rKTs


J7

(e-text produced by ADARSHA)

see text in transliteration
12.1a
(ན)་༄#། !་།འདུལ་བ་ལུང་བཞུགས་སོ། །[(黃)་律師戒行經第十二部]
12.1b
༄##། ་་།རྒྱ་གར་སྐད་དུ། ་བི་ན་ཡ་ཨུད་ཏ་ར་གྲན་ཐ། ་བོད་སྐད་དུ། ་འདུལ་བ་གཞུང་བླ་མ། བམ་པོ་དང་པོ། ཐམས་ཅད་མཁྱེན་པ་ལ་ཕྱག་འཚལ་ལོ། ་་་་་་་་་ ། སྡོམ་ལ། དུད་འགྲོ་གསུམ་དང་ལམ་གསུམ་དང ། །བུད་མེད་གཤེགས་དང་བཅད་པ་དང ། །འཛིན་པ་དང་ནི་བལྟབ་པ་དང ། །སོ་དང་མ་རེག་ཕག་མོ་ཡིན། ། སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་ཚེ་དང་ལྡན་པ་ཉེ་བར་འཁོར་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཚེ་དང་ལྡན་པ་ཉེ་བར་འཁོར་གྱིས་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་རྣམས་དང་ལྷན་ཅིག་བསླབ་པ་མཚུངས་པར་ཞུགས་པས་བསླབ་པ་མ་ཕུལ། བསླབ་པ་ཉམས་པར་མ་བྱས
12.2a
པར་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ན། ཐ་ན་དུད་འགྲོའི་སྐྱེ་གནས་སུ་གཏོགས་པ་དང ། ལྷན་ཅིག་ཀྱང་རུང་སྟེ། དགེ་སློང་དེ་ཡང་ཕམ་པར་གྱུར་པ་ཡིན་གྱིས་གནས་པར་མི་བྱའོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་མིའི་བུད་མེད་གསང་སྔགས་དང ། སྨན་དག་གིས་དུད་འགྲོའི་སྐྱེ་གནས་པར་བསྒྱུར་ཏེ། དེ་དང་ལྷན་ཅིག་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཤིག་དགེ་སློང་གིས་གསང་སྔགས་དང ། སྨན་དག་གིས་བདག་ཉིད་དུད་འགྲོའི་སྐྱེ་གནས་པར་བསྒྱུར་ཏེ། མིའི་བུད་མེད་དང་ལྷན་ཅིག་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ན་ཅིར་འགྱུར་ལགས། གལ་ཏེ་འཁྲིག་པ་ལས་བྱུང་བ་དང་ལྡན་པ་བྱར་མི་རུང་བར་དགེ་སློང་དུ་འདུ་ཤེས་ཡོད་ལ། དེ་ཡང་བྱེད་ན་མཐར་འགྱུར་རོ། །གལ་ཏེ་དགེ་སློང་དུ་འདུ་ཤེས་མེད་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གཉིས་ཤིག་གིས་མིའི་བུད་མེད་དང་བདག་ཉིད་གསང་སྔགས་དང ། སྨན་དག་གིས་དུད་འགྲོའི་སྐྱེ་གནས་པར་བསྒྱུར་ཏེ་ལྷན་ཅིག་ཕན་ཚུན་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ན་ཅིར་འགྱུར་ལགས། གལ་ཏེ་འཁྲིག་པ་ལས་བྱུང་བ་དང་ལྡན་པ་བྱར་མི་རུང་བར་དགེ་སློང་དུ་འདུ་ཤེས་ཡོད་ལ། དེ་ཡང་བྱེད་ན་ནི་མཐར་འགྱུར་རོ། །གལ་ཏེ་དགེ་སློང་དུ་འདུ་ཤེས་མེད་ན་ཉེས་པ་སྦོམ་པོར་འགྱུར་རོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་བཅུག་མ་ཐག་ཏུ་མཐར་འགྱུར་རོ་ཞེས་གསུངས་པ་གང་ལགས་པ། ཇི་ཙམ་གྱིས་ན་ཁའི་ལམ་དུ་བཅུག་པ་ཞེས་བགྱི། ཉེ་བར་འཁོར་སོ་ལས་ནོར་བུ་འདའ་བར་བྱེད་པ་ཙམ་གྱིས་སོ། །ཇི་ཙམ་གྱིས་ན་བཤང་བའི་ལམ་དུ་བཅུག་པ་ཞེས་བགྱི། ཇི་ཙམ་དུ་བུ་གའི་སྦུབས་ལས་ནོར་བུ་འདའ་བར་བྱེད་པ་ཙམ་གྱིས་སོ། །ཇི་ཙམ་གྱིས་ན་གཅི་བའི་ལམ་དུ་བཅུག་པ་ཞེས་བགྱི། ལྤགས་པའི་རིམ་པ་ལས་ནོར་བུ་འདའ་བར་བྱེད་པ་ཙམ་གྱིས
12.2b
སོ། །བཙུན་པ་བུད་མེད་ཕྱེད་ཚལ་དུ་གཤེགས་པར་གྱུར་ལ། འདིའི་རྨའི་སྒོ་གསུམ་ཡང་ཉམས་པར་གྱུར་ལ། དགེ་སློང་གིས་ཚལ་པ་དང་ཚལ་པ་སྦྱར་ནས་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་སྤྱད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་བུད་མེད་རྐེད་པ་བཅད་པར་གྱུར་ལ། འདི་ནི་རྨའི་སྒོ་གསུམ་ལས་རྨའི་སྒོ་གང་ཡང་རུང་བ་ཞིག་མ་ཉམས་པར་གྱུར་བ་དེ་ལ་ཡང་དགེ་སློང་གིས་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཤིག་དགེ་སློང་གིས་བུད་མེད་མགོ་བཅད་པ་དང་ལྷན་ཅིག་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ན་ཅིར་འགྱུར་ལགས། གལ་ཏེ་བཤང་བའི་ལམ་འམ། གཅི་བའི་ལམ་དུ་བསྟེན་ན་མཐར་འགྱུར་རོ། །ཇི་སྟེ་ཁའི་ལམ་འམ་སྦུབས་སམ། ཕྲག་པའི་གསབ་གསེབ་ཏུ་སོ་སོར་བསྟེན་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་བཅོམ་ལྡན་འདས་ཀྱིས་མི་མ་ཡིན་པ་མོ་དང་ལྷན་ཅིག་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ན་མཐར་འགྱུར་རོ་ཞེས་གསུངས་པ་གང་ལགས་མི་མ་ལགས་པ་མོ་ཇི་ལྟ་བུ་ཞིག་ལགས། ཡན་ལག་ཐམས་ཅད་ཀྱིས་ཀྱང་གཟུང་དུ་ཆོག་པ་གང་ཡིན་པ་སྟེ། དེ་བཞིན་དུ་དུད་འགྲོའི་སྐྱེ་གནས་སུ་གཏོགས་པ་རྣམས་ལ་ཡང་བརྗོད་པར་བྱའོ། །བཙུན་པ་རེ་ཤིག་དགེ་སློང་གིས་སོའི་ཕྱི་རོལ་མཆུའི་ནང་དུ་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་བཤང་བའི་ལམ་འམ། གཅི་བའི་ལམ་འམ། ཁའི་ལམ་གང་ཡང་རུང་བར་མ་རེག་པར་བཅུག་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་ཕག་མོའི་རོ་བསྲེགས་པ་སྤུ་མ་མཆིས་པ་ལ་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ན་ཅིར་འགྱུར་ལགས། ཉེས་པ་སྦོམ་པོར་འགྱུར་ཏེ། དེ་བཞིན་དུ་དུད་འགྲོའི་སྐྱེ་གནས་སུ་གཏོགས་པ་ཐམས་ཅད་ལ་ཡང་བརྗོད་པར་བྱའོ། ་་་་་་་་་་་་་།སྡོམ་ལ། གཞན་གྱི་ཡན་ལག་སྐྱེས
12.3a
དང་ནི། །སྤྱིལ་ཁང་གཉིས་དང་མཚན་གཉིས་དང ། །ཉམས་པ་གཉིས་དང་བར་ཆད་བཅས། །དྲུག་ཚན་དང་ནི་བཞི་ཚན་ནོ། །བཙུན་པ་རེ་ཤིག་དགེ་སློང་གིས་གཞན་གྱི་ཡན་ལག་སྐྱེས་སུ་འཛུད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གཅིག་པུ་སྤྱིལ་བུར་ཞུགས་པ་ལ་མི་ཚངས་པར་སྤྱོད་པའི་རྐྱེན་གྱིས་མཐར་འགྱུར་བ་ལྟ་མཆིས་ལགས་སམ། ཉེ་བར་འཁོར་འགྱུར་བ་ཡོད་དེ། དཔེར་ན་ནར་བ་པོ་དང ། རྒྱབ་མཉེན་ལྟ་བུའོ། །བཙུན་པ་རེ་ཤིག་དགེ་སློང་སྦྲང་ཁང་དུ་ཞུགས་པ་དེའི་སླད་རོལ་ན་བུད་མེད་ཅིག་མཆིས་པར་གྱུར་པ་ལ། དེས་ནང་ནས་ལོག་པར་སྤྱད་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཤིག་དགེ་སློང་མི་ཚངས་པར་སྤྱོད་པ་ལ་ཞུགས་པ་དེའི་མཚན་གྱུར་ཏེ། དགེ་སློང་མར་རེད་ནས་མི་ཚངས་པར་སྤྱོད་པ་བགྱིད་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཤིག་དགེ་སློང་མ་མི་ཚངས་པར་སྤྱོད་པ་ལ་ཞུགས་པ་དེའི་མཚན་གྱུར་ཏེ། དགེ་སློང་དུ་རེད་ནས་མི་ཚངས་པར་སྤྱོད་པ་བགྱིད་ན་ཅིར་འགྱུར་ལགས། མཐར་འགྱུར་རོ། །བཙུན་པ་བཅོམ་ལྡན་འདས་ཀྱིས་མིའི་བུད་མེད་གསོན་པོར་ཉམས་པ་ཞེས་གསུངས་པ་གང་ལགས། ཇི་ཙམ་གྱིས་ན་མིའི་བུད་མེད་གསོན་པོར་ཉམས་པ་ཞེས་བགྱི། ཉེ་བར་འཁོར་ཇི་ཙམ་དུ་ཅུང་ཟད་ཟིན་པ་འམ། ཟིན་པ་འམ། སྐྲངས་པ་འམ། རུལ་བ་འམ། མྱགས་པ་འམ། སྲོག་ཆགས་དག་གིས་ཟོས་པར་གྱུར་པ་དེ་ཙམ་གྱིས་ན་མིའི་བུད་མེད་གསོན་པོར་ཉམས་པ་ཞེས་བརྗོད་དོ། །ཇི་ཙམ་གྱིས་ན་མིའི་བུད་མེད་གསོན་པོར་མ་ཉམས་པ་ཞེས་བགྱི། ཉེ་བར་འཁོར་ཇི་ཙམ་དུ་ངོས་གཉིས་མཉམ་ཞིང་ཉམས་པ་སྟེ། དེ་བཞིན་དུ་ཤི་བ་དང་མི་མ་ཡིན་པ་མོ་དང ། དུད་འགྲོའི་སྐྱེ་གནས་སུ་གཏོགས་པ་དང ། སྐྱེས་པ་དང ། མ་ནིང་དང ། མ་ནིང་མོ་རྣམས་ལ་ཡང་བརྗོད་པར་བྱའོ། །བཙུན་པ་བཅོམ་ལྡན་འདས་ཀྱིས་བར་ཆད་དང་བཅས་པར་བཅུག་ན་མཐར་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་གོས་རྔམས་སྟུག་པོ་འམ། ཕྱིང་པས་དཀྲིས་ཏེ་བཅུག་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །
12.3b
གལ་ཏེ་སེང་རས་སམ། དར་ལ་འམ། གོས་སྲབ་མོས་དཀྲིས་ཏེ་བཅུག་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཤིག་དགེ་སློང་གིས་ལམ་ལ་ལམ་དུ་འདུ་ཤེས་ཏེ་བཅུག་ན་ཅིར་འགྱུར་ལགས། མཐར་འགྱུར་རོ། །ལམ་ལ་ལམ་མ་ལགས་པར་འདུ་ཤེས་ཏེ་བཅུག་ན་ཅིར་འགྱུར་ལགས། མཐར་འགྱུར་རོ། །ལམ་ལ་ཐེ་ཚོམ་འཚལ་ཏེ་བཅུག་ན་ཅིར་འགྱུར་ལགས། མཐར་འགྱུར་རོ། །ལམ་མ་ལགས་པ་ལམ་མ་ལགས་པར་འདུ་ཤེས་ཏེ་བཅུག་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །ལམ་མ་ལགས་པ་ལ་ལམ་དུ་འདུ་ཤེས་ཏེ་བཅུག་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །ལམ་མ་ལགས་པ་ལ་ཐེ་ཚོམ་འཚལ་ཏེ་བཅུག་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་བར་ཆད་དང་བཅས་པ་ལ་བར་ཆད་དང་བཅས་པར་འདུ་ཤེས་ཏེ་བཅུག་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བར་ཆད་དང་བཅས་པ་ལ་བར་ཆད་མ་མཆིས་པར་འདུ་ཤེས་ཏེ་བཅུག་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བར་ཆད་མ་མཆིས་པ་ལ་བར་ཆད་དང་བཅས་པར་འདུ་ཤེས་ཏེ་བཅུག་ན་ཅིར་འགྱུར་ལགས། མཐར་འགྱུར་རོ། །བར་ཆད་མ་མཆིས་པ་ལ་བར་ཆད་མ་མཆིས་པར་འདུ་ཤེས་ཏེ་བཅུག་ན་ཅིར་འགྱུར་ལགས། མཐར་འགྱུར་རོ། །བཙུན་པ་དགེ་སློང་གིས་མིའི་བུད་མེད་དང་ལྷན་ཅིག་མི་ཚངས་པར་སྤྱད་ན་མཐར་མི་འགྱུར་བ་ལྟ་མཆིས་སམ། ཡོད་དེ་སྔར་ལྟུང་བ་བྱུང་བ་དང ། རྐུ་ཐབས་སུ་གནས་པ་དང ། དང་པོ་མི་མཐུན་པ་ཅན་དང ། མ་ནིང་དང ། དགེ་སློང་མ་སུན་ཕྱུང་བས་མི་ཚངས་པར་སྤྱད་པ་ནི་ཉེས་བྱས་སུ་འགྱུར་རོ། །ཇི་ལྟར་དགེ་སློང་ལ་མི་ཚངས་པར་སྤྱད་པའི་རྐྱེན་གྱིས་མཐར་འགྱུར་བ་དེ་བཞིན་དུ་བསླབ་པ་བྱིན་པ་དང ། དགེ་སློང་མ་ལ་ཡང་མཐར་འགྱུར་རོ། །དགེ་སློང་མ་དང ། དགེ་ཚུལ་དང ། དགེ་ཚུལ་མ་ལ་ནི་ཉེས་བྱས་སོ། ་་་་་་་་་་་་་་ ། སྡོམ་ལ། བརྒྱད་བཅུའི་ཚོགས་དང་རྒྱན་རྡོ་དང ། །རིན་ཐང་མ་བརྩིས་མཚན་དང་ནི། །བསྙེན་པར་རྫོགས་པ་བདུན་ཚན་བྱས། །ཤོ་གམ་ལ་ནི་བཅུ་གཉིས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གཞན་དག་གི་གྲོང་ན་འདུག་པ་འམ། དགོན་པ་ན་འདུག་པ་མ་བྱིན་པ་རྐུ་བའི་གྲངས་སུ་གཏོགས་པ་བླངས་ན།
12.4a
ཇི་ཙམ་མ་བྱིན་པར་བླངས་པས་དེ་རྒྱལ་པོ་འམ། བློན་པོ་ཆེན་པོས་བཟུང་ནས། དེ་ལ་འདི་སྐད་ཅེས་ཨེ་མ་ཀྱེ་ཁྱོད་ནི་རྐུན་མའོ། །བྱིས་པའོ། །བླུན་པའོ། །རྐུ་བའོ་ཞེས་ཟེར་ཞིང་གསོད་དམ། འཆིང་ངམ། སྤྱུག་ཀྱང་རུང་སྟེ། དགེ་སློང་མ་བྱིན་པ་ལེན་པ་དེ་ལྟ་བུ་ལེན་པ་དེ་ཡང་ཕམ་པར་གྱུར་པ་ཡིན་གྱིས་གནས་པར་མི་བྱའོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་བརྒྱད་བཅུ་པའི་ཚོགས་གཉིས་ཀར་བདག་ཉིད་གཏོགས་པར་བགྲངས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་བའི་ཉེས་བྱས་སུ་འགྱུར་རོ། །དེའི་སྐལ་པའི་ཆོས་དང་འཐུན་པ་གང་ལས་ལགས། དང་པོ་ལས་སོ། །གལ་ཏེ་བླངས་ནས་བསྙོན་ན་ཅིར་འགྱུར་ལགས། ཤེས་བཞིན་དུ་བརྫུན་དུ་སྨྲས་པས་ལྟུང་བྱེད་དུ་འགྱུར་རོ། །གང་གི་ཚེ་གྲུབ་པ་དེའི་ཚེ་ནི་རིན་ཐང་བརྩི་བར་བྱའོ། །བཙུན་པ་རེ་ཤིག་མི་རྣམས་ཀྱིས་རྒྱན་རྡོ་བཀོད་པར་གྱུར་ལ། དེ་ནས་དགེ་སློང་གིས་བརྐུ་སེམས་ཀྱིས་རྒྱན་རྡོ་རིན་ཆེན་པོ་ཞིག་རྔམས་ཆུང་ངུའི་གནས་ནས་གནས་གཞན་དུ་སྦེད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །གལ་ཏེ་རྐུ་སེམས་ཀྱིས་རྒྱན་རྡོ་རིན་ཆུང་ངུ་ཞིག་རྔམས་ཆེན་པོའི་གནས་ནས་གཞན་དུ་སྦེད་ན་ཅིར་འགྱུར་ལགས། མཐར་འགྱུར་རོ། །བཙུན་པ་དགེ་སློང་གིས་རིན་ཐང་མ་མཆིས་པའི་དངོས་པོ་ཞིག་བརྐུས་ན་ཅིར་འགྱུར་ལགས། མཐར་འགྱུར་རོ། །རིན་ཐང་མེད་པའི་དངོས་པོ་གང་ཞེ་ན་གང་ཞིག་རིན་ཆེ་ཆེས་པ་ཉིད་ཀྱིས་རིན་ཐང་གདབ་པར་མི་ནུས་པའོ། །གང་ཞིག་ཆུང་ཆེས་པ་ཉིད་ཀྱིས་རིན་ཐང་གདབ་པའི་རིན་མི་ཆོག་པ་དེ་ཡང་རིན་ཐང་མེད་པ་ཡིན་ནོ། །དེ་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་དངོས་པོ་ཞིག་རིན་མ་བརྩིས་པར་བརྐུས་ན་ཅིར་འགྱུར་ལགས། གལ་ཏེ་དངོས་པོ་ཡོངས་སུ་ཚང་ན་མཐར་འགྱུར་རོ། །ཅི་སྟེ་མ་ཚང་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་བརྐུ་བར་སྦྱོར་བར་བགྱིས་པ་ལས་དེའི་མཚན་གྱུར་ཏེ་དགེ་སློང་མར་རེད་ནས་བརྐུས་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཤིག་དགེ་སློང་མས་བརྐུ་བར་སྦྱོར་བར་བགྱིས
12.4b
པ་ལས་དེའི་མཚན་གྱུར་ཏེ། དགེ་སློང་དུ་རེད་ནས་བརྐུས་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཤིག་བསྙེན་པར་མ་རྫོགས་པས་བརྐུ་བར་སྦྱོར་བ་བགྱིས་ལ། བསྙེན་པར་མ་རྫོགས་པར་བརྐུས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་བརྐུ་བར་སྦྱོར་བར་བགྱིས་ལ། བསྙེན་པར་རྫོགས་ཀར་བརྐུས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པས་བརྐུ་བར་སྦྱོར་བ་བགྱིས་ལ། བསྙེན་པར་རྫོགས་ཏེ་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ཀར་བརྐུ་བར་སྦྱོར་བ་བགྱིས་ལ། བསྙེན་པར་རྫོགས་ཀར་བརྐུས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་བརྐུ་བར་སྦྱོར་བ་བགྱིས་ལ། བསྙེན་པར་རྫོགས་ཏེ་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ཏེ་བརྐུ་བར་སྦྱོར་བར་བགྱིས་ལ། བསྙེན་པར་རྫོགས་ཏེ་བརྐུས་ན་ཅིར་འགྱུར་ལགས། མཐར་འགྱུར་རོ། །བསྙེན་པར་རྫོགས་ཏེ་བརྐུ་བར་སྦྱོར་བར་བགྱིས་ལ། བསྙེན་པར་མ་རྫོགས་པར་བརྐུས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཤོ་གམ་ནམ་མཁའ་ལས་བཟླས་ན་ཅིར་འགྱུར་ལགས། དངོས་པོ་ཇི་ལྟ་བ་བཞིན་ནོ། །ཇི་སྟེ་རྫུ་འཕྲུལ་གྱིས་བཟླས་ན་ཉེས་པ་མེད་དོ། །བཙུན་པ་རེ་ཤིག་དགེ་སློང་གིས་ཤུལ་མ་ལགས་པ་ནས་ཤོ་གམ་བཟླས་ན་ཅིར་འགྱུར་ལགས། གལ་ཏེ་དེ་རྣམས་ཀྱི་ས་ལས་འདས་ན་མཐར་འགྱུར་རོ། །ས་ལས་མ་འདས་ན་ནི་ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་ཤོ་གམ་བཅད་པའི་རྫས་ཀྱི་དངོས་པོ་གཡར་དུ་སྩལ་ཏེ་བཟླས་ན་ཅིར་འགྱུར་ལགས། མཐར་འགྱུར་རོ། །ཚེམ་བུའི་གསེབ་ཏུ་སྩལ་ཏེ་བཟླས་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཤིག་དགེ་སློང་གིས་ཚོང་པ་རྣམས་ལ་འདི་སྐད་དུ་ཚུར་ཤོག་འདོང་ཞེས་སྨྲས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཚོང་པ་རྣམས་ལ་ཐབས་ཀྱིས་སྨྲས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་ཚོང་པ་རྣམས་ཀྱི་ཤོ་གམ་དུ་གཏོགས་པའི་རྫས་ཤོ་གམ་གྱི་སར་མ་ཕྱིན་པར་ཚོང་པས་དགེ་སློང་ལ་འདི་སྐད་ཅེས་འཕགས་པ་ཤོ་གམ་གྱི་གནས
12.5a
ནས་ཟློས་ལ་སྩོལ་ཅེས་བགྱིས་པ་ལས་དེ་དགེ་སློང་གིས་བཟླས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་ཚོང་པ་རྣམས་ཀྱི་ཤོ་གམ་གྱི་རྫས་རྣམས་ལ་ཤོ་གམ་གྱི་གནས་སུ་མ་ཕྱིན་པར་ཚོང་པས་དགེ་སློང་ལ་འདི་སྐད་ཅེས། འཕགས་པས་ཤོ་གམ་གྱི་གནས་ནས་ཟློས་ལ་སྩོལ་ཅིག་།དེར་ཤོ་གམ་ཅི་མཆིས་པ་དེའི་ཕྱེད་ཁྱོད་ལ་འབུལ་ལོ་ཞེས་བགྱིས་པ་ལས། དེ་དགེ་སློང་གིས་བཟླས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་ཚོང་པ་རྣམས་ཀྱི་ཤོ་གམ་དུ་གཏོགས་པའི་རྫས་ཤོ་གམ་གྱི་གནས་སུ་མ་ཕྱིན་པར་ཚོང་པས་དགེ་སློང་ལ་འདི་སྐད་ཅེས་འཕགས་པས་ཤོ་གམ་གྱི་གནས་ལས་ཟློས་ལ་སྩོལ་ཅིག་དང ། དེར་ཤོ་གམ་ཅི་མཆིས་པ་ཁྱོད་ལ་འབུལ་ལོ་ཞེས་བགྱིས་པ་ལས་དེ་དགེ་སློང་གིས་བཟླས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་ཚོང་པ་རྣམས་ཀྱི་ཤོ་གམ་གྱི་རྫས་ཤོ་གམ་གྱི་གནས་སུ་མ་ཕྱིན་པར་དགེ་སློང་གིས་ལམ་གཞན་ཞིག་བསྟན་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་ཚོང་པ་རྣམས་ཀྱི་ཤོ་གམ་དུ་གཏོགས་པའི་རྫས་ཤོ་གམ་གྱི་གནས་སུ་ཕྱིན་པ་ལས་ཚོང་པས་དགེ་སློང་ལ་འདི་སྐད་ཅེས་འཕགས་པས་ཤོ་གམ་གྱི་གནས་ལས་ཟློས་ལ་སྩོལ་ཅིག་ཅེས་བགྱིས་པ་ལས་དེ་དགེ་སློང་གིས་བཟླས་ན་ཅིར་འགྱུར་ལགས། ཤོ་གམ་གྱི་རིན་ཐང་བརྩི་བར་བྱའོ། །བཙུན་པ་རེ་ཤིག་ཚོང་པ་རྣམས་ཀྱི་ཤོ་གམ་དུ་གཏོགས་པའི་རྫས་ཤོ་གམ་གྱི་གནས་སུ་ཕྱིན་པ་ལས། ཚོང་པས་དགེ་སློང་ལ་འདི་སྐད་ཅེས་འཕགས་པས་ཤོ་གམ་གྱི་གནས་ལས་ཟློས་ལ་སྩོལ་ཅིག་དང ། ཤོ་གམ་ཅི་མཆིས་པ་དེའི་ཕྱེད་ཁྱོད་ལ་འབུལ་ལོ་ཞེས་བགྱིས་པ་ལས་དེ་དགེ་སློང་གིས་བཟླས་ན་ཅིར་འགྱུར་ལགས། ཤོ་གམ་གྱི་རིན་ཐང་བརྩི་བར་བྱའོ། །བཙུན་པ་རེ་ཤིག་ཚོང་པ་རྣམས་ཀྱི་ཤོ་གམ་དུ་གཏོགས་པའི་རྫས་ཤོ་གམ་གྱི་གནས་སུ་ཕྱིན་པ་ལས་ཚོང་པས་དགེ་སློང་ལ་འདི་སྐད་ཅེས་འཕགས་པས་ཤོ་གམ་གྱི་གནས་ནས་ཟློས་ལ་སྩོལ་ཅིག་དང ། ཤོ་གམ་ཅི་མཆིས་པ་རིལ་གྱིས་ཁྱོད་ལ་འབུལ་ལོ་ཞེས་བགྱིས་པ་ལས་དེ་དགེ་སློང་གིས་བཟླས་ན་ཅིར་འགྱུར་ལགས། ཤོ་གམ་གྱི་རིན་ཐང་བརྩི་བར་བྱའོ། ་་་་་་་་་་་་་་།སྡོམ་ལ། ཆོས་གོས་གདང་ལ་བཞི་དག་དང ། །རྐུ་དང་ན་ན་ཀ་གསུམ་དང ། །སྦྱོར་བ་གསུམ་དང
12.5b
ཡིད་གཉིས་དང ། །གླིང་རྣམས་གཞན་ཕྱིར་མི་མ་ཡིན། །བཙུན་པ་རེ་ཤིག་དགེ་སློང་གིས་བརྐུ་སེམས་ཀྱིས་ཆོས་གོས་ཀྱི་གདང་གི་ཡ་ཐོག་འགུམས་ཤིང ། རང་གི་བའི་འདུ་ཤེས་ཀྱིས་མ་ཐོག་བཀུམ་ན་ཅིར་འགྱུར་ལགས། སྔ་མ་ལ་ཉེས་པ་སྦོམ་པོར་འགྱུར་རོ། །ཕྱི་མ་ལ་ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་རང་གི་བའི་འདུ་ཤེས་ཀྱིས་ཆོས་གོས་ཀྱི་གདང་གི་ཡ་ཐོག་འགུམས་ཤིང ། བརྐུ་སེམས་ཀྱིས་མ་ཐོག་འགུམས་ན་ཅིར་འགྱུར་ལགས། ཕྱི་མ་ལ་ཉེས་པ་སྦོམ་པོར་འགྱུར་རོ། །དང་པོ་ལ་ནི་ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་ཆོས་གོས་ཀྱི་གདང་དང་བཅས་པ་བརྐུ་སེམས་ཀྱིས་རྐུ་བ་ན་ཆོས་གོས་ཀྱི་གདང་དེ་ལ་ཆོས་གོས་དག་གཟར་བཞིན་དུ་དེས་ཆོས་གོས་ཀྱི་གདང་བཅས་ཏེ་འཚལ་ན་ཅིར་འགྱུར་ལགས། ཆོས་གོས་ཀྱི་གདང་གི་རིང་ཐང་བརྩི་བར་བྱའོ། །བཙུན་པ་རེ་ཤིག་ཆོས་གོས་ཀྱི་གདང་ལ་ཆོས་གོས་དག་གཟར་ཏེ་མཆིས་པ་ལས་དེ་དག་དགེ་སློང་བཞི་འམ། དེ་བས་མང་བ་ཞིག་གིས་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །གལ་ཏེ་སོ་སོར་བགོས་པ་ལས་དེ་རེ་རེས་མ་ཤ་ཀ་ལྔ་ཐོབ་ན་ནི་མཐར་འགྱུར་རོ། །བཙུན་པ་རྐུ་བ་ལ་དུ་ཞིག་མཆིས་ལགས། ཉེ་བར་འཁོར་དྲུག་ཡོད་དེ། དེ་མི་སྟེར་བར་རྐུ་བ་དང ། མཐུས་རྐུ་བ་དང ། ཕྱིར་སྦྱིན་པ་རྐུ་བ་དང ། གཏམས་པ་རྐུ་བ་དང ། ཡོངས་སུ་བརྟགས་པ་རྐུ་བ་དང ། ཆོས་རྐུ་བའོ། །བཙུན་པ་བཅོམ་ལྡན་འདས་ཀྱིས་རྐུ་བ་དྲུག་ཏུ་གསུངས་པ་གང་དག་ལགས་པ་འདི་དག་ལས་གང་གིས་མཐར་འགྱུར་ལགས། ཉེ་བར་འཁོར་ཆོས་རྐུ་བ་མ་གཏོགས་པ་ལྷག་མ་རྣམས་ཀྱིས་མཐར་འགྱུར་རོ། །བཙུན་པ་བཅོམ་ལྡན་འདས་ཀྱིས་མ་ཤ་ཀ་ལྔ་བརྐུས་ན་མཐར་འགྱུར་རོ་ཞེས་གསུངས་པ་གང་ལགས་པ། བཙུན་པ་གལ་ཏེ་དགེ་སློང་གིས་མ་ཤ་ཀ་གསུམ་བརྐུས་ན་མཐར་འགྱུར་བ་ལྟ་མཆིས་སམ། ཡོད་དེ་ཉེ་བར་འཁོར་གལ་ཏེ་མ་ཤ་ཀ་གསུམ་གྱིས་ཀཱར་ཥ་པཱ་ཎ་ཁུགས་པར་འགྱུར་ནའོ། །བཙུན་པ་གལ་ཏེ་དགེ་སློང་གིས་མ་ཤ་ཀ་ལྔ་བརྐུས་ཀྱང་མཐར་མི་འགྱུར་བ་ལྟ་མཆིས་ལགས་སམ། ཡོད་དེ་གལ་ཏེ་མ་ཤ་ཀ་བཅུ་འམ་མ་ཤ་ཀ་བཅུ་ལས་ལྷག་པར
12.6a
ཀཱར་ཥ་པཱ་ཎ་ཁུགས་ནའོ། །བཙུན་པ་བཅོམ་ལྡན་འདས་ཀྱིས་མ་ཤ་ཀ་ལྔ་བརྐུས་པས་མཐར་འགྱུར་རོ། །ཞེས་གསུངས་པ་གང་ལགས་པ། ན་ན་ཀ་ཇི་ལྟ་བུའི་མ་ཤ་ཀ་ལྔ་བརྐུས་ན་མཐར་འགྱུར་ལགས། མ་ཤ་ཀ་ཉི་ཤུས་ན་ན་ཀ་ཁུགས་པའིའོ། །མ་ཤ་ཀ་ཇི་ལྟ་བུ་ལགས། ཀ་ཀ་ནི་བཞི་ཁུགས་པས་སོ། །ཀཱར་ཥ་པཱ་ཎ་ཇི་ལྟ་བུ་ལགས། རྒྱལ་པོ་རྨ་བྱ་བས་བྱས་པའོ། །བཙུན་པ་བཅོམ་ལྡན་འདས་ཀྱིས་མ་ཤ་ཀ་ལྔ་བརྐུས་ན་མཐར་འགྱུར་རོ་ཞེས་གསུངས་པ་གང་ལགས་པ་བཙུན་པ་གལ་ཏེ་དགེ་སློང་གིས་ཀཱར་ཥ་པཱ་ཎ་སྟོང་བརྐུས་ཀྱང་མཐར་མི་འགྱུར་བ་ལྟ་མཆིས་ལགས་སམ། ཡོད་དེ་གལ་ཏེ་བོར་བར་འདུ་ཤེས་ཏེ་བརྐུས་ནའོ། །བཙུན་པ་བཅོམ་ལྡན་འདས་ཀྱིས་མ་ཤ་ཀ་ལྔ་བརྐུས་ན་མཐར་འགྱུར་རོ་ཞེས་གསུངས་པ་གང་ལགས་པ། གལ་ཏེ་བཙུན་པ་དགེ་སློང་གིས་མ་ཤ་ཀ་ལྔ་བརྐུས་ཀྱང་མཐར་མི་འགྱུར་བ་ལྟ་མཆིས་སམ། ཡོད་དེ་གལ་ཏེ་རེ་རེ་ནས་སམ། གཉིས་གཉིས་ནས་སམ། གསུམ་གསུམ་ནས་སམ། བཞི་བཞི་ནས་རྐུའི་ནམ་ཡང་ལྔ་མ་ཡིན་ནོ། །བཙུན་པ་རེ་ཤིག་དགེ་སློང་གིས་ཡོ་བྱད་ཆེན་པོ་ཞིག་བདག་གི་བའི་འདུ་ཤེས་ཀྱིས་བླངས་ལ་བརྐུ་སེམས་ཀྱིས་སྦེད་ན་ཅིར་འགྱུར་ལགས། མཐར་འགྱུར་རོ། །གལ་ཏེ་བཙུན་པ་བརྐུ་སེམས་ཀྱིས་བླངས་ན། བདག་གི་བའི་འདུ་ཤེས་ཀྱིས་སྦེད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་ཅི་འདི་དེའི་ཡིན་ནམ། འདི་དེའི་མ་ཡིན། དེ་འདི་ཡིན་ནམ་དེ་འདི་མ་ཡིན་སྙམ་དུ་སོམ་ཉི་དང ། ཐེ་ཚོམ་འཚལ་བཞིན་དུ་དེ་ཡང་བརྐུས་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཤིག་དགེ་སློང་གིས་ནུབ་ཀྱི་བ་ལང་སྤྱོད་ཀྱི་གླིང་དུ་མ་སྩོལ་བར་བརྐུས་ན་ཅིར་འགྱུར་ལགས། གལ་ཏེ་དེ་དག་གི་ལྟར་བརྩིས་ཏེ་མ་ཤ་ཀ་ལྔ་བརྐུས་ན་མཐར་འགྱུར་རོ། །བཙུན་པ་ཤར་གྱི་ལུས་འཕགས་གླིང་དུ་མ་སྩལ་བར་བརྐུས་ན་ཅིར་འགྱུར་ལགས། གལ་ཏེ་དེ་དག་གི་ལྟ་བར་བརྩིས་ཏེ་མ་ཤ་ཀ་ལྔ་བརྐུས་ན་མཐར་འགྱུར་རོ། །བཙུན་པ་བྱང་གི་སྒྲ་མི་སྙན་གྱི་གླིང་དུ་མ་སྩལ་བར་བརྐུས་ན་ཅིར་འགྱུར་ལགས། ཉེ་བར་འཁོར་དེ་ན་ནི་མ
12.6b
བྱིན་པར་ལེན་པ་མེད་དེ། གལ་ཏེ་བརྐུ་སེམས་བསྐྱེད་ན་ནི་ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་མ་སྨྲས་པར་གཞན་གྱི་དོན་དུ་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་མིའི་མ་ལགས་པ་ལ་མིའི་མ་ལགས་པར་འདུ་ཤེས་ཏེ། མ་སྩལ་བར་བརྐུས་ན་ཅིར་འགྱུར་ལགས། ཉེས་བྱས་སོ། །མིའི་མ་ལགས་པ་ལ་མི་ཡིར་འདུ་ཤེས་ཏེ་མ་སྩལ་བར་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མིའི་ལ་མིའི་མ་ལགས་པར་འདུ་ཤེས་ཏེ་མ་སྩལ་ལགས་པར་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མིའི་ལ་མི་ཡིར་འདུ་ཤེས་ཏེ་མ་སྩལ་པར་བརྐུས་ན་ཅིར་འགྱུར་ལགས། མཐར་འགྱུར་རོ། ་་་་་་་་་་་་་།སྡོམ་ལ། མཆོད་རྟེན་སྐུ་གདུང་གླེགས་བམ་དང ། །དགེ་འདུན་མང་སྔོས་བརྒྱུད་པ་དང ། །འདུ་ཤེས་གཉིས་དང་དེ་བཞིན་གནས། །མི་དབང་ཁྱིམ་ནི་ཐ་མ་ཡིན། །བཙུན་པ་རེ་ཤིག་དགེ་སློང་གིས་མཆོད་རྟེན་དང་མཆོད་རྟེན་གྱི་གནས་ལས་རྒྱན་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་སྟོན་པའི་སྐུ་གདུང་དག་བརྐུས་ན་ཅིར་འགྱུར་ལགས། མཐར་འགྱུར་རོ། །ཅི་སྟེ་འདི་ནི་བདག་གི་སྟོན་པ་སྟེ་བདག་གིས་ཀྱང་འདི་ལ་བཀུར་སྟི་བྱའོ་སྙམ་ནས་མཆོད་པའི་ཕྱིར་བརྐུས་ན་ཉེས་བྱས་སུ་འགྱུར་རོ། །བཙུན་པ་རེ་ཤིག་དགེ་སློང་གིས་གླེགས་བམ་བརྐུས་ན་ཅིར་འགྱུར་ལགས། གླེགས་བམ་གྱི་རིན་ཐང་བརྩི་བར་བྱའོ། །བཙུན་པ་རེ་ཤིག་དགེ་སློང་གིས་ཕྱོགས་བཞིའི་དགེ་འདུན་གྱི་མ་སྩལ་པར་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་གང་ཟག་མང་པོའི་མ་སྩལ་པར་བརྐུས་ན་ཅིར་འགྱུར་ལགས་ཉེས་པ་སྦོམ་པོར་འགྱུར་རོ། །གལ་ཏེ་རྒྱུད་རེ་རེ་ལས་མ་ཤ་ལྔ་བྱུང་ན་མཐར་འགྱུར་རོ། །བཙུན་པ་རེ་ཤིག་དགེ་སློང་གིས་ཡོངས་སུ་བརྟགས་པ་མ་སྩལ་བར་བརྐུས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་དག་གིས་མང་པོ་ཞིག་བརྒྱུད་དེ་མ་སྩལ་པར་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །གལ་ཏེ་སོ་སོར་བགོས་ན་ཇི་སྙེད་བདག་གིར་བྱས
12.7a
པ་དེ་སྙེད་ཀྱི་རིན་ཐང་བརྩི་བར་བྱའོ། །བཙུན་པ་རེ་ཤིག་དགེ་སློང་གིས་གཞན་གྱིར་འདུ་ཤེས་ཏེ་མ་སྩལ་བར་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་ཡོངས་སུ་བཟུང་བ་ལ་ཡོངས་སུ་བཟུང་བར་འདུ་ཤེས་ཏེ་མ་སྩལ་པར་བརྐུས་ན་ཅིར་འགྱུར་ལགས། མཐར་འགྱུར་རོ། །ཡོངས་སུ་བཟུང་བ་ལ་ཡོངས་སུ་མ་བཟུང་བར་འདུ་ཤེས་ཏེ་མ་སྩལ་བར་བརྐུས་ན་ཅིར་འགྱུར་ལགས། ལྟུང་བ་མེད་དོ། །ཡོངས་སུ་མ་བཟུང་བ་ལ་ཡོངས་སུ་བཟུང་བར་འདུ་ཤེས་ཏེ་མ་སྩལ་པར་བརྐུས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །ཡོངས་སུ་མ་བཟུང་བ་ལ་ཡོངས་སུ་མ་བཟུང་བར་འདུ་ཤེས་ཏེ་མ་སྩལ་བར་བརྐུས་ན་ཅིར་འགྱུར་ལགས་ཉེས་པ་མེད་དོ། །བཙུན་པ་བཅོམ་ལྡན་འདས་ཀྱིས་ཡོ་བྱད་ཆེན་པོ་ཞིག་གནས་ནས་བསྐྱོད་ན་མཐར་འགྱུར་རོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་ཡོ་བྱད་ཆེན་པོ་ཞིག་གནས་ནས་བསྐྱོད་ཀྱང་མཐར་མི་འགྱུར་བ་ལྟ་མཆིས་སམ། ཡོད་དེ་གནས་ཁང་དུ་བཞག་པར་གྱུར་པའི་གནས་དེ་ཉིད་དུ་གནས་ཏེ་བརྐུས་ནའོ། །བཙུན་པ་རེ་ཤིག་དགེ་སློང་གིས་རྙེད་པ་མི་དབང་བར་འདི་བདག་དབང་ངོ་ཞེས་དེ་སྐད་སྨྲས་ན་ཅིར་འགྱུར་ལགས། དེ་ཤེས་བཞིན་དུ་བརྫུན་སྨྲས་པས་ལྟུང་བྱེད་དོ། །གལ་ཏེ་བརྐུ་སེམས་ཉེ་བར་གནས་པར་གྱུར་ན་ཉེས་པ་སྦོམ་པོར་འགྱུར་བའི་ཉེས་བྱས་སུ་འགྱུར་ཏེ་གྲུབ་ན་ནི་རིན་ཐང་བརྩི་བར་བྱའོ། །བཙུན་པ་དགེ་སློང་གཅིག་པུ་ཞིག་ཁང་པར་ཞུགས་པ་ལ་མ་སྩལ་པར་ལེན་པའི་རྐྱེན་གྱིས་མཐར་འགྱུར་བ་མཆིས་ལགས་སམ། གལ་ཏེ་བརྐུ་བར་སྦྱོར་བ་བྱས་ནས་ཞུགས་སམ། ཞུགས་ནས་སྦྱོར་བ་བྱེད་ནའོ། །བཙུན་པ་དགེ་སློང་གི་ཡོ་བྱད་ཆེན་པོ་ཞིག་མ་སྩལ་པར་བླངས་ཀྱང་མཐར་མི་འབྱུང་བ་ལྟ་མཆིས་ལགས་སམ། ཡོད་དེ་སྔར་ལྟུང་བ་བྱུང་བ་དང ། རྐུ་ཐབས་སུ་གནས་པ་དང ། དང་པོ་མི་མཐུན་པ་དང ། མ་ནིང་དང་དགེ་སློང་མ་སུན་ཕྱུང་བ་ལ་ནི་ཉེས་བྱས་སུ་འགྱུར་རོ། །ཇི་ལྟར་དགེ་སློང་ལ་མ་བྱིན་པར་བླངས་པའི་རྐྱེན་གྱིས་མཐར་འགྱུར་བ་དེ་བཞིན་དུ་བསླབ་པ་བྱིན་པ་དང ། དགེ་སློང་མ་ལ་ཡང་མཐར་འགྱུར་རོ། །དགེ་སློབ་མ་དང ། དགེ
12.7b
ཚུལ་དང ། དགེ་ཚུལ་མ་ལ་ནི་ཉེས་བྱས་སོ། ་་་་་་་་་་་་་་་་་་་ ། སྡོམ་ལ། དུད་འགྲོ་གསུམ་དང་ལས་སྲིད་དང ། །སྲེད་པ་མ་ལ་བཞི་ཚན་དང ། །མངལ་གཉིས་དང་ནི་གསོ་བ་དང ། །འདུ་ཤེས་ལ་ནི་བཞི་ཚན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་མི་འམ། མིར་ཆགས་པ་ལ་བསམ་བཞིན་དུ་རང་གིས་ལག་བསྟར་ཏེ་སྲོག་བཅད་དམ། དེ་ལ་མཚོན་འདེབས་སམ། དེ་ལ་མཚོན་ཐོགས་པ་གཉེར་ཏམ། དེ་འཆིར་བཅུག་གམ། དེ་ལ་འཆི་བའི་བསྔགས་པ་བརྗོད་ཀྱང་རུང་སྟེ། དེ་ལ་འདི་སྐད་ཅེས་ཀྱེ་མི་ཁྱོད་འཚོ་བའི་སྡིག་པ་མི་གཙང་བ་ངན་པ་འདིས་ཅི་ཞིག་བྱ། ཀྱེ་མི་ཁྱོད་གསོན་པ་བས་ཤི་བླའོ་ཞེས་ཟེར་ཞིང་དེ་ལྟར་སེམས་ཀྱི་འདོད་པ་དང ། སེམས་ཀྱི་ཀུན་དུ་རྟོག་པ་དག་གིས་རྣམ་གྲངས་དུ་མས་དེ་འཆིར་བཅུག་གམ། དེ་ལ་འཆི་བའི་བསྔགས་པ་བརྗོད་དེ། དེ་ཡང་རྩོམ་པ་དེ་ལྟ་བུས་དུས་བྱས་ན་དགེ་སློང་དེ་ཡང་ཕས་ཕམ་པར་གྱུར་པ་ཡིན་གྱིས། གནས་པར་མི་བྱའོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་གསང་སྔགས་དང་སྨན་དག་གིས་མི་དུད་འགྲོའི་སྐྱེ་གནས་པར་བསྒྱུར་ཏེ། སྲོག་དང་ཕྲལ་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཤིག་དགེ་སློང་གིས་གསང་སྔགས་དང་སྨན་དག་གིས་བདག་ཉིད་དུད་འགྲོའི་སྐྱེ་གནས་པར་བསྒྱུར་ཏེ། མི་སྲོག་དང་ཕྲལ་ན་ཅིར་འགྱུར་ལགས། གལ་ཏེ་མི་གསད་པར་བྱར་མི་རུང་བར་དགེ་སློང་དུ་འདུ་ཤེས་ཡོད་ལ། དེ་ཡང་བྱེད་ན་མཐར་འགྱུར་རོ། །གལ་ཏེ་དགེ་སློང་དུ་འདུ་ཤེས་མེད་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་ཕ་དང་མ་སྲོག་དང་ཕྲལ་ཡང་མཐར་མི་འགྱུར་ལ། མཚམས་མ་མཆིས་པ་ཉིད་ཀྱི་ཁ་ན་མ་ཐོ་བས་ཀྱང་རེག་པར་མི་འགྱུར་བ་ལྟ་མཆིས་ལགས་སམ། ཡོད་དེ་གང་གི་ཕ་དང་མ་དུད་འགྲོའི་སྐྱེ་གནས་པར་གྱུར་པའོ། །བཙུན་པ་དགེ་སློང་གིས་ཕ་བཀུམ་ཡང་མཐར་མི་འགྱུར་ལ། མཚམས་མ་མཆིས་པ་ཉིད་ཀྱི་ཁ་ན་མ་ཐོ་བས་ཀྱང་རེག་པར་མི་འགྱུར་བ་ལྟ་མཆིས་ལགས་སམ། ཡོད་དེ་ཟག་པ་དང་བཅས་པའི་ལས་ཀྱི་སྲིད་པ་བསད་ནའོ། །ཉེ་བར་འཁོར་ཟག་པ་དང་བཅས་པའི་ལས་ཀྱི
12.8a
སྲིད་པ་ནི་མངོན་པར་སྒྲུབ་པའི་དོན་གྱིས་ཕ་ཞེས་བྱའོ། །བཙུན་པ་རེ་ཤིག་དགེ་སློང་གིས་མ་བཀུམ་ཡང་མཐར་མི་འགྱུར་ལ། མཚམས་མ་མཆིས་པ་ཉིད་ཀྱི་ཁ་ན་མ་ཐོ་བས་ཀྱང་རག་པར་མི་འགྱུར་བ་ལྟ་མཆིས་ལགས་སམ། ཡོད་དེ་གལ་ཏེ་སྲིད་པ་བསད་ནའོ། །ཉེ་བར་འཁོར་སྲིད་པ་ནི་སྐྱེད་པའི་དོན་གྱིས་མ་ཞེས་བྱའོ། །བཙུན་པ་རེ་ཤིག་དགེ་སློང་གིས་མ་དགུམ་པར་འཚལ་ལ་བུད་མེད་གཞན་ཞིག་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་བུད་མེད་གཞན་ཞིག་དགུམ་པར་འཚལ་ལ་མ་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་མ་དགུམ་པར་སྦྱོར་བ་བགྱིས་ལ། བུད་མེད་གཞན་ཞིག་སྲོག་དང་ཕྲལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་བུད་མེད་གཞན་ཞིག་དགུམ་པར་སྦྱོར་བ་བགྱིས་ལམ་སྲོག་དང་ཕྲལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་མིའི་བུད་མེད་ཀྱི་མངལ་ན་དུད་འགྲོའི་སྐྱེ་གནས་པར་སྐྱེས་པ་བཀུམ་ན་ཅིར་འགྱུར་ལགས། ལྟུང་བྱེད་དུ་འགྱུར་རོ། །བཙུན་པ་རེ་ཤིག་དུད་འགྲོའི་སྐྱེ་གནས་སུ་སྐྱེས་པ་མོའི་མངལ་དུ་མིའི་བུ་བཀུམ་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཤིག་མ་ནི་སྐྱེད་པ་ལགས་ལ། གཞན་གྱིས་གསོ་བར་བགྱིད་ལགས་ན། གང་ཞིག་སྲོག་དང་ཕྲལ་ན་མཐར་ཡང་འགྱུར་ལ། མཚམས་མ་མཆིས་པ་ཉིད་ཀྱི་ཁ་ན་མ་ཐོ་བས་ཀྱང་རེག་པར་འགྱུར་ལགས། གང་གིས་བསྐྱེད་པའོ། །བཙུན་པ་རེ་ཤིག་དགེ་སློང་གིས་མི་ལ་མི་ལགས་པར་འདུ་ཤེས་པས་བཀུམ་ན་ཅིར་འགྱུར་ལགས། མཐར་འགྱུར་རོ། །མི་ལ་མི་མ་ལགས་པར་འདུ་ཤེས་པས་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་མ་ལགས་པ་ལ་མིར་འདུ་ཤེས་པས་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་མ་ལགས་པ་ལ་མི་མ་ལགས་པར་འདུ་ཤེས་པས་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། ་་་་་་་་་་་་་།སྡོམ་ལ། ཡིད་གཉིས་དང་ནི་བདག་ཉིད་དང ། །དགྲ་བཅོམ་པ་ཡང་ཉིད་ལ་བཞིན། །རྐུན་པོ
12.8b
གཉིས་དང་འདུ་ཤེས་གཞན། །བདུན་ཚན་དང་ནི་ཁང་པའོ། །བཙུན་པ་རེ་ཤིག་དགེ་སློང་གིས་དེ་འདི་ཡིན་ནམ་དེ་འདི་མ་ཡིན་སྙམ་དུ་སོམ་ཉི་དང་ཐེ་ཚོམ་འཚལ་བཞིན་དུ་དེ་ཡང་སྲོག་དང་ཕྲལ་ན་ཅིར་འགྱུར་ལགས་མཐར་འགྱུར་རོ། །བཙུན་པ་རེ་ཤིག་དགེ་སློང་གིས་བདག་ཉིད་སྲོག་དང་ཕྲལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་ཕ་དང་མ་དགུམ་པར་སྦྱོར་བ་བགྱིས་པ་ལས་བདག་ཉིད་བཀུམ་ན་ཅིར་འགྱུར་ལགས། གལ་ཏེ་ཕ་མ་སྔར་དུས་བྱས་ན་མཐར་འགྱུར་ཏེ་མཚམས་མེད་པའི་ཁ་ན་མ་ཐོ་བས་ཀྱང་རེག་པར་འགྱུར་རོ། །འོན་ཏེ་དེ་སྔར་དུས་བྱས་ན་ཉེས་པ་སྦོམ་པོར་འགྱུར་རོ། །མཚམས་མེད་པའི་ཁ་ན་མ་ཐོ་བས་རེག་པར་མི་འགྱུར་རོ། །བཙུན་པ་རེ་ཤིག་དགེ་སློང་གིས་དགྲ་བཅོམ་པ་དགུམ་པར་འཚལ་ལ་སོ་སོའི་སྐྱེ་བོ་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་སོ་སོའི་སྐྱེ་བོ་དགུམ་པར་འཚལ་ལ་དགྲ་བཅོམ་པ་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་ཏེ། མཚམས་མེད་པའི་ཁ་ན་མ་ཐོ་བས་རེག་པར་མི་འགྱུར་རོ། །བཙུན་པ་རེ་ཤིག་དགེ་སློང་གིས་དགྲ་བཅོམ་པ་དགུམ་པར་སྦྱོར་བ་བགྱིས་ལ། སློབ་པ་སྲོག་དང་ཕྲལ་ན་ཅིར་འགྱུར་ལགས། མཐར་འགྱུར་ཏེ། མཚམས་མེད་པ་དང་ཉེ་བའི་ཁ་ན་མ་ཐོ་བས་ཀྱང་རེག་པར་འགྱུར་རོ། །བཙུན་པ་རེ་ཤིག་དགེ་སློང་གིས་སོ་སོའི་སྐྱེ་བོ་དགུམ་པར་སྦྱོར་བ་བགྱིས་ལ། དགྲ་བཅོམ་པ་ཞིག་སྲོག་དང་ཕྲལ་ན་ཅིར་འགྱུར་ལགས། མཐར་འགྱུར་ཏེ། མཚམས་མེད་པའི་ཁ་ན་མ་ཐོ་བས་ཀྱང་རེག་པར་འགྱུར། བཙུན་པ་རེ་ཤིག་རྐུན་པོ་ཞིག་དགུམ་པར་ཁྲིད་པ་ལས་བྲོས་ཏེ། དེ་གྲོང་མི་འམ། རྒྱལ་པོའི་མི་དག་གིས་རྗེས་བཞིན་དུ་བསྙེགས་པར་གྱུར་ལ། ཤུལ་གྱི་མདུན་རོལ་ནས་དགེ་སློང་ཞིག་མཆི་བ་དེ་ལ་དེ་དག་གིས་ཁྱོད་ཀྱིས་རྐུན་པོ་ཞིག་བྲོས་པ་མཐོང་ངམ་ཞེས་དྲིས་པ་དང ། དགེ་སློང་དེ་ལ་ཡང་རྐུན་པོ་དགུམ་པའི་སེམས་ཉེ་བར་གནས་པར་གྱུར་ནས་དེ་ཡང་དེ་དག་ལ་བསྟན་ཏེ་སྲོག་དང་ཕྲལ་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཤིག་རྐུན་པོ་ཞིག་དགུམ་པར་ཁྲིད་པ་ལས་བྲོས་ཏེ། དེ་གྲོང་མི་འམ་རྒྱལ་པོའི་མི་དག་གིས་རྗེས་བཞིན་དུ་བསྙེགས་པར་གྱུར་ལ། ཤུལ་གྱི་མདུན་རོལ་ནས་དགེ་སློང་ཞིག་མཆི་བ་དེ་ལ་དེ་དག་གིས་ཁྱོད་ཀྱིས་རྐུན་པོ་ཞིག་བྲོས་པ་མཐོང་ངམ་ཞེས་དྲིས་པ་དང ། དགེ་སློང་དེ་ལ་ཡང་རྐུན་པོ་དགུམ་པའི་སེམས་ཉེ་བར་གནས་པར་མ་གྱུར་པར་དེ་དེ་དག་ལ་བསྟན་ཏེ་དེ་སྲོག་དང་ཕྲལ་ན་ཅིར
12.9a
འགྱུར་ལགས། ཉེས་བྱས་སོ། །བཙུན་པ་རེ་ཤིག་མི་གཉིས་ལས་གཞན་དགུམ་པར་བགྱིས་པ་ལས་གཞན་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་བསྙེན་པར་རྫོགས་པར་དགུམ་པར་སྦྱོར་བ་བགྱིས་ལ། བསྙེན་པར་མ་རྫོགས་པར་བཀུམ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་དགུམ་པར་སྦྱོར་བ་བགྱིས་ལ། བསྙེན་པར་རྫོགས་ཀར་བཀུམ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་དགུམ་པར་སྦྱོར་བ་བགྱིས་ལ། བསྙེན་པར་རྫོགས་ཏེ་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ཀར་དགུམ་པར་སྦྱོར་བ་བགྱིས་ལ། བསྙེན་པར་རྫོགས་ཀར་བཀུམ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་དགུམ་པར་སྦྱོར་བ་བགྱིས་ལ། བསྙེན་པར་རྫོགས་ཏེ་བཀུམ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ཏེ་དགུམ་པར་སྦྱོར་བ་བགྱིས་ལ། བསྙེན་པར་རྫོགས་ཏེ་བཀུམ་ན་ཅིར་འགྱུར་ལགས། མཐར་འགྱུར་རོ། །བསྙེན་པར་རྫོགས་ཏེ་དགུམ་པར་སྦྱོར་བ་བགྱིས་ལ། བསྙེན་པར་མ་རྫོགས་པར་བཀུམ་ན་ཅིར་འགྱུར་ལགས། ཉེས་བྱས་སོ། །བཙུན་པ་དགེ་སློང་གཅིག་པུ་ཁང་པའི་ནང་དུ་ཞུགས་པ་ལ་སྲོག་དང་ཕྲལ་བའི་རྐྱེན་གྱིས་མཐར་འགྱུར་བ་ལྟ་མཆིས་ལགས་སམ། ཡོད་དེ་ཉེ་བར་འཁོར་འདི་ལྟར་དགེ་སློང་གིས་བསད་པར་སྦྱོར་བ་བྱས་ལ་ཁང་པའི་ནང་དུ་ཞུགས་སམ། ཁང་པའི་ནང་དུ་ཞུགས་ནས་གསད་པར་སྦྱོར་བ་བྱེད་ནའོ། །བཙུན་པ་དགེ་སློང་གིས་མི་ལགས་པར་འདུ་ཤེས་ཏེ་བཀུམ་སེམས་ཀྱིས་སྲོག་དང་ཕྲལ་ཡང་མཐར་མི་འགྱུར་བ་ལྟ་མཆིས་ལགས་སམ། ཡོད་དེ་སྔར་ལྟུང་བ་བྱུང་བ་དང ། རྐུ་ཐབས་སུ་གནས་པ་དང ། དང་པོ་མི་མཐུན་པ་དང ། མ་ནིང་དང ། དགེ་སློང་མ་སུན་ཕྱུང་བ་ལ་ནི་ཉེས་བྱས་སུ་འགྱུར་རོ། །ཇི་ལྟར་དགེ་སློང་ལ་སྲོག་དང་ཕྲལ་བའི་རྐྱེན་གྱིས་མཐར་འགྱུར་བ་དེ་བཞིན་དུ་བསླབ་པ་བྱིན་པ་དང ། དགེ་སློང་མ་ལ་ཡང
12.9b
མཐར་འགྱུར་རོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་ནི་ཉེས་བྱས་སོ། ་་་་་་་་་་་་་ ། སྡོམ་ལ། སངས་རྒྱས་སྟོན་པ་རྣམ་པར་གཟིགས། མི་སློབ་སློབ་དང་ཅི་ཡང་དང ། །ཉམས་དང་གྲོལ་དང་འཇིགས་པ་དང ། །སྐྱེ་དང་ཐོབ་དང་འདྲ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་མངོན་པར་མི་ཤེས་ཤིང་ཡོངས་སུ་མི་ཤེས་པར་མིའི་ཆོས་བླ་མ་མཐའ་དང ། འཕགས་པ་དང ། ཁྱད་པར་ཐོབ་པ་དང ། ཤེས་པ་དང ། མཐོང་བ་དང ། རེག་པར་གནས་པ་མེད་ཅིང་མི་བདོག་བཞིན་དུ་འདི་ཤེས་སོ། །འདི་མཐོང་ངོ་ཞེས་དེ་ལྟ་བུར་ཁས་འཆེས་པ་ལས་དེ་ལྟུང་བ་བྱུང་བ་རྣམ་པར་དག་པར་འདོད་ནས། དུས་གཞན་ཞིག་ན་དྲིས་ཀྱང་རུང་མ་དྲིས་ཀྱང་རུང་འདི་སྐད་ཅེས་ཚེ་དང་ལྡན་པ་དག་བདག་གིས་ནི་མི་ཤེས་པར་ཤེས་སོ་ཞེས་སྨྲས། མ་མཐོང་བར་མཐོང་ངོ་ཞེས་སྨྲས་ཏེ། གསོབ་གསོག་བརྫུན་དུ་སྨྲས་སོ་ཞེས་ཟེར་ན་མངོན་པའི་ང་རྒྱལ་མ་གཏོགས་ཏེ། དགེ་སློང་དེ་ཡང་ཕས་ཕམ་པར་གྱུར་པ་ཡིན་གྱིས་གནས་པར་མི་བྱའོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་འདི་སྐད་ཅེས་བདག་ནི་སངས་རྒྱས་ཡིན་ནོ་ཞེས་མཆི་ན་ཅིར་འགྱུར་ལགས། གལ་ཏེ་སྡིག་པ་མི་དགེ་བའི་ཆོས་རྣམས་ཁོང་དུ་ཆུད་པ་ཉིད་དམ། བརྡ་སྤྲོད་པ་ཉིད་ལ་བསམས་ནས་ལུང་སྟོན་ན་ཉེས་པ་སྦོམ་པོར་འགྱུར་རོ། །འོན་ཏེ་མེད་པ་སངས་རྒྱས་བྱེད་པའི་ཆོས་རྣམས་སུ་ལུང་སྟོན་ན་མཐར་འགྱུར་རོ། །བཙུན་པ་རེ་ཤིག་དགེ་སློང་འདི་སྐད་ཅེས་བདག་ནི་སྟོན་པ་ཡིན་ནོ་ཞེས་མཆི་ན་ཅིར་འགྱུར་ལགས། གལ་ཏེ་འདི་སྙམ་དུ་གདམས་ངག་སྟོན་པ་དང ། རྗེས་སུ་སྟོན་པ་དང ། ཆོས་སྟོན་པའོ་སྙམ་དུ་བསམ་ནས་སྨྲས་ན་ཉེས་པ་སྦོམ་པོར་འགྱུར་རོ། །འོན་ཏེ་སྟོན་པའི་ཆོས་རྣམས་སུ་ལུང་སྟོན་ན་མཐར་འགྱུར་རོ། །བཙུན་པ་རེ་ཤིག་དགེ་སློང་འདི་སྐད་ཅེས་བདག་ནི་བཅོམ་ལྡན་འདས་རྣམ་པར་གཟིགས་དང ། གཙུག་ཏོར་ཅན་དང ། འཁོར་བ་འཇིག་དང ། ཐམས་ཅད་སྐྱོབ་དང ། གསེར་ཐུབ་དང ། འོད་སྲུང་གི་ཉན་ཐོས
12.10a
སོ་ཞེས་མཆི་ན་ཅིར་འགྱུར་ལགས། གལ་ཏེ་སྔོན་གྱི་གནས་སུ་ལུང་སྟོན་ན་མཐར་འགྱུར་རོ། །འོན་ཏེ་དེས་འདི་སྙམ་དུ་དེ་ནས་བཟུང་སྟེ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་སྐྱབས་སུ་སོང་ངོ ། །དེ་ནས་བཟུང་སྟེ་ཡང་དག་པར་རྫོགས་པའི་སངས་རྒྱས་ཐམས་ཅད་ལ་སྐྱབས་སུ་སོང་ངོ་སྙམ་དུ་བསམ་ནས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་འདི་སྐད་ཅེས་བདག་ནི་མི་སློབ་པའོ་ཞེས་མཆི་ན་ཅིར་འགྱུར་ལགས། གལ་ཏེ་ཉོན་མོངས་པ་སྤངས་པར་ལུང་སྟོན་ན་མཐར་འགྱུར་རོ། །འོན་ཏེ་དེས་འདི་སྙམ་དུ་བདག་ནི་བཟོ་ཅི་ཡང་མི་སློབ་བོ་སྙམ་དུ་བསམ་ནས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་འདི་སྐད་ཅེས། བདག་ནི་སློབ་པའོ་ཞེས་མཆི་ན་ཅིར་འགྱུར་ལགས། གལ་ཏེ་སློབ་པར་སྤྱོད་པར་ལུང་སྟོན་ན་མཐར་འགྱུར་རོ། །འོན་ཏེ་དེས་འདི་སྙམ་དུ་སྤྱོད་པ་ལ་སློབ་བོ་སྙམ་དུ་བསམས་ནས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་འདི་སྐད་ཅེས་བདག་ལ་ནི་ཅི་ཡང་མེད་དོ་ཞེས་མཆིས་ན་ཅིར་འགྱུར་ལགས། གལ་ཏེ་ཅི་ཡང་སྤངས་སོ་ཞེས་ལུང་སྟོན་ན་མཐར་འགྱུར་རོ། །འོན་ཏེ་དེས་འདི་སྙམ་དུ་བདག་ལ་ནི་ལྷུང་བཟེད་དང ། ཆོས་གོས་དང ། དགེ་སྦྱོང་གི་འཚོ་བའི་ཡོ་བྱད་གང་ཡང་རུང་བ་ཞིག་མེད་དོ་སྙམ་དུ་བསམ་ནས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་འདི་སྐད་ཅེས་བདག་ཉིད་ནི་ཉམས་པའོ་ཞེས་མཆི་ན་ཅིར་འགྱུར་ལགས། གལ་ཏེ་འདི་སྙམ་དུ་བདག་ནི་དགེ་སྦྱོང་གི་ཚུལ་གྱི་འབྲས་བུ་དག་ལས་སོ་ཞེས་ཟེར་ན་མཐར་འགྱུར་རོ། །འོན་ཏེ་ལུང་ལས་ཉམས་པ་ལས་བསམ་སྟེ་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་འདི་སྐད་ཅེས་བདག་ནི་གྲོལ་བའོ་ཞེས་མཆི་ན་ཅིར་འགྱུར་ལགས། གལ་ཏེ་འདི་སྐད་ཅེས་བདག་ནི་ཀུན་ཏུ་སྦྱོར་བ་དང ། འཆིང་བ་དང ། བག་ལ་ཉལ་བ་དང ། ཉེ་བའི་ཉོན་མོངས་པ་དང ། ཀུན་ནས་དཀྲིས་པ་རྣམས་ལས་གྲོལ་ལོ་ཞེས་ཟེར་ན་མཐར
12.10b
འགྱུར་རོ། །འོན་ཏེ་འདི་སྙམ་དུ་ཀུན་དུ་སྦྱོར་བ་དང ། འཆིང་བ་དང ། བག་ལ་ཉལ་དང ། ཉེ་བའི་ཉོན་མོངས་པ་དང ། ཀུན་ནས་དཀྲིས་པ་གང་དག་ཟད་པ་དང ། འགག་པ་དང ། བྲལ་བ་དང ། རྣམ་པར་གྱུར་པ་དེ་དག་ལས་བདག་གྲོལ་ལོ་སྙམ་དུ་བསམ་ནས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་འདི་སྐད་ཅེས་བདག་ལ་འཇིགས་པ་མེད་དོ་ཞེས་མཆི་ན་ཅིར་འགྱུར་ལགས། གལ་ཏེ་འཇིགས་པ་སྤངས་པར་ལུང་སྟོན་ན་མཐར་འགྱུར་རོ། འོན་ཏེ་འཇིག་རྟེན་པ་ལས་བསམས་ནས་བདག་ནི་ཅི་ལ་ཡང་མི་འཇིགས་སོ་ཞེས་ཟེར་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་འདི་སྐད་ཅེས་འདི་ནི་བདག་གི་སྐྱེ་བའི་ཐ་མ་ཡིན་ནོ་ཞེས་མཆི་ན་ཅིར་འགྱུར་ལགས། གལ་ཏེ་ཟད་པར་འདུ་ཤེས་པར་ལུང་སྟོན་ན་མཐར་འགྱུར་རོ། འོན་ཏེ་གང་གི་སྐྱེ་བའི་ཐ་མ་འདི་ཡིན་པའི་སྐྱེ་བ་དེ་ནི་ཟད་པ། འགག་པ། བྲལ་བ་རྣམ་པར་གྱུར་པ་ཡིན་ནོ་སྙམ་དུ་བསམས་ནས་སྨྲས་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་འདི་སྐད་ཅེས། བདག་གིས་ཐོབ་བོ་ཞེས་མཆིས་ན་ཅིར་འགྱུར་ལགས། གལ་ཏེ་འདི་སྐད་ཅེས་དགེ་སྦྱོང་གི་ཚུལ་གྱི་འབྲས་བུ་དག་གོ་ཞེས་ཟེར་ན་མཐར་འགྱུར་རོ། །འོན་ཏེ་འཇིག་རྟེན་པའི་དངོས་པོ་ཡིན་པར་ལུང་སྟོན་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་འདི་སྐད་ཅེས་ཀྱེ་མ་ཁྱོད་ཁོ་བོ་ཅི་འདྲ་བ་དེ་འདྲ་བར་གྱུར་ཀྱང་ཅི་མ་རུང ། དེ་ལྟར་ན་ཡུ་བུ་རྒྱུན་དུ་ཞུགས་པ་དང ། ལན་ཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པར་གྱུར་ན། ཁོ་བོ་ནི་རྒྱུན་དུ་ཞུགས་པ་དང ། ལན་ཅིག་ཕྱིར་འོང་བ་དང ། ཕྱིར་མི་འོང་བ་དང ། དགྲ་བཅོམ་པ་ཡང་མ་ཡིན་ནོ་ཞེས་མཆི་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། ་་་་་་་་་་་་།སྡོམ་ལ། མ་སྨིན་ཐོབ་དང་བདག་འདྲི་དང ། །སྤངས་པ་དང་ནི་འབྲས་བུ་གཉིས། །འདུ་ཤེས་བཞི་དང་ཐོབ་བྱ་དང ། །འཇིག་རྟེན་པའི་ཚུལ་ཐ་མའོ། །བཙུན་པ་རེ་ཤིག་དགེ་སློང་ཞིག་ལ་ཚེ་དང་ལྡན་པ་ཅི་ཟག་པ་ཟད་པ་ཡིན་ནམ་ཞེས་དྲིས་ལ། དེས་ཀྱང་ཤིང་ཐོག་མ་སྨིན་པ་དག་བཅངས་པར་གྱུར་ཏེ། དེས་འདི་སྐད་ཅེས་ཡིན་ནོ། །
12.11a
ཞེས་བགྱི་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་འདི་སྐད་ཅེས་བདག་ནི་རྒྱུན་དུ་ཞུགས་པའི་འབྲས་བུ་དང ། ལན་ཅིག་ཕྱིར་འོང་བའི་འབྲས་བུ་དང ། ཕྱིར་མི་འོང་བའི་འབྲས་བུ་དང ། མཆོག་གི་འབྲས་བུ་ཐོབ་བོ་ཞེས་མཆི་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཤིག་དགེ་སློང་བདག་ཉིད་ཀྱིས་དྲིས་ལ། འདི་སྐད་ཅེས་ང་དགྲ་བཅོམ་པ་ཡིན་ནོ་ཞེས་ཟེར་བ་འདི་དྲིས་ཤེས་མཆི་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་ལ་ཁྱིམ་བདག་ཅིག་གིས་ཁྱོད་ཀྱིས་འབྲས་བུ་ཐོབ་བམ་ཞེས་དྲིས་པ་དང ། དེས་ཀྱང་ལོ་མ་དང ། མེ་ཏོག་དང ། འབྲས་བུ་མ་སྨིན་པ་དག་བཅངས་པར་གྱུར་ཏེ། དེས་འདི་སྐད་ཅེས་ཡིན་ཞེས་བགྱི་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་འདི་སྐད་ཅེས་བདག་ནི་ཡོངས་སུ་ཉམས་པའོ་ཞེས་མཆི་ན་ཅིར་འགྱུར་ལགས། གལ་ཏེ་ཐོབ་པ་ལས་ཡོངས་སུ་ཉམས་པར་ལུང་སྟོན་ན་མཐར་འགྱུར་རོ། །འོན་ཏེ་མ་ཐོབ་པ་ལས་ཡོངས་སུ་ཉམས་པར་ལུང་སྟོན་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་རྒྱུན་དུ་ཞུགས་པའི་འབྲས་བུར་བསྟན་ཏོ་སྙམ་པ་ལས་ལན་ཅིག་ཕྱིར་འོང་བའི་འབྲས་བུར་ལུང་སྟོན་པར་བགྱིད། ལན་ཅིག་ཕྱིར་འོང་བའི་འབྲས་བུར་ལུང་བསྟན་ཏོ་སྙམ་པ་ལས་ཕྱིར་མི་འོང་བའི་འབྲས་བུར་ལུང་སྟོན་པར་བགྱིད། ཕྱིར་མི་འོང་བའི་འབྲས་བུར་ལུང་བསྟན་ཏོ་སྙམ་པ་ལས་དགྲ་བཅོམ་པའི་འབྲས་བུར་ལུང་སྟོན་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་ལ་འདི་སྐད་ཅེས་རྒྱུ་རི་ཞེས་བྱ་བ་ལ་རྒྱུན་དུ་ཞུགས་པའི་འབྲས་བུའོ། །བྱ་སྐྱིབས་ཀྱི་ངོས་ལ་ལན་ཅིག་ཕྱིར་འོང་བའི་འབྲས་བུའོ། །བྱ་རྒོད་ཀྱི་ཕུང་པོ་ལ་ཕྱིར་མི་འོང་བའི་འབྲས་བུའོ། །འོད་མའི་ཚལ་དུ་མཆོག་གི་འབྲས་བུ་དགྲ་བཅོམ་པའོ་ཞེས་མཆི་ན་ཅིར་འགྱུར་ལགས། གལ་ཏེ་འདི་སྙམ་དུ་དེར་བདག་ལ་བསྟན་པ་བཏོན། ཁ་ཏོན་བྱས་ཏེ། བདག་གིས་སྙོམས་ལས་མ་བྱས་སོ་སྙམ་དུ་བསམས་ནས
12.11b
སྨྲས་ན་ཉེས་པ་སྦོམ་པོར་འགྱུར་རོ། །འོན་ཏེ་དགེ་སྦྱོང་གི་འབྲས་བུ་རྣམས་སུ་ལུང་སྟོན་ན་མཐར་འགྱུར་རོ། །བཙུན་པ་རེ་ཤིག་དགེ་སློང་གིས་མི་མ་ལགས་པ་ལ་མི་མ་ལགས་པར་འདུ་ཤེས་ཏེ་མིའི་ཆོས་བླ་མར་གྱུར་པར་ལུང་སྟོན་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་མ་ལགས་པ་ལ་མིར་འདུ་ཤེས་ཏེ་མིའི་ཆོས་བླ་མར་གྱུར་པར་ལུང་སྟོན་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་ལ་མི་མ་ལགས་པར་འདུ་ཤེས་ཏེ་མིའི་ཆོས་བླ་མར་གྱུར་པར་ལུང་སྟོན་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་ལ་མིར་འདུ་ཤེས་ཏེ་མིའི་ཆོས་བླ་མར་གྱུར་པ་ལུང་སྟོན་ན་ཅིར་འགྱུར་ལགས། མཐར་འགྱུར་རོ། །བཙུན་པ་རེ་ཤིག་དགེ་སློང་འདི་སྐད་ཅེས་ཉན་ཐོས་ཀྱིས་ཐོབ་པར་བྱ་བ་གང་ཡིན་པ་དེ་བདག་གིས་ཐོབ་བོ་ཞེས་མཆི་ན་ཅིར་འགྱུར་ལགས། གལ་ཏེ་བྱང་ཆུབ་པར་བྱ་བ་ལས་བསམས་ཏེ་སྨྲས་ན་ཉེས་པ་སྦོམ་པོར་འགྱུར་རོ། །འོན་ཏེ་ཉན་ཐོས་ཀྱི་ཆོས་རྣམས་སུ་ལུང་སྟོན་ན་མཐར་འགྱུར་རོ། །བཙུན་པ་རེ་ཤིག་དགེ་སློང་འདི་སྐད་ཅེས་བདག་དེ་རིང་འཇིག་རྟེན་གྱི་བསམ་གཏན་ལ་སྙོམས་པར་ཞུགས་ཏེ། རྒོངས་ཀར་ཡང་མ་ཞུགས། དེ་ཕན་ཆད་ཀྱང་མ་ཞུགས་སོ་ཞེས་མཆི་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་འདི་སྐད་ཅེས་ཚུར་འབྲས་བུ་དག་ལུང་བསྟན་ཏོ་ཞེས་མཆི་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། ་་་་་་་་་་་་།སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བས་ཉེན་འོན་གླེན་པའོ། །བཙུན་པ་རེ་ཤིག་དགེ་སློང་གིས་ཕོ་ཉ་ལས་མིའི་ཆོས་བླ་མར་གྱུར་པ་བརྗོད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དེ་བཞིན་དུ་ཡི་གེ་དང་གཞན་ལ་སྙད་འདོགས་པ་དང ། བརྒྱུད་པ་དེ་མིའི་ཆོས་བླ་མར་གྱུར་པ་བརྗོད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་སྨྱོན་པའི་དྲུང་དུ་མིའི་ཆོས་བླ་མར་གྱུར་པ་བརྗོད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དེ་བཞིན་དུ་སེམས་འཁྲུགས་པ་དང ། ཚོར་བས་ཉེན་པ་དང ། འོན་པ་དང །
