༄##། །རྒྱ་གར་སྐད་དུ། ་ཨཱརྱ་པྲཛྙཱ་པཱ་ར་མི་ཏཱ་ནཱ་མཱཥྚ་ཤ་ཏ་ཀ ། བོད་སྐད་དུ། ་འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི་མཚན་བརྒྱ་རྩ་བརྒྱད་པ། ཞེས་བྱ་བ། བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་མ་ལ་ཕྱག་འཚལ་ལོ། །འདས་དང་མ་བྱོན་ད་ལྟར་གྱི། །རྒྱལ་བ་གང་ལགས་དེ་ཀུན་གྱི། །ཡུམ་ནི་དགེ་མ་ཁྱོད་ལགས་ཏེ། །ཁྱོད་ནི་ལྷ་མོ་རྒྱལ་བའི་སྲས། །རང་བཞིན་མེད་པའི་རང་བཞིན་ཅན། །སངས་རྒྱས་ཡུམ་གྱུར་དེ་ཡི་མཚན། །དགེ་མ་བདག་གིས་བརྗོད་པར་བགྱི། །འབྱོར་པར་འདོད་པས་མཉན་པར་གྱིས། །ཤེས་རབ་ཀྱི་ཕ་རོལ་དུ་ཕྱིན་པ་དང ། ཐམས་ཅད་མཁྱེན་པ་ཉིད་དང ། ལམ་གྱི་རྣམ་པ་མཁྱེན་པ་ཉིད་དང ། རྣམ་པ་ཐམས་ཅད་མཁྱེན་པ་ཉིད་དང ། ཡང་དག་པའི་མཐའ་དང ། དེ་བཞིན་ཉིད་དང ། མ་ནོར་བ་དེ་བཞིན་ཉིད་དང ། གཞན་མ་ཡིན་པ་དེ་བཞིན་ཉིད་དང ། བདེན་པ་དང ། དེ་ཁོ་ན་དང ། ཡང་དག་པ་དང ། ཕྱིན་ཅི་མ་ལོག་པ་ཉིད་དང ། སྟོང་པ་ཉིད་དང ། མཚན་མ་མེད་པ་ཉིད་དང ། སྨོན་པ་མེད་པ་ཉིད་དང ། དངོས་པོ་མེད་པ་ཉིད་དང ། ངོ་བོ་ཉིད་དང ། དངོས་པོ་མེད་པའི་ངོ་བོ་ཉིད་དང ། ཆོས་ཉིད་དང ། ཆོས་ཀྱི་དབྱིངས་དང ། ཆོས་གནས་པ་ཉིད་དང ། ཆོས་མི་འགྱུར་བ་ཉིད་དང ། ཆོས་སྐྱོན་མེད་པ་ཉིད་དང ། ཆོས་ཀྱི་མཚན་ཉིད་དང ། ཆོས་བདག་མེད་པ་ཉིད་དང ། ངོ་བོ་ཉིད་མེད་པ་ཉིད་དང ། སེམས་ཅན་མེད་པ་ཉིད་དང ། སྲོག་མེད་པ་ཉིད་དང ། གསོ་བ་མེད་པ་ཉིད་དང ། སྐྱེས་བུ་མེད་པ་ཉིད་དང ། གང་ཟག་མེད་པ་ཉིད་དང ། བརྗོད་པར་བྱ་བ་དང ། བརྗོད་པར་བྱ་བ་མ་ཡིན་པ་དང ། སེམས་དང་ཡིད་དང་རྣམ་པར་ཤེས་པ་དང་བྲལ་བ་དང ། མཉམ་པ་མེད་པ་དང ། མི་མཉམ་པ་དང ། མཉམ་པ་དང་བདག་གིས་མེད་པ་དང ། རྒྱགས་པ་མེད་པ་དང ། སྤྲོས་པ་མེད་པ་དང ། སྤྲོས་པ་དང་བྲལ་བ་དང ། སྤྲོས་པ་ཐམས་ཅད་དང་བྲལ་བ་དང ། སྤྲོས་པ་ཐམས་ཅད་ལས་ཤིན་ཏུ་འདས་པ་དང ། སངས་རྒྱས་ཐམས་ཅད་ཀྱི་ཡུམ་དང ། བྱང་ཆུབ་སེམས་དཔའ་ཐམས་ཅད་སྐྱེད་པ་དང ། ཉན་ཐོས་ཐམས་ཅད་འཛིན་པ་དང ། རང་སངས་རྒྱས་ཐམས་ཅད་སྐྲུན་པ་དང ། འཇིག་རྟེན་ཐམས་ཅད་འཛིན་པ་དང ། བསོད་ནམས་ཀྱི་ཚོགས་ཟད་མི་ཤེས་པ་བསགས་པ་དང ། ཡེ་ཤེས་འབབ་པ་དང ། རྫུ་འཕྲུལ་མཛད་པ་དང ། ལྷའི་མིག་རྣམ་པར་སྦྱོང་བར་མཛད་པ་དང ། ལྷའི་རྣ་བ་རབ་ཏུ་དང་བར 96.18b མཛད་པ་དང ། ཕ་རོལ་གྱི་སེམས་ཤེས་པར་མཛད་པ་དང ། སྔོན་གྱི་གནས་རྗེས་སུ་དྲན་པར་མཛད་པ་དང ། འཆི་འཕོ་བ་དང ། སྐྱེ་བ་ཤེས་པར་མཛད་པ་དང ། ཉོན་མོངས་པ་ཐམས་ཅད་ཟད་པར་མཛད་པ་དང ། འཕགས་པ་དང ། གཙང་བ་དང ། བསངས་པ་དང ། དྲན་པ་ཉེ་བར་གཞག་པ་ལ་གནས་པ་དང ། ཡང་དག་པར་སྤོང་བའི་ཤུགས་དང་ལྡན་པ་དང ། རྫུ་འཕྲུལ་གྱི་རྐང་པ་བཞིའི་ཞབས་དང་ལྡན་པ་དང ། དབང་པོ་སྦྱོང་བར་མཛད་པ་དང ། སྟོབས་མཛད་པ་དང ། ཁ་ན་མ་ཐོ་བ་མེད་པ་དང ། བྱང་ཆུབ་ཀྱི་ཡན་ལག་བདུན་གྱི་རིན་པོ་ཆེས་མཛེས་པར་བྱས་པ་དང ། ནོར་བདུན་སྦྱིན་པར་མཛད་པ་དང ། འཕགས་པའི་ལམ་ཡན་ལག་བརྒྱད་པ་སྟོན་པ་དང ། མཐར་གྱིས་གནས་པའི་སྙོམས་པར་འཇུག་པ་དགུ་སྟོན་པར་མཛད་པ་དང ། དབང་བཅུ་སྒྲུབ་པ་དང ། ས་བཅུ་ལ་གནས་པར་མཛད་པ་དང ། སྟོབས་བཅུ་ཡོངས་སུ་རྫོགས་པར་མཛད་པ་དང ། ཟད་པར་གྱི་སྐྱེ་མཆེད་བཅུས་མཛེས་པར་བྱས་པ་དང ། ཤེས་པ་བཅུ་སྒྲུབ་པ་དང ། བག་ལ་ཉལ་བ་བཅུའི་དགྲ་འཇིག་པར་མཛད་པ་དང ། བསམ་གཏན་རྣམས་སྒྲུབ་པར་མཛད་པ་དང ། གཟུགས་མེད་པའི་ཁམས་ལས་ཡང་དག་པར་འདའ་བར་མཛད་པ་དང ། ཡང་དག་པར་རྫོགས་པའི་སངས་རྒྱས་ཐམས་ཅད་ཀྱིས་བསྟོད་པ་དང ། ཤེས་པ་ཐམས་ཅད་མཛད་པ་དང ། ཕ་རོལ་ཏུ་ཕྱིན་པ་ཐམས་ཅད་རྫོགས་པར་མཛད་པ་དང ། ནང་སྟོང་པ་ཉིད་དང ། ཕྱི་སྟོང་པ་ཉིད་དང ། ཕྱི་ནང་སྟོང་པ་ཉིད་དང ། སྟོང་པ་ཉིད་སྟོང་པ་ཉིད་དང ། ཆེན་པོ་སྟོང་པ་ཉིད་དང ། དོན་དམ་པ་སྟོང་པ་ཉིད་དང ། འདུས་བྱས་སྟོང་པ་ཉིད་དང ། འདུས་མ་བྱས་སྟོང་པ་ཉིད་དང ། མཐའ་ལས་འདས་པ་སྟོང་པ་ཉིད་དང ། ཐོག་མ་དང་ཐ་མ་མེད་པ་སྟོང་པ་ཉིད་དང ། དོར་བ་མེད་པ་སྟོང་པ་ཉིད་དང ། རང་བཞིན་སྟོང་པ་ཉིད་དང ། ཆོས་ཐམས་ཅད་སྟོང་པ་ཉིད་དང ། རང་གི་མཚན་ཉིད་སྟོང་པ་ཉིད་དང ། མི་དམིགས་པ་སྟོང་པ་ཉིད་དང ། དངོས་པོ་མེད་པ་སྟོང་པ་ཉིད་དང ། ངོ་བོ་ཉིད་སྟོང་པ་ཉིད་དང ། དངོས་པོ་མེད་པའི་ངོ་བོ་ཉིད་སྟོང་པ་ཉིད་དང ། མ་བྱུང་བ་དང ། མ་སྐྱེས་པ་དང ། མ་འགགས་པ་དང ། ཆད་པ་མེད་པ་དང ། རྟག་པ་མེད་པ་དང ། དོན་གཅིག་པ་མ་ཡིན་པ་དང ། དོན་ཐ་དད་པ་མ་ཡིན་པ་དང ། འོང་བ་མེད་པ་དང ། འགྲོ་བ་མེད་པ་དང ། རྟེན་ཅིང་འབྲེལ་བར་འབྱུང་བ་རྣམ་པར་སྒོམ་པ་དང ། རབ་ཏུ་བརྟག་པར་བྱ་བ་མ་ཡིན 96.19a པ་དང ། རྣམ་པར་ཤེས་པར་བྱ་བ་མ་ཡིན་པ་དང ། གཞི་མེད་པ་དང ། མཚན་ཉིད་མེད་པ་དང ། བརྟག་པར་བྱ་བ་མ་ཡིན་པ་དང ། རིག་པར་བྱ་བ་མ་ཡིན་པ་དང ། ཐོག་མ་དང་ཐ་མ་འཇིག་པ་མེད་པར་མཛད་པ་དང ། གཡོ་བ་མེད་པར་མཛད་པ་དང ། གཉིས་སུ་མེད་པ་དང ། གཉིས་སུ་མེད་པ་མ་ཡིན་པ་དང ། ཞི་བ་དང ། བློ་འཇུག་པ་རྣམ་པར་སྤངས་པ་དང ། གཉེན་པོ་མེད་པ་དང ། མ་གོས་པ་དང ། ནམ་མཁའི་ལམ་དང་འདྲ་བ་དང ། ཡོད་པ་དང་མེད་པར་བརྗོད་པ་མ་ཡིན་པ་དང ། རྨི་ལམ་གྱི་ངོ་བོ་ཉིད་དང ། སྒྱུ་མ་ལྟ་བུའི་ཆོས་ཉིད་དང ། མགལ་མེ་བསྐོར་བ་དང་འདྲ་བ་དང ། ཆོས་ཐམས་ཅད་རོ་གཅིག་པ་ཉིད་དོ། །སུ་ཞིག་ཤེས་རབ་ཀྱི་ཕ་རོལ་ཏུ་ཕྱིན་པའི་མཚན་བརྒྱ་རྩ་བརྒྱད་པ་འདི་འདོན་པ་དེ་ངན་སོང་ཐམས་ཅད་ལས་རབ་ཏུ་ཐར་བར་འགྱུར་རོ། །སངས་རྒྱས་ཐམས་ཅད་ཀྱིས་ཀྱང་དགོངས་པར་འགྱུར་རོ། །བྱང་ཆུབ་སེམས་དཔའ་ཐམས་ཅད་ཀྱིས་ཀྱང་རྟག་པར་རྒྱུན་དུ་བསྲུང་བ་དང ། སྐྱོབ་པ་དང ། སྦེད་པར་བྱེད་པར་འགྱུར་རོ། །དེའི་གསང་སྔགས་ཀྱི་ཚིག་འདི་དག་ཀྱང་རྟག་ཏུ་རྒྱུན་མི་འཆད་པར་དྲན་པར་བྱའོ། །བཅོམ་ལྡན་འདས་མ་འཕགས་མ་ཤེས་རབ་ཀྱི་ཕ་རོལ་ཏུ་ཕྱིན་མ། མོས་པ་ལ་བྱམས་མ། ཡོན་ཏན་དཔག་ཏུ་མེད་པ་དང་ལྡན་མ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱིས་རྣམ་པར་མཁྱེན་པ་ཉིད། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་ཕྱག་བཞེས་པ་ལ་ཕྱག་འཚལ་ལོ། །འདི་ལྟ་སྟེ།[་\ུ0f00]་པྲཛྙཱེ་པྲཛྙེ་མ་ཧཱ་པྲཛྙེ། པྲཛྙཱ་ཨ་བ་བྷཱ་སྱེ། པྲཛྙཱ་ཨཱ་ལོ་ཀ་ཀ་རེ། ཨ་ཛྙཱ་ན་བི་དྷ་མ་ནི། སིད་དྷི། སུ་སིད་དྷི། སིད་མ་ན། བྷ་ག་བ་ཏི་སརྦྦཱཾ། ག་སུན་དྷ་རི། བྷ་ག་བ་ཏི་བརྟ་ས་ལི། པྲ་སཱ་རི་ཏ་ཧསྟེ། ས་མ་ཤཝཱ་ས་ཀ་རི། ཏིཥྛ་ཏིཥྛ། ཀམ་པ་ཀམ་པ། ཙ་ལ་ཙ་ལ། རཱ་བ་རཱ་བ། ག་ཨཱ་གཙྪ། ཨཱ་གཙྪ། བྷ་ག་བ་ཏི་མཱཾ་མྦི་ལམྦ་བ་སཝཱ་ཧཱ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་ན་ཤེས་རབ་ཀྱི་ཕ་རོལ་ཏུ་ཕྱིན་པ་འབུམ་བཟུང་བར 96.19b འགྱུར་རོ། །རྟག་ཏུ་བཟླས་བརྗོད་བྱས་ན་དེའི་ལས་ཀྱི་སྒྲིབ་པ་ཐམས་ཅད་བྱང་བར་འགྱུར་རོ། །འདི་ནས་ཤི་འཕོས་ནས་ཀྱང་སྐྱེ་བ་དྲན་པ་དང ། ཡིད་གཞུངས་ཤིང་ཤེས་རབ་མཚུངས་པ་མེད་པར་འགྱུར་རོ། །དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་ཆོས་མ་ལུས་པར་བཟུང་བར་འགྱུར་རོ། །གསང་སྔགས་དང ། རིག་སྔགས་ཐམས་ཅད་ཀྱང་གཟུངས་བར་འགྱུར་རོ། །འདི་ནས་ཤི་འཕོས་ནས་ཀྱང་སྐྱེ་བ་དྲན་པ་དང ། ཡིད་གཞུངས་ཤིང་ཤེས་རབ་ཆེན་པོར་འགྱུར་རོ། །འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་མཚན་བརྒྱ་རྩ་བརྒྱད་པ་རྫོགས་སྷོ།། |