རྒྱ་གར་སྐད་དུ། ་ཨཱརྱ་ཛམ་བྷ་ལ་ཤྲཱི་ནཱ་མ་དྷཱ་ར་ཎཱི། བོད་སྐད་དུ། ་འཕགས་པ་གནོད་འཛིན་དཔལ་ཞེས་བྱ་བའི་གཟུངས། གནོད་སྦྱིན་གྱི་རྒྱལ་པོ་གནོད་འཛིན་དཔལ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དཔལ་ཕྱག་ན་རྡོ་རྗེ་ལྕང་ལོ་ཅན་གྱི་གནས་དམ་པ་ན་འཁོར་གནོད་སྦྱིན་དུ་མས་བསྐོར་ཏེ་བཞུགས་སོ། །དེའི་ཚེ་གནོད་སྦྱིན་གྱི་རྒྱལ་པོ་གནོད་འཛིན་དཔལ་ལ་གསང་བ་པའི་བདག་པོས་བཀའ་སྩལ་པ། སེམས་ཅན་དབུལ་ཞིང་སྡུག་བསྔལ་བ་དེ་དག་ཞི་བའི་ཕྱིར་རང་གི་སྲོག་གི་སྙིང་པོ་དང ། རིག་སྔགས་ཁྱོད་ཀྱིས་སྟོན་ཅིག་།ངས་ཀྱང་བྱིན་གྱིས་བརླབ་པར་བྱའོ། །དེ་ནས་གནོད་འཛིན་དཔལ་གྱིས་གསོལ་པ། གསང་བའི་བདག་པོ་བཅོམ་ལྡན་འདས། །སེམས་ཅན་སྡུག་བསྔལ་ཞི་བའི་ཕྱིར། །རིག་སྔགས་བདག་གིས་བསྟན་པར་བགྱི། །སྡུག་བསྔལ་སྤོང་ཞིང་བདེ་བ་ཐོབ། །ཚོགས་ཆེན་གཉིས་ནི་རྫོགས་འདོད་པས། །རང་ལུས་བསྲུང་ཕྱིར་རིག་སྔགས་འདི། །བཟླས་ཤིང་ཡོངས་སུ་གཟུང་བར་བྱ། །ན་མོ་ཨཱརྱ་ཛཾ་བྷ་ལ། མ་ཧཱ་ཛཾ་བྷ་ལ། ཏདྱ་ཐཱ། ར་ར་ར་ར། ཀུ་ནུ། ཀུ་ནུ། ཁུ་ནུ། ཁུ་ནུ། གུ་ནུ་གུ་ནུ། ས་པ་ས་པ། ཀ་ར་ཀ་ར། མ་ཧཱ་བི་ར་རམ། མ་ཧཱ་ཀ་ར་དོ། མ་ར་ཤ་།ཧ་ར་ཤ་།དུ་མ་སརྦ་སཝཱ་ཧཱ། ནན་ཙ་སཝཱ་ཧཱ། བཅོམ་ལྡན་འདས་གསང་བའི་བདག་པོ་སྔགས་འདི་འདོན་པས་སྐུད་པ་སྔོན་པོ་ལ་ལན་བདུན་དུ་སྔགས་ཀྱིས་བཏབ་སྟེ་ལན་རེ་མདུད་པ་རེ་བོར་ནས་དཔུང་པ་ལ་བཅིངས་ན་གནོད་པ་མེད་ཅིང་དགོས་པ་འགྲུབ་པར་འགྱུར་ལགས་སོ། །གུ་གུལ་ཙན་དན་དུ་རུསྐ། ཀ་ཏ་ར་དང་སྦྱར་བའི་སྨན། །དེ་ཡིས་མཆོད་པ་དབུལ་བར་བྱའོ། །ན་མ་ཨཱརྱ་ཛཾ་བྷ་ལ། ན་མོ་དན་ཏཱ་ཡ། དན་ཏི་ཤཝ་རཱ་ཡ། ཨཱ་ 107.82b ཀར་ཥ་ཡ། ཨ་ཀར་མི་ཏ། དན་ཏི་ཤ་དྷཱ་ཡ། པ་ར་མ་ཀ་དྷུ་ནི་ཡ། སརྦ་ས་ཏྭ་ཧི་ཏ་ཛིན་ཏ། མ་མ་དན་ཏ། ན་མོ་པ་རི་ཡེ་ཤ་།ས་མ་ཡམ་ཀར་ཤ་སཝཱ་ཧཱ། རིག་སྔགས་འདི་ལན་བདུན་ཚང་བར་བཟླས་ཏེ་དེའི་འོག་ཏུ་གསང་བའི་སྙིང་པོ་གདོན་པར་བགྱིའོ། །དེ་ཡང་སྔར་འཕགས་པ་དཀོན་མཆོག་གསུམ་དང་གསང་བ་པའི་བདག་པོ་ལག་ན་རྡོ་རྗེ་ལ་མཆོད་ནས་དེའི་འོག་ཏུ་བདག་གི་མིང་ནས་བརྗོད་པར་བགྱིད་ན་ནོར་རྫས་དང ། ཅི་འདོད་པ་དག་འགྲུབ་པར་བགྱིད་ཅིང་བདེ་བ་སྩོལ་བར་བགྱིད་དོ། །དེ་ནས་བདག་གིས་གསང་སྔགས་ཡིད་བཞིན་གྱི་ནོར་བུ་འདི་འདོན་ཅིང་ཡི་དམ་དུ་བགྱིད་ན་དེའི་དགོས་པ་ཅི་སྨོས་པ་ཐམས་ཅད་སྒྲུབ་པར་བགྱིད་ལགས་སོ། །དེ་ནས་གནོད་སྦྱིན་གྱི་རྒྱལ་པོ་གནོད་འཛིན་དཔལ་གྱིས་ཉིད་ཀྱི་སྙིང་པོ་ཡིད་བཞིན་གྱི་ནོར་བུ་ལྟ་བུ་དཔལ་ཕྱག་ན་རྡོ་རྗེ་ལ་ཕུལ་བ། ན་མོ་ཨཱརྱ་ཛཾ་བྷ་ལ། མ་ཧཱ་ཛཾ་བྷ་ལ་ཏདྱ་ཐཱ། སི་མི་སི་མི། སུ་མུ་སུ་མུ། ཤྩཎ་ཌ་ཤྩཎ་ཌ། ཙ་ར་ཙ་ར་ས་ར་ས་ར། ཀ་ར་ཀ་ར། ཀ་ར་ཀ་ར། ཀི་རི་ཀི་རི། ཀུ་རུ་ཀུ་རུ། མུ་རུ་མུ་རུ། ཙུ་རུ་ཙུ་རུ། ས་ད་ཡ་ད་མ། མ་མ་ནི་དམ་ཨ་ནན་ཏ། ད་ན་ཏོ་ས་ཧ། ཨཱརྱ་ཛཾ་བྷ་སཝཱ་ཧཱ། དན་དཱ་ཡ་སཝཱ་ཧཱ། ནོ་ར་ཏ་པ་རི་ཕུ་ར་ཀྵ་ཡ་སཝཱ་ཧཱ། དེ་ནས་གནོད་འཛིན་དཔལ་གྱི་འཁོར་རྣམས་ཀྱིས་དེའི་ཚེ་རང་རང་གི་སྙིང་པོ་སྨྲས་པ། ཨོཾ་ཛཾ་བྷ་ལ་མ་ཎི་བྷ་དྲཱ་ཡ་སཝཱ་ཧཱ། ཨོཾ་ཛཾ་བྷ་ལ་པུརྞ་བྷ་དྲཱ་ཡ་སཝཱ་ཧཱ། ཨོཾ་ཛཾ་བྷ་ལ་ད་ན་དཱ་ཏ་བྷ་དྲཱ་ཡ་སཝཱ་ཧཱ། ཨོཾ་ཛཾ་བྷ་ལ་མ་ཧཱ་ད་ན་དཱ་བྷ་དྲཱ་ཡ་སཝཱ་ཧཱ། ཨོཾ་ཛཾ་བྷ་ལ་ཙི་པི་ཀུཎ་ཌ་ལི་སཝཱ་ཧཱ། ཨོཾ་ཛཾ་བྷ་ལ་ཀི་ལི་མ་ལེ་ནི་སཝཱ་ཧཱ། ཨོཾ་ཛཾ་བྷ་ལ་མུ་ཁེན་དྲ་བྷ་དྲཱ་ཡ་སཝཱ་ཧཱ། ཨོཾ་ཛཾ་བྷ་ལ་ཛ་ལེན་དྲ་བྷ་དྲཱ་ཡ་སཝཱ་ཧཱ། དེ་ནས་གསང་བ་པའི་བདག་པོས་བཀའ་སྩལ་པ། ནོར་གྱི་བདག་པོ་ཁྱོད་ཀྱིས་གང་གཟུངས་འདི་འཛིན་པ་དང ། འཆང་བ་དང ། འདྲི་བ་དང ། ཀློག་པ་དེ་དག་ཐམས་ཅད་ལ་ཡིད་བཞིན་དུ་བདེ་བ་སྩལ་བར་གྱིས་ཤིག་།དེ་ནས་གནོད་འཛིན་གྱིས་གསང་བའི་བདག་པོ་དེ་ལྟར་བགྱིའོ་ཞེས་གསོལ་ཏེ། ལན་གསུམ་དུ་བསྐོར་བ་ཆོས་བཞིན་དུ་བྱས་ཏེ་འཁོད་པར་གྱུར་ཏོ། །འཕགས་པ་གནོད་འཛིན་དཔལ་ཞེས་བྱ་བའི་གཟུངས། རྫོགས་སྷོ།། |