༄། ་་།རྒྱ་གར་སྐད་དུ། ཨཱརྱ་མ་ཧཱ་མེ་གྷ་བཱ་ཡུ་ཏ་མཎྜ་ལ་པ་རི་བརྟ་སརྦ་ནཱ་ག་ཧྲྀ་ད་ཡ་ནཱ་མ་མ་ཧཱ་ཡཱ་ན་སཱུ་ཏྲ། ་བོད་སྐད་དུ། ་འཕགས་པ་སྤྲིན་ཆེན་པོ་རླུང་གི་དཀྱིལ་འཁོར་གྱི་ལེའུ་ཀླུ་ཐམས་ཅད་ཀྱི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ། ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱ་མཚོ་ཆེན་པོ་ན་ནོར་བུ་རིན་པོ་ཆེའི་རྩེ་མོ་ཅན་གྱི་ཁང་པ་བརྩེགས་པ་ན། ཀླུ་སྟོང་དུ་ཚང་བའི་ཀླུའི་ཚོགས་ཆེན་པོ་ཀླུ་ཐམས་ཅད་ཀྱང་རྫུ་འཕྲུལ་ཆེ་ཞིང་ཀླུའི་འཁོར་ཆེན་པོ་དང་ལྡན་པ་ཤ་སྟག་ལ་འདི་ལྟ་སྟེ། ཀླུའི་རྒྱལ་པོ་དགའ་པོ་དང ། ཀླུའི་རྒྱལ་པོ་ཉེ་དགའ་དང ། ཀླུའི་རྒྱལ་པོ་ཡང་དག་སྐུལ་དང ། ཀླུའི་རྒྱལ་པོ་གློག་ཕྲེང་ཅན་དང ། ཀླུའི་རྒྱལ་པོ་གཟི་ཅན་དང ། ཀླུའི་རྒྱལ་པོ་གཟི་ཅན་ཆེན་པོ་དང ། ཀླུའི་རྒྱལ་པོ་བཏང་བཟུང་དང ། ཀླུའི་རྒྱལ་པོ་དུང་དང ། ཀླུའི་རྒྱལ་པོ་ཨེ་ལའི་འདབ་མ་དང ། ཀླུའི་རྒྱལ་པོ་མཚམས་བཟངས་དང ། ཀླུའི་རྒྱལ་པོ་སྟོབས་ཀྱིས་རྒྱུ་དང ། ཀླུའི་རྒྱལ་པོ་གློག་འབྱུང་དང ། ཀླུའི་རྒྱལ་པོ་སྣང་ལྡན་གཙུག་ཕུད་ཅན་དང ། ཀླུའི་རྒྱལ་པོ་སྤྲིན་ཆེན་རྣམ་པར་འཕྲུལ་དང ། ཀླུའི་རྒྱལ་པོ 59.295b སྤྲིན་ཆེན་རྒྱས་བྱེད་དང ། ཀླུའི་རྒྱལ་པོ་འབྲུག་སྒྲོགས་དང ། ཀླུའི་རྒྱལ་པོ་ཆེར་འབྱུང་དང ། ཀླུའི་རྒྱལ་པོ་སྐར་མདའ་སྟོང་དང ། ཀླུའི་རྒྱལ་པོ་དུས་མིན་སྒྲོགས་དང ། ཀླུའི་རྒྱལ་པོ་འབྲུག་སྐད་དང ། ཀླུའི་རྒྱལ་པོ་གློག་རབ་ཏུ་གཏོང་དང ། ཀླུའི་རྒྱལ་པོ་ས་འཛིན་དང ། ཀླུའི་རྒྱལ་པོ་སོག་མ་མེད་དང ། ཀླུའི་རྒྱལ་པོ་ལེགས་མཐོང་དང ། ཀླུའི་རྒྱལ་པོ་རྣམ་པར་སྣང་དང ། ཀླུའི་རྒྱལ་པོ་འབྲུག་ཆེན་སྒྲོགས་དང ། ཀླུའི་རྒྱལ་པོ་འོད་ཆེན་ལམ་ལམ་དང ། ཀླུའི་རྒྱལ་པོ་དཔལ་གྱི་གཟི་བརྗིད་དང ། ཀླུའི་རྒྱལ་པོ་མཐའ་ཡས་དང ། ཀླུའི་རྒྱལ་པོ་མདོངས་བུ་དང ། ཀླུའི་རྒྱལ་པོ་དཔལ་འཛིན་དང ། ཀླུའི་རྒྱལ་པོ་རྔ་སྒྲ་དང ། ཀླུའི་རྒྱལ་པོ་རྔ་སྒྲ་རྣམ་པར་སྒྲོགས་པའི་སྐད་དང ། ཀླུའི་རྒྱལ་པོ་ལ་བ་དང ། ཀླུའི་རྒྱལ་པོ་འདྲེན་བྱེད་དང ། ཀླུའི་རྒྱལ་པོ་དཔལ་མགྲིན་དང ། ཀླུའི་རྒྱལ་པོ་དཔལ་བཟངས་དང ། ཀླུའི་རྒྱལ་པོ་ཤ་ཤོ་སྒྲ་ཆེན་དང ། ཀླུའི་རྒྱལ་པོ་དིང་དིང་སྒྲ་དང ། ཀླུའི་རྒྱལ་པོ་རབ་འཇོམ་དང ། ཀླུའི་རྒྱལ་པོ་ཆར་འབྱུང་དང ། ཀླུའི་རྒྱལ་པོ་རླུང་ཆེན་རྣམ་པར་འཕྲུལ་དང ། ཀླུའི་རྒྱལ་པོ་རླུང་རབ་ཏུ་གཏོང་དང ། ཀླུའི་རྒྱལ་པོ་འཇོག་པོ་དང ། ཀླུའི་རྒྱལ་པོ་དཔལ་ལྡན་དང ། ཀླུའི་རྒྱལ་པོ་སྨད་དཀྲིས་བཟང་དང ། ཀླུའི་རྒྱལ་པོ་བཀྲ་ཤིས་དང ། ཀླུའི་རྒྱལ་པོ་སྤྲིན་རྒྱས་དང ། ཀླུའི་རྒྱལ་པོ་སྤྲིན་གྱིས་དགའ་བྱེད་དང ། ཀླུའི་རྒྱལ་པོ་སྤྲིན་གྱིས་འགེབས་པའི་རིགས་དང ། ཀླུའི་རྒྱལ་པོ་ལེགས་པར་འགེབས་དང ། ཀླུའི་རྒྱལ་པོ་རྣམ་པར་རྩེ་དང ། ཀླུའི་རྒྱལ་པོ་ནོར་རྒྱས་ཀྱི་བུ་དང ། ཀླུའི་རྒྱལ་པོ་མ་དྲོས་པ་དང ། ཀླུའི་རྒྱལ་པོ་འོད་བཟངས་དང ། ཀླུའི་རྒྱལ་པོ་མཐོང་དགའ་དང ། ཀླུའི་རྒྱལ་པོ་དོན་ཡོད་དགའ་དང ། ཀླུའི་རྒྱལ་པོ་སྤྲིན་གྱི་དཀྱིལ་འཁོར་གྱིས་ལེགས་པར་འགེབས་དང ། ཀླུའི་རྒྱལ་པོ་གཞན་གྱིས་མི་ཐུབ་པ་དང ། ཀླུའི་རྒྱལ་པོ་སྤྲིན་ལས་ཆུ་འབྱིན་དང ། ཀླུའི་རྒྱལ་པོ་བདེ་མཐོང་དང ། ཀླུའི་རྒྱལ་པོ 59.296a རླུང་འབྱུང་དང ། ཀླུའི་རྒྱལ་པོ་རླུང་འཁྲུག་པར་བྱེད་དང ། ཀླུའི་རྒྱལ་པོ་གཙུག་ན་ནོར་བུ་དང ། ཀླུའི་རྒྱལ་པོ་ཆེན་པོ་དེ་དག་དང ། གཞན་ཡང་ཀླུའི་རྒྱལ་པོ་ཆེན་པོ་སྟོང་དང་ཐབས་གཅིག་ཏུ་བཞུགས་ཏེ། དེ་དག་ཐམས་ཅད་ཀྱང་ཀླུའི་རྫུ་འཕྲུལ་ཆེན་པོ་དང ། ཀླུའི་རྣམ་པར་འཕྲུལ་པ་ཆེན་པོས་ནམ་མཁའ་ལ་དི་རི་རིར་སྒྲོགས་ཤིང ། རྫི་ཆར་ཆེན་པོ་རབ་ཏུ་འབེབས་ཏེ། བཅོམ་ལྡན་འདས་ལ་སྲི་ཞུ་བྱ་བ་དང ། ཆོས་མཉན་པའི་ཕྱིར་ལྷགས་སོ། །ཀྱེ་ཀླུ་ཆེན་པོ་དང་ཀླུ་དག་ཚུར་ཤེག་།མུ་ལུ་མུ་ལུ་ཙ་ཏ་ཙ་ཏ། པ་ཊ་པ་ཊ། མ་ཊ་མ་ཊ། ཧཱ་ཧཱ། གློག་འབར་བ་རབ་ཏུ་ཕྱུང་ཞིང་རྫི་ཆར་ཆེན་པོའི་རྒྱུན་ཐོང་ལ་ཆར་ཕོབ་ཤིག་།ཀྱེ་ཀྱེ་ཀླུ་ཆེན་པོ་དག་སངས་རྒྱས་ཀྱི་བདེན་པ་དང ། ཆོས་ཀྱི་བདེན་པ་དང ། དགེ་འདུན་གྱི་བདེན་པ་དྲན་པར་གྱིས་ཤིག་།ཀྱེ་ཀླུ་ཆེན་པོ་དག་ཚུར་ཚུར། ཚུར་ཤེག་ཚུར་ཤེག་།འཛམ་བུའི་གླིང་དུ་ཆར་རབ་ཏུ་ཕོབ་ཤིག་།གུ་ཌུ་གུ་ཌུ། མུ་ཌུ་མུ་ཌུ། ཧི་ཧི་ཧི་ཧི། ཙུ་ཌ་ཙུ་ཌ། མ་ཧཱ་ནཱ་གཱ་ཧྲཱི་ད་ཡ། སརྦ་ནཱ་གཱ་ན། ཨཱ་ཀ་དཌྜྷ། ས་ན་ཙོ་ད་ཡ། ཤི་གྲཱ་ན་ད་ར་སཝཱ་ཧཱ། སྤྲིན་ཆེན་པོ་རྣམ་པར་འཕྲུལ་པའི་རྒྱན་བཀོད་པ་དག་གསེར་སྣམ་གྱི་མཐའ་རིན་པོ་ཆེ་ཐམས་ཅད་ཚོན་གྱི་ལྡ་ལྡིས་མཛེས་པ། མུ་ཏིག་གི་རྒྱན་ཕྲེང་རབ་དུ་འཕྱང་བ། རྒྱ་མཚོ་ཆེན་པོའི་སྤྲིན་དག་དང ། ལྷའི་རིན་པོ་ཆེས་མཛེས་པར་བྱས་པའི་གཞལ་མེད་ཁང་མེ་ཏོག་རབ་ཏུ་འཕྱང་བ། རྒྱ་མཚོ་ཆེན་པོའི་སྤྲིན་དག་གིས་ནམ་མཁའི་དཀྱིལ་འཁོར་ཀུན་དུ་ཁེབས་པར་བྱིན་གྱིས་རློབས་ལ་རིན་པོ་ཆེའི་སྤྲིན་རབ་དུ་འཕྱང་ཞིང་ལྷའི་རས་བཅོས་བུ་མང་པོ་དང་མུ་ཏིག་གི་རྒྱན་ཕྲེང་རྒྱ་མཚོ་ཆེན་པོའི་སྤྲིན་དག་དང ། སངས་རྒྱས་ཀྱི་རྣམ་པར་འཕྲུལ་པ་ཟབ་མོ་སྣ་ཚོགས་ཀྱི་བྱིན་གྱི་རླབས་ཀྱི་སྒྲ་སྒྲོགས་པ་རྒྱ་མཚོའི་སྤྲིན་དག་དང ། དེ་བཞིན་གཤེགས་པའི་ཡོན་ཏན་གྱི་རྒྱན་བཀོད་པ་བསམ་གྱིས་མི་ཁྱབ་པ་རྣམ་པ 59.296b སྣ་ཚོགས་ཡང་དག་པར་སྟོན་པའི་རིན་པོ་ཆེ་བཀོད་པ་ཆེན་པོ་རྒྱ་མཚོའི་སྤྲིན་དག་གིས་ནམ་མཁའི་དཀྱིལ་ཀུན་དུ་ཁེབས་པར་བྱིན་གྱིས་བརླབས་ཏེ། སྤྲིན་ཆེན་པོ་རྣམ་པར་འཕྲུལ་པའི་སྒྲ་སྒྲོགས་པ་རྒྱ་མཚོའི་སྤྲིན་དག་དང ། རིན་པོ་ཆེ་སྣ་ཚོགས་ཀྱི་ལྷའི་བླ་རེ་དྲིལ་བུའི་སྒྲ་སྙན་པ་སྒྲོགས་པ་རྒྱ་མཚོའི་སྤྲིན་དག་དང ། བྱའི་ཚོགས་ཐམས་ཅད་སྐད་འབྱིན་ཅིང་མེ་ཏོག་གི་ཆར་ཆེན་པོ་རབ་ཏུ་འབེབས་པ་རྒྱ་མཚོ་ཆེན་པོའི་སྤྲིན་དག་དང ། རྒྱ་མཚོ་སྤྲིན་ཆེན་པོས་སྒྲ་ཆེར་སྒྲོགས་ཤིང་ལྷའི་རིན་པོ་ཆེ་རབ་ཏུ་འཕྱང་ལ། མུ་ཏིག་གི་ལྡ་ལྡི་རྣམ་པ་སྣ་ཚོགས་རབ་ཏུ་འཕྱང་བ། རྒྱ་མཚོའི་སྤྲིན་དག་དང ། གསེར་སྐུད་ཀྱིས་བརྒྱན་པའི་སྣང་བ་ཆེན་པོ་ཅན་གྱི་རྩེ་མོས་ནམ་མཁའ་ཀུན་དུ་ཁེབས་པར་བྱེད་པ་རྒྱ་མཚོ་ཆེན་པོའི་སྤྲིན་དག་དང ། རིན་པོ་ཆེ་སྣ་ཚོགས་ཀྱི་ཕྲེང་བའི་འོད་ཀྱི་དཀྱིལ་འཁོར་གྱིས་ནམ་མཁའ་ཀུན་དུ་ཁེབས་པར་བྱེད་པ་ལ་མཁས་པ་རྒྱ་མཚོའི་སྤྲིན་དག་དང ། སྣང་བ་དང་ལྡན་པའི་རྒྱ་མཚོ་ཆེན་པོའི་སྒྲས་ཀུན་དུ་ཁེབས་པའི་རྒྱ་མཚོ་ཆེན་པོའི་སྤྲིན་དག་གིས་ནམ་མཁའ་མངོན་པར་ཁེབས་པར་གྱིས་ཤིག་།ཀླུ་དང་ཀླུའི་རྒྱལ་པོ་ཐམས་ཅད་ཚུར་ཤོག་།སའི་སྟེང་འདིར་འབྲུག་སྒྲ་སྒྲོགས་ཤིག་།ཆར་ཕོབ་ཤིག་།ཆར་རབ་ཏུ་ཕོབ་ཤིག་།ཆར་ཀུན་དུ་རབ་ཏུ་ཕོབ་ཤིག་དི་རི་རིར་སྒྲོག་ཤིག་གློག་ཆེན་པོ་སྣང་བ་རབ་ཏུ་ཕྱུང་ཤིག་།འདུ་ཞིང་ཀུན་དུ་འདུ་ལ་ཏོག་ཡར་དིར་དིར་ཞིང་འདུག་སྟེ། ཀླུའི་སྐད་ཆེན་པོ་ཡིད་དུ་འོང་བའི་སྒྲ་ཆེན་པོ་འབྱིན་ཅིང་དབྱངས་ཆེན་པོ་རབ་ཏུ་སྒྲོགས་པ་དག་འཛམ་བུའི་གླིང་དུ་ཆར་རབ་ཏུ་ཕོབ་ཤིག་།གྷཱ་ཌ་གྷཱ་ཌ། གྷི་ཌི་གྷི་ཌི།[་་]ཧུ་ཌུ་ཧུ་ཌུ་གུ་ཌུ་གུ་ག་ཌ་ག་ཌ་གི་ཌི་གི་ཌི། མ་ཊ་མ་ཊ། ཙ་ཊ་ཙ་ཊ། པ་ཊ་པ་ཊ། ཀྱེ་ཀྱེ་ཀླུ་དང་ཀླུ་ཆེན་པོ་དག་ཚུར་ཚུར། ཚུར་ཤེག་ཚུར་ཤེག་།དྷུ་དྷུ་དྷུ་དྷུ།[་་]ཧཱ་ཧཱ་ཧཱ་ཧཱ། ཧཱི་ཧཱི་ཧཱུ་ཧཱུ་ཧཱུཾ་ཧཱུཾ། 