rKTs


H762

(e-text produced by ACIP)

see text in transliteration
177a
རྒྱ་གར་སྐད་དུ། སརྦ་མཎྜལ་སཱ་མཱ་ནྱ་བི་དྷི་ན་གུ་ཧྱ་ཏནྟྲ། བོད་སྐད་དུ། དཀྱིལ་འཁོར་ཐམས་ཅད་ཀྱི་སྤྱིའི་ཆོ་ག་གསང་བའི་རྒྱུད། ཐམས་ཅད་མཁྱེན་པ་ལ་ཕྱག་འཚལ་ལོ། །དེ་ནས་གཞན་ཡང་གསང་པའི་རྒྱུད། །དཀྱིལ་འཁོར་དག་ནི་ཐམས་ཅད་ཀྱི། །སྤྱི་ཡི་ཆོ་ག་རྒྱས་པ་དག་།མདོར་བསྡུས་རབ་ཏུ་བཤད་པར་བྱ། །གཞན་
177b
གྱིས་མི་ཐུབ་ལ་སོགས་གང ། །དེ་བཞིན་གཤེགས་པའི་དཀྱིལ་འཁོར་དང ། །རབ་ཏུ་གནས་པ་ལ་སོགས་གང ། །པད་མོ་རིགས་ཀྱིར་བཤད་པ་དང ། །འཇིག་རྟེན་དག་ལ་བརྩེ་ཕྱིར་ངས། །རྣམ་པར་གནོན་པ་ལ་སོགས་པ། །དཀྱིལ་འཁོར་སུམ་སྟོང་དག་དང་ནི། །ལྔ་བརྒྱར་བཤད་པ་གང་ཡིན་པ། །དཀྱིལ་འཁོར་དེ་དག་རྣམས་ཀྱི་སྤྱིའི། །ཆོ་ག་འདི་ནི་ངས་བཤད་དེ། །དེ་ལྟ་བས་ན་ཆོ་ག་འདིས། །དཀྱིལ་འཁོར་ཐམས་ཅད་བྲི་བར་བྱ། །སློབ་དཔོན་བསྟན་བཅོས་ཀུན་ཤེས་པ། །ཚུལ་ཁྲིམས་ལྡན་ཞིང་སྙིང་རྗེའི་བདག ། དྲང་ཞིང་བཟོད་ལ་གཙང་སྦྲ་ཅན། །དད་དང་དྲན་ལྡན་སྙིང་སྟོབས་ཅན། །སྨྲ་མཁས་མི་འཇིགས་སྲན་ཐུབ་པ། །སྒྱུ་རྩལ་དག་ལ་མཁས་ཤིང་གསལ། །མཛེས་དང་ལྡན་ཞིང་དེ་བཞིན་དུ། །གུས་ལྡན་དུལ་ལ་ཁོང་གཟོ་བ། །རྟག་ཏུ་དམ་པའི་ཆོས་ལ་དགའ། །ཐེག་པ་ཆེ་ལ་མོས་པ་ཅན། །གསང་སྔགས་སྤྱོད་པ་ལ་བསླབས་ཤིང ། །དཀྱིལ་འཁོར་དག་གི་བྱེ་བྲག་ཤེས། །སློབ་མ་དག་གི་ཚུལ་ཤེས་ཤིང ། །དེ་བཞིན་གསང་སྔགས་རྒྱུད་ཀྱང་འཛིན། །རྗེས་སུ་གནང་ཞིང་དབང་བསྐུར་ལ། །ཆོག་ཤེས་བཟླས་བརྗོད་ལྷུར་ལེན་པ། །སློབ་དཔོན་རིགས་ལ་བསྙེན་བཀུར་བྱས། །དཀྱིལ་འཁོར་ཐམས་ཅད་ཁོང་དུ་ཆུད། །གསང་སྔགས་ཀུན་དང་བླ་མ་དང ། །དེ་བཞིན་གློ་བུར་མགྲོན་
178a
༄#། །མཆོད་བྱེད། །ཕྱག་རྒྱ་ལ་སོགས་བཅིང་བ་དང ། །དཀྱིལ་འཁོར་འདྲི་བའི་ལས་རྣམས་དང ། །གསང་སྔགས་སྤྱོད་པའི་མཆོད་པ་ལ། །སློབ་དཔོན་གྱིས་ནི་མཁས་པར་བྱ། །དེ་ནས་གཞན་ཡང་བཤད་པ་ནི། །ས་ཡི་ཕྱོགས་ཀྱི་མཚན་ཉིད་དེ། །ས་གཞི་ཅི་འདྲ་བཟང་བ་དང ། །མི་བཟང་བ་དག་བསྒྲགས་པའོ།། མཐོན་དམན་ཅན་དང་ཚེར་མ་ཅན། །གྱོ་མོ་དུམ་བུ་ཅན་དག་དང ། །ངམ་གྲོག་རུས་པ་སྡོང་དུམ་ཅན། །གྲོག་མཁར་ཐལ་བ་ཚ་སྒོ་ཅན། །གསེག་མ་རྡོ་དང་རྡུལ་དང་སྐྲ།། སྲིན་བུ་གྲོག་སྦུར་ལ་སོགས་མང ། །དེ་ལྟ་བུ་ཡི་ས་གཞི་ནི། །མཁས་པས་ལས་རྣམས་ཀུན་ལ་སྤང ། །མཐོ་དམན་སྙོམས་ཤིང་གཙང་ལ་སྣུམ། །ཟུག་རྡུ་ཉེས་པ་རྣམ་པར་སྤངས། །ཤར་དང་བྱང་དུ་གཞོལ་བ་ཡིས། །ས་གཞི་ལས་རྣམས་ཀུན་ལ་ཤིས། །དང་པོར་པུས་ནུབ་ཙམ་བརྐོས་ལ། །ས་དེ་ཉིད་ཀྱིས་དགང་བར་བྱ། །གལ་ཏེ་ལྷག་པར་གྱུར་ན་ནི། །དངོས་གྲུབ་དག་ནི་ཡོད་པར་བཤད། །དེ་ལས་བཟློག་པར་གྱུར་ན་ནི། །སྒྲུབ་པ་པོས་ནི་ལས་མི་བརྩམ། །བརྩམས་ན་སྡུག་བསྔལ་མྱོང་འགྱུར་ཞིང། །ལེགས་པ་དག་ཀྱང་མི་འཐོབ་བོ། །དཀྱིལ་འཁོར་ས་ནི་གང་དག་གི་།ཉེ་འཁོར་དག་ན་ཆུ་མོད་པ། །དེ་ནི་ཤིས་ཤིང་དངོས་གྲུབ་ཐོབ། །ཆུ་དཀོན་པ་ནི་མཁས་པས་
178b
སྨད། །ཁོ་ར་ཁོར་ཡུག་སྣ་ཚོགས་ཤིང ། །མེ་ཏོག་འབྲས་བུ་ལོ་མར་ལྡན། །འོ་མ་ཅན་གྱི་ཤིང་ཡོད་པ། །དཀྱིལ་འཁོར་དག་ལ་རབ་ཏུ་ཤིས། །ཁོ་ར་ཁོར་ཡུག་ཤིང་ལྡན་པའི། །ས་གཞི་ཡོན་ཏན་ཀུན་ལྡན་པའི། །ཉ་འཁོར་ན་ཡང་ཆུ་ཡོད་པས། །དཀྱིལ་འཁོར་དག་ལ་ལས་དེ་ཤིས། །ཞི་བའི་ལས་ལ་ས་གཞི་ནི། །དཀར་པོ་དག་ཏུ་བརྟག་པར་བྱ། ། རྒྱས་པའི་ཆེད་དུ་དམར་སེར་བྱ། །དྲག་ཤུལ་སྤྱོད་ལ་ནག་པོ་ཤིས། །གང་དུ་ཆུ་ངོགས་པད་མོ་ཡི། །མཚོ་དང་རྒྱ་མཚོ་ཉེ་འཁོར་དང ། །ཆུ་ཡི་གླིང་ནི་ཉམས་དགའ་བར། ། ཞི་བའི་དཀྱིལ་འཁོར་བྲི་བར་བྱ། །མ་མོའི་གནས་དང་དུར་ཁྲོད་དང ། །དབེན་པའི་གནས་དང་ཁང་སྟོང་དང ། །ཉམས་མི་དགའ་བའི་ཡུལ་གང་ཡིན། །དེ་དག་ཏུ་ནི་མངོན་སྤྱོད་བྲི། །རི་རྩེ་དང་ནི་བ་ལང་ལྷས། །མཆོད་རྟེན་སྐུ་གཟུགས་ཁང་པ་དང ། །དེ་ལ་སོགས་པའི་ཕྱོགས་དག་ཏུ། །རྒྱས་པ་ཡི་ནི་དཀྱིལ་འཁོར་བྲི། །མཆོད་རྟེན་ཆེན་པོ་ཉམས་དགའ་དང ། །དབེན་པ་ཆེན་པོའི་གནས་དག་དང ། །རི་བོའི་རྩེ་མོ་རྒྱ་ཆེན་གྱིས། །དངོས་གྲུབ་དཀྱིལ་འཁོར་བྲི་བར་བྱ། །རི་རྩེ་དག་དང་རི་བོ་དང ། །རི་ཡི་ཟོམ་དང་ཕུག་དག་ཏུ།། ལྷ་མིན་དག་ནི་འདོད་པ་ཡིས། །ས་འོག་རྡོ་རྗེ་དཀྱིལ་འཁོར་བྲི། །པདྨའི་ཁ་ནི་བྱེ་བའི་ཚལ། །ངང་སྐྱ་དག་ནི་སྒྲ་སྒྲོགས་པར། །རྒྱལ་སྲིད་འདོད་པའམ་ནོར་འདོད་པས། །དཔལ་
179a
༄#། །ཀྱི་དཀྱིལ་འཁོར་ཐམས་ཅད་བྲི། །མ་མོའི་གནས་དང་རི་རྩེ་དང ། །ལྷ་རྣམས་ཀྱི་ནི་གནས་དག་ཏུ། །གདོན་དབབ་པ་དང་འཇོམས་བྱེད་པ། །རྡོ་རྗེ་ལྕགས་ཀྱུའི་དཀྱིལ་འཁོར་བྲི། །ལམ་གྱི་བཞི་མདོ་ཆེན་པོ་དང ། །མཆོད་རྟེན་ཕྱག་ན་རྡོ་རྗེ་ཡི། །མདུན་དུ་སྒྲུབ་པ་པོ་ཡིས་ནི། །ཁྲོ་རྒྱལ་དཀྱིལ་འཁོར་བགེགས་འཇོམས་བྲི། །དེ་བཞིན་གཤེགས་པའི་དཀྱིལ་འཁོར་ནི། །གནས་ནི་བཟང་པོ་གཞན་དུ་ཡང ། །མཁས་པ་ཡིས་ནི་ཁྱད་པར་དུ། །ཐམས་ཅད་བྲི་བར་བྱ་བ་ཡིན། །རབ་ཏུ་གནས་སོགས་དཀྱིལ་འཁོར་ཀུན། །མཁས་པ་ཡིས་ནི་ཁྱད་པར་དུ། །པདྨའི་མཚོ་ཡི་ཉེ་འཁོར་དུ། །ཆོ་ག་བཞིན་དུ་བྲི་བར་བྱ། །རི་ཡི་རྩ་མོར་མཁས་པ་ཡིས། །མདོ་ལས་བྱུང་བའི་ཆོ་ག་བཞིན། །རྣམ་པར་གནོན་སོགས་དཀྱིལ་འཁོར་ཀུན། །ཁྱད་པར་དུ་ནི་བྲི་བར་བྱ། །རྣམ་པར་ངེས་པའི་གནས་འདི་ནི། །ཁྱད་པར་དུ་ནི་བསྟན་པ་ཡིན། ། རབ་ཏུ་བསྒྲིམས་ཏེ་ཐམས་ཅད་ལ། །ས་ནི་རྣམ་གསུམ་ཡོངས་སུ་བརྟག་།ཁྱད་པར་ཕུན་སུམ་མ་ལྡན་ན། །སྤྱི་ཡི་ལས་ཀྱིས་བྲི་བར་བྱ། །ཕུན་སུམ་ཚོགས་པར་ཀུན་བཟང་བའི། །ཚོགས་པ་དག་ནི་རྙེད་པར་དཀའ། །མདོར་ན་ས་གཞ་མཉམ་པ་དང ། །མདངས་སྣུམ་ཤར་དུ་གཞོལ་བ་བཞེད། །ཆུ་མང་ལྡན་པའི་གནས་དང་ནི། །ལྗོན་
179b
ཤིང་བཟང་པོས་བརྒྱན་པ་དང ། །བདག་གི་མིག་ཡིད་མགུ་བ་དང ། །འཚེ་མེད་ཟུག་རྔུ་སྤངས་པ་ནི། །དཀྱིལ་འཁོར་གནས་སུ་ཤིས་པ་སྟེ། །མི་ཡི་དངོས་གྲུབ་ཀུན་ཐོབ་བྱེད།། དྲང་སྲོང་གནས་དང་བ་གླང་ལྷས། །ཕུག་དང་རི་ཡི་རྩེ་མོ་དང ། །ས་གཞི་གང་ན་འཐས་པ་དང ། །ཁང་ཐོག་དང་ནི་རྡོ་ལེབ་དང ། །མཆོད་རྟེན་དྲུང་དང་འབབ་ཆུའི་གླིང ། །མཚོ་རྣམས་ཀྱི་ནི་འགྲམ་དག་ཏུ། །ས་གཞི་སྦྱང་ཞིང་བརྟག་པ་དང ། །ནན་ཏན་དུ་ནི་བྱ་མི་དགོས། །དེར་ནི་ཟུག་རྡུ་དབྱུང་མི་དགོས། །འཐས་པར་བཅག་ཀྱང་དེར་མི་དགོས། ། མཐོ་དམན་ལ་སོགས་སྐྱོན་རྣམས་གང ། །དེར་ནི་དོགས་པ་བསྐྱེད་མི་དགོས། །གཉུག་མར་གནས་པའི་ས་གཞི་ལ། །བྱི་དོར་ལེགས་པར་བྱས་ནས་སུ། །ལག་པས་བྲམ་ཞིང་གསང་སྔགས་བཟླས། །དེ་ཡི་སྦྱང་བ་དེ་ཡིན་ནོ། །ཟུག་རྡུ་ཉེས་པ་ཐམས་ཅད་ནི། །གལ་ཏེ་དབྱུང་པར་མི་ནུས་ན། །དེར་ནི་གསང་སྔགས་ཁོ་ནས་ནི། །སྦྱངས་པ་ལེགས་པར་བྱས་པར་འགྱུར། །བརྟན་པར་འགྱུར་བའི་ལས་རྣམས་དང ། །གདོན་རྣམས་ཚར་གཅད་ལ་སོགས་དང ། །དྲག་ཤུལ་སྤྱོད་པ་དག་ལ་ཡང ། །ས་ནི་བརྟག་པར་བྱ་མི་དགོས། །དཀྱིལ་འཁོར་ས་གཞི་ཆོ་ག་ལ། །ཁྲོ་བོ་ཀཱི་ལི་ཀཱི་ལ་ཡིས། །བ་ཡི་རྣམ་ལྔ་ལ་བཟླས་པའི། །བསང་གཏོར་བྱས་ན་སྦྱངས་པར་འགྱུར། །གཞན་གྱིས་མི་ཐུབ་ལ་སོགས་
180a
༄#། །པ། །རྒྱལ་བའི་གཙུག་ཏོར་ཉིད་ཀྱིས་སྦྱང ། །ཕྱག་ན་པདྨའི་དཀྱིལ་འཁོར་ཀུན། །ས་གཞི་སྦྱང་བར་བྱ་བ་ནི། །ཞི་བ་འདྲེན་པ་ཞེས་བྱ་ཡི།། དཔལ་མོས་ཆོ་ག་བཞིན་དུ་སྦྱང ། །ཕྱག་ན་རྡོ་རྗེའི་དཀྱིལ་འཁོར་རྣམས། །ཁྱད་པར་དུ་ནི་ཁྲོ་བོས་སྦྱང ། །ལས་སུ་བྱ་བ་ཐམས་ཅད་ཀྱང ། །ཆོ་ག་བཞིན་དུ་འདི་ཡིས་བྱ། །རྒྱལ་བའི་གཙུག་དང་ཞི་བའི་འདྲེན། །ཁྲོ་བོ་སྟོབས་ཆེན་ཞེས་བྱ་བ། །འདི་གསུམ་རིགས་ནི་གསུམ་ཅར་གྱིས། །ལས་རྣམས་ཀུན་ལ་སྦྱར་བྱས་ཏེ། །ས་སྦྱང་བ་དང་བསྲུང་བ་དང ། །སློབ་མ་སྟ་གོན་གནས་པ་དང ། །བགེགས་རྣམས་བསལ་དང་དྲི་དག་དང ། །མེ་ཏོག་མངོན་པར་བསྔགས་པ་དང ། །དེ་ལ་སོགས་པའི་ལས་ཀུན་ལ། །བསྒྲིབས་ཏེ་སྦྱང་བར་བྱ་བ་ཡིན། །སོ་སོའི་རྒྱུད་ལ་ལས་དང་ནི། །གསང་སྔགས་རབ་ཏུ་བསྒྲགས་པ་གང ། །སྟོན་ཟླ་འབྲིང་པོའི་ཉ་ནས་ནི། །དཔྱིད་ཟླ་ཐ་ཆུངས་ཉ་ཡི་བར། །འདི་ཡི་ནང་དུ་མཁས་པ་ཡིས། །དཀྱིལ་འཁོར་ཆོ་ག་བཞིན་དུ་བྲི། །བགེགས་ཀྱི་དཀྱིལ་འཁོར་ནང་བཅད་དང ། །དེ་བཞིན་བསྒྲུབ་པའི་དཀྱིལ་འཁོར་དག་།དཔྱད་མི་དགོས་པར་དབྱར་ཡང་ནི། །མཁས་པས་དུས་བཞིན་བྲི་བར་བྱ། །སློབ་མ་དབང་བསྐུར་ཆེད་དུ་ནི། །དཀྱིལ་འཁོར་ཡོངས་སུ་བསྒྲགས་
180b
གང་དང ། །གནང་བའི་དཀྱིལ་འཁོར་གང་ཡིན་དང ། །དམ་ཚིག་དཀྱིལ་འཁོར་གང་ཡིན་དང ། །འབྱོར་པའི་ཆེད་དུ་བསྒྲུབ་པ་དང ། །ཆེན་པོའི་དཀྱིལ་འཁོར་གང་ཡིན་པ། ། དེ་དག་ཐམས་ཅད་མཁས་པ་ཡིས། །ཟླ་བ་བདུན་པོ་དག་ལ་བྱ། །ཡུལ་དང་དུས་དང་སློབ་མ་དང ། །བདོག་པའི་ཡོན་ཏན་ཤེས་བྱ་སྟེ། །མཁས་པས་དབྱར་ཡང་དཀྱིལ་འཁོར་གྱི། །ལས་ནི་ཆོ་ག་བཞིན་དུ་བྲི། །དྲི་དང་མེ་ཏོག་བདུག་སྤོས་དང ། །ལྷ་བཤོས་སྦྱིན་སྲེག་ལས་ཀྱི་རྣམས། །ཕོངས་པར་གྱུར་ཀྱང་མི་དབྲི་སྟེ། །ཕྲི་ན་ངེས་པར་འཆི་བར་འགྱུར། །ཚེས་གྲངས་ངན་དང་དུས་མིན་དང ། །གནས་མིན་ཆོ་ག་མི་ལྡན་པར། །མཁས་པས་དཀྱིལ་འཁོར་མི་བྲིའོ། །བྲིས་ན་དོགས་པ་མེད་པར་འཆི། །མཁས་པས་ཇི་ལྟར་བཤད་པ་ཡི། །ཟླ་བ་ཡར་གྱི་ངོ་དག་ལ། །ཟླ་བ་ཉ་འམ་བཅུ་གསུམ་མམ། །ཚེས་བརྒྱད་དག་གམ་བཅུ་བཞི་འམ། །ཚེས་བཅུ་དང་ནི་བཅུ་གཅིག་གམ། །ཡང་ན་ཡར་གྱི་ཚེས་གཅིག་གམ། །ཚེས་ལྔའམ་ཡང་ན་ཚེས་བདུན་ནམ། །ཡང་ན་ཚེས་གྲངས་གསུམ་ལའང་རུང ། །ཉི་མ་བཅུ་པོ་འདི་དག་ལ། །དཀྱིལ་འཁོར་རབ་ཏུ་བསྒྲིམས་ཏེ་བྲི། །མར་གྱི་ངོ་ཡི་དུས་མཚམས་ལའང ། །དཀྱིལ་འཁོར་བྲི་བ་འགལ་བ་མེད། །ཚེས་ལྔའམ་ཡང་ན་ཚེས་བདུན་ནམ། །ཟླ་བ་ཉ་ལ་ཁྱད་པར་དུ། །ཕྱག་ན་པདྨའི་
181a
༄#། །དཀྱིལ་འཁོར་གྱི། །ཆོ་ག་རྣམས་ནི་བྱ་བར་ཤིས། །ས་ཡི་འོག་གི་དཀྱིལ་འཁོར་དང ། །དྲག་ཤུལ་གྱི་ནི་ལས་རྣམས་དང ། །ཁྲོ་བོ་རྣམས་ཀྱི་དཀྱིལ་འཁོར་གང ། །དེ་དག་མར་ངོ་ལ་ཡང་བྲི། །ཟླ་བ་ཉ་ལ་ཁྱད་པར་དུ། །རྒྱལ་བའི་དཀྱིལ་འཁོར་བྲི་བར་ཤིས། །དཔྱིད་ཟླ་འབྲིང་དང་ཐ་ཆུང་ལ།། མཁས་པས་དཀྱིལ་འཁོར་ཆེན་པོ་བྲི། །གང་ཚེ་ཡོ་བྱད་ལྡན་པ་དང ། །གང་ཚེ་དད་པ་བོད་བ་དང ། །གང་ཚེ་ལས་ལ་བརྩོན་གྱུར་པ། །དེ་ཡི་ཚེ་ཡང་དཀྱིལ་འཁོར་བྲི། །གང་ཚེ་འཚོ་བ་ཀུན་མོད་ཅིང ། །མེ་ཏོག་མོང་པ་ལ་སོགས་པ། །ཕུན་སུམ་ཚོགས་པའི་དུས་ཤེས་པའི། །དེ་ཡི་ཚེ་ཡང་དཀྱིལ་འཁོར་བྲི། །གང་ཚེ་སློབ་མའི་བསྙེན་བཀུར་གྱིས། །བླ་མ་དག་ནི་མགུ་གྱུར་པ། །དེ་ཚེ་དེ་ལ་གནང་བས་ན། །དབང་བསྐུར་ཆེད་དུ་དཀྱིལ་འཁོར་བྲི། །ཉི་མ་ཟླ་བ་གཟས་ཟིན་དང ། །ཡ་མཚན་ཆེ་ལྟས་བྱུང་བ་དང ། །ཆོ་འཕྲུལ་གྱི་ནི་ཟླ་བ་ལ། །བསྒྲིམས་ཏེ་དཀྱིལ་འཁོར་བྲི་བར་བྱ། །སྔ་དྲོ་རྒྱས་པ་བསྐྱེད་པ་སྟེ། །ཉི་མ་གུང་ལ་དྲག་ཤུལ་སྤྱད། །དགོངས་ཀར་ཞི་བ་བློ་ཅན་གྱིས།། ཆོ་ག་བཞིན་དུ་དཀྱིལ་འཁོར་བྲི། །དཀྱིལ་འཁོར་དག་ནི་མ་ལུས་པ། །ཉི་མ་ཙེར་ཙེས་ནུབ་ནས་བརྩམས། །ཉི་མ་ཤར་བར་མ་གྱུར་པ། །མཆོད་ནས་གཤེགས་སུ་གསོལ་
181b
པར་ཤིས། །ཁྱད་པར་ཅན་གྱི་ཆོ་ག་ནི། །ལྷ་དུས་བྱ་བ་དུས་བཞིན་བཤད། །གཞན་དུ་ཆོ་ག་ཉམས་པའི་ཕྱིར། །དངོས་གྲུབ་འབྱུང་བར་མི་འགྱུར་རོ། །སྤྱི་ཡི་དཀྱིལ་འཁོར་བློ་ལྡན་པས། །ནམ་ཡང་ཉིན་པར་མི་བྲིའོ། །ཉིན་པར་བྲིས་ན་དེ་དག་ཏུ། །སྡུག་བསྔལ་ཉམས་སུ་མྱོང་བར་འགྱུར། །དགོངས་མགོ་གཙུགས་ནས་ནམ་ཕྱེད་ན། །དྲག་ཤུལ་སྤྱོད་པར་གྱུར་པ་ཡིན། །མཚན་མོ་དུས་ལས་འདས་པས་ན། །ཉེས་པ་མང་པོ་འབྱུང་བར་འགྱུར། །མཚན་མོ་རབ་ཏུ་ཞི་བའི་ཕྱིར། །སྤྱིར་ན་འདོད་པར་བྱ་བ་ཡིན། ། དམ་ཚིག་དག་ལ་སོགས་པའི་ལས། །དེ་ལྟ་བས་ན་མཚན་མོ་བརྩམ། །ཉི་མ་ནུབ་ན་ལྷ་རྣམས་ནི། །ངེས་པར་བྱིན་གྱིས་རླབས་ཀྱིས་འདུ། །གཞན་དག་ཀྱང་ནི་ཁྱད་པར་དུ། །བྱིན་གྱིས་རློབ་པར་བྱེད་པར་འགྱུར། །ཆོ་གས་སྤྱན་དྲངས་གསང་སྔགས་དང ། །ལྷ་ཡང་ཉི་མ་ནུབ་པ་ན། །ཕན་པར་བཞེད་པས་དཀྱིལ་འཁོར་དུ། །ངེས་པར་བྱིན་གྱིས་རློབ་པར་མཛད། །ཡང་དག་ཞི་བའི་སེམས་ཀྱིས་ནི། །དུས་དང་ཚེས་གྲངས་ཞིབ་ལ། །སྔགས་ཀྱིས་སྤྱན་འདྲེན་བྱེད་པ་ནི། །བསམ་པའི་དངོས་གྲུབ་ཐོབ་པར་འགྱུར། །ཕུར་བུ་དང་ནི་ཟླ་བ་དང ། །པ་བ་སངས་དང་ཉི་མ་བཟང ། །གཞན་ལ་རབ་ཏུ་དྲག་པོ་ཡི། །ལས་ནི་ཀུན་ཏུ་བརྩམ་པར་བྱ། །རྒྱལ་དང་སྐག་དང་ས་ག་དང ། །མེ་བཞི་ནག་པ་ཐ་སྐར་
182a
༄#། །དང། །སྣོན་ལ་སོགས་གསུམ་ས་ག་ནི། །དཀྱིལ་འཁོར་དག་ལ་རབ་ཏུ་ཤིས། །དེ་ལ་སོགས་པའི་ཞི་བ་དང ། །རྒྱུ་སྐར་དག་ནི་བཟང་པོ་ལ། །བློ་དང་ལྡན་པས་དཀྱིལ་འཁོར་བྲི། །དྲག་པོ་ལ་ནི་དྲག་པོ་བྲི། །འབེབས་ལྡན་རྣམ་རྒྱལ་རྒྱལ་བྱེད་དང ། །གསལ་དང་དམར་ལྡན་ནོར་ཅན་དང ། །བཟང་མོ་ཆུ་ལྷ་ཚངས་མ་དང ། །དེས་དང་བཀྲ་ཤིས་ཁྱབ་འཇུག་དང ། །སྐྱེ་དགུའི་བདག་དང་ཐ་སྐར་བྱམས། །ཚིག་བཟང་བ་བ་སངས་པའོ། །ཡུད་ཙམ་རྣམས་ཀྱི་རྒྱུད་ཀུན་གྱི། །བྱ་བའི་ཆོ་ག་རྣམས་ལས་ཤིས། །དེ་དག་ལ་སོགས་བཟང་པོ་དང ། །བྱེད་པ་བཟང་ལ་རྟག་ཏུ་བྲི། །མི་བཟང་པ་ལ་བརྩམས་པའི་ལས། །གང་དུ་ཅི་ཡང་མི་འགྲུབ་བོ། །དེ་ལྟ་བས་ན་ཡུད་ཙམ་དང ། །ཚེས་གྲངས་རྒྱུ་སྐར་བྱེད་པ་དང ། །རྨི་ལམ་བཟང་པོ་བརྟག་པར་བྱ། །བཟང་པོ་དག་ལ་ལས་བརྩམ་སྟེ། །བཟང་པོ་མིན་ལ་བརྩམ་མི་བྱ། །བཟང་པོ་མིན་པའི་ལས་རྣམས་ཀྱང ། །བཟང་པོ་ཉིད་ལ་བརྩམ་པར་བྱ། །ལྟས་ནི་བཟང་དང་མི་བཟང་བས། །གྲུབ་པ་དང་ནི་མི་གྲུབ་སྟོན། །དེ་ལྟ་བས་ན་བརྩམས་པ་ལ། །མཚན་མ་རབ་ཏུ་འབད་དེ་བརྟག་།དེ་ནས་གཞན་ཡང་ས་དག་ནི། །སྦྱང་བར་བྱ་བར་རབ་ཏུ་བཤད། །ཞག་བདུན་གྱི་ནི་ནང་ལོགས་སུ། །ཇི་ལྟར་རིགས་
182b