12.12a
གླེན་པ་ལ་མིའི་ཆོས་བླ་མར་གྱུར་པ་བརྗོད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། ་་་་་་་་་་་་།སྡོམས་ལ། གཉིད་ལོག་ར་རོ་རབ་མྱོས་དང ། །སྙོམས་ཞུགས་འགྲོ་བ་མ་ཡིན་ཉིད། །སྐད་དང་ལུས་དང་དབེན་སྔགས་དང ། །གཞན་ལས་གཞན་གྱི་ཐ་མའོ། །བཙུན་པ་རེ་ཤིག་དགེ་སློང་གིས་གཉིད་ཀྱིས་ལོག་པའི་དྲུང་དུ་མིའི་ཆོས་བླ་མར་གྱུར་པ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དེ་བཞིན་དུ་ར་རོ་བ་དང ། རབ་ཏུ་མྱོས་པ་དང ། སྙོམས་པར་ཞུགས་པ་དང ། འགྲོ་བ་གཞན་དུ་གནས་པའི་དྲུང་དུ་མིའི་ཆོས་བླ་མར་གྱུར་པ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དབུས་ཀྱི་དགེ་སློང་གིས་མཐའ་འཁོབ་པའི་སྐད་དུ་དབུས་པའི་དྲུང་དུ་མིའི་ཆོས་བླ་མར་གྱུར་པ་སྨྲས་ལ། ཡུལ་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མཐའ་འཁོབ་པས་དབུས་པའི་སྐད་དུ་མཐའ་འཁོབ་པའི་དྲུང་དུ་མིའི་ཆོས་བླ་མར་གྱུར་པ་སྨྲས་ལ། མཐའ་འཁོབ་པས་ཀྱང་ཡུལ་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མཐའ་འཁོབ་པས་མཐའ་འཁོབ་པའི་སྐད་དུ་དབུས་པའི་དྲུང་དུ་མིའི་ཆོས་བླ་མར་གྱུར་པ་སྨྲས་ལ། ཡུལ་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དབུས་པས་དབུས་པའི་སྐད་དུ་མཐའ་འཁོབ་པའི་དྲུང་དུ་མིའི་ཆོས་བླ་མར་གྱུར་པ་སྨྲས་ལ་མཐའ་འཁོབ་བས་ཀྱང་ཡུལ་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་ལུས་ཀྱི་རྣམ་པར་རིག་བྱེད་ཀྱིས་མིའི་ཆོས་བླ་མར་གྱུར་པ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་དབེན་པར་དབེན་པའི་འདུ་ཤེས་ཀྱིས་མིའི་ཆོས་བླ་མར་གྱུར་པ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དབེན་པར་མི་དབེན་པའི་འདུ་ཤེས་ཀྱིས་མིའི་ཆོས་བླ་མར་གྱུར་པ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་དབེན་པར་དབེན་པའི་འདུ་ཤེས་ཀྱིས་མིའི་ཆོས་བླ
12.12b
མར་གྱུར་པ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་དབེན་པར་མི་དབེན་པའི་འདུ་ཤེས་ཀྱིས་མིའི་ཆོས་བླ་མར་གྱུར་པ་སྨྲས་ན་མཐར་འགྱུར་རོ། །བཙུན་པ་རེ་ཤིག་དགེ་སློང་གིས་གསང་སྔགས་སམ་སྨན་དག་གིས་བདག་ཉིད་མི་གདའ་བར་བགྱིས་ནས་མིའི་ཆོས་བླ་མར་གྱུར་པ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་གཞན་ལས་མིའི་ཆོས་བླ་མར་གྱུར་པ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གི་གཞན་དག་གི་སླད་དུ་མིའི་ཆོས་བླ་མར་གྱུར་པ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་མིའི་ཆོས་བླ་མར་གྱུར་པ་སྨྲས་ཀྱང་མཐར་མི་འགྱུར་བ་ལྟ་མཆིས་ལགས་སམ། ཡོད་དེ་སྔར་ལྟུང་བ་བྱུང་བ་དང ། རྐུ་ཐབས་སུ་གནས་པ་དང ། དང་པོ་མི་མཐུན་པ་ཅན་དང ། མ་ནིང་དང ། དགེ་སློབ་མ་དང་དགེ་སློང་མ་སུན་ཕྱུང་བ་ལ་ནི་ཉེས་བྱས་སུ་འགྱུར་རོ། །ཇི་ལྟར་དགེ་སློང་གིས་བརྫུན་དུ་སྨྲས་པའི་རྐྱེན་གྱིས་མཐར་འགྱུར་བ་དེ་བཞིན་དུ་བསླབ་པ་བྱིན་པ་དང ། དགེ་སློང་མ་ལ་ཡང་མཐར་འགྱུར་རོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་ནི་ཉེས་བྱས་སོ། །ཉེ་བར་འཁོར་གྱིས་ཞུས་པ། ཁ་ཆེ་བ་ལས་ཕམ་པ་སྦྱར་བ་རྫོགས་སོ།། ་་་་་་་་་་་་་་།། སྡོམས་ལ། མ་ལོག་སྦུབས་དང་དེ་བཞིན་གཡོས། །རྩོལ་བ་མེད་པ་དག་དང་མཚན། །གཞན་གྱི་དག་དང་བཅས་པ་འདིར། །ཚོགས་སུ་ཡང་དག་བཤད་པ་ཡིན། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཆེད་དུ་བསམ་ནས་ཁུ་བ་ཕྱུང་ན་རྨི་ལམ་གྱི་མ་གཏོགས་ཏེ། དགེ་འདུན་ལྷག་མ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་གཉིད་མ་ལོག་པའི་གནས་སྐབས་སུ་བརྩམས་ཏེ་གཉིད་ལོག་ནས་ཁུ་བ་ཕྱུང་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་གཉིད་ལོག་པའི་ཚེ་བརྩམས་ཏེ་སད་ནས་ཁུ་བ་ཕྱུང་ན་ཅིར་འགྱུར་ལགས། གལ་ཏེ
12.13a
་ རྩོལ་ན་ཉེས་པ་སྦོམ་པོར་འགྱུར་རོ། །འོན་ཏེ་མི་རྩོལ་ན་ལྟུང་བ་མེད་དོ། །བཙུན་པ་རེ་ཤིག་བཅོམ་ལྡན་འདས་ཀྱིས་ཁུ་བ་སྦུབས་སུ་ཕྱིན་པ་ཕྱུང་ན་ཉེས་པ་སྦོམ་པོར་འགྱུར་རོ་ཞེས་གསུངས་པ་གང་ལགས་པ། ཇི་ཙམ་གྱིས་ན་སྦུབས་སུ་ཕྱིན་པ་ལགས། གནས་ནས་འཕགས་མ་ཐག་ཏུ་སྦུབས་སུ་ཕྱིན་པར་འགྱུར་རོ། །བཙུན་པ་བཅོམ་ལྡན་འདས་ཀྱིས་བསྐྱོད་དེ་བཏང་བ་ལས་ཁུ་བ་ཕྱུང་ན་ཉེས་པ་སྦོམ་པོར་འགྱུར་རོ་ཞེས་གསུངས་པ་གང་ལགས་པ། ཇི་ཙམ་གྱིས་བསྐྱོད་དེ་བཏང་བ་ལགས། མཇུག་ཐོགས་སུ་གནས་ནས་འཕགས་པ་ལས་བཏང་བ་ཡིན་ནོ། །བཙུན་པ་མ་རྩལ་བར་ཁུ་བ་ཕྱུང་ན་ཅིར་འགྱུར་ལགས། གལ་ཏེ་བདག་གིར་མི་བྱེད་ན་ལྟུང་བ་མེད་དོ། །འོན་ཏེ་བདག་གིར་བྱེད་ན་ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་ཁུ་བ་འབྱིན་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མ་ཁུ་བ་འབྱིན་པ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཤིག་དགེ་སློང་གིས་གཞན་གྱི་ཟག་བྱེད་ནས་ཁུ་བ་འབྱིན་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་ཆེད་དུ་བསམ་སྟེ་ཁུ་བ་ཕྱུང་ན་དགེ་འདུན་ལྷག་མར་མི་འགྱུར་བ་ལྟ་མཆིས་ལགས་སམ་ཡོད་དེ་སྔར་ལྟུང་བ་བྱུང་བ་དང ། རྐུ་ཐབས་སུ་གནས་པ་དང ། དང་པོ་མི་མཐུན་པ་ཅན་དང ། མ་ནིང་དང ། དགེ་སློང་མ་སུན་ཕྱུང་བ་ལ་ནི་ཉེས་བྱས་སུ་འགྱུར་རོ། །ཇི་ལྟར་དགེ་སློང་ཁུ་བ་འབྱིན་པ་དགེ་འདུན་ལྷག་མར་འགྱུར་བ་དེ་བཞིན་དུ་བསླབ་པ་བྱིན་པ་ལ་ཡང་དགེ་འདུན་ལྷག་མར་འགྱུར་རོ། །དགེ་སློང་མ་ལ་ནི་གཞི་ཇི་ལྟ་བ་བཞིན་ནོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་ནི་ཉེས་བྱས་སོ།། ་།། སྡོམ་ལ། ལུས་དང་ཡིད་གཉིས་སོ་དང་ནི། །རྨ་སྤུ་དེ་བཞིན་སེན་མོ་དང ། །བཞི་པ་གཉིས་སུ་བྱས་ན་ནི། །ཚོམས་སུ་ཡང་དག་བཤད་པ་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དྲལ་ཅིང་གྱུར་པའི་སེམས་ཀྱིས་བུད་མེད་ཀྱི་ཡུལ་དང་ལྷན་ཅིག་ལུས་ཀྱིས་རེག་པར་བྱེད་ཅིང་ལག་པ་ནས་བཟུང་ངམ། དཔུང་པ་ནས་བཟུང་ངམ། ལན་བུ་ནས་བཟུང་ངམ། ཡན་ལག་དང་ཉིང་ལག་གང་ཡང་རུང་བ་ལ་ནོམ་པ
12.13b
དང་ཉུག་པ་བདག་གིར་བྱེད་ན་དགེ་འདུན་ལྷག་མའོ་ཞེས་གསུངས་པ་གང་ལགས་པ་བཙུན་པ་རེ་ཤིག་བུད་མེད་ཀྱི་ལུས་ཀྱི་དབང་པོ་ཉམས་པར་གྱུར་ལ། དགེ་སློང་གིས་དེ་དང་ལྷན་ཅིག་ལུས་ཀྱིས་རེག་པར་གྱུར་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་ལུས་ཀྱི་དབང་པོ་ཉམས་པར་གྱུར་པ་དེས་བུད་མེད་དང་ལྷན་ཅིག་ལུས་ཀྱིས་རེག་པར་བྱེད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དེ་གཉིས་ཀའི་ལུས་ཀྱི་དབང་པོ་ཉམས་པར་གྱུར་ལ་དེ་དག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་དེ་འདི་ཡིན་ནམ། དེ་འདི་མ་ཡིན་སྙམ་དུ་སོམ་ཉི་དང་ཐེ་ཚོམ་འཚལ་བཞིན་དུ་དེ་ཡང་དེ་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། དགེ་འདུན་གྱི་ལྷག་མར་འགྱུར་རོ། །བཙུན་པ་རེ་ཤིག་དགེ་སློང་འདི་བུད་མེད་ཡིན་ནམ། འོན་ཏེ་བུད་མེད་མ་ཡིན་སྙམ་དུ་སོམ་ཉི་དང་ཐེ་ཚོམ་འཚལ་བཞིན་དུ་དེ་ཡང་དེ་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས་དངོས་པོ་ཇི་ལྟ་བ་བཞིན་ནོ། །བཙུན་པ་རེ་ཤིག་སོས་རེག་པར་གྱུར་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་སོ་དག་ལ་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་རྨས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་རྨ་དག་ལ་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་སྤུས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་སྤུ་དག་ལ་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་སེན་མོས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་སེན་མོ་དག་ལ་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་མིའི་བུད་མེད་ལ་མིར་འདུ་ཤེས་པས་ལུས་ཀྱིས་རེག་པར་བགྱིད་ན། ཅིར་འགྱུར་ལགས། དགེ་འདུན་ལྷག་མར་འགྱུར་རོ། །མིའི་ལ་མི་མ
12.14a
ལགས་པར་འདུ་ཤེས་པས་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མིའི་མ་ལགས་པར་མིར་འདུ་ཤེས་པས་ལུས་ཀྱིས་རེག་པར་བགྱིད་ན་ཅིར་འགྱུར་ལགས་ཉེས་པ་སྦོམ་པོར་འགྱུར་རོ། །མིའི་མ་ལགས་པ་ལ་མིའི་ལགས་པར་འདུ་ཤེས་པས་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་བར་ཆད་དང་བཅས་པ་ལ་བར་ཆད་དང་བཅས་པར་འདུ་ཤེས་པས་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བར་ཆད་དང་བཅས་པ་ལ་བར་ཆད་མ་མཆིས་པར་འདུ་ཤེས་པས་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བར་ཆད་མ་མཆིས་པ་ལ་བར་ཆད་དང་བཅས་པར་འདུ་ཤེས་པས་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བར་ཆད་མ་མཆིས་པ་ལ་བར་ཆད་མ་མཆིས་པར་འདུ་ཤེས་པས་ལུས་ཀྱིས་རེག་པར་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། ་་་་་་་་་་་་།སྡོམ་ལ། འདུ་ཤེས་གཞན་རོ་རུས་པ་དང ། །མཚན་དང་སྐྱེས་པ་མཉེན་པ་དང ། །འཇམ་དྲོ་མ་ནིང་སྨྱོན་པ་དང ། །སྙོམས་ཞུགས་གཉིད་ལོག་འགྲོ་བ་མིན། བཙུན་པ་རེ་ཤིག་དགེ་སློང་བུད་མེད་གཞན་ཞིག་དང་ལྷན་ཅིག་ཆགས་པ་སྐྱེས་པ་ལས་གཞན་ཞིག་དང་ལྷན་ཅིག་ལུས་ཀྱིས་རེག་པར་བྱེད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་བུད་མེད་ཀྱི་རོ་དང་ལྷན་ཅིག་ཏུ་ལུས་ཀྱིས་རེག་པར་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཤིག་ཤ་མ་མཆིས་པ་རུས་པའི་རུས་གོང་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་བུད་མེད་དང་ལྷན་ཅིག་ལུས་ཀྱིས་རེག་པར་བགྱིད་པ་ལས་དེའི་མཚན་གྱུར་ཏེ། དགེ་སློང་མར་རེད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་མ་ཞིག་སྐྱེས་པ་དང་ལྷན་ཅིག་ཏུ་ལུས་ཀྱིས་རེག་པར་བགྱིད་པ་ལས་དེའི་མཚན་གྱུར་ཏེ། དགེ་སློང་དུ་རེད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །
12.14b
བཙུན་པ་རེ་ཤིག་དགེ་སློང་སྐྱེས་པ་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་གཉེན་ནམ་སྙམ་པའི་བསམ་པས་ལུས་ཀྱིས་རེག་པར་བགྱིད་ན་ཅིར་འགྱུར་ལགས་ཉེས་པ་སྦོམ་པོར་འགྱུར་རོ། །འཇམ་པའི་བསམ་པ་དང་དྲོ་བའི་བསམ་པས་ཀྱང་དེ་དང་འདྲའོ། །བཙུན་པ་རེ་ཤིག་དགེ་སློང་མ་ནིང་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མ་ནིང་མོ་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་སྨྱོན་པ་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དེ་བཞིན་དུ་སེམས་རྣམ་པར་འཁྲུགས་པ་དང ། ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་བུད་མེད་སྙོམས་པར་ཞུགས་པ་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཤིག་དགེ་སློང་བུད་མེད་གཉིད་ཀྱིས་ལོག་པ་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཤིག་དགེ་སློང་འགྲོ་བ་གཞན་པའི་བུད་མེད་དང་ལྷན་ཅིག་ལུས་ཀྱིས་རེག་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་ལུས་ཀྱིས་རེག་པར་བགྱིད་ཀྱང ། དགེ་འདུན་ལྷག་མར་མི་འགྱུར་བ་ལྟ་མཆིས་ལགས་སམ། ཡོད་དེ་སྔར་ལྟུང་བ་བྱུང་བ་དང ། རྐུ་ཐབས་སུ་གནས་པ་དང ། དང་པོ་མི་མཐུན་པ་ཅན་དང ། མ་ནིང་དང ། དགེ་སློང་མ་སུན་ཕྱུང་བ་ལ་ནི་ཉེས་བྱས་སོ། །ཇི་ལྟར་དགེ་སློང་གིས་ལུས་ཀྱིས་ཀུན་དུ་རེག་པར་བྱས་པ་ལས་དགེ་འདུན་ལྷག་མར་གྱུར་པ་དེ་བཞིན་དུ་བསླབ་པ་བྱིན་པ་ལ་ཡང་དགེ་འདུན་ལྷག་མར་འགྱུར་རོ། །དགེ་སློང་མ་སྐྱེས་པ་དང་ལྷན་ཅིག་ལུས་ཀྱིས་ཀུན་དུ་རེག་པར་བྱེད་པ་ལ་ནི་ཕམ་པར་འགྱུར་རོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་ནི་ཉེས་བྱས
12.15a
སུ་འགྱུར་རོ།། ་།། སྡོམ་ལ། སྐད་དང་ལུས་དང་དབེན་སྔགས་དང ། གཞན་ལས་གཞན་ཕྱིར་སྤྲུལ་པ་དང ། །ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །བགོ་བཤའ་མ་ནིང་སྐྱེས་པ་དང ། །མ་ནིང་མོ་མཛེས་སྡིག་ཅན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དྲལ་ཅིང་གྱུར་པའི་སེམས་ཀྱིས་བུད་མེད་ཀྱི་ཡུལ་ལ་གནས་ངན་ལེན་གྱི་ཚིག་སྡིག་པ་ཅན་ཚོགས་པར་མི་དབྱུང་བ་འཁྲིག་པ་དང་ལྡན་པ་འདི་ལྟར་སྐྱེས་བུས་ན་ཆུང་ལ་བྱ་བ་བཞིན་དུ་ཡང་སྨྲས་ན་དགེ་འདུན་ལྷག་མའོ་ཞེས་གསུངས་པ་གང་ལགས་པ། བཙུན་པ་རེ་ཤིག་དབུས་པའི་དགེ་སློང་ཞིག་གིས་དབུས་པའི་བུད་མེད་ལ་མཐའ་འཁོབ་པའི་སྐད་དུ་གནས་ངན་ལེན་གྱི་ཚིག་སྨྲས་ལ། དབུས་པའི་བུད་མེད་ཀྱིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མཐའ་འཁོབ་པ་ཞིག་མཐའ་འཁོབ་པའི་བུད་མེད་ལ་དབུས་པའི་སྐད་ཀྱིས་གནས་ངན་ལེན་གྱི་ཚིག་སྨྲས་ལ། མཐའ་འཁོབ་པའི་བུད་མེད་ཀྱིས་ཀྱང་ཡུལ་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མཐའ་འཁོབ་པ་ཞིག་གིས་དབུས་པའི་བུད་མེད་ལ་མཐའ་འཁོབ་པའི་སྐད་དུ་གནས་ངན་ལེན་གྱི་ཚིག་སྨྲས་ལ། དབུས་པའི་བུད་མེད་ཀྱིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དབུས་པ་ཞིག་གིས་མཐའ་འཁོབ་པའི་བུད་མེད་ལ་དབུས་པའི་སྐད་དུ་གནས་ངན་ལེན་གྱི་ཚིག་སྨྲས་ལ། མཐའ་འཁོབ་པའི་བུད་མེད་ཀྱིས་ཀྱང་ཡུལ་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་བུད་མེད་ལ་ལུས་ཀྱི་རྣམ་པར་རིག་བྱེད་ཀྱིས་གནས་ངན་ལེན་གྱི་ཚིག་སྟོན་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་དབེན་པ་ལ་དབེན་པར་འདུ་ཤེས་པས་བུད་མེད་ལ་གནས་ངན་ལེན་གྱི
12.15b
ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དབེན་པ་ལ་མི་དབེན་པར་འདུ་ཤེས་པས་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་དབེན་པ་ལ་དབེན་པར་འདུ་ཤེས་པས་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་དབེན་པ་ལ་མི་དབེན་པར་འདུ་ཤེས་པས་བུད་མེད་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཤིག་དགེ་སློང་གིས་སྨན་ནམ་གསང་སྔགས་ཀྱིས་བདག་ཉིད་མི་གདའ་བར་བགྱིས་ཏེ་བུད་མེད་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་གཞན་ཞིག་ལས་བུད་མེད་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་གཞན་དག་གི་སླད་དུ་བུད་མེད་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་བུད་མེད་སྤྲུལ་པ་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་ཕོ་ཉ་ལས་བུད་མེད་ཀྱི་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དེ་བཞིན་དུ་ཡི་གེ་དང་ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་དེ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་བུད་མེད་ལ་བགོ་བཤའ་གྱིས་ཤིག་ཅེས་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་མ་ནིང་ལ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །སྐྱེས་པ་ལ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མ་ནིང་མོ་ལ་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་བུད་མེད་ལ་འདི་སྐད་དུ་མཛེས་སོ་ཞེས་བགྱིས་ན་ཅིར་འགྱུར་ལགས། ཉེས་པ
12.16a
སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་བུད་མེད་ལ་འདི་སྐད་ཅེས་སྡིག་པ་ཅན་ནོ་ཞེས་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། ་་་་་་་་་་་་་།སྡོམ་ལ། སྨྱོན་པ་དང་ནི་སེམས་འཁྲུགས་སམ། །ཚོར་བ་འོན་པ་གླེན་པ་དང ། །གཉིད་ལོག་ར་རོ་རབ་མྱོས་དང ། །དགེ་སློང་མ་དང་སྙོམས་པར་ཞུགས། །བཙུན་པ་རེ་ཤིག་དགེ་སློང་གིས་བུད་མེད་སྨྱོན་པ་ཞིག་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དེ་བཞིན་དུ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། འོན་མ་དང ། གླེན་མ་དང ། གཉིད་ཀྱིས་ལོག་པ་དང ། ཕྱག་ལས་ཁོམ་པ་དང ། རབ་ཏུ་མྱོས་པ་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་བུད་མེད་ལ་གནས་ངན་ལེན་གྱི་ཚིག་སྨྲས་པ་ལས་དེའི་མཚན་གྱུར་ཏེ། དགེ་སློང་མར་རེད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་མ་ཞིག་སྐྱེས་པ་ལ་གནས་ངན་ལེན་གྱི་ཚིག་སྨྲ་བ་ལས་དེའི་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བུད་མེད་ཀྱི་ཡུལ་ལ་གནས་ངན་ལེན་གྱི་ཚིག་སྨྲས་ན་དགེ་འདུན་ལྷག་མར་འགྱུར་རོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་བུད་མེད་ཀྱི་ཡུལ་ལ་གནས་ངན་ལེན་གྱི་ཚིག་སྨྲས་ཀྱང་དགེ་འདུན་ལྷག་མར་མི་འགྱུར་བ་ལྟ་མཆིས་ལགས་སམ། ཡོད་དེ་གལ་ཏེ་གཞན་གྱི་ཕྱིར་སྨྲས་ན་ཅིར་འགྱུར་ཞེ་ན། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་བུད་མེད་སྙོམས་པར་ཞུགས་པ་ཞིག་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། ་་་་་་་་་་་་།སྡོམ་ལ། བཞི་པ་གཉིས་དང་འདུ་ཤེས་གཞན། །གནས་ངན་ལེན་ལ་གང་བསྒྲགས་པ། །བསྙེན་བཀུར་ལ་ཡང་དེ་བཞིན་དུ། །རྒྱས་པར་རབ་ཏུ་བཤད་པར་བྱ། །བཙུན་པ་རེ་ཤིག་དགེ་སློང་གིས་མིའི་བུད་མེད་ལ་མི་མ་ལགས་པར་འདུ་ཤེས་པས་གནས་ངན་ལེན་གྱི་ཚིག་སྨྲས་ན
12.16b
ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་མ་ལགས་པ་ལ་མིར་འདུ་ཤེས་པས་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མིའི་བུད་མེད་ལ་མིར་འདུ་ཤེས་པས་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ་དགེ་འདུན་ལྷག་མར་གྱུར་རོ། །བཙུན་པ་རེ་ཤིག་དགེ་སློང་གིས་བུད་མེད་ལ་བུད་མེད་དུ་འདུ་ཤེས་པས་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བུད་མེད་ལ་སྐྱེས་པར་འདུ་ཤེས་པས་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །སྐྱེས་པ་ལ་བུད་མེད་དུ་འདུ་ཤེས་པས་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །སྐྱེས་པ་ལ་སྐྱེས་པར་འདུ་ཤེས་པས་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་གཞན་དུ་འདུ་ཤེས་པས་བུད་མེད་ལ་གནས་ངན་ལེན་གྱི་ཚིག་སྨྲས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་བུད་མེད་ཀྱི་ཡུལ་ལ་གནས་ངན་ལེན་གྱི་ཚིག་སྨྲས་ཀྱང་དགེ་འདུན་ལྷག་མར་མི་འགྱུར་བ་ལྟ་མཆིས་ལགས་སམ། ཡོད་དེ་སྔར་ལྟུང་བ་བྱུང་བ་དང ། རྐུ་ཐབས་སུ་གནས་པ་དང ། དང་པོ་མི་མཐུན་པ་ཅན་དང ། མ་ནིང་དང ། དགེ་སློང་མ་སུན་ཕྱུང་བ་ལ་ནི་ཉེས་བྱས་སོ། །ཇི་ལྟར་དགེ་སློང་ལ་གནས་ངན་ལེན་གྱི་ཚིག་སྨྲ་བའི་དགེ་འདུན་ལྷག་མར་འགྱུར་བ་དེ་བཞིན་དུ་བསླབ་པ་བྱིན་པ་ལ་ཡང་དགེ་འདུན་ལྷག་མར་འགྱུར་རོ། །དགེ་སློང་མ་ལ་ནི་ཉེས་པ་སྦོམ་པོར་འགྱུར་རོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་ནི་ཉེས་བྱས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དྲལ་ཅིང་གྱུར་པའི་སེམས་ཀྱིས་བུད་མེད་ཀྱི་ཡུལ་གྱི་མདུན་དུ་སྲུ་བསྙེན
12.17a
བཀུར་རྣམས་ཀྱི་ནང་ན་ནི་ལྟ་སྟེ། ང་ལྟ་བུའི་དགེ་སློང་ཚུལ་ཁྲིམས་དང་ལྡན་པ། དགེ་བའི་ཆོས་ཅན་ཚངས་པར་སྤྱོད་པ་ལ་འདི་ལྟར་འཁྲིག་པ་དང་ལྡན་པའི་ཆོས་འདིས་བསྙེན་བཀུར་བྱེད་པ་འདི་ནི་མཆོག་ཡིན་ནོ་ཞེས་བདག་ཉིད་ཀྱི་བསྙེན་བཀུར་བསྔགས་པ་བརྗོད་ན། དགེ་འདུན་ལྷག་མའོ་ཞེས་གསུངས་པ་གང་ལགས་པ་ཞེས་བྱ་བ་སྟེ། གཞུང་ལྷག་མ་ནི་ཇི་ལྟར་གནས་ངན་ལེན་སྨྲ་བ་ལས་བཤད་པ་དེ་བཞིན་དུ་བསྙེན་བཀུར་བསྔགས་པ་ཡང་བརྗོད་པར་བྱའོ། །ཁྱད་པར་ནི་འདི་ཡིན་ཏེ། དགེ་སློང་མས་བསྙེན་བཀུར་བསྔགས་པ་ལ་ནི་ཉེས་བྱས་སུ་བརྗོད་དོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་ནི་ཉེས་བྱས་ཁོ་ནའོ། ་་་་་་་་་ ། སྡོམ་ལ། ཆོས་གཉིས་ལ་ནི་བཞི་ཚན་དྲུག་།དབང་པོ་དང་ནི་ཉོ་བ་གཉིས། །སྤོ་བ་དང་ནི་བཞི་ཚན་གཉིས། །བརྒྱད་པ་དག་ནི་ཐ་མ་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་ཆོས་གང་འདས་པ་ཡང་མ་ལགས། མ་འོངས་པ་ཡང་མ་ལགས། ད་ལྟར་བྱུང་བ་ཡང་མ་ལགས། འགྲོ་བ་དང་ཕྱིར་འོང་བ་ཡང་མ་མཆིས་ལ། ལས་ཀྱི་མཐའི་མཇུག་གི་མཐར་ཕྱིན་པའི་ཆོས་དེ་གང་ལགས། ཉེ་བར་འཁོར་མྱ་ངན་ལས་འདས་པའོ། །བཙུན་པ་ཆོས་གང་འགྲོ་བ་དང ། ཕྱིར་འོང་བ་མཆིས་ལ། ལས་ཀྱི་མཐའི་མཇུག་གི་མཐར་ཕྱིན་པའི་ཆོས་དེ་གང་ལགས། ཉེ་བར་འཁོར་སྨྱན་བྱེད་པའོ། །དེ་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བུད་མེད་ལ་སྐྱེས་པའི་ཚིག་ཀྱང་རུང ། སྐྱེས་པ་ལ་བུད་མེད་ཀྱི་ཚིག་ཀྱང་རུང ། ཆུང་མ་ཉིད་དམ། མཛའ་ན་མོ་ཉིད་དུ་སྨྱན་བྱེད་ན་ཐ་ན་དེའི་སྐད་ཅིག་ལ་ཡང་རུང་སྟེ། དགེ་འདུན་ལྷག་མའོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་སྨྱོན་པ་ལས་ཕྲིན་བླངས་ནས་སྨྱོན་པ་ལ་སྐྱེལ་ཅིང ། སྨྱོན་པ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །སྨྱོན་པ
12.17b
ལས་ཕྲིན་བླངས་ནས་སྨྱོན་པ་ལ་སྐྱེལ་ཅིང ། རང་བཞིན་དུ་གནས་པ་ལ་སྐྱེལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །སྨྱོན་པ་ལས་འཕྲིན་བླངས་ནས་རང་བཞིན་དུ་གནས་པ་ལ་སྐྱེལ་ཅིང ། སྨྱོན་པ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །སྨྱོན་པ་ལས་ཕྲིན་བླངས་ནས་རང་བཞིན་དུ་གནས་པ་ལ་སྐྱེལ་ཅིང་རང་བཞིན་གནས་པ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་རང་བཞིན་དུ་གནས་པ་ལས་ཕྲིན་བླངས་ནས་རང་བཞིན་དུ་གནས་པ་ལ་སྐྱེལ་ཅིང་རང་བཞིན་དུ་གནས་པ་ལ་སྐྱེལ་བར་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །རང་བཞིན་དུ་གནས་པ་ལས་ཕྲིན་བླངས་ནས་རང་བཞིན་དུ་གནས་པ་ལས་སྐྱེལ་ཅིང ། སྨྱོན་པ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས་ཉེས་པ་སྦོམ་པོར་འགྱུར་རོ། །རང་བཞིན་དུ་གནས་པ་ལས་ཕྲིན་བླངས་ནས་སྨྱོན་པ་ལ་སྐྱེལ་ཅིང ། རང་བཞིན་དུ་གནས་པ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །རང་བཞིན་དུ་གནས་པ་ལས་ཕྲིན་བླངས་ནས་སྨྱོས་པ་ལ་སྐྱེལ་ཅིང ། སྨྱོན་པ་ལ་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །སྨྱོན་པ་ལ་བཞི་ཚན་གཉིས་པོ་ཇི་ལྟ་བ་དེ་བཞིན་དུ་སེམས་འཁྲུགས་པ་ལ་ཡང་བཞི་ཚན་གཉིས། ཚོར་བས་ཉམ་ཐག་པ་ལ་ཡང་བཞི་ཚན་གཉིས་སུ་བྱའོ། །བཙུན་པ་དབང་བ་དང་མི་དབང་བའི་ཁྱིམ་བདག་གཉིས་ལ། རེ་ཤིག་དགེ་སློང་གིས་དབང་བ་ལས་ཕྲིན་བླངས་ནས་དབང་བ་ལ་སྐྱེལ་ཅིང་དབང་བ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །དབང་བ་ལས་ཕྲིན་བླངས་ནས་དབང་བ་ལ་སྐྱེལ་ཅིང ། མི་དབང་བ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དབང་བ་ལས་ཕྲིན་བླངས་ནས་མི་དབང་བ་ལ་སྐྱེལ་ཅིང་དབང་བ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས་ཉེས་པ་སྦོམ་པོར་འགྱུར་རོ། །
12.18a
དབང་བ་ལས་ཕྲིན་བླངས་ནས་མི་དབང་བ་ལ་སྐྱེལ་ཅིང ། མི་དབང་བ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་མི་དབང་བ་ལས་ཕྲིན་བླངས་ནས་མི་དབང་བ་ལ་སྐྱེལ་ཅིང ། མི་དབང་བ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་བྱས་སུ་འགྱུར་རོ། །མི་དབང་བ་ལས་ཕྲིན་བླངས་ནས་མི་དབང་བ་ལ་སྐྱེལ་ཅིང ། དབང་བ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་དབང་བ་ལས་ཕྲིན་བླངས་ནས་དབང་བ་ལ་སྐྱེལ་ཅིང ། མི་དབང་བ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་དབང་བ་ལས་ཕྲིན་བླངས་ནས་དབང་བ་ལ་སྐྱེལ་ཅིང ། དབང་བ་ལ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་ཁྱིམ་བདག་ཅིག་ལ་འདི་སྐད་ཅེས་བུད་མེད་ཉོས་ཤིག་ཅེས་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་ཁྱིམ་བདག་ཅིག་ལ་འདི་སྐད་ཅེས་བུད་མེད་ཆེ་གེ་མོ་ཞེས་བྱ་བ་ཉོས་ཤིག་ཅེས་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་བསྙེན་པར་མ་རྫོགས་པར་སྨྱན་བགྱི་བར་སྦྱོར་བ་བགྱིས་ལ་བསྙེན་པར་མ་རྫོགས་པར་སྐྱེལ་ཅིང ། བསྙེན་པར་མ་རྫོགས་པར་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྨྱན་བགྱི་བར་སྦྱོར་བ་བགྱིས་ལ་བསྙེན་པར་མ་རྫོགས་པར་སྐྱེལ་ཅིང ། བསྙེན་པར་རྫོགས་ཀར་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྨྱན་བགྱི་བར་སྦྱོར་བ་བགྱིས་ལ་བསྙེན་པར་མ་རྫོགས་པར་སྐྱེལ་ཅིང ། བསྙེན་པར་རྫོགས་ཏེ་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ཀར་སྨྱན་བགྱི་བར་སྦྱོར་བ་བགྱིས་ལ
12.18b
བསྙེན་པར་རྫོགས་ཀར་སྐྱེལ་ཅིང ། བསྙེན་པར་རྫོགས་ནས་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་བྱས་སུ་འགྱུར་རོ། །བསྙེན་པར་རྫོགས་ཀར་སྨྱན་བགྱི་བར་སྦྱོར་བ་བགྱིས་ལ་བསྙེན་པར་རྫོགས་ཀར་སྐྱེལ་ཅིང ། བསྙེན་པར་རྫོགས་ནས་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ནས་སྨྱན་བགྱི་བར་སྦྱོར་བ་བགྱིས་ལ། བསྙེན་པར་རྫོགས་ནས་སྐྱེལ་ཅིང ། བསྙེན་པར་རྫོགས་ནས་ཕྱིར་སྐྱེལ་བར་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བསྙེན་པར་རྫོགས་ཏེ་སྨྱན་བགྱིས་ལ་བསྙེན་པར་རྫོགས་ཏེ་སྐྱེལ་ཅིང་བསྙེན་པར་མ་རྫོགས་པར་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་བྱས་སུ་འགྱུར་རོ། །བཙུན་པ་གང་ཟག་དེ་ཉིད་སྤོ་བ་ཡང་ལགས། དེ་ཉིད་སྤོ་བ་བགྱིས་པ་ཡང་ལགས། དེ་ཉིད་མགུ་བར་བགྱི་བ་སྤྱོད་པ་ཡང་ལགས། དེ་ཉིད་མགུ་བར་བགྱི་བ་སྤྱད་པ་ཡང་ལགས་པ་ལྟ་མཆིས་ལགས་སམ། ཡོད་དེ་འདི་ལྟར་མགུ་བར་བྱ་བ་སྤྱད་པའི་གང་ཟག་ལ་དགེ་འདུན་ལྷག་མའི་ལྟུང་བ་མ་བཅབས་པ་བྱུང་བ་དེ་དགེ་འདུན་གྱི་དྲུང་དུ་སོང་ནས་མགུ་བར་བྱ་བ་གསོལ་བ་ལས། དགེ་འདུན་གྱིས་དེ་ལ་མགུ་བར་བྱ་བ་བྱིན་ནས། དེས་མགུ་བར་བྱ་བ་ཕལ་ཆེར་སྤྱོད་པ་ལས་དགེ་འདུན་ལྷག་མའི་ལྟུང་བ་གཉིས་པོ་གཅིག་ནི་ཞག་གཅིག་བཅབས། གཉིས་པ་ནི་ཞག་གཉིས་བཅབས་པ་བྱུང་ནས་དེ་དགེ་འདུན་གྱི་དྲུང་དུ་སོང་སྟེ་སྤོ་བ་གསོལ་བ་ལས་དགེ་འདུན་གྱིས་དེ་ལ་སྤོ་བ་བྱིན་ན་དེ་ལྟུང་བ་གཅིག་ནི་བྱས་པ་ཡིན་ནོ། །གཉིས་པས་ནི་སྤོ་བ་ཡིན་ནོ། །གསུམ་པས་ནི་མགུ་བར་བྱ་བ་སྤྱོད་པ་ཡིན་ནོ། །བཞི་པས་ནི་མགུ་བར་བྱ་བ་སྤྱད་པ་ཡིན་ནོ། །བཙུན་པ་རེ་ཤིག་མོ་ཡང་མི་ལགས། ཕོ་ཡང་མི་ལགས་ལ། དགེ་སློང་གིས་དེ་གཉིས་ཀྱི་སྨྱན་བགྱིས་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །མོ་ནི་མི་མ་ལགས། ཕོ་ནི་མི་མ་ལགས་ལ། དེ་གཉིས་ཀྱི་སྨྱན་བགྱིས་ན་ཅིར་འགྱུར་ལགས།
12.19a
ཉེས་པ་སྦོམ་པོར་འགྱུར་རོ། །མོ་ནི་མི་མ་ལགས། ཕོ་ནི་མི་ལགས་ལ། དེ་གཉིས་ཀྱི་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མོ་ཡང་མི་མ་ལགས། ཕོ་ཡང་མི་མ་ལགས་ལ། དེ་གཉིས་ཀྱི་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་མི་དག་ལ་མིར་འདུ་ཤེས་པས་སྨྱན་བགྱིས་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །མི་དག་ལ་མི་མ་ལགས་པར་འདུ་ཤེས་པས་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་མ་ལགས་པ་དག་ལ་མིར་འདུ་ཤེས་པས་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་མ་ལགས་པ་དག་ལ། མི་མ་ལགས་པར་འདུ་ཤེས་པས་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་བརྒྱུད་དེ་སྨྱན་བགྱིས་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། ་་་་་་་་་་་་།སྡོམ་ལ། གཞོན་ནུ་མ་དང་བུད་མེད་མངལ། །ཟ་མ་མ་ནིང་མ་ནིང་མོ། །དགེ་འདུན་ཐམས་ཅད་བརྟུལ་ཞུགས་གནས། །མཚན་གཉིས་དང་ནི་འདྲ་བའོ། །བཙུན་པ་རེ་ཤིག་དགེ་སློང་གིས་གཞོན་ནུ་མ་ལ་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་བུ་མ་མཆིས་པའི་ཁྱིམ་བདག་རྣམས་ཀྱི་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་མངལ་ན་གནས་པ་རྣམས་ཀྱི་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་ཟ་མའི་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མ་ནིང་མོ་རྣམས་ཀྱི་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་དགེ་འདུན་ཐམས་ཅད་འདུས་པའི་དྲུང་དུ་ཁྱིམ་བདག་ཅིག་ཕྱིན་ནས་འདི་སྐད་ཅེས་འཕགས་པ་དག་བདག་གི་ཚིག་གིས་ཁྱིམ་བདག་ཆེ་གེ་མོ་ཞིག་ལ་འདི་སྐད་ཅེས། བདག་གི་བུ་ལ། བུ་མོ་འམ། སྲིང་མོ་འམ། ཚ་མོ་འམ། ཡང་ཚ་མོ་སྩོལ་ཅིག་།
12.19b
ཅེས་གསུང་སྤྱོད་དམ་ཞེས་བགྱིས་པ་ལས། གལ་ཏེ་དགེ་འདུན་ཀུན་གྱིས་ཕྲིན་བླངས་ནས་སྐྱེལ་ཅིང་ཕྱིར་སྐྱེལ་བར་བགྱིད་ན་དགེ་འདུན་ཐམས་ཅད་ལ་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །འོན་ཏེ་དགེ་འདུན་ཐམས་ཅད་ཀྱི་ཕྲིན་གྱིས་དགེ་སློང་གཅིག་གིས་སྐྱེལ་ཅིང་ཕྱིར་སྐྱེལ་བར་བགྱིད་ན་དགེ་འདུན་ཐམས་ཅད་ལ་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །འོན་ཏེ་དགེ་སློང་གཅིག་གིས་རང་གི་ཚིག་གིས་སྐྱེལ་ཅིང་ཕྱིར་སྐྱེལ་བར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དགེ་སློང་མ་དང ། བརྟུལ་ཞུགས་ལ་གནས་པ་ཚངས་པར་སྤྱོད་པ་གཞན་དག་གི་སྨྱན་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་ཕྲིན་ལེན་པ་ལས་བླངས་མ་ཐག་ཏུ་དེའི་མཚན་གྱུར་ཏེ། དགེ་སློང་མར་རེད་ནས་སྐྱེལ་ཅིང་ཕྱིར་སྐྱེལ་བར་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཤིག་དགེ་སློང་མ་ཞིག་ཕྲིན་ལེན་པ་ལས་བླངས་མ་ཐག་ཏུ་དེའི་མཚན་གྱུར་ཏེ། དགེ་སློང་དུ་རེད་ནས་སྐྱེལ་ཅིང་ཕྱིར་སྐྱེལ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཤིག་དགེ་སློང་ཕྲིན་ལེན་པ་ལས་བུད་མེད་དེ་ལ་ནི་ཕོ་མཚན་སྐྱེས། སྐྱེས་པ་ལ་ནི་བུད་མེད་ཀྱི་མོ་མཚན་དོད་པར་གྱུར་ནས་མཚན་འཕོས་བཞིན་དུ་སྐྱེལ་ཅིང་ཕྱིར་སྐྱེལ་བར་བགྱིད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་སྐྱེས་པས་བུད་མེད་དང་ལྷན་ཅིག་བརྡ་བགྱིས་པར་གྱུར་ལ། སྐྱེས་པ་དེས་དགེ་སློང་ཞིག་ལ་འདི་སྐད་ཅེས་འཕགས་པས་བུད་མེད་ལྟ་གཟིགས་སམ་ཞེས་བགྱིས་པ་དང ། དགེ་སློང་དེས་འདི་སྐད་ཅེས་དེ་ར་བའི་དྲུང་དུ་འདུག་གོ་ཞེས་བགྱིས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་སྨྱན་བགྱིས་ཀྱང་དགེ་འདུན་ལྷག་མར་མི་འགྱུར་བ་ལྟ་མཆིས་ལགས་སམ། ཡོད་དེ་སྔར་ལྟུང་བ་བྱུང་བ་དང ། རྐུ་ཐབས་སུ་གནས
12.20a
པ་དང ། དང་པོ་མི་མཐུན་པ་ཅན་དང ། མ་ནིང་དང ། དགེ་སློང་མ་སུན་ཕྱུང་བ་ལ་ནི་ཉེས་བྱས་སོ། །ཇི་ལྟར་དགེ་སློང་སྨྱན་བྱས་པ་ལ་དགེ་འདུན་ལྷག་མར་གྱུར་པ་དེ་བཞིན་དུ་བསླབ་པ་བྱིན་པ་དང ། དགེ་སློང་མ་ལ་ཡང་དགེ་འདུན་ལྷག་མར་འགྱུར་རོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་ནི་ཉེས་བྱས་སོ། ་་་་་་་་་་་ ། སྡོམ་ལ། གཞི་གསུམ་དང་ནི་ཚད་མེད་དང ། །བདག་དང་གཞན་དང་མ་གཡོགས་པ། །བབས་དང་བདུན་ཚན་ཉིད་དང་ནི། །མཚན་ནི་ཐ་མར་གྱུར་པ་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་བསླངས་པ་བདག་པོ་མེད་པ། བདག་གི་ཕྱིར་ཁང་པ་ཞིག་རྩིག་ཏུ་བཅུག་ན། དགེ་སློང་དེས་ཁང་པ་ཚད་བཞིན་དུ་རྩིགས་ཤིག་།དེ་ལ་ཁང་པའི་ཚད་ནི་འདི་ཡིན་ཏེ། ནང་གི་སྲིད་དུ་བདེ་བར་གཤེགས་པའི་མཐོ་བཅུ་གཉིས་ཞེང་དུ་མཐོ་བདུན་ནོ། །གཞི་བལྟ་བའི་ཕྱིར་དགེ་སློང་དེས་དགེ་སློང་དག་དཀྲི་བར་བྱའོ། །ཁྲིད་པའི་དགེ་སློང་དག་གིས་ཀྱང་གཞི་རུང་བ་དང ། རྩོད་པ་མེད་པ་དང ། བརྩམ་དུ་རུང་བར་བལྟ་བར་བྱའོ། །གལ་ཏེ་དགེ་སློང་གིས་གཞི་མ་རུང་བ་འམ། རྩོད་པ་དང་བཅས་པ་འམ། བརྩམ་དུ་མི་རུང་བར་བདག་གིས་བསླངས་པ་བདག་པོ་མེད་པ་བདག་གི་ཕྱིར་ཁང་པ་རྩིག་དུ་འཇུག་གམ། གཞི་བལྟ་བའི་ཕྱིར་དགེ་སློང་དག་ཀྱང་མི་ཁྲིད་དམ། དགེ་སློང་ཁྲིད་པ་དག་ལ་ཡང་གཞི་མི་སྟོན་ཏམ། ཚད་ལས་འདས་ན་དགེ་འདུན་ལྷག་མར་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་གཞི་མ་གནང་བར་ཁང་པ་རྩིག་ཏུ་གསོལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །
12.20b
གཞི་བསླངས་ནས་ཁང་པ་རྩིག་ཏུ་སྩོལ་ན་ཅིར་འགྱུར་ལགས། ཉེས་བྱས་སོ། །ཁང་པ་གནང་བ་སྩོལ་ནས་ཁང་པ་མི་བརྩིགས་ན་ཅིར་འགྱུར་ལགས། ཉེས་བྱས་སོ། །བདག་གིས་བརྩམས་ཏེ་འཕྲོ་བོར་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །གཞན་གྱིས་འཕྲོ་བོར་བ་ལགས་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མ་གཡོགས་པ་རྩིག་ཏུ་སྩལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསམས་ནས་བབས་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དེ་བཞིན་དུ་བདག་ཉིད་སྲོག་དང་ཕྲལ་བ་འམ། ཁྱིམ་པ་ཉིད་དུ་གཡར་གྱིས་འཆི་བ་དང ། དགེ་སྦྱོང་གི་ཆེད་ཉིད་དང ། ཟ་མ་ཉིད་དང ། མ་ནིང་ཉིད་དང ། དགེ་སློང་མ་སུན་ཕྱུང་བ་ཉིད་དང ། མ་གསོད་པ་ཉིད་དང ། ཕ་གསོད་པ་ཉིད་དང ། དགྲ་བཅོམ་པ་གསོད་པ་ཉིད་དང ། དགེ་འདུན་གྱི་དབྱེན་བྱེད་པ་ཉིད་དང ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང ། མུ་སྟེགས་ཅན་ཉིད་དང ། མུ་སྟེགས་ཅན་ཞུགས་པ་ཉིད་དང ། རྐུ་ཐབས་སུ་གནས་པ་ཉིད་དང ། གནས་པར་མི་བྱ་བ་ཉིད་དང ། དང་པོ་མི་མཐུན་པ་ཅན་ཉིད་དང ། ཐ་དད་དུ་གནས་པ་ཉིད་དང ། ཁས་ལེན་པ་ཉིད་དང ། བསླབ་པ་སྩལ་བ་ཉིད་དུ་གཡར་གྱིས་འཆེ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་མ་རྫོགས་པར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། ། བསྙེན་པར་མ་རྫོགས་པར་སྦྱོར་བ་བགྱིས་ལ། བསྙེན་པར་རྫོགས་ཀར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་རྫོགས་ནས་སྦྱོར་བ་བགྱིས་ལ། བསྙེན་པར་རྫོགས་ཀར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །
12.21a
བསྙེན་པར་རྫོགས་ནས་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིད་ན་ཅིར་འགྱུར་ལགས། ཉེས་པ་སྦོམ་པར་འགྱུར་རོ། །བསྙེན་པར་རྫོགས་ནས་སྦྱོར་བ་བགྱིས་ལ། བསྙེན་པར་མ་རྫོགས་པར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་ཁང་པ་ཞིག་རྩིག་པར་རྩོམ་པ་ལས་དེའི་མཚན་གྱུར་ཏེ། དགེ་སློང་མར་རེད་ནས་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མ་ཞིག་ཁང་པ་རྩིག་པར་རྩོམ་པ་ལས་དེའི་མཚན་གྱུར་ཏེ། དགེ་སློང་དུ་རེད་ནས་ལགས་པར་བགྱིད་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་ཁང་པ་བརྩིགས་ཀྱང་དགེ་འདུན་ལྷག་མར་མི་འགྱུར་བ་ལྟ་མཆིས་ལགས་སམ། ཡོད་དེ་སྔར་ལྟུང་བ་བྱུང་བ་དང ། རྐུ་ཐབས་སུ་གནས་པ་དང ། དང་པོ་མི་མཐུན་པ་ཅན་དང ། མ་ནིང་དང ། དགེ་སློང་མ་སུན་ཕྱུང་བ་ལ་ནི་ཉེས་བྱས་སུ་འགྱུར་རོ། །བསླབ་པ་སྩལ་པས་རྩིག་ཏུ་སྩལ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །དགེ་སློང་མ་ཞིག་གིས་རྩིག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །དགེ་སློང་མ་དང ། དགེ་ཚུལ་དང ། དགེ་ཚུལ་མ་ལ་ནི་ཉེས་བྱས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་བདག་པོ་ཡོད་པ། དགེ་འདུན་གྱི་ཆེད་དུ་གཙུག་ལག་ཁང་ཆེན་པོ་ཞིག་རྩིག་ཏུ་འཇུག་ན་གཞི་བལྟ་བའི་ཕྱིར་དགེ་སློང་དེས་དགེ་སློང་དག་དཀྲི་བར་བྱའོ། །ཁྲིད་པའི་དགེ་སློང་དག་གིས་ཀྱང་གཞི་རུང་བ་དང ། རྩོད་པ་མེད་པ་དང ། བརྩམ་དུ་རུང་བ་བལྟ་བར་བྱའོ། །གལ་ཏེ་དགེ་སློང་གིས་གཞི་མི་རུང་བ་འམ། རྩོད་པ་དང་བཅས་པ་འམ། བརྩམ་དུ་མི་རུང་བར་བདག་པོ་ཡོད་པར་དགེ་འདུན་གྱི་ཕྱིར་གཙུག་ལག་ཁང་ཆེན་པོ་རྩིག་ཏུ་འཇུག་གམ། གཞི་བལྟ་བའི་ཕྱིར་དགེ་སློང་དག་ཀྱང་མ་ཁྲིད་དམ། དགེ་སློང་ཁྲིད་པ་དག་ལ་ཡང་གཞི་མི་སྟོན་ན་དགེ་འདུན་ལྷག་མའོ་ཞེས
12.21b
གསུངས་པ་གང་ལགས་པ་ཞེས་བྱ་སྟེ། ཚད་ལས་འདས་པ་དང ། བསླངས་པ་ཉིད་མ་བཏོགས་པ་གཞུང་ལྷག་མ་ནི་ཁང་པའི་དགེ་འདུན་ལྷག་མ་ལ་བཤད་པ་ཇི་ལྟ་བར་གཙུག་ལག་ཁང་ཆེན་པོ་ལ་ཡང་དེ་བཞིན་དུ་བརྗོད་པར་བྱའོ། ་་་་་་་་་་།སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་གླེན་པ་དང ། །གཉིད་ལོག་ར་རོ་རབ་ཏུ་མྱོས། །སྙོམས་ཞུགས་འགྲོ་དང་ཕྱི་རོལ་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཁྲོས་ཤིང་ཞེ་སྡང་བས་མ་མགུ་སྟེ། ཅི་ནས་ཀྱང་འདི་ཚངས་པར་སྤྱོད་པ་དང་དབྲལ་ལོ་སྙམ་ནས་དགེ་སློང་དག་ལྟུང་བ་མེད་པ་ལ་གཞི་མེད་པར་ཕམ་པར་འགྱུར་བའི་ཆོས་ཀྱིས་སྐུར་པ་བཏབ་པ་ལས་དེ་དུས་གཞན་ཞིག་ན་དྲིས་ཀྱང་རུང་མ་དྲིས་ཀྱང་རུང་རྩོད་པ་དེ་ཡང་གཞི་མེད་པ་ཞིག་ཡིན་ལ། དགེ་སློང་དེ་ཡང་ཞེ་སྡང་གིས་སྨྲས་སོ། །ཞེ་ན། དགེ་འདུན་ལྷག་མའོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་དགེ་སློང་ལ་གཞི་མ་མཆིས་པར་ཕོ་ཉ་ལས་ཕམ་པར་འགྱུར་བའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དེ་བཞིན་དུ་ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་པས་སྐུར་པ་བཏབ་པ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་དགེ་སློང་སྨྱོན་པ་ཞིག་ལ་སྐུར་པ་བཏབ་པ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དེ་བཞིན་དུ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། འོན་པ་དང ། གླེན་པ་དང ། གཉིད་ཀྱིས་ལོག་པ་དང ། ཕྱག་ལས་ཁོམ་པ་དང ། རབ་ཏུ་མྱོས་པ་དང ། སྙོམས་པར་ཞུགས་པ་དང ། འགྲོ་བ་གཞན་དུ་གནས་པའི་དགེ་སློང་ལ་གཞི་མ་མཆིས་པར་ཕམ་པར་འགྱུར་བའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་འདི་ལས་ཕྱི་རོལ་པ་གཞན
12.22a
མུ་སྟེགས་ཅན་དང ། དགེ་སྦྱོང་དང ། བྲམ་ཟེ་དང ། སྤྱོད་པ་པ་དང ། ཀུན་དུ་རྒྱུ་རྣམས་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་བྱས་སོ། ་་་་་་་་་་་།སྡོམ་ལ། སྐད་དང་ལུས་དང་དབེན་སྔགས་དང ། །གཞན་གྱིས་གཞན་ཕྱིར་སྐུར་པ་བཏབ། །ཁྱིམ་པ་དག་ལ་སོགས་པ་དང ། །མཚན་རྣམས་དང་ནི་བཞི་ཚན་ནོ། །བཙུན་པ་རེ་ཤིག་དབུས་ཀྱི་དགེ་སློང་གིས་མཐའ་འཁོབ་པའི་སྐད་དུ་དབུས་ཀྱི་དགེ་སློང་ཞིག་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ལ། ཡུལ་དབུས་པའི་དགེ་སློང་གིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མཐའ་འཁོབ་པས་དབུས་པའི་སྐད་དུ་མཐའ་འཁོབ་པའི་དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ལ། མཐའ་འཁོབ་པའི་དགེ་སློང་གིས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མཐའ་འཁོབ་པས་མཐའ་འཁོབ་པའི་སྐད་དུ་དབུས་པའི་དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་པ་ལ། ཡུལ་དབུས་པའི་དགེ་སློང་གིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དབུས་པས་དབུས་པའི་སྐད་དུ་མཐའ་འཁོར་པའི་དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ལ། མཐའ་འཁོབ་པའི་དགེ་སློང་གིས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་ལུས་ཀྱི་རྣམ་པར་རིག་བྱེད་ཀྱིས་དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་དབེན་པ་ལ་དབེན་པར་འདུ་ཤེས་པས་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དབེན་པ་ལ་མི་དབེན་པར་འདུ་ཤེས་པས་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་དབེན་པ་ལ་
12.22b
དབེན་པར་འདུ་ཤེས་པས་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་དབེན་པ་ལ་མི་དབེན་པར་འདུ་ཤེས་པས་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཤིག་དགེ་སློང་གིས་སྨན་ནམ་གསང་སྔགས་ཀྱིས་བདག་ཉིད་མི་གདའ་བར་བགྱི་སྟེ། དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་གཞན་ལས་དགེ་སློང་ཞིག་ལ་གཞི་མ་མཆིས་པར་ཕམ་པར་འགྱུར་བའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གཞན་རྣམས་ཀྱི་སླད་དུ། གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་ཁྱིམ་པ་ལ་གཞི་མ་མཆིས་པར་ཕམ་པར་འགྱུར་བའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་བྱས་སོ། །ཟ་མ་དང་མ་ནིང་དང ། དགེ་སློང་མ་སུན་ཕྱུང་བ་དང ། མ་གསོད་པ་དང ། ཕ་གསོད་པ་དང ། དགྲ་བཅོམ་པ་གསོད་པ་དང ། མུ་སྟེགས་ཅན་དང ། མུ་སྟེགས་ཅན་ཞུགས་པ་དང ། རྐུ་ཐབས་སུ་གནས་པ་དང ། དང་པོ་མི་མཐུན་པ་ཅན་དང ། སྔར་ལྟུང་བ་བྱུང་བ་ལ་གཞི་མ་མཆིས་པར་ཕམ་པར་འགྱུར་བའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་དགེ་སློང་མ་ལ་གཞི་མ་མཆིས་པར་ཕམ་པར་འགྱུར་བའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །དགེ་འདུན་གྱི་དབྱེན་བགྱིད་པ་དང ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང ། གནས་པར་མི་བྱ་བ་དང ། ཐ་དད་དུ་གནས་པ་དང ། ཁས་བླངས་པ་དང ། བསླབ་པ་སྩལ་པའི་དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཤིག་དགེ་སློང་ཞིག་གིས་དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ
12.23a
