D111

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>D111</h1><td>(<a href="https://adarsha.dharma-treasure.org/kdbs/degekangyur" target="new2">e-text produced by ADARSHA</a>)<br><br><a href="verif2.php?id=D111&coll=derge">see text in Tibetan script</a></table>50-1-56a<br><font size=+1>

@##/ /rgya gar skad du/ Ar+ya ma hA ka ru NA pu Na Da rI ka nA ma ma hA yA na sU tra/ bod skad du/ 'phags pa snying rje chen po'i pad ma dkar po zhes bya ba theg pa chen po'i mdo/bam po dang po/ sangs rgyas dang byang chub sems dpa' thams cad la phyag 'tshal lo/ /
'di skad bdag gis thos pa dus gcig na/ bcom ldan 'das ku sha'i grong khyer na gyad rnams nye bar gnas pa shing sA la'i tshal na bzhugs so/ /de nas bcom ldan 'das yongs su mya ngan las 'da' ba'i dus kyi tshe tshe dang ldan pa kun dga' bo la bka' stsal pa/ kun 
dga' bo de bzhin gshegs pa do mod kyi nam gyi thun tha ma la yongs su mya ngan las 'da' bas/ khyod kyis shing sA la zung gi bar du de bzhin gshegs pa seng ge ltar glo g.yas pas mnal ba'i gzims mal chos shig /kun dga' bo 'dus byas su brtags pa thams cad 
legs par bcom pa'i shin tu yongs su mya ngan las 'da' bas nga yongs su mya ngan las 'da'o/ /kun dga' bo ngas sangs rgyas kyi bya ba ni byas/ ngas gnas med pa'i chos zhi ba rab tu zhi ba mchog gya nom pa zab pa/ mthong bar dka' ba/ khong du chud par dka' ba/ brtag 
mi nus pa ma brtags pa/ rtog ge'i spyod yul ma yin pa/ mkhas pa dang mdzangs pas rig pa/ phul du phyin par 'phags pa'i bdud rtsi ni bstan/ kun dga' bo ngas chos kyi 'khor lo bla na med pa dge sbyong ngam bram ze'am/ bdud dam/ lha'am/ tshangs pa 
'am/ gzhan gang gis kyang chos dang 'thun par 'jig rten du ma bskor ba lan gsum du bzlas te rnam pa bcu gnyis su bskor ba ni bskor/ ngas chos kyi rnga bo che ni brdungs/ ngas chos kyi dung chen po ni bus/ ngas chos kyi rgyal mtshan chen po ni bsgrengs/ ngas 
chos kyi mar me chen po ni bus/ ngas mun pa chen po ni bsal/ ngas stong gsum ni snang bar byas/ ngas gru chen po ni bcas/ ngas stegs chen po ni btsugs/ ngas zam pa chen po ni btags/ ngas pha rol tu 'dong ba mang po ni bton/ ngas thar pa'i lam ni yang 

</font><hr>50-1-56b<br><font size=+1>

dag par bstan/ ngas chos kyi char chen po ni phab/ ngas lha dang mi rnams ni tshim par byas/ ngas gdul ba rnams ni btul/ ngas phas kyi rgol ba thams cad ni skrag par byas/ ngas mu stegs kyi gnas thams cad ni tshar bcad/ ngas bdud kyi stobs ni bcom/ ngas 
bdud kyi gnas ni g.yo bar byas/ ngas seng ge'i sgra ni bsgrags/ ngas sangs rgyas kyi bya ba ni byas/ ngas skyes bu dam pa'i las ni mthar phyung / ngas sngon gyi yi dam ni yongs su rdzogs par byas/ ngas chos kyi tshul ni byin gyis brlabs/ ngas nyan thos chen po 
rnams las byed du ni btsud/ ma 'ongs pa'i sangs rgyas kyi tshul rgyun mi 'chad par bya ba'i phyir ngas byang chub sems dpa' sems dpa' chen po rnams lung ni bstan zin te/ kun dga' bo mya ngan las 'da' ba ma gtogs par phyis bya ba nga la med do/ /de nas tshe dang ldan pa 
kun dga' bo bcom ldan 'das kyi gsung rnam pa de lta bu de thos nas sdug bsngal zhing yid mi bde ste mi dga' zhing mya ngan chen po'i zug rngus zug par gyur nas rab tu ngus te mchi ma zag bzhin du bcom ldan 'das la 'di skad ces gsol to/ /bcom ldan 'das rab tu myur 
bar mya ngan las 'da' zhing bde bar gshegs pa rab tu myur bar mya ngan las 'da' ste/ 'jig rten gyi mig rab tu myur bar mi snang bar 'gyur/ rab tu myur bar 'jig rten mgon ma mchis pa dang skyabs ma mchis pa dang / yongs su 'dren pa ma mchis par 'gyur ro/ /
de nas yang bcom ldan 'das kyis tshe dang ldan pa kun dga' bo la bka' stsal pa/ kun dga' bo chog gis mya ngan ma byed cig /smre sngags ma 'don cig /gang gnas pa dang byung ba dang 'dus byas pa dang bsags pa ni rab tu 'jig pa'i chos can yin pas mi 'jig par 
ga la 'gyur te de ni gnas med do/ /kun dga' bo ngas thog ma nyid du khyed la dga' ba dang sdug pa dang yid du 'ong ba rnams dang tha dad du 'gyur zhing 'gyes par 'gyur bral bar 'gyur bye bar 'gyur ro zhes ma bstan tam/ kun dga' bo khyod kyis nga la byams pa'i lus kyi las 

</font><hr>50-1-57a<br><font size=+1>

phan pa dang bde ba dang gnyis su med pa dang tshad med pa dang / mi 'thun pa med pas bsnyen bkur byas so/ /kun dga' bo gang lha dang mi dang lha ma yin gyi 'khor du bcas pa dang / nyan thos dang rang sangs rgyas su bcas pa la bskal pa'am bskal pa las 
lhag par bsnyen bkur byas bas gang de bzhin gshegs pa la yud tsam zhig bsnyen bkur byas pa de de bas 'bras bu shin tu ches kun dga' bo khyod mya ngan ma byed cig /smre sngags ma 'don cig /kun dga' bo khyod kyis de bzhin gshegs pa la bsnyen bkur byas pa ni 
don che ba dang 'bras bu che ba dang phan yon che ba dang rgya che ba dang bdud rtsi dang 'dra ba dang / bdud rtsi la 'bab pa dang / bdud rtsi'i mthar 'gyur ba nas mya ngan las 'da' ba'i bar du 'gyur ro/ /de nas tshe dang ldan pa kun dga' bos mchi ma phyis nas smre sngags 'don cing shing sA la 
zung gi bar du de bzhin gshegs pa seng ge ltar glo g.yas pas mnal ba'i gzims mal bcas so/ /de nas bcom ldan 'das shing sA la zung ga la ba der gshegs nas shing sA la zung gi bar du seng ge ltar glo g.yas pas mnal lo/ /gang gi tshe de bzhin gshegs pa shing 
sA la zung gi bar du seng ge ltar glo g.yas pas mnal bar gyur pa de'i tshe stong gsum gyi stong chen po'i 'jig rten gyi khams na shing dang rtswa dang shing gel pa dang sman dang nags tshal tha na sor bzhi tsam po yan cad ji snyed yod pa de dag thams cad gang du de bzhin gshegs pa mya ngan 
las 'da' ba de logs su gzhol 'dud/rab tu 'dud cing mngon par 'dud par gyur to/ /stong gsum gyi stong chen po'i 'jig rten gyi khams na klung ngam 'bab chu'am chu mig gam mtsho'am lteng ka'am khron pa'am rdzing ngam/ pad ma dkar po 'bab pa ji snyed yod pa 
de dag thams cad sangs rgyas kyi mthus byin gyis brlabs pas mi 'bab par gyur to/ /stong gsum gyi stong chen po'i 'jig rten gyi khams na bya mang po dang / ri dgas mang po sna tshogs ji snyed yod pa de dag thams cad kyang sangs rgyas kyi mthus sgra mi 'byin par 'khod 

</font><hr>50-1-57b<br><font size=+1>

cing mi za mi rgyu bar gyur to/ /stong gsum gyi stong chen po'i 'jig rten gyi khams na nyi ma dang zla ba'i 'od dam/ skar ma'i gzugs sam/ nor bu'am me 'am srin bu me khyer gyi 'od ji snyed yod pa de dag thams cad kyang sangs rgyas kyi mthus mi mngon mi snang ste/ lham mer ma 
yin/ lhan ner ma yin/ lhang nger ma yin par gyur to/ /stong gsum gyi stong chen po'i 'jig rten gyi khams na sems can dmyal ba chen po'i me ji snyed yod pa de dag thams cad kyang sangs rgyas kyi mthus zhi bar gyur/ mi 'bar bar gyur/ mi tsha bar gyur/ mi tshig par 
gyur/ yongs su mi gdung bar gyur to/ /stong gsum gyi stong chen po'i 'jig rten gyi khams na gang sems can dmyal ba chen po'i me de dag thams cad kyang nye bar zhi zhing bsil bar gyur to/ /de nas sems can dmyal ba'i sems can de dag thams cad skad cig de dang 
yud tsam de'i tshe sangs rgyas kyi mthus bde ba thob par gyur to/ /dud 'gro'i skye gnas pa'i sems can thams cad kyang byams pa'i sems dang phan pa'i sems dang ldan par gyur te/ gcig la gcig gnod sems med/ rnam par 'tshe ba med/ rnam par tho btsam 
pa med cing gnod pa byed pa med par gyur to/ /gshin rje'i 'jig rten pa'i sems can thams cad kyang bkres pa dang / skom pa med par gyur to/ /sems can thams cad kyang skad cig de dang yud tsam de'i tshe sangs rgyas kyi mthus bde ba dang lus dang sems tshim pa dang / 
sdug bsngal rgyun chad pa dang / bde ba dang yid bde ba mchog dang ldan par gyur to/ /de bzhin gshegs pa seng ge ltar glo g.yas pas mnal ma thag tu stong gsum gyi stong chen po'i 'jig rten gyi khams na ri'i rgyal po ri rab dang / 'khor yug dang 'khor yug chen po 
dang / btang bzung dang btang bzung chen po dang / spos kyi ngad ldang dang / gangs ri ji snyed yod pa dang / gzhan yang ri nag po rnams dang / thams cad dang ldan pa'i sa chen po dang / rgya mtsho chen po khor yug gi 'obs kyi mthas gtugs pa rnam pa drug tu g.yos te/

</font><hr>50-1-58a<br><font size=+1>

'gul rab tu 'gul/ 'khrugs rab tu 'khrugs/ ldeg rab tu ldeg par gyur to/ /thams cad dang ldan pa'i rlung gi dkyil 'khor yang de'i tshe mi ldang bar gyur to/ /de'i tshe skad cig de dang yud tsam de na sems can thams cad kyang las byed pa rnams btang 
bar gyur te gnyid med/ chod pa med sgrib pa med rtsom pa med cing mi 'dzer bar gyur te sgra chung ca co chung zhing yid mi g.yeng bar gyur to/ /bcom ldan 'das seng ge ltar glo g.yas pas mnal ma thag tu stong gsum gyi stong chen po'i 'jig rten gyi khams 'di na lha dang / klu dang / 
gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten skyong ba ji snyed 'khod pa de dag thams cad kyis rang rang gi gnas rnams mog mog por gyur te 'od med gzi brjid 
med par gyur par shes so/ /de bzhin gshegs pa seng ge ltar glo g.yas pas mnal ma thag tu stong gsum gyi stong chen po'i 'jig rten gyi khams 'di na lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye 
chen po dang / brgya byin dang / tshangs pa dang / 'jig rten skyong ba ji snyed 'khod pa de dag thams cad rang rang gi stan dang skyed mos tshal dang gzhal med khang rnams la mi dga' bar gyur to/ /sangs rgyas kyi mthus de dag thams cad 'khor dang bcas par skyo zhing yid byung bar gyur to/ /stong gsum 
gyi stong chen po'i 'jig rten gyi khams 'di na tshangs pa dang tshangs pa chen po gang dag zil gyis gnon cing zil gyis mi non pa brgya phrag bcu la dbang sgyur ba 'di snyam du sems shing bdag cag gis sems can 'di dag byas/ bdag cag gis sems can 'di dag sprul/ bdag 
cag gis 'jig rten byas/ bdag cag gis 'jig rten sprul to snyam du de ltar shes pa'i tshangs pa dang tshangs pa chen po stong gsum gyi stong chen po'i 'jig rten gyi khams na 'khod pa de dag kyang rang rang gi stan la mngon par mi dga' bar gyur to/ /rang rang gi gnas thams 

</font><hr>50-1-58b<br><font size=+1>

cad dang ldan pa yang sangs rgyas kyi mthus mog mog por gyur par shes so/ /de bzhin du tshangs pa gzhan thams cad kyang sangs rgyas kyi mthus rang rang gi gnas rnams mog mog por gyur par shes te rang rang gi gnas rnams la mi dga' bar gyur to/ /'jig rten skyong ba dang 
dbang phyug chen po dang gnas gtsang ma pa rnams kyang rang rang gi gnas rnams la mi dga' bar gyur to/ /de nas stong gsum gyi stong chen po'i tshangs pa chen po de 'di snyam du gang gis bdag rang gi gnas la mi dga' bar gyur pa de su'i snga ltas yin snyam du sems so/ /de nas stong 
gsum gyi stong chen po'i tshangs pa des stong gsum gyi stong chen po'i 'jig rten gyi khams thams cad dang ldan pa la bltas so/ /des stong gsum gyi stong chen po'i 'jig rten gyi khams de la bltas nas 'di snyam du gang stong gsum gyi stong chen po'i 'jig rten gyi khams 'di'i byed pa 
po dbang phyug bdag po dbang sgyur ba/ de bzhin gshegs pa dgra bcom pa yang dag par rdzogs pa'i sangs rgyas de do mod mya ngan las 'da' bar 'gyur te/ gang gis bdag rang gi stan la 'dug par mi dga' ba dang / gang gis cho 'phrul bsam gyis mi khyab pa rmad du byung ba 
'di lta bu dag snang bar gyur pa 'di ni de yongs su mya ngan las 'da' ba'i snga ltas yin 'di ni de'i mthu yin no snyam du sems te/ de mi dga' zhing yid dung zhes byed de spu zing zhes byed par gyur nas tshangs pa'i 'khor mang pos yongs su bskor cing mdun du bdar te myur ba myur bar rings 
par bcom ldan 'das ga la ba der song ngo / /de'i tshe stong gsum gyi stong chen po na tshangs pa lhag ma lus par gyur pa dang / ma 'dus pa dang / tshangs pa de las gzhan pa ji snyed yod pa de dag 'phags pa'i chos la mngon par dul bar gyur/ 'phags pa'i chos la gnas 
par gyur to/ /de nas stong gsum gyi stong chen po'i tshangs pa de bcom ldan 'das ga la ba der song ste/ bcom ldan 'das kyi zhabs la mgo bos phyag 'tshal nas bcom ldan 'das la 'di skad ces gsol to/ /bcom ldan 'das ji ltar gnas par bgyi ba dang ji ltar 

</font><hr>50-1-59a<br><font size=+1>

bsgrub par bgyi ba bdag la bka' stsal du gsol/ de skad ces gsol pa dang / bcom ldan 'das kyis tshangs pa chen po la 'di skad ces bka' stsal to/ /tshangs pa khyod nga ni tshangs pa/ tshangs pa chen po zil gyis gnon cing zil gyis mi non pa kun 
shes pa dang ldan pa brgya phrag bcu la dbang bsgyur ba yin te/ bdag gis sems can rnams byas/ bdag gis sems can rnams sprul/ bdag gis 'jig rten byas/ bdag gis 'jig rten sprul to zhes de snyam du sems shing de skad zer zhe na bden nam/ gsol 
pa bcom ldan 'das mad do/ /bde bar gshegs pa mad do/ /bka' stsal pa/ tshangs pa khyod sus byas/ sus sprul/ de nas tshangs pa chen po cang mi smra bar gyur to/ /tshangs pa chen po de cang mi smra bar gyur pa dang / bcom ldan 'das kyis 'di skad ces 
bka' stsal to/ /tshangs pa gang gi tshe bskal pas bsregs pa de'i tshe stong gsum gyi stong chen po'i 'jig rten gyi khams 'di 'bar rab tu 'bar/ kun tu 'bar/ kun tu rab tu mched cing 'bar te me lce gcig tu gyur par 'gyur ba'i dus de dang tshe de 'byung ba de tshangs pa 
khyod nyid kyis byas sam/ khyod kyis sprul tam/ gsol pa/ bcom ldan 'das ma lags so/ /bka' stsal pa/ tshangs pa gang sa chen po 'di ni chu'i phung po la brten/ chu yang rlung la brten/ rlung yang nam mkha' la brten te 'phang du dpag tshad drug khri brgyad 
stong yod cing mi 'jig pa de la ji snyam du sems/ 'di khyod kyis byas shing khyod kyis sprul tam/ gsol pa/ bcom ldan 'das ma lags so/ /bde bar gshegs pa ma lags so/ /bka' stsal pa/ tshangs pa gang nyi ma dang zla ba'i gzhal med khang na lha'i 
bu dag lam me ma yin/ lhan ne ma yin zhing gzhal med khang rnams stong par 'khod pa'i dus de dang tshe de 'byung ba de la ji snyam du sems/ tshangs pa de dag khyod kyis byas shing khyod kyis sprul pa dang khyod kyis byin gyis brlabs pa yin nam/ gsol pa bcom ldan 'das 

</font><hr>50-1-59b<br><font size=+1>

ma lags so/ /bka' stsal pa/ gang sos ka dang / dbyar dang / ston dang / dgun dang / dgun smad dang / dpyid kyi dus tshigs de dag la khyod ji snyam du sems/ de dag kyang tshangs pa khyod kyis byas shing khyod kyis sprul pa dang khyod kyis byin gyis brlabs pa yin 
nam/ gsol pa bcom ldan 'das ma lags so/ /bka' stsal pa/ tshangs pa gang chu'am/ me long gi dkyil 'khor ram/ 'bru mar dang mar gyi snod dam/ nor bu dang shel rnams kyi nang ngam/ de las gzhan pa'i snod dag pa rnams la gzugs brnyan rnam pa sna 
tshogs snang ba 'di lta ste shing ljon pa dang nags tshal dang kun dga' ra ba dang skyed mos tshal dang gzhal med khang snang ba'am/ grong dang grong khyer dang grong rdal snang ba'am/ glang po che dang / rta dang / rnga mo dang / ba lang dang / bong bu dang / lug dang / ri dgas dang / 
bya rnams snang ba'am/ zla ba dang nyi ma dang skar ma'i tshogs rnams snang ba'am/ nyan thos dang rang sangs rgyas dang byang chub sems dpa' dang de bzhin gshegs pa'i sku snang ba'am/ sa dang ri dang klung snang ba'am/brgya byin dang tshangs pa dang 'jig rten skyong ba dang de 
las gzhan pa'i sems can mi dang mi ma yin pa snang ba de dag tshangs pa khyod kyis byas shing khyod kyis sprul pa dang / khyod kyis byin gyis brlabs pa yin nam gsol pa bcom ldan 'das ma lags so/ /bka' stsal pa/ tshangs pa g.yang sa dang ri dang ri'i 'bab chu dang 
rdzing rnams na dung dang rnga bo che dang rdza rnga dang glu gar dang ri dgas dang bya dang mi dang / mi ma yin pa rnams kyi sgra'i brag ca dang / gang de dang 'thun pa'i sgra brnyan 'byung ba de dag kyang tshangs pa khyod kyis byas shing khyod kyis sprul pa dang / khyod kyis byin gyis brlabs pa yin nam/ 
gsol pa/ bcom ldan 'das ma lags so/ /bka' stsal pa/ tshangs pa gang sems can rnams kyi rmi lam na gzugs sna tshogs mthong ba dang / sgra sna tshogs thos pa dang / dri sna tshogs snom pa dang / ro sna tshogs myong ba dang / reg bya sna tshogs reg pa dang /

</font><hr>50-1-60a<br><font size=+1>

chos sna tshogs shes pa dang / dga' ba dang rtse ba sna tshogs myong ba dang / mchi ma byung ba dang ngu ba dang 'jigs pa dang skrag pa dang / sdug bsngal ba mthong ba'am/ myong ba'am shes pa de dag tshangs pa khyod kyis byas shing khyod kyis sprul pa dang khyod kyis byin 
gyis brlabs pa yin nam/ gsol pa/ bcom ldan 'das ma lags so/ /bka' stsal pa/ tshangs pa gang sems can rnams kyi 'jigs pa dang / mi dga' ba dang mya ngan dang / smre sngags 'don pa dang / grang ba dang / tsha ba dang / bkres pa dang / skom pa de dag 
tshangs pa khyod kyis byas shing khyod kyis sprul pa dang khyod kyis byin gyis brlabs pa yin nam/ gsol pa/ bcom ldan 'das ma lags so/ /bka' stsal pa/ tshangs pa gang rigs bzhi'i 'jig rten gyi mdzes pa'am mi sdug pa'am/ longs spyod che ba'am longs spyod chung ba 
'am/ dbul ba'am/ bsod nams che ba'am/ tshul khrims bzang ba'am/ tshul khrims 'chal pa'am/ shes rab bzang ba'am/ shes rab 'chal pa de dag kyang tshangs pa khyod kyis byas shing khyod kyis sprul pa dang / khyod kyis byin gyis brlabs pa yin nam/ 
gsol pa/ bcom ldan 'das ma lags so/ /bka' stsal pa/ tshangs pa gang sems can rnams kyis 'jigs pa'am/ skrag pa'am/ gnod pa'am/ rnam par 'tshe ba'am/ rnam par tho 'tshams pa 'di lta ste/ mtshon cha dang me dang chu dang rlung dmar dang dug dang 
gcan gzan khro bo dang dgra dang mi dang / mi ma yin pa'i 'jigs pa'am/ gzhan gnod pa byed pa'i 'jigs pa sna tshogs de dag kyang tshangs pa khyod kyis byas shing khyod kyis sprul pa dang / khyod kyis byin gyis brlabs pa yin nam/ gsol pa/ bcom ldan 'das 
ma lags so/ /bka' stsal pa/ tshangs pa sems can rnams kyi nad rnam pa sna tshogs dang / rlung dang / mkhris pa dang / bad kan dang / 'dus pa dang / dus dang / khams mi 'thun pa las gyur pa'am/ gzhan gyis gnod par byas pa dang / sngon gyi las 

</font><hr>50-1-60b<br><font size=+1>

kyi sgrib pa las gyur pa 'di lta ste/ mig dang / rna ba dang / sna dang / lce dang / lus na ba dang / sems can rnams kyi yid la gdung ba'i sdug bsngal sna tshogs de dag khyod kyis byas shing khyod kyis sprul pa dang / khyod kyis byin gyis brlabs pa yin nam/ gsol pa/
bcom ldan 'das ma lags so/ /bka' stsal pa/ tshangs pa gang mu ge dang / chu dang / 'brog dang / sbrul dang / chom rkun dang / dgon pa dang / mtshon cha dang / nad dang / bar gyi bskal pa de dag tshangs pa khyod kyis byas shing khyod kyis sprul pa dang / khyod kyis byin 
gyis brlabs pa yin nam/ gsol pa/ bcom ldan 'das ma lags so/ /bka' stsal pa/ tshangs pa gang sems can rnams kyi 'bral ba'i sdug bsngal rnam pa sna tshogs pha ma dang / spun dang / sring mo dang / grogs dang / nye du dang / snag gi gnyen mtshams dang / 
bu pho dang / chung ma dang / bu mo dag dang bral ba'i sdug bsngal de dag khyod kyis byas shing khyod kyis sprul pa dang khyod kyis byin gyis brlabs pa yin nam/ gsol pa/ bcom ldan 'das ma lags so/ /bka' stsal pa/ gang sems can rnams kyi sdug bsngal sna tshogs 
yang ba'i las la sbyor ba/ skra dang phabs dang rgya skyegs dang 'khor lo 'tshong pa'am/ rgya mtsho chen por 'gro ba dang / 'brog dgon par 'jug pa'am/ phyogs sna tshogs su skyas 'degs pa'am/ zhing gi las rgya cher byed pa'am/ de las gzhan pa'i bya ba sna tshogs 
de dag kyang tshangs pa khyod kyis byas shing khyod kyis sprul pa dang khyod kyis byin gyis brlabs pa yin nam/ gsol pa/ bcom ldan 'das ma lags so/ /bka' stsal pa/ tshangs pa gang sems can rnams kyi dge ba dang mi dge ba'i las rnam pa sna tshogs yang dag par 
len pa/ sems can dmyal ba dang dud 'gro'i skye gnas dang gshin rje'i 'jig rten dang / lha dang mi'i rgyu las byung ba rnams dang / gang sems can rnams kyi lus dang ngag dang yid kyis nyes par spyad pa dang / legs par spyad pa rnams sam/ gang 'jig rten na mi 

</font><hr>50-1-61a<br><font size=+1>

dge ba bcu'i las kyi lam sems can rnams la mi phan pa dang / sdug bsngal ba dang gnod pa dang / ngan song ngan 'gro log par ltung bar 'gyur ba 'di lta ste/ srog gcod pa dang / ma byin par len pa dang / 'dod pa la log par g.yem pa dang / 
brdzun du smra ba dang phra ma dang ngag rtsub po dang tshig kyal pa dang brnab sems dang gnod sems dang / log par lta ba de rnams kyang tshangs pa khyod kyis byas shing khyod kyis sprul pa dang khyod kyis byin gyis brlabs pa yin nam/ gsol pa/ bcom ldan 'das ma lags 
so/ /bka' stsal pa/ tshangs pa gang sems can rnams kyi gnod byed kyi sdug bsngal 'di lta ste/ mgo gcad pa dang lag pa dang rkang pa dang rna ba dang sna gcad pa'am/ yan lag dang nying lag thams cad gcad pa'am/ mer bsregs pa dang / 'bru mar 
gyis gtor ba dang / srog dang dbral ba dang ral gri dang mdung thung dang / mtshon rtse gnyis pas gdab pa dang / gsad pa dang bcing ba dang go rar gzhug pa dang 'thab pa dang rtsod pa dang 'gyed pa de dag kyang tshangs pa khyod kyis byas shing khyod kyis sprul pa dang khyod kyis 
byin gyis brlabs pa yin nam/ gsol pa/ bcom ldan 'das ma lags so/ /bka' stsal pa/ tshangs pa gang sems can rnams 'dod pa'i rgyu dang 'dod pa'i gzhis ma la log par spyod pa dang / sring mo la log par spyod pa dang / tshul khrims dang ldan pa la log 
par spyod pa dang / sdig pa'i las thams cad la lhag par spyod pa de dag kyang tshangs pa khyod kyis byas shing khyod kyis sprul pa dang / khyod kyis byin gyis brlabs pa yin nam/ gsol pa/ bcom ldan 'das ma lags so/ /bka' stsal pa/ tshangs pa gang sems can rnams 
kyi gnod par byed pa sna tshogs byad dang ro langs dang rig sngags dang sngags dang sman dang 'byung po dang gdon 'bebs pa dang / gang de las gzhan pa dug sbyor ba dang / gang sems can rnams la gnod par 'gyur ba dang / srog dang bral bar 'gyur ba dang / srog 'chad par 

</font><hr>50-1-61b<br><font size=+1>

'gyur ba de dag kyang tshangs pa khyod kyis byas shing khyod kyis sprul pa dang khyod kyis byin gyis brlabs pa yin nam/ gsol pa/ bcom ldan 'das ma lags so/ /bka' stsal pa/ gang rigs bzhi'i 'jig rten thams cad du spang du mi rung ba'i 'jig rten gyi chos 'di lta 
ste/ skye ba dang rga ba dang na ba dang 'chi ba dang mya ngan dang smre sngags 'don pa dang sdug bsngal ba dang / yid mi bde ba dang 'khrug pa dang / mi rtag pa'i chos nyid dang / zad pa'i chos nyid dang / 'gyur ba'i chos nyid dang / mdza' ba dang dga' ba thams cad dang tha dad du 'gyur ba dang / med par 'gyur ba dang bral 
bar 'gyur ba dang bye bar 'gyur ba de dag kyang tshangs pa khyod kyis byas shing khyod kyis sprul pa dang khyod kyis byin gyis brlabs pa yin nam/ gsol pa/ bcom ldan 'das ma lags so/ /bka' stsal pa/ tshangs pa gang sems can rnams kyi 'dod chags dang zhe sdang 
dang gti mug dang sgrib pa dang chod pa dang bag la nyal dang kun nas dkris pa dang kun tu sbyor ba rnams dang de las gzhan pa nye ba'i nyon mongs pa rnam pa sna tshogs 'jug pa gang gis sems can rnams chags par 'gyur ba dang / sdang bar 'gyur ba dang rmongs par 'gyur ba dang / 
las mngon par 'du bya ba rnam pa sna tshogs mngon par 'du byed pa de dag kyang tshangs pa khyod kyis byas shing khyod kyis sprul pa dang khyod kyis byin gyis brlabs pa yin nam/ gsol pa/ bcom ldan 'das ma lags so/ /bka' stsal pa/ tshangs pa gang 'di sems can 
dmyal ba dang dud 'gro'i skye gnas dang gshin rje'i 'jig rten ngan 'gro rnam pa gsum po gang na sems can rnams gnod byed rnam pa sna tshogs kyis sdug bsngal sna tshogs myong bar 'gyur ba de dag kyang tshangs pa khyod kyis byas shing khyod kyis sprul pa dang khyod kyis byin gyis brlabs 
pa yin nam/ gsol pa/ bcom ldan 'das ma lags so/ /bka' stsal pa/ tshangs pa gang 'di 'byung po'i tshogs dang / sa bon gyi tshogs dang / rtswa dang / shing gel pa dang / sman dang / nags tshal chu na gnas pa dang / thang la gnas pa'am me tog 

</font><hr>50-1-62a<br><font size=+1>

gi shing dang 'bras bu'i shing dang spos shing rnam pa sna tshogs sam/ mngar ba dang / kha ba dang / lan tshwa dang / skyur ba dang / tsha ba dang / bska ba'i ro'i khyad par rnam pa sna tshogs yid du 'ong ba dang yid du mi 'ong ba'i mngon par grub pa gang sems can 
rnams la phan pa dang gnod par 'gyur ba de la ji snyam du sems/ tshangs pa de dag khyod kyis byas shing khyod kyis sprul pa dang khyod kyis byin gyis brlabs pa yin nam/ gsol pa/ bcom ldan 'das ma lags so/ /bka' stsal pa/ tshangs pa gang 'gro ba lnga po 
dag na yongs su 'khor bar skye ba dang 'chi 'pho ba dang 'thon pa dang 'byung ba dang 'jig pa 'di dag dang / tshangs pa gang sems can ma rig pa'i sgrib pa dang / sred pa'i kun tu sbyor ba dang ldan pa kun tu rgyug cing 'khor ba de dag gi sngon gyi mtha' mi mngon pa dang / tshangs pa 
ma 'ongs pa'i 'khor ba'i lam rgyud ma chad pa gang na lha dang bcas pa dang / tshangs pa dang bcas pa'i 'jig rten 'di dang / dge sbyong dang bram ze dang bcas pa'i skye dgu thags 'khrugs pa lta bu/ dru gu 'dzings pa lta bu 'ong ba dang / 'gro bar gyur pa 'jig rten 'di 
nas 'jig rten pha rol dang / 'jig rten pha rol nas 'jig rten 'dir kun tu rgyug cing 'khor ba/ 'khor ba las 'byung ba mi shes pa de dag la ji snyam du sems/ tshangs pa de dag khyod kyis byas shing khyod kyis sprul pa dang khyod kyis byin gyis brlabs pa yin nam/ 
gsol pa/ bcom ldan 'das ma lags so/ /bde bar gshegs pa ma lags so/ /bka' stsal pa/ 'o na tshangs pa khyod ci'i phyir 'di ltar ngas sems can 'di dag byas/ ngas sprul/ ngas byin gyis brlabs/ ngas 'jig rten byas/ ngas sprul/ ngas 
byin gyis brlabs snyam du sems/ gsol pa/ bcom ldan 'das bdag ni ma 'tshal ba/ rtag tu lta bar gyur pa ma spangs pas phyin ci log tu gyur pa lags te/ bcom ldan 'das bdag ni de bzhin gshegs pas gsungs pa'i chos 'dul ba la rtag tu ma thos pas 

</font><hr>50-1-62b<br><font size=+1>

sems can rnams bdag gis bgyis/ bdag gis sprul/ 'jig rten bdag gis bgyis/ 'jig rten bdag gis sprul zhes bgyi ba sdig pa can gyi lta bar gyur pa 'di lta bur gyur to/ /bcom ldan 'das de bzhin gshegs pa la don 'di nyid bdag zhu'o/ /bcom ldan 
'das 'jig rten 'di sus bgyis/ 'jig rten 'di sus sprul/ sems can rnams sus bgyis/ sus sprul/ bcom ldan 'das 'di su'i mthu lags/ sus byin gyis brlabs/ de skad ces gsol pa dang /bcom ldan 'das kyis tshangs pa de la 'di skad ces 
bka' stsal to/ /tshangs pa 'jig rten ni las kyis byas las kyis sprul to/ /sems can rnams ni las kyis byas/ las kyi rgyu las byung / las kyis rab tu phye ba'o/ /de ci'i phyir zhe na/ tshangs pa ma rig pa'i rkyen gyis 'du byed rnams/ 'du byed kyi rkyen 
gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i 
rkyen gyis srid pa/ srid pa'i rkyen gyis skye ba/ skye ba'i rkyen gyis rga shi dang mya ngan dang smre sngags 'don pa dang / sdug bsngal ba dang / yid mi bde ba dang 'khrugs pa rnams 'byung ste/ de ltar sdug bsngal gyi phung po chen po 'di 'ba' zhig 'byung bar 'gyur zhing tshangs pa ma 
rig pa 'gags pas 'du byed 'gag pa nas sdug bsngal gyi phung po chen po 'ba' zhig 'gag pa'i bar du 'gyur te/ tshangs pa las dang chos kyi kun tu sbyor ba rnams yod na sems can rnams 'byung bar snang ba dang / las dang chos kyi kun tu sbyor ba dang bral bas 'byung ba med par snang ba ma 
gtogs par 'di la byed pa po'am/ byed du 'jug pa'am/ nye bar 'jog pa po gang yang med do/ /tshangs pa de ltar 'jig rten 'di las zad pa dang / nyon mongs pa zad pa dang / sdug bsngal zad pa dang / sdug bsngal nye bar zhi bas zhi ba dang / nges par byung ba dang rnam par 

</font><hr>50-1-63a<br><font size=+1>

zhi ba dang / yongs su mya ngan las 'das pa zhes bya'o/ /tshangs pa de la las gang yin pa de zad pa dang / nyon mongs pa gang yin pa de dang bral ba dang / sdug bsngal gang yin pa de rnam par zhi ba dang / nub pa ma gtogs par yongs su mya ngan las 
'das pa zhes bya ba ci zhig yod de sangs rgyas rnams kyi mthu dang / sangs rgyas rnams kyi byin gyis brlabs kyis chos nyid de lta bu dag 'byung ngo / /de ci'i phyir zhe na/ tshangs pa sangs rgyas bcom ldan 'das rnams 'byung ba med na chos de lta bu rab tu ston pa mi 'byung gi / 
tshangs pa gang gi tshe sangs rgyas bcom ldan 'das rnams 'jig rten du byung ba de'i tshe zhi bar bya ba'i phyir khong du chud par dka' ba zab pa zab par snang ba chos rnam pa de lta bu dag yang dag par ston par 'gyur te/ de thos pas sems can skye ba'i chos can rnams ni skye ba las 
yongs su grol bar 'gyur/ sems can rga shi dang mya ngan dang smre sngags 'don pa dang sdug bsngal ba dang yid mi bde ba dang / 'khrug pa'i chos can rnams ni 'khrug pa'i bar dag las yongs su grol bar 'gyur ro/ /tshangs pa de lta bas na 'di lta ste/ 'du byed thams 
cad ni mig yor lta bu mi rtag pa g.yo ba mi brtan pa/ ther zug ma yin pa zad pa dang 'gyur ba'i chos can no zhes tshangs pa sangs rgyas rnams kyis de bstan cing yang dag par bshad de rnam par phye zhing gsal bar mdzad de 'di ni sangs rgyas rnams kyis byin gyis brlabs 
so/ /sangs rgyas bcom ldan 'das yongs su mya ngan las 'das pa rnams kyi dam pa'i chos nub pa na yang 'di lta ste/ 'du byed thams cad mig yor lta bu'o zhes bya ba de nyid byin gyis brlabs yin no/ /gal te de bzhin gshegs pa rnams kyis 'du byed thams cad mig 
yor lta bur ma gzigs su zin na de bzhin gshegs pa rnams skad cig thang cig yud tsam yang 'du byed thams cad rmi lam dang mig yor dang brag ca lta bur mi ston pa zhig na tshangs pa gang gi phyir de bzhin gshegs pa rnams 'du byed thams cad rmi lam dang / mig yor dang brag ca lta 

</font><hr>50-1-63b<br><font size=+1>

bu dang mi rtag pa dang g.yo ba dang 'gyur ba'i chos can du mkhyen pa de'i phyir/ de bzhin gshegs pa rnams 'du byed thams cad rmi lam dang mig yor dang brag ca lta bur ston no/ /de la mkhas pa de'i mtshan ma mthong ba dag yod de de'i mtshan ma mthong nas rgyu de dang rkyen de dang dmigs 
pa'i mtshan ma des 'du byed thams cad mi rtag par khong du chud cing g.yo ba dang 'gyur ba'i chos can no zhes rnam par 'byed do/ /'du byed thams cad ni 'jig cing 'gyur ro/ /dus dang tshigs dang dus tshigs kyis kyang 'jig go/ /skad cig dang thang cig dang phyogs tsam dang yud 
tsam dang zhag dang nyi ma dang zla ba dang zla ba phyed dang lo dang lo brgya dang bskal pa dang bskal pa brgya dag kyang 'jig par 'gyur ro/ /me'i phung po chen po yang 'bar nas shi bar 'gyur ro/ /chu'i phung po chen po yang bab nas mi 'bab bo/ /rlung gi phung po chen po yang langs nas mi 
ldang ngo / /sa'i phung po chen po yang byung nas med par 'gyur ro/ /ri'i phung po chen po khor yug dang / khor yug chen po dang / lhun po dang / lhun po chen po dang / de las gzhan pa ri nag po dag kyang byung nas ye med par 'gyur ro/ /nyi ma dang zla ba dang skar ma'i 
tshogs kyi 'khor dang bcas pa 'di dag kyang byung nas lham mer ma yin lhan ner ma yin lhang nger ma yin zhing slar ltung ngo / /lha yul ba'i lha'i gzhal med khang bzang po dag kyang 'jig par 'gyur ro/ /grong dang grong khyer dang grong rdal 'di dag dang / shing ljon pa dang nags 
tshal dang / skyed mos tshal dang / kun dga' ra ba nyams dga' ba 'di dag kyang byung nas 'gag par 'gyur ro/ /lha dang mi 'di rnams kyang skye ba dang rga ba dang 'pho ba dang 'byung bar 'gyur ro/ /skyes bu mdzangs shing mkhas pa 'di dag kyang mtshan ma de mthong nas kye ma'o 'du byed 
'di thams cad mi rtag pa'o 'jig go/ /'du byed 'di thams cad med par 'gro'o/ /'gyur ro/ /'du byed 'di thams cad zad par 'gyur ro/ /snyam nas skyo bar 'gyur ro/ /skyes bu mdzangs shing mkhas pa 'di dag rgyu de dang rkyen des khyim nas khyim med par rab tu 'byung 

</font><hr>50-1-64a<br><font size=+1>

ngo / /de dag dad pas khyim nas khyim med par yang dag par rab tu byung nas kyang 'du byed thams cad mig yor lta bu dang rmi lam lta bu dang brag ca lta bur rig ste/ mtshan ma de dang dmigs pa de dang rkyen des byang chub thob par 'gyur ro/ /chu'i nang du zla ba'i dkyil 
'khor dang / nyi ma'i dkyil 'khor snang ba dang / skar ma'i gzugs snang ba de dag mthong nas/ de bzhin gshegs pas gdams pa'am/ de las gzhan pa'i dge ba'i bshes gnyen gyis gdams pa'am/ bdag gi blos brtags pas 'du byed thams cad rmi lam 
dang mig yor dang brag ca lta bur rtogs nas dad pas khyim nas khyim med par rab tu byung ste/ rgyun du zhugs pa'i 'bras bu dang / lan cig phyir 'ong ba'i 'bras bu dang / phyir mi 'ong ba'i 'bras bu 'thob pa dang / dgra bcom pa nyid mngon sum du byed pa dang / gang zag 
byang chub sems dpa'i theg pa bzod pa dang po thob pa dang / bzod pa gnyis pa dang gsum pa thob pa dang / bla na med pa yang dag par rdzogs pa'i byang chub 'thob par 'gyur ba'i skyes bu mkhas pa dag yod do/ /sangs rgyas bcom ldan 'das mya ngan las 'das pa 
rnams kyi chos bstan pa 'di nyid 'jig rten du 'byung ste/ de thos pas sems can rnams nyan thos kyi theg pa dang / rang sangs rgyas kyi theg pa dang / theg pa chen po bla na med pa rnam pa thams cad mchog dang ldan pa dang / theg pa gsum po dag gis nges par 'byung 
bar 'gyur ro/ /tshangs pa 'di ltar 'di yang sangs rgyas rnams kyi byin gyi brlabs su rig par bya ste/ tshangs pa gang gis skyes bu mkhas pa dag gis 'du byed 'di dag ni sdug bsngal ba/ g.yo ba mi brtan pa/ zad pa dang 'gyur ba'i chos can te/ rmi lam dang 
mig yor dang brag ca lta bu'o/ /zhes bya ba'i mtshan ma de mthong nas yang dag par skyo bar 'gyur ba 'di ni sangs rgyas rnams kyi yul dang sangs rgyas kyi byin gyi brlabs so/ /sngon spyad cing sngon gyi rgyu las byung ba'i sems can sngon yongs su smin par bya ba dag gis/ chos 

</font><hr>50-1-64b<br><font size=+1>

kyi sgra 'di lta bu 'di thos nas 'du byed 'di dag thams cad ni mi rtag pa/ 'du byed rnams ni 'jig pa ste/ 'du byed thams cad ni rmi lam dang brag ca lta bu'o zhes de bzhin gshegs pa la mos par 'gyur/ mngon par dad par 'gyur ro/ /sems can gang dag gis 
sangs rgyas bcom ldan 'das rnams kyi drung du tshangs par spyod pa spyad par gyur pa'am/ khyim par gyur pas bslab pa'i gzhi rnams yongs su bzung bar gyur pa de dag kyang rgyu de dang rkyen des 'di ltar 'du byed rnams mi rtag pa dang / 'du byed rnams sdug bsngal ba dang / 'du 
byed rnams 'jig pa dang / 'du byed rnams rmi lam dang / mig yor dang brag ca lta bu'o zhes 'du byed rnams de lta bu'i tshul du rtogs par 'gyur te/ rgyu de dang rkyen des dad pas khyim nas khyim med par rab tu byung nas sangs rgyas bcom ldan 'das rnams 'jig rten du ma byung 
yang sangs rgyas kyi byin gyi rlabs nyid dang sangs rgyas la dge ba'i rtsa ba bskyed pa'i rkyen gyis byang chub thob par 'gyur ro/ /tshangs pa rnam grangs des kyang 'di ltar 'di ni sangs rgyas kyi byin gyi rlabs dang / 'di ni sangs rgyas kyi yul yin par rig par bya'o/ /tshangs pa stong 
gsum gyi stong chen po'i 'jig rten gyi khams 'di'ang sangs rgyas kyi sangs rgyas kyi zhing yin te tshangs pa 'di ni nga sngon byang chub sems dpa'i spyad pa spyod pa na bskal pa bye ba khrag khrig brgya stong grangs med par sangs rgyas bcom ldan 'das tshad med grangs med pa rnams kyi drung du dge ba'i rtsa ba tshad 
med grangs med bskyed de/ tshul khrims dang dka' thub dang tshangs par spyod pa dang de las gzhan pa'i dka' ba spyad pa bye ba khrag khrig brgya stong dag gis ji ltar dge ba'i rtsa ba thams cad 'phel bar 'gyur ba dang / ji ltar yongs su dag par 'gyur ba dang / dus dang tshod 
dang snod ji lta ba bzhin du 'dul ba nye bar bzung ste sangs rgyas kyi zhing yongs su bzung ngo / /yongs su sbyangs so/ /ngas sbyin pa dang snyan par smra ba dang don spyad pa dang don 'thun pa bsdu ba'i dngos po bzhi po dag gis sems can rnams yang dag par bsdus te/de dag 

</font><hr>50-1-65a<br><font size=+1>

nga'i smon lam nyid kyis sangs rgyas kyi zhing 'dir skyes nas ngas chos bstan pa'ang shes so/ /nga'i chos bstan pas 'dul bar yang 'gyur te/ brgya byin rnams kyi ma yin/ tshangs pa rnams kyi ma yin/ 'jig rten skyong ba rnams kyi ma yin no/ /tshangs 
pa rnam grangs 'dis kyang de 'di ltar sangs rgyas kyi zhing 'di sangs rgyas bcom ldan 'das rnams kyi yin gyi/ brgya byin rnams kyi ma yin/ tshangs pa rnams kyi ma yin/ 'jig rten skyong ba rnams kyi ma yin/ gzhan mu stegs can dang / spyod pa can dang / kun tu rgyu rnams 
kyi ma yin par rig par bya'o/ /de nas mi mjed kyi bdag po tshangs pa 'bum phrag bcu'i bdag po tshangs pa de dang / de las gzhan pa'i tshangs pa rnams skyo zhing yid byung bar gyur te/ tshig 'di skad ces ji tsam du sangs rgyas bcom ldan 'das rnams chos rgya chen po dang ldan pa ngo 
mtshar to/ /ji tsam du sangs rgyas bcom ldan 'das rnams rmad du byung ba'i chos dang ldan pa ngo mtshar to zhes smras so/ /de nas stong gsum gyi stong chen po'i tshangs pa de de bzhin gshegs pa dgra bcom pa yang dag par rdzogs pa'i sangs rgyas la rmad du 'dzin par gyur te/ 
ji tsam du sangs rgyas bcom ldan 'das rnams kyi yul bsam gyis mi khyab cing mtha' yas pa ngo mtshar to snyam mo/ /de nas stong gsum gyi stong chen po'i tshangs pa chen po de/ bcom ldan 'das kyi slob mar khas blangs nas/ bcom ldan 'das la skyabs su song ste/ 
bcom ldan 'das ni bdag gi ston pa/ bde bar gshegs pa ni bdag gi ston pa lags na/ bcom ldan 'das ji ltar gnas par bgyi ba dang / ji ltar bsgrub par bgyi ba bdag la bka' stsal du gsol zhes bcom ldan 'das la bka' lung yang nod par gyur to/ /
de skad ces gsol pa dang / bcom ldan 'das kyis tshangs pa chen po la 'di skad ces bka' stsal to/ /tshangs pa stong gsum gyi stong chen po'i 'jig rten gyi khams 'di ni nga'i sangs rgyas kyi zhing yin/ 'di ni nga'i sangs rgyas kyi zhing yin te/ tshangs pa stong gsum 

