@##/ /rgya gar skad du/ shi tsa tuHbI ThA khyA ta tan+t+ra rA jo man+t+ra aM sa nA ma/ bod skad du/ dpal gdan bzhi pa'i bshad pa'i rgyud kyi rgyal po sngags kyi cha zhes bya ba/ bcom ldan 'das dpal rnal 'byor nam mkha' la phyag 'tshal lo/ /byang chub sems dpa' sems dpa' chen po thugs rje chen po dang ldan pa 'phags pa spyan ras gzigs dbang phyug la phyag 'tshal lo/ /dam tshig la spyod pa'i rdo rje mkha' 'gro dang / rdo rje mkha' 'gro ma rnams la gus par phyag 'tshal lo/ /gdan bzhi pa yi rgyud kyi ni/ /gsum pa 80-1-232a yi ni dang po'o/ /de yi sbyor ba rnyed nas ni/ /sngags kyi de bzhin khyad par nyid/ /snying po yi ni snying po'i chos/ /rab sbyor gsang zhing gsang ba yi/ /de nyid de nyid de las mchog /snying po'i de nyid bsdus pa'o/ /bla ma'i ma ning gnyis bzung la/ /rtsa bar bskor zhing mnan par bya/ /spyi bor 'od dang zla ba'o/ /sa bon bskyed pa'i rim pa bzhin/ /zla ba dkar dang kun+da'i mdog /gtso bo'i sngon du sbyar bar bya/ /sngags kyi bzlas pa rdzogs bya zhing / /dbyangs yig mngon par mthong ba ni/ /las rnams gsum gyi sngon du ni/ /bla ma'i yi ge sngon du'o/ /dkar dang ser dang dmar po'o/ /bzhi pa dag pa ru ni brjod/ /myu gu'i gnas ni gtso bo nyid/ /sred pa mchog tu sgrol pa'o/ /dbyangs yig dbyangs kyi bsgom pa ni/ /rnal 'byor pa yi mtshon par bya/ /don grub 'dod pas bzlas pa yi/ /ban+du ka yi me tog 'dra/ /rdo rje dbyug pa la rtag tu/ /de nyid du na rnam par thim/ /dkar bo zla bas mnan pa yi/ /gnyis ka bsgoms pas bkru bar bya/ /pad+ma rdo rje zla ba dang / /bdud rtsi yis ni bkru bar ldan/ /dang po'i sa bon gtso bo yis/ /dbyangs yi ge kun la khyab pa'o/ /dkar zhing dag la mnyam pa'i 'od/ /gsum pa'i las kyi sa bon ni/ /bzhi bar nam yang ma yin no/ /ji ltar dang po mthar gnas pa'i/ /khyad par dbyangs yig sa bon nyid/ /mtha' yi sngon du sa bon nyid/ /de bzhin sngon du nyis 'gyur ro/ /bzhi po mnyam pa'i cha ru ni/ /mnyam pa'i gnas su sbyar bar bya/ /bzhi pa gsum pa'i sa bon ni/ /mgo smos go ba'i lus nyid do/ /yi ge gsum gyi lus nyid ni/ /rang bzhin gyis ni dbyangs yig dngos/ /lus dang lus sogs yi ge ni/ /lcags kyu yis ni mnan par bya/ /dmar dang gnag sogs sa bon ni/ /rnal 'byor pa yi khyad par du/ /lnga ba drug pa'i sa bon ni/ /thams cad sgra yi yi ge'o/ / 80-1-232b dkar dang ser la lci bar bshad/ /dmar dang sngon po de bzhin yang / /zhi rgyas dbang la sogs pa ni/ /kun kyang sgra yid bye ba'o/ /thams cad las la sgra yis ni/ /kha dog bzhi ru rab tu grags/ /bdun pa brgyad pa'i sa bon gyis/ /skyes bu rang 'dod pa yi las/ /nges bar lus ni sngom pa dang / /gnyis pa'i sa bon gyis mnan pa'o/ /yang bas dmar dang gnag la sbyar/ /rnal 'byor pa yi khyad par du/ /mtshams ni bcad cing mnan pa'i las/ /gnyis pa lcags kyu'i yi ge ni/ /rang bzhin yi ge ming gi ni/ /de nyid las rnams 'gugs pa dang / /sa bon 'di ni dbye ba'o/ /kha dog dmar po mchog gi 'od/ /thams cad 'dres pa'i sa bon ni/ /dbyangs yig bskyed pa'i sa bon ni/ /las rnams thams cad byed pa'o/ /ma ning gis bskyed sa bon ni/ /brtan zhing rtag pa'i sa bon no/ /bud med dang ni skyes pa'am/ /'di nyid kun nas rab tu sbyar/ /sde tshan bzhi pa'i bzhi pa ni/ /tha ma bzhi ni rnam spangs pa/ /dka' dang kun+da zla ba'i mngog /nyi ma'i yi ge rnam par shes/ /tha ma bzhi ni lnga pa dang / / sde tshan drug pa yang dag ldan/ /kun nas mtshan mo'i stong par ni/ /khyad par du ni shes par bya/ /bdud rtsi chu yi sa bon ni/ /dkar zhing shel ltar mnyam pa'i 'od/ /de nyid kun gyi de nyid ni/ /kun nas bdud rtsi'i grub pa'o/ /lha min grub pas 'gugs pa dang / /lha dang mi dang gnod sbyin dang / /thams cad las rnams grub pa ni/ /sa bon 'di ni khyad par nyid/ /sbom po ma ning gnyis kyis la/ /lcags sgrog bzhin du kha sprad pa/ /rtsa bar yang ba nyis 'gyur ro/ /spyi bor bdud rtsi rnam par dgod/ /steng du thig le 'bar ba'i mchog /sangs rgyas lnga yi rang bzhin sku/ /sa bon lnga yi ngo bo nyid/ /rnam bzhir phye zhing phye ba yis/ /lce rtsa lce rtser gsungs pa ni/ /kha dog dmar po mnyam pa'i 'od/ /zhi dang chu yi bye brag la/ /hU~M gi rnam 80-1-233a pa rkan la sbyar/ /rtsa bar sgra dang 'od bral ba/ /bar ma yi ni dbyangs su gsungs/ /gal te 'dod na lha yi lus/ /khyad par du ni zhi ba'i las/ /snying ga'i rtsa bar gsungs pa ni/ /kha dog ser po'i 'od mnyam pa/ /sbom po'i sgra dang thig le dang / /rgyas pa dang ni me yi las/ /lte bar sgra dang 'joms pa ni/ /kha dog dmar po 'od mnyam pa/ /sbom po'i sgra dang ldan pa'i 'od/ /dbang gi las la rab tu sbyar/ /sna rtser sbrid pa gsum pa ni/ /kha dog sngon po mnyam pa'i 'od/ / yang ba'i sgra yi 'od du ni/ /ldan par blo dang ldan par bskul/ /bskrad dang gsang dang bcing ba dang / /mnan dang gdug sogs bskrad pa dang / /gtor ma la sogs nag po'i las/ /hU~M gi rnam pa sbrid par sbyar/ /de nyid de nyid bzhi par ni/ /hU~M gi rnam pa nye bar mtshon/ /sa bon thams cad 'byin mdzad pa/ /hU~M gi rnam pa dbang phyug mchog /thams cad 'byin pa'i ngo bo bas/ /hU~M gi yi ge mchog gi lha/ /stong nyid yi ge'i hU~M gyur pas/ /hU~M gi rnam pa phyag 'tshal bstod/ /stong pa'i gzugs dang rab ldan pa/ /dngos dang dngos med 'byin mdzad pa/ /btso ma gser dang 'dra ba'i mdog /sgra dang thig le yang dag ldan/ /ri rab rgya mtsho ri ni grags/ /brtan pa dang ni g.yo bar ldan/ /lha dang lha min grub pa dang / /mi dang gnod sbyin rnal 'byor ba/ / lha rnams kun nas g.yo ba ni/ /gsungs pa'i sa bon gyis 'gugs byed/ /sde tshan dang po'i sa bon ni/ /rtsa bar re pha ma nan pa dang / /lcags kyus mgor ni rnam par dgod/ /steng du zla ba'i 'od dang bcas/ /kha dog dmar po mnyam pa'i 'od/ /lcags kyu yis ni snying po bsgrub/ /lcags kyu yi ge sa bon bzhin/ /lcags kyu yis ni kun 'gugs pa'o/ /stong bar rlung gi sa bon ni/ /sde tshan brgyad kyi dang po la/ /rtsa bar sgra yis dkri bar bya/ /spyi bor zla tshes thig le dang / /rlung gi kha dog drag po yis/ / 80-1-233b lus can kun ni bskul bar bya/ /bskul ba'i las kyi sa bon gyis/ /sa bon de nyid kun tu sbyar/ /lnga pa sde tshan gnyis pa yi/ /gsum pa'i yi ge gzung byas la/ /yi ge gsum pas mnan par bya/ /re pha rtsa bar sbyar ba dang / /steng du bdud rtsi'i thigs pa'o/ /kha dog dkar po mnyam pa'i 'od/ /dgyes pa la sogs sa bon gyis/ /lha tshogs kun nas mnyes par byed/ /sde tshan dang po'i gsum pa ni/ /gsang ba'i sgra ni rtsa bar ro/ /steng du bdud rtsi'i thig le dang / /dkar zhing yid 'ong shin tu 'bar/ /mchod pa'i sngags kyi dus dang ni/ /gtor ma sbyin sreg phyag rgya sogs/ /rgyas pa'i las ni thams cad la/ /rgyas pa'i sa bon du ni grags/ /dang po'i sde tshan bzhi pa la/ /rtsa bar re pha sgra dang ni/ /spyi bo'i steng du 'bar ba'o/ /kha dog dmar bo mnyam pa'i 'od/ /zhi ba'i las ni rnam spangs pa/ /las rnams kun gyi sngon du'o/ /rmongs shing lus kun rmongs byed pas/ /rmongs pa'i sa bon du ni grags/ /sde tshan lnga pa'i gsum pa dang / /gnyis pa'i sa bon blang byas pa/ /mtha' ru stod pa gnyis kyis so/ /kha dog dkar po mnyam pa'i 'od/ /lha dang lha min gsang ba sogs/ /rang gi 'dod pa'i gnas su gzhag /bzhag pa'i las la rnal 'byor pas/ /blo ldan yi ge 'di yis gzhag /stong pa'i sde tshan la spyad la/ /de yi bzhi pa gzung bar bya/ /rtsa bar ma ning sbom po dang / /steng du bdud rtsi'i thig le'o/ /'jigs pa bsrung ba'i las nyid la/ /kha dog dkar po mnyam pa'i 'od/ /rnal 'byor de nyid 'dod pa yi/ /sa bon 'di nyid kyis bsrung ngo / /bsreg pa'i yi ge sngags nyid ni/ /dbye ba rnam pa gsum du bshad/ /dkar dang ser dang dmar sogs kyi/ /las gsum gyi ni mtha' ru'o/ /bdun pa yi ni mtha' bzung la/ /brgyad pa gnyis pa yi ni gdan/ /bdud rtsi yi ni gdan du chu/ /kha dog dkar po 80-1-234a /mnyam pa'i 'od/ /ma ning sde tshan gyis bskyed pa'i/ /me ltar dmar ba mnyam pa'i 'od/ /logs su dbyangs yig dbyug pa'o/ /zhi ba la ni bsreg pa'i mthar/ /bdud rtsi'i sa bon kha dog ser/ /chu yi sa bon dkar ba'i gdan/ / logs su dbyangs yig dbyug pa'o/ /brgyad kyi mtha' ma kun nas 'bar/ /rdo rje 'od bzhin 'bar ba'i me/ /sa bon 'od bzhin 'bar bcas pa/ /dbyangs yig dbyug pa'i sreg pa'o/ /rgyas pa'i sreg pa'i mtha' mar ro/ /de yi bdud rtsi 'bar ba'i ni/ / brgyad mtha'i logs su dbyug pa'o/ /kun nas dmar dang dmar ba yi/ /mthar ni dbyug ba lcags kyu'o/ /dbu mar drang ba'i sems kyis ni/ /dbyug pa'i dbugs kyis bzla bar bya/ /chags pa'i las la rnal 'byor pas/ /sreg pa'i yi ge rnam pa gsum/ /rnam pa bzhi las don gnyer pas/ /'joms pa'i yi ge gnyis su shes/ /bskrang dang bsad dang dbye ba dang / /mnan dang nye bar bzlog pa la/ /stong pa'i sde tshan gnyis pa ni/ /dbyug pa glo ru rnam par sbyar/ /nyi ma'i sde tshan gsum pa las/ /dang po gnyis pa'i glo ru'o/ /kha dog nag po 'jigs chen po/ /'od zer me bzhin kun nas ldan/ /rdo rje sa bon mnyam 'bar las/ /lus kyi dbus su dbug par bya/ /bsad dang gdug pa bskrad la sogs/ /drag po'i las ni thams cad la/ /dngos grub 'dod pa rnal 'byor pas/ /'joms pa'i yi ge mtha' mar ro/ /de yi sa bon ldan pa ni/ /sngon gyi dbyug tshogs rnam par spangs/ /dang po dbu yi steng rnams su/ /kha dog sngon por ba rno bas/ /gsad dang dbye dang gdug pa ni/ /khro bo'i lha yis bskrad par bya/ /'joms pa'i yi ge'i mtha' mar ni/ /sa bon 'di yis sbyar bar bya/ /dkar po'i sde dang sde tshan gyi/ /dang po'i dang po blang byas la/ /kun nas rdo rje'i sa bon gyis/ /sa bon yi ge phyed dang gnyis/ /'pho bar sbyor ba'i sngon 80-1-234b dus su/ /rnam shes gong du bskul ba'o/ /lte bar rtsa ba'i phyogs nas ni/ /yi ge phyed dang gnyis kyis drang / /brgyad pa'i mtha' ni sngon du'o/ /ma la ta yi sbyor dus su/ /'pho bar sbyor bas sngon du'o/ /'pho ba'i dus kyi sngon du ni/ /rnal 'byor ba yis rab tu spyad/ /u la pa li ta sa bon/ /spyad bya'i yi ge phyed dang gnyis/ /dngos dang dngos med sa bon las/ /skra dang thig le rnam par sbyar/ /rlung gi rtsa ba'i gnas su ni/ /sgra dang sgra yis bstan pa'o/ /chu shing me tog lte bar gnas/ /sa bon 'di yis bsgyur bar bya/ /sngon du sbyor ba'i bsam gtan dang / /mnyam par gzhag pa'i sems kyis bcing / /bdun pa'i mtha' yi sa bon ni/ /bdud rtsi'i sa bon sa bon gyis/ /bzlog byas rgyas pa'i gnas su ni/ /chu shing me tog lta bur gyis/ /ji ltar sde tshan gsum pa ni/ /yi ge gsum pa gzung byas la/ /dbyug par phyi ma'i sa bon dang / /'og pag gis ni sngon dkris pa/ /de nyid de nyid kun dang ni/ /sa bon sa bon mchog gi gtso/ /theg pa rnam gsum dag byed pa/ /A li'i sa bon rab tu grags/ /sde tshan brgyad pa'i gnyis pa la/ /lcags kyu yis ni spyi bor mnan/ /spyi bor zla tshes thig le dang / /kha dog dmar po mchog gi 'od/ /sems can kun nas rmongs byed pa/ /yid dbye ba la kun nas sbyar/ /kun tu rmongs ni sa bon no/ / rmongs pa'i las la rab tu sbyar/ /brgyad pa'i mtha' yi sa bon ni/ /spyi bor lcags kyu 'dren pa dang / /rtsa bar re pha'i sa bon no/ /kha dog sngon po 'bar ba yi/ /dri dang me tog ro sogs mid/ /las kyis kun nas 'phrog par byed/ /'phrog byed ming gi sa bon gyis/ /'phrog pa'i las la kun tu sbyar/ /bdun pa dkar po'i sa bon ni/ /dung dang kun+da mnyam pa'i 'od/ /bdud rtsi chu yi sa bon no/ /chu yi yi ge ming can no/ /ka shar ldan pa'i sa bon ni/ /kha dog ser po 'od mnyam pa/ /me bzhin 80-1-235a 'bar zhing 'bar ba yi/ /me yi yi ger rnam par grags/ /sde tshan brgyad kyi dang bor ni/ /de nyid stong pa'i dngos po dang / /rlung gi sa bon dmar po ni/ /rlung gi sa bon du ni grags/ /brgyad pa'i mtha' yi sa bon ni/ /kha dog sngon po'i 'od mnyam pa/ /snying gar sa yi sa bon ni/ /de nyid pa yi sa bon no/ /'di rnams sa bon sa bon la/ /thig le'i yi ge rtsa bar ro/ /rtsa bar nyis 'gyur re pha dang / /rlung gi sa bon gsum par ro/ /rtsa bar sgra ni bzhi pa'o/ /steng du thig le sbyar ba dang / /de nyid bzhi pa'i sa bon ni/ /bzhi pa'i yi ge drug pa'o/ /rmongs pa chu yi sa bon ni/ /g.yo ba'i rlung gi sa bon dang / /sa ni nyon mongs par 'gyur ro/ /phyugs ni me la kun tu sbyar/ /yi ge brgyad pa'i sa bon ni/ /rnal 'byor ma brgyad sems dang bcas/ /bdag nyid de nyid gtso bo yi/ /'khor ba thams cad gcod mdzad pa/ /thams cad kun nas spyi bo dang / /yi ge kun nas gnas pa'o/ /sa bon 'di ni kun nas bzung / /ye shes sa bon zhes bya'i ming / /rtag pa'i rtsa bar mnan pa dang / / sgra dang thig ler sbyar bar bya/ /dkar po kun+da zla ba'i mchog /ye shes rnam shes sa bon nyid/ /rgyu pa'i gzugs kyi sa bon ni/ /sa bon sa bon de bas