rKTs


H691

(e-text produced by ACIP)

see text in transliteration
Ba362a
རྒྱ་གར་སྐད་དུ། ཨཱརྱ་བིདྱཱ་ཨུཏྟ་མ་མཧཱ་
Ba362b
ཏནྟྲ།་བོད་སྐད་དུ། འཕགས་པ་རིག་པ་མཆོག་གི་རྒྱུད་ཆེན་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན།་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་རིག་པ་བྱེ་བ་ཕྲག་དུ་མས་བསྐོར་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བར་སྣང་ལས་བབས་ཏེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་ཕྱོགས་གཅིག་ཏུ་འདུག་གོ་།དེ་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཀྱང་རིག་པ་བྱེ་བ་དུ་མས་ཡོངས་སུ་བསྐོར་ནས་འཁོར་དེ་ཉིད་དུ་འདུས་ཏེ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་ཕྱོགས་གཅིག་ཏུ་འདུག་གོ་།དེ་ནས་འབྱུང་པོའི་བདག་པོ་དབང་ལྡན་འབྱུང་པོ་བྱེ་བ་ཕྲག་དུ་མས་བསྐོར་ནས་འཁོར་དེ་ཉིད་དུ་འདུས་པར་གྱུར་ཏེ་བཅོམ་ལྡན་འདས་ཀྱི་ཞབས་དང ། ཕྱག་ན་རྡོ་རྗེ་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།དེ་ནས་གདོལ་པའི་རྒྱལ་པོ་ཕུར་བུ་གསུམ་པ་ཡང་འཁོར་དེ་ཉིད་དུ་འདུས་པར་གྱུར་ཏོ། །རྒྱལ་པོ་ཆེན་པོ་
Ba363a
༄#། །བཞི་ཡང་གཡོག་འཁོར་བྱེ་བ་ཕྲག་དུ་མས་ཀུན་ནས་བསྐོར་ཏེ་འཁོར་དེ་ཉིད་དུ་འདུས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ་།དེ་ནས་བྱང་ཆུབ་སེམས་དཔའ་ལག་ན་རྡོ་རྗེས་བླ་གོས་ཕྲག་པ་གཅིག་ཏུ་གཟར་ཏེ་པུས་མོ་གཡས་པའི་ལྷ་ང་ས་ལ་བཙུགས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། སེམས་ཅན་ཐམས་ཅད་ཀྱི་དོན་གྱི་སླང་དུ་བདག་གསང་སྔགས་ཀྱི་ཚིག་འཆད་པར་གནང་བ་མཛད་དུ་གསོལ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ།་ཁྱོད་ནི། ཤིན་ཏུ་མ་རུངས་པ། ལག་ན་རྡོ་རྗེ། ཁྱོད་ནི། ཤིན་ཏུ་བརྩམ་པ་མེད་པ། ཤིན་ཏུ་གཏུམ་པ་ཡིན་ན། ཇི་ལྟར་སེམས་ཅན་རྣམས་ཀྱི་དོན་གྱི་ཕྱིར་གསང་སྔགས་འཆང ། ལག་ན་རྡོ་རྗེ། ཁྱོད་ནི། དམ་ཚིག་ཤེས་པ་ཡིན་ལ། སེམས་ཅན་གང་དག་དམ་ཚིག་མི་ཤེས་པར་བརྗོད་པ་རྣམས་ནི། རྡོ་རྗེས་མཐར་བྱེད་པ་ཡིན་ན། ཁྱོད་ཇི་ལྟར་གསང་སྔགས་འཆང ། གསོལ་པ། བཅོམ་ལྡན་འདས། དེ་དེ་ལྟ་ལགས་མོད་ཀྱི། བཅོམ་ལྡན་འདས། གང་དག་རིག་པ་མཆོག་འདིའི་དོན་འདོན་པ་དང ། འཆང་བ་དང །
Ba363b
མཆོད་པ་བགྱིས་པ་དེ་དག་ནི། བདག་གི་དམ་ཚིག་འཚལ་བ་ལགས། བདག་གི་དཀྱིལ་འཁོར་དུ་ཞུགས་པ་ལགས་པས། བཅོམ་ལྡན་འདས་ཀྱིས་གནང་བར་མཛད་དུ་གསོལ། དེ་ནས་བཅོམ་ལྡན་འདས་ལ་གནོད་སྦྱིན་གྱི་བདག་པོ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གི་ཡི་གེ་བཞི་པ་ཞེས་བགྱི་བ་འདི་ནི། རིག་པའི་ཚོགས་ཐམས་ཅད་ཀྱི་སྙིང་པོར་གྱུར་པ། ལས་མང་པོ་རབ་ཏུ་སྒྲུབ་པ། སྟོབས་དང་ཕ་རོལ་གནོན་པ་དཔག་ཏུ་མ་མཆིས་པ། བསྟན་པ་ཐོགས་པ་མ་མཆིས་པ་སྟེ། བཅོམ་ལྡན་འདས་རིག་པའི་རྒྱལ་པོ་བཤད་པར་བགྱིའོ། །ཀྱེ་ཀྱེ་ལྷ་ཡུལ་དང ། ས་དང ། ཆུ་ལ་གནས་པའི་འབྱུང་པོའི་ཚོགས་རྣམས། ཁྱེད་ཡིད་རྩེ་གཅིག་ཏུ་གྱིས་ལ་ཉོན་ཅིག་།རྡོ་རྗེས་མགོ་བཀས་པར་གྱུར་ཏ་རེ། དེ་ནས་ལག་ན་རྡོ་རྗེས་རང་གི་རིག་པའི་ཚོགས་ལ་བལྟས་ནས་གསང་སྔགས་སྨྲས་པ། ན་མོ་རཏྣ་ཏྲ་ཡ་སྱ། ན་མཤྩཎྜ་བཛྲ་པཱ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ། མ་ཧཱ་ཤཱཀྱ་སཾ་བུདྡྷཱ་ཡ། བིརླི། ཀིརླི། མིརླི། ཧིརླི། བིདྱུ་ཏ་ཏ་མ་ཡརྩི་ནི་མི་ལི་སཝཱཧཱ། དེ་ནས་ཐམས་ཅད་དང་ལྡན་པའི་འཁོར་དེ་འདར་ཡེད་ཡེད་ནས་ཐལ་མོ་སྦྱར་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་ལ་བསྐྱབ་ཏུ་གསོལ། བདེ་བར་གཤེགས་པ། བདག་ཅག་ལ་བསྐྱབ་ཏུ་གསོལ། དེ་ནས་གནོད་སྦྱིན་གྱི་དབང་པོ་ལག་
Ba364a
༄#། །ན་རྡོ་རྗེས་ཐམས་ཅད་དང་ལྡན་པའི་འཁོར་ལ་གྲོགས་པོ་དག་མ་འཇིགས་ཤིག་།མ་འཇིགས་ཤིག་།རིག་པའི་རྒྱལ་པོ་དྲན་པར་གྱིས་ཤིག་ཅེས་དབུགས་ཕྱུང་ངོ ། །དེ་ནས་ཐམས་ཅད་དང་ལྡན་པའི་འཁོར་དེ་ངོ་མཚར་དུ་གྱུར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་ལག་ན་རྡོ་རྗེ་འདི་ལྟ་བུའི་གསང་སྔགས་ཀྱི་ཚིག་དག་འཆད་པ་ནི། ངོ་མཚར་ཏོ། །བཅོམ་ལྡན་འདས། བདག་ཅག་ནི། རིག་པའི་རྒྱལ་པོ་གང་ན་གནས་པ་དེར་མཆོད་པར་འཚལ་ལོ། ། སུ་ཀློག་པ་དང ། མཆོད་པར་བགྱིད་པ་དང ། སྒྲུབ་པའི་རིག་སྔགས་འཆང་དེའི་བརྩོན་པ་བསྐྱེད་པར་བགྱིའོ། །བཀའ་སྩལ་པ། རིགས་ཀྱི་བུ་དག་།དེ་དེ་བཞིན་ཏེ། དེ་དེ་བཞིན་ནོ། །དེ་ནས་རིག་པའི་རྒྱལ་པོའི་ལས་ནི། འདི་ལགས་ཏེ། སྲད་བུའམ། ཐལ་བའམ། ཆུ་ལ་ལན་གཅིག་བརྗོད་པས་སྲུང་བར་འགྱུར་རོ། །རིག་སྔགས་བཅད་ན། མཚོན་རྣོན་པོ་ལ་ལན་གཉིས་བརྗོད་དེ་རྩཝ་ཀུ་ཤ་བཅད་དོ། །ཡང་ན་ས་དྲའོ། །དེ་ལྟར་ན་རིག་སྔགས་ཐམས་ཅད་བཅད་པར་འགྱུར་རོ། །ལན་གསུམ་བརྗོད་ན། རིགས་སྔགས་ཚང་བར་འགྱུར་ཏེ། མར་གྱི་ངོ་ཞག་བརྒྱད་ལ་འཕགས་པ་ལག་ན་རྡོ་རྗེའི་མདུན་དུ་མཆོད་པ་བགྱིས་ལ་རིག་སྔགས་གང་ཡི་གེ་མ་ཚང་པའམ། དྲན་པ་ཉམས་པ་
Ba364b
དེ་ལན་བརྒྱ་རྩ་བརྒྱད་བརྗོད་དེ་རིག་པའི་མཆོག་གི་སྙིང་པོ་དང་ལྷན་ཅིག་ཏུ་ལན་གསུམ་བརྗོད་ན། རྨི་ལམ་དུ་སྟོན་ཏོ། །ཅི་སྟེ་ལས་བཅང་པར་གྱུར་ན། རྩཝ་ཀུ་ཤས་བྱབ་པར་བྱ་སྟེ།་རྫོགས་པར་འགྱུར་རོ། །ལག་ན་རྡོ་རྗེའི་མདུན་དུ་ལན་བཞི་བརྗོད་ན། དགེ་བ་དང་མི་དགེ་བ་སྟོན་པར་འགྱུར་རོ། །ཅི་འདོད་པ་ཡིད་བཞིན་དུ་སྦྱོར་བ་བགྱིས་ན། ལས་རྣམས་སུ་འགྱུར་རོ། །གདོན་ཚར་བཅད་ན། ཐལ་བའམ། ཆུའམ། དུར་ཁྲོད་ཀྱི་སོལ་བས་བསྣུན་ནོ། །ཡང་ན་གཟུགས་བགྱིས་ཏེ་ལྕུག་མས་བཞུས་ན། གཏོང་བར་འགྱུར་རོ། །ཡང་ན་ས་ལ་གཟུགས་བགྱིས་ཏེ་དུར་ཁྲོད་ཀྱི་སོལ་བས་ལག་མཐིལ་ལ་རྡོ་རྗེ་བྲིས་ཏེ་ལག་པས་བཀབ་ན། གཏོང་བར་འགྱུར་རོ། །སྐུད་པ་ལ་མདུད་པ་བོར་བ་རྣམས་ཀྱིས་རིག་སྔགས་བཅིང་ངོ ། །མཁའ་འགྲོ་མ་རྣམས་བཅད་པར་བགྱི་ན། ཡུངས་ཀར་དག་ལ་ལན་བདུན་བདུན་བསྔགས་ཏེ་བསྣུན་ན་མཁའ་འགྲོ་མ་ཐམས་ཅད་མ་རུངས་པར་འགྱུར་རོ། །དབབ་པར་བགྱི་ན། རྣ་བར་བཟླས་བརྗོད་བགྱིའོ། །ཡང་ན་ཙནྡན་དམར་པོས་དཀྱིལ་འཁོར་བྱུགས་ལ་རྡོ་རྗེ་རྩེ་ལྔ་པ་བྲིས་ཏེ་གུ་གུལ་གྱིས་བདུག་པ་དང ། མེ་ཏོག་རྣམས་ཀྱིས་དབབ་བོ། །ཕྱག་རྒྱ་གཞིག་ན། ཆུའམ། ཐལ་ལྕག་གམ། སོ་ཕག་གི་དུམ་བུ་རྣམས་ཀྱིས་སོ། །དུག་
Ba365a