</font><hr>50-1-65b<br><font size=+1>

gyi stong chen po'i 'jig rten gyi khams 'di khyod la gtad kyis/ khyod ci nas kyang nga'i rjes su 'jug par gyis la dge ba'i lam 'di dang / dge ba'i tshul 'di dang / bla na med pa'i sangs rgyas kyi tshul dang / chos kyi tshul dang / dge 'dun gyi tshul 'di rgyun mi 'chad par 
gyis shig /nga ni 'di'i skyes bu tha ma'o/ /tshangs pa nga'i bu'i thu bo gzhon nu thugs las skyes pa/ zhal nas skyes pa/ chos las byung ba/ chos kyis sprul pa/ byang chub sems dpa' sems dpa' chen po byams pa snying rje chen po dang ldan pa/ skye bo mang po'i don 'dod 
pa/ phan pa 'dod pa/ bde ba 'dod pa/ grub pa dang bde ba 'dod pa 'ong bar 'gyur te/ de'ang stong gsum gyi stong chen po'i 'jig rten gyi khams 'di ji ltar ngas gnas pa bzhin du chos kyis gnas par 'gyur gyis ji ltar nga la rjes su 'thun par byed pa de bzhin du de la rjes 
su 'thun par gyis shig /ci nas kyang khyod kyis dge ba'i lam 'di dang / dge ba'i tshul 'di dang sangs rgyas kyi tshul dang chos kyi tshul dang dge 'dun gyi tshul 'di rgyun mi 'chad par gyis shig /de ci'i phyir zhe na/ tshangs pa ji tsam du dge ba'i tshul 'di lta bu'i rgyun mi 'chad 
pa de tsam du sangs rgyas kyi tshul dang chos kyi tshul dang dge 'dun gyi tshul rgyun chad par mi 'gyur/ brgya byin dang / tshangs pa dang / 'jig rten skyong dang / lha dang mi'i tshul dang thar ba'i tshul nas mya ngan las 'da' ba'i tshul gyi bar du rgyun chad par mi 'gyur ro/ /tshangs 
pa de lta bas na stong gsum gyi stong chen po'i 'jig rten gyi khams sangs rgyas kyi sangs rgyas kyi zhing 'di khyod la gtad do/ /tshangs pa khyod la bka' stsal pa ni 'di yin/ rjes su bstan pa ni 'di yin gyis khyod kyis 'di bzhin du gyis shig /nga ni 'di'i skyes bu tha ma'o/ /
de'i tshe stong gsum gyi stong chen po'i 'jig rten gyi khams na tshangs pa dang tshangs pa chen po ji snyed 'khod pa de dag thams cad 'phags pa'i chos la mngon par dul bar gyur te/ tshangs pa chen po de gcig pu ni ma gtogs so/ /tshangs pa chen po stong gi tshangs pa de yang 

</font><hr>50-1-66a<br><font size=+1>

bcom ldan 'das kyis 'phags pa'i chos la rab tu btul zhing bzhag par gyur to/ /tshangs pa'i le'u ste dang po rdzogs so//     //bam po gnyis pa/ de'i tshe bdud kyi bu ded dpon zhes bya ba/ bcom ldan 'das la dad cing dang ba chen po 
thob par gyur pa des bcom ldan 'das yongs su mya ngan las 'da' ba'i sgra thos nas sdug bsngal zhing yid mi bde ste mi dga' zhing sdug bsngal ba dang yid mi bde ba chen po dang ldan par gyur/ skyo zhing yid byung la spu zing zhes byed par gyur nas myur ba myur bar rings pa'i tshul du 
bcom ldan 'das ga la ba der song ste phyin nas bcom ldan 'das kyi zhabs la mgo bos phyag 'tshal te phyogs gcig tu 'dug go/ /phyogs gcig tu 'dug nas bdud kyi bu ded dpon gyis bcom ldan 'das la 'di skad ces gsol to/ /bcom ldan 'das bdag gsol pa 
'tshal na sman par bgyi ba'i slad du yongs su mya ngan las mi 'da' bar gsol/ bcom ldan 'das lha dang bcas pa'i 'jig rten la thugs brtse ba nye bar bzung ste/ skye bo mang po la sman pa dang / skye bo mang po la bde ba dang / 'jig rten la thugs brtse ba dang lha dang mi rnams 
kyi don dang sman pa dang bde ba'i slad du bzhugs su gsol/ bcom ldan 'das 'jig rten ha cang myur du long ba dang / mig ma mchis pa dang / ston pa ma mchis pa dang / 'dren pa ma mchis pa dang / dpung gnyen ma mchis pa dang / skyabs ma mchis pa dang / 
rten ma mchis par mi 'gyur bar mdzad du gsol/ de skad ces gsol pa dang / bcom ldan 'das kyis bdud kyi bu ded dpon la 'di skad ces bka' stsal to/ /ded dpon khyod kyi pha bdud sdig can gyis nga la bcom ldan 'das yongs su mya ngan las 'dar gsol/ 
bde bar gshegs pa yongs su mya ngan las 'dar gsol/ bcom ldan 'das khyod deng yongs su mya ngan las 'da' ba'i dus la bab bo zhes gsol ba btab nas khyod kyi pha bdud sdig can la ngas mya ngan las 'da'o zhes smras te/ ded dpon bdud sdig can la ngas yongs 

</font><hr>50-1-66b<br><font size=+1>

su mya ngan 'da' bar bya ba'i skabs phye'o/ /dedadapon sdig can de la ngas khas blangs pa de bya ba'i dus la yang bab bo/ /de skad ces bka' stsal pa dang / bdud kyi bu ded dpon gyis bcom ldan 'das la 'di skad ces gsol to/ /bcom ldan 'das bdud sdig can de ni bdag 
gi pha ma lags kyi/ bcom ldan 'das de ni bdag gi dgra lags/ gshed po slar rgol ba lags shing / bcom ldan 'das bdag dang mi mdza' ba lags te/ gnod par 'tshal ba mi sman par 'tshal ba lags so/ /bcom ldan 'das sdig can de ni bdag la grub 
pa dang bde ba ma lags par 'tshal ba lags so/ /bcom ldan 'das gang shes rab kyi sgron ma 'di lta bu dang / shes rab kyi snang ba chen po dang / ye shes snang ba'i sgron ma chen po 'di lta bu yongs su mya ngan las 'da' bar 'tshal ba'i sdig can de ni/ sdig pa'i bsam 
pa can/ sdig pa'i sbyor ba can te/ lha dang mi dang lha ma yin du bcas pa'i 'jig rten sun 'byin pa'i dgra lags so/ /bcom ldan 'das lha dang bcas pa'i 'jig rten na sems can sdig pa chen po 'jig rten du byung ngo zhes gang yang dag par smra bas smra ba de ni/ bcom ldan 
'das bdud lags so zhes yang dag par smra bas smra bar bgyi'o/ /bcom ldan 'das gang bdag la mi phan par zhugs pa dang / gzhan la mi phan par zhugs pa dang / skye bo mang po la mi phan par zhugs pa zhes gang yang dag par smra bas smra ba de ni/ bcom ldan 'das 
bdud lags so zhes yang dag par smra bas smra bar bgyi'o/ /lha dang bcas bdud dang bcas tshangs pa dang bcas pa'i 'jig rten dge sbyong dang bram zer bcas pa'i skye dgu la gnod pa dang mi phan pa dang sdug bsngal ba dang / grub pa dang bde ba ma lags pa dang / log par 
ltung ba'i phyir zhugs pa zhes bgyi ba ni bcom ldan 'das bdud lags so zhes yang dag par smra bas smra bar bgyi'o/ /chos dang ldan pa'i dam bcas pa dang / chos dang mi ldan pa'i dam bcas pa bcom ldan 'das las bdag gis mngon sum du thos shing mngon sum du 

</font><hr>50-1-67a<br><font size=+1>

bzung ste/ bcom ldan 'das gang bdud sdig can gyis dam bcas pa de ni chos dang mi ldan pa'i dam bcas pa lags so/ /bcom ldan 'das khyod ni dam bcas pa 'di la brten zhing snying por 'du shes pa lags na/ bcom ldan 'das skye bo mang po 
la sman pa dang / skye bo mang po la bde ba dang / 'jig rten la thugs brtse ba dang / lha dang mi rnams la phan pa dang bde ba'i slad du bskal par bzhugs su gsol/ bcom ldan 'das yun ring du bzhugs na de ni skye bo mang po la sman pa dang / skye bo mang po la bde ba 
dang / lha dang mi rnams la bde bar 'gyur te/ de'i slad du bcom ldan 'das lha dang bcas pa'i 'jig rten la thugs brtse ba nye bar bzung ste myur du yongs su mya ngan las mi 'dar gsol/ de skad ces gsol pa dang / bcom ldan 'das kyis bdud kyi bu ded dpon la 'di 
skad ces bka' stsal to/ /ded dpon legs so legs so/ /ded dpon khyod skye bo mang po'i don 'dod pa dang / skye bo mang po la phan pa dang / bde ba dang grub pa dang bde bar 'dod pas de ltar bya'o/ /ded dpon gang dag rgyal po rgyal rigs spyi bo nas dbang bskur ba la 
bsnyen bkur byed cing phan pa dang bde bas khyab par byed pa dang / rgyal rigs spyi bo nas dbang bskur ba'i yul 'khor dang grong rdal dang ljongs rnams dang / gzhon nu rnams dang /blon po rnams la rtag tu rgyun mi 'chad par bsnyen bkur dang rim gro byed pa la zhugs par 
gyur pa de dag ni ded dpon rgyal rigs spyi bo nas dbang bskur ba las nor mang po dang longs spyod chen po 'thob cing rgyal po rgyal rigs de lan du phan chen po 'dogs te/ bu dang chung mar bcas/ grogs po dang nye du dang snag gi gnyen mtshams su bcas pa la phan pas khyab par 
byed do/ /ded dpon de bzhin du gang khyod de bzhin gshegs pa dgra bcom pa yang dag par rdzogs pa'i sangs rgyas chos kyi rgyal po bla na med pa la sems dang ba'i dge ba'i rtsa ba 'di lta bu 'di 'bul na/ ded dpon de bzhin gshegs pa la sems dang bas bsnyen bkur dang rim gro 

</font><hr>50-1-67b<br><font size=+1>

bya ba'i phyir khyod la dbugs dbyung ba sbyin no/ /khyod la dge ba'i rtsa ba rgya chen po'i longs spyod chen po sbyin no/ /ded dpon khyod de bzhin gshegs pa la sems dad pa'i dge ba'i rtsa ba skyed na dbugs dbyung ngo / /ded dpon khyod dge ba'i rtsa ba 'di dang dad pa dang /dang ba 
'dis nga mya ngan las 'das nas ma 'ongs pa'i dus na rang sangs rgyas snying rje can zhes bya bar 'gyur ba'i dus de lta bu dang / tshe de lta bu yod kyis shes par gyis shig /ded dpon nga 'das nas dam pa'i chos thams cad kyi thams cad du nub pa na bdud sdig can rab tu mgu bar 
'gyur ba dang dga' ba dang rangs par 'gyur ba'i dus de lta bu dang tshe de lta bu yod par 'gyur ro/ /de shin tu dga' zhing mgu ba las bdud kyi gnas nas 'chi 'pho bar 'gyur ro/ /de bdud kyi gnas nas shi 'phos ma thag tu mnar med pa'i sems can dmyal ba chen por lus 
'thob par 'gyur te/ der yang de mnar med pa'i sdug bsngal rnam pa sna tshogs myong bar 'gyur ro/ /de ci'i phyir zhe na/ ded dpon 'di ltar de ni shes rab kyi sgron ma chen po shes rab kyi snang ba chen po 'di lta bu med par 'gyur ba la dga' ba'i phyir ro/ /ded dpon gang 
bdag gsod pa dang / bdag la gnod pa dang / bdag mi sgrub par zhugs pa zhes yang dag par smra bas smra ba de ni bdud yin no zhes yang dag par smra bas smra bar bya'o/ /ded dpon de ci'i phyir zhe na/ 'di ltar nga yongs su mya ngan las 'das pa'i dam pa'i chos ji srid du gnas 
pa de srid du bdud sdig can bdud kyi gnas na 'dug go/ /ded dpon nga'i dam pa'i chos nub ma thag tu de nas bdud sdig can rangs pa chen po skye bar 'gyur zhing / tshim pa chen po dang dga' ba chen po dang / mchog tu dga' ba chen po dang / mgu ba chen po dang / yid bde ba chen 
po skye bar 'gyur te/ de skad cig de nyid dang / thang cig de nyid dang / yud tsam de nyid la bdud kyi gnas nas shi 'phos te/ sems can dmyal ba chen po mtshams med par ltung bar 'gyur ro/ /ded dpon 'di lta ste dper na/ mi la la zhig shing sA la ljon pa me tog 

</font><hr>50-1-68a<br><font size=+1>

dang 'bras bu mang po dang ldan pa chen po la 'dzegs nas/ des shing sA la ljon pa de las me tog dang 'bras bu yid du 'ong ba yid du 'ong ba dag spyad de/ yal ga gang la gnas pa'i yal ga de nyid bcag na/ ded dpon de ji snyam du sems/ mi de yal ga 
chag pa de la gnas su rung ngam/ gang yal ga gang la 'dzegs te bde bar 'dug pa'i yal ga de nyid gcog pa'i mi de yang ci mkhas pa'i rang bzhin can yin nam/ gsol pa bcom ldan 'das ma lags so/ /bde bar gshegs pa ma lags so/ /bka' 
stsal pa/ ded dpon bdud sdig can gang de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 'da' bar 'dod cing de bzhin gshegs pas gsungs pa'i chos 'dul ba nub par dga' ba yang de ltar snang bar ngas bsams so/ /
de ci'i phyir zhe na/ 'di ltar nga'i dam pa'i chos ji srid du gnas pa de srid du de bdud kyi gnas na 'dug go/ /nga'i chos nub par gyur na/ bdud sdig can de dga' ba skyed de mgu rangs shing yid bde ba skyed de/ de de ma thag tu bdud kyi gnas nas shi 'phos nas sems can 
dmyal ba chen po mnar med par rab tu ltung bar 'gyur te/ ded dpon 'di lta ste dper na/ mi de shing sA la ljon pa de la bdag la gnod pa dang gzhan la gnod par byed pa ltar bdud sdig can yang de lta bu yin par mthong ngo / /ded dpon bdud sdig can ni bdag la gnod pa'i 
phyir zhugs pa yin no/ /ded dpon bdud sdig can ni gzhan la gnod pa'i phyir zhugs pa ste/ ded dpon bdud sdig can de de'i tshe de'i dus na sems can dmyal ba chen po mnar med par lhung nas/ sdug bsngal gyi tshor ba mi bzad pa tsha ba srog 'phrog pa myong nas 
'chi ste 'chi kar tshor ba myong nas nga rjes su dran par 'gyur te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bden pa gsung ba/ gzhan du mi gsung ba/ log par mi gsung ba des lus bsdams pa legs/

</font><hr>50-1-68b<br><font size=+1>

ngag bsdams pa legs/ yid bsdams pa legs te/ lus kyis legs par spyad pa dang / ngag gis legs par spyad pa dang / yid kyis legs par spyad pa'i rnam par smin pa ni sdug pa dang 'dod pa dang dga' ba dang yid du 'ong ba mngon par 'grub bo/ /lus 
kyis nyes par spyad pa dang / ngag gis nyes par spyad pa dang / yid kyis nyes par spyad pa'i rnam par smin pa ni mi sdug pa dang mi 'dod pa dang mi dga' ba dang yid du mi 'ong ba mngon par 'grub bo zhes gsungs pa de legs par gsungs pa'o/ /bdag ni sngon lus kyis 
nyes par spyad pa dang ldan par gyur/ ngag gis nyes par spyad pa dang / yid kyis nyes par spyad pa dang ldan par gyur te/ bdag las de'i rnam par smin pas da ltar sems can dmyal ba chen po 'dir skyes nas 'di lta bu'i sdug bsngal mi bzad pa drag pa tsha ba yid tu mi 'ong 
ba 'chi ba'i mthar 'gyur ba srog 'phrog pa'i tshor ba myong bar gyur to snyam mo/ /de de'i tshe ngas legs par smras pa thos nas sems dang bar 'gyur te/ de sems dang bar gyur nas sems can dmyal ba chen po nas shi 'phos te sum cu rtsa gsum gyi lha rnams dang skal ba 
mnyam par skye bar 'gyur ro/ /de ci'i phyir zhe na/ ded dpon de ni 'di lta bu yin te/ gang dag de bzhin gshegs pa la nyes pa'i bar du gcod pas kun tu spyod pa de dag ni de bzhin gshegs pa la nyes pa'i bar du gcod pas kun tu spyad pas lus zhig nas sems can 
dmyal ba chen por skye bar 'gyur ro/ /ded dpon gang dag de bzhin gshegs pa la byams pas kun tu spyod kyi nyes par ma yin pa de dag ni lus zhig nas/ bde 'gro mtho ris kyi 'jig rten lha'i nang du skye bar 'gyur te/ de dag dge ba'i rtsa ba des sangs rgyas bcom ldan 
'das rnams kyi chos nyams su blangs nas de nyid du dge ba'i rtsa ba bskyed de rim gyis nye bar len pa med par yongs su mya ngan las 'da'o/ /de bas na ded dpon khyod kyis de bzhin gshegs pa dgra bcom pa yang dag par rdzogs pa'i sangs rgyas la sems dang bar byas pas 

</font><hr>50-1-69a<br><font size=+1>

ded dpon khyod dge ba'i rtsa ba de dang rgyu de dang rkyen des gang gi tshe byams pa 'jig rten du 'byung ba de'i tshe ded dpon khyod de'i tshe de'i dus na de bzhin gshegs pa byams pa'i gsung rab de la rab tu 'byung ngo / /rab tu byung nas kyang sems can gnyid kyis log pa 
dang / myos pa dang rab tu myos pa rnams la kye sems can khyed longs la sbyor bar gyis/ 'bad par gyis/ rtsol bar gyis shig /de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ba rnyed par dka' ste/ 'di lta ste 
dper na/ shing u dum bA ra'i me tog brgya la brgya lam na 'byung bar 'gyur ba de bzhin du de bzhin gshegs pa rnams kyang brgya la brgya lam na 'jig rten du 'byung bar 'gyur ro/ /gnas med pa zhi bar 'gyur ba/ yongs su mya ngan las 'da' bar 'gyur ba/ yang 
dag par rdzogs pa'i sangs rgyas kyis bstan pa'i chos ston pa yang brgya la brgya lam na'o/ /mi'i lus 'thob cing 'phags pa'i gnas na tshul bzhin du gnas pa yang brgya la brgya lam na snang ngo / /mi khom pa brgyad spangs nas de lta bu'i dal ba phun sum tshogs pa 
rnyed pa yang brgya la brgya lam na ste/ bag yod pas legs par brtson par gyis shig /phyis 'gyod par ma gyur cig ces skul bar 'gyur ro/ /ded dpon khyod de ltar de bzhin gshegs pa byams pa'i gsung rab dang / de bzhin gshegs pa byams pa chos kyi rgyal po'i sangs 
rgyas kyi zhing du de'i gsung gi tshig rjes su 'dzin cing rjes su skyong bar 'gyur ro/ /byams pa'i sems kho na med pa dang 'gran zla med pa dang / kha na ma tho ba med pa dang phan pa dang bde bas khyab par byed par 'gyur ro/ /ded dpon khyod dge ba'i rtsa ba des bdud sdig can 'das pa'i 
'og tu bdud kyi gnas na dbang phyug chen po'i bdag po bdud byed par 'gyur ro/ /ded dpon sems can gang dag de bzhin gshegs pa la tha na sems bskyed pa gcig tsam gyi dge ba'i rtsa ba skyed par 'gyur ba de dag thams cad ni ded dpon dge ba'i rtsa ba des mi 'chi bar nye bar 'gro mi 

</font><hr>50-1-69b<br><font size=+1>

'chi ba la gzhol mi 'chi ba'i mthar 'gyur ro/ /ded dpon khyod ni dge ba'i rtsa ba des lha dang mi'i phun sum tshogs pa rgya chen po myong nas/ bskal pa brgyad cu'i srid pa tha ma la lus tha ma 'thob pa na/ rang sangs rgyas snying rje can zhes bya bar 'gyur ro/ /de ci'i 
phyir zhe na/ 'di ltar ded dpon khyod kyis nga yongs su mya ngan las 'das pa'i sgra thos nas nga la sems dang ba chen po bskyed de/ sems can rnams la yang snying rje'i sems bskyed nas sems can thams cad la phan pa dang bde ba'i phyir nga la bcom ldan 'das yongs su mya ngan 
las mi 'da' bar bzhugs su gsol zhes gsol ba 'debs pa dang / de bzhin gshegs pa byams pa'i bstan pa la yang sems can de dag la snying rje bskyed nas gnyid kyis log pa dang myos pa dang rab tu myos pa'i skye bo rnams la sgo zhing skul ma 'debs/ dge ba'i 
chos tshad med pa la yang skul bar 'gyur te/ ded dpon khyod rang sangs rgyas su 'gyur ba'i rgyu 'di yin rkyen 'di yin no/ /ded dpon dge ba'i rtsa ba'i longs spyod chen po 'di lta bu sbyin gyis ded dpon dga' zhing mgu ba dang rangs shing yid dga' bar gyis shig /ded dpon khyod 
de bzhin gshegs pa la gsol ba 'debs pa dang / de bzhin gshegs pa la sems dang ba'i phyir de bzhin gshegs pas chos kyi dga' ba dang chos kyi longs spyod 'di byin pa yin no/ /de skad ces bka' stsal pa dang / bcom ldan 'das la bdud kyi bu ded dpon gyis 'di skad 
ces gsol to/ /bcom ldan 'das bdag gis de skad du gsol kyang de ste bzhugs su mi gnang na/ bcom ldan 'das bdag deng slan cad 'di ltar yi dam 'cha' zhing smon lam 'debs te bcom ldan 'das yongs su mya ngan las 'das nas dam pa'i chos ji srid du gnas pa de srid du 
bcom ldan 'das bdag gzugs dang sgra dang dri dang ro dang reg pa rnams la snyen par mi bgyid do/ /'dod pa'i yon tan lnga la yang chags pa dang rtse ba dang yongs su spyod par mi bgyid do/ /gos gzhan yang mi 'tshal/ me tog dang spos dang phreng ba dang byug pa yang mi snyen no/ /

</font><hr>50-1-70a<br><font size=+1>

bcom ldan 'das kyi dam pa'i chos ji srid du nub par ma gyur gyi bar du de las gzhan pa'i lha'i longs spyod dang yongs su spyad pa dag kyang mi spyod do/ /de ci'i slad du zhe na/ bcom ldan 'das 'di ltar bdag sang nang par 'di lta bu'i skyes bu rin po che dang 'bral bar 'gyur 
zhing lhan cig mi gnas pa dang / dbye ba dang 'gyes pa dang shin tu mi snang bar 'gyur na/ bcom ldan 'das bdag dga' ba dang rtse bas ci zhig bgyi/ bde bas ci zhig bgyi/ yid bde bas ci zhig bgyi/ shes rab kyi sgron ma chen po 'di lta bu dang shes rab kyi mar me 
chen po 'di lta bu dang / ye shes kyi snang ba chen po yongs su mya ngan las 'das nas bcom ldan 'das bdag mgu ba'am/ yid bde ba'am dga' ba'am rangs pa'am rab tu dga' ba myong bar ga la 'gyur/ ye shes chen po'i nyi ma 'od zer brgya stong du mas bskor ba/ma rig pa'i mun pa sel ba 'di lta bu dang / 'od snang bar mdzad pa 'di lta bu nub par gyur na/ bcom ldan 'das bdag dga' ba'am bde ba ga las mchi/ bdag sems can rin po che 'di lta bu dang bral na dga' ba dang rtse ba ga las mchi/ sems can snang ba/ sems 
can rtogs pa/ sems can ma smad pa/ sems can kha na ma tho ba med pa/ sems can ma rmongs pa/ sems can mchog /sems can bla na med pa/ sems can gong na med pa/ sems can mtshungs pa med pa/ sems can mnyam pa med pa/ sems 
can mi mnyam pa dang mnyam pa/ sems can thams cad thar bar mdzad pa'i sems can/ sems can rab/ sems can mchod pa/ sems can kha lo sgyur ba/ sems can 'dul ba/ sems can phan par dgyes pa/ yang dag par gsung ba/ dus su gsung ba/ 
tshigs su gsung ba/ phyin ci ma log pa gsung ba/ ji skad gsung ba de bzhin mdzad pa/ thugs rje chen po dang ldan pa/ byams pa chen po la gnas pa/ sems can thams cad la khong khro ba mi mnga' ba/ sems can thams cad la sems mnyam pa rab tu ma spros 

</font><hr>50-1-70b<br><font size=+1>

pa/ nga rgyal mi mnga' ba/ len pa mi mnga' ba/ gzhi mi mnga' ba/ gnas mi mnga' ba/ mi skyo ba dri ma mi mnga' ba/ skyob pa 'dren pa rnam par 'dren pa/ yongs su 'dren pa/ yongs su thar bar mdzad pa/ yongs su skyong ba/ dran par mdzad pa/ rtogs par mdzad pa/ skul 
ma 'debs pa/ mya ngan spang ba/ zug rngu 'byin pa/ sman pa'i rgyal po sems kyi gso ba mdzad pa/ sman chen po sbyin pa/ shin tu sdug bsngal ba las yongs su thar bar mdzad pa/ ston pa po/ ded dpon khrid pa/ 'bab stegs mdzad pa/ gdos pa 'dzin pa/ 
sgron ma 'dzin pa/ snang ba mdzad pa/ 'od mdzad pa/ gsal bar mdzad pa/ mig sbyin pa/ lam ston pa/yul bde bar phyin par mdzad pa/ dri ma dang tha ba dang mdud pa thams cad spangs pa/ sred pa mi mnga' ba/ bag la nyal mi mnga' ba/ mdud pa dang kun du sbyor ba/ 
thams cad rab tu bshig pa/ 'dod chags dang bral ba/ zhe sdang dang bral ba/ gti mug dang bral ba/ nyon mongs pa dang bral ba/ kun tu sbyor ba dang bral ba/ nga rgyal dang dregs pa dang rtsod pa dang bral ba/ de lta bu'i skyes bu chen po/ skyes bu dam pa/ skyes bu mchog /
skyes bu dpa' bo/ /skyes bu rtul phod pa/ skyes bu pad ma/ skyes bu pad ma dkar po/ skyes bu glang po/ skyes bu seng ge /skyes bu gtso bo/ /skyes bu brtan pa/ skyes bu mchog /skyes bu cang shes pa/ bla na med pa/ yid yongs su mi skyo ba/ bsam gtan chen po 
la bsam gtan pa/ bsam gtan thams cad la bsam gtan pa/ bsam gtan dang snyoms par 'jug pa thams cad spyod yul ba/ shes rab chags pa med pa/ shes rab sgrib pa med pa/ shes rab kyi spyod yul mnyam pa med pa/ rgyal mtshan bsnyal ba/ 
'dam las rgal ba/ thang la gnas pa/ pha rol tu phyin pa/ mi 'jigs pa'i gnas su phyin pa/ sems can thams cad la mi 'jigs pa sbyin pa/ 'jig rten thams cad dbugs 'byin pa 'dir do mod kyi thun tha ma la 'bral zhing 'bye bar 'gyur te/ bdag gis 

</font><hr>50-1-71a<br><font size=+1>

bcom ldan 'das seng ge'i sgra sgrogs pa phyin cad mi mthong zhing de bzhin gshegs pa'i seng ge'i sgra thos par mi 'gyur na/ bcom ldan 'das bdag dga' ba'am yid bde ba ga las mchi/ de bzhin gshegs pa yongs su mya ngan las 'das pa 
ni bcom ldan 'das 'di lta ste dper na/ rgyal po rgyal rigs spyi bo nas dbang bskur ba 'chi ba'i dus bgyis pa na sems can byas pa gzo zhing byas pa rig pa/ byas pa rjes su skyong ba/sdug bsngal gyis gdungs pa kha cig mchis pa de dag de na dgung gcig gam/ 
gnyis sam/ gsum mam/ bzhi'am/ lnga'am/ drug gam/ bdun nam/ zla ba phyed dam zla ba gcig tu mya ngan bgyid de mchi ma 'byung zhing gnas pa de bzhin du/ bdag kyang bcom ldan 'das yongs su mya ngan las 'das pa na dam pa'i chos 'di ji srid du gnas pa 
de srid du bdag gzugs dang sgra dang dri dang ro dang reg bya mi snyen to/ /'dod pa'i yon tan lnga la yang chags par mi bgyid mi rtse yongs su mi spyod do/ /gos gzhan yang mi 'tshal zhing me tog dang phreng ba dang spos dang byug pa yang mi snyen yongs su mi spyod do/ /bcom 
ldan 'das dam pa'i chos nub par ma gyur gyi bar du de las gzhan pa'i longs spyod rnams kyang mi snyen to/ /ded dpon gyi le'u ste gnyis pa rdzogs so//   //de nas lha'i dbang po brgya byin bcom ldan 'das ga la ba der song ste phyin pa dang / 
bcom ldan 'das kyi zhabs la mgo bos phyag 'tshal nas phyogs gcig tu 'dug go/ /phyogs gcig tu 'dug nas lha'i dbang po brgya byin gyis bcom ldan 'das la 'di skad ces gsol to/ /bcom ldan 'das bdag gis ji ltar bsgrub par bgyi ba bka' stsal du 
gsol/ bcom ldan 'das gang lha ma yin gyi dbang po bzhi go cha bgos nas sum cu rtsa gsum gyi lha rnams la g.yul bshams te rgol ba'i dus de lta bu dang tshe de lta bu mchis so/ /gang gi tshe lha dang lha ma yin g.yul shom zhing lha ma yin gyi dbang po bzhi tshogs par 

</font><hr>50-1-71b<br><font size=+1>

gyur pa de'i tshe 'phags pa maud gal gyi bu yang mchis te/ 'phags pa maud gal gyi bu mchis nas lha ma yin gyi dbang po de bzhi chos dang 'thun pas tshar gcod do/ /de ltar bgyis pas lha dang lha ma yin rnams 'thab pa ma ma mchis/ 'gyed pa ma ma mchis/ mtshang 'dru ba ma mchis/ rtsod pa ma mchis shing bde bar 'gyur na/ bcom ldan 'das maud gal gyi bu yang yongs su mya ngan las 'das/ bcom ldan 'das kyang da yongs su mya ngan las 'da' bar 'gyur te/ de lta bas na bdag cag 'thab pa dang 'gyod pa chen por 
'gyur na/ bcom ldan 'das lha dang / lha ma yin dang / lha ma yin gyi dbang po bzhi g.yul shom pa de'i tshe ji ltar bsgrub par bgyi ba bdag la bka' stsal du gsol/ de skad ces gsol pa dang bcom ldan 'das kyis lha'i dbang po brgya byin la 'di skad ces bka' 
stsal to/ /kau shi ka 'di lta ste/ tshul khrims rnam par dag pa'i phyir tshul khrims dang ldan pa tshangs par spyod pa'i sems la smon pa 'grub ste tshangs par mi spyod pa'i ma yin no/ /'dod chags dang bral ba'i 'grub kyi 'dod chags dang ma bral ba'i ma yin no/ /zhe sdang dang 
bral ba'i 'grub kyi zhe sdang dang ma bral ba'i ma yin no/ /gti mug dang bral ba'i 'grub kyi gti mug dang ma bral ba'i ma yin no/ /shes rab dang ldan pa'i 'grub kyi shes rab 'chal ba'i mi 'grub bo/ /kau shi ka ji srid du dam pa'i chos 'di nub par ma gyur pa de srid du/ kau shi 
ka lha dang lha ma yin g.yul shom par 'gyur ba na nga'i ming smos pa tsam gyis lha rnams rgyal bar 'gyur zhing lha ma yin pham par 'gyur bar ngas deng nas byin gyis brlabs kyis kau shi ka mi dgar ma byed/ mya ngan ma byed/ smre sngags ma 'don 
cig /de nas lha ma yin gyi dbang po bzhi bcom ldan 'das kyi byin gyis brlabs pa'i sgra 'di lta bu thos nas skyo zhing mi dga' ste/ spu zing zhes byed par gyur nas bcom ldan 'das ga la ba der dong ste lhags nas bcom ldan 'das kyi zhabs la mgo bos phyag 'tshal te/

</font><hr>50-1-72a<br><font size=+1>

phyogs gcig tu 'khod do/ /phyogs gcig tu 'khod nas lha ma yin gyi dbang po rnams kyis bcom ldan 'das la 'di skad ces gsol to/ /bcom ldan 'das ci'i slad du 'di lta bur byin gyis rlob pa mdzad/ de skad ces gsol pa dang / bcom 
ldan 'das kyis lha ma yin gyi dbang po bzhi po de dag la 'di skad ces bka' stsal to/ /lha ma yin gyi dbang po khyed cag mya ngan ma byed/ smre sngags ma 'don/ yongs su yi 'chad pa ma skyed cig /de ci'i phyir zhe na/ khyed rnams kyang lha rnams kyi dbang por 'gyur 
ba'i dus de lta bu dang / tshe de lta bu yod de/ sum cu rtsa gsum gyi ris kyi lha rnams pas ches phyug pa dang / 'thab pa med pa dang rtsod pa med pa dang 'gyed pa med pa dang / 'gal ba med cing rgyal ba thob par 'gyur ro/ /de'i phyir/ khyed 'thab pa med pa dang / mtshang 
'dru ba med pa dang / 'gyed pa med pa dang / rtsod pa med pa dang / 'gal ba med par lhur long la/ byams pa'i sems dang / phan pa'i sems kyi dngos po phun sum tshogs par gnas par gyis shig /grogs po dag srog ni rgyun mi ring / dbang phyug la dbang byed pa 
ni mi rtag go/ /grogs po dag phun sum tshogs pa thams cad ni mthar 'jig go/ /grogs po dag de bzhin gshegs pa yang mi rtag pa nyid kyis mthar thug pa dang / yongs su zad pa dang / yongs su dengs par byed pa la ltos/ nga ni sems can thams cad la khon med 
pa dang / 'thab pa med pa dang / rtsod pa med pa dang / 'gal ba med par byed pa la gnas pa dang / sems can thams cad 'dum zhing 'thun par byed pa la zhugs pa yin yang de lta na khyod dge ba'i rtsa ba chung ngu dang ldan pa phan tshun 'thab pa dang rtsod pa la mngon par dga' ba 
rnams la lta smos kyang ci dgos/ grogs po dag gang gzhan la rnam par tho 'tshams pa dang rnam par 'tshe ba la zhugs par gyur pa de ni yun ring du rnam par tho 'tshams pa dang rnam par 'tshe ba thob par 'gyur ro/ /grogs po dag srog gcod pa'i skyes bu gang zag ni tshe thung 

</font><hr>50-1-72b<br><font size=+1>

bar 'gyur ro/ /grogs po dag 'thab pa dang rtsod pa la dga' ba'i skyes bu gang zag ni rtag tu skrag pas 'tsho bar 'gyur zhing dbang che bar grags pa dang g.yog 'khor mang por mi 'gyur ro/ /grogs po dag dge ba dang sdig pa'i las rnams chud za ba med do/ /de bas na grogs 
po dag khyed phan tshun byams pa'i sems dang / byams pa'i lus kyi las dang / byams pa'i ngag gi las dang / byams pa'i yid kyi las kun tu spyod cig /'thab pa med pa dang / mtshang 'dru ba med pa dang / rtsod pa med pa lhur long la gnas par gyis shig dang / de 
yun ring por don du 'gyur ba dang / phan pa dang bde ba dang 'gyod pa med par 'gyur ro/ /de skad ces bka' stsal pa dang / bcom ldan 'das la lha ma yin gyi dbang po de dag gis 'di skad ces gsol to/ /bcom ldan 'das de de lta lags so/ /bde bar gshegs pa 
de de lta lags te/ bcom ldan 'das kyis ji skad du bka' stsal pa de bzhin du bgyi'o/ /de bzhin du bsgrub par bgyi'o/ /de bzhin du gnas par bgyi'o/ /bcom ldan 'das bdag cag kyang deng slan cad g.yul shom pa mi bgyid do/ /phan tshun byams pas kun tu 
spyad par bgyi'o/ /de nas lha'i dbang po brgya byin bcom ldan 'das yongs su mya ngan las 'da' ba la mya ngan byed de/ gdong la mchi ma zag par ngu zhing sdug bsngal yid mi bde zhing mya ngan gyi zug rngu chen po dang ldan par gyur nas bcom ldan 'das la 'di skad ces gsol to/ /
bcom ldan 'das bdag deng slan cad bcom ldan 'das yongs su mya ngan las 'das pa'i dam pa'i chos ji srid du gnas pa de srid du gzugs la mi snyen pa nas/ reg bya la mi reg pa dang / slas kyi nang du mi 'jug pa dang / gos gzhan mi 'tshal bar bgyis te/ bcom 
ldan 'das 'di lta ste dper na/ sems can gang dag byas pa gzo zhing byas pa rig pa byas pa rjes su skyong ba de dag rje bo gum par gyur na/ de de'i slad du sdug bsngal zhing mchi ma 'byung ba de bzhin du bdag kyang bcom ldan 'das yongs su mya ngan las 'das na bcom ldan 

</font><hr>50-1-73a<br><font size=+1>

'das kyi dam pa'i chos ji srid du gnas pa de srid du mchi ma dbyung bar bgyi/ 'dod pa'i yon tan lnga la mi snyen/ slas kyi nang du mi 'jug /de las gzhan pa'i gos 'tshal bar mi bgyid do/ /bcom ldan 'das 'di ltar bdag 'jig rten thams cad 
las 'das pa'i ston pa 'di lta bu dang sang nang par 'bral zhing mi mthong ba dang mi 'grogs par 'gyur ba lags pa lta/ lha'i dbang po brgya byin gyis de skad ces gsol nas mchi ma zag bzhin du mgo smad de 'dug go/ /brgya byin gyi le'u ste gsum pa rdzogs 
so//   //de nas gnas brtan sgra gcan zin 'di snyam du bcom ldan 'das yongs su mya ngan las 'da' ba la bdag mngon sum du lta bar mi spro'o/ /bcom ldan 'das yongs su mya ngan las 'da' ba mngon sum du mthong na bdag rangs par ga la 'gyur 
te/ mgu ba ga la yod/ yid bde ba ga la yod/ dga' ba ga la yod/ yi rangs pa ga la yod kyis/ bdag nges par 'di nas 'jig rten gyi khams bcu 'das pa na/ 'jig rten gyi khams 'od zer can na/ bcom ldan 'das de bzhin gshegs pa dgra bcom pa yang 
dag par rdzogs pa'i sangs rgyas bsnyen par dka' ba zhes bya ba'i drung du 'gro'o snyam du sems so/ /de nas tshe dang ldan pa sgra gcan zin ku sha'i grong khyer gyad rnams nye bar gnas pa shing sA la'i tshal nas mi snang bar gyur te/ byang shar gyi phyogs ga la ba dang / de bzhin 
gshegs pa bsnyen par dka' ba ga la ba der song nas phyin pa dang / de bzhin gshegs pa dgra bcom pa yang dag par rdzogs pa'i sangs rgyas bsnyen par dka' ba'i zhabs la mgo bos phyag 'tshal nas phyogs gcig tu 'khod do/ /phyogs gcig tu 'dug nas sdug 
bsngal zhing yid mi bde ba tshe dang ldan pa sgra gcan zin la de bzhin gshegs pa dgra bcom pa yang dag par rdzogs pa'i sangs rgyas bsnyen par dka' bas 'di skad ces bka' stsal to/ /sgra gcan zin khyod mya ngan ma byed smre sngags ma 'don cig /de ci'i phyir zhe na/ sgra gcan 

</font><hr>50-1-73b<br><font size=+1>

zin sdug pa dang yid du 'ong ba thams cad dang tha dad du 'gyur zhing 'gyes pa dang 'bye ba dang 'bral bar 'gyur ro/ /sgra gcan zin sangs rgyas bcom ldan 'das rnams sangs rgyas kyi mdzad pa mdzad nas yongs su mya ngan las 'da' ba 'di ni chos nyid yin no/ /sgra gcan zin 
bcom ldan 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas gyad rnams nye bar gnas pa'i sA la'i tshal na shing sA la zung gi bar du seng ge ltar glo g.yas pas mnal te do mod kyi thun tha ma la phung po'i lhag ma med pa'i mya ngan las 'das 
pa'i dbyings su mya ngan las 'da' bar 'gyur gyis sgra gcan zin khyod der song ste/ khyod nges par der 'dug dgos kyis sgra gcan zin khyod song shig /bcom ldan 'das yongs su mya ngan las 'das pa'i 'og tu 'gyod par gyur ta re/ de skad ces bka' stsal pa dang / 
de bzhin gshegs pa dgra bcom pa yang dag par rdzogs pa'i sangs rgyas bsnyen par dka' ba la tshe dang ldan pa sgra gcan zin gyis 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de do mod kyi thun tha ma 
la yongs su mya ngan las 'da'o zhes bgyi ba'i sgra de yang thos par mi bzod na/ bcom ldan 'das de yongs su mya ngan las 'da' ba mngon sum du mthong ba lta smos kyang ci 'tshal/ bcom ldan 'das de bas na bdag der mchi bar mi spro'o/ /de nas tshe dang ldan pa sgra gcan 
zin bcom ldan 'das de bzhin gshegs pa bsnyen par dka' ba de'i bka' ma mnyan par sangs rgyas kyi zhing de nas mi snang bar gyur to/ /steng gi phyogs kyi 'jig rten gyi khams rim gyis bcu pa de na de bzhin gshegs pa dgra bcom pa yang dag par rdzogs pa'i sangs rgyas 
ded dpon zhes bya ba bzhugs te 'tsho zhing gzhes so/ /de nas tshe dang ldan pa sgra gcan zin de bzhin gshegs pa ded dpon ga la ba der song ste phyin pa dang de bzhin gshegs pa ded dpon gyi zhabs la phyag 'tshal nas gdong mchi ma can du ngus te/ smre sngags 'don cing phyogs 

</font><hr>50-1-74a<br><font size=+1>

gcig tu 'dug go /phyogs gcig tu 'dug pa dang / tshe dang ldan pa sgra gcan zin la/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ded dpon gyis 'di skad ces bka' stsal to/ /sgra gcan zin thong / mi 
dgar ma byed/ mya ngan ma byed/ smre sngags ma 'don cig /sgra gcan zin skye ba'i chos can mi skye ba dang / rga ba'i chos can mi rga ba dang / na ba'i chos can min pa dang / 'chi ba'i chos can mi 'chi ba dang / zad pa'i chos can mi zad par 'gyur ba de lta bu ga la yod/ sgra gcan 
zin de lta bu'i gnas dkon no/ /sgra gcan zin sngon gyi sangs rgyas dang sangs rgyas kyi nyan thos thams cad kyang zhi zhing bral te yongs su mya ngan las 'das so/ /ma 'ongs pa'i sangs rgyas bcom ldan 'das dang nyan thos dang rang sangs rgyas thams cad kyang yongs su mya ngan las 
'da' bar 'gyur ro/ /gang dag da ltar bzhugs pa'i de bzhin gshegs pa dang nyan thos dang rang sangs rgyas de dag thams cad kyang yongs su mya ngan las 'da'o/ /sgra gcan zin bskal pa'am bskal pa brgyar gnas pa yang nges par yongs su mya ngan las 'da' dgos so/ /
sgra gcan zin sangs rgyas bcom ldan 'das rnams la shin tu rnam par zhi ba ma gtogs par chos nyid gzhan med gnas gzhan med do/ /sgra gcan zin shin tu rnam par zhi ba zhes bya ba ni shin tu zhi ba/ shin tu bsil bar gyur pa/ shin tu mthar thug pa/ shin tu bde ba/ shin tu grub pa dang bde ba ste/ 'di lta ste gzhi med pa mya ngan las 'das pa'i dbyings so/ /sgra gcan zin skye ba sdug bsngal/ rga ba sdug bsngal/ na ba sdug bsngal/ 'chi ba sdug bsngal/ yang dang yang mdza' ba dang bral ba sdug bsngal/ mi mdza' ba dang 'grogs 
pa sdug bsngal/ phung po'i khur thogs pa sdug bsngal lo/ /sgra gcan zin gang dag yongs su mya ngan las 'das pa de dag ni bde ba yin gyis sgra gcan zin khyod kyang yongs su mya ngan las 'da' bar gyis shig /bcom ldan 'das de bzhin gshegs pa shAkya thub pa de yang 

</font><hr>50-1-74b<br><font size=+1>

yongs su mya ngan las 'da' bar 'gyur te/ gang na skye ba med/ rga ba med/ na ba med/ 'chi ba med/ mdza' ba dang bral ba med/ mi mdza' ba dang phrad pa med/ sdug bsngal ba dang yid mi bde ba med pa der khyod gnyi ga 'dod par gyur gyis sgra gcan zin khyod mi dgar ma byed/ 
mya ngan ma byed/ smre sngags ma 'don cig /sgra gcan zin chos nyid rjes su dran par gyis shig /yang dag pa ma yin pa phyin ci log tu 'dzin pa ma gtogs par 'di la skye ba gang yin/ 'di la rga ba gang yin/ 'di la 'chi ba gang yin/ 'pho ba gang yin/ 'byung ba gang 
yin/ sgra gcan zin byis pa so so'i skye bo thos pa dang mi ldan pa/ 'phags pa'i chos rnams ma mthong ba/ 'phags pa'i chos rnams ma bslabs pa/ 'phags pa'i chos rnams la mi mkhas pa/ 'phags pa'i chos rnams la mi gnas pa/ 'phags pa'i chos 
rnams kyis ma dul ba/ 'phags pa'i chos rnams ma shes pa'i phyir 'du shes phyin ci log dang / lta ba phyin ci log tu phyin ci log pas skye ba dang rga ba dang na ba dang 'chi ba dang 'pho ba dang 'byung ba dang / kun tu rgyug pa dang 'khor ba pa dang rnam par brkam pa dang rgud pa dang mi 
dga' ba dang mya ngan dang smre sngags 'don pa dang brang rdung bar 'gyur ro/ /sgra gcan zin 'phags pa'i chos 'dul ba 'di la ni 'du byed thams cad rnam par zhi bas phyis gong du bya ba ci yang med do/ /sgra gcan zin ston pa'i nyan thos bcom ldan 'das kyi sras kyis gang bya ba 
de khyod kyis byas zin to/ /sgra gcan zin ston pa bcom ldan 'das kyis kyang nyan thos rnams kyi bya ba gang yin pa de mdzad zin te/ da gong du mdzad pa med kyis sgra gcan zin khyod da mya ngan ma byed mi dgar ma byed smre sngags ma 'don par sgra gcan zin khyod bcom ldan 'das shAkya 
thub pa/ shAkya'i rgyal po chen po de la tha mar blta ba dang phyag bya ba dang bsnyen bkur bya ba'i phyir song shig /phyis 'gyod par gyur ta re/ sgra gcan zin de bzhin gshegs pa shAkya thub pa de da ltar gyad rnams nye bar gnas pa shing sA la'i tshal na seng ge ltar glo g.yas pas mnal 