mchog /ye shes rnams shes bya ba'i ming / /las kun la ni rab sbyar bya/ /byang chub sems dpa' zhi ba ni/ /zhi ba'i gzugs can rdzu 'phrul che/ /mthar ni swA hA ring por ldan/ /sngon du bsnyen pa'i sngags pa yis/ /gnyi ga lus la bsgoms nas ni/ /'di yis lha mo sbyar bar bya/ /sngags bas bsreg pa'i sngags pa ni/ /sngon du dbyug pa med pa'o/ /lha mo'am yang na lha mo la/ /khro bo'i gzugs 'joms la sogs pa'i/ /'joms pa'i yi ge mtha' bzhag ste/ /bzlas shing bsnyen pa la sogs bya/ /gzugs dang gzugs can dngos po yis/ /khro bo khro mo khyad par nyid/ /sreg 80-1-235b dang 'joms pa'i sa bon ni/ /khyad par dang ni khyad par can/ /de nyid de nyid kun gyis ni/ /rab tu spyad cing blta bar bya/ /de nyid med pa'i sngags pa ni/ /dngos grub ring du bstan pa yin/ /bsgrub pa'i dus su lha nyid kyi/ /sa bon mtha' ra bzlas pa bya/ /mchog tu zhi ba'i de nyid la/ /dang po dbyangs yig mtha' ru'o/ /khro bo mo'i lha la ni/ /rdo rje'i sa bon mtha' mar ro/ /lha mo kun gyi de nyid la/ /bdud rtsi'i yi ge mtha' mar ro/ /dang po sngags kyi sa bon ni/ /phyag 'tshal gcig ni rnam spangs nas/ /bdag nyid ming gi sa bon dang / /gnyi ga yongs su rdzogs pa'i rgyu/ /stong dang stong pa'i sa bon ni/ /bar ma bsgrub pa'i lha nyid do/ /nyin mo'i yi ge dang po ru/ /bsgrub bya sgrub pa'i ming nyid ni/ /de yi sgrub pa'i las rnams ni/ /rnal 'byor ma yi rnam par mtshon/ / sngags pas sngon gyi dus su ni/ /rab tu blta zhib spyad par bya'o/ /nyin mo stong pa'i sgrub pa ni/ /'chi bar yang ni the tshom med/ /nyin mo nyin mo nyin mo sgrub/ /stong pa stong pa bar ma'o/ /go bzlog pa yi sa bon ni/ /lhag pa'i yi ge brtsi bar byed/ /nyin bar bsgrub bya lhag ma ni/ /sgrub pa po la bu lon ni/ /bsgrub bya stong pa lhag pa ni/ /dag nyid pas na 'dras bu med/ /rab tu blta zhing spyad pa yis/ /sngags kyi sgrub pa shes pa yin/ /sngon du ma ning sa bon dang / /de bzhin bsgrub bya'i ma ning nyid/ /dbus sum ning yi ge ni/ /dngos grub stong par bshad pa yin/ /de nyid 'de yi sa bon gyis/ /rang 'dod lha nid bsgrub par bya/ /thog ma tha ma khyad par du/ /dbus su bsgrub bya'i ming nyid do/ /mtho dang dma' dang bar ma dang / /khyad nyid kyang ni khyad par ro/ /zhi dang rgyas pa la sogs la/ /khyad par sa bon ldan pa nyid/ /stong pa'i sde tshan gnyis pa la/ /rtsa bar re pha sgra nyid dang / /steng du zla tshes thig le dang / /kha dog ser po kun 'od la/ /lha mo rnal 'byor ma kun gyis/ /snying po yi ni snying po mchog /gong du 80-1-236a phyag 'tshal yi ge dang / /'don bzhin ming ni dbus su'o/ /mtha' dang mtha' ni bsreg sogs nyid/ /thams cad du ni kun nas ldan/ /stong pa'i sde tshan gnyis pa la/ /spyi bor e yi rnam pas mtshan/ /rtsa bar nA da thig ler bcas/ /kha dog dkar po mnyam pa'i 'od/ /dga' byed las kyi sa bon gyis/ /rnal 'byor ma kun dga' bar byed/ /de nyid kun gyi sa bon ni/ /rnal 'byor ma kun gyis rab spyad/ /de nas sman sogs rim pa ni/ /khyad par nyid du sbyar bar bya/ /bla re bla re nyid dang ni/ /spos dang bdug pa dril sogs/ /sngags dang phyag rgya'i cho ga yis/ /mkha' 'gro'i gtor ma byin brlabs pa/ /sngon du gnyis med gtor mar ldan/ /dri yi maN+Dal gru bzhi pa/ /dbus su rnal 'byor bas bri ba/ /gur gum shin tu dri zhim ldan/ /re'u mig nyi shu rtsa lnga pa/ /blo dang ldan pas gru bzhi bri/ /dbang po la sogs re'u mig nas/ /blo dang ldan pas yi ge dgod/ /dngos dang dngos med ldan pa yis/ /de yi sa bon spang dbus so/ /nyin mo'i yi ge thams cad nyid/ /lhag ma'i sde tshan brgyad pa yi/ /sa bon mnyam par gzhag pa dgod/ /sgra dang thig ler yang dag ldan/ /kha dog dmar po 'od mnyam pa'o/ /gu gul dbang po'i lag pa dad/ /rmongs byed rengs byed de bzhin sgra/ /sat+ta si hA tsam pa ka/ /ku tu ru dang ko li ki/ /son rtsi ka dang pa bla dang / /gu gul ru rta dUr ba kar/ /me dang dri dang gur gum dang / /tsan+dan gi wang yang dag ldan/ /sha khar dang li shi dang / /pri yang ku dang ge sar dang / /chu srin sder mo nub phyogs cha/ /re'u mig kun dang gnas kun tu/ /dbang po la sogs sman rim bzhin/ /rdzas ni re re re re dang / /cha la sa bon bzlas par bya/ /phyag 'tshal dang po bsreg pa mtha'/ /brgyad dang brgyad du bzlas pa bya/ /cha dang ldan sogs sa bon ni/ /sman dang ldan na de 80-1-236b bas mchog /bdud rtsi lnga dang yang dag ldan/ /gu gul la sogs sbyar byas nas/ /rgyal po'i btsun mo rgyal dbang la/ /mkhas pas byin pas dbang du byed/ /bdag nyid lnga yi lnga dang ni/ /sha da wa sogs sbyar byas nas/ /re pa'i rdzas la bsgoms byas na/ /ji ltar sngon dang sngon bzhin nyid/ /rje'u rigs bram ze dmangs rigs dang / /skyes pa'am yang na bud med la/ /bza' ba'i dngos po byin pa yis/ /dbang du 'gyur bar yongs su grags/ /skyo byed la sogs rnam pa lnga/ /son rtsi ka yi cha dang sbyar/ /brtul zhugs dman pa'i rigs rnams ni/ /bdag nyid kyis ni dbang du byed/ /me da la sogs sman rim dang / /mi yi mar khu yang dag ldan/ /mkhas pas dpyad cing brtags pa yis/ /mnyam pa'i cha dang ma ru bya/ /thig le'u ni sbyin byas na/ /rgyal po'i rigs la 'gro ba dang / /tha snyad las ni rnam par rgyal/ /'gro ba yang dag rmongs par byed/ /dang po sha kha ra sogs dang / /tsan+dan dang ni rnam par sbyar/ /sde tshan gcig gi cha dang ni/ /tsan+dan gyi ni cha nyid dang / / byams pa'i gnas su rnal 'byor pa/ /yan lag nying lag byug byas nas/ /dri ni sna la man mas tsam gyis/ /nges par dbang du byed pa'o/ /mtshams dang mtshams kyis sha kha ra/ /sbrang rtsi'i cha dang sbyar nas ni/ /mchog tu bsgoms shing bdug pa yis/ /kun nas nges par dbang du byed/ /mtshams kyi nang gi kun bzung nas/ /sha khar yi cha dang bsre/ /bdug pas bdug cing bdug byas nas/ /mi ni kun nas rmongs par byed/ /zla ba'i dkyil 'khor dbus gnas par/ /ye shes mkha' 'gro sprul nas ni/ /sa bon so so'i sa bon nyid/ /kun nas brgya phrag gcig tu'o/ /de bzhin du ni dmar po'i las/ /de yi rjes ni kun bzung la/ /bdag nyid ye shes lta ru'o/ /nyi ma'i lag pa'i rdzas rnams ni/ /kha dog dmar po mnyam pa'i 80-1-237a 'od/ /de nyid sa bon bzlas pa yis/ /g.yo ba dang ni ltung bar byed/ /snying ga'i dkyil 'khor dbus gnas par/ /nyi ma'i dkyil 'khor bsams nas ni/ /de yi dbus su sa bon ni/ /skyed par re pa thig le can/ /khri phrag gcig tu bzlas pa yis/ /gnyis kyis ltung ba'am g.yo bar byed/ /phyi nas gtor ma'i las kyis ni/ /g.yo dang mi g.yo grub par byed/ /gu gul la sogs srin bu lngas/ /rtsa ba brgyad dang sbyar byas nas/ /phra ba'i sgo nga tsam zos pas/ /mod la myur du 'chi bar 'gyur/ /sha ta ca sogs srin bu ni/ /'o ma bdun par sbyar byas pa'i/ /zhag bdun las lhag par zos na/ /'chi ba 'di la the tshom med/ /son rtsi kar sogs srin bu lnga/ /sbrang rtsi smyo byed lnga ba ni/ /bza' dang btung ba sbyin byas nas/ / skyo byed myos bar 'gyur ba'o/ /med la sogs srin bu lnga/ /sbrul gyi sgo ngar bzlas byas nas/ /thig le tsam zhig zos pas ni/ /skad cig de la mdze yis 'dzin/ /kha ra'i sde tshan srin bu ni/ /mgo la sgong dang ldan par/ /de yi phye ma zos pa yis/ / mi ni dbyangs dang bral bar 'gyur/ /mtshams kyi khar kun bzung la/ /sbrang rtsi mar gyi cha dang spyar/ /de yi phye ma bza' byas na/ /de yi mod la gzir bas 'dzin/ /mtshams kyi nang gi yang dag gzung / /sbrang rtsi lhan cig bsgo byas pa'i/ /phra rab tsam zhig zos pa yi/ /mod la rims kyis gdung bar byed/ /de nyid rab sbyor snying po ni/ /gsang zhing gsang ba'i lung gi don/ /ye shes ldan zhing blo ldan pa'i/ /lus kyi rim pa rnam par blta/ /dkon mchog gsum la gnod pa dang / /slob dpon dang ni gsang smod pa/ /sdeg gis gos par mi 'gyur te/ /rnal 'byor ma ni kun gyis gsungs/ /lnga pa'am lnga ba'i rim pa zhes bya ba bstan pa rdzogs so// //de nas gzhan gyi rim pa ni/ /sman rnams kyi ni khyad par nyid/ /de nyid kun gyi mchog 'gyur ba/ / 80-1-237b mchog gi snying po snying po nyid/ /sngon gyi mtshan nyid dang ldan pas/ /cho ga rim bzhin sman dang sngags/ /de nyid gtor ma'i las dang ni/ /dri yi re'u mig dgod par bya/ /bcu dgu dang ni sum cu yi/ /gru bzhi pa yi re'u mig dgod/ /nyin mo stong pa'i sa bon dang / /sde tshan tha ma dgod par bya/ /dbang po la sogs gnas rnams su/ /dang por dbyangs yig rim ji bzhin/ /re'u mig kun gyi sa bon ni/ /sman sogs bzhin du gzhag par bya/ /na ki b+ha la bi ling ga/ /ru rta bu ram b+ha sa ka/ /ka sa la sogs bdun pa ni/ /dbang ldan la sogs gnas su dgod/ /dbang po'i lag pa shu dag dang / /rmongs byed dang ni tsan+dan dang / /tsan+dan dang ni gur gum nyid/ /bdun pa'i gnas su gzhag par bya/ /cha mnyam pa ni gnyis pa'o/ /ga bur sA li shu dag dang / / gur gum rkun mo gi wang dang / /sbrang rtsi bdun pa yi ni cha/ /gsum pa'i re'u mig sde tshan no/ /sa rdzar gu gul ru rta dang / /g+han d+hi kha ra kun du ru/ /me tog phreng ba bdun pa ni/ /bzhi pa'i re'u mig gnas su'o/ /ka ko la dang sha ta dang / /ge sar so rtsi rgya skyegs dang / /pa tra bdun pa'i cha nyid ni/ /lnga pa'i las su yongs su grags/ /dri dang bcud len k+Sha ra dang / /yung ba dang ni kha ra tra/ /k+Shau dri bi bi ling gi cha/ /drug pa'i re'u mig mig yin no/ /dan ta dan ta ku su ma/ /rams dang gar sma be ta ki/ /sar rnams ni bdun pa'i cha/ /bdun pa'i sman gyi rim pa'o/ /brgya phyed gcig gis mtshang bar/ /re'u mig kun sogs sman nyid do/ /re re la yang sngags 'di ni/ /brgya phrag mngon par rab bsngags te/ /dang po chu srin sde tshan sogs/ /bdag nyid bdun gyi bdun pa ni/ /mthar ni phye ma sbyar byas te/ /shin tu zhi ba mor mkhas pas btags/ /'dus pa rgyal po rgyal dbang gi/ /bza' dang btung dang ldan par sbyin/ /thams cad bdag nyid 'dod pa bzhin/ /kun nas thams cad dbang du 'gyur/ /dang po 80-1-238a la sogs sde tshan ni/ /phra zhing zhib par rab tu bya/ /phye ma kun nas blangs nas ni/ /bdag nyid mchil mas de bzhin bdun/ /bza' dang ston mor cho ga bzhin/ /rab tu mnyam par bzhag pas bya/ /skyes pa'am ni bud med dam/ /thams cad kun nas 'od 'gyur ro/ /dang por shel gyi sde tshan ni/ /mnyam por cha de phyed mar bya/ /mi yi snum dang kun tu sbyar/ /grib ma dang ni grib mar bskams/ /cho lor 'jug cing dga' ba dang / /snga dro thig le sbyin byas na/ /rgyal po'i rigs la nyer 'gro ba/ / skye bo skal can myur du 'gyur/ /sa rdza sngon sogs dbang por sbyar/ /phye ma zhib tu byas nas ni/ /sbrang rtsi kha ra'i cha nyid dang / /rang 'dod spos chu rab sbyar nas/ /mi dga' ba kun dga' ba dang / /ngag gi 'dren pa nyid du 'gyur/ /de yi bdug pas bdugs pa'i lus/ /'gro ba kun tu rmongs par 'gyur/ /ka ko la sogs dang ldan pas/ /phye ma mnyam por char byas te/ /tsan+dan dang po thams cad kun/ /cha gsum du ni bya bar bya/ /mi byams sman zhing bkur pa ni/ /skal ldan mdzes par 'dod 'gyur na/ /de yi yan lag la byugs la/ /'gro ba rnam par rmongs byed yin/ /dri yi sde tshan bdun par ni/ /ka ko la sogs dang ldan par/ /mar dang 'o ma dang bsres nas/ /kun gyi cha dang sbyar byas nas/ /grib ma'i grib mar bskam par bya/ /rigs dman kla klo la sogs kun/ /yid mi 'ong ba byams par 'gyur/ /'di yi sbyor ba sbyin byas nas/ /dang gi 'dod bzhin byed pa'o/ /da na ti mnyam pa'i cha nyid dang / /rgya skyegs la sogs kun gyi cha/ /me la bsrobar rab tu sbyar/ /ka ra na dza yi rdog ma tsam/ /yid du mi 'ong ba yi gnas/ /khar bcug kun tu de yi dag /tshig gsum tshig tu brjod pa yis/ /bdag 'dod pa bzhin dbang du byed/ /mtshams kyi dan ti la sogs pa/ /smyo byed chu ni lnga ba dang / /bdag nyid bcings bar sngon ldan pas/ /mchog tu bsgoms na 80-1-238b 'dug par bya/ /bdug pa 'di yis bdug byas na/ /sgrub pos sna la mnams tsam gyis/ /de yi rang 'dod su la ni/ /dbang du gyur par yongs su grags/ /mtshams kyis ra la sogs blang / /phye ma zhib mor byas na ni/ /bdag nyid dri ma lnga dang ni/ /kun nas cha ni mnyam byas la/ /phye ma zhib mo yang dag ldan/ /'di yi sman dang ldan pa yis/ /bsgrub bya'i lus la reg byas na/ /nges par dbang du byed pa'o/ /cha dang cha yi bye brag ni/ /mkhas shing bzo bar byas bar bya/ /khyad par sman gyi las 'di ni/ /cho ga bzhin du rnam par blta/ /rdo rje sems dpar sbyor ba ni/ /pad+ma'i gdan gyi gdan la bzhugs/ /kun nas yongs su rdzogs pa yi/ /btso ma gser dang 'dra ba'i 'od/ /snying gar nyi ma'i dkyil 'khor la/ /a ni thig le yang dag ldan/ / 'bar zhir rab tu 'bar ba yis/ /bsgrub bya'i sems ni 'grugs par byed/ /mi 'gyur yi ge'i thig le dang / /rtsa bar sgra yis rab tu sbyar/ /mthang ni bdud rtsi'i yi ge'i ming / /'bum phrag