༄། ་།རྒྱ་གར་སྐད་དུ། ་པྲཛྙཱ་བྷ་ག་བ་ན་མ་ཧཱ་རཱ་ཛཱ། བོད་སྐད་དུ། ་བཅོམ་ལྡན་འདས་གཉིས་མེད་ཀྱི་རྒྱལ་པོ་ཆེན་པོ་ལ་ཕྱག་འཚལ་ལོ། །དེ་ནས་སྤྱོད་པ་བསྟན་ཏེ། ལུང་ཨ་ནུ་ཡོ་ག་པ་རྫོགས་པའི་རྣལ་འབྱོར་དུ་བསྟན་ཏེ། ལྟ་བ་དང་ནི་སྤྱོད་པ་དང ། གཟུངས་ཀྱི་མཚན་ཉིད་འདི་གསུངས་སོ། །དེ་བཞིན་དམ་ཚིག་ཆེན་པོ་འང་བསྟན། །ལས་འདི་ལུང་གིས་བསྒྲུབ་བྱ་ན། །མི་སྤོང་བ་ནི་དང་དུ་བླང ། །སྤྱོད་པ་དམ་ཚིག་བཅཝ་ལྔ་བསྲུང ། །ཤེས་པ་ལྔ་དང་བསྲུང་བ་གསུམ། །སྟོང་རྩ་བརྒྱད་དུ་བསྲུངས་པས་ནི། །རྩ་བརྒྱད་སྟོང་ཞེས་དེ་ལ་བྱའོ། །དེ་ཡང་མ་ཧཱ་ས་མ་ཡ། །བཞི་པོ་རྫོགས་ན་ཀུན་ཏུ་བཟང ། །ཞི་རྒྱས་དབང་དང་མངོན་སྤྱོད་དང ། །གནན་བཟློག་དྲུག་ནི་གཅིག་ཏུའོ། །དང་ལ་ག་ནི་ལུང་བཤད་དེ། །ཁྲུ་ཚད་བཞི་དང་ལྡན་པ་ནི། །ཡོན་ཏན་བཅུ་གཅིག་དང་ཡང་ལྡན། །བཞིན་བཟངས་མིག་གིས་དཀྱུས་རིང་བ། །སྟོད་སྨད་ཕྱེད་ལ་རྐེད་པ་ཕྲ། །ཚིགས་པ་ཟླུམ་ལ་སོར་མོ་རིང ། །ཡོན་ཏན་འོད་ཅན་བཅུ་གཅིག་ལོ། །ཡེ་ཤེས་རིགས་ཅན་ཡིན་པར་བཤད། །བཅུ་གསུམ་རྡོ་རྗེ་རིགས་སུ་འགྲུབ། །བཅུ་དྲུག་སྔགས་པས་འགྲུབ་ངེས་པའོ། །རིན་ཆེན་རིགས་མཆོག་ཡིན་པར་བསྟན། །ཉི་ཤུ་གཅིག་པ་པདྨའི་རིགས། །སྤྱན་རས་གཟིགས་དབང་རྟ་མཆོག་འགྲུབ། །ཉི་ཤུ་རྩ་ལྔ་ལོན་པས་ནི། །ཐོགས་མེད་བྱང་ཆུབ་སེམས་ཀྱང་འདྲེན། ། 104.192b ཐམས་ཅད་ལས་ཀྱི་རིགས་མཆོག་འགྲུབ། །སུམ་བཅུ་རྩ་གཅིག་ཕན་ཆད་ཀྱིས། །སེམས་ཕེབས་ཚུན་ཆད་ཀུན་དུ་དགེའོ། །ཡིད་དུ་འོང་བ་དམ་པ་ཡིན། །བདེར་གཤེགས་རིགས་སུ་འགྲུབ་པར་བཤད། །བདེ་ཆེན་འདུ་འབྲལ་མེད་པའི་གཟུངས། །དེ་དག་མ་ལུས་གང་རྙེད་པ། །ལུས་ཀྱང་ཁྲུས་བྱས་གཙང་མར་བྱའོ། །དྲི་ཞིམ་ཙན་དན་གོ་བན་དང ། །ཛྷ་ཏི་པ་ལ་ཀུ་རུ་ཚེ། །ཀ་ཀོ་ལ་དང་ག་བུར་དང ། ། ཀ་རུ་དང་དུ་རུསྐ། །གྷི་ཧཝང་གླང་པོའི་སྤོས་རྣམས་ཀྱིས། །བྱུགས་ནས་རྒྱན་དང་ཕྲེང་བ་གདགས། །དར་དང་རས་བལ་འཇམ་པོ་དང ། །གོས་རྒྱན་ཆས་ཀླུབས་བསྐོན་ནས་ནི། །གསེར་གྱི་རྣ་ཆ་གདུབ་ཀོར་དང ། །དོ་ཤལ་དཔུང་རྒྱན་སེ་མོ་དོ། །རིན་ཆེན་སྣ་ཚོགས་བརྒྱན་དུ་གདགས། །ཇི་བཞིན་བདེ་བའི་སྟན་དག་ལ། །གཡོན་ཕྱོགས་སུ་ནི་གཞག་པར་བྱ། །བསྙེན་པ་དང་ནི་ཉེ་བསྙེན་དང ། །བསྒྲུབ་དང་བསྒྲུབ་ཆེན་བྱ་བ་ནི། །དཀྱིལ་འཁོར་འདོམ་གང་གྲུ་བཞི་པ། །འཕང་དུ་སོར་བཞིའི་ཚད་དུ་བྱ། །རྡོ་རྗེ་དྲི་ཆུས་མན་ཌལ་བྱུག་།ཤ་ཆེན་གུ་གུལ་པོག་གིས་བདུག་།དཀྱིལ་འཁོར་དེ་ལ་བསྐོར་ཏེ་བདུག་།གཡོན་དུ་དེ་བྱི་བཞག་ནས་ནི། །བྷ་ག་དེ་ཉིད་བྱིན་གྱིས་བརླབ། །སྤྱི་བོར་ཨོཾ་དཀར་འོད་ལྡན་པ། །ལྕེ་ལ་ཨཾ་དམར་དམ་པ་བསམ། །སྙིང་ཀར་ཟླ་དཀྱིལ་ཧཱུཾ་མཐིང་ཀ་།ལྟེ་བར་སཝ་སྔོན་འོད་ལྡན་པ། །རྐང་པར་ཧ་ལྗང་འོད་ལྡན་པ། །པ་ལས་པདྨའི་དབྱིངས་སུ་ཡང ། །གྲུ་གསུམ་མེ་འོད་འབར་བ་བསམ། །ཉོན་མོངས་ལྔ་རྣམས་སྦྱང་བ་དང ། །སྡུག་བསྔལ་ལྔ་ནི་ཚར་གཅད་ཕྱིར། །ལག་གཡས་གཞན་གྱིས་མི་ཐུབ་མ། །གཡོན་པ་རོ་ལངས་ཆེན་མོ་སྟེ། །དེ་ཡི་ཁ་ལ་ཁྲོ་གཉེར་མ། །རལ་པ་གཅིག་མ་པདྨ་ལའོ། །གསང་ཡུམ་ལྔ་དང་ཁྲོ་མོ་བཞི། །བྱིན་གྱིས་བརླབས་ཏེ་སྔགས་བཟླས་པ། །\ུ0f00་ཨཱཾ:ཧཱུཾ་སཝཱ་ཧཱ། བྷ་ག་བན་ནི་ཉིད་ཀྱི་བཀའ། །ཕྱག་རྒྱ་བཞི་རུ་བདག་གྱུར་པས། །གཉིས་སུ་མེད་པར་མཉམ་སྦྱར་ནས། །ལྷ་ཡི་བདུད་དམ་ཕུང་པོའི་བདུད། །ཉོན་མོངས་བདུད་དང་འཆི་བདག་བཅོམ། །ཕྱག་རྒྱ་ཆེན་པོ་བཞི་དང་ལྡན། །མཁའ་ལ་སེམས་ཕེབས་འཕྲོས་པའི་ཚེ། །བྱང་ཆུབ་འཁོར་བ་མྱ་ངན་འདས། །གཉིས་སུ་མེད་པའི་སར་ཕྱིན་ནོ། །བཅོམ་ལྡན་འདས་ཀྱིས་བཀའ་སྩལ་ཏོ། །སངས་རྒྱས་སེམས་ཅན་ཐམས་ཅད་དང ། །མཚན་མར་བཏགས་པ་ཐམས་ཅད་ཀུན། །བདེ་ཆེན་ཉིད་ལས་གཞན་མ་ཡིན། །བདེ་ཆེན་ཉིད་ལས་གཞན 104.193a པའི་ཆོས། །སངས་རྒྱས་ཉིད་ཀྱིས་མི་མཁྱེན་ཏོ། །ཕྱི་ནང་མ་ལུས་སྣོད་བཅུད་ཀྱང ། །བྱང་ཆུབ་སེམས་སུ་རྣམ་དག་པས། །སྐྱེ་མེད་ཡེ་ཤེས་ཡུམ་གྱི་དབྱིངས། །གཉིས་མེད་བདུད་རྩི་ཆེན་པོ་སྟེ། །ཡབ་ཡུམ་བདེ་བའི་ངང་དུ་གསལ། །འདི་ནི་སྙིང་པོ་བྱང་ཆུབ་སེམས། །བདེར་གཤེགས་ཀུན་གྱིས་བཀའ་སྩལ་ཏོ། །ལུས་ཀུན་ཡོངས་སུ་འཁྱུད་པ་ཡིས། །རྡོ་རྗེ་པདྨར་ལྡན་བྱས་ནས། །རང་འབྱུང་རྣམས་ནི་བདེ་མཆོག་སེམས། །ཕུལ་བས་མྱུར་དུ་གྲུབ་པ་ནི། །ོཾ་ར་ག་པཱུ་ཛ་ཧོ། །དངོས་གྲུབ་བླང་ཞིང་འདི་བརྗོད་དོ། །བྱང་ཆུབ་སེམས་ཀྱིས་དབང་བསྐུར་ཏེ། །དངོས་གྲུབ་བསྒྲུབ་པ་ལ་གཟུང་ངོ ། །བདུད་རྩི་ཆེན་པོ་མཆོག་གི་ལུང་གི་ནང་ནས། བསྒྲུབ་པ་ཆེན་པོའི་ལུང་དང ། གཟུངས་ཀྱི་མཚན་ཉིད་དང ། སྦྱོར་བའི་མན་ངག་དང ། གཱ་ན་བསྒྲུབ་པའི་ལུང་དང ། བྱང་ཆུབ་ཀྱི་སེམས་ཀྱི་ཡོན་ཏན་དང ། ་མྲྀ་ཏ་གྲུབ་པའི་ལུང་སྟེ། བམ་པོ་ཆེན་པོ་གསུམ་པ།། །། |