</font><hr>50-1-75a<br><font size=+1>

ba mdzad de khyod kyang gzigs par bzhed kyis sgra gcan zin khyod nges par de na 'dug dgos so/ /de skad ces bka' stsal pa dang / bcom ldan 'das de bzhin gshegs pa ded dpon la tshe dang ldan pa sgra gcan zin gyis 'di skad ces gsol to/ /gang bcom 
ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa yongs su mya ngan las 'da'o zhes bgyi ba'i sgra de lta bu yang bdag thos par mi spro na/ bcom ldan 'das de yongs su mya ngan las 'da' ba mthong ba lta smos kyang ci 'tshal/ bcom 
ldan 'das gang bcom ldan 'das shAkya thub pa shAkya'i rgyal po de yongs su mya ngan las 'da'o zhes bgyi ba'i sgra de lta bu de thos pas bdag lus dub par gyur to/ /bcom ldan 'das sems can rin po che 'jig rten thams cad la phan par bzhed pa/ 'jig rten thams cad la phan 
pa dang thugs brtse ba/ 'jig rten thams cad kyi sgron ma/ 'jig rten thams cad dang mi mtshungs pa/ 'jig rten thams cad kyi 'od mdzad pa/ 'jig rten thams cad kyi mig /shes rab kyi sgron ma chen pos snang bar mdzad pa/ de lta bu dang bdag sang nang par 'bral 
zhing 'bye ba dang mi 'grogs par gyur pa ji ltar bgyi/ de skad ces gsol pa dang / bcom ldan 'das de bzhin gshegs pa ded dpon gyis tshe dang ldan pa sgra gcan zin la 'di skad ces bka' stsal to/ /sgra gcan zin thongasmre sngags ma 'don/ sgra gcan zin bcom ldan 'das 
des 'du byed thams cad mi rtag pa/ 'du byed thams cad sdug bsngal ba/ chos thams cad bdag med pa/ mya ngan las 'das pa zhi ba'o zhes thog ma nyid du chos ma bstan tam/ sgra gcan zin bcom ldan 'das des/ 'du byed thams cad mi rtag ste/ skye zhing 'jig pa'i 
chos can yin/ skyes nas 'gag par 'gyur ba ste/ de dag rnam par zhi ba bde zhes bya ba de skad kyang gsungs so/ /gsol pa/ bcom ldan 'das de lta lags so/ /bde bar gshegs pa de lta lags so/ /bcom ldan 'das kyis bka' stsal pa/ bcom ldan 'das 

</font><hr>50-1-75b<br><font size=+1>

des sdug pa dang yid du 'ong ba thams cad dang tha dad du 'gyur zhing 'gyes pa dang 'bral ba dang 'bye bar 'gyur ba dang / ji srid yun ring du gnas kyang nges par nyams par 'gyur ro zhes thog ma nyid du ma bstan tam/ gsol pa/ bcom ldan 'das de lta lags so/ /bde bar 
gshegs pa de lta lags so/ /bka' stsal pa/ sgra gcan zin gang skyes shing byung ba/ 'dus byas pa/ bsams pa/ kun du rtog pa las byung ba/ rten cing 'brel bar byung ba de dag 'jig par mi 'gyur ba de ga la yod de/ de'i gnas med do/ /de nas tshe dang ldan pa sgra 
gcan zin de bzhin gshegs pa dgra bcom pa yang dag par rdzogs pa'i sangs rgyas yab shAkya thub pa de rjes su dran nas chos kyi shugs kyis mchi ma byung bar gyur to/ /bdag sang nang par bcom ldan 'das dge slong gi dge 'dun gyis mdun du bdar cing chos ston pa mi mthong ngo / /
ri'i rgyal po ri rab rgya mtsho'i nang nas mngon par byung zhing lhag ger snang ba lta bu/ zla ba nya ba skar mas yongs su bskor ba ltar mtshan brgyas brgyan pa/ nyi ma 'od stong dang ldan pa nam mkha' la thal ler snang ba lta bu/rgya mtsho ltar zab cing tshad med la rin po che du ma'i tshogs 
yod pa/ 'khor los sgyur ba'i rgyal po ltar 'khor du mas yongs su bskor ba/ gangs ri'i rgyal po ltar dbang po dang / stobs dang / byang chub kyi yan lag gi me tog kun du rgyas pa/ ri khor yug chen po ltar phas kyi rgol ba thams cad kyis rab tu mi g.yos pa/ pad ma 
ltar mtsho'i nang na 'dug kyang 'jig rten gyi chos thams cad kyis ma gos pa/ tshangs pa'i 'khor gyi nang na tshangs pa lta bu/ brgya byin mig stong dang ldan pa ltar seng ge'i gdan la bzhugs pa/ seng ge ltar 'jigs shing skrag pa med par seng ge'i sgra yang dag par sgrogs 
pa/ phyin cad bdag gis mi mthong ngo zhes tshe dang ldan pa sgra gcan zin gyis de skad smras nas ngu zhing sems khong du chud de cang mi smra bar 'dug go/ /de nas de bzhin gshegs pa ded dpon gyis tshe dang ldan pa sgra gcan zin la 'di skad ces bka' stsal to/ /sgra gcan zin khyod 

</font><hr>50-1-76a<br><font size=+1>

bcom ldan 'das de'i drung du song zhig /bcom ldan 'das de khyod gzigs par bzhed kyis sgra gcan zin khyod nga'i ngag ma gcog par song zhig /bcom ldan 'das de'i sku 'o brgyal bar ma byed/ sgra gcan zin khyod nges par de na 'dug dgos so/ /
de ci'i phyir zhe na/ sgra gcan zin sangs rgyas bcom ldan 'das rnams chos nyid kyis de bzhin gshegs pa byams pas khyab par mdzad pa dang / gang dgongs par mdzad pa dang / gang zhig bzhed na de dag nges par yongs su mya ngan las mi 'da' ste/ de'i tshe de dag nges par bzhugs 
par 'gyur ro/ /sgra gcan zin de bzhin gshegs pa de khyod gzigs par bzhed kyis song la khyod nges par de na gnas par gyis shig /de nas tshe dang ldan pa sgra gcan zin gyis bcom ldan 'das de bzhin gshegs pa ded dpon gyi zhabs la mgo bos phyag 'tshal nas/ 'di lta ste 
dper na/ skyes bu stobs dang ldan pa'i lag pa bskum pa las rkyong ba'am/ brkyang ba las skum pa de bzhin du tshe dang ldan pa sgra gcan zin/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ded dpon gyi sangs rgyas kyi zhing nas mi snang 
bar gyur te/ ku sha'i grong khyer gyad rnams nye bar gnas pa'i shing sA la'i tshal shing sA la zung gi bar bcom ldan 'das gang na ba der song ste phyin pa dang / bcom ldan 'das kyi zhabs la mgo bos phyag 'tshal nas lan gsum bskor ba byas te ngu zhing smre sngags 'don/ mchi ma byung bzhin 
du thal mo sbyar te phyogs gcig tu 'dug go/ /de nas bcom ldan 'das kyis tshe dang ldan pa sgra gcan zin la 'di skad ces bka' stsal to/ /sgra gcan zin tshur shog /sgra gcan zin khyod mi dgar ma byed ma ngu smre sngags ma 'don yi ma 'chad cig /sgra gcan zin khyod 
kyis nga la pha'i bya ba byas/ ngas kyang bu khyod la bu'i bya ba byas so/ /sgra gcan zin de ltar ngas pha'i bya ba byas/ khyod kyis kyang bu'i bya ba byas te/ bdag cag gnyi gas kyang bya ba byas shing byed pa byas zin gyis sgra gcan zin khyod mya ngan ma byed/ smre sngags ma 'don/ yi 

</font><hr>50-1-76b<br><font size=+1>

ma 'chad cig /sgra gcan zin bdag cag gnyis sems can thams cad 'jigs pa med par bya ba'i phyir zhugs pa dang khon med pa dang 'gran zla med pa dang rnam par tho 'tshams pa med pa dang rnam par 'tshe ba med par zhugs pa la ltos/ da yang nga ni yongs su mya ngan las 'da' bar bya ba'i 
phyir gnas te phyin cad su'i phar yang mi 'gyur ro/ /sgra gcan zin khyod kyang yongs su mya ngan las 'das na phyin cad su'i bur yang mi 'gyur ro/ /sgra gcan zin bdag cag gnyis sems can thams cad la rnam par 'tshe ba med pa dang mi 'thun pa med par gnas pa la ltos/ de 
nas tshe dang ldan pa sgra gcan zin gyis bcom ldan 'das la 'di skad ces gsol to/ /bcom ldan 'das yongs su mya ngan las mi 'dar gsol/ bde bar gshegs pa yongs su mya ngan las mi 'dar gsol/ bcom ldan 'das skye bo mang po la sman pa dang / bde ba dang 'jig 
rten la thugs brtse ba dang / lha dang mi rnams kyi don dang phan pa dang bde ba'i slad du bskal par bzhugs su gsol/ de skad ces gsol pa dang / bcom ldan 'das kyis tshe dang ldan pa sgra gcan zin la 'di skad ces bka' stsal to/ /sgra gcan zin chos gang dag dang ldan na 'jig rten na de bzhin 
gshegs pa dgra bcom pa yang dag par rdzogs pa'i sangs rgyas kyi grangs su 'gro ba'i chos de dag sgra gcan zin zad pa'am rnyings pa'am skye ba'am 'gro ba'am 'ong ba'am 'byung ba'am 'gag pa'am srid pa'am 'jig pa'am gnas pa'am 'dug pa'am nyal ba'am ldan pa'am/ 
mi ldan par mi 'gyur ro/ /de ci'i phyir zhe na/ sgra gcan zin chos de ni gnas pa ste/ shin tu mi 'byung ba/ shin tu mi skye ba/ shin tu mi 'gag pa/ shin tu stong pa/ shin tu skye ba med pa/ shin tu ngo bo nyid med pa/ nye bar zhi ba/ grangs med pa/ gzhi med pa/ brjod du 
med pa/ ngag gi lam ma yin pa'o/ /sgra gcan zin 'di ni sangs rgyas bcom ldan 'das rnams kyi chos nyid de/ 'di lta ste/ shin tu gnas pa nyid dang / nye bar zhi ba nyid dang / shin tu dben pa nyid dang / shin tu 'dod chags dang bral ba nyid dang / shin tu 'gags pa nyid dang /

</font><hr>50-1-77a<br><font size=+1>

shin tu ma 'dres pa nyid dang / shin tu ma byas pa nyid dang / shin tu ma zad pa nyid de/ sgra gcan zin ngas 'di la dgongs nas 'di skad du de bzhin gshegs pa rnams byung yang rung / de bzhin gshegs pa rnams ma byung yang rung ste/ chos rnams kyi chos gnas pa nyid 
dang / chos nyid dang / chos nges pa nyid dang / chos 'dod chags dang bral ba nyid dang / chos kyi ngo bo nyid ni gnas pa nyid do zhes bshad do/ /sgra gcan zin de bzhin gshegs pa ni tshul khrims kyi phung po bsnams te yongs su mya ngan las mi 'da'/ ting nge 'dzin gyi phung po ma yin/ shes 
rab kyi phung po ma yin/rnam par grol ba'i phung po ma yin/ rnam par grol ba'i ye shes mthong ba'i phung po bsnams te yongs su mya ngan las mi 'das/ sgra gcan zin khyod mi dgar ma byed cig /smre sngags ma 'don/ yi 'chad pa ma skyed cig /sgra gcan zin 'du byed thams cad ni 
mi rtag pa/ mi brtan pa/ dbugs 'byin pa med pa/ ther zug ma yin pa/ zad cing 'gyur ba'i chos can yin te/ sgra gcan zin de bas na 'du byed thams cad la yid byung bar bya ba'i rigs/ ma chags par bya ba'i rigs/ rnam par grol bar bya ba'i rigs te/ sgra gcan zin 'di 
ni khyod la rjes su bstan pa'o/ /sgra gcan zin la bden pa mthong ba'i le'u 'di bcom ldan 'das kyis bka' stsal pa kun tu shes nas dge slong gnas brtan drug cu tsam len pa med par zag pa rnams las sems rnam par grol lo/ /lha dang mi tshad med pa dag chos la chos kyi mig 
rdul med cing dri ma dang bral ba rnam par dag go/ /byang chub sems dpa' drug khri brgyad stong gis ni mi skye ba'i chos la bzod pa thob ste/ thams cad kyang kye ma'o sangs rgyas kye ma'o sangs rgyas/ kye ma'o sangs rgyas kyi chos bsam gyis mi khyab bo zhes ched du brjod pa ched du rjod cing / de 
dag gis bcom ldan 'das la me tog ud pa la dang / pad ma dang / ku mu da dang / pad ma dkar po rnams kyis gtor/ mngon par gtor nas tshig 'di skad ces bdag cag kyang ma 'ongs pa'i dus na ston pa 'di lta bu 'jig rten du 'byung bar gyur cig /'di ltar chos ston par gyur 

</font><hr>50-1-77b<br><font size=+1>

cig /bla na med pa 'jig rten thams cad dang mi 'dra ba'i yongs su mya ngan las 'da' ba sangs rgyas kyi yongs su mya ngan las 'da' ba chen po 'di lta bus yongs su mya ngan las 'da' bar gyur cig ces smras so/ /de skad ces smras nas byang chub sems dpa' de dag cang mi smra bar gyur to/ /
sgra gcan zin gyi le'u ste bzhi pa rdzogs so//   //bam po gsum pa/ de'i tshe tshe dang ldan pa kun dga' bo bcom ldan 'das kyi phangs na gzims khri la bsnyes nas ngus te mchi ma byung smre sngags 'don cing 'dug go/ /de nas tshe dang ldan pa kun dga' bo mchi ma zag par 
ngu zhing shing ljon pa chen po bcad de bsgyel ba bzhin du sa la 'gyel te bcom ldan 'das yongs su mya ngan las 'da' ba ha cang myur ches so/ /bde bar gshegs pa yongs su mya ngan las 'da' ba ha cang myur ches so/ /thugs rje can mi bzhugs par 'gyur ba ha cang myur ches so/ /
sems can rin po che mi bzhugs par 'gyur ba ha cang myur ches so/ /mar me chen po 'jig rten na mi snang bar 'gyur ba ha cang myur ches so/ /sgron ma chen po 'jig rten na mi snang bar 'gyur ba ha cang myur ches so/ /'jig rten gyi mchog 'jig rten na 'gag par 'gyur ba ha cang myur 
ches so/ /sems can rin po che sems can pad ma dkar po 'jig rten na mi snang bar 'gyur ba ha cang myur ches so/ /sems can cang shes pa sems can dul ba sems can ma dul ba 'dul ba 'jig rten na med par 'gyur ba ha cang myur ches so/ /ded dpon ston pa po bde ba'i lam 
ston pa 'jig rten na mi snang bar 'gyur ba ha cang myur ches so/ /mig chen po shes rab kyi snang ba ston pa 'jig rten na mi snang bar 'gyur ba ha cang myur ches so/ /sems can rnams kyi pha ma 'jig rten na mi snang bar 'gyur ba ha cang myur ches so/ /'jig rten na long bar 'gyur ba ha cang myur 
ches so/ /bcom ldan 'das 'jig rten mgon ma mchis pa dang / yongs su 'dren pa ma 'chis par 'gyur ba ha cang myur ches so/ /sang nang par nas ming mtshan tsam zhig lus te sems can rin po che mi mthong bar 'gyur ba lta/ de nas bcom ldan 'das kyis tshe dang ldan pa kun dga' bo 

</font><hr>50-1-78a<br><font size=+1>

la bka' stsal pa/ kun dga' bo thong mya ngan ma byed smre sngags ma 'don cig /kun dga' bo sdug pa dang yid du 'ong ba thams cad dang tha dad par 'gyur zhing 'gyes par 'gyur ba dang / 'bye bar 'gyur ba dang 'brel bar 'gyur bar ngas thog ma nas ma bshad dam/ kun dga' 
bo gang skyes pa byung ba/ 'dus byas pa/ bsams pa/ rten cing 'brel bar 'byung ba/ 'jig pa'i chos can de mi 'jig par ga la 'gyur te de ni gnas med do/ /de lta bur gyur pa dag gnas shing mi snang bar mi 'gyur ba de'i gnas med do/ /kun dga' bo ji ltar ring du gnas kyang nges 
par yongs su mya ngan las 'da' ba'i chos can du 'gyur ro/ /de bas na kun dga' bo khyod mya ngan ma byed smre sngags ma 'don cig /de nas tshe dang ldan pa kun dga' bo mig mi 'dzums par bcom ldan 'das kyi zhal du bltas nas shing ljon pa bcad de bsgyel ba bzhin du yangs la 'gyel 
to/ /bcom ldan 'das kyis tshe dang ldan pa kun dga' bo la lan gnyis su bka' stsal pa/ kun dga' bo thong mya ngan ma byed smre sngags ma 'don cig /kun dga' bo don 'di mya ngan byas pa dang smre sngags 'don pas rnyed par sla ba ma yin no/ /sdug pa dang yid du 'ong ba thams cad dang tha dad du 
'gyur zhing 'gyes par 'gyur bar ngas thog ma nas bshad do/ 'du byed rnams ji srid ring du gnas kyang nges par rnam par 'gyur ba'i chos can yin no/ /kun dga' bo khyod kyis de bzhin gshegs pa la byams pa'i lus kyi las phan pa dang / bde ba dang / gnyis su med pa dang / tshad med pa dang / 
kho na med pa dang / 'gran zla med pa dang / byams pa'i ngag gi las dang / byams pa'i yid kyi las bde ba nas 'gran zla med pa'i bar gyis bsnyen bkur byas so/ /de nas tshe dang ldan pa kun dga' bos las langs nas mchi ma phyis te/ bcom ldan 'das la 'di skad ces gsol to/ /bcom 
ldan 'das bdag sems can rin po che de lta bu dang tha dad du 'gyur/ bdag thugs rje chen po 'jig rten thams cad las 'phags pa/ 'jig rten thams cad la phan par bzhed pa/ 'jig rten thams cad la thugs brtse ba can/ 'jig rten thams cad la gces pa/ 'jig rten thams cad 

</font><hr>50-1-78b<br><font size=+1>

kyi ston pa/ 'jig rten thams cad kyi yongs su 'dren pa/ 'jig rten thams cad la phan pa dang bde ba sbyin pa/ sems can chen po de lta bu dang sang nang par 'bral zhing tha dad du 'gyur na ci'i slad du bdag mya ngan mi bgyid smre sngags mi 'don/ de nas tshe dang ldan pa kun dga' bo mchi ma 
mang du phyung nas mchi ma phyis te yang tshig 'di skad smras so/ /kye ma'o gang du mar me chen po/ sgron ma chen po/ snang ba chen po 'di lta bu 'jig rten na mi snang bar 'gyur/ ye shes kyi nyi ma chen po 'od zer bye ba khrag khrig brgya stong du mas bskor ba/ kun tu 'od kun tu snang ba kun tu lam 
me ba/ kun tu 'od zer kun tu rtog /kun tu gzigs pa kun tu mkhyen pa/ kun tu shes rab kun tu dran pa/ kun tu spyod yul kun tu 'od kyi sems can shes rab kyi snang ba chen po 'di lta bu 'jig rten du nub par 'gyur ba'i 'du byed rnams ni g.yon can no/ /brnyas thabs can no/ /
kye ma'o 'jig rten na 'od byed pa mi snang bar 'gyur ba ha cang myur ches so/ /lha dang bcas pa'i 'jig rten gyi mgon po mi snang bar 'gyur ba ha cang myur ches so/ /kye ma'o bcom ldan 'das cho 'phrul dang bcas pa 'jig rten na mi snang bar 'gyur ba ha cang yang myur ches na/ bcom ldan 'das 
ci'i slad du bdag mya ngan mi bgyid/ bcom ldan 'das ci'i slad du bdag smre sngags mi 'don/ bcom ldan 'das bdag snying rnam pa brgyar ma gas pa ngo mtshar che'o/ /bcom ldan 'das kyi spyan sngar ma gum pa ngo mtshar che'o/ /bcom ldan 'das bdag de la 'di snyam du bcom ldan 'das 
kyi byin gyi rlabs kyis bdag ma gum mo snyam bgyid do/ /de ci'i slad du/ bcom ldan 'das las bdag gis gang chos kyi phung po brgyad khri bzhi stong mngon du mnos/ mngon du kun tu chub par bgyis mngon du kun bzung ba de dag da dung skye bo mang po la phan par ma gyur/ phyogs mang por rgyas par 
ma gyur pas bcom ldan 'das bdag 'di snyam du bdag ma gum pa de ni bcom ldan 'das kyi mthu lags pa snyam bgyid de/ bcom ldan 'das bdag ci'i slad du mya ngan mi bgyid/ bcom ldan 'das bdag ci'i slad du smre sngags mi 'don/ bcom ldan 'das bdag grong khyer ser skya'i gnas su 

</font><hr>50-1-79a<br><font size=+1>

bcom ldan 'das bltams pa'i sar mchis nas shAkya rnams tshogs pa la shAkya thub pa shAkya'i rgyal po shin tu mi 'byung bar bzhugs so zhes bgyi'am ji skad bgyi/ rgyal po'i khab kyi grong khyer du mchis nas lus 'phags mo'i bu rgyal po ma skyes dgra la yang dag 
par rdzogs pa'i sangs rgyas nyi ma'i nyi ma chen po nub ste mtshams med pa'i las kyi zug rngu 'byin pa sman pa'i rgyal po chen po de gshegs lags so zhes bgyi'am ji skad bgyi/ grong khyer chen po mnyan yod du mchis nas thugs rje chen po brnyes pa/ phan pa bzhed pa/ 'jig 
rten la thugs brtse ba can de mi snang bar gyur to zhes bgyi'am ji skad bgyi/ mgon med zas sbyin la de bzhin gshegs pa rgyal byed kyi tshal mgon med zas sbyin gyi kun dga' ra bar ji ga bzhugs par 'gyur ram zhes bgyi'am ji skad bgyi/ yangs pa'i grong khyer chen por mchis nas lid 
tsa bI'i tshogs rnams kyi mdun du ded dpon phan par bzhed pa de nub par gyur to zhes bgyi'am ji skad bgyi/ phyogs dang phyogs mtshams rnams nas rigs kyi bu dang rigs kyi bu mo gang dag zhu ba yongs su zhu ba'i slad du mchi ba de rnams la mkhyen pa chen po dang ldan pa 'jig rten thams cad kyi 
khams mkhyen pa mkhas pa the tshom zhus pa thams cad sel ba de nub par gyur to zhes bgyi'am ji skad bgyi/ phyogs dang phyogs mtshams rnams nas dbyar gyi gnas su gnas gnas pa'i dge slong bcom ldan 'das la blta ba dang / phyag 'tshal ba dang / bsnyen bkur bgyi ba dang / 
zhu ba dang brtag pa'i slad du mchi ba de rnams la chos dang ldan pa'i gtam gsung zhing mi'i chos bla ma rtogs pa bcom ldan 'das mi bzhugs na bdag gis mi mthong ngo mi thos so/ /cho 'phrul dang bcas pa'i tshangs par spyod pa de lta bu 'jig rten na mi snang bar 'gyur na/ bcom ldan 
'das bdag ci'i slad du mya ngan mi bgyid/ ci'i slad du bdag smre sngags mi 'don/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo thong mya ngan ma byed smre sngags ma 'don cig kun dga' bo nga'i tshangs par 

</font><hr>50-1-79b<br><font size=+1>

spyod pa skye bo mang po la phan par gyur pa lha dang mi rnams la rgya che zhing yangs pa dang lha dang bcas pa'i 'jig rten gyis mnos pa yun ring du gnas par 'gyur ro/ /kun dga' bo nga yongs su mya ngan las 'das nas dge slong 'od srung dang kun dga' bo khyed gnyis lo bzhi bcu lhag tsam du cho 'phrul dang 
bcas pa'i tshangs par spyod pa lha dang mis so sor mnos pa de spyod par 'gyur gyis kun dga' bo khyod mya ngan ma byed smre sngags ma 'don cig /nga'i dam pa'i chos skye bo mang po la phan par gyur pa lha dang mi rnams la rgya che zhing yangs par gyur pa yun ring du gnas par 'gyur ro/ /kun 
dga' bo nga 'das nas dge slong 'od srung dang khyed gnyis bskal pa grangs med pa bye ba khrag khrig brgya stong du yang dag par bsgrubs pa'i bla na med pa yang dag par rdzogs pa'i byang chub 'di dang / nga'i dge ba'i chos dkon mchog 'di rnam par 'phel zhing yongs su mi nyams par bya ba'i phyir zhugs 
par 'gyur ro/ /de ci'i phyir zhe na/ kun dga' bo dge slong 'od srung ni 'dod pa chung ba/ chog shes pa/ rab tu dben pa/ brtson 'grus brtsams pa/ dran pa nye bar bzhag pa/ spros pa med pa la dga' ba/ mnyam par bzhag pa/ shes rab rno ba'o/ /kun dga' bo dge slong 
'od srung ni skye bo mang po la yang dag par ston pa/ yang dag par 'dzin du 'jug pa/ yang dag par gzengs stod pa/ yang dag par rab tu dga' bar byed pa/ tshangs pa mtshungs par spyod pa thams cad la chos 'chad pas ngal ba med pa'o/ /kun dga' bo dge slong 'od srung ni 'khor 
bzhi po dag gi pha ma lta bu'o/ /kun dga' bo dge slong 'od srung ni 'jig rten la yun ring du lta zhing snying brtse ba can no/ /kun dga' bo dge slong 'od srung ni skye bo mang po la phan pa dang / skye bo mang po la bde ba dang / 'jig rten la snying brtse ba dang lha dang mi rnams kyi don dang phan pa dang bde ba'i 
phyir zhugs pa yin no/ /gsol pa bcom ldan 'das dge slong 'od srung skye bo mang po ji snyed cig gi don la dga' ba dang / lha dang mi rnams la phan pa dang bde bar dga' ba la zhugs pa lags/ bka' stsal pa/ kun dga' bo dge slong 'od srung gang gi tshe yongs su mya ngan las 

</font><hr>50-1-80a<br><font size=+1>

'da' ba de'i tshe 'di ltar byin gyis rlobs par 'gyur te/ bdag yongs su mya ngan las 'das nas de bzhin gshegs pa dgra bcom pa yang dag par rdzogs pa'i sangs rgyas byams pa 'jig rten du ma byung gi bar du bdag gi lus gzhan du ma gyur cig /gos dang spu dang skra dang 
pags pa dang mdog dang dbang po rnams gzhan du ma gyur cig /bdag gi lus sam yan lag thams cad kyang gzhan du ma gyur cig /gang gi tshe de bzhin gshegs pa byams pa 'jig rten du byung bar gyur pa de'i tshe de bzhin gshegs pa de 'dus pa dang po dang / de bzhin du 'dus pa gnyis pa 
dang / de bzhin du 'dus pa chen po gsum pa dang bcas pas bdag gi lus ma zhig par gzigs par gyur cig /bdag gis chos bshad pa la nye bar brten pa dang bdag gi byin gyis brlabs dang / bdag la dmigs pas srog chags brgya phrag mang po dang / srog chags stong phrag 
mang po dang / srog chags bye ba khrag khrig brgya stong mang po rnams dul bar gyur cig /gang gi tshe de bzhin gshegs pa byams pa dang nyan thos 'dus pa gsum po dbang po ma yengs pa gos ji lta ba bzhin du bgos pa de rnams kyis bdag gi lus ma zhig par gzigs par gyur pa de'i tshe bdag gi 
lus nam mkha' la mngon par 'phags nas lus kyi me'i khams kyis lus tshig par gyur cig /tshig pa de'i sol ba yang mi snang bar gyur cig snyam mo/ /kun dga' bo gang de ltar byin gyis rlob par 'gyur ba'i dge slong 'od srung de sems can yongs su smin par bya ba'i phyir de ltar skye 
bo mang po la phan pa dang / de ltar skye bo mang po la bde ba'i phyir zhugs pa yin no/ /kun dga' bo dge slong 'od srung yongs su mya ngan las 'das nas kyang brag gi ri bzhi lhan cig tu tshogs nas 'od srung gi lus bskor te gcig tu 'byor par gnas par 'gyur ro/ /kun dga' bo brag gi ri de bzhi'i 
nang na dge slong 'od srung gi lus gcig tu mkhregs shing ma zhig par gnas par 'gyur ro/ /de bzhin gshegs pa byams pa ji srid du 'jig rten du ma byung ba de srid du dge slong 'od srung gi lus gos dang bcas par ma zhig par gnas par 'gyur ro/ /de ci'i phyir zhe na/ kun dga' bo 'di lta ste/

</font><hr>50-1-80b<br><font size=+1>

tshul khrims dag pa'i phyir tshul khrims dang ldan pa tshangs par spyod pa'i sems la smon pa 'grub ste tshangs par mi spyod pa'i ma yin no/ /shes rab dang ldan pa'i 'grub kyi shes rab 'chal pa'i ma yin no/ /'dod chags dang bral ba'i 'grub kyi 'dod chags dang ma bral ba'i ma yin no/ /kun dga' 
bo de bas na dge slong 'od srung sngon gyi byin gyi rlabs kyis yongs su mya ngan las 'das nas de bzhin gshegs pa byams pa 'jig rten du ma byung gi bar du lus gzhan du mi 'gyur/ skra dang spu dang sha dang khrag dang pags pa dang de las gzhan pa'i yan lag dang nying lag rnams dang dbang po rnams dang / 
gos rnams gzhan du mi 'gyur zhing lus kyi dri nga ba med par 'gyur ro/ /kun dga' bo de nas de bzhin gshegs pa byams pa 'jig rten du byung nas 'dus pa dang po'i dge slong bye ba phrag dgu bcu rtsa drug dang thabs cig tu 'od srung gi lus ga la 'dug pa der gshegs par 'gyur ro/ /kun dga' bo 
de nas de bzhin gshegs pa byams pas dge slong 'od srung gi lus dge slong bye ba phrag dgu bcu rtsa drug po de dag la bstan nas 'di skad kyang bka' stsal to/ /dge slong dag 'di ni bcom ldan 'das shAkya thub pa'i nyan thos chen po dge slong 'od srung zhes bya ba yin te/ 'di ni sbyangs pa'i yon tan la 
gnas pa rnams dang / 'dod pa chung ba rnams dang chog shes pa rnams dang / rab tu dben pa rnams dang / brtson 'grus brtsams pa rnams dang / dran pa nye bar gzhag pa rnams dang / mnyam par gzhag pa rnams dang / shes rab dang ldan pa rnams kyi mchog yin te/ spros pa med 
pa la mos shing spros pa med pa la dga' ba/ skye bo mang po la yang dag par ston pa/ yang dag par 'dzin du 'jug pa/ yang dag par gzengs stod pa/ yang dag par rab tu dga' bar byed pa/ tshangs pa mtshungs par spyod pa la chos 'chad pas ngal ba med pa'o/ /dge slong dag 
dge slong 'od srung ni 'khor bzhi'i pha ma lta bur gyur pa'o/ /ring du rjes su lta ba/ shin du rjes su lta ba/ skye bo mang po la rjes su lta ba'o/ /dge slong dag dge slong 'od srung 'di skye bo mang po la phan pa dang / skye bo mang po la bde ba dang / 'jig rten la snying brtse ba'i phyir zhugs pa dang / lha 

</font><hr>50-1-81a<br><font size=+1>

dang mi rnams kyi don dang / phan pa dang bde ba'i phyir zhugs pa la ltos/ lan gnyis su yang de bzhin gshegs pa byams pa nyan thos bye ba dgu bcu rtsa bzhi dang thabs cig sa phyogs der gshegs par 'gyur ro/ /kun dga' bo lan gsum du yang de bzhin gshegs pa 
dgra bcom pa yang dag par rdzogs pa'i sangs rgyas byams pa nyan thos bye ba dgu bcu rtsa gnyis dang thabs cig tu dge slong 'od srung gi lus ga la 'dug pa'i sa phyogs der gshegs shing / kun dga' bo de bzhin gshegs pa byams pa de yang dge slong bye ba dgu bcu rtsa gnyis po rnams la 
dge slong 'od srung gi lus ston par 'gyur te/ dge slong dag dge slong 'od srung zhes bya ba 'di ni bcom ldan 'das de bzhin gshegs pa shAkya thub pa'i nyan thos chen po sbyangs pa'i yon tan 'dzin pa rnams kyi mchog /'dod pa chung ba dang chog shes pa nas skye bo mang po dang lha dang mi rnams la phan pa 
dang bde ba'i phyir zhugs pa'i bar la ltos/ kun dga' bo de nas de bzhin gshegs pa dgra bcom pa yang dag par rdzogs pa'i sangs rgyas byams pas de'i tshe phyag g.yas pa gser gyi kha dog can brkyang nas dge slong 'od srung chen po'i mgo la nyug par 'gyur ro/ /byugs nas kyang dge 
slong gi dge 'dun la gzigs par 'gyur ro/ /gzigs nas 'di skad bka' stsal to/ /dge slong dag dge slong 'od srung des bcom ldan 'das de bzhin gshegs pa shAkya thub pa yongs su mya ngan las 'das pa de'i dam pa'i chos ji ltar yongs su bzung ba de lta bu da lta nga'i dge slong gi dge 
'dun mang po 'di'i nang na nga yongs su mya ngan las 'das na gang dam pa'i chos 'chad pa'i dge slong gcig kyang med do zhes bka' stsol bar 'gyur ro/ /kun dga' bo de nas dge slong 'od srung 'dus pa chen po gsum pa de nyid du sngon gyi byin gyi rlabs kyis steng gi nam mkha'i bar snang la mngon 
par 'phags nas cho 'phrul rnam pa sna tshogs bstan te/ rang gi me'i khams kyis rang gi lus sreg par 'gyur te/ bsregs pa de'i sol ba yang mi snang / thal ba yang mi snang bar 'gyur ro/ /kun dga' bo de nas de bzhin gshegs pa byams pa de'i tshe dge slong 'od srung las 

</font><hr>50-1-81b<br><font size=+1>

brtsams nas ci nas kyang srog chags brgya phrag mang po dang srog chags stong phrag mang po dang / srog chags bye ba khrag khrig brgya stong mang po dang / lha dang mir bcas pa'i skye dgu dul bar 'gyur ba de lta de ltar dge slong bye ba dgu bcu rtsa drug po de dag la chos ston par 'gyur ro/ /kun 
dga' bo dge slong 'od srung ji ltar skye bo mang po la phan pa'i phyir zhugs pa la ltos/ kun dga' bo khyod kyang skye bo mang po la phan pa dang bde ba'i phyir zhugs so/ /'jug par yang 'gyur ro/ /kun dga' bo de ltar na dge slong 'od srung dang khyod gnyis lo bzhi bcu lhag tsam du nga'i dam pa'i chos 
'di 'dzin par 'gyur/ cho 'phrul dang bcas pa'i tshangs par spyod pa lha dang mi rnams la rgya che zhing yangs par gyur pa spyod par 'gyur ro/ /'od srung gi le'u ste lnga pa rdzogs so//   //de nas yang bcom ldan 'das kyis kun dga' bo la bka' stsal pa/ kun dga' bo khyod 
mya ngan ma byed cig ces bya ba nas rgyas par kun dga' bo khyod tshangs par spyod pa skye bo mang po la phan par gyur pa/ lha dang mi rnams la rgya che zhing yangs pa dang / yang dag par mnos pa spyod par 'gyur ro zhes bya ba'i bar du'o/ /kun dga' bo nga 'das shing nga yongs su mya ngan las 'das nas 
grong khyer bcom brlag na ri spo dang ngos che ba zhes bya ba yod par 'gyur ro/ /de na dge 'dun gyi kun dga' ra ba 'dam bu can zhes bya ba zhig yod par 'gyur te/ de na yul slan pa zhes bya ba'i dge slong rdzu 'phrul che ba/ mthu che ba/ gsal ba/ dul ba/ 'jigs pa med pa/ mang du thos pa/ 
mdo 'dzin pa/ 'dul ba 'dzin pa/ ma mo 'dzin pa/ yang dag par ston pa/ yang dag par 'dzin du 'jug pa/ yang dag par gzengs stod pa/ yang dag par rab tu dga' bar byed pa/ tshangs pa mtshungs par spyod pa rnams la chos 'chad pas ngal ba med pa zhig 'byung bar 'gyur te/ 
de yang tshangs par spyod pa 'di cho 'phrul dang bcas pa dang lha dang mi rnams la rgya che zhing yangs par byed par 'gyur gyis/ kun dga' bo khyod mya ngan ma byed smre sngags ma 'don cig /kun dga' bo nga 'das nas ri spo dang ngos che ba de nyid na dge 'dun gyi kun dga' ra ba 'dam bu can zhes bya ba de nyid 

</font><hr>50-1-82a<br><font size=+1>

na dge slong dga' ba can zhes bya ba rdzu 'phrul che ba/ mthu che ba nas tshangs pa mtshungs par spyod pa rnams la chos 'chad pas ngal ba med ces bya ba'i bar dang ldan pa zhig 'byung bar 'gyur te/ de yang nga'i bstan pa 'di yangs shing rgyas pa dang lha dang mis yang dag par 
mnos par byed par 'gyur gyis/ kun dga' bo khyod mya ngan ma byed smre sngags ma 'don cig /kun dga' bo nga 'das nas ri spo dang ngos che ba de nyid na ri u shi ra zhes bya ba yod par 'gyur ro/ /der dge slong bzhi khri bzhi stong 'dus par 'gyur te thams cad kyang rdzu 'phrul che ba/ mthu che ba 
dbang che bar grags pa/ gsal ba dul ba 'jigs pa med pa/ mang du thos pa mdo 'dzin pa/ 'dul ba 'dzin pa/ ma mo 'dzin pa/ skye bo mang po la yang dag par ston pa/ yang dag par 'dzin du 'jug pa/ yang dag par gzengs stod pa/ yang dag par rab tu dga' bar byed pa sha 
stag ste/ de dag kyang tshangs par spyod pa cho 'phrul dang bcas pa 'di rgyas par byed de lha dang mi rnams la rgya che zhing yangs par byed par 'gyur ro/ /kun dga' bo nga'i tshangs par spyod pa rgyas par 'gyur gyis kun dga' bo khyod mya ngan ma byed/ smre sngags ma 'don cig /kun dga' bo nga 
'das nas ri spo dang ngos che ba de nyid na dge slong nye sbas zhes bya ba 'byung bar 'gyur te rdzu 'phrul che ba/ mthu che ba nas de yang tshangs par spyod pa cho 'phrul dang bcas pa 'di yangs shing rgyas pa dang / lha dang mi rnams kyis yang dag par mnos par byed par 'gyur ba'i bar du'o/ /der yang 
nga'i dgra bcom pa mang po 'dus par 'gyur te/ dge slong gso sbyong gi las gcig pa/ nga rgyal med pa/ kun shes pa/ brda sprod pa/ brgyad khri brgyad stong 'byung bar 'gyur ro/ /de dag kyang nga'i tshangs par spyod pa rdzu 'phrul dang bcas pa'i spyod par 'gyur te/ lha dang mi rnams la yangs 
shing rgya che bar byed par 'gyur gyis kun dga' bo khyod mya ngan ma byed smre sngags ma 'don cig /kun dga' bo dge slong nye sbas nga'i tshangs par spyod pa yang yangs shing rgya che bar spyod cing lha dang mi rnams la yang dag par ston par 'gyur ro/ /kun dga' bo nga 'das nas grong khyer skya snar gyi bu zhes bya ba 

</font><hr>50-1-82b<br><font size=+1>

na dge 'dun gyi kun dga' ra ba lam zhes bya ba yod par 'gyur te/ der dge slong rta sbas zhes bya ba 'byung ste/ rig pa gsum dang ldan pa/ mngon par shes pa drug dang ldan pa/ rnam par thar pa brgyad la bsam gtan pa/ gnyis ka'i cha las rnam par grol ba/ rdzu 'phrul che ba/ mthu che ba nas de 
yang tshangs par spyod pa 'di yangs shing rgyas par byed par 'gyur zhes bya ba'i bar du rgya cher thams cad du sbyar ro/ /kun dga' bo khyod mya ngan ma byed smre sngags ma 'don cig /kun dga' bo nga 'das nas de nyid du bya gag gi kun dga' ra bar dge slong bla ma zhes bya ba 'byung ste/ rdzu 'phrul che ba/ mthu 
che ba zhes bya ba nas/ de yang bstan pa 'di cho 'phrul dang bcas par byed cing lha dang mi rnams la so sor yangs shing rgyas par byed par 'gyur gyis kun dga' bo khyod mya ngan ma byed smre sngags ma 'don cig /de ci'i phyir zhe na/ kun dga' bo nga'i tshangs par spyod pa rgyas pa dang / lha dang mi rnams la yangs 
shing rgya che bar 'gyur ba'i phyir ro/ /kun dga' bo nga yongs su mya ngan las 'das shing 'das pa'i 'og tu yul yan lag ces bya ba de na nyan thos rnams la lo lnga'i dus ston byed par 'gyur ro/ /der dgra bcom pa khri sum stong 'dus par 'gyur te/ thams cad kyang rdzu 'phrul che ba/ mthu che ba 
dbang che bar grags pa nas rgya cher tshangs pa mtshungs par spyod pa rnams la chos 'chad pas ngal ba med pa sha stag gi bar du'o/ /de na dge 'dun gyi gnas brtan dad ldan drug pa zhes bya ba zhig yod par 'gyur te/ rdzu 'phrul che ba mthu che ba/ dbang che bar grags pa nas rgya cher tshangs pa 
mtshungs par spyod pa rnams la chos 'chad pas ngal ba med pa'i bar du ste/ de yang nga'i tshangs par spyod pa cho 'phrul dang bcas pa lha dang mi rnams la rgyas par byed par 'gyur gyis kun dga' bo khyod mya ngan ma byed smre sngags ma 'don cig /kun dga' bo nga 'das nas grong khyer gser gyi 
bre zhes bya ba na bram ze'i rigs las rab tu byung ba dge slong mkhas pa zhes bya ba dang / yang dag par rgyal ba can zhes bya ba gnyis 'byung ste/ rdzu 'phrul che ba mthu che ba/ dbang che bar grags pa nas de gnyis kyang tshangs par spyod pa cho 'phrul dang bcas pa 'di rgyas pa'i bar du byed par 'gyur 

</font><hr>50-1-83a<br><font size=+1>

gyis kun dga' bo khyod mya ngan ma byed/ smre sngags ma 'don cig /kun dga' bo nga 'das nas grong khyer gnas bcas zhes bya ba na dge slong brtson 'grus che zhes bya ba 'byung ste/ rdzu 'phrul che ba mthu che ba de yang tshangs par spyod pa 'di lha dang mi rnams la cho 'phrul dang bcas 
par byed par 'gyur gyis kun dga' bo khyod mya ngan ma byed smre sngags ma 'don cig /kun dga' bo nga 'das nas ma 'ongs pa'i dus na dge slong nyi ma'i gung zhes bya ba 'byung ste/ kun dga' bo dge slong nyi ma'i gung de yang nga'i chos 'dul ba 'di rgyas par byed cing lha dang mi rnams la cho 'phrul 
dang bcas pa dang yangs shing rgya che bar byed par 'gyur gyis kun dga' bo khyod mya ngan ma byed/ smre sngags ma 'don cig /kun dga' bo nga 'das nas byang phyogs kyi rgyud na yul spos 'dzin zhes bya ba na dge slong 'od srung zhes bya ba 'byung ste/ rdzu 'phrul che ba mthu che ba/ dbang che bar grags pa 
gsal ba 'jigs pa med pa/ mang du thos pa/ 'dul ba 'dzin pa/ mdo 'dzin pa/ ma mo 'dzin pa/ yang dag par ston pa/ yang dag par 'dzin du 'jug pa/ yang dag par gzengs stod pa/ yang dag par rab tu dga' bar byed pa nas de yang nga'i bstan pa rgyas par byed pa'i bar 
du 'gyur gyis kun dga' bo khyod mya ngan ma byed/ smre sngags ma 'don cig /kun dga' bo nga 'das nas byang phyogs kyi rgyud na grong khyer rdo 'jog ces bya ba phyogs dang phyogs mtshams su sgra grag pa yod par 'gyur te de na khyim bdag ral pa can zhes bya ba phyug pa nor che ba/ longs spyod che ba/ bsod 
nams dang ldan pa/ shes rab dang ldan pa/ gzugs bzang ba mdzes pa/ blta na sdug pa/ kha dog bzang po rgyas pa mchog dang ldan pa/ dad pa can dang ba can zhig 'byung ste/ de nga'i lus dang nyan thos rnams la bsti stang du byed pa dang / bla mar byed pa dang / rim gror byed pa dang / mchod 
pa dang rjed pa la spro bar 'gyur te/ rim gyis byang chub kyi tshogs yongs su rdzogs par bya ba nas ma 'ongs pa'i dus na bskal pa stong rdzogs pa dang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ bskal pa bzang byed ces bya ba la bkod pa chen pos 

</font><hr>50-1-83b<br><font size=+1>

legs par brgyan pa'i 'jig rten gyi khams su kun tu snang ba zhes bya ba'i de bzhin gshegs par 'gyur ro/ /kun dga' bo khyim bdag ral pa can de yang nga yi bstan pa 'di lha dang mi rnams la rgyas par byed par 'gyur gyis kun dga' bo khyod mya ngan ma byed/ smre sngags ma 'don cig /kun 
dga' bo nga 'das nas byang phyogs kyi rgyud na rgyal po'i pho brang 'byor ba rgyas pa bde ba lo legs pa skye bo mang po dang mis gang ba rgyas ldan zhes bya ba yod par 'gyur te/ de na bram ze dang khyim bdag rnams nga'i bstan pa 'di la dad cing sems dang bar 'gyur ro/ /kun dga' bo de dag kyang nga mya 
ngan las 'das pa'i lus dang nyan thos rnams la bsti stang du bya ba dang / bla mar bya ba dang / rim gror bya ba dang / mchod pa dang rjed pa dang / ri mor bya ba la spro bar 'gyur ro/ /der yang nga'i nyan thos rdzu 'phrul che ba mthu che ba dbang che bar grags pa brgya phrag mang po 'dus par 'gyur te rgya cher sbyar 
ro/ /kun dga' bo de na 'khod pa'i khyim pa rnams kyang phal cher gsal ba/ dul ba 'jigs pa med pa/ mang du thos pa/ thos pa sogs pa/ mkhas pa shes rab che ba sha stag go/ /kun dga' bo rgyal po'i pho brang rgyas ldan de na khyim pa gang dag 'chi ba'i dus byed pa de dag 'chi ba'i dus 
byas ma thag tu phal cher dga' ldan gyi lha'i ris su skye bar 'gyur ro/ /rab tu byung ba gang dag 'chi ba'i dus byed pa de dag ni phal cher log par ltung bar 'gyur ro/ /de ci'i phyir zhe na/ 'di ltar de dag yo byad bsnyungs pa la mi gnas shing sdom pa la mi gnas pa'i phyir ro/ /kun dga' bo 
rgyal po'i pho brang rgyas ldan na dam pa'i chos gnas bzhin du bram ze dang khyim bdag gang dag 'di ltar bcom ldan 'das shAkya thub pa'i dam pa'i chos nub bo snyam du sems so/ /de ci'i phyir zhe na/ kun dga' bo 'di ltar de'i tshe na dge slong phal cher lhod pa dang / yo byad mang ba dang spong ba 
las nyams pa dang / ldog pa la thog mar 'gro ba dang / rab tu dben pa la brtson pa bor ba dang / 'khor bzhi po dag dang 'dre ba dang / tshul nyams pa dang / tshul khrims 'chal bar 'gyur te/ de dag bram ze dang khyim pa rnams dang lhan cig tu tshul nyams shing tshigs las 'das 