༄#། །ལས་གསོ་ན། ཆུའམ། རྨ་བྱའི་མདོངས་སམ། ཆུ་དྲིའམ། མེ་ལོང་གིས་སོ། །མར་གྱི་ངོ་ཞག་བཅུ་བཞི་ནས་ལག་ན་རྡོ་རྗེའི་མདུན་དུ་ཞག་གསུམ་སྨྱུང་བར་བྱས་ལ་བརྒྱད་སྟོང་བཟླས་བརྗོད་བགྱིའོ། །དེ་ནས་བཅོམ་ལྡན་འདས་ལག་ན་རྡོ་རྗེས་དམ་པ་སྩོལ་བར་འགྱུར་ཏེ། དེའི་འོག་ཏུ་དུག་གསོ་བ་ལ་སོགས་པ་དང ། ལས་གཞན་རྣམས་ཀྱང་བགྱིའོ། །གལ་ཏེ་མཁའ་འགྲོ་མ་རྣམས་ཤིན་ཏུ་བཅད་པར་འཚལ་ན། དེ་ནས་ལག་ན་རྡོ་རྗེའི་མདུན་དུ་འབྲས་ཀྱི་ཟེགས་མས་ལན་བརྒྱ་སྟོང་སྦྱིན་སྲེག་བགྱིས་ན། ལག་ན་རྡོ་རྗེས་ཇི་སྐད་བཤད་པ་བཞིན་དུ་ཚེ་ཇི་ཙམ་ཐུབ་པར་རིག་སྔགས་ཐམས་ཅད་མ་རུངས་པར་འགྱུར་རོ། །སེང་ལྡེང་གི་རྡོ་རྗེ་བགྱིས་ཏེ་རིག་སྔགས་འཆང་གི་མིང་ནས་བརྗོད་ལ་ས་ལ་ལན་གཅིག་བཙུགས་ན་བཤིག་པར་འགྱུར་ཏེ། དེ་ཕྱིན་ཆད་རིག་སྔགས་འཆང་དེའི་གསང་སྔགས་རྣམས་མི་འཇུག་གོ་།རིག་སྔགས་གཅད་པར་བགྱི་འཚལ་ན། རིག་སྔགས་འཆང་གི་གཟུགས་བགྱིས་པ་བཅད་ན། བཅད་པ་བགྱིས་པར་འགྱུར་རོ། །རིག་སྔགས་བཤིག་པར་བགྱིད་འཚལ་བས་རིག་སྔགས་དེ་རིག་པ་མཆོག་གི་སྙིང་པོ་དང་ལྷན་ཅིག་བརྗོད་ན། རིག་སྔགས་ཐམས་ཅད་བཤིག་པར་འགྱུར་ཏེ། ལས་མི་བགྱིད་དོ། །རིག་པ་འགུགས་པར་འཚལ་བས་མར་གྱི་
Ba365b
ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ལ་ལག་ན་རྡོ་རྗེའི་མདུན་དུ་མཆོད་པར་བགྱིས་ཏེ་རིག་པ་མཆོག་གི་སྙིང་པོ་དང་ལྷན་ཅིག་ལན་བརྒྱ་སྟོང་བཟླས་བརྗོད་བགྱིས་ན། རིག་པ་འགུགས་ཏེ། ཕྱིས་རིག་པ་སྒྲུབ་བོ། །རིག་པ་ཉམས་པར་བགྱིས་ན། བཟླས་བརྗོད་བྱས་པས་ཆོ་ག་སྟེ། ཆེ་གེ་མོའི་རིག་པ་ལ་གནོད་པ་མཛོད་ཅིག་ཅེས་བགྱིས་ན། རིག་པ་དེ་ལས་མི་བགྱིད་དོ། །རིག་པ་ཚར་གཅད་པར་བགྱི་ན། ཐལ་བ་ལ་གཟུགས་བགྱི་སྟེ། རིག་པ་མཆོག་གི་སྙིང་པོ་དང་ལྷན་ཅིག་བརྗོད་ལ་རྐང་པ་གཡོན་པས་ཀྱང་ཕྱིས་ན། རིག་པ་སྨད་པ་དང ། ཉམས་པར་འགྱུར་ཏེ། ལས་མི་བགྱིད་དོ། །གལ་ཏེ་རིག་སྔགས་འཆང་གཞིག་པར་འཚལ་ན། ལག་ན་རྡོ་རྗེའི་མདུན་དུ་རིག་སྔགས་འཆང་གི་མིང་ནས་བརྗོད་དེ་མར་མེའི་སྙིང་པོ་མེ་ལྕེ་དང་བཅས་པ་བདུན་སྦྱིན་སྲེག་བགྱིས་ན། རིག་སྔགས་འཆང་བ་བཤིག་པར་འགྱུར་ཏེ། བསོད་ནམས་ཀྱང་འཇིག་གོ་།སྲོག་ཀྱང་འཇིག་གོ་།རིག་སྔགས་འཆང་དེའི་ཚེ་ཇི་ཙམ་པར་གསང་སྔགས་རྣམས་མི་འགྲུབ་བོ། །སླར་གསོ་བར་བགྱི་ན། མ་ལ་ཏའི་མེ་ཏོག་མར་ལ་སྨྱུགས་པའི་སྦྱིན་སྲེག་བགྱི་བ་ལན་ཉི་ཤུ་རྩ་གཅིག་ལག་ན་རྡོ་རྗེའི་མདུན་དུ་སྦྱིན་སྲེག་བགྱི་ན་རིག་པ་འགྲུབ་བོ། །ལས་འདི་དག་ནི། མ་བསྒྲུབས་ཀྱང་བགྱིད་དོ། །ཅི་སྟེ་བགྱིད་འཚལ་ན། རི་ལ་འཛེགས་ཏེ་ཁ་ཟས་འོ་སྐྱོ་འཐུང་ཞིང་
Ba366a
༄#། །ལན་འབུམ་བཟླས་བརྗོད་བགྱིས་ན་རིག་པའི་རྒྱལ་པོའི་མཆོག་རང་གི་གཟུགས་སུ་མཐོང་བར་འགྱུར་ཏེ། དེ་ལ་བུ་ཅི་བྱ་ཞེས་གསུང་བར་འགྱུར་རོ། །དེ་ནས་བཅོམ་ལྡན་འདས། ལས་ཐམས་ཅད་མཛད་དུ་གསོལ་ཞེས་བརྗོད་པར་བགྱིའོ། །དེ་བཞིན་དུ་གྱུར་ཅིག་ཅེས་བརྗོད་ནས་མི་སྣང་བར་འགྱུར་རོ། །དེ་ནས་ཡིད་ཀྱིས་བཟླས་བརྗོད་བགྱིས་ན། རིག་སྔགས་འཆང་ཡང་འགུག་གོ། གྲོག་མཁར་གྱི་ས་ལས་སྦྲུལ་བགྱིས་ཏེ་སྔགས་ཀྱིས་བཏབ་ན། ཀླུ་ཐམས་ཅད་འཆིའོ། །དབང་དུ་ཡང་འགྱུར་རོ། །གསག་མ་ལ་ལན་བདུན་བསྔགས་ཏེ་མཚོར་བོར་ན། མཚོ་སྐམ་པར་འགྱུར་རོ། །འབབ་ཆུ་ཆེན་པོར་བོར་ན། འབབ་ཆུ་ཆེན་པོ་སྐམ་པར་འགྱུར་རོ། །གང་དུ་བོར་བ་དེ་སྐམ་པར་འགྱུར་རོ། །བདག་གི་རིག་པའི་རྒྱལ་པོ་འདི་ནི། རིག་པའི་རྒྱལ་པོ་ཐམས་ཅད་དང ། རིག་པ་ཐམས་ཅད་ཀྱི་མཆོག་ཏུ་བརྗོད་པའོ། །གལ་ཏེ་རིག་པ་གཞན་དག་གི་ལས་མི་འཚལ་ན་ཡང་སྦྱོར་བ་འདིས་རིག་པ་ཐམས་ཅད་སྦྱོར་བར་བགྱིའོ། །ལས་ཐམས་ཅད་བགྱིད་དོ། །ལས་བགྱིད་ན། རིག་པའི་རྒྱལ་པོ་ལྷན་ཅིག་ལན་གསུམ་བརྗོད་ལ་འགའ་ཞིག་མ་མཆིས་ན། དེའི་མགོ་དུམ་བུ་ཞིམ་ཐིག་ལེའི་སྙི་མ་བཞིན་དུ་འགས་པར་འགྱུར་རོ། །གང་གི་ཚེ་གསང་བ་པ་རྣམས་ཀྱི་གསང་སྔགས་
Ba366b
གྲུབ་པ་དེའི་ཚེ་ལས་ཐམས་ཅད་དུ་རིག་པའི་མཆོག་བཟླས་བརྗོད་བགྱིའོ། །མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་མཆོད་པ་བགྱིས་ལ་བ་སྨད་སྤུ་མཐུན་གྱི་མར་གསར་བླངས་ཏེ་མར་གསར་དེས་སེང་ལྡེང་གི་མེར་ལན་བརྒྱད་སྟོང་སྦྱིན་སྲེག་བགྱིས་ན། རིག་པའི་མཆོག་རིག་པ་སྒྲུབ་པ་རྣམས་ལ་དམ་པ་སྩོལ་བར་འགྱུར་རོ། །གང་གི་ཚེ་ཕ་རོལ་འབྲོས་པར་བགྱིད་འཚལ་ན། ཕུབ་མ་ལས་ལན་བརྒྱ་སྟོང་སྦྱིན་སྲེག་བྱའོ། །སོ་ཕག་གིས་ཀྱང་འཕངས་ན། འབྲོས་པར་འགྱུར་རོ། ། མར་གྱི་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་ཨརྒའི་ཞུགས་བུས་ལ་རྩཝ་དུར་བའི་ལོ་མ་ལན་བརྒྱད་སྟོང་སྦྱིན་སྲེག་བགྱིས་ན། ཏི་ན་ར་གཅིག་རྙེད་པར་འགྱུར་རོ། །མར་གྱི་ངོ་ཞག་བཅུ་བཞི་ནས་ཞག་གསུམ་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་མེ་ཏོག་ཀུ་མུ་ད་དང ། ཞོ་དང ། སྦྲང་རྩི་དང ། མར་ལ་སྨྱུགས་པ་ཁྲི་མེའི་ནང་དུ་སྦྱིན་སྲེག་བགྱིས་ན། དཔལ་ཆེ་བར་འགྱུར་རོ། །རྒྱ་མཚོའི་དབུ་བ་དང ། རྒྱ་སྤོས་དང ། ལྡོང་རོས་རྣམས་ཆ་བསྙམས་ཏེ་རྨ་བྱའི་མཁྲིས་པ་དང ། རིལ་བུ་སྲན་མ་ཙམ་དུ་བགྱིས་ཏེ་ལག་ན་རྡོ་རྗེའི་མདུན་དུ་རིག་པའི་མཆོག་ལན་བརྒྱད་སྟོང་བཟླས་བརྗོད་བགྱིས་ལ་སྦྲུལ་གྱིས་ཟིན་པ་ལ་ཆུ་ལ་བཏང་ན། འཇོག་པོས་ཟིན་པ་ཡང་འཚོའོ།།
Ba367a
༄#། །སྲིན་བུས་ཟིན་པ་དང ། བས་བལྡགས་དང ། འབྲས་ཕྲེང་བར་གྱུར་པ་ལ་ཆབ་བསྐོལ་བ་ལས་གཏང་ངོ ། །སྦྲུམ་མ་བུ་མ་ཕྱིན་པ་ལ་ནི། མར་ལས་བཏང་ན་བདེ་བར་བཙའ་བར་འགྱུར་རོ། །བྱིས་པ་གདོན་གྱིས་ཟིན་ན། བདུག་པས་བདུགས་པས་གཏོང་བར་འགྱུར་རོ། །བུད་མེད་ཀྱི་ནད་ལ་ནི། དར་བ་ལས་གཏང་ངོ ། །ཕུག་ཏུ་འཇུག་ན།་ལུས་ལ་བསྐུའོ། །སྒྲུབ་པ་ན་བདག་ལ་བདུགས་ན། ལོག་འདྲེན་ཐམས་ཅད་ལས་ཐར་པར་འགྱུར་རོ། །ལག་ན་རྡོ་རྗེའི་མདུན་དུ་སྲད་བུ་ལ་རིག་པའི་མཆོག་བརྒྱད་སྟོང་བཟླས་བརྗོད་བགྱིས་ཏེ་ལག་པ་ལ་བཏགས་ནས་གཡུལ་ངོར་ཞུགས་ན། ཕ་རོལ་གྱིས་མི་ཚུགས་པར་འགྱུར་རོ། །སྦྱིན་སྲེག་བགྱིས་པའི་ཐལ་བའམ། ཐལ་བ་གཙང་མས་ཁམ་ཕོར་བཀང་ལ་རིག་པ་མཆོག་བཟླས་བརྗོད་བགྱིད་ན། རྐུན་པོ་གང་ན་འདུག་པ་དེར་མཆིའོ། །གང་གིས་རིག་པའི་རྒྱལ་པོ་འདི་ཡིད་ཀྱིས་བཟླས་བརྗོད་བགྱིས་པ་དེ་ལ་དབང་ཕྱུག་ཆེན་པོ་དང ། དབང་ཕྱུག་ཆེན་པོའི་ཚོགས་དང ། བགེགས་དང ། ལོག་འདྲེན་དང ། མཁའ་འགྲོ་མ་དང ། སྲིན་པོ་དང ། ཤ་ཟ་དང ། གནོད་སྦྱིན་དང ། འབྱུང་པོ་དང ། གྲུལ་བུམ་དང ། སྲུལ་པོ་དང ། མདངས་འཕྲོག་པ་དང ། གདོན་རྒྱན་མ་དང ། མ་མོ་དང ། ལག་ན་རྡོ་རྗེའི་ཕྱག་བརྙན་དང ། གང་གིས་ཀྱང་གླགས་མི་རྙེད་ཀྱི། ལག་
Ba367b
ན་རྡོ་རྗེའི་དེའི་མགོ་འགེམས་སོ། །བཅོམ་ལྡན་འདས་ཀྱི་སྤྱན་སྔའམ། ཕྱོགས་གཙང་མར་མཆོད་པ་བགྱིས་ཏེ་རྩཝ་ཀུ་ཤའི་མདུང་རྩེ་གསུམ་པ་ཐོགས་ལ་ཡུངས་ཀར་ཞོ་དང ། སྦྲང་རྩི་དང ། མར་བསྲེགས་པ་སྦྱིན་བླུགས་ལན་ཉི་ཤུ་རྩ་གཅིག་སྦྱིན་སྲེག་བགྱི་ཞིང་ཉིན་བདུན་དུས་གསུམ་དུ་གཅེར་བུས་སྐྲ་བཤིག་ལ་བགྱིས་ན། ནོར་སྩོལ་བར་བགྱིད་དོ། ། མར་གྱི་ངོ་ཞག་དྲུག་ནས་བརྩམས་ཏེ་མཚོ་འགྲམ་དུ་མཆིས་ལ་མར་གྱི་ངོ་ཞག་བརྒྱད་པའི་བར་དུ་ཡུངས་ཀར་དག་ལས་སྦྱིན་སྲེག་ལན་བརྒྱ་སྟོང་བགྱིས་ན། ནོར་དང ། གོས་རྣམས་སྩོལ་བར་འགྱུར་རོ། །འཕགས་པ་རིག་པའི་རྒྱལ་པོའི་མཆོག་སྒྲུབ་པ་ནི། རི་མོ་མཁན་གསོ་སྦྱོང་བཟུང་བས་མ་གོང་པའི་རས་ལ་སྤྱིན་དང་མ་འདྲེས་པའི་ཚོན་རྩི་རྣམས་ཀྱིས་སངས་རྒྱས་ཀྱི་སྐུ་གཟུགས་བྲི་བར་བགྱིའོ། །གཡས་ཕྱོགས་སུ་ལག་ན་རྡོ་རྗེ་སྟན་ནང་ཚངས་ཅན་གྱི་སྟེང་ན་མཆིས་པར་བྲིའོ། །ལག་ན་རྡོ་རྗེའི་འོག་ཏུ་རིག་པའི་མཆོག་བྲིའོ། །བཅོམ་ལྡན་འདས་ནི། གསེར་གྱི་ཁ་དོག་ལྟ་བུའོ། །ལག་ན་རྡོ་རྗེ་ནི། སྔོ་བསངས་ཏེ། རྒྱན་ཐམས་ཅད་ཀྱིས་བརྒྱན་པའོ། །རིག་པའི་རྒྱལ་པོ་ཡང་སྔོ་བསངས་ཏེ། རྒྱན་ཐམས་ཅད་ཀྱིས་བརྒྱན་ལ་སྟན་གོར་བུའི་སྟེང་ན་མཆིས་པར་བྲིའོ། །མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བགྱིས་ཏེ་ཅི་ནུས་སུ་མཆོད་པར་བགྱིས་ལ་རྒྱལ་
