pho nya btang ste/ kho bo khyod la rgol ba mi nus pa ma yin mod kyi kho bo dang khyod gnyen te/ khyod nyid gyos po yin pas mi rgal lo/ /'on kyang khyod nga'i lag tu 'tsho'am gshin pa ni shin tu rig par gyis shig /nged kyis nus 
par gyur kyang khyod la mi rgal te/ gal te yang khyod the tshom du gyur na skyes 'di dang 'di dag ni blon po che ge mo rnams la bskur bar brtag par bya'o zhes des spring ba las skyes dang bcas su bzung ngo / /de nas lnga len gyi rgyal po de nyid kyi nub mo chas nas rang gi khyim du song ste phyin pa dang / 
blon po lnga brgya de dag bsad de/ de dag gi bu rnams kyang blon por bcug pa bden no zhes smras pa 'dis rgyal po skyed pa dang lhan cig pa dag dga' ba skyes par gyur to/ /sman chen pos kyang de dag bsad par thos nas bdag gis de lta bu dag byas so snyam ste dga' bar gyur to/ /

</font><hr>11-1-79b<br><font size=+1>
de dag kyang bsad nas rgyal po la sman chen pos gsol pa/ 'di ltar bdag nyid dngos der mchis la thob bam mi thob brtag par bgyi'o/ /zhes smras so/ /gang gi phyir de der bdag nyid kyi dpung dang bcas nas lnga len gyi rgyal po'i yul du song ba dang / lnga len gyi rgyal pos 
grong khyer gyi nang du shog shig ces smras so/ /des smras pa/ skyed mos tshal 'di nyid du mchis so/ /ji ste yang bdag nges par nang du mchi na/ blon po che ge mo zhig gi khyim du mchi bar 'tshal lo/ /de nas lnga len gyi rgyal po bag tsha ste/ ci'i phyir 'di 'di skad du smra/ 
re zhig gzhan yang bdag dang blon po dag dbyen byed do snyam ste/ de ltar dga' na de nyid du 'dug shig ces spring ngo / /de'i blon po rnams kyis 'di la bgros pa/ bdag cag gi pha chud gsan par byas pa de thams cad ni sman chen po 'di yin pas bdag cag gis sngon gyi sha khon 
rjes su dran par byas te/ rgyal po la de bzhin du gal gyis bcus la de ltar 'di phyir mi 'gro bar bya'o zhes 'dus nas rgyal po la de dag gis smras pa/ rgyal po skyed pa gang la blo'i dpyod tshul 'di lta bu de ni sman chen de'i lags so/ /de la rgyal po skyed pa ni pha rol 
la gnod pa bgyid mi nus te/ de ltar na de 'di nyid na mchis pa'i tshe bdag cag gis gzhan nas rgyal po skyed pa'i drung du mchi'o/ /des smras pa/ legs par smras so/ /de nas dpung gi tshogs yan lag bzhi pa go bskon te/ glang po che'i tshogs dang / rta pa'i 
tshogs dang / shing rta pa'i tshogs dang / dpung bu chung gi tshogs dag rgyal po'i pho brang gang na ba der song ngo / /rgyal po skyed pa 'dis kyang sta gon byas so/ /sman chen pos kyang lnga len gyi rgyal po lam che ge mo zhig nas rgyal po skyed pa'i yul du song bar shes so/ /des kyang 
der cung zad zhig 'dug nas phyogs che ge mo zhig na rgyal po'i mdzod yod de/ mdzod de na rgyal po'i bu mo sman ldan ma zhes bya ba 'dug par shes so/ /de nas des nang 'khor ma zhig khrid de 'khor bzhag nas ji tsam na rgyal po'i mdzod du zhugs te mdzod phye nas bu mo dang / 'byor 

</font><hr>11-1-80a<br><font size=+1>
ba dbyig dang gser dag blangs nas dpung gi tshogs yan lag bzhi go bskon te lam gzhan zhig nas rgyal po skyed pa'i drung du song ngo / /de nas rgyal po skyed pa dang / blon po dang / grong mi rnams dang / gzhan dag kyang las chen pos bsgrubs so zhes rab tu 
dga' ste rjed cing ri mor bya ba mang po dag byas so/ /lnga len gyi rgyal po'i blon po mchog kyang 'ongs na sman chen pos bu mo dang mdzod khyer ba dang / rgyal po'i pho brang de dag gis spangs te rang gi yul du song ngo / /rgyal po skyed pas kyang gang gi phyir bkra shis kyi rnam pa dag 
gis bu mo bag mar blangs nas de de dang lhan cig rtse bar byed/ dga' bar byed/ dga' mgur spyod par byed do/ /de nas lnga len gyi rgyal pos bu mo sman ldan la pho nya zhig btang nas 'di lta bu su'i thabs sus brtags/ sus dbyen byas pa dag gi don shes par gyis la rtogs 
la springs shig /des brtags nas pho nya btang ba la sman chen po 'di la ne tso spyod gsal zhes bya ba mi'i skad du smra ba des 'di ltar brtags so/ /de nas lnga len gyi rgyal pos smras pa/ ne tso spyod gsal ci nas kyang slar thong shig /de nas des rab tu 'bad pas rnyis bzung ste 
de la bskur ro/ /de nas rgyal po khro bas dkris pas rnam pa mang por spyos te sod cig ces bsgo'o/ /de nas ne tso spyod gsal gyis rkang pa la gtugs te rgyal po la gsol pa/ lha bdag gi pha dang mes po ji ltar bkum pa de bzhin du dgum par ci gnang / gal te de lta na de 
bzhin du 'di gsad par gyis shig ces nas gnang ngo / /ji lta bu nyid du pha dang mes po bsad ces des de la dris pa dang / ras bal gyis mjug ma dkris te yungs mar gyis bskus nas bsregs te gtang ba dang / de nam mkha' la phur te rgyal po'i pho brang kun nas 'bar bar byas chur 
zhugs so/ /de nas rgyal po skyed pa'i drung du song ba dang / sman chen pos kyang dris pa khyod ga las 'dir phyin/ des ji ltar byas pa thams cad shes par byas pa dang / de mgu bar gyur to/ /lnga len gyi rgyal po khro bas dkris pas yang yi ge bskur ba/ des rnam pa 'di lta bus 

</font><hr>11-1-80b<br><font size=+1>
gnod pa byas te nges par slar thong shig /des kyang bzung ste bskur ro/ /lnga len gyi rgyal po khros pas spu ril phyi nas sha'i ri lur bzhag ste 'gro na song shig ces phyi rol du bor ba dang / khras khyer ro/ /des kyang khra la gsol ba btab pa/ kho bo zos pa ni nyin gcig gi zas su zad de kho bo 
btang na ni nyin gcig bzhin du ji lta bu'i dgos pa dang bza' ba mang po dag de bzhin du sbyar bar bya'o zhes des yid ches par mna' bor nas btang ste/ spyod gsal gyis smras pa/ phyogs che ge mo zhig na rgyal po'i gtsug lag khang der zhog shig /des de bzhin du byas pa dang / de 
gtsug lag [(]khong [,]khang [)]du song ste bu ga zhig tu zhugs pa dang / phyi de nyin bram ze dag lha mchod pa'i phyir der lhags/ lha dri ma phyis te/ bdug pa dang / me tog dang / lha bshos dang / gtor ma sbyin par brtson na/ spyod gsal des kyang smras pa/ kye bram ze rgyal po sdig 
pa can lnga len gyi rgyal po la nga'i tshig 'di brjod par bya'o/ /nyes pa 'di dang 'di dag byas pa de ni ngas gnod par byas pa yin no/ /gal te nga'i tshig bzhin ma byas na phyir yang bya'o/ /de ltar re zhig nyin re zhing sha rjen dmar po dang / til dang / 'bras thug po che bre'u chung gang gi 
lha bshos byas pa dang de nas phyis bsam mo/ /song nas des lnga len gyi rgyal po la khong du chud par byas so/ /rgyal pos kyang de'i don kho nar lha bshos dang / gtor ma bya ba la zhugs te/ nyin gcig bzhin du rgyal po dang / blon po dang / mdun na 'don dag lhags nas 
lha la gnang ngam mi gnang bka' stsal par gsol ba btab pa dang / de bzhin du bya'o zhes so/ /'di ltar dus mang du lon nas ne tso spyod gsal de'i gshog pa skyes shing 'phur nus par gyur pa dang / yang 'gro ba'i blo skyes te/ de la yang smras pa/ 'di ltar nga la 
gang khyed stobs kyi dpung dang / lha mo dang / gzhon nu dang / blon po dag dang lhan cig mgo gtun bzhin bregs la nga'i drung du shog shig dang / 'di ltar bzod cing gnang bar bya'o/ /des rgyal po la khong du chud par byas pa dang / rgyal pos kyang de bzhin du byas te/

</font><hr>11-1-81a<br><font size=+1>
de ltar thams cad mgo gtun bzhin du bregs nas lha gang du song ste rkang pa la gtugs nas bzod pa gsol pa dang / de nas ne tso nam mkha' la 'phur te tshigs su bcad pa 'di smras so/ /byed pa la ni slar byas te/ /phyi bas slar ni phyi la ltos/ /'dir ni 
gcig pu phyi ba yis/ /btsun mo kun dang legs par phyi/ /des 'di skad du smras te/ de nas yang sman chen po'i drung du song ba dang / spyod gsal yun ring zhig tu ma mthong na gang nas phyin ces dris so/ /des 'di dang 'di lta bu'i thabs de dag bdag gis bgyis so zhes rgya 
cher smras so/ /de nas sman chen po yid dga' zhing mgu ste/ rgyal po skyed pa la ne tso spyod gsal gyis 'di ltar bgyis so zhes smras pa dang / rgyal po yang mchog tu dga' ba dang ldan nas smras pa/ e ma'o 'di ltar khyod mkhas pa sha stag dang phrad pa ni bsod nams dang ldan no zhes 
smras so/ /de nas yang dus phyi zhig na rgyal pos blon po rnams la gang rab tu mkhas pa nyams sad do snyam blo skyes nas de dag bos te so sor khyi re re byin nas 'di dag dus 'di tsam na thams cad mi skad du smra bar gyis shig de dag gis de khyim du khrid de gso bar byas pa ni shes kyi mi skad du zer ba mi 
shes so/ /sman chen pos khyi de khyim du khrid de song nas khri las mi ring ba zhig tu phur ba la btags te bzhag go/ /nam sman chen po'i kha zas drangs nas bca' ba dang / bza' ba dang / khu ba sna tshogs su sbyar ba za bar mthong yang len mi nus so/ /de nas ngan pa cung zad cig 
byin pas ma shi ma sos tsam du nyam chung la rid de skem par gyur to/ /de nas rgyal pos khyi de dag lobs sam/ ma lobs bltas khrid de shog shig par bsgo'o/ /de dag gis ni thabs la mi mkhas pas bslab ma nus so/ /de nas sman chen po la khyod kyi ci 'dra khrid de shog ces smras nas 
rgyal po'i mdun du 'ongs te bltas na skem zhing rid do/ /des 'di ci'i phyir rid ces dris pa dang / sman chen pos lha bdag gis ci zos ci 'tshal ba de bzhin 'di la stsal to zhes smras pa dang / khyis smras pa/ lha 'di ni brdzun mchis te/ bdag ltogs te de'u bkum mo/ /de nas sman chen 

</font><hr>11-1-81b<br><font size=+1>
pos bdag gis 'di ltar 'di mi'i skad du smra bar bgyis so zhes gsol to/ /de nas rgyal po dgyes par gyur to/ /de nas yang dus phyi zhig na yang nyam skyed par 'dod nas lug 'di rnams khyed kyis bza' btung zhim po stsal la tshil med la mthu dang ldan par byos shig ces bsgo'o/ /de nas blon 
po lnga brgya po de dag ni thabs mi shes te/ de gsos te tshon por byas so/ /sman chen pos ni bza' ba zhim po mdun du bzhag nas shing la spyang ki'i gzugs cig byas te lug gi mdun du bzhag pa des de mthong bas ni skrag ste tshil ni ma skyes mthu dang ni ldan par gyur to/ /de dag kun bltas 
na gzhan dag ni mdog dang ldan zhing tshil mang bar gyur to/ /sman chen po'i ni tshil med la mthu dang ldan par mthong nas rgyal po dga' ste mdzangs so zhes bsngags so/ /de nas yang dus phyi zhig na gang mkhas pa bgams te blta'o snyam du bsams nas blon po de dag gi bu lnga brgya po de dag 
skyed mos tshal du sngon zan byas te za 'thung zhing 'khod pa las ngo mtshar dang ldan pa'i gtam rtsom ste/ su gang gis ngo mtshar gyi gtam mam/ khyim na yod pa ci thos pa smros shig /de dag mdza' bas gcig la gcig ngo mtshar gang la ci yod pa dang / khyim dang gzhan gyi phyogs 
na mthong ba rnams smras so/ /de nas khye'u dag gis sman chen po'i bu la khyod kyang smros zhes bskul ba dang / sman chen po'i khyim du rdo zhig yod de de ka rten yin pa las de chu'i steng du bzhag na phan tshun du 'phyo zhing nyug cing mnye ba la sogs pa'i las kun byed do/ /de nas khye'u des bdag gi khyim 
na yod pa de dag la bsnyad de nged kyi khyim na ngo mtshar yod pa de lta bu ni su la yang med do/ /de dag gis de'i rjes nas bzung ba dang / nged kyi khyim na rdo ba chu'i steng na 'phyo zhing 'gro'o zhes smras pa dang / de dag gis bdag cag gis rdo chu'i steng nas 'phyo zhing 'gro ba de lta bu ni ma mthong ma thos so/ /
de nas de dang de dag gis gser gyi dong tshe lnga brgya la rgyal bkye'o/ /de nas gzhon nu des ji ltar gyur cing de'i phyir bdag dang rgyal bkye'o zhes pha la smras pa dang / des smras pa/ bu ma bstan cig /de nas de dag lhags nas ma bstan pa dang / gser gyi dong tshe lnga brgya rgyal du phab bo/ /

</font><hr>11-1-82a<br><font size=+1>
de nas sman chen pos spre'u rnams bzung ste/ rol mo bslab nas bu la smras pa/ da ni song la sngun zan pa'i nang du sngar gtam glengs la khyod kyis ngo mtshar sus ci mthong ci thos khyim lta na yod pa smros shig ces byos la de nas khyod kyis nga ni rgyal nyis 'gyur du byas te/ bdag gi 
khyim na ni rol mo mkhan spre'u yod de glu la mkhas/ gar la mkhas/ rnga rdung ba la mkhas so zhes byos shig ces bsgo ba dang / des kyang de bzhin du gtam gzhan las brjod de/ 'di lta bu mthong ste yod do zhes smras pa dang / de nas de dag na re bdag cag gis spre'u rol mo byed pa ma 
mthong ma thos so/ /des smras pa/ de ste bdag gis bstan na khyed kyis ci sbyin/ de dag gis smras pa/ sngar yang khyod la gser gyi dong tshe lnga brgya phab pa yin/ da yang de bzhin mi rigs mi tshul ba zer te/ de ste yang khyod kyis ma bstan na gser gyi dong tshe stong dbab bo/ /ji ste bstan 
na nged kyis sbyin no/ /de ltar dam bcas nas spre'u khrid de rgyal po'i pho brang du 'dong ngo / /des kyang spre'u rnams rgyal po'i pho brang du ded de rgyal po'i mdun du glu dang / gar dang / rnga rdung ba kun bstan pa dang / de nas de dag gis de la gser gyi dong tshe stong byin no/ /rgyal pos kyang ngo mtshar du 
bzung ste/ 'di lta bu dag ni sngon yang ma mthong ma thos so/ /de nas rgyal po blon po dang grong ba rnams kyis kye thams cad yang de gcig pu mkhas shing blo dang ldan pa la ltos shig /kun gyis sman chen po la bkur sti byas so/ /de nas yul be de ha'i bram ze zhig 'dug pa des bdag 
dang rigs mnyam pa las chung ma blangs te/ de dang lhan cig tu rtse dga' yongs su spyod pa las phyi zhig na bram ze mo de sems can dang ldan par gyur pas zla ba dgu 'das te btsas na bu mo zhig byung na gzugs legs shing blta na bzang mo zhig go/ /bram ze de yang smrang dang smrang gi yan lag 
gi pha rol tu phyin pa/ rig pa'i gnas bcwa brgyad kyi pha rol tu phyin pa/ blo dang shes rab rno ba des 'di gang bdag dang 'dra bar 'gyur ba bdag gi drung na slob cing 'don par byed pa de la bu mo 'di sbyin no snyam du bsams so/ /btsas pa'i btsas ston rgya cher byas te 'di'i ming cir gdags 

</font><hr>11-1-82b<br><font size=+1>
zhes bgros na/ bu mo 'di'i ming u dum bA ri kar btags te/ de gsos bskyed nas chen mor gyur to/ /de nas bram ze gzhan zhig la bu kha dog ngan pa gzugs mi sdug pa mdog ngan pa mtshan ngan pa bcwa brgyad dang ldan pa zhig btsas te/ de skyes ma thag tu pha mas kyang 'di lta bu mi 
sdug pa yid du mi 'ong ba'i phyir ming yang gzugs ngan du btags so/ /de gsos bskyed nas cher skyes pa dang / phas bu ngo tsha bar 'gyur ba gzugs ngan pa 'di 'dra ba la bslabs te ci rung snyam nas ma bslabs so/ /de nas khye'u gzugs ngan de nam cher gyur pa de na bslab par 
'dod na phas ni ma bslab kyis yul gzhan du 'gro'o snyam du bsams nas/ bram ze gzhan zhig gi drung du phyin te/ bram ze'i khye'u de langs nas bdag ni bram ze 'di zhes bgyi ba'i bu lags te khyod la slob par 'tshal ba'i slad du khyod kyi drung du mchis so zhes gsol ba dang / des kyang de 
bzhin gyis shig ces de la skabs phye'o/ /des ring po ma lon par bram ze des ci shes pa thams cad gzugs ngan pa des kyang lobs so/ /de nas slob dpon des 'di snyam du bsams so/ /bdag gi drung na slob cing shes pa yang bdag dang mtshungs par gyur pa de la bu mo u dum bA 
ri ka sbyin par bdag gis dam bcas nas/ da bram ze gzugs ngan 'dis bdag gi drung na bslabs la shes pa yang bdag dang mtshungs par gyur na/ 'di gzugs mi sdug mod kyi bdag gis gzhan bya mi nus kyis gnyen du byas te bdag dang pha mes la 'jig rten du yang mi rung / bram 
ze gzhan dag gis kyang smad par 'gyur gyis ci nas yi dam bcas pa bzhin du bya'i snyam nas des bu mo u dum bA ri ka de rgyan thams cad kyis bklubs nas bram ze'i khye'u gzugs ngan pa la byin nas des de blangs te de dang lhan cig dga' bar spyod du mi spobs so/ /de nas des bdag nyid 
kyi khyim du 'ongs pa dang / de na dga' mgur bya'o snyam du bsams nas rang gi khyim du khrid do/ /u dum bA ri ka de yang de gzugs ngan pa mthong na yang yid du mi 'ong ste bdag ni gzugs dang ldan pa/ 'di ni mdog mi sdug pa rnam pa bcwa brgyad dang ldan pas na khyo 'di lta bu dang ldan pa 

</font><hr>11-1-83a<br><font size=+1>
zhig ni ngo tsha'o snyam du bsams te/ de nas gzugs ngan des de khrid de bdag cag gi yul du song ba las lam gyi bar du rgyags chad do/ /de rdzing gzhan zhig gi 'gram du phyin te gnyi ga bkres shing 'khod pa dang / grogs gzhan zhig kyang phye chu'i nang du shing bus dkrugs te 
'thung ba la zhugs pa dang / mo bru bas gzir te bslang na/ de la gzugs ngan gyis phye spar gang blangs te bdag nyid 'thung ngo / /u dum bA ri kas jo bo bdag kyang shin tu bru bas gdungs na/ kho mo'o ni las ni chu zhig 'thung ngo zhes smras pa dang / gzugs ngan gyis bud med la 'di 'dra ba'i 
chu grog 'thung du sngon gyi chos mkhan drang srong rnams kyis ma gnang bas de'i phyir mi sbyin no zhes zer te ma byin no/ /de nas yang char pa ma bab pa'i phyir dgon pa la bru bas gzir cing dong ba las gnyi gas khyi sha zhig rnyed na gzugs ngan gyis bsregs te bdag zos nas u dum bA ri kas 
de yang bslang na/ 'di yang bud med rnams la drang srong gis ma gnang ngo zhes zer te ma ster ro/ /des bdag lta bu byur ngan ma bru ba'i sdug bsngal gyis gzir to/ /pha ma gnyis kyis bdag gi nyes pa ci mthong na 'di 'dra ba la byin zhes bsams te pha ma la rnam pa mang po smra'o/ /
yang de gnyis dong ba las shing u dum bA ra smin pa zhig mthong nas gzugs ngan de la 'dzegs te za zhing 'dug pa dang / u dum bA ri kas khyod gcig pu ma za bar ngan bu la yang 'or zhes smras pa dang / des smin pa ni bdag zos kyi ma smin pa mar bor ro/ /des bdag la ma smin pa ma 
dor bar smin pa la yang stsol/ des de ste khyod smin pa 'dod na bdag nyid 'dzegs te thogs la zo shig ces smras pa dang / bru bas gzir ba'i phyir nan gyis u dum bA ra la 'dzegs te za zhing 'dug pa dang / gzugs ngan gyis bsams pa/ bdag lta bu bsod nams med de chung ma 
'di 'dra ba bdag nyid kyis sos pa lta ci smos/ 'di ni bdag la ltar kyang mi btub po snyam nas de shing las babs te shing u dum bA ra'i drung tsher mas bskor nas bor te song ngo / /yang smras pa/ de gnyis song ba nags nang na/ /u dum bA ra smin pa mthong / /des kyang de la 

</font><hr>11-1-83b<br><font size=+1>
'dzegs pa dang / /za zhing sbyin par mi byed do/ /snyan par smra ba'i tshig can ma/ /de la bu mos smras pa ni/ /bdag kyang bkres par gyur pa la/ /jo bo stsol cig bdag la yang / /rtsub pa'i tshig tu smra ba ni/ /des ni de la ngan pa mo/ /de ste bza' bar 'dod na ni/ /zo shig bdag nyid 
'dzegs nas so/ /des kyang nan gyis bsgrims nas su/ /shing chen de la 'dzegs par gyur/ /shing la 'dzegs par shes nas ni/ /babs te yal gas drung bskor song / /de nas de'i tshe de'i dus na rgyal po skyed pa ri dgas shor du song ste/ de'i phyogs su phyin pa dang / de nas de khyo dang 
bral ba'i sdug bsngal gyis nyon mongs par gyur/ mi 'ong ba yang med bod du'ang med pa'i dgon pa na shin tu snying rje zhing brtse ba skad du ngu zhing 'dug pa dang / de nas rgyal po skyed pa de'i phyogs su ri dgas snyegs pa las des de'i sgra thos nas 'di lta bur snying rje zhing brtse bas smre sngags 
'don cing dgon pa na 'dug pa 'di su zhig /ci nas de brtag go snyam du bsams nas sgra de logs su song ste/ u dum bA ri ka'i drung du phyin pa dang mig shin tu legs pa nags kyi lha mo lta bu gzugs legs shing blta na sdug pa bzang mo zhig mthong nas/ yang bzang mo lha 
mo'am/ gnod sbyin mo'am/ dri za mo'am/ lha'i sras mo'am khyod ci yin/ don ci'i phyir phyogs 'dir 'ongs zhes dris so/ /yang smras pa/ shin tu mig bzang yid 'phrog ma/ /rgyan kun gyis ni bklubs pa ste/ /ngang pa dbyangs snyan rkang gdub can/ /sprin mangs kyi ni glog dang 'dra/ /
skal chen lte ba smin bzang na/ /khyod ni lha 'am klu mo 'am/ /dri za mi 'am ci yin pa/ /khyod la bdag 'dri legs par smros/ /de ltar bdag la khyod kyis shes par byos/ /de nas rgyal pos de skad du dris pa dang / des 'di skad du smras so/ /bdag ni lha mo klu ma lags/ /dri za mi 'am 
ci ma lags/ /rgyal chen bdag ni mi lags te/ /khyim thab dang ni bral ba'o/ /de nas des ni shing las phab/ /de nyid du ni lhan cig nyal/ /rgyal po sa dbang chen po pa/ /mi dbang de la sdug par gyur/ /des de shing rta'i steng du bskyon nas grong khyer du khrid de/ de dang lhan cig tu rtse dga' yongs 

</font><hr>11-1-84a<br><font size=+1>
su spyod do/ /bram ze de gcig pu lam du 'gyod nas bdag gis dgon par chung ma bor te 'ongs pa ni ma legs pa zhig byas kyis slar song la de khrid de 'ong ngo snyam du bsams nas/ de'i phyir u dum bA ri ka'i drung du phyin na de mi snang nas gzhan zhig las rgyal po skyed pas 
khrid de btsun mor byas so zhes thos pa dang / tshig de thos nas yang yid la shin tu sdug bsngal gyis gzir bar gyur te/ rgyal po'i sgor phyin na nang du ma chud do/ /bltas na rgyal po'i 'khor na las sar par byed de/ des las mi 'di dag dang lhan cig rdo ba khyer te 'gro'o snyam bsams nas 
des rdo ba khyer te rgyal po'i pho brang du zhugs so/ /bltas na bdag gi chung ma rgyal po dang lhan cig tu ug shud brgya zhing 'dug go/ /chung ma ni 'di dang lhan cig gtam thabs ji lta bu zhig gis bya snyam du bsams so/ /des smras pa/ gzhi ni gser la byas pa ste/ /brgyad du 'jog cing 
dga' bar byed/ /bzang mo bdag la mi dga' 'am/ /shing mkhan rdo ba blang bar byas/ /gnas der bdag gis smras pa dang / /bud med sha zar mi rung zhes/ /de skad smras pa'i tshig kyang dran/ /'di ni 'dor zhing 'jog par byed/ /u dum bA ra'i shing dang ni/ /yid 'ong khyod kyis bdag 
la dris/ /ga gA'i drung du skyes pa ste/ /shing mkhan gyis ni rdo ba long / /chu prog shing bus dkrugs pa ste/ /dris pa'i lan ni bdag la smros/ /bud med btung du mi rung zhes/ /smras pa yin te 'dir bzhag go/ /mang thos sna tshogs smra ba ste/ /gser 'od grangs med slad du smros/ /bzang 
mo bdag la mi dga' 'am/ /slob dpon rdo ba blang bar gyis/ /ma smin rnams ni bdag la bor/ /smin pa dag ni khyod kyis zos/ /tshig rtsub smras pa de yang dran/ /'di na ug shud 'dor zhing 'dug /ri rtse nas ni bdag 'dor te/ /dug kyang bza' 'o bram ze mo/ /khyod kyi mya ngan phyir bdag 
mchi/ /shing mkhan gyis ni rdo ba long / /ri yi rtse nas bdag 'or cig /bram ze dug kyang za la rag /'dod pa'i tshe na ma 'dod do/ /ug shud kyis ni khyim du byas/ /de nas de gnyis phan tshun de skad du gtam 'dzer ba las rgyal po dogs pa skyes te/ lha mo khyod cag gtam ci 'dzer ba ni ngas khong 

</font><hr>11-1-84b<br><font size=+1>
du ma chud de/ khyod cag ci zer ba bag phob la bdag gi thos par smros shig /rgyal po ni bud med [(]gyi [,]kyi [)]dbang du 'gro bas na bud med u dum bA ri kas/ lha la ji ltar gyur pa kun zhib tu smras so/ /'di ni bdag gi khyo lags te/ bdag gi pha mas 'di'i chung mar byin nas 'di mkhas pa bram ze shes pa dang / 
shes pa'i yan lag kun shes pa'o/ /de nas rgyal pos lha mo la ji ltar bya/ de'i sems ji ltar mgu bar bya/ khyod ci de dang 'grogs te 'gro bar bya'am zhes smras pa dang / des ji ltar de bdag la 'dod par mi 'gyur ba dang / de'i sngags ma rungs pas mi tshugs pa dang / bram ze'i sngags kyi stobs 
su mi 'gyur ba de ltar bdag gis bgyi'o zhes smras pa dang / de nas rgyal po skyed pas ji ltar gyur pa de sman chen po la smras so/ /sman chen pos lha dang ji ltar 'bral bar mi 'gyur ba de ltar bgyi'o zhes smras pa dang / ji ltar bya/ sman chen pos bram ze 'di ltar nus pa chung ngu rgya mi che la btsun mo rnams shin tu 
gzi brjid dang ldan pas de la bdag gis 'di skad ces bgyi'o/ /de btsun mo rnams kyi nang nas de 'dam du bcug dang des ngo mi zin to zhes smras nas/ de nas sman chen po dang rgyal po shes par byas nas/ bram ze de bos te mkhan po ci tshol/ rgyal po'i pho brang du ci'i phyir 'ongs zhes dris pa dang / des 
smras pa/ bdag gi chung ma rgyal po skyed pas 'dir khrid pas na de tshol du 'ongs so/ /sman chen pos smras pa/ khyod rang gi chung ma ngo shes sam/ gzugs ngan pos smras pa/ shes so/ /sman chen pos btsun mo lnga brgya khyod kyi mdun du bzhag la de rnams las bdag rang gi ma yin pa btsun mo gzhan zhig bzung na 
mtshon gyis khyod kyi lus dum bur bya'o zhes bsgo na/ de bzhin du bya'o zhes zer ro/ /de nas rgyal po skyed pas btsun mo rnams la rgyan thams cad kyis bklubs la bdag gi drung du sheg shig /rgyan gyi khyad par yod par gyis shig ces bsgo'o/ /de nas rgyal po bshos gsol ba'i lam snang ba'i sar brgya byin gyi 
btsun mo bzhin du dngar nas/ u dum bA ri ka lha mo btsun mo thams cad kyi mdun du byas pa ni ji ltar lha'i bu mo rnams kyis bskor ba bzhin rgyal po'i drung du lhags pa dang / sman chen pos bram ze de mdun du bzhag nas khyod rang gi chung ma ngo shes na 'di nas zung shig ces bsgo ba dang / de nas bram ze de u dum bA ri 

</font><hr>11-1-85a<br><font size=+1>
ka de dang btsun mo gzhan yang rgyan thams cad kyis brgyan pa mthong ba dang / sbrul sngags [(]gyis [,]kyis [)]btab pa bzhin du spa gong nas 'dug go/ /nyi ma phye ba la bltar mi bzod pa bzhin bram ze de de rnams la lta zhing 'dug go/ /de nas de dag phyi bzhin 'dre dang 'dra ba'i bran mo chu chun ma btsun mo gzhan zhig gi 
phyi bzhin 'gro ba mthong ba dang de'i lag nas bzung ste/ 'di bdag gi chung ma'o zhes zer ba dang / sman chen pos de yin na khyer cig ces smras pa dang / des bran mo khrid nas smras pa/ mchog la mchog gi yid kyang chags/ /'bring la 'bring gi yid kyang chags/ /sgur mo la yang bdag yid chags/ /bzang mo  
bdag ni 'dre 'dra khyod kyang 'dre'o/ /lha dag tshal na dga' bzhin du 'dre mo tshur shog /bdag kyang 'dre lta bu ste/ bdag cag dga' bar bya'o zhes smras nas song ngo / /de nas dus phyi zhig na rgyal po skyed pas blon po'i mchog sman chen po ci zhig nyes te spangs so/ /de na rgyal po skyed mos tshal du btsun mo dang 
lhan cig tu byung ste/ der btsun mo dang lhan cig nyi ma thub par rtse dga' yongs su spyod do/ /de nas btsun mo mu tig gi se mo do brgya stong ri ba bkrol te/ shing a sho ka'i yal ga la gzar te bzhag nas rgyal po dang lhan cig rtse rtse ba las mu tig gi se mo do brgya stong ri ba de brjed do/ /rgyal po yang btsun 
mo dang lhan cig rgyal po'i khab tu dong ngo / /de nam phyed na btsun mo des mu tig gi se mo do skyed mos tshal nyid du lus par dran no/ /mu tig gi se mo do de yang spra mos khyer te shing khar bzhag go/ /de nas rgyal pos mi dag la skyed mos tshal du mu tig gi se mo do de lus kyis myur du song la khyer te shog shig 
ces bsgo'o/ /de dag der dong na ma rnyed do/ /re zhig na sprang po zhig de na gzhan gyis zos pa'i lhag ma bor ba tshol du song song ba las lhag ma sa la rnyed pa zos te/ skyed mos tshal nas byung ste 'gro ba dang / rgyal po'i mi de dag gis sprang po de bzung ste gzhan ni 'di na su yang mi snang na mu tig gi se mo do de phul cig 
ces bsgo ba dang / des smras pa/ mu tig gi se mo do ma khyer ma mthong ngo bdag ni sprang po ste/ zos pa'i lhag ma tshol ba'i phyir 'di'i nang du 'ongs so/ /de dag gis de khu tshur dang dbyug pas brdegs nas btson rar bcug go/ /de de na bkres pas gzir te bsams pa/ bdag gis 'dir thabs shig ma sbyar na ni 

</font><hr>11-1-85b<br><font size=+1>
ltogs te 'chi'o snyam nas/ des btson srung dag la bdag gis mu tig gi se mo do de blangs pa bden mod kyi de tshong dpon gyi bu 'di zhes bya ba la byin no zhes smras pa dang / rgyal po'i mi des thos nas de yang der bkug ste gnyis ka shing sgrog tu bcug pa dang / tshong dpon gyi bu de'i khyim nas kha zas sna tshogs 
'ongs shing za ba la sprang pos bslang ba dang / tshong dpon gyi bus spyos te smras pa/ khyod kyis nga la kha zas kyis gso bar 'jug pa'i phyir rkur sbyar grang ste yang mi sbyin no zhes smra zhing za'o/ /de nas tshong dpon gyi bu bshang bas mi bde nas de la longs te 'dong zhes smras pa dang / des de ni khyod kyi tshig bdag 
gis mnyan pa ma yin te mi 'gro'o zhes smras pa dang / des smras pa/ da phan chad ji ltar bde bar 'gyur ba de ltar bya'o zhes de la tshig 'jam po dang mnas yid ches par byas te bshang bas mi bde ba yang bshangs so/ /de nas phyi de nyin mo tshong dpon gyi bu des khyim du deng phan chad bdag cag mi gnyis 
kyi zan khyer te shog ces spring ngo / /sprang po de bde bar gyur pa dang / des bsams pa/ bdag sngan chad ni grong khyer thams cad bskor kyang lto 'grangs par ma rnyed na/ da 'dir bza' ba dang / btung ba zhim po chog par yod mod kyi grogs ni 'di gcig pus mi chog gis smad 'tshong ma zhig kyang dgug go snyam 
nas/ de smad 'tshong ma zhig la 'di yang khyer ba la gtogs kyis zung shig ces bsgo ba dang / rgyal po'i mis de yang btson rar bcug go/ /de dang lhan cig tu bza' ba dang btung ba zhib po zos nas yang smras pa/ ji nas lo bcu gnyis kyi bar du 'di lta bu las ma thar yang bla'o/ /de bzhin yongs 
su spyod pa las phyis yang 'dod pa skyes te smad 'tshong ma 'di gcig pus yang mi chog ste/ nam 'dod pa dang ldan par gyur pa de na dga' ba rgyas pa myong bar 'gyur gyis pi bang mkhan gcig kyang dgug go snyam nas/ sprang po des pi bang mkhan cig la 'dis kyang mu tig gi se mo do khyer ro zhes smras pa dang / 
de nas rgyal po'i mi des yang snga ma bzhin du der bcug go/ /de tshong dpon gyi bu dang / smad 'tshong ma dang / pi bang mkhan dang btson ra na lhan cig tu bde ba spyod cing rtse dga' yongs su spyod do/ /de nas dus ring zhig 'das pa dang de rnams kyis sprang po de la ci nas kyang bdag cag thar bar gyis shig /bdag cag 

</font><hr>11-1-86a<br><font size=+1>
thar na khyod la cis kyang mi brel bar 'gyur ba de lta bur bya'o/ /zhes gsol ba btab pa dang / des kyang de bzhin bya'o zhes khas blangs so/ /des bsams pa gzhan gyis ma yin gyi sman chen pos nus so snyam du blo bskyed nas de dag la yang bdag cag gi rnams btson ra nas phyin par sman chen po gcig 
pus nus kyi gzhan ni bdag cag gis ma mthong zhes smras te/ des rgyal po'i mi rnams la sman chen po'i bu yang 'dir gtogs so zhes smras pa dang / rgyal po'i mis de yang der bkug go/ /de nas sman chen pos khyod kyi bu btson rar bcug go zhes thos pa dang /des bsams pa ci nas kyang 'di'i phyir da ni rgyal po'i pho brang 
du mi 'gror mi rung ste/ der ma song na bdag gi bu nyon mongs par 'gyur ro snyam nas de rgyal po'i pho brang du song ngo / /der 'ongs nas rgyal po la lha bdag la bka' 'bab tu bas na/ bdag gi bus lha la glo ba rings pa ci bgyis na btson rar stsal ces gsol pa dang / rgyal pos mu tig gi se mo do brgya stong ri ba skyed mos 
tshal nas stor na/ sprang po de las der song ngo zhes zer te de'i phyir ro zhes smras pa dang / des kyang de dag gi thabs zhib tu thos nas/ sman chen pos lha 'di dag ni gang gis kyang ma 'tshal te bdag gis smras pa 'di dag gtang bar gsol zhes smras pa dang / de dag btang ngo / /de nas de skyed mos tshal du song ba dang / 
de la snga na gnas gang du bzhugs/ shing drung du bzhugs so zhes so phyogs bstan pa dang / des shing de la bltas na shing de'i rtse mo na spra mo zhig 'dug pa mthong nas/ des bsams pa 'dis mu tig gi se mo do de khyer yang dag gis 'di la thabs zhig sbyar te dgug go snyam nas/ des lha btsun mo dang lhan 
cig tu 'dir gshegs shig ces gsol pa dang rgyal po yang btsun mo dang skyed mos tshal der lhags te/ de na 'khod pa dang / lha 'dir btsun mos rgyan btags na de yang rgyan 'dogs so zhes smras pa dang / spra mo de yang shing gi rtse mor 'dug nas mu tig gi se mo do de btags so/ /de nas sman chen pos btsun 
mo gar gyis zhes smras pa dang / des gar byas na spra mo de yang shing gi rtse mor 'dug nas gar byas pa dang / de'i mgul nas mu tig gi se mo do de ma lhung ste de yang mis ji ltar byed pa dang / ji ltar chas pa de la bltas nas de 'dra bar byed de sman chen pos lha btsun mo 'dis mgo btud de gar bgyis na 

</font><hr>11-1-86b<br><font size=+1>
rung ngo zhes smras pa dang / rgyal pos de bzhin gyis shig ces bsgo nas de mgo btud de gar byed pa la zhugs pa dang spra mo des kyang mgo btud de gar byas pa dang / de'i mgul nas mu tig gi se mo do de lhung ngo / /de nas rgyal po dga' bas sman chen po'i mgul 
nas 'khyud de mgu bar byas nas longs spyod kyang byin no/ /de nas blon po drug po de dag lhan cig tu 'dus te sngon gyi dus dang de'i yang sngon logs na ni bdag cag la rgyal pos rim gror byas/ bla mar byas/ btsun par byas/ mchod par byas na da ni ri brags kyi grong 
mi blo rtsing ba can bkres pa'i rigs las byung ba 'dis bdag cag thams cad gzi brjid kyi gnas nas phyung na de la ji lta bur bya zhes bgros pa dang / de nas blon po gzhan zhig gis kye bdag cag sngon gcig la gcig so sor bye bas na bdag cag mthu med par byas kyis 
de lta bas na da ni skyed mos tshal du 'dong ngo / /der dong la mna' dang / yid ches pa dang / gnyen du yang bya'o/ /de lta bur byas na rgyal po skyed pa dang / sman chen pos bdag cag la ni spang ba ma yin gyi slar sten par 'gyur ro zhes smras pa dang / 
de dag 'dus te skyed mos tshal du dong ngo / /'dong ba sman chen pos mthong ste/ de nas sman chen pos nams kyang 'di dag gcig tu 'dus te gar yang ma dong na/ sngon lta ma yin pa zhig sbyar ro snyam bsams nas/ de dogs par gyur te ne tso ma ta ra la 
phyi bzhin song la 'di dag ci dpyod ci zer ba dang / /ci byed pa rtogs shig ces bsgo'o/ /de nas blon po drug po de dag skyed mos tshal du dong nas phan tshun gnyen du byas nas de ste gcig la gcig mtshang 'dru/ gsang brtol na ni gdod bdag cag 
yid ches par 'gyur ro zhes smras pa dang / gzhan zhig gis smras pa de bzhin bya'o/ /de nas gcig gis smras pa/ bdag gis ni rgyal po'i rma bya zos so/ /gzhan zhig gis smras pa/ bdag gis ni rgyal po'i btsun mo dang lhan cig nyal bar byas 

</font><hr>11-1-87a<br><font size=+1>
so/ /gzhan zhig gis smras pa/ bdag gis kyang de lta bur bya'o snyam du bsams so/ /'di bzhin du drug po de dag gis gcig la gcig gsang gtam byas te/ snod gcig tu zos par gyur to/ /ne tso ma ta ras kyang de dag thos 
nas/ sman chen po la bslabs so/ /de nas sman chen pos rgyal po skyed pa'i drung du song ste phyin nas de thams cad smras te lha'i blon po dag ni rnam pa 'di lta bu'i tshul khrims dang / gtsang sbra dang spyod par ldan no/ /de nas rgyal po skyed pas mngon par rtogs 
shing de dag mthong nas yul med par bya ste/ e ma'o bdag gi blon po 'di dag ni 'di lta bur mi rigs pa can gyis gang na mi dbang ba der deng shig ces de dag bskrad de bkye'o/ /bcom ldan 'das kyis bka' stsal pa/ dge slong dag ji snyam du sems/ 
gang de'i tshe de'i dus na sman chen po ni nga nyid yin no/ /rgyal po skyed pa de ni dge slong shA ri'i bu 'di'o/ /gang de na blon po drug po de dag ni da ltar gyi ston pa drug po de dag ste/ de'i dus na yang blon por gyur nas yul med par byas so/ /da yang bla na med pa 
yang dag par rdzogs pa'i byang chub tu mngon par sangs rgyas nas rdzu 'phrul dang / cho 'phrul gyis pham par byas te mtha' 'khob tu bskrad do/ /de bas na dge slong khyed kyis dge ba'i bshes gnyen la bsten par brtson par bya'o/ /gang las shes 
rab dang gzhung dang / /ye shes mchog tu gyur pa'o/ /de lta bu'i yon tan du 'gyur ba de lta bu bsgrub par bya'o/ /gang gi tshe bcom ldan 'das kyis cho 'phrul chen po bstan te/ mu stegs can dag ni jis kyang sma bab/ lha dang mi ni dga' bar mdzad/ /skye bo 
dam pa rnams ni mgu bar mdzad pa de'i dus na yul so so na gnas pa'i bzo bo grong dang / grong khyer dang / pho brang 'khor dang / yul de dag nas mnyan du yod par lhags te rab tu byung ba dang / de dag gi bu pho dang / bu mo dang / chung ma dang / gzhan yang mdza' bo dang / gnyen dang /

</font><hr>11-1-87b<br><font size=+1>
phu nu dag phan tshun du tshol zhing mnyan du yod par lhags te de dag mthong nas 'phags pa khyed cag ni 'dir dong ste rab tu byung ste 'khod na bdag cag gi 'tsho ba sus sbyor zhes smras pa dang / de dag gis 'di nyid du 'khod la 'di nyid du khyod slobs shig ces smras pa dang / de dag 
gis lags te de bzhin bgyi'o zhes smras nas de dag slob pa la zhugs pa dang / ji tsam na bram ze dang khyim bdag dag lhags nas de dag gis de dag mthong ste/ bzo bo 'di dag thams cad rab tu byung na bdag gi las sus bya zhes 'dzer to/ /de lta bur gyur pa dge slong dag gis 
bcom ldan 'das la gsol nas/ bcom ldan 'das kyis dgongs pa de dang 'dra ba'i snod 'chang na nyes pa'i dmigs yin te/ de lta bas na de dang 'dra ba'i rgyud las de dang 'dra ba'i cha spyad mi 'chang bar dgongs nas/ dge slong rnams la bka' stsal 
pa/ dge slong dag bram ze de dag dang khyim bdag dag 'phya ba ni gnas yin no/ /de lta bas na dge slong dag de dang 'dra ba las de dang 'dra ba'i rgyud kyi cha spyad ma 'chang shig /dge slong dag gis de dang 'dra ba'i cha spyad 'chang na 'das pa 
dang bcas par 'gyur ro/ /bcom ldan 'das kyis de dang 'dra ba las de dang 'dra ba'i cha spyad ma 'chang shig ces gsungs pa dang / ci tsam na sman pa gzhan zhig rab tu byung nas ljongs rgyu zhing mnyan du yod par phyin pa dang / de la dge slong 
dag gis tshe dang ldan pa dge slong nad pa 'di la sman dpyad byos shig ces smras pa dang / des tshe dang ldan pa bcom ldan 'das kyis ma gnang ste/ de 'dra ba las de 'dra ba spyad ma 'chang shig ces byung na de la sman dpyad cis bya zhes zer ro/ /de ltar gyur pa dge slong dag gis bcom 
ldan 'das la gsol nas bcom ldan 'das kyis de lta bas na gnang ba ni sman pa rab tu byung na gtar dpyad kyi spyad chongs shig /sngon yi ge pas ni ram phyis chongs shig /'dreg mkhan rab tu byung na ni sen mo gcad pa chongs shig ces bka' stsal to// //

</font><hr>11-1-88a<br><font size=+1>
'dul ba phran tshegs kyi gzhi/bam po sum bcu rtsa lnga pa/ gleng gzhi mnyan du yod pa na ste/ nam bcom ldan 'das kyis rdzu 'phrul chen po bstan te/ mu stegs can rnams ni sma phab/ lha dang mi rnams ni dga' bar mdzad/ skye bo mang po dag gi sems mgu bar mdzad 
pa de'i tshe na bcom ldan 'das nyan thos kyi dge 'dun dang bcas pa'i shin tu rnyed pa dang bkur sti rab tu byung ste/ de nas bcom ldan 'das kyis rnyed pa dang / bkur sti byung ba gcad par dgongs nas sum bcu rtsa gsum gyi lha'i gnas su gshegs te/ la ba rdo dkar las shing pa ri dzA ta ka 
dang / ko bi da ra ka dang / shin tu mi ring ba zhig tu dbyar tshul du zhugs so/ /de nas bcom ldan 'das kyis yum skyed ma dang gzhan yang sum bcu rtsa gsum gyi gnas kyi lha rnams la chos 'chad do/ /de'i tshe na maud gal ya na chen po mnyan du yod pa'i dze ta'i tshal mgon med 
zas sbyin gyi kun dga' ra bar dbyar tshul du zhugs so/ /de nas 'khor bzhi tshe dang ldan pa maud gal ya na chen po gang na ba der dong ste phyin pa dang / tshe dang ldan pa maud gal ya na chen po'i rkang pa la mgo bos phyag 'tshal nas phyogs gcig tu 'khod do/ /phyogs gcig tu 'khod nas 'khor 
bzhi po rnams la tshe dang ldan pa maud gal ya na chen pos chos kyi gtam gyis yang dag par bstan/ yang dag par bskul/ yang dag par gzengs bstod/ yang dag par dga' bar byas so/ /rnam grangs du ma'i chos kyi gtam gyis yang dag par bstan/ yang dag par bskul/ 
yang dag par gzengs bstod/ yang dag par dga' bar byas nas cang mi zer ba dang / de nas 'khor bzhi po rnams stan las langs nas bla gos phrag pa la gzar te/ tshe dang ldan pa maud gal ya na chen po gang na ba der thal mo sbyar te phyag 'tshal nas/ tshe dang ldan pa maud gal ya 
na chen po la btsun pa maud gal ya na chen po bcom ldan 'das da ltar gang du dbyar tshul du zhugs pa gsan tam zhes smras pa dang / kye bcom ldan 'das ni sum bcu rtsa gsum gyi gnas la ba rdo dkar las shing pa ri dzA ta ka dang / ko bi da ra ka dang shin tu mi ring ba zhig tu dbyar 

</font><hr>11-1-88b<br><font size=+1>
tshul du zhugs te yum skyed ma dang gzhan yang sum bcu rtsa gsum gyi lha rnams la chos 'chad par bdag gis thos so zhes smras pa dang / de nas 'khor bzhi po rnams kyis tshe dang ldan pa maud gal ya na chen pos bshad pa la mngon par dga' zhing rjes su yi rangs nas/ tshe dang ldan pa maud 
gal ya na chen po'i rkang pa la mgo bos phyag 'tshal nas stan las langs te dong ngo / /de nas 'khor bzhi po rnams zla ba gsum 'das pa dang / tshe dang ldan pa maud gal ya na chen po gang na ba der dong ste phyin pa dang / tshe dang ldan pa maud gal ya na chen po'i rkang pa la mgo bos phyag 
'tshal te phyogs gcig tu 'khod de/ phyogs gcig tu 'khod nas 'khor bzhi po rnams la tshe dang ldan pa maud gal ya na chen pos chos kyi gtam yang dag par bstan/ yang dag par bskul/ yang dag par gzeng bstod/ yang dag par dga' bar byas so/ /rnam grangs 
du ma'i chos kyi gtam gyis yang dag par bstan/ yang dag par bskul/ yang dag par gzengs bstod/ yang dag par dga' bar byas te cang mi zer bar 'dug pa dang / de nas 'khor bzhi po dag stan las langs te bla gos phrag pa la gzar nas/ tshe dang ldan pa maud 
gal ya na chen po ga la ba der thal mo sbyar te phyag 'tshal nas/ tshe dang ldan pa maud gal ya na chen po la 'di skad ces smras so/ /'di ltar btsun pa tshe dang ldan pa maud gal ya na chen pos mkhyen par mdzad du gsol/ bdag cag gis bcom ldan 'das ma mthong nas ring zhig 
lon lags te/ bcom ldan 'das la lta 'tshal bas bdag cag shin tu skom ste/ bcom ldan 'das la blta bar 'tshal gyis/ de ste btsun pa maud gal ya na chen pos rigs shing legs na ni btsun pa maud gal ya na chen pos bcom ldan 'das gang na ba der bzhud la drung du 
phyin pa dang / bdag cag gi tshig gis bcom ldan 'das kyi zhabs la phyag bgyis te gnod pa chung ngam/ gnod par ma gyur tam/ myur du bzhengs sam/ 'tsho'am/ mthu dang ldan nam/ bde'am/ snyun chung ngam/ bde bar bzhugs sam/ bde bar gyur tam zhes zhus la 'di skad 

</font><hr>11-1-89a<br><font size=+1>
ces kyang gsol cig /btsun pa 'dzam bu'i gling gi 'khor bzhi po dag bcom ldan 'das la blta bar 'tshal na btsun pa sum bcu rtsa gsum gyi lha'i gnas su 'dzeg cing bcom ldan 'das kyi drung du bcom ldan 'das la blta ba dang bsnyen bkur ba'i phyir mchir 'dzam 
bu'i gling gi mi rnams la de 'dra ba'i rdzu 'phrul dang mthu ma mchis so/ /gang sum bcu rtsa gsum gyi gnas kyi lha de rnams ni 'dzam bu'i gling du babs te/ bcom ldan 'das kyi drung du bcom ldan 'das la blta ba dang / bsnyen bkur bgyid du mchi bar ni sum bcu rtsa gsum gyi lha la 
rdzu 'phrul dang / mthu mchis na/ bcom ldan 'das sum bcu rtsa gsum gyi lha'i gnas nas 'dzam bu'i gling du gshegs par thugs rjer dgongs na legs so zhes gsung shig ces smras pa dang / tshe dang ldan pa maud gal ya na chen pos 'khor bzhi po rnams la cang mi smra bar 
gnang ngo / /de nas 'khor bzhi po dag tshe dang ldan pa maud gal ya na chen pos cang mi smra bas gnang bar rig ste/ tshe dang ldan pa maud gal ya na chen po'i rkang pa la mgo bos phyag 'tshal nas stan las langs te dong ngo / /de nas tshe dang ldan pa maud gal ya na chen pos 'khor bzhi po dag 
dong nas ring po ma lon par rig pa dang de 'dra ba'i ting nge 'dzin la mnyam par gzhag go/ /ji ltar sems mnyam par gzhag pa na 'di lta ste/ stobs dang ldan pa'i skyes bus dpung pa bskum pa las brkyang ba'am/ brkyang ba las bskum pa tsam du de ltar de bzhin tshe dang ldan pa maud 
gal ya na chen po mnyan du yod pa nas mi snang bar gyur te/ sum bcu rtsa gsum gyi lha'i gnas la ba rdo dkar las shing pa ri dzA ta ka dang / ko bi da ra ka dang / shin tu mi ring ba zhig tu de'i dus na bcom ldan 'das lha'i 'khor brgya stong du ma'i mdun na bzhugs shing chos 'chad pa tshe 
dang ldan pa maud gal ya na chen pos mthong ngo / /bcom ldan 'das lha'i 'khor brgya stong du ma'i mdun na bzhugs shing chos 'chad pa mthong nas 'dzum pa byas te/ bcom ldan 'das 'di na yang lha mang po dang bzhugs pa ni 'di lta ste/ 'dzam bu'i gling gi 'khor bzhi po 

</font><hr>11-1-89b<br><font size=+1>
bzhin no/ /de nas bcom ldan 'das kyis tshe dang ldan pa maud gal ya na chen po'i bsam pa mkhyen nas/ tshe dang ldan pa maud gal ya na chen po la 'di skad ces bka' stsal to/ /maud gal ya na chen po rang gis 'du byed pa ni ma yin mod kyi/ nam gyi tshe ngas 'ong bar bsams pa de'i tshe 
na ni 'ong ngo / /nam gyi tshe 'gro bar bsams pa de'i tshe na 'gro ste/ nga'i sems la sems kyis shes nas 'ong ba dang 'gro ba'o/ /de nas tshe dang ldan pa maud gal ya na chen po bcom ldan 'das gang na ba der song ste phyin pa dang / bcom ldan 'das kyi zhabs la mgo bos phyag 'tshal 
te phyogs gcig tu 'dug go/ /phyogs gcig tu 'dug nas tshe dang ldan pa maud gal ya na chen po lha'i 'khor thams cad du bltas nas bcom ldan 'das la btsun pa lha'i 'khor 'di dag ni rnam pa sna tshogs 'dus shing mchis so/ /de'i 'khor 'dus shing mchis pa 'di dag ni gang sangs 
rgyas shes te dad pa dang ldan pas lus dang bral nas 'dir skyes pa dag mchis so/ /de'i 'khor 'dus shing mchis pa 'di dag ni gang chos dang / dge 'dun dang / 'phags pa bzhed pa'i tshul khrims dang ldan pas lus dang bral nas 'dir skyes so zhes gsol pa dang / de ltar de 
bzhin te maud gal ya na chen po rnam pa sna tshogs kyi lha'i 'khor 'di dag 'dus shing 'khod do/ /lha'i 'khor 'di dag las gang sangs rgyas la shes shing dad pa dang ldan pas na lus dang bral nas 'dir skyes pa yod do/ /chos dang / dge 'dun dang / 'phags pa bzhed pa'i tshul 
khrims dang ldan pas lus dang bral nas 'dir skyes pa yang yod do/ /de nas brgya byin lha'i dbang po bcom ldan 'das dang / tshe dang ldan pa maud gal ya na chen pos bshad pa'i rjes su bsngags nas tshe dang ldan pa maud gal ya na chen po la 'di skad ces smras so/ /de ltar de bzhin 
no/ /btsun pa maud gal ya na chen po de ltar de bzhin te rnam pa sna tshogs kyi lha'i 'khor 'dus shing 'khod do/ /lha'i 'khor 'di dag las gang sangs rgyas shes shing dad pa dang ldan pas lus dang bral bas 'dir skyes pa yang mchis so/ /chos dang / dge 'dun dang / 'phags 

</font><hr>11-1-90a<br><font size=+1>
pa bzhed pa'i tshul khrims dang ldan pas lus dang bral nas 'dir skyes pa yang mchis so/ /de nas lha'i bu gzhan zhig gis bcom ldan 'das dang / tshe dang ldan pa maud gal ya na chen po dang / brgya byin lha'i dbang pos bshad pa la rjes su bsngags nas tshe 
dang ldan pa maud gal ya na chen po la 'di skad ces smras so/ /btsun pa maud gal ya na chen po de ltar de bzhin no/ /de ltar de bzhin te rnam pa sna tshogs kyi lha'i 'khor 'dus shing 'khod do/ /lha'i 'khor 'di dag las gang sangs rgyas shes shing dad pa dang ldan pas lus dang 
bral nas 'dir skyes pa yang mchis so/ /chos dang / dge 'dun dang / 'phags pa bzhed pa'i tshul khrims dang ldan pas lus dang bral nas 'dir skyes pa yang mchis so/ /de nas de'i tshe lha gcig cig stan las langs te bla gos phrag pa gcig la byas nas bcom ldan 'das ga 
la ba de logs su thal mo sbyar te phyag 'tshal nas/ bcom ldan 'das la btsun pa bdag ni sangs rgyas la shes shing dad pa dang ldan pas lus dang bral te 'dir skyes so zhes gsol pa dang gzhan zhig gis kyang 'di skad du smras so/ /bdag ni chos la/ bdag ni dge 'dun la/ 
bdag ni 'phags pa bzhed pa'i tshul khrims dang ldan pas lus dang bral nas 'dir skyes so/ /der lha brgya stong du mas bcom ldan 'das kyi spyan sngar so sor rgyun du zhugs pa'i lung bstan nas de nyid du mi snang bar gyur to/ /de nas tshe dang ldan pa maud gal ya na chen pos lha'i 'khor 
rnams las dben par shes nas stan las langs te bla gos phrag pa la gzar nas bcom ldan 'das gang na ba der song nas thal mo sbyar te phyag 'tshal nas bcom ldan 'das la 'di skad ces gsol to/ /btsun pa 'dzam bu'i gling nas 'khor bzhi po rnams bcom ldan 'das kyi zhabs 
la mgo bos phyag 'tshal nas gnod pa chung ngam/ gnod par ma gyur tam/ myur du bzhengs sam/ 'tsho'am/ mthu dang ldan nam/ bde'am/ snyun chung ngam/ bde bar bzhugs sam/ bde bar gyur tam zhes snyun gsol lo/ /maud gal ya na khyod dang / 'dzam 

</font><hr>11-1-90b<br><font size=+1>
bu'i gling gi 'khor bzhi po dag kyang bde bar gyur cig /btsun pa 'dzam bu'i gling gi 'khor bzhi po dag bcom ldan 'das la blta bar 'tshal te/ 'di skad gsol lo/ /btsun pa 'dzam bu'i gling gi mi rnams sum bcu rtsa gsum gyi lha'i gnas su 'dzeg cing bcom ldan 'das kyi drung du 
bcom ldan 'das la blta ba dang bsnyen bkur ba'i phyir mchi bar 'gyur ba de lta bu'i rdzu 'phrul dang mthu 'dzam bu'i gling gi mi rnams la ma mchis kyi btsun pa sum bcu rtsa gsum gyi lha de rnams ni 'dzam bu'i gling du 'bab cing / bcom ldan 'das kyi drung du bcom ldan 'das la blta ba dang 
bsnyen bkur bar mchi ba de lta bu'i rdzu 'phrul dang mthu sum bcu rtsa gsum gyi lha rnams la mchi na/ bcom ldan 'das thugs rjes dgongs te sum bcu rtsa gsum gyi lha'i gnas nas 'dzam bu'i gling du gshegs na legs so zhes gsol lo/ /de bas na maud gal ya na khyod 'dzam bu'i 
gling du song la 'khor bzhi po rnams la bcom ldan 'das ni deng nas zhag bdun na sum bcu rtsa gsum gyi lha'i gnas nas 'dzam bu'i gling gi grong khyer sang kA shi'i a pa dza ri'i nags shing u dum bA ra'i drung du gshegs so zhes bsgo shig /de nas tshe dang ldan pa maud gal ya na chen pos 
bcom ldan 'das las mnyan te zhabs la mgo bos phyag 'tshal nas de 'dra ba'i ting nge 'dzin la mnyam par bzhag go/ /ji ltar sems mnyam par bzhag pa na 'di lta ste/ stobs dang ldan pa'i skyes bus dpung pa bskum pa las brkyang ba'am/ brkyang ba las bskum pa bzhin tshe dang ldan 
pa maud gal ya na chen po sum bcu rtsa gsum gyi lha'i gnas nas mi snang bar gyur te 'dzam bu'i gling du phyin to/ /de nas tshe dang ldan pa maud gal ya na chen po 'dzam bu'i gling du 'ongs nas 'khor bzhi po dag la kye bcom ldan 'das ni deng nas zhag bdun na sum bcu rtsa gsum gyi lha'i gnas nas 
'dzam bu'i gling gi grong khyer sang kA shi'i a pa dza ri'i nags shing u dum bA ra'i drung du gshegs so zhes bsgo'o/ /de nas 'khor bzhi po dag zhag bdun song ba na dri dang byug pa dag khyer te grong khyer sang kA sher dong ngo / /de nas sang kA she na gnas pa'i skye bo mang po dag gis grong khyer sang 

</font><hr>11-1-91a<br><font size=+1>
kA she rdo ba dang gyo mo dang bong ba dag med par byas te tsan dan gyi chus chag chag btab nas bdug pa zhim po'i pog por dpyangs/ rgyal mtshan dang / lha'i 'phan dag bsgreng / dar gyi lda ldi rnams ni bres te/ me tog sna tshogs kyis gtor bas/ yid dga' bar 'gyur ba 
ni lha'i dga' ba'i tshal du skyed mos tshal bzhin te/ sa'i phyogs yangs shing bla gab med par gdan bting zhing bshams so/ /de nas bcom ldan 'das kyis sum bcu rtsa gsum gyi lha rnams la chos kyi gtam gyis yang dag par bstan/ yang dag par bskul/ yang dag par gzengs 
bstod/ yang dag par dga' bar byas te sum bcu rtsa gsum gyi lha'i gnas nas sum bcu rtsa gsum gyi lha rnams dang lhan cig tu mi snang bar gyur te mtshe mar gshegs so/ /de nas bcom ldan 'das kyis mtshe ma'i lha rnams la chos kyi gtam gyis yang dag par bstan/ yang dag 
par bskul/ yang dag par gzengs bstod/ yang dag par dga' bar byas nas sum bcu rtsa gsum gyi lha rnams dang / mtshe ma'i lha rnams dang lhan cig mi snang bar gyur te de bzhin du dga' ldan du gshegs so/ /de bzhin du 'phrul dga' dang / gzhan 'phrul dbang byed 
dang / tshangs ris dang / tshangs lha nye phan dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang / ma lus dge dang / sprin med dang / bsod nams 'phel dang / 'bras bu che dang / mi che ba dang / mi dros dang / gya nom snang 
dang / shin tu mthong dang / 'og min du 'dod pa na spyod pa dang / gzugs yod pa na spyod pa'i lha rnams dang thabs cig tu gshegs so/ /de nas bcom ldan 'das 'og min gnam gyi lha rnams la chos kyi gtam gyis yang dag par bstan/ yang dag par bskul/ yang dag par gzengs 
bstod/ yang dag par dga' bar byas nas 'og min gnas nas mi snang bar gyur te/ gya nom snang gi lha'i gnas su gshegs so/ /lha rnams la slad rim gyis sum bcu rtsa gsum gyi lha'i ris kyi bar du 'dod pa na spyod pa dang / gzugs yod pa na spyod pa'i lha rnams dang thabs cig 

</font><hr>11-1-91b<br><font size=+1>
tu gshegs so/ /de nas brgya byin lha'i dbang pos bcom ldan 'das la 'di skad ces gsol to/ /bcom ldan 'das ci 'dzam bu'i gling du gshegs sam/ kau shi ka 'bab po/ /ci rdzu 'phrul gyis 'bab bam/ 'on te zhabs kyis gshegs/ kau shi ka rkang gis so/ /de nas brgya byin 
lha'i dbang pos lha'i bu las thams cad dang ldan pa la bsgo ba/ las thams cad dang ldan pa gser dang / bai DUr+ya dang / shel gyi skas gsum sprul ces smras pa dang / kau shi ka khyed mchog tu bzang ngo zhes smras nas lha'i bu las thams cad dang ldan pas brgya byin lha'i dbang po las mnyan te gser 
dang / bai DUr+ya dang / shel gyi skas gsum sprul to/ /de nas bcom ldan 'das ni bai DUr+ya'i skas la gshegs/ tshangs pa 'khor gyi dbang po ni g.yas phyogs nas nor bu'i rnga yab brgya stong thogs te gzugs yod pa na spyod pa'i lha dag dang lhan cig tu gser gyi skas las 'bab bo/ /brgya 
byin lha'i dbang pos ni bcom ldan 'das kyi g.yon phyogs nas rtsibs ma brgya pa'i gdugs thogs te 'dod pa na spyod pa'i lha dag dang lhan cig tu shel gyi skas las 'bab bo/ /de nas bcom ldan 'das kyis 'di ltar gal te rkang pas 'bab na ni mu stegs can dag dge sbyong go'u ta mas sum 
bcu rtsa gsum gyi lha'i gnas su rdzu 'phrul gyis song na yid 'phrog pa'i gzugs su mthong bas de'i rdzu 'phrul nyams par gyur te/ 'dzam bu'i gling du rkang pas babs so/ /zhes zer ro/ /de ste rdzu 'phrul gyis babs na ni thams cad dang ldan pa'i skyes bu'i byed pa'i 'bras bu med par 'gyur 
na/ ji lta nas da phyed ni rkang pas 'bab bo/ /phyed ni rdzu 'phrul gyis 'bab bo snyam du dgongs so/ /de nas bcom ldan 'das bar bar ni zhabs kyis/ bar bar ni rdzu 'phrul gyis so/ /dpag tshad bcu gnyis man chad mi'i dri ma mnam ste lha rnams snom par mi bzod do/ /de 
nas bcom ldan 'das kyis tsan dan gor shir Sha'i drir mngon du sprul te dri de mi mnam par byas so/ /de nas bcom ldan 'das kyis dgongs pa/ gal te skyes pas lha'i bu mo'am bud med kyis lha'i bu mthong na/ 'di ltar de dag gang khrag dron por skyugs te dus byed par ni gdon mi za 

</font><hr>11-1-92a<br><font size=+1>
bar 'gyur gyis ci nas ngas ji ltar skyes pas lha'i bu mthong zhing bud med kyis lha'i bu mo mthong bar 'gyur ba de lta bur rdzu 'phrul mngon du 'du bya ba mngon du bya'o/ /de nas bcom ldan 'das ji ltar skyes pas ni lha'i bu mthong zhing bud med kyis ni lha'i bu mo mthong bar 'gyur 
ba de lta bu rdzu 'phrul 'dus byas pa mngon du 'dus byas so/ /de'i dus na tshe dang ldan pa rab 'byor shing gzhan zhig gi drung na nyin bar spyod pa'i phyir 'dug ste/ tshe dang ldan pa rab 'byor gyis bcom ldan 'das longs spyod mchog dang sum bcu rtsa gsum gyi lha'i gnas nas 'dzam bu'i gling du babs 
pa mthong ngo / /mthong nas 'di snyam du gyur to/ /lha 'di dag ni 'di bzhin du rdzu 'phrul che ba mthu che ba yang bcom ldan 'das bor te rang gi gnas su dong ngo / /mi 'di dag kyang lo brgya 'das pa dang dus byed/ bcom ldan 'das kyang yongs su mya ngan las 'das te 'di lta bu'i 
longs spyod chen po yang thams cad kyi thams cad du med par 'gyur ro/ /de la bcom ldan 'das kyis legs par gsungs pa de ni 'dus byas thams cad mi rtag /mi brtan/ yid brtan du mi rung / 'gyur ba'i chos can te 'dus byas thams cad kyis chog go/ /skyo bar rigs so/ /mi 'dod 
pa'i rigs so/ /rnam par grol bar bya ba shes nas nye bar len pa'i phung po lnga la mi rtag pa dang / sdug bsngal ba dang / stong pa dang / bdag med pa nyid du yid la byed pa la zhugs te/ des nye bar len pa'i phung po rnams la mi rtag pa dang / sdug bsngal ba dang / stong pa dang / bdag 
med par yid la byas pas na mi rtag pa'i rnam pas 'di bzhin 'jig tshogs su lta ba'i ri'i rtse mo nyi shu gyen du byung ba ye shes kyi rdo rjes bcom nas rgyun du zhugs pa'i 'bras bu mngon du byas so/ /de nas bden pa mthong zhing shes te dad pa dang ldan pas myur du skyil mo krung bshig nas pus 
mo g.yas pa'i lha nga sa la btsugs te bcom ldan 'das la phyag byas so/ /de nas dge slong ma ut+pa la'i kha dog mas 'di ltar bcom ldan 'das sum bcu rtsa gsum lha'i gnas nas 'dzam bu'i gling du babs na de la thabs ci zhig gis bdag gis bcom ldan 'das la thog mar phyag bya/ de ste 

</font><hr>11-1-92b<br><font size=+1>
'di bzhin du song na ni dge sbyong ma mgo reg ma'o zhes zer nas che zhing che ba'i lha dang mis bcom ldan 'das bskor bas nang du 'gror yang mi ster gyis ci nas bdag ni rdzu 'phrul gyis 'gro'o snyam du bsams te/ de 'khor los sgyur ba'i rgyal po'i cha lugs su bdag nyid mngon du sprul te rin po 
che sna bdun gyis thog mar drangs/ blon po stobs kyi mchog sa ya phrag bdun bcu rtsa dgus ni bskor/ rnam pa sna tshogs kyi rgyan gyis brgyan pa'i bu stong gis kyang zla ba kham pa bzhin du bskor/ mu stegs can dang / bram ze dang / phongs pa dang / dman pa dang / mi'i mchog stong 
gis ni rjes su 'brang / rtsibs ma brgya pa'i gdugs spyi bor 'dzin/ nyi ma'i 'od zer stong shar cing 'phro ba dang / zla ba dang / skar ma dang / gzhal med khang mdzes par bcas pa zil gyis gnon cing bcom ldan 'das kyi drung du song ba dang / 'khor de dag gis dge slong ma ut+pa la'i 
kha dog ma rgyang ma nas mthong ngo / mthong nas ya mtshan du gyur te mig tshugs kyis lta zhing rtog pa sna tshogs su gyur to/ /kha cig ni kye rgyal po 'di lta bu gang nas 'ongs zhes smra/ kha cig gis ni 'di rgyal po'i sa'i steng na 'di lta bu dmag phun sum tshogs pa ni ga la yod kyi 'di 
ni 'khor los sgyur ba'i rgyal po 'jig rten gzhan nas bcom ldan 'das la blta ba'i phyir 'ongs yang dag ces zer ro/ /de dag gis 'khor los sgyur ba de'i longs spyod de lta bu mthong nas e ma'o bdag cag kyang 'di lta bu'i dngos por mngon par sgrubs shig ces chags pa skyes te/ de dag 
gis go yang phye'o/ /de'i dus na tshe dang ldan pa 'char ka 'khor 'dus pa de'i nang na 'dug ste/ des smras pa/ kye 'di ni 'khor los sgyur ba ma yin gyi 'di ni dge slong ma ut+pa la'i kha dog ma ste/ rdzu 'phrul gyis bcom ldan 'das blta ba'i phyir 'ongs so/ /de dag gis smras pa/ 'phags pa 
'di dge slong ma ut+pa la'i kha dog yin par khyod kyis ji ltar shes de smras pa/ kye ut+pa la'i dri shin tu mnam pas na 'di ni ut+pa la'i kha dog ma ste/ rdzu 'phrul gyis bcom ldan 'das kyi drung du 'ongs so/ /de nas dge slong ma ut+pa la'i kha dog mas rdzu 'phrul mngon par 'dus byas pa 

</font><hr>11-1-93a<br><font size=+1>
slar bsdus nas bcom ldan 'das gang na ba der phyin pa dang bcom ldan 'das kyi zhabs la mgo bos phyag 'tshal nas phyogs gcig tu 'dug go/ /de nas bcom ldan 'das kyis dge slong ma ut+pa la'i kha dog ma la 'di skad ces bka' stsal to/ /dge slong ma song 
shig nga'i mdun du ma 'dug shig /dge slong mas ston pa'i spyan sngar rdzu 'phrul byed pa ni mi rigs pa'o/ /de nas bcom ldan 'das kyis bskrad pa dang phyogs gcig tu song ste 'dug go/ /bcom ldan 'das kyis dgongs pa/ gang su zhig dge slong ma ston pa'i spyan sngar rdzu 'phrul bstan 
na nyes pa'i dmigs yin te/ de lta bas na dge slong mas ston pa'i spyan sngar rdzu 'phrul mi bya bar dgongs nas dge slong rnams la bka' stsal pa/ dge slong dag dge slong mas ston pa'i spyan sngar rdzu 'phrul ston par mi rigs te/ de lta bas na dge slong mas ston pa'i spyan sngar rdzu 'phrul ma 
ston cig /dge slong mas ston pa'i spyan sngar ston na 'das pa dang bcas par 'gyur ro/ /de la kha cig gis ni dge slong ma ut+pa la'i kha dog ma'i 'khor los sgyur ba'i longs spyod du mthong nas mir chags pa skyes so/ /kha cig ni lha rnams kyi rdzu 'phrul gyi longs spyod du mthong nas lha 
rnams su chags pa skyes so/ /de nas bcom ldan 'das kyis lha dang mir skye ba las bzlog pa'i phyir 'khor de dag la 'di lta bu'i chos bshad de gang gis de thos pas na kha cig ni rgyun du zhugs pa'i 'bras bu mngon du byas so/ /kha cig gis ni phyir mi ldog pa'i 'bras bu/ kha cig 
gis ni lan cig phyir 'ong ba'i 'bras bu/ kha cig gis ni nyon mongs pa thams cad spangs te dgra bcom pa mngon du byas so/ /kha cig gis ni nyan thos pa'i byang chub tu/ kha cig gis ni rang byang chub tu/ kha cig gis ni bla na med pa yang dag par rdzogs pa'i byang chub tu sems bskyed do/ /
kha cig gis ni drod du gyur pa'i dge ba'i rtsa ba rnams bskyed do/ /kha cig gis ni spyi bo/ kha cig gis ni bzod pa chung ngu dang 'bring por bskyed do/ /'khor de dag las phal cher ni sangs rgyas la gzhol/ chos la 'bab/ dge 'dun la rab tu bab par bkod do/ /de nas bcom 

</font><hr>11-1-93b<br><font size=+1>
ldan 'das kyis de lta bu'i phyir tshigs su bcad de gsungs pa/ sa rnams gcig gis thob pa dang / /lha rnams su yang 'gro ba dang / /yang na ting 'dzin thob pa bas/ /rgyun du zhugs pa'i 'bras bu mchog /de nas bcom ldan 'das kyis 'khor de dag la chos kyi gtam gyis yang 
dag par bstan/ yang dag par bskul/ yang dag par gzengs bstod/ yang dag par dga' ba bskyed de gdan las bzhengs te bzhud pa dang / dge slong dag the tshom skyes nas the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa 'char kas 
ut+pa la'i kha dog ma'i dri las rtogs pa la gzigs zhes gsol pa dang / bcom ldan 'das kyis bka' stsal pa/ dge slong dag da ltar 'ba' zhig ma yin gyi/ 'di ltar 'das pa'i dus na yang 'char kas dri las rtogs so/ /de bas na nyon cig dge slong dag sngon byung ba ni yul 
'khor mo 'jig gi grong khyer na ded dpon gzhan zhig gnas te/ rigs mnyam pa las chung ma blangs nas de de dang lhan cig tu rtse dga' yongs su spyod do/ /de la rtse dga' yongs su spyod pa na chung ma sems can dang ldan par gyur to/ /ded dpon de yang rgya mtsho mching rnam chen por 
chas nas des de la bzang mo bdag ni zong khyer te yul gzhan du 'gros/ khyim gyi bya ba la bag yod par byos shig ces smras pa dang / des jo bo de ste de ltar na bdag kyang mchis khrid cig ces zer ro/ /des bzang mo khyod la de na su zhig g.yog byed ces smras pa dang / de ngu zhing 
'dug nas g.yog po dag gis ded dpon ci'i phyir na 'di ltar ded dpon gyi btsun mo ngu zhes smras pa dang / des 'di yang bdag dang lhan cig tu 'gro bar 'dod do/ /de bdag gis ma khrid de de'i phyir na ngu zhing 'dug go zhes smras pa dang / de dag gis ded dpon de ste de bzhin ci phyir mi bkri/ de 
na su zhig 'di la g.yog byed/ ded dpon de ltar nyes pa med kyis khrid cig dang bdag cag gis g.yog bya'o zhes smras pa dang / des de khrid de rim bzhin dong ba las rgya mtsho mching rnam chen po'i nang du zhugs so/ de dag rgya mtsho mching rnam chen por zhugs pa dang / gru bo che chu srin nya lta 

</font><hr>11-1-94a<br><font size=+1>
bus mi rigs par bzlog pas na de der dus las 'das so/ /de'i chung ma ni shing leb cig la 'jus te rlung gis rim bzhin du phul bas gling kA she rur phyin pa dang / de na bya'i rgyal po gshog bzangs gnas te/ des de chung mar blangs so/ /des zla ba dgu 'das 
pa dang btsas na bu pho zhig byung ste gzugs legs shing blta na sdug pa bzang po zhig go/ /de nas yang bya'i rgyal po gshog bzangs de dang lhan cig tu rtse dga' yongs su spyod do/ /de dag rtse dga' yongs su spyad pas bu bya gshog bzangs shig btsas te de nas dus phyi zhig na bya'i rgyal po 
gshog bzangs dus las 'das pa dang / bya mang po 'dus na gshog bzangs 'das pa'i skyin par bu rgyal por bcug go/ /de la mas bu khyod ni pha'i skyin par bu rgyal por bcug na khyod kyis phu bo 'di 'khor mo 'jig gi mi'i rgyal por chug shig ces smras pa dang / des smras 
pa/ de ltar gzhug par bgyi'o/ /de'i dus na 'khor mo 'jig gi rgyal po tshangs sbyin zhes bya ba zhig byed de de 'byor pa dang / rgyas pa dang / bde ba dang lo legs pa dang mi la sogs pa skye bo mang po dang ldan pa'i 'thab pa dang / rtsod pa dang / 'khrug pa dang / mi 'dum pa rnams rab tu zhi 
ba/ 'phrog rlom dang nad dang bral ba/ 'bras dang / bu ram shing dang / phyugs dang / ma her ldan pa chos kyi rgyal po bzhin du rgyal po byed do/ /de don byed pa'i phyir 'dus pa las bya'i rgyal po gshog bzangs kyi spar mos lag pa nas bzung ste/ rgya mtsho chen por bor nas phu bo de rgyan 
thams cad kyis brgyan te seng ge'i stan de la bzhag go/ /de nas blon po dag la kye 'di ni khyod kyi rgyal po yin te/ 'di la gang gis nyes pa cung zad cig byas na de la bdag gis 'di 'dra ba'i gnas su bya'o zhes smras pa dang / de dag skrag ste de'i tshig bzhin mnyan par gyur to/ /de dag 
gis de su la yang ma smras pas 'jig rten pa dag ni de nyid tshangs byin yin par shes so/ /des bya'i rgyal po la nu bo khyod kyis bdag dus dus su ltos shig ces smras pa dang / des kyang legs kyis blta'o zhes smras so/ /de nas dus phyi zhig na rgyal po tshangs byin gyi bal glang mo la be'u byung 

</font><hr>11-1-94b<br><font size=+1>
bar gyur te/ de'i be'u mngal gyi sgor thogs nas blon po dag gis rgyal po la gsol pa dang / des btsun mo'i 'khor du khrid la btsun mo rnams kyis bden pa'i tshig gis zug rngu med par byos shig ces smras pa dang / des de btsun mo'i 'khor du khrid pa dang / btsun mo rnams kyis 
kyang bden pa'i tshig gis smon lam btab na de dag gis kyang de'i zug rngu dang bral bar ma nus nas der sgra chen po sgra drag por byung bar gyur te/ rgyal po'i pho brang nas mi ring ba zhig na ba lang rdzi mo zhig gnas pa des thos nas des gzhan zhig la rgyal po'i pho brang na sgra drag po sgra chen po 'di ci 
zhig ces dris pa dang / des ji ltar gyur pa smras na des bdag gi bden pa'i tshig gis smon lam btab ste de'i zug rngu dbral bar bya'o zhes smras pa dang / de dag gis blon po dag la gsol te/ blon po dag gis de btsun mo'i 'khor du khrid de des bden pa'i tshig gis smon 
lam btab po/ /des bdag la khyo gcig pur zad de skyes pa gnyis pa med par bden na bden pa'i tshig 'dis ba lang mo zug rngu dang myur du bral bar gyur cig ces bden pa'i tshig gis smon lam btab pa dang / de las be'u byung na mjug ma la thogs pa dang / mos bgad de 
'di tsam yang bzod par ma nus so/ /btsun mo dag gis de ci zhig ces dris pa dang / des smras pa/ bdag bu khye'u chung ngu zhig pang par blangs nas de gcin gcis pa dang / gcin de bdag gi mo mtshan du song ba de bdag gis dga' bar tshor bas de'i phyir mjug ma thogs 
so/ /des ji ltar gyur pa de yang smras nas mjug ma yang de nas byung ngo / /blon po dag gis rgyal po la lha bal glang mo de ni be'u 'brangs lags so zhes gsol nas de zug rngu las sus phral zhes smras pa dang / de dag gis ji ltar gyur pa smras nas/ rgyal pos bsams pa/ 
gdon mi za bar bdag gi btsun mo thams cad ni tshul khrims ngan par gyur pas na ba lang rdzi mos bden pa'i tshig gi smon lam btab pas zug rngu las bral bar byas so snyam du rig nas/ kye ba lang rdzi mo de la dris bos shig ces bsgo ba dang / de dag gis bos nas rgyal pos 

</font><hr>11-1-95a<br><font size=+1>
khyod kyis bal glang mo de bden pa'i tshig gis zug rngu las bral bar byas pa bden nam zhes smras pa dang / lha mad do/ /rgyal pos gang 'di 'dra bar gyur pa'i bu mo yang 'di 'dra bar 'gyur ro/ /de ste 'di la bu mo zhig yod na de chung mar blang gis skad 
cig 'dri'o snyam bsams nas khyod la bu mo yod dam zhes smras pa dang lha mchis so/ /ming ci/ lha ming ni sho shum pa'o/ /ma ma su la byin nam ma byin/ lha su la yang ma stsal to/ /ma ma de ste de ltar na nga la phul cig chung mar blang ngo / /lha gsol lo/ /de des byin pa dang / 
rgyal pos dpal chen po'i tshogs dang sbyar te bag mar blangs so/ /rgyal pos de ste 'di btsun mo dag gi 'khor 'dir bzhag na ni tshul khrims ngan pa can du gdon mi za bar 'gyur ro snyam du bsams nas des bya'i rgyal po gshog bzangs la ji ltar gyur pa smras nas khyod kyis 'di nyin 
par ni ka she ru'i gling du khrid la mtshan mo khrid de shog shig ces bsgo'o/ /de na re legs kyis de bzhin bgyi'o zhes smras te/ des bya gshog bzangs la bskris nas/ 'di ltar phar khrid la tshur khrid de shog shig /des nyin par ni ka she ru'i gling du khrid/ mtshan mo ni 'khor mo 
'jig tu khrid cing 'ong ngo / /ka she ru'i gling na me tog ti ma ri zhes bya ba dri zhim po zhig yod de phreng ba brgyus te rgyal po tshangs byin la nyin gcig bzhin du bskur ro/ /'khor mo 'jig na bram ze'i khye'u gzhan zhig gnas te dus phyi zhig na yam shing gi phyir nags su song ba dang / de der mi 
'am ci mo zhig gis mthong nas des brag phug tu bcug ste bzhag go/ /mo de dang lhan tu rtse dga' yongs su spyod do/ /nam mo me tog dang 'bras bu'i phyir 'gro ba de na brag phug gi sgo bram ze'i khye'us bskyod mi nus pa'i rdo leb chen pos 'gebs so/ /ji tsam na de la bram ze'i khye'u de'i bu 
zhig btsas nas de gar 'gro yang myur du 'gro bas na de'i ming myur 'gror btags so/ /bram ze'i khye'u des de'i mdun na rtag tu yul 'khor mo 'jig gi yon tan brjod de/ bu 'khor mo 'jig gi grong khyer na yon tan 'di dag dang 'di lta bu yod do zhes brjod pa dang / des pha khyod yul 

</font><hr>11-1-95b<br><font size=+1>
gang yin zhes dris pa dang / des bdag ni yul 'khor mo 'jig na skyes so zhes smras so/ /pha de ltar lags na ci'i phyir mi 'bros zhes smras pa dang / des bu khyod kyi ma nam me tog dang 'bras bu'i phyir 'gro ba de'i tshe brag phug gi sgo 'di rdo leb chen pos bkag cing 'gro ste/ 'di ni 
ngas bskyod par mi nus na ji ltar 'bros zhes smras pa dang / des pha bdag gis dbye'o/ /bu legs so/ /des rdo ba la goms par bya'o zhes zer te nyi ma gcig ni rdo ba chung ngu zhig bteg go/ /gnyis par ni de bas che'o/ /gsum par ni de bas shin tu che ste/ 'di bzhin du rdo leb nam 
'deg nus kyi bar du goms par byed do/ /de nas des pha rdo leb dor gyis bros te bzhud do zhes smras pa dang / des bu 'di ltar khyod kyi ma me tog dang 'bras bu'i phyir song ba'ang slar myur du 'ong gis mi 'bros so/ /lam du phrad pa dang gdon mi za bar yu bu cag don med par byas so zhes 
smras pa dang / des pha ci nas de myur du mi 'khor ba de ltar bdag gis bgyi'o zhes smras pa dang / bu legs so/ /des me tog dang 'bras bu khyer te 'ongs pa dang / des de khar bcug cing bcug cing bor nas mas bu ci'i phyir khar bcug cing bcug cing bor zhes dris pa dang / des smras pa/ 
ma khyod le lo byed de/ nyen kor na me tog dang 'bras bu kha ba skyur ba sha dag khyer te 'ongs pas mi zhim ste za mi nus na lags kyis dor mod/ mas bu de ste de bzhin du sang ni ring du 'gro'o/ /nye ba na ni zhim po med kyis sang ring du 'gro'o zhes smras pa dang / des legs kyis ma de bzhin du gyis 
shig dang zhim po ni bza'o zhes smras so/ /de'i phyi de nyin ring mo zhig tu song ngo / /myur 'gros pha bdag gis ring du btang gis da ni 'bros pa'i dus la bab bo zhes smras pa dang / des smras pa/ bu legs kyis rdo leb bor cig /des rdo leb bor ba dang / de myur 'gro dang 
lhan cig tu bros te 'khor mo 'jig tu phyin pa dang / de yang me tog dang 'bras bu khyer te ring zhig lon nas 'ongs te bltas na brag phug stong par gyur pa dang / de ngu zhing 'dug nas grogs mos mthong ste ci'i phyir ngu zhes dris pa dang / des phu nu mo bram ze'i khye'u des nga'i bu de yang khrid de 

</font><hr>11-1-96a<br><font size=+1>
bros so zhes bsnyad pa dang / des smras pa/ phu nu mo de mi yin te mi'i nang na de mya ngan ci yod/ des bdag dang lhan cig mi gnas pa'i phyir ni mya ngan mi byed kyi bdag gis de la 'tsho ba cung zad kyang ma byin no/ /phu nu mo ci ster ram/ bdag gi lag tu skur dang / de ste mthong dang 
sbyin no zhes smras so/ /des de'i lag tu pi bang cig byin nas smras pa/ phu nu mo de la khyod kyis pi bang 'di long la 'tsho bar gyis shig /rgyud ya thog ma la ma reg shig /nyes pa'i dmigs su gyur ta re/ des de khyer te song ngo / /bram ze des khye'u myur 'gro de bram ze mang po slob 
pa la phul nas bram ze'i khye'u 'di slobs shig ces smras nas/ des de klog tu bcug go/ /khye'u de dag gsangs te gang gi dus na mi klog par gyur pa de'i dus na yam shing thur 'dong ngo / /ci tsam na khye'u de dag mi klog par gyur nas de dag yam shing thur dong ba dang / myur 'gro de 
shin tu ring bar song ba na de'i ma'i grogs mos mthong ste bu gtam ci grag ces dris pa dang / des ji 'dra ba'i gtam zhig bkres skom pas gzir to zhes smras pa dang / des smras pa/ bu khyod kyi ma de ni mya ngan byed de ngu zhing 'dug na ci de'i drung du mi 'gro'am/ ma 'bar ma mo de dang lhan 
cig tu smra bar mi nus so/ /bu de ste mi 'gro na khyod kyi 'tsho ba zhig sbyin gyis de su la yang ma sbyin cig /de stsol cig dang de su la yang mi sbyin par bgyi'o/ /des de la pi bang de byin te 'di long la 'tsho bar gyis shig /nyes pa'i dmigs su mi 'gyur ba'i phyir rgyud ltag ma la ma 
reg shig ces bsgo ba dang / des ma legs kyis de bzhin bgyi'o zhes smras nas des blangs te bram ze'i khye'u de dag gi nang du song ba dang / de dag gis khye'u khyod ci'i phyir ring zhig thogs te 'ongs pi bang 'di yang sus byin zhes dris pa dang / des smras pa/ kye bdag gi ma'i grogs 
mos mthong nas des bdag la pi bang 'di byin no/ /de dag gis khye'u khyod pi bang len shes sam zhes dris pa dang / des smras pa/ shes so/ /bltas long shig /des de blangs te len cing glu len to/ /des rgyud ltag ma la ma reg pa dang de dag gis smras pa/ khye'u ci'i phyir na 

</font><hr>11-1-96b<br><font size=+1>
khyod kyis rgyud ltag ma la ma reg ces dris pa dang / des kye de ste 'di la reg na ni nyes pa'i dmigs su 'gyur ro zhes smras pa dang / de dag gis bram ze'i bus reg pa lta la nyes pa'i dmigs su 'gyur ba ci yod ces smras te/ de dag gis reg pa dang / de dag thams cad mchong rgal 
zhing gar byed do/ /de dag gar byas pas 'phyis par gyur te de dag nub kar mkhan po'i drung du 'ongs pa dang / des khye'u dag ci'i phyir ring zhig lon te 'ongs zhes dris pa dang / de dag gis ji ltar gyur pa zhib tu smras nas des myur 'gro de la khyod pi bang len cing glu len shes sam 
zhes dris pa dang / 'tshal to/ /bram ze'i bu de ltar na pi bang mnyan gyis long shig /des de len cing glu blangs te des rgyud ltag ma la ma reg pa dang / des bram ze'i bu ci'i phyir khyod kyis rgyud ltag ma la ma reg ces dris pa dang / des smras pa/ mkhan po de ste 'di la reg na ni nyes 
pa'i dmigs su 'gyur ro/ /des bram ze'i bu 'di la reg na nyes pa'i dmigs su 'gyur ba ci yod/ reg shig ces smras pa dang / des reg pa dang / bram ze chung ma dang bcas te mchong rgal zhing gar byed do/ /khyim de thams cad kyang mchongs pas zhig par gyur to/ /de zhig 
pas rdza ma dang snod thams cad chag pa dang / bram ze de khros nas des bram ze'i bu de'i mgrin pa nas bzung ste bskrad do/ /bskrad pa dang de pi bang blangs te len pas 'tsho ba sbyor ba la zhugs so/ /phyi zhig na tshong pa lnga brgya tsam zhig rgya mtsho chen por 'dong ba'i zong rnams sbyar te rgya mtsho chen 
por chas pa dang / de dag gis smras pa/ kye bdag cag rgya mtsho chen por zhugs na yid bslang bar byas rol mo mkhan zhig bkri'o/ /de dag la gcig gis gang bkri zhes smras pa dang / gzhan zhig gis bram ze'i bu myur 'gro zhes bya ba bkri'o zhes smras so/ /kha cig gis 
legs gyis de bzhin bya'o zhes smras nas/ de dag gis bram ze'i bu myur 'gro khrid de rgya mtsho chen por zhugs so/ /de nas rgya mtsho chen po'i nang du dong ba dang / myur 'gro rol mo pi bang mnyan gyis long shig ces smras pa dang / des pi bang len cing glu len pa la zhugs na des pi 

</font><hr>11-1-97a<br><font size=+1>
bang de'i rgyud ltag ma la ma reg nas tshong pa de dag gis myur 'gro rgyud ltag ma 'di la ci'i phyir mi reg ces smras pa dang / kye de ste 'di la reg na ni nyes pa'i dmigs su 'gyur ro/ /de dag gis bram ze'i bu nyes pa'i dmigs su 'gyur ba ci shig yod reg zhig ces smras pa dang / 
des reg pa dang gru bo che 'phar te gru bub cing zhig pas tshong pa de dag dus las 'das so/ /de ni sngon gyi las kyi mthus shing leb cig zin te myur ba'i rlung gis gling ka sher phul lo/ /de de na skyed mos tshal gzhan zhig na 'dug ste de nas mi gzhan ni med kyi des sho shum pa de mthong ba dang de dang de 
lhan cig tu nyal lo/ /de nyin par ni myur 'gro dang yongs su spyod/ mtshan mo ni rgyal po tshangs sbyin dang spyod do/ /des bzang mo khyod mtshan mo gang du 'gro zhes smras pa dang / de de dang mdza' bar gyur pas thams cad smras nas/ des smras pa/ bzang mo de ste de bzhin bdag kyang 'khor 
mo 'jig tu khrid cig /des smras pa/ jo bo legs kyis bkri'o/ /khyod kyi ming ci smros shig /des smras pa/ bzang mo bdag gi ming ni myur 'gro zhes bya'o/ /khyod kyi ming ci zhes bya smros shig /jo bo bdag gi ming ni sho shum pa zhes bgyi'o/ /des rdo ba las thabs su sbyar bar 
brtsams te nyin gcig ni rdo chung ngu zhig blangs te bya gshog bzangs la zhon/ nyi ma gnyis na rdo de tsam gnyis so/ /nyi ma gsum na rdo de tsam gsum po nas de bzhin du mi'i tshad dang mnyam pa'i bar du khyer ro/ /de nas myur 'gro dang lhan cig tu bya gshog bzangs la zhon te dong nas/ sho 
shum pa na re jo bo mig ma dbye nyes pa byung ta re zhes smras pa dang / des mig btsums nas nam 'khor mo 'jig dang nye bar phyin na des skye bo mang po dag gi sgra ca co thos pa dang / des bsams pa/ da ni phyin gyis blta'o/ /des mig phye ba dang mig byung ste long bar gyur to/ /sho shum 
pas de skyed mos tshal du bzhag ste rgyal po tshangs sbyin gyi btsun mo rnams kyi nang du song ngo / /de nas dus phyi zhig na dpyid kyi dus la bab ste/ shing dag ni kha 'bus/ ngang pa dang / khrung khrung dang / rma bya dang / ne tso dang / sha ri ka dang / ko ki la dang / 'tsho ba 'tsho byed rnams sgra 'byin 

</font><hr>11-1-97b<br><font size=+1>
pa'i nags stug por tshangs byin btsun mos bskor te sho shum pa dang lhan cig tu skyed mos tshal du dong ba dang / bram ze'i bu myur 'gro me tog ti mi ra'i dri mnam nas des bsnams te/ de 'dra ba'i glu blang bar bsams nas/ rlung gis su ni bskyod pa dang / ti mi ra yi dri mnam mo/ /gang na 
sho shum pa gnas pa/ ka she ru yi gling dag go/ /de rgyal po tshangs byin gyis thos nas des btsun mo dag la kye 'di na glu len pa su yin tshol cig ces bsgo ba dang / de dag gis lha mig dang bral ba'i skyes bu zhig skyed mos tshal 'di na glu len cing mchis so zhes smras so/ /de rgyal 
pos bos te kye skyes bu khyod kyis glu blangs sam zhes smras pa dang / lha bdag gis glu blangs so/ /kye skyes bu yang long shig dang yang mnyan no/ /des bsams pa/ gzhan ma yin gyi bdag gis blangs pa de snyan pa lta zhig ste/ de'i phyir rgyal po nyan par 'dod de/ gal te cung 
zad thob kyang srid snyam nas des glu blangs pa/ rlung gis su ni bskyod pa dang / /ti mi ra yi dri mnam mo/ /gang na sho shum pa gnas pa/ /ka she ru yi gling dag go/ /rgyal pos kye skyes bu ka she ru'i gling 'di nas ji srid ces dris pa dang / de tshigs su bcad de smras pa/ 'di nas de'u 
dpag tshad brgya'i/ /rgya mtsho chen po'i chu rnams te/ /de na gnas pa sho shum pa/ /ka she ru yi gling dag na'o/ /de la rgyal po tshangs sbyin gyis de'i lan tshigs su bcad de smras pa/ /de ste bdag gi yid 'ong ba/ /sho shum pa zhes bya ba de/ /khyod kyis nyes par mthong thos na/ /lus la 
mtshan yod pa yang smros/ /des kyang slar tshigs su bcad de smras pa/ swa sti ka ni brla la yod/ /de yi nu ka 'khyil pa ste/ /ti mi ra yi me tog rnams/ /rgyud pa khyod kyi phyi ru'o/ /rgyal pos 'di yang 'di ltar ngan pa spyod pa gyur pa lta ste/ 'di mi dgos kyis long ba 'di la sbyin no snyam 
bsams pa las phyis yang khros te tshigs su bcad de smras pa/ sho shum pa ni khyod sbyin pa/ /rgyan kun gyis ni bklubs bzhin te/ /bong bu bskyon la spugs nas ni/ /grong khyer nas ni myur du deng / /rgyal po de khros nas bzhon pa bong bu la sho shum pa dang long ba lhan cig tu bskyon te 

</font><hr>11-1-98a<br><font size=+1>
phyung ngo / /des de khrid de phan tshun du 'khyam 'khyam nas/ nyi ma nub pa dang ri brags kyi grong gzhan zhig tu phyin te/ de na lha khang stong pa zhig tu gnas so/ /de'i nub mo mi rgod lnga brgya tsam zhig ri brags kyi grong khyer 'joms su lhags pa dang / ri brags kyi grong na 
gnas pa'i skye bo mang po dag gis tshor nas de dag gis kun du bsgrags te/ ri brags kyi grong pa dag gis mi rgod rnams btags bcom mo/ /de nas mi rgod kyi dpon po de ma zin nas lha'i khang pa de nyid du zhugs pa dang / ri brags kyi grong mi dag gis lha'i khang pa de kho ra khor 
yug tu bskor nas mi rgod dpon po des sgo bcad do/ /ri brags kyi grong mi dag gis kye 'di na su zhig gnas zhes smras pa dang / bram ze'i bu myur 'gros smras pa/ kye bdag cag ni 'gron po'o/ /de dag gis smras pa/ mi rgod 'di phyir byung shig /gyin da khyod nyid don med 
par byas sa re/ mi rgod kyi sde dpon des sho shum pa la kye long ba 'dis ci zhig bya 'di bskrad la bdag cag gnyis yongs su spyad do zhes smras pa dang / des jo bo legs kyis de bzhin mdzod cig dang / bdag ni khyod kyi'o zhes smras nas de dang mi rgod kyi sde dpon gyis long ba de ra 
ba'i rtsig pa'i kha nas bor ba dang / ri brags kyi grong mi de dag gis de'i mgo bcad de bor ro/ /de phyi de nyin mi rgod kyi sde dpon gyis khrid de dong ba las chu bo ka ra da bar phyin te rgal du gru med nas des bzang mo ka ra da ba 'di ni chus gang ba la brgal bar bya na/ khyod rgyan dang bcas te 
rgal du ni mi nus kyis/ khyed re zhig khrus byed cing 'dug shig dang ngas rgyan rnams bskyal to/ /phyir 'ongs nas phyis khyod bsgral bar bya'o zhes smras pa dang / mos jo bo legs kyis de bzhin du khrus bya'o zhes smras nas/ des de la gos dang rgyan thams cad byin te/ de chu'i nang du 
zhugs te sgren mor 'dug go/ /de yang chu'i dbus su phyin pa dang de la 'dis bdag gi rgyan dang gos rnams phrogs te mi 'ong ngam zhes 'gyod pa skyes nas des tshigs su bcad de smras pa/ ka ra da 'di chu yis gang / /bzang mos khyod la rdzas kun byin/ /bdag gi dogs pa 

</font><hr>11-1-98b<br><font size=+1>
skyes par gyur/ /sdig can khyod kyis bdag ma slu/ /des kyang tshigs su bcad de smras pa/ mi bshes khyod kyis bshes rnying bsad/ /skyes bu de ni don med do/ /de bas khyod la yid brtan dka'/ /bdag kyang khyod kyis mi bsad dam/ /des de la phrogs te bros so/ /de yang 
sgren mor rtswa stug po'i nang du zhugs te 'dug pa dang / ci tsam na wa rgan po gzhan zhig sha ltar ltar po zhig khyer te/ chu bo ka ra da ba'i 'gram nas song ba dang nya zhig kyang rgyags ches pas chu la rgal ba dang / skam sa la lhung nas des sha de bor te nya'i phyir brgyugs pa dang / nya ni phyir chu bo ka 
ra da bar zhugs/ sha de yang bya 'ol bas khyer nas de gnyis ka las bral bas rna ba phab ste 'gyod cing 'dug pa/ sho shum pa rtswa stug po'i nang na 'dug pas mthong nas mos tshigs su bcad de smras pa/ sha dum de ni 'ol bas phrogs/ /nya ni chu bo'i nang du bros/ /gnyis ka 
las su bral bar gyur/ /was ni mya ngan cir mi byed/ /des phyogs bzhir bltas pa dang / /su yang ma mthong ste/ de nas tshigs su bcad de smras pa/ mi rgod gar yang mi byed cing / /glu la'ang bdag ni mi dga' na/ /rtswa yi nang na gnas pa su/ /bdag la 'phya zhing 
dgod par byed/ /des zhang po bdag ni sho shum pa'o zhes smras pa dang / wa de khros te des bsams pa/ sbyar ma 'di bdag la 'phya bar shes nas tshigs su bcad de smras pa/ khyo ni khyod kyis bsad pa yin/ /byi bo de ni bros pas na/ /gnyi ga la ni bral bar gyur/ /sbyar ma mya 
ngan cir mi byed/ /mos slar tshigs su bcad de smras pa/ bdag gi khyim du song nas ni/ /khyo mchog cig ni blang bar bya/ /de nas khyo cig rnyed pa dang / /rigs sun dbyung bar mi bya'o/ /was tshigs su bcad de smras pa/ gang gi dus na gang gA slar log cing / /zho yi 
kha dog tu ni bya rog gyur/ /'bras bu byung ba de dus na/ /khyod gdod tshul khrims ldan par 'gyur/ /nam zhig bya rog 'ug pa gnyis/ /shing gcig la ni gnas bcas nas/ /yid dga' ba ru gyur pa na/ /de tshe tshul khrims khyod ldan no/ /nam zhig sbrul dang sre mo gnyis/

</font><hr>11-1-99a<br><font size=+1>
/khung bu gcig tu gnas pa na/ /dga' bar gyur cing 'khod pa ste/ /de tshe tshul khrims khyod ldan no/ /nam zhig rus sbal bal las ni/ /bgo ba dag ni legs byas nas/ /dgun gyi bgo bar gyur pa na/ /de ni tshul khrims khyod ldan no/ /nam zhig sbrang bu'i rje ngar 
las/ /skas ka ru ni legs bcas te/ /mtho ris 'gro ba'i skas btsugs na/ /de tshe tshul khrims khyod ldan no/ /nam zhig kun da'i sdong bu la/ /zam pa rab tu legs byas nas/ /bal glang de ru 'gro bar gyur/ /de tshe tshul khrims khyod ldan no/ /nam zhig rgya mtsho'i dbus nas 
kyang / /legs par yang ni me 'bar la/ /skye bo dag ni de la 'jug /de tshe tshul khrims khyod ldan no/ /sho shum pa bdag gis bzhad gad byas pa ni der zad na/ bdag gis khyod sngon gyi gnas su slar gzhag par bya na khyod kyis bdag la lan ci zhig bya zhes smras pa dang / des zhang 
po de ste bdag khyod kyis sngon gyi gnas su bzhag na ni khyod la bdag gis khyod nyin re zhing sha dum bu re re sbyin no zhes smras pa dang / des de bzhin gzhag gis ltos shig /khyod chu klung du zhugs la lkog ma man chad chur chug la shar phyogs su ltos te 'dug shig dang / bdag gis lha 
la gsol lo zhes zer te/ des rgyal po'i pho brang dang nye bar song ste/ lha 'di ltar sho shum pa ni dge zhing bden te dka' thub spyod pa byed kyi myur du bod pa'i rigs so zhes gsol pa dang / rgyal po tshangs byin gyis wa'i skad la mkhas nas des blon po la kye chu bo ka ra na da na sho shum pa dka' 
thub spyod cing 'dug go zhes thos kyis de tshur khug shig ces bsgo'o/ /de dag gis gos dang rgyan bskon te 'ongs pa dang / rgyal pos sngon gyi gnas su slar bzhag go/ /mos de la nyi ma re re zhing sha'i dum bu re re byin no/ /ji srid cig gi dus su byin te/ de nam ma byin pa dang / wa des 
rgyal po'i pho brang dang nye bar 'dug nas sho shum pa de ste khyod kyis bdag la sha'i dum bu byin na ni dge'o/ /ma byin na ni legs par brdegs la ji ltar sngon gyi gnas su phyir yang gzhag go zhes bsdigs pa dang / mos thos nas skrag ste yang de la nyi ma re re zhing sha'i dum bu sbyin pa la zhugs so/ /

</font><hr>11-1-99b<br><font size=+1>
dge slong dag ji snyam du sems/ gang sho shum pa de ni 'di ltar 'di bzhin de'i dus na dge slong ma ut+pa la'i kha dog ma'o/ /gang myur 'gro de ni de'i tshe de'i dus na 'di ltar dge slong pha 'char ka'o/ /de'i tshe de'i dus na yang 'di ltar 'dis dri las shes te/ da ltar yang 'dis dri las shes so/ /
bcom ldan 'das kyis de skad gsungs pa dang / dge slong pha dag bcom ldan 'das kyis bshad pa la yi rangs nas mngon par dga'o// //'dul ba phran tshegs kyi gzhi/bam po sum bcu rtsa drug pa/ sangs rgyas bcom ldan 'das mnyan du yod pa dze ta'i tshal mgon med 
zas sbyin gyi kun dga' ra ba na bzhugs te/ chu bo bal gu ma ti'i 'gram na dge slong dag 'jim pa'i ril bu dang pho long gi sbyor bas nyon mongs pa thams cad spangs te dgra bcom pa mngon du byas pa de'i tshe bcom ldan 'das kyis dge slong rnams la bka' stsal pa/ de lta bas na dge slong dag gis 
'di bzhin du 'jim pa'i ri lu dang pho long gi sbyor ba byas te brtson par byos shig /nan tan du byos shig /'bad par byos shig /ji ltar chu bo bal gu ma ti'i 'gram na dge slong rnams brtson par byas/ nan tan du byas/ 'bad par byas pa bzhin no/ /dge slong dag gis brtson 'grus 
ma gtang shig /dge slong dag gis brtson 'grus btang na 'das pa dang bcas par 'gyur ro/ /sangs rgyas bcom ldan 'das grong ki ta zhes bya ba'i drung ri ka ta'i nags stug po na bzhugs so/ /de'i tshe ri ka ta'i dge slong tha skar skyes dang nab so dang / dge slong dmar skya rnams 
gnas te/ de dag gis 'di lta bu dang / 'di 'dra bar 'thab pa dang / 'thab tu 'jug pa dang / ched du ltar 'dong zhing 'khod pa de 'di lta ste/ bal glang 'thab pa dang / rta 'thab pa dang / shing rta 'thab pa dang / dpung bu chung 'thab pa dang / dbyug pas 'thab pa dang / khu tshur 
gyis 'thab pa dang / khyu mchog 'thab pa dang / ma he 'thab pa dang / ra thug 'thab pa dang / thug re 'thab pa dang / khyi 'thab pa dang / bya 'bar ta ka 'thab pa dang / bya la ba ka 'thab pa dang / bya gag 'thab pa dang / bud med stobs 'gyed pa dang / skyes pa stobs 'gyed pa dang /

</font><hr>11-1-100a<br><font size=+1>
gzhon nu stobs 'gyed pa dang / gzhon nu ma rnams stobs 'gyed du 'jug pa dang / dad pa'i bram ze dang khyim bdag dag 'phya zhing smod dam ngan du zer nas/ 'di ltar dge slong legs par bshad pa'i chos 'dul ba la rab tu byung yang bal glang 'thab par byed byed 
du 'jug pa'i dge sbyong mgo reg 'di la ci phyir bsod snyoms sbyin pa dang / mchod par bya snyam du sems so/ /de ltar gyur pa dge slong dag gis bcom ldan 'das la gsol nas bcom ldan 'das kyis bka' stsal pa/ dge slong dag bram ze dang khyim bdag rnams ni rigs par 
'phya'o/ /de lta bas na dge slong dag gis bal glang la sogs pa 'thab tu mi gzhug /blta bar yang mi bya'o/ /dge slong dag gis bal glang la sogs pa 'thab par byed dam byed du 'jug gam/ bltas na 'das pa dang bcas par 'gyur ro// //mdor na/ btsa' zhugs 
pa dang dge slong mas/ /yongs su dris pa smras pa'o/ /las rnams dag kyang bya ba ste/ /slar babs pa yi dge slong ma/ /sangs rgyas bcom ldan 'das ser skya'i gnas shing n+ya gro d+ha'i kun dga' ra ba na bzhugs te/ de nas gau ta mI skye dgu'i bdag mo chen mo shAkya mo lnga brgya dang lhan 
cig tu bcom ldan 'das gang na ba der dong ste phyin pa dang bcom ldan 'das kyi zhabs la mgo bos phyag 'tshal te phyogs gcig tu 'khod do/ /phyogs gcig tu 'khod nas/ gau ta mI skye dgu'i bdag mo chen mo la bcom ldan 'das kyis chos kyi gtam yang dag par bstan/ 
yang dag par bskul/ yang dag par gzengs bstod/ yang dag par dga' bar byas so/ /rnam grangs du mar chos kyi gtam gyis yang dag par bstan/ yang dag par bskul/ yang dag par gzengs bstod/ yang dag par dga' bar byas te cang mi gsung ba dang / gau ta 
mI skye dgu'i bdag mo chen mo stan las langs te bcom ldan 'das gang na ba de logs su thal mo sbyar te phyag 'tshal nas bcom ldan 'das la 'di skad ces gsol to/ /btsun pa de ste bud med kyis dge sbyong gi 'bras bu bzhi 'thob pa'i skabs mchis na bud med rnams legs par 

</font><hr>11-1-100b<br><font size=+1>
bshad pa'i chos 'dul ba la rab tu byung ste bsnyen par rdzogs nas dge slong ma'i dngos po spyod cing bud med rnams bcom ldan 'das kyi drung na tshangs par spyad pa spyod du gsol zhes gsol pa dang / bcom ldan 'das kyis skye dgu'i bdag mo chen mo la 'di skad ces bka' stsal 
to/ /gau ta mI khyod 'di ltar khyim mi mo'i gos dkar po gyon la nam 'tsho'i bar du de 'ba' zhig pa la yongs su rdzogs pa/ yongs su dag pa yongs su byang bar tshangs par spyad pa spyod cig dang / khyod la yun ring po'i don dang / phan pa dang / bde bar 'gyur ro/ /gau ta mI skye 
dgu'i bdag mo chen mos lan gnyis lan gsum du yang bcom ldan 'das la 'di skad ces gsol to/ /btsun pa de ste bud med kyis dge sbyong gi 'bras bu bzhi 'thob pa'i skabs mchis na bud med rnams legs par gsungs pa'i chos 'dul ba la rab tu byung ste bsnyen par rdzogs nas 
dge slong ma'i dngos por spyod cing bud med rnams bcom ldan 'das kyi drung na tshangs par spyad pa spyod du gsol zhes gsol pa dang / bcom ldan 'das kyis lan gnyis lan gsum du yang gau ta mI skye dgu'i bdag mo chen mo la gau ta mI khyod 'di ltar khyim mi mo'i gos dkar po gyon la 
nam 'tsho'i bar du de 'ba' zhig pa la yongs su rdzogs pa/ yongs su dag pa/ yongs su byang bar tshangs par spyad pa spyod cig dang / khyod la yun ring po'i don dang / phan pa dang bde bar 'gyur ro/ /zhes bka' stsal pa dang / de nas gau ta mI skye dgu'i bdag mo chen mo 
bcom ldan 'das kyis lan gsum du ma gnang ba dang / bcom ldan 'das kyi zhabs la mgo bos phyag 'tshal nas bcom ldan 'das kyi drung nas dong ngo / /de nas bcom ldan 'das kyis ser skya'i gnas na ji srid dgyes kyi bar du bzhugs nas lhung bzed dang chos gos bsnams 
te/ yul na di ka gang na ba der rgyu zhing gshegs pa dang / gau ta mI skye dgu'i bdag mo chen mos bcom ldan 'das ser skya'i gnas na ji srid dgyes kyi bar du bzhugs nas lhung bzed dang chos gos bsnams te/ yul na di ka gang na ba der rgyu zhing gshegs par thos so/ /de ltar 

</font><hr>11-1-101a<br><font size=+1>
thos pa dang shAkya mo lnga brgya dang lhan cig tu rang gis mgo bregs te chos gos bgos so/ /mgo bregs shing sbyar ma gyon te bcom ldan 'das kyi dgongs mal du rjes bzhin 'brang zhing dong ngo / /de nas bcom ldan 'das kyi yul br-i dzi nas ljongs rgyu zhing na di kar byon te 
na di ka'i gu ji'i gnas na bzhugs so/ /de nas gau ta mI skye dgu'i bdag mo chen mo lus ngal/ lus chad/ lus dub ste/ rdul gyis lus la phog bzhin du bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal te phyogs gcig 
tu 'khod do/ /phyogs gcig tu 'khod nas gau ta mI skye dgu'i bdag mo chen mo ni bcom ldan 'das kyis chos kyi gtam gyis yang dag par bstan/ yang dag par bskul/ yang dag par gzengs bstod/ yang dag par dga' bar byas te/ rnam grangs du mar chos kyi gtam yang 
dag par bstan/ yang dag par bskul/ yang dag par gzengs bstod/ yang dag par dga' bar byas te cang mi gsung bar bzhugs pa dang / gau ta mI skye dgu'i bdag mo chen mo stan las langs te/ bcom ldan 'das gang na ba der thal mo sbyar te phyag 'tshal nas bcom ldan 
'das la 'di skad ces gsol to/ /btsun pa de ste bud med kyis dge sbyong gi 'bras bu bzhi 'thob pa'i skabs mchis na bud med rnams legs par gsungs pa'i chos 'dul ba la rab tu byung ste/ bsnyen par rdzogs nas dge slong ma'i dngos po spyod cing bud med rnams bcom ldan 
'das kyi drung na tshangs par spyad pa spyod du gsol zhes gsol pa dang / bcom ldan 'das kyis gau ta mI skye dgu'i bdag mo chen mo la gau ta mI khyod 'di ltar 'di bzhin du nam 'tsho'i bar du mgo bregs te sbyar ma gyon la nam 'tsho'i bar du de 'ba' zhig yongs su rdzogs pa/ yongs 
su dag pa dang / yongs su byang bar tshangs par spyad pa spyod cig dang / khyod la yun ring po'i don dang / phan pa dang / bde bar 'gyur ro zhes bka' stsal to/ /gau ta mI skye dgu'i bdag mo chen mos lan gnyis lan gsum du yang bcom ldan 'das la 'di skad ces gsol to/ /

</font><hr>11-1-101b<br><font size=+1>
btsun pa de ste bud med kyis dge sbyong gi 'bras bu bzhi 'thob pa'i skabs mchis na bud med rnams legs par gsungs pa'i chos 'dul ba la rab tu byung zhing bsnyen par rdzogs nas dge slong ma'i dngos por spyod cing / bud med rnams bcom ldan 'das kyi drung na tshangs par spyad 
pa spyod du gsol/ zhes de skad gsol pa dang / bcom ldan 'das kyis lan gnyis lan gsum du yang gau ta mI skye dgu'i bdag mo chen mo la gau ta mI khyod kyis 'di ltar 'di bzhin du nam 'tsho'i bar du mgo bregs te sbyar ma gyon la de 'ba' zhig yongs su rdzogs pa dang / yongs su dag pa dang / 
yongs su byang bar tshangs par spyad pa spyod cig dang / khyod la yun ring po'i don dang phan pa dang bde bar 'gyur ro/ /gau ta mI skye dgu'i bdag mo chen mo la lan gnyis lan gsum du bcom ldan 'das kyis ma gnang ba dang phyi rol gyi sgo khang gi phyogs gcig tu 'dug ste ngu zhing mchi ma 'byin to/ /
tshe dang ldan pa kun dga' bos gau ta mI skye dgu'i bdag mo chen mo phyi rol gyi sgo khang gi phyogs gcig tu 'dug nas ngu zhing mchi ma byung ba mthong ngo / /de ltar mthong ba dang / gau ta mI skye dgu'i bdag mo chen mo la gau ta mI khyod ci'i phyir na phyi rol gyi sgo khang gi phyogs gcig tu 'dug la ngu zhing mchi ma 
'byin ces smras pa dang / btsun pa kun dga' bo 'di ltar bud med kyis legs par bshad pa'i chos 'dul ba la rab tu byung nas bsnyen par rdzogs te dge slong ma'i dngos por ma gnang ngo / /gau ta mI de lta na sdod cig dang ngas bcom ldan 'das la gsol lo/ /de nas tshe dang ldan pa 
kun dga' bos bcom ldan 'das gang na ba der song ste drung du phyin pa dang / bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas tshe dang ldan pa kun dga' bos bcom ldan 'das la btsun pa de ste bud med dge sbyong gi 
'bras bu bzhi 'thob pa'i skabs mchis na bud med dag legs par bshad pa'i chos 'dul ba la rab tu byung zhing bsnyen par rdzogs nas dge slong ma'i dngos por spyod cing / bcom ldan 'das kyi drung na bud med rnams tshangs par spyad pa spyod du gsol zhes de skad gsol pa dang / kun 

</font><hr>11-1-102a<br><font size=+1>
dga' bo khyod bud med legs par bshad pa'i chos 'dul ba la rab tu byung zhing bsnyen par rdzogs te dge slong ma'i dngos por ma gsol cig /de ci'i phyir zhe na/ kun dga' bo legs par bshad pa'i chos 'dul ba la bud med rab tu phyung na chos 'dul ba de 
yun ring du gnas par mi 'gyur ro/ /de 'di lta ste kun dga' bo dper na khyim gang na bud med mang zhing skyes pa nyung ba de na rkun po dang mi la rku ba rnams kyis choms par 'gyur zhing rab tu choms par 'gyur ro/ /kun dga' bo de bzhin du chos 'dul ba la bud med rab tu phyung na chos 
'dul ba de yun ring du gnas par mi 'gyur ro/ /'di lta ste/ kun dga' bo dper na/ 'bras sA lu phun sum tshogs pa'i zhing la ser ba'i 'khor lo mi bzad pa babs na/ 'bras sA lu de nyid nyams par 'gyur/ rnam par nyams par 'gyur/ tshul ma yin pas ma rung 
bar 'gyur ro/ /kun dga' bo de bzhin du chos 'dul ba la bud med rab tu byung na/ chos 'dul ba 'di yun ring du mi gnas par 'gyur ro/ /'di lta ste kun dga' bo zhing rmed pa'i khyim bdag bu ram shing phun sum tshogs pa la btsa'i nad byung na bu ram shing dag ma rung bar 'gyur/ chud 
zos par 'gyur ro/ /kun dga' bo de ltar de bzhin du chos 'dul ba la bud med rab tu byung na chos 'dul ba 'di yun ring du gnas par mi 'gyur ro/ /'on kyang kun dga' bo ngas bud med rnams la dgag cing mi 'da' bar bya ba'i phyir bla ma'i chos brgyad bcas pa la bud med kyis nam 
'tsho'i bar du bslab par bya'o/ /de 'di lta ste kun dga' bo khyim bdag zhing pas dbyar 'das te ston kyi dus na chu bo'am yur ba yang rung chu bcad na chu de bgags pas 'da' bar mi 'gyur ro/ /kun dga' bo de ltar de bzhin du bud med rnams kyi nyes pa dgag cing mi 'da' bar bya ba'i 
bla ma'i chos brgyad bca' bar bya'o/ /de la bud med rnams kyis nam 'tsho'i bar du bslab par gyis shig /brgyad gang zhe na/ kun dga' bo dge slong rnams las bud med rnams kyis rab tu 'byung ba dang bsnyen par rdzogs nas dge slong ma'i dngos por 'gyur ba rab tu rtogs par 

</font><hr>11-1-102b<br><font size=+1>
bya'o/ /kun dga' bo ngas 'di ni bud med rnams kyi nyes pa dgag cing mi 'da' bar bya ba'i phyir bla ma'i chos dang por bcas te/ de la bud med rnams kyis nam 'tsho'i bar du bslab par bya'o/ /kun dga' bo dge slong ma dag gis dge slong pha rnams la zla ba phyed phyed cing ston pa'i lung rjes su 
bstan pa btsal bar bya'o/ /kun dga' bo ngas 'di ni bud med rnams kyi nyes pa dgag cing mi 'da' bar bya ba'i phyir bla ma'i chos gnyis su bcas te/ de la bud med rnams kyis nam 'tsho'i bar du bslab par bya'o/ /kun dga' bo dge slong ma dag gis dge slong pha med pa'i gnas su dbyar 
tshul du mi 'jug par bya ste/ kun dga' bo ngas 'di ni bud med rnams kyi nyes pa dgag cing mi 'da' bar bya ba'i phyir bla ma'i chos gsum du bcas te/ de la bud med rnams kyis nam 'tsho'i bar du bslab par bya'o/ /kun dga' bo dge slong ma dbyar tshul du zhugs pas dge 'dun 
gnyis ka la mthong ba dang thos pa dang dogs pa'i gnas gsum du skabs dbye bar bya ste/ kun dga' bo ngas 'di ni bud med rnams kyi nyes pa dgag cing mi 'da' bar bya ba'i phyir bla ma'i chos bzhir bcas te/ de la bud med rnams kyis nam 'tsho'i bar du bslab par bya'o/ /kun dga' bo dge 
slong mas dge slong pha tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pa la gleng bar mi bya dran par mi bya ste/ kun dga' bo dge slong mas dge slong pha la tshul khrims nyams pa dang / lta ba nyams pa dang / spyod pa nyams pa dang / 'tsho ba 
nyams pa rnams gleng ba dang / dran par byed pa dag mi gnang ngo / /dge slong dag gis ni dge slong ma la tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pa la gleng ba dang / dran par byed pa la dgag pa med de/ kun dga' bo ngas 'di ni bud med 
rnams kyi nyes pa dgag cing mi 'da' bar bya ba'i phyir bla ma'i chos lngar bcas te/ de la bud med rnams kyis nam 'tsho'i bar du bslab par bya'o/ /kun dga' bo dge slong mas dge slong pha la tshig ngan pa mi smra/ khro bar mi bya/ bsdigs par mi bya'o/ /kun dga' bo dge slong mas dge 

</font><hr>11-1-103a<br><font size=+1>
slong la tshig ngan pa smra ba dang / khro ba dang / bsdigs pa rnams mi gnang ste/ kun dga' bo ngas 'di ni bud med rnams kyi nyes pa dgag cing mi 'da' bar bya ba'i phyir bla ma'i chos drug par bcas te/ de la bud med rnams kyis nam 'tsho'i bar du bslab par bya'o/ /kun 
dga' bo bla ma'i chos nyams na dge slong mas dge 'dun gnyi ga la zla ba phyed kyi bar du mnyes par bya ba spyod cig /kun dga' bo ngas 'di ni bud med rnams kyi nyes pa dgag cing mi 'da' bar bya ba'i phyir bla ma'i chos bdun du bcas te/ de la kun dga' bo bud med rnams kyis nam 'tsho'i 
bar du bslab par bya'o/ /kun dga' bo dge slong ma bsnyen par rdzogs nas lo brgya lon pas da gzod bsnyen par rdzogs pa'i dge slong la tshig snyan pa dang / bstod pa dang ldang ba dang / thal mo sbyar ba dang / phyag bya ba bya ste/ kun dga' bo ngas 'di ni bud med rnams kyi nyes pa dgag cing 
mi 'da' bar bya ba'i phyir bla ma'i chos brgyad du bcas te/ 'di la bud med rnams kyis nam 'tsho'i bar du bslab par bya'o/ /kun dga' bo de ste gau ta mI skye dgu'i bdag mo chen mos bla ma'i chos 'di brgyad la yang dag par bzung zhing nan tan du byas na 'di nyid de la rab tu byung ba'o/ /de nyid bsnyen 
par rdzogs pa'o/ /de nyid nyes pa'i dngos po zhes bka' stsal pa dang / de nas tshe dang ldan pa kun dga' bo bcom ldan 'das kyis gsungs pa la mngon par dga' ste rjes su yi rangs nas bcom ldan 'das kyi zhabs la mgo bos phyag 'tshal te bcom ldan 'das kyi drung nas song ngo / /gau ta 
mI skye dgu'i bdag mo chen mo ga la ba der dong ste phyin pa dang / gau ta mI skye dgu'i bdag mo chen mo la 'di skad ces smras so/ /gau ta mI bud med rnams kyis legs par bshad pa'i chos 'dul ba la rab tu byung nas bsnyen par rdzogs te dge slong ma'i dngos por ni gnang mod kyi 'on kyang gau ta mI 
bcom ldan 'das kyi bud med rnams kyi nyes pa dgag cing mi 'da' bar bya ba'i phyir bla ma'i chos brgyad bcas te/ 'di la bud med rnams kyis nam 'tsho'i bar du bslab par bya'o/ /nan tan du bya'o/ /btsun pa kun dga' bo bka' stsal pa de nyan kyis gsung shig /gau ta mI bcom ldan 

</font><hr>11-1-103b<br><font size=+1>
'das kyis ni 'di skad ces bka' stsal to/ /kun dga' bo dge slong las bud med rnams kyis rab tu 'byung ba dang bsnyen par rdzogs te dge slong ma'i dngos por rab tu rtogs par bya'o/ /gau ta mI bcom ldan 'das kyis 'di ni bud med rnams kyi nyes pa dgag cing mi 'da' bar bya ba'i phyir 
bla ma'i chos bcas pa dang po ste/ de la bud med rnams kyis nam 'tsho'i bar du bslab par bya'o/ /gau ta mI bcom ldan 'das kyis yang bka' stsal pa/ kun dga' bo dge slong rnams kyi drung na dge slong mas zla ba phyed phyed cing ston pa'i lung rjes su bstan pa btsal bar bya'o/ /gau ta mI 
bcom ldan 'das kyis 'di ni bud med rnams kyi nyes pa dgag cing mi 'da' bar bya ba'i phyir bla ma'i chos gnyis su bcas te/ de la bud med rnams kyis nam 'tsho'i bar du bslab par bya'o/ /gau ta mI bcom ldan 'das kyis yang bka' stsal pa/ kun dga' bo dge slong mas dge slong med pa'i 
gnas su dbyar tshul du ma 'jug cig /gau ta mI bcom ldan 'das kyis 'di ni bud med rnams kyi nyes pa dgag cing mi 'da' bar bya ba'i phyir bla ma'i chos gsum du bcas te/ 'di la bud med rnams kyis nam 'tsho'i bar du bslab par bya'o/ /gau ta mI bcom ldan 'das kyis yang bka' stsal pa/ 
kun dga' bo dbyar tshul du zhugs pa'i dge slong mas dge 'dun gnyis ka la mthong ba dang / thos pa dang / dogs pa'i gnas gsum du skabs dbye bar bya'o/ /gau ta mI bcom ldan 'das kyis 'di ni bud med rnams kyi nyes pa dgag cing mi 'da' bar bya ba'i phyir bla ma'i chos bzhir bcas te/ 
'di la bud med rnams kyis nam 'tsho'i bar du bslab par bya'o/ /gau ta mI bcom ldan 'das kyis yang 'di skad gsungs so/ /kun dga' bo dge slong mas dge slong tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pa la gleng bar mi bya/ dran 
par mi bya'o/ /kun dga' bo dge slong mas dge slong tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pa la gleng bar bya ba dang / dran par bya ba mi gnang ngo / kun dga' bo dge slong gis ni dge slong ma tshul khrims nyams pa dang / lta ba nyams 

</font><hr>11-1-104a<br><font size=+1>
pa dang / spyod pa nyams pa dang / 'tsho ba nyams pa la gleng bar byed/ dran par byed pa la mi gnang ba med do/ /gau ta mI bcom ldan 'das kyis 'di ni bud med rnams kyi nyes pa dgag cing mi 'da' bar bya ba'i phyir bla ma'i chos lnga par bcas te 'di la bud med rnams kyis nam 
'tsho'i bar du bslab par bya'o/ /gau ta mI bcom ldan 'das kyis yang bka' stsal pa/ kun dga' bo dge slong mas dge slong la tshig ngan pa smra bar mi bya'o/ /khro bar mi bya/ bsdigs par mi bya'o/ /kun dga' bo dge slong mas dge slong la tshig ngan pa smra ba dang / khro ba dang / bsdigs 
pa rnams mi gnang ste/ gau ta mI bcom ldan 'das kyis 'di ni bud med rnams kyi nyes pa dgag cing mi 'da' bar bya ba'i phyir bla ma'i chos drug par bcas te/ de la bud med rnams kyis nam 'tsho'i bar du bslab par bya'o/ /gau ta mI yang bcom ldan 'das kyis bka' stsal pa/ kun dga' 
bo bla ma'i chos byung ba'i dge slong mas dge 'dun sde gnyis la zla ba phyed phyed kyi bar du mnyes par spyod do/ /gau ta mI bcom ldan 'das kyis 'di ni bud med rnams kyi nyes pa dgag cing mi 'da' bar bya ba'i phyir bla ma'i chos bdun du bcas te/ de la bud med rnams kyis nam 'tsho'i bar du bslab 
par bya'o/ /gau ta mI bcom ldan 'das kyis yang bka' stsal pa/ bsnyen par rdzogs nas lo brgya lon pa'i dge slong mas da gzod bsnyen par rdzogs pa'i dge slong la tshig snyan pa dang / bstod pa dang ldang ba dang / thal mo sbyar ba dang / phyag bya bar bya'o/ /gau ta mI bcom 
ldan 'das kyis 'di ni bud med rnams kyi nyes pa dgag cing mi 'da' bar bya ba'i phyir bla ma'i chos brgyad du bcas te/ de la bud med rnams kyis nam 'tsho'i bar du bslab par bya'o/ /bcom ldan 'das kyis yang bka' stsal pa/ kun dga' bo de ste gau ta mI skye dgu'i bdag mo 
chen mo bla ma'i chos 'di brgyad yang dag par bzung zhing nan tan byas na de la 'di nyid de'i rab tu byung ba'o/ /'di ni bsnyen par rdzogs pa'o/ /'di ni dge slong ma'i dngos po yin no zhes bka' stsal to/ /btsun pa kun dga' bo bcom ldan 'das kyis bud med rnams kyi nyes pa dgag 

</font><hr>11-1-104b<br><font size=+1>
cing mi 'da' bar bya ba'i phyir bla ma'i chos brgyad 'di rnams bcas te/ de la bud med rnams kyis nam 'tsho'i bar du bslab par bgyi ba 'di ni bdag gis ngag dang / yid dang / spyi bos kyang mnod do/ /btsun pa kun dga' bo de 'di lta ste/ rgyal rigs kyi bu mo'am/ bram ze'i bu mo'am/ 
rje'u rigs kyi bu mo'am/ dmangs rigs kyi bu mo yang rung rab tu bkrus pa/ rab tu byugs pa/ skra dang sen mo byad byas pa/ gos dkar po bgos pa la kha cig gis me tog ut+pa la'i phreng ba'am/ tsam pa ka'i phreng ba dang / ba ri shi ka'i phreng ba dang / a ti mug ti'i phreng ba yang / 
rung ba byin na des de la yid dga' rangs te lag pa gnyis kyis blangs nas yan lag gi mchog mgo bo la 'jog go/ /btsun pa kun dga' bo de bzhin du bcom ldan 'das kyis bud med rnams kyi nyes pa dgag cing mi 'da' bar bya ba'i phyir bla ma'i chos brgyad po 'di rnams bcas te/ de la 
bud med rnams kyis nam 'tsho'i bar du bslab par bgyi ba 'di dag ni bdag gis ngag dang / yid dang / spyi bos kyang mnod de/ bcom ldan 'das kyis nam gau ta mI skye dgu'i bdag mo chen mos bla ma'i chos rnams nyams su blangs pas na rab tu byung zhing bsnyen par rdzogs pa'i dge slong 
ma'i dngos por gnang ba de na sangs rgyas bcom ldan 'das la tshe dang ldan pa u pA lis btsun pa bcom ldan 'das kyis ni de ste gau ta mI skye dgu'i bdag mo chen mos bla ma'i chos brgyad yang dag par bzung nas nan tan byas na de la 'di nyid rab tu byung ba'o/ /'di nyid bsnyen par rdzogs pa'o/ /
'di nyid dge slong ma'i dngos po'o zhes bka' stsal na/ btsun pa de las gzhan pa'i bud med rnams ji ltar rab tu byung zhing bsnyen par rdzogs nas dge slong ma'i dngos por bgyi zhes zhus pa dang / bcom ldan 'das kyis bka' stsal pa/ u pA li bud med gzhan ni rim bzhin 
du rab tu dbyung zhing bsnyen par rdzogs par bya'o/ /bcom ldan 'das kyis bud med gzhan ni rim bzhin du rab tu dbyung zhing bsnyen par rdzogs par byos shig ces bka' stsal na dge slong dag gis ji lta bu rim bzhin du bya ba mi shes nas de lta bur gyur pa dge slong dag gis bcom ldan 

</font><hr>11-1-105a<br><font size=+1>
'das la gsol pa dang / bcom ldan 'das kyis bka' stsal pa/ gau ta mI skye dgu'i bdag mo chen mo la sogs pa shAkya mo lnga brgya rnams ni bla ma'i chos rnams khas blangs pas rab tu byung zhing bsnyen par rdzogs te dge slong ma'i dngos por gyur to/ /bud med gzhan ni 
rim bzhin byas te dge slong ma gang la yang rung rab tu 'byung bar 'dod pa zhig gi drung du 'ongs nas des bar chad kyi chos rnams dris la gzung bar bya'o/ /bzung nas skyabs gsum dang / dge bsnyen ma'i bslab pa'i gzhi lnga byin cig /skyabs gsum gang zhe na/ sangs rgyas dang / 
chos dang / dge 'dun no/ /bslab pa'i gzhi lnga gang zhe na/ srog gcod pa rab tu spangs pa dang / ma byin par len pa dang / 'dod pas log par g.yem pa dang / brdzun du smra ba dang / chang dang 'bru'i khu ba myos par 'gyur ba bag med pa'i gnas rab tu spangs shing chang dang 'bru'i khu ba 
myos pa bag med pa'i gnas las rab tu spangs pa de ltar 'di bzhin du bdag ming 'di zhes bgyi ba yang deng gi nyin par nas nam 'tsho'i bar du ma byin par len pa dang / 'dod pas log par spyod pa dang / brdzun du smra ba dang / chang dang 'bru'i khu ba myos par 'gyur ba bag med pa'i gnas 
rab tu spangs pa'o/ /'di bzhin du yang skyabs su 'gro ba dang / bslab pa'i gzhi sbyin par bya'o/ /thog mar ston pa la phyag byed du chug shig /de nas dge slong ma gang gis skyabs su 'gro ba dang bslab pa'i gzhi sbyin pa de la phyag 'tshal zhing thal mo sbyor du chug la/ de nas des 'di 
skad du smra bar bya'o/ /'phags ma dgongs shig /bdag ming 'di zhes bgyi ba nam 'tsho'i bar du rkang pa gnyis kyi nang na gtso bo sangs rgyas la skyabs su 'chi'o/ /'dod chags dang bral ba'i nang na mchog dam pa'i chos la skyabs su mchi'o/ /mang po'i nang na mchog dge 'dun la 
skyabs su mchi'o/ /bdag ji srid 'tsho'i bar du dge bsnyen mar 'phags pas gzung du gsol/ de bzhin lan gnyis lan gsum du bya'o/ /de nas bslab pa'i gzhi lnga byin cig /'phags ma dgongs shig /ji ltar 'phags pa dgra bcom pa de dag gis nam 'tsho'i bar du srog 

</font><hr>11-1-105b<br><font size=+1>
gcod pa spangs shing srog gcod pa las rab tu spangs pa de bzhin du bdag ming 'di zhes bgyi ba yang deng gi nyin par nas bzung ste/ nam 'tsho'i bar du srog gcod pa spangs shing srog gcod pa las rab tu spangs te yan lag dang po 'dis bdag 'phags pa dgra bcom pa de dag gi bslab pa'i 
rjes su slob bo/ /rjes su sgrub bo/ /rjes su bgyid do/ /gzhan yang ji ltar dgra bcom pa de dag gis nam 'tsho'i bar du ma byin par len pa dang / 'dod pas log par g.yem pa dang / brdzun du smra ba dang / chang dang / 'bru'i khu ba myos pa bag med pa'i gnas spangs shing rab tu 
spangs pa de bzhin du bdag ming 'di zhes bgyi ba yang deng gi nyi gnyis nas bzung ste/ nam 'tsho'i bar du ma byin par len pa dang / 'dod pas log par g.yem pa dang / brdzun du smra ba dang / bag med pa'i gnas spangs shing / chang dang 'bru'i khu ba myos pa bag med pa'i gnas nas 
slar log ste/ bdag yan lag lnga po 'dis 'phags pa dgra bcom pa de dag gi bslab pa'i rjes su slob bo/ /rjes su sgrub bo/ /rjes su bgyid do/ /slob dpon mas thabs yin no/ /zhes brjod par bya'o/ /dge bsnyen mas legs so zhes brjod par bya'o/ /de nas dge 'dun gyi nang 
du sgrogs pa'i dge slong ma skos shig /gang bskos pa des kyang dge slong ma de la khyod kyis 'di la bar chad kyi chos dris sam zhes dris shig ma dris par bsgrag par byas na 'das pa dang bcas par 'gyur ro/ /de nas dge slong ma des dge 'dun 'dus shing 'khod dam/ so so'i gnas 
khang du yang rung 'di skad du sgrogs shig /gson cig 'phags pa'i dge 'dun ma rnams ming 'di zhes bgyi ba 'di mkhan mo ming 'di zhes bgyi ba las rab tu byung bar 'tshal te/ khyim pa mo gos dkar po skra ma bregs pa las legs par bshad pa'i chos 'dul ba la rab tu byung zhing bsnyen 
par rdzogs te dge slong ma'i dngos por gsol na/ ming 'di zhes bgyi ba 'di skra bregs shing gos ngur smrig bgos nas yang dag par dad pas khyim nas khyim med par mkhan mo ming 'di zhes bgyi ba las rab tu 'byung na/ de yang bar chad kyi chos rnams yongs su dag go zhes mo nyid mchi na ci 

</font><hr>11-1-106a<br><font size=+1>
rab tu byung shig gam/ thams cad kyis kyang de ste yongs su dag na'o zhes smros shig /de ste 'di bzhin smra na ni legs/ 'on te ma smras na 'das pa dang bcas par 'gyur ro/ /de nas mkhan mor gsol ba bya ste/ slob dpon ma dgongs shig /bdag ming 'di zhes bgyi ba 
slob dpon ma la mkhan mor gsol te/ slob dpon ma bdag gi mkhan mor gyur cig /slob dpon ma mkhan mo las rab tu dbyung bar gsol lo/ /de bzhin du lan gnyis lan gsum du bzlas/ tshig gsum pa la mkhan mo mkhan mo las zhes brjod par bya'o/ /mkhan mos thabs yin zhes 
brjod/ rab tu byung mas legs so zhes brjod par bya'o/ /de nas mkhan mos 'breg pa'i dge slong ma la skra breg par gsol cig /des kyang nu mo skra breg gam zhes dris shig /de ste breg go zhes smra na breg /de ste ma yin no zhes smra na 'di nas song zhes smros shig /dge slong dag gis 
skra 'breg pa'i dge slong mas de ltar mngon du spyad pa'i chos bcas te/ skra 'breg pa'i dge slong mas 'di ltar grang bar gyur na chu dron pos khrus bya'o/ /'on te tsha bar gyur pa'i tshe na chu grang mos khrus bya'o/ /de nas skad cig gcig la lus kyi chu bskams te sham thabs gyon cig /sham 
thabs bskon pa na mtshan ma med pa'am/ mtshan gnyis pa'am/ gle 'dams pa ma yin nam zhes mo mtshan brtag par bya'o/ /skra 'breg pa'i dge slong mas de ltar mngon du spyad pa'i chos bcas pa yang dag par blangs te mi spyod na 'das pa dang bcas par 'gyur ro/ /de nas rab tu 
byung ba nye bar bsgrub par bya ste/ dang po ston pa la phyag 'tshal du bcug /de'i 'og tu mkhan mo la 'tshal du bcug ste/ mdun du tsog pur 'dug tu bcug la thal mo sbyor du bcug nas de nas des 'di skad du smra bar bya'o/ /mkhan mo dgongs shig /bdag ming 'di zhes bgyi ba 
nam 'tsho'i bar du/ rkang gnyis kyi nang na gtso bo sangs rgyas la skyabs su mchi'o/ /'dod chags dang bral ba'i nang na dam pa'i chos la skyabs su mchi'o/ /mang po'i nang na mchog dge 'dun la skyabs su mchi'o/ /bcom ldan 'das de bzhin gshegs pa dgra bcom pa yang dag 

</font><hr>11-1-106b<br><font size=+1>
par rdzogs pa'i sangs rgyas shAkya thub pa shAkya seng ge shAkya'i rgyal po gtso bo de rab tu byung ba'i rjes su bdag rab tu byung ste khyim pa'i rtags spang ngo / /rab tu byung ba'i rtags yang dag par len to/ /de bzhin du lan gnyis lan gsum bzlas/ mkhan mos thabs yin no zhes brjod 
par bya'o/ /rab tu byung mas legs so zhes brjod par bya'o/ /de nas mkhan mos dge tshul ma'i bslab pa'i gzhi 'bogs pa'i dge slong ma gsol cig /gang la gsol ba des ston pa la phyag 'tshal du chug la mdun du tsog pur zhog ste thal mo sbyor du chug la skyabs su 'gro ba dang dge 
tshul ma'i bslab pa'i gzhi rnams phog shig /'phags ma dgongs shig /bdag ming 'di zhes bgyi ba nam 'tsho'i bar du/ rkang gnyis kyi nang na gtso bo sangs rgyas la skyabs su mchi'o/ /'dod chags dang bral ba'i nang na dam pa'i chos la skyabs su mchi'o/ /mang po'i nang na mchog 
dge 'dun la skyabs su mchi'o/ /bdag ji srid 'tsho'i bar du dge tshul mar 'phags mas gzung du gsol/ de bzhin du lan gnyis lan gsum du bzlas/ tshig gsum pa la slob dpon mas zhes brjod par bya'o/ /slob dpon mas thabs yin no zhes brjod par bya'o/ /dge tshul 
mas legs so zhes brjod par bya'o/ /de'i rjes la dge slong ma zhig gis grib tshod gzhal bar bya zhing / skyes bu dang rtsa ba dang nyin mtshan gyi cha dang dus tshod kyang brjod par bya'o/ /de nas bslab pa'i gzhi bcu byin cig /'phags ma dgongs shig /ji ltar 'phags pa dgra bcom 
pa de dag gis nam 'tsho'i bar du srog gcod pa spangs te srog gcod pa las slar log pa de bzhin du bdag ming 'di zhes bgyi bas kyang deng gi dus 'di nas bzung ste nam 'tsho'i bar du srog gcod pa spangs te srog gcod pa las slar ldog go/ /bdag yan lag dang po 'dis ji ltar 'phags 
pa dgra bcom pa de dag gis bslab pa'i rjes su slob po/ /rjes su sgrub po/ /rjes su bgyid do/ /gzhan yang ji ltar 'phags pa dgra bcom pa de dag gis nam 'tsho'i bar du ma byin par len pa dang / mi tshangs par spyod pa dang / brdzun du smra ba dang / 'bru'i chang dang / 'bras bu'i chang 

</font><hr>11-1-107a<br><font size=+1>
myos par 'gyur ba bag med pa'i gnas dang / glu dang / gar dang / brdung ba dang / phreng ba dang / dri dang / byug pa dang / kha dog 'chang ba rnams dang / mal stan mthon po dang mal stan chen po dang / dus ma yin par za ba dang / gser dngul blang ba rnams spangs te/ gser 
dngul blang ba las slar log pa de bzhin du bdag ming 'di zhes bgyi bas kyang deng gi dus 'di nas bzung ste/ nam 'tsho'i bar du ma byin par len pa dang / mi tshangs par spyod pa dang / brdzun du smra ba dang / 'bru'i chang dang 'bras bu'i chang myos par 'gyur ba bag med par 'gyur ba'i gnas 
dang / glu dang / gar dang / brdung ba dang / phreng ba dang / dri dang / byug pa dang / kha dog 'chang ba rnams dang / mal stan mthon po dang mal stan chen po dang / dus ma yin par za ba dang / gser dngul blang ba dag spangs nas gser dngul blang ba las slar log ste/ bdag yan lag bcu 
po 'dis ji ltar 'phags pa dgra bcom pa de dag gis bslab pa'i rjes su slob bo/ /rjes su sgrub bo/ /rjes su bgyid do/ /slob dpon mas thabs yin no zhes brjod par bya'o/ /dge tshul mas legs so zhes brjod par bya'o/ /de ste khyim du gnas pa lo bcu lon pa'am/ gzhon nu 
ma lo bcwa brgyad lon pa de la ni lo gnyis su chos drug dang rjes su 'brang ba'i chos drug gi bslab pa byin cig /'di bzhin du sbyin par bya ste/ dge slong ma'i dge 'dun 'dus shing 'khod do/ /nyung na yang dge slong ma bcu gnyis 'dus pa'i 'khor la phyag 'tshal du chug la rgan pa'i drung du 
tsog pur zhog la mkhan mor gsol bar bya'o/ /mkhan mo la phyag 'tshal du bcug la tsog tsog por 'dug ste thal mo sbyor du bcug nas de ste mkhan mo yin na ni 'di bzhin gsol lo/ /dgongs shig mkhan mo bdag ming 'di zhes bgyi ba mkhan mo la mkhan mor gsol na mkhan mo 
bdag gi mkhan mor gyur cig /mkhan mo las bslab pa'i sdom pa yang dag par blang bar gsol lo/ /de ste slob dpon ma yin na yang 'di skad du gsol bar bya'o/ /slob dpon ma dgongs shig bdag ming 'di zhes bgyi ba slob dpon las mkhan mor gsol te/ slob dpon ma bdag 

</font><hr>11-1-107b<br><font size=+1>
gi mkhan mor gyur cig /slob dpon ma mkhan mo las bslab pa'i sdom pa yang dag par blang bar gsol lo/ /de bzhin du lan gnyis lan gsum mo/ /gsum pa la mkhan mo zhes brjod/ mkhan mos thabs yin no zhes brjod par bya'o/ /slob mas legs so zhes brjod par bya'o/ /
de nas bslab pa'i sdom pa gsol bar bya'o/ /gson cig /'phags ma'i dge 'dun rnams bdag ming 'di zhes bgyi bas don gyi slad du mtshan nas smos te/ mkhan mo 'di zhes bgyi ba las rab tu rdzogs par 'tshal na/ bdag ming 'di zhes bgyi ba mkhan mo mtshan 'di zhes bgyi ste/ 'phags 
ma'i dge 'dun las lo gnyis su chos drug dang rjes su 'brang ba'i chos drug gi bslab pa gsol na/ 'phags ma'i dge 'dun mas bdag ming 'di zhes bgyi ba khyim na gnas pa lo bcu lon pa'am gzhon nu ma lo bcwa brgyad lon te/ chos drug dang rjes su 'brang ba'i chos drug gi bslab pa 
thugs brtse ba can brtse ba'i slad du stsal du gsol te/ de bzhin lan gnyis lan gsum du bya'o/ /de'i 'og tu dge slong ma gcig gis gsol ba thob la las byos shig /gson cig /'phags ma'i dge 'dun ma rnams ming 'di zhes bgyi ba khyim na gnas pa lo bcu lon 
pa'am/ gzhon nu ma lo bcwa brgyad lon te 'phags ma'i dge 'dun ma las lo gnyis su chos drug dang rjes su 'brang ba'i chos drug gsol na/ de 'phags ma'i dge 'dun gyis dus la bab cing bzod na 'phags ma'i dge 'dun ma rnams kyis gnang la 'phags ma'i dge 'dun ma rnams kyis 
ming 'di zhes bya ba khyim na gnas pa lo bcu lon pa'am/ gzhon nu ma lo bcwa brgyad ma ste/ mkhan mo ming 'di zhes bgyi bas/ dge slong ma'i dge 'dun las lo gnyis su chos drug dang rjes su 'brang ba'i chos drug gi bslab pa stsol cig /'di ni gsol ba'o/ /las ni 'di 
bzhin du bya'o/ /gson cig 'phags ma'i dge 'dun ma rnams ming 'di zhes bgyi ba khyim na gnas pa lo bcu lon pa'am/ gzhon nu ma lo bcwa brgyad ma ste/ mkhan mo ming 'di zhes bgyi bas 'phags ma'i dge 'dun las lo gnyis su chos drug dang rjes su 'brang ba'i chos 

</font><hr>11-1-108a<br><font size=+1>
drug gi bslab pa gsol na/ de'i slad du 'phags ma'i dge 'dun mas ming 'di zhes bgyi ba khyim na gnas pa lo bcu lon pa'am/ gzhon nu ma lo bcwa brgyad ma ste/ mkhan mo ming 'di zhes bgyi bas dge slong ma'i dge 'dun las lo gnyis su chos drug dang rjes su 'brang ba'i 
chos drug gi bslab pa gsol na/ gang ming 'di zhes bgyi ba khyim na gnas pa lo bcu lon pa'am/ gzhon nu ma lo bcwa brgyad ma ste/ chos drug dang rjes su 'brang ba'i chos drug gi bslab pa stsal bar 'phags ma'i dge 'dun rnams gang bzod pa ni cang ma gsung shig /mi bzod pa rnams 
ni gsung shig /ming 'di zhes bgyi ba khyim na gnas pa lo bcu lon pa dang / gzhon nu ma lo bcwa brgyad ma ste/ chos drug dang rjes su 'brang ba'i chos drug 'phags ma'i dge 'dun rnams kyis stsal te/ 'phags ma'i dge 'dun ma rnams bzod cing gnang ste cang mi gsung bas na de de 
bzhin du 'dzin to/ /de nas de la chos drug dang rjes su 'brang ba'i chos drug zhib tu ston cig /drug gang zhe na/ gcig pu grong du mi 'gro dang / /chu bo pha rol mi rgal lo/ /skyes pa dag dang reg mi bya/ /skyes pa dang yang gnas mi gcig /smyan du 'gyur ba mi bya ste/ /kha na ma tho mi 
bcab po/ /'di ni de bzhin gshegs pa yis/ /gsung rab kyi ni chos drug gsungs/ /rjes su 'brang ba'i chos drug gang zhe na/ gser la sogs pa mi bzung ste/ /gsang ba'i spu ni breg mi bya/ /sa yang brko bar mi bya zhing / /glen pas rtswa sngon mi gcad do/ /byin len ma byas 
zas mi bza'/ /gzhag pa rnams ni bza' mi bya/ /rjes su 'brang ba'i chos drug 'di/ /bde bar gshegs pas ma gnang ngo / /nam lo gnyis su chos drug dang rjes su 'brang ba'i chos drug gis bslab par gyur na/ de nas tshangs par spyod pa la rim gror bya ba'i sdom pa sbyin par 
bya'o/ /thog mar mkhan mos chos gos lnga dang / lhung bzed shoms la gsang ba ston pa dang / las byed pa'i dge slong ma gsol cig /de'i 'og tu dge slong ma'i dge 'dun ma rnams 'dus shing 'khod pa dang / nyung na yang dge slong ma bcu gnyis 'dus pa'i 'khor la lan gsum 

</font><hr>11-1-108b<br><font size=+1>
du phyag byas nas mkhan mor gsol ba byas te/ de ste mkhan mo yin na ni 'di bzhin gsol lo/ /dgongs shig mkhan mo/ bdag ming 'di zhes bgyi ba mkhan mo la mkhan mor gsol na/ mkhan mo bdag gi mkhan mor gyur cig /mkhan mo las bsnyen par rdzogs par gsol lo/ /de ste 
slob dpon ma la yang 'di skad du gsol ba bya'o/ /slob dpon ma dgongs shig /bdag ming 'di zhes bgyi ba slob dpon ma las mkhan mor gsol te/ slob dpon ma bdag gi mkhan mor gyur cig /slob dpon ma mkhan mo las bsnyen par rdzogs par gsol lo/ /de bzhin lan gnyis 
lan gsum mo/ /de nas chos gos rnams byin gyis brlab par bya'o/ /mkhan mo dgongs shig /bdag ming 'di zhes bgyi ba'i chos gos 'di sbyar mar byin gyis brlabs te byas pa rdzogs pa'i chos gos kun du spyad pa'o/ /de bzhin lan gnyis lan gsum/ 'di bzhin du stod g.yogs dang / 
bar du bgo ba dang / khu sul dang / rngul gzan rnams byin gyis brlab po/ /de nas lhung bzed dge slong ma'i dge 'dun ma la bstan to/ /dge slong ma dag gis lhung bzed bzang ngo zhes smros shig /de nas lhung bzed byin gyis brlabs te/ mkhan mo dgongs shig /bdag ming 'di zhes bgyi ba'i 
lhung bzed 'di ni drang srong gi snod de/ bslang ba'i snod du byin gyis brlab po/ /bza' bar kun du spyad do/ /de bzhin lan gnyis lan gsum mo/ /de'i 'og tu thos pa'i gnas nas spangs nas mthong ba'i gnas su thal mo sbyar la mang po 'dus pa logs su ston la zhog shig /de nas las byed pa'i 
dge slong mas ming 'di zhes bya ba'i gsang ba ston par su la gsol smros shig /gang bskos pa des kyang ming 'di zhes bgyi ba'o zhes smros shig /de nas las byed pa'i dge slong mas thog mar dad par byos shig /ming 'di zhes bya ba mkhan mo ming 'di zhes bya ba ste/ ming 'di zhes bya ba'i 
gsang ba ston par dad de/ de ste dad na des dad do zhes smros shig /de nas las byed pa'i dge slong mas gsol ba nyi tshe byos shig /gson cig 'phags pa'i dge 'dun ma rnams/ mkhan mo ming 'di zhes bgyi ste/ ming 'di zhes bgyi ba'i gsang ste ston par ming 'di zhes bgyi ba dad na/ de 

</font><hr>11-1-109a<br><font size=+1>
ste 'phags ma'i dge 'dun ma rnams kyi dus la bab cing bzod na/ 'phags ma'i dge 'dun ma rnams kyis gnong shig dang / 'phags ma'i dge 'dun ma rnams mkhan mo ming 'di zhes bgyi ste/ ming 'di zhes bgyi ba la gsang ba ston te/ 'di ni gsol ba'o/ /de nas 
gsang ba ston pa'i dge slong mas mdun du tsog pur zhog ste thal mo sbyar du chug la smros shig /ming 'di zhes bya ba khyod nyon cig /'di ni khyod kyi bden pa'i dus/ 'di ni yang dag pa'i dus te/ ngas khyod la cung zad cig dris pa de thams cad khyod kyis ma 'dzem par byung ba la ni byung zhes bya/ 
ma byung ba la ni ma byung zhes ma nor bar smros shig /khyod bud med dam/ bud med do/ /khyim du gnas pa lo bcu gnyis pa'am/ gzhon nu ma lo nyi shu tshang ngam/ tshang ngo / /khyod kyi chos gos lnga dang lhung bzed du ldan nam/ ldan no/ /khyod kyi pha ma dang khyim thab rnams gson nam/ pha dang ma 
dang khyo rnams kyis gnang ngam/ bran mo ma yin nam/ phrogs pa ma yin nam/ rnyed pa ma yin nam/ btsongs pa ma yin nam/ rtsod pa med dam/ rkus pa ma yin nam/ gzhan gyi chags pa med dam/ sprul pa ma yin nam/ dud 'gro ma yin nam/ rgyal po la gtses pa ma yin nam/ 
rgyal po dang 'khon pa ma yin nam/ rgyal po la gnod pa'i las byed pa ma yin nam/ khyod kyis rgyal po la gnod pa'i las byas sam byed du bcug pa ma yin nam/ mi srun pa ma yin nam/ mya ngan gyis gdungs pa ma yin nam/ sbrum ma ma yin nam/ mtshan med pa ma yin nam/ mtshan 
gnyis pa ma yin nam/ gle 'dams pa ma yin nam/ rtag tu khrag 'dzag pa ma yin nam/ khrag med pa ma yin nam/ mtshan ma tsam yod pa ma yin nam/ dge slong bslus pa ma yin nam/ pha bsad pa ma yin nam/ ma bsad pa ma yin nam/ dgra bcom pa bsad pa ma yin nam/ de bzhin 
gshegs pa'i sku la ngan sems kyis khrag phyung ba ma yin nam/ mu stegs can ma yin nam/ mu stegs can du 'gro ba ma yin nam/ rkun po'i rgyal mtshan can ma yin nam/ rkun gnas pa ma yin nam/ so sor gnas pa ma yin nam/ mi gnas pa ma yin nam/ ci khyod sngon rab tu 