པས་བསྲུང་བྱས་ཏེ། །འཇོར་གྱིས་ས་ནི་བཟློག་བྱས་ཤིང ། །དེ་ནས་ཟུག་རྔུ་དབྱུང་བར་བྱ། །ཟུག་རྡུ་བཅས་པའི་ས་གཞི་ནི། །ལས་བྱས་པ་དག་འགྲུབ་མི་འགྱུར། །ཟུག་རྔུ་ཉེས་པ་རུས་པ་དང ། །གྱོ་མོ་དང་ནི་ཐལ་བ་དང ། །སྡོང་དུམ་དང་ནི་ཚེར་མ་དག་།རབ་ཏུ་བསྒྲིམས་ཏེ་མ་ལུས་དབྱུང ། །དེ་ནས་ཐོ་བས་བོང་བ་དག་།བཀྲུམ་ནས་ཞིབ་མོར་བྱས་ཏེ་བཅག་།དེ་ནས་བ་ཡི་གཅིན་གྱིས་ནི། །ཡང་ནས་ཡང་དུ་གདབ་བྱ་ཞིང ། །ལག་མཐིལ་ལྟ་བུར་མཉམ་བྱས་ཤིང ། །བ་ཡི་ལྕི་བ་ཆུར་སྦྱངས་ནས། །ཤར་ཕྱོགས་ནས་ནི་མགོ་བཙུགས་ཏེ། །བློ་དང་ལྡན་པས་ལེགས་པར་བྱུགས། །དེ་ནས་དེ་ཡི་དབུས་སུ་ནི། །ཁུང་བུ་ཅུང་ཞིག་བརྐོས་ནས་དེར། །འབྲུ་རྣམས་དང་ནི་རིན་ཆེན་ཀུན། །སྔགས་ཀྱིས་བཏབ་སྟེ་གཞུག་པར་བྱ། །དེ་ལྟར་སྦྱངས་ཤིང་དབྱིག་དག་གིས། །དབྱིག་དང་ལྡན་པར་བྱས་ནས་ནི། །བློ་དང་ལྡན་པས་ཅི་རིགས་པར། །ས་གཞི་ཡོངས་སུ་གཟུང་བྱ་བ། །ཡང་དག་བསྡམས་པས་ཞག་གསུམ་ན། །ལས་ཀུན་བྱེད་པའི་གསང་སྔགས་དང ། །གང་གི་དཀྱིལ་འཁོར་གང་ཡིན་པ། །དེ་དག་གིས་ནི་ཡོངས་གཟུང་བྱ། །གཅིག་གིས་དྲི་ཡི་ཆུ་ཡིས་ནི། །དངོས་སུ་བསང་གཏོར་བྱ་བ་སྟེ། །གཅིག་ཤོས་ཀྱི་ནི་ལག་པ་ཡིས། །ས་ལ་བྲམ་སྟེ་མངོན་པར་བསྔགས། །བློ་ཡིས་ཡོངས་སུ་གཟུང་བྱས་ན། །གནས་ནི་ཡོངས་སུ་གཟུང་
183a
༄#། །བ་ཡིན། །ལས་ཀུན་བྱེད་པའི་གསང་སྔགས་ཀྱིས། །དེ་ནས་སློབ་མ་ཡོངས་སུ་གཟུང ། །བུ་མོ་གཞོན་ནུས་བཀལ་བའི་སྐུད། །བླངས་ནས་བཞི་བཅུ་རྩ་དགུ་བཟླས། །སློབ་མ་རྣམས་ནི་བློས་བསམ་ནས། །མཉམ་པར་གཞག་སྟེ་མདུད་པ་བོར། །དེ་ནས་སློབ་མས་ཡོངས་བཟུང་ནས། །ལམ་ལ་བགེགས་ནི་མེད་པར་འགྱུར། །སང་ནི་དཀྱིལ་འཁོར་བྲི་བའི་ཚེ། །དོ་ནུབ་ལྟ་བུ་སྟ་གོན་གནས། །ཐོག་མ་ཉི་མ་ཤར་བའི་ཚེ། །ས་ཕྱོགས་ཀྱི་ནི་ཆ་དག་བརྟག་།དེ་ནས་དཀྱིལ་འཁོར་དགོད་པ་དག་།ཡིད་ཀྱིས་ལེགས་པར་ཡོངས་སུ་བརྟག་།སྔགས་རྒྱུད་དག་ལས་བྱུང་བའི་ཟས། །བཟང་ལ་གཙང་ཞིང་སྣུམ་བག་ཅན། །རྗེས་སུ་མཐུན་ཞིང་ཡིད་འོང་བ། །སློབ་མར་བཅས་པས་རན་པར་བཟའ། །དེ་ནས་ནུབ་ཀར་ཁྲུས་བྱས་ཤིང ། །གཙང་ལ་གོས་ནི་དཀར་པོ་བགོས། །བླ་མ་སློབ་མ་དང་བཅས་པར། །དཀྱིལ་འཁོར་དྲུང་དུ་དོར་བར་བྱ། །དཀྱིལ་འཁོར་བྲི་བའི་ས་གཞི་ནི། །བྱི་དོར་ལེགས་བྱས་ལེགས་བྱུགས་ལ། །ཁྲོ་བོ་ཆེན་པོ་བཟླས་པ་ཡི། །སྤོས་ཆུས་བསང་གཏོར་བྱས་པ་ལ། །དབུས་སུ་སྟ་གོན་གནས་པ་དག་།རིགས་རྣམས་ཀྱི་ནི་སྙིང་པོ་བཟླས། །དཀྱིལ་འཁོར་བདག་པོའི་གསང་སྔགས་ཀྱིས། །ལས་རྣམས་ཐམས་ཅད་བྱ་བར་བཤད། །ས་གཞིའི་སྟེང་དུ་བྱུག་སྤོས་ཀྱིས། །དཀྱིལ་འཁོར་
183b
སོར་གྲངས་བཅུ་གཉིས་བྱ། །དཀྱིལ་འཁོར་གྱི་ནི་རིག་སྔགས་ཀྱིས། །ལག་པ་བྲམ་ཞིང་ལན་བདུན་བཟླས། །དེ་ནས་གཙོ་བོ་ལྷ་རྣམས་ནི། །མིང་གིས་ཡིད་ལ་བསམས་ནས་སུ། །བྱུག་སྤོས་མེ་ཏོག་ལ་སོགས་པས། །སྙིང་པོས་ཅི་རིགས་མཆོད་པར་བྱ། །ལྷ་བཤོས་དག་ཀྱང་དབུལ་བར་བྱ། །བདུག་སྤོས་མངོན་པར་བསྔགས་པའང་དབུལ།། དེ་ནས་ཙནྡན་སྦྱར་བ་ཡི། །ཆུ་ལ་མངོན་པར་སྔགས་བྱ་ཞིང ། །དེ་ལ་མེ་ཏོག་གིས་གཏོར་ན། །ཆོ་ག་བཞིན་དུ་བདུག་པས་བདུག་།སོ་ཤིང་ཨུ་དུམ་ཝ་རའམ། ། ཤཝཏྠ་ནི་རྨ་མེད་པ། །ཧ་ཅང་མི་སྦོམ་མི་ཕྲ་བའི། །སོར་གྲངས་བཅུ་གཉིས་ཚད་དུ་བྱ། །སྤོས་ཀྱི་ཆུས་ནི་ལེགས་པར་བཀྲུས། །སྐུད་པ་དག་གིས་རྣམ་པར་དཀྲིས། །སྤོས་ཀྱིས་བྱུགས་ཤིང་བདུག་པས་བདུག་།ལག་པས་བྲམ་ཞིང་རིགས་ཀྱི་ནི། །སྙིང་པོ་ལན་གྲངས་མང་པོའམ། །ཡང་ན་ལན་བདུན་བཟླས་བརྗོད་བྱ། །སློབ་མ་རྣམས་ཀྱི་གྲངས་ལས་ནི།། སོ་ཤིང་ལ་སོགས་གསོག་པར་བྱ། །སོ་ཤིང་མགོ་ཞབས་བསྙམས་བྱས་ལ། །ཐོར་ཏོ་གཅིག་ནི་མགོར་བྱས་ནས། །རྩེ་མོ་ནས་ནི་བཅའ་བར་བྱ། །དེ་ནས་མཁས་པས་གནས་དང་ནི། །བདག་དང་སློབ་མ་བརྟན་བསྲུངས་ནས། །ལྷ་རྣམས་ཐམས་ཅད་ལེགས་མཆོད་དེ། །དང་པོར་བགེགས་ནི་ཞི་བའི་ཕྱིར། །མར་ལས་བཏགས་པའི་ཡམ་ཤིང་
184a
༄#། །དང། །མར་དང་སྦྱར་བའི་ཏིལ་དག་དང ། །མར་གྱི་སྲེག་བླུགས་སྦྱིན་སྲེག་བྱ། །འབྲས་ཆན་ཞོར་སྦྱར་སྦྱིན་སྲེག་བྱ། །དེ་ཡི་འོག་ཏུ་སྙིང་པོ་སྟེ། །དེ་ནས་ཞི་བའི་སྦྱིན་སྲེག་ནི། །ཞི་བའི་རིག་སྔགས་ཉིད་ཀྱིས་བྱ། །དེ་ནས་སློབ་མ་ལེགས་བརྟགས་ཏེ། །སྟ་གོན་གནས་པ་ཚུལ་བཞིན་བྱ། །སློབ་མ་རིགས་བཙུན་གཙང་སྒྲ་ཅན། །སྙིང་སྟོབས་ཆེ་ཞིང་ཆོས་ལྷུར་ལེན། །དད་པ་ཆེ་ཞིང་བཟོད་དང་ལྡན། །དྲན་དང་ལྡན་ཞིང་མཁས་པ་སྟེ། །དྲང་རྐན་ཆེ་ལ་མདོངས་གསོལ་ཅན། །བརྟན་ཞིང་དུལ་ལ་སྙན་པར་སྨྲ། །སྨྲ་མཁས་པ་ལ་བློ་བསྐྱེལ་ཅན། །ཡང་དག་ཤེས་ཤིང་བྱས་པ་གཟོ། །བློ་དང་ལྡན་ཞིང་སྤོབས་པ་ཆེ། །ཆེན་པོར་འདོད་ཅིང་ང་རྒྱལ་མེད། །མདོག་དང་གཟུགས་དང་ན་ཚོད་བཟང ། །བསྟན་བཅོས་དག་ལ་གོམས་པར་བྱས། །ཧ་ཅང་མི་རིང་མི་ཐུང་ལ། །དེ་ལ་སོགས་པའི་ཡོན་ཏན་དང ། །ལྡན་པའི་བློ་ཅན་སློབ་མར་ཤིས། །རང་བཞིན་ངན་གཏུམ་གཡོན་ཅན་དང ། །སྙིང་རྗེ་མེད་ཅིང་ངན་པས་འཚོ། །ཡན་ལག་ཉམས་དང་ཡན་ལག་ལྷག་།ཧ་ཅང་སྦོམ་དང་སྐེམ་དང་སྔར། །མིག་དམར་གདོང་ནི་ཁྲོ་གཉེར་ཅན། །ཁ་དོག་འབྱས་ཤིང་ཡན་ལག་རྣམས། །མཚན་དང་ལྡན་པ་མ་ཡིན་པ། །དེ་འདྲའི་སློབ་མ་སྐྱོན་མང་བ། །སློབ་
184b
དཔོན་གྱིས་ནི་སྤང་བར་བྱ། །ཤ་ཚུགས་མི་ལེགས་ཡོན་ཏན་མེད། །རིགས་དམན་ཞིང་ནི་ངན་པས་འཚོ། །ནད་བུ་ཅན་དང་དད་མེད་པའི། །སློབ་མ་རྣམས་ནི་ཡོངས་སུ་སྤང། །བདག་ཉིད་ངན་པའི་མི་གང་དག་།སྨད་འཚོང་མ་ལ་རབ་གདུང་ཞིང ། །ཆང་དད་ཅན་དང་རྒྱན་ལ་སྲེད། །དེ་དག་རྟག་ཏུ་ཡོངས་སུ་སྤང ། །དཀོན་མཆོག་གསུམ་ལ་སེམས་དད་ཅིང ། །ཚུལ་ཁྲིམས་ཀྱི་ནི་སྡོམ་པས་བསྡམས། །ཐེག་པ་ཆེ་ལ་ལྷག་མོས་པའི། །སློབ་མ་ཡོངས་སུ་གཟུང་བར་ཤིས། །སློབ་མ་ཡན་ལག་མ་ཉམས་དང ། ། ལྷག་པར་ཡོན་ཏན་ལྡན་པ་དང ། །ནད་མེད་རིགས་ནི་བཙུན་པ་དང ། །དད་ཅིང་བརྟུལ་ཞུགས་བརྟན་པ་དཀོན། །དཀོན་མཆོག་གསུམ་ལ་གང་དད་ཅིང ། །ཐེག་པ་ཆེན་པོའི་ལུགས་ལ་དགའ། །བསོད་ནམས་འདོད་པའི་སེམས་ཅན་ནི། །ཆེན་པོ་དེ་དག་མདོར་གཟུང་ངོ ། །བདེ་གཤེགས་གསང་སྔགས་སྒྲུབ་པ་ལ། །དོན་གཉེར་བརྩོན་པའི་སློབ་མ་ནི། །གཟུགས་ངན་ཡོན་ཏན་མི་ལྡན་ཡང ། །བློ་དང་ལྡན་པས་གཞུག་པར་བྱ། །དཀྱིལ་འཁོར་ཆོ་ག་འཁོར་བཞི་པོ། །ཐེག་པ་ཆེ་ལ་དགའ་བའི་བདག་།རང་གི་བསླབ་པ་ལ་བརྩོན་པ། །ཀུན་གྱི་ཆོ་ག་ཡིན་པར་བཤད། །ཁ་ཅིག་གསང་སྔགས་བསྒྲུབ་བྱའི་ཕྱིར། །དེ་ལས་གཞན་པ་བསོད་ནམས་འདོད། །གཞན་དག་འཇིག་
185a
༄#། །རྟེན་ཕ་རོལ་དོན། །འདི་ན་དཀྱིལ་འཁོར་འཇུག་པར་བྱེད། །འཇིག་རྟེན་ཕ་རོལ་ཆེད་དུ་ནི། །དད་པ་ཆེན་པོ་བསྐྱེད་བྱས་ནས། །བློ་ལྡན་དཀྱིལ་འཁོར་འཇུག་བྱ་ཡི། །ཚེ་འདི་འབྲས་བུ་འདོད་མི་བྱ། །འཇིག་རྟེན་ཕ་རོལ་དོན་དུ་ནི། །སྐྱེས་བུ་ཚེ་འདི་འབྲས་རྒྱས་པ། །དེ་ལྟར་ཚེ་འདི་འདོད་པ་ཡི། །འཇིག་རྟེན་ཕ་རོལ་རྒྱས་མི་འགྱུར། །མཁས་པས་སློབ་མ་གཅིག་གམ་གསུམ། །ལྔའམ་ཡང་ན་བདུན་དག་གམ། །ཉི་ཤུ་དག་ནི་ལྔ་ཡི་བར། །ཟུང་དུ་མ་གྱུར་སློབ་མ་གཟུང ། །དེ་ལས་ལྷག་པའི་སློབ་མ་དག་།ཡོངས་སུ་གཟུང་བར་མི་ཤེས་སོ། །མདོར་ན་སློབ་མ་ཕན་ཚུན་དུ། །ནང་མི་གཤིན་པ་མི་བཟུང་ངོ ། །གཅིག་ལ་གཅིག་ནི་སེམས་བཟང་ཞིང། །ཞི་དུལ་བླ་མ་ལ་ཕན་པ། །འཕགས་པའི་ཡུལ་དང་རིགས་སྐྱེས་པའི། །སློབ་མ་མདོར་ན་གཟུང་བར་བྱ། །དེ་དག་བསྲེག་པར་བྱ་བ་ཡིས། །ཟས་ནི་ཟ་གཅིག་བཟའ་བར་བྱ། །དེ་ཡི་ནུབ་མོ་ཅི་ནུས་པར། །དེ་བཞིན་སྡོམ་པ་འཛིན་དུ་གཞུག་།གཙང་མ་གོས་དཀར་བགོས་པ་ཡི། །སློབ་མ་དེ་ལྟ་བུ་དག་གི་།ཤར་ཕྱོགས་ཁ་བལྟས་འཁོད་པ་ལ། །སྟ་གོན་གནས་པ་བརྩམ་པར་བྱ། །དང་པོ་གསུམ་ལ་སྐྱབས་སུ་བཏང ། །དེ་ནས་བླ་མས་བྱང་ཆུབ་སེམས། །མ་བསྐྱེད་པ་ནི་བསྐྱེད་པར་བྱ།།
185b
བསྐྱེད་པ་དག་ཀྱང་དྲག་པར་བྱ། །དེ་ནས་ཁྲོ་བོ་བཟླས་པ་ཡི། །སྤོས་ཆུ་མགོ་ལ་གཏོར་བྱ་ཞིང ། །མགོ་ལ་བྲམས་ཏེ་མཉམ་གཞག་ནས། །ལན་བདུན་དུ་ཡང་བཟླས་བརྗོད་བྱ། ། བྱུག་སྤོས་དག་གིས་བསྐུས་པ་ཡི། །ལག་པས་མགོ་ལ་བཞག་བཞིན་དུ། །མཁས་པས་རིག་པའི་རྒྱལ་པོ་ཡིས། །སྙིང་པོ་ཡང་ནི་ལན་བདུན་བཟླས། །རྒྱལ་བའི་རིགས་ལ་རིགས་སྔགས་རྒྱལ། །འཁོར་ལོས་བསྒྱུར་བའི་ཡི་གེ་གཅིག་།པདྨའི་རིགས་ལ་རིག་སྔགས་རྒྱལ། །རྟ་མགྲིན་ཡི་གེ་བཅུ་པའོ། །རྡོ་རྗེ་རིགས་ལ་རིག་སྔགས་རྒྱལ། །དེ་བཞིན་གནོད་མཛེས་མཐུ་བོ་ཆེ། །ཡི་གེ་ཧཱུཾ་ནི་བཞི་དང་ལྡན། །ལས་རྣམས་ཀུན་ལ་རབ་ཏུ་དྲག་།ཁྲོ་བོ་བདུད་རྩི་ཐབ་སྦྱོར་ནི། །རིགས་གསུམ་དག་གི་སྤྱི་ལ་ཡང ། །བགེགས་རྣམས་ཐམས་ཅད་གཞོམ་པའི་ཕྱིར། །གསང་བ་པ་ཡི་བདག་པོ་བཤད། །དེ་ནས་ལས་ཀུན་བྱེད་པ་ཡི། །སྔགས་ཀྱིས་སྤྱི་བོར་བྲམ་ཞིང་བཟླས། །དེ་ཉིད་ཀྱིས་ནི་བསང་གཏོར་བྱ། །བདུག་སྤོས་དག་གིས་རབ་ཏུ་བདུག་།དབང་བསྐུར་བ་ཡི་བུམ་པ་ནི། །འབྲུ་ལ་སོགས་པ་ཀུན་ལྡན་པ། །ཆུ་ནི་ཅུང་ཟད་བླུགས་ནས་སུ། །རིག་པའི་རྒྱལ་པོས་མངོན་བསྔགས་ཏེ། །སྤོས་ཆུའི་མཆོད་ཡོན་ཕུལ་ནས་ནི། །ཆོ་ག་བཞིན་དུ་སྟ་གོན་བྱ། །མེ་ཏོག་དག་ཀྱང་བླུགས་ནས་སུ། །བདུག་སྤོས་དག་གིས་བདུག་པར་བྱ། །ཕྱི་དེ་ཉིན་པར་
186a
༄#། །དུས་གསུམ་དུ། །མཁས་པས་བཟླས་བརྗོད་ལེགས་པར་བྱ། །དཀྱིལ་འཁོར་དུ་ཡང་བཟླས་ནས་ནི། །དེ་ཡིས་མངོན་པར་དབང་བསྐུར་རོ། སློབ་མ་མཐུན་པར་ཚོགས་པ་རྣམས། །བྱང་གི་ཕྱོགས་སུ་ཁ་བལྟས་ཤིང ། །ཐལ་མོ་སྦྱར་ཏེ་འཁོད་པ་ལ། །སོ་ཤིང་གོ་རིམས་བཞིན་དུ་སྦྱིན། །སློབ་མ་ཤར་དུ་ཁ་བལྟས་ཏེ། །མི་སྨྲ་བར་ནི་སོ་ཤིང་བཅའ། །བཅའ་བ་ཟིན་ནས་མི་དགོས་ཤིང ། །ཕན་ཚུན་དུ་ཡང་མི་དོར་རོ། །སོ་ཤིང་མདུན་དུ་དྲང་པོར་དོར། །དེ་ཚེ་མདུན་དུ་ལྟ་བ་དང ། །དེ་ཚེ་གྱེན་དུ་འགྲེང་འགྱུར་ན། །དེ་ནི་དངོས་གྲུབ་མཆོག་ཅེས་བྱ། །དེ་བཞིན་ཤར་དུ་ཁ་བལྟས་ན། །དེ་ནི་དངོས་གྲུབ་འབྲིང་དུ་བཤད། །མཚམས་དང་བྱང་དུ་ཁ་བལྟས་ན། །འཇིག་རྟེན་པ་ཡི་དངོས་གྲུབ་འགྲུབ། །སོ་ཤིང་པོར་བ་བརྒྱ་ལམ་ན། །གལ་ཏེ་ཐུར་དུ་ཁ་བལྟས་ན། །དེ་ནི་ངེས་པར་ས་འོག་གི་།དངོས་གྲུབ་དེ་ལ་ཐེ་ཚོམ་མེད། ། སློབ་མ་ཉེ་རེག་བྱས་ནས་ནི། །སྔ་མ་བཞིན་དུ་འཁོད་པ་ལ། །རེ་རེ་ལ་ཡང་བཏུང་བའི་ཕྱིར། །བླ་མས་ལས་ཀུན་བྱེད་པ་ཡི། །གསང་སྔགས་དག་གི་སྤོས་ཀྱི་ཆུས། ། སྦྱོར་བར་བླུགས་པས་ལན་བདུན་བླུད། །དེར་ནི་འཐུང་སྟེ་ལངས་ནས་སུ། །ཕྱི་རོལ་དུ་ནི་ཁ་བཀྲུ་བྱ། །དེ་ནས་མཆོད་པ་ཡང་བྱས་ནས། །བདུག་སྤོས་ལག་ཏུ་ཐོགས་
186b
ནས་སུ། །བློ་གྲོས་ཅན་གྱིས་ལྷ་རྣམས་ལ། །གུས་པར་གསོལ་བ་གདབ་པར་བྱ། །གང་གི་དཀྱིལ་འཁོར་ཡིན་པའི་སྔགས། །དེ་ལ་ཐོག་མར་གདབ་པར་གསོལ། །གོ་རིམས་དེ་ཡི་ཚུལ་གྱིས་ནི། །ལྷ་རྣམས་ཀུན་ལ་གདས་པར་གསོལ། །འདི་ཞེས་བྱ་བའི་བཅོམ་ལྡན་འདས། །རིག་སྔགས་རྒྱལ་ལ་ཕྱག་འཚལ་ལོ། །བདག་ནི་བརྩེ་བར་གྱུར་ནས་སུ། །སློབ་མ་རྣམས་ལ་བརྩེ་བ་དང ། །ཁྱེད་རྣམས་ལ་ཡང་མཆོད་པའི་ཕྱིར། །སང་ནི་དཀྱིལ་འཁོར་འདྲི་བར་འཚལ། །བཅོམ་ལྡན་འདས་ནི་གུས་པ་ལ། །དེ་བས་གནང་བར་མཛད་པའི་རིགས། །སངས་རྒྱས་འཇིག་རྟེན་མགོན་བརྩེ་དང ། །བྱང་ཆུབ་སེམས་དཔའ་དགྲ་བཅོམ་དང ། །གསང་སྔགས་ལྷ་གཞན་གང་ལགས་དང ། །འཇིག་རྟེན་སྐྱོང་བའི་ལྷ་རྣམས་དང། །གང་ཡང་འབྱུང་པོ་མཐུ་ཆེན་དང ། །གང་སུ་ལྷ་ཡི་སྤྱན་མངའ་བའི། །སེམས་ཅན་བསྟན་ལ་དགའ་བ་རྣམས། །བདག་ལ་དགོངས་པ་མཛད་དུ་གསོལ། །བདག་མིང་འདི་ཞེས་བགྱི་བ་ཡིས། །སང་གི་དཀྱིལ་འཁོར་བཟང་པོའི་མིང ། །འདི་ཞེས་བགྱི་བ་ཅི་ནུས་ཀྱིས། །ཆོ་ག་བཞིན་དུ་འདྲི་ལགས་ན། །བདག་དང་སློབ་མར་བཅས་པ་ལ། །ཐུགས་ནི་བརྩེ་བར་དགོངས་ནས་སུ། །ཚོགས་པ་ཐམས་ཅད་དཀྱིལ་འཁོར་དུ། །བྱིན་གྱིས་བརླབ་པར་མཛད་དུ་གསོལ། །དེ་ལྟར་ལན་གསུམ་སྨྲས་ནས་ནི། །བསམ་པ་དག་པས་ཕྱག་
187a
༄#། །བྱས་ཏེ། །བསྟོད་པའི་ཚིག་ཀྱང་བརྗོད་ནས་སུ། །དེ་ནས་སླར་ཡང་གཤེགས་སུ་གསོལ། །འདོད་ཆགས་བྲལ་དང་ལྡན་པའི་ཆོས། ། སློབ་མ་རྣམས་ལ་བཤད་ནས་ནི། །ཀུ་ཤ་བཏིང་བའི་ས་གཞི་ལ། ལངས་ནས། །རྨི་ལམ་ཅི་མཐོང་ལངས་ནས། །རྨི་ལམ་ཅི་མཐོང་དྲི་བར་བྱ། །ཐོས་ནས་བཟང་ངམ་མི་བཟང་བ། །ཐེ་ཚོམ་མེད་པར་བཤད་པར་བྱ། །རྨི་ལམ་སངས་རྒྱས་མཐོང་ན་ནི། །ཡོན་ཏན་རྒྱ་མཚོ་མངོན་སུམ་བཞིན། ། མཆོད་རྟེན་དང་ནི་སྐུ་གཟུགས་མཐོང ། །དེ་ལ་མཆོད་པ་རྩོམ་པ་དང ། །དགེ་སློང་དག་ལ་ཆོས་ཉན་ཏམ། །ཡང་ན་གཞན་ལ་ཉན་ཀྱང་རུང ། །ཆོས་ནི་རྣམ་པར་སྤྱོད་པ་དང ། །དེ་བཞིན་གླེགས་བམ་ཀློག་པ་དང ། །རྨི་ལམ་དགེ་འདུན་མཐོང་བ་དང ། །ཡང་ན་དགེ་སློང་གཅིག་པོ་མཐོང ། །དེ་དང་འགྲོགས་ཤིང་གཏམ་ཟེར་དང ། །ཡང་ན་དགེ་སློང་དངོས་པོར་གྱུར། །གཙུག་ལག་ཁང་དག་མཐོང་བ་དང ། །དེ་བཞིན་དགེ་སློང་མ་དག་མཐོང ། །རྒྱལ་བའི་སྲས་དག་མཐོང་བ་དང ། །དེ་བཞིན་ཕ་མ་བླ་མ་དང། །མཛའ་བོ་རྣམ་པ་སྣ་ཚོགས་རྣམས། །རྨི་ལམ་དུ་ནི་མཐོང་ན་ཤིས། །རིག་སྔགས་དང་ནི་དངོས་གྲུབ་ཐོབ། །དེ་བཞིན་བསླབ་པ་འཛིན་པ་དང ། །ཀུན་དགའ་རྣམ་
187b
པ་སྣ་ཚོགས་དང ། །འབབ་ཆུ་རྣམས་དང་རྒྱ་མཚོ་དང ། རི་དང་གླང་པོ་ཆེ་དག་ཀྱང ། །མཐོང་ན་ཡང་ནི་བཟང་བར་བསྒྲགས། །རྒྱལ་པོ་དག་ནི་མཐོང་ན་ཤིས། །བདེ་གཤེགས་སྤྱོད་པ་མཐུན་པ་ཡི། །དཀའ་ཐུབ་ཅན་དང་བྲམ་ཟེ་དང ། །ཕྱུག་པོ་སྐྱེས་བུ་དམ་པ་དང ། །བ་དང་རྟ་དང་དང་པ་དང ། །སེངྒེ་དང་ནི་རི་དྭགས་རྣམས། །རྨི་ལམ་དུ་ནི་མཐོང་ན་ཤིས། །བཀྲ་ཤིས་པ་ཡི་བྱ་རྣམས་དང ། །གསེར་དག་དང་ནི་གཏེར་རྣམས་དང ། །རིན་པོ་ཆེ་དང་དངུལ་དག་དང ། །ནོར་ནི་རྣམ་པ་སྣ་ཚོགས་དང ། །མདོར་ན་འབྱུང་ཁུངས་རྣམ་པ་ཚོགས། །མཚོན་ཆ་རྣམས་དང་འབྲུ་རྣམས་དང ། །འབྲས་བུ་རྣམས་དང་མེ་ཏོག་དང ། །རྒྱན་ནི་རྣམ་པ་སྣ་ཚོགས་དང ། །ཁ་ཟས་དང་ནི་གོས་རྣམས་དང། །བྱིས་པ་དང་ནི་གཞོན་ནུ་དང ། །བུད་མེད་གཟུགས་ནི་བཟང་མོ་དག་།རྨི་ལམ་དུ་ནི་མཐོང་ན་བཟང ། །ཡང་ན་ཐོབ་ཅིང་རེག་སྨྲ་དང ། །རྨི་ལམ་དུ་ནི་དབང་བསྐུར་དང། །རྒྱལ་པོར་གྱུར་པའི་འབྱོར་པ་དང ། །དམག་དཔོན་དུ་ནི་གྱུར་པ་དང ། །གཡུལ་ལས་རྒྱལ་དང་དགྲ་གསོད་དང ། །གཉེན་དང་ལྷན་ཅིག་འགྲོགས་པ་དང ། །ལྷ་རྣམས་དག་ནི་མཐོང་བ་དང ། །ཐེག་པ་དང་ནི་ཤིང་རྟ་ཞོན། །དེ་བཞིན་རི་དང་ཁང་ཐོག་འཛེག་།ངོ་མཚར་རྣམ་པ་སྣ་ཚོགས་དག་།རྨི་ལམ་དུ་ནི་མཐོང་ན་དགེ་།ཡམ་ཤིང་མེ་
188a