Ba368a
༄#། །པའི་བློ་གྲོས་ཀྱིས་རིག་པའི་རྒྱལ་པོ་དགུག་པར་བགྱིའོ། །རྡོ་རྗེའི་ཁས་ཉེ་རེག་བགྱིའོ། །རྡོ་རྗེའི་ལྟེ་བས་སྤོས་དབུལ་བར་བགྱིའོ། །མེ་ཁ་ལས་མེ་ཏོག་དབུལ་བར་བགྱིའོ། །གདོང་དཀར་གྱིས་བསྲུང་བར་བགྱིའོ། །རྡོ་རྗེ་སོར་མོས་ཁྲུས་བགྱིའོ། །ནག་མོས་ཁུ་བ་བཅིང་བར་བགྱིའོ། །གྱེན་དུ་ལྟ་བའི་གདོང་གིས་ཕྱོགས་བཅིང་བར་བགྱིའོ། །རྡོ་རྗེའི་སེངྒེའི་ཁྲིས་འདུག་པར་བགྱིའོ། །རྡོ་རྗེ་ལྡན་མས་བགེགས་གཞོམ་པར་བགྱིའོ། །ཤུགས་ལྡན་མས་སླར་གཤེགས་སུ་གསོལ་ལོ། །ཕྱིས་རིག་པ་མཆོག་གི་རི་མོའི་གཟུགས་ཀྱི་མདུན་དུ་གུ་གུལ་གྱི་རིལ་བུ་བརྒྱད་སྟོང་སྦྱིན་སྲེག་བགྱིས་ན། དངོས་གྲུབ་ཀྱི་མཚན་མར་བཅོམ་ལྡན་འདས་ཀྱི་གཟུགས་འགུལ་བར་འགྱུར་རོ། །ཞག་བདུན་ན་ཏི་ན་ར་བརྒྱ་རྙེད་པར་འགྱུར་རོ། །ཡང་ན་ལོངས་སྤྱོད་སྩོལ་བར་འགྱུར་རོ། །མར་གྱི་ངོ་ཞག་བརྒྱད་ན་ལག་ན་རྡོ་རྗེའི་མདུན་དུ་དུ་རུ་ཀའི་འབྲས་བུ་ལས་ལན་བརྒྱད་བརྒྱ་སྦྱིན་སྲེག་བགྱིད་ན། གང་འདོད་པ་དེ་སྨྱོ་བར་འགྱུར་རོ། །ལག་ན་རྡོ་རྗེའི་མདུན་དུ་མར་དང་གུ་གུལ་གྱི་རིལ་བུ་བརྒྱད་བརྒྱའི་སྦྱིན་སྲེག་བགྱིས་ན། སོས་པར་འགྱུར་རོ། ། མར་གྱི་ངོ་ཞིག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་ཤིང་ཨ་ཤཝཏྠའི་ལོ་འདབ་ཀྱི་སྟེང་དུ་ལྡོང་རོས་བཞག་ལ་ཇི་སྲིད་ཀྱིས་རྣམ་གསུམ་གྲུབ་པ་དེ་སྲིད་དུ་བཟླས་བརྗོད་
Ba368b
བགྱིའོ། །དྲོ་བར་གྱུར་ན། རྐང་པས་མཆིའོ། །དུ་བ་འཐུལ་ན། མི་སྣང་བ་དང ། ལོ་བདུན་སྟོང་དུ་འཚོའོ། །འབར་ན། བསྐལ་བར་གནས་པར་འགྱུར་རོ། །རླུང་བཞིན་དུ་ལག་ན་རྡོ་རྗེའི་གནས་སུ་མཆི་ཞིང་ཁ་ཟས་ཅི་འདོད་པ་ཟའོ། ། ཐ་རཱ་ཛཱ་དྷཱ་མ་ཤི་ཀ་དྷུ་ཀཱ་མ་ཀྲྀ་ཏ་ཨཥྚ་མྱ་ཨ་ཧོ་རཱ་ཏྲི་ཤི་ཏེ་ན་བཛྲ་པཱ་ཎི་སྱ་ཨ་གྲ་ཏ་ཨརྐ་ཀཥྛེ་ཨགྣི་པྲ་ཛྭཱ་ལེ། རུ་དྷི་ར་ཨ་ག་ཏ་ཎ་ཏི་ལཱ་ནཱ་ཨཥྚ་ས་ཧ་སྲཾ་ཧུ་ཛུ་ཡ་ད་རཱ་ཛ་བ་ཤོ་བ་ཏི་བཛྲ་ཀཱ་མོ་པ་སཾ་ཧ་ཏི། ཅི་སྟེ་དགྲ་གསོད་པར་འདོད་ན། ལག་ན་རྡོ་རྗེའི་མདུན་དུ་སེང་ལྡེང་གི་ཞུགས་བུས་ལ་ཡུངས་ཀར་དང་སྐེ་ཚེའི་འབྲུ་ལས་ལན་བརྒྱད་སྟོང་སྦྱིན་སྲེག་བགྱིས་ན་དགྲ་མཆིའོ། །གནོད་པར་སེམས་པར་བགྱིས་ན། ལག་ན་རྡོ་རྗེའི་མདུན་དུ་ཡི་དྭགས་ཀྱི་ཤིང་གི་ཞུགས་བུས་ལ་ཏིལ་ནག་པོ་ལ་ལན་བརྒྱ་སྟོང་སྦྱིན་སྲེག་བགྱིས་ན་གནོད་པར་སེམས་པར་བགྱིས་པར་འགྱུར་རོ། །མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་རྐང་པ་གཡས་པའི་མཐེ་བོང་ལས་བཟུང་ལ་དེའི་མིང་ནས་ཕྱུང་སྟེ་བཟླས་བརྗོད་བགྱིས་ན་འཕྲལ་དུ་དགྲར་མི་འགྱུར་རོ། །མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་རིག་པ་མཆོག་གི་སྔགས་ཀྱིས་བཏབ་པའི་ཆང་གིས་རྡོ་རྗེ་བཀྲུས་ལ་རིག་སྔགས་ཀྱང་ལན་བརྒྱད་བརྒྱ་བཟླས་བརྗོད་བགྱིས་ན་གང་གི་མིང་ནས་ཕྱུང་སྟེ་བཟླས་བརྗོད་བགྱིས་པ་དེ་གདོན་
Ba369a
༄#། །གྱིས་ཟིན་པར་འགྱུར་རོ། །རྡོ་རྗེ་འོ་མས་བཀྲུས་ལ་རིག་སྔགས་ལན་བརྒྱད་སྟོང་བཟླས་པ་བགྱིས་ན་སོས་པར་འགྱུར་རོ། །ཡུལ་འཁོར་གཞིག་པར་འདོད་པས་སེང་ལྡེང་གི་རྡོ་རྗེ་བགྱིས་ལ་ཡར་གྱི་ངོ་ཚེས་བཅུ་གཉིས་ལ་ལག་ན་རྡོ་རྗེའི་མདུན་དུ་ལན་བརྒྱ་སྟོང་བཟླས་བརྗོད་བགྱིས་ཏེ་ཤུལ་གྱི་བཞི་མདོར་བཙུགས་ན། ཡུལ་འཁོར་འཇིག་པར་འགྱུར་རོ། །ཕྱུང་ན། སྔ་མ་ཁོ་ན་བཞིན་རྟག་པར་འགྱུར་རོ། །མར་ངོའི་ཞག་དགུ་ལ་ལག་ན་རྡོ་རྗེའི་མདུན་དུ་རིག་པ་མཆོག་གིས་སྐེ་ཚེའི་འབྲུ་ལ་ལན་བརྒྱད་སྟོང་བཟླས་བརྗོད་བགྱིས་ན་ཕུང་བར་འགྱུར་རོ། །ལག་ན་རྡོ་རྗེའི་མདུན་དུ་མར་དང་བསྲེས་པའི་སྐེ་ཚེའི་འབྲུ་ལ་ལན་བརྒྱད་སྟོང་སྦྱིན་སྲེག་བགྱིས་ན་བརྟས་པར་འགྱུར་རོ། ། མར་གྱི་ངོ་ཞག་བརྒྱད་ལ་བ་སྨད་སྤུ་མཐུན་གྱི་འོ་མ་བླངས་ཏེ་རིག་པ་མཆོག་གི་བཟླས་བརྗོད་བྱས་ཤིང་བསྲུངས་ལ། དེ་ལས་མར་གསར་བླངས་ཏེ་ཐོད་པའི་ནང་དུ་བཞག་ལ་ཐོད་པ་དེ་བླངས་ཏེ་མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བགྱིས་ལ་མངོན་མཚན་གཅིག་ཡོད་པར་སོང་སྟེ་འབྱུང་པོ་ཐམས་ཅད་པའི་གཏོར་མ་བགྱིས་ལ། ཐོད་པ་དེ་ཐོགས་ཏེ་ལུས་ཀྱི་ལྷོ་ཕྱོགས་སུ་འདུག་ལ་ཇི་ཙམ་ན་འབར་བ་དེ་སྲིད་དུ་བཟླས་བརྗོད་བགྱིའོ། །དེ་ནས་དེ་འཐུངས་ན། ཅི་འདོད་པའི་གཟུགས་སུ་འགྱུར་རོ། །ནམ་
Ba369b
མཁའ་ལ་འགྲོ་བར་འགྱུར་རོ། །མི་སྣང་བར་འགྱུར་རོ། །གཟུགས་སྣ་ཚོགས་སྟོན་པར་འགྱུར་རོ། །ལོ་ལྔ་བརྒྱ་འཚོ་བར་འགྱུར་རོ། །བདག་རིག་པའི་རྒྱལ་པོའི་མཆོག་འདི་ནི། རིག་པ་ཐམས་ཅད་ཀྱི་གཙོ་བོའོ། །བདག་སྲུང་ན། གོས་ཀྱི་མཐའ་མར་མདུད་པ་དོར་རོ། །གཞན་སྲུང་ན། སྤྱི་གཙུག་ཏུ་སྐྲ་མདུད་དོར་རོ། །ཆུ་སྲིན་ཀུམྦྷི་རའི་ཁ་བཅིངས་ན། ཕྱོགས་བཞིར་ཆུ་གཏོར་རོ། །སྟག་ལ་ནི། ཡིད་ཀྱིས་དཀྱིལ་འཁོར་བགྱིས་ན་བཅིངས་པར་འགྱུར་རོ། །མཚམས་བཅད་ན། ཡུངས་ཀར་གྱིས་སོ། །ཞིང་སྲུང་ན། ཕུར་བུ་དག་གིས་སོ། ། སྨན་སྲུང་ན། ཡིད་ཀྱིས་རིག་པའི་མཆོག་སྦྱར་བར་བགྱིའོ། །གཞན་ཡང་སྒྲུབ་པ་ན་མ་གོད་པའི་རས་ལ་སྤྱིན་དང་མ་འདྲེས་པའི་ཚོན་རྩི་རྣམས་ཀྱིས་རིག་པའི་རྒྱལ་པོའི་མཆོག་བྲི་བར་བགྱི་སྟེ། མདོག་སྔོ་བསངས། ཤམ་ཐབས་སེར་པོ། །ལག་པ་གཡོན་ན་ཞགས་པ། གཡས་པས་དམ་པ་སྦྱིན་པ་བྲི་བར་བྱའོ། །འོག་ཏུ་སྒྲུབ་པ་པོ་ལག་ན་པོག་ཕོར་ཐོགས་པ་བྲིའོ། །ཞག་བདུན་ཟས་སུ་འོ་སྐྱོ་བཏུང་ངོ ། །ཐ་མར་ཞག་གསུམ་སྨྱུང་བ་བགྱིས་ཏེ་མར་གྱི་ངོ་ཞག་བཅུ་བཞི་ལ་ཅི་ནུས་ཀྱིས་མཆོད་པ་བགྱིས་ལ་སྐྲ་ཚོགས་ལས་ཞགས་པ་བགྱིས་ཏེ་ལག་པ་གཡས་པར་ཐོགས་ཏེ་ཇི་སྲིད་དུ་རང་གི་གཟུགས་ཀྱིས་མཆི་བ་དེ་སྲིད་དུ་བཟླས་བརྗོད་བགྱིའོ། །རྡོ་རྗེ་བཞད་མས་སྨྲར་གཞུག་སྟེ། དེ་བུ་ཅི་
Ba370a