</font><hr>50-1-84a<br><font size=+1>

pa dang / gcig la gcig mi gus par me tog dang 'bras bu dang bza' ba dang bca' ba dag sbyin pa dang rab tu sbyin par byed pa la mngon par dga' zhing ma bsdams par 'gyur ro/ /de dag kyang bu dang chung ma spyod par byed de/ de dag gis de mthong zhing thos nas bcom ldan 'das kyi 
dam pa'i chos nub par mi 'gyur grang snyam nas rab tu 'jigs pa dang skrag pa dang mi dga' bar 'gyur ro/ /de'i tshe yang rgyal po'i pho brang rgyas ldan de na dge bsnyen chos 'phel zhes bya ba rdzu 'phrul che ba mthu che ba/ dbang che bar grags pa/ gsal ba dul ba 'jigs pa med pa mang du thos pa thos pa 
nges par byed pa la mkhas pa zhig 'byung ste/ der bram ze dang khyim bdag de rnams dga' bar bya ba'i phyir rdzu 'phrul gyis nam mkha' la mngon par 'phags nas bram ze dang khyim bdag rnams la yang dag par ston/ yang dag par 'dzin du 'jug /yang dag par gzengs stod/ yang 
dag par rab tu dga' bar byed cing tshig 'di skad kyang smra bar 'gyur te/ bram ze dang khyim bdag rnams ma 'jigs shig /dogs pa ma skyed cig /the tshom ma skyed cig /yid gnyis ma za shig /bcom ldan 'das shAkya thub pa de'i dam pa'i chos da dung gnas shing ma nub kyis khyed 
ma thob pa thob par bya ba dang / ma rtogs pa rtogs par bya ba dang / mngon sum du ma byas pa mngon sum du bya ba'i phyir sbyor ba gyis shig /brtsal ba gyis shig /'bad pa gyis shig /da dung 'phags pa'i chos thos par bya sla'o/ /de nas bram ze dang khyim bdag de rnams tshim zhing 
mgu ste yi rangs shing rab tu dga' la dga' ba dang yid bde ba skyes nas sbyin pa dag sbyin/ bsod nams dag byed cing nga'i ring bsrel la rim gror bya ba nas rjed pa dang mngon par mchod par bya ba'i phyir spro ba skye bar 'gyur zhing thos pa dang tshul khrims dang spong ba la yang brtson par 'gyur ro/ /
de ltar khyim bdag chos 'phel gyis bram ze dang khyim bdag rnams dga' bar byas pas phal cher mtho ris dang thar par 'gro bar 'gyur ro/ /kun dga' bo khyim bdag chos 'phel de yang nga'i bstan pa 'di rgya cher rgyas par byed par 'gyur ro/ /kun dga' bo de ltar nga 'das nas nga'i 

</font><hr>50-1-84b<br><font size=+1>

bstan pa 'di la sems dang zhing mngon par dga' ba/ sngon gyi rgyal ba la lhag par bya ba byas pa/ dge ba'i rtsa ba bskyed pa/ lhag pa'i bsam pa phun sum tshogs pa/ sangs rgyas mang po la bsnyen bkur byas pa'i khyim bdag kyang mang du 'byung bar 'gyur ro/ /de dag kyang nga'i lus dang nyan thos 
rnams la rim gror bya ba dang /bla mar bya ba dang / bsti stang du bya ba dang / mchod par bya ba dang / rjed par bya ba dang / mngon par mchod par bya ba'i phyir spro bar 'gyur te/ kun dga' bo de dag kyang nga'i bstan pa 'di rgyas par byed cing lha dang mi rnams kyis mnos par byed par 'gyur ro/ /kun 
dga' bo nga 'das nas ma 'ongs pa'i dus na byang phyogs kyi rgyud du dge slong 'tsho byed ces bya ba sngon gyi rgyal ba la lhag par bya ba byas pa/ sangs rgyas brgya stong mang po la bsnyen bkur byas pa/ dge ba'i rtsa ba bskyed pa/ lhag pa'i bsam pa bskyed pa/ theg pa chen po la yang dag par zhugs pa/ 
skye bo mang po la phan pa dang bde ba'i phyir zhugs pa/ mang du thos pa/ byang chub sems dpa'i sde snod 'dzin pa/ theg pa chen po'i bsngags pa brjod pa/ theg pa chen po yang dag par rab tu ston pa zhig 'byung bar 'gyur te/ de nga'i sku gdung gi mchod rten zhig cing ral ba mthong nas 
gser gyis brgyan par byed cing gdugs dang rgyal mtshan dang ba dan dang / dar dang / dril bu g.yer kha'i dra ba g.yogs pa dang / de bzhin gshegs pa'i sku gzugs dang mchod rten gyi khang pa dang mchod rten rnams seng ge'i rgyal mtshan gyis brgyan te/ lha dang mi rnams dga' ba skye zhing de 
yongs su bskyang ba dang / nga'i bstan pa yongs su bskyang ba dang / sems ma dang ba rnams dang bar bya ba dang / dang ba rnams phyir zhing 'phel ba dang / skye bo mang po'i dge ba'i rtsa ba'i tshogs bsags pa'i phyir lo lnga pa byed du 'jug par 'gyur ro/ /kun dga' bo de'i tshe na dge slong mi brtson pa/ 
lhod pa yo byad mang ba spong ba las nyams pa/ tshul nyams pa tshul khrims 'chal pa/ sdig pa'i chos kun tu spyod pa/ 'du 'dzi la dga' ba/ rab tu dben pa la mi lta ba/ brtson pa bor ba/ gnas gcig na 'khod pa/ yongs su 'dzin pa la brtson pa/ khyim pa dang rab tu byung ba rnams 

</font><hr>50-1-85a<br><font size=+1>

dang 'dres pa/ dkon mchog gsum dang ma 'dres pa/ ma gus pa dge sbyong ltar bcos pa dag ni mang du 'byung bar 'gyur ro/ /de na dge slong brtson 'grus brtsams pa/ rab tu dben pa dran pa nye bar gzhag pa/ mnyam par bzhag pa/ shes rab dang ldan pa/ sems 
rtse gcig pa dge ba'i chos can/ 'dod pa chung ba/ chog shes pa/ bsod snyoms la rgyu ba/ 'phags pa'i rigs la gnas pa/ mang du thos pa thos pa bsags pa dag ni nyung ngu 'byung bar 'gyur te/ de la dge slong 'tsho byed khong khro ba'i sems med pa dang / dbang po ma nyams pa dang / 
dad pa dang dang ba mchog dang ldan pas/ gos ngur smrig bgos shing tshul khrims dang ldan pa'i 'du shes can thams cad la sbyin gnas su 'du shes bskyed nas sbyin pa sbyin/ dge ba'i rtsa ba skyed par byed de/ de byang chub sems dpa' byed pa'i dge ba'i rtsa ba rgya chen po rnam pa sna tshogs bsags nas 
'chi ba'i dus byas ma thag tu nub phyogs su sangs rgyas kyi zhing bye ba brgya stong 'das pa na de bzhin gshegs pa 'od dpag med kyi sangs rgyas kyi zhing 'jig rten gyi khams bde ba can du skye bar 'gyur te 'jig rten gyi khams yon tan thams cad kyis brgyan pa zhes bya bar de bzhin gshegs pa 'od dri ma 
med pa zhes bya bar 'gyur ro/ /kun dga' bo dge slong 'tsho byed de yang nga'i bstan pa 'di yangs shing rgyas par byed par 'gyur gyis kun dga' bo khyod mya ngan ma byed/ smre sngags ma 'don cig /kun dga' bo nga'i tshangs par spyod pa rgyas pa dang lha dang mi rnams kyis mnos par 'gyur ro/ /kun 
dga' bo nga 'das nas ma 'ongs pa'i dus na mtha' 'khob kyi yul nags kyi sa na rgyal po'i pho brang zhi ba zhes bya ba zhig yod par 'gyur te/ de na rgyal po mes sbyin zhes bya ba dad pa dang ldan pa dang ba zhig 'byung ste/ de nga'i sku gdung dang nyan thos rnams la bsti stang du bya ba dang / bla mar bya ba nas rjed par bya 
ba'i bar la spro bar 'gyur ro/ /kun dga' bo rgyal po mes sbyin de yang rgyal po'i pho brang zhi ba der nga'i nyan thos rnams bsdus nas dang bar byed par 'gyur ro/ /der dgra bcom pa sum stong lhag tsam 'dus par 'gyur te/ thams cad kyang rdzu 'phrul che ba mthu che ba dbang che bar grags pa nas tshangs pa 

</font><hr>50-1-85b<br><font size=+1>

mtshungs par spyod pa rnams la chos 'chad pas ngal ba med pa sha stag go/ /kun dga' bo de dag kyang nga'i bstan pa rgyas par byed de lha dang mi rnams la yangs shing rgya che bar byed par 'gyur gyis kun dga' bo khyod mya ngan ma byed/ smre sngags ma 'don cig /kun dga' bo nga 'das nas byang 
phyogs kyi rgyud na grong khyer shing kun skye ba zhes bya ba zhig yod par 'gyur te/ der nga'i mche ba la me tog dang / phreng ba dang / spos dang / byug pa dang / sil snyan dang / gdugs dang / rgyal mtshan dang / ba dan dang / rnam par rgyal ba'i ba dan la sogs pa dang / gos dang dngul dang gser 
dang rin po che rnams kyis bsti stang byed bla mar byed rim gror byed mchod par byed par 'gyur ro/ /kun dga' bo nga'i mchod rten yang gser gyis brgyan par 'gyur ro/ /kun dga' bo sa phyogs der rab tu byung ba'i skye bo mang po 'byung bar 'gyur ro/ /skye bo mang po tshul khrims dang ldan pa dang / dge 
ba'i chos dang ldan pa rnams dang / dge slong gi tshogs brgya stong du ma 'byung bar 'gyur ro/ /kun dga' bo de na khyim pa tshul khrims dang ldan pa/ mang du thos pa mkhas pa yid gzhungs pa/ nga'i bstan pa 'di la dad pa dang dang ba dag kyang mang du 'byung ste/ de dag nga'i sku gdung dang nyan thos 
rnams la bsti stang du bya ba dang / bla mar bya ba dang / rim gror bya ba dang / mchod par bya ba dang / rjed par bya ba dang / mngon par mchod par bya ba'i phyir spro bar 'gyur ro/ /de dag nga'i dkon mchog gsum yongs su bzung ste/ dge ba'i rtsa ba des lha dang mi'i phun sum tshogs pa myong nas 
kha cig ni bla na med pa yang dag par rdzogs pa'i byang chub mngon par rdzogs par 'tshang rgya/ kha cig ni rang sangs rgyas kyi theg pas yongs su mya ngan las 'da'/ kha cig ni nyan thos kyi theg pas yongs su mya ngan las 'da' bar 'gyur te/ kun dga' bo de ltar na de dag gi bsti stang mthu che 
bar 'gyur ro/ /kun dga' bo de dag kyang nga'i bstan pa 'di rgya che zhing rgyas par byed par 'gyur ba dang / lha dang mi rnams la yangs shing shin tu rgyas par 'gyur ba dang / bkrol zhing yang dag par bstan par byed par 'gyur gyis kun dga' bo khyod mya ngan ma byed/ smre sngags ma 'don cig /kun 

</font><hr>50-1-86a<br><font size=+1>

dga' bo nga'i tshangs par spyod pa rgyas pa dang lha dang mi rnams kyis yang dag par mnos par 'gyur ro/ /kun dga' bo 'dzam bu'i gling thams cad sku gdung gi mchod rten dang / de bzhin gshegs pa'i sku gzugs rnams kyis kyang kun du rgyas par 'gyur na/ kun dga' bo lha 
dang / klu dang / gnod sbyin dang / dri za dang / lha ma yin dang / nam mkha' lding gi gnas rnams na mi snang bar gyur pa rnams kyis gang bar 'gyur ba lta smos kyang ci dgos kyis kun dga' bo khyod mya ngan ma byed/ smre sngags ma 'don cig /kun dga' bo de ltar na nga'i chos 'dul ba rgyas par 
'gyur zhing lha dang mi rnams la yangs shing rgya che bar 'gyur ro/ /dam pa'i chos 'dzin pa'i le'u ste drug pa rdzogs so//   //yang de'i tshe bcom ldan 'das kyis tshe dang ldan pa kun dga' bo la bka' stsal pa/ kun dga' bo nga yongs su mya ngan las 'das nas rigs kyi bu'am rigs kyi bu 
mo rab tu byung ba'am/ khyim na gnas pa gang dag kha cig tha na ring bsrel yungs 'bru tsam la bsti stang byed/ bla mar byed/ rim gror byed/ mchod par byed na/ kun dga' bo dge ba'i rtsa ba de dag thams cad kyi 'bras bu yongs su mya ngan las 'das pa yin te/ tha ma yongs su 
mya ngan las 'da' bar nga smra'o/ /kun dga' bo nga yongs su mya ngan las 'das nas rigs kyi bu'am rigs kyi bu mo gang dag kha cig tha na nga'i phyir byas pa'i mchod rten mthong nas sems dang ba skyed na/ kun dga' bo 'di la sems dang ba'i dge ba'i rtsa ba de dag thams cad kyi 'bras bu yang mya ngan 
las 'das pa yin te/ tha ma yongs su mya ngan las 'da' bar 'gyur bar nges par shes par gyis shig /kun dga' bo gang nga 'dug pa la mngon sum du bsti stang byed pa dang / bla mar byed pa nas mchod par byed pa'i bar lta zhog /gang nga yongs su mya ngan las 'das nas ring bsrel 
yungs 'bru tsam la bsti stang byed pa lta yang zhog /nga'i phyir mchod rten byas pa la gang bsti stang byed pa lta'ang zhog ste/ kun dga' bo gang dag kha cig sangs rgyas la dmigs nas tha na me tog gcig nam mkha' la 'thor na/ kun dga' bo dge ba'i rtsa ba de dag thams cad kyi 'bras bu mya 

</font><hr>50-1-86b<br><font size=+1>

ngan las 'das pa yin te/ tha ma mya ngan las 'da' bar nga smra'o/ /kun dga' bo sangs rgyas bcom ldan 'das rnams la mchod pa byas pa rdzu 'phrul ji tsam du che ba la ltos/ gang na sangs rgyas la dmigs pa'i sems kyis me tog gcig nam mkha' la bor bas kyang mya ngan las 'das par phyin 
par byed na/ kun dga' bo gang dag de bzhin gshegs pa la mngon sum du bsti stang byed pa'am/ yongs su mya ngan las 'das nas sku gdung la sku gdung gi mchod pa byed pa lta ci smos kun dga' bo de bzhin gshegs pa rnams kyi de bzhin gshegs pa'i yul bsam gyis mi khyab bo/ /kun 
dga' bo de bzhin gshegs pa bsam gyis mi khyab pa la bsti stang byas na rnam par smin pa yang bsam gyis mi khyab par shes par bya'o/ /kun dga' bo sangs rgyas la dmigs pa'i sems kyis nam mkha' la me tog gcig bor ba'i rnam par smin pa gal te ngas sangs rgyas kyi ye shes kyis bstan 
na kun dga' bo khyod nyid kyang ngo mtshar dang rmad du byung bar 'dzin pa dang / dga' ba dang mgu ba dang / rab tu dga' bar gyur na ma 'ongs pa'i dus na nga'i bu gang dag rab tu dad pa rab tu gus pa rab tu dang ba rnams dang / gang dag sangs rgyas kyi yon tan la rtog cing sangs rgyas kyi ye shes don du gnyer bar 
'gyur ba de dag lta ci smos/ de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das kyis sangs rgyas la dmigs nas nam mkha' la me tog gcig bor ba'i rnam par smin pa bshad pa'i dus la bab ste/ bcom 
ldan 'das dus 'di lags so/ /bde bar gshegs pa skabs 'di lags so/ /gang bcom ldan 'das las thos nas dge slong rnams yang dag pa nyid du 'dzin par 'gyur ba de ni skye bo mang po la sman pa dang / skye bo mang po la bde ba dang / 'jig rten la snying brtse ba dang / lha dang mi rnams 
la don dang phan pa dang bde bar 'gyur ro/ /da ltar dang ma 'ongs pa'i dus kyi sems can rnams de bzhin gshegs pa las thos nas yang dang yang du dge ba'i rtsa ba skyed par 'gyur/ sems dang bar 'gyur/ yid bde ba yang thob par 'gyur te/ de bzhin gshegs pa dgra bcom pa yang dag par 

</font><hr>50-1-87a<br><font size=+1>

rdzogs pa'i sangs rgyas shAkya thub pa shAkya'i rgyal po thugs rje chen po dang ldan pa/ 'jig rten thams cad la phan zhing thugs brtse ba can gyis bdag cag dbugs phyung ngo zhes de dag rgya cher spro bar 'gyur te sangs rgyas yid la bgyid cing sangs rgyas la dmigs pa'i dran pa skyed 
par 'gyur ro/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo de'i phyir shin tu legs par nyon la yid la zung shig dang bshad do/ /btsun pa de bzhin no zhes gsol nas tshe dang ldan pa kun dga' bo 
bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /kun dga' bo gang dag kha cig sangs rgyas la dmigs nas tha na sangs rgyas la dmigs pa'i sems kyis me tog gcig nam mkha' la 'dor na/ de'i rnam par smin pa gang yin pa 
de ni kun dga' bo gal te sems can 'ga' zhig bskal pa gcig tu 'khor ba 'di ji srid par kun du rgyug cing 'khor yang 'khor ba'i sngon gyi mtha' mi shes pa bzhin du bsod nams mngon par 'du bya ba'i dge ba'i rtsa ba mngon par 'du byas pa de'i mtha' de ni brgya byin nyid rnams kyis rnyed par sla 
ba ma yin no/ /de ci'i phyir zhe na/ kun dga' bo 'di ltar sangs rgyas la phul ba'i yon ni 'khor ba na spyod pa'i bde ba thams cad kyis mthar gtugs par sla ba ma yin te/ gzhan du na dge ba'i rtsa ba de'i 'bras bu mya ngan las 'das pa nyid 'bras bu yin pas tha ma mya ngan las 'da' 
bar nga smra'o/ /kun dga' bo gang dag kha cig mngon du bsti stang byed pa lta yang zhog /gang nga'i sku gdung dang ring bsrel yungs 'bru tsam la sku gdung gi mchod pa byed pa lta yang zhog /gang nga'i phyir mchod rten byas pa rnams la bsti stang byed pa lta yang zhog /gang sangs rgyas la dmigs 
nas tha na me tog gcig nam mkha' la 'dor ba lta yang zhog ste/ kun dga' bo gal te sems can mya ngan las 'da' ba'i skal ba med pa zhig gis sangs rgyas la dmigs nas/ tha na me tog gcig nam mkha' la 'dor na yang kun dga' bo dge ba'i rtsa ba de'i 'bras bu de yang mya ngan 

</font><hr>50-1-87b<br><font size=+1>

las 'das pa 'bras bu yin te/ mya ngan las 'das pas klas pa dang / mya ngan las 'das pa'i mthas gtugs par nga smra'o/ /dge ba'i rtsa ba de dag gi mtha' ni mya ngan las 'das pa yin te mya ngan las 'das pa ni gtso bo yin/ mya ngan las 'das pa ni khyad par can yin/ mya ngan las 
'das pa ni mchog yin/ mya ngan las 'das pa ni gya nom pa yin no/ /sbyin pa de mthar phyin pa la phul ba ni mya ngan las 'das pa rnam par dag par nga smra'o/ /kun dga' bo rgyu des de bzhin gshegs pa sbyin gnas rnams kyi mchog dang / sbyin gnas rnams kyi rgyal po yin no/ /
de ci'i phyir zhe na/ sbyin pa gang de bzhin gshegs pa la phul ba de'i 'bras bu mya ngan las 'das par 'thob par 'gyur te/ de'i phyir de bzhin gshegs pa sbyin gnas rnams kyi mchog ces bya'o/ /kun dga' bo lam de ni 'thun pa'o/ /kun dga' bo 'di ltar rnam grangs 'dis 
na de bzhin gshegs pa ni ma nges par len pa rnams kyi mchog yin par bstan to/ /de bzhin gshegs pa la yon phul ba thams cad kyi mtha' ni 'bras bu mya ngan las 'das pa yin te/ mya ngan las 'das pas klas pa dang / mya ngan las 'das pa'i mthas gtugs par 'gyur ro/ /kun dga' 
bo sbyin pa de lta bu'ang lta zhog /de ci'i phyir zhe na/ kun dga' bo gang sangs rgyas la dmigs nas tha na sems gcig bskyed de dang ba skyed na/ kun dga' bo de thams cad kyi 'bras bu yang mya ngan las 'das pa yin te/ tha ma mya ngan las 'da' bar nga smra'o/ /kun dga' bo mir gyur pa'i sbyin pa 
byas pa de lta bu yang lta zhog la/ kun dga' bo gang tha na dud 'gro'i skye gnas su song ba'i sems can rnams kyang sangs rgyas la dmigs pa'i dran pa rnyed pa de dag thams cad kyi 'bras bu yang mya ngan las 'das pa yin te/ tha ma mya ngan las 'da' bar nga smra'o/ /kun dga' bo 'di ltar dud 
'gro'i skye gnas su song ba'i sems can rnams kyang tha ma mya ngan las 'da' ba'i bar du 'gyur te/ 'di ltar rdzu 'phrul che bas sangs rgyas bcom ldan 'das rnams la yon phul ba ji tsam du rdzu 'phrul che ba dang / sangs rgyas rnams la sems dang ba ji tsam du rdzu 'phrul che ba la ltos/ kun dga' 

</font><hr>50-1-88a<br><font size=+1>

bo khyod mya ngan ma byed/ smre sngags ma 'don cig dang / kun dga' bo khyod rdzu 'phrul che ba dang / 'bras bu che ba dang / phan yon che ba dang / rab tu rgya che ba dang / 'od che ba dang / bdud rtsi lta bu dang / mi 'chi bas klas pa dang / mi 'chi ba'i mthas gtugs par 'gyur 
ro/ /kun dga' bo khyod kyis de bzhin gshegs pa la byams pa'i lus kyi las dang / byams pa'i ngag gi las dang byams pa'i yid kyi las phan pa dang / bde ba dang gnyis su med pa dang / tshad med pa dang / kho na med pa dang / gnod sems med pas bsnyen bkur byas te/ 
kun dga' bo gang stong gsum gyi stong chen po'i 'jig rten gyi khams thams cad rgyun du zhugs pas yongs su gang bar gyur cing / lan cig phyir 'ong ba dang / phyir mi 'ong ba dang / dgra bcom pa rnams kyis yongs su gang bar gyur pa 'di lta ste dper na/ bu ram shing stug po'am/ 'bras 
zhing stug po'am/ 'dam bu mda' rgyu stug po'am/ 'od ma stug po'am/ 'dam bu stug po'am/ til zhing stug po'am/ rtswa ku sha stug po lta bur gyur pa de dag thams cad la rigs kyi bu'am/ rigs kyi bu mo la la zhig bskal pa'am bskal pa las lhag par bsti stang byed/ bla mar 
byed/ rim gror byed/ mchod par byed cing bde ba'i yo byad yid du 'ong ba thams cad dang / bde bar sbyar ba'i spyad pa thams cad kyis bsnyen bkur byed na kun dga' bo de ji snyam du sems/ rigs kyi bu'am rigs kyi bu mo de gzhi de las bsod nams mang du skyed dam/ gsol pa/ bcom 
ldan 'das mang lags so/ /bde bar gshegs pa mang lags so/ /bka' stsal pa/ kun dga' bo bsod nams kyi phung po gang yin pa de ni gang de bzhin gshegs pa la tha na thal mo sbyar ba lan cig byas te de bzhin gshegs pa la phyag 'tshal lo zhes tshig lan cig smras na/ kun dga' 
bo thal mo sbyar ba gcig gis bsti stang byas pa de la dge ba'i rtsa ba snga ma des brgya'i char yang mi chog /stong gi cha dang / brgya stong gi cha dang grangs dang cha bgrang ba dang char yang mi chog go/ /kun dga' bo de ci'i phyir zhe na/ de ltar de bzhin gshegs pa ni sbyin gnas rnams kyi bla na med pa ste/

</font><hr>50-1-88b<br><font size=+1>

de bzhin gshegs pa la yon phul ba de ltar rdzu 'phrul che'o/ /kun dga' bo stong gsum gyi stong chen po'i 'jig rten gyi khams dgra bcom pas yongs su gang ba la bsnyen bkur byed pa lta'ang zhog la/ kun dga' bo gal te stong gsum gyi stong chen po'i 'jig rten gyi khams 'di rang 
sangs rgyas kyis yongs su gang bar gyur pa 'di lta ste/ bu ram shing stug po'am/ 'dam bu stug po nas rtswa ku sha stug po'i bar lta bur gyur pa de dag la 'ga' zhig ji srid 'tsho'i bar du bde ba'i yo byad thams cad dang / bde ba la reg par gnas par 'gyur ba thams cad kyis bsti 
stang byed/ bla mar byed/ ri mor byed/ mchod par byed cing rang sangs rgyas de dag yongs su mya ngan las 'das pa rnams kyi mchod rten rin po che sna bdun las byas te/ de dag la yang ji srid 'tsho'i bar du me tog dang / bdug pa dang / spos dang / phreng ba dang / byug pa dang / phye ma dang / gos 
dang / gdugs dang / rgyal mtshan dang / ba dan thams cad kyis bsti stang byed/ bla mar byed pa nas mchod par byed pa'i bar du byed na/ kun dga' bo de ji snyam du sems/ de gzhi de las bsod nams mang du skyed dam/ gsol pa bcom ldan 'das mang lags so/ /bde bar gshegs 
pa mang lags so/ /bka' stsal pa/ kun dga' bo gang bsod nams kyi phung po 'di ni gang de bzhin gshegs pa la tha na sems bskyed pa gcig gis sems rab tu dang bas rjes su dran pa dang / sangs rgyas kyi yon tan rnams la dad pa dang rtog pa dang mos pa dang / de bzhin gshegs pa 
rnams kyi ye shes ni bsam gyis mi khyab bo zhes tshig tu smra ba ni kun dga' bo sems dang ba'i dge ba'i rtsa ba 'di la rang sangs rgyas la bskyed pa'i bsod nams kyi phung po snga mas tha na cha nas rgyu'i bar du yang nye bar mi 'gro'o/ /de ci'i phyir zhe na/ kun dga' bo sangs rgyas bcom ldan 'das rnams 
kyi byams pa dpag tu med/ snying rje chen po dpag tu med/ tshul khrims dpag tu med/ ting nge 'dzin dpag tu med/ shes rab dpag tu med/ rnam par grol ba dpag tu med/ rnam par grol ba'i ye shes mthong ba dpag tu med/ yang dag par 'grub pa dpag tu med/ rtogs pa dpag tu 

</font><hr>50-1-89a<br><font size=+1>

med de/ kun dga' bo sangs rgyas bcom ldan 'das rnams kyi ye shes bsam gyis mi khyab/ sangs rgyas kyi yul bsam gyis mi khyab pa de la rnam par smin pa yang bsam gyis mi khyab par shes par byos la kun dga' bo khyod mya ngan ma byed smre sngags ma 'don cig /
kun dga' bo khyod rdzu 'phrul chen po dang rgya chen por 'gyur ro/ /de ci'i phyir zhe na/ kun dga' bo khyod kyis lo nyi shu lhag gi bar du de bzhin gshegs pa la byams pa'i lus kyi las dang / byams pa'i ngag gi las dang / byams pa'i yid kyi las kyis bsnyen bkur byas shing chos kyi 
phung po brgyad khri bzhi stong bzung ste/ mang du thos pa rnams kyi mchog /sna tshogs smra ba rnams kyi mchog /gsal ba dul ba 'jigs pa med pa/ mang du thos pa/ mdo 'dzin pa/ 'dul ba 'dzin pa/ ma mo 'dzin pa/ 'khor bzhi rnams la chos 'chad pas ngal ba med pa 
yin no/ /kun dga' bo nga 'das nas khyod dang gnas brtan 'od srung chen po gnyis ston pa'i mdzad pa byed par 'gyur gyis/ kun dga' bo khyod mya ngan ma byed/ smre sngags ma 'don cig /kun dga' bo khyod rdzu 'phrul che bar 'gyur/ phan yon che ba dang / gzi che ba dang / kun 
dga' bo khyod rgya che bar 'gyur ro/ /sku gdung med par mi 'gyur ba'i le'u ste bdun pa rdzogs so//   //bam po bzhi pa/ de nas yang bcom ldan 'das kyis kun dga' bo la bka' stsal pa/ kun dga' bo sems can gang dag kha cig sangs rgyas bcom 
ldan 'das rnams kyi gsung thos sam/ mtshan gyi sgra thos na/ kun dga' bo de yang de dag la yongs su mya ngan las 'das kyi bar du don med par mi 'gyur bar nga smra'o/ /kun dga' bo gang sangs rgyas rnams la phyag 'tshal lo zhes bya ba'i tshig de'i don kyang gang yin/ de skad 
ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das bcom ldan 'das ni chos thams cad kyi rtsa ba lags/ bcom ldan 'das ni 'dren pa lags/ bcom ldan 'das ni ston pa lags na/ bcom ldan 'das 

</font><hr>50-1-89b<br><font size=+1>

dge slong rnams la don de legs par bshad du gsol/ bcom ldan 'das las mngon sum du thos nas don de bzhin du 'dzin par 'gyur ro/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo de'i phyir 
shin tu legs par nyon la yid la zung shig dang ngas bshad do/ /bcom ldan 'das de bzhin no zhes gsol nas tshe dang ldan pa kun dga' bo bcom ldan 'das kyi ltar nyan pa dang / bcom ldan 'das kyis de la 'di skad ces bka' stsal to/ /kun dga' bo 'di la sangs rgyas la phyag 'tshal 
lo zhes bya ba tshig de'i don ni 'di yin te/ 'di lta ste/ sangs rgyas bcom ldan 'das rnams kyi mtshan gyi sgra don med par mi 'gyur ba yin no/ /kun dga' bo de ltar na sangs rgyas la phyag 'tshal lo zhes bya ba 'di ni don med par mi 'gyur bar bshad do/ /kun dga' bo de bas na don 'di 
rgya cher shes par bya ba dang / yongs su rdzogs par bya ba dang / sangs rgyas bcom ldan 'das rnams kyi mtshan thos na dad pa'i rigs kyi bu dang rigs kyi bu mo dag bstan pa 'di la rgya cher sems dang bar 'gyur bar bya ba'i phyir khyod la dpe bstan to/ /kun dga' bo sngon byung ba 'das 
pa'i dus na tshong pa'i tshogs mang po rgya mtsho chen por zhugs par gyur te/ de dag rgya mtsho'i dbus su phyin pa dang gru bo che chu srin gyis zin par gyur to/ /kun dga' bo de nas tshong pa'i tshogs chen po 'jigs shing sngangs skrag ste/ spu zing zhes byed par gyur cing 'chi ba'i 'jigs pas skrag 
ste/ mgon med/ skyabs med/ dpung gnyen med par gyur nas de dag so so na ngu zhing cho nge 'don smre sngags 'don te rnam par smre ba sna tshogs kyis rnam par smre ste/ kye ma'o 'dzam bu gling de nyams re dga'/ kye ma'o 'tsho ba'i 'jig rten de re bzang / kye ma'o mir 'gyur ba 'di rnyed par 
re dka'o/ /kye ma'o pha ma dag dang 'bral bar 'gyur ro/ /kye ma'o bu dang chung ma dang / kye ma'o mdza' bshes dang chung ma'i tshogs rnams phyin cad mi mthong ngo / /zhes ngu zhing smre sngags 'don/ sdug bsngal dang yid mi bde ba myong ste 'tsho bar 'dod pas lha sna tshogs rnams 

</font><hr>50-1-90a<br><font size=+1>

la phyag 'tshal lo/ /kun dga' bo de nas tshong pa'i tshogs de na ded dpon mkhas pa gsal ba yid gzhungs pa sangs rgyas dang chos dang dge 'dun la mngon par dang ba/ lhar gzhan mi 'dzin cing sangs rgyas bcom ldan 'das la dad pa zhig yod par gyur te/ des 
tshong pa de dag thams cad la 'di skad ces smras so/ /kye tshong pa dag 'jigs shing skrag pa chen po 'di las phyin cing thar bar 'dod dam/ mthar na yang bde 'gro mtho ris su skye bar 'dod na tshur sheg /thams cad tshogs shing 'thun pas nga ji skad du smra ba de bzhin du khyed kyang so sor 
smros shig dang / de dag gis smras pa/ ded dpon khyod smros shig bdag cag kyang khyod smra ba bzhin du zlos so/ /kun dga' bo de nas ded dpon de gos phrag pa gcig tu gzar nas pus mo g.yas pa'i lha nga gru bo che la btsugs te sangs rgyas la dmigs pa'i sems kyis sgra chen po phyung 
ste/ sangs rgyas rnams la phyag 'tshal lo/ /mi 'jigs pa sbyin pa/ thugs rje chen po dang ldan pa/ sems can thams cad la thugs brtse ba can sangs rgyas rnams la phyag 'tshal lo zhes sangs rgyas la phyag 'tshal to/ /tshong pa'i tshogs de dag kyang de nyid du thal mo sbyar nas mgrin gcig 
tu tshig smras pa/ sangs rgyas rnams la phyag 'tshal lo/ /sangs rgyas bcom ldan 'das thugs rje chen po dang ldan pa/ sems can thams cad la thugs brtse ba can la phyag 'tshal lo zhes byas so/ /kun dga' bo de nas chu srin des sangs rgyas kyi sgra de thos so/ /des sangs rgyas la phyag 
'tshal lo zhes bya ba de thos nas dga' ba chen po dang rnam par 'tshe ba med pa'i sems thob par gyur te des kha slar btsums so/ /kun dga' bo de nas ded dpon de gru de dang bcas par bde bar thar te/ gru bo che de dag bde zhing don grub nas slar 'dzam bu'i gling du 'khor to/ /chu srin de yang sangs 
rgyas kyi sgra de thos pas bde ba myong zhing phyin cad srog chags gzhan mi za ste de ltogs nas de nyid du 'chi ba'i dus byas so/ /de 'chi ba'i dus byas ma thag tu dud 'gro'i skye gnas las shi 'phos nas mi dang skal ba mnyam par skyes par gyur to/ /de de bzhin gshegs pas gsungs pa'i chos 

</font><hr>50-1-90b<br><font size=+1>

'dul ba la dad par gyur nas khyim nas khyim med par rab tu byung ngo / /rab tu byung nas kyang dge ba'i bshes gnyen la bsnyen cing bsten la bsnyen bkur byas pas dgra bcom pa thob ste/ mngon par shes pa drug mngon sum du byas nas phung po'i lhag ma med pa'i mya ngan las 'das pa'i dbyings su 
mya ngan las 'das so/ /kun dga' bo chu srin dud 'gro'i skye gnas su gyur pa des sangs rgyas kyi sgra thos pa de mir 'gyur ba'i rgyur gyur pa dang / rab tu byung ba'i rgyur gyur pa dang / dgra bcom pa thob pa'i rgyur gyur pa dang / yongs su mya ngan las 'das pa'i rgyur gyur pa la ltos/ kun 
dga' bo sangs rgyas bcom ldan 'das rnams kyi sgra thos pa de ji tsam du rdzu 'phrul che ba dang / mtshan brjod pa ji tsam du rdzu 'phrul che ba dang / sems dang ba ji tsam du rdzu 'phrul che ba la ltos/ gang na mi dge bar gtogs pa dud 'gro'i skye gnas su gyur pa'i chu srin gyis sangs rgyas kyi sgra thos pa 
de yang don med par ma gyur na mir gyur pa lta ci smos/ kun dga' bo khyod kyis rnam grangs 'dis kyang 'di ltar rig par bya ste/ 'di ltar sangs rgyas bcom ldan 'das rnams kyi sangs rgyas kyi sgra thos pa yang don med par mi 'gyur na/ sangs rgyas la bskyed pa'i dge ba'i rtsa ba de las 
gzhan lta ci smos/ kun dga' bo nyi tshe ba byed pa ni nyi tshe ba 'grub/ yongs su rdzogs pa byed pa ni yongs su rdzogs pa 'grub bo/ /ngas de skad smras pa de yang ngas ci la brten te smras she na/ nyi tshe ba byed pa zhes bya ba ni gang dad pa las byung ba dge ba'i rtsa ba tshu rol pa'i dus can nyan thos kyi 
sa bon skyed pa ste nyan thos su 'gyur ro/ /de dge ba'i rtsa ba des nyan thos kyi sa yongs su rdzogs par byed do/ /rang gi phyir byed pa ni rang gi dge ba'i rtsa ba bskyed nas rang sangs rgyas kyi sa yongs su rdzogs par byed de/ kun dga' bo ngas 'di la brten nas 'di nyi tshe ba byed pa'o zhes smras so/ /
kun dga' bo yongs su rdzogs par byed pa ni kun dga' bo gang thog ma dang tha ma med pa'i dus can dge ba'i rtsa ba sangs rgyas la bskyed pa/ sangs rgyas kyi sa bon bskyed pa ste/ de dus ring mo zhig 'das nas brgya la brgya lam na rgyu de dang / rkyen de dang / dge ba'i rtsa ba des sangs rgyas bcom 

</font><hr>50-1-91a<br><font size=+1>

ldan 'das rnams mnyes par byed do/ /mnyes par byas nas kyang yongs su rdzogs par bya ba'i phyir de la dge ba'i rtsa ba skyed do/ /bskyed nas kyang byang chub kyi tshogs rnams mngon par 'dus byas nas yan lag rnams yongs su rdzogs pas de bzhin gshegs pa dgra 
bcom pa yang dag par rdzogs pa'i sangs rgyas zhes 'jig rten na sgra rnam par grags pa'i sangs rgyas su 'gyur te/ kun dga' bo 'di ni yongs su rdzogs par byed pa zhes bya'o/ /de ltar ngas/ gang smras pa de ni 'di la brten te smras so/ /kun dga' bo rnam grangs 'dis kyang khyod kyis 
'di ltar gang nyi tshe ba byed pas ni nyi tshe ba/ yongs su rdzogs par byed pas ni yongs su rdzogs pa 'grub par rig par bya'o/ /kun dga' bo ngas spyod pa gzhan yang tha na rtsa ba bzhi pa tsam yang bshad do/ /de ltar ngas gang smras pa de ngas ci la brten te smras she na/ kun dga' bo ngas sems 
can rid cing nyam chung ba rnams la brten nas bshad de/ kun dga' bo nga ni sems can chud zos pa rnams kyi skyabs so/ /nga ni rab tu chud zos pa rnams kyi mgon no/ /nga ni dpung gnyen no/ /nga ni rten med pa dang mgon med pa rnams kyi rten dang mgon yin no/ /kun dga' bo nga ni sems 
can sgron ma med pa dang / long ba dang / mig med pa rnams kyi sgron ma dang mig dang / snang ba dang 'od byed pa'o/ /kun dga' bo phas kyi rgol ba thams cad ni skyabs med pa/ long ba/ mig med pa/ yongs su 'dren pa med pa'o/ /kun dga' bo nga ni lha dang bcas pa'i 'jig rten 
gyi ston pa'o/ /'chos pa'o/ /sems can thams cad la snying brtse ba can no/ /de ci'i phyir zhe na/ kun dga' bo phyi ma'i dus zad pa'i dus/ dam pa'i chos 'jig par 'gyur ba'i dus na gang dag nga'i bstan pa 'di la rab tu 'byung bar 'gyur ba dag rab tu byung nas bu'i lag nas bzung ste/ bu 
dang lhan cig tu chang skyogs gang gi phyir chang pa'i khyim nas chang pa'i khyim du 'khyam pa/ nga'i dam pa'i chos 'di'i rjes su slob pa de dag thams cad kyang kun dga' bo bskal pa bzang po 'di la yongs su mya ngan las 'da' bar 'gyur ro/ /kun dga' bo ci'i phyir bskal pa 'di bskal pa bzang po 

</font><hr>50-1-91b<br><font size=+1>

zhes bya zhe na/ kun dga' bo stong gsum gyi stong chen po'i 'jig rten gyi khams 'di 'jig par gyur pa'i tshe sa chen po rgya mtsho gcig tu gyur pa na gnas gtsang ma'i ris kyi lha'i bu rnams lha'i mig gis chus 'jig pa thams cad la rnam par blta'o/ /de dag gis bltas na 'dzam bu'i gling du 
pad ma chen po gser gyi kha dog lta bu gser gyi 'od byung ba 'dab ma stong yod pa bsung zhim pa yid du 'ong ba stong tham pa mthong ngo / /de dag gis de mthong nas 'di snyam du sems te/ pad ma 'di dag ji snyed byung ba de snyed kyi sangs rgyas bcom ldan 'das rnams bskal pa 'di la 'byung bar 'gyur ro 
snyam nas de dag tshim zhing mgu la yi rangs shing rab tu dga' ste/ dga' ba dang yid bde ba skyes nas gang du sangs rgyas stong 'byung ba/ kye ma'o bskal pa 'di bzang por 'gyur ro/ /kye ma'o bskal pa 'di rab tu bzang por 'gyur ro zhes ched du brjod pa ched du brjod de/ kun dga' bo de'i phyir 
bskal pa 'di bzang po zhes bya'o/ /kun dga' bo 'di ltar bskal pa bzang po 'di la bskal pa bzang po zhes ming btags pa'i bskal pa bzang po'i rgyu 'di yin rkyen 'di yin no/ /kun dga' bo bskal pa bzang po 'di la nga 'das nas sangs rgyas dgu brgya dgu bcu rtsa drug 'byung ste/ bskal pa 'di la 
'khor ba 'jig tshun chad da lta'i nga dang bzhi'o/ /kun dga' bo nga'i 'og tu byams pa 'byung ste/ de bzhin gshegs pa mos pa zhes bya ba stong gi tha mar 'byung ngo / /kun dga' bo rnam grangs 'dis kyang khyod kyis 'di ltar rig par bya ste/ 'di ltar bskal pa bzang po 'di la nga 'das nas 
sangs rgyas dgu brgya dgu bcu rtsa drug 'byung ba'i tshe/kun dga' bo nga'i bstan pa 'di la gang dag dge sbyong gi rigs can dge sbyong shin te ma/ dge sbyong du khas 'che ba/ dge sbyong ltar bcos pa/ ngur smrig gyon pa 'byung ba de dag thams cad kyang bskal pa bzang po 'di la gang byams pa nas 
mos pa la thug gi bar du phyis 'byung ba'i sangs rgyas bcom ldan 'das de dag gi 'og tu mthar gyis mya ngan las 'da' bar 'gyur ro/ /de dag thams cad phung po'i lhag ma med pa'i mya ngan las 'das pa'i dbyings su yongs su mya ngan las 'da' ste/ dge slong gcig kyang lhag ma mi lus par 

</font><hr>50-1-92a<br><font size=+1>

'gyur ro/ /de ci'i phyir zhe na/ kun dga' bo 'di ltar de bzhin gshegs pa chos kyi dbyings rtogs shing rjes su rtogs pa la 'di lta bu dag tha na sems dang ba gcig bskyed pa dang / dkar po dang nag po'i chos rnams chud za bar mi 'gyur ba'i phyir ro/ /kun dga' bo gang dag 
kha cig sems dang bas sangs rgyas rnams la phyag 'tshal lo zhes bya ba'i tshig brjod na kun dga' bo dge ba'i rtsa ba de yang mya ngan las 'da' ba la gzhol bar nga smra ste/ mya ngan las 'da' ba'i mthar 'gyur ba dang / mya ngan las 'da' ba'i mur thug par 'gyur bar nga smra na/ gang de bzhin 
gshegs pa bzhugs pa la bsti stang byed pa dang / bla mar byed pa dang / rim gror byed pa dang / mchod par byed pa dang / yongs su mya ngan las 'das pa'i sku gdung la sku gdung gi mchod pa byed pa lta ci smos/ kun dga' bo dge slong gi rigs ngur smrig bgos pa de dag ni tha na lan 
'ga' zhig sangs rgyas rnams la phyag 'tshal lo zhes nges par tshig tu rjod par yang 'gyur na sems dang ba skyed par 'gyur ba dang / dge ba'i rtsa ba gzhan dag skyed par 'gyur ba lta ci smos/ kun dga' bo ngas 'di la dgongs nas kyang ngas de skad bshad do/ /de nas bcom ldan 'das 
kyis tshig de dag tshigs su bcad de bka' stsal pa/ de ltar sangs rgyas bsam mi khyab/ /sangs rgyas chos kyang bsam mi khyab/ /bsam mi khyab la dad byas na/ /de yi rnam smin bsam mi khyab/ /mthu chen ldan pa snang ba mdzad pa po/ /'das pa'i sangs rgyas rnams la mchod 
byas nas/ /snying rjes 'jig rten kun tu mtshungs med cing / /grangs med byang chub 'di 'tshang rgya bya zhes/ /de tshe sbyin la mngon par brtson par gyur/ /dad pa'i dbang po sgom dang brtson 'grus ldan/ /brtson 'grus stobs ldan 'thun pa rab bskyed nas/ /sbyin pa byin nas skye dgu snying 
brtse byas/ /ji ltar pha dang ma dang sring mo dang / /spun dang grogs la byams par 'gyur ba bzhin/ /mdza' dang mi mdza' dag la khong khro spangs/ /byang chub mtshungs med grangs med ngas thob bo/ /byang chub zhi ba mya ngan med tshol phyir/ /bskal pa bye bar nga yis sbyin pa byin/ /phan 

