རྒྱ་གར་སྐད་དུ། ་ཨཱརྱ་མ་ཎི་བྷ་དྲ་ནཱ་མ་དྷཱ་ར་ཎཱི། བོད་སྐད་དུ། ་འཕགས་པ་ནོར་བུ་བཟང་པོའི་གཟུངས་ཤེས་བྱ་བ། དཀོན་མཆོག་གསུམ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་གནོད་སྦྱིན་གྱི་སྡེ་དཔོན་ཆེན་པོ་ནོར་བུ་བཟང་པོའི་བུ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།ཕྱོགས་གཅིག་ཏུ་འདུག་ནས་གནོད་སྦྱིན་གྱི་སྡེ་དཔོན་ཆེན་པོ་ནོར་བུ་བཟང་པོའི་བུས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་ལ་ལ་ཞིག་སྙིང་པོ་འདི་ཉིན་རེ་ཞིང་དུས་གསུམ་དུ་འདོན་པར་བྱེད་ན་བདག་དེའི་སླད་བཞིན་དུ་རྟག་པར་འབྲང་བར་འཚལ་ལོ། །དེའི་དགོས་པ་ཐམས་ཅད་ཀྱང་བགྱིའོ། །ཟས་དང་གོས་དང་དབྱིག་དང་གསེར་དང་ནོར་དང ། འབྲུ་དང་དངུལ་དག་ཀྱང་སྩལ་བར་འཚལ་ལོ། །དེའི་དོན་ཐམས་ཅད་ཀྱང་འགྲུབ་པར་བགྱིའོ། །སེམས་ཅན་ཐམས་ཅད་ཀྱང་དེའི་དབང་དུ་འགྱུར་བར་བགྱིའོ། །དེའི་བྱ་བ་སྣ་ཚོགས་ཐམས་ཅད་ཀྱང་མོད་ལ་སྒྲུབ་པར་འཚལ་ཏེ། འཁྲིག་པ་དང་ལྡན་པ་ནི་མ་གཏོགས་སོ། །ན་མོ་རཊྞ་ཏྲ་ཡཱ་ཡ། ན་མོ་མ་ནི་བྷ་དྲཱ་ཡ། མ་ཧཱ་ཡཀྵ་སེ་ནཱ་པ་ཏ་ཡེ། སྱཱད་ཡ་ཐེ་དན། ཧི་ལི་མ་ཎི་བྷ་དྲ། ཧི་ལི་ཧི་ལི་མ་ཎི་བྷ་དྲ། ཀི་ལི་མ་ཎི་བྷ་དྲ། ཀི་ལི་ཀི་ལི་མ་ཎི་བྷ་དྲ། ཙི་ལི་མ་ཎི་བྷ་དྲ། ཙི་ལི་ཙི་ལི་མ་ཎི་བྷ་དྲ། ཙུ་ལུ་མ་ཎི་བྷ་དྲ། ཙུ་ལུ་ཙུ་ལུ་མ་ཎི་བྷ་དྲ། ཙུ་རུ་མ་ཎི་བྷ་དྲ། ཙུ་རུ་ཙུ་རུ་མ་ཎི་བྷ་དྲ། ཏུ་རུ་མ་ཎི་བྷ་དྲ། 107.80a ཏུ་རུ་ཏུ་རུ་མ་ཎི་བྷ་དྲ། ཀུ་རུ་མ་ཎི་བྷ་དྲ། ཀུ་རུ་ཀུ་རུ་མ་ཎི་བྷ་དྲ། སུ་རུ་མ་ཎི་བྷ་དྲ། སུ་རུ་སུ་རུ་མ་ཎི་བྷ་དྲ། སརྦ་ཨརྠ་མཱ་མེ་སཱ་དྷ་ཡ་སཝཱ་ཧཱ། ཏདྱ་ཐཱ། པཱུ་ཏ་ནེ་སུ་པཱུ་ཏ་ནེ། སུ་རུ་མེ། སུ་མཱ་ཏི། སུ་རཱ་ཐེ། སསྨ་བ་ཏེ། ཧི་ལི་ཀེ་།ཧི་ལ་ཀཱ་ལི། པཱུ་ནེ་སིད་དྷེ་བྷ་དྲ། ཧི་ལི་ཧི་ལི་སཝཱ་ཧཱ། ཨེ་ཧི་ཀོ་ནིཥྐེ། ཨེ་ཧི་སོ་ནིཀྵེ་ཨེ་ཧི་གོ་ནིཥྐེ་སཝཱ་ཧཱ། ལན་བདུན་བཟླས་བརྗོད་བྱས་ན་འགྲུབ་པར་འགྱུར་རོ། །འདིའི་ཆོ་ག་ནི་འདི་ཡིན་ཏེ་ཟླ་བ་ཡར་གྱི་ངོ་ཚེས་བཅཝ་ལྔ་ལ་གཙང་སྦྲ་བྱས་ལ་དུས་གསུམ་དུ་ཨ་ག་རུའི་བདུག་པས་བསྲེགས་ཏེ་ལན་བདུན་སྟོང་བཟླས་བརྗོད་བྱས་ན་གསེར་རྙེད་པར་འགྱུར་རོ། །འཕགས་པ་ནོར་བུ་བཟང་པོའི་གཟུངས་ཞེས་བྱ་བ། རྫོགས་སྷོ།། །།རྒྱ་གར་གྱི་མཁན་པོ་བིད་དྱ་ཀ་ར་སིང་ཧ་དང ། ལོ་ཙྪ་བ་བན་དེ་ཀླུའི་དབང་པོས་བསྒྱུར།། |