</font><hr>11-1-109b<br><font size=+1>
byung ba ma yin nam/ de ste rab tu byung ba'o zhes smra na/ 'o na slar song shig ces smros shig /de ste rab tu ma byung zhes smra na/ ci khyod kyis da ltar rab tu byung nas khyod kyis tshangs par spyod pa yang dag par spyad dam/ khyod kyis dge slong ma'i dge 'dun las lo gnyis su chos drug dang rjes su 
'brang ba'i chos drug bslab pa gsol tam/ gsol to/ /khyod kyis lo gnyis su chos drug dang rjes su 'brang ba'i chos drug gi bslab pa bslabs sam/ bslabs so/ /khyod la dge slong ma'i dge 'dun gyis tshangs par spyad pa skyed pa'i sdom pa phog gam/ phog go/ /khyod la dge 
slong ma'i dge 'dun gyis sngar bya ba'i rnams byas sam/ bgyis so/ /khyod kyis dge slong ma'i dge 'dun rnams kyi sems gus par byas sam/ gus par bgyis so/ /bar chad kyi chos rnams las yongs su dag gam/ yongs su dag go/ /khyod la gzhan gyi bu lon mang yang 
rung / /nyung yang rung chags pa med dam/ khyod kyi ming ci/ khyod kyi mkhan mo'i ming ci/ bdag gi ming ni 'di zhes bgyi/ don gyi slad du mtshan nas smos te mkhan mo'i ming ni 'di zhes bgyi'o/ /khyod ming 'di zhes bya ba nyon cig /bud med kyi lus la gnod par 'gyur ba lus kyi 
nad 'di 'dra ba yod de/ de 'di lta ste/ mdze dang / 'bras dang / shu ba dang / phol mig dang / tshad pa dang / sha bkra can dang / rkom po dang / klog pa dang / rab tu g.yan pa dang /skyigs bu dang / skyugs pa dang / gzhang 'brum dang / rims dang / za ngad dang / myos pa 
dang / /chu bgags pa dang / ngal ba dang / rmong bu dang / dbugs mi bde ba dang / lud pa dang / skem pa dang / brjed byed dang / 'jas pa dang / dkar po'i nad dang / rkang 'bam dang / mtshan par rdol ba dang / skran dang / khrag nad dang / mkhris pa dang / rkub 'brum 
dang / /lhog pa dang / yan lag tsha ba dang / rtsib logs tsha ba dang / rus pa zhigs pa dang / rims drag po dang / rims zhag gcig pa dang / zhag gnyis pa dang / zhag gsum pa dang / zhag bzhi pa dang / rims nyin re dang / 'dus pa'i rims dang / rtag 

</font><hr>11-1-110a<br><font size=+1>
pa'i rims dang / rims ldang dub pa dang / khyod kyi lus la 'di lta bu'i lus kyi nad dang / lus la gnod par 'gyur ba/ gzhan dag med dam/ de ste yongs su gtsang bar gyur na/ gsang ste ston pas ji ltar bdag gis khyod la dris pa de bzhin du dge 'dun gyi nang du 
yang smros shig ces bsgo la 'dir 'dug ste ma bos kyi bar du ma 'ong shig /de nas gsang ste ston pa lam gyi bar du 'dug la 'di skad smros shig /dgongs shig 'phags ma/ bdag gis ming 'di zhes bgyi ba la bar chad kyi chos rnams bstan cing dris na/ yongs su dag go zhes nyid mchi na/ ci 
mchi zhig gam/ dge slong ma thams cad kyis kyang de ste yongs su dag par gyur na tshur shog ces smros shig /de ltar smras na ni legs/ ma smras na ni 'das pa dang bcas par 'gyur ro/ /de nas las byed pa'i dge slong mas mdun du zhog la tshangs par spyod pa skyed pa'i sdom pa gsol cig /
gson cig 'phags ma'i dge 'dun ma rnams/ bdag ming 'di zhes bgyi ba ming 'di zhes bgyi ba las bsnyen par rdzogs par 'tshal te/ de yang bdag ming 'di zhes bgyi ba 'phags ma'i dge 'dun ma rnams las tshangs par spyod pa skyed pa'i sdom pa gsol kyis don gyi slad du mtshan nas smos te 
mkhan mo ming 'di zhes bgyi ste/ 'phags ma'i dge 'dun gyis bdag ming 'di zhes bgyi ba la tshangs par spyod pa skyed pa'i sdom pa gsol cig /brtse ba can brtse ba'i phyir ro/ /de bzhin lan gnyis lan gsum mo/ /de nas las byed pa'i dge slong mas gsol ba thob la las 
byos shig /gson cig 'phags ma'i dge 'dun ma rnams/ ming 'di zhes bya ba ming 'di zhes bgyi ba las bsnyen par rdzogs par 'tshal te/ ming 'di zhes bgyi ba 'di mkhan mo'i ming 'di zhes bgyi ba ste/ 'phags ma'i dge 'dun ma rnams las tshangs par spyad pa skyed pa'i 
sdom pa gsol na/ de ste 'phags ma'i dge 'dun ma rnams kyi dus la bab cing bzod na 'phags ma'i dge 'dun ma rnams kyis gnong shig /bdag ming 'di zhes bgyi ba dge 'dun gyi nang du bar chad kyi chos 'di 'dri ste/ 'di ni gsol ba'o/ /ming 'di zhes bya ba khyod nyon cig 'di ni khyod 

</font><hr>11-1-110b<br><font size=+1>
kyi bden pa'i dus/ 'di ni yang dag pa'i dus te ngas khyod la cung zad cig dris pa de thams cad khyod kyis ma 'dzem par byung ba la ni byung zhes ma byung ba la ni ma byung zhes ma nor bar smros shig /bud med dam/ bud med do zhes bya ba nas/ khyod kyi lus la 'di 'dra ba'i nad kyis gnod pa 
dang gzhan yang med dam/ des med do zhes smros shig pa'i bar du sbyar ro/ /de nas gsol ba byos shig /gson cig 'phags ma'i dge 'dun ma rnams/ ming 'di zhes bgyi ba 'di mkhan mo ming 'di zhes bgyi ba las bsnyen par rdzogs par 'tshal te/ khyim na gnas pa 
lo bcu gnyis pa'am/ gzhon nu ma lo nyi shu tshang la chos gos lnga dang lhung bzed du yang ldan/ bar chad kyi chos rnams kyang yongs su gtsang ngo zhes bdag nyid mchi ste/ ming 'di zhes bgyi ba 'di mkhan mo'i ming 'di zhes bgyi ste/ 'phags ma'i dge 'dun ma rnams las tshangs par 
spyad pa skyed pa'i sdom pa gsol na/ de ste 'phags ma'i dge 'dun ma rnams kyi dus la bab cing bzod na 'phags ma'i dge 'dun ma rnams kyis gnong la/ 'phags ma'i dge 'dun ma rnams kyi ming 'di zhes bgyi ba mkhan mo'i ming 'di zhes bgyi ste/ de la tshangs par 
spyad pa skyed pa'i sdom pa stsol cig /mkhan mo'i ming 'di zhes bgyi ste/ 'di ni gsol ba'o/ /las kyang 'di bzhin bya'o/ /gson cig 'phags ma'i dge 'dun ma rnams ming 'di zhes bgyi ba 'di ming 'di zhes bgyi ba las bsnyen par rdzogs par 'tshal te/ khyim 
na gnas pa lo bcu gnyis pa'am/ gzhon nu ma lo nyi shur tshang la chos gos lnga dang lhung bzed du yang ldan/ bar chad kyi chos kyang gtsang ngo zhes bdag nyid mchi ste/ ming 'di zhes bgyi ba 'di ni mkhan mo ming 'di zhes bgyi ste/ 'phags ma'i dge 'dun ma rnams la 
tshangs par spyad pa skyed pa'i sdom pa gsol na/ 'phags ma'i dge 'dun ma rnams kyis ming 'di zhes bgyi ba la mkhan mo ming 'di zhes bgyi ste/ de la tshangs par spyad pa skyed pa'i sdom pa gsol na/ 'phags ma'i dge 'dun ma rnams las ming 'di zhes bgyi ste/ mkhan mo 

</font><hr>11-1-111a<br><font size=+1>
ming 'di zhes bgyi ste/ de la tshangs par spyad pa skyed pa'i sdom pa stsal bar gang la bzod pa de dag ni cang ma gsung shig /gang la mi bzod pa de dag ni gsung shig /'phags ma'i dge 'dun ma rnams kyis ming 'di zhes bgyi ba la mkhan mo ming 'di zhes bgyi 
ste/ /de la tshangs par spyad pa skyed pa'i sdom pa stsal te/ 'phags ma'i dge 'dun ma rnams kyis bzod cing gnang bas na cang mi gsung ste/ de de bzhin du 'dzin to/ /de'i 'og tu dge slong pha'i dge 'dun thams cad 'dus shing 'khod de nyung na yang dge slong gi grangs bcu'i 'khor dang / 
dge slong ma thams cad 'dus shing 'khod la nyung na yang dge slong ma bcu gnyis kyi 'khor du las byed pa'i dge slong pha'i mdun du rtswa chun po'am/ stan khong tshangs can gyi steng du zhog la thal mo sbyar te dge 'dun gnyis ka las bsnyen par rdzogs par gsol bar bya'o/ /gson cig 
btsun pa'i dge 'dun sde gnyis rnams/ bdag ming 'di zhes bgyi ba don gyi slad du/ mtshan nas smos te mkhan mo'i ming 'di zhes bgyi ba las bsnyen par rdzogs par 'tshal te/ bdag ming 'di zhes bgyi ba dge 'dun sde gnyi ga las bsnyen par rdzogs par gsol na/ btsun 
pa'i dge 'dun gnyis kas bdag bsnyen par rdzogs par bgyi bar gsol/ btsun pa'i dge 'dun gnyis kas bdag dbyung bar gsol/ btsun pa'i dge 'dun gnyi gas bdag rjes su gzung bar gsol/ btsun pa'i dge 'dun gnyi gas bdag la thugs brtse bar gsol/ 
thugs brtse ba can thugs brtse ba'i phyir ro/ /'di bzhin lan gnyis lan gsum du bya'o/ /de'i 'og tu las byed pa'i dge slong phas gsol ba gyis shig /gson cig btsun pa'i dge 'dun gnyi ga'i rnams/ ming 'di zhes bgyi ba 'di mkhan mo ming 'di zhes bgyi ba la 
bsnyen par rdzogs par 'tshal te/ ming 'di zhes bgyi ba 'di mkhan mo ming 'di zhes bgyi ste/ dge 'dun gnyi ga las bsnyen par rdzogs par gsol na/ de ste dge 'dun gnyi ga'i dus la bab cing bzod na dge 'dun gnyi gas gnong shig /bdag gis 'di la dge 

</font><hr>11-1-111b<br><font size=+1>
'dun gnyi ga'i nang du bar chad kyi chos rnams 'dri ste/ 'di ni gsol ba'o/ /ming 'di zhes bya ba khyod nyon cig /'di ni khyod kyi bden pa'i dus/ 'di ni yang dag pa'i dus te/ ngas khyod la cung zad cig dris pa de thams cad khyod kyis ma 'dzem par byung ba la ni byung zhes bya/ ma 
byung ba la ni ma byung zhes ma nor bar smros shig /khyod bud med dam/ bud med do/ /khyim na gnas pa lo bcu gnyis dang / gzhon nu ma lo nyi shu tshang ngam/ tshang ngo / /khyod kyi chos gos lnga dang / lhung bzed du ldan nam/ ldan no/ /khyod kyi pha dang / ma dang / khyim thab gson 
nam/ /gson no/ /pha dang ma dang khyim thab kyis gnang ngam/ gnang ngo / /bran mo ma yin nam/ phrogs pa ma yin nam/rnyed pa ma yin nam/ btsongs pa ma yin nam/ chags pa med dam/ sprul pa ma yin nam/ rgyal po'i gtses pa ma yin nam/ rgyal po dang 'khon pa ma yin 
nam/ /rgyal po la gnod pa'i las byed pa ma yin nam/ khyod kyis rgyal po la gnod pa byas pa'am/ gnod pa byed du bcug pa ma yin nam/ mi srun pa ma yin nam/ mya ngan gyis gdungs pa ma yin nam/ sbrum ma ma yin nam/ mtshan med pa ma yin nam/ mtshan gnyis pa ma 
yin nam/ gle 'dams pa ma yin nam/ rtag tu khrag 'dzag pa ma yin nam/ khrag med pa ma yin nam/ mtshan ma tsam yod pa ma yin nam/ dge slong bslus pa ma yin nam/ pha bsad pa ma yin nam/ ma bsad pa ma yin nam/ dgra bcom pa bsad pa ma yin nam/ de 
bzhin gshegs pa'i sku la ngan sems kyis khrag phyung ba ma yin nam/ mu stegs can ma yin nam/ mu stegs can du 'gro ba ma yin nam/ rkun po'i rgyal mtshan can ma yin nam/ rkun gnas pa ma yin nam/ so sor gnas pa ma yin nam/ mi gnas pa ma yin nam/ 
ci khyod sngon rab tu byung ngam/ de ste rab tu byung ngo zhes smra na/ 'o na song shig ces smros shig /de ste rab tu ma byung ngo zhes zer na/ ci khyod da ltar rab tu byung ngam/ byung ngo / /ci khyod kyis tshangs par spyad pa yang dag par spyad dam/ ci khyod kyis dge slong ma'i dge 'dun 

</font><hr>11-1-112a<br><font size=+1>
gyis lo gnyis su chos drug dang / rjes su 'brang ba'i chos drug bslab pa byin nam/ byin no/ /khyod kyis lo gnyis su chos drug dang rjes su 'brang ba'i chos drug bslab pa bslabs sam/ bslabs so/ /khyod la dge slong ma'i dge 'dun gyis tshangs 
par spyad pa skyed pa'i sdom pa phog gam/ phog go/ /khyod la dge slong ma'i dge 'dun gyis sngar bya ba'i las rnams byas sam/ bgyis so/ /khyod kyis dge slong ma'i dge 'dun rnams kyi sems gus par byas sam/ gus par bgyis so/ /bar chad kyi chos rnams las yongs su 
dag gam/ yongs su dag go/ /khyod la gzhan gyi bu lon mang yang rung / nyung yang rung chags pa med dam/ khyod kyi ming ci/ khyod kyi mkhan mo'i ming ci/ bdag gi ming ni 'di zhes bgyi/ don gyi slad du mtshan nas smos te mkhan mo'i ming ni 'di zhes bgyi'o/ /ming 'di 
zhes bya ba khyod nyon cig /bud med kyi lus la gnod par 'gyur ba lus kyi nad 'di 'dra ba yod de/ de 'di lta ste/ mdze dang / 'bras dang / shu ba dang / phol mig dang / tshad pa dang / sha bkra can dang / rkom po dang / glog pa dang / rab tu g.ya' ba dang / skyugs pa dang / gzhang 
'brum dang / skyigs bu dang / rims dang / za ngad dang / myos pa dang / ngal ba dang / mgo g.yung dang / tshad pa dang / lud pa dang / dbugs mi bde ba dang / skem pa dang / brjed byed dang / 'jas pa dang / nad dkar po dang / rkang 'bam dang / mtshan bar rdol ba dang / skran 
dang / /khrag nad dang / mkhris pa dang / rkub 'brum dang / lhog pa dang / yan lag tsha ba dang / rtsib logs tsha ba dang / rus pa zhigs pa dang / rims drag po dang / rims zhag gcig pa dang / gnyis pa dang / gsum pa dang / bzhi pa dang / rims nyin re ba dang / 'dus pa'i 
rims dang / rims ldang dub pa dang / rtag pa'i rims dang / khyod kyi lus la 'di lta bu'i lus kyi nad dang / lus la gnod par 'gyur ba dang / de las gzhan kyang med dam de las khyod kyis yang dag pa ji bzhin par smros shig// //'dul ba phran tshegs kyi gzhi/bam 

</font><hr>11-1-112b<br><font size=+1>
po sum bcu rtsa bdun pa/ de nas gsol ba byed pa'i dge slong gis gsol ba thob ste las byos shig /gson cig btsun pa'i dge 'dun gnyi ga rnams/ ming 'di zhes bgyi ba 'di mkhan mo ming 'di zhes bgyi ba dge 'dun gnyi ga las bsnyen par rdzogs par 'tshal te/ ming 'di zhes bgyi ba mkhan mo ming 'di zhes bgyi bas dge 'dun gnyi ga las bsnyen par rdzogs par gsol te/ bud med kyang lags/ bud med kyi dbang po dang ldan/ bud med khyim na gnas pa lo bcu gnyis sam/ gzhon nu ma lo nyi shu tshang ba ste/ 'di'i chos gos lnga dang lhung 
bzed du yang ldan/ pha ma dang khyim thab kyis kyang gnang / bar chad kyi chos rnams kyang yongs su dag /'dis tshangs par spyod pa yang legs par spyad/ dge slong ma'i dge 'dun gyis 'di la lo gnyis su chos drug dang rjes su 'brang ba'i chos drug gi bslab pa yang phog ste/ 'dis lo 
gnyis su chos drug dang rjes su 'brang ba'i chos drug bslab pa yang bslabs/ dge slong ma'i dge 'dun ma rnams kyis 'di la chos gsum gyis tshangs par spyad pa skyed pa'i sdom pa yang byin/ dge slong ma'i dge 'dun rnams kyis 'di la bya ba rnams kyang sngon du byas zin/ dge slong ma'i dge 
'dun rnams kyi sems mnyes par byin zin/ bar chad kyi chos rnams gtsang ngo zhes bdag nyid mchi na/ ming 'di zhes bgyi ba 'di mkhan mo ming 'di zhes bgyi ste/ dge 'dun gnyi ga las bsnyen par rdzogs par gsol na/ de ste dge 'dun gnyi ga'i dus la bab cing bzod na/ dge 
'dun gnyis kas gnong la dge 'dun gnyis kas ming 'di zhes bgyi ba 'di mkhan mo'i ming 'di zhes bgyi ste bsnyen par rdzogs par gsol cig /'di ni gsol ba'o/ /las ni 'di ltar byos shig /gson cig btsun pa'i dge 'dun gnyi ga'i rnams/ ming 'di zhes bgyi 
ba 'di mkhan mo'i ming 'di zhes bgyi ba gnyis ka'i dge 'dun las bsnyen par rdzogs par 'tshal te/ ming 'di zhes bgyi ba 'di mkhan mo ming 'di zhes bgyi bas gnyi ga'i dge 'dun las bsnyen par rdzogs par gsol te/ bud med kyang lags/ bud med kyi dbang po dang yang 

</font><hr>11-1-113a<br><font size=+1>
ldan/ /bud med khyim na gnas pa lo bcu gnyis sam/ gzhon nu ma lo nyi shur yang tshang ste/ 'di la chos gos lnga dang lhung bzed du yang ldan/ pha ma dang khyim thab kyis kyang gnang / bar chad kyi chos rnams kyang yongs su dag /'dis tshangs par spyod pa yang legs 
par spyad/ dge slong ma'i dge 'dun gyis 'di la lo gnyis su chos drug dang rjes su 'brang ba'i chos drug bslab pa phog ste/ 'dis lo gnyis su chos drug dang rjes su 'brang ba'i chos drug gi bslab pa la yang bslabs/ dge slong ma'i dge 'dun rnams kyis 'di la tshangs par spyad pa 
skyed pa'i sdom pa yang byin/ dge slong ma'i dge 'dun gyis 'di la bya ba'i rnams kyang sngon de byas zin bdag gis dge slong ma'i dge 'dun gyi sems mnyes par yang byas/ bar chad kyi chos rnams gtsang ngo zhes bdag nyid mchi ste/ ming 'di zhes bgyi ba 'di mkhan mo ming 'di zhes 
bgyi ste/ dge 'dun gnyi ga las bsnyen par rdzogs shing dge slong ma'i dge 'dun rnams kyi ming 'di zhes bgyi ba 'di mkhan mo'i ming 'di zhes bgyi ste/ dge 'dun gnyi gas bsnyen par rdzogs par mdzad na/ tshe dang ldan pa rnams ming 'di zhes bgyi ba 'di mkhan mo ming 'di zhes 
bgyi ste/ dge 'dun gnyi gas bsnyen par rdzogs par mdzad de/ dge 'dun gnyi gas bzod cing gnang na cang ma gsung shig /gang la mi bzod pa dag ni gsung shig /'di ni las dang po'i tshig ste/ de bzhin du las kyi tshig rnams lan gnyis lan gsum du smra bar bya'o/ /
ming 'di zhes bgyi ba mkhan mo ming 'di zhes bgyi ba ste/ dge 'dun gnyi gas bsnyen par rdzogs par mdzad de/ dge 'dun gnyi gas bzod cing gnang bas na cang mi gsung bas de de bzhin du 'dzin to/ /de nas grib ma gcal bar bya'o/ /dge slong ma dag gis ring po ring 
pos grib ma gcal ba dang / bcom ldan 'das kyis shing lcug ma ring zhing ring pos grib ma gcal bar ma byed cig ces bka' stsal to/ /rkang pas gcal nas bcom ldan 'das kyis rkang pas gcal bar mi bya'o/ /shing bu sor bzhi pas gcol cig /shing bu ji srid 

</font><hr>11-1-113b<br><font size=+1>
pa de tsam la skyes bu zhes bya'o/ /de'i 'og tu dus tshod rig par byos shig /dgun gyi dus dang / dpyid kyi dus dang / dbyar gyi dus dang / dbyar zad pa dang dus ring po'o/ /de la dgun gyi dus ni zla ba bzhi'o/ /dpyid kyi dus ni zla ba bzhi'o/ /dbyar gyi dus ni zla 
ba gcig go/ /dbyar zad pa ni nyin zhag gcig go/ /dus ring po ni nub gcig gis nyung ba'i zla ba gsum mo/ /dus kyang rig par bya ste/ skya rengs dang po dang / skya rengs bar ma dang / skya rengs tha ma dang / nyi ma ma shar ba dang / nyi ma shar ba dang / nyi ma shar ba'i brgyad cha 
dang / /nyi ma shar ba'i bzhi cha dang / nyi ma ma phyed pa dang / nyi ma phyed pa dang / nyi ma phyed yol ba dang / phyi dro'i bzhi cha dang / phyi dro'i brgyad cha dang / nyi ma nub pa dang / nyi ma ma nub pa dang / skar ma ma shar ba dang / skar ma shar ba'o/ /de nas gnas gsum smra bar bya'o/ /
ming 'di zhes bya ba khyod nyon cig /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas des mkhyen cing gzigs te/ 'di lta bur rab tu byung zhing bsnyen par rdzogs pa'i dge slong ma la gnas 'di gsum gsungs te/ dge slong mas de la 
gnas na legs par bshad pa'i chos 'dul ba la rab tu byung zhing bsnyen par rdzogs te/ dge slong ma'i dngos por 'gyur ba ste/ gsum gang zhe na/ chos gos kyi nang du rdul khrod pa ni rung ba dang mod pa ste/ gang la gnas na dge slong ma legs par bshad pa'i chos 'dul ba la rab 
tu byung zhing bsnyen par rdzogs nas dge slong ma'i dngos por 'gyur ba rdul khrod pa'i chos gos kyis tshe dang ldan ma ming 'di zhes bya ba khyod dus 'di nas nam 'tsho'i bar du chog par dad dam/ des dad do zhes smros shig /lhag par byed na dar ram/ ras sam/ bgo ba'am/ 
seng ras sam/ ldum bu sha na'i gos sam/ srin pa'am/ ras a mi la'am/ so mi la'am/ la ba'i kha dog srin bu smug po 'dra ba'am/ ka shi ka'i phra mo'am/ zar ma'i phra mo'am/ rtswa du gu la ka phra mo'am/ ras ko tam pa ka phra mo rnams te/ gang gzhan yang 

</font><hr>11-1-114a<br><font size=+1>
rung ba'i gos dge 'dun las rnyed dam gang zag las kyang rung ste de dag las khyed kyis long la tshod zin par gyis shig /ci de 'dra ba'i gnas la mngon du yi dam 'cha' 'am/ des kyang mngon du yi dam bca'o zhes smros shig /ming 'di zhes bya ba khyod nyon 
cig /zas kyi nang na bsod snyoms ni rung ba mod pa ste/ de la gnas na dge slong ma legs par bshad pa'i chos 'dul ba la rab tu byung zhing bsnyen par rdzogs te dge slong ma'i dngos por 'gyur ro/ /bsod snyoms kyi zas kyis ming 'di zhes bya ba khyod deng nas nam 'tsho'i bar 
du chog par dad dam/ des dad do zhes smros shig /lhag par rnyed na 'bras chan nam/ skyo ma'am/ thug pa'am/ rtag pa'i'am/ mgron du bos pa'i'am/ 'phral la bos pa'i 'am/ spags pa'i'am/ lnga ston nam/ brgyad pa'i'am/ bcu bzhi pa'i'am/ nya 
ston rnams kyi ste/ gang gzhan yang rung ba'i bsod snyoms dge 'dun las sam/ gang zag las rung ste/ de dag las kyang khyod kyis long la tshod zin par gyis shig /ci 'di 'dra ba'i gnas la yi dam 'cha'a'am/ des kyang yi dam bca'o zhes gyis shig /ming 
'di zhes bya ba khyod nyon cig /bkus pa'i sman ni rung ba dang mod pa ste/ de la gnas na dge slong ma legs par bshad pa'i chos 'dul ba la rab tu byung zhing bsnyen par rdzogs nas dge slong ma'i dngos por 'gyur ro/ /ming 'di zhes bya ba khyod deng nas nam 'tsho'i bar 
du bkus te bor ba'i sman gyis chog par dad dam/ des dad do zhes smros shig /lhag par rnyed na mar dang / 'bru mar dang / sbrang rtsi dang / bu ram dang / rtsa ba'i sman dang / sdong bu'i sman dang / lo ma'i sman dang / me tog gi sman dang / 'bras bu'i sman dang / 
snga dro ba dang / phyi dro ba dang / bdun pa'i dang / nam 'tsho'i bar du'o/ /de lta bu la sogs te gzhan yang rung ba'i sman dag dge 'dun las sam/ gang zag las rnyed kyang rung ste/ de dag las kyang khyod kyis long la tshod rig par gyis shig /ci 'di 'dra ba'i gnas 

</font><hr>11-1-114b<br><font size=+1>
la mngon du yi dam 'cha'a'am/ des kyang yi dam bca'o zhes smros shig /ming 'di zhes bya ba khyod nyon cig /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas des mkhyen cing gzigs nas 'di ltar rab tu byung zhing bsnyen par rdzogs par dge 
slong ma la ltung ba'i chos brgyad gsungs te/ dge slong mas gnas de la gang yang rung ste/ brtun cing byas ma thag tu dge slong ma ma yin/ dge sbyong ma ma yin/ shAkya'i sras mo ma yin no/ /dge slong ma'i dngos po med par 'gyur/ dge sbyong ma'i yang med par 'gyur te med 
pa'o/ /bsrubs pa'o/ /ltung ba'o/ /phas pham pa ste/ de la dge sbyong mar slar dbyung du med do/ /'di lta ste shing ta la'i mgo bcad pa bzhin te sngon por mi 'gyur/ mi skye/ mi rgyas/ mi 'phel lo/ /cher skyer skal ba med pa de ltar de bzhin du dge slong mas gnas de 
brgyad las gang yang rung / gnas de brgyad la brtun cing byas na de la brtun cing byas ma thag tu dge slong ma ma yin/ dge sbyong ma ma yin/ shAkya'i sras mo ma yin no/ /dge slong ma'i dngos po med par 'gyur/ dge sbyong ma'i yang med par 'gyur te med pa'o/ /bsrubs 
pa'o/ /ltung ba'o/ /phas pham pa ste/ de la dge sbyong mar slar dbyung du med do/ /ming 'di zhes bya ba khyod nyon cig /brgyad gang zhe na/ bcom ldan 'das kyis rnam grangs du ma las kyang 'dod pa smad pa ni 'dzin pa'o/ /'dod pa ni chags pa'o/ /'dod pa ni sems 
pa'o/ /'dod pa ni sdug pa'o/ /'dod pa ni gnas so/ /'dod pa ni gdon mi za ba'o/ /'dod pa ni shin tu chags pa ste/ 'dod pa spangs pa ni so sor bsngags pa'o/ /slar bskur ba'o/ /zad pa'o/ /'dod chags dang bral ba'o/ /'phags pa'o/ /rnam par 
zhi ba'o/ /nub pa'o zhes bstod pa'o/ /bstod du 'jug go/ /bsngags so/ /bsgrags pa yin gyis/ ming 'di zhes bya ba khyod kyis deng phan chad chags pa'i sems kyis skyes pa la mig gis mig tshugs su yang chags shing mi blta na gnyis sprad cing mi tshangs 

</font><hr>11-1-115a<br><font size=+1>
par spyod pa 'khrig pa'i chos su spyad pa lta ci smos/ bcom ldan 'das kyis gsungs pa yang dge slong ma dge slong ma dang lhan cig tu bslab pa mtshungs pa mnyam par gyur pa las bslab pa ma phul lam/ bslab pa stobs chung ngam/ ma bshams par mi tshangs 
par spyod pa 'khrig pa'i chos byas na chung ngu na byol song gi skye gnas su gtogs pa dang lhan cig pa yang rung ste/ de lta bu'i gnas gang du yang rung / dge slong mas brtun cing byas na/ brtun cing byas ma thag tu dge slong ma ma yin/ dge sbyong ma ma yin/ shAkya'i sras mo ma 
yin/ /dge slong ma'i dngos po med par 'gyur/ dge sbyong ma'i dngos po yang med par 'gyur te/ med pa'o/ /bsrubs pa'o/ /ltung ba'o/ /phas pham pa ste/ dge slong mar slar dbyung du med do/ /'di lta ste shing ta la'i mgo bcad pa bzhin sngon por mi rung / skyer mi 
rung / /'phel zhing rgyas par mi rung ste/ de bzhin du dge slong mas 'di 'dra ba'i gnas la brtun cing byas na/ de brtun de byas ma thag tu dge slong ma ma yin/ dge sbyong ma ma yin/ shAkya'i sras mo ma yin/ dge slong ma'i dngos po med par 'gyur/ dge sbyong 
ma'i dngos po yang med par 'gyur te/ med pa'o/ /bsrubs pa'o/ /ltung ba'o/ /phas pham pa ste/ dge sbyong mar slar dbyung du med do/ /de la khyod kyis deng phan chad mi spyod pa dang / brtun cing mi 'jug pa dang / mi spyod par spong ba la smyur te sems srungs la/ dran 
pa dang / bag yod pa dang / brtson par gyis shig /ci gnas 'di lta bu la mi spyod dam/ des mi spyod do zhes smros shig /ming 'di zhes bya ba khyod nyon cig /bcom ldan 'das kyis rnam grangs du ma las kyang ma byin par len pa ni rnam par smad do/ /ma byin par len pa 
spangs pa ni bstod do/ /bstod du 'jug go/ /bsngags so/ /bsgrags pa yin gyis deng phan chad ming 'di zhes bya ba khyod rku ba'i sems kyis pha rol po'i ma byin par til gyi phub ma na yang mi blangs na/ mA sha lnga'am/ mA sha lnga las 'das pa lta ci smos bcom ldan 

</font><hr>11-1-115b<br><font size=+1>
'das kyis kyang gsungs pa/ dge slong ma grong na 'dug pa'am/ dben pa na 'dug pa yang rung / gzhan gyis ma byin par rku bar grags pa blangs na ni ci tsam ma byin par blangs pas de rgyal po'am/ blon pos kyang rung bzung nas bsad pa dang / bcing ba dang / spyugs pa 
yang rung de la 'di skad ces zer ro/ /kye khyed ni rku ba'o/ /mi shes pa/ blun pa'o/ /rku ba'o zhes 'di lta bu'i gnas su brtun cing byas na/ des brtun cing byas ma thag tu dge slong ma ma yin/ dge sbyong ma ma yin/ shAkya'i sras mo ma yin no zhes bya ba nas snga ma bzhin 
te/ /dran pas bag yod pa dang / brtson par gyis shig pa'i bar du sbyar ro/ /ci gnas 'di lta bu la mi spyod dam/ des mi spyod do zhes byos shig /ming 'di zhes bya ba khyod nyon cig /bcom ldan 'das kyis srog gcod pa ni rnam grangs du ma las kyang rnam par 
smad do/ /srog gcod pa spangs pa la bstod do/ /bstod du 'jug go/ /bsngags so/ /bsgrags pa yin gyis ming 'di zhes bya ba khyod kyis deng phan chad srog chags grog sbur yang bsams bzhin du srog mi gcad na/ mi'am mi lus su gyur pa lta la ci smos bcom ldan 
'das kyis gsungs pa/ gang yang dge slong mas mi'am mi'i lus su gyur pa yang rung / bsams nas rang gi lag gis srog bcad pa dang / de la mtshon byin nam/ de la mtshon thogs pa gnyer tam/ de la 'chi ba bskul tam/ de la 'chi ba'i yon tan 
bsngags kyang de 'di skad ces zer te/ kye mi khyod 'di ltar sdig pa mi gtsang bar sdug cing 'tsho ba ci rung gi kye skyes bu 'tsho ba bas ches shi na legs so zhes sems la bsam/ sems la brtun cing rnam grangs du mar 'chi bar de la bskul tam/ des 'chi ba'i yon tan 
bsngags kyang rung ste/ de yang de lta bu'i thabs kyis dus byas te/ de lta bu'i gnas su dge slong mas brtun cing byas na/ de brtun cing byas ma thag tu dge slong ma ma yin/ dge sbyong ma ma yin/ shAkya'i sras mo ma yin/ dge slong ma'i dngos po med par 

</font><hr>11-1-116a<br><font size=+1>
'gyur ba nas snga ma bzhin te dran par gyis la bag yod pa dang brtson pa'i bar du sbyar ro/ /gnas 'di lta bu la mi spyod dam/ des mi spyod do zhes smros shig /ming 'di zhes bya ba khyod nyon cig /brdzun du smra ba ni bcom ldan 'das kyis rnam grangs du 
ma las kyang rnam par smad de/ brdzun du smra ba spangs pa la bstod do/ /bstod du 'jug go/ /bsngags so/ /bsgrags pa yin gyis ming 'di zhes bya ba khyod nyon cig /chung ngu na rtsed mo'i phyir yang shes bzhin pa'i brdzun mi smra bar bya na/ med la kun med bzhin 
du mi'i bla ma'i chos brdzun du smra ba lta ci smos/ bcom ldan 'das kyis gsungs pa/ yang gang yang dge slong ma mngon du mi shes/ kun du mi shes shing med la/ kun med bzhin du mi'i bla ma'i chos kyi sgrub pa 'phags pa'i khyad par chud par shes pa'am/mthong 
ba'am/ reg par gnas pa yang rung so sor shes te/ 'di shes so/ /'di mthong ngo zhes zer ba las ci shes zhe na/ sdug bsngal shes so/ /kun 'byung ba dang / 'gog pa dang / lam shes so/ /ji mthong zhe na/ lha mthong ngo / /klu dang / gnod sbyin dang / nam 
mkha' lding dang / dri za dang / mi'am ci dang / lto 'phye chen po dang / sha za dang / yi dgas dang / grul bum dang / lus srul po mthong ngo / /lha rnams kyis kyang bdag mthong ngo / /klu dang / gnod sbyin dang / nam mkha' lding dang / dri za dang / mi'am ci dang / lto 'phye 
chen po dang / sha za dang / yi dgas dang / grul bum dang / lus srul po rnams kyis kyang bdag mthong ngo / /lha rnams kyi sgra thos so/ /klu dang / gnod sbyin dang / nam mkha' lding dang / dri za dang / mi 'am ci dang / lto 'phye chen po dang / sha za dang / yi dgas dang / 
grul bum dang / lus srul po rnams kyi sgra thos so/ /lha rnams kyis kyang bdag gi sgra thos so/ /klu dang / gnod sbyin dang / nam mkha' lding dang / dri za dang / mi'am ci dang / lto 'phye chen po dang / sha za dang / yi dgas dang / grul bum dang / lus srul po rnams kyis 

</font><hr>11-1-116b<br><font size=+1>
kyang bdag gi sgra thos so/ /lha rnams la ltar 'gro'o/ /klu dang / gnod sbyin dang / nam mkha' lding dang / dri za dang / mi'am ci dang / lto 'phye chen po dang / sha za dang / yi dgas dang / grul bum dang / lus srul po rnams la ltar 'gro'o/ /lha rnams kyang bdag la ltar 'ong ngo / /
klu dang / gnod sbyin dang / dri za dang / nam mkha' lding dang / mi'am ci dang / lto 'phye chen po dang / sha za dang / yi dgas dang / grul bum dang / lus srul po rnams kyang bdag la blta ba'i phyir 'ong ngo / /lha rnams dang lhan cig tu smra'o/ /kun du smra'o/ /so sor dga' bar 
byed/ rtag tu lhan cig tu 'dug go/ /klu dang / gnod sbyin dang / dri za dang / nam mkha' lding dang / mi'am ci dang / lto 'phye chen po dang / sha za dang / yi dgas dang / grul bum dang / lus srul po rnams kyis lhan cig tu smra'o/ /kun du smra'o/ /so sor dga' bar 
byed/ rtag tu lhan cig tu 'dug go/ /lha rnams kyang bdag dang lhan cig tu smra'o/ /kun du smras so/ /so sor dga' bar byed/ rtag par lhan cig tu 'dug go/ /klu dang / gnod sbyin dang / nam mkha' lding dang / dri za dang / lto 'phye chen po dang / mi'am ci dang / sha 
za dang / yi dgas dang / grul bum dang / lus srul po rnams kyang bdag dang lhan cig tu rtag tu smra'o/ /kun du smra'o/ /so sor dga' bar byed/ rtag tu lhan cig tu 'dug go/ /'di ltar ma thob bzhin du ngas mi rtag pa'i 'du shes thob po zhes zer ba dang / mi rtag pa la 
sdug bsngal bar 'du shes/ sdug bsngal ba la bdag med par 'du shes/ zas la mi mthun par 'du shes/ 'jig rten thams cad la mi mos par 'du shes/ nyes pa'i dmigs su 'gyur bar 'du shes/ spang bar 'du shes/ 'dod chags dang bral bar 'du shes/ 'gog 
par 'du shes/ 'chi bar 'du shes/ mi gtsang bar 'du shes/ rnam par sngos par 'du shes/ rnam par rnags par 'du shes/ rnam par rul bar 'du shes/ rnam par 'bus gzhigs par 'du shes/ rnam par bam par 'du shes/ rnam par zos par 'du shes/ rnam 

</font><hr>11-1-117a<br><font size=+1>
par dmar bar 'du shes/ rnam par 'thor bar 'du shes/ rus gong du 'du shes/ stong pa nyid du so sor rtogs par 'du shes/ ma thob bzhin du ngas thob po zhes zer ba bsam gtan dang po dang / gnyis pa dang / gsum pa dang / bzhi pa dang / byams pa dang / snying 
rje dang / dga' ba dang / btang snyoms dang / nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / /'du shes med 'du shes med min skye mched rnams so/ /ma thob bzhin du ngas thob po zhes zer ba rgyun du zhugs pa'i 'bras bu 
dang / /lan gcig phyir 'ong ba'i 'bras bu dang / phyir mi 'ong ba'i 'bras bu dang / rdzu 'phrul gyi yul dang / rdzu 'phrul gyi rna ba dang / gzhan gyi sems shes pa dang / sngon gyi gnas dang / shi 'pho dang / skye ba dang / zag pa zad pa dang / dgra bcom pa dang / rnam par 
thar pa brgyad la sgom pa dang / cha gnyis las rnam par grol ba de 'dra ba'i gnas la dge slong mas brtun cing byas na des brtun cing byas ma thag tu dge slong ma ma yin/ dge sbyong ma ma yin/ shAkya'i sras mo ma yin/ dge slong ma'i dngos po med par 'gyur/ dge sbyong ma'i dngos po 
yang med par 'gyur te/ med pa'o/ /bsrubs pa'o/ /ltung ba'o/ /phas pham pa ste/ dge sbyong mar slar dbyung du med do/ /de 'di lta ste/ shing ta la'i mgo bcad pa bzhin te sngon por mi rung / skyer mi rung / 'phel zhing rgyas par mi rung ngo / /de ltar de 'dra ba la dge slong 
mas brtun cing byas na des brtun te byas ma thag tu dge slong ma ma yin/ dge sbyong ma ma yin/ shAkya'i sras mo ma yin/ dge slong ma'i dngos po med par 'gyur/ dge sbyong ma'i dngos po med par 'gyur te med pa'o/ /bsrubs pa'o/ /ltung ba'o/ /phas pham pa ste/ 
dge sbyong mar slar dbyung du med do/ /de la khyod kyis deng phan chad mi spyod pa dang / brtun cing mi 'jug pa dang / mi spyod par spong ba la smyur te sems srungs la dran pa dang / bag yod pa dang / brtson par gyis shig /gang su zhig gnas 'di lta bu la mi spyod dam/

</font><hr>11-1-117b<br><font size=+1>
des mi spyod do zhes smros shig /ming 'di zhes bya ba khyod nyon cig /bcom ldan 'das kyis gsungs pa gang yang dge sbyong ma chags bzhin du chags nas skyes pa dang lhan cig man chad/ pus mo yan chad reg cing kun reg pa la dga' bar tshor ram/ dge slong mas 'di 
'dra ba'i gnas la brtun cing byas na de brtun te byas ma thag tu dge slong ma ma yin/ dge sbyong ma ma yin/ shAkya'i sras mo ma yin no zhes bya ba nas brtun cing mi 'jug pa dang / mi spyod par spong ba la smyur te sems srungs la dran pa dang / bag yod pa dang / brtson pa'i bar 
du sbyar ro/ /gang su zhig gnas 'di lta bu la mi spyod dam/ des mi spyod do zhes smros shig /ming 'di zhes bya ba khyod nyon cig /bcom ldan 'das kyis gsungs pa/ gang yang dge slong ma chags shing chags nas skyes pa dang lhan cig tu brda'i tshig dang / rtse ba dang / 
dgod pa dang / dregs pa dang / rgyug pa dang / lus la 'tshog par byed pa dang / bstan tam dus 'dor ram/ mtshan ma 'dzugs pa dang / skyes pa 'ongs sam/ song yang rung dga' bar tshor na de dang 'dra bas phyogs der lus phab cing skyes pa'i dbang du bud med gyur te dngos 
po de lta bu brgyad dang ldan zhing dge slong mas 'di 'dra ba'i gnas la brtun cing byas na des brtun te byas ma thag tu dge slong ma ma yin/ dge sbyong ma ma yin/ shAkya'i sras mo ma yin pa nas/ gang brtun cing mi 'jug pa dang / mi spyod par spong ba la smyur te sems srungs la dran pa 
dang / /bag yod pa dang / brtson pa'i bar du bya'o/ /gang su zhig gnas 'di lta bu la mi spyod dam/ des mi spyod do zhes smros shig /ming 'di zhes bya ba khyod nyon cig /bcom ldan 'das kyis gsungs pa/ gang yang dge slong ma zhig gis sngon phas pham pa byung zhing 
mi gnas par gyur pa dge slong ma zhig gis shes kyang des gang gi tshe shi bar gyur pa'am/ slar babs par gyur pa'am/ yul gzhan du bros pa de'i 'og tu 'di skad du 'phags ma dag sngon bdag gis dge slong ma de ji ltar phas pham ste gnas su mi rung bar shes so zhes smras 

</font><hr>11-1-118a<br><font size=+1>
te/ dge slong ma'i kha na ma tho ba dang bcabs pa de 'dra ba'i gnas la brtun cing byas na/ des brtun te byas ma thag tu dge slong ma ma yin/ dge sbyong ma ma yin/ shAkya'i sras mo ma yin pa nas snga ma bzhin te mi spyod dam/ mi spyod do/ /skyo ba dang / rab tu 
bsam pas kun du bsrungs te dran pa dang / bag yod pa dang / brtson pa'i bar du bya'o/ /gang su zhig gnas 'di lta bu la mi spyod dam/ des mi spyod do zhes smros shig /ming 'di zhes bya ba khyod nyon cig /bcom ldan 'das kyis kyang gsungs pa/ gang yang dge slong 
mas 'di ltar dge slong pha dge slong gi dge 'dun 'dus pas spang bar 'gyur ba'i las byas/ dge slong ma'i dge 'dun 'dus par gyur pas kyang de la phyag mi ster bar sdom pa bcas par gyur nas/ de skra langs pa dang / nyal bzhin du dge 'dun rnams la spu nyal bar 
byed/ /'byung bar 'jug /phyag byed par ston/ mtshams kyi nang na 'dug cing bzod pa gsol bar shes bzhin du de la 'di skad ces zer ro/ /'phags pa khyod skra nyal ba dang / langs bzhin du dge 'dun rnams la spu nyal ba dang / 'byung bar 'jug pa yang 
ma byed cig /phyag byed par ston pa dang / mtshams kyi nang na 'dug cing bzod pa gsol ba yang ma byed cig /bdag gis 'phags pa khyod kyi lhung bzed dang / chos gos dang / dra ba dang / phor bu dang / ska rags dang / klog pa dang / kha ton dang / rnal 
'byor yid la bya ba dang / 'phags pa la ci dang cis brel bar gyur pa de dang de dag thams cad kyis mi brel bar byed pa'i dge slong ma de la dge slong ma rnams kyis 'di skad du bsgo shig /'phags ma khyed dge slong pha de ni 'dus pa'i dge 'dun gyis spangs pa'i las 
byas pa yin/ dge slong ma'i dge 'dun gyis kyang de la phyag mi bya ba'i sdom pa bcas pa yin te/ dge slong pha de skra langs pa dang nyal ba bzhin du dge 'dun la spu nyal bar byed/ 'byung bar 'jug /phyag byed par ston/mtshams kyi nang na 'dug cing bzod pa gsol 

</font><hr>11-1-118b<br><font size=+1>
bar shes bzhin du de la 'phags ma khyod kyis 'di skad ces ma smra shig /'phags pa khyod skra nyal ba dang langs bzhin du dge 'dun la spu nyal ba dang 'byung bar 'jug pa yang ma byed cig /phyag byed par ston pa dang / mtshams kyi nang na 'dug cing bzod par gsol 
bar yang ma byed cig dang / bdag gis khyod la kun sbyar te/ lhung bzed dang / chos gos dang / dra ba dang / phor bu dang / ska rags dang / klog pa dang / kha ton dang / rnal 'byor yid la bya ba dang / ci dang cis 'phags pa khyod la brel bar gyur pa de dang de dag thams cad 
bdag gis mi brel bar sbyar ro/ /'phags ma khyod kyis spangs pa'i rjes su 'jug pa'i tshig gis lam de lta bu thong shig ces dge slong ma de la de lta bur dge slong ma rnams kyis bsgo ste/ don de ltar btang na ni legs/ de ste ma btang na lan gnyis lan gsum gyi bar du bsgo 
zhing ston cig /don de slar spang ba'i phyir lan gnyis lan gsum du bsgo zhing bstan pa las don de slar btang na ni legs/ de ste ma btang zhing dge slong ma spangs pa'i rjes su 'jug cing de lta bu'i gnas su brtun cing byas na de brtun cing byas ma thag tu dge slong ma ma yin/ dge sbyong 
ma ma yin/ shAkya'i sras mo ma yin pa nas snga ma bzhin te/ rab tu bsams pas kun tu bsrung ste dran pa dang / bag yod pa dang / brtson pa'i bar du bya'o/ /gang su zhig gnas 'di lta bu la mi spyod dam/ des mi spyod do zhes smros shig /ming 'di zhes bya ba khyod 
nyon cig /brgyad po 'di dag ni bcom ldan 'das mkhyen cing gzigs te de bzhin gshegs pa dgra bcom pa yang dag par rdzogs pa'i sangs rgyas kyis 'di ni rab tu byung zhing bsnyen par rdzogs pa'i dge slong ma rnams la dgag cing mi 'da' bar bya ba'i phyir bla ma'i chos su 
bcas te/ de la bud med rnams kyis nam 'tsho'i bar du bslab par bya'o/ /brgyad gang zhe na/ ming 'di zhes bya ba bud med kyis dge slong rnams las rab tu byung zhing bsnyen par rdzogs nas dge slong ma'i dngos por 'gyur bar rab tu rtogs par bya'o/ /ming 'di zhes bya ba 

</font><hr>11-1-119a<br><font size=+1>
bcom ldan 'das kyis 'di ni bud med rnams la dgag cing mi 'da' bar bya ba'i phyir bla ma'i chos dang por bcas te/ de la bud med rnams kyis nam 'tsho'i bar du bslab par bya'o/ /dge slong ma rnams kyis zla ba phyed phyed cing dge slong pha rnams las ston 
pa'i lung rjes su bstan pa btsal bar bya'o/ /ming 'di zhes bya ba bcom ldan 'das kyis 'di ni bud med rnams la dgag cing mi 'da' bar bya ba'i phyir bla ma'i chos gnyis su bcas te/ de la bud med rnams kyis nam 'tsho'i bar du bslab par bya'o/ /dge slong pha med pa'i 
gnas su dge slong ma dbyar tshul du ma 'jug shig /ming 'di zhes bya ba bcom ldan 'das kyis 'di ni bud med rnams la dgag cing mi 'da' bar bya ba'i phyir bla ma'i chos gsum du bcas te/ de la bud med rnams kyis nam 'tsho'i bar du bslab par bya'o/ /dge slong mas 
dbyar tshul nas byung ba'i tshe dge 'dun sde gnyis la mthong ba dang / thos pa dang / dogs pa'i gnas gsum du skabs dbye bar bya'o/ /ming 'di zhes bya ba bcom ldan 'das kyis 'di ni bud med rnams la dgag cing mi 'da' bar bya ba'i phyir bla ma'i chos bzhir bcas te/ de 
la bud med rnams kyis nam 'tsho'i bar du bslab par bya'o/ /dge slong mas dge slong la tshul khrims nyams sam/ lta ba nyams sam/ spyod pa nyams sam/ 'tsho ba nyams kyang rung ma gleng shig /dran par ma byed cig /dge slong mas dge slong pha tshul khrims las 
nyams sam/ lta ba las nyams sam/ spyod pa las nyams sam/ 'tsho ba las nyams kyang rung gleng zhing dran par byed pa mi gnang ngo / /dge slong phas ni dge slong mas tshul khrims nyams sam/ lta ba nyams sam/ spyod pa nyams sam/ 'tsho ba nyams pa la gleng ba dang / 
dran par byed pa la mi gnang ba med de/ 'di ni ming 'di zhes bya ba bcom ldan 'das kyis 'di ni bud med rnams la dgag cing mi 'da' bar bya ba'i phyir bla ma'i chos lngar bcas te/ de la bud med rnams kyis nam 'tsho'i bar du bslab par bya'o/ /dge slong mas dge slong la kha ngan 

</font><hr>11-1-119b<br><font size=+1>
mi bya/ /khro bar mi bya/ bsdigs par mi bya/ dge slong mas dge slong la kha ngan dang / khro ba dang / bsdigs pa mi gnang ste/ ming 'di zhes bya ba bcom ldan 'das kyis 'di ni bud med rnams la dgag cing mi 'da' bar bya ba'i phyir bla ma'i chos drug tu bcas te/ de la bud 
med rnams kyis nam 'tsho'i bar du bslab par bya'o/ /dge slong ma la bla ma'i chos shig byung na/ des dge 'dun gnyi ga la zla ba phyed kyi bar du yid dga' bar bya ba spyod cig /ming 'di zhes bya ba bcom ldan 'das kyis 'di ni bud med rnams la dgag cing mi 'da' bar 
bya ba'i phyir bla ma'i chos bdun du bcas te/ de la bud med rnams kyis nam 'tsho'i bar du bslab par bya'o/ /bsnyen par rdzogs nas lo brgya lon pa'i dge slong mas da gzod bsnyen par rdzogs pa'i dge slong la tshig snyan pa dang / bstod pa dang / ldang ba dang / thal mo 
sbyar ba dang / phyag bya ba byas te/ ming 'di zhes bya ba bcom ldan 'das kyis 'di ni bud med rnams la dgag cing mi 'da' bar bya ba'i phyir bla ma'i chos brgyad du bcas te/ de la bud med rnams kyis nam 'tsho'i bar du bslab par bya'o/ /ci bla ma'i chos 'di brgyad yang dag 
par bzung ste spyod dam/ spyod do/ /ming 'di zhes bya ba khyod nyon cig /bcom ldan 'das kyis bzhi po 'di dag ni snga ma bzhin te/ yang dag par rdzogs pa'i sangs rgyas kyis shes pa'i bar du sbyar ro/ /bzhi gang zhe na/ deng phan chad ming 'di zhes bya ba khyod ngan par smra 
ba la slar mi smra/ khros pa la slar ma khro shig /rdeg pa la slar mi rdeg /'phya ba la slar mi 'phya/ ming 'di zhes bya ba khyod nyon cig /khyod sngon 'di ltar bdag legs par bshad pa'i chos 'dul ba la rab tu byung zhing bsnyen par rdzogs nas dge slong ma'i dngos por shog shig ces 
smon pa de ni khyod rab tu byung zhing bsnyen par rdzogs te/ mkhan mo tshul khrims dang ldan pa dang / slob dpon tshul khrims dang ldan pa dang /dge 'dun gnyi ga tshogs 'dus pas/ gsol ba dang bzhi'i las kyi phyir bya ba med pa dang / gzhag par bya ba med pas rab tu byung zhing 

</font><hr>11-1-120a<br><font size=+1>
bsnyen par rdzogs so/ /ming 'di zhes bya ba khyod nyon cig /gang bsnyen par rdzogs nas lo brgya lon pa'i dge slong mas bslab pa de ni deng bsnyen par rdzogs pas kyang de la bslab par bya'o/ /gang deng bsnyen par rdzogs pas bslab pa de bsnyen par rdzogs nas 
lo brgya lon pas kyang de bslab par bya'o/ /gang tshul khrims mtshungs par bslab pa mthun pa dang / so sor thar pa'i mdo kha ton klog par mtshungs pa la deng phan chad khyod kyis mnyes par bya'o/ /mi mnyes par mi bya'o/ /deng phan chad ming 'di zhes bya ba'i mkhan mo la mar 
'du shes gzhag par bya'o/ /mkhan mos kyang de la bu mor 'du shes gzhag par bya'o/ /deng phan chad khyod kyis mkhan mo la nam 'tsho'i bar du bsnyen bkur byos shig /mkhan mos kyang khyod la nam 'tsho'i bar du bsnyen bkur byos shig /deng phan chad ming 'di zhes bya ba khyod 
kyis 'jigs pa'i dbang du byas shing bla ma dang tshangs pa mtshungs par spyod pa dang / gnas brtan ma dang / bar ma dang / gsar bu rnams la ri mo byos shig /ming 'di zhes bya ba khyod deng phan chad lung nos shig /lhogs shig /kha ton gyis shig /phung po la mkhas/ 
khams la mkhas/ skye mched la mkhas/ rten cing 'brel bar 'byung ba la mkhas/ gnas dang gnas ma yin pa la mkhas par bya'o/ /khyod kyis ma thob pa thob pa'i phyir/ khong du ma chud pa khong du chud pa'i phyir/ mngon du ma byas pa mngon du bya ba'i phyir brtson 'grus ma gtang 
shig /'di dag ni ngas khyod la chen po che ba'i rnams bslab pa'i gzhir bshad do/ /gzhan ni khyod kyi slob dpon dang / mkhan mo dang / slob dpon gcig pa dang / mkhan mo gcig pa dang / smra ba dang / kun du smra ba dang / bstod pa dang / mdza' ba dag gis kyang de bzhin 
ston to/ /zla ba phyed phyed cing so sor thar pa'i mdo klog pa la nyon cig /'di ltar bsnyen par rdzogs pa ni/ shes rab mchog gi bstan pa la/ /da ni bsnyen par khyod rdzogs te/ /khom pa phun sum tshogs rnyed dka'/ /'di la skyo bar ma byed cig /bzang mo las ni rab 

</font><hr>11-1-120b<br><font size=+1>
tu byung / /yongs su dag las bsnyen par rdzogs/ /bden zhes bya ba'i sangs rgyas kyis/ /rab tu mkhyen nas gsungs pa'o/ /ming 'di zhes bya ba khyod bsnyen par rdzogs kyis bag yod par spyod cig /gleng gzhi ni mnyan du yod pa na ste/ nam sangs rgyas bcom ldan 
'das kyis gau ta mI skye dgu'i bdag mo chen mo 'khor shAkya mo lnga brgya rnams kyis bla ma'i chos yi dam bcas te rab tu byung nas bsnyen par rdzogs te dge slong ma'i dngos po la rjes su yi rang ba de'i tshe de dag gis gzhan dag dge slong mar rab tu byung zhing bsnyen par rdzogs par byas so/ /
de dag gis kyang gzhan dag ste/ de na dge slong ma'i dge 'dun ma mang zhing 'phel bar gyur to/ /de nas dge slong ma gnas brtan dang gnas brtan ma de dag skye dgu'i bdag mo chen mo gang na ba der dong ste phyin pa dang / gau ta mI skye dgu'i bdag mo chen mo la 'di skad smras so/ /e ma'o 
'phags ma dge slong ma gnas brtan ma 'di dag la gang dge slong pha gsar bu dang / bar ma dang / gzhon nu rab tu byung nas ring po ma lon pa de dag gcig la gcig rgan rims su phyag 'tshal dang ces 'di skad smras pa dang / gau ta mI skye dgu'i bdag mo chen mos dge slong ma de dag 
la 'di skad ces smras so/ /de bas na nu mo dag sdod cig dang / bdag gis 'phags pa kun dga' bo la zhus te bya'o/ /de ltar gyur pa gau ta mI skye dgu'i bdag mo chen mos tshe dang ldan pa kun dga' bo la smras so/ /de skad smras pa dang / tshe dang ldan pa kun dga' 
bos gau ta mI skye dgu'i bdag mo chen mo la de bas na gau ta mI sdod cig dang / bdag gis bcom ldan 'das la gsol lo zhes smras nas/ bcom ldan 'das gang na ba der song ste phyin pa dang / bcom ldan 'das kyi zhabs la mgo bos phyag 'tshal te phyogs gcig tu 'dug go/ /
phyogs gcig tu 'dug nas/ tshe dang ldan pa kun dga' bos bcom ldan 'das la e ma'o bcom ldan 'das dge slong ma'i gnas brtan dang gnas brtan ma de dag la gang dge slong pha gsar bu dang / bar ma dang / gzhon nu rab tu byung nas ring po ma lon pa 'di dag gcig 

</font><hr>11-1-121a<br><font size=+1>
la gcig ji ltar rgan rims su phyag 'tshal yang mi bsngo'o zhes gsol pa dang / bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis 'di lta bu'i tshig phyin chad ma smra shig /de ci'i phyir zhe na/ gal te kun 
dga' bo bud med dag legs par bshad pa'i chos 'dul ba la rab tu ma byung bar gyur na ni da dung yang dad pa'i bram ze dang / khyim bdag dag gis dge slong la bsod snyoms dra ba bkang ste theg drod kyis ster ro/ /kun dga' bo bud med dag legs par bshad pa'i chos 'dul ba 
la rab tu ma byung na ni da dung yang bram ze dang / khyim bdag dad pa dag gis ma bgos pa'i gos sar pa kha tshar ring po dag srang gi nang du bting ste 'di skad ces smra bar 'gyur ro/ /dge sbyong dag ras sar pa kha tshar ring po bting pa 'di'i steng du gshegs shig /bdag cag yun 
ring po'i don dang phan pa dang bde bar 'gyur ro/ /gal te kun dga' bo bud med rnams legs par bshad pa'i chos 'dul ba la rab tu ma byung bar gyur na ni da dung yang bram ze dang khyim bdag dad pa dag gis yan lag gi mchog las skyes pa'i skra sa la bting ste/ dge sbyong 
dag skra 'di'i steng du gshegs shig /de ni bdag cag la yun ring po'i don dang phan pa dang bde bar 'gyur zhes smra'o/ /gal te kun dga' bo bud med rnams legs par bshad pa'i chos 'dul ba la rab tu ma byung bar gyur na ni da yang nga'i nyan thos pa dag gi 'od kyis 
zla ba dang / nyi ma 'di gnyis lta bu mthu che ba dang rdzu 'phrul che ba yang zil kyis gnon na mu stegs can rnams lta ci smos/ kun dga' bo bud med rnams legs par bshad pa'i chos 'dul ba la rab tu ma byung na ni da dung nga'i bstan pa lo stong tshang bar nyes pa med cing nyams 
pa med par gnas par 'gyur ro/ /de lta bas na kun dga' bo bsnyen par rdzogs nas lo brgya lon pa'i dge slong mas kyang da gzod bsnyen par rdzogs pa'i dge slong pha la tshig snyan pa dang / bstod pa dang / ldang ba dang / thal mo sbyar ba dang / phyag bya ba la sogs pa'i las 

</font><hr>11-1-121b<br><font size=+1>
byos shig /gleng gzhi mnyan du yod pa na ste/ dge slong ma rnams las sde bzhi 'dus pas bya ba dang / sde lnga 'dus pas bya ba dang / sde bcu gnyis 'dus pas las bya ba yang yod de/ de dag gis dge 'dun gnyi ga bsdus pa dang bya ba mang por gyur to/ /bya ba mang 
pos bshad pa dang / bklag pa dang / bzlas pa dang / rnal 'byor dang / yid la bya ba rnams kyi bar chad du gyur to/ /de ltar gyur pa'i dge slong rnams kyis bcom ldan 'das la gsol nas/ bcom ldan 'das kyis dbyung ba dang / bsnyen par rdzogs pa dang / spyis bya ba'i 
las ma gtogs par dge slong pha'i las kyang logs shig tu byos shig /dge slong ma rnams kyang logs shig tu byos shig ces bka' stsal to/ /gleng gzhi ni mnyan du yod pa na ste/ de'i dus na mnyan du yod pa na khyim bdag gzhan zhig 'dug ste rigs mnyam pa las 
chung ma zhig blangs te de de dang lhan cig tu rtse dga' yongs su spyod do/ /de la rtse dga' yongs su spyod pa las phyi zhig na de'i chung ma sems can dang ldan par gyur te zla ba dgu 'das pa dang bu mo zhig btsas nas de btsas ma thag pha dus las 'das so/ /de mas gsos shing bskyed 
de chen por gyur pa dang / de'i ma yang dus las 'das so/ /de nas dus phyi zhig na sbom dga' mo bsod snyoms kyi phyir zhugs pa dang / des de srang zhig tu mthong ste bu mo khyod su'i yin zhes smras pa dang / des 'phags ma su'i yang ma lags te mgon med pa'o zhes smras 
pa dang / des bu mo de ste de bzhin na ci'i phyir rab tu mi 'byung zhes smras pa dang / des su zhig gis rab tu 'byin zhes smras pa dang / des bu mo ngas rab tu dbyung gis tshur shog /'dong zhes smras pa dang legs so zhes zer te de dang lhan cig tu dbyar mo khang du dong nas sbom dga' mos 
rab tu phyung ba dang / de nyon mongs pas gzir nas slar babs so/ /sbom dga' mo bsod snyoms la zhugs pa dang / mthong nas des bu mo ji ltar 'tsho zhing 'dug ces smras pa dang / des rkang pa la phyag byas te smras pa/ 'phags ma sdug bsngal zhing 'tsho'o/ /bu mo de 

</font><hr>11-1-122a<br><font size=+1>
ste de bzhin na ci'i phyir yang rab tu mi 'byung / des smras pa/ 'phags ma su zhig bdag slar babs pa las rab tu 'byin/ bu mo bdag gis rab tu dbyung ngam/ legs so zhes smras pa dang / des rab tu phyung ste bsod snyoms la zhugs pa dang bram ze dang khyim bdag 
dag gis mthong nas ma legs so/ /dge slong shAkya'i bu mo dag ni chos la ngal bsos shing ngal bsos shing chos la spyod do zhes 'phya'o/ /de ltar gyur pa dge slong ma dag gis dge slong la smras pa dang / dge slong dag gis bcom ldan 'das la gsol to/ /bcom ldan 'das kyis dgongs pa/ 
gang nyes pa'i dmigs su gyur pa ni dge slong ma dag babs shing slar rab tu byung ba'i phyir te/ de lta bas na dge slong ma dag gis babs pa las slar rab tu mi dbyung bar dgongs nas dge slong rnams la bka' stsal pa/ dge slong dag bram ze dang khyim bdag rnams ni rigs par 
'phya ste/ de lta bas na dge slong ma dag gis lan gcig babs pa mthu med pa dge slong ma rab tu ma dbyung shig /rab tu 'byin na 'das pa dang bcas par 'gyur ro// //'dul ba phran tshegs kyi gzhi/bam po sum bcu rtsa brgyad pa/ mdor na/ 'phyan 
pa dag dang 'dod chen dang / /gshe ba dang yang 'phya ba ste/ /dge slong la ni dge slong ma/ /'phya ba dge slong dge tshul ma'o/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs te/ de'i tshe na yul 'khor 
mo 'jig na khyim bdag gau ta ma zhes bya ba zhig 'dug pa phyug la nor mang la longs spyod chen po zhig ste/ des rigs mnyam pa las chung ma zhig blangs nas de dang lhan cig tu rtse dga' yongs su spyod do/ /de dus phyi zhig na zong khyer nas yul rdo 'jog tu song ste khyim bdag gzhan 
zhig gi khyim du phyin pa dang / des de la bde bar 'ongs sam zhes bya ba'i tshig gis snyan pa brjod nas ngal bsos te/ gcig la gcig byams pa las khyim bdag gau ta ma de dang lhan cig mdza' bor gyur to/ /khyim bdag gau ta mas zong rnams btsongs te slar gyi zong 

</font><hr>11-1-122b<br><font size=+1>
rnams khyer nas grong khyer 'khor mo 'jig tu song ngo / /yul rdo 'jog gi khyim bdag kyang dus phyi zhig na zong khyer nas 'khor mo 'jig tu 'ongs te/ de yang khyim bdag gau ta ma khyim du phyin pa dang / des kyang de la ri mo dang mdza' ba'i tshig gis bde bar 'ongs 
sam zhes smras nas ngal bsos so/ /de gnyis gcig la gcig mdza' ba rab tu skyes par gyur to/ /yul rdo 'jog na gnas pa'i khyim bdag gis khyim bdag gau ta ma la grogs po bdag cag gnyis dus las 'das pa'i 'og tu bu dang / tsha bo dang / yang tsha dang / sum 
tsha dag mdza' ba'i rgyun mi 'chad par bya ba'i thabs ci yod ces smras pa dang / gau ta mas smras pa/ grogs po legs te/ bdag gis kyang de snyam bsams so/ /de bas na tshur shog bu ma byung ba nas gnyen du byas te/ de ste bdag las bu pho zhig byung la khyod las bu mo zhig 
byung na khyod kyis bdag gi bu la byin cig /'on te khyod la bu pho zhig ste/ bdag la bu mo zhig na bdag gis khyod kyi bu la sbyin no/ /des smras pa/ grogs po legs kyis de bzhin bya'o zhes zer nas yul rdo 'jog na gnas pa'i khyim bdag dang / khyim bdag gau ta ma 
gnyis lhan cig tu bu ma byung ba nas gnyen du 'thams nas des zong btsongs te slar gyis zong khyer nas yul rdo 'jog tu song ngo / /des de na chung ma dang lhan cig tu rtse dga' yongs su spyod pa las phyi zhig na chung ma sems can dang ldan par gyur nas de zla ba brgyad dam dgu 
'das pa dang btsas na bu pho zhig byung ngo / /de zhag bdun gsum nyi shu gcig gi bar du btsas pa'i btsas ston chen po rgyas par byas te/ de rigs dang mthun pa'i ming zhig btags so/ /'khor mo 'jig gi khyim bdag gis yul rdo 'jog gi khyim bdag las bu pho zhig 
btsas par thos nas/ des bdag gi grogs po la bu pho zhig btsas te khye'u de ni bdag gi mag par 'gyur yang srid kyis de'i gos dang rgyan rnams bskur ro snyam bsams nas/ des de la gos dang rgyan rnams bskur te/ yul rdo 'jog na gnas pa'i khyim bdag de la grogs po khyod la 

</font><hr>11-1-123a<br><font size=+1>
bu pho zhig btsas so zhes thos nas grogs po las bu btsas pa bdag shin tu dga' ste khye'u'i phyir gos dang rgyan zhig bskur gyis long shig ces yi ge spring ngo / /des spring yig bklags te slar gyi lan spring ba dang / khyim bdag gau ta mas de bklags nas bu 
mo zhig 'byung du smon te chung ma dang lhan cig rtse dga' yongs su spyod do/ /de la rtse dga' yongs su spyod pa las chung ma sems can dang ldan par gyur nas de zla ba dgu 'das pa dang btsas na bu mo zhig byung ste/ gzugs legs shing blta na sdug pa dang / bzang mo zhig na 
chung zad du rid cing nyam chung ba zhig nas de zhag bdun gsum nyi shu gcig tu btsas pa'i btsas ston chen po rgyas par byas nas ming 'dogs pa la zhugs te/ bu mo 'di ming cir gdags zhes bgros pa dang / gnyen dag gis smras pa/ bu mo 'di rid cing nyam chung khyim 
bdag gau ta ma'i bu mo ste/ de bas na bu mo 'di'i ming ni skem mo gau ta ma zhes ming du btags so/ /yul rdo 'jog na gnas pa'i khyim bdag gis 'di ltar 'khor mo 'jig gi khyim bdag gau ta ma la bu mo zhig btsas so/ /zhes thos nas des bdag gi grogs las bu mo zhig 
btsas te bu mo de ni bdag gi mna' mar 'gyur bar nges kyis de la gos dang rgyan rnams bskur bar rigs snyam bsams te/ khyim bdag gau ta ma la grogs po bdag gis ni khyod las bu mo zhig btsas so zhes thos nas bdag shin tu dga' ste grogs po'i bu mo la gos 
dang rgyan rnams bskur gyis long shig ces des spring ngo / /des yi ge bklags te slar grogs po mdza' bos byas pa de ni legs te/ bdag dang gnyen byas te bu mo skyes nas blang bar bya'o zhes lan spring ngo / /khyim bdag gau ta mas yi ge bklags nas bu mo de bud med 
kyis bslab pa rnams slob tu bcug go/ /yul rdo 'jog na gnas pa'i khyim bdag gis kyang bu de bslab pa slob tu bcug ste/ des smad 'tshong ma dag dang sngon lhan cig 'dug 'dug pa de la bu mo 'di bslab pa rnams slob shig par gtad do/ /des de la bslab par 

</font><hr>11-1-123b<br><font size=+1>
brtsams so/ /des ji srid tshig tu bslabs pa dang / de na re bdag gis bslab pa rnams lobs kyis da ni 'gro'o/ /zhes smras pa dang / bud med des bu legs kyis lobs par byas/ da dung du ma 'gro shig ces smras pa dang / des ma ma bdag gis legs par lobs 
zin gyis nga 'gro'o zhes zer ro/ /des rgya skyegs kyi thum po zhig thogs te bu de ste khyod bshol bzhin du 'gro bar 'dod na bdag gis mgo bo brdung ngo / /zhes smras pa dang / des ma ma de ltar ma byed dang bdag mi 'gro bar bya'o/ /de 'dug pa dang / mos smras pa/ bkren pa 
khyod na re ngas bslab pa'i rnams lobs so zhes zer na khyod kyis 'di tsam yang ma shes so/ /gzhan gyi bu'i phyir mgo bo brdung / khyod ni shes pa can ma yin no/ /de yang ci srid cig tu 'dug nas ma ma 'gro'o zhes zer ba dang / mos bu 'dug shig ces smras kyang de 'dug tu 
mi btub pa dang / mos bu de ste khyod bshol bzhin du yang 'gro bar 'dod na bdag gi lus khron par mchong ngo zhes smras pa dang / des ma ma de ltar na bdag mi 'gros ma byed cig 'dug go zhes smras pa dang / mos smras pa bkren pa khyod na re ngas bslab pa rnams lobs zin to 
zhes zer na/ 'di tsam kyang khyod kyis mi shes te/ 'di ltar gzhan gyi bu'i phyir bdag nyid khron par ci'i phyir mchong ste/ khyod 'dug tu ma btub na bdag gis khron pa'i nang glod bcas pa der bdag 'dug tu zad kyi khyod shes pa can ma yin gyis 'dug shig /des kyang ji srid 
cig tu 'dug nas ma ma mchi'o zhes smras pa dang / mos smras pa/ bu de ste 'di ltar dus kyis then na sdod la 'o thug btsos te 'thung la song shig /de 'dug pa dang / des 'o thug btsos te de nyid kyi mdun du snod du mar dang sbrang rtsis btab ste 'thungs nas snod de nyid du slar 
skyugs so/ /skyugs nas yang rdze'u de nyid du blugs nas mos bu tshur shog /'di 'thung shig ces smras pa dang / des ma ma 'di ni skyugs pa yin na ji ltar btung zhes smras pa dang / mos ngu ba ltar byas pa dang / khyim tshes de dag gis thos nas de dag thams cad 

</font><hr>11-1-124a<br><font size=+1>
'dus te kye ci'i phyir ngu zhes dris pa dang / des ji ltar gyur pa thams cad zhib tu smras nas de dag gis bu khyod kyi phyir thug pa 'di sbyar na ci'i phyir mi 'thung zhes smras pa dang / des kye 'di ni skyugs pa na skyugs pa ji ltar btung zhes smras so/ /de phyi phyir brang 
brdungs te ngu zhing 'dug nas/ kye ci'i phyir kho mos 'di la skyugs pa blud ces smras pa dang / de 'khor gyi khyim tshes de dag gis nan gyis blud nas des 'thung bar brtsams pa dang / mos de'i lag pa nas bzung ste/ gdong du thal mo zhig brgyab nas smras pa/ bkren pa 
khyod na re ngas bslab pa rnams lobs so zhes zer na/ ji ltar na khyod kyis bslab pa rnams lobs 'di ltar khyod kyis mngon sum du skyugs pa mthong yang 'thung bar shom na khyod ni shes pa can ma yin no zhes smras nas des de bskrad de btang ngo / /de dus phyi zhig na tshong pa lnga brgya dang 
lhan cig tu zong khyer te yul gyi dbus su dong ngo / /des tshong pa de dag gi mdun du phyi phyir zhing bud med la smod do/ /de dag rim bzhin du 'khor mo 'jig tu phyin to/ /tshong pa de dag sngon ni smad 'tshong ma de dag dang lhan cig tu rtse dga' yongs su spyod do/ /de dag kyang de dang 
bsten pas kyang bud med la smod de smad 'tshong ma gang gi khyim du yang mi 'dong ba dang / smad 'tshong ma de dag gcig la gcig gros byed de/ de dag las gcig gis che zhe sngon ni yul rdo 'jog gi tshong pa dag lhags nas de dag yu bu cag dang lhan cig tu yongs su spyod par 'ong na da 
ni thams cad kyang 'dod chags dang bral bar gyur te/ su yang bdag cag dang lhan cig yongs su mi spyod do zhes smras pa dang / gzhan gyis che zhe bdag gis ni de dag gi ded dpon de ni g.yem pa'i cho ga la mkhas pas bud med la shin tu spyod do zhes thos so/ /de dang bsten 
pas na de dag kun kyang bdag cag dang lhan cig tu mi spyod do zhes smras pa dang / de dag gi nang nas smad 'tshong ma rgan mo zhig gis smras pa/ bu mo de skyes pa yin nam 'on te ma yin/ de dag gis che zhe de ni skyes pa ste skyes pa'i dbang po dang ldan pa'o zhes smras pa dang /

</font><hr>11-1-124b<br><font size=+1>
des de ste bdag gi bu mos de bsgyur na de ste khyod kyis dpon mor gzhug gam zhes smras pa dang / de dag gis gzhug tu mi rung na de ste ma 'gyur na khyod kyis ci sbyin zhes smras pa dang / mos smras pa/ kAr ShA pa Na lnga brgya khyod la sbyin no/ /de dag gis smras pa/ legs kyis 
de bzhin bya'o/ /de nas bud med rgan mo des de dag dang nye ba'i khyim zhig glas nas snod spyad mang du bsags pa dang / de ded dpon de'i khye'u dag der 'ongs shing lhags te snod spyad dag rnyen no/ /des de dag la bu khyed su zhes dris pa dang / de dag gis smras pa/ ma ma 
bdag cag ni yul rdo 'jog gi ded dpon gyi'o/ /des smras pa/ bu bdag gi bu yang ded dpon yin te zong khyer nas yul gzhan du song na/ de'i khye'u dag kyang ji ltar khyed bzhin du de dag kyang gzhan las snod rnyen pa snyam gyis de bas na khyim 'di na snod yod pa de dag kun khyed 
cag nyid kyi dang 'dras ci bde bar spyod cig /de nas snod spyad nyin gcig bzhin blangs shing 'ongs pa dang / de dag la ded dpon gyis kye khyed la nyin gcig bzhin snod spyad dang yo byad sus byin zhes dris pa dang / de dag gis ded dpon gnas 'di ni ded dpon gyi ma zhig 'dug 
ste/ /de na re bdag gi bu yang yul gzhan du zong khyer te song na de'i khye'u dag kyang 'di ltar khyed bzhin du gzhan las snod spyad rnyen du gdon mi zas de lta bas na khyim 'di na snod spyad yod pa de dag kun khyed cag nyid kyi dang 'dras ci bder spyod cig ces mchi ste/ de nas snod 
spyad 'tshal zhing mchi'o zhes smras pa dang / des de la byams pa skyes nas/ kye khyed de la de dang byams par byed na/ de bdag gi yang ma yin no zhes smras so/ /de dag gis de la smras pa/ ma ma ded dpon ni khyed la yon tan shin tu brjod do/ /'di ltar khyed la kun 
sbyor ba de bdag gi yang ma yin no zhes zer ro/ /mos de ltar na bu mthong yang ci ma rung zhes smras pa dang / de dag gis kyang ma ma legs kyis ded dpon la bgyi'o zhes smras nas de dag gis de la ded dpon ma ma ni khyed la lta bar 'tshal lo zhes smras pa dang / des kyang 

</font><hr>11-1-125a<br><font size=+1>
kye legs kyis 'dong ngo zhes smras nas de de'i khyim du song ngo / /mos de bsti stang du bcas pas bde bar 'ongs sam zhes bya ba'i tshig snyan pa brjod de bu bdag gi bu yang khyod ci 'dra ba bzhin no zhes smras pa dang des kyang ming smos so/ /mos smras pa/ 
bu de'i ming yang de bzhin te/ mdor na khyod dang de gnyis bdag gi bu khyad par med kyis khyod gzhan du ma sems shig ces smras so/ /des smras pa/ ma ma de ltar na de bzhin te de nyid bdag ste/ khyod kyi bu dang khyad par med do/ /des khyim bdag gi chung ma des bu mo 
bos te bu mo tshur shog /ming po'i zhabs la phyag 'tshol cig ces bos so/ /de'i phyir byung na na tshod dang des de'i gzugs bzang po dar la bab cing mdzes pa mthong nas rlung gi shugs bzhin du 'dod chags kyi mthus yog pas na bdag nyid kyis ma tshor bar gyur te/ des de la kun 
du brtags nas ma ma bu mo 'di su'i zhes dris pa dang / mos smras pa/ bu khyod nyid kyi sring mo yin no/ /des smras pa/ ma ma gzhan la byin nam ma byin/ mos smras pa/ bu 'di su la yang ma byin no/ /des de ste de ltar na kho bo la ci phyir mi sbyin zhes smras pa dang / mos smras pa/ 
bu gzhan lta su zhig la sbyin/ cung zad du na khyod la nyes pa zhig yod de/ khyed ni bshes mi brtan pas chung mar blangs shing blangs nas bor zhing 'dong ngo / /des smras pa/ ma ma stsol cig dang mi 'dor bar mthon dman du khrid de mchi'o/ /mos smras pa/ bu khyod kyis 
bdag gi rdzas thams cad 'dir bskyas te bzhag na gdong mthon dman du khrid ci 'gro bar kho mo yid ches so/ /des smras pa/ ma ma de ltar na gzhag par bya'o/ /des de'i khyim du rdzas rnams bskyas na/ de'i khyim gnyis yod de des ni sgo gcig nas nang du bskyas na/ mos 
kyang sgo gnyis pa nas gud du bskyas so/ /nam des nor rdzas thams cad bskyas pa dang / mos kyang gud du bskyas nas gdod de la bu mo byin no/ /des zhag dang tshes grangs dang mthun par sbyar te bag ma len pa'i tshe mos smad 'tshong ma rgyan sna tshogs kyis brgyan pa kun mgron 

</font><hr>11-1-125b<br><font size=+1>
du bos te des bag ma blang ba de na phan tshun du rgyu zhing 'khod pa dang / ded dpon des smras pa/ ma 'di na thams cad kyang bud med de skyes pa gcig kyang med dam/ des brgyangs so/ /gzhan zhig gis de'i rna drung du gsang ste/ ded dpon 'di lta bur gyur pa khyod kyis ma shes 
sam/ /bdag cag kun kyang smad 'tshong ma yin na/ skyes pa ga la yod ces smras pa dang / des bdag gis ni smad 'tshong ma zhig blangs ba lta ste/ mdor na 'di ni bdag bslus so snyam du bsams so/ /bu mo nga yang de dang lhan cig ji srid cig tu longs spyod de jo bo kAr ShA pa 
Na stsol cig ces smras pa dang / des smras pa/ bzang mo bdag gi nor rdzas ci yod do cog thams cad 'dir bskyas te/ 'ongs na bdag la kAr ShA pa Na gzhan ga la yod ces smras pa dang / de gnyid kyis shin tu log pa dang mos re lde'i nang du dkris te tshong dus kyi dbus su bor 
ro/ /nang par nam nangs pa dang grong khyer na gnas pa'i skye bo mang po dag 'ongs shing 'dong bas sad par byas nas bdag gis bltas pa dang / des bdag nyid mi rigs pa mthong nas sems dang sems las byung ba'i rgyu ba rnams nyams te mig mchi mas gang nas 'khor mo 'jig gi 
tshong dus dang / srang dang lam gyi bzhi mdo dang / sum mdo dag na 'khyams pa las bkres pas gzir te zas tshol ba'i phyir gla mi dag gnas par song nas 'dug go/ /de'i tshe na khyim bdag gau ta ma'i khyim rtsig ste/ der gla mi rnams tshol ba las de mi gzhan zhig gis khyim 
bdag gau ta ma drung du khrid pa dang / des de mthong nas kye 'di ni rab tu gzhon zhing shin tu gzhon pa zhig ste sngon su'i las kyang ma byas pa zhig gis gzhan zhig tshol ces smras pa dang / de'i mig mchi mas gang bzhin du khyim bdag gau ta ma'i gdong du lta'o/ /de la khyim bdag 
gau ta mas bu khyod su'i yin gang nas 'dir 'ongs pa smros shig ces dris pa dang / de snying rje zhing dman la sdug bsngal bas mig mchi mas gang ste tshig kyang brnangs bzhin du ngal nas smras pa/ pha bdag ni byang phyogs na rdo 'jog gi grong khyer de nas sngon gyi las kyis 'dir bde bar 

</font><hr>11-1-126a<br><font size=+1>
phyin na da ni gar mchis kyang ma 'tshal te/ bar ma dor dus las 'da' ba zhig tu 'gyur yang ma 'tshal lo zhes smras pa dang / des de'i nyams dang tshig gi rgyud thos te/ khyim bdag gau ta mas de la yid kyis sdug par gyur te/ bu rdo 'jog na gnas pa'i skye bo mang 
po dag khyod kyis shes sam zhes dris so/ /pha 'tshal to/ /bu khyim bdag 'di zhes bya ba khyod kyis shes sam/ pha de ni bdag skal ba nyams pa'i pha lags te 'tshal lo/ /khyim bdag gau ta ma yid la yang shin tu sdug par gyur nas bu mi dga' bar bya mi dgos kyis ma ngu shig /
khyod ni nga'i mag par 'gyur te khyim 'di dag khyod nyid kyi yin no zhes smras te/ de yang spro bsrings te de yang mi dga' ba dang bral lo/ /khyim bdag gau ta mas byug pa dang / bza' ba dang / btung ba dang / gos dang rgyan dang / khyim dang / mal stan dang / g.yog dang / dga' 
ba'i tshig gis ngal bsos te chung ma la smras pa/ bzang mo khyod kyi mag pa 'ongs te/ bu mo bag mar gtang gis sta gon byos shig /des de'i nyi ma dang / tshes grangs dang / skad cig ma dang / skar ma dag brtags te/ rim bzhin du bshams nas phu nu dang / mdza' bo 
dang / /gnyen bshes su bcas pas bu mo long shig ces smras pa dang / des pha skad cig mi blang gi nor rnams je btsal bar bya'o zhes smras pa dang / des bu khyim na nor yod pa 'di dag thams cad khyod kyi yin no/ /nor gyis ci zhig bya zhes smras pa dang / de yang smad 'tshong 
ma de la 'khon lan glon par 'dod nas smras pa/ pha de ni de lta lags mod kyi bdag mi ma rabs bzhin du bag ma mi len to zhes smras pa dang / de cang mi zer bar 'dug go/ /de 'khor mo 'jig nas byung ste yan man du 'khyam zhing 'dug pa las chu 'gram du song ba dang / chu de'i 
nang nas mi ro zhig khyer 'ongs te/ bya rog zhig chu'i 'gram du 'dug nas mi ro de za bar 'dod na mchus ma slebs so/ /de nas mchu de shing bu zhig la bdar ba dang / ring po zhig tu gyur te des ro de zos so/ /de nas yang des shing gzhan zhig la mchu bdar ba dang / ji ltar snga ma bzhin 

</font><hr>11-1-126b<br><font size=+1>
du gyur to/ /ded dpon des kyang lag pas shing bu de gnyis blangs te khyim du song ngo / /de nas kAr ShA pa Na lnga brgya khyer nas smad 'tshong ma de'i khyim du song ste bzang mo khyod kyis bdag la kAr ShA pa Na med pa'o zhes bskrad na/ da ni kAr ShA pa Na 'di re yongs su spyad kyis tshur shog ces smras 
pa dang / de yang kAr ShA pa Na la chags nas de dang lhan cig tu yongs su spyad do/ /de nas ded dpon des de la yongs su spyad de/ de'i sna shing bu des bdar ba dang shin tu ring bar gyur nas des sman pa thams cad bkug ste bstan na yang de dag gis sman dpyad bya bar ma nus te/ de ltar de 
sman pa thams cad kyis spangs pa dang / des ded dpon la jo bo bzod par gsol/ 'di'i sman dpyad mdzod cig ces smras pa dang / des smras pa/ de ste khyer ba de kun slar sbyin par dam bca' na gdod bya'o/ /mos jo bo nyi rim du yang slar 'bul gyis mdzod cig ces smras pa 
dang / des shing bu gnyis pas bdar na/ ji ltar snga ma bzhin du gyur te des zong ci khyer ba thams cad de la slar byin no/ /de nas ded dpon des bu mo skem mo gau ta mI dpal chen po dang sbyar te bag mar blangs so/ /khyim bdag gau ta ma ri brags kyi grong gzhan zhig na zhing rmed de/ 
des mag pa de la smras pa/ bu khyod kyis chung ma 'di khrid la ri brags kyi grong 'di zhes bya bar 'dug shig /des de la ri brags grong gi zhing thams cad byin nas des skem mo gau ta mI shing rta la zhon te der song nas 'dug go/ /de dang lhan cig tu rtse dga' yongs su spyod do/ /de de 
la rtse dga' yongs su spyod pa las dus phyi zhig na skem mo gau ta mI sems can dang ldan par gyur nas de bu 'byung ba'i dus la bab pa dang / jo bo bdag bu btsar nyes bdag gnyen gyi khyim du mchi'o/ /der bdag la bdag gi ma g.yog bgyid do zhes smras pa dang / des 
kyang legs so zhes smras nas des bu mo gnyen gyi khyim du bskyal ba dang / de la der btsas na bu khye'u zhig byung nas zhag bdun gsum nyi shu gcig tu btsas pa'i btsas ston chen po rgyas par byas te rigs dang mthun pa'i ming btags nas/ des khye'u de khyer te slar ri brags 

</font><hr>11-1-127a<br><font size=+1>
kyi grong nyid du 'ongs so/ /de phyis yang sems can dang ldan par gyur nas bu 'byung ba'i dus su bab pa dang / jo bo bu 'byung ba'i dus la bab kyis gnyen gyi khyim du mchi'o/ /der bdag la ma bdag gi g.yog bgyid do zhes smras pa dang / des kyang bzang mo legs 
kyis 'dong bar bya'o zhes smras pa dang / des ma dang bur bcas te shing rta la bskyon nas dong ba dang / de lam gyi phyed du bu btsas par gyur to/ /des bu btsas par mthong nas shing rta la babs te shing gzhan zhig gi drung du 'dug pa dang de nyid du gnyid kyis log go/ /de gnyid kyis cher 
log pa dang sbrul gdug pas zin nas dus las 'das so/ /mo yang shing rta'i steng nyid du bu khye'u zhig btsas te de shing rta las babs nas shing drung du song ste/ jo bo khyod kyi bu khye'u zhig btsas kyis dgyes pa skyed cig ces smras pa dang / de sems med pas lan ma glan no/ /des lag pas 
bsgul te brtags na dus las 'das pa mthong ngo / /mo de na ngu bar gyur pa dang / ba lang yang ma byin par len pas phrogs so/ /de nas de ring zhig tu ngus nas mi dga' ba skyes te phyogs bzhir bltas te des bu da gzod btsas pa ni pang du thogs snga ma ni lag pa nas bzung ste song ba 
dang / /de na dus ma yin pa'i sprin chen po langs te des mtsho dang / lteng ka dang / khron pa dag chus gang nas de'i lam ka na chu bo rgal dgos par gyur nas/ des bsams pa de ste khye'u dang lhan du rgal na ni bdag kyang med khye'u yang med par 'gyur na re zhig khye'u je bsgral lo/ /
phu bo de chu bo'i 'gram du bzhag ste chung ngu khyer te rgal to/ /de nas de yang 'gram du bzhag ste phu bo'i phyir yang rgal te chu bo phyed du phyin pa dang khye'u chung ngu de was khyer ro/ /de nas mos chu bo'i dbus su 'dug ste lag pa g.yabs nas ku ku zhes bos pa dang / khye'u phu bo de ma 
bdag la bod do snyam bsams nas de chu'i nang du mchongs pa dang / chu 'gram yang gad pa chad pa zhig ste lhung ma thag tu dus las 'das nas de nas mo rings shing myur bar byung ste/ wa de'i rjes bzhin du bsnyags pa dang des de bor te song nas de la bltas na dus las 'das par mthong 

</font><hr>11-1-127b<br><font size=+1>
ba dang mos ngus nas de chur bor te/ de nas bu chen po de yang chus khyer bar mthong nas de mi dga' ba cher gyur te ngu shing brgyugs pa dang de yang dus las 'das par mthong ngo / /de khyo dang bu las bral bas yi chad par gyur nas gcig pu gos gcig gi smad g.yogs te chu bo'i 'gram 
na rlung dang nags chen po dang / chu bo rnams kyi sgra dang bya'i sgra du ma rnams mnyan cing thos nas kyi hud kyi hud khyo/ kyi hud bu chen po/ kyi hud bu chung ngu ma zhes snying rje zhing brtse bas mchi mas brnangs bzhin du ngu ste sa la phan tshun 'gre zhing 'dug pa dang / las kun rgyas shing rdzogs 
par nges pa gdon mi za bar rnam par smin par 'gyur te/ de ma thag tu 'di pha dang ma dang khyim gyi skye bo mang po dag gnam lcags kyis phog ste shi'o/ /de'i nang nas skyes pa gcig cig thar te/ snying rje zhing brtse bas mchi mas brnangs bzhin du myur bar 'gro zhing de'i mdun logs 
su 'ongs pa dang / mos de skrag pa lta bur mthong nas kye skyes bu ci'i phyir rings par rgyug ces dris pa dang / des de'i mdun du rang gi lus brdabs nas ngu zhing mchi mas brnangs bzhin du smras pa/ khyod kyi pha dang ma dang khyim gyi skye bo mang po kun gnam lcags bab pas phog ste bdag gcig 
pu ni las kyis thar ro/ /de thos nas phyi phyir mya ngan slos shing ngus par gyur pa bdag gis sngon gyi tshe rabs su sdig ci zhig byas na dus gcig tu khyo dang bu la sogs pa gnyen bshes dang bral/ de bas khyim na gnas pas ci zhig byas/ /skal ba med pas gang du ci snyed pa/ /khyo dang 
gnyen bshes dang yang bdag bral ba/ /bdag 'gro khyim na gnas par mi rigs te/ /dgon pa rnam par dben pa de dag dang / /khyim stong de dag tu ni gnas par bla/ /khyim na gnas pa sdig ste cir mi rung / /mya ngan sdug bsngal rnam par 'phel bar gyur/ /der phyogs 
gcig tu zhugs te song nas phan tshun du 'khyam 'khyam pa las ri brags kyi grong gzhan zhig tu phyin nas/ de na bud med rgan mo gzhan zhig ras 'khal ba zhig 'dug ste de de'i drung du song ba dang / des de la ngal bsos nas de dang lhan cig tu ras 'khal ba la zhugs so/ /de na 

</font><hr>11-1-128a<br><font size=+1>
tha ga pa khye'u gzhon nu gzhan zhig rang gi bzos 'tsho ba la zhugs te/ de la bud med rgan mo de dus dus su ras kyi skud pa de la 'tshong ngo / /de nas gzhan zhig tu des skud pa phra mo zhig khyer te de'i drung du song ba dang / des ma ma khyod kyis sngon ni sbom por 'khol na da 
'di lta bu gang nas 'ongs zhes dris pa dang / des bu 'di ni bdag gis ma bkal lo/ /ma ma 'o na sus bkal/ bu bdag gi khyim na bud med gcig cig 'dug ste/ des bkal ba 'di yin no zhes smras pa dang / des ma ma khyod kyis ci'i phyir na bdag la de mi sbyin bdag la yang chung ma 
med do/ /bdag gis de'i bza' ba dang bgo ba dang 'tsho ba'i yo byad dag sbyar ro zhes smras pa dang / mos bu re zhig de la gsol bar bya ste ci zer ba las lan phyis sbyin no zhes smras pa dang / des de'i skud pa'i rin rgyal bar byin/ zan kyang byin nas de nas dri dang me tog gis brgyan te btang ba dang 
skem mo gau ta mIs smras pa/ ma ma skud pa su la btsongs na rin rgyal zhing legs te khyod kyang dri dang me tog gis sus brgyan/ des bu mo dri dang me tog gis brgyan pa 'ba' zhig ma yin gyi zan kyang byin na zhes smras pa dang / de'i phyir 'di lta bu ga las byung zhes 'dri'o/ /des kyang ji ltar 
gyur pa zhib tu smras nas khye'u tha ga pa'i yon tan gyi khyad par snyan par brjod de smras pa/ bu mo khye'u tha ga pa de khyod slong ste/ de'i chung ma med kyis khas long shig dang bde bar 'gyur ro/ /des ma mchog gis phyin chad 'di skad ma smra shig /bdag ni khyim na gnas pas skyos ji lta 
bur yang rung de lta bu'i 'tsho ba mi bya'o zhes smras pa dang / des smras pa/ bu mo bud med rten med pa ni sdug bsngal ba'i gnas na 'dug ste phyi rol gyi skyes pa dag glags lta bar yang 'gyur gyis gnas su soms la khas long ste 'dug shig /des khas ma blangs nas/ des de la nyes pa'i 
dmigs su 'gyur bar smras pa dang / gdod des khas blangs so/ /de nas khye'u tha ga pas de nyi ma dang tshes grangs dang skar ma'i rim dang sbyar te khyim du blangs so/ /de yang mi srun cing smyo la khro bas rtag tu de la dbyig pa dang thal mos rdeg ste/ des bud med rgan mo de la smras pa/

</font><hr>11-1-128b<br><font size=+1>
ma ma khyod kyis bdag srin po la phul te/ des bdag la nyin gcig bzhin du dbyug pa dang / thal mos rdeg na ji ltar bya ma shes so/ /bu mo nam khyod la bu ma byung gi bar du khyod la kho rdeg go/ /khyod kyang bu mthur gyur pa dang / khyim de yang khyod nyid dbang byed kyis mi dga' bar ma byed 
cig /de dus phyi zhig na de sems can dang ldan par gyur nas khye'u tha ga pa de mo la byams par gyur to/ /mo yang de la brnyas par byed do/ /des kyang sdod cig ces byas nas mnags so/ /de nas dus phyi zhig na khye'u de tha ga pa'i grogs po rnams kyis chang mang du blud pas ra ro nas smyo zhing 
khyim du 'ongs so/ /de yang sgo bcad de bu 'byung zhing 'dug pa'i tshe des sgo phye zhes byas na de bu 'byung ba'i sdug bsngal gyis kun tu gzer bas sgo ma phye ba dang / de rab tu khro ba skyes nas phyogs gcig tu song ste 'dug go/ /des bu byung nas sgo phye ba dang de nang du 'ongs pa la des gus par byas te smras 
pa/ jo bo dgyes par mdzod cig /khyod kyi bu pho zhig btsas so/ /des de la khro bas kun khebs pa dang ni ma bral gyi gnod sems kyis kun du khebs par gyur te/ des 'di bu ma byung bas kyang bdag la brnyas par byed na/ gang gi tshe 'di'i bu skyes par gyur na 'di dang bus bsdongs/ 
nas bdag la gdon mi za bar gsod par byed do snyam du bsams nas des smras pa/ bzang mo thab tu me bus la zangs tshugs shig /des thab tu me bus te zangs btsugs pa dang smras pa/ yungs mar lugs la skol cig /des yungs mar blugs te bskol ba dang / des bu 
chung 'dir chug la skol cig ces smras pa dang mos jo bo 'di ni khyod nyid kyi bu yin na 'dir ci zhig nyes gzhon nur ma bsad ces smras pa dang / des de la dbyig pas brdegs so/ /bdag las sdug pa med pas des skrag ste/ de yungs mar khol ba'i nang du bcug pa dang dus las 
'das so/ /nam de tshos par gyur pa na des smras pa/ da phyung zhes bsgo ba dang / des de phyung ba dang / smras pa/ zo shig ces bsgo'o/ /des smras pa/ jo bo bu'i sha ji ltar bza' zhes smras pa dang / des de nyid kyi lus thams cad du brdegs rab tu brdegs pa dang /

</font><hr>11-1-129a<br><font size=+1>
de des brdegs pas bu'i sha yang zos so/ /bcom ldan 'das kyis gsungs pa/ 'dod chags ni kha na ma tho ba chung mod kyi 'bral ba ni dka'o/ /zhe sdang ni kha na ma tho ba che la 'bral ba sla bas tha ga pa'i khye'u de phyis 'gyod pa'i mes gdungs te ring zhig tu ma log pas 
na gnyid kyis myos te de shin tu log par gau ta mIs rig nas bsams pa/ 'dis bu bsad nas bdag la yang bu'i sha zar bcug ste/ mi 'di ni srin po yin gyis 'bros snyam nas rgyags ci theg cig khyer de bros pa dang / byang phyogs kyi lam grogs dag cig yul 'khor mo 'jig tu zong 
rnams btsongs te slar gyis zong rnams khyer nas byang phyogs kyi lam du zhugs te 'dong ba dang / de dag dang mo lhan cig tu song ngo / /ji tsam na ded dpon gyis de'i gzugs mdzes par mthong ngo / /mthong nas de la chags te des khyod su'i da gang du 'gro zhes dris pa dang / mos smras pa/ 
ded dpon bdag gi khyo ni sbrul gdug pas zos so/ /bu gnyis las gcig ni was so/ /gcig ni chu bo'i nang du dus las 'das so/ /ma dang pha ni gnam lcags kyis bsad do/ /bdag ni mgon med pas gar dga' bar 'gro ste 'gron pa mang po de dag gar 'dong ba der mchi'o/ /
des bsams pa/ ring du gar song yang 'di 'dra ba'i bud med dang lhan cig yongs su spyod do/ /snyam nas des de chung ma byas te/ ji tsam zhig na 'gron pa mang po de dag mi rgod kyis bcom ste/ ded dpon de yang 'thab pa las bsad do/ /skem mo gau ta mI ni mi rgod kyi dpon gyis 
chung mar byas pa dang / mi rgod kyi sde dpon de yang phyogs kyi rgyal pos bsad do/ /skem mo gau ta mI ni rgyal po'i btsun mo chen mor gyur to/ /ji tsam na rgyal po de yang dus las 'das nas btsun mo dang / gzhon nu dang blon po dang / skye bo mang po dag gi de skem mo gau ta mI dang lhan 
cig tu bkur sti cher byas te mchad pa'i nang du bcug go/ /byang phyogs kyi mi rnams dur rku ste/ de dag gi mchad pa brus pa dang / skem mo gau ta mI snar rdul song nas des sbrid pa byung ba dang / dur rku ba'i mi rnams skrag ste ro langs so snyam nas de dag bros pa dang / skem mo gau ta mI 

</font><hr>11-1-129b<br><font size=+1>
khung bu brus nas byung ngo / /des sdug bsngal rnam pa du mar brtags pas rlung rab tu langs shing kha zas med pa'i rkyen gyis smyon mar gyur nas des smad g.yogs bor te lag pa dang rkang pa gas shing rtsub skra ring zhing skya mo bsing bsing mor gyur te/ phan tshun 'khyam 'khyam pa las mnyan du yod par 
phyin to/ /bcom ldan 'das kyis gsungs pa/ sems can rnams kyi las kyi rnam par smin pa ni bsam gyis mi khyab po/ /des sngon byas pa'i las rnams kyi 'bras bu rnam par smin pa myong bar gyur nas sngon gyi las kyis dze ta'i tshal du phyin to/ /de'i tshe bcom ldan 'das kyis dge 
slong brgya stong du ma'i mdun du chos 'chad cing bzhugs pa skem mo gau ta mI'i rgyang ma nas sangs rgyas bcom ldan 'das skyes bu chen po'i mtshan sum bcu rtsa gnyis kyis ni yang dag par brgyan/ dpe byad bzang po brgyad bcus ni sku la rnam par spras/ 'od kyi dkyil 'khor nyi ma stong las 
'das pa'i 'od 'dom gang ba rin po che'i ri 'gro ba bzhin pa kho ra khor yug nas bzang ba mthong ngo / /mthong nas kyang bdag gi sems dran pa slar thob ste de ngo tsha ba'i tshul du gyur nas phyogs gcig tu tsog pur 'dug go/ /de'i bar du yang sangs rgyas bcom ldan 'das kyis mi mkhyen pa'am/ 
mi gzigs pa'am/ mi rig pa'am/ rnam par mi rig pa cung zad kyang med de/ sangs rgyas bcom ldan 'das ni chos nyid kyis thugs rje chen po 'jig rten la phan 'dogs par gyur pa/ srung ba gcig pu dpa' bo gcig pa/ gnyis su med pa gnyis su mi smra ba/ zhi gnas 
dang / /lhag mthong la gnas pa/ dul ba'i dngos po gsum la mkhas pa/ chu bo bzhi las rgal ba/ rdzu 'phrul gyi rkang pa bzhi'i mthil rab tu brtan pa/ mi 'jigs pa bzhis bsnyengs pa med pa/ yan lag lnga rnam par spangs pa/ 'gro ba lnga las yang dag par 'das pa/ 
yan lag drug dang ldan pa/ pha rol tu phyin pa drug yongs su rdzogs pa/ gnas drug la rtag tu gnas pa/ byang chub kyi yan lag bdun gyi me tog gis brgyan pa/ lam gyi yan lag brgyad 'chang ba/ mthar gyis gnas pa'i snyoms par 'jug pa dgu la mkhas pa/ stobs 

</font><hr>11-1-130a<br><font size=+1>
bcu'i stobs dang ldan pa/ phyogs bcur snyan par grags pa rnams brgya phrag bcu'i dbang du gyur pa las rab tu nges pa ni mtshan lan gsum nyin lan gsum du sangs rgyas kyi spyan gyis 'jig rten la gzigs nas ye shes kyi gzigs pa 'byung ste/ gang la nyams/ 
gang la 'phel bar gyur/ gang la sdug bsngal bar gyur/ gang dog par gyur/ gang gnod par gyur/ gang sdug bsngal dang dog pa dang gnod par gyur/ gang ngan song la gzhol/ gang ngan song la 'bab/ gang ngan song la rab tu 'babs/ ngas gang ngan song nas phyung ste 
mtho ris dang thar pa la gzhag par bya/ gang dge ba'i rtsa ba du ma skyes pa rnams la dge ba'i rtsa ba bskyed par bya/ gang bskyed pa rnams la yongs su smin par bya/ gang smin pa rnams la rnam par grol bar bya/ yang gsungs pa/ rgya mtsho chu srin gnas de yang / /gal te 
dus las yol yang srid/ /gdul bar gyur pa'i sras rnams la/ /sangs rgyas dus las 'da' mi 'gyur/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo ded dpon gyi chung ma skem mo gau ta mI la bla gos byin cig dang 'di la chos 
bshad par bya'o/ /tshe dang ldan pa kun dga' bos ded dpon gyi chung ma gau ta mI la bla gos byin no/ /de nas ded dpon gyi chung ma skem mo gau ta mI gos gyon nas bcom ldan 'das ga la ba der song ste/ bcom ldan 'das kyi zhabs la mgo bos phyag 'tshal te phyogs gcig tu 'dug 
go phyogs gcig tu 'dug pa dang / de nas bcom ldan 'das kyis de'i bsam pa dang / bag la nyal ba dang / khams dang / rang bzhin rnams mkhyen nas 'phags pa'i bden pa bzhi yang dag par rtogs par 'gyur ba de lta bu'i chos bshad do/ /gang thos pas ded dpon gyi chung ma skem mo gau ta mIs 'jig tshogs su lta ba'i ri'i rtse mo nyi shu gyen du byung ba ye shes kyi rdo rjes bcom nas rgyun du zhugs pa'i 'bras bu mngon du byas so/ /de bden pa mthong nas stan las langs te bcom ldan 'das ga la ba de logs su thal mo sbyar te phyag 'tshal nas bcom 

</font><hr>11-1-130b<br><font size=+1>
ldan 'das la 'di skad ces gsol to/ /btsun pa legs par bshad pa'i chos 'dul ba la rab tu byung zhing bsnyen par rdzogs te dge slong ma'i dngos por gyur cing / bcom ldan 'das kyi drung du bdag tshangs par spyad pa spyod du gnang ngam bcom ldan 'das kyis skye dgu'i bdag mo 
chen mo la gtad nas des rab tu phyung ste bsnyen par rdzogs par byas nas 'dul ba bslabs te lung bsgo ba byin nas de brtson pa byas/ nan tan du byas/ bsgrub par byas pas na 'khor ba'i 'khor lo 'di g.yo ba dang mi g.yo ba shes te 'dus byas kyi rgyud thams cad zhig pa dang / lhung 
ba dang / rnam par 'gyes pa rnam par 'jig pa'i chos nyid kyis rab tu bcom ste nyon mongs pa thams cad spangs nas dgra bcom pa mngon du byas te dgra bcom par gyur to/ /khams gsum gyi 'dod chags dang bral/ bong ba dang gser du 'dra/ nam mkha' la lag mthil 
chags pa med pa bzhin du sems mnyam pa/ ste'u dang tsan dan du 'dra ba/ rig pas sgo nga'i mdzod bcom pa/ rig pa dang mngon par shes pa yang dag par so sor rig pa ni thob/ srid pa'i rnyed pa dang chags pa dang bkur sti la rgyab kyis phyogs te/ dbang po dang nye 
dbang po dang / lhar bcas pa rnams kyis mchod cing phyag bya ba dang tshig snyan pas brjod par gyur to/ /de bcom ldan 'das kyi zhabs la phyag 'tshal du song ba dang / de nas bcom ldan 'das kyis dge slong rnams la bka' stsal pa/ dge slong dag nga'i nyan thos ma'i dge 
slong ma 'dul ba 'dzin pa'i nang na 'di lta ste mchog ni dge slong ma skem mo gau ta mI'o/ /nam bcom ldan 'das kyis dge slong ma gau ta mI 'dul ba 'dzin pa'i nang na mchog go zhes gsungs pa dang / de'i tshe de'i drung du dge slong ma rnams 'dong ngo / /des 'ongs pa de dag skyo ba bskyed 
pa'i phyir las kyi rgyud rnams brjod do/ /dge slong ma dag gis kyang dge slong dag la de lta bur gyur pa zhib tu smras so/ /de nas dus phyi zhig na skem mo gau ta mI bcom ldan 'das kyi zhabs la phyag 'tshal ba'i phyir song ba dang / dge slong dag gis mthong nas gcig la gcig de'i las kyi 

</font><hr>11-1-131a<br><font size=+1>
rgyud rnams 'dzer to/ /de nas skem mo gau ta mIs bcom ldan 'das kyi zhabs la spyi bos phyag 'tshal te bcom ldan 'das kyi drung nas song ngo / /mkhyen bzhin du 'dri ba ni sangs rgyas bcom ldan 'das te/ sangs rgyas bcom ldan 'das kyis tshe dang ldan pa kun dga' bo la ci'i 
phyir kun dga' bo dge slong rnams phan tshun du rna bar bcug ces smras pa dang / des zhib tu gsol to/ /bcom ldan 'das kyis bka' stsal pa/ kun dga' bo sems can rnams kyi rgyud dang las kyi rnam par smin pa ni bsam gyis mi khyab bo/ /'jig rten pa'i rnams ni rang gi las so/ /
las ni skye gnas so/ /las ni nying mtshams so/ /las ni rjes su 'jug pa ste/ gang gis ji ltar las byas pa de rnam par smin pa so sor myong bar 'gyur ro/ /dge slong dag the tshom skyes pa dang / the tshom thams cad gcod pa sangs rgyas bcom ldan 'das la zhus pa/ btsun pa dge 
slong ma skem mo gau ta mIs las ci bgyis na de'i phyir 'di'i khyo sbrul gyis zos te dus las 'das/ bu gcig was bkum/ gnyis pa ni chu bos 'tshal te dus las 'das/ pha ma gnyis ni gnam lcags babs pas bkum par gyur/ bu'i sha yang 'tshal nas smyos shing g.yeng ba'i sems 
kyis de dang de dag tu 'khyam 'khyam pa las bcom ldan 'das kyi bstan pa la rab tu byung nas nyon mongs pa thams cad spangs te dgra bcom pa mngon du bgyis/ bcom ldan 'das kyis kyang 'dul ba 'dzin ma'i nang na mchog go zhes ci'i slad du bka' stsal ces zhus pa dang / bcom ldan 
'das kyis gsungs pa/ dge slong dag dge slong ma skem mo gau ta mI nyid kyis las byas shing tshogs pas rnyed cing rkyen smin pa ni chu bo bzhin mngon du 'byung ste nges par 'gyur ro/ /skem mo gau ta mIs las byas shing bsags pa'i gzhan gyis myong bar mi 'gyur ro/ /dge slong rnams las 
byas shing bsags pa ni phyi rol gyi sa'i khams la rnam par mi smin/ chu'i khams la ma yin/ me'i khams la ma yin/ rlung gi khams la ma yin gyi/ zin pa'i phung po dang / khams dang / skye mched 'di nyid la dge ba dang mi dge ba'i las byas pa rnam par smin to/ /las rnams 

</font><hr>11-1-131b<br><font size=+1>
stor par mi 'gyur ba/ /bskal pa dag ni brgya lon kyang / /dus dang 'phrod nas 'thob pa ni/ /lus can rnams la 'bras bur smin/ /dge slong dag sngon byung ba ni ri brags kyi grong gzhan zhig na khyim bdag cig 'dug ste/ phyug la nor mang zhing longs spyod che gnas yangs shing rgya che ba ni ngal 
bsos po'i nor dang 'dra ste/ ngal bsos pa'i nor la sngo ba zhig nas rigs dang mnyam pa zhig las chung ma zhig blangs te/ de dang lhan cig rtse dga' yongs su spyod do/ /des rtse dga' yongs su spyad kyang bu pho yang med/ bu mo yang med de/ bdag gi khyim du nor du ma zhig 'dus na de la bu 
pho yang med bu mo yang med de/ bdag 'das pa dang bdag gi dbang ba thams cad bu med pa'o zhes zer te rgyal po'i dkor du 'gyur ro zhes de 'gram pa lag pa la gtad de rab tu sems shing 'dug pa de'i chung mas mthong nas/ jo bo khyod ci'i phyir lag pas 'gram par gtad de rab tu sems shing 
'dug ces smras pa dang / des smras pa/ bzang mo bdag gi khyim na nor du ma zhig 'dus kyang bu pho yang med bu mo yang med pas bdag 'das pa dang bdag gi dbang ba thams cad bu med pa'o/ /zhes zer te rgyal po'i dkor du 'gyur na ci'i phyir rab tu sems shing mi 'dug /des bsams 
pa/ ci 'di'i skal ba chung ngam/ bu pho yang med bu mo yang med na/ ci bdag gi skal ba chung ngam 'di ni gzhan ma yin gyi bdag la nyes pa'i skyon btags te chung ma gzhan len par 'dod do/ /de'i phyir bdag gi mdun du 'gram pa lag par gtad de rab tu sems shing 'dug la 'di skad du 
bdag gi khyim na nor du ma 'dus kyang bu pho dang bu mo med pas bdag 'das pa dang bdag gi dbang ba thams cad bu med pa'o zhes zer te rgyal po'i dkor du 'gyur ro zhes zer gyis de bas na bdag nyid tham par bya'o zhes bsams nas smras pa/ jo bo 'di ltar bdag skal ba chung bas khyod kyi bu pho 
dang bu mo med kyis chung ma gzhan zhig long shig dang / de las bu pho dang bu mo yang 'byung bar 'gyur ro/ /des smras pa/ bzang mo khyod kyis skyes bu gang la chung ma gnyis yod na/ de ni nam yang chu grang mo'i skyo ma mi 'thung ste rtag tu de'i khyim na 'thab pa dang 'khrug pa dang mi 'dum 

</font><hr>11-1-132a<br><font size=+1>
pa dang rtsod pas nang gi skye bo rnams dkrugs par byas te rang gi las la brtson par mi 'gyur ro zhes ma thos sam/ mos smras pa/ jo bo re zhig long shig dang de ste phu nu mo tsam du gyur na ni phu nu mor 'du shes kyis bskyang bar bya'o/ /'on te bu mo tsam zhig na ni bu mor 'du 
shes kyis bskyang bar bya'o/ /des de la g.yo byas te smras pas de yang bu mo tshol ba la zhugs so/ /de nas ri brags kyi grong gzhan zhig na khyim bdag cig gi bu mo zhig btsas nas skyes pa dang / pha ma gnyis dus las 'das pa zhig ste/ des de la de'i ming po las de bslangs nas dpal 
chen po dang sbyar te bag mar blangs so/ /thams cad kyang chos nyid kyis sar pas rnying pa zil gyis gnon pas des de la shin tu byams shing sems zhugs par gyur to/ /de nas de'i chung ma rnying pa de rang bzhin gyis phrag dog gis mngal gyi gnas dag par gyur te/ sems can dang ldan 
par gyur nas de dga' ba skyes te de la smras pa/ jo bo dga' ba skyed cig bdag ni sems can dang ldan par gyur to/ /des smras pa/ bzang mo legs so/ /de ste bu pho zhig btsas na ni bdag 'das pa dang khyim gyi bdag por 'gyur ro/ /mos smras pa/ jo bo khyod kyi chung mas mngal 
nas lhung ba'i cho ga zhig sbyar te lhung bar ma byas na ni khyim gyi bdag por 'gyur ro/ /des smras pa/ bzang mo sngon yang bdag gis 'di lta bu'i phyir smras na/ da dung bu cung zad kyang med par khyod kyis brtsam mam/ de lan med de cang mi zer bar 'dug go/ /de zla ba brgyad dam dgu 
'das pa dang khye'u zhig btsas so/ /de btsas pa'i btsas ston cher byas te rigs dang mthun pa las ming btags so/ /des sngon las kyis 'di btsas na sems can 'di ma yar mo 'dis 'di mi gsod pa la phan gyis de bas na 'di nyid la gzhar ro zhes bsams nas des de la smras pa/ 
che zhe khye'u 'di khyod dang bdag gi yin gyis bdag cag gnyis kas bskyed do/ /des legs kyis 'di bzhin bgyi'o zhes smras nas de skyed pa la zhugs so/ /des de bskyed na log par rtog pa skyes te gang gi bu yin pa de'i khyim ste/ de bas na 'di bskyed kyang 'di ltar khyim gyi bdag por 

</font><hr>11-1-132b<br><font size=+1>
gyur pa dang / bdag ni bran mor 'gyur gyis 'di ni gsad do snyam nas de log par rtog pas bskyod pas khye'u de'i khar smig ma'i thur ma zhig btsugs pa dang / de sdug bsngal gyis gzir bas ngu bar gyur nas des smras pa/ khye'u 'di ci'i phyir ngu zhes dris pa dang / des smras pa/ che zhe 
ci'i phyir ngu ma 'tshal to/ /des de blangs te dga' bar bya bar brtsams te lag pas 'khyud de 'o byas nas pang par blangs kyang mi btub nas/ des de la nu ma blud nas ji tsam na bltas pa dang smig ma'i thur ma zhig khar btsugs par mthong nas/ des myur du kha phye ste lag pas drangs pa 
dang khye'u de dbugs med de dus las 'das nas des brang brdungs te ngu zhing sa la sgyel ba dang khyim gyi skye bo dag brgyugs nas 'di ci nyes zhes dris pa dang / des snying rje zhing brtse bas mchi mas brnangs bzhin du smras pa/ kye ma ma yar mo sdig pa'i chos spyod pa 'di phrag dog gis 
khros nas bdag gi bu'i khar smig ma'i thur ma btsugs te bsad do/ /de dag kyang ngu bar gyur nas 'khor gyi khyim mtshes dag gis thos nas de dag gis kyang brgyugs te smras pa/ e ma'o 'di ni glo bur zhig byas te byis pa 'di nyes pa med cing gnod pa med par bsad do zhes zer 
nas/ de de la skye bo mang po dag gis e ma'o zhes zer zhing kun du bskor to/ /de ni brang rdung zhing ngu ste mna' bor ba de ste/ bdag gis khyod kyi bu bsad par gyur na bdag gi khyo sbrul gyis zos te dus byed par shog shig /bu gcig ni was zos par shog shig /gnyis pa ni chu bor 
lhung ste dus byed par shog shig /pha ma gnam lcags kyis gsod par shog shig /bu'i sha yang zos la smyos shing 'phyar ba'i sems kyis phan tshun 'khyam par shog shig ces mna' bor ro/ /dge slong dag ji snyam du sems/ khyim bdag de'i chung ma gnyis pa ni 'di ltar 'di bzhin 
dge slong ma skem mo gau ta mI 'di'o/ /'di shin tu nyon mongs pas kun du khebs pas na khye'u bsad na yang brdzun du smra zhing mna' bor ba de'i las kyi rnam par smin pas 'di'i khyo sbrul gyis zos te dus las 'das so/ /bu gcig ni was bsad do/ /gcig ni chu bor lhung ste dus las 

</font><hr>11-1-133a<br><font size=+1>
'das so/ /pha ma ni gnam lcags lhung bas dog go/ /bu'i sha zos te sgren mor smyos shing yan man du g.yengs pa'i sems kyis phan tshun du 'khyam mo/ /gzhan yang bcom ldan 'das 'od srung las rab tu byung bar gyur te/ der 'dis tshe gcig tu tshangs par spyod pa 
spyad kyang yon tan mang po gang yang ma chud do/ /gang la rab tu byung ba'i mkhan mo de bcom ldan 'das 'od srung yang dag par rdzogs pa'i sangs rgyas kyis 'dul ba 'dzin pa'i nang na mchog tu gsungs so/ /de na 'dis 'chi ba'i tshe smon lam btab pa/ gang bdag gis bcom ldan 'das 'od 
srung bla na med pa yon gnas kyi drung du tshe gcig tu tshangs par spyod pa spyad kyang yon tan mang po cig kyang ma chud de bdag dge ba'i rtsa ba 'dis na gang bcom ldan 'das 'od srung yang dag par rdzogs pa'i sangs rgyas kyis bram ze'i bu bla ma la bram ze'i bu khyod skye bo'i tshe lo brgya thub pa na shAkya thub pa de 
bzhin gshegs pa yang dag par rdzogs pa'i sangs rgyas su 'gyur bar lung bstan pa de'i bstan pa la bdag rab tu byung nas nyon mongs pa thams cad spangs te dgra bcom pa mngon du byas nas/ ji ltar bdag gi mkhan mo 'di la bcom ldan 'das 'od srung yang dag par rdzogs pa'i sangs 
rgyas kyis 'dul ba 'dzin pa'i nang na mchog tu gsungs pa de bzhin du bdag kyang bcom ldan 'das shAkya thub pa shAkya'i rgyal po des 'dul ba 'dzin pa'i nang na mchog tu gsungs par shog shig /'dis de na tshe gcig tu tshangs par spyod pa spyad pas na de nga'i bstan pa la rab tu byung zhing nyon 
mongs pa thams cad spangs nas dgra bcom pa mngon du byas so/ /gang 'dul ba 'dzin pa'i nang na mchog tu shog shig ces smon lam btab ste/ smon lam de'i mthus na da ltar de bzhin gshegs pas 'dul ba 'dzin pa'i nang na mchog tu gsungs so/ /gzhan yang dge slong dag gis 
sangs rgyas bcom ldan 'das la zhus pa/ btsun pa skem mo gau ta mI pha ma gnyis kyis las ci bgyis na las gang gi rnam par smin pas gnam lcags lhung ste gum par 'gyur/ khyos las ci bgyis na sbrul gyis 'tshal nas dus las 'das/ bu gnyis kyis las ci bgyis na gcig ni 

</font><hr>11-1-133b<br><font size=+1>
was 'tshal gcig ni chu bor lhung ste dus las 'das par gyur/ bcom ldan 'das kyis bka' stsal pa/ dge slong dag de dag nyid kyis las byas shing bsags pas tshogs rnyed cing rkyen smin pa ni chu bo bzhin du nye bar gnas pa ni gdon mi za bar 'gyur ro/ /de dag gis las byas shing bsags pa 
ni gzhan sus kyang myong bar mi 'gyur ro/ /dge slong rnams las byas shing bsags pa ni phyi rol gyi sa'i khams la rnam par mi smin/ chu'i khams la ma yin/ me'i khams la ma yin/ rlung gi khams la ma yin gyi zin pa'i phung po dang / khams dang / skye mched 'di nyid la dge ba dang mi 
dge ba'i las byas pa rnam par smin to/ /las rnams stor bar mi 'gyur ba/ /bskal pa dag ni brgyar lon kyang / /dus dang 'phrod nas 'thob pa ni/ /lus can rnams la 'bras bur smin/ /dge slong dag sngon byung ba na bskal pa bzang po 'dir skye bo tshe lo nyi khri thub pa na 'od srung zhes bya ba'i ston 
pa 'jig rten du byung ste/ de bzhin gshegs pa dgra bcom pa yang dag par rdzogs pa'i sangs rgyas rig pa dang rkang par ldan pa/ bde bar gshegs pa/ 'jig rten mkhyen pa/ bla na med pa skyes bu 'dul ba'i kha lo sgyur ba/ lha dang mi rnams kyi mkhan po/ sangs rgyas bcom ldan 
'das yul 'khor mo 'jig gi grong khyer gyi drang srong bzhin gyi ri dgas gnas na bzhugs so/ /de'i dus na yul 'khor mo 'jig na khyim bdag gzhan zhig gnas te phyug pa/ nor mang ba/ longs spyod che ba/ gnas yangs shing rgya che ba/ ngal bso po'i bzhin nor 'dus pa/ ngal 
bso po'i nor la sdo ba des chu bo ba ra ka ya'i pha rol tu gtsug lag khang zhig brtsigs te der yul so so na gnas pa'i dge slong dag gnas te/ khyim bdag de las skyes bu grong mi dag gis zong blangs shing 'dong ngo / /de la gcig gis lan gsum gyi bar du zong chud gsan pa dang / des 
de la smras pa/ 'di ltar drin med pa khyod kyis brnogs te bdag gi zong lan gsum du chud gsan gyis ma byin gyi bar du ma 'gro shig /des smras pa/ khyim bdag nga lan gcig stsal la de chud gsan na bdag gi bu gsum dang / bdag chung mar bcas pa khyod kyi bran du snoms shig des yang 

</font><hr>11-1-134a<br><font size=+1>
tshigs rgya bris nas de la zong byin no/ des yang cung zad kyang mi nus pa zhig ste/ de yang chud gsan nas khyim bdag des de chung ma dang bur bcas te gtsug lag khang de'i las byed par phul lo/ /de yul 'khor mo 'jig na gnas pas nyi ma re re zhing chu bo rgal nas 
gtsug lag khang der dge slong gi dge 'dun gyi 'bras chan 'tshed de/ chung ma dang bu dag ni phyag tshang byed do/ /gtsug lag khang de na dge slong dgra bcom pa zhig dge 'dun gyi zhal ta byed de/ de nas dus phyi zhig na char pa bab pas chu bo ba ra ka chus gang ste/ las byed pa bu dang chung mar 
bcas te ring du thogs pa dang dge slong dgra bcom pa de 'ongs nas smras pa/ kye skyes bu gdugs tshod 'di tsam 'das kyi bar du da dung yang khyod mi 'ong na ci dge slong gi dge 'dun bshos rnams gcad par bya'am/ de skad smras pa dang chung ma dang bcas nas khros te smras pa/ 'di 'ong ba na klad par 
ci'i phyir gnam lcags ma bab/ bu phos smras pa/ 'di sbrul gdug pas ci'i phyir ma zos/ bu 'bring pos smras pa 'di ci'i phyir chu bor lhung ste dus las ma 'das/ bu chung ngus smras pa/ 'di was ci'i phyir ma zos/ dge slong dag ji snyam du sems/ gang khyim bdag chung mar 
bcas pa de gnyis ni skem mo gau ta mI pha ma'o/ /gang bu chen po de ni 'di'i khyo'o/ /gang bu 'bring po de ni 'di'i bu chen po'o/ /gang bu tha chungs de ni 'di'i bu chung ngu ste/ de ltar dgra bcom pa la ngan sems kyis tshig rtsub po phyung ste/ de'i las kyi rnam par smin pas gnam lcags dang / 
sbrul gdug pa dang / wa la sogs pas bsad/ chu bor lhung ba dang bzhi char dus las 'das so/ /de lta bas na dge slong dag shin tu gnag pa'i las kyi rnam par smin pa'ang shin tu gnag go/ /shin tu dkar ba'i las ni shin tu dkar ba/ 'dres pa las ni 'dres pa/ de lta 
bas na dge slong dag shin tu gnag pa dang 'dres pa'i las spangs te/ shin tu dkar ba'i las la nan tan bya'o/ /de bzhin du dge slong dag khyed kyis bslab par byos shig /bcom ldan 'das kyis 'di skad gsungs pa dang / dge slong de dag yi rangs te bcom ldan 'das kyis 

</font><hr>11-1-134b<br><font size=+1>
gsungs pa la mngon par dga'o// //'dul ba phran tshegs kyi gzhi/bam po sum bcu rtsa dgu pa/ gleng gzhi mnyan du yod pa na ste/ nam skyes bu glen pa 'phags skyes pos shAkya rnams la nyes pa med cing gnod pa med par bsad pa dang shAkya'i chung ma rnams kyi ming po dang / 
khyo dang / pha rnams las bral bar gyur nas sdug bsngal gyis nyon mongs te legs par bshad pa'i chos 'dul ba la rab tu byung ngo / /sdug bsngal ni dril gyi sgra dang 'dra ste/ nam de dag mya ngan gyi bral ba dang de'i tshe 'dod chags rab tu che ba'i nyon mongs pas gzir te bzod par bya ba ma nus 
so/ /bcom ldan 'das kyis gsungs pa/ sbrul nag po la nyes pa'i dmigs lnga ste/ lnga gang zhe na/ khro ba can dang / khon du 'dzin pa can dang / snying ring ba dang / byas pa mi gzo ba dang / dug rno ba'o/ /de ltar de bzhin du bud med kha cig la yang nyes dmigs rnam pa lnga ste/ 
lnga gang zhe na/ khro ba can dang / khon du 'dzin pa can dang / snying ring ba dang / byas pa mi gzo ba dang / dug rno ba'o/ /de la bud med kyi dug rno ba gang zhe na/bud med ni phal cher 'dod chags che'o/ /de dag gcig la gcig gros byas nas dge slong ma sbom dga' mo gang na ba der dong 
ste phyin pa dang sbom dga' mo'i rkang pa la phyag byas te mdun du 'khod nas 'phags ma nyon mongs pa rnams ni gzung bar dka' ste/ bud med rnams la bslu bar bgyid na ji ltar bdag cag gis bzlog par bgyi ba bshad du gsol/ des smras pa/ nu mo dag de la shes 
par bya ba ci zhig yod khyed cag ni na chung dar la bab pa yin gyis nged la khrims phul te nor can dang / tshong dpon dang / ded dpon dang / gzhan yang nal gyi bu dang / su'i bu gtol med pa rnams dang lhan cig tu yongs su spyod cig /de ste nga yang gzhon na ni khyed cag dang lhan cig 
tu 'gro'o/ /des de dag bslus pa dang rkang pa la phyag 'tshal te dong nas smras pa/ che zhe 'phags ma sbom dga' mo na re 'di la shes par bya ba ci zhig yod ces zer ro/ /de dag las kha cig gis che zhe des smras pa legs kyis 'dod la yongs su spyod do zhes smras pa dang / kha cig 

</font><hr>11-1-135a<br><font size=+1>
gis smras pa/ nu mo bud med rnams kyis legs par bshad pa'i chos 'dul ba la rab tu byung ba ni rnyed par dka' na skad cig 'phags ma skem mo gau ta mI la yang dri'o/ /de dag gis che zhe legs kyis de bzhin du bgyi'o zhes smras te/ de dag skem mo gau ta mI'i drung 
du dong ste rkang pa la phyag byas nas 'phags ma nyon mongs pa ni gzung bar dka' ste/ bud med rnams slu bar bgyid na bdag cag gis ji ltar bzlog par bgyi ba bshad du gsol/ des smras pa/ che zhe dag 'dod pa rnams kyi ming yang ma 'dzin cig /de ci'i phyir zhe na/ 'dod pa ni bde 
ba chung la sdug bsngal che/ nyes pa'i dmigs mang ngo / /bcom ldan 'das kyis gsungs pa/ nyes pa'i dmigs lnga yang dag par mthong zhing mkhas pas ni 'dod pa la bsten pa'i mi rigs so/ /lnga gang zhe na/ 'dod pa ni dga' ba chung zhing sdug bsngal che la nyes pa'i dmigs mang 
por yang dag par mthong ba'i mkhas pas 'dod pa la bsten par mi rigs so/ /'dod pa la bsten pas sbyor ba'i rnam par 'phel bar 'gyur bar mthong ba'i mkhas pas 'dod pa la bsten par mi rigs so/ /'dod pa la bsten na gtong ba dang / ngoms pa dang / chog pa med par 
mthong ba'i mkhas pas 'dod pa la bsten par mi rigs so/ /'dod pa la bsten pa ni sdig pa'i las mi byed pa ni cung zad kyang med par mthong ba'i mkhas pas 'dod pa la bsten par mi rigs so/ /'dod pa ni rnam grangs du ma las kyang sangs rgyas dang / sangs rgyas kyi nyan thos 
dang / mkhas pa dang / yang dag par song ba'i skyes bu dam pa dag gis smad par mthong ba'i mkhas pas 'dod pa la bsten par mi rigs so/ /yon tan lnga mthong ba'i mkhas pa ni rab tu 'byung ba la mos par bya ba'i rigs so/ /lnga gang zhe na/ rang gi don ma 'dres pa 
mthong ba'i mkhas pas rab tu byung ba la mos par bya ba'i rigs so/ /bdag gang bran mo dang / mngag gzhug ma dang / skyo ba dang / dbang byed pa dang / gar dgar 'gror med pa las de dag gis mchod pa dang / bsngags par mthong ba'i mkhas pas rab tu 'byung ba la mos 

</font><hr>11-1-135b<br><font size=+1>
par bya ba'i rigs so/ /bla na med pa'i rnal 'byor bde ba dang / mya ngan las 'da' ba 'thob par 'gyur ba mthong ba'i mkhas pas rab tu 'byung ba la mos par bya ba'i rigs so/ /bdag bla na med pa'i rnal 'byor bde ba dang / mya ngan las 'da' ba 'thob pa dag ma thob na yang 
lhar skye bar 'gyur ro/ /zhes mthong ba'i mkhas pas rab tu 'byung ba la mos par bya ba'i rigs so/ /rnam grangs du ma las kyang rab tu 'byung ba ni sangs rgyas dang / sangs rgyas kyi nyan thos dang / mkhas pa dang / yang dag par song ba dang / skyes bu dam pa dag gis bstod 
par mthong ba'i mkhas pas rab tu 'byung ba la mos par bya ba'i rigs so/ /ci bdag gis tshe gzhan du 'dod pa'i phyir sdug bsngal myong bar de mnyan par 'dod dam/ 'on te tshe 'di la myong ba'i rnams mnyan par 'dod/ de dag gis 'phags ma khyod kyis tshe gzhan du 'dod pa'i 
phyir sdug bsngal myong ba ni re zhig zhog la gang tshe 'di la myong ba rnams gsung shig ces smras pa dang / des de dag la ma dang /pha dang / khyo dang / bu rnams las bral ba'i sdug bsngal dang / bu'i sha zos pa'i sdug bsngal ji ltar gyur pa zhib tu smras pa dang / de dag skyo nas ba spu kun 
khung nas g.yos te rna ba byo nas skem mo gau ta mI'i gdong du bltas pa dang / des de dag gi bsam pa dang / bag la nyal dang / khams dang / rang bzhin rnams shes nas 'phags pa'i bden pa bzhi yang dag par rtogs par 'gyur ba de lta bu'i chos bshad do/ /de thos pa nas 
de dag gis 'jig tshogs su lta ba'i ri'i rtse mo nyi shu gyen du byung ba ye shes kyi rdo rjes bcom ste/ rgyun du zhugs pa'i 'bras bu mngon du byas so/ /de dag bden pa mthong ste 'phags ma bdag cag do zhig go/ /bdag cag rab tu do zhig go/ /'phags ma sbom dga' mos bdag 
cag 'dod pa'i 'dam du do bcug go zhes smras pa dang / skem mo gau ta mIs nu mo dag ci byas zhes dris pa dang / de dag gis kyang zhib tu smras so/ /des nu mo dag 'di la ci zhig bya/ de ni nyes pa sbom po la spyod pa ste/ des bcom ldan 'das kyi bstan pa chu 'gram gyi gad pa 

</font><hr>11-1-136a<br><font size=+1>
bzhin 'dor ro zhes smras pa dang / don chung ngu'i dge slong ma dag 'phya spang ste/ kha ngan du 'dzer ba ni dge slong mas dge slong ma dag slar khyim du bskrad pa ga la srid ces 'dzer to/ /de ltar gyur pa dge slong ma dag gis dge slong dag la smras so/ /dge slong dag 
gis bcom ldan 'das la gsol nas/ bcom ldan 'das kyis bka' stsal pa/ de lta bas na dge slong mas dge slong ma khyim du 'jug par ma byed cig /'jug par byed na nyes pa sbom por 'gyur ro/ /gleng gzhi ni mnyan du yod pa na ste/ dge slong ma gzhan zhig dge 
slong la spyos pa dang / dge slong de skrag par gyur te/ de ltar gyur pa dge slong dag gis bcom ldan 'das la gsol to/ /bcom ldan 'das kyis bka' stsal pa/ de lta bas na dge slong pha la spyo bar byed na 'das pa dang bcas par 'gyur ro/ /ji ltar dge slong mas 
dge slong pha la mi bya ba bzhin du dge slong ma dang / dge slob ma dang / dge tshul pha dang / dge tshul ma la mi bya'o/ /dge slob mas dge slong dang / dge slong ma dang / dge slob ma dang / dge tshul pha dang / dge tshul ma la mi bya'o/ /dge tshul mas dge slong pha dang / dge 
slong ma dang / dge slob ma dang / dge tshul pha dang / dge tshul ma la yang mi bya'o/ /mdor na/ /mdun du 'gro bar mi bya ste/ /ldang bar bya'o dge slong ma/ /zhus nas 'dug par bya ba dang / /skyil mo krung dang rnam grangs med/ /sangs rgyas bcom ldan 'das 
mnyan du yod pa dze ta'i tshal mgon med zas sbyin gyi kun dga' ra ba na bzhugs so/ /de'i tshe tshe dang ldan pa 'od srung chen po mnyan du yod pa'i sngon gyi skyed mos tshal ri dgas sgra'i khang pa na 'dug go/ /de nas tshe dang ldan pa 'od srung chen po snga dro sham thabs dang chos gos gyon 
lhung bzed khyer te mnyan du yod par bsod snyoms kyi phyir zhugs so/ /dge slong ma sbom dga' mo yang snga dro sham thabs dang chos gos gyon lhung bzed khyer nas mnyan du yod par bsod snyoms la zhugs pa dang / des tshe dang ldan pa 'od srung chen po mthong nas glen pa 'di la mi 

</font><hr>11-1-136b<br><font size=+1>
dga' bar bya'o snyam bsams nas khyim gang du tshe dang ldan pa 'od srung chen po 'gro ba der mo thog mar dong ste/ sgo'i nang logs su 'dug nas 'phags pa da ltar ni sbyar ba cung zad kyang med kyis song shig ces smras pa dang / de khyim gzhan du song ngo / /der yang mo sngar song ste 
snga ma bzhin du gtses so/ /'di bzhin du yang gcig nas gcig tu byas pa dang / ma dgongs par ni dgra bcom pa'i ye shes kyis gzigs pa mi 'jug ste/ su zhig bdag la 'tshe snyam dgongs na/ sbom dga' mo yin par gzigs nas des smras pa/ sring mo khyod kyis ni 
ma nyes kyis tshe dang ldan pa kun dga' bos nyes te/ nyes pa sbom po spyod pa'i bud med dag legs par bshad pa'i chos 'dul ba la rab tu phyung zhing bsnyen par rdzogs nas dge slong ma'i dngos por gnang bar byas pas nyes so/ /de ltar gyur pa dge slong dag gis thos nas 
bcom ldan 'das la gsol pa dang / bcom ldan 'das kyis dgongs pa/ gang cung zad dge slong mas dge slong pha spyod yul du 'gro ba'i mdun du song na nyes pa'i dmigs su 'gyur te/ de lta bas na dge slong mas dge slong gi spyod yul du bsod snyoms mi bslang bar 
dgongs nas bka' stsal pa/ dge slong dag dge slong 'od srung gis dge slong ma la rigs par spyos so/ /de lta bas na dge slong mas dge slong gi spyod yul du bsod snyoms ma bslang shig /dge slong mas dge slong gi spyod yul du bsod snyoms bslangs na 'das pa dang bcas 
par 'gyur ro/ /bcom ldan 'das kyis dge slong mas dge slong gi spyod yul du bsod snyoms ma bslang shig ces gsungs pa dang / dge slong mas dge slong gi spyod yul spangs pa dang / de dag bsod snyoms kyis phongs par gyur nas de ltar gyur pa dge slong ma rnams kyis 
dge slong rnams la smras nas/ dge slong rnams kyis bcom ldan 'das la gsol to/ /bcom ldan 'das kyis de lta bas na dge slong mas dge slong spyod yul du 'dong ba'i mdun du 'gro bar mi bya'o/ /gang spyod yul dge slong dag gis spangs par dge slong ma dag de dag 'dong bar byos 

</font><hr>11-1-137a<br><font size=+1>
shig ces bka' stsal to/ /gleng gzhi ni mnyan du yod pa na ste/ sbom dga' mo 'khor brgya du ma'i mdun na 'dug cing chos 'chad do/ /tshe dang ldan pa 'od srung chen po lam der song ba dang 'khor de dag gis tshe dang ldan pa 'od srung chen po mthong nas langs so/ /
sbom dga' mo ni rkub kyang ma bskyod pa dang / de dag gis 'phags pa 'od srung chen po lha dang mis mchod pa de mthong ba dang / bdag cag ni langs na khyod stan las kyang ma 'phags pa ni ma legs so zhes smras pa dang / des 'di ni mu stegs can las rab tu byung ste/ blun pa rab 
tu blun pa/ glen pa/ rab tu glen pa na bdag shAkya mo rab tu byung ba sde snod gsum pa/ chos kyi gtam can/ rig pa dang grol ba la spobs pas ci phyir 'di mthong ba dang stan las ldang zhes smras pa dang / dge slong dag gis thos te bcom ldan 'das la gsol nas/ /bcom ldan 
'das kyis bka' stsal pa/ dge slong dag dad pa'i bram ze dang khyim bdag rnams ni rigs par 'phya'o/ /de lta bas na dge slong mas dge slong mthong ma thag tu stan las longs shig /ma langs na 'das pa dang bcas par 'gyur ro/ /bcom ldan 'das kyis gsungs 
pa/ /dge slong mas dge slong mthong ma thag tu stan las longs shig ces gsungs pa dang / dus phyi zhig na dge slong ma ut+pa la'i kha dog ma dbyar mo khang gi phyi rol na 'khor brgya phrag du ma'i mdun na 'dug ste chos 'chad do/ /tshe dang ldan pa kun dga' bo snga dro sham thabs dang 
chos gos gyon lhung bzed khyer te mnyan du yod par bsod snyoms kyi phyir zhugs pa las mnyan du yod pa nas bsod snyoms las slar bskor te/ gang na dge slong ma'i dbyar mo khang yod pa der song ba dang / dge slong ma ut+pa la'i kha dog ma tshe dang ldan pa kun dga' bo mthong ste/ 
mthong ma thag tu stan las langs pa dang / tshe dang ldan pa kun dga' bo stan la 'dug go/ /'dug nas sring mo khyod kyis mdo sde gang zhig brtsams zhes dris pa dang des smras pa/ 'phags pa 'di zhes bgyi ba'o/ /tshe dang ldan pa kun dga' bos mdo sde rgyas par bshad par 

</font><hr>11-1-137b<br><font size=+1>
brtsams pa dang / ut+pa la'i kha dog ma 'greng bzhin du rna ba byo ste nyan to/ /tshe dang ldan pa kun dga' bo chos 'chad pa la chags pas de la 'dug ces ma smras pa dang / de ring zhig 'greng bas nyi ma'i 'od zer tsha bas rmya ste brgyal bar gyur nas sa la 'gyel ba dang ma dad pa dag 
gis smras pa/ kye dge slong ma ut+pa la'i kha dog ma 'dod chags dang bral lo zhes thos na shAkya gzhon nu gzugs sdug pa mthong ba dang 'dod chags kyis bskyod pa'i rtog pas sa la 'gyel to zhes 'dzer ba dge slong dag gis thos te bcom ldan 'das la gsol nas/ bcom ldan 
'das kyis bka' stsal pa/ dge slong dag bram ze dang khyim bdag dag rigs par 'phya ste/ de lta bas na dge slong dag chos 'chad na 'phags ma 'dug ces smros shig /de ste dge slong brel te ma dran na dge slong mas zhus la 'dug shig /'phags pa mkhyen par mdzod cig 
bdag mchis so zhes brjod cig /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs te/ der bcom ldan 'das kyis dge slong dag la bka' stsal pa/ dge slong dag nyi ma ni shar/ bya rog ni skad 'byin/ zhing 
pa ni zhing rmed/ mi rgod ni ngu'o/ /de lta bas na dge slong dag don 'di ni dpe yin par shes par bya'o/ /de'i don yang 'di ltar blta'o/ /dge slong dag nyi ma shar ro zhes bya ba ni de bzhin gshegs pa dgra bcom pa yang dag par rdzogs pa'i sangs rgyas kyi tshig bla dgas 
so/ /bya rog sgra 'byin to zhes bya ba ni chos 'chad pa'i gang zag gi tshig bla dgas so/ /zhing pa zhing rmed do zhes bya ba ni gtong ba sbyin pa dag gi tshig bla dgas so/ /mi rgod ngu'o zhes bya ba ni bdud kyi 'khor gyi tshig bla dgas so/ /de lta bas na dge slong dag 'di ltar 
ston pa rjes su brtse ba can thugs rje can don du bzhed pa/ phan par bzhed pa/ thugs rje ba ngas nyan thos khyed rnams la bya ba ni byas zin gyis da ni khyed cag gis dgon pa dang / shing drung dang / khyim stong pa dang / lung ba dang / brag phug dang / sog ma spungs 

</font><hr>11-1-138a<br><font size=+1>
pa bla gab med pa dang / dur khrod dang / nags dang / ri dang / bas mtha' 'di dag tu gnas shing sgoms shig /dge slong rnams bag med par ma byed cig /phyis 'gyod pa can du gyur ta re 'di ni nga'i bstan pa'o/ /dge slong dag mtsho dang / lteng ka dang / brag 
phug dang / skyed mos tshal dang / chu mig dang / me tog dang / 'bras bus brgyan pa'i shing de lta bu'i steng na khyad par can du dga' ba'i gnas su dong nas yid la byed pa sgrub pa la rtsom mo/ /dge slong ma yang rgyal po'i kun dga' ra ba dang nye ba'i tshal stug por gzhan yang bud med dang 
mthun pa'i gnas dag tu dong ste yid la byed pa sgrub pa la rtsom mo/ /de sngon gyi las kyi rnam par smin pas bsgyur bas bud med ces bya ba'i rma'i sgor srog chags dag zhugs par bcom ldan 'das kyis gsan nas bka' stsal pa/ de lta bas na dge slong dag dge slong ma yid la byed 
pa sgom pa na skyil mo krung bcas te ma 'dug par skyil mo krung phyed du chos la 'dug pas yid la byed pa sgoms shig /bcom ldan 'das kyis dge slong mas skyil mo krung phyed chos te 'dug pas yid la byed pa sgoms shig ces gsungs na/ dge slong ma dag gis skyil mo krung phyed du 
bcas te 'dug nas yid la byed pa bsgom pa la rtsom pa dang / 'on kyang de'i mo mtshan du srog chags phra mo dag zhugs pa gsan nas/ bcom ldan 'das kyis bka' stsal pa/ gnas der 'dab ma'am lo ma srab mo lhung bas glon la skyil mo krung phyed du chos te 'dug shig /
gleng gzhi ni mnyan du yod pa na ste/ tshe dang ldan pa u pA lis bcom ldan 'das la zhus pa/ btsun pa nam dge slong mas khrims phul nas babs par gyur pas legs par bshad pa'i chos 'dul ba la slar rab tu phyung ste bsnyen par rdzogs nas dge slong ma'i dngos por 'tshal 
na rab tu 'byung ngam rab tu mi 'byung / bcom ldan 'das kyis bka' stsal pa/ u pA li rab tu mi 'byung ngo / u pA li lan gcig babs pa'i dge slong mas phyir legs par bshad pa'i chos 'dul ba la rab tu byung ba bsnyen par rdzogs nas dge slong ma'i dngos por dbyung du med 

</font><hr>11-1-138b<br><font size=+1>
do/ /gleng gzhi ni mnyan du yod pa na ste/ tshe dang ldan pa u pA lis sangs rgyas bcom ldan 'das la zhus pa/ btsun pa gang bcom ldan 'das kyis ni 'di na dge slong mas dge slong la tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pa'o 
zhes gleng bar mi bya/ dran par mi bya'o zhes gsungs na/ btsun pa ci dge slong mas dge slong pha la tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pa'o zhes gleng bar bgyi ba dang / dran par bgyi ba'i rnam grangs 'ga' tsam mchis sam/ 
bcom ldan 'das kyis bka' stsal pa/ u pA li dge slong mas dge slong la tshul khrims nyams pa dang / lta ba nyams pa dang / spyod pa nyams pa dang / 'tsho ba nyams pa'o zhes gleng bar bya ba dang / dran par bya ba'i rnam grangs gang yang med do// //mdor na/ tshong dpon gyis kyang 
zas lhag ma/ /bzhag pa dag ni mi spang ste/ /bar chad chos ni mi dri ba/ /gzhan phyir dag dang khrag 'dzag pa'o/ /gleng gzhi mnyan du yod pa na ste/ mnyan du yod pa na tshong dpon gzhan zhig gnas pa phyug la nor mang zhing longs spyod che ba des rigs mnyam pa las chung ma zhig 
blangs te/ de de dang lhan cig rtse dga' yongs su spyod do/ /de la rtse dga' spyod kyang bu pho yang ma byung / bu mo yang ma byung ngo / /de dus phyi zhig na nor zad par gyur/ longs spyod kyang zad par gyur nas des chung ma la bzang mo da ni bdag rgas pas nor btsal bar mi nus kyis dze 
ta'i tshal du song ste rab tu 'byung ngo zhes smas pa dang / des jo bo de ste khyod rab tu 'byung na/ bdag su'i drung na 'dug gis bdag kyang rab tu 'byung ngo zhes smras pa dang / des bzang mo legs kyis 'dong zhes smras nas/ de khrid de gau ta mI skye dgu'i bdag mo'i drung du 'ongs nas 
rkang pa la phyag byas te/ 'phags ma rang gi slas 'di legs par bshad pa'i chos 'dul ba la rab tu 'byung bar 'tshal gyis rab tu phyung shig /bdag dze ta'i tshal du mchis la rab tu 'byung ngo zhes smras nas des smras pa/ bu khyod chung ma dang bcas te sems bskyed pa ni legs te rab 

</font><hr>11-1-139a<br><font size=+1>
tu byung ba ni bcom ldan 'das kyis gsungs pa yon tan lnga mthong ba'i mkhas pas rab tu 'byung ba la mos par bya ba'i rigs so zhes bya ba nas/ snga ma bzhin du sangs rgyas dang / sangs rgyas kyi nyan thos pa dang / mkhas pa dang / yang dag par song ba dang / 
skyes bu dam pa rnams kyis rnam grangs du mas kyang rab tu 'byung ba ni bstod kyis legs te rab tu dbyung gis song shig ces smras nas de rab tu phyung ngo / /de yang dze ta'i tshal du song nas dge slong dag las rab tu byung ste/ de mnyan du yod pa'i tshong dpon zhig rab tu byung ngo zhes 
ming du gyur te/ bsod nams chen pos thob pa ni chos gos dang bsod snyoms dang / mal stan dang / nad kyi rkyen sman dpyad dang / yo byad rnams so/ /de dus phyi zhig na bsod snyoms kyi phyir zhugs so/ /de'i chung ma de yang bsod snyoms la zhugs pa dang / de'i dus 
na mu ge chen po byung ste de bsod snyoms kyis phongs so/ /des de mthong nas smras pa/ sring mo ji ltar 'tsho zhing 'dug /des 'phags pa mu ge'i dus la bab pas bsod snyoms kyi zas su yang mi ster te sdug bsngal zhing 'tsho mod ces smras pa dang / des sring mo nga la bsod snyoms 
'byor mod kyi bcom ldan 'das kyis gnang na bsod snyoms kyi phyed sbyin no zhes smras pa dang / de cang mi zer bar dbyar mo khang du song nas ji lta bur gyur pa dge slong ma dag la smras pa/ de dag gis dge slong la smras pa/ dge slong dag gis bcom ldan 'das la gsol pa dang / bcom 
ldan 'das kyis 'di 'dra ba'i dge slong ma la gang dge slong gis bsod snyoms zhig 'byor na dge slong des mu ge'i dus na de la bsod snyoms kyi phyed sbyin par bya ste/ de la the tshom ma byed cig ces bka' stsal to/ /bcom ldan 'das kyis 'di 'dra ba'i dge slong ma la gang dge slong 
gis bsod snyoms zhig 'byor na dge slong des mu ge'i dus la bab pa dang / de la bsod snyoms kyi phyed byin cig ces bka' stsal nas/ des de la bsod snyoms kyi phyed bzhag pa dang / des de za shing song ngo / /de la dus phyi zhig na 'phral byin pa'i bsod snyoms zhig rnyed de/ dge 

</font><hr>11-1-139b<br><font size=+1>
slong de'i drung du ma song ba dang / dge slong des bsams pa/ de ni gud nas zas rnyed du nges te/ de'i phyir 'dir ma 'ongs na 'di su'i phyir gzhag snyam du bsams nas/ des de ma bzhag pa dang / ji tsam zhig na dge slong ma de yang 'ongs te des sring mo khyod mi 'ong snyam nas/ bdag gis 
bsod snyoms ma bzhag ste/ zas 'di ni bzhag pa zhig na/ de ste bcom ldan 'das kyis gnang na ni 'di bdag gis sbyin no zhes smras pa dang / des de'i rkang pa la phyag byas nas dbyar mo khang du song ste/ des ji lta bur gyur pa dge slong ma dag la smras nas de dag gis dge slong 
dag la smras te/ dge slong dag gis kyang bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong dag gis bzhag pa dge slong mas byin len byos la bza' bar gnang ngo / /gang yang dge slong mas bzhag pa de ni dge slong 
gis byin len byos shig /'di la the tshom ma byed par dge slong mas ni dge slong la byin len bya'o/ /dge slong dag gis kyang dge slong ma las byin len bya'o/ /gleng gzhi ni mnyan du yod pa na ste/ dge slong dag gis dge slong ma'i dge 'dun gyi dbus su thun mong ma 
yin pa'i bar chad kyi chos dris pa dang / de ngo tsha nas gdong smad de 'dug go/ /de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ dge slong dag gis dge slong ma dang thun mong ma yin pa'i bar chad kyi chos dri 
ba mi bya'o/ /dge slong ma nyid kyis dris shig /dge slong gis dge slong ma la dge slong ma de thun mong ma yin pa'i bar chad kyi chos 'dri na 'das pa dang bcas par 'gyur ro/ /dge slong pha dag gis thun mong gi dri bar brtsams na 'on kyang ngo tsha nas ma smras pa dang / bcom 
ldan 'das kyis bka' stsal pa/ dge slong ma drung du zhog la dris shig /des ni dge slong ma la smros shig /dge slong ma des kyang dge slong la smros shig /gleng gzhi mnyan du yod pa na ste/ tshe dang ldan pa shA ri'i bu la dge slong ma gzhan zhig bsnyen par rdzogs te/ 'di 

</font><hr>11-1-140a<br><font size=+1>
ltar khyod shes rab mchog gi bstan pa la bsnyen par rdzogs nas ji ltar khom pa phun sum tshogs pa rnyed par dka' ba 'di la skyo bar ma byed cig ces bsgo ba de'i bar du der khrag zags nas/ de la tshe dang ldan pa shA ri'i bus sring mo longs te song shig ces 
smras pa dang / de khrag zags te ngo tsha nas yid la gnod bsam langs pa dang tshe dang ldan pa shA ri'i bus de shes nas song ngo / /de la dge slong ma dag gis nu mo dkyil 'khor nyid du khyod kyis slob dpon la ma dad par bya'am longs zhes bsgo na khyod ci phyir mi ldang zhes smras pa dang / 
des phu nu mo dag 'di ni yon tan chen po dag 'di lta bu'i las med na khyod kyang 'di skad smra'am/ bdag tsog pur 'dug pas khrag zags na ji ltar ldang zhes smras pa dang / de dag cang mi zer bar 'dug go/ /de ltar gyur pa de dag gis dge slong dag la byas nas dge slong dag 
gis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong ma bsnyen par rdzogs par byed pa tsog pur ma 'dug par pha gu'am/ rtswa'am/ stan nang tshangs can gyi steng du bzhag par bya ste bud med lto snyi ba'i phyir ro/ /mdor na/ 
dge slong lhag ma mi rung ste/ mi gtsang ba ni rked chings dang / /nu rten dang yang nu mchings kyi/ /bar chad de dag bcang mi bya/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs te/ de nas gau ta mI skye dgu'i bdag 
mo chen mo 'khor lnga brgya dang ljongs rgyu zhing dong ba las nyi ma nub kar dze ta'i tshal du phyin nas/ des mnyan du yod par 'dong du ni dus las yol na 'di nyid du 'di ji lta bu pa de lta bur nub mo gnas te nang par nam nangs nas 'dong ngo snyam bsams te/ de sa la nyal bas de'i chos gos 
rnams rdul gyis gos par gyur to/ /de nang par nam nangs nas phyir yang 'ong dgos kyis/ cig char ston pa la phyag byas te 'dong ngo snyam bsams nas/ de dag bcom ldan 'das gang na ba der song ste phyin nas bcom ldan 'das kyi zhabs la phyag byas te spyan sngar 'khod pa 

</font><hr>11-1-140b<br><font size=+1>
dang / /bcom ldan 'das kyis de'i chos gos la rdul gos pa gzigs nas gau ta mI khyod kyi chos gos la rdul sus bsgos zhes smras pa dang / des ji lta bur gyur pa zhib tu gsol te/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' 
bo dge slong dag gis dge slong ma la dge slong gis mal stan gyi lhag ma ma byin nam/ ma stsal to/ /bcom ldan 'das kyis bka' stsal pa/ kun dga' bo de lta bas na gnang ba ni dge slong gi mal stan gyi lhag ma dge slong ma la byin cig /de la the tshom ma byed cig /bcom 
ldan 'das kyis dge slong dag gis dge slong gi mal stan gyi lhag ma dge slong ma la byin cig ces bka' stsal pa dang / dge slong gzhan gyis mal stan shin tu bzang po blangs te de'i lhag ma dge slong dag gis dge slong ma de dag la byin nas bcom ldan 'das kyis bka' stsal 
pa/ /bzang po las ma sbyin par gos rnying pa'am/ snam bu'am/ ras lta bu las byin cig /gleng gzhi ni mnyan du yod pa na ste/ tshe dang ldan pa 'od srung chen po snga dro sham thabs dang chos gos gyon/ lhung bzed thogs te mnyan du yod par bsod snyoms kyi phyir 
zhugs so/ /dge slong ma sbom dga' mo yang gtsug lag khang du zhugs te/ ston gyi dus su gyur pas chu bo rnams chus gang bas na tshe dang ldan pa 'od srung chen po zam pa la rgal ba dang / sbom dga' mos mthong nas/ des bsams pa/ blun po 'di mi dga' bar 'gyur ba 
zhig bya'o snyam nas/ des 'gros mgyogs shing myur du song ste de zam pa rgal ba la des zam pa de bsgul ba dang / tshe dang ldan pa 'od srung chen po lhung nas de'i sbyar ma dang sham thabs dag chus gsher lhung bzed shor bas chur nub po/ khar gsil ni khyer ro/ /des smras pa/ 
sring mo 'di khyod kyis ni ma nyes kyi/ tshe dang ldan pa kun dga' bos nyes te/ 'di ltar nyes pa sbom po spyod pa'i bud med rnams legs par bshad pa'i chos 'dul ba la rab tu byung ba bsnyen par rdzogs nas dge slong ma'i dngos por rjes su yi rang bas lan/ de ltar gyur pa dge 

</font><hr>11-1-141a<br><font size=+1>
slong dag gis thos te/ bcom ldan 'das la gsol nas bcom ldan 'das kyis dgongs pa/ gang su zhig dge slong ma dang / dge slong dang lhan cig tu zam pa gcig rgal na nyes pa'i dmigs yin te/ de lta bas na dge slong mas dge slong pha dang lhan cig tu 
zam pa gcig la ma rgal cigargal na 'das pa dang bcas par 'gyur ro/ /bcom ldan 'das kyis dge slong ma dge slong dang lhan cig tu zam pa gcig la ma rgal cig ces bka' stsal pa dang / zam pa brtan pa [(]zhing[,]zheng [)] chen po gzhan la yang de dag ma rgal nas/ bcom ldan 'das 
kyis bka' stsal pa/ zam pa gang brtan zhing zheng che ba la ni de dag rgal bar bya ste/ de la the tshom du ma byed cig /gleng gzhi ni mnyan du yod pa na ste/ de nas dge slong ma sbom dga' mo snga dro sham thabs dang chos gos bgos/ lhung bzed thogs te mnyan du yod par bsod 
snyoms kyi phyir zhugs nas/ rim bzhin du btsun mo phreng ldan ma'i drung du song ba dang / des bde bar 'ongs pa'i tshig snyan par smras nas stan bting ngo / /de gtam zer zhing skad cig 'dug nas phreng ldan ma khyod kyi rked pa phra zhing phra'o zhes smras pa dang / des 'phags ma 
khyod kyis 'di dris te cir dgos/ bdag ni ji nas kyang rnam pa gang gis lha'i sems mnyes par byed do zhes smras pa dang / des phreng ldan ma de bzhin mod kyi 'on kyang the tshom dgrol ba tsam du dris smros shig ces byas pa dang / des 'phags ma bdag ni rked chings bcangs 
so zhes smras pa dang / des legs te de'i phyir khyod la skye bo mang po dag gi yid mgu ba dang dga' bar byed do zhes smras pa dang / de cang mi zer bar 'dug go/ /sbom dga' mo dbyar mo khang du song nas rked bcings bcangs so/ /dus phyi zhig na sbom dga' mo chu bo a 
dzir ba ti'i drung na dge slong ma dag dang lhan cig khrus byed pa na de dag gis mthong nas/ 'phags ma bdag cag gi rked pa ni sbom zhing sbom la/ khyod kyi phra zhing phra ba 'di ci'i phyir zhes dris pa dang / des nu mo dag bdag ni rked bcings bcangs so/ /de bas na bdag gi 