</font><hr>50-1-92b<br><font size=+1>

par 'dod pas snying rje rab bskyed nas/ /mgo dang mig dang sha dang khrag rnams dang / /rgyal srid stong phrag rnam pa mang po btang / /sdug pa'i bu dang chung ma bu mo dang / /de bzhin rta dang bzhon pa du ma dag /byang chub 'di yi ched du ngas sngon btang / /bskal pa stong dang bye ba mang por yang / /
byang chub dam pa 'di ni 'dod pa'i phyir/ /kun tu rgyug pa'i tshe ni yang dang yang / /dad pa mang pos ngas ni sbyin pa byin/ /byang chub mchog 'di yongs su tshol ba'i tshe/ /tsha dang grang dang bkres dang skom pa yi/ /sdug bsngal mi bzad mang po bzod byas nas/ /brtson 'grus brtsams te bdag 
ni 'chi dus byas/ /byang chub zhi ba mya ngan med tshol tshe/ /'jig rten 'di dag kun la phan pa'i phyir/ /gang dag ngas spyad pa yi mtshan nyid rnams/ /lo brgya'am yang na bskal par brjod par bya/ /da ni 'khor tshe sangs rgyas brgya dag dang / /sangs rgyas stong dang bye mang mnyes par 
byas/ /sangs rgyas mthu chen de dag thams cad la/ /gser gyi me tog rnams kyis rtag tu bkur/ /zas dang skom dang de bzhin gos rnams dang / /spos dang phreng ba dag dang byug pa dang / /ba dan rgyal mtshan gdugs rnams bye ba yis/ /sangs rgyas bye ba mang po ngas mchod do/ /srog 
chags mang po srog chags bye ba mang / /pha mtha' med pa'i 'khor ba 'dir 'khor rnams/ /ngas ni rtag tu dbugs phyung byas shing song / /sbyin pa rgya chen bzang po dag kyang byin/ /tshul khrims bzod pa de bzhin brtson 'grus dang / /ting nge 'dzin dang shes rab de bzhin thabs/ /yang 
dag spong dang dran pa nyer gzhag dang / /de bzhin rdzu 'phrul rkang bzhi rab tu bsgoms/ /byang chub dam pa 'di ni 'dod pa'i phyir/ /dbang po lnga dang stobs lnga legs par bsgoms/ /byang chub yan lag bdun dang 'phags pa'i lam/ /byang chub phyogs rnams thams cad ngas bsgoms so/ /
gang byas na ni 'jig par mi 'gyur ba/ /'phags pa'i ye shes kyis ni dgongs par gyis/ /rtag tu dang bas rab tu spyad byas na/ /skra rtse tsam dang 'bral bar mi 'gyur ro/ /phyag 'tshal ba'i le'u ste brgyad pa rdzogs so//   //de nas yang bcom ldan 'das kyis 

</font><hr>50-1-93a<br><font size=+1>

tshe dang ldan pa kun dga' bo la bka' stsal pa/ kun dga' bo sangs rgyas bcom ldan 'das rnams la dge ba'i sems gcig bskyed pa yang chud mi za na/ dge ba'i rtsa ba de las gzhan rnams lta ci smos/ kun dga' bo de'i phyir don 'di rgya cher shes par bya ba'i 
phyir khyod la dpe bstan par bya ste/ 'di la skyes bu mkhas pa kha cig ni 'di ltar de bzhin gshegs pa la dang ba'i sems gcig bskyed pa yang chud mi za ba dpes shes par 'gyur ro/ /kun dga' bo 'di lta ste/ dper na mi la la zhig gis skra'i rtse mo brgyar gshegs pas chu'i thigs 
pa gcig blangs te nga'i thad du 'ongs nas 'di skad ces kye go'u ta ma chu'i thigs pa 'di khyod kyi lag tu bzhag gis bskal pa 'das na khyod kyis 'di mnyam zhing lhag chad med par slar bdag la byin cig /chu'i thigs pa 'di khyod kyis rlung dang nyi mas ma skams par gyis shig /ri dgas dang bya'i tshogs 
rnams la ma blud cig /chu gzhan dang 'dres par yang ma bya shig /chu 'di khyod kyis snod du blugs te bcang bar bya'i sa la mi bzhag go zhes zer la de de bzhin gshegs pas blangs nas gang gA'i klung chen por gang na klong gis dkrugs par mi 'gyur ba'i sa phyogs de lta bur bzhag nas chu'i thigs pa de gang 
gA'i klung chen po'i nang na klong gis ma dkrugs shing ri dgas dang bya'i tshogs kyis ma 'thungs par chu'i thigs pa de chu'i klung chen po dang lhan cig tu 'bab cing rim gyis rgya mtsho chen por song la/ de nas chu'i thigs pa de rnam par 'thor rlung gi phung pos kyang bskal pa'i mtha'i bar du zad par ma gyur la yongs 
su brtag pa bzung ste/ mi de yang bskal par gnas shing yongs su brtag pa bzung ste/ nga yang bskal par gnas la/ de ni mi de bskal pa 'das pa dang / slar nga'i gan du 'ongs nas 'di skad ces kye go'u ta ma chu'i thigs pa de bdag la dgos pa zhig yod kyis chu'i thigs pa de slar byin cig ces 
zer na/ kun dga' bo bskal par lon yang chu'i thigs pa de rgya mtsho chen po'i phyogs 'di lta bu zhig na yod do zhes de bzhin gshegs pas mkhyen pa'i ye shes de de bzhin gshegs pa la mnga'o/ /kun dga' bo de bzhin gshegs pa la ni ye shes gang dang ldan na de bzhin gshegs pas rgya mtsho 

</font><hr>50-1-93b<br><font size=+1>

chen po nas chu'i thigs pa de skra'i rtse mo tshal ba brgyar gshegs pa de nyid kyis blangs nas chu gzhan dang ma 'dres rlan pa gzhan gyi rjes su ma song ma 'bags ma 'dres la mnyam zhing lhag chad med par slar mi de la sbyin pa'i ye shes mnga'o/ /kun dga' bo de bzhin gshegs pa'i ye shes ni de ltar 
yongs su dag go/ /de bzhin gshegs pa dgra bcom pa yang dag par rdzogs pa'i sangs rgyas ni de ltar rdzu 'phrul che zhing de ltar mthu che la de ltar dbang che bar grags pa ste/ de ltar ye shes dpag tu med pa dang ldan zhing de ltar sgrib pa med pa'i ye shes gzigs pa dang ldan no/ /kun dga' bo gang dag 
la chu'i thigs pa de ltar chung ngu bzhag kyang yun ring po ji srid du yang chud za bar mi 'gyur ba de bzhin gshegs pa de lta bu dag ni dam pa dag go/ /mchog dag go/ /bzhag pa 'dzin pa dag go/ /kun dga' bo don shes par bya ba'i phyir dpe 'di bstan pa 'di la don brjod par bya ba gang zhe na/ kun dga' 
bo skra'i rtse mo phra ba zhes bya ba de ni sems kyi tshig bla dgas so/ /kun dga' bo gang gA'i klung chen po zhes bya ba de ni 'khor ba'i rgyun gyi tshig bla dgas so/ /kun dga' bo thigs pa gcig ces bya ba de ni sems gcig bskyed pa'i dge ba'i rtsa ba'i tshig bla dgas so/ /kun dga' bo rgya mtsho chen po 
zhes bya ba de ni de bzhin gshegs pa dgra bcom pa yang dag par rdzogs pa'i sangs rgyas kyi tshig bla dgas so/ /kun dga' bo mi zhes bya ba de ni bram ze dang khyim bdag dad pa rnams kyi tshig bla dgas so/ /bskal par gnas zhes bya ba de ni de bzhin gshegs pa la dge ba'i rtsa ba bskyed pa chud mi 
za ba'i tshig bla dgas so/ /kun dga' bo ji ltar mi che ge mo zhig gi chu'i thigs pa gcig yun ring po ji srid du yang chud mi za ba ltar/ kun dga' bo de bzhin du de bzhin gshegs pa la sems gcig bskyed pa yang chud mi za na dge ba'i rtsa ba de las gzhan pa shin tu khyad par can rnams lta 
ci smos te/ kun dga' bo de dag thams cad kyi 'bras bu ni mya ngan las 'das pa yin te/ tha ma mya ngan las 'da' ba'i bar du 'gyur bar nga smra'o/ /kun dga' bo gzhan yang de bzhin gshegs pa la sems can gang dag sems dang ba gcig bskyed nas de las gzhan pa'i nyes par byas pa 

</font><hr>50-1-94a<br><font size=+1>

'am/ nyes par spyad pa'am/ mi dge ba'i sgrib par 'gyur ba'i sems bskyed pa/ sngon nyes par byas pa bdag gis bsags shing bdag gis byas pa gzhan gyis sems can dmyal ba'am/dud 'gro'i skye gnas sam/ gshin rje'i 'jig rten du song yang gang gi tshe 
sangs rgyas bcom ldan 'das thugs rje chen po dang ldan pa dag 'jig rten du byung ba na/ de dag gi sangs rgyas kyi ye shes thogs pa med cing sgrib pa med pas sems can 'di dag sngon dge ba'i rtsa ba byas pa las nyes par spyad pa'i las 'ga' zhig gis log par lhung bar gyur par mkhyen te/ 
sangs rgyas bcom ldan 'das rnams kyis de dag sngon byas pa'i dge ba'i rtsa ba dang ldan par mkhyen nas dge ba'i sems de dang / dge ba'i rtsa ba'i byin gyi rlabs de dang / sngon gyi rgyu des log par lhung ba de las 'don no/ /bton nas mya ngan las zlo'o/ /zhi ba bde ba'i thang bsil ba 'jigs 
pa med pa pha rol gyi 'gram du 'god do/ /bkod nas kyang sangs rgyas bcom ldan 'das de dag rigs kyi bu dag khyod sngon dge ba'i rtsa ba 'di lta bu zhig dus de lta bu zhig tu tshe rabs de lta bu zhig gi tshe sangs rgyas bcom ldan 'das de dag la bskyed cing bzhag pa dran par gyis shig ces dran par mdzad 
cing bskul ba dang de dag gis sangs rgyas kyi mthus dran nas 'di skad ces bcom ldan 'das de lta lags so/ /bde bar gshegs pa de lta lags so zhes zer ro/ /de dag la sangs rgyas bcom ldan 'das de dag gis bka' stsal pa/ rigs kyi bu dag dge ba'i rtsa ba 'di dag ni sngon gyi sangs 
rgyas la bskyed pa de dag yin te/ ma zad cing chud ma zos so/ /'di lta ste sdug bsngal thams cad zhi ba mya ngan las 'das pa 'di yang de'i gzhis rnyed do/ /rigs kyi bu dag khyed pha mes kyi spyod yul dang / 'phags pa'i spyod yul du phyin no/ /khyod ni yun ring por spyod yul ma yin pa la 
spyod spyod do/ /thog ma dang tha ma med pa'i 'khor bar 'khor bar gyur to/ /rigs kyi bu dag nga lta bu dag la dge ba'i rtsa ba bzhag pa ni bzhag pa chud mi za'o/ /kun dga' bo 'di lta ste dper na rgyal po'i bu'am tshong dpon gyi bu zhig nyes pa 'ga' zhig gis btson rar bcug la de sngon gyi nyes 

</font><hr>50-1-94b<br><font size=+1>

pa glengs shing spyos nas de slar myur du phyung ba de bzhin du kun dga' bo gang dag sngon gyi sangs rgyas rnams la dge ba'i rtsa ba bskyed pa de dag nyes par byas pa 'ga' 'am/ de las gzhan pa'i nyes pas sems can dmyal ba'am/ dud 'gro'i skye gnas sam/ gshin rje'i 'jig rten du song yang / 
gang gi tshe sangs rgyas bcom ldan 'das thugs rje chen po dang ldan pa dag 'jig rten du byung ba na sems can gang dag kha cig gis dge ba'i sems gcig bskyed par gyur pa de dag dge ba'i rtsa ba de dang / sems de dang / dge ba'i rtsa ba'i byin gyi rlabs de dang / rgyu des sangs rgyas bcom ldan 'das 
de dag gis sems can de dag sngon gyi dge ba'i rtsa ba dang ldan par mkhyen nas log par lhung ba de las bton te mya ngan las 'das pa'i thang bsil ba 'jigs pa med pa la 'god do/ /bkod nas kyang rigs kyi bu dag khyed dge ba'i rtsa ba de lta bu de dran par gyis shig ces bskul ba dang / de dag gis 
gsol pa/ bcom ldan 'das de lta lags so/ /bde bar gshegs pa de lta lags te sangs rgyas kyi mthu dang / sangs rgyas kyi byin gyi rlabs kyis dran lags so zhes 'dzer to/ /dge ba'i rtsa ba'i le'u ste dgu pa rdzogs so//   //de nas yang bcom ldan 'das kyis tshe 
dang ldan pa kun dga' bo la bka' stsal pa/ kun dga' bo rnam grangs 'dis kyang khyod kyis 'di ltar rig par bya ste/ nga lta bu dag la dge ba'i rtsa ba ji tsam du chung ba byas pa yang chud mi za zhing sems gcig bskyed pa'i dge ba'i rtsa ba de dag thams cad kyi 'bras bu mya ngan las 'das pa yin te/ 
tha ma mya ngan las 'da' bar nga smra'o/ /kun dga' bo de bas na don de nyid rgya cher rab tu brjod pa dang ci nas kyang 'di la rigs kyi bu'am rigs kyi bu mo dad pa mkhas pa kha cig rgya cher mngon par dad pa dang / kun du rtog pa dang / nan tan skyed pa dang / mngon par dad nas rgya cher dga' ba dang / 
mchog tu dga' ba chen po skyed par 'gyur bar bya ba'i phyir khyod la dpe bstan no/ /kun dga' bo 'di lta ste dper na nya ba mchil pa thogs pas nya bshor ba'i phyir mchil pa gzan ma dang bcas pa mtsho chu chen por bcug la der bcug pa de nyas mid par gyur na mchil pa mid pa'i nya de mtsho chu'i nang 

</font><hr>50-1-95a<br><font size=+1>

na 'phyo yang skam la 'dug pa nyid du shes par bya'o/ /de ci'i phyir zhe na/ 'di ltar nya de nya pas mchil pa'i srad bu sra bas zin pa'i phyir ro/ /ci ste nya de mchil pa dang bcas par chu'i nang du song bar gyur la/ srad bu yang mchil pa dang 'brel bar gyur na chu'i nang na 'dug pa 
yang yin la/ skam la 'dug pa yang yin te/ yu ba skam la 'dug cing legs par zin na nya pa de 'ongs nas srad bu des nya zin par shes te des srad bu des drangs nas ji ltar 'dod par skam la phyung ste dga' mgur bya ba byed pa'i dus de yod do/ /kun dga' bo de bzhin du sems can gang dag 
sangs rgyas bcom ldan 'das la sems dang bar byed/ dge ba'i rtsa ba skyed par byed/ yon 'bul zhing tha na sems dang ba gcig tsam yang skyed na/ nyes par byas pa'i las sgrib par 'gyur ba gzhan gyis bsgribs pas sems can dmyal ba'am/ dud 'gro'i skye gnas sam/ gshin rje'i 
'jig rten nam/ de las gzhan pa'i mi khom pa log par ltung bar song yang / gang gi tshe sangs rgyas bcom ldan 'das 'jig rten du byung ba na de dag sangs rgyas kyi ye shes kyis sems can 'di dag ni byang chub sems dpa'i theg pa pa'o/ /sems can 'di dag ni rang sangs rgyas kyi theg pa 
pa'o/ sems can 'di dag ni nyan thos kyi theg pa pa'o/ /sems can 'di dag ni dge ba'i rtsa ba byas pa'o/ /sems can 'di dag ni dge ba'i rtsa ba chad pa'o/ /sems can 'di dag ni nyams pa'i cha dang 'thun pa'o/ /sems can 'di dag ni khyad par du 'gyur ba'i cha dang 'thun pa'o/ /
'di dag ni dag pa'i chos rtogs pas sa bon btab pa dag go/ /'di lta ste 'di ni sangs rgyas la yon 'bul ba tha na dad pa dang ldan pa'i sems gcig bskyed pa'i dge ba'i chos rnam par dag pas sa bon btab pa'o zhes mkhyen to/ /yon gang gi rnam par smin pas gang dag gis sangs rgyas 
bcom ldan 'das rnams la dad pa'i sems bskyed pa gcig tsam yang skyed par 'gyur ba de dag sangs rgyas bcom ldan 'das rnams kyi sangs rgyas kyi ye shes kyis sems bskyed pa'i khyad par de dag gis log par ltung ba de las 'don no/ /bton nas kyang mya ngan las 'das pa'i thang bde ba 

</font><hr>50-1-95b<br><font size=+1>

la 'god do/ /bkod nas kyang rigs kyi bu khyed dge ba'i rtsa ba 'di dag de bzhin gshegs pa 'di zhes bya ba la bskyed pa dran par gyis shig ces skul to/ /gsol pa/ bcom ldan 'das de lta lags so/ /bde bar gshegs pa de lta lags so/ /bka' stsal pa/ de bas na rigs 
kyi bu dag de bzhin gshegs pa la yon phul ba'i dge ba'i rtsa ba 'di dag ni 'bras bu chen po dang rnyed pa chen po dang ldan pa dag ste/ rigs kyi bu dag nga lta bu dag la bzhag pa bsod nams kyi zhing chen po la btab pa de dag ni tha na yun ring po ji srid bskal pa bye ba khrag khrig brgya stong du yang chud 
za bar mi 'gyur ro/ /dge ba'i rtsa ba de dag thams cad kyi 'bras bu ni mya ngan las 'das pa yin te/ tha ma mya ngan las 'da' bar 'gyur ro/ /kun dga' bo don shes par bya ba'i phyir ngas dpe 'di byas pa 'di la don du blta ba gang zhe na/ kun dga' bo nya zhes bya ba de ni so so'i skye bo'i tshig bla dgas so/ /
kun dga' bo mtsho chu zhes bya ba de ni 'khor ba'i rgya mtsho'i tshig bla dgas so/ /kun dga' bo mchil pa zhes bya ba de ni de bzhin gshegs pa la dge ba'i rtsa ba bskyed pa'i tshig bla dgas so/ /kun dga' bo srad bu zhes bya ba de ni bsdu ba'i dngos po bzhi'i tshig bla dgas so/ /kun dga' bo nya ba 
zhes bya ba de ni de bzhin gshegs pa'i tshig bla dgas so/ /kun dga' bo nya gson po zhes bya ba de ni sems can rnams mya ngan las 'da' ba'i 'bras bu la 'god pa'i tshig bla dgas so/ /kun dga' bo rnam grangs 'dis kyang khyod kyis 'di ltar rig par bya ste/ gang sangs rgyas la 
yon phul ba ni ji srid mya ngan las 'da' bar 'gyur ba ma gtogs par ji srid yun ring bar yang 'jig pa med yongs su zad pa med mthar thug pa med do/ /kun dga' bo de'i phyir sangs rgyas la phul ba'i yon ji ltar mya ngan las 'da' bas klas shing mya ngan las 'das pa'i mthas gtugs 
par 'gyur ba'i dpe gzhan dag kyang khyod la bstan par bya'o/ /kun dga' bo sems can sred pa la spyod pa/ tshor ba la chags pa myong ba 'dod pas 'khor ba la mngon par stod pa/ 'khor ba la dga' ba/ 'khor ba 'dod pas sangs rgyas bcom ldan 'das la yon 'bul zhing mtho 

</font><hr>50-1-96a<br><font size=+1>

ris 'dod pa dang / mir 'gyur ba 'dod pa'i phyir dge ba'i rtsa ba yongs su bsngo ba dag kyang yod/ sangs rgyas bcom ldan 'das la yon phul nas dge ba'i rtsa ba 'dis bdag cag nam yang yongs su mya ngan las 'da' bar ma gyur cig ces yongs su sngo ba'i sems 
can dag kyang yod mod kyi/ kun dga' bo dge ba'i rtsa ba des sems can de dag yongs su mya ngan las 'da' bar mi 'gyur ba'i gnas med skabs med do/ /de ci'i phyir zhe na/ kun dga' bo 'di ltar sangs rgyas bcom ldan 'das rnams ni bla na med pa'i bsod nams kyi zhing tha ba dang 
tsher ma med pa/ 'dod chags dang zhe sdang gi dri ma med pa yongs su dag pa ste/ de la dge ba'i rtsa ba'i sa bon ji tsam du chung ba dang / dge ba'i rtsa ba'i sa bon ji tsam du rgyas pa dang / ji tsam du phra ba yang rung ji tsam du byang chub kyi sa bon du 'gyur ba'am/ nyan thos kyi sa bon du 'gyur ba'am/ 
rang sangs rgyas kyi sa bon du 'gyur ba'i dge ba'i rtsa ba de dag thams cad slu bar mi byed de/ de yongs su ma btang na longs spyod 'phel ba phun sum tshogs par 'gyur zhing sems dang bas mtho ris su 'gyur ba'i lam yongs su dag pa dang / mya ngan las 'da' ba'i mthar thug par 'gyur ro/ /
kun dga' bo 'di lta ste dper na/ khyim bdag zhing pa'i zhing ngo med pa/ sdong dum dang tsher ma med pa/ gyo mo dang gseg ma med pa/ sa snag che ba zhig yod par gyur te/ legs par rmos shing lag byad kyis phyin par byas la/ de'i sa bon yang sar pa grung bo ches legs par 
byas pa/ rlung dang nyi mas ma snad pa/ ma chag ma grugs shing ma rul te chud ma zos par gyur la/ sa bon de dag dus dang tshigs su zhing la btab ste dus dus su chus bcus/ dus su skams/ thams cad las legs par bsrungs nas/ kun dga' bo de nas khyim pa zhing pa de dus 
gzhan zhig na zhing gi drung du song ste zhing gi mur 'dug nas/ kye sa bon khyed sa bon du ma gyur cig /kye sa bon khyed ma skye shig /ma 'phel cig /nga la 'bras bu mi dgos/ rnyed pa mi dgos so zhes de skad zer na/ kun dga' bo de ji snyam du sems/ khyim bdag zhing pa de'i tshig 

</font><hr>50-1-96b<br><font size=+1>

gis sa bon de dag sa bon ma yin par 'gyur ram/ gsol pa/ bcom ldan 'das ma lags so/ /bde bar gshegs pa ma lags so/ /bka' stsal pa/ 'bras bu de 'bras bu ma yin par 'gyur ram/ rnyed pa mngon par mi 'grub bam/ gsol pa/ bcom ldan 
'das ma lags so/ /bde bar gshegs pa ma lags so/ /bka' stsal pa/ kun dga' bo de bzhin du srid pa la stod cing srid pa la dga' bas sangs rgyas la yon phul nas dge ba'i rtsa ba 'dis bdag cag nam yang yongs su mya ngan las 'da' bar ma gyur cig ces de skad zer yang 
des yongs su mya ngan las 'da' bar mi 'gyur ba'i gnas med go skabs med kyi/ kun dga' bo sangs rgyas la bskyed pa'i dge ba'i rtsa ba de dag mi 'dod kyang 'bras bu mya ngan las 'das pa yin te/ tha ma mya ngan las 'das pa'i bar du 'gyur bar nga smra'o/ /de ltar ji tsam du sangs 
rgyas bcom ldan 'das la sems gcig bskyed pa'i dge ba'i rtsa ba bskyed pa de dag thams cad kyi 'bras bu yang mya ngan las 'das pa yin te/ tha ma mya ngan las 'da' ba'i bar du 'gyur bar nga smra'o/ /kun dga' bo ma 'ongs pa'i dus na rgyal po rku 'phrog byed pa dang kla klo dag 'byung bar 
'gyur te/ kun dga' bo der rgyal po rku 'phrog byed pa dang / kla klo gang dag gis de bzhin gshegs pa'i mchod rten dang / de bzhin gshegs pa'i sku gzugs mthong nas sems dang bar gyur pa de dag kun dga' bo sangs rgyas kyi chos thams cad kyang mi shes shing sangs rgyas kyi yon 
tan thams cad kyang mi shes su zin kyang / kun dga' bo ngas byang chub sems dpa'i spyad pa spyod pa'i tshe 'gro ba de dang de dag dang / skye ba de dang de dag tu bsdu ba'i dngos po bzhis bsdu ba byas so/ /bzhi gang zhe na/ sbyin pa dang / snyan par smra ba dang / don spyad pa dang / don 'thun 
pa'o/ /kun dga' bo de dag nga'i mchod rten mthong nas nges par sems dang bar 'gyur ro/ /kun dga' bo de dag gi dge ba'i rtsa ba'i 'bras bu de yang mya ngan las 'das pa yin te/ tha ma mya ngan las 'da' ba'i bar du 'gyur bar nga smra'o/ /gang mtha' 'khob kyi rgyal po rku gsod byed 

</font><hr>50-1-97a<br><font size=+1>

pa dang / kla klo de dag gi rkun lag dang / blon po dang / gzhon nu dang / rtsis mkhan dang / sna chen po la gtogs pa dang / 'khor dang / mdza' bshes dang / nye du dang / grogs dang / snag gi gnyen mtshams su gyur pa gang yin pa de dag gis nga mya ngan las 'das pa'i 
mchod rten mthong nas tshegs chung ngus sems dang bar gyur na/ kun dga' bo de dag thams cad kyang sangs rgyas kyi chos rnams sam/ sangs rgyas kyi yon tan rnams kyis dge ba'i rtsa ba skyed par 'gyur te/ kun dga' bo de dag kyang ngas sngon byang chub sems dpa'i spyad pa spyod pa na bsdu ba'i 
dngos po bzhis yang dag par bsdus so/ /kun dga' bo de dag gi dge ba'i rtsa ba de dag thams cad kyi 'bras bu yang mya ngan las 'das pa yin te/ tha ma mya ngan las 'da' bar nga smra'o/ /kun dga' bo ngas yun ring po nas skye dgu 'di dag bsdu ba'i dngos po bzhis bsdus pa dang / yun 
ring po nas sangs rgyas bcom ldan 'das rnams kyi bstan pa dang ldan par byas pa la ltos/ kun dga' bo de bzhin gshegs pa lam du zhugs te bzhud pa nas dma' ba ni mthon por 'gyur/ sa mthon po ni dma' bar 'gyur/ sa phyogs mi mnyam pa ni mnyam par 'gyur/ rab 
tu dma' ba ni rab tu mthon por 'gyur ba dang / de bzhin gshegs pa bzhud pa'i 'og tu snga mkho bzhin du gnas par 'gyur ba dang / shing thams cad 'dud pa dang / shing gi lha thams cad kyang phyag 'tshal ba dang / de bzhin gshegs pa bzhud pa'i 'og tu slar snga mkho bzhin du gnas 
par 'gyur ba dang / ngam grog dang / g.yang sa dang shod khung dang rtswa dang sdong dum dang tsher ma dang gyo mo dang gseg ma dang thibs po dang g.yang sa mi bde ba de dag thams cad kyang 'dud pa dang / mnyam pa dang / gtsang ba dang / shin tu sbyangs pa dang / mi gtsang ba med pa dang / me tog 
bsung zhim zhing yid du 'ong ba bkram par 'gyur ro/ /kun dga' bo de bzhin gshegs pas 'di ltar sngon dge ba rnams legs par byas pa'i phyir lam du bzhud pa na gtsang mar bzhud do/ /kun dga' bo de bzhin gshegs pa lam du zhugs pa na sems can gang mi 'dud pa de lta bu 

</font><hr>50-1-97b<br><font size=+1>

de mod pa ma yin pa dang / gang sems med pa'i dngos po ri dang / ngam grog dang / g.yang sa dang / shing dang rtswa dang shing gel pa dang / sman dang nags tshal sa'i steng na yod pa dag de bzhin gshegs pa lam du bzhud pa ga la ba logs su mi 'dud pa de dag mod pa ma yin pa 
la ltos/ de ci'i phyir zhe na/ kun dga' bo 'di ltar nga sngon byang chub sems dpa'i spyad pa spyod pa nyid na bla ma la btud/ rab tu btud/ phyag 'tshal cing gnas/ pha ma la rab tu gus par btud cing gnas/ rgan pa dang bar ma dang gzhon pa dang / mdza' bshes dang nye du dang / snag 
gi gnyen mtshams dang / sangs rgyas dang byang chub sems dpa' dang / dge ba'i bshes gnyen dang / nyan thos dang / rang sangs rgyas dang / mngon par shes pa lnga dang ldan pa dang / de bzhin du de las gzhan pa dge sbyong dang / bram ze rnams la btud/ ngas sangs rgyas dang byang chub 
sems dpa' dang / dge ba'i bshes gnyen dang / nyan thos dang rang sangs rgyas dang / phyi rol pa'i drang srong dang / dge sbyong dang / bram ze dang / pha ma dang / mdza' bshes dang / nye du dang / snag gi gnyen mtshams de dag thams cad dang / de las gzhan pa rgan pa dang / bar ma dang / 
gzhon pa dang / grogs po rnams la yid rab tu dga' bar byas te lus kyis phyag byas shing ngag gis de dag la bla mar bya ba'i sgo de nas mngon par btud do/ /kun dga' bo nga'i las dge ba'i rnam par smin pa des de bzhin gshegs pa byang chub brnyes nas de bzhin gshegs pa lam 
du bzhud pa'i tshe dngos po gang sems yod pa'am sems med pa yang rung ma gus pa dang / mi 'dud pa dang / rab tu mi 'dud pa de dag mod pa ma yin no/ /kun dga' bo ngas bla ma lta bu dang / de bzhin gshegs pa dang / sems can rnams la sbyin pa gtsang ba dang / bzang ba dang / 
yid du 'ong ba mang po rang gis lag dar nas sbyin pa byin te/ kun dga' bo las de'i rnam par smin pa des de bzhin gshegs pa lam du bzhud pa na bzang zhing gtsang la shin tu sbyangs te/ shing dang bong ba dang / 'dam rdzab rnams bsal bar gyur to/ /kun dga' bo nga bla na med pa 

</font><hr>50-1-98a<br><font size=+1>

yang dag par rdzogs pa'i byang chub don du gnyer ba na sems can thams cad la phan pa dang / sems can thams cad la bde ba dang / 'jig rten la snying brtse ba dang /lha dang mi rnams kyi don dang phan pa dang bde ba'i phyir ngas rtag tu sangs rgyas dang byang chub sems dpa' 
dang / dge ba'i bshes gnyen dang / nyan thos dang / rang sangs rgyas dang / phyi rol pa'i drang srong mang po rnams lam du zhugs pa na lam phyag dar byas so/ /gnas dang 'chag sa dang / 'dug gnas rnams phyag dar byas so/ /ngas de bzhin gshegs pa'i mchod rten dag 
byams pa'i sems dang / snyoms pa'i sems dang / mi mnyam pa med pa'i sems dang / gya gyu med pa'i sems dang / phan pa'i sems kyis phyag dar byas so/ /gtsang mar byas so/ /kun dga' bo dge ba'i rtsa ba des de bzhin gshegs pas phyogs gang dang gang na bzhengs sam/ 
bzhugs sam/ 'chag gam/ mnal ba mdzad dam/ lam du zhugs kyang rung / tshegs chung ngus sa phyogs de dag gtsang zhing dag la mnyam ste lag mthil lta bur gyur to/ /kun dga' bo gang de bzhin gshegs pa'i sku'i phrin las kyi khyad par gang yin pa de dag gi mtha' ni rtogs 
par sla ba ma yin no/ /kun dga' bo de bas na don de rgya cher yongs su rdzogs par bya ba dang / 'di la rigs kyi bu'am rigs kyi bu mo dad pa can kha cig ci nas kyang de bzhin gshegs pa la dga' ba dang / sems dang ba dang gus pa dang / ri mor byed pa chen po rgyas par bskyed 
pa'i phyir khyod la dpe bstan par bya'o/ /kun dga' bo ri'i rgyal po ri rab dpag tshad brgyad khri bzhi stong ni rgya mtsho chen po'i nang nas byung / dpag tshad brgyad khri bzhi stong ni chu'i nang du nub pa'i ri'i rgyal po chen po de sra ba rdo rje ltar gyur du zin kyang kun dga' bo de bzhin gshegs pa yongs 
su mya ngan las 'das pa'i dbu skra snad par bya bar yang sla ba ma yin na/ gcig tsam bsgyur zhing 'gyur bar dbyung ba lta ci smos te de ni gnas med do/ /kun dga' bo ri'i rgyal po ri rab lta zhog la/ kun dga' bo ri'i rgyal po khor yug dang khor yug chen po 'phang du dpag tshad drug khri 

</font><hr>50-1-98b<br><font size=+1>

brgyad stong yod pa ri'i rgyal po khor yug dang khor yug chen po rdo rje lta bu gang yin pa de dag gis kyang kun dga' bo de bzhin gshegs pa yongs su mya ngan las 'das pa'i dbu skra 'dud pa'am yongs su 'dud pa'am dbyung bar yang sla ba ma yin na med par bya ba lta ci smos te/ de ni gnas 
med do/ /de ci'i phyir zhe na/ kun dga' bo 'di ltar nga sngon byang chub sems dpa'i spyad pa spyod pa na/ gang ngas sngon phye ba'i sems can gang yang rnyed par sla ba ma yin te/ kun dga' bo ngas ni sems can 'thabs shing bye ba rnams 'dum zhing 'thun pa la bkod nas brtan pa dang mi 
phyed pa dang / gcig la gcig byams pa'i sems dang phan pa'i sems dang ldan par byas so/ /kun dga' bo rnam grangs de dang / dge ba'i rtsa ba des de bzhin gshegs pa'i sku mi phyed pa dang / kun dga' bo de bzhin gshegs pa'i zhabs 'bring 'khor mi phyed par gyur to/ /kun 
dga' bo de bzhin gshegs pa'i zhabs 'bring 'khor kyang gang zhe na/ kun dga' bo de bzhin gshegs pa'i zhabs 'bring 'khor ni chos yin te/ 'di lta ste/ dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs 
lnga dang / byang chub kyi yan lag bdun dang / 'phags pa'i lam yan lag brgyad pa ste/ kun dga' bo byang chub kyi phyogs kyi chos sum cu rtsa bdun po 'di dag ni de bzhin gshegs pa'i zhabs 'bring 'khor chen po yin no/ /gang de bzhin gshegs pas nyan thos gang dag de la bkod 
pa de dag kyang lha dang bcas pa'i 'jig rten gyis dbye mi nus so/ /de ci'i phyir zhe na/ kun dga' bo 'di ltar chos 'di lta bu 'di'i chos nyid 'di yin te/ gang lha dang bcas tshangs pa dang bcas pa'i 'jig rten dang / dge sbyong dang bram zer bcas pa'i skye dgu 'khor dang bcas pa lha dang 
mi dang lha ma yin du bcas pa dang / ri rab dang khor yug dang khor yug chen po dang bcas pa'i sa chen po de dag gis tha na de bzhin gshegs pa yongs su mya ngan las 'das pa'i dbu 'dud par yang sla ba ma yin na dbye ba lta ci smos te/ de ni gnas med do/ /de ci'i phyir zhe na/ kun dga' 

</font><hr>50-1-99a<br><font size=+1>

bo 'di ltar de bzhin gshegs pa'i sku mi phyed pa dang / sku gdung rnams mi phyed pa yin pa'i phyir ro/ /kun dga' bo sems can rnams la snying brtse ba dang bstan pa rgyas par bya ba'i phyir sngon gyi smon lam gyis de bzhin gshegs pas sku gdung rnams yungs 
'bru tsam du byin gyis brlabs so/ /kun dga' bo de bzhin gshegs pa sngon byang chub sems dpa'i spyad pa spyod pa na nga bla na med pa yang dag par rdzogs pa'i byang chub mngon par rdzogs par sangs rgyas nas yongs su mya ngan las 'das pa'i sku gdung rnams rgyas par gyur cig ces 
nges par de ltar sems bskyed de kun dga' bo sangs rgyas bcom ldan 'das yongs su mya ngan las 'das pa'i sku gdung rnams rgyas par 'gyur ba 'di yang sngon gyi smon lam gyi dbang gis gyur to/ /yongs su mya ngan las 'da' ba'i dus kyi tshe yang gdul ba'i sems can de dag gis bcom 
ldan 'das mthong bar 'gyur te/ de dag gi don dang sems can la snying brtse ba'i phyir sku gdung phye ba dang / sku gdung yungs 'bru tsam dag tu byin gyis brlabs so/ /kun dga' bo de bzhin gshegs pa dgra bcom pa yang dag par rdzogs pa'i sangs rgyas yongs su mya ngan las 
'da' ba'i dus kyi tshe/ 'jig rten la snying brtse ba'i phyir ji ltar sku gdung yungs 'bru tsam dag tu byin gyis rlob pa de lta bu'i ting nge 'dzin la snyoms par 'jug go/ /kun dga' bo nga'i sku'i tshigs thams cad phye zhing sku gdung yungs 'bru tsam dag tu byin gyis rlob pa na sdug bsngal du tshor ba 
'byung mod kyi/ kun dga' bo 'on kyang sems can de dag rjes su gzung ba dang / snying brtse ba'i phyir de bzhin gshegs pa sdug bsngal du tshor ba bzod par nus te/ yul gyi mi phyi ma rnams bde ba dang dge ba'i lam gyis rjes su gzung bar 'gyur ro/ /kun dga' bo gang 
ring bsrel yungs 'bru tsam dag la me tog dang / bdug pa dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan dang / gar dang / sil snyan len pa dang / pheg rdob pa dang / bstod pa rnams kyis bsti stang byed/ bla mar 

</font><hr>50-1-99b<br><font size=+1>

byed/ rim gror byed/ mchod par byed/ rjed par byed/ gsol bar byed na/ kun dga' bo dge ba'i rtsa ba de thams cad kyi 'bras bu mya ngan las 'das pa yin te/ tha ma mya ngan las 'da' ba'i bar du 'gyur bar nga smra'o/ /kun dga' bo nga yongs su mya ngan las 'das nas lo brgya 
lon pa na grong khyer skya snar gyi bu zhes bya bar rgyal po mya ngan med pa zhes bya ba mo'u r+ya'i rigs su skyes pa chos can chos kyi rgyal po zhig 'byung bar 'gyur te/ de yang nga'i bstan pa la dad par 'gyur ro/ /dad par gyur nas kyang nga'i sku gdung rgyas par byed do/ /de dus gcig tu nyin 
gcig la nga'i sku gdung gi mchod rten brgyad khri bzhi stong byed par 'gyur gyis/ kun dga' bo khyod mya ngan ma byed/ smre sngags ma 'don cig /kun dga' bo nga'i sku gdung rgyas pa dang / lha dang mi rnams la yangs shing rgya che bar 'gyur ro/ /kun dga' bo de bzhin gshegs pa 
dgra bcom pa yang dag par rdzogs pa'i sangs rgyas da ltar bzhugs pa la gang bsti stang byed pa lta zhog /yongs su mya ngan las 'das pa'i sku gdung la gang sku gdung gi mchod pa byed pa lta yang zhog la/ kun dga' bo gang dag kha cig tha na rmi lam na de bzhin gshegs pa'i mchod rten 
mthong nas sems dang bar byed na/ kun dga' bo dge ba'i rtsa ba de'i 'bras bu yang mya ngan las 'das pa yin te/ mya ngan las 'das pas klas shing mya ngan las 'das pa'i mthas gtugs par 'gyur bar nga smra'o/ /kun dga' bo ma 'ongs pa'i dus na sangs rgyas bcom ldan 'das gang dag 
'byung ba de dag las gang nga'i yon tan mi sgrogs pa'i de bzhin gshegs pa 'jig rten du 'byung ba de gang yang med do/ /'di lta ste dper na nga da ltar 'das pa'i sangs rgyas bcom ldan 'das rnams kyi yon tan sgrogs pa de bzhin du ma byon pa'i sangs rgyas bcom ldan 'das de dag kyang nga'i 
yon tan yongs su sgrogs par 'gyur ro/ /kun dga' bo gang la la nga'i chos bstan pa las brtsams te/ chos rnams la chos kyi mig rdul dang bral zhing dri ma med pa rnam par dag pa'i sems can de dag thams cad ni kun dga' bo nga sngon byang chub sems dpar gyur pa na byang chub sems 

</font><hr>50-1-100a<br><font size=+1>

dpa'i spyad pa spyod pa'i tshe yongs su smin par byas pa dag go/ /kun dga' bo dge 'dun la phul ba'i yon ni bar du yongs su zad pa dang mthar 'gyur ba yod/ yon gang dag phyogs bzhi'i dge 'dun la phul ba'i yon de dag kyang bar du yongs su zad pa dang mthar 'gyur 
ba yod/ kun dga' bo yon gang dag rang sangs rgyas la phul ba'i yon de dag kyang bar du yongs su zad pa dang mthar 'gyur ba yod kyi/ kun dga' bo de bzhin gshegs pa la yon gang dag phul ba de dag ni bar du yongs su zad pa dang mthar 'gyur ba med do/ /kun dga' bo yon de dag 
thams cad kyi 'bras bu ni mya ngan las 'das pa yin te/ tha ma mya ngan las 'da' bar nga smra'o/ /kun dga' bo de bzhin gshegs pa bzhugs pa de la mngon sum du bsti stang byed pa lta yang zhog /yongs su mya ngan las 'das pa'i sku gdung la sku gdung gi mchod pa byed pa lta yang zhog ste/ kun 
dga' bo sangs rgyas la dmigs pa'i sems kyis me tog gcig nam mkha' la 'dor na de'i dge ba'i rtsa ba ni ngas de bzhin gshegs pa'i sangs rgyas kyi ye shes kyis kyang tshad gzung ba'am bstan par sla ba ma yin no/ /kun dga' bo gal te des sangs rgyas la dmigs pa'i sems kyis 
nam mkha' la me tog gcig bor ba'i dge ba'i rtsa ba byas pa de yongs su brtag pa bzung ste/ gal te 'khor ba na ji srid du sngon gyi mtha' mi mngon pa'i bskal pa de srid du kun tu rgyug cing 'khor yang de bzhin gshegs pa la me tog gcig phul ba de'i rnam par smin pa ni tshangs pa nyid dam brgya byin 
nyid dam 'khor los sgyur ba'i rgyal srid kyis mthar phyin par sla ba ma yin gyi/ kun dga' bo gzhan du na dge ba'i rtsa ba de'i 'bras bu ni mya ngan las 'das pa yin te/ mya ngan las 'da' ba la gzhol zhing tha ma mya ngan las 'da' bar nga smra'o/ /de ci'i phyir zhe na/ kun dga' bo sangs rgyas 
bcom ldan 'das la me tog gcig phul ba'i rnam par smin pa gang mya ngan las 'da' ba'i mthar thug par 'gyur ba ma gtogs par mtha' rtogs par sla ba ma yin te/ de ltar rdzu 'phrul che/ de ltar phan yon che/ de ltar gzi brjid che/ de ltar rgya che'o/ /kun dga' bo gang de lta bu'i rnam par smin 

</font><hr>50-1-100b<br><font size=+1>

par 'gyur ba de bzhin gshegs pa la yon phul ba de ltar dpag tu med do/ /de bzhin gshegs pa la tha na sems dang ba gcig bskyed pa yang shin tu mthar thug pa dang / shin tu grub pa dang / bde ba dang / shin tu mur thug pa dang / shin tu tshangs par spyod par nga smra'o/ /kun 
dga' bo de bas na rigs kyi bu'am rigs kyi bu mo 'khor los sgyur ba'i rgyal srid 'dod pas de ltar sangs rgyas bcom ldan 'das la bsti stang bya/ bla mar bya/ rim gror bya/ mchod par bya'o/ /rigs kyi bu'am rigs kyi bu mo brgya byin thob par 'dod pa dang / tshangs pa dang / rgyal chen 
bzhi'i ris kyi lha rnams kyi bdag po byed par 'dod pa dang / sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci 
dang / lto 'phye chen po dang / mi'am mi ma yin pa'am/ 'jig rten thams cad kyi 'jig rten gyi bdag po thob par 'dod pas sangs rgyas bcom ldan 'das la bsti stang bya/ bla mar bya/ rim gror bya/ mchod par bya'o/ /rigs kyi bu'am rigs kyi bu mo nyan thos kyi sa thob par 'dod 
pa'am/ rang sangs rgyas kyi sa thob par 'dod pa'am/ bla na med pa yang dag par rdzogs pa'i byang chub thob par 'dod pas sangs rgyas bcom ldan 'das la bsti stang bya/ bla mar bya/ rim gror bya/ mchod par bya'o/ /kun dga' bo ngas bla na med pa yang dag par rdzogs pa'i byang 
chub gnyer ba na/ sangs rgyas mang po/ sangs rgyas brgya phrag mang po/ sangs rgyas stong phrag mang po/ sangs rgyas bye ba khrag khrig brgya stong mang po rnams la 'di lta ste/ na bza' dang / bshos dang / gzims cha dang / snyun gsos kyi sman dang / yo byad rnams dang / gdan dang / 
'chag sa dang / gtsug lag khang dang / me tog dang / spos dang / phreng ba dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis bsti stang byas/ bla mar byas/ rim gror byas/ mchod par byas so/ /sangs rgyas bcom ldan 

</font><hr>50-1-101a<br><font size=+1>

'das de dag yongs su mya ngan las 'das nas kyang mchod rten byas nas me tog dang / bdug pa dang / spos dang / phreng ba dang / byug pa brgya stong dang / glu dang / gar dang / sil snyan dang / pheg rdob pa brgya stong rnams kyis bsti stang byas/ bla mar byas/ rim 
gror byas te mchod cing rjed pa de dag thams cad kyang bla na med pa yang dag par rdzogs pa'i byang chub 'di nyid la brten nas sems can thams cad la snying brtse ba dang / lha dang mi rnams kyi don dang phan pa dang bde ba dang / ma rgal ba rnams bsgral ba dang / ma grol ba rnams dgrol ba dang / 
dbugs ma phyin pa rnams dbugs dbyung ba dang / yongs su mya ngan las ma 'das pa rnams yongs su mya ngan las bzla ba'i phyir byas so/ /kun dga' bo de bzhin gshegs pa dgra bcom pa yang dag par rdzogs pa'i sangs rgyas mar me mdzad la ngas me tog ud pa la lnga gtor 
te/ de na ngas mi skye ba'i chos la bzod pa thob bo/ /kun dga' bo ngas dge ba'i rtsa ba thob pa de las dge ba'i rnam par smin pa'i phyogs tsam zhig myong ngo / /gang de bzhin gshegs pa dgra bcom pa yang dag par rdzogs pa'i sangs rgyas mar me mdzad la me tog ud pa la de lnga gtor ba'i 
dge ba'i rtsa ba'i rnam par smin pa de las phyogs tsam zhig nyan par 'dod dam/ gsol pa/ bcom ldan 'das 'tshal lo/ /bde bar gshegs pa 'tshal lo/ /bcom ldan 'das kyis gang mar me mdzad la dge ba'i rtsa ba bskrun pa'i phyogs tsam zhig bshad cing bstan pa'i dus 
lags te/ bcom ldan 'das dus la bab bo/ /bde bar gshegs pa dus la bab bo/ /de nas bcom ldan 'das kyis de'i tshe phyag g.yas pa gser gyi kha dog can brkyang ba dang phyag gi mthe'u chung las lha'i me tog ud pa la'i bsung byung bar gyur to/ /de nas stong gsum gyi 
stong chen po'i 'jig rten gyi khams gang na zla ba dang nyi ma bye ba phrag brgya rgyu ba'i sangs rgyas kyi zhing de dag thams cad lha'i me tog ud pa la'i bsung gis khyab par gyur to/ /de nas bcom ldan 'das kyis 'di lta bu ngo mtshar rmad du byung ba'i chos lha dang mi dang lha ma yin du bcas pa'i 