༄#། །བྱ་ཞེས་སྨྲ་བར་འགྱུར་རོ། །དེས་ཚངས་པའམ། ཁྱབ་འཇུག་གམ། དབང་ཕྱུག་ཆེན་པོའམ། ཆེ་གེ་མོ་ཞེས་བྱ་བ་ཞགས་པས་བཟུང་ལ་ཁྲིད་དེ་སྦྱོན་ཅིག་ཅེས་བརྗོད་དོ། །ཡང་ན་རྒྱལ་པོའམ། གནོད་སྦྱིན་ནམ། སྲིན་པོའམ། ཤ་ཟའམ། གང་དགུག་པར་འདོད་ན། དེ་དགུག་པ་སྟེ། དེ་དག་ཐམས་ཅད་ཕྱག་བརླན་དུ་འགྱུར་རོ། །གང་བསམ་པ་དེ་འཚལ་ཏེ་མཆིའོ། །གང་ན་མ་གོད་པའི་རས་ལ་རི་མོ་མཁན་གསོ་སྦྱོང་བཟུང་བས་སྦྱིན་དང་མ་འདྲེས་པའི་ཚོན་རྩི་རྣམས་ཀྱིས་རིག་པའི་རྒྱལ་པོའི་མཆོག་དྲི་བར་བྱ་སྟེ། མདོག་སྔོ་བསངས། རྒྱན་ཐམས་ཅད་ཀྱིས་བརྒྱན་པ། སྟོད་གཡོགས་དར་དཀར། སྨད་གཡོགས་རས། ལག་པ་བཞི་པ། ལག་པ་གཡོན་པ་གཅིག་ན་རྡོ་རྗེ། གཅིག་ན་ལྕགས་ཀྱུ། གཡས་པ་གཅིག་དམ་པ་སྦྱིན་པ། གཅིག་བེ་ཅོན་ཐོགས་པར་བྲི་བར་བགྱིའོ། །འོག་ཏུ་སྒྲུབ་པ་པོ་ལག་ན་པོག་ཕོར་ཐོགས་པར་བགྱིའོ་།གཡས་ཕྱོགས་སུ་རྡོ་རྗེ་ཁུ་ཚུར་མདོག་གསེར་ལྟ་བུ། རྒྱན་ཐམས་ཅད་ཀྱིས་བརྒྱན་པ། ལག་པ་གཉི་ག་ན་རྡོ་རྗེ་ཐོགས་པ་བྲིའོ། །གཡོན་ལོགས་སུ་རྡོ་རྗེ་བློ་གྲོས་བྲི་བར་བགྱི་སྟེ། དེ་ཡང་མདོག་གསེར་ལྟ་བུ། རྒྱན་ཐམས་ཅད་ཀྱིས་བརྒྱན་པར་བགྱིའོ། །དེ་ནས་རྡོ་རྗེ་སྒྲུབ་པ་ནི། ཟླ་བ་གཅིག་སློང་མོའི་ཟས་ཟོས་ལ་ཐ་མར་ལུས་སྦྱང་བར་བགྱི་སྟེ། ཆོ་འཕྲུལ་
Ba370b
གྱི་ཟླ་བ་ཉ་ལ་ཞག་གསུམ་སྨྱུང་བ་བགྱིས་ལ་ལྕགས་སྣ་གསུམ་ལ་བགྱིས་པའི་རྡོ་རྗེ་རི་མོའི་སྐུ་གཟུགས་ཀྱི་མདུན་དུ་ཤིང་ཨ་ཤཝཏྠའི་ལོ་མ་བདུན་གྱི་སྟེང་དུ་བཞག་ལ་བསྒྲུབ་སྟེ།་ཇི་སྲིད་ཀྱིས་འབར་བ་དེ་སྲིད་དུ་བཟླས་བརྗོད་བགྱིའོ། །འབར་ནས་བླང་བར་བགྱི་སྟེ། བླངས་མ་ཐག་ཏུ་ལག་ན་རྡོ་རྗེ་འདྲ་བར་འགྱུར་རོ། །ཉི་མ་ཤར་བའི་ཁ་དོག་འདྲ་བར་འགྱུར།་རིག་སྔགས་འཆང་གི་འཁོར་ལོས་བསྒྱུར་བར་འགྱུར་རོ། །དེ་ནས་ལྕགས་ཀྱུ་བསྒྲུབས་ན། སྔར་སྤྱད་པར་བགྱི་སྟེ། རྩཝ་ཀུ་ཤ་རྩ་བ་མེད་པ་ལས་ལྕགས་ཀྱུ་བགྱིས་ལ་མར་གྱི་ངོ་ཞག་བཅུ་བཞི་ལ་ཞག་གསུམ་སྨྱུང་བ་བགྱིས་ཏེ་རི་མོའི་སྐུ་གཟུགས་ཀྱི་མདུན་དུ་མཆོད་པ་རྒྱ་ཆེར་བགྱིས་ལ་མེ་ཏོག་གི་སྟེང་དུ་བཞག་སྟེ་དེའི་སྟེང་དུ་ལག་པ་བཞག་ལ་ཇི་སྲིད་ཀྱིས་འབར་བ་དེ་སྲིད་དུ་བཟླས་བརྗོད་བགྱིའོ། །འབར་ནས་བླང་བར་བགྱི་སྟེ། བླངས་མ་ཐག་ཏུ་ས་སེར་ག་མཐོང་ཞིང་ཚངས་པའི་གནས་སུ་མཆི་བར་འགྱུར་རོ། །ལག་ན་ལྕགས་ཀྱུ་ཐོགས་ན། སུམ་ཅུ་རྩ་གསུམ་པས་ཀྱང་ཟིལ་གྱིས་མནན་པར་མི་ནུས་སོ། །བེ་ཅོན་སྒྲུབ་པ་བཤད་པར་བགྱི་སྟེ། ལྕགས་སྣ་གསུམ་ལས་བེ་བཅོན་སོར་བཅུ་དྲུག་པ། དབྱིབས་ཐོ་བ་འདྲ་བ་ཟུར་དྲུག་པར་བགྱིའོ། །སྔར་སྤྱད་པ་བགྱིས་ལ་མར་གྱི་ངོ་ཞག་བཅུ་བཞི་ལ་ཞག་གསུམ་སྨྱུང་བ་བགྱིས་ཏེ་རི་མོའི་སྐུ་གཟུགས་ཀྱི་མདུན་དུ་མཆོད་པ་རྒྱ་
Ba371a
༄#། །ཆེར་བགྱིས་ལ་རས་དཀར་པོའི་སྟེང་དུ་བཞག་སྟེ་ཇི་སྲིད་འབར་བ་དེ་སྲིད་དུ་བཟླས་བརྗོད་བགྱིའོ། །དེ་ནས་བླངས་མ་ཐག་ཏུ་ལག་ན་རྡོ་རྗེ་འདྲ་བར་འགྱུར་ཏེ། ལག་ན་རྡོ་རྗེ་དང་སྟོབས་མཉམ་སྟེ། ལག་ན་རྡོ་རྗེའི་གནས་སུ་མཆི་བར་འགྱུར་རོ། །དངོས་གྲུབ་རྣམ་པ་གསུམ་ལ་བསྐལ་པར་གནས་པར་འགྱུར་རོ། །སྒྲུབ་པ་ཐམས་ཅད་དུ་ཕོ་ཉ་མོ་རྣམས་ཀྱིས་ལས་ཐམས་ཅད་བགྱིས་ཏེ་རིག་པ་སྣ་ཚོགས་སྦྱར་བར་བགྱིའོ། །དེ་ལྟར་གང་གིས་རིག་པའི་རྒྱལ་པོ་འདོན་པ་དང ། མཆོད་པ་དེ་དེ་བཞིན་གཤེགས་པ་ཐམས་ཅད་མཆོད་པ་ལགས་སོ། །མཉེས་པར་བགྱིས་པ་ལགས་སོ། །ཐོད་པ་བླངས་ཏེ་ཁྲག་གིས་བཀང་སྟེ་མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་ཁང་སྟོང་ངམ། ཀུན་དགའི་ར་བར་ཇི་སྲིད་ཀྱིས་བུད་མེད་འབྱུང་བ་དེ་སྲིད་དུ་བཟླས་བརྗོད་བགྱིའོ། །དེ་ལ་ཆེ་གེ་མོ་ཞེས་བྱ་བ་ལ་གནོད་པ་གྱིས་ཤིག་པར་བརྗོད་ན། གནས་པར་བགྱིད་དོ། །གནོད་པ་བགྱིད་དུ་འཇུག་གོ་།རིངས་པར་བགྱིད་དོ། །རིག་པའི་རྒྱལ་པོ་འདི་འགུགས་པ་འདིས་བཀུག་ནས་ཕྱིས་རྒྱལ་བའི་བློ་གྲོས་ཀྱིས་དགུག་པར་བགྱིའོ། །ན་མོ་རཏྣ་ཏྲ་ཡ་སྱ། ན་མཤྩཎྜ་བཛྲ་པཱ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ། ཏུ་རུ་ཏུ་རུ། ཙུ་རུ་ཙུ་རུ། ཀི་རི་ཀི་རི། རཻ་ཏྲ་པྲ་ཙཎྜ་ཡ་ཊ་ཡ། ཨཱ་གཙྪ་ཨཱ་གཙྪ། མ་མ་ཨརྟྟ་མ། པ་རི་པཱུ་
Ba371b
ར་ཡ།་ཨསྐྲྀ་ཏ་བིདྱཱ་དྷ་རོཏྟ་མ་ཨ་ཧཾ། སྟྭཾ་ཨཱ་ཀཪྵ་ཡ་མི། མ་མ་སརྦ་ཨརྠ་མ་ནོར་ཐ་པ་རི་པཱུ་ར་ཀོ་བྷ་བ། མ་མ་ཨརྠ་སིདྡྷིཉྩད་ད་མ་ཙི་རཾ་ཀུ་རུ་སཝཱཧཱ། ཅི་སྟེ་ཚེས་བརྒྱད་ལ་སྒྲུབ་པར་འཚལ་ན། ཚེས་བདུན་གྱི་ཕྱེམ་རེད་གུ་གུལ་གྱིས་བདུགས་ལ་གསང་སྔགས་ལན་བརྒྱ་རྩ་བརྒྱད་བརྗོད་དོ། །སྒྲུབ་པ་ནི། རྒྱལ་བའི་བློ་གྲོས་ཀྱིས་དགུག་གོ། སྒྲུབ་པ་ཐམས་ཅད་དང ། ལས་ཐམས་ཅད་དུ་ཡང་དགུག་པ་འདིས་དགུག་གེ་།ན་མོ་རཏྣ་ཏྲ་ཡ་སྱ། ན་མཤྩཎྜ་བཛྲ་པཱ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ། ཛ་ཡ་མ་ཏི། ཛི་ན་ཏི་ཛི་ནདྷ་རི་ཎི། ཨཱ་བེ་ཤ་ཡ། ད་ཤ་མ་ཏ་ཤཱཾ་བ། དེ་བ་ནཱ་ག་ཡཀྵ་གནྡྷརྦྷེ་ཀཱ་ནུ་ཙརྨ་རུ་ཤི་ལ་ཧུ་ལ་ཧུ། གྲྀཧྞ་ཕཱུ་མི་པ་ཏ་ཡེ། ཤཱི་གྷྲཾ་བཛྲ་པཱ་ཎི་སྟྭཾ། ཨཱཛྙཱ་པ་ཡ་ཏི་སཝཱཧཱ། རྒྱལ་བའི་བློ་གྲོས་འདིས་དགུག་པར་བགྱིའོ། ། དེ་ནས་རྡོ་རྗེ་ལྕགས་སྒྲོག་གིས་བཅིང་བར་བགྱིའོ། །ན་མོ་རཏྣ་ཏྲ་ཡཱ་ཡ། ན་མཤྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ཀུ་རུ་ཀུ་རུ། ཙ་ཏ་ཙ་ཏ། མ་ལ་མ་ལ། ས་ར་ས་ར། ཏིཥྛ་ཏིཥྛ།་མ་ཧཱ་བ་ལ། ས་མ་ཡ་མ་ནུ་སྨ་ར་སིདྷ། ན་མཤྩཎྜ་བཛྲ་པཱ་ཎི། ཨཱཛྙཱ་ཕ་ཡ་ཏི་སཝཱཧཱ། རྡོ་རྗེ་ལྕགས་སྒྲོག་འདིས་གུ་གུལ་གྱི་རིལ་བུ་གསུམ་ཡུངས་ཀར་གྱི་འབྲུ་མར་དུ་སྨྱུགས་ལ་སྦྱིན་སྲེག་བགྱིས་ན། བཅིངས་པར་འགྱུར་རོ། །རིག་པ་གང་སྒྲུབ་པ་དང ། ཕོ་ཉ་མོ་ཡང་རུང་སྟེ། དེ་འདི་ཉིད་ཀྱིས་བཅིང་བར་བགྱིའོ། །རྡོ་རྗེ་སེར་མོས་བཅིང་བ་ལས་དགྲོལ་
Ba372a
༄#། །པར་བགྱིའོ། །ན་མོ་རཏྣ་ཏྲ་ཡཱ་ཡ། ན་མཤྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ཧུ་ལུ་ཧུ་ལུ། གཙྪ་གཙྪ། མ་ཧཱ་པ་ལ། སཝ་བྷཱ་བ་ན་མ་པུ་ན་ན་མ་གན་མ་ཡ་ཀུ་རུ་ཀུ་རུ། གཙྪ་གཙྪ་སཝཱཧཱ། ཆབ་ཁྱོར་བ་གསུམ་གཏོར། མེ་ཏོག་ཀྱང་དབུལ་ལོ། །དེ་ནས་ཤུགས་ལྡན་གྱིས་སླར་གཤེགས་སུ་གསོལ་ལོ། །ན་མོ་བཛྲ་པཱ་ཎ་ཡེ། ཕཊ་ཕཊ།་གཙྪ་གཙྪ། བྷ་ག་བ་ཏེ། མ་ཧཱ་ཡཀྵཱ་དྷི་པ་ཏེ་ཙི་རི་ལི་ཙི་རི་ལི། ཧི་རི་ལི། ཙི་ནི་ལི། ཧི་རི་ལེ་ཨ་བི་ག་ནཾ་ཀུ་རུ་སཝཱཧཱ། ཤུགས་ལྡན་གྱིས་སླར་གཤེགས་སུ་གསོལ་བའི་སྔགས་ཏེ།་ཨ་ཀ་རུའི་བདུག་པ་ལ་ལན་བདུན་བཟླས་བརྗོད་བགྱིས་པས་སོ། །ན་མོ་བཛྲ་པཱ་ཎི་སྱ། ན་མསྟེ་བྷ་ག་བ་ཏི། བཛྲ་མུ་ཁི་གཽ་རི་བཀྟྲེ། ག་ར་ཏེ་ག་ར་ཏེ། ཀི་ནི་ཏི་ཀི་ནི་ཏི་སཝཱཧཱ། ཉེ་རེག་བྱ་བའི་གསང་སྔགས་སོ། །ན་མོ་བཛྲ་པཱ་ཎི་སྱ། ཛྭ་ལ་བཛྲ་ཎི་བི་ཧུ་རུ་ཧུ་རུ། ལ་ཧུ་ལ་ཧུ། ཕྲ་ཏི་གྲྀཧྣ་སྟྭཾ། ཨི་མཾ་གནྡྷ་ཀཱི་ལི་ཀཱི་ལ་ཡ་སཝཱཧཱ། སྤོས་ཀྱི་གསང་སྔགས་སོ། ། ན་མོ་བཛྲ་པཱ་ཎི་སྱ། ད་ཧ་ད་ཧ། པ་ཙ་པ་ཙ། བནྡྷ་བནྡྷ། ཤི་ཁི་སཝཱཧཱ། མེ་ཏོག་གི་གསང་སྔགས་སོ། །ན་མོ་བཛྲ་པཱ་ཎི་སྱ། ཨ་ཏི་ནི། ཙི་ལི་ནི། ཁ་ལ་ཀརྨ་ཎི། ད་ར་ཙི་ལི་ནི། ཙི་ལི་ནི་སཝཱཧཱ།་བདུག་པའི་གསང་སྔགས་སོ། །ན་མོ་བཛྲ་པཱ་ཎི་སྱ། ན་མ་སྟེ། བྷ་ག་པ་ཏི་ཤ་ཏ་མུ་ཁི། མ་ཧཱ་གཽ་རི་ཙ་ཚུ་ལེ། ཙུ་ཙུ་ལེ། ཙི་ཙི་རཀྵ་རཀྵ་སཝཱཧཱ། སྲད་བུས་བསྲུང་བར་བགྱིའོ།
Ba372b