59.297a འབྲུག་སྒྲ་ཆེན་པོ་སྒྲོགས་ཤིང་རླུང་ཆེན་པོ་རབ་ཏུ་གཏོང་བ་དག་སངས་རྒྱས་ཀྱི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀྱེ་ཀྱེ་ཀླུ་དང ། ཀླུའི་རྒྱལ་པོ་དག་ཀླུ་ཐམས་ཅད་ལ་ཡང་དག་པར་བསྐུལ་གྱིས་འཛམ་བུའི་གླིང་དུ་ཆར་ཕོབ་ཤིག་།གྷུ་ཊུ་གྷུ་ཊུ། ཕ་ཌ་ཕ་ཌ། ཧཱ་ཧཱ། ཧཱེ་ཧཱེ། ཀླུ་ཆེན་པོ་དག་འདུས་ཤིག་།སའི་སྟེང་དུ་ཆར་རབ་ཏུ་ཕོབ་ཤིག་།གུ་རུ་གྷུ་རུ། ཀི་རི་ཀི་རི། ཙི་རི་ཙི་རི། མི་ཙི་མི་རི། དི་རི་དི་རི། ཀི་ལི་ཀི་ལི། ཞིང་ཐམས་ཅད་ཡོངས་སུ་གང་བར་གྱིས་ཤིག་།འབྲུ་དང ། ཤིང་ལྗོན་པ་དང ། རྩཝ་དང་ཤིང་གེལ་པ་དང ། སྨན་ཐམས་ཅད་རབ་ཏུ་སྐྱེ་བར་གྱིས་ཤིག་།བྱམས་པའི་སེམས་ཀྱིས་ཚུར་ཤེག་།སངས་རྒྱས་ཀྱི་བདེན་པ་དང ། ཆོས་ཀྱི་བདེན་པ་དང ། དགེ་འདུན་གྱི་བདེན་པ་དང ། ལག་ན་རྡོ་རྗེའི་བདེན་པ་དང ། ཀླུ་ཐམས་ཅད་ཀྱི་བདེན་པས་ཀླུ་ཆེན་པོ་དག་ཚུར་ཤེག་།ཚུར་ཤེག་།ཀླུའི་རྒྱལ་པོ་མདོངས་བུ་ལ་ཡང་དག་པར་བསྐུལ་ལོ། །སངས་རྒྱས་ཀྱི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ་དཔལ་གྱི་གཟི་བརྗིད་ལ་ཡང་དག་པར་བསྐུལ་ལོ། །ཆོས་ཀྱི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ་མཐའ་ཡས་ལ་ཡང་དག་པར་བསྐུལ་ལོ། །དགེ་འདུན་གྱི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། །ཀླུའི་རྒྱལ་པོ་ནོར་རྒྱས་ཀྱི་བུ་ལ་ཡང་དག་པར་བསྐུལ་ལོ། །ལག་ན་རྡོ་རྗེའི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ་འཇོག་པོ་ལ་ཡང་དག་པར་བསྐུལ་ལོ། །ཚངས་པའི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ་དཔལ་མགྲིན་ལ་ཡང་དག་པར་བསྐུལ་ལོ། །དབང་པོའི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ 59.297b ས་སྲུང་གི་བུ་ལ་ཡང་དག་པར་བསྐུལ་ལོ། །ཁྱབ་འཇུག་གི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ་ཕྲེང་བ་ཅན་ལ་ཡང་དག་པར་བསྐུལ་ལོ། །དྲག་པོའི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ་གཟི་ཅན་ལ་ཡང་དག་པར་བསྐུལ་ལོ། །དྲང་སྲོང་གི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ་སྐྲག་འབྲོས་བྱེད་ལ་ཡང་དག་པར་བསྐུལ་ལོ། །ལྷའི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ་གཟི་ཅན་ཆེན་པོ་ལ་ཡང་དག་པར་བསྐུལ་ལོ། །ཀླུ་ཐམས་