</font><hr>50-1-101b<br><font size=+1>

'jig rten la bstan cing sbyin pa las byung ba'i bsod nams bya ba'i dngos po'i rnam par smin pa phyogs tsam zhig bstan te/ sangs rgyas la dge ba'i rtsa ba bskyed pa chud mi za ba yang bstan nas/ de'i tshe tshigs su bcad pa 'di dag gsungs so/ /de ltar sangs rgyas bsam mi khyab/ /
sangs rgyas chos kyang bsam mi khyab/ /bsam mi khyab la dad byas na/ /de yi rnam smin bsam mi khyab/ /'du shes yod dang med pa yi/ /sems can thams cad ji snyed pa/ /bskal pa bye ba brgya mang du/ /kun gyis mchod pa byas pa dang / /rang sangs rgyas pa gang dag dang / /
zag pa med pa'i dgra bcom pa/ /bskal pa bye ba bsam yas par/ /de dag thams cad mchod pa bas/ /rdzogs pa'i sangs rgyas bzhugs pa'am/ /yongs su mya ngan 'das pa la/ /gang gis thal sbyar gcig byas pa/ /bsod nams 'di ni khyad par 'phags/ /sangs rgyas tshul 
khrims ma zhig cing / /ting nge 'dzin la dbang du gyur/ /chos rnams kun la the tshom med/ /sangs rgyas spyan gyis mkhyen pa yin/ /gang zhig bde gshegs de la yud tsam mam/ /nyin dang mtshan mo byams pa sgom byed na/ /gang zhig bsod nams de dang mnyam 'gyur ba/ /
khams gsum dag na de 'dra'i mchod pa med/ /bskal pa grangs med 'das pa'i dus dag na/ /lha bas lhag pa'i lhar gyur 'od mdzad pa/ /'jig rten slob dpon gyur pa'i sangs rgyas la/ /las dge mi nyung ba dag ngas byas pa/ /bskal pa grangs med kun tu rgyug pa na/ /bsod nams 
de ni zad par ma gyur gyi/ /de nyid nga yi rgyur ni gyur pa ste/ /de yis byang chub dam pa ngas thob bo/ /'jig rten kun la snying ni brtse ba'i phyir/ /sangs rgyas brgya dang sangs rgyas bye ba stong / /gang la tshe rabs snga mar mchod byas pa/ /mi mchog de dag nga ni mkhyen gyur pas/ /sangs rgyas 
de dag smod par yong mi mdzad/ /'di ltar nga yis bzod pa ma thob pas/ /dge ba spyod kyang ma 'ongs dus dag na/ /'di ltar 'gyur zhes lung bstan ma mdzad do/ /gang tshe mar me mdzad 'dren ngas mthong ba/ /de na nga yis ud pal lnga gtor cing / /rnam par 'dren la ral pa bting ba dang / /

</font><hr>50-1-102a<br><font size=+1>

mi skye'i bzod pa thob par gyur pa na/ /mar me mdzad pa bar snang gnas pa yis/ /bskal pa grangs med 'das na shAkya'i rje/ /shAka rigs rang byung rgyal bar 'gyur ro zhes/ /de nas 'dren pas nga ni lung bstan to/ /nga ni byang chub dam pa 'dod pa na/ /de nas 
dus ring kun du rgyug pa'i tshe/ /ngas ni dge ba du ma byas pa dang / /sems can don phyir sdug bsngal myong gyur pa/ /bsod nams de yi tshad ni chung zad kyang / /'jig rten rnam 'dren rnams kyis ma bstan to/ /skye dgu mgon med sdug bsngal gyur mthong nas/ /sngan chad ngas ni byin pa 
gang yin pa/ /spyad pa spyod tshe bde gshegs 'od mdzad pa/ /sangs rgyas dpa' bo gang dag ngas mchod cing / /nga yi sngon mtha'i spyod pa gzigs gyur pa/ /nyin dang mtshan du de dag mtshan brjod do/ /gnyis gsum lnga'am bcu'am nyi shu 'am/ /sum cu'am de las btus nas 
mtshan brjod do/ /'jig rten don phyir spyad pa spyod pa na/ /sangs rgyas gtso bo ngas sngon gang mchod pa/ /ji ltar nga yis sdug bsngal chen po mang / /du ma 'khor bar blangs nas ma btang ltar/ /sangs rgyas gang dag dka' ba 'di 'dra spyad/ /de 'dra'i sangs rgyas gzhan ni 
byung ma gyur/ /legs par gsungs pa mang po tshol ba'i tshe/ /mgo bo brgya dang mgo bo bye ba stong / /'khor ba'i tshe ni sngon chad ngas btang zhing / /yul 'khor rgyal srid spangs nas rab tu byung / /chos mchog 'di ni yongs su tshol ba'i tshe/ /sbyin dang tshul khrims dang ni dul bas 
'phags/ /brtson 'grus kyis ni byang chub dam pa rtogs/ /bskal pa dpag med nga ni de ltar gyur/ /sangs rgyas mthu chen bsam gyis mi khyab pa/ /yon tan kun dang ldan zhing mngon par 'phags/ /chos mchog bsam gyis mi khyab legs par bshad/ /bsam gyis mi 
khyab lam yang brjod pa mdzad/ /yon gyi bsod nams kyi le'u ste bcu pa rdzogs so//   //bam po lnga pa/ de nas yang bcom ldan 'das kyis tshe dang ldan pa kun dga' bo la bka' stsal pa/ kun dga' bo de bzhin gshegs pa dgra bcom pa yang dag par 

</font><hr>50-1-102b<br><font size=+1>

rdzogs pa'i sangs rgyas mar me mdzad kyi tshu rol na de bzhin gshegs pa pad ma'i bla ma zhes bya ba ngas mnyes par byas te/ bla na med pa yang dag par rdzogs pa'i byang chub 'di nyid 'dod pa'i phyir/ bcom ldan 'das de la ngas gser gyi me tog gtor to/ /de'i tshu rol na de bzhin 
gshegs pa thams cad zil gyis gnon pa zhes bya ba mnyes par byas te/ rnam pa thams cad mkhyen pa 'di nyid 'dod pa'i phyir bcom ldan 'das de la yang ngas dngul gyi me tog gtor to/ /de'i tshu rol na de bzhin gshegs pa shin tu mthor bzhud ces bya ba mnyes par byas te/ 
grangs med pa 'di nyid kyi don du bcom ldan 'das de la yang ngas gser snyim pa gang gtor to/ /shin tu mthor bzhud de'i tshu rol na de bzhin gshegs pa grags pa bla ma zhes bya ba mnyes par byas te/ nges par rtogs pa'i ye shes 'di nyid kyi don du de bzhin gshegs pa de la ngas 
rin po che snyim pa gang gtor to/ /de bzhin gshegs pa grags pa bla ma'i tshu rol na nga dang ming 'thun pa de bzhin gshegs pa shAkya thub pa zhes bya ba byung ste/ 'phags pa'i lam 'di nyid kyi phyir de la yang ngas me tog sil mas gtor to/ /de bzhin gshegs pa shAkya thub pa'i 
tshu rol na de bzhin gshegs pa skar rgyal zhes bya ba mnyes par byas te/ nges par rtogs pa'i ye shes 'di nyid kyi don du bcom ldan 'das de la yang ngas tsan dan dmar po'i phye mas gtor to/ /de bzhin gshegs pa skar rgyal gyi tshu rol na de bzhin gshegs pa rgyas pa zhes 
bya ba mnyes par byas te/ bcom ldan 'das de la yang ngas mig mi 'dzums shing sems mngon par dang bas nyin zhag bdun du tshigs su bcad pa gcig gis mngon par bstod do/ /de bzhin gshegs pa rgyas pa'i tshu rol na de bzhin gshegs pa rnam par gzigs zhes 
bya ba mnyes par byas te/ bcom ldan 'das de la yang ngas mon sran sde'u snyim pa gang gtor to/ /rnam par gzigs kyi tshu rol na de bzhin gshegs pa gtsug tor can zhes bya ba mnyes par byas te/ bcom ldan 'das de la yang ngas na bza' rin po che gsol to/ /gtsug 

</font><hr>50-1-103a<br><font size=+1>

tor can gyi 'og tu de bzhin gshegs pa thams cad skyob ces bya ba mnyes par byas te/ bcom ldan 'das de la yang ngas bshos bzang po gsol to/ /kun dga' bo bskal pa bzang po 'di la de bzhin gshegs pa 'khor ba 'jig byung ste/ ye shes rang 
byung 'di nyid kyi don du de'i zhabs 'bring na ngas tshangs par spyod pa spyad do/ /'khor ba 'jig gi 'og tu de bzhin gshegs pa gser thub ces bya ba byung ste/ de'i zhabs 'bring na yang ngas tshangs par spyod pa spyad do/ /gser thub kyi tshu rol na de bzhin gshegs pa 'od srung zhes 
bya ba byung ste/ 'od srung gi zhabs 'bring na yang ngas tshangs par spyod pa spyad de thams cad la yang bla na med pa yang dag par rdzogs pa'i byang chub 'di nyid 'dod pa'i phyir byas so/ /de ltar nga rgal nas ma rgal ba rnams sgrol zhing grol nas ma grol ba rnams 'grol ba nas yongs su mya ngan 
las 'das nas yongs su mya ngan las ma 'das pa rnams yongs su mya ngan las 'da' bar byed do/ /kun dga' bo 'di lta ste/ bla na med pa yang dag par rdzogs pa'i byang chub 'di nyid 'dod pa'i phyir 'di ltar sangs rgyas bcom ldan 'das 'di dag dang / dpag tu med grangs med pa 
gzhan rnams la yang bsti stang byas/ bla mar byas/ rim gror byas/ mchod par byas te/ sangs rgyas mang po ji snyed la bsnyen bkur byas pa dang / de bzhin gshegs pa yon tan mang po ji snyed dang ldan pa la ltos/ kun dga' bo rnam grangs 'dis kyang khyod kyis 'di ltar rig 
par bya ste/ de bzhin gshegs pa la dge ba'i rtsa ba gang ji tsam du chung ba bskyed pa yang de ltar rdzu 'phrul che ba dang / de ltar phan yon che ba dang /de ltar gzi che ba dang / de ltar rgya che bar 'gyur ro/ /kun dga' bo de bzhin gshegs pa bsam gyis mi khyab pa rnams la ngas dge ba'i rtsa 
ba bskyed de/ de'i rnam par smin pa yang bsam gyis mi khyab par shes par bya'o/ /kun dga' bo de ltar de bzhin gshegs pa rnams la mnyam pa med pa dang mi 'thun pa med pa dang / mtha' yas pa'i yon phul bas rnam par smin pa yang mtha' yas par shes par bya'o/ /

</font><hr>50-1-103b<br><font size=+1>

de nas bcom ldan 'das kyis de'i tshe tshigs su bcad pa 'di dag gsungs so/ /nga sngon byang chub spyad pa spyod pa na/ /mar me mdzad pa rkang gnyis mchog mnyes byas/ /de la nga yis ud pal lnga gtor te/ /de nas 'dren pas nga la lung bstan to/ /de yi 'og tu rgyal ba pad ma'i 
bla/ /byung ste de yang nga yis mnyes par byas/ /byang chub dam pa 'di ni 'dod pas na/ /gser gyi me tog rnams kyis rgyal de mchod/ /de yi 'og tu 'dren pa byung ba ni/ /thams cad zil gnon yon tan kun dang ldan/ /shin tu mthor bzhud grags pa'i bla ma dang / /shAkya 
khyu mchog skar rgyal de bzhin rgyas/ /sangs rgyas rnam gzigs gtsug tor thams cad skyob/ /'khor ba 'jig dang 'dren pa gser thub dang / /byang chub dam pa yongs su tshol ba na/ /sangs rgyas 'od srung de bzhin ngas mchod do/ /byang chub mchog 'di yongs su tshol ba 
na/ /sems can don phyir snying rje bskyed nas su/ /spyod mchog spyad tshe gang dag ngas mchod pa/ /'das pa'i 'dren pa gzhan dang de dag go/ /sangs rgyas bye ba phrag stong de dag mchod/ /tshogs rnams thams cad yongs su rdzogs byas nas/ /mya ngan med zhi byang chub ngas thob ste/ 
dpung bcas bzhon par bcas pa'i bdud btul nas/ /chos kyi 'khor lo nga yis rab tu bskor/ /srog chags phan phyir chos rnams rab tu bshad/ /lha dang klu dang mi dang mi'am ci/ /sangs rgyas byang chub mchog la ngas bkod de/ /bde zhing zhi ba'i lam dag ngas bstan no/ /ma byon 
sangs rgyas de bzhin nyan thos gang / /sdug bsngal kun las gang zhig thar 'dod pa/ /mkhas pa de dag nga yi yon tan slobs/ /dge ba'i rtsa ba skyed pa'i le'u ste bcu gcig pa rdzogs so//   //de nas yang bcom ldan 'das kyis tshe dang ldan pa kun dga' bo la 
bka' stsal pa/ kun dga' bo nga byang chub thob pa'i yon tan gyi phan yon lta zhog la/ kun dga' bo nga byang chub sems dpa'i spyad pa spyod pa na gang yon tan gyi chos rnams byung ba de dag kyang rang sangs rgyas rnams la yang med na nyan thos rnams sam/ de las gzhan pa'i sems can rnams la 

</font><hr>50-1-104a<br><font size=+1>

lta ci smos/ kun dga' bo nga byang chub sems dpa'i spyad pa spyod pa na ji tsam du dka' ba spyad pa de dag thams cad khyed kyi don du spyad do/ /ngas rgyal srid dang sdug pa dag kyang yongs su btang zhing bu pho dang / bu mo dang / chung ma dang / slas dang / bdag gi srog dang / sha 
dang / khrag dang / rus pa dang / rkang dang / rna ba dang / sna dang / lag pa dang / rkang pa dang / mgo dag kyang ngas yongs su btang ba dang / sdug bsngal mi bzad pa rtsub cing drag pa'i tshor ba rnam pa du ma myong ba de dag thams cad kyang khyed kyi phyir ro/ /kun dga' bo nga bla na med pa yang dag 
par rdzogs pa'i byang chub don du gnyer ba na gang bya dka' ba dang yongs su btang ba byas pa dang / sems can rnams kyi don du ngas sdug bsngal gang dag myong ba de dag thams cad kun dga' bo gal te brjod na bden par yid ches par mi 'gyur na tshig tu smra ba lta ci smos/ kun dga' bo bcom ldan 'das 
de bzhin gshegs pa dgra bcom pa yang dag par rdzogs pa'i sangs rgyas shAkya thub pa des sngon byang chub sems dpa'i spyad pa spyod pa na khyed kyi don du sdug bsngal mi bzad pa rtsub cing drag pa'i tshor ba 'di lta bu dag myong ngo zhes de skad bshad na de bzhin gshegs pa des bdag cag gi phyir 
rab tu dka' ba spyad do zhes gal te byis pa so so'i skye bo dag tshig bzhi pa gcig gi snying rje skyed na/ kun dga' bo sems bskyed pa de'i 'bras bu yang mya ngan las 'das pa yin te/ tha ma mya ngan las 'da' ba'i bar du 'gyur bar nga smra na/ kun dga' bo nga la dge ba'i rtsa ba skyed pa lta ci smos 
kun dga' bo 'di la skyes bu blun po ma dad pa rgyud nyams pa/ mun pa mtha' yas pas khebs pa kha cig ni nga'i byang chub sems dpa'i spyod pa bshad na tshig bzhi pa gcig gi snying rje'am/ phan pa'i dngos po'am/ sems dang ba yang mi skyed do/ /gang dag bla na med pa'i mya ngan las 
'da' ba bsgrub pa'i phyir khyad par du 'phags par 'gyur ba dang / byang chub sems dpa'i spyad pa spyod pa na snying rje chen po rnyed pas gang dag thob par gyur pa yon tan gyi chos de dag rang sangs rgyas rnams la yang med na nyan thos rnams la lta ga la yod/ so so'i skye bo rnams la lta ga la 

</font><hr>50-1-104b<br><font size=+1>

yod/ kun dga' bo nga byang chub sems dpa'i spyad pa spyod pa na snying rje chen po rnyed pas gang dag thob pa'i chos de dag kun dga' bo gal te rang sangs rgyas rnams la yod par gyur na de dag thams cad kyang bla na med pa yang dag par rdzogs pa'i byang chub mngon par rdzogs par 'tshang rgya bar 
'gyur ba zhig na/ gang gi phyir chos de dag byams pa chen po dang / snying rje chen pos zin pas de'i phyir rang sangs rgyas rnams la med do/ /de'i phyir de dag de bzhin gshegs pa dgra bcom pa yang dag par rdzogs pa'i sangs rgyas stobs bcu dang ldan pa/ mi 'jigs pa bzhi thob 
pa/ byams pa chen po dang snying rje chen po dang ldan par mi 'gyur ro/ /kun dga' bo ngas mngon par dran pa sngon byang chub sems dpa'i spyad pa spyod pa na dge ba ci bya ba tshol zhing 'khor bas yid rtag tu skrag la sems can rnams la snying rje chen pos yongs su bsgos pa'i yid du gyur pa na rmi lam 
'di lta bu rmis pa dran te/ ri'i rgyal po ri rab kyi sdeng che zhing yangs pa zhig na bdag 'dug ste/ de na sems can gang dag 'jig rten gyi bar na bkod pa/ sems can dmyal ba chen por skyes pa de dag sems can dmyal ba'i srungs ma rnams kyis tshar chod cing lus 'bar ba dang / kun tu 
'bar ba dang / mer gyur pa dang / shin tu sdug bsngal mi bzad pa rtsub cing drag pa srog 'phrog pa'i tshor ba myong bar gyur nas nga ga la ba der lhags so/ /lhags nas nga la thal mo sbyar te phyag 'tshal nas 'di skad ces grogs po khyed ni bde ba'i tshor ba myong / bdag cag ni sdug bsngal 
zhing sems can dmyal ba'i tshor ba mi bzad pa'i nang na mchis te/ shin tu sdug bsngal mi bzad pa rtsub cing drag pa srog 'phrog pa'i tshor ba myong zhing / mgon ma mchis/ skyabs ma mchis/ dpung gnyen ma mchis so/ /skyes bu dam pa khyod bzhed na ni bdag cag sdug bsngal 'di 
lta bu 'di las khyod kyis yongs su thar bar mdzad spyod do zhes zer ro/ /kun dga' bo nga rmi lam de nyid na ngu zhing mig gnyis nas 'di lta ste dper na/ gang gA'i klung chen po lta bu'i mchi ma byung ste/ ngas sems can dmyal ba'i sems can de dag la de lta bu'i snying rje chen po skyes nas 

</font><hr>50-1-105a<br><font size=+1>

sems can dmyal ba'i sems can de dag la grogs po dag de ltar ma 'jigs shig /ngas khyed sdug bsngal chen po 'di lta bu 'di las yongs su thar bar bya'o zhes dbugs phyung ngo / /kun dga' bo ngas rmi lam nyid na sems can dmyal ba pa'i sems can de dag gcig tu 
bsogs nas lag pa g.yas pas mgo la byugs so/ /kun dga' bo sems can dmyal ba pa'i sems can de dag gi spyi bor lag pa g.yas pa bzhag ma thag pa dang / sems can khyed ngas thar bar byas ma 'jigs shig ces ngas de skad smras ma thag tu sems can dmyal ba pa'i 
me de zhi bar gyur to/ /sems can dmyal ba pa'i sems can de dag kyang skad cig de nyid dang / yud tsam de nyid la bde ba'i tshor ba myong bar gyur to/ /kun dga' bo nga gnyid kyis log pa de nyid las sad ma thag tu mchi ma de gos las btsir nas bsags so/ /kun dga' bo 
nga byang chub sems dpa'i spyad pa spyod pa na yang snying rje chen po'i chos de lta bu dang ldan na/ da lta bla na med pa yang dag par rdzogs pa'i byang chub mngon par rdzogs par sangs rgyas pa na lta ci smos/ kun dga' bo rnam grangs 'dis khyod kyis 'di ltar rig par bya ste/ nga byang chub sems 
dpa'i spyad pa spyod pa na chos gang dag byung ba de dag rang sangs rgyas rnams la yang med na nyan thos rnams dang byis pa so so'i skye bo rnams la lta ga la yod/kun dga' bo de bzhin gshegs pa sngon byang chub sems dpa'i spyad pa spyod pa na sems can rnams la snying rje chen po ji tsam zhig 
dang ldan pa tshig tu brjod pas kyang mthar phyin par sla ba ma yin pa de lta bu'i sems can rnams la phan pa'i dngos po'i sems dang ldan par gyur pa la ltos/ kun dga' bo sngon byung ba 'das pa'i dus na tshong pa mang po rin po che'i phyir rgya mtsho chen por zhugs pa dang / de dag gi gru 
chen po nor gyis gang ba rgya mtsho chen po de nyid du zhig par gyur to/ /de nas tshong pa de dag gru zhig pas 'jigs skrag mi dga' bar gyur nas srog gi phyir kha cig ni spang leb la rten te rgal/ kha cig ni lag pas rkyal/ kha cig ni 'chi ba'i dus byas so/ /de'i tshe yang tshong pa 

</font><hr>50-1-105b<br><font size=+1>

mang po de'i nang na gang ded dpon du gyur pa de rgya mtsho chen po la rkyal pas rkyal lo/ /de'i tshe yang tshong pa lnga zhig rgya mtsho chen pos khyer ba de dag ded dpon de la kye ded dpon mi 'jigs pa stsol cig ces 'bod do/ /kun dga' bo de skad ces smras pa dang / ded dpon des tshong pa de 
dag la 'di skad ces smras so/ /kye skyes bu khyed ma 'jigs shig /ngas khyed rgya mtsho chen po 'di las bde bar gdon no/ /kun dga' bo de'i tshe ded dpon de'i lus la mtshon rnon po zhig kyang 'chang ste/ de 'di snyam du rgya mtsho chen po 'di mi ro dang lhan cig mi gnas pas nges 
par bdag gis bdag gi lus srog dang phral te tshong pa 'di dag rgya mtsho chen po 'di las gdon no snyam du bsams nas/ des tshong pa de dag bdag gi lus la shin tu legs par kha cig ni rgyab tu zhon/ kha cig ni phrag pa la zhon/ kha cig ni brla la bcar te/ rtsol ba chen 
po bskyed nas lus dang sems la so sor brtag pa'i mthu bskyed de tshong pa de dag la mi 'jigs pa byin nas snying rje chen pos yongs su bsgos pa'i sems kyis mtshon rnon pos bdag gi srog bcad pa dang / de myur ba nyid du 'chi ba'i dus byas so/ /de nas de ma thag tu ro de 
rgya mtsho chen po'i nang nas skam la byung ngo / /de nas tshong pa lnga po de dag bde zhing don grub nas rgya mtsho chen po las rgal te slar 'dzam bu gling du bde bar lhags par gyur to/ /kun dga' bo de'i tshe de'i dus na ded dpon de gzhan zhig yin pa snyam du khyod the tshom 'am yid gnyis za na kun dga' 
bo khyed kyis de ltar mi blta'o/ /de ci'i phyir zhe na/ kun dga' bo nga nyid de'i tshe de'i dus na ded dpon du gyur to/ /kun dga' bo dge slong lnga sde ni de'i tshe de'i dus na tshong pa lnga por gyur te/ kun dga' bo de'i tshe yang dge slong lnga po rgya mtsho chen po las bsgral to/ /da yang ngas 
'khor ba'i rgya mtsho chen po las bsgral te mya ngan las 'das pa 'jigs pa med cing zhi ba la bkod do/ /kun dga' bo byang chub sems dpa' sems dpa' chen po rnams dka' ba ji snyed byed pa dang / yon tan tshad med pa ji snyed dang ldan pa la ltos/ kun dga' bo rnam grangs 

</font><hr>50-1-106a<br><font size=+1>

'dis kyang khyod kyis 'di ltar rig par bya ste/ byang chub sems dpa' rnams ci 'dra ba'i yon tan 'di lta bu dag rang sangs rgyas rnams la med do/ /kun dga' bo gal te rang sangs rgyas rnams la nga'i chos rnams yod du zin na de dag kyang de bzhin gshegs 
pa dgra bcom pa yang dag par rdzogs pa'i sangs rgyas su 'gyur ba zhig na gang gi phyir de dag la chos 'di dag med pa de'i phyir de dag bla na med pa yang dag par rdzogs pa'i byang chub mngon par rdzogs par 'tshang mi rgya'o/ /kun dga' bo de ltar byang chub sems dpa' sems dpa' 
chen po rnams ni dka' ba byed cing / snying rje che la sems can thams cad la snying brtse ba'o/ /de la mi blun po kha cig bla na med pa yang dag par rdzogs pa'i byang chub dang bla na med pa'i yongs su mya ngan las 'da' ba'i sa bon mngon sum du bya ba'i phyir sems dang ba 'ga' yang nga la mi 
skyed do/ /kun dga' bo nyi tshe ba byed pa ni nyi tshe ba sgrub la/ yongs su rdzogs pa byed pa ni yongs su rdzogs pa sgrub bo/ /kun dga' bo nga'i spyod pa gzhan dag kyang bstan te/ kun dga' bo tha na sems dang ba gcig bskyed pa'i dge ba'i rtsa ba dang ldan pa bskyed pa yang don med par 
mi 'gyur na gong ma dag lta ci smos/ kun dga' bo gang de bzhin gshegs pa la bzhag pa'i dge ba'i rtsa ba gang yin pa tha na sangs rgyas la dmigs pa'i sems gcig bskyed na kun dga' bo de dag thams cad kyang bdud rtsi dang mtshungs shing tha ma bdud rtsir 'gyur bar nga smra'o/ /kun 
dga' bo de bzhin gshegs pa ni rnam pa thams cad kyis rjes su dran par bya ste/ kun dga' bo dran pa las kyang de bzhin gshegs pa dran par bya'o/ /kun dga' bo dge ba'i rtsa ba las kyang de bzhin gshegs pa dran par bya'o/ /kun dga' bo rigs las kyang de bzhin gshegs 
pa dran par bya'o/ /nga ni 'dra ba'i phyir nyi ma'i rigs te gang bu ram shing pa'i rigs su skyes pa nor mang po phun sum tshogs pa'o/ /nyi ma'i rigs kyis mun pa mun nag dang bral ba snang ba byed pa 'od byed pa'o/ /kun dga' bo nga ni shAkya yin te/ de ni rigs che ba'i tshig bla dgas so/ /kun 

</font><hr>50-1-106b<br><font size=+1>

dga' bo de bzhin gshegs pa ni rus dang / cho rigs dang / rigs dang / nor dang / gzugs dang / yul dang / mtshan dang dpe byad bzang po dang / stobs dang / mi 'jigs pa dang / sangs rgyas kyi chos ma 'dres pas mngon par 'phags so/ /kun dga' bo de bzhin 
gshegs pa yon tan thams cad kyis mngon par 'phags shing rigs phun sum tshogs so/ /kun dga' bo ro myong ba las kyang de bzhin gshegs pa rjes su dran par bya'o/ /kun dga' bo don yod pa dang / sngon gyi sbyor ba phun sum tshogs pa dang / smon lam phun sum 
tshogs pa dang / tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang / byams pa dang / snying rje dang / dga' ba dang / btang snyoms dang / spyod lam dang / spyod pa dang / sgrub pa las kyang de bzhin 
gshegs pa rjes su dran par bya na sangs rgyas kyi yon tan thams cad kyis lta ci smos/ kun dga' bo rnam pa gang dang gang dag gis de bzhin gshegs pa rjes su dran par 'gyur ba'i rnam pa de dang de dag gis rdzu 'phrul che phan yon che gzi che rgya che/ bdud rtsi dang mtshungs 
te/ bdud rtsis klas shing bdud rtsis mthas gtugs par 'gyur ro/ /kun dga' bo nga sngon byang chub sems dpar gyur pa'i rgyud la yod pa'i sbyin pa'i pha rol tu phyin pa'i sa gang yin pa de'i yon tan rnams ngas sangs rgyas kyi ye shes kyis kyang mtha' rtogs par mi nus na gang 
nga'i tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin par gyur pa lta ci smos/ byang chub sems dpa'i yon tan de las gzhan pa dag 
yod pa lta ci smos/ nga bla na med pa yang dag par rdzogs pa'i byang chub tu lung ma bstan pa na/ byang chub sems dpa'i yon tan yod pa de dag gi mtha' yang ngas sangs rgyas kyi ye shes kyis rtogs par sla ba ma yin na lung bstan pa lta ci smos/ sangs rgyas kyi yon tan thams cad 

</font><hr>50-1-107a<br><font size=+1>

lta ci smos te/ de dag gi mtha' bskal pa bye ba khrag khrig brgya stong du yang rtogs par sla ba ma yin no/ /de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas kyi yon tan dpag tu med pa'i phyir ro/ /kun dga' bo ngas don 
gyi dbang 'di mthong nas gang dag kha cig nga'i byang chub sems dpa'i spyod pa'i yon tan rnams rjes su dran zhing sems dang ba yang skyed na/ kun dga' bo dge ba'i rtsa ba de dag thams cad kyi 'bras bu mya ngan las 'das pa yin te/ tha ma mya ngan las 'das par nga de skad smra'o/ /kun dga' bo 
de bas na mya ngan ma byed/ smre sngags ma 'don cig /kun dga' bo khyod dang lha dang bcas pa'i 'jig rten gyi don chen po ngas byas zin te phan chen po ni btags/ bla na med pa'i grub pa dang bde ba 'di lta ste/ mya ngan las 'da' ba thob par bya ba'i lam ni bstan/ bsgrub pa ni bshad zin gyis 
da khyed bag yod pa la brtson par gyis shig /de nas bcom ldan 'das kyis thams cad dang ldan pa'i dge slong gi dge 'dun la bka' stsal pa/dge slong dag do mod kyi nam gyi gung thun la de bzhin gshegs pa yongs su mya ngan las 'das dge slong dag tshur shog /deng du ngas khyed mthong ba'i 
tha ma dang rjes su bstan pa'i tha mar 'gyur/ deng du nga dang khyed mthong ba tha ma dang phrad pa tha mar 'gyur te/ dge slong khyed kyis phyis nga mi mthong ngas kyang khyed mi mthong ngo / /de bas na dge slong dag mya ngan ma byed/ smre sngags ma 'don cig /dge slong dag sdug pa dang yid du 'ong ba thams cad dang 
tha dad du 'gyur zhing 'gyes te 'bye bar 'gyur 'bral bar 'gyur ro/ /dge slong dag gang skyes pa/ byung ba brtags pa/ 'dus byas pa/ mngon par bsams pa/ rten cing 'brel bar byung ba/ rab tu 'jig pa'i chos can 'di dag 'jig par mi 'gyur ba'i gnas ga la yod de de ni 
gnas med do/ /dge slong dag ji ltar ring du gnas kyang tshe phyi mar nges par 'gro dgos so/ /dge slong dag skyes pa ni mi 'chi ba med do/ /'du byed du gyur pa rnams la ni rtag pa'am/ brtan pa'am/ ther zug gam/ mi 'gyur ba'i chos can ma yin no/ /dge slong dag skyes pa 

</font><hr>50-1-107b<br><font size=+1>

dang 'chi ba ni sdug bsngal lo/ /dge slong dag gang dag yongs su mya ngan las 'das pa de dag ni bde ba'o/ /ma thob pa thob par bya ba dang / ma rtogs pa rtogs par bya ba dang / mngon sum du ma byas pa mngon sum du bya ba'i phyir brtson pa gyis shig /'bad pa gyis shig /brtsal 
bgyis shig /dge slong dag sangs rgyas bcom ldan 'das kyi bla na med pa yang dag par rdzogs pa'i byang chub dang / gang de las gzhan pa'i dge ba'i byang chub kyi phyogs kyi chos rnams ni bag yod pas thob kyis/ bag yod pa la brtson par gyis shig /dge slong dag 'di ni khyed la rjes 
su bstan pa'o/ /de'i tshe 'khor de na dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten skyong 
ba ji snyed 'dus par gyur pa de dag thams cad kyis bcom ldan 'das la gdams pa dang rjes su bstan pa 'di lta bu 'di thos nas sdug bsngal zhing yid mi bde ste/ sdug bsngal dang yid mi bde ba mchog dang ldan par gyur/ mya ngan gyi zug rngu chen pos zug par gyur nas ngu zhing mchi ma byung bar 
gyur te/ bcom ldan 'das yongs su mya ngan las 'da' ba ha cang myur ches so/ /bde bar gshegs pa yongs su mya ngan las 'da' ba ha cang myur ches so/ /'jig rten gyi mig mi snang bar 'gyur ba ha cang myur ches so/ /'jig rten gyi mig med cing long bar 'gyur ba ha cang myur 
ches so/ /sems can rin po che 'di lta bu dang 'bral ba dang / 'bye ba dang / tha dad du 'gyur ba ha cang myur ches so zhes cho nge chen po bton no/ /de nas tshe dang ldan pa kun dga' bo bcom ldan 'das la mig mi 'dzums par lta ste bltas shing brtags nas bcom ldan 'das las 
tshig de skad thos pa dang ngu zhing smre sngags 'don te/ ji ltar langs pa nyid las shing bcad pa bsgyel ba bzhin du sa la 'gyel to/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo thong mya ngan ma byed/ smre sngags ma 'don cig /kun 

</font><hr>50-1-108a<br><font size=+1>

dga' bo sdug pa dang yid du 'ong ba thams cad dang tha dad du 'gyur zhing 'gyes te 'bye ba dang 'bral bar 'gyur ro/ /gang byung ba/ 'dus byas pa/ mngon par bsams pa/ rten cing 'brel bar 'byung ba de dag mi 'jig pa de ga la yod de de ni gnas med do zhes ngas 
thog ma nas ma bstan tam/ de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to/ /gang sems can rin po che sems can kha lo sgyur ba/ sems can yongs su 'dren pa/ sems can thams cad la gces pa/ 
sems can thams cad rton pa/ ston pa de lta bu dang bdag 'gyes shing 'bye 'bral na/bcom ldan 'das ci'i slad du mya ngan mi bgyid/ bde bar gshegs pa bdag ci'i slad du smre sngags mi 'don/ bcom ldan 'das 'di ltar 'jig rten gyi mgon po thugs rje chen po 'jig rten 
thams cad la phan zhing thugs brtse ba mig rin po che snang ba mdzad pa dang bdag 'bral bar 'gyur na ci'i slad du bdag mya ngan mi bgyid/ smre sngags mi 'don/ bcom ldan 'das bdag gi snying tshal ba brgyar ma gas pa ngo mtshar to/ /bcom ldan 'das bdag mchis pa 'di nyid 
du 'gum pa'i dus ma bgyis pa ngo mtshar to/ /bcom ldan 'das gang bdag mchis pa 'di nyid du 'di lta ste dper na/ phub ma spar gang bzhin du rnam pa du mar ma zhigs pa ngo mtshar to/ /bcom ldan 'das bdag ni bcom ldan 'das kyi byin gyi rlabs kyis 'gum pa'i dus ma bgyis 
so snyam bgyid do/ /bcom ldan 'das 'di ltar sems can rin po che 'jig rten yongs su 'dren pa/ 'jig rten la phan zhing thugs brtse ba de lta bu sang slan chad bzhugs pa mi mthong na ci'i slad du mya ngan mi bgyid/ smre sngags mi 'don/ de nas sangs rgyas bcom ldan 
'das kyis tshe dang ldan pa kun dga' bo la 'di skad ces bka' stsal to/ /kun dga' bo khyod la nga sdug gam/ gsol pa/ bcom ldan 'das bdag la sdug go/ /bde bar gshegs pa bdag la sdug go/ /bka' stsal pa/ kun dga' bo khyod la nga ji tsam du sdug /gsol 

</font><hr>50-1-108b<br><font size=+1>

pa/ bcom ldan 'das dag gi las kyis bstan par sla ba ma lags pa dang / bcom ldan 'das dpes bstan par yang sla ba ma lags pa de tsam du bcom ldan 'das bdag la sdug go/ /bde bar gshegs pa bdag la sdug go/ /bcom ldan 'das bdag gi lus dang srog bcom ldan 
'das kyi don du yongs su btang yang bdag mi dga' bar mi 'gyur ba de lta bur bcom ldan 'das bdag la sdug go/ /bde bar gshegs pa bdag la sdug go/ /bcom ldan 'das bdag la de ltar sdug pa dang bde bar gshegs pa bdag la de ltar sdug par bcom ldan 'das de bzhin gshegs 
pa nyid kyis mkhyen no/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo gal te khyod la nga sdug na lag pa g.yas pa nga la byin de nas tshe dang ldan pa kun dga' bos lag pa g.yas pa phul lo/ /
de nas bcom ldan 'das kyis tshe dang ldan pa kun dga' bo'i lag pa nyid kyi phyag g.yas pa gser gyi kha dog can rgya skyegs kyi khu ba rab tu bzang pos kha bsgyur ba lta bur 'jam zhing rab tu gzhon pas bzung nas tshe dang ldan pa kun dga' bo la 'di skad ces bka' stsal to/ /kun dga' 
bo gal te khyod la nga sdug na sdug pa'i bya ba byos/ de la nga la sdug par 'dzin pa'i bya ba gang zhe na/ kun dga' bo bskal pa grangs med pa bye bar bsgrubs pa'i bla na med pa yang dag par rdzogs pa'i byang chub dang / bla na med pa'i chos dkon mchog gi mdzod 'di khyod la bcol cing 
gtad kyis ci nas kyang nga dang 'thun par gyis shig /'thun par byas nas kyang yangs shing rgyas par gyis shig /rgyun ma chad par gyis shig /skyes bu tha ma par ma gyur cig /kun dga' bo de bzhin gshegs pas gsungs pa'i chos 'dul ba 'di rnam par 'phel ba dang / 
yongs su mi nyams pa dang / kun tu srung zhing sba ba dang / chud mi zos par bya ba'i phyir khyod la dpe bstan par bya ste 'di la skyes bu mkhas pa kha cig dpes smras pa'i don shes par 'gyur ro/ /kun dga' bo 'di lta ste dper na/ tshong dpon nam khyim bdag phyug po nor che ba/ longs 

</font><hr>50-1-109a<br><font size=+1>

spyod che ba/ bang mdzod mang ba/ bdag dbang ba mang ba/ rdzas dang yo byad mang ba/ rigs phun sum tshogs pa/ rus phun sum tshogs pa/ rigs btsun pa'i rigs las bu gcig pa zhig skyes te/ de skyes ma thag tu dbang po rnams rgyas par bya ba'i phyir yi ge dang / 
grangs dang rtsis dang / lag rtsis dang / de las gzhan pa'i bzo dka' ba dang / sgyu rtsal dka' ba dag slob bo/ /de la bslabs nas tha mar tshong dpon nam khyim bdag de 'di skad du bu khyod la ngas ji tsam du bya ba de dag ngas byas zin/ yi ge dang grangs dang rtsis dang lag rtsis dang bzo dka' 
ba dang / sgyu rtsal dka' ba dag kyang lobs zin te 'di ni nga'i dus tha ma yin pas bdag dbang ba thams cad ngas khyod la gtad kyis gnas gsum la slob cing tshong dpon gyi khyim 'di na gnas par byos shig /gsum gang zhe na/ 'dun pa dang / brtson 'grus dang / bag yod 
pa'o zhes smras te/ de ltar tshong dpon nam khyim bdag des bu gcig pa de la shin tu legs par gtams nas 'chi ba'i dus byas la de'i bu gcig pa de bag med par spyod pas longs spyod ma rnyed pa ni mi rnyed/ pha mes kyi longs spyod rnyed pa dag ni yongs su zad cing med par gyur na/ 
kun dga' bo de ji snyam du sems/ tshong dpon gyi bu'am/ khyim bdag gi bu des pha'i lung bzhin du byas pa yin nam/ gsol pa/ bcom ldan 'das ma lags so/ /bde bar gshegs pa ma lags so/ /bka' stsal pa/ kun dga' bo pha des bu de la bu'i bya ba cung zad byas 
sam/ gsol pa/ bcom ldan 'das bgyis so/ /bde bar gshegs pa bgyis so/ /bka' stsal pa/ kun dga' bo de bzhin du de bzhin gshegs pa yang 'jig rten thams cad kyi yab ste khyed la bu gcig bzhin du dbugs 'byin to/ /kun dga' bo 'di ni nga'i dus tha 
ma ste/ 'di ni nga'i rjes su bstan pa tha ma yin gyis ci nas kyang bskal pa grangs med pa bye ba khrag khrig brgya stong du bsgrubs pa nga'i chos dkon mchog gi mdzod dang / chos dkon mchog gi snod dang / chos kyi nor bla na med pa 'di gnas gsum gyis bzhag nas gnas par gyis 

</font><hr>50-1-109b<br><font size=+1>

shig /gsum gang zhe na/ 'dun pa dang / brtson 'grus dang / bag yod pa'o/ /khyed gnas 'di gsum gyis bskal pa grangs med pa bye ba khrag khrig brgya stong du bsgrubs pa bla na med pa'i chos dkon mchog gi mdzod 'di la gnas na dge ba'i rtsa ba ma thob pa rnams thob par 'gyur ro/ /
dge ba'i chos thob pa rnams yongs su mi nyams par 'gyur ro/ /gal te khyed bskal pa grangs med pa bye ba khrag khrig brgya stong du bsgrubs pa bla na med pa yang dag par rdzogs pa'i byang chub 'di la gnas gsum gyis mi gnas na dge ba'i chos ma thob pa rnams khyed kyis thob par mi 'gyur la 
dge ba'i chos thob pa rnams kyang yongs su nyams par 'gyur ro/ /de ci'i phyir zhe na/ kun dga' bo 'di ltar nga 'jig rten gyi yab/ 'jig rten gyi mgon po/ don bzhed pa/ phan par bzhed pa/ bde bar bzhed pa/ grub pa dang bde ba bzhed pa/ phan bzhed pa/ thugs brtse ba 
can/ thugs rje dang ldan pas gang bya ba de ni ngas byas zin gyis da khyod kyis byos shig /kun dga' bo bskal pa grangs med pa bye ba khrag khrig brgya stong du bsgrubs pa bla na med pa yang dag par rdzogs pa'i byang chub 'di ni gnas gsum gyis med par 'gyur ro/ /gsum gang zhe na/ 
ma dad pa dang / mi sgrub pa dang / mi ston pa'o/ /kun dga' bo de bas na dam pa'i chos dkon mchog gi mdzod 'di bsrung ba'i phyir mngon par dad pa dang / bsgrub pa dang / bstan pa la 'dun pa dang / brtson 'grus dang / bag yod pa la brtson par gyis shig /de ltar byas na 
chos kyi rje 'jig rten gyi yab nga'i bya ba khyed bu rnams kyis byas par 'gyur ro/ /kun dga' bo de bas na bla na med pa'i chos dkon mchog gi mdzod 'di rgya cher yongs su gtad pa'i phyir khyod la dpe bstan par bya ste/ 'di la skyes bu mkhas pa kha cig dpes smras pa'i don shes par 'gyur 
te/ bcom ldan 'das shAkya thub pa de bzhin gshegs pa dgra bcom pa yang dag par rdzogs pa'i sangs rgyas kyis bdag cag gi don du yongs su mya ngan las 'da' ba'i tshe phyag g.yas pas tshe dang ldan pa kun dga' bo'i lag pa nas bzung ste bskal pa grangs med pa bye ba khrag 

</font><hr>50-1-110a<br><font size=+1>

khrig brgya stong du bsgrubs pa bla na med pa yang dag par rdzogs pa'i byang chub 'di yongs su gtad do snyam nas de dag rgya cher yongs su dga' ba dang mgu bar 'gyur ro/ /kun dga' bo 'di lta ste dper na/ ded dpon byes su song bas gang bdag gi bya ba cung zad ci yod pa dang / 'dron pa thams cad kyi gang bya ba cung zad ci yod pa de dag byas zin par gyur na kun dga' bo de ji snyam du sems/ ded dpon de bdag gi khyim du 'ong ngam/ 'on te byes de nyid na 'dug gam/ gsol pa/ bcom ldan 'das slar khyim du mchi'i mi mchi ba ma mchis so/ /kun 
dga' bo de bzhin du de bzhin gshegs pa 'jig rten gyi yab/ 'jig rten gyi mgon po/ 'jig rten gyi yongs su 'dren pa/ ded dpon chen pos kyang bla na med pa yang dag par rdzogs pa'i byang chub mngon par rdzogs par sangs rgyas nas sangs rgyas kyi ye shes kyis gang bya ba de dag 
thams cad byas zin te de la sangs rgyas kyi bya ba gang phyis bya dgos pa cung zad kyang med do/ /da lta sangs rgyas kyis gdul ba'i sems can gang ma dul ba'am ma zhi ba 'ga' yang med do/ /kun dga' bo de bzhin gshegs pa dgra bcom pa yang dag par rdzogs pa'i sangs rgyas rnams 
ni gnas gsum yongs su ma rdzogs yongs su ma brnyes par yongs su mya ngan las mi 'da'i/ gang gi tshe gnas de gsum mdzad cing yongs su rdzogs la yongs su brnyes par gyur pa de'i tshe na gdod de bzhin gshegs pa yongs su mya ngan las 'da'o/ /gsum gang zhe na/ byang chub 
sems dpa' gang de bzhin gshegs pa'i bstan pa nub pa'i 'og tu bskal pa'am/ bskal pa brgya'am/ bskal pa stong ngam/ bskal brgya stong ngam/ bskal pa bye ba khrag khrig brgya stong na yang dag par rdzogs pa'i byang chub mngon par rdzogs par 'tshang rgya bar phyir mi ldog pa'i 
chos la gnas par ma gyur la/ gal te sangs rgyas bcom ldan 'das kyis byang chub sems dpa' phyir mi ldog pa nyid du dbang po yongs su ma smin pa gzigs nas de'i tshe gang zag de yongs su smin par bya ba'i phyir byang chub sems dpa' phyir mi ldog pa'i chos nyid ma thob kyi bar du rdzu 'phrul 

</font><hr>50-1-110b<br><font size=+1>

gyi sku byin gyis rlob ste/ de'i tshe phyis bla na med pa yang dag par rdzogs pa'i byang chub tu lung bstan nas gdod de bzhin gshegs pa rnams phung po'i lhag ma med pa'i mya ngan las 'das pa'i dbyings su yongs su mya ngan las 'da'o/ /de bas na ngas da ni byang chub sems dpa' byams pa 
la sogs pa bye ba khrag khrig brgya stong mang po dag phyir mi ldog pa'i chos nyid la lung bstan cing bkod de nga'i bya ba 'di dag sems can rnams la thugs brtse ba'i phyir byas zin no/ /kun dga' bo gzhan yang sangs rgyas kyis mngon du 'dul ba thams cad dul bar ma gyur gyi bar du de 
bzhin gshegs pa yongs su mya ngan las mi 'da'o/ /gang gi tshe sangs rgyas bcom ldan 'das bskal pa stong phrag mang po zhig na sangs rgyas bcom ldan 'das gzhan rnams 'byung ba dang / 'jig rten gyi khams de'am/ gzhan dag tu 'gro ba lnga'i nang na gang yang rung ba'i 
'gro bar skyes pa'i gang zag kyang sangs rgyas kyis 'dul bar mkhyen la/ gang zag de lo gcig gam lo brgya'am lo stong ngam lo bye ba khrag khrig brgya stong ngam bskal pa las lhag pa na gang zag de ngas 'dul bar 'gyur gyi nyan thos kyis ma yin/ rang sangs rgyas kyis ma yin par 
mkhyen par 'gyur ba de'i tshe sangs rgyas kyi ye shes kyis mkhyen nas gang zag de la thugs brtse ba'i phyir/ gang zag de yongs su smin par gyur gyi bar du rdzu 'phrul gyi sku byin gyis brlabs nas de'i 'og tu gdod 'dul te/ kun dga' bo 'di ni gang byas nas phyis sangs rgyas bcom 
ldan 'das rnams yongs su mya ngan las 'da' bar 'gyur ba de bzhin gshegs pa rnams kyi mdzad pa gnyis pa'o/ /kun dga' bo gzhan yang de bzhin gshegs pa'i mdo sde'am/ 'dul ba'am/ ma mo sangs rgyas kyi bstan pa'i gsung rab las dgos pa 'ga' zhig 
mngon sum du zhu ba'am bya ba yod la/ de yang nyan thos slob pa'am mi slob pa dag gis kyang shes pa'am/ yang dag par bsdu ba'am/ bstan par mi nus la/ gal te sangs rgyas rnams kyi dge slong gi dge 'dun de las dge slong gcig tsam yang de bzhin gshegs pa la 