ན་མོ་བཛྲ་པཱ་ཎི་སྱ། ཀ་ཏ་ཀ་ཏ། མ་ཏ་མ་ཏ། ར་ར་ར་ར། བཛྲ་བིཾ་ག་ལ། མ་ཏ་ད་ར་ད་ར་ནི། ཀི་རི་ཎི་ཀི་རི་ཎི། ཀི་རི་ཎི་ཀི་རི་ཎི་སཝཱཧཱ། ཁྲུས་བགྱི་བའི་གསང་སྔགས་སོ། །ན་མོ་བཛྲ་པཱ་ཎི་སྱ།་ན་མསྟེ། བྷ་ག་བ་ཏི། ད་ཤ་བ་ཏི་ཤ་བ་ཏི། ས་ཧ་སྲ་པ་ཏི་ཨཱ་གཙྪ། ཤཱི་གྷྲཾ་ཀི་རི་ཀི་རི། ཤུ་ཀྲ་བཾ་དྷ་བཾ་དྷ་སཝཱཧཱ། སྲད་བུ་ལ་ལན་བདུན་བཟླས་བརྗོད་བགྱིས་ཏེ་ཁུ་བ་བཅིང་ངོ་།། ན་མོ་བཛྲ་པ་ཎི་སྱ། ཨུཏྟ་མ་རཀྵ། ཨ་དྷོ་རཀྵ། ཙ་ཏུར་དི་ཤཾ་རཀྵ། མ་ཐ་མ་ཐ། ཏྲཱ་ས་ཡ་ཏྲཱ་ས་ཡ། སྟམྦྷ་ཡ་སྟམྦྷ་ཡ། ཨུད་དྷརྀ་ཏ་བཛྲ་ཨཱཛྙཱ་པ་ཡ་ཏི་སཝཱཧཱ། ཡུངས་ཀར་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ་ཕྱོགས་བཅིང་ངོ ། །ན་མོ་བཛྲ་པཱ་ཎི་སྱ། ཏདྱ་ཐཱ། བཛྲེ་བཛྲེ་ཎི། བཛྲ་སིཾ་ཧ་ནི། བཛྲ་པཱ་ཎི། པྲི་ཡེ་བཛྲ་བར་དེ་བི་ཀྲྀ་ཏ་དཾཥྚ་ཀ་རཱ་ལ་བ་ནེ། ལཾ་པོ་དྷ་ར་བི་ཀྲི་ཏ་གཽ་ར་རཱུ་པ་ད་ར་ཤ་ན་མརྫ་ར་བཀྟྲེ། མཛྫ་མཱཾ་ས་སྲི་ཡེ། ཨེ་ཧི་ཨེ་ཧི་བྷ་བ་ཏི་བྷྱོ་གུ་རུ་པྲ་ཛྭ་ལི་ཏ། གྲ་ཀེ་ཤི་ཨི་དཾ་མ་ནུ་ཤ་ཤ་རཱི་ར་མ་ནུ་པྲ་བི་ཤ། ཀ་ཏ་ཀ་ཏ། པུ་ར་པུ་ར། དྷུ་ན་དྷུ་ན།་པ་ཏ་པ་ཏ། བལྒུ་བལྒུ། ཧ་ས་ཧ་ས། ཨཱ་བི་ཤེ་ཨཱ་བི་ཤེ། སྤ་ཏ་སྤ་ཏ། ཀིཾ་ཙི་ར་ཡ་སི། བྷ་ག་བ་ཏི། བ་ཧུ་རཱུ་པེ། ཨད་བྷི་ཀ་སྲི་ག་ལ་ཧེ་རུ་ཀ་ར་བིད་ཏྲེ། ཨཊྚ་ཊྚ་ཧ་སེ། ཨི་མ་སེ་ཏུ་སྟ།་གྲ་ཧ་སྱ་ཧྲྀ་ད་ཡཾ། བྷིནྡ་བྷིནྡ། ཙ་ལ་ཙ་ལ། གུ་མུ་གུ་མུ། ཀུ་རུ་ཀུ་རུ། ཨཱ་བི་ཤ་ཨཱ་བི་ཤ། བཛྲ་པཱ་ཎི། ཨཱཛྙཱ་པ་ཡ་ཏི་སཝཱཧཱ། ལས་ཐམས་ཅད་དུ་རྩཝ་ཀུ་ཤ་སྦམས་པ་ལ་
Ba373a
༄#། །སྔགས་ཀྱིས་བཏབ་སྟེ་བདུག་པར་བགྱིའོ། །ན་མོ་བཛྲ་པཱ་ཎི་སྱ། ལ་ལ་ཧ་སེ་ཧ་ས། བཛྲེ་ཎེ་ཀུ་རུ་ཀུ་རུ། ཀམྤ་ཀམྤ། ཙ་ལ་ཙ་ལ། ཛལྤ་ཛལྤ་སཝཱཧཱ། གཤེགས་ནས་གསུང་དུ་གཞུག་གོ་།ན་མོ་བཛྲ་པཱ་ཎི་སྱ། དྷུ་དྷུ་མ་ས་ལ་མ་ས་ལ། དྷུ་རུ་མེ་ཨ་མ་ལེ། བཛྲ་པཱ་ཎི་ཡཀྵཱ་དྷི་པ་ཏི་མ་ཙ་མེ་ཀ་ཤྩིད་བིགྷྣཾ་ཀུ་རུ་སཝཱཧཱ། ཡུངས་ཀར་རམ། ཐལ་བས་བགེགས་རབ་ཏུ་ཞི་བར་བྱའོ། །ཅི་སྟེ་རིག་སྔགས་འཆང་གྲུབ་པ་རྣམས་ཀྱི་རིག་པ་བཅད་པར་འཚལ་ན། མར་གྱི་ངོ་ཚེས་བཅོ་ལྔ་ལ་ལག་ན་རྡོ་རྗེའི་མདུན་དུ་བ་ཀུ་ལའི་མེ་ཏོག་དག་ལས་ལན་བརྒྱད་སྟོང་སྦྱིན་སྲེག་བགྱིས་ན། རིག་སྔགས་འཆང་ཐམས་ཅད་ཀྱི་རིག་སྔགས་བཅད་པར་འགྱུར་རོ། །མ་གོད་པའི་རས་ལ་སྤྱིན་དང་མ་འདྲེས་པའི་ཚོན་རྩི་རྣམས་ཀྱིས་རིག་པའི་མཆོག་བྲི་བར་བགྱི་སྟེ། མདོག་སྔོ་བསངས། རྒྱན་ཐམས་ཅད་ཀྱིས་བརྒྱན་པའོ། །སྦྱིན་སྲེག་བགྱི་བ་བཟའ་ཞིང་བྲི་བར་བགྱིའོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བགྱིས་ཏེ་རི་མོའི་སྐུ་གཟུགས་ཀྱི་མདུན་དུ་ཅི་ནུས་སུ་མཆོད་པ་བགྱིས་ལ་བྱང་ཆུབ་ཀྱི་ཤིང་གིས་ཞུགས་བུས་ཏེ་ཏ་མ་ལའི་མེ་ཏོག་མར་ལ་སྨྱུགས་པ་བརྒྱད་སྟོང་སྦྱིན་སྲེག་བགྱིས་ན། རི་མོའི་སྐུ་གཟུགས་འགུལ་ལོ། །མེ་ཏོག་གི་ཕྲེང་བ་ཡང་འགུལ་ལོ། །དེ་ནས་མཚན་མོའི་ལྷ་མོ་མེ་ཏོག་ཅེས་བགྱི་བ་གྲུབ་
Ba373b
པར་འགྱུར་ཏེ། ལྷ་མོ་མེ་ཏོག་གི་ལས་རྣམས་སུ་འགྱུར་རོ། །རིག་སྔགས་འཆང་གི་རིག་པའི་སྒྲུབ་པ་ལ་བགེགས་སུ་མི་འགྱུར་རོ། །ལོག་འདྲེན་གྱིས་མི་ཚུགས་སོ། །དངོས་གྲུབ་འདིས་མཚན་མོའི་ལྷ་མོ་བཞི་དངོས་གྲུབ་ཏུ་འགྱུར་ཏེ། སྲོད་ནི། ལྷ་མོ་མེ་ཏོག་གིའོ། །མཇིང་ནི། ལྷ་མོ་ཕྲེང་བའི་འོ། །ནམ་གུང་ནི། ལྷ་མོ་ཀུ་མུ་དའིའོ། །ཐོ་རངས་ནི། ལྷ་མོ་མཛེས་མའིའོ། །རིག་སྔགས་འཆང་ནི། རིག་པ་སྒྲུབ་ན་སྲོད་ལ་ལོག་འདྲེན་གནས་སུ་འོང་སྟེ། དེ་ནས་མཚན་མོའི་ལྷ་མོ་མེ་ཏོག་གིས་ལོག་འདྲེན་མཐོང་ནས་བཅོམ་ལྡན་འདས་ལག་ན་རྡོ་རྗེ་ཡིད་ལ་བགྱིད་དོ། །ལག་ན་རྡོ་རྗེ་ཡིད་ལ་བགྱིས་པས་ལོག་འདྲེན་རྣམས་སྐྲག་ཅིང་ཉམས་ཏེ་ཉམ་ཐག་ནས་འབྲོས་པར་འགྱུར་རོ། །ལག་ན་རྡོ་རྗེ་རིག་སྔགས་འཆང་དེའི་མདུན་དུ་འདུག་ཅིང་དངོས་གྲུབ་ཀྱང་མྱུར་དུ་སྩོལ་བར་བགྱིད་དོ། །མཇིང་ལ་གལ་ཏེ་བགེགས་བྱུང་ན། མཚན་མོའི་ལྷ་མོ་ཕྲེང་བ་དེས་ལྷ་ཆེན་པོ་ལ་བཅོམ་ལྡན་འདས་ལག་ན་རྡོ་རྗེ་ཁྱོད་ལ་འབོད་དོ་ཞེས་སྒྲོག་གོ་།དེས་དེ་ཐོས་ནས་སྙིང་འདར་ཞིང་མྱུར་བ་མྱུང་བར་མདུན་དུ་འདུག་སྟེ། དེས་ན་རིག་སྔགས་འཆང་དེ་ལ་བགེགས་སུ་མི་འགྱུར་རོ། །དངོས་གྲུབ་ཀྱང་མྱུར་དུ་འགྲུབ་བོ། །ནམ་གུང་ལ་གལ་ཏེ་བགེགས་བྱུང་ན། མཚན་མོའི་ལྷ་མོ་ཀུ་མུ་ད་དེ་ཡང་རྒྱལ་པོ་ཆེན་པོ་བཞི་ལ་ཀྱེ་ཀྱེ་བཙུན་པ་ཀུན་དག་།ལག་ན་
Ba374a
༄#། །རྡོ་རྗེ་ཁྱོད་ལ་འབོད་དོ་ཞེས་སྒྲོག་གོ་།དེ་དག་གིས་ཚིག་དེ་ཐོས་ནས་སྙིང་འདར་ཞིང་མྱུར་བ་མྱུར་བར་མདུན་དུ་འདུག་སྟེ། དེ་ནས་དེ་ལ་བགེགས་སུ་མི་འགྱུར་རོ། །ཐོ་རངས་ལ་གལ་ཏེ་བགེགས་བྱུང་ན། མཚན་མོའི་ལྷ་མོ་མཛེས་མ་ཡང་ལོག་འདྲེན་རྣམས་ལ་ཀྱེ་ཀྱེ་ལོག་འདྲེན་སྡང་བ་རྣམས། དྲག་པོ་ལག་ན་རྡོ་རྗེས་བཀའ་སྩལ་ཏོ་ཞེས་བསྒོ་བར་བགྱིའོ། །དེ་དག་གིས་དེའི་ཚིག་ཐོས་ནས་ཕྱོགས་བཅུར་འབྲོས་སོ། །དེས་ན་དེ་ལ་བགེགས་སུ་མི་འགྱུར་ཏེ། བདེ་བར་ལས་རྣམས་འགྲུབ་པར་བྱེད་དོ། །མར་གྱི་ངོ་ཞག་བརྒྱད་དམ། བཅུ་བཞི་ལ་བུད་མེད་བུ་བྱུང་བའི་ཁྱེའུ་ལྟེ་བ་སོར་གཉིས་ཙམ་བཅད་ལ་གསེར་གྱི་གྱིམ་བག་གིས་དཀྲིས་ཏེ་མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་ལན་བརྒྱད་སྟོང་བཟླས་བརྗོད་བགྱིས་ན་མི་སྣང་བར་འགྱུར་རོ། །ཚེ་ཡང་ཉིས་འགྱུར་དུ་འགྱུར་རོ། །ཞག་བདུན་དུ་ཕྱེ་ཐུག་བཏུང་ངོ ། །ཕྱིས་མར་གྱི་ངོ་ཞག་བཅུ་བཞི་ནས་ཞག་གསུམ་སྨྱུང་བ་བགྱིས་ཏེ། ཞི་བའི་མཚན་ཡོད་པར་སོང་ལ་མཚན་གྱི་སྟེང་གི་ལྷོ་ཕྱོགས་ལོགས་སུ་ལག་པ་གཡས་པ་བཞག་སྟེ་སྐྲ་ལས་བགྱིས་པའི་སྐུད་པས་བཅིང་ངོ ། །བཅིངས་ནས་ཇི་སྲིད་ཀྱིས་བཅད་དོ་ཞེས་སྐྲ་འབྱུང་བ་དེ་སྲིད་དུ་བཟླས་བརྗོད་བགྱིའོ། །སྒྲ་ལན་གསུམ་དུ་བྱུང་ན་
Ba374b
དངོས་གྲུབ་ཏུ་འགྱུར་རོ། །ཁུ་ཚུར་བཅངས་ཏེ་བསྒྲུབ་པར་བགྱིའོ། །ཁུ་ཚུར་བཅངས་ནས། མི་སྣང་བར་འགྱུར་རོ། །སྐྲ་ལྕང་ལོ་འཁྱིལ་བར་འགྱུར་རོ། །ལོ་བཅུ་དྲུག་ལོན་པ་ཙམ་དུ་འགྱུར་རོ། །ལོ་བདུན་བརྒྱར་འཚོ་བར་འགྱུར་རོ། །དབང་ཕྱུག་ཆེན་པོའི་ཚོགས་རྣམས་ཀྱང་ཕྱག་བརྙན་དུ་འགྱུར་རོ། །ཅི་སྟེ་དགྲ་གསད་པར་འཚལ་ན། མར་གྱི་ངོ་ཞག་བཅུ་བཞི་ལ་ཉིན་གཅིག་སྨྱུང་བ་བགྱིས་ཏེ་སྤྲ་ཚིལ་ལས་གཟུགས་བགྱིས་ལ་སེང་ལྡེང་གི་ཕུར་བུ་ལྔས་གནད་དུ་བཙུགས་ཏེ། དུར་ཁྲོད་དུ་མཆིས་ལ་དོང་བརྐོས་ཏེ་དོང་དེར་བཅུག་ལ་སྟེང་དུ་ཞུགས་བུས་ལ་དུག་དང ། ཁྲག་དང ། ཡུངས་ཀར་བསྲེས་ལ་ལན་བརྒྱ་སྟོང་སྦྱིན་སྲེག་བགྱིས་ན། དུ་ཞིང་ཚིག་སྟེ་འཕྲལ་དུ་འགུམ་མོ། །མར་གྱི་ངོ་ཞག་བཅུ་བཞི་ལ་བ་སེར་མོའི་ལྕི་བ་ས་ལ་མ་ལྷུང་བ་བླངས་ཏེ་ས་ཕྱོགས་གཙང་མར་གཟུགས་བགྱིས་ལ་ཅི་ནུས་ཀྱིས་མཆོད་དེ་ཞག་གཅིག་སྨྱུང་བ་བགྱིས་ལ་ཤིང་བིལ་བའི་ལོ་མ་བསྲེགས་ཤིང་ཞོ་དང ། སྦྲང་རྩི་དང ། མར་ལ་སྨྱུགས་ཏེ་བརྒྱད་སྟོང་སྦྱིན་སྲེག་བགྱིས་ན། དཔྲལ་བ་ལས་འོད་ཟེར་འབྱུང་ངོ ། །དེ་ནས་དངོས་གྲུབ་ཏུ་འགྱུར་ཏེ། གསེར་དཔག་ཏུ་མེད་པ་སྩོལ་བར་འགྱུར་རོ། །ཡང་ན་ཉིན་གཅིག་བཞིན་དུ་ཏི་ན་ར་སྩོལ་བར་འགྱུར་རོ། །གསེག་མ་ལ་ལན་བརྒྱད་སྟོང་བཟླས་ཏེ་དུར་ཁྲོད་དུ་པོར་ན། ཡི་དྭགས་ཐམས་ཅད་གླུ་ལེན་ཅིང་གར་བྱེད་