gcig gis rab tu bsgrub/ /sman gyi sbyor bar ldan pa ni/ /zla ba'i dkyil du kun nas bya/ /gtor ma de nyid byin brlabs nas/ /'bum dang 'bum du bsnyen pa bya/ /sngon du da na ti'i yan lag dang / /thig le brgya par kun nas ldan/ /bza' ba'i dngos pos sbyin byas na/ /mi yi skad cig rnam par spangs/ /da na ta la sogs srin bu dang / /ra yi 'o mar bsres byas na/ /gang gis zos pa tsam gyis ni/ /zhag bdun na ni nges par 'chi/ /ku gsum srin bu bdun dang ni/ /smyo byed chu ni rnam pa lnga/ /bza' bar zos pa tsam gyis ni/ /smyo zhing smyo bar 'gyur ba'o/ /rams kyi lam sogs sde tshan dang / /dkar por srin bu sbyar nas ni/ /bza' ba'i dngos por sbyin byas na/ /thams cad kun nas 'thab par 'gyur/ /ka mi srin bu'i sde tshan dang / /mi yi mar khu dang sbyar nas/ /phye mas yan lag la reg na/ /skal ngan mi byams pa dag ni/ /tsi te 80-1-239a sde tshan bdun pa ni/ /nor bur sgong ldan bzlas nas/ /thig le tsam zhig zos pa yis/ /mong la tshor ba mi bzad 'byung / /sa yal sogs sde tshan dang / /nyi shur ra yi chu yis spangs/ /cung zhig tsam zhig zos pa yis/ /nyi ma nyi shu na de 'chi/ /dan ti mtshams kyi srin bu dang / /mar dang sbrang rtsi sbyar nas ni/ /bza' dang btung ba zos nas ni/ /mdze nad kyis ni yan lag gzir/ /mtshams sogs thang chu'i srin bu ni/ /bza' dang btung bar rab byin na/ /rnam par rmongs shing dran pa nyams/ / de nyid med cing mnyam gzhag med/ /rab sbyor snying po bsdus pa nyid/ /gsang zhing gsang bar byas pa yi/ /rmongs shing blun pa'i sems can sogs/ /sbyor ba 'di yis longs spyod ldan/ /dkon mchog gsum la brnyas pa dang / /slob dpon dang ni gsang smod dang / /sdig gis gos par mi 'gyur ba/ /rnal 'byor ma ni kun gyis gsungs/ /nyon mongs rmongs sogs bag chags dang / /shes rab zhan cing yid mi gzhungs/ /sngags kyi snod min snying rje med/ /sman gyi bya ba la 'jug pa'o/ /gdan bzhi pa yi rgyud kyis ni/ /gsum pa yi ni gsum pa'o/ /de yi sbyor ba mthong nas ni/ /brda yi skad kyis bsdus pa'o/ /le'u bzhi pa zhes bya pa rdzogs so// //de yi rtsa ba'i snying po'i don/ /sngags kyi sbyor ba'i rim pa yi/ /de nyid bsdus pa'i 'grub pa'o/ /de nyid sman pas lus nyon mongs/ /shes rab thabs ni rgyur gyur pas/ /rang 'dod las ni bsgrub par bya/ /shes rab ye shes snang ba'o/ /thabs ni rigs pa'i tshul nyid do/ /rnal 'byor shes rab rtsa ba 'di/ /thabs ni de yi grogs nyid do/ / gang zhig thabs dang shes rab ldan/ /nyon mongs lus las rnam par rgyal/ /srid pa'i nyes skyon du ma yang / /srid pa dang ni rmongs pa gzhi/ /dngos po'i gnas ni mi rtag pas/ /de phyir shes rab yongs su spangs/ /dngos med dngos po yang ma yin/ /skye 80-1-239b pa dang ni 'gag pa med/ /dngos po yongs su gnas pa med/ /'jigs pa yi ni rnam pa med/ dngos dang dngos med la sogs mtha'/ /dag dang ma dag dbus su ni/ /de yi mtshan nyid sngon shes nas/ /mnyam pa'i lta ba ldan par gzung / /gzung dang 'dzin pa rnam grol ba'i/ /dngos po'i 'du shes rnam par spangs/ /sangs rgyas kyis rtogs bstan bcos las/ /yongs su brtags nas snying po blang / /dngos med dngos por gzung par bya/ /dngos po'i rang bzhin rnam par spangs/ /dngos dang dngos med mnyam byas pas/ /'o ma bsrubs pa las ni mar/ /mchog gi snying po yang dag blang / /mnyam par lta ba 'ba' zhig go/ /bstan bcos bstan zhing yongs shes na/ /de yi mtshan nyid dngos po med/ /yang dag lam la dmigs pa yis/ /dngos po mchog dang mchog tu 'grub/ /ji bzhin gnas kyi rim pa brten/ /ye shes mchog tu gong nas gong / /gzhan gyi gnas las 'phangs pa yi/ /mnga' yis mnga' ni bsnun par bya/ /gong nas gong la sogs par blta/ /rang 'dod dngos por yang dag blang / /bdun pa'i dgra las rnam par rgyal/ /'khor pa'i dgra yi g.yul nyid ni/ /gang zhig thabs dang shes rab ldan/ /dgra yi dngos po gang du gnas/ /le lo gnyid dang 'dod pa dang / /khro dang rmongs pa srod pa dang / /khro ba yis ni yan lag gzir/ /thabs kyis bdud ni rnam par sbangs/ /le lo nyes skyon kun gyi gnas/ /gnyid kyis dge ba rnam par 'joms/ /khro ba yis ni sring pas 'dren/ /'dod pas dran pa rnam par nyams/ /rmongs pa yis ni gnyis kyis non/ /sreng ba yis ni 'khor bar 'jug /bkres pas dman zhing sdang ba yi/ /bdud bdun po ni yongs su srangs/ /kun nas bdud kyis 'bigs pa yi/ /lus ni nyon mongs sdug bsngal gnas/ /rang 'dod pa yi sems kyis ni/ /dul bar bsrubs shing mnan par bya/ /gang 80-1-240a dang gang gi lam du ni/ /rang 'dod sems kyi 'bad pa yis/ /thams cad snying po bsdus nas ni/ /rnal 'byor mchog ni brtsam par bya/ /rdo rje khu tshur dam bcings nas/ /smon lam bla med rgyu yi ni/ /o~M swa b+hA ba shud+d+hAHsar+b+ba d+harmAHswa b+hA ba shud+d+ho\u0f85haM/ yo ga shud+d+hAHsar+b+ba d+harmA yo ga shud+d+ho\u0f85haM/ badzra shud+d+hAHsar+b+ba d+harmA badzra shud+d+ho\u0f85haM/ smon lam kun mchog don du ni/ /lha nyid dmigs par bya ba yis/ /rnam shes rang 'dod par byas pas/ /sred dang rmongs pa rnam par spangs/ /zla ba'i dkyil 'khor dbus gnas par/ /bdag nyid lus ni rnam par brgyan/ /sangs rgyas lnga yi cod pan can/ /dung dang kun+da mnyam pa'i 'od/ /bdag nyid sems dpa'i skyil mo krung / /phyag na rdo rje dril bu dang / /sku la rgyan rnams kun gyis brgyan/ /rdo rje me 'od rab 'phro ba/ /'jigs pa med cing 'tshe med par/ /dngos po dngos por bsgom par bya/ /A li kA li rab sbyor bas/ /sa bon sa bon byung ba yi/ /phyag 'tshal bsreg pa mthar bzhag pa/ /rang 'dod pa yi sems kyis bzla/ /rim bzhin 'gags pa'i phyi nas ni/ /bdag med shin tu mnyam par gzhag /gzugs kun rnam par dbug nas ni/ /khams gsum du ni mi rtog go/ /zla ba la sogs bdag nyid med/ /kun nas thams cad stod par rig /stong nyid stong pa stong chen dang / /dngos med dngos por bsgoms pa yis/ /bsgoms nas lhag ma'i mtha' ru ni/ /rnam shes sgron ma lta bur 'bar/ /de yi 'od zer snang ba yis/ /khams gsum mun pa bsal nas ni/ /'bar zhing rab tu phra ba'o/ /rnam shes ye shes snang ba nyid/ /dngos dang dngos po med pa'i dbus/ /gzugs dang gzugs med dbus nyid dang / /'du shes 'du shes med par ldan/ /yud tsam lta bar rig pa'o/ /gzugs dang stong ba la sogs dbus/ /'di yi mtshan nyid mtshon pa nyid/ /'gog pa'i sbyor ba'i rim 80-1-240b pa ni/ /shin tu mnyam par bzhag pas bsgom/ /yan lag gzir med pa dang / /sems kyi skyo ba med pa yis/ /rim dang rim pa tsam byas nas/ /'khor ba gcod cing gcod pa'o/ /rtag tu nyid kyi sems kyis ni/ /yang dag byang chub rim pa bstan/ /shin tu bcad cing bltas nas ni/ /rnal 'byor 'di ni blang bar bya/ /o~M b+ha ta li b+ta ta li pe ta mu khi hU~M phaT swA hA/ rdo rje mkha' 'gro rnal 'byor gyis/ /brgyad brgya ru ni bzlas par bya/ /gzugs kun rdzogs shing mdzes pa yi/ /btso ma'i gser dang 'dra ba'i 'od/ /pad+ma'i gdan la bzhugs nas ni/ /rdo rje 'od zer kun nas 'phro/ /ye shes sbyor ba'i sems kyis ni/ /sngags pas 'bum phrag gsum bzlas na/ /'dod dang grol ba rgya chen po'i/ /phyis ni las rnams brtsam par bya/ /dur khrod thal ba sogs blangs la/ /snod la dkyil 'khor bri bar bya/ /de yi sol ba'i phye ma yis/ /gang du dkyil 'khor sprul ba yis/ /gru bzhi pa la sgo bzhi ba/ /rta babs bzhis ni rnam par brgyan/ /de yi dbus su pad+ma bri/ /thod pa brgyad kyis rnam par brgyan/ / dri dang bdug pa mar me dang / /gtor ma'i de nyid de nyid dang / /kun nas nya phyes dngos po yi/ /sna tshogs mchod pa rgya chen po/ /ye shes mkha' 'gro dgug pa ni/ /pho nya bzhi dang kun tu ldan/ /seng ge stag mo ce spyang dang / /'ug pa mo ni phyogs bzhir ro/ /thams cad kun nas kun tu ni/ /mnyam pa nyid kyi sems kyis mchod/ /de yi shar gyi gnas su ni/ /me yi las ni rab tu bya/ /dur khrod shing gi lhag ma dang / /de yi shing gi ba dan gsum/ /de'am 'on te gdol pa'i mes/ /'bad pas me ni rab tu sbar/ /rdo rje lcags kyu rgya chen po/ /mar dang sbrang rtsi bsres byas pas/ /mchog gi sngags ni bzla bya zhing / /bsregs pas lha mo tshim par 'gyur/ /thams cad gnas dang phyogs nas ni/ /sna tshogs gzugs ni 'jigs pa dang / / 80-1-241a mi bzad ku co rab sgrogs na/ /'jigs par mi 'joms par 'gyur/ /dbung gi tshogs ni yan lag bzhi/ /rgyal bo myur du 'ong 'gyur na/ /de la tsham dam sbyin par bya/ /ri rab ri la sogs pa dang / /sa gzhi 'ur 'ur 'gul ba dang / /sna tshogs mi bzad dri dang ni/ /'dren pa'i sems ni 'jig mi bya/ /sems can chen po'i rnal 'byor pas/ /khri phrag gcig tu bsreg byas na/ /rdo rje mkha' 'gro bdun nyid ni/ /'grub par 'di la the tshom med/ /sngags dang phyag rgya'i bya ba dang / /gtor ma'i las dang las nyid dang / /lus la ltos ba med pa yis/ /'grub par 'di la the tshom med/ /phyi nas ye shes lha mo ni/ /me yi dbus su ston par byed/ /bdud rtsi lnga dang ldan pa yis/ /gtor ma dang ni ar+g+haM dbul/ /zab cing rgya cher sgrogs pa yi/ /de la lha mo tshig tu brjod/ /sems can chen po ci zhig 'grub/ /gang 'dod dngos grub rab tu smros/ /de la sgrub pos smras pa ni/ /dngos grub chen po 'grub ldan pa'i/ /gal te mchog gi dngos grub 'dod/ /grub pa brgyad ni gsol ba gdab/ /bdud dang nyon mongs gza' sogs kyis/ /gal te yid gnyis skyes nas ni/ /til mar chen po dang ldan pa'i/ /lcags kyu chen po sbyin sreg bya/ /rdo rje sems dpas gsungs pa bzhin/ /'grub par 'di la the tshom med/ / dngos grub thams cad rab ster ba'i/ /mchog gi lha mo bsgrub pa ni/ /lus dang srog la mi ltos par/ /mkhas pa yis ni bsgrub par bya/ /de nas ye shes de nyid mchog /shin tu phra la rab zhi ba/ /gzung dang 'dzin pa rnam par spangs/ /'byung ba kun la 'dis khyab pa/ /'od kyi bdag nyid gnas pa'i mi/ /ma rig nyon mongs gcod byed pa/ /srid pa la sogs nyon mongs rnams/ /gang dug nas kyi rnam pa 'byung / /lus la sems shing sems pa dang / /bcu gnyis dus kyi gnas su yang / / 80-1-241b gzugs med sems kyi longs spyod pa'o/ /rmongs pa'i gnas dang gnas su ni/ /srid pa'i ngo bo nyid du mchod/ /rmongs pa gcod sogs rnal 'byor pa/ /srid pa'i 'dam sogs rgal dka' ba/ /dag pa'i chos kyi sgron ma yis/ /sgrib pa'i mtshan ma 'joms pa yi/ /chos dag pa yi thabs kyis ni/ /dag pa'i lus ni skyon med pa'o/ /dngos dang dngos med ldan pa yis/ /legs byas nyes byas 'du shes can/ /'dod chags la sogs nyon mongs dag /rgya mtsho lta bur gting dpag dka'/ / bcu gnyis lus kyi bdag nyid can/ /rmongs pa ye shes rnam par gnas/ /dag pa'i chos kyi chu yis ni/ /lhan cig gnas pa'i dri ma 'khru/ /rang bzhin pad+ma'i dbye ba yis/ /nyon mongs la sogs gdung ba gcod/ /rnam rtog 'jigs pa chen po ni/ /srid pa'i rgyu ste me bzhin no/ /de phyir rnam rtog ring du spang / /rnal 'byor ba yi 'gro ba rtogs/ /mnyam nyid sems ni bskyed byas nas/ /kun nas thams cad mnyam par blta/ /rab tu mi gnas ming can la/ /las dang las kyi mtshan nyid med/ /bdud rtsi lnga yi rang bzhin yang / /bdud rtsis lus ni tshim par bya/ /rtag tu bdud rtsis mchod pa'o/ /dngos su med na rnam par brtag /lcags kyu rnam pa lnga drangs nas/ /thams cad kun nas rim pas mchod/ /sbyor bas mkha' 'gro la sogs ni/ /bdag nyid dbang du myur du 'gyur/ /rtag tu de nyid kyis bza' zhing / /med na gzhan las rnam par brtag /gsher ba'i bdud rtsi kun nas bas ma/ /bza' ba yang na sha nyid du/ /rtag tu dga' ba'i ngo bo yis/ /rtags dang rnam rtog rnam par spangs/ /rang bzhin dag pa'i dpa' bo ni/ /dag pa'i lus su gdon mi za/ /rtag tu rnal 'byor ba spangs pa/ /bgrod dang bgrod min rnam par spangs/ /lo ma'i dang ni 'dab ma'i rgyu/ /snod la thams cad myu gu'i/ /de yi pad+ma 80-1-242a rgyas byed pa/ /dag pa'i mtshan ma dang po'o/ /kha dog ngan zhing dri mi zhim/ /btung ba dro ba rnam par spangs/ /dag pa'i ngo bo gcod byed pa/ /gnyis pa'i mtshan mar bstan pa'o/ /kun la dga' zhing byams pa dang / /gnod pa nam yang mi byed cing / /sems can kun la snying brtse ba/ /gsum pa'i mtshan ma nyid du bstan/ /rtag tu stong pa'i blo ldan pas/ /zab cing rgya che'i sems kyis ni/ /thams cad rtsa bzhin du ni stong / /bzhi pa'i mtshan ma nyid du bstan/ /dag cing brtan pa'i ngo bo nyid/ /lus gcig la ni rab lhos pa/ /rtag tu gsang sogs za ba ni/ /lnga ba'i mtshan ma ru ni gsungs/ /brtson 'grus kun nas ldan pa dang / /sbyin dang tshul khrims bzod pa dang / /bsam gtan mchog tu brten byed pa/ /drug pa'i mtshan ma ru ni brtag /bzo dang sgyu rtsal nyan pa dang / /rtag tu mnyam pa'i sems dang ni/ /rtag tu sems can don la brtson/ /bdun pa yi ni mtshan mar bstan/ /mi shes 'dam du bying ba yi/ /sems can kun gyi blo rtogs byed/ /srid pa yang dag byang chub lam/ /mtshan ma brgyad pa