</font><hr>50-1-111a<br><font size=+1>

gnod par 'gyur du 'ong ngo zhes de bzhin gshegs pa la gus par zhu nus pa med par gyur pa de na bcom ldan 'das yang dag par rdzogs pa'i sangs rgyas sangs rgyas kyi ye shes kyis dge slong sprul pa sprul par mdzad de/ sprul pa de de bzhin gshegs pa la 
bcom ldan 'das bgyi ba 'di lta bu zhig 'di ltar byung na 'di ji ltar bgyi zhes yongs su zhu'o/ /de bzhin gshegs pas sprul pa de la/ dge slong bya ba de 'di ltar byos shig /'di byas nas 'di ltar byos shig ces de skad ces bka' stsal to/ /gang yongs su ma rdzogs par 
de bzhin gshegs pa yongs su mya ngan las mi 'da' ba'i gnas gsum po de dag de bzhin gshegs pas nges par mdzad dgos pa de dag thams cad ngas byas shing yongs su rdzogs te/ 'di la ngas nyan thos rnams la bslab pa'i 'dul ba dang so sor thar pa ni bcas/ 
ngas lam ni bstan/ de byed pa yang dag par sdug bsngal zad par 'gyur ba nges par 'byin pa'i lam ni bsnyad zin te phyis bya dgos pa'i lhag ma ci yang med do/ /kun dga' bo de lta bas na khyed kyis ma bcas pa ni mi bca'/ bcas pa ni mi gzhig ste/ kun dga' bo 
bslab pa ji ltar bcas pa bzhin du slobs shig /kun dga' bo 'di ni khyed kyis bya ba yin gyis bag yod pa dang / bag yod pa la dga' bar gyis shig /'di ni nga'i rjes su bstan pa yin gyis mya ngan ma byed/ smre sngags ma 'don cig /kun dga' bo do mod 
kyi thun tha ma la nga yongs su mya ngan las 'da' ste/ kun dga' bo rang gi yul dang / rang gi spyod yul du 'gro'o/ /slar 'jig rten 'dir mi 'ong ngo 'jig rten pha rol tu yang mi 'gro'o/ /phyin cad khyed kyis nga mi mthong ngas kyang khyed mi mthong ngo / /kun dga' bo phung po'i 
lhag ma med par mya ngan las 'da' ba'i dbyings zhi ba/ bsil ba rdul med pa/ rdul dang bral ba/ sdug bsngal thams cad rnam par zhi ba/ yid du 'ong ba'i mya ngan las 'das pa/ gang na skye ba yang med/ rga ba yang med/'chi ba yang med/ mya ngan yang med/ smre sngags 

</font><hr>50-1-111b<br><font size=+1>

'don pa yang med/ sdug bsngal ba dang / yid mi bde ba dang 'khrug pa yang med/ gnod pa yang med/ mi mdza' ba dang phrad pa yang med/ mdza' ba dang 'bral ba yang med cing gang du sangs rgyas dang sangs rgyas kyi nyan thos kyi tshogs gang gA'i klung gi bye ma snyed bzhud zin pa dang 
bzhud pa dang bzhud par 'gyur ba de la nga dga'o/ /kun dga' bo sems can rnams phung po'i lhag ma med pa'i mya ngan las 'das pa'i dbyings la mi dga' ba dang / de dag mya ngan las 'das pa thob pa'i sa bon du 'gyur ba thar pa'i rjes su 'thun pa dang ldan pa'i sems bskyed pa 
gcig kyang mi skyed pa la ltos/ kun dga' bo byis pa so so'i skye bo la stobs ga la yod/ kun dga' bo byis pa so so'i skye bo thams cad ni stobs med cing stobs chung ba ste/ kun dga' bo byis pa so so'i skye bo 'di dag thams cad ni rtswa dang phub ma dang sog ma dang mtshungs 
par snang ngo / /kun dga' bo byis pa so so'i skye bo dag ni mya ngan las 'das pa'i sa bon du 'gyur ba thar pa'i rjes su 'thun pa dang ldan pa'i sems bskyed pa gcig kyang mi bskyed pa dag ste de dag la stobs ga la yod/ dbugs dbyung ba lta ga la yod/ kun dga' bo byis pa 
so so'i skye bo rnams la tshul khrims kyi stobs med/ ting nge 'dzin gyi stobs med/ shes rab kyi stobs med do/ /kun dga' bo nga ni sangs rgyas kyi stobs dpag tu med pa dang / grangs med pa dang / bsam gyis mi khyab pa dang / gzhal du med pa dang / tshad med pa dang 
ldan zhing tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i stobs rnams dang ldan la/ ngo tsha shes pa'i stobs dang / khrel yod pa'i stobs dang / yang dag par 'grub pa'i stobs dang / ye shes kyi stobs dang / 
spong ba'i stobs dang / bsod nams kyi stobs dang / shes rab kyi stobs dang / dbang po'i stobs dang / byin gyi rlabs kyi stobs dang /stobs bcu dang ldan pa ste/ kun dga' bo 'on kyang nga mya ngan las 'das pa'i dbyings de la dga'o/ /de la byis pa mun nag gi sgor gyur 

</font><hr>50-1-112a<br><font size=+1>

pa/ mi shes pa'i chos dang ldan pa/ 'khor ba na rgyu ba/ bcing bas bcings pa la dga' ba de dag ni mya ngan las 'das pa'i sa bon du 'gyur ba rjes su 'thun pa'i sems gcig kyang mi skyed do/ /kun dga' bo phyi ma'i dus phyi ma'i tshe de bzhin gshegs pa yongs 
su mya ngan las 'das pa'i mdo sde 'di lta bu bstod cing bzhag ste bshad pa de dag de bzhin gshegs pa 'das pa'i 'og tu de dag de bzhin gshegs pas gsungs pa'i mdo sde 'di lta bu nyan no/ /thos nas gal te phung po'i lhag ma med pa'i mya ngan las 'das pa'i dbyings 
'di ma thob kyang nga'i chos rin po che'i snod 'di la 'jug par 'gyur ba dag yod de/ kun dga' bo don 'di nyid rgya cher shes par bya ba'i phyir khyod la dpe bstan par bya'o/ /kun dga' bo 'di lta ste dper na 'dron pa mang po dag 'brog dgon pa chen po las 'das te/ chom 
rkun gyi lam 'jigs pa dang bcas pa las 'das nas 'jigs pa med pa'i grong khyer du phyin pa de'i nang nas mi gcig cig 'dron pa mang po de dang bral zhing 'khyams par gyur la de 'dron pa mang po de'i rjes bzhin du 'gro zhing 'dron pa mang po lam gang nas dong ba'i rjes bzhin du sdug bsngal 
ba dang / nyon mongs pa dang / tshegs chen pos song nas 'dron pa mang po dang phrad par gyur pa de bzhin du kun dga' bo gang de bzhin gshegs pas bla na med pa yang dag par rdzogs pa'i byang chub mngon par rdzogs par sangs rgyas nas da ltar mdo sde 'di lta bu dag bshad pa de la ma 'ongs 
pa'i dus na rigs kyi bu'am rigs kyi bu mo dag mdo sde 'di lta bu dag thos nas phung po'i lhag ma med pa'i mya ngan las 'das pa'i dbyings 'di sgras go bar 'gyur ba dag yod pas ngas dam pa'i chos kyi grong khyer 'di bzhag go/ /de dag lhags nas nga'i dam pa'i chos kyi grong khyer 'dir 
gnas par byed cing nga'i dam pa'i chos kyi mdzod 'di srung bar byed yang dag par ston par yang byed do/ /kun dga' bo gang zag gcig gi phyir bla na med pa yang dag par rdzogs pa'i byang chub 'di gtad na yang khyod kyis legs par gzung dgos na sems can brgya stong dpag tu med pa 

</font><hr>50-1-112b<br><font size=+1>

rnams kyi phyir gtad pa lta ci smos/ kun dga' bo de bas na bskal pa grangs med pa bye bar bsgrubs pa bla na med pa yang dag par rdzogs pa'i byang chub 'di dang / dam pa'i chos dkon mchog gi mdzod 'di khyod la gtad kyis ci nas kyang 'khor bzhi po dad pa rnams la rjes su 'thun 
par bya ba dang / 'jug pa dang / bshad pa dang / gdags pa dang / dgrol ba dang / rnam par dbye ba dang / gsal bar byos shig /skyes bu tha ma par ma gyur cig /kun dga' bo gang mdo sde 'di lta bu dag ma thos pas yongs su nyams par 'gyur ba'i sems can dag yod 
do/ /kun dga' bo de la skyes bu mkhas pa kha cig dpes smras pa'i don shes par 'gyur te de'i phyir khyod la dpe bstan par bya'o/ /kun dga' bo 'di lta ste dper na tshong dpon nam khyim bdag phyug pa/ nor che ba/ longs spyod che ba/ bdag dbang ba mang ba/ rdzas dang yo byad mang 
ba/ nor dang 'bru mang ba/ bdag dbang ba'i skye bo mang ba/ mdzod dang bang ba mang ba zhig yod pa de'i bu gcig pa zhig byes su song bar gyur la tshong dpon nam khyim bdag de yang na zhing mi bde la shin tu sdug bsngal bar gyur te de 'chi ba'i dus la bab pa'i tshe/ khyim bdag gzhan zhig la nor 
bu dang / mu tig dang / bai dUr+ya dang / dung dang / man shel dang / byi ru dang / gser dang / dngul mang po dang / rin po che mang po rnams bzhag ste/ des rin po che de dag bzhag nas tshong dpon nam khyim bdag de la 'di skad ces khyed shes par gyis shig /kho bo'i bu gcig pa 
de ni byes su song / kho bo ni da lta na zhing mi bde ste/ ring por mi thogs par kho bo 'chi ba'i dus byed par 'gyur gyis/ rin po che dang bang mdzod mang po 'di dag bu gcig pa de'i phyir khyod kyi lag tu gzhag go/ /nam bdag gi bu gcig pa de byes de nas 'ongs te/ de bag 
yod la bag yod pa'i chos la gnas par gyur pa de na rin po che 'di rnams byin cig /byin nas kyang 'di skad du gzhon nu khyod kyi pha 'chi kar rin po che mang po 'di dag khyod kyi phyir nga la bzhag ste khyod kyi pha'i nor gyi tshogs 'di bdag gi longs spyod yin gyis khyer la bag yod par 

</font><hr>50-1-113a<br><font size=+1>

bsrungs te ci nas kyang chud ma zos par gyis zhes bsgo shig ces smras la/ de nas tshong dpon nam khyim bdag des tshong dpon cig shos las rin po che'i mdzod mang po bzhag pa blangs nas tshong dpon gyi bu byes nas 'ongs pa la rin po che'i mdzod bzhag pa de ma byin na kun dga' 
bo de ji snyam du sems/ de la sus nyes par 'gyur/ de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das gang tshong dpon de'i rin po che mang po bzhag pa blangs nas tshong dpon gyi bu de la ma stsal bas 
bzhag pa 'chang ba'i khyim bdag des nongs par 'gyur ro/ /bka' stsal pa/ kun dga' bo don de shes par bya ba'i phyir ngas dpe bstan pa de la don du lta ba gang zhe na/ kun dga' bo khyim bdag ces bya ba de ni de bzhin gshegs pa'i tshig bla dgas so/ /kun dga' bo 'chi 
ba'i dus kyi tshe zhes bya ba de ni de bzhin gshegs pa'i yongs su mya ngan las 'das pa'i dbyings kyi tshig bla dgas so/ /kun dga' bo bu gcig pa zhes bya ba de ni ma 'ongs pa'i rigs kyi bu'am rigs kyi bu mo dad pa dang ldan pa rnams kyi tshig bla dgas so/ /kun dga' bo byes su song 
ba zhes bya ba de ni 'gro ba lnga'i 'khor bar skye ba'i tshig bla dgas so/ /kun dga' bo rin po che'i mdzod chen po zhes bya ba de ni bskal pa grangs med pa bye bar bsgrubs pa chos dkon mchog 'di'i tshig bla dgas so/ /kun dga' bo bzhag pa 'chang ba zhes bya ba de ni khyed lta bu dam pa'i 
chos kyi grong khyer 'di skyong ba nyan thos chen po dang / byang chub sems dpa' sems dpa' chen po rnams kyi tshig bla dgas so/ /kun dga' bo de ltar bskal pa grangs med pa bye bar bsgrubs pa'i chos dkon mchog gi mdzod chen po 'di ma 'ongs pa'i rigs kyi bu'am rigs kyi bu 
mo rnams kyi don du khyod dang / 'od srung chen po dang / byang chub sems dpa' byams pa la sogs pa la gtad kyis ma 'ongs pa na nga'i bu dad pa dang ldan zhing mngon par dang ba rnams la ci nas kyang rjes su 'thun pa dang rjes su bstan pas dam pa'i chos dkon mchog gi mdzod 'di 

</font><hr>50-1-113b<br><font size=+1>

byin cig /de ci'i phyir zhe na/ kun dga' bo nga sngon byang chub sems dpar gyur pa na yongs su smin par byas pa'i sems can dag yod de de dag da lta nyes par byas shing nyes par spyad pas sems can dmyal ba'am/ dud 'gro'i skye gnas sam/ gshin rje'i 'jig rten du dong ngo / /
de dag de bzhin gshegs pa 'das pa'i 'og tu de nas shi 'phos nas mir skye bar 'gyur ro/ /de dag dbang po rgyas shing yongs su smin pa'i rgyus nga'i bstan pa 'di la tshegs chung ngus dad par 'gyur te/ de la kha cig ni khyim nas khyim med par rab tu 'byung bar 'gyur ro/ /kha cig ni 
khyim na gnas par 'gyur ro/ /de dag nga'i mdo sde 'di lta bu thos nas khyad par du 'gro bar 'gyur te/ de dag nyan thos kyi theg pa'am/ rang sangs rgyas kyi theg pa'am/ theg pa chen pos yongs su mya ngan las 'da' bar 'gyur ro/ /kun dga' bo bskal pa grangs med pa bye ba 
khrag khrig brgya stong du bsgrubs pa dam pa'i chos dkon mchog gi mdzod 'di 'di ltar rigs kyi bu rnams kyis mnyan par bya ba'i phyir de dag gi don du khyod kyi lag tu gtad pas gtad do/ /de ci'i phyir zhe na/ kun dga' bo 'di ltar sems can de dag ni dge ba'i lam 'di lta bu dag ma 
thos pa las yongs su nyams par 'gyur ro/ /kun dga' bo de bas na ci nas kyang de dag 'di lta bu thos pa las nyams par mi 'gyur bar bya ba'i phyir ma 'ongs pa de dag khyod la gtad do/ /kun dga' bo 'di la skyes bu mkhas pa kha cig ni dpes smras pa'i don shes par 'gyur te/ de'i 
phyir don 'di rgya cher shes par bya ba'i phyir khyod la dpe bstan par bya'o/ /kun dga' bo 'di lta ste dper na/ 'khor los sgyur ba'i rgyal pos dkor pa dang mngan rnams la mdzod dang bang ba thams cad gtad de/ kye mi khyed dge sbyong dang / bram ze dang / bkren pa dang / 'dron pa dang / 
sdug phongs pa slong ba zas 'dod pa rnams la zas dang / skom 'dod pa rnams la skom dang / bzhon pa dang gos dang me tog dang spos dang phreng ba dang byug pa dang mal cha dang / gnas dang rgyab rten dang / 'tsho ba'i yo byad gang yang rung ba rnams sbyin pa byin cig ces des de skad du bsgo 

</font><hr>50-1-114a<br><font size=+1>

zhing gtams pa las/ de la dkor pa dang mngan rnams la mdzod dang bang ba de phye yang sbyin pa de sbyin par mi byed na/ kun dga' bo de ji snyam du sems de la sus nyes par 'gyur/ gsol pa/ btsun pa bcom ldan 'das dkor pa dang mngan de dag gis nongs par 'gyur 
gyi/ 'khor los sgyur ba'i rgyal pos ni ma nongs so/ /bka' stsal pa/ kun dga' bo de bzhin du chos kyi rgyal po ngas chos kyi bang mdzod chen po 'di rab tu bsags nas bskal pa grangs med pa bye bar bsgrubs pa'i chos dkon mchog gi mdzod 'di mngon par rdzogs par sangs 
rgyas nas yangs shing rgya che bar byas te lha dang mi rnams la rnam par phye zhing rab tu bstan no/ /gang ngas bstan pa'i chos de khyod la yang rnam par phye ste sbyin gyis byis pa so so'i skye bo dang / dge sbyong dang bram ze dang / khyim bdag dad pa don yod pa/ chos 'dod pa rnams nyan du chug shig /
kun dga' bo gal te nga'i chos dkon mchog gi mdzod 'di rnam par phye zhing yang dag par rab tu bstan te khyod kyi lag tu gtad pa de bram ze dang khyim bdag dad pa rnams la ma bstan/ byis pa so so'i skye bo thos pa dang mi ldan pa don du gnyer cing 'dun pa dang dad pa dang ldan zhing dang ba rnams 
la mi ston na/ de lta na ni kun dga' bo khyod kyis de bzhin gshegs pa la nyes pa byas par 'gyur ro/ /de ci'i phyir zhe na/ kun dga' bo nga ni rgyal po ste bla na med pa'i chos kyi rgyal po/ chos kyi 'khor los sgyur ba/ chos dkon mchog gi mdzod rgya chen po mang po dang ldan pa/ yon 
tan gyi bang mdzod mang po dang ldan pa/ byang chub kyi phyogs mang po'i bdag po/ byang chub kyi yan lag rin po che sna bdun dang ldan pa/ stobs bcu dang mi 'jigs pa bzhi'i dbang thob pa chos thams cad la dbang sgyur ba'o/ /'di lta ste/ chos kyi phung po brgyad khri bzhi stong gi chos 
kyi bang mdzod ji srid 'dzin gyi bar du bram ze dang khyim bdag dad pa rnams dang / byis pa so so'i skye bo dad pas don du gnyer ba dang / 'dun pa dang / chos 'dod pa dang / chos kyi snod du gyur pa rnams la ma rtog par byin cig /skyes bu tha ma par ma gyur cig /kun dga' 

</font><hr>50-1-114b<br><font size=+1>

bo khyod gal te bskal pa grangs med pa bye bar bsgrubs pa bla na med pa yang dag par rdzogs pa'i byang chub 'di dang / bla na med pa'i chos dkon mchog gi mdzod 'di 'khor bzhi rnams la yang dag par rab tu ston na/ de lta na ni kun dga' bo khyod de bzhin gshegs pa la nyes pa 
byed par mi 'gyur ro/ /ci ste yang dag par rab tu mi ston na nyes pa byed par 'gyur ro/ /kun dga' bo dge slong dgra bcom pa zag pa zad pa gang 'dus ma byas kyi chos rjes su thob nas gzhan la mi 'chad/ yang dag par rab tu mi ston pa des ston pa la bsnyen bkur byas 
par mi 'gyur/ des nga'i dam pa'i chos yongs su gzung bar mi 'gyur ro/ /de ci'i phyir zhe na/ kun dga' bo 'di la skyes bu mkhas pa kha cig dpes smras pa'i don shes par 'gyur bas khyod la dpe bstan par bya'o/ /kun dga' bo 'di lta ste dper na tshong dpon nam khyim 
bdag phyug po nor che ba/ longs spyod che ba/ bang mdzod mang ba/ nor dang 'bru dang rdzas dang yo byad mang ba/ nor bu dang / mu tig dang / bai dUr+ya dang / dung dang / man shel dang / byi ru dang / dngul mang po yod pa de la phyir rgol ba'am/ dgra bo 'ga' zhig bang mdzod der me 
gtong ba dang / gang de dang mi mdza' ba phyir rgol ba dgra bor gyur pa/ mi phan par 'dod pa/ mi bde bar 'dod pa/ grub pa dang / bde ba mi 'dod pa gzhan de dag kyang bang mdzod tshig pa'i me de mthong nas me mi gsod cing g.yel bar gnas pa dang / gang de'i mdza' bo phan par 'dod 
pa/ bde bar 'dod pa/ grub pa dang bde bar 'dod pa de dag gis kyang me'i phung po chen po des nor dang 'bru mang po de dag tshig pa mthong nas g.yel bar gnas pa dang / tshong dpon nam khyim bdag de'i mdza' bshes dang / nye du dang snag gi gnyen mtshams don 'dod pa grub pa dang bde 
bar 'dod pa de dag me de mthong nas me de mi gsod de g.yel bar gnas na yang dag par zhugs pa yin nam/ gsol pa/ bcom ldan 'das ma lags so/ /bde bar gshegs pa ma lags so/ /bka' stsal pa/ kun dga' bo gang dag tshong dpon nam khyim bdag don 'dod 

</font><hr>50-1-115a<br><font size=+1>

pa/ phan pa 'dod pa/ bde bar 'dod pa/ grub pa dang bde ba 'dod pa de dag kyang bang mdzod tshig pa'i me de mthong la/ bang mdzod de dag gi me gsad pa la g.yel bar gnas na me'i phung po des rgya cher bang mdzod thams cad tshig par 'gyur ram/ gsol pa/ 
bcom ldan 'das de lta lags so/ /bde bar gshegs pa de lta lags so/ /bka' stsal pa/ kun dga' bo de bzhin du ngas bskal pa grangs med pa bye bar dge ba'i rtsa bas bsgrubs pa'i chos dkon mchog gi bang mdzod bla na med pa 'di 'jig cing mi snang bar gyur pa na dge 
slong gang ma dad pa tshul khrims 'chal pa/ sdig pa'i chos kun tu spyod pa/ 'phyar ba sngon du 'gro ba/ rab tu dben pa la brtson pa bor ba/ snyom las can le lo can thos pa nyung ba dag 'byung ste/ nyan pa la 'dun par yang mi 'gyur na chos dkon mchog 'di yang dag par 
gzung ba'i phyir gzhan dag nyan du 'jug par lta ga la 'gyur ba de lta bu dag 'byung ngo / /byis pa so so'i skye bo thos pa dang mi ldan pa rnams ni chos dkon mchog gi bang mdzod 'di lta bu mes tshig pa mthong na me de gsad pa la g.yel bar gnas na/ kun dga' bo de ji snyam du sems 
chos dkon mchog 'di lta bu las yongs su nyams par mi 'gyur ram/ dge slong gang dgra bcom pa zag pa zad pa de dag kyang 'dus ma byas mngon sum du byas nas chos bshad pa dang rab tu bstan pa yal bar 'dor bar gnas pa dag 'byung ste/ de dag gis kyang ston pa la bsnyen 
bkur byas par mi 'gyur la/ nga'i dam pa'i chos kyang yongs su gzung bar mi 'gyur te/ chos dkon mchog gi mdzod bla na med pa de ltar ma bshad pa dang klog tu ma bcug pas nub par 'gyur ro/ /gsol pa/ bcom ldan 'das de lta lags so/ /bde bar gshegs pa de 
lta lags so/ /kun dga' bo ci nas 'dir skyes bu mkhas pa kha cig dpes smras pa'i don shes par 'gyur zhing don 'di rgya cher yongs su rdzogs par bya ba'i phyir khyod la dpe bstan par bya'o/ /kun dga' bo 'di lta ste dper na mi la la mtshan mo mun pa rab tu gnag pa na rtswa'i 

</font><hr>50-1-115b<br><font size=+1>

sgron ma thogs nas bdag gi khyim du song zhing de na yang skye bo phal po che mun gnag de las thar bar 'dod pa rnams tshogs par gyur la mi de rtswa'i sgron ma des mun pa mun gnag las thar nas bdag gi khyim du zhugs te sgron ma de bsad nas su la yang mi ster na/ kun dga' bo 
de ji snyam du sems/ gang sgron ma yod bzhin du skye bo mang po mun nag de las thar bar 'dod pa dag 'khod pa gang la yang rtswa'i sgron ma mi ster na/ kun dga' bo skyes bu de de ltar byed na legs par bya ba byed pa yin nam/ gsol pa/ bcom ldan 'das ma lags so/ /bde bar 
gshegs pa ma lags so/ /bka' stsal pa/ kun dga' bo de bzhin du dge slong dgra bcom pa zag pa zad pa gang 'dus ma byas kyi chos mngon sum du byas nas bskal pa grangs med pa bye bar bsgrubs pa chos dkon mchog gi mdzod 'di mi 'chad cing rab tu mi ston gzhan dag la rgyas 
par mi byed na kun dga' bo des ston pa la bsnyen bkur byas pa ma yin la/ nga'i dam pa'i chos yongs su bzung ba ma yin no/ /kun dga' bo de bas na bskal pa grangs med pa bye bar bsgrubs pa chos dkon mchog gi mdzod 'di khyod la gtad kyis ci nas kyang rgyun mi 'chad pa dang / dge 
ba'i lam 'di rgyun du 'byung bar gzhan dag la rgya cher rab tu ston cig /skyes bu tha ma par ma gyur cig/   //bam po drug pa ste tha ma/ kun dga' bo dge slong ngam/ dge slong ma'am/ dge bsnyen nam/ dge bsnyen ma gang la la zhig chos 'di dag la bdag kyang 
sgrub la/ gzhan la yang 'chad cing rab tu ston na/ kun dga' bo de la ngas bskal pa grangs med pa bye bar bsgrubs pa'i chos dkon mchog gi mdzod 'di las cha shas sbyin zhing skal ba bzhag go/ /kun dga' bo de bas na bskal pa grangs med pa bye bar bsgrubs pa'i byang chub 'di gang 
ma 'ongs pa'i sems can de rnams kyi don du khyod la lan gnyis su yang gtad kyis/ sems can de dag chos dkon mchog gi mdzod de lta bu ma thos pas yongs su nyams par gyur ta re/ kun dga' bo chos dkon mchog gi mdzod 'di lta bu ma thos pa las sems can mang po dag 

</font><hr>50-1-116a<br><font size=+1>

yongs su nyams par 'gyur ro/ /kun dga' bo ngas don 'di'i dbang la brten nas bskal pa grangs med pa bye bar bsgrubs pa'i sangs rgyas kyi byang chub 'di khyod la gtad kyis sems can de dag chos dkon mchog gi mdzod 'di lta bu las yongs su ma nyams par 
gyis shig /kun dga' bo 'di la skyes bu mkhas pa kha cig dpes smras pa'i don shes par 'gyur te de'i phyir khyod la dpe bstan par bya'o/ /kun dga' bo 'di lta ste dper na rgyal po rgyal rigs spyi bo nas dbang bskur ba'i bu gcig pa zhig yod pa byes su song ste/ de byes su 
song ba'i 'og tu rgyal po rgyal rigs de na bar gyur la de na bar gyur pa dang / rin po che'i mdzod mang po rin po che la mkhas pa gtams pa 'chang ba rnams kyi lag tu gtad de/ khyim bdag rnams nga'i bu byes su song ba nam de byes nas slar log par gyur la rgyal por yang bcug par 
gyur pa de na khyed kyis rin po che'i mdzod mang po 'di khyod kyi pha 'chi ba'i dus byed pa na bzhag pa yin no zhes byos la/ rin po che'i mdzod mang po 'di de la byin cig ces de skad kyang smras nas de ltar rgyal po des shin tu legs par gtams te 'chi ba'i dus byas la de 'chi ba'i dus byas 
pa'i 'og tu rgyal po'i bu de byes nas slar log ste rgyal por yang bcug la gser gyis bsgyur ba dang / khyim bdag de dag la so sor bzhag pa rgyal po'i bu rgyal srid kyi dbang phyug thob pa rgyal srid la gnas pa de la rin po che'i mdzod ma byin na/ kun dga' bo de ji snyam du sems/ 
gser gyis bsgyur ba'am/ khyim bdag de dag rgyal po de la nyes par byed pa yin nam/ gsol pa/ bcom ldan 'das de lta lags so/ /bde bar gshegs pa de lta lags so/ /bka' stsal pa/ kun dga' bo don shes par bya ba'i phyir ngas khyod la dpe bstan pa de la 
don du lta ba gang zhe na/ kun dga' bo rgyal po rgyal rigs spyi bo nas dbang bskur ba zhes bya ba ni de bzhin gshegs pa dgra bcom pa yang dag par rdzogs pa'i sangs rgyas chos kyi rgyal po chen po'i tshig bla dgas so/ /kun dga' bo bu gcig pa zhes bya ba de ni ma 'ongs pa'i rigs kyi 

</font><hr>50-1-116b<br><font size=+1>

bu dang / rigs kyi bu mo dad pa rnams kyi tshig bla dgas so/ /kun dga' bo byes su song zhes bya ba de ni 'gro ba lnga rnams kyi tshig bla dgas so/ /kun dga' bo nad pa zhes bya ba de ni de bzhin gshegs pa yongs su mya ngan las 'da' ba'i tshig bla dgas so/ /kun dga' bo 
rin po che'i mdzod mang po zhes bya ba de ni byang chub kyi phyogs sum cu rtsa bdun gyi chos rnams kyi tshig bla dgas so/ /kun dga' bo khyim bdag ces bya ba de ni dgra bcom pa rnams kyi tshig bla dgas so/ /kun dga' bo dper na rgyal po de 'chi ba'i dus byed pa na nor 'jog pa de bzhin 
du/ kun dga' bo nga'i chos dkon mchog gi mdzod bskal pa grangs med pa bye bar bsgrubs pa ma 'ongs pa'i rigs kyi bu dang / rigs kyi bu mo de dag gi don du khyod la gtad do/ /de ci'i phyir zhe na/ kun dga' bo sems can gang dag ngas yongs su smin par byas pa de dag mi dge 
ba'i las kyi lam 'ga' zhig gis sems can dmyal ba dang / dud 'gro dang / gshin rje'i 'jig rten du skyes te/ de dag nga 'das pa'i 'og tu de nas shi 'phos nas mir 'gyur ba thob ste/ dbang po rnams rgyas pa'i rgyu dang yongs su smin pa'i rgyus nga'i bstan pa 'di la dad par 'gyur 
ba dag yod de/ de la kha cig ni dad pas khyim nas khyim med par rab tu 'byung bar 'gyur ro/ /kha cig ni khyim na gnas par 'gyur ro/ /de la kha cig ni rgyun du zhugs pa'i 'bras bu thob par 'gyur ro/ /kha cig ni lan cig phyir 'ong ba'i 'bras bu dang / kha cig ni phyir mi 
'ong ba'i 'bras bu dang / kha cig ni dgra bcom pa mngon sum du byed par 'gyur ro/ /kha cig ni slob pa'i sa nas 'chi ba'i dus byed par 'gyur ro/ /kha cig ni sangs rgyas kyi sar lhag pa'i bsam pas sems skyed par 'gyur ro/ /kha cig ni lha dang mir skye bar bya ba'i phyir dge ba'i 
rtsa ba skyed par 'gyur te/ de ltar rnyed pa de dang de dag dang ldan par 'gyur ro/ /kha cig ni sems dang ba gcig thob par 'gyur te 'jig rten gyi yab des bdag cag la legs par gtad do snyam nas de dag rgya cher rab tu dad par 'gyur zhing dang ba skyed par byed do/ /kun dga' bo 'di ltar 

</font><hr>50-1-117a<br><font size=+1>

de dag gis chos dkon mchog 'di mnyan par bya ba'i phyir ngas chos dkon mchog gi mdzod 'di khyod la gtad do/ /kun dga' bo khyod kyis gal te nga'i chos dkon mchog gi mdzod 'di rigs kyi bu dang / rigs kyi bu mo dad pa de dag nyan du ma btsud na/ de lta na ni kun dga' bo 
khyod de bzhin gshegs pa la nyes pa byed pa yin no/ /de ci'i phyir zhe na/ kun dga' bo 'di ltar rigs kyi bu dang rigs kyi bu mo de dag chos dkon mchog 'di lta bu thos nas kha cig gis ni khyad par thob par 'gyur/ kha cig gis ni rab tu dga' zhing mgu bar 'gyur/ kha cig ni chos kyi 
shugs kyis mchi ma 'byung zhing spu zing zhes byed par 'gyur ro/ /kun dga' bo gang dag chos kyi rnam grangs 'di lta bu thos nas nga'i yon tan rjes su dran zhing chos kyi shugs kyis mchi ma 'byung la spu zing zhes byed par 'gyur na/ kun dga' bo dge ba'i rtsa ba de dag thams cad kyi 'bras bu ni 
mya ngan las 'das pa yin te/ tha ma mya ngan las 'da' bar nga smra'o/ /kun dga' bo dge slong gang dag chos kyi rnam grangs 'di lta bu 'dzin la rigs kyi bu dang rigs kyi bu mo dad pa chos 'dod pa rnams 'ongs shing lhags pa dag la chos mi 'chad cing rab tu mi ston na de dag de bzhin 
gshegs pa la nyes pa byed pa yin no/ /kun dga' bo gang dag rigs kyi bu dang rigs kyi bu mo chos don du gnyer cing nyan par 'dod de nyan pa rnams chos nyan pa las nyams par byed na/ de dag de ltar snod du gyur pa rnams la mi 'chad pas bdag gi rgyud la dge ba'i rtsa ba nyams pa 
dang / gzhan gyi rgyud la dge ba'i rtsa ba yongs su nyams par byed pa la zhugs pa yin no/ /de ci'i phyir zhe na/ de dag ni gang la chos bshad par bya ba dang / gang la mi bshad pa mi shes so/ /kun dga' bo de bas na don de rgya cher shes par bya ba'i phyir khyod la dpe bstan par bya'o/ /
kun dga' bo 'di lta ste dper na/ tshong pa byis pa'i rang bzhin can la la zhig rin po che mang po khyer te 'ong ba de byes nas 'ongs te 'brog dgon pa chen po chom rkun yod pa der zong de dag bkram ste rkun po'i tshogs rnams bos nas/ kye mi dag zong 'di dag ji tsam du bzang ji tsam du mdzes pa 

</font><hr>50-1-117b<br><font size=+1>

ltos te/ mi khyod nga'i zong 'di dag nyos shig ces zer la/ kun dga' bo 'brog dgon pa der chom rkun de dag gis tshong pa byis pa'i rang bzhin can de dbyug pas snad par brdegs nas rin po che thams cad phrogs na kun dga' bo de ji snyam du sems/ 'brog dgon pa der zong bkram nas chom 
rkun 'bod pa'i tshong pa de chos dang rjes su 'thun pa yin nam/ de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das tshong pa de chom rkun mchis pa'i 'brog dgon par zong 'grems pa yang chos dang 'thun pa ma 
lags na zong rnams bkram nas chom rkun 'bod pa lta smos kyang ci 'tshal/bcom ldan 'das 'di ltar bgyid na ni chos dang rjes su 'thun pa lags te/ gal te tshong pa de zong de dag legs par sbas nas mda' gzhu thogs shing go cha bzang po bgos te/ 'brog dgon pa de nas 
legs par 'byung na de chos dang rjes su 'thun pa lags so/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo ci ste tshong pa byis pa'i rang bzhin can de nor gyi phung po mang po dang rin po che mang po khyer te 
byes nas slar log ste/ grong dang / grong khyer dang / grong 'dab dang / yul 'khor dang / pho brang 'khor du 'ongs te/ zong de bkram la der zong bkram pa'i rin po che rin thang chen po de dag nyo ba'i skyes bu mkhas pa shes rab dang ldan pa zong 'dod pa rnams lhags pa dang / de nas tshong 
pa de zong 'dod pa'i skyes bu lhags pa de dag la mda' gzhu thogs te thab mo rgol na/ kun dga' bo de ji snyam du sems/ skyes bu de de ltar byed na chos dang rjes su 'thun pa yin nam/ gsol pa/ bcom ldan 'das ma lags so/ /bde bar gshegs pa ma lags so/ /bcom 
ldan 'das tshong pa des 'di ltar bgyi zhing zong 'tshal ba'i skyes bu de dag la skyes bu khyed tshur shog zong gi bye brag bzang po mang po 'di dag la ji tsam du bzang ba dang ji tsam du mdzes pa ltos la nyos shig dang / rin chung ngur sbyin no zhes de skad smra zhing bcom ldan 'das tshong pa des de ltar bgyi ba'i 

</font><hr>50-1-118a<br><font size=+1>

rigs te/ de ltar bgyis na de chos dang rjes su 'thun gyi/ tshong dus su zong bkram nas go bgos te mchis pa ni mi rigs so/ /bka' stsal pa/ kun dga' bo de bzhin du 'di la dge slong kha cig chos dkon mchog gi mdzod mang po 'di lta ste/ mdo'i sde dang / dbyangs 
kyis bsnyad pa'i sde dang / lung du bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / rtogs pa brjod pa'i sde dang /de lta bu byung ba'i sde dang / skyes pa rabs kyi sde dang / shin tu rgyas pa'i sde dang / rmad du byung ba'i chos kyi sde dang / 
gtan la bab par bstan pa'i sde rnams kun chub par byas nas gang na chos dkon mchog gi mdzod 'di'i snod du gyur cing len par byed pa gang dag gis thos nas khyad par thob par 'gyur zhing dga' ba dang / mchog tu dga' ba chen po rnyed par 'gyur ba dang / de'i dge ba'i rtsa bas mya 
ngan las 'da' bar 'gyur ba yod pa der de dag mi 'chad kyi de dag gang na chos dkon mchog 'di'i snod du ma gyur cing thos nas dang bar mi 'gyur/ dad par mi 'gyur/ mos par mi 'gyur gyi spong bar 'gyur ba dang / de'i mi dge ba'i rtsa ba ngan song gsum du 'gyur ba yod pa der 'chad 
de/ kun dga' bo 'di lta ste dper na/ tshong pa byis pa'i rang bzhin can de gang du zong de bkram pa'i rigs pa der mi 'grems par gang du dgram par mi bya ba der 'grems te/ gang dag la sbyin pa'i rigs pa de dag la ni mi ster/ gang dag la sbyin pa'i mi rigs pa de dag la ster ba de bzhin 
du kun dga' bo gang dag rigs kyi bu dang rigs kyi bu mo mngon par dad pa/ chos dang ldan pa/ chos 'dod pa/ nyan 'dod pa/ sgrub 'dod pa/ snod du gyur pa lhags pa rnams la chos mi 'chad par de gang la bshad pa'i mi rigs pa de dag la 'chad cing / gang la bshad pa'i rigs pa 
de dag la mi 'chad pa dag kyang ngas de lta bu yin par mthong ngo / /kun dga' bo de lta bas na gang dag snod du gyur pa dang ba nyan 'dod pa mya ngan las 'da' ba don du gnyer ba de dag la chos bshad par bya'o/ /gang dag snod du ma gyur pa/ ma dad pa/ glags tshol ba/ tshul khrims 'chal 

</font><hr>50-1-118b<br><font size=+1>

pa/ sdig pa'i chos can/ 'phyas tshol ba'i bsam pa can/ chos spong ba dam pa'i chos dang 'gal bar gnas pa gtam du byed kyi rjes su 'thun pa'i chos mi 'chad pa de dag la mi bshad do zhes de ltar bslab par bya'o/ /de ci'i phyir zhe na/ mi blun po de dag gis thos nas rgya cher ma 
rung bar gyur ta re zhes kun dga' bo khyod de ltar bslab par bya'o/ /kun dga' bo khyod skyo bar ma byed cig /kun dga' bo dge slong don du gnyer ba rnams la chos gus par 'chad cing / de yang gus par nyan na kun dga' bo de gnyi ga yang bsod nams rgya cher skyed cing / bsod nams 
tshad med grangs med par skyed do/ /kun dga' bo de ji snyam du sems/ sa'i khams dang sems can gyi khams gang mang / gsol pa/ bcom ldan 'das ji ltar bcom ldan 'das kyis bshad pa'i don bdag gis 'tshal ba ltar na bcom ldan 'das sems can gyi khams ches 
mang ngo / /bcom ldan 'das kyis bka' stsal pa/ kun dga' bo khyod ji skad smra ba de bzhin te/ kun dga' bo sems can gyi khams ches mang gi sa'i khams ni ma yin no/ /kun dga' bo sems can gyi khams ches mang gi chu'i khams ni ma yin no/ /me'i khams ni ma 
yin no/ /kun dga' bo yongs su brtags pa bzung ste/ stong gsum gyi stong chen po'i 'jig rten gyi khams na sems can du mngon pas mngon pa kun tu snang bar gyur pa'am/ kun tu snang bar ma gyur pa gang dag yod pa de dag thams cad skad cig gcig dang / thang cig gcig 
dang / yud tsam gcig la mi'i lus thob par gyur te/ de dag mi'i lus thob nas skad cig gcig dang / thang cig gcig dang / yud tsam gcig la rang byang chub thob par gyur pa dang / kun dga' bo yongs su brtag pa bzung ste/ 'jig rten gyi khams mtha' yas dpag 
tu med pa dag na sa'i khams ji snyed yod pa sa'i phung po gang gi mtha' mi mngon pa'i sa'i phung po de la rdul phra rab kyi rdul ji snyed yod pa'i sa'i rdul de thams cad snyed kyi mir gyur la/ kun dga' bo mir gyur pa de dag kyang skad cig thang cig yud tsam gcig la snga phyi med par rang byang 

</font><hr>50-1-119a<br><font size=+1>

chub thob par gyur pa dang / kun dga' bo yongs su brtag pa bzung ste/ 'jig rten gyi khams mtha' yas dpag tu med pa na gang ri'i rgyal po ri rab rnams dang / ri'i rgyal po khor yug dang / khor yug chen po rnams dang / gangs ri dang / spos kyi ngad ldang 
dang / de las gzhan pa ri nag po rnams dang / stong gsum gyi stong chen po'i 'jig rten gyi khams na rtswa dang / shing dang lo ma dang shing ljon pa dang nags dang shing gel pa dang sman dang nags tshal ji snyed yod pa de dag la rdul phra rab kyi rdul ji snyed yod pa/ yod pa'i dngos po 
'am/ brtag par blta bar bya bar snang ba de dag thams cad kyang mir gyur la/ kun dga' bo mir gyur pa de dag kyang skad cig dang thang cig dang yud tsam gcig la snga phyi med par rang byang chub thob par gyur te/ kun dga' bo rang sangs rgyas de dag kyang ji srid du 'khor ba'i sngon gyi 
mtha' mi mngon pa de srid du yun ring du gnas par gyur pa de dag la sems can gyi khams der ma gtogs pa'i khyim bdag gcig cig byung ba de yang ji srid 'khor ba'i sngon gyi mtha' mi mngon pa de srid du gnas par gyur te/ de nas khyim bdag de tshe'i tshad de lta bus rang sangs rgyas rnams 
la na bza' dang / bshos dang / gzims cha dang / na ba'i gsos sman dang / bde bar sbyar ba thams cad kyis bsti stang byed/ bla mar byed/ rim gror byed/ mchod par byed pa dang / yongs su mya ngan las 'das pa rnams kyi mchod rten yang rin po che sna bdun las byas nas lha dang mi'i 
gdugs dang / rgyal mtshan dang / ba dan rnams dang / me tog dang / phreng ba dang / spos dang / byug pa dang / phye ma dang / na bza' dang / glu gar dang / sil snyan rnams kyis lha dang mi rnams mchod pa byed bsti stang byed/ bla mar byed/ rim gror byed/ rjed par byed/ gsol bar byed na/ kun dga' bo 
de ji snyam du sems/ gzhi de las khyim bdag de bsod nams mang du skyed dam/ de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das kyis bshad pa'i don ji ltar bdag gis 'tshal ba ltar na cang shes 

</font><hr>50-1-119b<br><font size=+1>

gcig la bsti stang bgyis pa yang bsod nams mang du skyed de/ grangs ma mchis/ bsam gyis mi khyab mtshungs pa ma mchis na/ rang sangs rgyas kyi tshogs 'di lta bu 'di la bsti stang bgyis pa lta smos kyang ci 'tshal/ de nas bcom ldan 'das kyis tshe dang ldan pa kun dga' bo la 'di skad ces 
bka' stsal to/ /kun dga' bo khyod la bsgo'o/ /khyod kyis khong du chud par bya'o/ /rang sangs rgyas tshul khrims dang ldan/ ting nge 'dzin dang / shes rab dang / rnam par grol ba dang / rnam par grol ba'i ye shes mthong ba'i phung po dang ldan pa de dag thams cad khyim bdag de'i sbyin pa sbyong bar byed pa bas/
kun dga' bo gang de bzhin gshegs pa dgra bcom pa yang dag par rdzogs pa'i sangs rgyas gcig 'jig rten du byung ste/  byung nas kyang khyim bdag des phul ba'i na bza' dang bshos dang / gzims cha dang / na ba'i gsos sman dang / yo byad rnams yongs su spyad de/ yongs su spyad nas kyang khyim bdag 
des de bzhin gshegs pa dgra bcom pa yang dag par rdzogs pa'i sangs rgyas de mthong ba ma gtogs par chos kyang mi 'chad kyang / kun dga' bo de bzhin gshegs pa de rang bzhin gyi spyod lam ston pa tsam gyis sbyin pa rab tu mang po de sbyong bar mdzad kyi/ ji ltar de bzhin gshegs pa rang bzhin 
gyi spyod lam ston pa des sbyin pa sbyong bar mdzad pa de ltar rang sangs rgyas tshul khrims kyi phung po dang ldan ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po dang ldan pa thams cad kyis bskal pa bye ba khrag khrig brgya stong du yang sbyin 
pa sbyong bar mi byed do/ /de ci'i phyir zhe na/ kun dga' bo de bzhin gshegs pa'i spyod lam yang yon tan tshad med/ grangs med/ bsam gyis mi khyab pa gang gi mtha' rtogs par sla ba ma yin pa de snyed dang ldan na sangs rgyas kyi yon tan gzhan rnams lta ci smos/ kun dga' bo rang sangs rgyas rnams la 
yon phul ba yang yod/ yon de tshad med/ dpag tu med par 'gyur ba yang yod/ kun dga' bo tshad med dpag tu med cing dpag yas pa'i khyad par yang yod/ tha dad du bya ba yang yod do/ /kun dga' bo yon de yod de/ de med pa ma yin no/ /kun dga' bo nga lta bu la gnas/ nga lta bu la brten te yon phul 