Ba375a
༄#། །པར་འགྱུར་རོ། །མར་གྱི་ངོ་ཞག་བཅུ་བཞི་ནས་ལག་ན་རྡོ་རྗེའི་རྐང་བའི་དྲུང་དུ་ཞག་གསུམ་སྨྱུང་བ་བགྱིས་ལ་ཤིང་ཀཱ་ར་བཱི་རའི་མེ་ཏོག་ལས་ལན་བརྒྱད་སྟོང་སྦྱིན་སྲེག་བགྱིའོ། །དེ་ནས་ཀཱ་ར་བཱི་རའི་མེ་ཏོག་དག་ལས་མེ་ཏོག་ཅིག་བླངས་ཏེ་ཀླུའི་གནས་སུ་སོང་ལ་བཟླས་བརྗོད་བགྱིས་ན། ཀླུ་དང་ཀླུ་མོ་རྣམས་དབང་དུ་འགྱུར་ཏེ་ཅི་འཚལ་བ་རྣམས་རྙེད་དོ། །ལག་བུ་མིག་དང ། གསེར་དང ། མཆོད་ཕྱིར་ཐོགས་ཀྱང་ཀཱ་ར་བཱི་རའི་མེ་ཏོག་དང་འདྲའོ། །གང་ན་གནོད་སྦྱིན་མོ་འདུག་པ་དེར་བཟླས་བརྗོད་བགྱིས་ན།་གནོད་སྦྱིན་མོ་མཆི་སྟེ་ཆུང་མར་འགྱུར་རོ། །ཡང་ན་ནོར་སྩོལ་བར་འགྱུར་རོ། །གལ་ཏེ་མི་མཆི་ན། ཞག་གཅིག་སྨྱུང་བ་བགྱིས་ཏེ་ཤིང་མ་ད་ནའི་ཚེར་མ་དང ། དུག་དང ། ཁྲག་བསྲེས་པ་ལན་བརྒྱ་སྟོང་སེང་ལྡེང་གི་ཞུགས་ལ་སྦྱིན་སྲེག་བགྱིས་ན། དེ་ཚིག་ཅིང་མི་སྡུག་པར་འགྱུར་ལ་མཆིའོ། །གལ་ཏེ་ཀླུ་མོ་མི་མཆི་ན། དེ་ལ་ཡང་དེ་ཉིད་ཀྱིས་སྦྱིན་སྲེག་བགྱིའོ། །ཡར་གྱི་ངོ་ཚེས་བཅོ་ལྔ་ལ་ཞག་གསུམ་སྨྱུང་བ་བགྱིས་ཏེ་རྒྱ་མཚོར་འབབ་པའི་ཆུ་བོར་ཞུགས་ལ་ཀླུ་ཤིང་གི་མེ་ཏོག་བརྒྱད་སྟོང་བྱི་དོར་བགྱིས་ན། དུས་མ་ཡིན་པར་ཆར་འབབ་བོ། །ཞག་བདུན་འོ་སྐྱོ་འཐུངས་ལ་མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་མཆོད་པ་བགྱིས་ལ་ས་ལས་བགྱིས་པའི་རྡོ་རྗེ་
Ba375b
བཞག་སྟེ། དེའི་རྐེད་པར་ཤིང་ཨ་ཤཝཏྠའི་ལོ་མ་བདུན་བཞག་ལ་དེའི་སྟེང་དུ་ལྡོང་རོས་བཞག་སྟེ་ཇི་སྲིད་ཀྱིས་དངོས་གྲུབ་གསུམ་དུ་གྱུར་པ་དེ་སྲིད་དུ་བཟླས་བརྗོད་བགྱིའོ། །འབར་བར་གྱུར་ན། ལོ་བདུན་སྟོང་དུ་འཚོའོ། །ལུས་མཛེས་པར་བགྱིས་ལ་མར་གྱི་ངོ་ཞག་བཅུ་བཞི་ལ་ཉིན་གཅིག་སྨྱུང་བ་བགྱིས་ཏེ་ལམ་གྱི་སུམ་མདོར་མཆོད་པ་རྒྱ་ཆེར་བགྱིས་ལ་དེར་འདུག་སྟེ་ལྡོང་རོས་སྲན་མ་ཙམ་ཞིག་ཁར་བཅུག་ལ་ཇི་སྲིད་དུ་ཁའི་ནང་དུ་གས་པར་གྱུར་པ་དེ་སྲིད་དུ་བཟླས་བརྗོད་བགྱིའོ། །དེ་ནས་དངོས་གྲུབ་ཏུ་འགྱུར་ཏེ། ཐིག་ལེ་བགྱིས་ན་མི་སྣང་བར་འགྱུར་རོ། །ལོ་ལྔ་བརྒྱ་ཐུབ་པར་འགྱུར་རོ། །ཅི་འདོད་པའི་གཟུགས་ཅན་དུ་འགྱུར་རོ། །ཉི་མའི་གུང་ཚིགས་ལ་བགྱིའོ། །ཚེས་གྲངས་དང་སྐར་མ་གང་མ་མི་འཚལ། སྨྱུང་བ་བགྱི་མི་འཚལ་བར་སྐྱེས་པའི་རོ་མ་རྨས་མ་ཉམས་པ་བླངས་ཏེ་རྡོ་རྗེ་སེན་མོའི་སྔགས་བཟླས་བརྗོད་བགྱིས་ལ་བཀྲུའོ། །རྡོ་རྗེ་ལྟེ་བས་སྤོས་སྩལ་བར་བགྱིའོ། །རྡོ་རྗེ་མེ་ཁ་ལས་མེ་ཏོག་སྩལ་བར་བགྱིའོ། །དེ་ནས་དེའི་སྙིང་གར་འདུག་སྟེ་མི་དོ་ཙམ་གྱན་དུ་མ་འཕགས་ཀྱི་བར་དུ་རིག་པ་མཆོག་གི་སྙིང་པོ་དང་ལྷན་ཅིག་བཟླས་བརྗོད་བགྱིའོ། །གྱེན་དུ་འཕགས་མ་ཐག་ཏུ་སླར་འོག་ཏུ་ལྟུང་ངོ ། །ལྷུང་ནས་བུད་མེད་བཅུ་ཉེ་བར་གནས་པར་འགྱུར་ཏེ། དེ་དག་གཡོག་འཁོར་རྣམས་ལ་སྩལ་བར་བགྱིའོ། །དེ་དག་ཀྱང་སྟོབས་མཉམ་པར་འགྱུར་རོ། །ཅི་སྟེ་
Ba376a
༄#། །མ་སྩལ་ན། བདག་བུད་མེད་བཅུས་བསྐོར་ཏེ་མི་ལ་ཞོན་ཏེ་གར་དགའ་བ་དེར་མཆིའོ། །ཡང་ཡིད་ཀྱིས་བསམ་པ་དེ་བཞོན་པ་ལས་འབྱུང་ངོ ། །ལོ་བརྒྱད་ཁྲིར་འཚོ་བར་འགྱུར་རོ། །རིག་སྔགས་འཆང་དུ་ཡང་འགྱུར་རོ། །མར་གྱི་ངོ་ཞག་བརྒྱད་དམ་བཅུ་བཞི་ལ་སྐྱེས་པ་ཤི་བའི་རོ་བཞག་པའི་ཕྱོགས་ཀྱི་གཡས་རོལ་གྱི་ཟུར་ཤིང་ཁྱེར་སོང་ལ། ཕྱི་མ་མར་གྱི་ངོ་ཞག་བརྒྱད་ལ་དེ་མདུང་རྩེ་གསུམ་པར་བགྱིས་ལ་སློང་མོ་བའི་ཟས་བཟའ་ཞིང་རིག་སྔགས་འཆང་བཟླས་བརྗོད་བགྱིའོ། །ཕྱི་མ་མར་གྱི་ངོ་ཞག་བརྒྱད་ནས་ཞག་གསུམ་སྨྱུང་བ་བགྱིས་ཏེ་དུར་ཁྲོད་དུ་སོང་ལ་མདུང་རྩེ་གསུམ་པ་ལ་མཆོད་པ་རྒྱ་ཆེར་བགྱིས་ཏེ། མདུང་རྩེ་གསུམ་པ་ལག་པ་གཡས་པར་ཐོགས་ལ། རིག་པའི་མཆོག་ལན་བརྒྱད་སྟོང་བཟླས་བརྗོད་བགྱིས་ན། མདུང་རྩེ་གསུམ་པ་ལས་འོད་ཟེར་འབྱུང་སྟེ། དེ་ནས་དངོས་གྲུབ་དུ་འགྱུར་རོ། །མཚན་མོ་བཙུགས་ན། རྒྱན་ཐམས་ཅད་ཀྱིས་བརྒྱན་པའི་བུད་མེད་དག་འབྱུང་ངོ ། །སྐྱེས་པ་ཅི་ལ་མ་རེག་པར་ཆས་པ་དག་ཀྱང་ཉེ་བར་གནས་སོ། །གང་བསམ་པ་ཐམས་ཅད་རྙེད་དོ། །ཕྱུང་ན། ཐམས་ཅད་མེད་པར་འགྱུར་རོ། །འབྱུང་པོ་རྣམས་ཕྱག་བརྙན་དུ་འགྱུར་རོ། །ཆོ་ག་གང་ལ་བླངས་པའི་ཆོ་ག་དེ་ཉིད་ལ་བསྒྲུབ་པར་བགྱིའོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་ཅི་ནུས་
Ba376b
ཀྱིས་མཆོད་པ་བགྱིས་ལ་དེའི་མདུན་དུ་འབྲས་ཆན་གྱིས་ལོ་མ་བཀང་སྟེ་བཞག་ལ་འབྲས་ཆན་མི་སྣང་བར་མ་གྱུར་གྱི་བར་དུ་བཟླས་བརྗོད་བགྱིའོ། །དེ་ནས་དངོས་གྲུབ་ཏུ་འགྱུར་ཏེ། ཕྱིས་འབྲས་ཆན་ལ་འཕོ་བར་བགྱིད་དོ། །རྫས་ཀྱང་འཕོ་བར་འགྱུར་རོ། །འབྲུའི་རྣམ་པ་གཞན་དག་ཀྱང་འཕོ་བར་འགྱུར་རོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བགྱིས་ཏེ་སེང་ལྡེང་ལ་བགྱིས་པའི་རྡོ་རྗེ་ལ་ཤིང་ཀུན་གྱིས་བདུགས་ལ་རིག་པ་མཆོག་གི་སྙིང་པོ་དང་ལྷན་ཅིག་བཟླས་བརྗོད་བགྱིས་ན། གང་གི་མིང་ནས་ཕྱུང་སྟེ་བཟླས་བརྗོད་བགྱིས་པ་དེ་བརྗེད་བྱེད་ཀྱིས་ཟིན་པར་འགྱུར་རོ། །ལྕེ་པོག་གིས་བདུགས་ལ་ལན་བརྒྱ་སྟོང་བཟླས་བརྗོད་བགྱིས་ན། གཏོང་བར་འགྱུར་རོ། །མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ལ་ཨེ་རཎྜའི་ཤིང་གི་ཞུགས་བུས་ལ་བ་ལང་གི་པགས་པ་ལ་སྲེག་བླུགས་ལན་བརྒྱད་སྟོང་མིང་ནས་བརྗོད་དེ་སྦྱིན་སྲེག་བགྱིས་ན་བ་ལང་རྣམས་འཆིའོ། །སྐྱེས་པའི་རོ་མ་སྨད་མ་ཉམས་པ་བླངས་ཏེ་ཆུ་འགྲམ་གྱི་ཕྱོགས་གཅིག་གམ། སྐམ་ས་གཙང་མར་ཕོ་ཉ་མོ་རྣམས་ཀྱིས་ལས་ཐམས་ཅད་བགྱིའོ། །དེ་ནས་རིག་སྔགས་འཆང་ཉི་མའི་གུང་ཚིགས་ལ་མི་རོའི་མགོ་ཤར་ཕྱོགས་སུ་བསྟན་ཏེ་ཕྱོགས་བཞིར་བསྙེན་བཀུར་བགྱིད་པ་བཞི་གཞག་པར་བགྱིའོ། །དེ་ནས་རིག་སྔགས་འཆང་དེའི་སྙིང་གར་ལྡོང་རོས་བཅུག་སྟེ་དངོས་
Ba377a
༄#། །གྲུབ་རྣམ་གསུམ་མ་ཐོབ་ཀྱི་བར་དུ་བཟླས་བརྗོད་བྱའོ། །འབར་བར་གྱུར་ན། ལོ་སྟོང་ཐུབ་བོ། །རྐང་པ་ལ་བསྐུས་ན། ལོ་ལྔ་བརྒྱ་ཐུབ་སྟེ། འདི་ནི། དངོས་གྲུབ་བོ། །མང་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་པ་ལ་ཤའི་ཤིང་གིས་ཞུགས་བུས་ལ་ཤིང་བིལ་བའི་ཡམ་སྲེག་ཤིང་ཞོ་དང ། སྦྲང་རྩི་དང ། མར་ལ་སྨྱུགས་པ་བརྒྱད་སྟོང་སྦྱིན་སྲེག་བགྱི་ཞིང་མིང་ནས་བརྗོད་ན། ཕྱུགས་ཆུང་རྙེད་དོ། །གལ་ཏེ་མ་རྙེད་ན། ཕྱུགས་ཆུང་དེ་འཆིའོ། །དགྲ་གང་ལ་ནད་ཀྱིས་བཏབ་པར་བགྱིད་འཚལ་ན།་རུ་རྟ་བཏགས་ལ་བདག་གི་ལུས་ལ་དྲིལ་བའི་དྲི་མ་བསགས་ཏེ་མར་གྱི་ངོ་ཞག་བརྒྱད་ལ་ལག་ན་རྡོ་རྗེའི་མདུན་དུ་དུ་རུ་ཀའི་ཤིང་གི་ཞུགས་བུས་ལ། དྲི་མ་དེས་ལན་བརྒྱད་སྟོང་སྦྱིན་སྲེག་བགྱི་ཞིང་མིང་ནས་བརྗོད་ན། དེ་མཛེ་ནད་ཀྱིས་འདེབས་སོ། །ལག་ན་རྡོ་རྗེའི་མདུན་དུ་ལྕེ་བོག་གི་བདུག་པས་བདུགས་ལ་རིག་སྔགས་ཀྱང་ལན་བརྒྱད་སྟོང་བཟླས་བརྗོད་བགྱིས་ན། གསོ་བ་བགྱིས་པར་འགྱུར་རོ། །ཡར་གྱི་ངོ་ཞག་གཅིག་རྒྱ་མཚོར་འབབ་པའི་ཆུ་ཀླུང་དུ་ཞུགས་ལ་ཟས་སུ་ཆུ་སྐྱོ་འཐུང་ཞིང་ཟླ་བ་ཉའི་བར་དུ་བཟླས་བརྗོད་བགྱིས་ན་ཡུལ་གྲུ་འཐོབ་བོ། །བྲམ་ཟེ་དབང་དུ་བགྱི་ན། ཡར་གྱི་ངོ་ཚེས་དྲུག་ནས་བརྒྱད་ཀྱི་བར་དུ་དུས་གསུམ་དུ་ལག་ན་རྡོ་རྗེའི་མདུན་དུ་སྣ་མའི་མེ་ཏོག་ལ་ལན་བརྒྱ་སྟོང་བཟླས་