</font><hr>11-1-141b<br><font size=+1>
rked pa 'di 'dra'o zhes smras so/ /de dag gis 'phags ma khyod rked chings bcang du rung ngam zhes dris pa dang / des nu mo dag rung yang bla mi rung yang bla ste bdag gis ni bcangs so zhes smras pa dang / dge slong ma dag 'phya zhing smod do/ /ngan du 'dzer ba ni dge slong mas rked 
chings 'chang ba lta ga la srid/ de ltar gyur pa de dag gis dge slong rnams la smras pa dang / dge slong dag gis bcom ldan 'das la gsol to/ /bcom ldan 'das kyis bka' stsal pa/ de lta bas na dge slong mas rked chings ma 'chang shig /dge slong mas rked chings 
'chang na 'das pa dang bcas par 'gyur ro/ /gleng gzhi ni mnyan du yod pa na ste/ de nas dge slong ma sbom dga' mos snga dro sham thabs dang chos gos bgos lhung bzed thogs te snga ma bzhin du/ skad cig 'dug pa'i bar du gtam byas pa dang / phreng ldan ma khyod kyi nu ma ci 
phyir mtho zhing 'greng zhes dris pa dang / 'phags ma 'di dris te khyod la ci dgos/ bdag ni rnam pa ci dang cis kyang lha'i sems mnyes par byed do zhes smras pa dang / des phreng ldan ma de bzhin mod kyis the tshom dgrol ba'i phyir dris pa smros shig ces smras pa dang / des 
'phags ma bdag ni nu rten 'chang ngo zhes smras so/ /des legs so de lta bas na lha mo khyod ni bud med rin po che'o zhes smras pa dang / de cang mi zer bar 'dug go/ /sbom dga' mo dbyar mo khang du song ngo / /des dbyar mo khang du song nas nu rten bcangs pa nas/ snga ma dang 
'dra ba'i bar du ste/ de lta bas na dge slong dag dge slong mas nu rten ma 'chang shig /dge slong mas nu rten 'chang na 'das pa dang bcas par 'gyur ro/ /gleng gzhi ni mnyan du yod pa na ste/ de nas dge slong ma sbom dga' mo snga dro sham thabs dang chos gos bgos lhung bzed 
thogs te snga ma dang 'dra ba nas/ skad cig gtam zer zhing 'dug pa'i bar du phreng ldan ma ci phyir khyod kyi nu ma 'phyar ces smras pa dang / des 'phags ma khyod kyis 'di dris te ci dgos bdag gi rnam pa ci dang cis lha'i sems mnyes par bgyid do zhes smras pa dang / phreng ldan ma de 

</font><hr>11-1-142a<br><font size=+1>
bzhin mod kyi the tshom dgrol ba'i phyir dris pa smros shig ces smras pa dang / des 'phags ma bdag ni nu ma'i bar chad 'chang ngo zhes smras pa dang / des legs so zhes byas na/ khyod la nang gi btsun mo dga' zhing yid mgu'o zhes smras pa dang / de cang mi zer 
bar 'dug go/ /sbom dga' mo yang dbyar mo khang du song ngo / /des dbyar mo khang du song nas nu ma'i bar chad bcangs pa nas snga ma dang 'dra ba'i bar du ste/ de lta bas na dge slong mas nu ma'i bar chad ma 'chang shig /dge slong ma nu ma'i bar chad 'chang na 'das pa dang bcas 
par 'gyur ro/ /gleng gzhi ni mnyan du yod pa na ste/ bcom ldan 'das kyis dge slong ma rked chings ma 'chang shig ces gsungs pa dang / sbom dga' mos ras ci dang ci yang rung des rked pa bcings pa dang / de nas dus phyi zhig na sbom dga' mo chu bo a dzir ba tir dge slong 
ma dang lhan cig tu khrus byed pa de dag gis de mthong nas/ 'phags ma dge slong ma'i rked pa rked chings kyis bcing du bcom ldan 'das kyis ma gnang na/ khyod kyi rked pa phra ba phra ba zhes dris pa dang / des nu mo bdag ni ras ci dang ci yang rung bas dkris so zhes smras pa dang / 
de dag gis khyod ras ci dang cis kyang dkris rung ngam zhes dris pa dang / des nu mo dag rung yang bla mi rung yang bla ste/ bdag gis ni bcings so zhes zer ba dang / dge slong ma dag 'phya smod ngan du 'dzer ba ni dge slong mas ras ci dang cis kyang rked pa dkri ba ga la rigs/ de ltar 
gyur pa de dag gis snga ma dang 'dra ba'i bar du ste/ dge slong mas ras ci dang cis kyang rung rked pa ma dkri shig /dge slong mas ras ci dang cis kyang rung / rked pa dkris na 'das pa dang bcas par 'gyur ro// //mdor na/ btsog pa'i gnas su mi dor te/ mngal dang 
mi gtsang mi btung ngo / /bdag gi bu la reg par bya/ /gzhan gyi bu la reg mi bya'o/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs te/ tshe dang ldan pa 'od srung chen po snga dro sham thabs dang chos gos 

</font><hr>11-1-142b<br><font size=+1>
bgos lhung bzed thogs te mnyan du yod par bsod snyoms kyi phyir zhugs so/ /dge slong ma sbom dga' mo yang bsod snyoms kyi phyir zhugs pa dang / tshe dang ldan pa 'od srung chen po bshang sa'i chu khung dang nye ba zhig nas mar song ba dang / sbom dga' mos mthong ste/ des 
bsams pa/ blun po 'di mi dga' bar 'gyur ba zhig bya'o snyam nas myur zhing rings par song ste/ bshang sa'i chu khung gi nang du pha gu 'phangs pa dang / tshe dang ldan pa 'od srung chen po'i chos gos dang bsod snyoms kyi snod rnams ma rung bar byas nas des smras pa/ sring mo khyod 
kyis ni ma nyes pa nas snga ma bzhin te de lta bur gyur pa dge slong dag gis thos nas bcom ldan 'das la gsol ba'i bar du ste/ bcom ldan 'das kyis bka' stsal pa/ de lta bas na dge slong dag dge slong mas dge slong pha la mi gtsang bas ma rung bar ma byed cig /dge slong pha 
la mi gtsang bas ma rung bar byed na 'das pa dang bcas par 'gyur ro/ /gleng gzhi mnyan du yod pa na ste/ mnyan du yod pa na khyim bdag gzhan zhig phyug cing nor mang la longs spyod che ba zhig 'dug ste/ des rigs mnyam pa las chung ma zhig blangs te de dang lhan cig tu rtse dga' 
yang yongs su spyod do/ /de dus phyi zhig na zong khyer nas yul gzhan du song ba dang / des chung ma la smras pa/ bzang mo nga zong khyer te yul gzhan du 'gros khyod mi g.yeng zhing bag yod par khyim srungs shig /des jo bo legs te de bzhin du bgyis/ dus dus su 
gtam springs shig ces smras so/ /de zong khyer te yul gzhan du song ba dang / de'i chung ma de gos dang zas bzang ba'i phyir nyon mongs pas gzir bar gyur te/ des skyes pa gzhan dang lhan cig tu yongs su spyad pas sems can dang ldan par gyur nas bsams pa/ mngal 
na gnas pa bsad do/ /bdag gi khyo 'ongs pa dang ma rung bar byed do snyam nas/ des mngal na gnas pa bsad nas ltung bar bya ste/ 'di ji ltar dor/ gang du dor mi shes te rab tu sems khong du chud cing 'dug pa dang / sbom dga' mo khyim der bsod snyoms la 

</font><hr>11-1-143a<br><font size=+1>
zhugs te/ des mtshan bzangs ma bsod snyoms byin cig ces smras pa dang / des bdag mi dga' bas gzir bas bsod snyoms sbyin du su yang med kyis bzhud cig ces smras pa dang / des smras pa/ mtshan bzangs ma shi ba'am cig med dam/ des 
'phags ma su yang ma shi mod kyi bdag las bu zhig byung ste/ ji ltar dor/ gang du dor ba bdag gis mi shes so zhes smras pa dang / des smras pa/ mtshan bzangs ma de bdag gis dor na bdag la bsod snyoms sbyin nam/ 'phags ma gsol lo/ /phyi bzhin 'brang 
ba'i dge slong ma la yang sbyin nam gsol lo/ /dge skos la yang sbyin nam/ gsol lo/ /legs kyis dor ro/ /des de lhung bzed chen por bcug ste/ khang pa stong par khyer nas der dor ba la zhugs pa dang / khyim stong pa der sngon skyes pa zhig zhugs pa des 
mthong nas des mgo reg dge sbyong ma ci byed ces smras pa dang / des khyed cag lta bu nal gyi bu dang su'i bu gtol med pas rigs dang ldan pa'i bud med 'di 'dra ba'i las byas pa de 'dor ro zhes smras pa dang / des de la brgyad bkag ste song ngo / /des dge slong ma zhig 
mthong nas dge slong ma mi srun pa khyod kyi sbom dga' mos 'di dang 'di lta bu byas so zhes smras pa dang / de lan med nas cang mi zer bar 'dug go/ /de ltar gyur pa dge slong ma dag gis dge slong pha dag la smras te/ dge slong dag gis bcom ldan 'das la gsol 
nas/ /bcom ldan 'das kyis dgongs pa/ 'di ltar dge slong mas lhung bzed chen po 'chang na nyes pa'i dmigs yin te/ de lta bas na dge slong ma dag gis lhung bzed chen po mi bcang bar mkhyen nas dge slong dag la bka' stsal pa/ dge slong dag dge sbyong ma ma yin 
pa'i sbom dga' mos dge slong ma ma yin pa byas te/ de lta bas na dge slong mas 'di 'dra ba'i las mi bya ste/ lhung bzed chen po yang ma 'chang shig /dge slong mas de 'dra ba'i las byed dam/ lhung bzed chen po 'chang na 'das pa dang bcas par 'gyur ro/ /

</font><hr>11-1-143b<br><font size=+1>
bcom ldan 'das kyis bka' stsal pa/ dge slong mas lhung bzed chen po ma 'chang shig /bcom ldan 'das kyis bka' stsal pa/ gang dge slong gi lhung bzed chung ngu ni dge slong ma'i chen po'o/ /gleng gzhi ni mnyan du yod pa na ste/ nam dge slong ma gub tas gcin 
gyi thigs pa cig ni khar blugs/ cig ni mngal gyi sgor bcug pa dang / sems can gyi las kyi rnam par smin pa bsam gyis mi khyab pas gzhon nu 'od srung byung ste/ de la gub tas ma reg pa dang de ngu nas/ /de'i gnyen bshes dag gis gub ta khye'u ci'i phyir ngu zhes dris pa 
dang / de cang mi zer nas dge slong ma dag gis tshe dang ldan pa bcom ldan 'das kyis bslab pa'i gzhi bcas te/ dge slong mas skyes pa la ma reg shig /'dis de la ma reg ste/ de bas na ngu'o zhes smras pa dang / de dag gis bcom ldan 'das ni thugs rje can na ci'i 
phyir na rang gi bu reg pa la 'gog par 'gyur/ byis pa khye'u 'di la de ste mas ma reg na 'di dus byed par nges so zhes smras pa dang / de dag gis legs kyis de bas na bcom ldan 'das mkhyen par bya'o zhes smras so/ /de ltar gyur pa dge slong ma dag gis dge slong 
dag la smras pa dang / dge slong dag gis bcom ldan 'das la gsol to/ /bcom ldan 'das kyis bka' stsal pa/ de lta bas na gnang gis reg par bya'o/ /bsnyod par bya'o/ /gso bar bya'o/ /bskyed par bya'o/ /gleng gzhi ni mnyan du yod pa na ste/ bcom 
ldan 'das kyis bsnyod par bya'o/ /gso bar bya'o/ /bskyed par bya'o zhes gsungs pa dang / bud med ni sred pa can te dge slong ma dag gis pang par khyer te/ pang pa nas pang par spos pas rid cing nyam chung ste rke nas lus rmya zhing ma rtas par gyur pa dang / de'i gnyen 
bshes dag gis mthong nas/ de dag gis ci'i phyir khye'u 'di rid cing nyam chung la rmya ste lus ma rtas par gyur ces dris pa dang / des de dag la zhib tu smras na gnyen de dag byams pas 'phya ba la zhugs pa dang / de ltar gyur pa dge slong dag gis thos nas bcom ldan 'das 

</font><hr>11-1-144a<br><font size=+1>
la gsol pa dang / bcom ldan 'das kyis bka' stsal pa/ de lta bas na dge slong ma dag dge slong mas gzhan gyi bu la ma reg shig gzhan gyi bu la reg na 'das pa dang bcas par 'gyur ro/ /phra mo'i sgo drug rdzogs so// //'dul ba phren tshegs 
kyi gzhi/bam po bzhi bcu pa/ bsdus pa'i mdo sde/ the tshom dang yang dgon pa la/ /sang kAg k+Shi dang gnyis kyi phyir/ /dge slong chang tshong ba dag gam/ /dge slong ma dang phyi rol gyi/ /mdor na/ the tshom lhan cig nyal ba yang / /gzhan du gcig pu ma gnas shig /
khye'u dang bu mo de bzhin te/ /nye gnas dang yang ra da'o/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong ma skyes pa dang lhan cig tu khang pa gcig tu ma nyal cig ces bka' 
stsal pa dang / dge slong ma gub ta'i bu 'od srung gzhon nu phyi rol du bsnyal ba dang de gcig pu ngu nas/ de'i gnyen bshes dag gis thos te/ de dag gis gub ta la khye'u 'od srung gzhon nu ci'i phyir ngu zhes dris pa dang / de cang mi zer bar 'dug nas dge slong ma dag gis tshe dang 
ldan pa rnams bcom ldan 'das kyis ni dge slong ma skyes pa dang / lhan cig khyim gcig gi nang du nyal du mi rung bar bslab pa'i gzhi bcas pas na/ gub ta 'di dang lhan cig khyim gcig gi nang du nyal du mi rung ngo / /de dag gis 'phags ma bcom ldan 'das ni thugs rje 
can te de ste gzhon nu 'od srung gub ta dang lhan cig tu nyal du ma gnang na ni gcig pu gdon mi za bar don med par 'gyur ro zhes smras pa dang / de dag gis kyang de ltar na bcom ldan 'das mkhyen par gsol lo zhes smras nas/ de ltar gyur pa de dag gis dge slong 
la smras pa/ dge slong dag gis bcom ldan 'das la gsol nas/ bcom ldan 'das kyis bka' stsal pa/ de lta bas na gnang gis dge slong ma gub ta bu dang lhan cig tu khang pa gcig tu nyal bar dge slong ma'i dge 'dun las sdom pa gsol cig /gsol pa yang 

</font><hr>11-1-144b<br><font size=+1>
'di ltar bya'o/ /stan bting la gaN+DI brdungs te dge slong ma'i dge 'dun ma thams cad 'dus shing 'khod pa dang / dge slong ma gub ta ji ltar rgan rims nas phyag byas te/ rgan mo'i drung du pha gu'am rtswa'am stan nang tshangs can gyi steng du 'dug ste thal mo sbyor la 'di skad rjod 
cig /gson cig 'phags ma'i dge 'dun ma rnams/ bdag gub ta las bu khye'u zhig btsas te/ bdag bu dang lhan cig khang pa gcig tu nyal ba'i sdom pa 'phags ma'i dge 'dun ma rnams la gsol na/ 'phags ma'i dge 'dun gyis gub ta bu dang lhan cig khang pa 
gcig tu nyal ba'i sdom pa brtse ba can brtse ba'i phyir stsol cig /'di bzhin lan gnyis lan gsum du bya'o/ /de'i 'og tu dge slong ma cig gis gub ta thos pa'i gnas spangs te mthong ba'i gnas su zhog la 'di skad smros shig /gson cig 'phags ma'i dge 'dun 
ma rnams/ gub ta 'di las khye'u zhig btsas te/ /de yang bu dang lhan cig khyim gcig na nyal ba'i sdom pa 'phags ma'i dge 'dun ma rnams las gsol na/ de ste 'phags ma'i dge 'dun ma rnams kyi dus la bab cing bzod na/ gnong shig /'phags ma'i dge 'dun 
ma rnams kyis gub ta bu dang lhan cig khang pa gcig tu nyal ba'i sdom pa stsal to/ /'di ni gsol ba'o/ /las ni 'di bzhin bya'o/ /gson cig 'phags ma'i dge 'dun ma rnams/ gub ta 'di las khye'u zhig btsas te/ 'di bu dang lhan cig khang pa gcig tu nyal 
ba'i sdom pa 'phags ma'i dge 'dun ma rnams la gsol te/ 'phags ma'i dge 'dun ma rnams kyis gub ta 'di bu dang lhan cig tu khang pa gcig tu nyal ba'i sdom pa gsol na/ 'phags ma'i dge 'dun ma rnams las gub ta bu dang lhan cig khang pa gcig na nyal 
ba'i sdom pa stsal bar bzod pa rnams ni ma gsung shig /mi bzod pa rnams ni gsung shig /'phags ma'i dge 'dun ma rnams kyis gub ta bu dang lhan cig khang pa gcig tu nyal ba'i sdom pa stsal te/ dge 'dun gyis bzod cing gnang bas na cang mi gsung ste/ de 

</font><hr>11-1-145a<br><font size=+1>
de bzhin du 'dzin to/ /dge slong ma gang la 'phags ma'i dge 'dun ma rnams kyi bu dang lhan cig khang pa gcig tu nyal ba'i sdom pa byin par gyur pa de ni bu dang lhan cig tu khang pa gcig tu nyal bar rung ste/ 'di la the tshom ma byed cig /gub tas 
dge slong ma gzhan zhig kyang de nyid du bsnyal ba dang de lta bur gyur pa dge slong ma dag gis dge slong la smras pa/ dge slong dag gis bcom ldan 'das la gsol nas/ bcom ldan 'das kyis bka' stsal pa/ dge slong ma gang gi bu de nyid du lhan cig tu khang pa gcig tu nyal bar 
rung ste/ gcig pu'o/ /der dge slong ma gzhan ni ma gnas shig /gnas na 'das pa dang bcas par 'gyur ro/ /gub ta nam gzhon nu 'od srung chen por gyur pa de'i tshe yang de dang lhan cig tu khang pa gcig tu nyal bar byed do/ /de ltar gyur pa dge slong ma dag gis dge 
slong dag la smras pa dang / dge slong dag gis bcom ldan 'das la gsol nas/ bcom ldan 'das kyis dge slong mas nam bu cher gyur pa de'i tshe de dang lhan cig tu nyal bar mi rung ste/ ji ltar bslab pa bcas pa bzhin slobs shig ces bka' stsal to/ /sangs rgyas 
bcom ldan 'das rgyal po'i khab kyi 'od ma'i tshal bya ka lan da ka gnas pa na bzhugs so/ /de'i tshe na rgyal po'i khab kyi grong khyer na sa ta zhes bya ba'i gnod sbyin zhig gnas te/ des yul mnyam dga'i rgyal po mkhas pa can gzugs can snying po btsun mo dang / gzhon nu 
dang / blon po dang / grong khyer dang / yul gyi mi rnams la srung ba dang / skyong ba dang / skyob par byed do/ /de'i mthus yul mnyam dga'i rgyal po mkhas pa can gzugs can snying po btsun mo dang / gzhon nu dang / blon po dang / grong khyer dang / yul gyi mi rnams la longs 
spyod 'phel bar gyur cing / de dag la rtag tu shing gi me tog dang 'bras bur ldan/ char pa ni dus dus su 'bab/ sa ni 'bru dang ldan par gyur te/ zas bslang ba rnams ni mod pas grong dang / grong khyer dang / yul dang / pho brang 'khor de dang de dag gi dang / yul so so 

</font><hr>11-1-145b<br><font size=+1>
na gnas pa'i dge sbyong dang / bram ze dang / bkren pa dang / phongs pa thams cad yul mnyam dgar lhags te de dag la yang gnod sbyin sa tas srung ba dang / skyong ba dang / skyob par byed do/ /des rigs mnyam pa las chung ma blangs te de dang lhan cig rtse dga' yongs su spyod 
do/ /yul gan d+ha ra na yang pany+tsa la zhes bya ba'i gnod sbyin zhig gnas te/ des kyang yul gan d+ha ra'i rgyal po dang / btsun mo dang / gzhon nu dang / blon po dang / grong khyer dang / yul gyi mi rnams la srung ba dang / skyong ba dang / skyob par byed do/ /de'i mthus yul 
gan d+ha ra'i rgyal po dang / btsun mo dang / gzhon nu dang / blon po dang / grong khyer dang / yul gyi mi rnams la longs spyod 'phel bar gyur cing / de dag la rtag tu shing gi me tog dang 'bras bur ldan/ char pa ni dus dus su 'bab/ sa ni 'bru dang ldan par gyur te/ zas 
bslang ba rnams ni mod pas na der yang grong dang / grong khyer dang / yul dang / pho brang 'khor de dang de dag gi dang / yul so so na gnas pa'i dge sbyong dang / bram ze dang / bkren pa dang / phongs pa thams cad yul gan d+ha rar lhags te/ de dag la yang gnod 
sbyin pany+tsa las srung ba dang / skyong ba dang / skyob par byed do/ /des kyang rigs mnyam pa las chung ma zhig blangs te/ de yang de dang lhan cig rtse dga' yongs su spyod do/ /de nas dus phyi zhig na gnod sbyin sa ta dang / gnod sbyin pany+tsa la gnyis gnod sbyin 
rnams kyi gnod sbyin 'dus par dong nas/ der de gnyis phan tshun mdza' bor gyur te/ gnod sbyin sa tas de la dus dus su yul mnyam dga'i me tog dang 'bras bu la sogs pa skyes su bskur ro/ /gnod sbyin pany+tsa las kyang gnod sbyin sa ta la yul gan d+ha ra'i me 
tog dang 'bras bu skyes su bskur ro/ /de gnyis 'di bzhin phan tshun du rab tu mdza' bar gyur nas/ de gnyis phyir gnod sbyin 'dus par dong ste/ gnod sbyin sa tas grogs po yu bu gnyis dus las 'das kyang bu dang / tsha bo dang / yang tsha dang / sum tsha rnams 

</font><hr>11-1-146a<br><font size=+1>
mdza' ba rgyun mi chad par bya ba'i thabs ci yod ces smras pa dang / gnod sbyin pany+tsa las smras pa/ grogs po legs so/ /bdag kyang 'di snyam sems te/ de lta bas na ma skyes pa las gnyen du byas te/ de ste bdag la bu pho zhig btsas la khyod la bu 
mo zhig yod pa dang / khyod kyis bdag gi bu la byin cig /'on te khyod la bu pho zhig ste bdag la bu mo zhig na bdag gis khyod kyi bu la sbyin no/ /des smras pa/ grogs po legs kyis de bzhin bya'o/ /de gnyis phan tshun du ma btsas par gnyen byas te dong ngo / /de nas dus 
phyi zhig na gnod sbyin sa ta'i chung ma sems can dang ldan par gyur te/ de zla ba dgu 'das pa dang bu mo zhig btsas te/ dbyibs legs shing blta na sdug pa bzang mo zhig ste/ de btsas pa dang gnod sbyin gyi rigs thams cad dga' bar gyur to/ /de bdag gi rigs 
dang 'dra ba dang rgyud gcig pa rnams kyis btsas pa'i btsas ston chen po byas te ming 'dogs pa la zhugs so/ /bu mo 'di ming cir gdags zhes gros byas na gnyen bshes dag gis 'di btsas pa'i tshe gnod sbyin gyi rigs thams cad dga' bar gyur gyis de bas na bu mo 'di ming 
dga' byed mar gdags so zhes smras te/ de'i ming dga' byed mar btags so/ /yul gan d+ha ra'i gnod sbyin pany+tsa las 'di ltar rgyal po'i khab tu gnod sbyin sa ta las bu mo zhig btsas so zhes thos nas des bsams pa/ bdag gi grogs po la bu mo zhig btsas te bu mo 
de bdag gi mna' mar 'gyur yang dag gis rgyan rnams bskur ba'i rigs so snyam nas/ des gnod sbyin sa ta la grogs po mdza' bo bdag gis khyod kyi bu mo btsas par thos nas shin tu dga' ste/ bdag gis grogs po'i bu mo la gos dang rgyan rnams bskur ba 'di blang ba'i 
rigs so zhes yi ge spring ngo / /des yi ge bklags te slar yang grogs po bdag cag ni gnyen yin gyis de ste khyod la bu pho zhig btsas na 'di ni de nyid kyi yin no zhes spring ngo / /gnod sbyin pany+tsa las de bklags nas bu nam rnyed ces rtag tu sems shing chung ma dang lhan cig 

</font><hr>11-1-146b<br><font size=+1>
tu rtse dga' ste yongs su spyod do/ /de la rtse dga' yongs su spyad pas bu pho zhig btsas te/ de yang bdag gi rigs dang mthun pa rgyud gcig pa dag gis btsas pa'i btsas ston cher byas te/ ming 'dogs pa la zhugs so/ /khye'u 'di ming cir gdags zhes 
bgros pa las gnyen bshes dag gis khye'u 'di gnod sbyin pany+tsa la'i bu ste/ de bas na khye'u 'di'i ming pAny+tsi kar gdags so zhes smras nas de'i ming pAny+tsi kar btags so/ /rgyal po'i khab kyi gnod sbyin sa tas 'di ltar yul gan d+ha ra'i gnod sbyin pany+tsa la'i bu pho zhig btsas 
par thos te/ des bdag gi grogs po las bu pho gcig btsas te gdon mi za bar bdag gi mag par 'gyur ro snyam bsams nas/ des de la gos dang rgyan rnams bskur te/ grogs po bdag gis khyod kyi bu zhig btsas so zhes thos nas shin tu dga' ste/ bdag gi 
grogs po'i bu la gos dang rgyan zhig bskur gyis de blang ba'i rigs so zhes yi ge spring ngo / /des yi ge bklags te slar gyi lan bag ma blang ba'i ston mo'i sta gon gyis shig ces spring ba dang / gnod sbyin sa tas yi ge bklags te legs kyis bu mo dga' byed ma ni bdag 
gis sngar byin no snyam bsams nas/ des de skyed cing chung ma dang lhan cig tu rtse dga' yongs su spyod do/ /de la rtse dga' yongs su spyad pas chung ma sems can dang ldan par gyur te/ gang gi tshe sems can dang ldan par gyur pa de'i nyin mo nyid du ri la khrung khrung gis skad 
phyung ngo / /de zla ba dgu 'das pa dang bu khye'u zhig btsas te gzugs legs shing blta na sdug pa bzang ba zhig ste btsas ma thag tu yang ri las khrung khrung gis skad phyung ngo / /de bdag gi rigs dang mthun pa rgyud gcig pa btsas pa'i btsas ston cher byas te ming 'dogs pa la zhugs 
so/ /khye'u 'di ming cir gdags zhes bgros na gnyen bshes dag gis 'di mngal du zhugs pa na yang ri las khrung khrung gi skad phyung / btsas pa na yang khrung khrung gi skad phyung la pha yang sa ta zhes bya ste/ de bas na khye'u 'di ming yang sa ta gi rir gdags so zhes smras nas/ de'i ming 

</font><hr>11-1-147a<br><font size=+1>
sa ta gi rir btags so/ /khye'u sa ta gi ri de gsos skyed de cher gyur pa dang ji tsam dus phyi zhig na gnod sbyin sa ta chung ma dang bcas par dus las 'das nas sa ta gi ri khyim gyi bdag por gyur pa dang /gnod sbyin gyi bu mo dga' byed mas sa ta gi ri la ming po rgyal po'i 
khab na gnas pa'i skye bo mang po dag gis bu btsas shing btsas pa dag phrogs shing phrogs nas bza' bar 'dod do zhes smras pa dang / des smras pa/ sring mo yu bu cag gi phas yul mnyam dga'i rgyal po mkhas pa can gzugs can snying po dang / btsun mo dang / gzhon nu dang / 
blon po dang / grong dang / grong khyer dang / yul gyi mi rnams la rtag tu srung ba dang / skyong ba dang / skyob par byed do zhes thos nas yu bu cag gis rab tu bsrung bar bya ba'i rigs te/ 'di ni yu bu cag gi spyod yul yin gyis 'di la gzhan dag cig kyal ka byed na yang de la yu bu 
cag gis dgag pa'i rigs na ci'i phyir khyod kyis de bzhin bya mi rigs par khyod kyis sems bskyed pa de slar zlog ces bsgo'o/ /de log pa'i smon lam gyi bag chags kyis bgos pas gcugs su ma btub ste/ yang sa ta gi ri la ming po rgyal po'i khab na gnas pa'i skye bo mang po 
dag gi bu btsas shing btsas pa dag phrogs shing phrogs nas bza' bar 'tshal lo zhes smras pa dang / sa ta gi ris de'i dus kyis rten pa las na gcugs su mi btub par shes te/ 'di phyi phyir rtag tu dgag mi nus kyi 'di phas kyang sngar byin te bag mar gtang ngo snyam bsams nas des 
gnod sbyin pany+tsa la la bu mo dga' byed ma ni na chung du gyur gyis tshur sheg la bag ma long shig ces yi ge spring ba dang / gnod sbyin pany+tsa la des gnod sbyin gzhon nu pAny+tsi ka la dpal chen po dang sbyar te bag ma blangs nas yul gan d+ha rar khrid do/ /gnod sbyin gzhon nu pAny+tsi ka 
de dang lhan cig tu rtse dga' yongs su spyod do/ /mo nam mdza' zhing spobs pa dang dga' zhing yid bde ba mang por gyur pa de'i tshe mos jo bo rgyal po'i khab na gnas pa'i skye bo mang po dag gi bu btsas shing btsas pa dag 'phrog cing phrogs te bza' bar 'tshal lo zhes smras pa dang / des 

</font><hr>11-1-147b<br><font size=+1>
smras pa/ bzang mo de ni khyod kyi gnyen gyi gnas yin te/ der gzhan dag cig kyal ka byed na yang de bdag cag gis dgag pa'i rigs na khyod kyis ci'i phyir de ltar bya/ khyod kyis mi rigs pa sems bskyed pa de slar zlog shig ces bsgo na de sngon gyi log pa'i smon lam gyis bag 
chags bsgos pas sdod cig ces smras te cang mi zer bar 'dug go/ /de gnod sbyin gzhon nu pAny+tsi ka dang lhan cig tu rtse dga' yongs su spyad pas bu pho zhig btsas te de'i btsas ston chen po rgya cher byas te rigs dang mthun pa'i ming btags so/ /de bzhin lan gnyis lan gsum 
nas bu lnga brgya'i bar du btsas te de dag thams cad kyi tha chungs ni ming dga' byed du btags so/ /de nas bu las mthu rnyed par gyur pa de na pAny+tsi kas bzlog kyang ma zlogs nas de mi dga' bar gyur te mi smra bar 'dug go/ /de nas gnod sbyin mo dga' byed ma gar dga' bar rang nyam 
du 'gro zhing rgyu ba dang gnas par gyur to/ /des rgyal po'i khab na skye bo mang po dag gi bu btsas shing btsas pa dag phrogs shing phrogs nas bza' bar brtsams pa dang / rgyal po'i khab na gnas pa'i skye bo mang po dag gis rgyal po gzugs can snying po la lha bdag cag gi bu btsas 
shing btsas pa dag cig gis phrogs na su zhig bdag cag la gnod par bgyid pa rma ba'i rigs so zhes gsol pa dang / rgyal pos gnas thams cad dbang ba rnams la kye rgyal po'i khab na gnas pa'i skye bo mang po dag gi bu btsas shing btsas pa dag sus phrogs pa rmos 
shig ces bsgo nas/ de dag gis nan tan du bag yod par rmed pa la zhugs pa dang / ji tsam na de dag gis yang phrogs par gyur nas gnod pa cher gyur nas gnod pa cher gyur te su gang gi bud med sems can dang ldan par gyur pa des yul gzhan du phyung ste bzhag pa 
dang / blon po dag gis rgyal po gzugs can snying po la lha gnod pa cher gyur te su gang gi bud med dag sems can dang ldan par gyur na des yul gzhan du phyung ste bzhag go zhes gsol pa dang / rgyal pos ltas pa bkug ste smras na/ de dag gis lha gnod sbyin khros kyis 

</font><hr>11-1-148a<br><font size=+1>
gnod sbyin gyi gnas su gtor ma stsal la mchod pa dang bkur sti mdzod cig ces gsol to/ /rgyal pos blon po rnams la kye song la rgyal po'i khab kyi grong khyer du dril bsgrags pa byos shig /rgyal po'i khab na skye bo mang po thams cad dang /yul so so 
nas lhags pa thams cad kyis gnod sbyin gyi gnas su gtor ma byin la mchod pa dang bkur sti byos shig ces bsgo ba dang / de dag gis kyang de bzhin dril bsgrags te/ kye rgyal po'i khab dang / grong khyer dang / yul so so nas lhags pa'i skye bo dag nyon cig /lhas 
'di skad bka' stsal to/ /bdag gi yul na grong khyer dang / yul so so nas lhags pa'i skye bo mang po gnas pa thams cad kyis gnod sbyin gyi gnas thams cad du gtor ma byin la mchod pa dang bkur sti byos shig ces bsgo ba dang / rgyal po'i khab na gnas pa'i skye bo mang 
po dag gis grong khyer de dag rdo ba dang / gyo mo dang / sa rdo dag phyags te tsan dan gyi chus chag chag btab nas dri zhim po'i pog phor dag so sor dpyangs/ rgyal mtshan dang / lha'i 'phan sgreng / dar gyi lda ldi mang po ni dpyangs te me tog sna tshogs kyis gtor nas lha rnams kyi skyed mos 
tshal dga' ldan bzhin du mdzes par byas so/ /de nas gnod sbyin gyi gnas thams cad gtor ma byin zhing mchod pa dang bkur sti byas te 'on kyang dga' byed ma zhi bar ma gyur to/ /de nas rgyal po'i khab na gnas pa'i lha dag gis rgyal po'i khab na gnas pa'i skye bo mang po dag kye khyed 
la gnod sbyin mo dga' byed mas khyod kyi bu rnams phrogs kyis khyed thams cad bcom ldan 'das kyi drung du dong ba dang / bcom ldan 'das kyis de gdul bar mdzad do zhes bstan to/ /de dag gis kye de ni dga' byed ma ma yin gyi de ni 'phrog ma ste/ des bdag cag gi bu btsas 
shing btsas pa rnams phrogs zhes smras pa dang / de'i ming dga' byed ma zhes bya ba ldog ste gnod sbyin ma 'phrog mar ming du gyur to/ /de nas rgyal po'i khab na gnas pa'i skye bo mang po dag bcom ldan 'das ga la ba der dong ste phyin pa dang / bcom ldan 'das kyi zhabs la 

</font><hr>11-1-148b<br><font size=+1>
mgo bos phyag 'tshal te/ bcom ldan 'das gnod sbyin mo 'phrog ma 'di rgyal po'i khab na skye bo mang po la yun ring po nas ma 'khon pa dang ni 'khon/ dgrar ma gyur pa dang ni dgrar gyur/ snying ma rings pa la ni snying ring bar gyur/ des bu btsas shing btsas pa'i rnams 
phrogs na/ bcom ldan 'das thugs rje can thugs brtse ba'i phyir gnod sbyin ma 'phrog ma gdul bar ci gnang zhes gsol pa dang / bcom ldan 'das kyis cang mi gsung ba bzhin rgyal po'i khab na gnas pa'i skye bo mang po dag la gnang ngo / /de nas rgyal po'i khab na gnas 
pa'i skye bo mang po dag gis bcom ldan 'das cang mi gsung ba bzhin gnang bar shes nas bcom ldan 'das kyi zhabs la mgo bos phyag 'tshal te bcom ldan 'das kyi drung nas song ngo / /de nas snga dro bcom ldan 'das kyis sham thabs dang chos gos mnabs/ lhung bzed 
bsnams nas rgyal po'i khab tu bsod snyoms kyi phyir gshegs te rgyal po'i khab nas bsod snyoms las slar bskor nas zas kyi bya ba byas te/ bsod snyoms phyis len pa spangs te gshegs nas gnod sbyin mo 'phrog ma'i gnas gang na ba der gshegs te/ de'i tshe na gnod 
sbyin mo 'phrog mas bu dga' byed khyim du bzhag ste spyod yul du song ba dang / bcom ldan 'das kyis de lhung bzed kyis bkab ste bzhag nas/ ji ltar bu pho dag gis ni de mi mthong gis/ des de dag thams cad mthong bar 'gyur ba de ltar byin gyis brlabs so/ /
de ma thag tu gnod sbyin mo 'phrog ma spyod yul nas 'ongs pa dang bu dga' byed mi snang nas de spangs te de phan tshun khyim kho ra khor yug tu bltas na 'on kyang mi snang nas bu dag dga' byed mi snang na ga re/ de dag gis kyang ma mthong / bdag cag gis kyang ma mthong ngo zhes smras 
pa dang / des brang brdungs nas mdog nyams shing mi dga' ste mig mchi mas gang nas 'gros myur bar brgyugs te rgyal po'i khab kyi grong dang / tshong dus dang / srang dang / lam gyi bzhi mdo dang / lam gyi sum mdo dang / kun dga' ra ba dang / skyed mos tshal 

</font><hr>11-1-149a<br><font size=+1>
dang / mtsho dang / lteng ka dang / rdzing dang / lha khang dang / 'dun khang dang / gzhan yang khyim dog pa'i gnas dag tu btsal na 'on kyang ma rnyed do/ /de nas bla gos med par smyos nas ngu zhing smre ba kyi hud bu/ kyi hud pha/ kyi hud dga' byed ces yang 
dang yang sgra 'byin cing grong dang / grong khyer dang / grong 'dab dang / pho brang dang / pho brang 'khor rnams su bltas te 'on kyang ma rnyed do/ /de nas shar phyogs kyi rgya mtsho chen por song ngo / /lho phyogs dang / nub phyogs dang / byang phyogs kyi rgya mtshor song ngo / /shar 
phyogs dang / lho phyogs dang / nub phyogs dang / byang phyogs de dag na yang mi snang ngo / /de nas skra zhig cing sgren mor gyur/ 'gros kyang 'khyam/ yar mchong mar lhung sa la 'gre'o/ /pus mos 'gro tsog pur 'dug pa de lta bu'i thabs kyis 'dzam bu'i gling gi ri nag po 
bdun rgal nas gser lta bu'i ri bdun dang / gangs kyi ri dang / ma dros pa'i mtsho chen dang / ri dri rgyas dag tu yang btsal te de nas skad cher ngu zhing shar gyi lus 'phags gling dang / nub kyi ba lang spyod dang / byang gi sgra mi snyan rnams kun tu btsal na yang ma rnyed de/ de 
nas yang sos dang / thig nag po dang / 'dus gtub dang / 'o dod 'bod pa dang / 'o dod cher 'bod pa dang / sreg pa dang / rab tu sreg pa dang / mnar med pa dang / chu bur dang / shin tu chu bur dang / a ha ha zhes zer ba dang / ha ha pa dang / hu hu pa dang / ut+pal lta bu 
dang / pad ma chen po lta bu la sogs pa dang sems can dmyal ba dag tu yang btsal na ma rnyed do/ /de nas ri rab kyi bang rim dang por 'dzegs/ des gnyis pa dang / gsum par 'dzegs/ de nas gnod sbyin gyi bdag po ngal bso po la ma dris par sum bcu rtsa gsum 
lha'i gnas su btsal te skyed mos tshal shing rta sna tshogs zhes bya ba dang / rtsub por 'gyur ba dang / 'dres pa dang / dga' ba zhes bya ba'i skyed mos tshal du yang btsal/ pa ri ya tra ko bi dA ra'i drung du yang song ngo / /de nas lha'i 'du ba chos bzangs zhes bya ba grong khyer 

</font><hr>11-1-149b<br><font size=+1>
bzang por snang du zhugs te/ de nas brgya byin lha'i dbang po'i khang pa rnam par rgyal du 'gro bar brtsams pa dang / der gnod sbyin lag na rdo rje la sogs pa gnod sbyin du ma dang / lha stong gis bzung ba dang / de myur du mgyogs par grong khyer bzang por snang nas byung ste/ 
phyogs gzhan zhig tu ring zhig ngus nas mdor na yi chad par gyur te gnod sbyin rnams kyi bdag po ngal bso po'i drung du song nas rdo leb la bdag gi lus brdabs nas kyi hud bu/ kyi hud pha/ kyi hud dga' byed ces smre zhing smra ba ste/ sde dpon chen po sus phrogs mi dga' na bu slong na stsal du gsol zhes smras pa dang / gnod sbyin gyi rgyal po chen po ngal bso pos smras pa/ che zhe mya ngan thong la mchi ma phyis shig /khyod kyi gnas su nyin par gnas shing su 'ongs pa soms shig ces smras pa dang / des smras pa/ sde dpon dge sbyong gau ta ma lags so/ /
des de song la bcom ldan 'das la skyabs su song shig dang khyod la bu dga' byed de bcom ldan 'das kyis ston to zhes smras pa dang / de srog stor ba las slar rnyed pa bzhin du rings shing myur du rang gi gnas su song ba dang / gnod sbyin ma 'phrog mas sangs rgyas bcom ldan 'das skyes bu 
chen po'i mtshan sum bcu rtsa gnyis kyis brgyan/ dpe byad bzang pos sku spras/ nyi zer stong las 'das pa'i 'od 'dom gang gis brgyan pa/ rin po che'i ri 'gro ba bzhin kho ra khor yug nas bzang ba mthong ma thag tu dga' ba skyes te bu dga' byed rnyed do snyam nas bcom ldan 
'das ga la ba der song ste phyin pa dang / bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas gnod sbyin mo 'phrog mas bcom ldan 'das la 'di skad ces gsol to/ /kye gau ta ma khyod kyis bdag gi bu dga' byed 
bstan du gsol/ bdag gi bu dga' byed ma mthong nas ring zhig lon no zhes smras pa dang / bcom ldan 'das kyis gnod sbyin mo 'phrog ma la 'phrog ma khyod la bu mang zhe na ji snyed yod ces smras pa dang / des smras pa/ bcom ldan 'das bu lnga brgya mchis so/ /bcom ldan 

</font><hr>11-1-150a<br><font size=+1>
'das kyis 'phrog ma de ste khyod kyi bu lnga brgya las gcig cig med pa lta ci nyes/ zhes gsungs pa dang / bcom ldan 'das bdag gi dga' byed ma mthong na khrag dron por skyugs te gdon mi za bar dus bgyid do zhes gsol pa dang / 'phrog ma khyod kyi bu lnga 
brgya las gcig ma mthong na yang 'di 'dra bar sdug bsngal na gang la bu gcig pu yod pa yang khyod kyis bsad de zos na de'i sdug bsngal ji 'dra bar 'gyur/ des bcom ldan 'das de bas sdug bsngal ba rab tu che'o zhes gsol pa dang / bcom ldan 'das kyis bka' stsal pa/ 
'phrog ma khyod bu dang bral ba'i sdug bsngal 'di 'dra ba shes bzhin du gzhan gyi bu ci phyir bza'/ des bcom ldan 'das bdag gis ji ltar bgyi ba bka' stsol cig ces gsol pa dang / bcom ldan 'das kyis tshur shog nga la skyabs su song ste bslab pa'i gzhi zung la rgyal po'i khab na 
gnas pa'i skye bo mang po la mi 'jigs pa byin cig dang / gal te 'di nyid na 'dug bzhin du bu dga' byed mthong bar gdon mi za'o zhes bka' stsal pa dang / des btsun pa 'di ltar deng phan chad bcom ldan 'das la skyabs su mchi ba dang bslab pa'i gzhi bzung ste rgyal po'i khab na gnas 
pa'i skye bo mang po la yang mi 'jigs pa stsal to/ /de nas bcom ldan 'das kyis de'i bu dga' byed bstan nas des kyang bcom ldan 'das la skyabs su song nas bslab pa'i gzhi bzung ste rgyal po'i khab na gnas pa'i skye bo mang po la mi 'jigs pa byin no/ /nam gyi tshe 'phrog ma bcom 
ldan 'das la skyabs su song ste bslab pa'i gzhi bzung nas rgyal po'i khab na gnas pa'i skye bo mang po dag la mi 'jigs pa byin pa de'i tshe dge slong dag the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa gnod sbyin mo 'phrog mas 
las ci bgyis/ las gang gi rnam par smin pas na mdangs 'phrog ma'i gnod sbyin mor skyes la 'di las bu lnga brgya btsas zhes zhus pa dang / bcom ldan 'das kyis bka' stsal pa/ dge slong dag gnod sbyin mo 'phrog mas las byas shing bsags pas tshogs rnyed pa 

</font><hr>11-1-150b<br><font size=+1>
dang / rkyen smin pa ni chu bo bzhin nye bar gnas te gdon mi za bar 'gyur ro/ /'phrog mas las byas shing bsags pa ni gzhan gyis myong bar mi 'gyur ro/ /dge slong rnams las byas shing bsags pa ni phyi rol gyi sa'i khams la rnam par mi smin/ chu'i khams la ma yin/ me'i 
khams la ma yin/ rlung gi khams la ma yin gyi/ zin pa'i phung po dang / khams dang / skye mched 'di nyid la dge ba dang mi dge ba'i las byas pa ni rnam par smin to/ /las rnams stor bar mi 'gyur ba/ /bskal pa dag ni brgya lon kyang / /dus dang 'phrod nas thob pa ni/ /
lus can rnams la 'bras bur smin/ /dge slong dag sngon 'das pa'i dus na byung ba ni rgyal po'i khab 'di nyid na grong khyer gzhan zhig tu ba lang rdzi zhig gnas pa des rigs mnyam pa las chung ma zhig blangs te/ de de dang lhan cig tu rtse dga' yongs su spyod do/ /de la rtse dga' 
yongs su spyad pas dus phyi zhig na chung ma sems can dang ldan par gyur to/ /sangs rgyas mi 'byung ba na rang sangs rgyas 'jig rten du 'byung ste/ nyams shing dman pa la thugs brtse ba gnas pas mthar tsha ba 'jig rten pa'i yon gnas gcig pa'o/ /ji tsam na rang sangs 
rgyas gzhan zhig yul rgyu zhing rgyal po'i khab tu gshegs te de'i tshe na rgyal po'i khab kyi grong du dus ston nye bar gyur to/ /der sngon zan pa lnga brgya tsam zhig gtsang zhing bsod pa'i bza' ba dang bca' ba khyer te gos sna tshogs kyis ni bklubs/ me tog ku su ma dri zhim pos brgyan te gar  
byed glu len rnga rdung zhing skyed mos tshal gyi sar dong ba'i bar du ba lang rdzi mo zhig dar ba bum pa gang thogs te lam de nas mar song ba dang / sngon zan pa de dag gis de mthong nas grogs mo tshur shog /glu blang ngo zhes smras pa dang / des kyang de dag gar ji lta ji ltar byed pa de lta de ltar 
byas pas de'i mngal zhig par gyur to/ /de khros nas rang sangs rgyas la a mra'i 'bras bu smin pa lnga brgya phul nas smon lam btab pa/ dge ba'i rtsa ba 'dis bdag gang dang gang du skyes pa de dang der mdangs 'phrog ma'i gnod sbyin mo zhig tu skyes la rgyal po'i khab kyi mi rnams kyi bu dang bu 

</font><hr>11-1-151a<br><font size=+1>
mo bdag gis phrogs te za bar gyur cig /bdag la bu yang lnga brgya btsa' bar gyur cig ces smras so/ /dge slong dag de'i tshe ba lang rdzi'i chung mar gyur pa ni da ltar gyi 'phrog ma yin te smon lam btab pa'i dbang gis 'di lta bur skyes pa yin no// //
'dul ba phran tshegs kyi gzhi/bam po bzhi bcu rtsa gcig pa/ gleng gzhi ni mnyan du yod pa na ste/ bcom ldan 'das kyis dge slong ma dgon pa la gnas par mi bya'o zhes gsungs pa dang / de dag tshong dus dang / srang dang / lam gyi sum mdo dag tu bsam gtan 
la zhugs pa na de yang nyes pa'i dmigs su gyur te/de ltar gyur pa dge slong dag gis bcom ldan 'das la gsol nas/ bcom ldan 'das kyis de lta bas na dge slong ma dag dbyar mo khang na gnas par bya'o zhes bka' stsal pa dang / dad pa'i bram ze dang / khyim 
bdag dag gis bcom ldan 'das kyis dge slong ma rnams la dbyar mo khang gnang ngo zhes thos nas/ de dag gis grong khyer gyi phyi rol du dge slong ma'i dbyar mo khang brtsigs pa dang / dge slong ma dag la de bzhin du mi rgod dang / nal gyi bu dang / su'i bu gtol med pa 
dag glags lta bar gyur nas de ltar gyur pa dge slong dag gis bcom ldan 'das la gsol pa dang / bcom ldan 'das kyis de lta bas na dge slong ma'i dbyar mo khang grong khyer gyi phyi rol du ma brtsig par grong khyer gyi nang du brtsig par bya'o zhes bka' stsal to/ /gleng gzhi ni 
mnyan du yod pa na ste/ dge slong ma sbom dga' mos dbyar mo khang gi sgo na 'dug ste bram ze dang khyim bdag dag la 'phyas pa dang / de dag 'phya zhing smod ngan du 'dzer to/ /de ltar gyur pa dge slong dag gis bcom ldan 'das la gsol nas/ bcom ldan 'das kyis 
dgongs pa/ gang nyes pa'i dmigs su gyur pa ni dge slong ma dbyar mo khang gi sgo na 'dug pa'i phyir te/ de lta bas na dge slong ma dbyar mo khang gi sgo na 'dug par mi bya bar dgongs nas dge slong rnams la bka' stsal pa/ dge slong rnams bram ze dang / khyim bdag dag 

</font><hr>11-1-151b<br><font size=+1>
'phya ba ni gnas yin te/ de lta bas na dge slong ma dge slong ma'i dbyar mo khang gi sgo na 'dug par mi bya'o/ /dge slong ma dbyar mo khang gi sgo na 'dug na 'das pa dang bcas par 'gyur ro/ /gleng gzhi ni mnyan du yod pa na ste/ bcom ldan 'das kyis dge slong ma dbyar mo khang gi sgo 
na 'dug par mi bya'o zhes bka' stsal pa dang / sbom dga' mo skar khung du 'dug ste/ bram ze dang khyim bdag dag la 'phya ba dang / de dag kyang ngor 'phya nas snga ma bzhin te/ dge slong ma skar khung du 'dug par mi bya'o zhes bya ba'i bar du ste/ dge slong ma skar khung du 
'dug na 'das pa dang bcas par 'gyur ro// //mdor na/ sang kAg k+Shi ni gnang ba'o/ /skyes pa 'khru bar khrus mi bya/ /srang dag tu ni mi 'gro ste/ /de dag bsnyen par des rdzogs so/ /sangs rgyas bcom ldan 'das mnyan du yod pa dze ta'i tshal mgon med zas sbyin gyi kun dga' 
ra ba na bzhugs te/ dge slong ma dag gis dbyar mo khang na chos gos lnga gyon te las kun byed pa dang / de dag nyon mongs par gyur to/ /de lta bur gyur pa thos nas dge slong ma dag gis dge slong la smras pa dang / dge slong pha dag gis bcom ldan 'das la gsol 
nas/ bcom ldan 'das kyis de lta bas na dge slong ma sang kAg k+Shi gnang gis gyon te dbyar mo khang gi las kun byos shig ces bka' stsal to/ /bram ze dang khyim bdag dbyar mo khang du 'ongs nas yang de dag de bzhin du sang kAg k+Shi gyon pa la las byed de dag chags 
par gyur to/ /gzhan dad pa dag ni 'phya'o/ /de ltar gyur pa dge slong dag gis thos te/ bcom ldan 'das la gsol nas/ bcom ldan 'das kyis bka' stsal pa/ dge slong dag bram ze dang / khyim bdag 'phya ba dag ni gnas yin te/ de lta bas na 
dge slong ma bram ze dang / khyim bdag gi mdun na sang kAg k+Shi gyon te las ma byed cig /dge slong mas bram ze dang khyim bdag gi mdun du sang kAg k+Shi gyon la las byed na 'das pa dang bcas par 'gyur ro/ /'di ltar nam bram ze dang / khyim bdag gi mdun du 

</font><hr>11-1-152a<br><font size=+1>
las byed pa de'i tshe sang kAg k+Shis dpung pa g.yogs la sang kAg k+Shi gyon te las kun byos shig /gleng gzhi ni mnyan du yod pa na ste/ sbom dga' mo skyes pa 'khru ba'i sar des khrus byas pa dang / khye'u gzhon nu dag gis de mthong nas gcig la gcig 
gtam du 'dzer ba ni/ kye ltos shig dge sbyong ma mgo byi mo de'i lus ni nags kyi ma he bzhin no/ /de ltar gyur pa dge slong ma dag gis dge slong la smras pa dang / dge slong dag gis bcom ldan 'das la gsol nas/ bcom ldan 'das kyis bka' stsal pa/ gang su 
zhig dge slong ma skyes pa 'khru ba'i sar 'khru na nyes pa'i dmigs yin te/ de lta bas na dge slong mas skyes pa 'khru ba'i sar khrus mi bya bar dgongs nas dge slong dag la bka' stsal pa/ dge slong rnams bram ze dang / khyim bdag dag ni 'phya ba'i gnas yin te/ de lta bas 
na dge slong mas skyes pa 'khru ba'i gnas su ma 'khru shig /dge slong mas skyes pa 'khru ba'i sar 'khru na 'das pa bcas par 'gyur ro/ /gleng gzhi ni mnyan du yod pa na ste/ sbom dga' mo lam gyi bzhi mdo na 'dug nas bram ze dang / khyim bdag rnams la dpyas pa 
dang / de dag gis dge sbyong mgo reg ma 'di ni lam gyi bzhi mdor 'dug ste yu bu cag las 'phyas ltos shig ces 'phya'o/ /de ltar gyur pa dge slong ma dag gis thos nas/ dge slong dag la smras pa dang / dge slong dag gis bcom ldan 'das la gsol nas/ 
bcom ldan 'das kyis bka' stsal pa/ dge slong dag bram ze dang / khyim bdag dag ni 'phya ba gnas yin te/ de lta bas na dge slong mas srang du ma 'gro shig /'gro na 'das pa dang bcas par 'gyur ro/ /gleng gzhi ni mnyan du yod pa na ste/ tshe dang ldan pa u 
pA lis sangs rgyas bcom ldan 'das la zhus pa/ btsun pa bcom ldan 'das kyis ni gau ta mI skye dgu'i bdag mo chen mo bla ma'i chos khas blangs pas rab tu byung zhing bsnyen par rdzogs nas dge slong ma'i dngos por 'gyur ro zhes gsungs na/ ci btsun pa dge slong ma lnga 

</font><hr>11-1-152b<br><font size=+1>
brgya de dag gis kyang bla ma'i chos khas blangs pas rab tu byung zhing bsnyen par rdzogs nas dge slong ma'i dngos por gyur lags sam/ u pA li dge slong ma lnga brgya de dag kyang bla ma'i chos khas blangs pas rab tu byung zhing bsnyen par rdzogs nas dge slong ma'i dngos por gyur to// //
mdor na/ ji ltar mtshan gnyis pa dang yang / /de bzhin gle yang 'dams gyur pa/ /rtag tu khrag rab zag pa dang / /tha ma yi ni khrag med pa'o/ /sangs rgyas bcom ldan 'das mnyan du yod pa dze ta'i tshal mgon med zas sbyin gyi kun dga' ra ba na bzhugs te/ mnyan du 
yod pa na dge slong ma gzhan zhig gis mtshan gnyis pa zhig rab tu phyung ba dang / des dge slong ma dag la mtshan ma bstan nas dge slong ma dag gis de la nu mo khyod ji lta bu zhes dris nas des smras pa/ che zhe mtshan gnyis ma'o/ /de ltar gyur pa dge slong ma dag gis dge slong dag 
la smras pa dang /dge slong dag gis bcom ldan 'das la gsol nas/ bcom ldan 'das kyis bka' stsal pa/ dge slong dag mtshan gnyis pa ni ma ning yin gyis dge slong khyed kyis mtshan gnyis pa de skrod cig /dge slong mtshan gnyis pa la ni chos 'dul ba 'di la rab tu 
skye ba'i chos can du mi 'gyur ro/ /de lta bas na gang su zhig rab tu byung bar 'dod de de 'ongs na de la de dag gis khyod mtshan gnyis pa ma yin nam zhes dris shig /ma dris par rab tu phyung na 'das pa dang bcas par 'gyur ro/ /gleng gzhi ni mnyan du yod pa na ste/ mnyan 
du yod pa na dge slong ma gzhan zhig gis gle 'dams ma zhig rab tu byung nas/ de chab khung sar song ste gcis pa dang / de yang bshang gci gnyis ka phyung ste de slar phyung ba dang / dge slong ma gzhan zhig der zhugs pa dang / chab khung sa bshang bas ma rung bar gyur pa des 
mthong nas des nu mo chab khung sa 'di bshang bas ma rung bar sus byas zhes dris pa dang / des che zhe bdag gis bag ma mchis pas ma rung bar bgyis so zhes smras pa dang / des nu mo khyod kyis bag med ci zhig byas zhes dris pa dang / des smras pa/ che zhe bdag ni 

</font><hr>11-1-153a<br><font size=+1>
gle 'dams ma ste/ gci bar bsams pa dang de na bshang ba yang byung na bdag gis ji ltar bgyi/ de ltar gyur pa dge slong ma dag gis dge slong la/ dge slong dag gis bcom ldan 'das la gsol nas/ bcom ldan 'das kyis bka' stsal pa/ dge 
slong dag khyed kyis gle 'dams ma de skrod cig /dge slong chos 'dul ba 'di gle 'dams ma la ni rab tu skye ba'i chos can du mi 'gyur ro/ /de lta bas na gang su zhig rab tu 'byung bar 'dod de drung du 'ongs na des gle 'dams ma ma yin nam dris shig /ma dris par rab tu phyung na 'das 
pa dang bcas par 'gyur ro/ /gleng gzhi ni mnyan du yod pa na ste/ mnyan du yod pa na dge slong ma gzhan zhig gis rtag tu khrag 'dzag pa zhig rab tu phyung ste/ de'i smad g.yogs kyi gnas su khrag gis ma rung bar gyur te sbrang bu dag gis gang ba dang / de la dge slong ma zhig 
gis nu mo khyod ci khrag rtag tu 'dzag gam zhes dris pa dang / phu mo ji ltar bya/ bdag ni rtag tu khrag 'dzag pa'o/ /de ltar gyur pa dge slong ma dag gis dge slong la smras pa dang / dge slong dag gis bcom ldan 'das la gsol nas/ bcom ldan 'das kyis bka' stsal 
pa/ dge slong dag rtag tu khrag 'dzag pa ni ma ning mo yin te/ dge slong khyed kyis skrod cig /chos 'dul ba la 'di rtag tu khrag 'dzag pa la rab tu skye ba'i chos can du mi 'gyur ro/ /de lta bas na gang su zhig rab tu 'byung bar 'dod de de drung du 'ongs na des khyod rtag tu khrag 'dzag 
ma ma yin nam zhes dris shig /ma dris par rab tu phyung na 'das pa dang bcas par 'gyur ro/ /gleng gzhi ni mnyan du yod pa na ste/ mnyan du yod pa na dge slong ma gzhan zhig khrag med ma zhig rab tu phyung nas 'dod chags dang bral ba ma yin pas na dge slong ma dag ni dus su 
khrag 'dzag pa dang des de mthong nas dpyas pa phu mo dag ci khyed cag log par rtog pa la rtog gam/ ci'i phyir khyed cag khrag 'dzag /nu mo ci zhig 'phyar yod/ bud med ni chos nyid kyis 'di bzhin na khyod ci mi 'dzag gam/ des bdag ni khrag med na bdag la khrag 

</font><hr>11-1-153b<br><font size=+1>
'dzag tu ci yod ces smras so/ /de ltar gyur pa dge slong ma dag gis dge slong la smras nas dge slong dag gis bcom ldan 'das la gsol nas/ bcom ldan 'das kyis bka' stsal pa/ dge slong dag khrag med pa ni ma ning mo yin te khyed kyis skrod cig /dge slong dag khrag 
med pa la chos 'dul ba 'di la rab tu skye ba'i chos can du mi 'gyur ro/ /de lta bas na gang su zhig rab tu 'byung bar 'dod de de drung du 'ongs na des khyod khrag med pa ma yin nam zhes dris shig /ma dris par rab tu phyung na 'das pa dang bcas par 'gyur ro// //mdor na/ mtshan ma 
tsam dang sme gab kyis/ /srad bus de la'ang bcing bar bya/ /thu mi bya dang dge slong 'chags/ /dge slong mas kyang bshags mi bya/ /sangs rgyas bcom ldan 'das mnyan du yod pa na dze ta'i tshal mgon med zas sbyin gyi kun dga' ra ba na bzhugs te/ mnyan du yod pa na 
dge slong ma gzhan zhig gis mtshan ma tsam yod pa zhig rab tu phyung ste/ de chab khung sar zhugs nas ring zhig lon te slar byung ba dang / de la dge slong ma dag gis nu mo ring zhig thogs te byung na ci byed/ des phu mo bdag ni mtshan ma tsam mchis pa lags na/ mo mtshan tshang 
ba ma lags te/ ji ltar bgyi zhes smras so/ /des nu mo khyod mtshan ma tsam pa ma yin nam zhes dris pa dang / des phu mo bdag ni mtshan ma tsam mo de ltar gyur pa dge slong ma dag gis dge slong dag la smras te/ dge slong dag gis bcom ldan 'das la gsol nas/ bcom 
ldan 'das kyis bka' stsal pa/ dge slong dag mtshan ma tsam pa ma ning yin te/ khyed kyis skrod cig dge slong dag chos 'dul ba 'di mtshan ma tsam pa la rab tu skye ba'i chos can du mi 'gyur ro/ /de lta bas na gang su zhig rab tu 'byung bar 'dod de drung du 'ongs na de dag la mtshan 
ma tsam pa ma yin nam zhes dris shig /ma dris par rab tu phyung na 'das pa dang bcas par 'gyur ro/ /gleng gzhi ni mnyan du yod pa na ste/ 'dod chags dang bral ba ma yin pas na dge slong ma sngon gyi las kyi nyes pas skabs skabs su mo mtshan nas khrag zags pas de'i 

</font><hr>11-1-154a<br><font size=+1>
smad g.yogs kyi gnas gnas su ma rung bar gyur te/ sbrang bu dag gis gang ba dang mi mdzes te dge slong mas bkrus nas bcos kyang slar de 'dra bar gyur te/ de ltar gyur pa dge slong ma dag gis dge slong dag la smras nas/ dge slong dag gis bcom ldan 
'das la gsol pa dang / bcom ldan 'das kyis bka' stsal pa/ de lta bas na dge slong dag dge slong mas sme gab chongs shig /bcom ldan 'das kyis dge slong mas sme gab chongs shig ces gsungs pa dang / dge slong ma dag sme gab 'chang bar gyur nas/ de nas 
dus phyi zhig na sbom dga' mo bsod snyoms la zhugs pa dang / srang du sme gab lhung nas/ srang na khye'u dang bu mo dag cig rtse ba dag gis mthong ste/ de dag gis 'phags ma 'di ci zhig lhung zhes dris pa dang / de skad smras pas khros te bu zan mo'i bu mo dang / sring mo'i drung 
du deng la dris shig dang / de dag gis ston to zhes smras so/ /de ltar gyur pa dge slong ma dag gis thos te/ dge slong dag la smras pa dang / dge slong dag gis bcom ldan 'das la gsol nas/ bcom ldan 'das kyis bka' stsal pa/ de lta bas na dge slong dag 
de lta bu kho nar mo mtshan gyi sme gab bcang bar mi bya'o/ /srad bus thogs la rked par chongs shig /de ltar na nyes pa'i dmigs su mi 'gyur ro/ /gleng gzhi ni mnyan du yod pa na ste/ de nas tshe dang ldan pa 'od srung chen po snga dro sham thabs dang chos gos bgos/ lhung 
bzed thogs te/ mnyan du yod par bsod snyoms kyi phyir zhugs pa dang / de sbom dga' mos mthong nas myur zhing rings par de'i drung du song ste/ glen pa rab tu glen pa zhes smras nas mchil mas btab pa dang / des smras pa/ sring mo khyod kyis ni nyes pa med kyis tshe dang ldan 
pa kun dga' bos gal te nyes pa sbom po spyod pa'i bud med rnams legs par bshad pa'i chos 'dul ba la rab tu byung ste bsnyen par rdzogs nas dge slong ma'i dngos por gnang bas lan no/ /de ltar gyur pa dge slong dag gis thos te bcom ldan 'das la gsol pa dang /

</font><hr>11-1-154b<br><font size=+1>
bcom ldan 'das kyis dge slong dag sbom dga' mo ni dge sbyong ma ma yin/ dge slong ma ma yin/ smad 'tshong ma yang ji ltar sbom dga' mos byas pa bzhin dge slong la mi byed do/ /de lta bas na dge slong mas dge slong la thu zhes bya bar ma byed cig ces bka' stsal to/ /dge 
slong mas dge slong la thu zhes byas na 'das pa dang bcas par 'gyur ro/ /gleng gzhi ni mnyan du yod pa na ste/ de'i tshe na dge slong gzhan zhig la nyes pa byung ste/ des dge slong ma zhig mthong nas 'phags ma cung zhig 'dug ces smras pa dang / des 'phags pa ci 'tshal/ 
des 'phags ma bdag la nyes pa zhig byung ste 'chags so zhes smras so/ /de 'dug nas des de'i mdun du 'dug ste smras nas/ dgongs shig 'phags ma bdag ming 'di zhes bya ba'i dge slong la 'di lta bu 'di 'dra ba'i nyes pa zhig byung ste/ bdag gis 'phags ma'i 
mdun du mthol lo/ /'chags so/ /mi 'chab bo/ mthol lo bshags pas bde bar 'gyur gyis ma mthol ma bshags pa ni ma yin no/ /mos 'phags pa ci 'dra ba'i nyes pa yang khyod la byung ngam de ni ma legs pa byas so zhes smras pa dang / dge slong de 
skyengs par gyur te/ de ltar gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ de lta bas na dge slong dag dge slong gis dge slong ma'i mdun du nyes pa bshags par mi bya ste yongs su dag pa lta ba mthun pa'i 
dge slong gi mdun du bshags par bya'o/ /dge slong gis dge slong ma'i mdun du nyes pa bshags na 'das pa dang bcas par 'gyur ro/ /gleng gzhi ni mnyan du yod pa na ste/ de'i dus na dge slong ma gzhan zhig la nyes pa byung nas des dge slong zhig mthong ste/ des 
bsti stang du bya ba dang bcas te rkang pa la phyag 'tshal nas 'phags pa thugs rjer dgongs te cung zhig bzhugs shig ces smras pa dang / des 'phags ma ci dgos zhes dris na/ des 'phags pa bdag la nyes pa zhig byung ste/ de 'phags pa'i spyan sngar bshags so zhes 

</font><hr>11-1-155a<br><font size=+1>
smras pa dang / de 'dug go/ /des kyang de'i rkang pa la phyag 'tshal te mdun du 'dug nas thal mo sbyar te 'phags pa dgongs shig /bdag ming 'di zhes bya ba'i dge slong ma la 'di lta bu 'di 'dra ba'i nyes pa zhig byung ste/ de bdag gis 'phags pa'i spyan sngar nyes pa 
byung ba bshags so/ /mthol lo/ /mi 'chab bo/ /mthol zhing bshags na bde bar 'gyur ro ma bshags ma mthol na ni ma yin no/ /des 'di lta bu'i gzugs kyi nyes pa byung ba ni 'phags mas ma legs par byas so zhes smras pa dang / dge slong ma de skyengs par gyur to/ /de ltar 
gyur pa dge slong dag gis thos nas bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong dag dge slong mas dge slong pha'i mdun du nyes pa mthol bar mi bya ste/ dge slong ma yongs su dag pa lta ba mthun pa'i mdun du nyes pa 
mthol bar bya'o/ /dge slong mas dge slong gi mdun du nyes pa mthol na 'das pa dang bcas par 'gyur ro// //mdor na/ dge slong phas ni las brjod cig /dge slong mas ni brtag par bya'o/ /khri dang khri'u yang sbyin par bya/ /g.yogs pa dag la mi gzhag go/ /sangs 
rgyas bcom ldan 'das mnyan du yod pa dze ta'i tshal mgon med zas sbyin gyi kun dga' ra ba na bzhugs te/ bcom ldan 'das kyis dge slong pha'i las kyang so so/ dge slong ma'i yang so so/ spyi las ni ma gtogs so zhes gsungs pa dang / dge slong ma dag dge slong pha'i 
mdun na las byas pa dang / 'jigs par gyur te las byed par ma spobs so/ /de ltar gyur pa dge slong gis bcom ldan 'das la gsol pa dang / bcom ldan 'das kyis bka' stsal pa/ dge slong dag gis las byos shig /dge slong mas ni brtag par bya'o/ /
bcom ldan 'das kyis de lta bas na dge slong dag gis ni las byos shig /dge slong mas ni brtag par bya'o zhes gsungs pa dang / dge slong ma dag gis ji ltar brtag pa mi shes te de dag gis de ltar gyur pa dge slong dag la smras nas dge slong dag gis bcom ldan 

</font><hr>11-1-155b<br><font size=+1>
'das la gsol pa dang / bcom ldan 'das kyis bka' stsal pa/ dge slong ma dag gis bag yod par yid la bya ste/ 'di ni gsol ba'o/ /'di ni las dang po'o/ /'di ni gnyis pa'o/ /'di ni gsum pa'o zhes shes par bya'o/ /gleng gzhi ni mnyan du yod pa 
na ste/ bcom ldan 'das kyis chos nyan pa bsgrags par byos shig ces gsungs pa dang / dge slong dag gis stan ma bting nas bcom ldan 'das kyis stan thing shig ces bka' stsal to/ /de nas dus phyi zhig na chos bshad pa bsgrags par gyur pa na/ dge slong ma dag 
'ongs nas g.yogs pa'i khri'u la 'dug ste chos nyan par brtsams pa dang / der dge slong ma gzhan zhig dran pa nye bar ma bzhag ste khrag zags nas g.yogs pa'i khri'u ma rung bar gyur to/ /de nas chos bsgrags pa zin pa dang / dge skos kyis stan bsdu bar 
brtsams na ji tsam na g.yogs pa'i khri'u ma rung bar gyur te/ sbrang bus gang ba mthong nas de lta bur gyur pa dge slong dag gis bcom ldan 'das la gsol nas/ bcom ldan 'das kyis bka' stsal pa/ dge slong dag de lta bas na dge slong ma dag chos nyan pa'i 
phyir 'ongs pa la g.yogs pa'i khri'u mi sbyin no/ /des kyang khri'u g.yogs pa la 'dug par mi bya'o/ /bcom ldan 'das kyis dge slong ma chos nyan du 'ongs pa la khri'u g.yogs pa ma sbyin cig ces bka' stsal pa dang / dge slong de dag gis de dag chos nyan pa'i phyir 
lhags pa rnams la khri'u ma g.yogs pa byin pa dang / ji tsam na skye dgu'i bdag mo chen mo chos nyan pa'i phyir 'ongs pa dang / de la yang khri'u ma g.yogs pa zhig byin pa dang / des 'phags pa bdag sngon khyim na gnas pa na yang khri'u ma g.yogs pa la cung 
zad kyang ma mchis so zhes smras pa dang / dge slong dag gis smras pa/ gau ta mI bcom ldan 'das kyis ma gnang ste/ dge slong ma chos nyan pa'i phyir lhags pa la khri'u g.yogs pa ma sbyin cig ces bka' stsal to/ /des 'phags pa dge slong ma gang dag dran pa nye 

</font><hr>11-1-156a<br><font size=+1>
bar mi 'jog pa de bzhin du bdag kyang nyes pa'i dmigs pa ci bgyid dam zhes smras pa dang / de ltar gyur pa dge slong dag gis bcom ldan 'das la gsol nas/ bcom ldan 'das kyis dge slong dag de lta bas na gnang ba ni dran pa nye bar 'jog pa'i dge slong ma 
de dag chos nyan pa'i phyir 'ongs na de dag la ni khri'u g.yogs pa sbyin par byos shig /'di la the tshom ma byed cig ces bka' stsal to// //mdor na/ chang 'tshong ma dang smad 'tshong ma/ /bran mo dang yang reg mi bya/ /gnod pa'i gos dang brang mi brdung / /dge slong dag gi nang 
du gzhag /sangs rgyas bcom ldan 'das mnyan du yod pa dze ta'i tshal mgon zas sbyin gyi kun dga' ra ba na bzhugs te/ de nas dge slong ma sbom dga' mo snga dro'i dus na sham thabs dang chos gos bgos lhung bzed thogs te mnyan du yod par bsod snyoms kyi phyir 
zhugs so/ /de bsod snyoms la zhugs nas khyim mi mo zhig mthong ste bgo ba bzang zhing smad g.yogs dang rgyan bzang po zhig ste/ des de mthong nas nu mo khyod kyi gos dang / rgyan dag ga las rnyed ces dris pa dang / des 'phags ma bdag ni chang 'tshong ste/ de las 
'di dag thams cad rnyed do zhes smras pa dang / sbom dga' mos thabs 'di ni legs pa zhig ste de ltar 'grub bam mi 'grub pa blta'o snyam bsams nas/ des de la dmigs shing dran bzhin du song nas ji tsam du mthong ba gnas gzhan zhig na bud med gcig gos 
dri ma can gyon la zas med cing de rid la gom pa dal gyis 'gro ba zhig mthong nas bu mo khyod su'i zhes dris pa dang / des smras pa/ su'i yang ma yin te/ gang bdag bza' ba dang / bgo ba ster ba de'i las bdag gis bya'o/ /des bu mo de ste de bzhin na chang 'tshong ba ci'i 
phyir mi spyod ces smras pa dang / des 'phags ma ci 'di bzhin nyid du chang 'tshong pa spyod du rung ngam/ der thog mar nor mang du dgos so/ /zong yod kyang snod dang chang 'thung ba dag bde bar 'dug pa'i khang pa rgya chen po rnams kyang med do ces smras pa dang / sbom dga' mos 

</font><hr>11-1-156b<br><font size=+1>
bu mo de ste bdag gis de dag thams cad sbyar la khyod kyi bza' ba dang bgo ba yang sbyin gyis rnyed pa thams cad bdag la byin cig ces so/ /des 'phags ma legs kyis de bzhin du bgyi'o/ /sbom dga' mos dbyar mo khang dang nye bar de'i khang pa zhig brtsigs te/ zong dang snod dang yo byad rnams byin 
pa des der chang 'tshong ba la zhugs te/ chang yang zhim por gyur nas chang 'thung ba dag der mang du 'dus shing tshogs pa dang de dag mthong nas chang 'tshong ba gzhan dag phrag dog skyes par gyur to/ /sbom dga' mos kyang rnyed pa dag 'phel to/ /de nas dus gzhan zhig na rgyal po'i pho brang du chang zhig 
dgos par gyur nas rgyal po'i skyes bu dag gis chang 'tshong ba thams cad bsdus pa na de dag phrag dog langs te de rnams kyis rgyal po'i skyes bu dag la 'di na sbom dga' mo'i chang 'tshong ma zhig dbyar mo khang dang nye ba na chang 'tshong zhing 'dug gis chang ma de yang khrid cig ces smras pa dang / de 
dag gis de bzung ste khrid do/ /de ngu bar gyur te 'phags ma sbom dga' mo rgyal po'i skyes bu 'di dag gis bdag khrid do zhes smras pa dang / de myur du gom pa mgyogs par song nas bu zan mo'i bu dag bdag gi bu mo 'di gar bkri zhes smras so/ /de dag gis ci 'phags ma chang 'tshong 
ngam mi mdza' ba rnams kyi gnya' bar rdog pas mnan la chang yang 'tshong ngo / /ci 'phags ma la yang dgra yod dam zhes smras pa dang / khyed cag nyid nga'i dgra chen po yin te de'i phyir bdag gi bu mo khrid do zhes sma zhing de dag 'thab pa bram ze dang khyim bdag dag gis mthong ste/ de dag 
gis kye 'di dag ci zhes dris pa dang de dag gis zhib tu smras pa dang / de dag 'phya zhing smod ngan du 'dzer ba ni dge sbyong shAkya'i bu'i dge sbyong dag ni tshig pa'o/ /de 'di ltar dge sbyong mgo reg ma yang chang 'tshong ba la zhugs pas na dge sbyong dang tshangs pa yang rab tu tshig pa'o/ /de lta bur gyur 
pa dge slong dag gis thos te bcom ldan 'das la gsol nas/ bcom ldan 'das kyis bka' stsal pa/ sbom dga' mos dge sbyong ma yin pa cher byas te/ de lta bas na dge slong mas chang 'tshong ba ma byed cig 'tshong na 'das pa dang bcas par 'gyur ro/ /gleng gzhi ni mnyan du yod pa na ste/ de nas dge 

</font><hr>11-1-157a<br><font size=+1>
slong ma sbom dga' mo snga dro'i dus na sham thabs dang chos gos bgos/ lhung bzed thogs te mnyan du yod par bsod snyoms la zhugs so/ /de bsod snyoms la 'jug pa'i tshe smad 'tshong ma gcig gos dang sham thabs rab tu bzang ba zhig gyon/ rgyan 
rab tu bzang bas brgyan pa zhig mthong nas des mthong ba dang / phu nu mo 'di lta bu gos dang rgyan dag ga las 'byor ces dris pa dang / des 'phags ma bdag gis smad 'tshong byas pas na de la 'di lta bu dag rnyed do zhes smras pa dang / sbom dga' mos thabs de ni legs 
pa zhig na 'grub bam mi 'grub pa blta'o snyam bsams nas/ de la dmigs shing dran bzhin du song ngo / /ji tsam na gnas gzhan zhig na bu mo zhig gos dri ma can zas kyis kyang mi 'byor bar gyur/ 'gros kyang dal bus 'gro ba zhig la bzhin byad bzang mo 
zhig mthong nas bu mo khyod su'i zhes dris pa dang / des 'phags ma gang sus bdag la zas dang gos byin pa de'i las kyang bdag gis bgyi'o zhes smras so/ /des bu mo de ltar na smad 'tshong ma ci'i phyir mi byed ces byas pa dang / de rna ba bkag nas 'phags ma 
de skad ma gsung shig /mi mdzes pa de lta bu dag ni bdag gi rigs la sngon chad sus kyang ma bgyis so zhes smras pa dang / sbom dga' mos bu mo bud med kyi spyod pa ni de lta bu yin na rgyal po 'di zhes bya ba'i bu mo yang de bzhin du smad 'tshong bas na de lta bur gyur/ 
bram ze 'di zhes bya ba'i bu mo yang de bzhin du'o/ /rigs mchog las kyang de lta bu mang du byung na bud med ni skyes pa la sems pa yin mod kyi/ bdag rab tu ma byung na de lta bu bya ba zhig na rab tu byung bas mi bde'o zhes smras te/ des de bslus nas smras pa/ 'phags 
ma smad 'tshong ma 'di 'dra ba spyod dam/ 'phags ma smad 'tshong ma 'di lta bu spyad na de la yang yo byad mang por dgos te/ skyes pa mang po 'du ba'i khang pa rgya chen po dang / gos dang / rgyan dang / byug pa dang / bza' ba dang / btung ba dag kyang mang du dgos so/ /sbom 

</font><hr>11-1-157b<br><font size=+1>
dga' mos bu mo de ltar na bdag gis thams cad sbyar na khyod kyis rnyed pa thams cad bdag la byin na ni khyod kyi zas dang gos la sogs pa bdag gis sbyar ro zhes smras pa dang / des 'phags ma legs kyis de bzhin du rnyed pa sbyin no zhes smras so/ /sbom dga' mos dbyar 
mo khang dang nye ba zhig tu de'i khang pa zhig brtsigs nas des ci smras pa bzhin du byin te des phyis bkrus te gos dang / rgyan bzang po dag byin nas zhag du ma zhig gi bar du chas te/ de gzugs gzhon zhing mdzes nas smad 'tshong ma'i gzugs su byas te 'dug go/ /nyon mongs pa'i dbang 
gis gzir nas thams cad kyang der 'dus so/ /de smad 'tshong ma gzhan zhig gis mthong nas phrag dog langs te ma bzod par gyur to/ /sbom dga' mos rnyed pa dag cher gyur to/ /de nas dus phyi zhig na rgyal po'i pho brang du dus ston chen po zhig byung ste/ der dri mang po 
zhig dgos nas rgyal po'i skyes bu dag gis dri btab pa'i phyir smad 'tshong ma thams cad bsdus pa dang / de dag gi phrag dog gis de yang rgyal po'i skyes bu dag la dbyar mo khang gi drung du sbom dga' mo'i smad 'tshong ba zhig gis de yang khrid cig ces smras so/ /de dag 
gis de bzung ste khrid pa dang / de yang ngus nas 'phags ma sbom dga' mo bdag ni rgyal po'i skyes bus khrid do zhes smras pa dang / de myur bar brgyugs nas bu zan mo'i bu 'di dag bdag gi bu mo 'di gar bkri/ de dag gis smras pa/ ci 'phags ma yang smad 'tshong 
ma spyod dam/ dgra rnams kyi gnya' bar rdog pas mnan la byed do/ /ci 'phags ma la yang dgra yod dam/ nga'i bu mo khrid pas na khyod nyid dgra'i nang na chen po yin no/ /de dag 'thab pa bram ze dang / khyim bdag dag gis mthong nas/ de dag gis kye 
ci zhig ces dris pa dang / des ji ltar gyur pa zhib tu smras pa dang / de dag 'phya zhing smod ngan du 'dzer te/ shAkya'i bu'i dge sbyong ni rab tu tshig go/ /dge sbyong dang tshangs pa yang tshig go/ /da ni dge sbyong mgo reg mas kyang smad 'tshong ma yang byed do zhes 'phya'o/ /

</font><hr>11-1-158a<br><font size=+1>
de ltar gyur pa dge slong dag gis thos nas bcom ldan 'das la zhus pa dang / bcom ldan 'das kyis dgongs pa/ sbom dga' mos ni dge sbyong gi tshul ma yin pa zhig byas so/ /de lta bas na dge slong mas smad 'tshong ma byed du mi gzhug par dgongs nas/ 
dge slong dag sbom dga' mos dge sbyong gi tshul ma yin pa cher byas pa la bram ze dang khyim bdag rnams 'phya ba dang / smod pa dang / ngan du smra ba ni gnas yin te/ de bas na dge slong mas smad 'tshong ma byed du mi gzhug go/ /dge slong mas smad 'tshong ma byed du bcug na nyes pa 
sbom por 'gyur ro/ /gleng gzhi ni mnyan du yod pa na ste/ de nas sbom dga' mos snga dro'i dus na sham thabs dang chos gos bgos lhung bzed thogs te mnyan du yod par bsod snyoms la zhugs so/ /bsod snyoms kyi phyir zhugs pa dang / bran mo zhig mthong nas de 
gos bzang / smad g.yogs bzang / rgyan bzang pos brgyan pa/ des mthong nas nu mo khyod gos dang rgyan bzang po gang nas rnyed ces dris pa dang / des 'phags ma bdag ni logs shig na smad 'tshong bas na de nas 'di dag rnyed do zhes smras pa dang / sbom dga' mos 
thabs de ni legs so/ /de ltar 'gyur ram mi 'gyur ba blta'o snyam bsams nas/ de la dmigs shing dran bzhin du song nas ji tsam zhig na/ bu mo gos dri ma can kha zas med pa 'gros kyang dal nas 'gro la byad bzhin ni bzang ba zhig mthong nas des bu mo khyod su'i zhes 
dris pa dang / des smras pa/ bdag ni su yang ma yin gyi/ gang gis gos dang zas sbyin pa de'i las byed do/ /des smras pa/ bu mo de ltar na logs shig na smad 'tshong ba ci phyir mi byed ces byas pa dang de rna ba bkag ste 'phags ma de skad ma gsung shig /mi rigs 
pa 'di lta bu bdag cag gi rigs la sngan chad sus kyang de lta bu ma byas so zhes smras pa dang / sbom dga' mos bu mo bud med kyi chos ni de yin te/ rgyal po'i bu mo yang de bzhin/ 'di zhes bya ba'i bram ze'i bu mo yang de bzhin te/ de bzhin du rigs chen po mang po dag 

</font><hr>11-1-158b<br><font size=+1>
las kyang de lta bu byung na/ bud med ni skyes pa la sems te/ bdag gis kyang bya ba zhig na rab tu byung bas mi rung ngo zhes zer zhing de des bslus pa dang / 'phags ma de ltar na logs shig na smad 'tshong ji ltar bya/ de la yo byad mang po dag dgos so/ /dang por ni gos 
dang rgyan dgos so/ /de'i 'og tu sbra dang / dra ba chen po dang / zhal ta byed pa'i skyes pa yang gzhan la/ kyal ka byed pa 'ongs na yang grogs bya dgos/ bdag dang skyes pa mang po dag bsdu zhing mgu bar bya ba'i phyir chang dang / dri dang / byug pa dag dgos so zhes smras pa 
dang / sbom dga' mos de ltar na bdag gis gos dang zas la sogs te thams cad sbyar gyis/ khyod kyis rnyed pa de thams cad nga la byin cig ces smras pa dang / legs kyis de bzhin du sbyin no zhes smras pa dang / sbom dga' mos de phyis nas khrus byas te/ gos dang / rgyan 
dang dgon pa la gnas pa'i yo byad la sogs pa byin nas zhag nyung zad cig gi bar du gsos nas sbra yang byin/ zhal ta byed pa'i skyes pa byin nas zhal ta byed pa'i mi dang 'grogs te/ dgon pa la song nas logs shig na smad 'tshong ba la zhugs pa dang / ji tsam 
zhig nas bsel pas bzung ste khrid pa dang / sbom dga' mo la sbran to/ /de nas sbom dga' mos rings par myur bar song nas brgyugs te/ bu zan mo'i bu dag bdag gi bu mo gar bkri zhes smras pa dang / de dag gis 'phags ma ci khyod kyang logs shig na smad 
'tshong ba byed dam zhes smras pa dang / dgra'i gnya' bar rdog pas mnan la byed du gzhug go/ /'phags ma ci khyod la yang dgra yod dam/ bdag gi bu mo khyod kyis khrid pas na bdag gi dgra chen po khyod nyid yin no/ /de dag 'thab mo byed pa bram ze dang / khyim 
bdag dag gis mthong nas/ kye 'di ci zhig ces dris pa dang / de dag gis ji lta bur gyur pa zhib tu smras pa dang / de dag 'phya zhing smod ngan du 'dzer te/ dge sbyong shAkya'i bu rnams kyi dge sbyong rab tu tshig pa'o/ /dge sbyong dang tshangs pa yang rab tu tshig pa'o/ /

</font><hr>11-1-159a<br><font size=+1>
da ltar dge sbyong mgo reg ma 'di ni logs shig na smad 'tshong ba byed do zhes 'phya'o/ /de ltar gyur pa dge slong rnams kyis thos nas sangs rgyas bcom ldan 'das la gsol to/ /bcom ldan 'das kyis dge slong ma sbom dga' mos dge sbyong 
gi bya ba ma yin pa cher byas te/ de bas na dge slong mas logs shig na smad 'tshong ba mi bya bar dgongs nas bka' stsal pa/ dge slong dag bram ze dang / khyim bdag dag 'phya la smod cing ngan du zer ba ni gnas yin te/ sbom dga' mos dge sbyong ma yin pa'i 
las byas so/ /de bas na dge slong mas logs shig na smad 'tshong ma byed du ma gzhug shig /dge slong mas logs shig na smad 'tshong ba byed du bcug na ltung ba sbom por 'gyur ro// //'dul ba phran tshegs kyi gzhi/bam po bzhi bcu rtsa gnyis pa/ 
gleng gzhi ni rgyal po'i khab na ste/ nam gar mkhan dag gis mi mang po'i dbus su drug sde dag la dpyas pa'i tshe de'i dus na de dag gcig la gcig gros su byed de/ de dag gi nang nas gcig gis kye gar mkhan dag gis mi mang po'i dbus su bdag cag la dpyas pa de 
thams cad bcu gnyis sdes lan na/ bu zan mo'i bu de la de dag gis lhung bzed dang chos gos dag ma byin dang / des bdag cag la dpya bar mi 'gyur ba zhig na/ da ni de'i dus la bab ste/ de dag thabs ji ltar bya ba smros shig ces smras pa dang / nye dga' bos 
smras pa/de la gzhan zhig ni ci byar yod/ de bdag cag gis rab tu brdeg par byas 'dong ngo / gcig gis yang legs kyis de ltar bya'o zhes smras nas/ de dag gros bcad de de'i drung du dong ba dang / sbom dga' mo mthong ngo / /de rnams kyis 
kye de dag gi nang na gtso mo 'di yin gyis 'di la brdeg par bya'o zhes smras nas/ de dag gis de thal mo dang / dbyug pa dang / rdog pa dang / dbyug gu dang / khu tshur dag gis brdegs so/ /de brdegs zin pa dang / des lus yungs mar gyis byugs nas 

</font><hr>11-1-159b<br><font size=+1>
khri dra ba can gyi steng du nyal zhing 'dug go/ /dge slong ma dag gis mthong nas 'phags ma 'di ltar ci zhig nyes zhes dris pa dang / des bdag ni brdegs so/ /des su zhig gis zhes dris pa dang / 'phags pa drug sde dag go/ /khyod kyis ci zhig byas/ phu nu mo chos kyi ming po de 
dag la ngan du brjod pa'i mi rigs te/ sring mo la bslab cing bstan pa lta ga la yang yod mod ces smras pa dang / dge slong ma dag 'phya bar gyur te/ dge slong phas dge slong ma dag la rdeg pa lta ga la yod/ de ltar gyur pa dge slong ma dag gis dge slong la smras pa dang / dge 
slong dag gis bcom ldan 'das la gsol nas/ bcom ldan 'das kyis dgongs pa/ gang nyes pa'i dmigs su gyur pa ni dge slong dag gis dge slong ma la rdeg pa'o/ /de bas na dge slong phas dge slong ma la rdeg tu mi gnang bar dgongs nas bka' stsal pa/ dge slong 
dag dge sbyong drug sde dag gis byas pa la dge slong ma dag 'phya ba ni gnas yin te/ de bas na dge slong dag dge slong phas dge slong ma la rdeg tu mi gnang ngo / /dge slong phas dge slong ma la rdeg na 'das pa dang bcas par 'gyur ro/ /gleng gzhi ni mnyan du yod pa na ste/ 
bcom ldan 'das kyis dge slong ma dag sme ba'i sme gab chongs shig ces bka' stsal pa dang / des sme ba'i sme gab bcangs pa dang / de las kyang thal te sham thabs la zags nas thig ler gyur pa las de'i gnas gnas su sbrang ma dag gis gang zhing 'khor ba dang / de 
dag ngo tsha bar gyur nas 'jigs bzhin du 'khod do/ /de ltar gyur pa dge slong mas dge slong la smras pa dang / dge slong phas bcom ldan 'das la gsol nas/ bcom ldan 'das kyis bka' stsal pa/ de lta bas na dge slong dag dge slong mas gnod pa'i gos 
chongs shig /bcom ldan 'das kyis dge slong ma dag la gnod pa'i gos chongs shig ces bka' stsal pa dang / de dag gis gnod pa'i gos ci lta bur bya ba mi shes nas/ bcom ldan 'das kyis nang gi smad g.yogs chongs shig ces bka' stsal pa dang / de dag 

</font><hr>11-1-160a<br><font size=+1>
gis nang gi smad g.yogs 'chang bar brtsams pa dang / de la yang khrag gis tig tig por song ngo / /de yang de ltar gyur pa dge slong mas dge slong pha la smras pa dang / dge slong phas bcom ldan 'das la gsol nas/ bcom ldan 'das kyis bka' 
stsal pa/ dus dus su khrus la tshos la chongs shig /dge slong ma dag rtag tu dran pa nye bar zhog la nyol cig /dge slong mas dran pa nye bar ma bzhag par nyal na 'das pa dang bcas par 'gyur ro/ /gleng gzhi ni mnyan du yod pa na ste/ de'i tshe na dge slong pha mu la pa la 
gu na bya ba zhig dus las 'das nas/ de na bcu gnyis sde dag gis de la mchod pa byas te bsregs nas de dag gis brang brdungs pa dang / dge slong ma dag 'phya ste dge slong ma dag brang rdung ba ga la rigs/ de ltar gyur pa dge slong ma dag gis dge slong la smras so/ /dge 
slong pha dag gis bcom ldan 'das la gsol nas/ bcom ldan 'das kyis dgongs pa/ dge slong ma bcu gnyis sdes mi rigs pa zhig byas te/ de bas na dge slong mas brang mi brdung bar dgongs te bka' stsal pa/ dge slong pha dag dge slong ma bcu gnyis sdes 
mi rigs pa dge slong ma dag 'phya ba ni gnas yin te/ de lta bas na dge slong ma dag brang brdung bar mi bya'o/ /de ste dge slong ma dag gis brang brdungs na 'das pa dang bcas par 'gyur ro/ /gleng gzhi ni mnyan du yod pa na ste/ tshe dang ldan pa u pA lis sangs rgyas 
bcom ldan 'das la btsun pa dge slong ma las mtshan gyur na/ de la ji lta bur bgyi zhes zhus pa dang / bcom ldan 'das kyis bka' stsal pa/ u pA li de ni lo du lon pa de bzhin du dge slong gi nang du zhog shig /de yang bsnyen par rdzogs shing dge slong pha'i dngos 
por 'gyur ro// //mdor na/ dge slong ma las dge slong nang du gzhag /rnam pa thams cad du yang gzhag mi bya/ /pho nyas yang ni de bzhin bsnyen rdzogs par/ /drang srong chen po yis ni gnang ba yin/ /sangs rgyas bcom ldan 'das mnyan du yod pa dze ta'i tshal mgon 

</font><hr>11-1-160b<br><font size=+1>
med zas sbyin gyi kun dga' ra ba na bzhugs so/ /de nas u pA lis sangs rgyas bcom ldan 'das la/ btsun pa bcom ldan 'das kyis ni dge slong ma mtshan gyur na dang po nas lo grangs du lon pa de bzhin dge slong pha'i nang du chug shig ces gsungs na/ ci dge slong 
pha mtshan gyur na yang dang po nas lo grangs du lon pa de bzhin du dge slong ma'i nang du gzhug par bgyi'am zhes zhus pa dang / u pA li dge slong pha las mtshan gyur na de lo grangs du lon pa de bzhin dge slong ma'i nang du gzhag par bya'o/ /de ste btsun pa dge slong pha'am dge 
slong ma yang rung / der bzhag pa las de nas kyang mtshan gyur na de la thabs ji lta bur bgyi/ bcom ldan 'das kyis u pA li de nas yang ci rigs pa bzhin du zhog shig ces bka' stsal to/ /gleng gzhi ni mnyan du yod pa na ste/ de nas tshe dang ldan pa u pA lis 
sangs rgyas bcom ldan 'das la/ btsun pa bcom ldan 'das kyis ni dge slong pha'am/ dge slong ma lan gnyis su mtshan gyur nas de yang gar rigs par zhog shig ces bka' stsal na/ btsun pa de ste der bzhag pa las mtshan lan gsum du gyur na de la thabs 
ji lta bur bgyi/ bcom ldan 'das kyis bka' stsal pa/ u pA li rnam pa thams cad du mi gzhag pa yin te/ u pA li mtshan lan gsum du gyur na dge slong pha'i dngos po dang / dge slong ma'i dngos po de ma thag tu rnam pa thams cad du mi gzhag par byas/ 
de la the tshom du ma byed cig /sangs rgyas bcom ldan 'das mnyan du yod pa dze ta'i tshal mgon med zas sbyin gyi kun dga' ra ba na bzhugs so/ /mnyan du yod pa'i phyogs gcig na khyim bdag byin pa zhes bya ba zhig gnas pa de rab tu phyug cing nor mang la longs 
spyod che/ yangs shing rgya che ba ni ngal bso po'i nor dang 'dra ba ngal bso po'i nor la sdo ba zhig 'dug ste/ des rigs dang mnyam pa las chung ma blangs nas de dang lhan cig rtse dga' yongs su spyod do/ /yang phyogs gzhan zhig na ri dgas sgra zhes bya ba'i khyim bdag 

</font><hr>11-1-161a<br><font size=+1>
cig gnas pa de yang phyug cing nor mang la longs spyod che la yangs shing rgya che ba ni ngal bso po'i nor dang 'dra ba ngal bso po'i nor la sdo ba zhig 'dug ste/ des kyang rigs dang mnyam pa las chung ma blangs nas de dang lhan cig rtse dga' yongs su spyod do/ /de dag 
gcig la gcig phyug pas 'gran te/ gcig na re khyod pas ni longs spyod kyi rgyu bdag gi khyad zhugs so/ /gcig na re khyod pas longs spyod kyi rgyu bdag gi khyad zhugs so zhes smra'o/ /de gnyis phan tshun mdza' bar gyur te/gcig gis kyang dus dus 
su skyes bskur/ gcig gis kyang de bzhin slar bskur nas de gnyis phan tshun mdza' bar gyur to/ ji tsam dus phyi zhig na mnyan du yod pa na gnas pa'i skye bo mang po dag cung zad bya ba zhig yod de/ de dag thams cad skyed mos tshal du dong ste 'dus nas der grong khyer 
gyi don rnams bsgrubs nas dong ngo / /khyim bdag byin pa dang / ri dgas sgra zhes bya ba gnyis de na gcig la gcig mdza' ba'i gtam 'dzer cing 'khod do/ /khyim bdag byin pas mdza' bo grogs po bdag cag gnyis dus las 'das kyang phyi nas bu dang / tsha bo dang 
yang tsha dang / sum tsha dag gi bar du mdza' ba'i rgyun mi gcad par bya na/ de la thabs ji lta bu zhig bya zhes dris pa dang / ri dgas sgras smras pa/ grogs po legs te bdag kyang de lta bur sems na tshur shog /ma btsas par gnyen sngar bya ste/ bdag la bu pho 
zhig skyes/ khyod la bu mo zhig byung na khyod kyis bdag gi bu la byin cig de ste khyod la ni bu pho zhig byung / bdag la ni bu mo zhig byung na bdag gis khyod kyi bu la sbyin no/ /des grogs po legs kyis de lta bur bya'o zhes smras so/ /de dag gcig la gcig ma btsas 
par gnyen byas te dong ngo / /de nas dus phyi zhig na khyim bdag byin pa'i chung ma sems can dang ldan par gyur te/ zla ba brgyad dam dgu 'das pa na/ bu mo zhig btsas te/ dbyibs legs shing blta na sdug pa/ bzang mo yan lag dang nying lag tu ldan pa zhig ste 

</font><hr>11-1-161b<br><font size=+1>
de rtag tu ngu'o/ /de nas khyim bdag byin pa'i khyim du dge slong dag 'ongs te chos bshad pa dang / de'i tshe rna ba byo ste nyan to/ /de nyi ma bdun gsum nyi shu rtsa gcig tu rgya cher btsas pa'i btsas ston chen po byas nas de'i ming 'dogs pa la zhugs te/ bu mo 'di'i ming 
cir gdags zhes bgros pa dang / gnyen rnams kyis bu mo 'di rtag tu chos 'dod pa chos la rna ba byo ste nyan la khyim bdag byin pa'i bu mo yin pas na de'i phyir bu mo de'i ming chos sbyin zhes gdags so/ /bu mo chos sbyin ma ma ma brgyad la gtad de/ gnyis ni snun pa'i 
ma ma'o/ /gnyis ni 'tsho ba'i ma ma'o/ /gnyis ni dri ma 'phyi ba'i ma ma'o/ /gnyis ni rtse ba'i ma ma'o/ /ma ma de brgyad kyis gsos bskyed de 'o ma dang / zho dang / mar sar dang / mar dang / gzhan yang des shing des pa'i yo byad kyi khyad par gyis myur du bskyed pa ni rdzing 
na gnas pa'i 'dam las skyes pa bzhin no/ /de nas khyim bdag ri dgas sgra zhes bya ba khyim bdag byin pa'i bu mo btsas par des thos pa dang / des grogs po'i bu mo btsas na de la gos dang rgyan dag bdag gis bskur ro snyam bsams te/ /bdag gi mna' ma yin 
par yid la yod pas des de la gos dang rgyan dag bskur nas mdza' bo grogs po khyod la bu mo zhig byung bar thos nas bdag rab tu dga' ste/ mdza' bo'i bu mo'i gos dang rgyan bskur ba 'di yin gyis blang ba'i rigs so zhes spring ba dang / des de blangs nas slar 
lan spring ba/ mdza' bo de ltar byas pa legs kyis gnyen yang byas khyod las bu pho zhig byung na de la sbyin no/ /khyim bdag ri dgas sgras de'i lan thos pa dang / de bu 'dod par sems bzhin du des chung ma la rtse dga' yongs su spyod do/ /rtse dga' yongs su spyad pa 
las phyi zhig na de'i chung ma mngal sems can dang ldan par gyur nas/ /de zla ba brgyad dam dgu 'das pa dang bu pho zhig btsas so/ /de btsas nas de la yang zhag bdun gsum nyi shu rtsa gcig gi bar du rgya cher btsas pa'i btsas ston chen po byas te/ khye'u 'di ming ci zhig tu 

</font><hr>11-1-162a<br><font size=+1>
gdags zhes dpyad pa dang / de'i yang gnyen dag gis khye'u 'di skar ma sa ga'i tshe btsas pas na de bas na khye'u 'di'i ming sa gar gdags so zhes zer nas de'i ming sa gar btags so/ /khye'u sa ga de yang ma ma brgyad la gtad de/ gnyis ni snun pa'i ma ma'o/ /
gnyis ni 'tsho ba'i ma ma'o/ /gnyis ni dri ma 'phyi ba'i ma ma'o/ /gnyis ni rtse ba'i ma ma'o/ /ma ma de brgyad kyis gsos bskyed de 'o ma dang / zho dang mar sar dang / mar dang / gzhan yang des shing des pa'i yo byad kyi khyad par gyis myur du bskyed pa ni rdzing na gnas pa'i 'dam las 
skyes pa bzhin no/ /khyim bdag ri dgas sgra las bu pho gcig byung bar khyim bdag byin pas thos nas des bsams pa/ mdza' bo las bu pho zhig byung ba de gor ma chag par bdag gi mag par 'gyur gyis/ de la gos dang rgyan dag cig bskur ro snyam nas/ des de la gos 
dang rgyan dag bskur nas phrin spring ba/ mdza' bo khyod la bu zhig btsas par bdag gis thos nas rab tu dga' ste/ mdza' bo'i bu la bdag gis gos dang rgyan bskur ba 'di yin gyis 'di blang ba'i rigs so/ /des de blangs nas phrin lan mdza' bo khyod kyi bu mo skyed cig dang / 
skyes nas blang ngo spring ngo / /des smras pa/ bu mo sbyin gyis legs te/ de ltar bya'o/ /nam bu mo chos sbyin skyes pa dang / de rab tu 'byung bar 'dod nas des pha'i rkang pa la phyag 'tshal te/ pha bdag legs par bshad pa chos 'dul ba la rab tu dbyung bar gsol lo 
zhes smras pa dang / des smras pa/ bu mo khyod ri dgas sgra'i bu sa ga la sngon khyod btang zin te/ khyod kyi khyim thab de yin te/ da ni gnang du mi rung ngo zhes zer nas ma gnang ngo / /khyim der dge slong ma ut+pa la'i kha dog ces bya ba rigs dag ston par byed de dus dus su 'ong ngo / /
chos sbyin gyis 'phags ma bdag legs par bshad pa'i chos 'dul ba la rab tu 'byung bsnyen par rdzogs shing dge slong ma'i dngos po thob par 'tshal ba bdag gi phas mi gnang zhing bsrungs te phyir 'byung du yang mi ster na khyod kyis 'di nyid du rab tu mi 'byung ngam zhes smras pa 

</font><hr>11-1-162b<br><font size=+1>
dang / des bu mo sems de ltar bskyed pa legs so/ /'dod pa ni bde ba chung la sdug bsngal che zhing nyes pa mang ste/ rab tu byung na ni dge ba'o/ /bcom ldan 'das kyis ni mkhas pas nyes pa lnga mthong na des 'dod pa lnga la bsten pa'i mi rigs zhes gsungs te/ lnga 
gang zhe na/ bde ba chung la sdug bsngal che zhing nyes pa mang bar mkhas pas yang dag par mthong nas/ des 'dod pa la bsten pa'i mi rigs so/ /'dod pa la bsten pas kun du sbyor ba 'phel bar 'gyur bar mkhas pas yang dag par mthong nas des 'dod pa la bsten pa'i mi rigs 
so/ /'dod pa la bsten na cung zad kyang mi rigs pa'am/ ngoms pa'am/ chog pa med par mkhas pas yang dag par mthong nas des 'dod pa la bsten pa'i mi rigs so/ /'dod pa la bsten na sdig pa cung zad kyang mi bya ba med par mkhas pas yang dag par mthong nas 
des 'dod pa la bsten pa'i mi rigs so/ /'dod pa ni rnam grangs de lta bu sangs rgyas dang sangs rgyas kyi nyan thos rnams dang / mkhas pa dang / yang dag par song ba skyes bu dam pa rnams kyis spangs par mkhas pas mthong nas 'dod pa la bsten pa'i mi rigs so/ /mkhas 
pas yon tan lnga mthong nas rab tu 'byung ba la dad par bya ba'i rigs so/ /lnga gang zhe na/ bdag gis ma 'dres pa'i don rjes su thob par 'gyur bar mthong nas mkhas pas rab tu 'byung ba la dad par bya ba'i rigs so/ /bdag gang dag gi bran dang / mngag gzhug 
pa dang / bsgo ba dang / bkol ba dang / ci dga' mgur byed pa de dag gis slar mchod pa dang / bstod par 'gyur bar mthong nas mkhas pas rab tu 'byung ba la dad par bya ba'i rigs so/ /bla na med pa rnal 'byor bde ba mya ngan las 'das pa rjes su 'thob par mthong 
nas mkhas pas bdag nyid rab tu 'byung ba la dad par bya ba'i rigs so/ /bla na med pa rnal 'byor bde ba mya ngan las 'da' ba rjes su 'thob pa ma grub kyang bdag lhar skye bar 'gyur bar mthong nas mkhas pas rab tu 'byung ba la dad par bya ba'i rigs so/ /rab tu byung ba'i yon 

</font><hr>11-1-163a<br><font size=+1>
tan ni sangs rgyas dang / sangs rgyas kyi nyan thos rnams dang mkhas pa dang / yang dag par song ba'i skyes bu dam pa rnams kyis bsngags par mthong nas mkhas pas rab tu 'byung ba la dad par bya ba'i rigs te/ khyod kyis sems de ltar bskyed pa legs kyis 
da song nas bcom ldan 'das la gsol te bya'o zhes smras nas/ dge slong ma ut+pa la'i kha dog ma bcom ldan 'das gang na ba der song ste phyin pa dang / bcom ldan 'das kyi zhabs la mgo bos phyag 'tshal nas phyogs gcig tu 'dug go/ /phyogs gcig tu 'dug nas 
dge slong ma ut+pa la'i kha dog mas bcom ldan 'das la btsun pa khyim bdag byin pa zhes bya ba'i bu mo chos sbyin zhes bgyi ba legs par bshad pa'i chos 'dul ba la rab tu 'byung bsnyen par rdzogs shing dge slong ma'i dngos por 'tshal na/ de khyim bdag ri dgas sgra'i bu sa 
ga zhes bgyi ba la stsal nas/ khyim bdag byin pa des ma gnang ba'i steng du rtag tu bsrungs shing slad rol du 'byung du ma ster to zhes gsol pa dang / de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong ma dag la 'di skad 
smros shig /khyim bdag byin pa'i bu mo chos sbyin ma zhes bya ba khyim de nyid du ut+pa la'i kha dog ma phrin par gtang gis skyabs su 'gro ba gsum dang / bslab pa'i gzhi lnga byin la gnas de nyid du rab tu dbyung bar ngas gnang ngo / /btsun pa de ltar bgyi'o zhes gsol nas/ 
de nas tshe dang ldan pa kun dga' bos bcom ldan 'das las mnyan te dge slong ma rnams la bsgo'o/ /dge slong ma'i dge 'dun mas dge slong ma ut+pa la'i kha dog ma la bsgo ste phrin par gtang ngo / /de der song nas bu mo bcom ldan 'das kyis kyang gnang bar bka' stsal to/ /
dge slong ma'i dge 'dun gyis kyang skyabs su 'gro ba gsum dang / dge bsnyen ma'i bslab pa'i gzhi lnga yang byin no/ /khyod rab tu byung ste bslab pa bcu'i gzhi yang byin gyis 'di dang 'di dag ni 'di ltar bslab pa'i gnas nas 'byung ba bzhin du zung la bsdam par gyis shig ces 

</font><hr>11-1-163b<br><font size=+1>
smras pa dang / de rab tu dga' ba skyes so/ /de nas rab tu dga' ba skyes pa dang / dge slong ma ut+pa la'i kha dog mas 'phags pa'i bden pa bzhi yang dag par rtogs par 'gyur ba de lta bu bshad nas chos sbyin mas thos ma thag tu 'jig tshogs su lta ba'i ri'i rtse mo nyi shu gyen du 
byung ba rdo rje ye shes kyis bcom nas rgyun du zhugs pa'i 'bras bu mngon du byas so/ /de nas dge slong ma ut+pa la'i kha dog mas bcom ldan 'das la gsol pa dang / bcom ldan 'das kyis tshe dang ldan pa kun dga' bo song ste/ dge slong ma dag la 'di skad ces bsgo shig /
chos sbyin ma gnas de nyid du ut+pa la'i kha dog ma phrin par thong la lo gnyis su chos drug dang rjes su 'brang ba'i chos drug gi bslab pa byin cig ces bka' stsal pa dang / btsun pa de ltar bgyi'o zhes gsol nas/ tshe dang ldan pa kun dga' bos bcom ldan 'das las mnyan te dge slong 
ma rnams la bsgo'o/ /dge slong ma'i dge 'dun gyis ut+pa la'i kha dog ma bsgos te phrin par gtang ngo / /de der song nas bu mo dge slong ma'i dge 'dun rnams kyis lo gnyis su chos drug dang rjes su 'brang ba'i chos drug bslab pa'i sdom pa byin te/ khyod ni dge slong mar gyur gyis 
'di dang 'di ni khyod kyis byos shig /ji ltar bslab pa'i gzhi bcas pa bzhin du bsdam par gyis shig /de nas de lta bu'i chos bshad pa thos pa dang / chos sbyin mas lan gcig phyir ldog pa'i 'bras bu mngon du byas so/ /de ltar chos sbyin mas lo gnyis su chos drug dang rjes su 'brang 
ba'i chos drug gi bslab pa dag bslabs pa de na de gzhon nu mar gyur to/ /de gzugs gzhon zhing bzang mo la nang gi skye bo thams cad kyis yid dga' zhing phyi phyir zhing lta'o/ /de nas khyim bdag ri dgas sgras bu mo chos sbyin de gzhon nur gyur pa thos pa dang / des khyim bdag byin 
pa la mdza' bo khye'u yang gzhon nur gyur bu mo yang gzhon nur na nyi ma nam bzang ba brtags nas khye'u yi chung mar blang ngo zhes spring ba dang / des mdza' bo legs kyis de ltar bya'o zhes lan spring ngo / khyim bdag byin pas ltas mkhan dag bsogs te/ kye bu mo 'di nam bag 

</font><hr>11-1-164a<br><font size=+1>
mar btang na rung ba rtogs shig ces byas pa dang / de dag gis yid mthun par brtsis te bag mar gtang ba'i nyi ma bstan to/ /de bzhin du khyim bdag ri dgas sgras kyang bag ma blang ba'i zhag bstan to/ /de nas khyim bdag byin pas mdza' bo dang / phu nu dang / 
gnyen dag gi gnas su dus 'di tsam na bu mo chos sbyin ma bag mar gtang bar bya ste/ phu nu dang gnyen 'khor dang chas te grogs byed pa'i phyir shog shig ces yi ge spring ngo / /de nas khyim bdag ri dgas sgras kyang mdza' bo dang phu nu dang / gnyen rnams la de bzhin du yi ge spring ngo / /
khyim bdag de gnyis kyi skye bo dang / 'khor dag rgya cher gnas nas mdza' bo dang / phu nu dang / gnyen rnams lhags pas mnyan du yod pa'i nang thams cad gang ngo / /yul ko sa la'i rgyal po gsal rgyal gyi nang gi btsun mo dang / gzhon nu dang / blon po dang / skye bo mang po 
dang / ljongs dag gi mis khyim bdag byin pa'i bu mo ri dgas sgra la byin te/ de bag mar len par byed cing de dag gi gnas nas mdza' bo dang / phu nu dang / gnyen rnams dang / skye bo mang po dag lhags so zhes thos so/ /des blon po la kye khyed kyis kyang de gnyis kyi grogs 
gyis shig par bsgo'o/ /de dag gis kyang gnas gnas kyi dbang po rnams dang / rgyal po'i rigs su gtogs pa rnams la so sor gang gi yul na yo byad ci yod pa rnams deng bdag gis khyer te 'dus/ 'di na kun phyin par 'dus shig ces yi ge spring ngo / /de dag gis 
kyang de ltar thos ma thag tu bdag gis 'byor ba rnams sbyar te mnyan du yod par lhags so/ /de nas sems can mang po brgya stong yang 'dus te/ de nas blon po rnams kyis mnyan du yod pa'i skyed mos tshal dang / nye ba'i tshal dang / de'i 'khor du bcas pa thams cad phyi bdar 
byas/ rdo dang / gyo mo dang bong ba dag phyags nas med par byas so/ /tsan dan gyi chus ni chag chag btab/ bdug spos zhim po'i pog phor da sbyangs te/ g.yas g.yon du bzhag /'phan dang rgyal mtshan bsgrengs nas/ dar gyi lda ldi dpyangs/ me tog rnam pa sna tshogs 

</font><hr>11-1-164b<br><font size=+1>
kyis bkram/ yid du 'ong ba'i lha rnams kyi dga' ba'i tshal dang / skyed mos tshal bzhin no/ /de nas chos sbyin mas yo byad sbyar ba rnams mthong nas nang gi skye bo dag la kye dus ma yin pa'i dus ston 'di ci zhig yin zhes smras pa dang / de dag gis khyod kyis sngon gyi legs pa'i 
tshogs rnam par bsags pa'i mthus na dus la ma bab pa'i dus ston chen po byas te/ khyod bag mar gtang ba'i phyir dus la ma bab pa'i dus ston chen po byas te/ de dag nye bar 'ongs so zhes smras pa dang / des thos nas skrag ste pha'i rkang pa la phyag 'tshal te/ yab bdag 
'dod pa 'tshal ba ni ma lags na rgyal po'i kun dga' ra ba zhes bgyi ba dge slong ma'i dbyar mo khang du mchir ci gnang zhes smras pa dang / des smras pa/ bu mo khyod ma skyes par khyim bdag ri dgas sgra'i bu sa ga la byin pas/ da ni nga la dbang med do/ /khyod kyi khyim thab de yin 
te/ de lta bur ni yul ko sa la'i rgyal po gsal rgyal dang / nang gi btsun mo dang gzhon nu dang / bran pho dang / bran mo dang / skye bo mang po dang / yul so so nas lhags pa'i skye bo mang po dag kyang shes na ngas khyod da ji ltar gnang bar bya/ ci bdag mdza' bo dang / phu nu 
dang / /gnyen rnams btson rar bcug ste 'chi bar 'dod dam/ khyod ni sang bag mar 'gro ba ltar gyis shig /mdza' bo dang / bdag gi mi dang / gnyen dang / skye bo mang po dag kyang 'dir 'dus na/ de skad ma zer cig /khyod rab tu gzhon pas ma rtogs te/ 
tshangs par spyod pa spyad pa thong shig ces bsgo ba dang / de brtson pas lam yid la byed pa sgom pa la zhugs na 'dod pa dang bral bar bya ba'i thabs ma rnyed do/ /de'i bar du yang sangs rgyas bcom ldan 'das la mi mkhyen pa'am/ mi gzigs pa'am/ ma rig pa'am/ 
rnam par mi rig pa cung zad kyang med de/ sangs rgyas bcom ldan 'das rnams ni thugs rje chen po can 'jig rten pa la phan 'dogs par 'dug pa/ srung ba gcig pu dpa' bo gcig pu/ gnyis su med pa gnyis su ma yin par gsung ba zhi gnas dang lhag mthong gis 

</font><hr>11-1-165a<br><font size=+1>
gnas pa/ 'dul ba'i dngos po gsum la mkhas pa chu bo bzhi las rgal ba/ rdzu 'phrul gyi rkang pa bzhi'i zhabs kyi mthil la rab tu rtag pa/ mi 'jigs pa bzhis bsnyengs pa med pa/ yan lag lnga rnam par spangs pa/ skye ba lnga las yang dag par 'das 
pa/ yan lag drug dang ldan pa/ pha rol tu phyin pa drug yongs su rdzogs pa/ spyad pa drug la rtag tu spyod pa/ byang chub kyi yan lag bdun gyi me tog gis brgyan pa/ lam yan lag brgyad 'chang ba/ dgu mthar gyis snyoms par 'jug pa la mkhas pa/ stobs bcu'i 
stobs dang ldan pa/ phyogs bcur snyan pa rgyas par grags pa/ brgya phrag bcu las dbang sgyur ba khyad zhugs pa/ mtshan lan gsum nyin lan gsum du sangs rgyas kyi spyan gyis 'jig rten la gzigs nas ye shes kyi mthong ba la 'jug ste/ gang 'grib/ gang 'phel/ 
gang sdug bsngal bar gyur/ gang dog par gyur/ gang gnod par gyur/ gang dka' ba dang / dog pa dang / gnod par gyur/ gang ngan song la gzhol/ gang ngan song la 'bab/ gang ngan song la rab tu bab/ gang ngas ngan song nas phyung ste/ mtho ris dang thar pa la rab tu 
gzhag par bya/ gang dge ba'i rtsa ba ma skyes pa rnams dge ba'i rtsa ba bskyed par bya/ gang skyes pa rnams yongs su smin par bya/ gang yongs su smin pa rnams rnam par grol bar bya snyam du gzigs so/ /yang smras pa/ rgya mtsho chu srin gnas de ni/ /dus las gal te 
yol kyang srid/ /'dul ba yi ni bu rnams la/ /sangs rgyas dus la 'da' mi mdzad/ /de nas bcom ldan 'das kyis 'dzum pa mdzad pa dang / chos nyid kyis nam gyi tshe sangs rgyas bcom ldan 'das der 'dzum pa mdzad pa de'i tshe/ zhal nas 'od zer kha dog sngon po 
dang / ser po dang / dmar po dang / dkar po rnams phyung ste/ kha cig ni 'og tu dong / kha cig ni steng du dong ngo / /gang 'og tu dong ba de dag gis ni yang sos dang / thig nag po dang / 'joms pa dang / 'o dod 'bod pa dang / 'o dod cher 'bod pa dang / tsha ba dang / rab tu 

</font><hr>11-1-165b<br><font size=+1>
tsha ba dang / mnar med pa dang / chu bur can dang / shin tu chu bur can dang / a ha ha dang / ha ha ba dang / hu hu ba dang / ut+pa la lta bu dang / pad mo lta bu dang / pad mo chen po lta bu dag gi sems can dmyal bar song nas gang tsha ba'i sems can dmyal ba der bab na ni bsil bar 
gyur/ gang grang ba'i sems can dmyal ba der bab na ni dro bar gyur te/ des sems can de dag gi sdug bsngal gyi khyad par slar bde bar gyur pas de dag 'di snyam du sems so/ /kye ci bdag cag 'di nas shi 'phos sam/ 'on te gzhan zhig tu skyes snyam mo/ /de dag dad pa 
bskyed pa'i phyir bcom ldan 'das kyi sprul pa der btang ngo / /de dag sprul pa mthong nas de dag 'di snyam du sems so/ /kye bdag cag ni tshe 'di las 'chi 'phos pa'am/ gzhan du skyes pa ni ma yin mod kyi sngon chad ma mthong ba'i sems can 'di'i mthus na bdag cag gi sdug 
bsngal gyi khyad par bde bar gyur to/ /snyam nas/ de dag sprul pa la mngon par sems dad pa las de dag sems can dmyal ba'i sdug bsngal gyi las zad nas gang du bden pa rnams kyi snod du 'gyur ba der lha dang mi'i phyir gyi mtshams len to/ /gang steng gi phyogs su dong ba des 
ni rgyal chen bzhi'i ris dang / sum bcu rtsa gsum dang / mtshe ma'i dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs lha nye phan dang / tshangs chen dang / 'od chung dang / tshad med 'od dang / 'od snang dang / dge chung gnas dang / 
tshad med dge dang / dge rgyas dang / sprin med dang / bsod nams 'phel dang / 'bras bu che dang / mi che dang / mi gdung dang / shin tu snang dang / gya nom mthong dang / 'og min gnam gyi lha dag gi drung du song nas/ mi rtag pa dang / sdug bsngal dang / stong pa dang / bdag 
med pa'o zhes sgra 'byin cing tshigs su bcad pa gnyis kyang brjod do/ /'byung ba la ni btsal bar byos/ /sangs rgyas bstan la nan tan gyis/ /'chi bdag sde rnams gzhom pa ni/ /bal glang dag gis rtswa khyim bzhin/ /chos kyi 'dul ba 'di la gang / /bag yod pa ru 

</font><hr>11-1-166a<br><font size=+1>
su spyod pa/ /skye ba 'khor ba stong pa ste/ /sdug bsngal ba yi mthar byed 'gyur/ /de nas 'od zer de dag stong gsum gyi stong chen po'i khams bskor nas bcom ldan 'das kyi snam gyi phyi bzhin 'brang zhing 'ong ngo / /de ste bcom ldan 'das kyis 'das pa la lung bstan 
par bzhed na ni bcom ldan 'das kyi snam du mi snang bar 'gyur ro/ /ma 'ongs pa la lung bstan par bzhed na ni mdun du mi snang bar 'gyur ro/ /sems can dmyal bar skye bar lung bstan par bzhed na ni zhabs kyi mthil du mi snang bar 'gyur ro/ /byol song du skye bar lung bstan 
par bzhed na ni zhabs kyi rting par mi snang bar 'gyur ro/ /yi dgas su skye bar lung bstan par bzhed na ni zhabs kyi mthe bor mi snang bar 'gyur ro/ /mir skye bar lung bstan par bzhed na ni pus mo gnyis su mi snang bar 'gyur ro/ /stobs kyi 'khor los sgyur ba'i rgyal 
por lung bstan par bzhed na ni phyag g.yon pa'i mthil du mi snang bar 'gyur ro/ /'khor los sgyur ba'i rgyal por lung bstan par bzhed na ni phyag g.yas pa'i mthil du mi snang bar 'gyur ro/ /lhar skye bar lung bstan par bzhed na ni lte bar mi snang bar 'gyur ro/ /nyan 
thos kyi byang chub tu lung bstan par bzhed na ni zhal gyi nang du mi snang bar 'gyur ro/ /rang sangs rgyas kyi byang chub tu lung bstan par bzhed na ni mdzod spur mi snang bar 'gyur ro/ /bla na med pa yang dag par rdzogs pa'i byang chub tu lung bstan par bzhed na ni gtsug tor gyi nang 
du mi snang bar 'gyur ro/ /de nas 'od de dag bcom ldan 'das la lan gsum du bskor te/ bcom ldan 'das kyi zhal du mi snang bar gyur to/ /de nas tshe dang ldan pa kun dga' bos thal mo sbyar te/ bcom ldan 'das la zhus pa/ rnam pa sna tshogs kha dog stong 
gis brgyan/ /zhal gyi nang nas mang po 'byung ba dag /thams cad phyogs su gang gis snang mdzad pa/ /snang byed shar bas ji ltar de bzhin no/ /yang tshigs su bcad de smras pa/ 'phyar ba med cing mi dga' dregs spangs pa/ /sangs rgyas skye bo mchog gi rgyur gyur 

</font><hr>11-1-166b<br><font size=+1>
te/ /rgyu ma mchis par dung dkar pad ma'i rtsa/ /mgon po brtan pa rgya mtsho ri bo bzhin/ /rgyu med par ni sangs rgyas bzhad mi mdzad/ /'dzum pa mi ston rgyal ba dgra pham mdzad/ /de tshe nyid kyis rtogs shing bstan pa'i blo/ /nyan pa rgyal dbang las ni thos par 'tshal/ /
thub pa khyu mchog brtan tshig dam pas ni/ /the tshom skyes pa mchog gis bsal bar mdzod/ /brtan pas gang gis phyir ni 'dzum bstan pa/ /skye bo mang po 'di dag thos par 'tshal/ /bcom ldan 'das kyis bka' stsal pa/ /de bzhin no/ /kun dga' bo rgyu med rkyen 
med par de bzhin gshegs pa dgra bcom pa yang dag par rdzogs pa'i sangs rgyas dag ni 'dzum pa mi mdzad do/ /kun dga' bo khyod kyis bu mo chos sbyin ma la dge slong ma'i dge 'dun dang nga'i bkas dge slong ma ut+pa la'i kha dog ma phrin par btang ste/ skyabs su 'gro ba 
gsum nas rim bzhin du rab tu phyung la lo gnyis kyi bar du chos drug dang rjes su 'brang ba'i chos drug gi bslab pa'i sdom pa yang byin no/ /de ni sang bag mar gtong ste/ de'i phyir skye bo mang po 'dus pa rnams mthong ngam/ btsun pa mthong ngo / /kun dga' bo bu mo 
de slar khyim du mi mor gnas pa'i skabs ma yin/ gnas ma yin te/ dga' bar bya ba'i phyir 'dod pa'i longs spyod la yongs su spyad pa'i gnas su 'di mi 'gyur gyi 'di ni da phyir mi ldog pa'i 'bras bu thob ste dgra bcom pa mngon du byed par 'gyur ro/ /kun 
dga' bo song ste dge slong ma rnams 'di ltar chos sbyin mas ni lo gnyis kyi bar du chos drug dang rjes su 'brang ba'i chos drug gi bslab pa bslabs zin gyis de da ut+pa la'i kha dog ma phrin par thong la de tshangs par spyad pa skyed pa'i sdom pa byin cig par bsgo shig /btsun pa 
de bzhin du 'tshal lo/ /tshe dang ldan pa kun dga' bos bcom ldan 'das las mnyan te dge slong ma dag la bsgo ba dang / dge slong ma'i dge 'dun gyis kyang ut+pa la'i kha dog ma phrin par bsgos te btang ngo / /de song nas bu mo khyod ni dge slong ma'i dge 'dun gyis 

</font><hr>11-1-167a<br><font size=+1>
tshangs par spyad pa skyed pa'i sdom pa gnang gis da ni khyod bsnyen par rdzogs par bya'o/ /ci nas 'di lta bu'i chos bshad pa des thos ma thag tu slar mi ldog pa'i 'bras bu mngon du byas nas rdzu 'phrul bsgrubs so/ /ut+pa la'i kha dog ma song nas bcom ldan 
'das la gsol to/ /bcom ldan 'das kyis tshe dang ldan pa kun dga' bo la bka' stsal pa/ kun dga' bo song ste/ dge slong ma dag la 'di ltar ngas gnang gis dge 'dun sde gnyis kyis ut+pa la'i kha dog ma phrin par thong ste/ bu mo chos sbyin ma bsnyen par rdzogs par 
gyis shig ces bsgo shig/ /btsun pa de ltar 'tshal lo/ /tshe dang ldan pa kun dga' bos bcom ldan 'das las mnyan te dge slong ma dag la bsgo'o/ /dge slong ma'i dge 'dun gyis dge 'dun sde gnyis ka bsdus te chos sbyin ma khyim de na 'dug bzhin du ut+pa la'i kha 
dog ma las phrin gyis bsnyen par rdzogs par byas te ut+pa la'i kha dog ma song ste/ de la khyod ni bcom ldan 'das kyis gnang ste/ dge 'dun sde gnyis kyis bsnyen par rdzogs par byas so zhes bsgo'o/ /'di lta bu'i chos kyang bshad de de thos pas na dge slong ma chos 
sbyin mas 'khor ba'i 'khor lo dum bu lnga po 'di g.yo ba dang mi g.yo bar shes te/ 'dus byas kyi ngo bo thams cad 'jig pa/ ltung ba rnam par 'gyes pa/ rnam par zhigs pa'i chos nyid kyis rab tu bcom ste nyon mongs pa thams cad spangs te/ dgra bcom pa mngon du byas 
nas dgra bcom par gyur te khams gsum gyi 'dod chags dang bral ba/ gser dang bong ba 'dra ba/ nam mkha' la lag mthil chags pa med pa de bzhin du mnyam pa'i sems ste'u dang tsan dan du 'dra ba rig pas sgo nga'i sbubs bcom pa/ rig pa dang mngon par shes pa dang / 
so sor rig pa rnams thob pa srid pa'i 'dod pa la chags pa dang / bkur sti la rgyab kyis phyogs/ dbang po dang nye dbang po dang lhar bcas pa rnams kyis mchod pa dang / phyag bya ba dang / tshig gis snyan pa rjod par gyur to/ /dgra bcom pa'i dge slong ma zag pa zad pa 

</font><hr>11-1-167b<br><font size=+1>
khyim par khyim na gnas pa'i skabs ma yin gnas ma yin te/ dga' bar bya ba'i phyir 'dod pa'i longs spyad pa yongs su spyod pa'i gnas ma yin no/ /nam chos sbyin ma dgra bcom pa mngon du byas pa dang de'i tshe pha ma la yab dang yum bdag gis ni dgra bcom pa mngon du bgyis kyis 
rgyal po'i kun dgar dge slong ma'i dbyar mo khang du mchi na gnang bar mdzod cig ces smras pa dang / khyim bdag byin pa dang / chung ma dang gnyis gros byas nas bu mo de ltar na bdag cag la rgyal pos gyod rmas par mi 'gyur ram/ de la rim bzhin du byas te bcom ldan 'das 
dang lhan cig tu song shig ces smras pa dang / des smras pa legs kyis de ltar bgyi'o/ /de nas khyim bdag byin pas sangs rgyas bcom ldan 'das la sogs te dge slong gi dge 'dun dag khyim du spyan drangs te/ khyim bdag ri dgas sgra la mdza' bo bu mo chos sbyin ma ni 
khyim du gnas su mi btub ste/ rab tu 'byung du gdon mi zas tshur shog la/ de nan gyis blang bar gyis shig ces spring ngo / /khyim bdag ri dgas sgras kyang yul ko sa la'i rgyal po gsal rgyal la gsol nas/ mdza' bo dang / phu nu dang / gnyen dang / skye bo mang po dag 
sdud pa la zhugs so/ /khyim bdag byin pas de'i nub mo gtsang zhing bsod pa'i bza' ba dang / bca' ba dag sbyar nas/ nang par sngar langs te gdan bting chu bum pa bkang ste bzhag /bcom ldan 'das la spyan 'dren pas btsun pa bshos kyang lags gdugs tshod 
la yang bab na bcom ldan 'das da dus la bab par dgongs shig ces dus gsol pa dang / de nas bcom ldan 'das snga dro'i dus na sham thabs gsol lhung bzed dang / chos gos bsnams te/ dge slong mang po dag gis bskor/ dge slong gi dge 'dun gyis mdun 
du byas nas khyim bdag byin pa'i khyim gang na ba der gshegs so/ /der phyin pa dang / dge slong gi dge 'dun gyi mdun du stan bting ba la bzhugs so/ /de nas khyim bdag byin pas mdza' bo dang / phu nu dang / gnyen dag gis bskor te/ sangs rgyas dang / dge 

</font><hr>11-1-168a<br><font size=+1>
slong gi dge 'dun dag bde bar bzhugs par shes nas gtsang zhing bsod pa'i bza' ba dang / bca' ba bdag nyid kyi lag gis dar te tshim pa dang / yang dag par bstabs so/ /de'i skabs su khyim bdag ri dgas sgras mdza' bo dang / phu nu dang / 
gnyen dang / gzhon nu dang / blon po dang / grong khyer pa dang / ljongs kyi skye bo mang po dang / lhan cig bu sa ga bsrung ba dang / bkra shis dang zhi ba dag byas te bag ma len par chas te khyim bdag byin pa'i sgo drung nyid la 'khod do/ /khyim bdag byin pas sangs rgyas dang 
dge slong gi dge 'dun la bdag nyid kyi lag nas dar te tshim par byas/ yang dag par bstabs nas/ bcom ldan 'das bshos gsol nas/ phyag bcabs lhung bzed blangs par shes nas stan dma' ba zhig bting nas/ bcom ldan 'das kyi spyan sngar chos 
nyan pa'i phyir mdza' bo dang / phu nu dang / gnyen du bcas te 'khod do/ /de nas bcom ldan 'das kyis khyim bdag byin pa mdza' bo dang / phu nu dang / gnyen dag la chos kyi gtam gyis yang dag par bstan/ yang dag par bskul/ yang dag par gzengs bstod/ 
yang dag par mgu bar byas so/ /chos kyi gtam rnam grangs du mar yang dag par bstan/ yang dag par gzengs bstod/ mgu bar byas te gdan las bzhengs nas bzhud do/ /dge slong ma chos sbyin ma yang khams gsum gyi gnyen po thob/ mi 'jigs pa thob bo/ /de 
dag bag mar blang ba'i dus la bab nas khyim bdag ri dgas sgra'i bu sa gas kyang mdza' bo dang / phu nu dang / gnyen dang / gzhon nu dang / blon po dang / grong khyer pa dang / ljongs kyi skye bo mang po dang lhan cig tu der sil snyan rnam pa sna tshogs pa gsol to/ /chos sbyin ma 
bcom ldan 'das kyi phyi bzhin 'byung bar 'dod pa dang / de nas khyim bdag ri dgas sgra'i bu sa gas 'phral la dpung pa brkyang nas chos sbyin gyi lag pa nas gzung bar bshams pa dang / chos sbyin ma sems can grangs med pa brgya stong gis mthong bzhin du ngang pa'i rgyal po 'dab 

</font><hr>11-1-168b<br><font size=+1>
ma brkyang pa bzhin nam mkha' la 'phur te rnam pa sna tshogs kyi cho 'phrul bstan pa dang / de nas khyim bdag ri dgas sgra'i mdza' bo dang / phu nu dang / gnyen dag dang / gzhon nu dang / blon po dang grong khyer pa dang / ljongs kyi skye bo mang po dang / khyim bdag ri dgas sgra'i bu 
sa ga dang / gzhan yang ltad mo la lhags pa'i sems can dag ngo mtshar cher gyur nas shing rtsa ba nas bcad pa bzhin du rkang pa la phyag 'tshal nas/ sring mo 'di 'dra ba'i yon tan mang po 'thob na khyod 'dod chags la spyod pa'i skabs ma yin gnas ma yin te/ bzod par 
gsol lo zhes smras pa dang / de nas chos sbyin ma nam mkha' las babs te/ skye bo mang po dag gi mdun du 'dug nas 'di lta bu'i chos bshad de sems can mang po brgya stong gis thos nas khyad par cher rtogs te/ kha cig gis ni rgyun du zhugs pa'i 'bras bu mngon du 
byas so/ /kha cig gis ni lan gcig phyir 'ong ba'i 'bras bu/ kha cig gis ni phyir mi 'ong ba'i 'bras bu/ kha cig gis ni bcom ldan 'das kyi bstan pa la rab tu byung nas nyon mongs pa thams cad spangs te dgra bcom pa mngon du byas so/ /kha cig gis ni nyan thos 
pa'i byang chub tu sems bskyed do/ /kha cig gis ni rang sangs rgyas kyi byang chub tu kha cig gis ni bla na med pa yang dag par rdzogs pa'i byang chub tu'o/ /'khor de dag las phal cher sangs rgyas la gzhol la/ chos la 'bab dge 'dun la rab tu bab par bkod do/ /
de nas dge slong ma chos sbyin gyis thob pa dang / phun sum tshogs pa rnyed sems can gyi don chen po byas te/ bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal nas/ bcom ldan 'das kyi drung nas song ngo / /de nas 
bcom ldan 'das kyis dge slong dag la bka' stsal pa/ 'di ltar nga'i bka' thob ste bsnyen par rdzogs pa'i nga'i dge slong ma nyan thos ma chos kyi gtam smra ba'i nang na dge slong ma chos sbyin ma 'di ni mchog yin no/ /dge slong pha dag the tshom skyes nas the tshom thams cad 

</font><hr>11-1-169a<br><font size=+1>
gcod pa sangs rgyas bcom ldan 'das la/ btsun pa dge slong ma chos sbyin mas las ci zhig bgyis na de khyim na mchis bzhin du phrin pas rab tu byung zhing bsnyen par rdzogs nas dge slong ma'i dngos po thob nas de nyid du dgra bcom pa mngon du bgyis nas/ 
bcom ldan 'das kyis chos kyi gtam smra ba'i nang na mchog tu gsungs zhes gsol pa dang / /bcom ldan 'das kyis bka' stsal pa/ dge slong dag dge slong ma chos sbyin mas las byas shing bsags pas tshogs rnyed pa dang / rkyen sbyin pa ni chu bo bzhin du nye bar gnas 
te gdon mi za'o/ /chos sbyin gyis las byas shing bsags pa ni gzhan gyis myong bar mi 'gyur te/ dge slong dag las byas shing bsags pa ni phyi rol gyi sa'i khams la rnam par mi smin/ chu'i khams la ma yin/ me'i khams la ma yin/ rlung gi khams la ma 
yin gyi zin pa'i phung po dang / khams dang / skye mched 'di nyid la dge ba dang / mi dge ba'i las byas pa rnam par smin par 'gyur ro/ /las rnams stor bar mi 'gyur ba/ /bskal pa dag ni brgya lon kyang / /dus dang 'phrod nas thob pa ni/ /lus can rnams 
la 'bras bur smin/ /dge slong dag sngon byung ba na bskal pa bzang po 'di'i tshe skye dgu'i tshe lo stong phrag nyi shu thub pa na ston pa 'od srung zhes bya ba 'jig rten du byung ste/ de bzhin gshegs pa dgra bcom pa yang dag par rdzogs pa'i sangs rgyas rig pa dang rkang par ldan pa bde 
bar gshegs pa/ 'jig rten mkhyen pa/ bla na med pa skyes bu 'dul zhing kha lo sgyur ba lha dang mi rnams kyi ston pa/ sangs rgyas bcom ldan 'das yul 'khor mo 'jig gi grong khyer na bzhugs shing drang srong gnas kyi ri dgas kyi tshal na bzhugs so/ /de'i dus na 
yul 'khor mo 'jig na khyim bdag gzhan zhig gnas pa des rigs dang mnyam pa las chung ma blangs te de de dang lhan cig tu rtse dga' yongs su spyod do/ /de la rtse dga' yongs su spyad pa dang / de dus phyi zhig na chung ma sems can dang ldan par gyur te/ de zla ba brgyad dam 

</font><hr>11-1-169b<br><font size=+1>
dgu 'das pa dang / de las bu mo zhig byung ste de zhag bdun gsum nyi shu gcig gi bar du btsas pa'i btsas ston chen po rgya cher byas te/ rigs dang mthun pa'i ming btags nas/ de nas lus cher gyur pa de na rab tu 'byung bar 'dod pas de'i pha ma dag gis rab tu 'byung du mi 
ster ro/ /khyim de ni dge slong ma rgan mo gzhan zhig rigs la ston par byed cing / de'i khyim du dus dus su 'ong ngo / /bu mo des dge slong ma rgan mo de la 'phags ma bdag ni legs par bshad pa'i chos 'dul ba la rab tu byung zhing bsnyen par rdzogs nas dge slong ma'i dngos por 
'tshal na/ bdag gi pha mas mi gnang zhing khyim las phyir 'byung du yang mi ster na/ gnas 'di nyid du rab tu 'byung bar nus sam zhes smras pa dang / des bu mo bcom ldan 'das la zhus te bya'o zhes smras nas/ bcom ldan 'das yang dag par rdzogs pa'i sangs rgyas 
'od srung la zhus pa dang / de nyid phrin par btang ste/ khyim na 'dug bzhin du rab tu phyung nas dge slong ma'i sdom pa gnang nas dge 'dun sde gnyis kyis bsnyen par rdzogs par byas te/ dge slong ma rgan mo des de la chos bshad pa dang / de khyim na 'dug bzhin du dgra bcom pa mngon du byas so/ /de nas dge slong ma rgan mos bsams pa/ bu mo 'dis khyim na 'dug bzhin du phrin gyis rab tu byung ste slob pa'i sdom pa dang bsnyen par rdzogs pa thob/ khyim na 'dug bzhin du dgra bcom pa mngon du byas pa de thams cad kyang bdag las gyur te/ 
bdag gis bcom ldan 'das yang dag par rdzogs pa'i sangs rgyas 'od srung gi tshe tshangs par spyad pa'i dge ba'i rtsa bas bcom ldan 'das yang dag par rdzogs pa'i sangs rgyas 'od srung gis bram ze'i khye'u bla ma la bram ze'i bu khyod skye dgu lo brgya thub pa'i tshe de bzhin 
gshegs pa bla na med pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur ro zhes lung bstan pa de'i bstan pa la 'di ltar bdag khyim na 'dug bzhin du phrin gyis rab tu phyung / bslab pa'i sdom pa dang / dge slong ma'i dngos po thob 

</font><hr>11-1-170a<br><font size=+1>
cing khyim na 'dug bzhin du dgra bcom pa mngon du byed pa dang / ji ltar bdag gi mkhan mo bcom ldan 'das yang dag par rdzogs pa'i sangs rgyas 'od srung gis chos kyi gtam smra ba'i nang na mchog tu bsngags pa de bzhin du bdag kyang shAkya thub pa/ 
bcom ldan 'das shAkya'i rgyal pos chos kyi gtam smra ba'i nang na mchog tu bsngags par shog shig ces smras so/ /dge slong dag ji snyam du sems/ dge slong ma rgan mo de ni da ltar gyi dge slong ma chos sbyin ma 'di nyid yin no/ /bcom ldan 'das yang dag par rdzogs 
pa'i sangs rgyas 'od srung gi drung na 'dis tshe gcig tu tshangs par spyod pa spyad de/ smon lam gyi mthus na khyim na 'dug bzhin du phrin pas rab tu byung / bslab pa'i sdom pa dang / bsnyen par rdzogs shing dge slong ma'i dngos po yang 'thob/ khyim na 'dug bzhin du des nyon mongs pa 
thams cad spangs te dgra bcom pa mngon du byas/ de bzhin gshegs pas kyang chos kyi gtam smra ba'i nang na mchog tu bsngags so/ /de lta bas na dge slong dag las gcig tu gnag pa ni rnam par smin pa yang gcig tu gnag go/ /dkar ba ni gcig tu dkar ro/ /'dres pa ni 
gcig tu 'dres pa'o/ /de lta bas na dge slong dag gcig tu gnag pa dang / 'dres pa'i las spongs la gcig tu dkar ba'i las nyid la bsgrub par bya ste/ dge slong dag de lta bur bslab par byos shig /bcom ldan 'das kyis de skad ces bka' stsal pa dang / dge slong 
de dag bcom ldan 'das kyis bshad pa la yi rangs te mngon par dga'o// //'dul ba phran tshegs kyi gzhi/bam po bzhi bcu rtsa gsum pa/ mdor na/ phyi rol dge slong bzod mi gsol/ /gcig pu 'breg mkhan gyis mi breg /dbyar mo khang ni glar mi gtang / /
pha gus yang ni lus mi phyi/ /sangs rgyas bcom ldan 'das mnyan du yod pa dze ta'i tshal mgon med zas sbyin gyi kun dga' ra ba na bzhugs te/ dge slong ma gcig gis dge slong pha la klog slob pa dang / de nas dus phyi zhig na nyes pa zhig byas nas des spyos pa dang / de dbyar 

</font><hr>11-1-170b<br><font size=+1>
mo khang du song nas 'phres te 'dug go/ /de'i mkhan mos mthong nas gzhon nu ma khyod ci zhig nyes na 'phres te 'dug ces smras pa dang / des mkhan mo slob dpon gyis spyos na ji ltar bya mi shes so zhes smras so/ /bu de la gzhan ci zhig byar yod/ slob dpon dang / mkhan 
po ni bstan pa gnas par bya ba'i phyir sbyor bar zad kyi song la bzod pa gsol cig ces smras pa dang / des legs kyis de ltar byas bzod pa gsol du 'gro'o zhes zer te dze ta'i tshal du song ste mi snang ba dang / des de btsal nas ji tsam zhig na de gtsug lag khang gi phyi 
rol gyi 'chag sa na 'chag cing 'dug pa dang / des de'i rkang pa la phyag 'tshal ba dang / dge slong de ma gus par song ngo / byis pa dag gis mthong nas de dag nyon mongs pa'i dbang gis gzir te/ 'phags ma khyod kyi don ci'i phyir khyod kyis bzod pa bya ba bdag cag shes te/ 
des ni ma bzod na tshur shog /bdag cag gis khyod kyis don bsgrub bo zhes smras pa dang / de ngo tsha nas cang mi smra bar song ngo / /de lta bur gyur pa dge slong dag gis thos nas bcom ldan 'das la gsol pa dang / bcom ldan 'das kyis dgongs pa/ gang nyes 
pa'i dmigs su gyur pa ni dge slong ma la spyos nas bzod pa gsol na yang rim gro mi byed par 'gro ste/ byis pa dag gis kyang phyi phyir mi dge ba gzhan du rtog gis de lta bas na dge slong mas dge slong pha la gtsug lag khang gi phyi rol du bzod pa ma gsol zhing dge slong phas dge slong 
ma la ma gus pa bzhin du 'gro bar mi bya bar dgongs shing mkhyen nas bka' stsal pa/ dge slong dag byis pa rnams phyi phyir mi dge ba la rtog par 'gyur gyis de lta bas na dge slong mas dge slong khros pa la gtsug lag khang gi phyi rol du bzod pa ma gsol cig /de lta yang 
dge slong mas dge slong pha la bzod pa gsol nas ma gus par byas te ma 'gro shig /dge slong mas dge slong pha la gtsug lag khang gi phyi rol du gsol lam/ dge slong mas dge slong la bzod pa gsol ba la ma gus par song na gnyis ka la yang 'das pa dang bcas par 

</font><hr>11-1-171a<br><font size=+1>
'gyur ro/ /gleng gzhi ni mnyan du yod pa na ste/ dge slong dag 'breg mkhan gyis skra bregs pa dang / de nas 'breg mkhan gzhon nur gyur pas dran pa nye bar mi 'jog go/ /des de dag mthong ba dang chags par gyur to/ /rnam pa de lta bur gyur pa dge slong 
dag gis thos nas bcom ldan 'das la gsol pa dang / bcom ldan 'das kyis bka' stsal pa/ dge slong dag sems ni rgod pa ste/ dran pa nye bar ma gzhag pas na bslus par 'gyur/ bud med ni phal cher 'dod chags rab tu che ste/ de lta bas na dge slong ma dag 
gcig pu 'breg mkhan gyi drung du skra 'breg par ma byed par de'i drung du dge slong ma gzhan zhig zhog la de ste 'breg mkhan de chags par gyur na de'i drung na dge slong ma 'dug pas 'di skad smros shig /bzhin bzangs dge slong ma 'di'i lus ni rus pa'i 'khrul 'khor/ 'di ni rgyan med la 
lus dri ma can/ 'di ni rab tu byung ba yin gyis de lta bu'i sems zlog shig sems can dmyal bar ltung bar gyur ta re/ de ste dge slong ma chags par gyur na yang 'di skad du smros shig /phu nu mo khyim pa'i las ni khyod kyis spangs na ci khyod kyis bsnyen par rdzogs pa'i tshe dge 'dun 
sde gnyis la khyod kyis khas blangs pa de soms shig /'dod pa ni bde ba chung zhing sdug bsngal mang la nyes pa'i dmigs mang bar ni bcom ldan 'das kyis bka' stsal gyis/ tshul bzhin ma yin pa'i yid la byed pa spangs la rab tu byung ba'i sems nye bar zhog shig /des de la 
de skad du smras na ni legs/ de ste ma smras na drung na 'dug pa'i dge slong ma la 'das pa dang bcas par 'gyur ro/ /gleng gzhi ni mnyan du yod pa na ste/ dge slong ma sbom dga' mo khyim bdag gzhan zhig dad par byas te dbyar mo khang rtsig tu bcug nas de na dge slong ma mang zhig 
gnas par gyur to/ /ji tsam zhig na lho phyogs nas tshong pa lnga brgya tsam zhig zong khyer te mnyan du yod par lhags so/ /tshong pa de dag nor gzhag pa'i khang pa glas btsal ba dang ma rnyed de/ de nas de dag gis mnyan du yod par kun du btsal kyang ma rnyed de/ tshong dus dang srang dang 

</font><hr>11-1-171b<br><font size=+1>
lam gyi bzhi mdor nor rnams bsogs te 'khod na 'brug kyang zer nyi ma yang nub tu nye nas de'i tshe char pa chung zad cig bab pa dang / de dag lag pas 'gram pa la brten nas rab tu sems shing 'khod pa dang / sbom dga' mos mthong ste smras pa/ bzhin bzangs char 
pa yang bab na srang du 'khod de ci byed nor rnams gnas zhig tu gzud na ci nyes/ de dag gis 'phags ma bdag cag gis mnyan du yod par khyab par btsal te 'jig rten pa mi srun pas khang pa glar yang ma rnyed na ji ltar bgyi zhes smras pa dang / des bu rnams mtshan mo'i tshe 
ci 'dra ba shes par byos la gla yang lhag par byin te khyim tshol cig /'di ni zong du ma rung bar 'gyur ba dang / char pas gsher na su zhig nyo ba yod ces smras pa dang / des 'phags ma 'jig rten 'di dag mi srun te/ de dag la bdag cag gis khyim gyi gla nyi rim du 
byin kyang su yang ma ster to/ /bdag gi las byung ba lta ste/ ji lta bu yang rung ste/ zhag gcig lon nas gzhan du 'dong ngo zhes byas pa dang / des smras pa/ bu de ltar khang pa'i gla lhag par byin la bdag gi dbyar mo khang gi nang du 'khod cig /de dag gis 'phags 
ma legs kyis des mchi'o zhes smras pa dang / de nas sbom dga' mos dge slong ma dag nub mo dbyar mo khang nas bskrad de dbyar mo khang de tshong pa de dag la glar btang ngo / /dge slong ma de dag char pa bab nas chos gos gsher bzhin du dbyar mo khang gzhan du song ngo / /
de'i dge slong ma dag gis che zhe 'u bu cag nub mo chos gos gsher bzhin du 'dir ci la 'ongs zhes dris pa dang / de dag gis zhib tu smras so/ /don chung ngu ma'i dge slong ma dag gis 'phya zhing smod la ngan du 'dzer ba ni sbyin bdag gis dge slong ma'i dbyar mo khang du byas pa'i 
khang pa glar btang ba ga la rigs/ de lta bur gyur pa dge slong dag gis thos nas bcom ldan 'das la gsol to/ /de nas bcom ldan 'das kyis bka' stsal pa/ dge slong dag dge slong ma dag 'phya ba ni gnas te/ de bas na dge slong ma dag dbyar mo khang glar ma btang 

</font><hr>11-1-172a<br><font size=+1>
zhig/ dge slong mas dbyar mo khang glar btang na 'das pa dang bcas par 'gyur ro/ /gleng gzhi ni mnyan du yod pa na ste/ dge slong ma sbom dga' mos byis pa gzhon nu dag lus 'khru ba'i nang du zhugs te/ so phag gis lus drud cing khrus byas pa dang / 
de dag chags par gyur te kun tu lta zhing gtam du 'dzer ba ni kye ltos shig /dge sbyong mgo reg ma pha bi gyad chen po go char bgos pa dang 'dra ba zhig lus pha gus phyi zhing phyis nas 'phyi zhing 'dug go/ /de dag de la 'phya bar gyur to/ /de 'phya ba dang de la de dag rab tu dgod de/ de 
lta bur gyur pa dge slong dag gis thos nas bcom ldan 'das la gsol pa dang / bcom ldan 'das kyis dgongs pa byis pa gzhon nu de dag ni 'phya ba gnas yin te/ mi rigs pa'i las byas pa mkhyen nas bka' stsal pa/ dge slong dag sbom dga' mos mi mdzes shing las 
ngan pa byas te byis pa gzhon nu de dag 'phya ba'i gnas yin te/ de lta bas na dge slong ma dag lus pha gus ma phyi shig /dge slong ma dag gis lus pha gus phyis na 'das pa dang bcas par 'gyur ro// //mdor na/ lus la pha gus phyi mi bya/ /rdo leb dag kyang de bzhin te/ /
gos dkris dang ni khu tshur gyis/ /ci dang cis kyang mi phyi'o/ /sangs rgyas bcom ldan 'das mnyan du yod pa dze ta'i tshal mgon med zas sbyin gyi kun dga' ra ba na bzhugs so/ /bcom ldan 'das kyis dge slong ma dag lus pha gus ma phyi shig ces bka' stsal pa dang / rdo leb 
kyis phyis te de yang nyes pa'i dmigs su gyur nas/ bcom ldan 'das kyis rdo leb kyis ma phyi shig ces bka' stsal pa dang / de dag gis gos dkris pas phyis so/ /de yang nyes pa'i dmigs su gyur nas/ bcom ldan 'das kyis gos dkris pas ma phyi shig ces 
bka' stsal pa dang / de dag khu tshur gyis phyis nas de yang nyes pa'i dmigs su gyur te/ bcom ldan 'das kyis khu tshur gyis ma phyi shig ces bka' stsal pa dang / de dag gis ci dang cis kyang phyis pa dang / de yang nyes pa'i dmigs su gyur nas/ bcom ldan 

</font><hr>11-1-172b<br><font size=+1>
'das kyis bka' stsal pa/ lag pa gcig pu ma gtogs par gzhan ci dang cis kyang rung ste/ ma phyi shig 'phyi na 'das pa dang bcas par 'gyur ro/ /'dul ba phra mo'i dngos po'i sgo bdun pa rdzogs so// //bsdus pa'i mdo sde/ dge slong ma yi 
bkur sti bri/ /bsgo ba dang ni lcags kyi snod/ /bud med gnyis kyis blta ba dang / /de bzhin nag po u di ka// //mdor na/ bsti stang med dang kun ma yin/ /lus bstan pa ni ma gtogs so/ /bkyigs pa las kyang mi sbyin pa/ /gso sbyong dang ni tshul nas byung / /sangs 
rgyas bcom ldan 'das mnyan yod na rgyal byed kyi tshal gyi kun dga' ra ba na bzhugs so/ /gang gi tshe tshe dang ldan pa gre las skyes dus las 'das pa de'i tshe dge slong ma bcu gnyis sdes de'i rus pa rnams bsdus nas bkur sti chen pos sa phyogs yangs par mchod rten brtsigs te/ 
de la gdugs dang / rgyal mtshan dang / ba dan dag kyang btags/ dri dang me tog gis brgyan te snyan par smra ba'i dge slong ma gnyis kyang bskos nas der nyin gcig bzhin du sa dang / chu dang / bdug pa dang / me tog dag 'jog par byed do/ /de nas dge slong gang dag 
yul gzhan nas 'ongs pa de dag la lag pa bkru ba byin te/ me tog dang / bdug pa dang / tshigs su bcad pa'i dbyangs kyis mchod rten la phyag 'tshal bar byed do/ /ji tsam dus gzhan zhig na tshe dang ldan pa chu 'thung 'khor lnga brgya dang ljongs rgyu zhing mnyan yod du phyin to/ /
dgra bcom pa rnams ni ma dgongs par ye shes mthong ba mi 'jug pas des mchod rten de rgyang ring po nas mthong ba dang / 'di ni bcom ldan 'das kyi skra dang / sen mo'i mchod rten sar pa yin pas song la phyag bya'o snyam du bsams te/ de dag der song ba dang / dge 
slong ma de gnyis kyis de dag la lag pa dang / rkang pa bkrus pa'i sa dang chu dag byin no/ /de nas me tog dang / bdug pa byin pa dang / tshigs su bcad pa'i dbyangs kyis mchod rten la phyag byas so/ /de la 'khor lnga brgya dang phyag byas nas song ngo / /mchod 

</font><hr>11-1-173a<br><font size=+1>
rten de dang ha cang mi ring ba zhig na tshe dang ldan ma ut+pa la'i mdog shing drung zhig na nyin par gnas pa'i phyir 'dug pa des de dag mthong nas smras pa/ tshe dang ldan pa chu 'thung khyed kyis su'i mchod rten la phyag bgyis pa dgongs shig /des bsams pa 
ci'i phyir tshe dang ldan ma ut+pa la'i mdog can 'di skad ces tshe dang ldan pa chu 'thung khyod kyis su'i mchod rten la phyag bgyis pa dgongs shig ces smras snyam nas des smras pa/ re zhig bsam par bya'o/ /re zhig sems pa la zhugs pa na dge slong gre las skyes kyi rus 
pa'i mchod rten yin par mthong nas de rgyud zhe sdang gi kun nas dkris pa'i bag chags kyis bsgos pas slar log ste/ tshe dang ldan ma ut+pa la'i mdog can la smras pa/ bstan pa la chu bur byung na khyod 'di na 'dug bzhin du yal bar bor ro zhes byas pa dang / de cang mi 
zer bar 'dug go/ /des slob ma dang nye gnas de dag la smras pa/ tshe dang ldan pa dag ston pa la sdug pa dang phangs par byed pa gang yin pa de dag gis de'i phyir rus pa dang rus gong gi phung po 'di las so phag re re phyung la drel cig /de 'khor mang ba yin pas de dag gis 
rus pa dang / rus gong gi phung po las so phag re re phyung ste bor nas skad cig nyid la bshig go/ /dge slong ma de gnyis ngus nas rings pa rings par dbyar mo khang du song ste dge slong ma rnams la smras pa dang / dge slong ma bcu gnyis sde dang / de la yid gzhol 
zhing mdza' ba 'dod chags dang ma bral ba gzhan dag gis thos nas/ bdag cag gi ming po deng gdod shi ba lta zhes ngu zhing 'khod pa las sbom dga' mos smras pa/ phu nu mo dag de la su zhig gis bstan/ de dag gis smras pa/ de ni glo bur du 'ongs pas snying nas mi shes 
kyi 'phags ma ut+pa la'i mdog can phyogs de na 'dug pa des de dag la smras yang dag go/ /sbom dga' mos smras pa/ phu nu mo dag de ni 'breg mkhan las rab tu byung ba yin la/ de yang de rang bzhin nyams pa yin pas de'i las yin pa bdag gis ni smras pa tsam kho nas 