འདེབས་པ་ལས་དེའི་མཚན་གྱུར་ཏེ། དགེ་སློང་མར་རེད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཤིག་དགེ་སློང་མ་ཞིག་གིས་དགེ་སློང་མ་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་འདེབས་པ་ལས་དེའི་མཚན་གྱུར་ཏེ། དགེ་སློང་དུ་རེད་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཤིག་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་པས་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་པས། གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་པས་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་པས་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་རེ་ཤིག་དགེ་སློང་གིས་མིའི་དགེ་སློང་ལ་མིར་འདུ་ཤེས་པས་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །མི་ལ་མི་མ་ལགས་པར་འདུ་ཤེས་པས་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་མ་ལགས་པ་ལ་མིར་འདུ་ཤེས་པས་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །མི་མ་ལགས་པ་ལ་མི་མ་ལགས་པར་འདུ་ཤེས་པས་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། ་་་་་་་་་་་་་་།སྡོམ་ལ། དང་པོ་མཐའ་དང་མཚམས་མེད་པ། །ལྷག་མ་དང་ནི་གཅིག་ལ་གཅིག་།བྲིས་པ་དང་ནི་བག་ཙམ
12.23b
ཉིད། །རྒྱ་ཆེར་བྱ་བ་ཉིད་ཡིན་ནོ། །བཙུན་པ་རེ་ཤིག་དགེ་སློང་བདག་ཉིད་ངས་མི་ཚངས་པར་སྤྱོད་པ་འཁྲིག་པ་ལས་བྱུང་བའི་ཆོས་བསྟེན་ཏོ་ཞེས་ཁས་ལེན་པ་དེ་ལ། དགེ་སློང་ཞིག་གིས་གཞི་མ་མཆིས་པར་རྐུ་བ་འམ། གསོད་པ་འམ། བླ་མར་གྱུར་པའི་ཆོས་སྨྲ་བས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཤིག་དགེ་སློང་བདག་ཉིད་ངས་ཡོ་བྱད་ཆེན་པོ་རྐུས་སོ་ཞེས་ཁས་ལེན་པ་དེ་ལ་དགེ་སློང་ཞིག་གིས་གཞི་མ་མཆིས་པར་གསོད་པ་འམ། བླ་མར་གྱུར་པའི་ཆོས་སྨྲ་བ་འམ། མི་ཚངས་པར་སྤྱོད་པར་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཤིག་དགེ་སློང་བདག་ཉིད་ངས་མི་སྲོག་དང་ཕྲལ་ལོ་ཞེས་ཁས་ལེན་པ་དེ་ལ། དགེ་སློང་ཞིག་གིས་གཞི་མ་མཆིས་པར་བླ་མར་གྱུར་པའི་ཆོས་སྨྲ་བ་འམ། མི་ཚངས་པར་སྤྱོད་པ་འམ། རྐུ་བས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་རེ་ཤིག་དགེ་སློང་བདག་ཉིད་ངས་མིའི་ཆོས་བླ་མར་གྱུར་པ་སྨྲས་སོ་ཞེས་ཁས་ལེན་པ་དེ་ལ་དགེ་སློང་ཞིག་གིས་གཞི་མ་མཆིས་པར་མི་ཚངས་པར་སྤྱོད་པ་འམ། རྐུ་བ་འམ། སྲོག་གཅོད་པར་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་དགེ་སློང་ལ་གཞི་མ་མཆིས་པར་མཚམས་མེད་པས་སྐུར་པ་བཏབ་ན་ཅིར་འགྱུར་ལགས། གལ་ཏེ་མ་དང ། ཕ་དང ། དགྲ་བཅོམ་པ་གསོད་པས་སྐུར་པ་བཏབ་ན། དགེ་འདུན་ལྷག་མར་འགྱུར་རོ། །འོན་ཏེ་གཞི་མེད་པར་དགེ་འདུན་གྱི་དབྱེན་བྱེད་པ་དང ། ངན་སེམས་ཀྱིས་ཁྲག་འབྱིན་པས་སྐུར་པ་བཏབ་ན་ཉེས་བྱས་སོ། །དེ་ཅིའི་ཕྱིར་ཞེ་ན། ཉེ་བར་འཁོར་གང་གིས་ཕ་དང ། མ་དང ། དགྲ་བཅོམ་པ་གསོད་པས་སྐུར་པ་བཏབ་པ་དེ་ནི་ཕམ་པའི་ཆོས་ཀྱིས་སྐུར་པ་བཏབ་པ་ཡིན་ནོ། །གང་གིས་དགེ་འདུན་གྱི་དབྱེན་བྱེད་པ
12.24a
དང ། ངན་སེམས་ཀྱིས་ཁྲག་འབྱིན་པས་སྐུར་པ་བཏབ་པ་དེས་ནི་ཉེས་པ་སྦོམ་པོར་སྐུར་པ་བཏབ་པ་ཡིན་ཏེ། ཉེས་པ་སྦོམ་པོས་ནི་དགེ་སློང་མ་ཡིན་པར་མི་འགྱུར་གྱི། དེ་ནི་བཤགས་པར་འོས་པ་ཡིན་ནོ། །བཙུན་པ་རེ་ཤིག་དགེ་སློང་གིས་དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན། དགེ་འདུན་ལྷག་མར་འགྱུར་ན། གལ་ཏེ་གཞི་མ་མཆིས་པར་དགེ་འདུན་ལྷག་མའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ལྟུང་བྱེད་དུ་འགྱུར་རོ། །གཞི་མ་མཆིས་པར་སོ་སོར་བཤགས་པར་བགྱི་བ་དང ། ཉེས་བྱས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་གཞི་མ་མཆིས་པར་ཉེས་པ་སྦོམ་པོས་སྐུར་པ་བཏབ་ན་ཅིར་འགྱུར་ལགས། ཉེས་བྱས་སོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་སློང་ལ་གཞི་མེད་པར་ཕམ་པའི་ཆོས་ཀྱིས་སྐུར་པ་བཏབ་ན་དགེ་འདུན་ལྷག་མར་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དགེ་སློང་མས་དགེ་སློང་མ་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །དགེ་སློང་མས་དགེ་སློང་ལ་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། དགེ་འདུན་ལྷག་མར་འགྱུར་རོ། །དགེ་སློབ་མས་དགེ་སློང་མ་དང ། དགེ་ཚུལ་དང ། དགེ་ཚུལ་མ་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །དགེ་སློང་མས་དགེ་སློང་དང ། དགེ་སློང་མ་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་བྱས་སོ། །དགེ་ཚུལ་གྱིས་དགེ་སློང་དང ། དགེ་སློང་མ་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར
12.24b
ལགས། ཉེས་བྱས་སོ། །དགེ་ཚུལ་མས་དགེ་སློང་དང ། དགེ་སློང་མ་དང་དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་བདག་ཉིད་ཀྱིས་བྲིས་ནས་འདི་སྐད་ཅེས་ཡི་གེ་འདི་ལས་ནི་འདི་སྐད་དུ་ཁྱོད་མི་ཚངས་པར་སྤྱོད་པའི་ཕམ་པ་བྱུང་ཞེས་ཟེར་རོ་ཞེས་མཆི་ན་ཅིར་འགྱུར་ལགས། ཉེས་པ་སྦོམ་པོར་འགྱུར་རོ། །བཙུན་པ་དགེ་སློང་གིས་དགེ་སློང་ལ་གཞི་མ་མཆིས་པར་ཕམ་པའི་ཆོས་ཀྱིས་སྐུར་པ་བཏབ་ཀྱང་དགེ་འདུན་ལྷག་མར་མི་འགྱུར་བ་ལྟ་མཆིས་ལགས་སམ། ཡོད་དེ་སྔར་ལྟུང་བ་བྱུང་བ་དང ། རྐུ་ཐབས་སུ་གནས་པ་དང ། དང་པོ་མི་མཐུན་པ་ཅན་དང ། དགེ་སློང་མ་སུན་ཕྱུང་བ་ལ་ནི་ཉེས་བྱས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཁྲོས་ཤིང་ཞེ་སྡང་བར་གྱུར་ནས། ཅི་ནས་ཀྱང་འདི་ཚངས་པར་སྤྱོད་པ་དང་དབྲལ་ལོ་སྙམ་ནས། དགེ་སློང་དག་པ་ལྟུང་བ་མེད་པ་ལ་གཞན་གྱི་ཆ་དང་འཐུན་པ་མ་ཡིན་པ་ཕམ་པར་འགྱུར་བའི་ཆོས་ཀྱི་སྐུར་པ་བཏབ་པ་ལས། དེ་དུས་གཞན་ཞིག་ན་དྲིས་ཀྱང་རུང ། མ་དྲིས་ཀྱང་རུང ། རྩོད་པ་དེ་ཡང་གཞན་གྱི་ཆ་དང་འཐུན་པ་མ་ཡིན་ལ། རྩོད་པ་དེ་ཡང་གཞན་གྱི་ཆ་དང་འཐུན་པ་མ་ཡིན་པས། བག་ཙམ་ལས་བསམ་པ་ཙམ་གྱིས་ཆོས་འགའ་ཞིག་བླངས་པར་གྱུར་ལ། དགེ་སློང་དེ་ཡང་ཞེ་སྡང་ལ་གནས་པས་ཞེ་སྡང་གིས་སྨྲས་སོ་ཞེ་ན། དགེ་འདུན་ལྷག་མའོ་ཞེས་གསུངས་པ་གང་ལགས་པ་ཞེས་བྱ་བ་སྟེ། གཞུང་ལྷག་མ་ནི་གཞི་མེད་པ་ཇི་ལྟ་བ་དེ་བཞིན་དུ་བག་ཙམ་ལ་རྒྱ་ཆེར་བརྗོད་པར་བྱའོ། ་་་་་་་་་་་ ། སྡོམ་ལ། བཤེས་པ་དང་ནི་གསོལ་བ་དང ། །གླེང་བ་དང་ནི་དྲན་པ་གཉིས། །བཞི་པ་འདུག་དང་མ་བསྐོས་དང ། །འདུན་པས་གཅིག་དང་ནམ་མཁའ་ལ། །འདུག་པ་རྒྱས་པ་ཉིད་དུ་བྱ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང ། དགེ་འདུན་འཐུན་པ་དབྱེ་བའི་ཕྱིར་རྟུལ་བར་བྱེད་ཅིང་དབྱེན་བྱེད་པར
12.25a
འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་འདུག་ན། དགེ་སློང་དེ་ལ་དགེ་སློང་རྣམས་ཀྱིས་འདི་སྐད་ཅེས་ཚེ་དང་ལྡན་པ་ཁྱོད་དགེ་འདུན་འཐུན་པ་དབྱེ་བའི་ཕྱིར་རྟུལ་བར་མ་བྱེད་ཅིག་།དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མ་འདུག་ཤིག་།ཚེ་དང་ལྡན་པ་དགེ་འདུན་དང་འཐུན་པར་གྱིས་ཤིག་།དགེ་འདུན་འཐུན་མི་ཕྱེད། ཀུན་དུ་དགའ་མི་རྩོད་མཆོག་གཅིག་།འདོན་པ་གཅིག་ཅིང་ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ་སྟོན་པའི་བསྟན་པ་གསལ་བར་བྱེད་པ་བདེ་བ་དང་རེག་པར་གནས་པར་འགྱུར་གྱིས་ཚེ་དང་ལྡན་པ་ཁྱོད་དགེ་འདུན་འབྱེད་པའི་གཞི་འདི་ལྟ་བུ་འདི་ཐོང་ཤིག་ཅེས་བསྒོ་བར་བྱའོ། །དགེ་སློང་དེ་ལ་དགེ་སློང་རྣམས་ཀྱིས་དེ་སྐད་བསྒོ་བ་ན་གལ་ཏེ་གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་གཞི་དེ་གཏོང་བར་བྱ་བའི་ཕྱིར་ལན་གཉིས་ལན་གསུམ་དུ་ཡང་དག་པར་བསྒོ་བར་བྱ། ཡང་དག་པར་བསྟན་པར་བྱའོ། །ལན་གཉིས་ལན་གསུམ་དུ་ཡང་དག་པར་བསྒོ། ཡང་དག་པར་བསྟན་པ་ན། གཞི་དེ་གཏོང་ན་དེ་ལྟ་ན་ལེགས། གལ་ཏེ་མི་གཏོང་ན་དགེ་འདུན་ལྷག་མའོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་བཤེས་པའི་ཚིག་གིས་མ་བསྒོ་བར་གསོལ་བ་དང ། བཞིའི་ལས་ཀྱིས་བསྒོ་བར་བགྱིད་ན། བསྒོ་བ་ཞེས་བགྱི་བ་འམ་འོན་ཏེ་མ་བསྒོ་བ་ཞེས་བགྱི་ལགས། བཀའ་སྩལ་པ། མ་བསྒོ་བ་ཞེས་བྱའོ། །བསྒོ་བ་འཆགས་ལགས་སམ། ཉེ་བར་འཁོར་མི་འཆགས་ཏེ། དགེ་འདུན་ལ་ཡང་དེས་འགལ་ཚབས་ཅན་དུ་འགྱུར་རོ། །བཙུན་པ་བཤེས་པའི་ཚིག་གིས་བསྒོ་ནས་གསོལ་བ་དང ། བཞིའི་ལས་ཀྱིས་བསྒོ་ན་བསྒོ་བ་ཞེས་བགྱི་འམ། འོན་ཏེ་མ་བསྒོ་བ་ཞེས་བགྱི་ལགས། བཀའ་སྩལ་པ། བསྒོ་བ་ཞེས་བྱའོ། །བསྒོ་བ་འཆགས་ལགས་སམ། ཉེ་བར་འཁོར་འཆགས་ཏེ། དགེ་འདུན་ལ་ཡང་འགལ་ཚབས་ཅན་དུ་མི་འགྱུར་རོ། །བཙུན་པ་བསྐྲད་པའི་ལས་མ་བགྱིས་པར་བཤེས་པའི་བསྒོ་བར་བགྱིད་ན་བསྒོ་བ་ཞེས་བགྱི་འམ། འོན་ཏེ་མ་བསྒོ་བ་ཞེས་བགྱི་ལགས། བཀའ་སྩལ་པ།
12.25b
བསྒོ་བ་ཞེས་བྱའོ། །བསྒོ་བ་འཆགས་ལགས་སམ། ཉེ་བར་འཁོར་མི་འཆགས་ཏེ། དགེ་འདུན་ལ་ཡང་འགལ་ཚབས་ཅན་དུ་འགྱུར་རོ། །བཙུན་པ་བསྐྲད་པའི་ལས་མ་བགྱིས་ཏེ། བཤེས་པའི་ཚིག་གིས་བསྒོ་བཞེས་བགྱི་འམ། འོན་ཏེ་མ་བསྒོ་བ་ཞེས་བགྱི་ལགས། བཀའ་སྩལ་པ།[་]བསྒོ་བ་ཞེས་བྱའོ། །བསྒོ་བ་འཆགས་ལགས་སམ། ཉེ་བར་འཁོར་འཆགས་ཏེ། དགེ་འདུན་ལ་ཡང་འགལ་ཚབས་ཅན་དུ་མི་འགྱུར་རོ། །བཙུན་པ་བསྐྲད་པའི་ལས་མ་བགྱིས་པར་དགེ་འདུན་ལ་འདུན་པས་འགྲོའོ་ཞེས་མཆི་ཞིང་ཞེ་སྡང་གིས་འགྲོ་བ་དང ། གཏི་མུག་གིས་འགྲོ་བ་དང ། འཇིགས་པས་འགྲོ་བའོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བསྒོ་བར་བགྱི་འམ། འོན་ཏེ་བསྒོ་བར་མི་བགྱི་ལགས། བཀའ་སྩལ་པ། བསྒོ་བར་མི་བྱའོ། །བསྒོ་བ་འཆགས་སམ། ཉེ་བར་འཁོར་མི་འཆགས་ཏེ། དགེ་འདུན་ལ་ཡང་འགལ་ཚབས་ཅན་དུ་འགྱུར་རོ། །བསྐྲད་པའི་ལས་བགྱིས་ནས། དགེ་འདུན་ལ་འདུན་པས་འགྲོ་བའོ་ཞེས་མཆི་ཞིང་ཞེ་སྡང་གིས་འགྲོ་བ་དང ། གཏི་མུག་གིས་འགྲོ་བ་དང ། འཇིགས་པས་འགྲོ་བའོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བསྒོ་བར་བགྱིའམ། འོན་ཏེ་བསྒོ་བར་མི་བགྱི་ལགས། བཀའ་སྩལ་པ། བསྒོ་བར་བྱའོ། །བསྒོ་བ་འཆགས་ལགས་སམ། ཉེ་བར་འཁོར་འཆགས་ཏེ། དགེ་འདུན་ལ་ཡང་འགལ་ཚབས་ཅན་དུ་མི་འགྱུར་རོ། །བཙུན་པ་རེ་ཤིག་མ་གླེངས་དྲན་པར་མ་བགྱིས་པར་བདག་ཉིད་བཀའ་བློ་མི་བདེ་བ་ལ་གནས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྒོ་བར་བགྱི་འམ། འོན་ཏེ་བསྒོ་བར་མི་བགྱི་ལགས། བཀའ་སྩལ་པ། བསྒོ་བར་མི་བྱའོ། །བསྒོ་བ་འཆགས་ལགས་སམ། ཉེ་བར་འཁོར་མི་འཆགས་སོ། །བཙུན་པ་རེ་ཤིག་གླེངས་ཤིང་དྲན་པར་བགྱིས་པ་ལས་བདག་ཉིད་བཀའ་བློ་མི་བདེ་བ་ལ་གནས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྒོ་བར་བགྱི་འམ། འོན་ཏེ་བསྒོ་བར་མི་བགྱི་ལགས། བཀའ་སྩལ་པ། བསྒོ་བར་བྱའོ། །བསྒོ་བ་འཆགས་ལགས་སམ། ཉེ་བར་འཁོར་འཆགས་སོ། །མཚམས་ཀྱི་ནང་ན་མཆིས་པ་དག་གིས་མཚམས་ཀྱི་སླད་རོལ་ན་མཆིས་པ་བསྒོ་ན་བསྒོ་བ་ཞེས་བགྱི་ལགས་སམ
12.26a
ཉེ་བར་འཁོར་མ་ཡིན་ནོ། །མཚམས་ཀྱི་སླད་རོལ་ན་མཆིས་པ་དག་གིས་མཚམས་ཀྱི་ནང་ན་མཆིས་པ་དག་ལ་བསྒོ་ན་བསྒོ་བ་ཞེས་བགྱི་ལགས་སམ། ཉེ་བར་འཁོར་མ་ཡིན་ནོ། །བཙུན་པ་རེ་ཤིག་དགེ་སློང་ལས་བགྱིད་པ་མཚམས་ཀྱི་ནང་ན་མཆིས་པས་མཚམས་ཀྱི་སླད་རོལ་ན་མཆིས་པ་དག་ལ་བསྒོ་ན་བསྒོ་བ་ཞེས་བགྱི་ལགས་སམ། ཉེ་བར་འཁོར་མ་ཡིན་ནོ། །བཙུན་པ་རེ་ཤིག་དགེ་སློང་ལས་བགྱིད་པ་མཚམས་ཀྱི་སླད་རོལ་ན་མཆིས་པས་མཚམས་ཀྱི་ནང་ན་མཆིས་པ་དག་ལ་བསྒོ་ན་བསྒོ་བ་ཞེས་བགྱི་ལགས་སམ། ཉེ་བར་འཁོར་མ་ཡིན་ནོ། །བཙུན་པ་རེ་ཤིག་དགེ་སློང་ལས་བགྱིད་པས་མཚམས་མནན་ཅིང ། མཚམས་ནོན་པར་བགྱིས་ཏེ། མཚམས་སུ་མཆིས་ནས་བསྒོ་ན་བསྒོ་བ་ཞེས་བགྱི་འམ། མ་བསྒོ་བ་ཞེས་བགྱི་ལགས། ཉེ་བར་འཁོར་བསྒོ་བ་ཞེས་བྱའོ། །བསྒོ་བ་འཆགས་ལགས་སམ། ཉེ་བར་འཁོར་འཆགས་སོ། །བཙུན་པ་དགེ་སློང་ལས་བགྱིད་པར་མ་བསྐོས་པ་ཞིག་གིས་མཚམས་ཀྱི་ནང་ན་མཆིས་པའི་གང་ཟག་བཞི་བསྐྲད་ན། བསྐྲད་པ་ཞེས་བགྱི་ལགས་སམ། ཉེ་བར་འཁོར་མ་ཡིན་ནོ། །བཙུན་པ་རེ་ཤིག་དགེ་སློང་ལས་བགྱིད་པར་བསྐོས་པས་མཚམས་ཀྱི་ནང་ན་མཆིས་པའི་གང་ཟག་བཞི་ཞིག་བསྐྲད་ན། བསྐྲད་པ་ཞེས་བགྱི་ལགས་སམ། གལ་ཏེ་དེས་རེ་རེ་དང ། གཉིས་གཉིས་དང ། གསུམ་གསུམ་ནས་བསྐྲད་ཀྱི་བཞིར་མ་ཡིན་ན་བསྐྲད་པ་ཞེས་བྱའོ། །བཙུན་པ་དགེ་སློང་ལས་བགྱིད་པས་མཚམས་ཀྱི་ནང་ཕྱོགས་བཞི་ན་མཚུངས་པར་གནས་པའི་དགེ་སློང་མཆིས་པ་དག་གིས་དགེ་སློང་བཞི་ཞིག་ལ་བསྒོ་ན་བསྒོ་བར་ཡང་ཆུད་ལ་ལྟུང་བ་གང་དུ་ཡང་མི་འགྱུར་ཞིང ། དེས་དགེ་འདུན་མི་མཐུན་པར་ཡང་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་གལ་ཏེ་ཕན་ཚུན་འདུན་པ་བྱིན་པས་རེ་རེ་དང ། གཉིས་གཉིས་དང ། གསུམ་གསུམ་ལ་བསྒོའི་བཞི་ལ་མ་ཡིན་ན་ཡོང་ངོ ། །དེ་ཅིའི་ཕྱིར་ཞེ་ན། ཚོགས་ཀྱིས་ཚོགས་ཀྱི་ལས་དག་བྱར་མི་རུང་བས་སོ། །ལས་བགྱིད་པ་ཕྱོགས་གཅིག་ན་མཆིས་པས་གནས་བཞིའི་ལས་ཐམས་ཅད་བགྱིར་རུང་ལགས་སམ།
12.26b
ཉེ་བར་འཁོར་འདི་ལྟར་དགེ་སློང་ལས་བྱེད་པས་གནས་བཞི་ཆར་གྱི་མཚམས་ཀྱི་མདོ། ཁྲི་འམ་ཁྲིའུ་འམ། རེ་ལྡེ་འམ། རེ་ལྗོང་རིངས་ཀྱིས་མནན་ཏེ་འདུག་པར་གྱུར་ལ། གནས་དེ་དག་ན་ཡང་ལས་འདི་ལྟ་བུ་འདི་ལྟ་སྟེ། བཞིའི་ཚོགས་ཀྱིས་བྱ་བའི་ལས་དང ། ལྔའི་ཚོགས་ཀྱིས་བྱ་བའི་ལས་དང ། བཅུའི་ཚོགས་ཀྱིས་བྱ་བའི་ལས་དང ། ཉི་ཤུའི་ཚོགས་ཀྱིས་བྱ་བའི་ལས་ཉེ་བར་གནས་པར་གྱུར་ན་རུང་ངོ ། །དེ་ཅིའི་ཕྱིར་ཞེ་ན། དེ་དག་ཁ་ཅིག་ནི་ལས་བྱེད་པ་ཡིན་ལ། ཁ་ཅིག་གི་ནི་ཚོགས་སྐྱོང་བ་ཡིན་ནོ། །ས་ལ་མཆིས་པས་ནམ་མཁའ་ལ་མཆིས་པ་རྣམས་ལ་བསྒོ་ན་བསྒོ་བ་ཞེས་བགྱི་ལགས་སམ། ཉེ་བར་འཁོར་མ་ཡིན་ནོ། །བཙུན་པ་རེ་ཤིག་ལས་བགྱིད་པ་ནམ་མཁའ་ལ་མཆིས་ལ། ས་ལ་མཆིས་པ་རྣམས་ལ་བསྒོ་ན་བསྒོ་བ་ཞེས་བགྱི་ལགས་སམ། ཉེ་བར་འཁོར་མ་ཡིན་ནོ། །ཇི་ལྟར་དགེ་སློང་ལ་དགེ་འདུན་ལྷག་མར་འགྱུར་བ་ཇི་ལྟ་བ་དེ་བཞིན་དུ་བསླབ་པ་བྱིན་པ་དང ། དགེ་སློང་མ་ལ་ཡང་དགེ་འདུན་ལྷག་མར་འགྱུར་རོ། །དགེ་སློབ་མ་དང་དགེ་ཚུལ་དང ། དགེ་ཚུལ་མ་རྣམས་ལ་ནི་ཉེས་བྱས་སོས། །སྔར་ལྟུང་བ་བྱུང་བ་ལ་སོགས་པ་ལ་ཡང་ཉེས་བྱས་ཁོ་ན་སྟེ། སྔ་མ་བཞིན་ནོ། །དེ་ལྟར་ན་གཞུང་འདི་ནི་དགེ་འདུན་ལྷག་མ་གསུམ་ལ་ཡང་ཅི་རིགས་པར་བརྗོད་པར་བྱ་བ་ཡིན་ནོ། །ཉེ་བར་འཁོར་གྱིས་ཞུས་པ་ཁ་ཆེ་བ་ལས། དགེ་འདུན་ལྷག་མ་རྫོགས་སྷོ།། །།སྡོམ་ལ། མཐའ་དང་ལམ་དང་རྒྱལ་རིགས་དང ། །ཕུང་པོ་དེ་བཞིན་ལྷག་མ་དང ། །ཁ་དང་ཤ་ཁ་ར་དང་ཧཝགས། །བུ་རམ་མར་གསར་མ་ངེས་གཉིས། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བུད་མེད་ཀྱི་ཡུལ་དང་ལྷན་ཅིག་གཅིག་པུ་གཅིག་དང ། དབེན་པ་སྐྱབས་ཡོད་པ་ན། འདོད་པ་བྱར་རུང་བར་སྟན་ལ་འདུག་པར་བྱེད་ཅིང ། དེ་ལ་གལ་ཏེ་དགེ་བསྙེན་མ་ཡིད་ཆེས་པའི་ཚིག་དང་ལྡན་པས་ཆོས་གསུམ་པོ་ཕམ་པར་འགྱུར་བ་འམ། དགེ་འདུན་ལྷག་མ་འམ། ལྟུང་བྱེད་ལས་གང་ཡང་རུང་བས་སྨྲས་པར་གྱུར་ལ། དགེ་སློང་གིས་འདུག་པར་ཁས་བླངས་ན་ཆོས་གསུམ་པོ་ཕམ་པར་འགྱུར་བ་འམ། དགེ་འདུན་ལྷག་མ་འམ། ལྟུང་བྱེད་ལས
12.27a
ཆོས་གང་ཡང་རུང་བས་བྱེད་དུ་གཞུག་ཅིང ། དགེ་སློང་དེ་ལ་དགེ་བསྙེན་མ་ཡིད་ཆེས་པའི་ཚིག་དང་ལྡན་པས་ཆོས་གང་དང་གང་གིས་སྨྲས་པར་གྱུར་པའི་ཆོས་དེ་དང་དེས་དགེ་སློང་དེ་བྱེད་དུ་གཞུག་སྟེ། དེ་ནི་མ་ངེས་པའི་ཆོས་སོ། །ཡང་དགེ་སློང་གང་བུད་མེད་ཀྱི་ཡུལ་དང་ལྷན་ཅིག་གཅིག་པུ་གཅིག་དང ། དབེན་པ་སྐྱབས་ཡོད་པ་ན། འདོད་པ་བྱར་མི་རུང་བར་སྟན་ལ་འདུག་པར་བྱེད་ཅིང ། དེ་ལ་གལ་ཏེ་དགེ་བསྙེན་མ་ཡིད་ཆེས་པའི་ཚིག་དང་ལྡན་པས་ཆོས་གཉིས་པོ་དགེ་འདུན་ལྷག་མ་འམ། ལྟུང་བྱེད་ལས་ཆོས་གང་ཡང་རུང་བས་སྨྲས་པར་གྱུར་ལ། དགེ་སློང་གིས་འདུག་པར་ཁས་བླངས་ན། ཆོས་གཉིས་པོ་དགེ་འདུན་ལྷག་མ་འམ། ལྟུང་བྱེད་ལས་ཆོས་གང་ཡང་རུང་བར་བྱེད་དུ་གཞུག་ཅིང་དགེ་སློང་ལ་དགེ་བསྙེན་མ་ཡིད་ཆེས་པའི་ཚིག་དང་ལྡན་པས་ཆོས་གང་དང་གང་གིས་སྨྲས་པར་གྱུར་པའི་ཆོས་དེ་དང་དེས་དགེ་སློང་དེ་བྱེད་དུ་གཞུག་སྟེ། དེ་ཡང་མ་ངེས་པའི་ཆོས་སོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་ཅེས་བཙུན་པ་དག་བདག་གིས་དགེ་སློང་མཐའ་དང་པོ་འབྱིན་པར་བགྱིད་པ་མཐོང་ངོ་ཞེས་མཆི་ན། དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ཏམ། མི་གཞུག་སྟེ། རེ་ཤིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན་གཉིས་ཀ་ལ་དྲི་བར་བྱ་སྟེ། གལ་ཏེ་འཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་ཅིང ། དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་དེ་སྐད་ཅེས་འདི་མཐའ་དང་པོ་ནི་མ་བྱུང་གི་འོན་ཀྱང་བདག་གིས་མཐའ་གཉིས་པ་དང ། གསུམ་པ་དང ། བཞི་པ་བྱུང་བ་མཐོང་ངོ་ཞེས་ཟེར་ན་དགེ་སློང་ལ་རྨེད་དུ་གཞུག་གོ། །དང་པོ་ཇི་ལྟ་བར་མཐའ་གཉིས་པ་དང ། གསུམ་པ་དང ། བཞི་པ་རྣམས་ལ་ཡང་དེ་བཞིན་དུ་བརྗོད་པར་བྱའོ། །བཙུན་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས
12.27b
འདི་སྐད་ཅེས་བཙུན་པ་དག་བདག་གིས་དགེ་སློང་ཞིག་གིས་ཁའི་ལམ་དུ་ཉམས་པར་བགྱིས་པ་མཐོང་ངོ་ཞེས་མཆི་ན། དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ཏམ། མི་གཞུག་སྟེ། རེ་ཤིག་དེ་ལ་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན་གཉི་ག་ལ་དྲི་བར་བྱ་སྟེ། གལ་ཏེ་འཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་བཅུག་ཅིང ། དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་དེ་འདི་སྐད་ཅེས་འདིས་ཁའི་ལམ་དུ་ནི་ཉམས་པར་མ་བྱས་ཏེ། འོན་ཀྱང་བཤང་བའི་ལམ་དང ། གཅི་བའི་ལམ་དུ་ཉམས་པར་བྱས་སོ་ཞེས་ཟེར་ན་དགེ་སློང་ལ་རྨེད་དུ་གཞུག་གོ། །ཁའི་ལམ་དུ་ཇི་ལྟ་བར་བཤང་བའི་ལམ་དང ། གཅི་བའི་ལམ་དུ་ཡང་དེ་བཞིན་དུ་བརྗོད་པར་བྱའོ། །བཙུན་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་ཅེས། བཙུན་པ་དག་དགེ་སློང་ཞིག་རྒྱལ་རིགས་མ་ཞིག་དང་ལྷན་ཅིག་ཏུ་ཉམས་པར་བགྱིད་པ་བདག་གིས་མཐོང་ངོ་ཞེས་མཆི་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ་བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ཏམ། མི་གཞུག་སྟེ། རེ་ཤིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན། གཉི་ག་ལ་དྲི་བར་བྱ་སྟེ། གལ་ཏེ་འཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་ཅིང ། དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་དེ་འདི་སྐད་ཅེས་འདིས་རྒྱལ་རིགས་དང་ལྷན་ཅིག་ཏུ་ཉམས་པར་ནི་མ་བྱས་ན། འོན་ཀྱང་བྲམ་ཟེ་མོ་དང་ལྷན་ཅིག་ཏུ་ཉམས་པར་གྱུར་ཏོ་ཞེས་ཟེར་ན་དགེ་སློང་ལ་རྨེད་དུ་གཞུག་གོ། །རྒྱལ་རིགས་མོ་དང་ཇི་ལྟ་བར་བྲམ་ཟེའི་མོའི་རིགས་དང ། རྗེའུ་རིགས་མོ་དང ། དམངས་རིགས་མོ་དང ། དཀར་མོ་དང ། སྔོན་མོ་དང ། སྔོ་སངས་མོ་དང ། རིང་མོ་དང ། ཐུང་དུ་མོ་དང ། སྡུག་གུ་མ་དང ། སྐེམ་མོ་དང ། ཚོན་མོ་དང ། ལུས་ངན་མ་དང ། འགྲོ་བ་དང ། འདུག་པ་དང ། འགྲེང་བ་དང །
12.28a
འགྱེལ་བ་དང་ཡང་རྒྱས་པར་བརྗོད་པར་བྱའོ། །བཙུན་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་ཅེས་བཙུན་པ་དག་བདག་གིས་དགེ་སློང་ཞིག་མཐའ་དང་པོའི་ཕུང་པོ་འབྱིན་པར་བགྱིད་པ་མཐོང་ངོ ། །ཞེས་མཆི་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་དུ་ཚོལ་དུ་སྩལ་ཏམ། མི་གཞུག་སྟེ། རེ་ཤིག་དེ་ལ་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན། གཉི་ག་ལ་དྲི་བར་བྱ་སྟེ། གལ་ཏེ་འཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་ཏུ་བྱེད་དུ་གཞུག་ཅིང ། དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་འདི་སྐད་ཅེས་མཐའ་དང་པོའི་ཕུང་པོ་ནི་མ་བྱུང་གི་འོན་ཀྱང་ལྟུང་བའི་ཕུང་པོ་གཉིས་པ་དང ། གསུམ་པ་དང ། བཞི་པ་དང ། ལྔ་པ་བྱུང་ངོ་ཞེས་བྱ་བ་རྒྱས་པར་བརྗོད་དོ། །བཙུན་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་ཅེས་བཙུན་པ་དག་བདག་གིས་དགེ་སློང་ཞིག་དགེ་འདུན་ལྷག་མ་དང་པོ་འབྱིན་པར་བགྱིད་པ་མཐོང་ངོ་ཞེས་མཆི་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ཏམ། མི་གཞུག་སྟེ། རེ་ཤིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན། གཉི་ག་ལ་དྲི་བར་བྱ་སྟེ། གལ་ཏེ་འཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་ཅིང་དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་དེ་འདི་སྐད་ཅེས་དགེ་འདུན་ལྷག་མ་དང་པོ་ནི་མ་བྱུང་གི་འོན་ཀྱང་དགེ་འདུན་ལྷག་མ་གཉིས་པ་དང ། གསུམ་པ་དང ། བཞི་པ་ནས། བཅུ་གསུམ་པའི་བར་བྱུང་ངོ་ཞེས་ཟེར་ན། དགེ་སློང་ལ་རྨེད་དུ་གཞུག་གོ། །དང་པོ་ལ་ཇི་ལྟ་བར་དགེ་འདུན་ལྷག་མ་གཉིས་པ་དང ། གསུམ་པ་ནས་བཅུ་གསུམ་པའི་བར་ལ་ཡང་དེ་བཞིན་དུ་བརྗོད་པར་བྱའོ། །བཙུན་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པས་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་ཅེས་བཙུན་པ
12.28b
དག་བདག་གིས་དགེ་སློང་ཞིག་གིས་ཁར་ཉམས་པར་བགྱིད་པ་མཐོང་ངོ་ཞེས་མཆི་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ཏམ། མི་གཞུག་སྟེ། རེ་ཤིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན། གཉི་ག་ལ་དྲི་བར་བྱ་སྟེ། གལ་ཏེ་འཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་གོ། །འོན་ཏེ་འདི་སྐད་ཅེས་ཁར་ནི་ཉམས་པར་མ་བྱས་ཀྱི་འོན་ཀྱང་འདིས་སོའི་ཕྱི་རོལ་མཆུའི་ནང་དུ་ཁུ་བ་ཕྱུང་ངོ་ཞེས་ཟེར་ན་དགེ་སློང་ལ་རྨེད་དུ་གཞུག་གོ། ། བཙུན་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་ཅེས་བཙུན་པ་དག་བདག་གིས་དགེ་སློང་ཞིག་གཅི་བའི་ལམ་དུ་ཉམས་པར་བགྱིད་པ་མཐོང་ངོ་ཞེས་མཆི་ན་དགེ་བསྙེན་མ་ཡིད་ཆེས་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ཏམ། མི་གཞུག་སྟེ། རེ་ཤིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན་གཉི་ག་ལ་དྲི་བར་བྱ་སྟེ། གལ་ཏེ་འཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་ཅིང་དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་དེ་འདི་སྐད་ཅེས་གཅི་བའི་ལམ་དུ་ནི་ཉམས་པར་མ་བྱས་ཀྱི་འོན་ཀྱང་འདིས་བརླ་ཕྲག་ཏུ་ཁུ་བ་ཕྱུང་ངོ་ཞེས་ཟེར་ན་དགེ་སློང་ལ་རྨེད་དུ་གཞུག་གོ། །བཙུན་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས་འདི་སྐད་ཅེས་བཙུན་པ་དག་བདག་གིས་དགེ་སློང་ཞིག་གིས་བཤང་བའི་ལམ་དུ་ཉམས་པར་བགྱིད་པ་མཐོང་ངོ་ཞེས་མཆི་ན། དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ཏམ། མི་གཞུག་སྟེ། རེ་ཤིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན་གཉི་ག་ལ་དྲི་བར་བྱ་སྟེ། གལ་ཏེ་འཐུན་ན་དགེ་བསྙེན
12.29a
མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་ཅིང་དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་དེ་འདི་སྐད་ཅེས་བཤང་བའི་ལམ་དུ་ནི་ཉམས་པར་མ་བྱས་ཀྱི་འོན་ཀྱང་འདིས་རྐུབ་ཙོས་ཀྱི་ཕྲག་ཏུ་ཁུ་བ་ཕྱུང་ངོ་ཞེས་ཟེར་ན། དགེ་སློང་ལ་རྨེད་དུ་གཞུག་གོ། །བཙུན་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་ཅེས་བཙུན་པ་དག་བདག་གིས་དགེ་སློང་ཞིག་དུས་མ་ཡིན་པར་སྐྱོ་མ་འཐུང་བ་མཐོང་ངོ་ཞེས་མཆི་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ཏམ། རེ་ཤིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན་གཉི་ག་ལ་དྲི་བར་བྱ་སྟེ། གལ་ཏེ་འཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་ཅིང་དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་དེ་འདི་སྐད་ཅེས་དུས་མ་ཡིན་པར་སྐྱོ་མ་ནི་མ་འཐུངས་ཀྱི་འོན་ཀྱང་འདིས་ཤ་ཀ་རའི་ཆུ་འཐུངས་སོ་ཞེས་ཟེར་ན། དགེ་སློང་ལ་རྨེད་དུ་གཞུག་གོ། །བཙུན་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་ཅེས་བཙུན་པ་དག་བདག་གིས་དགེ་སློང་ཞིག་བུ་རམ་གྱི་ཆང་འཐུང་ངོ་ཞེས་མཆི་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ཏམ། མི་གཞུག་སྟེ། རེ་ཤིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན་གཉི་ག་ལ་དྲི་བར་བྱ་སྟེ། གལ་ཏེ་འཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་ཅིང་དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་འདི་སྐད་ཅེས་འདི་དུས་མ་ཡིན་པར་བུ་རམ་གྱི་ཆང་མ་འཐུངས་ཀྱི། འོན་ཀྱང་འདིས་ཧཝགས་ཀྱི་ཆུ་འཐུངས་སོ་ཞེས་ཟེར་ན། དགེ་སློང་ལ་རྨེད་དུ་གཞུག་གོ། །དགེ་བསྙེན་མ་ཡིད་ཆེས་པའི་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་ཅེས་བཙུན་པ་དག་བདག་གིས་དགེ་སློང་ཞིག་དུས་མ་ཡིན་པར་ཤ་ཟ་བ་མཐོང་ངོ་ཞེས་མཆི་ན་དགེ
12.29b
བསྙེན་མ་ཡིད་ཆེས་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ཏམ། མི་གཞུག་སྟེ། རེ་ཤིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན་གཉི་ག་ལ་དྲི་བར་བྱ་སྟེ། གལ་ཏེ་འཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་ཅིང ། དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་འདི་སྐད་ཅེས་དུས་མ་ཡིན་པར་ཤ་ནི་མ་ཟོས་ཀྱི། འོན་ཀྱང་འདིས་བུ་རམ་ཞིག་ཟོས་སོ་ཞེས་ཟེར་ན། དགེ་སློང་ལ་རྨེད་དུ་གཞུག་གོ། །བཙུན་པ་དགེ་བསྙེན་མ་ཡིད་ཆེས་པར་ཚིག་དང་ལྡན་པ་ཞིག་དགེ་སློང་རྣམས་ཀྱི་དྲུང་དུ་མཆིས་ནས། འདི་སྐད་ཅེས་བཙུན་པ་དག་བདག་གིས་དགེ་སློང་ཞིག་དུས་མ་ལགས་པར་ཁ་ཟས་ཟ་བ་མཐོང་ངོ་ཞེས་མཆི་ན། དགེ་བསྙེན་མ་ཡིས་ཆེས་པའི་ཚིག་དང་ལྡན་པའི་ཚིག་གིས་བགྱིད་དུ་སྩལ་ཏམ། བྱེད་དུ་མི་གཞུག་གོ། །དེ་དེའི་ངོ་བོ་ཉིད་ཚོལ་དུ་སྩལ་ཏམ། མི་གཞུག་སྟེ། རེ་ཤིག་དེ་ལ་དེ་ན་ཆེ་ཞེ་ཟླ་འགའ་ཡོད་དམ་ཞེས་དྲི་བར་བྱའོ། །གལ་ཏེ་འདི་སྐད་ཅེས་ཡོད་དོ་ཞེས་ཟེར་ན་གཉི་ག་ལ་དྲི་བར་བྱ་སྟེ། གལ་ཏེ་འཐུན་ན་དགེ་བསྙེན་མ་ཡིད་ཆེས་པའི་ཚིག་དང་ལྡན་པའི་ཚིག་གིས་བྱེད་དུ་གཞུག་ཅིང ། དེ་དེའི་ངོ་བོ་ཉིད་ཚོལ་དུ་གཞུག་གོ། །འོན་ཏེ་འདི་སྐད་ཅེས་དུས་མ་ཡིན་པའི་ཟས་ནི་མ་ཟོས་ཀྱི། འོན་ཀྱང་འདིས་མར་ཟོས་སོ་ཞེས་ཟེར་ན། དགེ་སློང་ལ་རྨེད་དུ་གཞུག་གོ། །དེ་ལྟ་བུའི་དངོས་པོ་མ་ངེས་པ་དགེ་བསྙེན་མ་ཡིད་ཆེས་པའི་ཚིག་དང་ལྡན་པ་བདེན་པ་མཐོང་བ་སྨྲ་བ་གང་དག་ཡིན་པ་དེ་དག་ལ་དགེ་སློང་ལ་རྨེད་དུ་གཞུག་གོ། །ཉེ་བར་འཁོར་གྱིས་ཞུས་པ་ཁ་ཆེ་བ་ལས་མ་ངེས་པ་དང་ལྡན་པ་རྫོགས་སྷོ།། །།སྡོམ་ལ། དེ་ཉིད་སྟོར་དང་ཚིག་པ་དང ། །སེམས་འཁྲུགས་བྱིན་གྱིས་མ་བརླབས་དང ། །རུང་བ་དང་ནི་དུས་ལས་འདས། །མཚན་དང་བཞི་དང་བཏིང་བའོ། ། སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་ཆོས་གོས་ཟིན་པས་ཆོས་གོས་སྲ་བརྐྱང་ཕྱུང་ནས་ཞག་བཅུའི་བར་དུ་གོས་ལྷག་པ་རུང་བར་མ་བྱས་པ་བཅང་བར་བྱའོ། །དེ་ལས་འདས་པར་བཅངས་ན་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་ཆོས་གོས་དེ་ཉིད་དགུང་བཅུ་འདས་པ་ཡང་ལགས་ལ་དེ་ཉིད་དགུང་གཅིག་བྲལ
12.30a
བ་ཡང་ལགས་པ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་དགེ་སློང་གིས་ཞག་བཅུ་འདས་པའི་ཆོས་གོས་བྱིན་གྱིས་བརླབས་ནས། ཆོས་གོས་མེད་པར་མཚམས་ཀྱི་ཕྱི་རོལ་དུ་སྐྱ་རེང་འཆར་བར་བྱེད་ན། ཆོས་གོས་འདི་ནི་ཞག་བཅུ་འདས་པ་ཡང་ཡིན་ལ། ཞག་གཅིག་བྲལ་བ་ཡང་ཡིན་ནོ། །བཙུན་པ་རེ་ཤིག་དགེ་སློང་གི་སྤང་བའི་ཆོས་གོས་ཉམས་པར་གྱུར་ན། ལྟུང་བ་བཤགས་པར་བགྱི་འམ། ཉེ་བར་འཁོར་འབའ་ཤིག་པའི་ལྟུང་བ་བཤགས་པར་བྱའོ། །གལ་ཏེ་ལྟུང་བ་བཤགས་ལགས་ནས་སླར་རྙེད་ན་སྤང་བར་བགྱི་འམ། ཉེ་བར་འཁོར་མ་ཡིན་ནོ། །བཙུན་པ་རེ་ཤིག་དགེ་སློང་གི་སྤང་པའི་ཆོས་གོས་མེས་ཚིག་གམ་ཟོས་པར་གྱུར་ན་དུམ་བུ་འམ། དེ་དག་སྤང་བར་བགྱི་ལགས་སམ། ཉེ་བར་འཁོར་མ་ཡིན་ནོ། །འབའ་ཤིག་པའི་ལྟུང་བ་བཤགས་པར་བྱའོ། །འོན་ཏེ་ཀུན་ནས་ཁྲུ་གང་བ་ཞིག་ཡིན་ན་སྤང་བར་བྱའོ། །བཙུན་པ་རེ་ཤིག་དགེ་སློང་གིས་ཆོས་གོས་རྙེད་ནས་དགུང་ལྔ་ལོན་པ་དང ། སེམས་འཁྲུགས་པར་གྱུར་ན་གང་ནས་བཟུང་སྟེ། དེའི་དགུང་བཅུ་བགྲང་བར་བགྱི་ལགས། གང་ནས་བཟུང་སྟེ་རང་གི་སེམས་ཕྱིར་རྙེད་པ་ནས་སོ། །བཙུན་པ་དགེ་སློང་གིས་ཆོས་གོས་བརྒྱད་དམ་དགུ་ཞིག་བྱིན་གྱིས་མ་བརླབས། རུང་བར་མ་བགྱིས་པར་ནམ་འཚོའི་བར་དུ་བཅངས་ན་ནོངས་པར་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ་དགེ་སློང་གིས་ཉི་མ་རེ་རེ་ཞིང་ཆོས་གོས་ལས་ཕྱུང་སྟེ། གཞན་བྱིན་གྱིས་རློབ་ནའོ། །བཙུན་པ་བཅོམ་ལྡན་འདས་ཀྱིས་ཞག་བཅུ་ལས་འདས་པའི་ཆོས་གོས་སྤང་བའོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་ཆོས་གོས་ལྷག་མ་དགུ་བཅུ་ལས་འདས་པར་བཅངས་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་གོས་ཀྱི་སྤུན་རུང་བར་གྱུར་ལ། རྒྱུ་མི་རུང་བར་གྱུར་པ་དང ། རྒྱུ་རུང་བར་གྱུར་ལ། སྤུན་མི་རུང་བར་གྱུར་པ་དང ། གཉི་ག་མི་རུང་བར་གྱུར་ཏེ། མི་རུང་བ་ནི་རྔ་བལ་དང ། བ་ལང་གི་སྤུ
12.30b
དང ། ར་བལ་དང ། རི་དགས་ཀྱི་བལ་དང ། འདྲེས་པ་དང ། ཐགས་སུ་མ་བཏགས་པ་སྟེ། དེ་ལྟ་བུའི་ཆོས་གོས་ནི་ཞག་བཅུ་ལས་ལྷག་པར་བཅངས་ན་ཉེས་བྱས་སུ་འགྱུར་རོ། །བཙུན་པ་བཅོམ་ལྡན་འདས་ཀྱིས་དགེ་སློང་རྣམས་ཀྱིས་ཞག་བཅུའི་བར་དུ་གོས་ལྷག་པ་བཅང་བར་བྱའོ་ཞེས་གསུངས་པ་གང་ལགས་པ། བཙུན་པ་དེ་དགེ་སློང་གིས་ནམ་འཚོའི་བར་དུ་ཆོས་གོས་ལྷག་པ་བཅངས་ཀྱང་ནོངས་པར་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། ཞག་བཅུ་ཚུན་ཆད་དུ་དུས་ལས་འདས་པར་གྱུར་ནའོ། །བཙུན་པ་ཆོས་གོས་དེ་ཉིད་བཅངས་ན་ལྟུང་བར་ཡང་མི་འགྱུར་ལ། ཆོས་གོས་དེ་ཉིད་བཅངས་ན་ལྟུང་བར་ཡང་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་དགེ་སློང་དེ་ཆོས་གོས་རིན་ཆེན་པོ་འཆང་ན་ལྟུང་བ་མེད་ལ། མཚན་གྱུར་ཏེ་དགེ་སློང་མར་རེད་དེ་འཆང་ན་ལྟུང་བར་འགྱུར་རོ། །བཙུན་པ་རེ་ཤིག་དགེ་སློང་གིས་ཆོས་གོས་རྙེད་ནས་དགུང་བཅུ་ལགས་པ་དང ། དེའི་མཚན་གྱུར་ནས་དགེ་སློང་མར་རེད་ནས་དགུང་བཅུ་འདས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མས་ཆོས་གོས་ཤིག་རྙེད་ནས་དགུང་བཅུ་ལགས་པ་དང ། མཚན་གྱུར་ཏེ་དགེ་སློང་དུ་རེད་ནས་དགུང་བཅུ་འདས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་དགུང་བཅུ་ལ་དགུང་བཅུར་འདུ་ཤེས་ཏེ་སྐྱ་རེང་འཆར་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགུང་བཅུ་ལ་དགུང་བཅུ་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །དགུང་བཅུ་མ་ལགས་པ་ལ་དགུང་བཅུར་འདུ་ཤེས་ན་ཅིར་འགྱུར་ལགས། ཉེས་བྱས་སུ་འགྱུར་རོ། །དགུང་བཅུ་མ་ལགས་པ་ལ་དགུང་བཅུ་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་སྲ་བརྐྱང་བཏིང་བའི་གནས་སུ་ཆོས་གོས་ཤིག་རྙེད་ལ། ཆོས་གོས་དེ་ཡང་སྤང་བར་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ།
12.31a
འདི་ལྟར་དགེ་སློང་གིས་ཆོས་གོས་སྤང་བ་ཡིན་ལ། དགེ་སློང་དེས་ཀྱང་ཆོས་གོས་དེ་མ་སྤངས། བྲལ་བར་མ་བྱས། ཉེས་པ་མ་བཤགས་པའི་སྐབས་སུ་དགེ་འདུན་གྱིས་སྲ་བརྐྱང་བཏིང་བར་གྱུར་ལ། སྲ་བརྐྱང་བཏིང་ནས་དགེ་སློང་དེས་ཆོས་གོས་གཞན་ཞིག་རྙེད་ནའོ། །བཙུན་པ་རེ་ཤིག་བསླབ་པ་སྩལ་པས་དགུང་བཅུ་ལས་ལྷག་པར་ཆོས་གོས་ལྷག་པ་བཅངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མས་དགུང་བཅུ་ལས་ལྷག་པར་ཆོས་གོས་ལྷག་པ་བཅངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མས་དགུང་བཅུ་ལས་འདས་པར་ཆོས་གོས་ལྷག་པ་བཅངས་ན་ཅིར་འགྱུར་ལགས། ལྟུང་བ་མེད་དོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ། སྔ་མ་བཞིན་ནོ། ་་་་་་་་་་་ ། སྡོམ་ལ། དགེ་འདུན་གྱི་དང་ས་དང་མཚམས། ། མནན་པ་དང་ནི་མ་གནང་དང ། །མཚམས་མ་བཅད་དང་མ་གཡོགས་དང ། །བཞི་ཚན་དང་ནི་དེ་བཞིན་མཚན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་ཆོས་གོས་ཟིན་པས་སྲ་བརྐྱང་ཕྱུང་ན་གལ་ཏེ་ནུབ་གཅིག་ཀྱང་ཆོས་གོས་གསུམ་ལས་ཆོས་གོས་གང་ཡང་རུང་བ་དང ། མཚམས་ཀྱི་ཕྱི་རོལ་དུ་འབྲལ་བར་བྱེད་ན། དགེ་འདུན་གྱིས་གནང་བ་མ་གཏོགས་ཏེ་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་དགེ་འདུན་གྱི་ཆོས་གོས་བྱིན་གྱིས་བརླབ་པར་གནང་ལགས་སམ། ཉེ་བར་འཁོར་མི་གནང་ངོ ། །བཙུན་པ་དེ་ལྟ་བུའི་རྐྱེན་ཞིག་མཆིས་ན་གནང་ལགས་སམ། ཉེ་བར་འཁོར་གནང་ངོ ། །བཙུན་པ་རེ་ཤིག་དགེ་སློང་གིས་དགེ་འདུན་གྱི་ཆོས་གོས་བྱིན་གྱིས་བརླབས་ཏེ། ཆོས་གོས་མ་མཆིས་པར་མཚམས་ཀྱི་སླད་རོལ་དུ་བྲལ་བར་བགྱིད་ན། ཆོས་གོས་དང་བྲལ་བ་ཞེས་བགྱི་འམ། ཆོས་གོས་དང་མ་བྲལ་བ་ཞེས་བགྱི་ལགས། བཀའ་སྩལ་པ། ཆོས་གོས་དང་བྲལ་བ་ཞེས་བྱའོ། །ཆོས་གོས་དེ་སྤང་བར་བགྱི
12.31b
ལགས་སམ། ཉེ་བར་འཁོར་མ་ཡིན་ནོ། །འབའ་ཤིག་པའི་ལྟུང་བྱེད་བཤགས་པར་བྱའོ། །བཙུན་པ་དགེ་སློང་གིས་ཆོས་གོས་ས་ལ་བཞག་སྟེ། ནམ་མཁའ་ལ་སྐྱ་རེང་འཆར་བར་བགྱིད་དམ། ཆོས་གོས་ནམ་མཁའ་ལ་བཞག་སྟེ། ས་ལ་སྐྱ་རེང་འཆར་བར་བགྱིད་ན་ཆོས་གོས་དང་བྲལ་བ་ཞེས་བགྱི་འམ། ཆོས་གོས་དང་མ་བྲལ་བ་ཞེས་བགྱི་ལགས། བཀའ་སྩལ་པ། ཆོས་གོས་དང་བྲལ་བ་ཞེས་བྱའོ། །བཙུན་པ་རེ་ཤིག་དགེ་སློང་གིས་ཆོས་གོས་མཚམས་ཀྱི་ནང་དུ་བཞག་སྟེ། མཚམས་ཀྱི་སླད་རོལ་དུ་སྐྱ་རེང་འཆར་བར་བགྱིད་དམ། ཆོས་གོས་མཚམས་ཀྱི་སླད་རོལ་དུ་བཞག་སྟེ། མཚམས་ཀྱི་ནང་དུ་སྐྱ་རེང་འཆར་བར་བགྱིད་ན་ཆོས་གོས་དང་བྲལ་བ་ཞེས་བགྱི་འམ། ཆོས་གོས་དང་མ་བྲལ་བ་ཞེས་བགྱི་ལགས། བཀའ་སྩལ་པ། ཆོས་གོས་དང་བྲལ་བ་ཞེས་བྱའོ། །བཙུན་པ་རེ་ཤིག་དགེ་སློང་གིས་མཚམས་མནན་ཏམ། མཚམས་བཟུང་ངམ། མཚམས་སུ་འགྲེང་ངམ་མཆིས་ཏེ། མཚམས་ཀྱི་བར་དུ་ཆོས་གོས་བཞག་ནས་སྐྱ་རེང་འཆར་བར་བགྱིད་ན། ཆོག་གོས་དང་བྲལ་བ་ཞེས་བགྱི་འམ། ཆོས་གོས་དང་མ་བྲལ་བ་ཞེས་བགྱི་ལགས། བཀའ་སྩལ་པ། ཆོས་གོས་དང་མ་བྲལ་བ་ཞེས་བྱའོ། །བཙུན་པ་དགེ་སློང་ཡང་མཚམས་ཀྱི་ནང་ན་མཆིས་ལ། ཆོས་གོས་ཀྱང་མཚམས་ཀྱི་ནང་ན་མཆིས་པ་ལས། ཆོས་གོས་དེ་དང་བྲལ་བར་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། མཚམས་གཅད་པར་བྱ་བ་ཆོས་གོས་དང་མི་འབྲལ་བའི་སྡོམ་པ་མ་བྱིན་ནའོ། །བཙུན་པ་རེ་ཤིག་མཚམས་མ་བཅད་པའི་གནས་སུ་གང་ཚུན་ཆད་དགེ་སློང་ཆོས་གོས་དང་བྲལ་བ་ཞེས་བགྱི། ཉེ་བར་འཁོར་ཇི་ཙམ་གཙུག་ལག་ཁང་གི་ཉེ་འཁོར་ཆབ་ཀུང་ས་འམ། སྒོ་ཁྱམས་སམ་ཁང་ཕྲན་ནམ། ཀུན་དགའ་ར་བ་འམ། དགེ་སློང་གིས་ཀུན་དུ་སྤྱད་པ་འམ། ར་བ་འམ། འགྲེང་རིབ་བམ། འོབས་ཡོད་པའོ། །བཙུན་པ་དགེ་སློང་ཡང་གནས་གཅིག་ལ་སྟེང་གཡོགས་ཀྱང་གཅིག་པ་ཞིག་ན་མཆིས་ལ། དེ་ཉིད་ན་ཆོས་གོས་ཀྱང་མཆིས་ན་ཆོས་གོས་དེ་དང་བྲལ་བར་འགྱུར་བ་ལྟ་མཆིས་ལགས་སམ།
12.32a
ཉེ་བར་འཁོར་ཡོད་དེ། འདི་ལྟར་གནས་དེ་མུ་སྟེགས་ཅན་སྣ་ཚོགས་དང ། དགེ་སྦྱོང་དང ། བྲམ་ཟེ་དང ། སྤྱོད་པ་དང ། ཀུན་དུ་རྒྱུ་རྣམས་སམ། སྤུན་ནོར་བགོས་པ་རྣམས་ཀྱི་ཡིན་ནའོ། །བཙུན་པ་རེ་ཤིག་དགེ་སློང་གིས་མཚམས་ཀྱི་སླད་རོལ་ལ། མཚམས་ཀྱི་སླད་རོལ་དུ་འདུ་ཤེས་པ་ལས་སྐྱ་རེང་འཆར་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །མཚམས་ཀྱི་ནང་ལ་མཚམས་ཀྱི་སླད་རོལ་དུ་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མཚམས་ཀྱི་སླད་རོལ་ན་མཚམས་ཀྱི་ནང་དུ་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །མཚམས་ཀྱི་ནང་ལ་མཚམས་ཀྱི་ནང་དུ་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་མཚམས་ཀྱི་ནང་དུ་ཆོས་གོས་བཞག་སྟེ། མཚམས་ཀྱི་སླད་རོལ་དུ་སྐྱ་རེང་འཆར་བར་བགྱིད་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མ་ཞིག་གིས་མཚམས་ཀྱི་སླད་རོལ་ཏུ་སྐྱ་རེང་འཆར་བར་བགྱིད་པ་ལས། མཚན་གྱུར་ཏེ། དགེ་སློང་དུ་རེད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་དགེ་སློང་གིས་གང་གི་མདུན་དུ་ཆོས་གོས་བྱིན་གྱིས་བརླབ་པར་བགྱི། ཉེ་བར་འཁོར་དགེ་སློང་གིས་ནི་དགེ་སློང་གི་མདུན་དུ་ཆོས་གོས་བྱིན་གྱིས་བརླབ་པར་བྱའོ། །བཙུན་པ་དགེ་སློང་མས་གང་གི་མདུན་དུ་ཆོས་གོས་བྱིན་གྱིས་བརླབ་པར་བགྱི། ཉེ་བར་འཁོར་དགེ་སློང་མས་ནི་དགེ་སློང་མའི་མདུན་དུ་ཆོས་གོས་བྱིན་གྱིས་བརླབ་པར་བྱ་སྟེ། དབྱུང་བ་དང་རུང་བར་བྱ་བ་ཡང་དེ་བཞིན་དུ་བྱའོ། །བཙུན་པ་རེ་ཤིག་བསླབ་པ་སྩལ་པ་ཆོས་གོས་མ་མཆིས་པར་མཚམས་ཀྱི་སླད་རོལ་དུ་སྐྱ་རེང་འཆར་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་གྱུར་ཏེ། དེ་བཞིན་དུ་དགེ་སློང་མ་ལ་ནི་ཆོས་གོས་ལྔས་སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་རྣམས་ལ་ནི་ཉེས་པ་མེད་དོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ་སྔ་མ་བཞིན་ནོ། ་་་་་་་་་ ། སྡོམ་ལ།
12.32b
སེམས་འཁྲུགས་པ་དང་དུས་ལས་འདས། །དེ་བཞིན་རུང་བ་ཉིད་དང་ནི། །མི་རུང་པ་དང་གདིང་བ་དང ། །ཚད་དང་བཞི་ཚན་དག་དང་མཚན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་ཆོས་གོས་ཟིན་པས། ཆོས་གོས་སྲ་བརྐྱང་ཕྱུང་ནས་དུས་མ་ཡིན་པའི་གོས་རྙེད་ལ། འདོད་ན་དགེ་སློང་དེས་ཆོས་གོས་དེ་བླང་བར་བྱའོ། །བླངས་ནས་གལ་ཏེ་ལངས་ན་མྱུར་བ་ཁོ་ནར་ཆོས་གོས་སུ་བྱས་ཏེ་བཅང་བར་བྱའོ། །གལ་ཏེ་མི་ལངས་ལ་ཁ་མ་ལངས་པ་ཁ་སྐོང་པའི་ཆོས་གོས་ལ་རེ་བ་ཡོད་ན་ཡང་དགེ་སློང་དེས་ཆོས་གོས་དེ་ཟླ་བ་གཅིག་གི་བར་དུ་གཞག་པར་བྱའོ། །དེ་ལས་འདས་པར་འཇོག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གོས་ཤིག་རྙེད་མ་ཐག་ཏུ་སེམས་འཁྲུགས་པར་གྱུར་ན། གང་ནས་བཟུང་སྟེ་དེའི་ཟླ་བ་བགྲང་བར་བགྱི། གང་ནས་བཟུང་སྟེ་རང་གི་སེམས་ཕྱིར་རྙེད་པ་ནས་སོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་ཟླ་བ་གཅིག་གི་བར་དུ་ཆོས་གོས་གཞག་པར་བྱའོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་ནམ་འཚོའི་བར་དུ་ཆོས་གོས་བཞག་ཀྱང་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། ཟླ་བ་གཅིག་ཚུན་ཆད་དུ་དུས་བྱས་ནའོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་ཆོས་གོས་ཟླ་བ་གཅིག་གི་བར་དུ་གཞག་པར་བྱའོ་ཞེས་གསུངས་པ་གང་ལགས་པ། ཆོས་གོས་དེ་ཇི་ལྟ་བུ་ཞིག་ལགས། བདུན་པོ་དག་ལས་བརྟགས་པ་གང་ཡང་རུང་པ་ངས་རྗེས་སུ་གནང་ཞིང་མ་བཀག་པ་གང་ཡིན་པའོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་ཆོས་གོས་ཟླ་བ་གཅིག་གི་བར་དུ་གཞག་པར་བྱའོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་དགུང་ཟླ་གཅིག་ལས་ལྷག་པར་བཞག་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། དེ་འདི་ལྟར་ཆོས་གོས་ཀྱི་སྤུན་རུང་བར་གྱུར་ལ། རྒྱུ་མི་རུང་བར་གྱུར་པ་དང ། སྤུན་མི་རུང་བར་གྱུར་ལ། རྒྱུ་རུང་བར་གྱུར་པ་དང ། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་བལ
12.33a
དང ། བ་ལང་གི་སྤུ་དང ། རི་དགས་ཀྱི་བལ་དང ། ར་བལ་དང་འདྲེས་པ་དང ། ཐགས་སུ་མ་བཏགས་པ་སྟེ། དེ་ལྟ་བུའི་ཆོས་གོས་ནི་ཟླ་བ་གཅིག་ལས་ལྷག་པར་བཞག་ཀྱང་ཉེས་བྱས་སུ་འགྱུར་རོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་ཆོས་གོས་དེ་ཟླ་བ་གཅིག་གི་བར་དུ་གཞག་པར་བྱའོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་དགུང་ཟླ་དྲུག་ཏུ་ཆོས་གོས་བཞག་ཀྱང་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། ཆོས་གོས་དེ་རྙེད་ནས་ཞག་སུམ་བཅུ་ལོན་པ་དང ། དགེ་འདུན་གྱི་སྲ་བརྐྱང་བཏིང་བར་གྱུར་ནའོ། །བཙུན་པ་བཅོམ་ལྡན་འདས་ཀྱིས་ཆོས་གོས་གསུམ་དུ་མ་ཚང་ན་ཟླ་བ་གཅིག་གི་བར་དུ་གཞག་གོ་ཞེས་གསུངས་པ་གང་ལགས་པ། བཙུན་པ་དགེ་སློང་གང་ཆོས་གོས་གསུམ་པར་གྱུར་པ་དེས་ཆོས་གོས་མི་ལངས་པ་ཞིག་རྙེད་ན་དེས་ཀྱང་དགུང་ཟླ་གཅིག་གི་བར་དུ་གཞག་པར་བགྱི་ལགས་སམ། ཉེ་བར་འཁོར་མ་ཡིན་ནོ། །དེ་ཅིའི་ཕྱིར་ཞེ་ན། ཉེ་བར་འཁོར་ཆོས་གོས་གསུམ་ཚང་ན་ཆོས་གོས་གཞན་རྙེད་པ་གང་ཡིན་པ་ནི་ལངས་ཀྱང་རུང ། མི་ལངས་ཀྱང་རུང་སྟེ་དེ་ཐམས་ཅད་ནི་ཞག་བཅུ་པ་ཡིན་ནོ། །ཆོས་གོས་གསུམ་དུ་མ་ཚང་བ་ལས་གལ་ཏེ་ཆོས་གོས་སུ་ལངས་པ་ཞིག་རྙེད་ན་དེ་ཡང་ཞག་བཅུ་པ་ཡིན་ནོ། །འོན་ཏེ་མ་ལངས་པ་ཞིག་རྙེད་ན་ཟླ་བ་གཅིག་གི་བར་དུ་གཞག་པར་བྱའོ། །དེ་ལས་འདས་པར་བཞག་ན་སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་དགུང་ཟླ་གཅིག་ལ་གཅིག་ཏུ་འདུ་ཤེས་པས་སྐྱ་རེང་འཆར་པར་བགྱིད་ན་ཅིར་འགྱུར་ལགས་སྤང་བའི་ལྟུང་བྱེད་དུ་འགྱུར་རོ། །དགུང་ཟླ་གཅིག་ལ་དགུང་ཟླ་གཅིག་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །དགུང་ཟླ་གཅིག་མ་ལགས་པ་ལ་དགུང་ཟླ་གཅིག་ཏུ་འདུ་ཤེས་ན་ཅིར་འགྱུར་ལགས། ཉེས་བྱས་སོ། །དགུང་ཟླ་གཅིག་མ་ལགས་པ་ལ་དགུང་ཟླ་གཅིག་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་ཆོས་གོས་རྙེད་ནས་དགུང་ཟླ་གཅིག་ལགས་པ་ལས་མཚན་གྱུར་ཏེ། དགེ་སློང་མར་རེད་ནས་དགུང་ཟླ་གཅིག་ལས་འདའ་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མས་ཆོས་གོས་རྙེད་ནས་དགུང་ཟླ་གཅིག་ལགས་པ་ལས་མཚན་གྱུར་ཏེ། དགེ་སློང་དུ་རེད་ནས་ཟླ་བ་གཅིག་ལས་འདའ་བར་བགྱིད་ན་ཅིར་འགྱུར་ལགས།
12.33b
སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་བསླབ་པ་སྩལ་བས་ཆོས་གོས་དགུང་ཟླ་གཅིག་པས་རིང་དུ་བཞག་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མས་ཆོས་གོས་དགུང་ཟླ་གཅིག་པས་རིང་དུ་བཞག་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་དང ། དགེ་ཚུལ་དང ། དགེ་ཚུལ་མས་ཆོས་གོས་དགུང་ཟླ་གཅིག་གི་བར་དུ་བཞག་ན་ཅིར་འགྱུར་ལགས། ལྟུང་བ་མེད་དོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ་སྔ་མ་བཞིན་ནོ། ་་་་་་་་་་་ ། སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་མ་དང་ནི་སེམས་འཁྲུགས་དང ། ཚོར་བ་འོན་མ་གླེན་མ་དང ། །ཁྱིམ་པ་མོ་ལ་སོགས་པ་སྟེ། །བསླབ་པ་བྱིན་པ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལ་ཆོས་གོས་རྙིང་པ་འཁྲུར་འཇུག་གམ། འཚེད་དུ་འཇུག་གམ། འཆག་ཏུ་འཇུག་ན་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ཕོ་ཉ་ལས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་དེ་དགེ་སློང་མ་ཉེ་དུ་མ་ལགས་པ་ལ་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་མ་ཉེ་དུ་མ་ལགས་པ་སྨྱོན་མ་ལ་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་མ་ཉེ་དུ་མ་ལགས་པ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། འོན་མ་དང ། གླེན་མ་ལ་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཁྱིམ་པ་མོ་ཉེ་དུ་མ་ལགས་པ་ལ་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་མ་ཐ་དད་དུ་གནས་པ་དང ། དགེ་སློང་མ་ཁས་ལེན་པ་དང ། མ་ནིང་མོ་དང ། དགེ་སློང་མ་སུན་ཕྱུང་བ་དང ། མ་འགུམས་པ་དང ། ཕ་འགུམས་པ་དང ། དགྲ་བཅོམ་པ་འགུམས་པ་དང ། མུ་སྟེགས་ཅན་དང ། མུ