༄#། །ལ་སྦྱིན་སྲེག་བྱེད། །བྱ་བ་བཟང་པོ་དག་ལ་འཇུག་།ཆུ་ལས་རྐྱལ་ཏེ་རོང་ལས་རྒལ། །སྐུན་པོ་དག་ནི་ཚར་གཅོད་པ། །སྟོབས་འགྱེད་པ་ལས་རྒྱལ་བ་དང ། །གྱད་སྟོབས་རྡེབ་ཅིང་འགྱིང་བ་དང ། །རྩེད་མོ་སྣ་ཚོགས་རྨི་བ་དང ། །དེ་བཞིན་རྩལ་སྤུངས་བྱེད་པ་དང ། །བཀྲ་ཤིས་དག་ནི་ཐམས་ཅད་ཀྱང ། །མཐོང་ན་རབ་ཏུ་དགེ་བར་བཤད། །གསང་སྔགས་ཆོ་ག་ཉན་པ་དང ། །དགའ་སྟོན་དགེ་བ་མཐོང་བ་དང ། །སྒྲུབ་པ་བཟང་པོ་རྩོམ་པ་དང། །སྒྲུབ་པ་པོ་དག་མཐོང་བ་དང ། །དེ་ལ་སོགས་པའི་ལྟས་རྣམས་ནི། །དགེ་བ་རྣམ་པ་དུ་མ་དག་།བློ་ཡིས་རྣམ་པར་དཔྱད་བྱ་ཞིང ། །དེ་ལས་བཟློག་པ་སྤང་བར་བྱ། །དགེ་བ་རྣམས་ནི་འགྲུབ་པར་འགྱུར། །མི་དགེ་རྣམས་ནི་མི་འགྲུབ་བོ། །མི་དགེ་བ་དག་ཤེས་ནས་སུ། །དེ་དག་མཁས་པས་སྤང་བར་བྱ། །དགེ་བ་ཡི་ནི་ལྟས་རྣམས་ནི། །རབ་དང་འབྲིང་དང་ཐ་མ་ལས། །གསང་སྔགས་དངོས་གྲུབ་རྣམ་གསུམ་པོ། །རབ་དང་འབྲིང་དང་ཐ་མ་འགྲུབ། །མི་དགེ་བ་ལ་ཞི་བ་ཡི། །སྦྱིན་སྲེག་ཞི་བའི་གསང་སྔགས་ཀྱིས། །བ་ཡི་མར་ལ་བརྒྱ་རྩ་བརྒྱད། །ཆོ་ག་བཞིན་དུ་ཞི་བར་བྱ། །དེ་ནས་སློབ་མ་སྡིག་བྲལ་ཞིང ། །རྣམ་པར་དག་པ་དེ་དག་ལ། །རྗེས་སུ་བརྩེ་བར་
188b
བྱ་བའི་ཕྱིར། །ཅི་འདོད་པར་ནི་གཟུད་པར་བྱ། །དཀྱིལ་འཁོར་གྱི་ནི་གསང་སྔགས་ཀུན། །ནང་པར་རྗེས་སུ་དྲན་བྱས་ནས། །གོས་དཀར་བགོས་ཤིང་མ་ཡེངས་པར། ། དཀྱིལ་འཁོར་གྱི་ནི་དྲུང་དུ་འགྲོ། །ལས་ཀུན་བྱེད་པའི་གསང་སྔགས་ཀྱིས། །ཐོག་མ་ཉིད་དུ་བསང་གཏོར་བྱ། །ཚོན་སྣ་ལྔ་ཡི་སྲད་བུ་ལ། །དེ་དག་ཉིད་ཀྱིས་བརྒྱར་བཟླས་ཏེ། །བཟང་པོའི་ལྟས་དང་སྦྱར་ནས་ནི། །མཁས་པས་དཀྱིལ་འཁོར་ཐིག་གདབ་བོ། །ཐིག་སྐུད་ཀྱི་ནི་ཚོན་སྣ་ལྔ། །དཀར་དང་དམར་དང་དེ་བཞིན་སེར། །སྔོ་དང་ལྔ་པ་ནག་པ་སྟེ། །ཚོན་རྩི་རྣམས་ཀྱང་དེ་དང་འདྲ། །དཀོན་མཆོག་གསུམ་ལ་མཆོད་བྱ་ཞིང ། །ལྷ་རྣམས་གནས་ལའང་ཕྱག་བྱས་ནས། །མཁས་པས་སྲད་བུ་བྲེ་བར་བྱ། །ནང་པར་ཉི་མ་ཤར་བའི་ཚེ། །བློ་ཡིས་ཕྱོགས་ཆ་ལེགས་བརྟགས་ལ། །དང་པོར་ཤར་ནས་བསྙམས་ཏེ་གཟུང ། །སློབ་དཔོན་བྱང་དུ་ཁ་བལྟས་ཏེ། །སྲད་བུ་འཛིན་པ་དེ་ལ་བལྟས། །དེ་ནས་གཡས་ཕྱོགས་བསྐོར་ནས་ནི། །བདག་ཉིད་ནུབ་ཕྱོགས་ཁ་བལྟས་ཏེ། །དེ་ནས་སྲད་བུ་ནུབ་ཕྱོགས་སུ། །བདག་ཉིད་ཀྱིས་ནི་བྲེ་བར་བྱ། །དེ་ཡི་འོག་ཏུ་བྱང་ཕྱོགས་སུ། །མཁས་པས་སྲད་བུ་བྲེ་བར་བྱ། །དང་པོར་བདག་ཉིད་མེ་ཕྱོགས་སུ། །འདུག་ནས་ཕྱོགས་གཉིས་བརྟག་པར་བྱ། །དེ་ཡི་འོག་ཏུ་རླུང་ཕྱོགས་སུ། །
189a
༄#། །ཕྱོགས་གཉིས་ནས་ནི་སྲད་བུ་བྲེ། །བདེན་བྲལ་དབང་ལྡན་གྲཝ་གཉིས་ནས། །སྲད་བུ་འཛིན་པ་བལྟ་བར་བྱ། །གྲུ་བཞི་ལྷམ་པར་བསྙམས་ནས་སུ། །རྒྱ་གྲམ་དུ་ནི་སྲད་བུ་བྲེ། །རྒྱ་གྲམ་ཐམས་ཅད་མཉམ་པོར་བསྙམས། །དེ་ལྟར་སད་བུ་གཏན་ལ་དབབ། །བསྙམས་ནས་དེ་ཡི་དཀྱིལ་དུ་ནི། །ཕུར་བུ་གཅིག་ཀྱང་གདབ་པར་བྱ། །དེ་ནས་དེ་ཡི་འོག་ཏུ་ཡང ། །གྲཝ་བཞིར་ཕུར་བུ་བཞི་གདབ་བོ། །དེ་བཞིན་དཀྱིལ་འཁོར་གཉིས་པ་དང ། །གསུམ་པ་ལེགས་པར་གྲཝ་དག་ནས། །ཆེ་ཆུང་དག་ཀྱང་རིམ་པ་བཞིན། ཡོངས་སུ་བརྩམ་པར་བྱ་བར་བཤད། །རིམ་གྱིས་ཕྱེད་ཕྱེད་དབྲི་བར་བྱ། །དེ་ལས་གཞན་པའི་འཁོར་གྱི་ནི།། དཀྱིལ་འཁོར་བཤད་པ་གང་ཡིན་པ། །དེ་ཀུན་ཕྱེ་མ་དཀར་པོ་ཡིས། །ཚིག་རྐྱང་དུ་ནི་བྲི་བར་བཤད། །དཀྱིལ་འཁོར་ཉིས་རིམ་སུམ་རིམ་མམ། །བཞིའམ་མང་པོར་བྱ་བ་ལ། །ཕྱི་རིམ་གང་ཡིན་དེ་ལ་ནི། །སྒོ་གཅིག་པ་དང་རྒྱ་ཆེར་བྱ། །གཞན་ནི་ཕྱོགས་ཀྱི་ཆ་བཞིན་དུ། །སྒོ་བཞི་སྒོ་ཁྱུད་བཅས་པར་བྱ། །ཡང་ན་ཐམས་ཅད་དོགས་མེད་པར། །སྒོ་རེ་རེ་བཞི་བྱ་བ་ཡིན། །སྙིང་པོ་དཀྱིལ་འཁོར་ངེས་པར་ནི། །རབ་ཏུ་བཟང་པོ་སྒོ་བཞིར་བྱ། །ནུབ་ཕྱོགས་སྒོའམ་ཡང་ན་ནི། །གང་ལས་
189b
འདི་སྐད་བཤད་པར་དགྱི། །ལྷག་མ་རྣམས་ནི་དཀར་པོ་ཡི། །ཕྱེ་མས་གཅད་པར་བྱ་བ་ཡིན། །དཀྱིལ་འཁོར་རྣམ་གསུམ་དགོད་པ་ཡིས། །དཀྱིལ་འཁོར་རབ་ཏུ་མང་བཤད་ཀྱང། །དེ་ནི་དཀྱིལ་འཁོར་མང་པོ་དག་།རྣམ་པར་དགོད་པ་བཤད་པ་གང ། །དེ་དག་རྣམས་ནི་ཐམས་ཅད་ཀྱི། །རྣམ་པར་དབྱེ་བ་ཡིན་པར་གྲགས། །ལྷ་ཡི་གཙོ་བོར་གྱུར་པ་རྣམས། །རྟག་ཏུ་དཀྱིལ་དུ་དགོད་པར་བྱ། །དེ་ཡི་ལྷག་མའི་དཀྱིལ་འཁོར་ནི། །གཉིས་པ་དག་ཏུ་དགོད་པར་བྱ། །འཇིག་རྟེན་སྐྱོང་བ་ལ་སོགས་པ། །དཀྱིལ་འཁོར་གསུམ་པ་བསྡུ་བར་བཤད། །དེ་ལས་གཞན་རྣམས་ཇི་སྐད་དུ། །བཤད་པ་དེ་བཞིན་ཁོ་ནར་དགོད། །དཀྱིལ་འཁོར་ཐིག་གདབ་ཐིག་སྐུད་ནི། །ཁ་བསྒྱུར་གཙང་མ་སྲ་ཞིང་ཕྲ། །དེ་བཞིན་བུ་མོ་གཞོན་ནུས་བཀལ། །སར་པ་ཤིན་ཏུ་གཙང་མ་དང ། །མཛེས་ཤིང་ཤིན་ཏུ་རན་པར་དག་།དྲི་ཞིམ་རེག་ན་བདེ་བ་དང ། །ལེགས་པར་བཀལ་དང་སྲ་བ་དང ། །སྦོམ་ཕྲ་ལ་སོགས་བཀལ་ལེགས་དང ། །འཇུར་མདུད་མེད་པར་གྱུར་པ་ཡི། །ཐིག་སྐུད་མེ་ཏོག་སྤོས་མཆོད་པས། །ཤེས་རབ་ཅན་གྱིས་ཐིག་གདབ་བོ།། མཆོད་སྦྱིན་ཤིང་གི་ཕུར་བུ་དག་།ཐུར་དུ་རྩེ་བསྟན་མངོན་བསྔགས་པ། །དཀྱིལ་འཁོར་བྲི་བའི་ཆོ་ག་ལ། །ཕྱོགས་བཞི་དག་ཏུ་གདབ་པར་བྱ། །ལྟས་ངན་བྱུང་ན་དངོས་
190a
༄#། །མི་འགྲུབ། །སྲད་བུ་ཆད་ན་བླ་མ་འཆི། །རིང་ཐུང་ཁྱེར་ན་ནད་ཀྱིས་འདེབས། །ཕྱོགས་འཁྲུལ་སློབ་མ་མྱོས་པར་འགྱུར། །དེ་བས་ཐམས་ཅད་ནན་ཏན་དུ། །མཁས་པས་ལེགས་པར་ཐིག་གདབ་བོ། །ཁྱིམ་སའི་དཔྱད་ལས་ཅི་བྱུང་བའི། །ས་ཡི་ངེས་པ་དེ་དང་འདྲ། །དེ་ནས་བླ་མས་ཅི་འབྱོར་པས། །འཕགས་པའི་དགེ་འདུན་ཆོས་སྟོན་གསོལ། །ཡང་ན་བླ་མས་བསྒོས་པ་ཡིས། །སློབ་མ་རྣམས་ཀྱིས་ཆོས་སྟོན་གསོལ། །གལ་ཏེ་མི་འབྱོར་དགེ་འདུན་གྱིས། །བསྐོས་པའི་དགེ་སློང་ཆོས་སྟོན་སྦྱིན། །ཡང་ན་སངས་རྒྱས་མཆོད་པའམ། །དགེ་འདུན་དག་ལ་ཡོན་ཡང་དབུལ། །བླ་མ་སློབ་མ་དང་བཅས་པར། །ཁྲོ་བོ་རྒྱལ་པོ་རྗེས་དྲན་ཞིང ། །སྐྱུ་རུ་ར་ལ་སོགས་པ་ཡིས། །ཕྱི་དྲོ་ཚུལ་བཞིན་ཁྲུས་བྱའོ། །ཁྲུས་བྱས་གཙང་ཞིང་གོས་དཀར་བགོས། །ཡོ་བྱད་རྣམ་པ་ཀུན་དང་ལྡན། །བྱམས་པའི་སེམས་ནི་ཉེར་གཞག་ནས། །དཀྱིལ་འཁོར་གྱི་ནི་དྲུང་དུ་འདོང ། །བླ་མས་ཚོགས་རྣམས་ཀུན་བསགས་ཤིང ། །ལྟ་བ་ངན་པ་ཐམས་ཅད་སྤངས། །དཀྱིལ་འཁོར་བྲི་བ་ཐམས་ཅད་ལ། །བླ་མས་མཁས་པ་དག་ཏུ་བྱ། །དང་པོར་དཀྱིལ་འཁོར་ས་གཞི་ལ། །བ་ཡི་གཅིན་དང་བསྲེས་པ་ཡིས། །བ་ཡི་ལྕི་བས་བསྐུ་བྱ་ཞིང ། །དེ་ནས་
190b
སྤོས་ཆུས་བསང་གཏོར་བྱ། །ས་གཞི་ཁོ་ར་ཁོར་ཡུག་ཏུ། །ཆག་ཆག་གདབ་ཅིང་ཕྱག་དར་བྱ། །ཡིད་ནི་མོས་པར་བྱ་བའི་ཕྱིར། །མེ་ཏོག་སིལ་མ་གཏོར་བར་བྱ། །སྲད་བུ་དག་གིས་ཡོངས་སུ་བསྐོར། །རྒྱལ་མཚན་རྟ་བབས་དག་གིས་མཚན། །བརྒྱུས་པའི་ཕྲེང་བ་རྣམས་བྲེ་ཞིང ། །བཀྲ་ཤིས་ཆོ་གར་བསྟན་པར་བྱ། །དེ་ནས་བྱང་གི་ཕྱོགས་གཅིག་ཏུ། །ཡོ་བྱད་ཐམས་ཅད་གསོག་པར་བྱ། །ཁྲོ་བོ་རྒྱལ་པོས་བསྲུངས་ནས་སུ། །བློ་དང་ལྡན་པས་དགོད་པར་བྱ། །གནས་ནི་བསང་གཏོར་བྱ་བ་དང ། །བགེགས་རྣམས་བསལ་བར་བྱས་ནས་ནི། །བདག་དང་དཀྱིལ་འཁོར་དག་ཀྱང་ནི། །དང་པོར་ཀུན་ནས་བསྲུང་བྱ་སྟེ། །བཀྲ་ཤིས་ལྟས་དང་སྦྱར་ནས་ནི། །མོས་པའི་སེམས་ནི་བསྐྱེད་བྱ་ཞིང ། །མཚམས་ཀྱི་དུས་སུ་བབ་པ་ཡི། །སྲོད་ཀྱི་དུས་ལ་བརྩམ་པར་བྱ། །ལྟས་དང་མི་ལྡན་གྱུར་ན་ཡང ། །སེམས་ནི་ཞུམ་པར་མི་བྱ་བར། །རིགས་གསུམ་དག་ལ་ཕྱག་བྱས་ནས། །དལ་གྱིས་ལེགས་པར་བརྩམ་པར་བྱ། །ལྟས་ངན་དག་ནི་ཡང་དང་ཡང ། །བསྟུད་མར་བྱུང་བར་གྱུར་ན་ནི། །དེ་ན་དངོས་གྲུབ་མེད་གྱུར་གྱིས། །དེ་ཚེ་བརྩམ་པར་མི་བྱ་ཡི། །ཡང་ན་དེ་ནི་ཞི་བའི་ཕྱིར། །ཡམ་ཤིང་མེ་ནི་འབར་བ་ལ། །བ་ཡི་མར་ལས་བརྒྱ་རྩ་བརྒྱད། །ཞི་བའི་ཕྱིར་ནི་སྦྱིན་སྲེག་བྱ། །དེ་
191a
༄#། །བཞིན་གཤེགས་པའི་རིགས་ལ་ནི། །སངས་རྒྱས་སྤྱན་གྱིས་ཞི་བར་བྱ། །པདྨའི་རིགས་ལ་གྲགས་ལྡན་མ། །རྡོ་རྗེའི་རིགས་ལ་མཱ་མ་ཀཱི། །རིགས་གསུམ་དག་གི་སྤྱི་ལ་ཡང ། །རིག་སྔགས་ཆེན་མོ་མཱ་མ་ཀཱི། །བློ་དང་ལྡན་པས་ལས་ཀུན་ལ། །དེ་བས་དེས་ནི་ཞི་བར་བྱ། །དཀྱིལ་འཁོར་བདག་པོ་ཆོ་ག་བཞིན། །དེ་ནས་མཆོད་ཡོན་དབུལ་བར་བྱ། །སྣོད་ནི་གསེར་དང་དངུལ་དག་དང ། །ཟངས་ལས་བྱས་པའམ་དུང་ཡང་རུང ། །ཤིང་ལས་བྱས་པའམ་རྡོ་དག་གམ། །ཁམ་པ་སར་བའི་གཙང་མའང་རུང ། །དེར་ནི་མེ་ཏོག་དཀར་པོ་བླུགས། །བདུག་སྤོས་ཀྱིས་ཀྱང་བདུག་པར་བྱ། །དེ་ནས་དྲི་ཞིམ་ཆུ་བླུགས་ནས། ། བློ་ལྡན་ལག་གིས་བྲིམ་བྱ་ཞིང ། །བདུག་སྤོས་ཀྱིས་ནི་བདུག་བཞིན་དུ། །ཡིད་ཀྱིས་རབ་ཏུ་བཟླས་བརྗོད་བྱ། །དེ་ནས་བློ་དང་ལྡན་པ་ཡིས། །རྩ་བའི་གསང་སྔགས་ཟློས་བྱེད་ཅིང ། །ས་ཡི་དབུས་ཀྱི་ཕྱོགས་སུ་ནི། །པུས་མོ་གཉིས་བཙུགས་མཆོད་ཡོན་དབུལ། །ཡང་ན་དཀྱིལ་འཁོར་ཐམས་ཅད་ཀྱི། །ལས་ལ་མཆོད་ཡོན་དོན་དུ་ནི། །མེ་ཏོག་དཀར་པོའམ་བདུག་སྤོས་ནི། །བཟང་པོའམ་དྲི་ཞིམ་བྱུག་སྤོས་དབུལ། །བདུག་སྤོས་དག་དང་བྱུག་སྤོས་ནི། །སྲོག་ཆགས་ཡན་ལག་བཅས་
191b
པ་སྤང ། །ལས་སུ་བྱ་བ་ཐམས་ཅད་ལ། །ཆུ་ནི་གཙང་མ་བཙག་པར་བྱ། །དཀྱིལ་འཁོར་ངག་ཏུ་ཅིག་རྐྱང་པའི། །བྱུག་སྤོས་དག་གམ་བདུག་སྤོས་དག་།མེ་ཏོག་སྐམ་ལས་སྐྱེས་པ་ནི། །དྲི་ཞིམ་པ་དང་དཀར་པོ་ཤིས། །དེ་ནས་སློབ་མ་བསོགས་ནས་ནི། །སྤོས་ཀྱི་ཆུ་ཡིས་བསང་གཏོར་བྱ། །ཚོགས་པ་སྲུང་བ་བྱས་པ་རྣམས། །ཕྱོགས་གཅིག་ཏུ་ནི་བཀོད་ནས་སུ། །ཤེས་རབ་ཕ་རོལ་ཕྱིན་བཀླགས་ཏེ། །གུས་པར་ཡང་ནི་ཕྱག་བྱས་ནས། །འཕགས་པའི་ཚོགས་ཀུན་བསམས་ནས་སུ། །དེ་ནས་དཀྱིལ་འཁོར་དྲི་བར་བྱ། །མཁས་པས་ལྕགས་ནི་རྣམ་ལྔ་འམ། །ཕྱེ་མ་དཀར་པོ་ལ་སོགས་པའམ། །དད་ཅིང་ཡོན་ཏན་ལྡན་པ་ཡི། །སློབ་མས་རིན་ཆེན་ཕྱེ་མས་བྲི། །རིན་ཆེན་ལྕགས་རྣམས་མ་འབྱོར་ན། །སཱ་ལུ་བཏགས་པའི་ཕྱེམས་བྱ། །ཚོན་རྩི་ལྔར་བཤད་ཞིབ་མོ་དང ། །འབྱུང་ཁུངས་ནས་བྱུང་ཕྱེ་མ་དང ། །རྡོ་ཡི་ཁམས་ནི་སྣ་ཚོགས་དག ། ཕྱེ་མའི་ལས་ལ་སྦྱར་བར་བྱ། །དེ་ལྟར་རྣམ་པ་བཞི་པོ་དག་།ཕྱེ་མའི་རྒྱུར་ནི་བསྒྲགས་པ་ཡིན། །ལྕགས་རྣམས་ཀུན་དང་རིན་ཆེན་དང ། །འབྱུང་ཁུང་ས་ས་དང་འབྲས་གཏགས་པ། །དཀྱིལ་འཁོར་ཀུན་གྱི་ལས་རྣམས་ལ། །ཕྱེ་མའི་དོན་དུ་སྦྱར་བར་བྱ། །ཡང་ན་ལས་ཀྱི་ཆོ་ག་ལ། །ཕྱེ་མ་དམར་མོ་སོ་ཕག་བསྲེགས། །ནག་པོ་ཐལ་བ་
192a
༄#། །དཀར་པོ་ནི། །ནས་དང་གྲོ་ལས་བྱས་པ་གནང ། །བྱ་བ་རིངས་པ་འབྱུང་བ་དང ། །བགེགས་རྣམས་ཚར་གཅད་བྱ་བ་དང ། །དྲག་ཤུལ་སྤྱོད་པའི་ལས་དག་ནི། །དཀྱིལ་འཁོར་ལས་ལ་ཐལ་བ་གནང ། །དཀྱིལ་འཁོར་གྱི་ནི་ཆོ་ག་ལ། །ཕྱེ་མའི་རྒྱུ་ནི་སྔར་བཤད་པ། །ཀུན་ཀྱང་རུང་སྟེ་ཁྱད་པར་དུ། །དང་པོ་ལ་སོགས་རིམ་བཞིན་ཤིས། །དམ་ཚིག་ལས་ལ་ལྕགས་ཀྱི་བཟང ། །རིན་ཆེན་ལས་བྱུང་དབང་བསྐུར་ལ། །སཱ་ལུའི་ཕྱེ་མ་ཞི་བ་ལ། །འབྱུང་ཁུངས་ལས་བྱུང་རྒྱས་པ་ལ། །དྲག་ཤུལ་སྤྱོད་ལ་ཁྱད་པར་དུ། །ཐལ་བ་ལ་སོགས་བྱ་བར་ཤིས། །དེ་ནི་ཕྱི་མའི་ཆོ་གའི་རིམ། །ཁྱད་པར་དང་བཅས་བསྟན་པ་ཡིན། །བྱང་ཤར་མཚམས་ནས་བརྩམས་ནས་སུ། །རྡོ་རྗེ་ཁུ་ཚུར་སྦྱོར་བའམ། །ཡང་ན་ལྕགས་ཀྱུའི་ཕྱག་རྒྱའམ། །ལྷུང་བཟེད་རྒྱ་ཡིས་སྦྱོར་བ་འམ། །ཡང་ན་རིག་བྱེད་ལག་པས་བྲི། །དཀར་པོ་དང་པོར་དགྱེ་བར་བྱ། །དེ་ཡི་འོག་ཏུ་དམར་པོ་དགྱེ། །དེ་ནས་སེར་པོ་དགྱེ་བར་བྱ། །དེ་ཡི་འོག་ཏུ་ལྗང་ཁུ་དགྱེ། །སྔགས་པས་ཀུན་གྱི་ཕྱི་རོལ་དུ།། ཚོན་རྩི་ནག་པོ་དགྱེ་བར་བྱ། །གཡས་སུ་བསྐོར་ཞིང་རྒྱུན་མི་བཅད། །ཐམས་ཅད་མཉམ་ཞིང་བར་ཆད་མེད། །ངན་པ་དང་ནི་ཉམས་པ་དང ། །མ་སྙོམས་པ་དང་
192b
བར་ཆད་ན། །གནོད་པ་མང་པོ་འབྱུང་བར་འགྱུར། །དེ་བས་ནན་ཏན་ཆེར་བྱས་ཏེ། །མཁས་པས་ཕྱེ་མ་དགྱེ་བར་བྱ། །ཕྱོགས་རྣམས་ཀུན་ཏུ་མཁས་པ་ཡིས། །དབུས་སུ་སྒོ་ནི་གདོད་པར་བྱ། །ངོས་གཉིས་སུ་ནི་ཆ་དག་ཀྱང ། །བཞི་བཞི་དག་ནི་དོར་བར་བྱ། །ཆབ་སྒོ་ཆེན་པོ་སྟེགས་བུར་བཅས། །ཅུང་ཟད་གཅིག་ནི་ལྷག་པར་བྱ། །ཆབ་སྒོ་གཞན་རྣམས་བཅད་པར་ནི། །ཕྱེ་མ་དཀར་པོ་དག་གིས་ནི། །སྒོ་ཡི་དབུས་ཀྱི་ཆ་དག་ཏུ། །རི་མོ་ཕྲ་མོ་བྲི་བར་བྱ། །ཡང་ན་སྒོ་ཡི་ཕྱག་རྒྱའམ། །སྒོ་སྲུངས་ཇི་ལྟར་འདོད་པར་བྲི། །དང་པོ་ཚོན་རྩི་སྣ་ལྔས་བྲི། །དཀྱིལ་འཁོར་གཉིས་པ་སྣ་གསུམ་གྱིས། །གསུམ་པ་ཕྱེ་མ་དཀར་པོ་ཡིས། །གཅིག་རྐྱང་དུ་ནི་བྲི་བར་བྱ། །གཞན་ཡང་ཁ་ཅིག་གང་བཤད་པ། །དེ་ཡི་རི་མོ་གཅིག་རྐྱང་ཉིད། །ཐལ་ཕྱེར་བཤད་པ་གང་ཡིན་པ། །དེ་དག་ཐམས་ཅད་རི་མོ་གཅིག་།དེ་ལྟར་དཀྱིལ་འཁོར་བྲིས་ནས་སུ། །ཆ་གསུམ་དུ་ནི་ལེགས་བཏགས་ལ། ། ཆུ་ཞེང་དག་ནི་ཆ་གཉིས་ཀྱང ། །ཤིན་ཏུ་ལེགས་པར་ངེས་པར་བྱ། །རྣམ་པར་དབྱེ་བ་འདི་དག་ནི། །རིགས་གསུམ་དག་གི་སྤྱིར་བསྟན་ཏོ། །ཡང་ན་སོ་སོ་རྒྱུད་རྣམས་ལས།། གོ་རིམ་ཇི་སྐད་བཤད་བཞིན་བྱ། །ལྷ་ཡི་གནས་ཀྱི་ས་གཞི་རྣམས། །བ་གླང་ལྕི་བས་བསྐུ་བར་བྱ། །དེ་ཡི་འོག་ཏུ་ཁྱད་པར་དུ། །བ་ཡི་རྣམ་ལྔའི་ཆུ་ཡིས་བསྐུ། །ཐམས་ཅད་
193a
༄#། །སྤོས་ཀྱི་ཆུས་གཏོར་ནས། །དེ་ཡི་འོག་ཏུ་ཕྱེ་མ་དགྱེ། །རིག་སྔགས་རྒྱལ་པོས་མངོན་སྔགས་པའི། །སྤོས་ཀྱི་ཆུ་ཡིས་གཏོར་བར་བྱ། །དཀྱིལ་འཁོར་དག་གི་ཆོག་ནི། །རྣམ་པ་གསུམ་པོ་མ་ལུས་ལ། །ལྷ་རྣམས་ཐམས་ཅད་དགོད་པ་ནི། །རྣམ་པ་གསུམ་དུ་རབ་ཏུ་བཤད། །དང་པོ་གཟུགས་སུ་བྲི་བར་བཤད།། གཉིས་པ་དག་ནི་ཕྱག་རྒྱ་བྲི། །གསུམ་པ་སྟན་དང་གནས་དག་ཏུ། །བྲི་བའི་ཆོ་ག་ཡོངས་སུ་བསྒྲགས། །བློ་དང་ལྡན་པས་གཟུགས་ཀྱི་ཚུལ། །བྲི་བ་དེ་ལ་མཁས་པར་བྱ།། གཙང་མས་བསྒྲིམས་ཏེ་རང་གི་ནི། །ངོ་བོ་ཇི་སྐད་བཤད་བཞིན་བྲི། །གཟུགས་དང་འཚམ་པར་ཡན་ལག་གདགས། །གསལ་ཞིང་རྣམ་པར་འབྱེས་པར་བྲི། །གཟུགས་ཀྱང་དཀྱིལ་འཁོར་རྣམས་ཀྱི་ནི། །ཚད་དང་སྦྱར་ཞིང་བྱ་བར་བསྒྲགས། །རང་གི་ལུང་ལས་ཁ་དོག་གཟུགས། །འབྱུང་བ་བཞིན་དུ་གཟུགས་བྲིས་ཏེ། །ཅི་ནས་ཡན་ལག་མ་ཉམས་ཤིང ། །རང་བཞིན་ཞི་བའི་གཟུགས་སུ་བྲི། །གསང་སྔགས་ཆོ་ག་ཤེས་པ་ཡིས། །ཆོ་ག་འདི་ཡིས་དཀྱིལ་འཁོར་བྲི། །བློ་དང་ལྡན་བསམ་བསླབས་པས། །ཕྱག་རྒྱ་རྣམས་སུ་དགོད་པར་བྱ། །བསླབས་པས་ཀྱང་ནི་ཕྱེ་མ་ཡིས། །ཡན་ལག་རྫོགས་པར་རབ་ཏུ་དཀའ། །ཡན་ལག་རྫོགས་ཤིང་རྒྱས་བྱ་ན། །ཆོ་གའི་
193b
