རྒྱ་གར་སྐད་དུ།་ཨཱརྱ་ཨཥྚ་མཧཱ་པྲཱ་ཡ་ཏཱ་རཱ་ནི་ནཱ་མ་དྷཱ་ར་ཎཱི། བོད་སྐད་དུ། འཕགས་པ་འཇིགས་པ་ཆེན་པོ་བརྒྱད་ལས་སྒྲོལ་བ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དེ་བཞིན་གཤེགས་པ་ཡོན་ཏན་འབྱུང་གནས་ལ་ཕྱག་འཚལ་ལོ། །དེ་བཞིན་གཤེགས་པ་ཀུན་ནས་སྤོས་དྲིལ་ལ་ཕྱག་འཚལ་ལོ། །དེ་བཞིན་གཤེགས་པ་གཞན་གྱིས་མི་ཐུབ་པའི་རྩལ་དང་ལྡན་པ་ལ་ཕྱག་འཚལ་ལོ། །དེ་བཞིན་གཤེགས་པ་སྒྲིབ་པ་ཐམས་ཅད་རྣམ་པར་སེལ་བ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བ་མཆོག་ལ་ཕྱག་ 16a ༄#། །འཚལ་ལོ། །དེ་བཞིན་གཤེགས་བཞི་བའི་རྒྱལ་པོ་ལ་ཕྱག་འཚལ་ལོ། །དེ་བཞིན་གཤེགས་པ་ཟླ་བའི་བླ་མ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་འཇིགས་པ་མེད་པར་བྱེད་པ་ལ་ཕྱག་འཚལ་ལོ། །ཏདྱ་ཐཱ། དྷ་རེ་དྷ་རེ། དྷཱ་རེ་དྷཱ་ར་ཎཱི། ར་ན་ཀོ་ཏེ་ཨ་བྷ་ཡཱ་ཀལྤེ། ཀལྤ་ནི་ག་ཎི། ཨ་ནནྟ་ཀལྤེ། ཨ་མྲྀ་ཏ་ཀལྤེ། ཧུ་ཏཱ་ཤ་རེ། ཨ་ནནྟ་མུ་ཁེ། ཨ་ནནྟ་ཙཀྵུ་ས་མུཏྒ་ཏེ། ཨོཾ་བྷ་སཝཱཧཱ། རིགས་ཀྱི་བུ་གཟུངས་ཀྱི་གསང་སྔགས་འདི་དག་ནི་སེམས་ཅན་ངན་སོང་དུ་འགྲོ་བ་རྣམས་ཀྱི་དོན་གྱི་ཕྱིར། སངས་རྒྱས་བཅོམ་ལྡན་འདས་གང་གཱའི་ཀླུང་གི་བྱེ་མ་སྙེད་དག་གིས་གསུངས་པ་དང ། བྱིན་གྱིས་བརླབས་པ་དང ། རྗེས་སུ་ཡི་རང་པ་ཡིན་ནོ། །རིགས་ཀྱི་བུ་བྱང་ཆུབ་སེམས་དཔའ་གང་ལ་ལ་གཟུངས་འདི་འཛིན་པར་བྱེད་པ་དེ་འཇིགས་པ་བརྒྱད་པོ་སེམས་ཅན་དམྱལ་བའི་འཇིགས་པ་མཐའ་ཡས་པ་དང ། དུད་འགྲོའི་སྐྱེ་གནས་ཀྱི་འཇིགས་པ་མཐའ་ཡས་པ་དང ། གཤིན་རྗེའི་འཇིག་རྟེན་གྱི་འཇིགས་པ་མཐའ་ཡས་པ་དང ། ཡི་དྭགས་ཀྱི་འཇིགས་པ་མཐའ་ཡས་པ་དང ། བགྲོད་དཀའ་བའི་འཇིགས་པ་མཐའ་ཡས་པ་དང ། སྐྱེ་བའི་འཇིགས་པ་མཐའ་ཡས་པ་དང ། ནད་ཀྱི་འཇིགས་པ་མཐའ་ཡས་པ་དང ། འཆི་བའི་འཇིགས་པ་མཐའ་ཡས་པ་དག་ལས་ཡང་དག་པར་འདའ་བར་འགྱུར་རོ། །ཕྱོགས་བཅུའི་སངས་རྒྱས་བཅོམ་ལྡན་འདས་རྣམས་ཀྱིས་དགོངས་པར་འགྱུར་རོ། །སེམས་རྣམ་པར་གཡེང་ 16b བ་མེད་པར་འཆི་བའི་དུས་བྱེད་ཅིང ། སངས་རྒྱས་རྣམས་ཀྱི་སྤྱན་སྔར་སྐྱེ་བར་འགྱུར། ཟད་མི་ཤེས་པའི་ལུས་ཐོབ་པར་འགྱུར། སྦྲུལ་པའི་ལུས་ཀྱང་ཐོབ་པར་འགྱུར་རོ། །ན་མཿ སརྦ་བི་རྱཱ། སིང་དྷྱན་ཏུ་མེ་མན་ཏྲ་པཱ་ད་སཝཱཧཱ། འཕགས་པ་འཇིགས་པ་ཆེན་པོ་བརྒྱད་ལས་སྒྲོལ་བ་ཞེས་བྱ་བའི་གཟུངས་རྫོགས་སོ།། །། |