12.34a
སྟེགས་ཅན་ཞུགས་པ་དང ། རྐུ་ཐབས་སུ་གནས་པ་དང ། ཐ་དད་དུ་གནས་པ་དང ། དབང་པོ་མི་མཐུན་པ་ཅན་དང ། སྔར་ལྟུང་བ་བྱུང་བ་ཉེ་དུ་མ་ལགས་པ་ལ་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་མ་ཉེ་དུ་མ་ལགས་པ་དགེ་འདུན་གྱི་དབྱེན་བགྱིད་པ་དང ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང ། བསླབ་པ་སྩལ་བའི་དགེ་སློང་མ་ཉེ་དུ་མ་ལགས་པ་ལ་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། ་་་་་་་་་་་་་།སྡོམ་ལ། བསྒྲུབ་པར་བྱ་དང་བཀྲུས་པ་དང ། །དགེ་འདུན་གྱི་དང་མཚན་གཉིས་དང ། མི་རུང་བ་དང་སྤངས་པ་དང ། །གཞན་གྱི་དང་ནི་གྱོན་པ་དང ། །བཞི་ཚན་དག་ཏུ་བྱས་པ་དང ། །དགེ་སློང་མ་ནི་ཐ་མ་ཡིན། །བཙུན་པ་རེ་ཤིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ཆོས་གོས་རྙིང་པ་བསྒྲུབ་པར་བགྱི་བ་ཞིག་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དགེ་སློང་མ་ཉེ་དུ་མ་ལགས་པ་ལ་ཆོས་གོས་རྙིང་པ་བཀྲུས་པ་ཞིག་འཁྲུར་སྩལ་ན། ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་དགེ་འདུན་གྱི་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། གལ་ཏེ་གང་ཟག་གིས་ཡོངས་སུ་སྤྱད་པས་ཡོངས་སུ་སྤྱད་དེ། དྲི་མ་ཅན་དུ་གྱུར་པ་ཞིག་ན་ཉེས་བྱས་སུ་འགྱུར་རོ། །འོན་ཏེ་གནས་མལ་གྱི་དངོས་པོ་ཞིག་འཁྲུར་བཅུག་ན་ནི་ལྟུང་བ་མེད་དོ། །བཙུན་པ་རེ་ཤིག་དགེ་སློང་མ་ཉེ་དུ་མ་ལགས་པ་ལ་ཆོས་གོས་རྙིང་པ་འཁྲུར་སྩལ་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཉེ་དུ་མ་ལགས་པའི་དགེ་སློང་མ་ལ་ཆོས་གོས་རྙིང་པ་འཁྲུར་སྩལ་པ་ལས་དགེ་སློང་མ་དེའི་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཉེ་དུ་མ་ལགས་པའི་དགེ་སློང་མ་ལ་ཆོས་གོས་རྙིང་པ་འཁྲུར་སྩལ་པ་ལས། དགེ་སློང་མ་དེའི་མཚན་གྱུར་ཏེ་དགེ་སློང་དུ་རེད་ནས་བཀྲུས་ན་ཅིར་འགྱུར་ལགས། ཉེས་བྱས་སོ། །དེ་བཞིན་དགེ་སློང་མ་ལ་ཡང་སྦྱར་བར་བྱའོ། །
12.34b
བཙུན་པ་རེ་ཤིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ཆོས་གོས་རྙིང་པ་འཁྲུར་སྩལ་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་པ་ལ། རྒྱུ་མི་རུང་བར་གྱུར་པ་དང ། རྒྱུ་རུང་བར་གྱུར་ལ། སྤུན་མི་རུང་བ་དང ། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་བལ་དང ། བ་ལང་གི་སྤུ་དང ། རི་དགས་ཀྱི་བལ་དང ། ར་བལ་དང་འདྲེས་པ་དང ། མ་བཏགས་པའོ། །དེ་ལྟ་བུའི་ཆོས་གོས་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཆོས་གོས་རྙིང་པ་སྤང་བ་ཞིག་དགེ་སློང་མ་ཉེ་དུ་མ་ལགས་པ་ལ་འཁྲུར་སྩོལ་ན་ཅིར་འགྱུར་ལགས། གལ་ཏེ་མ་སྤངས་པ་ཞིག་འཁྲུར་འཇུག་ན་སྤང་པའི་ལྟུང་བྱེད་དུ་འགྱུར་རོ། །འོན་ཏེ་སྤངས་པ་ཞིག་འཁྲུར་འཇུག་ན་ཉེས་བྱས་སུ་འགྱུར་རོ། །བཙུན་པ་རེ་ཤིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་གཞན་གྱི་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་དགེ་སློང་གིས་གོས་རུང་བ་དང ། གྲོང་དུ་འཇུག་པ་སྤང་བ་འབྱུང་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་དགེ་སློང་ཁྱིམ་དུ་ཞུགས་པའི་ཆོས་གོས་བཤང་བ་འམ། གཅི་བ་འམ། འདམ་རྫབ་འམ། ལྗན་ལྗིན་ནམ། མི་གཙང་བ་གཞན་གྱིས་སྦགས་པར་གྱུར་ནའོ། །དེས་དེ་དགེ་སློང་མ་ཉེ་དུ་མ་ལགས་པ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་མ་རྫོགས་པར་འཁྲུར་སྩོལ་བའི་སྦྱོར་བ་བགྱིས་ལ། བསྙེན་པར་མ་རྫོགས་པར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ། བསྙེན་པར་རྫོགས་ཀར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ། བསྙེན་པར་རྫོགས་ཀར་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར
12.35a
བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་སྦྱོར་བ་བགྱིས་ལ། བསྙེན་པར་རྫོགས་ཏེ་ལགས་པར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་སྦྱོར་བ་བགྱིས་ལ། བསྙེན་པར་མ་རྫོགས་པར་ལགས་པར་བགྱིད་ན་ཅིར་འགྱུར་ལགས་ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་བསྙེན་པར་རྫོགས་པ་ལ། བསྙེན་པར་རྫོགས་པར་འདུ་ཤེས་པས་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་ཉེ་དུ་མ་ལགས་པ་བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཉེ་དུ་མ་ལགས་པ་བསྙེན་པར་རྫོགས་པ་ལ། བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཉེ་དུ་མ་ལགས་པ་བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ། ཉེ་དུ་མ་ལགས་པར་འདུ་ཤེས་པས་ཆོས་གོས་རྙིང་པ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་ཉེ་དུ་མ་ལགས་པ་ལ། ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །ཉེ་དུ་ལ་ཉེ་དུ་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །དགེ་སློང་མ་ཉེ་དུ་མ་ལགས་པ་ལ་ཉེ་དུ་ལགས་པར་འདུ་ཤེས་ན་ཅིར་འགྱུར། ལྟུང་བ་མེད་དོ། །བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལ་ཆོས་གོས་རྙིང་པ་འཁྲུར་འཇུག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། དགེ་སློང་མ་དང ། དགེ་ཚུལ་མ་དང ། ཁྱིམ་པ་མོ་དང ། གཞན་མུ་སྟེགས་ཅན་དང ། དགེ་སྦྱོང་དང ། བྲམ་ཟེ་དང ། སྤྱོད་པ་པ་དང ། ཀུན་དུ་རྒྱུ་རྣམས་ལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་འགྲོ་བ་གཞན་དུ་གནས་པ་ལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དགེ་སློང་མས་དགེ་སློང་དང ། དགེ་ཚུལ་དང ། གཞན་མུ་སྟེགས་ཅན་དང ། དགེ་སྦྱོང་དང ། བྲམ་ཟེ་དང ། སྤྱོད་པ་པ་དང །
12.35b
ཀུན་དུ་རྒྱུ་དང ། འགྲོ་བ་གཞན་དུ་གནས་པ་རྣམས་ལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །ཁྱིམ་པ་དང ། ཁྱིམ་པ་མོ་ལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་ནི་ཉེས་བྱས་སོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ། སྔ་མ་བཞིན་ནོ། །དེ་བཞིན་དུ་འཚེད་པ་དང ། འཆག་པ་ལ་ཡང་རྒྱས་པར་བརྗོད་པར་བྱའོ། ་་་་་་་་་་་ ། སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་མ་གླེན་མ་དང ། །གཉིད་ལོག་ར་རོ་རབ་མྱོས་དང ། །སྙོམས་འཇུག་དེ་བཞིན་འགྲོ་བ་དང ། །ཁས་ལེན་འདོད་པ་ལ་སོགས་པ། །བསླབ་པ་བྱིན་པ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལས་ཆོས་གོས་ལེན་ན་བརྗེས་པ་མ་གཏོགས་ཏེ་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ཕོ་ཉ་ལས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་པས་ཉེ་དུ་མ་ལགས་པའི་དགེ་སློང་མ་དེ་ལ་ཆོས་གོས་ལེན་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་མ་ཉེ་དུ་མ་ལགས་པ་སྨྱོན་མ་ལ་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། གླེན་མ་དང ། འོན་མ་དང ། གཉིད་ལོག་པ་དང ། ཕྱག་ལས་ཁོམ་པ་དང ། རབ་ཏུ་མྱོས་པ་དང ། སྙོམས་པར་ཞུགས་པ་དང ། འགྲོ་བ་གཞན་དུ་གནས་པ་དང ། ཐ་དད་དུ་གནས་པ་དང ། ཁས་ལེན་པ་དང ། མ་ནིང་མ་དང ། དགེ་སློང་མ་སུན་ཕྱུང་བ་ནས། རྒྱས་པར་དང་པོ་མི
12.36a
མཐུན་པ་ཅན་གྱི་བར་ལ་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཤིག་དགེ་སློང་གིས་དགེ་སློང་མ་ཉེ་དུ་མ་ལགས་པ་དགེ་འདུན་གྱི་དབྱེན་བགྱིད་པ་དང ། དགེ་སློང་མ་ཉེ་དུ་མ་ལགས་པ་དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང ། བསླབ་པ་སྩལ་བ་ལ་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། ་་་་་་་་་་།སྡོམ་ལ། མི་རུང་བ་དང་བཞི་ཚན་ནི། །གཉིས་དང་དེ་བཞིན་མཚན་དང་ནི། །དགེ་སློང་དང་ནི་དགེ་སློང་མ། །ཚོགས་སུ་ཡང་དག་བཤད་པ་ཡིན། །བཙུན་པ་རེ་ཤིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལས་ཆོས་གོས་བླངས་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ། རྒྱུ་མི་རུང་བ་དང ། སྤུན་མི་རུང་བར་གྱུར་ལ། རྒྱུ་རུང་བ་དང ། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་བལ་དང ། བ་ལང་གི་སྤུ་དང ། རི་དགས་ཀྱི་བལ་དང ། ར་བལ་དང་འདྲེས་པ་དང ། མ་བཏགས་པའོ། །དེ་ལྟ་བུའི་ཆོས་གོས་ཤིག་བླངས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་མ་ཉེ་དུ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །དགེ་སློང་མ་ཉེ་དུ་མ་ལགས་པ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །དགེ་སློང་མ་ཉེ་དུ་ལ་ཉེ་དུ་ལ་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །དགེ་སློང་མ་ཉེ་དུ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་དགེ་སློང་མ་ཉེ་དུ་མ་ལགས་པ་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་པས་ཆོས་གོས་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །ཉེ་དུ་མ་ལགས་པ་བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར
12.36b
འགྱུར་ལགས། ཉེས་བྱས་སོ། །ཉེ་དུ་མ་ལགས་པ་བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཉེ་དུ་མ་ལགས་པ་བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་བསྙེན་པར་མ་རྫོགས་པས་དགེ་སློང་མ་ཉེ་དུ་མ་ལགས་པ་ལ་ཆོས་གོས་བླངས་ནས་བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་བླངས་ལ་བསྙེན་པར་རྫོགས་ཏེ་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་བླངས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་བསླངས་ལ་བསྙེན་པར་རྫོགས་ཏེ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་བསླངས་ལ་བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མ་ཉེ་དུ་མ་ལགས་པ་ལས་ཆོས་གོས་ལེན་པ་ལས་མཚན་གྱུར་ཏེ། དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མ་ཉེ་དུ་མ་ལགས་པའི་དགེ་སློང་ལས་ཆོས་གོས་ལེན་པ་ལས་དགེ་སློང་དེའི་མཚན་གྱུར་ཏེ། དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མ་ཉེ་དུ་མ་ལགས་པའི་དགེ་སློང་ལས་ཆོས་གོས་ལེན་པ་ལས་དགེ་སློང་དེ་མཚན་གྱུར་ཏེ། དགེ་སློང་མར་རེད་ནས་བླངས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མ་ཉེ་དུ་ལགས་པའི་དགེ་སློང་ལས་ཆོས་གོས་ལེན་པ་ལས་དགེ་སློང་དེའི་མཚན་གྱུར་ཏེ། དགེ་སློང་མར་རེད་ན་ཅིར
12.37a
འགྱུར་ལགས། ཉེས་བྱས་སོ། །བཙུན་པ་རེ་ཤིག་བསླབ་པ་སྩལ་པས་དགེ་སློང་མ་ཉེ་དུ་མ་ལགས་པ་ལས་ཆོས་གོས་ལེན་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལས་ཆོས་གོས་ལེན་ན་བརྗེས་པ་མ་གཏོགས་ཏེ་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། དགེ་སློང་མ་དང ། དགེ་ཚུལ་མས་ལེན་ན་ཅིར་འགྱུར་ལགས། ཉེས་བྱས་སོ། །དགེ་སློང་མས་དགེ་སློང་དང ། དགེ་ཚུལ་ལས་ལེན་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློབ་མ་དང ། དགེ་ཚུལ་མ་ལས་བླངས་ན་ཅིར་འགྱུར་ལགས། ཉེས་བྱས་སོ། །དགེ་ཚུལ་གྱིས་དགེ་སློང་མ་དང ། དགེ་སློབ་མ་དང ། དགེ་ཚུལ་མ་ལས་ཆོས་གོས་ལེན་ན་ཅིར་འགྱུར་ལགས། ཉེས་བྱས་སོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ་སྔ་མ་བཞིན་ནོ། ་་་་་་་་་་་་ ། སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་གླེན་པ་དང ། །གཉིད་ལོག་ར་རོ་རབ་མྱོས་དང ། །སྙོམས་ཞུགས་འགྲོ་དང་ཕྱི་རོལ་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་ཁྱིམ་བདག་གམ་ཁྱིམ་བདག་གི་ཆུང་མ་ཉེ་དུ་མ་ཡིན་པའི་གན་དུ་སོང་སྟེ་ཆོས་གོས་སློང་ན་དུས་མ་གཏོགས་ཏེ་སྤང་བའི་ལྟུང་བྱེད་དོ། །དེ་ལ་དུས་ནི་འདི་ཡིན་ཏེ། དགེ་སློང་ཆོས་གོས་ཕྲོགས་སམ། ཆོས་གོས་ཉམས་སམ། ཆོས་གོས་ཚིག་གམ། ཆོས་གོས་ཁྱེར་རམ། ཆོས་གོས་རྙེད་ན། དེ་ལ་དེ་ནི་དུས་ཡིན་ནོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་ཕོ་ཉ་ལས་ཁྱིམ་བདག་གམ། ཁྱིམ་བདག་གི་མཆིས་བྲང་ཉེ་དུ་མ་ལགས་པ་ལས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས
12.37b
ཁྱིམ་བདག་གམ། ཁྱིམ་བདག་གི་མཆིས་བྲང་སྨྱོན་མ་ལས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་ཁྱིམ་བདག་གམ། ཁྱིམ་བདག་གི་མཆིས་བྲང་ཉེ་དུ་མ་ལགས་པ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། འོན་པ་དང་གླེན་པ་དང ། གཉིད་ཀྱིས་ལོག་པ་དང ། ཕྱག་ལས་ཁོམ་པ་དང ། རབ་ཏུ་མྱོས་པ་དང ། སྙོམས་པར་ཞུགས་པ་དང ། འགྲོ་བ་གཞན་དུ་གནས་པ་ལ་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །འདི་ལས་ཕྱི་རོལ་པ་གཞན་མུ་སྟེགས་ཅན་དང ། དགེ་སྦྱོང་དང ། བྲམ་ཟེ་དང ། སྤྱོད་པ་པ་དང ། ཀུན་དུ་རྒྱུ་ཉེ་དུ་མ་ལགས་པ་ལ་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། ་་་་་་་་་་་་་ ། སྡོམ་ལ། མི་རུང་བ་དང་བཞི་ཚན་ནི། །གཉིས་དང་དེ་བཞིན་མཚན་དང་ནི། །ཟ་མ་མ་ནིང་ཉིད་དེ་བཞིན། །མ་ནིང་མོ་དང་དགེ་སློང་མ། །བཙུན་པ་རེ་ཤིག་དགེ་སློང་གིས་ཁྱིམ་བདག་གམ། ཁྱིམ་བདག་གི་མཆིས་བྲང་ཉེ་དུ་མ་ལགས་པ་ལ་ཆོས་གོས་བླངས་ཏེ་ཐོབ་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ། རྒྱུ་མི་རུང་བ་དང ། རྒྱུ་རུང་བར་གྱུར་ལ། སྤུན་མི་རུང་བ་དང ། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་མོའི་བལ་དང ། བ་ལང་གི་སྤུ་དང ། རི་དགས་ཀྱི་བལ་དང ། ར་བལ་དང་འདྲེས་པ་དང ། ཐགས་སུ་མ་བཏགས་པ་དེ་ལྟ་བུའི་ཆོས་གོས་ཤིག་སློང་ན་སློང་བ་དེ་ལ་ཉེས་བྱས་སོ། །ཆོས་ཐོབ་ན་ཡང་ཉེས་བྱས་ཁོ་ནའོ། །བཙུན་པ་རེ་ཤིག་དགེ་སློང་གིས་ཁྱིམ་བདག་གམ། ཁྱིམ་བདག་གི་མཆིས་བྲང་ཉེ་དུ་མ་ལགས་པ་ལ་ཉེ་དུ་མ་ལགས་པར་འདུ་ཤེས་པས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །ཉེ་དུ་མ་ལགས་པ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །ཉེ་དུ་ལ་ཉེ་དུ་མ་ལགས་པར་འདུ་ཤེས་ན་ཅིར་འགྱུར་ལགས།
12.38a
ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །ཉེ་དུ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་མིའི་ཁྱིམ་བདག་གམ། ཁྱིམ་བདག་གི་མཆིས་བྲང་ལ་མིར་འདུ་ཤེས་པས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་བླངས་ལ་བསྙེན་པར་རྫོགས་ཏེ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་བླངས་ལ་བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་ཁྱིམ་བདག་གམ། ཁྱིམ་བདག་གི་མཆིས་བྲང་ཉེ་དུ་མ་ལགས་པ་ལ་ཆོས་གོས་སློང་བ་ལས་མཚན་གྱུར་ཏེ། དགེ་སློང་མར་རེད་ནས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མ་ཁྱིམ་བདག་གམ། ཁྱིམ་བདག་གི་མཆིས་བྲང་ཉེ་དུ་མ་ལགས་པར་ཆོས་གོས་སློང་བ་ལས་མཚན་གྱུར་ཏེ་དགེ་སློང་དུ་རེད་ནས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག
12.38b
དགེ་སློང་གིས་ཉེ་དུ་མ་ལགས་པའི་ཁྱིམ་བདག་ལ་ཆོས་གོས་སློང་བ་ལས་ཁྱིམ་བདག་དེའི་མཚན་གྱུར་ཏེ་བུད་མེད་དུ་རེད་པ་ལས་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་ཁྱིམ་བདག་གི་མཆིས་བྲང་ཉེ་དུ་མ་ལགས་པ་ལས་ཆོས་གོས་སློང་བ་ལས་ཁྱིམ་བདག་གི་མཆིས་བྲང་དེའི་མཚན་གྱུར་ཏེ། སྐྱེས་པར་རེད་པ་ལས་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་དུ་དགེ་སློང་མ་ལ་ཡང་བརྗོད་དོ། ། བཙུན་པ་རེ་ཤིག་དགེ་སློང་གིས་ཟ་མ་ཉིད་དུ་མ་ལགས་པ་ལས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་མ་ནིང་དང ། མ་ནིང་མོ་ནས། དགེ་སློང་དང ། དགེ་ཚུལ་གྱི་བར་ལ་བླངས་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཤིག་དགེ་སློང་མས་ཁྱིམ་བདག་གམ། ཁྱིམ་བདག་གི་མཆིས་བྲང་ཉེ་དུ་མ་ལགས་པ་ལས་བླངས་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་ལ་ཇི་ལྟ་བར་བསླབ་པ་བྱིན་པ་ལ་ཡང་དེ་དང་འདྲའོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ་རྒྱས་པར་བརྗོད་དོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་ཆོས་གོས་ཕྲོགས་སམ། ཆོས་གོས་ཉམས་སམ། ཆོས་གོས་ཚིག་གམ། ཆོས་གོས་རེད་དམ། ཆོས་གོས་ཁྱེར་ན་ཁྱིམ་བདག་གམ། ཁྱིམ་བདག་གི་ཆུང་མ་ཉེ་དུ་མ་ཡིན་པའི་གན་དུ་སོང་ལ་ཆོས་གོས་བསླང་བར་བྱའོ། །གལ་ཏེ་དེ་ལ་བྲམ་ཟེ་འམ། ཁྱིམ་བདག་དད་པ་ཞིག་གིས་དུས་ཀྱིས་གོས་མང་པོ་སྟོབས་ལ་འདོད་ན་དགེ་སློང་དེས་དེ་ལ་གོས་སྟོད་གཡོགས་སྨད་གཡོགས་དང་བཅས་པའི་མཐར་ཐུག་པ་བླང་བར་བྱའོ། །དེ་ལས་ལྷག་པར་ལེན་ན་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། སྔ་མ་སློང་བའི་སྤང་པའི་ལྟུང་བྱེད་ཇི་ལྟ་བར་སྟོད་གཡོགས
12.39a
སྨད་གཡོགས་དང་བཅས་པ་ལ་ཡང་དེ་འདྲའོ། །ཐ་དད་དུ་བྱ་བ་ཅི་ཡོད་ཅེ་ན། སྟོད་གཡོགས་སྨད་གཡོགས་དང་བཅས་པ་ནི་གཉིས་ཏེ། ཁྱིམ་པའི་སྟོད་གཡོགས་སྨད་གཡོགས་དང་བཅས་པ་དང ། དགེ་སློང་གི་སྟོད་གཡོགས་སྨད་གཡོགས་དང་བཅས་པའོ། །དགེ་སློང་གིས་ཁྱིམ་པའི་སྟོད་གཡོགས་སྨད་གཡོགས་དང་བཅས་པ་བླངས་ཏེ། ཁྱིམ་པའི་སྟོད་གཡོགས་སྨད་གཡོགས་དང་བཅས་པ་ཐོབ་པ་ལས་ལྷག་པར་སློང་ན། ལྷག་པར་སློང་བ་དེ་ལ་ཉེས་བྱས་སོ། །ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་དགེ་སློང་གི་སྟོད་གཡོགས་སྨད་གཡོགས་དང་བཅས་པ་བླངས་ཏེ། དགེ་སློང་གི་སྟོད་གཡོགས་དང་སྨད་གཡོགས་ཐོབ་པ་ལས་ལྷག་པར་སློང་ན་ལྷག་པར་སློང་བ་དེ་ལ་ཉེས་བྱས་སོ། །ཐོབ་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་གིས་ཁྱིམ་པའི་སྟོད་གཡོགས་དང་སྨད་གཡོགས་དང་བཅས་པ་བསླངས་ཏེ། ཁྱིམ་པའི་སྟོད་གཡོགས་དང་སྨད་གཡོགས་དང་བཅས་པ་ཐོབ་པས་གལ་ཏེ་མ་ལངས་པར་གྱུར་ན་ཡང་མ་སློང་ཤིག་།ལྷག་པར་གྱུར་ན་ཡང་མ་སྦྱིན་ཅིག་།དགེ་སློང་གིས་ཁྱིམ་པའི་སྟོད་གཡོགས་སྨད་གཡོགས་དང་བཅས་པ་ལས་ལྷག་པར་བླངས་ན་ཉེས་བྱས་སུ་འགྱུར་རོ། །དགེ་སློང་གིས་དགེ་སློང་གི་སྟོད་གཡོགས་དང་སྨད་གཡོགས་དང་བཅས་པ་བླངས་ཏེ། དགེ་སློང་གིས་སྟོད་གཡོགས་དང་སྨད་གཡོགས་དང་བཅས་པ་ཐོབ་པས་གལ་ཏེ་མ་ཆོག་པར་གྱུར་ན་ཡང་བསླང་བར་བྱའོ། །ལྷག་པར་གྱུར་ན་ཡང་སྦྱིན་ནོ། །དགེ་སློང་གིས་སྟོད་གཡོགས་དང་སྨད་གཡོགས་དང་བཅས་པ་ལས་ལྷག་པ་མ་བྱིན་ན་ཉེས་བྱས་སུ་འགྱུར་རོ། །གཞུང་ལྷག་མ་ནི་བསླབ་པའི་གཞི་སྔ་མ་ལ་ཇི་ལྟར་བསླབ་པའི་གཞི་འདི་ལ་ཡང་དེ་བཞིན་དུ་བརྗོད་པར་བྱའོ། ་་་་་་་་་ ། སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་གླེན་པ་དང ། །གཉིད་ལོག་ར་རོ་རབ་མྱོས་དང ། །སྙོམས་ཞུགས་འགྲོ་དང་ཕྱི་རོལ་པའོ། །སངས་རྒྱས་བཅོམ་ལྡན
12.39b
འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གི་ཕྱིར་ཁྱིམ་བདག་གམ། ཁྱིམ་བདག་གི་ཆུང་མ་ཉེ་དུ་མ་ཡིན་པས་ཆོས་གོས་ཀྱི་རིན་དག་སྤགས་ནས། བདག་གིས་ཆོས་གོས་ཀྱི་རིན་འདི་དག་གིས་ཆོས་གོས་འདི་དང་འདི་ལྟ་བུ་ཞིག་ཉོས་ལ་དགེ་སློང་མིང་འདི་ཞེས་བགྱི་བ་འོངས་པ་དང་དེ་ལ་ཆོས་གོས་རུང་བ་དུས་སུ་བསྐོན་ནོ་སྙམ་པ་ལས། དེ་ན་གལ་ཏེ་དགེ་སློང་དེ་ལ་སྔར་མ་བསྟབས་པས་རྣམ་པར་རྟོག་པ་འགའ་ཞིག་རིག་སྟེ་བཟང་པོ་འདོད་པའི་ཕྱིར་ཁྱིམ་བདག་གམ། ཁྱིམ་བདག་གི་ཆུང་མ་ཉེ་དུ་མ་ཡིན་པ་དེའི་གན་དུ་སོང་ནས་འདི་སྐད་ཅེས་ཚེ་དང་ལྡན་པ་བདག་གི་ཕྱིར་ཆོས་གོས་ཀྱི་རིན་གང་དག་སྤགས་པའི་ཆོས་གོས་ཀྱི་རིན་དེ་དག་གིས་ཚེ་དང་ལྡན་པ་དེ་དག་གིས་ཆོས་གོས་འཐག་པ་འདི་དང་འདི་ལྟ་བུ་ཞིག་ཉོས་ལ་བདག་ལ་ཆོས་གོས་རུང་བ་དུས་སུ་སྐོན་ཅིག་ཅེས་སྨྲས་ཏེ། ཆོས་གོས་གྲུབ་ན་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་ཕོ་ཉ་ལས་ཁྱིམ་བདག་གམ། ཁྱིམ་བདག་གི་མཆིས་བྲང་ཉེ་དུ་མ་ལགས་པ་ལ་རྣམ་པར་རྟོག་པ་རིག་ནས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་ཁྱིམ་བདག་གམ། ཁྱིམ་བདག་གི་མཆིས་བྲང་ཉེ་དུ་མ་ལགས་པ། སྨྱོན་པ་ལ་རྣམ་པར་རྟོག་པ་རིག་ནས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། འོན་པ་དང ། གླེན་པ་དང ། གཉིད་ལོག་པ་དང ། ཕྱག་ལས་ཁོམ་པ་དང ། རབ་ཏུ་མྱོས་པ་དང ། སྙོམས་པར་ཞུགས་པ་དང ། འདི་ལས་ཕྱི་རོལ་པ་གཞན་མུ་སྟེགས་ཅན་དང ། དགེ་སྦྱོང་དང ། བྲམ་ཟེ་དང ། སྤྱོད་པ་དང ། ཀུན་དུ་རྒྱུ་རྣམས་རྣམ་པར
12.40a
རྟོག་པར་རིག་ནས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། ་་་་་་་་་་་་་ ། སྡོམ་ལ། མི་རུང་བ་དང་བཞི་ཚན་གཉིས། །དེ་བཞིན་དུ་ནི་མཚན་ཡང་དང ། །ཟ་མ་མ་ནིང་མོ་ཉིད་དང ། །མ་ནིང་དང་ནི་དགེ་སློང་ཉིད། །བཙུན་པ་རེ་ཤིག་དགེ་སློང་གིས་ཁྱིམ་བདག་གམ། ཁྱིམ་བདག་གི་མཆིས་བྲང་ཉེ་དུ་མ་ལགས་པ་ལ། རྣམ་པར་རྟོག་པ་རིག་ནས། ཆོས་གོས་བསླངས་ནས་ཐོབ་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ་རྒྱུ་མི་རུང་བ་དང ། རྒྱུ་རུང་བར་གྱུར་ལ་སྤུན་མི་རུང་བ་དང ། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་བལ་དང ། བ་ལང་གི་སྤུ་དང ། རི་དགས་ཀྱི་བལ་དང ། ར་བལ་དང་འདྲེས་པ་དང ། མ་བཏགས་པའོ། །དེ་ལྟ་བུའི་ཆོས་གོས་ཀྱི་ཕྱིར་རྣམ་པར་རྟོག་པར་རིག་ནས། ཆོས་གོས་བསླངས་ཏེ་ཐོབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་ཁྱིམ་བདག་གམ། ཁྱིམ་བདག་གི་མཆིས་བྲང་ཉེ་དུ་མ་ལགས་པ་ལ་ཉེ་དུ་མ་ལགས་པར་འདུ་ཤེས་པས་རྣམ་པར་རྟོག་པར་རིག་ནས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །ཉེ་དུ་མ་ལགས་པ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །ཉེ་དུ་ལ་ཉེ་དུ་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཉེ་དུ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དགེ་སློང་མའི་ཁྱིམ་བདག་གམ། ཁྱིམ་བདག་གི་མཆིས་བྲང་ཉེ་དུ་མ་ལགས་པ་ལ་མིར་འདུ་ཤེས་པས་རྣམ་པར་རྟོག་པ་རིག་ནས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །མི་ལ་མི་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར
12.40b
འགྱུར་ལགས། ཉེས་བྱས་སོ། །བཙུན་པ་རེ་ཤིག་བསྙེན་པར་མ་རྫོགས་པར་རྣམ་པར་རྟོག་པར་རིག་ནས་བསླངས་ལ། བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་པར་རྣམ་པར་རྟོག་པ་རིག་ནས་བསླངས་ལ། བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སུ་འགྱུར་རོ། །བསྙེན་པར་མ་རྫོགས་པར་རྣམ་པར་རྟོག་པར་རིག་ནས་བསླངས་ལ། བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་རྣམ་པར་རྟོག་པར་རིག་ནས་བསླངས་ལ། བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་རྣམ་པར་རྟོག་པར་རིག་ནས་བསླངས་ལ། བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཏེ་རྣམ་པར་རྟོག་པ་རིག་ནས་བསླངས་ལ། བསྙེན་པར་རྫོགས་ཏེ་གྲུབ་ན་ཅིར་འགྱུར་ལགས་སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ཏེ་རྣམ་པར་རྟོག་པ་རིག་ནས་བསླངས་ལ། བསྙེན་པར་མ་རྫོགས་པར་གྲུབ་ན་ཅིར་འགྱུར། ཉེས་བྱས་སོ། །བཙུན་པ་རེ་ཤིག་དགེ་སློང་ཁྱིམ་བདག་གམ། ཁྱིམ་བདག་གི་མཆིས་བྲང་ཉེ་དུ་མ་ལགས་པ་ལ་རྣམ་པར་རྟོག་པ་རིག་ནས་དགེ་སློང་ལས་མཚན་གྱུར་ཏེ་དགེ་སློང་མར་རེད་ནས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མ་ཁྱིམ་བདག་གམ་ཁྱིམ་བདག་གི་མཆིས་བྲང་ཉེ་དུ་མ་ལགས་པ་ལ་རྣམ་པར་རྟོག་པ་རིག་ནས་སློང་བ་ལས་མཚན་གྱུར་ཏེ་དགེ་སློང་དུ་རེད་ནས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་ཁྱིམ་བདག་གམ་ཁྱིམ་བདག་གི་མཆིས་བྲང་ཉེ་དུ་མ་ལགས་པ་ལ། རྣམ་པར་རྟོག་པ་རིག་ནས་སློང་བ་ལ་ཁྱིམ་བདག་དེའི་མཚན་གྱུར་ཏེ་བུད་མེད་དུ་རེད་ནས་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་ཁྱིམ་བདག་གམ་ཁྱིམ་བདག་གི་མཆིས་བྲང་ཉེ་དུ་མ་ལགས་པ་ལ་རྣམ
12.41a
པར་རྟོག་པ་རིག་ནས་སློང་བ་ལས་ཁྱིམ་བདག་གི་མཆིས་བྲང་དེའི་མཚན་གྱུར་ཏེ་སྐྱེས་པར་རེད་ནས་བསློངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་དུ་དགེ་སློང་མ་ལ་ཡང་སྦྱར་བར་བྱའོ། །བཙུན་པ་རེ་ཤིག་དགེ་སློང་ཁྱིམ་བདག་ཟ་མ་ལ་རྣམ་པར་རྟོག་པར་རིག་ནས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་མ་ནིང་དང ། མ་ནིང་མོ་ལ་ཡང་ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཆོས་གོས་མ་གཏོགས་པ་དེ་ལས་གཞན་པའི་ཡོ་བྱད་རྣམས་ཀྱི་ཕྱིར་རྣམ་པར་རྟོག་པར་རིག་ནས་བླངས་ན་ཅིར་འགྱུར་ལགས། ཉེས་བྱས་སོ། །ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཤིག་དགེ་སློང་དགེ་སློང་གི་སླད་དང ། དགེ་སློང་མ་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མའི་སླད་དུ་རྣམ་པར་རྟོག་པ་རིག་ནས་ཆོས་གོས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །ཇི་ལྟར་དགེ་སློང་གིས་རྣམ་པར་རྟོག་པར་རིག་ནས་བསླངས་པ་ལ་སྤང་བའི་ལྟུང་བྱེད་དུ་འགྱུར་བ་དེ་བཞིན་དུ་བསླབ་པ་བྱིན་པ་དང ། དགེ་སློང་མ་ལ་ཡང་སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང་སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ་རྒྱས་པར་བརྗོད་པར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གི་ཕྱིར་ཁྱིམ་བདག་དང ། ཁྱིམ་བདག་གི་ཆུང་མ་ཉེ་དུ་མ་ཡིན་པས་གོས་ཀྱི་རིན་སོ་སོ་བ་དག་སྤགས་ནས། བདག་ཅག་གཉིས་ཀྱིས་གོས་ཀྱི་རིན་སོ་སོ་བ་འདི་དག་གིས་ཆོས་གོས་འདི་དང་འདི་ལྟ་བུ་སོ་སོ་བ་ཉོས་ལ་དགེ་སློང་མིང་འདི་ཞེས་བྱ་བ་འོངས་པ་དང་བདག་ཅག་གཉིས་ཀྱིས་སོ་སོ་ནས་དེ་ལ་ཆོས་གོས་རུང་བ་དུས་སུ་བསྐོན་ནོ་སྙམ་པ་ལས། དེ་ན་གལ་ཏེ་དགེ་སློང་དེས་སྔར་མ་བསྟབས་པར་རྣམ་པར་རྟོག་པ་འགའ་ཤིག་རིག་སྟེ། བཟང་པོ་འདོད
12.41b
པའི་ཕྱིར་ཁྱིམ་བདག་དང ། ཁྱིམ་བདག་གི་ཆུང་མ་ཉེ་དུ་མ་ཡིན་པ་དེ་དག་གི་དྲུང་དུ་སོང་ནས་འདི་སྐད་ཅེས། ཚེ་དང་ལྡན་པ་དག་གིས་བདག་གི་ཕྱིར་ཆོས་གོས་ཀྱི་རིན་སོ་སོ་བ་གང་དག་སྤགས་པའི་ཆོས་གོས་ཀྱི་རིན་སོ་སོ་བ་དེ་དག་གིས་ཚེ་དང་ལྡན་པ་དག་ཆོས་གོས་འདི་དང་འདི་ལྟ་བུ་སོ་སོ་བ་ཉོས་ལ་གཉིས་ག་འདུས་ཏེ། བདག་ལ་ཆོས་གོས་རུང་བ་གཅིག་དུས་སུ་ལེགས་པར་བསྐོན་ཅེས་སྨྲས་ཏེ། ཆོས་གོས་གྲུབ་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་ཞེས་བྱ་བ་སྟེ། གཞུང་ལྷག་མ་ནི་བསླབ་པའི་གནས་འདས་མ་ཐག་པ་ལ་ཇི་ལྟ་བ་དེ་བཞིན་དུ་བསླབ་པའི་གནས་འདི་ལ་ཡང་རྒྱས་པར་བརྗོད་པར་བྱའོ། ་་་་་་་་་་ ། སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་གླེན་པ་དང ། །གཉིད་ལོག་ར་རོ་རབ་མྱོས་དང ། །སྙོམས་ཞུགས་འགྲོ་དང་ཕྱི་རོལ་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གི་ཕྱིར་རྒྱལ་པོ་འམ། བློན་པོ་ཆེན་པོ་འམ། བྲམ་ཟེ་འམ། ཁྱིམ་བདག་གམ། གྲོང་རྡལ་གྱི་མི་འམ། ཡུལ་གྱི་མི་འམ། ནོར་ཅན་ནམ། དེད་དཔོན་གྱིས་ཕོ་ཉའི་ལག་ཏུ་ཆོས་གོས་ཀྱི་རིན་དག་བསྐུར་བར་གྱུར་ལ། དེ་ནས་ཕོ་ཉ་དེ་ཆོས་གོས་ཀྱི་རིན་དག་ཁྱེར་ནས་དགེ་སློང་ག་ལ་བ་དེར་སོང་སྟེ་ཕྱིན་ནས། དགེ་སློང་དེ་ལ་འདི་སྐད་ཅེས་ཡང་འཕགས་པ་མཁྱེན་པར་མཛོད་ཅིག་།འདི་ལྟ་སྟེ་ཡང་ཁྱོད་ལ་རྒྱལ་པོ་འམ། བློན་པོ་ཆེན་པོ་འམ། བྲམ་ཟེ་འམ། ཁྱིམ་བདག་གམ། གྲོང་རྡལ་གྱི་མི་འམ། ཡུལ་གྱི་མི་འམ། ནོར་ཅན་ནམ། ཚོང་དཔོན་ནམ། དེད་དཔོན་ཆེ་གེ་མོས་ཆོས་གོས་ཀྱི་རིན་འདི་དག་བསྐུར་གྱིས་འཕགས་པ་ཐུགས་བརྩེ་བའི་སླད་དུ་འདི་དག་བཞེས་ཤེས་ཟེར་ན། དགེ་སློང་དེས་ཕོ་ཉ་དེ་ལ་འདི་སྐད་ཅེས་ཚེ་དང་ལྡན་པ་ཕོ་ཉ་དགེ་སློང་དག་ནི་ཆོས་གོས་ཀྱི་རིན་དག་ལེན་དུ་མི་རུང་སྟེ། བདག་ཅག་ཆོས་གོས་རུང་བ་དུས་སུ་རྙེད་ན་ནི་ལེན་ཏོ་ཞེས་བརྗོད་པར་བྱའོ། །
12.42a
གལ་ཏེ་ཕོ་ཉ་དེ་དགེ་སློང་དེ་ལ་འདི་སྐད་ཅེས་འཕགས་པ་རྣམས་ཀྱི་ཞལ་ཏ་བགྱིད་པ་འཕགས་པ་རྣམས་ཀྱི་ཞལ་ཏ་ཉམས་སུ་ལེན་པ་གང་ལགས་པ་འགའ་མཆིས་སམ་ཞེས་ཟེར་ན། དགེ་སློང་ཆོས་གོས་འདོད་པས་ཕོ་ཉ་འདི་ནི་དགེ་སློང་རྣམས་ཀྱི་ཞལ་ཏ་བྱེད་པ་སྟེ། འདི་ནི་དགེ་སློང་རྣམས་ཀྱི་ཞལ་ཏ་ཉམས་སུ་ལེན་པའོ་ཞེས་ཀུན་དགའི་ར་བ་འམ། དགེ་བསྙེན་ཞལ་ཏ་བྱེད་པ་བསྟན་པར་བྱའོ། །དེ་ནས་ཕོ་ཉ་དེས་ཆོས་གོས་ཀྱི་རིན་དེ་དག་ཁྱེར་ནས་ཞལ་ཏ་བྱེད་པ་ག་ལ་བ་དེར་འགྲོ་ཞིང་ཕྱིན་ནས་ཞལ་ཏ་བྱེད་པ་ལ་འདི་སྐད་ཅེས་ཚེ་དང་ལྡན་པ་ཞལ་ཏ་བྱེད་པ་ཤེས་པར་གྱིས་ཤིག་།ཁྱོད་ཀྱི་ཆོས་གོས་ཀྱི་རིན་འདི་དག་གིས་ཆོས་གོས་འདི་དང་འདི་ལྟ་བུ་ཞིག་ཉོས་ལ། དགེ་སློང་མིང་འདི་ཞེས་བྱ་བ་འོངས་པ་དང ། དེ་ལ་ཆོས་གོས་རུང་བ་དུས་སུ་སྐོན་ཅིག་ཅེས་བརྗོད་ནས། དེ་ནས་ཕོ་ཉ་དེས་ཞལ་ཏ་བྱེད་པ་དེ་ལ་ལེགས་པར་ཤིན་དུ་ཡང་དག་པར་བསྒོ་ཞིང་ཡང་དག་པར་བསྟན་ནས། དགེ་སློང་དེ་ག་ལ་བ་དེར་འགྲོ་ཞིང་ཕྱིན་ནས། དགེ་སློང་དེ་ལ་འདི་སྐད་ཅེས་འཕགས་པས་ཞལ་ཏ་བགྱིད་པ་བསྟན་པ་གང་ལགས་པ་དེ་ལ་བདག་གིས་ཡང་དག་པར་བསྟན་ལགས་ཀྱིས་དེའི་གན་དུ་བཞུད་ཅིག་དང ། དེས་ཁྱེད་ལ་ཆོས་གོས་རུང་བ་དུས་སུ་བསྐོན་པར་འགྱུར་རོ་ཞེས་ཟེར་ན། དགེ་སློང་ཆོས་གོས་འདོད་པས་ཞལ་ཏ་བྱེད་པའི་གན་དུ་སོང་ལ། ཚེ་དང་ལྡན་པ་ཞལ་ཏ་བྱེད་པ་བདག་ཆོས་གོས་འདོད་དོ། །ཚེ་དང་ལྡན་པ་ཞལ་ཏ་བྱེད་པ་བདག་ཆོས་གོས་འདོད་དོ་ཞེས་ལན་གཉིས་ལན་གསུམ་དུ་བསྐུལ་བར་བྱ། དྲན་པར་བྱའོ། །ལན་གཉིས་ལན་གསུམ་དུ་བསྐུལ་ཞིང་དྲན་པར་བྱས་པ་ན། གལ་ཏེ་ཆོས་གོས་དེ་གྲུབ་ན་དེ་ལྟ་ན་ལེགས། གལ་ཏེ་མ་གྲུབ་ན་ལན་བཞི་ལན་ལྔ་ལན་དྲུག་གི་བར་དུ་ཕྱོགས་སུ་ཅང་མི་སྨྲ་བར་བསྡད་པར་བྱའོ། །ལན་བཞི་ལན་ལྔ་ལན་དྲུག་གི་བར་དུ་ཕྱོགས་སུ་ཅང་མི་སྨྲ་བར་བསྡད་པ་ན་གལ་ཏེ་གོས་དེ་གྲུབ་ན་དེ་ལྟ་ན་ལེགས། གལ་ཏེ་མ་གྲུབ་ན་དེའི་འོག་ཏུ་ཆོས་གོས་བསྒྲུབ་པའི་ཕྱིར་བརྩལ་ཏེ། ཆོས་གོས་གྲུབ་ན་སྤང་བའི་ལྟུང་བྱེད་དུ་འགྱུར་རོ། །གལ་ཏེ་མ་གྲུབ་ན་ཕྱོགས་གང་ན་ཆོས་གོས་ཀྱི་རིན
12.42b
འོངས་པ་དེར་བདག་འགྲོ་བར་བྱའོ། །ཡང་ན་ཡིད་བརྟན་པའི་ཕོ་ཉ་ལས་ཚེ་དང་ལྡན་པ་དག་གིས་དགེ་སློང་ཆེ་གེ་མོ་ཞིག་གི་ཕྱིར་ཆོས་གོས་ཀྱི་རིན་དག་ཕོ་ཉའི་ལག་ཏུ་བསྐུར་བ་དེ་དག་ནི་དགེ་སློང་དེའི་དོན་ཅིར་ཡང་མ་གྲུབ་ཀྱིས་ཤེས་པར་གྱིས་ཤིག་།ཚེ་དང་ལྡན་པ་དག་གིས་རང་གི་ནོར་ཆུད་མ་གཟན་ཅིག་ཅེས་སྦྲིང་བར་བྱ་སྟེ། དེ་ལ་དེ་ནི་ཆོ་ག་ཡིན་ནོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་ཆོས་གོས་བསྒྲུབ་པའི་སླད་དུ་ཕོ་ཉ་ལས་ཞལ་ཏ་བགྱིད་པ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཆོས་གོས་བསྒྲུབ་པའི་སླད་དུ་ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་པས་ཞལ་ཏ་བགྱིད་པ་ལ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་ཆོས་གོས་བསྒྲུབ་པའི་སླད་དུ་ཞལ་ཏ་བགྱིད་པ་སྨྱོན་པ་ལ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཞལ་ཏ་བགྱིད་པ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་ལ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་ཆོས་གོས་བསྒྲུབ་པའི་སླད་དུ་ཞལ་ཏ་བགྱིད་པ་གཉིད་ཀྱིས་ལོག་པ་ལ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཆོས་གོས་བསྒྲུབ་པའི་སླད་དུ་ཕྱག་ལས་ཁོམ་པ་དང ། རབ་ཏུ་མྱོས་པ་དང ། སྙོམས་པར་ཞུགས་པ་དང ། འགྲོ་བ་གཞན་དུ་གནས་པ་དང ། འདི་ལས་ཕྱི་རོལ་པ་གཞན་མུ་སྟེགས་ཅན་དང ། དགེ་སྦྱོང་དང ། བྲམ་ཟེ་དང ། སྤྱོད་པ་བ་དང ། ཀུན་དུ་རྒྱུ་རྣམས་ལ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། ཉེས་བྱས་སོ། ་་་་་་་་་་་་།སྡོམ་ལ། མི་རུང་བ་དང་བཞི་ཚན་དང ། །དེ་བཞིན་དུ་ནི་མཚན་དང་ཡང ། །ཟ་མ
12.43a
མ་ནིང་ཉིད་དང་ནི། །མ་ནིང་མོ་ནི་ཐ་མ་ཡིན། །བཙུན་པ་རེ་ཤིག་དགེ་སློང་གིས་ཆོས་གོས་བསྒྲུབ་པའི་སླད་དུ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ། རྒྱུ་མི་རུང་བ་དང ། སྤུན་མི་རུང་ལ། རྒྱུ་རུང་བ་དང ། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་བལ་དང ། བ་ལང་གི་སྤུ་དང ། རི་དགས་ཀྱི་བལ་དང ། ར་བལ་དང་འདྲེས་པ་དང ། མ་བཏགས་པའོ། །དེ་ལྟ་བུའི་ཆོས་གོས་ཀྱི་ཕྱིར་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཆོས་གོས་བསྒྲུབ་པའི་སླད་དུ་ཞལ་ཏ་བགྱིད་པ་མི་ལ་མིར་འདུ་ཤེས་པས་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས་ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་བསྙེན་པར་མ་རྫོགས་པར་སློང་བར་བགྱིད་ཅིང་བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སློང་བར་བགྱིད་ཅིང་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སློང་བར་བགྱིད་ཅིང་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སློང་བར་བགྱིད་ཅིང་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སློང་བར་བགྱིད་ཅིང་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་སློང་བར་བགྱིད་ཅིང་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས
12.43b
ནས་སློང་བར་བགྱིད་ཅིང ། བསྙེན་པར་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་པ་ལས་མཚན་གྱུར་ཏེ་དགེ་སློང་མར་རེད་ནས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་པ་ལས་མཚན་གྱུར་ཏེ་དགེ་སློང་དུ་རེད་ནས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་ཆོས་གོས་བསྒྲུབ་པའི་སླད་དུ་ཞལ་ཏ་པ་ལ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་པ་ལས་ཞལ་ཏ་པ་དེའི་མཚན་གྱུར་ཏེ་བུད་མེད་དུ་རེད་ནས་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་ཆོས་གོས་བསྒྲུབ་པའི་སླད་དུ་ཞལ་ཏ་བགྱིས་པའི་མོད་ལ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཞལ་ཏ་བགྱིད་པ་མོའི་མཚན་གྱུར་ཏེ་སྐྱེས་པར་རེད་ནས་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་དུ་དགེ་སློང་མ་ལ་ཡང་སྦྱར་བར་བྱའོ། །བཙུན་པ་རེ་ཤིག་དགེ་སློང་གིས་ཆོས་གོས་བསྒྲུབ་པའི་སླད་དུ་ཞལ་ཏ་བགྱིད་པ་ཟ་མ་ལ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་མ་ནིང་དང་མ་ནིང་མོ་ལ་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་དགེ་སློང་གི་དོན་དང་དགེ་སློང་མ་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མ་རྣམས་ཀྱི་དོན་དུ་ཆོས་གོས་བསྒྲུབ་པའི་སླད་དུ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་ཆོས་གོས་ལ་མ་གཏོགས་པ་དེ་ལས་གཞན་པའི་ཡོ་བྱད་རྣམས་ཀྱི་སླད་དུ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ན་ཅིར་འགྱུར་ལགས། ཉེས་བྱས་སོ། །ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཤིག་བསླབ་པ་སྩལ་བས་ཆོས་གོས་བསྒྲུབ་པའི་སླད་དུ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན
12.44a
ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མས་ཆོས་གོས་བསྒྲུབ་པའི་སླད་དུ་ལན་བཞི་ལན་ལྔ་ལན་དྲུག་གི་འོག་ཏུ་སློང་བར་བགྱིད་ཅིང་ཆོས་གོས་དེ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པ་ལ་ཉེས་བྱས་སུ་བརྗོད་དོ། ་་་་་་་་་་་་ ། སྡོམ་ལ། གཞན་གྱིས་གཞན་གྱི་འཕྲོ་དང་ནི། །ཁྱིམ་པ་ཉིད་དུ་མུ་སྟེགས་འགྲོ། །མི་རུང་བ་དང་མཚན་དང་ནི། །བཞི་ཚན་བདེ་གཤེགས་བདུན་ཚན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་སྲིན་བལ་གྱི་སྟན་སར་པ་བྱེད་པ་སྤང་པའི་ལྟུང་བྱེད་དུ་འགྱུར་རོ་ཞེས་གསུང་པ་གང་ལགས་པ། བཙུན་པ་རེ་ཤིག་དགེ་སློང་གིས་གཞན་ལ་སྲིན་བལ་གྱི་སྟན་སར་པ་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །གཞན་དག་གི་སླད་དུ་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་གཞན་གྱིས་སྲིན་བལ་གྱི་སྟན་བགྱིས་པའི་འཕྲོ་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །མདུན་དུ་ཁྱིམ་པ་ལ་བགྱིད་དུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་དང ། དགེ་ཚུལ་དང ། དགེ་ཚུལ་མ་དང ། བསླབ་པ་སྩལ་པ་དང ། དང་པོ་མི་མཐུན་པ་ཅན་དང ། སྔར་ལྟུང་བ་བྱུང་བ་དང ། རྐུ་ཐབས་སུ་གནས་པ་དང ། ཐ་དད་དུ་གནས་པ་དང ། གནས་པར་མི་བྱ་བ་ནས་ཁས་ལེན་པའི་བར་ལ་བགྱིད་དུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་འདི་ལས་ཕྱི་རོལ་པ་གཞན་མུ་སྟེགས་ཅན་དང ། དགེ་སྦྱོང་དང ། བྲམ་ཟེ་དང ། སྤྱོད་པ་པ་དང ། ཀུན་དུ་རྒྱུ་རྣམས་ལ་སྲིན་བལ་གྱི་སྟན་སར་པ་བགྱིད་དུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་འགྲོ་བ་གཞན་དུ་གནས་པ་རྣམས་ལ་སྲིན་བལ་གྱི་སྟན་སར་པ་བགྱིད་དུ་སྩལ་ན
12.44b
ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་སྲིན་བལ་གྱི་སྟན་སར་པ་བགྱིས་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་སྟན་དེའི་སྤུན་རུང་བར་གྱུར་ལ་རྒྱུ་མི་རུང་བ་དང ། རྒྱུ་རུང་བར་གྱུར་ལ་སྤུན་མི་རུང་བ་དང ། གཉི་ག་མི་རུང་བར་གྱུར་ནའོ། །མི་རུང་བ་ལ་རྔ་བལ་དང ། བ་ལང་གི་སྤུ་དང ། རི་དགས་ཀྱི་བལ་དང་འདྲེས་པ་རྣམས་ལ་བགྱིས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་བལ་ལམ། ཤ་ན་འམ། རས་བལ་ལམ། གསོ་བལ་དང་འདྲེས་པ་རྣམས་ལས་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་སྲིན་བལ་དུལ་མ་འམ། ཁ་ཆེའི་དར་དང་འདྲེས་པ་ལས་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །མ་བཏགས་པ་ལས་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་སྲིན་བལ་གྱི་སྟན་སར་པ་བགྱིད་དུ་སྩལ་པ་ལས་མཚན་གྱུར་ཏེ་དགེ་སློང་མར་རེད་ནས་ལགས་པར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མ་སྲིན་བལ་གྱི་སྟན་སར་པ་བགྱིད་དུ་སྩོལ་པ་ལས་མཚན་གྱུར་ཏེ། དགེ་སློང་དུ་རེད་ནས་ལགས་པར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་སྲིན་བལ་གྱི་སྟན་སར་པ་ལ་སྲིན་བལ་དུ་འདུ་ཤེས་པས་བགྱིད་དུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །སྲིན་བལ་ལ་སྲིན་བལ་མ་ལགས་པར་འདུ་ཤེས་པས་བགྱིད་དུ་སྩལ་ན་ཅིར་འགྱུར་ལགས། ལྟུང་བ་མེད་དོ། །སྲིན་བལ་མ་ལགས་པ་ལ་སྲིན་བལ་དུ་འདུ་ཤེས་པས་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །སྲིན་བལ་མ་ལགས་པ་ལ་སྲིན་བལ་མ་ལགས་པར་འདུ་ཤེས་པས་བགྱིད་དུ་སྩལ་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་བདེ་བར་གཤེགས་པའི་ཆོས་གོས་ཀྱི་ཚད་ཀྱི་སྟན་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་སྟན་གྱི་ཚད་ནི་ཇི་ཙམ་ལགས། ཉེ་བར
12.45a
འཁོར་སྟན་གྱི་ཚད་གསུམ་སྟེ། ཆེན་པོ་དང ། འབྲིང་དང ། ཆུང་ངུའོ། །དེ་ལ་ཆེན་པོའི་ཚད་ནི་ཁྲུ་ཕྱེད་དང་ལྔའོ། །ཆུང་ངུའི་ཚད་ནི་ཕྱེད་དང་གསུམ་པའོ། །དེའི་བར་མ་ནི་འབྲིང་པོའོ། །བཙུན་པ་རེ་ཤིག་བསྙེན་པར་མ་རྫོགས་པར་སྟན་བགྱི་བར་སྦྱོར་བ་བགྱིས་ལ། བསྙེན་པར་མ་རྫོགས་པར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ། བསྙེན་པར་རྫོགས་ཀར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ། བསྙེན་པར་རྫོགས་ཀར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་སྦྱོར་བ་བགྱིས་ལ། བསྙེན་པར་མ་རྫོགས་པར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། ་་་་་་་་་་་་་་ ། སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། ཚོར་བ་འོན་པ་གླེན་པའོ། །བཙུན་པ་རེ་ཤིག་དགེ་སློང་གི་ཕོ་ཉ་ལས་སྲིན་བལ་གྱི་སྟན་སར་པ་བགྱིད་དུ་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་པ་དང ། སྨྱོན་པ་དང ། སེམས་འཁྲུགས་པ་དང ། ཚོར་བས་ཉམ་ཐག་པ་དང ། འོན་པ་དང་གླེན་པ་ལ་ཅིར་འགྱུར་ལགས། ཉེས་བྱས་སོ། །ཇི་ལྟར་དགེ་སློང་གིས་སྲིན་བལ་གྱི་སྟན་བྱེད་དུ་བཅུག་ན་སྤང་བའི་ལྟུང་བྱེད་དུ་འགྱུར་བ་དེ་བཞིན་དུ་བསླབ་པ་བྱིན་པ་དང ། དགེ་སློང་མ་ལ་ཡང་སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས
12.45b
སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ལུག་བལ་ནག་པོ་འབའ་ཤིག་གི་སྟན་སར་པ་བྱེད་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ་ཞེས་བྱ་བ་སྟེ། གཞུང་ལྷག་མ་ནི་སྲིན་བལ་གྱི་སྤང་བའི་ལྟུང་བྱེད་ལ་ཇི་ལྟ་བར་བལ་ནག་པོ་འབའ་ཤིག་པའི་ལྟུང་བྱེད་ལ་ཡང་དེ་ཁོ་ན་བཞིན་དུ་རྒྱས་པར་བརྗོད་དོ། །དེ་ལ་ཐ་དད་དུ་བྱ་བ་ཅི་ཞིག་ཡོད་ཅེ་ན། བཞི་ཚན་ལ་ལུག་བལ་ནག་པོ་འབའ་ཤིག་ལ་ནག་པོ་འབའ་ཤིག་བར་འདུ་ཤེས་པས་སར་པ་བགྱིད་དུ་སྩོལ་ན་ཞེས་བཞི་ཚན་དུ་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་སྟན་སར་པ་བྱེད་པས་ཆ་གཉིས་ནི་ལུག་བལ་ནག་པོ་འབའ་ཤིག་ལས་གཞུག་པར་བྱ། གསུམ་པ་ནི་དཀར་པོ་ལས་བཞི་པ་ནི་འཁོབ་བལ་ལས་གཞུག་པར་བྱའོ། །གལ་ཏེ་དགེ་སློང་གིས་ཆ་གཉིས་ལུག་བལ་ནག་པོ་འབའ་ཤིག་ལས་མ་བཅུག་གམ། གསུམ་པ་དཀར་པོ་ལས་བཞི་པ་འཁོབ་བལ་ལས་མ་བཅུག་པར་སྟན་སར་པ་བྱེད་ན་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ་ཞེས་བྱ་བ་སྟེ། གཞུང་ལྷག་མ་ནི་སྲིན་བལ་གྱི་སྤང་བ་ལ་ཇི་ལྟ་བར་ཆ་གཉིས་ཀྱི་སྤང་བ་ལ་ཡང་བརྗོད་པར་བྱའོ། །དེ་ལ་ཐ་དད་དུ་བྱ་བ་ཅི་ཡོད་ཅེ་ན། དགེ་སློང་གིས་ལུག་བལ་དཀར་པོ་དང ། འཁོབ་བལ་ཉུང་བ་ལ་ཡང་ཉུང་བར་འདུ་ཤེས། ལུག་བལ་ནག་པོ་མང་བ་ལ་ཡང་མང་བར་འདུ་ཤེས་པས་སྟན་སར་པ་བགྱིད་དུ་སྩོལ་ན་ཞེས་བཞི་ཚན་དུ་བརྗོད་པར་བྱའོ། །གཉི་གར་ཡང་དགེ་སློང་མ་ལ་ནི་ཉེས་བྱས་སུ་བརྗོད་པར་བྱའོ། ་་་་་་་་་་་་་་ ། སྡོམ་ལ། གཞན་ལས་གཞན་གྱི་འཕྲོ་དང་ནི། །ཁྱིམ་པ་མུ་སྟེགས་ཅན་འགྲོ་དང ། །མི་རུང་བ་དང་མཚན་དང་ནི། །བཞི་ཚན་བདེ་གཤེགས་བདུན་ཚན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་སྟན་སར་པ་བྱེད་པས་མི་འདོད་བཞིན་དུ་ལོ་དྲུག་ཏུ་བཅང་བར་བྱའོ། །གལ་ཏེ་དགེ་སློང་གིས
12.46a