</font><hr>11-1-173b<br><font size=+1>
shes so/ /bcom ldan 'das kyis 'khor sun 'byin par byed pa 'khor gyi nang du gzhag par mi bya'o zhes legs par gsungs pa yin pas/ de'i phyir de la bsam du ci yod kyis tshur shog 'dong bar bya'o/ /de dag khro bas kun nas dkris pa de dag de gsad pa'i phyir 
mtshon cha dang khab dang / seng ldeng gi phur bu dag blangs nas dong ngo / /des de dag rgyang ring po nas rings pa rings par 'ong ba mthong nas bsams pa/ de dag shugs de lta bus 'ong ba las na gdon mi za bar de dag bdag la gnod pa byed par 'gyur ro/ /'on kyang de dag 
bsam pa ji lta bu zhig gis 'ong ba bsam par bya'o snyam nas re zhig bsam pa la zhugs pa na gsad pa'i bsam pa can du mthong nas des snam sbyar byin gyis brlabs te 'gog pa'i snyoms par 'jug pa la snyoms par zhugs so/ /de dag gis de'i snam sbyar la mtshon cha 
dang / khab dang / seng ldeng gi phur bu dag gis bsnun pa dang / ting nge 'dzin gyi stobs kyis shi ba bzhin du dbugs phyi nang du mi rgyu bar 'dug go/ /de dag gis smras pa/ phu nu mo spyod pa ngan pas 'tsho ba 'di bsad pas sha lon zin gyis tshur shog 'dong ngo zhes smras nas 
dong ngo / /de dag dong ba dang / tshe dang ldan ma ut+pa la'i mdog can ting nge 'dzin de las langs pa dang / re zhig na de dag gis bdag la gnod pa byas pa mthong ngo / /de gnas skabs de bzhin du gtsug lag khang du song ba dang / dge slong rnams kyis mthong nas de dag 
gis smras pa/ tshe dang ldan ma ut+pa la'i mdog can ci'i phyir 'di ltar gyur/ des smras pa/ tshe dang ldan pa dag dge slong ma rnams kyis bdag de'u bsad pa la gzigs su gsol/ de dag gis smras pa/ ci'i phyir des ji ltar gyur pa rnams rgyas par smras pa dang / 
don nyung ba'i dge slong rnams khros nas gnas dang gnas dag na btsun pa dag dge slong ma ni shin tu khros par gyur kyang de la phyag mi bya ba tsam du bya'i 'di ltar tshe dang ldan ma ut+pa la'i mdog can gsad par byas pa ni mtshar gyi gzu lums byed do zhes 'phya bar byed do/ /de la gcig 

</font><hr>11-1-174a<br><font size=+1>
gis smras pa/ kye shes ldan dag de ltar der zad nas 'di lta ji ltar bsgrub par dpyad par bya'o/ /gcig gis smras pa/ bsgrub tu ci yod bcom ldan 'das la gsol du zad mod/ gcig gis smras pa/ bcom ldan 'das la gsol ci dgos/ bdag 
cag 'dus la ci ltar dge slong ma 'ga' yang rgyal byed kyi tshal du 'ong bar mi gzhug par khrims su bya'o/ /de dag 'dus nas dge slong ma rnams gtsug lag khang du 'ong du ma gzhug par de lta bur khrims su byas so/ /dge slong ma rnams gtsug lag khang du 'ong du mi gzhug 
par brtsams pa dang bkur sti bri bar gyur to/ /skye dgu'i bdag mo chen mo gau ta mI'i kun du spyod pa ni nyin gcig bzhin du bcom ldan 'das kyi zhabs la mngon par phyag 'tshal du 'ong ba yin pa las/ de la dge slong rnams kyis smras pa/ gau ta mI dge slong gi dge 
'dun gyis dge slong ma rnams gtsug lag khang du mi 'jug par khrims su byas kyis ma 'gro bar sdod cig /des smras pa/ 'phags pa dag de dag gis nongs pa bgyis pa bzhin du bdag gis kyang bgyis sam ci/ dge slong rnams kyis smras pa/ dge 'dun rnams de ltar 
bzhed pa la kho bo cag gis byar ci yod/ de slar log nas dbyar khang du song ngo / /sangs rgyas bcom ldan 'das rnams mkhyen bzhin du 'dri bar mdzad pa yin pas sangs rgyas bcom ldan 'das kyis tshe dang ldan pa kun dga' bo skye dgu'i bdag mo chen mo nad kyis 
thebs sam ci btsun pa ma lags so/ /'o na ci'i phyir mi 'ong / des bcom ldan 'das la skabs de dag rgyas par gsol to/ /bcom ldan 'das kyis bka' stsal pa/ kun dga' bo dge slong gi dge 'dun gyis khrims su byas pa thog tu bab po/ /'on kyang 
dge slong ma rnams ni dge slong rnams la rag lus pa mang ba yin zhing / gal te de dag 'ong du ma bcug na bkur sti med par 'gyur ro/ /de'i phyir dge slong mas dge slong sgo ba la dris te 'ong du bcug la gdams ngag mi sbyin no/ /bcom ldan 'das kyis dge slong mas dge slong 

</font><hr>11-1-174b<br><font size=+1>
sgo ba la dris nas gtsug lag khang du 'ong du bcug la gdams ngag ni bkyig par bya'o zhes bka' stsal pa dang / dge slong ma rnams kyis ji skad du dris nas nang du 'jug par mi shes pa dang / bcom ldan 'das kyis bka' stsal pa/ dge slong mas gtsug lag khang 
du mi 'jug par 'di skad ces 'phags pa dag bdag cag gtsug lag khang du 'jug gis mkhyen par mdzod cig ces smros shig /dge slong gis kyang sring mo dag 'khon can mtshon cha dang khab dag 'chang ba ma yin nam zhes dris shig /dge slong mas ma dris par zhugs na/ 
'gal tshabs can du 'gyur ro/ /dge slong gis ma smras na yang 'gal tshabs can du 'gyur ro/ /bcom ldan 'das kyis gdams ngag bkyig par bya'o zhes bka' stsal pa dang / drug sde rnams kyis ma bkyigs so/ /bcom ldan 'das kyis bka' stsal pa/ dge slong 
ma nyes pa dang bcas pa la dge slong gi dge 'dun mi bzod bzhin du dge slong gis gdams ngag brjod par mi bya'o/ /dge slong ma nyes pa dang bcas pa la dge slong gi dge 'dun mi bzod bzhin du dge slong gis gdams ngag rjod par byed na 'gal tshabs can du 'gyur ro/ /
gdams ngag la ji lta ba bzhin du gso sbyong dang dgag dbye la yang de bzhin no// //sdom la/ dge slong mas ni bzod gsol dang / /dgag dbye las ni gso sbyong min/ /gcig la gcig kyang bzod pa gsol/ /gnyis ni rgan rims ji bzhin no/ /sangs 
rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /dge slong ma gzhan zhig dge slong zhig las klog par byed do/ /ji tsam dus gzhan zhig na de la nyes pa zhig byung nas des de spyos pa dang / de dbyar khang 
du song nas glos phab ste 'dug go/ /de nas mkhan mos mthong nas smras pa/ gzhon nu ma khyod ci'i phyir glos phab ste 'dug /des smras pa mkhan mo slob dpon gyis bdag la spyos na ci ltar bgyi ba ma 'tshal to/ /bu mo mkhan mo dang slob dpon ni bstan pa 

</font><hr>11-1-175a<br><font size=+1>
gnas par bya ba'i phyir gshe ba yin pas bzod pa gsol du zad mod/ de la ci zhig shes par byar yod/ legs kyis bzod par gsol du mchi'o/ /de rgyal byed kyi tshal du song nas dge slong de'i rkang pa gnyis la gtugs pa dang / dge 
slong des de la 'gongs te song ngo / /dge slong ma de spobs pa med par gyur nas dge slong ma'i dbyar khang du 'ongs pa dang / dge slong ma rnams kyis smras pa/ phu nu mo khyod kyis slob dpon la bzod pa gsol na de bzod par gyur tam/ des smras pa/ de lta bu ni 
nams kyang slob dpon du ma gyur cig /smras pa/ ci nyes des ji ltar gyur pa rnams bsnyad pa dang / dge slong ma rnams phu nu mo dag bu mo dag bud med la brnyas pa'i phyir re zhig bzod pa gsol yang ji ltar bzod pa mi byed pa dang / gnyis su na rkang pa la 
phyag byas kyang 'gongs te/ 'gro bar byed pa la ltos zhes 'phya ba'i skabs de dge slong ma rnams kyis dge slong pha la smras so/ /dge slong phas kyang bcom ldan 'das la gsol to/ /bcom ldan 'das kyis bka' stsal pa/ dge slong dag dge slong ma rnams 'phya ba ni thog 
tu bab po/ /de'i phyir dge slong gi rkang pa gnyis la phyag 'tshal nas bzod pa gsol ba na 'gongs te 'gro bar mi bya'o/ /dge slong gi rkang pa la dge slong mas phyag 'tshal nas bzod pa gsol ba na 'gongs te 'gro bar byed na 'gal tshabs can du 'gyur ro/ /dge slong 
mas mod kho na la bzod pa mi gsol to/ /'on kyang bags kyis bya'o/ /bcom ldan 'das kyis bags kyis bya'o zhes bka' stsal pa dang / ji ltar bags kyis bya ba mi shes nas/ bcom ldan 'das kyis bka' stsal pa/ dang por dge slong ngam/ dge slong ma'am 
dge bsnyen nam/ dge bsnyen ma gzhan gyis mang du sbyang ba byas la/ de mthun par byed na de'i 'og tu bzod pa gsol bar bya'o/ /gleng gzhi ni mnyan yod na'o/ /bcom ldan 'das kyis dbyar gnas pa'i dge slong gis dge 'dun la mthong ba dang / thos pa dang /

</font><hr>11-1-175b<br><font size=+1>
dogs pa'i gnas gsum gyis dgag dbye bya'o zhes bka' stsal pa dang / dbyar gnas pa'i dge slong gis dge 'dun la gnas gsum gyis dgag dbye byas nas yang gso sbyong byed do/ /de las kha cig gis smras pa/ tshe dang ldan pa dag rnam par dag par bya ba'i phyir gso 
sbyong bya ba ji lta bar dgag dbye yang de lta bu yin par bdag gis mthong ngo / /de'i phyir gso sbyong gang yin pa de ni dgag dbye yang yin no/ /gzhan dag gis smras pa/ gso sbyong yang gzhan la dgag dbye yang gzhan yin no zhes bya ba'i skabs de bcom ldan 'das la gsol 
to/ /bcom ldan 'das kyis bka' stsal pa/ dge slong dag gso sbyong yang gzhan la/ dgag dbye yang gzhan pa bden mod kyi dgag dbye las gso sbyong gzhan du byar med pas de'i phyir dge slong dgag dbye byas nas gso sbyong bya mi dgos so/ /'di ltar rnam par 
dag pa'i phyir gso sbyong bya ba yin la dgag dbye yang thams cad du rnam par dag pa nyid yin pa'i phyir ro/ /gleng gzhi ni mnyan yod na'o/ /dge slong dag 'khon yod pas sems mnyam par 'jog pa btang ste gcig la gcig glags tshol zhing dgag dbye byed pa'i tshe dge 
'dun gyi nang du zhugs nas/ de dag dge 'dun gyi nang der gcig la gcig 'gran byed cing tshul khrims nyams pa dang / lta ba nyams pa dang / cho ga nyams pa dang / 'tsho ba nyams pa dag gleng bar byed cing de dag gzhan du gtam 'dres pa dang / phebs par smra ba 
dang / smon 'grin dang / grogs bshes dang / slob dpon dang / mkhan po dang / slob dpon gcig pa dang / mkhan po gcig pa rnams phyogs phyogs su chad nas 'dug go/ /de'i tshe dge 'dun gyi dbyen chen por gyur nas dge 'dun ca co 'don/ dge 'dun 
gnyis su gyur/ dge 'dun mi mthun par gyur pa na de dag la gzu bo byed pa rnams kyis tshe dang ldan pa dag rtsod mi dgos kyis rab tu byung ba'i sems so sor thob par gyis shig ces 'chugs par byed do/ /bcom ldan 'das kyis kyang dge slong dag phyogs gang na dge slong 

</font><hr>11-1-176a<br><font size=+1>
rnams 'khod pa na 'thab par byed/ mtshang 'dru bar byed/ 'gyed par byed/ rtsod par byed/ 'thab krol byed pa'i phyogs der ni mang du nyan par yang nga mi 'dod na 'gro zhing gnas pa lta ci smos te/ der ni nga mi 'gro'o/ /dge slong dag gang na chos 
gsum po rnam par spangs shing chos gsum po mang du byed pa ste/ chos gsum po rnam par spangs pa gang zhe na/ ma chags pa'i dge ba'i rtsa ba rnam par spangs pa dang / zhe sdang med pa'i dge ba'i rtsa ba rnam par spangs pa dang / gti mug med pa'i dge ba'i rtsa ba rnam 
par spangs te/ chos gsum po rnam par spangs pa dang / chos gsum po mang du byed pa gang zhe na/ chags pa mi dge ba'i rtsa ba mang du byed pa dang / zhe sdang mi dge ba'i rtsa ba mang du byed pa dang / gti mug mi dge ba'i rtsa ba mang du byed pa ste/ chos gsum po 'di dag mang du 
byed pa dang / phyogs gang na dge slong rnams gnas shing 'thab par byed/ mtshang 'dru bar byed/ 'gyed par byed/ rtsod par byed/ 'thab krol byed pa dang / dge slong dag de na chos gsum po 'di dag rnam par spangs shing chos gsum po 'di dag mang du byed pa dang / phyogs 
gang na dge slong rnams gnas shing 'thab par byed/ mtshang 'dru bar byed/ 'gyed par byed/ rtsod par byed/ 'thab krol byed pa dang / dge slong dag de na chos gsum po rnam par spangs shing chos gsum po mang du byed pa ste/ chos gsum po rnam par spangs pa gang zhe na/ 
ma chags pa'i dge ba'i rtsa ba rnam par spangs pa dang / zhe sdang med pa'i dge ba'i rtsa ba rnam par spangs pa dang / gti mug med pa'i dge ba'i rtsa ba rnam par spangs pa ste/ chos gsum po 'di dag rnam par spangs pa dang / dge slong dag phyogs gang na dge slong dag rnam 
par gnas shing 'thab par byed/ mtshang 'dru bar byed 'gyed par byed rtsod par byed/ 'thab krol byed cing dge slong dag de na chos gsum po rnam par spangs nas chos gsum po mang du byed pa ste/ gsum gang zhe na/ chags pa mi dge ba'i rtsa ba mang du byed pa dang / zhe sdang 
</font><hr>11-1-176b<br><font size=+1>
mi dge ba'i rtsa ba mang du byed pa dang / gti mug mi dge ba'i rtsa ba mang du byed pa ste/ chos gsum po 'di dag mang du byed pa dang / dge slong dag phyogs gang na dge slong rnams gnas shing 'thab par byed/ mtshang 'dru bar byed/ 'gyed par byed/ rtsod par byed/ 'thab krol bar 
byed pa dang / dge slong dag de na chos gsum po rnam par spangs shing chos gsum mang du byed pa der ni nga thos par yang mi 'dod na 'gro zhing gnas pa lta ci smos te/ nga der mi 'gro zhes gsungs pas tshe dang ldan pa dag rtsod mi dgos kyis rab tu byung ba'i sems so sor thob par gyis 
shig ces bcug pa na/ de dag kun nas dkris pa phyir 'phel bar gyur nas ldog tu ma btub pa bram ze dang khyim bdag dag gis mthong nas shes ldan dag dge sbyong mgo reg 'di dag ni dgag dbye byas kyang rab tu byung ba'i sems so sor ma thob ste/ rgyun kho nar 'thab 
mo byed do zhes 'phya bar byed smod par byed/ phyar ka gtong bar byed pa'i skabs de dge slong rnams kyis bcom ldan 'das la gsol to/ /bcom ldan 'das kyis bka' stsal pa/ dge slong dag bram ze dang / khyim bdag dag 'phya bar byed pa ni thog tu bab po/ /de'i 
phyir dge slong dag dge slong 'khon can rnams kyis dgag dbye mi bya'o/ /'on kyang bzod pa gsol nas dgag dbye bya'o/ /de dag gis gang gi nyin par dgag dbye byed pa'i nyin par bzod pa gsol kyang / kun nas dkris pa phyir 'phel zhing de'i tshe rang gi sems so sor 
thob par mi nus so/ /bcom ldan 'das kyis bka' stsal pa/ de nyid kyi nyin par gzod pa gsol bar mi bya'o/ /'on kyang zhag bdun nam brgyad na dgag dbye byed par 'gyur ba na bzod pa gsol bar bya'o/ /bcom ldan 'das kyis zhag bdun nam brgyad na 
dgag dbye byed par 'gyur ba'i tshe bzod pa gsol bar bya'o zhes bka' stsal pa dang / 'di ltar de dag thams cad kyis bzod pa gsol lo/ /bcom ldan 'das kyis bka' stsal pa/ thams cad kyis bzod pa gsol bar mi bya'o/ /'on kyang mi mthun pa rnams 

</font><hr>11-1-177a<br><font size=+1>
kyis bzod pa gsol lo/ /gzhan dag gis ni gcig la gcig yang dag par dga' bar byos la dgag dbye gyis shig /gleng gzhi ni mnyan yod na'o/ /bcom ldan 'das kyis lo lnga pa dang / gtsug phud kyi dus ston chen po bya'o zhes bka' 
stsal pa dang / bram ze dang / khyim bdag dad pa can rnams phan tshun 'gran cing byed do/ /de'i tshe dge slong dang dge slong ma rnams kyi 'dus pa chen por gyur pa dang / bcom ldan 'das kyis rgan rims ji lta ba bzhin du 'dug shig ces bka' stsal to/ /dge slong ma rnams 
rgan rims ji lta ba bzhin du 'dug pa na ca co 'don pa'i skabs de dge slong ma rnams kyis dge slong rnams la smras so/ /dge slong rnams kyis bcom ldan 'das la gsol to/ /bcom ldan 'das kyis bka' stsal pa gnyis gsum tsam zhig rgan rims ji lta ba bzhin du 
'khod par bya'o/ /lhag ma rnams ni 'khor ji lta ba dang / smon 'grin ji lta ba bzhin du 'khod cig/ //sdom la/ sgo yi drung na 'khod pa dang / /gnyis kyis gso sbyong lung nod dang / /dge slong ma ni mkhas gyur kyang / /gcig pus gso sbyong mi mnod pa'o/ /sangs 
rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bcom ldan 'das kyis thun mong gi las ma gtogs par dge slong dang / dge slong ma rnams kyi las so sor gyis shig ces bka' stsal pa dang / dge 
slong ma thams cad 'dus nas gso sbyong la rgyal bu rgyal byed kyi tshal du 'ongs nas gso sbyong byed de dge slong rnams dang / de dag rnams lhan cig tu sgo khang na gso sbyong byed pa dang / bram ze dang / khyim bdag rnams de la ltad mo lta zhing 'dug pa'i skabs de gsan nas/ bcom ldan 
'das kyis bka' stsal pa/ dge slong dang / dge slong ma rnams lhan cig tu sgo khang du gso sbyong mi bya'o/ /bcom ldan 'das kyis dge slong dang dge slong ma rnams lhan cig tu sgo khang du gso sbyong mi bya'o zhes bka' stsal pa dang / dge slong rnams nang du zhugs te de dag dang lhan 

</font><hr>11-1-177b<br><font size=+1>
cig tu gso sbyong byed pa dang / de dang de dag lhan cig tu 'du 'dzi'i gtam zer zhing / yun ring du 'dug par gyur pa'i skabs de dge slong rnams kyis bcom ldan 'das la gsol to/ /bcom ldan 'das kyis bka' stsal pa/ de'i phyir dge slong dang / dge slong ma rnams 
lhan cig gtsug lag khang du gso sbyong ma byed cig /dge slong dang / dge slong ma rnams lhan cig tu gtsug lag khang du gso sbyong ma byed cig ces bka' stsal pa dang / dge slong ma rnams gso sbyong la gtsug lag khang du phyis mi 'ong bar gyur to/ /bcom ldan 'das kyis 
bka' stsal pa/ de'i phyir dge slong yang lam gyi phyed du song la dge slong ma yang lam gyi phyed du song ste/ der de dag lhan cig tu gso sbyong byos shig /bcom ldan 'das kyis dge slong yang lam gyi phyed du song la/ dge slong ma la yang lam gyi phyed du song ste/ der de dag dang lhan 
cig tu gso sbyong byos shig ces bka' stsal pa dang / de dag de bzhin du gtam byed pa la zhugs pa dang / re zhig na bram ze dang / khyim bdag rnams lam der song ba dang / de dag gis dge slong ma rnams dang lhan cig de dag gso sbyong byed pa mthong ngo / /de nas de dag 
yang dag pa ma yin pa'i rnam par rtog pas rtog cing gcig la gcig gis smras pa/ shes ldan dag dge slong ma mgo reg 'di dag dang / dge sbyong mgo reg 'di dag ci dag smra/ gcig gis smras pa/ shes ldan dag de dag gis khyim du gsang ste/ gsang gtam 
ci byas pa de dag bdag cag gis thos pas 'di dag dgon par song ste/ 'ongs nas gsang ba ci yod pa smrar zad mod/ gzhan ci smrar yod/ 'di dag gis kyang rgyal po la smras pas bdag cag rgyal pos chad pas cung zad ci bcad pa de thams cad ni dge slong mgo reg 
'di dag gis ma lan grang zhes pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na dge slong rnams dang dge slong ma rnams kyi lam gyi phyed du gso sbyong mi bya'o/ /de lta mod kyi gso sbyong len 

</font><hr>11-1-178a<br><font size=+1>
pa'i dge slong ma gnyis gtang bar bya'o/ /de dag gis zla ba phyed cing song la yongs su dag pa brjod par bya'o/ /bcom ldan 'das kyis gso sbyong len pa'i dge slong ma gnyis gtang bar bya'o zhes bka' stsal pa dang / dge slong ma spobs pa med pa dag btang ste/ de 
dag bag khums nas yongs su dag pa brjod ma nus pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa spobs pa can la gsol ba gdab par bya'o/ /spobs pa can gnyis med nas/ bcom ldan 'das 
kyis bka' stsal pa/ spobs pa can gcig la gsol ba gdab par bya'o/ /de dag gtsug lag khang du 'ongs par gyur pa dang / dge slong gi dge 'dun mang po gang la brjod pa de dag gis ma shes nas/ de dag de nyid nas log ste dge slong ma'i dge 'dun gyis gso 
sbyong ma byas pa'i skabs de dge slong rnams la smras so/ /dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong gcig la gsol ba gdab par bya ste/ gan du 'ongs nas de la brjod par bya'o/ /dge slong dag gis dge 
slong gcig la gsol ba btab pa de dag gis de ma shes te/ de bzhin du nyes dmigs su gyur pa dang / bcom ldan 'das kyis bka' stsal pa/ dge slong gang la gsol ba btab par gyur pa des nan tan gyis sgo khang du 'dug par bya'o/ /de dag gis song ste/ de 
la brjod par bya'o/ /des kyang dge slong gi dge 'dun la brjod par bya'o/ /dge slong gi dge 'dun gyis kyang ston pa'i dge slong gsol ba dang gnyis kyi las kyis bsko bar bya'o/ /des kyang dge slong ma rnams la gdams ngag sbyin par bya'o// //sdom ni/ mi 
'bros par ni bsgo ba dang / ming rus dag ni dri ba dang / /zhwa dang lhung bzed kha g.yogs dang / /phreng ba rgyud pa dge slong ma'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /bcom 

</font><hr>11-1-178b<br><font size=+1>
ldan 'das kyis gsol ba btab pa'i dge slong gang yin pa'i mdun du dge slong ma de dag yongs su dag pa rjod cig ces bka' stsal nas/ gsol ba btab pa'i dge slong de sgo khang na sdod do/ /ji tsam na dge slong ma dag de'i drung du nye bar 'ong bar brtsams pa dang / des ma 
reg ma reg shig ces smras nas 'bros par brtsams so/ /de dag gis de'i rjes su skad cig tsam zhig 'brangs te/ slar log nas dge slong ma'i dbyar mo khang du 'ongs te/ dge slong ma rnams kyis de bzhin du gso sbyong ma byas pa'i skabs de dge slong ma rnams kyis dge 
slong rnams la smras so/ /dge slong rnams kyis bcom ldan 'das la'o/ /bcom ldan 'das kyis bka' stsal pa/ gsol ba btab pa'i dge slong gis de kho na bzhin du ma 'bros par sring mo ma reg par 'dug shig ces bsgo bar bya'o/ /dge slong gis dge slong ma de 
dag la ma bsgo bar de kho na bzhin du ring du bros na 'gal tshabs can du 'gyur ro/ /bcom ldan 'das kyis dge slong ma la gdams ngag 'bogs pa'i dge slong la gsol ba gdab par bya'o/ /des kyang nan tan gyis bsdad par bya'o zhes gsungs so/ /ji tsam na gzhan 
zhig la gsol ba btab pa de myur bar sgo khang du ma song ba dang / der 'tsho ba pa zhig dgos pa zhig gi phyir 'ongs te sgo khang na 'khor ba'i 'khor lo cha lnga pa la rtog cing 'dug go/ /dge slong ma de dag gis bsams pa/ 'di ni bdag cag gi gdams ngag 'bogs 
pa yin no snyam ste de dag de'i rkang pa la gtugs te 'dug nas smras pa/ 'phags pa dgongs su gsol des bsams pa re zhig dge sbyong mgo reg ma 'di dag ci smra ba lta'o snyam ste cang ma smras pa dang / de dag gis yang smras pa/ 'phags pa dgongs su gsol/ rgyal 
po'i kun dga' ra ba'i dge slong ma'i dge 'dun ma rgyal bu rgyal byed kyi tshal gyi dge slong gi dge 'dun gyi zhabs la mgo bos phyag 'tshal te gnod pa chung ngam/ nyam nga ba chung ngam/ bskyod pa yang ngam/ 'tsho'am/ stobs dang / bde ba dang / kha na ma tho ba ma mchis par 

</font><hr>11-1-179a<br><font size=+1>
reg par gnas sam zhes zhu zhing gso sbyong gis yongs su dag pa yang brjod par bya'o/ /des ji skad brjod par bya ba ma shes nas cang ma smras so/ /de dag gis smras pa/ kye ma 'phags pa thabs yin no zhes kyang mi gsung ngam/ gyi na mjal to zhes 
smras nas song ngo / /dge slong ma de dag kyang dbyar khang du 'ongs so/ /gdams ngag 'bogs pa'i dge slong de yang phyi zhig na sgo khang du 'ongs te yud tsam zhig dus su bsdad nas song ngo / /ji tsam na dge 'dun gyi gnas brtan gyis gsol ba 'ba' zhig byas te dge slong 
dge skos byed pas dge slong rnams la smras pa/ dge slong ma rnams kyis yongs su dag pa sus blangs/ dge slong 'gas kyang bdag gis shes ma smras so/ /dge slong rnams kyis bsams pa/ gdon mi za bar dge slong ma dag su yang ma 'ongs la gang gis kyang yongs su 
dag pa ma blangs so/ /de dag gis dge slong gzhan la yang gsol ba ma btab par dge 'dun gyi gnas brtan gyis so sor thar pa'i mdo gdon pa bton te dge 'dun gyis gso sbyong mdzad do/ /ji tsam na gso sbyong phyi ma'i tshe yongs su dag pa len pa'i dge slong ma dag 'ongs na lung 
'bogs pa mi snang nas de dag gis ring zhig bsdad de dbyar khang du 'ongs so/ /dge slong ma'i dge 'dun gyis kyang gso sbyong ma byas so/ /ji tsam na phyi de nyin par dge slong ma thams cad 'dus te lhags nas smras pa/ ci'i slad du 'phags pa dge 'dun gyis bdag cag gis 
lung 'bogs pa'i dge slong gsol ba mi gdab/ dge slong dag gis smras pa/ sring mo dag 'das pa'i gso sbyong de'i tshe ston pa'i dge slong gang la khyed rnams gang gis yongs su dag pa brjod/ yongs su dag pa len pa'i dge slong ma dag gis smras pa/ kha dog ni 'di lta bu 
bong tshod ni 'di tsam pa'i 'phags pa zhig sgo khang na 'khor ba'i 'khor lo rtog cing 'dug par gyur pa de la bdag cag gis yongs su dag pa brjod do/ /dge slong de dag gis 'tsho ba pa yod pa yin par mtshan ma las shes te smras pa/ de ni dge slong ma yin mod gyi 'tsho ba pa 

</font><hr>11-1-179b<br><font size=+1>
gang 'dug pa de kho na la khyod kyis brjod do zhes pa'i skabs de dge slong rnams kyis bcom ldan 'das la gsol to/ /bcom ldan 'das kyis dgongs pa nyes dmigs gang yin pa de ni dge slong ma'i gdams ngag 'bogs pa'i dge slong de'i ming ma dris pas yin no/ /de lta bas 
na dge slong ma'i gdams ngag 'bogs pa de'i ming dri bar bya'o snyam du bsams nas/ dge slong dag la dge slong ma de dag gis smras pa la ltung ba med do/ /de lta bas na yongs su dag pa len pa'i dge slong ma dag gis gdams ngag 'bogs pa'i dge slong de'i ming dri bar bya'o/ /
bdag cag gi lung 'bogs pa'i slob dpon gyi ming ci zhes ma dris par smras na 'gal tshabs can du 'gyur ro/ /bcom ldan 'das kyis yongs su dag pa len pa'i dge slong ma dag gis lung 'bogs pa'i dge slong de'i ming dri bar bya'o zhes gsungs pa dang / de dag gis yang lung 
'bogs pa'i dge slong de ming shes bzhin du yang dris pa de'i skabs de dge slong rnams kyis bcom ldan 'das la gsol to/ /bcom ldan 'das kyis bka' stsal pa/ de dag gis de'i ming shes na de dag gis dri bar mi bya'o/ /de dag gis mi shes na dri bar bya'o/ /gleng 
gzhi ni mnyan yod na'o/ /skye dgu'i bdag mo gau ta mI na zhing 'dug pa de'i drung du dge slong ma rnams 'ongs nas dris pa/ 'phags ma ji lta zhing bzhugs/ des smras pa/ bu mo bdag bro 'tshal lo/ /de rnams kyis smras pa/ 'phags ma khyod kyis ci zhig 
bcangs/ des smras pa/ bu mo bdag sngon khyim pa mo'i tshe khyim gyi nang na gnas shing zhwa bcangs so/ /'phags ma da ltar ci'i slad du mi bcang / bu mo da ltar bdag rab tu byung ste bcom ldan 'das kyis rjes su ma gnang na ji ltar bcang bar bya zhes pa'i skabs de dge slong 
ma rnams kyis dge slong la bzlas so/ /dge slong dag gis bcom ldan 'das la'o/ /bcom ldan 'das kyis bka' stsal pa/ de lta bas na rjes su gnang ste/ dge slong ma dag gis dbyar khang du zhwa bcang bar bya'o/ /gleng gzhi ni rgyal po'i khab na'o/ /rgyal po'i 

</font><hr>11-1-180a<br><font size=+1>
khab kyi bram ze slong mo pa gzhan zhig 'khyam zhing khyim gzhan zhig tu zhugs nas smras pa/ bde legs su gyur cig /slong mo byin cig ces smras pa dang / khyim bdag mos smras pa bram ze cung zad kyang med kyis song shig ces byas pa dang / de phyir byung 
ste song ngo / /skye dgu'i bdag mo chen mo gau ta mI yang khyim der bsod snyoms kyi phyir zhugs so/ /bram ze des bsams pa/ dge sbyong mgo reg ma 'di yang zhugs na re zhig 'di la yang ma ster ram/ bdag gcig pu la yin blta bar bya'o snyam ste/ de de la skabs tshol zhing 
yud tsam zhig de na sdod do/ /des sangs rgyas kyi yum gshegs so zhes rings pa rings par langs nas stan bting ste rab tu dga' nas song ste gtsang zhing bsod pa'i bza' ba dang bca' bas lhung bzed bkang nas phul lo/ /bram ze de ser sna dang mi bzod pa skyes nas 
song ste smras pa/ 'phags ma des re zhig lhung bzed du phun sum tshogs pa ci mchis blta'o/ /de yang drang bas des nye bar bstan to/ /bram zes lhung bzed der mchil ma blugs so/ /skye dgu'i bdag mo gau ta mIs smras pa/ bu ci'i phyir khyod kyis bsod snyoms 
ma rung bar bya/ gal te khyod kyis gsol ba btab par gyur na ngas de bzhin du byin par gyur pa zhig /bram ze de spobs pa med de cang mi smra bar 'dug pa de'i skabs de dge slong ma rnams kyis dge slong dag la bzlas so/ /dge slong dag gis bcom ldan 'das la'o/ /
bcom ldan 'das kyis dgongs pa/ bud med kyi rang bzhin la ni skyes pa phal pa gzhan yang 'tshe ste/ ji ltar skyes bu bram ze gti mug des kyang 'di bzhin du bsod nams ma yin pa mang du bskyed do/ /de lta bas na dge slong ma dag gis lhung bzed kha g.yogs bcang bar 
bya bar mkhyen nas gsungs pa/ dge slong dag bud med kyi rang bzhin la ni skyes pa phal pa gzhan yang 'tshe ste/ skyes bu bram ze gti mug des kyang 'di bzhin du bsod nams ma yin pa mang du bskyed do/ /de lta bas na rjes su gnang ste/ dge slong ma dag gis lhung bzed kyi 

</font><hr>11-1-180b<br><font size=+1>
kha g.yogs bcang bar bya'o/ /bcom ldan 'das kyis dge slong ma dag gis lhung bzed kyi kha g.yogs bcang bar bya'o zhes gsungs pa dang / dge slong ma dag gis lhung bzed kyi kha g.yogs ci 'dra ba de ma shes te/ de'i skabs dge slong dag la bzlas so/ /dge 
slong dag gis bcom ldan 'das la'o/ /bcom ldan 'das kyis bka' stsal pa/ lhung bzed kyi kha g.yogs ni lhung bzed kyi snod de der lhung bzed bcug nas dge slong ma dag bsod snyoms la 'gro bar bya'o/ /gleng gzhi ni mnyan yod na'o/ /shar phyogs kyi mi mang po rnams 
skyed mos tshal na dga'o/ /ji tsam dus gzhan zhig na mnyan yod du dus ston la bab ste de rnams gtsang zhing bsod pa'i bza' ba dang bca' ba khyer te skyed mos tshal du song ngo / /de rnams kyis chung ma dag la me tog gi phreng ba rgyus la skur cig ces spring ba dang / de rnams kyis 
ra ba na me tog bzang po sna tshogs pa dag skyes te/ de dag kyang de rnams kyis spring ngo snyam nas rings pa rings par me tog gi ra ba dag nas me tog btus na rgyud ma shes so/ /de dag gis me tog phreng rgyud ma la me tog brgyus tshur shog ces spring na/ de dag de'i nyin par me tog 
nyo ba yod de de dag ma 'ongs pa dang / de rnams sems khong du chud cing 'dug ste/ je dag gis bdag cag la me tog phreng ba rgyus la skur cig ces spring na de bdag cag gis ni rgyud mi shes phreng rgyud ma bos na yang 'ong du ma btub ste/ ji ltar bsgrub snyam mo/ /sbom dga' 
mo yang bsod snyoms kyi phyir rgyu zhing khyim gzhan zhig tu zhugs te/ mtshan bzangs ma bsod snyoms bslang ngo zhes smras pa dang / des smras pa/ 'phags ma je bzhud cig bdag cag ni sems khong du chud cing mchis te bsod snyoms dang tshig ga la zhig ster te su yang ma 
mchis so/ /des smras pa/ ci 'di skad du smra'am ngas cung zad ci nyes des ji ltar gyur pa rgyas par brjod do/ /sbom dga' mos smras pa/ khyed nyid ci'i phyir mi rgyud/ des smras pa/ 'phags ma bdag cag ni ma 'tshal na/ mkhyen pa lta mchis sam/ sbom 

</font><hr>11-1-181a<br><font size=+1>
dga' mos smras pa/ mtshan bzangs ma de shes te/ de'i dus las 'das pas bzo'i gnas dang / las kyi gnas nges par ngas mi shes pa med do/ /de dag gis 'phags ma de bzhin du brgyus te stsal bar ci gnang des smras pa/ mtshan bzangs ma 
gal te bza' ba'i rin sbyin nam/ des smras pa/ 'phags ma legs par 'bul lo/ /shin tu dbul gyis rgyus shig des lhung bzed bzhag ste/ rkang pa brkyang nas 'dug ste myur bar de bzhin du brgyus pa khyim bdag gi chung ma de dag gis de mthong ste/ ngo mtshar skyes nas 
de dag yongs su mgu ste sbom dga' mo la bza' ba'i rin mang du byin no sbom dga' mo des 'gran pas khyim gzhan du yang phreng ba brgyus te/ der yang bza' ba'i rin byin pa dang / sbom dga' mo rnyed pa mang du rnyed de thob nas byung ste dbyar khang du song ngo / /ji tsam na phreng rgyud ma 
'ongs te/ smras pa/ me tog de dag 'on cig brgyu'o/ /des smras pa/ khyed cag da gzod ga shed nas 'ongs kyi phreng ba de dag brgyus te skyed mos tshal du bskur zin no/ /de dag gis smras pa/ sus brgyus de dag gis smras pa/ 'phags ma sbom dga' mos so/ /de dag 
dge sbyong shAkya'i sras kyi dge sbyong rnams ni tshig pa/ tshangs par spyod pa ni tshig pa yin te/ gang gi phyir da ltar gzhan dag gi 'tsho ba 'phrog go zhes 'phya bar byed/ smod par byed/ kha zer bar byed do zhes dge slong rnams kyis thos nas/ skabs de bcom ldan 'das la 
gsol pa dang / bcom ldan 'das kyis dgongs pa phreng rgyud ma rnams kha zer ba'i nyes dmigs gang ci byung ba ni dge slong mas phreng ba brgyus pa'i gzhi las gyur pa yin gyis/ de lta bas na dge slong ma rnams kyis phreng ba brgyu bar mi bya'o snyam du dgongs nas bka' stsal pa/ 
dge slong dag phreng rgyud ma rnams 'phya ba'i gzhir gyur gyis/ de lta bas na dge slong ma rnams kyis phreng ba brgyu bar mi bya'o/ /dge slong ma dag phreng ba rgyu na 'gal tshabs can du 'gyur ro/ /bcom ldan 'das kyis dge slong ma rnams phreng ba brgyu bar mi bya'o zhes gsungs 

</font><hr>11-1-181b<br><font size=+1>
pa dang / gtsug phud kyi dus ston dang / dus ston chen po dang lo lnga'i dus ston dag byung bar gyur te ko sa la'i rgyal po gsal rgyal dang btsun mo phreng ldan ma dang / rgyal rigs dbyar byed ma dang / khyim bdag mgon med zas sbyin dang / ri dgas 'dzin gyi ma sa ga dang / zhal 
ta ba rgan rabs dang / dge bsnyen ma rdzu 'phrul can gyi ma dang / khyim bdag gtum po dang / shAkya ming chen dang / gzhan yang dad pa can mang po dag gong nas gong du mchog khyad par can gtsug phud la sogs pa dus ston chen po dang dga' ston byed do/ /yul tha dad 
pa na gnas pa'i skye bo dang / dge slong dang / dge slong ma dang / dge bsnyen dang / dge bsnyen ma dag 'dus par gyur te me tog mang du brngas pa dang / phreng rgyud ma rnams kyis phreng ba legs par rgyud ma nus te/ bram ze dang / khyim bdag dad pa can gzhan dag tu phan 
tshun du bskor kyang me tog dag legs par rgyud ma nus so/ /de dag gis dge slong ma rnams la smras pa/ kye ma bdag cag ni me tog rgyud ma 'tshal na e ma'o 'phags ma dag ni mkhyen te/ khyed cag ston pa mchod cing phreng ba brgyu ba'i dus la bab bo/ /de dag gis smras pa/ 
shes ldan dag khyed cag mi shes sam 'di ltar bcom ldan 'das kyis dge slong ma rnams phreng ba mi brgyu'o zhes bslab pa'i gzhi bcas nas de ji ltar brgyu zhes pa de'i skabs dge slong rnams kyis bcom ldan 'das la gsol to/ /bcom ldan 'das kyis bka' stsal pa/ 
de lta bas na rjes su gnang ste/ sangs rgyas dang / chos dang / dge 'dun gyi ched du dge slong ma rnams kyis phreng ba brgyu bar bya'o/ /bcom ldan 'das kyis sangs rgyas dang chos dang dge 'dun gyi ched du dge slong ma rnams kyis phreng ba brgyu bar bya'o zhes gsungs pa dang / de 
rnams sgo khang dang khyams dag tu rkang pa brkyang nas 'dug ste me tog brgyu bar brtsams pa ma dad pa dag gis mthong ste/ kye ma 'phags ma dag khyed cag phreng rgyud ma kho na las rab tu byung ngam zhes dpyas pa dang / de dag spa gong ste cang mi smra bar 'dug pa de'i skabs de dge 

</font><hr>11-1-182a<br><font size=+1>
slong dag gis bcom ldan 'das la gsol to/ /bcom ldan 'das kyis bka' stsal pa/ dge slong dag ma dad pa rnams 'phya ba'i gzhi ni tshul ma yin pa de dag ste/ de lta bas na dge slong ma rnams kyis sgo khang dang / khyams su 'dug ste me tog brgyu bar 
mi bya'o/ /dge slong ma dag sgo khang dang khyams su 'dug ste phreng ba rgyud na 'gal tshabs can du 'gyur ro/ /gzhan yang gang shes pa yod na dben pa'i phyogs su brgyu bar bya'o/ /dge slong ma dag sgo khang dang khyams su 'dug ste/ me tog rgyud na 'gal tshabs can du 'gyur 
ro// //sdom ni/ khar ba'i snod dang chang gi las/ /khyim gyi gzhi rnams 'tshong pa dang / /de bzhin tshong khang gzhi dag dang / /lha 'dra'i gzugs ni mi bcang ba'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin 
gyi kun dga' ra ba na bzhugs so/ /sbom dga' mo khar ba mkhan gyi drung du song ste smras pa/ bzhin bzangs khar ba'i lhung bzed byed nus sam des smras pa/ 'phags ma de bzhin du shes na tshad ji tsam du bgyi chen po zhig bya'o/ /'phags ma la khar ba'i lhung bzed chen 
po ci dgos/ bkren pa khyod la rin med par ni byed du mi 'jug na rin tshang bar sbyin gyis byos shig /des bsams pa bdag la 'god pa ni ci yang med na bya'o snyam nas des khar ba'i lhung bzed chen po zhig byas so/ /des smras pa/ 'dir gzhug tu rung ba gzhan gcig 
kyang byos shig des gzhan zhig kyang byas te/ des gzhan bdun gyi bar byas so/ /sbom dga' mos de dag dge slong ma rnams byi dor byed du bcug nas tshon sna lnga'i skud pa'i dra bar des de rim bzhin du bcug ste/ dge slong ma'i mgo la bskur nas gang du mgron du bos pa der 
song ste phyin nas de dag bkram ste 'dug pa dang / bram ze dang / khyim bdag dag gis smras pa 'phags ma khyod khar ba mkhan gyi tshong khang 'grims sam ci/ des smras pa/ bkren pa khyed cag ci shes/ re zhig 'dir ni zan blang ngo / /'dir ni khur ba'o 'dir ni 'bras chan 

</font><hr>11-1-182b<br><font size=+1>
no/ /'dir ni tshod ma blang ngo / /'phags ma de bzhin du gzhan dag kyang zhog dang / gal te na tshod ma mang du rnyed kyang srid do zhes smras pa dang / de cang mi smra bar 'dug pa de'i skabs de dge slong rnams kyis thos te bcom ldan 'das la gsol to/ /bcom ldan 'das kyis 
dgongs pa nyes dmigs gang yin pa ni dge slong mas khar ba'i snod bcangs pas yin te/ de lta bas na dge slong ma rnams kyis khar ba'i snod bcang bar mi bya'o snyam du mkhyen nas bka' stsal pa/ dge slong dag de lta bas na dge slong ma rnams kyis khar ba'i snod bcang bar 
mi bya'o/ /dge slong ma dag khar ba'i snod bcangs na 'gal tshabs can du 'gyur ro/ /yang gzhan kha gzar dang / tshwa snod dang / phul ba'i btung phor dag ni bcang bar bya'o// //'dul ba phran tshegs kyi gzhi/bam po bzhi bcu rtsa bzhi pa/ gleng gzhi ni mnyan 
yod na'o/ /mnyan yod na khyim bdag gzhan zhig gnas pa des rigs mnyam pa las chung ma blangs te de de dang lhan cig rtse bar byed/ dga' bar byed dga' mgur spyod par byed do/ /de rtse bar byed dga' bar byed dga' mgur spyod par byed pa las bu mo g.yas zhar ma zhig btsas te 
g.yas zhar ma de bkra mi shis pas sus kyang ma blangs so/ /mnyan yod na khyim bdag gzhan zhig gis chung ma gcig blangs pa dang / de rang gi las kyis dus las 'das so/ /de de bzhin du gnyis pa nas gsum pa dang bdun pa'i bar du blangs na de dag kyang rang gi las kyis 
dus las 'das te/ de'i ming chung ma gsod pa chung ma gsod pa zhes kun du grags so/ /des gzhan zhig gi bu mo zhig bslangs pa dang / des smras pa/ ci bdag gi bu mo yang yongs su gtang ngam/ yugs sa mo zhig bslangs pa dang / ci bdag nyid kyis bdag nyid yongs 
su gtong ngam zhes smras so/ /des rang nyid khyim gyi 'tsho tshis dag bya bar brtsams pa dang / de'i sten grogs shig khyim du 'ongs te de'i ming nyid nas ga re zhes dris pa dang / de dag gis smras pa/ de nang du zhugs te khyim gyi 'tsho tshis dag byed do/ /sten grogs kyis smras pa/

</font><hr>11-1-183a<br><font size=+1>
khyod kyis chung ma dag bza' ba dang / bsgo ba sbyar zhing las byed du gzhug mi nus sam gang gi phyir rang nyid khyim gyi 'tsho tshis dag byed/ des smras pa/ sten grogs bdag gis nus mod kyi/ 'on kyang bdag gis chung ma gcig blangs na de rang gi las kyis 
dus las 'das so/ /de bzhin du gnyis pa dang / gsum pa dang bdun gyi bar du chung ma blangs na de dag kyang rang gi las kyis dus las 'das te/ gang dag bdag gi ming chung ma gsod pa chung ma gsod pa zhes kun du grags so/ /des ci gzhan yang mi bslang ngam/ bdag gis 
bslangs na de dag bdag cag gi bu mo yang yongs su gtang ngam ci zhes zer ro/ /ci yugs sa mo mi bslang ngam/ de yang bdag gis byas mod kyi ci bdag nyid kyis bdag nyid yongs su gtang ngam zhes zer ro/ /sten grogs de lta na g.yas zhar ma ci ste mi bslang / de dag gi bu mo yang mi ster ro/ /sten grogs song dang / khyim bdag de kun du skyo bas ster ro/ /des de bskul nas khyim bdag de'i khyim du song ste des bde legs bde legs zhes smras pa dang / nang mi dag gis smras pa/ ci slong / bu mo slong ngo / /bu mo gang yin/ g.yas zhar 
ma'o/ /de bzhin du sbyin par bya'o/ /blang ba'i dus bya'o/ /de bzhin du dus bya'o/ /gang gi nyin par bzang ba 'di la'o zhes smras nas song ngo / /de nas khyim bdag gi chung ma de bu mo bag mar btang ngo snyam ste/ chang btsos so/ /tsha ba'i dus la bab ste de dros nas ma rung 
bar gyur to/ /de nas khyim bdag gi chung ma des chang 'tshong ma la bdag gi bu mo bag mar gtong ste chang 'di tsam zhig dgos kyis sbyor cig ces smras pa dang / de dag gis legs kyis dbul lo zhes smras so/ /des re zhig chang dag sta gon byas pa dang / ji tsam na sbom dga' mo 
bsod snyoms kyi phyir rgyu zhing de'i khyim zhig tu zhugs te/ mtshan bzangs ma bsod snyoms byin cig /khyim bdag gi chung ma de yang yang dang yang du chang dag lta ste brel nas smras pa/ 'phags ma ji bzhud cig /bdag ni sems khong du chud cing mchis te/ bsod snyoms lta ga 

</font><hr>11-1-183b<br><font size=+1>
la zhig su yang mi 'bul to/ /des smras pa/ ci 'di skad zer ba las ngas cung zad ma nyes sam/ des 'di ltar rgyas par bshad pa dang / sbom dga' mos smras pa/ mtshan bzangs ma de lta na ci'i phyir slar mi bcos/ des smras pa/ 'phags ma bdag ni ma 'tshal na mkhyen 
pa lta mchis sam/ sbom dga' mos smras pa/ mtshan bzangs ma shes te de'i dus las 'das pas bzo'i gnas dang las kyi gnas gang yin pa nges par ngas mi shes pa med do/ /'phags ma slar bcos te stsal bar ci gnang des smras pa/ mtshan bzangs ma ngas slar bcos 
na gal te bza' ba'i rin sbyin nam/ des smras pa/ 'phags ma legs par dbul lo/ /shin tu dbul gyis slar chos shig /sbom dga' mos smras pa/ khyer te shog blta'o/ /des chang gi rdza ma dag bstan pa dang / sbom dga' mos 'di ji ltar ma rung / chang rdza dag la 
phan tshun brtags nas dro ba las ma rung bar mthong nas des skar khung dag phye nas chang rdza'i 'og tu bye ma mang du bting ste/ ngos la chus btab nas nya lcibs kyis kun du dkris te des bsil yab dag blangs nas g.yab par brtsams pa dang / bsil ba'i khyad par gyi sbyor bas chang slar 
rung bar gyur to/ /bag ma len pa yang nye nas grogs po dang / mdza' bshes dang / nye du dang / skye bo dag 'dus pa dang / chang 'tshong ma de yang chang dag sta gon byas te/ 'dug nas gang gi tshe sbron pa gang dag 'ongs na sbyin no snyam pa dang / khyim bdag des kyang chang 
de nyid kyis bag ma gtang ba grub par byas so/ /de nas chang 'tshong ba de 'ongs nas smras pa/ khyim bdag chang longs shig /des smras pa/ shes ldan chog ste chang de nyid slar bcos nas chang de nyid kyis bag ma gtang ba grub par byas so/ /smras pa/ khyim bdag de ni der 
zad na de slar sus bcos zhes dris so/ /des de 'phags ma sbom dga' mos slar bcos te/ de nged la phan 'dogs pa'o zhes bshad pa dang / dge sbyong shAkya'i bu'i dge slong ma rnams ni tshig pa'o/ /tshangs par spyod pa tshig pa ste/ gang gi phyir da ltar gzhan gyi 

</font><hr>11-1-184a<br><font size=+1>
'tsho ba 'phrog pa'o zhes 'phya bar byed/ smod par byed/ kha zer bar byed pa'i skabs de dge slong rnams kyis thos te bcom ldan 'das la gsol to/ /bcom ldan 'das kyis dgongs pa/ dge slong ma sbom dga' mo'i spyod pa ni dge sbyong gi tshul ma 
yin pa byed do/ /de lta bas na dge slong mas chang gi las mi bya'o snyam du mkhyen nas bka' stsal pa/ dge slong dag dge slong ma sbom dga' mo'i spyod pa ni dge sbyong gi tshul ma yin te/ de lta bas na dge slong ma dag gis chang gi las mi bya'o/ /dge slong mas chang gi las 
byed na ltung ba sbom por 'gyur ro/ /gleng gzhi ni mnyan yod na'o/ /mnyan yod na khyim bdag sbyin pa la dga' ba zhig gnas pa de dus gzhan zhig na nad kyis thebs par gyur te/ de'i lus kyi tshe yongs su 'chad cing ji ltar bdag ni 'chi'o snyam ste/ des gang cung zad 
bdag dbang zhing khyim na yod pa de thams cad dge sbyong dang / bram ze dang / gzhan yang grogs po dang / mdza' bshes dang / nye du dag la byin te/ khyim gcig pu lus pa sbom dga' mos thos nas de rings par song ste brgyugs nas der 'ongs te phyin pa dang / des khyim 
bdag la khyim bdag bud med ni rnyed pa nyung ba'o zhes mtshan ma zhig nye bar bstan pa dang / khyim bdag des kyang rig nas smras pa/ 'phags ma khyod 'phyi ste 'ongs pas gang cung zad ci yod pa de thams cad ngas byin te/ khyim gcig pu las ma lus par cung zad sbyin du yang med 
do/ /des smras pa/ khyim bdag glang po che'i sna ltar 'phang bstod de/ khyod kyi drung du 'ongs na ji ltar re thag chad de 'gro/ des smras pa/ 'phags ma khyim gcig pu las ma lus zhes ma smras sam/ gal te de bzhed na khyim de snoms shig /des smras pa/ khyim bdag 
de bzhin du blang bar bya'o/ /nad med par gyur cig ces smras nas byung ste song ngo / /ji tsam dus gzhan zhig na khyim bdag de dus las 'das te de'i nye du dag gis ras sngon po dang / ser po dang / dmar po dang / dkar po dag gis khyogs brgyan nas dur khrod du khyer te song 

</font><hr>11-1-184b<br><font size=+1>
ngo / /ji ltar khyim bdag de dus las 'das pa sbom dga' mos thos nas de rings pa rings par 'ongs te des de'i khyim du sgo bcad nas rgyas btab ste/ de phyogs gcig tu gnas te 'dug go/ /ji tsam na de dag gis bsregs te 'ongs nas de dag gis smras pa/ khyim 'di 
sus rgyas btab/ sbom dga' mos smras pa/ gang dbang ba des rgyas btab bo/ /de dag gis smras pa su la byin des smras pa/ sbom dga' mo bdag la'o/ /de dag gis smras pa/ 'phags ma gal te de lta na 'on kyang gla dbul gyis 'jug go/ /des smras pa/ sbyin nam 
sbyin no zhes rgya bcag ste de dag zhugs so/ /zhugs te 'khod pa dang / der bram ze dang khyim bdag dag 'ongs te de dag tu 'dus nas dge sbyong shAkya'i bu'i dge slong rnams ni tshig pa'o/ /tshangs par spyod pa ni tshig pa'o/ /gang gi phyir da ltar khyim glar gtong zhing len pa'o 
zhes 'phya bar byed smod par byed/ kha zer bar byed pa'i skabs de dge slong dag gis thos te/ bcom ldan 'das la gsol pa dang / bcom ldan 'das kyis bka' stsal pa/ dge slong dag bram ze dang khyim bdag rnams 'phya ba gzhir gyur gyis/ de lta bas na dge 
slong ma rnams kyis khyim glar gtang zhing blang bar mi bya'o/ /dge slong mas khyim glar gtong zhing len na 'gal tshabs can du 'gyur ro/ /mnyan yod na tshong pa sbyin pa la dga' ba gzhan zhig gnas pa de dus gzhan zhig na nad kyis thebs par gyur te/ de'i lus kyi tshe 
yongs su 'chad cing ji ltar bdag ni 'chi'o snyam ste/ des gang cung zad dbang zhing khyim na yod pa de thams cad dge sbyong dang / bram ze dang / gzhan yang grogs po dang / mdza' bshes dang / nye du dag la byin te/ tshong khang gcig pu lus pa sbom dga' mos thos 
nas de rings pa rings par song ste rgyu zhing der 'ongs te son nas tshong pa de la sbyin bdag bud med ni rnyed pa nyung ba'o zhes mtshan ma zhig nye bar bstan pa dang / khyim bdag des kyang rig nas smras pa/ 'phags ma khyod 'phyis te 'ongs pas gang cung zad ci yod pa de thams 

</font><hr>11-1-185a<br><font size=+1>
cad ngas byin te/ tshong khang gcig pu las ma lus pas cung zad kyang sbyin du med do/ /des smras pa/ sbyin bdag glang po che'i sna ltar 'phang bstod de khyod kyi drung du 'ongs na ji ltar re thag chad de 'gro/ des smras pa/ 'phags ma tshong khang gcig pu las 
ma lus so zhes ma smras sam/ gal te de bzhed na khyim de snoms shig des smras pa khyim bdag de bzhin du blang bar bya'o/ /nad med par gyur cig ces smras nas byung ste song ngo / /ji tsam dus gzhan zhig na khyim bdag de dus las 'das te/ de'i nye du rnams kyis 
ras sngon po dang / ser po dang / dmar po dang / dkar po dag gis kyang khyogs brgyan te dur khrod du khyer ro/ /sbom dga' mos khyim bdag de ji ltar dus las 'das pa thos nas de rings pa rings par song ste/ des de'i tshong khang gi sgo bcad de rgyas btab nas/ de nas 
phyogs gcig tu song ste 'dug go/ /ji tsam na de dag gis bsregs te slar log nas grogs po dang mdza' bshes dang nye du dag lhan cig mya ngan sangs nas cung zad cig 'dug pa dang / skyes bu gzhan zhig tshong 'dus su 'gro bar byas te de khyim du phyin nas/ des de dag 
la tshong khang ni sbom dga' mos rgyas btab po zhes smras pa dang / de dag gis thos nas rings pa rings par song ste smras pa/ tshong khang 'di sus rgyas btab/ sbom dga' mos smras pa/ gang la byin pa des rgyas btab bo/ /de dag gis smras pa/ su la byin/ des 
smras pa/ sbom dga' mo bdag la'o/ /de dag gis smras pa/'phags ma gal te de lta na 'on kyang gla dbul gyis bdag cag gi zong dgram mo/ /des smras pa/ sbyin nam/ sbyin no zhes de dag gis rgya bcag ste/ der de bkram mo/ /de dag tu bram ze dang khyim bdag 
dag nye bar lhags te 'dug nas dge sbyong shAkya'i bu'i dge slong rnams ni tshig pa'o/ /tshangs par spyod pa tshig pa ste/ gang gi phyir da ltar tshong khang glar gtong zhing len to zhes de dag 'phya bar byed smod par byed/ kha zer bar byed pa'i skabs de dge slong dag gis 

</font><hr>11-1-185b<br><font size=+1>
thos te bcom ldan 'das la gsol pa dang / bcom ldan 'das kyis bka' stsal pa/ dge slong dag bram ze dang / khyim bdag rnams 'phya ba'i gzhir gyur gyis/ de lta bas na dge slong ma rnams kyis tshong khang glar gtong zhing blang bar mi bya'o/ /dge slong mas 
tshong khang glar gtong zhing len na 'gal tshabs can du 'gyur ro/ /gleng gzhi ni mnyan yod na'o/ /sbom dga' mo snga dro sham thabs bgos chos gos dang lhung bzed thogs te mnyan yod du bsod snyoms kyi phyir zhugs pa dang / ltas ma mo zhig dril bu thogs te 'gro ba des 
mthong ste/ des bsams pa thabs de ni bzang po zhig ste/ bdag gis kyang bya'o snyam nas/ des dril bu nye bar bsgrubs te/ de nas phyi de nyin par dril bu khyer te/ mnyan yod du zhugs nas/ khye'u dang bu mo khrus bya bar brtsams nas/ bdug spos la bsnams shing dril 
bu dkrol nas lung bstan to/ /des gang dang gang gi khye'u dang bu mo khrus byas pa de gnas babs su bde legs su gyur cing des lung bstan pa yang de bzhin gyur to/ /sbom dga' mo la mnyan yod na rgyas par dngos grub thob par gyur to zhes gang dang gang du ltas ma mo dgos 
par gyur pa dang / sbom dga' mo de'i drung du 'ongs te 'dri zhing ltas ma mo la su yang mi 'dri nas/ de ched du bram ze dang khyim bdag gi drung du nye bar song ste smras pa/ gtor ma dang lung bstan par bya'o zhes gang dang gang gi khyim du nye bar song ba dang / de dang de dag gis 
smras pa bdag cag gi gtor ma dang lung bstan pa byas zin no/ /sus lung bstan de dag gis 'phags ma sbom dga' mos so zhes smras pa dang / dge sbyong shAkya'i bu'i dge sbyong rnams ni tshig pa'o/ /tshangs par spyod pa ni tshig pa ste/ gang gi phyir da ltar gzhan dag gi 
'tsho ba 'phrog pa'o zhes 'phya bar byed/ smod par byed/ kha zer bar byed pa'i skabs de dge slong de dag gis thos te/ bcom ldan 'das la gsol pa dang / bcom ldan 'das kyis dgongs pa nyes dmigs gang yin pa ni dge slong mas lha'i gzugs bcangs pa las gyur te/

</font><hr>11-1-186a<br><font size=+1>
de lta bas na dge slong mas lha'i gzugs 'chang bar mi bya bar mkhyen nas bka' stsal pa/ dge slong dag ltas ma mo de dag 'phya ba'i gzhi ni sbom dga' mo'i tshul bzhin ma yin pa'i spyod pa ste/ nyes dmigs gang yin pa ni dge slong mas lha'i gzugs 'chang 
ba yin pas de lta bas na dge slong ma rnams kyis lha'i gzugs bcang bar mi bya'o/ /dge slong mas lha'i gzugs bcangs na 'gal tshabs can du 'gyur ro// //sdom ni/ bud med chu 'gram phye mas min/ /rgyun las btsal bar mi bya dang / /lhung bzed lhan pa gnyis pa 
dang / /mching bu'i snod ni mi bcang ngo / /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na bud med gcig chu bo a dzi ra ba ti'i bud med kyi khrus sa'i 'gram na skra 'chad cing 'dug pa 
dang ji tsam na sbom dga' mo khrus byed par 'dod de/ khrus kyi phye ma khyer nas chu bo a dzi ra ba tir song ngo / /des bud med de skra 'chad pa rgyang ma nas mthong ste/ mthong nas kyang phrag dog gi kun nas dkris pas dkris te bsams pa/ 'di ltar bu zan mo'i bu mos bdag 
la 'gran te skra 'chad cing 'dug pa ji ltar sems/ ci sbom dga' mo sngon skra yod ma myong ngam/ de mi dga' bar 'gyur ba dang / de bzhin du phyis kyang bdag mthong na skras 'gran par mi 'gyur bar bya'o snyam ste/ des de'i phyi bzhin du song ste skyu ru ra'i phye mas skra la gtor 
to/ /des smras pa/ 'phags ma bdag gis khyod la nyes pa ci zhig byas na khrus byas zin pa la skyu ru ra'i phye mas mgo la gtor/ bu zan ma ci mi shes sam/ sbom dga' mo la ci de 'dra ba'i skra yod sngon ma myong ngam/ de lta bas na khyod la gtse'o/ /khyod song la 
khrus byos/ ci ngas khyod kyi skra la mi gtsang ba sna tshogs kyis ma rungs par byas sam/ de 'phya bar brtsams pa'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag bud med dag 'phya ba'i 

</font><hr>11-1-186b<br><font size=+1>
gzhir gyur gyis/ de bas na dge slong ma rnams kyis bud med khrus byas zin pa la yang khrus kyi phye ma mgo la gtor bar mi bya'o/ /dge slong mas bud med khrus byas pa la yang khrus kyi phye ma mgo la gtor na 'gal tshabs can du 'gyur ro/ /gleng gzhi ni mnyan yod na'o/ /
sbom dga' mo khrus bya bar 'dod de dge slong ma dag dang lhan cig a dzi ra ba tir song nas de dag der chu'i bzlog phyogs su 'dug ste/ reg pas dga' bar byed do/ /de dag la dge slong ma rnams kyis smras pa/ 'phags ma dag ci byed/ de dag gis smras pa/ che zhe reg 
pas dga' bar byed do/ /de dag gis smras pa/ 'phags ma dag chu'i bzlog phyogs su 'dug ste reg pas dga' bar byar rung ngam/ de dag gis smras pa/ legs par rung ngo / /shin tu rung ngo / /sus ma gnang gang du ma gnang zhes pa de'i skabs de dge slong 
ma rnams kyis dge slong dag la smras so/ /dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag dge slong ma rnams 'phya ba'i gzhir gyur gyis/ de lta bas na dge slong ma rnams kyis chu'i bzlog phyogs su 'dug 
ste reg pas dga' bar mi bya'o/ /dge slong mas chu'i bzlog phyogs su 'dug ste reg pas dga' bar byed na ltung ba sbom por 'gyur ro/ /gleng gzhi ni mnyan yod na'o/ /dge slong ma rnams kyis lhung bzed gar bab bab tu bzhag pa dang / de sril gyis kyang zos bong 
ba dang / dbyug pa dag lhung bas kyang phog go zhes pa de'i skabs dge slong ma rnams kyis dge slong rnams la smras so/ dge slong rnams kyis bcom ldan 'das la'o/ /bcom ldan 'das kyis bka' stsal pa/ dge slong dag dge slong ma rnams 'phya ba'i gzhir gyur 
gyis/ de lta bas na dge slong ma rnams kyis lhung bzed gar bab bab tu gzhag par mi bya'o/ /'on kyang lhung bzed zha nye'i dbyar 'dab kyis glan par bya'o/ /bcom ldan 'das kyis lhung bzed zha nye'i dbyar 'dab kyis glan par bya'o zhes gsungs pa dang / de dag 

</font><hr>11-1-187a<br><font size=+1>
gis lhung bzed thams cad zha nyes dkris pa bram ze dang / khyim bdag gis mthong ste/ e ma'o 'phags ma dag 'di ci yin zhes dris pa dang / de dag gis smras pa/ shes ldan dag bcom ldan 'das kyis rjes su gnang ngo / /de dag gis 
smras pa/ 'phags ma e ma'o bcom ldan 'das kyis lhung bzed thams cad zha nyes g.yogs shig ces de skad gsung ngam byung rgyal du ma zer/ dge sbyong khyed cag 'dod pa'i yon tan la chags sam ci zhes byas pa dang / de dag spobs pa med de cang mi smra 
bar 'dug pa de'i skabs dge slong rnams kyis thos te/ bcom ldan 'das la gsol pa dang / bcom ldan 'das kyis bka' stsal pa/ dge slong dag bram ze dang / khyim bdag dag 'phya ba'i gzhir gyur gyis/ de lta bas na de bzhin du lhung bzed thams 
cad zha nyes dkri bar mi bya'o/ /'on kyang zhabs nyi tshe zha nyes de bzhin du dkri bar bya'o zhes pa dang / de dag gis ri'i rtse mo 'dra ba dang / ra ba'i cog 'dra bas dkris pa dang / bcom ldan 'das kyis bka' stsal pa/ lhung bzed kyi zhabs la lhan 
pa gnyis te byang chub shing gi lo ma 'dra bar bya ba dang / lag mthil 'dra ba'i lo mas dkri bar bya'o/ /gleng gzhi ni mnyan yod na'o/ /sbom dga' mo la mching bu'i bum bu zhig yod do/ /ji tsam na bud med gzhan zhig gi mag pa zhig 'ongs pa dang / de sbom 
dga' mo'i drung du nye bar song ste smras pa/ 'phags ma mching bu'i bum bu re zhig cung zad cig g.yar ro/ /des smras pa/ des ci bya/ des 'phags ma bdag gi mag pa zhig mchis te de'i btung ba'i snod ma mchis so zhes smras nas/ des de la byin 
pa dang / bag med pas chag go/ /ji tsam dus gzhan zhig na sbom dga' mos blang bar brtsams pa dang / des smras pa/ 'phags ma de bag dang ma ldan te chag par gyur gyis rin dbul lo/ /sbom dga' mos smras pa/ phu nu mo nga la rin mi dgos 

</font><hr>11-1-187b<br><font size=+1>
kyis de nyid byin cig /des smras pa/ 'phags ma gzhan zhig bgyis la dbul lo/ /des smras pa/ de nyid byin cig ces byas pa dang / de dag phan tshun rtsod par gyur te/ de'i skabs dge slong dag gis thos nas bcom ldan 'das la gsol pa dang / bcom 
ldan 'das kyis dgongs pa nyes dmigs gang yin pa de dge slong mas mching bu'i bum bu bcangs pa yin te/ de lta bas na dge slong ma dag gis mching bu'i bum bu bcang bar mi bya bar mkhyen nas bka' stsal pa/ dge slong dag mching bu'i bum bu'i rgyus sbom 
dga' mo 'thab mo byed par gyur gyis de lta bas na dge slong ma rnams kyis mching bu'i bum bu bcang bar mi bya'o/ /dge slong mas mching bu'i bum bu bcangs na 'gal tshabs can du 'gyur ro// //sdom ni/ bud med gar dang brel ba dang / /gnas brtan 
gyis kyang chos bshad dang / /yang na gzhan la gsol ba gdab/ /bzhi po dag ni bskor bar bya'o/ /sangs rgyas bcom ldan 'das mnyan yod na rgyal byed kyi tshal mgon med zas sbyin gyi kun dga' ra ba na bzhugs so/ /mnyan yod na khyim bdag phyug 
pa/ nor mang ba/ longs spyod che ba zhig gnas pa de'i mna' ma la khye'u zhig btsas par gyur to/ /de btsas pa la lta bar yid dga' nas nye du dang / gnyen 'dab dang / skye bo dag 'ongs te mtshan thog thag gar byas so/ /de nas khyim bdag de 'khor gyi skye 
bo dang ring zhig rtses nas nam nangs pa dang / gnyid log par gyur to/ /de'i chung ma yang gnyid kyis myos par gyur nas de'i rmi lam na bdag dang khyo lhan nyal bar rmis shing de'i mi gtsang ba yang byung / de'i gos dang / de'i smad g.yogs kyang snyil nas sa la lhung 
zhing 'dug pa dang / bsod snyoms pa zhig gnam babs su nang par sngar langs te bsod snyoms la rgyu zhing khyim der song ba dang de'i khyim sgo mang po zhig ste/ de'i sgo dang por song ste bltas na stong / de bzhin du gnyis pa dang / gsum par song na yang de 

</font><hr>11-1-188a<br><font size=+1>
yang stong ste/ ji tsam bzhi par song ste bltas pa dang / khyim bdag de'i chung ma de bzhin du tshul mi sdug par 'dug ste/de skrag nas mod la 'bros par brtsams pa dang / de'i dran pa nyams par gyur pas de gar 'gro cha med de ji tsam phan 
tshun song ba dang / khyim bdag de'i mal khang du song ngo / /de mal la rdeg 'chos pa dang / khyim bdag de sad de bsod snyoms pa zhig mthong nas/ des dge slong khyod gang nas 'dir 'ongs zhes dris pa dang / bsod snyoms pa de 'dar zhing spa gong nas lan sbyin yang 
ma nus so/ /ji tsam na khyim bdag mal khang nas byung nas chung ma tshul mi sdug pa mthong ste/ des bsams pa/ ma la dge slong mi srun pa 'dis bdag gi chung ma la yongs su spyad do snyam ste/ des lus la bye brag med par ltag dbyug dang / thal lcag dang / rdog 
pa dang khu tshur dag gi sbyor bas rdeg pa la zhugs pa'i sgra ca cos de'i chung ma sad de/ des smras pa/ rje'i sras ci'i slad du dge slong 'di de bzhin du brdegs/ des smras pa/ khyod gnyid kyis log ste myos pa la mgo reg mi srun pa 'dis yongs su spyad do/ /des 
smras pa/ rje'i sras sdig pa zhi bar gyur cig /rab tu byung ba 'dis 'di lta bu'i las ma bgyis mod kyi gnyid kyis log ste myos pa'i rmi lam 'di lta bu zhig rmis te/ khyod dang bdag gnyis yongs su spyod cing smad g.yogs kyang kun du snyil nas sa la lhung ste/ rab 
tu byung ba 'dis ma nongs kyis thong zhig /des de'i mgo dang / lhung bzed kyang bcag /chos gos kyang dral nas/ de de bzhin du tshul mi sdug par mig mchi mas gang zhing rang gi las la dmigs nas rgyal byed kyi tshal du song ba dang / de dge slong dag gis mthong ste/ tshe 
dang ldan pa ci 'di 'dra ba'i gnas skabs su sus bzhag ces dris pa dang / des ji ltar gyur pa rgyas par smras pa dang / de'i skabs dge slong dag gis bcom ldan 'das la gsol to/ /bcom ldan 'das kyis dgongs pa nyes dmigs gang yin pa ni dge slong dag 

</font><hr>11-1-188b<br><font size=+1>
gis khyim gyi sgo mang por bab bab tu 'gro ba yin te/ de lta bas na dge slong dag gis khyim gyi sgo mang por bab bab tu 'gro bar mi bya bar mkhyen nas bka' stsal pa/ dge slong dag de lta bas na de'i phyir dge slong dag gis khyim gyi sgo mang por bab bab tu 'gro bar mi bya'o/ /'on kyang sngar khyim gzhan du song ste/ phyis khyim gyi sgo mang por phye dang tshod ma dag sngar mtshan mar sgo drung du bzhag ste 'jug par bya'o/ /bcom ldan 'das kyis phye dang tshod ma sgo drung du mtshan mar bzhag ste khyim gyi sgo mang por 'gro bar bya'o/ /zhes gsungs pa 
dang / dge slong dag gis sgo drung du mtshan ma bzhag ste ma sbran par song ba dang / skyes pa bud med yid gcugs pa dag smad g.yogs dang / stod g.yogs dag la shig dang / ma kun dag thu/ lus ngag 'phyi zhing 'dug pa'i bud med kyis de mthong ste brtags 
nas/ shin tu sgren mo dang sgren char du gyur te/ de dag 'phya ba'i skabs de dge slong dag gis thos nas/ bcom ldan 'das la gsol pa dang / bcom ldan 'das kyis bka' stsal pa/ dge slong dag bud med rnams 'phya ba'i gzhir gyur gyis de lta bas na dge 
slong rnams kyis de bzhin du glo bur du 'gro bar mi bya'o/ /'on kyang sgra byas te nang du 'gro bar bya'o/ /bcom ldan 'das kyis sgra byas te 'gro bar bya'o zhes gsungs pa dang / de dag gis a la la zhes byas nas song ba dang / nang mi dag gis smras pa/ 
'phags pa khyed cag ci khye'u byis pa bzhin du a la la zhes zer zhing 'ong ngam/ de dag gis smras pa/ sring mo bcom ldan 'das kyis sgra byos la song shig ces bka' stsal te/ nged tshig smras nas 'ong ngo / /de dag gis smras pa/ 'phags pa khyed sgra'i thabs 
gzhan med dam ci na khyed cag de bzhin du 'ong / de dag spobs pa med de cang mi smra bar 'dug pa dang / de'i skabs de dge slong dag gis thos te/ bcom ldan 'das la gsol pa dang / bcom ldan 'das kyis bka' stsal pa/ dge slong dag gis a la la zhes 

</font><hr>11-1-189a<br><font size=+1>
zer zhing khyim du 'gro bar mi bya'i 'on kyang sgra gzhan bya'o/ /bcom ldan 'das kyis sgra gzhan bya'o zhes gsungs pa dang / de dag 'gro ba'i tshe sgo 'phar la brdungs pa dang / nang mi dag gis smras pa/ 'phags pa ji ste sgo 'phar la rdeg /
de dag gis smras pa sgra byed do/ /ci khyed cag gis sgo 'phar bcag gam zhes pa dang / de dag spobs pa med de cang mi smra bar 'dug pa dang / de'i skabs dge slong dag gis thos te/ bcom ldan 'das la gsol pa dang / bcom ldan 'das kyis bka' stsal pa/ 
sgo 'phar la brdeg par mi bya'o/ 'on kyang dbyug pas sgra dbyung bar bya'o/ /dge slong dag gis sgra dbyung ba'i dbyug pa de ci 'dra ma shes nas/ bcom ldan 'das kyis bka' stsal pa/ 'khar gsil bcang bar bya ste/ des sgra byas nas 'jug par bya'o/ /bcom ldan 
'das kyis 'khar gsil gyis sgra byas te 'jug par bya'o zhes gsungs nas dge slong dag gis 'khar gsil gyis sgra byas nas song ba dang / de dag la khyi dag gis gnod pa byas pa dang / kha cig gis ma brtags par 'khar gsil mang du brdegs pa dang / bcom ldan 'das 
kyis bka' stsal pa/ de la 'khar gsil gyis brdeg par mi bya mod kyi bsdigs par ni bya'o/ /khyi kha cig la bsdigs pa dang slar shin tu za bar gyur te/ bcom ldan 'das kyis bka' stsal pa/ de la bsod snyoms las kham gcig tsam sbyin par bya'o/ /ma dad pa 
gzhan zhig gi khyim du de dag song nas dge slong dag gis 'khar gsil dkrol ba dang mi dga' bar gyur to/ /sus kyang ma dris so/ /bcom ldan 'das kyis bka' stsal pa/ yang dang yang du dkrol bar mi bya ste/ 'on kyang lan gnyis sam gsum dkrol bar bya'o/ /
gleng gzhi ni mnyan yod na'o/ /mnyan yod na khyim bdag gzhan zhig 'dug pa de'i khyim du sangs rgyas la sogs pa dge slong gi dge 'dun gdugs tshod la spyan drangs pa dang dge slong gi dge 'dun ni dong ngo / /bcom ldan 'das ni rdzas kyis bsgrubs pa na bzhugs shing 

</font><hr>11-1-189b<br><font size=+1>
bsod snyoms kyang len to/ /rgyu rnam pa lngas sangs rgyas bcom ldan 'das rnams rdzas kyis bsgrubs pa na bzhugs shing bsod snyoms kyang len to/ /rnam pa lnga gang zhe na/ nang du yang dag 'jog par bzhed pa dang / lha rnams la chos 'chad par bzhed pa dang / 
nad pa rnams la gzigs par bzhed pa dang / mal stan rnams brtag par bzhed pa dang / nyan thos rnams 'dul ba la bslab pa'i gzhi bca' bar bzhed pa yin te/ 'di'i skabs su bcom ldan 'das kyis nyan thos rnams 'dul ba la bslab pa'i gzhi bca' bar 
bzhed de rdzas kyis bsgrubs pa na bzhugs shing bsod snyoms kyang len to/ /khyim bdag des lo ma'i bkad sa zhig byas te/ de'i 'og tu dge slong gi dge 'dun bzhugs pa dang lhas char dbab par brtsams so/ /dgun gyi dus zhig tu bab ste/ khyim bdag des 
dge slong gi dge 'dun la thug pa dang / khur ba dang / 'bras khur dang / la phug dag brims pa dang / de la dge slong kha cig ni thug pa 'thung ba na hub hub ces sgra byed do/ /kha cig ni 'bras khur za ba na khrum khrum zhes sgra byed do/ /kha cig la phug za ba na 
sol sol zhes sgra byed do/ /thigs pa bkad sar zags te sgra thigs thigs zhes zer ro/ /dge slong bum par chu 'thung na sgra blug blug ces zer ba dang / de la rol mo mkhan las rab tu byung ba zhig dran pa nye bar mi 'jog ste sngon byas pa rjes su dran nas rnam par rtog 
pa'i dbang rgyas te/ kun tu rtog pa'i shugs kyis langs te sgra grag pa de dang mthun par sbyar nas gar byas te/ btsun pa sol sol/ btsun pa khrum khrum/ btsun pa chom chom/ btsun pa balcag balcag /btsun pa blug blug ces zer te/ de la dge 
slong gang dran pa nye bar ma bzhag pa de la yid dga' bar gyur te dgod do/ /dran pa nye bar bzhag pa de dag ni spyod lam las ma 'khrugs te de nyid na 'dug go/ /zhal ta ba kha cig ni gad mo dgod par rtsom mo/ /kha cig ni 'phya bar gyur to/ /khyim bdag kyang 

</font><hr>11-1-190a<br><font size=+1>
ma dad par gyur to/ /de nas bsod snyoms len pa'i dge slong yang ma dad pa skyes par gyur to/ /bsod snyoms blangs nas/ bcom ldan 'das gang na ba der song ste phyin nas bsod snyoms phyogs gcig tu bzhag ste/ bcom ldan 'das 
kyi zhabs gnyis la mgo bos phyag 'tshal te phyogs gcig tu 'dug go/ /chos nyid kyis sangs rgyas bcom ldan 'das rnams ni bsod snyoms len pa'i dge slong la yid rab tu dga' bas dga' bar bya ba'i gtam mdzad de/ ci dge slong gi dge 'dun dag kha zas 
bsod pas tshim par byas sam/ zhes rab tu dga' ba'i gtam mdzad de bcom ldan 'das kyis bsod snyoms len pa'i dge slong la dge slong dag kye ma dge slong gi dge 'dun rnams kha zas bsod pas tshim par gyur tam/ des gsol pa/ btsun pa de bzhin te/ 
dge slong gi dge 'dun rnams kha zas bsod pas tshim mod kyi khyim bdag ni ma dad par gyur to/ /ci byas de dag gis ji ltar gyur pa rgyas par gsol pa dang / de nas bcom ldan 'das kyis zas kyi bya ba mdzad nas gtsug lag khang gi phyi rol du zhabs bkrus te 
gtsug lag khang du gshegs nas nang du yang dag 'jog la bzhugs so/ /de nas bcom ldan 'das phyi dro nang du yang dag 'jog las bzhengs nas dge slong gi dge 'dun gyi mdun du gdan bshams pa la bzhugs so/ /bzhugs nas kyang dge slong de dag la 'di 
skad ces bka' stsal to/ /dge slong khyed rnams kyis ci las bsams te 'di lta bu byas/ de dag gis gsol pa/ btsun pa cung zad 'phya ba'i bsam pa dang / cung zad dgod pa'i bsam par gyur to/ /de nas bcom ldan 'das kyis dge slong rnams la 'di 
skad ces bka' stsal to/ /dge slong gang 'di dgod pa'i bsam pas de bzhin du byas pa ni de la 'gal tshabs can du 'gyur ro/ /gal te 'phya bar bsams pa ni ltung ba med do/ /'on kyang dge slong dag nyes dmigs gang yin pa ni dge slong dag gis sgra dang 

</font><hr>11-1-190b<br><font size=+1>
bcas te kha zas zos pa yin no/ /de lta bas na dge slong dag gis sgra dang bcas te kha zas bza' bar mi bya'o/ /dge slong gis sgra dang bcas te kha zas zos na 'gal tshabs can du 'gyur ro/ /bcom ldan 'das kyis dge slong rnams sgra dang bcas te kha zas bza' 
bar mi bya'o zhes gsungs pa dang / bram ze dang / khyim bdag dad pa can dag gis dge slong dag la rgyal mo ga gon dang / 'bras khur dang / mar khur dang / la phug dang / bu ram shing dag phul ba dang / dge slong dag the tshom skyes nas ma blangs so/ /de dag gis smras pa/ 
'phags pa gal te sangs rgyas bcom ldan 'das 'jig rten du ma byung ba'i tshe ni bdag cag gi sbyin gnas mu stegs can lags na/ da ltar bcom ldan 'das 'jig rten du byung ste da ni khyed rnams sbyin gnas lags te/ gal te khyed rnams kyis ma blangs par gyur na bdag cag 
'jig rten pha rol gyi lam rgyags dang bral bar gyur la/ bcom ldan 'das kyis kyang dus su sbyin pa'i mdo las gang lo tog sar pa dang / 'bras bu sar pa gang yin pa de dag dus su dang por tshul khrims dang ldan pa la byin la/ de nas phyis bdag gir yongs su spyod cig 
ces gsungs te/ 'di ni dus su sbyin pa yin pas de lta bas na rjes su thugs brtse bar dgongs te bzhes shig ces smras pa dang / bcom ldan 'das kyis bka' stsal pa/ de lta bas na rjes su gnang ste/ byin pa long la 'bras khur ni 'bras can dang / phye dang lhan cig 
gyis la bza' bar bya'o/ /la phug dang / rgyal mo ga gon dang / mar khur dag ni dum bu byas te bza' bar bya'o/ /gleng gzhi ni mnyan yod na'o/ /mnyan yod na khyim bdag gzhan zhig gis sangs rgyas la sogs pa dge slong gi dge 'dun khyim du gdugs tshod la spyan 
drangs so/ /der dge slong dag gzhan la ma bsdad par sde sder chad de 'ongs nas de dag gis smras pa/ khyim bdag bdag cag la brims shig bdag cag gis bza' bar bgyi'o/ /de dag gis zos nas song ba dang / gzhan dang gzhan kyang de bzhin du gyur nas khyim bdag 

</font><hr>11-1-191a<br><font size=+1>
de 'brim pas brel bar gyur te mi dga' ba skyes nas/ kye ma'o khyed cag thams cad lhan cig tshogs te brim par bya'o zhes smras pa de'i skabs dge slong dag gis thos te bcom ldan 'das la gsol pa dang / bcom ldan 'das kyis bka' stsal 
pa/ de lta bas na dge slong dag khyim brel bar bza' bar mi bya ste sngar song ba de dag sgo drung du bsdad par bya zhing ji tsam thams cad tshogs te zhugs nas bza' bar bya'o/ /brel ba'i der zos na 'gal tshabs can du 'gyur ro/ /bcom ldan 'das kyis dge slong dag 
brel ba'i der bza' bar mi bya'o zhes gsungs pa dang / dge slong gzhan zhig na bar gyur te/ de'i g.yog po zan nod du song ba dang / ring zhig tu ma 'ongs te de 'gyod par gyur pa de'i skabs dge slong dag gis bcom ldan 'das la gsol pa dang /bcom ldan 
'das kyis bka' stsal pa/ de lta bas na 'dug cing bsod snyoms za bar rjes su gnang ba rnam pa lnga ste/ glo bur du 'ongs pa dang / 'gro ba dang / nad pa dang / nad g.yog dang / las byed pa dag ste/ de dag la sbyin no/ /gleng gzhi ni mnyan 
yod na'o/ /mnyan yod na khyim bdag phyug pa/ nor mang ba/ longs spyod che ba zhig gnas pa de dus gzhan zhig na sangs rgyas la mngon par dang / chos dang dge 'dun la mngon par dad de/ des sangs rgyas la sogs pa dge slong gi dge 'dun khyim du gdugs 
tshod la spyan drangs pa dang / dge slong gi dge 'dun ni dong ngo / /sangs rgyas bcom ldan 'das ni rdzas kyis bsgrubs pa na bzhugs te bsod snyoms kyang len to/ /rgyu rnam pa lngas sangs rgyas bcom ldan 'das rnams rdzas kyis bsgrubs pa na bzhugs shing bsod snyoms 
kyang len to zhes bya ba nas/ 'di'i skabs su bcom ldan 'das kyis nyan thos rnams 'dul ba la bslab pa'i gzhi bca' bar bzhed de rdzas kyis bsgrubs pa na bzhugs shing bsod snyoms kyang len to zhes bya ba gong ma bzhin no/ /dge slong de dag zas zos nas de bzhin 

</font><hr>11-1-191b<br><font size=+1>
du dong ba dang / khyim bdag de chos nyan par 'dod de bltas pa dang / dge slong dag gcig kyang med de de 'phya bar gyur pa de'i skabs dge slong dag gis thos te/ bcom ldan 'das la gsol pa dang / bcom ldan 'das kyis bka' stsal pa/ dge slong dag 
khyim bdag de 'phya ba'i gzhir gyur gyis/ de lta bas na dge slong gis zan zos nas de bzhin du 'gro bar mi bya ste/ sbyin bdag chos 'dod pa la bshad par bya'o/ /ma bshad par song na 'gal tshabs can du 'gyur ro/ /bcom ldan 'das kyis sbyin bdag 
chos 'dod pa la bshad par bya'o zhes gsungs pa dang / dge slong dag gis gang gis bshad pa ma shes nas/ bcom ldan 'das kyis bka' stsal pa/ dge 'dun gyi gnas brtan gyis bshad par bya'o/ /gal te des mi nus par gyur na gnas brtan gnyis 
pas so/ /des kyang ma nus na dge slong dag rim bzhin du bskor bar bya'o/ /yang na gzhan nus pa yod na de la gsol ba gdab par bya'o/ /gleng gzhi ni mnyan yod na'o/ /mnyan yod na khyim bdag phyug pa/ nor mang ba/ longs spyod che ba zhig gnas 
pa de yang dad pa can bsam pa bzang zhing dge ba zhig ste dus dus su rgyal byed kyi tshal du song ste sangs rgyas kyi gsung nyan to/ /des dus gzhan zhig na sangs rgyas la sogs pa dge slong gi dge 'dun khyim du gdugs tshod la spyan drangs pa dang dge slong gi dge 'dun ni dong 
ngo / /bcom ldan 'das ni rdzas kyis bsgrubs pa na bzhugs shing bsod snyoms kyang len te rgyu rnam pa lngas zhes bya ba nas 'di'i skabs su sangs rgyas bcom ldan 'das rdzas kyis bsgrubs pa na bzhugs shing bsod snyoms kyang len to zhes bya ba gong ma bzhin no/ /bcom ldan 
'das kyis gal te sbyin bdag chos nyan par 'dod na de la bskos pa'i dge slong gis chos bshad par bya'o zhes gsungs pa dang / dge slong dag gis dge slong bskos pa gcig pu bzhag ste/ dong ba dang khyim bdag de'i mdza' bo dang / nye du dang / gnyen 'dab 

</font><hr>11-1-192a<br><font size=+1>
dbang che dbang che ba dag kyang zan la bos te de dag kyang chung ma dag dang lhan cig dge slong de bskor te 'dug nas 'phags pa chos bshad du gsol zhes smras pa dang / des dbang che ba'i 'khor de dag 'dug pa mthong ste/ spa gong bar gyur nas cang mi 
smra bar 'dug pa dang / khyim bdag des bsams pa/ bdag dang 'khor dbang che ba dag gis 'phags pa de spa gong bar gyur pa lta zhig ste/ bdag gis chos bshad par bya'o snyam nas/ 'phags pa bcom ldan 'das kyis sbyin pas ni longs spyod chen por 'gyur 
tshul khrims kyis ni mtho ris su skye bar 'gyur ro/ /bsgom pas ni 'bral bar 'gyur ro zhes gsungs te/ chos ni 'di lags kyis bzhud cig ces smras pa dang /de spobs pa med par gyur te cang mi smra bar song nas de gtsug lag khang du phyin pa dang / dge 
slong rnams kyis dris pa/ tshe dang ldan pa khyod kyis sbyin bdag de la chos bshad dam des smras pa/ tshe dang ldan pa dag ji ltar bshad/ khyed rnams kyis bdag gcig pu bzhag ste/ khyim bdag de'i 'khor de dag mthong nas bdag gcig pu spa gong bar gyur 
te/ don du na de nyid kyis bdag la chos bshad do zhes de'i skabs dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong des ni bzang po zhig smras so/ /dge slong bskos par gyur pa de'i grogs dge slong bzhi 
bsko bar bya'o// //'dul ba phran tshegs kyi gzhi/bam po bzhi bcu rtsa lnga pa/ sdom ni/ brtags nas 'gro bar bya ba dang / /bram ze'i rigs kyi dge slong dang / /bzhi yis bri bar bya ba dang / /so shing dag kyang bkru bar bya/ /sangs rgyas 
bcom ldan 'das rgyal po'i khab bya ka lan da ka gnas pa na bzhugs so/ /bcom ldan 'das kyis chos ston pa'i dge slong gi grogs dge slong bzhi bsko bar bya'o zhes gsungs pa dang / dge slong dag gang du mgron du bos shing 'gro ba der chos ston pa'i dge slong 

</font><hr>11-1-192b<br><font size=+1>
gsol ba btab ste/ grogs dge slong bzhi bskos pa dang / de dag gis ma brtags par bshang ba dang / gci ba dang / rigs kyi khyim dag tu song ste/ de nyid nyes dmigs su gyur nas de'i skabs dge slong dag gis bcom ldan 'das la gsol to/ /
bcom ldan 'das kyis bka' stsal pa/ gang chos ston pa'i dge slong gi grogs su bskos pa de dag gis de la ma brtags par gzhan du 'dong bar mi bya'o/ /song na 'gal tshabs can du 'gyur ro/ /gleng gzhi ni mnyan yod na'o/ /mnyan yod na bram ze zhig 
gis des rigs mnyam pa las chung ma blangs te/ de de dang lhan cig rtse bar byed/ dga' bar byed/ dga' mgur spyod par byed do/ /de rtse bar byed/ dga' bar byed/ dga' mgur spyod par byed pa las chung ma sems can dang ldan par gyur to/ /de 
zla ba dgu nas bu khye'u zhig btsas so/ /de btsas nas btsas pa'i btsas ston rgya cher byas te rigs dang mthun par ming btags so/ /de dus gzhan zhig na legs par gsungs pa'i chos 'dul ba la rab tu byung ba dang / de'i khams ma snyoms par na bar 
gyur te/ de sman pa'i drung du song nas smras pa/ bzhin bzangs bdag gi lus kyi gnas skabs 'di 'dra bar gyur na sman dpyad ston cig /des smras pa/ 'phags pa 'di dang 'di lta bu'i bska ba byos dang sos par 'gyur ro/ /de'i bska ba byas pa dang / 
ji tsam na lan gcig 'khrus nas des chu grang mos khrus byas pa dang chad do/ /sman pas smras pa/ 'phags pa bska bas legs par gyur tam/ des smras pa/ bzhin bzangs ma legs te lan gcig kho na las ma 'khrus so/ /des smras pa/ 
'phags pa khyod kyis chu grang mos khrus ma byas sam/ des smras pa/ bzhin bzangs ji ltar khyod kyis smras pa bzhin no/ /des smras pa/ 'phags pa ma legs pa zhig byas te chu grang mos chad na ji ltar 'khru bar 'gyur/ de ni der zad kyis yang 'di ltar 

</font><hr>11-1-193a<br><font size=+1>
bska ba de nyid byos la sngar khrus ma byed par 'khru ba mthar phyin nas khrus byos shig /des smras pa/ bzhin bzangs bcom ldan 'das kyis ma gnang ngo / /des smras pa/ 'phags pa de lta na bska ba'i cho ga ngas ji ltar bya zhes 
pa de'i skabs dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ de lta bas na rjes su gnang ste/ phyi ba dag gzhag par bya zhing 'khru ba mthar phyin nas khrus bya'o/ /bcom ldan 'das kyis phyi ba dag 
gzhag par bya'o zhes gsungs pa dang / dge slong dag gis ji lta bu dag gis phyi ba ma shes nas/ bcom ldan 'das kyis bka' stsal pa/ bong ba'am/ lo ma'am/ ras ma dag gis phyi bar bya zhing / 'khru ba mthar phyin nas chu dron pos bkru bar bya'o/ /
gleng gzhi ni mnyan yod na'o/ /de nas yang de'i tshe nags na sbrul gdug pa zhig gnas te/ ji tsam na nags der ba lang rdzis me btang ba dang / sbrul gdug pa de mes bsregs nas phan tshun du song nas yang me'i 'od kyis bskor bas ma shi tsam du 'dug ste/ 
mes bsregs pa las mchongs te shing zhig gi drung du bskyil nas dkris te 'dug go/ /ji tsam na tshe dang ldan pa shA ri'i bu ljongs rgyu zhing phyogs der nye bar 'ongs te/ des shing drung du song ste bltas na sbrul gdug pa zhig mes tshig ste rab tu tshig nas sdug bsngal 
gyi tshor bas nyam thag par mthong ste/ mthong nas kyang de'i rgyud la ci dge ba'i rtsa ba cung zad yod dam med pa rtags na yod par mthong ngo / /gang gi dbang du 'gyur ba brtags pa na yang bdag nyid kyis te/ des de la chus gtor nas chos tshig gsum zhig 
bshad pa/ bzhin bzangs 'dus byas thams cad ni mi rtag pa'o/ /chos thams cad ni bdag med pa'o/ /mya ngan las 'das pa ni zhi ba ste/ nga la sems rab tu dang bar gyis shig dang 'di ltar dud 'gro'i 'dod chags dang bral nas bde 'gror skye bar 'gyur 

</font><hr>11-1-193b<br><font size=+1>
ro zhes smras nas song ba dang / de ma thag tu bya khra zhig gis khyer ro/ /de tshe dang ldan pa shA ri'i bu la sems mngon par dad nas dus las 'das te/ mnyan yod na bram ze las drug dang ldan pa zhig gi rigs su skyes so/ /tshe dang ldan pa shA ri'i bus 
bsams pa/ sbrul gdug pa de gor ma chag par dus las 'das na gang du skyes par gyur ces tha gi zad cig brtags na mnyan yod na bram ze las drug dang ldan pa zhig gi rigs su skyes par mthong ngo / /mthong nas kyang de gdul bar bya ba'i phyir de'i khyim du 'gro 
bar brtsams te/ der song nas bram ze dang chung mar bcas pa skyabs su 'gro ba dang bslab pa'i gzhi la rab tu bkod do/ /des dus gzhan zhig na gcig pu de'i khyim du song ba dang de la bram zes smras pa/ 'phags pa ci phyi bzhin 'brang ba'i dge sbyong 'ga' 
yang ma mchis sam/ tshe dang ldan pa shA ri'i bus smras pa/ tshe dang ldan pa ci bdag gi phyi bzhin 'brang ba'i dge sbyong rtswa ku sha'am/ ka sha lta bur gzhan nas skye bar mi 'gyur gyi gang khyed lta bu las thob pa de bdag gi phyi bzhin 'brang ba'i dge sbyong du 'gyur ro/ /des smras pa/ 'phags pa bdag la 'phags pa'i phyi bzhin 'brang ba'i dge sbyong du 'ong ba'i khye'u su yang ma mchis so/ /bdag gi mchis 'brang sems can dang ldan pa la gal te khye'u zhig btsas par gyur na/ de bdag gis 'phags pa'i phyi bzhin 
'brang ba'i dge sbyong du dbul lo/ /des smras pa/ nad med par gyur cig blang bar bya'o zhes smras nas song ngo / /ji tsam na bram ze mo de zla ba dgu 'das nas khye'u zhig btsas so/ /de btsas nas nyi ma bdun gsum nyi shu gcig tu btsas pa'i btsas ston rgya cher 
byas te rigs dang mthun pa'i ming btags so/ /de 'o ma dang / zho dang / mar sar dang / zhun mar dang / mar gyi snying khu dang / gzhan yang yo byad kyi bye brag gtso bo gtso bo de dag gis sring bar byed/ skyed par byed/ rdzing na gnas pa'i pad ma bzhin du myur 

</font><hr>11-1-194a<br><font size=+1>
du skyed par byed do/ /de ma'i nu ma 'thung ba na gal te bag med pas so'am sen mos nu ma la reg na skrang bar 'gyur ro/ /de chen por gyur nas gang gi tshe khye'u dang bu mo dag dang lhan cig rtse ba de'i tshe de rnams gal te khro ba'i kun nas dkris 
pa la gnas pa na so'am sen mos btab na phyogs de ring po mi thogs par skrang bar 'gyur ro/ /ji tsam na tshe dang ldan pa shA ri'i bus de rab tu dbyung ba'i dus shes nas khyim der song ste/ des bram ze de'i chung ma la chos bshad de/ khye'u 'di ni bdag gi phyi 
bzhin 'brang ba'i dge sbyong yin no zhes mtshan ma zhig bstan pa dang / bram ze des smras pa/ bu khyod ni ma skyes pa nas ngas tshe dang ldan pa shA ri'i bu'i phyi bzhin 'brang ba'i dge sbyong du phul gyis song shig /srid pa tha ma pa'i sems can de tshe dang ldan pa shA ri'i 
bu'i gdong du ring zhig brtags nas de'i rjes bzhin rjes bzhin du 'brangs pa dang / de'i tshe tshe dang ldan pa shA ri'i bus rab tu phyung ste bsnyen par rdzogs par byas so/ /des so shing zhig zos te lce bzhar nas ma bkrus par bzhag pa dang / de la sbrang ma zhig gis zos 
te de dus las 'das so/ /de nas srog chags khyim sbyong gis cung zad zos pa dang de yang dus las 'das so/ /de nas yang bya sna tshogs kyis zos pa dang de yang dus las 'das so/ /de la byi las zos pa dang de yang dus las 'das so/ /gang sbrang 
ma zhig dang grog ma mang po dag gis zos nas de dag thams cad kyang dus las 'das so/ /de bzhin du ji ltar srog chags mang po dag dus las 'das pa dngar zhing 'dug pa dang / ci tsam na phyi de nyin par dge slong dag phyogs der so shing bza' bar brtsams 
pa dang / de dag gis srog chags dus las 'das pa dag mthong nas/ de la gcig gis smras pa/ tshe dang ldan pa dag srog chags mang po 'di dag ci'i phyir dus las 'das/ gzhan dag gis smras pa/ mi shes so zhes de dag de bzhin du dpyod pa 

</font><hr>11-1-194b<br><font size=+1>
dang / dge slong gzhon nu gzhan zhig 'ongs te/ des smras pa/ tshe dang ldan pa dag phyogs 'dir bram ze las rab tu byung ba tshe dang ldan pa shA ri'i bu'i lhan cig gnas pa des so shing zos te lce bzhar nas ma bkrus par bzhag pa de la srog chags mang pos zos 
te/ 'di ltar lce'i dri ma zos pas dus las 'das so zhes de'i skabs dge slong rnams kyis bcom ldan 'das la gsol pa dang / bcom ldan 'das kyis bka' stsal pa dang / dge slong dag skyes bu gdug pa 'di lta bu kha cig yod de de lta bas na dge slong dag 
gis so shing ma bkrus par de bzhin du dor bar mi bya'o/ /bor na 'gal tshabs can du 'gyur ro/ /bcom ldan 'das kyis so shing zos nas bkru bar bya'o zhes gsungs pa dang / dge slong gzhan dag gis chu nyung bar gyur te de dag gis ji ltar bsgrub 
par bya ba ma shes nas/ bcom ldan 'das kyis bka' stsal pa/ gang la chu nyung bar gyur pa des re zhig sa la brud nas lce'i dri ma med par bya'o/ /de dus gzhan zhig na btso blag bya bar brtsams te des gos dag tshon du btsos te zlog cing skems pa 
dang / ji tsam na phyogs der tshe dang ldan pa nye dga' 'ongs te des de mthong nas/ des smras pa/ tshe dang ldan pa bdag gis grogs bgyi'o/ /des smras pa/ gnas brtan legs kyis mdzod cig nye dga' rang bzhin gyis gnas ngan len kun du 
spyod pa des gos sar pa rnams ni grib ma la bskams/ gang rnying pa rnams ni nyi ma la bskams/ gang gsher ba rnams ni grib ma la bzhag pa dang / des gnas brtan de ltar ma mdzad cig /des yang dang yang du byas te ldog tu ma btub bo/ /de kun 
nas dkris pas nye dga'i steng du brgyugs pa dang / des 'bros par brtsams so/ /ji tsam na tshe dang ldan pa shA ri'i bu phyogs der 'ongs te/ der tshe dang ldan pa ci byed ci byed ces smras na yang de kun nas dkris pa khro ba 'phel bar gyur nas sdod du ma btub ste nye 

</font><hr>11-1-195a<br><font size=+1>
dga' phyi bzhin du 'brang ngo / /nye dga'as n+ya gro d+ha'i shing gis brdeg par brtsams na yang sdod du ma btub ste/ de la yang tshe dang ldan pa shA ri'i bus bzhams te bzung nas nye dga' 'bros su btang ba dang / des 'on kyang n+ya gro d+ha'i shing la sos 
btab nas/ des n+ya gro d+ha'i shing gi 'dab ma thams cad lhags so/ /de'i skabs dge slong dag gis thos te bcom ldan 'das la gsol pa dang / bcom ldan 'das kyis bka' stsal pa/ de lta bu khro bar mi bya'o/ /bcom ldan 'das kyis de bzhin du khro 
bar mi bya'o zhes gsungs pa dang / ji tsam na dus gzhan zhig na nye dga' la dge skos bab ste/ de'i drung du song nas/ des smras pa/ tshe dang ldan pa las 'di lta zhig bab kyis byos shig ces bsgo ba dang / des de mthong ma thag tu de bzhin du kun du dkris pa 
de'i skabs dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ gang 'di 'dra ba'i khro ba 'khon yod pa la rang gis mngon sum du las bsgo bar mi bya'o/ /'on kyang de'i drung na 'dug pa'i dge slong gis bsgo bar bya ste/ 
des de la khyod kyis las 'di lta bu byos shig ces smra bar bya'o/ /des kyang de la bzhams te las 'di lta bu byos shig ces brjod par bya'o/ /des kyang nan tan dang / brtson 'grus drag pos 'bad pas de bzhin du 'khor ba'i 'khor lo cha lnga pa g.yo ba dang mi g.yo 
ba 'di nyid rig ste/ 'dus byas su gyur pa thams cad 'jig pa dang / ltung ba dang / gyes pa dang / 'jig pa'i chos can du khong du chud cing nyon mongs pa thams cad spangs nas dgra bcom pa mngon sum du gyur te/ khams gsum pa las 'dod 
chags dang bral ba bong ba dang gser du mnyam pa/ nam mkha' dang lag mthil du mtshungs pa'i sems dang ldan pa/ tsan dan dang ste'ur mi rtog cing rig pas sgo nga'i sbubs dral cing rig pa dang / mngon par shes pa dang / so so yang dag par rig pa 

</font><hr>11-1-195b<br><font size=+1>
thob pa/ srid pa dang / 'dod pa'i rnyed pa dang / bkur sti la rgyab kyis phyogs pa/ dbang po dang / nye dbang dang bcas pa'i lha rnams kyis mchod par bya ba dang / rjed par bya ba dang / mngon du smra bar bya bar gyur to/ /dge slong rnams kyis 
tshe dang ldan pa shA ri'i bu la smras pa/ tshe dang ldan pa shA ri'i bu khyod dang lhan cig gnas pa lhag par khro ba 'di 'dra bas kyang dgra bcom pa nyid thob pa ni ngo mtshar che'o/ /des de'i sngon byung ba rnams dge slong de dag la rgya cher bshad pa dang / dge slong dag the 
tshom skyes te the tshom thams cad gcod pa sangs rgyas bcom ldan 'das la zhus pa/ btsun pa dge slong 'dis las ci zhig bgyis na de sbrul gdug par skyes par gyur/ bcom ldan 'das kyis bka' stsal pa/ dge slong dag dge slong 'dis las tshogs 
rnyed pa/ rkyen yongs su bsgyur ba 'od pa bzhin du nye bar gnas pa gdon mi za bar 'byung bar 'gyur ba'i las dag byas shing bsags pas dge slong 'di nyid kyis las byas shing bsags pa gzhan su zhig gis so sor myong bar 'gyur te/ dge slong dag las 
byas shing bsags pa dag ni phyi rol gyi sa'i khams la rnam par smin par mi 'gyur/ chu'i khams la mi 'gyur/ me'i khams la mi 'gyur/ rlung gi khams la mi 'gyur gyi/ 'di ltar zin pa'i phung po dang / khams dang / skye mched rnams 
la rnam par smin par 'gyur te/ las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba nyid/ /dge slong dag sngon byung ba bskal pa bzang po 'di nyid la skye dgu rnams 
kyi tshe lo nyi khri thub pa na ston pa 'od srung zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa skyes bu 'dul ba'i kha lo sgyur ba lha dang mi rnams kyi ston pa sangs rgyas bcom ldan 'das 'jig rten du byung ste/ grong 

</font><hr>11-1-196a<br><font size=+1>
khyer bA rA Na sI'i drang srong smra ba'i ri dgas kyi nags na nye bar rten cing bzhugs so/ /des de'i bstan pa las rab tu byung ste/ dge slong byams pa la gnas pa zhes bya bar gyur to/ /de la dge slong rnams kyis byams pa la gnas pa/ 
byams pa la gnas pa zhes rab tu dgod de smras pa dang / des de dag la dgag na yang 'dug tu ma btub pa dang / de khro ba drag pos kun tu dkris pas de dag la ngan sems kyis nga ni byams pa la gnas pa yin gyi khyed cag ni skyes bu gdug pa zhes ngag gis las 
drag po brjod do/ /bcom ldan 'das kyis bka' stsal pa/ dge slong dag 'di ji snyam du sems/ yang dag par rdzogs pa'i sangs rgyas 'od srung gi bstan pa la byams pa la gnas pa zhes bya ba gang yin pa de ni dge slong 'di nyid yin/ de'i tshe de'i dus na 
'di ltar yang dag par rdzogs pa'i sangs rgyas 'od srung gi nyan thos rnams la skyes bu gdug pa'o zhes smras shing kun du spyad pa de'i las kyi rnam par smin pas tshe rabs lnga brgya'i bar du sbrul gdug par skyes te/ de da ltar yang las de nyid kyi lhag mas sbrul gdug pa 'dir 
skyes so/ /gang de nyid du lung phog pa dang / bklags pa dang / kha ton bton pa dang / phung po la mkhas pa dang / khams la mkhas pa dang / skye mched la mkhas pa dang / rten cing 'brel bar 'byung ba la mkhas pa dang / gnas dang gnas ma yin pa la mkhas pa dag byas 
te/ des na nga'i bstan pa la rab tu byung nas nyon mongs pa thams cad spangs te dgra bcom pa mngon sum du byas so/ /de lta bas na dge slong dag las gcig tu gnag pa rnams kyi rnam par smin pa ni gcig tu gnag pa yin/ gcig tu dkar ba rnams kyi ni rnam par smin pa 
gcig tu dkar ba yin/ 'dren ma rnams kyi ni 'dren ma yin te/ dge slong dag de lta bas na las gcig tu gnag pa rnams dang 'dren ma rnams ni spangs la las gcig tu dkar ba rnams la ni brtsal bar bya ste/ dge slong dag de lta bu la bslab par bya'o/ /bcom ldan 'das kyis 

</font><hr>11-1-196b<br><font size=+1>
de skad ces bka' stsal nas dge slong de dag yi rangs te/ bcom ldan 'das kyis gsungs pa la mngon par bstod do// //sdom ni/ snam sbyar dag ni ci rigs bgo/ /dgon pa pa dang 'tsho ba can/ /khur ba sgra dang bcas mi bza'/ /bA rA Na sIr spyod yul min/ /sangs 
rgyas bcom ldan 'das mnyan yod na dze ta'i tshal mgon med zas sbyin gyi kun dga' ra ba na bzhugs so/ /dge slong rnams kyis snam sbyar bgos nas chag chag 'debs shing ba'i lci ba 'jam po dag gis nyug par byed/ bshang sa dag tu bshang ba dang gci bar byed cing / gzhan 
yang btso blag gi las dag byed cing der de bzhin du stod g.yogs dang / smad g.yogs dag kyang gyon no/ /dge slong rnams kyis smras pa/ tshe dang ldan pa dge slong 'di dag chos gos dag la bye brag med par yongs su spyod/ bcom ldan 'das kyis ni snam sbyar chos gos 
kyi mchog go zhes gsungs na/ de ji ltar snam sbyar chos gos kyi mchog khyad par med par yongs su spyod/ gzhan zhig gis smras pa/ tshe dang ldan pas smras pa bden te/ 'di la gor ma chag par rgyu zhig yod de/ brtag par bya'o zhes de'i skabs dge slong rnams kyis 
bcom ldan 'das la gsol pa dang / bcom ldan 'das kyis bka' stsal pa/ dge slong dag dge slong rnams 'di skad smra ba'i gzhir gyur gyis dge slong dag snam sbyar ni rgyal po lta bu yin te/ de lta bas na snam sbyar gyon te las thams cad mi bya'o/ /bcom ldan 
'das kyis snam sbyar gyon te las thams cad mi bya'o zhes gsungs pa dang / dge slong rnams kyis snam sbyar bgos te ji ltar bya ba dang / ji ltar mi bya ba ma shes te/ de'i skabs dge slong rnams kyis bcom ldan 'das la gsol pa dang / bcom ldan 'das kyis 
bka' stsal pa/ dge slong dag spyod yul du 'gro ba dang / zas kyi thog ma la 'dug pa dang / mchod rten dag la phyag byed pa dang / ston pa'i lung nod cing so sor go bar bya ba dang / nyin par chos nyan pa dang / mtshan mo chos nyan pa dang / gral du 'dug ste za ba dang / mkhan 

</font><hr>11-1-197a<br><font size=+1>
po dang slob dpon la phyag byed pa dang / gzhan yang tshangs pa mtshungs par spyod pa dang lhan cig 'dug pa'i tshe snam sbyar bgo bar bya'o/ /stod g.yogs ni phyogs gtsang mar bgo zhing las thams cad bya'o/ /smad g.yogs ni ci bder yongs su 
spyod cig /gleng gzhi ni mnyan yod na'o/ /de nas bcom ldan 'das kyis dge slong rnams la bka' stsal pa/ dge slong dag nyi ma ni shar to/ /bya rog ni zer ro/ /zhing dag ni rmed do/ /chom rkun pa dag ni ngu'o/ /dge slong dag nyi ma ni shar to zhes bya ba ni de 
bzhin gshegs pa dgra bcom pa yang dag par rdzogs pa'i sangs rgyas zhes bya ba'i tshig bla dgas so/ /bya rog zer ro zhes bya ba ni chos smra ba rnams kyi gang zag gi tshig bla dgas so/ /zhing pa dag ni zhing rmed do zhes bya ba ni sbyin bdag dang sbyin pa po zhes bya ba'i tshig 
bla dgas so/ /chom rkun pa dag ngu zhes bya ba ni bdud kyi 'khor ces bya ba'i tshig bla dgas so/ /dge slong dag ston pa gang yin pa de ni nyan thos rnams la thugs brtse ba can thugs rje'i don du phan par mdzad par dgyes pas khyed rnams la ngas thugs rjes gzigs te khyod 
rnams kyis bya ba ni dgon pa dang / shing drung dang / khang stong dang / ri dang / ri khrod dang / ri'i phug dang / 'dam bu'i stan dang / bla gab med pa dang / dur khrod dang / nags khrod dang / bas mtha'i gnas mal du bsam gtan gyis la/ dge slong dag bag med pa dang phyis 
'gyod par ma byed cig /'di ni nga'i bstan pa yin no/ /bcom ldan 'das kyis dge slong rnams bag yod par gnas mal de lta bur bsam gtan byos shig ces gsungs pa dang / dge slong rnams kyis ji skad bstan pa'i gnas mal du bsam gtan bya bar brtsams 
pa dang / ji tsam na dge slong thos pa nyung ngu zhig de bzhin du dgon par song ste 'dug nas nub mo yang grong du mi 'ong nyin par yang bsod snyoms kyi dus ma gtogs par de phyogs der bcas pa dang / ba lang rdzi dang / phyugs rdzi dang / rtswa thun dang / shing thun dang / lam gyis 'tsho 

</font><hr>11-1-197b<br><font size=+1>
ba dang / lam gol bas 'tsho ba'i mi rnams kyis 'dug par shes so/ /ji tsam na dus gzhan zhig na chom rkun pa dag ri brags kyi grong gzhan zhig tu 'joms su song ste de dag der brdegs shing rnam par brdegs te bcom nas de rnams bros te phyogs gzhan zhig tu phyin 
nas de rnams shes ldan dag gang du 'deng phyogs gar 'dong smros shig ces bgros pa dang / de nas gcig gis kho bo ni rab tu snad de 'gro mi nus so zhes smras so/ /la las ni kho bo ni skom mo zhes smras so/ /la las ni kho bo ni bkres so zhes smras so/ /gzhan zhig gis 
shes ldan dag phyogs 'di na dge sbyong shAkya'i sras zhig gnas gnas te/ dge sbyong shAkya'i sras ni mkhas pa/ snying rje can dgon pa de na 'jigs pa med de gal te shes ldan dag dad na der 'dong ngo / /der song na der ni bdag cag gis nges par cung zad rnyed do zhes smras 
so/ /de dag gis shes ldan dag de ltar legs te/ shes ldan dag tshur sheg der 'dong ngo zhes smras nas/ de dag glang po che'i sna bzhin 'phang bstod de re ba dang bcas nas mthar gyis de'i drung du 'ongs nas des de dag la legs par 'ongs sam zhes yang dag par rab tu dga' 
ba'i gtam kun du smras pa dang / de dag rab tu dga' ste yid rab tu brtan nas cung zad cig bsdad de smras pa/ 'phags pa bdag cag ni grang bas sbrebs nas me cung zad mchis sam/ des smras pa/ kho bo ni dgon pa pa'o/ /gzhan zhig gis smras pa/ bdag cag ni 
skom par gyur na chu cung zad mchis sam/ des smras pa/ kho bo ni dgon pa pa'o/ /de dag gis smras pa/ 'phags pa rma khar glan pa'i phye cung zad mchis sam/ des smras pa/ kho bo ni dgon pa pa'o/ /de dag gis smras pa/ 'phags pa rma khar dkrir rung ba'i ras 
ma cung zad mchis sam/ des smras pa/ kho bo ni dgon pa pa'o/ /de dag gis smras pa/ rma khar glan pa'i mar cung zad mchis sam/ des smras pa/ kho bo ni dgon pa pa'o/ /bdag cag bkres na 'bras chan dang / zan dron cung zad mchis sam/ des smras pa/ kho bo ni dgon 

</font><hr>11-1-198a<br><font size=+1>
pa pa'o/ /de dag gis smras pa/ de ring tshes grangs ni ci rgyu skar ni gang / nyi ma ni gang la bab/ des smras pa/ kho bo ni dgon pa pa'o/ /de dag gi nang na gcig cig dge slong gi spyod pa shes te kun nas dkris pas smras pa/ 'phags pa de ni der bas 
na 'di lta bu zhig dri'o/ /re zhig ci khyod dgra bcom pa'am/ phyir mi 'ong ba'am/ lan gcig phyir 'ong ba'am/ rgyun du zhugs pa yin nam/ des smras pa/ kho bo ni dgon pa pa'o/ /de dag gis smras pa/ 'phags pa de ni der bas na gzhan 'di lta bu zhig 'dri'o/ /ci 
khyod 'du shes med 'du shes med min skye mched thob bam/ 'on te cung zad med pa'i skye mched dam/ rnam shes mtha' yas skye mched dam/ nam mkha' mtha' yas skye mched dam/ bsam gtan bzhi pa'am/ bsam gtan gsum pa'am/ bsam gtan gnyis pa'am/ 
bsam gtan dang po thob pa yin/ des smras pa/ kho bo ni dgon pa pa'o/ /de dag gis smras pa/ 'phags pa de ni der bas na ci khyod sde snod gsum pa'am/ 'on te mdo sde 'dzin pa'am/ 'dul ba 'dzin pa'am/ ma mo 'dzin pa yin/ des smras pa/ kho bo ni 
dgon pa pa'o/ /de dag gis smras pa/ de dag ni der bas na gzhan 'di lta bu zhig dri'o/ /khyod kyi ming ci/ des smras pa/ kho bo ni dgon pa pa'o/ /de dag gis smras pa/ 'phags pa phyogs 'di gang / des smras pa/ kho bo ni dgon pa pa'o/ /zhes des de bzhin 
du rnam pa thams cad du dgon pa pa'o zhes smras pa dang / de dag shin tu khros par gyur nas smras pa/ shes ldan dag bdag cag ni chom rkun pa yin nam/ 'di ni chom rkun pa chen po zhig ste/ gang rang gi ming tsam yang mi shes la/ mtshan ma tsam 'dzin pa 'jig rten 
rnams la slu bar byed pa'o zhes de dag de la mi bzod pa skyes nas shin tu brdegs te/ mgo dang lhung bzed dang 'khar gsil yang bcom chos gos kyang dral te ma shi tsam du byas nas de dag mtshan mo nyid phyogs de nas dong ngo / /de yang mtshan mo nam nangs nas de bzhin du tshul mi 

</font><hr>11-1-198b<br><font size=+1>
sdug par rgyal byed kyi tshal du song ba dang / dge slong dag gis mthong ste/ de dag gis smras pa/ tshe dang ldan pa gang gis 'di 'dra ba'i gnas su bzhag /des ji ltar gyur pa zhib tu smras pa/ de'i skabs dge slong rnams kyis bcom ldan 'das la gsol to/ /bcom 
ldan 'das kyis bka' stsal pa/ dgon pa pa rnams kyi dge slong gi kun du spyad pa'i chos bca' bar bya ste/ dgon pa pa'i dge slong gis rtag tu me dag gzhag par bya/ phye nyung zad tsam bcang bar bya/ ras ma dag gzhag par bya/ gang 'bras can dang / 
zan dag zos pa'i lhag ma yang gzhag par bya/ rgyu skar dang / tshes grangs dang / nyi ma dag la mkhas par bya/ phyogs la mkhas par bya/ spyod yul la mkhas par bya/ chu dag gzhag par bya/ mar dang 'bru mar cung zad bcang bar bya/ mdo sde 'dzin 
pa dang / 'dul ba 'dzin pa dang / ma mo 'dzin pa dang / tha na snyan par smra ba tsam la yang mkhas par bya ste/ dgon pa pa'i dge slong ji ltar kun tu spyad pa'i chos bcas pa la yang dag par mi 'dzin cing mi sgrub na 'gal tshabs can du 'gyur ro/ /gleng gzhi ni 
mnyan yod na'o/ /mnyan yod na 'tsho ba pa zhig gnas pa de dus gzhan zhig na nad kyis thebs par gyur te/ de sman pa'i drung du song nas bzhin bzangs sman gyi lung ston cig /des smras pa/ 'phags pa bsro gang gi khrus kyis khrus gyis shig dang sos par 'gyur 
ro/ /des smras pa/ bzhin bzangs bdag ni slong mo la rgyu zhing 'tsho bar byed pa yin na/ ji ltar bdag gis bsro gang du khrus 'byor par 'gyur/ des smras pa/ 'phags pa dge sbyong shAkya'i bu dag zla ba phyed phyed cing khrus byed kyis der song la khrus byos shig /
des khrus bya bar brtsams te/ dge slong dag gi nang du zhugs pa dang / de'i gos sa dmar du kha bsgyur ba gyon nas dge slong thams cad kyis de yang dge slong zhig go snyam ste/ sus kyang ma bgags so/ /de yang myur ba myur bar khrus byas te/ mi bde zhing 

</font><hr>11-1-199a<br><font size=+1>
'dug pa dang ji tsam na dge slong dag cig phyogs der 'ongs te/ de dag gis de mthong nas/ de dag las gcig cig sems nges pa zhig ste/ des smras pa/ tshe dang ldan pa dag 'di na dge slong rgan zhugs zhig 'dug gis khrus bya'o/ /
de dag gis smras pa legs kyis de bzhin du bya'o/ /de dag de'i drung du song ste/ rgan zhugs tshur shog khrus bya'o zhes smras so/ /des mgo 'dril ba dang / de dag gis de'i dpung pa nas bzung ste bslang ngo / /des smras pa/ dge slong shAkya'i bu mi 
gtsang ba khrus ma byas pa dag gis khrus byas pa la reg go/ /de dag gis smras pa/ nged ni dge sbyong shAkya'i bu dag yin no/ /rgan zhugs khyod lta bu su zhig /des smras pa/ bdag ni 'tsho ba pa'o/ /de dag gis smras pa/ kye 'tsho ba pa khyod sus khrus byas 
zhes de'i skabs dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong dag de lta bas na de'i phyir dge slong rnams kyis bsro gang du khrus byed pa'i tshe sgo srungs dag gzhag par bya zhing nang du 'ong ba'i dge slong dag gi 
ming dri bar bya'o/ /de dag gis dge slong ming shes pa yang dri bar brtsams pa dang / bcom ldan 'das kyis bka' stsal pa/ ngo shes pa'i dge slong dag gi ming ni ma 'dri shig /sangs rgyas bcom ldan 'das ko sa la nas ljongs rgyu zhing gshegs pa na/ 'dod 
pa mthun par byon nas 'dod pa mthun pa na 'dod pa mthun pa'i nags khrod na bzhugs so/ /de nas yang de'i tshe bram ze pad ma'i snying po zhes bya ba la ko sa la'i rgyal po gsal rgyal gyis dpya rgyu rtswa dang / shing dang / chur bcas pa bram ze'i sbyin mthongs su byin nas shas 
chen po rgyas pa la longs spyod do/ /bram ze pad ma'i snying po'i slob ma bram ze khye'u ma sdug ces bya ba mang du thos pa tshig gsal ba thags thogs med pa zhig yod de/ bram ze pad ma'i snying po'i bram ze'i khye'u lnga brgya tsam la bram ze rnams kyi gsang tshig 'don du 'jug go/ /

</font><hr>11-1-199b<br><font size=+1>
bram ze pad ma'i snying pos dge sbyong gau ta ma shAkya'i sras shAkya'i rigs las skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu byung ba de bla na med pa yang dag par rdzogs pa'i byang chub mngon par rdzogs par sangs 
rgyas nas shes ldan gau ta ma de'i dge ba dang / grags pa dang / sgra dang / tshigs su bcad pa rgya chen po 'di lta bu 'di phyogs dang phyogs mtshams su grags te/ 'di ltar bcom ldan 'das gau ta ma de ni de bzhin gshegs pa dgra bcom pa yang dag par rdzogs pa'i 
sangs rgyas rig pa dang / zhabs su ldan pa/ bde bar gshegs pa/ 'jig rten mkhyen pa/ bla na med pa skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das de ni 'jig rten lha dang bcas/ bdud dang bcas/ tshangs pa dang bcas/ 
dge sbyong dang bram ze'i skye dgu dang bcas/ lha dang mi'i skye dgu dang bcas pa 'di la mthong ba'i chos 'di kho na la rang nyid kyis mngon par shes pas mngon sum du byas te bsgrubs nas nga'i zag pa zad do/ /tshangs par spyod pa la bsten to/ /bya ba byas so/ /'di 
las srid pa gzhan mi shes so/ /de'i chos kyang thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ tshangs par spyod pa yang dag 
par rab tu ston pa'o zhes go bar byed pa de gsang tshig las kyang 'byung ste/ skyes bu chen po'i mtshan sum bcu rtsa gnyis po de dag dang ldan pa'i skyes bu chen po'i 'gro ba ni gnyis las gzhan du mi 'gyur te/ gal te khyim na gnas na ni 'khor los sgyur ba'i rgyal po mtha' 
bzhir rnam par rgyal ba/ chos dang ldan pa/ chos kyi rgyal po rin po che sna bdun dang ldan par 'gyur te/ de'i rin po che sna bdun ni 'di lta bu yin te/ 'di lta ste/ 'khor lo rin po che dang / glang po rin po che dang / rta rin po che dang / nor bu rin 

</font><hr>11-1-200a<br><font size=+1>
po che dang / bud med rin po che dang / khyim bdag rin po che dang / bdun pa ni blon po rin po che nyid yin no/ /de la yang bu dpa' ba/ rtul phod pa/ yan lag mchog gi gzugs dang ldan pa/ pha rol gyi sde rab tu 
'joms pa/ stong yang tshang bar 'gyur zhing de rgya mtsho la thug pa'i sa chen po ma lus par gnod par sdo ba med cing 'tshe ba med pa 'di nyid chad pa med cing mtshon gyis bda' ba med la/ chos dang mthun zhing snyoms pas legs par phab ste gnas par 'gyur ro/ /
gal te skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu byung na ni de bzhin gshegs pa dgra bcom pa yang dag par rdzogs pa'i sangs rgyas zhes bya bar 'jig rten du sgra rnam par grags par 'gyur ba de ko sa la 
nas ljongs rgyu zhing gshegs nas/ 'dod pa mthun par byon nas 'dod pa mthun pa na 'dod pa mthun pa'i nags khrod na bzhugs so zhes thos so/ /thos nas kyang bram ze'i khye'u ma sdug la smras pa/ ma sdug gang yin pa shes sam/ kho bos dge sbyong gau ta ma 
shAkya'i sras shAkya'i rigs las skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu byung nas zhes bya ba nas/ 'jig rten du sgra rnam par grags par 'gyur ro zhes bya ba'i bar du ste/ kho bos de gsang tshig 
las bton pas skyes bu chen po'i mtshan sum bcu rtsa gnyis po de dag dang ldan pa'i skyes bu chen po'i 'gro ba ni gnyis las gzhan du mi 'gyur te/ gal te khyim na gnas na ni 'khor los sgyur ba'i rgyal po mtha' bzhir rnam par rgyal ba zhes bya ba nas/ 'jig 
rten du sgra rnam par grags par 'gyur ro zhes bya ba'i bar du ste/ de ko sa la nas ljongs rgyu zhing gshegs pa na/ 'dod pa mthun par byon nas/ 'dod pa mthun pa na 'dod pa mthun pa'i nags khrod na bzhugs so/ /zhes thos kyis bram 

</font><hr>11-1-200b<br><font size=+1>
ze'i khye'u tshur khyod shes ldan gau ta ma gang na ba der song shig dang phyin nas/ ji ga shes ldan gau ta ma de'i dge ba dang / grags pa dang / sgra dang / tshigs su bcad pa rgya chen po phyogs dang phyogs mtshams su ji ltar grags pa de kho na bzhin yin 
nam ma yin pa dang / de'i mtshan rnams grags pa yang dag pa yin nam ma yin shes par 'gyur grang / bram ze'i khye'u ma sdug gis bram ze pad ma'i snying po'i ltar mnyan nas shas che ba'i bram ze rgan rabs mang po dang lhan cig tu shas che 
ba nas byung nas/ bcom ldan 'das gang na ba der dong ste lhags nas/ phyogs gcig tu 'dug go/ /de nas shas che ba'i bram ze rnams/ bcom ldan 'das dang lhan cig mngon du yang dag par dga' bar 'gyur ba dang / yang dag 
par mgu bar 'gyur ba'i gtam rnam pa sna tshogs byas te/ phyogs gcig tu 'dug go/ /phyogs gcig tu 'dug nas/ bcom ldan 'das kyis shas che ba'i bram ze rnams la chos dang ldan pa'i gtam yang dag par ston par mdzad/ yang dag 
par 'dzin du 'jug par mdzad/ yang dag par gzengs stod par mdzad/ yang dag par rab tu dga' bar mdzad de/ bcom ldan 'das shas che ba'i bram ze rnams la chos dang ldan pa'i gtam gsung ba na/ bram ze'i khye'u ma sdug 
mchil lham dang bcas pas 'chag cing glo bur du gtam dag gleng bar byed la/ gtam de mthar phyin par mi sdod par ma gus pas snyems shing bzlog par sems so/ /de nas bcom ldan 'das kyis bram ze'i khye'u ma sdug la 'di skad ces bka' 
stsal to/ /bram ze'i khye'u khyod bram ze gsum rig pa rnams dang lhan cig glo bur du gtam de lta bu smra'am/ kye gau ta ma gtam ji lta bu zhig /de bzhin gshegs pa shas che ba'i bram ze rnams chos dang ldan pa'i gtam gsung ba na/

</font><hr>11-1-201a<br><font size=+1>
khyod mchil lham dang bcas pas 'chag cing glo bur du gtam gleng bar byed la/ gtam de mthar phyin par mi sdod par ma gus pas snyems shing slar bzlog par sems pa lta bu'o/ /kye gau ta ma bram ze 'gro ba rnams ni/ 'gro ba rnams 
dang lhan cig /'greng ba rnams ni/ 'greng ba rnams dang / 'dug pa rnams ni/ 'dug pa rnams dang / nyal ba rnams ni/ nyal ba rnams dang / phan tshun legs par smra'i/ dge sbyong mgo reg nag po'i rtsa lag pho reng gang dag dang ni kho 
bo lhan cig tu 'di lta bu'i glo bur gyi gtam gleng du rung ste/ dper na da ltar shes ldan gau ta ma dang gleng ba bzhin no/ /bram ze'i khye'u khyod don du gnyer ba la zhugs nas/ 'dir 'ongs na/ de lta bu ni bsnyen bkur ma byas pa las/ gzhan la 
med pas bram ze'i khye'u ma sdug ni bla ma'i tshogs las bsnyen bkur ma byas pa zhig yin pa lta/ de nas bcom ldan 'das kyis/ bram ze'i khye'u ma sdug la bkur sti med pa'i tshig gis spyos pa na khros/ 'khrugs/ rngam zhing yid ma rangs nas/ bcom ldan 
'das la kha bya bar 'dod/ spobs par 'dod/ brtsad par 'dod/ dran par bya bar 'dod de/ 'di tsam gyis dge sbyong gau ta ma la kha bya ba dang / spobs pa dang / brtsad pa dang / dran par byas par 'gyur ro/ /snyam du rig nas bcom ldan 'das 
la 'di skad ces gsol to/ /'di ltar kye gau ta ma shAkya 'di dag ni da byung kho na yin te/ da byung gi rigs yin pas bram ze rnams la bla ma dang / ri mo dang / zhe sa dang mchod pa mi byed do/ /ci bram ze'i bu khyod la shAkya rnams kyis gnod pa chung zad byas sam/ kye gau ta 
ma dus gcig cig na bdag nyid dang mkhan po bya ba zhig la grong khyer ser skya'i gzhir phyin pa na/ bdag la shAkya rnams dang shAkya'i bu mo rnams khang bzangs kyi steng du song nas mdzub ker gyis ston par byed de/ bram ze pad ma'i snying po'i slob ma bram ze'i 

</font><hr>11-1-201b<br><font size=+1>
khye'u ma sdug yin no/ /bram ze pad ma'i snying po'i slob ma bram ze'i khye'u ma sdug yin no/ /zhes de dag bdag la mdzub ker kho nas ston par byed kyi/ bdag la bkur sti dang / bla ma dang / zhe sa dang / mchod pa ni mi byed do/ /
bram ze'i khye'u re zhig bye'u khug rta yang rang gi tshang na 'dug na ci dgar skad 'byin na/ shAkya rnams lta smos kyang ci dgos te/ bram ze'i khye'u 'di lta ste/ grong khyer ser skya'i gzhi 'di ni shAkya rnams kyi rang gi yin no/ /kye gau ta ma rigs 
ni 'di bzhi ste/ bram ze dang /rgyal rigs dang / rje'u'i rigs dang / dmangs rigs so/ /'di ltar kye gau ta ma rigs bzhi po 'di dag ni bram ze rnams la bkur sti byed/ bla mar byed/ zhe sa byed/ mchod par byed do/ /'on kyang 
shAkya 'di dag ni da byung kho na yin te/ da byung gi rigs yin pas/ bram ze rnams la bkur sti mi byed/ bla mar mi byed/ zhe sa mi byed/ mchod pa mi byed do/ /de nas bcom ldan 'das 'di snyam du dgongs te/ kye ma bram ze'i khye'u ma sdug 
shAkya rnams la e ma'o shAkya rnams ni da byung yin no/ /e ma'o shAkya rnams ni da byung gi rigs yin no zhes ha cang kha zer bas ma la ngas 'di'i sngon gyi rigs brgyud pa btsal lo snyam nas/ bcom ldan 'das kyis bram ze'i khye'u ma sdug gi sngon gyi rigs 
brgyud pa btsal ba dang / bram ze'i khye'u ma sdug ni shAkya rnams kyi bran mo'i bur gyur la/ shAkya rnams ni de'i jo bo'i bur gyur par gzigs so/ /de nas bcom ldan 'das kyis/ bram ze'i khye'u ma sdug la 'di skad ces bka' stsal to/ /kye bram ze'i 
khye'u khyod kyi rigs ci yin/ kye gau ta ma mig mi 'dzums kyi bu'o/ /bram ze'i khye'u 'di nas khyod kyi sngon gyi rigs brgyud pa btsal na khyod ni shAkya rnams kyi bran mo'i bur gyur la shAkya dag ni jo bo'i bur gyur pa yin par mthong ngo // //

</font><hr>11-1-202a<br><font size=+1>
'dul ba phran tshegs kyi gzhi/bam po bzhi bcu rtsa drug pa/ de nas shas che ba'i bram ze rnams kyis bcom ldan 'das la 'di skad ces gsol to/ /kye gau ta ma khyod bram ze'i khye'u ma sdug la bran mo'i bu zhes tshig tu ma gsung shig /de ci'i slad du zhe na/ bram ze'i 
khye'u ma sdug ni mang du thos pa/ tshig gsal ba/ thags thogs med par smra ba ste/ gzhan yang bram ze'i khye'u ma sdug gis gzhi 'di la shes ldan gau ta ma la chos dang mthun pas lan gdab par rngo thog go/ /bram ze dag gal te khyed 'di snyam du bram ze'i khye'u ma sdug gang la chos dang 
mthun pas lan ldon nus so snyam du sems na/ khyed cag cang ma smra bar bram ze'i khye'u ma sdug gzhi 'di la chos dang mthun pas de la lan 'debs su chug shig /bram ze dag khyed cag gal te 'di snyam du bram ze'i khye'u ma sdug gzhi 'di la nga la chos dang mthun pas lan 'debs mi nus so 
snyam du sems na/ bram ze'i khye'u ma sdug cang ma smra bar shes ldan khyed kyis gzhi 'di la nga la chos dang mthun pas lan thob shig /kye gau ta ma bram ze'i khye'u ma sdug nyid mang du thos pa/ tshig gsal ba/ thags thogs med par smra ba lags te/ bram ze'i khye'u ma sdug gis gzhi 
'di la shes ldan gau ta ma la chos dang mthun pas lan gdab par rngo thog gi gzhan gyis ni ma lags so/ /de nas bcom ldan 'das kyis bram ze'i khye'u ma sdug la 'di skad ces bka' stsal to/ /bram ze'i khye'u sngon byung ba rgyal po bu ram shing skyes zhes bya ba zhig byung ste/ rgyal po 
bu ram shing skyes la bu bzhi yod pa skar mda'i gdong dang / lag rna dang / glang po ches 'dul ba dang / rkang rgyan ldan no/ /rgyal po bu ram shing skyes kyis de dag nyes pa 'ga' zhig gi phyir spyugs nas/ de dag rang rang gi sring mo khrid de yul 'khor gzhan dang yul gzhan du dor 
nas/ rim gyis gangs can gyi phyogs chu bo skal ldan shing rta'i 'gram/ ser skya'i gnas nas mi ring ba zhig tu song ste/ shing gi yal ga dang / lo ma dag las spyil bu byas te gnas shing 'khod do/ /de dag gis der rang rang gi sring mo btang ste/ mas dben gyi sring mo rnams 

</font><hr>11-1-202b<br><font size=+1>
dang lhan cig 'tshog nas 'khod do/ /de dag de na 'tsho shing 'khod pa las bu khye'u dang bu mo dag btsas so/ /de nas dus gzhan zhig na rgyal po bu ram shing skyes bu sdug pa rnams dran nas blon po rnams la smras pa/ kye grong pa dag gzhon nu rnams gar dong / lhas gzhon nu de 
dag nongs pa 'ga' zhig gi slad du spyugs nas/ de dag rang rang gi sring mo khrid de yul 'khor gzhan dang yul gzhan du dong ste/ rim gyis gangs can gyi phyogs chu bo skal ldan shing rta'i 'gram na khye'u dang bu mo dag btsas shing 'khod do/ /de nas rgyal po bu ram shing skyes kyis blon po 
rnams la smras pa/ kye grong pa dag gzhon nu dag gis de ltar nus sam/ lha rngo thog lags so de nas rgyal po bu ram shing skyes ro stod bstod nas lag pa g.yas pa brkyang ste/ ched du brjod pas ched du brjod pa/ kye ma'o gzhon nu rnams kyis rab tu nus so zhes sems can dbang che 
bar grags pas/ kye ma gzhon nu rnams kyis nus so zhes tshig tu smra ste/ shAkya shAkya zhes bya bar grags so/ /bram ze'i bu khyod kyis shAkya rnams de las skyes pas mgo 'dzugs pa de yin pa dang / de dag gi rigs rgyud de yin par cung zad thos sam/ kye gau ta ma bdag gis shAkya 
rnams de las skyes pas mgo 'dzugs pa de yin pa dang / de dag gi rigs rgyud de yin par thos so/ /bram ze'i khye'u rgyal po bu ram shing skyes kyi bran mo sngo phod ma zhes bya ba gzugs bzang ba blta na sdug pa/ mdzes pa zhig yod pa dang / drang srong gdol pa'i rigs zhig 
dang lhan cig 'dus nas/ de gnyis lhan cig 'dus pa las khye'u zhig btsas so/ /gzhon nu btsas ma thag tu yum re zhig bdag dril phyi dang / bkru ba gyis la mi gtsang ba las thar bar gyis shig ces smras so/ /de nas dus gzhan zhig na sha za rnams kyis mig mi 'dzums 
kyi bu zhes bya ba la gzhon nu btsas ma thag tu tshig tu bdag re zhig dril phyi dang / mi gtsang ba las thar bar gyis shig dang / e ma'o mig mi 'dzums kyi bu zhig skyes so zhes mig mi 'dzums kyi bu mig mi 'dzums kyi bu zhes bya bar grags so/ /bram ze'i khye'u khyod kyis 

</font><hr>11-1-203a<br><font size=+1>
mig mi 'dzums kyi bu rnams de las skyes pas mgo 'dzugs pa de yin pa dang / de dag gi rigs rgyud de yin par cung zad thos sam/ de skad ces bka' stsal pa dang / bram ze'i khye'u ma sdug cang mi smra'o/ /lan gnyis lan gsum du yang bcom ldan 'das 
kyis bram ze'i khye'u ma sdug la 'di skad ces bka' stsal to/ /bram ze'i khye'u khyod kyis mig mi 'dzums kyi bu rnams su de las skyes pa skye mgo 'dzugs pa de yin pa dang / de dag gi rigs rgyud de yin par cung zad thos sam/ lan gnyis lan gsum du yang bram ze'i khye'u ma sdug cang mi smra'o/ /de nas gnod sbyin lag na rdo rjes rdo rje 'bar ba/ rab tu 'bar ba/ kun du rab tu 'bar ba/ me lce gcig tu gyur cing 'bar ba/ bram ze'i khye'u ma sdug gi mgo bo'i steng na 'dzin cing gal te bram ze'i khye'u ma sdug la/ bcom ldan 'das kyis lan gsum gyi bar du rma ba rmas 
pa las/ rna la gzon cing lan ma gsol bar gyur na/ rdo rje 'bar ba/ rab tu 'bar ba/ kun du rab tu 'bar ba/ me lce gcig tu gyur cing 'bar ba 'dis spyi bo tshal pa bdun du dgas par bya'o snyam pa dang / gnod sbyin lag na rdo rje de bcom ldan 'das kyis gzigs nas sangs rgyas 
kyi mthus bram ze'i khye'u ma sdug gis kyang mthong ngo / /de nas bram ze'i khye'u ma sdug sngangs skrag byed cing spu zing zhes byas nas/ bcom ldan 'das la 'di skad ces gsol to/ /kye gau ta ma mig mi 'dzums kyi bu rnams de las skyes pas mgo 'dzugs pa de lags pa dang / de 
dag gi rigs rgyud de lags par bdag gis thos lags so/ /de nas shas che ba'i bram ze rgan rabs rgan rabs rnams dang / khyim bdag rnams 'di snyam du bsams te/ btsun pa gau ta mas 'di skad ces bram ze'i khye'u ma sdug ni shAkya rnams kyi bran mo'i bu nyid yin la/ shAkya 
rnams ni de'i jo bo'i bu yin no zhes gsungs pa gang yin pa bden na/ bdag cag shes ldan gau ta mas gsungs pa la yid ma ches par zad do snyam mo/ /de nas bcom ldan 'das kyis shas che ba'i bram ze rnams dang / khyim bdag rnams la 'di skad ces bka' stsal to/ /khyed cag bram 

</font><hr>11-1-203b<br><font size=+1>
ze'i khye'u ma sdug la bran mo'i khye'u zhes ha cang tshig tu ma smra shig /de ci'i phyir zhe na/ 'di de'i tshe drang srong rdzu 'phrul che ba/ mthu che ba zhig tu gyur pa las rgyal po bu ram shing skyes kyis nyes pa 'ga' kho na'i phyir bram ze'i chad pas bcad do/ /bram ze'i chad pas bcad pa dang / de phyis 
rgyal po bu ram shing skyes 'jigs skrag byed spu zing zhes byed nas lag pa g.yon pas bu mo chen mo rgyan thams cad kyis brgyan pa bzung lag pa g.yas pas gser gyi bya ma bum thogs te drang srong de la chung mar byin na drang srong gis de ma blangs so/ /de nas bcom ldan 'das kyis bram 
ze'i khye'u ma sdug la bran mo'i bu yin no zhes bka' stsal pas zhum zhum por gyur nas phrag pa bcum/ mgo smad de spobs pa med cing gtad khong du chud nas cang mi smra bar 'dug go/ /de nas bcom ldan 'das 'di snyam du dgongs te bram ze'i khye'u ma sdug 'di bran mo'i bu yin no zhes ngas tshig 
tu smras pas zhum zhum por gyur te/ phrag pa bcum nas mgo smad de spobs pa med cing gtad khong du chud nas mi smra bar gyur gyis ma langs 'di la phyis gtam 'dre bar bya'o snyam du dgongs nas/ bram ze'i khye'u ma sdug la 'di skad ces bka' stsal to/ /bram ze'i khye'u dper na rgyal 
rigs gzhon nu dang / bram ze'i bu mor lhan cig 'dus par gyur te/ de gnyis lhan cig 'dus pa las khye'u zhig btsas na de bram ze rnams las stan nam/ chu'am/ gsang tshig gam/ gdon pa 'thob bam/ kye gau ta ma 'thob lags so/ /de la rgyal rigs rnams 
kyis rgyal rigs kyi dbang bskur bas dbang skur ram/ kye gau ta ma dbang skur lags te/ de ci'i slad du zhe na/ spun gyi bu lags pas rgyal rigs rnams kyis tsha bo dbang skur lags so/ /bram ze'i khye'u dper na bram ze gzhon nu dang rgyal rigs kyi bu mor lhan cig 'dus 
par gyur la/ de gnyis lhan cig 'dus pa las bu khye'u zhig btsas na/ de bram ze rnams las stan nam/ chu'am/ gsang tshig gam/ gdon pa 'thob bam/ kye gau ta ma 'thob lags so/ /de la rgyal rigs kyis dbang bskur bas dbang skur ram/ kye gau ta ma dbang 

</font><hr>11-1-204a<br><font size=+1>
skur lags te/ de ci'i slad du zhe na/ tsha bo lags pa'i slad du rgyal rigs rnams kyis tsha bo dbang skur lags so/ /bram ze'i khye'u dper na rgyal rigs gzhon nu rgyal rigs dag gis nyes pa 'ga' kho na'i phyir spyugs par gyur na/ de bram ze rnams las stan 
nam/ chu'am/ gsang tshig gam/ gdon pa 'thob bam/ kye gau ta ma 'thob lags so/ /de la rgyal rigs dbang bskur bas dbang skur ram/ kye gau ta ma dbang skur lags te/ de ci'i slad du zhe na/ phu nu bo lags pa'i slad du rgyal rigs rnams kyis phu nu bo dbang skur 
lags so/ /bram ze'i khye'u dper na bram ze gzhon nu bram ze rnams kyis nyes pa 'ga' kho na'i phyir spyugs par gyur na/ des bram ze rnams las stan nam/ chu'am/ gsang tshig gam/ gdon pa 'thob bam/ kye gau ta ma mi 'thob lags so/ /de rgyal rigs rnams 
kyis rgyal rigs kyi dbang bskur bas dbang skur ram/ kye gau ta ma dbang mi skur te/ de ci'i slad du zhe na/ bram ze gdol pa lags pa'i slad du rgyal rigs rnams bram ze dbang mi skur lags so/ /bram ze'i khye'u de ltar na rus dang rigs dang mnad kyis rgyal rigs rigs 
kyi mchog yin gyi bram ze ni ma yin no/ /bram ze'i khye'u mi mjed kyi bdag po tshangs pas tshigs su bcad de smras pa/ rus dang 'brel pa gang yin pa'i/ /rgyal rigs rkang gnyis nang na btsun/ /lha dang mi rnams nang na yang / /rigs dang zhabs su ldan pa btsun/ /
bram ze'i khye'u mi mjed kyi bdag po tshangs pa tshigs su bcad de smras pa ni legs par smras pa ste nyes par smras pa ma yin/ legs par brjod pa yin gyi nyes par brjod pa ma yin te 'di ltar/ rus dang 'brel pa gang yin pa'i/ /rgyal rigs rkang gnyis nang na btsun/ /lha 
dang mi rnams nang na yang / /rigs dang zhabs su ldan pa btsun/ /de ci'i phyir zhe na/ bram ze'i khye'u nga yang 'di skad ces smras te/ rus dang 'brel pa gang yin pa'i/ /rgyal rigs rkang gnyis nang na btsun/ /lha dang mi rnams nang na yang / /rigs dang zhabs su ldan 

</font><hr>11-1-204b<br><font size=+1>
pa btsun/ /bram ze'i khye'u ji snyam du sems/ gang na bag ma len pa dang / bag ma gtong ba yod pa de nas bram ze rnams kyis stan nam/ chu'am/ gsang tshig gam/ gdon pa 'thob bam/ kye gau ta ma gang na bag ma len pa dang / bag ma gtong ba mchis pa de nas bram ze rnams 
kyis stan nam/ chab bam/ gsang tshig gam/ gdon pa 'thob lags so/ /bram ze'i khye'u gang na bag ma len pa dang / bag ma gtong ba yod pa de na rigs kyis snyems pa yang yod/ rus kyis snyems pa yang yod/ bram ze'i bu'i snyems pa yang yod do/ /bram ze'i khye'u sems can 
rigs kyis snyems pas rnam par bcings pa dang / rus kyis snyems pas rnam par bcings pa dang / bram ze'i bu'i snyems pas rnam par bcings pa ji snyed pa de dag rig pa dang zhabs su ldan pa bla na med pa 'di nyid mngon sum du ma byas pa mngon sum du bya ba'i skal ba med kyi bram ze'i bu rigs 
kyis snyems pa spangs pa/ rus kyis snyems pa spangs pa/ bram ze'i bu'i snyems pa spangs pa de ltar na rig pa dang zhabs su ldan pa bla na med pa 'di mngon sum du ma byas pa mngon sum du byed par 'gyur ro/ /shes ldan gau ta ma la bdag gang sngon yang ma byung / phyis kyang mi 'byung / da lta 
na yang ma mchis pa de lta bu mngon par dad lags kyis shes ldan gau ta mas bdag la ji ltar rig pa dang zhabs su 'tshal bar 'gyur ba de ltar chos bshad du gsol/ bram ze'i khye'u de'i phyir legs par rab tu nyon la yid la zung shig dang bshad do/ /bram ze'i khye'u ston pa de bzhin 
gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das 'jig rten 'dir byung ste/ des chos bshad 
pa ni thog mar dge ba/ bar du dge ba/ tha mar dge ba/ don bzang po/ /tshig 'bru bzang po/ /ma 'dres pa/ yongs su rdzogs pa/ yongs su dag pa/ rnam par byang ba/ tshangs par spyod pa rab tu ston te/ chos de khyim bdag gam khyim bdag gi bus mnyan nas/ des chos de 

</font><hr>11-1-205a<br><font size=+1>
thos nas dad pa rab tu thob po/ /de dag dad pa rab tu thob pa dang ldan pas 'di la so so yang dag par slob par byed de/ khyim gyi gnas ni nyam nga ba rdul dag gi gnas yin no/ /rab tu byung ba ni bla na med pa yin na/ khyim pa khyim na gnas pa rnams kyi ji srid 'tsho'i bar du 
tshangs par spyod pa gcig tu sal gyis dag pa yongs su rdzogs pa/ yongs su dag pa/ rnam par byang ba ni spyod pa dka' bas ma la bdag gis skra dang kha spu bregs la/ gos ngur smrig bgos te dad pa yang dag pa kho nas khyim nas khyim med par rab tu 'byung ngo snyam nas des de ltar so sor 
brtags te longs spyod kyi tshogs mang nyung dang / nye du'i 'khor mang po rnams spangs te/ skra dang kha spu bregs nas gos ngur smrig bgos te dad pa yang dag pa kho nas khyim nas khyim med par rab tu byung nas tshul khrims la gnas pa yin/ so sor thar pa'i sdom pas bsdams pa yin/ cho ga dang 
spyod yul phun sum tshogs pa yin kha na ma tho ba phra mo tsam la yang 'jigs par lta ba yin/ bslab pa'i gzhi yang dag par mnos te slob pa yin/ des srog gcod pa spangs nas srog gcod pa las slar log pa yin te/ chad pa spangs pa yin/ mtshon cha spangs pa yin/ ngo tsha dang ldan pa 
yin te/ sems can srog chags su gyur pa thams cad la chung ngu na srog chags grog spur yan chad la srog gcod pa las slar log pa yin no/ /des ma byin par len pa spangs nas ma byin par len pa las slar log pa yin te/ byin pa len pa yin/ byin pa len pa la dga' ba yin/ sbyin 
pa la lhug par gtong ba la dga' ba yin te/ rkun ma ma yin/ 'dod chen can ma yin/ gtsang ba yin/ btang ba yin/ kha na ma tho ba med pa yin/ bdag nyid bsrungs pas ma byin par len pa las slar log pa yin no/ /de mi tshangs par spyod pa spangs nas mi tshangs par spyod pa las slar 
log pa yin te/ tshangs par spyod pa yin/ spyod pa ngan pa spangs pas dag pa yin/ gtsang ba yin/ dri nga ba med pa yin/ 'khrig pa dang bral ba yin/ smad rim gyi chos dang bral ba yin/ mi tshangs par spyod pa las slar log pa yin no/ /de brdzun du smra ba spangs nas brdzun du smra 

</font><hr>11-1-205b<br><font size=+1>
ba las slar log pa yin te/ bden par smra ba yin/ bden pa la dga' ba yin/ dad pa yin/ yid ches pa yin/ brtan pa yin 'jig rten la mi slu ba yin te/ brdzun du smra ba las slar log pa yin no/ /de phra ma spangs nas phra ma las slar log pa yin te/ de tshu rol po dag las mnyan 
te de dag dbye ba'i phyir pha rol po dag la smra ba ma yin/ pha rol po dag las mnyan te de dag dbye ba'i phyir tshu rol po dag la smra ba ma yin/ bye ba rnams sdums byed pa yin/ mthun pa rnams gzengs bstod pa yin/ mthun pa la dga' ba yin/ mthun pa la mgu ba yin/ mthun par 
byed pa'i tshig smra ba yin te/ phra ma las phyir log pa yin no/ /de tshig rtsub po spangs nas tshig rtsub po las slar log pa yin te/ de gang la yang tshig gdug pa dang / rtsub pa dang / pha rol la mi snyan pa dang / pha rol spa gong bar byed pa dang / skye bo mang po'i yid la mi 'thad pa dang / 
skye bo mang po'i snying du mi sdug pa dang / skye bo mang po mi dga' ba dang / skye bo mang po'i yid du mi 'ong ba dang / mnyam par gzhag pa ma yin pa dang / mnyam par 'jog par 'gyur ba ma yin pa de lta bu'i tshig spangs pa yin mi tshugs pa dang / rnar snyan pa dang / snying tshim par byed pa dang / 
dga' bar byed pa dang / pho brang 'khor gyi skad dang / snyan cing 'jebs pa dang / rnam par gsal ba rnam par rig par byed pa dang / mnyan par 'os pa dang / mi rten pa dang 'gal ba ma yin pa dang / thug pa med pa dang / skye bo mang po la sdug pa dang / skye bo mang po mgu ba dang / skye bo 
mang po dga' ba dang / skye bo mang po'i yid du 'ong ba dang / mnyam par bzhag pa dang / mnyam par 'jog par 'gyur ba de lta bu'i tshig smra bas de tshig rtsub po las slar log pa yin no/ /de tshig kyal ba smra ba spangs nas tshig kyal pa las slar log pa yin te/ de dus su smra ba yin/ 
yang dag par smra ba yin/ de kho na nyid smra ba yin/ don smra ba yin/ chos smra ba yin/ nges par smra ba yin/ rtogs par smra ba yin/ khong du chud par byed pa'i tshig smra ba yin te/ dus dang ma 'dres pa dang / gleng gzhi dang bcas pa dang / dan rtags dang bcas pa dang / chos dang ldan 

</font><hr>11-1-206a<br><font size=+1>
pa yin te/ de tshig kyal pa spangs nas tshig kyal pa las slar log pa yin no/ /de nyo tshong spangs nas nyo tshong las slar log pa yin te/ de gzhal blugs la g.yo byed pa dang / srang la g.yo byed pa dang / tshad la g.yo byed pa spangs nas de gzhal blugs la g.yo byed pa 
dang / srang la g.yo byed pa dang / tshad la g.yo byed pa las slar log pa yin no/ /de gsug len pa dang / 'drid pa dang / bsdigs nas rang gir byed pa spangs nas gsug len pa dang / 'drid pa dang / bsdigs nas rang gir byed pa las slar log pa yin no/ /de gsod pa 
dang / 'ching ba dang / gcad pa dang / dbug pa dang / brdeg pa'i bsam pa spangs nas gsod pa dang / 'ching ba dang / gcad pa dang / 'bigs pa dang / brdeg pa'i bsam pa las slar log pa yin no/ /de 'od dang / bud med can dang lhan cig tu nyal ba spangs nas 'od dang / bud med 
can dang lhan cig nyal ba las slar log pa yin no/ /de zhing gi gzhi dang / khyim gyi gzhi dang / tshong khong gi gzhi len pa spangs nas/ zhing gi gzhi dang / khyim gyi gzhi dang / tshong khang gi gzhi len pa las slar log pa yin no/ /de glang po che dang / rta dang / ba lang dang / lug 
dang / bya gag dang / phag len pa spangs nas glang po che dang / rta dang / ba lang dang / lug dang / bya gag dang / phag len pa las slar log pa yin no/ /de bran pho dang / bran mo dang / las byed pa dang / zho shas 'tsho ba len pa dag spangs nas bran pho dang / bran mo dang / las 
byed pa dang / zho shas 'tsho ba len pa dag las slar log pa yin no/ /de bud med dang / skyes pa dang / khye'u dang / bu mo len pa spangs nas bud med dang / skyes pa dang / khye'u dang / bu mo len pa las slar log pa yin no/ /de gser dang / dngul len pa spangs nas/ gser 
dang / dngul len pa las slar log pa yin no/ /de 'bru ma nyams pa len pa dag spangs nas 'bru ma nyams pa len pa las slar log pa yin no/ /de zan gcig pa yin te/ nub mo spangs shing dus ma yin pa'i kha zas spangs pa yin/ dus su rgyu zhing dus su spyod pa las sbyor ba la brtson pa 