ru ni bstan/ /'ga' yang nam du mi smod cing / /rdzas dang rdzas min rnam rtog bcas/ /gdug pa'i bdud dang bgegs sogs dang / /rnam par rtog pas srid bar ltung / /dka' thub sdug bsngal mi bzad pas/ /bsnyen pa 'grub par mi 'gyur te/ /lus ni dka' bar spyod pa yis/ /'khor zhing srid pa'i mtha' ru'o/ /rnam rtog med pas mnyam par bya/ /dngos po mtshan ma'i sems dang bcas/ /sbyor ba grub pa'i don du ni/ /rnam par mi rtog sems kyis bza'/ /bsgrubs pa rang 'dod snying po ni/ /g.yong nga mi g.yo dngos grub rgyu/ /chos kyi snying po snying po nyid/ /sems ni ye shes rang bzhin ldan/ /sbyor ba'i bstan bcos cha nyid ni/ /de nyid de nyid khyad par ro/ /sbyar dang bsam gtan byas 80-1-242b pa yis/ /rtag tu sems ni sbyar bar bya/ /rnal 'byor rjes rnal 'byor dang / /rnal 'byor las 'das gnas chen po/ /las bzhi dang ni rab ldan pa'i/ /ye shes kyis ni 'khor bsgrol/ /dang por bskyed rim spyod pa dang / /dbugs kyi sbyor ba rim sogs dang / /las la sems shing sem la dang / /dang po'i sbyor ba'i mtshan nyid do/ /me bzhin du ni za ba dang / /mnyam pa'i nyi ma bzhin du blta/ /rna dbang rlung gi rang bzhin du/ /rna ba sgra yi mchod par ldan/ /dngos po kun gyi rang bzhin ni/ /gzugs brnyan la sogs mchod pa'o/ /gtor mas ji skad gsungs pa bzhin/ /gnyis pa shin tu sbyor ba'o/ /dngos dang dngos med mnyam byas nas/ /sangs rgyas byang chub yang dag sbyar/ /phyag rgya chen po yi ni thabs/ /sbyor ba las 'das 'di nyid do/ /rang bzhin gyis ni legs spyad na/ /thams cad bdag med pa las byung / /lus sogs stong bar rtogs pa ni/ /bzhi pa rnal 'byor chen po'o/ /'di rnams mtshan nyid ldan pa ni/ /chen po'i sems kyi sdom pa'o/ /rtag tu bya ba der 'jug pas/ /'byung zhing 'khor bar sgrol ba'o/ /spyan ni pad+ma ltar yangs shing / /bzhin ni me tog rgyas pa 'dra/ /'dod pa lnga po nye bar bsten/ /bde bar spyo cing bde bar reg /'dod pa kun dang nyer ldan pa/ /bde ba'i sems kyis bsgrub par bya/ /rnam par rtog pa'i rnal 'byor pas/ /srid par 'khor zhing 'jug pa'o/ /yid du 'ong ba'i sa phyogs su/ /bde ba'i stan la 'dug nas ni/ /rang bzhin ldan pa'i las kyis ni/ /mkhas pa yis ni bsgom par bya/ /zla ba nyi ma kha sbyar nas/ /sor mo 'brel par byas nas ni/ /dri med gsum dang dud pas sprel/ /sems ma rdo rje rab tu grags/ /tsham dam phur bu ra ba dang / /dra ba thams cad las nyid do/ /'bar ba'i phreng ba mnyam pa'i 'od/ /'di yi phyag rgyar bstan 80-1-243a par bya/ /kha ga'i phyogs gzhan nyid dang ni/ /rtsa bar rlung dbang gnon pa dang / /spyi bor 'bar ba'i re ba dang / /mtshan ma'i mnga' bdag gis brgyan cing / /rtag tu zhi zhing mchog gi gnas/ /'bar ba'i phreng ba mnyam pa'i 'od/ /'di ltar sa bon mdor byas pa/ /thams cad las ni bsgrub pa'o/ /lus la sgra yis kun tu dgang / /gzugs la sogs pa zad par byed/ /sa bon lus kyi bdag nyid ni/ /sa bon lhag ma bsam par bya/ /go cha'i bsrung ba dang bral zhing / /thams cad yan lag drug gi las/ /stong pa'i de nyid snying po ni/ /sngon gyi mtshan nyid yang dag ldan/ /smad pa dang ni bstod pa'ang med/ /ci 'byor dag pa'i bza' ba dang / /dbang po yul dang longs spyod ni/ /mnyam pa nyid du sems kyis bya/ /sngon du rig pas smon lam rnams/ /bsgrub bya bsgrub pa'i 'bras bu rtogs/ /gang zhing yid la 'dod spyod pa/ /de yi thabs ni rdo rje'i/ /rdo rje khu tshur gnyis bcings nas/ /rked pa'i phyogs su bzung nas ni/ /hU~M gi dbyangs kyis kun bkang zhing / /grub pa'i glu yis mnyam par bya/ /dza dza dza dza/ rdo rje sems dpa'i dngos grub bzhugs pa'i bdag po khyod/ /ha ha ha ha/ hU~M yig mgon po dam tshig bdag po bdag phyag 'tshal/ /ba ba ba ba/ rdo rje sgrog gi gsang ba las byung sku 'dzin pa/ /a a a a/ a ho ma gu pa'i rdo rje A li gcig tu thim par hU~M/ /'di ltar gsang ba'i glu chen po/ /rnal 'byor ma kun tshim byed pa/ /rtse gcig rnal 'byor sems bcas pas/ /khu byug skad ltar snyan pa'i sgras/ /nam mkha'i khams kyi mtha' klas pa/ /khams gsum snying po'i dbus su ni/ /rlung gi nam mkha' ltar dag pas/ /sems nyid rlung bzhin nam mkhar brjod/ /rlung gi dkyil 'khor dbus gnas par/ /zla ba'i dkyil 'khor bsam par bya/ /de yi dbus su rab mdzes pa'i/ /A li sa bon 'od 80-1-243b dang bcas/ /las kyi sa bon mdog tu ni/ /mnyam par gzhag pas bsgom par bya/ /'byin dang sdud cing gcod mdzad ma/ /A li'i sa bon rab tu grags/ /ji ltar sde tshan gsum pa yi/ /yi ge gsum pa bzung byas te/ /glo ru dbyug pa rdo rje dang / /'og bag gis ni dkri bar bya/ /'di ltar rnal 'byor mchog bsgom pa/ /'khor ba thams cad gcod par byed/ /phyi nas bdag nyid lus po ni/ /sems dpa' chen po rdo rje 'dzin/ /kun nas chu yis gang bar ni/ /phyogs brgyad du ni mnyam par ro/ /de yi dbus su rab mdzes pa'i/ /pad+ma dkar po yid 'ong ba'i/ /rlung gi dkyil 'khor dbus gnas par/ /'o ma zla ba'i bon 'dzin/ /gdugs dkar po yis mngon par bkab/ /'od zer 'bar ba rnam mang po/ /de yi sa bon las skyes pa/ /rdo rje sems dpa'i bdag nyid ni/ /kun dkar dang zla ba'i mdog /phyag gnyis pa la mdzes pa'i brang / /dbu rgyan sangs rgyas lnga yi dngos/ /sems dpa'i skyil mo krung gis bzhugs/ /rdo rje snying gar mtha' 'dzin cing / /g.yon pa dril bu dku ru brten/ /sgeg cing spro ba'i rang bzhin dang / /rgyan rnams kun gyis rnam par brgyan/ /'od zer 'bar ba rnam mang po/ /dngos po'i tshon gyis btso bar bya/ /sangs rgyas sprin gyis rab rgyas pa'i/ /rdo rje rnon po'i 'od 'phro ba/ /'jigs pa med cing gnod med par/ /dngos pos dngos po bsgom par bya/ /bzlas 'dod pa yi rnal 'byor pas/ /spro ba'i sems kyis mnyam par bsgom/ /dbus su mchog gi sa bon dang / /phyag 'tshal A lir mthar bzhag pa/ /yi ge drug pa'i sngags chen po/ /sangs rgyas kun gyis gsungs pa'o/ /zlos dang bsam gtan rnal 'byor pas/ /rang 'dod las ni mngon par 'grub/ /'bum phrag gsum du bsnyen pa yis/ /de nas de yi mngon du 'grub/ /de nas kun gyi snying po ni/ /skye 80-1-244a dang 'jig dang rnam bral ba/ /gnyis med ye shes rnal 'byor bas/ /'dod bzhin ye shes gnas rnyed pa'o/ /rdo rje dril bu de nyid dang / /ye shes sku ni gnyis kyi gzugs/ /rdo rje g.yas brkyang gnas nas ni/ /dril bu mnan pa'i rkang pas gnon/ /pad+ma rdo rje sbyar byas nas/ /phyag rgya 'ching bar mchog tu brtson/ /dril bu lag gnyis kyis mgrin par/ /rdo rje gcig gis nu mar reg /g.yon pas gzhung tshigs mtha' ru'o/ /tshems kyis ma mchu btsir mdzad cing / /gnyis kyis sems kyi mchog brtson par/ /dngos pos dngos po bsgom par bya/ /steng dang 'og dang dbus gnyis dang / /nam mkha'i dbyings kyi mtha' klas par/ /thams cad stong pa'i de nyid ni/ /sems kyis rab tu spyad par bya/ /mthar ni sgron ma'i rnam pa'o/ /dbus su A li'i sa bon ni/ /'bar ba'i phreng ba rab tu 'phro/ /khams gsum kun gyi cha dang bcas/ /phyis ni gzugs nyid yongs rdzogs pa/ /gnyis ka yid 'ong gzugs mdzes pa'o/ /dbyig pa rdo rje 'jam pa'i mgon/ / 'od dpag shes rab gyi ni gzhi/ /rdo rje dril bu rab sbyor bas/ /mchog gi go 'phang bsgrub par bya/ /rdo rje gsang bas mtshan nas ni/ /gnyis ka 'khyud nas bzlas par bya/ /phyag 'tshal bsreg pa mthar bzhag nas/ /dbus su A li'i sa bon ni/ /rtag pa mchog tu phra ba nyid/ /bde ba'i sems kyis bsgrub par bya/ /yid kyi mchod pa'i cho ga yis/ /kun nas yid kyis bsgrub par bya/ /shes rab rdo rje yang dag par sbyor ba'i le'u rdzogs so// //de nas thams cad snying po ni/ /mchog gi gtso bo bsdus pa'o/ /sbyor ba'i rgyud kyi rjes 'brangs nas/ /gus pa yis ni gzung bar bya/ /shel gyi rnam pa'i sems kyis ni/ /dag pa'i dngos por bza' bar bya/ /sngon gyi mtshan nyid dang ldan pa/ /dag pa'i ngo bor 80-1-244b bsgom pa nyid/ /de nas rtog pa mi rtog pa/ /bza' dang bza' min mnyam pa nyid/ /btung dang mi btung rang 'dod du'o/ /'khor ba'i pha rol rgal 'dod pas/ /sngon du dbang bskur dpa' bo rnams/ /'bad pas brtul zhugs gzung bar bya/ /rim pa bzhin du zla ba dang / /nyi ma 'am ni lo dus su/ /brtul zhugs mtshan nyid bzhi pa'o/ /yon tan de yi yongs su bza'/ /bcwa lnga dang ni bcu bzhi dang / /khyad par du ni tshes brgyad la'o/ /brtul zhugs rim pa 'di nyid ni/ /nan tan gyis ni gtor ma sbyin/ /de yi las rnams thams cad ni/ /ye shes de nyid 'bras bu sogs/ /de ltar bden pa'i sngags kun gyis/ /'grub par 'di la the tshom med/ /bza' sogs ston mo'i rnal 'byar pas/ /zla ba tha ma'i nyi ma gzung / /Rang 'dod chos ni rab brtags na/ /thams cad sngags ni 'grub par 'gyur/ /brtul zhugs ldan pa nyin re'am/ /gal te ma 'byor pa na yang / /dbyar zla 'bring po'i tha ma ni/ /lo yi nyi ma gzung bar bya/ /mtshan nyid ji ltar gsungs pa bzhin/ /skyon med sngags kyis sbyin byas nas/ /de yis dus rnams thams cad du/ /dpal dang phun tshogs mdun na gnas/ /rnal 'byor chos sogs la dga' bas/ /gnyis med grogs mchog rab ldan pas/ /de yis chos la brten nas ni/ /mchog gi go 'phang bsgrub par bya/ /stong nyid kyis ni gzugs 'jig cing / /blangs pa'i chos rnams zad par byed/ /thams cad sdom pa nam mkha' ni/ /shin tu mnyam par gzhag pas bsam/ /thams cad nam mkha'i gnas su ni/ /'o ma zla ba'i sa bon bsam/ /'od zer 'bar ba mang po ni/ /dkar dang kun+da zla ba'i mdog /A li'i sa bon mchog gtso bo/ /dbugs mi g.yo bas bsgom par bya/ /skad cig rnam par sbyor ba yis/ /ye shes mkha' 'gro bdag nyid ni/ /zhal gsum 80-1-245a phyag ni drug pa nyid/ /kha dog sngon po mnyam pa'i 'od/ /sems dpa'i skyil mo krung gis bzhugs/ /nyi ma'i dkyil 'khor gyis brgyan pa/ /steng du rdo rje cod pan dang / /sangs rgyas lnga yis dbu la brgyan/ /rgod dang khro dang sgeg pa dang / /spyan gsum gyis ni rnam par brgyan/ /smad g.yogs glang chen pags pa dang / /mi yi pags pa rab tu gsol/ /mi yi yan lag lnga rus pa'i/ /rgyan kun gyis ni rab tu brgyan/ /skra yi rtse mo rab 'jam zhing / /me 'bar ba dang mnyam pa'i 'od/ /dang po'i phyag na kha T+wA~M ga/ /gnyis pa na ni dgra sta bsnams/ /gsum pa na ni rdo rje'o/ /g.yon pa sdigs mdzub zhags pa dang / /gnyis pa thod pa khrag gis bkang / /ral gri'i phyag ni steng du'o/ /rdo rje 'od zer dri ma med/ / sangs rgyas sprin ltar rab 'phro ba/ /sa yi dbus su rnam rol bar/ /dngos pos dngos po bsgom par bya/ /'ug pa ce spyang seng ge dang / /stag mo phyogs su rnam par bsgom/ /bya rog ce spyang bya rgod dang / /tsa li ka yi mtshams su dgod/ /'jigs pa'i sgra sgrogs mche ba gtsigs/ /ha hU~M rnam par 'jigs par byed/ /'di ltar mkha' 'gro rgyal dbang ma/ /bdag nyid sems kyis bsgom par bya/ /Rang gi dbugs las phyung nas ni/ /gzugs brnyan la sogs dgod par bya/ /rnal 'byor pa yi bris sku sogs/ /de yi gnas su kun tu bsam/ /'dod dang grol ba'i go 'phang gnas/ /gnyis med gtor ma'i lha nyid yin/ /sbyor ba'i sgo nas sgrub pa pos/ /'di yi mchod pa'i cho ga bshad/ /bza' dang ston mo de nyid dang / /gsang ba'i mchod pas rab tu mchod/ /snying ga'i dkyil 'khor dbus gnas par/ /sems kyis hU~M gi sa bon las/ /de yi gzugs la sogs bskyed pa/ /rdo rje sems dpa'i bdag nyid dgod/ /bza' ba la sogs khyad par nyid/ /dag pa'i dngos por 80-1-245b bsgoms nas ni/ /bsgrub pa shin tu mnyam gzhag pas/ /yud tsam gyis ni sbyor ba yis/ /o~M ha ho hrIHswA hA/ oM gyis 'bar bar bsam pa dang / /ha yi rnam pas so sor rtogs/ /sa bon ho yis snang par byas/ /hrIHyi rnam pas dri ma sbyong / / lus kyi lha nyid tshim pa'i phyir/ /a yi rnam par rtogs par bya/ /sa bon lnga yis lha nyid ni/ /sangs rgyas lnga nyid mngon par thim/ /o~M dza~M g+h+ra~M trA~M hU~M a swA hA/ bza' ba la sogs khyad par nyid/ /sngags 'di yis ni gzung bar bya/ /oM gyis rnam pas lus dang ni/ /dza~M gyis rnam pas gzung ba dang / /g+h+ra~M gyis rnam par lto ba dang / /trA~M gis rnam par dri med lus/ /hU~M gis rnam pas spyad par bye/ /sems kyis snying gar yi ge a/ /de nyid rtag tu mchod byas na/ /rnal 'byor pa yis sdig sbyang bya/ / dri dang mar me me tog dang / /lha bshos dang ni gtor ma yis/ /glu yi dus su dbyangs snyan dang / /pi wang gling bu la sogs sbyar/ /rtag tu de dag gis mchod cing / /rdo rje sems dpa' bdag nyid brjod/ /'gro dang nyal dang 'dug pa dang / /'chag dang thams cad dus nyid du/ /rtag tu sems shing sems pa yis/ /rdo rje sems dpa' bsam par bya/ /oM a mu hU~M swA hA/ ye shes gzugs brnyan sbyor ba yis/ /sa bon 'di ni bzlas byas na/ /sdig pa thams cad thag bsrings shing / /rang 'dod las ni 'grub par 'gyur/ /'byung ba lnga las gyur pa'i sdig /gang gis gsang ba dbye byas pa'ang / /rtag tu bsgom zhing bzlas byas na/ /sdig pa kun las grol bar 'gyur/ /oM ka ra ka