ལོ་དྲུག་ཚུན་ཆད་དུ་སྟན་རྙིང་པ་དེ་སྤངས་ཀྱང་རུང ། མ་སྤངས་ཀྱང་རུང ། སྟན་སར་པ་གཞན་བྱེད་ན། དགེ་འདུན་གྱིས་གནང་བ་མ་གཏོགས་ཏེ་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་གཞན་ལ་སྟན་སར་པ་བགྱིད་དུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །གཞན་གྱི་སླད་དུ་སྟན་སར་པ་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་གཞན་གྱི་སྟན་འཕྲོ་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །མདུན་དུ་ཁྱིམ་པ་ལ་སྟན་སར་པ་བགྱིད་དུ་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་དུ་དགེ་སློབ་མ་དང ། དགེ་ཚུལ་དང ། དགེ་ཚུལ་མ་རྣམས་དང ། བསླབ་པ་སྩལ་བ་དང ། དང་པོ་མི་མཐུན་པ་ཅན་དང ། སྔར་ལྟུང་བ་བྱུང་བ་དང ། རྐུ་ཐབས་སུ་གནས་པ་དང ། ཐ་དད་དུ་གནས་པ་དང ། གནས་པར་མི་བྱ་བ་ནས་ཁས་ལེན་པའི་བར་ལ་སྟན་སར་པ་བགྱིད་དུ་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་འདི་ལས་ཕྱི་རོལ་པ་གཞན་མུ་སྟེགས་ཅན་དང ། དགེ་སྦྱོང་དང ། བྲམ་ཟེ་དང ། སྤྱོད་པ་པ་ལ་སྟན་སར་པ་བགྱིད་དུ་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་འགྲོ་བ་གཞན་དུ་གནས་པ་དག་ལ་སྟན་སར་པ་བགྱིད་དུ་སྩོལ་ན་ཅིར་འགྱུར་ལགས་ཉེས་བྱས་སོ། །བཙུན་པ་རེ་ཤིག་དགེ་སློང་གིས་ལོ་དྲུག་ཚུན་ཆད་དུ་སྟན་སར་པ་བགྱིད་དུ་སྩལ་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ་འདི་ལྟར་སྟན་དེའི་སྤུན་རུང་བར་གྱུར་ལ། རྒྱུ་མི་རུང་བ་དང ། རྒྱུ་རུང་བར་གྱུར་ལ། སྤུན་མི་རུང་བ་དང ། གཉི་ག་མི་རུང་བར་གྱུར་ནའོ། །མི་རུང་བ་རྔ་བལ་དང ། བ་ལང་གི་སྤུ་དང ། རི་དགས་ཀྱི་བལ་དང་འདྲེས་པ་ལས་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་དགུང་ལོ་དྲུག་ཚུན་ཆད་དུ་སྟན་སར་པ་བགྱིད་དུ་སྩོལ་པ་ལས་མཚན་གྱུར་ཏེ་དགེ་སློང་མར་རེད་ནས
12.46b
ལག་པར་བགྱིས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མ་དགུང་ལོ་དྲུག་ཚུན་ཆད་སྟན་སར་པ་བགྱིད་དུ་སྩོལ་པས་མཚན་གྱུར་ཏེ་དགེ་སློང་དུ་རེད་ནས་ལགས་པར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་དགུང་ལོ་དྲུག་ལོན་པ་ལ་ལོན་པར་འདུ་ཤེས་པས་སྟན་སར་པ་བགྱིད་དུ་སྩལ་ན་ཅིར་འགྱུར་ལགས། ལྟུང་བ་མེད་དོ། །ལོན་པ་ལ་མ་ལོན་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མ་ལོན་པ་ལ་ལོན་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །མ་ལོན་པ་ལ་མ་ལོན་པར་འདུ་ཤེས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་དགུང་ལོ་དྲུག་ཚུན་ཆད་དུ་བདེ་བར་གཤེགས་པའི་ཆོས་གོས་ཀྱི་ཚད་ཀྱི་སྟན་སར་པ་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་བསྙེན་པར་མ་རྫོགས་པར་དགུང་ལོ་དྲུག་ཚུན་ཆད་དུ་སྟན་སར་པ་བགྱིད་པར་སྦྱོར་བ་བགྱིས་ལ། བསྙེན་པར་མ་རྫོགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །ཞེས་བཅུ་ཚན་རྒྱས་པར་བརྗོད་པར་བྱའོ། ་་་་་་་་་་་།སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་གླེན་པའོ། །བཙུན་པ་རེ་ཤིག་དགེ་སློང་གིས་དགུང་ལོ་དྲུག་ཚུན་ཆད་དུ་ཕོ་ཉ་ལས་སྟན་སར་པ་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཕོ་ཉ་དང ། ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་པ་དང ། སྨྱོན་པ་དང ། སེམས་འཁྲུགས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་ལ་སྟན་སར་པ་བགྱིད་དུ་སྩལ་ན་ཅིར་འགྱུར་ལགས། ཉེས་བྱས་སོ། །ཇི་ལྟར་དགེ་སློང་གིས་ལོ་དྲུག་ཚུན་ཆད་སྟན་སར་པ་བྱས་ན་སྤང་བའི་ལྟུང་བྱེད་དུ་འགྱུར་བ་དེ་བཞིན་དུ་བསླབ་པ་བྱིན་པ་ལ་ཡང་སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་ལ་ནི་ཉེས་བྱས་སོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སུ་བརྗོད་པར་བྱའོ། ་་་་་་་་་་།
12.47a
སྡོམ་ལ། གཞན་ལས་གཞན་གྱི་འཕྲོ་དང་ནི། །ཁྱིམ་པ་མུ་སྟེགས་འགྲོ་བ་དང ། །མི་རུང་བ་དང་མཚན་དང་ནི། །དེ་བཞིན་བཞི་ཚན་བདུན་ཚན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གི་གདིང་བ་སར་པ་བྱེད་པས་སར་པ་ཁ་དོག་མི་སྡུག་པར་བྱ་བའི་ཕྱིར་གདིང་བ་རྙིང་པ་བདེ་བར་གཤེགས་པའི་མཐོ་གང་འཁོར་བས་གླན་པར་བྱའོ། །གལ་ཏེ་དགེ་སློང་གིས་ཁ་དོག་སར་པ་མི་སྡུག་པར་བྱ་བའི་ཕྱིར་གདིང་བ་རྙིང་པ་བདེ་བར་གཤེགས་པའི་མཐོ་གང་འཁོར་བས་མ་གླན་པར་གདིང་བ་སར་པ་སྤྱོད་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་བདེ་བར་གཤེགས་པའི་མཐོར་སོར་གཅིག་གམ། སོར་ཕྱེད་ཀྱིས་མི་འཚལ་བར་གཞན་ཞིག་ལས་གདིང་བ་སར་པ་བགྱིད་དུ་སྩོལ་ཅིང་སྤྱོད་ན་ཅིར་འགྱུར་ལགས། ཉེས་བྱས་སོ། །གཞན་གྱི་སླད་དུ་གདིང་བ་སར་པ་བགྱིད་ན་ཅིར་འགྱུར་ལགས། ཉེས་བྱས་སོ། །གཞན་གྱི་འཕྲོ་ལགས་པར་བགྱིས་ཏེ་སྤྱོད་ན་ཅིར་འགྱུར་ལགས། ཉེས་བྱས་སོ། །མདུན་དུ་ཁྱིམ་པ་ལ་གདིང་བ་སར་པ་བགྱིད་དུ་སྩོལ་ཅིང་སྤྱོད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་དུ་དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། བསླབ་པ་སྩལ་བ་དང ། དང་པོ་མི་མཐུན་པ་ཅན་དང ། སྔར་ལྟུང་བ་བྱུང་བ་དང ། རྐུ་ཐབས་སུ་གནས་པ་དང ། ཐ་དད་དུ་གནས་པ་དང ། གནས་པར་མི་བྱ་བ་ནས། ཁས་ལེན་པའི་བར་ལ་གདིང་བ་སར་པ་བགྱིད་དུ་སྩོལ་ཅིང་སྤྱོད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་ཕྱི་རོལ་པ་གཞན་མུ་སྟེགས་ཅན་དང ། དགེ་སྦྱོང་དང ། བྲམ་ཟེ་དང ། སྤྱོད་པ་པ་དང ། ཀུན་དུ་རྒྱུ་ལ་གདིང་བ་སར་པ་བགྱིད་དུ་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །འགྲོ་བ་གཞན་དུ་གནས་པ་རྣམས་ལ་གདིང་བ་སར་པ་བགྱིད་དུ་སྩོལ་ཅིང་སྤྱོད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་བདེ་བར་གཤེགས་པའི་མཐོར་སོར་གཅིག
12.47b
གམ། སོར་ཕྱེད་ཀྱིས་མི་འཚལ་བར་གདིང་བ་སར་པ་བགྱིད་དུ་སྩོལ་ཅིང་སྤྱོད་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་གདིང་བ་སར་པ་དེའི་སྤུན་རུང་བར་གྱུར་ལ། རྒྱུ་མི་རུང་བ་དང ། སྤུན་མི་རུང་བར་གྱུར་ལ། རྒྱུ་རུང་བ་དང ། གཉི་ག་མི་རུང་བར་གྱུར་ནའོ། །མི་རུང་བ་ནི་རྔ་བལ་དང ། བ་ལང་གི་སྤུ་དང ། རི་དགས་ཀྱི་བལ་དང་འདྲེས་པ་དང ། མ་བཏགས་པ་སྟེ་དེ་ལྟ་བུའི་གདིང་བ་སར་པ་བྱེད་དུ་འཇུག་ཅིང་སྤྱོད་ན་ཉེས་བྱས་སུ་འགྱུར་རོ།། །།འདུལ་བ་གཞུང་བླ་མ། བམ་པོ་དྲུག་པ། བཙུན་པ་རེ་ཤིག་དགེ་སློང་བདེ་བར་གཤེགས་པའི་མཐོར་སོར་གཅིག་གམ། སོར་ཕྱེད་ཀྱིས་མི་འཚལ་བར་གདིང་བ་སར་པ་བགྱིད་དུ་སྩོལ་བ་ལས་མཚན་གྱུར་ཏེ་དགེ་སློང་མར་རེད་ནས་སྤྱོད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མ་བདེ་བར་གཤེགས་པའི་མཐོར་སོར་གཅིག་གམ། སོར་ཕྱེད་ཀྱིས་མི་འཚལ་བར་གདིང་བ་སར་པ་བགྱིད་དུ་སྩོལ་བ་ལས་མཚན་འགྱུར་ཏེ་དགེ་སློང་དུ་རེད་ནས་སྤྱོད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་བདེ་བར་གཤེགས་པའི་མཐོ་གང་དུ་མི་འཚལ་བ་ལ་མི་འཚལ་བར་འདུ་ཤེས་པས་གླན་ཏེ་གདིང་བ་སར་པ་སྤྱད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །མི་འཚལ་བ་ལ་ལྷག་པར་འདུ་ཤེས་པ་གླན་ཏེ་སྤྱད་ན་ཅིར་འགྱུར་ལགས། ལྟུང་བ་མེད་དོ། །ལྷག་པར་ལ་མི་འཚལ་བར་འདུ་ཤེས་པས་ཀླན་ཏེ་སྤྱད་ན་ཅིར་འགྱུར་ལགས། ཉེས་བྱས་སོ། །ལྷག་པ་ལ་ལྷག་པར་འདུ་ཤེས་པས་གླན་ཏེ་སྤྱད་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་བསྙེན་པར་མ་རྫོགས་པར་བདེ་བར་གཤེགས་པའི་མཐོར་སོར་གཅིག་གམ་སོར་ཕྱེད་ཀྱིས་མི་འཚལ་བར་གདིང་བ་སར་པ་བགྱིད་དུ་སྩལ་བའི་སྦྱོར་བར་བགྱིས་ལ། བསྙེན་པར་མ་རྫོགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ཀར་ལགས་པར་བགྱིད་ན་ཅིར་འགྱུར
12.48a
ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ནས་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ཀར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ནས་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་རྫོགས་ནས་ལགས་པར་བགྱིས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་མ་རྫོགས་པར་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། ་་་་་་་་་་་།སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་གླེན་པའོ། །བཙུན་པ་རེ་ཤིག་དགེ་སློང་གིས་བདེ་བར་གཤེགས་པའི་མཐོར་སོར་གཅིག་གམ། སོར་ཕྱེད་ཀྱིས་མི་འཚལ་བར་ཕོ་ཉ་ལས་གདིང་བ་སར་པ་བགྱིད་དུ་སྩོལ་ཅིང་སྤྱོད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང ། ལག་བརྡ་དང ། །གཞན་ལ་སྙད་འདོགས་པ་དང ། བརྒྱུད་པ་དང ། སྨྱོན་པ་དང ། སེམས་འཁྲུགས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་ལ་གདིང་བ་སར་པ་བགྱིད་དུ་སྩོལ་ཅིང་སྤྱོད་ན་ཅིར་འགྱུར་ལགས། ཉེས་བྱས་སོ། །ཇི་ལྟར་དགེ་སློང་གདིང་བ་སར་པ་བྱེད་དུ་འཇུག་ཅིང་སྤྱོད་ན་སྤང་བའི་ལྟུང་བྱེད་དུ་འགྱུར་པ་ལྟར་བསླབ་པ་བྱིན་པ་ལ་ཡང་དེ་དང་འདྲའོ། །དགེ་སློང་མ་ནི་ཕྱེད་དུ་འཇུག་ཅིང་སྤྱོད་ན་ཉེས་བྱས་སོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ། ་་་་་་་་་་ ། སྡོམ་ལ། ནམ་མཁའ་རྫུ་འཕྲུལ་སྤྲུལ་པ་དང ། དེ་བཞིན་སྔགས་རྣམས་གཞན་གསུམ་དང ། །མི་རུང་གཉིས་ཚན་མཚན་དང་ནི། །བཞི་ཚན་དང་ནི་ཐ་མ་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ
12.48b
ལྡན་འདས་ཀྱིས་དགེ་སློང་ལམ་དུ་ཞུགས་པས་ལུག་བལ་དག་རྙེད་ལ་འདོད་ན་དགེ་སློང་དེས་བླང་བར་བྱའོ། །བླངས་ནས་ཁྱེར་བ་མེད་ན་དཔག་ཚད་གསུམ་གྱི་མཐའི་བར་དུ་བདག་ཉིད་ཀྱིས་བཀུར་བར་བྱའོ། །དེ་ལས་འདས་པར་ཁྱེར་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་དཔག་ཚད་གསུམ་ལས་འདས་པར་ནམ་མཁའ་ལས་ལུག་བལ་འཚལ་ན་ཅིར་འགྱུར་ལགས། རྫུ་འཕྲུལ་གྱིས་ཁྱེར་ན་ལྟུང་བ་མེད་དོ། །འོན་ཏེ་རྣམ་པ་གཞན་གྱིས་ཁྱེར་ན་ཉེས་བྱས་སུ་འགྱུར་རོ། །རུང་བ་བགྱིད་པ་སྤྲུལ་པས་དཔག་ཚད་གསུམ་ལས་འདས་པར་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་གསང་སྔགས་སམ། སྨན་གྱིས་བདག་ཉིད་མི་གདའ་བར་བགྱིས་ཏེ་དཔག་ཚད་གསུམ་ལས་འདས་པར་ལུག་བལ་འཚལ་ན་ཅིར་འགྱུར་ལགས། ཉེས་བྱས་སོ། །གཞན་གྱི་སླད་དུ་དཔག་ཚད་གསུམ་ལས་འདས་པར་ལུག་བལ་འཚལ་ན་ཅིར་འགྱུར་ལགས། ཉེས་བྱས་སོ། །གཞན་ལས་དཔག་ཚད་གསུམ་ལས་འདས་པར་ལུག་བལ་བསྐུར་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དཔག་ཚད་གསུམ་ལས་འདས་པར་ལུག་བལ་འཚལ་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་དགེ་སློང་ལམ་དུ་ཞུགས་པ་ཞིག་གིས་ལུག་བལ་དག་རྙེད་ནས་དེ་དག་དཔག་ཚད་གསུམ་གྱི་བར་དུ་བདག་ཉིད་ཀྱིས་ཁྱེར་ཁྱེར་བ་ལས། དེས་ཡང་ལུག་བལ་གཞན་ཞིག་རྙེད་ནས་དེས་སྔ་མ་བོར་ཏེ་ཕྱི་མ་ཁྱེར་ནས་འགྲོ་ནའོ། །བཙུན་པ་རེ་ཤིག་དགེ་སློང་གིས་ལུག་བལ་མ་གཏོགས་པ་དེས་ལས་གཞན་མི་རུང་བ་རྔ་བལ་དང ། བ་ལང་གི་སྤུ་དང ། རི་དགས་ཀྱི་བལ་དང ། ར་བལ་དང་འདྲེས་པ་དཔག་ཚད་གསུམ་ལས་འདས་པར་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ལུག་བལ་དཔག་ཚད་གསུམ་ལས་འདས་པར་འཚལ
12.49a
བ་ལས་མཚན་འགྱུར་ཏེ་དགེ་སློང་མར་རེད་ནས་མཚམས་ལས་འདས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མས་ལུག་བལ་དཔག་ཚད་གསུམ་ལས་འདས་པར་འཚལ་བ་ལས་མཚན་འགྱུར་ཏེ་དགེ་སློང་དུ་རེད་ནས་མཚམས་ལས་འདས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་ལུག་བལ་དཔག་ཚད་གསུམ་ལས་འདས་པ་ན་རྒྱང་གྲགས་ལ་རྒྱང་གྲགས་སུ་འདུ་ཤེས་པས་འཚལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །རྒྱང་གྲགས་ལ་རྒྱང་གྲགས་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །རྒྱང་གྲགས་མ་ལགས་པ་ལ་རྒྱང་གྲགས་སུ་འདུ་ཤེས་ན་ཅིར་འགྱུར་ལགས། ཉེས་བྱས་སོ། །རྒྱང་གྲགས་མ་ལགས་པ་ལ་རྒྱང་གྲགས་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། ་་་་་་་་་་་་་་།སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་གླེན་པའོ། །བཙུན་པ་རེ་ཤིག་དགེ་སློང་གིས་ལུག་བལ་དཔག་ཚད་གསུམ་ལས་འདས་པར་ཕོ་ཉ་ལ་བཀུར་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་པ་དང ། སྨྱོན་པ་དང ། སེམས་འཁྲུགས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་ལ་དཔག་ཚད་གསུམ་ལས་འདས་པར་ལུག་བལ་བཀུར་ན་ཅིར་འགྱུར་ལགས། ཉེས་བྱས་སོ། །ཇི་ལྟར་དགེ་སློང་གིས་ལུག་བལ་དཔག་ཚད་གསུམ་ལས་འདས་པར་ཁྱེར་ན་སྤང་བའི་ལྟུང་བྱེད་དུ་འགྱུར་བ་དེ་བཞིན་དུ་བསླབ་པ་བྱིན་པ་ལ་ཡང་སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ། ་་་་་་་་་་་ ། སྡོམ་ལ། ཕོ་ཉ་ཡི་གེ་ལག་བརྡ་དང ། གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་འགྲོ་བའོ། །ཁྱིམ་པ་དག་ལ་སྩོགས
12.49b
པ་སྟེ། །བསླབ་པ་བྱིན་པ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་སློང་མ་ཉེ་དུ་མ་ཡིན་པ་ལ་ལུག་བལ་འཁྲུར་འཇུག་གམ། འཚེད་དུ་འཇུག་གམ། རྨེལ་དུ་འཇུག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གི་ཕོ་ཉ་ལས་དགེ་སློང་མ་ཉེ་དུ་མ་ལགས་པ་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་པས་དགེ་སློང་མ་ཉེ་དུ་མ་ལགས་པ་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་མ་ཉེ་དུ་མ་ལགས་པ་སྨྱོན་མ་ལ་ལུག་བལ་འཁྲུར་སྩོལ་ན་ཅིར་འགྱུར་ལགས་ཉེས་བྱས་སོ། །དེ་བཞིན་དུ་དགེ་སློང་མ་ཉེ་དུ་མ་ལགས་པ་སེམས་གཡེངས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཁྱིམ་པ་མོ་ཉེ་དུ་མ་ལགས་པ་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་མ་ཁས་ལེན་པ་དང ། མ་ནིང་དང ། དགེ་སློང་མ་སུན་ཕྱུང་བ་དང ། མ་འགུམས་པ་དང ། ཕ་འགུམས་པ་དང ། དགྲ་བཅོམ་པ་འགུམས་པ་དང ། མུ་སྟེགས་ཅན་དང ། མུ་སྟེགས་ཅན་དུ་ཞུགས་པ་དང ། རྐུ་ཐབས་སུ་གནས་པ་དང ། གནས་པར་མི་བྱ་བ་དང ། དང་པོ་མི་མཐུན་པ་ཅན་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་མ་དགེ་འདུན་གྱིས་དབྱེན་བགྱིས་པ་དང ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང ། ཐ་དད་དུ་གནས་པ་དང ། བསླབ་པ་སྩལ་པ་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་བསླབ་པ་སྩལ་པས་དགེ་སློང་མ་ཉེ་དུ་མ་ལགས་པ་ལ་ལུག་བལ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། ་་་་་་་་་་་་།སྡོམ་ལ།
12.50a
བསྒྲུབ་བྱ་ཤས་ཙམ་བཀྲུས་པ་དང ། །དགེ་འདུན་གྱི་དང་མཚན་གཉིས་དང ། །མི་རུང་བ་དང་སྤངས་པ་དང ། །དེ་བཞིན་དུ་ནི་གཉེན་ཉིད་དང ། །བཞི་ཚན་དག་ཏུ་བྱས་པ་དང ། །དགེ་སློང་མ་ནི་ཐ་མ་ཡིན། །བཙུན་པ་རེ་ཤིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ལུག་བལ་བསྒྲུབ་པར་བགྱི་བ་ཞིག་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །དགེ་སློང་མ་ཉེ་དུ་མ་ལགས་པ་ལ་ལུག་བལ་ཤས་ཙམ་བཀྲུས་པ་ཞིག་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་འདུན་གྱི་ལུག་བལ་འཁྲུར་སྩོལ་ན་ཅིར་འགྱུར་ལགས། གལ་ཏེ་གང་ཟག་གིར་ཡོངས་སུ་སྤྱད་པས་ཡོངས་སུ་སྤྱད་དེ་དྲི་མ་ཅན་དུ་བྱས་པ་ཞིག་ན་ཉེས་བྱས་སུ་འགྱུར་རོ། །འོན་ཏེ་གནས་མལ་གྱི་དངོས་པོ་ཞིག་འཁྲུར་བཅུག་ན་ནི་ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ལུག་བལ་འཁྲུར་སྩོལ་བ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མས་དགེ་སློང་མ་ཉེ་དུ་མ་ལགས་པ་ལ་ལུག་བལ་འཁྲུར་སྩོལ་བ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ལུག་བལ་འཁྲུར་འཇུག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ལུག་བལ་འཁྲུར་སྩོལ་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། མི་རུང་བ་དང་འདྲེས་པ་འཁྲུར་འཇུག་པ་སྟེ། མི་རུང་བ་རྔ་བལ་དང ། བ་ལང་གི་སྤུ་དང ། རི་དགས་ཀྱི་བལ་དང་འདྲེས་པ་ཞིག་འཁྲུར་བཅུག་ན་ཉེས་བྱས་སུ་འགྱུར་རོ། །བཙུན་པ་རེ་ཤིག་དགེ་སློང་གིས་སྤང་བའི་ལུག་བལ་འཁྲུར་སྩོལ་ན་ཅིར་འགྱུར་ལགས། གལ་ཏེ་མ་སྤངས་པ་ཞིག་ཡིན་ན་སྤང་བའི་ལྟུང་བྱེད་དུ་འགྱུར་རོ། །འོན་ཏེ་སྤངས་པ་ཞིག་ཡིན་ན་ནི་ཉེས་བྱས་སོ། །བཙུན་པ་རེ་ཤིག་དགེ་སློང་གིས་གཞན་གྱི་ལུག་བལ་ཞིག་འཁྲུར་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན
12.50b
པ་རེ་ཤིག་བསྙེན་པར་མ་རྫོགས་པར་ལུག་བལ་འཁྲུར་སྩལ་བའི་སྦྱོར་བ་བགྱིས་ལ་བསྙེན་པར་མ་རྫོགས་པར་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་པར་སྦྱོར་བ་བགྱིས་ལས་བསྙེན་པར་རྫོགས་ཀར་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ། བསྙེན་པར་རྫོགས་ཀར་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་སྦྱོར་བ་བགྱིས་ལ། བསྙེན་པར་རྫོགས་ནས་ལགས་པར་བགྱིས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་མ་རྫོགས་པར་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་མ་ཉེ་དུ་མ་ལགས་པ་ལ་ཉེ་དུ་མ་ལགས་པར་འདུ་ཤེས་པས་ལུག་བལ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །ཉེ་དུ་མ་ལགས་པ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །ཉེ་དུ་ལ་ཉེ་དུ་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཉེ་དུ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་དགེ་སློང་མ་བསྙེན་པར་རྫོགས་པར་འདུ་ཤེས་པས་ལུག་བལ་དེ་འཁྲུར་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །དགེ་སློང་གིས་ཉེ་དུ་མ་ལགས་ལ་དགེ་སློབ་དང ། དགེ་ཚུལ་དང ། ཁྱིམ་པ་མོ་དང ། གཞན་མུ་སྟེགས་ཅན་དང ། དགེ་སྦྱོང་དང །
12.51a
བྲམ་ཟེ་དང ། སྤྱོད་པ་པ་དང ། ཀུན་དུ་རྒྱུ་བ་རྣམས་དང ། འགྲོ་བ་གཞན་དུ་གནས་པ་རྣམས་ལ་འཁྲུར་སྩལ་ན་ཅིར་འགྱུར་ལགས། ཉེས་བྱས་སོ། །དགེ་སློང་མས་དགེ་སློང་དང ། དགེ་ཚུལ་དང ། འདི་ལས་ཕྱི་རོལ་པ་གཞན་མུ་སྟེགས་ཅན་དང ། དགེ་སྦྱོང་དང ། བྲམ་ཟེ་དང ། སྤྱོད་པ་པ་དང ། ཀུན་དུ་རྒྱུ་བ་རྣམས་དང ། འགྲོ་བ་གཞན་དུ་གནས་པ་རྣམས་ལ་འཁྲུར་སྩལ་ན་ཅིར་འགྱུར་ལགས། ཉེས་བྱས་སོ། །ཁྱིམ་པ་དང ། ཁྱིམ་པ་མོ་ལ་འཁྲུར་སྩལ་ན་ཅིར་འགྱུར་ལགས། ཉེས་བྱས་སོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང་སྔར་ལྟུང་བ་བྱུང་བ་ལ་སོགས་པ་ལ་ཉེས་བྱས་ཏེ། དེ་བཞིན་དུ་འཚེད་པ་དང ། རྨེལ་བ་ཡང་བརྗོད་པར་བྱའོ། ་་་་་་་་་་་ ། སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་རང་གི་ལག་གིས་གསེར་དང་དངུལ་ལེན་ནམ། ལེན་དུ་འཇུག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་ཕོ་ཉ་ལས་གསེར་དང་དངུལ་ལེན་དུ་སྩལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་པས་གསེར་དང་དངུལ་ལེན་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་སྨྱོན་པ་གསེར་དང་དངུལ་ལེན་དུ་སྩལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་དང ། འགྲོ་བ་གཞན་དུ་གནས་པ་གསེར་དང་དངུལ་ལེན་དུ་སྩལ་ན་ཅིར་འགྱུར་ལགས། ཉེས་བྱས་སོ། ་་་་་་་་་།སྡོམ་ལ། ལྐོག་དང་མཚན་དང་མ་ཤ་དང ། །བཞི་ཚན་བདུན་ཚན་དབེན་པའོ། །ཁྱིམ་པ་ལ་སོགས་ལུས་དང་སྐད། །ལེན་དང་གཞན་གྱི་དགེ་སློང་མ། །བཙུན་པ་དགེ་སློང་གིས་གསེར་དངུལ་བླངས་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ།
12.51b
ལྐོག་གི་ཕྱོགས་ནས་ལེན་དུ་འཇུག་གམ། ཡོ་བྱད་གཞན་དུ་འདུ་ཤེས་ནའོ། །བཙུན་པ་རེ་ཤིག་དགེ་སློང་གསེར་དང་དངུལ་ལེན་པ་ལས་མཚན་འགྱུར་ཏེ་དགེ་སློང་མར་རེད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མ་གསེར་དང་དངུལ་ལེན་པ་ལས་མཚན་འགྱུར་ཏེ། དགེ་སློང་དུ་རེད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མ་གསེར་གྱི་མ་ཤ་འམ་དངུལ་གྱི་མ་ཤ་ལེན་ཏམ། ལེན་དུ་སྩོལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །གལ་ཏེ་འཁར་བའི་མ་ཤ་འམ་ཟངས་ཀྱི་མ་ཤ་ལེན་ཏམ། ལེན་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་གསེར་དང་དངུལ་ལ་གསེར་དང་དངུལ་དུ་འདུ་ཤེས་ཏེ་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །གསེར་དང་དངུལ་ལ་གསེར་དང་དངུལ་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །གསེར་དང་དངུལ་མ་ལགས་པ་ལ་གསེར་དང་དངུལ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །གསེར་དང་དངུལ་མ་ལགས་པ་ལ་གསེར་དང་དངུལ་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་བསྙེན་པར་མ་རྫོགས་པར་གསེར་དང་དངུལ་ལེན་པའི་སྦྱོར་བ་བགྱིས་ལ་བསྙེན་པར་མ་རྫོགས་པར་བླངས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ཀར་བླངས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ནས་བླངས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ཀར་བླངས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ནས་བླངས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་རྫོགས་ནས་བླངས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་མ་རྫོགས་པར
12.52a
བླངས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དབེན་པ་ལ་དབེན་པར་འདུ་ཤེས་པས་གསེར་དང་དངུལ་བླང་བར་བསྐོ་ན་ཅིར་འགྱུར་ལགས། ཉེས་བྱས་སོ། །དབེན་པ་ལ་མི་དབེན་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་དབེན་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་མི་དབེན་པར་འདུ་ཤེས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་གསེར་དང་དངུལ་མངོན་སུམ་དུ་ཁྱིམ་པ་ལེན་དུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་དུ་ཟ་མ་དང་མ་ནིང་དང ། དགེ་སློང་མ་སུན་ཕྱུང་བ་དང ། མ་འགུམས་པ་དང ། ཕ་འགུམས་པ་དང ། དགྲ་བཅོམ་པ་འགུམས་པ་དང ། དགེ་འདུན་གྱིས་དབྱེན་བགྱིས་པ་འམ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་འམ། མུ་སྟེགས་ཅན་དང ། མུ་སྟེགས་ཅན་དུ་ཞུགས་པ་དང ། རྐུ་ཐབས་སུ་གནས་པ་དང ། ཐ་དད་དུ་གནས་པ་དང ། གནས་པར་མི་བགྱིད་པ་དང ། ཁས་ལེན་པ་དང ། དང་པོ་མི་མཐུན་པ་ཅན་དང ། སྔར་ལྟུང་བ་བྱུང་བ་དང ། བསླབ་པ་སྩལ་བ་གསེར་དང་དངུལ་མངོན་སུམ་དུ་ལེན་དུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་ལུས་ཀྱི་རྣམ་པར་རིག་བྱེད་ཀྱིས་གསེར་དང་དངུལ་ལེན་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དབུས་པའི་དགེ་སློང་གིས་མཐའ་འཁོབ་ཀྱི་སྐད་དུ་དབུས་པ་ལ་གསེར་དང་དངུལ་ལེན་དུ་སྩལ་ལ། དབུས་པས་ཀྱང་མཐའ་འཁོབ་ཀྱི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་མཐའ་འཁོབ་པ་ལ་གསེར་དང་དངུལ་ལེན་དུ་སྩལ་ན། མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དབུས་པ་ལ་གསེར་དང་དངུལ་ལེན་དུ་སྩལ་ན། དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ
12.52b
མཐའ་འཁོབ་པ་ལ་གསེར་དང་དངུལ་ལེན་དུ་སྩལ་ལ། མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་དགེ་སློང་གིས་རང་གི་ལག་གི་གསེར་དང་དངུལ་ལེན་ཏམ། ལེན་དུ་སྩལ་ཀྱང་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་གསེར་དང་དངུལ་ལེན་པ་ན་རང་གིར་བྱེད་པའི་སེམས་མི་བསྐྱེད་ཅིང་མི་རུང་བའི་དངོས་པོ་གཞན་ཞིག་རང་གིར་བྱའོ། །དེས་ཚིག་ཏུ་ཡང་སྨྲ་ནའོ། །བཙུན་པ་རེ་ཤིག་དགེ་སློང་གིས་གཞན་གྱི་སླད་དུ་གསེར་དང་དངུལ་ལེན་ཏམ། ལེན་དུ་སྩལ་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་མས་གསེར་དང་དངུལ་ལེན་ཏམ། ལེན་དུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་བསླབ་པ་སྩལ་པས་རང་གི་ལག་གིས་གསེར་དང་དངུལ་ལེན་ཏམ། ལེན་དུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློབ་མས་རང་གིས་གསེར་དང་དངུལ་ལེན་ནམ། ལེན་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །དགེ་ཚུལ་དང ། དགེ་ཚུལ་མ་ལ་ནི་ལྟུང་བ་མེད་དོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ། ་་་་་་་་་་་།སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བྱེད་ན་སྤང་བའི་ལྟུང་བྱེད་དོ་ཞེས་གསུངས་པ་གང་ལགས། བཙུན་པ་རེ་ཤིག་དགེ་སློང་གིས་ཕོ་ཉ་ལས་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང ། ལག་བརྡ་དང ། གཞན་གྱི་སླད་དུ་དང ། གཞན་ལ་སྙད་འདོགས་པ་དང ། བརྒྱུད་པ་ལ་ཡང་བརྗོད་པར་བྱའོ། །བཙུན་པ་རེ་ཤིག་དགེ་སློང་གིས་སྨྱོན་པ་དང་ལྷན་ཅིག་མངོན་མཚན
12.53a
གྱི་སྤྱོད་པ་རྣམ་པ་སྣ་ཚོགས་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། འོན་པ་དང ། གླེན་པ་དང ། འགྲོ་བ་གཞན་དུ་གནས་པ་རྣམས་དང་ལྷན་ཅིག་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བགྱིད་ན་ཅིར་འགྱུར་ལགས། ཉེས་བྱས་སོ། ་་་་་་་་་་་ ། སྡོམ་ལ། མཚན་དང་བཞི་ཚན་ཁོ་ན་དང ། །བདུན་ཚན་དང་ནི་གཞན་ཕྱིར་དང ། །བསླབ་དང་ཉེ་དུ་འདྲ་བ་དང ། །དགེ་སློང་མ་ནི་ཐ་མ་ཡིན། །བཙུན་པ་རེ་ཤིག་དགེ་སློང་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བགྱིད་པ་ལས་མཚན་གྱུར་ཏེ། དགེ་སློང་མར་རེད་ནས་རྙེད་པ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མ་མངོན་མཚན་ཅན་གྱིས་སྤྱོད་པ་སྣ་ཚོགས་བགྱིད་པ་ལས་མཚན་གྱུར་ཏེ་དགེ་སློང་དུ་རེད་ནས་རྙེད་པ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་མི་ལ་མིར་འདུ་ཤེས་པས་མངོན་མཚན་ཅན་གྱིས་སྤྱོད་པ་རྣམ་པ་སྣ་ཚོགས་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་བསྙེན་པར་མ་རྫོགས་པར་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་ཀྱི་སྦྱོར་བ་བགྱིས་ལ་བསྙེན་པར་མ་རྫོགས་པ་ལགས་པ་བགྱིས་ན་ཅིར་འགྱུར་ལགས། །ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ཀར་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་པར་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས
12.53b
ཀར་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ནས་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་རྫོགས་ནས་ལགས་པར་བགྱིས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་མ་རྫོགས་པར་ལགས་པར་བགྱིས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་གཞན་གྱི་སླད་དུ་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་བསླབ་པ་སྩལ་པ་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་ཉེ་དུ་དང་ལྷན་ཅིག་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་དགེ་སློང་གིས་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བགྱིས་ཀྱང་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། །འདྲ་བས་འདྲ་བ་བརྗེས་ན་ལྟུང་བ་མེད་དོ། །བཙུན་པ་རེ་ཤིག་དགེ་སློང་མ་མངོན་མཚན་ཅན་གྱི་སྤྱོད་པ་རྣམ་པ་སྣ་ཚོགས་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཉོ་ཚོང་རྣམ་པ་སྣ་ཚོགས་བྱེད་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ་ཞེས་བྱ་བ་སྟེ། གཞུང་ལྷག་མ་ནི་མངོན་མཚན་ཅན་གྱི་སྤྱོད་པ་ལ་བཤད་པ་ཇི་ལྟ་བ་དེ་བཞིན་དུ་ཉོ་ཚོང་འདི་ལ་ཡང་རྒྱས་པར་བརྗོད་པར་བྱའོ། ་་་་་་་་་་ ། སྡོམ་ལ། དེ་ཉིད་ཉམས་དང་ཡུལ་གཞན་དང ། །མུ་སྟེགས་སོ་བཏང་མིན་དཀར་དང ། །སྨྱོན་པ་མཚན་དང་ཕོ་ཉ་དང ། །ཡོད་དང་འཚོ་བ་དགེ་སློང་མ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས
12.54a
ལྷུང་བཟེད་ལྷག་པ་ཞག་བཅུའི་བར་དུ་བཅང་བར་བྱའོ། །དེ་ལས་འདས་པར་འཆང་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་ལྷུང་བཟེད་དེ་ཉིད་བཅངས་ན་ཡང་ལྟུང་བར་ཡང་འགྱུར་ལ་དེ་ཉིད་བཅངས་ན་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་དགེ་སློང་ལྷུང་བཟེད་ཆེན་པོ་འཆང་བ་ལས་མཚན་གྱུར་ཏེ་དགེ་སློང་མར་རེད་ནས་བཅངས་ན་ཉེས་བྱས་སུ་འགྱུར་རོ། །བཙུན་པ་རེ་ཤིག་དགེ་སློང་གིས་སྤངས་པའི་ལྷུང་བཟེད་ཉམས་ན་ལྟུང་བ་བཤགས་པར་བགྱི་ལགས་སམ། ཉེ་བར་འཁོར་བཤགས་པར་བྱའོ། །ལྟུང་བ་བཤགས་ནས་སླར་རྙེད་ན་སྤང་བར་བགྱི་འམ། ཉེ་བར་འཁོར་མ་ཡིན་ནོ། །བཙུན་པ་བཅོམ་ལྡན་འདས་ཀྱིས་དགེ་སློང་གིས་ལྷུང་བཟེད་ལྷག་པ་ཞག་བཅུའི་བར་དུ་བཅང་བར་བྱའོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་ལྷུང་བཟེད་ལྷག་པ་དགུང་བཅུའི་བར་བས་ཐལ་བར་བཅངས་ལ། འདི་ལས་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་དགེ་སློང་གིས་ཡུལ་གཞན་ནས་དགེ་སློང་ཞིག་ལ་དགེ་སློང་གི་ལག་ཏུ་ལྷུང་བཟེད་གཅིག་བསྐུར་ན། དེས་ལྷུང་བཟེད་དེ་ཡུན་ཤིན་དུ་རིང་པོར་བཅངས་ཀྱང་ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་མུ་སྟེགས་ཅན་གྱི་སྣོད་བཅངས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ལྷུང་བཟེད་སོ་མ་བཏང་བ་ལྷག་པར་བཅངས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ལྷུང་བཟེད་སྐྱ་བོ་ཞིག་བཅངས་ན་ཅིར་འགྱུར་ལགས། ཉེས་བྱས་སོ། །བཙུན་པ་དགེ་སློང་གིས་ལྷུང་བཟེད་རྙེད་མ་ཐག་ཏུ་སེམས་འཁྲུགས་པར་གྱུར་ན། གང་ནས་བཟུང་སྟེ་དགུང་བཅུར་བགྲང་བར་བགྱི། གང་ནས་རང་གི་སེམས་སོར་ཆུད་པ་ནས་སོ། །བཙུན་པ་དགེ་སློང་གིས་ལྷུང་བཟེད་ལྷག་པ་དགུང་བཅུ་ལས་འདས་པར་བཅངས་ཀྱང་སྤང་བའི་ལྟུང་བྱེད་དུ་མི་འགྱུར་བ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་དགེ་སློང
12.54b
གིས་ལྷུང་བཟེད་རྙེད་ནས་ཞག་བཅུ་ལོན་པ་དང་མཚན་གྱུར་ཏེ་དགེ་སློང་མར་རེད་ནས་འཆང་ནའོ། །བཙུན་པ་དགེ་སློང་མས་ལྷུང་བཟེད་ལྷག་པ་དགུང་གཅིག་ལས་ལྷག་པར་བཅངས་ཀྱང་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་དགེ་སློང་མས་ལྷུང་བཟེད་རྙེད་མ་ཐག་ཏུ་མཚན་གྱུར་ཏེ་དགེ་སློང་དུ་རེད་ནས་འཆང་ནའོ། །བཙུན་པ་དགེ་སློང་གིས་ཡུན་ཤིན་དུ་རིང་མོ་ཞིག་ཏུ་ལྷུང་བཟེད་ལྷག་པར་བཅངས་ན་འདི་ལ་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་དགེ་སློང་གིས་དགེ་སློང་ཞིག་ལ་ལྷུང་བཟེད་ཀྱི་ཕྱིར་དགེ་སློང་མང་ལགས་ན། དེས་ལྷུང་བཟེད་དེ་བླངས་ཏེ་ཡུན་ཤིན་དུ་རིང་མོ་ཞིག་ཏུ་བཅངས་ཀྱང་ལྟུང་བ་མེད་དོ། །བཙུན་པ་དགེ་སློང་ལ་ལྷུང་བཟེད་གཅིག་ཅིག་བདོག་ཅིང་མཆིས་ལ་དེ་ཉིད་ཀྱང་སྤང་བར་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། བྱིན་གྱིས་མ་བརླབས་པར་བཅངས་ནའོ། །བཙུན་པ་དགེ་སློང་གིས་ནམ་འཚོའི་བར་དུ་ལྟུང་བཟེད་ལྷག་པ་བཅངས་ཀྱང་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་དགེ་སློང་ཞག་བཅུ་ཚུན་ཆད་དུས་ལས་འདས་ནའོ། །བཙུན་པ་རེ་ཤིག་བསླབ་པ་སྩལ་པ་ལྷུང་བཟེད་ལྷག་པ་དགུང་བཅུ་ལས་འདས་པར་འཆང་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་ནི་ལྷུང་བཟེད་ལྷག་མ་ཞག་གཅིག་ལས་འདས་པར་འཆང་ན་སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་དང ། དགེ་ཚུལ་དང ། དགེ་ཚུལ་མ་ལ་ནི་ལྟུང་བ་མེད་དོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ། ་་་་་་་་་་་་ ། སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ལྷུང་བཟེད་ལྷན་པ་ལྔ་མེད་པ་སྤྱད་བཟོད་པ་ཡོད་བཞིན་དུ་བཟང་པོ་འདོད་པའི་ཕྱིར་ལྷུང་བཟེད་སར་པ་གཞན་ཚོལ
12.55a
ཞིང་ལྷུང་བཟེད་གྲུབ་ནས་སྤང་བའི་ལྟུང་བྱེད་དོ། །དགེ་སློང་དེས་ལྷུང་བཟེད་དེ་དགེ་སློང་གི་འཁོར་ལ་དབུལ་བར་བྱ་ཞིང་དགེ་སློང་གི་འཁོར་དེའི་ལྷུང་བཟེད་ཐ་མར་གྱུར་པ་གང་ཡིན་པ་དེ་དགེ་སློང་དེ་ལ་ཕྱིས་དགེ་སློང་ཁྱོད་ཀྱིས་ལྷུང་བཟེད་འདི་བྱིན་གྱིས་བརླབ་པར་མི་བྱ། གཏང་བར་མི་བྱ་གཞན་ལ་སྦྱིན་པར་མི་བྱ་བར་ཆག་པའི་མཐར་ཐུག་གི་བར་དུ་ཁད་ཀྱིས་དལ་བུ་དལ་བུས་སྤྱོད་པར་བྱའོ་ཞེས་སྦྱིན་པར་བྱ་སྟེ། དེ་ལ་དེ་ནི་ཆོ་ག་ཡིན་ནོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་ཕོ་ཉ་ལས་ལྷུང་བཟེད་གཉིས་པ་བཙལ་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །ཕོ་ཉ་ལས་ཇི་ལྟར་ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་པས་ལྷུང་བཟེད་གཉིས་པ་བཙལ་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཤིག་དགེ་སློང་གིས་སྨྱོན་པ་ལས་ལྷུང་བཟེད་གཉིས་པ་ཚོལ་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་དང ། འགྲོ་བ་གཞན་དུ་གནས་པ་རྣམས་ལས་ལྷུང་བཟེད་གཉིས་པ་ཚོལ་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། ་་་་་་་་་།སྡོམ་ལ། མུ་སྟེགས་ཅན་དང་ཟ་མ་ཉིད། །དེ་བཞིན་དུ་ནི་མཚན་དང་ཡང ། །ཐུན་མོང་དང་ནི་བཞི་ཚན་ཉིད། །ཡོ་བྱད་རྣམས་དང་དགེ་སློང་མ། །བཙུན་པ་རེ་ཤིག་དགེ་སློང་གིས་འདི་ལས་ཕྱི་རོལ་པ་གཞན་མུ་སྟེགས་ཅན་དང ། དགེ་སྦྱོང་དང ། བྲམ་ཟེ་དང ། སྤྱོད་པ་པ་དང ། ཀུན་དུ་རྒྱུ་བ་རྣམས་ལས་ལྷུང་བཟེད་གཉིས་པ་ཚོལ་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཤིག་དགེ་སློང་གིས་མུ་སྟེགས་ཅན་གྱི་སྣོད་བསླངས་ན་ཅིར་འགྱུར་ལགས། ཉེས་བྱས་སོ། །སྣོད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ།། །།
12.55b
འདུལ་བ་གཞུང་བླ་མ། བམ་པོ་བདུན་པ། བཙུན་པ་རེ་ཤིག་དགེ་སློང་གིས་ཟ་མ་ལས་ལྷུང་བཟེད་གཉིས་པ་བཙལ་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་མ་ནིང་དང ། མ་ནིང་མོ་དང ། མཚན་གཉིས་པ་ལས་ལྷུང་བཟེད་གཉིས་པ་ཚོལ་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཤིག་དགེ་སློང་གིས་ལྷུང་བཟེད་སྤྱད་བཟོད་པ་མཆིས་བཞིན་དུ་ལྷུང་བཟེད་གཉིས་པ་བསླངས་པ་ལས་མཚན་གྱུར་ཏེ་དགེ་སློང་མར་རེད་ནས་ཐོབ་ན་ཅིར་འགྱུར་ལགས་སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མས་ལྷུང་བཟེད་སྤྱད་བཟོད་པ་མཆིས་བཞིན་དུ་ལྷུང་བཟེད་གཉིས་པ་བསླངས་པ་ལས་མཚན་གྱུར་ཏེ་དགེ་སློང་དུ་རེད་ནས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་ལྷུང་བཟེད་སྤྱད་བཟོད་པ་མཆིས་བཞིན་དུ་ཁྱིམ་བདག་གམ། ཁྱིམ་བདག་གི་མཆིས་བྲང་ལས་ལྷུང་བཟེད་གཉིས་པ་བཙལ་བ་ལས་དེ་གཉི་ག་མཚན་གྱུར་ཏེ། མཚན་གྱུར་ནས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མས་ལྷུང་བཟེད་སྤྱད་བཟོད་པ་མཆིས་བཞིན་དུ་ཁྱིམ་བདག་གམ། ཁྱིམ་བདག་གི་མཆིས་བྲང་ཉེ་དུ་མ་ལགས་པས་ལྷུང་བཟེད་གཉིས་པ་བཙལ་བ་ལས་དེ་གཉི་གའི་མཚན་གྱུར་ཏེ། མཚན་གྱུར་ནས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས་ཉེས་བྱས་སོ། །བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་བླངས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར
12.56a
བསླངས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་བསླངས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་བསླངས་ལ་བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གཉིས་ཀྱིས་ལྷུང་བཟེད་གཅིག་བསླངས་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཤིག་དགེ་སློང་གིས་མི་ལ་མིར་འདུ་ཤེས་པས་ལྷུང་བཟེད་གཉིས་པ་བསླངས་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་གི་ཡོ་བྱད་དག་གམ། རིན་གྱིས་ལྷུང་བཟེད་གཉིས་པ་ཚོལ་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་བསླབ་པ་སྩལ་བས་ལྷུང་བཟེད་སྤྱད་བཟོད་པ་མཆིས་བཞིན་དུ་ལྷུང་བཟེད་གཉིས་པ་ཚོལ་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མས་ལྷུང་བཟེད་སྤྱད་བཟོད་པ་མཆིས་བཞིན་དུ་ལྷུང་བཟེད་གཉིས་པ་ཚོལ་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་རྣམས་ཀྱིས་ལྷུང་བཟེད་སྤྱད་བཟོད་པ་མཆིས་བཞིན་དུ་ལྷུང་བཟེད་གཉིས་པ་ཚོལ་ན་ཅིར་འགྱུར་ལགས། ཉེས་བྱས་སོ། །ལྷུང་བཟེད་ཐོབ་ན་ཅིར་འགྱུར་ལགས། ཉེས
12.56b
བྱས་ཁོ་ནའོ། །སྔར་ལྟུང་བ་བྱུང་བ་ལ་སོགས་པ་ལ་ཉེས་བྱས་སུ་འགྱུར་ཏེ། སྔ་མ་བཞིན་ནོ། ་་་་་་་་་ ། སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་གཡེངས་དང ། །ཚོར་བ་འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་རང་གིས་བསླངས་པའི་དོག་པས་ཐ་ག་པ་ཉེ་དུ་མ་ཡིན་པ་ལ་ཆོས་གོས་འཐག་ཏུ་འཇུག་ན་ཆོས་གོས་གྲུབ་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་ཕོ་ཉ་ལས་ཐ་ག་པ་ཉེ་དུ་མ་ལགས་པ་ལ། ཆོས་གོས་འཐག་ཏུ་སྩལ་ནས་ཆོས་གོས་གྲུབ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་པ་དང ། གཞན་གྱི་སླད་དུ་ཐ་ག་པ་ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཐ་ག་པ་སྨྱོན་པ་ལ་ཆོས་གོས་འཐག་ཏུ་སྩལ་ནས་ཆོས་གོས་གྲུབ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཐ་ག་པ་སེམས་གཡེངས་པ་དང ། ཚོར་བས་ཉམ་ཐག་པ་དང ། འོན་པ་དང ། གླེན་པ་དང ། འགྲོ་བ་གཞན་དུ་གནས་པ་ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་ནས་ཆོས་གོས་གྲུབ་ན་ཅིར་འགྱུར་ལགས། ཉེས་བྱས་སོ། ་་་་་་་ ། སྡོམ་ལ། མ་ནིང་ཟ་མ་ཉིད་དང་ནི། །དེ་བཞིན་ཐུན་མོང་མཚན་དང་ནི། །མི་རུང་བ་དང་བདུན་ཚན་ཉིད། །བཞི་ཚན་སློབ་དང་དགེ་སློང་མ། །བཙུན་པ་རེ་ཤིག་དགེ་སློང་གིས་ཐ་ག་པ་མ་ནིང་ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་ནས་ཆོས་གོས་གྲུབ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཐ་ག་པ་ཟ་མ་དང ། མ་ནིང་དང ། མཚན་གཉིས་པ་ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་ནས་ཆོས་གོས་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཐུན་མོང་གི་ཆོས་གོས་ཤིག་ཐ་ག་པ་ཉེ་དུ་མ་ལགས་པ་ལ་འཐག་ཏུ་སྩལ་ནས་ཆོས་གོས་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཐ་ག་པ་ཉེ་དུ་མ་ལགས་པ་ལ
12.57a
ཆོས་གོས་འཐག་ཏུ་སྩལ་པ་ལས་མཚན་གྱུར་ཏེ་དགེ་སློང་མར་རེད་ནས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མས་ཐ་ག་པ་ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་པ་ལས་མཚན་གྱུར་ཏེ་དགེ་སློང་དུ་རེད་ནས་ཐོབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་དགེ་སློང་གིས་ཐ་ག་པ་ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་ནས་ཆོས་གོས་གྲུབ་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ་རྒྱུ་མི་རུང་བ་དང ། རྒྱུ་རུང་བར་གྱུར་ལ་སྤུན་མི་རུང་བ་དང ། གཉི་ག་མི་རུང་བར་གྱུར་པ་སྟེ། མི་རུང་བ་རྔ་བལ་དང ། བ་ལང་གི་སྤུ་དང ། རི་དགས་ཀྱི་བལ་དང་འདྲེས་པ་ཐ་ག་པ་ཉེ་དུ་མ་ཡིན་པ་ལ་འཐག་ཏུ་བཅུག་ནས་ཆོས་གོས་གྲུབ་ན་ཉེས་བྱས་སུ་འགྱུར་རོ། །བཙུན་པ་རེ་ཤིག་བསྙེན་པར་མ་རྫོགས་པ་ཐ་ག་པ་ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་པའི་ཆོས་གོས་བགྱིས་ལ་བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཐ་ག་པ་མི་མ་ལགས་པ་ལ་མི་མ་ལགས་པར་འདུ་ཤེས་པས་ཆོས་གོས་འཐག་ཏུ་སྩལ་ནས་ཆོས་གོས་གྲུབ་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ལགས།
12.57b
ཉེས་བྱས་སོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་ལ་མིར་འདུ་ཤེས་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་ཐ་ག་པ་ཉེ་དུ་མ་ལགས་པ་ལ་ཉེ་དུ་མ་ལགས་པར་འདུ་ཤེས་པས་ཆོས་གོས་འཐག་ཏུ་སྩལ་ནས་ཆོས་གོས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །ཉེ་དུ་མ་ལགས་པ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །ཉེ་དུ་ལ་ཉེ་དུ་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཉེ་དུ་ལ་ཉེ་དུ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་བསླབ་པ་སྩལ་པས་ཐ་ག་པ་ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་ནས་ཆོས་གོས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མས་ཐ་ག་པ་ཉེ་དུ་མ་ལགས་པ་ལ་ཆོས་གོས་འཐག་ཏུ་སྩལ་ནས་ཆོས་གོས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མས་ཐ་ག་པ་ཉེ་དུ་མ་ལགས་པ་ཆོས་གོས་འཐག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གི་ཕྱིར་ཁྱིམ་བདག་གམ་ཁྱིམ་བདག་གི་ཆུང་མ་ཉེ་དུ་མ་ཡིན་པས་ཐ་ག་པ་ཉེ་དུ་མ་ཡིན་པ་ལ་ཆོས་གོས་འཐག་ཏུ་བཅུག་པ་ལས་དེ་ལ་གལ་ཏེ་དགེ་སློང་དེ་ལ་སྔར་མ་བསྟབས་པར་རྣམ་པར་རྟོག་པ་འགའ་ཞིག་རིག་ནས་ཐ་ག་པ་ཉེ་དུ་མ་ཡིན་པའི་གན་དུ་སོང་སྟེ་འདི་སྐད་ཅེས་ཚེ་དང་ལྡན་པ་ཐ་ག་པ་ཤེས་པར་གྱིས་ཤིག་།ཆོས་གོས་འདི་ཁོ་བོའི་ཕྱིར་འཐག་གིས་ཚེ་དང་ལྡན་པ་ཐ་ག་པ་ཆོས་གོས་འདི་བཟང་པོ་ཞེང་ཆེ་བ་དང ། ཁྲུན་རིང་བ་དང ། ཐར་གྱིས་ཞག་པ་དང ། ཐག་རན་བཟང་བར་ལེགས་པར་གྱིས་ཤིག་།ཚེ་དང་ལྡན་པ་ཐ་ག་པ་འདི་ལྟར་ཁོ་བོས་གླ་རྔན་འདི་ལྟ་སྟེ། བཟའ་བ་དང ། བཅའ་བ་དང །
12.58a
བཟའ་རྒྱུ་ཅུང་ཟད་ཅིག་སྦྱིན་ནོ་ཞེས་སྨྲས་ནས། དེ་ལ་གལ་ཏེ་དགེ་སློང་དེས་ཆོས་གོས་བསྒྲུབ་པའི་ཕྱིར་གླ་རྔན་འདི་ལྟ་སྟེ། བཟའ་བ་དང ། བཅའ་བ་དང ། བཟའ་རྒྱུ་ཅུང་ཟད་ཅིག་སྦྱིན་ཞིང་གྲུབ་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ་སྟེ། གཞུང་ལྷག་མ་ནི་འཐག་ཏུ་འཇུག་པའི་སྤང་བ་ལ་ཇི་སྐད་དུ་བཤད་པ་དེ་བཞིན་དུ་ལྷག་པ་འཐག་ཏུ་འཇུག་པའི་སྤང་བ་འདི་ལ་ཡང་བརྗོད་པར་བྱའོ། །ཐ་དད་དུ་བྱ་བ་ཅི་ཡོད་ཅེ་ན། བཙུན་པ་རེ་ཤིག་དགེ་སློང་གིས་རྣམ་པར་རྟོག་པ་རིག་ནས་ཕོ་ཉ་ལས་བསླངས་ན་ཅིར་འགྱུར་ལགས། ཉེས་བྱས་སོ། །ཆོས་གོས་ཐོབ་ན་ཅིར་འགྱུར་ལགས། ཉེས་བྱས་ཁོ་ནའོ་ཞེས་བྱ་བ་ལ་སོགས་པ་བརྗོད་པར་བྱའོ། །བཙུན་པ་རེ་ཤིག་དགེ་སློང་གིས་རྣམ་པར་རྟོག་པ་རིག་ནས་ཐ་ག་པ་ཉེ་དུ་མ་ལགས་པ་མིར་འདུ་ཤེས་པས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །གྲུབ་ན་སྔ་མ་བཞིན་ནོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །གྲུབ་ན་སྔ་མ་བཞིན་ནོ། །བཙུན་པ་རེ་ཤིག་དགེ་སློང་གིས་རྣམ་པར་རྟོག་པ་རིག་ནས་ཐ་ག་པ་ཉེ་དུ་མ་ལགས་པ་ལ་ཉེ་དུ་མ་ལགས་པར་འདུ་ཤེས་པས་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །ཉེ་དུ་མ་ལགས་པ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །ཉེ་དུ་ལ་ཉེ་དུ་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ཉེ་དུ་ལ་ཉེ་དུར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་བསླབ་པ་སྩལ་པས་རྣམ་པར་རྟོག་པ་རིག་ནས་ཐ་ག་པ་ཉེ་དུ་མ་ལགས་པ་ལ་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མས་རྣམ