ཅད་ཀྱི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ་རབ་འཇོམས་ལ་ཡང་དག་པར་བསྐུལ་ལོ། །གནོད་སྦྱིན་གྱི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུའི་རྒྱལ་པོ་ཐམས་ཅད་ལ་ཡང་དག་པར་བསྐུལ་ལོ། །སྲིན་པོའི་བདེན་པས་འཛམ་བུའི་གླིང་འདིར་ཆར་རབ་ཏུ་ཕོབ་ཤིག་སཝཱ་ཧཱ། ཀླུ་གོང་མ་གོང་མ་ཐམས་ཅད་ཀྱི་བདེན་པས་ཆར་ཕོབ་ཤིག་།ཆར་ཕོབ་ཤིག་མ་འཕྱི་བར་ཚུར་ཤེག་།ཀྱེ་ཀྱེ་ཀླུ་ཆེན་པོ་དག་ཀླུ་ཐམས་ཅད་ཀྱི་སྙིང་པོ་ལ་ཡང་དག་པར་བསྐུལ་ལོ། །ཀུན་ནས་དྲང་ངོ ། །ས་ར་ས་ར། ཧཱ་ཧཱ། དྷུ་མ་དྷུ་མ། ཧཱ་ཧཱ་ཧཱ་ཧཱ། ཧི་ཧི་ཧི་ཧི། ཨེ་ཧྱཱེ་ཧི། ཐ་ཐ་ཐ། ཙ་ཙ་ཙ་ར་ཏ། ཞིང་ཐམས་ཅད་ཀུན་དུ་གང་བར་གྱིས་ཤིག་།འབྲུ་ཐམས་ཅད་ཀྱི་ཆར་ཕོབ་ཤིག་།རླུང་ཆེན་པོ་རབ་ཏུ་ཐོང་ཤིག་།དྲུ་མ་དྲུ་མ། གྷཱུང་གྷཱུང ། བཱུ་མ་བཱུ་མ། ཊ་ཊ་ཊ་ཊ། ནི་པཱ་ར་ཎི། སྟམ་བྷ་ནི། མོ་ཧ་ནི། ཛཱཾ་གཱུ་ལི། བུག་ཀ་སི། བྲ་ཧཱ་ནཱེ། མ་ཏང་གི། ཛ་ཡེ་བི་ཛ་ཡེ། ཧཱ་ཧཱ་སཝཱ་ཧཱ། དེ་བཞིན་གཤེགས་པ་སྤྲིན་ཆེན་སྙིང་པོ་དཔལ་གྱི་གཟི་བརྗིད་དང ། དེ་བཞིན་གཤེགས་པ་སྤྲིན་ཆེན་རབ་འཇོམ་དང ། དེ་བཞིན 59.298a གཤེགས་པ་སྤྲིན་འབྱུང་དང ། དེ་བཞིན་གཤེགས་པ་སྤྲིན་ཆེན་སྙིང་པོ་དང ། དེ་བཞིན་གཤེགས་པ་སྤྲིན་ཆེན་ཀུན་ཏུ་འགེབས་དང ། དེ་བཞིན་གཤེགས་པ་འབྲུགས་ཆེན་སྒྲོག་དང ། དེ་བཞིན་གཤེགས་པ་སྤྲན་ཆེན་རྒྱས་མཛད་དང ། དེ་བཞིན་གཤེགས་པ་འབྲུག་ཆེན་རྣམ་པར་སྒྲོགས་པའི་སྒྲའི་རྒྱལ་པོ་དང ། དེ་བཞིན་གཤེགས་པ་སྤྲིན་ཆེན་འཇིག་མཛད་དང ། དེ་བཞིན་གཤེགས་པ་སྤྲིན་ཆེན་སྲུང་དང ། དེ་བཞིན་གཤེགས་པ་སྤྲིན་ཆེན་རྔ་སྒྲ་དང ། དེ་བཞིན་གཤེགས་པ་འབྲུག་ཆེན་སྒྲ་དང ། དེ་བཞིན་གཤེགས་པ་སྤྲིན་ཆེན་དཔལ་གྱི་གཟི་བརྗིད་དང ། དེ་བཞིན་གཤེགས་པ་སྤྲིན་ཆེན་དབྱངས་སྙན་དང ། དེ་བཞིན་གཤེགས་པ་སྤྲིན་ཆེན་སྐར་མའི་རྒྱལ་པོ་དང ། དེ་བཞིན་གཤེགས་པ་སྤྲིན་ཆེན་ཚུབ་མའི་རྒྱལ་པོ་དང ། དེ་བཞིན་གཤེགས་པ་སྤྲིན་ཆེན་ཤིན་དུ་བརྟན་པའི་རྒྱལ་པོ་དང ། དེ་བཞིན་གཤེགས་པ་སྤྲན་ཆེན་བརྟན་པའི་དགའ་བར་མཛད་པ་དང ། དེ་བཞིན་གཤེགས་པ་སྤྲིན་ཆེན་འུར་འུར་སྒྲ་དང ། དེ་བཞིན་གཤེགས་པ་སྤྲིན་ཆེན་འཇིགས་པའི་འཇིགས་མཛད་དང ། དེ་བཞིན་གཤེགས་པ་སྤྲིན་ཆེན་ཐོག་ཏོག་རབ་བའི་བས་དང ། དེ་བཞིན་གཤེགས་པ་སྤྲིན་ཆེན་རྣམ་པར་འཕྲུལ་པའི་རྒྱལ་པོ་དང ། དེ་བཞིན་གཤེགས་པ་སྤྲིན་ཆེན་བཀྲ་ཤིས་ཀྱི་ཆེད་དང ། སངས་རྒྱས་ཐམས་ཅད་ཀྱི་བྱིན་གྱིས་བརླབས་དང ། བྱང་ཆུབ་སེམས་དཔའ་ཐམས་ཅད་ཀྱི། བྱིན་གྱིས་བརླབས་ཀྱི་ཕྱིར། དེ་བཞིན་གཤེགས་པ་སྤྲིན་ཆེན་པོ་སྤྲིན་ཆེན་སྙིང་པོ་ཐམས་ཅད་ལ་ཡང་དག་པར་བསྐུལ་ལོ། །ཀླུ་ཐམས་ཅད་ཀྱི་བདེན་པས་ཀླུ་ཐམས་ཅད་ཀྱི་སྙིང་པོ་ལ། ཡང་དག་པར་བསྐུལ་ལོ། །དཀོན་མཆོག་གསུམ་གྱི་བཀའ་ལུང་གིས་མྱུར་དུ་ཤིག་ཤིག་།ཀྱེ་ཀྱེ་ཀླུ་དང ། ཀླུ་ཆེན་པོ་དག་ཚུར་ཤིག་ཚུར་ཤིག་།ཧུ་ལུ་ཧུ་ལུ། སུ་རུ་སུ་རུ། དྷ་བ་དྷ་བ། གྷ་ར་གྷ་ར། བྷུ་རུ་བྷུ་རུ། མ་འཕྱི་བར་སངས་རྒྱས་ཀྱི་བདེན་པས་ཚུར་ཤིག་།ཆོས་ཀྱི་བདེན་པས་ཚུར་ཤིག་།གེ་འདུན་གྱི་བདེན་པས 59.298b ཚུར་ཤིག་ཀླུ་ཐམས་ཅད་དང ། ཀླུ་ཆེན་པོ་གོང་མ་གོང་མ་དག་གི་བདེན་པས་འཛམ་གླིང་དུ་ཆར་ཕོབ་ཤིག་། ལ་ལ་ཞིག་གར་བྱེད་ཅིང ། ་ལ་ལ་ཞེས་གླུ་ལེན་པ་དང ། ་ལ་ལ་ཞེས་ཀླུའི་རྣམ་པར་འཕྲུལ་པ་ཆེན་པོ་ཕྱད་ཅིང་འདུ་ལ། ཆར་གྱི་རྒྱུན་ཆེན་པོ་འབེབས་པར་བྱེད་ཀླུ་ཆེན་པོ་རྣམས་ཀྱི་ཆོས་ཀྱི་སྒྲ་ཡིད་དུ་འོང་བ་སྟོན་པ་གང ། གུ་ལུ་གུ་ལུ། ནཱ་གེ་ནཱ་གེ། སྟེ་ཙན་ཏ་ནཱ་ག་ནི། ཧ་ཧ་ཊི་ཤི། ནཱ་ག་ནཱ་ག་ན་ནཱེ་ག་།སརྦ་ནཱ་ག་བིཤཊམ་བྷ་ནེ། མ་ར་ཎ་ཊ་ར་ཎ་ཊཱ་རེ། ཊཱ་ར་ཊ་ར། ཊཱ་རེ་ཀ་བི་ལ། ཀེ་ཥི། བི་ཀ་ཏེ་དཥྚི། བྷ་ཡ་ནཱ་ཡེ། ཨ་གང་ང ། ་གད་དྷ། མ་བྷི་ལམ་བ་ཐ། བི་ཊུ་ད་རེ། གོ་ར་རེ་བི་ནི། ཀ་ལི་ཨ་ཀ་ལེ། གེརྫ་ཏེ། སརྦ་མེ་གྷ་བི་ཀུརྦ་ཎི། ས་ཙད་ན། སརྦ་ཀཱེ་ཏྲ་ཨ་བུར་ཎི། ཙཀྲི། ཙཀྲ་བརྟེ། ཧེ་རུ་ཧེ་རུ། བི་གི་བ་བི། སྨ་ར་སྨ་ར། ཀཱ་ལི་ཀཱ་ལི། མ་ཧཱ་ཀཱ་ལི། ཧྲཱི་ད་ཡ། པྲ་བ་ཐ། ཨད་ཏེ། མད་ཏེ། སརྦ་ནཱ་ག་། ཀ་ར་ཤ་ནི། བཱུ་ར་ཡ་བཱུ་ར་ཡ། ཧཱུ་མ་ཧཱུ་མ། རང་ན་ཏྲ་ཡ་བི་ཀུ་ཏེ། བཛྲེ་ཎི། བཛྲི་ཎི། བཛྲ་བཛྲ་པཱ་ནི། ཀཱ་ལ་ཤོ་དཱ་རེ། ནཱ་ག་ཏུ་བི་ནི། སུ་རུ་བེ། བྷོ་གི་བྷེ་གི། མ་ཧཱ་བྷོ་གི། བྷོ་ག་རུ་པ་ཏ་ཡ། བ་ལེ། བརཤ་ནི། སརྦ་ནཱ་ག་སཉྩ་ད་ནི་སཝཱ་ཧཱ། ན་མོ་རད་ན་ཏྲ་ཡཱ་ཡ། ན་མ་ཤཱ་ན་བཛྲ་པ་ན་ཡེ། བནཱ་དྷ་བན་དྷ། སུ་རུ་པེ། ཀ་ལི་རུ་པ་ནི། སཝཱ་ཧཱ། ཆོས་སྨྲ་བས་ཐོག་མ་ཁོ་ནར་སྲུང་བའི་ཆོ་ག་བྱས་ལ། ཆོས་གོས་གྱི་སྤར་ལན་བདུན་བཟླས་བརྗོད་བྱས་ཏེ། མདུད་པ་བོར་ནས་རླུང་གི་དཀྱིལ་འཁོར་གྱིས། ལེའུ་ཀླུ་ཐམས་ཅད་ཀྱི། སྙིང་པོ་ཞེས་བྱ་བ་འདི། ཞག་ཉི་ཤུ་རྩ་གཅིག་གི་བར་དུ། རྒྱན་མཆོད་པར་བཀླག་པར་བྱའོ། །ཤར་ཕྱོགས་སུ་ནི་བ་ལང ། གི་ལྕི་བས་ཀླུའི། རྒྱལ་པོ་མགོ། གསུམ་པ། ཞེས་བྱ་བ་འཁོར་དང ། དང་བཅས་པ་ཏེ་བྲི 59.299a བྱའོ་ལྷོ་ཕྱོགས་སུ་ནི་ཀླུའི་རྒྱལ་པོ་རབ་ཏུ་རྒྱས་བྱེད་ཅེས་བྱ་བ་མགོ་ལྔ་པ་འཁོར་དང་བཅས་ཏེ་བྲི་བར་བྱའོ། །ནུབ་ཕྱོགས་སུ་ནི་ཀླུའི་རྒྱལ་པོ་སྣང་ལྡན་གཙུག་ཕུད་ཅན་ཞེས་བྱ་བ་མགོ་བདུན་པ་འཁོར་དང་བཅས་ཏེ་བྲི་བར་བྱའོ། །བྱང་ཕྱོགས་སུ་ནི་ཀླུའི་རྒྱལ་པོ་སྤྲིན་སྐུལ་ཞེས་བྱ་བ་མགོ་དགུ་པ་འཁོར་དང་བཅས་ཏེ་བྲི་བར་བྱའོ། །བླ་རེ་དང ། གོས་སྔོན་པོ་དང ། རྒྱལ་མཚན་སྔོན་པོ་དང ། ལྷ་བཤོས་ཐམས་ཅད་ཀྱང་སྔོན་པོར་བྱའོ། །ཀླུ་རྣམས་ལ་དབབ་པ་ནི་མངར་གསུམ་གྱིས་བྱའོ། །མངར་གསུམ་གྱི་དགང་ལུགས་བདུན་ཡང་ཀླུའི་སྙིང་པོས་སྦྱིན་བསྲེག་བྱའོ། །སྤྲིན་གྱི་རྒྱལ་པོ་རྣམས་ཀྱང་བྲིས་ཏེ ། ཆར་གྱི་རྒྱུན་འབེབས་ལ་ཕན་ཚུན་ཐུག་ཅིང་མཐར་གློག་འགྱུ་བར་བྱའོ། །འདིར་དབབ་པ་ནི་ཁུར་བ་བཀྲ་ཤིས་ལྡན་དང ། པེན་ཅེ་དང་ཤ་དང་ཉ་ཤ་དང ། སྦྲང་རྩི་ལས་བྱས་པའི་ཟས་མཆོག་རྒྱས་པར་བྱའོ། །དེ་ནས་ཆོས་སྨྲ་བ་གཙང་ཞིང་གོས་གཙང་མ་བགོས་རླུང་གི་དཀྱིལ་འཁོར་གྱི་ལེའུ་ཀླུ་ཐམས་ཅད་ཀྱི་སྙིང་པོ་བཀླག་པར་བྱའོ། །དེ་ནས་ཀླུ་རྣམས་དང་པོའི་ཉིན་མོ་ནས་བརྩམས་ཏེ། དི་རི་རིར་སྒྲ་སྒྲོགས་པར་བྱེད་ཅིང་སྒྲ་ཡིད་དུ་འོང་བ་དག་འབྱིན་པར་འགྱུར་ཏེ། ལེའུ་འདི་ལ་ཐེ་ཙོམ་དང་བརྙས་པར་མི་བྱའོ། །གལ་ཏེ་རྒྱ་མཚོ་དུས་ཚོད་ལས་ཡོལ་ན་འདི་ཡང་ཆར་ལས་ཡོལ་བར་འགྱུར་རོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་གྱི་སྙིང་པོ་བརྩེགས་པ་རྣམ་པར་བསྒྲགས་པའི་རྒྱལ་པོ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྔ་སྒྲ་སྒྲོགས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་བདལ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ 59.299b ཡང་དག་པར་རྫོགས་པའི་སངས་རྒྱས་འབྲུག་སྒྲ་བསྒྲོགས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པར་རྫོགས་པའི་སངས་རྒྱས་སྤྲིན་ཀུན་དུ་སྟོན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་འཛག་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་རྣམ་པར་རྒྱས་མཛད་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱི་ཡན་ལག་མཛེས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