འཕགས་པ་ཐབས་ཀྱི་ཞགས་པ་པདྨོའི་ཕྲེང་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འཕགས་པ་ཐབས་ཀྱི་ཞགས་པ་པདྨོ་ཕྲེང་གི་དོན་བསྡུས་པ། དེ་ནས་བཅོམ་ལྡན་ 473a ༄#། །འདས་དཔལ་ཀུན་རིག་རྣམ་པར་སྣང་མཛད་ལ་བཅོམ་ལྡན་འདས་དཔལ་རྡོ་རྗེ་སེམས་དཔས་རིག་པའི་བྱིན་རླབས་ལས་བྱུང་བའི་མཆོད་པ་རྒྱ་ཡོངས་སུ་མཆད་པའི་གཞལ་ཡས་ཁང་དང ། བླ་བྲེས་དང ། རྒྱལ་མཚན་དང ། བ་དན་དང ། གདུགས་དང ། སྒེག་མོ་ལ་སོགས་པ་ནང་གི་མཆོད་པ་བཞི་དང ། བདུག་སྤོས་ལ་སོགས་པ་ཕྱིའི་མཆོད་པ་བཞིས་མཆོད་དེ་ལན་གསུམ་དུ་བསྐོར་བ་བྱས་ནས་སོ་སོ་མ་ཡིན་པའི་རིག་པའི་འདུད་པས་ཕྱག་འཚལ་ཏེ་སྤྱན་སྔར་འདུག་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་དུས་གསུམ་དུ་གཤེགས་པའི་སངས་རྒྱས་བཅོམ་ལྡན་འདས་ཀྱིས་མཁྱེན་པའི་སངས་རྒྱས་བཅོམ་ལྡན་འདས་རྣམས་ཀྱི་སྤྱོད་ཡུལ་ཉན་ཐོས་དང་ཐུན་མོང་མ་ལགས་པ་ཐབས་གང་གིས་རྟོགས་པ་དེ་ཚེ་འདི་ཉིད་ལ་ཐམས་ཅད་མཁྱེན་པའི་གོ་འཕང་ཐོབ་པའི་དོན་དུ་བཤད་དུ་གསོལ། དེ་སྐད་ཅེས་གསོལ་བ་དང ། ཅང་མི་གསུང་བར་འཛུམ་པ་མཛད་དེ་འདི་སྐད་ཅེས་བཀའ་སྩལ་ཏོ། །སེམས་དཔའ་ཆེན་པོ་ཉོན་ཅིག། དོན་འདི་དང་ཕྱི་ནང་གི་ཆོས་ཐམས་ཅད་འདྲ་སྟེ། བདེན་པ་གཉིས་སུ་འདུས་སོ། །བདེན་པ་གཉིས་ལ་ཡང་ཚུལ་འདི་ལྟར་ཤེས་པར་བྱའོ། །བདེན་གཉིས་རྒྱུ་དང་འབྲས་བུའི་ཚུལ། །དེ་བཞིན་ཉིད་ལ་གནས་བྱས་ནས། །ཕྱི་ནང་སྣོད་བཅུད་རྣམ་པར་དག་།བྱེད་སྤྱོད་ཐམས་ཅད་ཚོགས་གཉིས་འགྱུར། །ཕ་རོལ་ཕྱིན་བཅུ་རྫོགས་པ་སྟེ། །ས་བཅུ་རིམ་གྱིས་བསྒྲོད་ 473b པ་ལ། །མཉམ་ཉིད་རིག་པའི་རྡོ་རྗེ་ཡིས། །ས་རྣམས་མཉམ་པ་ཉིད་དུ་སྦྱོར། །རྡོ་རྗེ་ལྟ་བུའི་ཡེ་ཤེས་ཀྱིས། །ཆོས་ཀུན་སྒྱུ་མར་རིག་པའི་ཕྱིར། །དངོས་དང་དངོས་མེད་བག་ཆགས་བསྲེགས། ཡང་ན་ཡེ་ཤེས་མེ་ཞེས་བྱ། །རྒྱུ་དང་འབྲས་བུའི་རྣམ་སྨིན་ནི། །མེད་མིན་རྒྱུ་འབྲས་མཐུན་པར་འགྲུབ། །དེ་བཞིན་མཉམ་ཉིད་ཡེ་ཤེས་ཀྱིས། །རིག་པས་ཚོགས་སུ་འགྱུར་བས་སོ། །ལམ་གྱི་ནང་ན་ཉེ་ལམ་བདེ་རྫོགས་པ། །ཐབས་ཀྱི་ནང་ན་མ་ནོར་དམ་པ་སྟེ། །བསྒྲུབས་ན་ཚེ་འདིས་སངས་རྒྱས་ཆེ་བ་ཡང ། །བླང་དོར་མེད་པའི་སྐུ་གསུམ་རྡོ་རྗེས་འཐོབ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། བདེན་པ་གཉིས་བསྟན་པའི་ལེའུ་སྟེ་དང་པོའོ།། །།སེམས་དཔའ་ཆེན་པོ། དམ་ཚིག་འདི་དག་ནི། བདག་དང་གཞན་ལ་ཕན་པའི་ཕྱིར་ངས་བཤད་དོ། །གཏི་མུག་ཞེ་སྡང་ང་རྒྱལ་དང ། །འདོད་ཆགས་ཕྲག་དོག་ཆེན་པོ་ནི། །བསྲུང་བ་མེད་པའི་སྡོམ་པ་ཅན། །དེ་ནི་དམ་ཚིག་རྡོ་རྗེ་ཡིན། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། དམ་ཚིག་བསྟན་པའི་ལེའུ་སྟེ་གཉིས་པའོ།། །།སེམས་དཔའ་ཆེན་པོ། དབང་འདི་དག་ནི། རང་རིག་པའི་རྩལ་གྱིས་འཐོབ་བོ། །ཐབས་དང་ཤེས་རབ་དབང་ཆེན་ཏེ། །རྡོ་རྗེ་དྲིལ་བུ་རིག་བས་འཛིན། །མྱ་ངན་འདས་དང་འཁོར་བ་ཡི། །ཆོས་ལ་འདོད་བཞིན་དབང་བྱེད་དོ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། དབང་གི་ལེའུ་སྟེ་གསུམ་པའོ།། །། 474a ༄#། །སེམས་དཔའ་ཆེན་པོ། །མཆོད་པའི་མཆོག་ནི། འདི་ལྟར་རིག་པར་བྱའོ། །བདག་མཆོད་ཀུན་མཉེས་ཐམས་ཅད་འདྲོངས། །ཀུན་ལ་ཕན་པའི་སྨན་ཡིན་ཏེ། ། རྣལ་འབྱོར་བདག་ཉིད་ཆེན་པོ་ཡིས། །ཐམས་ཅད་བཟའ་ཞིང་བརྒྱན་པར་བྱ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། མཆོད་པའི་ལེའུ་སྟེ་བཞི་པའོ།། །།ཀུན་ཏུ་འོད་ཀྱིས་ལས་འདས། །པདྨའི་སྤྱན་དུ་གྱུར་པ་ན། །རིག་པའི་བྱིན་རླབས་ཆེན་པོ་ལས། །རང་འབྱུང་དཀྱིལ་འདུ་འཕྲོ་ཡི་ཚུལ། །ཡི་གེ་འཁོར་ལོ་ཚོགས་ཆེན་ཏེ། །མཚན་དང་དཔེ་བྱད་ཀུན་ལས་གྲོལ། །རྔམ་ཞིང་གཏུམ་པའི་གཟུགས་ཅན་དང ། །མགྱོགས་མ་མགྱོགས་མའི་ཕོ་ཉར་ལྡན། །དེ་ནི་ཐིག་ལེ་རྡོ་རྗེ་ཡིན། །འདི་ཞེས་གང་ཟག་བདག་མེད་པར། །རྟོགས་པར་བྱ་ཕྱིར་ངས་བཤད་དེ། །མཁས་པས་དེ་ལ་འབྱོར་པར་གྱིས། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས་ཏིང་ངེ་འཛིན་གྱི་དཀྱིལ་འཁོར་གྱི་ལེའུ་སྟེ་ལྔ་པའོ།། །།སེམས་དཔའ་ཆེན་པོ། །སྤྱོད་ཡུལ་ཐམས་ཅད་ནི། འདི་ལྟར་རིག་པར་བྱའོ། །ཆེན་པོ་ལྔ་ཡང་དེ་བཞིན་གཤེགས། །གཅིག་ལའང་ལྔ་ལྔར་རིག་པར་གྱིས། །ཁམས་གསུམ་བདག་ཉིད་ཡིན་པ་སྟེ། །སྐུ་གསུང་ཐུགས་ཀྱང་དེ་ལ་བྱ། །ཡེ་ཤེས་ལྔ་དང་འགྲོ་བ་ལྔ། །མཉམ་པས་སོ་སོ་དབྱེར་མེད་དེ། །སྔགས་དང་ཕྱག་རྒྱ་དབང་བསྐུར་ནས། །སྤྱོད་ཡུལ་ཀུན་ཏུ་མཎྜ་ལ། །འཕགས་པ་ 474b པ་ཐབས་ཀྱི་ཞགས་པ་པདྨོ་ཕྲེང་ལས། གཟུགས་བརྙན་གྱི་དཀྱིལ་འཁོར་གྱི་ལེའུ་སྟེ་དྲུག་པའོ།། །།སེམས་དཔའ་ཆེན་པོ་ཞེས་རྡོ་རྗེ་སེམས་དཔའ་བོས་ནས་བཤད་དོ། །རྒྱལ་བའི་རྒྱལ་བ་རྣམས་ཀྱི་སྐུ། །སྣ་ཚོགས་ཅིར་ཡང་སྣང་མོད་ཀྱི། །ཀུན་ཏུ་རིན་ཆེན་ལྟ་བུ་སྟེ། །དོན་དང་ལས་ཡིན་བསྒོམས་པས་འགྲུབ། །དབུ་མིག་རྣ་བ་སྣ་ལྕེ་ལ། །ོཾ་ཞེས་བྱ་བ་ལྔ་བཞག་སྟེ།། གཙོ་བོ་ལྔ་དང་གཙོ་མོ་ལྔ། །སྦྱོར་བའི་ཚུལ་དུ་བསྒོམ་པར་བྱ། །ལག་པ་གཡས་པའི་སོར་མོ་ལ། །ཧཱུཾ་ཞེས་བྱ་བ་ལྔ་བཞག་སྟེ། །སེམས་དཔའ་ལྔ་དང་སེམས་མ་ལྔ། །སྦྱོར་བའི་ཚུལ་དུ་བསྒོམ་པར་བྱ། །ལག་པ་གཡོན་པའི་སོར་མོ་ལ། །ཏྲཱཾ་ཞེས་བྱ་བ་ལྔ་བཞག་སྟེ། །སེམས་དཔའ་ལྔ་དང་སེམས་མ་ལྔ། །སྦྱོར་བའི་ཚུལ་དུ་བསྒོམ་པར་བྱ། །རྐང་པ་གཡོན་པའི་སོར་མོ་ལ།། ཧྲཱིཿ ་ཞེས་བྱ་བ་ལྔ་བཞག་སྟེ། །སེམས་དཔའ་ལྔ་དང་སེམས་མ་ལྔ། །སྦྱོར་བའི་ཚུལ་དུ་བསྒོམ་པར་བྱ། །རྐང་པ་གཡས་པའི་སོར་མོ་ལ། །ཱཿ ་ཞེས་བྱ་བ་ལྔ་བཞག་སྟེ། །སེམས་དཔའ་ལྔ་དང་སེམས་མ་ལྔ། །སྦྱོར་བའི་ཚུལ་དུ་བསྒོམ་པར་བྱ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། ལྷའི་མཚན་ཉིད་དང་དཀྱིལ་འཁོར་དགོད་པའི་རིམ་པ་བསྟན་པའི་ལེའུ་སྟེ་བདུན་པའོ།། །།སེམས་དཔའ་ཆེན་པོ་ཉོན་ཅིག་ཅེས་རྡོ་རྗེ་སེམས་དཔའ་བོས་ནས་བཤད་དོ། །རྣལ་འབྱོར་རིག་འཛིན་མར་ལྡན་པས། །ལྔ་ཞིང་ལྔ་དང་འབྱོར་པ་ཡི། །ཚོམ་བུ་ལྔ་ 475a ༄#། །ཡི་ལྷ་བསྒོམས་ན། །ཐམས་ཅད་བདག་ཉིད་ཆེན་པོར་འགྱུར། །རིན་ཆེན་པདྨའི་དཀྱིལ་འཇམ་འདི། །འཛུམ་པའི་མདངས་ཀྱིས་འབུལ་ལགས་ཀྱི། །དགྱེས་པའི་རྡོ་རྗེ་རབ་གསོར་ནས། །བྱང་ཆུབ་སེམས་སྤྲིན་དབབ་པར་གསོལ། །རྡོ་རྗེ་གསོར་བའི་དགའ་མཆོ་ག་འདི། །འཛུམ་ཞིང་འཁྱིལ་བའི་གནས་སུ་གསོར། །མི་དམིགས་བདེ་དང་འཕྲོ་བ་ནི།། རྡོ་རྗེ་འཛིན་མར་ལྡན་ལས་བྱུང ། །རྣལ་འབྱོར་རིག་འཛིན་མར་ལྡན་པས། །ན་བཟའ་དང་ནི་ཞལ་ཟས་རྣམས། །གྲུབ་པའི་རྫས་སུ་དབང་བསྐུར་ནས། །གསོལ་ན་དངོས་གྲུབ་མཆོག་ཏུ་འགྱུར། །རྣལ་འབྱོར་རིག་འཛིན་མར་ལྡན་པས། །གླུ་དང་ཚིག་གི་སྒྲ་རྣམས་ནི། །གསུང་གི་ངོ་བོར་བྱིན་བརླབས་ཏེ། །བསྒྲགས་ན་དངོས་གྲུབ་མཆོག་ཏུ་འགྱུར། །རྣལ་འབྱོར་རིག་འཛིན་མར་ལྡན་པས། །བྲོ་དང་གར་གྱིས་བསྐྱོད་བྱས་ཏེ། །འོད་ཀྱི་འདུ་འཕྲོ་བྱིན་གྱིས་བརླབ། །དངོས་གྲུབ་མཆོག་ཀྱང་འཐོབ་པར་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། དངོས་གྲུབ་སྒྲུབ་པའི་ལེའུ་སྟེ་བརྒྱད་པའོ།། །།དེ་ནས་བཅོམ་ལྡན་འདས་དེ་དག་གི་སྐུ་དང་གསུང་དང་ཐུགས་རྡོ་རྗེ་ལས་འདི་ཕྱུང་ངོ ། །ོཾ་བཛྲ་བཻ་རོ་ཙ་ན་ཨོཾ། ཨོཾ་སཏྭ་བཛྲེ་ཧཱུཾ། ཨོཾ་རཏྣ་བཛྲ་ཏྲཱཾ། ཨོཾ་དྷརྨ་བཛྲ་ཧྲཱིཿ ། ཨོཾ་ཀརྨ་བཛྲ་ཨཱཿ ། ཨོཾ་བཛྲ་ཨཀྵོ་བྷྱཿ ་ཧཱུཾ། ཨོཾ་བཛྲ་སཏྭ་ཧཱུཾ། ཨོཾ་བཛྲ་རཱ་ཛ་ཧཱུཾ། ཨོཾ་བཛྲ་རཱ་ག་ཧཱུཾ། ཨོཾ་བཛྲ་སཱ་དྷཱུ་ཧཱུཾ། ཨོཾ་བཛྲ་རཏྣ་ 475b ས་བྷ་བ་ཏྲཱཾ། ཨོཾ་བཛྲ་རཏྣ་ཏྲཱཾ། ཨོཾ་བཛྲ་སཱུརྱ་ཏྲཱཾ། ཨོཾ་བཛྲ་དྷྭ་ཛ་ཏྲཱཾ། ཨོཾ་བཛྲ་ཧཱ་ས་ཏྲཱཾ། ཨོཾ་བཛྲ་ཨ་མི་ཏཱ་བྷ་ཧྲཱིཿ ། ཨོཾ་བཛྲ་ཏཱིཀྵྞ་ཧྲཱིཿ ། ཨོཾ་བཛྲ་ཙཀྲ་ཧྲཱིཿ ། ཨོཾ་བཛྲ་པཱ་ཤ་ཧྲཱིཿ ། ཨོཾ་བཛྲ་ཨ་མོ་གྷ་སིདྡྷི་ཧཱ། ཨོཾ་བཛྲ་ཀརྨ་ཧཱ། ཨོཾ་བཛྲ་རཀྵ་ཧཱ། ཨོཾ་བཛྲ་ཡཀྵ་ཧཱ། ཨོཾ་བཛྲ་མུཥྚི་ཧཱ། ཧོཿ ་བཛྲོ་ཤཝ་ར་དྷཱ་ཏུ་ཨོཾ། །ོཾ་བཛྲ་བུདྡྷ་ལོ་ཙ་ན་ཧཱུཾ། ཨོཾ་བཛྲ་མཱ་མ་ཀཱི་ཏྲཱཾ། ཨོཾ་བཛྲ་པཎྜ་རཱ་པ་སི་ནི་ཧཱ། ཨོཾ་བཛྲ་ས་མ་ཡ་ཏཱ་རཱ་ཧཱ། ཨོཾ་བཛྲ་ལཱ་སྱཻ་ཧཱུཾ། ཨོཾ་བཛྲ་དྷུ་པེ་ཧཱུཾ། ཨོཾ་བཛྲ་ཨཾ་ཀུ་ཤ་ཧཱུཾ། ཨོཾ་བཛྲ་དེ་ཤཝ་རེ་བྷྱཿ ་དེ་ཧཱུཾ། ཨོཾ་བཛྲ་མཱ་ལེ་ཏྲཱཾ། ཨོཾ་བཛྲ་བུཥྤེ་ཏྲཱཾ། ཨོཾ་བཛྲ་པཱ་ཤ་ཏྲཱཾ། ཨོཾ་བཛྲ་རཏྣ་ར་ཏི་ཏྲཱཾ། ཨོཾ་བཛྲ་གཱི་ཏྱཻ་ཧྲཱིཿ ། ཨོཾ་བཛྲ་ཨཱ་ལོ་ཀེ་ཧྲཱིཿ ། ཨོཾ་བཛྲ་སྥོ་ཊ་ཧྲཱིཿ ། ཨོཾ་བཛྲ་ནརྀ་ཏྱེ་ཧཱ། ཨོཾ་བཛྲ་གནྡྷེ་ཧཱ། ཨོཾ་བཛྲ་གྷནྜ་ཧཱ། ཨོཾ་བཛྲ་ར་ཏི་ཧཱ། ཨོཾ་བཛྲ་མུཥྚི་ཧཱུཾ། ཨོཾ་བཛྲ་མུཥྚི་ཏྲཱཾ། ཨོཾ་བཛྲ་མུཥྚི་ཧྲཱི། ཨོཾ་བཛྲ་མུཥྚི་ཧཱ། འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། སྔགས་ཀྱི་ལེའུ་སྟེ་དགུ་པའོ།། །།སེམས་དཔའ་ཆེན་པོ་ཉོན་ཅིག་ཅེས་རྡོ་རྗེ་སེམས་དཔའ་ལ་བོས་ནས་བཤད་དོ། །ལྷ་དང་ལྷ་མོའི་ངང་ཉིད་དུ། །ཡན་ལག་ལྔ་ལ་འབྱོར་བས་ན། །བསྐྱོད་པ་ཐམས་ཅད་ཕྱག་རྒྱ་ཡིན། །དེ་སྐད་དཔའ་བོས་བཀའ་སྩལ་ཏོ། །དེ་ལ་ཕྱག་རྒྱའི་མཚན་ཉིད་ནི། །ཐབས་དང་ཤེས་རབ་དང་ཉིད་དུ། །ལག་གི་འདུ་བྱེད་བསྒོམས་ནས་ནི། །ཐལ་མོ་དམ་སྦྱར་རྩེ་བསྣོལ་གཤིབས། །རྡོ་རྗེ་ཐལ་མོར་བཀའ་སྩལ་ཏོ། །སོར་མོ་ནང་དུ་བསྣོལ་ནས་བཀན། །གུང་མཛུབ་མཐེ་བོ་མཐེ་ཆུང་རྣམས། །སོ་སོར་ 476a ༄#། །རྩེ་སྤྲད་ཕྱིར་བཀྱེད་དེ། །སྲིན་ལག་གཤིབས་བསྒྲེང་དམ་ཚིག་རྒྱ། །རྐང་སོར་གཡས་ཀྱིས་གཡོན་པ་མནན། །ལག་མཐིལ་གཡས་ཀྱིས་གཡོན་བ་མནན། །མཐ་བོ་རྩེ་སྤྲད་པང་དུ་བླང ། །རྣམ་པར་སྣང་མཛད་རྒྱ་ཆེན་ཡིན། །རྡོ་རྗེ་ཁུ་ཚུར་བཅངས་པ་ལས། །གཡས་ཀྱི་མཛུབ་མོ་གཡོན་གྱིས་བཟུང ། །ཆོགས་པས་གཅིག་ལ་གཅིག་བཟུང་བ། །འདི་ནི་སྦྱོར་བའི་རྒྱ་མཆོག་གོ། །མཐེ་བོ་གཉིས་དང་མཐེ་ཆུང་གཉིས། །སོ་སོར་རྩེ་སྤྲད་ཟླུམ་པོ་སྟེ། །ལྷག་མ་འོད་འཕྲོ་རྟིང་ཕྱེ་བ། །མི་བསྐྱོད་པ་ཡི་ཕྱག་རྒྱ་ཡིན། །རྟིང་སྤྲད་གུང་མོ་རྩེ་སྦྱར་ཏེ། །མཛུབ་མོ་ཚིགས་བཅག་གུང་ལ་སྦྱར། །སྲིན་མཐེབ་རྩེ་སྤྲད་མཐེ་ཆུང་སྦ། །རིན་ཆེན་འབྱུང་བའི་ཕྱག་རྒྱ་ཡིན། །གུང་མཛུབ་སྲིན་ལག་རྩེ་སྤྲད་དེ། །མཐེ་ཆུང་ངོས་ལ་སྦྱར་བར་བྱ། །མཐེ་བོ་རྩེ་སྤྲད་ཟླུམ་པོ་སྟེ། །སྣང་བ་མཐའ་ཡས་ཕྱག་རྒྱ་ཡིན། །ཐལ་མོ་སྦྱར་ནས་སོ་སོར་སྤྲད། །བསྐྱོད་ནས་འཁོར་ལོ་ལྟར་བྱས་ཏེ། །གློག་གི་ཕྲེང་བས་འཁོར་བར་བྱ། །དེ་ན་ཡོད་གྲུབ་པའི་ཕྱག་རྒྱ་ཡིན། །ཕྱག་རྒྱའི་རྒྱལ་པོ་འདི་དག་ནི། །ཐུགས་ཀར་བཅིང་ཞིང་ཉིད་དུ་མོས། །འདུ་འཕྲོ་སྒྲོལ་ཞིང་མཁའ་ལ་དགྲོལ། །ལས་དང་ཐུན་མོང་ཉིད་དུ་བཤད། །རྡོ་རྗེ་དྲིལ་བུ་བཟུང་ནས་ནི། །ཐུགས་ཀར་རང་ནི་དཀུར་བརྟེན་ནས། །གཅུ་ཐབས་ཟུར་གྱིས་ལྟ་བ་ནི། །རྡོ་རྗེ་སེམས་དཔའི་རྒྱ་ཆེན་ཡིན། །ལག་པ་བསྣོལ་ནས་ཁུ་ཚུར་བཅང ། །གུང་མོ་ 476b གཉིས་ནི་བརྐྱང་བར་བྱ། །མཛུབ་མོ་ལྕགས་ཀྱུ་ལྟར་བྱས་པ། །རྡོ་རྗེ་རྒྱལ་པོའི་རྒྱ་ཆེན་ཡིན། །ལག་པ་ཁུ་ཚུར་བཅངས་པ་ལས། །གཡོན་གྱི་མཐེབ་མཛུབ་རྩེ་སྤྲད་དེ། །གཡས་ཀྱི་གུང་མོ་བརྐྱངས་ནས་གདེང ། །རྡོ་རྗེ་འདོད་པའི་རྒྱ་ཆེན་ཡིན། །ལག་པ་གཉིས་ཀྱི་སོར་མོ་རྣམས། །སོ་སོའི་གུང་མོ་ཚིགས་དང་པོར། །ངོས་བཞི་ནས་ནི་རྩེ་མོ་གཟུགས། །རྡོ་རྗེ་ལེགས་པའི་རྒྱ་ཆེན་ཡིན། །རྟིང་སྦྱར་གུང་མོའི་རྩེ་སྤྲད་དེ། །མཐེབ་མཛུབ་སྲིན་ལག་ཚིགས་བཅག་སྟེ། །དྲུག་ཅར་རྩེ་སྤྲད་མཐེ་ཆུང་སྦས། །རྡོ་རྗེ་རིན་ཆེན་རྒྱ་ཆེན་ཡིན། །མཐེ་བོ་མཐེ་ཆུང་རྩེ་སྤྲད་ནས། །ལུ་གུ་རྒྱུད་དུ་སྦྲེལ་བར་བྱ། །ལྷག་མ་འོད་ལྟར་བྱས་པ་ནི། །རྡོ་རྗེ་ཉི་མའི་རྒྱ་ཆེན་ཡིན། །ལག་ངར་གཡོན་པ་བསྒྲེངས་ནས་ནི། །རྡོ་རྗེ་ཁུ་ཚུར་བཅངས་པ་ལས། །གཡས་པ་གྲུ་མོར་གཟུང་བར་བྱ། །རྡོ་རྗེ་རྒྱལ་མཚན་རྒྱ་ཆེན་ཡིན། །གཡོན་གྱི་སྟེང་དུ་གཡས་བཞག་ནས། །སོར་མོའི་ཚིགས་བཅག་སྤྲད་བྱས་ཏེ། །ཁ་ཡི་ཐད་ཀར་གཟུང་བར་བྱ། །རྡོ་རྗེ་བཞད་པའི་རྒྱ་ཆེན་ཡིན། །གཡོན་གྱི་སོར་མོའི་རྩེ་རྣམས་ནི། །མ་ཕྲད་ཙམ་དུ་བསྡུས་པ་ལས། །གཡས་ཀྱིས་འབྱེད་པ་ལྟར་བྱས་པ། །རྡོ་རྗེ་ཆོས་ཀྱི་རྒྱ་ཆེན་ཡིན། །གཡས་ཀྱི་ལག་ངར་བསྒྲེངས་བ་ལ། ། མཐེ་བོ་མཐེ་ཆུང་རྩེ་སྤྲད་དེ། །ལྷག་མ་གསུམ་ཡང་བསྒྲེང་བར་བྱ། །གཡོན་པའི་ཁུ་ཚུར་དཀུར་བརྟེན་པ། །རྡོ་རྗེ་རྣོན་པོའི་རྒྱ་ཆེན་ཡིན། །ལག་པ་རྒྱ་གྲམ་རྩེ་བསྣོལ་ནས། །མཐེ་བོ་ 477a ༄#། །གཉིས་ཀྱི་རྩེ་སྤྲད་དེ། །བསྐོར་བ་ལྟ་བུར་བྱས་པ་ནི། །རྡོ་རྗེ་འཁོར་ལོའི་རྒྱ་ཆེན་ཡིན། །སོར་མོ་ནང་དུ་བསྣོལ་བ་ལས། །གུང་མོ་རྩེ་སྤྲད་མཛུབ་སྦྱར་ཏེ། །མཐེ་བོས་གུང་མོ་མནན་པ་ནི། །རྡོ་རྗེ་སྨྲ་བའི་རྒྱ་ཆེན་ཡིན། །ལག་པའི་འཁྲིག་མ་བསྣོལ་པ་ལས། །གུང་མོ་གཉིས་ཀྱི་ཚིགས་དང་པོར། །ངོས་བཞིར་ས་ཡི་སོར་མོ་བརྟེན། །རྡོ་རྗེ་ལས་ཀྱི་ཕྱག་རྒྱ་ཡིན། །ལག་པ་གཉིས་ཀྱི་སོར་མོ་རྣམས། །ཕན་ཚུན་ཐགས་སུ་བཏགས་པ་ལས། །མཐེ་བོ་གཉིས་ནི་བསྒྲེང་བར་བྱ། །རྡོ་རྗེ་གསུང་བའི་ཕྱག་རྒྱ་ཡིན། །རྡོ་རྗེ་ཁུ་ཚུར་བཅངས་པ་ལས། །མཛུབ་མོ་གཉིས་ནི་བསྒྲེངས་ནས་ཀྱང ། །ཁ་འགྲམ་གཉིས་སུ་གཟུང་བར་བྱ། །རྡོ་རྗེ་གནོད་སྦྱིན་རྒྱ་ཆེན་ཡིན། །རྡོ་རྗེ་ཁུ་ཚུར་བཅངས་པ་ལས། །བསྣོལ་ཏེ་ཁ་ནི་སྦྱར་ནས་ཀྱང ། །ཐུགས་ཀར་དམ་དུ་གཟུང་བར་བྱ། །རྡོ་རྗེ་ཁུ་ཚུར་རྒྱ་ཆེན་ཡིན། །རིགས་ཀྱི་ཕྱག་རྒྱ་བསྒོམས་ནས་ནི། །ལག་གི་འདུ་ཤེས་འདི་དག་གིས། །འདུ་འཕྲོ་མོས་པ་བསྐྱེད་ནས་ནི། །བཅིང་ཞིང་མཁའ་ལ་དགྲོལ་བར་བྱ། །མཐེ་བོ་མཐེ་ཆུང་ནང་དུ་སྤྲད། །གུང་མོ་རྩེ་སྦྱར་བཞི་ཡང་བསྒྲེང ། །རྡོ་རྗེ་འཛིན་ལྟར་རྟིང་སྤྲད་པ། །རྡོ་རྗེ་འཛིན་པའི་ཕྱག་རྒྱ་ཡིན། །རྟིང་སྦྱར་མཐེབ་མཛུབ་རྩེ་སྦྱར་ཏེ། །མཛུབ་མོའི་མིག་ཏུ་མཐེ་ཆུང་དྲང ། །ལྷག་མ་རྩེ་གསུམ་ལྟར་བྱས་པ། །རྡོ་རྗེ་སྤྱན་གྱི་ཕྱག་རྒྱ་ཡིན། །ལག་ངར་གཡོན་ 477b པ་བསྒྲེངས་ནས་ཀྱང ། །སོར་མོ་ཨུཏྤལ་ལྟར་བྱས་པ། །གཡས་ཀྱི་སོར་མོ་གཟུང་བར་བྱ། །རྡོ་རྗེ་སྒྲོལ་མའི་ཕྱག་རྒྱ་ཡིན། །རྐང་པ་གཉིས་ཀྱི་པུས་མོ་དང ། །ལག་པ་གཉིས་ཀྱི་གྲུ་མོ་རྣམས།། སྤྲད་ནས་ལག་པ་གདེངས་པ་ནི། །ཀུན་ཏུ་བཟང་མོའི་ཕྱག་རྒྱ་ཡིན། །རྡོ་རྗེ་ཁུ་ཚུར་དཀུར་བརྟེན་ནས། །ལྡན་པ་གཡས་སུ་བྱོ་བ་ལས། །ཆགས་པའི་མིག་གིས་ལྟ་བ་ནི། །རྡོ་རྗེ་སྒེག་མོའི་ཕྱག་རྒྱ་ཡིན། །གཡོན་བརྐོང་རྐོང་པོ་བྱས་ཏེ། །གཡས་པས་གྲུ་མོ་བཟུང་ནས་ཀྱང ། །བསྐོར་ཞིང་སོར་མོ་འཕྲོ་བ་ནི། །རྡོ་རྗེ་བདུག་པའི་ཕྱག་རྒྱ་ཡིན། །ལག་པ་གཉིས་ནི་རྒྱབ་སྦྱར་ནས། ། རྡོ་རྗེ་ཁུ་ཚུར་བཅངས་པ་ལས། །མཐེ་ཆུང་སྦྲེལ་ནས་མཛུབ་མོ་བསྒྲེང ། །རྡོ་རྗེ་ལྕགས་ཀྱུ་མ་ཡི་རྒྱ། །མཐེ་ཆུང་ལུ་གུ་རྒྱུད་དུ་སྦྲེལ། །སོར་མོ་རྣམས་ནི་སོ་སོར་བསྒྲེང ། །ཐལ་མོ་བཀན་ཏེ་ལྟ་བ་ནི། །རྡོ་རྗེ་སྒྲོལ་མའི་ཕྱག་རྒྱ་ཡིན། །སྲིན་ལག་དང་ནི་མཐེ་བོ་གཉིས། །སོ་སོར་རྩེ་མོ་སྤྲད་པ་ལས། །དཔྲལ་བའི་ཐད་ཀར་དྲངས་པ་ནི། །རྡོ་རྗེ་ཕྲེང་བའི་ཕྱག་རྒྱ་ཡིན། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། ཕྱག་རྒྱའི་ལེའུ་སྟེ་བཅུ་པའོ།། །།དེ་ནས་དཀྱིལ་འཁོར་གྱི་ལྷ་དང་ལྷ་མོ་རྣམས་ལ་ཕྱག་ན་རྡོ་རྗེ་ལ་སོགས་པ་བྱང་ཆུབ་སེམས་དཔའ་བརྒྱད་དང་འཁོར་ཕལ་པོ་ཆེས་དབྱངས་མཐུན་པར་བསྟོད་པ། ཨོཾ། ཕྱོགས་བཅུའི་འཇིག་རྟེན་རབ་འབྱམས་ན། །རྒྱལ་བ་གང་བཞུགས་འཁོར་དང་བཅས། །བླ་མེད་ལྷ་དང་ལྷ་མོ་ཡི།། 478a ༄#། །གྲུབ་པའི་བྱིན་རླབས་བསམ་མི་ཁྱབ། །སེམས་དཔའ་བཅུ་དྲུག་རིགས་ཀྱི་གཙོ། །སེམས་མ་བཅུ་དྲུག་རིགས་ཀྱི་ཡུམ། །མཐུ་ཆེན་ཁྲོ་བོ་ཁྲོ་མོ་དང ། །ཕོ་ཉར་འཇིག་རྟེན་སྐྱོང་བར་ལྡན། །ོཾ། །སྔོན་གྱི་ཐུགས་དམ་ཆེན་པོ་ནི། །འཇིག་རྟེན་མ་ལུས་ཐམས་ཅད་ཀུན། །རྒྱལ་བའི་ཞིང་དུ་སྦྱོར་བས་ན། །ཕྱག་རྒྱ་ཆེན་པོར་བདག་སྦྱོར་ཅིག་།ོཾ།། དཔའ་བོ་ཆེན་པོ་མཐུ་ལྡན་རྣམས། །ཐུགས་རྗེ་ཆེན་པོའི་བྱིན་རླབས་ཀྱིས། །བདག་གི་ལྷག་པའི་བསམ་པ་རྣམས། །གྲུབ་པར་བྱིན་གྱིས་བརླབ་ཏུ་གསོལ། །ོཾ། །ཁམས་གསུམ་ཞིང་དུ་སྦྱོར་ལ་ཕྱག་འཚལ་ལོ། །དམིགས་མེད་ཆོས་ཀྱི་སྐུ་ལ་ཕྱག་འཚལ་ལོ། །ལོངས་སྤྱོད་རྫོགས་པའི་སྐུ་ལ་ཕྱག་འཚལ་ལོ། །ཅིར་ཡང་སྤྲུལ་པའི་སྐུ་ལ་ཕྱག་འཚལ་ལོ། ། ཞེས་བསྟོད་ནས་ཉིད་ཀྱི་ཐུགས་ཀར་ཞུགས་ཏེ་རོལ་པར་ཁྲོ་བོའི་ཏིང་ངེ་འཛིན་ལ་སྙོམས་པར་ཞུགས་ཏེ་ཁྲོ་བོའི་རྟོག་པ་བཤད་དོ། །དེ་ནས་བཅོམ་ལྡན་འདས་དཔལ་རྡོ་རྗེ་སེམས་དཔའ་ལ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས། ད་ལྟར་དང་མ་འོངས་པའི་དུས་ན་གཅེར་བུ་པ་དང ། ཀུན་ཏུ་རྒྱུ་ལ་སོགས་པས་སོ་སོའི་རིག་སྔགས་ཀྱི་ལས་ཀྱིས་མཧཱ་དེ་བ་ལ་སོགས་པ་འཇིག་རྟེན་གྱི་ལྷ་དང ། གནོད་སྦྱིན་མཐུ་བོ་ཆེ་དང ། ཕྲ་མེན་མ་ཐམས་ཅད་བསྐུལ་ནས་སེམས་ཅན་རྣམས་ཀྱི་སྲོག་གི་བར་ཆད་བགྱིད། འྶྟེ་ 478b བར་བགྱིད། ཤིན་ཏུ་སྡུག་བསྔལ་བར་བགྱིད་ན། དེ་ལ་ཐབས་གང་གིས་བཟློག་པར་བགྱི། སྦྱོར་བ་གཅད་པར་བགྱི། བཀའ་སྩལ་པ། ལག་ན་རྡོ་རྗེ་ཉོན་ཅིག་།འདི་ནི་།དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའི་བདག་པོས་སྔོན་ཆད་བཤད་དེ། ལག་ན་རྡོ་རྗེ། ཁྱོད་ཉིད་ཀྱིས་བྱས་པའི་གསང་སྔགས་དང ། སྲིད་པ་ཟད་པར་བྱས་པའི་གསང་སྔགས་ཐམས་ཅད་ཀྱང་ཟློག་པར་བྱེད་དོ། །གནོན་པར་བྱེད་དོ། །སྦྱོར་བ་གཅོད་པ་བྱེད་ན་ཀུན་ཏུ་རྒྱུ་ལ་སོགས་པ་གཞན་ལྟ་ཅི་སྨོས། དེ་ནས་བཅོམ་ལྡན་འདས་ཀྱིས་རྡོ་རྗེ་མཚོན་ཆའི་ཏིང་ངེ་འཛིན་ལ་སྙོམས་པར་ཞུགས་ནས་སྐུ་དང་གསུང་ངང་ཐུགས་རྡོ་རྗེ་ལས་གསང་སྔགས་ཟློག་ཅིང་གནོན་པ་དང ། སྦྱོར་བ་གཅོད་པ་ཞེས་བྱ་བ་འདི་གསུངས་སོ། །ོཾ་བཛྲ་ཛྭ་ལ་བཛྲ་ཧཱུཾ།་མནྟྲ་སུམྦྷ་ནི། ཨོཾ་བཛྲ་ཛྭ་ལ་ཧཱུཾ། ཨོཾ་བྲཱུཾ་ཧཱུཾ་བྲཱུཾ་ཏྲཱཾ་བྲཱུཾ་ཧཱུཾ་བྲཱུཾ་ཧྲཱིཿ བྲཱུཾ་ཨཱ་བྲཱུཾ། འདི་གསུངས་མ་ཐག་ཏུ་ཕྱོགས་བཅུ་ནས་མཚོན་ཆའི་ཆར་ཆེན་པོ་ཕབ་སྟེ་ལག་ན་རྡོ་རྗེ་ཉིད་ཀྱང་ཁ་བུབ་ཏུ་འགྱེལ་ནས་ཁྲག་སྐྱུག་པར་གྱུར་ཏོ། །ལྷ་དང་གནོད་སྦྱིན་ཐམས་ཅད་ཀྱང་བརྒྱལ་ཏེ་ལུས་དུམ་བུར་ཆད་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་དག་གི་སྦྱོར་བ་ཆད་པར་རིག་ནས་སླར་བསླང་སྟེ། ཨོཾ་བཛྲ་སཏྭ་རཱ་ཛ་ཛྷ། དེ་ནས་བཅོམ་ལྡན་འདས་ཀྱིས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ། ཁྱོད་ཀྱིས་ཀྱང་འདི་ལས་འདའ་བར་མ་ 479a ༄#། །བྱེད་ཅིག་།ཁྱོད་ཀྱི་འཁོར་ཐམས་ཅད་ཀྱང་འདི་ལས་འདའ་བར་བྱེད་ན་ཐམས་ཅད་བརླག་པར་འགྱུར་རོ། །དེ་བཞིན་དུ་ལག་ན་རྡོ་རྗེ་ཁྱོད་ཀྱིས་ཀྱང་ལྷ་དང་གནོད་སྦྱིན་ཐམས་ཅད་ལ་བསྒོ་ཞིག་།དེ་ནས་ལག་ན་རྡོ་རྗེས་གསོལ་པ། བཅོམ་ལྡན་འདས། འདི་ན་སྲིད་པ་ཐམས་ཅད་འདུལ་བར་བགྱིད་པ། མཐུ་བོ་ཆེ་ཐམས་ཅད་འདུལ་བར་བགྱིད་པ། མཐུ་བོ་ཆེ་ཐམས་ཅད་ཀྱི་ང་རྒྱལ་གཅོག་པ་བདག་ལགས་ཏེ། ཇི་ལྟར་བཅོམ་ལྡན་འདས་ཤཱཀྱ་ཐུབ་པས་མཐུ་སྟོབས་དང་ལྡན་པའི་སླད་དུ་བདག་གི་མིང་ཡང་ལག་ན་རྡོ་རྗེ་ཞེས་བཏགས་ན། འདིར་རྡོ་རྗེ་སེམས་དཔའ་བཅོམ་ལྡན་འདས་ཀྱི་བྱིན་གྱི་རླབས་ཀྱིས་འདི་སྨྲས་པས། བདག་ཀྱང་ཁྲག་ཏུ་སྐྱུག་ཅིང་འགྱེལ་བར་གྱུར་ན་གཞན་ལྟ་ཅི་སྨོས། འདི་ནི། འདའ་བར་དཀའོ། །དེ་བཞིན་དུ་ལྷ་དང་གནོད་སྦྱིན་རྣམས་ལ་ཡང་བསྒོའོ། །དེ་ནས་བཅོམ་ལྡན་འདས་ཀྱིས་མ་འོངས་པའི་དུས་ན་གསང་སྔགས་འདི་སྒྲུབ་པའི་ཆོ་ག་བཤད་དེ། མཾ་ལས་ཉི་མའི་དཀྱིལ་འཁོར་དུ། །དཔལ་ཆེན་ཁྲག་འཐུང་སྤྱན་དྲང་ངོ ། །སྐུ་ནི་དུད་ཀ་ཆེན་པོ་ལ། །དབུ་སྐྲ་ཁམ་ནག་རལ་པ་ཅན། །དབུ་གསུམ་པ་ལ་ཕྱག་དྲུག་སྟེ། །དམར་དང་དུད་ཀ་ནག་པ་ཡིན། །གཡས་ཀྱི་གསུམ་ན་ཐོགས་པ་ནི། །སྟི་རའི་དབྱུག་པ་ཆེན་པོ་དང ། །དུང་ཆེན་དམར་གྱིས་བཀང་བ་ལ། །རྡོ་རྗེས་ 479b དཀྲུག་ཅིང་མཐུན་པར་བརྟག་།གཡོན་གྱི་གསུམ་ན་ཐོགས་པ་ནི། །སྟི་རའི་རྒྱུ་མའི་ཞགས་པ་དང ། །ཁྱུད་གི་ཁྲག་ཆེན་ཐོགས་པ་དང ། སྟི་ར་ཕྲ་མོའི་གསུས་པ་ནས། །གློ་སྙིང་ནང་གྲོལ་འདྲེན་ཅིང་ཟ། །གཙུག་ཏུ་རྣམ་པར་སྣང་མཛད་ཉིད། །ོཾ་ཕྲག་གཡས་ལ་ཨཀྵོ་བྷྱཿ ་ཧཱུཾ། གཡོན་རཏྣ་སམྦྷ་བ་ཏྲཱཾ། རྐང་གཡས་ཨཱཿ མོ་གྷ་སིདྡྷི་ཨཱཿ ་གཡོན་ན་ཨ་མི་ཏཱ་བྷ་སྟེ་ཧྲཱིཿ ། བྲུཾ་ལས་རྡོ་རྗེ་འཁོར་ལོ་ལ། །རྡོ་རྗེ་རྣམས་ནི་རིག་སྔགས་བརྟག་།ཀཽ་རི་དང་ནི་ཙཽ་རི་དང ། །པྲ་མོ་ཧ་དང་བཻཏྟ་ལི། །གཞན་ཡང་བྱ་གྷརྀ་མུ་ཁཱ་དང ། །སིདྷ་ལ་སོགས་མགྱོགས་མ་རྣམས། ། སྟི་ར་ལ་ནི་འབྲུ་ཚུགས་སུ། །ལྟ་ཞིང་རྟོད་པའི་ཚུལ་བཞིན་གནས། །ཧ་ཧ་དེ་ནས་སྐད་ཅིག་ལ། །རིག་སྔགས་ཉིད་དང་རྦོད་གཏོང་བཅས། །དགུག་པའི་ཕོ་ཉར་བརྟག་པར་བྱ། །རས་སམ་གྲོ་གའམ་རྩ་རྣམས་ལ། །ཁྲོ་བོའི་གཟུགས་སུ་བྲིས་པ་འམ། །ཡང་ན་སྐུད་པ་ནག་པོས་བཅིང ། །ཧ་ཧ་གད་མོ་ཆེན་པོ་དང ། །རྡོ་རྗེ་སྐུལ་བའི་གླུ་བླངས་ཏེ། །ཕོ་ཉ་རྣམས་ལ་མངག་པར་བྱ། །དེ་ནས་རིག་སྔགས་བཟུང་ནས་ཀྱང ། །རྩ་ཡི་གཟུགས་ལ་གནས་པ་དང ། །འཁོར་ལོ་ལ་སོགས་མཚོན་ཆ་ཡིས། །དེ་དག་ཕྱེ་མར་བརླག་པར་བྱ། །བཛྲ་ཙཀྲ་ཧཱུཾ། ཕྱེ་མར་དེ་དག་གཏུབས་ནས་ནི། །ཐོད་པ་གཞུ་དང་བཅས་པ་ཡིས། །ཧོམ་ཁུང་གྲུ་གསུམ་སྒོ་ཅན་དུ། །རཾ་ཞེས་བྱ་བའི་མེ་སྦར་ཏེ། །དྲང་སྲོང་འཁོར་བཅས་གཡབ་མོས་འབོད། །དེ་ 480a ༄#། །ནས་རིག་སྔགས་བསྲེག་པར་བྱ། །དེ་ལྟར་ལྷ་དང་བདག་སྦྱར་ན། །རྣམ་ལྔའི་ཆས་དང་ལྡན་པར་བྱ། །མ་མོ་ཆེན་མོ་ཤ་ལ་སྤྱོན། །འབྱུང་པོའི་ཤ་ནི་ཟན་བས་ཞིམ། །འབྱུང་པོའི་ཁྲག་ནི་ཆང་བས་ཞིམ། །མ་མོ་ཆེན་མོ་ཁྲག་ལ་སྤྱོན། །གླུ་དང་གར་དང་གད་རྒྱངས་ཀྱིས། །སོ་སོར་མཆོད་དེ་བསྒྲུབ་པར་བྱ། །ཟིན་པའི་སེམས་ཅན་གང་ཡང་རུང ། །དེ་དག་སྐུད་པ་ནག་པོས་བཅིང ། །དེ་ཡང་དུམ་བུར་གཅད་པར་བྱ། །དེ་ནས་མི་དེ་སྔ་མ་བཞིན། །ཚེ་གནས་བྱ་ཕྱིར་འབྲུ་ལྔ་ཡིས། །གནས་ལྔ་དག་ཏུ་རྣམ་བཀོད་དེ། ། ཟིན་པའི་སེམས་ཅན་བསྲུང་བར་བྱ། །ཚ་ཞིང་རྩུབ་པའི་ཤིང་དང་ནི། །ཤ་དང་ཆང་དང་ཡོ་བྱད་རྣམས། །ནག་ཅིང་ཚ་བར་རྣམ་སྦྱར་ཏེ། །ལྷ་ཆེན་རྣམས་ལ་མཆོད་པར་བྱ། །དེ་ནས་ལས་རྣམས་གྲུབ་པ་དང ། །ཧ་ཧ་ལ་སོགས་གད་མོ་དང ། །གླུ་དང་རྡོ་རྗེ་དབྱུག་པ་ཡིས། །ལྷ་རྣམས་བདག་ལ་ཐིམ་པར་བྱ། །འདི་ནི་བདག་ཉིད་སྲུང་བ་དང ། །ལས་རྣམས་ཐམས་ཅད་གྲུབ་པར་བྱེད། །ཤར་ཕྱོགས་ན་ཕྲ་མེན་མ་ཀཽ་རི་ཁ་དོག་སྔོན་མོ་ཕྱག་གཉིས་པ་སྟེ། གཡོན་བྷནྡྷ་ཙནྡན་དམར་གྱིས་བཀང་བ་ཐོགས་པ། གཡས་ན་ཞིང་ཆུང་ངུའི་དབྱུག་བ་ཐོགས་པ། ཨོཾ་བཛྲ་གཽ་རཱི་ཛ་ཛ་ཧཱུཾ་ཞེས་སྟོང་རྩ་བརྒྱད་བཟླས་ཏེ་བཅོལ་ན། སངས་རྒྱས་ཀྱང་དགུག་ནུས་ན་གཞན་ལྟ་ཅི་སྨོས། ཆེ་གེ་མོ་ཞིག་ཁུག་ཅིག་ 480b ཅེས་བཅོལ་ནས་གཏོར་མ་དང་ཙནྡན་དམར་ཆེན་ཨརྒྷཾ་ལ་ཨོཾ་རུ་ལུ་རུ་ལུ་ཧཱུཾ་བྷྱོ་ཞེས་བརྗོད་ཅིང་ཨརྒྷཾ་ལན་གསུམ་དུ་བསྒྲེང་ངོ ། །ལྷོ་ཕྱོགས་ན་ཙཽ་རི་ཁ་དོག་སེར་མོ་ཕྱག་ན་མདའ་གཞུ་འགེངས་པ།་ཨོཾ་བཛྲ་ཙཽ་རཱི་ཧཱུཾ་ཛ་ཞེས་སྟོང་རྩ་བརྒྱད་བཟླས་ཏེ་བཅོལ་ན། ཕྱག་ན་རྡོ་རྗེའི་མཐུ་ཡང་རྡུལ་ཙམ་ཡང་མེད་པར་རྐུ་ནུས་ན་གཞན་ལྟ་ཅི་སྨོས། ནུབ་ཕྱོགས་ན་པྲ་མོ་ཧ་དམར་མོ་ཕྱག་ན་ཆུ་སྲིན་གྱི་རྒྱལ་མཚན་ཐོགས་པ། ཨོཾ་བཛྲ་པྲ་མོ་ཧཱ་ཧཱུཾ་ཛ་ཞེས་སྟོང་རྩ་བརྒྱད་བཟླས་ཏེ་བཅོལ་ན། ཕྱག་ན་རྡོ་རྗེ་ཡང་རང་གི་མཐུ་བཞག་ནས་དབང་དུ་འོང་ན་གཞན་ལྟ་ཅི་སྨོས། བྱང་ཕྱོགས་ན་བཻཏྟ་ལི་ཁ་དོག་ནག་མོ་ཕྱག་གཡོན་ཞིང་ཆུང་དུ་འཛིན་ཅིང་ཟ་བ། གཡས་ན་རྡོ་རྗེ་འཕྱར་བ། ཨོཾ་བཛྲ་བཻཏྟ་ལཱི་ཧཱུཾ་ཛ་ཞེས་སྟོང་རྩ་བརྒྱད་བཟླས་ཏེ་བཅོལ་ན། འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་ཐམས་ཅད་ཀྱང་འགྲུབ་ན་འཇིག་རྟེན་གྱི་སྒྲུབ་པ་ཕྲན་ཚེགས་ལྟ་ཅི་སྨོས། ཤར་ལྷོའི་མཚམས་ན་པུཀྐ་སི་ཁ་དོག་དམར་སེར་ཕྱག་གཉིས་ཞིང་ཆུང་དུའི་བ་སུ་ཏ་འདྲེན་ཅིང་ཟ་བ་ཨོཾ་བཛྲ་པུཀྐ་སཱི་ཧཱུཾ་ཛ་ཞེས་སྟོང་རྩ་བརྒྱད་བཟླས་ཏེ་བཅོལ་ན། ཕྱག་ན་རྡོ་རྗེ་ཡང་འཆིང་ཞིང་འདྲེན་པར་ནུས་ན་གཞན་བཅིང་ཞིང་ཟ་བ་ལྟ་ཅི་སྨོས། ལྷོ་ནུབ་ཀྱི་མཚམས་ན་གྷསྨ་རི་ཁ་དོག་ལྗང་ཁུ་ཕྱག་གཡོན་ན་བྷནྡྷ་ཙནྡན་དམར་པོས་བཀང་བ་རྡོ་རྗེས་དཀྲུག་ཅིང་གསོལ་པ། ཨོཾ་བཛྲ་གྷསྨ་རཱི་ཧཱུཾ་ཛ་ཞེས་སྟོང་རྩ་བརྒྱད་བཟླས་ཏེ་བཅོལ་ན། ཕྱག་ན་རྡོ་ 481a ༄#། །རྗེ་ཡང་མྱོས་པར་ནུས་ན་གཞན་ལྟ་སྨོས་ཀྱང་ཅི་དགོས། ནུབ་བྱང་གི་མཚམས་ན་བཛྲ་ཀརྨ་ཁ་དོག་ལྗང་ཁུ་ཞིང་ཆུང་དུ་ལག་པ་གཉིས་ཀྱིས་བཟུང་སྟེ་སྙིང་ག་ནས་ཟ་བ། ཨོཾ་བཛྲ་ཀརྨཱ་ཧཱུཾ་ཛ་ཞེས་སྟོང་རྩ་བརྒྱད་བཟླས་ཏེ་བཅོལ་ན། ལས་གང་བྱ་བ་ཐམས་ཅད་འགྲུབ་བོ། །བྱང་ཤར་གྱི་མཚམས་ན་ཙཎྜ་ལི་ཁ་དོག་སེར་སྐྱ་ཕྱག་གཡས་ན་ཞིང་ཆུང་ངུའི་བྷནྡྷ་འཛིན་པ། གཡོན་གྱིས་ཞིང་དབྱུག་འཛིན་པ། ཨོཾ་བཛྲ་ཙཎྜ་ལཱི་ཧཱུཾ་ཛ་ཞེས་སྟོང་རྩ་བརྒྱད་བཟླས་ཏེ་བཅོལ་ན། ཟ་མ་དང་མ་ནིང་ཡང་རྒྱུད་འཕེལ་བར་བྱེད་ན་དབང་པོ་ཚང་ཞིང་ཉམས་པ་མེད་པ་ལ་རྒྱུད་འཕེལ་ཞིང་ཚེ་དང་དབང་ཐང་འཕེལ་བར་བྱ་བ་ལྟ་ཅི་སྨོས་ཏེ། ཕྲ་མེན་མ་འདི་རྣམས་འཕྲིན་ལས་བསྐུལ་བའི་ཚེ་ ་དང་གཏོར་མ་འབུལ་བ་ནི།་གོང་དུ་སྨོས་པ་བཞིན་དུ་བགྱིའོ། །ཁྲོས་ན་ཐམས་ཅད་ཕྱག་ན་ཏྲི་ཤཱུ་ལ་འབར་བ། གཡོན་རྡེའུ་ཆུང་བསྣམས་པ། གདན་མེ་སྨུག་ནག་།སྐུའི་ཁ་དོག་ནག་མོ་ལ་ཁྲག་དང་ཞག་དང་ཐལ་བའི་ཐིག་ལེས་ཚོམ་བུར་བྱས་ཤིང་བ་སུ་ཏས་རྐེད་པ་བཅིངས་པ། གསེར་གྱི་པགས་པ་གོ་ཟུར་བགོས་པ་སྲོད་ཏ་ཨ་ཛ་ནས་ལུས་བརྒྱན་ཏེ་གཅེར་བུའི་ཚོགས་སྨུག་ནག་འབར་བ། གཡོན་རྡེའུ་ཆུང་བསྣམས་པ། གཡས་མེ་སྨུག་ཀུན་ཀ་ཁ་དོག་ནག་མོ་ལ་འཇིག་རྟེན་གྱི་ཁམས་བསྲེགས་ཤིང་ཟད་པར་བྱས་ནས་སླར་དཔལ་ཆེན་པོའི་སྐུ་ལ་ 481b ཐིམ་པར་བྱའོ། །ད་ནི། ཕྱི་རིམ་བཤད་པར་བྱའོ། །ཤར་ཕྱོགས་སུ་སིདྷ་མུ་ཁཱ་ཁ་དོག་སེར་མོ་ཞིང་ཆུང་ཁ་ན་ཐོགས་པ། ལག་པ་གཡས་གཡོན་བསྣོལ་བ། སེངྒེའི་མགོ་ཅན། ལྷོ་ཕྱོགས་ན་བྱཱ་གྷརྀ་མུ་ཁཱ་ཁ་དོག་དམར་མོ་ལག་པ་གཉིས་བསྣོལ་ཏེ་མདུན་ན་ཞིང་གནས་པ་ལ་ལྟ་བ། སྟག་གི་མགོ་ཅན། ནུབ་ཕྱོགས་སུ་སྲིན་གླ་མུ་ཁཱ་ཁ་དོག་ནག་མོ་ལག་པ་གཉིས་ཞིང་ཆུང་ངུ་འཛིན་ཅིང་ལྕེས་བླྔག་པ། ཝ་མགོ་ཅན། བྱང་ཕྱོགས་ན་ཤཝ་ན་མུ་ཁཱ་ཁ་དོག་མཐིང་ག་ཞིང་ལག་པ་གཉིས་ཀྱིས་ཁོང་དྲལ་ཏེ་ལྟ་བ་ཁྱི་མགོ་ཅན། ཤར་ལྷོའི་མཚམས་ཀྲྀ་ཌྷ་མུ་ཁཱ་ཁ་དོག་དམར་ནག་ཞིང་ཆུང་ངུའི་བ་སུ་ཏ་ཁ་ན་ཐོགས་པ། ལག་པ་གཡས་བྷནྡྷ། གཡོན་གྲི་ཐོགས་པ་བྱ་རྒོད་ཀྱི་མགོ་ཅན། ལྷོ་ནུབ་མཚམས་ན་ཀངྐ་མུ་ཁཱ་ཁ་དོག་དཀར་དམར་ཕྲག་པ་གཡོན་པ་ལ་ཞིང་བཀལ་ཞིང་རྐང་པ་ནས་བཟུང་བ། གཡས་པ་མགོ་འཛིན་པ་བྱ་ཀངྐའི་མགོ་ཅན། མཆུ་རིང ། ཐོར་ཏོ་གུག། ཟེ་བ་དམར་མོ། ། ནུབ་བྱང་མཚམས་ན་ཀཱ་ཀ་མུ་ཁཱ་ཁ་དོག་ནག་མོ་བྱ་རོག་གི་མགོ་ཅན་མཆུས་ཞིང་ཐོགས་པ། ལག་པ་གཡོན་པས་པདྨ་བནྡྷ་འཛིན་པ། བྱང་ཤར་མཚམས་སུ་ཨཱུ་ལཱུ་ཀ་མུ་ཁཱ་ཁ་དོག་སྣ་ཚོགས་ལག་པ་གཡོན་པ་དུང་ཆེན་ཁྲག་གིས་བཀང་པ་ལ་འཐུང་བ། ལག་པ་གཡས་པ་རྡོ་རྗེ་ལྕགས་ཀྱུ་འཛིན་པ་འུག་པའི་མགོ་ཅན། ནང་རིམ་འུག་པའི་འཁོར་ 482a ༄#། །གྱིས་བསྐོར། དེའི་ཕྱི་རིམ་བྱ་རོག་གི་འཁོར་གྱིས་བསྐོར། དེའི་ཕྱི་རིམ་བྱ་ཀངྐ་མཆུ་རིང་གི་འཁོར་གྱིས་བསྐོར། དེའི་ཕྱི་རིམ་བྱ་རྒོད་ཀྱི་འཁོར་གྱིས་བསྐོར་དེ་དག་ཐམས་ཅད་ཀྱང་ཞིང་མང་པོ་གསར་རྙིང་སྤུངས་པའི་སྟེང་ན་ཞིང་ལ་རྟོད་པའི་ཕྱིར་འཐབ་པའི་ཚུལ་སྟོན་པ་ཤ་སྟག་གོ་།དེ་དག་གི་སྙིང་པོ་འདི་རྣམས་སོ། །ཧཱུཾ་ཧ་ཧེ་ཕཊ་ཧཱུཾ། འདི་ཀུན་འབྲུ་རེ་རེ་ཡང་ལན་བཞི་བཞི་བརྗོད་དོ། །ཧཱུཾ་གིས་གཙོ་བོ་བསྐྱེད། ཧས་ནང་གི་ལྷ་མོ་བསྐྱེད། ཧེས་ཕྱིའི་ལྷ་མོ་བསྐྱེད། ཕཊ་ཀྱིས་ཐམས་ཅད་ཁྲོས་པར་བསྐུལ། ཧཱུཾ་གིས་ཐམས་ཅད་ཀྱི་ཡེ་ཤེས་ཀྱི་འོད་ཟེར་འབར་བས་ཕྱོགས་བཅུར་ཁྱབ་པར་བགྱིའོ། །ལྷ་མོ་བློ་ལྡན་ཚོགས་ཀྱི་བདག་།ཧེ་རུ་དཔལ་ལ་ཕྱག་འཚལ་ལོ། །སློབ་དཔོན་ལ་ནི་བརྙས་བྱེད་དང ། །རྣལ་འབྱོར་བར་དུ་གཅོད་པ་དང ། །དམ་ཚིག་གཉན་པོ་དྲལ་པ་དང ། །རྡོ་རྗེ་སྤུན་ལ་འཁུ་བྱེད་རྣམས། །ཁྱེད་ཀྱིས་རྡུལ་དུ་བརླགས་ནས་ནི། །གནོད་སེམས་མ་ལུས་གཏན་ནས་ཕྱུང ། །དཔལ་ཆེན་པོ་སྟན་དང་ག་ནའི་གནས་སུ་ཚོགས་ཆེན་པོ་ལ་གཤེགས་པའི་ཚེ་སྐུ་གསུང་ཐུགས་ཀྱི་ཁྲོ་བོའི་གཟི་བྱིན་གྱིས་གདུག་པ་ཐམས་ཅད་གཏན་ནས་འབྱིན་ཅིང་ལོངས་སྤྱོད་ཆེན་པོ་འགྱིང་ཞིང་འགྱིང་བའི་གླུ་བླངས་ཏེ་ཐམས་ཅད་དགྱེས་པར་མཛད་པའི་དབྱངས་འདིས་དགྱེས་པར་མཛད་དོ། །རྡོ་རྗེ་པདྨོའི་ཕྱག་རྒྱ་དཔྲལ་བར་ 482b བཅིངས་ཏེ་འཕྱར་ནས་མཆོང་ཞིང་འཁོར་ཐམས་ཅད་གཅེར་བུར་བྱུང་ནས་སྐྲ་གཤིག་ཅིང་བརྒྱུགས་ཏེ་སྔགས་འདི་གསུངས་སོ། །ོཾ་ཨེ་ཨཱ་ར་ལི་ཧོཿ ཧྲཱིཾ་ཧྲཱིཾ་ཧྲཱིཾ་ཧྲཱིཾ། དེ་ནས་ཚོགས་སུ་གཤེགས་ནས་འཁོར་ཐམས་ཅད་ལ་སྤྱན་བགྲད་པས་གཟིགས་ཤིང་འཛུམ་པའི་བརྡ་ཧ་ཧ་སཾ་སཾ་སྒྲ་ཕྱུང་སྟེ་འཁོར་ཐམས་ཅད་ཀྱིས་མགྲིན་གཅིག་ཏུ་དབྱངས་འདིས་གཙོ་བོ་ལ་བསྟོད་དོ། །ེ་མའོ་ཆོས་ཀྱི་དོན་བྱུང་བ། །ཆོས་དོན་དག་པ་བདག་མེད་པ། །ནམ་མཁའ་དང་ནི་མཉམ་པའི་གནས། །རྡོ་རྗེ་རྒྱལ་ལ་ཕྱག་འཚལ་ལོ། །ཞེས་བསྟོད་པས་གཙོ་བོ་མཉེས་ནས་འཁོར་ཐམས་ཅད་ལ་གཟིགས་ཤིང་དམ་སྩལ་བའི་དབྱངས་འདི་གསུངས་སོ། །ཁ་ག་ལྱ་ཤ་ཏ་བ་ཀ་། ལ་ལ་ལ་ཧོཿ ། མ་ཧཱ་པཉྩ་ཨ་མྲྀ་ཏ། ཁ་རཾ་ཡོ་གི་ནི། ཁ་རཾ་ཊཱ་ཀི་ནི། ཨ་ལ་ལ་ཧོཿ ། བྷ་ག་ཝཱ་ན་ཁ་ཁ་ཁ། ལྷ་མོ་རྣམས་རྔ་རྡུང ། དབྱངས་ལེན། རྒྱུད་གསུམ་གྱི་ཚིག། ཏེ་གྷེཾ་ཏེ་གྷེཾ། ཏེ་གྷེཾ་།ཏེ་གྷེཾ། ཏ་གྷོཾ། གྷོཾ་གྷོཾ་གྷོཾ། འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། རིག་སྔགས་གཅོད་པའི་ལེའུ་སྟེ་བཅུ་གཅིག་པའོ།། །།སེམས་དཔའ་ཆེན་པོ་ཉོན་ཅིག་།བསྐལ་པའི་མེ་ལྟར་འབར་བ་ཡི། །འོད་ཟེར་འདུ་འཕྲོའི་ཀློང་དཀྱིལ་ན། །ཁྲོ་བོ་ཆེན་པོ་རྣམས་བཞུགས་པ། །བརྐྱང་བསྐུམ་ཚུལ་གྱིས་གནས་པ་སྟེ། །དབུས་ཀྱི་ཁྲག་འཐུང་ཆེན་པོ་ནི། །དབུ་དགུ་ཕྱག་ཀྱང་བཅོ་བརྒྱད་དེ། །གཤོག་པ་རྡོ་རྗེ་གཏམས་པ་གདེངས། ། 483a ༄#། །ཞབས་ཀྱང་བརྒྱད་དུ་རྣམ་པར་བསྟན། །དེ་ཡི་དཀྱིལ་འཁོར་ཁྲོ་བོ་ནི། །དབུ་གསུམ་ཕྱག་དྲུག་གཤོག་པ་ཅན། །ཞབས་དྲུག་རྡོ་རྗེའི་བྲག་སྟེང་ན། །འཇིག་རྟེན་སྐྱོང་བས་འདུད་ཚུལ་ལོ། །དེ་ཡི་ཕོ་ཉ་བཀའ་ཉན་ནི། །རྡོ་རྗེ་ཕྲ་མེན་གཏུམ་བག་ཅན། །འཇིགས་པའི་གཟུགས་ཅན་མང་པོ་སྟེ། །དེ་དག་ཅིར་ཡང་འགྲུབ་པར་བྱེད། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། ཁྲོ་བོའི་དཀྱིལ་འཁོར་ཐམས་ཅད་ཀྱི་ལེའུ་སྟེ་བཅུ་གཉིས་པའོ།། །།རྡོ་རྗེ་སྲིན་མོ་ཆེན་མོ་ནི། །འཇིགས་བྱེད་ཆེན་མོར་སྣང་བ་སྟེ། །ཕྱག་ཀྱང་སྲིན་པོ་ཆེན་པོ་ལྟར། །མཐུན་ཏེ་ཞབས་ཀྱང་དེ་དང་འདྲ། །དེ་ལྟ་བུ་ཡི་དཀྱིལ་འཁོར་དུ། །རིན་ཆེན་མེ་ཏོག་བོར་ནས་ནི། །ལྕགས་ལ་བབ་པའི་ལྷ་དེ་ནི། །གཉེར་ན་འགྲུབ་པར་ཐེ་ཚོམ་མེད། །དགེ་དང་མི་དགེའི་ཆོས་རྣམས་ལ། །ལྷག་པར་བསྟེན་པར་མི་བྱ་སྟེ། །མཉམ་ཉིད་རིག་པའི་ཀློང་ཞུགས་ནས། །ཅི་ལ་ཐོགས་པ་མེད་པར་སྤྱོད།། རྡོ་རྗེ་དབྱུག་བ་བླངས་ནས་སུ། །གཡབ་མོ་ལྔ་ཡང་གཡབ་པར་བྱ། །དེ་ནས་དཀྱིལ་འཁོར་བཞུགས་པར་བརྟག་།མཆོད་པ་ཆེན་པོ་དབུལ་བར་བྱ། །སེ་གོལ་གཏོགས་པ་ཙམ་གྱིས་ཀྱང ། །མགྱོགས་མས་ཕྱོགས་བཅུ་གར་ཡང་ཕྱིན། །དེ་ལ་ཞེན་ནས་འགྲོ་བྱེད་པ། །བྱ་རོག་མགོ་ཅན་ལ་སོགས་ཀུན། །སྦེད་བྱེད་མ་ཡིས་སྦས་པ་ནི། །མཐུ་ཆེན་ལྷ་སྲིན་ 483b གང་གིས་ཀྱང ། །དེ་ལ་མཐོང་བར་མི་ནུས་ནི། །གཞན་གྱིས་མཐོང་བར་ག་ལ་ནུས། །སྐུལ་བྱེད་ལས་ནི་གཞེན་འདེབས་ཡིན། །མགྱོགས་མའི་ལས་ནི་ཕྱིན་པར་འགྲོ། །གསོད་མའི་ལུས་ནི་གྲུབ་པ་ཡིན། །སོ་སོར་མ་བསྒྲུབས་ཉིད་འགྲོ་མ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། རྡོ་རྗེ་སྲིན་མོའི་ལེའུ་སྟེ་བཅུ་གསུམ་པའོ།། །།ོཾ་བཛྲ་ཀྲོ་དྷ་ས་མ་ཡ་ཧཱུཾ། ཨོཾ་བཛྲ་ཀྲོ་དྷ་ས་མ་ཡ་ཕཊ། ཨོཾ་བཛྲ་ཀྲོ་དྷ་ས་མ་ཡ་སྟྭཾ། ཨེ་ཧྱེ་ཧི་བྷ་ག་ཝཱ་ན་ཛཿ ཧཱུཾ་བཾ་ཧོཿ ། རུ་ལུ་རུ་ལུ་རུ་ལུ་ཧཱུཾ། ཨོཾ་བཛྲ་ཀྲོ་དྷ་ཤྲཱི་ཧེ་རུ་ཀ་ཧཱུཾ། ཨ་ཨ་ཨ་ཧཱུཾ་ཕཊ། ཨོཾ་བཛྲ་ཀྲོ་དྷ་ཧཱུཾ་ཀཱ་ར་ཧཱུཾ། གརྫ་གརྫ་གརྫ་ཧཱུཾ་ཕཊ། ཨོཾ་བཛྲ་ཀོ་དྷ་བི་ཛ་ཡ་ཧཱུཾ། ཧ་ན་ཧ་ན་ཧ་ན་ཧཱུཾ་ཕཊ། ཨོཾ་བཛྲ་ཀྲོ་དྷ་ནཱི་ལ་དཎྜ་ཧཱུཾ། ད་ཧ་ད་ཧ་ད་ཧ་ཧཱུཾ་ཕཊ། ཨོཾ་བཛྲ་ཀྲོ་དྷ་ཡ་མཱནྟ་ཀ་ཧཱུཾ། པ་ཙ་པ་ཙ་པ་ཙ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨཱརྱ་ཨ་ཙ་ལ་ཧཱུཾ། བནྡྷ་བནྡྷ་བནྡྷ་ཧཱུཾ་ཕཊ། ཨོཾ་བཛྲ་ཀྲོ་དྷ་ཧ་ཡ་གྲཱི་བ་ཧཱུཾ། ཧུ་ལུ་ཧུ་ལུ་ཧུ་ལུ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨ་པ་རཱ་རྫ་ཏ་ཧཱུཾ་ཏིཥྛ་ཏིཥྛ་ཏིཥྛ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨ་མྲྀ་ཏ་ཀུཎྜ་ལི་ཧཱུཾ། ཙྪིནྡྷ་ཙྪིནྡྷ་ཙྪིནྡྷ་ཧཱུཾ་ཕཊ། ཨོཾ་བཛྲ་ཀྲོ་དྷ་ཏྲཻ་ལོ་ཀྱ་བི་ཛ་ཡ་ཧཱུཾ། བྷིནྡྷ་བྷིནྡྷ་བྷིནྡྷ་ཧཱུཾ་ཕཊ། ཨོཾ་བཛྲ་ཀྲོ་དྷ་མཧཱ་བ་ལ་ཧཱུཾ། སྥོ་ཊ་སྥོ་ཊ་སྥོ་ཊ་ཧཱུཾ་ཕཊ། འཕགས་པ་ཐབས་ཀྱི་ཞགས་པ་པདྨ་ཕྲེང་ལས། ཁྲོ་བོ་བཅུའི་རྩ་བའི་སྔགས་དང་ལས་ཀྱི་སྔགས་རིལ་འདུས་པའི་ལེའུ་སྟེ་བཅུ་བཞི་པའོ།། །། 484a ༄#། །ོཾ་བཛྲ་ཀྲོ་དྷེ་ཧཱུཾ། ཧ་ལ་ཧ་ལ་ཧ་ལ་ཧ་ལ་ཧ་ཧཱུཾ། ཨོཾ་བཛྲ་ཀྲོ་དྷ་ཧཱུཾ། རུ་ལུ་རུ་ལུ་རུ་ལུ་རུ་ལུ་རུ་ལུ་ཧཱུཾ། མ་མ་མ་མ་མ་ཧཱུཾ། བྷྱོ་བྷྱོ་བྷྱོ་བྷྱོ་བྷྱོ་ཧཱུཾ། ཛཿ ཛཿ ཛཿ ཧཱུཾ་ཧཱུཾ་ཧཱུཾ། འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། རྡོ་རྗེ་སྲིན་མོའི་སྔགས་ཀྱི་ལེའུ་སྟེ་བཅོ་ལྔ་པའོ།། །།མཉམ་པ་ཉིད་དུ་རྟོགས་བྱས་ནས། །བསྐུལ་ཞིང་གསིགས་པ་ཐམས་ཅད་ཀྱང ། །ཕྱག་རྒྱ་ཡིན་ཞེས་རྒྱལ་པོས་བཤད། །མདོ་ཙམ་དུ་ནི་འདི་ལྟར་བརྟག་།ལག་པ་ཐལ་སྦྱར་གྱེན་དུ་བསྒྲེང ། །རྐང་པ་མཐིལ་སྦྱར་ཐུར་དུ་གཟུགས། །ཚིགས་ཆེན་བཞི་ཡང་གཅག་པར་བྱ། །མགོ་དང་མཚན་ཡང་སྙིང་པོར་བརྟག་།རྡོ་རྗེ་རྩེ་གཅིག་རྩེ་དགུ་དང ། །བཅུ་གཅིག་ཏུ་ཡང་རྣམ་བརྟགས་ཏེ། །འདི་ནི་ཁྲག་འཐུང་ཆེན་པོ་ཡི།། ཕྱག་རྒྱ་ཡིན་པར་དཔའ་བོས་བཤད། །ལག་ན་ཐལ་སྦྱར་གྱེན་དུ་བསྒྲེང ། །རྐང་པ་ཕྲལ་ནས་བརྐྱང་བསྐུམ་ཞིང ། །གོམ་པའི་སྟབས་ཀྱིས་གར་བྱེད་པ། །འདི་ནི་ཧཱུཾ་གི་རྒྱ་ཆེན་ཡིན། །རྐང་པ་ཕྲལ་མཐིལ་ཟུར་དུ་གཟུགས། །ལག་པ་ཕྲལ་ནས་གར་བྱེད་ཅིང ། །སྟབས་སུ་མཆོད་པར་བྱེད་པ་ནི། །འདི་ནི་སྟོབས་ཆེན་ཕྱག་རྒྱ་ཡིན། །རྐང་པ་གཡོན་གྱིས་གཡས་ལ་འཁྱུད། །ལག་པ་གར་ཐབས་བསྐོར་ནས་ཀྱང ། །ཐལ་མོ་དྲག་ཏུ་བརྡབས་པ་ནི། །རྣམ་པར་རྒྱལ་བའི་ཕྱག་རྒྱ་ཡིན། །ལག་པ་གཡས་གཡོན་མཐེ་བོ་ཡིས། །མཐེའུ་ 484b ཆུང་སེན་མོའི་མཐིལ་དུ་གནོན། །གདེངས་པའི་ཐབས་སུ་བསྒྲེང་བ་ནི། །དབྱུག་སྔོན་ཅན་གྱི་ཕྱག་རྒྱ་ཡིན། །ལག་པ་གཡས་པའི་ཁུ་ཚུར་གྱིས། །རྡེག་པའི་ཐབས་སུ་གདེངས་པ་དང ། ། གཡོན་པ་དཀུ་ལ་བརྟེན་པ་ནི། །གཤིན་རྗེ་འཇོམས་པའི་ཕྱག་རྒྱ་ཡིན། །ལག་པ་གཡས་པའི་ཐལ་མོ་ཡིན། །གདབ་པའི་ཐབས་སུ་གདེངས་པ་དང ། །གཡོན་གྱིས་འཛིན་པ་ལྟར་བྱས་པ། ། མི་གཡོ་མགོན་གྱི་ཕྱག་རྒྱ་ཡིན། །ལག་པ་ཐལ་མོ་སྦྱར་ནས་ནི། །གུང་མོ་རྒྱབ་ཏུ་བསྣོལ་བར་བྱ། །མཐེ་བོ་གཉིས་ཀྱང་ཕྲལ་ཏེ་བསྒྲེང ། །སྤྱི་བོར་བཞག་པ་གྲེ་བའི་རྒྱ། །རྐང་པ་གཡས་པ་ཐུར་དུ་གཟུགས། །ལག་པ་གཡས་པ་གྱེན་དུ་བསྒྲེང ། །གཡོན་པའི་རྐང་པ་ལག་འཕྱར་བའི། །གཞན་གྱིས་མི་ཐུབ་ཕྱག་རྒྱ་ཡིན། །ལག་པ་གཡས་གཡོན་དཀུར་བརྟེན་ཏེ། ། རྐང་པ་གཤིབས་ཏེ་མཆོད་བ་ནི། །བདུད་རྩི་འཁྱིལ་བའི་ཕྱག་རྒྱ་ཞེས། །དཔའ་བོ་ཆེན་པོས་ཡང་དུ་བཤད། །ལག་པ་གཡས་གཡོན་བསྣོལ་བ་དང ། །རྐང་པ་བརྐྱང་བསྐུམ་བྱས་པ་ནི། །ཁམས་གསུམ་རྒྱལ་བའི་ཕྱག་རྒྱ་ཞེས། །མགོན་པོ་དཔའ་བོས་ཡང་དུ་བཤད། །ལག་པ་གཡས་གཡོན་སྤྲུགས་པ་དང ། །ལུས་ཀྱང་དྲག་ཏུ་གསིགས་པ་ནི། །རྡོ་རྗེ་ཕྲ་མེན་མ་རྣམས་ཀྱི། །ཕྱག་རྒྱ་ཡིན་པར་འདྲེན་པས་བཤད། །ཕྱག་རྒྱ་འདི་དག་བཅིངས་ནས་ནི། །སྟབས་ཆེན་དྲག་ཏུ་མཆོངས་བྱས་ན། །ཁམས་གསུམ་དག་ལས་མཆོངས་པར་འགྱུར། །གཞན་ཡང་གོ་འཕང་ཐམས་ 485a ༄#། །ཅད་ཀུན། །འགྲུབ་པར་གྱུར་ཏེ་ཐེ་ཚོམ་མེད། །རིག་པའི་སྐྱེས་བུ་ཆེན་པོས་བཤད། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། ཕྱག་རྒྱའི་ལེའུ་སྟེ་བཅུ་དྲུག་བའོ།། །།འཁོར་ལོ་ཆེན་པོ་རྩིབས་བརྒྱད་པའི། །དཀྱིལ་དུ་ཁྲག་འཐུང་སྤྱན་དྲངས་ཏེ། །མདུན་དུ་ཧཱུཾ་ཡང་སྤྱན་དྲང་ངོ ། །རྒྱབ་ཏུ་སྟོབས་ཆེན་སྤྱན་དྲངས་ནས། །འཁོར་ལོ་རྩིབས་ཀྱི་སྟེང་དག་ཏུ། །བཅུ་བོ་རྣམས་ཀྱང་གོ་རིམ་བཞིན། །སོ་སོའི་གནས་སུ་སྤྱན་དྲངས་ཏེ། །དམར་གྱི་ ་གསོལ་ནས་ནི། །མཆོད་ཡོན་གཞན་ཡང་དབུལ་བར་བྱ། །རྡོ་རྗེ་དབྱིངས་ཀྱིས་བསྟོད་བྱས་ཏེ། །དེ་ནས་ལས་རྣམས་བསྒྲུབ་པར་བྱ། །ཞེ་སྡང་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམས་ཀུན། །ཁྲོས་པས་ཡུད་ཙམ་རླག་མཛད་དེ། །བརླགས་པར་མ་གྱུར་གང་ཡང་མེད། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། ལས་ཀྱི་ལེའུ་སྟེ་བཅུ་བདུན་པའོ།། །།རྡོ་རྗེ་ཕྲ་མེན་སྦྱོར་བ་ཡིས། །ཡུད་ཙམ་གྱིས་ནི་དེ་བཀུག་ནས། །རྟོད་པའི་ཚུལ་དུ་རབ་བསྟབས་ན། །ལྷ་ཡང་རུང་སྟེ་བཟློག་པར་འགྱུར། །འུག་པའི་མགོ་ཅན་ལ་སོགས་པའི། །ཕྲ་མེན་མ་རྣམས་རྦད་བྱས་ཏེ། །མིག་དང་རྣ་བ་སྣ་དང་ལྕེ། །དེ་ཡི་སེམས་འཕྲོག་སྒོམ་ཉམས་འགྱུར། །ཕྲ་མེན་རྣམས་ནི་རྦད་བྱས་ཏེ། །དེ་ཡི་སྒྲུབ་པའི་བར་གཅོད་ཅིང ། །གསང་སྟེ་ 485b འཁྲུག་པར་བསྒོམས་བྱས་ན་།སྒྲུབ་པ་ཉམས་ཤིང་འབྱེ་བར་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། དྲག་པོའི་ལས་ཀྱི་ལེའུ་སྟེ་བཅོ་བརྒྱད་པའོ།། །། ཧོམ་ཁུང་ཟུར་གསུམ་གདེངས་པ་ལ། །རྡོ་རྗེ་མདའ་གཞུ་ལྡན་བྱས་ཏེ། །ཐོད་པ་དག་གིས་རྣམ་པར་བརྒྱན། །སྤྱན་དྲངས་བསྲེགས་ན་ལྷ་ཡང་འཆི། །ཕྲ་མེན་མངགས་ཏེ་བཀུག་ནས་ནི། ། ཐབ་ཀུན་བསྲེགས་ན་མོད་ལ་འཆི། །གསུམ་དང་བསྲེས་པའི་ཤ་རྣམས་ཀྱིས། །ལྷ་རྣམས་ཐམས་ཅད་མཆོད་པར་བྱ། །རྡོ་རྗེ་གླུ་ནི་བླངས་ནས་སུ། །འབྱུང་པོའི་ཤ་ནི་ཤིན་ཏུ་ཞིམ། །འབྱུང་པོའི་ཁྲག་ནི་ཤིན་ཏུ་ཞིམ། །འབྱུང་པོའི་རུས་པ་ཞིམ་པ་སྟེ། །གསོལ་ཏེ་ཐམས་ཅད་དགྱེས་པར་མཛོད། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། དྲག་པོ་ཧོམ་གྱི་ལེའུ་སྟེ་བཅུ་དགུ་པའོ།། །།ལྕགས་སམ་ནག་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟུར་གསུམ། །ཁྲོ་བོ་ཁྲོ་མོ་རྣམས་བསྒོམས་ཏེ། །བཏབ་ན་ལྷ་ཡང་བརླག་པར་འགྱུར། །འཕགས་བ་ཐབས་ཀྱི་ཞགས་པ་པདྨོ་ཕྲེང་ལས། དྲག་པོ་ཕུར་པའི་ལེའུ་སྟེ་ཉི་ཤུ་པའོ།། །།ལྕགས་ཕྱེ་དུག་དང་རྡོ་ཕྱེ་དང ། །ཁྲག་ལས་སྤྲུས་ཏེ་བསྲེས་པ་དང ། །མུད་གའི་ཚན་དང་སྦྱོར་བ་དག་།སྦྱོར་བས་གཏོར་ན་དེ་བརླག་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། དྲག་པོའི་གཏོར་མའི་ལེའུ་སྟེ་ཉི་ཤུ་གཅིག་པའོ།། །།ཁྲོ་ 486a ༄#། །མོའི་དཀྱིལ་འཁོར་གཏུན་ཁུང་དུ། །ཁྲོ་བོའི་ཐོ་བས་བརྡུངས་པ་ཡི། །རྡོ་རྗེ་གཏུན་ཕྲུགས་བསྒོམས་བྱས་ན། །ལྷ་ཡང་རུང་སྟེ་བརྡུངས་པར་འགྱུར། འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། དྲག་པོའི་སྦྱོར་བའི་ལེའུ་སྟེ་ཉི་ཤུ་གཉིས་པའོ།། །།དྲག་པོའི་ལས་ཀྱིས་བསྒྲུབས་པ་རྣམས། །འཁོར་བའི་ལམ་ལྔ་སྒོ་བཅད་ནས། །རྣམ་ཤེས་ཧཱུཾ་གིས་བསྡུས་བཏུམས་ཏེ། །འོག་མིན་བླ་མེད་གནས་མཆོག་ན། །གཙོ་བོ་ལྔ་དང་གཙོ་མོ་ལྔ། །སེམས་དཔའ་དང་ནི་སེམས་མ་དང ། །ཁྲོ་བོ་དང་ནི་ཁྲོ་མོ་རྣམས། །སྦྱོར་བའི་ལྷུམས་སུ་ཕཊ་ཀྱིས་འཕང ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། གནས་བསྟབས་པའི་ལེའུ་སྟེ་ཉི་ཤུ་གསུམ་པའོ།། །།ཟླ་གམ་དཀྱིལ་འཁོར་རྩིབས་བརྒྱད་པ། །ཁྲོ་བོ་ཁྲོ་མོ་སྤྱན་དྲངས་ཏེ། །མཆོད་པ་གླུ་ལ་སོགས་པས་མཆོད། །དེ་ནས་ལས་རྣམས་བརྩམ་པར་བྱ། །ཆགས་པའི་རྡོ་རྗེ་འཁོར་བཅས་པ། །འཇིག་རྟེན་ཁམས་ནི་རབ་འབྱམས་ཀུན། །ཆགས་པས་ཡུད་ལ་དབང་མཛད་དེ། །དབང་དུ་མ་གྱུར་གང་ཡང་མེད། །རྡོ་རྗེ་ཕྲ་མེན་མངགས་ནས་སུ། །བཀུག་ནས་ཁྲོ་བོ་ཆེན་པོ་ཡིས། །ཆགས་པའི་ཚུལ་གྱིས་དེ་ལུས་ལས། །དཔའ་དང་གཟི་བརྗིད་བསྡུས་ནས་འགྲུབ། །ཕྲ་མེན་རྣམས་ནི་མངགས་ནས་སུ། །དེ་ཡི་མིག་རྣ་སྣ་དང་ལྕེ། །ལུས་དང་ 486b སེམས་བསྒྱུར་རྣམས་བསྒོམས་ན། །ཀུན་ལ་མཛེས་ཤིང་དགའ་བར་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། དབང་གི་ལས་བསྟན་པའི་ལེའུ་སྟེ་ཉི་ཤུ་བཞི་པའོ།། །། ཧོམ་ཁུང་ཟླ་གམ་གདེངས་པ་ལ། །རྡོ་རྗེ་ཞགས་པས་བརྒྱན་པར་བྱ། །དེ་ནས་ལྷ་རྣམས་སྤྱན་དྲངས་ཏེ། །མི་ཕན་རྣམ་རྟོག་བསྲེགས་ན་འགྲུབ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས།་དབང་གི་ཧོམ་གྱི་ལེའུ་སྟེ་ཉི་ཤུ་ལྔ་པའོ།། །།ཟངས་སམ་ཁ་དོག་དམར་པོའི་ཤིང ། །མགོ་བོ་རྒྱ་མདུད་རྩེ་ཟླ་གམ། །མགོ་ལ་ཁྲོ་བོའི་འཁོར་བསྒོམས་ཏེ། །བཏབ་ན་ངེས་པར་དེ་དབང་བསྒྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། དབང་གི་ཕུར་པའི་ལས་བཤད་པའི་ལེའུ་སྟེ་ཉི་ཤུ་དྲུག་པའོ།། །།ཟངས་ཕྱེ་དང་ནི་བུ་རམ་དང་།། དམར་པོའི་འབྲས་ཅན་ལ་སོགས་པ། །སྦྱར་བས་གཏོར་མ་གཏང་བར་བྱ། །མཐོང་བས་ངེས་པར་དེ་དབང་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། དབང་གི་གཏོར་མའི་ལེའུ་སྟེ་ཉི་ཤུ་བདུན་པའོ།། །།ཁྲོ་མོ་རྣམས་ཀྱི་དཀྱིལ་འཁོར་དུ། །ཁྲོ་བོའི་དཀྱིལ་འཁོར་བསྒོམས་བྱས་ན། །ལྷ་ཡང་རུང་སྟེ་དབང་དུ་འགྱུར། །དེ་ནི་བདེ་བ་ཆེན་པོ་ཡིན། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། དབང་གི་སྦྱོར་བའི་ལེའུ་སྟེ་ཉི་ཤུ་བརྒྱད་པའོ།། །།གྲུ་བཞི་དཀྱིལ་འཁོར་རྩིབས་བརྒྱད་པར། །ལྷ་རྣམས་ 487a ༄#། །འཁོར་བཅས་སྤྱན་དྲངས་ཏེ། །མཆོད་པ་ཀླུ་ལ་སོགས་པས་མཆོད། །དེ་ནས་ལས་རྣམས་བརྩམ་པར་བྱ། །ང་རྒྱལ་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམས་ཀུན། །དཔལ་དང་གཟི་བརྗིད་ཆེན་པོ་རྣམས། །ཡུད་ཙམ་གྱིས་ནི་རྒྱས་པར་མཛོད། །ཁྲོ་བོ་ཁྲོ་མོ་འཁོར་བཅས་དང ། །རྡོ་རྗེ་ཕྲ་མེན་འཁོར་བཅས་པས། ། དཔལ་དང་གཟི་བརྗིད་འཕོལ་བསྒོམས་ན། །བདག་ཉིད་ཆེན་པོར་དེ་འགྱུར་རོ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། རྒྱས་པའི་ལས་ཀྱི་ལེའུ་སྟེ་ཉི་ཤུ་དགུ་པའོ།། །། ཧོམ་ཁུང་གྲུ་བཞི་གདེངས་པ་ལ། །རྡོ་རྗེ་འཁོར་ལོས་བརྒྱན་པར་བྱ། །དེ་ནས་ལྷ་རྣམས་སྤྱན་དྲངས་ཏེ། །བསྲེགས་པས་མཆོད་ཅིང་དཔལ་འཕེལ་བསྒོམ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། རྒྱས་པའི་ཧོམ་གྱི་ལེའུ་སྟེ་སུམ་ཅུ་པའོ།། །།གསེར་རམ་སེར་པོའི་ཤིང་རྣམས་ལ། །མགོ་བོ་རྒྱ་མདུད་རྩེ་ཟུར་བཞི། །ལྷ་རྣམས་བསྒོམས་ཏེ་གདབ་པར་བྱ། །འདི་ནི་རྒྱས་པའི་ལས་ལ་ཤིས། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། རྒྱས་པའི་ཕུར་པའི་ལེའུ་སྟེ་སུམ་ཅུ་གཅིག་པའོ།། ། གསེར་ཕྱེ་འབྲས་ཆན་སེར་པོ་རྣམས། །འོ་མ་སྦྲང་རྩི་གཏོར་མ་ནི། །རྒྱས་པར་འགྱུར་བའི་གཏོར་མ་སྟེ། །མཁས་པས་རྒྱས་པར་བསྒོམ་ཞིང་སྦྱིན། །འཕགས་པ་ཐབས་ 487b ཀྱི་ཞགས་པ་པདྨོ་ཕྲེང་ལས། རྒྱས་པའི་གཏོར་མའི་ལེའུ་སྟེ་སུམ་ཅུ་གཉིས་པའོ།། །།ལྷ་མོ་རྣམས་ཀྱི་དཀྱིལ་འཁོར་དུ། །ལྷ་ཡི་དཀྱིལ་འཁོར་རྫོགས་པར་བསྒོམ། །བྱང་ཆུབ་སེམས་ནི་འཕྲོ་བསྒོམས་ན། །འདི་ནི་རྒྱས་པའི་ལས་འགྲུབ་བོ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། རྒྱས་པའི་སྦྱོར་བའི་ལེའུ་སྟེ་སུམ་ཅུ་གསུམ་པའོ།། །། ཟླུམ་པོའི་དཀྱིལ་འཁོར་རྩིབས་བརྒྱད་པར། །ལྷ་རྣམས་འཁོར་བཅས་སྤྱན་དྲངས་ཏེ། །དཀར་པོའི་ཡོན་གྱིས་མཆོད་པར་བྱ། །དེ་ནས་ལས་རྣམས་བརྩམ་པར་བྱ། །གཏི་མུག་རྡོ་རྗེ་འཁོར་བཅས་པས། །འཇིག་རྟེན་ཁམས་ནི་རབ་འབྱམས་ཀུན། །ཡུད་ཙམ་ཉིད་ལ་ཞི་མཛད་དེ། །ཞི་བར་གྲུབ་ལ་ཕྱག་འཚལ་ལོ། །ལྷ་རྣམས་འཁོར་བཅས་ཐམས་ཅད་ཀྱིས། །འཁྲུག་པ་ཐམས་ཅད་ཞི་མཛད་པར། །བསྒོམས་ན་ཐམས་ཅད་ཡུད་ཙམ་གྱིས། །ཞི་བར་འགྱུར་ཏེ་ཐེ་ཚོམ་མེད། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། ཞི་བའི་ལས་ཀྱི་ལེའུ་སྟེ་སུམ་ཅུ་བཞི་པའོ།། །།ཧོམ་ཁུང་ཟླུམ་པོ་གདེངས་པ་ལ། །རྡོ་རྗེ་པདྨོས་བརྒྱན་པར་བྱ། ། ཕུར་པ་དཀར་པོ་དྲུག་བཏབ་སྟེ། །སྤྱན་དྲངས་རྡུལ་ཕྱེ་སོགས་པས་མཆོད། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། ཞི་བའི་ཧོམ་གྱི་ལེའུ་སྟེ་སུམ་ཅུ་ 488a ༄#། །ལྔ་པའོ།། །།ཕུར་པ་ཁ་དོག་དཀར་པོ་ལ། །མགོ་བོ་རྒྱ་མདུད་རྩེ་ཟླུམ་པོར། །ལྷ་རྣམས་བསྒོམས་ལ་གདབ་པར་བྱ། །འདི་ནི་ཞི་བའི་ལས་ལ་ཤིས། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། ཞི་བའི་ཕུར་བའི་ལེའུ་སྟེ་སུམ་ཅུ་དྲུག་པའོ།། །། དངུལ་དང་འབྲས་ཆན་དཀར་པོ་རྣམས། །འོ་མར་སྦྱར་བའི་གཏོར་མ་ནི། །ཞི་བར་འགྱུར་བའི་གཏོར་མ་སྟེ། །མཁས་པས་ཞི་བར་བསྒོམས་ཤིང་གཏོར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། ཞི་བའི་གཏོར་མའི་ལེའུ་སྟེ་སུམ་ཅུ་བདུན་པའོ།། །།ལྷ་མོ་རྣམས་ཀྱི་དཀྱིལ་འཁོར་དུ། །ལྷ་ཡི་གྲུབ་པ་བསྒོམ་པར་བྱ། །བྱིན་གྱིས་ཐམས་ཅད་ཞི་བསྒོམས་ན། །ལྷ་རྣམས་ཀུན་ཀྱང་ཞི་བར་འགྱུར། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། ཞི་བའི་སྤྱོད་པ་ལས་ཀྱི་ལེའུ་སྟེ་སུམ་ཅུ་བརྒྱད་པའོ།། །།མཚན་ཉིད་མེད་པའི་ཕྱག་རྒྱ་དང ། །དེ་ལས་དངོས་འབྱུང་ཕྱག་རྒྱ་རྣམས། །ངེས་པ་མེད་པར་དཔའ་བོས་བཤད། ། མཁས་པས་ཅི་དག་བསྒྱུར་ན་འགྲུབ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། ལས་བསྡུས་པའི་ལེའུ་སྟེ་སུམ་ཅུ་དགུ་པའོ།། །།དྲག་ 488b པོས་ཐམས་ཅད་འདུལ་བར་འགྱུར། །དབང་གིས་འབྱོར་པ་མཆོག་ཀྱང་འགྲུབ། །རྒྱས་པས་གཟི་བརྗིད་རྣམ་པར་འཕེལ། །ཞིབས་བདེ་བའི་མཆོག་ཀྱང་འགྲུབ། །འཕགས་པ་ཐབས་ཀྱི་ཞགས་པ་པདྨོ་ཕྲེང་ལས། ལས་སྒྲུབ་པའི་ཕན་ཡོན་གྱི་ལེའུ་སྟེ་བཞི་བཅུ་པའོ།། །།དཀྱིལ་འཁོར་འདིའི་མཚན་ནི། དབང་ཆེན་བསྡུས་པའི་དཀྱིལ་འཁོར་ཏེ། དེ་ལ་དཀྱིལ་འཁོར་གྱི་གཞི་ཟླུམ་པོར་བྱ་བ་ནི། ཆོས་ཀྱི་དབྱིངས་སྤྲོས་པ་མེད་པའི་དོན་ནོ།། འཁོར་ལོ་རྩིབས་ཟུར་ཅན་དུ་བྱ་བ་གཞི་ཟླུམ་པོའི་ནང་ན་གནས་པ་ནི། ཆོས་ཀྱི་དབྱིངས་སྤྲོས་པ་མེད་བཞིན་དུ་བྱིན་གྱི་རླབས་གྱིས་ལྷ་དང ། ལྷ་མོ་དང ། ཁྲོ་བོ་དང ། ཁྲོ་མོ་དང ། ཕོ་ཉ་ལ་སོགས་པ་ངང་ཉིད་ཀྱིས་འཕྲོ་བའི་དོན་ནོ། །རྣམ་པ་གཅིག་ཏུ་ཆོས་ཀྱི་དབྱིངས་རྣམ་པར་རྟོག་པ་མེད་བཞིན་དུ་ཐམས་ཅད་མཁྱེན་པའི་ཡེ་ཤེས་ཅི་ཡང་མཁྱེན་པ་ལྷུན་གྱིས་གྲུབ་པའི་དོན་ནོ། །མཐའ་གྲུ་བཞི་བྱ་བ་ནི། ཕྱོགས་བཅུའི་སྣོད་དང་བཅུད་ཀྱི་འཇིག་རྟེན་ཐམས་ཅད་ལ་དབང་བསྒྱུར་པས་བདེ་བ་ཆེན་པོ་རྒྱས་པའི་དོན། དཀྱིལ་ནས་ལྷ་མོ་ལྔ་ཕྱིར་ལྟ་བ། ལྷ་མོ་ནི། དབྱིངས་ཉིད་ཉེ་བའི་བྱིན་རླབས་ཏེ། 489a ༄#། །སེམས་དཔས་དབྱིངས་ཉིད་དང་ཉེ་བ་མཐོང་བའི་དོན་ནོ། །སེམས་དཔའ་ལྔ་ནང་དུ་ལྟ་བ་ནི། དབྱིངས་ཉིད་ཉེ་བ་ལ་ལྟ་བའི་དོན་ནོ། །སེམས་དཔའ་གཞན་ཕྱིར་ལྟ་བ་ནི། དབྱིངས་ཉིད་ཐམས་ཅད་དུ་ས་རྡོ་ལྟ་བུ་བེམ་པོ་མ་ཡིན་གྱི། མཁྱེན་པའི་ཡེ་ཤེས་དང་ལྡན་ཞིང་སེམས་དཔའ་ཉིད་དབྱིངས་ལས་མི་གཞན་པའི་ཐ་ཚིག་གོ་།སེམས་མ་གཞན་ནང་དུ་ལྟ་བ་ནི། མཁྱེན་པའི་ཡེ་ཤེས་དངོས་པོ་ལ་སོགས་པ་ཐམས་ཅད་དུ་རྣམ་པར་རྟོག་པ་མ་ཡིན་གྱི། དབྱིངས་ཉིད་དང་ལྡན་ཞིང་དབྱིངས་ཉིད་ཀྱང་མཁྱེན་པའི་ཡེ་ཤེས་ལས་མི་གཞན་པའི་ཐ་ཚིག་གོ་།རྣམ་པ་གཅིག་ཏུ་སེམས་དཔའ་ཕྱིར་ལྟ་བ་ནི། སྣོད་དང་བཅུད་ཀྱི་འཇིག་རྟེན་ཐམས་ཅད་ལ་དབང་བསྒྱུར་བའི་དོན། སེམས་མ་ནང་དུ་ལྟ་བ་ནི། སྣོད་དང་བཅུད་ཀྱི་འཇིག་རྟེན་ཐམས་ཅད་དབང་དུ་འདུས་པའི་དོན། སེམས་དཔའ་དང་སེམས་མ་ཕྱི་ནང་དུ་གཅིག་ལ་གཅིག་གཟིགས་པ་ནི། མཉེས་པར་བྱེད་པའི་ཐ་ཚིག་གོ་།ཁྲོ་བོ་དང ། ཁྲོ་མོ་རིལ་ཕྱིར་ལྟ་བ་ནི། ཕྱིའི་དངོས་པོ་དང་རྒོལ་བ་ལ་སོགས་པ་འཇོམས་ཤིང་འདུལ་བའི་དོན། དེ་ལ་དབྱིངས་ནི། དཔེར་ན། ཉི་མའི་དཀྱིལ་འཁོར་ལྟ་བུའོ། །མཁྱེན་པའི་ཡེ་ཤེས་ནི། ཉི་མའི་ 489b འོད་སྣང་ཞིང་གསལ་བ་ལྟ་བུའོ། །དེའི་བྱིན་རླབས་ནི། དྲོ་ཞིང་འཇམ་པ་ལྟ་བུའོ། །ཕྱིའི་དངོས་པོ་ལ་སོགས་པ་འཇོམས་ཤིང་འདུལ་བ་ནི། རྩི་ཤིང་བསྐམས་པ་དང་ཚིག་པ་ལྟ་བུ་སྟེ།་ལྷ་མོ་དང་སེམས་མ་ནི། ཆོས་ཀྱི་དབྱིངས་རིག་པའི་དོན་སེམས་ལ་སྣང་བའོ། །ལྷ་དང་སེམས་དཔའ་ནི། དབྱིངས་ལ་སྣང་བའི་དོན་མཐོང་བའོ། །དབྱིངས་ལ་སྣང་བ་དང་མཐོང་བའི་བྱིན་རླབས་ཀྱི་ངང་གིས་དངོས་པོ་དང་རྒོལ་བའི་རང་བཞིན་ལྷུན་གྱིས་འཇོམས་ཤིང་དབྱིངས་སུ་སྦྱོར་བར་འདུལ་བ་ནི། །ཁྲོ་བོ་དེང་ཁྲོ་མོ་ལས་རྣམ་བཞི་རང་བཞིན་དུ་མཛད་ཅིང་ཐུགས་རྗེས་འཇིག་རྟེན་སྐྱོང་བའི་དོན་ནོ། །འཇིག་རྟེན་སྐྱོང་བ་ལ་སོགས་པ་ནི།་བྱིན་གྱི་རླབས་ལས་ཕོ་ཉ་ལྟར་གནས་པ་ཡིན། རྣམ་པ་གཅིག་ཏུ་འཇིག་རྟེན་གྱི་ལྷ་མཐུ་བོ་ཆེ་འཁོར་དུ་འདུས་པར་བསྟན་པའི་དོན་ནོ། ། བཀྲ་ཤིས་བརྒྱད་ནི། ཐམས་ཅད་ལ་དབང་བསྒྱུར་ཞིང་འཁོར་བ་ལ་སྤྱོད་ཀྱང་ཉོན་མོངས་པས་འཆིང་པར་མི་འགྱུར་བ་དང ། མྱ་ངན་ལས་འདས་པ་ལ་སྤྱོད་ཀྱང་ཉན་ཐོས་ཀྱི་ཞི་བ་ཕྱོགས་གཅིག་པར་མི་འགྱུར་ཏེ། གང་གིས་ཀྱང་ཟིལ་གྱིས་མི་ནོན་པའི་ཕྱིར་བཀྲ་ཤིས་སོ། །དེ་ལ་དཔལ་བེའུ་ནི། མཁྱེན་པའི་ 490a ༄#། །ཡེ་ཤེས་དང་ལྡན་པའི་བཀྲ་ཤིས་སོ། །འཁོར་ལོ་ནི། ཐམས་ཅད་ལ་དབང་བསྒྱུར་བ་དང ། ཆོས་ཀྱི་འཁོར་ལོ་བསྐོར་བའི་བཀྲ་ཤིས་སོ། །རིན་པོ་ཆེ་ནི། ཟད་མི་ཤེས་པ་དང་ལྡན་པའི་བཀྲ་ཤིས་སོ། །པདྨོ་ནི། འཁོར་བས་མ་ཟིན་པའི་བཀྲ་ཤིས་སོ། །གདུགས་ནི། ཉོན་མོངས་པས་མ་གདུངས་པའི་བཀྲ་ཤིས་སོ། །བུམ་པ་ནི། བདུད་རྩི་མཆོག་དང་ལྡན་པའི་བཀྲ་ཤིས་སོ། །དུང་ནི། སྒོ་ཐམས་ཅད་སྤ་བཀོང་བར་སྒྲ་སྒྲོག་པའི་བཀྲ་ཤིས་སོ། །ཉ་ནི། ལམ་རྒྱུད་ལྔའི་སེམས་ཅན་གྱི་དོན་མཛད་ཀྱང་ཉམ་ང་བ་མེད་པའོ། །ཀློང་བཞི་ནི། རིགས་ལྔའི་བྱིན་རླབས་ཡིན་པའམ། ལམ་རྒྱུད་ལྔའི་སེམས་ཅན་ལ་དེ་བཞིན་གཤེགས་པའི་རང་བཞིན་ཡོད་པར་བསྟན་པའམ། ཐུགས་རྗེས་དེ་དག་གི་དོན་མཛད་པའི་ཐ་ཚིག་གོ་།རྣམ་པ་གཅིག་ཏུ་ཐམས་ཅད་དབང་དུ་འདུས་པའི་དོན། དེ་ལ་གཙོ་མོ་འཁོར་ལྔ་ལྔ་དང་བཅས་པ་ནི། ཅི་ཡང་མི་མཛད་དོ། །སེམས་དཔའ་སེམས་མ་ཉི་ཤུ་ནི ། ཀུན་ལ་བུ་གཅིག་བཞིན་ནོ། །དེ་ལྟར་བྱས་པའི་ཤུགས་ཀྱི་ཁྲོ་བོ་དང་ཁྲོ་མོ་འཁོར་དང་བཅས་པ་ནི། ཕྱིན་པ་ཐམས་ཅད་ཀྱི་དངོས་པོ་ལ་རྔོན་ 490b པས་རི་དྭགས་མཐོང་བ་བཞིན་ནོ། །དེ་ལྟར་ཞེ་སྡང་གི་ཤུགས་ཀྱིས་ཐམས་ཅད་དབྱིངས་ཉིད་ལ་སྦྱར་རོ། །འབྱོར་ན་འཁོར་བའི་ཆོས་ལ་སྤྱོད་ཀྱང་ལོངས་སྤྱོད་ཆེན་པོ་སྟེ། ཉོན་མོངས་པའི་འཆིང་བར་མི་འགྱུར་བས་དེ་ལྟར་སྒྲུབ་པ་ནི། འདོད་ཆགས་སོ། །ཆོས་ཀྱི་དབྱིངས་ངང་གིས་གསང་བ་ཕྲག་དོག་གོ ། ཆོས་ཉིད་སྤྲོས་པ་མེད་པས་གཏི་མུག་གོ་།ཆོས་ཉིད་དེ་ལྟ་བུ་ཁམས་གསུམ་ལས་རྒྱལ་བས་ང་རྒྱལ་ལོ། །དེ་ལ་གཙོ་བོ་ནི། འཁོར་ལྔའི་བྱིན་རླབས་ནི་ཐམས་ཅད་ལ་ཁྱབ་མོད་ཀྱི། ཉེ་བར་ནི། དབུ་དང་མདུན་དང་ཐོང་ག་ཡན་ཆད། རྒྱབ་མཇུག་ཡན་ཆད་དོ། །མི་འཁྲུགས་པའི་འཁོར་ལྔའི་བྱིན་རླབས་ནི།་ཕྱག་གཡས་པ་དང་རྩི་བས་ལོགས་གཡས་སོ། །རིན་ཆེན་འབྱུང་ལྡན་འཁོར་ལྔའི་བྱིན་རླབས་ནི། ཕྱག་གཡོན་དང་རྩིབས་ལོགས་གཡོན་ནོ། ། འོད་དཔག་མེད་འཁོར་ལྔའི་བྱིན་རླབས་ནི། ཞབས་གཡོན་ནས་རྐེད་པ་གཡོན་མན་ཆད་དོ། །དོན་ཡོད་གྲུབ་པ་འཁོར་ལྔའི་བྱིན་རླབས་ནི། ཞབས་གཡས་རྐེད་པ་གཡོན་མན་ཆད་དོ། །ཁྲོ་བོ་དང་ཁྲོ་མོ་ཐམས་ཅད་ནི། རིགས་སོ་སོའི་བྱིན་རླབས་བཞིན་ནོ། །དེ་ལྟར་འཁོར་ལྔ་པོ་གཅིག་ལ་ཡང་ལྔ་ལྔར་འགྱུར་ཏེ། 491a ༄#། །སྲ་བའི་བྱ་བ་བྱེད་པ་ཐམས་ཅད་ནི། རྡོ་རྗེའི་རིགས་སོ། །དྲོ་བའི་བྱ་བ་བྱེད་པ་ཐམས་ཅད་ནི། རིན་པོ་ཆེའི་རིགས་སོ། །གཤེར་བའི་བྱ་བ་བྱེད་པ་ཐམས་ཅད་ནི། པདྨའི་རིགས་སོ། །བསྐྱོད་པའི་བྱ་བ་བྱེད་པ་ཐམས་ཅད་ནི། ལས་ཀྱི་རིགས་སོ། །དེ་རྣམས་ཆ་མཉམ་པ་ལས་སྤྱིར་གྲུབ་པ་ནི། དངོས་སུ་བཞུགས་པ་དེ་བཞིན་གཤེགས་པའི་རིགས་སོ། །ཐམས་ཅད་བདག་ཉིད་མའི་འཁོར་ལྔའི་བྱིན་རླབས་ནི། དབུས་སུ་གྱུར་པ་ཐམས་ཅད་དོ། །སྲ་བའི་རང་བཞིན་མེད་པ་ནི། ཡངས་པའི་སྤྱན་འཁོར་ལྔའི་བྱིན་རླབས་སོ། ། དྲོ་བའི་རང་བཞིན་མེད་པ་ནི། མཱ་མ་ཀཱི་འཁོར་ལྔའི་བྱིན་རླབས་སོ། །གཤེར་བའི་རང་བཞིན་མེད་པ་ནི། གོས་དཀར་མོ་འཁོར་ལྔའི་བྱིན་རླབས་སོ། །བསྐྱོད་པའི་རང་བཞིན་མེད་པ་ནི།་སྒྲོལ་མའི་འཁོར་ལྔའི་བྱིན་རླབས་སོ། །དོན་དུ་བྱ་བ་བྱེད་ནུས་པ་སེམས་དཔའོ། །དེ་བཞིན་དུ་རང་བཞིན་མེད་པ་ནི། སེམས་མའོ། །དེ་ལྟར་རིག་པ་ནི། ཁྲོ་བོ་དང ། ཁྲོ་མོའོ།། དེ་ལ་བསྡུ་ཞིང་སྤྲོ་བ་ཡང་ཐམས་ཅད་དེ་ལྟར་བྱའོ། །ཕྱི་ནང་གི་ཆོས་ཐམས་ཅད་ལ་ཡང་དེ་ལྟར་བལྟའོ། །དེ་སྐད་ཅེས་དཔལ་རྣམ་པར་སྣང་མཛད་ཀྱིས་བཀའ་སྩལ་པ་ལ་རྡོ་རྗེ་གཞོན་ནུ་སྡེ་འབུམ་ཕྲག་དུ་མ་ཡི་རང་སྟེ་འདི་སྐད་ཅེས་བསྟོད་དོ། །ཧཱུཾ། བསྐལ་པའི་མེ་ལྟར་འབར་བ་ཡི། །འོད་ཟེར་འདུ་འཕྲོ་ཀློང་དཀྱིལ་ན། །ཁྲོ་བོ་ཁྲོ་མོ་རྣམས་བཞུགས་པ། །སྐུར་ 491b ནི་ཅིར་ཡང་སྒྱུར་བའི་གཟུགས། །ཧཱུཾ། དབུ་སྐྲ་ཁམ་ནག་རལ་པ་ཅན། །གྱེན་དུ་འཁྱིལ་བ་སྲིད་རྩེར་འབར། །མི་མཉམ་ཁྲོ་གཉེར་སྡང་མིག་ནི། །ལོག་པར་ལྟ་བ་འདུལ་བའི་མཚན། །ཧཱུཾ་།མཆེ་བ་ཟང་ཡག་གཙིགས་པས་ནི། །སྐྱེ་ཤི་རྩ་བ་གཅོད་པའི་ཚུལ། །སྐུ་གསུང་ཐུགས་ཀྱི་བྱིན་རླབས་ནི། །ཕྱག་རྒྱ་སྣ་ཚོགས་ཅིར་ཡང་སྣང ། ། \?\་ཐུགས་རྗེའི་བྱིན་རླབས་སྤྲིན་ལྟར་འཁྲིགས། །བྱམས་པའི་འོད་ཟེར་གློག་བཞིན་འགྱུ། །རྔམ་པའི་སྒྲ་སྐད་འབྲུག་ལྟར་སྒྲོག་།སྤྲུལ་པའི་ཐོག་ཐོག་ཆར་བཞིན་འབབས། །ཧཱུཾ། སྔོན་གྱི་ཐུགས་དམ་ཆེན་པོ་ནི། །ཀླན་ཀ་ཆེན་པོ་བདུད་ལ་ཚོལ། །ཀྱལ་ཀ་ཆེན་པོ་བགེགས་ལ་མཛད། །དམ་ཚིག་ཅན་ལ་དངོས་གྲུབ་སྩོལ། །ཧཱུཾ། ཐུགས་རྗེ་ཆེན་པོའི་བྱིན་རླབ་\?\་ཀྱིས། །བདག་ལ་བྱིན་གྱིས་རླབས་མཛད་ཅིང ། །བདག་གི་ལྷག་པའི་བསམ་པ་རྣམས། །འགྲུབ་པར་བྱིན་གྱིས་བརླབ་ཏུ་གསོལ། །འཁྱིལ་ཅིང་རྒྱན་ཡང་འཁྱིལ་བ་ལ། །སེམས་གྱི་ཆོས་པས་སྐུ་མི་མངའ། །སྒྲ་ལས་འདས་པའི་སྦྱོར་བ་སྟེ། །བསམ་དང་བྲལ་བའི་ཡེ་ཤེས་ལགས། །ཧཱུཾ། སྲིད་གསུམ་འཇོམས་པའི་ལྷ་ལ་ཕྱག་འཚལ་ལོ། །མཉམ་ཉིད་དང་གིས་\?\་ལ་ཕྱག་འཚལ་ལོ། །ཁྲོས་པས་ལོངས་སྤྱོད་མཛད་ལ་ཕྱག་འཚལ་ལོ། །རྡོ་རྗེ་འདུ་འཕྲོ་ཁྲོ་ལ་ཕྱག་འཚལ་ལོ། །ཞེས་བསྟོད་དེ་ཉིད་ཀྱི་ཐུགས་ཀར་ཞུགས་ནས་མི་སྣང་བར་གྱུར་ 492a །ཏོ། །འཕགས་པ་ཐབས་ཀྱི་ཞགས་པ་པདྨོ་ཕྲེང་རྫོགས་སོ།། །། |