</font><hr>11-1-206b<br><font size=+1>
yin/ de lus kyi bgo ba ran pas/ chog shes shing tshod zin pa yin/ bsod snyoms lto 'grangs kyis chog shes shing tshod zin pa yin/ de lus kyi bgo ba ran pas chog shes shing tshod zin pa yin/ bsod snyoms lto 'grangs kyis chog shes shing tshod zin pa yin pas gang dang gang du 
'gro ba na lhung bzed dang bcas chos gos dang bcas par 'gro'o/ /dper na 'dab chags bya gang dang gang du lding ba der 'dab ma dang chas gshog pa dang chas te lding ba de bzhin du de lus kyi bgo ba ran pa chos gos kyis chog shes shing tshod zin pa yin/ bsod snyoms lto 'grangs kyis 
chog shes shing tshod zin pa yin te/ gang dang gang du 'gro ba der lhung bzed dang bcas/ chos gos dang bcas shing 'gro ba yin no/ /ma sdug 'di ltar yang dge sbyong dang bram ze kha cig dad pas byin pa dag spyad nas sa bon gyi tshogs dang / 'byung po'i tshogs sna tshogs rtsom pa la sbyor bar 
brtson pas gnas pa 'di lta ste/ rtsa ba'i sa bon dang / sdong bu'i sa bon dang / thor to'i sa bon dang / 'gas pa'i sa bon dang / lnga pa ni sa bon gyi sa bon nyid de/ dge sbyong dang bram ze rnams kyi sa bon gyi tshogs dang / 'byung po'i tshogs sna tshogs rtsom pa la sbyor bar brtson pa de lta 
bu las slar log pa yin no/ /ma sdug 'di ltar yang dge sbyong dang / bram ze kha cig dad pas sbyin pa dag spyad nas sogs 'jog sna tshogs rtsom pa la sbyor bar brtson pas gnas pa 'di lta ste/ zas kyi sogs 'jog dang / skom gyi sogs 'jog dang / gos kyi sogs 'jog dang / 
dri'i sogs 'jog dang / ro'i sogs 'jog dang / lo ma'i sogs 'jog dang / me tog gi sogs 'jog dang / 'bras bu'i sogs 'jog ste/ dge sbyong dang / bram ze rnams kyi sogs 'jog rnam pa sna tshogs rtsom pa la sbyor bar brtson pa de lta bu las slar log pa yin 
no/ /ma sdug 'di ltar yang dge sbyong dang / bram ze kha cig dad pas byin pa dag spyad nas gnas mal mthon po dang / gnas mal chen po rtsom pa la sbyor bar brtson pas gnas par byed pa 'di lta ste/ stan dang / khri dang / khri snam bu can dang / ras kyi snam bu can dang / stan 

</font><hr>11-1-207a<br><font size=+1>
nang tshangs can dang / ras yug chen dang / ras khra bo dang / pa le la'i ras kyis g.yogs pa dang / glang po che'i 'thab stan dang / rta'i 'thab stan dang / ngos gcig bal las byas pa dang / ngos gnyis bal las byas pa dang / stod bal las byas pa dang / rgyab bal 
las byas pa dang / ka ling gi gos kyi stod g.yogs dang / steng g.yogs dang bcas pa'i gos dang / phyogs gnyis su sngas dmar po las byas pa ste/ dge sbyong dang / bram ze rnams kyi mal mthon po dang / gnas mal chen po rtsom pa la sbyor ba de lta bu las slar log pa yin no/ /
ma sdug 'di ltar dge sbyong dang / bram ze kha cig dad pas byin pa dag spyad nas cha ba dang / gzhag pa rnam pa sna tshogs rtsom pa la sbyor bas brtson par gnas pa 'di lta ste/ mnye ba dang / bkru ba dang / dril phyi dang / phreng ba dang / dri dang / byug pa dang / kha dog 'chang ba dang / sen mo'i 
kha dog dang / so'i kha dog dang / kha'i phye ma dang / gdong gi byi dor dang / me long la lta ba dang / lag ngar brgyan pa dang / gtsug tor 'ching ba dang / gdugs kyi rtsa ba sbu bu can dang / ral gri dang / rnga yab nor bu'i yu ba can dang / mchil lham khra bo dang / gos sar pa dang / ras 
sar pa kha tshar ring po can 'chang ba'i rang bzhin can dag ste/ dge sbyong dang / bram ze rnams kyi gzhag pa dang / cha ba rnam pa sna tshogs rtsom pa la sbyor bar brtson pa de lta bu las slar log pa yin no/ /ma sdug 'di ltar yang dge sbyong dang / bram ze kha cig dad pas byin pa dag yongs su spyad nas 
ltad mo sna tshogs rtsom pa la sbyor bar brtson pa la gnas pa 'di lta ste/ glang po ches 'gyed pa dang / rtas 'gyed pa dang / shing rtas 'gyed pa dang / dpung bu chung gis 'gyed pa dang / dbyug pas 'gyed pa dang / khu tshur gyis 'gyed pa dang / khyu mchog gis 'gyed pa dang / ma hes 'gyed 
pa dang / ras 'gyed pa dang / bya gag 'thab pa dang / mchil pa 'thab pa dang / 'ur pa 'thab pa dang / bud med 'thab pa dang / skyes pa 'thab pa dang / gzhon nu 'thab pa dang / gzhon nu ma 'thab pa dang / shing la 'dzeg pa dang / bro gar gyi tshogs dang / phrag pa nas 

</font><hr>11-1-207b<br><font size=+1>
mchong ba dang / rgyal mtshan gyi rtse mo dang / stobs kyi mchog dang / dmag gi tshogs mang po la lta ba dang / mang po 'dus pa la lta bar 'dod pa ste/ dge sbyong gi ltad mo rnam pa sna tshogs rtsom pa la sbyor bar brtson pa de lta bu las slar log pa yin no/ /ma sdug 'di ltar yang dge 
sbyong dang / bram ze kha cig dad pas byin pa dag yongs su spyad nas de sgra rnam pa sna tshogs nyan par rtsom pa la sbyor bar brtson pa gnas pa 'di lta ste/ glang po che'i sgra dang / rta'i sgra dang / shing rta'i sgra dang / dpung bu chung gi sgra dang / dung gi sgra dang / rnga pa Ta ha'i sgra dang / rnga bo che'i 
sgra dang / rol mo sna tshogs pa'i sgra dang / gar mkhan gyi glu sgra dang / rol mo'i sgra dang / khar gsil gyi sgra dang / se gol gyi sgra dang / thal mo'i sgra dang / bum pa'i sgra dang / rang bzo'i sgra dang / snyan ngag dang / yi ge sna tshogs dang / tshig sna tshogs dang / 'jig rten rgyang 'phen pa 
dang ldan pa'i grags pa'i gtam nyan 'dod pa dag ste/ dge sbyong rnams kyi sgra rnam pa sna tshogs nyan par rtsom pa la sbyor ba brtson pa de lta bu las slar log pa yin no/ /ma sdug 'di ltar yang dge sbyong dang / bram ze kha cig dad pas byin pa dag yongs su spyad nas/ ug shud dang / 
khras dang / cho lo rtsom pa la sbyor bar brtson pas gnas pa 'di lta ste/ mig brgyad pa dang mig bcu pa dang / na ya'i mig dang / phyogs phyogs nas 'gyed pa dang / bum pa dang / stobs dang / skyod pa dang / pheg dang / cho lo dang / ug shud dang / gul tshab dang / thur ma dang / 
lag brgyan nam/ ji ltar skugs btsugs nas 'gyed pa ste/ dge sbyong rnams kyis ug shud dang / khras dang / cho lo rtsom pa la sbyor bar brtson pa de lta bu las slar log pa yin no/ /ma sdug 'di ltar yang dge sbyong dang / bram ze kha cig dad pas byin pa dag yongs su spyad nas gtam 
rnam pa sna tshogs rtsom pa la sbyor bar brtson par gnas pa 'di lta ste/ rgyal po'i gtam dang / chom rkun pa'i gtam dang / dmag gi gtam dang / zas kyi gtam dang / skom gyi gtam dang / gos kyi gtam dang / tshong 'dus kyi gtam dang / smad 'tshong ma'i gtam dang / lam 

</font><hr>11-1-208a<br><font size=+1>
ngan par brjod pa'i gtam dang / rgya mtsho brjod pa'i gtam dang / ljongs dang / sna chen po la gtogs pa brjod pa'i gtam ste/ dge sbyong rnams kyi gtam rnam pa sna tshogs rtsom pa la sbyor bar brtson pa de lta bu las slar log pa yin no/ /ma sdug 'di ltar yang dge 
sbyong dang /bram ze kha cig dad pas byin pa dag yongs su spyad nas rtsod pa rnam pa sna tshogs rtsom pa la sbyor bar brtson pa la gnas pa 'di lta ste/ kho bos ni chos 'dul ba 'di rab tu shes so/ /khyod kyis ni chos 'dul ba 'di mi shes so/ /ji ltar kho bos chos 'dul ba 'di kun shes 
pa ltar khyod kyis kyang chos 'dul ba 'di kun mi shes so/ /kho bos ni rigs pa dang ldan par yin gyi/ khyod kyis ni rigs pa dang ldan par ma yin no/ /kho bos ni 'brel par yin gyi khyod kyis ni 'brel par ma yin te/ sngar smra bar bya ba ni phyis smras/ phyis smra bar bya ba ni sngar smras la/ 
khyod kyis ha cang myur bar smras pas mi gsol lo/ /brtsad pas mjug brtul gyis khyod kyis brtsad pa'i don du smras pa'i tshig de thong shig /tshar bcad par shes sam/ gal te lan thebs pa lta na dris dang smros shig ces bya ba dge sbyong rnams kyi rtsod pa rnam pa sna tshogs rtsom pa 
la sbyor bar brtson pa de lta bu las slar log pa yin no/ /ma sdug 'di ltar yang dge sbyong dang / bram ze kha cig dad pas byin pa dag yongs su spyad nas pho nyar 'gro ba dang gtong ba log pa'i 'tsho bas 'tsho bar byed pa 'di lta ste/ de dag rgyal po'i'am/ blon po chen po rnams kyi'am/ bram 
ze rnams kyi'am/ khyim bdag rnams kyi'am/ grong mi rnams kyi'am/ yul mi rnams kyi'am/ tshong dpon rnams kyi'am/ ded dpon rnams kyi pho nya tshu bi nas khrid de pha bir sna 'dren par byed pa dang / pha bi nas pho nya khrid de tshu bir sna 'dren par byed pa ste/ dge sbyong rnams kyi pho nyar 
'gro ba dang gtong ba log pa'i 'tsho ba de lta bu las slar log pa yin no/ /ma sdug 'di ltar yang dge sbyong dang / bram ze kha cig dad pas byin pa dag yongs su spyad nas tshul 'chos pa dang / kha gsag dang / gzhogs slong dang / 'thob kyis 'jal ba dang rnyed pa las rnyed pa sgrub 

</font><hr>11-1-208b<br><font size=+1>
par byed de/ dge sbyong rnams kyi tshul 'chos pa dang / kha gsag dang / gzhogs slong dang / 'thob kyis 'jal ba dang / rnyed pa las rnyed pa sgrub par byed pa de lta bu las slar log pa yin no/ /ma sdug 'di ltar yang dge sbyong dang / bram ze kha cig dad pas byin pa dag yongs 
su spyad nas yon po'i dpyad kyi log pa'i 'tsho bas 'tsho bar byed pa 'di lta ste/ gnam grum pa dang / rma mtshan dang / rmi lam gyi mtshan ma dang / mes tshig pa dang / chus reg pa dang / byi bas zos pa dang / 'bebs pa dang / tshig snyan pa dang / 'byung po thams cad kyi skad dang / 
lus kyi dpyad dang / khyim sa'i dpyad dang / ne tso'i dpyad dang / bya'i dpyad dang / sor mo'i dpyad dang / sbyor ba dag byed de/ dge sbyong rnams kyi yon po'i dpyad kyis log pa'i 'tsho ba de lta bu las slar log pa yin no/ /ma sdug 'di ltar yang dge sbyong dang / bram ze kha cig dad pas 
byin pa dag yongs su spyad nas yon po'i dpyad kyi log pa'i 'tsho bas 'tsho bar byed pa 'di lta ste/ yud tsam rnams kyi sbyor ba dang / rgyu skar rnams shar ba dang / ro yongs su brtag pa dang / zhi ba'i las dang / rgyas pa'i las dang / drag po'i las dang / bsang gtor gyi las 
dang / yig 'bru dang / rtsis dang / grangs dang / lag rtsis dang / me long gi dpyad la sbyor bar byed de/ dge sbyong rnams kyi yon po'i dpyad kyi log pa'i 'tsho ba de lta bu las slar log pa yin no/ /ma sdug 'di ltar yang dge sbyong dang / bram ze kha cig dad pas byin pa dag yongs 
su spyad nas yon po'i dpyad kyi log pa'i 'tsho bas 'tsho bar byed pa 'di lta ste/ gso ba'i dpyad dang / rtsa ba'i sman dang / mig sman sbyin pa dang / ro sbyin pa dang / sman sbyin pa dang / bud med kyi dpyad dang / skyes pa'i dpyad dang / khye'u'i dpyad dang / gzhon nu ma'i dpyad dang / 
sman la sbyor ba byed pa ste/ dge sbyong rnams kyi yon po'i dpyad kyi log pa'i 'tsho ba de lta bu las slar log pa yin no/ /ma sdug 'di ltar yang dge sbyong dang / bram ze kha cig dad pas byin pa dag yongs su spyad nas yon po'i dpyad kyi log pa'i 'tsho bas 'tsho bar byed pa 'di lta ste/ nor bu'i 

</font><hr>11-1-209a<br><font size=+1>
mtshan nyid dang / dbyug pa'i mtshan nyid dang / ral gri'i mtshan nyid dang / mda'i mtshan nyid dang / mtshon cha'i mtshan nyid dang / glang po che'i mtshan nyid dang / rta'i mtshan nyid dang / khyu mchog gi mtshan nyid dang / ma he'i mtshan nyid dang / ra'i mtshan nyid dang / lug gi 
mtshan nyid dang / bya gag gi mtshan nyid dang / 'ur pa'i mtshan nyid dang / mchil pa'i mtshan nyid dang /bud med kyi mtshan nyid dang / skyes pa'i mtshan nyid dang / gzhon nu'i mtshan nyid dang / gzhon nu ma'i mtshan nyid dang / tshe thung ba'i rtags dang / tshe ring ba'i rtags dang / skal ba chung 
ba'i rtags dang / skal ba che ba'i rtags dang / bsod nams chung ba'i rtags dang / bsod nams che ba'i rtags dang / dbang chung ba'i rtags dang / dbang che ba'i rtags dang / jo bo'i mtshan nyid dang / bran gyi mtshan nyid de dge sbyong rnams kyi yon po'i dpyad kyi log pa'i 'tsho ba de lta 
bu las slar log pa yin no/ /ma sdug 'di ltar yang dge sbyong dang / bram ze kha cig dad pas byin pa dag yongs su spyad nas yon po'i dpyad kyi log pa'i 'tsho bas 'tsho bar byed pa 'di lta ste/ sman zas gcig car gtong ba dang / sbrengs te gtong ba dang / 'khrur 'jug pa dang / 
yar skyug pa dang / mar 'khru ba dang / snar blugs pa dang / du ba rngub pa dang / dugs kyi las dang / bad kan gyi dpyad dang / pho ba'i dpyad dang / sme ba dang / phol mig gi dpyad dang / ri dgas 'khyil pa dang / bya rog 'khyil pa dang / mkhur ba 'gul ba dang / lce sos tshod pa 
dang / ro langs dang / ro langs phyed la sbyor bar byed de/ dge sbyong rnams kyi yon po'i dpyad kyi log pa'i 'tsho ba de lta bu las slar log pa yin no/ /ma sdug 'di ltar yang dge sbyong dang / bram ze kha cig dad pas byin pa dag yongs su spyad nas yon po'i dpyad kyi log pa'i 'tsho bas 
'tsho bar byed pa 'di lta ste/ dgug pa dang / kun du dgug pa dang / rnam par dgug pa dang / rmongs pa dang / kun du rmongs pa dang / rnam par rmongs pa dang / rnam par 'thor ba dang / rnam par 'joms pa'i chos can dang / bde bar byed pa dang / sdug bsngal bar byed pa dang /

</font><hr>11-1-209b<br><font size=+1>
mngal du 'chags par byed pa dang / til gyi sbyin sreg dang / 'bras kyi sbyin sreg dang / gzegs ma'i sbyin sreg dang / rdzas kyi sbyin sreg dang / sbyin sreg gi sbyin sreg dang / nyi ma la bkur sti bya ba dang / skar ma la bkur sti bya ba dang / lha la bkur sti bya ba dang / bkur sti'i 
gnas chen po la bkur sti byed pa ste/ dge sbyong rnams kyi yon po'i dpyad kyi log pa'i 'tsho ba de lta bu las slar log pa yin no/ /ma sdug 'di ltar yang dge sbyong dang / bram ze kha cig dad pas byin pa dag yongs su spyad nas yon po'i dpyad kyi log pa'i 'tsho bas 'tsho bar 
byed pa 'di lta ste/ 'jigs par 'gyur ba dang / bde bar 'gyur ba dang / lo nyes par 'gyur ba dang / lo legs par 'gyur ba dang / char 'bab mi mkhas par 'gyur ba dang / char 'bab mkhas par 'gyur ba dang / yams kyi nad 'byung bar 'gyur ba dang / yams kyi nad 'byung bar mi 
'gyur ba ste/ dge sbyong rnams kyi yon po'i dpyad kyi log pa'i 'tsho ba de lta bu las slar log pa yin no// //'dul ba phran tshegs kyi gzhi/bam po bzhi bcu rtsa bdun pa/ 'di ltar yang ma sdug dge sbyong ngam/ bram ze kha cig dad pas byin pa yongs su spyad nas yon po'i rig pas log 
par 'tsho bas 'tsho bar byed pa 'di lta ste/ nang gi rgyal po ni rgyal bar 'gyur ba dang / phyi'i rgyal po ni pham par 'gyur ba dang / phyi'i rgyal po ni rgyal bar 'gyur ba dang / nang gi rgyal po ni pham par 'gyur ba dang / nang gi rgyal po ni 'bros par 'gyur ba dang / phyi'i rgyal po snyegs par 'gyur 
ba dang / phyi'i rgyal po 'bros pa dang / nang gi rgyal po snyegs par 'gyur ba ste/ dge sbyong ni yon po'i rig pas log par 'tsho bas 'tsho bar byed pa de lta bu las slar log pa yin no/ /'di ltar yang ma sdug dge sbyong ngam/ bram ze kha cig dad pas byin pa yongs su spyad de/ yon po'i 
rig pas 'tsho bas 'tsho bar byed pa 'di lta ste/ las su ni nyi ma dang / zla ba lam las gol bar 'gro ba dang / nyi ma gza'i lam dang / zla ba gza'i lam dang / skar mda' ltung ba dang / phyogs su shar ba dang / phyogs su tshig pa dang / bar snang la lha rnams rnga rdung ba dang / nyi ma'i 

</font><hr>11-1-210a<br><font size=+1>
lam gza' ma yin pa dang / zla ba'i lam gza' ma yin pa dang / skar mda' ltung ba dang / phyogs su shar ba dang / phyogs su tshig pa dang / bar snang la lha rnams rnga rdung ba dang / nyi ma dang zla ba gnyis de lta bur 'phrul che ba mthu che ba de ltar lam du shar/lam ma yin par 
shar/ 'di ltar lam du nub/ 'di ltar lam ma yin par nub/ lam 'di lta bur gyur na nyon mongs pa dang / rnam par byang bar sbyor ro/ /dge sbyong ni yon po'i rig pas log par 'tsho bas 'tsho ba de lta bu las slar log pa yin no/ /'di ltar yang ma sdug dge sbyong ngam/ bram ze kha cig dad pas byin 
pa yongs su spyad de/ yon po'i rig pas log par 'tsho bas 'tsho bar byed pa 'di lta ste/ nyi ma dang zla ba gnyis lam gol ba 'di lta bur song na rnam par smin pa 'di lta bur 'gyur ro/ /rnam pa 'di lta bu'i rnam par smin pa ni nyi ma'i gza' dang / zla ba'i gza' las 'di lta bur zhugs shing skar 
mda' ltung ba dang / phyogs su shar ba dang / phyogs su tshig pa dang / bar snang la lha rnams rnga rdung ba na rnam pa 'di lta bur smin/ nyi ma dang zla ba 'di lta bur 'phrul che ba mthu che ba/ lam 'di lta bur ni shar/ lam 'di lta bur ni nub/ lam 'di lta bur gyur na nyon mongs pa dang / rnam par byang ba bde 
ba rnam par smin pa 'di lta bur 'gyur ro zhes ston gyi/ dge sbyong ni yon po'i rig pas log par 'tsho ba de lta bu las slar log pa yin te/ de ni 'phags pa'i tshul khrims kyi phung po de lta bu dang ldan pas na nang gi kha na ma tho ba med pas bde ba so sor myong ngo / /des dbang po yul las bzlog ste/ 
gnas pas na dran pa kun bsrungs pa'o/ /dran pa gsal ba/ dran pa bsrungs pa'i yid kyis snyoms pa'i gnas su spyod do/ /de mig gis gzugs mthong yang mtshan mar mi 'dzin pa dang / 'brur mi 'dzin par 'gyur ba ni gang gi phyir mig gi dbang po'i sdom pas ma bsdams pas gnas 
pa na chags pa dang / yid blong ba dang / 'jig rten gyi sdig pa mi dge ba'i chos kyi sems rjes su 'jug pa de dag la sdom pa'i phyir nan tan byed de/ mig gi dbang po bsrungs pas mig gi dbang po sdom par byed do/ /de bzhin du rna bas ni sgra la/ snas ni dri la/ lces ni ro la/ lus kyis 

</font><hr>11-1-210b<br><font size=+1>
ni reg bya la/ yid kyis ni chos la shes kyang mtshan mar 'dzin par mi byed/ 'brur 'dzin par mi byed de gang gi phyir yid kyi dbang po'i sdom pas ma bsdams par spyod de chags pa dang / yid blong ba dang / 'jig rten gyi sdig pa mi dge ba'i chos kyi rjes su 'jug pa de dag gis sdig pa 
'thob bo/ /yid kyis bsdams pas yid kyi dbang po sdom par byed do/ /de la 'phags pa'i tshul khrims 'di dang ldan pas na dbang po yul las bzlog pa 'dis na nang gi kha na ma tho ba med de bde ba so sor myong ngo / /de 'ong ba dang / 'gro ba rab tu shes te gnas par gyur pas na snang ba dang / 
kun du snang ba dang / bskum pa dang / brkyang ba dang / sbyar ma dang / chos gos dag dang / lhung bzed dag bzung ba dang / 'gro ba dang / 'greng ba dang / 'dug pa dang / nyal ba dang / mi nyal ba dang / smra ba dang / cang mi zer ba dang / gnyid kyis rmya ba dang / mya ngan bsal bar byed pa dag shes shing 
gnas par 'gyur ro/ /des 'phags pa'i tshul khrims kyi phung po dang ldan pa dang / dbang po dben pa dang / des rab tu dran pa dang / yang dag par rab tu shes pa dang ldan pas nang gi kha na ma tho ba med pa bde ba yang dag par tshor te/ de nas dben par gnas te/ dgon pa dang / shing drung 
dang / khyim stong pa dang / dben par gyur pa'am/ shing drung du gyur pa'am/ khyim stong par gyur pa dag tu 'dug ste/ skyil mo krung bcas nas/ lus drang por bsrang ste/ dran pa mngon du bzhag nas des 'jig rten gyi chags pa spangs te/ chags pa dang bral ba'i sems mang por spyod cing 
chags sems yongs su sbyong ngo / /gnod sems dang / rmugs pa dang / gnyid dang / dregs pa dang / 'gyod pa dang / the tshom 'jig rten du spangs pas re ba dang bral/ the tshom las bral ba yin no/ /de dge ba'i chos 'di lta bu'am/ ji lta bu zhes bya ba'i the tshom gyi sems yongs su 
sbyong ngo / /'di lta ste ma sdug skyes bu zhig gis skyin po blangs te/ des de las su bya ba la sbyar na des las de yang 'byor nas des de skyin po de bsabs la bud med dag gso ba tsam gyi rang gi nor kyang yod nas de 'di snyam du sems par gyur to/ /bdag gis skyin po blangs te las la sbyar 

</font><hr>11-1-211a<br><font size=+1>
bas na bdag gis las de 'byor te des na bdag gis skyin po de yang bsabs la bud med dag gso ba tsam gyi nor kyang yod do snyam du gyur nas de de'i rgyus bde ba dang / yid dga' bar gyur to/ /'di lta ste/ ma sdug skyes bu zhig nad bu can te/ sdug bsngal zhing nad tshabs che ba de kha 
zas zos pa dang lus la gnod/ skom 'thungs na ni lto mi bde bar 'gyur ro/ /de dus phyi zhig na bde ba dang / nad med pa dang / stobs dang ldan par gyur pas kha zas zos na ni lus la phan la skom 'thungs na ni lto la mi gnod nas de 'di snyam du sems par gyur to/ /bdag sngon ni nad 
bu can sdug bsngal zhing na tshabs che bar gyur te/ bdag de bas na kha zas zos na ni lus la gnod/ skom 'thungs na ni lto mi bde'o/ /bdag da ltar ni bde zhing nad med de stobs dang ldan pas kha zas zos na ni lus la phan la skom 'thungs na ni lto la mi gnod do snyam nas de de'i rgyus bde bar gyur/ yid 
dga' bar gyur to/ /'di lta ste/ ma sdug skyes bu zhig bran dang / mngag gzhug pa dang / bsgo ba dang / spyad pa dang / 'di ltar rang nyam du 'gror med par gyur pa de dus gzhan zhig na bran ma yin/ mngag gzhug pa ma yin/ bsgo ba ma yin/ bkol ba ma yin/ 'di ltar rang nyam du 'gror yod 
de de 'di snyam du gyur to/ /bdag sngon bran dang / mngag gzhug pa dang / bsgo ba dang / bkol ba dang / 'di ltar rang nyam du 'gror med par gyur to/ /bdag da ltar ni bran ma yin/ mngag gzhug pa ma yin/ bkol ba ma yin/ 'di ltar rang nyam du 'gror yod de/ de de'i rgyus bde bar 
gyur/ yid dga' bar gyur to/ /'di lta ste/ ma sdug skyes bu zhig lag pa phying ka log tu dam du bcings pas bcings par gyur nas/ de de las thar nas bkra shis pa bde ba mi 'god pa ste de 'di snyam du gyur to/ /bdag sngon ni lag pa phying ka log tu bcings pas bcings par 
gyur/ bdag da ltar ni de las thar bas bkra shis pa dang / bde ba dang / ma god pa ste/ de de'i rgyus yid dga' bar gyur to/ /'di lta ste/ ma sdug skyes bu zhig 'jigs pa las ni bde bar gyur/ lo nyes pa las ni lo legs par gyur nas de 'di snyam du gyur to/ /bdag ni 'jigs 

</font><hr>11-1-211b<br><font size=+1>
pa las bde bar gyur/ lo nyes pa las ni lo legs par gyur te/ de de'i rgyus bde bar gyur/ yid dga' bar gyur to/ /de de bzhin du ji ltar bgyis pa dang / ji ltar nad dang / ji ltar bran dang / ji ltar bcings pa dang / ji ltar 'jigs pa de bzhin du des nges par sgrib pa 'di lnga las 
bdag nyid bral bar mthong ngo / /des sems can la nye bar nyon mongs par byed pa/ shes rab nyam chung bar byed pa/ gnod pa'i phyogs mya ngan las 'da' ba dang / mi mthun pa'i sgrib pa lnga spangs te/ 'dod pa las dben pa/ sdig pa mi dge ba'i chos las dben pa/ rtog pa dang 
bcas pa/ dpyod pa dang bcas pa/ dben pa las skyes pa'i dga' ba dang / bde ba'i bsam gtan dang po mngon du bsgrubs nas gnas so/ /des lus 'di nyid las dben pa las skyes pa dang / dga' ba dang bde bas mngon par rlan to/ /rab tu rlan no/ /kun du tshim mo/ /kun 
du khyab ste/ 'di lta ste/ dben pa las skyes pa'i dga' ba dang / bde bas lus thams cad du khyab par ma gyur pa'am/ ma khyab par gyur pa cung zad kyang med do/ /'di lta ste/ byi bdar ba'am/ byi bdar ba'i slob ma mkhas pa yang rung ste/ des khar phor ram/ gzhong 
bu'am/ nya phyis kyi nang du yang rung / bkru ba'i phye ma zhib mo blugs te/ chus btab cing btab nas gsher bar byas te/ bkru ba'i gong bu de yang snum pa dang / snum par gyur pa dang / snum pas khyab pa dang / gsal bar nang dang phyi'i snum pas so sor mi 'gyes mi zag go/ /de ltar de 
bzhin du lus 'di la dben pa las skyes pa'i dga' ba dang / bde bas mngon du rlan/ rab tu rlan/ kun du tshim/ kun du khyab ste/ de'i lus thams cad du dben pa las skyes pa'i dga' ba dang / bde bas cung zad kyang ma khyab par gyur pa med do/ /de rnam par rtog pa dang / rnam par 
dpyod pa zhi bar bya ba'i phyir nang gi sems la rab tu dga' ba gcig tu dmigs pas rnam par mi rtog rnam par mi dpyod pa'i ting nge 'dzin las skyes pa'i dga' ba dang / bde ba'i bsam gtan gnyis pa mngon du bsgrubs te gnas so/ /de'i lus 'di nyid la ting nge 'dzin las skyes pa'i 

</font><hr>11-1-212a<br><font size=+1>
dga' ba dang bde bas mngon par rlan/ rab tu rlan/ kun du tshim/ kun du khyab bo/ /'di lta ste/ de'i lus thams cad ting nge 'dzin las skyes pa'i dga' ba dang / bde bas ma khyab pa'am/ khyab par ma gyur pa cung zad kyang med do/ /de 'di lta ste/ ma sdug ri'i spyi bor 
bkod pa'i mtsho mtshe'u de la shar phyogs nas chu mi bab/ lho phyogs nas ma yin/ nub phyogs nas ma yin te/ byang phyogs nas chu 'bab par kyang mi 'gyur/ der dus dus su yang dag par char pa yang mi 'bab ste/ bkod ma'i chu de las gzhan ni ma gtogs te chu'i rdzing gi chu'i bu gu 
chen po nas chu'i phung po chen po 'byung bas chu'i rdzing bu de thams cad chu grang mos mngon par rlan/ rab tu rlan/ kun du tshim/ kun du khyab ste 'di lta ste/ chu grang mos chu'i rdzing bu thams cad du ma khyab par gyur pa ni cung zad kyang med de/ de de ltar 'di bzhin du de lus 'di nyid la ting nge 'dzin 
las skyes pa'i dga' ba dang bde bas mngon par rlan/ rab tu rlan/ kun du tshim/ kun du khyab ste/ 'di lta ste/ ting nge 'dzin las skyes pa'i dga' ba dang bde bas lus thams cad du ma khyab pa dang / khyab par ma gyur pa cung zad kyang med do/ /des dga' ba spangs nas btang snyoms 
dang / dran pa dang / rab tu shes pa dang / bde bas lus la so sor myong bar gnas te/ gang 'phags pa dag gis gsungs pa'i dran pa dang ldan pa'i btang snyoms par byas te bde bar gnas so zhes bya ba'i bsam gtan gsum pa mngon du bsgrubs te gnas so/ /de'i lus 'di la dga' ba 
med pa'i bde bas mngon par rlan/ rab tu rlan/ kun du tshim/ kun du khyab bo/ /'di lta ste/ dga' ba med pa'i bde bas lus thams cad du khyab par ma gyur pa cung zad kyang med do/ /de 'di lta ste/ me tog ut+pa la'am/ pad mo'am/ ku mu da'am/ pun da ri ka dag chu las skyes 
te/ chur 'phel zhing rtsa ba chur nub nas gnas so/ /de dag ji tsam rtsa ba nas rtse mo'i bar du 'di lta ste/ bsil ba'i chus ma khyab pa'am/ khyab par ma gyur pa cung zad kyang med do/ /de ltar de bzhin du lus 'di nyid la dga' ba med pa'i bde bas mngon par rlan/ rab tu rlan/

</font><hr>11-1-212b<br><font size=+1>
kun du tshim/ kun du khyab po/ /'di lta ste/ dga' ba med pa'i bde bas lus thams cad du ma khyab pa dang / khyab par ma gyur pa cung zad kyang med do/ /des bde ba yang spangs/ sdug bsngal yang spangs te/ yid bde ba dang yid mi bde ba sngar spangs pas na sdug bsngal kyang ma yin bde ba yang ma 
yin pa btang snyoms dang dran pa yongs su dag pa bsam gtan bzhi pa mngon par bsgrubs nas gnas so/ /de'i lus 'di nyid la kun du dag pa yongs su dkar ba la zhugs nas mos par byas nas khyab par mngon du bsgrubs te gnas so/ /'di lta ste/ khyim bdag gam khyim bdag gi bu yang rung 
brgyad kyis btags sam/ dgur btags pa'i gos kyis de'i mgo nas lag pa dang / rkang pa yan chad du dkris te de mgo bo nas rkang pa'i bar du'o/ /'di lta ste/ kun du dag pa'i ras yongs su dkar bas lus thams cad du ma khyab cing ma khyab par gyur pa ni cung zad kyang med de/ de ltar 
de bzhin lus 'di nyid la kun du dag pa'i sems yongs su byang ba la mos khyab par mngon du bsgrubs nas gnas so/ /'di lta ste/ kun du dga' ba'i sems yongs su byang bas lus thams cad du ma khyab pa dang ma khyab par gyur pa ni cung zad kyang med do/ /ma sdug nam 'phags pa nyan thos 
pa dag gis bde ba yang spangs sdug bsngal yang spangs te/ yid bde ba dang / yid mi bde ba gnyis sngar nub pas bde ba yang ma yin sdug bsngal kyang ma yin pa/ btang snyoms dang dran pa kun du dag ste/ bsam gtan bzhi pa mngon du bsgrubs te gnas so/ /de'i sems de ni de'i tshe na 
mi mtho mi dma' bar gyur to/ /mi mtho mi dma' bar gnas pas mi g.yo ba thob bo/ /'di lta ste/ khang pa brtsegs pa'am/ khang chen brtsegs par yungs mar gyi me mar bus te/ me lce de la rlung dang / bya dang / mi dang / mi ma yin pa rnams kyis ma bsgul ma bskyod pa de'i dus na 
mi mtho mi dma' bar gyur te/ mi mtho mi dma' bar gnas pas mi g.yo bar 'bar ro/ /de ltar de bzhin du/ ma sdug gang gi tshe 'phags pa nyan thos dag gis bde ba yang spangs/ sdug bsngal yang spangs te/ yid bde ba dang yid mi bde ba gnyi ga ni sngar nub pas sdug bsngal kyang 

</font><hr>11-1-213a<br><font size=+1>
ma yin bde ba yang ma yin pa btang snyoms dang / dran pa kun du dag ste/ bsam gtan bzhi pa mngon du bsgrubs te gnas so/ /de'i sems de ni de'i dus na mi mtho mi dma' bar gyur te/ mi mtho mi dma' bar gnas pas mi g.yo ba thob ste de 'di snyam du gyur to/ /bdag 
gis lus 'di ni gzugs can che ba/ 'byung ba chen po bzhi ste/ 'di la rnam par shes pa gnas so/ /'di la rten to/ /'di nang du zhugs so/ /ci nas bdag gis lus las yid bskyod de lus gzhan gzugs can yid las byung ba ma god pa dbang po rnams ma nyams pa zhig bsgrub 
bo snyam bsams nas/ des lus de las yid bskyod de/ lus gzhan gzugs can yid las byung ba ma god pa dbang po rnams ma nyams pa mngon du sgrub par byed do/ /de 'di lta ste/ ma sdug bai DUr+ya'i nor bu zur brgyad pa rang bzhin bzang ba gsal zhing rnam par dang ba ste/ dri ma med pa la tshon sna 
bzhi pa'i skud pas btags te/ sngon po dang / ser po dang / dmar po dang / rma'o/ /de la mig dang ldan pa'i skyes bus mthong na 'di ni skud pa'o/ /'di ni nor bu ste nor bu skud pa la brgyus par shes so/ /de ltar de bzhin du des lus de las yid bskyod de/ de lus gzhan gzugs can yid las byung 
ba ma god pa dbang po rnams ma nyams pa mngon du sgrub par byed do/ /de 'di lta ste/ ma sdug skyes bu zhig gres ma'i bam po las nyag ma gcig drangs pa de mig dang ldan pa'i skyes bus mthong na 'di ni gres ma'o/ /'di ni nyag mar drangs pa yin par shes so/ /de ltar de bzhin du des lus 
de las yid bskyod de/ lus gzhan gzugs can yid las byung ba ma god pa dbang po rnams ma nyams pa mngon du sgrub par byed do/ /de 'di lta ste/ ma sdug skyes bu zhig gzeb kyi nang nas sbrul gcig phyir phyung ba de mig dang ldan pa'i skyes bu des mthong na 'di ni gzeb bo/ /'di ni sbrul 
te gzeb nas sbrul phyung bar shes so/ /de ltar de bzhin du des lus de las yid bskyod de/ de lus gzhan gzugs can yid las byung ba ma god pa dbang po rnams ma nyams par mngon du sgrub par byed do/ /de 'di lta ste/ ma sdug skyes bu zhig ral gri shubs nas ral gri 'byin pa de la 

</font><hr>11-1-213b<br><font size=+1>
mig dang ldan pa'i skyes bus mthong na 'di ni ral gri'i shubs so/ /'di ni ral gri'o/ /'di ni ral gri shubs nas phyung bar shes so/ /de ltar de bzhin du lus de las des yid bskyod de/ lus gzhan gzugs can yid las byung ba ma god pa dbang po rnams ma nyams pa mngon du sgrub 
par byed do/ /des 'di bzhin ma g.yengs pa'i sems kun du dag pa/ yongs su byang ba/ nyes pa med pa'i nye ba'i nyon mongs pa las bral ba drang por gyur te las su rung bar gnas pas mi g.yo ba 'thob ste/ rdzu 'phrul gyi yul la ye shes mngon par byang ba dang / mngon par shes pa la sems 
mngon par 'jug go/ /des rnam pa du ma'i rdzu 'phrul gyi yul so sor myong ba ni 'di lta ste gcig las mang por 'gyur ro/ /mang po las gcig tu 'gyur ro/ /mngon par snang ba las mi snang ba'o/ /ye shes kyi snang ba so sor myong bar 'gyur te/ rtsig pa las thal ba dang / ri las 
thal ba dang / ra ba las thal zhing mi chags par lus kyis 'gro ba ni 'di lta ste/ nam mkha' dang 'dra ba'o/ /sa la nub cing 'byung ba ni 'di lta ste/ chu bzhin no/ /chu rgyun gyi steng nas 'gro ba ni 'di lta ste/ sa bzhin no/ /nam mkha' las skyil mo krung bcas te 'gro ba ni 'di lta ste/ bya 
gshog pa can bzhin no/ /nyi ma dang zla ba 'di gnyis 'di lta bur mthu che ba rdzu 'phrul che ba yang lag pas reg kun du reg par byed pa tshangs pa'i 'jig rten gyi bar du lus kyi dbang byed do/ /de 'di lta ste/ gser mgar mkhas pa'am/ gser mgar gyi slob ma mkhas pa yang rung / 
gser shin tu sbyangs par shes nas ci dang ci 'dod pa de dang de'i rkyen gyis khyad par du byed pa ni de ste/ glegs bam mam/ de ste rna cha'am/ de ste mgrin rgyan tam/ de ste lag gdub bam/ de ste rkang gdub bam/ sor gdub bam/ dngul dang gser gyi phreng bar yang rung myur zhing rings 
par byed do/ /de lta de bzhin du 'dis kyang mnyam par gzhag pa'i sems kun du dag pas yongs su byang ba nyes pa med pa nye ba'i nyon mongs pa las bral ba drang por gyur pa las su rung bar gnas par mi g.yo ba thob ste/ rdzu 'phrul gyi yul la ye shes mngon par bya ba'i phyir 

</font><hr>11-1-214a<br><font size=+1>
mngon par shes pa dag la sems mngon par zhugs so/ /de 'di lta ste/ gcig las mang por gyur pas na/ snga ma bzhin tshangs pa'i 'jig rten gyi bar du lus kyis dbang du byed do/ /'di lta ste/ rdza mkhan nam rdza mkhan gyi slob ma mkhas pa yang rung / 'jim 
pa'i gong bu shin tu sbyangs par shes nas ci dang ji lta bur 'dod pa'i snod kyi khyad par de dang der byed pa ni myur ba myur bar byed de/ de ltar de bzhin du des 'di bzhin mnyam par gzhag pa'i sems kun du dag pa/ yongs su byang ba/ nyes pa med pa nye ba'i nyon mongs pa las bral ba nas snga 
ma bzhin te tshangs pa'i 'jig rten gyi bar du lus kyis dbang byed do/ /de 'di lta ste so mkhan mkhas pa'am/ so mkhan gyi slob ma mkhas pa yang rung / so shin tu sbyangs par shes nas ci dang ji lta bur 'dod pa'i gzugs kyi khyad par de dang der byed de myur zhing rings par mngon par byed do/ /
de ltar de bzhin du des 'di bzhin du mnyam par gzhag pa'i sems kun du dag pa yongs su byang ba nas/ snga ma bzhin te tshangs pa'i 'jig rten gyi bar du lus kyis dbang du byed do/ /des 'di bzhin mnyam par gzhag pa'i sems kun du dag pa/ yongs su byang ba/ nyes pa med pa nye ba'i nyon 
mongs pa las bral ba drang por gyur cing / las su rung bar gnas pas mi g.yo ba thob ste/ 'phrul gyi rna ba la ye shes mngon par bya ba'i phyir mngon par shes pa dag la sems mngon par 'jug go/ /des 'phrul gyi rna ba rnam par dag pa mi las 'das pas sgra gnyis thos pa ni mi dang mi ma 
yin pa'i dang ring ba'i dang nye ba'o/ /de 'di lta ste/ dung 'bud pa'i skyes bus ri mthon po'i rtse mor 'dzegs te/ mtshan mo nam phyed kyi dus su dung bus pa de'i sgras so so'i phyogs su khyab par grags so/ /de ltar de bzhin du des 'di bzhin du mnyam par gzhag pa'i sems kun du dag pa/ 
yongs su byang ba/ nyes pa med pa nye ba'i nyon mongs pa las bral ba drang por gyur cing las su rung bar gnas pas mi g.yo ba thob ste/ 'phrul gyi rna ba la ye shes mngon par bya ba'i phyir mngon par shes pa de dag la sems mngon par 'jug go/ /des 'phrul gyi rna ba rnam par dag pa mi las 

</font><hr>11-1-214b<br><font size=+1>
'das pas sgra gnyis thos te/ mi dang mi ma yin pa'i dang / ring ba'i dang nye ba'o/ /des 'di bzhin mnyam par gzhag pa'i sems kun du dag pa/ yongs su byang ba/ nyes pa med pa nye ba'i nyon mongs pa las bral ba drang por gyur cing las su rung bar gnas pas mi g.yo ba thob ste/ 
sems kyi rnam grangs la ye shes mngon par bya ba'i phyir mngon par shes pa dag la sems mngon par 'jug go/ /sems can pha rol dang / gang zag pha rol dag ni rnam par brtags pa dang / rnam par dpyad pa'i yid ji ltar gyur pa yang dag pa ji lta ba bzhin du rab tu shes te/ 'dod 
chags dang bcas pa'i sems la 'dod chags dang bcas pa'i sems zhes ji lta bu nyid rab tu shes so/ /'dod chags dang bral ba'i sems la 'dod chags dang bral ba'i sems zhes ji lta bu nyid rab tu shes so/ /zhe sdang dang bcas pa dang / zhe sdang dang bral ba dang / gti mug 
dang bcas pa dang / gti mug dang bral ba dang / g.yeng ba dang / mi g.yeng ba dang / zhum pa dang / rab tu 'dzin pa dang / 'phyar ba dang / ma 'phyar ba dang / nye bar zhi ba dang / nye bar ma zhi ba dang / mnyam par gzhag pa dang / mnyam par ma gzhag pa dang / ma bsgoms pa dang / bsgoms 
pa dang / ma grol ba'i sems la ma grol ba'i sems so zhes ji lta bu nyid rab tu shes so/ /shin tu rnam par grol ba'i sems la shin tu rnam par grol ba'i sems zhes ji lta bu nyid rab tu shes so/ /de 'di lta ste/ mig dang ldan pa'i skyes bus yongs su dag pa'i me long gi dkyil 'khor bzung 
ste/ bdag gi bzhin gyi mtshan ma rtog go/ /de ltar 'di bzhin des mnyam par gzhag pa'i sems kun du dag pa/ yongs su byang ba nyes pa med pa nye ba'i nyon mongs pa las bral ba drang por gyur cing las su rung bar gnas pas mi g.yo ba thob ste sems kyi rnam grangs ye shes mngon par shes par 
bya ba'i phyir mngon par shes pa dag la sems mngon par 'jug pa nas snga ma bzhin te/ shin tu rnam par grol ba'i sems la shin tu rnam par grol ba'i sems zhes ji lta bu nyid rab tu shes pa'i bar du ste/ 'di ni rkang pa zhes bya'o/ /rig pa gang zhe na/ des 'di bzhin mnyam par gzhag 

</font><hr>11-1-215a<br><font size=+1>
pa'i sems kun du dag pa/ yongs su byang ba/ nyes pa med pa/ nye ba'i nyon mongs pa las kyang bral ba drang por gyur cing las su rung bar gnas pas mi g.yo ba thob ste/ sngon gyi gnas la rjes su dran pa'i ye shes mngon par bya ba'i phyir mngon par shes pa dag la sems mngon par 
'jug ste/ des rnam pa du ma'i sngon gyi gnas la rjes su dran pa ni 'di lta ste/ skye ba gcig dang / gnyis dang / gsum dang / bzhi dang / lnga dang / drug dang / bdun dang / brgyad dang / dgu dang / bcu dang / nyi shu dang / sum bcu dang / bzhi bcu dang / lnga bcu dang / skye ba brgyad 
dang / skye ba stong dang / skye ba brgya stong du ma dang / 'jig pa'i bskal pa dang / 'byung ba'i bskal pa dang / 'jig pa dang 'byung ba'i bskal pa dang / 'jig pa'i bskal pa du ma dang / 'byung ba'i bskal pa du ma dang / 'jig pa dang 'byung ba'i bskal pa du ma yang rjes su dran no/ /skye ba'i 
sems can de dag ni 'di zhes bya ste/ bdag kyang de na ming 'di zhes bya/ rigs ni 'di'o/ /rus ni 'di'o/ /kha zas ni 'di lta bu'o/ /bde ba dang / sdug bsngal 'di lta bu yang so sor myong ste/ tshe 'di lta bur ring / 'di lta bur ring du gnas te/ tshe'i mtha' ni 'di tsam du gyur nas de 
nas bdag shi 'phos te che ge mo zhig tu skyes so/ /de nas kyang shi 'phos te che ge mo zhig tu skyes te/ de nas kyang shi 'phos te 'dir skyes so zhes dbyibs dang / gnas kyi gtan tshigs su bcas pa rnam pa du ma'i sngon gyi gnas rjes su dran no/ /de 'di lta ste/ skyes bu zhig grong nas grong 
du 'gro'o/ /grong de nas yang gzhan du song ba dang / de 'di snyam du gyur to/ /bdag ni che ge mo zhig gi grong nas che ge mo zhig gi grong du 'gro ste/ de nas yang che ge mo zhig tu 'gro'o/ /de nas grong 'dir phyin to/ /de ltar 'di bzhin du des 'di bzhin mnyam par gzhag pa'i sems kun du dag 
pa/ yongs su byang ba/ nyes pa med pa/ nye ba'i nyon mongs pa dang bral ba drang por gyur cing las su rung bar gnas pas mi g.yo ba thob ste/ sngon gyi gnas la rjes su dran pa'i ye shes mngon par bya ba'i phyir mngon par shes pa dag la sems mngon par 'jug go/ /des rnam pa du ma'i sngon gyi 

</font><hr>11-1-215b<br><font size=+1>
gnas la rjes su dran te/ 'di lta ste/ gcig ces bya ba nas snga ma bzhin te/ dbyibs dang gnas kyi gtan tshigs su bcas te rnam pa du ma'i sngon gyi gnas rjes su dran pa'i bar du'o/ /des de bzhin du mnyam par gzhag pa'i sems kun du dag pa/ yongs su byang ba/ nyes pa med pa 
nye ba'i nyon mongs pa las bral ba drang por gyur te/ las su rung bar gnas pas mi g.yo ba thob ste/ 'chi 'pho dang skye ba shes pa mngon par bya ba'i phyir mngon par shes pa dag la sems mngon par 'jug go/ /des 'phrul gyi mig rnam par dag pa mi las 'das pas sems can rnams 'chi 
ba dang / skye ba dang / kha dog sdug pa dang / kha dog mi sdug pa dang / ngan pa dang / bzang po dang / bde bar 'gro bar song ba dang / ngan par 'gro ba rnams mthong ngo / /sems can rnams ji ltar las kyis nye bar 'gro ba de lta bu nyid rab tu shes te/ kye sems can 'di dag gis ni lus kyis 
nyes par spyad pa dang ldan pa/ ngag dang yid kyis nyes par spyad pa dang ldan zhing 'phags pa dag la skur te ngan par lta zhing ngan par lta ba'i las dang / chos la yid dam bcas pa de'i rgyu de'i rkyen gyis na lus dang bral te shi ba'i 'og tu ngan song ngan 'gror ltung ste sems can dmyal bar skye'o/ /
kye gzhan yang sems can 'di dag gis ni lus kyis dge bar spyad pa dang ldan/ ngag dang yid kyis dge bar spyad pa dang ldan pas 'phags pa dag la ma skur te yang dag par lta zhing yang dag par lta ba'i las dang chos la yid dam bcas pa de'i rgyu de'i rkyen gyis nam lus dang bral ba'i 
'og tu bde bar 'gro ba mtho ris kyi lhar skye'o/ /de 'di lta ste/ mig dang ldan pa'i skyes bu zhig gis lam gyi bzhi mdo chen por 'dug ste/ skye bo mang po 'ong ba dang / 'gro ba dang / 'greng ba dang / 'dug pa dang /nyal ba dag rnam pa sna tshogs su gnas pa de dag kyang mthong ngo / /de 
ltar 'di bzhin du de'i 'phrul gyi mig rnam par dag pa mi las 'das zhes bya ba nas/ snga ma bzhin lhar skye'o zhes bya ba'i bar du ste/ des 'di bzhin mnyam par gzhag pa'i sems kun du dag pa/ yongs su byang ba/ nyes pa med pa/ nye ba'i nyon mongs pa las bral ba/ drang por gyur cing las 

</font><hr>11-1-216a<br><font size=+1>
su rung bar gnas pas mi g.yo ba thob ste/ zag pa zad pa las ye shes mthong bar bya ba'i phyir mngon par shes pa dag la sems mngon par 'jug ste/ des sdug bsngal 'di ni 'phags pa'i bden pa'o zhes ji lta bu nyid rab tu shes so/ /'di ni sdug bsngal kun 'byung ba'o/ /
'di ni sdug bsngal 'gog pa'o/ /'di ni sdug bsngal 'gog par 'jug pa'i lam 'phags pa'i bden pa'o zhes ji lta bu nyid rab tu shes pa'o/ /des 'di bzhin shes/ 'di bzhin mthong bas na 'dod pa'i zag pa las sems rnam par grol/ srid pa'i zag pa dang / ma rig pa'i zag 
pa las sems rnam par grol lo/ /rnam par grol nas rnam par grol lo zhes bya ba'i ye shes mthong bar 'gyur te/ bdag gi skye ba zad do/ /tshangs par spyod pa spyad do/ /bya ba byas te srid pa 'di las gzhan med par shes so/ /dper na 'di lta ste/ grong ngam grong 'dab cig nas shin tu mi 
ring ba zhig nas chu'i rdzing gting zab pa/ ma rnyogs pa/ gsal ba/ rnam par dang ba de la mig dang ldan pa'i skyes bu zhig 'gram du 'dug pas gseg ma'am/ gyo mo'am/ nya'am/ rus sbal lam/ chu srin yang rung mthong ngo / /de ltar des 'di bzhin mnyam par gzhag pa'i sems 
kun du dag pa/ yongs su byang ba/ nyes pa med pa/ nye ba'i nyon mongs pa dang bral ba drang por gyur cing las su rung bar gnas pas mi g.yo ba thob pa nas/ snga ma bzhin te/ srid pa 'di las gzhan med par shes pa'i bar du'o/ /'di ni rig pa zhes bya ste/ snga ma'i rig pa dang / de gnyis 
gcig tu bsdus na rig pa dang rkang pa zhes bya'o/ /khye'u bla na med pa'i rig pa dang rkang par ldan pa 'di mngon par ma byas pa mngon par bya ba'i phyir thabs bzhir rig par bya ste/ bzhi gang zhe na/ 'di na bram ze'i khye'u dge sbyong ngam/ bram ze kha cig gis bla na med pa'i rig pa dang rkang par ldan pa 
'di nyid mngon par ma chud pas grong nas dgon par song ste/ yal ga dang lo ma'i spyil bu byas nas gnas par byed do/ /bdag cag 'dir rtsa ba dang / 'bras bus 'tsho'o zhes 'dzer te/ de dag rtsa ba dang / 'bras bus 'tsho bar byed do/ /bram ze'i khye'u de ni bla na med pa'i rig pa rkang par 

</font><hr>11-1-216b<br><font size=+1>
ldan pa mngon par ma byas pa mngon par bya ba'i phyir 'di ni thabs dang por rig par bya'o/ /bram ze'i khye'u ji snyam du sems/ gang ngas bla na med pa'i rig pa dang rkang par ldan pa de'i thabs dang por bstan pa der khyod slob dpon dang bcas nas 'dug myong ngam/ kye gau ta ma ma myong ngo / /gzhan 
yang bram ze'i khye'u dge sbyong ngam/ bram ze kha cig bla na med pa'i rig pa dang rkang par ldan pa 'di nyid mngon par ma chud pas rtsa ba dang 'bras bu'i kha zas de btang ste/ phyogs gcig tu song nas lo ma dang yal ga'i spyil bu byas te gnas par byed do/ /bdag cag 'di na lo ma'i kha zas kyis 
'tsho'o zhes smras te/ de dag der lo ma 'ba' zhig gi kha zas kyis 'tsho bar byed do/ /bram ze'i khye'u bla na med pa'i rig pa dang rkang par ldan pa 'di mngon par ma byas pa mngon par bya ba'i phyir 'di ni thabs gnyis pa ste rig par bya'o/ /gzhan yang bram ze'i khye'u dge sbyong ngam/ bram ze kha 
cig bla na med pa'i rig pa dang rkang par ldan pa 'di nyid mngon par ma chud par rtsa ba dang / 'bras bu'i kha zas de yang bor te phyogs gcig tu song nas yal ga dang lo ma'i spyil bu byas te/ 'tsho bar byed cing 'dir ni bdag cag gis sngags rnams ni bcang smrang rnams ni sbyar ro zhes smras te/ 
de dag sngar sngags dag 'chang zhing smrang sbyor ba bram ze'i khye'u bla na med pa'i rig pa dang rkang par ldan pa 'di mngon par ma byas pa mngon par bya ba'i phyir/ thabs gsum pa ste shes par bya'o/ /gzhan yang bram ze'i khye'u dge sbyong ngam/ bram ze kha cig bla na med pa'i rig pa dang rkang par ldan pa 'di nyid 
mngon par ma chud par rtsa ba dang / 'bras bu'i kha zas de dang / lo ma'i kha zas de dang / sngags 'chang ba dang smrang sbyor ba de dag bor te/ mngon par ma chud par byed nas grong du lhags te/ khang pa sgo bzhi pa brtsigs nas gnas par byed cing 'dir bdag cag gis sbyin pa byin zhing bsod nams byas te 
'ong zhing 'gro ba'i dge sbyong dang / bram ze dag la ji ltar nus pa dang / ji lta ba'i stobs kyis bsod snyoms sbyin no zhes 'dzer nas de dag gis der sbyin pa byin zhing bsod nams byed de/ 'gro ba dang 'ong ba'i dge sbyong dang bram ze dag la ji ltar nus pa dang / ji lta bur 'byor pa de bsod snyoms byin no/ /

</font><hr>11-1-217a<br><font size=+1>
bram ze'i khye'u bla na med pa'i rig pa dang rkang par ldan pa de mngon par ma byas pa mngon par bya ba'i phyir 'di ni thabs bzhi pa yin te shes par bya'o/ /bram ze'i khye'u ji snyam du sems/ gang ngas bla na med pa'i rig pa dang rkang par ldan pa 'di mngon par bya ba'i phyir thabs rnam pa bzhir bstan pa 
der khyod slob dpon dang bcas pas gnas myong ngam/ kye gau ta ma ma myong ngo / /bram ze'i khye'u de lta bas na thabs de dag kun khyod kyis ma rdzogs bzhin du ci'i phyir khyod kyis shAkya dag la e ma'o shAkya dag ni da gdod kyi'o/ /e ma'o shAkya dag ni gdod byung ba'o zhes tshig gis smra bar byed/ 
bram ze'i khye'u ji snyam du sems/ sngon gyi bram ze byung ba rnams ni bram ze'i drang srong de dag la 'di lta ste/ a sta ka dang / bam de bo dang / b+hi shwa mi tra dang / dza ma dag ni dang / ang gi rA dang / ba ra dwa dza dang / ba sa shwa dang / ka she pa dang / b+h-i gu de dag gis sngags rnams byas/ smrang 
rnams phyung ba de dag da ltar gyi bram ze rnams dang sngon gyi rnams sngags kyi tshig dang / bstod pa dang / dbyangs su byas pa dang / sbyar ba de dag la dbyangs su sbyar/ de dag la rjes su rjod par byed do/ /ji ltar khyod slob dpon dang bcas pa da ltar 'obs kyis skor ba/ rtsang btsugs pa lcags kyi 
gze ma bres shing / 'gag par byed pa'i grong khyer na gnas pa lta ci de dag kyang de bzhin nam/ kye gau ta ma de ltar ma lags so/ /ji ltar khyod slob dpon dang bcas bzhin du phrag par gzar cing rgyal mtshan gyi mchog dang / stobs kyi mchog dang / g.yul bshams pa du ma la rab tu 
lta ba myong bar 'gyur ba bzhin du ci de dag kyang de ltar ram/ kye gau ta ma ma lags so/ /ji ltar khyod slob dpon dang bcas pa rgod ma skya mo thams cad dang sbyar ba'i shing rta la zhon te/ gser gyi khar ba dang / ril ba bzung ste/ bram ze'i khye'u mang pos bskor/ bram ze'i khye'u mang po 
mdun du byas te ljongs su 'gro zhing song ba ltar ji de dag kyang de bzhin nam/ kye gau ta ma ma lags so/ /ji ltar khyod slob dpon dang bcas pas 'di bzhin du skra spyi bor bcings pa'i kun du rgyu ba lag pa gdu bu can nu ma pho long bzhin pa'i bud med kyis bsku ba dang / bkru ba dang / mnye ba la 

</font><hr>11-1-217b<br><font size=+1>
sogs pa nyams su len pa ltar ci de dag kyang de bzhin nam/ kye gau ta ma ma lags so/ /ji ltar khyod slob dpon dang bcas pas gser gyi dpung rgyan 'chang ba/ gser gyi do shal thogs pas brgyan pa'i bud med dang lhan cig tu rkang pa brkyang ste nyi ma shar ba'i bar du nyal bar byed 
pa de bzhin ci de dag kyang de ltar ram/ kye gau ta ma ma lags so/ /bram ze'i khye'u khyod kyi mkhan po'i nyes pa rnams la nyon cig /bram ze'i khye'u bram ze'i bu pad+ma'i snying po zer ni man yul ko sa la'i rgyal po la ltar song ba ni rtsig pas bsgribs pa'am/ yol bas bsgribs pa 
las gzhan du ma yin te/ ci'i phyir na de 'dra bar shes pa'i skyes bu de gang gis btsos pa'i kha zas za ba de nyid la bzhin mngon sum du mi bstan pa rigs sam/ bram ze'i khye'u khyod nyid kyi nyes pa la'ang nyon cig /sngon byung ba ni bram ze'i khye'u yul ko sa la'i rgyal po gsal rgyal 
rgyal po rang gi stan la 'dug ste/ skyes bu gzhan zhig la kye skyes bu don ni 'di lta bu ste/ 'di dang 'di lta bur byos shig /'di dang 'di lta bur spyod cig ces bsgo'o/ /de skad bsgo nas rgyal po stan las langs te song ngo / /de nas skyes bu des lkog tu rgyal po'i stan la 'dug ste/ 
skyes bu gzhan zhig la'ang kye skyes bu don 'di dang 'di lta bur byos shig /'di dang 'di lta bur spyod cig ces bsgo na/ bram ze'i khye'u ji snyam du sems/ de ltar skyes bu lkog tu rgyal po'i stan la 'dug nas rgyal pos smras pa ni smra/ rgyal pos gsungs pa ni zer na ci de rgyal po yin nam/ 
ci rgyal por 'gyur ram/ kye gau ta ma ma lags so/ /de ltar 'di bzhin du bram ze'i khye'u khyod kyang drang srong gis bshad pa ni 'chad/ smras pa ni smra na drang srong yin nam/ drang srong du 'gyur ram/ kye gau ta ma ma lags so/ /bram ze'i khye'u 'on kyang khyod don gang gi phyir 'ongs pa'i don de 
shin tu legs par yid la zung shig dang / khyod la yun ring por phan pa dang / don dang / bde bar 'gyur ro/ /de nas bram ze'i khye'u ma sdug /bcom ldan 'das kyi sku la skyes bu chen po'i mtshan sum bcu rtsa gnyis brtags pa dang / sum bcu ni mthong gi gnyis la yid gnyis 

</font><hr>11-1-218a<br><font size=+1>
dang / the tshom zos te pho mtshan gsang ba smad kar nub pa dang / lce srab la che ba'o/ /des tshigs su bcad de smras pa/ sum bcu rtsa gnyis mtshan zhes thos/ /thub chen khyod la skyes bu'i mtshan/ /sum bcu rtsa gnyis yod ces thos/ /gau tam khyod kyi sku la ni/ /rnam pa de 
gnyis mi gda' na/ /mi mchog khyod kyi pho mtshan gsang / /de ni smad kar nub bam ci/ /bud med lta bu'i sgra yi tshig /lce ni thung ba ma lags grang / /srab mo myur du phyung ba mdzod/ /bdag gi the tshom bsal bar gsol/ /snyan par bsgrags pa'i sangs rgyas rnams/ /mthong bar 
rnyed pa shin tu dka'o/ /de nas bcom ldan 'das kyis bram ze'i khye'u ma sdug 'di ni nga'i lus la skyes bu chen po'i mtshan sum bcu rtsa gnyis brtags na sum bcu ni mthong gi pho mtshan gsang ba nub pa dang / srab la che ba'i lce gnyis la yid gnyis dang the tshom zos kyis/ gang bdag gis ji ltar 
bram ze'i khye'u ma sdug nga'i pho mtshan gsang ba nub pa dang / che la srab pa'i lce mthong bar 'gyur ba de lta bu'i mtshan ma bstan to snyam du dgongs nas/ bcom ldan 'das kyis ji ltar bram ze'i khye'u ma sdug bcom ldan 'das kyi pho mtshan gsang ba sbubs su nub pa mthong bar mtshan ma bstan to/ /
zhal gyi skra mtshams kyi bar du zhal nas lce phyung ste/ g.yogs pa mthong nas de yang 'di snyam du gyur to/ /kye dge sbyong gau ta ma ni skyes bu chen po'i mtshan sum bcu rtsa gnyis dang ldan no/ /gang skyes bu chen po'i mtshan dang ldan pa la lam gnyis su 'gyur te/ gzhan du ma yin no/ /de ste 
khyim par khyim na gnas na ni 'khor los sgyur ba'i rgyal por 'gyur ba nas snga ma bzhin te/ 'jig rten du sgras khyab par grags pa'i bar du'o/ /de nas bram ze'i khye'u ma sdug /bcom ldan 'das kyis gsungs pa la mngon par dga' zhing rjes su yi rangs te/ bcom ldan 'das 
kyi drung nas song ngo // //'dul ba phran tshegs kyi gzhi/bam po bzhi bcu rtsa brgyad pa/ de nas de'i tshe bram ze pad ma'i snying po khyim mchog gi sa mthon po zhig na shas che ba'i bram ze rgan rabs rgan rabs rnams dang lhan cig 'dus shing 'khod par gyur to/ /bram ze'i khye'u ma sdug 

</font><hr>11-1-218b<br><font size=+1>
kyang sdod cing 'dug pa las/ bram ze'i khye'u ma sdug gis bram ze pad ma'i snying po rgyang ring po nas mthong ngo / /mthong nas kyang bram ze pad ma'i snying po gang na ba der song ste phyin nas kyang bram ze pad ma'i snying po'i rkang pa gnyis la mgo bos phyag byas te/ shas che ba'i bram ze gzhan rnams 
la yang phyag byas nas phyogs gcig tu 'dug go/ /phyogs gcig tu 'dug pa dang / bram ze'i khye'u ma sdug la bram ze pad ma'i snying pos 'di skad ces smras so/ /bram ze'i khye'u ji ga shes ldan gau ta ma de'i dge ba dang / grags pa dang / sgra dang / tshigs su bcad pa phyogs dang phyogs 
mtshams su rgya cher grags pa ji lta ba de kho na bzhin du yin nam/ de'i mtshan rnams grags pa yang dag pa yin nam/ mkhan po mad lags te/ shes ldan gau ta ma de'i dge ba dang / grags pa dang / sgra dang / tshigs su bcad pa phyogs dang phyogs mtshams su rgya cher grags pa yang ji lta ba 
de kho na bzhin lags la/ de'i mtshan rnams grags pa yang yang dag pa lags so/ /bram ze'i khye'u shes ldan gau ta ma de dang bar skabs kyi gtam dag byas sam/ mkhan po bgyis lags so/ /bram ze'i khye'u shes ldan gau ta ma de dang lhan cig bar skabs kyi gtam ci smras pa de thams cad 
nged cag la rgyas par smros shig /de nas bram ze'i khye'u ma sdug gis bcom ldan 'das dang lhan cig bar skabs kyi gtam ci smras pa de thams cad de bzhin du bram ze pad ma'i snying po la rgyas par smras so/ /de skad ces smras pa dang / bram ze pad ma'i snying po khros 'khrugs rngam ste yid la 
ma bab par gyur nas/ mchil lham dang bcas pa'i rdog pas bram ze'i khye'u ma sdug gi mgor brgyab nas 'di skad ces kyang smras so/ /e ma'o pho nya byed pa/ e ma'o 'phrin par byed pa/ tshul 'di 'dra ba dang / pho nya byed pa 'di 'dra ba dang / phrin par byed pa ni bdag ngan song du yang ltung bar 
gyur te/ bram ze'i khye'u khyod kyis shes ldan gau ta ma la ji lta ji ltar khyad du bsad cing zlogs par sems pa de lta de ltar shes ldan gau ta ma des kho bo yang de dang de'i khongs su brtsi bar dgongs so/ /shes ldan dag deng kho na kho bo shes ldan gau ta ma de la blta ba dang / bsnyen bkur bya zhing 'gror 

</font><hr>11-1-219a<br><font size=+1>
dgongs thag pas ma nus par zad de/ 'on kyang sang shes ldan gau ta ma la blta ba dang / bsnyen bkur bya ba'i phyir 'gro'o/ /de nas bram ze pad ma'i snying pos de nyid kyi nub mo nas gtsang zhing bsod pa'i bza' ba dang / bca' ba dag bsdogs nas nang par sngar langs te/ gtsang 
zhing bsod pa'i bza' ba dang bca' ba dag gis shing rta bkang ste khyer nas/ bcom ldan 'das ga la ba der song ste phyin pa dang / bcom ldan 'das dang lhan cig tu mngon du yang dag par dga' bar 'gyur ba dang / yang dag par mgu bar 'gyur ba'i gtam rnam pa sna tshogs byas te phyogs 
gcig tu 'dug go/ /phyogs gcig tu 'dug nas bram ze pad ma'i snying pos bcom ldan 'das la 'di skad ces gsol to/ /shes ldan gau ta ma bdag gis gtsang zhing bsod pa'i bza' ba dang bca' bas shing rta bkang ste 'tshal te/ mchis pa 'di shes ldan gau ta mas thugs brtse ba nye bar 
bzung ste bzhes su gsol/ de nas de'i tshe tshe dang ldan pa kun dga' bo bcom ldan 'das kyi snam logs na bsil yab thogs te/ bcom ldan 'das la bsil yab kyis g.yob cing 'dug go/ /de nas bcom ldan 'das kyis tshe dang ldan pa kun dga' bo la bka' stsal pa/ kun 
dga' bo song la 'dod pa mthun pa na dge slong ji snyed pa nye bar rten cing gnas pa de thams cad rim gro'i gnas su sdus shig /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas 'dod pa mthun pa na dge slong ji snyed nye bar rten 
cing gnas pa de thams cad rim gro'i gnas su bsdus nas bcom ldan 'das gang na ba der song ste phyin pa dang / bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ /phyogs gcig tu 'dug nas tshe dang ldan pa kun dga' bos bcom ldan 'das la 'di skad ces 
gsol to/ /btsun pa 'dod pa mthun pa na dge slong ji snyed nye bar rten cing gnas pa de thams cad rim gro'i gnas su 'dus shing mchis lags te/ bcom ldan 'das da de'i dus la bab par dgongs su gsol/ /de nas bcom ldan 'das rim gro'i gnas gang na ba der gshegs te byon nas dge slong 

</font><hr>11-1-219b<br><font size=+1>
gi dge 'dun gyi gung la gdan bshams pa nyid la bzhugs so/ /de nas bram ze pad ma'i snying pos sangs rgyas la sogs pa dge slong gi dge 'dun bde bar bzhugs par rig nas/ gtsang zhing bsod pa'i bza' ba dang bca' ba dag rang gi lag nas stobs shing tshim par byed de/ rnam pa du mar 
gtsang zhing bsod pa'i bza' ba dang bca' ba dag rang gi lag nas bstabs shing tshim par byas so/ /bcom ldan 'das kyis gsol zin nas phyag bcabs te lhung bzed gyu bar rig nas stan ches dma' ba zhig blangs te/ bcom ldan 'das kyi spyan sngar chos nyan pa'i phyir 'dug go/ /de nas 
bcom ldan 'das kyis bram ze pad ma'i snying po'i sbyin pa de la rjes su yi rangs pa 'dis rjes su yi rang bar mdzad de/ sbyin sreg mchod sbyin rnams kyi mchog /bsdeb sbyor mchog ni nyi ma'i lha/ /mi yi mchog ni rgyal po ste/ /rgya mtsho chu bo rnams kyi mchog /zla ba rgyu skar rnams kyi gtso/ /nyi ma 
snang byed rnams kyi gtso/ /steng dang 'og dang thad kar yang / /'gro ba'i 'gro ba ji snyed pa/ /lha dang bcas pa'i 'jig rten na/ /smra ba'i mchog ni rdzogs sangs rgyas/ /de'i tshe bram ze pad ma'i snying po yon bsngo ba mdzad pa na rgan zhugs zhig til gyi mar khur za ba mthong ste/ mthong 
nas bcom ldan 'das la 'di skad ces gsol to/ /ci lags nyan thos thams cad shes ldan gau ta ma'i thugs mnyes par bgyid pa lags sam/ bram ze 'di lta nges pa med de/ kha cig ni mnyes par byed/ kha cig ni mnyes par mi byed do/ /kye gau ta ma kha cig ni chos tshol/ kha cig ni til 
gyi mar khur 'tshal ba dag gda' lags so/ /kye gau ta ma bdag gi slob ma bram ze'i khye'u ma sdug mchis lags sam/ bram ze 'ongs so/ /shes ldan gau ta ma de dang lhan cig bar skabs kyi bka' mchid dag bgyis lags sam/ bram ze byas so/ /kye gau ta ma de'i slad du de dang lhan cig 
bar skabs kyi bka' mchid ji snyed glengs pa de dag thams cad bdag la rgyas par bka' stsal du gsol/ de nas bcom ldan 'das kyis bram ze'i khye'u ma sdug dang lhan cig bar skabs kyi gtam ji snyed pa glengs pa de dag thams cad bram ze pad ma'i snying po la bka' stsal to/ /de nas bram ze pad ma'i 

</font><hr>11-1-220a<br><font size=+1>
snying pos bcom ldan 'das la 'di skad ces gsol to/ /kye gau ta ma bram ze'i khye'u ma sdug ni bus pa rang bzhin ma 'tshal ba lags so/ /kye gau ta ma bram ze'i khye'u ma sdug la khyod kyis bzod pa mdzod cig /bram ze bzod do/ /shes ldan gau ta ma gang gi tshe bdag 
shing rta'i nang du zhugs pa dang / srab skyogs 'dzin pa'am/ lcag sgreng ba'am/ skad chen por 'chi ba gzigs pa de'i tshe bram ze pad ma'i snying po nga'i zhabs gnyis la mgo bos phyag 'tshal te/ gnod pa chung ngam/ nyam nga ba nyung ngam/ 'tsho 'am/ bskyod pa yang ngam/ stobs dang / 
bde ba la reg par spyod dam zhes snyun gsol bar de ltar thugs su chud par mdzad du gsol/ kye shes ldan gau ta ma gang gi tshe srang gi dbus nas mchis pa'am/ mchil lham phud pa'am/ shul bzur ba'am/ sug pa brkyang ba gzigs pa de'i tshe bdag shes ldan gau ta ma la phyag 
'tshal bar gzung du gsol zhes bya ba nas/ reg par spyod dam zhes bya ba'i bar gong ma bzhin du'o/ /kye shes ldan gau ta ma gang gi tshe bdag 'khor gyi nang na mchis pa'am/ rad pa'am/ stan nam/ gtsug tor la nom pa gzigs pa de'i tshe shes ldan gau ta ma la bdag phyag 'tshal bar 
gzung du gsol zhes bya ba nas/ reg par spyod dam zhes bya ba'i bar gong ma bzhin du'o/ /de ci'i slad du zhe na/ kye shes ldan gau ta ma bram ze rnams ni grags pas longs spyod thob lags te/ de dag ni grags pa kho na las longs spyod 'tshal lags so/ /de nas bcom ldan 'das 'di snyam du 
dgongs te/ kye ma'o bram ze pad ma'i snying po 'di ni nga rgyal shin tu che ba zhig pas ma la ngas 'di nga rgyal spang ba'i phyir chos bshad do snyam du dgongs nas/ de nas bcom ldan 'das kyis bram ze pad ma'i snying po la chos dang ldan pa'i gtam gyis yang dag par ston par mdzad/ yang dag par gzengs 
stod par mdzad/ yang dag par 'dzin du 'jug par mdzad/ yang dag par rab tu dga' bar mdzad do/ /sangs rgyas bcom ldan 'das rnams kyi chos dang ldan pa'i gtam dus dang por bya ba gang yin pa ni 'di lta ste/ sbyin pa'i gtam dang / tshul khrims kyi gtam dang / mtho ris kyi 

</font><hr>11-1-220b<br><font size=+1>
gtam dang / 'dod pa rnams kyi mnog dang / nyes dmigs dang / kun nas nyon mongs pa dang / rnam par byang ba dang / nges par 'byung ba dang / rab tu dben pa'i phan yon dang / rnam par byang ba'i phyogs kyi chos rnams rgya cher yang dag par rab tu ston par mdzad do/ /bcom ldan 'das 
kyis gang gi tshe de snying dga' ba dang / dge ba'i sems dang / mgu ba'i sems dang / sgrib pa dang rnam par bral ba'i sems dang / skal ba dang ldan pa dang / mthu dang ldan pa dang / yang dag phul gyi chos bstan pa shes par nus par gzigs pa de'i tshe sangs rgyas bcom ldan 'das kyis 
yang dag phul gyi chos bshad pa 'di lta ste/ sdug bsngal ba dang / kun 'byung ba dang / 'gog pa dang / lam ste/ 'phags pa'i bden pa bzhi po rgya cher yang dag par rab tu bstan te/ dper na gos gtsang ma nag nog med cing kha bsgyur bar 'os pa tshon rtsi'i nang na bcug na/ tshon 'jen du 
btub pa de bzhin du bram ze pad ma'i snying pos stan de nyid la 'dug bzhin du 'phags pa'i bden pa bzhi po/ 'di lta ste/ sdug bsngal ba dang / kun 'byung ba dang / 'gog pa dang / lam mngon par rtogs so/ /de nas bram ze pad ma'i snying pos chos mthong ba dang / chos thob pa dang / 
chos rtogs pa dang / chos kyi rnam grangs shes pa dang / chos kyi gting slebs pa dang / the tshom las rgal ba dang / som nyi las rgal ba dang / gzhan gyi dring mi 'jog pa dang / gzhan gyis mi bkri ba dang / ston pa'i bstan pa la chos rnams la mi 'jigs pa thob nas stan las langs 
te/ bla gos phrag pa gcig tu gzar nas/ bcom ldan 'das gang na ba de logs su thal mo sbyar ba btud de bcom ldan 'das la 'di skad ces gsol to/ /btsun pa bdag ni 'phags so/ /mngon par 'phags so/ /bcom ldan 'das la skyabs su mchi'o/ /chos dang 
dge 'dun la skyabs su mchi lags kyis/ bdag dge bsnyen du gzung du gsol/ deng slan chad ji srid 'tsho'i bar du srog dang yang bsdos te skyabs su mchi bar mngon par dad lags so/ /de nas bram ze pad ma'i snying po bcom ldan 'das kyis gsungs pa la mngon par dga' nas 

</font><hr>11-1-221a<br><font size=+1>
rjes su yi rangs te/ bcom ldan 'das kyi zhabs gnyis la mgo bos phyag 'tshal nas stan las langs te song ngo / /bcom ldan 'das kyis dgongs pa/ bram ze pad ma'i snying po 'phya ba'i nyes dmigs gang yin pa ni dge slong dag yon bsngo ba byed pa na kha zas bza' 
ba las gyur te/ de lta bas na dge slong rnams yon bsngo ba byed pa na kha zas bza' bar mi bya bar mkhyen nas dge slong rnams la bka' stsal pa/ dge slong dag bram ze pad ma'i snying po 'phya ba'i gzhir gyur gyis/ de lta bas na dge slong rnams kyis ni yon bsngo ba byed pa na kha zas bza' bar mi  
bya'o/ /dge slong rnams kyis yon bsngo ba byed pa na kha zas za na 'gal tshabs can du 'gyur ro/ /bcom ldan 'das kyis dge slong dag yon bsngo ba byed pa'i tshe/ kha zas bza' bar mi bya'o zhes bka' stsal pa dang / gsar bu zhig dus tshod las 'das par gyur te/ de'i skabs dge slong rnams 
kyis bcom ldan 'das la gsol pa dang / bcom ldan 'das kyis bka' stsal pa/ dge slong dag re zhig dge slong sngon zan za ba'i tshe des don kyang ma go sgra yang ma thos na des bza' bar bya ste/ de la nyes pa med do/ /gang gis sgra ni thos la don ma go na des kyang bza' bar bya ste/ de la yang 
nyes pa med do/ /gang gis sgra yang thos la don kyang go ba des bza' bar mi bya'o/ /za na 'gal tshabs can du 'gyur ro/ /bcom ldan 'das kyis gang gi sgra yang thos/ don kyang go ba de dag thos bzhin du za na 'gal tshabs can du 'gyur ro zhes gsungs pa dang / gtsug lag khang 
gzhan zhig tu dge slong mang po 'dus par gyur te/ der dge slong rnams gral tshar gnyis su bcas te/ 'dug pa gsar bu rnams dang / rgan po dag tu nye nas der dge slong gsar bu de dag za ba dang / de dag gis sgra yang thos don kyang go bar gyur te/ de dag 'gyod pa skyes te ma 
zos pa dang / de dag smyung bar 'dug pa de'i skabs dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ tshigs su bcad pa gnyis gsum brjod kyi bar du bsdad nas bza' bar bya ste/ de la 'gyod par mi bya'o/ /sangs rgyas 

</font><hr>11-1-221b<br><font size=+1>
bcom ldan 'das yul bA rA Na sI drang srong gi gnas ri dgas kyi nags na bzhugs so/ /de nas bcom ldan 'das snga dro'i dus kyi tshe sham thabs dang chos gos bsnams lhung bzed thogs te bA rA Na sIr bsod snyoms la gshegs pa dang / de nas dge slong gzhan zhig kyang snga 
dro'i dus kyi tshe sham thabs dang chos gos bgos lhung bzed thogs te bA rA Na sIr bsod snyoms kyi phyir zhugs so/ /de nas dge slong de shing thags kyi drung du 'dug ste/ mi dge ba'i rnam par rtog pas rnam par rtog cing sdig pa la chags shing gnas pa dang / bcom ldan 
'das kyis dge slong de shing thags kyi drung na mi dge ba'i rnam par rtog pas rnam par rtog cing sdig pa la chags shing gnas pa de gzigs so/ /gzigs nas kyang bcom ldan 'das kyis dge slong de la 'di skad ces bka' stsal to/ /dge slong dge slong bdag nyid sa bon tsha ba lta bur 
ma byed cig /dri nga ba dang / zag par ma byed cig /dge slong khyod kyis 'dir bdag nyid sa bon tsha ba lta bu dang / dri nga ba dang / zag par byas na sbrang bu dag gis mi myangs shing mi ldags pa'i gnas de lta bur 'gyur bar mkhyen to/ /de nas dge slong de 'di snyam du sems te/ 
bcom ldan 'das kyis bdag gi sems kyi rtog pa mkhyen to snyam nas 'jigs skrag sngangs bred de/ ba spu lang zhes byed nas shing thags kyi drung de nas song ngo / /bcom ldan 'das kyis dgongs pa/ nyes dmigs gang yin pa ni dge slong spyod yul ma yin pa na 'dug pa las 
gyur to/ /de lta bas na dge slong spyod yul ma yin pa na 'dug par mi bya bar mkhyen nas bA rA Na sIr bsod snyoms brgyus te zas kyi bya ba mdzad nas/ bsod snyoms kyi zas phyi ma spangs te/ lhung bzed dang chos gos gzhag nas zhabs gnyis bkrus te gtsug lag khang du nang du yang 
dag 'jog la zhugs so/ /de nas bcom ldan 'das/ dgongs ka nang du yang dag 'jog las bzhengs te/ dge slong gi dge 'dun gyi mdun du gdan bshams pa nyid la bzhugs so/ /bzhugs nas bcom ldan 'das kyis dge slong rnams la 'di skad ces bka' stsal to/ /dge 

</font><hr>11-1-222a<br><font size=+1>
slong dag deng 'dir nga snga dro'i dus kyi tshe chos gos bgos lhung bzed thogs te bA rA Na sIr bsod snyoms kyi phyir gshegs pa dang / dge slong gzhan zhig kyang snga dro'i dus kyi tshe sham thabs dang chos gos bgos te/ lhung bzed thogs nas bA rA Na sIr bsod snyoms kyi phyir 
zhugs so/ /de nas dge slong de shing thags gzhan zhig gi drung du 'dug ste mi dge ba'i rnam par rtog pas rnam par rtog cing sdig pa la chags shing gnas so/ /dge slong de shing thags gzhan zhig gi drung du 'dug ste/ mi dge ba'i rnam par rtog pas rnam par rtog cing sdig pa la chags shing 
gnas pa de ngas mthong ngo / /mthong nas kyang dge slong de la ngas 'di skad ces bka' stsal to/ /dge slong dge slong bdag nyid sa bon tsha ba lta bur ma byed cig /dri nga ba dang / zag par ma byed cig /dge slong khyod kyis 'dir sa bon tsha ba lta bu dang / dri nga ba dang / zag par byas na sbrang bu 
dag gis mi myangs shing mi ldags pa'i gnas de lta bur 'gyur bar mkhyen to/ /de nas dge slong de 'di snyam du sems te/ bcom ldan 'das kyis bdag gi sems kyi rtog pa mkhyen to snyam nas 'jigs skrag sngangs bred de/ ba spu lang zhes byed nas/ rings pa rings par shing thags 
de nyid kyi drung nas song ngo / /dge slong dag de bas na de'i phyir nyes dmigs gang yin pa ni dge slong spyod yul ma yin pa na 'dug pa yin te/ de lta bas na dge slong dag gi spyod yul ma yin pa na 'dug par mi bya'o/ /spyod yul ma yin pa na 'dug na 'gal tshabs can du 'gyur 
ro/ /de nas dge slong gzhan zhig stan las langs te bla gos phrag pa gcig tu gzar nas bcom ldan 'das ga la de logs su thal mo sbyar ba btud nas/ bcom ldan 'das la 'di skad ces gsol to/ /btsun pa 'phags pa'i chos 'dul ba la sa bon tsha ba zhes bgyi ba 
ci lags/ dri nga ba zhes bgyi ba gang lags/ zag pa zhes bgyi ba ci lags/ zag pa de'i sbrang bu zhes bgyi ba ci lags/ dge slong sa bon tsha ba zhes bya ba ni sdig pa mi dge ba la rnam par rtog pa'i tshig bla dgas yin te/ 'di lta ste/ 'dod pa la rnam par rtog pa dang /

</font><hr>11-1-222b<br><font size=+1>
gnod sems la rnam par rtog pa dang / 'tshe ba la rnam par rtog pa'o/ /dri nga ba zhes bya ba ni 'dod pa'i yon tan lnga po dag gi tshig bla dgas yin te/ gzugs dang / sgra dang / dri dang / ro dang / reg bya zhes bya mod kyi/ dge slong 'di ni 'dod pa'i yon tan ma yin gyi gang 'dun pa dang 
chags pa de ni 'dod pa zhes bya'o/ /zag pa zhes bya ba ni kha cig ji ltar skye mched drug la reg cing zag par gnas pa ste/ mig gi 'dus te reg pa'i skye mched dang / rna ba dang / sna dang / lce dang / lus kyi 'dus te reg pa'i skye mched rnams so/ /zag pa'i sbrang bu zhes bya ba ni 
kha cig ji ltar skye mched drug la sdom pas mi sdom par gnas pa ste/ chags pa dang yid mi bde bas 'jig rten gyi sdig pa mi dge ba'i chos la sems rjes su zag pa yin no/ /bcom ldan 'das kyis de skad ces gsungs nas/ ston pa bde bar gshegs pas gzhan yang 'di skad ces 
bka' stsal to/ /gang gis 'dod pa 'dod chags bskyod/ /mig dang rna ba ma bsrungs shing / /rnam par rtog pas myangs pas na/ /dge slong sa bon tsha bar byed/ /dri nga ba dang zag pa dang / /sdig la chags shing gnas pa yin/ /grong ngam gal te dgon pa'am/ /mtshan mo'am 
'on te nyin mo'ang rung / /bde ba dag las ring du gnas/ /nyam thag pa nyid nye bar 'gyur/ /gang gis nang gi zhi gnas dang / /rang gis mngon rig brtson byas na/ /sbrang bu de dag med byas shing / /de ni 'jig rten 'dir bder gnas/ /dge ba'i skyes bur bsten pa ni/ /'phags 
pas tshig bzang bshad pa ste/ /de tshig yang dag shes gyur na/ /yang srid par ni mi 'gro'o/ /bcom ldan 'das kyis dge slong dag spyod yul ma yin par gnas par mi bya'o zhes gsungs pa dang / dge slong dag gis spyod yul ma yin pa rnam pa du yod ma shes nas/ de'i skabs dge slong 
rnams kyis bcom ldan 'das la gsol to/ /bcom ldan 'das kyis bka' stsal pa/ spyod yul ma yin pa rnam pa lnga ste/ rol mo'i gnas dang / smad 'tshong ma'i gnas dang / chang 'tshong ma'i gnas dang / rgyal po'i pho brang 'khor gyi sgo dang / rigs ngan gyi gnas so// //sdom ni/

</font><hr>11-1-223a<br><font size=+1>
mal na sbrul nag nyal ba dang / /chos gos gcig pas phyag mi bya/ /rgan pa bzhi la phyag byas te/ /de bzhin tshogs la'ang phyag bya'o/ /sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs 
so/ /mnyan yod na dge slong zhig 'dug pa des dge slong grogs po zhig la mal stan gtams te ljongs rgyu zhing song ngo / /dge slong des mal stan de ji ltar bting ba bzhin du bzhag nas der su yang nyal zhing lta bar mi byed de/ mal stan de stong par 'dug pa dang / gnam babs su 
sbrul gdug pa zhig phan tshun du 'phyan cing rang dgar rgyu zhing gnas pa las mal stan 'dug pa der phyin te/ de de'i 'og tu 'khyil te 'dug go/ /ji tsam na dge slong zhig glo bur du dge slong de'i drung du 'ongs pa dang / dge slong des de ngal bsos te/ de nas lam gyi ngal sos 
pa dang / des mchod rten dang / tshangs pa mtshungs par spyod pa la phyag 'tshal du bcug nas/ des mchod rten dag la phyag byas nas nyi ma nub ste/ dge slong des de la 'di skad ces tshe dang ldan pa chu dang sa dang yungs mar 'di re mal stan yang 'di yin te/ ji ltar bting zhing 
'dug pa la khyod lam gyis dub pas rkang pa khrus la nyol cig ces smras pa dang / de sngon gyi las kyi dbang gis bskul bas mal stan la ma brtags par nyal te/ gnyid kyis log go/ /de gnyid kyis log pas sbrul gdug pa de gnon pa dang / de phan tshun 'gro ba'i skabs 
med de/ btsir ba'i sdug bsngal gyi tshor bas gzir nas dge slong de'i lus la bzung ngo / /de mche bas zin pa'i sdug bsngal skyes par gyur pas phan tshun bsgyur ba dang / de yang shi bar gyur te/ de gnyis ka yang dus las 'das so/ /ji tsam na mtshan mo'i nam nangs te/ 
dge slong de de'i drung du song nas dal nas dal nas sgo 'phar la brdungs pa dang / de dus las 'das pas ga la zhig lan 'debs te/ de re zhig 'di ngal bas nyal te rang ldang grang snyam du bsams pa dang / ji tsam na dro bab par gyur te/ dge slong de yang de'i drung du song nas sgo 'phar la drag 

</font><hr>11-1-223b<br><font size=+1>
tu brdungs te/ tshe dang ldan pa dro bab kyis long shig ces smras pa dang / gnas khang stong par 'dug pas ga la zhig lan yod de/ de la dge slong dag gis ci'i phyir sgo 'phar rdung zhes smras pa dang / des ji ltar gyur pa rgyas par brjod do/ /dge slong dag gis lde mig kyog po blangs te 
sgo phye ba dang / ji tsam na dus las 'das par mthong ngo / /de dag gis phan tshun du brtags na sbrul gdug pa zhig mal gyi 'og tu non nas dus las 'das par mthong ste/ de nas kha cig gis tshe dang ldan pa 'di ni sbrul gdug pa 'dis zos pas dus las 'das so/ /de na kha cig ni 
'di yang tshe dang ldan pa 'dis lus bsgyur bas dus las 'das so zhes de'i skabs dge slong rnams kyis bcom ldan 'das la gsol pa dang / bcom ldan 'das kyis dgongs pa nyes dmigs gang yin pa ni dge slong mal stan gtams pas mal stan gyi zhal ta pa la ma gtad cing dus dus 
su ma brtags las gyur te/ de lta bas na mal stan gtams par gyur pa des mal stan gyi zhal ta pa la gtad par bya zhing ltab ste chos gos kyi gdang bu la dgal bar bya bar mkhyen nas bka' stsal pa/ dge slong dag dge slong des ni bag med pa byas pas nyes dmigs su gyur te/ de 
lta bas na dge slong gang la mal stan gtams par gyur pa des ci nus kyis skoms la ltob ste mal stan gyi zhal ta pa la gtod cig /yang na ltob la chos gos kyi gdang bu la bkal te gzhag par bya'o/ /gang zhig nyal bar byed na yang mal stan la brtags te nyal bar bya'o/ /bcom ldan 
'das kyis mal stan la nyal bar 'dod pa des mal stan la rtogs la nyal bar bya'o zhes gsungs pa dang / de dag gis me mar la mal stan rtog pa dang / bcom ldan 'das kyis bka' stsal pa/ mal stan me mar la brtag par mi bya'o/ /'on kyang nyin par mal stan la brtag 
par bya'o/ /dge slong dag gis mal stan thams cad glongs pa dang / bcom ldan 'das kyis bka' stsal pa/ gang yun ring du gzhag pa de dag ni gzhi las glongs la brtag par bya'o/ /bting ba gzhan ni sprugs pa la nyal bar bya'o/ /gleng gzhi ni mnyan yod na'o/ /dge 

</font><hr>11-1-224a<br><font size=+1>
slong gnyis shig gnas khang gcig na gnas te/ de gnyis las gcig gis gzhon nu gzhan zhig rab tu phyung ba dang / de rab tu gnyid che ba zhig ste ring zhig na ldang ba dang / de la mkhan po rtag tu gshe'o/ /ji tsam dus gzhan zhig na ring zhig gnyid 
kyis log pa dang / sngangs te langs nas rngul gzan sham thabs su gyon te/ de bzhin du mkhan po'i drung du song ba dang / de yang mal nas langs nas sham thabs gyon zhing 'dug pa de'i rkang pa la mgo bos phyag 'tshal ba dang / de yang skra dang kha spu bregs nas ring po ma lon pas de 
langs pa'i mgo la mkhan po'i sham thabs thogs nas lhung ste sgren mor gyur/ de'i rngul gzan yang lhung bar gyur te/ gnyi ga sgren mor gyur cing ji ltar tshul mi sdug par 'dug pa gnas khang gcig na gnas pa mthong ste/ des tshe dang ldan pa dag bzang ngo / /ji ltar skyes bu 
khyod skyes pa'i mtshan dang ldan par ngas da gdod shes so zhes smras pa dang / gnyis ka skyengs te spobs pa med par song nas/ des dge slong de la spyos pa dang / de la dge slong dag gis smras pa/ tshe dang ldan pa khyod la de bzhin du rtag tu gshe bar gyur na khyod kyis ci zhig byas/ 
des smras pa/ tshe dang ldan pa dag 'di dang sngon ni lhan cig 'dum par rung na da ni 'dum par mi 'gyur bas gshed gcig tu 'gro bar bya'o/ /de dag gis ci las gyur ces smras pa dang / des ji ltar gyur pa de dag la rgyas par smras so/ /de dag gis tshe dang ldan pa khyod kyis nyes pas 
gshe ba ni gnas yin no zhes smras pa dang / de cang mi smra bar gyur pa de'i skabs dge slong rnams kyis bcom ldan 'das la gsol pa dang / bcom ldan 'das kyis dgongs pa/ dge slong des de spyos pa ni gnas yin te/ dge slong dag de lta bas na nyes dmigs gang yin pa ni chos gos 
gcig gon pas phyag byed cing chos gos gcig gyon pas phyag byed pa bdag gir byed pa ste/ de lta bas na dge slong dag chos gos gcig gyon pas phyag mi bya zhing / chos gos gcig gyon pas kyang phyag byed pa bdag gir bya ba ma yin par mkhyen nas bka' stsal pa/ dge slong des 

</font><hr>11-1-224b<br><font size=+1>
de la spyos pa ni gnas yin te/ dge slong dag de lta bas na chos gos gcig gyon pa des kyang phyag mi bya chos gos gcig gyon pa la yang phyag mi bya/ chos gos gcig gyon pas phyag byed pa yang bdag gir mi bya'o/ /dge slong dag chos gos gcig gyon pas phyag byed dam chos gos 
gcig gyon pa la phyag byed dam/ chos gos gcig gyon pas phyag byed pa bdag gir byed na 'gal tshabs can du 'gyur ro/ /gleng gzhi ni rgyal po'i khab na'o/ /bcom ldan 'das kyis dge slong rnams dge slong gis tshul khrims ma rig par ngal bso bar mi bya'o zhes gsungs 
pa dang / yul so so na gnas pa'i dge slong dag grong dang / grong khyer dang / yul 'khor dang / rgyal po'i pho brang 'khor de dang de dag nas mchod rten la phyag byed du lhags pa de dag la gang gis kyang ngal ma bsos te bskrad nas/ khyams dang / sgo khang dang / them skas dang / sgo 
khang gi khyams dang / shing drung dag tu gnas pa dang / bram ze dang / khyim bdag ma dad pa kha cig gis mthong nas 'phags pa khyed cag gtsug lag khang nas bskrad dam/ ci na 'di bzhin du 'dug /de dag gis smras pa/ bzhin bzangs nged ni gtsug lag khang nas 
bskrad pa ma yin te/ 'on kyang glo bur du 'ongs pa yin no/ /de dag gis smras pa/ 'phags pa khyed kyi tshangs pa mtshungs par spyod pa dag gis gnas khang dag ma byin nam/ de dag gis bzhin bzangs nged kyi tshul khrims mi shes pas su zhig nged la gnas khang gi skabs 'byed 
par byed/ gang ji ltar yang rung 'dir gnas te mchod rten la phyag byas nas rang gi gnas su 'gro'o zhes smras pa dang / shAkya'i bu'i dge slong rnams kyi tshul khrims ni snyoms pa'o zhes thos na/ de ji ltar snyoms pa'i tshul khrims de tshangs pa mtshungs par spyod pa glo bur du 
'ongs pa la yang gnas khang sbyin par mi byed do zhes de dag smod par byed/ 'phya bar byed/ phyar ka gtong bar byed pa de'i skabs dge slong rnams kyis bcom ldan 'das la gsol pa dang / bcom ldan 'das kyis bka' stsal pa/ dge slong glo bur du 'ongs pa'i kun du spyad 

</font><hr>11-1-225a<br><font size=+1>
pa'i chos ngas bca' bar bya ste/ dge slong glo bur du 'ongs pas rgan pa bzhi la phyag byos la de'i mdun du 'dug par bya'o/ /de dag gis kyang de la gus par gyis la ngal sor gzhug par bya zhing gnas khang dang mal stan gyi zhal ta bas kyang mal stan sbyin 
par bya'o/ /bcom ldan 'das kyis glo bur du 'ongs pa'i dge slong gis rgan pa bzhi la phyag byas te mdun du 'dug par bya'o zhes gsungs pa dang / ji tsam na dge slong gzhan zhig ljongs rgyu zhing 'gro ba las rgyal po'i khab tu phyin te/ des dge slong dag la tshe dang ldan pa gnas brtan kun shes 
kauN+Di n+yas gang na zhes dris pa dang / de dag gis smras pa/ 'od ma'i tshal na'o/ /de 'od ma'i tshal du song ste/ de'i gnas khang gi sgo dal nas dal nas brdungs pa dang / tshe dang ldan pa kun shes kauN+Di n+yas sgo rdung ba 'di su yin zhes smras so/ /des smras pa/ gnas brtan bdag ni glo 
bur du mchis pa ming 'di zhes bgyi ba lags so/ /des tshe dang ldan pa nang du zhugs la ngal sos shig ces smras pa dang / des smras pa/ gnas brtan 'od srung chen po la phyag 'tshal na/ de gang na bzhugs pa gsungs shig /des smras pa/ tshe dang ldan pa shing pib pa la'i phug na 'dug 
gis song shig ces smras pa dang / shing pib pa la'i phug tu song ste bags kyis dal nas dal nas sgo brdungs pa dang / tshe dang ldan pa 'od srung chen pos sgo rdung ba 'di su yin zhes smras so/ /des smras pa/ 'phags pa bdag ni glo bur du mchis pa ming 'di zhes bgyi ba lags so/ /tshe dang 
ldan pa nang du zhugs la ngal sos shig ces smras pa dang / des smras pa/ gnas brtan chen po skul byed la yang phyag 'tshal na/ de gang na bzhugs gsungs shig des smras pa/ tshe dang ldan pa bya rgod phung po'i ri la 'dug gis der song shig /de bya rgod phung po'i ri la song ste de'i gnas 
khang la bags kyis dal nas dal nas sgo brdungs pa dang / tshe dang ldan pa skul byed chen pos sgo rdung ba de su yin zhes smras pa dang / des smras pa/ gnas brtan bdag ni glo bur du mchis pa ming 'di zhes bgyi ba lags so/ /des kyang tshe dang ldan pa nang du zhugs la ngal sos shig ces smras pa dang /

</font><hr>11-1-225b<br><font size=+1>
des smras pa/ gnas brtan stobs bcu 'od srung la phyag 'tshal na/ de gang na bzhugs gsungs shig /des smras pa/ tshe dang ldan pa sde can gyi phug na 'dug gis song shig /de sde can gyi phug tu song ste bags kyis dal nas dal nas sgo brdungs pa dang / tshe dang ldan pa stobs bcu 
'od srung gis sgo rdung ba su yin zhes smras so/ /des smras pa/ bdag ni glo bur du mchis pa ming 'di zhes bgyi ba lags so/ /des kyang tshe dang ldan pa nang du zhugs la ngal sos shig ces smras pa dang / des smras pa/ gnas brtan da ni nam yang nangs te bsod snyoms la 'jug dgos na ji 
ltar ngal so mchi'o/ /bcom ldan 'das kyis ni bdag cag glo bur du lhags pa lam gyis dub pa rnams la chad pas dgum pa'i las kyi don du rgan pa bzhi la glo bur du 'ongs pas phyag byos shig ces gsung ngo zhes de'i skabs dge slong rnams kyis bcom ldan 'das la gsol pa dang / bcom 
ldan 'das kyis bka' stsal pa/ dge slong dag ngas sa la 'dug go cog gi gnas brtan la ma gsungs mod kyi/ 'on kyang gtsug lag khang na gnas pa de nyid kyi gnas brtan la phyag bya'o// //sdom ni/ ston la ngag ldan gyis zhus nas/ /mkhan po'i rjes su spyad pa dang / /ri 
dgas la ni lnga brgya dang / /tha mar gyur pa bdun brgya'o/ /sangs rgyas bcom ldan 'das rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de nas tshe dang ldan pa ngag ldan dgongs ka nang du yang dag 'jog las langs nas bcom ldan 'das ga la der song ste 
phyin nas/ bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ /phyogs gcig tu 'dug nas bcom ldan 'das la tshe dang ldan pa ngag ldan gyis 'di skad ces gsol to/ /btsun pa dge slong lhan cig gnas pa dang / nye gnas rnams 
kyis mkhan po dang / slob dpon la ji ltar bsgrub par bgyi/ ngag ldan dge slong lhan cig gnas pa dang / nye gnas rnams kyis kun du spyad pa'i chos ngas yang dag par bca' bar bya'o/ /dge slong lhan cig gnas pa dang / nye gnas rnams kyis nang par sngar langs te/ mkhan po 

</font><hr>11-1-226a<br><font size=+1>
dang slob dpon la khams mnyam mam zhes dri bar bya'o/ /gal te mkhan po khams mi mnyam mo zhes zer na de'i nad dris te sman pa la bzhin bzangs bdag gi mkhan po 'di 'dra ba na bar gyur na sman ston cig ces dris la ji ltar bsgo ba de ltar bya'o/ /de ltar 'byor na legs/ 
gal te ma 'byor na de'i nye du dag la bslang bar bya'o/ /gal te nye du mang por gyur na des mkhan po'i nye du gang las sman bslang bar bgyi zhes dri zhing gang la bstan pa de'i drung nas bslang bar bya'o/ /nye du dag med na bram ze dang khyim bdag gang la bstan pa de las bslang bar bya'o/ /gal te de 
lta bu yang med na sman khang nas bslang bar bya'o/ /gal te de nas kyang ma rnyed na rang gi las la blta zhing bza' ba dang / btung ba dang / myang ba tsam la gnas par bya'o/ /ji ste min par gyur pa zhig na so shing bza' bar bya zhing phyogs gang du mkhan pos so shing bor ba'i phyogs su phyag dar 
dang / dkyil 'khor byas nas stan gding zhing / chu snod dang / chol zangs dang / 'dag chal dang / so shing bor nas chol zangs blang bar bya'o/ /gal te mig nad can zhig na sman pas bsgo ba'i mig sman sbyar bar bya ste/ mig sman sbyar nas sbyin par bya zhing de slar yang blang bar bya'o/ /
chos gos dag kyang sbyin par bya zhing nam chos gos bgos nas mchod rten dag la phyag byed na/ de nas gnas khang chag chag gis gdab cing phyag dar bya'o/ /gal te rdul yod par gyur na ba lang gi lci ba'am/ lo ma sngon pos ji tsam pa de byug par bya'o/ /de nas mchod rten la phyag 
bya zhing tshangs pa mtshungs par spyod pa la yang ci nus kyis phyag bya'o/ /de nas bsam gtan dang bklag pa'i sbyor bas gnas par bya'o/ /dus tshod shes nas lhung bzed gnyis bkrus te/ gal te bsod snyoms pa zhig yin na lhung bzed lci ba de bdag gis bkur bar bya zhing / gang 
yang ba de mkhan po la sbyin par bya'o/ /gal te grang ba'i dus su gyur na snam sbyar gang lci ba de mkhan po la sbyin par bya zhing / gang yang ba de bdag gis bgo bar bya'o/ /ji ste dro ba zhig tu gyur na gang yang ba de mkhan po la sbyin par bya zhing / gang lci ba de bdag gis bkur 

</font><hr>11-1-226b<br><font size=+1>
bar bya'o/ /gal te lam mi bde bar gyur na sngon du 'gro bar bya zhing / ji ste bde ba zhig na phyi bzhin 'gro bar bya'o/ /gal te chu rgal bar gyur na mkhan po'i lag pa nas gzung bar bya'o/ /spyod yul du 'gro na mkhan po la mkhan po bsod snyoms la lhan cig gshegs sam/ 'on 
te so sor zhes dris shig /gal te lhan cig go zhes zer na de bzhin lhan cig tu 'gro bar bya zhing song ba las gal te phye zhig rnyed na bdag gi lhung bzed du blang bar bya'o/ /ji ste 'bras can zhig na ni mkhan po'i lhung bzed du lugs shig ces smra bar bya'o/ /mon sran gre'u las byas 
pa'am/ 'bras phye las byas pa'i bza' ba rnyed na bdag gi lhung bzed du blang bar bya'o/ /ji ste bza' ba khan da zhig na mkhan po'i lhung bzed du lugs shig ces smra bar bya'o/ /gal te dar ba bskol ba'am/ rtsab mo'i khu ba zhig rnyed na bdag gi lhung bzed du blang bar bya'o/ /ji ste 'o 
ma'am/ zho'am/ khur ba sbyar ba zhig na mkhan po'i lhung bzed du lugs shig ces smra bar bya'o/ /de nas gnas khang du phyin nas dkyil 'khor gnyis bya zhing lo ma lhags pa dag blangs nas stan gnyis gzhag par bya'o/ /de nas 'dug nas zas kyi bya ba bya'o/ /ji ste bsod snyoms 
la so sor song na bsod snyoms blangs pa dag mkhan po la mkhan po bsod snyoms 'di ni bdag gis rnyed do/ /de las gang bzhed pa de blang du gsol zhes smra bar bya'o/ /des kyang de la tshod rig par byos shig /ji ste dge 'dun las 'thob par 'gyur ba zhig na snod dag bkrus la tshang mang 
du song ste/ gtsang sbyor la dri bar bya ste/ tshe dang ldan pa dag deng dge 'dun gyi skyu rum ci zhig byas/ des kyang gus par gyis la de la smra bar bya'o/ /de nas des mkhan po la mkhan po dge 'dun gyis skyu rum 'di dang 'di lta bu zhig bgyis na/ de las gang bzhed pa de blang du gsol zhes 
smros shig /des kyang tshod rig par byos shig /de nas phyogs gang du mkhan pos lag pa bkrus pa'i sa phyogs der dkyil 'khor byas la stan dang / ril ba spyi blugs dang / 'dag chal dang / so shing dag nye bar gzhag par bya zhing mkhan po'i rkang pa yang bkru bar bya'o/ /rkang 

</font><hr>11-1-227a<br><font size=+1>
pa bkrus nas lham byi dor byas te sbyin par bya'o/ /khrus mi byed na chu dang / sa dang / 'bru mar gyi snod dag sbyin par bya'o/ /de nas zas kyis snyom pa grub nas mkhan po la ci 'di nyid du dge ba'i phyogs mdzad dam/ 'on te nyin par gnas par gshegs zhes dri bar bya'o/ /
gal te nyin par gnas par 'gro zhes zer na/ de stan blangs nas 'gro zhing nyin par gnas par phyag dar dang chag chag byos la stan gding bar bya zhing dus dus su ba lang gzhon nu'i lci bas bsku bar bya'o/ /gal te bklag pa rgyas par byed na de la bstan par bya'o/ /ji ste bsam gtan rgyas par 
byed na yid la bya ba bstan par bya'o/ /nyin par gnas pa nas 'ongs na mal stan brtags nas lag pa dang rkang pa bkrus te mchod rten la phyag bya'o/ /tshangs pa mtshungs par spyod pa la yang phyag byos la mkhan po'i khri'u dang / chu dang / lham dang / 'bru mar gyi snod dag nye bar gzhag 
par bya'o/ /gal te rkang pa 'khru na bkrus la bsku bar bya'o/ /de lta ma yin na chu dang sa sbyin par bya'o/ /gal te grang ba'i dus su gyur na du ba byin gyis rlobs la me bud par bya'o/ /dro bar gyur na glor bsil yab gzhag par bya'o/ /des kyang dus shes par byas te bzlas pa 
dang kha ton byed du gzhug go/ /lhung bzed la sogs pa las gang cung zad ci bya ba de thams cad sngar mkhan po dang / slob dpon gyi byas la phyis bdag gi bya'o/ /ngag ldan lhan cig spyod pa dang / nye gnas dag gis mkhan po dang / slob dpon la de ltar bsgrub par bya ste/ rnam pa 
de lta bus mkhan po dang / slob dpon la lhan cig spyod pa dang / nye gnas rnams kyis bsgrubs na chu'i nang na me tog uta pa la bzhin du de dge ba'i chos mngon par 'phel bar 'gyur ro// //'dul ba phran tshegs kyi gzhi/bam po bzhi bcu dgu pa/ gleng gzhi ni rgyal po'i khab 
na'o/ /de nas yang de'i tshe ri nag po la dge slong 'gro mgyogs dang / nab so dang / dge slong dmar skya dag khyim sun 'byin pa sdig pa'i chos kun du spyod pa dag gnas so/ /de dag bud med dag dang lhan cig 'dug /lhan cig kha dpya zer/ lhan cig rtse bar byed/ lhan cig ca co 'don/

</font><hr>11-1-227b<br><font size=+1>
phyar g.yeng dang / lus kyis snyogs par byed/ stan gcig la 'dug par byed/ snod gcig tu longs spyod par byed/ phor bu gcig tu chang rnam pa mang po 'thung bar byed/ me tog 'thog par byed/ 'thog tu 'jug /phreng ba rgyud par byed/ rgyud du 'jug /me tog rgyan dag 'ching zhing 'ching du 
'jug par byed/ byed du 'jug /glu len par byed/ rol mo'i cha spyad 'bud par byed/ 'bud du 'jug /gar mkhas pa dang / glu snyan pa dang / rol mo cha spyad 'bud mkhas pa la gla sbyin par byed/ gos rnams brdzes nas rgyug par byed/ mchong bar byed/ rgal bar byed/ rkang pa 
gcig bskums te skor bar byed/ lag 'gros kyis kyang skor bar byed/ nya tshar gyis kyang skor bar byed/ chu bgags shing gtong bar byed/ chu la sbal ba'i skad kyang 'byin/ chu la rnga'i sgra yang 'byin/ glang po che'i sgra skad kyang 'byin/ khrung khrung gi skad kyang 'byin/ rta'i skad 
kyang 'byin/ khyu mchog 'gying ba'i skad kyang 'byin/ khas rdza rnga'i sgra yang 'byin/ khas dung dang / khas rnga dang / rma bya'i skad kyang 'byin/ khu byug gi skad kyang 'byin/ glang po che'i 'thab mo yang byed/ rta'i 'thab mo dang / khyu mchog gi 'thab mo dang / ma he'i 'thab mo dang / 
ra'i 'thab mo dang / lug thug gi 'thab mo dang / bud med kyi 'thab mo dang / skyes pa'i 'thab mo dang / gzhon nu ma'i 'thab mo dang / bya gag gi 'thab mo dang / sreg pa'i 'thab mo dang / 'ur pa'i 'thab mo dang / bya gag dang / sreg pa dang / 'ur pa dag gi 'thab mo yang 
byed du 'jug cing / gzhan yang dge sbyong gi las ma yin pa byed de/ de dag gi tshul dang / spyod pa dang / log par sgrub pa des ri nag po la dge slong ma 'ongs pa rnams ni mi 'ong zhing / 'ongs pa rnams kyang mi sdod pas ri nag po'i gnas 'dor bar byed do/ /ri nag po na gnas 
pa'i bram ze dang khyim bdag rnams 'di ltar dge slong 'di dag ni dge sbyong gi las ma yin pa byed do zhes kha zer bar byed/ 'phya bar byed/ phyar ka gtor bar byed do zhes skabs de dge slong rnams kyis thos nas/ bcom ldan 'das la gsol pa dang / bcom ldan 'das kyis bka' stsal 

</font><hr>11-1-228a<br><font size=+1>
pa/ dge slong dag bram ze dang / khyim bdag dag kha zer zhing 'phya ba dang / phyar ka gtong ba ni gnas yin te/ de lta bas na dge slong gis dge sbyong gi tshul ma yin pa'i las de lta bu mi bya zhing byed du mi gzhug go/ /dge slong dag gis de lta bu'i dge sbyong gi tshul 
ma yin pa'i las byas sam byed du bcug na 'gal tshabs can du 'gyur ro/ /sangs rgyas bcom ldan 'das rgyal po'i khab bya rgod phung po'i ri la bzhugs so/ /de nas yang de'i tshe lus 'phags ma'i bu yul ma ga d+hA'i rgyal po ma skyes dgra dang / yul spong byed pa rnams phan tshun mi mthun 
par gyur nas/ des 'khor de rnams la tshig 'di skad ces smras so/ /ngas yul spong byed pa rnams 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba 'di gzhom par bya/ thal mar bya/ tshul ma yin pas rmeg med par bya'o zhes smras so/ /
de nas lus 'phags ma'i bu yul ma ga d+hA'i rgyal po ma skyes dgras yul ma ga d+hA'i sna chen po la gtogs pa'i bram ze dbyar byed la 'di skad ces smras so/ /dbyar byed tshur shog /bcom ldan 'das ga la ba der song la song nas nga'i tshig gis bcom ldan 'das la mgo bos phyag byos la/ gnod 
pa chung ngam/ nyam nga ba mi mnga' 'am/ bskyod pa yang ngam/ 'tsho'am/ stobs dang bde ba la reg par gnas sam/ kha na ma tho ba mi mnga' 'am zhes snyun gsol la 'di skad ces btsun pa lus 'phags ma'i bu yul ma ga d+hA'i rgyal po ma skyes dgra dang / yul spong byed pa rnams phan 
tshun du mi mthun par gyur te/ des 'khor rnams la 'di skad ces mchi'o/ /des spong byed pa rnams 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba 'di gzhom par bya/ thal mar bya/tshul ma yin pas rmeg med par bya'o zhes mchi 
na/ de la bcom ldan 'das kyis bka' ci stsal zhes zhus la/ bcom ldan 'das kyis ji ltar lung bstan pa de bzhin du zung zhig /dbyar byed/ de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas rnams ni log par gsung ba ma 

</font><hr>11-1-228b<br><font size=+1>
yin no zhes smras nas/ yul ma ga d+hA'i sna chen po la gtogs pa bram ze dbyar byed kyis lha bka' bzhin 'tshal zhes lus 'phags ma'i bu yul ma ga d+hA'i rgyal po ma skyes dgra'i ltar mnyan nas rta rgod ma dang ldan pa'i shing rta thams cad nas dkar ba'i nang du zhugs te/ gser gyi khar 
ba dang / ril ba spyi blugs thogs bzhin du rgyal po'i khab nas byung nas bcom ldan 'das la blta ba dang / bsnyen bkur bya ba'i phyir bcom ldan 'das kyi spyan sngar song ste/ de ji tsam bzhon pa'i sa de'i bar du bzhon pas song nas/ bzhon pa las babs te rkang pas bya rgod phung po'i 
ri la 'dzegs nas/ bcom ldan 'das gang na ba der song ste phyin nas bcom ldan 'das dang lhan cig mngon du yang dag par dga' ba dang / yang dag par mgu bar 'gyur ba'i gtam rnam pa sna tshogs byas te phyogs gcig tu 'dug go/ /phyogs gcig tu 'dug nas bcom ldan 
'das la yul ma ga d+hA'i sna chen po la gtogs pa bram ze dbyar byed kyis 'di skad ces gsol to/ /kye gau ta ma bcom ldan 'das gau ta ma khyod kyi zhabs la lus 'phags ma'i bu yul ma ga d+hA'i rgyal po ma skyes dgra mgo bos phyag 'tshal nas gnod pa chung ngam/ nyam nga ba mi mnga' 
'am/ bskyod pa yang ngam/ stobs dang bde ba la reg par gnas sam/ kha na ma tho ba mi mnga' 'am zhes snyun gsol lags so/ /lus 'phags ma'i bu yul ma ga d+hA'i rgyal po ma skyes dgra dang / dbyar byed khyod kyang bde legs su gyur cig /kye gau ta ma lus 'phags ma'i 
bu yul ma ga d+hA'i rgyal po ma skyes dgra dang / yul spong byed pa rnams lhan cig mi mthun par gyur nas/ des 'khor rnams la 'di skad ces mchi'o/ /des yul spong byed pa rnams 'byor pa dang / rgyas pa dang / bde ba dang /lo legs pa dang / skye bo dang / mi mang pos gang ba 
'di gzhom par bya thal mar bya/ tshul ma yin pas rmeg med par bya'o zhes mchi na/ kye bcom ldan 'das gau ta ma bka' ci stsal/ dbyar byed 'di ni gcig tu nges pa ma yin te/ dbyar byed nga dus gcig cig na yul spong byed tsa pa la'i mchod rten gyi drung na bzhugs pa na 

</font><hr>11-1-229a<br><font size=+1>
ngas yul spong byed kyi gnas der yongs su nyams par mi 'gyur ba'i chos bdun bshad do/ /dbyar byed ji srid du yul spong byed pa dag yongs su nyams par mi 'gyur ba'i chos bdun yang dag par blangs nas spyod cing / yul spong byed pa rnams la yongs su nyams 
par mi 'gyur ba'i chos bdun kun du snang na/ yul spong byed pa rnams 'dod pa'i dge ba'i chos 'phel bar 'gyur gyi nyams par mi 'gyur ro/ /gau ta mas 'di ltar mdor bka' stsal gyi/ de rnam par ma phye bas bdag gis don rgyas par ma 'tshal na/ gau ta mas mdor gsungs pa'i don 
de rnam par phye ste rgyas par bshad na 'di ltar bcom ldan 'das gau ta mas rnam par phye ste rgyas par gsungs pa'i don de bdag gis legs par 'tshal bar gyur lags so/ /de nas yang de'i tshe bcom ldan 'das kyi snam logs na tshe dang ldan pa kun dga' bo bsil yab thogs te bcom ldan 
'das la g.yob cing 'dug go/ /de nas bcom ldan 'das kyis tshe dang ldan pa kun dga' bo la bka' stsal pa/ ci kun dga' bo yul spong byed pa rnams yang dang yang du 'du zhing / yang dang yang du 'du ba las ring du gnas par thos sam/ btsun pa bdag gis thos lags 
te/ yul spong byed pa rnams yang dang yang du 'du zhing / yang dang yang du 'du ba las ring du gnas lags so/ /dbyar byed ji srid du yul spong byed pa rnams yang dang yang du 'du zhing ring du gnas pa las yul spong byed pa rnams kyi dge ba'i chos rnams nyams par mi 'gyur zhing rgyas 
par 'gyur bar shes par bya'o/ /ci kun dga' bo yul spong byed pa rnams mthun par 'dug cing mthun par 'gro'am/ yul spong byed pa rnams kyi dgos pa dang bya ba mthun par byed par thos sam/ btsun pa bdag gis thos lags te/yul spong byed pa rnams mthun 
lags so zhes bya ba'i bar gong ma bzhin du'o/ /dbyar byed ji srid du yul spong byed pa rnams mthun par 'dug cing mthun par 'gro ba dang / yul spong byed pa rnams kyi dgos pa dang bya ba mthun par byas pa las yul spong byed pa rnams kyi dge ba'i chos rnams nyams par mi 

</font><hr>11-1-229b<br><font size=+1>
'gyur zhing rgyas par 'gyur bar shes par bya'o/ /ci kun dga' bo yul spong byed pa rnams smon pa ma yin pa la ni smon par mi byed/ smon pa ni kun du 'dor bar mi byed cing / ji ltar yul spong byed pa rnams kyis khrims bcas pa bzhin yang dag par blangs nas spyod do zhes 
thos sam/ btsun pa bdag gis thos lags te/ yul spong byed pa rnams smon pa ma yin pa la ni smon par mi byed/ smon pa ni kun du 'dor bar mi bgyid cing ji ltar yul spong byed pa rnams kyis khrims bcas pa bzhin yang dag par blangs nas spyod lags so/ /dbyar byed ji srid 
du yul spong byed pa rnams smon pa ma yin pa la ni smon par mi byed/ smon pa ni kun du 'dor bar mi byed cing / ji ltar yul spong byed pa rnams kyis khrims su bcas pa bzhin du yang dag par blangs nas kun du spyod pa las yul spong byed pa rnams kyi dge ba'i chos rnams nyams par mi 'gyur zhing 
rgyas par 'gyur bar shes par bya'o/ /ci kun dga' bo khyod kyis yul spong byed pa rnams kyis spong byed kyi bud med rnams dang / spong byed kyi gzhon nu ma gang dag 'di lta ste/ phas bsrungs pa mas bsrungs pa/ ming pos bsrungs pa/ phu nu mas bsrungs pa/ sgyug mos bsrungs pa/ 
gyos pos bsrungs pa/ nye dus bsrungs pa/ rus kyis bsrungs pa/ chad pa dang bcas pa/ sgrib pa dang bcas pa/ gzhan gyi chung ma gzhan gyis yongs su bzung ba dag dang / chung ngu na me tog gi phreng ba bor ba de lta bu dag la yang / yul spong byed pa rnams 'phral la khyad du 
bsad nas mthus 'dod pa kun du mi spyod par thos sam/ btsun pa bdag gis thos lags so/ /yul spong byed pa rnams spong byed kyi bud med rnams dang / spong byed kyi gzhon nu ma gang dag 'di lta ste/ phas bsrungs pa dang / mas bsrungs pa zhes bya ba nas/ chung ngu na me 
tog gi phreng ba bor ba de lta bu dag la yang yul spong byed pa rnams 'phral la khyad du bsad nas mthus 'dod pa kun du mi spyod pa lags so zhes bya ba gong ma bzhin no/ /dbyar byed ji srid du yul spong byed pa rnams kyis spong byed kyi bud med rnams dang / spong byed kyi gzhon nu ma gang 

</font><hr>11-1-230a<br><font size=+1>
dag ces bya ba nas/ chung ngu na me tog gi phreng ba bor ba de lta bu dag la yang yul spong byed rnams 'phral la khyad du bsad nas mthus 'dod pa kun du mi spyod pa las yul spong byed pa rnams kyi dge ba'i chos rnams nyams par mi 'gyur zhing rgyas par 'gyur bar shes par 
bya'o/ /ci kun dga' bo khyod kyis yul spong byed pa rnams spong byed kyi rgan rims rnams dang / ya rabs rnams dang / pha ma'i rgyud gang dag la yul spong byed pa rnams kyis bkur sti byed/ bla mar byed/ ri mor byed/ mchod par byed cing / de dag gis tshig la dad 
pas nyan par byed/ sems par byed pa thos sam/ btsun pa bdag gis thos lags te/ yul spong byed pa rnams yul spong byed kyi rgan rabs rnams dang / ya rabs rnams dang / pha ma'i rgyud gang dag la yul spong byed pa de dag bkur sti bgyid/ bla mar bgyid/ ri mor bgyid/ 
mchod par bgyid cing de dag gi tshig la dad pas nyan par bgyid/ sems par bgyid lags so/ /dbyar byed ji srid du yul spong byed pa rnams yul spong byed kyi rgan rabs rnams dang / ya rabs rnams dang / pha ma'i rgyud gang dag la yul spong byed pa de dag bkur sti byed/ bla mar 
byed/ ri mor byed/ mchod par byed cing de dag gi tshig la dad pas nyan par byed/ sems par byed pa las yul spong byed pa rnams kyi dge ba'i chos rnams nyams par mi 'gyur zhing rgyas par 'gyur bar shes par bya'o/ /ci kun dga' bo khyod kyis yul spong byed kyi phyogs 
bzhi po gang dag na yul spong byed kyi mchod rten de dag la yul spong byed pa rnams bkur sti byed/ bla mar byed/ ri mor byed/ mchod par byed cing / de dag gis sngon gyi mtshan mar bzung ba mi 'dor bar thos sam/ btsun pa bdag gis thos lags te/ yul spong byed kyi phyogs 
bzhi po gang dag na yul spong byed kyi mchod rten de dag la yul spong byed pa rnams bkur sti byed/ bla mar byed/ ri mor byed/ mchod par byed cing de dag gis sngon gyi mtshan mar bzung ba mi 'dor lags so/ /dbyar byed ji srid du yul spong byed kyi phyogs bzhi po gang dag na yul spong 

</font><hr>11-1-230b<br><font size=+1>
byed kyi mchod rten de dag la yul spong byed pa rnams bkur sti byed/ bla mar byed/ ri mor byed/ mchod par byed cing de dag gis sngon gyi mtshan mar bzung bar mi 'dor ba las yul spong byed pa rnams kyi dge ba'i chos rnams nyams par mi 'gyur zhing rgyas par 'gyur bar shes par bya'o/ /
ci kun dga' bo khyod kyis spong byed pa rnams dgra bcom pa rnams la dad pa'i sems drag pos kun du bsrungs pa dran pa nye bar gnas te/ dgra bcom pa ma byon pa dag ni spyan 'dren par byed/ byon pa dag la ni mngon par dga' bar byed cing / de dag la chos gos dang / bsod snyoms 
dang / mal stan dang / nad gsos kyi rkyen sman dang / yo byad rnams kyis mi brel bar byed pa thos sam/ btsun pa bdag gis thos lags te/ yul spong byed pa rnams dgra bcom pa rnams la dad pa'i sems drag pos kun du bsrungs pa dran pa nye bar gnas te/ dgra bcom pa ma 
byon pa dag ni spyan 'dren par bgyid/ byon pa dag la ni mngon par dga' bar bgyid de/ de dag la chos gos dang / bsod snyoms dang / mal stan dang / nad gsos kyi rkyen sman dang / yo byad rnams kyis mi brel bar bgyid lags so/ /dbyar byed ji srid du yul spong 
byed pa rnams dgra bcom pa rnams la dad pa'i sems drag pos kun du bsrungs pa dran par nye bar gnas par gyur cing / gang dgra bcom pa ma 'ongs pa dag ni spyan 'dren par byed/ 'ongs pa dag ni mngon par dga' bar byed cing de dag la chos gos dang / bsod snyoms dang / mal 
stan dang / nad gsos kyi rkyen sman dang / yo byad rnams kyis mi brel ba las yul spong byed pa rnams kyi dge ba'i chos rnams nyams par mi 'gyur zhing rgyas par 'gyur bar shes par bya'o/ /dbyar byed ji srid du yul spong byed pa rnams nyams par mi 'gyur ba'i chos 'di bdun 
yang dag par blangs nas kun du spyod cing / yul spong byed pa rnams la nyams par mi 'gyur ba'i chos 'di bdun kun du snang ba las yul spong byed pa rnams kyi dge ba'i chos rnams nyams par mi 'gyur zhing rgyas par 'gyur bar shes par bya'o/ /kye gau ta ma re zhig yul spong 

</font><hr>11-1-231a<br><font size=+1>
byed pa rnams yan lag 'di gcig dang ldan na yang lus 'phags ma'i bu yul ma ga d+hA'i rgyal po ma skyes dgras thub par mi 'gyur na/ thams cad dang ldan pa lta smos kyang ci 'tshal bas kye gau ta ma bdag la bgyi ba mang ba dang / bgyi bar 'gyur ba mang bas da 
mchi bar 'tshal lo/ /dbyar byed de'i dus la bab par shes na song shig /de nas yul ma ga d+hA'i sna chen po la gtogs pa bram ze dbyar byed bcom ldan 'das kyis gsungs pa la rjes su yi rangs nas mngon par dga' ste/ bcom ldan 'das kyi spyan snga nas langs te song ngo / /de 
nas bcom ldan 'das kyis yul ma ga d+hA'i sna chen po la gtogs pa bram ze dbyar byed song nas ring po ma lon par mkhyen te/ tshe dang ldan pa kun dga' bo la 'di skad ces bka' stsal to/ /dga' bo song la bya rgod phung po'i ri la dge slong ji snyed nye bar rten cing gnas pa de dag thams 
cad rim gro'i gnas 'dir sdus shig /btsun pa bka' bzhin 'tshal lo zhes tshe dang ldan pa kun dga' bos bcom ldan 'das kyi ltar mnyan nas bya rgod phung po'i ri la dge slong ji snyed nye bar rten cing gnas pa de dag thams cad rim gro'i gnas su bsdus nas/ bcom ldan 
'das gang na ba der song ste phyin pa dang / bcom ldan 'das kyi zhabs gnyis la mgo bos phyag 'tshal nas phyogs gcig tu 'dug ste/ bcom ldan 'das la tshe dang ldan pa kun dga' bos 'di skad ces gsol to/ /btsun pa bya rgod phung po'i ri la dge slong ji snyed nye bar 
rten cing gnas pa de dag thams cad rim gro'i gnas su 'dus shing mthun par gyur lags na/ bcom ldan 'das kyis da de'i dus la bab par dgongs su gsol/ /de nas bcom ldan 'das rim gro'i gnas ga la ba der gshegs te byon nas dge slong gi dge 'dun gyi gung 
la gdan bshams pa de nyid la bzhugs so/ /bzhugs nas bcom ldan 'das kyis dge slong rnams la bka' stsal pa/ dge slong dag khyed la ngas nyams par mi 'gyur ba'i chos bdun bshad kyis legs par rab tu nyon la yid la zung shig dang bshad par bya'o/ /

</font><hr>11-1-231b<br><font size=+1>
nyams par mi 'gyur ba'i chos bdun gang zhe na/ dge slong dag ji srid du yang dang yang du 'du zhing yang dang yang du 'du ba las ring du gnas na/ dge slong dag dge ba'i chos rnams nyams par mi 'gyur zhing rgyas par 'gyur bar shes par bya'o/ /dge slong ji srid du 
mthun par 'du shing mthun par 'gro ba dang / dge 'dun gyi don dang dge 'dun gyi bya ba mthun par byed na dge slong dag dge ba'i chos rnams nyams par mi 'gyur zhing rgyas par 'gyur bar shes par bya'o/ /dge slong dag ji srid du smon pa ma yin pa la ni smon par mi byed/ 
smon pa na kun du 'dor bar mi byed cing ji ltar bslab pa bcas pa gzhan yang dag par blangs te spyod na dge slong dag dge ba'i chos rnams nyams par mi 'gyur zhing rgyas par 'gyur bar shes par bya'o/ /dge slong dag ji srid du yang 'byung ba'i sred pa dga' ba'i 'dod chags kyis mod 
las skyes shing 'byung bar 'gyur ba de dang de dag la mngon par dga' ba'i dbang du ma gyur na dge slong dag dge ba'i chos rnams nyams par mi 'gyur zhing rgyas par 'gyur bar shes par bya'o/ /dge slong dag gnas brtan rgyal po lta bu rab tu byung nas yun ring du lon pa/ tshangs par 
spyod pa goms par byas pa ston pas bsngags pa kun du bsgoms pas rnam par rig pa'i tshangs pa mtshungs par spyod pa de lta bu de dag la bkur sti byed/ bla mar byed/ ri mor byed/ mchod par byed cing / de dag gi tshig la dad pas nyan par byed/ sems par byed na dge slong dag 
dge ba'i chos rnams nyams par mi 'gyur zhing rgyas par 'gyur bar shes par bya'o/ /dge slong dag ji srid du dgon pa dang / nags khrod dang / bas mthar gnas mal 'cha' bar byed na dge slong dag dge ba'i chos rnams nyams par mi 'gyur zhing rgyas par 'gyur bar shes 
par bya'o/ /dge slong dag ji srid du tshangs pa mtshungs par spyod pa rnams la dad pa'i sems drag pos kun du bsrungs pa dran pa nye bar gnas par gyur cing gang tshangs pa mtshungs par spyod pa ma 'ongs pa de dag ni 'bod par byed cing / 'ongs pa dag la ni mngon par dga' 

</font><hr>11-1-232a<br><font size=+1>
bar byed de/ de dag 'di ltar chos gos dang / bsod snyoms dang / mal stan dang / nad gsos kyi rkyen sman dang / yo byad de dag gis mi brel bar byed na dge slong dag dge ba'i chos rnams nyams par mi 'gyur zhing rgyas par 'gyur bar shes par bya'o/ /
dge slong dag ji srid du nyams par mi 'gyur ba'i chos 'di bdun yang dag par blangs nas spyod cing / dge slong dag nyams par mi 'gyur ba'i chos 'di bdun kun du snang na dge slong dag dge ba'i chos rnams nyams par mi 'gyur zhing rgyas par 'gyur bar shes par bya'o/ /dge 
slong dag gzhan yang ngas khyed cag la yongs su nyams par mi 'gyur ba'i chos bdun bstan par byas/ de rab tu nyon la yid la zung shig dang bshad par bya'o/ /yongs su nyams par mi 'gyur ba'i chos bdun gang zhe na/ dge slong dag ji srid du ston pa la bkur sti byed/ 
bla mar byed/ ri mor byed/ mchod par byed cing / ston pa la bkur sti byas/ bla mar byas/ ri mor byas/ mchod par byas nas nye bar rten cing gnas pa las/ dge slong dag dge ba'i chos rnams nyams par mi 'gyur zhing rgyas par 'gyur bar shes par bya'o/ /
bslab pa'i chos kyis rjes su bag yod par ston cing rab tu rnam par 'byed pa las ting nge 'dzin du byed/ bkur sti byed/ bla mar byed/ ri mor byed/ mchod par byed cing / ting nge 'dzin du byas/ bkur sti byas/ bla mar byas/ ri mor byas/ mchod par byas nas 
nye bar rten cing gnas pa las dge slong dag dge ba'i chos rnams nyams par mi 'gyur zhing rgyas par 'gyur bar shes par bya'o/ /dge slong dag ji srid du yongs su nyams par mi 'gyur ba'i chos 'di bdun yang dag par blangs nas kun du spyod la/ dge slong dag yongs su 
nyams par mi 'gyur ba'i chos 'di bdun kun du snang na dge slong dag dge ba'i chos rnams nyams par mi 'gyur zhing rgyas par 'gyur bar shes par bya'o/ /dge slong dag gzhan yang ngas khyed cag la yongs su nyams par mi 'gyur ba'i chos bdun bstan par byas/ de rab tu 

</font><hr>11-1-232b<br><font size=+1>
nyon la yid la zung shig dang bshad par bya'o/ /yongs su nyams par mi 'gyur ba'i chos bdun gang zhe na/ dge slong dag ji srid du las la mi dga' ba dang / smra ba la mi dga' ba dang / gnyid la mi dga' ba dang / bre mo'i gtam la mi dga' ba dang / 'du ba la mi dga' 
ba dang / 'du 'dzi la mi dga' bar gyur te/ gnas pa dang / rnyed pa dang / bkur sti dang / tshigs su bcad pa dang / 'du shes gzhan rab tu spangs nas sbyor ba rjes su brtson par gnas shing cung zad tsam dang / ngan ngon tsam gyis chog par 'dzin cing / des gong 
nas gong du bya ba sgrub pa las dge slong dag dge ba'i chos rnams nyams par mi 'gyur zhing rgyas par 'gyur bar shes par bya'o/ /dge slong dag ji srid du yongs su nyams par mi 'gyur ba'i chos 'di bdun yang dag par blangs nas kun du spyod la/ dge slong dag yongs su 
nyams par mi 'gyur ba'i chos 'di bdun kun du snang na dge slong dag dge ba'i chos rnams nyams par mi 'gyur zhing rgyas par 'gyur bar shes par bya'o/ /dge slong dag gzhan yang ngas khyed la yongs su nyams par mi 'gyur ba'i chos bdun bstan par byas/ de rab tu 
nyon la yid la zung shig dang bshad par bya'o/ /yongs su nyams par mi 'gyur ba'i chos bdun gang zhe na/ dge slong dag ji srid du dad pa dang / ngo tsha shes pa dang / khrel yod pa dang / brtson 'grus brtsams pa dang / dran pa nye bar gzhog pa dang / mnyam 
par gzhog pa dang / shes rab dang ldan par gyur pa las dge slong dag dge ba'i chos rnams nyams par mi 'gyur zhing rgyas par 'gyur bar shes par bya'o/ /dge slong dag ji srid du yongs su nyams par mi 'gyur ba'i chos 'di bdun yang dag par blangs nas kun du 
spyod la/ dge slong dag yongs su nyams par mi 'gyur ba'i chos 'di bdun kun du snang na dge slong dag dge ba'i chos rnams nyams par mi 'gyur zhing rgyas par 'gyur bar shes par bya'o/ /dge slong dag gzhan yang ngas khyed cag la yongs su nyams par mi 'gyur 

</font><hr>11-1-233a<br><font size=+1>
ba'i chos bdun bstan par byas/ de legs par rab tu nyon la yid la zung shig dang bshad par bya'o/ /yongs su nyams par mi 'gyur ba'i chos bdun gang zhe na/ dge slong dag ji srid du chos shes pa dang / don shes pa dang / dus shes 
pa dang / tshod shes pa dang / bdag nyid shes pa dang / 'khor shes pa dang / gang zag mchog dang mchog ma yin pa shes par gyur pa las dge slong dag dge ba'i chos rnams nyams par mi 'gyur zhing rgyas par 'gyur bar shes par bya'o/ /dge slong dag ji srid 
du yongs su nyams par mi 'gyur ba'i chos 'di bdun yang dag par blangs nas kun du spyod la/ dge slong dag yongs su nyams par mi 'gyur ba'i chos 'di bdun kun du snang na dge slong dag dge ba'i chos rnams nyams par mi 'gyur zhing rgyas par 'gyur bar shes par bya'o/ /
dge slong dag gzhan yang ngas khyed cag la yongs su nyams par mi 'gyur ba'i chos bdun bshad par byas/ de rab tu nyon la yid la zung shig dang bshad par bya'o/ /yongs su nyams par mi 'gyur ba'i chos bdun gang zhe na/ dge slong dag ji srid du dran pa yang 
dag byang chub kyi yan lag dben pa la gnas pa/ 'dod chags dang bral ba la gnas pa 'gog pa la gnas pa/ rnam par spong bas rnam par sgyur ba sgom zhing / chos rnam par 'byed pa dang / brtson 'grus dang / dga' ba dang / shin tu sbyangs pa dang / ting nge 
'dzin dang / btang snyoms yang dag byang chub kyi yan lag dben pa la gnas pa/ 'dod chags dang bral ba la gnas pa 'gog pa la gnas pa/ rnam par spong bas rnam par sgyur ba sgom na dge slong dag dge ba'i chos rnams nyams par mi 'gyur zhing rgyas par 'gyur bar 
shes par bya'o/ /dge slong dag ji srid du yongs su nyams par mi 'gyur ba'i chos 'di bdun yang dag par blangs te spyod la/ yongs su nyams par mi 'gyur ba'i chos 'di bdun kun du snang na dge slong dag dge ba'i chos rnams nyams par mi 'gyur zhing rgyas par 'gyur bar 

</font><hr>11-1-233b<br><font size=+1>
shes par bya'o/ /dge slong dag ngas khyed cag la kun du dga' bar 'gyur ba'i chos drug bstan par byas/ de rab tu nyon la yid la zung shig dang bshad par bya'o/ /kun du dga' bar 'gyur ba'i chos drug gang zhe na/ rang gi byams pa'i lus kyi las nye bar gnas 
par gyur cing sgom la/ ston pa dang / tshangs pa mtshungs par spyod pa mkhas pa rnams la dga' bar byed/ bla mar byed/ yid dga' bar byed cing dga' bar byas/ bla mar byas zhe sa byas/ bsgoms te kun du bsdu ba dang / yang dag par bsdus nas 'thab rtsod 
med cing gcig tu byed la kun du spyod pa 'di ni kun du dga' bar byed pa'i chos yin no/ /byams pa'i ngag gi las dang / byams pa'i yid kyi las kyang yin no/ /gang chos dang ldan pa'i chos kyis thob pa chung ngu na lhung bzed kyi nang du 'ongs pa dang / lhung bzed kyi nang du 
thob pa de lta bu'i rnyed pa de rang dben par za bar mi byed cing tshangs pa mtshungs par spyod pa rnams dang lhan cig dga' bas thun mong du za bar byed la/ dga' bar byed/ bla mar byed/ yid dga' bar byed de/ dga' bar byas/ bla mar byas/ zhe sa byas/ bsgoms te 
kun du bsdu ba dang / yang dag par bsdus nas 'thab rtsod med cing gcig tu byed la kun du spyod pa 'di ni kun du dga' bar byed pa'i chos yin no/ /gang tshul khrims ma nyams pa skyon med pa/ 'dren mar ma gyur pa/ thun tshags ma yin pa/ rang dbang can/ nag 
nog ma yin pa/ rab tu brtsams pa/ shin tu mthar phyin pa/ mkhas pa rnams kyis bstod pa/ tshangs pa mtshungs par spyod pa mkhas pa rnams kyis ma smad pa'i tshul khrims de lta bu la tshangs pa mtshungs par spyod pa mkhas pa rnams dang lhan cig thun mong du byas 
te/ tshul khrims spyod par gyur cing gcig tu byed la kun du spyod pa zhes bya ba'i bar snga ma bzhin te/ 'di ni kun du dga' bar byed pa'i chos yin no/ /gang 'phags pa'i lta ba 'di ni nges par 'byin pa dang / nges par 'byed pa dang / yang dag par 'byin pa 

</font><hr>11-1-234a<br><font size=+1>
ste/ rgyu des sdug bsngal yang dag par zad par byed cing / sdug bsngal mthar 'byin par byed pa'i lta ba de lta bu de la tshangs pa mtshungs par spyod pa mkhas pa rnams dang lhan cig thun mong du byas te lta zhing gcig tu byed la kun du spyod pa zhes bya 
ba'i bar snga ma bzhin te/ 'di ni kun du dga' bar byed pa'i chos yin no/ /dge slong dag ji srid du kun du dga' bar byed pa'i chos 'di drug yang dag par blangs nas kun du spyod/ dge slong dag kun du dga' bar byed pa'i chos 'di kun du snang na dge slong dag dge ba'i 
chos rnams nyams par mi 'gyur zhing / rgyas par 'gyur bar shes par bya'o// //bar sdom ni/ ston pa dang ni 'dul ba dang / /las dang dad dang chos nyid dang / /byang chub yan lag kun du dga'/ /dbyar byed pa dang yang dag bshad/ /de nas 
bcom ldan 'das kyis tshe dang ldan pa kun dga' bo la bka' stsal pa/ kun dga' bo dmar bu can gyi grong gang na bar 'dong ngo / /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar nyan no/ /de nas bcom ldan 'das 
dge slong gi dge 'dun dang thabs cig tu yul ma ga d+hA nas ljongs rgyu zhing gshegs pa na dmar bu can gyi grong dang rgyal po'i khab kyi bar gyi dbus na rgyal po'i gnas 'od ma'i dbyug pa can na mtshan mo nye bar rten cing bzhugs so/ /de nas bcom ldan 'das kyis dge 
slong rnams pa bka' stsal pa/ dge slong dag nga dang khyed cag kho nas 'phags pa'i bden pa bzhi po dag mi shes shing ma mthong la khong du ma chud cing so sor ma rtogs pas lam ring po 'dir rgyug cing kun du 'khor bar gyur to/ /bden pa bzhi po de dag gang 
zhe na/ nga dang khyed cag kho nas sdug bsngal dang / kun 'byung ba dang / sdug bsngal 'gog pa dang / sdug bsngal 'gog par 'gro ba'i lam mi shes shing ma mthong la khong du ma chud cing so sor ma rtogs pas lam ring po 'dir rgyug cing kun du 'khor 

</font><hr>11-1-234b<br><font size=+1>
bar gyur to/ /sdug bsngal 'phags pa'i bden pa de rjes su rtogs shing so sor rtogs pas srid pa'i sred pa bcad pas 'khor ba'i skye ba zad de da ni srid pa gzhan med do/ /sdug bsngal kun 'byung ba dang / sdug bsngal 'gog pa dang / sdug bsngal 
'gog par 'gro ba'i lam 'phags pa'i bden pa de rjes su rtogs shing so sor rtogs pas srid pa'i sred pa bcad pas 'khor ba'i skye ba zad de da ni srid pa gzhan med do/ /bcom ldan 'das kyis de skad ces bka' stsal nas/ bde bar gshegs pas de skad 
gsungs te/ ston pas gzhan yang 'di skad ces bka' stsal to/ /nga dang khyed cag kho na yis/ /'phags pa'i bden pa bzhi po dag /ji lta ba bzhin ma mthong bas/ /lam ring du ni 'khor bar gyur/ /bden pa de dag mthong nas ni/ /srid pa'i 
sred pa bcad nas su/ /'khor ba'i skye ba zad pa yis/ /da ni srid pa gzhan med do/ /de nas bcom ldan 'das kyis tshe dang ldan pa kun dga' bo la bka' stsal pa/ da kun dga' bo dmar bu can gyi grong gang na bar 'dong ngo / /btsun pa bka' bzhin 'tshal 
zhes tshe dang ldan pa kun dga' bos bcom ldan 'das kyi ltar mnyan to/ /de nas bcom ldan 'das yul ma ga d+hA nas ljongs rgyu zhing gshegs pa na dmar bu can gyi grong du byon te/ dmar bu can gyi grong gi dmar bu can gyi mchod rten na bzhugs so/ /dmar bu can 
gyi grong gi bram ze dang khyim bdag rnams kyis bcom ldan 'das yul ma ga d+hA nas ljongs rgyu zhing gshegs te dmar bu can gyi grong du byon nas dmar bu can gyi mchod rten gyi drung du bzhugs so zhes thos so/ /thos nas kyang tshogs nas tshogs dang / khyu nas khyur phrad 
cing 'dus nas dmar bu can gyi grong nas byung ste/ bcom ldan 'das gang na ba der dong ste lhags nas/ bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ /phyogs gcig tu 'dug nas dmar bu can gyi grong gi bram ze dang 

</font><hr>11-1-235a<br><font size=+1>
khyim bdag rnams la bcom ldan 'das kyis 'di skad ces bka' stsal to/ /bram ze dang khyim bdag dag lnga po 'di dag ni bag med pa'i nyes dmigs dag yin te/ lnga gang zhe na/ bram ze dang / khyim bdag dag 'di la bag med pa dang ldan zhing 
bag med pa la gnas pa'i rgyus longs spyod chen po las nyams par 'gyur te/ bram ze dang / khyim bdag rnams bag med pa dang ldan zhing / bag med pa la gnas pa'i rgyus longs spyod chen po las nyams par gyur pa gang yin pa 'di ni bag med pa'i nyes 
dmigs dang po yin no/ /gzhan yang bram ze dang / khyim bdag dag bag med pa dang ldan zhing / bag med pa la gnas pa'i rgyus rgyal rigs kyi 'khor du yang rung / bram ze'i 'khor du yang rung / khyim bdag gi 'khor du yang rung / dge sbyong gi 'khor 
du yang rung / 'khor gang dang gang du 'gro ba de dang de dag tu zhum zhum por gyur nas dga' ba med pa dang / bag tsha bas 'gro bar 'gyur te/ bram ze dang / khyim bdag dag bag med pa dang ldan zhing bag med pa la gnas pa'i rgyus gang dang gang du zhes 
bya ba nas/ bag tsha ba zhes bya ba'i bar gong ma bzhin du'o/ /'di ni bag med pa'i nyes dmigs gnyis pa yin no/ /gzhan yang bram ze dang / khyim bdag dag bag med pa dang ldan zhing bag med pa la gnas pa'i rgyus phyogs dang phyogs mtshams su sdig pa 
dang / bsngags pa ma yin pa dang / grags pa ma yin pa'i sgra dang / tshigs su bcad pa grags par 'gyur te/ bram ze dang / khyim bdag rnams bag med pa dang ldan zhing bag med pa la gnas pa'i rgyus phyogs dang phyogs mtshams rnams su sdig pa dang / bsngags 
pa ma yin pa dang / grags pa ma yin pa'i sgra dang / tshigs su bcad pa grags par 'gyur ba 'di ni bag med pa'i nyes dmigs gsum pa yin no/ /gzhan yang bram ze dang / khyim bdag rnams bag med pa dang ldan zhing bag med pa la gnas pa'i rgyus yid 

</font><hr>11-1-235b<br><font size=+1>
la gcags bzhin du dus byed par 'gyur te/ bram ze dang / khyim bdag rnams bag med pa dang ldan zhing bag med pa la gnas pa'i rgyus yid la gcags bzhin du dus byed par 'gyur ba gang yin pa 'di ni bag med pa'i nyes dmigs bzhi pa yin no/ /
gzhan yang bram ze dang / khyim bdag rnams bag med pa dang ldan zhing bag med pa la gnas pa'i rgyus lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur te/ bram ze dang / khyim bdag rnams bag med pa 
dang ldan zhing bag med pa la gnas pa'i rgyus lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ba gang yin pa 'di ni bag med pa'i nyes dmigs lnga pa yin no/ /bram ze dang / khyim bdag dag lnga po 'di dag ni 
bag yod pa'i phan yon yin te/ lnga gang zhe na/ bram ze dang / khyim bdag dag bag yod pa dang ldan zhing bag yod pa la gnas pa'i rgyus longs spyod chen po las nyams par mi 'gyur te/ bram ze dang / khyim bdag dag bag yod pa dang ldan zhing bag 
yod pa la gnas pa'i rgyus longs spyod chen po las nyams par mi 'gyur ba gang yin pa 'di ni bag yod pa'i phan yon dang po yin no/ /gzhan yang bram ze dang / khyim bdag dag bag yod pa dang ldan zhing bag yod pa la gnas pa'i rgyus rgyal rigs kyi 'khor du 
yang rung / bram ze'i 'khor du yang rung /khyim bdag gi 'khor du yang rung / dge sbyong gi 'khor du yang rung / 'khor gang dang gang du 'gro ba'i 'khor de dang der zhum zhum por ma yin pa dang / dga' ba dang / bag tsha ba med pas 'gro bar 'gyur 
te/ bram ze dang / khyim bdag dag bag yod pa dang ldan zhing bag yod pa la gnas pa'i rgyus zhes bya ba nas bag tsha ba med pa zhes bya'i bar gong ma bzhin du gang yin pa 'di ni bag yod pa'i phan yon gnyis pa yin no/ /gzhan yang bram ze dang / khyim bdag 

</font><hr>11-1-236a<br><font size=+1>
dag bag yod pa dang ldan zhing bag yod pa la gnas pa'i rgyus phyogs dang phyogs mtshams rnams su dge ba dang / grags pa dang / sgra dang / tshigs su bcad pa rgya chen po grags par 'gyur te/ bram ze dang / khyim bdag dag bag yod 
pa dang ldan zhing bag yod pa la gnas pa'i rgyus phyogs dang phyogs mtshams rnams su dge ba dang / grags pa dang / sgra dang / tshigs su bcad pa rgya chen po grags par 'gyur ba gang yin pa 'di ni bag yod pa'i phan yon gsum pa yin no/ /gzhan yang 
bram ze dang / khyim bdag rnams bag yod pa dang ldan zhing bag yod pa la gnas pa'i rgyus yid la gcags pa med par dus byed par 'gyur te/ bram ze dang / khyim bdag rnams bag yod pa dang ldan zhing bag yod pa la gnas pa'i rgyus yid la gcags pa 
med par dus byed par 'gyur ba gang yin pa 'di ni bag yod pa'i phan yon bzhi pa yin no/ /gzhan yang bram ze dang / khyim bdag rnams bag yod pa dang ldan zhing bag yod pa la gnas pa'i rgyus lus zhig nas bde 'gro mtho ris kyi 'jig rten gyi lha rnams 
su skye bar 'gyur te/ bram ze dang / khyim bdag rnams bag yod pa dang ldan zhing bag yod pa la gnas pa'i rgyus lus zhig nas bde 'gro mtho ris kyi 'jig rten gyi lha rnams su skye bar 'gyur ba gang yin pa 'di ni bag yod pa'i phan yon lnga pa yin no/ /de nas 
bcom ldan 'das kyis dmar bu can gyi bram ze dang / khyim bdag rnams la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzengs stod par mdzad/ yang dag par rab tu dga' bar mdzad 
de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par bzengs bstod/ yang dag par rab tu dga' bar mdzad de cang mi gsung ngo / /de nas dmar bu can gyi bram ze dang / khyim bdag rnams 

</font><hr>11-1-236b<br><font size=+1>
stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das bdag cag gi gnas 
'dir do mod bzhugs su gsol/ bcom ldan 'das kyis dmar bu can gyi grong gi bram ze dang / khyim bdag rnams la cang mi gsung bas gnang bar mdzad do/ /de nas dmar bu can gyi bram ze dang / khyim bdag rnams bcom ldan 'das cang mi gsung 
bas gnang bar rig ste/ bcom ldan 'das kyis gsungs pa la rjes su yi rangs te mngon par bstod nas/ bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas dong ngo / /de nas bcom ldan 'das kyis dmar bu 
can gyi bram ze dang / khyim bdag rnams dong nas ring po ma lon par mkhyen te gnas gang na ba der gshegs te byon pa dang / 'dug gnas kyi phyi rol tu zhabs gnyis bkrus te nang du yang dag 'jog gi phyir 'dug gnas kyi nang du gshegs so/ /de nas 
yang de'i tshe yul ma ga d+hA'i sna chen po la gtogs pa bram ze dbyar byed yul spong byed pa rnams gzhom pa'i phyir dmar bu can gyi grong gi grong khyer rtsig par brtson par gyur pa dang / de'i tshe dmar bu can gyi grong na mthu che ba mthu che ba'i lha rnams 'di lta ste/ gnas 
kyis 'dre bar gyur to/ /bcom ldan 'das 'dug gnas na nyin mo'i spyod pas bzhugs pa na lha'i spyan rnam par dag pa mi'i las 'das pas dmar bu can gyi grong na mthu che ba mthu che ba'i lha rnams gnas kyis 'dre bar gzigs so/ /gzigs nas kyang dgongs 
ka nang du yang dag 'jog las bzhengs te 'dug gnas nas byung nas 'dug gnas kyi grib ma la dge slong gi dge 'dun gyi gung la gdan bshams pa nyid la bzhugs so/ /bzhugs nas bcom ldan 'das kyis tshe dang ldan pa kun dga' bo la bka' stsal pa/

</font><hr>11-1-237a<br><font size=+1>
kun dga' bo dmar bu can gyi grong khyer rtsig par brtson pa de su yin ci thos/ btsun pa bdag gis yul ma ga d+hA'i sna chen po la gtogs pa bram ze dbyar byed yul spong byed pa rnams gzhom pa'i phyir dmar bu can gyi grong gi grong khyer rtsig 
par brtson par thos lags so/ /kun dga' bo legs so legs so/ /kun dga' bo yul ma ga d+hA'i sna chen po la gtogs pa bram ze dbyar byed mkhas pa yin te/ 'di ltar sum bcu rtsa gsum pa'i lha rnams dang lhan cig bgros pa lta zhig /kun 
dga' bo nga 'di na nyin mo'i spyod pas bzhugs pa na lha'i spyan rnam par dag pa mi las 'das pas dmar bu can gyi grong na mthu che ba mthu che ba'i lha rnams gnas kyis 'dre bar gzigs so/ /kun dga' bo phyogs gang du mthu che ba mthu che ba'i lha rnams kyis gnas 
kyis dres pa'i phyogs der 'di lta ste/ gnas kyi phyir mthu che ba mthu che ba'i mi rnams kyi sems gzhol bar 'gyur ro/ /phyogs gang du lha bar ma dang / phal pas gnas kyis dres pa'i phyogs der ni 'di lta ste/ gnas kyi phyir mi bar ma dang / phal pa 
rnams kyi sems gzhol bar 'gyur ro/ /kun dga' bo dmar bu can gyi grong 'dir mthu che ba mthu che ba'i lha rnams kyis gnas kyis dres pa'i phyogs 'dir 'di lta ste/ gnas kyi phyir mthu che ba'i mi rnams kyi sems gzhol bar 'gyur ro/ /kun dga' bo ya 
rabs kyi gnas dang / ya rabs kyi tha snyad ji snyed pa dang / tshong pa ya rabs rnams kyi lam dang / zong dgram par yang 'gyur te/ 'di lta ste/ dmar bu can gyi grong khyer 'di mchog tu 'gyur ro/ /'di la bar chad gsum 'byung bar rig par bya ste/ me dang/ 
chu dang / nang 'khrug gis so/ /de nas yul ma ga d+hA'i sna chen po la gtogs pa bram ze dbyar byed kyis dge sbyong gau ta ma yul ma ga d+hA nas ljongs rgyu zhing gshegs nas dmar bu can gyi grong du byon te/ dmar bu can gyi grong gi dmar bu can gyi mchod rten gyi drung na bzhugs 

</font><hr>11-1-237b<br><font size=+1>
te/ de la dmar bu can gyi bram ze dang / khyim bdag rnams kyis bsnyen bkur byas so zhes thos so/ /thos nas kyang dmar bu can gyi grong nas byung ste/ bcom ldan 'das gang na ba der song ste phyin nas/ bcom ldan 'das dang lhan cig mngon du yang dag par 
dga' ba dang / yang dag par mgu ba'i gtam rnam pa sna tshogs byas nas phyogs gcig tu 'dug go/ /phyogs gcig tu 'dug pa dang / bcom ldan 'das kyis yul ma ga d+hA'i sna chen po la gtogs pa bram ze dbyar byed la chos dang ldan pa'i gtam gyis yang dag 
par ston par mdzad/ yang dag par 'dzin du 'jug par mdzad/ yang dag par gzengs stod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /
yang dag par gzengs bstod/ yang dag par rab tu dga' bar mdzad nas cang mi gsung ngo / /de nas yul ma ga d+hA'i sna chen po la gtogs pa bram ze dbyar byed stan las langs te bla gos phrag pa gcig tu gzar nas thal mo sbyar ba btud de/ bcom ldan 'das 
la 'di skad ces gsol to/ /shes ldan gau ta ma dge slong gi dge 'dun rnams dang thabs cig tu sang bdag gi sdum par gdugs tshod sbyar zhing mchis na gnang bar mdzad du gsol/ bcom ldan 'das kyis yul ma ga d+hA'i sna chen po la gtogs pa bram ze 
dbyar byed la cang mi gsung bas gnang ngo // //'dul ba phran tshegs kyi gzhi/bam po lnga bcu pa/ de nas yul ma ga d+hA'i sna chen po la gtogs pa bram ze dbyar byed kyis bcom ldan 'das cang mi gsung bas gnang bar rig ste/ bcom ldan 
'das kyis gsungs pa la rjes su yi rangs nas mngon par bstod de stan las langs te song ngo / /de nas yul ma ga d+hA'i sna chen po la gtogs pa bram ze dbyar byed kyis de nyid kyi mtshan mo gtsang zhing bsod pa'i bza' ba dang bca' ba sta gon byas nas nang par sngar langs 