12.58b
པར་རྟོག་པ་རིག་ནས་ཐ་ག་པ་ཉེ་དུ་མ་ལགས་པ་ལ་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མས་རྣམ་པར་རྟོག་པ་རིག་ནས་ཐ་ག་པ་ཉེ་དུ་མ་ལགས་པ་ལ་སློང་ན་ཅིར་འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ་སྔ་མ་བཞིན་ནོ། ་་་་་་་་ ། སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་གཡེངས་དང ། །ཚོར་བ་འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་ལ་ཆོས་གོས་བྱིན་ནས་དེའི་འོག་ཏུ་ཁྲོས་འཁྲུགས་རྔམ་པར་གྱུར་ཏེ། ཡིད་མ་རངས་ནས། འཕྲོག་གམ། འཕྲོག་ཏུ་འཇུག་ཅིང ། དེ་ལ་འདི་སྐད་ཅེས་དགེ་སློང་ཁྱོད་ལ་ཆོས་གོས་མི་སྦྱིན་གྱིས་ཕྱིར་བྱིན་ཅིག་ཅེས་ཟེར་ན་དགེ་སློང་དེས་ཆོས་གོས་དེ་ལྷག་མ་ཡོད་ན་ཕྱིར་སྦྱིན་པར་བྱ་ཞིང་བཏང་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་ཆོས་གོས་བྱིན་པ་ཕོ་ཉ་ལས་འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་ལ་ཆོས་གོས་སྩལ་ནས་ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་པ་དང ། གཞན་གྱི་སླད་དུ་འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་སྨྱོན་པ་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་གཡེངས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་ལ་ཆོས་གོས་སྩལ་ནས། འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་འདི་ལས་ཕྱི་རོལ་པ་གཞན་མུ་སྟེགས་ཅན་དང ། དགེ་སྦྱོང་དང ། བྲམ་ཟེ་དང ། སྤྱོད་པ་པ་དང ། ཀུན་དུ་རྒྱུ་བ་རྣམས་ལ་ཆོས་གོས་སྩལ་ནས་འཕྲོག་གམ།
12.59a
འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་འགྲོ་བ་གཞན་དུ་གནས་པ་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། ་་་་་་་་་་་་་་།སྡོམ་ལ། ཁྱིམ་པ་དག་ལ་སོགས་པ་དང ། །དེ་བཞིན་ཐུན་མོང་མཚན་དང་ནི། །མ་ཆོད་པ་དང་མི་རུང་ཉིད། །བཞི་ཚན་པ་ནི་ཐ་མ་ཡིན། །བཙུན་པ་རེ་ཤིག་དགེ་སློང་གིས་ཁྱིམ་པ་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཁས་བླངས་པ་དང ། དགེ་སློང་ཟ་མ་དང ། མ་ནིང་དང ། དགེ་སློང་མ་སུན་ཕྱུང་བ་དང ། མ་འགུམས་པ་དང ། ཕ་འགུམས་པ་དང ། དགྲ་བཅོམ་པ་འགུམས་པ་དང ། མུ་སྟེགས་ཅན་དང ། མུ་སྟེགས་ཅན་དུ་ཞུགས་པ་དང ། རྐུ་ཐབས་སུ་གནས་པ་དང ། དང་པོ་མི་མཐུན་པ་ཅན་དང ། སྔར་ལྟུང་བ་བྱུང་བ་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་འདུན་གྱི་དབྱེན་བགྱིས་པའི་དགེ་སློང་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་དུ་དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང ། ཐ་དད་དུ་གནས་པ་དང ། བསླབ་པ་སྩལ་པ་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་དགེ་སློང་མ་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་ལ་ཆོས་གོས་སྩལ་ནས་ཁྱིམ་པ་འཕྲོག་ཏུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དེ་བཞིན་དུ་ཟ་མ་དང ། མ་ནིང་དང ། དགེ་སློང་མ་སུན་ཕྱུང་བ་དང ། མ་འགུམས་པ་དང ། ཕ་འགུམས་པ་དང ། དགྲ་བཅོམ་པ་འགུམས་པ་དང ། དགེ་འདུན་གྱི་དབྱེན་བགྱིས་པ་དང ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན
12.59b
པ་དང ། མུ་སྟེགས་ཅན་དང ། མུ་སྟེགས་ཅན་ཞུགས་པ་དང ། རྐུ་ཐབས་སུ་གནས་པ་དང ། ཐ་དད་དུ་གནས་པ་དང ། གནས་པར་མི་བགྱི་བ་དང ། དང་པོ་མི་མཐུན་པ་ཅན་དང ། སྔར་ལྟུང་བ་བྱུང་བ་དང ། ཁས་བླངས་པ་དང ། བསླབ་པ་སྩལ་པ་དང ། དགེ་སློང་དང ། དགེ་སློང་མ་དང ། དགེ་ཚུལ་དང ། དགེ་ཚུལ་མ་འཕྲོག་ཏུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གཉིས་ཀྱིས་དགེ་སློང་ལ་ཆོས་གོས་ཐུན་མོང་བ་ཞིག་སྩལ་ཏེ། དེ་ནས་སླད་ཀྱིས་གཅིག་གིས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་ལ་ཆོས་གོས་སྩལ་ནས་འཕྲོག་པ་ལས་མཚན་གྱུར་ཏེ་དགེ་སློང་མར་རེད་ནས་གྲུབ་ན་ཅིར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མས་དགེ་སློང་མ་ལ་ཆོས་གོས་སྩལ་ནས་འཕྲོག་པ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་ལ་ཆོས་གོས་ཁྲུ་གང་བས་ཆུང་བ་ཞིག་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་ལ་ཆོས་གོས་སྩལ་ནས་འཕྲོག་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ་རྒྱུ་མི་རུང་བ་དང ། སྤུན་མི་རུང་བར་གྱུར་ལ་རྒྱུ་རུང་བ་དང ། གཉི་ག་མི་རུང་བར་གྱུར་པ་སྟེ། མི་རུང་བ་རྔ་བལ་དང ། བ་ལང་གི་སྤུ་དང ། རི་དགས་ཀྱི་བལ་དང་འདྲེས་པ་དང ། མ་བཏགས་པའོ། །དེ་ལྟ་བུའི་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ཏེ་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བསྙེན
12.60a
པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ཏེ་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་པས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་བསྙེན་པར་མ་རྫོགས་པར་འཕྲོག་པའི་སྦྱོར་བ་བགྱིས་ལ་བསྙེན་པར་མ་རྫོགས་པར་འཕྲོག་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་འཕྲོག་པའི་སྦྱོར་བ་བགྱིས་ལ་བསྙེན་པར་རྫོགས་ཀར་འཕྲོག་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ཏེ་འཕྲོག་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་འཕྲོག་པའི་སྦྱོར་བ་བགྱིས་ལ་བསྙེན་པར་རྫོགས་ཀར་འཕྲོག་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་འཕྲོག་པའི་སྦྱོར་བ་བགྱིས་ལ་བསྙེན་པར་རྫོགས་ནས་འཕྲོག་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་འཕྲོག་པའི་སྦྱོར་བ་བགྱིས་ལ་བསྙེན་པར་རྫོགས་ནས་འཕྲོག་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་འཕྲོག་པའི་སྦྱོར་བ་བགྱིས་ལ་བསྙེན་པར་མ་རྫོགས་པར་འཕྲོག་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་བསླབ་པ་སྩལ་པ་ལ་དགེ་སློང་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་དགེ་སློང་མ་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མས་དགེ་སློང་མ་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མས་དགེ་སློང་དང ། དགེ་ཚུལ་དང ། དགེ་སློབ་མ་དང ། དགེ་ཚུལ་མ་ལ་ཆོས་གོས་སྩལ་ནས་འཕྲོག་གམ། འཕྲོག་ཏུ་སྩལ་ན་ཅིར་འགྱུར་ལགས། ཉེས་བྱས་སོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ
12.60b
དང ། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སུ་རྒྱ་ཆེར་བརྗོད་པར་བྱའོ། ་་་་་་་་་་ ། སྡོམ་ལ། སེམས་གཡེངས་པ་དང་དུས་ལས་འདས། །དེ་བཞིན་མཚན་དང་ཐུན་མོང་དང ། །མི་རུང་བཞི་ཚན་དུས་མ་ཡིན། །དགེ་སློང་མ་ནི་ཐ་མ་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་སྟོན་ཟླ་འབྲིང་པོ་ཉིན་ཞག་བཅུས་མ་ཚང་བ་ཚུན་ཆད་དུ་བརྟད་པ་ལས་བྱུང་བའི་ཆོས་གོས་ཞིག་རྙེད་ལ་འདོད་ན་དགེ་སློང་དེས་ཆོས་གོས་དེ་བླང་བར་བྱའོ། །བླངས་ནས་ཆོས་གོས་སྦྱིན་པའི་དུས་ཀྱི་ཚེའི་བར་དུ་བཅང་བར་བྱའོ། །དེ་ལས་འདས་པར་འཆང་ན་སྤང་བའི་ལྟུང་བྱེད་དོ། །ཞེས་གསུངས་པ་གང་ལགས་པ། བཙུན་པ་དགེ་སློང་གིས་བརྟད་པ་ལས་བྱུང་བའི་ཆོས་གོས་ཤིག་ཆོས་གོས་སྩལ་བའི་དུས་ཀྱི་ཚེ་ལས་འདས་པར་བཞག་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་དགེ་སློང་གིས་ཆོས་གོས་རྙེད་མ་ཐག་ཏུ་སེམས་གཡེངས་པར་གྱུར་ནའོ། །བཙུན་པ་དགེ་སློང་གིས་ཇི་སྲིད་འཚོའི་བར་དུ་བརྟད་པ་ལས་བྱུང་བའི་ཆོས་གོས་བཅངས་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། ཆོས་གོས་སྦྱིན་པའི་དུས་ཀྱི་ནང་རོལ་དུ་དུས་བྱས་ནའོ། །བཙུན་པ་རེ་ཤིག་དགེ་སློང་བརྟད་པ་ལས་བྱུང་བའི་ཆོས་གོས་ཤིག་ཆོས་གོས་སྩལ་པའི་དུས་ཀྱི་བར་ལས་འདའ་བར་བགྱིད་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མ་བརྟད་པ་ལས་བྱུང་བའི་ཆོས་གོས་ཞིག་ཆོས་གོས་སྩལ་བའི་དུས་ཀྱི་བར་ལས་འདའ་བར་བགྱིད་པ་ལས་མཚན་གྱུར་ཏེ། དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་བརྟད་པ་ལས་བྱུང་བའི་ཆོས་གོས་ཐུན་མོང་བ་ཞིག་ཆོས་གོས་སྩལ་པའི་དུས་ལས་འདས་པར་བཞག་ན་ཅིར་འགྱུར་ལགས། ཉེས་བྱས་སོ། །བཙུན་པ་དགེ་སློང་གིས་བརྟད་པ་ལས་བྱུང་བའི་ཆོས་གོས་སྩལ་པའི་དུས་ཀྱི་བར་ལས་འདས་པར་བཞག་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར
12.61a
འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ། རྒྱུ་མི་རུང་བ་དང ། རྒྱུ་རུང་བར་གྱུར་ལ། སྤུན་མི་རུང་བ་དང ། གཉི་ག་མི་རུང་བར་གྱུར་ནའོ། །མི་རུང་བ་ནི་རྔ་བལ་དང ། བ་ལང་གི་སྤུ་དང ། རི་དགས་ཀྱི་བལ་དང་འདྲེས་པ་དང ། མ་བཏགས་པ་སྟེ། དེ་ལྟ་བུའི་ཆོས་གོས་ཤིག་ཆོས་གོས་སྦྱིན་པའི་དུས་ལས་འདས་པར་བཞག་ན་ཉེས་བྱས་སུ་འགྱུར་རོ། །བཙུན་པ་རེ་ཤིག་དགེ་སློང་གིས་ཆོས་གོས་སྩལ་པའི་དུས་ལས་འདས་པ་ལ་འདས་པར་འདུ་ཤེས་པས་ཆོས་གོས་བཞག་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །འདས་པ་ལ་མ་འདས་པར་འདུ་ཤེས་པས་བཞག་ན་ཅིར་འགྱུར་ལགས། ལྟུང་བ་མེད་དོ། །མ་འདས་པ་ལ་འདས་པར་འདུ་ཤེས་པས་བཞག་ན་ཅིར་འགྱུར་ལགས། ཉེས་བྱས་སོ། །མ་འདས་པ་ལ་མ་འདས་པར་འདུ་ཤེས་པར་བཞག་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་དགག་དབྱེ་མ་བགྱིས་པར་རྒྱལ་པོས་ཤོལ་བོར་ན་དགེ་སློང་གིས་བརྟད་པའི་ཆོས་གོས་ཇི་ལྟར་བསྒྲུབ་པར་བགྱི། ཉེ་བར་འཁོར་ཇི་ལྟར་གནས་པར་དམ་བཅས་པ་བཞིན་ནོ། །བརྟད་པ་ལས་བྱུང་བའི་ཆོས་གོས་དགུང་བཅུ་འདས་པ་ཞེས་བགྱི་འམ། དགུང་བཅུ་འདས་པ་ཞེས་མི་བགྱི་བཀའ་སྩལ་པ། ཞག་བཅུ་འདས་པ་ཞེས་མི་བྱའོ། །བཙུན་པ་བརྟད་པ་ལས་བྱུང་བའི་ཆོས་གོས་དུས་མ་ཡིན་པའི་ཆོས་གོས་སུ་བགྱིར་རུང་ལགས་སམ། ཉེ་བར་འཁོར་མི་རུང་ངོ ། །བཙུན་པ་བཅོམ་ལྡན་འདས་ཀྱིས་བརྟད་པ་ལས་བྱུང་བའི་ཆོས་གོས་ཆོས་གོས་སྦྱིན་པའི་དུས་ཀྱི་བར་དུ་ཆོངས་ཤིག་ཅེས་གསུངས་པ་གང་ལགས་པ། བཙུན་པ་ཆོས་གོས་སྩལ་བའི་དུས་གང་ལགས། ཉེ་བར་འཁོར་དུས་ནི་དགག་དབྱེ་སྟེ། དགག་དབྱེ་མ་བྱས་པས་ནི་ཐམས་ཅད་དུ་དུས་མ་ཡིན་པ་ཁོ་ནའོ། །བཙུན་པ་རེ་ཤིག་བསླབ་པ་སྩལ་པས་བརྟད་པ་ལས་བྱུང་བའི་ཆོས་གོས་ཤིག་ཆོས་གོས་སྩལ་པའི་བར་ལས་འདས་པར་བཞག་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མས་བརྟད་པ་ལས་བྱུང་བའི་ཆོས་གོས་ཤིག་ཆོས་གོས་སྩལ་པའི་དུས་ལས་འདས་པར་བཞག་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །
12.61b
དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སུ་རྒྱ་ཆེར་བརྗོད་པར་བྱའོ། ་་་་་་་་་་ ། སྡོམ་ལ། མི་རུང་བ་དང་བཞི་ཚན་ཉིད། །དེ་བཞིན་དུ་ནི་བར་ཆད་དང ། །སྡོམ་པ་དགེ་འདུན་ནམ་མཁའ་དང ། །དེ་བཞིན་མཚན་དང་དགེ་སློང་མ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་རབ་ཏུ་མང་པོ་གནས་མལ་དགོན་པ་དོགས་པ་དང་བཅས་པར་གྲགས་པ། འཇིགས་པ་དང་བཅས་པར་གྲགས་པ། འཇིགས་པ་ཐ་དད་པས་འཇིགས་སུ་རུང་བ་དང་བཅས་པར་གྲགས་པ་དག་ཏུ་དབྱར་ཕྱི་མར་གྱུར་ལ། དགེ་སློང་དགོན་པ་བས་འདོད་ན་ཆོས་གོས་གསུམ་ལས་ཆོས་གོས་གང་ཡང་རུང་བ་ཁྱིམ་གྱི་ནང་དུ་གཞག་པར་བྱའོ། །དགེ་སློང་དགོན་པ་པ་ལ་ཆོས་གོས་དེ་དང་མཚམས་ཀྱི་ཕྱི་རོལ་དུ་འབྲལ་དགོས་པ་དེ་ལྟ་བུའི་རྐྱེན་ཞིག་བྱུང་ན་དགེ་སློང་དགོན་པ་པ་དེས་ཞག་དྲུག་གི་མཐའ་ཚུན་ཆད་དུ་ཆོས་གོས་དང་མཚམས་ཀྱི་ཕྱི་རོལ་དུ་འབྲལ་བར་བྱའོ། །དེ་ལས་འདས་པར་འབྲལ་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་དགེ་སློང་དགུང་དྲུག་ལས་ཆོས་གོས་དེ་དང་མཚམས་ཀྱི་སླད་རོལ་དུ་འབྲལ་བར་བགྱིད་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ་རྒྱུ་མི་རུང་བ་དང ། རྒྱུ་རུང་བར་གྱུར་ལ་སྤུན་མི་རུང་བ་དང ། གཉི་ག་མི་རུང་བར་གྱུར་ནའོ། །མི་རུང་བ་ནི་རྔ་བལ་དང ། བ་ལང་གི་སྤུ་དང ། རི་དགས་ཀྱི་བལ་དང་འདྲེས་པ་དང ། མ་བཏགས་པ་སྟེ། དེ་ལྟ་བུའི་ཆོས་གོས་དང་ཞག་དྲུག་འདས་པར་མཚམས་ཀྱི་ཕྱི་རོལ་ཏུ་འབྲལ་བར་བྱེད་ན་ཉེས་བྱས་སུ་འགྱུར་རོ། །བཙུན་པ་རེ་ཤིག་དགུང་དྲུག་འདས་པ་ལ་འདས་པར་འདུ་ཤེས་པས་ཆོས་གོས་དང་མཚམས་ཀྱི་སླད་རོལ་དུ་འབྲལ་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །འདས་པ་ལ་མ་འདས་པར་འདུ་ཤེས་པས་འབྲལ་བར་བགྱིད་ན་ཅིར་འགྱུར་ལགས། ལྟུང་བ་མེད་དོ། །མ་འདས་པ་ལ་འདས་པར་འདུ་ཤེས་པས་འབྲལ་བར་བགྱིད་ན་ཅིར་འགྱུར
12.62a
ལགས། ཉེས་བྱས་སོ། །མ་འདས་པ་ལ་མ་འདས་པར་འདུ་ཤེས་པས་འབྲལ་བར་བགྱིད་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་དགེ་སློང་དགུང་དྲུག་ལས་འདས་པར་ཆོས་གོས་དེ་དང་མཚམས་ཀྱི་སླད་རོལ་དུ་འབྲལ་བར་བགྱིད་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་དགེ་སློང་དེ་འོང་བ་ན་བར་ཆད་བརྒྱད་ལས་བར་ཆད་གང་ཡང་རུང་བ་ཞིག་ཉེ་བར་གནས་པར་གྱུར་ནའོ། །བཙུན་པ་དགེ་སློང་དགུང་དྲུག་ལས་འདས་པར་ཆོས་གོས་དེ་དང་མཚམས་ཀྱི་སླད་རོལ་དུ་འབྲལ་བར་བགྱིད་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་དགེ་སློང་དེས་ཆོས་གོས་དང་མི་འབྲལ་བའི་སྡོམ་པ་ཐོབ་པར་གྱུར་ནའོ། །བཙུན་པ་རེ་ཤིག་དགེ་སློང་གིས་དགེ་འདུན་གྱི་ཆོས་གོས་ཤིག་བྱིན་གྱིས་བརླབས་ཏེ་བཞག་ནས་དགུང་དྲུག་ལས་འདས་པར་ཆོས་གོས་དེ་དང་མཚམས་ཀྱི་སླད་རོལ་དུ་འབྲལ་བར་བགྱིད་ན་བྲལ་ཞེས་བགྱི་འམ་མ་བྲལ་བ་ཞེས་བགྱི། ཉེ་བར་འཁོར་བྲལ་བ་ཞེས་བྱའོ། །ཆོས་གོས་དེ་སྤང་བར་བགྱི་འམ། ཉེ་བར་འཁོར་མ་ཡིན་ཏེ། ལྟུང་བྱེད་འབའ་ཤིག་པའི་བཤགས་པར་བྱའོ། །བཙུན་པ་རེ་ཤིག་དགེ་སློང་གིས་ཁྱིམ་གྱི་ནང་དུ་ཆོས་གོས་བཞག་ནས་དེ་ནམ་མཁའ་ལ་མཆིས་ཏེ་དགུང་དྲུག་ལས་འདས་པར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་ཁྱིམ་གྱི་ནང་དུ་ཆོས་གོས་བཞག་སྟེ། དེ་དགུང་དྲུག་ལས་འདས་པར་ཆོས་གོས་དེ་དང་བྲལ་བར་བགྱིད་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མས་ཆོས་གོས་ཁྱིམ་གྱི་ནང་དུ་ཆོས་གོས་བཞག་སྟེ། དགུང་དྲུག་ལས་འདས་པར་ཆོས་གོས་དེ་དང་བྲལ་བར་བགྱིད་པ་ན་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་བསླབ་པ་སྩལ་པས་དགུང་དྲུག་ལས་འདས་པར་ཆོས་གོས་དེ་དང་འབྲལ་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློང་མ་འབྲལ་བར་བྱེད་ན་ཉེས་བྱས་སོ། །དགེ
12.62b
སློབ་མ་དང ། དགེ་ཚུལ་དང ། དགེ་ཚུལ་མ་ལ་ནི་ལྟུང་བ་མེད་དོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ། ་་་་་་་་་ ། སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་གཡེངས་དང ། །ཚོར་བ་འོན་པ་གླེན་པའོ། །གཉིད་ལོག་ར་རོ་རབ་མྱོས་དང ། །སྙོམས་ཞུགས་འགྲོ་དང་ཕྱི་རོལ་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་སོ་ག་རྣམས་ཀྱི་ཟླ་བ་གཅིག་ལུས་པ་ན་དབྱར་གྱི་གོས་རས་ཆེན་བཙལ་བར་བྱའོ། །དབྱར་གྱི་ཟླ་བ་དག་ཟླ་བ་ཕྱེད་ལུས་པར་བྱ་སྟེ། བཅང་བར་བྱའོ། །གལ་ཏེ་དགེ་སློང་གིས་སོ་ག་རྣམས་ཀྱི་ཟླ་བ་གཅིག་ལུས་པ་དེའི་སྔོན་རོལ་དུ་དབྱར་གྱི་གོས་རས་ཆེན་ཚོལ་བར་བྱེད་དམ། དབྱར་གྱི་ཟླ་བ་དག་ཟླ་བ་ཕྱེད་ལུས་པར་བྱས་པའི་འོག་ཏུ་འཆང་ན་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ།། ་་་་་་་་་་་་་་།།འདུལ་བ་གཞུང་བླ་མ། བམ་པོ་བརྒྱད་པ། བཙུན་པ་རེ་ཤིག་དགེ་སློང་གིས་དབྱར་གྱི་གོས་རས་ཆེན་ཕོ་ཉ་ལས་ཤིན་དུ་རིང་པ་བཙལ་ཏེ་ཆོས་གོས་ཐོབ་ན་ཅིར་འགྱུར་ལགས། ཉེས་བྱས་སོ། །ཤིན་དུ་ཡུན་རིང་དུ་འཆང་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །ཕོ་ཉ་ལས་ཇི་ལྟ་བར་ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་པས་ཀྱང་དེ་དང་འདྲའོ། །ཇི་ཙམ་དུ་དགེ་སློང་ཅུང་ཟད་རིངས་པར་ཚོལ་ཞིང་ཤིན་དུ་ཡུན་རིང་དུ་འཆང་ན་ཐམས་ཅད་སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་སྨྱོན་པ་ལས་དབྱར་གྱི་གོས་རས་ཆེན་ཤིན་དུ་རིངས་པར་བཙལ་ཏེ་གོས་ཐོབ་ན་ཅིར་འགྱུར་ལགས། ཉེས་བྱས་སོ། །ཤིན་དུ་ཡུན་རིང་དུ་འཆང་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །སྨྱོན་པ་ལ་ཇི་ལྟ་བ་དེ་བཞིན་དུ་སེམས་གཡེངས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་དང ། གཉིད་ཀྱིས་ལོག་པ་དང ། ཕྱག་ལས་ཁོམ་པ་དང ། རབ་ཏུ་མྱོས་པ་དང ། སྙོམས་པར་ཞུགས་པ་དང ། འགྲོ་བ་གཞན་དུ་གནས་པ་དང ། འདི་ལས་ཕྱི་རོལ་པ
12.63a
གཞན་མུ་སྟེགས་ཅན་དང ། དགེ་སྦྱོང་དང ། བྲམ་ཟེ་དང ། སྤྱོད་པ་པ་དང ། ཀུན་དུ་རྒྱུ་ལས་ཤིན་དུ་རིངས་པར་བཙལ་ཏེ་ཐོབ་ན་ཅིར་འགྱུར་ལགས། ཉེས་བྱས་སོ། །ཤིན་དུ་ཡུན་རིང་དུ་འཆང་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། ་་་་་་་་་།སྡོམ་ལ། མི་རུང་བ་དང་མཚན་ཉིད་དང ། །དེ་བཞིན་ཐུན་མོང་ཉིད་དང་ནི། །མ་ལངས་པ་དང་སེང་རས་དང ། །བཞི་ཚན་ཇི་ལྟར་དགེ་སློང་ངོ ། །བཙུན་པ་དགེ་སློང་གིས་དབྱར་གྱི་གོས་རས་ཆེན་ཤིན་དུ་རིངས་པར་བཙལ་ལ། ཤིན་དུ་ཡུན་རིང་དུ་འཆང་ཡང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་གོས་དེའི་སྤུན་རུང་བར་གྱུར་ལ་རྒྱུ་མི་རུང་བ་དང ། རྒྱུ་རུང་བར་གྱུར་ལ་སྤུན་མི་རུང་བ་དང ། གཉི་ག་མི་རུང་བར་གྱུར་ནའོ། །མི་རུང་བ་རྔ་བལ་དང ། བ་ལང་གི་སྤུ་དང ། རི་དགས་ཀྱི་བལ་དང་འདྲེས་པ་དང ། མ་བཏགས་པ་དེ་ལྟ་བུའི་དབྱར་གྱི་གོས་རས་ཆེན་ཤིན་དུ་རིངས་པར་བཙལ་ཏེ་ཤིན་དུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དབྱར་གྱི་གོས་རས་ཆེན་ཤིན་དུ་རིངས་པར་འཚལ་ཏེ་ཤིན་དུ་ཡུན་རིང་དུ་འཆང་བ་ལས་མཚན་གྱུར་ཏེ། དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མས་དབྱར་གྱི་གོས་རས་ཆེན་ཤིན་དུ་རིངས་པར་བཙལ་ཏེ་ཤིན་དུ་ཡུན་རིང་དུ་འཆང་བ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་དབྱར་གྱི་གོས་རས་ཆེན་ཐུན་མོང་བ་ཞིག་ཤིན་དུ་རིངས་པར་བཙལ་ནས་ཤིན་དུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་བསྙེན་པར་མ་རྫོགས་པར་དབྱར་གྱི་གོས་རས་ཆེན་བསླངས་ལ་བསྙེན་པར་མ་རྫོགས་པར་གྲུབ་སྟེ་ཤིན་དུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ཀར་གྲུབ་སྟེ་ཤིན་དུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ནས་གྲུབ་སྟེ་ཤིན་དུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་སོ། །
12.63b
བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ཀར་གྲུབ་ནས་ཤིན་དུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ནས་གྲུབ་སྟེ་ཤིན་དུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་བསླངས་ལ་བསྙེན་པར་རྫོགས་ནས་གྲུབ་སྟེ་ཤིན་དུ་ཡུན་རིང་དུ་འཆང་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་བསླངས་ལ་བསྙེན་པར་མ་རྫོགས་པར་གྲུབ་ནས་ཤིན་དུ་ཡུན་རིང་དུ་འཆང་ན་ཅིར་འགྱུར་ལགས་ཉེས་བྱས་སོ། །བཙུན་པ་རེ་ཤིག་དབྱར་གྱི་གོས་རས་ཆེན་མ་འཚལ་བ་ཞིག་ཤིན་དུ་རིངས་པར་བཙལ་ནས་ཤིན་དུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དབྱར་གྱི་གོས་རས་ཆེན་སེང་རས་ཤིག་ཤིན་དུ་རིངས་པར་བཙལ་ནས་ཤིན་དུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་མི་ལས་མིར་འདུ་ཤེས་པས་དབྱར་གྱི་གོས་རས་ཆེན་ཞིག་ཤིན་དུ་རིངས་པར་བཙལ་ནས་གོས་ཐོབ་སྟེ་ཤིན་དུ་ཡུན་རིང་དུ་འཆང་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགག་དབྱེའི་འོག་ཟླ་བ་ཕྱེད་འདས་པ་ལ་འདས་པར་འདུ་ཤེས་པས་དབྱར་གྱི་གོས་རས་ཆེན་འཆང་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །འདས་པ་ལ་མ་འདས་པར་འདུ་ཤེས་ན་ཅིར་འགྱུར་ལགས་ལྟུང་བ་མེད་དོ། །མ་འདས་པ་ལ་འདས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མ་འདས་པ་ལ་མ་འདས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དབྱར་གནས་པར་ཁས་བླངས་པ་དང་རྒྱལ་པོས་ཤོལ་བོར་ན་དགེ་སློང་དེ་དག
12.64a
གིས་ཇི་ལྟར་དགག་དབྱེ་བགྱི། ཉེ་བར་འཁོར་ཇི་ལྟར་གནས་པར་ཁས་བླངས་པ་བཞིན་ནོ། །དབྱར་གྱི་གོས་རས་ཆེན་ཇི་ལྟར་བཅང་བར་བགྱི། ཇི་ལྟར་དགག་དབྱེ་བྱས་པ་བཞིན་ནོ། །བཙུན་པ་རེ་ཤིག་བསླབ་པ་སྩལ་བས་དབྱར་གྱི་གོས་རས་ཆེན་ཤིན་དུ་རིངས་པར་བཙལ་ནས་ཤིན་དུ་ཡུན་རིང་དུ་འཆང་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མས་དབྱར་གྱི་གོས་རས་ཆེན་ཤིན་དུ་རིངས་པར་བཙལ་ནས་ཤིན་དུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་སོ། །ཞག་བཅུ་ལས་འདས་པར་འཆང་ན་སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་ལ་སོགས་པས་དབྱར་གྱི་གོས་རས་ཆེན་ཤིན་དུ་རིངས་པར་བཙལ་ནས་ཤིན་དུ་ཡུན་རིང་དུ་འཆང་ན་ཅིར་འགྱུར་ལགས། ཉེས་བྱས་སུ་འགྱུར་རོ། ་་་་་་་་་་་ ། སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་གཡེངས་དང ། །ཚོར་བ་འོན་པ་གླེན་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་ལ་བསྔོས་པའི་རྙེད་པ་ཤེས་བཞིན་དུ་གང་ཟག་བདག་ལ་སྒྱུར་དུ་འཇུག་ན་སྤང་བའི་ལྟུང་བྱེད་དུ་འགྱུར་རོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་དགེ་འདུན་ལ་བསྔོས་པའི་རྙེད་པ་ཤེས་བཞིན་དུ་ཕོ་ཉ་ལས་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །ཕོ་ཉ་ལས་ཇི་ལྟ་བར་ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་པས་ཀྱང་དེ་དང་འདྲའོ། །བཙུན་པ་རེ་ཤིག་དགེ་སློང་གིས་དགེ་འདུན་སྨྱོན་པ་ལ་བསྔོས་པའི་རྙེད་པ་ཤེས་བཞིན་དུ་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །སྨྱོན་པ་ལ་ཇི་ལྟ་བ་དེ་བཞིན་དུ་སེམས་གཡེངས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་ལ་ཅིར
12.64b
འགྱུར་ལགས། ཉེས་བྱས་སོ། ་་་་་་་་་་་།སྡོམ་ལ། མི་ཆོག་པ་དང་མི་རུང་དང ། །ཕ་མ་བཞི་ཚན་མཚན་དང་ནི། །ཁྱིམ་པ་དག་ལ་སོགས་པ་དང ། །འགྲོ་དང་སློབ་པ་དགེ་སློང་མ། །བཙུན་པ་རེ་ཤིག་དགེ་སློང་གིས་དགེ་འདུན་ལ་བསྔོས་པའི་ཆོས་གོས་ཁྲུ་གང་དུ་མི་ཚང་བ་ཞིག་།གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །འོན་ཏེ་དེ་ཀུན་ནས་ཁྲུ་གང་པ་འམ། ལྷག་མ་ཞིག་ཡིན་ན་སྤང་བའི་ལྟུང་བྱེད་དུ་འགྱུར་རོ། །བཙུན་པ་དགེ་སློང་གིས་དགེ་འདུན་ལ་བསྔོས་པའི་རྙེད་པ་འཚལ་བཞིན་དུ་གང་ཟག་བདག་ལ་སྒྱུར་དུ་སྩལ་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ་རྒྱུ་མི་རུང་བ་དང ། རྒྱུ་རུང་བར་གྱུར་ལ་སྤུན་མི་རུང་བ་དང ། གཉི་ག་མི་རུང་བར་གྱུར་ནའོ། །མི་རུང་བ་རྔ་བལ་དང ། བ་ལང་གི་སྤུ་དང ། རི་དགས་ཀྱི་བལ་དང་འདྲེས་པ་དེ་ལྟ་བུའི་ཆོས་གོས་ཤིག་གང་ཟག་བདག་ལ་སྒྱུར་དུ་སྩལ་ན་ཅིར་འགྱུར་ལགས། ཉེས་བྱས་སོ། །ཆོས་གོས་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་ལ་བསྔོས་པའི་རྙེད་པ་ཤེས་བཞིན་དུ་གང་ཟག་བདག་ལ་སྒྱུར་དུ་འཇུག་ན་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་ཕ་དང་མ་དག་ལས་ཆོས་གོས་བསླངས་ན་སྤང་བའི་ལྟུང་བྱེད་དུ་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་ཕ་དང་མ་དག་གིས་ཆོས་གོས་དགེ་འདུན་ལ་བསྔོས་པར་གྱུར་ལ་དེ་དགེ་སློང་གིས་ཤེས་བཞིན་དུ་གང་ཟག་བདག་ལ་སྒྱུར་དུ་བཅུག་སྟེ་ཆོས་གོས་གྲུབ་ན་སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་བསྙེན་པར་མ་རྫོགས་པར་དགེ་འདུན་གྱི་རྙེད་པ་བསླངས་ལ་བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་བསླངས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར
12.65a
བསླངས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ཀར་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་བསླངས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་བསླངས་ལ་བསྙེན་པར་རྫོགས་ནས་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྙེན་པར་རྫོགས་ནས་བསླངས་ལ་བསྙེན་པར་མ་རྫོགས་པར་གྲུབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་འདུན་ལ་བསྔོས་པའི་རྙེད་པ་ལ་བསྔོས་པར་འདུ་ཤེས་པས་གང་ཟག་བདག་ལ་སྒྱུར་དུ་སྩལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བསྔོས་པ་ལ་མ་བསྔོས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །མ་བསྔོས་པ་ལ་བསྔོས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མ་བསྔོས་པ་ལ་མ་བསྔོས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་དགེ་འདུན་ལ་བསྔོས་པའི་རྙེད་པ་ཤེས་བཞིན་དུ་གང་ཟག་བདག་ལ་སྒྱུར་དུ་སྩོལ་པ་ལས་མཚན་གྱུར་ཏེ་དགེ་སློང་མར་རེད་ནས་ཐོབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མས་དགེ་འདུན་ལ་བསྔོས་པའི་རྙེད་པ་ཤེས་བཞིན་དུ་གང་ཟག་བདག་ལ་སྒྱུར་དུ་སྩོལ་པ་ལས་མཚན་གྱུར་ཏེ་དགེ་སློང་དུ་རེད་ནས་ཐོབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཁྱིམ་པ་ལ་བསྔོས་པའི་རྙེད་པ་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་ཟ་མ་དང ། མ་ནིང་དང ། དགེ་སློང་མ་སུན་ཕྱུང་བ་དང་མ་བཀུམ་པ་དང ། ཕ་བཀུམ་པ་དང ། དགྲ་བཅོམ་པ་བཀུམ་པ་དང་དགེ་འདུན་གྱི་དབྱེན་བགྱིད་པ་དང ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང ། མུ་སྟེགས་ཅན་དང ། མུ་སྟེགས་ཅན་དུ་ཞུགས་པ་དང །
12.65b
རྐུ་ཐབས་སུ་གནས་པ་དང ། ཐ་དད་དུ་གནས་པ་དང ། གནས་པར་མི་བགྱི་བ་དང ། ཁས་བླངས་པ་དང ། སྔར་ལྟུང་བ་བྱུང་བ་དང ། དང་པོ་མི་མཐུན་པ་ཅན་དང ། བསླབ་པ་བསྩལ་པ་ལ་བསྔོས་པའི་རྙེད་པ་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཤིག་དགེ་སློང་གིས་འགྲོ་བ་གཞན་དུ་གནས་པ་རྣམས་ལ་བསྔོས་པའི་རྙེད་པ་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཤིག་བསླབ་པ་སྩལ་པས་དགེ་འདུན་ལ་བསྔོས་པའི་རྙེད་པ་འཚལ་བཞིན་དུ་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མས་དགེ་འདུན་མ་ལ་བསྔོས་པའི་རྙེད་པ་འཚལ་བཞིན་དུ་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་གིས་དགེ་སློང་གཉིས་སམ། མང་པོ་ལ་བསྔོས་པའི་རྙེད་པ་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཤིག་དགེ་སློང་གིས་དགེ་སློང་མའི་དགེ་འདུན་ནམ་གཉི་གའི་དགེ་འདུན་ལ་བསྔོས་པའི་རྙེད་པ་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །བཙུན་པ་རེ་ཤིག་དགེ་སློང་གིས་དགེ་སློང་མ་ལ་བསྔོས་པའི་རྙེད་པ་འམ་དགེ་སློབ་མ་འམ། དགེ་ཚུལ་དང ། དགེ་ཚུལ་མ་ལ་བསྔོས་པའི་རྙེད་པ་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར་ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་དགེ་སློང་མས་དགེ་སློང་དང ། དགེ་སློང་མ་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་བསྔོས་པའི་རྙེད་པ་གང་ཟག་བདག་ལ་སྒྱུར་དུ་སྩོལ་ན་ཅིར་འགྱུར
12.66a
ལགས། ཉེས་བྱས་སོ། །རྙེད་པ་གྲུབ་ན་ཅིར་འགྱུར་ལགས། ཉེས་བྱས་ཁོ་ནའོ། །དེ་བཞིན་དུ་དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སུ་རྒྱ་ཆེར་བརྗོད་པར་བྱའོ། ་་་་་་་་་་ ། སྡོམ་ལ། མི་རུང་བ་དང་བཞི་ཚན་དང ། །ཉམས་དང་དེ་བཞིན་ཇི་སྲིད་འཚོའི། །མཚན་དང་དེ་ཉིད་སྨྱོན་པ་དང ། །བྱིན་གྱིས་མ་བརླབས་བྱིན་གྱིས་བརླབས། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་ན་བ་རྣམས་ལ་ཕན་པ་སོ་སོར་བསྟེན་པར་བྱ་བའི་སྨན་གང་དག་བཀའ་སྩལ་པ། འདི་ལྟ་སྟེ། ཞུན་མར་དང ། འབྲུ་མར་དང ། སྦྲང་རྩི་དང ། བུ་རམ་གྱི་དབུ་བ་དེ་དག་ལས་དགེ་སློང་ན་བས་འདོད་ན་རང་གིས་ཞག་བདུན་པར་བྱིན་གྱིས་བརླབས་ཏེ། སྩོགས་འཇོག་གི་ཡོངས་སུ་ལོངས་སྤྱད་པས་ཡོངས་སུ་ལོངས་སྤྱད་པར་བྱའོ། །དེ་ལས་འདས་པར་ཡོངས་སུ་ལོངས་སྤྱོད་པར་བྱེད་ན་སྤང་བའི་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་སྨན་དགུང་བདུན་ལས་འདས་ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། སྨན་མི་རུང་བ་དང་འདྲེས་པ་གང་དགེ་སློང་རྣམས་ཀྱིས་སྤྱད་དུ་མི་རུང་བར་གྱུར་པའོ། །བཙུན་པ་རེ་ཤིག་དགེ་སློང་གིས་སྨན་དེ་རྙེད་ནས་དགུང་བདུན་ལ་དགུང་བདུན་ལགས་པར་འདུ་ཤེས་པས་སྐྱ་རེང་འཆར་བར་བགྱིད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགུང་བདུན་ལ་དགུང་བདུན་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དེ། །དགུང་བདུན་མ་ལགས་པ་ལ་དགུང་བདུན་དུ་འདུ་ཤེས་ན་ཅིར་འགྱུར་ལགས། ཉེས་བྱས་སོ། །དགུང་བདུན་མ་ལགས་པ་ལ་དགུང་བདུན་མ་ལགས་པར་འདུ་ཤེས་པས་སྐྱ་རེང་འཆར་བར་བགྱིད་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་སྨན་སྤང་བ་ཞིག་ཉམས་པར་གྱུར་ན་ལྟུང་བ་བཤགས་པར་བགྱི་ལགས་སམ། ཉེ་བར་འཁོར་བཤགས་པར་བྱའོ། །ལྟུང་བ་བཤགས་ནས་སླར་རྙེད་ན་སྤང་བར་བགྱི་ལགས་སམ། ཉེ་བར་འཁོར་མ་ཡིན་ནོ། །བཙུན་པ་དགེ་སློང་གིས་དགུང་བདུན་པའི་སྨན་ཇི་སྲིད་འཚོའི་བར་དུ་བཅངས
12.66b
ཀྱང་སྤང་བའི་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། ཞག་བདུན་ཚུན་ཆད་དུ་དུས་བྱས་ནའོ། །བཙུན་པ་རེ་ཤིག་དགེ་སློང་གིས་དགུང་བདུན་པའི་སྨན་གཅིག་རྙེད་ནས་དགུང་བདུན་པ་ལས་འདའ་བར་བགྱིད་པ་ལས་མཚན་འགྱུར་ཏེ་དགེ་སློང་མར་རེད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མས་དགུང་བདུན་པའི་སྨན་ཞིག་རྙེད་ནས་དགུང་བདུན་ལས་འདའ་བར་བགྱིད་པ་ལས་མཚན་འགྱུར་ཏེ་དགེ་སློང་དུ་རེད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་སྨན་དེ་ཉིད་སྤང་བ་ཡང་ལགས་ལ་དེ་ཉིད་གསོག་འཇོག་བགྱིས་པ་ཡང་ལགས་པ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་དགེ་སློང་གིས་ཞག་བདུན་འདས་པའི་སྨན་བྱིན་ལེན་བྱས་ནས་དུས་ལས་འདའ་བར་བྱེད་ནའོ། །བཙུན་པ་རེ་ཤིག་དགེ་སློང་གིས་དགུང་བདུན་པའི་སྨན་ཞིག་རྙེད་ནས་སེམས་གཡེངས་པར་གྱུར་ན་གང་ནས་བཟུང་སྟེ་དགུང་བདུན་བགྲང་བར་བགྱི་ལགས། གང་གི་ཚེ་རང་གི་སེམས་སོར་ཆུད་པ་ནས་སོ། །བཙུན་པ་དུས་སུ་རུང་བ་དང ། ཐུན་ཚོད་དུ་རུང་བ་དང ། དགུང་བདུན་པ་དང ། ཇི་སྲིད་འཚོའི་བར་དུ་བཅངས་བའི་སྨན་གང་དག་ལགས་པ་དེ་དག་བྱིན་ལེན་བགྱིས་ལ་བྱིན་གྱིས་མ་བརླབས་པར་བདག་གིར་བགྱིད་ཅིང་སྩོགས་འཇོགས་གི་ཡོངས་སུ་ལོངས་སྤྱད་པར་རུང་ལགས་སམ། ཉེ་བར་འཁོར་མི་རུང་ངོ ། །བཙུན་པ་དུས་སུ་རུང་བ་དང ། ཐུན་ཚོད་དུ་རུང་བ་དང ། དགུང་བདུན་པ་དང ། ཇི་སྲིད་འཚོའི་བར་དུ་བཅང་བའི་སྨན་གང་ལགས་པ་དེ་དག་བྱིན་གྱིས་བརླབས་ན། སྩོགས་འཇོག་གི་ཡོངས་སུ་ལོངས་སྤྱད་པས་ཡོངས་སུ་ལོངས་སྤྱོད་དུ་རུང་ལགས་སམ། ཉེ་བར་འཁོར་རུང་ངོ ། །བཙུན་པ་རེ་ཤིག་དགེ་སློང་གིས་སྤང་བའི་སྨན་ཞིག་བྱིན་གྱིས་རློབ་ན་ཅིར་འགྱུར་ལགས། ཉེས་བྱས་སོ། །བཙུན་པ་དུས་སུ་རུང་བ་དང ། ཐུན་ཚོད་དུ་རུང་བ་དང ། དགུང་བདུན་པ་དང ། ཇི་སྲིད་འཚོའི་བར་དུ་བཅང་བའི་སྨན་གང་དག་ལགས་པ་དེ་དག་བྱིན་ལེན་བགྱིས་ཏེ་བྱིན་གྱིས་བརླབས་ལ། བྱིན་གྱིས་བརླབས་པ་ལས་འདས་པར་སྩོགས་འཇོག་གི་ཡོངས་སུ
12.67a
སྤྱད་དུ་རུང་ལགས་སམ། ཉེ་བར་འཁོར་མི་རུང་ངོ ། །དུས་སུ་རུང་བ་ཡང་དུས་སུ་ཡོངས་སུ་ལོངས་སྤྱད་པར་བྱའི་དུས་ལས་འདས་ནས་ཡོངས་སུ་སྤྱད་པར་མི་བྱའོ། །ཐུན་ཚོད་དུ་རུང་བ་ཡང་ཐུན་ཚོད་དུ་ཡོངས་སུ་སྤྱད་པར་བྱའི་ཐུན་ཚོད་ལས་འདས་ནས་ཡོངས་སུ་སྤྱད་པར་མི་བྱའོ། །ཞག་བདུན་པ་ཡང་ཞག་བདུན་པར་ཡོངས་སུ་ལོངས་སྤྱད་པར་བྱའི་ཞག་བདུན་ལས་འདས་ནས་ཡོངས་སུ་སྤྱད་པར་མི་བྱའོ། །ཇི་སྲིད་འཚོའི་བར་དུ་བཅང་བ་ནི་ཇི་སྲིད་འཚོའི་བར་དུ་ཡོངས་སུ་སྤྱད་པར་བྱའོ། །གལ་ཏེ་ཡོངས་སུ་སྤྱད་ན་ཅིར་འགྱུར་ལགས། སྩོགས་འཇོག་བྱས་པ་ཡོངས་སུ་སྤྱད་པས་ལྟུང་བྱེད་དུ་འགྱུར་རོ། །བཙུན་པ་གལ་ཏེ་བྱིན་གྱིས་རློབ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་བསླབ་པ་སྩལ་པས་དགུང་བདུན་པའི་སྨན་དགུང་བདུན་ལས་འདས་པར་ཡོངས་སུ་སྤྱད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །བཙུན་པ་རེ་ཤིག་དགེ་སློང་མས་དགུང་བདུན་པའི་སྨན་དགུང་བདུན་ལས་འདས་ནས་ཡོངས་སུ་སྤྱད་ན་ཅིར་འགྱུར་ལགས། སྤང་བའི་ལྟུང་བྱེད་དུ་འགྱུར་རོ། །དགེ་སློབ་མ་ལ་ནི་ཉེས་བྱས་སོ། །དགེ་ཚུལ་དང ། དགེ་ཚུལ་མ་ལ་ནི་ལྟུང་བ་མེད་དོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སུ་རྒྱ་ཆེར་བརྗོད་པར་བྱའོ། །ཉེ་བར་འཁོར་གྱིས་ཞུས་པ་ཁ་ཆེ་བ་ལས་སྤང་བའི་ལྟུང་བྱེད་རྣམས་རྫོགས་སྷོ།། ་་་་་་་་་་་་་་་།། སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་གཡེངས་དང ། །ཚོར་བ་འོན་པ་གླེན་པའོ། །གཉིད་ལོག་ར་རོ་རབ་མྱོས་དང ། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཤེས་བཞིན་དུ་བརྫུན་དུ་སྨྲ་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་ཕོ་ཉ་ལས་བརྫུན་དུ་སྨྲ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་གཡེངས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་དང ། གཉིད་ཀྱིས་ལོག་པ་དང ། ཕྱག་ལས་ཁོམ་པ་དང ། རབ་ཏུ་མྱོས་པ་དང ། སྙོམས་པར
12.67b
ཞུགས་པ་དང ། འགྲོ་བ་གཞན་དུ་གནས་པ་ལ་བརྫུན་དུ་སྨྲ་ན་ཅིར་འགྱུར་ལགས། ཉེས་བྱས་སོ། ་་་་་་་་་་་་ ། སྡོམ་ལ། དབེན་པ་སྐད་དང་བཞི་ཚན་དང ། །མུ་སྟེགས་ཅན་དང་མི་སྨྲ་ཉིད། །མཚན་དང་ལུས་ཀྱི་རྣམ་རིག་དང ། །བསླབ་པ་བྱིན་དང་དགེ་སློང་མ། །བཙུན་པ་རེ་ཤིག་དགེ་སློང་གིས་དབེན་པ་ལ་དབེན་པར་འདུ་ཤེས་པས་བརྫུན་སྨྲ་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་མི་དབེན་པར་འདུ་ཤེས་པས་བརྫུན་སྨྲ་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་དབེན་པར་འདུ་ཤེས་པས་བརྫུན་སྨྲ་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་མི་དབེན་པར་འདུ་ཤེས་པས་བརྫུན་སྨྲ་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དབུས་ཀྱི་དགེ་སློང་གིས་མཐའ་འཁོབ་པའི་སྐད་དུ་དབུས་པ་ལ་བརྫུན་དུ་སྨྲས་ལ་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་མཐའ་འཁོབ་པ་ཞིག་ལ་བརྫུན་སྨྲས་ལ་དབུས་པས་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་མཐའ་འཁོབ་པ་ཞིག་ལ་བརྫུན་སྨྲས་ལ་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་མི་ལ་མིར་འདུ་ཤེས་པས་བརྫུན་སྨྲ་ན་ཅིར་འགྱུར་ལགས། ལྟུང་བྱེད་དོ། །མི་ལ་མི་མ་ལགས་པར་འདུ་ཤེས་པས་བརྫུན་སྨྲ་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་པས་བརྫུན་སྨྲ་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་མི་མ་ལགས་པར་འདུ་ཤེས་པས་བརྫུན་སྨྲ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་ལ་ཁྱོད་སུ་ཞེས་དྲིས་པ་དང ། དེས་འདི་སྐད་ཅེས་མུ་སྟེགས་ཅན་ནོ་ཞེས་སྨྲ་ན་བསླབ་པ་ཕུལ་བ་ཞེས་བརྗོད་པར་བགྱི་འམ། ཉེ་བར་འཁོར་མ་ཡིན་ནོ། །ཅིར་འགྱུར་ལགས། ཤེས་བཞིན་དུ་བརྫུན་སྨྲས་པས་ལྟུང་བྱེད་དོ། །བཙུན་པ་རེ་ཤིག་དགེ་སློང་གིས་དགེ་སློང་ལ
12.68a
ཁྱོད་ཅི་མུ་སྟེགས་ཅན་ཡིན་ནམ་ཞེས་དྲིས་པ་ལས་གལ་ཏེ་མི་སྨྲ་བས་ཁས་ལེན་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་བརྫུན་སྨྲ་བ་ལས་སྨྲ་བའི་ཚེ་མཚན་གྱུར་ཏེ། དགེ་སློང་མར་རེད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་མ་བརྫུན་སྨྲ་བ་ལས་མཚན་འགྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་གིས་དགེ་སློང་ལ་ཁྱོད་ཀྱིས་ཅི་ཆེ་གེ་མོ་ཞིག་མཐོང་ངམ་ཞེས་དྲིས་པ་ལས་དེས་མ་མཐོང་བར་སྟོན་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་བསླབ་པ་སྩལ་པ་བརྫུན་སྨྲ་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་མ་བརྫུན་སྨྲ་ན་ཅིར་འགྱུར་ལགས། ལྟུང་བྱེད་དོ། །དེ་བཞིན་དུ་དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ། ་་་་་་་་་་་ ། སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་གཡེངས་དང ། །ཚོར་བ་འོན་པ་གླེན་པ་དང ། །གཉིད་ལོག་ར་རོ་རབ་མྱོས་དང ། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་མིའི་སྐྱོན་ནས་སྨྲ་ན་ལྟུང་བྱེད་དོ་ཞེས་གསུངས་པ་གང་ལག་པ་བཙུན་པས་རེ་ཤིག་དགེ་སློང་ཕོ་ཉ་ལས་དགེ་སློང་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །ཕོ་ཉ་ལས་ཇི་ལྟ་བ་དེ་བཞིན་དུ་ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་སྨྱོན་པའི་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་གཡེངས་པ་དང ། ཚོར་བས་ཉམ་ཐག་པ་འམ། གཉིད་ཀྱིས་ལོག་པ་དང ། ཕྱག་ལས་ཁོམ་པ་དང ། རབ་ཏུ་མྱོས་པ་དང ། སྙོམས་པར་ཞུགས་པ་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས
12.68b
འགྲོ་བ་གཞན་དུ་གནས་པའི་རབ་ཏུ་བྱུང་བ་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། ་་་་་་་་་་།སྡོམ་ལ། སྐད་དང་ལུས་དང་དབེན་པ་དང ། །མཚན་རྣམས་དང་ནི་བཞི་ཚན་དང ། །ཁྱིམ་པ་དག་ལ་སོགས་པ་དང ། །བསླབ་པ་བྱིན་དང་དགེ་སློང་མ། །བཙུན་པ་རེ་ཤིག་དགེ་སློང་དབུས་པས་མཐའ་འཁོབ་པའི་སྐད་དུ་དབུས་པའི་སྐྱོན་ནས་སྨྲ་བར་བགྱིད་ལ་དབུས་པའི་དགེ་སློང་གིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་མཐའ་འཁོབ་པའི་དགེ་སློང་ལ་མིའི་སྐྱོན་ནས་སྨྲ་བར་བགྱིད་ལ་མཐའ་འཁོབ་པའི་དགེ་སློང་གིས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དབུས་པའི་དགེ་སློང་ལ་མིའི་སྐྱོན་ནས་སྨྲ་བར་བགྱིད་ལ་དབུས་པའི་དགེ་སློང་གིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་མཐའ་འཁོབ་པའི་དགེ་སློང་ལ་མིའི་སྐྱོན་ནས་སྨྲ་བར་བགྱིད་ལ་མཐའ་འཁོབ་པའི་དགེ་སློང་གིས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ལུས་ཀྱི་རྣམ་པར་རིག་བྱེད་ཀྱིས་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དབེན་པ་ལ་དབེན་པར་འདུ་ཤེས་པས་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །དབེན་པ་ལ་མི་དབེན་པར་འདུ་ཤེས་པས་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་དབེན་པར་འདུ་ཤེས་པས་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་མི་དབེན་པར་འདུ་ཤེས་པས་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་གིས་དགེ་སློང་ལ་མིའི་སྐྱོན་ནས་སྨྲ་བར་བགྱིད་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མ་དགེ་སློང་མ་ལ་མིའི་སྐྱོན་ནས་སྨྲ་བར་བགྱིད
12.69a
པ་ལས་མཚན་འགྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་བསྙེན་པར་རྫོགས་ལ་བསྙེན་པར་རྫོགས་པར་འདུ་ཤེས་པས་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་མི་ལ་མིར་འདུ་ཤེས་པས་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཁྱིམ་པ་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་མ་ནིང་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཟ་མ་དང ། མ་ནི་དང ། མཚན་གཉིས་པ་དང ། ཁས་བླངས་པ་དང ། དགེ་སློང་མ་སུན་ཕྱུང་བ་དང ། མ་བཀུམ་པ་དང ། ཕ་བཀུམ་པ་དང ། དགྲ་བཅོམ་པ་བཀུམ་པ་དང ། མུ་སྟེགས་ཅན་དང ། མུ་སྟེགས་ཅན་དུ་ཞུགས་པ་དང ། རྐུ་ཐབས་སུ་གནས་པ་དང ། གནས་པར་མི་བགྱི་བ་དང ། དང་པོ་མི་མཐུན་པ་ཅན་དང ། སྔར་ལྟུང་བ་བྱུང་བ་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་དགེ་འདུན་གྱི་དབྱེན་བགྱིད་པ་དང ། དགེ་སློང་དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང ། ཐ་དད་དུ་གནས་པ་དང ། བསླབ་པ་སྩལ་པ་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས་ལྟུང་བྱེད་དོ། །བཙུན་པ་རེ་ཤིག་བསླབ་པ་སྩལ་པས
12.69b
དགེ་སློང་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་དགེ་སློང་མ་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །དགེ་སློང་མས་དགེ་སློང་མ་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློང་མས་དགེ་སློང་དང ། དགེ་ཚུལ་དང ། དགེ་སློབ་མ་དང ། དགེ་ཚུལ་མ་ལ་མིའི་སྐྱོན་ནས་སྨྲ་བར་བགྱིད་ན་ཅིར་འགྱུར་ལགས། ཉེས་བྱས་སོ། །དགེ་སློང་མ་དང ། དགེ་ཚུལ་དང ། དགེ་ཚུལ་མ་དང་སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སུ་རྒྱ་ཆེར་བརྗོད་པར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་ཕྲ་མ་བྱེད་ན་ལྟུང་བྱེད་དོ་ཞེས་གསུངས་པ་གང་ལགས་པ་ཞེས་བྱ་བ་སྟེ། གཞུང་ལྷག་མ་ནི་མིའི་སྐྱོན་ནས་སྨྲ་བ་ལ་ཇི་སྐད་བཤད་པ་དེ་བཞིན་དུ་ཕྲ་མ་ལ་ཡང་རྒྱས་པར་བརྗོད་པར་བྱའོ།། །།འདུལ་བ་གཞུང་བླ་མ། བམ་པོ་དགུ་པ། སྡོམ་ལ། སྐད་དང་ལུས་དང་དབེན་པ་ཉིད། །མཚན་དག་དང་ནི་བཞི་ཚན་དང ། །ཁྱིམ་པ་དག་ལ་སོགས་པ་དང ། །བསླབ་པ་བྱིན་པ་ཐ་མ་འོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་དང་འཐུན་པས་ཆོས་བཞིན་དུ་རྩོད་པ་སྦྱངས་པར་ཤེས་བཞིན་དུ་ཡང་ལས་ཀྱི་སྐྱོ་སྔོགས་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཤིག་དབུས་ཀྱི་དགེ་སློང་གིས་མཐའ་འཁོབ་པའི་སྐད་དུ་དབུས་ཀྱི་དགེ་སློང་རྣམས་ཀྱི་རྩོད་པ་དགེ་འདུན་འཐུན་པས་ཆོས་བཞིན་དུ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ལ་དབུས་པའི་དགེ་སློང་རྣམས་ཀྱིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་མཐའ་འཁོབ་པའི་དགེ་སློང་རྣམས་ཀྱི་རྩོད་པ་དགེ་འདུན་འཐུན་པས་ཆོས་བཞིན་དུ་སྦྱངས་པར་འཚལ་བཞིན་དུ་ཡང་ལས་ཀྱི