ལས་ལ་རིང་དུ་ཐོགས། །གཟུགས་རྣམས་ལེགས་པར་བསྒྲུབས་ན་ནི། །མང་པོ་རྣམས་ནི་ཟིན་མི་འགྱུར། །ཡན་ལག་ཉམས་ན་བྱིན་མི་རློབ། །དངོས་མི་འགྲུབ་པར་རབ་ཏུ་བཤད། །དེ་ལྟ་བས་ན་མཁས་པ་ཡིས། །ཕྱག་རྒྱའི་གཟུགས་སུ་ལྷ་རྣམས་དགོད། །ཡང་ན་རིགས་གསུམ་བདག་པོ་རྣམས། །ཅི་འདོད་པར་ནི་གཟུགས་སུ་དགོད། །དེ་ལས་སངས་རྒྱས་བཅོམ་ལྡན་གྱི། །ཕྱག་རྒྱ་གཙུག་ཏོར་གོ་རིམས་བཞིན། །ཡིད་ལ་དེ་ཡི་སྔགས་ཟློས་ཤིང ། །ཕྱེ་མ་དཀར་པོས་བྲི་བར་བྱ། །འཕགས་པ་སྤྱན་རས་གཟིགས་དབང་གིས། །ཕྱག་རྒྱ་པདྨར་རབ་ཏུ་བསྒྲགས། །ཕྱག་ན་རྡོ་རྗེ་ཕྱག་རྒྱ་ནི། །རྡོ་རྗེ་རྣོན་པོ་རྩེ་གསུམ་འབར། །ལྷ་རྣམས་གཞན་གྱི་ཕྱག་རྒྱ་ནི། །ལུང་ལས་ཇི་སྐད་བཤད་པ་བཞིན། ཡང་ན་རིགས་ཀྱི་བདག་པོའི་རྒྱ། །དེ་དང་དེར་ནི་སྤྱི་ཡི་ཡིན། །ལྷ་རྣམས་གང་དང་གང་དག་གིས། །མཚན་མ་གང་དང་གང་ཡིན་པ། །དེ་དང་དེ་དག་དེ་ཡི་རྒྱ། །འདི་ནི་མ་ནོར་མདོར་བཤད་བྱ། །དྲག་པོའི་ཕྱག་རྒྱ་རྩེ་གསུམ་རྣོ། །དཀའ་བཟློག་ཕྱག་ན་རྩེ་གསུམ་གདེངས། །ཁྱབ་འཇུག་གི་ནི་འཁོར་ལོ་རྣོ། །སྡེ་ཆེན་གྱི་ནི་མདུང་ཐུང་ཡིན། །ཚངས་པའི་པདྨ་ཡིན་པར་བཤད། །བརྒྱ་བྱིན་གྱི་ནི་རྡོ་རྗེར་གསུངས། །མེ་ལྷའི་ཕྱག་རྒྱ་ཞུགས་ཐབ་ཡིན། །གཤིན་རྗེའི་ཕྱག་རྒྱ་བེ་ཅོན་ཡིན། །བདེན་བྲལ་གྱི་ནི་རལ་གྲི་ཡིན།།
194a
༄#། །ཆུ་བདག་གི་ནི་ཞགས་པར་བཤད། །རླུང་གི་ཕྱག་རྒྱ་རྒྱལ་མཚན་ཡིན། །ཀུ་བེ་ར་ཡི་དབྱུག་ཏོ་སྟེ། །དབང་བདག་གི་ནི་རྩེ་གསུམ་གསུངས།། འདི་བརྒྱད་ཕྱོགས་ཀྱི་ལྷ་བརྒྱད་ཀྱིའོ། །ས་ཡི་ཕྱག་རྒྱ་བུམ་པ་ཡིན། །ཉི་ཟླའི་ཕྱག་རྒྱ་ཟླུམ་པོར་བྱ། །ལྷ་རྣམས་སོ་སོའི་བྱེ་བྲག་ལས། །སཝསྟི་ཀ་ལ་སོགས་པའི་རྒྱ། ། མཁས་པས་ཇི་སྐད་བཤད་བཞིན་བྲི། །ཡང་ན་ཀུན་གྱི་ཟླུམ་པོར་བྲི། །གང་དུ་ལྷ་རྣམས་གཟུགས་དག་ཏུ། །དགོད་པ་བཤད་པ་རེར་ཡང་ནི། །ཕྱག་རྒྱ་དག་གམ་ཡང་ན་ནི། །སྟན་དུ་དགོད་པའི་ཆོ་ག་ནི། །འདི་ལས་གཞན་པ་གསུམ་པར་བཤད། །དེ་ལ་སོགས་པའི་ཕྱག་རྒྱ་རྣམས། །ཇི་སྐད་བཤད་པའི་ཆོ་ག་བཞིན། །དཀྱིལ་འཁོར་དག་ཏུ་མ་སྨོས་ཀྱང ། །ཆོ་ག་བཞིན་དུ་བྲི་བར་བཤད། །དེ་ལྟར་ཕྱག་རྒྱ་དགོད་པ་འདིས། །དགོད་པ་གཉིས་པར་བཤད་པ་ཡིན། །སྟན་དུ་དགོད་པའི་ཆོ་ག་ནི། །འདི་ལས་གཞན་པ་གསུམ་པར་བཤད། །དཀྱིལ་འཁོར་དག་གི་ནང་དུ་ནི། །ཚོན་རྩི་ཕྱེ་མའི་ཐིག་ལེར་བྲི། །དཀྱིལ་འཁོར་དག་གི་ཚད་ལས་ནི། །ཁོར་ཁོར་ཡུག་རྒྱ་ཆེར་བསྐོར། །རིགས་ཀྱི་བདག་པོའི་ལྷ་རྣམས་ནི། །གོ་རིམས་བཞིན་དུ་དེ་ལྟར་བྲི། །ལྷ་རྣམས་གཞན་ནི་གདན་རྣམས་ཀྱི། །སྤྱི་ཡི་ཆོ་ག་བཤད་པ་ཡིན།
194b
ཟླུམ་པོའམ་ཡང་ན་གྲུ་བཞི་རུང ། །ཐོག་མ་སྟན་ནི་དགོད་པར་བྱ། །ཡིད་ལ་དེ་ཡི་སྔགས་ཟློས་ཤིང ། །དེ་ཡི་སྟེང་དུ་མཁས་པས་དགོད། །ཕྱི་རོལ་དུ་ནི་ཐིག་ལེ་ལ། །མཁས་པས་ལྷ་རྣམས་མིང་གིས་དགོད། །ཐམས་ཅད་ཐིག་ལེར་གནས་བྱས་ནས། །སྤྱན་དྲང་པར་ནི་བརྩམ་པར་བྱ། །འདི་དག་སྟན་དུ་དགོད་པ་སྟེ། །གསུམ་པ་ཡོངས་སུ་བསྒྲགས་པ་ཡིན། །རིངས་སམ་ཡང་ན་མི་ནུས་ན། །སྟན་དུ་དགོད་པར་དཀྱིལ་འཁོར་བྱ། །ཡང་ན་ཆོ་ག་ཤེས་པ་ཡིས། །གསུམ་པོ་འདི་ཡི་ཆོ་ག་ནི། །རེ་རེའམ་གཉིས་སམ་གསུམ་ཆར་རམ། །བསྲེས་ནས་དཀྱིལ་འཁོར་ལེགས་པར་བྲི། །རིགས་ཀྱི་བདག་པོ་གསུམ་རྣམས་ཀྱི། །གསང་སྔགས་ཐོག་མར་བཀོད་ནས་སུ། །དཀྱིལ་འཁོར་ནད་དུ་མཁས་པ་ཡིས། །ལྷག་མ་རྣམས་ཀྱི་ཕྱག་རྒྱ་བྲི། །ཕྱི་རོལ་དུ་ནི་སྟན་རྣམས་བྲི། །འདི་ནི་སྤྱི་ཡི་ཆོ་ག་སྟེ། །དཀྱིལ་འཁོར་དག་ལ་ཁྱད་པར་དུ། །བར་མ་རབ་ཏུ་བསྔགས་པ་ཡིན།། གཟུགས་རྣམས་ལེགས་པར་མ་རྫོགས་ན། །ཉེས་པ་སྔར་ནི་བཤད་པ་བཞིན། །གནས་རྣམས་སྟོང་པར་འགྱུར་བས་ན། །ཆོ་ག་ཐ་མ་མི་ཤེས་སོ། །ཕྱག་རྒྱ་རྣམ་གསུམ་གང་བཀོད་པ། །བར་མ་རབ་ཏུ་བསྒྲགས་པ་ཡིན། །ཁྱད་པར་དུ་ནི་དེ་བསྔགས་ཏེ། །དེ་ལ་བྱིན་གྱིས་རློབ་པར་འགྱུར། །ཕྱག་རྒྱ་བྲི་ན་བདེ་བ་སྟེ། །ཕྱག་རྒྱ་གང་ཡིན་དེ་ཉིད་
195a
༄#། །ལྷ། །དེ་བས་མཁས་པས་ནན་ཏན་དུ། །དཀྱིལ་འཁོར་དག་གི་ཕྱག་རྒྱ་བྲི། །དཀྱིལ་འཁོར་མ་ལུས་པ་རྣམས་སུ། །མ་བཤད་ཀྱང་ནི་དོགས་མེད་པས། །སངས་རྒྱས་བཅོམ་ལྡན་འོག་ལོགས་སུ། །གཞན་གྱིས་མི་ཐུབ་ལྷ་མོ་བྲི། །དབུས་ཀྱི་སྟོང་པ་གང་ཡིན་པ། །དེར་ཡང་བུམ་པའི་སྟེང་དུ་ནི། །ཤེས་རབ་ཕ་རོལ་ཕྱིན་པ་གཞག་།དེར་ཡང་མཆོད་ཅིང་བཀླག་པར་བྱ། །ལ་ལ་དག་ཏུ་མ་གསུངས་ཀྱང ། །འཕགས་པ་སྤྱན་རས་གཟིགས་དབང་གི་།དྲུང་དུ་བློ་དང་ལྡན་པ་ཡིས། །གོས་དཀར་ཅན་ནི་རྟག་ཏུ་བྲི། །ཕྱག་ན་རྡོ་རྗེའི་དྲུང་དུ་ནི། །བདུད་རྩི་ཐབ་སྦྱོར་ཀུན་ཏུ་བྲི། །བརྩོན་འགྲུས་ཆེན་མོ་མཱ་མ་ཀཱི། །ཕྱག་རྒྱ་ཆེན་མོ་བྲི་བར་བྱ།། ཆོ་ག་ཤེས་པས་སྒོ་དྲུང་དུ། །དགའ་བོ་དེ་དང་བསྙེན་དགའ་བྲི། །མཁས་པས་ཇི་སྐད་བཤད་པ་ཡི། །འཕྲོག་མ་དེ་བཞིན་མདུན་དུ་བྲི། །སྒོ་རྣམས་ཀུན་ཏུ་རྡོ་རྗེ་བྲི། །ཕྱོགས་སྐྱོང་ཕྱག་རྒྱའང་ལུགས་བཞིན་དུ། །སོ་སོ་སོ་སོར་དྲག་པོའི་གཟུགས། །སོ་སོའི་ཕྱོགས་ཀྱི་གནས་སུ་བྲི། །གནོད་སྦྱིན་ནོར་བུ་བཟང་ལ་སོགས། །བསྟན་པ་ལ་ནི་གང་དགའ་བ། །སྒོ་ཡི་བྱང་གི་ཕྱི་རོལ་གྱི། །ཕྱི་རོལ་དུ་ཡང་དེ་དགོད་དོ། །གང་དག་ཏུ་ཡང་མ་བཤད་ཀྱང ། །ཤར་དུ་སངས་རྒྱས་ཐམས་ཅད་དང ། །དེ་བཞིན་
195b
ཆོས་དང་དགེ་འདུན་ལ། །གུས་པར་དཀྱིལ་འཁོར་བྱས་ནས་མཆོད། །འཇམ་དཔལ་གཞོན་ནུར་གྱུར་པ་དང ། །རྒྱལ་སྲས་མཐུ་ཆེན་ཐོབ་པ་དང ། །ནམ་མཁའི་སྙིང་པོ་དོན་གྲུབ་དང ། །དྲི་མ་མེད་པའི་བློ་གྲོས་དང ། །དེ་ལ་སོགས་པའི་སེམས་དཔའ་ཆེ། །དཀྱིལ་འཁོར་གྱི་ནི་ཕྱི་རོལ་དགོད། །བསྐལ་པ་བཟང་པོའི་གྲོགས་པོ་ནི། །བྱམས་པ་ལ་སོགས་ཐམས་ཅད་དགོད། །རྡོ་རྗེ་སྡེ་དང་ལག་བཟང་དང ། །དེ་བཞིན་བགེགས་ཀྱི་སྡེ་དཔོན་དང ། །དབང་ཕྱུག་ཆེན་པོ་ཆུང་མར་བཅས། །ཚངས་པ་ཆེན་པོ་མེས་པོ་བྲི། །རིག་སྔགས་འཆང་གི་རྒྱལ་པོ་ཡང ། །གླང་པོ་ཆེ་ཞེས་བྱ་བ་དང ། །ཡན་ལག་བཀྲམ་འབྱིན་རྩེ་བྲན་ཅན། །གཡོན་ཕྱོགས་ཅོད་པན་མི་བཟད་དང ། །སྣ་ཚོགས་འོད་དང་ལེགས་པར་གྲུབ། །རིག་སྔགས་འཆང་བདུན་བདག་པོ་སྟེ། །བདུན་པོ་འདི་དག་རིགས་ཀྱི་གཙོ། །དངོས་གྲུབ་པ་སྟེ་མཐུ་ཅན་རྣམས། །དཀྱིལ་འཁོར་དག་ནི་ཐམས་ཅད་ཀྱི། །ལྷོ་ཡི་ཕྱོགས་སུ་ལེགས་པར་དགོད། །མ་མོ་རྣམས་དང་སྣ་ཡོན་དང ། །དེ་བཞིན་གཟའ་རྣམས་སྣ་ཚོགས་དང ། །སྒྲ་གཅན་སྟོབས་ཅན་རབ་སིམ་དང ། ། རྣམ་པར་སྣང་བྱེད་ལ་སོགས་དང ། །ནོར་རྒྱས་ལ་སོགས་ཀླུ་རྣམས་དང ། །དེ་དག་ནུབ་གྱི་ཕྱོགས་སུ་དགོད། །ཤར་དུ་རྡོ་རྗེ་ཕྱག་རྒྱ་ནི། །བརྒྱ་བྱིན་ལྷ་དང་བཅས་པ་དང ། །
196a
༄#། །དེ་བཞིན་གནས་གཙང་ལྷ་རྣམས་ཀྱང ། །གུས་པར་ཡང་ནི་མཆོད་པར་བྱ། །ཉི་ཟླ་གཉིས་ཀྱི་དཀྱིལ་འཁོར་ནི། །དཀར་དང་དམར་བའི་བྱེ་བྲག་གིས། །ཤར་དང་ནུབ་ཏུ་བྲིས་ནས་ནི། །དེ་ནས་དེ་གཉིས་མཁས་པས་མཆོད། །མེ་ཡི་ཕྱོགས་སུ་ཞུགས་ཐོབ་རྒྱ། །མེ་ལྷ་དྲང་སྲོང་འཁོར་བཅས་བྲི། །ལྷོ་ཕྱོགས་བེ་ཅོན་ཕྱག་རྒྱ་ནི། །གཤིན་རྗེ་ཡི་དྭགས་ལ་སོགས་བཅས། །བདེན་\?\་བྲལ་ཕྱོགས་སུ་རལ་གྲིའི་རྒྱ། །བདེན་བྲལ་བ་ནི་སྲིན་པོར་བཅས། །ཆུ་ལྷའི་ཕྱོགས་སུ་ཞགས་པའི་རྒྱ། །ཆུ་ལྷ་ཀླུ་དང་ལྷན་ཅིག་ཏུ། །རླུང་གི་ཕྱོགས་སུ་རྒྱལ་མཚན་རྒྱ། །རླུང་གི་ལྷ་ནི་རླུང་དང་བཅས། །བྱང་དུ་དབྱུག་ཏོའི་ཕྱག་རྒྱ་ཡང ། །ཀུ་བེ་ར་ཡང་གནོད་སྦྱིན་བཅས། །དབང་ལྡན་ཕྱོགས་སུ་རྩེ་གསུམ་རྒྱ། །དབང་ལྡན་ཚོགས་དང་ལྷན་ཅིག་ཏུ། །འོག་ཏུ་བུམ་པའི་ཕྱག་རྒྱ་ནི། །ས་ཡི་ལྷ་མོ་ལྷ་མིན་བཅས། ། ཕྱོགས་སྐྱོང་རྣམས་ནི་གོ་རིམས་བཞིན། །དེ་ལྟར་གནས་སུ་དགོད་བྱས་ནས། །བྱུག་སྤོས་མེ་ཏོག་ལ་སོགས་པས། །མཁས་པས་སོ་སོར་འཁོར་བཅས་མཆོད།། མཛོད་སྤུ་དང་ནི་མདུང་ཐུང་དང ། །འཁོར་ལོས་བསྒྱུར་བ་ཆེར་འབྱུང་བཅས། །རིག་སྔགས་ཆེན་མོ་སྤྱན་དང་ནི། །ཡིད་བཞིན་ནོར་བུ་རྒྱལ་མཚན་དང་།།
196b
མངག་གཞུག་བརྩོན་འགྲུས་ཆེན་པོ་དང ། །དེ་བཞིན་གཞན་གྱིས་མི་ཐུབ་པ། །དེ་བཞིན་གཤེགས་པའི་རིགས་དག་གི་།དཀྱིལ་འཁོར་ཀུན་ལ་དགོད་པར་བྱ། །གྲགས་ལྡན་མ་དང་དཀར་ཆེན་མོ། །དེ་བཞིན་གོས་དཀར་ཅན་དང་ནི། །རྟ་མགྲིན་དང་ནི་རལ་པ་གཅིག་།སྒྲོལ་མ་དཀར་ཤམ་དཔལ་མོ་ཆེ། །འདོད་པ་འབྱོར་བྱེད་གསང་སྔགས་དག ། འཕགས་པ་སྤྱན་རས་གཟིགས་དབང་གི། །དཀྱིལ་འཁོར་མ་ལུས་པ་རྣམས་སུ། །མཁས་པས་ཆོ་ག་བཞིན་དུ་དགོད། །རྡོ་རྗེ་ལྕགས་ཀྱུ་ཁུ་ཚུར་དང ། །རིག་པའི་རྒྱལ་པོ་ཕྱག་རྒྱར་བཅས། །ཁྲོ་བོ་ཆེན་པོ་ཐབ་སྦྱོར་དང ། །གོམ་པ་དོར་ཉིད་དང་ནི། །རྡོ་རྗེ་ལུག་རྒྱུད་བེ་ཅོན་དང ། །ཁྲོ་བོ་འཆོལ་པ་ཞེས་བྱ་དག་།ཕྱག་ན་རྡོ་རྗེའི་དཀྱིལ་འཁོར་དུ། །མ་སྨོས་ཀྱང་ནི་དེ་དག་དགོད། །དཀྱིལ་འཁོར་དང་པོའི་ནང་དུ་ནི། །ཇི་སྐད་སྨོས་པའི་ལྷ་བཀོད་ནས། །དེ་ནས་མཁས་པས་དཀྱིལ་འཁོར་ནི། །གཉིས་པར་རིམ་པ་ཇི་བཞིན་དུ། །མ་སྨོས་པ་དང་འདོད་པ་ཡི། །གསང་སྔགས་རྣམས་ཀྱང་དགོད་བྱ་ཞིང ། །འཁྲུལ་པ་མེད་པར་གསུམ་པར་ཡང ། །བྱེ་བྲག་ཏུ་ནི་དགོད་པར་བྱ། །ཕྱོགས་བཞིར་ཆོས་ཀློག་བཞི་བཞག་ནས། །དེ་ལ་ཤར་གྱི་ཕྱོགས་སུ་ནི། །ཤེས་རབ་ཕ་རོལ་ཕྱིན་པ་བཞག་།བྱང་གི་ཕྱོགས་སུ་བཞག་པ་ནི། །གསེར་འོད་དམ་
197a
༄#། །པའི་མདོ་སྡེ་ཡིན། །ནུབ་ཀྱི་ཕྱོགས་སུ་བཞག་པ་ནི། །དེ་བཞིན་གཤེགས་པའི་གསང་བའི་མདོ། །ཐེག་པ་ཆེན་པོ་སྡོང་པོས་བཤད།། ལྷོ་ཡི་ཕྱོགས་སུ་བཞག་ནས་སུ། །གུས་པར་དེ་དག་མཆོད་པར་བྱ། །རྒྱུད་ཀུན་གྱི་ནི་གསང་སྔགས་བདག་།ཡོངས་སུ་མཉེས་པར་བྱ་བའི་ཕྱིར། །མཁས་པས་དཀྱིལ་འཁོར་ཕྱི་རོལ་ཏུ། །སྤྱི་ཡི་ཆོ་ག་གཞན་འདི་འང་བྱ། །བྱང་དང་ལྷོ་དང་ཤར་ཕྱོགས་ཀྱི། །ཕྱོགས་གསུམ་དུ་ནི་སྟེགས་བུ་གསུམ། །བྱས་ཏེ་རིགས་གསུམ་བསམས་ནས་སུ། །སྤྱན་དྲང་བ་ཡི་ཆོ་ག་བྱས། །དེ་བཞིན་གཤེགས་པའི་རིགས་རྣམས་ཀྱིས། །གསང་སྔགས་ཀུན་ལ་དབུལ་ལོ་ཞེས། །མེ་ཏོག་སྤོས་ཆུས་བཀང་བ་ཡི། །མཆོད་ཡོན་དག་ནི་དབུལ་བར་བྱ། །སངས་རྒྱས་པ་ལ་ཤར་ཕྱོགས་སུ། །པདྨ་འཛིན་ལ་བྱང་ཕྱོགས་སུ། །གསང་བའི་བདག་པོས་བཤད་པ་ཡི། །གསང་སྔགས་རྣམས་ལ་ལྷོ་ཕྱོགས་སུ། །དེ་ལྟར་བྱས་ན་རིགས་གསུམ་གྱི། །གསང་སྔགས་འཁོར་དང་བཅས་པ་ཀུན། །མཆོད་པ་བྱས་པ་འདི་རུ་ནི། །དགྱེས་པར་གྱུར་པ་གདོན་མི་ཟ། །ཆོ་ག་འདི་ཡི་ནུབ་ཕྱོགས་སུ། །འཇིག་རྟེན་པ་ཡི་ལྷ་རྣམས་ནི། །ཀུན་ལ་དབུལ་ལོ་ཞེས་བརྗོད་ཅིང ། །ཕྱི་རོལ་སྟེགས་བུ་སྟེང་དུ་མཆོད། །ཞི་བ་དག་གི་ཆོ་ག་ལ།།
197b
བྱང་ཆུབ་སེམས་དཔའ་དཀོན་མཆོག་གསུམ། །གཙང་མའི་གནས་ན་འཁོད་པ་ཡི། །ལྷ་རྣམས་ཀྱང་ནི་དགོད་པར་བྱ། །རྒྱས་པ་ལ་ནི་ཁྱད་པར་དུ། །རིག་སྔགས་གསང་སྔགས་ཐམས་ཅད་དང ། །བསྟན་པ་ལ་ནི་དགའ་བ་ཡི། །གནོད་སྦྱིན་རྣམས་ཀྱང་དགོད་པར་བྱ། །དྲག་ཤུལ་སྤྱོད་པའི་དཀྱིལ་འཁོར་དུ། །ཁྲོ་བོ་རྣམས་ཀྱི་ཕྱག་རྒྱ་ནི།། དྲག་ཤུལ་ཆེན་པོའི་རྣམ་དག་དང ། །མངག་གཞུག་ཕོ་མོ་མང་པོ་དགོད། །དཀྱིལ་འཁོར་དག་ནི་ཐམས་ཅད་ལའང ། །ལས་རྣམས་གསུམ་དུ་ཤེས་པར་བྱ། །དེ་བས་ཆོ་ག་འདི་རྣམས་ཀྱིས། །དཀྱིལ་འཁོར་རྣམ་པ་གསུམ་དུ་བརྟག་།དཀྱིལ་འཁོར་དག་གི་དབུས་དག་ནི། །ས་སྟོང་གར་ཡང་མ་གཏོགས་པ། །གང་ན་ཡོད་པ་དེ་རུ་ནི། །ཤེས་རབ་ཕ་རོལ་ཕྱིན་པ་བཞག་།ཡང་ན་སྒོ་ཡི་གཡས་རོལ་དུ། །སློབ་མ་བཟང་པོའི་སྟེང་དུ་གཞག་།གཡོན་གྱི་ཕྱོགས་སུ་སྦྱིན་སྲེག་ཕྱིར། །མེ་ནི་ཡམ་སྲེག་ཤིང་གིས་སྦར། །ཡང་ན་ཤར་ལྷོ་མཚམས་དག་ཏུ། །མེ་ནི་རབ་ཏུ་སྦར་བར་བྱ། །ཡང་ན་ལས་ཀྱི་རྗེས་མཐུན་པར། །ཕྱོགས་ཀྱི་གོ་རིམ་བཞིན་དུ་བཞག་།དྲི་གཙང་ཁང་ངམ་གནས་ཁང་ངམ། །ཕུག་གམ་ཡང་ན་གོ་སྐབས་དག་།དོག་པ་བཞིན་དུ་བྱེད་ན་ནི། །དེར་ནི་ཇི་ལྟར་འདོད་པར་བྱ། །གོ་སྐབས་དོག་པ་དག་ཏུ་ནི། །སྒྲུབ་པའི་དཀྱིལ་
198a
༄#། །འཁོར་མ་གཏོགས་པ། །སློབ་དཔོན་གྱིས་ནི་གཞན་མི་བྲི། །བྲིས་ན་མོད་ལ་འཆི་བར་འགྱུར། །དཀྱིལ་འཁོར་དག་ནི་མ་ལུས་པར།། གོ་སྐབས་ཡངས་པའི་ཕྱོགས་སུ་ཤིང ། །ཁང་བཟང་དག་གམ་ཁྱམས་སུ་ཡང ། །གོམས་པ་ཡིས་ནི་ཅི་བདེར་བྲི། །རང་རོང་དག་གམ་སྡོང་དུ་མ་དག་།ལྗོན་ཤིང་དག་དང་རྔོ་བ་ནི། །རབ་ཏུ་བསྒྲིམས་ནས་དབྱུང་བྱ་སྟེ། །དེ་དག་ཟུག་རྡུ་ཡིན་པར་བཤད། །མཁས་པས་དེ་དབྱུང་ཐབས་མེད་ན། །ཞི་བའི་ཆོ་ག་བྱས་ཏེ་བཞག། སྙིང་པོའི་དཀྱིལ་འཁོར་དུ་ནི་དེ། །བག་མེད་ནམ་ཡང་མི་བཞག་གོ། །རང་རོང་ལ་སོགས་བྱེ་བྲག་དག། །དཀྱིལ་འཁོར་དབུ་མ་མ་གཏོགས་པར། །གནས་ཁང་ལ་སོགས་ཉེས་མེད་དེ། །དེ་དག་དེ་ན་རང་བཞིན་གནས། །ཁང་བཟང་དག་ལ་སོགས་པ་ནི། །བསང་གཏོར་བྱས་པས་དག་པར་བཤད། །རི་ལ་ས་གཞི་མཉམ་པ་དང། །རྡོ་བའི་ཟུག་རྡུ་བརྟག་མི་དགོས། །གལ་ཏེ་གནས་ཀྱི་དབང་གིས་སུ། །ལྷ་རྣམས་ཕྱོགས་ལོགས་འགོད་བྱེད་ན། །མཁས་པས་ཞི་བ་བྱས་ཏེ་གཞག་།སྙིང་པོར་ནམ་ཡང་མི་བྱའོ། །བྱ་བའི་དབང་གིས་དེ་ལ་སོགས། །འགལ་བ་གང་དང་གང་བྱེད་པ། །དེ་དང་དེར་ནི་མཁས་པ་ཡིས། །ཐམས་ཅད་ཞི་བའི་ལས་ཀྱིས་
198b
བསལ། །བློ་དང་ལྡན་པས་ཆོ་ག་འདིས། །དཀྱིལ་འཁོར་རྫོགས་པར་བྲིས་ནས་ནི། །ཡིད་ནི་ལེགས་པར་མཉམ་བཞག་ནས། །དེ་ཡི་འོག་ཏུ་ཡང་བརྟགས་ཏེ། །བརྒྱ་ལ་འགའ་ཞིག་མ་ལེགས་ན། །དེ་ནི་ཕྱིར་ཡང་བཅོས་པར་བྱ། །མཁས་པས་རང་གི་གསང་སྔགས་སམ། །སློབ་མའི་སྔགས་ཀྱང་འདོད་ན་དགོད། །སློབ་མ་བརྟགས་པ་ལ་ལ་ཞིག་།གལ་ཏེ་དབང་ནི་བསྐུར་འདོད་ན། །དབང་བསྐུར་དོན་དུ་དཀྱིལ་འཁོར་ནི། །ཕྱེ་མ་དཀར་པོས་བྲི་བར་བྱ། །དཀྱིལ་འཁོར་དག་དང་རྗེས་མཐུན་པར། །སྟེགས་བུ་གྲུ་བཞི་བྱས་ནས་སུ། །དེ་ཡི་དབུས་སུ་ཚོན་སྣ་ལྔས། །པདྨ་ཡོངས་སུ་རྫོགས་པར་བྲི། །བཀྲ་ཤིས་ལ་སོགས་མཚན་མ་རྣམས། །དེ་ནི་ཇི་ལྟར་འདོད་པ་བྲི། །བཀྲ་ཤིས་ཕྱིར་ནི་གང་བསྟན་པ། །ཡང་ན་དེ་ནི་དངོས་སུ་དགོད། །མཁས་པས་གཡོས་རྣམས་གང་བཞག་པའི། །ས་རིས་རྣམས་ཀྱང་ཕྱེ་མས་བཅད། །གཡོས་སུ་བྱས་པའི་རྣམ་པ་ཀུན། །བསོགས་ནས་དེར་ནི་དགོད་པར་བྱ། །བུམ་པ་དག་དང་རྒྱལ་མཚན་དང ། །རྟ་བབས་བཞག་པའི་ས་རིས་དང ། །ཕྱི་རོལ་མཛེས་པར་བྱ་བ་ཡང ། །ཇི་ལྟར་འདོད་པ་ཕྱེ་མས་བྱ། །དེ་ནས་གཞན་ཡང་ལྷ་རྣམས་ནི། །སྤྱན་དྲང་བ་ཡི་ཆོ་ག་གང ། །མཆོད་པའི་གོ་རིམ་ཇི་བཞིན་དུ། །ཡང་དག་མདོར་བསྡུས་བཤད་པར་བྱ། །དཀྱིལ་
199a