ra pra dz+r+wA ma hA tIk+Sh+Na pany+tsa oM bud+d+he ha/ oM kro d+ha hU~M hU~M hU~M/ a a a mu mu mu swA hA/ sngags chen po yi sa bon 'di/ /sangs rgyas sems ni mdor bsdus pa'o/ /skyon med sbyor ba'i sgrub pa pos/ /thams cad ldan pa'i sa bon ni/ /mtshan mo yi ni mtha' nyid dang / /dang por ro hi ta dus la/ /nya phyis snod du chu 80-1-246a dang ni/ /ma gad+hA ni srang gnyis nyid/ /kun nas zla ba'i dkyil 'khor bsam/ /bdud rtsi'i dbus su yang dag ldan/ /bdud rtsi bsam pa'i thabs kyis ni/ /shin tu mnyam rnal 'byor pas/ /lan bdun mngon par bsngags byas pa'i/ /de yi chu ni btung byas ni/ /sdig pa thams cad 'jig pa dang / /ye shes bdud rtsi ye shes sku/ /yid gzhungs shes rab rno ba dang / /rlung dang gzi brjid dpal 'phel zhing / /kun nas skal ldan dag dang ni/ /thos dang shes rab nor dang ni/ /rlung mkhris dug dang bad kan dang / /'dus dang glo sogs kyis gzer dang / /mig dang yan lag gzer ba ni/ /chu 'di yis ni nad kun 'grog /o~M ra ta a brta ni/ sarba phA pha~M ha ran+tu ma~M hU~M/ bi kr-i ta kro d+ha hU~M phaT swA hA/ 'di yi sngags ni sngags chen po/ /bsrung ba kun gyi bla na med/ /sngon gyi dus su gzhag byas nas/ /rnal 'byor lus ni bsrung ba'o/ /lan bdun mngon par bsngags byas la/ /gnas lnga ru ni lan gsum mo/ /sangs rgyas lnga ni mngon bsam nas/ /spyi bo'i steng du bskur byas nas/ /rgyal po seng ge dgra sogs dang / /rkun mo dang ni me dang chu/ /rlung dang mkhris pa la sogs nad/ /'jigs byed 'jigs pa 'joms par byed/ /o~M bi mo ha ni sa~M mo ha ni/ sarba pri ye ti hU~M hU~M hU~M swA hA/ 'di yi sngags ni sngags chen pos/ /'gro kun rmongs par byed pa gsungs/ /mi byams byams pa skye byed cing / /kun nas mdza' bar gyur pa'o/ /lag pa g.yon pa yi ni chus/ /snga dro'i dus su kha bkrus na/ /rnal 'byor pa ni grub 'dod pa/ /dgos pa thams cad 'grub par 'gyur/ /de nas sbyor ba mchog tu bshad/ /snying po las ni snying po mchog /rdo rje la sogs bsgom par bya/ /gnyis su med par mnyam par 'dres/ /yan lag 'di yis tha dad bsgom/ /dug med pa yang dug gis bsnun/ /shin tu mi bzad 80-1-246b rmongs pa yis/ /rmongs pa rnal 'byor bdag nyid 'jigs/ /'bad pas chos kyi thabs kyis ni/ /dag pa'i lus ni rnam dag byed/ /dag pa'i sgron ma bltas pa yis/ /nyon mongs la sogs mun pa 'joms/ /nam mkha' rdo rje rdo rje la/ /sems dang sems ni rnam par thim/ /gcig sogs dngos po bsgom pa ni/ /'di yi rnal 'byor mtshan nyid do/ /me yi lhag ma sogs lhags pa/ /dbus dang dbus su rnam par 'tsher/ /de yi 'od kyis nam mkha'i khams/ /shin tu mnyam par gzhag pas blta/ /sa bon 'di yi myu gu las/ /A li kA li rnam par 'byung / /sa bon sa bon rab 'phro ba/ /nam mkha'i khams su yang dag gnas/ /nyi ma'i dkyil 'khor dbus gnas pa'i/ /ro langs ma yi dbus su bsam/ /pad+ma'i gdan la rnam par bzhugs/ /gdugs dkar po yis mngon par g.yogs/ /phyag gnyis sems dpa'i skyil mo krung / /kha dog dmar po 'od mnyam pa/ /lcags kyu zhags pa sdigs mdzub dang / /spyan gsum gyis ni rnam par brgyan/ /sgeg pa'i nyams kyis blta ba dang / /na bza' dmar po mngon par g.yogs/ /mchog gi sems dang sems pa la/ /bdud rtsi'i yi ge rnam par bsam/ /lcags kyu'i rtse mor yi ge k+Shu~M/ /bzlas shing 'di yis drang par bya/ /gzugs brnyan gyis ni yid bskyod cing / /rang gi dbugs kyis dga' bar bya/ /o~M rA ga ta rA ga ta b+ha ti hU~M k+Shu~M swA hA/ lcags kyu'i sngags dang phyag rgya yis/ /rnal 'byor pa yis 'dod bzhin drang / /rmongs chen shin tu rmongs pa ni/ /mnyam par gzhag nas rab tu bsgrub/ /gdan bzhi pa yi rgyud kyi ni/ / sbyor ba'i gdan gyi gsum pa las/ /grub pa'i snying po bsdus pa ni/ /mdor bsdus nas ni bsdus pa'o/ /de nas ye shes lus la ni/ /shin tu mnyam gzhag rnal 'byor pas/ /bza' dang bza' ba'i bsam pa yis/ /sbyang dang rtogs par spyad par 80-1-247a bya/ /dngos por smad pa ma yin zhing / /gang yang brtag par mi bya'o/ /mtho dang dma' ba'i rigs la sogs/ /mnyam nyid lha ni lnga pa'o/ /gang zhig skye ba po sogs pa/ /sems kyis gnod par mi bya'o/ /gal te gnod pa byed sems na/ /rnal 'byor sdom pa ring bar 'gyur/ /gang zhig che dang phra ba yi/ /gzhan rdzas rang gir byed pa yis/ /rku ba'i sems ni mi bya'o/ /rnal 'byor sdom pa ring pa nyid/ /brdzun dang tshig rtsub phra ma dang / /'khyal ba'i dag ni ring du spang / / gzhan gyi sems la gnod byas pas/ /rnal 'byor sdom pa ring ba nyid/ /don dang ling ga rab sbyor bas/ /sbyor ba'i chos kyi snying po nyid/ /rmongs pas log dkris ngag sogs kyis/ /de yi rab sbyar smad pa nyid/ /legs par byas pa'i las kyis ni/ / bde ba bskyed pa'i lus kyis ni/ /sems can bde ba lhur len pas/ /theg pa che la legs par bslabs/ /gal te sems can gnod sogs pa'i/ /mi dga' ba yi tshig mi smra/ /sdig pa'i las ni mi bya zhing / /rnal 'byor gtsug lag mi smad do/ / rnal 'byor 'dod dga' ma yin zhing / /rmongs pas rgyags par mi bya'o/ /phyag rgya 'ching bar rab sbyor bas/ /rang 'dod kyis ni bsten par bya/ /bsten cing bsten pa'i rab sbyor bas/ /lha nyid tshim zhing bsgrub par bya/ /sems can don gyi ngo bo yis/ / sems can bde bas phan 'dogs byed/ /theg pa chen po'i 'bras bu che/ /'di yis lam gyis bsten par bya/ /gang dang gang du rab sbyor bas/ /de dang der ni phan pas bde/ /sems can sdom pa la sogs pas/ /de yi sems ni gnod mi bya/ / 'khor bar skyes pa'i dus na ni/ /thabs dang shes rab yang dag ldan/ /dngos po dngos med byed pa dang / /sems can don ni A lir sgyur/ /phyag rgya bzhi dang ldan pa'i rgya/ /gsang ba'i gsang ba bcings pa yis/ /de yi dbus su bdud rtsi ni/ /skye 80-1-247b zhing myu gu 'byung ba'o/ /'dab ma gsum dang kun ldan pa'i/ /A li mchog ni mtha' med do/ /gzhan yang bdud rtsi mchog nyid ni/ /phyi rol kun gyi snying po nyid/ /bdud rtsi yid 'ong skal ldan zhing / /sems can la ni snyan par stod/ /sangs rgyas lnga yi kun gyi lus/ /btso ma gser ltar 'bar ba'o/ /cod pan bcings shing 'phyar ba dang / /phyag bzhi yis ni rnam par spras/ /dgod dang sgeg pa'i nyams dang ni/ /rgyan kun gyis ni rnam par brgyan/ /steng du rdo rje lcags kyu dang / /gnyis pa rdo rje zhags pa'o/ /g.yon pa rdo rje dril bu dang / /gsum pa lcags sgrog 'ching ba yi/ /phyag bzhi bo yi phyag rgya ni/ /gsang ba gsang sogs 'ching ba dang / /lus dang kha dog 'bar ba ru/ /snang ba mtha' yas mnyam par gzhag /ha yi rnam pa'i sa bon ni/ /yi ge mchog gi dga' bar byed/ /ho yi rnam pas lus dang lus/ /rnam snang mnga' bdag lha nyid do/ /sems dang sems pa bsgoms pas ni/ /lha nyid du ni yongs su grags/ /thams cad lus dang lus can gyi/ /srog dang sems ni 'phrog pa'o/ /hrIHyi rnam pa'i sa bon ni/ /phyag na rdo rje stobs po che/ /o~M gyi rnam pa gsal bar 'phro/ /kun nas sems ni rtogs mdzad pa'o/ /a yi rnam pa des tshim byed/ /blo dang ldan pas yongs su bsten/ /bdud rtsi chu yi lha mo ni/ / de yi shes bya rtogs pa'o/ /bdud rtsi gang gis myangs pa yis/ /bdud rtsi yi ni 'bras bu thob/ /de bzhin gshegs dgyes lha mo ni/ /gzugs mdzes mchog tu yid 'ong ba'o/ /sangs rgyas kun gyi rnam pa yis/ /phyag rgya bzhi pa bcing bar bya/ /rnal 'byor pa ni bslub 'dod na/ /gnyis ni gnyis su med par bsgom/ /gnyis ni dngos po dngos med pas/ /ye shes ldan pas yongs su gsal/ /nga rgyal chen pos bcings pa ni/ /spros pa'i sems dang ldan pas bcings/ /sgeg 80-1-248a dang khro ba'i tshul gyis ni/ /lha mo'i snying po nyid du thim/ /nyi ma'i lag pa'i gdan la ni/ /zla ba'i lag pas reg byas la/ /de yis 'khyud cing 'khyud nas ni/ /lha mo'i ye shes nyid du thim/ /lto ba'i ye shes me yi lha/ /de yi gnas su tshim par bya/ /shes rab thabs la thim pa yis/ /gnyis med sbyor bas tshim pa nyid/ /o~M ha ho hrIHa/ sa bon chen bo'i sa bon ni/ /'di yis sa bon bsam par bya/ /rim pa 'di yis mchod pa ni/ /sman gyi rgyur ni ma yin no/ /lha mo bkres dang sdug bsngal 'phrog /sgeg cing snyan par smra ba dang / /nga rgyal med pa'i nga rgyal byed/ /brtson med pa yi brtson 'grus bcas/ /kun nas skal ldan lha mos ni/ /rmongs byed 'jigs dang 'gugs par byed/ /yid mi gzhungs dang ngo tsha 'jigs/ /lha mo snyan mas 'joms par byed/ /de ltar yon tan lha mo ldan/ /yid 'ong bdud rtsi snyan pa mo/ /'dod dang thar pa'i go 'phang gnas/ /gang zhig lha mo 'di yi lam/ /chu sbyar ne tso gtam dang ni/ /sgeg dang gar ni lnga ldan pa'o/ /lha min brtson 'grus bdun pa ste/ /dran pa nyams byed brgyad pa'o/ /lha mo pho nya brgyad kyi las/ /myur du sems ni 'phrog pa'o/ /rnal 'byor ba yi bdag nyid sems/ /'dod pa'i sems kyi rnam par byed/ /ji ltar gsungs pa'i mtshan nyid kyis/ /'bad pas thang ka sna tshogs dgram/ /pad+ma'i gdan la bzhugs pa ni/ /nyi ma'i dkyil 'khor gyis brgyan par/ /kun nas pho nya brgyad pa ni/ /bud med gzugs su de yi tshul/ /phyogs kyi mdog dang mdog tu'o/ /gzugs mdzes yon tan ldan pa yi/ /dung chen la sogs lag pa na/ /gnas dang gnas la bdud rtsi'i chu/ /sha lnga yi ni snod la sogs/ /bza' dang ston mos nye bar mdzes/ /de yi gzugs brnyan mdun du ni/ /mkhas pa yis ni bsgrub par bya/ / 80-1-248b me tog spos dang dri la sogs/ /gnyis med gtor mar yang dag ldan/ /dang por re zhig dam tshig gi/ /phyag rgya la sogs bcing bar bya/ /zla ba'i lag pa rab brkyang nas/ /rnam shes byed par kun tu ldan/ /oM hi li hi li hU~M phaT/ dam tshig sngags dang phyag rgya yis/ /mchod pa'i las la rab tu sbyar/ /oM a mr-i ta kuN+Da li ha ho hrIHa swA hA/ nye bar spyod pa'i sngags dang phyag rgya'o/ /nyi ma'i lag pa'i gdan la ni/ /zla ba'i lag pa kun sbyar la/ /snying po'i snying dang phyag rgya yis/ /rang 'dod las ni rab tu byed/ /'bum phrag gcig zlos rnal 'byor pas/ /sngon du bsnyen pa la sogs bya/ /phyis ni me la sogs pa'i las/ /gnyis med gtor ma'i las kyis so/ /me thab kha ran gsum par ni/ /snang byed shing ni rab sbar la/ /lha mi'i me tog rgyas pa ni/ /sbrang rtsis bsku zhing sbyar byas la/ /bdud rtsi'i chu dang kun nas bsre/ /gang gi ming nas yang dag bzung / /brgyad brgya ru ni bsreg byas na/ /nges par dbang du 'gyur ba'o/ /me yi lha sogs thal ba dang / /bdag nyid khu ba lan lnga ru/ /bdud rtsi dbus su sbyin byas na/ /bdag nyid 'dod bzhin dbang du byed/ /smyo byed sbrul ni lnga pa dang / /u dza'i shing ni cha mnyam pa/ /bdud rtsir ldan par byin byas na/ /myur du smyo bar 'gyur ba'o/ /nim pa la sogs rtse mo la/ / mkhas pa yis ni bsgrub par bya/ /me tog bdug pa dri sogs dang / /gnyis med gtor ma'i las kyis ni/ /arga dkar po'i rtsa ba las/ /'bad pas me ni rab tu sbrar/ /pad+mo zhib mo phye ma ni/ /'o ma dang ni bdud rtsis bsku/ /brgyad brgya ru bsreg byas pa yi/ /lhag ma'i thal ba bsgos pa'o/ /tsi tra ka yi rtsa ba'i chus/ /lan bdun bsgos la grib mar bskam/ /mchod pa'i dus rnal 'byor pas/ /de yi thal ba bdud rtsi chus/ /myur ba nyid du bsgos pa ni/ /kha ba kun+da 'o ma ru/ /lus 80-1-249a ni rmongs pa'i gzugs dang ni/ /shin tu rmongs shing rmongs pa'i dri/ /pho nya brgyad kyi lha mo ni/ /stobs dang gzi brjid don med pa'o/ /rnam rtog rmongs pa'i sems can la/ /'di yis las kyis rab tu sbyar/ /rmongs pa spangs pa'i rnal 'byor pas/ /'gro ba myur du rtogs par 'gyur/ /'di yis phye ma blangs byas la/ /dzA ti mar khu lan gsum spang / /bdud rtsi mchod pa'i dus su ni/ /thal ba lhan cig bsres byas nas/ /thig le lce yis myangs pa yis/ /pho nya brgyad kyis 'dzin par 'gyur/ /pho nya'i mtshan ma yongs rdzogs pa/ /smyo zhing rgyags shing rgyags pa'o/ /smyo byed shing ni yang dag blang / /'bad pas me ni rab sbar la/ /me tog sbrang rtsi bdud rtsir ldan/ /brgya brgya ru ni bsreg par bya/ /de yi thal ba blangs nas ni/ /rab tu sbyor ba la sogs bya/ /bdud rtsi bskyed pa'i gnas su ni/ /thal pa de yis byugs byas na/ /chu yis mdog ni gzhan du dang / /de yi ro ni gzhan du 'gyur/ /sbrang rtsi 'o mar ldan pa yis/ /de gzugs snga ma bzhin du 'gyur/ /de yi thal ba blangs byas la/ /sku gsum pa yi cha dang bsre/ /bdud rtsi yi ni cha bdun dang / /ma ru tse yi cha brgyad nyid/ /mchod pa'i dus su chang la ni/ /de yi thal ba blugs byas na/ /gang la byin pa tsam gyis ni/ /bdud rtsi kun nas rang 'dod rig / gang dang gang gis lam gyis ni/ /de dang de yi rmongs pa rnams/ /sems can don du rmongs bsal phyir/ /rtag tu lam ni bstan par bya/ /gzhan gyi don la brtson par bya/ /rang gi 'dod 'di bsdus pa'o/ /sman dang sngags kyi sbyor ba yang / /shes rab dman la sogs pas dman/ /gdan bzhi ba yi rgyud kyi ni/ /gsum pa gtor ma'i las kyi ni/ /dngos grub snying po btus pa ni/ /de yi