༄#། །རྒྱ་གར་སྐད་དུ། ་ཨཱརྱ་ན་མ་སཝཱི་ནཱ་ག་རཱ་ཛཱ་པ་རི་པྲིཙྪཱ་ནཱ་མ་དྷཱ་ར་ཎཱི། ་བོད་སྐད་དུ། ་འཕགས་པ་ཀླུའི་རྒྱལ་པོ་གཟི་ཅན་གྱིས་ཞུས་པ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། ་།འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཡུལ་མ་ག་དྷ་ན་ལུས་འཕགས་རིའི་དབང་པོའི་བྲག་ཕུག་ན་བཞུགས་ཏེ། དེ་ནས་ཀླུའི་རྒྱལ་པོ་གཟི་ཅན་ཁ་དོག་ཤིན་དུ་འཕགས་པ་དང་ལྡན་པ་ནམ་སྲོས་པ་དང་བཅྡོཾས་ག་ལ་བ་དེར་སོང་ཏེ་ཕྱིན་ནས། བཅྡོཾས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅྡོཾས་ལ་འདི་སྐད་ཅེས་གསོལ་ཏོ། །བཅྡོཾས་ལུས་འཕགས་རི་འདི་ནི་རིང་པོ་དག་དགེ་སློང་རྣམས་ལ་འཚེ་ན། དེ་ལ་བདག་གིས་ཇི་ལྟར་གནས་པར་བགྱི། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཀླུའི་རྒྱལ་པོ་གཟི་ཅན་ལ་འདི་སྐད་ཅེས་བཀའ་སྩལ་ཏོ། །ཀླུའི་རྒྱལ་པོ་ལེགསོ་ལེགས་སོ། །འདི་ལྟ་བུར་ཁྱོད་ཀྱི་བྱ་བ་ཡིན་ནོ། །དེ་ནས་བཅྡོཾས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེའི་ཕྱིར་དུག་དང ། སྨན་ཆེན་པོ་བཅཝ་བརྒྱད་པོ་འདི་དག་གི་མིང་ཟུང་ཤིག་།ཏད་ཡ་ཐཱ། པཎ་ཌ་རེ། ཀ་ར་ཊེ། ཀེ་ཡཱུ་རེ། བོ་བྷྱཾ་ག་མ་ཏེ། བིན་དུ་མ་ཏེ། ཨ་ར་ཌ། ཏ་ར་ཌ། ཏ་རུ་ཌ། ད་ཧ་ད་ཧ་ན། ཨེ་ཏ་ད་ཧ། ཛེ་ལེ་ཛེ་ལ། ཕ་ལེ། ཤ་ཏ་ཤ་ཏ། 98.204a ཀུ་ལེ་ན་ཀུ་ལི། ཨེ་ཀར་ཥི་ཏ་རཾག་པྲིཥྚི། དགེ་སློང་དག་སུ་ཞིག་དུག་དང ། སྨན་ཆེན་པོ་བཅཝ་བརྒྱད་པོ་འདི་དག་གི་མིང་འཛིན་པ་དེའི་ལུས་ལ་རིམས་ཀྱིས་མི་ཚུགས། དུག་དང ། མཚོན་དང ། བྱད་དང ། རོ་ལངས་དང ། ཉིན་གཅིག་པ་དང ། ཉིན་གཉིས་པ་དང ། ཉིན་གསུམ་པ་དང ། ཉིན་བཞི་པས་མི་ཚུགས། དེ་ལ་རིང་པོ་དག་འཚེ་བར་མི་འགྱུརོ། །སུ་ཞིག་འདི་དག་འཛིན་པ་དེ་ཇི་སྲིད་འཚོའི་བར་དུ་བསྲུང་བ་བྱས་པར་འགྱུརོ། །བཅྡོཾས་ཀྱིས་དེ་སྐད་ཅེས་བཀའ་སྩལ་ནས། ཀླུའི་རྒྱལ་པོ་གཟི་ཅན་ཡི་རངས་ཏེ། བཅྡོཾས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ཀླུའི་རྒྱལ་པོ་གཟི་ཅན་གྱིས་ཞུས་པ་ཞེས་བྱ་བའི་གཟུངས། རྫོགས་སྷོ།། །། ་ |