་ལྟ་བུའི་ན་བཟའ་མནབས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱིས་འབྲུ་སྐྲུན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱི་ཕྲེང་བ་ཅན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་ཐོར་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱི་དབང་ཕྱུག་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་འཛིན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་སྒྲ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱིས་བྱིན་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག 59.300a སྒྲ་རྣམ་པར་སྒྲོགས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱི་ཆུ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་སྡུད་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འབྲུག་ངེས་པར་བསྒྲགས་ལ་ཕྱག་འཚལ་ལོ། །སངས་རྒྱས་ཐམས་ཅད་ལ་ཕྱག་འཚལ་ལོ། །སེམས་ཅན་ཐམས་ཅད་ལ་བདེ་ལེགས་སུ་གྱུར་ཅིག་།འབྱུང་པོ་ཐམས་ཅད་ལ་བྱམས་པར་གྱུར་ཅིག་།དུད་འགྲོར་གྱུར་པ་ཐམས་ཅད་འཇིགས་པ་མེད་པར་གྱུར་ཅིག་།ངན་འགྲོ་ཐམས་ཅད་ཞི་བར་གྱུར་ཅིག་།སྒྲིབ་པ་ཐམས་ཅད་རྣམ་པར་སེལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཐམས་ཅད་ཀྱི་ཆོ་ག་།སངས་རྒྱས་ཐམས་ཅད་ཀྱིས་གཟིགས་པའི་ཆོ་ག་འདི་གྲུབ་པར་གྱུར་ཅིག་།ཏདྱ་ཐཱ། སྤུ་ཏ་སྤུ་ཏ། སྤུ་ཊ་སྤུ་ཊ་སྤུ་ཊ་སཝཱ་ཧཱ། ཆར་མི་འབབ་པའི་ཚེ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་གང་ལ་ལ་ཞིག་གིས་མགོ་བཀྲུས་ཏེ། གོས་གཙང་མ་བགོས་ལ་བྱམས་པའི་སེམས་དང་ལྡན་པས་དེ་བཞིན་གཤེགས་པའི་མཚན་འདི་དག་ཡི་གེར་བྲིས་ནས་གདན་གཙང་མ་ལ་བཞག་སྟེ། པོག་ཕོར་བདུན་གྱིས་ནམ་མཁའ་ལ་གྱེན་དུ་བདུག་ཅིང ། དེ་བཞིན་གཤེགས་པའི་མཚན་རྣམས་ལན་ལྔ་བཅུའི་བར་དུ་བརྗོད་ལ་མཆོད་པ་ཆེན་པོ་བྱས་ཏེ། ཞག་བདུན་གྱི་བར་དུ་རྒྱུན་མ་ཆད་པར་བྱས་ན་ཆར་འབབ་པར་འགྱུར་རོ། །འཕགས་པ་སྤྲིན་ཆེན་པོ་རླུང་གི་དཀྱིལ་འཁོར་གྱི་ལེའུ་ཀླུ་ཐམས་ཅད་ཀྱི་སྙིང་པོ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །། རྒྱ་གར་གྱི་མཁན་པོ་ཛི་ན་མི་ཏྲ་དང ། སུ་རེན་དྲ་བོ་དྷི་དང ། ཞུ་ཆེན་གྱི་ལོ་ཙྪ་བ 59.300b བན་དེ་ཡེ་ཤེས་སྡེས་ཞུས་ཏེ་གཏན་ལ་ཕབ་པ། ། |