༄#། །འཁོར་ཆོ་ག་བཞིན་བྲིས་ནས། །ཉེ་རེག་བྱས་ཤིང་གཙང་བར་བྱ། །ལྷ་རྣམས་ལ་ཡང་ཕྱག་བྱས་ནས། །བཟང་ངམ་མི་བཟང་བརྟག་པར་བྱ། །ཕྱི་རོལ་ཤར་ཕྱོགས་ཁ་བལྟས་ནས། །ཡིད་ལ་དཀྱིལ་འཁོར་བདག་པོ་ཡི། །སྙིང་པོའམ་གསང་སྔགས་ཀུན་ཟློས་ཤིང ། །མཚན་མ་དག་ནི་བརྟག་པར་བྱ། །ཇི་སྲིད་ལྟས་ནི་བཟང་པོ་དག་།འགའ་ཞིག་འབྱུང་བར་འགྱུར་གྱི་བར། །དེ་ཉིད་བསྒྲིམས་ཏེ་ཡིད་གཅིག་ཏུ། །བཟླས་བརྗོད་བྱེད་ལ་འབད་ཅིང་བསྡད། །དེ་མཐོང་བློ་ལྡན་རངས་འགྱུར་བས། །ལས་ཀུན་བྱེད་པའི་གསང་སྔགས་སམ། །བདག་གིས་གང་ཞིག་བཟླས་པ་ཡིས། ། བསྲུང་བ་ལེགས་པར་སྦྱར་བར་བྱ། །ཡང་ན་རྒྱུད་རྣམས་ཀུན་གྱི་སྤྱིར། །བགེགས་རྣམས་ཐམས་ཅད་བཟློག་པ་ལ། །རྡོ་རྗེ་བེ་ཅོན་བརྩོན་འགྲུས་ཆེ།། ཁྲོ་བོ་བདུད་རྩི་ཐབ་སྦྱོར་དང ། །མགོ་ལ་རྡོ་རྗེ་སྨོས་པ་ཡིས། །ཕུར་བུ་ར་བ་དྲ་བ་གསུམ། །བློ་དང་ལྡན་པས་ལྔ་པོ་དག་།ཆོ་ག་བཞིན་དུ་སྦྱར་བར་བྱ། །བསྲུང་བ་རྩ་བའི་གསང་སྔགས་སམ། །ཡང་ན་དེ་ཡི་སྙིང་པོས་བྱ། །སློབ་མ་རྣམས་ལ་ཡིད་ཀྱིས་སུ། །བསྲུང་བ་སྔ་མ་བཞིན་དུ་བྱ། །བསྲུང་
199b
བ་བྱས་ན་དེ་འོག་ཏུ། །མཁས་པས་དཀྱིལ་འཁོར་འཇུག་པར་བྱ། །ཞུགས་ནས་མཆོད་ཡོན་སྣོད་ཐོགས་ཏེ། །མཆོད་ཡོན་དག་ཀྱང་དབུལ་བར་བྱ། །མཆོད་ཡོན་སྣོད་ནི་གསེར་དངུལ་ལམ། །ཟངས་སམ་ཤེལ་ལམ་ནོར་བུའམ། །མཆིང་བུ་དཀར་པོ་ལས་བྱས་པ། །ཤིང་ངམ་དེ་བཞིན་རྡོ་ལས་བྱ། །དུང་ངམ་ལོ་མ་སྐྱོངས་པུ་འམ། །ཉ་ཕྱིས་དག་གམ་ཁམ་ཕོར་ནི། །སར་པ་ཡན་ལག་མ་ཉམས་པ། །དག་པར་བྱས་ལ་བླང་བར་བྱ། །དེར་ནི་ཁྲོ་རྒྱལ་བཟླས་པ་ཡི། །མེ་ཏོག་དག་ཀྱང་བཙུག་ནས་སུ། །མཉམ་པར་བཞག་སྟེ་དཀྱིལ་འཁོར་གྱི། །གསང་སྔགས་ལན་བདུན་བཟླས་ནས་ནི། །སྔ་མ་བཞིན་དུ་དྲི་ཆུ་ཡིས། །མཆོད་ཡོན་གུས་པར་དབུལ་བར་བྱ། །དཀྱིལ་འཁོར་དབུ་མར་ཕུལ་ནས་ནི། །ལྷག་མ་རྣམས་ལ་གཏོར་བར་བཤད། །དཀྱིལ་འཁོར་ཐམས་ཅད་བསང་གཏོར་བྱས། །དེ་ནས་ཆོ་ག་འདི་བྱ་འོ། །བུམ་པ་ནག་པོར་རི་མེད། །གཟུགས་བཟང་ཁ་དོག་རབ་ཏུ་དམར། །གསར་ལ་མ་ཆག་མ་གས་པ། །ཡང་དག་དབྱིབས་ནི་ལེགས་ཤིང་ཟླུམ། །བཟླས་བརྗོད་དག་ཀྱང་ལན་བདུན་བྱས། །སྤོས་ཆུ་དག་གིས་བཀང་བ་ལ། །འབྲུ་རྣམས་ཀུན་དང་ལྡན་བྱས་ཤིང ། །སྨན་རྣམས་དང་ཡང་ལྡན་པ་དང ། །རིན་ཆེན་ཀུན་དང་
200a
༄#། །རབ་ཏུ་ལྡན། །མགུལ་པར་རས་སར་རངས་པས་དཀྲིས། །མེ་ཏོག་ཕྲེང་བས་རྣམ་པར་བརྒྱན། །ཁ་རྒྱན་ལྡུམ་བུ་བཟང་པོས་བྱ། །ཤིང་ཏོག་བཀྲ་ཤིས་ཁར་བླུགས་པ། །འབྲས་བུ་མེ་ཏོག་སིལ་མར་ལྡན། །སྤོས་ཀྱིས་བྱུག་ཅིང་བདུག་པས་བདུག་།ཐམས་ཅད་བཀྲ་ཤིས་དང་ལྡན་པ། །བཟླས་བརྗོད་ལན་བདུན་བྱས་པ་དག་།བཀྲ་ཤིས་དོན་དུ་གཉེར་བ་ཡིན། །ཕྱོགས་དང་མཚམས་རྣམས་དག་ཏུ་དགོད། །ཡོན་ཏན་ཀུན་དང་ལྡན་པ་ཡི། །བུམ་པ་འདི་ཀུན་མ་འབྱོར་ན། །དབང་བསྐུར་ཕྱིར་ནི་འབྲིང་པོ་གཅིག་།ནན་ཏན་བསྐྱེད་དེ་ལེགས་པར་གཞག་།གྲཝ་དང་སྒོར་ནི་མ་ལུས་པར། །བུམ་པ་དག་ཀྱང་བཞག་ནས་ནི། །བར་སྒོ་ཆེན་པོ་གཉིས་གཉིས་ཤིག་།ཁྱད་པར་དུ་ནི་གཞག་པར་བྱ། །བུམ་པ་གཅིག་ནི་ཕྱི་སྒོ་ཡི། །དྲུང་དུ་མངོན་པར་གཞག་པར་བྱ། །མང་པོའི་འབྱོར་པར་མ་གྱུར་ན། །བརྒྱད་དམ་ཡང་ན་བཞི་བཞག་གོ་།ཉུང་ངུ་རྣམས་ནི་ཁྱད་པར་དུ། །ཕ་རོལ་དག་ཏུ་དགོད་པར་བྱ་སྟེ། །སྒོ་ཡི་དྲུང་དུ་གཅིག་བཞག་པ། །དེ་ནི་ངེས་པར་བྱ་དགོས་སོ། །འབྲས་ཀྱི་སོ་བ་མོན་སྲན་གྲེའུ། །ནས་དང་གྲོ་དང་ཏིལ་དང་ལྔ། །འབྲུ་རྣམས་ཀུན་ཞེས་བྱ་བ་ནི། །ལས་རྣམས་ཀུན་ལ་འདི་དག་གཟུགས།།
200b
སིང་གྷརྀ་བྱཱ་གྷརྀ་ཀརྣི་ཀ་།ཧ་ས་ཧ་ས་དེ་བ་སྟེ། །སྨན་རྣམས་ཀུན་ཅེས་བྱ་བ་ལ། །ལྔ་པོ་འདི་དག་ཤེས་པར་བྱ། །བྱུ་རུ་གསེར་གྱི་ས་ལེ་སྦྲམ། །དུང་དང་མུ་ཏིག་ནོར་བུ་སྟེ། །རིན་ཆེན་ཀུན་ཅེས་བྱ་བ་ལ། །ལྔ་པོ་འདི་དག་ཤེས་པར་བྱ། །རྒྱལ་མཚན་གསར་པ་སྣ་ཚོགས་དང ། །བརྒྱད་ནི་ཁོ་ར་ཁོར་ཡུག་ཏུ། །ཡུ་བ་དྲང་བོ་རིང་པོ་ལ། །སྤྱངས་ནས་ཉེ་བར་བཟུང་བྱས་ཏེ། །དཀར་པོ་ཤར་གྱི་ཕྱོགས་སུ་གཟུགས། །ཤར་ལྷོ་མཚམས་སུ་ལེ་བརྒན་གཟུགས། །ལྷོ་ཡི་ཕྱོགས་སུ་ནག་པོ་གཟུགས། ལྷོ་ནུབ་མཚམས་སུ་དུད་ཀ་གཟུགས། །ནུབ་ཀྱི་ཕྱོགས་སུ་དམར་པོ་གཟུགས། །ནུབ་བྱང་མཚམས་སུ་ཁྲ་བོ་གཟུགས། །བྱང་གི་ཕྱོགས་སུ་སེར་པོ་གཟུགས། །བྱང་ཤར་མཚམས་སུ་ལྗང་སེར་གཟུགས། །དེ་ལྟར་རྒྱལ་མཚན་བརྒྱད་པོ་རྣམས། །གོ་རིམས་བཞིན་དུ་གཟུགས་པར་བྱ། །རྒྱལ་མཚན་རྣམས་ཀྱི་རྩེ་མོ་ལ། །ཏོག་ནི་རྨ་བྱའི་མདོངས་ཀྱིས་བརྒྱན། །རྒྱལ་མཚན་རྣམས་ནི་མ་རྙེད་ན། །ཐམས་ཅད་ཐལ་ཀར་གཅིག་པུ་འམ། །ཡང་ན་དེ་བས་མང་ཡང་རུང ། །ཤར་གྱི་ཕྱོགས་སུ་གཟུགས་པར་བྱ། །ཕོག་ཕོར་ཁམ་པ་ལས་བྱས་པ། །སོམ་བཏང་བ་དཀར་པོ་བཅུ། །བྱས་ནས་ཕྱོགས་དང་ཕྱོགས་མཚམས་ནི། །རྒྱབ་དང་དེ་བཞིན་མདུན་དུ་དགོད།
201a
༄#། །པོག་ཕོར་དག་ཏུ་མ་འབྱོར་ན། །ཁམ་པའི་ཕུར་བུའི་ནང་ནས་དབུལ། །དེ་དག་ཀྱང་ནི་མ་འབྱོར་ན། །གཅིག་ཅིག་སྒོར་ནི་བཞག་ནས་དབུལ་མེ་ཏོག་ཕྲེང་བས་བརྒྱན་པ་ཡི། །རྟ་བབས་ངག་ཀྱང་ཕྱོགས་བཞིར་བྱ། །ནས་དང་གྲོ་དང་འབྲུ་རྣམས་ཀྱི། །མྱུ་གུ་ལེགས་པར་བསྐྱེད་པ་དགོད། །དྲིལ་བུ་གདུགས་དང་རྔ་མ་དང ། །སྲད་བུ་དག་ཀྱང་ཕྱོགས་བཞིར་ནི། །རྟ་བབས་སོགས་ལ་ཕྱི་རོལ་ཏུ། །མཛེས་པར་བྱ་ཕྱིར་མཁས་པས་གདགས། །འབྲས་ཡོས་འབྲུ་དང་བཅས་པ་ཡིས། །མེ་ཏོག་སིལ་མ་རབ་ཏུ་དགྲམ། །དཀྱིལ་འཁོར་དག་གི་ཕྱི་རོལ་ཏུ། །ཕྱེ་མས་དཀྱིལ་འཁོར་སྡུག་གུ་བྲི། །འཇིག་རྟེན་འདི་ན་གྲགས་པ་ཡི། །བཀྲ་ཤིས་ལ་སོགས་གང་ཡིན་རྣམས། །དཀྱིལ་འཁོར་དག་གི་ཕྱི་རོལ་ཏུ། །ཕྱོགས་བཞི་དག་ཏུ་མཁས་པས་དགོད། །དེ་ལྟར་རྒྱས་དང་མདོར་བསྡུས་པ། ། ཅི་ནུས་སུ་ནི་སྦྱར་བ་དག་།ཆོ་ག་བཞིན་དུ་བྱས་ནས་སུ། །དེ་ནས་སྤྱན་དྲང་བརྩམ་པར་བྱ། །མཆོད་ཡོན་ཆོ་ག་སྔ་མ་བཞིན། །མ་ཡེངས་པར་ནི་སྦྱར་ནས་སུ། །སོ་སོ་སྔགས་ཀྱིས་ཅི་རིགས་པར། །མཁས་པས་སྤྱན་ནི་དྲང་བར་བྱ། །དཀྱིལ་འཁོར་བདག་པོའི་གསང་སྔགས་སམ། །ཡང་ན་ཐམས་ཅད་སྙིང་
201b
པོས་བྱ། །སྔགས་རྒྱུད་ལས་ནི་ཅི་བཤད་པ། །དེ་བཞིན་དུ་ནི་སྤྱན་དྲང་བའོ། །མཁས་པས་དེ་བཞིན་གཤེགས་རིགས་ལ། །འཁོར་ལོས་བསྒྱུར་བས་སྤྱན་དྲང་ངོ ། ། ཡང་ན་སྤྱན་དྲང་ཆོ་ག་ནི། །སངས་རྒྱས་སྤྱན་གྱིས་བྱར་ཡང་རུང ། །ཕྱག་ན་པད་མོའི་རིགས་ཀུན་ལ། །རིག་པའི་རྒྱལ་པོས་སྤྱན་དྲང་བྱ། །ཡང་ན་སྤྱན་དྲང་ཆོ་ག་ལ། །དཔལ་མོས་ལས་ཀུན་བྱེད་པས་བྱ། །མཁས་པས་རྡོ་རྗེ་འཛིན་རིགས་ལ། །གནོད་མཛེས་ཅེས་བྱའི་གསང་སྔགས་སམ། །མ་ཡེངས་པར་ནི་མཱ་མ་ཀཱིས།། སྤྱན་དྲང་བ་ཡི་ཆོ་ག་བྱ། །སྔགས་རྒྱུད་བདག་པོའི་སྔགས་གང་ཡིན། །དེ་འམ་དེ་ཡི་སྙིང་པོ་ཡིས། །ལྷ་རྣམས་ཀྱི་ནི་མིང་སྨོས་ཏེ། །མཁས་པས་སྤྱན་དྲང་ཆོ་ག་བྱ། །ཡང་ན་རང་གི་རིགས་ཀྱི་སྔགས། །གང་ཡིན་དེ་འམ་དེ་སྙིང་ངམ། །ཆོ་ག་ཇི་སྐད་གསུངས་པས་ཀྱང ། །སྤྱན་དྲང་བ་ནི་མཁས་པས་བྱ། །ཡང་ན་ཆོ་ག་ཅི་གསུངས་པས། །ཡང་ན་ཕྱི་འམ་ནང་དག་གི་།རང་གི་གསང་སྔགས་གང་ཡིན་པ། །དེ་དག་གིས་ནི་སྤྱན་དྲང་པའམ། །ཇི་ལྟར་ལོབས་པར་བྱར་ཡང་རུང ། །མཆོད་ཡོན་གྱི་ནི་ཆོ་ག་བཞིན། །དེ་ལྟར་སྤྱན་དྲང་བྱས་ནས་ནི། །མཆོད་ཡོན་ཉིད་ཀྱིས་ལན་རེ་ཞིང ། །དེ་ནས་ཞབས་བཀྲུའི་ཆོ་ག་བྱ། །བདེ་བར་གཤེགས་ཞེས་
202a
༄#། །བྱ་ལ་སོགས། །ཕྱག་ཀྱང་གུས་པར་འཚལ་པ་དག་།གོ་རིམས་བཞིན་དུ་བྱས་ནས་ནི། །མཁས་པས་དེ་ནས་མཆོད་པ་བརྩམ། །དང་པོ་བྱུག་སྤོས་དབུལ་བྱས་ཏེ། །དེ་ཡི་འོག་ཏུ་མེ་ཏོག་དབུལ། །དེ་ནས་ལེགས་པར་མཉམ་གཞག་ནས། །བདུག་སྤོས་ལྷ་བཤོས་དག་ཀྱང་དབུལ། །ཙནྡན་ཨ་ཀར་གུར་ཀུམ་དང ། །ུཏྤལ་རྒྱ་སྤོས་པྲི་ཡང་ཀུ། །ལི་ཤི་ཤིང་ཚ་སྤང་སྤོས་སྨྲིག་།ནག་པུཥྤ་གཱ་ནཱ་མ་བུ། །གྲན་ཏི་སུག་སྨེལ་པ་ཏྲ་དང ། །ལ་ནི་སྠོའུ་ནེར་སར་ལྡན། །རྡོ་དྲེག་ཤ་ཏ་པུཥྤ་དང ། །སྣ་མའི་ལོ་མ་ཙ་རོང་དང ། །ཀཽན་ཏི་མ་དྷུ་རི་ཀ་དང ། །དྷྱན་ནྱ་ཀ་ཙོ་ལ་སོགས་བཟང ། །འབྲས་བུ་ཐང་ཆུའི་ཚོགས་རྣམས་ནི། །མཁས་པ་རྣམས་ཀྱིས་འདི་སྦྱར་ན། །མཁས་པ་བློ་དང་ལྡན་པ་ཡིས། །ཕྱི་དང་ནང་གི་ལྷ་ཀུན་ལ། །གོ་རིམས་བཞིན་དུ་གསང་སྔགས་ཀྱིས། །མངོན་པར་སྔགས་ནས་བྱུག་སྤོས་དབུལ། །སྲོག་ཆགས་ཡན་ལག་སྦྱར་མི་རུང ། །རྒྱ་སྐྱེགས་ཆང་སོགས་སྦྱར་མི་རུང ། །རྫས་ངན་དག་དང་སྦྱར་མི་རུང ། །རྩབས་དང་སྦྱར་བའང་མི་རུང་ངོ ། །སངས་རྒྱས་ལ་ནི་ཁྱད་པར་དུ། །བྱུག་སྤོས་གུར་ཀུམ་ལ་བྱས་པའམ། ། ཀར་ནག་པོ་དྲི་ཞིམ་པ། །དྲི་ཞིམ་གྱིས་བསྒོས་
202b
དབུལ་བར་བྱ། །འཕགས་པ་སྤྱན་རས་གཟིགས་དབང་ལ། །ཙནྡན་དཀར་པོ་རབ་ཏུ་དབུལ། །ཕྱག་ན་རྡོ་རྗེ་འཁོར་བཅས་ལ། །ཙནྡན་དམར་པོ་དབུལ་བར་བྱ། །ལྷག་མ་རྣམས་ལ་བྱུག་སྤོས་དག་།ཇི་ལྟར་རིགས་པས་སྤྱིར་ཕུལ་ནས། །མེ་ཏོག་སྐམ་ལས་སྐྱེས་པ་དང ། །ཆུ་ལ་སྐྱེས་པར་མཆོད་པར་བྱ། །མ་ལི་བ་ཀུན་ཀུན་ད་དང ། །མི་ལ་ཀི་ན་མ་ལི་ཀ་།ཙམ་པ་ཀཱ་ཤོ་བུ་ན་ཀ་།པྲི་ཡང་ཡུ་ནི་ཨུ་ར་ན། །གེ་སར་ས་ལ་ཏི་ལ་ཀ་།ཤིང་གི་ཨུཏྤ་ཀར་ཎི་ཀ་།ཏ་ཀ་ཀ་ར་བཱི་ར་དང ། ། ཛི་དོག་པ་ཀ་དམ་དང ། །པིན་ཏི་རི་དང་ཀ་ཏ་ར། །ཀན་ཙ་ན་དང་པ་ཏ་ལ། །ཤི་ཏ་གན་ཏི་ཀུ་ར་པ། །བ་ན་དང་ནི་གིང་ཤུ་ཉིད། །ཆོ་ག་ཤེས་པས་དེ་ལ་སོགས། །སྐམ་ལས་སྐྱེས་པ་གོ་རིམས་བཞིན། །ནན་ཏན་དུ་ནི་དབུལ་བྱ་ཞིང ། །ངན་པ་དག་ནི་རྣམ་པར་སྤངས། །གན་དང་ཀུ་ཡ་ཤིག་མུ་དང ། །བུ་ཤ་པ་ཏི་མུཀྟ་ཀ་། གོལ་དྲང་ཀ་ནི་པ་དང ། །ཀེ་ཏ་ཀ་དང་མ་ན་ཡན། །ཀུ་རན་ཏ་དང་འདའ་མ་ཀ་།ཀུ་ཏི་བ་ལ་མ་ལི་ཀ་།དེ་ལ་སོགས་པ་མི་ཤིས་པ། །དྲག་ཤུལ་སྤྱོད་ལ་སྦྱར་བར་བྱ། །པདྨ་དཀར་དང་པདྨ་དམར། །ུཏྤལ་རིགས་ནི་
203a
༄#། །སྣ་ཚོགས་དང ། །ཀུ་མུ་ད་སོགས་ཆུ་སྐྱེས་རྣམས། །དཀྱིལ་འཁོར་ལས་ལ་སྦྱར་བྱ་སྟེ། །དེ་ཡང་ཀུ་མུ་ད་དམར་དང། །དེ་བཞིན་སཽ་གན་ཏི་ཀར་དང ། །དྲི་མི་ཞིམ་པ་གཞན་དག་ཀྱང ། །དྲག་ཤུལ་སྤྱོད་ལ་སྦྱར་བར་བྱ། །གེ་སར་ཀ་ནི་ཀར་དང ། །མ་ལ་ཏི་དང་མེ་ཏོག་དཀར། །དྲི་ཞིམ་པ་དག་ཁྱད་པར་དུ། །དེ་བཞིན་གཤེགས་པའི་རིགས་ལ་དབུལ། །པདྨ་ལ་སོགས་ཆུ་སྐྱེས་རྣམས། །མཁས་པས་པདྨའི་རིགས་ལ་དབུལ། ། ཤོ་ཀུ་ཏི་ཏི་ལ་ཀ་།དེ་བཞིན་ན་བ་མ་ལི་ཀ་།པྲི་ཡང་ཀུ་དང་ཏ་པ་ར། །ཀ་ར་བཱི་ར་ཏྲག་ཏྲ་ཀ་།ུཏྤལ་སྔོན་པོ་ཉིད་དག་ཀྱང ། །རྡོ་རྗེའི་རིགས་ལ་དབུལ་བར་བྱ། །དེ་བཞིན་གཤེགས་པའི་རིགས་ལ་ཡང ། །ཙནྡན་ཨ་གར་བདུག་སྤོས་དབུལ། ། མཁས་པས་ཤི་རི་བི་སྟ་སོགས། །ཐང་ཆུ་པདྨའི་རིགས་ལ་དབུལ། ། གར་ནག་པོ་གུ་གུལ་གྱི། །བདུག་སྤོས་རྡོ་རྗེའི་རིགས་དགྱེས་སོ། ། བདུག་སྤོས་དག་ནི་སྤྱིར་བཤད་ན། །སྲོག་ཆགས་ཡན་ལག་སྤངས་པའི་རྫས། །ཙནྡན་ག་པུར་ཨ་ཀར་དང ། །དུ་རུཥྐ་དང་པོ་དཀར་དང་།།
203b
ཤི་རི་བེ་སྟེ་སྲ་རྩི་ཕོག་།ར་ས་གུ་གུལ་ཤལ་ལྱ་ཀི་།ུ་ཤི་ར་དང་ལ་བ་ཀ་།སྤང་སྤོས་གླ་སྒང་ག་པུར་དང ། །དེ་བ་ད་རུ་ཐང་ཤིང་དང ། །དེ་ལ་སོགས་པའི་རྫས་རྣམས་ནི། །ཇི་སྙེད་པ་དག་བསྡུ་བྱས་ནས། །བློ་དང་ལྡན་པས་བུ་རམ་དང ། །ལྷན་ཅིག་ཏུ་ནི་སྦྱར་བར་བྱ། །དེ་ལྟ་བུ་ཡི་བདུག་སྤོས་ནི། །ལྷ་ལ་གོ་རིམ་བཞིན་དུ་དབུལ། །དེ་དག་གང་ཡང་རུང་བ་དང ། །གཞན་ཡང་དྲི་ཞིམ་བཤད་པ་གང ། །རྫས་མང་དག་དང་སྦྱར་བ་ཡི། །བདུག་སྤོས་དཀྱིལ་འཁོར་དག་ལ་དབུལ། །དཀྱིལ་འཁོར་གྱི་ནི་ཆོ་ག་བཞིན། །རབ་དང་སེམས་ཀྱིས་ཅི་འབྱོར་པ། །བདུག་སྤོས་མེ་ཏོག་ལ་སོགས་པ། །བྱ་བ་དག་ནི་ལེགས་པར་བྱ། །མེ་ཏོག་དེ་དག་རྒྱུད་མཁན་གྱིས། །བརྒྱུས་པ་ཞིག་ན་ངན་པ་ནི། །ཉུང་ཤས་ཡོད་ན་མི་འགལ་ཏེ། །དེ་མང་ན་ནི་རྣམ་པར་སྤངས། །མི་ཤིས་པ་ཡི་བྱུག་སྤོས་དག་།མཁས་པས་དཀྱིལ་འཁོར་དབུལ་མི་བྱ། །སྲོག་ཆགས་ཡན་ལག་གིས་གཏུགས་པ། །དེ་ཡིས་གཞན་དག་བདུག་མི་བྱ། །རྒྱ་སྐྱེགས་ལ་སོགས་བདུག་སྤོས་ནི། །དགེ་བའི་ལས་ལ་དབུལ་མི་བྱ། །དེ་འདྲའི་
204a
༄#། །ཆོ་ག་འདི་ཤེས་ནས། །ཆོ་གའི་ལས་ལ་འབད་པར་བྱ། །ཕྱི་རོལ་བཞག་པའི་པོག་ཕོར་ནང་།། ཁམ་ཕོར་ནང་དུ་བསྒྲགས་པ་གང ། །དེ་དག་ཏུ་ནི་ཅི་འདོད་པར། །སྲོག་ཆགས་ཡན་ལག་སྦྱར་བའང་བཞག་།དཀྱིལ་འཁོར་ཕྱི་རོལ་འཇིག་རྟེན་པའི། །ལྷ་ནི་གང་དག་འདྲི་བྱེད་པ། །དེ་ཡང་མཁས་པས་དེ་བཞིན་དུ། །བདུག་སྤོས་བྱུག་སྤོས་ཅི་དགར་དབུལ། །རིགས་ཀྱི་བདག་པོ་རྣམས་ལ་ནི། ། མཆོད་པ་ཁྱད་པར་ཅན་དུ་བྱ། །དེ་ཡི་འོག་ཏུ་ལྷ་ཀུན་ལ། །གོ་རིམ་བཞིན་དུ་མཆོད་པར་བྱ། །རིགས་ཀྱི་བདག་པོ་རྣམས་ལ་ནི། །བདུག་སྤོས་སྣོད་ཀྱང་རྣམ་གསུམ་གཞག་།དབུས་སུ་བདུག་སྤོས་སྣོད་གཅིག་ནི། །བདུག་སྤོས་འཐུལ་བ་རྒྱུན་མི་འཆད། །དཀྱིལ་འཁོར་རིམ་པ་རེ་རེ་ལ། །བདུག་སྤོས་སྣོད་ནི་རེ་རེ་བཞག་།དེ་ཉིད་ནས་ནི་ཐམས་ཅད་དུ། །རྟག་པར་བདུག་སྤོས་དབུལ་བར་བྱ། །ཡང་ན་ཐམས་ཅད་སྤྱི་ལ་ནི། །བདུག་སྤོས་སྣོད་ནི་གཅིག་བཞག་སྟེ། །བསང་གཏོར་ཡང་དང་ཡང་བྱས་ནས། །དེ་ནས་བདུག་སྤོས་དབུལ་བར་བྱ། །དེ་ཡི་འོག་ཏུ་དཀྱིལ་འཁོར་དུ། །ལྷ་རྣམས་
204b
ཀུན་ལ་མཆོད་ཡོན་དབུལ། །དེ་ནས་ཡིད་ལ་སྔགས་ཟློས་ཤིང ། །ལྷ་བཤོས་དབུལ་བ་ལེགས་པར་བྱ། །ལྷ་བཤོས་དབུལ་བ་འབྱོར་པ་དང ། །གཙང་ཞིང་ཆ་ཡང་མཉམ་པ་རུ། །དཀྱིལ་འཁོར་གྱི་ནི་གོ་རིམ་བཞིན། །མཁས་པས་ནན་ཏན་བསྐྱེད་དེ་བྱ། །རིགས་ཀྱི་བདག་པོ་རྣམས་ལ་ནི། །དབུལ་བ་ཁྱད་པར་ཅན་དུ་བྱ། །དཀྱིལ་འཁོར་གྱི་ནི་བདག་པོ་ལ། །ལྷ་བཤོས་དག་ནི་ཉིས་འགྱུར་དབུལ། །འོག་མ་རྣམས་ལ་གོ་རིམ་བཞིན། །མཁས་པས་དེ་བས་ཆུང་ངུ་དབུལ། །ལྷ་བཤོས་དབུལ་བ་བར་བར་དུ། །ཅི་དགར་ཁྱད་པར་ཅན་གྱིས་བྱ། །མཆོད་པའི་བཤོས་ནི་བཟང་པོ་དག་།གཙང་ཞིང་རབ་ཏུ་རྒྱ་ཆེ་ཞིང། །དཀྱིལ་འཁོར་དག་ཏུ་ལྷ་རྣམས་ཀུན། །རབ་ཏུ་མཉེས་ཤིང་འགོ་བར་འགྱུར། །དབུལ་བར་བྱ་བ་རྣམས་ལ་ནི། །བར་དུ་ཁ་ཅིག་ཆད་འགྱུར་ན། །དེ་ལས་གཞན་པ་དག་ལ་ནི། །མཁས་པས་ལྷ་བཤོས་ལྷགས་ཏེ་དབུལ། །འབུལ་བ་ཧ་ཅང་ཉུང་བ་གང ། །རིགས་ཀྱི་བདག་པོར་དབུལ་བར་བྱ། །ཡང་ན་སྙིང་པོར་དཀྱིལ་འཁོར་དུ། །ཀུན་གྱི་སྤྱི་ལ་མ་ལུས་དབུལ། །ཡང་ན་གང་དང་གང་བཤམས་པ། །དེ་དེ་མཁས་པས་ཐམས་ཅད་དུ། །དཀྱིལ་འཁོར་དང་པོའམ་གཉིས་པའམ།།
205a