12.70a
སྐྱོ་སྔོགས་བགྱིད་ལ་མཐའ་འཁོབ་པའི་དགེ་སློང་རྣམས་ཀྱིས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས་ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དབུས་པའི་དགེ་སློང་རྣམས་ཀྱི་རྩོད་པ་དགེ་འདུན་འཐུན་པས་ཆོས་བཞིན་དུ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ལ་དབུས་པའི་དགེ་སློང་རྣམས་ཀྱིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་མཐའ་འཁོབ་པའི་དགེ་སློང་རྣམས་ཀྱིས་རྩོད་པ་དགེ་འདུན་འཐུན་པས་ཆོས་བཞིན་དུ་རྩོད་པ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ལ་མཐའ་འཁོབ་པའི་དགེ་སློང་རྣམས་ཀྱིས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ལུས་ཀྱི་རྣམ་པར་རིག་བྱེད་ཀྱིས་དགེ་འདུན་འཐུན་པས་ཆོས་བཞིན་དུ་རྩོད་པ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་འདུན་འཐུན་པས་ཆོས་བཞིན་རྩོད་པ་སྦྱངས་པར་འཚལ་བཞིན་དུ་དབེན་པ་ལ་དབེན་པར་འདུ་ཤེས་པས་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །དབེན་པ་ལ་མི་དབེན་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་དབེན་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་མི་དབེན་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་དགེ་འདུན་འཐུན་པས་ཆོས་བཞིན་དུ་རྩོད་པ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྡོགས་བགྱིད་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མས་དགེ་འདུན་འཐུན་པས་ཆོས་བཞིན་དུ་རྩོད་པ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་པ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་རྩོད་པ་ཆོས་བཞིན་དུ་སྦྱངས་པ་ལ་ཆོས་བཞིན་དུ་སྦྱངས་པར་འདུ་ཤེས
12.70b
པས་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ལྟུང་བྱེད་དོ། །ཆོས་བཞིན་དུ་སྦྱངས་པ་ལ་ཆོས་བཞིན་དུ་མ་སྦྱངས་པར་འདུ་ཤེས་པས་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །ཆོས་བཞིན་དུ་མ་སྦྱངས་པ་ལ་ཆོས་བཞིན་དུ་སྦྱངས་པར་འདུ་ཤེས་པས་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །ཆོས་བཞིན་དུ་མ་སྦྱངས་པ་ལ་ཆོས་བཞིན་དུ་མ་སྦྱངས་པར་འདུ་ཤེས་པས་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་བསྙེན་པར་རྫོགས་པ་རྣམས་ལ་བསྙེན་པར་རྫོགས་པར་འདུ་ཤེས་པས་དགེ་འདུན་འཐུན་པས་ཆོས་བཞིན་དུ་རྩོད་པ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་རྫོགས་པ་རྣམས་ལ་བསྙེན་པར་མ་རྫོགས་པར་འདུ་ཤེས་པས་དགེ་འདུན་འཐུན་པས་ཆོས་བཞིན་དུ་རྩོད་པ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་རྣམས་ལ་བསྙེན་པར་རྫོགས་པར་འདུ་ཤེས་པས་དགེ་འདུན་འཐུན་པས་ཆོས་བཞིན་དུ་རྩོད་པ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་རྣམས་ལ་བསྙེན་པར་མ་རྫོགས་པར་འདུ་ཤེས་པས་དགེ་འདུན་འཐུན་པས་ཆོས་བཞིན་དུ་རྩོད་པ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཁྱིམ་པ་རྣམས་ཀྱི་རྩོད་པ་ཆོས་བཞིན་དུ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་ཟ་མ་དང ། མ་ནིང་དང ། མཚན་གཉིས་པ་དང ། ཁས་བླངས་པ་དང ། དགེ་སློང་མ་སུན་ཕྱུང་བ་དང ། མ་འགུམས་པ་དང ། ཕ་འགུམས་པ་དང ། དགྲ་བཅོམ་པ་འགུམས་པ་དང ། མུ་སྟེགས་ཅན་དང ། མུ་སྟེགས་ཅན་ཞུགས་པ་དང ། རྐུ་ཐབས་སུ་གནས
12.71a
པ་དང ། གནས་པར་མི་བགྱི་བ་དང ། དང་པོ་མི་མཐུན་པ་ཅན་དང ། སྔར་ལྟུང་བ་བྱུང་བ་རྣམས་ཀྱི་རྩོད་པ་ཆོས་བཞིན་དུ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་འདུན་གྱི་དབྱེན་བགྱིད་པ་དང ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང ། ཐ་དད་དུ་གནས་པ་དང ། བསླབ་པ་སྩལ་པ་རྣམས་ཀྱི་རྩོད་པ་ཆོས་བཞིན་དུ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ལྟུང་བྱེད་དོ། ་་་་་་་་་་་།སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་འགྲོ་བའོ། །བཙུན་པ་རེ་ཤིག་དགེ་སློང་གིས་རྩོད་པ་ཆོས་བཞིན་དུ་སྦྱངས་པར་འཚལ་བཞིན་དུ་ཕོ་ཉ་ལས་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང ། ལག་བརྡ་བ་དང ། གཞན་ལ་སྙད་འདོགས་པ་དང ། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་སྨྱོན་པ་རྣམས་ཀྱི་རྩོད་པ་ཆོས་བཞིན་དུ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་རྣམས་དང ། ཚོར་བས་ཉམ་ཐག་པ་རྣམས་དང ། གླེན་པ་རྣམས་དང ། འོན་པ་རྣམས་དང ། འགྲོ་བ་གཞན་དུ་གནས་པའི་རབ་ཏུ་བྱུང་བ་རྣམས་ཀྱི་རྩོད་པ་ཆོས་བཞིན་དུ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་མ་རྣམས་ཀྱི་རྩོད་པ་དགེ་འདུན་འཐུན་པས་ཆོས་བཞིན་དུ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །དགེ་སློབ་མ་རྣམས་དང ། དགེ་ཚུལ་མ་རྣམས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །དགེ་སློང་མས་དགེ་སློང་མ་རྣམས་ཀྱི་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློང་རྣམས་དང ། དགེ་ཚུལ་རྣམས་དང ། དགེ་སློབ་མ
12.71b
རྣམས་དང ། དགེ་ཚུལ་མ་རྣམས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་བསླབ་པ་སྩལ་པས་གང་དགེ་འདུན་འཐུན་པས་ཆོས་བཞིན་དུ་རྩོད་པ་སྦྱངས་པར་འཚལ་བཞིན་དུ་ཡང་ལས་ཀྱི་སྐྱོ་སྔོགས་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སུ་རྒྱ་ཆེར་བརྗོད་པར་བྱའོ།། ་།། སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་གླེན་པ་དང ། །གཉིད་ལོག་ར་རོ་རབ་མྱོས་དང ། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་བུད་མེད་ལ་ཚིག་ལྔ་འམ་དྲུག་ལས་ལྷག་པར་ཆོས་སྟོན་ན་རིག་པའི་སྐྱེས་པ་མ་གཏོགས་ཏེ་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་ཕོ་ཉ་ལས་རིག་པའི་སྐྱེས་པ་མ་མཆིས་པར་བུད་མེད་ལ་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང་ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་པས་རིག་པའི་སྐྱེས་པ་མ་མཆིས་པར་བུད་མེད་ལ་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་བུད་མེད་སྨྱོན་མ་ལ་རིག་པའི་སྐྱེས་པ་མ་མཆིས་པར་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་བུད་མེད་སེམས་འཁྲུགས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་དང ། གཉིད་ཀྱིས་ལོག་པ་དང ། ཕྱག་ལས་ཁོམ་པ་དང ། རབ་ཏུ་མྱོས་པ་དང ། སྙོམས་པར་ཞུགས་པ་དང ། འགྲོ་བ་གཞན་དུ་གནས་པ་ལ་རིག་པའི་སྐྱེས་པ་མ་མཆིས་པར་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །
12.72a
བཙུན་པ་རེ་ཤིག་དགེ་སློང་གིས་རིག་པའི་སྐྱེས་པ་སྨྱོན་པ་དང་བུད་མེད་ལ་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་རིག་པའི་སྐྱེས་པ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་དང ། གཉིད་ཀྱིས་ལོག་པ་དང ། ཕྱག་ལས་ཁོམ་པ་དང ། རབ་ཏུ་མྱོས་པ་དང ། སྙོམས་པར་ཞུགས་པ་དང ། མཐའ་འཁོབ་པ་དང ། འགྲོ་བ་གཞན་དུ་གནས་པ་དང ། བུད་མེད་ལ་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། ་་་་་་་་་་་་་།སྡོམ་ལ། སྐད་དང་རུང་དང་ལུས་དང་དབེན། །དེ་བཞིན་ཟ་མ་མ་ནིང་དང ། །མཚན་དང་བཞི་ཚན་ཁོ་ན་དང ། །བསླབ་པ་བྱིན་དང་དགེ་སློང་མ། །བཙུན་པ་རེ་ཤིག་དབུས་ཀྱི་དགེ་སློང་གིས་རིག་པའི་སྐྱེས་པ་མ་མཆིས་པར་མཐའ་འཁོབ་པའི་སྐད་དུ་དབུས་པའི་བུད་མེད་ལ་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ལ་དབུས་པའི་བུད་མེད་ཀྱིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་མཐའ་འཁོབ་པའི་བུད་མེད་ལ་རིག་པའི་སྐྱེས་པ་མ་མཆིས་པར་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་པ་ལ་མཐའ་འཁོབ་པའི་བུད་མེད་ཀྱིས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དབུས་པའི་བུད་མེད་ལ་རིག་པའི་སྐྱེས་པ་མ་མཆིས་པར་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ལ། དབུས་པའི་བུད་མེད་ཀྱིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་མཐའ་འཁོབ་པའི་བུད་མེད་ལ་རིག་པའི་སྐྱེས་པ་མ་མཆིས་པར་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ལ་མཐའ་འཁོབ་པའི་བུད་མེད་ཀྱིས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དབུས་པའི་དགེ་སློང་གིས་མཐའ་འཁོབ་པའི་སྐད་དུ་རུང་བར་བགྱིད་པ་དབུས་པ་དང་བུད་མེད་ལ་ཚིག་ལྔ་འམ
12.72b
དྲུག་ལས་ལྷག་པར་ཆོས་སྟོན་པ་ན་རུང་བར་བགྱིད་པ་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་རུང་བར་བགྱིད་པ་མཐའ་འཁོབ་པ་དང་ཆོས་སྟོན་པར་བགྱིད་ལ་རུང་བར་བགྱིད་པ་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་རུང་བར་བགྱིད་པ་དབུས་པ་དང་ཆོས་སྟོན་པར་བགྱིད་ལ། རུང་བར་བགྱིད་པ་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་རུང་བར་བགྱིད་པ་མཐའ་འཁོབ་པ་དང་བུད་མེད་ལ་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ལ་རུང་བར་བགྱིད་པ་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ལུས་ཀྱི་རྣམ་པར་རིག་བྱེད་ཀྱིས་བུད་མེད་ལ་རིག་པའི་སྐྱེས་པ་མ་མཆིས་པར་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དབེན་པ་ལ་དབེན་པར་འདུ་ཤེས་པས་རིག་པའི་སྐྱེས་པ་མ་མཆིས་པར་བུད་མེད་ལ་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དབེན་པ་ལ་མི་དབེན་པར་འདུ་ཤེས་པས་བུད་མེད་ལ་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ལྟུང་བ་མེད་དོ། །མི་དབེན་པ་ལ་དབེན་པར་འདུ་ཤེས་པས་བུད་མེད་ལ་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དབེན་པ་ལ་མི་དབེན་པར་འདུ་ཤེས་པ་བུད་མེད་ལ་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་རུང་བ་བགྱིད་པ་ཟ་མ་དང་བུད་མེད་ལ་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་རུང་བ་བགྱིད་པ་མ་ནིང་དང ། མཚན་གཉིས་པ་དང་བུད་མེད་ལ་ཚིག་ལྔ་འམ་དྲུག་ལས་ལྷག་པར་ཆོས
12.73a
སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་རིག་པའི་སྐྱེས་པ་མ་མཆིས་པར་མ་ནིང་མོ་ལ་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་རིག་པའི་སྐྱེས་པ་མ་མཆིས་པར་བུད་མེད་ལ་ཚིག་ལྔ་འམ་དྲུག་ལས་ལྷག་པར་ཆོས་སྟོན་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དགེ་སློང་མས་རིག་པའི་སྐྱེས་པ་མ་མཆིས་པར་སྐྱེས་པ་ལ་ཚིག་ལྔ་འམ་དྲུག་ལས་ལྷག་པར་ཆོས་སྟོན་པ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་རིག་པའི་སྐྱེས་པ་མ་མཆིས་པར་བུད་མེད་ལ་བུད་མེད་དུ་འདུ་ཤེས་པས་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བུད་མེད་ལ་བུད་མེད་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བུད་མེད་མ་ལགས་པ་ལ་བུད་མེད་དུ་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བུད་མེད་མ་ལགས་པ་ལ་བུད་མེད་མ་ལགས་པར་འདུ་ཤེས་པས་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་རིག་པའི་སྐྱེས་པ་མ་མཆིས་པར་མིའི་བུད་མེད་ལ་མིར་འདུ་ཤེས་པས་ཚིག་ལྔ་འམ་དྲུག་ལས་ལྷག་པར་ཆོས་སྟོན་ན་ཅིར་འགྱུར་ལགས། ལྟུང་བྱེད་དོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མིར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་རུང་བ་བགྱིད་པ་མི་ལ་མིར་འདུ་ཤེས་པས་རིག་པའི་སྐྱེས་པ་དང་བུད་མེད་ལ་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ལྟུང་བ་མེད་དོ། །མི་ལ་མི་ལགས་པར་འདུ་ཤེས་པས་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །
12.73b
མི་མ་ལགས་པ་ལ་མིར་འདུ་ཤེས་པས་ཆོས་སྟོན་པར་བགྱིད་ན་ཅིར་འགྱུར་ལགས། ལྟུང་བ་མེད་དོ། །མི་མ་ལགས་པ་ལ་མི་མ་ལགས་པར་འདུ་ཤེས་པས་ཆོས་སྟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་བསླབ་པ་སྩལ་པས་རིག་པའི་སྐྱེས་པ་མ་མཆིས་པར་བུད་མེད་ཀྱི་ཡུལ་ལ་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་མས་དགེ་སློང་མ་ཟླ་མ་མཆིས་པར་སྐྱེས་པ་ལ་ཚིག་ལྔ་འམ་དྲུག་ལས་ལྷག་པར་ཆོས་སྟོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། ལྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སུ་རྒྱ་ཆེར་བརྗོད་པར་བྱའོ།། ་་་་་།། སྡོམ་ལ། སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་འགྲོ་བ་དང ། །བསླབ་བྱིན་ལ་སོགས་སྐད་དང་ནི། །མཚན་རྣམས་དང་ནི་དགེ་སློང་མ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གང་ཟག་བསྙེན་པར་མ་རྫོགས་པ་དང་མགྲིན་གཅིག་ཏུ་ཆོས་འདོན་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་གང་ཟག་བསྙེན་པར་མ་རྫོགས་པ་སྨྱོན་པ་དང་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་དང ། འགྲོ་བ་གཞན་དུ་གནས་པ་དང་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་བསླབ་པ་སྩལ་པ་དང་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ལྟུང་བ་མེད་དོ། །གང་ཟག་བསྙེན་པར་མ་རྫོགས་པ་ཟ་མ་དང་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་མ་ནིང་དང ། མཚན་གཉིས་པ་དང ། མ་ནིང་མོ་དང་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དགེ་སློང་མ་སུན་ཕྱུང་བ་དང ། མ
12.74a
འགུམས་པ་དང ། ཕ་འགུམས་པ་དང ། དགྲ་བཅོམ་པ་འགུམས་པ་དང ། མུ་སྟེགས་ཅན་དང ། མུ་སྟེགས་ཅན་དུ་ཞུགས་པ་དང ། རྐུ་ཐབས་སུ་གནས་པ་དང ། གནས་པར་མི་བགྱི་བ་དང ། སྔར་ལྟུང་བ་བྱུང་བ་དང ། དང་པོ་མི་མཐུན་པ་ཅན་དང་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་གིས་དགེ་སློང་དགེ་འདུན་གྱི་དབྱེན་བགྱིད་པ་དང ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང་ཐ་དད་དུ་གནས་པ་དང ། ཁས་བླངས་པ་དང་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དབུས་པའི་དགེ་སློང་གིས་མཐའ་འཁོབ་པའི་སྐད་དུ་དབུས་པའི་གང་ཟག་དང་མགྲིན་གཅིག་ཏུ་ཆོས་འདོན་པར་བགྱིད་ལ་གང་ཟག་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་གང་ཟག་མཐའ་འཁོབ་པ་དང་མགྲིན་གཅིག་ཏུ་ཆོས་འདོན་པར་བགྱིད་ལ། གང་ཟག་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་གང་ཟག་དབུས་པ་དང་མགྲིན་གཅིག་ཏུ་ཆོས་འདོན་པར་བགྱིད་ལ། གང་ཟག་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་གང་ཟག་མཐའ་འཁོབ་པ་དང་མགྲིན་གཅིག་ཏུ་ཆོས་འདོན་པར་བགྱིད་ལ། གང་ཟག་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་གང་ཟག་བསྙེན་པར་མ་རྫོགས་པ་དང་མགྲིན་གཅིག་ཏུ་ཆོས་འདོན་པར་བགྱིད་པ་ལས་མཚན་གྱུར་ཏེ། དགེ་སློང་མར་རེད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་མས་གང་ཟག་བསྙེན་པར་མ་རྫོགས་པ་དང་མགྲིན་གཅིག་ཏུ་ཆོས་འདོན་པར་བགྱིད་པ་ལས་མཚན་གྱུར་ཏེ། དགེ་སློང་དུ་རེད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག
12.74b
དགེ་སློང་མས་གང་ཟག་བསྙེན་པར་མ་རྫོགས་པ་དང་མགྲིན་གཅིག་ཏུ་ཆོས་འདོན་པར་བགྱིད་པ་ལས་བསྙེན་པར་མ་རྫོགས་པ་དེའི་མཚན་གྱུར་ཏེ་མཚན་ཡོངས་སུ་གྱུར་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་གང་ཟག་བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་པས་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་མི་ལ་མིར་འདུ་ཤེས་པས་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །མི་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་མ་དང་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དགེ་སློང་མ་དང ། དགེ་ཚུལ་དང ། དགེ་ཚུལ་མ་དང་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་མས་གང་ཟག་བསྙེན་པར་མ་རྫོགས་པ་དང་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློང་མ་དང་དགེ་སློང་ཆོས་འདོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དགེ་སློང་མ་དང ། དགེ་ཚུལ་དང ། དགེ་ཚུལ་མ་དང་ཆོས་འདོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སུ་བརྗོད་པར་བྱའོ། །བཙུན་པ་རེ་ཤིག་བསླབ་པ་སྩལ་པས་གང་ཟག་བསྙེན་པར་མ་རྫོགས་པ་དང་མགྲིན་གཅིག་ཏུ་ཆོས་འདོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། ་་་་་་་་་།སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད
12.75a
འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་གླེན་པ་དང ། །གཉིད་ལོག་ར་རོ་རབ་མྱོས་དང ། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་གང་ཟག་བསྙེན་པར་མ་རྫོགས་པ་ལ་གནས་ངན་ལེན་གྱི་ལྟུང་བ་བརྗོད་ན་དགེ་འདུན་གྱིས་གནང་བ་མ་གཏོགས་ཏེ་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་གང་ཟག་བསྙེན་པར་མ་རྫོགས་པ་ལ་ཕོ་ཉ་ལས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་སྨྱོན་པ་ལ་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་དང ། གཉིད་ཀྱིས་ལོག་པ་དང ། ཕྱག་ལས་ཁོམ་པ་དང ། རབ་ཏུ་མྱོས་པ་དང ། སྙོམས་པར་ཞུགས་པ་དང ། འགྲོ་བ་གཞན་དུ་གནས་པ་ལ་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ།། ་།། སྡོམ་ལ། སྐད་དང་ལུས་དང་དབེན་པ་ཉིད། །དེ་བཞིན་བཞི་ཚན་མཚན་དང་ནི། །དེ་བཞིན་བསྐོས་དང་བདག་ཉིད་དང ། །དེ་བཞིན་ཟ་མ་དགེ་སློང་མ། །བཙུན་པ་རེ་ཤིག་དབུས་ཀྱི་དགེ་སློང་གིས་མཐའ་འཁོབ་པའི་སྐད་དུ་གང་ཟག་དབུས་པ་ལ་གནས་ངན་ལེན་གྱི་ལྟུང་བ་བརྗོད་པར་བགྱིད་ལ། གང་ཟག་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་གང་ཟག་མཐའ་འཁོབ་པ་ལ་གནས་ངན་ལེན་གྱི་ལྟུང་བརྗོད་པར་བགྱིད་ལ་གང་ཟག་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་གང་ཟག་དབུས་པ་ལ་གནས་ངན་ལེན་གྱི་ལྟུང
12.75b
བ་བརྗོད་པར་བགྱིད་ལ། གང་ཟག་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་གང་ཟག་མཐའ་འཁོབ་པ་ལ་གནས་ངན་ལེན་གྱི་ལྟུང་བ་བརྗོད་པར་བགྱིད་ལ། གང་ཟག་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ལུས་ཀྱི་རྣམ་པར་རིག་བྱེད་ཀྱི་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དབེན་པ་ལ་དབེན་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་དབེན་པ་ལ་མི་དབེན་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་དབེན་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་མི་དབེན་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་གིས་བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ལྟུང་བ་མེད་དོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་མི་ལ་མིར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །མི་ལ་མི་མ་ལགས་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མིར་འདུ
12.76a
ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །མི་མ་ལགས་པ་ལ་མི་མ་ལགས་པར་འདུ་ཤེས་པས་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གང་ཟག་བསྙེན་པར་མ་རྫོགས་པ་ལ་གནས་ངན་ལེན་གྱི་ལྟུང་བ་བརྗོད་པར་བགྱིད་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་མ་གང་ཟག་བསྙེན་པར་མ་རྫོགས་པ་ལ་གནས་ངན་ལེན་གྱི་ལྟུང་བ་བརྗོད་པར་བགྱིད་པ་ལས་མཚན་རྒྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཟག་བསྙེན་པར་མ་རྫོགས་པ་ལ་གནས་ངན་ལེན་གྱི་ལྟུང་བ་བརྗོད་ན་དགེ་འདུན་གྱིས་གནང་བ་མ་གཏོགས་ཏེ་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་དགེ་འདུན་གྱིས་བསྐོས་ཀྱང་གང་ཟག་བསྙེན་པར་མ་རྫོགས་པ་ལ་གནས་ངན་ལེན་གྱི་ལྟུང་བ་བརྗོད་ན་ལྟུང་བྱེད་དུ་འགྱུར་བ་ལྟ་མཆིས་ལགས་སམ། ཉེ་བར་འཁོར་གང་ཟག་ནི་བཞི་པོ་འདི་དག་ཡིན་ནོ། །བཞི་གང་ཞེ་ན། གང་ལ་ལྟུང་བའི་མཐའ་ཡང་བསྒོ་བར་བྱ་ལ་ཁྱིམ་གྱི་མཐའ་ཡང་བསྒོ་བར་བྱ་བའི་གང་ཟག་ཀྱང་ཡོད། གང་ལ་ལྟུང་བའི་མཐའ་བསྒོ་བར་བྱའི་ཁྱིམ་གྱི་མཐའ་མ་ཡིན་པའི་གང་ཟག་ཀྱང་ཡོད། གང་ལ་ཁྱིམ་གྱི་མཐའ་བསྒོ་བར་བྱའི་ལྟུང་བའི་མཐའ་མ་ཡིན་པའི་གང་ཟག་ཀྱང་ཡོད། གང་ལ་ལྟུང་བའི་མཐའ་ཡང་བསྒོ་བར་མི་བྱ། ཁྱིམ་གྱི་མཐའ་ཡང་བསྒོ་བར་མི་བྱའི་གང་ཟག་ཡོད་དོ། །གང་ཟག་གང་ལ་ལྟུང་བའི་མཐའ་ཡང་བསྒོ་བར་བྱ་ལ་ཁྱིམ་གྱི་མཐའ་ཡང་གླེང་བར་བྱ་ཞེ་ན། གང་ཞིག་ལྟུང་བ་རྔམས་མི་ཆེ་བ་དག་གིས་ཁྱིམ་ཚད་ཡོད་པ་དག་སུན་འབྱིན་པའོ། །གང་ཟག་གང་ལ་ལྟུང་བའི་མཐའ་བསྒོ་བར་བྱ་ལ། ཁྱིམ་གྱི་མཐའ་མ་ཡིན་ཞེ་ན། གང་ཞིག་ལྟུང་བ་རྔམས་མི་ཆེ་བ་དག་གིས་ཁྱིམ་ཚད་མེད་པ་དག་སུན་འབྱིན་པའོ། །གང་ཟག་གང་ལ་ཁྱིམ་གྱི་མཐའ་བསྒོ་བར་བྱའི་ལྟུང་བའི་མཐའ་མ་ཡིན་ཞེ་ན། གང་ཞིག་ལྟུང་བ་རྔམས་པོ་ཆེ་དག་གིས་ཁྱིམ་ཚད་ཡོད་པ་དག་སུན་འབྱིན་པའོ། །
12.76b
གང་ཟག་གང་ལ་ལྟུང་བའི་མཐའ་ཡང་བསྒོ་བར་མི་བྱའི། ཁྱིམ་གྱི་མཐའ་ཡང་མ་ཡིན་ཞེ་ན། གང་ཞིག་ཉེས་པ་རྔམས་པོ་ཆེ་དག་གིས་ཁྱིམ་ཚད་མེད་པ་སུན་འབྱིན་པའོ། །དེ་ལ་གང་ཟག་གང་ཡང་ལྟུང་བའི་མཐའ་ཡང་བསྒོ་བར་བྱ་ལ། ཁྱིམ་གྱི་མཐའ་ཡང་བསྒོ་བར་བྱ་བ་དེས་ནི་ལྟུང་བ་དེ་ཙམ་ཁོ་ན་ཞིག་ཤེས་པའི་ཁྱིམ་དེ་ཙམ་ཁོ་ན་དག་ཏུ་བརྗོད་པར་བྱའོ། །དེ་ལས་ལྷག་པར་བརྗོད་ན་ལྟུང་བྱེད་དུ་འགྱུར་རོ། །གང་ཟག་གང་ལ་ལྟུང་བའི་མཐའ་བསྒོ་བར་བྱའི། ཁྱིམ་གྱི་མཐའ་མ་ཡིན་པ་དེ་ནི་ལྟུང་བ་དེ་ཙམ་ཁོ་ན་ཞིག་ཤེས་པའི་ཁྱིམ་ཐམས་ཅད་དུ་བརྗོད་པར་བྱའོ། །དེ་ལས་ལྷག་པར་བརྗོད་ན་ལྟུང་བྱེད་དུ་འགྱུར་རོ། །གང་ཟག་གང་ལ་ཁྱིམ་གྱི་མཐའ་བསྒོ་བར་བྱའི། ལྟུང་བའི་མཐའ་མ་ཡིན་པ་དེས་ནི་ལྟུང་བ་ཐམས་ཅད་ཀྱི་ཁྱིམ་དེ་ཙམ་ཁོ་ན་དག་ཏུ་བརྗོད་པར་བྱའོ། །དེ་ལས་ལྷག་པར་བརྗོད་ན་ལྟུང་བྱེད་དུ་འགྱུར་རོ། །གང་ཟག་གང་ལ་ལྟུང་བའི་མཐའ་ཡང་བསྒོ་བར་མི་བྱའི། ཁྱིམ་གྱི་མཐའ་ཡང་མ་ཡིན་པ་དེས་ནི་ལྟུང་བ་ཐམས་ཅད་ཤེས་པའི་ཁྱིམ་ཐམས་ཅད་དུ་བརྗོད་པར་བྱ་སྟེ། བརྗོད་པར་བྱེད་པ་ལ་ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་བསྙེན་པར་མ་རྫོགས་པའི་གང་ཟག་ལ་བདག་ཉིད་ཀྱི་གནས་ངན་ལེན་གྱི་ལྟུང་བ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་ཟ་མའི་གནས་ངན་ལེན་གྱི་ལྟུང་བ་གང་ཟག་བསྙེན་པར་མ་རྫོགས་པ་ལ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་མ་ནིང་ནས་དང་པོ་མི་མཐུན་པ་ཅན་གྱི་བར་གྱི་གནས་ངན་ལེན་གྱི་ལྟུང་བ་བསྙེན་པར་མ་རྫོགས་པའི་གང་ཟག་ལ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་འདུན་གྱི་དབྱེན་བགྱིད་པའི་དགེ་སློང་གི་གནས་ངན་ལེན་གྱི་ལྟུང་བ་གང་ཟག་བསྙེན་པར་མ་རྫོགས་པ་ལ་བརྗོད་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དེ་བཞིན་དུ་དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང ། ཐ་དད་དུ་གནས་པའི་དགེ་སློང་གི་གནས་ངན་ལེན་གྱི་ལྟུང་བ་གང་ཟག་བསྙེན་པར་མ་རྫོགས་པ་ལ་བརྗོད་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ
12.77a
སློང་གིས་དགེ་སློང་མའི་གནས་ངན་ལེན་གྱི་ལྟུང་བ་གང་ཟག་བསྙེན་པ་མ་རྫོགས་པ་ལ་བརྗོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་བསླབ་པ་སྩལ་པའི་དགེ་སློང་གི་གནས་ངན་ལེན་གྱི་ལྟུང་བ་བརྗོད་ན་ཅིར་འགྱུར་ལགས། ལྟུང་བྱེད་དོ། །དགེ་སློང་མས་དགེ་སློང་མའི་གནས་ངན་ལེན་གྱི་ལྟུང་བ་གང་ཟག་བསྙེན་པར་མ་རྫོགས་པ་ལ་བརྗོད་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་བསླབ་པ་སྩལ་པས་གནས་ངན་ལེན་གྱི་ལྟུང་བ་གང་ཟག་བསྙེན་པར་མ་རྫོགས་པ་ལ་བརྗོད་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དེ་བཞིན་དུ་དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པ་ནི་ཉེས་བྱས་སུ་རྒྱ་ཆེར་བརྗོད་པར་བྱའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཟག་བསྙེན་པར་མ་རྫོགས་པ་ལ་མིའི་ཆོས་བླ་མར་གྱུར་པ་སྨྲ་བ་བདེན་ན་ལྟུང་བྱེད་དོ་ཞེས་གསུངས་པ་གང་ལགས་པ་ཞེས་བྱ་བ་སྟེ། མིའི་ཆོས་བླ་མར་གྱུར་པ་བདེན་པ་སྨྲ་བ་ལྷག་མ་ནི་སངས་རྒྱས་དང་སྟོན་པ་ཞེས་བྱ་བ་མ་གཏོགས་པ་ཕམ་པ་བསྟན་པས་རྣམ་པར་དབྱེ་བར་བྱའོ།། །།འདུལ་བ་གཞུང་བླ་མ། བམ་པོ་བཅུ་པ། སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་གླེན་པ་དང ། །གཉིད་ལོག་ར་རོ་རབ་མྱོས་དང ། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་སྔར་ལེགས་པར་རུང་བར་བྱས་ནས་དེའི་འོག་ཏུ་འདི་སྐད་ཅེས། ཚེ་དང་ལྡན་པ་དག་གིས་འདི་ལྟར་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་ཟེར་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་སྔར་ལེགས་པར་རུང་བར་བགྱིས་ནས། དེའི་འོག
12.77b
ཏུ་ཕོ་ཉ་ལས་འདི་སྐད་ཅེས་ཚེ་དང་ལྡན་པ་དག་གིས་འདི་ལྟར་བཤེས་ངོར་བྱས་ཏེ། དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་སྔར་ལེགས་པར་རུང་བར་བགྱིས་ནས་དེའི་འོག་ཏུ་སྨྱོན་པ་རྣམས་ལ་འདི་སྐད་ཅེས་ཚེ་དང་ལྡན་པ་དག་གིས་འདི་ལྟར་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་རྣམས་དང ། ཚོར་བས་ཉམ་ཐག་པ་རྣམས་དང ། གླེན་པ་རྣམས་དང ། འོན་པ་རྣམས་དང ། གཉིད་ཀྱིས་ལོག་པ་རྣམས་དང ། ཕྱག་ལས་ཁོམ་པ་རྣམས་དང ། རབ་ཏུ་མྱོས་པ་རྣམས་དང ། སྙོམས་པར་ཞུགས་པ་རྣམས་དང ། འགྲོ་བ་གཞན་དུ་གནས་པ་རྣམས་ལ་འདི་སྐད་ཅེས་ཚེ་དང་ལྡན་པ་དག་གིས་འདི་ལྟར་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་སྨྱོན་པ་རྣམས་ཀྱི་རྙེད་པ་ལ་སྔར་ལེགས་པར་རུང་བར་བགྱིས་ནས་དེའི་འོག་ཏུ་འདི་སྐད་ཅེས། ཚེ་དང་ལྡན་པ་དག་གིས་འདི་ལྟར་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་གཡེངས་པ་རྣམས་དང ། འགྲོ་བ་གཞན་དུ་གནས་པ་རྣམས་ཀྱི་རྙེད་པ་ལ་ཡང་རྒྱ་ཆེར་བརྗོད་པར་བྱའོ། ་་་་་་་་་་་་།སྡོམ་ལ། སྐད་དང་ལུས་དང་དབེན་པ་དང ། །དགེ་སློང་མཚན་དང་བཞི་ཅན་དང ། །ཁྱིམ་མི་རུང་དང་མི་ཆོག་དང ། །རྙེད་དང་ཕྱིས་དང་དགེ་སློང་ངོ ། །བཙུན་པ་རེ་ཤིག་དབུས་ཀྱི་དགེ་སློང་གིས་མཐའ་འཁོབ་པའི་སྐད་དུ་སྔར་ལེགས་པར་རུང་བར་བགྱིས་ནས་དེའི་འོག་ཏུ་དབུས་ཀྱི་དགེ་སློང་རྣམས་ལ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ། དགེ་འདུན་གྱི་རྙེད་པ་གང
12.78a
ཟག་ལ་བསྔོས་སོ་ཞེས་མཆི་ལ་དབུས་ཀྱི་དགེ་སློང་རྣམས་ཀྱིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་སྔར་ལེགས་པར་རུང་བར་བགྱིས་ནས། དེའི་འོག་ཏུ་དགེ་སློང་མཐའ་འཁོབ་པ་རྣམས་ལ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ལ། དགེ་སློང་མཐའ་འཁོབ་པ་རྣམས་ཀྱིས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་སྔར་ལེགས་པར་རུང་བར་བགྱིས་ནས་དེའི་འོག་ཏུ་དབུས་ཀྱི་དགེ་སློང་རྣམས་ལ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ལ་དགེ་སློང་དབུས་པ་རྣམས་ཀྱིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་སྔར་ལེགས་པར་རུང་བར་བགྱིས་ནས་དེའི་འོག་ཏུ་དགེ་སློང་མཐའ་འཁོབ་པ་རྣམས་ལ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ཡང་རུང་བ་ལ་བསྔོས་སོ་ཞེས་མཆི་ན་དགེ་སློང་མཐའ་འཁོབ་པ་རྣམས་ཀྱིས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་སྔར་ལེགས་པར་རུང་བར་བགྱིས་ནས་དེའི་འོག་ཏུ་ལུས་ཀྱི་རྣམ་པར་རིག་བྱེད་ཀྱིས་འདི་སྐད་དུ་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་བགྱི་བར་སྟོན་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་སྔར་ལེགས་པར་རུང་བར་བགྱིས་ནས་དེའི་འོག་ཏུ་དབེན་པ་ལ་དབེན་པར་འདུ་ཤེས་པས་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་སྔར་ལེགས་པར་རུང་བར་བགྱིས་ནས་དབེན་པ་ལ་མི་དབེན་པར་འདུ་ཤེས་པས་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ། དགེ་འདུན་གྱི་རྙེད
12.78b
པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་མི་དབེན་པར་འདུ་ཤེས་པས་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་མི་དབེན་པར་འདུ་ཤེས་པས་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་མའི་དགེ་འདུན་གྱི་རྙེད་པ་ལ་སྔར་ལེགས་པར་རུང་བར་བགྱིས་ནས་དེའི་འོག་ཏུ་འདི་སྐད་ཅེས་འཕགས་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མས་དགེ་སློང་གིས་དགེ་འདུན་གྱི་རྙེད་པ་ལས་སྔར་ལེགས་པར་རུང་བར་བགྱིས་ནས་དེའི་འོག་ཏུ་འདི་སྐད་ཅེས་འཕགས་པ་དག་གིས་བཤེས་ངོར་བྱས་ཏེ། དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ། དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་བ་ལས་དེའི་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མས་འདི་སྐད་ཅེས་ཚེ་དང་ལྡན་པ་དག་གིས་བཤེར་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་བ་ལས་དེའི་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་བསྙེན་པར་རྫོགས་པ་རྣམས་ལ་བསྙེན་པར་རྫོགས་པར་འདུ་ཤེས་པས་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་རྫོགས་པ་རྣམས་ལ་བསྙེན་པར་མ་རྫོགས་པར་འདུ་ཤེས་པས་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་རྣམས་ལ་བསྙེན་པར་རྫོགས་པར་འདུ་ཤེས་པས་ཚེ་དང་ལྡན་པ་དག
12.79a
གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་རྣམས་ལ་བསྙེན་པར་མ་རྫོགས་པར་འདུ་ཤེས་པས་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས་ཉེས་བྱས་སོ། །བཙུན་པ་རེ་ཤིག་དགེ་སློང་གིས་སྔར་ལེགས་པར་རུང་བར་བགྱིས་ནས་དེའི་འོག་ཏུ་ཁྱིམ་པ་རྣམས་ལ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ། དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་ཁས་བླངས་པ་རྣམས་དང ། ཟ་མ་རྣམས་དང ། མ་ནིང་རྣམས་དང ། མཚན་གཉིས་པ་རྣམས་དང ། མ་འགུམས་པ་རྣམས་དང ། ཕ་འགུམས་པ་རྣམས་དང ། དགྲ་བཅོམ་པ་འགུམས་པ་རྣམས་དང ། དགེ་སློང་མ་སུན་ཕྱུང་བ་རྣམས་དང ། མུ་སྟེགས་ཅན་རྣམས་དང ། མུ་སྟེགས་ཅན་དུ་ཞུགས་པ་རྣམས་དང ། རྐུ་ཐབས་སུ་གནས་པ་རྣམས་དང ། སྔར་ལྟུང་བ་བྱུང་བ་རྣམས་དང ། དང་པོ་མི་མཐུན་པ་རྣམས་ལ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་སྔར་ལེགས་པར་རུང་བར་བགྱིས་ནས་དེའི་འོག་ཏུ་དགེ་སློང་གིས་དགེ་འདུན་གྱི་དབྱེན་བགྱིད་པ་རྣམས་དང ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་རྣམས་དང ། ཐ་དད་དུ་གནས་པ་རྣམས་དང ། བསླབ་པ་སྩལ་པ་རྣམས་ལ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་གིས་སྔར་ལེགས་པར་རུང་བར་བགྱིས་ནས་དེའི་འོག་ཏུ་ཁྱིམ་པ་རྣམས་ཀྱི་རྙེད་པ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་ཁས་བླངས་པ་རྣམས་དང ། དང་པོ་མི་མཐུན་པ་ཅན་རྣམས་ཀྱི་རྙེད་པ་ལ་ཡང་རྒྱ་ཆེར
12.79b
བརྗོད་པར་བྱའོ། །བཙུན་པ་རེ་ཤིག་དགེ་སློང་གིས་དགེ་འདུན་གྱི་དབྱེན་བགྱིད་པ་རྣམས་ཀྱི་རྙེད་པ་ལ་འདི་སྐད་ཅེས་ཚེ་དང་ལྡན་པ་དག་གིས་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ལྟུང་བྱེད་དོ། །དེ་བཞིན་དུ་དགེ་སློང་དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་རྣམས་དང ། ཐ་དད་དུ་གནས་པ་རྣམས་ཀྱི་རྙེད་པ་ལ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ལྟུང་བྱེད་དོ། །བཙུན་པ་དགེ་སློང་གིས་སྔར་ལེགས་པར་རུང་བར་བགྱིས་ནས་དེའི་འོག་ཏུ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ཡང་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་ཆོས་གོས་དེའི་སྤུན་རུང་བར་གྱུར་ལ་རྒྱུ་མི་རུང་བ་དང ། རྒྱུ་རུང་བར་གྱུར་ལ། སྤུན་མི་རུང་བ་དང ། གཉི་ག་མི་རུང་བར་གྱུར་པ་སྟེ། མི་རུང་བ་ནི་རྔ་བལ་དང ། བ་ལང་གི་སྤུ་དང ། རི་དགས་ཀྱི་བལ་དང་འདྲེས་པ་དང ། མ་བཏགས་པའོ། །དེ་ལྟ་བུའི་ཆོས་གོས་ཀྱི་སླད་དུ་འདི་སྐད་ཅེས་ཚེ་དང་ལྡན་པ་དག་གིས་འདི་ལྟར་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་འདུན་གྱི་ཆོས་གོས་ཁྲུ་གང་དུ་མ་འཚལ་བ་ཞིག་རྙེད་པར་གྱུར་ཏེ། དེ་ལ་དགེ་སློང་གིས་སྔར་ལེགས་པར་རུང་བར་བགྱིས་ནས་དེའི་འོག་ཏུ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ། དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཆོས་གོས་རྙེད་པ་མ་གཏོགས་པར་དེ་ལས་གཞན་པའི་རྙེད་པ་རྣམས་ཀྱི་སླད་དུ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་འདུན་གྱིས་དགེ་སློང་དེའི་མངོན་སུམ་དུ་མ་བབ་པར་ཆོས་གོས་སྩལ་བར་གྱུར་པ་ལས། དེའི་འོག་ཏུ་མཆིས་ནས་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན
12.80a
གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་བསླབ་པ་སྩལ་པས་སྔར་ལེགས་པར་རུང་བར་བགྱིས་ནས་དེའི་འོག་ཏུ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་མས་སྔར་ལེགས་པར་རུང་བར་བགྱིས་ནས་དེའི་འོག་ཏུ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་སློང་མའི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པས་སྔར་ལེགས་པར་བགྱིས་ནས་དེའི་འོག་ཏུ་འདི་སྐད་ཅེས་ཚེ་དང་ལྡན་པ་དག་གིས་བཤེས་ངོར་བྱས་ཏེ་དགེ་འདུན་གྱི་རྙེད་པ་གང་ཟག་ལ་བསྔོས་སོ་ཞེས་མཆི་ན་ཅིར་འགྱུར་ལགས། ཉེས་བྱས་སོ། ་་་་་་་་་་་ ། སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་གླེན་པ་དང ། །གཉིད་ལོག་ར་རོ་རབ་མྱོས་དང ། །སྙོམས་ཞུགས་སྤྲུལ་དང་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་འདོན་པ་འདོན་པ་ན་ཡང་འདི་སྐད་ཅེས་ཚེ་དང་ལྡན་པ་དག་གང་དག་གིས་དགེ་སློང་རྣམས་འགྱོད་པ་དང ། མི་དགའ་བ་དང ། གནོད་པ་དང ། རྣམ་པར་འཚེ་བ་དང་ཡིད་ལ་གཅགས་པར་འགྱུར་བ་བསླབ་པའི་གཞི་ཕྲན་ཚེགས་རབ་ཏུ་ཕྲ་བ་འདི་དག་གིས་ཟླ་བ་ཕྱེད་ཕྱེད་ཅིང་སོ་སོར་ཐར་པའི་མདོ་མདོན་པ་མདོན་པ་དག་གིས་ཅི་བྱ་ཞེས་དེ་སྐད་ཟེར་ཞིང་བསླབ་པ་ཁྱད་དུ་གསོད་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་ཕོ་ཉ་ལས་བསླབ་པ་ཁྱད་དུ་གསོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང ། ལག་བརྡ་དང ། གཞན་ལ་སྙད་འདོགས་པ་དང ། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་སྨྱོན་པ་ལ་བསླབ་པ་ཁྱད
12.80b
དུ་གསོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་དང ། གཉིད་ཀྱིས་ལོག་པ་དང ། ཕྱག་ལས་ཁོམ་པ་དང ། རབ་ཏུ་མྱོས་པ་དང ། སྙོམས་པར་ཞུགས་པ་དང ། འགྲོ་བ་གཞན་དུ་གནས་པའི་དྲུང་དུ་བསླབ་པ་ཁྱད་དུ་གསོད་པར་བགྱིད་ན་ཅིར་འགྱུར་ལགས། ཉེས་བྱས་སོ། ་་་་་་་་་་་་།སྡོམ་ལ། སྐད་དང་ལུས་དང་དབེན་པ་ཉིད། །དེ་བཞིན་དུ་ནི་མཚན་ཉིད་དང ། །ཁྱིམ་པ་དག་ལ་སོགས་པ་དང ། །དགེ་སློང་མ་དང་བསླབ་པ་བྱིན། །བཙུན་པ་རེ་ཤིག་དབུས་ཀྱི་དགེ་སློང་གིས་མཐའ་འཁོབ་པའི་སྐད་དུ་དབུས་པའི་དགེ་སློང་ལ་བསླབ་པ་ཁྱད་དུ་གསོད་པར་བགྱིད་ལ་དགེ་སློང་དབུས་ཀྱི་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་དགེ་སློང་མཐའ་འཁོབ་བ་ལ་བསླབ་པ་ཁྱད་དུ་འགུམས་པར་བགྱིད་ལ་དགེ་སློང་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་དབུས་པ་ལ་བསླབ་པ་ཁྱད་དུ་འགུམས་པར་བགྱིད་ལ་དགེ་སློང་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་དགེ་སློང་མཐའ་འཁོབ་པ་ལ་བསླབ་པ་ཁྱད་དུ་འགུམས་པར་བགྱིད་ལ་དགེ་སློང་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ལུས་ཀྱི་རྣམ་པར་རིག་བྱེད་ཀྱིས་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་དབེན་པ་ལ་དབེན་པར་འདུ་ཤེས་པས་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ཉེས་བྱས་སོ། །དབེན་པ་ལ་མི་དབེན་པར་འདུ་ཤེས་པས་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་དབེན་པར་འདུ་ཤེས་པས་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་མི་དབེན་པར་འདུ་ཤེས་པས་བསླབ་པ་ཁྱད་དུ
12.81a
འགུམས་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་བསླབ་པ་ཁྱད་དུ་འགུམས་པར་བགྱིད་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མ་བསླབ་པ་ཁྱད་དུ་འགུམས་པ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཁྱིམ་པའི་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་ཁས་བླངས་པ་དང ། ཟ་མ་དང ། མ་ནིང་དང ། དགེ་སློང་མ་སུན་ཕྱུང་བ་དང ། མ་འགུམས་པ་དང ། ཕ་འགུམས་པ་དང ། དགྲ་བཅོམ་པ་འགུམས་པ་དང ། མུ་སྟེགས་ཅན་དང ། མུ་སྟེགས་ཅན་ཞུགས་པ་དང ། རྐུ་ཐབས་སུ་གནས་པ་དང ། སྔར་ལྟུང་བ་བྱུང་བ་དང ། དང་པོ་མི་མཐུན་པ་ཅན་གྱི་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་དགེ་འདུན་གྱི་དབྱེན་བགྱིད་པ་དང ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང ། ཐ་དད་དུ་གནས་པ་དང ། བསླབ་པ་སྩལ་པའི་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་གིས་སྤྲུལ་པའི་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་མ་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མའི་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ཉེས་བྱས་སོ། །དགེ་སློང་མས་དགེ་སློང་མའི་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློང་མས་དགེ་སློང་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མའི་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་བསླབ་པ་སྩལ་པས་བསླབ་པ་ཁྱད་དུ་འགུམས་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ། ་་་་་་་་་་་་་་ ། སྡོམ་ལ། རྫུ་འཕྲུལ་ལུས་དང་དབེན་པ་སྐད། །རྡོ་རྩིགས་རྩ་བ་ལྡམ་སྔོ་དང ། །མེ་ཏོག་ཉ་ལྕིབས་གནས་དང་ཚང ། །
12.81b
ཤ་མོ་མེ་ཏོག་ལོ་མ་དང ། །འབྲས་བུ་ཤུན་པ་གཉིས་པ་དང ། །མཚན་དང་བཞི་ཚན་ལེགས་པ་དང ། །ཚིག་གུ་བདུན་ཚན་འབྲས་བུའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ས་བོན་གྱི་ཚོགས་དང་འབྱུང་པོའི་གནས་འཇིག་གམ་འཇིག་ཏུ་འཇུག་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་རྫུ་འཕྲུལ་གྱིས་ཤིང་བཀུམ་པར་མོས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་ལུས་ཀྱི་རྣམ་པར་རིག་བྱེད་ཀྱིས་ཤིང་འགུམས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དབེན་པ་ལ་དབེན་པར་འདུ་ཤེས་པས་ཤིང་འགུམས་ཤིག་ཅེས་བགྱིད་ན་ཅིར་འགྱུར་ལགས། ཉེས་བྱས་ཁོ་ན་སྟེ། བཞི་ཚན་རྒྱ་ཆེར་བརྗོད་པར་བྱའོ། །བཙུན་པ་རེ་ཤིག་དབུས་ཀྱི་དགེ་སློང་གིས་མཐའ་འཁོབ་པའི་སྐད་དུ་དབུས་པ་ལ་ཤིང་འགུམས་སུ་སྩལ་ལ་དབུས་པས་ཀྱང་མཐའ་འཁོབ་པའི་སྐད་དེ་མ་མཚལ་ན་ཅིར་འགྱུར་ལགས། ཉེས་བྱས་ཏེ། དེ་བཞིན་དུ་བཞི་ཚན་རྒྱ་ཆེར་བརྗོད་པར་བྱའོ། །བཙུན་པ་རེ་ཤིག་དགེ་སློང་གིས་རྡོའི་དྲག་པ་བཀོགས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ས་བོན་རྩ་བ་མ་ཟུག་པ་ཕྱུང་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ལྡམ་སྔོ་བ་དང ། ལྡམ་སྐྱེ་བ་བཀོགས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་འདམ་རྫབ་ནས་ཉ་ལྕིབས་ཕྱུང་སྟེ་ཐང་ལ་བོར་ན་ཅིར་འགྱུར་ལགས། ལྟུང་བྱེད་དོ། །ཆུ་རྩ་ཡང་དེ་དང་འདྲའོ། །བཙུན་པ་སྲོག་ཆགས་རྣམས་ཀྱི་གནས་འབྱིན་ཏམ། སྲེག་གམ་མ་རུང་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་བྱ་རྣམས་ཀྱི་ཚང་འཇིག་གམ། འབྱིན་ཏམ། མ་རུང་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཕ་བ་ལྒོ་ལྒོ་འམ། ཤ་མོ་འབྱིན་པར་བགྱིད་ན་ཅིར་འགྱུར་ལགས། ཉེས་བྱས
12.82a
སོ། །བཙུན་པ་རེ་ཤིག་དགེ་སློང་གིས་ཤིང་ལས་ཤུན་པ་རྙིང་པ་འཆུ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་མེ་ཏོག་དང་འབྲས་བུ་དང ། ལོ་མ་རྙིས་པ་བླགས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཤིང་འགུམས་པར་བགྱིད་པ་ལས་མཚན་གྱུར་ཏེ། དགེ་སློང་མར་རེད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་མ་ཤིང་འགུམས་པར་བགྱིད་པ་ལས་མཚན་གྱུར་ཏེ། དགེ་སློང་དུ་རེད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་གིས་ས་བོན་ལ་ས་བོན་དུ་འདུ་ཤེས་པས་མ་རུང་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །ས་བོན་ལ་ས་བོན་མ་ལགས་པར་འདུ་ཤེས་པས་མ་རུང་བར་བགྱིད་ན་ཅིར་འགྱུར་ལགས། ལྟུང་བ་མེད་དོ། །ས་བོན་མ་ལགས་པ་ལ་ས་བོན་དུ་འདུ་ཤེས་པས་མ་རུང་བར་བགྱིད་ན་ཅིར་འགྱུར་ལགས། ཉེས་བྱས་སོ། །ས་བོན་མ་ལགས་པ་ལ་ས་བོན་མ་ལགས་པར་འདུ་ཤེས་པས་མ་རུང་བར་བགྱིད་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་བསྙེན་པར་མ་རྫོགས་པར་རན་དགུམ་པར་སྦྱོར་བ་བགྱིས་ལ་བསྙེན་པར་མ་རྫོགས་པར་བཀུམ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ཀར་བཀུམ་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་མ་རྫོགས་ནས་བཀུམ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ཀར་བཀུམ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ནས་བཀུམ་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་རྫོགས་ནས་བཀུམ་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་མ་རྫོགས་པར་བཀུམ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་འདི་སྐད་ཅེས་གལ་ཏེ་ཤིང་འདི་བཅད་ན
