༄#། ་།རྒྱ་གར་སྐད་དུ། ཨཱརྱ་ད་ཤ་བཛྲ་པཱ་ཎི་ན་ཧྲི་ད་ཡ། བོད་སྐད་དུ། འཕགས་པ་ལག་ན་རྡོ་རྗེ་བཅུའི་སྙིང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་རིགས་བུ་འམ། རིགས་ཀྱི་བུ་མོ་གང་ལ་ལ་གནོད་སྦྱིན་གྱི་སྡེ་དཔོན་ལག་ན་རྡོ་རྗེ་བཅུའི་མིང་ཤེས་སམ། རུས་ཤེས་སམ། གསང་སྔགས་ཤེས་པ་དེ་ལ་བྱད་ཀྱིས་མི་ཚུགས་སོ། །གནོད་སྦྱིན་དག་རྣམ་པར་འཚེ་བར་མི་འགྱུར་རོ། །སྲིན་པོ་རྣམས་དང ། ལྷག་མ་ཟ་བ་རྣམས་དང ། བདུག་པ་ཟ་བ་རྣམས་འཚེ་བར་མི་འགྱུར་རོ། །ཕྱིས་འཇོག་པ་རྣམས་ཀྱང་གནོད་པར་མི་འགྱུར་རོ། །ཏདྱ་ཐཱ། ཨུ་ཀི་རི་མ་ཀི་རི། མ་རཱི་རྩ་པརྞ་ཤ་བ་རི། ཨུ་ལི་མེ། མི་ལི་མེ། ཨི་ལི་མེ། མི་ལི་མེ། ཨི་ལི་མེ། མི་ལི་མེ། ཨི་ལི་མ 107.41b ལེ་མེ། ཧེག་ཀེ་དྷིག་ཀེ་།ཧུག་ཀེ་།དྷུ་དྷུ་རེ། པྲ་དྷ་རེ། ཨ་ལམ་ཕ་ལེ། ཕཱ་ལམ་ཕ་ལེ། ཁུ་ཁུ་མེ་ཏི་ཀུ་མེ་ཏུ་མེ། ཁི་རི་ཁི་རི། སཱ་དྷ་སཱ་དྷ། སརྦ་བག་ཀཝ་ལེ། བན་དྷ་མ་བག་ཀཝ་ལེ། ཀུན་དགའ་བོ་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་བཅུ་པོ་འདི་དག་ལ་རྟག་ཏུ་བདག་གི་ཕྱི་བཞིན་དུ་འབྲང་བར་གྱུར་ནས་བདག་གཉིད་ལོག་པ་དང ། མྱོས་པ་དང ། རབ་ཏུ་མྱོས་པ་ཡང་བསྲུང་བ་དང ། ཡོངས་སུ་བསྐྱབ་པ་དང ། ཡོངས་སུ་གཟུང་བ་དང ། ཡོངས་སུ་བསྐྱང་བ་དང ། ཞི་བ་དང ། བདེ་ལེགས་སུ་འགྱུར་བར་བྱེད་པར་བཅོམ་ལྡན་འདས་ཀྱི་བཀས་གསོལ་བ་ཐོབ་ཤིག་།འདི་ལྟ་སྟེ། རྒྱལ་བ་ཁྱུ་མཆོག་དང ། འབྲོག་གནས་དང ། གངས་གནས་དང ། ལྔས་རྩེན་དང ། ནོར་བུ་བཟང་པོ་དང ། གྲགས་པ་བཟང་དང ། ལུས་ངན་གྱི་བུ་ས་མཛེས་བྱེད་དང ། ཕྲེང་བ་མཛེས་དང ། རྒྱལ་པོ་ཆེན་པོ་ཆོས་སྐྱོང་རྣམ་ཐོས་ཀྱི་བུ་སྟེ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་བཅུ་པོ་འདི་དག་ལ་རྟག་ཏུ་བདག་གི་ཕྱི་བཞིན་འབྲང་བར་གྱུར་ནས་བདག་གཉིད་ཀྱིས་ལོག་པ་དང ། མྱོས་པ་དང ། རབ་ཏུ་མྱོས་པ་ན་ཡང་བསྲུང་བ་དང ། ཡོངས་སུ་བསྐྱབ་པ་དང ། ཡོངས་སུ་གཟུང་བ་དང ། ཡོངས་སུ་བསྐྱང་བ་དང ། ཞི་བ་དང ། བདེ་ལེགས་སུ་འགྱུར་བར་བྱེད་པར་བཅོམ་ལྡན་འདས་ཀྱི་བཀས་གསོལ་བ་ཐོབ་ཤིག་།གསང་སྔགས་ཀྱི་གཞི་འདི་རྣམས་གྲུབ་པར་གྱུར་ཅིག་སཝཱ་ཧཱ། ཏདྱ་ཐཱ། ས་ར་ས་ར་ཎི་སཝཱ་ཧཱ། དེ་ལ་ལག་ན་རྡོ་རྗེ་བཅུ་པོ་དེ་དག་གི་གསང་སྔགས་ཀྱི་གཞི་རྣམས་ནི་འདི་དག་ཡིན་ཏེ། ཏདྱ་ཐཱ། ཨུ་ཀ་ཏེ། ཀེ་ཏེ། སཾ་ཀ་ཏེ། ཨུད་དུ་ལེ། དྷ་དྷེ། ཏ་ཏེ། ཏ་པད་ཏེ་སཝཱ་ཧཱ། ཙི་ཙེ་ཙི་ཙེ། ཙི་ཁེ་ལོ་ཚེ་ན་ནེ། བྷེ་དྷེ་ནི། སརྦ་བིརྱ་ཚེ་ད་ནི། སརྦ་ཀྲི་ཏ་ཀ་ཁོརྡ། པ་ར་ཀྲི་ཏ་ནཱ་ཤ་ནི། དེ་ལ་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེ་བཅུ་པོ་དེ་དག་གི་གསང་སྔགས་ཀྱི་གཞི་དམ་པ་ནི་འདི་རྣམས་ཡིན་ནོ། །ཏདྱ་ཐཱ། ཨ་ལེ་ལཀྵེ། པ་ཀེ་ལེ་ལཀྵེ། ཨ་ཀེ་།པ་ཀེ་།ལཀྵེ་སཝཱ་ཧཱ། ཏདྱ་ཐཱ། ཧུ་ཏུ་ཧུ་ཏུ། ཧུ་ཏུ་ཏུ། བི་ཏུ་བི་ཏུ། བི་ཏུ་ཏུ། གཙྪ། ས་བ་ཏེ། པ་ཏ་ཧ་ཏ་ཡེ་སཝཱ་ཧཱ། ན་མོ་བྷ་ག་བཱ་ཏེ་བུད་དྷ་སྱ་སིད་དྷྱན་ཏུ་མན་ཏྲ་བཱ་ད་སཝཱ་ཧཱ། བཅོམ 107.42a ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང ། ལྷ་དང ། མི་དང ། ལྷ་མ་ཡིན་དང ། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ལག་ན་རྡོ་རྗེ་བཅུའི་སྙིང་པོ། རྫོགས་སྷོ།། །།རྒྱ་གར་གྱི་མཁན་པོ་ཛི་ན་མི་ཏྲ་དང ། དཱ་ན་ཤཱི་ལ་དང ། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ།། |