</font><hr>50-1-120a<br><font size=+1>

na yon de'i dpe bya bar yang sla ba ma yin no/ /de ci'i phyir zhe na/ kun dga' bo yon de tshad med/ grangs med/ bsam gyis mi khyab mtshungs pa med/ dpag tu med cing zad mi shes pa'i phyir ro/ /kun dga' bo 'di lta ste dper na/ mi 'ga' zhig khe'i phyir song la de nas khe rnyed de slar 
'ongs pa de bzhin du kun dga' bo rang sangs rgyas la yon phul ba yang ngas de dang 'dra bar mthong ngo / /nga lta bu la gnas te nga lta bu la yon phul ba la brtsams nas/ kun dga' bo don de nyid rgya cher shes par bya ba'i phyir khyod la dpe bstan par bya ste/ 'di ltar 'di la skyes bu mkhas pa kha cig dpes smras pa'i don 
shes par 'gyur ro/ /kun dga' bo 'di lta ste dper na mi la la zhig ri mo 'dri ba las des ri mo de ma legs par bris la ma legs par bris nas chung zad chung zad tsam phyis kyang / kun dga' bo ri mo de la sdug pa yod mod kyi de bas gzhan ches sdug pa dag yod do/ /kun dga' bo de bzhin du rang sangs 
rgyas thams cad pas nga lta bu dag la brtsams pa'i yon rgyas par 'gyur ro/ /de ci'i phyir zhe na/ kun dga' bo ye shes gang gis rang sangs rgyas zhes bya ba'i grangs su 'gro ba'i rang sangs rgyas kyi ye shes ni 'di las byung ngo / /de bzhin gshegs pa ni chos thams cad mkhyen pa la khyad par du mkhas 
pa'o/ /kun dga' bo de ji snyam du sems/ gang de bzhin gshegs pa la ji srid 'tsho'i bar du na bza' dang / bshos dang / gzims cha dang / na ba'i gsos sman dang / yo byad thams cad kyis bsti stang byed/ bla mar byed/ rim gror byed/ mchod par byed na bsod nams mang du skyed dam/gsol pa/
bcom ldan 'das de de lta lags so/ /bde bar gshegs pa de de lta lags te/ gang de bzhin gshegs pa la ji srid 'tsho'i bar du bsti stang bgyid pa de bsod nams mang du skyed do/ /bcom ldan 'das de bzhin gshegs pa la sems dang bas sems gcig bskyed pa yang gzhi de las 
bsod nams mang du skyed de/ dpag tu ma mchis/ bsam gyis mi khyab/ grangs ma mchis na/ gang de bzhin gshegs pa la ji srid 'tsho'i bar du bsti stang bgyid/ bla mar bgyid/ rim gror bgyid/ mchod par bgyid pa lta smos kyang ci 'tshal/ de skad ces gsol pa dang / bcom ldan 'das kyis tshe dang ldan 

</font><hr>50-1-120b<br><font size=+1>

pa kun dga' bo la 'di skad ces bka' stsal to/ /kun dga' bo gang de bzhin gshegs pa gcig la ji srid 'tsho'i bar du bde ba'i yo byad thams cad kyis bsti stang byed pa lta zhog la/ gnyis sam/ gsum mam/ bzhi'am/ lnga'am/ bcu'am/ nyi shu'am/ sum cu'am/ bzhi bcu'am/ lnga bcu'am/ brgya 
'am/ stong ngam/ bye ba'am/ bye ba brgya'am/ bye ba stong ngam/ bye ba brgya stong ngam/ bye ba khrag khrig brgya stong ngam/ kun dga' bo 'dzam bu'i gling de bzhin gshegs pa dgra bcom pa yang dag par rdzogs pa'i sangs rgyas rnams kyis yongs su gang bar gyur pa dang / gling bzhi pa chen po'i 'jig rten gyi 
khams dang / stong gnyis pa'i 'jig rten gyi khams dang / stong gsum gyi stong chen po'i 'jig rten gyi khams gang na zla ba bye ba brgya rnams dang / nyi ma bye ba brgya rnams dang / ri rab bye ba brgya rnams dang / ri khor yug bye ba brgya rnams dang / rgya mtsho chen po bye ba brgya rnams dang / 'dzam bu'i gling bye ba 
brgya rnams dang / shar gyi lus 'phags bye ba brgya rnams dang / byang gi sgra mi snyan bye ba brgya rnams dang / nub kyi ba lang spyod bye ba brgya rnams te/ gling brgyad khris bskor ba rnams dang / gling bzhi pa chen po bye ba brgya rnams dang /rgyal chen bzhi pa bye ba brgya rnams dang / sum cu rtsa gsum dang / 'thab 
bral dang / dga' ldan dang / 'phrul dga' dang / gzhan 'phrul dbang byed bye ba brgya rnams dang / tshangs ris bye ba brgya rnams nas 'og min bye ba brgya rnams kyi bar 'di ni stong gsum gyi stong chen po'i 'jig rten gyi khams zhes bya ste/ de thams cad 'di lta ste dper na/ bu ram shing stug po'am/ 'bras 
kyi zhing stug po'am/ til gyi zhing stug po'am/ 'dam bu mda' rgyu stug po'am/ 'od ma stug po'am/ 'dam bu stug po'am/ seng ldeng stug po'am/ rtswa ku sha stug po bzhin du de bzhin gshegs pa dgra bcom pa yang dag par rdzogs pa'i sangs rgyas rnams kyis kun tu gang bar gyur la tha na yongs 
su brtag pa bzung ste sangs rgyas bcom ldan 'das de dag bskal pa gang gA'i klung gi bye ma snyed du bzhugs par gyur la/ der khyim bdag gcig cig byung ste/ khyim bdag de yang de srid du gnas par gyur pa des sangs rgyas bcom ldan 'das de dag la ji srid 'tsho'i bar du na bza' dang / bshos dang /

</font><hr>50-1-121a<br><font size=+1>

gzims cha dang / na ba'i gsos sman dang / yo byad rnams kyis bsti stang byed/ bla mar byed/ rim gror byed/ mchod par byed pa dang / sangs rgyas bcom ldan 'das yongs su mya ngan las 'das pa rnams kyi sku gdung la yang sku gdung gi mchod pa rin po che sna bdun gyi 
mchod rten byas nas lha'i gdugs dang / rgyal mtshan dang / ba dan la sogs pa dang / spos dang byug pa thams cad dang / me tog dang phreng ba dang ud pa la dang pad ma dang ku mu ta dang pad ma dkar po thams cad dang / glu dbyangs thams cad dang / rol mo'i sgra thams cad dang / lha dang 
mi'i mchod pa bzang po me tog nas sil snyan dang pheg rdob pa'i bar thams cad kyis bsti stang byed/ bla mar byed/ rim gror byed/ mchod par byed na/ kun dga' bo de ji snyam du sems/ gzhi de las khyim bdag de bsod nams mang du skyed dam/gsol pa/ bcom ldan 'das de bzhin 
gshegs pa gcig la khyim bdag des bshos gsol na yang bsod nams mang du skyed de/ dpag tu ma mchis grangs ma mchis na de bzhin gshegs pa'i tshogs de snyed cig bskal pa de snyed du bzhugs pa la bsti stang bgyid/ bla mar bgyid/ rim gror bgyid/ mchod par bgyid pa dang / 
yongs su mya ngan las 'das pa rnams kyi mchod rten la de lta bu'i bsti stang bgyid pa lta smos kyang ci 'tshal/ bcom ldan 'das de bzhin gshegs pa'i tshogs de lta bu la de lta bu'i bsti stang bgyis pa khyim bdag de gzhi de las bsod nams 'di snyed cig skyed do zhes bsod nams kyi phung po de dpes 
bstan du mi nus so/ /de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo khyod la bsgo'o/ /kun dga' bo khyod kyi khong du chud par bya'o/ /khyim bdag gang gis de bzhin gshegs pa de snyed cig bskal pa de 
snyed du bzhugs pa la bsti stang byas/ bla mar byas/ rim gror byas/ mchod par byas pa dang / yongs su mya ngan las 'das pa rnams kyi mchod rten la de lta bu'i bsti stang byas pa'i bsod nams bskyed pa bas/ kun dga' bo rigs kyi bu'am/ rigs kyi bu mo dad pa rab tu mang ba/ lhag pa'i 

</font><hr>50-1-121b<br><font size=+1>

bsam pas zhugs pa/ sangs rgyas bcom ldan 'das kyi byang chub la mi rtog par mngon par dad cing yid ches la/ mos pa gang gis chos thams cad mi rtag pa'am/ sdug bsngal ba'am/ stong pa'am/ bdag med pa'o zhes legs par gsungs pa'i chos la yang dag par 
zhugs shing tshig tu smra na/ kun dga' bo 'di ni de bas bsod nams ches mang du skyed do/ /kun dga' bo gang bla na med pa'i chos dkon mchog 'di lta bu bsti stang du byas te gzhan la 'chad dam/ rab tu ston na bsod nams ji tsam du rgya cher skyed pa dang / ji tsam du tshad med pa dang / 
ji tsam du grangs med pa dang / ji tsam du bsam gyis mi khyab pa dang / ji tsam du mtshungs pa med pa dang / ji tsam du dpag tu med pa'i bsod nams skyed pa la ltos/ de ci'i phyir zhe na/ kun dga' bo 'di ltar de las gzhan pa'i sbyin pa rnams ni zag pa dang bcas shing nyon mongs pa dang 
bcas pa ste/ 'khor bar rgyu ba yin la/ kun dga' bo bskal pa grangs med pa bye bar bsgrubs pa'i chos dkon mchog gi mdzod zang zing med pa bla na med pa 'di ni 'khor ba'i rgyun gcod par 'gyur ba'i phyir ro/ /kun dga' bo chos dkon mchog bla na med pa 'di thos na sems can skye 
ba'i chos can rnams skye ba las yongs su thar bar 'gyur/ sems can na ba'i chos can dang / 'chi ba'i chos can dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams 'khrug pa'i bar las yongs su thar bar 'gyur ro/ /
kun dga' bo don gyi gzhi 'di mthong nas gang chos gus par 'chad pa dang / gang chos gus par nyan pa gnyis ni bsod nams mang du skyed do zhes nga smra'o/ /de skad ces bka' stsal nas/ bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' 
bo lhag pa'i bsam pas zhugs shing yang dag par bsgrub par 'dod pas sangs rgyas bcom ldan 'das kyi bstan pa la mi rtog par mngon par dad cing mos nas chos legs par gsungs pa yin pa dang / dge 'dun legs par zhugs pa yin pa dang / 'du byed thams cad mi rtag pa'am 

</font><hr>50-1-122a<br><font size=+1>

sdug bsngal ba'am/ zhi ba'am/ stong pa'am/ bdag med pa yin par yid ches na/ kun dga' bo 'di ni de bas ches bsod nams mang du skyed de tshig tsam ma yin no/ /kun dga' bo gang la la zhig gis ru shing bzhin du byas/ yid la byas/ sems thams cad kyis 
bsams nas rna blags te chos nyan pa dang / mnyan nas kyang tha na se gol gtogs pa tsam yang mi rtag pa'am/ sdug bsngal ba'am/ stong pa'am/ bdag med par yang dag pa ji lta ba bzhin du rab tu shes na/ kun dga' bo de 'jig rten gyi khams mtha' yas mu med pa dag na sems can gyi khams 
yod pa'i sems can ji snyed pa thams cad ni ches mang gi/ sa'i khams ma yin/ chu'i khams ma yin/ me'i khams ma yin/ rlung gi khams ma yin no zhes de skad bya ba de dag thams cad yongs su brtag pa bzung ste/ skad cig dang / thang cig dang / yud tsam cig la snga phyi med par mir gyur 
la/ skad cig dang / thang cig dang / yud tsam cig la/ bla na med pa yang dag par rdzogs pa'i byang chub mngon par rdzogs par sangs rgyas te/ khyim bdag gcig cig kyang byung la/ sangs rgyas bcom ldan 'das de dag ji tsam du 'khor ba'i sngon gyi mtha' mi mngon pa de srid du yun ring du bzhugs 
te/ khyim bdag de yang bskal pa de srid du gnas par gyur la/ des sangs rgyas bcom ldan 'das de snyed la na bza' dang / bshos dang / gzims cha dang / na ba'i gsos sman dang / yo byad dang / bde bar sbyar ba thams cad kyis bsti stang byed/ bla mar byed/ rim gror byed/ mchod par byed pa dang / 
yongs su mya ngan las 'das pa rnams kyi mchod rten rin po che sna bdun las byas te/ lha'i gdugs dang / rgyal mtshan dang / ba dan rnams dang / me tog dang / phreng ba dang / spos dang / byug pa thams cad dang / bdog pa thams cad kyis bsti stang byed/ bla mar byed/ rim gror byed/ mchod 
par byed na/ kun dga' bo de ji snyam du sems/ khyim bdag de gzhi de las bsod nams mang du skyed dam/ gsol pa/ bcom ldan 'das khyim bdag des de bzhin gshegs pa gcig mnyes par bgyis/ bsti stang bgyis/ bla mar bgyis/ rim gror bgyis/ mchod par bgyis na yang gzhi de las bsod 

</font><hr>50-1-122b<br><font size=+1>

nams mang du skyed de/ bsod nams tshad ma mchis/ grangs ma mchis/ bsam gyis mi khyab/ mtshungs pa ma mchis/ dpag tu ma mchis pa skyed par 'gyur na/ de bzhin gshegs pa'i tshogs de lta bu la bskal pa de snyed du bsti stang bgyis/ bla mar bgyis/ rim gror bgyis/ mchod par bgyis pa lta 
smos kyang ci 'tshal/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /kun dga' bo de de bzhin no/ /khyod ji skad zer ba bzhin te/ de bsod nams tshad med pa skyed do/ /kun dga' bo de bas na khyod la bsgo'o/ /khyod kyis khong du chud par 
bya'o/ /gang khyim bdag des de bzhin gshegs pa de snyed cig la bde ba'i yo byad thams cad kyis bskal pa de snyed du bsti stang byas/ bla mar byas/ rim gror byas pas bsod nams bskyed bas/ gang gis ru shing bzhin du byas/ yid la byas/ sems thams cad kyis bsams te/ rna blags sems rtse 
gcig tu byas nas chos nyan cing se gol gtogs pa tsam yang 'du byed thams cad mi rtag pa'am/ sdug bsngal ba'am/ zhi ba'am/ stong pa'am/ bdag med pa'o zhes yid la byed na 'di de bas bsod nams ches mang du skyed de/ kun dga' bo gang chos gus par 'chad pa dang / gang chos gus par nyan 
pa ni bsod nams ches mang du skyed do/ /kun dga' bo ngas 'di la dgongs nas 'di skad du/ rnam pa gnyis kyi don gyi phyir/ /sangs rgyas bshad pa mnyan par bya/ /zag pa rnams kyang zad par 'gyur/ /byang chub nye bar gyur par 'dod/ /gang zhig chos rnams 'chad pa dang / /drang srong rgyal mtshan gang 'dzin 
pa/ /gnyi ga bsod nams ldan par 'gyur/ /chos ni drang srong rgyal mtshan yin zhes bshad do/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo gang chos gus par 'chad pa dang / gang chos gus par nyan pa 'di gnyis ni bdud dang lhan cig tu g.yul 'dre ba'o/ /
de ci'i phyir zhe na/ kun dga' bo 'di lta ste dge ba'i bshes gnyen nyid dang / dge ba'i grogs su gyur pa nyid dang / dge ba'i bshes gnyen dang ldan pa 'di ni tshangs par spyod pa yongs su rdzogs par byed pa'o/ /de ci'i phyir zhe na/ kun dga' bo dge ba'i bshes gnyen la brten nas sems can skye ba'i chos can 

</font><hr>50-1-123a<br><font size=+1>

rnams skye ba las yongs su thar bar 'gyur ba nas sems can 'khrug pa'i chos can rnams 'khrug pa las yongs su thar bar 'gyur ro/ /kun dga' bo ngas nyan thos rnams la yang dag pa'i lta ba 'byung ba'i rgyu gnyis dang / rkyen gnyis ni 'di lta ste/ gzhan gyi sgra dang / so so rang gis tshul 
bzhin yid la byed pa'o zhes gsungs pa yang de yin te/ kun dga' bo de dag las gzhan gyi sgra ni sangs rgyas bcom ldan 'das rnams las byung bar rig par bya'o/ /gang so so rang gi tshul bzhin yid la byed pa de yang sangs rgyas bcom ldan 'das nyid las byung bar rig par bya'o/ /de ci'i phyir zhe 
na/ kun dga' bo 'di ltar byis pa so so'i skye bo rnams la so so rang gi tshul bzhin yid la byed pa med pa'i phyir ro/ /de ci'i phyir zhe na/ sangs rgyas rnams ma byung na/ byis pa so so'i skye bo rnams ci zhig yid la bya ba mi shes kyi chos 'di dag yid la bya'o zhes de bzhin gshegs pa nyid kyis bstan pa'i 
phyir ro/ /kun dga' bo ngas don gyi gzhi 'di mthong nas so so rang gi tshul bzhin yid la byed pa de yang sangs rgyas bcom ldan 'das rnams las byung bar rig par bya'o zhes de skad bshad do/ /de nas bcom ldan 'das kyis de'i tshe tshigs su bcad pa 'di dag gsungs so/ /skyes bu dam pa rnams 
ni mthong na legs/ /the tshom rnams ni gcod cing sel bar byed/ /byis pa rnams kyang rab tu mkhas par byed/ /de bas mkhas pa rnams ni mthong na legs/ /'phags pa rnams ni mthong na bde/ /dam pa rnams dang 'grogs pa'ang bde/ /byis pa rnams ni ma mthong na/ /dam pa rnams la rtag tu bde/ /kun 
dga' bo 'di lta ste/ dge ba'i bshes gnyen dang / dge ba'i grogs su gyur pa dang / dge ba'i bshes gnyen gya gyu med pa nyid ni tshangs par spyod pa 'di rdzogs par byed pa'o zhes bya ba yang ngas 'di la dgongs te tshig de skad smras so/ /de ci'i phyir zhe na/kun dga' bo dge ba'i bshes gnyen la brten nas 
sems dge bar 'gyur ro/ /sems dge bas bsam pa dge bar 'gyur/ sbyor ba dge bar 'gyur/ dge ba'i chos la sems dang bar 'gyur/ dge ba'i chos la nye bar gnas par 'gyur/ sangs rgyas bcom ldan 'das rnams la shes nas dad par 'gyur / chos la shes nas dad par 'gyur/ dge 'dun la shes 

</font><hr>50-1-123b<br><font size=+1>

nas dad par 'gyur/ 'phags pa dgyes pa'i tshul khrims rang dbang can mkhas bas bsngags pa/ mya ngan las 'da' bar 'gyur ba rnams thob par 'gyur ro/ /kun dga' bo 'di lta ste dper na char rab tu bab na shang shong rnams yongs su gang bar byed do/ /shang shong rnams yongs su gang nas chu bran rnams 
brug par byed do/ /chu bran rnams brugs nas klung chen po rnams brug par byed do/ /klung chen po brugs pa rnams kyis mtsho chen po rgya mtsho yongs su gang bar 'gyur ro/ /kun dga' bo de bzhin du dge ba'i bshes gnyen dang / dge ba'i grogs su gyur pa dang / dge ba dang rab tu ldan pa dang / dge ba gtso bor 
gyur pa dang / dge ba'i sems nyid la brten nas dge ba'i rtsa ba'i stobs bskyed pa thob pa rnams ni rjes su 'thun pa'i chos kyi bar du bsgrubs pas rab tu mthar thug pa dang / rab tu dri ma med pa dang / rab tu tshangs par spyod pa dang / rab tu mthar phyin par 'gyur ro/ /kun dga' bo phyi rol gyi dngos por gyur pa 'di dag 
kyang dus la bab na skye bar 'gyur ba dang / me tog dang / yal ga dang / 'bras bu 'byin pa la ltos/ kun dga' bo 'di ltar phyi rol gyi dngos po 'di dag kyang slu bar mi byed na khyed kyi legs par spyad pa mi slu ba lta ci smos te de ni gnas med do/ /kun dga' bo legs par spyad pa ni su la yang mi slu'o/ /legs par spyad pa 
spyod cig /kun dga' bo nga yang legs par spyad pas ma bslus so/ /kun dga' bo nga sngon byang chub sems dpa'i spyad pa spyod pa na/ legs par spyad pa gang yin pa de dag spyad de legs par spyad pa des nga ma bslus so/ /kun dga' bo de bzhin gshegs pa lam gang nas gshegs pa de na gang sa mthon dman dang /
ngam grog dang / g.yang sa dang / stor khung dang / shong khung dang / sdong dum dang / tsher ma stug po de dag thams cad 'dud cing med par 'gyur ba dang / sa dma' ba mthon por 'gyur ba dang / mthon po dma' bar 'gyur ba dang / shing rnams rab tu 'dud pa dang / shing gi lha rnams phyag 'tshal ba dang / tshong dus dang / srang dag 
na skye bo gang dag 'khod pa de dag de bzhin gshegs pa bzhud pa'i rjes su 'brang ste de bzhin gshegs pa 'das nas de dag slar rang rang gi gnas na 'khod pa la ltos/ kun dga' bo sngon sangs rgyas bcom ldan 'das rnams dang / rang sangs rgyas rnams dang / dgra bcom pa rnams dang / byang chub sems 

</font><hr>50-1-124a<br><font size=+1>

dpa' rnams dang / dge ba'i bshes gnyen yid du 'ong ba rnams dang / dge sbyong dang / bram ze rgan pa rnams la rtag tu gus pa dang / 'dud pa dang / phyag 'tshal ba'i legs par spyad pa'i rgyu 'thun pa la ltos/ kun dga' bo phyi rol gyi dngos po sems med pa yang de bzhin gshegs pa la 'dud 
cing phyag 'tshal ba dang / mtho bar 'gyur ba dang / dngos po gang dag dma' bar 'os pa'am/ mtho bar 'os pa de dag de bzhin gshegs pa mthong ma thag tu dma' ba dang mtho bar 'gyur ba legs par spyad pa'i khyad par la ltos/ 'di la mi blun po kha cig ni nga rgyal gyi zil gyis non/ nga rgyal gyis bslad/ nga rgyal 
gyis sems yongs su gdungs nas su la yang mi 'dud do/ /kun dga' bo de bzhin gshegs pa'i phyag dra bar 'brel ba dang / zhabs dra bar 'brel ba de dag thams cad kyang legs par spyad pa las gyur pa la ltos/ kun dga' bo gang ngas sngon sbyin pa dang / tshig snyan pa dang / don spyad pa dang / don 'thun 
pas sems can rnams bsdus pa sngon gyi legs par spyad pa de dag la ltos/ kun dga' bo nga sngon byang chub sems dpa'i spyad pa spyod pa na 'di ni nga'i ma yin/ 'di ni nga'i pha yin/ 'di ni phu nu bo/ 'di ni sring mo/ 'di ni nye du/ 'di ni mdza' bo/ /'di ni mi mdza' ba yin no snyam pa de lta bur ma gyur gyi/ kun dga' 
bo nga ni sems can thams cad la sems ro gcig pa dang / sems mnyam zhing sems mi mnyam pa med pa dang / bdag gi sems su gyur to/ /kun dga' bo yun ring po 'di na gang ngas sbyin pa dang / tshig snyan pa dang / don spyad pa dang / don 'thun pas ma bzung ba'i sems can de ni rnyed par sla ba ma yin 
na byis pa so so'i skye bo rnams ni de ltar bzung bar mi shes so/ /ji ltar 'khor ba'i sngon gyi mtha' mi mngon pa bzhin du byis pa so so'i skye bo rnams kyis bde ba myong ste/ kun dga' bo byis pa so so'i skye bo thams cad kyis rang gis bsod nams mngon par 'dus byas pas bde ba myong bar gyur pa de bas ni gang 
ngas sems can gcig la bde bar sbyar zhing bsgrubs pa 'di ches mang ste/ ngas sems can rnams la bde bar sbyar ba bsgrubs pa tsam ni sems can de dag gis rang gis bsod nams mngon par 'dus byas pas bde ba ma myong ngo / /kun dga' bo 'on kyang bde bar sbyor ba de dag thams cad ni mi rtag pa 

</font><hr>50-1-124b<br><font size=+1>

ste 'gyur ba'i chos can no/ /gang nga sngon byang chub sems dpa'i spyad pa spyod pa na byis pa so so'i skye bo rnams la bde bar sbyor ba thams cad nye bar sbyar ba de dag thams cad ni lam 'di la dgod pa'i phyir yongs su smin par 'gyur ba sha stag go/ /da ltar bde ba gang gis ngas khyed bde bar byas pa 'dus ma 
byas pa'i bde ba/ 'phags pa zag pa med pa'i bde ba/ de dag ni nams kyang phyis yongs su mi 'gyur zhing chud za bar mi 'gyur ro/ /kun dga' bo de bas na 'phags pa'i ye shes kyis bya ba byos shig /kun dga' bo ye shes kyi bya bas bya ba byos shig /ngas ni byas zin to/ /kun dga' bo spyod pa gzhan 
yang tha na sems dad pa gcig bskyed pa'i dge ba'i rtsa ba'i rnam par smin pa ngas bshad zin to/ /kun dga' bo sems can dge ba'i rtsa ba byas pa/ dge ba'i rtsa ba bskyed pa/ mya ngan las 'das pa'i sa bon bskyed pa dag kyang yod do/ /kun dga' bo sems can gang dag gis de bzhin gshegs pa yang 
dag par rjes su dran nas nga 'di lta bur zad cing yongs su nyams pa thos na dga' ba tsam mam dad pa tsam gyis mchi ma 'byung ba dag kyang yod do/ /kun dga' bo de bzhin gshegs pa rjes su dran nas shugs ring po 'byin pa'i sems can dag kyang yod/ spu zing zhes byed pa dag kyang yod de/ sems can 
de dag ni sems can dmyal ba dang / dud 'gro'i skye gnas dang / gshin rje'i 'jig rten du mi 'gro zhing yang dag par rdzogs pa'i byang chub tu nges par gzhol ba dag go/ /kun dga' bo de bzhin du gang la la nga rjes su dran nas chos kyi shugs kyis mchi ma 'byung ba'am/ spu zing zhes byed pa'am/ 
shugs ring du 'byin par 'gyur ba'i sems can de dag thams cad ni kun dga' bo dud 'gro'i skye gnas dang / gshin rje'i 'jig rten du mi 'gro'o/ /log par ltung ba thams cad du mi 'gro'o/ /kun dga' bo de bas na bag yod pa la brtson par gyis shig /kun dga' bo sangs rgyas bcom ldan 'das 
rnams kyi byang chub ni bag yod pas thob cing de las gzhan pa'i dge ba byang chub kyi phyogs kyi chos rnams kyang bag yod pas thob bo/ /kun dga' bo gang 'doms pa pos bya ba dang / gang don 'dod pa dang / phan pa dang bde ba 'dod pa dang / phan par dga' ba dang / snying rje can dang / snying brtse ba can gyis snying 

</font><hr>50-1-125a<br><font size=+1>

brtse ba'i phyir bya ba de dag ngas byas kyis/ da ni khyed kyis ci nas kyang dge ba'i lam rgyun chad par mi 'gyur ba dang / dam pa'i chos kyi tshul nub par mi 'gyur bar gyis shig /kun dga' bo ci nas kyang dam pa'i chos kyi tshul 'di yun ring du gnas par 'gyur ba dang / lha dang mi rnams la yangs shing rgya 
cher 'gyur bar gyis shig /kun dga' bo chos dkon mchog gi mdzod 'di ci nas kyang rab tu mi 'jig par bya ba'i phyir ngas khyod la gtad do/ /'di ni ngas rjes su bstan pa'o/ /'di ni nga'i rjes su bstan pa'o/ /dam pa'i chos yongs su gtad pa zhes bya ba'i le'u ste bcu gnyis pa rdzogs so//   //de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das bdag gis ji ltar bsgrub par bgyi/ bcom ldan 'das bdag gis ji ltar bsgrubs na dam pa'i chos kyi tshul 'di yun ring du gnas pa dang / lha dang mi rnams la yangs shing rgya che bar 'gyur/ bcom ldan 
'das chos kyi tshul 'di bdag gis ji ltar yang dag par bsdu bar bgyi/ ji ltar rab tu bstan par bgyi/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ /nga yongs su mya ngan las 'das pa'i 'og tu dge slong gnas brtan dag 'dus nas chos 
dang 'dul ba yang dag par sdud par byed de/ de la kun dga' bo gnas brtan 'od srung chen po la sogs pa dge slong gnas brtan dag khyod la 'di skad 'dri'o/ /kun dga' bo de bzhin gshegs pas bstan pa chen po dag gang du gsungs/ gleng gzhi chen po'i rnam grangs dag gang du/ mnyam par bzhag pa chen 
po gang du/ lnga pa dang gsum pa gang du/ lhas zhus pa dag gang du/ brgya byin gyis zhus pa dag gang du/ lha yul nas babs pa gang du/ tshangs pa'i dri ba gang du gsungs zhes/ kun dga' bo dge slong de dag rnam grangs de dag gis khyod la de skad 'dri bar 'gyur ro/ /kun dga' bo de bzhin gshegs pas mdo'i sde 
dag gang du gsungs/ dbyangs kyis bsnyad pa'i sde dang / lung bstan pa'i sde dang / tshigs su bcad pa'i sde dang / ched du brjod pa'i sde dang / gleng gzhi'i sde dang / rtogs pa brjod pa'i sde dang / de lta bu byung ba'i sde dang / skyes pa rabs kyi sde dang / shin tu rgyas pa'i sde dang / rmad du byung ba'i chos kyi sde dang /

</font><hr>50-1-125b<br><font size=+1>

gtan la dbab par bstan pa'i sde dag gang du gsungs/ kun dga' bo de bzhin gshegs pas nyan thos kyi sde snod gang du gsungs/ rang sangs rgyas kyi sde snod gang du gsungs/ theg pa chen po byang chub sems dpa'i sde snod gang du gsungs zhes/ kun dga' bo de na dge slong de dag 
gis khyod la de skad dris pa dang 'di skad lung ston cig /'di skad bdag gis thos pa dus gcig na/ bcom ldan 'das dang po mngon par rdzogs par sangs rgyas nas yul ma ga d+hA na byang chub kyi snying po la bzhugs/ 'di skad bdag gis thos pa dus gcig na/ bcom ldan 'das 
ri ga yA la bzhugs/ 'di skad bdag gis thos pa dus gcig na/ bcom ldan 'das yul ma ga d+hA na ra rdzi'i shing n+ya gro d+ha'i drung na bzhugs/ 'di skad bdag gis thos pa dus gcig na/ bcom ldan 'das yul bA rA Na sI na drang srong lhung ba ri dgas kyi nags na bzhugs/ 
'di skad bdag gis thos pa dus gcig na/ bcom ldan 'das rgyal po'i khab na bya rgod phung po'i ri dang lus 'phags ri yangs pa'i steng na dbang po'i brag phug na bzhugs/ 'di skad bdag gis thos pa dus gcig na/ bcom ldan 'das rgyal po'i khab na 'od ma'i tshal bya ka lan da 
ka gnas pa na bzhugs/ 'di skad bdag gis thos pa dus gcig na/ bcom ldan 'das drang srong gi ri'i ngos srin bu'i brag la bzhugs/ 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na 
bzhugs/ 'di skad bdag gis thos pa dus gcig na/ bcom ldan 'das yul yangs pa can na shing a mras skyongs ma'i tshal dang / spre'u rdzing gi 'gram na khang pa brtsegs pa'i gnas na bzhugs/ de bzhin du yul tsam pa na gargas brkos pa'i rdzing gi 'gram na bzhugs/ de bzhin du ga yA na 
ga yA mgo'i ri la bzhugs/ de bzhin du yul ko'u shAm bI na/sgras mngon gyi kun dga' ra ba na bzhugs/ yul gnas bcas na nag po'i kun dga' ra ba na bzhugs/ skya snar gyi bu na bu mang po pa'i mchod rten gyi drung na bzhugs/ yul bcom brlag na bya gag gi kun dga' ra ba na bzhugs/ 'di 

</font><hr>50-1-126a<br><font size=+1>

skad bdag gis thos pa dus gcig na/ bcom ldan 'das ku sha'i grong khyer na gyad rnams nye bar gnas pa shing sA la'i tshal na bzhugs so/ /zhes kun dga' bo rnam grangs de dag gis gang dang gang du de bzhin gshegs pas chos bshad pa dang / 'khor gang dang gang dang / dus 
tshigs gang dang gang du dang / don gang la brten pa dang / gang zag gang las brtsams pa dang / ye shes gang dang gang bstan pa'i phyir rnam grangs gang dang gang gis gsungs pa dang / don dang tshig dang yi ge gang dang gang dag gis rnam grangs gang dang gang gsungs pa de la khyod kyis gleng gzhi 
dang bcas pa dang / rgyu dang bcas pa dang / rkyen dang bcas pa dang / don bzang po dang / tshig 'bru bzang por rgyas par ston cig /mdo sde'i mjug tu yang bcom ldan 'das kyis de skad ces bka' stsal nas/ thams cad dang ldan pa'i 'khor yi rangs te/ bcom ldan 'das kyis gsungs pa la mngon 
par bstod do zhes bris shig /kun dga' bo chos kyi tshul 'di de ltar yang dag par bsdu bar bya'o/ /de ltar rnam par dbye bar bya'o/ /de ltar rab tu bstan par bya'o/ /de bzhin gshegs pa dgra bcom pa yang dag par rdzogs pa'i sangs rgyas kyis/ 'di skad bdag gis thos 
pa dus gcig na/ bcom ldan 'das zhes bya ba'i tshig de skad ces gsungs ma thag tu/ de nas de'i tshe 'jigs shing spu zing zhes byed pa dang bcas pa'i sa g.yos pa chen po 'jig rten du byung ste/ stong gsum gyi stong chen po'i 'jig rten gyi khams 'di yang de'i tshe rnam pa drug tu 
g.yo/ rab tu g.yo/ kun tu rab tu g.yo/ ldeg rab tu ldeg /kun tu rab tu ldeg /'gul rab tu 'gul/kun tu rab tu 'gul/ 'ur 'ur rab tu 'ur 'ur/ kun tu rab tu 'ur 'ur/ 'khrugs rab tu 'khrugs/ kun tu rab tu 'khrugs/ chem chem rab tu chem chem/ kun tu rab tu chem chem/ 
shar phyogs dma' na nub phyogs mtho/ nub phyogs dma' na shar phyogs mtho/ lho phyogs dma' na byang phyogs mtho/ byang phyogs dma' na lho phyogs mtho/ mtha' dma' na dbus mtho/ dbus dma' na mtha' mtho bar gyur to/ /de'i tshe lha dang / klu dang /

</font><hr>50-1-126b<br><font size=+1>

gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po rnams dang / brgya byin dang / tshangs pa dang / 'jig rten skyong ba rnams dang mi dang / mi ma yin pa dpag tu med pa dag rab tu ngu ste mchi ma byung zhing tshig 'di skad du/ bcom ldan 'das yongs su mya ngan 
las 'da' ba ha cang myur ches so/ /bde bar gshegs pa yongs su mya ngan las 'da' ba ha cang myur ches so/ /'jig rten gyi mig mi snang bar 'gyur ba ha cang myur ches so/ /'jig rten gyi mig ma mchis shing long bar 'gyur ba ha cang myur ches so zhes zer ro/ /tshe dang ldan pa kun dga' bo 
yang rab tu ngu zhing mchi ma byung nas/ bcom ldan 'das yongs su mya ngan las 'da' ba ha cang myur ches so/ /bde bar gshegs pa yongs su mya ngan las 'da' ba ha cang myur ches so/ /'jig rten gyi mig mi snang bar 'gyur ba ha cang myur ches so/ /'jig rten gyi mig ma mchis shing long bar 'gyur 
ba ha cang myur ches so/ /'jig rten yongs su 'dren pa ma mchis par 'gyur ba ha cang myur ches so zhes zer ro/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo thong mya ngan ma byed/ smre sngags ma 'don/ kun dga' bo gang skyes shing byung ba/ byas pa/ 
'dus byas pa/ bsams pa/rten cing 'brel bar 'byung ba/ rab tu 'jig pa'i chos can de dag rab tu mi 'jig par ga la 'gyur te/ de ni gnas med do/ /kun dga' bo khyod kyis nga la yun ring du byams pa'i lus kyi las dang / byams pa'i ngag gi las dang / byams pa'i yid kyi las phan pa dang / 
bde ba dang / gnyis su med pa dang / kho na med pa dang / tshad med pa dang / gnod pa med pas bsnyen bkur byas so/ /kun dga' bo khyod mthu che ba dang / gzi che ba dang / rgya che ba dang / bdud rtsi lta bu dang / bdud rtsi'i klas pa dang / bdud rtsi'i mthas gtugs par 'gyur ro/ /kun dga' bo de bas na 
tshangs pa mtshungs par spyod pa rnams la byams pa'i lus dang ngag dang yid kyi las kyis gnas par bya'o zhes kun dga' bo khyod kyis de ltar bslab par bya'o/ /de las gzhan pa'i tshangs par spyod pa rnams la yang khyod kyis de ltar bsnyen bkur bya'o/ /de ci'i phyir zhe na/ kun dga' bo nga yongs su mya 

</font><hr>50-1-127a<br><font size=+1>

ngan las 'das nas phyi ma'i dus phyi ma'i tshe lnga brgya pa tha ma la zad pa'i dus/ 'jig pa'i dus/ dge slong tshul khrims dang ldan pa yongs su zad cing yongs su nyams par 'gyur ba'i dus/ tshul khrims dang mi ldan pa'i phyogs mngon par 'phel ba'i dus/ dam pa'i chos yongs su nyams par 
'gyur ba'i dus/ chos ma yin pa'i phyogs shas che bar 'gyur ba'i dus/ dam pa'i chos spong ba'i dus/ rgyal po 'khrug pa'i dus/ sems can rnam par 'jig pa'i dus/ chos dang 'bral ba'i dus/ dge slong dang 'bral ba'i dus/ 'khrugs pa'i dus de lta bur gyur pa de na/ kun dga' bo dge 
slong phal cher lus ma bsgoms pa dang / sems dang tshul khrims ma bsgoms pa dang / shes rab ma bsgoms par 'gyur te/ de lus ma bsgoms pa nas shes rab ma bsgoms pa'i bar du gyur pas gnas drug la chags par 'gyur te/ drug gang zhe na/ 'di lta ste/ lhung bzed la chags pa dang / 
chos gos la chags pa dang / bsod snyoms la chags pa dang / mal stan la chags pa dang / na ba'i gsos sman dang / yo byad la chags pa dang / snod bzang po la chags par 'gyur ro/ /de dag lhung bzed kyi phyir 'thab mor gyur/ shags su gyur nas gcig la gcig kha'i mtshon mdung thung gis 
rtsod cing 'gyed par 'gyur/ gcig la gcig mi snyan pa sgrogs par 'gyur/ gcig la gcig zhe sdang bar 'gyur ro/ /de bzhin du chos gos dang / bsod snyoms dang / na ba'i gsos sman dang / yo byad kyi phyir gcig la gcig zhe sdang ba'i bar du 'gyur ro/ /gcig la gcig kun nas mnar 
sems dang ldan pa dang / tha ba'i sems dang ldan pa dang / ma dad pa'i sems dang ldan pa dang / zhe 'gras pa dang / rnam par kun nas mnar sems dang / ma dad pa'i sems dang ldan par 'gyur ro/ /kun dga' bo de lta bas na snang ba'am/ dben pa'am/ phra ba'am/ rags pa'am/ bsam pa'am/ sbyor 
ba na yang rung / tshangs pa mtshungs par spyod pa rnams la byams pa'i lus kyi las kyis gnas par bya'o/ /byams pa'i ngag gi las dang / byams pa'i yid kyi las kyis tshangs pa mtshungs par spyod pa rnams la gnas par bya'o zhes kun dga' bo khyod kyis de ltar bslab par bya'o/ /de ci'i phyir zhe na/

</font><hr>50-1-127b<br><font size=+1>

kun dga' bo 'di ltar 'khrug pa chen po'i dus de lta bur gyur cing / tshe snyigs ma dang / lta ba snyigs ma dang / nyon mongs pa snyigs ma dang / dus snyigs ma dang / sems can snyigs ma dang / zhing snyigs mar gyur pa de'i tshe khyim pa rnams kyang sdug bsngal bar gyur te sdug bsngal du nye bar ltung / sdug bsngal 
gyis gtses/ mu ges gtses/ nad kyis gtses/ 'chi bas gtses/ chom rkun gyis gtses/ char mi 'bab pa dang ha cang char ches pas gtses/ dus dang bye bas gtses shing 'tshe ba rnam pa sna tshogs de dag dang gzhan dag gis kyang gtses par 'gyur te/ kun dga' bo bram ze dang khyim bdag de dag de ltar 
sdug bsngal bar gyur cing sdug bsngal dang ldan pas dad par 'gyur ro/ /mngon par dad cing rnam par mi rtog pa med pas sangs rgyas la shes nas dad/ chos dang dge 'dun la shes nas dad par 'gyur ro/ /de dag sangs rgyas la dmigs pa'i sems dang / chos la dmigs pa'i sems dang / dge 'dun la 
dmigs pa'i sems kyis kha cig ni gang zag la dga' bas sbyin pa dag sbyin par 'gyur ro/ /bsod nams dag byed par 'gyur ro/ /gso sbyong 'dzin par 'gyur ro/ /kha cig ni bslab pa'i gzhi rnams 'dzin par 'gyur/ lung nod par 'gyur/ kha ton byed par 'gyur/ chos kyang nyan par 'gyur ro/ /mnyan 
nas kyang sgrub par byed cing dga' ba dang dad pa dang mchog tu dga' ba thob par 'gyur te/ de dge ba'i rtsa ba rnams kyang skyed par 'gyur ro/ /de dag dge ba'i rtsa ba dang ldan par gyur pas lus zhig nas bde 'gro mtho ris kyi 'jig rten du lha'i nang du skye bar 'gyur ro/ /kun dga' bo 'di ltar dad pas khyim 
nas khyim med par rab tu byung yang ngan song du 'gro bar 'gyur ba dang / khyim pa khyim na gnas pa sdug bsngal bar gyur cing sdug bsngal gyis nyam thag pa rnams sems dad pa'i dge ba'i rtsa bas bde 'gror 'gro bar 'gyur ba dus de ji tsam du log par gyur pa la ltos/ kun dga' bo de bas na lus dang ngag dang yid 
sdom pas bsdam par bya zhing sems dad pa dang / dga' ba'i stobs su 'gyur ba dang / dad pa dang / drang ba dang / lhag pa'i bsam pa phun sum tshogs pa dang / lus kyi las legs par brtags pa dang / ngag gi las legs par brtags pa dang / yid kyi las legs par brtags par gyis shig /de ci'i phyir zhe na/ kun dga' 

</font><hr>50-1-128a<br><font size=+1>

bo ran par mi smra ba'i gang zag gi nyes dmigs lnga ste/ lnga gang zhe na/ brdzun gyi tshig smra ba dang / ngag rtsub po dang / phra ma'i tshig smra ba dang / tshig kyal pa dang / brnab sems can du 'gyur zhing lus zhig nas shi ba'i 'og tu ngan song ngan 'gro log par ltung ba sems can dmyal bar skye bar 'gyur ba'o/ /kun 
dga' bo ran par smra ba'i gang zag gi phan yon lnga ste/ lnga gang zhe na/ brdzun gyi tshig mi smra ba dang / ngag rtsub po med pa dang /phra ma med pa dang / tshig kyal pa med pa dang / brnab sems med par 'gyur zhing lus zhig nas bde 'gro mtho ris kyi 'jig rten du lha'i nang du skye bar 'gyur ba ste lnga po 'di dag go /
kun dga' bo gang zag 'thab mo byed pa dang / mtshang 'dru ba dang / rtsod pa dang / shags 'gyed pa dang / tha ba'i sems dang / gnod sems can dang / sems ma dad pa la nyes dmigs 'di lnga 'byung ngo / /lnga gang zhe na/ 'di la gang zag 'thab mo byed pa nas sems ma dad pa'i bar du brdzun gyi tshig smra ba 
dang / phra ma byed pa dang / tshul khrims dang ldan pa rnams la dang ba'i sems mi skyed pa dang / nyin mtshan du sdug bsngal ba dang yid mi bde ba myong bar 'gyur zhing lus zhig nas kyang sems can dmyal bar skye ba ste lnga po 'di dag go/ /kun dga' bo gang zag byams pas gnas pa la phan yon bcu gcig 
yod de/ bcu gcig gang zhe na/ kun dga' bo 'di la gang zag byams pas gnas pa ni bde bar gnyid log pa dang / bde bar sad pa dang / rmi lam ngan pa mi rmi ba dang / mi dang mi ma yin pa rnams dga' bar 'gyur ba dang / lha rnams bsrung bar 'gyur ba dang / de la dug gis mi tshugs pa dang / de 
la mes mi tshugs pa dang / de la mtshon gyis mi tshugs pa dang / chus 'chi ba'i dus mi byed pa dang / gos dang zas dang mal cha dang na ba'i gsos sman dang / yo byad rnams rnyed pa dang / mi'i chos bla ma ma rtogs pas lus zhig nas tshangs pa'i 'jig rten du skye bar 'gyur ba ste/ kun dga' bo byams 
pas gnas pa'i gang zag gi phan yon bcu gcig po 'di dag go/ /kun dga' bo de bas na da lta dang nga 'das pa'i 'og tu bdag gling du gyur pa dang / bdag skyabs su gyur pa dang / chos gling du gyur pa dang / chos skyabs su gyur pa dang / gzhan gling ma yin pa dang / gzhan skyabs ma yin par gnas 

</font><hr>50-1-128b<br><font size=+1>

par gyis shig /kun dga' bo ji ltar na dge slong bdag gling du gyur pa nas gzhan gling ma yin pa dang / gzhan skyabs ma yin pa'i bar du gnas she na/ kun dga' bo 'di la dge slong brtun pa shes bzhin can dran pa dang ldan pas 'jig rten gyi brnab sems dang yid mi bde ba rnam par bsal 
nas nang gi lus la lus kyi rjes su lta zhing gnas so/ /brtun pa shes bzhin can dran pa dang ldan pas 'jig rten gyi brnab sems dang yid mi bde ba rnam par bsal nas nang gi tshor ba rnams dang sems dang chos kyi rjes su lta zhing gnas so/ /kun dga' bo de ltar na dge slong bdag gling dang bdag 
skyabs yin par gnas kyi/ gzhan gling dang gzhan skyabs ma yin par gnas pa'o/ /kun dga' bo de bas na ston pas nyan thos rnams la bya ba gang yin pa de ngas byas zin gyis da khyod kyis gyis shig /kun dga' bo dgon pa dang / shing drung dang / khang stong dang / bla gab med pa 'di dag tu bsam 
gtan gyis shig /kun dga' bo bag med par ma byed cig /phyis 'gyod par gyur ta re/ 'di ni ngas rjes su bstan pa'o/ /de nas bcom ldan 'das kyis de'i tshe tshigs su bcad pa 'di dag gsungs so/ /kun shes zug rngu 'byin pa yi/ /lam ni nga yis yang dag bstan/ /de bzhin gshegs rnams 
ston pa ste/ /de ni khyed kyis brtsam par bya/ /lta ba rnam dag 'gyur ba yi/ /lam gzhan med de mchog 'di yin/ /bsgrubs na bdud kyis bcings pa dag /bcad nas rab tu thar bar 'gyur/ /sangs rgyas kyis ni bshad pa bzhin/ /gang dag gis ni 'di rig pa/ /ston pa'i bstan pa byed pa dag /sdug bsngal mtha' mar 
'byin par 'gyur/ /bcom ldan 'das kyis de skad ces bka' stsal nas/ tshe dang ldan pa kun dga' bo dang / dge slong de dag dang / thams cad dang ldan pa'i 'khor de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// //
snying rje chen po'i chos kyi rnam grangs las bstan pa'i le'u ste bcu gsum pa rdzogs so//   //snying rje chen po'i pad ma dkar po zhes bya ba theg pa chen po'i mdo rdzogs so//   //rgya gar gyi mkhan po dzi na mi tra dang / shI len dra bo d+hi dang / zhu chen gyi lots+tsha ba ban de ye shes sdes bsgyur cing zhus te gtan la phab pa// //

</font><hr>

</table>