dngos po bsdus pa'o/ /sngags sgrub pa yi don du ni/ /gzugs brnyan rab tu sbyar bar bya/ /mchog 80-1-249b gi gzugs brnyan rab sbyar bas/ /byin gyis brlabs kyis rim pas bsgrub/ /zhi dang rgyas dang dbang dang ni/ /gsad dang bskrad dang dbye ba ni/ /gzugs brnyan gyis ni thams cad 'grub/ /gzugs brnyan mtshan nyid ldan par bya/ /sngon du ras kyi mtshan nyid dang / /gnyis pa ta la'i mtshan nyid dang / /gsum pa kha dog rim pa dang / /bzhi pa gtor ma sbyin sreg nyid/ /gleng gzhi rang 'dod bskyed nas ni/ /mnyams kha tshar yang dag ldan/ /steng 'og la sogs rab rgyas pa/ /ras la zhi ba'i ri mo bri/ /ma lhung ba yi yi dgas gos/ /ma nyams kha tshar bgo bar bya/ /tshon gyis ma phog cha la ni/ /rgyas pa yi ni mtshan nyid do/ /yi dgas mo yi dmar po'i ras/ /ma ltung bar ni rab tu spyad/ /tshon gyis ma phog rab sbyar ba/ /dbang nyid du ni yongs su grags/ /ra nag po yi pags pa dang / /ba lang rta sogs gzhan dag la/ /gnag cing drag sogs pa yi las/ /mngon spyod las kyi mtshan nyid do/ /de yi mnan pa'i gnas su ni/ /thig gi mtshan nyid gdab par bya/ /cha gsum du ni rab tu bsgo/ /gcig ni 'og tu dor bar bya/ /cha gnyis lnga pa'i steng du'o/ /gsum pa gsungs pa'i thig nyid ni/ /tshangs pa'i ri mo dbyug pa ni/ /cha lnga pa ni bdun du'o/ /lus ni cha gsum nyid du 'dod/ /zhi dang yan lag mnyam pa'o/ / zhal ni bcu gnyis cha nyid do/ /mgrin pa la ni sor bzhi'o/ /mgo dang skra la'ang de nyid do/ /rna ba nyid kyang de yi tshad/ /zhal gyi cha ni gsum pa nyid/ /dpral ba lkog ma sna nyid do/ /smin ma'i mtha' ni rna ba'i ltag /mig ni sor gnyis pa yi tshad/ / bug pa sor mo bzhi pa'o/ /de ni mig gi mtshan nyid do/ /mgrin pa'i mtha' yi dbus su ni/ /brang gi cha ni gnyis kyis mnan/ /snying ga'i gnas dang lte bar ni/ /mnan cing kun tu mnan pa'o/ /nu ma'i mthar ni mnan bcas pa/ /brang du nu ma 80-1-250a gnyis mnan la/ /lag pa gnyis kas mnan pa ni/ /lag gnyis kun tu gnon pa'o/ /sor bzhi pa dang ldan pa ni/ /brla dang rje dar kun tu ldan/ /bus mo gnyis la sor bzhi'o/ /rkang pa'i tshad kyang de bzhin no/ /bcu gnyis ta la'i tshad kyi ni/ /lha yi gzugs ni ri mor bri/ /lhag pa'i sor mo bzhi po ni/ /lha brgyad kyi ni gdan du'o/ /dgu pa yi ni gdan nyid ni/ /sor mo gnyis su bshad pa'o/ /dbus kyi zla ba'i dkyil 'khor ni/ /kun nas na bza'i 'od zer sogs/ /rab zab rdo rje'i lha nyid ni/ /ta la bcu gnyis kyi ni tshad/ /'og ma'i cha dang cha sogs dang / /nye bar mdzes sogs ri mo bri/ /steng gi lhag pa'i cha la ni/ /rigs ni lnga pa bstan pa'o/ /las kyi mdog sogs mdog tu ni/ /'dod bzhin lha nyid bsgrub par bya/ /gzugs brnyan rab tu sbyor ba ni/ /bcu gnyis ta la'i rnam pa'o/ /de yi ta la'i tshad la ni/ /phyag gnyis kun nas bkug pa ni/ /sor mo gnyis ni rab dor la/ /zhi ba'i lha yi rnam pa'o/ /de yi ta las zhal bzhin bya/ /gsus khyim che zhing che ba nyid/ /kun nas tshigs dang tshigs nyid ni/ /sor mo gnyis ni dor bar bya/ /khro bo khro mo dbang phyug ma/ /bran pho bran mo mngag gzhug ni/ /drag po 'jigs su rung ba'i gzugs/ /ta la bcur ni bri ba'o/ /dkyil 'khor bsgrub par 'dod pa yis/ /mchod pa'i lha mo mngon par ldan/ /ras kyi brgyad kyi cha nyid ni/ /ta la'i steng du dor bar bya/ /dkyil 'khor lha mo'i rim pa ni/ /rim dang rim bzhin sbyar bar bya/ /dbus su mnga' bdag rdo rje'i lha/ /gcig ba'i mtshan nyid rnam par bri/ /mgrin pa ko sko zhabs nyid ni/ /de gsum ring na nyes skyon no/ /sngags pa nges par bdag nyid ni/ /skrod dang gnas ni brlag pa'o/ /shangs dang snyan dang sor mo ni/ /de gsum thung ba'i nyes pa ni/ /nges par dngos 80-1-250b grub brlag pa dang / /de yi dpal yang ring ba nyid/ /rje ngaRa zhabs dang mkhur tshos ni/ /de gsum sbom pa nyes pa che/ /nges par sgrub po'i bdag nyid ni/ /bdud dang bgegs dang dpal ring ngo / /'gram pa brang dang rtsib logs ni/ /de gsum dma' na skyon che'o/ /yun mi ring ba myur du ni/ /nor ni brlag par 'gyur ba'o/ /nu ma rna ba dpral ba ni/ /de gsum yo na skyon che'o/ /'thab mo dang ni dgras 'tshe bar/ /myur du sgrub po 'gyur ba'o/ /brang dang lus dang brla gnyis ni/ /de gsum dma' na skyon che'o/ /dgras ni 'jigs par 'gyur ba dang / /'chi bar yang ni the tshom med/ /sna zhom mig ni yo ba dang / /rna ba mchu dang dp+wal ba ni/ /bgegs dang bdud dang mes 'jigs shing / /dngos grub ring bar 'gyur ba nyid/ /gyen du lta ba'i dbu dang ni/ /gdan ni yo zhing tha dad pa/ /brang dang mgrin pa yan lag ni/ /nyes skyon grangs ni med par grags/ /'od zer yo zhing tha dad dang / /phyag rgya phyag mtshan nor bas ni/ /mya ngan gdung bas sdug bsngal bar/ /sgrub po'i gzugs brnyan nyes skyon no/ /rgyab yol gdugs dang ba dan ni/ /rnam gsum dog pa'i nyes pa ni/ /'chi zhing dpal nyams brlag pa dang / /mi mdza' mdza' ba 'joms pa'o/ /de ltar nyes skyon skyon chen pos/ /dul zhing dul la bzod pa dang / / sems ni shin tu mnyam gzha pas/ /rnam par brtag cing rab tu dpyod/ /mtshan nyid thams cad yongs rdzogs shing / /mdzes pa'i tshul gyis mchod par bstan/ /sngags grub rgyu yi don dang ni/ /dbang dang dgug pa yi ni lha/ /zhi ba la ni zhi ba'i tshul/ /drag la drag cing 'jigs su rung / /dpa' zhing dpa' ba'i nga rgyal gyis/ /dgod cing khro dang sgeg pa dang / /khro ba'i gzugs kyi tshul dang ni/ /bran dang bran mo'i rnam par sprul/ /las kyi gnas dang gnas nyid du/ /bdag nyid kyi ni 80-1-251a kha dog bsgyur/ /de ltar mtshan nyid mtshon pa yi/ /dngos grub myur du rdzogs pa dang / /rnal 'byor ba yi 'dod pa las/ /sngags pas thang ka'i ri mo bri/ /na maHsaman+ta bud+d+hA nA~M/ sa~M bod+ha ni/ bi shud+d+ha/ na maHsarba b+hi ga ha re nam hU~M hU~M hU~M phaT phaT swA hA/ sngags pa yis ni sngags 'di yis/ /ras dang skud pa bkru ba'o/ /thams cad las kyis sngags kyis ni/ /sangs rgyas lnga yi byin gyis brlabs/ /gzugs brnyan so sor rab sbyor bas/ /sgrub pos thang ka bsgrub par bya/ /gzugs brnyan 'grub pa'i rgyu ru ni/ /sbyin sreg phyag rgya sngags bya'o/ /yi dgas kyis ni gos blangs la/ /gtor ma la sogs ldan pa yi/ /nan tan gyis ni thang ka brgyad/ /thig sku dkyis ni ri mo bya/ /pad+ma'i gdan la bzhugs pa ni/ /zla ba'i dkyil 'khor dbus gnas par/ /sems dpa'i skyil mo krung gis bzhugs/ /phyag gnyis pa la thang ka mdzes/ /rdo rje cod pan mthon ka'i rtse/ /sangs rgyas lnga yis rnam par brgyan/ /rgyan rnams kun gyis brgyan pa'i sku/ / dar gyis dkri zhing rnam par 'phyang / /rdo rje phyag gis gsor mdzad cing / /snying gar gnon pa mchog tu brtson/ /g.yon par dril bu mngon ldan pas/ /rked pa'i mtshams su rnam par gnon/ /bco ma gser gyi kha dog dang / /sgeg cing shin tu bzhad pa'i zhal/ /rdo rje dkyil 'khor la brten par/ /khro bo'i 'od zer rnam par spro/ /dkar dang zla ba kun+da'i mdog /lha mo gsang ba'i snod mdzad cing / /rkang pas 'khyud pas thal mo sbyar/ /phyag gnyis kyis ni mgrin par 'khyud/ / tshams kyis ma mchu btsir nas ni/ /myos pas khro bo mchog gi ste/ /rgyan rnams kyis ni brgyan pa'i sku/ /chags pa'i gos dkar mnabs pa nyid/ /ba spu nas ni rdo rje 'phro/ /gdugs dkar po yis mngon g.yogs pa'i/ /'di ltar rdo 80-1-251b rje dbang phyug rgyal/ /pad+ma'i lus can rdo rje 'dzin/ /rdo rje shar gyi cha ru ni/ /mo gzugs ri mor bris pa ni/ /gzugs kun la sogs rab rgyas pa'o/ /gnod sbyin mo ni rgyal dbang 'di/ /rin chen gdan la bzhugs pa ni/ /rgyan kun gyis ni rnam par brgyan/ /phyag na gtor ma'i snod sogs pa/ /phyogs kyi mdog tu btso bar bya/ /dngos grub kun ster lha mo ni/ /lus ngan gyi ni sring mo'o/ /phyag 'tshal tshul gyis 'dud pa ni/ /lha mo bsgrub pa'i mtshan nyid do/ /rdo rje byang gi cha la ni/ / lha mo snyan par smra ba ni/ /de ltar rdo rje dbang phyug rgyal/ /pad+ma'i lus can ye shes 'dzin/ /snyan pa'i gser btso ma yi mdog /bzang po'i gdan la bzhugs pa ni/ /rgyan rnams kun gyis rnam par brgyan/ /gnyis kyi phyag na bdud rtsi'i snod/ / sgeg pa'i nyams kyi lta ba ru/ /mkhas pa yis ni bri bar bya/ /ye shes nub kyi cha la ni/ /lha mo snyan pa'i dbang phyug ma/ /btso ma gser gyi mdog dang ni/ /rgyan rnams kun gyis rnam par brgyan/ /thams cad mtshan nyid yongs rdzogs pa'i/ / lha mo gzhon nu grub pa ni/ /lcags kyu lnga sogs snod kyis ni/ /gnyis pa'i phyag ni rnam par brgyan/ /rdo rje lho yi cha ru ni/ /'byung mo'i ming ni ska rags can/ /sku mdog sngon mo gzugs mdzes pa'i/ /rgyan kun gyis ni rnam par brgyan/ /bdud rtsi'i bum pa phyag gnyis na/ /gzhan gyi sgeg pa'i yan lag dang / /gshin rje yi ni sring mo nyid/ /dngos grub kun ster lha mo ni/ /thams cad kun la gzugs mdzes par/ /rnam par brtags te ri mo bri/ /rdo rje dril sogs rim par yang / / dbang ldan la sogs rim par sbyar/ /phyag gnyis sems dpa'i skyil mo krung / /phyag ni phyag rgya mtshan ma sogs/ /de ltar rdo rje dbang phyug rgyal/ /rol pa'i 'khor lo bsam par bya/ /lha rnams dmigs pa dang bcas pa/ /sngags dang phyag rgya 80-1-252a gtor mas mchod/ /o~M sarba sid+d+hi ku ru hU~M/ nye bar spyod pa'i sngags so/ /o~M badzra hU~M phaT/ nyi ma'i lag pa rab brkyang nas/ /ye shes kyi ni pad+ma mnan/ /dam tshig sngags dang phyag rgya'o/ /de yi sngags dang phyag rgya yis/ / yan lag drug tu bsrung bar bya/ /ye shes khu tshur gnyis bcings nas/ /dkar po dang nis gdugs bsgreng / /'khyil ba ras gdugs 'khyud byas la/ /dkar po'i lcags kyus spyan drang ngo / /o~M badzra aM ku sha dzaH/ phyag rgya de gnyis brtan bcings la/ /dkar bo dang ni gi wang sbrel/ /zhags ba'i dam tshig phyag rgya yis/ /kun nas lha mo bzhugs par ldan/ /o~M badzra pA sha hU~M/ phyag rgya de nyid dam bcings nas/ /rgyab dang rgyab tu sbyar bar bya/ /gsang zhing gsang ba'i lcags sgrog gis/ /lha rnams kun nas mnyes par bya/ /khu tshur de nyid dam bcings nas/ /rgyab dang rgyab tu yang dag ldan/ /sa gdugs pad+ma sprel byas la/ /kun nas lha nyid tshim byed pa'o/ /spos kyi phyag gnyis rab ldan pas/ /sor mo gnyis ka bsgreng byas la/ /zla ba nyi mar bzhugs byas la/ /snying rje chen po'i phyag rgya'o/ /oM su ra ta badzra hU~M dza/ khu tshur gnyis ni bcings byas la/ /nyi ma'i steng du kha sbyar la/ /shar gyi phyogs kyi lha mo ni/ /snying po sngags dang phyag rgya'o/ /o~M shri ye ba ti hU~M phu swA hA/ phyag rgya de nyid dam bcings te/ /ye shes dang ni rnam shes bsgreng / /oM su kri ye hU~M phu swA hA/ byang gi phyogs kyi lha mo ni/ /snying po sngags dang phyag rgya'o/ /phyag rgya de nyid dam bcings nas/ /dkar po dang ni gi wang bsgreng / / oM su ru su ru ma dur hU~M phu swA hA/ nub kyi phyogs kyi lha mo ni/ /snying po sngags dang phyag rgya'o/ /phyag rgya de nyid dam bcings nas/ /sa gdugs pad+ma'i kha sbyin bya/ /oM pri ya~M me khA la hU~M phu swA hA/ lho phyogs lha mo rgyal dbang gis/ /snying po 80-1-252b sngags dang phyag rgya'o/ /gnyis med cho ga'i sngags kyis ni/ /mkhas pa yis ni mchod par bya/ /bdug pa me tog sogs glu dang / /mkhas pas mchod pa nyi shus mchod/ /'dod dang thar pa dge ba'i gnas/ /las rnams thams cad grub byed pa/ / rdo rje chos kyi bde spro ba/ /rnal 'byor sngags kyis sgrub par byed/ /de nas kun gyi snying po ni/ /khro bo gnod byed khro mo ni/ /dbye ba rnam gsum sku rang bzhin/ /sangs rgyas byang chub yan lag bzhi/ /khros pa'i khro bo'i mchog tu spro/ / 'jigs pa theg pa rnam pa gsum/ /lha mo'i lta bas 'jigs par byed/ /bdud dang 'byung po gcod byed cing / /bdud dang gdug pa skems pa dang / /gnon cing yul nas skrod pa dang / /'dod dang thar pa'i go 'phang bsgrub/ /tshangs pa mnan cing nyed pa dang / /tsa muN+Di ni drag pos 'gugs/ /'jigs byed kun nas bsgrubs pa yang / /mkhas pa yi ni bsgrub par bya/ /re zhig dang po bris pa'i sku/ /mtshan nyid ji ltar gsungs pa bzhin/ /bye ba bcu bzhi'i tshogs dang ni/ / sna tshogs gzugs can bzhin ngan pa/ /lha mo dka' zlog gdan du ni/ /rgyab tu kun nas rnam par mnan/ /nyi ma'i dkyil 'khor dbus su ni/ /rdo rje mkha' 'gro rnam par sprul/ /zhal gsum phyag ni drug pa nyid/ /'od zer sngon po 'bar ba'i zhal/ /rol pas 'phen pa'i gdan la ni/ /tshangs pa'i mgo ni zhabs kyis mnan/ /spyan gsum khro la nga rgyal can/ /dmar zhing dmar ba'i spyan dang ldan/ /'khyil zhing rnam par gyes pa yi/ /dbu sgra dmar pos rnam par brgyan/ /rus ba'i thod pa'i phreng ba yis/ /sangs rgyas mi bzad cod pan no/ /bgegs kyi mgo bo bsam pa yis/ /klu gnyis kyis ni rnam par brgyan/ /shin tu rgod cing mche ba gtsigs/ /zhal gsum kha dog gsum pa'o/ /glang chen pags pa 80-1-253a bsnams pa'o/ /mi