༄#། །གསུམ་པ་དག་ཏུ་དབུལ་བྱས་ནས། །རིགས་དག་རྣམས་དང་ཁྱད་མེད་པའི། །ཉེས་པ་འགའ་ཡང་ཡོད་མིན་པས། །དཀྱིལ་འཁོར་དག་ནི་མ་བརྩམས་པར། །བག་དང་ཆས་ཏེ་བརྟག་པར་བྱ། །དང་པོ་ཆུ་ཤིང་པད་མོ་སོགས། །ལོ་མའམ་འདབ་མ་བཏིང་བྱས་ནས། །སཝསྟི་ཀ་ལ་སོགས་པ་ཡི། ། བཅའ་བ་དག་ནི་དབུལ་བྱ་ཞིང ། །དེ་བཞིན་འབྲས་ཆན་ལ་སོགས་པ། །བཟའ་བ་དག་ཀྱང་རིམས་བཞིན་དབུལ། །དེ་ཡི་འོག་ཏུ་རྡོ་གུ་དང ། །རྩ་བ་འབྲས་བུ་ལ་སོགས་དབུལ། །གཏོར་མ་གང་ཡིན་ལས་དག་ལ། །བཅའ་བ་རྣམ་པ་སྣ་ཚོགས་པ། །ནས་དང་གྲོ་ལས་བྱས་པ་ཡི། །དྲི་ཞིམ་པ་དང་ལེགས་པའང་དབུལ། །ཧཝགས་ནི་རྣམ་པ་སྣ་ཚོགས་དང ། །ལ་དུ་དག་དང་ལ་བ་ནི། །པེ་ན་མ་དུ་ཤིར་ཤ་དང ། །སྣུམ་ཁུར་ཨ་ཤོ་བརྟ་དང ། །ཤྲི་ཀ་ད་ཚི་ལ་ཀ་དང ། །པརྤ་ཏ་དང་པརྤ་ནི། ། ར་ཙ་ཧ་ས་གུ་ཧ་དང ། །ཀར་པོད་ཀ་རི་ཀ་ཉིད་དང ། །པུ་ཤ་པརྟ་ཧ་བི་དང ། །པུརྞ་དེ་བཞིན་ཞི་ཐེའུ་དང ། །བརྟི་པུཥྤ་བེ་ཏི་མ། །པཏྟི་ཁ་དང ། ཁརྫུ་བ། །སརྫ་ཀ་དང་མན་ད་ཀ་།ཛ་ལི་ཏི་བི་ཀ་དང་ནི། །ཤས་ཀུ་ལ་དང་མོ་ཏ་ཀ་།སྣུམ་ཚོས་སྣ་ཚོགས་ཁ་རར་བཅས། །ུ་ལོ་བི་ག་ཀུ་ལ་དང ། །དེ་བཞིན་དུ་ནི་གླང་ན་དང ། །མ་ཤའི་ཁུར་བ་ལ་
205b
སོགས་དང ། །ཤུས་ཀ་ཀ་དང་ལོ་མའི་དབྱིབས། །བརྟ་ཀ་དང་བེ་རེག་དང ། །སཝ་ཡ་ལི་ཀ་དྭ་ཙེ་དང ། །དེ་ལ་སོགས་ཏེ་སྣ་ཚོགས་པའི། །བཅའ་བ་དག་ནི་འདིར་དབུལ་ལོ། །ཀྲིས་ར་དང་འོ་ཐུག་དང ། །འབྲས་ཐུག་ཆུ་དང་སྦྱར་བ་དང ། །ཞོ་དང་དར་བ་ནས་ཐུག་དང ། །ཁ་དོག་དམར་དང་སེར་སོགས་བསྒྱུར། །ལོ་མ་བཏིང་བ་འདི་དག་ནི། །ཁམ་ཕོར་དག་ནས་དབུལ་བར་བྱ། །དེ་ནས་སཱ་ལུའམ་དྲུག་ཅུ་ཡི། །འབྲས་ཆན་བུངས་ནི་མི་ཆུང་དབུལ། །དེ་ནས་ཚོད་མ་སྣ་ཚོགས་པ། །གཡོས་ལེགས་པ་ལ་དྲི་ཞིམ་པ། །སྲན་ཆུང་ཚོད་མ་ལ་སོགས་པའི།། ཚོད་མ་རྣམ་པ་སྣ་ཚོགས་དབུལ། །འབྲས་ཆན་ཞོ་སྦྱར་བུ་རམ་ཆན། །ཁམ་ཕོར་དག་ནས་དབུལ་བར་བྱ། །མཁས་པས་ཟས་རྣམས་བཟང་པོ་དག་།གང་ཡང་རུང་བས་ལྷ་བཤོས་དབུལ། ། ཆོ་ག་ཤེས་པས་ཟས་རྣམས་ནི། །དཀར་གསུམ་འབྱུང་བོ་ཐམས་ཅད་ལ། །རྒྱ་ཆེན་པོ་ནི་སྣ་ཚོགས་པ། །ཇི་ལྟར་རིགས་པར་སྦྱར་བར་བྱ། །འབྲས་ཆན་མར་ཞོ་འོ་མ་སྦྱར། །དཀར་གསུམ་ཞེས་བྱ་འོ་ཐུག་དང ། །ཀྲི་སར་སྲན་ཚོད་དང་སྤྱར་བ། །དེ་མིང་འབྱུང་པོ་ཐམས་ཅད་པའི། །བཅའ་བ་མང་བཅས་རྒྱ་ཆེན་དེ། །ནས་ཐུག་དང་སྦྱར་སྣ་ཚོགས་པའོ། །དེ་ལྟར་ཁ་ཟས་རྣམ་པ་དྲུག་།ཅི་ནུས་པར་ནི་དབུལ་བར་བྱ། །དྲི་མི་ཞིམ་དང་བསྐ་བ་དང ། །ཁ་བ་དང་ནི་ཚ་བ་དང ། །ཚོད་མ་ཞག་ཏུ་ལོན་པ་དང ། །བཀྲ་མི་ཤིས་པ་རྣམ་པར་སྤང ། །ཚོད་མ་རྣམས་ནི་མ་འབྱོར་ན།
206a
༄#། །སྲན་ཚེད་གཅིག་པུ་དབུལ་བར་བྱ། །ཞོ་ནི་ཀུན་ཏུ་འབྲས་ཆན་གྱིས། །སྟེང་དུ་བསྒོས་ཏེ་བླུགས་པར་བྱ། །འོ་ཐུག་མ་ཤའི་སྲན་ཚོད་དང ། །ཞོ་དང་འབྲས་ཆན་སཝ་སྟི་ཀ་།ཀྲི་ས་ར་དང་དྲུག་པོ་དག་།གཏོར་མའི་ལས་ལ་རྟག་མི་སྤང ། །དབུལ་པོའི་གཏོར་མའི་ལས་ལ་ནི། །དྲུག་པོ་ཁོ་ན་བརྗོད་པར་བྱ། །དེ་དག་གང་ཡང་རུང་བ་ཞིག་།ཉམས་དང་གཏོར་མའི་ལས་ཉམས་སོ། །འོ་ཐུག་ནང་དུ་སྦྲང་རྩི་གདབ། །དེ་བཞིན་ཞོ་དང་བུ་རམ་གདབ། །སྲན་ཚོད་ནང་དུ་མར་མེ་གདབ། །བདོག་ན་སྒེའུ་གཤེར་དག་ཀྱང་གདབ། །འབྲས་ཆུ་དག་དང་རྩ་བ་དང ། །རྣམ་པ་སྣ་ཚོགས་བསྒྲིམས་ཏེ་གདབ། །ལྷ་རྣམས་དང་ནི་གསང་སྔགས་དང ། །ཁྱད་པར་དུ་ཡང་དེ་ལ་དགྱེས། ། ་མྲ་འབྲ་གོ་བལ་པོ་སེའུ། །རྒུན་འབྲུམ་རྒྱ་ཤུག་ཏིན་ཏུ་ཀ་།ཀ་པིད་པཱི་ཛ་པུ་ར་དང ། །ན་རད་ཀ་དང་བ་ན་ས། །སྐྱུར་ཤིང་ལ་ཀུ་ཆུ་ཤིང་འབྲས། །བྷ་བྱ་བ་ར་བརྟ་དང ། །ཤི་རི་ཛམྤུ་སྐྱུ་རུ་ར། །ཀ་ར་མ་ཏ་བ་རི་ཡ། །དེ་ལ་སོགས་པའི་འབྲས་བུ་ནི། །རྣམ་པ་སྣ་ཚོགས་སྨིན་པ་དག་།མཁས་པས་གཏོར་མའི་ལས་ལ་ནི། །གུས་པ་དག་ཏུ་དབུལ་བར་བྱ། །ན་རི་ཀེ་ར་བིལ་བའི་འབྲས། །ཏ་ལ་དང་ནི་སེའུ་འབྲུ་དང ། །དེ་ལ་སོགས་པའི་གེལ་བ་ཡི། །འབྲས་བུ་དག་ནི་རྣམ་པར་སྤང ། །རྡོ་བའི་རྡོ་གུ་དག་དང་ནི། །བི་ཏ་ར་
206b
ལ་སོགས་པ་ཡི། །ལྡུམ་བུ་བཤུས་པ་བཟང་པོ་དག་།ཐམས་ཅད་དུ་ནི་དབུལ་བར་བྱ། །སུ་ར་ན་ཡི་རྩ་བ་དང ། །ཀརྱ་དུ་ཏན་ཏ་ཉིད་དང ། །དེ་ལ་སོགས་པའི་རྡོ་གུ་ནི། །མི་ཤེས་པ་དག་རྣམ་པར་སྤངས། །འབྲས་བུའི་མཆོག་ནི་བལ་པོའི་སེའུ། །རྡོ་གུའི་མཆོག་ནི་བི་དི་རི། །དེ་དག་བློ་དང་ལྡན་པ་ཡིས། །བསྒྲིམས་ཏེ་དཀྱིལ་འཁོར་དག་ཏུ་དབུལ། །སྲན་ཆན་རྣམ་པ་སྣ་ཚོགས་དང ། །ཏིལ་ནི་ཁ་ཚོས་དང་བསྲེས་པ། །དེ་དག་དཀྱིལ་འཁོར་ཕྱི་རོལ་གྱི། །ལྷ་ལ་གོ་རིམ་བཞིན་དུ་དབུལ། །དེ་ནས་མེ་ཏོག་དཀར་པོ་དང ། །ཏིལ་དང་འབྲས་ཡོས་དཀྱིལ་འཁོར་དགྲམ། །མ་ཐར་ཕྱོགས་ཀྱི་གཏོར་མ་ནི། །རྒྱ་ཆེན་ཕྱོགས་རྣམས་ཀུན་ཏུ་སྦྱིན། །འབྲས་ཡོས་དང་ནི་ཏིལ་དུ་བཅས། །འབྲས་ཆན་མེ་ཏོག་ཆུ་དང་བཅས། །སྲན་ཆན་བཅས་ཤིང་མང་དུ་བྱ། །མར་དང་ཆག་ཆག་བཅས་པ་ཡིས། །གཏོར་མ་འདི་འདྲ་སློབ་དཔོན་གྱི། །ལག་ཏུ་བླངས་ཏེ་བཀའ་བཞིན་དུ། །ཕྱོགས་མཚམས་ཀུན་ཏུ་གསུམ་གསུམ་དབུལ། །མཆོད་ཡོན་དང་ནི་བདུག་པའང་སྦྱིན། །སྲིན་པོ་རྣམས་དང་ཤ་ཟ་དང ། །འབྱུང་པོ་རྣམས་དང་ཤ་རྗེན་ཟ། །སེམས་ཅན་རྣམ་པ་སྣ་ཚོགས་ལ། །མཁས་པས་གཏོར་མ་ཕྱོགས་སུ་གཏོང ། །སེམས་ལ་གང་དང་གང་དྲན་པ། །དེ་དག་ཀུན་ལ་གཏོར་མ་སྦྱིན། །ས་ཕྱོགས་དེ་ཡིས་སེམས་ཅན་ནི། །ལྗོན་ཤིང་གེལ་པར་གནས་རྣམས་ལ།
207a
༄#། །སྦྱིན་བྱ་གལ་ཏེ་འཐོར་བའི་ཚེ། །གློ་བུར་ལྕེ་སྤྱང་སྒྲ་གྲག་ན། །དེར་ནི་མཉམ་བཞག་མ་འཁྲུལ་བར། །གཏོར་མ་ཡང་དང་ཡང་དུ་སྦྱིན། །ལྕེ་སྤྱང་སྒྲ་དང་སྒྲ་ཆེན་དང ། །འབྱུང་པོ་དག་ནི་སྣང་བ་དང ། །ལྗོན་ཤིང་ཡལ་ག་ཆག་སོགས་དང ། །འབྲུག་གི་སྒྲ་ནི་གྲག་པ་དང ། །དེལ་སོགས་པ་ཡི་མཚན་ལྟས། །གལ་ཏེ་དེར་ནི་འབྱུང་འགྱུར་བ། །གཏོར་མ་ཇི་ལྟར་རིགས་བྱིན་ནས། །བསྲུང་བའི་ལས་ནི་བྱ་བར་བྱ། །ཅི་ཐོས་ཇི་ལྟར་ཤེས་པ་དང ། །ཅི་མཐོང་རིམ་པ་ཇི་ལྟར་བར། ལྷ་རྣམས་ཀུན་ལ་ཕྱོགས་དག་ཏུ། །དེ་བཞིན་གཏོར་མ་སྦྱིན་པར་བྱ། །དེ་ལྟར་ཕྱོགས་ཀྱི་གཏོར་མ་དག་།བྱིན་ནས་ལེགས་པར་ལག་བཀྲུས་ཏེ། །ཉེ་རེག་བྱས་ནས་ཕྱི་རོལ་ཏུ། །མཁས་པ་ཡིས་ནི་བདུག་སྤོས་སྦྱིན། །དེ་ནས་ནང་དུ་ཞུགས་ནས་ནི། །མཆོད་ཡོན་སྔ་མ་བཞིན་ཕུལ་ནས། །བདུག་སྤོས་དག་གིས་བདུག་ནས་སུ། །ཡིད་ཀྱིས་མཆོད་པའི་བཤོས་རྣམས་དབུལ། །དཀྱིལ་འཁོར་དབུ་མའི་ལྷ་རྣམས་ནི། །ཐམས་ཅད་ལ་ཡང་ནན་ཏན་དུ། །རས་ནི་དཀར་ལ་ཕྲ་བ་དག་།རེ་རེ་ལ་ཡང་ཟུང་རེ་དབུལ། །འབྱོར་ན་ལྷ་རྣམས་ཐམས་ཅད་ལ། །རས་ནི་ཟུང་རེ་དབུལ་བར་བྱ། །མ་འབྱོར་ན་ཡང་རིགས་གསུམ་གྱི། །བདག་པོ་རྣམས་ལ་ཟུང་རེ་དབུལ། །ཡང་ན་ཆོ་ག་ཤེས་པ་ཡི། །དཀྱིལ་འཁོར་དབུས་སུ་
207b
རས་ཕྲན་ནི། །ཟུང་གཅིག་སློབ་མའི་སྟེང་བཞག་སྟེ། །ཕུལ་ནས་ཀུན་ལ་བསྔོ་བར་བྱ། །དེ་ནས་སོ་སོའི་གསང་སྔགས་ནི། །རེ་རེའང་བདུན་བདུན་བཟླས་བརྗོད་བྱ། །དཀྱིལ་འཁོར་བདག་པོའི་གསང་སྔགས་ཀྱང ། །བརྒྱ་རྩ་བརྒྱད་དུ་བཟླས་པར་བྱ། །ཡང་ན་རིགས་ཀྱི་སྙིང་པོ་རྣམས། །རེ་རེ་ཞིང་ཡང་བརྒྱ་བརྒྱ་བཟླས། །དེ་ནས་སོ་སོའི་ཕྱག་རྒྱ་རྣམས། །བཟླས་བརྗོད་གསུམ་བྱས་རིམ་བཞིན་བཟླས། །ཡང་ན་སྤྱི་ཡི་ཕྱག་རྒྱ་ནི། །རེ་རེ་ལ་ཡང་སོ་སོར་བསྟན། །དེ་ལྟར་བྱས་ན་མཉེས་པ་དང ། །བྱིན་གྱིས་རློབ་ཅིང་དངོས་གྲུབ་སྩོལ། །ཐལ་མོ་སྦྱར་བ་བཀན་པ་ལས། །མཛུབ་མོ་གཉིས་ནི་ཅུང་ཟད་བཀུག་།འདི་ནི་དེ་བཞིན་གཤེགས་རིགས་ཀྱི། །དམ་ཚིག་ཕྱག་རྒྱར་ཤེས་པར་བྱ། །ཐལ་མོ་ལེགས་པར་སྦྱར་བ་ལས། །སོར་མོ་དབུས་མ་གསུམ་འགྱེད་པ། །འདི་ནི་པདྨའི་ཕྱག་རྒྱ་སྟེ། །པདྨ་ཁ་བྱེའི་མཚན་ཉིད་དེ། །ལག་པ་གཉིས་ནི་རྒྱབ་བསྣོལ་ཏེ། །མཐེའུ་ཆུང་གཉིས་དང་མཐེབ་གཉིས་དཀྲི། །འདི་ནི་རྡོ་རྗེའི་ཕྱག་རྒྱ་སྟེ། །རྡོ་རྗེའི་རིགས་ལ་བཤད་པ་ཡིན། །དཀྱིལ་འཁོར་རྣམས་ནི་ཐམས་ཅད་ལ། །དམ་ཚིག་གསུམ་གྱི་ཕྱག་རྒྱ་རྣམས། །རིགས་གསུམ་དག་ལ་བཤད་པ་སྟེ། །སྤྱི་ཡི་ཡིན་པར་རབ་ཏུ་བསྒྲགས། །བསྲུང་བའི་ལས་དང་ཕྱོགས་བཅིང་བ། །ལྷ་རྣམས་ལ་ནི་བསྐུལ་བ་དང ། །དབང་བསྐུར་བ་ཡི་ཆོ་ག་དང ། །བགེགས་རྣམས་དག་ནི་བཟློག་པ་དང ། །མེ་ཏོག་
208a
༄#། །སོགས་ལ་གདབ་པ་དང ། །དེ་བཞིན་དགྲ་རྣམས་ཞི་བྱ་དང ། །གདོན་རྣམས་ཚར་གཅད་བྱ་བ་དང ། །བཅིང་བ་དང་ནི་དགྲོལ་བ་དང ། །ཕྱག་རྒྱ་ཕྱག་རྒྱ་ལེའུ་ལས་ནི། །རྒྱས་པར་ཡང་དག་བཤད་པ་ཡིན། །དེ་དག་གི་ནི་དཀྱིལ་འཁོར་དུ། །རྣམ་པར་དབྱེ་སྟེ་ལས་རྣམས་བྱ། །གསང་སྔགས་གང་རྣམས་སྔར་བཤད་པ། །དེ་དག་ཐམས་ཅད་རྒྱར་བཅས་ཏེ། །བསྲུང་བ་དག་ལ་སོགས་པ་ལ། །འདིར་ནི་ཆོ་ག་བཞིན་དུ་སྦྱར། །གདོན་ལ་སོགས་པ་ཁྱད་པར་དུ། །རྡོ་རྗེ་ཐོ་བས་མཚམས་བཅད་དོ། །གདོན་གྱི་དཀྱིལ་འཁོར་དག་ཏུ་གང ། །ཕྱག་རྒྱ་བཅོ་བརྒྱད་བཤད་པའང་སྦྱར། །རྡོ་རྗེ་ལྕགས་ཀྱུས་དགུག་པར་བྱ། །བཅིང་བ་རྡོ་རྗེ་ལྕགས་སྒྲོག་གིས། །རྡོ་རྗེ་ཁུ་ཚུར་འདུལ་བ་ལ། །རྡོ་རྗེ་སྡེར་མོ་སྡིགས་པ་ལ། །ཁྲོ་བོ་ཆེན་པོ་སྟོབས་པོ་ཆེ། །དམ་ཚིག་འཛིན་དུ་གཞུག་ལ་སྦྱར། །རིགས་སྔགས་རྒྱལ་པོ་གནོད་མཛེས་ནི། །ཕྱག་རྒྱར་བཅས་ལ་གདོན་རྣམས་འཇོམས། །རབ་ཏུ་དྲག་པོའི་གདོན་རྣམས་ལ། །རྡོ་རྗེ་ཐོ་བ་སྦྱར་བ་ནི། །བརྩོན་འགྲུས་མཐུ་རྩལ་ཆེན་པོ་སྟེ། །གཅིག་པུས་ཀྱང་ནི་ལས་རྣམས་འགྲུབ། །གདོན་ལས་སྦྱར་བའི་ཕྱག་རྒྱ་ནི། །མ་ལུས་པ་དག་འབར་འགྱུར་ཞིང ། །དེ་དག་གི་ནི་མཐུ་སྟོབས་ཀྱང ། །དེར་ནི་ལྷག་པར་མངོན་པར་འགྱུར། །དེ་བས་གདོན་རྣམས་ཚར་བཅད་པར། །ཕྱག་
208b
རྒྱ་དག་ནི་འབད་དེ་སྦྱར། །ལས་ལ་ཇི་ལྟར་མཐོང་བ་བཞིན། །གཞན་དག་ཀྱང་ནི་སྦྱར་བར་བྱ། །དེ་ནས་ཡམ་ཤིང་དག་གིས་ནི། །སྦྱར་བའི་མེ་ལ་སྦྱིན་སྲེག་བྱ། །ཤར་དུ་ཁ་བལྟས་ཀུ་ཤ་ཡི། །ཁྲེས་ལ་འདུག་སྟེ་མཉམ་བཞག་སྟེ། །ཀུ་ཤ་དགྲམ་དང་བསང་བ་ཡང ། །གཡས་ཕྱོགས་དག་ནས་བསྐོར་བྱ་ཞིང ། །མཆོད་སྦྱིན་ཡམ་ཤིང་མེ་ལ་སྦྱར། །ཐོག་མ་དང་ནི་ཐ་མར་ཡང ། །མར་གྱི་སྲེག་བླུགས་དགང་བླུགས་ཀྱིས། །སོ་སོ་དག་ཏུ་དབུལ་བར་བྱ། །གོང་དུ་བཟླས་བརྗོད་ཇི་སྐད་བཤད། །སྦྱིན་སྲེག་དག་ཀྱང་དེ་བཞིན་བསྒྲགས། །ཡང་ན་རེ་རེའི་ཆེད་དུ་ཡང ། །ཞི་བའི་སྔགས་ཀྱིས་སོ་སོར་བྱ། །གསང་སྔགས་ཐམས་ཅད་རིམ་བཞིན་དུ། །རེ་རེ་ནས་ཀྱང་དྲན་བྱས་ལ། །སྲེག་བླུགས་བདུན་བདུན་བསྲེག་བྱ་ཞིང ། །ཡང་ནས་ཡང་དུ་བསང་གཏོར་བྱ། །དེ་ནས་མཇུག་ཏུ་མེ་བསངས་ནས། །ཞི་བ་ཡི་ནི་གསང་སྔགས་ཀྱིས། །སྲེག་བླུགས་བརྒྱ་རྩ་བརྒྱད་ཕུལ་ནས། །ལྷ་རྣམས་ཀུན་ལ་བཟོད་པར་གསོལ། །སེམས་ནི་རབ་ཏུ་དད་བྱས་ལ། །དཀྱིལ་འཁོར་དུ་ནི་བདུག་སྤོས་དབུལ། །དེ་ནས་རིགས་ཀྱི་བདག་པོ་ལ། །བསྟོད་པ་དག་ནི་ལེགས་པར་བྱ། །སྡིག་པ་རྣམས་ཀྱང་གུས་པར་བཤགས། །བསོད་ནམས་རྗེས་སུ་ཡི་རང་བྱ། །དེ་ལྟར་བསླབས་ཤིང་ཅི་འདོད་པས། །སྨོན་ལམ་དག་ཏུ་བཏབ་ནས་སུ། །དཀོན་མཆོག་གསུམ་ལ་སྐྱབས་འགྲོ་བ། །ཡང་དང་ཡང་དུ་གུས་པར་བྱ། །ཕྱིར་
209a
༄#། །མི་ལྡོག་པའི་དགེ་འདུན་དང ། །རིགས་སྔགས་གསང་སྔགས་ཚོགས་ལ་ཡང ། །ཡིད་ལ་བསམས་ཏེ་ཡང་དང་ཡང ། །བྱང་ཆུབ་ཏུ་ནི་སེམས་ཀྱང་བསྐྱེད། དེ་ལྟར་བྱས་ནས་དེ་འགོ་ཏུ། །གླེགས་བམ་ཅུང་ཟད་བཀླག་པར་བྱ། །དཀྱིལ་འཁོར་དག་ཏུ་སྤྱན་དྲང་བའི། །ཆོ་ག་ལེགས་པར་བྱས་ནས་ནི། །བདུག་སྤོས་རྒྱུན་མི་འཆད་པར་དབུལ།། ཡང་དང་ཡང་དུ་མཆོད་ཡོན་གསོལ། །དེ་ལྟར་ཆོ་ག་འདི་བྱས་ནས། །ལྷ་རྣམས་ལ་ཡང་ཕྱག་བྱས་ཏེ། །བློ་དང་ལྡན་པས་ཆོ་ག་འདིས། །སློབ་མ་རྣམས་ནི་ལེགས་པར་གཟུང ། །སློབ་མ་རེ་རེ་ནས་འདུག་སྟེ། །བསང་གཏོར་སྔ་མ་བཞིན་བྱས་ནས། །བྱུག་སྤོས་ལ་སོགས་བྱིན་ནས་སུ། །སྙིང་པོ་མངོན་པར་སྔགས་ནས་ནི། །ལས་ཀུན་བྱེད་པའི་གསང་སྔགས་ཀྱིས།། བཏབ་པའི་གོས་ཀྱིས་གདོང་གཡོགས་ཏེ། །སྔར་བསྟན་པ་ཡི་ཕྱག་རྒྱ་ལ། །མེ་ཏོག་དག་ནི་བཞག་ནས་སུ། །དེ་ནས་དཀྱིལ་འཁོར་བདག་པོའི་སྔགས། །ཕྱག་རྒྱར་བཅས་པ་སྤྱི་པོར་གཞག་།གསང་སྔགས་ལན་གསུམ་བཟླས་བྱས་ནས། །ཉིད་ཀྱི་བདེན་པའི་བྱིན་རླབས་གསོལ། །འདི་ལྟར་བདག་གི་སློབ་མ་འདི། །དཀྱིལ་འཁོར་དུ་ནི་ལེགས་བཙུད་ན། །ལྷ་ཡི་རིགས་ཀྱི་རིམ་པ་དག་།འདི་ཡི་བསོད་ནམས་ཅི་འདྲ་ལས། །དེ་བཞིན་དུ་ནི་འབབ་གྱུར་ཅིག་།འདིས་ནི་དངོས་གྲུབ་གང་འགྲུབ་དང ། །རིགས་ནི་གང་གི་སྣོད་དུ་འགྱུར།།
209b
བསོད་ནམས་མཐུ་ནི་ཅི་ཡོད་པ། །དཀྱིལ་འཁོར་འདིར་ནི་དེ་བཞིན་འགྱུར། །དེ་སྐད་བརྗོད་ནས་དེ་འོག་ཏུ། །དེ་ནས་སྒོ་ཡི་ཕྱོགས་སུ་དེ། །བཞག་སྟེ་མེ་ཏོག་གཏོར་དུ་གཞུག་།གང་དུ་མེ་ཏོག་བབ་གྱུར་པ། །དེ་ནི་དེ་ཡི་རིགས་སུ་གསུངས། །དེ་ནས་གདོང་གཡོགས་བཀྲོལ་ནས་ནི། །དཀྱིལ་འཁོར་བཟང་པོ་བསྟན་པར་བྱ། །དེ་ནས་བླ་མ་དགའ་གྱུར་ནས། །སློབ་མ་དེ་ལ་འདི་སྐད་བསྒོ། །དཀྱིལ་འཁོར་བཟང་པོ་འདི་ལ་ལྟོས། །དེ་ནི་དད་པ་རབ་ཏུ་བསྐྱེད། །ཁྱོད་ནི་སངས་རྒྱས་རིགས་སུ་སྐྱེས། །སྔགས་དང་རིགས་པས་བྱིན་གྱིས་བརླབས། །འགྲོ་བ་ཕུན་སུམ་དངོས་གྲུབ་ཀྱང ། །ཐམས་ཅད་ཁྱོད་ལ་མངོན་དུ་འགྱུར། །དངོས་སྒྲུབ་ཕྱིར་ནི་དམ་ཚིག་སྲུང ། །གསང་སྔགས་དག་ལའང་བརྩོན་པར་གྱིས། །དེ་ནས་སློབ་མ་བདག་ཉིད་ཀྱིས། །མེ་ཏོག་སྙིམ་པ་བཀང་ནས་ནི། །རིགས་གསུམ་དག་ལ་བསྔོས་ནས་སུ། །ཕྱག་བཙལ་ལན་གསུམ་གཏོར་བར་བྱ། །དེ་ནས་དེ་ཚེ་སློབ་དཔོན་གྱིས། །དཀྱིལ་འཁོར་དེར་ནི་རང་སྔགས་སམ། ། སྙིང་པོ་སྦྱིན་བྱ་དེས་ཀྱང་དེ། །མནོས་ན་དཀྱིལ་འཁོར་གཉིས་པོར་བཟླས། །དངོས་གྲུབ་རབ་འབྲིང་རྣམ་གསུམ་ནི། །མེ་ཏོག་བབ་པ་ལས་བརྟགས་ཏེ། །ལྷ་རྣམས་ཀྱི་ནི་ཁྱད་པར་དང ། ། ནས་ཀྱི་ཁྱད་པར་དག་ལས་བརྟག་།གང་ཚེ་སངས་རྒྱས་བཅོམ་ལྡན་གྱི། །དབུ་ལ་མེ་ཏོག་བབ་གྱུར་ན། །དེ་ཚེ་གཙུག་ཏོར་མཛོད་སྤུ་དག་།གདོན་མི་ཟ་བར་འགྲུབ་པར་འགྱུར། །
210a
༄#། །སྤྱན་ལ་སོགས་པའི་སྔགས་རྣམས་ཀྱང ། །ཞལ་དུ་བབ་ན་འགྲུབ་པར་འགྱུར། །སྟོད་དུ་བབ་ན་མཆོག་རྣམས་འགྲུབ། །རྐེད་དུ་བབ་ན་འབྲིང་རྣམས་འགྲུབ།། རོ་སྨད་ཕྱོགས་སུ་བབ་ན་ནི། །དངོས་གྲུབ་ཕལ་རྣམས་འགྲུབ་པར་འགྱུར། །བར་གྱི་སྐུ་ལ་བབ་ན་ནི། །སྙིང་པོ་ལ་སོགས་འགྲུབ་པར་འགྱུར། །སྨད་དུ་བབ་པར་གྱུར་ན་ནི། །མངག་གཞུག་ལ་སོགས་འགྲུབ་པར་འགྱུར། །རིམ་དེས་པདྨ་རྡོ་རྗེ་ཡི། །རིགས་ཀུན་ལ་ཡང་བསྒྲེ་བར་བྱ། །དེ་བཞིན་ལྷ་གཞན་རྣམས་ལ་ཡང ། །དངོས་གྲུབ་རྣམ་པ་གསུམ་དུ་བཤད།། གལ་ཏེ་ལྷ་ཡི་གཟུགས་དག་ལས། །རིང་དུ་མེ་ཏོག་ལྷུང་གྱུར་ན། །དེ་ཡི་དངོས་གྲུབ་ཡུན་རིང་འགྱུར། །ཉེན་དངོས་གྲུབ་མྱུར་དུ་འགྲུབ། །གསང་སྔགས་ཀྱི་ནི་མཆོད་པ་དག། གང་དུ་བཀྲམ་པ་ཚུན་ཆད་ནི། །དེ་ཡི་ས་རིས་དེ་ཡིན་ཏེ། །མེ་ཏོག་དེར་ལྷུང་དེ་ཡི་རིགས། །ལྷ་གཉིས་ཀྱི་ནི་བར་དག་ཏུ། །གལ་ཏེ་མེ་ཏོག་བབ་གྱུར་ནས། །གང་ལ་ཉེ་བར་གྱུར་ན་ནི། །དེ་ནི་དེ་ཡི་རིགས་སུ་བཤད། །གལ་ཏེ་ལ་ལའི་མེ་ཏོག་དག་།དཀྱིལ་འཁོར་དང་པོ་འདས་ལྷུང་ན། །དེ་ལ་དངོས་གྲུབ་ཕལ་འགྲུབ་ཅིང ། །དེ་ནི་དད་པའང་རབ་ཏུ་ཆུང ། ། གལ་ཏེ་མེ་ཏོག་བོར་བ་དག་།ར་བའི་རི་མོ་ལ་བབ་ན། །ཞི་བ་བྱས་ནས་དེ་ནས་གདོད། །ནན་ཏན་བསྐྱེད་དེ་འདོར་དུ་གཞུག་།དེ་ཚེ་ཐ་ཚོམ་གྱུར་ན་ནི། །མཁས་པས་བཟླས་
