|
|
107.216a
ོཾ་ཛྙཱ་ནཱ་བི་ལོ་ཀེ་ཏེ་ས་མན་ཏ་སྥ་ར་ན་རཤྨི་བྷ་བ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲི་ད་ཡ་ཛ་ལ་ནི་ཧཱུཾ། འབབ་ཆུ་འམ། མཚོའི་འགྲམ་དུ་འདུག་སྟེ། ལག་པ་གཡས་པའི་ཁྱོར་བར་ཆུ་བླུགས་ལ། ཡེ་ཤེས་སྐར་མདའི་སྙིང་པོ་འདི་ལན་བདུན་བཟླས་ཏེ། ཆུ་ཁྱོར་བ་བདུན་འབབ་ཆུ་འམ། ཆུར་གཏོར་ན། སངས་རྒྱས་ཀྱི་སྤྱན་གྱིས་གཟིགས་པའི་ཡི་དགས་ཇི་སྙེད་ཡོད་པ་དེ་དག་ཐམས་ཅད་ལྷའི་ཁ་ཟས་ཀྱི་རོ་དང ། བཏུང་བའི་རོ་མཆོག་དང་ལྡན་པ་འཐོབ་ཅིང་ཡི་དགས་རེ་རེ་ལ་ཡང་ཁ་ཟས་དང ། བཏུང་བ་ཡུལ་མ་ག་དྷའི་བྲེ་བདུན་བདུན་གྱིས་ཚིམ་པར་བྱས་པར་འགྱུར་ཞིང ། ཆུ་དེ་འཐུངས་པ་ཙམ་གྱིས་དེ་དག་ཐམས་ཅད་ཡི་དགས་ཀྱི་སྐྱེ་གནས་ལས་ཐར་ཅིང ། བདེ་འགྲོ་མཐོ་རིས་ཀྱི་སྐྱེ་གནས་སུ་སྐྱེ་བར་འགྱུར་རོ། །སྐྱེས་པ་འམ། བུད་མེད་དམ། ཁྱེའུ་འམ། བུ་མོ་འམ། གཞན་ཡང་བྱོལ་སོང་གི་སྐྱེ་གནས་སུ་གཏོགས་པའི་རི་དགས་སམ། བྱ་འམ། ཆུ་ན་གནས་པ་ལ་སོགས་པ་གང་གིས་ཆུ་དེ་འཐུངས་པ་དེ་དག་ཐམས་ཅད་སྡིག་པ་དང ། སྒྲིབ་པ་ཐམས་ཅད་བྱང་ཞིང་བདེ་འགྲོའི་ལམ་དུ་འགྲོ་བར་འགྱུར་རོ། །ཡེ་ཤེས་སྐར་མདའི་སྙིང་པོ། རྫོགས་སོ།། །།
|