yi pags pa rab tu gsol/ /rgyan brgyad kyi ni gnas nyid du/ dkar zhing rab 'bar rus pa'o/ /sangs rgyas mgo bo'i phrang ba dang / /mche ba rno zhing sor mo 'bar/ /steng gi phyogs su mda' dang ni/ / gnyis pa la ni kha T+wA~M ga/ /gsum pas rdo rje gsor ba'o/ /g.yas pa sdigs mdzub zhags pa dang / /gnyis pa la ni thod pa'o/ /gsum pa gzhu dang kun nas ldan/ /rgan byad drag mo 'jigs su rung / /zhags pas bcings shing rnam par brgyan/ /drag mo mnan cing mche ba gtsigs/ /khrag 'dzag pa dang brgyal ba ni/ /so sor dbus su brgyan pa yi/ /so so'i pho na rab tu bsgrub/ /tshon bdun gyis ni gos pa yi/ /rgyun mi 'chad par rtag tu spro/ /khro bo mche ba gtsigs pa'i lus/ /'bar ba'i 'od zer rdo rje can/ /mi yi keng rus keng rus dang / /gdugs dkar po yis mngon par g.yogs/ /ye shes khro bo dbang phyug bdag /drag cing shin tu drag pa 'dul/ /bdud rnams thams cad gnon mdzad pa/ /shin tu gdug pa'i sems can rnams/ /zhi bas 'dul bar mi 'gyur bas/ /thabs dang shes rab sbyor ba yis/ /khro bo'i gzugs la sogs pa bstan/ /khwa dang 'ug pa bya rgod dang / /ce sbyang srin po khyi la sogs/ /'jigs pa'i ku cho rab sgrogs dang / /mi yi keng rus gyis bkang ba'i/ /de ltar gzugs brnyan rab sbyor bas/ /'dod dang thar pa don gnyer dang / /thams cad khro bo 'jigs mdzad pa'i/ /sngags pas gzugs brnyan bsgrub par bya/ /o~M ta hU~M ma tha ma tha du Sh+DA na g+hA ta ya hU~M phaT swA hA/ ba dan gsum sogs phyag rgya yis/ /las rnams kun nas rab tu byed/ /spos dang bdug pa la sogs dri/ /rgyas pa'i mchod pa kun ldan pas/ /dpa' bo mchod sogs yang dag ldan/ /dkyil 'khor cho ga mthong ba yis/ / 80-1-253b cho ga'i yan lag sbyin sreg las/ /gtor ma'i las ni khyad par nyid/ /ma brtags pa yi sha dang ni/ /khrag gis kyang ni de nyid las/ /gang gang dngos grub 'dod pa yis/ /de yi rnam pas tshim par bya/ /o~M bi trit+ti nA ma ma hA kro d+ha hU~M phaT/ zla ba nyi ma brkyang nas ni/ /rgyab dang rgyab tu sbyar bar bya/ /dkar po gi wang sbrel byas nas/ /sa yi gdugs dang pad+ma sbrel/ /de nyid snying po phyag rgya dang / /sngags de nyid ni rnam par sbyar/ /phur bu ra ba tsham ngam dang / /dra ba ge cha mtshon cha rnams/ / las kyi gnas su dgod pa ni/ /phyag rgya 'di ni rab tu grags/ /phyag rgya 'di nyid snying gar bcing / /ye shes dang ni rnam shes sbyar/ /o~M kro d+ha ni hU~M a/ snying po mchog gi sa bon dang / /phyag rgya de nyid rnam par bya/ /lus dang srog la ltos med par/ /chen po'i sems kyis bsgrub par bya/ /drag cing rno ba'i lha mo ni/ /rno ba'i sems kyis bsgrub par bya/ /cung zad zhi ba'i lha mo ni/ /thabs cig gis ni mtshan nyid do/ /chu yi 'gram gyi sa phyogs su/ /sngon du bsnyen pa la sogs bya/ /'bum phrag lnga ni bzlas pa dang / /phyis ni 'bum phrag gcig gis so/ /zhi ba'i mchod pa phul nas ni/ /me yi las la sogs pa bya/ /nag por yi sha dang ni/ /khrag dang rnam par bsres nas ni/ /bris sku la sogs gzugs brnyan mdun/ /rdzogs pa'i cho gas sbyin sreg bya/ gtor ma sbyin sreg gis tshim bya/ /thams cad las ni 'grub par 'gyur/ /zhi dang rgyas dang dbang drag dang / /mngon par spyod pa la sogs 'grub/ /dri zhim chu yis bkang ba yis/ /bum pa rgya cher mchod pa yis/ /nad kyi yan lag gzir ba la/ /sngon du dbang bskur byin byas nas/ /nad kun dang ni bral ba dang / /de bzhin gza' yis gnod pa nyid/ /skal ba dman dang mi byams pas/ /thams cad zhi ba thob par 'gyur/ /ser po'i 80-1-254a tshon dang spra tshil las/ /log 'dren lha yi gzugs brnyan nyid/ /mnyam pa'i gdan la thal mo sbyar/ /phyag bzhi yis ni rnam par spras/ /mche ba gtsigs pa yan lag rgyas/ /pad+ma'i snod la gnas pa ni/ /rtse gsum dang ni bza' ba'i snod/ /dgra sta la phug phyag na'o/ /sor mo bzhi yi tshad du ni/ /rgyan kun gyis ni rnam par brgyan/ /bris sku'i gzugs brnyan mdun du ni/ /'khrul 'khor 'di ni bri bar bya/ /groga'am ni shing shun la/ /gi wang dang ni gur gum gyis/ /sgrub pa po yi gzugs brnyan bri/ /gzugs dang rnam pa kun ldan pa/ /snying gar ming ni bri bar bya/ /g.yo dang lhung dang srog 'dren pa/ /lcags kyu kun nas ldan pa dang / /dpral bar drangs nas gzhag par bya/ /bgegs kyi dbang pa yi ni gdan/ /snying gar mnan nas gzhag par bya/ /me tog bdug pa sogs pas mchod/ /nan tan gyis ni gtor ma'i las/ /don 'dod 'bras bu don gnyer ba'i/ /rnal 'byor pas ni sngags yig bzlas/ /o~M tra~M tha tha tha hU~M dza swA hA/ me tog dkar po la bzlas shing / /re re zhing ni brdeg par bya/ /brgya rtsa brgyad du yongs rdzogs na/ /'grub par 'di la the tshom med/ /sngags 'di yis ni sbyor ba yis/ /sgrub pa po yi yid g.yo zhing / /myur du 'gugs shing yon pa'o/ /rgyal po'i dbang po dbang phyug sogs/ /rgyal po dang ni rgyal tshab dang / /phyug po'i byis pa la sogs dang / /shin tu mdzes pa'i bdag nyid lus/ /sha tsi dang ni brgya byin sogs/ /gal te kun nas 'dod tsam gyis/ / sgrub pa po yi dbang du 'gyur/ /ji srid lus ni 'tsho ba'i bar/ /dus rtag tu ni rnam par 'dud/ /nga rgyal yan lag gtso bo bas/ /nga rgyal gyis ni 'grub par 'gyur/ /khro bo'i lus ni bstan pa yis/ /las dang las ni myur du 'grub/ /khro bo'i 80-1-254b lus rnam par bstan pa zhes bya ba rdzogs so// //spyod pa'i chos can kun bsdus pa/ /brtul zhugs mtshan nyid bstan pa'o/ /ye shes longs spyod 'bras 'dod pas/ /spyod pa'i mtshan nyid shes par bya/ /mi bzad 'khor ba 'jigs pa ni/ / chags pas srid par ltung ba'o/ /chags pa spangs pa'i lus kyi ni/ /rgyun du brtul zhugs yang bzung ngo / /dben par shin tu mnyam gzhag pas/ /dngos po thams cad mdor bsdus pa'o/ /chags pas srid par ltung ba dang / /zhen pas 'khor bar 'jug par byed/ /rmongs pa'i bdag nyid ring du spangs/ /sems can don du chos bstan phyir/ /sems can don byed gyur pas kyang / /brtul zhugs dka' thub mi bzad pas/ /dben par sbyor bas 'grub par 'gyur/ /chags pa'i nyes pa rgya mtshor 'khor/ /bdag nyid nyon mongs las rgyal phyir/ /sems can don blo 'ba' zhig go/ /sems can don 'gyur dus su ni/ /spyod dang sdom pa'i ston bzhin no/ /'du 'dzi dang bral dben pa ni/ /dga' ba ru ni lus bsrung ngo / /dang po re zhig rnal 'byor pas/ /bstan bcos tshig rnams blangs byas nas/ /sdom pa thams cad yang dag ldan/ /rab tu rno bas chos spyad do/ /gnas dang gnas la'ang mi gnas pa'i/ /nam du yang ni mi gzung ngo / /bza' dang bza' min par rtog pa'i/ /dman sogs nges par mi bya'o/ /'bad pas rtag tu dga' ba yis/ /lha ma mkhan nya pa shan pa dang / /bram ze dmangs rigs rgyal rigs rnams/ /mnyam pa'i sems kyi lam gyis ni/ /rtag tu slong mo bslang bar bya/ /gal te gong du spyod pa'i tshe/ / gang zhig bza' ston zos pa dang / /mal cha ras dang mchil lham yang / /longs spyod longs spyod yid 'ong ba'i/ /brtul zhugs la gnas tsam gyis ni/ /rnal 'byor sdom pa ring ba nyid/ /spyod pa spyod dgur rnal 'byor pas/ /bsod nams 80-1-255a lag tu blang bar bya/ /thams cad bslangs kyang nyes med de/ /dngos po yang ni mi gzung ngo / /sems ni rnam par dag pa yis/ /thams cad bza' zhing bza' ba nyid/ /dag cing gus bcas nga rgyal gyis/ /de yi gnas ni yongs su spangs/ /dad pas dkyil 'khor 'dri ba dang / /yang na gtor ma'i las la ni/ /bsags pa'i rdzas kyi dngos po ni/ /de yi gnas su dbul bar bya/ /chos gos gsum gyi lhag ma ni/ /slar yang gus pa yis ni gzung / /spyi bor ngur smrig mtshan ma dang / /sangs rgyas byang chub yan lag dang / /rnying pa'i tshem ber chos gos gsum/ /steng du rdo rje dbyug pa dang / /lhung bzed mchan khung chu tshags bcas/ /de ltar 'dzin pa'i lus la ni/ /glegs bam la sogs gzhan yang med/ /grog mo la sogs bsal ba'i phyir/ /rnga ma'i chun po bsngags pa yin/ /sangs rgyas byang chub yan lag dang / /chos don rtsa pa snying rje nyid/ /de nas bslab par bya ba ni/ /bla ma'i tshig gi sdom pa'o/ /sangs rgyas ye shes rdzu 'phrul che/ /mchog la skyabs dang skyabs su mchi/ /rdo rje dbang phyug mchog gi lus/ /rdo rje sems dpa' bdag phyag 'tshal/ /lha mo shes rab sbyor rang bzhin/ /mkha' 'gro lnga la phyag 'tshal lo/ /o~M a mu ka sa ma yo ha~M sa ma ya/ a mu ka sa ma yo/ o~M a mu ka sa ma yo/ ha~M sa ma ya/ o~M badzra badzra/ ma hA badzra badzra/ kA ya su par/ hi hi hi/ ho ho ho/ hU~M na ni ba ta da~M/ 'di yis slob ma rab tu gzung / /brtul zhugs rdo rje rdo rje can/ /gnyis pa'i las kyis bsgrub par bya/ /sbyor dang gsang ba'i sngags rig pas/ /thams cad dus dang dus nyid du/ /tshigs bcad gnyis ni brjod par bya/ /gang zhig pha dang gang zhig ma/ /gang zhig mdza' ba'ang mi rtag pa'o/ /sangs rgyas lus ni sgya ma nyid/ /rtag tu 80-1-255b chos kyis yongs su skyob/ /kye ma stong ba nyid kyi mthus/ /dngos kun rnam par mnan pa'o/ /sangs rgyas 'bras bu rab ster ba'i/ /mkhas pa yis ni gzung bar bya/ /rmongs pa bcad pa'i don du ni/ /dus gsum du ni tshigs bcad brjod/ /'chag dang nyal dang 'gro ba dang / /'dug dang 'gro ba thams cad du/ /sngags kyi sbyor ba brtan byas nas/ /sems dang sems kyis nyal bar bya/ /skye dang skye bar brgyud pa yi/ /'byung ba lnga yi lus kyi sdig /nyin mtshan gnyis kyi spyod pa yis/ / lus kyi dri ma dag pa nyid/ /zla ba drug tu spyad byas pas/ /rang 'dod lha ni 'grub pa'o/ /brtul zhugs spyad pa'i rnal 'byor pas/ /mi shes pas kyang ye shes 'thob/ /de ltar yon tan rang bzhin zhing / /brtul zhugs spyod pa yi ni rgyu/ /brtul zhugs sbyor ba sbyor ba yis/ /thams cad rmongs pa rnam par spangs/ /thabs kyi mtshan nyid mtshon pa yis/ /mnyam nyid lta ba rdzogs byas nas/ /rnam dag lta ba 'ba' zhig go/ /kun nas stong pa mnyam pa'i ros/ /dngos po kun gyi mtshan nyid med/ /kun nas stong pa nyid kyi mthar/ /rnam par rtog pa ji lta bur/ /rmongs pas brtags shing rnam brtags pa'i/ /dag pa'i sems dang sems par bcas/ /rmongs pa nyon mongs rgya mtsho'i lus/ /'dod pa khro bo'i gzhi de ni/ /rno ba'i sems kyis rmongs pa ni/ /ye shes ldan pa'i lus kyi dbye/ /snum pa'i bza' dang 'jam pa'i gos/ /sna tshogs dbang bos reg pa yis/ /gti mug chags pas go bzlog pas/ /srid par ltung ba'i las su 'gyur/ /las ni bya ba'i dbang por 'gyur/ /rmongs pa ye shes mi rtag pa'o/ /'dod dang khro dang nga rgyal 'joms/ /srid par 'ching ba'i bza' ba'o/ /'byung po 'byung la brtse ba dang / /kun nas sdig pa mi brtag go/ /mgon med sdug bsngal phongs pa la/ /nor bas 80-1-256a mnar med gyur pa bzhin/ /'jig rten 'dir ni rma 'bebs dang / /mtshang 'dru ba ni mchog tu gtso/ /theg pa che la legs bslabs pas/ /ngan 'gro'i dngos por yang ma yin/ /kun nas bza' dang legs bza' bas/ /yang dag dga' bas lus bsrung ngo / /rnying pa'i bza' ston ngan pa yis/ /nges par bdag nyid dga' bar bya/ /sngon gyi bslab sogs bslab pa dang / /sngon du thams cad bsdam pa nyid/ /brtul zhugs spyod pa mnyam gzhag pas/ /mnar med dmigs pa med pa'o/ /sngon gyi mtshan nyid mtshon pa yis/ /sngon du bslab sogs bslab par bya/ /brtul zhugs spyod pa mnyam gzhag pas/ /bslab pa gus pas bslab par bya/ /bud med 'jigs gzugs drag mo nyid/ /skra ni 'jings shing 'khyil pa dang / /ngur smrig dmar po 'jam pa nyid/ /phra mo'i rdul gyis 'jam pa bgo/ /mi yi rus pas byas pa yang / /bud med rgyan du rnam par brgyan/ /rnying pa'i tshom ber dmar po ni/ /mi yi pags pas g.yog par bya/ / snod chen po ni gnyis pa ru/ /bzung la dbang po lnga ni gzung / /steng du rdo rje'i dbyug pa ni/ /mi yi yan lag rus pas brgyan/ /ba dan dril bu phreng ba ni/ /dbyug pa lag pa g.yon pas gzung / /de ltar bsdus pa'i lus kyis ni/ /'bad pas brtul zhugs spyod par bya/ /'di ltar rdzas sogs dngos po ni/ /me bzhin 'bar bas reg mi bya/ /bza' dang btung ba la sogs gzhan/ /dang po bsdu bar yang mi bya/ /snying rjer phan pa'i sems kyis ni/ /kun nas dga' zhing bza' bar bya/ /thams cad gnod pa don med pas/ /dngos po kun nas yongs su sbang / /lus ni bsrungs pa tsam gyis ni/ /slong mo'i bza' ba bslang bar bya/ /stong pa'i khyim dang dur khrod dang / /bas mtha' dang ni dgon par gnas/ /mtshan mo 80-1-256b kun nas bgrod par ni/ /bzlas dang bsam gtan mchog tu brtson/ /'chag dang nyal dang 'dug pa'am/ /shel gyi rnam pa'i sems dang ni/ /rang bzhin yongs su dag pa nyid/ /bzlas dang bsam gtan 'ba' zhig go/ /de yis thams cad 'grub 'gyur bar/ /sangs rgyas kun gyis gsungs pa nyid/ /sdig spangs rnam par spyod pa yis/ /'khor ba ru ni mi gnas pa'o/ /thams cad dngos po dngos med par/ /rtag tu sems kyis blta ba nyid/ /bdag nyid sangs rgyas rgyu ru ni/ / de nas tshigs bcad gnyis ni brjod/ /sbyin pa chos kyis bsrung ba ni/ /tshigs bcad