</font><hr>11-1-238a<br><font size=+1>
te gdan bshams nas chu snod nor bu can gzhag ste/ bcom ldan 'das la spyan 'dren gyis dus tshod gsol pa/ gau ta ma gdugs tshod lags te da de'i dus la bab na shes ldan gau ta mas de'i dus la bab par dgongs su gsol/ de nas bcom ldan 
'das snga dro'i dus kyi tshe na bza' sham thabs mnabs chos gos dang lhung bzed thogs nas dge slong gi dge 'dun gyi tshogs kyis mdun du byas te/ yul ma ga d+hA'i sna chen po la gtogs pa bram ze dbyar byed kyi bkad sa ga la ba der gshegs te byon nas dge 
slong gi dge 'dun gyi gung la gdan bshams pa nyid la bzhugs so/ /de nas yul ma ga d+hA'i sna chen po la gtogs pa bram ze dbyar byed kyis bcom ldan 'das la sogs pa dge slong gi dge 'dun bde bar bzhugs par rig nas gtsang zhing bsod pa'i bza' ba dang 
bca' bas rang gi lag nas stobs shing tshim par byed de/ rnam grangs du mar gtsang zhing bsod pa'i bza' ba dang bca' bas rang gi lag nas bstabs shing tshim par byas so/ /bcom ldan 'das kyis gdugs tshod gsol nas phyag gnyis bcabs te lhung bzed gyu bar 
rig nas gser gyi bya ma bum thogs te/ bcom ldan 'das kyi spyan sngar 'dug nas 'di skad ces kyang gsol to/ /kye gau ta ma sbyin pa 'di las bsod nams kyi rgyu mthun pa dang / dge ba'i rgyu mthun pa dang / bde ba'i gzhi gang lags pa de dmar bu can 
gyi grong na gnas pa'i lha rnams kyi yun ring po'i don dang phan pa dang bde bar gyur cig ces de nyid la yon bsngo ba mdzad du gsol/ de nas bcom ldan 'das kyis yul ma ga d+hA'i sna chen po la gtogs pa bram ze dbyar byed kyi sbyin pa de la rjes su yi rang ba 'dis 
rjes su yi rang ngo / /skyes bu gang zag dad pa can/ /gang zhig lha rnams mchod byed pa/ /sangs rgyas bka' bzhin byed gyur pas/ /de ni sangs rgyas rnams kyis bsngags/ /mkhas shing yid ni gzhungs pa yis/ /gang gi phyogs su gnas 

</font><hr>11-1-238b<br><font size=+1>
'cha' ba/ /tshul khrims ldan la bshos gsol nas/ /de yi 'og tu yon bsngo bya/ /de rnams rjed pas rjed 'gyur zhing / /mchod pas yang ni mchod par 'gyur/ /de nas lto nas byung ba yi/ /bu la ma bzhin 'di la brtse/ /lha rnams brtse 
ba'i skyes bu de/ /bde ba bzang po mthong bar 'gyur/ /de nas bcom ldan 'das kyis yul ma ga d+hA'i sna chen po la gtogs pa bram ze dbyar byed la chos dang ldan pa'i gtam gyis yang dag par bstan/ yang dag par 'dzin du bcug /yang dag par 
gzengs bstod/ yang dag par rab tu dga' bar mdzad nas stan las bzhengs te gshegs so/ /de nas yul ma ga d+hA'i sna chen po la gtogs pa bram ze dbyar byed kyis der rgyu lhag pa gang yin pa de thams cad sbyin par btang nas bcom ldan 'das kyi rjes 
bzhin du 'brang zhing 'di snyam du sems la mngon par 'du byed do/ /dge sbyong gau ta ma dmar bu can gyi grong gi sgo nas phyir gshegs pa de ni bdag gis gau ta ma'i sgo zhes gdags so/ /chu bo gang gA'i 'jug ngogs gang nas rgal ba de yang gau ta ma'i 'jug ngogs 
zhes gdags so snyam mo/ /de nas bcom ldan 'das kyi thugs kyis yul ma ga d+hA'i sna chen po la gtogs pa bram ze dbyar byed kyi bsam pa mkhyen nas dmar bu can gyi grong gi dbus thog thag tu gshegs nas nub phyogs kyi sgor byung ste byang phyogs su rgyus 
nas chu bo gang gA gang na bar gshegs so/ /de nas yang de'i tshe yul ma ga d+hA'i mi rnams kyis chu bo gang gA la phan tshun rgal bar byed de/ kha cig ni shing shal ma la'i spang leb/ kha cig ni ku ba'i gru zam/ kha cig ni sngas nang tshangs can/ kha cig ni ra rkyal gyis so/ /
de nas bcom ldan 'das 'di snyam du dgongs te/ ci chu bo gang gA'i rgyun las bzlog ste 'gro'am/ 'on te tshu rol gyi 'gram nas mi snang zhing pha rol gyi 'gram du bzhugs par bya snyam mo/ /de nas bcom ldan 'das dge slong gi dge 'dun dang thabs cig 

</font><hr>11-1-239a<br><font size=+1>
tu tshu rol gyi 'gram nas mi snang zhing pha rol gyi 'gram na bzhugs par bya ba de lta bu'i ting nge 'dzin la snyoms par zhugs te/ ji ltar sems mnyam par gzhag pa dang / de nas dge slong gzhan zhig gis de'i tshe tshigs su bcad de smras pa/ kha 
cig zam pa btsugs nas chu bran bor te rgya mtsho rgal/ /skye bo rnams ni gzings 'cha' mkhas pa'i skye bo rnams su rgal/ /sangs rgyas bcom ldan bram ze rgal bar gyur nas skom la bzhugs/ /dge slong dag 'dir khrus byed nyan thos rnams ni gzings 
'cha'o/ /gal te kun na chu yod na/ /khron pa'i chus ni ci zhig bya/ /sred pa'i rtsa ba bcad nas ni/ /su zhig spyod pa tshol bar byed/ /de nas yul ma ga d+hA'i sna chen po la gtogs pa bram ze dbyar byed kyis bcom ldan 'das dmar bu can gyi grong gi sgo khang nas 
byung ba de la gau ta ma'i sgo zhes btags so/ /chu bo gang gA'i 'jug ngogs gang nas rgal ba de yang gau ta ma'i 'jug ngogs zhes btags so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo grong khyer spyil po 
can du 'dong ngo / /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar nyan te/ bcom ldan 'das yul spong byed nas ljongs rgyu zhing gshegs nas grong khyer spyil po can du byon te/ grong khyer spyil po can du grong gi byang 
phyogs shing sha pa'i tshal na bzhugs so/ /de nas bcom ldan 'das kyis dge slong rnams la bka' stsal pa/ dge slong dag tshul khrims ni 'di lta bu'o/ /ting nge 'dzin ni 'di lta bu'o/ /shes rab ni 'di lta bu ste/ tshul khrims goms par bya 
ba las ting nge 'dzin la ring du gnas par 'gyur ro/ /ting nge 'dzin la goms par byas pas shes rab la ring du gnas par 'gyur ro/ /shes rab goms par byas pas 'di lta ste/ 'dod chags dang / zhe sdang dang / gti mug las yang dag pa 

</font><hr>11-1-239b<br><font size=+1>
ji lta ba bzhin sems rnam par grol bar 'gyur ro/ /dge slong dag 'phags pa'i nyan thos rnams 'di ltar sems yang dag par rnam par grol te/bdag ni skye ba zad do/ /tshangs par spyod pa la bsten to/ /bya ba byas so/ /'di las srid pa gzhan mi 
shes so zhes yang dag pa ji lta ba bzhin rab tu shes so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo grong khyer sgra can ga la bar 'dong ngo / /btsun pa bka' bzhin 'tshal zhes tshe dang ldan pa kun dga' bos 
bcom ldan 'das kyi ltar mnyan te/ bcom ldan 'das dang yul spong byed nas ljongs rgyu zhing gshegs pa na sgra can du byon te/ sgra can gyi kun dzi ka'i gnas na bzhugs so/ /de nas de'i tshe sgra can gyi skye bo phal po che la mi ngas byung bar gyur te/ 'di ltar dge 
bsnyen ud ka ta yang dus las 'das par gyur/ dge bsnyen nye ba dang / rab brtson dang / ka t+ya'i khyu mchog dang / mdzes pa dang / nye mdzes dang / 'chi ltas dang / nye ba'i 'chi ltas dang / bzang po dang / shin tu bzang po dang / grags pa dang / 
grags byin dang / grags mchog kyang dus las 'das par gyur to/ /de nas dge slong rab tu mang po dag snga dro'i dus kyi tshe sham thabs bgos chos gos dang lhung bzed blangs nas sgra can du bsod snyoms kyi phyir zhugs so/ /dge slong rab tu mang po sgra can du 
bsod snyoms la rgyu ba dang / sgra can 'dir skye bo phal po che shi bar gyur te/ 'di ltar dge bsnyen ud ka ta yang dus las 'das/ dge bsnyen nye ba dang / rab brtson dang / ka t+ya'i khyu mchog dang / mdzes pa dang / nye mdzes dang / 'chi ltas dang / nye 
ba'i 'chi ltas dang / bzang po dang / shin tu bzang po dang / grags pa dang / grags byin dang / grags mchog dag kyang dus las 'das so zhes thos so/ /thos nas kyang sgra can du bsod snyoms brgyus te zas kyi bya ba byas nas zas phyi ma'i bsod 

</font><hr>11-1-240a<br><font size=+1>
snyoms spangs te lhung bzed dang / chos gos mkhos su phab nas rkang pa gnyis bkrus te/ bcom ldan 'das ga la ba der song ste lhags nas bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ /phyogs 
gcig tu 'dug nas dge slong rab tu mang pos bcom ldan 'das la 'di skad ces gsol to/ /btsun pa bdag cag dge slong rab tu mang po snga dro'i dus kyi tshe sham thabs bgos lhung bzed dang chos gos blangs te sgra can 'dir bsod snyoms kyi phyir zhugs te/ btsun pa 
bdag cag dge slong rab tu mang po sgra can du bsod snyoms la rgyu ba na sgra can 'dir skye bo phal po che gum par gyur te/ 'di ltar dge bsnyen ud ka ta dus las 'das/ dge bsnyen nye ba dang / rab brtson dang / ka t+ya'i khyu mchog dang / mdzes pa dang / nyi mdzes dang / 'chi 
ltas dang / nye ba'i 'chi ltas dang / bzang po dang / shin tu bzang po dang / grags pa dang / grags sbyin dang / grags mchog dag kyang du las 'das par thos lags na/ btsun pa de dag gar mchis lags/ 'jig rten pha rol gyi gnas gang du skyes lags/ dge 
slong dag dge bsnyen ud ka ta ni gong ma'i cha dang mthun pa ma yin pa'i kun du sbyor ba lnga spangs te/ de nyid du rdzus te skyes nas yongs su mya ngan las 'das te 'jig rten 'dir slar mi 'ong zhing mi 'byung ba'i chos nyid du 'gyur ro/ /dge bsnyen nye ba dang / rab brtson dang / ka t+ya'i khyu 
mchog dang / mdzes pa dang / nye mdzes dang / 'chi ltas dang / nye ba'i 'chi ltas dang / bzang po dang / shin tu bzang po dang / grags pa dang / grags sbyin dang / grags mchog rnams kyis kyang gong ma'i cha dang mthun pa ma yin pa'i kun du sbyor ba lnga spangs te/ de nyid 
du rdzus te skyes nas yongs su mya ngan las 'das te 'jig rten 'dir slar mi 'ong zhing mi 'byung ba'i chos nyid du 'gyur ro/ /dge slong dag sgra can 'dir dge bsnyen nyis brgya lnga bcu lha gcig dus las 'das pa gang yin pa dag kyang gong ma'i cha dang mthun pa ma yin pa'i kun du 

</font><hr>11-1-240b<br><font size=+1>
sbyor ba lnga spangs te/ de nyid du rdzus te skyes nas yongs su mya ngan las 'das nas 'jig rten 'dir slar mi 'ong zhing mi 'byung ba'i chos nyid du 'gyur ro/ /dge slong dag sgra can 'dir dge bsnyen sum brgya lhag cig gis ni kun du sbyor ba gsum po gang yin pa spangs te/ 'dod 
chags dang / zhe sdang dang / gti mug bsrabs nas lan gcig phyir 'ong ste 'jig rten 'dir lan gcig phyir 'ongs nas sdug bsngal gyi mthar byed par 'gyur ro/ /dge slong dag sgra can 'dir dge bsnyen lnga brgya lhag cig dus las 'das pas kyang kun du sbyor ba gsum 
po gang yin pa spangs te rgyun du zhugs pa las phyir mi ltung ba'i chos nyid du gyur cing nges par yang dag pa'i byang chub tu 'gyur te/ re ltar thogs na srid pa lan bdun las mi 'da' ste lha'am mi rnams kyi nang du srid pa lan bdun du nying mtshams sbyar nas sdug bsngal gyi mthar byed 
par 'gyur ro/ /dge slong dag khyed de bzhin gshegs pa la dus las 'das/ dus las 'das zhes zhu ba de bzhin gshegs pa la mtho btsam pa yin te/ des de bzhin gshegs pa la bde bar mi 'gyur mod kyi/ skye ba yod na nges par 'chi ba'i dus byed par 'gyur 
ba ni de la ngo mtshar mi che ste/ 'on kyang de bzhin gshegs pa rnams byung yang rung ma byung yang rung chos kyi tshul ni gnas pa/ chos kyi dbyings 'di dag ni chos nyid kyi gnas pa ste/ de bzhin gshegs pa nyid kyis mkhyen cing yang dag par thugs su chud de 'chad cing rab 
tu 'dogs par mdzad/ rab tu 'jog par mdzad/ rnam par 'byed par mdzad/ rnam par gsal bar mdzad/ ston par mdzad/ rab tu ston par mdzad pa ni 'di lta ste/ 'di yod pas 'di 'byung la/ 'di skyes pas 'di skye ste/ 'di ltar ma rig pa'i rkyen gyis 'du byed 
rnams/ 'du byed rnams kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len 

</font><hr>11-1-241a<br><font size=+1>
pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'byung ste/ sdug bsngal gyi phung po chen po 'ba' zhig po 'di 
'byung bar 'gyur ro/ /'di lta ste/ 'di med pas 'di mi 'byung la/ 'di 'gags pas 'di 'gag par 'gyur te/ 'di ltar ma rig pa 'gags pas 'du byed rnams 'gag /'du byed rnams 'gags pas rnam par shes pa 'gag /rnam par shes pa 'gags pas 
ming dang gzugs 'gag /ming dang gzugs 'gags pas skye mched drug 'gag /skye mched drug 'gags pas reg pa 'gag /reg pa 'gags pas tshor ba 'gag /tshor ba 'gags pas sred pa 'gag /sred pa 'gags pas len pa 'gag /len 
pa 'gags pas srid pa 'gag /srid pa 'gags pas skye ba 'gag /skye ba 'gags pas rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur te/ sdug bsngal gyi phung po chen po 
'ba' zhig po 'di 'gag par 'gyur ro/ /dge slong dag de lta mod kyi/ chos kyi me long gi chos kyi rnam grangs ngas bshad par byas/ de rab tu nyon la yid la zung shig dang bshad do/ /chos kyi me long gi chos kyi rnam grangs gang zhe na/ sangs rgyas la shes nas dad pa ni 
chos kyi me long gi chos kyi rnam grangs so/ /chos dang / dge 'dun dang / 'phags pa dgyes pa'i tshul khrims la shes nas dad pa ni chos kyi me long gi chos kyi rnam grangs yin no/ /dge slong dag ngas khyed la chos kyi me long gi chos kyi rnam grangs bshad do zhes gsungs pa de ni 
bshad pa de yin no/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo yangs pa can du 'dong ngo / /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas/ de nas bcom ldan 

</font><hr>11-1-241b<br><font size=+1>
'das yul spong byed nas ljongs rgyu zhing gshegs nas yangs pa can du byon te/ yangs pa can gyi a mra skyong ma'i tshal na bzhugs so/ /a mra skyong mas bcom ldan 'das yul spong byed nas ljongs rgyu zhing gshegs te/ yangs pa can du byon nas yangs pa can gyi bdag nyid 
kyi tshal na bzhugs par thos so/ /thos nas kyang rgyan thams cad kyis brgyan te/ bud med kyi tshogs kyis bskor nas bzhon pa bzang po la zhon te yangs pa can nas byung nas bcom ldan 'das la blta ba dang / bsnyen bkur bya ba'i phyir bcom ldan 'das kyi spyan sngar 
song ste/ des ji ltar bzhon pa'i sa'i bar du zhon te song nas bzhon pa las babs te rkang pa kho nas kun dga' ra bar song ngo / /de nas de'i tshe bcom ldan 'das dge slong brgya phrag du ma'i 'khor gyi gung la chos ston cing bzhugs te/ bcom ldan 'das kyis a mra skyong ma rgyang ring po 
nas 'ongs pa gzigs so/ /gzigs nas kyang dge slong rnams la bka' stsal pa/ dge slong dag a mra skyong ma 'dir 'ong gis brtson pa dang / shes bzhin dang / dran pas gnas par gyis shig /dge slong dag ngas de skad du rjes su bstan pa brtson pa la gnas pa gang 
zhe na/ dge slong dag 'di la sdig pa mi dge ba'i chos skyes pa rnams spang ba'i phyir 'dun pa skyed do/ /'bad do/ /brtson 'grus rtsom mo/ /sems rab tu 'dzin to/ /rab tu 'jog go/ /sdig pa mi dge ba'i chos ma skyes pa rnams mi bskyed pa'i phyir 'dun pa skyed do/ /'bad 
do/ /brtson 'grus rtsom mo/ /sems rab tu 'dzin to/ /rab tu 'jog go/ /dge ba'i chos ma skyes pa rnams bskyed pa'i phyir 'dun pa skyed do/ /'bad do/ /brtson 'grus rtsom mo/ /sems rab tu 'dzin to/ /rab tu 'jog go/ /dge ba'i chos skyes 
pa rnams gnas pa dang / phyir zhing 'byung ba dang / nyams par mi 'gyur ba dang / yongs su rdzogs pa dang / 'phel zhing rgyas par bya ba'i phyir 'dun pa skyed do/ /'bad do/ /brtson 'grus rtsom mo/ /sems rab tu 'dzin to/ /rab tu 'jog go/ /dge slong 

</font><hr>11-1-242a<br><font size=+1>
dag 'di ni brtson pa la gnas pa yin no/ /dge slong dag shes bzhin du gyur cing 'gro ba dang 'ong ba'i tshe shes bzhin du gnas pa gang zhe na/ lta ba dang / rnam par lta ba dang / bskum pa dang / brkyang ba dang / chos gos snam sbyar gyon pa dang / lhung bzed 
thogs pa dang / 'gro ba dang / 'greng ba dang / 'dug pa dang / nyal ba dang / langs pa dang / smra ba dang / mi smra ba dang / gnyid dang / ngal ba dang / ngal bso ba'i tshe shes bzhin du gyur pa ste/ dge slong dag 'di ni shes bzhin du gnas par gyur pa yin no/ /dge slong 
dag ji ltar dran par gyur pa yin zhe na/ dge slong dag 'di la nang gi lus la lus kyi rjes su lta zhing brtson 'grus dang / shes bzhin dang / dran pa dang ldan pas 'jig rten la gnod sems dang / yid mi bde ba spangs nas gnas so/ /phyi'i lus dang / nang gi dang / phyi dang 
nang gi lus dang / phyi'i tshor ba dang / nang gi dang / phyi dang nang gi tshor ba dang phyi'i sems dang / nang gi sems dang / phyi dang nang gi sems dang / phyi'i chos dang / nang gi chos dang / phyi dang nang gi chos la chos kyi rjes su lta/ brtson 'grus dang / shes bzhin dang / 
dran pa dang ldan pas 'jig rten la gnod sems dang / yid mi bde ba spangs nas gnas so/ /dge slong dag 'di ni dran pa la gnas pa yin no/ /dge slong dag a mra skyong ma 'dir 'ong gis brtson pa dang / shes bzhin dang / dran pas gnas par gyis shig ces 
ngas gang gsungs pa ni de yin no/ /de nas a mra skyong ma bcom ldan 'das gang na ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug pa dang bcom ldan 'das kyis a mra skyong ma 
la chos dang ldan pa'i gtam gyis yang dag par ston par mdzad/ yang dag par 'dzin du 'jug par mdzad/ yang dag par gzengs stod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par 

</font><hr>11-1-242b<br><font size=+1>
bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad nas cang mi gsung ngo / /de nas a mra skyong ma stan las langs te bcom ldan 'das gang na ba de logs su thal mo sbyar ba btud nas bcom ldan 'das la 
'di skad ces gsol to/ /bcom ldan 'das dge slong gi dge 'dun dang thabs cig tu sang bdag gi sdum par gdugs tshod sbyar zhing mchis na gnang bar mdzad du gsol/ bcom ldan 'das cang mi gsung bas a mra skyong ma la gnang bar mdzad do/ /de nas a mra skyong ma 
bcom ldan 'das cang mi gsung bas gnang bar rig ste/ bcom ldan 'das kyis gsungs pa la rjes su yi rangs te mngon par bstod nas/ bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas song ngo / /yangs pa can gyi lits+tsha bI 
rnams kyis bcom ldan 'das spong byed nas ljongs rgyu zhing gshegs te yangs pa can du byon nas yangs pa can gyi a mra skyong ma'i tshal na bzhugs so zhes thos so/ /thos nas kyang rang rang gi shing rta la zhon te/ kha cig ni rta sngon po/ /shing rta sngon po/ srab skyogs dang / 
lcag sngon po/ /thor tshugs dang / gdugs dang / ral gri shubs sngon po dang / rnga yab nor bu'i yu ba can dang / gos dang / rgyan dang / byug pa sngon po dang / 'khor sngon po dang / kha cig ni rta ser po/ shing rta ser po/ srab skyogs dang / lcag ser po/ 
thor tshugs dang / gdugs ser po/ ral gri shubs dang / rnga yab nor bu'i yu ba can dang / gos dang / rgyan dang / byug pa ser po/ 'khor ser po dang / kha cig ni rta dmar po/ shing rta dmar po/ srab skyogs dang lcag dmar po/ thor tshugs dang gdugs 
dmar po/ ral gri shubs dang / rnga yab nor bu'i yu ba can dang / gos dang / rgyan dang / byug pa dmar po dang / 'khor dmar po'o/ /kha cig ni rta dkar po dang / shing rta dkar po dang / srab skyogs dang lcag dkar po dang / thor tshugs dang / gdugs dkar 

</font><hr>11-1-243a<br><font size=+1>
po dang / ral gri shubs dang / rnga yab nor bu'i yu ba can dang / gos dang / rgyan dang / byug pa dkar po/ 'khor dkar por chas te/ skad mthon po dang skad chen por slar khyer slar khyer ces zer zhing yangs pa can nas byung ste/ bcom ldan 'das 
la blta ba dang / bsnyen bkur bya ba'i phyir/ bcom ldan 'das kyi spyan sngar dong ngo / /bcom ldan 'das kyis yangs pa can gyi lits+tsha bI rnams rgyang ring po kho na nas 'ong ba gzigs so/ /gzigs nas kyang dge slong rnams la bka' stsal pa/ dge slong dag khyed cag 
las gang gis sum bcu rtsa gsum pa'i lha rnams skyed mos tshal du 'gro ba ma mthong ba de yangs pa can gyi lits+tsha bI rnams la ltos shig /de ci'i phyir zhe na/ dge slong dag sum bcu rtsa gsum pa'i lha rnams kyang ji ltar da ltar yangs pa can gyi lits+tsha bI dag bzhin du rdzu 'phrul 
'di dang / 'byor pa 'di dang / cha lugs 'dis skyed mos tshal gyi gnas su 'gro'o/ /ji tsam bzhon pa'i sa'i bar du bzhon pas song nas bzhon pa las babs te/ rkang pa kho nas kun dga' ra bar zhugs nas bcom ldan 'das gang na ba der song ste lhags nas bcom ldan 
'das kyi zhabs gnyis la mgo bos phyag 'tshal nas phyogs gcig tu 'dug go/ /phyogs gcig tu 'dug nas bcom ldan 'das kyis yangs pa can gyi lits+tsha bI rnams la chos dang ldan pa'i gtam gyis yang dag par ston par mdzad/ yang dag par 'dzin du 'jug par 
mdzad/ yang dag par gzengs stod par mdzad/ yang dag par rab tu dga' bar mdzad de/ rnam grangs du mar chos dang ldan pa'i gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu 
dga' bar mdzad do/ /de nas yang de'i tshe bram ze'i khye'u ser skya 'khor 'dus pa de nyid du 'dug par gyur to/ /de nas bram ze'i khye'u ser skya stan las langs te/ bla gos phrag pa gcig tu gzar nas bcom ldan 'das gang na ba de logs su thal mo sbyar ba btud nas 'di skad 

</font><hr>11-1-243b<br><font size=+1>
ces gsol to/ /bcom ldan 'das bdag ni spobs lags so/ /bde bar gshegs pa bdag ni spobs lags so/ /bcom ldan 'das kyis ser skya'i bu spobs par gyis shig ces bka' stsal pa dang / de nas bram ze'i khye'u ser skyas tshigs su bcad de gsol pa/ 
ang+ga'i rgyal po nor bu go 'chang ba/ /ma ga'i dbang pos rnyed pa legs rnyed de/ /de yi yul du byung ba'i sangs rgyas ni/ /grags pa'i sgra dag gangs kyi ri bo bzhin/ /ji ltar pad ma bzang po legs 'khrungs pa/ /dgongs ka kha 'bye dri zhim ldan pa bzhin/ /bar snang la ni nyi 
ma lhag gi bar/ /snang ba lta bu'i nyi ma'i rgyud la ltos/ /de bzhin gshegs pa rnams kyi shes rab stobs/ /ji ltar mtshan mo me 'bar lta bu ltos/ /de ni mig byed snang bar byed pa ste/ /lhags pa rnams kyi the tshom rnam par 'dul/ /lits+tsha bI lnga brgyas bram ze'i khye'u 
ser skyas legs par smras so/ /bram ze'i khye'u ser skyas legs par smras so/ /zhes bla gos lnga brgya legs par smras pa'i phyir byin no/ /de nas bcom ldan 'das kyis yangs pa can gyi lits+tsha bI rnams la chos dang ldan pa'i gtam gyis yang dag par ston par mdzad/ 
yang dag par 'dzin du 'jug par mdzad/ yang dag par gzengs stod par mdzad/ yang dag par rab tu dga' bar mdzad nas cang mi gsung ngo / /de nas yangs pa can gyi lits+tsha bI rnams stan las langs te/ bla gos phrag pa gcig tu gzar nas bcom ldan 'das 
gang na ba de logs su thal mo sbyar ba btud nas bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs cig tu sang bdag cag gi sdum par gdugs tshod sbyar zhing mchis na gnang bar mdzad du gsol/ gnas 'jog dag nga 
sngar a mra skyong mas spyan drangs so/ /btsun pa a mra skyong ma dman pa shes rab dman pa des bdag cag bslus lags te thog mar bcom ldan 'das la lta ba dang / bsnyen bkur bgyi bar mchis pa'i rngo ma thog mod kyi da dung bdag cag bcom ldan 'das dang dge 

</font><hr>11-1-244a<br><font size=+1>
slong gi dge 'dun la bsnyen bkur 'tshal lo/ /bcom ldan 'das kyis de dag la gnas 'jog dag legs par smras so zhes bka' stsal to/ /de nas yangs pa can gyi lits+tsha bI rnams kyis bcom ldan 'das kyis gsungs pa la mngon par bstod de rjes su yi 
rangs nas bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas song ngo / /bram ze'i khye'u ser skya ni de nyid du 'dug go/ /de nas bram ze'i khye'u ser skyas yangs pa can gyi lits+tsha bI rnams dong nas ring por ma lon par shes nas stan 
las langs te/ bla gos phrag pa gcig tu gzar te/ bcom ldan 'das gang na ba de logs su thal mo sbyar ba btud nas bcom ldan 'das la 'di skad ces gsol to/ /btsun pa 'dir bdag la lits+tsha bI lnga brgyas bla gos lnga brgya legs par smras pa'i phyir stsal ba 'di dag bcom ldan 'das 
kyis thugs brtse ba nye bar bzung ste bzhes su gsol/ bcom ldan 'das kyis bram ze'i khye'u ser skya la thugs brtse ba nye bar bzung ste bla gos lnga brgya bzhes so/ /de nas bcom ldan 'das kyis bram ze'i khye'u ser skya la bka' stsal pa/ ser skya'i bu de bzhin gshegs 
pa dgra bcom pa yang dag par rdzogs pa'i sangs rgyas 'jig rten du byung na ngo mtshar rmad du byung ba'i chos rnam pa lnga 'jig rten du 'byung bar 'gyur te/ lnga gang zhe na/ ser skya'i bu 'di la ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang 
zhabs su ldan pa/ bde bar gshegs pa 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa/ sangs rgyas bcom ldan 'das 'jig rten du byung bar gyur te/ de'i chos bstan pa thog mar dge ba/ bar du dge ba/ tha mar 
dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ tshangs par spyod pa rab tu ston te/ ser skya'i bu de bzhin gshegs pa dgra bcom pa yang dag par rdzogs pa'i sangs rgyas 'jig rten du byung na 

</font><hr>11-1-244b<br><font size=+1>
ngo mtshar rmad du byung ba'i chos 'jig rten du byung ba dang po yin no/ /ser skya'i bu gzhan yang gang chos de gus pa dang bcas pas nyan cing bla mar byed/ dam par byed/ yid la byed cing sems rtse gcig tu byas te rna ba blags nas sems thams cad bsdus te nyan par 
byed pa 'di ni ser skya'i bu de bzhin gshegs pa dgra bcom pa yang dag par rdzogs pa'i sangs rgyas 'jig rten du byung na ngo mtshar rmad du byung ba'i chos 'jig rten du byung ba gnyis pa yin no/ /ser skya'i bu gzhan yang chos de gang dag gis thos nas dga' ba dang / mgu ba dang / nges 
par 'byung ba dang ldan pa'i dge ba rgya chen po thos pa 'di ni ser skya'i bu de bzhin gshegs pa dgra bcom pa yang dag par rdzogs pa'i sangs rgyas 'jig rten du byung na ngo mtshar rmad du byung ba'i chos 'jig rten du byung ba gsum pa yin no/ /ser skya'i bu gzhan yang gang dag gis 
chos de thos nas de lta de ltar sgrub par byed pa ni ser skya'i bu de bzhin gshegs pa dgra bcom pa yang dag par rdzogs pa'i sangs rgyas 'jig rten du byung na ngo mtshar rmad du byung ba'i chos 'jig rten du byung ba bzhi pa yin no/ /ser skya'i bu gzhan yang gang dag gis chos de thos 
nas don zab mo'i gzhi so sor rtogs par byed pa ni ser skya'i bu de bzhin gshegs pa dgra bcom pa yang dag par rdzogs pa'i sangs rgyas 'jig rten du byung na ngo mtshar rmad du byung ba'i chos 'jig rten du byung ba lnga pa yin no/ /ser skya'i bu skyes bu dam pa dag ni byas pa gzo 
ba dang byas pa tshor ba can yin te/ gang gis cung zad tsam byas pa yang chud gzon par mi byed na mang po lta smos kyang ci dgos/ ser skya'i bu de lta bas na 'di ltar byas pa gzo ba dang byas pa tshor ba can du bslab par bya ste/ cung zad tsam byas pa yang chud gzon par mi bya 
na mang po lta smos kyang ci dgos te/ ser skya'i bu khyod kyis de ltar bslab par bya'o/ /de nas bram ze'i khye'u ser skya'i bu bcom ldan 'das kyis gsungs pa la mngon par bstod de rjes su yi rangs nas bcom ldan 'das kyi zhabs gnyis la mgo bos phyag 'tshal te/ bcom 

</font><hr>11-1-245a<br><font size=+1>
ldan 'das kyi spyan snga nas song ngo / /de nas a mra skyong mas de nyid kyi mtshan mo nas gtsang zhing bsod pa'i bza' ba dang bca' ba dag sta gon byas te/ nang par sngar langs nas gdan bshams te nor bu'i chu snod dag bzhag nas bcom ldan 'das la 
spyan 'dren gyi gdugs tshod gsol pa/ btsun pa gdugs tshod bshams lags na da de'i dus la bab par dgongs su gsol/ de nas bcom ldan 'das snga dro sham thabs mnabs/ na bza' chos gos dang / lhung bzed bsnams te/ dge slong gi tshogs kyis 
bskor cing dge slong gi dge 'dun gyi mdun gyis bltas te/ a mra skyong ma'i bkad sa gang na ba der gshegs te byon nas dge slong gi dge 'dun gyi gung la gdan bshams pa nyid la bzhugs so/ /de nas a mra skyong mas sangs rgyas la sogs pa dge slong gi dge 'dun 
bde bar bzhugs par rig nas gtsang zhing bsod pa'i bza' ba dang bca' ba dag rang gi lag nas stobs shing tshim par byed de/ rnam grangs du mar gtsang zhing bsod pa'i bza' ba dang bca' bas rang gi lag nas bstabs shing tshim par byas so/ /bcom ldan 'das kyis gsol 
zin nas phyag bcabs te/lhung bzed gyu bar rig nas stan dma' ba zhig blangs te/ bcom ldan 'das kyi spyan sngar chos mnyan pa'i phyir 'dug go/ /de nas bcom ldan 'das kyis a mra skyong ma'i sbyin pa de la rjes su yi rang bas rjes su yi rang bar mdzad de/ sbyin la dga' 'gyur 
de la skye bo sten/ /snyan pa thob cing de yi grags pa 'phel/ /ser sna med cing tshogs par 'gro ba na/ /zhum par mi 'gyur 'jigs pa med par 'gyur/ /de lta bas na mkhas pa bde 'dod pas/ /ser sna'i dri ma spangs te sbyin pa gtong / /de dag yun ring sum 
bcu rtsa gsum gnas/ /lha dag dang yang skal ba mnyam par dga'/ /sbyin gtong dge byed de ni shi 'phos nas/ /rang gi 'od kyis dga' ba'i tshal na rgyu/ /de na de dag rtsen cing dga' byed pa/ /'dod pa'i yon tan mang po dag dang ldan/ /ma bcings skyob pa 

</font><hr>11-1-245b<br><font size=+1>
de yi gsung thos nas/ /bde bar gshegs pa'i nyan thos mtho ris dga'/ /de nas bcom ldan 'das kyis a mra skyong ma la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu 
dga' bar mdzad nas gdan las bzhengs te gshegs so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo 'od ma can gyi grong gang na bar 'dong ngo / /btsun pa bka' bzhin 'tshal zhes tshe dang ldan pa kun dga' bos 
bcom ldan 'das kyi ltar mnyan to/ /de nas bcom ldan 'das yul spong byed nas ljongs rgyu zhing gshegs te 'od ma can gyi grong du byon nas 'od ma can gyi grong gi byang phyogs kyi grong shing sha pa'i tshal na bzhugs so/ /de nas de'i tshe mu ge'i dgon pa nyam nga ba slong mo pa 
rnams kyis zas rnyed dka' ba byung bar gyur to/ /de nas bcom ldan 'das kyis dge slong rnams la bka' stsal pa/ dge slong dag da ltar 'dir mu ge'i dgon pa nyam nga ba slong mo pa rnams kyis zas rnyed dka' ba byung gis/ dge slong dag tshur khyed las smos 'drin ji lta 
bu yod pa dang / gtam 'dres pa ji lta bu yod pa dang / 'grogs bshes ji lta bu yod pa de dag ni yangs pa can gyi nye 'khor spong byed du dbyar gnas par dam chos shig /nga yang bsnyen bkur ba dge slong kun dga' bo dang 'od ma can gyi grong 'di nyid du dbyar bzhugs 
par dam bcas na thams cad bsod snyoms kyis phongs par mi 'gyur grang / btsun pa bka' bzhin 'tshal lo zhes dge slong de dag gis bcom ldan 'das kyi ltar mnyan nas smos 'drin ji lta bu yod pa dang / 'grogs bshes ji lta bu yod pa dang / gtam 'dres pa 
ji lta bu yod pa dag ni yangs pa can gyi nyen kor spong byed du dbyar gnas par dam bcas so/ /bcom ldan 'das kyang bsnyen bkur ba tshe dang ldan pa kun dga' bo dang 'od ma can gyi grong de nyid du dbyar bzhugs par dam bcas so/ /dbyar gnas der bcom ldan 

</font><hr>11-1-246a<br><font size=+1>
'das snyun tshabs chen po mi bzad pa drag po grongs la thug pa zhig gis thebs so/ /de nas bcom ldan 'das 'di snyam du dgongs te/ bdag nad tshabs chen po mi bzad pa drag pa shi la thug pas thebs la/ dge slong gi dge 'dun yang 'thor 
bar gyur na dge slong gi dge 'dun 'thor ba dang / bdag yongs su mya ngan las 'da' ba ni bdag gi cha ma yin gyi/ ma la bdag gis tshor ba gcig po de brtson 'grus kyis bcil la mtshan ma thams cad yid la mi bya bar sems kyi ting nge 'dzin mtshan ma med pa lus 
kyi mngon sum du bsgrubs te gnas par bya'o snyam du dgongs so/ /de nas bcom ldan 'das kyis tshor ba gcig po de brtson 'grus kyis slar bcil nas mtshan ma thams cad yid la mi mdzad pas sems kyi ting nge 'dzin mtshan ma med pa skus mngon sum du mdzad de bsgrubs nas 
bzhugs te/ des na bcom ldan 'das lhag par spyod pa dang / /lhag par 'tsho bar gyur to/ /de nas tshe dang ldan pa kun dga' bo dgongs ka nang du yang dag 'jog las langs te/ bcom ldan 'das gang na ba der song ste phyin nas/ bcom ldan 'das kyi zhabs la mgo bos 
phyag 'tshal nas phyogs gcig tu 'dug go/ /phyogs gcig tu 'dug nas bcom ldan 'das la tshe dang ldan pa kun dga' bos 'di skad ces gsol to/ /btsun pa bcom ldan 'das snyun tshabs chen po mi bzad pa drag po grongs la thug pas thebs pa glo bar chud nas bdag ni 
dug 'tshal ba bzhin lus kyang g.yo ba ma mchis/ phyogs kyang bslad/ chos thos pa rnams kyang bskyud par gyur lags te/ de la bdag glo ba re ba ni re zhig bcom ldan 'das kyis dge slong gi dge 'dun gyi slad du zhal chems cung zad bka' ma stsal gyi bar du bcom ldan 'das yongs 
su mya ngan las mi 'da'o snyam bgyid do/ /kun dga' bo gang zhig 'di snyam du dge slong gi dge 'dun ni bdag gi yin te/ bdag gis dge slong gi dge 'dun la bstan par bya'o/ /bdag gis dge slong gi dge 'dun drang ngo snyam du sems pa de ni dge 'dun gyi phyir kha chems 

</font><hr>11-1-246b<br><font size=+1>
cung zad smra bar 'gyur ba nyid na/ kun dga' bo nga la ni 'di snyam du dge slong gi dge 'dun nga'i yin te/ ngas dge slong gi dge 'dun la bstan par bya'o/ /ngas dge slong gi dge 'dun drang ngo snyam du dgongs pa mi mnga' na/ ngas dge slong gi dge 'dun gyi phyir zhal chems kho 
na cung zad bstan du ci yod/ gzhan yang kun dga' bo nga la dge slong gi dge 'dun gyi rag lus pa ci zhig yod/ kun dga' bo ngas rtag tu goms par bya ba'i chos 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi 
dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad ni bshad zin to/ /kun dga' bo de bzhin gshegs pa la ni gang zhig gzhan dag gis shes na mi rung bas de bzhin gshegs pas bcab bo snyam du dgongs 
pa'i slob dpon gyi dpe mkhyud mi mnga'o/ /kun dga' bo 'on kyang gang gi tshe de bzhin gshegs pa snyun tshabs chen po mi bzad pa drag po grongs la thug pas thebs pa de la nga 'di snyam du dgongs te/ bdag nad tshabs chen po mi bzad pa drag po shi la thug pas thebs la/ dge 
slong gi dge 'dun kyang 'thor bar gyur te/ dge slong gi dge 'dun kyang 'thor ba na bdag yongs su mya ngan las 'da' ba ni bdag gi cha ma yin gyis/ ma la bdag gis tshor ba gcig po de brtson 'grus kyis bcil la mtshan ma thams cad yid la mi bya bar sems kyi ting nge 
'dzin mtshan ma med pa lus kyis mngon sum du bsgrubs te gnas par bya'o snyam du ngas tshor ba gcig po de brtson 'grus kyis slar bcil nas mtshan ma thams cad yid la mi bya bar sems kyi ting nge 'dzin mtshan ma med pa lus kyis mngon sum du bsgrubs nas bzhag ste/ des na de bzhin 
gshegs pa lhag par spyod pa dang / lhag par 'tsho bar gyur to/ /gzhan yang kun dga' bo de bzhin gshegs pa na tshod lo brgyad bcu lon pas sku bgres 'khogs gtugs par gyur te rnam pa gnyis la brten nas 'tsho'o/ /dper na shing rta rnying pa rnam pa gnyis la 

</font><hr>11-1-247a<br><font size=+1>
brten nas 'tsho ba de bzhin du de bzhin gshegs pa yang na tshod lo brgyad bcu lon pas sku bgres 'khogs gtugs par gyur te rnam pa gnyis la brten nas 'tsho'o/ /de lta bas na kun dga' bo khyed mya ngan ma byed cig /nyon mongs par ma byed cig /smre 
sngags ma 'don cig /gang skye ba dang / byung ba dang / byas pa dang / 'dus byas dang / bsags pa gang yin pa rten cing 'brel par byung ba rnam par 'gyes pa'i chos can de la mi 'jig pa de lta bu ga la yod de de ni gnas med do/ /kun dga' bo gang yang ngas khyod la sdug pa 
dang / phangs pa dang / dga' ba dang / yid du 'ong ba thams cad ni 'bral ba dang / 'jig pa dang / 'gyes pa dang / mi ldan par 'gyur bar snga nas bshad zin to/ /kun dga' bo de lta bas na da lta'am 'das kyang rung gang su dag bdag nyid gling dang / bdag nyid skyabs 
dang / chos kyi gling dang / chos kyi skyabs kyis gnas par bya'i gling gzhan dang / skyabs gzhan gyis ni ma yin no/ /de ci'i phyir zhe na/ kun dga' bo da lta'am 'das kyang rung gang su dag bdag nyid gling dang / bdag nyid skyabs dang / chos kyi gling dang / chos kyi 
skyabs kyis gnas par byed kyi/ gling gzhan dang / skyabs gzhan gyis ni ma yin pa de dag ni 'di lta ste/ nga'i nyan thos bslab pa 'dod pa rnams kyi mchog yin no/ /kun dga' bo ji ltar na dge slong gis bdag nyid gling dang / bdag nyid skyabs dang / chos kyi gling 
dang / chos kyi skyabs kyis gnas par bya'i/ gling gzhan dang / skyabs gzhan gyis ni ma yin zhe na/ kun dga' bo 'di la dge slong nang gi lus la lus kyi rjes su lta zhing brtson 'grus dang / shes bzhin dang / dran pa dang ldan pas 'jig rten la gnod sems dang / 
yid mi bde ba spangs nas gnas so/ /phyi'i lus dang / nang gi lus dang / nang dang phyi'i lus dang / nang gi tshor ba rnams dang / phyi'i tshor ba rnams dang / phyi dang nang gi tshor ba rnams dang / nang gi sems dang / phyi'i sems dang / nang dang phyi'i sems dang /

</font><hr>11-1-247b<br><font size=+1>
nang gi chos rnams dang / phyi'i chos rnams dang / nang dang phyi'i chos rnams la chos kyi rjes su lta zhing brtson 'grus dang / shes bzhin dang / dran pa dang ldan pas 'jig rten la gnod sems dang / yid mi bde ba spangs nas gnas pa ste/ kun dga' bo dge slong 'di lta 
bu ni bdag nyid gling dang / bdag nyid skyabs dang / chos kyi gling dang / chos kyi skyabs kyis gnas par bya'i/ gling gzhan dang / skyabs gzhan gyis ni ma yin no// //'dul ba phran tshegs kyi gzhi/bam po lnga bcu gcig pa/ sdom bar ma ni/ 
dbyar byed grong khyer pa ta li/ /byas pa bsgo dang gang gA la/ /ku ti ka dang na ti ka/ /yangs pa can dang 'od ma'i tshal/ /de nas bcom ldan 'das kyis tshe dang ldan pa kun dga' bo grong khyer yangs pa can gang na bar 'dong ngo zhes bka' stsal pa dang / btsun pa 
de bzhin bgyi'o zhes tshe dang ldan pa kun dga' bos bcom ldan 'das las mnyan te/ de nas bcom ldan 'das yul br-i dzi nas ljongs rgyu zhing grong khyer yangs pa can du byon te yangs pa can gyi spre'u rdzing gi 'gram khang bzangs brtsegs pa'i gnas na bzhugs so/ /de nas bcom 
ldan 'das snga dro sham thabs dang / chos gos mnabs lhung bzed bsnams te/ yangs pa can du zhabs 'bring ba'i dge sbyong kun dga' bo dang bsod snyoms la zhugs so/ /de nas bcom ldan 'das bsod snyoms la gshegs nas zas kyi bya ba byas te/ zas kyi bsod snyoms 
phyi ma spangs nas lhung bzed dang chos gos bzhag ste zhabs bkrus nas tsa pa la'i mchod rten gang na ba der gshegs te phyin nas/ shing gzhan zhig gi drung du nyin par spyod pa'i phyir gnas te bzhugs so/ /de nas tshe dang ldan pa kun dga' bo la bka' stsal pa/ kun dga' 
bo yangs pa can dang / br-i dzi'i phyogs dang / tsa pa la'i mchod rten dang / shing a kra bdun po dang / bu mang po dang / gau ta ma'i shing n+ya gro d+ha dang / shing sA la gnyis po dang / brtson pa gtong ba dang / gyad rnams kyis cod pan 'ching ba'i mchod rten dang / 'dzam 

</font><hr>11-1-248a<br><font size=+1>
bu'i gling sna tshogs la dga' bar 'gyur ba yin te/ mi rnams la ni tshe gces te/ kun dga' bo gang su la yang rung / rdzu 'phrul gyi rkang pa bzhi la bsnyen bsgoms mang du byas de 'dod na bskal pa'am/ bskal pa las lhag gi bar du yang 'dug go/ /
kun dga' bo de bzhin gshegs pas kyang rdzu 'phrul gyi rkang pa bzhi la bsnyen bsgoms mang du byas pa na de bzhin gshegs pa yang bzhed na bskal pa'am/ bskal pa las lhag pa'i bar du yang bzhugs so/ /de skad ces gsungs na/ tshe dang ldan pa kun dga' bo cang mi zer 
nas lan gnyis lan gsum du bcom ldan 'das kyis tshe dang ldan pa kun dga' bo la bka' stsal pa/ kun dga' bo yangs pa can dang / br-i dzi'i phyogs dang / tsa pa la'i mchod rten dang / shing a mra bdun po dang / bu mang po dang / gau ta ma'i shing n+ya gro d+ha dang / shing sA la gnyis 
po dang / brtson pa gtong ba dang / mal l+ya rnams kyis cod pan 'ching ba'i mchod rten dang / 'dzam bu'i gling sna tshogs la dga' bar 'gyur ba yin te/ mi rnams la ni tshe gces pa yin te/ kun dga' bo gang su yang rung rdzu 'phrul gyi rkang pa bzhi la bsnyen cing bsgoms mang du 
byas pas na de 'dod na bskal pa'am/ bskal pa las lhag pa'i bar du yang 'dug go/ /kun dga' bo de bzhin gshegs pas kyang rdzu 'phrul gyi rkang pa bzhi la bsnyen bsgoms mang du byas pas na de bzhin gshegs pa yang bzhed na bskal pa'am/ bskal pa las lhag 
pa'i bar du yang bzhugs so zhes lan gnyis lan gsum du gsungs kyang tshe dang ldan pa kun dga' bo cang mi zer ro/ /de nas bcom ldan 'das kyis 'di snyam du dgongs so/ /e ma'o dge slong dga' bo ni 'di lta ste/ bdud sdig can gyis khebs par nges so/ /
de bas na 'di lan gsum gyi bar du rgya cher snang ba'i mtshan ma smras kyang de'i mtshan ma khong du chud par ma nus so snyam nas de bdud sdig can gyis khebs par mkhyen te/ tshe dang ldan pa kun dga' bo la bdag cag gnyis ka 'khrug par mi 'gyur ba'i phyir shing gzhan zhig gi drung du 

</font><hr>11-1-248b<br><font size=+1>
song la 'dug shig ces bka' stsal pa dang / btsun pa de bzhin bgyi'o zhes tshe dang ldan pa kun dga' bos bcom ldan 'das las mnyan te shing gzhan zhig gi drung na nyin par spyod pa'i phyir 'dug go/ /de nas bdud sdig can bcom ldan 'das ga la ba der song ste phyin pa dang / 
bcom ldan 'das kyi zhabs la mgo bos phyag 'tshal nas phyogs gcig tu 'greng ngo / /phyogs gcig tu 'greng nas bdud sdig can gyis bcom ldan 'das la bcom ldan 'das yongs su mya ngan las 'da' bar mdzod cig /bde bar gshegs pa yongs su mya ngan las 
'da' ba'i dus la bab bo zhes gsol pa dang / bcom ldan 'das 'di snyam du dgongs so/ /'di ni bdud sdig can du nges te/ 'di ltar sprul pa'i lus su 'ongs so snyam du mkhyen nas bdud sdig can la 'di skad ces bka' stsal to/ /bdud sdig can khyod ci'i phyir na bcom ldan 
'das yongs su mya ngan las 'da' bar mdzod cig /bde bar gshegs pa yongs su mya ngan las 'da' ba'i dus la bab bo zhes zer/ btsun pa dus gcig na bcom ldan 'das u ru bil ba'i 'bab chu ne rany+dza na'i ngogs byang chub shing gi drung du mngon par rdzogs par sangs rgyas nas 
ring po ma lon par bcom ldan 'das ga la ba der bdag mchis te phyin pa dang / bcom ldan 'das yongs su mya ngan las 'da' bar mdzod cig /bde bar gshegs pa yongs su mya ngan las 'da' ba'i dus la bab bo zhes bdag gis gsol pa dang / bcom ldan 'das kyis 
bka' stsal pa/ bdud sdig can nam nga'i nyan thos dge slong pha dang / dge slong ma dang / dge bsnyen pha dang / dge bsnyen ma mkhas pa/ gsal ba/ shes rab tu ldan pa/ phas kyi rgol ba byung zhing byung ba rnams la chos dang bcas/ 'dul ba dang bcas pas tshar gcod 
pa dang / rang gis brgal ba yongs su dag par byed par 'gyur ba'i tshangs par spyad pa lha dang mi'i skye bo mang po la phan par khyab cing rgyas par yang dag par rab tu bsgrags par ma gyur gyi bar du mya ngan las yongs su mi 'da'o zhes na/ da ni bcom ldan 'das kyi nyan thos dge slong pha 

</font><hr>11-1-249a<br><font size=+1>
dang / dge slong ma dang / dge bsnyen pha dang / dge bsnyen ma rnams mkhas pa/ gsal ba/ shes rab dang ldan pa byung zhing byung ba/ pha rol po'i rgol ba la chos dang bcas/ 'dul ba dang bcas pas tshar gcod pa rang gis brgal ba yongs su dag par byed pa 
khyod kyis tshangs par spyad pa lha dang mi'i skye bo mang po la phan par khyab cing rgyas par yang dag par rab tu bsgrags par gyur to/ /de bas na bdag gis bcom ldan 'das yongs su mya ngan las 'da' bar gsol/ bde bar gshegs pa yongs su mya ngan las 'da' ba'i dus la 
bab bo zhes gsol to/ /sdig can khyod brtson pa ma che shig /de bzhin gshegs pa ni ring po mi thogs te zla ba gsum 'das pa dang / phung po ma lus pa'i mya ngan las 'das pa'i dbyings su mya ngan las 'da' bar 'gyur ro/ /de nas bdud sdig to can 'di snyam du bsams so/ /dge 
sbyong gau ta ma ni nges par yongs su mya ngan las 'da' bar shes nas dga' mgu rab tu dga' zhing mgu ste de nyid du mi snang bar gyur to/ /de nas bcom ldan 'das 'di snyam du dgongs so/ /ji nas bdag gis ji ltar ma g.yengs pa'i sems kyis 'tsho ba'i 'du byed ni byin gyis brlabs tshe'i 'du 
byed spangs pa de lta bu'i rdzu 'phrul gyi mngon par bya ba mngon par bya'o snyam nas/ de nas bcom ldan 'das kyis de lta bu'i ting nge 'dzin la snyoms par zhugs pa na/ ci nas mnyam par bzhag pa'i sems kyis 'tsho ba'i 'du byed ni byin gyis brlabs tshe'i 'du byed ni spangs so/ /tshe'i 'du 
byed spangs ma thag tu de'i tshe sa chen po g.yos par gyur te/ skar mda' lhung / phyogs tshig /bar snang nas lha rnams rnga rdung bar gyur to/ /de nas bcom ldan 'das kyis ting nge 'dzin de las bzhengs nas de'i tshe tshigs su bcad de gsungs pa/ mnyam dang mi mnyam srid pa 
ni/ /srid pa'i 'du byed thub pas spangs/ /nang du dga' zhing mnyam bzhag pas/ /sgo nga mdzod las byung ba bzhin/ /de nas tshe dang ldan pa kun dga' bo phyi dro nang du yang dag 'jog las langs te/ bcom ldan 'das gang na ba der song ste phyin pa dang / bcom ldan 

</font><hr>11-1-249b<br><font size=+1>
'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das ci'i rgyu ci'i rkyen gyis na sa chen po g.yos/ kun dga' bo 'di ni rgyu brgyad 
dang / rkyen brgyad kyi phyir sa chen po g.yos par gyur te/ brgyad gang zhe na/ kun dga' bo sa chen po 'di ni chu la rten/ chu ni rlung la rten/ rlung ni nam mkha' la rten par gyur te/ kun dga' bo nam gyi dus na nam mkha' la rlung mo che ldang ngo / /nam mkha' las rlung mo che langs 
pas chu bskyod do/ /chu bskyod pas sa g.yo bar 'gyur te/ kun dga' bo 'di ni sa chen po g.yo ba'i rgyu dang po dang rkyen dang po'o/ /gzhan yang kun dga' bo dge slong rdzu 'phrul chen po dang mthu chen po yod de/ des sa chung bar 'du shes kyis byin gyis brlabs nas chu ni tshad 
med par 'du shes sbyar te 'dod na yang sa g.yo bar 'gyur ro/ /dge slong ma'am/ lha yang rung rdzu 'phrul che ba mthu che bar gyur pa des kyang sa chung bar 'du shes kyis byin gyis brlabs nas chu ni tshad med par 'du shes sbyar te 'dod na yang sa g.yo bar 'gyur ro/ /kun dga' bo 
'di ni sa chen po g.yo ba'i rgyu gnyis pa dang rkyen gnyis pa'o/ /gzhan yang kun dga' bo nam gyi dus na byang chub sems dpa' dga' ldan gyi lha'i ris las shi 'phos te/ yum gyi lhums su zhugs pa de na sa chen po shin tu g.yo bar 'gyur te/ 'jig rten 'di thams cad 
du snang ba chen pos khyab par 'gyur ba ni lha'i kha dog dang mthu zil gyis non nas gang yang 'jig rten dang 'jig rten gyi bar mi snang ba gnas pa mun pas gnag pa gang du nyi ma dang zla ba gnyis 'di bzhin du rdzu 'phrul che ba mthu che ba'i 'od kyis so sor snang bar ma gyur pa der yang de'i 
dus na snang ba chen pos snang bar gyur te/ der sems can gang skyes pa de dag bdag gi lag pa nas gzung yang mi mthong ba'i sems can de dag kye sems can gzhan dag kyang 'dir skyes so/ /kye sems can gzhan dag kyang 'dir skyes so snyam du shes te/ kun dga' bo 'di ni sa chen 

</font><hr>11-1-250a<br><font size=+1>
po g.yo ba'i rgyu gsum pa dang rkyen gsum pa'o/ /gzhan yang kun dga' bo nam gyi dus na byang chub sems dpa' de dag yum gyi lhums nas 'byung ba de'i dus na yang sa chen po shin tu g.yo bar gyur te zhes pa nas snga ma bzhin kye sems can gzhan dag kyang 'dir skyes so/ /kye 
sems can gzhan dag kyang 'dir skyes so zhes shes pa'i bar du ste/ kun dga' bo 'di ni sa chen po g.yo ba'i rgyu bzhi pa dang rkyen bzhi pa'o/ /gzhan yang kun dga' bo nam gyi dus na byang chub sems dpa' bla na med pa yang dag par rdzogs pa'i byang chub tu mngon par 'tshang rgya ba de'i dus na 
sa chen po shin tu g.yo ba nas snga ma bzhin te/ kye sems can gzhan yang 'dir skyes so/ /kye sems can gzhan yang 'dir skyes so zhes bya ba'i bar du ste/ kun dga' bo 'di ni sa chen po g.yo ba'i rgyu lnga pa dang rkyen lnga pa'o/ /gzhan yang kun dga' bo nam gyi dus na de bzhin 
gshegs pas chos kyi 'khor lo rnam pa bcu gnyis lan gsum du bskor ba de'i dus na yang sa chen po shin tu g.yo ba nas snga ma bzhin te/ kye sems can gzhan kyang 'dir skyes so/ /kye sems can gzhan kyang 'dir skyes so zhes pa'i bar du ste/ kun dga' bo 'di ni sa chen po 
g.yo ba'i rgyu drug pa dang rkyen drug pa'o/ /gzhan yang kun dga' bo nam gyi dus na de bzhin gshegs pas 'tsho ba'i 'du byed ni byin gyis brlabs/ tshe'i 'du byed spangs pa de'i dus na sa chen po shin tu g.yo bar 'gyur te/ skar mda' lhung / phyogs tshig ste/ bar snang na lha 
rnams rnga rdung bar gyur te/ kun dga' bo 'di ni sa chen po g.yo ba'i rgyu bdun pa dang rkyen bdun pa'o/ /gzhan yang kun dga' bo ring po mi thogs par de bzhin gshegs pa zla ba gsum 'das pa dang phung po ma lus pa'i mya ngan las 'da' ba'i dbyings su mya ngan las 'da' bar gyur 
pa de'i dus na sa chen po shin tu g.yo bar 'gyur te/ skar mda' lhung / phyogs kun tshig /bar snang na lha rnams rnga rdung bar gyur te/ kun dga' bo 'di ni sa chen po g.yo ba'i rgyu brgyad pa dang rkyen brgyad pa'o/ /de nas tshe dang ldan pa kun dga' bos bcom ldan 'das la 

</font><hr>11-1-250b<br><font size=+1>
btsun pa bcom ldan 'das kyis gsungs pa'i don bdag gis 'tshal ba lta na da ltar bcom ldan 'das kyis 'tsho ba'i 'du byed ni byin gyis brlabs/ tshe'i 'du byed ni spangs par ma gyur tam/ kun dga' bo de de bzhin no/ /kun dga' bo de bzhin te/ kun dga' bo da ltar 
de bzhin gshegs pas 'tsho ba'i 'du byed ni byin gyis brlabs/ tshe'i 'du byed ni spangs so/ /btsun pa mngon sum du bcom ldan 'das kyis bshad pa las thos te mngon sum du bzung ba gang su zhig gi rdzu 'phrul gyi rkang pa bzhi la bsnyen bsgoms mang du byas pas 'dod na 
bskal pa'am bskal pa las lhag par 'dug go zhes 'byung na/ btsun pa bcom ldan 'das kyis rdzu 'phrul gyi rkang pa bzhi la bsnyen bsgoms mang du bgyis pas bcom ldan 'das bzhed na bskal pa'am bskal pa las lhag par bzhugs pa lags na/ bcom ldan 'das bskal 
par bzhugs shig /bde bar gshegs pa bskal par bzhugs shig ces gsol pa dang / kun dga' bo khyod nyid kyis nyes so/ /kun dga' bo khyod kyis nyes pa byas te/ 'di ltar ngas khyod la lan gsum gyi bar du rgya cher snang ba'i mtshan ma smras na/ de'i mtshan ma 
khong du chud par ma nus te/ ji ltar khyod bdud sdig can gyis non to/ /kun dga' bo ji snyam du sems/ de bzhin gshegs pas tshig rnam par smin pa gnyis su 'gyur ba gsung ngam/ btsun pa ma lags so/ /legs so legs so/ /kun dga' bo gnas med 
skabs med pa ni de bzhin gshegs pas tshig rnam par smin pa gnyis su 'gyur ba gsungs pa'i gnas med do/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la dge slong ji snyed tsa pa la'i mchod rten na gnas shing 'khod 
pa de thams cad bkad sar sdus shig /btsun pa de bzhin bgyi'o zhes tshe dang ldan pa kun dga' bos bcom ldan 'das las mnyan te/ dge slong tsa pa la'i mchod rten na ji snyed gnas shing 'khod pa de thams cad bkad sar bsdus nas/ bcom ldan 'das gang na ba der song 

</font><hr>11-1-251a<br><font size=+1>
ste phyin pa dang / bcom ldan 'das kyi zhabs la mgo bos phyag 'tshal te/ phyogs gcig tu 'dug go/ /phyogs gcig tu 'dug nas tshe dang ldan pa kun dga' bos bcom ldan 'das la btsun pa bcom ldan 'das kyis da ltar dus la bab par dgongs na/ 
dge slong tsa pa la'i mchod rten na ji snyed gnas shing 'khod pa de thams cad bkad sar 'dus shing mchis so zhes gsol pa dang / de nas bcom ldan 'das bkad sa ga la ba der gshegs te dge slong gi dge 'dun gyi mdun na gdan bting ba de la bzhugs so/ /bzhugs nas bcom 
ldan 'das kyis dge slong rnams la bka' stsal pa/ dge slong dag 'dus byas thams cad ni mi rtag pa'o/ /yid mi brtan pa'o/ /'gyur ba'i chos can te/ dge slong dag 'dus byas thams cad la skyo bar bya ba'i rigs/ yid 'byung bar bya/ rnam par thar pa'i rigs so/ /
de lta bas na dge slong dag chos gang da ltar gyi tshe la phan pa dang / da ltar gyi tshe la bde ba dang / tshe phyi ma la yang phan pa dang / tshe phyi ma la yang bde bar 'gyur ba de lta bu dge slong dag gis bzung ba dang / yongs su rdzogs pa dang / de lta de lta bur gzung bar bya/ len du gzhug 
par bya/ bklag par bya'o/ /ji ltar tshangs par spyod pa de 'dir yun ring du gnas shing lha dang mi'i skye bo mang po la phan pa dang / skye bo mang po la bde ba dang / 'jig rten la rjes su brtse ba dang / don du 'gyur ba dang / phan pa dang / bde ba'i phyir bya'o/ /dge slong 
dag da ltar gyi tshe la phan pa dang / da ltar gyi tshe la bde ba dang / tshe phyi ma la phan pa dang / tshe phyi ma la bde bar 'gyur ba'i chos de gang zhe na/ gang dge slong dag bzung zhing kun chub par byas nas de lta de ltar gzung bar bya/ len du 'jug /klog par byed cing gang tshangs par 
spyod pa 'di yun ring por gnas par 'gyur zhing lha dang mi'i skye bo mang po la phan pa dang / skye bo mang po la bde ba dang / 'jig rten la rjes su brtse bar 'gyur bar bya'o/ /'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa 

</font><hr>11-1-251b<br><font size=+1>
bzhi dang / dbang po lnga dang / stobs lnga dang / byang chub kyi yan lag bdun dang / 'phags pa'i lam yan lag brgyad de/ dge slong dag chos 'di dag ni da ltar gyi tshe la phan pa dang / da ltar gyi tshe la bde ba dang / tshe phyi ma la yang phan pa dang / tshe phyi ma la yang bde bar 
'gyur ro/ /de dag dge slong dag gis gzung bar bya/ kun chub par bya/ de lta de lta bur gzung bar bya/ len du gzhug /bklag par bya'o/ /tshangs par spyod pa de 'dir yun ring du gnas par bya/ skye bo mang po la phan pa dang/ skye bo mang po la bde ba dang / 'jig rten la 
rjes su brtse ba'i phyir lha dang mi rnams kyi don gyi phyir phan pa'i phyir bde bar 'gyur ba'i phyir bya'o/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo kus ta'i grong ga la ba der 'dong ngo / /btsun pa de bzhin bgyi'o zhes tshe dang ldan pa 
kun dga' bos bcom ldan 'das las mnyan te/ de nas bcom ldan 'das grong khyer yangs pa can gyi tshal nas g.yas phyogs su sku thams cad kyis phyogs te bal glang lta ba ltar gzigs pa dang tshe dang ldan pa kun dga' bos bcom ldan 'das g.yas phyogs su sku thams cad kyis 
phyogs te/ bal glang lta ba bzhin mthong ngo / /mthong nas bcom ldan 'das la 'di skad ces gsol to/ /btsun pa rgyu ma mchis rkyen ma mchis par de bzhin gshegs pa yang dag par rdzogs pa'i sangs rgyas g.yas phyogs su sku thams cad kyis phyogs shing bal glang lta 
ba ltar mi gzigs na/ btsun pa ci'i rgyu ci'i rkyen gyis na bal glang bzhin du gzigs/ kun dga' bo de bzhin no/ /kun dga' bo de bzhin te/ rgyu med rkyen med par de bzhin gshegs pa yang dag par rdzogs pa'i sangs rgyas g.yas phyogs su sku thams cad phyogs shing 
bal glang lta ba ltar mi gzigs so/ /kun dga' bo 'di ni de bzhin gshegs pa yang dag par rdzogs pa'i sangs rgyas grong khyer yangs pa can 'di la gzigs pa'i tha ma ste/ yangs pa can 'dir phyin cad mi gshegs kyi mal l+ya rnams kyi nyen 'khor na shing sA la zung 

</font><hr>11-1-252a<br><font size=+1>
gcig pa'i tshal du mya ngan las 'da' ba'i phyir gshegs so/ /de nas dge slong gzhan zhig gis kyang de'i tshe tshigs su bcad de smras pa/ thub pa khyod kyis yangs pa can/ /gzigs pa'i tha ma deng 'dir te/ /yang dag rdzogs pa'i sangs rgyas ni /yangs 
pa can du slar mi gshegs/ /mal l+ya rnams kyi nyen 'khor na/ /sA la zung gcig 'tshal drung du/ /mya ngan 'da' phyir deng gshegs so/ /de nas bcom ldan 'das yul br-i dzi nas ljongs rgyu zhing grong ru rtar byon te/ grong ru rta na grong gi byang gi phyogs na shing sha pa'i tshal na bzhugs 
so/ /de nas bcom ldan 'das kyis dge slong dag la bka' stsal pa/ 'di ni tshul khrims so/ /'di ni ting nge 'dzin to/ /'di ni shes rab ste/ tshul khrims kun du bsgoms pas na ting nge 'dzin ring du gnas par 'gyur/ ting nge 'dzin ring du gnas pas na/ shes rab 
kun du bsgoms par 'gyur/ shes rab kun du bsgoms na 'di lta ste/ sems yang dag par 'dod chags dang / zhe sdang dang / gti mug las yongs su 'grol lo/ /dge slong dag de bzhin du yang dag par shin tu rnam par grol ba'i sems dang ldan pa'i 'phags pa'i 
nyan thos rnams ni nga'i skye ba ni zad/ nga'i tshangs par spyod pa ni spyad zin/ bya ba ni byas zin/ 'di las srid pa gzhan med par ni yang dag par rab tu shes so// //sdom bar ma ste/ ru rta dum pa a mra dang / /'dzam bu shur ba bal glang dang / /grong gnyis br-i dzi mal l+ya rnams/ /longs 
spyod grong khyer de bzhin no/ /ji ltar ru rta'i grong ci 'dra ba de bzhin dum pa'i grong dang / a mra'i grong dang / 'dzam bu'i grong dang / dzi grong dang / shur ba'i grong dang / bal glang gi grong dang / br-i dzi'i grong dang / mal l+ya'i grong nas longs spyod grong du gshegs te/ 
longs spyod grong nas grong gi byang phyogs shing sha pa'i tshal na bzhugs so/ /de'i dus na sa chen po g.yos par gyur/ skar mda' lhung / phyogs tshig /bar snang na lha rnams rnga rdung bar gyur to/ /de nas tshe dang ldan pa kun dga' bo phyi dro nang du yang dag 'jog las langs 

</font><hr>11-1-252b<br><font size=+1>
nas bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal nas phyogs gcig tu 'dug go/ /phyogs gcig tu 'dug nas tshe dang ldan pa kun dga' bos bcom ldan 'das la 'di skad ces gsol to/ /btsun pa ci'i rgyu ci'i 
rkyen gyis na sa chen po g.yos/ kun dga' bo sa chen po g.yos pa'i rgyu dang rkyen gsum ste/ gsum gang zhe na/ kun dga' bo sa chen po chu la rten/ chu ni rlung la rten/ rlung ni nam mkha' la rten pa yin te/ kun dga' bo nam dus na nam mkha' las rlung chen po ldang ngo / /
nam mkha' las rlung po che langs pas chu bskyod do/ /chu bskyod pas na sa g.yos te/ kun dga' bo 'di ni sa g.yo ba'i rgyu dang / rkyen dang po'o/ /gzhan yang kun dga' bo dge slong mthu che 'phrul che bar gyur pa des sa'i 'du shes ni chung ngu byas/ chu'i 'du shes ni tshad med par byin gyis 
brlabs nas/ de 'dod na sa g.yo bar byed/ dge slong ma'am lha yang rung rdzu 'phrul che ba/ mthu che bar gyur pa des kyang sa'i 'du shes chung ngu byas/ chu'i 'du shes tshad med par byin gyis brlabs te/ de yang 'dod na sa g.yo bar byed de/ kun dga' bo 'di sa g.yo ba'i rgyu gnyis 
pa dang rkyen gnyis pa'o/ /gzhan yang kun dga' bo ring po mi thogs par de bzhin gshegs pa phung po lhag ma ma lus par mya ngan las 'da' ba'i dbyings su yongs su mya ngan las 'da' bar 'gyur na/ de'i tshe sa chen po shin tu g.yo bar 'gyur te/ skar mda' lhung / phyogs 
tshig /bar snang nas lha rnams rnga rdung bar 'gyur te/ kun dga' bo 'di ni sa chen po g.yo ba'i rgyu gsum pa dang rkyen gsum pa'o/ /de nas tshe dang ldan pa kun dga' bos bcom ldan 'das la 'di skad ces gsol to/ /btsun pa ngo mtshar che'o/ /'di ltar ngo mtshar rmad 
kyi chos dang ldan pa ni de bzhin gshegs pa dgra bcom pa yang dag par rdzogs pa'i sangs rgyas rnams te/ de 'di ltar ring por mi thogs par de bzhin gshegs pa phung po lhag ma ma lus par mya ngan las 'da' ba'i dbyings su mya ngan las 'da' bar 'gyur ba'i dus na shin tu 

</font><hr>11-1-253a<br><font size=+1>
sa chen po g.yo/ skar mda' lhung /phyogs tshig /bar snang nas lha dag rnga rdung bar 'gyur ro/ /de bzhin no/ /kun dga' bo de de bzhin te/ de ltar ngo mtshar chen po rmad kyi chos dang ldan pa ni kun dga' bo de bzhin gshegs pa yang dag par rdzogs 
pa'i sangs rgyas rnams so/ /kun dga' bo nga rgyal rigs kyi 'khor brgya phrag du ma la blta ba'i phyir 'gro'o/ /song nas kyang ji ltar de dag gi srid dang zheng du gyur pa nga'i yang srid dang zheng yang de 'dra bar 'gyur ro/ /ji ltar de dag gi kha dog mdzes pa nga'i kha dog mdzes pa yang de dang 'dra 
bar 'gyur/ ji ltar de dag gi dbyangs kyi nga ror gyur pa nga'i dbyangs kyi nga ro yang de 'dra bar 'gyur/ de dag gis don gang la smra ba nga yang don de smra'o/ /de dag gis gang don du ma smras pa nga yang de la don du mi smra'o/ /lhag par yang de dag la [(]chas [,]chos [)]kyi gtam yang dag par bstan/ 
yang dag par bskul/ yang dag par gzengs bstod/ yang dag par rab tu dga' bar byas nas de nyid du mi snang bar 'gyur ro/ /nga mi snang bar gyur pa dang / mi snang bar gyur pa de lha'am mi gang yin par gtol med par gyur pa yang mngon par shes so/ /ji ltar rgyal 
rigs kyi 'khor du byas pa de bzhin du bram ze'i 'khor dang khyim bdag gi 'khor dang / dge slong gi 'khor dang / rgyal chen bzhi'i ris dang / sum bcu rtsa gsum gyi lha rnams dang / mtshe ma dang / dga' ldan dang / 'phrul dga' dang / gzhan 'phrul dbang byed dang / 
tshangs ris dang / tshangs lha nye phan dang / tshangs pa kun ris dang / tshangs chen dang / 'od chung dang / tshad med 'od dang / 'od snang dang / dge chung dang / tshad med dge dang / dge rgyas dang / sprin med dang / bsod nams 'phel ba dang / 'bras bu che dang / mi che ba 
dang / mi gdung dang / shin tu snang dang / gya nom mthong dang / 'og min gyi lha rnams la lta ba'i phyir 'gro'o/ /song nas kyang ji ltar de dag gi srid dang zheng du gyur pa nga'i yang srid dang zheng yang de 'dra bar 'gyur ro/ /ji ltar de dag gi kha dog mdzes par gyur pa de ltar nga'i 

</font><hr>11-1-253b<br><font size=+1>
kha dog mdzes pa yang de 'dra bar 'gyur/ ji ltar de dag gi dbyangs kyi nga ror gyur pa nga'i dbyangs kyi nga ro yang de 'dra bar 'gyur/ de dag don gang la smra ba nga yang don de smra'o/ /de dag gis gang don du mi smra ba nga yang de la don du mi smra'o/ /lhag par yang de dag la chos kyi gtam 
yang dag par bstan/ yang dag par bskul/ yang dag par gzengs bstod/ yang dag par rab tu dga' bar byas nas de nyid du mi snang bar byas so/ /nga mi snang bar gyur pa dang / mi snang bar gyur pa de lha'am/ mi gang yin par gtol med par gyur pa yang mngon 
par shes so/ /ji ltar ngo mtshar rmad kyi chos dang ldan pa ni de bzhin gshegs pa dgra bcom pa yang dag par rdzogs pa'i sangs rgyas so/ /de nas bcom ldan 'das kyis tshe dang ldan pa kun dga' bo la bka' stsal pa/ de lta bas na kun dga' bo de phan chad mdo sde mtha' la 
'jug par bya'i gang zag la 'jug par ma yin no/ /kun dga' bo ji ltar na dge slong dag mdo sde mtha' la 'jug gi gang zag la 'jug par ma yin zhe na/ kun dga' bo 'dir dge slong zhig 'ongs te de 'di skad du smra'o/ /ngas bcom ldan 'das las mngon du thos te/ mngon 
du bzung ba ni 'di lta ste/ 'di ni chos so/ 'di ni 'dul ba'o/ 'di ni ston pas bstan pa'o zhes zer na/ dge slong des smras pa/ de la bstod par mi bya/ smad par mi bya/ mi bstod/ mi smad par rna ba byo ste/ chos kyi tshig dang 'bru bzung la mdo sde dang bstun par bya/ 'dul 
ba la yang dag par blta bar bya/ mdo sde dang bstun/ 'dul ba dang bstun kyang mdo sde dang mi mthun/ 'dul ba la mi snang ste/ chos nyid dang yang 'gal na/ dge slong de la 'di skad smros shig /tshe dang ldan pa chos 'di ni bcom ldan 'das kyis de ltar ma gsungs te tshe dang ldan pa nyid kyis 
chos 'di gzung bar bya ba nyes so/ /de lta bas na chos 'di mdo sde dang bstun/ 'dul ba la yang dag par blta bar bya/ mdo sde dang mi mthun/ 'dul ba la mi snang ste/ chos nyid dang yang 'gal bas 'di ni chos ma yin/ 'di ni 'dul ba ma yin/ 'di ni ston pas bstan pa ma yin 

</font><hr>11-1-254a<br><font size=+1>
par shes par byas la dor bar bya'o/ /gzhan yang kun dga' bo dge slong zhig 'ongs nas de 'di skad du smra'o/ /tshe dang ldan pa gnas che ge mo zhig na gnas brtan du bcas/ so sor thar par bcas pa'i dge slong gi dge 'dun mang po gnas te/ tshe dang ldan 
pa bdag gis dge slong gi dge 'dun mang po de dag las bdag gi mngon du thos te/ mngon du bzung ba ni 'di lta ste/ 'di ni chos so/ /'di ni 'dul ba'o/ /'di ni ston pas bstan pa'o zhe na/ dge slong des smras pa/ de la bstod par mi bya/ smad par mi bya ste/ mi bstod/ mi 
smad par rna ba byos nas/ chos kyi tshig dang 'bru bzung la mdo sde dang bstun/ 'dul ba la yang dag par blta bar bya'o/ /de ste mdo sde dang bstun/ 'dul ba la bltas kyang mdo sde dang mi mthun/ 'dul ba la mi snang / chos nyid dang yang 'gal na dge slong de la 'di skad smros shig /tshe 
dang ldan pa dge slong gi dge 'dun mang po de dag gis 'di ltar chos su 'du shes/ 'dul bar 'du shes kyis chos ma yin/ 'dul ba ma yin par smras na/ tshe dang ldan pa nyid kyis chos 'di gzung bar bya ba nyes so/ /de 'di ltar chos 'di mdo sde dang bstun/ 'dul ba la yang dag par 
bltas na/ mdo sde dang mi mthun/ 'dul ba la mi snang ste/ chos nyid dang yang 'gal bas na 'di ni chos ma yin/ 'di ni 'dul ba ma yin/ 'di ni ston pas bstan pa ma yin par shes par byas la dor bar bya'o/ /gzhan yang kun dga' bo dge slong zhig 'ongs te de 'di skad du 
smra'o/ /tshe dang ldan pa gnas che ge mo zhig na dge slong mdo sde 'dzin pa/ 'dul ba 'dzin pa/ ma lta bu 'dzin pa mang zhig gnas te/ tshe dang ldan pa bdag gis dge slong mang po de dag las mngon sum du thos nas mngon du bzung ba ni 'di lta ste/ 'di ni chos so/ /'di ni 'dul ba'o/ /'di ni 
ston pas bstan pa'o zhe na/ dge slong des smras pa de la bstod par yang mi bya/ smad par yang mi bya ste/ mi bstod/ mi smad par rna ba byo nas chos kyi tshig dang 'bru bzung la mdo sde dang bstun/ 'dul ba la yang dag par blta bar bya'o/ /de ste mdo sde dang bstun/ 'dul ba dang bstun 

</font><hr>11-1-254b<br><font size=+1>
kyang mdo sde dang mi mthun/ 'dul ba la mi snang ste/ chos nyid dang yang 'gal na/ dge slong de la 'di skad smros shig /tshe dang ldan pa dge slong mang po de dag gis 'di ltar chos su 'du shes/ 'dul bar 'du shes kyis chos ma yin/ 'dul ba ma yin par smras na/ tshe dang ldan 
pa nyid kyis chos 'di gzung bar bya ba nyes so/ /de 'di ltar chos 'di mdo sde dang bstun/ 'dul ba la yang dag par bltas na/mdo sde dang mi mthun/ 'dul ba la mi snang ste/ chos nyid dang yang 'gal bas na 'di ni chos ma yin/ 'di ni 'dul ba ma yin/ 'di ni ston pas 
bstan pa ma yin par shes par byas la dor bar bya'o/ /gzhan yang kun dga' bo dge slong zhig 'ongs te/ de 'di skad du smra'o/ /tshe dang ldan pa gnas che ge mo zhig na dge slong gnas brtan dang / gnas brtan las gzhan shes pa dang / shes pa las gzhan dang / gtso bo 
las gzhan dag cig gnas te/ tshe dang ldan pa bdag gis dge slong gnas brtan las mngon sum du thos/ mngon sum du bzung ba ni 'di lta ste/ 'di ni chos so/ /'di ni 'dul ba'o/ /'di ni ston pas bstan pa'o zhes zer na/ dge slong des smras pa de la bstod par mi 
bya/ /smad par yang mi bya ste/ mi bstod/ mi smad par rna ba byo nas chos kyi tshig dang 'bru bzung la/ mdo sde dang bstun/ 'dul ba la yang dag par blta bar bya'o/ /de ste mdo sde dang bstun/ 'dul ba la yang dag par bltas kyang mdo sde dang mi mthun/ 'dul ba la yang dag par mi snang 
ste/ chos nyid dang yang 'gal na/ dge slong de la 'di skad smros shig /tshe dang ldan pa dge slong gnas brtan des ni 'di ltar chos su 'du shes/ 'dul bar 'du shes kyis chos ma yin/ 'dul ba ma yin par smra na/ tshe dang ldan pa nyid kyis chos 'di gzung bar bya ba nyes so/ /de 'di 
ltar chos 'di mdo sde dang bstun/ 'dul ba la yang dag par bltas na/ mdo sde dang mi mthun/ 'dul ba la yang mi snang ste/ chos nyid dang yang 'gal bas na 'di ni chos ma yin/ 'di ni 'dul ba ma yin/ 'di ni ston pas bstan pa ma yin par shes par byos la dor bar bya'o/ /kun 

</font><hr>11-1-255a<br><font size=+1>
dga' bo 'dir dge slong zhig 'ongs nas de 'di skad du smra'o/ /tshe dang ldan pa bdag gis bcom ldan 'das las mngon sum du thos/ mngon sum du bzung ba ni 'di lta ste/ 'di ni chos so/ /'di ni 'dul ba'o/ /'di ni ston pas bstan pa'o zhes zer na/ dge slong 
des smras pa de la bstod par mi bya/ smad par mi bya/ mi bstod mi smad par rna ba byo ste/ chos kyi tshig dang 'bru bzung la/ mdo sde dang bstun/ 'dul ba la yang dag par blta bar bya'o/ /de ste mdo sde dang bstun/ 'dul ba la yang dag par bltas na/ mdo sde dang mthun/ 'dul 
ba la yang dag par snang ste/ chos nyid dang yang mi 'gal na dge slong de la 'di skad smros shig /tshe dang ldan pa chos 'di ni bcom ldan 'das kyis gsungs te/ tshe dang ldan pa nyid kyis kyang chos 'di legs par bzung ngo / /de lta bas na chos 'di mdo sde dang bstun/ 'dul ba 
la yang dag par bltas na mdo sde dang mthun/ 'dul ba la snang ste/ chos nyid dang mi 'gal bas na 'di ni chos so/ /'di ni 'dul ba'o/ /'di ni ston pas bstan pa yin par shes par byos la gzung bar bya'o/ /gzhan yang kun dga' bo dge slong zhig 'ongs te de 'di skad 
du smra'o/ /tshe dang ldan pa gnas che ge mo zhig na gnas brtan du bcas/ so sor thar par bcas pa'i dge slong gi dge 'dun mang po gnas te/ tshe dang ldan pa dge slong gi dge 'dun mang po de dag las bdag gis mngon sum du thos te/ mngon sum du bzung ba ni 'di lta ste/ 
'di ni chos so/ /'di ni 'dul ba'o/ /'di ni ston pas bstan pa'o zhes zer na/ de dge slong des smras pa de la bstod par mi bya/ smad par mi bya/ mi bstod/ mi smad par rna ba byo nas chos kyi tshig dang 'bru bzung la mdo sde dang bstun/ 'dul ba la yang dag par 
blta bar bya'o/ /de ste mdo sde dang bstun/ 'dul ba la yang dag par bltas na/ mdo sde dang mthun/ 'dul ba la yang dag par snang ste/ chos nyid dang yang mi 'gal na/ dge slong de la 'di skad smros shig /tshe dang ldan pa dge slong gi dge 'dun mang po de dag gis 

</font><hr>11-1-255b<br><font size=+1>
'di ltar chos dang 'dul bar smras te/ tshe dang ldan pas kyang chos 'di legs par bzung ste/ de lta bas na chos 'di mdo sde dang bstun/ 'dul ba la yang dag par bltas na/ mdo sde dang mthun/ 'dul ba la snang ste/ chos nyid dang yang mi 'gal bas 'di ni chos so/ /
'di ni 'dul ba'o/ /'di ni ston pas bstan par shes par byas nas gzung bar bya'o/ /gzhan yang kun dga' bo dge slong zhig 'ongs te de 'di skad du smra'o/ /tshe dang ldan pa gnas che ge mo zhig na dge slong mang po dag gnas te/ mdo sde 'dzin pa/ 'dul ba 'dzin pa/ 
ma lta bu 'dzin pa'i dge slong mang po de dag las tshe dang ldan pa mngon sum du bzung ba ni 'di lta ste/ 'di ni chos so/ /'di ni 'dul ba'o/ /'di ni ston pas bstan pa'o zhes zer na/ dge slong des smras pa de la bstod par yang mi bya/ smad par yang mi bya/ mi bstod/ mi smad 
par rna ba byos la/ chos kyi tshig dang 'bru bzung ste/ mdo sde dang bstun/ 'dul ba la yang dag par blta bar bya'o/ /gal te mdo sde dang bstun/ 'dul ba la yang dag par bltas na/ mdo sde dang mthun/ 'dul ba la snang la/ chos nyid dang yang mi 'gal na dge slong 
de la 'di skad smros shig /tshe dang ldan pa de ltar dge slong mang po de dag gis chos dang 'dul ba bshad de/ tshe dang ldan pas chos 'di dag legs par bzung ba'o/ /de lta bas na chos 'di dag mdo sde dang yang bstun/ 'dul ba la yang dag par bltas na/ mdo sde dang 
mthun/ 'dul ba la snang / chos nyid dang yang mi 'gal bas 'di ni chos/ 'di ni 'dul ba/ 'di ni ston pas bstan pa'o zhes shes par bya ste gzung bar bya'o/ /gzhan yang kun dga' bo dge slong zhig 'ongs te de 'di skad du smra'o/ /tshe dang ldan pa che ge mo zhig gi 
gnas na dge slong dag gnas te/ gnas brtan dang / gnas brtan gzhan dag dang / gtso bo dang / gtso bo gzhan dag dang ngo / /tshe dang ldan pa dge slong gi gnas brtan de dag las bdag gis mngon sum du thos nas mngon sum du bzung ba ni 'di lta ste/ 'di ni chos 

</font><hr>11-1-256a<br><font size=+1>
so/ /'di ni 'dul ba'o/ /'di ni ston pas bstan pa'o zhes na dge slong des smras pa de la bstod par mi bya/ smad par mi bya ste/ mi bstod/ mi smad par rna ba byo la chos dang tshig gi 'bru bzung ste/ mdo sde dang bstun par bya'o/ /'dul ba la 
yang dag par blta bar bya'o/ /gal te mdo sde dang bstun/ 'dul ba la bltas na/ mdo sde dang mthun/ 'dul ba la yang dag par snang / chos nyid dang yang mi 'gal na dge slong de la smros shig /tshe dang ldan pa de ltar dge slong gi gnas brtan de dag gis chos dang 
'dul ba bshad de/ tshe dang ldan pas chos 'di legs par bzung ngo / /de lta bas na chos 'di ni mdo sde dang bstun/ 'dul ba la yang dag par bltas na/ mdo sde dang mthun/ 'dul ba la snang / chos nyid dang yang mi 'gal bas 'di ni chos so/ /'di ni 'dul ba'o/ /
'di ni ston pas bstan par shes par bya ste gzung bar bya'o/ /de la kun dga' bo de la gang thog ma'i bzhi po nag po'i phyogs su smras pa/ de ni dge slong dag gis dge ba shin tu yang dag par sbyar te/ yang dag par brtags la 'di ni chos ma yin/ 'di ni 'dul ba ma yin/ 'di ni ston 
pas bstan pa ma yin no zhes shes par byas te dor bar bya'o/ /gang phyi ma'i bzhi po cher bshad pa de na dge slong dag gis yang dag par sbyar te/ yang dag par brtags pa 'di ni chos so/ /'di ni 'dul ba'o/ /'di ni ston pas bstan par shes nas gzung bar bya'o/ /'di bzhin du kun 
dga' bo dge slong dag gis mdo sde la brten gyi gang zag la brten par mi bya'o/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo sa pa'i grong ga la bar 'dong ngo / /btsun pa de bzhin no zhes tshe dang ldan pa kun dga' bos bcom ldan 
'das las thos pa dang / de nas bcom ldan 'das mal l+ya nas ljongs rgyu zhing sa pa'i grong du phyin te/ sa pa'i grong dza lu ka'i tshal mang po na bzhugs so/ /grong sa pa'i mal l+ya rnams kyis/ bcom ldan 'das mal l+yar ljongs rgyu zhing sa pa'i grong du phyin te sa pa'i grong gi dza lu 

</font><hr>11-1-256b<br><font size=+1>
ka'i tshal mang po na bzhugs so zhes thos nas yang 'du ba las 'dus/ tshogs pa las tshogs te 'dus shing tshogs nas sa pa'i grong nas byung ste/ bcom ldan 'das ga la ba der dong ste phyin pa dang / bcom ldan 'das kyi zhabs la mgo bos phyag 'tshal nas phyogs gcig tu 
'khod do/ /phyogs gcig tu 'khod nas bcom ldan 'das kyis chos kyi gtam yang dag par bstan/ yang dag par bskul/ yang dag par gzengs bstod/ yang dag par dga' ba bskyed de de'i dus na mgar ba'i bu tsun da yang de nyid kyi 'khor du 'dus te 'dug par gyur to/ /de 
nas bcom ldan 'das kyis grongs pa'i mal l+ya rnams la chos kyi rnam grangs du ma'i gtam yang dag par bstan/ yang dag par bskul/ yang dag par gzengs bstod/ yang dag par dga' ba bskyed nas cang mi gsung ngo / /de nas sa pa'i grong gi mal l+ya rnams bcom ldan 
'das kyis bshad pa la mngon par dga' ste rjes su yi rangs nas bcom ldan 'das kyi zhabs la spyi bos phyag 'tshal te bcom ldan 'das kyi drung nas dong ngo / /mgar ba'i bu tsun da yang de nyid na 'dug ste/ de nas mgar ba'i bu tsun das sa pa'i grong gi mal l+ya rnams dong nas 
ring po ma lon par shes te stan las langs nas bla gos phyogs gcig tu byas te bcom ldan 'das ga la ba der thal mo sbyar te phyag 'tshal nas bcom ldan 'das la 'di skad ces gsol to/ /bcom ldan 'das dge slong gi dge 'dun dang thabs cig tu sang bdag gi mchis 
'brang du bshos la gshegs par ci gnang / bcom ldan 'das kyis mgar ba'i bu tsun da la cang mi gsung bas gnang ngo / /de nas mgar ba'i bu tsun da bcom ldan 'das cang mi gsung bas gnang bar shes nas bcom ldan 'das kyis bshad pa de la mngon par dga' ste rjes su 
yi rangs nas bcom ldan 'das kyi zhabs la mgo bos phyag 'tshal nas drung nas song ngo / /de nas mgar ba'i bu tsun das de nyid kyi nub mo bcom ldan 'das la 'bras bzang po'i bza' ba sbyar te/ legs par byas pa'i bza' ba sta gon byas nas dge slong gi dge 'dun la gtsang zhing 

</font><hr>11-1-257a<br><font size=+1>
bsod pa'i bza' ba dang bca' ba bsogs te nang par sngar langs nas gdan bting ste chu rdza bzhag nas de'i 'og tu bcom ldan 'das la btsun pa bcom ldan 'das bshos kyi sta gon bgyis nas da ltar gdugs tshod la bab na gdugs tshod mkhyen par mdzad du 
gsol zhes spyan drangs pa dang / de nas bcom ldan 'das snga dro chos gos dang smad g.yogs mnabs/ lhung bzed bsnams te/ dge slong mang pos bskor nas dge slong gi dge 'dun gyis mdun du byas te/ mgar ba'i bu tsun da'i bkad sar gshegs te phyin pa dang / dge slong gi 
dge 'dun gyi mdun na gdan bting ba la bzhugs so/ /de nas mgar ba'i bu tsun das sangs rgyas dang / dge slong gi dge 'dun bde bar bzhugs par shes nas bcom ldan 'das la 'bras bzang po lcags gzhong du bza' ba legs par byas te sbyar ba bdag gi lag gis 
brims te bdar ro/ /dge slong gi dge 'dun la yang gtsang zhing bsod pa'i bza' ba dang bca' ba bdag gi lag gis bdar cing bstabs so/ /de'i dus na dge slong sdig can gzhan zhig lcags gzhong drangs te mchan du bcug go/ /de nas dge slong sdig can de bcom ldan 
'das kyis gzigs/ sangs rgyas kyi mthus mgar ba'i bu tsun das kyang mthong ngo / /de nas mgar ba'i bu tsun das gzhong bu du ma'i 'bras bzang po bza' ba legs par sbyar te bdag gi lag pas brims shing bstabs so/ /dge slong gi dge 'dun dag la yang gtsang zhing 
bsod pa'i bza' ba dang bca' ba bdag gi lag pas brims shing bstabs so/ /bcom ldan 'das kyis gsol zin par shes nas phyag chab gsol lo/ /lhung bzed blangs nas stan ngan pa zhig blangs te bcom ldan 'das kyi spyan sngar 'dug nas bcom ldan 'das la 
tshigs su bcad pa'i dbyangs kyis zhu ba zhus pa/ shin tu mang ba thub pa'i blo la zhu/ /rgal te pha rol gshegs pa the tshom rgal/ /kha lo sgyur ba'i mchog ste 'dren pa'i mchog /'jig rten dge sbyong du mchis gsung bar mdzod/ /dge sbyong bzhi ste lnga pa med/ /

</font><hr>11-1-257b<br><font size=+1>
de mngon shes nas khyod la smra/ /lam rgyal ba dang lam 'chad pa/ /lam 'tsho dang ni gang zhig lam sun 'byin/ /lam rgyal ba la sangs rgyas ci zhig gsungs/ /lam bshad ji ltar mnyam pa med ces bgyi/ /khyod la zhus pa lam 'tsho gsungs/ /'on tam lam sun 
'byin pa bdag la gsungs/ /gang gis the tshom smra ba chad nas nyon mongs bral/ /gzhan gyis mi bkri mya ngan 'da' la dga'/ /'jig rten lha ru bcas pa'i ston pa ste/ /de ni lam rgyal sangs rgyas kyis su gsungs/ /gang gis rab dang mchog shes pa'i/ /gsungs 
pa'i chos la de bzhin phye/ /de ni the tsom gcod pa'i thub pa ste/ /gzhan gyis mi bkri gnyis su med/ /dka' thub kyis su lam bshad pa ru gsungs/ /gang gis chos tshig legs bshad pa/ /lam 'tsho dka' thub dran pa'i bdag /kha na ma tho'i tshig la slob pa ni/ /
gsum ste dka' thub kyis ni lam 'tshor gsungs/ /legs dga' nang na g.yogs byas na/ /rab skems rigs sun byung rgyal smra/ /sgyu can sdom med rab smra ba/ /mi rigs spyod pa de ni lam sun 'byin/ /khyim bdag gang zhig rab bsams pa/ /thos dang ldan te 'phags 
pa'i nyan thos kyis/ /rab shes thams cad 'di 'drar mi 'gyur ro/ /shes nas de yi dad pa 'bri mi 'gyur/ /mi srun 'di dang srun pa dang / /dag pa dang ni ma dag pa/ /mnyam pa ru ni ji ltar bya/ /gcig gis sdig pa'i las byas nas/ /sdig mi byed pa'ang 'gro rnams dogs/ /
kha dog gzugs ldan mir mi brtag /ma rabs mthong ma thag tu yid mi brtan/ /rab tu mi sdom mang du mtshan ma can/ /mi thub pa ni 'jig rten 'di na spyod/ /gser gyis g.yogs pa'i rna cha 'dra/ /lcags kyi dong tse gser gyis g.yogs pa bzhin/ /nang ni zhe sdang 
phyi ni 'phags pa'i gzugs/ /g.yo dang ldan pa kha cig 'di na spyad/ /de nas bcom ldan 'das kyis mgar ba'i bu tsun da'i sbyin pa de la rjes su yi rang ba 'dis rjes su yi rang bar mdzad do/ /byin na bsod nams rab tu 'phel/ /yang dag sdom las khon mi 'phel/ /

</font><hr>11-1-258a<br><font size=+1>
legs pa can gyis sdig pa spongs/ /nyon mongs zad nas mya ngan 'da'/ /de nas bcom ldan 'das kyis mgar ba'i bu tsun da la chos kyi gtam bstan te/ yang dag par bskul/ yang dag par gzengs bstod/ yang dag par dga' ba bskyed de/ 
rnam grangs du ma'i chos kyis yang dag par bskul/ yang dag par gzengs bstod/ yang dag par dga' ba bskyed de stan las langs te song ngo / /bzhengs te gshegs so// //'dul ba phran tshegs kyi gzhi/bam po lnga bcu gnyis pa/ bar sdom ni/ 
tsa pa la dang tshe yi 'du byed mdzad/ /glang po chen po gzigs par mdzad pa dang / /ru rta la sogs grong khyer bcu rnams dang / /g.yos pa mdo sde dag dang sdig pa can/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo grong 
khyer rtswa can ga la bar 'dong ngo / /tshe dang ldan pa kun dga' bos btsun pa bka' bzhin 'tshal zhes bcom ldan 'das las mnyan to/ /de nas bcom ldan 'das gyad kyi ljongs rgyu zhing gshegs pa nas/ sdig pa can gyi bar dang / chu bo dbyig ldan gyi bar du bcom ldan 
'das shul du zhugs te gshegs pa las shul nas gyu ste tshe dang ldan pa kun dga' bo la bka' stsal pa/ kun dga' bo nga rgyab mi bde ste ngal bsos/ de bzhin gshegs pa'i bla gos bzhi ltab tu ltob la thing shig /btsun pa bka' bzhin 'tshal zhes tshe dang ldan pa kun dga' 
bos bcom ldan 'das kyi ltar mnyan te/ rings pa rings par bla gos bzhi ltab tu bltab ste bting nas/ bcom ldan 'das la 'di skad ces gsol to/ /bcom ldan 'das de bzhin gshegs pa'i bla gos bzhi ltab tu bltab ste bting lags na bcom ldan 'das kyis da de'i dus la 
bab par dgongs su gsol/ de nas bcom ldan 'das kyis na bza' snam sbyar ltab ma mang du mdzad nas phangs su bcug ste/ glo g.yas pas phab nas zhabs kyi steng du zhabs gzhag ste/ snang ba'i 'du shes dang / dran pa dang / shes bzhin dang / bzhengs pa'i 'du 

</font><hr>11-1-258b<br><font size=+1>
shes thugs la mdzad nas gzims so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo song la chu bo ka ku sta nas chu lhung bzed gang long shig /chu de ngas btung bar bya/ lus la gtor bar yang bya'o/ /btsun pa bka' 
bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas lhung bzed thogs te chu bo ka ku sta ga la bar song ba dang / de'i tshe chu bo ka ku sta la shing rta lnga brgya tsam gyi tshad cig gis brgal nas ring po ma lon te/ de dag gis chu bo dkrugs shing glongs te 
rnyogs pa dang / de nas tshe dang ldan pa kun dga' bos chu bo ka ku sta las chu lhung bzed gang blangs nas bcom ldan 'das ga la ba der song ste phyin nas bcom ldan 'das la 'di skad ces gsol to/ /btsun pa 'di ltar chu bo ka ku sta la shing rta lnga brgya tsam gyi tshad kyis brgal nas ring 
por ma lags te/ de dag gis chu bo ka ku sta dkrugs shing glongs te rnyogs par bgyis pas btsun pa bcom ldan 'das chab 'dis zhal tsam bshal zhing zhabs bkrur gsol/ btsun pa 'di nas mi ring ba zhig na chu bo dbyig ldan mchis te/ bcom ldan 'das de la gsol 
zhing sku la yang gdab par bgyi'o/ /de nas bcom ldan 'das kyis lhung bzed kyi chu des zhabs bsil/ zhal bshal ba dang / des na bcom ldan 'das bzod cing bde bar gyur nas/ de nas bcom ldan 'das bzhengs te skyil mo krung bcas nas sku drang por bsrang 
ste dran pa mngon du gzhag nas bzhugs so/ /de nas yang de'i tshe gyad kyi sna chen po la gtogs pa g.yung po lam de nyid du zhugs par gyur pa dang / gyad kyi sna chen po la gtogs pa g.yung pos bcom ldan 'das mdzes pa/ dad par mdzad pa/ dbang po zhi ba thugs 
zhi ba pha rol gyi sems 'dul zhing nye bar zhi bar mdzad pa dang ldan pa/ gser gyi mchod sdong ltar dpal 'bar ba de shing drung gzhan zhig gi drung na rten cing bzhugs pa mthong ngo / /mthong nas kyang bcom ldan 'das ga la ba de logs su song ste phyin nas bcom ldan 'das 

</font><hr>11-1-259a<br><font size=+1>
kyi zhabs gnyis la mgo bos phyag 'tshal te mtha' gcig tu 'dug go/ /mtha' gcig tu 'dug pa dang / gyad kyi sna chen po la gtogs pa g.yung po la bcom ldan 'das kyis bka' stsal pa/ /g.yung po khyod dge sbyong ngam/ bram ze'i chos 
kyi gtsang sbra gang la dga'/ btsun pa sgyu rtsal shes kyi bu ring du 'phur gyi chos kyi gtsang sbra la dga'o/ /g.yung po khyod ci'i phyir sgyu rtsal shes kyi bu ring du 'phur gyi chos kyi gtsang sbra la dga'/ btsun pa dus gcig cig na sgyu rtsal shes kyi bu ring du 'phur lam du 
zhugs pa las lam nas gyu ste/ shing gzhan zhig gi drung du rten cing nyin par gyi spyod pas gnas shing mchis pa dang / de nas yang de'i tshe lam de nyid du shing rta lnga brgya tsam gyi tshad cig kyang mchis nas ring po ma lags te/ de nas mi gzhan zhig shing rta de'i phyir lus pa 
sgyu rtsal shes kyi bu ring du 'phur ga la ba der song ste phyin nas sgyu rtsal shes kyi bu ring du 'phur la 'di skad ces smras so/ /ci shing rta lnga brgya tsam gyi tshad cig song ba mthong bar ma gyur tam/ kye skyes bu ma mthong ngo / /gang shing rta lnga brgya tsam dong ba'i sgra yang thos par ma gyur 
tam/ kye skyes bu ma thos so/ /ci nyal bar gyur tam/ kye skyes bu nga nyal bar yang ma gyur to/ /ci mi nyal ba'i 'du shes kyis shing rta lnga brgya tsam dong ba'i sgra ma thos par gyur tam/ kye skyes bu ngas mi nyal ba'i 'du shes kyis shing rta lnga brgya tsam dong ba'i sgra yang ma thos par gyur 
to/ /de nas mi de 'di snyam du bsams te/ ji srid cig nas rab tu byung ba zhi bar gnas pa zhig /gang 'di ltar mi nyal ba'i 'du shes kyis shing rta lnga brgya tsam gyi tshad dong ba'i sgra yang ma thos so/ /'di ltar chos gos kyang rdul gyi phye mas yog par shes nas mi de ngo mtshar skyes 
nas/ sgyu rtsal shes kyi bu ring du 'phur la dad cing dad pa'i dbang du byas so/ /btsun pa de lta bas na bdag sgyu rtsal shes kyi bu ring du 'phur gyi gtsang sbra'i chos la dga' ba lags so/ /g.yung po ji snyam du sems/ gang shing rta lnga brgya tsam gyi tshad dong ba'i sgra dang / gang 

</font><hr>11-1-259b<br><font size=+1>
'brug chems zhes zer ba dang / thog babs pa 'di gnyis kyi sgra gang rgya che ba yin/ btsun pa ci lags/ shing rta lnga brgya tsam lta zhog gi ci lags shing rta stong dang / ci lags shing rta brgya stong 'di dag gang bas kyang gang 'brug chems zhes mchi ba dang / thog babs pa'i 
sgra rgya che ba lags so/ /g.yung po dus gcig cig na/ yul a du ma ya 'byung po'i khang pa'i khyams na bzhugs te/ nga snga dro na bza' smad g.yogs bgos lhung bzed dang / chos gos thogs te yul a du man dur bsod snyoms kyi phyir gshegs te/ yul a du 
man dur bsod snyoms brgyus nas zas kyi bya ba mdzad de/ zas phyi ma'i bsod snyoms spangs nas lhung bzed dang chos gos mkhos su phab ste/ zhabs bkrus nas 'byung po'i khang pa'i khyams su nang du yang dag 'jog la bzhugs so/ /de nas yang de'i tshe yul a du ma 
ya na 'brug chems zhes zer ba dang / thog babs pa dang / glang bzhi dang / khyim bdag zhing pa spun gnyis shi nas de nas yul a du ma yar skye bo mang pos sgra chen po dang / sgra mang po sgrogs par gyur to/ /nga yang dgongs ka nang du yang dag 'jog las bzhengs te 
'byung po'i khang pa'i khyams nas byung ste/ 'byung po'i khang pa'i grib ma bla gab med par 'chag sa na 'chag pa dang /de nas mi gzhan zhig skye bo mang po de dag gi drung nas nga ga la bar 'ongs te phyin nas nga'i zhabs gnyis la mgo bos phyag 'tshal te nga 'chag pa'i rjes su 
'chag go/ /ngas de la 'di skad ces kye skyes bu yul a du ma ya na skye bo mang po'i sgra chen po dang / sgra mang po sgrogs pa 'di ci zhig yin zhes bka' stsal pa dang / des smras pa/ btsun pa 'di ltar yul a du ma yar 'brug chems zhes mchi ba dang / thog babs par 
gyur te/ glang bzhi dang / khyim bdag zhing pa spun gnyis gum ste/ des na 'di ltar yul a du ma ya'i skye bo mang po dag sgra chen po dang / sgra mang po dag sgrogs par gyur to/ /des 'di skad ces bcom ldan 'das ci lags/ 'brug chems zhes mchi ba dang /

</font><hr>11-1-260a<br><font size=+1>
thog babs pa ma gsan tam zhes smra'o/ /de la ngas 'di skad ces kye skyes bu ngas ma thos so zhes bka' stsal pa dang / des 'di skad ces ci lags/ bcom ldan 'das gzims par gyur tam zhes smra'o/ /de la ngas 'di skad ces kye skyes bu 
nyal bar ma gyur to zhes bka' stsal pa dang / des 'di skad ces ci lags/ bcom ldan 'das ma gzims pa'i 'du shes kyis 'brug chems zhes mchi ba dang / thog babs pa ma gsan par gyur tam zhes smra'o/ /de la 'di skad ces kye skyes bu nga ni mi nyal ba'i 'du shes 
kyis 'brug chems zhes zer ba dang / thog babs pa ma thos so zhes bka' stsal pa dang / de nas mi des 'di snyam du ji srid cig nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas zhi bar bzhugs nas/ gang gi phyir bcom 
ldan 'das ma gzims pa'i 'du shes kyis 'brug chems zhes zer ba dang / thog babs pa'i sgra ma gsan par gyur pa ni ngo mtshar che'o zhes bsams nas skyes bu de nga la dad par gyur cing dad pa'i dbang du byas te/ 'di skad ces btsun pa bcom ldan 'das la su zhig mngon 
par mi dad lags/ bdag ni 'di ltar btsun pa bcom ldan 'das la rgya cher mngon par dad lags so zhes smras so/ /de nas gyad kyi sna chen po la gtogs pa g.yung pos g.yog la 'di skad ces smras so/ /kye skyes bu ras bcos bu sar pa gser gyi kha dog ltar ser 
ba zung gcig nga la byin cig dang / de ngas bcom ldan 'das la dbul bar bya'o zhes smras nas skyes bu des kyang gyad kyi sna chen po la gtogs pa g.yung po la ras bcos bu sar pa gser gyi mdog ltar ser ba zung gcig byin no/ /de nas gyad kyi sna chen po la gtogs 
pa g.yung pos ras bcos bu sar pa gser gyi mdog ltar ser ba zung gcig khyer nas bcom ldan 'das la 'di skad ces gsol to/ /bcom ldan 'das ras bcos bu sar pa gser gyi mdog ltar ser ba zung gcig po 'di bdag cag gi yid du mchi ba dga' ba bcang bar 

</font><hr>11-1-260b<br><font size=+1>
'os pa de thugs brtse bar dgongs te/ bcom ldan 'das kyis bzhes su gsol/ bcom ldan 'das kyis gyad kyi sna chen po la gtogs pa g.yung po la thugs brtse bar dgongs nas ras bcos bu sar pa gser gyi mdog ltar ser ba zung gcig bzhes pa dang / de nas 
gyad kyi sna chen po la gtogs pa g.yung pos bcom ldan 'das la 'di skad ces bdag gis gzhan yang btsun pa bcom ldan 'das dang dge slong gi dge 'dun la rim gro bgyi'o zhes gsol pa dang / bcom ldan 'das kyis g.yung po dge bar smras so zhes bka' stsal to/ /
de nas gyad kyi sna chen po la gtogs pa g.yung po bcom ldan 'das kyis gsungs pa la mngon par dga' ste rjes su yi rangs nas bcom ldan 'das kyi zhabs gnyis la mgo bos phyag 'tshal te bcom ldan 'das kyi spyan snga nas song ngo / /de nas bcom ldan 'das kyis gyad kyi 
sna chen po la gtogs pa g.yung po song nas ring po ma lon par mkhyen nas tshe dang ldan pa kun dga' bo la 'di skad ces bka' stsal to/ /kun dga' bo ras bcos bu sar pa gser gyi mdog ltar ser ba zung gcig kha tshar gris chod la nga la byin cig ngas bgo bar bya'o/ /
tshe dang ldan pa kun dga' bos ras bcos bu sar pa gser gyi mdog ltar ser ba kha tshar dra gris bcad nas bcom ldan 'das la phul ba dang / de bcom ldan 'das kyis gsol to/ /bcom ldan 'das kyi sku'i kha dog gsal ba mnyam par snang bar gyur to/ /de nas 
tshe dang ldan pa kun dga' bos bcom ldan 'das la 'di skad ces gsol to/ /btsun pa bdag gis dgung lo nyi shu lhag gcig gi bar du bcom ldan 'das kyi zhabs 'bring na mchis na bcom ldan 'das kyi sku'i kha dog gsal ba 'di lta bu byung ba bdag gis mngon par ma 'tshal 
na/ btsun pa rgyu gang rkyen gang gis 'di lta bu'i sku kha dog gsal ba byung bar gyur/ kun dga' bo sku'i kha dog gsal ba 'di lta bu byung ba 'di ni rgyu gnyis dang rkyen gnyis te/ gnyis gang zhe na/ gang gi nub mo byang chub sems dpa' bla na med pa yang dag par rdzogs pa'i byang 

</font><hr>11-1-261a<br><font size=+1>
chub tu mngon par rdzogs par sangs rgyas pa dang / gang gi nub mo de bzhin gshegs pa phung po lhag ma med pa'i mya ngan las 'das pa'i dbyings su yongs su mya ngan las 'da' ba yin te/ 'di ni sku'i kha dog gsal ba 'di lta bu 'byung ba'i rgyu gnyis pa dang 
rkyen gnyis pa yin no/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo chu bo dbyig ldan ga la bar dong ngo / /bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan to/ /de nas bcom 
ldan 'das chu bo dbyig ldan ga la bar gshegs te byon nas chu bo dbyig ldan gyi 'gram mtha' gcig tu na bza' chos gos bzhag ste bzhugs nas chu bo dbyig ldan gyi nang du bzhugs te sku khrus legs par mdzad nas chu bo dbyig ldan brgal te/ na bza' chos gos gcig 
pu dang sku skems shing bzhugs so/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo mgar ba'i bu tsun da 'gyod pa skyes te/ gang gi phyir ston pa'i bsod snyoms phyi ma gsol bas phung po lhag ma med pa'i mya ngan las 'das pa'i 
dbyings su gshegs te/ skul byed de ni ma rnyed pa'o/ /rnyed pa ma yin pa'o nyes pa rnyed pa'o/ /bde ba rnyed pa ma yin pa'o zhes gzhan dag gis 'gyod pa bskyed kyis/ kun dga' bo mgar ba'i bu skul byed 'gyod pa skyes pa la gnas gnyis kyis 'gyod pa bsal bar bya ste/ 
tsun da bdag gis bcom ldan 'das las mngon sum thos te/ mngon sum du bzung ba ni bsod snyoms kyi rnam par smin pa mnyam pa dang / mi mnyam pa rnam pa gnyis yod de/ gang du bsod snyoms gsol nas byang chub sems dpa' bla na med pa yang dag par rdzogs 
pa'i byang chub tu mngon par 'tshang rgya ba dang / gang du bsod snyoms gsol nas de bzhin gshegs pa phung po lhag ma med pa'i mya ngan las 'das pa'i dbyings su gshegs pa ste/ 'di ni bsod snyoms kyi rnam par smin pa mnyam pa dang / mi mnyam pa gnyis yod pa yin no/ /

</font><hr>11-1-261b<br><font size=+1>
kun dga' bo de lta bas na 'di ni mgar ba'i bu skul byed kyis las byas shing bsags pa yin te/ tsher 'gyur ba dang / kha dog tu 'gyur ba dang / stobs su 'gyur ba dang / longs spyod du 'gyur ba dang / bde 'gror 'gyur ba dang / phyug po 'khor dang bcas par 'gyur ba'i 
las byas shing bsags pa yin no// //bar sdom ni/ tshe dang kha dog stobs dag dang / /longs spyod bde 'gro phyug po rnams/ /de nas tshe dang ldan pa kun dga' bos bcom ldan 'das la 'di skad ces gsol to/ /tshe dang ldan pa 'dun pa 'di ni gtum po gzu lums can/ 
brlang ba/ gshe ba/ khro ba/ bdag cag dge slong rnams la kun du gshe ba lags na/ bcom ldan 'das 'das pa'i 'og tu 'di ji ltar bsgrub par bgyi/ kun dga' bo dge slong 'dun pa 'dir 'das pa'i 'og tu tshangs pa'i chad pas bsdigs par bya'o/ /tshangs pa'i chad pas 
bsdigs nas kyang skyo bar bya'o/ /de ltar kun du skyo ba skyes nas kyang ka t+ya ya na la lung nod du gzhug par bya'o/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo grong khyer rtswa can ga la bar 'dong ngo / /bka' bzhin 'tshal 
zhes tshe dang ldan pa kun dga' bos bcom ldan 'das kyi ltar mnyan to/ /de nas bcom ldan 'das gyad kyi ljongs rgyu zhing gshegs pa na grong khyer rtswa can gyi bar dang / chu bo dbyig ldan gyi bar du shul du zhugs te gshegs pa las shul las gyu ste tshe dang ldan pa kun dga' bo la bka' 
stsal pa/kun dga' bo nga rgyab mi bde ste ngal bsos/ de bzhin gshegs pa'i bla gos bzhi ltab tu ltob la thing shig /btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas rings pa rings par bla gos bzhi ltab tu bltab ste/ bcom 
ldan 'das la 'di skad ces gsol to/ /btsun pa de bzhin gshegs pa'i bla gos bzhi ltab tu bltab ste bting lags na/ bcom ldan 'das kyis da de'i dus la bab par dgongs su gsol/ de nas bcom ldan 'das kyis na bza' snam sbyar ltab ma mang du mdzad de 'phangs su 

</font><hr>11-1-262a<br><font size=+1>
bcug nas glo g.yas pa phab ste zhabs kyi steng du zhabs bzhag nas/ snang ba'i 'du shes dang / dran pa dang / shes bzhin dang / bzhengs pa'i 'du shes thugs la mdzad nas gzims so/ /de nas bcom ldan 'das kyis tshe dang ldan pa kun dga' bo la 'di 
skad ces bka' stsal to/ /kun dga' bo byang chub kyi yan lag smros shig /bcom ldan 'das nyid kyis dran pa byang chub kyi yan lag mngon par mkhyen cing yang dag par thugs su chud de gsungs pa/ dben pa la gnas pa/ 'dod chags dang bral ba la gnas pa/ 'gog pa la gnas 
pa rnam par spong bas yongs su bsgyur ba chos rab tu rnam par 'byed pa dang / brtson 'grus dang / dga' ba dang / shin tu sbyangs pa dang / ting nge 'dzin dang / btang snyoms byang chub kyi yan lag rnams te/ btsun pa bcom ldan 'das nyid kyis mngon par mkhyen cing yang dag 
par thugs su chud de gsungs pa/ dben pa la gnas pa/ 'dod chags dang bral ba la gnas pa/ 'gog pa la gnas pa/ rnam par spong bas yongs su bsgyur ba lags so/ /kun dga' bo brtson 'grus smras sam/ bcom ldan 'das brtson 'grus smras lags so/ /kun 
dga' bo brtson 'grus bsten cing bsgoms te lan grangs mang du byas na bla na med pa yang dag par rdzogs pa'i byang chub tu 'gyur ro zhes gsungs nas bcom ldan 'das bzhengs te skyil mo krung bcas nas sku drang por bsrangs te dran pa mngon du bzhag nas bzhugs so/ /de nas dge slong gzhan 
zhig gis tshigs su bcad de smras pa/ ston pas chos ni mang rab gsan slad du/ /bdag nyid bsnyung bar gyur kyang gsol btab nas/ /dge slong rang nyid kyis ni chos smras pa/ /byang chub yan lag de yis ston par gyur/ /mkhas shing blo dang ldan pa rtogs pa ste/ /gnas 
brtan kun dga' bo yis legs smras pa/ /thub pa'i gsung ni rab tu dkar ba las/ /chos de de dag kho na 'thob par 'gyur/ /yang dag dran dang rnam par 'byed pa dang / /brtson 'grus dga' ba shin tu sbyangs pa'i lus/ /sems dang ting nge 'dzin dang btang snyoms dang / /

</font><hr>11-1-262b<br><font size=+1>
dpa' bo 'di dag byang chub yan lag lags/ /byang chub yan lag rnams kyi gtam gsan cing / /byang chub yan lag ro ni rnam mkhyen pas/ /bcom ldan thugs ni shin tu mi bde ba'i/ /snyun tshabs chen po dag las bzhengs par gyur/ /de lta bas na chos rje de yis 
kyang / /rin po che yi chos 'di 'chad pa la/ /chos ni gsan par bzhed gyur gzhan dag lta/ /ci phyir des ni 'di la mnyan mi bya/ /dge slong gang zhig shes rab mchog yin par/ /shes rab stobs bcu ldan pas bstan pa ste/ /nye rgyal de yang na bar gyur mod kyi/ /dam 
chos mnyan pa'i don du 'gro bar byed/ /mdo sde 'dzin dang 'dul 'dzin ma mo 'dzin/ /mkhas pa chos lugs mkhyen pa de dag kyang / /chos rnams nyan par byed na gzhan dag lta/ /ci phyir des ni 'di la mnyan mi bya/ /thos nas ji ltar chos kyi bka' la ni/ /sems 
kyis rtogs shing nye bar bzhag gyur na/ /zang zing med pa'i sangs rgyas gsung 'di ni/ /dga' bas de bzhin nyid ni 'thob par 'gyur/ /dga' ba'i yid kyis shin tu sbyangs pa'i lus/ /bde ba dag kyang de bzhin skye bar 'gyur/ /bde bar gyur pa'i sems ni rtse 
gcig ste/ /de yi log tu ting 'dzin reg par 'gyur/ /mnyam par gyur pa'i sems ni 'di dag tu/ /'du byed rnams la skyabs su mi byed cing / /skyo bar gyur pas 'dod chags rnams bral te/ /sems ni rnam par grol ba dag tu 'gyur/ /srid par 'gro ba 
dag la skyo gyur te/ /lha dang mi rnams la yang mi chags pa/ /ji ltar me ni bud shing med gyur bzhin/ /dgra bcom gyur nas yongs su mya ngan 'das/ /chos thos pa yi phan yon mang bar ni/ /rgyal ba rnams kyis de dag kun du bshad/ /de lta bas na ston pa'i gsung 
'di la/ /nan tan 'bad de rab tu mnyan par bya/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo grong khyer rtswa can ga la bar 'dong ngo / /btsun pa bka' bzhin 'tshal zhes tshe dang ldan pa kun dga' bos bcom ldan 'das 

</font><hr>11-1-263a<br><font size=+1>
kyi ltar mnyan to/ /de nas bcom ldan 'das gyad kyi ljongs rgyu zhing gshegs te grong khyer rtswa can du byon nas gyad kyi yul dang nye ba shing sA la zung gi tshal na bzhugs so/ /de nas bcom ldan 'das de nyid du yongs su mya ngan las 'da' ba de'i tshe tshe dang ldan pa 
kun dga' bo la kun dga' bo shing sA la zung gnyis kyi bar du de bzhin gshegs pa'i khri chos la phangs byang phyogs su ston cig /de bzhin gshegs pa ni deng gi mtshan mo'i gung thun 'di la phung po lhag ma med pa'i mya ngan las 'das pa'i dbyings su yongs su mya ngan las 'da' bar 
'gyur ro zhes bka' stsal pa dang / btsun pa bka' bzhin 'tshal zhes tshe dang ldan pa kun dga' bos bcom ldan 'das kyi ltar mnyan nas shing sA la zung gi bar du khri bcas nas phangs byang phyogs su bstan te/ bcom ldan 'das ga la bar song ste phyin nas bcom ldan 'das kyi 
zhabs gnyis la mgo bos phyag 'tshal te phyogs gcig tu 'dug go/ /phyogs gcig tu 'dug nas tshe dang ldan pa kun dga' bos bcom ldan 'das la bcom ldan 'das shing sA la zung gi bar du de bzhin gshegs pa'i khri bcas te phangs byang phyogs su bstan to zhes gsol 
pa dang / /de nas bcom ldan 'das khri ga la bar gshegs te byon nas glo g.yas pas phab ste zhabs kyi steng du zhabs bzhag nas gzims te/ snang ba'i 'du shes dang / dran pa dang / shes bzhin dang / mya ngan las 'da' ba'i 'du shes thugs la mdzad do/ /de nas yang 
de'i tshe tshe dang ldan pa kun dga' bo bcom ldan 'das kyi snam logs su 'dug nas khri la 'jus te ngu zhing mchi ma byung nas 'di skad ces smra'o/ /bcom ldan 'das shin tu myur bar yongs su mya ngan las 'das so/ /bde bar gshegs pa shin tu myur bar yongs su mya ngan las 'das 
so/ /shin tu myur bar 'jig rten gyi mig ldongs te/ dge slong dag sngon ni phyogs de dang de dag dang / ljongs de dang de dag nas bcom ldan 'das ga la ba der 'ongs te/ 'ongs pa de dag la bcom ldan 'das kyis thog mar dge ba/ bar du dge ba/ tha mar dge ba/ don bzang 

</font><hr>11-1-263b<br><font size=+1>
po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ tshangs par spyad pa rab tu ston te/ gang gi phyir dus dus su zab pa zab mo'i chos kyi gtam yang thos shing rnyed pa na de dag gis kyang da bcom ldan 'das yongs su 
mya ngan las 'das par thos te/ thos nas kyang 'ong bar mi 'gyur zhing 'di ltar chos kyi longs spyod chen po 'ba' zhig po 'di 'jig rten du nub par gyur te/ de nas bcom ldan 'das kyis dge slong rnams la bka' stsal pa/ dge slong dag kun dga' bo gang na 'dug /bcom 
ldan 'das tshe dang ldan pa kun dga' bo ni bcom ldan 'das kyi snam logs 'di na mchis te khri la 'jus nas ngu zhing mchi ma byung nas 'di skad ces mchi'o/ /bcom ldan 'das ni shin tu myur bar yongs su mya ngan las 'das so/ /bde bar gshegs pa ni shin tu myur bar yongs 
su mya ngan las 'das so/ /shin tu myur bar 'jig rten gyi mig ldongs te/ dge slong dag sngon ni zhes bya ba nas/ 'di ltar chos kyi longs spyod chen po 'jig rten du nub bo zhes bya ba'i bar snga ma bzhin no/ /de nas bcom ldan 'das kyis tshe dang ldan pa kun dga' bo 
la bka' stsal pa/ kun dga' bo khyod mya ngan dang / mi bzod pa dang / smre sngags 'don par ma byed cig /de ci'i phyir zhe na/ kun dga' bo khyod kyis de bzhin gshegs pa'i nye gnas byas pa ni byams pa'i lus kyi las kyis phan pa dang / bde ba dang / gnyis su med pa dang / 
tshad med par byas pa dang / byams pa'i ngag gi las dang / byams pa'i yid kyi las kyis phan pa dang / bde ba dang / gnyis su med pa dang / tshad med par byas so/ /kun dga' bo gang dag 'das pa'i dus na de bzhin gshegs pa dgra bcom pa yang dag par rdzogs pa'i 
sangs rgyas de dag kyang sangs rgyas bcom ldan 'das rnams kyi nye gnas kyis tshul 'di 'dra bar byas par gyur te/ dper na da ltar khyod kyis nga la bya ba bzhin du byas par gyur te/ ma 'ongs pa'i dus na de bzhin gshegs pa dgra bcom pa yang dag par rdzogs pa'i sangs rgyas de dag 

</font><hr>11-1-264a<br><font size=+1>
kyang sangs rgyas bcom ldan 'das rnams kyi nye gnas kyis tshul 'di 'dra bar byed par 'gyur te/ dper na da ltar khyod kyis nga la bya ba bzhin no/ /kun dga' bo de ltar na khyod mya ngan ma byed cig /mi bzod par ma byed cig /smre sngags ma 'don cig /
gang skye ba dang / 'byung ba dang / byas pa dang / 'dus byas pa dang / rten cing 'brel bar 'byung ba 'jig pa'i chos can de dag ni 'di ltar mi 'jig pa 'thob par ga la 'gyur te/ 'di ni gnas med de/ rig par mi nus so/ /kun dga' bo sngon yang ngas bshad de/ mdza' bo 
dang / sdug pa dang / dga' ba dang / yid du 'ong ba de dag thams cad ni 'bral ba dang / 'gyes pa dang / 'jig pa dang / med par 'gyur ro/ /de nas bcom ldan 'das kyis tshe dang ldan pa kun dga' bo yang dag par dga' bar bya bar bzhed nas dge slong rnams la bka' stsal pa/ 
dge slong dag 'khor los sgyur ba'i rgyal po la ngo mtshar rmad du byung ba'i chos bzhi yod de/ bzhi gang zhe na/ gal te rgyal rigs kyi 'khor 'khor los sgyur ba'i rgyal po blta ba'i phyir 'ongs pa mthong bas yid dga' bar 'gyur ro/ /gal te nye bar 'ongs pa rnams la chos bshad na chos thos 
pas yid dga' bar 'gyur ro/ /gal te bram ze'i 'khor dang / khyim bdag gi 'khor dang / dge sbyong gi 'khor 'khor los sgyur ba'i rgyal po blta ba'i phyir 'ongs pa de mthong bas yid dga' bar 'gyur ro/ /gal te nye bar 'ongs pa rnams la chos bshad na chos thos pas 
yid dga' bar 'gyur ro/ /dge slong dag de bzhin du dge slong kun dga' bo la yang ngo mtshar rmad du byung ba'i chos bzhi yod de/ bzhi gang zhe na/ gal te dge slong gi 'khor dge slong kun dga' bo blta ba'i phyir 'ongs pa mthong bas yid dga' bar 'gyur ro/ /gal te 'ongs 
pa rnams la chos bshad na chos thos pas yid dga' bar 'gyur ro/ gal te dge slong ma'i 'khor dang / dge bsnyen gyi 'khor dang / dge bsnyen ma'i 'khor dge slong kun dga' bo blta ba'i phyir 'ongs pa mthong bas yid dga' bar 'gyur ro/ /gal te 'ongs pa rnams la 

</font><hr>11-1-264b<br><font size=+1>
chos bshad na chos thos pas yid dga' bar 'gyur ro/ /dge slong dag gzhan yang dge slong kun dga' bo la ngo mtshar rmad du byung ba'i chos bzhi yod de/ bzhi gang zhe na/ gal te dge slong kun dga' bo dge slong gi 'khor rnams la chos ston na gus par byas te ston gyi ma gus pas 
ma yin no/ /de nas dge slong gi 'khor rnams 'di snyam du sems te/ kye ma tshe dang ldan pa kun dga' bo mi smra bar mi 'dug cing chos kho na 'chad kyang ci ma rung snyam nas dge slong gi 'khor rnams dge slong kun dga' bo la chos nyan pas mi ngoms mod kyi/ 'on kyang dge slong kun dga' 
bo cang mi smra'o/ /gal te dge slong ma'i 'khor rnams dang / dge bsnyen gyi 'khor dang / dge bsnyen ma'i 'khor rnams la dge slong kun dga' bo chos ston na gus par byas te ston gyi ma gus pas ni ma yin no/ /de nas dge bsnyen gyi 'khor la sogs pa 'di snyam du sems te/ 
kye ma tshe dang ldan pa kun dga' bo ma smre bar mi 'dug cing chos kho na 'chad kyang ci ma rung snyam nas dge bsnyen gyi 'khor la sogs pa dge slong kun dga' bo la chos nyan pas mi ngoms mod kyi/ 'on kyang dge slong kun dga' bo ni cang mi smra bar 'dug go/ /de nas tshe dang ldan pa 
kun dga' bo bcom ldan 'das kyis yang dag par dga' bar mdzad nas bcom ldan 'das la 'di skad ces gsol to/ /btsun pa ci'i slad du 'jig rten tha dad pa grong khyer chen po drug po gang dag mnyan yod dang / gnas bcas dang / tsam pa dang / bA rA Na sI dang / 
yangs pa can dang / rgyal po'i khab la sogs pa grong khyer chen po drug po 'di lta bu spangs nas gang grong khyer ngan pa dang / dgon dung dang / mkhar ngan pa dang / grong khyer gyi yal ga dang / grong khyer gyi tho shul tsam 'dir mya ngan las 'da' bar dgongs/ kun dga' 
bo khyod grong khyer rtswa can 'di la grong khyer ngan pa zhe'am/ dgon dung zhe'am/ mkhar ngan pa zhe'am/ grong gi yan lag ce'am/ grong khyer gyi tho shul tsam zhes ma smra shig /de ci'i phyir zhe na/ kun dga' bo sngon byung ba grong khyer rtswa can 'di rgyal po ku sha can zhes bya ba'i 

</font><hr>11-1-265a<br><font size=+1>
pho brang du gyur te/ 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba/ chur dpag tshad bcu gnyis/ rgyar dpag tshad bdun par gyur to/ /kun dga' bo rgyal po ku sha can gyi ra ba rnam pa bzhi po 
gser las byas pa dang / dngul las byas pa dang / bai DUr+ya las byas pa dang / shel las byas pa ste/ ra ba bdun gyis kun du bskor bar gyur to/ /kun dga' bo rgyal po rtswa can gyi pho brang gi sgo rnam pa bzhi po gser las byas pa dang / dngul las byas pa dang / bai DUr+ya 
las byas pa dang / shel las byas par gyur to/ /kun dga' bo de dag gi rtsang rnam pa bzhi po gser las byas pa dang / dngul las byas pa dang / bai DUr+ya las byas pa dang / shel las byas pa ste/ 'phang du ni skyes bu bdun srid tsam la skyes bu phyed dang bzhi'i srid tsam ni 
zabs su brkos nas khye'u gsum gyis btsugs par gyur to/ /kun dga' bo rgyal po ku sha can gyi pho brang gi 'obs rnam pa bzhi po gser las byas pa dang / dngul las byas pa dang / bai DUr+ya las byas pa dang / shel las byas pa'i pha gu'i 'obs rnam pa bdun gyis 
kun du bskor to/ /kun dga' bo rgyal po ku sha can gyi pho brang ta la bzhi po gser las byas pa dang / dngul las byas pa dang / bai DUr+ya las byas pa dang / shel las byas pa'i ta la'i phreng bdun gyis kun du bskor bar gyur te/ kun dga' bo gser gyi ta la la ni 
dngul las byas pa'i lo ma dang / me tog dang / 'bras bu dag byas par gyur to/ /kun dga' bo dngul gyi ta la la ni gser dang / bai DUr+ya dang / shel gyi'o/ /kun dga' bo shel gyi ta la la ni bai DUr+ya las byas pa'i lo ma dang / me tog dang / 'bras bu dag byas 
par gyur to/ /kun dga' bo ta la de rnams rlung gis bskyod pa na 'di lta bu'i sgra yid du 'ong ba 'byung ste/ dper na skyes bu mkhas pas yan lag lnga dang ldan pa'i sil snyan yang dag par bsgrags pa bzhin no/ /kun dga' bo ta la de dag gi bar du rdzing bzang po 

</font><hr>11-1-265b<br><font size=+1>
bcas par gyur te/ rdzing de dag kyang rnam pa bzhi po gser dang / dngul dang /bai DUr+ya dang / shel gyi pha gus byas par gyur to/ /kun dga' bo rdzing bu bzang po de dag gi them skas rnam pa bzhi po gser las byas pa dang / dngul las byas pa dang / bai DUr+ya 
las byas pa dang / shel las byas par gyur to/ /rdzing bu de dag gi kha khyer yang rnam pa bzhi po gser las byas pa dang / dngul las byas pa dang / bai DUr+ya las byas pa dang / shel las byas pa'i kha khyer gyis kun du bskor bar gyur to/ /kun dga' bo 
gser las byas pa'i kha khyer gyi gzungs gzer dang / gdung bu dang / rten ma ni dngul las byas par gyur to/ /dngul las byas pa'i ni gser las byas so/ /bai DUr+ya las byas pa'i ni shel las byas so/ /shel las byas pa'i ni gzungs gzer dang / 
gdung bu dang / rten ma bai DUr+ya las byas par gyur to/ /kun dga' bo rdzing bzang po de dag gi nang na me tog chu las skye ba rnam pa sna tshogs 'di lta ste/ ut+pa la dang / pad ma dang / ku mu da dang / pad ma dkar po dang / dri mchog dang / dri ngad 'jam dang / dus tshigs 
thams cad pa dang / dus thams cad pa'i me tog gi phreng ba'i rgyu skye bo thams cad la dgag pa med pa bskyed do/ /kun dga' bo rdzing bzang po de dag gi 'gram gnyis na me tog skam la skye ba rnam pa sna tshogs 'di lta ste/ a ti mug ta ka dang / tsam pa ka dang / skya snar dang / pa ri sha 
ka dang / ma li ka dang / na ba ma li ka dang / yid du 'ong ba dang / yu ti ka dang / d+ha nuska ri dang / dus tshigs thams cad pa dang / dus thams cad pa'i me tog gi phreng ba'i rgyu skye bo thams cad la dgag pa med pa bskyed par gyur to/ /kun dga' bo rgyal po legs mthong 
chen pos kyang ta la bzang po de dag gi bar bar du na chung rgyan thams cad kyis brgyan pa bzhag ste/ gang dag zas 'dod pa la ni zas sbyin par byed/ skom 'dod pa la ni skom/ gos 'dod pa la ni gos/ phreng ba dang / dri dang / byug pa 'dod pa la ni phreng ba dang / dri dang /

</font><hr>11-1-266a<br><font size=+1>
byug pa sbyin par byed do/ /kun dga' bo rgyal po ku sha can gyi pho brang na gang dag ra ro ba dang / g.yon can dang / chang 'tshong rnams rtse ba dang / dga' ba dang / dga' mgur spyod par 'dod pa de dag ta la de dag gi bar bar du shin tu rtse zhing / dga' ba 
dang / dga' mgur spyod par gyur to/ /kun dga' bo rgyal po rtswa can gyi pho brang na ta la de dag las sgra yid du 'ong ba 'di lta ste/ glang po che'i sgra dang / rta'i sgra dang / shing rta'i sgra dang / dpung bu chung gi sgra dang / dung gi sgra dang / rnga bo che'i sgra dang / tshogs pa'i sgra dang / rnga 
pa Ta ha'i sgra dang / rol mo'i sgra dang / glu'i sgra dang / gling bu'i sgra dang / sbyin pa ni byin/ bsod nams ni byas/ za gcig pa ni smyung ba byas te tshul khrims yang dag par blangs pa'i sgra ste sgra bcu gnyis dang ldan par gyur to/ /kun dga' bo rgyal po rtswa can gyi pho brang na 'khor 
los sgyur ba'i rgyal po legs mthong chen po zhes bya ba rin po che sna bdun dang mi rnams kyi 'byor pa bzhi dang ldan te/ rin po che sna bdun gang dang ldan zhe na/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med 
rin po che dang / khyim bdag rin po che dang / bdun pa ni blon po rin po che'o/ /kun dga' bo rgyal po legs mthong chen po mi rnams kyi 'byor pa bzhi gang dang ldan zhe na/ tshe ring zhing yun ring du gnas pa yin te/ gzhon nu rtsed mo rtse ba la lo brgyad khri bzhi stong lon no/ /
rgyal tshab byed pa la lo brgyad khri bzhi stong lon no/ /rgyal po chen po byed pa la lo brgyad khri bzhi stong lon no/ /rgyal po'i drang srong gi tshangs par spyod pa la lo brgyad khri bzhi stong lon no/ /kun dga' bo rgyal po legs mthong chen po tshe ring zhing yun ring du gnas pa yin te/ des 
lo brgyad khri bzhi stong ni gzhon nu dga' bas rtsed mo rtses/ lo brgyad khri bzhi stong ni rgyal tshab byas/ lo brgyad khri bzhi stong ni rgyal po chen po byas/ lo brgyad khri bzhi stong ni rgyal po'i drang srong gi tshangs par spyod pa byas pa gang yin pa 'di ni kun dga' bo rgyal po legs mthong chen 

</font><hr>11-1-266b<br><font size=+1>
po'i 'byor pa zhes bya'o/ /kun dga' bo gzhan yang rgyal po legs mthong chen po ni gzugs bzang ba/ mdzes pa/ blta na sdug pa/ mi'i kha dog las ni 'das/ lha'i kha dog ni ma thob ste/ kun dga' bo rgyal po legs mthong chen po'i gzugs bzang ba/ mdzes pa/ 
blta na sdug pa/ mi'i kha dog las ni 'das/ lha'i kha dog ni ma thob pa yin te/ kun dga' bo 'di ni rgyal po legs mthong chen po'i 'byor pa zhes bya'o/ /kun dga' bo gzhan yang rgyal po legs mthong chen po gnod pa chung zhing nad med pa'i rang bzhin yin te/ pho ba ha 
cang bsil ba ma yin zhing / ha cang dro ba ma yin pa/ drod snyoms pa dang / dus kun du bde ba dang / gnod pa med pa dang ldan pas zos pa dang / 'thungs pa dang / 'chos pa dang / myangs pa rnams legs par bde bar 'ju bar gyur te/ kun dga' bo rgyal po legs 
mthong chen po gnod pa nyung zhing nad med pa'i rang bzhin can/ pho ba ha cang bsil ba ma yin zhing / ha cang dro ba ma yin pa/ drod snyoms pa dang/ dus kun du bde ba dang / gnod pa med pa dang ldan pas zos pa dang / 'thungs pa dang / 'chos pa dang / myangs pa rnams legs 
par bde bar 'ju bar 'gyur ba gang yin pa 'di ni kun dga' bo rgyal po legs mthong chen po'i 'byor pa zhes bya'o/ /kun dga' bo gzhan yang rgyal po legs mthong chen po ni grong mi dang yul mi rnams la snying du sdug cing yid du 'ong bar gyur pa yin te/ dper na bu 
rnams la pha bzhin no/ /rgyal po legs mthong chen po ni grong mi dang yul mi rnams kyi snying du sdug cing yid du 'ong bar gyur pa dper na pha la bu rnams bzhin te/ kun dga' bo dus gcig cig na rgyal po legs mthong chen po skyed mos tshal gyi gnas su 'gro ba na kha lo 
sgyur ba la smras pa/ kha lo sgyur ba shing rta rim gyis dal bu dal bus sgyur cig ngas grong mi dang yul mi rnams la yun ring du blta bar bya'o/ /grong mi dang yul mi rnams kyis kyang kha lo sgyur ba la smras pa/ kha lo sgyur ba shing rta rim gyis dal bu dal bus sgyur cig /nged kyang lha 

</font><hr>11-1-267a<br><font size=+1>
la yun ring du blta bar bya'o/ /kun dga' bo gang gi tshe rgyal po legs mthong chen po grong mi dang yul mi rnams la snying du sdug cing yid du 'ong bar gyur pa ni dper na bu rnams la pha bzhin no/ /rgyal po legs mthong chen po la grong mi dang yul mi rnams kyi 
snying du sdug cing yid du 'ong bar gyur pa ni dper na pha la bu rnams bzhin te/ kun dga' bo 'di ni rgyal po legs mthong chen po'i 'byor pa zhes bya'o/ /de nas grong mi dang yul mi rnams kyis gser dang / dngul dang / nor bu rin po che dang / la ba rin po che mang po dag khyer 
te rgyal po legs mthong chen po gang na ba der dong ste phyin nas rgyal po legs mthong chen po la 'di skad ces smras so/ /lha'i slad du bdag cag gis gser dang / dngul dang / nor bu rin po che dang / la ba rin po che mang po dag 'tshal te mchis lags na/ lhas thugs brtse 
ba'i slad du 'di dag bzhes su gsol/ sna bo dag nga'i yul na 'di 'dra ba'i nor gyi rigs yod pas mi 'dod do zhes smras nas/ len du ma btub pa dang / grong mi dang / yul mi rnams kyis rgyal po legs mthong chen po la 'di skad ces smras so/ /lha'i slad du bdag cag 
gis gser dang / dngul dang / nor bu rin po che dang / la ba rin po che mang po 'tshal te mchis pa 'di dag lhas thugs brtse ba'i slad du bzhes su gsol/ rgyal po legs mthong chen pos kyang grong mi dang yul mi rnams la lan gnyis lan gsum gyi bar du 'di skad ces smras 
so/ /sna bo dag nga'i yul na 'di 'dra ba'i nor gyi rigs yod pas mi 'dod do zhes smras nas/ len du ma btub bo/ /de nas grong mi dang yul mi rnams 'di snyam du sems te/ bdag cag gis lha'i phyir gser dang / dngul dang / nor bu rin po che dang / la ba rin po 
che mang po khyer te 'ongs pa 'di dag bdag cag gis 'di dag blangs te rang rang gi gnas su 'dong ba ni bdag cag gi tshul ma yin pas ma la bdag cag gis rgyal po legs mthong chen po'i mdun du gser dang / dngul gyi phung po cher spungs la mtha' gcig tu nor bu 

</font><hr>11-1-267b<br><font size=+1>
rin po che dang / la ba rin po che dag bzhag ste/ 'di ni lha'i dkor gyi rigs yin no zhes smras te/ btang snyoms su bor la 'dong ngo snyam nas/ gser dang /dngul dang / nor bu rin po che dang / la ba rin po che dag rgyal po legs mthong chen po'i mdun du nye bar 
bzhag nas btang snyoms su bor te dong ngo / /de nas rgyal po legs mthong chen po 'di snyam du sems te/ bdag gi nor gyi rigs ni chos bzhin gyis rnyed pa yin gyis chos ma yin pas ni ma yin pas ma la bdag gis chos dang mthun pa'i khang bzangs brtsig go snyam pa dang / 
mtha'i rgyal phran brgyad khri bzhi stong gis rgyal po legs mthong chen po chos dang mthun pa'i khang bzangs rtsig par spro'o zhes thos so/ /thos nas kyang rgyal po legs mthong chen po ga la ba der dong ste phyin nas rgyal po legs mthong chen po la 'di skad ces smras so/ /lha 
chos dang mthun pa'i khang bzangs rtsig pa la thugs kyi phrin las bskyung du gsol/ lha'i chos dang mthun pa'i khang bzangs bdag cag gis brtsig par bgyi'o/ /sna bo dag nga'i yul na 'di 'dra ba'i nor gyi rigs yod pas mi dgos so zhes smras nas ma gnang ngo / /
mtha'i rgyal phran brgyad khri bzhi stong gis lan gnyis lan gsum gyi bar du rgyal po legs mthong chen po la 'di skad ces smras so/ /lha chos dang mthun pa'i khang bzangs rtsig pa la thugs kyi phrin las bskyung du gsol/ lha chos dang mthun pa'i khang bzangs bdag cag gis 
brtsig par bgyi'o/ /rgyal po legs mthong chen pos kyang lan gnyis lan gsum gyi bar du mtha'i rgyal phran brgyad khri bzhi stong la 'di skad ces smras so/ /sna bo dag nga'i yul na 'di 'dra ba'i nor gyi rigs yod pas mi dgos so zhes smras nas ma gnang ngo / /de nas mtha'i 
rgyal phran brgyad khri bzhi stong gis rgyal po legs mthong chen po'i rkang pa la gtugs nas kha cig gis ni lag pa nas bzung / kha cig gis ni gos kyi mtha' ma nas bzung / kha cig gis ni rgyal po legs mthong chen po ga la ba de logs su thal mo sbyar ba btud de/ rgyal 

</font><hr>11-1-268a<br><font size=+1>
po legs mthong chen po la 'di skad ces gsol to/ /lha chos dang mthun pa'i khang bzangs rtsig pa la thugs kyi phrin las bskyung du gsol/ lha'i chos kyi khang bzangs bdag cag gis brtsig par bgyi'o/ /rgyal po legs mthong chen pos mtha'i 
rgyal phran brgyad khri bzhi stong la cang mi smra bas gnang ngo / /de nas mtha'i rgyal phran brgyad khri bzhi stong gis rgyal po legs mthong chen po cang mi smra bas gnang bar rig nas rang rang gi gnas su dong ste/ gser dang / dbyig mang po dang / rin po che'i ka ba re re khyer te/ 
rgyal po legs mthong chen po ga la ba de logs su song nas phyin pa dang / rgyal po legs mthong chen po la 'di skad ces smras so/ /lha'i chos dang mthun pa'i khang bzangs gang du ci tsam zhig brtsig par bgyi lags/ sna bo dag khyed kyis de'i phyir ku sha can gyi shar 
phyogs su chos dang mthun pa'i khang bzangs chur dpag tshad gcig /rgyar dpag tshad gcig pa cig rtsigs shig /lha bka' bzhin 'tshal zhes mtha'i rgyal phran brgyad khri bzhi stong gis rgyal po legs mthong chen po'i ltar mnyan nas/ ku sha can gyi shar phyogs 
su chos dang mthun pa'i khang bzangs chur dpag tshad gcig /rgyar dpag tshad gcig pa zhig brtsigs te/ kun dga' bo chos dang mthun pa'i khang bzangs kyi rmang rnam pa bzhi po gser las byas pa dang / dngul las byas pa dang / bai DUr+ya las byas pa dang / shel 
las byas par gyur to/ /kun dga' bo chos dang mthun pa'i khang bzangs kyi ka rten rnam pa bzhi po gser las byas pa dang / dngul las byas pa dang / bai DUr+ya las byas pa dang / shel las byas pas bres so/ /kun dga' bo chos dang mthun pa'i khang bzangs 
kyi ka ba rnam pa bzhi po gser las byas pa dang / dngul las byas pa dang / bai DUr+ya las byas pa dang / shel las byas pa btsugs so/ /kun dga' bo gser las byas pa'i ka ba la ni ka rten dang / ka zhu dang / bre phul dang / gdung dngul las byas so/ /dngul 

</font><hr>11-1-268b<br><font size=+1>
las byas pa la ni gser gyi'o/ /bai DUr+ya las byas pa la ni shel gyi'o/ /shel las byas pa la ni ka rten dang / ka zhu dang / bre phul dang / gdung be+e DUr+ya las byas so/ /kun dga' bo chos dang mthun pa'i khang bzangs kyi gdung phran rnam pa bzhi po gser las byas pa 
dang / dngul las byas pa dang / bai DUr+ya las byas pa dang / shel las byas pa bres so/ /kun dga' bo chos dang mthun pa'i khang bzangs kyi mdun gdung rnam pa bzhi po gser las byas pa dang / dngul las byas pa dang / bai DUr+ya las byas pa dang / shel las 
byas pa bres so/ /kun dga' bo chos dang mthun pa'i khang bzangs kyi gdung po che rnam pa bzhi po gser las byas pa dang / dngul las byas pa dang / bai DUr+ya las byas pa dang / shel las byas pa bres so// //'dul ba phran tshegs kyi gzhi/bam po 
lnga bcu rtsa gsum pa/ kun dga' bo chos dang mthun pa'i khang bzangs kyi ba gam rnam pa bzhi po gser las byas pa dang / dngul las byas pa dang / bai DUr+ya las byas pa dang / shel las byas pa btags so/ /kun dga' bo chos dang mthun pa'i khang bzangs la spang leb 
rnam pa bzhi po gser las byas pa dang / dngul las byas pa dang / bai DUr+ya las byas pa dang / shel las byas pas g.yogs so/ /kun dga' bo chos dang mthun pa'i khang bzangs la them skas rnam pa bzhi po gser las byas pa dang / dngul las byas pa dang / bai DUr+ya 
las byas pa dang / shel las byas pas brtsigs so/ /kun dga' bo chos dang mthun pa'i khang bzangs la lan kan rnam pa bzhi po gser las byas pa dang / dngul las byas pa dang / bai DUr+ya las byas pa dang / shel las byas pas bskor to/ /kun dga' bo gser 
las byas pa'i lan kan gyi gzungs gzer dang / rten ma dang / gdung bu dngul las byas so/ /dngul las byas pa la ni gser gyi'o/ /bai DUr+ya la ni shel gyi'o/ /kun dga' bo shel las byas pa'i lan kan la ni gzungs gzer dang / gdung bu dang / lan kan gyi 

</font><hr>11-1-269a<br><font size=+1>
rten ma bai DUr+ya las byas so/ /kun dga' bo chos dang mthun pa'i khang bzangs la khang pa rtseg ma rnam pa bzhi po gser las byas pa dang / dngul las byas pa dang / bai DUr+ya las byas pa dang / shel las byas pa'i khang pa brtsigs so/ /kun dga' bo 
gser las byas pa'i khang pa rtseg ma la ni dngul las byas pa'i khri lhas ma can dang / go li ka'i ras gding ba can dang / stan nang tshangs can gyi gding ba can dang / za 'ug gi stan dang / men tri'i stan dang / ar mo nig gi stan dang / ka ling ka'i ras phran gyi stan steng 
g.yogs dang bcas pa phyogs gnyis su sngas dmar po can dag bzhag go/ /dngul las byas pa la ni gser las byas pa'o/ /bai DUr+ya las byas pa la ni shel las byas pa'o/ /shel las byas pa la ni bai DUr+ya las byas pa'i khri lhas ma can gyi zhes bya ba nas/ phyogs 
gnyis su sngas dmar po can dag bzhag go zhes bya ba'i bar gong ma bzhin no/ /kun dga' bo gser las byas pa'i khang pa rtseg ma'i mdun du ni dngul las byas pa'i ta la 'dab ma dang / me tog dang / 'bras bu gser las byas pa sbrengs so/ /dngul las byas pa 
la ni gser las byas pa'o/ /bai DUr+ya las byas pa la ni shel las byas pa'o/ /shel las byas pa'i khang pa rtseg pa'i mdun du ni bai DUr+ya las byas pa'i ta la 'dab ma dang / me tog dang / 'bras bu shel las byas pa sbrengs so/ /ta la de rnams rlung gis bskyod pa na/ 'di 
lta bu'i sgra yid du 'ong ba 'byung ste/ dper na skyes bu mkhas pas/ yan lag lnga dang ldan pa'i sil snyan yang dag par legs par bsgrags pa bzhin no/ /kun dga' bo chos dang mthun pa'i khang bzangs la gser gyis gcal bkram zhing tsan dan gyi chus chag chag btab 
la/ gser gyi dra ba dang / gser gyi dril bu g.yer ka brgyus pas btags pa'o// //bar sdom ni/ rmang dang ka rten ka ba dang / /gdung phran mdun gdung gdung bo che/ /ba gam spang leb them skas dang / /lan kan rtseg ma ta la gser/ /de nas mtha'i rgyal phran brgyad 

</font><hr>11-1-269b<br><font size=+1>
khri bzhi stong gi chos dang mthun pa'i khang bzangs kyi bya ba thams cad zin par rig nas chos dang mthun pa'i khang bzangs kyi mdun du chos dang mthun pa'i rdzing chur dpag tshad gcig /rgyar dpag tshad gcig pa zhig byas te/ kun dga' bo chos dang mthun pa'i 
rdzing pha gu rnam pa bzhi po gser las byas pa dang / dngul las byas pa dang / bai DUr+ya las byas pa dang / shel las byas pas brtsigs so/ /kun dga' bo chos dang mthun pa'i rdzing gi them skas rnam pa bzhi po gser las byas pa dang / dngul las byas pa dang / bai DUr+ya las byas 
pa dang / shel las byas pas brtsigs so/ /kun dga' bo chos dang mthun pa'i rdzing la kha khyer rnam pa bzhi po gser las byas pa dang / dngul las byas pa dang / bai DUr+ya las byas pa dang / shel las byas pas bskor to/ /gser las byas pa'i kha khyer la ni gzungs 
gzer dang / gdung bu dang / rten ma dngul las byas so/ /dngul las byas pa la ni gser las byas so/ /bai DUr+ya las byas pa la ni shel las byas so/ /shel las byas pa'i kha khyer la ni gzungs gzer dang / gdung bu dang / rten ma bai DUr+ya las byas so/ /kun 
dga' bo chos dang mthun pa'i rdzing gi nang na me tog chu las skyes pa rnam pa sna tshogs 'di lta ste/ ut+pa la dang / pad ma dang / ku mud dang / pad ma dkar po dang / dri mchog dang / dri ngad 'jam dang / dus tshigs thams cad pa dang / dus thams cad pa'i me tog gi phreng ba'i rgyu 
skye bo thams cad la dgag pa med pa bskyed do/ /kun dga' bo chos dang mthun pa'i rdzing gi 'gram gnyis na me tog skam las skye ba 'di lta ste/ a ti mug ta ka dang / tsam pa ka dang / skya snar dang / pa ri sha ka dang / ma li ka dang / na ba ma li ka dang / yid du 'ong ba dang / 
yus+thi ka dang / d+ha nuska ri dang / dus tshigs thams cad pa dang / dus thams cad pa'i me tog gi phreng ba'i rgyu skye bo thams cad la dgag pa med pa bskyed do/ /kun dga' bo chos dang mthun pa'i rdzing gser gyi bye ma bdal cing tsan dan gyi chus chag chag btab la/ gser gyi 

</font><hr>11-1-270a<br><font size=+1>
dra ba dang / gser gyi dril bu g.yer ka brgyus pa btags so/ /de nas mtha'i rgyal phran brgyad khri bzhi stong gis chos dang mthun pa'i rdzing gi bya ba thams cad zin par rig nas chos dang mthun pa'i rdzing gi mdun du chos dang mthun pa'i ta la'i tshal chur 
dpag tshad gcig /rgyar dpag tshad gcig pa zhig btsugs te/ kun dga' bo chos dang mthun pa'i ta la'i tshal du ta la rnam pa bzhi po gser las byas pa dang / dngul las byas pa dang / bai DUr+ya las byas pa dang / shel las byas pa btsugs so/ /kun dga' 
bo gser las byas pa'i ta la la ni lo ma dang / me tog dang / 'bras bu dngul las byas pa btsugs so/ /dngul las byas pa la ni gser las byas pa'o/ /bai DUr+ya las byas pa la ni shel las byas pa'o/ /shel las byas pa'i ta la la ni lo ma dang / me tog dang / 
'bras bu bai DUr+ya las byas pa btsugs so/ /kun dga' bo ta la'i tshal de dag rlung gis bskyod pa na 'di lta bu'i sgra yid du 'ong ba 'byung ste/ dper na skyes bu mkhas pas yan lag lnga dang ldan pa'i sil snyan yang dag par bsgrags pa bzhin no/ /kun dga' bo chos dang 
mthun pa'i ta la'i tshal de lan kan bzhi po gser las byas pa dang / dngul las byas pa dang / bai DUr+ya las byas pa dang / shel las byas pas kun du bskor to/ /kun dga' bo gser las byas pa'i lan kan la ni gzungs gzer dang / gdung bu dang / rten ma dngul 
las byas so/ /dngul las byas pa la ni gser las byas pa'o/ /bai DUr+ya las byas pa la ni shel las byas pa'o/ /shel las byas pa'i lan kan la ni gzungs gzer dang / gdung bu dang / rten ma bai DUr+ya las byas so/ /kun dga' bo chos dang mthun pa'i ta la'i 
tshal na gser gyis gcal bkram zhing tsan dan gyi chus chag chag btab la/ gser gyi dra ba dang / gser gyi dril bu g.yer ka brgyus pa btags so/ /de nas mtha'i rgyal phran brgyad khri bzhi stong gis chos dang mthun pa'i khang bzangs dang / chos dang mthun pa'i rdzing 

</font><hr>11-1-270b<br><font size=+1>
dang / chos dang mthun pa'i ta la'i tshal gyi bya ba thams cad zin par rig nas rgyal po legs mthong chen po ga la ba der dong ste lhags nas rgyal po legs mthong chen po la 'di skad ces smras so/ /lha'i chos dang mthun pa'i khang bzangs dang / chos dang mthun pa'i rdzing dang / chos 
dang mthun pa'i ta la'i tshal mdzad pa thams cad bgyis lags te/ lha da de'i dus la bab par dgongs shig /de nas rgyal po legs mthong chen po 'di snyam du sems te/ 'di ltar chos dang mthun pa'i khang bzangs 'dir thog mar bdag kho na gnas pa ni bdag gi cha ma yin pas ma 
la bdag gis bdag gi yul na dge sbyong dang / bram ze dang tshul bzang por bkur ba gang dag gnas pa de dag chos dang mthun pa'i khang bzangs su thog ma kho nar zan byin la/ re re la yang ras bcos bu sar pa zung re bskon no snyam mo/ /de nas rgyal po legs mthong chen pos rang gi 
yul na dge sbyong dang / bram ze dang tshul bzang por bkur ba gang dag gnas pa de dag thog ma kho nar chos dang mthun pa'i khang bzangs su zan byin nas/ re re la yang ras bcos bu sar pa zung re bskon no/ /de nas yang rgyal po legs mthong chen po 'di snyam du sems te/ chos dang mthun 
pa'i khang bzangs su bdag gis 'dod pa'i yon tan lnga 'byor cing ldan par gyur pa rtse ba dang / dga' ba dang / dga' mgur spyod pa ni bdag gi tshul ma yin pas ma la bdag gis chos dang mthun pa'i khang bzangs su skyes bu nye gnas gcig dang / rgyal po'i drang srong gi 
tshangs par spyod pa spyad do snyam mo/ /de nas rgyal po legs mthong chen po chos dang mthun pa'i khang bzangs su skyes bu nye gnas gcig dang rgyal po'i drang srong gi tshangs par spyod pa spyad do/ /de nas rgyal po legs mthong chen po gser las byas pa'i khang pa rtseg ma'i nang du 
zhugs nas dngul las byas pa'i khri la 'dug go/ /khri la 'dug nas 'dod pa dag las dben pa/ sdig pa mi dge ba'i chos rnams las dben pa/ rtog pa dang bcas pa/ dpyod pa dang bcas pa/ dben pa las skyes pa'i dga' ba dang / bde ba can bsam gtan dang 