12.82b
ལེགས་ཏེ་མ་ཉེས་སོ་ཞེས་བགྱིས་པ་ལས་དེས་ཀྱང་བཀུམ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཚིག་གུ་མ་བཅོམ་པར་རིལ་མྱིད་བགྱིད་ན་ཅིར་འགྱུར་ལགས་ཉེས་བྱས་སོ། །བཙུན་པ་རེ་ཤིག་དགེ་སློང་གིས་རུང་བར་མ་བགྱིས་པའི་འབྲས་བུ་དག་ཡོངས་སུ་ལོངས་སྤྱད་ཀྱང་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། ས་བོན་དུ་མ་རེད་པ་དག་ལ་ས་བོན་གྱི་ཆོས་མ་ཡིན་ནོ་སྙམ་ནས་ཡོངས་སུ་ལོངས་སྤྱད་ནའོ། །བཙུན་པ་དགེ་སློང་གིས་ས་བོན་གྱི་རིགས་ལྔ་མེས་རུང་བར་བགྱིས་ཏེ་འཚལ་ཀྱང་ལྟུང་བར་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་ས་བོན་གྱི་རིགས་ལྔ་རུང་བར་བྱས་ལ་ས་ལ་འདུག་གམ། སྣོད་ན་འདུག་གམ། གདང་ལ་འདུག་ཀྱང་རུང་སྟེ། མྱུ་གུ་སྐྱེས་པར་གྱུར་ནའོ། ་་་་་་་་་་་།སྡོམ་ལ། ཕོ་ཉ་ཡི་གེ་ལག་བརྡའ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་འགྲོ་བ་དང ། །ཁྱིམ་པ་དག་ལ་སོགས་པ་དང ། །བསླབ་པ་བྱིན་དང་དགེ་སློང་མ། །བཙུན་པ་རེ་ཤིག་དགེ་སློང་གིས་ཕོ་ཉ་ལས་ཤིང་འགུམས་སུ་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང ། ལག་བརྡའ་དང ། གཞན་ལ་སྙད་འདོགས་པ་དང ། བརྒྱུད་པས་འགུམས་སུ་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་སྨྱོན་པ་ལ་ཤིང་འགུམས་སུ་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་དང ། འགྲོ་བ་གཞན་དུ་གནས་པ་ལ་ཤིང་འགུམས་སུ་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་མངོན་སུམ་དུ་ཁྱིམ་པ་ཤིང་འགུམས་སུ་སྩོལ་ན་ཅིར་འགྱུར་ལགས། ལྟུང་བྱེད་དོ། །དེ་བཞིན་དུ་ཟ་མ་དང ། མ་ནིང་དང ། དགེ་སློང་མ་སུན་ཕྱུང་བ་དང ། མ་བཀུམ་པ་དང ། ཕ་བཀུམ་པ་དང ། དགྲ་བཅོམ་པ་བཀུམ་པ་དང ། དགེ་འདུན་གྱི་དབྱེན་བགྱིད་པ་དང ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང ། མུ་སྟེགས་ཅན་དང ། མུ
12.83a
སྟེགས་ཅན་ཞུགས་པ་དང ། རྐུ་ཐབས་སུ་གནས་པ་དང ། ཐ་དད་དུ་གནས་པ་དང ། གནས་པར་མི་བགྱིད་པ་དང ། སྔར་ལྟུང་བ་བྱུང་བ་དང ། དང་པོ་མི་མཐུན་པ་ཅན་དང ། ཁས་བླངས་པ་དང ། བསླབ་པ་སྩལ་བ་མངོན་སུམ་དུ་ཤིང་ཀུམས་སུ་སྩལ་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་བསླབ་པ་སྩལ་བ་རན་སྔོན་པོ་བཀུམས་སམ། བཀུམས་སུ་སྩོལ་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་མས་རན་སྔོན་པོ་ཀུམས་སམ་ཀུམས་སུ་སྩོལ་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློབ་མས་རན་སྔོན་པོ་འགུམས་སམ་འགུམས་སུ་སྩོལ་ན་ཅིར་འགྱུར་ལགས། ཉེས་བྱས་སོ། །སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་ཏེ་སྔ་མ་བཞིན་ནོ། །དགེ་ཚུལ་དང ། དགེ་ཚུལ་མ་ལ་ནི་ལྟུང་བ་མེད་དོ། ་་་་་་་་་་་་ ། སྡོམ་ལ། སྐད་དང་ལུས་དང་དབེན་པ་ཉིད། །མཚན་དག་དང་ནི་བཞི་ཚན་དང ། །ཁྱིམ་པ་དག་ལ་སོགས་པ་དང ། །བསྐོས་པ་དང་ནི་མ་བསྐོས་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་འཕྱ་འམ་གཞོག་འཕྱས་བྱེད་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཤིག་དབུས་ཀྱི་དགེ་སློང་གྲངས་སུ་སྩལ་བས་མཐའ་འཁོབ་པའི་སྐད་དུ་དགེ་སློང་དབུས་པ་ལ་འཕྱ་འམ་གཞོག་འཕྱས་བགྱིད་ལ་དགེ་སློང་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་དགེ་སློང་མཐའ་འཁོབ་པ་ལ་འཕྱ་འམ་གཞོག་འཕྱས་བགྱིད་ལ་དགེ་སློང་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་དབུས་པ་ལ་འཕྱ་འམ་གཞོག་འཕྱས་བགྱིད་ལ་དགེ་སློང་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་དགེ་སློང་མཐའ་འཁོབ་པ་ལ་འཕྱ་འམ་གཞོག་འཕྱས་བགྱིད་ལ་དགེ་སློང་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར
12.83b
འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གྲངས་སུ་སྩལ་པས་ལུས་ཀྱི་རྣམ་པར་རིག་བྱེད་ཀྱིས་འཕྱ་འམ་གཞོག་འཕྱས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གྲངས་སུ་སྩལ་པ་དབེན་པ་ལ་མི་དབེན་པར་འདུ་ཤེས་པས་འཕྱ་འམ་གཞོག་འཕྱས་བགྱིད་ན་ཅིར་འགྱུར་ལགས། ཉེས་བྱས་སོ། །དབེན་པ་ལ་དབེན་པར་འདུ་ཤེས་པས་འཕྱ་འམ་གཞོག་འཕྱས་བགྱིད་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་དབེན་པར་འདུ་ཤེས་པས་འཕྱ་འམ་གཞོག་འཕྱས་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་གྲངས་སུ་སྩལ་པ་འཕྱ་འམ་གཞོག་འཕྱས་བགྱིད་པ་ལས་མཚན་གྱུར་ཏེ། དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མ་གྲངས་སུ་སྩལ་པ་འཕྱ་འམ་གཞོག་འཕྱས་བགྱིད་པ་ལས་མཚན་གྱུར་ཏེ། དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གྲངས་སུ་སྩལ་བས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་པས་འཕྱ་འམ་གཞོག་འཕྱས་བགྱིད་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གྲངས་སུ་སྩལ་བས་ཁྱིམ་པ་ལ་འཕྱ་འམ་གཞོག་འཕྱས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གྲངས་སུ་སྩལ་པས་དགེ་སློང་ཁས་བླངས་པ་དང ། ཟ་མ་དང ། མ་ནིང་དང ། དགེ་སློང་མ་སུན་ཕྱུང་བ་དང ། མ་འགུམས་པ་དང ། ཕ་འགུམས་པ་དང ། དགྲ་བཅོམ་པ་འགུམས་པ་དང ། མུ་སྟེགས་ཅན་དང ། མུ་སྟེགས་ཅན་ཞུགས་པ་དང ། རྐུ་ཐབས་སུ་གནས་པ་དང ། སྔར་ལྟུང་བ་བྱུང་བ་དང ། དང་པོ་མི་མཐུན་པ་ཅན་ལ་འཕྱ་འམ་གཞོག་འཕྱས་བགྱིད་ན
12.84a
ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གྲངས་སུ་སྩལ་བས་དགེ་སློང་དགེ་འདུན་གྱི་དབྱེན་བགྱིད་པ་དང ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང ། ཐ་དད་དུ་གནས་པ་དང ། བསླབ་པ་སྩལ་པ་ལ་འཕྱ་འམ་གཞོག་འཕྱས་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་གྲངས་སུ་སྩལ་པས་དགེ་འདུན་གྱི་སྐོ་བཤམ་བགྱིད་པ་བསྐོས་པ་དང ། མ་བསྐོས་པ་མ་གཏོགས་པ་ལས་གཞན་པ་དག་ལ་འཕྱ་འམ་གཞོག་འཕྱས་བགྱིད་ན་ཅིར་འགྱུར་ལགས། ཉེས་བྱས་སོ། ་་་་་་་་་་་།སྡོམ་ལ། ཕོ་ཉ་ཡི་གེ་ལག་བརྡའ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་གླེན་པ་དང ། །གཉིད་ལོག་ར་རོ་རབ་མྱོས་དང ། །སྙོམས་ཞུགས་འགྲོ་བ་ཐ་མའོ།། ་་་་་་་་་་་་་་་།།འདུལ་བ་གཞུང་བླ་མ། བམ་པོ་བཅུ་གཅིག་པ་བཙུན་པ་རེ་ཤིག་དགེ་སློང་གྲངས་སུ་སྩལ་བས་ཕོ་ཉ་ལས་འཕྱ་འམ་གཞོག་འཕྱས་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང ། ལག་བརྡའ་དང ། གཞན་ལ་སྙད་འདོགས་པ་དང ། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གྲངས་སུ་སྩལ་བས་དགེ་སློང་སྨྱོན་པ་ལ་འཕྱ་འམ་གཞོག་འཕྱས་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་དང ། གཉིད་ཀྱིས་ལོག་པ་དང ། ཕྱག་ལས་ཁོམ་པ་དང ། རབ་ཏུ་མྱོས་པ་དང ། སྙོམས་པར་ཞུགས་པ་དང ། འགྲོ་བ་གཞན་དུ་གནས་པའི་དགེ་སློང་ལ་འཕྱ་འམ་གཞོག་འཕྱས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་མ་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་འཕྱ་འམ་གཞོག་འཕྱས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང
12.84b
མ་གྲངས་སུ་སྩལ་བས་དགེ་སློང་མ་ལ་འཕྱ་འམ་གཞོག་འཕྱས་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློང་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་འཕྱ་འམ་གཞོག་འཕྱས་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་བསླབ་པ་སྩལ་པ་གྲངས་སུ་སྩལ་བ་འཕྱ་འམ་གཞོག་འཕྱས་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པ་འཕྱ་འམ་གཞོག་འཕྱས་བགྱིད་ན་ཅིར་འགྱུར་ལགས། ཉེས་བྱས་སོ། ་་་་་་་་་་་ ། སྡོམ་ལ། ལྟུང་དང་དེ་བཞིན་ལུས་དང་ནི། །སྐད་དང་མི་སྨྲ་མཚན་དང་ནི། །ཁྱིམ་པ་དག་ལ་སོགས་པ་དང ། །བཞི་ཚན་པོ་ནི་ཐ་མ་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་བསྒོ་བ་རྣ་ལ་གཟོན་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་ནོངས་པ་མ་གཏོགས་པ་དེ་ལས་གཞན་པའི་རྒྱུ་དག་གིས་གླེང་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་གིས་ལུས་ཀྱི་རྣམ་པར་རིག་བྱེད་ཀྱིས་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དབུས་ཀྱི་དགེ་སློང་གིས་མཐའ་འཁོབ་པའི་སྐད་དུ་དབུས་ཀྱི་དགེ་སློང་ལ་བསྒོ་བ་རྣ་ལ་གཟོན་པར་བགྱིད་ལ་དགེ་སློང་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་ཀྱང་དབུས་པའི་སྐད་དུ་དགེ་སློང་མཐའ་འཁོབ་པ་ལ་བསྒོ་བ་རྣ་ལ་གཟོན་པར་བགྱིད་ལ་དགེ་སློང་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དགེ་སློང་དབུས་པ་ལ་བསྒོ་བ་རྣ་ལ་གཟོན་པར་བགྱིད་ལ་དགེ་སློང་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་དགེ་སློང་མཐའ
12.85a
འཁོབ་པ་ལ་བསྒོ་བ་རྣ་ལ་གཟོན་པར་བགྱིད་ལ་དགེ་སློང་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་མི་སྨྲ་པས་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་གི་བསྒོ་བ་རྣ་ལ་གཟོན་པར་བགྱིད་པ་ན་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མས་དགེ་སློང་མའི་བསྒོ་བ་རྣ་ལ་གཟོན་པར་བགྱིད་པ་ལས་མཚན་གྱུར་ཏེ། དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཁྱིམ་པའི་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་ཁས་བླངས་པ་དང ། ཟ་མ་དང ། མ་ནིང་དང ། དགེ་སློང་མ་སུན་ཕྱུང་བ་དང ། མ་འགུམས་པ་དང ། ཕ་འགུམས་པ་དང ། དགྲ་བཅོམ་པ་འགུམས་པ་དང ། མུ་སྟེགས་ཅན་དང ། མུ་སྟེགས་ཅན་ཞུགས་པ་དང ། རྐུ་ཐབས་སུ་གནས་པ་དང ། དང་པོ་མི་མཐུན་པ་ཅན་དང ། སྔར་ལྟུང་བ་བྱུང་བའི་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་དགེ་འདུན་གྱི་དབྱེན་བགྱིད་པ་དང ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང ། ཐ་དད་དུ་གནས་པ་དང ། བསླབ་པ་སྩལ་བའི་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་པས་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས་པས་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་པས་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་པས་བསྒོ་བ་རྣ་ལ་གཟོན་པར་བགྱིད་ན
12.85b
ཅིར་འགྱུར་ལགས། ཉེས་བྱས་སོ། ་་་་་་་་་་་་་་་།སྡོམ་ལ། ཕོ་ཉ་ཡི་གེ་ལག་བརྡའ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་འགྲོ་བའོ། །བཙུན་པ་རེ་ཤིག་དགེ་སློང་གིས་ཕོ་ཉ་ལས་དགེ་སློང་གི་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང ། ལག་བརྡའ་དང ། བརྒྱུད་པས་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་སྨྱོན་པའི་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་དང ། འགྲོ་བ་གཞན་དུ་གནས་པའི་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་མ་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མའི་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མས་དགེ་སློང་མའི་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མའི་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་བསླབ་པ་སྩལ་བས་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པའི་བསྒོ་བ་རྣ་ལ་གཟོན་པར་བགྱིད་ན་ཅིར་འགྱུར་ལགས། ཉེས་བྱས་སོ། ་་་་་་་་་།སྡོམ་ལ། མི་རུང་བ་དང་གང་ཟག་དང ། །མ་ཆོག་པ་དང་ལྷག་པ་ཉིད། །མཚན་དང་བཞི་ཚན་ཁོ་ན་དང ། །ལུས་དང་སྐད་དང་དེ་བཞིན་དབེན། །ཁྱིམ་པ་དག་ལ་སོགས་པ་དང ། །བར་ཆད་འགྱུར་བ་ཐ་མ་ཡིན། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་གྱི་ཁྲི་འམ་ཁྲིའུ་འམ། སྟན་ནང་ཚངས་ཅན་ནམ། ལ་བ་འམ། སྔས་སམ། གོར་བུ་བླ་གབ་མེད་པར་བཏིང་ངམ།
12.86a
འདིང་དུ་བཅུག་ནས་མ་སྦས་སམ། སྡུད་དུ་མ་བཅུག་གམ། དགེ་སློང་འཁོད་པ་ལ་མ་བཅོལ་བར་དེ་ནས་སོང་ན་དེ་འདྲ་བའི་རྐྱེན་མ་གཏོགས་ཏེ་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་དགེ་སློང་གིས་དགེ་འདུན་གྱི་གནས་མལ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ། མ་བཅོལ་བར་དེ་ནས་མཆིས་ཀྱང་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་གནས་མལ་དེའི་སྤུན་རུང་བར་གྱུར་ལ་རྒྱུ་མི་རུང་བ་དང ། སྤུན་མི་རུང་བ་ལ་རྒྱུ་རུང་བ་དང ། གཉི་ག་མི་རུང་བར་གྱུར་པ་སྟེ། མི་རུང་བ་རྔ་བལ་དང ། བ་ལང་གི་སྤུ་དང ། རི་དགས་ཀྱི་བལ་དང་འདྲེས་པ་དང ། མ་བཏགས་པ་དེ་ལྟ་བུའི་གནས་མལ་བཏིང་ངམ། འདིང་དུ་བཅུག་ནས་མ་སྦས་སམ། སྡུད་དུ་མ་བཅུག་གམ། མ་བཅོལ་བར་དེ་ནས་སོང་ན་ཉེས་བྱས་སུ་འགྱུར་རོ། །བཙུན་པ་རེ་ཤིག་དགེ་སློང་གིས་གང་ཟག་གི་གནས་མལ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ། མ་བཅོལ་བར་དེ་ནས་མཆིས་ན་ཅིར་འགྱུར་ལགས། ཉེས་བྱས་སོ། །བཙུན་པ་དགེ་སློང་གིས་དགེ་འདུན་གྱི་ཁྲི་འམ། ཁྲིའུ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ། མ་བཅོལ་བར་དེ་ནས་མཆིས་ཀྱང་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། བདེ་བར་གཤེགས་པའི་སོར་བརྒྱད་དུ་མཆོག་གམ་ལྷག་ནའོ། །བཙུན་པ་རེ་ཤིག་དགེ་སློང་གིས་དགེ་འདུན་གྱི་གནས་མལ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ། དགེ་སློང་འཁོད་པ་ལ་མ་བཅོལ་བར་དེ་ནས་མཆིས་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་མས་དགེ་འདུན་གྱི་གནས་མལ་བཏིང་ངམ་འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ། མ་བཅོལ་བར་མཆིས་པ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་གིས་དགེ་འདུན་གྱི་གནས་མལ་བཏིང་ངམ།
12.86b
འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ། དགེ་སློང་འཁོད་པ་ལ་མ་བཅོལ་བར་མཚམས་ཀྱི་སླད་རོལ་ལ་མཚམས་ཀྱི་སླད་རོལ་དུ་འདུ་ཤེས་པས་མཆིས་ན་ཅིར་འགྱུར་ལགས། ལྟུང་བྱེད་དོ། །མཚམས་ཀྱི་སླད་རོལ་ལ་མཚམས་ཀྱི་ནང་དུ་ཤེས་པས་མཆིས་ན་ཅིར་འགྱུར་ལགས། ཉེས་བྱས་སོ། །མཚམས་ཀྱི་ནང་ལ་མཚམས་ཀྱི་སླད་རོལ་དུ་འདུ་ཤེས་པས་མཆིས་ན་ཅིར་འགྱུར་ལགས། ཉེས་བྱས་སོ། །མཚམས་ཀྱི་ནང་ལ་མཚམས་ཀྱི་ནང་དུ་འདུ་ཤེས་པས་མཆིས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་འདུན་གྱི་གནས་མལ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་བར་ལུས་ཀྱི་རྣམ་པར་རིག་བྱེད་ཀྱིས་དགེ་སློང་འཁོད་པ་ལ་བཅོལ་ནས་མཆིས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དབུས་པའི་དགེ་སློང་གིས་མཐའ་འཁོབ་པའི་སྐད་དུ་དབུས་ཀྱི་དགེ་སློང་ལ་དགེ་འདུན་གྱི་གནས་མལ་བཅོལ་ཏེ་མཆིས་ལ། དབུས་ཀྱི་དགེ་སློང་གིས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་དབུས་པའི་སྐད་དུ་དགེ་སློང་མ་མཐའ་འཁོབ་པ་ལ་དགེ་འདུན་གྱི་གནས་མལ་བཅོལ་ཏེ་མཆིས་ལ་དགེ་སློང་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །མཐའ་འཁོབ་པས་མཐའ་འཁོབ་པའི་སྐད་དུ་དབུས་པའི་དགེ་སློང་ལ་དགེ་འདུན་གྱི་གནས་མལ་བཅོལ་ཏེ་མཆིས་ལ། དགེ་སློང་དབུས་པས་ཀྱང་མཐའ་འཁོབ་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །དབུས་པས་དབུས་པའི་སྐད་དུ་དགེ་སློང་མཐའ་འཁོབ་པ་ལ་དགེ་འདུན་གྱི་གནས་མལ་བཅོལ་ཏེ་མཆིས་ལ། དགེ་སློང་མཐའ་འཁོབ་པས་ཀྱང་དབུས་པའི་སྐད་དེ་མ་འཚལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་འདུན་གྱི་གནས་མལ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་བར་དབེན་པ་ལ་དབེན་པར་འདུ་ཤེས་པས་བཅོལ་ཏེ་མཆིས་ན་ཅིར་འགྱུར་ལགས།
12.87a
ལྟུང་བྱེད་དོ། །དབེན་པ་ལ་མི་དབེན་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །མི་དབེན་པ་ལ་དབེན་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །མི་དབེན་པ་ལ་མི་དབེན་པར་འདུ་ཤེས་པས་མཆིས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་རེ་ཤིག་དགེ་སློང་གིས་དགེ་འདུན་གྱི་གནས་མལ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ་ཁྱིམ་པ་ལ་མ་བཅོལ་བར་མཆིས་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་ཁས་བླངས་པ་དང ། ཟ་མ་དང ། མ་ནིང་དང ། དགེ་སློང་མ་སུན་ཕྱུང་བ་དང ། མ་འགུམས་པ་དང ། ཕ་འགུམས་པ་དང ། དགྲ་བཅོམ་པ་འགུམས་པ་དང ། མུ་སྟེགས་ཅན་དང ། མུ་སྟེགས་ཅན་ཞུགས་པ་དང ། རྐུ་ཐབས་སུ་གནས་པ་དང ། གནས་པར་མི་བགྱི་བ་དང ། སྔར་ལྟུང་བ་བྱུང་བ་དང ། དང་པོ་མི་མཐུན་པ་ཅན་ལ་མ་བཅོལ་བར་མཆིས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་འདུན་གྱི་དབྱེན་བགྱིད་པ་དང ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང ། ཐ་དད་དུ་གནས་པ་དང ། བསླབ་པ་སྩལ་པ་ལ་མ་བཅོལ་བར་མཆིས་ན་ཅིར་འགྱུར་ལགས། ལྟུང་བྱེད་དོ། །བཙུན་པ་དགེ་སློང་གིས་དགེ་འདུན་གྱི་གནས་མལ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ། དགེ་སློང་འཁོད་པ་ལ་མ་བཅོལ་བར་ཉེ་འཁོར་འདོར་བར་བགྱིད་ཀྱང་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་དགེ་སློང་གིས་གནས་མལ་དེ་ཡལ་བར་མ་དོར་བར་སོང་བ་འམ། གཙུག་ལག་ཁང་དེར་བར་ཆད་བརྒྱད་ལས་གང་ཡང་རུང་བའི་བར་ཆད་གཅིག་བྱུང་བར་གྱུར་ནའོ། ་་་་་་་་་་་་་།སྡོམ་ལ། སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་གླེན་པ་དང ། །གཉིད་ལོག་ར་རོ་རབ་མྱོས་དང ། །སྙོམས་ཞུགས་འགྲོ་བ་ཐ་མའོ། །བཙུན་པ་རེ་ཤིག་དགེ་སློང་གིས་དགེ་འདུན་གྱི་གནས་མལ་བཏིང་ངམ་འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ། དགེ་སློང་སྨྱོན་པ་ལ་མ་བཅོལ་བར་མཆིས་ན་ཅིར
12.87b
འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་སེམས་འཁྲུགས་པ་དང ། ཚོར་བས་ཉམས་ཐག་པ་དང ། གླེན་པ་དང ། འོན་པ་དང ། གཉིད་ཀྱིས་ལོག་པ་དང ། ཕྱག་ལས་ཁོམ་པ་དང ། རབ་ཏུ་མྱོས་པ་དང ། སྙོམས་པར་ཞུགས་པ་དང ། འགྲོ་བ་གཞན་དུ་གནས་པ་ལ་མ་བཅོལ་བར་མཆིས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་མ་ལ་བཅོལ་ཏེ་མཆིས་ན་ཅིར་འགྱུར་ལགས། ཉེས་བྱས་སོ། །དགེ་སློབ་མ་དང ། དགེ་ཚུལ་མ་ལ་བཅོལ་ཏེ་མཆིས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མས་དགེ་འདུན་གྱི་གནས་མལ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ། དགེ་སློང་མ་འཁོད་པ་ལ་མ་བཅོལ་བར་མཆིས་ན་ཅིར་འགྱུར་ལགས། ལྟུང་བྱེད་དོ། །བཙུན་པ་དགེ་སློང་གིས་དགེ་སློང་དང ། དགེ་སློབ་མ་དང ། དགེ་ཚུལ་མ་ལ་མ་བཅོལ་བར་མཆིས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་བསླབ་པ་སྩལ་བས་དགེ་འདུན་གྱི་གནས་མལ་བཏིང་ངམ། འདིང་དུ་སྩལ་ནས་མ་སྦས་སམ། སྡུད་དུ་མ་སྩལ་ཏམ། དགེ་སློང་འཁོད་པ་ལ་མ་བཅོལ་བར་མཆིས་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་གྱི་གཙུག་ལག་ཁང་དུ་རྩཝའི་གདིང་བ་བཏིང་ངམ། ལོ་མའི་གདིང་བ་བཏིང་ངམ། འདིང་དུ་བཅུག་ནས་མ་སྦས་སམ་སྡུད་དུ་མ་བཅུག་གམ། དགེ་སློང་འཁོད་པ་ལ་མ་བཅོལ་བར་དེ་སོང་ན་དེ་འདྲ་བའི་རྐྱེན་མ་གཏོགས་ཏེ་ལྟུང་བྱེད་དོ་ཞེས་གསུངས་པ་གང་ལགས་པ་ཞེས་བྱ་བ་སྟེ། གཞུང་ལྷག་མ་ནི་མི་རུང་བ་དང ། བདེ་བར་གཤེགས་པའི་སོར་བརྒྱད་དུ་མི་ཆོག་པ་འམ། ལྷག་པ་མ་གཏོགས་པ་གནས་མལ་ཇི་ལྟ་བ་དེ་བཞིན་དུ་གདིང་བ་ལ་རྒྱས་པར་བརྗོད་པར་བྱའོ། ་་་་་་་་་་་་་།སྡོམ་ལ། ཕོ་ཉ་ཡི་གེ་ལག་བརྡ
12.88a
དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་གླེན་པ་དང ། །གཉིད་ལོག་ར་རོ་རབ་མྱོས་དང ། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་ཁྲོས་འཁྲུགས་རྔམ་པར་གྱུར་ཏེ། ཡིད་མ་རངས་ནས་དགེ་འདུན་གྱི་གཙུག་ལག་ཁང་ནས་སྐྲོད་དམ་སྐྲོད་དུ་འཇུག་ན་དེ་འདྲ་བའི་རྐྱེན་མ་གཏོགས་ཏེ་ལྟུང་བྱེད་དོ། །ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་ཁྲོས་ཏེ་ཕོ་ཉ་ལས་དགེ་སློང་སྐྲོད་པར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང ། ལག་བརྡའ་དང ། གཞན་ལ་སྙད་འདོགས་པ་དང ། བརྒྱུད་པས་སྐྲོད་དམ་སྐྲོད་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་ཁྲོས་ནས་དགེ་སློང་སྨྱོན་པ་སྐྲོད་དམ། སྐྲོད་དུ་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་དང་གཉིད་ཀྱིས་ལོག་པ་དང ། ཕྱག་ལས་ཁོམ་པ་དང ། རབ་ཏུ་མྱོས་པ་དང ། སྙོམས་པར་ཞུགས་པ་དང ། འགྲོ་བ་གཞན་དུ་གནས་པ་ལ་སྐྲོད་དམ། སྐྲོད་དུ་སྩལ་བར་བགྱིད་ན་ཅིར་འགྱུར་ལགས། ཉེས་བྱས་སོ། ་་་་་་་་་་ ། སྡོམ་ལ། མཚན་དང་བཞི་ཚན་ཉིད་དང་ནི། །དེ་བཞིན་བདུན་ཚན་ཉིད་དང་ནི། །ཁྱིམ་པ་དག་ལ་སོགས་པ་དང ། དགེ་འདུན་གྱི་ནི་ཐ་མ་ཡིན། །བཙུན་པ་རེ་ཤིག་དགེ་སློང་ཁྲོས་ཏེ་དགེ་འདུན་གྱི་གཙུག་ལག་ཁང་ནས་དགེ་སློང་སྐྲོད་དམ། སྐྲོད་དུ་སྩོལ་བར་བགྱིད་པ་ལས་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མ་ཁྲོས་ནས་དབྱར་ཁང་ནས་དགེ་སློང་མ་སྐྲོད་དམ། སྐྲོད་དུ་སྩོལ་བར་བགྱིད་པ་ལས་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཁྲོས་ཏེ་བསྙེན་པར་རྫོགས་པ་ལ་བསྙེན་པར་རྫོགས་པར་འདུ་ཤེས་པས་སྐྲོད་དམ། སྐྲོད་དུ་སྩོལ་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་རྫོགས་པ་ལ་བསྙེན་པར་མ་རྫོགས་པར་འདུ་ཤེས
12.88b
པས་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་རྫོགས་པར་འདུ་ཤེས་པས་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་ལ་བསྙེན་པར་མ་རྫོགས་པར་འདུ་ཤེས་པས་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་བསྙེན་པར་མ་རྫོགས་པ་ཁྲོས་ཏེ་དགེ་སློང་བསྐྲད་པར་སྦྱོར་བ་བགྱིས་ལ་བསྙེན་པར་མ་རྫོགས་པར་བསྐྲད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པས་སྦྱོར་བ་བགྱིས་ལ་བསྙེན་པར་རྫོགས་ཀར་བསྐྲོད་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པར་སྦྱོར་བ་བགྱིས་ལ་བསྙེན་པར་རྫོགས་ནས་བསྐྲད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ཀར་བསྐྲད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ཀར་སྦྱོར་བ་བགྱིས་ལ་བསྙེན་པར་རྫོགས་ནས་བསྐྲད་ན་ཅིར་འགྱུར་ལགས། ཉེས་བྱས་སོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་རྫོགས་ནས་བསྐྲད་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་རྫོགས་ནས་སྦྱོར་བ་བགྱིས་ལ་བསྙེན་པར་མ་རྫོགས་པར་བསྐྲད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་ཁྲོས་ནས་ཁྱིམ་པ་སྐྲོད་དམ། སྐྲོད་དུ་སྩལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་ཁས་བླངས་པ་དང ། ཟ་མ་དང ། མ་ནིང་དང ། དགེ་སློང་མ་སུན་ཕྱུང་བ་དང ། མ་འགུམས་པ་དང ། ཕ་འགུམས་པ་དང ། དགྲ་བཅོམ་པ་འགུམས་པ་དང ། མུ་སྟེགས་ཅན་དང ། མུ་སྟེགས་ཅན་ཞུགས་པ་དང ། རྐུ་ཐབས་སུ་གནས་པ་དང ། སྔར་ལྟུང་བ་བྱུང་བ་དང ། དང་པོ་མི་མཐུན་པ་ཅན་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་ཁྲོས་ནས་དགེ་སློང་དགེ་འདུན་གྱི་དབྱེན་བགྱིད་པ་དང ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང །
12.89a
ཐ་དད་དུ་གནས་པ་དང ། བསླབ་པ་སྩལ་པ་རྣམས་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་ཁྲོས་ནས་དགེ་སློང་ཞིག་མངོན་སུམ་དུ་ཁྱིམ་པས་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །དེ་བཞིན་དུ་ཟ་མ་དང ། མ་ནིང་དང ། དགེ་སློང་མ་སུན་ཕྱུང་བ་དང ། མ་འགུམས་པ་དང ། ཕ་འགུམས་པ་དང ། དགྲ་བཅོམ་པ་འགུམས་པ་དང ། དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང ། མུ་སྟེགས་ཅན་དང ། མུ་སྟེགས་ཅན་ཞུགས་པ་དང ། རྐུ་ཐབས་སུ་གནས་པ་དང ། ཐ་དད་དུ་གནས་པ་དང ། གནས་པར་མི་བགྱི་བ་དང ། དང་པོ་མི་མཐུན་པ་ཅན་དང ། སྔར་ལྟུང་བ་བྱུང་བ་དང ། ཁས་བླངས་པ་དང ། བསླབ་པ་སྩལ་པ་དང ། དགེ་སློང་མ་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མས་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་ཁྲོས་ནས་དགེ་སློང་མ་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མ་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མ་ཞིག་ཁྲོས་ནས་དགེ་སློང་མ་དབྱར་ཁང་ནས་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་མ་ཞིག་ཁྲོས་ནས་དགེ་སློང་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མ་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་བསླབ་པ་སྩལ་བ་ཁྲོས་ནས་དགེ་སློང་སྐྲོད་དམ། སྐྲོད་དུ་སྩོལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ། ་་་་་་་་།སྡོམ་ལ། སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་གླེན་པ་དང ། །གཉིད་ལོག་ར་རོ་རབ་མྱོས་དང ། །སྙོམས་ཞུགས་འགྲོ་བ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར
12.89b
གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་གྱི་གཙུག་ལག་ཁང་ན་དགེ་སློང་དག་སྔ་ན་འཁོད་པ་རྣམས་ལ་ཤེས་བཞིན་དུ་ཕྱིས་འོངས་ནས་སུ་ལ་གནོད་པ་དེ་འགྲོ་བར་གྱུར་པ་དེ་ཉིད་རྐྱེན་དུ་བྱས་ཏེ་ཕྱིས་གནོན་བྱས་ནས་སྟན་ལ་ཉལ་ལམ་འདུག་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་དགེ་སློང་སྨྱོན་པ་ལ་ཕྱིས་གནོད་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་དང ། གཉིད་ཀྱིས་ལོག་པ་དང ། ཕྱག་ལས་ཁོམ་པ་དང ། རབ་ཏུ་མྱོས་པ་དང ། སྙོམས་པར་ཞུགས་པ་དང ། འགྲོ་བ་གཞན་དུ་གནས་པའི་དགེ་སློང་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ། ་་་་་་་་་ ། སྡོམ་ལ། གང་ཟག་དང་ནི་དགེ་འདུན་དང ། །དེ་བཞིན་མཚན་དང་བཞི་ཚན་དང ། ཁྱིམ་པ་དག་ལ་སོགས་པ་དང ། །མི་རུང་བསླབ་བྱིན་དགེ་སློང་མ། །བཙུན་པ་རེ་ཤིག་དགེ་སློང་གིས་གང་ཟག་གི་གཙུག་ལག་ཁང་དུ་དགེ་སློང་དག་སྔ་ན་མཆིས་པར་འཚལ་བཞིན་དུ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་འདུན་གྱི་གཙུག་ལག་ཁང་མ་གཏོགས་པར་དེ་ལས་གཞན་པའི་གནས་དག་ཏུ་སྔ་ན་མཆིས་པའི་དགེ་སློང་རྣམས་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་འདུན་གྱི་གཙུག་ལག་ཁང་དུ་སྔ་ན་མཆིས་པའི་དགེ་སློང་རྣམས་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་པ་ན་མཚན་གྱུར་ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མས་སྔ་ན་མཆིས་པའི་དགེ་སློང་མ་རྣམས་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིས་པ་ན་མཚན་གྱུར་ཏེ
12.90a
དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་བསྙེན་པར་རྫོགས་པ་དག་ལ་བསྙེན་པར་རྫོགས་པར་འདུ་ཤེས་པས་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །བསྙེན་པར་རྫོགས་པ་དག་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་དག་ལ་བསྙེན་པར་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བསྙེན་པར་མ་རྫོགས་པ་དག་ལ་བསྙེན་པར་མ་རྫོགས་པར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཁྱིམ་པ་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་དགེ་སློང་ཁས་བླངས་པ་དང ། ཟ་མ་དང ། མ་ནིང་དང ། སྔར་ལྟུང་བ་བྱུང་བ་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་སློང་དགེ་འདུན་གྱི་དབྱེན་བགྱིད་པ་དང་དེ་བཞིན་གཤེགས་པ་ལ་ངན་སེམས་ཀྱིས་ཁྲག་འབྱིན་པ་དང ། ཐ་དད་དུ་གནས་པ་དང ། བསླབ་པ་སྩལ་བ་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་དགེ་སློང་གིས་དགེ་འདུན་གྱི་གཙུག་ལག་ཁང་དུ་དགེ་སློང་དག་སྔ་ན་མཆིས་པ་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ཀྱང་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ་གནས་མལ་མི་རུང་བར་གྱུར་ན་སྟེ། དགེ་སློང་རྣམས་ཀྱིས་ཡོངས་སུ་སྤྱད་ན་མི་རུང་བ་གང་ཡིན་པའོ། །བཙུན་པ་རེ་ཤིག་དགེ་སློང་གིས་དགེ་སློང་མ་དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མས་དགེ་སློང
12.90b
དང ། དགེ་སློབ་མ་དང ། དགེ་ཚུལ་དང ། དགེ་ཚུལ་མ་ལ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་བསླབ་པ་སྩལ་བས་དགེ་འདུན་གྱི་གཙུག་ལག་ཁང་དུ་དགེ་སློང་དག་སྔ་ན་མཆིས་པར་འཚལ་བཞིན་དུ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་མས་དབྱར་ཁང་དུ་དགེ་སློང་མ་དག་སྔ་ན་མཆིས་པར་འཚལ་བཞིན་དུ་ཕྱིས་གནོན་བགྱིས་ཏེ་སྟན་ལ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པ་ལ་ནི་ཉེས་བྱས་སོ། ་་་་་་་་་་་་་་།སྡོམ་ལ། གང་ཟག་དང་ནི་དགེ་འདུན་དང ། །དེ་བཞིན་མཚན་དང་བཞི་ཚན་དང ། །མི་རུང་བར་ཡང་བྱས་པ་དང ། །སྟེང་གཡོགས་གྱུར་པ་ཐ་མའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དགེ་འདུན་གྱི་གཙུག་ལག་ཁང་གི་སྟེང་གི་ནམ་མཁའ་ལ་ཐོག་བོར་བར་ཁྲི་འམ། ཁྲིའུ་རྩ་བ་འབྱུང་བར་ཤེས་བཞིན་དུ་ལྗིད་ཀྱིས་ཕབ་སྟེ་འདུག་གམ། ཉལ་བར་བྱེད་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་གང་ཟག་གི་གཙུག་ལག་ཁང་གི་སྟེང་གི་ནམ་མཁའ་ལ་ཐོག་བོར་བར་ཁྲི་འམ། ཁྲིའུ་རྩ་བ་འབྱུང་བར་འཚལ་བཞིན་དུ་ལྗིད་ཀྱིས་ཕབ་སྟེ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་འདུན་གྱི་གཙུག་ལག་ཁང་མ་གཏོགས་པ་དེ་ལས་གཞན་པའི་གནས་དག་ཏུ་སྟེང་གི་ནམ་མཁའ་ལ་ཐོག་བོར་བར་ཁྲིའུ་རྩ་བ་འབྱུང་བར་འཚལ་བཞིན་དུ་ལྗིད་ཀྱིས་ཕབ་སྟེ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་སྟེང་གི་ནམ་མཁའ་ལ་ཐོག་བོར་བར་ཁྲི་འམ་ཁྲིའུ་རྩ་བ་འབྱུང་བར་འཚལ་བཞིན་དུ་ལྕིད་ཀྱིས་ཕབ་སྟེ་མཆིས་སམ། ཉལ་བར་བགྱིད་པ་ན་མཚན་གྱུར
12.91a
ཏེ་དགེ་སློང་མར་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་མས་སྟེང་གི་ནམ་མཁའ་ལ་ཐོག་བོར་བར་འཚལ་བཞིན་དུ་ལྕིད་ཀྱིས་ཕབ་སྟེ་མཆིས་སམ། ཉལ་བར་བགྱིད་པ་ན་མཚན་གྱུར་ཏེ་དགེ་སློང་དུ་རེད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་སྟེང་གི་ནམ་མཁའ་ལ་ཐོག་བོར་བར་འདུ་ཤེས་པས་ཁྲི་འམ། ཁྲིའུ་རྩ་བ་འབྱུང་བར་འཚལ་བཞིན་དུ་ལྕིད་ཀྱིས་ཕབ་སྟེ་མཆིས་སམ། ཉལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །ནམ་མཁའ་ལ་ནམ་མཁའ་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །ནམ་མཁའ་མ་ལགས་པ་ལ་ནམ་མཁར་འདུ་ཤེས་ན་ཅིར་འགྱུར་ལགས། ཉེས་བྱས་སོ། །ནམ་མཁའ་མ་ལགས་པ་ལ་ནམ་མཁའ་མ་ལགས་པར་འདུ་ཤེས་ན་ཅིར་འགྱུར་ལགས། ལྟུང་བ་མེད་དོ། །བཙུན་པ་དགེ་སློང་གིས་སྟེང་གི་ནམ་མཁའ་ལ་ཐོག་བོར་བར་ཁྲི་འམ། ཁྲིའུ་རྩ་བ་འབྱུང་བར་འཚལ་བཞིན་དུ་མཆིས་སམ། ཉལ་བར་བགྱིད་ཀྱང་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། གནས་མལ་མི་རུང་བར་གྱུར་ན་སྟེ། དགེ་སློང་དག་གིས་ཡོངས་སུ་སྤྱད་པར་མི་རུང་བ་གང་ཡིན་པའོ། །བཙུན་པ་དགེ་སློང་གིས་ཁྲི་འམ། ཁྲིའུ་རྩ་བ་འབྱུང་བར་འཚལ་བཞིན་དུ་མཆིས་སམ། ཉལ་བར་བགྱིད་ཀྱང་ལྟུང་བར་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ་འདི་ལྟར་གཙུག་ལག་ཁང་གི་སྟེང་སྤང་ལེབ་ཆེན་པོས་གཡོགས་པ་འམ། སྤང་ལེབ་ཆུང་ངུས་གཡོགས་པ་འམ། འབུར་ཅན་གྱིས་གཡོགས་པ་འམ། ཤིང་ལེབ་ཀྱིས་གཡོགས་པ་འམ། གུར་ཁང་ངམ། ས་གཞི་འོག་མར་འདུག་གམ་ཉལ་བར་བྱེད་ནའོ། །བཙུན་པ་རེ་ཤིག་བསླབ་པ་སྩལ་བས་སྟེང་གི་ནམ་མཁའ་ལ་ཐོག་བོར་བར་ཁྲི་འམ་ཁྲིའུ་རྩ་བ་འབྱུང་བར་འཚལ་བཞིན་དུ་ལྕིད་ཀྱིས་ཕབ་སྟེ་མཆིས་སམ། ཉལ་བ་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་མས་སྟེང་གི་ནམ་མཁའ་ལ་ཐོག་བོར་བར་ཁྲི་འམ། ཁྲིའུ་རྩ་བ་འབྱུང་བར་འཚལ་བཞིན་དུ་ལྕིད་ཀྱིས་ཕབ་སྟེ
12.91b
མཆིས་སམ། ཉལ་བར་བགྱིད་ན་ཅིར་འགྱུར་ལགས། ལྟུང་བྱེད་དོ། །དགེ་སློབ་མ་དང ། དགེ་ཚུལ་དང ། དགེ་ཚུལ་མ་དང ། སྔར་ལྟུང་བ་བྱུང་བ་ལ་སོགས་པས་ལྕིད་ཀྱིས་ཕབ་སྟེ་མཆིས་སམ་ཉལ་བར་བགྱིད་ན་ཅིར་འགྱུར་ལགས། ཉེས་བྱས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་ཡང་དགེ་སློང་གང་དེ་བཞིན་དུ་སྲོག་ཆགས་དང་བཅས་པའི་ཆུས་རྩཝ་དང ། ལྕི་བ་དང ། ས་ལ་འདེབས་སམ། འདེབས་སུ་འཇུག་ན་ལྟུང་བྱེད་དོ་ཞེས་གསུངས་པ་གང་ལགས་པ་ཞེས་བྱ་བ་སྟེ། སྲོག་ཆགས་དང་བཅས་པའི་ཆུས་རྩཝ་འམ། འཇི་བ་འམ། ས་ལ་འདེབས་པ་དང ། འདེབས་སུ་འཇུག་པ་ལྷག་མ་ནི་རྣམ་པར་འབྱེད་པ་ལས་ལྟུང་བ་བསྟན་པ་ལྟར་རྣམ་པར་དབྱེ་བར་བྱའོ། ་་་་་་་་་་ ། སྡོམ་ལ། ཕོ་ཉ་ཡི་གེ་ལག་བརྡ་དང ། །གཞན་ལ་སྙད་འདོགས་བརྒྱུད་པ་དང ། །སྨྱོན་པ་དང་ནི་སེམས་འཁྲུགས་དང ། །ཚོར་བ་འོན་པ་འགྲོ་བའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བར་འཁོར་གྱིས་ཞུས་པ། བཙུན་པ་བཅོམ་ལྡན་འདས་ཀྱིས་དགེ་སློང་གིས་གཙུག་ལག་ཁང་ཆེན་པོ་ཞིག་རྩིག་ཏུ་འཇུག་ན་སྒོའི་སྦུབས་དང ། གཏན་པ་དང ། སྣང་བའི་གནས་ཇི་ཙམ་པའི་འདུ་ཤེས་ཀྱིས་ས་བརྟག་པ་ནས་བཟུང་སྟེ། ཕ་གུའི་རིམ་པ་འཇི་བ་དང་བཅས་པ་གཉིས་སམ་གསུམ་བརྩིག་པར་བྱའོ། །དེ་ལས་ལྷག་པར་རྩིག་ན་ལྟུང་བྱེད་དོ་ཞེས་གསུངས་པ་གང་ལགས་པ། བཙུན་པ་རེ་ཤིག་དགེ་སློང་གིས་ཕོ་ཉ་ལས་ཕ་གུའི་རིམ་པ་གཉིས་སམ་གསུམ་ལས་ལྷག་པར་རྩིག་ཏུ་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་ཡི་གེ་དང ། ལག་བརྡའ་དང ། གཞན་ལ་སྙད་འདོགས་པ་དང ། བརྒྱུད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་སྨྱོན་པ་ལ་ཕ་གུའི་རིམ་པ་གཉིས་སམ་གསུམ་ལས་ལྷག་པར་རྩིག་ཏུ་སྩོལ་ན་ཅིར་འགྱུར་ལགས། ཉེས་བྱས་སོ། །དེ་བཞིན་དུ་སེམས་འཁྲུགས་པ་དང ། ཚོར་བས་ཉམ་ཐག་པ་དང ། གླེན་པ་དང ། འོན་པ་དང ། འགྲོ་བ་གཞན་དུ་གནས་པ་ལས་ལྷག་པར་རྩིག་ཏུ་སྩོལ་ན་ཅིར་འགྱུར་ལགས།
12.92a
ཉེས་བྱས་སོ། ་་་་་་་་་་་་་་།སྡོམ་ལ། ཆེན་པོ་གང་ཟག་རྡོ་བ་དང ། །དེ་བཞིན་གཞན་གྱིས་བརྩམས་པ་དང ། །མཚན་དང་བཞི་ཚན་ཉིད་དང་ནི། །བསླབ་པ་བྱིན་དང་དགེ་སློང་མ། །བཙུན་པ་རེ་ཤིག་དགེ་སློང་གིས་གཙུག་ལག་ཁང་ཆེན་པོ་མ་གཏོགས་པ་དེ་ལས་གཞན་པའི་དགེ་འདུན་གྱི་དངོས་པོ་ཞིག་རྩིག་ཏུ་སྩོལ་ཅིང་ཕ་གུའི་རིམ་པ་གཉིས་སམ་གསུམ་ལས་ལྷག་པར་རྩིག་ན་ཅིར་འགྱུར་ལགས། ལྟུང་བྱེད་ཁོ་ནའོ། །བཙུན་པ་རེ་ཤིག་དགེ་སློང་གིས་གང་ཟག་གི་གཙུག་ལག་ཁང་རྩིག་ཅིང་ཕ་གུའི་རིམ་པ་གཉིས་སམ་གསུམ་ལས་ལྷག་པར་རྩིག་ཏུ་སྩོལ་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་དགེ་འདུན་གྱི་གཙུག་ལག་ཁང་རྩིག་པར་བགྱིད་ན་ཕ་གུའི་རིམ་པ་གཉིས་སམ་གསུམ་ལས་ལྷག་པར་བརྩིགས་ཀྱང་ལྟུང་བྱེད་དུ་མི་འགྱུར་བ་ལྟ་མཆིས་ལགས་སམ། ཉེ་བར་འཁོར་ཡོད་དེ། འདི་ལྟར་གཙུག་ལག་ཁང་རྡོ་འབའ་ཤིག་གམ། སོ་ཕག་གམ། ཐམས་ཅད་ཤིང་ལས་རྩིག་གམ། རྩཝ་དག་གིས་འགེབས་སམ། སྤང་ལེབ་དང་ཤིང་ལེབ་དག་གིས་འགེབས་སམ། སྦྱིན་བདག་གིས་འདི་སྐད་ཅེས་ཟིན་པ་བལྟའོ། །མཐར་ཕྱིན་པ་བལྟའོ་ཞེས་ཟེར་ནའོ། །བཙུན་པ་རེ་ཤིག་དགེ་སློང་གིས་གཞན་གྱིས་ཕ་གུའི་རིམ་པ་གཉིས་སམ་གསུམ་ལས་ལྷག་པར་བརྩམས་པ་ལགས་པར་བགྱིད་ན་ཅིར་འགྱུར་ལགས། ཉེས་བྱས་སོ། །བཙུན་པ་རེ་ཤིག་དགེ་སློང་གིས་ཕ་གུའི་རིམ་པ་གཉིས་སམ་གསུམ་ལས་ལྷག་པར་བརྩམས་ཏེ་ལགས་པར་མ་བགྱིས་ན་ཅིར་འགྱུར་ལགས། ཉེས་བྱས་སོ། །སེམས་འཁྲུགས་པར་གྱུར་པ་འམ་ཤི་ན་ཡང་དེ་དང་འདྲའོ། །བཙུན་པ་རེ་ཤིག་དགེ་སློང་གིས་ཕ་གུའི་རིམ་པ་གཉིས་སམ་གསུམ་ལས་ལྷག་པར་རྩིག་པར་བགྱིད་པ་ན་མཚན་གྱུར་ཏེ་དགེ་སློང་མར་རེད་ནས་ལགས་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །བཙུན་པ་རེ་ཤིག་དགེ་སློང་མས་ཕ་གུའི་རིམ་པ་གཉིས་སམ་གསུམ་ལས་ལྷག་པར་རྩིག་པར་བགྱིད་ན་མཚན་གྱུར་ཏེ་དགེ་སློང་དུ་རེད་ནས་ལགས་པར་བགྱིད་ན་ཅིར་འགྱུར་ལགས། ལྟུང་བྱེད་དོ། །
12.92b
ལུང་ཞུ་བ་ཆུང་དུ་ཞེས་བྱ་བ། བམ་པོ་བཅུ་གཉིས་པ་རྫོགས་སྷོ།། ་་་་་་་་་་་་་་་་་་།།འདུལ་བ་གཞུང་དམ་པའམ་བླ་མའི་སྟོད་ལྟུང་བྱེད་འབའ་ཞིག་པའི་བཅུ་ཚན་གཉིས་པ་རིམ་པ་གཉིས་སུ་རྩིག་པ་ཡན་ཆད་ཀྱི་ཞུས་ལན་ཡོད་པའི་ཞུ་བ་མ་རྫོགས་པ་བམ་པོ་བཅུ་གཉིས་པ་འདི་དང ། གཞུང་དམ་པ་སྟོད་ན་ཞུ་པ་རྫོགས་པ་ཞེས་གྲགས་པ་རྣམ་འབྱེད་ཀྱི་ལྟུང་བ་སྡེ་ཚན་དང་པོ་བཞི་དང ། གཞི་བཅུ་བདུན་གྱི་ཞུ་བ་རྫོགས་པ་དང ། འདུལ་བྱེད་ལ་སོགས་པ་སྡེ་ཚན་བཅུ་གཅིག་གིས་བསྡུས་པ་བམ་པོ་ལྔ་བཅུ་རྩ་གསུམ་པ་གཉིས་ཀ་ལོ་ཙྪ་བ་བན་དེ་ཀླུའི་རྒྱལ་མཚན་ལ་སོགས་པའི་དུས་སུ་འགྱུར་མོད་ཀྱི། ཞུ་བ་མ་རྫོགས་པའི་དཔེ་དེ་བོད་དུ་མ་དར་ཞིང་སྔོན་གྱི་དུས་སུ་ཞུ་བ་རྫོགས་པའི་ཡི་གེ་མ་དག་པ་ལ་བརྟེན་ནས་ལག་ལེན་ལ་འཁྲུལ་པ་མང་པོ་བྱུང་བ་ལས། ཕྱིས་ལ་སྟོད་འོལ་རྒོད་ཀྱི་གཙུག་ལག་ཁང་དུ་གནས་བརྟན་དར་མ་སེང་གེས་ལུང་སྡེ་བཞི་དགེ་སློང་མའི་རྣམ་འབྱེད་དང་བཅས་པ་བཞེངས་པའི་དུས་སུ་དགེ་བའི་བཤེས་གཉེན་ཞིང་མོ་ཆེ་བ་བྱང་ཆུབ་སེང་གེས་དབུས་གཙང་གི་གཙུག་ལག་ཁང་རྣམས་སུ་ཞུ་བ་མ་རྫོགས་པ་ཚོལ་དུ་བཏང་བ་ལས་སླད་ཀྱིས་བསམ་ཡས་མཆིམས་ཕུ་ནས་དགས་ཆུང་བ་དང ། དགེ་སློང་ཚུལ་ཁྲིམས་ཡོན་ཏན་གྱིས་རྙེད་པ། ཤཱཀྱའི་དགེ་སློང་འདུལ་བ་འཛིན་པ་ཆེན་པོ་དབང་ཕྱུག་ཚུལ་ཁྲིམས་ཀྱི་སྙན་དུ་བརྡས་ནས་བཞེངས་སུ་བཏང་བས་དཔེ་ཕྱི་ལ་ཤིན་དུ་དོག་པར་བྱུང་བ་ལ་དཔེ་ཡོན་མང་པོ་ཕུལ་ནས་བཞེངས་ཏེ། ལག་ལེན་མི་མཐུན་པ་ཐམས་ཅད་ཀྱི་སྒྲོ་འདོགས་དེར་ཆོད་དོ། །དེ་ལྟར་དཀའ་བ་མང་པོས་བསྒྲུབས་པས་སྔོན་དཔེ་ལ་ཤིན་དུ་དོག་མོད་ཀྱི། སླད་ཀྱིས་དར་ཞིང་རྒྱས་པར་མཛད་དེ་འགྲོ་བ་ཡོངས་ལ་ཕན་བཏགས་སོ། །འདིར་ཁ་ཅིག་མ་རྫོགས་པ་ནི་གཞུང་བླ་མ་ཡིན་ལ། རྫོགས་པ་ནི་གཞུང་དམ་པ་ཡིན་ནོ་ཞེས་ཟེར་བ་ནི་མི་རིགས་ཏེ། ཨུཏ་ཏར་ཞེས་པ་བླ་མ་དང ། དམ་པ་གཉིས་ཀར་འགྱུར་བའི་ཕྱིར་རོ། །དེ་ལྟར་ཞུ་བ་མ་རྫོགས་པ་དང ། རྫོགས་པ་གཉིས་བཞུགས་ཀྱང་མ་རྫོགས
12.93a
པ་འདི་རྒྱ་དཔེའི་གཞུང་ཡང་ཤིན་དུ་དག་ཅིང ། སློབ་དཔོན་དགེ་ལེགས་བཤེས་གཉེན་གྱི་འགྲེལ་པའང་ད་ལྟ་མ་རྫོགས་པའི་འགྲེལ་པར་བྱུང་བས་དེ་གཉིས་མི་མཐུན་པ་བྱུང་ན་ཞུ་བ་མ་རྫོགས་པ་ལ་བརྟེན་པར་བྱའོ། །དེ་ལྟར་ཞུ་བ་གཉིས་ལ་དག་མ་དག་བྱུང་བའི་རྒྱུ་མཚན་ནི་ལུང་ཞུ་བའི་འགྲེལ་པ་ལས། སྟོན་པ་འདས་པའི་གསུང་རབ་ལ་བྲམ་ཟེ་རྒྱལ་པོ་རྒྱལ་བཤེས་ཞེས་བྱ་བ་བསྟན་པ་ལ་སྡང་བ་ཞིག་བྱུང་བར་གྱུར་ནས། དེས་བསྟན་པ་ལ་གནོད་པ་མང་པོ་བྱས་པར་གྱུར་ཏེ། མཆོད་རྟེན་དག་ཀྱང་བཤིག་།དགེ་འདུན་གྱི་ཀུན་དགའ་ར་བ་དག་ཀྱང་བསྲེགས། དགེ་སློང་རྣམས་ཀྱང་བསད། སངས་རྒྱས་ཀྱི་བཀའི་གླེགས་བམ་རྣམས་ཀྱང་ཕུང་པོར་བཅེར་ནས་བསྲེགས་སོ། །དེ་ནས་རིམ་གྱིས་དགེ་སློང་རྣམས་ཀྱིས་ཡུལ་དང་གནས་སྣ་ཚོགས་དག་ནས་སྡེ་སྣོད་གསུམ་གྱི་གླེགས་བམ་ཐམས་ཅད་བསྡུས་ནས་བཅོམ་བརླག་ཏུ་ཡང་དག་པར་བསྡུ་བ་བྱས་ཏེ། གཞུང་བླ་མའི་གླེགས་བམ་ནི་མ་རྙེད་དོ། །དེ་དག་གིས་འདི་ལྟར་ཁ་ཆེའི་ཡུལ་ན་དགེ་སློང་ཞིག་གཞུང་བླ་མ་འདོན་ཏོ་ཞེས་ཐོས་ནས། དེ་དག་དེའི་ཕྱིར་ཁ་ཆེའི་ཡུལ་དུ་དོང་སྟེ། དེའི་དྲུང་དུ་ཕྱིན་ནས་སྨྲས་པ། ཁོ་བོ་ཅག་གིས་ཁྱོད་གཞུང་བླ་མ་འདོན་ཏོ་ཞེས་ཐོས་པ་གང་ཡིན་པ་དེ་ཇེ་ཁ་ཏོན་གྱིས་ཤིག་།དེས་སྨྲས་པ། ཅུང་ཟད་ཅིག་ནི་དྲན། ཅུང་ཟད་ཅིག་ནི་མི་དྲན་ནོ། །དེ་ནས་དེ་དག་གིས་ཇི་ལྟ་བུ་ཞིག་དྲན་པ་དེ་ཁོ་ན་བཞིན་དུ་སྨྲོས་ཤིག་ཅེས་སྨྲས་པ་དང ། དེས་དེ་ཁོ་ན་བཞིན་དུ་ཁ་ཏོན་བྱས་སོ། །དགེ་སློང་རྣམས་ཀྱིས་ཀྱང་རེ་ཤིག་གཞུང་བསྡུ་བར་བྱ་སྟེ། ཕྱིས་ཚིག་དང་ཚིག་གི་དོན་རྣམ་པར་དཔྱད་པའི་སྒོ་ནས་སྦྱར་བར་བྱའོ་སྙམ་དུ་བསམ་ནས་བྲིས་པ་ལས། ཕྱིས་འཕྲལ་གྱི་བྱ་བས་རྣམ་པར་གཡེངས་ནས་དུས་རིང་མོ་ཞིག་གི་བར་དུ་ཇི་ལྟ་བ་བཞིན་དུ་མ་སྦྱར་རོ། །དགེ་སློང་གཞན་དག་ཀྱང་ཡུལ་གཞན་དག་ན་གཞན་དུ་འདོན་པར་གྱུར་ཏོ། །དེ་ཉིད་ཀྱི་ཕྱིར་ཡང་དག་པར་བསྡུས་པའི་གཞི་པོ་ཉམས་པས་གཞུང་བླ་མ་འདི་ལ་འདོན་པ་ཡང་རྣམ་པ་དུ་མ་ལ་དོན་ཡང་རྣམ་པ་དུ་མ་སྟེ། དེའི་ཕྱིར་བཙུན་པ་ཡོན་ཏན་འོད་ཀྱི་འདུལ་བའི་བཤད་པ་ལས་ཡང་དང་ཡང་དུ་ཞུ་བ་ལ་ལ་ལས་འདི་སྐད
12.93b
དུ་འབྱུང་ངོ་ཞེས་བཤད་དོ། །དེ་བས་ན་འཕགས་པ་ཉེ་བར་འཁོར་གྱིས་ཞུས་པ་ཁ་ཆེ་བ་ཞེས་བྱ་སྟེ་ཞེས་འབྱུང་བས་ཞུ་བ་རྫོགས་པ་དང་བཅས་པའི་གཞུང་བླ་མ་ནི་ཡང་དག་པར་བསྡུས་པའི་གཞི་པོ་ཉམས་པས་མ་དག་ཅིང ། ཞུ་བ་མ་རྫོགས་པ་ནི་ཡུལ་དབུས་ཀྱི་དགེ་སློང་འགའ་ཞིག་གི་བློ་ལ་སྣང་བ་འམ། མེས་མ་ཚིག་པར་ཕྱིས་ཐལ་བའི་གསེབ་ནས་རྙེད་པར་གྲགས་པས་དང་པོའི་གཞུང་མ་ཉམས་པ་ཉིད་ཡིན་པས་ཤིན་དུ་དག་གོ། །དེའི་ཕྱིར་དེ་ལྟ་བུའི་དག་ཅིང་དཀའ་བ་མང་པོས་བསྒྲུབས་པ་འཕགས་པ་གནས་བརྟན་ཆེན་པོ་རྣམས་དང ། གཞན་ཡང་མཁས་པ་རྣམས་ཀྱིས་ཡུལ་དབུས་ཀྱི་གྲོང་ཁྱེར་ཆེན་པོ་བཅོམ་བརླག་ཏུ་བསྡུས་པའི་ལུང་ཞུ་བ་མ་རྫོགས་པ་འདི་གངས་ཅན་གྱི་རྒྱུད་ཀྱི་གནས་བརྟན་ཆེན་པོ་སྡོམ་བརྩོན་མཁས་པ་རྣམས་ཀྱི་གཙུག་གི་ནོར་བུར་གྱུར་ཅིང ། འདུལ་བ་དང ། མདོ་སྡེ་དང ། སྡེ་སྣོད་ཀྱི་མ་མོ་འཛིན་པ་ཤེས་བྱའི་ནམ་མཁའ་ལ་མཁྱེན་པའི་དཀྱིལ་འཁོར་རྒྱས་ཤིང་སྙན་གྲགས་ཀྱི་འོད་ཟེར་གྱིས་ཕྱོགས་མ་ལུས་པ་ཁྱབ་པ་མཆིམས་ཐམས་ཅད་མཁྱེན་པས་ལ་སྟོད་འོལ་རྒོད་ཀྱི་གཙུག་ལག་ཁང་ནས་དཔེ་ཕྱི་གདན་དྲངས་ནས། བསྟན་པའི་འབྱུང་གནས་དཔལ་སྣར་ཐང་གི་གཙུག་ལག་ཁང་དུ་བཞེངས་སོ། །དེ་ཉིད་ལ་དཔེ་ཕྱི་བྱས་ནས། ཤཱཀྱའི་དགེ་སློང་འཇམ་པའི་དབྱངས་ཀྱིས། དཔལ་སྣར་ཐང་གི་གཙུག་ལག་ཁང་དུ་བཞེངས་ཤིང ། དེ་ཡང་འདིར་གཞུང་བླ་མའི་སྟོད་ཞུ་བ་མ་རྫོགས་པ་འདི་ཁ་ཆེའི་དགེ་སློང་ལས་རྙེད་པའི་གཞུང་དམ་པའི་ཞུ་བ་རྫོགས་པའི་དབུ་ཉིད་དུ་བཞེངས་སོ། །དེ་ཉིད་ཕྱི་མོར་སྤྱན་དྲངས་ནས། རྒྱལ་བའི་བསྟན་པ་དར་ཞིང ། སེམས་ཅན་ལ་ཕན་བདེ་འབྱུང་བར་བྱ་བའི་ཕྱིར། དཔལ་ལྡན་རྒྱལ་བའི་སྡེས། བསྟན་པའི་གཙོ་བོར་བཞུགས་པའི་ཤར་ཕྱོགས་མཁས་གྲུབ་དམ་པ་རྣམས་ཀྱི་བསྟི་གནས། དཔལ་གུང་ཐང་གི་གཙུག་ལག་ཁང་དུ་ལེགས་པར་བཞེངས་སོ།། །།