gcig gis gnang bar bya/ /e ma'o rmongs pa yi ni mthus/ /lus can kun nas dbang du byas/ /'dod sogs chos sogs mi bzad pas/ /mkhas pa yis ni yongs su spangs/ /dngos med dngos po yang ma yin/ /gzung dang 'dzin pa mi rtogs pas/ /srid pa'i dgon pa las rgal zhing / /dmigs pa med pa'i bde ba 'thob/ /gzhan gyis brtags pa'i longs spyod sogs/ /nyal dang 'chag par dus gsum du/ /rnal 'byor tshigs bcad gcig gis ni/ /rnal 'byor rmongs pa gcod byed pa'o/ /sems chen po yi sems kyi ni/ /rnying pa'i ras ni bsags pa yis/ /de yi gos su rab tu bgos/ /keng rus kyi ni yan lag kun/ / shin tu mjos pa'i dbyug pa bzung / /pa Ta ha yi chos kyis brdung / /rdo rje'i glu ni blang ba nyid/ /sems can sgrol ba'i rgyu ru ni/ /grong nas grong du kun tu rgyu/ /dmigs pa med pa'i rang bzhin gyis/ /brtul zhugs spyod pas mnyam par gzhag /dag pa'i sems ni mi dmigs pas/ /dga' ba yis ni bsrung bar bya/ /spyod pa yis ni rgyur gyur pas/ /rnal 'byor spyod pa don gyi rgyu/ /sdig pa thams cad rnam bsal zhing / /nyes pa kun nas rnam spangs la/ /brtul zhugs 80-1-257a zla drug spyad pa yi/ /rang 'dod ye shes 'grub par 'gyur/ /brtul zhugs kyi spyod pa rnam par bstan pa'i le'u zhes bya ba rdzogs so// //de nas thams cad snying po ni/ /de nyid kun gyi don bsdus pa/ /'khor ba'i brtan dang g.yo bcas pa'i/ /kun gyi snying por rab sbyor pa'o/ /dang por re zhig rnal 'byor pas/ /yid du 'ong ba'i sa phyogs su/ /bde ba'i stan la 'dug nas ni/ /sngon du bsnyen pa la sogs bya/ /rdo rje'am shes rab rnal 'byor gyis/ / 'bum phrag gsum du bzlas byas nas/ /phyis ni rang 'dod pa yi las/ /'grub par 'di la the tshom med/ /spra tshil las ni gzugs brnyan bya/ /tsha ba'i mar khus byugs byas la/ /snying gar ming ni bzhag pa dang / /tshigs dang tshigs su tsher mas dgang / /skyur bo tshwa dang ma ru tser/ /gzugs brnyan dang ni yang dag ldan/ /snod du bsres la yang dag gzhag /ye shes lus la lus kyi ni/ /rkang pa g.yas pas mnan par bya/ /rno ba'i sems kyis bzlas byas pas/ /mtshan mo gcig gi mtha' ru ni/ /'grub par 'di la the tshom med/ /smin pa'i me la gzhag byas na/ /rgyal po myur du gdung bar 'gyur/ /dkon mchog gsum la gnod pa la/ /las 'di yis ni sbyar bar bya/ /hrIHa mo g+ha si si da ha da ha gr-i h+Na hU~M hrIH phaT/ snga dro nyi ma shar dus la/ /me tog dkar po'i maN+Dal dang / /spos dang mar me'i cho ga yis/ /zhi ba'i las ni rnam par bya/ /chu dang 'o ma bsres pa'i snang / /der ni gtor ma sbyar nas ni/ /sngags ni brgya rtsa brgyad du bzlas/ /rgyal po nad dang bral bar 'gyur/ /oM a mr-i ta b+ha re de hU~M hU~M hU~M/ a a a/ thams cad las ni bsdus byas la/ /chu bo chen po'i rgyun la bskur/ /rims nad rab tu zhi bar byed pa zhes bya ba'i le'u rdzogs so// //de nas rab sbyor snying po 80-1-257b 'di/ /sngags bas rab tu rnam par spyad/ /yungs kar las ni gzugs brnyan bya/ /snying gar ming ni rnam par sbyar/ /rdo dang tsher ma lte bar ro/ /rkang pas mnan cing bzlas par bya/ /su tI k+Sha NA shU la hU~M dza phaT hrIH/ me la bsro zhing gdung ba dang / / lhag par bzlas shing gzhag par bya/ /'di ltar mtshon pa'i mtshan nyid kyis/ /mod la gzer bas yang 'dzin to/ /zhi ba'i mchod pa'i cho ga las/ /'o ma dang ni sbrang rtsis bkru/ /chu bo'i rgyun la bskur byas na/ /gzer zhing gzer ba'i nad dang bral/ /oM sarba ka ri hU~M dza swA hA/ gzer ba rab tu zhi bar byed pa'i sngags go/ /de nas thams cad snying po yis/ /gzhan gyi las kyi mtshan nyid ni/ /sngon du bsnyen sogs bsten byas pas/ /las kun 'grub par 'gyur ba'o/ /nag po'i mtha' dang tha ma la/ /ba skam gyi ni lci ba las/ /bsgrub bya yi ni ming dang gzugs/ /dmar po'i tsan+dan gyis ni bsku/ /bsgrub bya'i ming ni kun nas gzhag /seng ldeng phur bas mig 'bras la/ /g.yon pa'i rkang bas mnan nas ni/ /brgya rtsa brgyad du bzlas byas shing / /me la bdug cing bdugs pa yis/ /mig ni gzer bas 'dzin par 'gyur/ /oM tsak+Shu ma li ni hU~M phaT/ 'di yi sngags dang sngags kyis ni/ /'grub par 'di la the tshom med/ /zhi ba'i mchod pas mchod byas nas/ /oM badzra tIk+Sha NA ya hU~M swA hA/ lan bdun mngon par bsngags byas nas/ /de yi 'o rgyun la bkrus nas/ /bsgrub bya'i nad dang gnod pa sel/ /mig 'bras rno zhing gsal bar 'gyur/ /mig nad rab tu zhi bar byed pa zhes bya ba'i cho ga'o/ /lhad tsher las ni bsgrub par bya/ /mkhas pas khrag gis bri pa'o/ /dug dang dur khrod sol ba yis/ /mig gi 'bras bu byugs byas la/ /rkang pa g.yon pas mnan nas ni/ /brgya rtsa brgyad du bzlas pa'o/ /o~M kr-iSh+NA ping+ga li hU~M kha~M phaT/ 'di yi sngags dang 80-1-258a yongs su spyod par gyur cig /lus la lha'i lus kyi kha dog gis brgyan par gyur cig ces btab bo/ /de'i smon lam chen po bzhi pa ni/ gang gi tshe bdag ma 'ongs pa'i dus na/ bla na med pa yang dag par rdzogs pa'i byang chub mngon par rdzogs par sangs rgyas pa de na/ sems can gang dag gnod sbyin dang / srin po dang / 'byung bo dang / sha za rnams kyis gtses shing mdangs phrogs te nad kyi sdug bsngal sna tshogs myong ba de dag gis bdag gi ming thos nas bdag gi mthus bla na med pa yang dag par rdzogs pa'i byang chub mngon par rdzogs par sangs rgyas kyi bar du gnod sbyin dang / srin po dang / 'byung bo dang / sha zas mdangs 'phrog pa thams cad rab tu zhi bar gyur cig /byams pa la gnas par gyur cig /nad kyi sdug bsngal sna tshogs las yongs su thaRa bar gyur cig ces btab ste/ 'jal dpal bcom ldan 'das des smon lam chen po bzhi po de dag btab bo/ /'jam dpal gang dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mya ngan med mchog dpal de'i mtshan thos te nyin lan gsum mtshan lan gsum brjod pa dang / sems can thams cad la byams par gnas par bya ste/ de bzhin gshegs pa de la yang mchod par byed pa de dag gi las kyi sgrub pa thams cad yongs su byang bar 'gyur/ mya ngan dang / sdug bsngal dang / yid mi bde ba dang / 'khrug pa thams cad las yongs su thar par 'gyur/ rtag tu nad med pa dang ldan par 'gyur/ yun ring du 'tsho zhing nad thams cad las yongs su thar bar 'gyur/ byang chub kyi mthar thug gi bar du ngan 'gro log par lhung par 'gro bar mi 'gyur/ skye ba dran par 'gyur/ de bzhin gshegs pa de'i sangs rgyas kyi zhing du rin po che sna bdun kyi pad+ma'i snying po'i seng ge'i khri la rdzis te skye bar 'gyur/ lha thams cad kyis rjes su bsrung bar 'gyur te/ 'jam dpal bcom ldan 'das de'i mtshan thos pa ni de ltar yon tan mang po dag dang ldan no/ /'jam dpal bcom ldan 80-1-258b 'das de'i sangs rgyas kyi zhing gi yon tan bkod pa phun sum tshogs pa dang / byang chub sems dpa'i sngon gyi smon lam gyi khyad par rgyas pa gang yin pa de ni/ de bzhin gshegs pa dgra bcom pa yang dag par rdzogs pa'i sangs rgyas [\[]byang chub ma [\]]gtogs par/ nyan thos dang / rang sangs rgyas thams cad kyis brjod par mi nus so/ /'jam dpal shar phyogs sogs su sangs rgyas kyi zhing gang gA'i klung brgyad kyi bye ma snyed 'das pa na/ 'jig rten gyi khams chos kyi rgyal mtshan na/ de bzhin gshegs pa dgra bcom pa yang dag par rdzogs pa'i sangs rgyas chos bsgrags rgya mtsho'i dbyangs zhes bya ba bzhugs te 'tsho zhing gzhes la chos kyang ston pa yod do/ /'jam dpal bcon ldan 'das de bzhin gshegs pa dgra bcom pa yang dag par rdzogs pa'i sangs rgyas chos bsgrags rgya mtsho'i dbyangs de'i sangs rgyas kyi zhing de ni shin tu yongs su dag pa/ mnyam pa/ dri ma med pa/ 'od gsal ba/ an+da rnyil kyi rang bzhin can/ rtsig dang / ra ba dang / skar khung dang / rta babs dang / dra ba dang / ba gam ni shel las grub pa/ sa gzhi lha'i rin po che'i shing ljon pas mdzes par byas pa gser gyi skud pa la mig mangs ris su bris pa/ rin po che'i shing ljon pa thams cad la yang dril bu ga ser ka'i dra bas shing dpyags pa/ lha'i dar gyi lda ldi dang / lha'i me tog dang / spos kyis mdzes par byas pa/ rin po che sna bdun gyi rdzing lha'i spos chus yongs su gang ba/ dril bu ga ser ka'i dra ba de dag kyang rlung gis bskyod cing bskul ba na/ lha'i sgra dbyangs yid du 'ong ba sems can thams cad yang dag par dga' bar byed pa/ dngos po med pa'i ngo bo nyid kyi chos kyi sgra skad 'byung ba/ lha'i sil snyan dang / rol mo'i sgra rnams las theg pa chen po'i chos kyi sgra skad 'byung ba dang / sems can gang dag gis chos kyi sgra de thos pa de dag 'dod chags dang / zhe sdang dang / gti mug dang bral par 'gyur ba/ byang chung kyi sems mi brjed pa zhes bya ba ting nge 'dzin thob par 'gyur ba'o/ /'jam dpal 'jig rten 80-1-259a bcom nas su/ /rnam par shes pa lhan cig 'bar/ /ye shes snang ba sogs thob 'gyur/ /sems dang sems byung sems pa yis/ /rnam par blta zhing rab tu spyad/ /'jigs pa med cing 'tshe med par/ /dngos pos dngos po bsgom par bya/ /thams cad kun tu snang byed cing / /thams cad 'od zer kun bsdus pa/ /snying po'i sa bon sa bon ni/ /dkar dang kun+da zla ba'i mdog /A li kA li rab sbyar bas/ /phyung ba yi ni sa bon mchog /sbyor ba 'grub pa'i rgyu ru ni/ / mnyam nyid rnal 'byor pa yis bsgom/ /sa bon nam mkhar spros pa yis/ /'jig rten gsum po snang bar byas/ /ma lus sprin ltar spro ba nyid/ /skad cig gis ni spro zhing bsdu/ /phyis ni rang 'dod dmigs med cing / /yi ge med pas yang bsam mo/ / gzugs ni stong par brtags pa yi/ /mnyam nyid sems dang sems kyis ni/ /ma lus rnam par bltas pa yis/ /khams gsum snang bar byed pa'o/ /de ltar sems kyis bsams pa yis/ /byang chub rim pa mthong bar 'gyur/ /skad cig gzugs dang gzugs nyid dang / /skad cig phung po'i rnam pa dang / /skad cig thams cad dbyibs rnams ni/ /de phyir mi rtag pa yi gnas/ /legs byas nyes byas ming can ni/ /nyes pas smad par mi bya'o/ /gzugs dang stong pa la sogs dbus/ /sems dang sems byung rnam par mtshon/ /dngos po'i lhag ma dngos med pas/ /de yi lhag ma gzugs med pa'o/ /ye shes ri mo 'bar ba yi/ /'od zer mnyam par gnas pa nyid/ /de yi mtshan nyid mtshon pa nyid/ /rnal 'byor pa yis rab tu spyad/ /rtag tu zhi zhing mchog gi las/ /yang dag byang chub rtag pa'o/ /yid du 'ong ba'i sa phyogs su/ /bde ba'i stan la 'dug nas ni/ /sngon du bsnyen pa rab brtsams nas/ /las dang don kun rab grub pa'o/ /ri rab rtse mor kun bsams pa/ /rang 'dod rgyal 80-1-259b chen gzhal yas khang / /sna tshogs rin chen rang bzhin mchog /dril bu dra bas mngon par brgyan/ /gdugs dkar po dang ba dan dang / /sna tshogs mchod pas mngon par brgyan/ /rdo rje sems dpa'i bdag nyid ni/ /dkar dang kun+da zla ba'i 'od/ /de ni rgyan kun gyis brgyan cing / /sangs rgyas lnga yis mngon par chas/ /rab tu mdzes pa'i gos mnabs shing / /phyag gnyis na ni rdo rje dril/ /'od zer 'phro ba rnam mang po/ /kun nas rdo rje'i 'od zer 'phro/ /khams gsum po yi rnam pa ni/ /sems dang sems kyis bsgom pa'o/ /snying gar dkyil 'khor dbus gnas par/ /dmar po'i hU~M ni rab 'bar ba/ /spyi bor thig le me ri'o/ /ba spu'i bu ga nas 'phro ba'o/ /shar du rdo rje gzhag pa dang / /lho ru mda' ni rnam par dgod/ /nub tu ral gri mtshon pa dang / /byang du gzhu ni yang dag ldan/ /rdo rje'i zhags pa las sogs bzhi/ /mtshams dang mtshams su gzhag par bya/ /'di ltar mtshan nyid mngon ldan pas/ /shin tu mnyam par gzhag pas bsgom/ /A li'i sa bon gtso mo ni/ /de nyid ldan pas yang sngags bzlas/ /phyag 'tshal bsreg pas mthar bzhag pa/ /'bum phrag gsum du rab bsnyen pas/ /rdo rje'i lus dang lus nyid du/ /rdo rje sems dpa' dang mnyam 'gyur/ /sbas pa'i snying po snying po dang / /rdo rje chos dang chos mchog go / rdo rje sems ni rjes mchod pa'i/ /hU~M gi glu yi rnam pas bya/ /bkra shis sgra ni snyan pa yis/ /mnyam par gzhag pas blang par bya/ /tri b+hu ba na dzA li ta mU rti a nu ra ya na wa ti/ rasmi sa ha sra tIk+Sha NA d+ha sa su pa ra sra wa ti/ ba hU bi da ru ba pe sha a nu ra ya na ta ta ta wa ti/ na ta i badzra sa bar be sa ra liM la wa ti swA hA/ gdan bzhi'i rgyud ni rgya chen las/ /stong phrag bcu gnyis mdor bsdus pa/ /de yi dngos po mdor bsdus las/ /snying po mdor ni bsdus pa'o/ /sdeb sbyor sgra dang rtog sogs med/ /don dang 80-1-260a don ni yang dag bsdus/ /rnal 'byor sbyor ba'i don ni sbas ba nyid/ /brda yi skad kyis bshad pa'o/ /gdan bzhi pa las yang dag par btus bsngags kyi cha'i rgyud bshad pa sbyor ba'i dkyil 'khor zhes bya ba rdzogs so// // bshad pa'i rgyu man+dA ang pa zhes bya ba le'u bdun pa/ rgya gar gyi mkhan po ga ya d+har dang / zhu chen gyi lo ts+tsha ba 'gos khug pa lhas btsas kyis bsgyur cing zhus te gtan la phab pa// // |