210b
ཏེ་འདོར་མི་གཞུག་།དེར་ནི་གང་ཡང་དེས་མེད་པས། །དེས་ནི་དངོས་གྲུབ་ཐོབ་མི་འགྱུར། །གཉིས་ཀྱི་བར་དུ་མཉམ་པ་དང ། །དོན་མེད་ཕྱིར་རོལ་ལྷུང་བ་ནི། །ཞི་བའི་སྦྱིན་སྲེག་བྱས་རྣམས་ནི། །དེ་ནས་མེ་ཏོག་འཐོར་དུ་གཞུག་།སྙིང་པོར་མེ་ཏོག་བབ་ན་ནི། །རྟག་ཏུ་དོན་མེད་མི་འགྱུར་བ་བཤད། །སྲད་བུ་དག་གི་ཆོ་ག་བཞིན། །དེ་ཡིས་ས་འཁོར་ཤེས་པར་བྱ། །རིགས་གསུམ་ལ་ཡང་ཆོ་ག་བཞིན། །དཀྱིལ་འཁོར་རྣམ་པ་གསུམ་དུ་བརྟག་།ཇི་ལྟར་གནས་པའི་ཚུལ་དག་ལས། །གཙོ་བོ་རྣམས་ཀྱི་རིམ་གྱིས་བསྐྱེད། །ཤེས་རབ་ཕ་རོལ་ཕྱིན་དབུས་སམ། །དཀྱིལ་འཁོར་གྱི་ནི་གཙོ་བོ་དང ། །སྒོ་སྲུང་གཉིས་ལ་མཚུངས་གྱུར་ན། །ད་ལྟ་སྙིང་པོ་སྤྱོད་ཡུལ་ལེགས། །གལ་ཏེ་མེ་ཏོག་བོར་བ་དག་།མཆོད་པའི་སྟེང་དུ་བབ་འགྱུར་ན། །དེ་ནི་རྒྱས་པའི་བསྒྲུབ་པ་དག་།ཁྱད་པར་དུ་ནི་ཤེས་པར་བྱ། །དཀྱིལ་འཁོར་གྱི་ནི་བདག་པོ་ལ། །གང་གི་མེ་ཏོག་བབ་གྱུར་ན། །དེས་ནི་དེ་ཡི་ལས་རྣམས་གྱུར། །མྱུར་དུ་འགྲུབ་ཅིང་མཆོག་ཏུ་འགྱུར། །སངས་རྒྱས་བཅོམ་ལྡན་འདས་ལ་ནི། །གང་གི་མེ་ཏོག་བབ་གྱུར་པ། །དེ་ལ་རིགས་གསུམ་གསང་སྔགས་ཀུན། །གདོན་མི་ཟ་བར་འགྲུབ་པར་འགྱུར། །པདྨ་འཛིན་ལ་རིགས་གཉིས་འགྲུབ། །རྡོ་རྗེ་འཛིན་ལ་རང་རིགས་འགྲུབ། །ཡང་ན་ལྷ་ནི་བསྙན་པ་བཞིན། །གསང་སྔགས་འགྲུབ་པར་ཤེས་པར་བྱ། །གང་
211a
༄#། །གིས་གཉིས་དང་གསུམ་པ་ལས། །འདས་ཏེ་སོང་བར་གྱུར་ན་ནི། །དཀྱིལ་འཁོར་དེ་ནས་དབྱུང་བར་བྱ། །ཡང་ན་དཀྱིལ་འཁོར་གཞན་དུ་གཞུག་།དེ་ལ་སོགས་པའི་རྣམ་པ་ཡིས། །མེ་ཏོག་རྣམས་ནི་བོར་བ་ལས། །བདག་གི་མདུན་དུ་གང་ལྷུང་བ། །དེ་ལ་དེ་བཞིན་བརྩམ་པར་བྱ། །སྦྱིན་སྲེག་གིས་ནི་ཞི་བྱས་ནས། །དེ་ནི་སླར་ཡང་འདོར་དུ་གཞུག་།ལན་གསུམ་སྤོགས་ཏེ་མ་བབས་ན། །རེ་ཐག་བཅད་དེ་སླར་གཏང་ངོ ། །བློ་དང་ལྡན་པས་ཆོ་ག་འདིས། །སློབ་མ་ཐམས་ཅད་གཟུང་བར་བྱ། །བཙུད་ནས་མེ་ཏོག་དྲི་ལ་སོགས། །དཀྱིལ་འཁོར་དུ་ནི་དབུལ་བར་བྱ། །སློབ་མ་གཅིག་ནས་བཀུག་ནས་ནི། །ཆོ་ག་བཞིན་དུ་ཡོན་ཕུལ་ཏེ། །ཆོ་ག་ཤེས་པས་བསང་གཏོར་བྱ། །གཡོན་གྱི་ཕྱོགས་སུ་བཞག་ནས་ནི། །དེ་ཡིས་ལག་གཡས་མཐེ་བོང་ནས། །ལག་པ་གཡོན་གྱིས་བཟུང་ནས་ནི། །དཀྱིལ་འཁོར་བདག་པོའི་གསང་སྔགས་ཀྱིས། །མཁས་པས་སྲེག་བླུགས་བདུན་བདུན་བྱ། །དེ་ནས་ཞི་བའི་གསང་སྔགས་ཀྱིས། །མར་གྱི་སྲེག་བླུགས་ལན་བདུན་བྱ། །དེ་ནས་སློབ་མ་བླུགས་གཟར་གྱིས། །བསྐོར་ཞིང་ལན་བདུན་སྲེག་བླུགས་བྱ། །དེ་ནས་སྲད་བུས་བཅིངས་ནས་ནི། །བསང་གཏོར་སྔ་མ་བཞིན་བྱས་ནས། །སྙིང་གར་བྲམ་ཞིང་སྔགས་བཏབ་ལ། །ཇི་ལྟར་འདོད་པ་སླར་གཏང་ངོ ། །སློབ་མ་རྣམས་ནི་ཐམས་
211b
ཅད་ལ། །ཆོ་ག་འདི་ནི་བཤད་པ་ཡིན། །སྦྱིན་སྲེག་ལས་ནི་བ་མར་གྱིས། །བླུགས་གཟར་ཉིད་ཀྱིས་དེ་བཞིན་དུ། །ཀུ་ཤའི་ཆུ་དང་ཀུ་ཤའི་སྟན། །དེ་བཞིན་ཀུ་ཤའི་བསང་བྱེད་དང ། །ཀུ་ཤའི་དགྲམ་པ་དག་ཀྱང་ནི། །སྦྱིན་སྲེག་ལས་ལ་རབ་ཏུ་བྱ། །མཆོད་སྦྱིན་ཤིང་གི་པུད་ཤིང་ནི། །བ་མར་བསྐུས་པས་མེ་སྦར་ཏེ། །དེ་ལ་ཡམ་ཤིང་རློན་བསྲེག་པ། །སྦྱིན་སྲེག་དག་ལ་དེ་ལྟར་བསྲེག་།མར་གྱི་སྦྱིན་སྲེག་ཇི་སྙེད་པ། །ཏིལ་གྱི་སྦྱིན་སྲེག་དེ་སྙེད་བྱ། །འབྲས་ཆན་ཅི་དགར་བསྲེགས་ནས་ནི། །ཐ་མར་དགང་བླུགས་དེ་བཞིན་བྱ། །མེ་ནི་འབོད་དང་བཏང་བ་དག་།རང་གི་གསང་སྔགས་དག་གིས་བྱ། །དེ་ཡི་བསང་གཏོར་ལས་ཀུན་པའི། །གསང་སྔགས་དག་གིས་བྱ་བ་ཡིན། །དཀྱིལ་འཁོར་དུ་ནི་སྦྱིན་སྲེག་ལ། །གསང་སྔགས་བཤད་པ་གང་ཡིན་པ། །དེ་དག་གིས་ནི་ཆོ་ག་བཞིན། །མཁས་པས་དེར་ནི་སྦྱིན་སྲེག་བྱ། །དེ་ནས་གཞན་ཡང་ཞི་བ་དང ། །རྒྱས་པ་དང་ནི་དེ་བཞིན་དུ། །དྲག་ཤུལ་སྤྱོད་པའི་སྦྱིན་སྲེག་ལས། །ཁྱད་པར་དུ་ནི་བཤད་པར་བྱ། །ལས་དང་ཇི་ལྟར་རྗེས་མཐུན་པར། །དཀྱིལ་འཁོར་ཆོ་ག་བཞིན་བྲིས་ནས། །མཉམ་གཞག་ཟླས་ནི་འདི་དག་གིས། །སྦྱིན་སྲེག་ལས་ནི་རབ་ཏུ་དབྱེ། །བྱང་དུ་ཁ་བལྟས་ཞི་བའི་ཕྱིར། །ཤར་དུ་ཁ་བལྟས་རྒྱས་པའི་ཕྱིར། །ལྷོ་ཕྱོགས་ཁ་བལྟས་དྲག་པོ་ཡི། །སྦྱིན་སྲེག་ལས་ནི་བརྩམ་པར་བྱ། །ལས་རྣམས་
212a
༄#། །ཀུན་ལ་ཁ་རན་ནི། །ཟླུམ་པོ་དང་ནི་གྲུ་བཞི་དང ། །གྲུ་གསུམ་ཡིན་ཏེ་དཀར་པོ་དང ། །སེར་པོ་ནག་པོ་གསུམ་དུ་བསྒྲགས། །ཞི་བའི་ལས་ནི་པདྨའི་སྟན། ། རྒྱས་པའི་ལས་ནི་ཀུ་ཤའི་ཁྲེས། །དྲག་ཤུལ་སྤྱོད་ལ་སྟན་མེད་པར། །རྐང་པ་རྐང་པས་མནན་ཏེ་བྱ། །ལས་གསུམ་དག་ལ་ཞི་བ་དག་།དགའ་དང་དེ་བཞིན་ཁྲོ་བྱ་སྟེ། །མཁས་པས་མདོ་ལས་ཇི་སྐད་དུ། །འབྱུང་བའི་ཆོ་ག་དེ་བཞིན་བྱ། །ཞི་ལ་ཡམ་ཤིང་རྩེ་མོ་སྟེ། །དབུས་ཀྱི་ལས་ནི་རྒྱས་པ་ལ། །དྲག་ཤུལ་ཀུན་ལ་རྩ་བ་སྟེ། །ཡམ་ཤིང་རྣམ་པ་གསུམ་དུ་བཤད། །ཞི་བའི་ལས་ནི་ཀུ་ཤ་དང ། །ལོ་མ་ལ་སོགས་གྱོན་ནས་བྱ། །རྒྱས་པ་དུ་གུ་ལ་ལ་སོགས། །རས་ཕྲན་སེར་པོའི་ཡོངས་སུ་གྲགས། །མངོན་སྤྱོད་གོས་ནི་ནག་པོ་ལ། །ཁྲག་གིས་བཏབ་པས་བྱ་བ་ཡིན། །ཡང་ན་གོས་རྙིང་དྲི་མ་ཅན། །བགོ་བའམ་གཅེར་པུར་བརྩམ་པར་བྱ། །ནས་དང་སྦྲང་རྩི་འོ་མ་དང ། །མར་དང་འབྲས་ཡོས་འོ་ཐུག་དང ། །དཱུར་བ་མྱུ་གུ་ཀུན་འདའ་དང ། །ཙུ་ཏའི་ལོ་མ་ཙནྡན་དང ། །ུ་དུམ་ཨ་ཤཝད་པ་ལ་ཤ་།དེ་བཞིན་ཤ་མྱའི་ཡམ་སྲེག་ཤིང ། །དེ་ལ་སོགས་པ་ཐམས་ཅད་ནི། །ཞི་བའི་སྦྱིན་སྲེག་རྫས་ཡིན་ནོ། །འོ་ཐུག་ཞོ་དང་ལག་པན་དང ། །འོ་མ་དང་ནི་ནས་དཀར་ཅན། །ཏིལ་ནི་རྣམ་པ་གསུམ་སྦྱར་དང ། །སྒྲོན་ཤིང་ཤུ་ཏེ་ཉེ་འུ་ཤིང ། །ནཱ་ག་པུཥྤ་བིལ་བའི་འབྲས། །འབྲུ་རྣམས་
212b
དང་ནི་ཡམ་སྲེག་ཤིང ། །དེ་ལ་སོགས་པའི་རྫས་རྣམས་ནི། །རྒྱས་པའི་སྦྱིན་སྲེག་རྣམས་ལ་བཤད། །ཡུངས་ཀར་དང་ནི་སྐྱེ་ཚེ་ཁྲག་།ཡུངས་ཀར་མར་དང་དེ་བཞིན་དུ། །རུས་ཕྱེ་དུར་ཁྲོད་ཐལ་བ་དང ། །དེ་བཞིན་སྐྲ་ནི་གཏུབས་པ་དང ། །ཀོ་བི་ད་ར་མགལ་དུམ་དང ། །སེང་ལྡེང་དང་ནི་ཨ་རི་སྟ། །ཡམ་ཤིང་ཚར་མ་ཅན་ལ་སོགས། །དྲག་ཤུལ་ཅན་གྱི་རྫས་སུ་བཤད།། སྔགས་ཀྱི་རྒྱུད་ལས་མ་གསུངས་ཀྱང ། །བློ་དང་ལྡན་པའི་རྫས་འདི་རྣམས། །རབ་ཏུ་དྲག་པོའི་ལས་དག་ལ། །ཆོ་ག་བཞིན་དུ་སྦྱར་བར་བྱ། །སྦྱིན་སྲེག་ཆོ་ག་བྱས་ནས་ནི། །སློབ་མ་དབང་བསྐུར་འོས་རིགས་ནས། །ཆོ་ག་བཞིན་དུ་ནན་ཏན་དུ། །དབང་བསྐུར་བ་ཡི་ཆོ་ག་བྱ། །ལས་ཀུན་བྱེད་པའི་གསང་སྔགས་ཀྱིས། །བཏབ་པའི་སྟན་ནི་གསར་བཞག་སྟེ། །བཀྲ་ཤིས་ལ་སོགས་ཀུན་བྱས་ལ། །བསྲུང་བ་ནན་ཏན་ཆེར་བྱས་ཏེ། །དཀྱིལ་འཁོར་གྱི་ནི་སྔགས་བཟློས་ཤིང ། །སྤྱི་བོར་གདུགས་དཀར་བཟང་པོ་ལ། །མེ་ཏོག་ཕྲེང་བ་དཀར་པོས་བརྒྱན། །རས་ཕྲན་དཀར་པོ་དཔྱངས་པ་གཟུང ། །སློབ་མ་ཡོན་ནི་ཆེར་ཕུལ་ཞིང ། །བླ་མ་བསྙེན་བཀུར་བྱས་པ་དག་།སྟན་ལ་དེ་ནི་བཞག་ནས་སུ། །སྔགས་ཀྱིས་སྐྱོན་བསལ་བཀྲ་ཤིས་བྱ། །བདུག་པ་ལེགས་པར་སྦྱར་བ་ཡི། །གདུག་པ་ཁྲོ་བོའི་རྒྱལ་པོས་བདུག་།རྔ་ཡབ་ལ་སོགས་གཟུང་བ་དང ། །སྤྱི་བོ་སྟེང་དུ་གདུགས་ཀྱང་གཟུང ། །རྔ་མའི་བསིལ་ཡབ་བདུག་སྤོས་དང ། །ཞཝ་
213a
༄#། །དང་གོས་ཀྱིས་སློབ་མ་དགབ། །འདི་དག་དང་ནི་དེ་བཞིན་དུ། །བུམ་པ་བཞི་ཡང་བཤམས་ཏེ་དགོད། །ཤིན་ཏུ་བཀྲ་ཤིས་ཚིག་བཅད་བསྒྲགས་།དེ་བཞིན་བཀྲ་ཤིས་རྒྱ་ཆེར་གདོན། །འབྱོར་པར་འགྱུར་བའི་སིལ་སྙན་དང ། །གླུ་དབྱངས་དག་དང་རྔ་སྒྲ་བསྒྲགས། །མདོར་ན་དེ་ལ་སོགས་པ་ཡི། །ཆོ་ག་རྒྱས་པ་བྱས་ནས་སུ། །ཡིད་ཀྱིས་དཀྱིལ་འཁོར་ལྷ་ཀུན་ལ། །མཁས་པས་གསོལ་བ་བཏབ་ནས་ནི། །བུམ་པ་བཟླས་བརྗོད་བརྒྱར་བྱས་ལ། །དེ་ནི་ལེགས་པར་བླངས་ནས་སུ། །དཀྱིལ་འཁོར་དལ་བུས་ལན་གསུམ་བསྐོར། །རྩ་བའི་གསང་སྔགས་ཀུན་འདོན་ཅིང ། །བློ་དང་ལྡན་པས་དབང་བསྐུར་བྱ། །དེ་ནས་ཕྱག་རྒྱ་བཅིངས་ནས་སུ། །གསང་སྔགས་བློས་ནི་སྤྱི་བོས་གཏུགས། ། གསང་སྔགས་རྒྱུད་ནི་འཛིན་འགྱུར་བ། །བློ་དང་ལྡན་པས་དབང་བསྐུར་རོ། །སློབ་མ་ཡོན་ཏན་ཀུན་ལྡན་པ། །ནུབ་ཕྱོགས་ཁ་བལྟས་ཆོ་ག་བྱ། །བྱང་ཕྱོགས་ཁ་བལྟས་ཞི་བའི་ཕྱིར། །རྒྱས་པའི་ཆོ་ག་ཤར་དུ་བལྟས། །དྲག་ཤུལ་སྤྱོད་པ་དེ་བཞིན་དུ། །ལྷོ་ཕྱོགས་ཁ་བལྟས་བརྩོན་དེ་བྱ། །དེ་ལྟར་དབང་བསྐུར་བྱས་ནས་ནི། །དེ་ལ་སར་པའི་གོས་རྣམས་བསྐོན། །མེ་ཏོག་དྲི་ལ་སོགས་པས་མཆོད། །མཆོད་ཕྱིར་ཐོགས་དང་གདུག་པུར་བཅས། །དེ་ནས་བླ་མ་བདག་ཉིད་ཀྱིས། །དེ་ཡི་སྤྱི་བོར་གདུགས་ཀྱང་གཟུང ། །ཐལ་མོ་
213b
སྦྱར་བ་བྱས་ནས་ནི། །དཀྱིལ་འཁོར་ལེགས་པར་བསྐོར་དུ་གཞུག་།གདུགས་དང་བཅས་པས་སྒོ་ཕྱོགས་སུ། །སྤྱི་བོ་བཏུད་དེ་ཕྱག་འཚལ་གཞུག་།གསང་སྔགས་རྒྱུད་ཀྱང་འཛིན་འགྱུར་བའི། །སློབ་མ་འདི་ནི་ཕུལ་བ་ལགས། །མཁན་པོས་དེ་སྐད་སྨྲས་ནས་སུ། །གདུགས་བཞག་ནས་ནི་སློབ་མ་དེ། །ལག་པས་ལེགས་པར་བླངས་ནས་སུ། །དེ་ནས་འདི་སྐད་སྒོ་བར་བྱ། ། ད་ནི་དཀྱིལ་འཁོར་སློབ་དཔོན་འགྱུར། །གསང་སྔགས་རྒྱུད་ཀྱང་འཛིན་པར་འགྱུར། །སངས་རྒྱས་བྱང་ཆུབ་སེམས་དཔའ་དང ། །ལྷ་རྣམས་ཀྱང་ནི་ཀུན་གྱིས་བཀུར། །སེམས་ཅན་རྣམས་ལ་སྙིང་བརྩེའི་ཕྱིར། །ཁྱོད་ཀྱིས་དཀྱིལ་འཁོར་ཆོ་ག་བཞིན། །ནན་ཏན་བསྐྱེད་དེ་བྲི་བར་བྱོས། །སྒྲུབ་པ་པོ་ཡང་རྒྱུད་ལ་སྦྱོར། །དེ་སྐད་བསྒོ་ནས་དེ་འོག་ཏུ། །དེ་ནས་སློབ་མ་དེ་ཡི་ཕྱིར། །སྦྱིན་སྲེག་ཆོ་ག་སྔོན་བཞིན་བྱ། །ཡམ་སྲེག་ཤིང་གི་མེ་ལ་ནི། །དཀྱིལ་འཁོར་བདག་པོའི་གསང་སྔགས་ཀྱིས། །མར་གྱི་སྦྱིན་སྲེག་བརྒྱ་དག་བྱས། །དེ་བཞིན་ཞི་བའི་གསང་སྔགས་ཀྱིས།། ཞོ་དང་སྦྲང་རྩི་མར་སྦྱར་བའི། །ཏིལ་གྱིས་སྲེག་བླུགས་བརྒྱ་ཡང་བྱ། །སྦྱིན་སྲེག་ཟིན་ནས་སྤྱི་བོར་ནི། །ཆུ་དེ་ཉིད་ཀྱིས་བསང་གཏོར་བྱ། །དེ་ནས་དེ་ལ་དཀྱིལ་འཁོར་ལ། །རབ་ཏུ་རྒྱས་པར་བསྟན་པར་བྱ། །ཕྱག་རྒྱ་ཆེན་པོ་དག་ཀྱང་བསྟན། །རིག་སྔགས་རྒྱལ་པོ་ཀློག་ཏུ་གཞུག་།བླ་མས་དེ་ལ་ཅི་ནུས་པར། །ཆོ་ག་བཞིན་དུ་བཟློས་སུ་གཞུག་།དེ་ནས་སློབ་མ་བློ་
214a
༄#། །ལྡན་པ། །མེ་ཏོག་སྙིམ་པ་བཀང་ནས་སུ། །བདག་གིས་སྔགས་དང་ལྷ་རྣམས་ཀྱང ། །གོ་རིམ་བཞིན་དུ་མཆོད་བྱས་ནས། །སློབ་དཔོན་སྦྱིན་སྲེག་གནས་འདུག་ལ། །དགའ་ཞིང་གུས་པས་དྲན་བྱས་ལ། །དེ་ཚེ་བླ་མ་ཅི་འདོད་པས། །ཡོན་ནི་ཕྱག་རྒྱས་དབུལ་བར་བྱ། །བདག་དང་བདོག་པ་ཀུན་བཅས་པར། །སློབ་དཔོན་ལ་ནི་དབུལ་བར་བྱ། །བདག་ཉིད་དབང་བའི་སྐྱེ་བོ་ཀུན། །ནོར་དང་བཅས་ཤིང་རྐང་འགྲོས་བཅས། །གཞན་ཡང་ནོར་གྱིས་མགུ་བ་འམ། །ཡང་ན་གང་ལ་དགའ་ཡང་རུང ། ། ཡང་ན་བདག་ལ་ཅི་འདོད་པ། །བླ་མ་ལ་ནི་དེ་དབུལ་ལོ། །ཡང་ན་དབུལ་པོས་བླ་མ་ལ། །བཀུར་སྟི་དག་གིས་མགུ་བར་བྱ། །སློབ་དཔོན་དག་ནི་ཐམས་ཅད་ལ། །བཀུར་སྟི་བྱ་བ་ཡོན་དུ་བཤད། །དང་པོར་རས་ཟུང་གཅིག་ཕུལ་ནས། །ཕྱི་ནས་ཆོ་ག་འདི་ཀུན་བྱ། །སློབ་མས་གསང་སྔགས་གྲུབ་འདོད་པས། །བླ་མས་མཆོད་པ་བྱ་བའི་ཕྱིར། །སློབ་མ་དམ་ཚིག་བསྲུང་བ་ཡིས། །གོས་དང་གསེར་དང་བདག་ཉིད་དང ། །བུ་དང་བདོག་པ་ཐམས་ཅད་ནི། །བླ་མ་དག་ལ་ཡོན་དུ་དབུལ། །དེ་ནས་བླ་མ་སློབ་མ་རྣམས། །མ་ཡེངས་ལེགས་པར་བཀོད་ནས་སུ། །ཤེས་རབ་ཕ་རོལ་ཕྱིན་བཀླགས་ཏེ། །དམ་ཚིག་འདི་ལ་བསྒོ་བར་བྱ། །དེ་རིང་ཕྱིན་ཆད་ཁྱེད་རྣམས་ཀྱིས། །སངས་རྒྱས་ཆོས་
214b
དང་དགེ་འདུན་དང ། །བྱང་ཆུབ་སེམས་དཔའ་རྣམས་དང་ནི། །རིག་སྔགས་གསང་སྔགས་ཚོགས་རྣམས་ལ། །དད་པས་རབ་ཏུ་བརྟན་པར་བྱ། །རྟག་པར་ཕྱག་རྒྱ་ཆེན་པོ་ལ། ། ཁྱད་པར་དུ་ནི་མོས་པར་བྱ། །དམ་ཚིག་ཅན་དང་མཛའ་བོ་དང ། །བླ་མ་ལ་ཡང་གུས་པར་བྱ། །ལྷ་རྣམས་ཀུན་ལ་སྡང་མི་བྱ། །དུས་མཚམས་དག་ཏུ་མཆོད་པར་བྱ། །སྟོན་པ་གཞན་གྱི་གཞུང་མི་མཆོད། །རྟག་ཏུ་གློ་བུར་འགྲོན་མཆོད་བྱ། །སྲོག་ཆགས་རྣམས་ལ་བྱམས་པའི་སེམས། །རབ་ཏུ་བསྟན་པ་ཉེ་བར་གཞག་།ཐེག་པ་ལ་ནི་དགའ་རྣམས་ཀྱི། །བསོད་ནམས་དག་ལ་ནན་ཏན་བསྐྱེད། །བཟླས་བརྗོད་བྱེད་ལ་འབད་པ་ཡིས། །གསང་སྔགས་སྤྱོད་ལ་བརྩོན་པར་བྱ། །གསང་སྔགས་རྒྱུད་ལས་བསྟན་པ་ཡི། །དམ་ཚིག་རྣམས་ཀྱང་བསྲུང་བར་བྱ། ། དམ་ཚིག་མེད་པ་རྣམས་ལ་ནི། །སྔགས་དང་ཕྱག་རྒྱ་མི་སྦྱིན་ནོ། །གསང་སྔགས་རྒྱུད་ནི་ལེགས་བསྲུང་ཞིང ། །དེ་ཡང་བདག་གིས་རྟོགས་པར་བྱ། །དེ་ལྟར་དམ་ཚིག་བསྒོ་ནས་ནི། །ཉིད་ཀྱི་ཕྱག་རྒྱ་རྣམས་བསྟན་ལ། །ཉིད་ཀྱི་རིགས་ཀྱི་རིག་པ་སྦྱིན། །དཀྱིལ་འཁོར་དག་ཀྱགྣ་བཤད་པར་བྱ། །དེ་ནས་ཁ་ལག་བཀྲུས་ནས་སུ། །ལྷ་ལ་མཆོད་ཡོན་ཕུལ་ནས་ནི། །གོ་རིམ་བཞིན་དུ་ཐམས་ཅད་ལ། །བདུག་སྤོས་ཆོ་ག་བཞིན་དུ་དབུལ། །དེ་ནས་དཀྱིལ་འཁོར་རིག་སྔགས་ཀྱིས། །སྦྱིན་སྲེག་བརྒྱ་རྩ་བརྒྱད་དུ་དབུལ། །ཞི་བའི་སྔགས་ཀྱིས་བརྒྱ་རྩ་
215a
༄#། །བརྒྱད། །སྙིང་པོ་ཡིས་ནི་ཉི་ཤུ་གཅིག་།ཇི་ལྟར་བསྟན་པའི་གསང་སྔགས་ཀྱིས། །མར་གྱི་སྦྱིན་སྲེག་སོ་སོར་བྱ། །དེ་ཡི་འོག་ཏུ་རང་སྔགས་ཀྱིས། ། སྦྱིན་སྲེག་ཇི་ལྟར་འདོད་པར་བྱ། །དེ་ནས་ཕྱོགས་ཀྱི་གཏོར་མ་སྦྱིན། །བསྔམ་ཞིང་ཁ་ལག་ཡང་བཀྲུས་ནས། །མེ་ཏོག་དྲི་ལ་སོགས་པ་ཡིས། །སློབ་མས་ཇི་ལྟར་འདོད་པར་མཆོད། །སློབ་མ་དང་བཅས་མ་ཡེངས་པར། །མགོ་བོས་གུས་པར་ཕྱག་བཙལ་ཏེ། །སྣོད་དུ་བཤད་པ་གང་ཡིན་པ། །དེ་ནས་སྤོས་ཆུ་ཕུལ་ནས་སུ། །སོ་སོའི་སྔགས་ཀྱིས་ཅི་རིགས་པར། །དེ་ནས་སླར་ནི་གཤེགས་སུ་གསོལ། །དམན་མ་རྣམས་ནི་ཕྱག་ནས་སུ། །མཚོ་ཆེན་ནང་དུ་དོར་བར་བྱ། །བཟའ་བ་དང་ནི་བཅའ་བ་རྣམས། །ཅི་དགར་ཕོངས་པ་རྣམས་ལ་སྦྱིན། །ཁྱི་དང་བྱ་རོག་ལ་སོགས་ལ། །ཅུང་ཟད་ཙམ་ཡང་མི་སྦྱིན་ནོ། །ཡོ་བྱད་རྫས་རྣམས་ཐམས་ཅད་ནི། །སློབ་དཔོན་དག་གིས་བསྡུས་ནས་སུ། །བདག་རང་ཉིད་ཀྱིས་སྤྱད་པར་བྱ། །སློབ་མ་རྣམས་ལ་བགོར་མི་རུང ། །དཀྱིལ་འཁོར་གྱི་ནི་ཡོ་བྱད་ཀུན། །སློབ་དཔོན་བདག་ཉིད་དབང་བར་བཤད། །དེ་ནས་སློབ་མས་སྤྱད་ན་ནི། །དམ་ཚིག་ལས་ནི་ཉམས་བར་འགྱུར། །གང་ཞིག་སྤྱོད་པར་མི་འདོད་ན། །དེ་ཡི་ཆོ་ག་རིམ་འདིའོ། །དཀོན་མཆོག་གསུམ་གྱི་ཡོ་བྱད་དུ། །དེ་དག་ཆོ་ག་བཞིན་དུ་དབུལ།།