</font><hr>11-1-271a<br><font size=+1>
po rdzogs par byas te gnas so/ /dngul las byas pa'i khri las babs te gser las byas pa'i khang pa rtseg ma nas byung nas dngul las byas pa'i khang pa rtseg ma'i nang du zhugs te gser las byas pa'i khri la 'dug go/ /khri la 'dug nas 'dod pa dag las dben 
pa zhes bya ba nas/ bsam gtan dang po rdzogs par byas te gnas so zhes bya ba'i bar gong ma bzhin no/ /gser las byas pa'i khri las babs nas dngul las byas pa'i khang pa rtseg ma nas byung nas bai DUr+ya las byas pa'i khang pa rtseg ma'i nang du zhugs nas shel las byas pa'i khri la 
'dug go/ /khri la 'dug nas 'dod pa dag las dben pa zhes bya ba nas/ bsam gtan dang po rdzogs par byas te gnas so zhes bya ba'i bar gong ma bzhin no/ /shel las byas pa'i khri las babs te bai DUr+ya las byas pa'i khang pa rtseg ma nas byung nas shel las byas pa'i khang pa rtseg 
ma'i nang du zhugs nas bai DUr+ya las byas pa'i khri la 'dug go/ /khri la 'dug nas 'dod pa dag las dben pa zhes bya ba nas/ bsam gtan dang po rdzogs par byas te gnas so/ /zhes bya ba'i bar gong ma bzhin no/ /de nas bud med brgyad khri bzhi stong btsun mo rin po che ga la ba 
der dong ste lhags nas btsun mo rin po che la 'di skad ces smras so/ /lha mo mkhyen par mdzod cig /bdag cag ni lha ma mthong nas ring zhig lags te/ bdag cag ni lha mthong bar shin tu skom pas bdag cag ni lha blta bar 'tshal lo/ /phu nu mo khyed cag de'i phyir sdod cig dang / 
ci tsam ngas blon po rin po che la dri bar bya'o/ /de nas btsun mo rin po ches blon po rin po che pho nyas bkug nas 'di skad ces smras so/ /dmag dpon shes par byos shig /nged kyis lha ma mthong nas ring zhig lon te/ nged lha la blta bar shin tu skom pas deng ni lha blta bar 'dod 
do/ /de'i phyir sring mo dag khyed thams cad rgyan ser po/ gos ser po/ phreng ba dang / phyang phrul dang / byug pa ser po/ /'khor rnams ser por chos shig dang / ji tsam bdag gis mtha'i rgyal phran brgyad khri bzhi stong dang / glang po che'i rgyal po nye ba'i gso sbyong la sogs 

</font><hr>11-1-271b<br><font size=+1>
pa glang po che brgyad khri bzhi stong dang / rta'i rgyal po sprin gyi shugs can la sogs pa rta brgyad khri bzhi stong dang / shing rta dga' dbyangs la sogs pa shing rta brgyad khri bzhi stong bsdu bar bgyi'o/ /de nas btsun mo thams cad rgyan ser po dang / gos ser po dang / phreng ba dang / phyang 
phrul dang / byug pa ser por 'khor rnams ser por chas so/ /de nas blon po rin po che mtha'i rgyal phran brgyad khri bzhi stong dang / glang po che'i rgyal po nye ba'i gso sbyong la sogs pa glang po che brgyad khri bzhi stong dang / rta'i rgyal po sprin gyi shugs can la sogs pa rta brgyad khri 
bzhi stong dang / shing rta dga' dbyangs la sogs pa shing rta brgyad khri bzhi stong bsdus so/ /bsdus nas btsun mo rin po che ni shing rta dga' dbyangs su zhugs/ bud med lhag ma gzhan ni rang rang gi shing rtar zhugs te chos dang mthun pa'i khang bzangs ga la bar dong ngo / /de'i tshe chos 
dang mthun pa'i khang bzangs kyi 'og nas skye bo phal po che'i sgra mang po dang / sgra chen po dag grag pa dang / rgyal po legs mthong chen pos chos dang mthun pa'i khang bzangs kyi 'og na skye bo phal po che'i sgra grag pa thos so/ /thos nas skyes bu nye gnas la 'di skad ces smras so/ /
kye skyes bu chos dang mthun pa'i khang bzangs 'di'i 'og na skye bo phal po che'i sgra mang po dang / sgra chen po grag pa 'di ci zhig yin/ lha de na btsun mo rin po che la sogs pa bud med brgyad khri bzhi stong chos dang mthun pa'i khang bzangs kyi 'og nas lha blta bar 'tshal te/ blon po rin po che 
la sogs pa mtha'i rgyal phran brgyad khri bzhi stong dang / glang po che'i rgyal po nye ba'i gso sbyong la sogs pa glang po che brgyad khri bzhi stong dang / rta'i rgyal po sprin gyi shugs can la sogs pa rta brgyad khri bzhi stong dang / shing rta dga' dbyangs la sogs pa shing rta brgyad khri bzhi stong chos dang mthun pa'i 
khang bzangs 'di'i 'og nas mchi ba lags so/ /kye skyes bu khyod kyis de'i phyir chos dang mthun pa'i khang bzangs kyi shod du gang la nga 'dug nas skye bo mang po lta ba gser las byas pa'i stan bzang po shoms shig /lha bka' bzhin 'tshal zhes skyes bu des rgyal po legs mthong chen po'i ltar 

</font><hr>11-1-272a<br><font size=+1>
mnyan nas chos dang mthun pa'i khang bzangs kyi shod du gser las byas pa'i gdan bzang po bshams te rgyal po legs mthong chen po ga la bar song nas phyin te rgyal po legs mthong chen po la 'di skad ces smras so/ /lha chos dang mthun pa'i khang bzangs kyi shod du gser 
las bgyis pa'i gdan bzang po bshams lags na/ lha da de'i dus la bab par dgongs su gsol/ de nas rgyal po legs mthong chen po chos dang mthun pa'i khang bzangs nas 'bab pa na bud med de thams cad rgyan ser po dang / gos ser po dang / phreng ba dang / phyang phrul dang / byug 
pa ser po dang / 'khor ser por chas pa mthong ngo / /mthong nas kyang kye ma bud med 'di dag ni chags par 'gyur ro snyam du rig nas gnam du lta zhing 'dug pa dang / btsun mo rin po ches rgyal po legs mthong chen po gnam du lta zhing 'dug pa mthong ngo / /mthong nas 'di snyam du 
sems te/ ji ltar lhas bdag cag mthong nas gnam du lta zhing 'dug pa dang sbyar na/ lhas bdag cag la gnod pa zhig byed par mi 'gyur grang snyam mo/ /de nas rgyal po legs mthong chen po chos dang mthun pa'i khang bzangs nas babs nas gser las byas pa'i stan bzang po 
bshams pa la 'dug pa dang / btsun mo rin po che rgyal po legs mthong chen po ga la ba der song ste phyin nas rgyal po legs mthong chen po'i rkang pa la mgo bos phyag 'tshal nas phyogs gcig tu 'dug go/ /phyogs gcig tu 'dug nas btsun mo rin po ches rgyal po legs mthong 
chen po la 'di skad ces smras so/ /bud med brgyad khri bzhi [(]stang [,]stong [)]po 'di dag ni lha'i lags kyis/ lha 'di dag la dgyes pa bskyed pa dang 'tsho ba'i slad du gzigs su gsol/ blon po rin po che la sogs pa mtha'i rgyal phran brgyad khri bzhi stong dang / glang po che'i rgyal po nye ba'i 
gso sbyong la sogs pa glang po che brgyad khri bzhi stong dang / rta'i rgyal po sprin gyi shugs can la sogs pa rta brgyad khri bzhi stong dang / shing rta dga' dbyangs la sogs pa shing rta brgyad khri bzhi stong dang / rgyal po'i pho brang rtswa can la sogs pa grong khyer brgyad khri bzhi stong dang / khang 

</font><hr>11-1-272b<br><font size=+1>
pa rtseg ma ba gam can la sogs pa khang pa rtseg ma brgyad khri bzhi stong 'di dag ni lha'i lags kyis/ lha 'di dag la dgyes par bskyed pa dang / 'tsho ba'i slad du gzigs su gsol/ sring mo khyod sngon ni nga la mdza' bshes bzhin byed na da ni khyod kyis 'gran zlar byas so/ /
de nas btsun mo rin po che rgyal po legs mthong chen pos sring mo zhes bya ba'i tshig gis bos pas ngus te mchi ma phyung nas 'di skad ces smras so/ /ji ltar lhas bdag cag la sring mo zhes bka' stsal te bos pas da ni bdag cag ring po mi thogs par lha dang thabs cig tu mi 'gyur te 
'bral ba dang / 'gyes pa dang / rnam par 'bral bar 'gyur ro/ /de nas btsun mo rin po ches rgyal po legs mthong chen po'i gos kyi mtha' ma nas bzung ste/ mchi ma blags nas 'di skad ces smras so/ /lhas bdag cag la sngon mdza' bshes bzhin 'gran zla ma mchis par bgyis pa de 
ji lta bu lags/ sring mo khyod tshur shog 'di skad ces mi rnams ni yun thung ngur 'tsho ba skyes nas mi 'chi ba med cing tshe rabs gzhan du 'gro bar 'gyur bas dge ba byos shig /tshangs par spyad pa la spyod cig ces smros shig /lha gang dag skad cig thang cig yud tsam la lha'i sku thams cad 
nas thams cad du 'jig par 'gyur zhing mi dga' ste/ gang lha'i bud med brgyad khri bzhi stong la 'dun pa dang / chags pa dang / sdug pa dang / dgyes pa dang / yid du 'ong bar 'gyur ba'i gnas de 'tsho bar bgyi ba'i slad du lhas spang bar mdzad du gsol/ gang dag lhas blon po 
rin po che la sogs pa khams kyi rgyal phran brgyad khri bzhi stong dang / glang po che'i rgyal po nye ba'i gso sbyong la sogs pa glang po che brgyad khri bzhi stong dang / rta'i rgyal po sprin gyi shugs can la sogs pa rta brgyad khri bzhi stong dang / shing rta dga' dbyangs la sogs pa shing rta brgyad khri bzhi stong dang / 
rgyal po'i pho brang rtswa can la sogs pa grong khyer brgyad khri bzhi stong dang / khang pa rtseg ma ba gam can la sogs pa khang pa rtseg ma brgyad khri bzhi stong la 'dun pa dang / chags pa dang / sdug pa dang / dgyes pa dang / yid du 'ong bar 'gyur ba'i gnas de lha 'tsho bar bgyi ba'i 

</font><hr>11-1-273a<br><font size=+1>
slad du spang zhing yal bar dor du gsol/ de dag gis smras pa/ 'di ltar bdag cag ni lha la mdza' bshes bzhin bgyid de 'gran zlar mi bgyid na/ lhas mi rnams ni yun thung ngur 'tsho ba skyes nas mi 'chi ba med cing tshe rabs gzhan du mchi bar 'gyur bas 
dge ba bgyi'o/ /tshangs par spyod pa spyad do/ /lha gang dag skad cig thang cig yud tsam la lha'i sku thams cad nas thams cad du 'jig par 'gyur zhing mi dga' ste/ gang lha'i bud med brgyad khri bzhi stong la 'dun pa dang / chags pa dang / sdug pa dang / dgyes pa dang / 
yid du mchi bar 'gyur ba'i gnas de dag lha 'tsho bar bgyi ba'i slad du spang zhing btang snyoms su mdzad du gsol/ gang dag lhas blon po rin po che la sogs pa mtha'i rgyal phran brgyad khri bzhi stong dang / glang po che'i rgyal po nye ba'i gso sbyong la sogs pa glang po che brgyad 
khri bzhi stong dang / rta'i rgyal po sprin gyi shugs can la sogs pa rta brgyad khri bzhi stong dang / shing rta dga' dbyangs la sogs pa shing rta brgyad khri bzhi stong dang / rgyal po'i pho brang rtswa can la sogs pa grong khyer brgyad khri bzhi stong dang / khang pa rtseg ma ba gam can la 
sogs pa khang pa rtseg ma brgyad khri bzhi stong la 'dun pa dang / chags pa dang / sdug pa dang / dgyes pa dang / yid du mchi bar 'gyur ba'i gnas de lha 'tsho bar bgyi ba'i slad du spang zhing btang snyoms su mdzad du gsol/ de nas rgyal po legs mthong chen po 
la btsun mo rin po ches gdams pa 'di btams pa dang / chos dang mthun pa'i khang bzangs su 'dzegs te/ gser las byas pa'i khang pa rtseg mar zhugs nas/ dngul las byas pa'i khri'i steng na 'dug go/ /khri'i steng du 'dug nas byams pa dang ldan pa'i 
sems 'khon med pa/ 'gran zla med pa/ gnod pa med pa/ yangs pa/ rgya chen por gyur pa/ tshad med pa shin tu bsgoms pas phyogs gcig tu mos te khyab par byas nas rdzogs par byas te gnas so/ /de bzhin du gnyis pa dang / de bzhin du gsum pa dang / de 

</font><hr>11-1-273b<br><font size=+1>
bzhin du bzhi pa dang / bla dang / 'og dang / thad kar rnam pa thams cad du thams cad dang ldan pa'i 'jig rten 'di byams pa dang ldan pa'i sems 'khon med pa/ 'gran zla med pa/ gnod pa med pa/ yangs pa/ rgya chen por gyur pa/ tshad med pa/ shin tu bsgoms pas 
phyogs gcig tu mos te khyab par byas nas rdzogs par byas te gnas so/ /dngul las byas pa'i khri las babs nas gser las byas pa'i khang pa rtseg ma nas byung ste/ dngul las byas pa'i khang pa rtseg mar zhugs nas gser las byas pa'i khri la 'dug go/ /khri la 'dug 
nas snying rje dang ldan pa'i sems 'khon med pa/ 'gran zla med pa/ gnod pa med pa/ yangs pa/ rgya chen por gyur pa/ tshad med pa/ shin tu bsgoms pas phyogs gcig tu mos te khyab par byas nas rdzogs par byas te gnas so/ /de bzhin du gnyis pa dang / de bzhin du 
gsum pa dang / de bzhin du bzhi pa dang / steng dang / 'og dang / thad kar rnam pa thams cad du thams cad dang ldan pa'i 'jig rten 'di snying rje dang ldan pa'i sems 'khon med pa/ 'gran zla med pa/ gnod pa med pa/ yangs pa/ rgya chen por gyur pa/ tshad med pa/ shin tu 
bsgoms pas phyogs gcig tu mos te khyab par byas nas rdzogs par byas te gnas so/ /gser las byas pa'i khri las babs te dngul las byas pa'i khang pa rtseg ma nas byung nas bai DUr+ya las byas pa'i khang pa rtseg mar zhugs te shel las byas pa'i khri la 'dug go/ /khri la 
'dug nas dga' ba dang ldan pa'i sems 'khon med pa/ 'gran zla med pa/ gnod pa med pa/ yangs pa/ rgya chen por gyur pa/ tshad med pa/ shin tu bsgoms pas phyogs gcig tu mos te khyab par byas nas rdzogs par byas te gnas so/ /de bzhin du gnyis pa dang / de 
bzhin du gsum pa dang / de bzhin du bzhi pa dang / steng dang / 'og dang / thad kar rnam pa thams cad du thams cad dang ldan pa'i 'jig rten 'di dga' ba dang ldan pa'i sems 'khon med pa/ 'gran zla med pa/ gnod pa med pa/ yangs pa/ rgya chen por gyur pa/ tshad med pa/ shin 

</font><hr>11-1-274a<br><font size=+1>
tu bsgoms pas phyogs gcig tu mos te khyab par byas nas rdzogs par byas te gnas so/ /shel las byas pa'i khri las babs te bai DUr+ya las byas pa'i khang pa rtseg ma nas byung nas shel las byas pa'i khang pa rtseg mar zhugs te bai DUr+ya las byas pa'i 
khri la 'dug go/ /khri la 'dug nas btang snyoms dang ldan pa'i sems 'khon med pa/ 'gran zla med pa/ gnod pa med pa/ yangs pa/ rgya chen por gyur pa/ tshad med pa/ shin tu bsgoms pas phyogs gcig tu mos te khyab par byas nas rdzogs par byas te gnas so/ /
de bzhin du gnyis pa dang / de bzhin du gsum pa dang / de bzhin du bzhi pa dang / steng dang / 'og dang / thad kar rnam pa thams cad du thams cad dang ldan pa'i 'jig rten 'di btang snyoms dang ldan pa'i sems 'khon med pa/ 'gran zla med pa/ gnod pa med pa/ yangs 
pa/ rgya chen por gyur pa/ tshad med pa/ shin tu bsgoms pas phyogs gcig tu mos te khyab par byas nas rdzogs par byas te gnas so/ /de nas rgyal po legs mthong chen po tshangs pa'i gnas bzhi la gnas shing bsgoms te/ de lan mang du byas pas 'dod pa rnams dang / 
'dod pa la 'dun pa spangs te tshangs pa'i 'jig rten du skal ba mnyam par skyes par gyur to/ /kun dga' bo rgyal po legs mthong chen po 'chi ba'i tshe 'di 'dra ba'i tshor ba nyams su myong ste/ dper na skyes bu stobs dang ldan pa kha zas bzang po zos nas de'i mod la kha zas kyis dub par 
gyur pa bzhin no/ /kun dga' bo grong khyer rtswa can nas chu bo dbyig ldan gyi bar dang / shing sA la zung gi tshal gyi bar dang / gyad kyis dbu rgyan btags pa'i mchod rten gyi bar dpag tshad bcu gnyis kho ra khor yug 'di dag tu de bzhin gshegs pa'i sku lus 'khor los sgyur ba'i 
rgyal po mdzad pa'i tshe lan drug btang bar gyur cing / kun dga' bo der de bzhin gshegs pa dgra bcom pa yang dag par rdzogs par sangs rgyas pa'i bar dang lan bdun te/ kun dga' bos phyogs de las gang shar phyogs sam/ gang lho phyogs sam/ gang nub phyogs sam/

</font><hr>11-1-274b<br><font size=+1>
gang byang phyogs dag tu de bzhin gshegs pa'i sku lus 'dor bar 'gyur ba brgyad pa ni ngas ma mthong ngo / /de ci'i phyir zhe na/ srid pa'i sred pa bcad cing 'khor bar skye bar zad pas 'di las srid pa gzhan mi 'byung ngo / /de'i tshe tshe dang ldan pa dpe can bcom ldan 'das kyi spyan 
snga na 'dug pa dang / bcom ldan 'das kyis tshe dang ldan pa dpe can la kwa'i dge slong nga'i mdun na ma 'dug cig ces bka' stsal to/ /de nas tshe dang ldan pa kun dga' bos bcom ldan 'das la 'di skad ces gsol to/ /btsun pa bdag gis dgung lo nyi shu lhag gi bar du 
bcom ldan 'das kyi zhabs 'bring nye gnas bgyis na 'di ltar tshe dang ldan pa dpe can la bka' drag tu phab cing smad pa ni sngan chad bdag gis ma thos so/ /'di ltar kun dga' bo tshe bskal pa brgya phrag mang po thub pa'i lha rnams 'di snyam du de bzhin gshegs pa dgra bcom pa yang 
dag par rdzogs pa'i sangs rgyas ni brgya lam na res 'ga' zhig ci zhig ltar 'jig rten 'dir 'byung ste/ dper na me tog u dum bA ra bzhin la/ bcom ldan 'das de yang deng gi mtshan mo'i gung thun la phung po lhag ma med pa'i dbyings su yongs su mya ngan las 'da' bar 'gyur 
la/ dge slong dbang che bar grags pa de yang bcom ldan 'das kyi spyan snga na 'dug ste/ des bdag cag la rgyab kyis bltas pas bcom ldan 'das la blta ba dang bsnyen bkur bya ba'i phyir 'gro ma nus so zhes 'phya bar byed/ smod par byed/ kha zer bar byed do/ /btsun 
pa bcom ldan 'das lha ji snyed cig mchis mkhyen par mdzad du gsol/ kun dga' bo ji tsam grong khyer rtswa can nas chu bo dbyig ldan gyi bar dang / ji tsam shing sA la zung gi tshal gyi bar nas gyad kyis dbu rgyan btags pa'i mchod rten gyi bar dpag tshad bcu gnyis kho 
ra khor yug tu dbang che ba/ dbang che bar grags pa'i lha rnams kyis ma khyab cing ma gang ba cung zad kyang med de chung ngu na khar ba gzugs pa'i khyon tsam yang med do/ /dge slong rnams the tshom skyes nas the tshom thams cad gcod pa/ sangs rgyas bcom ldan 'das la zhus pa/

</font><hr>11-1-275a<br><font size=+1>
btsun pa ci lags/ tshe dang ldan pa dpe can 'dis las ci zhig bgyis na dbang che bar grags par gyur/ bcom ldan 'das kyis bka' stsal pa/ dge slong dag dge slong dpe can 'dis las tshogs rnyed pa/ rkyen yongs su bsgyur ba/ 'od pa bzhin 
nye bar gnas pa gdon mi za bar 'byung bar 'gyur ba'i las byas shing bsags pa dag ni dge slong dpe can gyis las byas shing bsags pa gzhan su zhig gis myong bar 'gyur/ dge slong dag las byas shing bsags pa ni phyi rol gyi sa'i khams la rnam par smin par mi 'gyur/ chu'i 
khams la rnam par smin par mi 'gyur/ me'i khams la rnam par smin par mi 'gyur/ rlung gi khams la rnam par smin par mi 'gyur te/ 'di ltar las dge ba dang mi dge ba byas shing bsags pa dag ni zin pa'i phung po dang khams dang skye mched rnams la rnam par smin par 'gyur te/ 
las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu dag tu 'gyur ba yin/ /dge slong dag bskal pa bzang po 'di nyid la skye dgu rnams kyi tshe lo nyi khri thub pa na ston pa 'od srung zhes bya ba rig pa dang zhabs su ldan pa/ bde 
bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa/ sangs rgyas bcom ldan 'das 'jig rten du byung ste/ yul bA rA Na sI grong khyer drang srong smra ba ri dgas kyi nags na nye bar rten cing bzhugs pa de'i tshe de de'i gsung 
rab la rab tu byung bar gyur te/ ji tsam dus gzhan zhig na de dge skos kyi res bab pa dang / dge slong rnams snga dro'i dus kyi tshe sham thabs bgos lhung bzed dang chos gos thogs te yul bA rA Na sIr bsod snyoms kyi phyir zhugs pa dang / dgun gyi dus su dus ma yin par sprin chen po las 
char bab par gyur pa dang / des bsams pa/ tshangs pa mtshungs par spyod pa rnams dus ma yin pa'i char bab pas gsher nas grang bas nyen te 'ong bas me bud par bya'o snyam ste/ des bsro gang du zhugs nas me bus te/ khyams kho ra khor yug tu gzar thag bres nas gtsug lag khang 

</font><hr>11-1-275b<br><font size=+1>
gi sgo na slar 'ong ba lta zhing 'dug go/ /ji tsam na dge slong rnams slar 'ong ba dang / de nas bsro gang du stan bting ngo / /dge slong de dag gis rang rang gi chos gos gzhan la byin nas gang char gyis gsher ba de dag gzar thag la gzar to/ /de nas dge slong de dag bsro gang du zhugs 
te me la bskor nas me 'de zhing 'dug pa dang / ji tsam na grang ba med par gyur te/ de dag me'i 'od tsha nas rgyab kyis phyogs te 'dug go/ /de nas dge skos de dad pa skyes nas dge slong de rnams kyi rkang pa la phyag 'tshal te smon lam bya bar brtsams pa gang bdag gis tshangs par spyod pa 'di 
dag grang bas nyen pa'i skyabs byas pa'i dge ba'i rtsa ba 'dis gang su dag yang dag par rdzogs pa'i sangs rgyas 'od srung gis bram ze'i khye'u bla ma zhes bya ba la bram ze'i khye'u skye dgu'i tshe lo brgya thub pa'i tshe de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes 
bya bar 'gyur ro zhes lung bstan pa thob pa de'i bstan pa la bdag rab tu byung nas nyon mongs pa thams cad rab tu spangs te dgra bcom pa mngon sum du byas nas/ ji ltar de dag gis me'i 'od mi bzod pa de bzhin du bdag gi gzi brjid la lha rnams kyis kyang mi bzod par gyur cig ces de skad 
smon lam btab pa'i dbang gis 'di nga'i bstan pa la rab tu byung ste nyon mongs pa thams cad spangs nas dgra bcom pa mngon du byas te dbang che bar grags pas lha rnams kyis kyang gzi brjid zil gyis gnon mi nus so/ /de nas tshe dang ldan pa kun dga' bos bcom ldan 'das la 'di skad ces gsol 
to/ /btsun pa bcom ldan 'das 'das pa'i 'og tu bcom ldan 'das kyi sku gdung la bdag cag gis mchod pa ji snyed cig brtson par bgyi lags/ kun dga' bo khyod snying las chung ngur gyis shig /'di ni bram ze dang / khyim bdag dad pa can dag sgrub par 'gyur ro/ /btsun pa bram ze 
dang / khyim bdag dad pa can dag gis 'di la ji ltar sgrub par bgyid lags/ kun dga' bo 'di lta ste/ 'khor los sgyur ba'i rgyal po la bya ba bzhin du byed do/ /btsun pa 'khor los sgyur ba'i rgyal po la ji ltar bgyid lags/ kun dga' bo 'khor los sgyur ba'i rgyal po ni lus shing 

</font><hr>11-1-276a<br><font size=+1>
bal gyi 'da' bas dkri zhing shing bal gyi 'da' bas dkris nas ras zung lnga brgyas g.yog par bya/ ras zung lnga brgyas g.yogs te lcags kyi sgrom du bcug nas 'bru mar gyis bkang ste steng nas lcags kyi kha gab gnyis kyis bkab nas dri zhim po'i shing thams cad 
spungs te/ des bsregs nas me de dag 'o mas bsad de de'i rus pa gser gyi bum pa'i nang du bcug nas lam po che'i bzhi mdor rus pa'i mchod rten brtsigs nas gdugs dang / rgyal mtshan dang / ba dan btsugs te/ dri dang / phreng ba dang / bdug pa dang / phye ma dang / rol mo'i 
sgras bkur stir byed/ bla mar byed/ ri mor byed/ mchod par byed cing dus ston chen po yang byed do/ /kun dga' bo 'khor los sgyur ba'i rgyal po la bya ba de bzhin du de bzhin gshegs pa dgra bcom pa yang dag par rdzogs pa'i sangs rgyas la de bas kyang lhag par bya'o/ /kun dga' bo song 
la grong khyer rtswa can gyi gyad rnams la gnas 'jog dag khyed kyi ston pa ni deng gi mtshan mo'i gung thun la phung po lhag ma med pa'i mya ngan las 'das pa'i dbyings su yongs su mya ngan las 'da' bar 'gyur bas gyad khyed kyi bya ba dang sgrub pa dag der byos la/ da phyin chad grong gi nyen kor pa bdag 
cag gi ston pa phung po lhag ma med pa'i mya ngan las 'das pa'i dbyings su mya ngan las 'das te/ bdag cag gis de la blta ba dang bsnyen bkur bya ba'i phyir 'gro ma nus so zhes 'gyod par ma byed cig ces smros shig /bka' bzhin 'tshal zhes tshe dang ldan pa kun dga' bos bcom ldan 'das 
kyi ltar mnyan nas snam sbyar blangs te/ dge slong gzhan dag dang / phyi bzhin 'brang ba'i dge sbyong dang bcas te/ grong khyer rtswa can gyi gyad rnams kyi 'dun khang ga la bar song ste/ phyin pa dang / de'i tshe grong khyer rtswa can gyi gyad rnams kyi 'dun khang na gyad lnga brgya tsam zhig bya ba dag 
cig gi don du 'dus shing 'dug par gyur to/ /de nas tshe dang ldan pa kun dga' bos rtswa can gyi gyad rnams la 'di skad ces smras so/ /kye grong khyer rtswa can gyi gyad kyi 'khor mang po tshogs shing 'dus pa shes ldan gnas 'jog dag nyon cig /ston pa ni deng gi mtshan mo'i gung 

</font><hr>11-1-276b<br><font size=+1>
thun 'di la phung po lhag ma med pa'i mya ngan las 'das pa'i dbyings su mya ngan las 'da' bar 'gyur bas gyad khyed kyi bya ba dang sgrub pa dag der byos la/ da phyin chad grong gi nye 'khor pa bdag cag gi ston pa phung po lhag ma med pa'i mya ngan las 'das pa'i dbyings su mya ngan las 'das te/ 
bdag cag gis de la blta ba dang bsnyen bkur bya ba'i phyir 'gro ma nus so zhes 'gyod par ma byed cig /de nas grong khyer rtswa can gyi gyad rnams kyis tshe dang ldan pa kun dga' bo'i ltar mnyan nas de dag gi bu dang / chung ma dang / bran pho dang / bran mo dang / las byed pa dang / zho shas 
'tsho ba dang / de dag gi mdza' bshes dang / nye du dang / blon po dang / snag gi gnyen mtshams rnams grong khyer rtswa can nas byung nas shing sA la zung gi tshal ga la bar song ste phyin nas bcom ldan 'das kyi zhabs gnyis la mgo bos phyag 'tshal te phyogs gcig tu 'dug pa dang / grong 
khyer rtswa can gyi gyad rnams la bcom ldan 'das kyis chos dang mthun pa'i gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad do/ /de nas grong khyer rtswa can gyi gyad gtso bo gtso bo dag stan las 
langs nas bla gos phrag pa gcig tu gzar te/ bcom ldan 'das ga la ba de logs su thal mo sbyar ba btud nas bcom ldan 'das la 'di skad ces gsol to/ /btsun pa bdag cag ni 'di ltar grong khyer rtswa can gyi gyad ces bgyi ba lags te/ sangs rgyas dang / chos dang / dge 
slong gi dge 'dun la skyabs su mchis te bslab pa'i gzhi rab tu gzung bar bgyi'o/ /de nas tshe dang ldan pa kun dga' bo 'di snyam du sems te/ gal te grong khyer rtswa can gyi gyad rnams re re nas bcom ldan 'das kyi spyan sngar 'dug ste/ dge bsnyen gyi so sor bshags pa byar/ 
grong khyer rtswa can gyi gyad rnams nam phyed na slar yang 'gro dgos te/ so sor bshags par mi 'gyur bas ma la bdag gis bcom ldan 'das kyi spyan sngar 'dug ste/ grong khyer rtswa can gyi gyad rnams dge bsnyen gyi so sor bshags pa cig car gdon par bya'o snyam mo// //'dul ba 

</font><hr>11-1-277a<br><font size=+1>
phran tshegs kyi gzhi/bam po lnga bcu bzhi pa/ de nas tshe dang ldan pa kun dga' bo stan las langs te bla gos phrag pa gcig tu gzar nas bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa 
'di ltar grong khyer rtswa can gyi gyad rnams dang / de dag gi bu dang / chung ma dang / bran pho dang / bran mo dang / las byed ma dang / zho shas 'tsho ba dang / mdza' bo dang / blon po dang / nye du dang / snag gi gnyen mtshams 'di rnams sangs rgyas dang / chos dang / dge slong gi dge 'dun la 
skyabs su mchi ste/ bslab pa'i gzhi rab tu 'dzin du stsal bar bgyi'o/ /de nas tshe dang ldan pa kun dga' bo grong khyer rtswa can gyi gyad de dang de dag dang / bcom ldan 'das kyi spyan sngar 'dug ste/ de'i mtshan mo gung thun ma 'das par dge bsnyen gyi so sor bshags par byas so/ /de nas 
grong khyer rtswa can gyi gyad rnams bcom ldan 'das kyis gsungs pa la mngon par dga' ste rjes su yi rangs nas/ bcom ldan 'das kyi zhabs gnyis la mgo bos phyag 'tshal nas bcom ldan 'das kyi spyan snga nas song ngo / /gang gi tshe byang chub sems dpa' dga' ldan gyi gnas na 
bzhugs pa'i tshe gzigs pa lngas gzigs te/ 'dod pa na spyod pa'i lha drug la lan gsum du sbyang ba mdzad nas glang po cher bstan te yum gyi lhums su zhugs pa de'i tshe lha'i dbang po brgya byin gyis dri za'i rgyal po rab dga' la 'di skad ces smras so/ /rab dga' shes par gyis shig /
bcom ldan 'das dga' ldan gyi gnas na bzhugs pa gzigs pa lngas gzigs te/ 'dod pa na spyod pa'i lha drug la lan gsum du sbyang ba mdzad nas glang po cher bstan te yum gyi lhums su zhugs kyis de bsrung bar bya ba'i phyir 'dong ngo / /des smras pa/ kho bo ni re zhig glu dbyangs len gyis 
kau shi ka song shig /gang gi tshe byang chub sems dpa' yum gyi lhums nas byung ba de'i tshe yang lha'i dbang po brgya byin gyis dri za'i rgyal po rab dga' la 'di skad ces smras so/ /rab dga' shes par gyis shig /bcom ldan 'das byang chub sems dpa' yum gyi lhums nas byung gis de'i zhal ta dang /

</font><hr>11-1-277b<br><font size=+1>
g.yog bya ba'i phyir 'deng ngo / /des smras pa/ kho bo ni re zhig glu dbyangs len gyis kau shi ka song shig /gang gi tshe bcom ldan 'das byang chub sems dpa' gzhon nus rol cing rol pa de'i tshe yang lha'i dbang po brgya byin gyis dri za'i rgyal po rab dga' la 'di skad ces smras so/ /rab dga' shes par gyis 
shig /bcom ldan 'das byang chub sems dpa' gzhon nu rol pas rol cing bzhugs kyis de la bdag cag gis bsnyen bkur bya ba'i phyir 'deng ngo / /des smras pa/ kho bo ni re zhig glu dbyangs len pas kau shi ka song shig /gang gi tshe byang chub sems dpas rga ba dang / na ba dang / 'chi ba gzigs nas thugs byung ste 
dka' thub kyi nags tshal du zhugs so/ /gang gi tshe dka' ba spyad nas dka' thub las bzhengs pa de'i tshe grong pa'i bu mo dga' mo dang / dga' stobs mas lan bcu drug tu nying khur byas pa'i 'o thug sbrang rtsi ltar mngar ba gsol nas ci bder dbugs rngub pa dang / ci bder dbugs 'byung ba dang / ci bder 'bras chan 
dang / zan dron gyi zhal zas rags pa gsol zhing sku til mar dang / mar sar gyis byugs nas chu 'jam pos sku 'khru bar mdzad pa de'i tshe lha'i dbang po brgya byin gyis dri za'i rgyal po rab dga' la 'di skad ces smras so/ /rab dga' shes par gyis shig /bcom ldan 'das byang chub sems dpa' rga ba dang / na ba 
dang / 'chi ba gzigs te thugs byung nas dka' thub kyi nags tshal du zhugs nas dka' ba spyad do/ /gang gi tshe grong pa'i bu mo dga' mo dang / dga' stobs mas lan bcu drug tu nying khur byas pa'i 'o thug sbrang rtsi ltar mngar ba gsol nas ci bder dbugs rngub pa dang / ci bder dbugs 'byung ba dang / ci bder 
'bras chan dang / zan dron gyi zhal zas rags pa gsol zhing sku til mar dang / mar sar gyis byugs nas chu 'jam pos sku 'khru bar mdzad kyis de la bsnyen bkur bya ba'i phyir 'deng ngo / /des smras pa/ kho bo ni re zhig glu dbyangs len gyis kau shi ka song shig /gang gi tshe bcom ldan 'das kyis bdud 
'byung po'i 'khor bye ba phrag sum bcu rtsa drug btul te bla na med pa'i ye shes thugs su chud pa de'i tshe tshangs pas gsol te yul bA rA Na sIr gshegs nas lan gsum du bzlas te chos kyi 'khor lo rnam pa bcu gnyis su bskor nas de'i tshe bcom ldan 'das kyis phyogs gang dang gang dag na grong dang / grong khyer dang /

</font><hr>11-1-278a<br><font size=+1>
yul 'khor dang / rgyal po'i pho brang 'khor dang / ljongs de dang de dag tu gdul ba rnams btul te grong khyer rtswa can du gshegs nas tha ma'i gzims mal du zhugs pa de'i tshe lha'i dbang po brgya byin gyis dri za'i rgyal po rab dga' la 'di skad ces smras so/ /dri za'i rgyal po shes 
par gyis shig /bcom ldan 'das kyis bdud 'byung po'i 'khor bye ba phrag sum bcu rtsa drug btul te bla na med pa'i ye shes thugs su chud nas tshangs pas gsol te yul bA rA Na sIr gshegs nas lan gsum du bzlas te chos kyi 'khor lo rnam pa bcu gnyis su bskor nas de'i tshe phyogs gang dang gang dag na grong 
dang / grong khyer dang / yul 'khor dang / rgyal po'i pho brang 'khor dang / ljongs de dang de dag tu gdul ba rnams btul te grong khyer rtswa can du gshegs nas tha ma'i gzims mal du zhugs kyis de la chos mnyan pa'i phyir der 'deng bar bya'o/ /des smras pa/ kho bo ni re zhig glu dbyangs len gyis kau shi 
ka song shig /de nas yang lha'i dbang po brgya byin gyis dri za'i rgyal po rab dga' la 'di skad ces smras so/ /rab dga' shes par gyis shig /bcom ldan 'das tha ma'i gzims mal du zhugs te yongs su mya ngan las 'da' bar 'gyur gyis de la bdag cag bsnyen bkur bya ba'i phyir 'deng ngo / /des smras 
pa/ kho bo ni re zhig glu dbyangs len gyis kau shi ka song shig /bcom ldan 'das kyis dgongs pa/ kun du rgyu rab bzang ni ngas gdul bar rung na dri za'i rgyal po rab dga' ni gdul bar dka' ste/ nyan thos kyis gdul ba la ni de bzhin gshegs pas 'dul bar spyod kyi sangs rgyas kyis gdul ba 
la ni nyan thos kyis 'dul mi nus pas de lta bas na de bzhin gshegs pas gdul bar bya ba'i mkhyen pa ni bla na med de/ ma la 'di bdag gis gdul bar bya gor ma chag snyam du dgongs nas ji ltar thugs mnyam par snyoms par zhugs na tha ma'i gzims mal du sprul pa bzhag nas pi bang rgyud 
stong pa khog pa bai DUr+ya las byas pa bsnams te tha ma'i gzims mal nas byung nas sum bcu rtsa gsum pa'i lha rnams kyi nang dri za'i rgyal po rab dga'i sgo na bzhugs par 'gyur ba de lta bu'i ting nge 'dzin la snyoms par zhugs so/ /dri za'i rgyal po rab dga' yang gang nga lta bu ni med do zhes dri za'i rgyal po 

</font><hr>11-1-278b<br><font size=+1>
rab dga' dregs par gyur te/ des pi bang snyan pa snyan pa blangs nas yid rab tu dga' bar gyur cing 'dug go/ /de nas bcom ldan 'das kyis sgo srung gi skyes bu la 'di skad ces bka' stsal to/ /kwa'i skyes bu song la dri za'i rgyal po rab dga' la sgo gar dri za zhig shes ldan blta ba'i phyir 'ongs so 
zhes byos shig /de song nas smras pa dang / de dregs pas myos nas smras pa/ kwa'i ci zer cing las gzhan pa'i dri za yang yod dam/ des smras pa/ gzhan dag lta re zhig smos kyang mi 'tshal gyi sgo drung 'di kho na na mchis lags so/ /dri za de dregs pas myos pa'i shugs kyis mod la sgor byung ste/ des smras 
pa/ kwa'i skyes bu khyod dri za yin nam/ bcom ldan 'das kyis bka' stsal pa/ kwa'i nga dri za te por yin no/ /des smras pa/ gal te de lta na glu dbyangs blang gis tshur shog /bcom ldan 'das kyis bka' stsal pa/ kwa'i legs kyis de bzhin bya'o zhes ji tsam bcom ldan 'das dang de lhan cig 'gran to/ /bcom 
ldan 'das kyis rgyud gcig bcad pa dang / des kyang rgyud gcig bcad de pi bang gnyis ka'i rgyud dang sgra mnyam mo/ /bcom ldan 'das kyis rgyud gnyis bcad pa dang / de bzhin du sgra dang gdangs khyad par med do/ /de bzhin du gsum pa dang / bzhi pa nas/ rgyud gcig pa'i bar du bzhag pa dang / rab dga'as 
kyang gnyis pa dang / gsum pa dang / bzhi pa nas/ rgyud gcig pa'i bar du bzhag na de bzhin du pi bang gnyis ka skad dang gdangs khyad par med do/ /de nas bcom ldan 'das kyis rgyud gcig pa yang bcad de/ nam mkha' kho na la yang sgra dang gdangs de bzhin du gyur pa dang / dri za'i rgyal po rab dga' ngo 
mtshar skyes nas nga rgyal gyis dregs pa med par gyur nas des bsams pa/ bdag pas 'phags pa'i dri za gzhan yang yod pa lta snyam mo/ /de nas bcom ldan 'das kyis dri za'i cha byad mi snang bar mdzad de/ bcom ldan 'das skyes bu chen po'i mtshan sum bcu rtsa gnyis dang / dpe byad bzang po brgyad bcu 
dang ldan zhing / sku nyi ma stong gi 'od bas lhag pa 'od 'dom gang gis brgyan pa/ rin po che'i ri ltar kun nas bzang ba/ rang gi sku nyid du bzhugs pa dang / dri za'i rgyal po rab dga'as mthong ste/ de dad pa skyes nas bcom ldan 'das kyi zhabs la phyag 'tshal te/ chos mnyan pa'i phyir spyan snga na 'dug 

</font><hr>11-1-279a<br><font size=+1>
pa dang / bcom ldan 'das kyis de'i bsam pa dang / bag la nyal ba dang / khams dang / rang bzhin mkhyen nas 'phags pa'i bden pa bzhi rtogs par 'gyur ba de lta bu'i chos bshad de/ gang thos pas dri za'i rgyal po rab dga'as 'jig tshogs la lta ba'i ri'i rtse mo nyi shu 
mtho ba ye shes kyi rdo rjes bcom ste rgyun du zhugs pa'i 'bras bu mngon sum du byas nas/ des bden pa mthong ste lan gsum du ched du brjod pas ched du brjod pa/ btsun pa 'di lta bu ni bdag la phas ma bgyis te/ mas kyang ma lags/ rgyal pos ma lags/ lhas ma lags/ mdza' bos ma 
lags/ rang gi skye bo dang gnyen gyi tshogs kyis ma lags/ sngon gyi 'das pas ma lags/ dge sbyong dang bram ze rnams kyis ma lags pa gang lags pa de bcom ldan 'das kyis bdag la mdzad de/ khrag dang mchi ma'i rgya mtsho ni bskams/ rus pa'i ri bo las ni bsgral/ ngan song gi sgo ni 
bkum/ mtho ris dang thar pa'i sgo ni phye ste/ bdag lha dang mi'i gnas su bzhag pas/ btsun pa bdag nam bcom ldan 'das dang / chos dang / dge 'dun la skyabs su mchi lags kyis/ dge bsnyen du gzung du gsol/ deng slan chad nas ji srid 'tsho'i bar du srog gcod pa las log 
ste/ mngon par dad nas skyabs su mchi lags so/ /de nas bcom ldan 'das kyis dri za'i rgyal po rab dga' la chos dang ldan pa'i gtam gyis yang dag par bstan/ yang dag par 'dzin du bcug /yang dag par gzengs bstod/ yang dag par rab tu dga' bar mdzad do/ /ji 
ltar thugs mnyam par bzhag na sum bcu rtsa gsum pa'i lha rnams kyi nang nas mi snang bar gyur cing tha ma'i gzims mal du zhugs pa de lta bu'i ting nge 'dzin la snyoms par zhugs so/ /de'i tshe grong khyer rtswa can na kun du rgyu rab bzang zhes bya ba/ rgas pa/ rnyings pa/ 'khogs pa/ lo 
brgya nyi shu lon pa de la grong khyer rtswa can gyi gyad rnams kyis bkur stir byed/ bla mar byed/ ri mor byed/ mchod par byed de dgra bcom par grags pa zhig gnas so/ /de grong khyer rtswa can rdzing dal gyis 'bab pa'i 'gram u dum bA ra'i tshal gyi drung na nyin par gyi spyod pas gnas pa dang / gang 

</font><hr>11-1-279b<br><font size=+1>
gi tshe bcom ldan 'das byang chub sems dpa' dga' ldan gyi gnas na bzhugs pa gzigs pa lngas gzigs te/ 'dod pa na spyod pa'i lha drug la lan gsum du sbyang ba mdzad nas glang po cher bstan te yum gyi lhums su zhugs pa de'i tshe u dum bA ra'i tshal sbal mig 'thon par 'gyur ro/ /gang 
gi tshe yum gyi lhums nas byung ba de'i tshe sbal mig bye bar 'gyur ro/ /gang gi tshe gzhon nu rol pas rol pa de'i tshe me tog kha 'bus par 'gyur ro/ /gang gi tshe rga ba dang / na ba dang / 'chi ba gzigs te thugs byung nas dka' thub kyi nags tshal du zhugs pa de'i tshe me tog kha bye bar 'gyur ro/ /
gang gi tshe dka' ba spyod pa de'i tshe me tog kha bye ba rnyings par 'gyur ro/ /gang gi tshe dka' ba spyad pa don med par mkhyen nas ci bder dbugs rngub pa dang / ci bder dbugs 'byung ba dang / ci bder 'bras chan dang / zan dron gyi zhal zas rags pa gsol zhing / sku til mar dang / mar 
sar gyis byugs te zhes bya ba nas/ bla na med pa yang dag par rdzogs pa'i byang chub mngon par rdzogs par sangs rgyas pa zhes bya ba'i bar snga ma bzhin te/ de'i tshe me tog thams cad rgyas par 'gyur ro/ /gang gi tshe bcom ldan 'das la tshangs pas gsol te yul bA rA Na sIr gshegs nas lan 
gsum du bzlas te chos kyi 'khor lo rnam pa bcu gnyis su bskor ba de'i tshe u dum bA ra'i tshal lam me lhan ne lhang nger 'gyur ro/ /gang gi tshe bcom ldan 'das kyis phyogs gang dang gang dag na grong dang / grong khyer dang / yul 'khor dang / rgyal po'i pho brang 'khor dang / ljongs de dang 
de dag tu gdul ba rnams btul te grong khyer rtswa can du tha ma'i gzims mal du bzhugs pa de'i tshe yang u dum bA ra'i tshal rnyings par 'gyur ba de thams cad kun du rgyu rab bzang gis mtshan mar byas pa dang / grong khyer rtswa can na gnas pa'i lha zhig gis grong khyer rtswa can pa la de bzhin gshegs 
pa ni deng gi nam gyi gung thun la phung po lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ro zhes smras pa/ de kun du rgyu rab bzang gis thos so/ /thos nas kyang dge sbyong gau ta ma deng gi nam gyi gung thun la phung po lhag ma med pa'i mya ngan las 'das 

</font><hr>11-1-280a<br><font size=+1>
pa'i dbyings su yongs su mya ngan las 'da' bar gyur na bdag ni chos rnams la the tshom yod par gyur te/ bdag gi the tshom yod pa de 'di ltar bcom ldan 'das gau ta mas bdag gi the tshom sel spyod par 'gyur ro snyam du bdag sems shing 'dug ste/ ma la bdag bcom 
ldan 'das gau ta ma ga la ba der song ste phyin nas/ gal te zhus nas lung bstan pa'i slad du skabs phye na phyogs 'ga' zhig zhu'o snyam nas grong khyer rtswa can nas byung ste shing sA la zung gnyis kyi tshal ga la ba der song ngo / /de'i tshe tshe dang ldan pa kun dga' bo phyi rol du byung ste/ bla gab 
med pa'i 'chag sa na 'chag cing 'dug pa dang / kun du rgyu rab bzang gis tshe dang ldan pa kun dga' bo phyi rol tu byung ste/ bla gab med pa'i 'chag sa na 'chag cing 'dug pa rgyang ring po kho na nas mthong ngo / /mthong nas kyang tshe dang ldan pa kun dga' bo ga la ba der song ste phyin nas tshe dang ldan pa 
kun dga' bo la 'di skad ces smras so/ /kye kun dga' bo bdag gis dge sbyong gau ta ma deng gi mtshan mo'i gung thun la phung po lhag ma med pa'i mya ngan las 'das pa'i dbyings su yongs su mya ngan las 'da' bar 'gyur ro zhes thos nas bdag ni chos rnams la the tshom yod par gyur te/ bdag 
gi the tshom yod pa de 'di ltar bcom ldan 'das gau ta mas bdag gi the tshom sel spyod par 'gyur ro snyam du bdag sems shing mchis na/ gal te btsun pa kun dga' bos nang du mchi bar gnang ste/ gal te zhus nas lung bstan pa'i slad du skabs [(]phya na[,]phye na [)]phyogs 'ga' zhig zhu bar bgyi'o/ /rab 
bzang de bzhin gshegs pa la 'tshe bar ma byed cig chog go/ /bcom ldan 'das kyi sku ni dub bo/ /bde bar gshegs pa'i sku ni dub bo/ /kun du rgyu rab bzang gis lan gnyis lan gsum gyi bar du tshe dang ldan pa kun dga' bo la 'di skad ces smras so/ /kye kun dga' bo bdag gis kun du 
rgyu spyod pa can rgan po rgan po slob dpon snga rabs dag las de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ba ni/ brgya lam res 'ga' na/ 'di ltar me tog u dum bA ra bzhin no zhes thos te/ bcom ldan 'das gau ta ma de deng gi mtshan mo'i gung thun 

</font><hr>11-1-280b<br><font size=+1>
la phung po lhag ma med pa'i mya ngan las 'das pa'i dbyings su mya ngan las 'da' bar 'gyur la/ bdag ni chos rnams la the tshom du gyur te/ bdag gi the tshom yod pa de 'di ltar bcom ldan 'das gau ta mas bdag gi the tshom sel spyod par 'gyur ro snyam du bdag sems shing mchis te/ gal te 
tshe dang ldan pa kun dga' bos nang du mchi bar gnang na/ gal te zhu ba lung bstan pa'i slad du skabs phye na phyogs 'ga' zhig zhu bar bgyi'o zhes lan gnyis lan gsum gyi bar du kun du rgyu rab bzang gis tshe dang ldan pa kun dga' bo la smras pa dang / rab bzang de bzhin gshegs pa la 'tshe bar ma 
byed cig chog go/ /bcom ldan 'das kyi sku ni dub bo/ /bde bar gshegs pa'i sku ni mnyel to/ /de ltar tshe dang ldan pa kun dga' bo dang / kun du rgyu rab bzang gnyis lhan cig bar skabs kyi gtam zer ba bcom ldan 'das kyi lha'i snyan rnam par dag cing mi'i las 'das pas 
gsan te/ gsan nas kyang tshe dang ldan pa kun dga' bo la 'di skad ces bka' stsal to/ /kun dga' bo kun du rgyu rab bzang 'di ma dgag par ci dang ci 'dod pa 'drir thong shig /de ci'i phyir zhe na/ nga dang mu stegs can lhan cig bar skabs kyi gtam gleng ba'i tha mar 'gyur ba 
ni 'di yin no/ /'di lta ste kun du rgyu rab bzang 'di nyid ngas mngon sum du tshur zhes byas pas nga'i nyan thos dge slong rab tu byung ba rnams kyi tha mar 'gyur ba yin no/ /de nas kun du rgyu rab bzang bcom ldan 'das kyis skabs phye ba dang dga' mgu rab tu dga' ste/ dga' ba dang / 
yid bde ba skyes nas bcom ldan 'das ga la ba der song ste phyin nas bcom ldan 'das dang lhan cig tu yang dag par mgu bar 'gyur ba dang / yang dag par rab tu dga' bar 'gyur ba'i gtam rnam pa sna tshogs byas nas phyogs gcig tu 'dug go/ /phyogs gcig tu 'dug nas/ 
kun du rgyu rab bzang gis bcom ldan 'das la 'di skad ces gsol to/ /kye gau ta ma gal te zhu ba lung bstan pa'i slad du skabs phye na phyogs 'ga' zhig zhu bar bgyi'o/ /rab bzang ci dang ci 'dod pa dris shig /kye gau ta ma 'jig rten 'di dag na mu steg can tha dad du gnas pa 'di 

</font><hr>11-1-281a<br><font size=+1>
lta ste/ 'od srung rdzogs byed dang / kun du rgyu gnag lhas kyi bu dang / smra 'dod kyi bu mo'i bu yang dag rgyal ba can dang / mi pham skra'i la ba can dang / ka t+ya'i bu nog can dang / gcer bu pa gnyen gyi bu rnams kyi rang rang gi khas 'ches shing / so sor 
rig pa dag go/ /de nas bcom ldan 'das kyis de'i tshe tshigs su bcad pa 'di skad ces bka' stsal to/ /rab bzang ngas ni na tshod nyi shu dgu lon te/ /rab tu byung nas lo grangs lnga bcu lhag gcig tu/ /dge ba gang yin ci zhes btsal bar byas gyur cing / /rab bzang ngas ni rab tu 
byung ba de yi tshe/ /tshul khrims dang ni ting 'dzin spyod pa rnam rig dang / /nga yis rtse gcig sems ni kun du bsgom byas te/ /rigs pa'i chos ni phyogs tsam bshad par byas gyur na/ /'di las phyi rol dag na dge sbyong gzhan yang med/ /rab bzang chos 'dul ba gang la 'phags pa'i lam 
yan lag brgyad pa mi snang ba de la dge sbyong dang po yang mi snang bar 'gyur ro/ /gnyis pa dang / gsum pa dang / dge sbyong bzhi pa yang mi snang bar 'gyur ro/ /rab bzang chos 'dul ba gang la 'phags pa'i lam yan lag brgyad pa snang ba de la dge sbyong dang po yang snang bar 'gyur ro/ /gnyis 
pa dang / gsum pa dang / dge sbyong bzhi pa yang snang bar 'gyur ro/ /rab bzang chos 'dul ba gang la 'phags pa'i lam yan lag brgyad pa snang na dge sbyong dang po ni 'di yin no/ /gnyis pa ni 'di yin no/ /gsum pa ni 'di yin te/ dge sbyong bzhi pa 'di las phyi rol na dge sbyong ngam bram 
ze med de/ phas kyi rgol ba'i dge sbyong dang / bram ze rnams kyis stong ngo zhes 'di ltar 'khor rnams la nga seng ge'i sgra yang dag par sgrogs so/ /chos kyi rnam grangs 'di bshad pas kun du rgyu rab bzang chos rnams la chos kyi mig rdul med cing dri ma dang bral bar gyur to/ /de nas kun du 
rgyu rab bzang chos mthong ba dang / chos thob pa dang / chos rtogs pa dang / chos kyi gting slebs te/ som nyi las rgal ba dang / the tshom las rgal ba dang / gzhan gyis mi bkri ba dang / gzhan gyis kha drang du mi rung ba dang / ston pas bstan pa'i chos rnams la mi 'jigs pa thob nas 

</font><hr>11-1-281b<br><font size=+1>
stan las langs te bla gos phrag pa gcig tu gzar nas tshe dang ldan pa kun dga' bo gang na ba de logs su thal mo sbyar ba btud nas tshe dang ldan pa kun dga' bo la 'di skad ces smras so/ /btsun pa tshe dang ldan pa kun dga' bos ni rnyed pa legs par rnyed de/ gang gi phyir btsun pa kun 
dga' bo ni slob dpon chen pos dbang bskur bas dbang bskur mod kyi bdag kyang legs par gsungs pa'i chos 'dul ba la rab tu byung ste bsnyen par rdzogs nas dge slong gi dngos po thob ste/ gang gi phyir bdag gis kyang rnyed pa legs par rnyed par gyur cig /de nas tshe dang ldan pa kun 
dga' bos bcom ldan 'das la 'di skad ces gsol to/ /btsun pa kun du rgyu rab bzang 'di ni legs par gsungs pa'i chos 'dul ba la rab tu byung zhing bsnyen par rdzogs te dge slong gi dngos po thob par 'tshal na/ bcom ldan 'das kyis thugs brtse ba nye bar bzung ste/ de 
rab tu dbyung zhing bsnyen par rdzogs par mdzad du gsol/ de nas bcom ldan 'das kyis kun du rgyu rab bzang la tshur dge slong tshangs par spyad pa spyod cig ces bka' stsal pas/ tshe dang ldan pa de rab tu byung nas bsnyen par rdzogs te dge slong gi dngos por gyur to/ /de ltar de 
rab tu byung nas/ tshe dang ldan pa de gcig tu brtul ba dang / bag yod pa dang / brtson 'grus dang / dka' thub la gnas te/ de gcig tu brtul ba dang / bag yod pa dang / brtson 'grus dang / dka' thub la gnas pas gang gi phyir rigs kyi bu dag skra dang kha spu 
bregs te gos ngur smrig bgos nas yang dag pa kho nar dad pas khyim nas khyim med par rab tu byung ste/ bla na med pa'i tshangs par spyad pa mthar phyin nas mthong ba'i chos 'di nyid la rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod 
pa la bsten to/ /bya ba byas so/ /'di las srid pa gzhan mi shes so zhes rab tu bsgrags nas tshe dang ldan pa de yang dag par sems shin tu rnam par grol nas kun shes pa dang ldan pa'i dgra bcom par gyur to/ /de nas tshe dang ldan pa rab bzang dgra bcom pa thob ste/ rnam par 

</font><hr>11-1-282a<br><font size=+1>
grol ba'i dga' ba dang bde ba kun du myong nas de 'di snyam du sems te/ bdag gis ston pa yongs su mya ngan las 'da' ba blta ba ni bdag gi cha ma yin gyi ci nas kyang thog ma kho nar bdag yongs su mya ngan las 'da' bar bya'o snyam du bsams nas bcom ldan 'das 
ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te phyogs gcig tu 'dug go/ /phyogs gcig tu 'dug nas tshe dang ldan pa rab bzang gis bcom ldan 'das la 'di skad ces gsol to/ /btsun pa bdag gis rngo thog mod kyi yongs su mya ngan 
las 'da' bar 'tshal lags so/ /de skad ces gsol pa dang / bcom ldan 'das kyis tshe dang ldan pa rab bzang la 'di skad ces bka' stsal to/ /rab bzang mya ngan las 'da' bar bya ba'i phyir smra'am/ bcom ldan 'das mya ngan las 'da' bar bgyi ba'i slad du'o/ /rab bzang 
mya ngan las 'da' bar bya ba'i phyir smra'am/ bde bar gshegs pa mya ngan las 'da' bar bgyi ba'i slad du'o/ /rab bzang mya ngan las 'da' bar bya ba'i phyir smra na ngas ci zhig smrar yod de/ 'dus byas thams cad kyi chos nyid yin no/ /de nas tshe dang ldan pa rab bzang gis ma la bdag 
gis gnas lnga byin gyis brlabs te mya ngan las 'da' bar bya'o snyam du bsams nas bdag tshangs pa mtshungs par spyod pa rnams kyis ni skra bregs te snam sbyar gyon pa dang / mu stegs can rnams kyis ni mu stegs kyi rgyal mtshan thogs pa mthong bar gyur cig /bdag gi khyogs 
mu stegs can rnams kyis ni 'degs mi nus par gyur cig /tshangs pa mtshungs par spyod pa rnams kyis ni 'degs nus par gyur cig /rdzing bu gcig sprul nas bsams pa/ 'di ltar mu stegs can rnams kyis ni rdzing bur bying zhing spyod par mi nus par gyur cig /tshangs 
pa mtshungs par spyod pa rnams kyis ni spyod nus par gyur cig /mu stegs can rnams la ni nya dang ru sbal gyis gnod pa byed nus par gyur cig /tshangs pa mtshungs par spyod pa rnams la ni gnod pa byed mi nus par gyur cig /mu stegs can rnams kyis ni bdag sreg cing me spor mi 

</font><hr>11-1-282b<br><font size=+1>
nus par gyur cig /tshangs pa mtshungs par spyod pa rnams kyis ni me spor nus par gyur cig ces des gnas 'di lnga byin gyis brlabs te/ phung po lhag ma med pa'i mya ngan las 'das pa'i dbyings su yongs su mya ngan las 'das so/ /mu stegs can kun du rgyu gzhan dag 
gis kun du rgyu rab bzang yongs su mya ngan las 'das so zhes thos te thos nas kyang ras kyi rgyal mtshan chen po btsugs te/ /grong khyer rtswa can gyi lam po che dang / khyams dang / bzhi mdo dang / sum mdo dag tu bskor nas shes ldan dge sbyong gau ta ma 'di skad ces smra ste/ dge sbyong 
dang po ni 'di yin no/ /gnyis pa ni 'di yin no/ /gsum pa ni 'di yin te/ bzhi pa ni 'di las phyi rol na dge sbyong ngam/ bram ze med de/ phas kyi rgol ba'i dge sbyong dang / bram ze rnams kyis stong ngo zhes 'di ltar 'khor rnams la seng ge'i sgra yang dag par sgrogs na/ bdag cag 
gi tshangs pa mtshungs par spyod pa kun du rgyu rab bzang ni mya ngan las 'das par gyur to zhes smras pa dang / de dag la dge slong rnams kyis smras pa/ shes ldan dag gal te 'di khyed kyi tshangs pa mtshungs par spyod pa yin na tshur shog 'di khyogs kyi steng du zhog la theg shig dang blta bar bya'o/ /
de dag gis khyogs kyi steng du bzhag nas gdegs par brtsams na bsgul yang ma nus pa dang / dge slong rnams kyis smras pa/ shes ldan dag nged kyis gdeg gam/ theg shig /de dag gis bteg pa dang / de dag spobs pa med de cang mi smra bar 'dug go/ /de dag rdzing bur dong ba 
dang / yang dge slong rnams kyis smras pa/ shes ldan dag gal te 'di khyed kyi tshangs pa mtshungs par spyod pa yin na tshur shog /rdzing bu der zhugs shig dang blta bar bya'o zhes smras nas/ de dag zhugs pa dang / bying nas nya dang ru sbal dag gis gnod pa byas te spyod ma nus 
nas rings pa rings par slar byung ba dang / dge slong rnams kyis smras pa/ nged 'jug gis ltos shig /blta bar bya'o/ /de dag zhugs nas ma bying zhing nya dang ru sbal dag gis gnod pa byed ma nus te der spyod nus par gyur pa dang / de dag spobs pa med de cang mi smra bar 'dug go/

</font><hr>11-1-283a<br><font size=+1>
gzhan yang dge slong rnams kyis smras pa/ shes ldan dag gal te 'di khyed kyi tshangs pa mtshungs par spyod pa yin na me spor la sregs shig blta bar bya'o/ /de dag gis me sbar zhing bsreg par brtsams pa dang / me spar ma nus nas dge slong rnams kyis 
shes ldan dag nged kyis spar bar bya'o zhes smras te/ de dag gis me spar nas 'bar bar gyur pa dang / de dag de bzhin du spobs pa med cing cang mi smra bar 'dug go/ /de nas skye bo mang po rnams kyis tshar bcad nas dong ngo / /grong khyer rtswa can gyi gyad rnams ngo mtshar cher skyes 
te/ bcom ldan 'das la rgya cher mngon par dad par gyur to/ /gang gi tshe bcom ldan 'das tha ma'i gzims mal na gnad rnams ni chad/ tshigs rnams ni 'bye ba'i tshor ba gnad du bab pa byung zhing bzhugs bzhin du/ rab bzang ni dgra bcom pa la bzhag par gyur/ 
grong khyer rtswa can gyi gyad mang po ni chos la bkod pa de'i tshe dge slong rnams the tshom skyes te/ the tshom thams cad gcod pa sangs rgyas bcom ldan 'das la zhus pa/ btsun pa gang gi tshe bcom ldan 'das gnad rnams ni chad/ tshigs rnams ni 'bye ba'i tshor ba gnad du bab par 
byung zhing bzhugs bzhin du/ kun du rgyu rab bzang 'khor ba'i rgya mtsho las bton te/ de gcig tu grub pa dang / bde ba mthar phyin par mdzad nas mya ngan las 'das pa la rab tu bkod pa la gzigs/ bcom ldan 'das kyis bka' stsal pa/ dge slong dag ji nga da ltar 
'dod chags dang bral/ zhe sdang dang bral/ gti mug dang bral/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las kun du grol te/ thams cad mkhyen pa dang / rnam pa thams 
cad mkhyen pa dang / thams cad mkhyen pa'i ye shes brnyes pa/ kun du rgyu rab bzang 'khor ba'i rgya mtsho las bton te/ de gcig tu grub pa dang / bde ba mthar phyin par mdzad nas mya ngan las 'das pa la rab tu bzhag pa lta ngo mtshar ci che/ gang nga sngon 'das pa'i dus 

</font><hr>11-1-283b<br><font size=+1>
na 'dod chags dang bcas/ zhe sdang dang bcas/ gti mug dang bcas/ skye ba dang / rga ba dang / na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa las ni kun du ma grol/ brtag cing 'jig nus pa dang ni 
bral/ dud 'gro'i skye gnas su ni skyes/ rang gi srog la yang mi lta ba na kun du rgyu rab bzang gi skyabs byas shing grong khyer rtswa can gyi gyad rnams la srog sdug pa'i skyabs byas shing nyon mongs pa las kyang kun du bskyabs pa de legs par rab tu nyon la yid la zung shig dang bshad par bya'o/ /dge 
slong dag sngon byung ba 'das pa'i dus na lung pa zhig gi nang na ri dgas kyi khyu dpon ri dgas mang po'i tshogs stong gis bskor ba/ mkhas shing gsal ba/ yid gzhungs pa zhig gnas te/ ri dgas kyi khyu dpon de rngon pas brtags nas/ rgyal po la smras pa dang / de nas rgyal po dpung 
gi tshogs yan lag bzhi dang chas te byung nas ri dgas kyi khyu dpon de thams cad bskor to/ /de nas ri dgas kyi khyu dpon des bsams pa/ ma la bdag gis ri dgas 'di rnams ma bsrungs na thams cad med par 'gyur ro snyam nas/ de nas ri dgas kyi khyu dpon gyis phyogs gang du ri 
dgas kyi tshogs rnams 'byung bar 'gyur ba kun du brtags na/ lung pa de na chu bo zhig 'bab pa de mthong ste chu bo'i rgyun de yang drag po 'phrog cing rab tu 'phrog pa zhig la/ ri dgas de dag kyang nyam chung nas/ de nas khyu dpon gyis mod la chu bo der zhugs nas dbus su 'dug ste skad 
phyung nas khyed cag tshur shog /'gram 'o ni nas nga'i rgyab tu rkang lag zhog la pha rol gyi 'gram du song shig dang / 'tsho ba'i thabs ni de las med de gzhan du na nges par 'chi bar 'gyur ro/ /de nas ri dgas des de bzhin du byas pa dang / de'i rgyab tu rmig pa dag gis phog 
ste/ phags pa yang ral/ sha dang / khrag dang / rus pa dag byung yang 'on kyang brtson 'grus ma btang ngo / /de nas thams cad kyis rgal nas/ gang kha cig slar rgal bar ma gyur tam zhes de dag la snying rje bskyed de slar rgyab tu bltas pa dang / ri dgas kyi phru gu gcig ma 

</font><hr>11-1-284a<br><font size=+1>
rgal bar des mthong nas/ de nas khyu dpon gnad rnams ni chad/ tshigs rnams ni 'bye ba'i tshor ba gnad du bab pa byung zhing / chu 'gram 'dir tshogs rnams la srog sdug pa'i skyabs byas shing / ri dgas kyi phru gu de rgyab tu bkal nas chu bo las bsgral te 
'gram du bzhag go/ /des ri dgas kyi tshogs mang po brgal bar rig nas 'chi ba'i dus su smon lam gdab par brtsams pa/ ji ltar bdag gis ri dgas 'di dag dang / ri dgas kyi phru gu 'di la srog sdug pa'i skyabs byas shing nyon mongs pa las kyang kun du bskyabs pa 'dis 
bdag bla na med pa yang dag par rdzogs pa'i byang chub mngon par rdzogs par sangs rgyas nas yang 'khor ba'i rgya mtsho las 'don cing / gcig tu grub pa dang / bde ba mthar phyin par byed cing mya ngan las 'das pa la 'god par shog shig ces smon lam btab bo/ /bcom ldan 
'das kyis bka' stsal pa/ dge slong dag ji snyam du sems/ de'i tshe de'i dus na ri dgas kyi khyu dpon gang yin pa de ni nga yin no/ /ri dgas de dag ni grong khyer rtswa can gyi gyad 'di rnams yin no/ /ri dgas kyi phru gu gang yin pa de ni rab bzang 'di nyid yin no/ /dge 
slong dag gzhan yang gang gi tshe nga brtag cing 'jig mi nus pa dang dud 'gro'i skye gnas su skyes pa dang / gnad rnams ni chad/ tshigs rnams ni 'bye ba'i tshor ba gnad du bab pa byung zhing bzhugs bzhin du kun du rgyu rab bzang gi skyabs byas pa de nyon cig /dge slong dag sngon 
byung ba 'das pa'i dus na yul bA rA Na sIr rgyal po tshangs sbyin zhes bya ba zhig rgyal po byed pa 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba/ 'thab pa dang / rtsod pa dang / phas kyi rgol ba dang / 'khrug pa rnams rab 
tu zhi ba/ rkun ma dang / nad dang bral ba/ 'bras dang / bu ram dang / ba lang dang / ma he phun sum tshogs pa/ chos kyi rgyal po chos dang ldan pa/ chos bzhin rgyal po byed pa de'i rta cang shes shi ba dang / khams kyi rgyal phran dag gis 'di ltar rgyal po tshangs sbyin gyi rta cang 

</font><hr>11-1-284b<br><font size=+1>
shes shi'o zhes thos te/ de dag gis der pho nya btang nas yang na ni dpya gcol cig /yang na ni grong khyer gyi sgor ma 'byung shig /gzhan du na nges par skye nas btags la 'dir dgug go zhes bsgo ba dang / der dpya yang ma gcal/ grong khyer gyi sgor yang ma byung mod kyi/ 
'on kyang grong khyer nyid na gnas shing rta cang shes tshol lo/ /de dus gzhan zhig na rta cang shes rnyed nas/ de de bzhon te/ dpyid kyi dus la bab pa dang / shing rnams me tog gis rgyas shing / ngang pa dang / khrung khrung dang / rma bya dang / ne tso dang / ri skegs dang / khu byug dang / 
shang shang te'u'i sgra 'byin pa'i nags tshal skyed mos tshal gyi gnas su btsun mo'i 'khor gyis yongs su bskor te dong nas/ de de na rtse zhing dga' la dga' mgur cha ba'i sbyor bas bag med par gnas te/ grong khyer du yang ma zhugs pa na/ ji ltar rgyal po tshangs sbyin/ skyed mos tshal na 
bag med par gnas te grong khyer du yang ma zhugs so zhes khams kyi rgyal phran dag gis thos te/ de dag gis gros byas nas dpung gi tshogs yan lag bzhi dang chas te/ yul bA rA Na sI'i sgo bskor ba dang / blon pos rgyal po tshangs sbyin la smras pa/ lha khams kyi rgyal phran rnams kyis 
grong khyer sgo bskor lags na bde bar bgyi ba dgongs su gsol/ rgyal pos thos nas shes ldan rta cang shes gang na 'dug pa yang long shig /dpung gi tshogs yan lag bzhi yang go skon cig /de dag dang lhan cig g.yul 'gyed par bya'o zhes bsgo'o/ /des rta cang shes 
kyang bsnyen/ dpung gi tshogs yan lag bzhi pa yang go bskon te/ de de dag dang lhan cig g.yul bshams te g.yul 'gyed par brtsams pa dang / khams kyi rgyal phran gzhan zhig gis rgyal po tshangs sbyin gyi rta cang shes kyi glor mdung gcig bsnun nas de'i rgyu ma dag byung 
ste/ sdug bsngal gyi tshor bas gzer nas/ gnad rnams kyang chad/ tshigs rnams kyang 'bye ba'i tshor ba gnad du bab pa byung bzhin du des sems sran bskyed pa ma la 'di ltar rgyal po ni sdug bsngal dog pa nyam nga bar phyin la bdag gis dor bar bya ba ni bdag gi tshul ma yin 

</font><hr>11-1-285a<br><font size=+1>
pas brtson 'grus kyis sdug bsngal bzlog la/ thabs ci dang cis sge'u chung nas grong khyer du phyin par bya'o snyam du bsams nas/ phan tshun du grong khyer du 'gro ba'i glags bltas na/ bA rA Na sI'i skyed mos tshal gyi bar na rgyal po tshangs sbyin gyi rdzing 
bu tshangs ldan zhes bya ba me tog ut+pa la dang / pad ma dang / ku mu da dang / pad ma dkar po dag gis brgyan pa/ ngang pa dang / bya kA ra N+Da ba dang / ngur pa dag gis mtsho gling brgyan pa/ kho ra khor yug tu me tog dang / 'bras bu sna tshogs dang / nags tshang tshing gis 
brgyan pa/ bya rnam pa sna tshogs kyi sgra 'byin pa zhig yod de/ de shugs drag pos nags tshal stug po de'i nang du song ste/ rdzing bu tshangs ldan gyi pad ma'i 'dab ma'i steng du rkang pa bzhag nas brgal te sge'u chung nas byung nas/ de nas rgyal po babs pa dang / de yang sa la 'gyel 
te dus las 'das so/ /de nas rgyal po dang / blon po de rnams kyis phan tshun kun du btsal bar brtsams nas/ kha cig ni skyed mos tshal du song / gzhan dag gis ni phyogs bzhir brgyugs na/ gang gis kyang de ma rnyed nas/ rang rang gi rta dang / glang po che dag 
bzung nas slar song ngo / /rgyal po tshangs sbyin gyis srog 'byin pa'i phyir yul bA rA Na sI na gnas pa'i grong mi dang / ljongs kyi mi dang / blon po lhag ma dag bsdus nas smras pa/ gang rgyal rigs spyi bo nas dbang bskur ba'i srog 'byin na/ de la ji ltar bsgrub par bya/ de dag 
gis smras pa/ lha rgyal srid kyi phyed stsal bar bgyi'o/ /des smras pa/ nga'i srog 'byin pa ni rta cang shes yin na/ de ni dus las 'das te/ de la byin yang des ci zhig byar yod/ de dag gis smras pa/ lha de'i slad du grong khyer gyi sgo bzhir sbyin pa dag gtang par bgyi 
zhing / dus ston ma yin pa'i mchod ston dag bgyi la bsod nams dag bgyi'o/ /rgyal pos smras pa/ shes ldan dag legs kyis de bzhin du bya'o/ /de nas rgyal po'i btsun mo dang / gzhon nu dang / blon po dang / yul mi dag gis shing dri zhim po thams cad spungs 

</font><hr>11-1-285b<br><font size=+1>
nas de bsregs so/ /gzhan yang grong khyer gyi sgo bzhir sbyin gtong gi khang pa brtsigs nas grong khyer de na rdo dang / gseg ma dang / gyo mo dag sel du bcug ste/ tsan dan gyi chus chag chag btab/ dri zhim po'i pog phor dag ni bzhag /gdugs dang rgyal mtshan ni 
bsgreng / dar gyi lda ldi mang po ni btags/ lha rnams kyi dga' tshal gyi skyed mos tshal bzhin du me tog rnam pa sna tshogs kyi sil ma nyams dga' ba ni bkram ste/ dus ston ma yin pa'i mchod ston byas nas grong khyer du 'di skad dril bsgrags pa/ shes ldan yul bA rA Na sI na gnas 
pa'i grong mi rnams dang / yul sna tshogs nas 'ongs pa'i skye bo'i tshogs dag nyon cig /'dir lha'i rta cang shes kyi phyir grong khyer gyi sgo bzhir sbyin pa gtong zhing dus ston ma yin pa'i mchod ston dang bsod nams byed kyis/ de'i phyir khyed cag rnams kyis gos sna tshogs dang / 
rgyan dang / phreng ba dang / 'byor pa mchog gis chos la byung shig ces bsgo'o/ /de nas grong mi dag dang / yul mi dag 'ongs nas dus ston ma yin pa'i mchod ston chen po byas te/ grong khyer gyi sgo bzhir yang 'dod pa sna tshogs kyi sbyin pa dag byin no/ /dge slong dag 'di ji snyam 
du sems/ rta cang shes gang yin pa de ni nga nyid yin te/ /de'i tshe de'i dus na yang nga gnad rnams ni chad/ tshigs rnams ni bye ba'i tshor ba gnad du bab pa byung bzhin du de'i srog gi skyabs su byas so// //'dul ba phran tshegs kyi gzhi/bam po lnga bcu lnga pa/ de 
nas yang dge slong rnams the tshom skyes te the tshom thams cad gcod pa sangs rgyas bcom ldan 'das la zhus pa/ btsun pa tshe dang ldan pa rab bzang gis las ci zhig bgyis na des na nyan thos rnams kyi tha mar mngon sum du bgyis lags/ bcom ldan 'das kyis bka' stsal pa/ 
dge slong dag dge slong rab bzang nyid kyis las byas shing bsags pa dang / tshogs rnyed pa rkyen yongs su bsgyur ba/ 'od pa bzhin du nye bar gnas pa myong bar nges pa rab bzang gis las byas shing bsags pa dag ni gzhan su zhig gis nyams su myong bar 'gyur/ dge 

</font><hr>11-1-286a<br><font size=+1>
slong dag las byas shing bsags pa dag ni phyi rol gyi sa'i khams la smin par mi 'gyur te/ chu'i khams la ma yin/ me'i khams la ma yin/ rlung gi khams la ma yin mod kyi/ zin pa'i phung po dang / khams dang skye mched rnams la las byas pa'i dge ba dang mi dge ba dag 
rnam par smin par 'gyur ro/ /las rnams bskal pa brgyar yang ni/ /chud mi za ba'ang tshogs dang dus/ /rnyed na lus can rnams la ni/ /'bras bu nyid du smin par 'gyur/ /dge slong dag sngon byung ba 'das pa'i dus bskal pa bzang po 'di nyid la skye dgu rnams kyi tshe 
lo nyi khri thub pa na ston pa 'od srung zhes bya ba 'jig rten du byung ste/ rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das de yul bA rA Na sI'i 
grong khyer ri dgas 'dzin gyi tshal na nye bar brten cing bzhugs so/ /de nas bcom ldan 'das 'od srung gi dpon po mya ngan med ces bya ba de thar bar bya ba'i don du bcom ldan 'das 'od srung las rab tu byung ste/ de thar cing rang dbang thob bo snyam nas 'bad pa ma bskyed do/ /ji tsam dus shin tu 
ring ba zhig na mya ngan med ces bya ba ljongs rgyu zhing 'dug par gyur to/ /bcom ldan 'das yang dag par rdzogs pa'i sangs rgyas 'od srung gis sangs rgyas kyi mdzad pa ma lus par mdzad nas bud shing zad pa'i me bzhin du tha ma'i gzims mal du gshegs so/ /dge slong mya ngan 
med shing a sho ka'i drung na nang du yang dag 'jog la gnas te/ ji tsam shing a sho ka de la lha zhig gnas pa des bcom ldan 'das 'od srung mya ngan las 'da' bar thos nas ngus te/de ngus pa'i mchi ma thigs pa gcig mya ngan med kyi lus la ltung bar gyur pa dang / de nas mya ngan med 
kyis gyen du bltas na lha de ngu zhing 'dug nas/ lha ci'i phyir ngu zhes smras pa dang / lhas deng gi mtshan mo'i gung thun la bcom ldan 'das 'od srung mya ngan las 'da'o zhes smras so/ /de nas mya ngan med lha'i tshig thos nas gnad du phog pa bzhin 'gyel te/ de snying rje rje skad du ngu zhing 'dug 

</font><hr>11-1-286b<br><font size=+1>
par gyur to/ /de nas lhas ci'i phyir ngu zhes dris pa dang / mya ngan med kyis smras pa/ gnyen dang bral ba dang / bla ma dang bral ba'i phyir te/ yang dag par rdzogs pa'i sangs rgyas 'od srung ni bdag gi zhang po yin no/ /bdag gis shin tu sbyangs shing gnas pa la ma 'bad pas 
bdag ni so so'i skye bor gyur la lam shin tu ring bas blta ma nus so/ /lhas smras pa/ btsun pa gal te de lta na bdag gis bcom ldan 'das kyi spyan sngar bkri na/ ci khyad par rtogs par nus sam/ mya ngan med kyis smras pa/ ji ltar lhas bcom ldan 'das kyi zhal mthong 
bar bgyis na bdag gi blo ni kun du smin te/ de bzhin du khyad par rtogs par bgyi'o/ /de nas lhas bcom ldan 'das kyi spyan sngar mya ngan med rdzu 'phrul gyis khrid de/ de nas bcom ldan 'das mthong nas dad pa skyes so/ /dad pa skyes nas kyang bcom ldan 'das 'od srung 
gis chos rnam pa 'di lta bu dag bshad de/ de thos ma thag tu dgra bcom pa mngon sum du byas te/ dang por tshe dang ldan pa mya ngan med mya ngan las 'das so/ /de nas bcom ldan 'das yang dag par rdzogs pa'i sangs rgyas 'od srung ngo / /de nas lha des tshe dang ldan pa mya ngan 
med mya ngan las 'das par mthong ste/ dga' ba skyes nas des bsams pa/ tshe dang ldan pas gang cung zad khyad par rtogs pa de thams cad ni bdag las rten pa yin pas bdag ma 'ongs pa'i dus na gang bram ze'i khye'u bla ma la bcom ldan 'das 'od srung gis bram ze'i khye'u khyod 
skye dgu rnams kyi tshe lo brgya thub pa na ston pa shAkya thub pa zhes bya ba de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes lung bstan pa de tha ma'i gzims mal du gshegs pa na/ bdag de'i nyan thos rnams kyi tha ma la mngon sum du byas 
nas/ bcom ldan 'das kyi sngon logs su mya ngan las 'das te/ de nas bcom ldan 'das shAkya thub pa mya ngan las 'das par gyur cig ces smon lam btab bo/ /bcom ldan 'das kyis bka' stsal pa/ dge slong dag 'di ji snyam du sems/ lha gang yin pa de ni rab bzang 

</font><hr>11-1-287a<br><font size=+1>
'di nyid yin no/ /dge slong dag de lta bas na 'di ltar bslab par bya ste/ gang gi phyir dge ba'i bshes gnyen la bsten pa dang / dge ba dang lhan cig gnas pa dang / dge ba la bsten par bya zhing / sdig pa'i grogs po la mi bsten/ sdig pa dang lhan cig mi gnas/ sdig pa la mi 
bsten par dge slong rnams kyis de ltar bslab par bya'o/ /de nas tshe dang ldan pa kun dga' bos bcom ldan 'das la 'di skad ces gsol to/ /btsun pa bdag gcig pu dben pa la lkog tu mchis te nang du yang dag 'jog la gnas pa'i tshe sems kyi rtog pa 'di lta bu skyes te/ 'di lta ste/ dge ba'i 
bshes gnyen la bsten pa dang / dge ba dang lhan cig gnas pa dang / dge ba la bsten nas sdig pa'i grogs po la mi bsten/ sdig pa dang lhan cig mi gnas/ sdig pa la ma bsten na 'di ni tshangs par spyod pa'i phyed lags so/ /kun dga' bo khyod 'di lta ste/ dge ba'i bshes gnyen bsten 
pa dang / dge ba dang lhan cig gnas pa dang / dge ba la bsten nas sdig pa'i grogs po dang mi bsten/ sdig pa dang lhan cig mi gnas/ sdig pa la ma bsten na/ 'di ni tshangs par spyod pa'i phyed yin no zhes de skad ma zer cig /de ci'i phyir zhe na/ kun dga' bo de ni tshangs par spyod pa 
kun du mthar phyin pa/ ma 'dres pa/ yongs su rdzogs pa/ yongs su dag pa/ yongs su byang ba yin no/ /'di lta ste/ dge ba'i bshes gnyen la bsten pa dang / dge ba dang lhan cig gnas pa dang / dge ba la bsten nas sdig pa'i grogs po la mi bsten/ sdig pa'i grogs po dang lhan cig 
mi gnas/ sdig pa'i grogs po la bsten par mi bya'o/ /kun dga' bo de ci'i phyir zhe na/ dge ba'i bshes gnyen la bsten pas sems can skye ba'i chos dang ldan pa rnams skye ba'i chos las rnam par grol bar gyur to/ /rga ba dang / na ba dang / 'chi ba dang / mya ngan dang / smre sngags 'don 
pa dang / sdug bsngal ba dang / yid mi bde ba dang / sems can 'khrug pa'i chos dang ldan pa rnams 'khrug pa'i chos las rnam par grol bar gyur to/ /kun dga' bo rnam grangs de lta bu de shes par bya'o/ /gang tshangs par spyod pa mthar phyin pa dang / ma 'dres pa dang /

</font><hr>11-1-287b<br><font size=+1>
yongs su rdzogs pa dang / yongs su byang ba 'di lta ste/ dge ba'i bshes gnyen la bsten pa dang / dge ba dang lhan cig gnas pa dang / dge ba la bsten nas sdig pa'i grogs po la mi bsten/ sdig pa dang lhan cig mi gnas/ sdig pa la bsten par mi bya ba ste/ kun dga' bo khyod 
kyis de ltar bslab par bya'o/ /de nas bcom ldan 'das kyis dge slong rnams la 'di skad ces bka' stsal to/ /dge slong dag de lta bas na deng phan chad nye du shAkya dang / me ba ral pa can ma gtogs pa mu stegs kun du rgyu gzhan rnams rab tu dbyung bar mi bya/ bsnyen par rdzogs par mi 
bya'o/ /nye du shAkya dag mu stegs kyi rgyal mtshan thogs te 'ongs nas/ gal te legs par gsungs pa'i chos 'dul ba la rab tu 'byung zhing bsnyen par rdzogs te dge slong gi dngos po thob par 'dod na dge slong rnams kyis de rab tu dbyung bar bya'o/ /bsnyen par rdzogs par bya'o/ /de ci'i phyir zhe 
na/ dge slong dag de ni bdag cag gi nye du rnams la nye du'i gnang ba yin pa'i phyir ro/ /mu stegs kun du rgyu gzhan dag 'ongs nas/ gal te legs par gsungs pa'i chos 'dul ba la rab tu 'byung zhing bsnyen par rdzogs te dge slong gi dngos po thob par 'dod na/ de la dge slong rnams kyis 
mkhan pos gos sbyin zhing zla ba bzhi'i bar du gzhag par bya'o/ /de bsnyen bkur byed cing dge slong rnams kyi sems mgu bar byed nus na/ dge slong rnams kyis rab tu dbyung zhing bsnyen par rdzogs par bya'o/ /dge slong dag me ba ral pa can yang rab tu dbyung zhing bsnyen par rdzogs par bya'o/ /dge 
slong dag de ci'i phyir zhe na/ me ba ral pa can ni las su smra ba yin no/ /dge slong dag me ba ral pa can ni byed par smra ba/ rgyur smra ba/ brtson 'grus su smra ba yin no/ /de lta bas na dge slong dag gis 'di ltar bslab par bya ste/ gang las su smra ba dang / byed par smra ba dang / rgyur smra ba dang / 
brtson 'grus su smra bar 'gyur ba de lta bur dge slong khyod kyis kyang bslab par bya'o/ /de lta bas na dge slong khyed kyis chos gang zhig mthong ba'i chos 'di la phan pa dang / bde bar 'gyur ba dang / tshe rabs gzhan du phan pa dang / bde bar 'gyur ba de dge slong rnams kyis gzung bar bya/ kun 

</font><hr>11-1-288a<br><font size=+1>
chub par bya'o/ /ji lta ji ltar bzung zhing bcangs pa dang / bklags pa de ltar tshangs par spyod pa yun ring du gnas par 'gyur zhing / skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams la phan pa dang / bde ba'i don du 
'gyur ro/ /'di lta ste/ mdo'i sde dang / dbyangs kyis bsnyad pa'i sde dang / lung du bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / rtogs pa brjod pa'i sde dang / de lta bu byung ba'i sde dang / skyes pa'i rabs kyi sde dang / shin tu rgyas pa'i sde dang / 
rmad du byung ba'i chos kyi sde dang / gtan la bab par bstan pa'i sde 'di dag ni dge slong dag mthong ba'i chos 'di la phan pa dang / mthong ba'i chos 'di la bde bar 'gyur ba dang / tshe rabs gzhan du phan pa dang / bde bar 'gyur ba dag ste/ dge slong dag gis gzung bar bya/ kun chub par bya'o/ /ji lta ji ltar 
bzung zhing bcangs pa dang / bklags pa de ltar tshangs par spyod pa yun ring du gnas par 'gyur zhing / skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams la phan pa dang / bde ba'i don du 'gyur ro/ /dge slong dag khyed kyis ston pa nga 
yongs su mya ngan las 'das te med pa'i 'og tu bdag cag gi ston pa dang / ston pa med do snyam du de ltar blta bar mi bya ste/ gang gi phyir ngas zla ba phyed phyed cing so sor thar pa'i mdo gdon par bstan pa de deng phyin chad khyed kyi ston pa dang / ston pa yin no/ /dge slong dag bslab pa'i gzhi phra mo dang / 
phran tshegs gang yin pa de dag ni dge 'dun tshogs nas skabs dbye zhing bde ba la reg par gnas par bya'o/ /dge slong dag de lta bas na deng phyin chad dge slong gsar bu dag gis dge slong rgan rabs rnams la ming nas bod par mi bya/ rus nas bod par mi bya ste/ btsun pa zhes brjod pa dang / tshe dang ldan pa 
zhes brjod pa ma gtogs par kun du spyad par mi bya'o/ /dge slong rgan rabs rnams kyis dge slong gsar bu rnams la lhung bzed dang / chos gos dang / dra ba dang / phor bu dang / ska rags dag gis bsdu bar bya/ nye bar gnas par bya/ bklag pa dang / kha ton dang / lung bsgo nas rnal 'byor yid 

</font><hr>11-1-288b<br><font size=+1>
la byed du gzhug par bya'o/ /dge slong dag gis sa phyogs 'di bzhi rigs kyi bu'am rigs kyi bu mo dad pa can rnams kyis ji srid 'tsho'i bar du rjes su dran par 'gyur bar bya'o/ /bzhi gang zhe na/ bcom ldan 'das 'dir ni 'khrungs so/ /bcom ldan 'das 'dir ni bla na med pa yang dag 
par rdzogs pa'i byang chub mngon par rdzogs par sangs rgyas so/ /bcom ldan 'das kyis 'dir ni lan gsum du bzlas te chos kyi 'khor lo rnam pa bcu gnyis su bskor to/ /bcom ldan 'das 'dir ni phung po lhag ma ma lus pa'i mya ngan las 'das pa'i dbyings su yongs su mya ngan las 'das 
pa ste/ dge slong dag nga 'das pa'i 'og tu 'dir mchod rten skor ba dang / mchod rten la phyag 'tshal ba 'ong gis de dag la 'di skad ces brjod par bya'o/ /bcom ldan 'das 'dir ni 'khrungs so/ /bcom ldan 'das 'dir ni bla na med pa yang dag par rdzogs pa'i byang chub mngon par rdzogs par 
sangs rgyas so/ /bcom ldan 'das kyis 'dir ni lan gsum du bzlas te chos kyi 'khor lo rnam pa bcu gnyis su bskor to/ /bcom ldan 'das 'dir ni phung po lhag ma med pa'i mya ngan las 'das pa'i dbyings su yongs su mya ngan las 'das so/ /zhes bya ba'i bar dag yin te/ kha cig 
nga la sems dad pas dus byas pa de thams cad mtho ris su 'gro'o/ /kha cig ni phung po'i lhag ma dang bcas par ro/ /dge slong dag sa phyogs 'di bzhi rigs kyi bu'am/ rigs kyi bu mo dad pa can rnams kyis ji srid 'tsho'i bar du 'gro bar 'gyur bar bya'o/ /bzhi gang zhe na/ bcom ldan 
'das 'dir ni 'khrungs so/ /bcom ldan 'das 'dir ni bla na med pa yang dag par rdzogs pa'i byang chub mngon par rdzogs par sangs rgyas so/ /bcom ldan 'das kyis 'dir ni lan gsum du bzlas te chos kyi 'khor lo rnam pa bcu gnyis su bskor to/ /bcom ldan 'das 'dir ni phung 
po lhag ma med pa'i mya ngan las 'das pa'i dbyings su yongs su mya ngan las 'das pa ste/ dge slong dag nga 'das pa'i 'og tu mchod rten bskor ba dang / mchod rten la phyag 'tshal ba 'ongs pa rnams la 'di skad ces brjod par bya'o/ /bcom ldan 'das 'dir ni 'khrungs so/ /bcom ldan 

</font><hr>11-1-289a<br><font size=+1>
'das 'dir ni bla na med pa yang dag par rdzogs pa'i byang chub mngon par rdzogs par sangs rgyas so/ /bcom ldan 'das kyis 'dir ni lan gsum du bzlas te chos kyi 'khor lo rnam pa bcu gnyis su bskor to/ /bcom ldan 'das 'dir ni phung po lhag ma ma lus pa'i mya ngan 
las 'das pa'i dbyings su yongs su mya ngan las 'das so zhes bya ba'i bar dag yin te/ kha cig ni nga la sems dad pas dus byas pa de thams cad mtho ris su 'gro'o/ /kha cig ni phung po'i lhag ma dang bcas par ro/ /ji ltar mngon du 'gro bar bya ba de ltar rjes su dran par bya'o/ /de nas bcom ldan 
'das kyis dge slong rnams la 'di skad ces bka' stsal to/ /dge slong dag sangs rgyas dang / chos dang / dge 'dun dang / sdug bsngal dang / kun 'byung ba dang / 'gog pa dang / lam rnams la gang som nyi dang yid gnyis yod pa ma dgag par zhus shig dang dris pa de ngas lung bstan par bya'o/ /khyed 
kyis 'di ji ltar bdag cag gis ston pa'i spyan sngar mngon sum du lan gdab par ni mi spobs so snyam du blta bar mi bya ste/ dge slong dag gis dge slong dag la/ rogs dag gis rogs dag la smra bar bya zhing dris na de lung bstan par bya'o/ /de nas tshe dang ldan pa kun dga' bos bcom ldan 'das la 'di 
skad ces gsol to/ /'di ltar btsun pa bcom ldan 'das kyis gsungs pa'i don bdag gis 'tshal ba ltar na/ dge slong gi 'khor ji snyed 'dus shing mchis pa 'di rnams las gang dge slong dag gcig la yang sangs rgyas dang / chos dang / dge 'dun dang / sdug bsngal dang / kun 'byung dang / 'gog 
pa dang / lam rnams la gang som nyi dang yid gnyis su gyur pa ma mchis lags so/ /kun dga' bo legs so legs so/ /kun dga' bo khyod ni dad pas 'di skad smra mod kyi/ de bzhin gshegs pa'i ye shes kyis gzigs pa ni bla na med par 'jug pa yin te/ dge slong gi 'khor ji snyed 'dus 
shing 'khod pa rnams la ni gang dge slong gcig la yang sdug bsngal dang / kun 'byung dang / 'gog pa dang / lam rnams la som nyi dang yid gnyis med mod kyi/ 'on kyang 'di'i dgos pa ni dus phyi ma'i sems can rnams la de bzhin gshegs pa thugs brtse ba'i phyir ro/ /de nas bcom ldan 

</font><hr>11-1-289b<br><font size=+1>
'das kyis rang gi sku las stod g.yogs bsal te/ dge slong rnams la bka' stsal pa/ dge slong dag de bzhin gshegs pa'i sku la ltos shig /dge slong dag de bzhin gshegs pa'i sku la rnam par ltos shig /de ci'i phyir zhe na/ de bzhin gshegs pa dgra bcom pa yang dag par rdzogs pa'i 
sangs rgyas blta ba ni rnyed par dka' ste/ dper na me tog u dum bA ra bzhin no/ /dge slong dag re zhig cang ma smra zhig dang / 'di ltar 'dus byas thams cad ni 'jig pa'i chos can yin te/ de la 'di ni de bzhin gshegs pa'i gsung tha ma'o zhes gsungs nas bcom ldan 'das bsam gtan 
dang po la snyoms par zhugs so/ /bsam gtan dang po las bzhengs nas bsam gtan gnyis pa la snyoms par zhugs so/ /bsam gtan gnyis pa las bzhengs nas bsam gtan gsum pa la snyoms par zhugs so/ /bsam gtan gsum pa las bzhengs nas bsam gtan bzhi pa la snyoms 
par zhugs so/ /bsam gtan bzhi pa las bzhengs nas nam mkha' mtha' yas skye mched la snyoms par zhugs so/ /nam mkha' mtha' yas skye mched las bzhengs nas rnam shes mtha' yas skye mched la snyoms par zhugs so/ /rnam shes mtha' yas skye mched las bzhengs nas ci yang med 
pa'i skye mched la snyoms par zhugs so/ /ci yang med pa'i skye mched las bzhengs nas 'du shes med 'du shes med min skye mched la snyoms par zhugs so/ /'du shes med 'du shes med min skye mched las bzhengs nas 'du shes dang tshor ba 'gog pa la snyoms par zhugs so/ /de nas 
tshe dang ldan pa kun dga' bos tshe dang ldan pa ma 'gags pa la 'di skad ces smas so/ /tshe dang ldan pa ma 'gags pa bcom ldan 'das yongs su mya ngan las 'das sam/ tshe dang ldan pa kun dga' bo ma yin te/ sangs rgyas bcom ldan 'das ni 'du shes dang tshor ba 'gog pa la snyoms par zhugs 
so/ /tshe dang ldan pa ma 'gags pa sangs rgyas bcom ldan 'das ni bsam gtan bzhi pa la snyoms par zhugs te/ zhi ba mi g.yo ba'i spyan dang ldan pa brnyes nas yongs su mya ngan las 'da'o zhes bdag gis bcom ldan 'das la mngon sum du thos shing mngon sum du bzung ngo / /de nas 

</font><hr>11-1-290a<br><font size=+1>
bcom ldan 'das 'du shes dang tshor ba 'gog pa las bzhengs te/ 'du shes med 'du shes med min skye mched la snyoms par zhugs so/ /'du shes med 'du shes med min skye mched las bzhengs nas ci yang med pa'i skye mched la snyoms par zhugs so/ /ci yang med pa'i skye 
mched las bzhengs nas rnam shes mtha' yas skye mched la snyoms par zhugs so/ /rnam shes mtha' yas skye mched las bzhengs nas nam mkha' mtha' yas skye mched la snyoms par zhugs so/ /nam mkha' mtha' yas skye mched las bzhengs nas bsam gtan bzhi pa la snyoms par zhugs 
so/ /bsam gtan bzhi pa las bzhengs nas bsam gtan gsum pa la snyoms par zhugs so/ /bsam gtan gsum pa las bzhengs nas bsam gtan gnyis pa la snyoms par zhugs so/ /bsam gtan gnyis pa las bzhengs nas bsam gtan dang po la snyoms par zhugs so/ /bsam 
gtan dang po las bzhengs nas bsam gtan gnyis pa la snyoms par zhugs so/ /bsam gtan gnyis pa las bzhengs nas bsam gtan gsum pa la snyoms par zhugs so/ /bsam gtan gsum pa las bzhengs nas bsam gtan bzhi pa la snyoms par zhugs te/ sangs rgyas bcom 
ldan 'das kyis bsam gtan bzhi pa la snyoms par zhugs nas zhi ba mi g.yo ba'i spyan dang ldan pa brnyes te yongs su mya ngan las 'das so/ /sangs rgyas bcom ldan 'das yongs su mya ngan las 'das ma thag tu sa chen po yang g.yos par gyur/ skar mda' yang lhung / phyogs kyang tshig /bar 
snang las lha dag gis rnga'i sgra yang bsgrags so/ /de'i tshe tshe dang ldan pa 'od srung chen po rgyal po'i khab 'od ma'i tshal bya ka lan da ka gnas pa na 'dug pa de sa g.yos pas sad de/ 'di ci zhig ces bsams na/ bcom ldan 'das yongs su mya ngan las 'das par mthong ngo / /des 
'dus byas kyi chos thams cad ni de dang 'dra'o zhes chos nyid la brten nas des bsams pa/ 'di ltar lus 'phags ma'i bu rgyal po ma skyes dgra rtsa ba med pa'i dad pa dang ldan pa des bcom ldan 'das yongs su mya ngan las 'das pa de thos par gyur na khrag dron por skyugs nas 'chi ba'i dus byed 

</font><hr>11-1-290b<br><font size=+1>
pa'i gnas su 'gyur bar rig nas de la thabs zhig bsgrub par bya'o snyam du bsams nas/ yul ma ga d+hA'i sna chen po la gtogs pa bram ze dbyar byed la 'di skad ces smras so/ /dbyar byed shes par gyis shig /bcom ldan 'das ni yongs su mya ngan las 'das par gyur te/ gal te lus 'phags 
ma'i bu rgyal po ma skyes dgra rtsa ba med pa'i dad pa dang ldan pa des bcom ldan 'das yongs su mya ngan las 'das pa thos na de khrag dron po skyugs nas 'chi ba'i dus byed par gyur na/ de la khyod kyis thabs bsgrub par rig par gyis shig /des smras pa/ 'phags pa thabs gang lags pa rim bzhin du gsungs 
shig /des smras pa/ dbyar byed tshur shog /khyod myur ba myur bar rgyal po'i skyed mos tshal du song la/ ji ltar bcom ldan 'das byang chub sems dpa' dga' ldan gyi gnas na bzhugs shing gzigs pa lngas gzigs te 'dod pa na spyod pa'i lha drug la lan gsum du sbyang ba mdzad nas glang po cher 
bstan te yum gyi lhums su gshegs pa dang / gshegs nas ji ltar byang chub kyi shing drung du bla na med pa yang dag par rdzogs pa'i byang chub mngon par rdzogs par sangs rgyas pa dang / ji ltar bcom ldan 'das yul bA rA Na sIr lan gsum du bzlas te chos kyi 'khor lo rnam pa bcu gnyis su bskor ba 
dang / ji ltar mnyan yod du cho 'phrul chen po bstan pa dang / ji ltar sum bcu rtsa gsum lha'i gnas su skrun pa'i yum gyi thad du gshegs nas chos bshad de grong khyer sgra can du bab pa dang / ji ltar phyogs gang dang gang na gdul ba de dang de dag btul nas/ sangs rgyas kyi mdzad pa mthar phyin te/ grong khyer 
rtswa can du tha ma'i gzims mal du gshegs pa de lta bu'i ri mo dag bri bar bya zhing / khyod kyis gzhong rings bdun ni mar gyi mar sar gyis/ brgyad pa ni tsan dan go shir Shas bkang ste skyed mos tshal gyi phyogs der gzhag go/ /ji tsam rgyal po sgor byung bar gyur pa dang / de la lha re zhig skyed mos tshal gzigs 
su gshegs zhes smras nas/ gal te ri mo mthong nas dbyar byed 'di ci yin zhes 'dri ba dang / rgya cher bshad par bya ste/ lha 'di ni grong khyer ser skya can lags te/ phyogs 'dir ni bcom ldan 'das 'khrungs so/ /'di ni chu bo nai rany+dza na'i 'gram lags te/ phyogs 'dir ni bcom ldan 'das 

</font><hr>11-1-291a<br><font size=+1>
rdo rje'i gdan la bzhugs nas bla na med pa yang dag par rdzogs pa'i byang chub mngon par rdzogs par sangs rgyas so/ /'di ni yul bA rA Na sI'i grong khyer lags te/ phyogs 'dir ni bcom ldan 'das kyis lan gsum du bzlas te chos kyi 'khor lo rnam pa bcu gnyis su bskor to/ /
'di ni mnyan yod kyi grong khyer lags te/ phyogs 'dir ni bcom ldan 'das kyis cho 'phrul chen po bstan to/ /'di ni grong khyer sgra can lags te/ 'dir ni bcom ldan 'das sum bcu rtsa gsum lha rnams kyi gnas nas babs so/ /'di ni grong khyer rtswa can lags te/ phyogs 'dir ni phyogs 
gang dang gang na 'dul ba de dang de dag btul nas sangs rgyas kyi mdzad pa mthar phyin te/ tha ma'i gzims mal du gshegs so zhes gyis dang / thos nas thos ma thag tu lha brgyal te sa la lhung bar 'gyur gyis/ de la khyod kyis gzhong rings mar sar gyis bkang ba'i nang du gzhug par bya'o/ /gang 
gi tshe mar sar de zhu bar gyur pa dang / de gnyis pa nas/ bdun pa'i bar du gzhug par bya'o/ /de nas phyung nas tsan dan go shir Shas bkang ba'i gzhong rings su chug shig dang / de sos par 'gyur ro zhes smras nas/ tshe dang ldan pa 'od srung chen po grong khyer rtswa can du song ngo / /dbyar byed kyang myur ba myur bar 
ri mo'i las thams cad rgya cher bris te/ bris nas rgyal po phyi rol du byung ba dang / lha skyed mos tshal du gshegs zhes smras te/ de skyed mos tshal du zhugs pa dang / ri mo dag mthong nas dbyar byed 'di ci yin zhes dris te/ des 'di ni grong khyer rtswa can lags te/ phyogs 'dir ni bcom ldan 'das kyis tha 
ma'i gzims mal du gshegs so zhes bya ba'i bar snga ma bzhin du rgyas par bshad do/ /des smras pa/ dbyar byed ci zer ci bcom ldan 'das yongs su mya ngan las 'das sam zhes smras pa dang / de cang mi smra bar 'dug go/ /de nas rgyal po ma skyes dgra brgyal te sa la lhung ba dang / dbyar byed kyis 
gzhong rings mar sar gyis bkang ba'i nang du lan bdun gyi bar du bcug nas/ de nas phyung ste/ tsan dan go shir Shas bkang ba'i gzhong rings kyi nang du bcug pa dang de sos par gyur to/ /sangs rgyas bcom ldan 'das mya ngan las 'das ma thag tu shing sA la zung gnyis kyi tshal sA la'i ljon shing mchog 

</font><hr>11-1-291b<br><font size=+1>
las me tog 'thor ba'i drung du bcom ldan 'das seng ge lta bur gzims pa dang / de'i tshe dge slong gzhan zhig gis tshigs su bcad de smras pa/ sA la zung ni rab mdzes pa'i/ /ljon shing mchog gi tshal bu 'dir/ /ston pa mya ngan 'das pa la/ /me tog dag gis rab tu gtor/ /sangs rgyas 
bcom ldan 'das mya ngan las 'das ma thag tu lha'i dbang po brgya byin gyis tshigs su bcad de smras pa/ kye ma 'du byed mi rtag ste/ /skye zhing 'jig pa'i chos can yin/ /skyes nas 'jig par 'gyur ba ste/ /de dag nye bar zhi ba bde/ /sangs rgyas bcom ldan 'das mya ngan las 'das ma thag tu mi mjed kyi 
bdag po tshangs pas tshigs su bcad de smras pa/ 'byung po kun gyis 'jig rten 'dir ni bsags pa'i mtha'/ /'dod 'gyur 'jig rten 'di na gang zag zla med cing / /de bzhin gshegs pa stobs rnams brnyes pa spyan ldan pa/ /ston pa 'di lta bu yang yongs su mya ngan 'das/ /sangs rgyas bcom ldan 
'das yongs su mya ngan las 'das ma thag tu tshe dang ldan pa ma 'gags pas tshigs su bcad de smras pa/ brtan pa'i thugs kyis skyob mdzad cing / /mi g.yo zhi ba brnyes gyur pa/ /dbugs dbyung ba dang rngub 'gags nas/ /spyan ldan yongs su mya ngan 'das/ /rnam pa thams cad mchog ldan 
pa/ /gang tshe ston pa dus mdzad de/ /de tshe rab tu sngangs gyur cing / /de tshe spu yang langs par gyur/ /zhum pa med pa'i thugs kyis ni/ /tshor ba dag la lhag par gnas/ /de yi thugs ni rnam grol ba/ /sgron ma de 'dra mya ngan 'das/ /sangs rgyas bcom ldan 'das yongs su mya ngan 
las 'das ma thag tu dge slong kha cig ni sa la 'gre ldog /kha cig ni dpung pa la bzung nas ku cho 'don/ /kha cig ni sdug bsngal gyis sems gzer cing 'dug /kha cig ni chos nyid la brten nas gang 'di ltar bdag cag la bcom ldan 'das kyis zhib tu bstan te thams cad kyi snying du sdug cing phangs 
pa/ dga' ba/ yid du 'ong ba dang bral nas med pa dang / zhig pa dang / bye bar gyur to/ /de nas tshe dang ldan pa ma 'gags pas tshe dang ldan pa kun dga' bo la 'di skad ces smras so/ /kye tshe dang ldan pa kun dga' bo dge slong rnams rim gyis dal bu dal bus zil gyis ma mnan na/ tshe bskal pa brgya phrag mang po 

</font><hr>11-1-292a<br><font size=+1>
thub pa'i lha rnams 'di ltar legs par gsungs pa'i chos 'dul ba la rab tu byung ba'i dge slong rnams so sor mi rtog par mang du gnas so zhes 'phya bar byed/ smod par byed/ kha zer bar byed do/ /tshe dang ldan pa ma 'gags pa la lha ji snyed yod pa shes sam zhes dris pa dang / kun dga' 
bo ji tsam grong khyer rtswa can gyi bar nas chu bo dbyig ldan gyi bar dang / ji tsam shing sA la zung gnyis kyi tshal gyi bar nas/ gyad kyis dbu rgyan btags pa'i mchod rten gyi bar dpag tshad bcu gnyis kho ra khor yug tu dbang che ba/ dbang che bar grags pa'i lha rnams kyis ma khyab cing ma gang ba cung zad kyang 
med de/ chung ngu na khar ba gzugs pa'i khyon tsam yang med par lha kha cig ni sa la 'gre ldog /kha cig ni dpung pa nas bzung nas ku cho 'don/ kha cig ni sdug bsngal gyis sems gzer cing 'dug /kha cig chos nyid la brten nas/ gang 'di ltar bdag cag la bcom ldan 'das kyis rnam grangs du 
mar kun du bstan te/ thams cad kyi snying du sdug cing phangs pa/ dga' ba dang yid du 'ong ba dang bral nas med pa dang / zhig pa dang / gyes par gyur to/ /de'i nub mo tshe dang ldan pa ma 'gags pas tshe dang ldan pa kun dga' bo la rnam par nges pa'i chos kyi gtam smras nas 'phags pa'i ngo bor cang mi smra 
bar 'dug go/ /de nas de'i mtshan mo nam nangs nas tshe dang ldan pa ma 'gags pas tshe dang ldan pa kun dga' bo la 'di skad ces smras so/ /tshe dang ldan pa kun dga' bo song la grong khyer rtswa can gyi gyad rnams la 'di skad ces gnas 'jog dag deng gi mtshan mo'i gung thun la ston pa 
phung po lhag ma med pa'i mya ngan las 'das pa'i dbyings su yongs su mya ngan las 'das kyis/ khyed kyi bya ba dang sgrub pa dag der byos la da phyin chad 'di skad ces grong gi nyen kor ba dag bdag cag gi ston pa phung po lhag ma med pa'i mya ngan las 'das pa'i dbyings su yongs su mya ngan 
las 'das te/ bdag cag gis de la mchod pa bya zhing brtson par bya ma nus so zhes yid la gcags par ma byed cig ces smros shig /tshe dang ldan pa ma 'gags pas de skad smras nas/ tshe dang ldan pa kun dga' bos tshe dang ldan pa ma 'gags pa'i ltar mnyan nas snam sbyar 

</font><hr>11-1-292b<br><font size=+1>
blangs te dge slong gzhan dag dang / phyi bzhin 'brang ba'i dge sbyong dag dang / grong khyer rtswa can gyi gyad rnams kyi 'dun khang ga la bar song ste phyin pa dang / de'i tshe grong khyer rtswa can gyi gyad rnams kyi 'dun khang na gyad lnga brgya tsam zhig bya ba dag cig gi phyir 'dus shing 'dug 
par gyur to/ /de nas tshe dang ldan pa kun dga' bos grong khyer rtswa can gyi gyad rnams la 'di skad ces smras so/ /grong khyer rtswa can gyi gyad kyi 'khor mang po tshogs shing 'dus pa shes ldan gnas 'jog dag nyon cig /deng gi mtshan mo'i gung thun la ston pa phung po lhag ma 
med pa'i mya ngan las 'das pa'i dbyings su mya ngan las 'das kyis/ gang khyed kyis bya ba dang sgrub pa dag der byos la phyin chad 'di skad ces grong gi nyen kor ba dag bdag cag gi ston pa phung po lhag ma med pa'i dbyings su yongs su mya ngan las 'das te/ bdag cag gis de 
la mchod cing brtson par byed ma nus so zhes yid la gcags par ma byed cig ces smras nas/ grong khyer rtswa can gyi gyad kha cig ni sa la 'gre ldog /kha cig ni dpung pa nas bzung nas ku cho 'don/ kha cig ni sdug bsngal gyis sems gzir cing 'dug /kha cig ni chos nyid 
la brten nas gang 'di ltar bdag cag la bcom ldan 'das kyis rnam grangs du mar kun du bstan te/ thams cad kyi snying du sdug cing phangs pa/ dga' ba dang / yid du 'ong ba dang bral nas med pa dang / zhig pa dang / bye bar gyur to/ /de nas grong khyer rtswa can gyi gyad rnams ji tsam 
grong khyer rtswa can gyi dri dang / phreng ba dang / bdug spos dang / phye ma dang / rol mo'i cha byad dag thogs te/ de dag gi bu dang / chung ma dang / bran pho dang / bran mo dang / las byed pa dang / zho shas 'tsho ba dang / de dag gi mdza' bshes dang / nye du dang / blon po dang / snag gi 
gnyen mtshams rnams grong khyer rtswa can nas byung nas shing sA la zung gnyis kyi tshal ga la ba der song ste phyin nas/ bcom ldan 'das seng ge lta bur gzims pa la dri dang / phreng ba dang / bdug spos dang / phye ma dang / rol mos bkur stir byas/ bla mar byas/ ri mor byas/ mchod par byas 

</font><hr>11-1-293a<br><font size=+1>
so/ /de nas gzhan yang grong khyer rtswa can gyi gyad gtso bo gtso bo rnams kyis tshe dang ldan pa kun dga' bo la 'di skad ces smras so/ /btsun pa kun dga' bo bcom ldan 'das kyi sku gdung la bdag cag rnams kyis mchod par bgyi ba dang / brtson pa ji lta bur 
bsgrub par bgyi lags/ gnas 'jog dag 'di lta ste/ 'khor los sgyur ba'i rgyal po la bya ba bzhin no/ /btsun pa kun dga' bo 'khor los sgyur ba'i rgyal po la ji ltar bgyid lags/ gnas 'jog dag 'khor los sgyur ba'i rgyal po la ni lus shing bal gyi 'da' 
bas dkri zhing shing bal gyi 'da' bas dkris nas ras zung lnga brgyas dkri bar bya'o/ /ras zung lnga brgyas dkris nas lcags kyi sgrom bur bcug ste/ 'bru mar gyis bkang nas steng nas lcags kyi kha gab gnyis kyis bkab ste/ dri zhim po'i shing thams cad spungs te/ des 
bsregs nas/ me de dag 'o mas bsad de de'i rus pa gser gyi bum pa'i nang du bcug nas lam po che'i bzhi mdor rus pa'i mchod rten brtsigs nas gdugs dang / rgyal mtshan dang / ba dan btsugs te/ dri dang / phreng ba dang / bdug pa dang / phye ma dang / rol 
mo'i sgras bkur stir byed/ bla mar byed/ ri mor byed/ mchod par byed cing dus ston chen po yang byed do/ /gnas 'jog dag 'khor los sgyur ba'i rgyal po la bya ba de bzhin du de bzhin gshegs pa dgra bcom pa yang dag par rdzogs pa'i sangs rgyas la de bas kyang 
lhag par bya'o/ /btsun pa kun dga' bos gsungs pa'i don bdag cag gis 'tshal ba ltar na gang gi phyir bdag cag gis gdugs gcig gam/ gnyis sam/ gsum gyis mi tshogs te sbyar bar dka' na zhag bdun tshun chad kyis bdag cag gis de bzhin du 
sbyar te/ bcom ldan 'das seng ge'i khri la gzims pa la dri dang / phreng ba dang / bdug pa dang / phye ma dang / rol mo'i sgras bkur stir bgyi/ bla mar bgyi/ ri mor bgyi/ mchod par bgyi'o/ /de bzhin du gyis shig ces tshe dang ldan pa kun dga' 

</font><hr>11-1-293b<br><font size=+1>
bo las thos nas/ grong khyer rtswa can gyi gyad rnams nyi ma bdun pa nyid la shing bal gyi 'da' ba dag bsags te/ shing bal gyi 'da' ba dag bsags nas ras zung lnga brgya yang bsags/ ras zung lnga brgya yang bsags nas/ lcags kyi sgrom yang bshams/ lcags 
kyi sgrom bshams nas/ dri zhim po'i shing thams cad kyang spungs/ dri zhim po'i shing thams cad spungs nas gser gyi bum pa yang sta gon byas/ gser gyi bum pa sta gon byas nas gser gyi khyogs dag kyang bshams te/ gser gyi khyogs bshams nas grong khyer rtswa 
can nas chu bo dbyig ldan gyi bar dang / shing sA la zung gi tshal nas gyad kyis dbu rgyan btags pa'i mchod rten gyi bar dpag tshad bcu gnyis thog thag ji tsam dri dang / phreng ba dang / bdug pa dang / phye ma dang / rol mo'i cha spyad dag thogs nas grong khyer rtswa can nas byung ste/ 
shing sA la zung gi tshal ga la bar song nas phyin pa dang / seng ge'i khri la gzims pa la dri dang / phreng ba dang / bdug pa dang / phye ma dang / rol mo'i sgras bkur stir byas/ bla mar byas/ ri mor byas/ mchod par byas so/ /gzhan yang grong khyer rtswa can gyi gyad 
gtso bo gtso bo dag gis grong khyer rtswa can gyi gyad rnams la 'di skad ces smras so/ /grong khyer rtswa can gyi gyad kyi 'khor mang po tshogs shing 'dus pa shes ldan gnas 'jog dag nyon cig /gyad kyi chung ma dang / gyad kyi bu mo dag gis ni bcom ldan 'das la gos kyi bla 
re bres shig /gyad rnams dang / gyad gzhon nu dag gis ni bcom ldan 'das kyi khyogs zung shig /nged cag gis ni dri dang / phreng ba dang / bdug pa dang / phye ma dang / rol mo'i sgras bkur stir bya/ bla mar bya/ ri mor bya/ mchod par bya ste/ 
grong khyer rtswa can gyi nub sgo nas dbus thog thag tu zhugs nas grong khyer rtswa can gyi shar sgor byung ste chu bo dbyig ldan rgal nas gyad kyis dbu rgyan btags pa'i mchod rten gyi drung du bzhugs su gsol la zhugs la bzhen par bya'o/ /de nas grong khyer rtswa can gyi gyad rnams kyis de bzhin 

</font><hr>11-1-294a<br><font size=+1>
du bgyi'o zhes mnyan nas gyad kyi chung ma dang / gyad kyi bu mo dag gis ni bcom ldan 'das la gos kyi gdugs dag bres/ gyad rnams dang / gyad gzhon nu dag gis ni bcom ldan 'das kyi khyogs gdeg par 'dod na/ bcom ldan 'das kyi khyogs 
gdeg par ma nus pa dang / tshe dang ldan pa ma 'gags pas tshe dang ldan pa kun dga' bo la 'di skad ces smras so/ /tshe dang ldan pa kun dga' bo grong khyer rtswa can gyi gyad rnams kyis bcom ldan 'das kyi khyogs gdeg par ma nus so/ /de ci'i phyir zhe na/ lha rnams 
kyi bsam pa yin no/ /tshe dang ldan pa ma 'gags pa lha rnams kyi bsam pa ji lta bu yin/ lha rnams kyis ni gyad kyi chung ma dang / gyad kyi bu mo dag gis na bcom ldan 'das la gos kyi bla re bre zhing / gyad rnams dang / gyad gzhon nu dag gis ni bcom ldan 
'das kyi khyogs la bzung nas bdag gis lha'i dri dang / phreng ba dang / bdug pa dang / phye ma dang / rol mo'i sgras bkur sti bya/ bla mar bya/ ri mor bya/ mchod pa byas te/ grong khyer rtswa can gyi nub phyogs kyi sgo nas dbus thog thag zhugs la grong khyer rtswa 
can gyi shar sgo nas byung ste/ chu bo dbyig ldan rgal nas gyad kyis dbu rgyan btags pa'i mchod rten gyi drung du bzhugs su gsol la zhugs la bzhen par bya'o zhes bsams so/ /tshe dang ldan pa ma 'gags pa lha rnams kyis ji ltar bsams pa de bzhin du bya'o/ 
de nas tshe dang ldan pa kun dga' bos grong khyer rtswa can gyi gyad rnams la 'di skad ces smras so/ /shes ldan gnas 'jog dag bcom ldan 'das kyi khyogs gdeg ma nus pa de ci'i phyir zhe na/ lha rnams kyis bsams pa yin no/ /btsun pa kun dga' bo lha rnams 
kyis ji ltar bsams lags/ lha rnams kyis ni gyad kyi chung ma dang / gyad kyi bu mo dag gis bcom ldan 'das la gos kyi bla re bre zhing gyad rnams dang / gyad gzhon nu dag gis ni bcom ldan 'das kyi khyogs btegs te/ bdag cag gis lha'i 

</font><hr>11-1-294b<br><font size=+1>
dri dang / phreng ba dang / bdug pa dang / phye ma dang / rol mo'i sgras bkur stir bya/ bla mar bya/ ri mor bya/ mchod par byas nas/ grong khyer rtswa can gyi nub phyogs kyi sgo nas dbus thog thag zhugs la grong khyer rtswa can gyi shar sgor byung ste/ chu bo dbyig ldan rgal 
nas/ gyad kyis dbu rgyan btags pa'i mchod rten gyi drung du bzhugs su gsol la zhugs la bzhen par bya'o zhes sems so/ /btsun pa kun dga' bo ji ltar lha rnams kyis bsams pa de bzhin du bgyi'o/ /de nas gyad kyi chung ma dang / gyad kyi bu mo dag gis ni bcom ldan 
'das la gos kyi bla re bres/ gyad rnams dang / gyad gzhon nu dag gis ni bcom ldan 'das kyi khyogs bteg ste/ khyogs bteg ma thag tu bar snang la gnas pa'i lha dag gis lha'i me tog ut+pa la dang / pad ma dang / pad ma dkar po dang / ku mu da dang / a 
ga ru'i phye ma dang / ta ma la'i phye ma dang / lha'i me tog man dA ra ba la sogs pa dag gis ni gtor/ lha'i rol mo'i sgra dag ni blangs/ gos mang po dag ni bor ro/ /gzhan yang grong khyer rtswa can gyi gyad gtso bo gtso bo dag gis grong khyer rtswa can gyi gyad rnams la 
'di skad ces smras so/ /shes ldan gnas 'jog dag bdag cag gi mi'i rol mo'i cha spyad dag bor la/ bdag cag gis lha'i dri dang / phreng ba dang / bdug pa dang / phye ma dang / rol mo'i sgras bkur sti bya/ bla mar bya/ ri mor bya/ mchod pa byas la/ 
grong khyer rtswa can gyi nub phyogs kyi sgo nas grong khyer rtswa can gyi shar sgor byung la/ chu bo dbyig ldan rgal nas gyad kyis dbu rgyan btags pa'i mchod rten gyi drung du bzhugs su gsol la zhugs la bzhen par bya'o zhes smras so// //'dul ba phran tshegs 
kyi gzhi/bam po lnga bcu rtsa drug pa/ de nas grong khyer rtswa can gyi gyad rnams kyis mi'i rol mo'i cha spyad dag bor te/ lha'i dri dang / phreng ba dang / bdug pa dang / phye ma dang / rol mo'i sgras bkur stir byas/ bla mar byas/ ri mor byas/ mchod 

</font><hr>11-1-295a<br><font size=+1>
par byas te/ grong khyer rtswa can gyi nub sgo nas dbus thog thag tu zhugs te/ grong khyer rtswa can gyi shar sgor byung nas chu bo dbyig ldan brgal te/ gyad kyis dbu rgyan btags pa'i mchod rten gyi drung du bzhugs su gsol lo/ /de'i tshe grong khyer 
rtswa can du lha'i me tog man dA ra ba mang po pus mo nub tsam du bab par gyur to/ /de'i tshe 'tsho ba can gzhan zhig gis lha'i me tog man dA ra ba de las mang du blangs te yul sdig pa can du bya ba zhig gi ched du song ba dang / de'i tshe tshe dang ldan pa 'od srung chen po 'khor lnga 
brgya dang chas te/ yul sdig pa can gyi bar nas grong khyer rtswa can gyi bar du lam du zhugs te/ bcom ldan 'das kyi sku gdung ma nyams pa la phyag 'tshal bar 'dod pa dang / tshe dang ldan pa 'od srung chen pos 'tsho ba can de lam kar mthong ngo / /mthong 
nas 'tsho ba can de la 'di skad ces smras so/ /tshe dang ldan pa 'tsho ba can khyod gang nas 'dir 'ongs/ gang du 'gro/ btsun pa 'od srung chen po bdag ni grong khyer rtswa can nas 'dir mchis te/ bgyi ba zhig gi ched la yul sdig pa can du mchi'o/ /tshe 
dang ldan pa 'tsho ba can khyod kyis nga'i ston pa shes sam/ 'phags pa 'tshal lags te/ dge slong gau ta ma lags so/ /'phags pa 'od srung chen po ston pa de yongs su mya ngan las 'das nas deng du dgung bdun lon lags te/ de'i sku gdung la 
mchod pa bgyis pa'i lha'i me tog man dA ra ba bdag gis blangs pa 'di lags so/ /de'i tshe rgan zhugs gzhan zhig tshul ma yin pa'i tshig 'di skad du smra ste/ 'di ltar bdag ni 'gyod pa dang rgan zhugs kyis 'di ltar kye dge slong dag 'di ni bya ba'o/ /'di ni bya ba 
ma yin pa'o zhes smra ba las thar bar gyur te/ da ni bdag cag gis gang nus pa de ni bya/ gang mi nus pa de ni mi bya'o zhes de skad du mi rigs par smra ba dang / bar snang la gnas pa'i lha dag gis bsgribs te/ ji ltar tshe dang ldan pa 'od srung chen po ma 

</font><hr>11-1-295b<br><font size=+1>
gtogs pa dge slong gi 'khor de gcig gis kyang thos par ma gyur to/ /de nas tshe dang ldan pa 'od srung chen pos tshul ma yin pa'i tshig de lta bu smra ba gdul ba'i don du lam las gyur te/ dge slong gi dge 'dun gyi gung la stan bshams pa nyid la 'dug go/ /'dug nas 
tshe dang ldan pa 'od srung chen pos dge slong rnams la 'di skad ces smras so/ /tshe dang ldan pa dag 'dus byas thams cad ni mi rtag pa/ mi brtan pa/ yid brtan du mi rung ba/ 'gyur ba'i chos can yin te/ ji srid du 'di ltar 'dus byas kyi chos thams cad la yid dbyung bar bya/ 
rnam par grol bar bya'o/ /kye tshe dang ldan pa dag bdag ni bcom ldan 'das kyi sku gdung ma nyams pa blta bar rings par 'gro'o/ /de nas grong khyer rtswa can gyi gyad rnams kyis bcom ldan 'das kyi sku gdung la shing bal gyi 'da' bas dkris/ shing bal gyi 'da' bas 
dkris nas/ ras zung lnga brgyas dkris so/ /ras zung lnga brgyas dkris nas/ lcags kyi sgrom du bcug ste 'bru mar gyis bkang ngo / /lcags kyi sgrom du bcug ste 'bru mar gyis bkang nas/ steng nas lcags kyi kha gab gnyis kyis bkab ste/ dri zhim po'i shing 
thams cad spungs nas zhugs la bzhen par 'dod na me spar bar ma nus so/ /de nas tshe dang ldan pa ma 'gags pas tshe dang ldan pa kun dga' bo la 'di skad ces smras so/ /tshe dang ldan pa kun dga' bo grong khyer rtswa can gyi gyad rnams kyis bcom ldan 'das kyi sku gdung 
zhugs la bzhen par ma nus so/ /de ci'i phyir zhe na/ lha rnams kyis bsams pa yin no/ /tshe dang ldan pa ma 'gags pa lha rnams kyis ji ltar bsams/ 'di ltar tshe dang ldan pa 'od srung chen po 'khor lnga brgya dang chas te yul sdig pa can gyi bar nas grong 
khyer rtswa can gyi bar du lam du zhugs te/ bcom ldan 'das kyi sku gdung ma nyams pa la phyag 'tshal bar 'dong ba yin no/ /tshe dang ldan pa ma 'gags pa ji ltar lha rnams kyis bsams pa de bzhin du bya'o/ /de nas tshe dang ldan pa kun dga' bos grong khyer rtswa 

</font><hr>11-1-296a<br><font size=+1>
can gyi gyad rnams la 'di skad ces smras so/ /grong khyer rtswa can gyi gyad kyi 'khor mang po tshogs shing 'dus pa shes ldan gnas 'jog dag nyon cig /bcom ldan 'das kyi sku gdung zhugs la bzhen par ma nus pa de ci'i phyir zhe na/ lha rnams kyis 
bsams pa yin no/ /tshe dang ldan pa kun dga' bo lha rnams kyis ji ltar bsams lags/ de ni tshe dang ldan pa 'od srung chen po 'khor lnga brgya dang chas te yul sdig pa can gyi bar nas grong khyer rtswa can gyi bar du lam du zhugs te bcom ldan 'das kyi sku gdung ma nyams pa 
la phyag 'tshal bar 'dong ba yin no/ /de dag gis smras pa/ btsun pa kun dga' bo ji ltar lha rnams kyis bsams pa de bzhin du bgyi'o/ /de nas tshe dang ldan pa 'od srung chen po grong khyer rtswa can du phyin pa dang / 'khor dag gis tshe dang ldan pa 'od srung chen po 
rgyang ring po nas mthong ngo / /mthong nas kyang dri dang / phreng ba dang / bdug pa dang / phye ma dang / rol mo'i cha spyad dag thogs te/ tshe dang ldan pa 'od srung chen po ga la ba der song ste phyin nas/ tshe dang ldan pa 'od srung chen po'i rkang pa la mgo bos phyag 
'tshal te/ tshe dang ldan pa 'od srung chen po'i phyi bzhin du rjes su 'brang zhing song ngo / /tshe dang ldan pa 'od srung chen po 'khor brgya phrag du ma dang / 'khor stong phrag du ma dang / 'khor brgya stong phrag du ma dang / bcom ldan 'das ga la ba der song ste phyin pa dang / 
dri zhim po'i shing thams cad bsal to/ /dri zhim po'i shing thams cad bsal nas lcags kyi sgrom kha phye'o/ /lcags kyi sgrom kha phye nas ras zung lnga brgya bshus so/ /ras zung lnga brgya bshus nas shing bal gyi 'da' ba yang bshus so/ /shing bal gyi 'da' 
ba bshus nas bcom ldan 'das kyi sku gdung ma nyams pa la phyag byas so/ /de'i tshe na sa chen po 'di'i steng na nyan thos chen po bzhi yod de/ tshe dang ldan pa kun shes kauN+Di n+ya dang / tshe dang ldan pa skul byed chen po dang / tshe dang ldan pa stobs bcu 'od srung dang / tshe 

</font><hr>11-1-296b<br><font size=+1>
dang ldan pa 'od srung chen po'o/ /de dag gi nang na tshe dang ldan pa 'od srung chen po ye shes dang ldan pa/ bsod nams che ba/ chos gos dang / bsod snyoms dang / mal stan dang / na ba'i rkyen sman dang / yo byad dag rnyed pa yin no/ /de nas tshe dang ldan pa 'od srung 
chen po de 'di snyam du sems te/ ma la bdag nyid kyis bcom ldan 'das la mchod pa'i las bya'o snyam du spro ba bskyed nas/ tshe dang ldan pa 'od srung chen pos shing bal gyi 'da' ba gzhan dag sta gon byas te/ shing bal gyi 'da' ba gzhan dag sta gon byas nas/ 
gzhan yang ras zung lnga brgya sta gon byas so/ /ras zung lnga brgya gzhan dag sta gon byas nas bcom ldan 'das kyi sku gdung la shing bal gyi 'da' bas dkris so/ /shing bal gyi zla bas dkris nas ras zung lnga brgyas dkris so/ /ras zung lnga brgyas dkris nas/ 
lcags kyi sgrom du bcug ste 'bru mar gyis bkang ngo / /lcags kyi sgrom du bcug ste 'bru mar gyis bkang nas steng du lcags kyi kha gab gnyis kyis bkab ste shing dri zhim po thams cad spungs so/ /spungs nas phyogs gcig tu song ba dang / ji ltar de sangs 
rgyas rnams kyi sangs rgyas kyi mthu dang / lha rnams kyi lha'i mthus de rang 'bar bar gyur to/ /de nas tshe dang ldan pa kun dga' bo bcom ldan 'das kyi sku gdung spungs pa de dag la bskor ba byas nas de'i tshe tshigs su bcad de smras pa/ rnam par 'dren pa rin 
chen sku mnga' ba/ /rdzu 'phrul chen po tshangs pa'i 'jig rten gshegs/ /sangs rgyas sku la ras zung lnga brgya dang / /chos gos stong snyed kun du dkris gyur pa/ /nyid kyi gzi brjid kyis ni sku gdung dang / /kun du dkris pa rab tu tshig par gyur/ /
de la chos gos gnyis ni ma tshig pa/ /nang rim dang ni phyi rim 'di rnam gnyis/ /de nas grong khyer rtswa can gyi gyad rnams kyis me de dag 'o mas bsad pa dang / de nas 'o ma las shing bzhi skyes par gyur te/ 'di lta ste/ gser can dang / ser 

</font><hr>11-1-297a<br><font size=+1>
skya dang / rta don dang / u dum bA ra zhes bya ba yin no/ /de nas grong khyer rtswa can gyi gyad rnams kyis de'i sku gdung gser gyi bum pa'i nang du bcug ste/ gser las byas pa'i khyogs kyi steng du bzhag nas dri dang / phreng ba dang / bdug 
pa dang / phye ma dang / rol mo'i sgras bkur stir byas/ bla mar byas/ ri mor byas/ mchod pa byas te grong khyer rtswa can du phyin nas/ der grong khyer mchog gi dbus su bzhugs su gsol nas dri dang / phreng ba dang / bdug pa dang / phye ma dang / 
rol mo'i sgras bkur stir byas/ bla mar byas/ ri mor byas/ mchod pa byas so/ /de nas yul sdig pa can gyi gyad rnams kyis grong khyer rtswa can du bcom ldan 'das yongs su mya ngan las 'das nas deng du zhag bdun lon nas sku gdung la sku gdung gi mchod pa 
byed do zhes thos so/ /thos nas kyang dpung gi tshogs yan lag bzhi pa glang po che'i tshogs dang / rta'i tshogs dang / shing rta'i tshogs dang / dpung bu chung gi tshogs go bskon te/ grong khyer rtswa can gyi gyad ga la ba der song ste phyin nas/ grong khyer rtswa can gyi 
gyad rnams la 'di skad ces smras so/ /grong khyer rtswa can gyi gyad kyi 'khor mang po tshogs shing 'dus pa shes ldan dag nyon cig /bcom ldan 'das ni nged la yun ring po nas phangs shing sdug pa yin te/ de khyed kyi grong khyer gyi nyen kor du rten pa las yongs su mya 
ngan las 'das na/ bcom ldan 'das de'i sku gdung sha ri ram gyi skal ba de nged la byin cig dang / de nged kyis yul sdig pa can du bcom ldan 'das de'i sku gdung gi mchod rten brtsigs la gdugs dang / rgyal mtshan dang / ba dan gzugs shing / dri dang / 
phreng ba dang / bdug pa dang / phye ma dang / rol mo'i sgras bkur sti bya/ bla mar bya/ ri mor bya/ mchod par bya ste/ mchod pa byas nas dus ston chen po yang bya'o/ /gnas 'jog dag bcom ldan 'das de ni nged la yang phangs shing sdug pa yin la/

</font><hr>11-1-297b<br><font size=+1>
nged kyi grong gi nyen kor du rten pa las 'das par gyur pas bcom ldan 'das de'i sku gdung sha ri ram gyi skal ba nged kyis sbyin par mi bya'o/ /gal te byin na de lta na ni legs/ ji ste ma byin par gyur na dmag gis dbrog go/ /grong khyer rtswa can gyi gyad rnams kyis de bzhin du bya'o 
zhes mnyan to/ /yul rtog pa g.yo ba na gnas pa'i rgyal rigs bu lu ka dang / grong khyer sgra sgrogs na gnas pa'i rgyal rigs krod T+ya dang / khyab 'jug gling na gnas pa'i bram ze dang / grong khyer ser skya na gnas pa'i rgyal rigs shAkya dang / yul 
yangs pa can na gnas pa'i rgyal rigs lits+tsha bI rnams kyis kyang thos/ yul ma ga d+hA'i rgyal po lus 'phags ma'i bu ma skyes dgras kyang bcom ldan 'das yongs su mya ngan las 'das te/ yul sdig pa can gyi gyad rnams dang / yul rtog pa 
g.yo ba'i rgyal rigs bu lu ka dang /grong khyer sgra sgrogs kyi rgyal rigs krod T+ya dang / khyab 'jug gling gi bram ze dang / yul ser skya na gnas pa'i rgyal rigs shAkya dang / yul yangs pa can gyi rgyal rigs lits+tsha bI rnams dpung gi tshogs 
yan lag bzhi pa go bskon te/ grong khyer rtswa can du sku gdung la mchod pa byed cing der sku gdung gi skal ba len du song ngo zhes thos so/ /thos nas kyang yul ma ga d+hA'i sna chen po la gtogs pa bram ze dbyar byed la 'di skad ces smras so/ /dbyar byed 
ngas ni bcom ldan 'das yongs su mya ngan las 'das nas sdig pa can gyi gyad rnams dang / yul rtog pa g.yo ba'i rgyal rigs bu lu ka dang / grong khyer sgra sgrogs kyi rgyal rigs krod T+ya dang / khyab 'jug gling gi bram ze dang / yul ser skya na 
gnas pa'i rgyal rigs shAkya dang / yul yangs pa can gyi rgyal rigs lits+tsha bI rnams dpung gi tshogs yan lag bzhi pa go bskon te/ grong khyer rtswa can du sku gdung la mchod pa byed cing der sku gdung gi skal ba len du song ngo zhes thos na/ khyod 

</font><hr>11-1-298a<br><font size=+1>
kyis shes sam/ de bas na bdag cag kyang dpung gi tshogs yan lag bzhi pa go bskon te/ bcom ldan 'das kyi sku gdung gi skal ba blang bar bya'o/ /des lha de bzhin du go bskon par bgyi'o zhes smras nas/ des dpung gi 
tshogs yan lag bzhi pa go bskon te/ rgyal po ma skyes dgra yang glang po che la zhon pa dang / des bcom ldan 'das kyi yon tan rjes su dran pas brgyal bar gyur to/ /de nas glang po che las phab ste rta la bskyon pa dang / der yang brgyal bar gyur te/ des 
smras pa/ dbyar byed ngas ni mi nus kyis/ khyod nyid dpung gi tshogs yan lag bzhi pa go bskon te/ song la grong khyer rtswa can gyi gyad rnams la nga'i bkas gnod pa chung ngam/ nyam nga ba chung ngam/ bskyod pa yang ngam/ 'tsho'am/ stobs dang 
bde ba la reg par gnas sam zhes nad dris la 'di skad ces/ shes ldan dag bcom ldan 'das de ni nga la yun ring po nas phangs shing sdug pa bla mar gyur pa yin te/ de khyed kyi grong gi nyen kor du yongs su mya ngan las 'das par gyur na/ shes ldan dag 
bcom ldan 'das de'i sku gdung sha ri ram gyi skal ba nga la byin cig dang / des na nga rgyal po'i khab tu bcom ldan 'das de'i sku gdung gi mchod rten brtsigs la/ gdugs dang / rgyal mtshan dang / ba dan gzugs shing / dri dang / phreng ba dang / 
bdug pa dang / phye ma dang / rol mo'i sgras bkur stir bya/ bla mar bya/ ri mor bya/ mchod par bya'o/ /mchod pa byas nas dus ston chen po yang bya'o zhes bsgo shig /lha de bzhin du bgyi'o zhes yul ma ga d+hA'i sna chen po la gtogs pa bram ze dbyar byed kyis 
rgyal po ma skyes dgra las mnyan nas dpung gi tshogs yan lag bzhi pa go bskon te/ grong khyer rtswa can ga la ba der song ste phyin pa dang / grong khyer rtswa can gyi gyad rnams la 'di skad ces smras so/ /grong khyer rtswa can gyi gyad kyi 'khor mang po tshogs shing 'dus pa shes 

</font><hr>11-1-298b<br><font size=+1>
ldan dag nyon cig /shes ldan dag la yul ma ga d+hA'i rgyal po lus 'phags ma'i bu rgyal po ma skyes dgra gnod pa chung ngam/ nyam nga ba chung ngam/ bskyod pa yang ngam/ 'tsho'am/ stobs dang bde ba la reg par gnas sam zhes nad 'dri zhing / 'di skad ces shes ldan dag 
bcom ldan 'das de ni nga la yun ring po nas phangs shing sdug pa bla mar gyur pa yin te de khyed kyi grong gi nyen kor du yongs su mya ngan las 'das par gyur na shes ldan dag bcom ldan 'das de'i sku gdung sha ri ram gyi skal ba nga la byin cig dang / des na nga rgyal po'i khab tu 
bcom ldan 'das de'i sku gdung gi mchod rten brtsigs la gdugs dang / rgyal mtshan dang / ba dan gzugs shing / dri dang / phreng ba dang / bdug pa dang / phye ma dang / rol mo'i sgras bkur sti bya/ bla mar bya/ ri mor bya/ mchod par bya'o/ /mchod 
pa byas nas dus ston chen po yang bya'o zhes bka' stsal to/ /dbyar byed bcom ldan 'das de ni nged la yang yun ring po nas phangs shing sdug pa bla mar gyur pa yin te/ de nged kyi grong gi nyen kor du yongs su mya ngan las 'das pas nged kyis de'i sku gdung sha ri ram 
gyi skal ba sbyin par mi bya'o/ /de nas yul ma ga d+hA'i sna chen po la gtogs pa bram ze dbyar byed kyis grong khyer rtswa can gyi gyad rnams la 'di skad ces smras so/ /gal te byin na de lta na ni legs/ ji ste ma byin par gyur na dmag gis dbrog par bya'o/ /grong 
khyer rtswa can gyi gyad rnams kyis de bzhin du bya'o zhes mnyan nas/ de dag gis rgyal po'i 'khor mang po 'dus pa mthong nas gyad kyi chung ma dang / gyad gzhon nu dag kyang mda' 'phong bslabs so/ /ji tsam na yul sdig pa can gyi gyad rnams dang / yul rtog 
pa g.yo ba'i rgyal rigs bu lu ka dang / grong khyer sgra sgrogs kyi rgyal rigs krod T+ya dang / khyab 'jug gling gi bram ze dang / yul ser skya na gnas pa'i rgyal rigs shAkya dang / yul yangs pa can gyi rgyal rigs lits+tsha bI dang / yul ma ga d+hA'i sna chen po 

</font><hr>11-1-299a<br><font size=+1>
la gtogs pa bram ze dbyar byed rnams kyis dpung gi tshogs yan lag bzhi pa glang po che'i tshogs dang / rta'i tshogs dang / shing rta'i tshogs dang / dpung bu chung gi tshogs go bskon te/ grong khyer rtswa can gyi gyad rnams kyi drung du dmag 
brgal ba'i phyir lhags so/ /de nas grong khyer rtswa can gyi gyad rnams kyis gyad kyi chung ma dang / gyad gzhon nu dag grong khyer gyi phyir bkod de dpung gi tshogs yan lag bzhi pa glang po che'i tshogs dang / rta'i tshogs dang / shing rta'i tshogs dang / dpung 
bu chung gi tshogs go bskon te/ pha rol po'i dmag gi tshogs bdun po dag gi drung du dmag brgal ba'i phyir byung ngo / /de'i tshe bram ze'i rigs bre bo dang mnyam pa 'khor 'dus pa de nyid du 'ongs te/ de nas bram ze'i rigs bre bo dang mnyam pas phan tshun 
gnyis ka nas g.yul mang po bshams pa 'thabs par gyur na ring po mi thogs par gcig la gcig 'chi bar 'gyur bar rig nas g.yang gzhi bskor te/ grong khyer rtswa can gyi gyad ga la ba der song ste phyin nas grong khyer rtswa can gyi gyad rnams la 'di skad ces 
smras so/ /grong khyer rtswa can gyi gyad kyi 'khor mang po tshogs shing 'dus pa shes ldan dag nyon cig /bcom ldan 'das gau ta ma de ni yun ring po nas bzod pa dang ldan pa/ bzod pa'i bsngags pa brjod pa yin no/ /shes ldan dag bcom ldan 
'das gau ta ma de bzod pa dang ldan zhing bzod pa'i bsngags pa brjod pa yin na sku gdung gi phyir phan tshun gcig la gcig gsod par byed pa ni mi rigs pas kho bos bcom ldan 'das gau ta ma de'i sku gdung cha brgyad du bgo bar spro bar byas/ gang gi phyir bum 
par sku gdung bcug pa'i bum pa de kho bo la byin cig dang / des na kho bos bre bo'i grong khyer du bcom ldan 'das gau ta ma de'i sku gdung gi mchod rten brtsigs la gdugs dang / rgyal mtshan dang / ba dan gzugs shing / dri dang / phreng ba dang / bdug 

</font><hr>11-1-299b<br><font size=+1>
pa dang / rol mo'i sgras bkur stir bya'o/ /bla mar bya'o/ /ri mor bya'o/ /mchod pa bya'o/ /mchod pa byas nas dus ston chen po yang bya'o/ /grong khyer rtswa can gyi gyad rnams kyis bram ze'i rigs bre bo dang mnyam pa la de bzhin du bya'o zhes mnyan to/ /de nas 
bram ze'i rigs bre bo dang mnyam pa yul sdig pa can gyi gyad rnams dang/ yul rtog pa g.yo ba'i rgyal rigs pu lu ka dang / grong khyer sgra sgrogs kyi rgyal rigs krod T+ya dang / khyab 'jug gling gi bram ze dang / yul ser skya na gnas pa'i rgyal rigs shAkya dang / 
yul yangs pa can gyi rgyal rigs lits+tsha bI dang / yul ma ga d+hA'i sna chen po la gtogs pa bram ze dbyar byed ga la ba der song ste phyin nas/ yul ma ga d+hA'i sna chen po la gtogs pa bram ze dbyar byed la 'di skad ces smras so/ /dbyar byed shes par gyis shig /
bcom ldan 'das gau ta ma de ni yun ring po nas bzod pa dang ldan zhing bzod pa'i bsngags pa brjod pa yin no/ /bcom ldan 'das gau ta ma de bzod pa dang ldan zhing bzod pa'i bsngags pa brjod pa yin na/ shes ldan dbyar byed khyed sku gdung gi phyir phan tshun gcig 
la gcig gsod par byed pa ni mi rigs pas kho bos bcom ldan 'das gau ta ma de'i sku gdung de cha brgyad du bgo bar spro bar byas/ gang gi phyir bum par sku gdung bcug pa'i bum pa de kho bo la byin cig dang / des na kho bos bre bo'i grong khyer du bcom ldan 
'das gau ta ma de'i sku gdung gi mchod rten brtsigs la gdugs dang / rgyal mtshan dang / ba dan gzugs shing / dri dang / phreng ba dang / bdug pa dang / rol mo'i sgras bkur stir bya'o/ /bla mar bya'o/ /ri mor bya'o/ /mchod par 
bya'o/ /mchod par byas nas dus ston chen po yang bya'o/ /yul ma ga d+hA'i sna chen po la gtogs pa bram ze dbyar byed la sogs pas bram ze'i rigs bre bo dang mnyam pa la de bzhin du bya'o zhes mnyan to/ /de nas bram ze'i rigs bre bo dang mnyam pas bcom 

</font><hr>11-1-300a<br><font size=+1>
ldan 'das kyi sku gdung cha brgyad du bgos te/ cha gcig grong khyer rtswa can gyi gyad rnams la byin no/ /des na grong khyer rtswa can gyi gyad rnams kyis bcom ldan 'das kyi sku gdung gi mchod rten brtsigs nas gdugs dang / rgyal mtshan dang / ba dan 
btsugs nas dri dang / phreng ba dang / bdug pa dang / phye ma dang / rol mo'i sgras bkur stir byas/ bla mar byas/ ri mor byas/ mchod pa byas te/ dus ston chen po yang byas so/ /cha gnyis pa ni yul sdig pa can gyi gyad rnams la/ cha gsum pa ni 
yul rtog pa g.yo ba'i rgyal rigs bu lu ka la/ cha bzhi pa ni grong khyer sgra sgrogs kyi rgyal rigs krod T+ya la/ cha lnga pa ni khyab 'jug gling gi bram ze la/ cha drug pa ni yul ser skya na gnas pa'i rgyal rigs shAkya rnams la/ cha bdun pa ni yul yangs pa 
can na gnas pa'i rgyal rigs lits+tsha bI rnams la/ cha brgyad pa ni yul ma ga d+hA'i sna chen po la gtogs pa bram ze dbyar byed la byin te/ des na yul ma ga d+hA'i rgyal po lus 'phags ma'i bu ma skyes dgras bcom ldan 'das kyi sku gdung gi mchod rten 
brtsigs te gdugs dang / rgyal mtshan dang / ba dan btsugs nas dri dang / phreng ba dang / bdug pa dang / phye ma dang / rol mo'i sgras bkur stir byas/ bla mar byas/ ri mor byas/ mchod pa byas te/dus ston chen po yang byas 
so/ /de nas grong khyer rtswa can gyi gyad rnams kyis gang gi phyir bum par sku gdung bcug pa'i bum pa de bram ze'i rigs bre bo dang mnyam pa la byin no/ /de nas bram ze'i rigs bre bos bre bo dang mnyam pa'i grong khyer du bcom ldan 'das kyi sku gdung gi mchod rten 
brtsigs te gdugs dang / rgyal mtshan dang / ba dan btsugs nas dri dang / phreng ba dang / bdug pa dang / phye ma dang / rol mo'i sgras bkur stir byas/ bla mar byas/ ri mor byas/ mchod pa byas te/ dus ston chen po yang byas so/ /de nas 

</font><hr>11-1-300b<br><font size=+1>
de'i tshe bram ze'i khye'u n+ya gro d+ha skyes 'khor 'dus pa de nyid du 'ongs te/ de nas bram ze'i khye'u n+ya gro d+has grong khyer rtswa can gyi gyad rnams la 'di skad ces smras so/ /grong khyer rtswa can gyi gyad kyi 'khor mang po tshogs shing 'dus pa shes ldan dag nyon cig /bcom ldan 'das 
gau ta ma de ni yun ring po nas bdag la phangs shing sdug pa yin te/ /de khyed kyi grong khyer du yongs su mya ngan las 'das na/ shes ldan dag bcom ldan 'das de'i sku gdung zhugs la bzhen pa'i sol ba de bdag la byin cig dang / des na bdag gis yul n+ya gro d+ha 
can du bcom ldan 'das gau ta ma de'i sol ba'i mchod rten brtsigs la/ gdugs dang / rgyal mtshan dang / ba dan btsugs shing dri dang / phreng ba dang / bdug pa dang / phye ma dang / rol mo'i sgras bkur sti bya'o/ /bla mar bya'o/ /ri mor bya'o/ /
mchod pa bya'o/ /mchod pa byas nas dus ston chen po yang bya'o/ /grong khyer rtswa can gyi gyad rnams kyis bram ze'i khye'u n+ya gro d+ha la sku gdung gi sol ba byin te/ bram ze'i khye'u n+ya gro d+has yul n+ya gro d+ha can du bcom ldan 'das kyi sol ba'i mchod rten brtsigs te gdugs 
dang / rgyal mtshan dang / ba dan btsugs nas dri dang / phreng ba dang / bdug pa dang / phye ma dang / rol mo'i sgras bkur stir byas/ bla mar byas/ ri mor byas/ mchod par byas te/ dus ston chen po yang byas so/ /de'i tshe 'dzam bu'i gling du 
bcom ldan 'das kyi sku gdung gi mchod rten brgyad dang / bum pa'i mchod rten dang dgu/sol ba'i mchod rten dang bcur gyur to/ /spyan ldan sku gdung bre bo brgyad dag las/ /bdun ni 'dzam bu gling ba'i mchod par thob/ /skyes bu mchog de'i bre bo gang zhig ni/ /
grong khyer sgra sgrogs klu yi rgyal pos mchod/ /skyes mchog de yi mche ba bzhi dag las/ /mche ba gcig ni rtsa gsum 'jig rten mchod/ /gnyis pa tshig 'dzin grong khyer yid 'ong na/ /gsum pa ka ling rgyal po'i yul na ste/ /skyes mchog de yi mche ba 

</font><hr>11-1-301a<br><font size=+1>
bzhi pa ni/ /grong khyer sgra sgrogs klu yi rgyal pos mchod/ /mya ngan med rgyal skya snar bu gnas pas/ /mchod rten bdun po rgya cher spel byas te/ /de yi mthu yis dbyig 'dzin 'dir yang ni/ /smon lam dngos pos mngon par brgyan gyur te/ /'di 
ltar spyan ldan sku gdung de la ni/ /lha dbang klu dbang mi yi dbang po dang / /mi dang klu dang gnod sbyin bdag po yis/ /rab tu bkur nas bkur sti mchod pa byas/ /rab mkhyen thugs rjes ldan pa stobs mnga' ba/ /shAkya 'khrungs ma ga d+hAr ni byang chub ste/ /ka shir 
chos kyi 'khor lo bskor gyur nas/ /grong khyer rtswa can brten nas mya ngan 'das/ /gang gi tshe tshe dang ldan pa shA ri'i bu yongs su mya ngan las 'das pa'i tshe dge slong brgyad khri yongs su mya ngan las 'das so/ /gang gi tshe tshe dang ldan pa maud gal gyi bu chen po yongs su 
mya ngan las 'das pa de'i tshe dge slong bdun khri yongs su mya ngan las 'das so/ /gang gi tshe bcom ldan 'das yongs su mya ngan las 'das pa de'i tshe dge slong khri brgyad stong yongs su mya ngan las 'das te/ lha'i tshe bskal pa brgya phrag mang po thub pa dag ci bcom 
ldan 'das kyi gsung rab ni dud pa tsam du gyur te/ dge slong dbang yod pa dag kyang yongs su mya ngan las 'das pas bcom ldan 'das kyi mdo sde dang 'dul ba dang / ma mo dag mi sgrogs so zhes 'phya bar byed/ smod par byed/ kha zer bar byed do/ /de 
nas tshe dang ldan pa 'od srung chen pos dge slong rnams la 'di skad ces smras so/ /tshe dang ldan pa dag shes par gyis shig /tshe dang ldan pa shA ri'i bu yongs su mya ngan las 'das pa'i tshe dge slong brgyad khri yongs su mya ngan las 'das so/ /tshe dang ldan pa 
maud gal gyi bu chen po yongs su mya ngan las 'das pa'i tshe dge slong bdun khri yongs su mya ngan las 'das so/ /da 'dir bcom ldan 'das yongs su mya ngan las 'das pa'i tshe yang dge slong khri brgyad stong yongs su mya ngan las 'das te/ dge slong de snyed 

</font><hr>11-1-301b<br><font size=+1>
cig yongs su mya ngan las 'das pas lha'i bu tshe bskal pa brgya phrag mang po thub pa dag ci bcom ldan 'das kyi gsung rab ni dud pa tsam du gyur te/ dge slong dbang yod pa dag kyang yongs su mya ngan las 'das nas bcom ldan 'das kyi mdo sde dang / 'dul ba dang / ma 
mo dag mi sgrogs so zhes 'phya bar byed/ smod par byed/ kha zer bar byed pas de lta bas na 'dir shog la 'dus shig /dge slong dag gis legs kyis de bzhin du bgyi'o zhes smras so/ /dge 'dun gyi dge skos gang yin/ tshe dang ldan pa gang po lags 
so/ /de nas tshe dang ldan pa 'od srung chen pos tshe dang ldan pa gang po la 'di skad ces smras so/ /gang po tshur shog /khyod kyis gaN+DI rdungs la dge slong gi dge 'dun dag sdus shig /tshe dang ldan pa 'od srung chen pos de skad bsgo ba dang / tshe dang ldan pa gang pos 
tshe dang ldan pa 'od srung gi ltar mnyan nas rab kyi mthar phyin pa'i bsam gtan bzhi la snyoms par zhugs nas ji tsam ye shes mthong ba la zhugs pa de tsam du rnam par bltas nas/ de nas ting nge 'dzin de las langs te gaN+DI brdung bar brtsams so/ /des gaN+DI 
de brdungs pa dang / gcig ma gtogs pa yul tha dad na gnas pa'i dge slong gi dge 'dun dgra bcom pa lnga brgya 'dus nas/ dge slong 'dus shing 'dug pa la tshe dang ldan pa 'od srung chen pos 'di skad ces smras so/ /tshe dang ldan pa dag dge slong gi dge 'dun 
'dus pa las gang dag su ma 'ongs pa rtogs shig /dge slong dag gis yul tha dad pa na gnas pa'i dge slong dag la phan tshun rnam par bltas nas/ tshe dang ldan pa 'od srung chen po la/ tshe dang ldan pa ba lang bdag ma gtogs pa dge slong mang po thams cad 
'dus shing mchis lags so zhes smras so/ /de'i tshe na tshe dang ldan pa ba lang bdag shing shi ri sha ka'i gzhal med khang stong pa na 'dug go/ /de nas tshe dang ldan pa 'od srung chen pos tshe dang ldan pa gang po la 'di skad ces smras so/ /gang po tshur shog /tshe dang 