Ba377b
བརྗོད་བགྱིས་ལ་ཐ་མར་ཞག་གཅིག་སྨྱུང་བ་བགྱིས་ན་སྐྱེས་པའམ། བུད་མེད་ཀྱང་རུང་སྟེ་དབང་དུ་འགྱུར་རོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་བིལ་བའི་ཤིང་གི་ཞུགས་བུས་ལ་ཡུངས་ཀར་གྱི་འབྲུ་མར་དང་བསྲེས་པའི་ཏིལ་ལས་ལན་བརྒྱད་སྟོང་སྦྱིན་སྲེག་བགྱི་ཞིང་མིང་ནས་བརྗོད་ན་དབང་དུ་འགྱུར་རོ། །བུད་མེད་ཡུགས་ས་མོ་དབང་དུ་བགྱི་ན། ཉིན་ཞག་གཅིག་སྨྱུང་བ་བགྱིས་ལ་ལག་ན་རྡོ་རྗེའི་མདུན་དུ་ཨརྒའི་ཤིང་གི་ཞུགས་བུས་ཏེ་ཨརྒའི་མེ་ཏོག་མར་ལ་སྨྱུགས་པ་ལན་བརྒྱ་སྟོང་སྦྱིན་སྲེག་བགྱི་ཞིང་མིང་ནས་བརྗོད་ན་དབང་དུ་འགྱུར་རོ། །དུས་གསུམ་དུ་ཁྲུས་བགྱི་ཞིང་ལག་ན་རྡོ་རྗེའི་མདུན་དུ་ཤིང་མ་ད་ནའི་ཚེར་མ་ལས་ལན་བརྒྱ་སྟོང་སྦྱིན་སྲེག་བགྱིས་ན།་ཞག་གསུམ་གྱིས་དབང་དུ་འགྱུར་རོ། །མི་ངས་འབྱུང་བར་འཚལ་ན། མར་གྱི་ངོ་ཞག་བརྒྱད་ལ་དུར་ཁྲོད་དུ་སོང་ལ་དུར་ཁྲོད་ཀྱི་ཤིང་གི་ཞུགས་པུས་ལ་དུག་རློན་པས་ལན་བརྒྱད་སྟོང་སྦྱིན་སྲེག་བགྱིས་ན་མི་ངས་འབྱུང་ངོ ། །ཞི་བར་བགྱི་ན། མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་ཤིང་ཐ་མལ་པའི་ཞུགས་བུས་ཨུཏྥ་ལ་དང ། ཞོ་དང ། སྦྲང་རྩི་དང ། མར་ལ་སྨྱུགས་པ་བརྒྱད་སྟོང་སྦྱིན་སྲེག་བགྱིས་ན་ཞི་བར་འགྱུར་རོ། །གཞན་བསྐྲད་པར་འཚལ་ན། བྱ་ཁཝའི་གཤོག་པ་ཡུངས་ཀར་གྱི་འབྲུ་
Ba378a
༄#། །མར་ལ་སྨྱུགས་པ་བརྒྱད་སྟོང་ཞག་བདུན་དུས་གསུམ་དུ་སྦྱིན་སྲེག་བགྱིའོ། །འདི་ནི། བསྐྲད་པའི་མཆོག་གོ། དབྱེ་བ་བགྱི་ན། ཞག་བདུན་དུས་གསུམ་དུ་བ་ལང་གི་ལྕི་བ་ལས་བརྒྱད་སྟོང་སྦྱིན་སྲེག་བགྱིས་ན་དབྱེ་བ་བགྱིས་པར་འགྱུར་རོ། །ལས་གཅིག་གིས་ཆོ་ག་རྒྱས་པར་སྒྲུབ་པར་འཚལ་བས་མཱ་མ་ཀཱི་ཐོགས་ལ་པདྨའི་རྫིང་དུ་སོང་སྟེ་མཱ་མ་ཀཱི་ལ་རེག་པར་པདྨ་འབུམ་ཕུལ་ན་རིག་པའི་རྒྱལ་པོ་མཆོག་རང་གི་གཟུགས་སྟོན་ཏེ་དེ་ལ་བུ་ཅི་བྱ་ཞེས་སྨྲའོ། །དེས་བཅོམ་ལྡན་འདས། ཆོ་ག་རྒྱས་པའི་དངོས་གྲུབ་སྩལ་དུ་གསོལ། ཞེས་བརྗོད་པ་དང ། དེ་བཞིན་བྱའོ་ཞེས་བརྗོད་ནས་མི་སྣང་བར་འགྱུར་རོ། །དེ་ཆོ་ག་རྒྱས་པ་ལས་འབྱུང་བའི་ལས་ཐམས་ཅད་དངོས་གྲུབ་ཏུ་འགྱུར་རོ། །གལ་ཏེ་དེས་ལས་གྲུབ་པར་མ་གྱུར་ན། དེའི་འོག་ཏུ་ལས་འདི་བསྒྲུབས་ན་དངོས་གྲུབ་ཀྱི་མཆོག་ཏུ་འགྱུར་རོ། །ཡར་གྱི་ངོ་ཉ་ནས་བཟུང་སྟེ་ཕྱི་མའི་ཉའི་བར་དུ་མི་སྨྲ་པའི་བརྟུལ་ཞུགས་ཀྱིས་ཟས་སུ་འོ་སྐྱོ་འཐུང་ཞིང་དེ་བཞིན་གཤེགས་པའི་མདུན་དུ་འབུམ་བཟླས་བརྗོད་བགྱིས་ན་།དེ་བཞིན་གཤེགས་པའི་གཟུགས་འགུལ་བར་འགྱུར་ཏེ། དེ་ནས་ཆོ་ག་རྒྱས་པ་དང ། དངོས་གྲུབ་ཏུ་འགྱུར་རོ། །རས་སྔོན་པོ་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ་འོག་སྒོར་བཅིངས་ལ་ལན་ཉི་ཤུ་རྩ་གཅིག་སྦྱིན་སྲེག་
Ba378b
བགྱིས་པའི་ཐལ་བས་མགོ་བོར་སྲུང་བར་བགྱིས་ན། གྱད་ཕར་ནོན་ཅིང་གྱད་ཀྱིས་ཚུར་མི་ནོན་ནོ། །ཡིད་གཞུངས་པར་བགྱི་ན། བྲ་མའི་ཁུ་བ་མར་དང་ཆ་བསྙམས་ལ་མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའོ་མདུན་དུ་ལན་བརྒྱད་སྟོང་བཟླས་བརྗོད་བགྱིས་པ་འཐུངས་ན། ཐོས་པ་འཛིན་པར་འགྱུར་རོ། །ཡར་གྱི་ངོ་ཚེས་ཞག་གཅིག་ནས་བརྩམས་ཏེ་ལག་ན་རྡོ་རྗེའི་མདུན་དུ་མར་དང་འོ་མ་བསྲེས་པ་ལས་ལན་བརྒྱ་རྩ་བརྒྱད་བཟླས་བརྗོད་བགྱིས་པ་འཐུངས་ཤིང་ཞག་བདུན་བགྱིས་ན། ཐོས་པ་འཛིན་པར་འགྱུར་རོ། །ཡར་གྱི་ངོ་ཉ་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་ཨང་གོ་ཏའི་མེ་ཏོག་བརྒྱད་སྟོང་སྦྱིན་སྲེག་བགྱིས་ན། ཉི་མ་གསུམ་པ་ལ་ཐོས་པ་འཛིན་པར་འགྱུར་རོ། །ཞག་བདུན་ན་ལག་ན་རྡོ་རྗེའི་ཁ་ནས་འོད་ཟེར་འབྱུང་སྟེ། རིག་སྔགས་འཆང་ལ་བསྐོར་བ་བྱས་ནས་གྱེན་དུ་འགྲོ་བར་འགྱུར་རོ། །རིག་སྔགས་འཆང་ཇི་ལྟར་འདོད་པའི་གཟུགས་ཅན་དུ་འགྱུར་རོ། །ལོ་སུམ་སྟོང་ཐུབ་པར་འགྱུར་རོ། །མར་གྱི་ངོ་ཞག་བཅུ་ལ་ལག་ན་རྡོ་རྗེའི་མདུན་དུ་སྣ་མའི་མེ་ཏོག་བརྒྱད་སྟོང་ཕུལ་ན། གནས་སྟོན་པར་འགྱུར་རོ། །ཆོ་ག་རྒྱས་པ་སྒྲུབ་པ་པོས་ཉ་དང ། ཤ་དང ། ཏིལ་དང ། སྲན་ཆན་གྱི་བག་དང ། ལྷ་བཤོས་དང ། ཁ་འདའ་དང ། ལ་ཕུག་དང ། ཤིང་ཐོག་རྣམས་བཟའ་བར་མི་བགྱིའོ། །གལ་ཏེ་
Ba379a
༄#། །འདི་དག་ཀྱང་ཟོས་ལ་ལས་ཀྱང་བསྒྲུབས་ན། ལག་ན་རྡོ་རྗེའི་དེ་ཉིད་མཐར་བྱེད་ཅིང་ལས་ཀྱང་དངོས་གྲུབ་ཏུ་མི་འགྱུར་རོ། །སེངྒེ་སྒྲུབ་ན། མར་གྱི་ངོ་ཞག་བརྒྱད་ལ་གྲོག་མཁར་རྩེ་མོ་ཡོད་པའི་མདུན་ནས་ས་བླངས་ཏེ་བའི་རྣམ་ལྔ་དང་བསྲེས་ལ་སེངྒེའི་གཟུགས་བགྱིས་ཏེ་གསོ་སྦྱོང་བཟུང་ལ། ཟླ་བ་གཅིག་ཟས་སུ་འོ་སྐྱོ་འཐུང་ཞིང་ཐ་མར་ཞག་གསུམ་སྨྱུང་བ་བགྱིས་ཏེ་མར་གྱི་ངོ་ཞག་བརྒྱད་ལ་བསྒྲུབ་བོ། །སྔར་པོ་ཉ་མོ་རྣམས་ཀྱིས་ལས་རྣམས་བགྱིའོ། །བསྙེན་བསྐུར་བགྱིས་པ་རྣམས་ཀྱང་བསྲུང་བར་བགྱིའོ། །དེ་ནས་ལག་ན་རྡོ་རྗེའི་མདུན་དུ་བཟླས་བརྗོད་བགྱིས་ཏེ་སེངྒེའི་སྒྲ་འབྱིན་གྱི་བར་དུ་བགྱིའོ། །སེངྒེའི་སྒྲ་ཐོས་ནས་ལྷ་མ་ཡིན་གྱི་བུ་མོ་རྣམས་འབྱུང་ངོ ། །དེ་དག་ལ་འདོད་པ་བསྐྱེད་པར་མི་བགྱིའོ། །གལ་ཏེ་འདོད་པ་བསྐྱེད་ན། སེངྒེ་ནི། མ་མཆིས་སོ། །ལྷ་མ་ཡིན་གྱི་བུ་རྣམས་ནི། མཆིས་ཏེ། ལྷ་མ་ཡིན་རྣམས་ཀྱང་ཡོངས་སུ་སྤྱད་པར་འགྱུར་རོ། །གལ་ཏེ་དེ་དག་ལ་འདོད་པ་མ་བསྐྱེད་ན། སེངྒེར་འགྱུར་ཏེ། སེངྒེ་ལ་ཞོན་ནས་རིག་སྔགས་འཆང་གི་བུ་མོ་བརྒྱད་ཅུ་འབྱུང་ངོ ། །རིག་སྔགས་འཆང་བཞི་སྟོང་ཡང་གཡོག་འཁོར་དུ་འགྱུར་རོ། །གང་དུ་འདོད་པ་དེར་མཆིའོ། །རིག་སྔགས་འཆང་གི་འཁོར་ལོས་བསྒྱུར་བར་འགྱུར་རོ། །འཁོར་ལོ་ལ་སོགས་པའི་སྤྱོད་ཡུལ་དུ་མི་འགྱུར་རོ། །གང་གི་ཚེ་
Ba379b
རྡོ་རྗེ་དང ། འཁོར་ལོ་དང ། མདུང་རྩེ་གསུམ་པ་དང ། བེ་ཅོན་དང ། ཞགས་པ་དང ། མདུང་ཐུང་དང ། དབྱུག་ཏོ་རྣམས་མཆི་བ་དེའི་ཆེ་སེངྒེས་སེངྒའི་སྒྲ་འབྱིན་ཏེ་སེངྒེའི་སྒྲས་མཚོན་པ་ཐམས་ཅད་དཔག་ཚད་བརྒྱད་ཁྲིར་མཆིའོ། །རིག་སྔགས་འཆང་གི་རྒྱལ་པོ་གང་དག་སེངྒེའི་སྒྲ་ཐོས་པ་དེ་དག་ཐམས་ཅད་ས་ལ་ལྷུང་ངོ ། །མཚོན་ཆད་དག་ཐམས་ཅད་ཀྱང་དབང་དུ་འགྱུར་རོ། །བསྐལ་པར་གནས་པའི་རིག་སྔགས་འཆང་གི་རྒྱལ་པོར་འགྱུར་རོ། །མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱང་བ་བགྱིས་ཏེ་བའི་ལྕི་བ་ས་ལ་མ་ལྷུང་བ་བླངས་ཏེ་སྐམ་ས་གཙང་མའི་ཕྱོགས་སུ་གནོད་སྦྱིན་གྱི་གཟུགས་བགྱིས་ཏེ། དེ་ལ་མེ་ཏོག་དམར་པོ་དང ། གཏོར་མ་དམར་པོ་སྦྱིན་ནོ། །ཕོ་ཉ་མོ་རྣམས་ཀྱིས་ལས་ཐམས་ཅད་བགྱིའོ། །ཕྱོགས་གཅིག་ཏུ་གནོད་སྦྱིན་ཐམས་ཅད་ལ་མེ་ཁ་ལས་མེ་ཏོག་དཀར་པོ་རྣམས་སྩོལ་ཏོ། །གཟུགས་དེའི་མདུན་དུ་ཨརྒའི་ཤིང་གི་ཞུགས་བུས་ལ་ཤིང་བིལ་བའི་ཡམ་སྲེག་ཤིང་ཞོ་དང ། སྦྲང་རྩི་དང ། མར་ལ་སྨྱུགས་པ་བརྒྱད་སྟོང་སྦྱིན་སྲག་བགྱིའོ། །དེ་ནས་གཟུགས་འགུལ་ཞིང་དངོས་གྲུབ་ཏུ་འགྱུར་ཏེ། ཉིན་རེ་ཏི་ན་ར་རེ་རེ་དབུལ་ལོ། །དཔོན་གཡོག་བདུན་གྱི་ཟས་དབུལ་ལོ། །ལས་འདི་བསམ་པར་བགྱིས་ཏེ་གཙང་མར་བགྱིས་ལ་ལན་གཅིག་བཟླས་བརྗོད་བགྱིས་ཏེ་བ་ནག་མོ་མ་སྨད་སྤུ་མཐུན་གྱི་འོ་མ་