215b
གདུགས་དང་རྔ་ཡབ་དྲིལ་བུ་སོགས། །སངས་རྒྱས་ཉིད་ལ་དབུལ་བར་བྱ། །གདན་དང་བདུག་སྤོས་དྲི་ལ་སོགས། །དམ་པའི་ཆོས་ལ་དབུལ་བར་བྱ། །གོས་དང་ཡོ་བྱད་སྣོད་ལ་སོགས།། དགེ་འདུན་རྣམས་ལ་དབུལ་བར་བྱ། །དེ་དག་ལ་ནི་སློབ་མ་ཡིས། །ཅུང་ཟད་ཙམ་ཡང་མི་བཀུར་རོ། །དགེ་འདུན་མེད་ན་དགེ་འདུན་སློང་སྦྱིན། །ཡང་ན་དགེ་སློང་མ་ལ་སྦྱིན། །གལ་ཏེ་བདག་ཉིད་མི་འདོད་ན། །དགེ་བསྙེན་དག་ལ་སྦྱིན་པར་བྱ། །དེ་ནས་དེ་ཡི་ཕྱི་དེ་ཉིན། །ཉེས་བྱས་ལྷག་མ་ཞི་བའི་ཕྱིར། །མཁས་པ་ཡིས་ནི་ཞི་བ་ཡི། །སྦྱིན་སྲེག་བརྒྱ་རྩ་བརྒྱད་བྱའོ། །དེ་ནས་གཞན་ཡང་རྒྱུད་ཀུན་ལས། །དཀྱིལ་འཁོར་ཇི་ལྟར་རྒྱས་བཤད་པའི། །ཆོ་ག་ལྷག་མ་ལུས་པ་དག་།འདིར་ནི་ལྷག་པར་རབ་ཏུ་བཤད། །སློབ་དཔོན་གསང་སྔགས་རྒྱུད་ལ་མཁས། །སྙིང་རྗེའི་བདག་ཉིད་ཚུལ་ཁྲིམས་ལྡན། །དཀྱིལ་འཁོར་བྲི་བ་ལ་མཁས་ཤིང ། །དྲང་ལག་ཙང་སྦྲ་ཆེ་བ་ཤིས། །ཁང་སྟོང་རྡོ་ཐལ་གྱིས་བྱུགས་པ། །གཙང་མ་བཟང་པོ་ཡངས་པ་དང ། །ལྷ་ཁང་དུ་ཡང་དཀྱིལ་འཁོར་ནི། །ཇི་སྐད་བཤད་པ་ལེགས་པར་བྲི། །ཇི་ལྟར་ཆུ་ན་སྤྱོད་པ་ཡི། །ཁང་ཁྱིམ་བྱེད་པ་དེ་བཞིན་དུ། །ཆུ་སྟེང་སྤང་ལེབ་བཟང་པོ་ཡིས། །བསྔམས་པ་དག་ཏུ་བྲི་བར་བྱ། །མཆོད་སྦྱིན་ས་དང་གྲོང་གིས། །མི་གཙང་བ་ཡིས་གང་བ་དང ། །གཞན་དུ་དཀྱིལ་འཁོར་དུ་སྤྱད་པའི། །ས་ནི་འབད་དེ་སྤང་གྦར་བྱ། །ལ་ལ་དཀྱིལ་འཁོར་བདག་པོ་ནི། །
216a
༄#། །གཅིག་པུ་ཁོ་ནར་ལས་བྱར་བསྒྲགས། །དེ་ཉིད་ཀྱིས་ནི་རྒྱ་བ་སྟེ། །ས་འོག་དཀྱིལ་འཁོར་ལྟ་བུ་ཡིན། །ཁ་ཅིག་ཏུ་ནི་འཁོར་ཚོགས་ཀྱིས། །ལས་རྣམས་བྱ་བ་དག་ཏུ་བཤད། །དེ་ཡང་དེ་ཉིད་ཀྱིས་བྱས་ཏེ། །ཁྲོ་བོའི་དཀྱིལ་འཁོར་ལྟ་བུ་ཡི། །གང་དུ་ལས་ནི་ཡོད་འགྱུར་ལ། །རང་གི་ལས་ཀྱི་ཆོ་ག་མེད། །དེར་ནི་མཁས་པས་སྤྱི་རྒྱུད་ལས། །གསུངས་པའི་ལས་རྣམས་བྱ་བ་ཡིན། །དཀྱིལ་འཁོར་དུ་ནི་དགོད་པའི་སྔགས། །གང་དག་ཡོངས་སུ་བསྒྲགས་པ་ནི། །ཐོག་མར་དེ་དག་རེ་རེ་ལ། །བཟླས་བརྗོད་ཁྲི་ཁྲི་བྱ་བར་བཤད། །མཁས་པས་དཀྱིལ་འཁོར་གང་བྲིས་པ། །དེ་དག་རྒྱས་པར་བཟླས་ནས་ནི། །དྲན་པར་བྱ་བའི་ཕྱིར་ཡང་ནི། །གླེགས་དམ་དེར་ཡང་ཉེ་བར་གཞག་།ཁྲུས་ལ་སོགས་པ་བྱེད་པའི་ཚེ། །དཀྱིལ་འཁོར་ལྟ་བ་གཞན་བཞག་སྟེ། །དཀྱིལ་འཁོར་འདྲི་བའི་ཚེ་ན་ནི། །ནམ་ཡང་སྟོང་པར་མི་གཞག་གོ་།ཐིག་འདེབས་དུས་ལ་བབ་པའི་ཚེ། །སློབ་མ་གལ་ཏེ་མེད་ན་ཡང ། །དེ་ནི་ཕུར་བུ་ཆོ་ག་ཡིས། །བདག་རང་ཉིད་ཀྱིས་ཐིག་གདབ་བོ། །དཀྱིལ་འཁོར་དག་གི་ལས་དག་ལ། །གལ་ཏེ་གྲོགས་ཤིག་མེད་ན་ཡང ། །དེར་ནི་མཁས་པ་བདག་ཉིད་ཀྱིས། །རྣམ་པ་དེ་བཞིན་ལས་བྱ་འོ། །ནད་བུ་ཅན་དང་ཚུལ་ཉམས་དང ། །གཙང་སྦྲ་ཆུང་ཞིང་མ་བསླབས་པ། །དེ་ལྟ་བུ་དག་རྒྱུད་མཐོང་ངམ། །གྲོགས་སུ་གཟུང་
216b
བར་མི་བྱའོ། །བདེར་གཤེགས་ཆོས་ནི་མི་བྱེད་པ། །ལ་ལ་རིགས་བཙུན་དད་ཅིང་དྲང ། །དཀྱིལ་འཁོར་ཐོས་ན་དད་འགྱུར་ཏེ། །གལ་ཏེ་འཕྲལ་ལ་འོངས་ན་ནི། །དེ་ཡི་དད་པ་བརྟན་ཤེས་ནས། །དཀྱིལ་འཁོར་དག་ནི་བྲིས་ནས་ཀྱང ། །བདག་གིས་བསྟན་ལ་གཞུག་པའི་ཕྱིར། །དེ་ནི་གཅིག་པུ་གཞུག་པར་བྱ། །དེ་ཡི་སྟ་གོན་གནས་པ་ཡང ། །དེ་དག་ཉིད་ནི་མོད་ལ་བྱ། །སློབ་མ་ནང་ནི་མཐུན་པ་དང ། །ཆོ་གའི་ཚུལ་ནི་མེད་པ་ལ། །ཇི་སྐད་བཤད་པའི་ཞི་བ་བྱ། །རྒྱལ་པོའི་མི་ནི་དཔའ་སྙིང་ཅན། །ལག་ན་མཚོན་ཐོགས་པས་བསྲུང་ཞིང ། །ས་ཡི་བདག་པོས་གནང་ནས་ནི། །སློབ་དཔོན་གྱིས་ནི་དཀྱིལ་འཁོར་བྲི། །སློབ་མ་ཡོངས་སུ་གཟུང་བ་གང ། །སྟ་གོན་གནས་ཚེ་མེད་ན་ནི། །དེ་ཡི་གཟུགས་བརྙན་བྱས་ནས་སུ། །ཇི་སྐད་བཤད་པའི་ལས་རྣམས་བྱ། །སློབ་མ་ཡོངས་སུ་གཟུང་བ་གང ། །གལ་ཏེ་རྐྱེན་འགའ་ཞིག་གིས་ནི། །དེར་ནི་འོངས་པར་མ་གྱུར་ན། །གཞན་དག་དེ་ཡི་སྐྱིན་པར་གཞུག་།སྟ་གོན་གནས་པར་བྱས་པ་ལས། །གལ་ཏེ་རྐྱེན་གྱིས་མ་འོངས་ན། །བླ་མ་བློ་ལྡན་མཁས་པ་ཡིས། །དེར་ནི་སློབ་མ་གཞན་མི་གཟུང ། །སྟ་གོན་གནས་པར་བྱས་པ་ལས། །སློབ་མ་གལ་ཏེ་དཀྱིལ་འཁོར་དུ། །གང་ཞིག་འོངས་པར་མ་གྱུར་ན། །ནད་ཀྱིས་བཏབ་ནས་ངེས་པར་འཆི། །རྐྱེན་འགའ་ཞིག་གིས་བསྐལ་ནས་སུ། །གལ་ཏེ་ཉིན་ཅིག་བར་ཆད་ན། །དེ་ཡི་ཉིན་པར་
217a
༄#། །ཞི་བྱས་ནས། །སླར་ཡང་སྟ་གོན་གནས་པར་བྱ། །ཡོ་བྱད་གཅེས་པ་མ་འབྱོར་ཡང ། །བཤོལ་པ་དག་ནི་ཡོང་མི་བྱ། །གལ་ཏེ་བཤོལ་ན་བླ་མ་ལ། །གནོད་པ་མང་པོ་འབྱུང་བར་འགྱུར། །དཀྱིལ་འཁོར་འདྲི་བའི་ཚེ་ན་ནི། །གནོད་པ་འགའ་ཞིག་འབྱུང་འགྱུར་ན། །བཤད་པའི་སྔགས་ཀྱི་སྟོབས་ཀྱིས་སུ། །དེ་ནི་སླར་ཡང་བཟློག་པར་བྱ། །དེས་ཀྱང་བཟློག་པར་མ་ནུས་ན། །མཆོད་པའི་ཡོ་བྱད་ཐམས་ཅད་ནི། །བསང་གཏོར་བྱས་ཏེ་ཕུལ་ནས་སུ། །མཆོད་ཡོན་ཕུལ་ཏེ་སླར་གཤེགས་གསོལ། །བློ་དང་ལྡན་པས་ཕྱི་དེ་ཉིན། །དཀྱིལ་འཁོར་སྔ་མ་བཞིན་དུ་བྲི། །ཡང་ན་མཁས་པས་སྦྱིན་སྲེག་གི་།ལས་ཀྱི་ཞི་བར་རབ་ཏུ་བྱ། །མ་བདུན་གྱི་ནི་དཀྱིལ་འཁོར་དང ། །གནོད་སྦྱིན་དཀྱིལ་འཁོར་བཤད་པ་གང ། །དེ་ལ་སོགས་པ་དགོད་པ་ནི། །ཉེས་པ་རིམ་བཞིན་བརྟག་མི་དགོས། །དེ་དག་ཏུ་ནི་དེ་བཞིན་དུ། །དཀྱིལ་འཁོར་དགོད་པ་རྒྱས་པར་བྱ། །ཆོ་གར་བྱས་པ་གཞན་དག་ལས། །ཆོ་ག་འདི་ནི་ཅི་རིགས་སྦྱར། །མདོར་བསྡུས་བཤད་པ་གང་ཡིན་དང ། །རྒྱས་པར་བཤད་པ་གང་ཡིན་དང ། །ཟུར་གྱིས་བསྟན་དང་མདོ་ལས་ནི། །སྤྱིར་བསྟན་པ་ནི་གང་ཡིན་པ། །དེ་རྣམས་བྱ་བའི་ཆོ་ག་ལ། །རྒྱུད་འདིར་རྒྱས་པར་བཤད་པ་ཡིན། །མཁས་པས་ཆོ་ག་འདི་ཡིས་ནི། །དཀྱིལ་འཁོར་ཐམས་ཅད་
217b
བྲི་བར་བྱ། །དཀྱིལ་འཁོར་ཆེན་པོའི་མདོ་ལས་ནི། །ཅི་བཤད་ཆོ་ག་རྒྱས་པར་བྱ། །བླ་མས་ཇི་སྐད་བསྟན་པ་དང ། །རྟོག་པ་དག་ལས་ཅི་གསུངས་དང ། །གསང་སྔགས་ཀུན་གྱི་འདུལ་བ་ལས། །ཆོ་ག་རིམ་པ་ཅི་བཤད་པ། །དཀྱིལ་འཁོར་གྱི་ནི་ཆོ་ག་ལ། །མཁས་པས་ཆོ་ག་དེ་བཞིན་སྦྱར། །གསང་སྔགས་ཀྱི་ནི་ཚད་དག་ལས། །བུམ་པ་ལ་སོགས་བསྟན་བྱས་པ། ། དེ་ཡང་ཆོ་ག་འདི་ཡིས་ནི། །ལྷག་པར་བྱས་ལ་ཉེས་པ་མེད། །དེ་བཞིན་གསང་སྔགས་ཆོ་ག་ལ། །ལྷ་གཞན་གྱི་ནི་གཏོར་མ་ཡང ། །དཀྱིལ་འཁོར་དག་ཏུ་བཤད་པ་ལས། །ལྷག་པར་བྱས་ཀྱང་ཉེས་པ་མེད། །དེ་བས་གང་དུ་ཅུང་ཟད་ཅིག་།བཀླགས་ཏེ་བཤད་པ་གང་ཡིན་པ། །དེར་ནི་དོགས་པ་མེད་སེམས་ཀྱིས། །ཐམས་ཅད་དེ་བཞིན་ཁོ་ནར་བྱ། །ལ་ལར་སློབ་མ་དང་བཅས་ཏེ། །བདུག་སྤོས་དང་ནི་མར་མེ་དག་།ལག་ཏུ་ཐོགས་ཏེ་མཉམ་པར་ནི། །དཀྱིལ་འཁོར་བསྐོར་བར་བཤད་པ་དང ། །དམ་ཚིག་སྟོན་ཚེ་སློབ་མ་རྣམས། །ལས་ཀྱི་གྲཝར་ནི་ཞུགས་ནས་སུ། །མེ་ཏོག་འདོར་བར་བྱའོ་ཞེས། །ཁྱད་པར་བཤད་པ་གང་ཡིན་དང ། །དེ་ལ་སོགས་པའི་ཆོ་ག་དག་།གང་དུ་ཅུང་ཟད་བཤད་པ་ནི། །དེར་ནི་དགའ་མགུ་ཉིད་དུ་བྱའི། །ཀུན་ལ་དེ་ཀུན་སྦྱར་མི་བྱ། །ལྷ་ཡི་རིགས་རྣམས་མཐོང་བ་ལས། །དབང་བསྐུར་བ་ནི་རྣམ་པ་བཞི། །བླ་མ་མཉམ་པར་བཞག་པ་ཡིས། །དེ་དག་ཤེས་ནས་ཅི་
218a
༄#། །རིགས་བྱ། །སློབ་དཔོན་གོ་འཕང་ཐོབ་པའི་ཕྱིར། །དང་པོ་ཡོངས་སུ་བསྒྲགས་པ་ཡིན། །རིག་སྔགས་རྣམས་ནི་བསྒྲུབ་བྱའི་ཕྱིར། །གཉིས་པ་ལེགས་པར་བཤད་པ་ཡིན། །བགེགས་རྣམས་རབ་ཏུ་གཞོམ་པའི་ཕྱིར། །གསུམ་པ་རབ་ཏུ་བསྒྲགས་པ་ཡིན། །བཞི་པ་འབྱོར་པ་ཐོབ་པའི་ཕྱིར། །ཆོ་ག་རྒྱས་པ་དེ་བཤད་དོ། །དང་པོ་ཆོ་ག་རྒྱས་པར་ནི། །ང་ཡིས་ཐོག་མར་བཤད་པ་ཡིན། །རིགས་གསུམ་དབང་བསྐུར་ཆོ་ག་ཡང ། །མདོར་བསྡུས་ནས་ནི་འདིར་བཤད་དོ། །སློབ་མ་ལྷ་ཡི་རིགས་མཐོང་བ། །རིག་སྔགས་གང་ལ་ཟློས་འདོད་པ། །དེ་ཡིས་བརྒྱ་རྩ་བརྒྱད་བཟླས་པའི། །བུམ་པས་མངོན་པར་དབང་བསྐུར་བྱ། །དེ་ཉིད་ཀྱིས་ཀྱང་སྦྱིན་སྲེག་བྱ། །དེ་ཉིད་དུ་ནི་དེ་ཡང་བཟླས། །དེ་ལྟར་གང་ཞིག་དབང་བསྐུར་བ། །དབང་བསྐུར་ཆོ་ག་གཉིས་པ་ཡིན། །སེམས་ནི་བགེགས་ཀྱིས་བརླམས་པ་དག་།ཞི་བར་བྱ་བ་གང་ཡིན་པ། །དེ་ནི་དབང་བསྐུར་གསུམ་པ་སྟེ། །ཕན་དང་བདེ་བ་ཐོབ་པར་བཤད། །དཔལ་ལ་སོགས་པའི་དཀྱིལ་འཁོར་དུ། །རྒྱལ་སྲིད་ཐོབ་ཕྱིར་དབང་བསྐུར་དང ། །བྱུར་ནི་མེད་པར་བྱ་བ་དང ། །དཔལ་ཡང་བསྐྱེད་པར་བྱ་བ་དང་།། ནོར་དང་བུ་ཚ་འཕན་པ་དང ། །དེ་ལ་སོགས་པ་དབང་བསྐུར་གང ། །དེ་ནི་བཞི་པའི་མི་རྣམས་ལ། །འབྱོར་པ་སྦྱིན་པར་ཤེས་པར་བྱ། །དབང་བསྐུར་དང་པོ་ཐོབ་པ་ནི། །སངས་རྒྱས་
218b
རྣམས་ཀྱང་དགོངས་པར་འགྱུར། །དེ་སྲས་གསང་སྔགས་སྤྱོད་པ་ལ། །བརྩོན་པ་རྣམས་ཀྱིས་བཀུར་བར་འགྱུར། །རིག་སྔགས་གསང་སྔགས་མང་པོ་དང ། །འཕགས་པ་སྤྱན་རས་གཟིགས་དབང་དང ། །དཔའ་བོ་རྡོ་རྗེ་འཛིན་པ་དག་།ཉིད་ཀྱིས་བྱིན་གྱིས་བརླབས་པར་འགྱུར། །དེ་ཡིས་སྦྱར་ན་སྒྲུབ་པ་པོ། །ལས་རྣམས་ཐམས་ཅད་འགྲུབ་པར་འགྱུར། །དེ་ནི་ཅིས་ཀྱང་མི་ཚུགས་ཤིང ། །ལྷ་རྣམས་ཀྱིས་ཀྱང་མཆོད་པར་འགྱུར། །འཁོར་བ་ན་ནི་འཁོར་བ་ན། །དེ་ནི་ངན་སོང་ལྟུང་མི་འགྱུར། །ཡན་ལག་ཉམས་དང་དབུལ་བ་དང ། །སྨད་པ་རྣམས་སུ་སྐྱེ་མི་འགྱུར། །ཚེ་རབས་དྲན་ཞིང་ལོངས་སྤྱོད་ཆེ། །ཚུལ་ཁྲིམས་ལྡན་ཞིང་གཟུགས་ཀྱང་བཟང ། །རྟག་ཏུ་ལྷ་དང་མི་རྣམས་ཀྱི། །མཐོ་རིས་རྣམས་སུ་སྐྱེ་བར་འགྱུར། །དེ་ཡི་བསོད་ནམས་མཐུ་ཡིས་ནི། །སངས་རྒྱས་བྱང་ཆུབ་ལས་མི་ལྡོག་།དེས་ནི་རིང་པོ་མི་ཐོགས་པར། །བྱང་ཆུབ་ཚོགས་ནི་རྫོགས་པར་འགྱུར། །དེ་ལ་སོགས་པའི་ཡོན་ཏན་ནི། །མང་པོ་རྒྱ་ཆེན་དག་དང་ལྡན། །རིག་སྔགས་རྣམས་ཀྱི་རིགས་སྐྱེ་ཞིང ། །དེ་ནི་བྱང་ཆུབ་སྤྱད་པ་སྤྱོད། །དེ་ལྟར་མངོན་པར་དབང་བསྐུར་ཞིང ། །བློ་ལྡན་རྒྱུད་ནི་མཐོང་བ་ལ། །བླ་མ་ལས་ནི་ལུང་ཐོབ་པས།། དཀྱིལ་འཁོར་དག་ནི་བྲི་བར་བྱ། །ཡོན་ཏན་འདི་དང་མི་ལྡན་པར། །གང་ཞིག་དཀྱིལ་འཁོར་འདྲི་བྱེད་པ། །དེ་ནི་མི་བཟད་སེམས་དམྱལ་ལྟུང ། །སློབ་མ་རྣམས་ཀྱང་དོན་མེད་
219a
༄#། །འགྱུར། །མུ་གེ་དང་ནི་ནད་མང་དང ། །ཐན་པ་དང་ནི་འཚེ་བ་འབྱུང ། །རྒྱལ་པོ་རྣམས་ཀྱང་འཐབ་པ་དང ། །ཆོམ་རྐུན་ལ་སོགས་འཇིགས་པ་འབྱུང་།། དེ་དང་དེ་ཡི་རྒྱུ་རྣམས་ཀྱིས། །སློབ་མ་རྣམས་ཀྱང་ཕུང་བར་འགྱུར། །དཀྱིལ་འཁོར་ཆོ་ག་མི་ལྡན་པར། །བྲིས་ན་བླ་མ་མེད་པར་འཆི། །དེ་བཞིན་གཤེགས་རིགས་དཀྱིལ་འཁོར་དུ། །གང་ཞིག་ལེགས་པར་དབང་བསྐུར་བ། །དེ་ནི་རིགས་རྣམས་གསུམ་ཆར་གྱིས། །དཀྱིལ་འཁོར་ལ་སོགས་སློབ་དཔོན་འགྱུར། །འཕགས་པ་སྤྱན་རས་གཟིགས་དབང་གི་།དཀྱིལ་འཁོར་དུ་ནི་དབང་བསྐུར་བ། །དེ་ནི་རིགས་གཉིས་དཀྱིལ་འཁོར་གྱི། །སློབ་དཔོན་དུ་ནི་དབང་བསྐུར་འགྱུར། །ཕྱག་ན་རྡོ་རྗེ་གཟི་ཆེན་གྱི། །དཀྱིལ་འཁོར་དུ་ནི་དབང་བསྐུར་བ། །དེ་ནི་རྡོ་རྗེ་རིགས་གཅིག་གི་།དཀྱིལ་འཁོར་གྱི་ནི་སློབ་དཔོན་འགྱུར། །མ་མོ་གནོད་སྦྱིན་དྲག་པོ་ཡི། །དཀྱིལ་འཁོར་གང་དག་ཅི་བཤད་པ། །ཐམས་ཅད་དེ་དག་ཀུན་གྱིས་ཀྱང ། །དགོས་པ་མེད་པར་བྲི་བར་བྱ། །བླ་མས་སློབ་མ་གཅིག་པུ་ནི། །དཀྱིལ་འཁོར་དག་ཏུ་དབང་བསྐུར་བྱ། །མཁས་པས་ཅིག་ཆར་སློབ་མ་གཉིས། །དབང་བསྐུར་བ་ནི་ཡོད་མི་བྱ། །གཉིས་སམ་གསུམ་མ་མ་བཞི་ཡང་རུང ། །བླ་མས་དབང་བསྐུར་བྱ་བ་ནི། །ཡོ་བྱད་སར་པ་གཞན་རྣམས་ཀྱིས། །ཐམས་ཅད་སོ་སོ་སོ་སོར་བྱ། །རིག་སྔགས་
219b
དབང་ནི་ཐོབ་པ་ལ། །བསྒྲུབ་པའི་དཀྱིལ་འཁོར་དབང་བསྐུར་བྱ། །དབང་བསྐུར་བ་ཡི་ཆོ་ག་དང ། །སྒྲུབ་པའི་ཆོ་གའང་དེ་བཞིན་སྦྱིན། །སློབ་མ་དམ་ཚིག་ཤེས་པ་ནི། །གཞན་རྣམས་ལ་ནི་རང་གི་སྔགས། །ཆོ་གར་བཅས་ཤིང་ཕྱག་རྒྱར་བཅས། །ཆོ་ག་རྒྱས་དང་བཅས་པར་སྦྱིན། །དཀྱིལ་འཁོར་ལེགས་པར་མ་མཐོང་བར། །གང་ཞིག་ཇི་སྟེ་སྔགས་ཟློས་ན། །དེས་ནི་དངོས་གྲུབ་ཐོབ་མི་འགྱུར། །ཤི་ན་ངན་སོང་ལྟུང་བར་།སྔགས་དང་ཕྱག་རྒྱ་ཆོ་ག་དག་།གང་ཞིག་དེ་ལ་སྟོན་པ་ཡང ། །དེ་ནི་དམ་ཚིག་ཉམས་གྱུར་ནས། །ངུ་འབོད་སེམས་ཅན་དམྱལ་བར་འགྲོ། །ཇི་སྐད་བཤད་པའི་དམ་ཚིག་རྣམས། །གལ་ཏེ་ཉམས་པར་གང་གྱུར་པ། །དེས་ནི་རང་གི་སྙིང་པའི་སྔགས། །གཅིག་འབུམ་དུ་ནི་བཟླས་བརྗོད་བྱ། །ཡང་ན་མེས་རྨོངས་བྱེད་པའི་གཟུངས། །སྟོང་དུ་བཟླས་བརྗོད་བྱས་ཀྱང་རུང ། །ཡང་ན་ཞི་བའི་སྦྱིན་སྲེག་བྱ། །ཡང་ན་དཀྱིལ་འཁོར་དུ་ཡང་འཇུག་།གཏི་མུག་དབང་གིས་མི་ཤེས་པར། །མི་གང་དཀྱིལ་འཁོར་འདྲི་བྱེད་པ། །དེ་ནི་མཚམས་མེད་ལྔ་རྣམས་དང ། །འདྲ་བའི་གནས་སུ་འགྲོ་བར་འགྱུར། །གང་ཞིག་བསོད་ནམས་ལས་བྱེད་པ། །ཆོ་ག་ལེགས་པར་འདྲི་ན་ནི། །བྱང་ཆུབ་སེམས་དཔའ་མཐུ་ཆེན་ཏེ། །འདོད་པའི་གནས་ནི་དམ་པར་སྐྱེ། །གཤེད་བྱེད་རྣམས་དང་རོ་ལངས་དང ། །ཤ་ཟ་ལྟོ་འཕྱེ་ཆེན་པོ་དང ། །རྣམ་པ་སྣ་ཚོགས་གདོན་རྣམས་དང་།།
220a
༄#། །འཇིགས་པར་འགྱུར་བའི་བགེགས་རྣམས་ཀྱིས། །ལྷ་ཡི་རིགས་མཐོང་དམ་ཚིག་ཤེས། །རྟག་ཏུ་ཚུགས་པར་མི་འགྱུར་ཞིང ། །དེ་ཡི་མི་དགེའི་ལས་འབྱང་ཞིང ། །ངན་སོང་དུ་ཡང་ཡོང་མི་ལྟུང ། །དེ་ཡིས་བསྒྲུབས་ན་ངེས་པར་ནི། །གསང་སྔགས་ཐམས་ཅད་འགྲུབ་པར་འགྱུར། །དེ་ལ་བྱང་ཆུབ་ས་བོན་ནི། །བརྟན་པར་འགྱུར་བར་དགོས་པ་མེད། །སློབ་དཔོན་བློ་གྲོས་ཆེན་པོ་ཡིས། །གསང་སྔགས་རྒྱུད་ནི་འཛིན་པ་པོ། །སློབ་མ་བསྡམས་པ་སྙིང་རྗེ་ཅན། །གཅིག་ནི་ནན་ཏན་བསྐྱེད་དེ་བསྒྲུབ། །དཀྱིལ་འཁོར་རྣམས་ནི་ཐམས་ཅད་ཀྱི། །ཆོ་ག་འདི་ནི་དམ་པ་སྟེ། །བློ་དང་ལྡན་པས་ཆོ་ག་འདིས། །དཀྱིལ་འཁོར་རྣམས་ནི་བྲི་བར་བྱ། །རིག་སྔགས་རྒྱལ་དང་ཕྱག་རྒྱ་ཆེ། །དཀྱིལ་འཁོར་རྣམས་ནི་ཐམས་ཅད་ཀྱང། །སློབ་མ་ལ་ནི་སྔགས་བྱིན་ནས། །དེ་ནས་བླ་མས་རྒྱུད་འདི་སྦྱིན། །དབང་གི་དཀྱིལ་འཁོར་གཤེགས་སུ་གསོལ། །སྒྲུབ་པ་ཆེན་པོ་བྱ་བའི་རྒྱུད་ཀྱི་བཞེད་ལུགས་ཀྱིས་དཀྱིལ་འཁོར་གྱི་མཛད་བྱང་མ་ལུས་པར་ཡོངས་སུ་རྫོགས་པར་བསྟན་པ་ཡིན་ནོ།། །།དཀྱིལ་འཁོར་ཆེན་པོ་བཀོད་པ་རིམ་པར་ཕྱེ་བ། ཕྱག་ན་རྡོ་རྗེ་དབང་ཕྱུག་ཆེན་པོ་བདག་ཉིད་ཀྱིས་བསྟན་པ་ལས། ལས་ཀྱི་དཀྱིལ་འཁོར་ཐམས་ཅད་ཀྱི་སྤྱིའི་ཆོ་ག་གསང་བ་སྤྱིའི་རྒྱུད་རྫོགས་སོ།། །།