</font><hr>11-1-302a<br><font size=+1>
ldan pa ba lang bdag ga la ba der song la phyin nas/ tshe dang ldan pa ba lang bdag la 'di skad ces smros shig /'od srung la sogs pa dge slong gi dge 'dun rnams 'di skad du nad med par gyur cig /dge 'dun gyi bya ba cung zad cig yod pas myur du bos 
shig ces byos shig /tshe dang ldan pa 'od srung gis de skad smras pa dang tshe dang ldan pa gang pos tshe dang ldan pa 'od srung las mnyan nas ji ltar sems mnyam par bzhag na grong khyer rtswa can nas mi snang zhing / shing shi ri sha ka'i gzhal med khang stong pa na 'dug pa de lta bu'i 
ting nge 'dzin la snyoms par zhugs so/ /de nas tshe dang ldan pa gang po tshe dang ldan pa ba lang bdag ga la ba der song ste phyin nas/ tshe dang ldan pa ba lang bdag gi rkang pa gnyis la mgo bos phyag 'tshal te/ tshe dang ldan pa ba lang bdag la 'di skad ces smras so/ /
'od srung la sogs pa dge slong gi dge 'dun rnams tshe dang ldan pa ba lang bdag nad med par gyur cig /dge 'dun gyi bya ba cung zad cig yod kyis myur du bos shig ces de skad zer ro/ /de 'dod chags dang bral ba yin yang byams pa'i bag chags kyis bsgos 
pas tshe dang ldan pa gang po bcom ldan 'das gdul ba'i don du 'jig rten gzhan du ma gshegs sam/ dge slong gi dge 'dun 'thab pa dang / rtsod pa dang / 'gyed pa dang / mtshang mi 'dru'am/ de bzhin gshegs pas chos kyi 'khor lo bskor ba mu 
stegs kyis kun du ma bzlog gam de dag 'dus nas de bzhin gshegs pa'i nyan thos kyi dge 'dun la gnod pa ma byas sam/ de bzhin gshegs pa nyi ma dang 'dra ba la nyon mongs pas dkris pa'i dbang du gyur pa dge sbyong dang / bram ze dang / spyod pa pa 
dang / kun du rgyu dag gis brnyas par ma gyur tam/ ma rig pa'i mun pas yog pa'i blo gros can dag gis dge 'dun 'dus pa'i dbyen ma byas sam/ gang de bzhin gshegs pas gsungs pa'i chos dang 'dul ba la chos dang 'dra ba'i tshig dang yi ge dang lta 

</font><hr>11-1-302b<br><font size=+1>
ba'i dra ba ma byung ngam/ tshangs pa mtshungs par spyod pa dag klog pa dang / 'don pa dang / yid la byed pa dag las blo bsgyur nas 'dus shing bre mo'i gtam byed par ma gyur tam/ gang the tshom dang / yid gnyis la zhugs pa'i sems kyis chos ma yin pa la ni chos su 
chos la ni chos ma yin par 'dul ba ma yin pa la ni 'dul bar/ 'dul ba la ni 'dul ba ma yin par ma bshad dam/ dge slong dag ser sna'i dri mas yog pas tshangs pa mtshungs pa glo bur du 'ongs pa rnams la kun du dga' bar bya ba'i chos drug la sogs pa mi byed 
cing khyad du gsod par mi byed dam/ gang rab tu byung ba ngan pa dag gis bram ze dang khyim bdag dad pa can dag bstan pa la ma dad par byas nas mu stegs can la rten par ma gyur tam/ gang dag log par 'tsho ba kun du spyod pa zhing rmo ba dang / nyo tshong byed pa dang / 
rgyal po la rten cing 'tsho ba ltos par ma gyur tam/ gang dag sbyangs pa'i yon tan yang dag par blangs nas bas mtha'i gnas mal du brten pa las sbyangs pa'i yon tan de dag bor bar ma gyur tam/ dge sbyong ma yin pa dge sbyong du khas 'ches nas tshangs pa mtshungs 
par spyod pa 'khrug par mi byed dam/ de lta mod kyi jo bo gang po sangs rgyas la sogs pa dge slong gi dge 'dun zhes smras pa'i rigs na 'od srung la sogs pa zhes smra'am/ thugs rje chen po la goms par gnas pa kun du spyod pa la zhugs pa'i ston pa phung po lhag ma 
med pa'i mya ngan las 'das pa'i dbyings su mya ngan las 'das pa la ma zhugs sam/ 'gro ba'i ru skya 'dzin pa med pas 'jig rten 'khrugs par ma gyur tam/ stobs bcu dang ldan pa mi rtag pa'i stobs kyis non par ma gyur tam/ sems can 
thams cad kyi ston pa bdag cag sad par byed pa'i mgon po ma gzims sam/ sangs rgyas nyin byed ma nub bam/ thub pa'i dbang po zla ba sgra can gyis bcom nas snang ba med par ma gyur tam/ sum bcu rtsa gsum na dbang phyug dpag bsam gyi shing dri zhim po 

</font><hr>11-1-303a<br><font size=+1>
byang chub kyi yan lag gi me tog gis mdzes par byas pa dge sbyong gi 'bras bu bzang po bzhi dang ldan pa mi rtag pa'i glang po che smyon pas ma bcom mam/ ye shes kyi sgron ma mi rtag pa'i rlung gis bdas nas yongs su mya ngan las ma 'das sam zhes smras so/ /de nas 
de'i tshe tshe dang ldan pa gang pos tshigs su bcad de smras pa/ blo ldan bstan pa gnas bya'i phyir/ /nyan thos dge 'dun tshogs nas ni/ /de dag der ni 'dus gyur te/ /khyod la sdod cing de brtson byed/ /gru chen rgyal ba de zhig ste/ /ye shes ri yang rnam par rnyil/ /bstan 
pa rab mchog ldan pa yi/ /dge slong mang po rnam par zhi/ /gyi na ma lags legs par ni/ /bdag ni pho nyar 'dir 'ongs na/ /bstan pa gnas par bya ba'i phyir/ /de bas khyod ni nges par bzhud/ /de nas tshe dang ldan pa ba lang bdag gis tshe dang ldan pa gang po la 'di 
skad ces smras so/ /gang po chog gis de skad ma smra shig /'gro ba'i dus ma yin no/ /'on kyang jo co gang po/ /'gro ba'i sgron ma mgon po bzhugs na der/ /bdag ni 'gro bar bya ba'i blo yod kyang / /de nas pha rol rab zhi gshegs gyur na/ /blo ldan gang zhig 
'jig rten de dag 'gro/ /lhung bzed chos gos rnam gsum mchog 'di dag /khyod kyis dge 'dun dag la dbul bar gyis/ /bdag ni zhi ba yang srid med par 'gros/ /bdag gis bsams pa 'phags pa bzod par gsol/ /de nas tshe dang ldan pa ba lang bdag 
gis spar ba dang / dro ba dang / char dbab pa dang / gsal ba mchog dag gi cho 'phrul chen po bstan te/ phung po lhag ma med pa'i dbyings su mya ngan las 'das so/ /de'i lus rang las byung ba'i me'i khams kyis rnam par tshig ste de las chu'i rgyun rnam pa bzhi bab po/ /
chu'i rgyun gcig las sgra bsgrags pa'i dbyangs kyi rjes su bstan pa/ /da ltar dus rnams ngan gyur te/ /sems can rang gi las la brten/ /'gro ba'i sgron ma de 'das pas/ /thams cad 'gro bar 'jug par rtogs/ /gnyis pas smras pa/ 'dus byas bsags pa 

</font><hr>11-1-303b<br><font size=+1>
skad cig 'jig 'gyur te/ /skye la sogs pa sdug bsngal nyon mongs ldan/ /so so'i skye bo bdag tu nga rgyal te/ /de dag byed pa med par rig par byed/ /gsum pas smras pa/ mkhas pa rtag tu dogs pas bag yod cing / /bsod nams yid la bya ba de brtson bya/ /'byung po'i 
tshogs kun song zhing 'jig 'gyur te/ /srog dang bcas pa'i dpal ni g.yo bar gyur/ /bzhi pas smras pa/ thub pa de la slob mchog yang dag btud/ /rang gi dgos pa ma lus thams cad byas/ /gus shing rab tu dad pas bla ma de'i/ /phyi bzhin ba lang bdag kyang de ltar song / /de 
nas tshe dang ldan pa gang pos tshe dang ldan pa ba lang bdag gi rus pa la rus pa'i mchod pa byas nas lhung bzed dang chos gos blangs te ji ltar sems mnyam par gzhag na shing shi ri sha ka'i gzhal med khang nas mi snang zhing grong khyer rtswa can gyi gyad rnams nye bar rten pa dang / shing 
sA la zung gi tshal du gnas par bya ba de lta bu'i ting nge 'dzin la snyoms par zhugs so/ /de nas tshe dang ldan pa gang po 'od srung la sogs pa dge slong lnga brgya ga la ba der song ste phyin nas ji ltar rgan rims la phyag 'tshal te lhung bzed dang chos gos rgan pa la byin nas 'di skad 
ces smras so/ /mgon po'i sku ni med par des thos nas/ /bsod nams las kyis rab tu zhi bar song / /de yi lhung bzed chos gos 'di yin te/ /des bsams dge 'dun dag la bzod par gsol/ /de nas tshe dang ldan pa 'od srung chen pos dge slong rnams la 'di skad ces smras 
so/ /kye tshangs pa mtshungs par spyod pa dag nyon cig /ji ltar de ni 'phags pa'i tshul gyis 'das/ /gzhan gyis de bzhin rab zhir 'gro mi bya/ /de bas ji srid dgos pa'i don bya zhing / /dbang chen tshogs nas de srid bgro bar bya/ /de nas yang tshe dang ldan pa 'od srung 
chen pos dge slong de dag brtan par bya ba'i phyir smras pa/ /ji ltar bsod nams las kyis zhi gyur pa/ /shi ri sha ka'i sems mchog ba lang bdag /de ltar khyed kyis de bzhin mi bsam ste/ /'gro don dgos phyir tshogs nas blo gros bya/ /de nas tshe dang ldan pa 'od srung 

</font><hr>11-1-304a<br><font size=+1>
chen pos dge slong lnga brgya po de dag la khrims su bcas nas smras pa/ tshe dang ldan pa dag bdag ji skad smra ba gson cig /ji ltar bdag cag gis chos kyi tshul ji lta ba bzhin bshad dang / de bzhin gshegs pa dang rnam par bral ba'i sdug bsngal can gyi 
dge slong phyogs dang ljongs gang dang gang na gnas pa de dang de dag gis thos nas 'dir 'ongs te/ de dag gis bdag gi sems g.yeng bar byed mod kyi/ 'on kyang bcom ldan 'das kyis yul ma ga d+hAr byang chub cing / gang du bcom ldan 'das kyis chos kyi sku brnyes pa der chos 
kyi tshul bgro bar bya'o/ /de na dge slong gcig gis legs kyis de bzhin du bgyi'o zhes smras so/ /gzhan zhig kyang tshe dang ldan pa ci byang chub kyi shing drung du 'dong ngam/ tshe dang ldan pa 'od srung chen pos smras pa/ tshe dang ldan pa yul ma ga d+hA'i rgyal po lus 'phags 
ma'i bu ma skyes dgra rtsa ba med pa'i dad pa dang ldan pa de dge slong gi dge 'dun gyi 'tsho ba'i yo byad dang / chos kyi tshul rab tu sbyor bar byed cing zhal ta yang byed pas rgyal po'i khab tu 'dong ngo / /de dag gis smras pa/ legs kyis de bzhin du bgyi na/ de lta na yang tshe dang 
ldan pa kun dga' bo ni slob pa'i bya ba dang bcas pa yang yin na/ bcom ldan 'das kyis kyang mdo sde mtha' dag gtad na/ de la ji ltar bsgrub par bgyi/ de nas tshe dang ldan pa 'od srung chen pos smras pa/ tshe dang ldan pa dag gal te de lta na slob pa'i bya ba dang bcas 
pa'i dge slong gzhan 'khod pa de dag kyang 'khrug par 'gyur bas de la thabs kyi rnam pa zhig byas la/ 'di chu'i zhal ta bar bsko ba'i spro bas bskos la lhag ma ni bzlog par bgyi'o/ /de dag gis smras pa/ legs kyis de bzhin du bgyi'o/ /de nas tshe dang ldan pa 'od 
srung chen pos tshe dang ldan pa kun dga' bo la 'di skad ces smras so/ /tshe dang ldan pa kun dga' bo khyod dge slong gi dge 'dun gyi chu'i zhal ta bar spro'am/ des smras pa/ tshe dang ldan pa 'od srung chen po spro'o/ /de nas tshe dang ldan pa 'od srung chen pos gsol ba dang gnyis kyi 

</font><hr>11-1-304b<br><font size=+1>
las bya bar brtsams nas/ dge 'dun btsun pa rnams gsan du gsol/ tshe dang ldan pa kun dga' bo 'di bcom ldan 'das kyi zhal ta ba/ bcom ldan 'das kyi nye ba na 'dug cing / de la bcom ldan 'das kyis kyang mdo sde mtha' dag gtad de/ de lta bas na tshe dang ldan pa kun dga' bo 
dge 'dun gyi chu'i zhal ta bar bsko ste/ tshe dang ldan pa kun dga' bo chu'i zhal ta bar bsko na/ gal te dge 'dun gyi dus la bab cing bzod na/ dge 'dun gyis gnang bar mdzod cig dang / dge slong kun dga' bo chu'i zhal lta ba chu 'brim par bsko ste/ dge slong kun dga' bo chu'i zhal ta ba 
chu 'brim par 'gyur ro/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ tshe dang ldan pa kun dga' bo ni bcom ldan 'das kyi zhal ta ba/ bcom ldan 'das kyi nye ba na 'dug cing / de la bcom ldan 'das kyis mdo sde mtha' dge gtad de/ 
de lta bas na tshe dang ldan pa kun dga' bo dge 'dun gyis dge 'dun la chu 'brim par bsko ste/ tshe dang ldan pa kun dga' bo dge 'dun la chu 'brim na/ tshe dang ldan pa kun dga' bo dge 'dun la chu 'brim par bsko zhing / tshe dang ldan pa kun dga' bo dge 'dun la chu 'brim par tshe dang 
ldan pa gang dag bzod pa de dag ni cang ma gsung shig /gang dag mi bzod pa de dag ni gsung shig /dge 'dun gyis bzod cing gnang nas/ tshe dang ldan pa kun dga' bo dge 'dun la chu 'brim par bskos lags te/ 'di ltar cang mi gsung bas de de bzhin du 'dzin to// //
'dul ba phran tshegs kyi gzhi/bam po lnga bcu rtsa bdun pa/ de nas tshe dang ldan pa 'od srung chen pos tshe dang ldan pa kun dga' bo la 'di skad ces smras so/ /kun dga' bo khyod tshur shog /dge slong gi dge 'dun dang lhan cig ci dga' bar ljongs rgyus la rgyal po'i khab tu song shig /
nga ni lam drang po nas 'gro'o/ /btsun pa de bzhin bgyi'o zhes tshe dang ldan pa kun dga' bo dge slong gi dge 'dun dang ci dga' bar ljongs rgyu zhing song ngo / /tshe dang ldan pa 'od srung chen po yang snga ma bzhin lam drang po nas rgyal po'i khab tu song ngo / /yul ma ga d+hA'i rgyal po lus 'phags 

</font><hr>11-1-305a<br><font size=+1>
ma'i bu ma skyes dgra'i spyod pa ni gang du glang po che la zhon te/ bcom ldan 'das mthong na de ma thag tu rang lhung nas/ de bcom ldan 'das kyi mthus ma nyams par sa la 'jog go/ /yul ma ga d+hA'i rgyal po ma skyes dgras tshe dang ldan pa 'od srung chen po mthong ste/ mthong nas bcom 
ldan 'das rjes su dran nas de bzhin du rang sa la lhung ba dang / de tshe dang ldan pa 'od srung chen po'i rdzu 'phrul gyis bzung nas smras pa/ rgyal po chen po sangs rgyas bcom ldan 'das dag ni rtag tu mnyam par bzhag pa lags la/ nyan thos dag ni mnyam par ma bzhag par ye shes mthong ba 
mi 'jug ste/ de res 'ga' ni de bzhin du mnyam par bzhag nas gnas/ res 'ga' ni mnyam par ma bzhag par gnas pas da phyin chad khyod kyis bcom ldan 'das kyi nyan thos mthong na glang po che dang rta las rang lhung bar ma byed cig ces der khrims bcas so/ /des smras pa/ 
'phags pa ji skad bka' stsal pa de bzhin du bgyi'o/ /'phags pa 'on kyang gang gi tshe bcom ldan 'das bzhugs pa de'i tshe bcom ldan 'das la bkur sti bgyid na/ 'di ltar bcom ldan 'das ni yongs su mya ngan las 'das na/ da bdag gis gang zhig la bkur sti bgyi lags/ 
de lta bas na bdag la bcom ldan 'das nyid kyis bcom ldan 'das kyi bstan pa gtad do zhes smras nas/ blon po la shes ldan 'phags pa 'od srung chen po'i dgos pa thams cad sbyor cig ces bsgo'o/ /tshe dang ldan pa 'od srung chen pos smras pa/ rgyal po chen po bcom ldan 
'das ni yul ma ga d+hAr byang chub ste/ der bcom ldan 'das kyis chos kyi sku brnyes pa/ dge slong gi dge 'dun rnams lam du zhugs te lha'i gnas 'dir chos kyi tshul bgro bar 'tshal lags so/ /des smras pa/ 'phags pa legs kyis bdag gis dge slong gi dge 'dun 
la yo byad thams cad bstabs par bgyi'o/ /de nas tshe dang ldan pa 'od srung la sogs pa dgra bcom pa lnga brgya po rnams mdo sde dang / 'dul ba dang / chos mngon pa bsdu bar bya ba'i phyir rgyal po'i khab tu phyin pa dang / yul ma ga d+hA'i rgyal po lus 'phags ma'i bu ma skyes 

</font><hr>11-1-305b<br><font size=+1>
dgras dgra bcom pa lnga brgya rgyal po'i khab tu phyin par thos so/ /thos nas kyang grong khyer dag byi dor byas te lam dag bstan nas/ btsun mo dang / gzhon nu dang / blon po dang / pho brang 'khor gyi mi rnams kyis bsu'o/ /de nas skyes bu bzang po stong gis zhabs 'bring byas nas rab tu 
mdzes par byas te/ dge slong gi dge 'dun rnams grong khyer du phyin nas yo byad thams cad kyis bstabs so/ /de nas rgan rims kyis 'dug pa dang / tshe dang ldan pa 'od srung chen po la 'di skad ces smras so/ /'phags pa phyogs gang du bgro bar bgyi/ des smras pa/ rgyal po chen po 
'od ma'i tshal bya ka lan da ka gnas pa 'dir yang dge slong dag de bzhin gshegs pa dang bral te sdug bsngal skyes pas phyogs dang ljongs dang gang dang gang na gnas pa de dang de dag 'dir mchis te/ des bdag cag gi sems g.yeng ba'i skyon mchis so/ /bya rgod kyi phung po'i ri la 
yang de bzhin du nyes dmigs mchis te/ shing n+ya gro d+ha'i phug 'di ni rab tu dben mod kyi 'on kyang mal stan ma mchis lags so/ /rgyal pos smras pa/ 'phags pa khyod kyis sems skyed cig dang mal stan mchis so/ /tshe dang ldan pa 'od srung chen pos smras pa/ tshe dang ldan pa dag rgyal 
po ni 'di skad ces/ shing n+ya gro d+ha'i phug 'dir 'gro bar bya'o zhes zer ro/ /dgra bcom pa lnga brgya po rnams kyang cang mi gsung bas gnang ngo / /rgyal pos smras pa/ 'phags pa 'od srung chen po bcom ldan 'das kyis kyang bdag la ma sbran pa kho nar yongs su mya ngan las 'das so/ /
khyod kyis kyang ma brtags par yongs su mya ngan las 'da' bar ma mdzad cig /tshe dang ldan pa 'od srung chen pos kyang de bzhin du gnang ngo / /de nas tshe dang ldan pa 'od srung chen pos je dang por dbyar sbyor ba ral ba dang / 'drums pa dag bcos nas/ phyis dbyar gnas par khas blangs 
te chos bgro bar bya'o snyam du bsams nas des dang por dbyar sbyor ba ral ba dang / 'drums pa dag bcos nas phyis dbyar gnas par khas blangs so/ /de nas tshe dang ldan pa 'od srung chen pos tshe dang ldan pa kun dga' bo'i sems la kun tu bltas nas tshe dang ldan pa ma 'gags 

</font><hr>11-1-306a<br><font size=+1>
pa la 'di skad ces smras so/ /tshe dang ldan pa ma 'gags pa dgongs shig /'khor 'di de bzhin gshegs pas rab tu bsngags pa'i nang na dge slong 'dod chags dang bcas pa/ zhe sdang dang bcas pa/ gti mug dang bcas pa/ sred pa dang bcas pa/ len 
pa dang bcas pa slob pa dag yod do/ /de nas tshe dang ldan pa ma 'gags pas bsam gtan bzhi pa la snyoms par zhugs te rnam par brtags na/ tshe dang ldan pa kun dga' bo gcig pu 'dod chags dang bcas/ zhe sdang dang bcas/ gti mug dang bcas/ sred pa dang 
bcas/ len pa dang bcas te slob pa yin par mthong ngo / /mthong nas kyang tshe dang ldan pa 'od srung chen po la 'di skad ces smras so/ /tshe dang ldan pa 'od srung chen po mkhyen par mdzod cig /dge slong gi dge 'dun rnams ni snying po med pa dang bral ba/ dag pa/ gtsang ba/ snying po 
can/ bla na med pa/ bsod nams kyi zhing / 'jig rten gyi sbyin gnas yin mod kyi/ tshe dang ldan pa kun dga' bo ni 'dod chags dang bcas/ zhe sdang dang bcas/ gti mug dang bcas/ sred pa dang bcas/ len pa dang bcas pa yin te slob pa yin no/ /de nas tshe dang ldan pa 
'od srung chen pos tshe dang ldan pa kun dga' bo la ci spro ba byas pas gdul bar 'gyur ram/ /'on te spyo bas 'dul bar 'gyur ba rnam par brtags na/ ji tsam spyos nas 'dul bar mthong nas des de la nged ni 'dus pa'i mchog yin la/ kun dga' bo khyod dang nged lhan cig chos 
bgro bar mi byas/ khyod longs shig ces smras pa dang / de gnad du phog pa bzhin du rab tu g.yos nas smras pa/ tshe dang ldan pa 'od srung chen po chog go/ /bdag gis tshul khrims nyams par ma byas/ lta ba nyams par ma byas/ spyod pa nyams par ma byas/ 'tsho ba nyams par ma 
byas te/ bdag gis cung zad kyang dge 'dun la nyes pa ma byas mod kyi/ btsun pa 'od srung chen po bzod pa mdzod cig /des tshe dang ldan pa kun dga' bo khyod kyis bcom ldan 'das kyi zhabs 'bring nye ba na 'dug 'dug pas tshul khrims nyams par ma byas pa dang / lta ba nyams par ma 

</font><hr>11-1-306b<br><font size=+1>
byas pa dang / spyod pa nyams par ma byas pa dang / 'tsho ba nyams par ma byas pa lta ngo mtshar ci che/ ngas dge 'dun la nyes pa cung zad kyang ma byas so zhes smra bar byed dam/ longs la tshul shing zung shig dang / khyod kyi nyes pa bstan par bya'o zhes smras pa dang / tshe dang ldan pa kun 
dga' bo langs so/ /de langs ma thag tu stong gsum gyi stong chen po'i 'jig rten gyi khams lan gsum du g.yos/ rab tu g.yos/ kun du g.yos/ 'gul/ rab tu 'gul/ kun du rab tu 'gul te/ nam mkha' la gnas pa'i lha dag ngo mtshar du gyur nas mig phye ste a la la 
zhes smras nas/ kye ma 'phags pa 'od srung chen po bden par smra ba/ phan par smra ba yin na/ da ltar thub pa lus 'phags kyi gnas 'di na 'phags pa kun dga' bo la rab tu drag pas spyo bas spyo bar byed do/ /de nas tshe dang ldan pa 'od srung chen pos tshe dang ldan pa kun dga' bo 
la 'di skad ces smras so/ /tshe dang ldan pa kun dga' bo khyod na re ngas dge 'dun la gnod pa ci yang ma byas so zhes zer na/ ji ltar khyod kyis dge 'dun la gnod pa ma byas pa yin/ bcom ldan 'das ni bud med rnams gnas ngan len kun tu spyod pas rab tu dbyung bar mi bzhed na 
khyod kyis gsol ba btab ste/ bcom ldan 'das kyis kun dga' bo bud med rab tu dbyung zhing bsnyen par rdzogs te/ dge slong ma'i dngos po 'thob par 'gyur ba nga la ma smra shig /de ci'i phyir zhe na/ kun dga' bo chos 'dul ba la bud med rab tu phyung na 'di ltar chos 
'dul ba yun ring du gnas par mi 'gyur te/ dper na 'bras sA lu phun sum tshogs pa'i zhing la ser ba bab na 'bras sA lu gang yin pa de lhag cing med par 'gyur ba de bzhin du chos 'dul ba 'di la bud med rab tu phyung na chos 'dul ba yun ring du gnas par mi 'gyur ro zhes 
ma gsungs sam/ btsun pa 'od srung chen po chog gis bzod pa mdzod cig /ngo tsha med pa dang / 'dzem pa med pa ni ma lags mod kyis/ 'on kyang bcom ldan 'das kyi sru skye dgu'i bdag mo chen mo gau ta mIs dka' ba spyad de/ gang bcom ldan 'das kyi yum ni dus las 'das 

</font><hr>11-1-307a<br><font size=+1>
te rang gis nu ma bsnun nas gsos shing bskyed pa dang / gzhan yang sngon gyi dus na yang dag par rdzogs pa'i sangs rgyas rnams la 'khor bzhi yod pa de bzhin du gang bcom ldan 'das 'di la yang de bzhin du 'gyur ro snyam pa dang / bdag gis byas pa gzo ba dang / 
nye du dang gnyen pas bud med rab tu dbyung bar gsol ba bgyis te de gcig pu nongs pa ni bzod pa gsol lo/ /kun dga' bo khyod kyis de ltar byas pa gzo ba ni chos kyi sku la gnod pa byed pa yin te/ ji ltar khyod kyis sangs rgyas kyi zhing phun sum tshogs pa la ser ba bab 
pas lo stong tshang bar gnas pa'i yun thung ngur lhag ma tsam du byas na ji ltar nye du dang gnyen gyi phyir zhes smra/ gnyen gyi phyir rab tu phyung ba ni tshul ma yin zhing legs pa ma yin te nyes pa yin no/ /ji ltar sngon gyi dus na yang dag par rdzogs pa'i sangs rgyas la 'khor bzhi yod par 
ngas thos te/ gang bcom ldan 'das 'di la yang de bzhin du 'gyur ro zhes smra ba yang de sngon gyi dus na mi rnams ni 'dod pa chung ba/ nyes pa chung ba/ 'dod chags chung ba/ zhe sdang chung ba/ gti mug chung ba/ kun tu sbyor ba srab pa yin te/ de dag ni de ltar rigs kyi 'di ni 
rigs pa ma yin te/ 'di ltar bcom ldan 'das mi bzhed bzhin du ji lta ji ltar khyod kyis gsol ba btab pa de bzhin du grub par gyur to/ /de bas na 'di ni nyes pa dang po yin te/ tshul shing zhog shig /khyod la nyes pa gzhan yang yod de/ gang bcom ldan 'das kyis kun 
dga' bo gang dang gang du rdzu 'phrul gyi rkang pa bzhi po la bsten cing bsgoms te lan grangs mang du byas na 'dod na bskal pa'am bskal pa las lhag par yang gnas par 'gyur ro zhes gsungs na/ 'di ltar khyod kyis bcom ldan 'das la bcom ldan 'das 'jig rten la phan par 
bgyi ba'i slad du bskal pa'i bar du bzhugs su gsol/ bde bar gshegs pa bskal pa bas lhag par bzhugs su gsol zhes gsol ba ma btab bo/ /des smras pa/ btsun pa 'od srung chen po ngo tsha med pa dang / 'dzem pa med pa ni ma lags mod kyi/ 'on kyang bdag de'i tshe 

</font><hr>11-1-307b<br><font size=+1>
bdud sdig can gyis khyab par gyur to/ /de ltar de nyid khyod kyi nyes pa chen po yin te/ ston pa ni dri nga ba spangs pa/ bdud kyi stobs zil gyis gnon pa yin na/ ji ltar khyod bdud sdig can gyis khyab par gyur/ de ltar 'di ni khyod kyi nyes pa gnyis pa yin no/ /gzhan yang khyod la nyes pa 'di 
dag yod de/ bcom ldan 'das kyis bka' phab nas bcom ldan 'das kyis tshe dang ldan pa kun dga' bo 'di lta bu'i zhes bka' stsal te gzhan smras pa na lan gzhan du 'debs te/ de ltar 'di yang khyod kyi nyes pa gzhan gsum pa yin no/ /gzhan yang khyod kyi nyes pa 'di dag yod de/ 
bcom ldan 'das kyi na bza' gser gyi kha dog can phrugs gcig la rkang pas brdzis so/ /btsun pa 'od srung chen po bdag des ngo tsha med pa'am/ rab tu ngo tsha ba ni med pa ma lags mod kyi/ de'i tshe na g.yas g.yon nas dge slong grogs byed pa med do zhes smras pa dang / des 
khyod kyis nam mkha' la ci nyes te mi dor/ 'on kyang lha rnams kyis gzung bar 'gyur na zhes smra ste/ 'di ni khyod kyi nyes pa bzhi pa'o/ /gzhan yang khyod kyi nyes pa 'di dag yod de/ bcom ldan 'das mya ngan 'da' bar zhugs te/ shing sA la zung gi drung du skyems pa dang / 
chu rnyog pa can gsol to/ /btsun pa 'od srung chen po ngo tsha ba med pa'am/ rab tu ngo tsha ba med pa ni ma lags mod kyi/ de'i tshe na shing rta lnga brgya tsam zhig chu bo ka kus sta brgal bas rnyog pa can du gyur to/ /de'i phyir khyod kyis nyes pa yin mod/ de na khyod kyis lhung bzed 
nam mkha' la ji ste mi bzung / lha dag gis chu yan lag brgyad dang ldan pa dag gis bkang bar 'gyur ba 'di yang khyod kyi nyes pa lnga pa'o/ /gzhan yang khyod la nyes pa 'di dag yod de/ bcom ldan 'das kyis gsungs pa ngas zla ba phyed phyed cing so sor thar pa'i 
mdo 'don pa de'i tshe gang gis tshul khrims phra mo dang / phran tshegs dag 'don na/ dge slong gi dge 'dun gyis phyir klod la bde ba'i reg pa la gnos shig ces byung na de'i tshe khyod kyis tshul khrims bslab pa phra mo dang / phran tshegs gang lags zhes ma zhus pa'i phyir ro/ /de 'dir 

</font><hr>11-1-308a<br><font size=+1>
bdag gis smra ba ni phas pham par 'gyur ba'i chos bzhi dang / dge 'dun gyi lhag ma bcu gsum gyi chos dang / ma nges pa'i chos gnyis dang spang ba'i ltung byed kyi chos sum bcu dang / ltung byed kyi chos dgu bcu dang / so sor bshags par bya ba'i chos bzhi 
dang / bslab pa'i chos mang po rnams las lhag pa rnams ni phra mo dang phran tshegs rnams so/ /gzhan yang 'di skad zer te/ phas pham par 'gyur ba'i chos bzhi dang / snga ma bzhin du so sor bshags par bya ba'i chos bzhi'i bar dang / de bas lhag pa rnams ni phra mo dang phran 
tshegs rnams so/ /gzhan yang 'di skad zer te/ phas pham par 'gyur ba'i chos bzhi dang / dge 'dun gyi lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum bcu dang / ltung byed kyi chos dgu bcu rnams lhag pa ni phra mo dang phran 
tshegs rnams so/ /gzhan yang 'di skad zer te/ phas pham par 'gyur ba'i chos bzhi dang / dge 'dun gyi lhag ma'i chos bcu gsum dang / ma nges pa'i chos gnyis dang / spang ba'i ltung byed kyi chos sum bcu rnams las ma gtogs pa lhag pa rnams ni phra mo dang phran tshegs 
rnams so/ /gzhan yang 'di skad zer te/ phas pham par 'gyur ba'i chos bzhi dang / dge 'dun gyi lhag ma'i chos bcu gsum dang / ma nges pa'i chos gnyis las lhag pa rnams ni phra mo dang phran tshegs rnams so zhes bya'o/ /de ltar dge slong gis khong du chud pa nas phas 
pham par 'gyur ba bzhi la gnas shing / kha cig ni dge 'dun gyi lhag ma'i chos bcu gsum la gnas pa mu stegs can gyis skabs rnyed de/ dge slong gau ta ma'i chos ni dud pa bzhin du gyur to/ /dge sbyong gau ta ma bzhugs pa'i tshe ni nyan thos kyi bslab pa yang dag par sdom zhing / da 
ltar ni ci dga' bar spyod cing lhod par gyur te/ 'dod na ni de bzhin du byed/ mi 'dod na ni mi byed do/ /de bas na khyod kyis ma 'ongs pa'i skye bo rnams la phan par bya ba'i phyir bcom ldan 'das la ma zhus pa nyes so/ /btsun pa 'od srung chen po ngo tsha ba med pa'am/ rab tu ngo tsha ba med pa ni ma 

</font><hr>11-1-308b<br><font size=+1>
lags mod kyi/ bdag de'i tshe na de bzhin gshegs pa dang bral ba'i mya ngan dran pa'i sdug bsngal gyis gzir to/ /de yang khyod kyi nyes par gyur te/ de bzhin gshegs pa'i zhabs 'bring byed la/ 'dus byas thams cad ni mi rtag pa yin na/ khyod kyis mya ngan byas pa de yang 
nyes so/ /gzhan yang nyes pa 'di dag yod de/ khyim pa'i 'khor dang / bud med spyod pa ngan pa rnams la de bzhin gshegs pa'i mdoms kyi sba ba sbubs su nub pa bstan to/ /btsun pa 'od srung ngo tsha ba med pa'am/ rab tu ngo tsha ba med pa ni ma lags mod kyi bdag gis 'di 
snyam du bsams so/ /bud med ni rang bzhin gyis 'dod chags che bas bcom ldan 'das kyi mdoms kyi sba ba sbubs su nub pa mthong na mo mtshan dang bral bar 'gyur ro/ /tshe dang ldan pa kun dga' bo khyod de lta bu'i ye shes phun sum tshogs pa ga las byung / mdoms kyi sba 
ba sbubs su nub pa bstan na bud med dag bud med kyi mo mtshan ji ltar spong bar 'gyur ba 'di dang nyes pa rnam pa bdun no/ /gzhan yang khyod la nyes pa 'di dag yod de/ bcom ldan 'das kyi sku gser gyi kha dog ltar ser ba bud med dag la bstan pas/ de la mchi mas dri 
ma can du gyur pa'o/ /btsun pa 'od srung chen po ngo tsha med pa'am/ rab tu ngo tsha med pa ni ma lags mod kyi bdag gi blo skyes pa/ bcom ldan 'das 'di lta bu'i kha dog dang ldan pa mthong na/ sems can mang po dag kha dog dang ldan par sems kyis 
smon lam bskyed par 'gyur ro/ /kun dga' bo khyod gcig tu shes pa ma yin zhing / gzhan gyi sems shes pa ma yin pa 'di dang / nyes pa brgyad do/ /khyod 'dod chags cung zad dang ldan pas/ 'dod chags dang bral ba'i mchog 
'dus pa'i nang du ma 'dug par/ da langs te song shig /khyod dang lhan cig yang dag pa'i bzlas pa mi bya'o/ /de ltar tshe dang ldan pa kun dga' bo la/ tshe dang ldan pa 'od srung chen pos nyes pa byas pa/ rnam pa brgyad 

</font><hr>11-1-309a<br><font size=+1>
glengs pa dang / phyogs bzhir bltas te snying rje dang / sdug bsngal ba'i tshig gis dal bus smras pa/ kye ma'o nga'i dus ni 'di 'dra bar gyur te/ bdag de bzhin gshegs pas ni spangs/ mgon dang skyabs byed pa ni med/ snang ba yang med na su 
la brten par bya/ de nas tshe dang ldan pa 'od srung chen pos tshe dang ldan pa kun dga' bo'i nyes pa rnam pa brgyad glengs pa dang / de nas nam mkha'i ngos la gnas pa'i lha dag gis a la la zhes smras nas/ kye da ltar lha rnams kyi lus ni rgyas par 'gyur/ lha ma yin gyi lus 
rnams ni rmas par 'gyur/ bcom ldan 'das kyi bstan pa ni rgyas par 'gyur te/ de ltar ston pa dang 'dra ba'i nyan thos chen pos ston pa dang 'dra ba'i nyan thos chen po la nyes pa rnam pa brgyad glengs pas so/ /de nas yang tshe dang ldan pa 'od srung chen po la tshe dang ldan pa kun 
dga' bos 'di skad ces smras so/ /btsun pa chen po 'od srung de ltar lags pas bzod pa mdzod cig /ji ltar chos bzhin du bgyid cing slan chad kyang mi bgyid mod kyi/ bcom ldan 'das kyis ni bdag khyod la gtad do/ /bcom ldan 'das yongs su mya ngan las 
'das pa de'i tshe de'i dus na kun dga' bo khyod mya ngan dang / yid glong ba dang / smre sngags 'don par ma byed cig /khyod dge slong 'od srung chen po la gtad do/ /khyod nyes pa chung ngu la mi bzod pa med par dka' bzhin byos la bzod pa gyis shig /kun dga' bo ma ngu bar khyod kyi 
dge ba'i chos dag 'phel te 'bri bar mi 'gyur ro/ /ngas ni bstan pa la brtson par bya ba'i phyir mchog 'dus pa'i nang nas langs te song shig /khyod dang lhan cig yang dag pa'i bzlas pa mi bya'o zhes chad pas gcad pa byas so/ /de nas tshe dang ldan pa ma 'gags pas tshe dang 
ldan pa chen po 'od srung la 'di skad ces smras so/ /tshe dang ldan pa chen po 'od srung ji ltar tshe dang ldan pa kun dga' bo med na bdag cag gis yang dag par ji ltar bshad par bgyi/ des smras pa/ tshe dang ldan pa dge slong kun dga' bo yon tan dang ldan du zin kyang de dang lhan cig 

</font><hr>11-1-309b<br><font size=+1>
mi gnas so/ /de ni 'dod chags dang bcas pa/ zhe sdang dang bcas pa/ gti mug dang bcas pas bslab dgos te/ khyod dang yang dag par bzlas pa mi bya'o zhes smras nas/ tshe dang ldan pa kun dga' bo la 'di skad ces smras so/ /tshe dang ldan pa kun dga' bo khyod 
longs la song shig /khyod kyis rab tu brtson pas bya ba byas te dgra bcom par gyur na lhan cig tu yang dag par bzlas par bya'o/ /de nas tshe dang ldan pa kun dga' bo mig mchi mas gang bar gyur te/ ston pa dang bral ba dran pas yid mi dga' ste/ de nas mchog 'dus pa'i nang 
nas byung ste/ yul br-i dzi'i grong khyer du song nas dbyar der tshul du zhugs so/ /de nas kun dga' bo'i g.yog tshe dang ldan pa br-i dzi'i bus byas pa de'i tshe de'i dus na tshe dang ldan pa kun dga' bos shin tu brtson pas 'khor bzhi la chos 'chad do/ /de nas tshe dang ldan pa br-i dzi'i bus 
'di snyam du bsams so/ /bdag gis mkhan po 'dod pa'i 'dod chags dang bral te slob bam/ 'on te 'dod pa'i 'dod chags dang ma bral bar slob pa/ bdag gis ting nge 'dzin 'di lta bu la snyoms par zhugs la/ de ltar snyoms par zhugs pa'i sems kyis 
mkhan po'i sems blta'o snyam nas/ tshe dang ldan pa br-i dzi'i bus rnam pa de lta bu'i ting nge 'dzin la snyoms par zhugs nas/ de ltar snyoms par zhugs pa'i sems kyis tshe dang ldan pa kun dga' bo'i sems bltas pas/ tshe dang ldan pa br-i dzi'i bus tshe dang ldan pa kun 
dga' bo'i sems shes te/ tshe dang ldan pa kun dga' bo la 'dod pa'i 'dod chags dang ma bral ba'i slob par mthong ba dang / de nas ting nge 'dzin las langs te/ tshe dang ldan pa kun dga' bo ga la ba der song nas phyin te/ tshe dang ldan pa kun dga' bo'i mdun 
du 'dug nas tshigs su bcad de smras pa/ gau tam khyod ni bag med ma mdzad par/ /shing drung thibs por brten nas mya ngan 'das/ /thugs la bzhag ste bsam gtan mdzod cig dang / /ring por mi thogs zhi ba'i gnas thob 'gyur/ /de nas tshe dang 

</font><hr>11-1-310a<br><font size=+1>
ldan pa kun dga' bo tshe dang ldan pa spong byed kyi bus gdams ngag 'dis btams nas/ nyin par gyi 'chag pa dang 'dug pas sgrib par 'gyur ba'i chos rnams las sems yongs su sbyong bar byed de/ de nyin par gyi 'chag pa dang 'dug pas sgrib par 'gyur ba'i chos rnams 
la sems yongs su sbyong ngo / /mtshan gyi thun dang po la 'chag pa dang / 'dug pas sgrib par 'gyur ba'i chos rnams las sems yongs su sbyong bar byed de/ de mtshan gyi thun dang po la 'chag pa dang 'dug pas sgrib par 'gyur ba'i chos rnams las sems yongs su sbyong ngo / /
mtshan gyi gung thun la gtsug lag khang gi phyi rol du rkang pa bkrus nas gtsug lag khang gi nang du zhugs te/ glo g.yas pas phab nas rkang pa'i steng du rkang pa bzhag ste/ snang ba'i 'du shes dang / dran pa dang / shes bzhin dang ldan pa'i 'du shes kho na yid la byed cing nyal bar byed 
do/ /tshe dang ldan pa kun dga' bos sngas nang tshangs can la mgo ma bzhag pa kho nar/ 'di ltar yang tshe dang ldan pa kun dga' bos len pa med par zag pa rnams las sems rnam par grol bar gyur to/ /de nas tshe dang ldan pa kun dga' bo dga' ba dang bde ba so sor myangs nas rnam par 
grol te/ dgra bcom pa nyid thob nas rgyal po'i khab tu phyin te/ 'od srung la sogs pa dgra bcom pa lnga brgya po shing n+ya gro d+ha'i phug na chos sdud cing 'dus pa ga la bar phyin to/ /de nas tshe dang ldan pa 'od srung chen pos dge slong rnams la 'di skad ces smras so/ /tshe dang ldan pa 
dag ma 'ongs pa'i dus na dge slong rnams brjed ngas pa dang / lus nyam chung bas mdo'i tshigs su bcad pa ma yin par mdo sde dang / 'dul ba dang / chos mngon pa 'dzin par mi nus pas de bas na snga dro'i dus su mdo'i tshigs su bcad pa brjod par bya'o/ /phyi dro ni mdo sde dang / 
'dul ba dang / ma mo bgro bar bya'o zhes tshe dang ldan pa 'od srung chen pos de skad smras pa dge slong de dag gis tshe dang ldan pa 'od srung chen po las thos nas/ dge slong de dag gis tshe dang ldan pa 'od srung chen po la 'di skad ces smras so/ /tshe dang ldan pa 'od srung chen po mdo sde dang /

</font><hr>11-1-310b<br><font size=+1>
'dul ba dang / ma mo dag las gang sngar bgro bar bgyi/ des smras pa/ tshe dang ldan pa dag je re zhig mdo sde sngar bgro bar bya'o/ /de bzhin du bgyi'o/ /tshe dang ldan pa 'od srung chen po la dgra bcom pa lnga brgyas chos bsdu bar gsol ba btab nas seng ge'i khri la 'dug ste/ tshe 
dang ldan pa kun dga' bo la spro bar byas pa/ tshe dang ldan pa kun dga' bo khyod ni sgrub pa yin na de bzhin gshegs pa'i mdo sde bsdu bar spro'am spro'o/ /de nas tshe dang ldan pa 'od srung chen pos gsol ba dang gnyis kyi las bya bar brtsams te/ dge 'dun btsun pa rnams gsan du 
gsol/ tshe dang ldan pa kun dga' bo 'di bcom ldan 'das kyi mdo sde bsdu ba sgrub par spro na gal te dge 'dun gyi dus la bab cing bzod na/ dge 'dun gyis gnang bar mdzod cig dang / 'di ltar dge 'dun gyis tshe dang ldan pa kun dga' bo mdo sde bsdu ba sgrub par bsko ste/ 
tshe dang ldan pa kun dga' bo bcom ldan 'das kyi mdo sde sdud pa sgrub bo/ /'di ni gsol ba'o/ /las ni 'di ltar bya ste/ dge 'dun btsun pa rnams gsan du gsol/ tshe dang ldan pa kun dga' bo 'di bcom ldan 'das kyi mdo sde bsdu ba sgrub par spro ste/ tshe dang ldan 
pa kun dga' bo sgrub par bskos nas tshe dang ldan pa kun dga' bo bcom ldan 'das kyi mdo sde bsdu ba sgrub ste/ tshe dang ldan pa kun dga' bo sgrub par bskos nas/ tshe dang ldan pa kun dga' bo bcom ldan 'das kyi mdo sde bsdu ba sgrub par tshe dang ldan pa gang dag bzod pa de dag ni cang 
ma gsung shig /gang dag mi bzod pa de dag ni gsung shig /dge 'dun gyis bzod cing gnang nas dge 'dun gyis tshe dang ldan pa kun dga' bo 'di bcom ldan 'das kyi mdo sde bsdu ba sgrub par bsko ste/ 'di ltar cang mi gsung bas de de bzhin du 'dzin to/ /tshe 
dang ldan pa kun dga' bo chos smra ba'i seng ge'i khri'i steng du dgra bcom pa lnga brgyas snam sbyar lnga brgya bting ngo / /de nas tshe dang ldan pa kun dga' bo phyogs bzhir rnam par bltas nas sems can rnams la ni snying rje'i sems nye bar bzhag /chos la ni gus pa bskyed/

</font><hr>11-1-311a<br><font size=+1>
tshangs pa mtshungs par spyod pa la ni zhe sar dmigs nas seng ge'i khri g.yas phyogs su bskor te/ mgo bos gtugs nas/ rgan rims su ji ltar 'os par phyag byas nas mi rtag pa yid la byas te seng ge'i khri zil gyis mnan nas 'dug go/ /de nas rgya 
mtsho ltar zab pa'i 'khor mi g.yo ba la bltas nas gal te ji ltar bcom ldan 'das kyis mdo sde ma lus par gsungs pa bdag gis bzung ba ni bcom ldan 'das kyis mdo sde gang dag klu'i gnas su bshad pa dag kyang yod/ gang dag lha'i gnas su bshad pa dag kyang yod/ 
gang dag bdag la mngon sum du bshad pa dag kyang yod de/ gcig nas gcig tu brgyud de 'ongs pa gang dag de bzhin du thos nas bzung ba dang / 'di ltar thos pa thams cad bshad par bya'o snyam du bsams pa dang / lha dag gi shes pa dang mthong ba ni 'og tu 'jug pa yin 
te/ gcig la gcig kye ma lus 'phags ma'i thub pa 'phags pa kun dga' bo ni de bzhin gshegs pas gsungs pa'i chos 'chad pas sems rtse gcig tu byas nas mnyan to zhes smra'o/ /de nas de'i tshe lha'i bu gzhan zhig gis tshigs su bcad de smras pa/ gang 
la chos rnams rab gnas pa/ /'jig rten gsum pos rtag tu mchod/ /'phags pa 'di ni dogs med pas/ /seng ge bzhin du chos rnams sgrogs/ /kye ma zhi ba de bshad la/ /khyed rnams bde bar 'dod pa yis/ /nges par snying po snying po'i mchog /de 
dag pa ni gus pas nyon/ /de nas tshe dang ldan pa 'od srung chen pos tshe dang ldan pa kun dga' bo la 'di skad ces smras so/ /ston pa 'jig rten phan bzhed pa/ /rgyal bas gsungs pa'i chos rnams kyi/ /rnam pa mchog ni gar bshad pa/ /tshe dang ldan pas mdo sde 
gsungs/ /ston pas gang dag yongs su bsgrags pa las sangs rgyas rjes su dran pa rab tu rtogs pa yid la bzhag nas bcom ldan 'das phyogs gang du rab tu zhi zhing thugs su chud pa der mngon par bltas te 'dug nas thal mo sbyar te sgras khyab par byas nas smras pa/ 'di 

</font><hr>11-1-311b<br><font size=+1>
skad bdag gis thos pa dus gcig na/ bcom ldan 'das yul bA rA Na sIr drang srong smra ba ri dgas kyi tshal na bzhugs so zhes tshig gis rab tu brjod pa de'i tshe de ma thag kho nar nam mkha'i dkyil dang / gzhal med khang na gnas pa'i lha dag dang / 'dod chags dang ma 
bral ba'i dge slong la sogs pa rnam pa mang po stong dag gis gnod pas btsir cing gnad du phab ste sdug bsngal tshor bzhin du a la la zhes tshig tu brjod cing smra ba ni/ kye ma 'jig rten 'di dag tu/ /mi rtag par ni khyad par med/ /gang gis rin chen gter de yi/ /yon tan 
rgya mtsho dag kyang bskams/ /gang las bdag gis mngon thos pa/ /chos ni thar pa'i bde ba byed/ /'di skad thos shes rab sbyar te/ /de yang de ring bsgrags pa yin/ /de nas bcom ldan 'das kyis dge slong lnga po la 'di skad ces bka' stsal te/ dge slong dag 
sngon ma thos pa'i chos 'di ni 'phags pa'i sdug bsngal bden pa'o zhes chos kyi 'khor lo rgya cher bskor nas mdo sde bshad do/ /de nas tshe dang ldan pa kun shes kauN+Di n+yas tshe dang ldan pa 'od srung chen po la 'di skad ces smras so/ /tshe dang ldan pa 'od srung chen po bdag gis chos kyi 
rnam grangs 'di mngon sum du thos te/ bdag gi don du mdo sde 'di bshad cing rjes su bstan pas bdag gi khrag dang mchi ma'i rgya mtsho ni skams/ rus pa'i ri las ni rgal/ ngan song gi sgo ni bcad/ mtho ris dang thar pa'i sgo ni phye ste/ mdo sde rin po che 'di bshad pas 
bdag dang lha stong phrag brgyad bcus chos rnams la chos kyi mig rdul med cing dri ma dang bral ba skyes so/ /de ring 'dir 'di skad thos nas bshad de/ kye ma thams cad mi rtag pas khyad par med do zhes smras nas stan las babs te sa la 'dug nas tshe dang ldan pa kun dga' bo de 
blta ba'i phyir dgra bcom pa de dag thams cad sdug pa'i bag chags kyis bsgos pa'i yid kyis rang rang gi stan las babs nas sa la 'dug ste 'di skad ces smras so/ /kye ma ji ltar bdag cag gis chos 'chad pa mngon sum du mthong ba las/ mi rtag pa'i stobs kyis 

</font><hr>11-1-312a<br><font size=+1>
bcom ldan 'das de yang da ni thos pa'i lam du gshegs par gyur to/ /smras pa/ lha dang mi dang lha min klu rnams kyi rgyal zhir gshegs na/ /khyed cag ci phyir 'tsho zhing zhi ba'i gnas su 'jug mi byed/ /skye bo'i nang na thams cad mkhyen pas stongs par 
mngon mthong na/ /dge ba'i blo gros gang dag srog la chags shing dam por byed/ /de nas dgra bcom pa lnga brgyar gcig gis ma tshang ba bas mtha'i gnas mal du bsam gtan bzhi la snyoms par zhugs nas smon lam gyi shes pas rnam par bltas te/ dga' ba'i yid kyis 
'di ltar ting nge 'dzin las langs te/ tshe dang ldan pa kun dga' bo la 'di skad ces smras so/ /tshe dang ldan pa kun dga' bo khyod kyi lung de yin nam/ tshe dang ldan pa dag bdag gi lung de lags so/ /tshe dang ldan pa dag gi lung de lta bu lags sam/ tshe dang ldan pa 
kun dga' bo de kho na'o/ /de nas tshe dang ldan pa 'od srung chen po ni 'di snyam du bdag gis bcom ldan 'das kyi mdo sde dang po bsdus na tshangs par spyod pa gang gis kyang ma bzlog cing gshe bar ma gyur to/ /de lta bas na 'di ni chos so/ /'di ni 'dul ba'o/ /'di ni ston 
pas bstan pa'o snyam du shes nas/ tshe dang ldan pa kun dga' bo la 'di skad ces smras so/ /tshe dang ldan pa kun dga' bo bcom ldan 'das kyis mdo sde gnyis pa gang du bshad/ des gsal bar yul bA rA Na sI kho nar dge slong lnga po'i ched du ste/ de yang gang zhe na/ 
'di skad bdag gis thos pa dus gcig na/ bcom ldan 'das yul bA rA Na sI drang srong smra ba ri dgas kyi tshal na bzhugs te/ de nas bcom ldan 'das kyis dge slong rnams la bka' stsal pa/ dge slong dag 'di ni 'phags pa'i bden pa bzhi ste/ sdug 
bsngal 'phags pa'i bden pa dang / sdug bsngal kun 'byung ba dang / sdug bsngal 'gog pa dang / sdug bsngal 'gog par 'gro ba'i lam ste/ 'phags pa'i bden pa bzhi'o/ /sdug bsngal 'phags pa'i bden pa gang zhe na/ skye ba'i sdug bsngal dang /

</font><hr>11-1-312b<br><font size=+1>
rga ba'i sdug bsngal dang / na ba'i sdug bsngal dang / 'chi ba'i sdug bsngal dang / sdug pa dang bral ba'i sdug bsngal dang / mi sdug pa dang phrad pa'i sdug bsngal dang / gang 'dod pa btsal te mi rnyed pa sdug bsngal ba dang / mdor na nye bar len pa'i phung po lnga ni 
sdug bsngal ba ste/ 'di ni sdug bsngal 'phags pa'i bden pa zhes bya'o/ /sdug bsngal kun 'byung ba 'phags pa'i bden pa gang zhe na/ yang 'byung ba'i sred pa dang / dga' ba'i 'dod chags kyi mod las skyes pa de dang de dag la mngon par dga' ba ste/ 'di 
ni sdug bsngal kun 'byung ba 'phags pa'i bden pa zhes bya'o/ /sdug bsngal 'gog pa 'phags pa'i bden pa gang zhe na/ yang 'byung ba'i sred pa dang / dga' ba'i 'dod chags kyi mod las skyes pa de dang de dag la mngon par dga' ba lhag ma ma lus par spong ba 
dang / rab tu 'dor ba dang / mtha' med par byed pa dang / zad pa dang / 'dod chags dang bral ba dang / 'gog pa dang / mya ngan las 'das pa ste/ 'di ni sdug bsngal 'gog pa 'phags pa'i bden pa zhes bya'o/ /sdug bsngal 'gog par 'gro 
ba'i lam 'phags pa'i bden pa gang zhe na/ 'phags pa'i lam yan lag brgyad de/ 'di lta ste/ yang dag pa'i lta ba dang / yang dag pa'i rtogs pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang 
dag pa'i rtsol ba dang / yang dag pa'i dran pa dang / yang dag pa'i ting nge 'dzin te 'di ni sdug bsngal 'gog par 'gro ba'i lam 'phags pa'i bden pa'o zhes chos kyi rnam grangs 'di bshad pa de'i tshe tshe dang ldan pa kun shes kauN+Di n+ya len pa med par zag pa las sems 
rnam par grol lo/ /lhag ma dge slong bzhi po yang chos rnams la chos kyi mig rdul med cing dri ma dang bral ba skyes so zhes smras so/ /de'i tshe tshe dang ldan pa kun shes kauN+Di n+yas tshe dang ldan pa 'od srung chen po la 'di skad ces smras so/ /tshe dang ldan pa 'od srung chen po bdag 

</font><hr>11-1-313a<br><font size=+1>
gis chos kyi rnam grangs 'di mngon sum du thos te/ chos kyi rnam grangs 'di bshad pa de'i tshe len pa med par zag pa las sems rnam par grol lo/ /lhag ma dge slong bzhi po yang chos rnams la chos kyi mig rdul med cing dri ma dang bral ba skyes so/ /de nas 
gcig gis ma tshang ba zhes bya ba nas/ bdag gis bcom ldan 'das kyi mdo sde gnyis pa bsdus nas tshangs par spyod pa gang gis kyang ma bzlog cing gshe bar ma gyur to zhes bya ba'i bar snga ma bzhin no/ /de lta bas na 'di ni chos so/ /'di ni 'dul ba'o/ /'di ni ston pas bstan 
pa'o snyam du shes nas/ tshe dang ldan pa kun dga' bo la 'di skad ces smras so/ /tshe dang ldan pa kun dga' bo bcom ldan 'das kyis mdo sde gsum pa gang du bshad/ des gsal bar yul bA rA Na sI kho nar dge slong lnga po'i ched du ste/ de yang gang zhe na/ 'di skad 
bdag gis thos pa dus gcig na/ bcom ldan 'das yul bA rA Na sI drang srong smra ba ri dgas kyi tshal na bzhugs te/ de'i tshe bcom ldan 'das kyis dge slong lhag ma bzhi po la 'di skad ces bka' stsal to/ /dge slong dag gzugs ni bdag ma yin no/ /dge slong dag 
gal te gzugs bdag yin par gyur du zin na/ gzugs la gnod pa 'am/ sdug bsngal bar mi 'gyur zhing / gzugs 'di lta bu dang / 'di lta bur ni gyur cig /'di lta bur ni ma gyur cig ces pa 'di 'gyur ro/ /dge slong dag gang gi phyir gzugs bdag 
ma yin pa de'i phyir gzugs la gnod pa'am/ sdug bsngal bar 'gyur zhing / gzugs 'di lta bu dang / 'di lta bur ni gyur cig 'di lta bur ni ma gyur cig ces pa'ang mi 'gyur ro/ /dge slong dag tshor ba dang / 'du shes dang / 'du byed ni bdag ma yin te/ 
dge slong dag gal te 'du shes la sogs pa bdag yin par gyur du zin na zhes bya ba snga ma bzhin te/ rnam par shes pa 'di lta bur gyur cig ces pa'ang mi 'gyur ro/ /dge slong dag 'di ji snyam du sems/ gzugs rtag pa'am mi rtag pa zhig yin/ btsun pa 'di ni 

</font><hr>11-1-313b<br><font size=+1>
mi rtag pa lags so/ /gzhan yang de mi rtag na sdug bsngal ba'am/ sdug bsngal ba ma yin/ btsun pa 'di ni sdug bsngal ba lags so/ /gzhan yang de mi rtag pa dang / sdug bsngal ba dang / yongs su 'gyur ba'i chos can yin mod kyi 'on kyang de thos pa dang 
ldan pa'i 'phags pa'i nyan thos bdag tu khas len cing 'di ni bdag go 'di ni bdag gi'o/ /bdag gi ni 'di'o zhes zer ram/ btsun pa de lta ma lags so/ /dge slong dag 'di ji snyam du sems/ tshor ba dang / 'du shes dang / 'du byed dang / rnam par shes pa 
bdag ces bya ba snga ma bzhin du 'di ni bdag go/ /'di ni bdag gi'o/ /bdag gi ni 'di'o zhes zer ram/ btsun pa de lta ma lags so/ /dge slong dag de lta bas na gzugs gang yin pa ci yang rung ste/ 'das pa dang / ma 'ongs pa dang / da ltar byung ba 'am/ 
nang gi'am/ phyi rol gyi'am/ rags pa'am/ phra ba'am/ ngan pa'am/ gya nom pa'am/ gang rgyang ring ba'am/ nye ba de dag thams cad 'di ni bdag go/ /'di ni bdag gi'o/ /bdag gi ni 'di'o zhes bya ba 'di ltar yang dag pa ji lta ba bzhin du shes rab 
kyis blta bar bya'o/ /de ltar de bzhin du gang dag tshor ba dang / 'du shes dang / 'du byed dang / rnam par shes pa gang yin pa ci yang rung ste/ 'das pa dang / ma 'ongs pa dang / da ltar byung ba zhes bya ba'i bar snga ma bzhin du yang dag pa'i shes rab kyis blta 
bar bya'o/ /dge slong dag gang gi phyir thos pa dang ldan pa'i 'phags pa'i nyan thos rnams kyis nye bar len pa'i phung po lnga po dag la bdag dang bdag gi med par yang dag pa ji lta ba bzhin du mthong ste/ des de ltar yang dag pa ji lta ba bzhin du mthong bas 'jig rten la cung 
zad tsam yang nye bar len pa med de/ nye bar ma blangs pas yongs su gdung ba med pas rang nyid kyis yongs su mya ngan las 'das te/ bdag gi skye ba ni zad/ tshangs par spyod pa ni spyad/ bya ba ni byas te/ 'di las srid pa gzhan med do zhes rab tu shes so/ /

</font><hr>11-1-314a<br><font size=+1>
chos kyi rnam grangs 'di bshad pa na dge slong lhag ma bzhi po len pa med par zag pa las sems rnam par grol lo/ /dgra bcom pa gcig gis ma tshang ba zhes bya ba nas/ bcom ldan 'das kyi mdo sde gsum pa bsdus na tshangs pa mtshungs par spyod pa 
gang gis kyang ma bzlog cing gshe bar ma gyur to zhes bya ba'i bar snga ma bzhin no/ /de lta bas na 'di ni chos so/ /'di ni 'dul ba'o/ /'di ni ston pas bstan pa'o snyam du shes nas/ bcom ldan 'das kyis mdo sde grong dang / grong khyer dang / yul 'khor dang / 
rgyal po'i pho brang 'khor gang dang gang du bshad pa de dang de'i tshe tshe dang ldan pa kun dga' bos bzlas nas dgra bcom pa lnga brgyar gcig gis ma tshang bas mdo sde byas te/ de'i tshe gang phung po dang rab tu ldan pa'i mdo sde ni de phung por bsdus te bzhag go/ /gang skye mched 
dang yang dag par rab tu ldan pa ni skye mched drug tu bsdus so/ /rten cing 'brel bar 'byung ba 'phags pa'i bden pas rig pa dang yang dag par rab tu ldan pa ni de gleng gzhi dang yang dag par rab tu ldan par bsdus so/ /gang nyan thos kyis bshad pa mang ba ni de nyan 
thos kyi bshad par bsdus so/ /gang sangs rgyas kyis bshad pa mang ba ni de sangs rgyas kyi bshad par bsdus so/ /gang dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po lnga dang / stobs lnga dang / byang 
chub kyi yan lag dang lam gyi yan lag de dag dang yang dag par rab tu ldan pa ni de lam gyi yan lag tu bsdus so/ /gang yang dag par brjod pa mang ba'i mdo sde ni de yang dag par brjod pa'i sder bsdus so/ /tshigs su bcad pa dang bcas par yang dag par ldan 
pa ni yang dag par ldan pa'i lung zhes bsdus so/ /gang mdo sde ring po ni de lung ring por bzhag go/ /gang bar ma bar ma'i mdo sde dag ni de lung bar mar bzhag go/ /gang tshig gcig dang tshig gnyis zhes bya ba nas/ tshig bcu zhes bya ba'i bar ni gcig las 'phros pa'i lung 

</font><hr>11-1-314b<br><font size=+1>
zhes bya'o/ /de nas tshe dang ldan pa 'od srung chen pos tshe dang ldan pa kun dga' bo la 'di skad ces smras so/ /tshe dang ldan pa kun dga' bo khyod kyi lung de snyed cig gam/ tshe dang ldan pa 'od srung chen po de snyed cig lags te/ 'di las lhag pa med do zhes smras nas seng ge'i khri 
las babs so/ /de nas tshe dang ldan pa 'od srung chen pos smras pa/ tshe dang ldan pa dag bcom ldan 'das kyi mdo sde ni ma lus par bsdus zin pas da ni 'dul ba bgro bar bya'o/ /de bzhin du bgyi'o/ /de nas yang de'i tshe tshe dang ldan pa nye ba 'khor mkhas par gyur pa 'dul ba'i gleng 
gzhi dang byung ba la mkhas so/ /de nas tshe dang ldan pa 'od srung chen po seng ge'i khri la 'dug ste smras pa/ tshe dang ldan pa dag tshe dang ldan pa nye ba 'khor ni mkhas pa/ 'dul ba'i gleng gzhi dang byung ba la mkhas te/ bcom ldan 'das kyis kyang 'dul ba 'dzin pa'i mchog tu 
lung bstan na/ de bas na de spro bar byas nas 'dul ba sdud par bsko'o/ /de bzhin du bgyi'o/ /de nas tshe dang ldan pa 'od srung chen pos tshe dang ldan pa nye ba 'khor la 'di skad ces smras so/ /tshe dang ldan pa nye ba 'khor khyod ni sgrub pa yin na/ de bzhin gshegs 
pa'i 'dul ba ma lus pa dag bsdu bar spro'am/ spro'o/ /de nas tshe dang ldan pa 'od srung chen pos gsol pa dang gnyis kyi las bya bar brtsams te/ dge 'dun btsun pa rnams gsan du gsol/ tshe dang ldan pa nye ba 'khor 'di bcom ldan 'das kyi 'dul ba ma 
lus pa dag bsdu bar sgrub cing spro na zhes bya ba nas cang mi gsung bas de de bzhin du 'dzin to zhes bya ba'i bar snga ma bzhin no/ /tshe dang ldan pa 'od srung chen po seng ge'i khri las babs nas tshe dang ldan pa nye ba 'khor seng ge'i khri la 'dug ste/ de nas tshe dang ldan pa 'od 
srung chen pos tshe dang ldan pa nye ba 'khor la 'di skad ces smras so// //'dul ba phran tshegs kyi gzhi/bam po lnga bcu rtsa brgyad pa/ tshe dang ldan pa nye ba 'khor gang du bcom ldan 'das kyis dang por bslab pa'i gzhi bcas/ des gsal bar smras pa/

</font><hr>11-1-315a<br><font size=+1>
yul bA rA Na sIr ro/ /gang gi don du dge slong lnga'i ched du ste/ gang gi phyir 'di lta ste/ sham thabs zlum por bgo bar bya'o zhes bslab pa bca' ba mdzad do/ /de nas dgra bcom pa lnga brgyar gcig gis ma tshang ba rnams rab kyi mthar phyin pa'i bsam gtan 
bzhi la snyoms par zhugs nas smon pa'i shes pas bltas na zhes bya ba nas/ tshe dang ldan pa 'od srung chen pos 'di snyam du bsams te zhes bya ba'i bar snga ma bzhin te/ bcom ldan 'das kyis bslab pa'i gzhi dang po de ltar yang dag par bsdus na tshangs pa mtshungs par spyod pa 
gang gis kyang ma bzlog cing gshe bar ma gyur te/ de lta bas na 'di ni chos so/ /'di ni 'dul ba'o/ /'di ni ston pas bstan pa'o snyam du rig nas tshe dang ldan pa nye ba 'khor la 'di skad ces smras so/ /tshe dang ldan pa nye ba 'khor gang du bcom ldan 'das kyis bslab pa'i 
gzhi gnyis pa bcas pa gsung shig /des gsal bar smras pa/ yul bA rA Na sIr ro/ /gang gi ched du dge slong lnga po'i don du ste/ gang gi tshe 'di ltar de chos gos zlum por bgo bar bya'o zhes bslab pa bca' ba mdzad do/ /de nas dgra bcom pa lnga brgyar 
gcig gis ma tshang ba rnams rab kyi mthar phyin pa zhes bya ba nas/ bslab pa'i gzhi gnyis pa zhes pa snga ma bzhin te/ tshangs pa mtshungs par spyod pa gang gis kyang ma bzlog cing gshe bar ma gyur te/ de lta bas na 'di ni chos so/ /'di ni 'dul ba'o/ /'di ni ston 
pas bstan pa'o snyam du rig nas/ tshe dang ldan pa nye ba 'khor la 'di skad ces smras so/ /tshe dang ldan pa nye ba 'khor gang du bcom ldan 'das kyis bslab pa'i gzhi gsum pa bcas pa gsung shig /des gsal bar smras pa/ ka lan da ka'i grong du'o/ /gang gi ched du ka lan da ka'i bu bzang sbyin gyi ched ste/ gang gi phyir 'di ltar yang dge slong gang dge slong rnams dang lhan cig bslab pa mtshungs shing mnyam pa las bslab pa ma phul/ bslab pa nyams par ma byas par mi tshangs par spyod pa 'khrig pa'i chos sten pas 

</font><hr>11-1-315b<br><font size=+1>
tha na byol song gi skye gnas su skyes pa la yang rung ste/ dge slong de phas pham par gyur pa yin pas gnas par mi bya'o/ /de nas dgra bcom pa lnga brgyar gcig gis ma tshang ba rnams rab kyi mthar phyin pa zhes bya ba nas/ 'di ni ston pas bstan pa'o zhes bya ba'i bar snga ma 
bzhin no/ /bcom ldan 'das kyi bslab pa'i gzhi lhag ma grong dang / grong khyer dang / yul 'khor dang / rgyal po'i pho brang 'khor gang dang gang du bshad pa de dang de dge slong rnams la tshe dang ldan pa nye ba 'khor gyis bzlas nas dgra bcom pa lnga brgyar gcig gis ma 
tshang bas gzhung du byas so/ /'di dag ni phas pham pa rnams so/ /'di dag ni dge 'dun lhag ma rnams so/ /'di dag ni ma nges pa'i chos gnyis dang / spang ba'i ltung byed kyi chos sum bcu dang / ltung byed dgu bcu'i chos dang / so sor bshags par bya ba bzhi'i 
chos dang / bslab pa mang po'i chos dang / rtsod pa zhi bar bya ba'i chos bdun dang / 'di ni bcas pa'o/ /'di ni rjes su bcas pa'o/ /'di ni so sor spang ba'o/ /'di ni gnang ba'o/ /rab tu byung nas bsnyen par rdzogs pa ni 'di ltar bya'o/ /gsol 
ba dang las ni 'di ltar bya'o/ /gsol ba dang gnyis dang / gsol ba dang bzhi'i las ni 'di ltar bya'o/ /'di 'dra ba ni rab tu dbyung ngo / /'di 'dra ba ni rab tu mi dbyung ngo / /gso sbyong ni 'di ltar bya'o/ /dgag dbye ni 'di ltar bya ste/ tshul 'di 'dra ba nas 
phra mo ni 'di/ gleng gzhi ni 'di/ mos pa ni 'di'o zhes de de bzhin du 'dul bar yang dag par bsdus nas/ tshe dang ldan pa nye ba 'khor seng ge'i khri las babs so/ /de nas tshe dang ldan pa 'od srung chen pos ma 'ongs pa'i dus na mi rnams shes rab zhan pa yi ge tsam gyi 
rjes su 'brang la/ zab mo'i don la mos par gyur pa de rnams la ma la bdag kho nas mdo sde dang 'dul ba'i don srung bar gsungs pa ma mo bshad par bya'o snyam du bsams nas don du gnyer bas gsol ba dang gnyis kyi las byas te/ seng ge'i khri la 'dug nas dge slong 

</font><hr>11-1-316a<br><font size=+1>
rnams la 'di skad ces smras so/ /tshe dang ldan pa dag ma mo lta bu ma mo lta bu zhes bya ba de bdag kho nas smra bar bya ste/ ma mo lta bu ni shes bya'i mtshan nyid rab tu gsal bar byed pa yin te/ 'di ltar dran pa nye bar gzhag pa bzhi dang / yang dag par spong ba 
bzhi dang / rdzu 'phrul gyi rkang pa bzhi dang / dbang po dang / stobs lnga dang / byang chub kyi yan lag bdun dang / 'phags pa'i lam yan lag brgyad dang / so so yang dag par rig pa bzhi dang / dge sbyong gi 'bras bu bzhi dang / chos kyi tshig bzhi dang / 
nyon mongs pa med pa dang / smon nas shes pa dang / rab kyi mthar phyin pa dang / stong pa nyid stong pa nyid dang / mtshan ma med pa nyid mtshan ma med pa dang / 'dris pa bsgom pa'i bsam gtan dang / mngon par rtogs pa'i mtha' las byung ba dang / kun rdzob shes 
pa dang / zhi gnas dang / lhag mthong dang / chos kyi rnam grangs kyi phung po yang dag par bsdus pa dang brtags pa ste/ 'di dag ni ma mo lta bu zhes bya'o/ /de nas dgra bcom pa lnga brgyar gcig gis ma tshang ba rnams rab kyi mthar phyin pa zhes bya ba nas/ 'di ni chos so/ /
'di ni 'dul ba'o/ /'di ni ston pas bstan pa'o zhes bya ba'i bar snga ma bzhin no/ /de nas sa bla'i gnod sbyin dag gis mdo sde dang / 'dul ba dang / chos mngon pa dag yang dag par bsdus pa dang sgra phyung ste dbyangs kyis rab tu bsgrags pa/ kye ma 'phags pa 'od 
srung la sogs pa dgra bcom pa lnga brgyas bde bar gshegs pa'i sde snod gsum yang dag par bsdus pas lha rnams kyi lus ni mngon par 'phel bar gyur/ lha ma yin gyi lus rnams ni yongs su 'gribs par gyur to zhes smras te/ sa bla'i gnod sbyin dag gi sgra bar snang la rgyu ba'i 
gnod sbyin dag gis thos nas/ rgyal chen ris bzhi dang / sum bcu rtsa gsum pa'i lha rnams dang / dga' ldan dang / 'phrul dga' dang / gzhan 'phrul dbang byed kyi lha rnams dang / tshangs ris kyi lha rnams dang / tshangs pa'i mdun na 'don dang / tshangs 

</font><hr>11-1-316b<br><font size=+1>
pa chen po dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams skyes dang / 'bras bu che dang / mi che ba dang / mi gdung ba dang / shin tu mthong dang / gya nom snang dag gis skad 
cig de dang / thang cig de dang / yud tsam de dang / skad cig dang / thang cig dang / yud tsam de la 'og min gyi gnas kyi bar du sgra grags te/ 'og min gyi lha rnams kyis kyang sgra bsgrags pa nas/ lha ma yin gyi lus yongs su 'gribs par gyur to zhes bya ba'i bar snga ma bzhin te/ 
dgra bcom pa lnga brgyas yang dag par bsdus pas/ lnga brgyas yang dag par bsdus pa lnga brgyas yang dag par bsdus pa zhes bya ba'i ming du gyur to/ /de nas tshe dang ldan pa 'od srung chen pos yang dag par bsdu ba byas nas smras pa/ kye ma stobs bcu mnga' ba'i gsung ni tshad 
med pa/ /'gro la phan phyir chos kyi bstan bcos 'di bsdus pas/ /gang na 'jig rten blo ngan mun byed chud zos pa/ /blo gros rab rib bsal bas sgron mar yang dag ldan/ /de nas tshe dang ldan pa 'od srung chen pos 'di snyam du sde snod gsum yang dag par bsdus te smon pa'i shes 
pas brtags nas ji tsam bzhag pas/ bcom ldan 'das kyi bstan pa gnas par 'gyur ro zhes ji skad gsungs pa dag kyang bdag gis rnam pa thams cad du byas/ bcom ldan 'das des bka' stsal cing lung bstan pa ci nus su byas/ bcom ldan 'das chos nyid chos kyi rje la bdag gis mdza' bo bzhin du byas shing bltas te/ byas pa gzo bar byas shing phyir phan gdags pa yang cung zad tsam byas pas 'jig rten gyi mgon po de la ma lus par lan du phan 'dogs par ni gang zhig gis nus te/ chos dang ldan pa la tshangs par 
spyod pa ni kun tu spyad/ 'jig rten rnams la ni phan btags te yun ring po nas bla mas bskos pas phung po'i khur dang lus rnag can 'dis yang skyo bas/ bdag ni yongs su mya ngan las 'da' ba'i dus la bab ste 'gro bar bya'o snyam du bsams nas smras pa/ bdag 

</font><hr>11-1-317a<br><font size=+1>
gis thub pa'i mdo sde ni/ /yang dag bsdus nas chos lam bzhag /gcig nas gcig tu yun ring bar/ /ston pa'i gsung rab 'di gnas 'gyur/ /ngo tsha med rnams chad pas bcad/ /ngo tsha byed ni yongs su bzung / /bdag gis phan dang dge 
byas pas/ /bdag ni mya ngan 'das dus bab/ /de nas tshe dang ldan pa 'od srung chen po tshe dang ldan pa kun dga' bo'i drung du nye bar 'ongs nas/ tshe dang ldan pa kun dga' bo shes par gyis shig /bcom ldan 'das kyis bdag la bstan pa lag tu gtad de yongs su mya ngan 
las 'das so/ /da ni bdag kyang yongs su mya ngan las 'da' bas bstan pa khyod kyis yongs su skyongs shig dang / rgyal po'i khab tu ded dpon gzhan gyi bu zhig skye bar 'gyur te/ de sha na'i gos kyis g.yogs pas de'i ming sha na'i gos can zhes 'dogs so/ /des 
rgya mtsho chen po rgal nas slar 'ongs te bcom ldan 'das kyi bstan pa la lo lnga'i dus ston byed par 'gyur bas de rab tu phyung la de la bstan pa yongs su gtod cig ces smras so/ /de nas tshe dang ldan pa 'od srung chen pos 'di snyam du ma la bdag gis bcom ldan 'das 
thugs rje chen pos dka' ba mdzad pa/ dge ba'i bshes gnyen yon tan mtha' yas pas yongs su bsgos pa de'i sku gdung sha ri ram gang dang gang na bar mchod la rab tu zhi bar 'gro'o snyam bsams so/ /de nas mchod rten chen po bzhi'i drung du song nas sku gdung gi mchod rten brgyad la bsnyen bkur gyis rab tu mchod nas klu'i gnas su song ste bcom ldan 'das kyi mche ba la mchod nas nam mkha' la gyen du 'phags te sum bcu rtsa gsum gyi gnas su phyin to/ /de brgya byin lha'i dbang po dang / lha gzhan dag mngon par 
dga' nas mchod pa byas te ci'i slad du gshegs/ bzhed pa mchis na bka' stsol cig ces smras so/ /kau shi ka kho bo ni bcom ldan 'das kyi mche ba la sogs pa mtshan ma rnams tha mar mchod par 'dod de 'ongs so/ /de nas brgya byin lha'i dbang po dang lha 

</font><hr>11-1-317b<br><font size=+1>
gzhan dag gis tha ma zhes thos pas yid mi dga' bar gyur te zhes bskyed nas cung zad kyang mi smra bar de dag gis de phyung ba dang / de nas gnas brtan 'od srung chen pos mche ba de lag pas bzung nas mig mi 'dzums par bltas te spyi bo la bzhag nas me tog man dA ra ba dang / ku she sha 
ya dang / tsan dan sbrul gyi snying po'i phye mas rab tu gtor nas/ brgya byin la sogs pa lha brgya stong mang po rnams la bag yod par byos shig ces mdor bsdus te chos bshad pa byas nas ri rab kyi steng nas mi snang bar gyur te rgyal po'i khab tu phyin pa dang / des 'di snyam du bdag 
yongs su mya ngan las 'da' ba'i dus kyi tshe rgyal po ma skyes dgra la sbran par bya'o snyam nas de rgyal po'i pho brang du song ste/ chab sgo ba'i mi la 'di skad ces kwa'i skyes bu khyod song la/ rgyal po ma skyes dgra la 'od srung ni sgo na sdod de lha blta bar 'tshal gyis mkhyen par mdzod cig ces 
smras so/ /de nang du zhugs pa dang ji tsam rgyal po nyal te chab sgo bas smras pa/ 'phags pa lha ni gzims so/ /gnas brtan gyis smras pa/ song la slong shig /chab sgo bas smras pa/ 'phags pa rgyal po ni gtum pa zhig pas chad pas gcod du mchi'o/ /'o na 
nam gnyid sad par gyur pa de'i tshe 'od srung ni yongs su mya ngan las 'da' bar sbron to zhes smros shig /ji tsam na tshe dang ldan pa 'od srung chen po lho phyogs kyi ri bo bya gag rkang gi ri la 'dzegs te/ri gsum gyi dbus su rtswa gding ba byas nas bsams pa/ ma la bdag 
la bcom ldan 'das kyis phyag dar khrod pa byin pa 'di lus la bgos la byams pa'i gsung rab rgyas kyi bar du byin gyis brlabs te/ gang bcom ldan 'das kyi slob ma'i tshogs sems can gyi mchog de dag kun tu skyo bar byas la/ ji tsam ting nge 'dzin de lta bu bskyed 
de/ bdag gi lus 'di ri gsum gyis g.yogs pa'i khang pa'i nang 'dir 'dug la byams pa'i bstan pa rgyas kyi bar du ma nyams par byas te/ gang gi tshe rgyal po ma skyes dgra 'ongs na sgo bye bar gyur te/ gal te des bdag gi lus ma mthong na khrag dron por skyugs nas 

</font><hr>11-1-318a<br><font size=+1>
dus byed pa'i gnas su 'gyur bar rig cing ji tsam na tshe'i 'du byed kyang spangs/ tshe'i 'du byed spangs ma thag tu sa yang rnam pa drug tu g.yos/ skar mda' yang lhung / phyogs kyang 'tshig /bar snang la lha dag rnga yang rdung bar 'gyur ro snyam mo/ /de nas tshe dang ldan pa 
'od srung chen pos sbyar ba dang / bsreg pa dang / glog dbyung ba dang / cho 'phrul chen po rnam pa sna tshogs byas nas rang gi lus byin gyis brlabs nas glo g.yas pas phab ste/ rkang pa'i steng du rkang pa bzhag nas nyal te phung po lhag ma med pa'i mya ngan las 'das pa'i dbyings su 
yongs su mya ngan las 'das so/ /de nas brgya byin dang tshangs pa la sogs pa lha rnams 'di snyam du ci'i phyir bdag cag gis 'di g.yos par gyur ces bsams pa dang / ji tsam na tshe dang ldan pa 'od srung chen po yongs su mya ngan las 'das par shes nas/ yang brgya byin dang / 
tshangs pa la sogs pa lha rnams dang / lha brgya stong du mas me tog ut+pa la dang / pad ma dang / pun da ri ka la sogs pa dang / tsan dan sa mchog dang / a ga ru'i phye ma thogs te/ tshe dang ldan pa 'od srung chen po'i sku gdung ga la ba der song ste phyin nas/ gnas 
brtan gyi sku la me tog ut+pa la dang / pad ma dang / ku mu da dang / pad ma dkar po bzang po dag dang / tsan dan sa mchog dang / a ga ru'i phye ma dag gis mchod cing gtor nas ri gsum sbyar nas bkab bo/ /de nas lha rnams gnas brtan dang bral bas mya ngan skyes 
te/ de ltar bdag cag bcom ldan 'das dang bral ba'i mya ngan skyes pa yang ma byang bar 'dir shing n+ya gro d+ha'i phug 'di na gnas pa'i lha rnams dge ba'i chos kyi bar chad kyang byung bar gyur/ yul ma ga d+hA'i rgyal po'i yul yang stongs nas snang ba med par gyur/ da ni bkren 
pa dang / dbul po dang / mgon med pa'i srang du byams pas phan 'dogs pa'i mgon yang med/ skye bo rnams dge bas dbul bar gyur te/ da ni bcom ldan 'das gnyis kho na yongs su mya ngan las 'das so snyam sems te/ da ni dam pa'i chos kyi ri'i rtse mo yang 

</font><hr>11-1-318b<br><font size=+1>
lhung / da ni dam pa'i chos kyi gru yang rab tu g.yos/ da ni dam pa'i chos kyi snang ba yang nub/ da ni dam pa'i chos kyi rgya mtsho yang 'khrugs/ da ni ston pa phan 'dogs pa mi snang bar gyur pas bdud dag kyang dga' bar gyur to zhes bya ba la sogs pa smre sngags rnam pa mang po bton 
nas phyag byas te mi snang bar gyur to/ /ji tsam na rgyal po ma skyes dgra'i rmi lam du rgyal rigs kyi zhang po'i rgyud chad par mthong ngo / /mthong nas kyang skrag nas sad pa dang / sgo srung gis gnas brtan 'od srung chen po ni yongs su mya ngan las 'da' bar sbron to zhes smras pa thos 
so/ /thos nas rgyal po brgyal te sa la 'gyel ba dang / ji tsam na chus gtor nas bslang ste 'od ma'i tshal du song nas/ tshe dang ldan pa kun dga' bo'i rkang pa la lus thams cad kyis gtugs nas ngus te/ bdag gis de ring gnas brtan 'od srung chen po yongs su 
mya ngan las 'das par thos so zhes smras pa dang / ji tsam na tshe dang ldan pa kun dga' bos rgyal po ma skyes dgra khrid nas ri bya gag rkang la 'dzegs pa dang / ji tsam na gnod sbyin dag gis ri phye ba dang / rgyal po ma skyes dgras de'i sku me tog man dA ra ba dang / ku she 
sha ya dang / tsan dan sa mchog gi phye mas g.yogs pa mthong ngo / /mthong nas lag pa bsgreng ste/ shing drung rtsa ba nas bcad pa bzhin du de'i rkang pa la lus thams cad kyis gtugs nas langs te bsreg shing bsag par brtsams pa dang / gnas brtan kun 
dga' bos smras pa/ rgyal po chen po ci zhig rtsom/ rgyal pos smras pa/ gnas brtan gyi sku zhugs la bzhen par bgyi'o/ /gnas brtan gyis smras pa/ rgyal po chen po 'di ni byams pa'i gsung rab byung gi bar du byin gyis brlabs pa yin te/ byang chub sems 
dpa' byams pa nyan thos bye ba phrag drug bcu rtsa dgus bskor ba phyogs 'dir byon nas gnas brtan 'od srung chen po'i lus 'di bzung ste 'di ni 'od srung zhes bya ba bcom ldan 'das shAkya thub pa'i nyan thos 'dod pa chung ba/ chog shes pa/ sbyangs pa'i yon tan 'chang 

</font><hr>11-1-319a<br><font size=+1>
ba'i mchog tu gyur nas des bcom ldan 'das shAkya thub pa de'i dam pa'i chos kyi tshul yang dag par bsdus so zhes nyan thos rnams la bstan pa dang / ji tsam na de dag 'di snyam du de'i dus kyi mi rnams ni lus chung bar gyur te/ nges par bcom ldan 'das shAkya thub 
pa'i sku ni chen por gyur pa zhig yin no snyam mo/ /de nas bcom ldan 'das des de'i lus las snam sbyar blangs nas 'di yang dag par rdzogs pa'i sangs rgyas bcom ldan 'das shAkya thub pa de'i snam sbyar yin no zhes nyan thos rnams la bstan pa dang / de dag gis de thos nas 
de nyid kyis dge slong bye ba drug bcu rtsa dgus sbyangs pa'i yon tan yang dag par blangs nas ci nus kyis byas shing bsgrubs nas dgra bcom pa mngon sum du byed par des byin gyis brlabs pas lus 'di me la bsreg par mi nus mod kyi/ 'on kyang 'di'i steng du mchod rten brtsig 
par bya'o/ /ji tsam na rgyal po sgor byung ba dang ri 'byar cing de'i lus bkab par gyur to/ /de'i 'og tu rgyal pos steng du mchod rten brtsigs nas mchod pa yang byas so/ /de nas rgyal po ma skyes dgras tshe dang ldan pa kun dga' bo'i rkang pa la gtugs nas smras pa/ gnas 
brtan bdag gis bcom ldan 'das yongs su mya ngan las 'das pa yang ma mthong / gnas brtan 'od srung chen po yang ma mthong ste/ 'di ltar gnas brtan yongs su mya ngan las 'da' ba blta bar bgyi'o/ /de bzhin du bgyi'o zhes gnas brtan gyis khas blangs 
so/ /ji tsam na sha na'i gos can rgya mtsho chen po nas bde zhing legs par 'ongs te des nor rnams gter du sbas te 'od ma'i tshal du 'ongs pa dang / tshe dang ldan pa kun dga' bo dri gtsang khang gi sgo na 'chag pa la phyag byas nas/ btsun pa mkhyen par mdzod cig /bdag 
ni lo lnga'i dus ston bgyid de/ bdag gis rgya mtsho chen po brgal nas bde zhing legs par mchis te/ de bas na sangs rgyas la sogs pa dge slong gi dge 'dun rnams la lo lnga'i dus ston bgyid par 'tshal na/ bcom ldan 'das gang na bzhugs/ gnas brtan gyis 

</font><hr>11-1-319b<br><font size=+1>
bu bcom ldan 'das yongs su mya ngan las 'das so zhes smras pa sha na'i gos can gyis thos nas brgyal te sa la 'gyel to/ /ji tsam na chus gtor nas bslang ba dang / des sems kyi 'du shes slar rnyed nas smras pa/ gnas brtan shA ri'i bu gang na/ de yongs su mya ngan las 
'das te/ maud gal gyi bu chen po dang / 'od srung chen po yang de bzhin no/ /de shin tu mi dga' ba skyes nas dad pas lo lnga'i dus ston byas te mjug tu phyin pa dang / gnas brtan gyis bu khyod kyis bcom ldan 'das kyi bstan pa la zang zing gis bsdu ba ni byas zin na/ da ni 
chos kyi bsdu ba byos shig ces smras pa dang / sha na'i gos can gyis gnas brtan ci zhig bka' stsal/ ci tsam na gnas brtan kun dga' bos bu bcom ldan 'das kyi bstan pa la rab tu byung shig ces smras pa dang / des de bzhin du bgyi'o zhes smras nas/ ji tsam na tshe dang 
ldan pa kun dga' bos rab tu phyung ste/ gsol ba dang bzhi'i las kyis bsnyen par rdzogs pa zin par byas nas ji srid 'tsho'i bar du sha na'i gos gyon zhing 'chang ba yang dag par len du bcug go/ /de thos pa 'dzin pa zhig ste/ /ji tsam na bcom ldan 'das las dge slong sde 
gnyis dang / tshe dang ldan pa kun dga' bos thos shing bzung ba thams cad tshe dang ldan pa sha na'i gos can gyis kyang bzung ste/ rig pa gsum dang / sde snod gsum rgyas par byas so/ /ji tsam na gnas brtan kun dga' bo 'od ma'i tshal na 'dug pa dang / dge slong 
zhig gis tshigs su bcad de smras pa/ gang na lo brgyar 'tsho ba ni/ /nges par chu la bya gar bzhin/ /chu la bya gar mthong ba ltar/ /bdag nyid gcig pu'i 'tsho ba dge/ /ji tsam na tshe dang ldan pa kun dga' bos de skad thos nas/ de ga la bar song ste smras pa/ bu 
bcom ldan 'das kyis ni de skad ma gsungs mod kyi/ 'on kyang gang na lo brgya 'tsho ba ni/ /nges par skye dang 'jig pa yin/ /gang zag gnyis la ston pa yis/ /sa 'dir rtag par bshad pa ni/ /ma dad zhe sdang blo can dang / /dad la phyin ci log gyur pa'o/ /

</font><hr>11-1-320a<br><font size=+1>
mdo sde log par bzung gyur pas/ /ba lang 'dam du song ba bzhin/ /de ni nye bar 'jig 'gyur te/ /rang gi mchi blos blo med pa/ /thos pa mi shes 'bras bu med/ /log par shes pa dug dang 'dra/ /thos pa yang dag nyid shes pa/ /bral ba 'bras bu blo ldan 
yin/ /des de'i mkhan po la smras pa/ kun dga' bo yang rgas gyur te/ /de yi dran pa'ang nyams par gyur/ /smras pa/ rga ba dag gis gzir gyur pa/ /lus can de yi dran pa nyams/ /yang dag rjes su mi dran pa/ /de yi blo ni rgas pas gnon/ /khyod song la 
de skad smros shig ces byas pa dang / gnas brtan kun dga' bo slar log ste/ dge slong de yang de skad 'don pa dang / gnas brtan gyis smras pa/ bu bcom ldan 'das kyis ni de skad ma gsungs so zhes ngas ma smras sam/ dge slong des mkhan po'i tshig bzhin smras pa 
dang / ji tsam na gnas brtan kun dga' bos gal te bdag nyid kyis dge slong la smras na ni 'thab mor 'gyur/ de ni drung du 'ong du mi btub/ de'i drung du ni bdag 'gro ba'i cha ma yin no snyam du brtags nas des bsams pa/ 'di ltar shA ri'i bu dang maud gal gyi bu chen po dang 
'od srung la sogs pa chen po de dag kyang 'das zin na ma la bdag kyang yongs su mya ngan las 'da' ste/ bcom ldan 'das kyi dam pa'i chos kyi tshul lo stong du gnas par 'gyur ro snyam du bsams nas smras pa/ rnying pa gang dag sngar 'das te/ /gsar bu de dang bdag mi 
mthun/ /bdag ni gcig pu bsam gtan la/ /sgo nga las skye bzhin du gnas/ /bdag gi grogs dang mdza' bo kun/ /sngon du 'das shing song bar gyur/ /ji ltar bsam gtan gnas dran pa/ /de 'dra'i bshes gnyen 'di na med/ /dri ma byang nas zhir song 
'gro ba'i sgron ma ste/ /bdag nyid chen pos gti mug mun gnag rab rib bsal/ /de dag gis ni gdul ba tshad med btul gyur nas/ /gcig pu dgon pa mchod rten tshal shing lhag ma 'dra/ /de nas sha na'i gos can la bu bcom ldan 'das kyis 'od srung chen po la 

</font><hr>11-1-320b<br><font size=+1>
bstan pa gtad nas yongs su mya ngan las 'das so/ /des kyang nga la gtad de da ni ngas bstan pa khyod la gtad nas nga yongs su mya ngan las 'das/ khyod kyis kun du skyongs shig dang / grong khyer bcom brlag ri mu run da zhes bya ba der yul bcom brlag gi tshong dpon gyi bu na ta dang / 
pha ta zhes bya bas gtsug lag khang brtsigs nas/ gtsug lag khang gi yon bdag tu 'gyur bar bcom ldan 'das kyis lung bstan te ri mu run dar gtsug lag khang brtsigs zin nas/ yul bcom brlag na spos 'tshong sbas pa zhes bya ba de'i bu nye sbas zhes bya ba zhig yod par 
'gyur te/ de rab tu phyung shig dang / de ni bcom ldan 'das kyis nga mya ngan las 'das nas lo brgya lon pa dang mtshan med pa'i sangs rgyas su 'gyur te/ des sangs rgyas kyi bya ba thams cad byed par 'gyur ro zhes lung bstan to/ /sha na'i gos can gyis mkhan pos ji skad 
bka' stsal pa bzhin bya'o zhes smras pa dang / ji tsam na tshe dang ldan pa kun dga' bos nga ni yongs su mya ngan las 'da' ste khyod la sbran to zhes smras so/ /de nas gnas brtan kun dga' bos bsams pa/ bdag 'dir yongs su mya ngan las 'das na/ rgyal po ma skyes dgra 
dang / yul spong byed pa gnyis phan tshun rtsod par 'gyur te/ yul yangs pa can pa dag la yang sha ri ram gyi skal ba mi byin/ gal te yangs pa can du mya ngan las 'das na ni de dag gis kyang mi byin te/ ma la bdag ni chu bo gang gA'i dbus su yongs su mya ngan las 'da' bar 
bya'o snyam nas de der song ngo / /de nas yang rgyal po ma skyes dgra'i rmi lam du rgyal po'i steng du gdugs 'dzin pa de'i yu ba chags par mthong ngo / /mthong nas skrag ste sad pa dang sgo srung gis lha gnas brtan kun dga' bo ni yongs su mya ngan las 'da' bar sbron to zhes smras so/ /
de thos nas rgyal po brgyal te 'gyel ba dang / ji tsam na chus gtor te bslang nas sems kyi 'du shes rnyed pa dang / rgyal pos smras pa/ tshe dang ldan pa kun dga' bo gang du yongs su mya ngan las 'das/ tshe dang ldan pa sha na'i gos can gyis smras pa/ rgyal po chen po 

</font><hr>11-1-321a<br><font size=+1>
'di ni bcom ldan 'das kyi rjes song sras su mngon 'khrungs nas/ /dam pa'i chos kyi mdzod ni yongs bsrung nges pa'i bdag nyid can/ /srid pa 'gog par mdzad pa rnam par dag pa'i blo gros ni/ /grong khyer yangs pa can du mngon par rab tu gshegs par 
gyur/ /ji tsam na rgyal po ma skyes dgras dpung gi tshogs yan lag bzhi pa go bskon te chu bo gang gA'i 'gram du chas te song ba dang / yangs pa can pa dag la lha dag gis smras pa/ 'phags pa kun dga' 'gro ba'i sgron ma ni/ /skye bo phal po che la thugs rje mdzad/ /thub 
pa 'di ni mya ngan mun bsal nas/ /rang zhi brtan par yangs pa can du gshegs/ /ji tsam na yangs pa can gyi lits+tsha bI rnams kyis kyang dpung gi tshogs yan lag bzhi pa go bskon te/ chu bo gang gA'i 'gram du 'ongs pa dang / gnas brtan kun dga' bo yang grur zhugs 
nas chu bo gang gA'i dbus su 'dug go/ /de nas rgyal po ma skyes dgras gnas brtan kun dga' bo'i rkang pa la mgo bos phyag 'tshal nas smras pa/ 'dab ma brgya pa lta bur kha bye sangs rgyas yangs pa'i spyan/ /srid pa gsum gyi sgron mar gyur pa zhi bar gshegs gyur pas/ /
bdag cag khyod la skyabs 'ongs gal te zhi bar gshegs gyur na/ /bdag cag don du tshur gshegs khyod kyi sku ni 'dir 'or cig /ji tsam na yangs pa can pa dag gis kyang de skad smras pa dang / de nas tshe dang ldan pa kun dga' bos kyang 'di ltar bsam pa bskyed de/ 
gal te ma ga d+hA yi grong du bdag gi lus bor na/ /lits+tsha bI rnams gdon mi za bar sdug bsngal 'gyur/ /gal te grong khyer spong byed dag tu bdag gi lus bor na/ /ma ga d+hA yi bdag po nges par mi dga' bas/ /de bas lus phyed mi yi dbang po la/ /lus kyi phyed ni 
tshogs la byin byas nas/ /'di ltar de dag gnyi gas yang dag par/ /rtag pa kho nar mchod pa nyid du 'gyur/ /ji tsam na gnas brtan kun dga' bo yongs su mya ngan las 'da' ba'i dus kyi tshe sa chen po 'di rnam pa drug tu g.yos so/ /de'i tshe drang srong gzhan zhig 

</font><hr>11-1-321b<br><font size=+1>
'khor lnga brgyas bskor nas tshe dang ldan pa kun dga' bo ga la ba der rdzu 'phrul gyis 'ongs te thal mo sbyar nas gnas brtan kun dga' bo la bdag cag ni legs par gsungs pa'i chos 'dul ba la rab tu 'byung zhing bsnyen par rdzogs te dge slong gi dngos po gsol lo zhes smras 
pa dang / ji tsam na gnas brtan kun dga' bos slob ma rnams lhan cig tu bdag gi drung du tshur shog ces bsam pa bskyed nas des bsam pa de bskyed ma thag tu de bzhin du slob ma lnga brgya der 'ongs so/ /gnas brtan kun dga' bos chu'i dbus sa gzhir sprul nas lam med 
par byas so/ /ji tsam na drang srong 'khor lnga brgya po rab tu byung nas bsnyen par rdzogs par gsol ba byas pa dang / 'khor lnga brgya pos phyir mi 'ong ba'i 'bras bu thob bo/ /las gsum pa brjod pa dang nyon mongs pa thams cad spangs nas dgra bcom pa nyid kyi 'bras bu thob ste/ 
de dag chu bo gang gA'i dbus dang nyi ma'i gung la rab tu byung bas kha cig ni chu dbus/ kha cig ni nyi ma'i gung zhes bya bar kun du grags te/ de dag gis bya ba byas nas/ tshe dang ldan pa kun dga' bo'i rkang pa la mgo bos phyag byas te smras pa/ bcom ldan 'das kyis rab bzangs 
thams cad kyi tha mar rab tu phyung na dang por yongs su mya ngan las 'das pas mkhan pos bka' stsol cig dang bdag cag ni sngar yongs su mya ngan las 'da' ste/ mkhan po yongs su mya ngan las 'da' ba lta bar ni bdag cag mi 'tshal lo/ /gnas brtan gyis smras pa/ bu 
bcom ldan 'das kyis tshe dang ldan pa 'od srung chen po la bstan pa gtad nas yongs su mya ngan las 'das/ /gnas brtan 'od srung chen pos kyang nga la gtad de/ da nga ni yongs su mya ngan las 'da' bas bstan pa 'di khyod kyis yongs su srung shig /bcom ldan 'das 
kyis kha che'i yul ni bsam gtan dang mthun pa dang gnas mal gyi mchog go zhes 'di ltar kha che'i yul lung bstan pa dang / bcom ldan 'das kyis nga yongs su mya ngan las 'das nas lo brgya lon pa dang dge slong nyi ma'i gung zhes bya ba zhig 'byung bar 'gyur te/ des 'dir 

</font><hr>11-1-322a<br><font size=+1>
bstan pa la 'jug par 'gyur ro zhes lung bstan to/ /de bas na bu khyod kyis bstan pa la 'jug par byos shig /des de bzhin du bgyi'o zhes smras so/ /de nas tshe dang ldan pa kun dga' bos cho 'phrul rnam pa sna tshogs bstan par brtsams pa/ ma ga d+hA pa snying 
rjes ngu zhing mgon po tshur gshegs zhes/ /spong byed pa yang snying rjes ngu zhing mgon po tshur gshegs 'bod/ /chu 'gram dag na skye bo gnyis kyis tshig brjod pa/ /gsan nas blo gros can gyi sngon gyi sku ni so sor byas/ /de nas tshe dang ldan pa kun dga' bos lus 
byin gyis brlabs nas cho 'phrul rnam pa sna tshogs bstan te me la chu gtor ba bzhin du yongs su mya ngan las 'das nas lus phyed ni yangs pa can pas/ lus phyed ni rgyal po ma skyes dgras thob nas smras pa/ ye shes rdo rje rnon po yis/ /rang gi lus kyi ri bcom ste/ /phyed 
ni mi yi dbang po byin/ /phyed ni thub pas tshogs rnams byin/ /de nas lits+tsha bI rnams kyis yangs pa can du mchod rten brtsigs nas bzhag go/ /rgyal po ma skyes dgras kyang grong khyer skya snar can gyi bur mchod rten brtsigs nas bzhag go/ /de nas nyi ma'i gung gi bsam pa skyes 
pa/ /bdag gi mkhan pos kyang kha che yul du bstan pa zhog shig ces bsgo/ /bcom ldan 'das kyis kyang dge slong nyi ma'i gung zhes bya ba zhig 'byung bar 'gyur te/ des kha che'i yul du klu mi srun pa hu lun ta btul nas bstan pa 'jog par 'gyur ro zhes lung bstan 
pas ma la bdag gis ston pa'i dgongs pa yongs su bsgrub par bya'o snyam nas/ tshe dang ldan pa nyi ma'i gung gis kha che'i yul du song ste skyil mo krung bcas nas 'dug go/ /de nas nyi ma'i gung gis kha che yul gyi klu 'di zil gyis mnan la/ klu de dag 'khrugs 
par byas na 'dul bar 'gyur ro snyam du bsams na de lta bu'i ting nge 'dzin la snyoms par zhugs pa dang / 'di ltar kha che'i yul rnam pa drug tu g.yos te/ klu de dag kyang 'khrugs shing rab tu rngam nas rdzi char drag po dag phab ste gnas brtan la gnod pa bya bar chas pa dang /

</font><hr>11-1-322b<br><font size=+1>
gnas brtan gyis byams pa'i ting nge 'dzin la snyoms par zhugs pas klu de dag gis gnas brtan gyi chos gos kyi mtha' ma yang g.yo bar ma nus so/ /de nas klu dag gis mda'i char phab pa dang / gnas brtan gyis kun tu gsal ba'i me tog ut+pa la dang / pad ma dang / ku mu 
da dang / pad ma dkar por phab bo/ /klu dag gis rdo rje rtse gcig dang / mda' bo che dang / mtshon rtse gcig pa dang / dgra sta dag 'phang bar brtsams pa dang / gnas brtan gyi steng du me tog ku su ma'i char bab nas smras pa/ gangs ri rtse mo de ni nyi ma'i 'od kyis rab tu bzhu ba 
na/ /ri bo'i rtse mo de dag kun ni med par song gyur mthong ba ltar/ /phyag dar char phab ku su ma yi char pa sna tshogs bab par byas/ /gnam las mda' yi char phab me tog phreng bar kun tu gnas par gyur/ /de nas byams pa'i ting nge 'dzin la snyoms par zhugs pas lus la 
mes ma tshig /mtshon gyis ma tshugs/ dug gis ma tshugs te/ klu rnams ngo mtshar skyes so/ /de nas klu de dag gnas brtan gyi drung du song ste 'phags pa bka' ci stsal ces smras pa dang / gnas brtan gyis smras pa/ gnas 'di nga la byin cig /klu dag gis 
smras pa/ dbul bar rngo mi thog go/ /gnas brtan gyis gnas 'di ni bcom ldan 'das kyis nga'i gnas su lung bstan te/ gang kha che yul 'di bsam gtan dang mthun pa'i gnas mal yin pas deng phan chad nga'i yin no zhes smras pa dang / klu rnams kyis smras pa/ gnas 
brtan bcom ldan 'das kyis bka' stsal tam/ gnas brtan gyis smras pa/ bcom ldan 'das kyis bka' stsal to/ /klu rnams kyis smras pa/ gnas ci tsam zhig dbul bar bgyi/ gnas brtan gyis smras pa/ skyil mo krung bcas pa tsam mo/ /klu rnams kyis btsun pa 
dbul bar bgyi'o zhes smras pa dang / gnas brtan gyis skyil mo krung bcas pas lung pa dgu'i mdo skyil mo krung gis non pa dang / klu rnams kyis gnas brtan 'khor ji snyed cig mnga' zhes smras pa dang / gnas brtan gyis dge slong ji snyed cig 'du bar 'gyur snyam bsams 

</font><hr>11-1-323a<br><font size=+1>
pa dang / ji tsam na dgra bcom pa lnga brgya'o snyam du gnas brtan gyis bsams nas dgra bcom pa lnga brgya'o zhes smras pa dang / klu rnams kyis de bzhin du gyur cig /gal te dgra bcom pa gcig cig gis ma tshang na de'i tshe kha che yul bdag cag gis slar dbrog par 
bgyi'o zhes smras pa dang / gnas brtan nyi ma'i gung gis kha che yul gyi klu rnams la smras pa/ de yin mod kyi 'on kyang gang na sbyin bdag gnas pa de na len pa yod pas ngas khyim bdag kyang 'jug par bya'o/ /klu rnams kyis de bzhin du gyur cig ces smras pa dang / ji tsam na gnas 
brtan gyis skye bo rang nyid kyis grong dang / grong khyer dang / yul 'khor dag byas te skye bo'i tshogs dag zhugs pa dang / de dag gis gnas brtan ji ltar bdag cag 'phel bar 'gyur zhes smras pa dang / ji tsam na gnas brtan gyis skye bo'i tshogs dag khrid nas ri spos kyi ngad ldang du 
phyin nas gur gum dag thon cig ces smras pa dang / ji tsam na ri spos kyi ngad ldang gi klu rnams 'khrugs pa dang / de dag kyang gnas brtan gyis btul nas de dag gis smras pa/ bcom ldan 'das kyi bstan pa ji srid cig gnas par 'gyur/ gnas brtan gyis smras pa/ lo 
stong ngo / /de dag gis bcom ldan 'das kyi bstan pa ji srid du gnas pa de srid du gnang bar bya'o zhes dam tshig byas pa dang / gnas brtan gyis de bzhin du gyur cig ces smras nas/ ji tsam na gnas brtan gyis kha che yul du gur gum gzhag par byin gyis brlabs so/ /ji 
tsam na gnas brtan nyi ma'i gung gis bcom ldan 'das kyi bstan pa kha che yul du bzhag cing rgya cher byas nas cho 'phrul rnam pa sna tshogs kyis sbyin pa po dang / tshangs pa mtshungs par spyad pa'i yid dga' bar byas nas me la chus btab pa bzhin du mya ngan las 'das par song nas de'i 
lus tsan dan sa mchog dang a ga ru la sogs pa'i shing gis bsregs nas mchod rten brtsigs te bzhag go/ /de nas tshe dang ldan pa sha na'i gos can gyis kyang tshe dang ldan pa nye sbas rab tu phyung nas des bstan pa rgya cher byas te tshe dang ldan pa nye sbas la 'di skad ces smras so/ /tshe dang 

</font><hr>11-1-323b<br><font size=+1>
ldan pa nye sbas shes par byos shig /bcom ldan 'das kyis ni tshe dang ldan pa 'od srung chen po la bstan pa gtad nas yongs su mya ngan las 'das/ tshe dang ldan pa 'od srung chen pos mkhan po la/ mkhan pos ni nga la bstan pa gtad nas yongs su mya ngan las 'das so/ /bu nga yang 
yongs su mya ngan las 'da' ste/ da ni khyod kyis bstan pa yongs su bskyang zhing bcom ldan 'das kyis ji skad bka' stsal pa thams cad la khyod kyis nan tan byos shig /de nas tshe dang ldan pa sha na'i gos can gyis sbyin pa po dang / tshangs pa mtshungs par spyod pa'i yid dga' 
bar byas nas spar ba dang / bsreg pa dang / char dbab pa dang / glog 'byung ba'i cho 'phrul rnam pa sna tshogs byas nas phung po lhag ma med pa'i dbyings su yongs su mya ngan las 'das so/ /gnas brtan nye sbas kyis kyang / tshe dang ldan pa d+hi ti ka la/ tshe dang ldan pa d+hi ti kas bstan 
pa'i dgos pa byas nas tshe dang ldan pa nag po la/ tshe dang ldan pa nag pos tshe dang ldan pa legs mthong la ste/ de ltar glang po chen po dag yongs su mya ngan las 'das so/ /sangs rgyas bcom ldan 'das yongs su mya ngan las 'das nas lo brgya dang bcu lon te rgyal ba'i nyi ma 
nub pa dang / yangs pa can gyi dge slong rnams kyis rung ba ma yin pa'i gzhi bcu po mdo sde las 'das/ 'dul ba las 'das/ ston pa'i bstan pa dang bral te/ mdo sde la mi 'jug /'dul ba la mi snang / chos nyid dang 'gal ba phyung ste/ de dag la yangs pa can gyi 
dge slong rnams kyis rung ba ma yin pa la rung bar yongs su ston cing kun du spyod/ rab tu spyod de/ bcu gang zhe na/ yangs pa can gyi dge slong rnams kyis a la la zhes bya ba ni rung bar byas nas mi mthun pas chos ma yin pa dang / mthun pas chos ma yin pa dang / mi mthun 
pas chos kyi las byed de/ 'di ni gzhi dang po mdo sde las 'das/ 'dul ba las 'das/ ston pa'i bstan pa dang bral te/ mdo sde la mi 'jug /'dul ba la mi snang / chos nyid dang 'gal te/ yangs pa can gyi dge slong rnams kyis rung ba ma yin pa rung bar yongs 

</font><hr>11-1-324a<br><font size=+1>
su ston cing kun tu spyod/ rab tu spyod do/ /gzhan yang yangs pa can gyi dge slong rnams kyis tshe dang ldan pa dag rjes su yi rang bas rjes su yi rang bar byos shig ces nyan kor gyi dge slong rnams rjes su yi rang bar byed du 'jug cing rjes su yi rang ba rung bar byas nas mi 
mthun pas chos ma yin pa dang / mthun pas chos ma yin pa dang / mi mthun pas chos kyi las byas te/ 'di ni gnyis pa mdo sde las 'das/ 'dul ba las 'das/ ston pa'i bstan pa dang bral te/ mdo sde la mi 'jug /'dul ba la mi snang / chos nyid dang 'gal 
te/ de dag la yangs pa can gyi dge slong rnams kyis rung ba ma yin pa la rung bar yongs su ston cing kun tu spyod/ rab tu spyod do/ /gzhan yang yangs pa can gyi dge slong rnams kyis rang gi lag gis sa rko zhing rkor 'jug par spyod pa rung bar byed pa ste/ 'di ni gzhi gsum pa 
mdo sde las 'das/ 'dul ba las 'das/ ston pa'i bstan pa dang bral te mdo sde la mi 'jug /'dul ba la mi snang / chos nyid dang 'gal te/ de dag la yangs pa can gyi dge slong rnams kyis rung ba ma yin pa la rung bar yongs su ston cing kun tu spyod/ rab tu spyod do/ /
gzhan yang yangs pa can gyi dge slong rnams kyis ji srid 'tsho'i bar du byin gyis brlabs pa'i tshwa dus su rung ba dang lhan cig bsres nas kun du spyod cing tshwa rung ba'o zhes byed pa ste/ 'di ni gzhi bzhi pa mdo sde las 'das/ 'dul ba las 'das/ ston pa'i bstan pa dang bral te/ 
mdo sde la mi 'jug /'dul ba la mi snang / chos nyid dang 'gal te/ de dag la yangs pa can gyi dge slong rnams kyis rung ba ma yin pa la rung bar yongs su ston cing kun du spyod/ rab tu spyod do/ /gzhan yang yangs pa can gyi dge slong rnams kyis dpag tshad dang dpag 
tshad phyed du song ste 'dus shing zas zos nas lam gyis rung bar byed de/ 'di ni gzhi lnga pa mdo sde las 'das/ 'dul ba las 'das/ ston pa'i bstan pa dang bral te/ mdo sde la mi 'jug /'dul ba la mi snang / chos nyid dang 'gal te/ de dag la yangs pa can gyi dge 

</font><hr>11-1-324b<br><font size=+1>
slong rnams kyis rung ba ma yin pa la rung bar yongs su ston cing kun du spyod/ rab tu spyod do/ /gzhan yang yangs pa can gyi dge slong rnams kyis lhag mar ma byas pa'i bza' ba dang bca' ba sor mo gnyis byas te zos nas sor mo gnyis rung bar byed do/ /'di ni gzhi drug pa mdo sde las 
'das/ 'dul ba las 'das/ ston pa'i bstan pa dang bral te mdo sde la mi 'jug /'dul ba la mi snang / chos nyid dang 'gal te/ de dag la yangs pa can gyi dge slong rnams kyis rung ba ma yin pa la rung bar yongs su ston cing kun du spyod/ rab tu spyod do/ /gzhan yang yangs 
pa can gyi dge slong rnams kyis srin bu pad pa bzhin du chang bzhibs te 'thungs nas nad pas rung bar byed de/ 'di ni gzhi bdun pa mdo sde las 'das/ 'dul ba las 'das/ ston pa'i bstan pa dang bral te/ mdo sde la mi 'jug /'dul ba la mi snang / chos nyid dang 'gal te/ de 
dag la yangs pa can gyi dge slong rnams rung ba ma yin pa rung bar yongs su ston cing kun du spyod/ rab tu spyod do/ /gzhan yang yangs pa can gyi dge slong rnams kyis 'o ma bre gang dang zho bre gang dkrugs nas dus ma yin par za zhing bsres pas rung bar byed de/ 'di ni gzhi brgyad pa mdo 
sde las 'das/ 'dul ba las 'das/ ston pa'i bstan pa dang bral te/ mdo sde la mi 'jug /'dul ba la mi snang / chos nyid dang 'gal te/ de dag la grong khyer yangs pa can gyi dge slong rnams kyis rung ba ma yin pa rung bar spyod cing kun du spyod rab tu spyod do/ /gzhan yang yangs pa 
can gyi dge slong rnams kyis gding ba rnying pa bde bar gshegs pa'i mtho gang gis 'khor bas gding ba sar pa la ma glan par yongs su longs spyod par byed cing gding bas rung bar byed de/ 'di ni gzhi dgu pa mdo sde las 'das/ 'dul ba las 'das/ ston pa'i bstan pa dang 
bral te/ mdo sde la mi 'jug /'dul ba la mi snang / chos nyid dang 'gal te/ de dag la yangs pa can gyi dge slong rnams kyis rung ba ma yin pa rung bar yongs su ston cing kun du spyod/ rab tu spyod do/ /gzhan yang yangs pa can gyi dge slong rnams kyis lhung bzed gang dag zlum po 

</font><hr>11-1-325a<br><font size=+1>
dag pa spyad par 'os pa de dag dris bskus nas bdug pa zhim pos bdug ste/ me tog dri zhim po sna tshogs kyis mdzes par byas pa dge sbyong gi mgo bo la khri'u stan dang chas pa'i steng du bzhag nas lam po che dang / srang dang / bzhi mdo dag bskor nas 'di skad ces bsgrags 
so/ /grong khyer dang yul sna tshogs nas 'ongs pa'i skye bo mang po yangs pa can na gnas pa'i shes ldan dag nyon cig /lhung bzed 'di ni lhung bzed bzang po yin te/ 'dir byin zhing shin tu byin nam/ gang gis 'dir blugs pa byas na de dag gis blugs pa byas pas 'bras bu che ba 
dang / phan yon che ba dang / brtson pa che ba dang rgya che bar 'gyur ro zhes pa dang / der dbyig dang / gser dang / rin po che gzhan de dag kyang snyed cing thob nas de la longs spyod cing gser dngul gyis rung bar byed de/ 'di ni gzhi bcu pa mdo sde las 'das/ 'dul ba las 'das/ 
ston pa'i bstan pa dang bral te/ mdo sde la mi 'jug /'dul ba la mi snang / chos nyid dang 'gal te/ de dag la yangs pa can gyi dge slong rnams kyis mi rung ba rung bar yongs su ston cing kun du spyod rab tu spyod do/ /de nas de'i tshe yangs pa can na tshe dang ldan pa kun dga' bo dang 
lhan cig gnas pa gnas brtan thams cad 'dod pa zhes bya ba de dgra bcom pa rnam par thar pa brgyad sgom pa zhes bya ba snying las chung bar gnas pa zhig 'dug go/ /grong khyer nor can na de dang lhan cig gnas pa'i gnas brtan grags pa zhes bya ba zhig yod de/ de yang dgra bcom 
pa rnam par thar pa brgyad sgom pa zhig ste de 'khor lnga brgya dang ljongs rgyu zhing grong khyer yangs pa can du 'ongs so/ /ji tsam na rnyed pa dag 'god de der 'ongs pa dang / dge skos kyis gnas brtan dge 'dun gyi rnyed pa 'god kyis longs shig ces smras pa dang / des tshe dang ldan pa 
rnyed pa byung ba ci zhig sus byin zhes smras so/ /des rgyas par brjod pa dang / des chu bur 'di gcig pu byung bar zad dam/ gzhan yang yod snyam brtags pa dang / ji tsam na bslab pa lhod cing rung ba ma yin pa'i dngos po bcu kun tu spyod pa 'phel bar mthong nas des bstan pa gnas par 

</font><hr>11-1-325b<br><font size=+1>
bya ba'i phyir tshe dang ldan pa thams cad 'dod pa ga la ba der song ste phyin nas tshe dang ldan pa thams cad 'dod pa'i rkang pa la mgo bos phyag byas nas tshe dang ldan pa thams cad 'dod pa la 'di skad ces smras so/ /gnas brtan a la la zhes rung bar bgyid pa rung ngam/ tshe dang ldan pa a la la 
zhes rung ba zhes bya ba ci yin gnas brtan 'di ltar yangs pa can gyi dge slong rnams kyis mi mthun pas chos ma yin pa dang / mthun pas chos ma yin pa dang / mi mthun pas chos kyi las byed de a la la zhes bya ba rung bar byed do// //'dul ba phran tshegs kyi gzhi/bam po lnga 
bcu rtsa dgu pa/ tshe dang ldan pa rung ba ma yin no/ /gnas brtan gang du bcas/ grong khyer tsam par ro/ /gang las brten te/ dge slong drug sde dag las so/ /ltung ba cir 'gyur/ nyes byas so/ /gnas brtan 'di ni gzhi dang po mdo sde las 'das/ 'dul ba las 'das/ ston pa'i 
bstan pa dang bral te/ mdo sde la mi 'jug /'dul ba la mi snang / chos nyid dang 'gal te/ de dag la grong khyer yangs pa can gyi dge slong rnams kyis rung ba ma yin pa rung bar yongs su ston cing kun tu spyod/ rab tu spyod na de dag khyod kyis btang snyoms gzhag gam zhes smras pa 
dang de cang mi smra bar 'dug go/ /des smras pa/ gnas brtan de ni der bas na 'di zhu bar bgyi ste rjes su yi rang bas rung bar bgyid pa 'di rung ngam/ tshe dang ldan pa rjes su yi rang bas rung ba zhes bya ba ci yin gnas brtan 'di ltar yangs pa can gyi dge slong rnams kyis mi mthun pas 
chos ma yin pa dang / mthun pas chos ma yin pa dang / mi mthun pas chos kyi las byed de/ tshe dang ldan pa dag rjes su yi rang bas rjes su yi rang bar byos shig ces nyen kor gyi dge slong rnams rjes su yi rang bar byed du 'jug cing rjes su yi rang bas rung bar bgyid do/ /tshe 
dang ldan pa rung ba ma yin no/ /gnas brtan gang du bcas/ grong khyer tsam par ro/ /gang las brten te/ dge slong drug sde dag las so/ /ltung ba cir 'gyur/ nyes byas so/ /gnas brtan 'di ni gzhi gnyis pa mdo sde las 'das/ 'dul ba las 'das/ ston pa'i bstan pa dang 

</font><hr>11-1-326a<br><font size=+1>
bral te/ mdo sde la mi 'jug /'dul ba la mi snang / chos nyid dang 'gal te/ de dag la grong khyer yangs pa can gyi dge slong rnams kyis rung ba ma yin pa rung bar yongs su ston cing kun du spyod rab tu spyod na de dag khyod kyis btang snyoms su bzhag gam zhes smras pa dang / de 
cang mi smra bar 'dug go/ /des smras pa/ gnas brtan de ni der bas na 'di zhu bar bgyi ste kun du spyod pas rung bar bgyid pa rung ngam/ tshe dang ldan pa kun du spyod pas rung ba zhes bya ba ci yin/ gnas brtan 'di ltar yangs pa can gyi dge slong rnams kyis rang gi lag gis sa rko zhing 
brkos nas kun du spyod pas rung bar bgyid do/ /tshe dang ldan pa rung ba ma yin no/ /gang du bcas/ mnyan yod du'o/ /gang las brten/ dge slong drug sde dag las so/ /ltung ba cir 'gyur/ ltung byed do/ /gnas brtan 'di ni gzhi gsum pa mdo sde las 'das/ 'dul ba las 
'das/ ston pa'i bstan pa dang bral te/ mdo sde la mi 'jug /'dul ba la mi snang / chos nyid dang 'gal te/ de dag la yangs pa can gyi dge slong rnams kyis rung ba ma yin pa rung bar yongs su ston cing kun du spyod rab tu spyod na de khyod kyis btang snyoms su bzhag 
gam zhes smras pa dang / de cang mi smra bar 'dug go/ /des smras pa/ gnas brtan de ni der bas na 'di zhu bar bgyi ste/ tshwa rung bar bgyid pa rung ngam/ tshe dang ldan pa tshwa rung ba zhes bya ba ci yin/ gnas brtan 'di ltar yangs pa can gyi dge slong rnams kyis ji srid 'tsho'i 
bar gyi tshwa rung ba dus su rung ba dang lhan cig bsres nas yongs su spyod cing tshwa dus su rung bar bgyid do/ /tshe dang ldan pa rung ba ma yin no/ /gang du bcas/ rgyal po'i khab tu'o/ /gang las brten/ tshe dang ldan pa shA ri'i bu las so/ /ltung ba cir 'gyur/ ltung byed do/ /gnas 
brtan 'di ni gzhi bzhi pa mdo sde las 'das/ 'dul ba las 'das/ ston pa'i bstan pa dang bral te/ mdo sde la mi 'jug /'dul ba la mi snang / chos nyid dang 'gal te de dag la yangs pa can gyi dge slong rnams kyis rung ba ma yin pa rung ngo zhes yongs su ston cing kun du spyod rab tu 

</font><hr>11-1-326b<br><font size=+1>
spyod na de khyod kyis btang snyoms su bzhag gam zhes smras pa dang / de cang mi smra bar 'dug go/ /des smras pa/ gnas brtan de ni der bas na 'di zhu bar bgyi ste lam gyis rung bar bgyid pa rung ngam/ tshe dang ldan pa lam gyis rung ba zhes bya ba ci yin/ gnas brtan 'di ltar yangs pa can gyi 
dge slong rnams kyis dpag tshad dang dpag tshad phyed du song ste 'dus shing zan zos nas lam gyis rung bar bgyid do/ /tshe dang ldan pa rung ba ma yin no/ /gang du bcas/ rgyal po'i khab tu'o/ /gang las brten/ lhas byin las so/ /ltung ba cir 'gyur/ ltung byed do/ /gnas brtan 'di 
ni gzhi lnga pa mdo sde las 'das/ 'dul ba las 'das/ ston pa'i bstan pa dang bral te/ mdo sde la mi 'jug /'dul ba la mi snang / chos nyid dang 'gal te/ de dag la yangs pa can gyi dge slong rnams kyis rung ba ma yin pa rung ngo zhes yongs su ston cing kun du spyod rab tu 
spyod na de khyod kyis btang snyoms su bzhag gam zhes smras pa dang / de cang mi smra bar 'dug go/ /des smras pa/ gnas brtan de ni der bas na 'di zhu bar bgyi ste/ sor mo gnyis kyis rung bar bgyid pa rung ngam/ tshe dang ldan pa sor mo gnyis kyis rung ba zhes bya ba ci yin/ 
gnas brtan 'di ltar yangs pa can gyi dge slong rnams kyis lhag mar ma byas pa'i bza' ba dang bca' ba sor mo gnyis kyis rung bar byas te zos nas sor mo gnyis rung bar bgyid do/ /tshe dang ldan pa rung ba ma yin no/ /gang du bcas/ mnyan yod du'o/ /gang las brten/ dge slong 
mang po las so/ /ltung ba cir 'gyur/ ltung byed do/ /gnas brtan 'di ni gzhi drug pa mdo sde las 'das/ 'dul ba las 'das/ ston pa'i bstan pa dang bral te/ mdo sde la mi 'jug /'dul ba la mi snang / chos nyid dang 'gal te de dag la yangs pa can gyi dge slong rnams 
kyis rung ba ma yin par rung ngo zhes yongs su ston cing kun du spyod rab tu spyod na de khyod kyis btang snyoms su bzhag gam zhes smras pa dang / de cang mi smra bar 'dug go/ /des smras pa/ gnas brtan de ni der bas na 'di zhu bar bgyi ste nad pas rung bar bgyid pa rung ngam/ tshe dang ldan pa 

</font><hr>11-1-327a<br><font size=+1>
nad pas rung ba zhes bya ba ci yin/ gnas brtan yangs pa can gyi dge slong rnams kyis srin bu pad pa bzhin du chang bzhibs te 'thungs nas nad pas rung bar bgyid do/ /tshe dang ldan pa rung ba ma yin no/ /gang du bcas/ mnyan yod du'o/ /gang las brten/ tshe dang ldan pa legs 
'ongs las so/ /ltung ba cir 'gyur/ ltung byed do/ /gnas brtan 'di ni gzhi bdun pa zhes bya ba snga ma bzhin no/ /de ni der bas na 'di zhu bar bgyi ste/ bsres pas rung bar bgyid pa rung ngam/ tshe dang ldan pa bsres pas rung ba zhes bya ba ci yin/ gnas brtan 'di ltar yangs pa can gyi dge slong 
rnams kyis 'o ma bre gang dang zho bre gang dkrugs nas dus ma yin par za zhing dkrugs pas rung bar bgyid do/ /tshe dang ldan pa rung ba ma yin no/ /gang du bcas/ mnyan yod du'o/ /gang las brten/ dge slong mang po las so/ /ltung ba cir 'gyur/ ltung byed do/ /gnas brtan 'di ni 
gzhi brgyad pa mdo sde las 'das/ 'dul ba las 'das/ston pa'i bstan pa dang bral te mdo sde la mi 'jug /'dul ba la mi snang / chos nyid dang 'gal te/ de dag la yangs pa can gyi dge slong rnams kyis rung ba ma yin pa rung ngo zhes yongs su ston cing kun du spyod rab tu spyod na 
de khyod kyis btang snyoms su gzhag gam zhes smras pa dang / de cang mi smra bar 'dug go/ /des smras pa/ gnas brtan de ni der bas na 'di zhu bar bgyi ste gding bas rung bar bgyid pa rung ngam/ tshe dang ldan pa gding bas rung ba zhes bya ba ci yin/ gnas brtan 'di ltar yangs pa can 
gyi dge slong rnams kyis gding ba rnying pa bde bar gshegs pa'i mtho gang gis 'khor ba gding ba sar pa la ma glan par longs spyod par byed cing gding bas rung bar bgyid do/ /tshe dang ldan pa rung ba ma yin no/ /gang du bcas/ mnyan yod du'o/ /gang las brten/ dge slong mang po 
las so/ /ltung ba cir 'gyur/ ltung byed do/ /gnas brtan 'di ni gzhi dgu pa mdo sde las 'das/ 'dul ba las 'das/ ston pa'i bstan pa dang bral te/ mdo sde la mi 'jug /'dul ba la mi snang / chos nyid dang 'gal te/ de dag la yangs pa can gyi dge slong rnams kyis rung ba 

</font><hr>11-1-327b<br><font size=+1>
ma yin pa rung ngo zhes yongs su ston cing kun du spyod rab tu spyod na khyod kyis btang snyoms su gzhag gam zhes smras pa dang / de cang mi smra bar 'dug go/ /des smras pa/ gnas brtan de ni der bas na 'di zhu bar bgyi ste gser dngul gyis rung bar bgyid pa rung ngam/ gser dngul gyis rung ba zhes 
bya ba ci yin/ gnas brtan 'di ltar yangs pa can gyi dge slong rnams kyis lhung bzed gang dag zlum po dag pa spyad par 'os pa de dag dris pa skus nas bdug pa dri zhim pos bdugs te me tog dri zhim po sna tshogs kyis mdzes par byas pa dge sbyong gi mgo bo la khri'u stan dang chas pa'i steng du bzhag 
nas lam po che dang / srang dang / bzhi mdo dag bskor nas 'di skad ces bsgrags so/ /grong khyer dang yul sna tshogs nas 'ongs pa'i skye bo mang po yangs pa can na gnas pa'i shes ldan dag nyon cig /lhung bzed 'di ni lhung bzed bzang po yin te 'dir byin nam shin tu byin nam gang gis 'dir blugs pa byas 
pas 'bras bu che ba dang / phan yon che ba dang / brtson pa che ba dang rgya che bar 'gyur ro zhes byas pa dang / der dbyig dang / gser dang / rin po che gzhan de dag kyang rnyed cing thob nas de la longs spyod cing gser dngul gyis rung bar bgyid do/ /tshe dang ldan pa rung ba ma yin no/ /gang du bcas/ 
'dul ba las te spang ba'i ltung byed dang yang dag par ldan pa'i lung dang / sangs rgyas kyis bshad par gtogs pa dang / gtsug na nor bu'i mdo sde dang / lung ring po dang / tshul khrims kyi phung por gtogs pa dang / lung bar ma dang / zung du gtogs pa dang / sra brkyang gi mdo sde dang / 
gcig las 'phros pa'i lung dang / bzhi pa dang lnga par gtogs pa de dag las so/ /gang las brten/ drug sde dang / dge slong gzhan dag dang / khyim na gnas pa dag las te/ gnas brtan 'di ni gzhi bcu pa mdo sde las 'das/ 'dul ba las 'das/ ston pa'i bstan pa dang 
bral te mdo sde la mi 'jug /'dul ba la mi snang / chos nyid dang 'gal te/ de dag la yangs pa can gyi dge slong rnams kyis rung ba ma yin pa rung ngo zhes yongs su ston cing kun du spyod rab tu spyod na de khyod kyis btang snyoms su gzhag gam/ des tshe dang ldan pa da song la phyogs tshol 

</font><hr>11-1-328a<br><font size=+1>
cig dang ngas chos bzhin du grogs bya'o zhes smras pa dang / gnas brtan de bzhin du bgyi'o zhes tshe dang ldan pa grags pas gnas brtan thams cad 'dod pa las mnyan nas rab kyi mthar phyin pa'i bsam gtan la snyoms par zhugs nas rab tu gnas so/ /de'i tshe grong khyer 
nor can na tshe dang ldan pa gnas brtan g.yo ldan tshe dang ldan pa kun dga' bo dang lhan cig gnas gnas pa dgra bcom pa rnam par thar pa brgyad sgom pa zhig gnas te/ de nas tshe dang ldan pa grags pas gnas brtan g.yo ldan gang na ba der song ste phyin nas tshe dang ldan pa g.yo ldan gyi rkang 
pa gnyis la mgo bos phyag byas nas tshe dang ldan pa g.yo ldan la 'di skad ces smras so/ /gnas brtan a la la zhes rung bar bgyid pa rung ngam/ tshe dang ldan pa a la la rung bar byed pa zhes bya ba ci yin/ gnas brtan yangs pa can na yangs pa can gyi dge slong rnams mi mthun pas chos ma yin pa 
dang /mthun pas chos ma yin pa dang / mi mthun pas chos kyi las byas te a la la zhes rung bar bgyid do/ /tshe dang ldan pa rung ba ma yin no/ /gang du bcas/ tsam par ro/ /gang las brten/ dge slong drug sde dag las so/ /ltung ba cir 'gyur/ nyes byas so/ /gnas brtan 'di 
ni gzhi dang po mdo sde las 'das/ 'dul ba las 'das/ ston pa'i bstan pa dang bral te mdo sde la mi 'jug /'dul ba la mi snang / chos nyid dang 'gal te/ de dag la yangs pa can gyi dge slong rnams kyis rung ba ma yin pa rung ngo zhes yongs su ston cing kun du spyod rab tu spyod na de 
khyod kyis btang snyoms su gzhag gam/ gnas brtan de ni der bas na 'di zhu bar bgyi ste rjes su yi rang bar bgyid pa rung ngam/ tshe dang ldan pa rjes su yi rang ba zhes bya ba ci yin zhes bya ba snga ma bzhin te gzhi bcu po de dag rgyas par brjod pa dang des tshe dang ldan pa phyogs tshol cig dang ngas 
chos bzhin du phyogs bya'o zhes smras so/ /de nas tshe dang ldan pa grags pas tshe dang ldan pa g.yo ldan gyi rkang pa gnyis la mgo bos phyag 'tshal te grong khyer sang kA sha zhes bya bar song ngo / /de'i tshe grong khyer sang kA sha zhes bya ba na tshe dang ldan pa gnas brtan nor can tshe dang ldan pa kun 

</font><hr>11-1-328b<br><font size=+1>
dga' bo dang lhan cig gnas gnas pa dgra bcom pa rnam par thar pa brgyad sgom pa zhig gnas so/ /de nas tshe dang ldan pa grags pas tshe dang ldan pa nor can gyi rkang pa gnyis la mgo bos phyag 'tshal te tshe dang ldan pa nor can la 'di skad ces smras so/ /gnas brtan a la la zhes rung bar bgyid 
par rung ngam/ tshe dang ldan pa a la la zhes rung ba ci yin/ gnas brtan grong khyer yangs pa can na yangs pa can gyi dge slong rnams mi mthun pas chos ma yin pa dang / mthun pas chos ma yin pa dang / mi mthun pas chos kyi las byed de a la la zhes bya bas rung bar bgyid do/ /tshe dang ldan pa 
a la la zhes bya ba rung ba ma yin no/ /gang du bcas/ tsam par ro/ /gang las brten/ dge slong drug sde dag las so/ /ltung ba cir 'gyur/ nyes byas so/ /gnas brtan 'di ni gzhi dang po mdo sde las 'das/ 'dul ba las 'das/ ston pa'i bstan pa dang bral te mdo sde la mi 'jug /'dul 
ba la mi snang / chos nyid dang 'gal te/ de dag la yangs pa can gyi dge slong rnams kyis rung ba ma yin pa rung bar yongs su ston cing kun du spyod rab tu spyod na de khyod kyis btang snyoms su gzhag gam/ gnas brtan de ni der bas na 'di zhu bar bgyi ste rjes su yi rang bas rung bar bgyid pa rung 
ngam/ tshe dang ldan pa rjes su yi rang bar byed zhes bya ba ci yin zhes bya ba snga ma bzhin te/ gzhi bcu po de dag rgyas par brjod pa dang / des song la phyogs tshol cig dang ngas chos bzhin du phyogs bya'o zhes smras so/ /de nas tshe dang ldan pa grags pas tshe dang ldan pa nor can gyi rkang pa gnyis 
la mgo bos phyag 'tshal te song nas grong khyer dmar bu can du 'ongs so/ /de'i tshe gang grong khyer dmar bu can na tshe dang ldan pa yid dga' dang / tshe dang ldan pa zla sgur gnas te de dag de'i tshe 'gog pa'i ting nge 'dzin la snyoms par zhugs nas/ de nas tshe dang ldan pa yid dga' la gzhi bcu po 
rgya cher brjod nas tshe dang ldan pa yid dga'i rkang pa gnyis la mgo bos phyag 'tshal te song nas srug nar son pa dang / de'i tshe srug na na tshe dang ldan pa ma pham pa gnas te des gzhi bcu po rgyas par brjod nas de'i rkang pa gnyis la yang mgo bos phyag 'tshal te song nas de ma he ldan du song ba dang 

</font><hr>11-1-329a<br><font size=+1>
de'i tshe ma he ldan na tshe dang ldan pa yang dag skyes gnas te des de la yang gzhi bcu po rgyas par brjod nas de'i rkang pa gnyis la yang mgo bos phyag 'tshal te song nas lhan cig skyes su son pa dang / de'i tshe lhan cig skyes na tshe dang ldan pa nam gru gnas te/ des de'i rkang pa gnyis 
la yang mgo bos phyag 'tshal te smras pa/ gnas brtan a la la zhes bya ba rung bar bgyid pa rung ngam/ tshe dang ldan pa a la la zhes rung bar byed pa zhes bya ba ci yin/ gnas brtan yangs pa can na yangs pa can gyi dge slong rnams mi mthun pas chos ma yin pa dang / mthun pas chos 
ma yin pa dang / mi mthun pas chos kyi las byas te a la la zhes rung bar bgyid do/ /tshe dang ldan pa rung ba ma yin no/ /gang du bcas/ tsam par ro/ /gang las brten/ drug sde las so/ /ltung ba cir 'gyur/ nyes byas so/ /gnas brtan 'di ni gzhi dang po mdo sde las 'das/ 'dul 
ba las 'das/ ston pa'i bstan pa dang bral te mdo sde la mi 'jug /'dul ba la mi snang / chos nyid dang 'gal te/ de dag la yangs pa can gyi dge slong rnams kyis rung ba ma yin pa rung bar yongs su ston cing kun du spyod rab tu spyod na de khyod kyis btang snyoms su gzhag gam/ gnas 
brtan de ni der bas na 'di zhu bar bgyi ste rjes su yi rang bas rung bar bgyid pa rung ngam/ tshe dang ldan pa rjes su yi rang bas rung ba zhes bya ba ci yin zhes bya ba snga ma bzhin du gzhi bcu po rgyas par brjod pa dang / tshe dang ldan pa nam grus ci tshe dang ldan pa 'di dang por bdag gi drung du 'ongs 
sam snyam bsams pa dang ji tsam na gzhan du yang song bar mthong nas/ des bsams pa/ tshe dang ldan pa de lam ring po nas 'ongs pas ngal so zhing de 'dug tu bcug la bdag phyogs tshol du 'gro'o snyam du rig nas tshe dang ldan pa grags pa la 'di skad ces/ tshe dang ldan 
pa grags pa khyod lam ring po nas 'ongs pas khyod ngal so la ngas phyogs btsal bar bya'o zhes smras nas de ngal sor bcug ste/ tshe dang ldan pa nam gru phyogs tshol zhing song ngo / /de nas yangs pa can gyi dge slong rnams tshe dang ldan pa grags pa dang lhan cig gnas pa'i nye gnas dge 

</font><hr>11-1-329b<br><font size=+1>
slong gang na ba der song ste phyin nas tshe dang ldan pa tshe dang ldan pa'i mkhan po gar song zhes dris so/ /des smras pa/ tshe dang ldan pa de phyogs tshol du song ngo / /tshe dang ldan pa de ci'i phyir phyogs tshol du song / tshe dang ldan pa dag gnas nas dbyung ba'i las bya ba'i phyir ro/ /tshe dang ldan pa nged kyis 
ci zhig byas na des nged rnams gnas nas dbyung ba'i las bya/ des rgyas par bzlas pa dang / de dag gis smras pa/ tshe dang ldan pa de legs pa ma yin pa zhig byed de/ ston pa 'das pa de'i gsung rab la rnam pa de dang de dag gis 'tsho bar rung na nged rnams ci'i phyir mtho btsam/ de 
dag las gzhan zhig gis drang ba'i sems dang phan pa'i brlang tshig gis de dag la smras pa/ tshe dang ldan pa dag khyed ni rjes su mthun pa ma yin pa dang / rung ba ma yin pa dang / dge sbyong gi tshul ma yin pas spyod de/ des kyang bcom ldan 'das kyi bstan pa lo stong du gnas par 
'gyur ro zhes sngon thos na khyod kyis ni ma 'ongs pa'i bstan pa nyid kyang mi snang bar byed pa la zhugs pa dang / ji ltar gzhan dag kyang gang dag bslab pa lhod par zhugs shing chu bur gyi rnam pa 'di lta bu bskyed pas de bas na bstan pa gnas par bya ba'i phyir khyed rnams nges par gnas 
nas dbyung ba'i las byed do zhes smras pa dang / de dag skrag nas spobs pa med de cang mi smra bar 'dug go/ /de nas gcig nas gcig tu song ste gtam brjod par brtsams pa/ tshe dang ldan pa grags pa ni phyogs tshol du song nas bdag cag gnas nas dbyung ba'i las byed 
na ci'i phyir sems las chung ngur 'dug /ji ltar bsgrub par bya ba smros shig /de nas gcig cig gis smras pa/ ci zhig bsgrub tu yod/ gang de phyogs tshol du song na bdag cag gis kyang phyogs btsal mod/ ci'i phyir bdag cag mi gnas par bya/ gzhan zhig gis smras 
pa/ tshe dang ldan pa de dang bdag cag rtsod par 'gyur bar bros te 'gro bar bya'o/ /gzhan zhig gis smras pa/ bdag cag gang du 'gro ste gang du song ba der yang de bzhin du nyes dmigs su 'gyur bas bzod pa gsol bar bya'o/ /gzhan zhig gis smras pa/ bdag cag 

</font><hr>11-1-330a<br><font size=+1>
gis bzod pa gsol mi nus kyi dkris bzhin du 'dug go/ /gzhan zhig gis smras pa/ de 'di ltar de dang lhan cig gnas pa'i nye gnas mang po de dag je lhung bzed dang chos gos dang / dra ba dang / phor bu dang / ska rags dag gis bsdus la phyis gar rigs 
par bya'o/ /gzhan zhig gis bzang ste de bzhin du bya'o zhes smras nas/ de rnams kyis de dag la kha cig la ni snam sbyar byin/ kha cig la ni bla gos byin/ kha cig la ni mthang gos byin/ kha cig la ni rngul zan byin/ kha cig la ni gding ba byin/ kha cig la ni lhung bzed 
byin/ kha cig la ni chu tshags byin te/ de bzhin du de dag thams cad bsdus nas de dag bar na gnas par gyur to/ /ji tsam na tshe dang ldan pa grags pa rim gyis phyogs btsal nas yangs pa can du 'ongs pa dang / de dang lhan cig gnas pa'i nye gnas dag 'ongs nas yangs pa 
can dag gi grong du ma song bar der lam gyi ngal bso ba dang / lhan cig gnas pa'i nye gnas dag gis smras pa/ mkhan po phyogs de dag btsal tam/ bu phyogs de dag ring por mi thogs par 'ong ngo / /mkhan po 'tshal to/ /thugs de lta bu kun bzlog pa'i rigs te/ 
ston pa 'das pa de'i gsung rab la rnam pa de dang de dag gis 'tsho bar rung na/ ci'i slad du de dag la gnod pa bgyi/ des bsams pa/ 'di dag sngon ma byung ba'i tshig ci smra ste/ nges par 'di dag gis de dag las rang gir bya ba blangs par rig nas/ tshe dang ldan pa dag 
sngon ma byung ba'i tshig smra ste/ tshe dang ldan pa dag gis de dag las bdag gir bya ba blangs so zhes smras pa dang / de dag cang mi smra bar 'dug go/ /de nas tshe dang ldan pa grags pas ji ltar gros byas pa de dag la smras pa/ bslab pa lhod pa'i phyogs dag 'phel bas 
rings par 'ong bar rigs pas bstan pa'i dgos pa la bshol bar ma byed cig ces tshigs su bcad pa smras pa/ gang gis bshol bar bya ba rings byed rigs pa shol byed pa/ /tshul bzhin bya ba rab spangs byis pa de ni sdug bsngal 'gro/ /de ni grags pa med pa'i 

</font><hr>11-1-330b<br><font size=+1>
skal ldan grogs kyis rnam par spangs/ /de yi don ni mi 'phel mar gyi ngo yi zla ba bzhin/ /gang gis dgongs pa de bzhin rigs byed blo ldan mi shol ba/ /tshul bzhin ma yin pa spangs mkhas pa de ni bde ba 'thob/ /de ni grags pa skal ldan grogs po rnams kyis spangs mi 
'gyur/ /de yi don ni 'phel ba yar gyi ngo yi zla ba bzhin/ /de nas tshe dang ldan pa grags pa 'khor gyi khyams su zhugs te rab kyi mthar phyin pa'i bsam gtan bzhi la snyoms par zhugs nas smon nas shes pa brtags te/ gaN+DI de brdungs pa dang / dgra bcom pa 
bdun brgyar gcig gis ma tshang ba de dag thams cad kyang tshe dang ldan pa kun dga' bo dang lhan cig gnas pa dag 'dus so/ /de'i tshe tshe dang ldan pa zla sgur 'gog pa'i ting nge 'dzin la snyoms par zhugs nas gaN+DI'i sgra ma thos so/ /de'i tshe dge slong gi dge 'dun rnams 'dus 
shing tshogs pa dang / tshe dang ldan pa grags pas de dag ni ming nas phyung ste brjod na ni 'khrug pa chen por 'gyur bas ma la bdag gis ming nas mi 'byung bar brjod par bya'o snyam du bsams nas/ des ji ltar rgan rims su 'dud pa byas nas rgan pa'i mtha' logs su thal 
mo sbyar ba byas nas stan la 'dug go/ /dgra bcom pa bdun brgyar gcig gis ma tshang bas don du gnyer bar 'dod pa dang / de'i tshe tshe dang ldan pa zla sgur yang 'gog pa'i snyoms par zhugs pa las langs te/ de la lha zhig gis 'phags pa zla sgur ci'i phyir thugs las 
chung ngus bzhugs/ khyod dang mkhan po gcig pa dgra bcom pa bdun brgyar gcig gis ma tshang ba ni yangs pa can na bstan pa gnas par bya ba'i phyir yang dag par sdud par byed pas rings par bzhud cig ces smras pa dang / des rdzu 'phrul gyis grong khyer dmar bu can nas 
mi snang bar gyur te/ yangs pa can du phyin nas 'khor gyi khyams kyi sgor 'dug ste sgo la brdungs pa dang / dge slong dag gis khyod su yin zhes dris so/ /des tshigs su bcad de smras pa/ gang dag dmar bu can na gnas pa yi/ /dge slong mang du thos pa 'dul ba 'dzin/ /

</font><hr>11-1-331a<br><font size=+1>
de dag las ni gzhan zhig 'dir 'ongs te/ /dbang po dul zhes bya ba sgo na 'dug /dge slong dag gis smras pa/ dbang po dul ba ni gzhan dag kyang yod na khyod su yin smros shig /des yang tshigs su bcad de smras pa/ gang dag dmar bu can na gnas pa yi/ /dge 
sbyong mang du thos pa 'dul ba 'dzin/ /de dag las ni gzhan zhig 'dir 'ongs te/ /the tshom bcad ces bya ba sgo na 'dug /dge slong dag gis the tshom bcad pa ni gzhan dag kyang yod do zhes smras pa dang / des yang tshigs su bcad de smras pa/ gang dag dmar bu can na gnas pa 
yi/ /dge sbyong mang du thos pa 'dul ba 'dzin/ /de dag las ni gzhan zhig 'dir 'ongs te/ /'gyod pa med ces bya ba sgo na 'dug /dge slong dag gis 'gyod pa med pa ni gzhan dag kyang yod na su yin zhes smras pa dang / des yang tshigs su bcad de smras pa/ gang dag 
dmar bu can na gnas pa yi/ /dge sbyong mang du thos pa 'dul ba 'dzin/ /de dag las ni gzhan zhig 'dir 'ongs te/ /zla sgur zhes bya ba ni sgo na 'dug /dge slong rnams kyis legs par 'ongs sam legs par 'ongs sam/ nang du zhugs shig ces smras pa dang / de nang 
du zhugs so/ /de nas dge slong rnams 'khor gyi khyams nas byung nas tshe dang ldan pa zla sgur don du gnyer bar bskor te/ de'i 'og tu 'khor gyi khyams su zhugs nas 'di ltar rang rang gi stan la 'dug go/ /tshe dang ldan pa grags pas de bzhin rgan rims su 'dug pa la dngos po 
bcu bzlas par zhugs te/ tshe dang ldan pa dag a la la zhes rung bar byed pa rung ngam/tshe dang ldan pa a la la zhes rung ba zhes bya ba ci yin/ tshe dang ldan pa dag 'di ltar dge slong kha cig mi mthun pas chos ma yin pa dang / mthun pas chos ma yin pa dang / mi mthun 
pas chos kyi las byas te a la la zhes rung bar bgyid do/ /tshe dang ldan pa rung ba ma yin no/ /gang du bcas/ tsam par ro/ /gang las brten/ dge slong drug sde dag las so/ /ltung ba cir 'gyur/ nyes byas so/ /tshe dang ldan pa dag 'di ni gzhi dang 

</font><hr>11-1-331b<br><font size=+1>
po mdo sde las 'das/ 'dul ba las 'das/ ston pa'i bstan pa dang bral te/ mdo sde la mi 'jug /'dul ba la mi snang / chos nyid dang 'gal te/ de dag la yangs pa can gyi dge slong 'di rnams kyis rung ba ma yin pa rung ngo zhes yongs su bsgrags nas kun 
du spyod rab tu spyod de/ de dag bdag cag gis dor bar bgyi'o/ /tshe dang ldan pa dag de ni der bas te gzhan dag zhu bar bgyi'o/ /rjes su yi rang bas rung bar bgyid pa rung ngam/ tshe dang ldan pa rjes su yi rang bas rung bar byed pa ci yin zhes bya ba'i bar snga ma 
bzhin du gzhi bcu po rgyas par brjod do/ /de dag gis yang dag par brjod nas 'khor gyi khyams nas byung ste/ yang gaN+DI brdungs nas yangs pa can na gnas pa'i dge slong dag dris pa'i tshig gis bsdus nas de dag dang lhan cig tu 'dug pa dang / tshe dang ldan pa grags 
pas de ltar rgan rims su 'dug pa la gzhi bcu po ming nas phyung ste bzlas pa bya bar zhugs te/ tshe dang ldan pa dag a la la zhes bya ba rung bar byed pa rung ngam/ tshe dang ldan pa a la la zhes rung bar byed pa zhes bya ba ci yin/ tshe dang ldan pa dag yangs pa 
can gyi dge slong rnams kyis mi mthun pas chos ma yin pa dang / mthun pas chos ma yin pa dang / mi mthun pas chos kyi las byas te/ a la la zhes bya ba rung bar bgyid do/ /tshe dang ldan pa rung ba ma yin no/ /gang du bcas/ tsam par ro/ /gang las 
brten/ dge slong drug sde dag las so/ /ltung ba cir 'gyur/ nyes byas so/ /tshe dang ldan pa dag 'di ni gzhi dang po mdo sde las 'das/ 'dul ba las 'das/ ston pa'i bstan pa dang bral te/ mdo sde la mi 'jug /'dul ba la 
mi snang / chos nyid dang 'gal te/ de dag la yangs pa can gyi dge slong rnams kyis rung ba ma yin pa rung ngo zhes yongs su bsgrags nas kun du spyod pa rab tu spyod de/ de dag bdag cag gis dor bar bgyi'o/ /tshe dang ldan pa dag de ni der bas te 'di zhu 

</font><hr>11-1-332a<br><font size=+1>
bar bgyi'o/ /tshe dang ldan pa dag rjes su yi rang bas rung bar byed pa rung ngam/ tshe dang ldan pa rjes su yi rang bas rung bar byed pa zhes bya ba ci yin zhes bya ba'i bar snga ma bzhin du gzhi bcu po rgyas par brjod do/ /de dag bdag cag gis dor 
bar bya'o zhes dgra bcom pa bdun brgyas yang dag par brjod pas bdun brgyas yang dag par brjod pa/ bdun brgyas yang dag par brjod pa zhes bya ba'i ming du gyur to// //bar sdom ni/ a la la dang rjes su yi rang spyod pa dang / /brtags pa dang ni 
lan tshwa dag dang lam dang ni/ /sor mo gnyis kyis rung dang dkrugs dang gding ba dang / /gser dngul byas pa 'di ni bar sdom yang dag bsdus/ /grong khyer yangs pa can dang nor can dang / /lha las babs dang de bzhin dmar bu can/ /srug na dang 
ni ma he ldan pa dang / /lhan cig skyes gyur pa ni phyi ma yin/ /thams cad 'dod dang grags dang g.yo ldan dang / /nor can dang ni yid dga' dag dang yang / /zla sgur dang ni de bzhin ma pham pa/ /yang dag byung dang nam gru la sogs pa'o/ /'dir 'grel pa 
las sgo brgyad pa'o zhes sgo brgyad car tshang bar byas so/ /'dul ba phran tshegs kyi gzhi rdzogs so// //rgya gar gyi mkhan po bid+yA ka ra pra b+ha dang / d+har+m+ma shrI pra b+ha dang / lots+tsha ba ban de dpal 'byor gyis bsgyur// //'dul ba lung phran tshegs kyi gzhi 'di sgyur ba'i dus su lots+tsha ba mang pos dum bu mang por bgos te so sor tha dad du bsgyur bas glegs bam du sdom pa'i dus su gnas tha dad du 'thor nas ma tshang bzhin du bsdebs pas/ lung phran tshegs phal che ba ma tshang bar 
bzhugs pa la/ slad kyis la stod 'ol rgod kyi gtsug lag khang du gnas brtan dar ma seng ges lung sde bzhi bzhengs pa'i tshe dge ba'i bshes gnyen 'dul ba 'dzin pa zhing mo che ba byang chub seng ges phyag len mdzad nas spyir dbus gtsang gi gtsug lag khang 

</font><hr>11-1-332b<br><font size=+1>
rnams na bzhugs pa dang / khyad par du bsam yas mchims phu nas dgas chung ba dang / dge slong tshul khrims yon tan gyis rnyed pa'i lung rnams dpe yon dang 'bad rtsol chen pos btsal te/ de dag la gtugs pas/ lung phran tshegs kha cig la mi 
bzhugs pa/ kha cig la bzhugs pa rnams kyis bskangs nas bsabs pa ni bam po sum bcu rtsa gsum pa'i dbu sman chen po'i gtam rgyud kyi skabs nas/ sman chen pos smras pa/ gal te de lta na skyugs shig dang / bden nam brdzun blta'o zhes 
smras pa dang zhes bya ba nas bam po sum cu rtsa bzhi pa'i dbu/ ji tsam na de grong khyer nas byung ba dang / bram ze mong rtul zhes bya bas gos kyi mtha' ma nas 'jus nas zhes bya ba'i bar du bam po gcig chad pa bskangs// //sdom ni/ nga yang sman gyis 
de bzhin no zhes bya ba'i 'og tu yig tshar gcig chad pa bskangs/ de nas bam po sum bcu rtsa bzhi pa'i smad ne tso spyod gsal gyi skabs rdzogs pa'i/ e ma'o 'di ltar khyod mkhas pa sha stag dang phrad pa ni bsod nams dang ldan no zhes smras so/ /zhes 
bya ba nas bam po bzhi bcu rtsa gsum pa'i stod// //spyi'i sdom ni/ dge slong ma'i bkur sti bri zhes bya ba'i bar du bam po sum bcu rtsa bzhi pa'i smad nas bzhi bcu rtsa gsum pa'i stod kyi bar bam po dgu chad pa bskangs/ sdom tshig de'i 'og tu sdom tshig 
yig tshar gcig chad pa bskangs/ de nas bam po bzhi bcu rtsa drug pa'i mjug /bram ze'i khye'u ma sdug gi gleng gzhi'i skabs kyi/ dge sbyong rnams kyi yon po'i spyad kyi log pa'i 'tsho ba de lta bu las slar log pa yin no zhes bya ba nas/ bam po 
bzhi bcu rtsa brgyad pa'i dbu/ de nas de'i tshe/ bram ze pad ma'i snying po khyim mchog gi sa mthon po zhig na shas che ba'i bram ze rgan rabs rnams dang lhan cig 'dus shing 'khod par gyur to zhes bya ba'i bar du bam po bzhi bcu rtsa bdun pa chad pa 

</font><hr>11-1-333a<br><font size=+1>
bskangs so/ /de nas bam po lnga bcu pa'i mjug /kun dga' bo la gdams pa'i skabs kyi/ kun dga' bo dge slong 'di lta bu ni bdag nyid gling dang / bdag nyid skyabs dang / chos kyi gling dang / chos kyi skyabs kyis gnas 
par bya'i/ gling gzhan dang / skyabs gzhan gyis ni ma yin no zhes bya ba nas bam po lnga bcu gnyis pa'i stod// //bar sdom ni/ tsa pa la dang tshe'i 'du byed mdzad ces bya ba'i bar du bam po gcig chad pa bskangs te/ spyir bsdoms na bam po bcu gnyis 
dang / sdom tshig yig tshar gnyis chad pa bskangs pa gang yin pa de nyid gangs can gyi rgyud kyi gnas brtan chen po sdom brtson mkhas pa rnams kyi gtsug gi nor bur gyur cing / 'dul ba dang / mdo sde dang / sde snod kyi ma mo 'dzin pa shAkya'i dge slong shes 
bya'i nam mkha' la mkhyen pa'i dkyil 'khor rgyas shing / snyan grags kyi 'od zer gyis/ phyogs kun tu khyab par gyur pa mchims thams cad mkhyen pas/ la stod 'ol rgod kyi gtsug lag khang nas dpe phyi gdan drangs nas bstan pa'i 'byung gnas dpal 
snar thang gi gtsug lag khang du lung sde bzhi tshang la dag par bzhengs shing / de nyid la dpe phyi byas shing / khyad par du'ang ma tshang ba kha bskangs pa'i phran tshegs de nyid la dpe phyi byas nas/ shAkya'i dge sbyong 'jam pa'i dbyangs kyis bzhengs pa'i bka' 
'gyur dpe phyi la gdan drangs nas/ dpal ldan rgyal ba'i sde yis/ rgyal ba'i bstan pa phyogs dus kun du dar zhing rgyas par bya ba'i phyir/ thub pa chen po'i bka'/ lung gzhi dang / dge slong pha ma'i rnam 'byed rnam pa gnyis dang / gzhung bla ma 
rnams kyi ma tshang ba kha bskong bar byed pa'i lung phran tshegs 'di dag cing tshang bar dpal gung thang gi gtsug lag khang du bzhengs so/ /slad nas lung bzhengs pa rnams kyis kyang bam po'i grangs dbu nas rim pa bzhin du grangs 'di bzhin du bri bar bya'o// //

</font><hr>

</table>