(ཙ)་༄#། !་།གསང་སྔགས་རྒྱུད་འབུམ་གྱི་སྐོར་བཞུགས་སོ། །[(黃)་秘密經第十七部] 100.1b ༄##།། ་་།།ཡིག་མཁན་གྱིས་སྡེབ་སྦྱར་ཇི་ལྟ་བཞིན་མ་ཐོན་པ་དང ། བར་སྐབས་སུ་ཞུས་དག་བས་གྲགས་ཚོད་དང་མི་མཐུན་པ་མང་པོ་བཅོས་ནས་འདུག་ཅིང ། ཁྱད་པར་ཨུཏྦ་ལ་དང ། གུར་གུལ་དང ། ཞབས་འབྲིང་ཞབས་འབྲིད་དང་རྒྱུའི་དཀྱིལ་འཁོར་གྱི་བརྐྱང་ནུལ་ཞེས་པ་ཞབས་རྫོགས་ཀ་ན་འགའ་ཡར་དང་པོ་ཡིག་མཁན་གྱིས་དྲིས་འདུག་པ་མ་གཏོགས། བསྐྱང་ནུལ་དུ་བཞག་ནས་མ་བཅོས་པ་མང་པོ་འདུག་པ་རྣམས་ནི་ཁོ་བོས་བརྐྱང་ནུལ་བར་བཞུགས་ཤིང་འདིའི་ཐོག་ནས་གསུབས་ཤུལ་དུ་མ་འདྲི། དག་པ་རྣམས་མ་བསྒྱུར་བར་ཞོག་ཅིང་ཡི་གེ་འདྲི་བ། རི་མོ་འདྲི་བ་རྣམས་ཐམས་ཅད་འབྲི་རུ་བསྒྱུར་བ་རྣམས་ནི་འདྲིར་རུ་བཅོས་ཡོད་བས་འབྲི་རུ་མ་ནི་རེ་རེ་ལ་ལུང་རྣམ་དག་གི་ཟིན་སོ་དང ། སྐད་གསར་བཅད་ཀྱིས་གཏན་ལ་ཕབ་པའི་བརྡ་ཆད་དང ། མདོ་རྒྱུད་ཀྱི་དོན་གྲགས་ཚོད་ལ་འཐོབ་པའི་དབུས་གཙང་གི་ཆོས་དུ་མ་བཞུགས་པ་རྣམས་དང་བརྡ་ཆད་གཅིག་པར་བཞུགས་ཀྱི་བདེ་སྐྱིད་དང་ཕན་བདེ་རབ་འབྱམས་ཚད་མེད་པའི་རྩ་བ་སངས་རྒྱས་ཀྱི་བསྟན་པ་ལ་རག་ལུས། སངས་རྒྱས་ཀྱི་བསྟན་པ་ཡང་ཐོས་བསམ་བསྒོམ་གསུམ་དྲི་མ་མེད་པར་བྱེད་པ་དང ། སེམས་ཅན་གྱི་འགྲོ་དོན་རྣམས་ཡིན་པ་ལ་སོགས་པ་དུ་མ་ལ་བལྟོས་དགོས་པ་རྣམས་ནི། ཐ་སྙད་ལ་ནི་མ་བརྟེན་པར། དམ་པའི་དོན་ནི་མི་འགྱུར་ཞེས་པས་ཀུན་རྫོབ་གྱི་ཆོས་རྣམས་ལ་བླངས་དོར་ཕྱིན་ཅི་མ་ལོག་པར་ཤེས་ན་དོན་དམ་པའི་ཆོས་བྱེད་དེ། དེ་ནི་སངས་རྒྱས་སོ། རྒྱུ་མཚན་དེས་ན་ཁོ་བོས་དཀའ་དགུ་ལ་མ་བསམས་པར་བསྟན་པའི་ཞབས་ཏོག་སེམས་ཅན་གྱི་འགྲོ་དོན་ཁྱད་པར་དུ་དྲུང་རིན་པོ་ཆེ་ཆོས་རྒྱལ་བྱང་ཆུབ་སེམས་དཔའ་ཁྲིམས་གཉིས་ཀྱི་རྒྱུ་རིན་པོ་ཆེ་ལས་གྲུབ་པ་བེེ་དཱུརྱའི་མཐིང་ཤོག་ལ་འཛམ་བུ་ཆུ་བོའི་གསེར་བཞུན་མས་འདྲི་བའི་བཀའ་འགྱུར་རོ་ཅོག་བཞིངས་པའི་ཕྱི་མོ་བྱེད་པ་ལ་དམིགས་ནས་ཤིན་ཏུ་དག་པར་བཅོས་པ་པོ་ཏི་རེ་རེའི་དབུར་གསལ་བ་གསལ་བར་ཡོད་ཅིང་འདིར་ཡང་ཟུར་ཙམ་སྨོས་པ་ནི་དེ་དག་རྣམས་ཀྱི་དོན་ལ་བསམས་ནས་དགས་ཀྱིས་མཐོན་པའི་ཞུས་དག་བགྱིས་པས་ཆོས་འདི་རྣམས་དབུས་གཙང་གིས་ཆ་ན་ཤིན་ཏུ་དག་པར་བཞུགས་པ་ཡིན་ནོ།། ་་་་།། 100.2a [ཋིས་ཨིས་ཨ་བླནཀ་པགེ་ཝིཐོུཏ་ཨིམགེ] |