རྒྱ་གར་སྐད་དུ། ཨཱརྱ་ད་ཤ་བཛྲ་པཱ་ཎི་ཧྲྀ་ད་ཡ། བོད་སྐད་དུ། འཕགས་པ་ལག་ན་རྡོ་རྗེ་བཅུའི་སྙིང་པོ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ 341a ༄#། །ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ།་དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། རིགས་ཀྱི་བུའམ།་རིགས་ཀྱི་བུ་མོ་གང་ལ་ལ་གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་བཅུའི་མིང་ཤེས་སམ། རུས་ཤེས་སམ། གསང་སྔགས་ཤེས་པ་དེ་ལ་བྱད་ཀྱིས་མི་ཚུགས་སོ། །གནོད་སྦྱིན་དག་རྣམ་པར་འཚེ་བར་མི་འགྱུར་རོ། །སྲིན་པོ་རྣམས་དང ། ལྷག་མ་ཟ་བ་རྣམས་དང ། བདུག་པ་ཟ་བ་རྣམས་འཚེ་བར་མི་འགྱུར་རོ། །ཕྱིས་འཇོག་པ་རྣམས་ཀྱང་གནོད་པར་མི་འགྱུར་རོ། །ཏདྱ་ཐཱ། ཨུ་ཀི་རི་མ་ཀི་རི། མི་རཱི་ཙ་ད་ཤ་པ་རི། ཨུ་ལི་མེ། མི་ལི་མེ། ཨི་ལི་མེ། ཨི་ལི་མེ། ཨི་ལི་མ་ལེ་མི། ཧེཀྐེ་དྷིཀྐེ། ཧུཀྐེ། དྷུ་ཧུ་རེ། པྲ་དྷ་རེ།་ཨ་ལཾ་ཕ་ལེ། ཕཱ་ལཾ་ཕ་ལེ། ཁུ་ཁུ་མེ་ཏི་ཀུ་མེ་ཏུ་མེ། ཁི་རི་ཁི་རི། སཱ་དཱ་སཱ་དཱ། སརྦ་བཀ་ཀཝ་ལེ། བནྡྷ་མ་བཀ་ཀཝ་ལེ། ཀུན་དགའ་བོ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་བཅུ་པོ་འདི་དག་ལ་རྟག་ཏུ་བདག་གི་ཕྱི་བཞིན་དུ་འབྲང་བར་གྱུར་ནས་བདག་གཉིད་ལོག་པ་དང ། མྱོས་པ་དང ། རབ་ཏུ་མྱོས་པ་ཡང་བསྲུང་བ་དང ། ཡོངས་སུ་བསྐྱབ་པ་དང ། ཡོངས་སུ་གཟུང་བ་དང ། ཡོངས་སུ་བསྐྱང་བ་དང ། ཞི་བ་དང ། བདེ་ལེགས་སུ་འགྱུར་བར་བྱེད་པར་བཅོམ་ལྡན་འདས་ཀྱི་བཀས་གསོལ་པ་ཐོབ་ 341b ཅིག་།འདི་ལྟ་སྟེ། རྒྱལ་བ་ཁྱུ་མཆོག་དང ། འབྲོག་གནས་དང ། གང་གནས་དང ། ལྡས་རྩེན་དང ། ནོར་བུ་བཟང་པོ་དང ། གྲགས་པ་བཟང་དང ། ལུས་ངན་གྱི་བུ་མཛེས་བྱེད་དང ། ཕྲེང་བ་མཛེས་དང ། རྒྱལ་པོ་ཆེན་པོ་ཆོས་སྐྱོང་རྣམ་ཐོས་ཀྱི་བུ་སྟེ། གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་བཅུ་པོ་འདི་དག་ལ་རྟག་ཏུ་བདག་གི་ཕྱི་བཞིན་འབྲང་བར་གྱུར་ནས་བདག་གཉིད་ཀྱིས་ལོག་བ་དང ། མྱོས་པ་དང ། རབ་ཏུ་མྱོས་པ་ན་ཡང་བསྲུང་བ་དང ། ཡོངས་སུ་བསྐྱབ་པ་དང ། ཡོངས་སུ་གཟུང་བ་དང ། ཡོངས་སུ་བསྐྱང་བ་དང ། ཞི་བ་དང ། བདེ་ལེགས་སུ་འགྱུར་བར་བྱེད་པར་བཅོམ་ལྡན་འདས་ཀྱིས་བཀས་གསོལ་བ་ཐོབ་ཅིག། གསང་སྔགས་ཀྱི་གཞི་འདི་རྣམས་གྲུབ་པར་གྱུར་ཅིག་སཝཱཧཱ།་ཏདྱ་ཐཱ། ས་ར་ས་ར་ཎེ་སཝཱཧཱ། དེ་ལ་ལག་ན་རྡོ་རྗེ་བཅུ་པོ་འདི་དག་གི་གསང་སྔགས་གཞི་རྣམས་ནི། འདི་དག་ཡིན་ཏེ། ཏདྱ་ཐཱ། ཨུ་ཀེ་ཏེ། ཀེ་ཏེ། སཾ་ཀེ་ཏ། ཨུ་དུ་ལེ། དྷ་དྷེ།་ཏ་ཏེ། ཏ་བ་ཏ་ཏེ་ ། ཙི་ཙེ་ཙི་ཏེ། ཙི་ཁེ་ལོ་ཙྪེ་ནི། བྷེ་ད་ནི། སརྦ་བཱིརྱ་ཙྪེ་ད་ནི། སརྦ་ཀྲི་ཏ། ཀ་ཁོ་རྡོ། བ་རི་ཀྲི་ཏ་ནཱ་ཤ་ནི། དེ་ལ་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེ་བཅུ་པོ་དེ་དག་གི་གསང་སྔགས་ཀྱི་གཞི་དམ་པ་ནི། འདི་རྣམས་ཡིན་ནོ། །ཏདྱ་ཐཱ། ཨ་ལེ་ལཀྵེ། པ་ཀེ་ལེ་ལཀྵེ། ཨ་ཀེ། པ་ཀེ་ལཀྵེ་སཝཱཧཱ། ཏདྱ་ཐཱ། ཧུ་ཏུ་ 342a ༄#། །ཧུ་ཏུ།་ཧུ་ཏུ་ཏུ། བི་ཏུ་བི་ཏུ། བི་ཏུ་ཏུ། གཙྪ་གཙྪ། ས་པ་ཏེ། པ་ཏ་ཧ་ཏ་ཡེ་སཝཱཧཱ། ན་མོ་བྷ་ག་བཱ་ཏོ་བུདྡྷ་སྱ་སིདྡྷྱནྟུ་མནྟྲ་པ་དཱཿ སཝཱཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་ཚེ་དང་ལྡན་པ་ཀུན་དགའ་བོ་དང ། ལྷ་དང ། མི་དང ། ལྷ་མ་ཡིན་དང ། དྲི་ཟར་བཅས་པའི་འཇིག་རྟེན་ཡི་རང་སྟེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ལག་ན་རྡོ་རྗེ་བཅུའི་སྙིང་པོ་རྫོགས་སོ།། །།རྒྱ་གར་གྱི་མཁན་པོ་ཛ་ནི་མི་ཏྲ་དང ། དཱ་ན་ཤཱི་ལ་དང ། ཞུ་ཆེན་གྱི་ལོཙྪ་བ་བནྡྷེ་ཡེ་ཤེས་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པ། |