Ba380a
༄#། །བླངས་ལ་བྲམ་ཟེའི་བུ་མོས་བསྲུབས་པའི་མར་བླངས་ཏེ་མར་གྱི་ངོ་ཞག་བཅུ་བཞི་ལ་ཞག་གསུམ་དུ་སྨྱུང་བ་བགྱིས་ཏེ་མཚན་གཅིག་ཡོད་པའམ། ལག་ན་རྡོ་རྗེའི་ཁྱིམ་དུ་སོང་ལ་ཤིང་ཨ་ཤཝཏྠའི་ལོ་མ་བདུན་བླངས་ཏེ་དེ་དག་གི་སྟེང་དུ་གནོད་སྦྱིན་གྱི་གཟུགས་མཐེ་བོང་གི་ཆ་ཙམ་ཞིག་བགྱི་སྟེ། དེ་ནས་འགུལ་གྱི་བར་དུ་བཟླས་བརྗོད་བགྱིའོ། །དེ་ནས་སོ་ལ་མ་རེག་པར་མེད་དོ། །དེ་ནས་དངོས་གྲུབ་ཏུ་འགྱུར་ཏེ། དེ་ཉིན་རེ་ཏི་ན་ར་རེ་རེ་དབུལ་ལོ། །དཔོན་གཡོག་བཅུ་གཉིས་ཀྱི་ཟས་དབུལ་ལོ། །འདི་ནི། དངོས་གྲུབ་བོ། ། རིག་སྔགས་གང་གཞག་ལ་བྱིན་པའི་རིག་སྔགས་དེ་ཕྱི་དྲོ་བཟླས་བརྗོད་བགྱིས་ལ། ཕྱི་དེ་ཉིན་རིག་པ་མཆོག་གི་སྙིང་པོ་དང་ལྷན་ཅིག་བཟླས་བརྗོད་བགྱིས་ན། དེ་ལ་ཚིགས་སུ་བཅད་པར་འགྱུར་གྱི། གསང་སྔགས་སུ་མི་འགྱུར་རོ། །དེ་ནས་འབྱུང་པོའི་བདག་པོ་དབང་ལྡན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། རིག་པའི་རྒྱལ་པོ་ཡི་གེ་བཞི་པ་ནི། བསྐལ་པ་བཞིར་གནས་པ་ལགས་སོ། །བཅོམ་ལྡན་འདས། རིག་པའི་རྒྱལ་པོ་རྫུ་འཕྲུལ་ཆེ་བ། དབང་ཆེ་བ་དང ། མ་རུངས་པ། གཏུམ་པ། དྲག་པོ་ལགས་སོ། །བཅོམ་ལྡན་འདས། མིང་བརྗོད་པས་བདག་ལ་གནོད་པ་ལགས་སོ། །ད་ནས་བཅོམ་ལྡན་འདས་ཀྱིས་འབྱུང་པོའི་བདག་པོ་དབང་ལྡན་ལ་འདི་སྐད་ཅེས་
Ba380b
བཀའ་སྩལ་ཏོ། །འབྱུང་པོའི་བདག་པོ། དེ་དེ་བཞིན་ཏེ། ཇི་སྐད་སྨྲས་པ་དེ་བཞིན་ནོ། །འབྱུང་པོ་བདག་པོ། རིག་པའི་རྒྱལ་པོ་ཆེན་པོ་རིག་པ་མཆོག་འདི་ནི། རྫུ་འཕྲུལ་ཆེ་བའོ། ། འབྱུང་པོའི་བདག་པོ། རིག་པའི་རྒྱལ་པོ་ཆེན་པོ་འདི་ནི། འགྲོ་ལྡིང་བའི་གཟུགས་ཅན་འགྲོ་ལྡིང་གི་སྐད་དུ་བརྗོད་པའོ། །འབྱུང་པོའི་བདག་པོ། རིག་པའི་རྒྱལ་པོ་ཆེན་པོའི་མཆོག་འདི་ནི།་ཕྱག་འཚལ་བ་དང་བཅས་པར་ཡི་གེ་སུམ་ཅུ་རྩ་གཉིས་པའོ། །ཡི་གེ་བཞི་པ་འདི་ཡང་མི་མཉམ་པ་དང་མཉམ་པ། མཚུངས་པ་མེད་པ་སྟེ། བསྐལ་པ་བཞིར་གནས་པ་ཡིན་ནོ། །བཅོམ་ལྡན་འདས་དེ་བཞིན་གཤེགས་པ་མར་མེ་མཛད་ནས་བཟུང་སྟེ་བཤད་པའོ། །འབྱུང་པོའི་བདག་པོ། འདི་ཐོས་ན་སེམས་ཅན་གང་དག་མཚམས་མེད་པ་ལྔ་བྱེད་པ་དེ་དག་ཀྱང་སེམས་ཅན་དམྱལ་བ་ཆེན་པོ་མནར་མེད་པར་སྐྱེ་བ་དེ་ནི། གནས་མ་ཡིན་ཞིང་གོ་སྐབས་མེད་དེ། རིག་པའི་རྒྱལ་པོ་ཆེན་པོ་རིག་པ་མཆོག་གི་མཐུ་ནི། འདི་ཡིན་ནོ། །འདི་ལྟ་སྟེ།་དཔེར་ན། ནོར་བུ་རིན་པོ་ཆེ་ཆེན་པོའི་རྒྱལ་པོ་གཙུག་ཏོར་ལྡན་ཞེས་བྱ་བ་མཐོང་བ་ཙམ་གྱིས་ནད་ཐམས་ཅད་མེད་པར་འགྱུར་ཞིང་གདོན་ཐམས་ཅད་ཀྱང་འབྲོས་པར་འགྱུར་རོ། ། འབྱུང་པོའི་བདག་པོ། དེ་བཞིན་དུ་རིག་པའི་རྒྱལ་པོ་ཆེན་པོ་བཞི་དག་གང་གིས་བཟླས་བརྗོད་བྱས་པ་དེ་མཚོན་གྱིས་འཆི་བའི་དུས་བྱེད་པར་མི་འགྱུར་ཏེ། དུག་གིས་མ་ཡིན། ཆུས་
Ba381a
༄#། །མ་ཡིན། མེས་མ་ཡིན་ཞིང ། དེ་ཡང་བར་མདོར་འཆི་བར་མི་འགྱུར་རོ། །ངན་འགྲོ་ལོག་པར་ལྟུང་བར་མི་འགྱུར་རོ། །ངེས་པར་རྡོ་རྗེའི་རིགས་སུ་སྐྱེ་བར་འགྱུར་རོ། །དེ་ནས་ཚེ་དང་ལྡན་པ་ཤཱ་རིའི་བུས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་སྤྱན་སྔར་འདུག་ནས་མགོ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ཅིའི་སྐད་དུ་རིག་པའི་རྒྱལ་པོ་ལག་ན་རྡོ་རྗེ་འདི་སྐད་དུ་རིག་པའི་རྒྱལ་པོ་མི་མཉམ་པ་དང་མཉམ་པ། མཚུངས་པ་མེད་པ་འདི་བདག་གིས་བཅོམ་ལྡན་འདས་དེ་བཞིན་གཤེགས་པ་མར་མེ་མཛད་ནས་བཟུང་སྟེ་བཤད་དོ་ཞེས་གསུང ། བཅོམ་ལྡན་འདས། བདག་གི་མངོན་པར་ཤེས་པའི་སྟོབས་ཀྱིས་མཱ་མ་ཀཱི་དེ་ལྟར་རྫུ་འཕྲུལ་ཆེ་བ་ཡང་རྗེས་སུ་དྲན་ཏེ། རྡོ་རྗེ་འཆང་ཆེན་པོ་འདི་ཉིད་ཀྱིས་དེ་བཞིན་གཤེགས་པ་འཁོར་བ་འཇིག་གི་གསུང་རབ་ལ་ལྷ་རྣམས་ལ་མཱ་མ་ཀཱི་བསྟན་ཏེ། འཁོར་འདུས་པ་དེར་མཚམས་མེད་པ་བགྱིས་པའི་སེམས་ཅན་གཅིག་ཅིག་ཧ་ཅང་ཡང་མི་རིང་བ་ཞིག་ན་མཆིས་པ་དེ་འོད་ཟེར་གྱི་སྣང་བ་དེ་མཐོང་ནས་ཡིད་དགའ་བར་གྱུར་ཏེ་རྣམ་པར་བལྟས་ནས་རིག་སྔགས་འཆང་རྣམས་ཀྱི་རྒྱལ་བོ་རྡོ་རྗེ་ཕྲེང་བ་ཞེས་བགྱི་བར་འགྱུར་ཏོ། །ཤཱ་རིའི་བུས་རིག་སྔགས་འཆང་དེ་ལ་བསམས་སོ། །དེ་ནས་བཅོམ་ལྡན་
Ba381b
འདས་ལ་ལན་གསུམ་བསྐོར་བ་བྱས་ཏེ། དེ་དང་ཤཱ་རིའི་བུ་ཡང་བཅོམ་ལྡན་འདས་ཀྱི་སྤྱན་སྔར་འདུག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། དེའི་སླད་དུ་མཱ་མ་ཀཱི་དེ་ལྟར་རྫུ་འཕྲུལ་ཆེའོ་ཞེས་བདག་མཆིའོ། །བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ། དོན་དེ་རྡོ་རྗེ་འཆང་ཆེན་པོ་ལ་དྲིས་ཤིག་།དེ་ནས་ཤཱ་རིའི་བུས་རྡོ་རྗེ་འཆང་ཆེན་པོ་ལ་འདི་སྐད་ཅེས་སྨྲས་སོ། །རིག་པའི་རྒྱལ་པོ་མཆོག། ཁྱོད་ཅིའི་ཕྱིར་བཅོམ་ལྡན་འདས་དེ་བཞིན་གཤེགས་པ་མར་མེ་མཛད་ནས་བཟུང་སྟེ་བདག་གིས་རིག་པའི་རྒྱལ་པོ་ཆེན་པོ་འདི་བཤད་ཅེས་དེ་སྐད་སྨྲ། རྡོ་རྗེ་འཆང་ཆེན་པོས་འདི་སྐད་ཅེས་སྨྲས་སོ། །ཤཱ་རིའི་བུ། དེ་ཇི་སྙམ་དུ་སེམས། ཅི་དེ་བཞིན་གཤེགས་པ་གཙོ་བོ་ཡིན་ནམ། ཤེས་རབ་ཀྱི་ཕ་རོལ་ཏུ་ཕྱིན་པ་གཙོ་བོ་ཡིན། ཤེས་རབ་ཀྱི་ཕ་རོལ་ཏུ་ཕྱིན་པ་གཙོ་བོ་ཡིན་ནམ། དེ་བཞིན་གཤེགས་པ་གཙོ་བོ་ཡིན་ཞེ་ན། ཤཱ་རིའི་བུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལས་བྱུང་ལ། དེ་བཞིན་གཤེགས་པ་ཐམས་ཅད་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་བཤད་དོ། ཤཱ་རིའི་བུ། དེ་བཞིན་དུ་བདག་གིས་ཀྱང་རིག་པའི་རྒྱལ་པོ་ཆེན་པོ་མཆོག་གི་སྙིང་པོ་ལ་བྱས་ལ། བཅོམ་ལྡན་འདས་དེ་བཞིན་
Ba382a
༄#། །གཤེགས་པ་ཡེ་ཤེས་སྒྲོན་མ་ཆེན་པོའི་འོད་ཟེར་གྱི་རྒྱལ་པོ་དེའི་མཐུས་མཱ་མ་ཀཱི་ཕྱག་རྒྱ་ཆེན་པོའི་རྒྱལ་མོ་ཆེན་མོ་དེ་ཐོབ་བོ། །དེ་ནས་ཤཱ་རིའི་བུ་ཅང་མི་སྨྲ་བར་གྱུར་རོ། །དེའི་ཚེ་བཅོམ་ལྡན་འདས་ཀྱིས་འབྱུང་པོའི་བདག་པོ་དབང་ལྡན་ལ་བཀའ་སྩལ་པ། འབྱུང་པོའི་བདག་པོ། གང་གིས་དེ་བཞིན་གཤེགས་པ་འབུམ་ཕྲག་གངྒཱའི་ཀླུང་དགུ་བཅུ་རྩ་གཉིས་ཀྱི་བྱེ་མ་སྙེད་ལ་ཕྱག་བྱས་པ་བྱས། གང་གིས་རིག་པའི་རྒྱལ་པོ་ཆེན་པོའི་མཆོག་ལག་ན་རྡོ་རྗེ་ལ་ཡིད་ཀྱིས་ཕྱག་བྱས་པ་དེ་ནི། དེ་ཉིད་ལས་བསོད་ནམས་མང་དུ་བསྐྱེད་དོ། །དེ་ནས་བྱང་ཆུབ་སེམས་དཔའ་རྟོགས་པ་དྲི་མ་མེད་པས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་ལག་ན་རྡོ་རྗེ་འདིས་ཇི་སྲིད་ཅིག་ནས་རིག་པའི་རྒྱལ་པོ་ཆེན་པོ་དང ། རིག་སྔགས་འཆང་གི་བདག་པོར་བསྐོས་པ་ཐོབ་སྟེ།་འདི་ཏིང་ངེ་འཛིན་གང་གིས་གནས། འདིའི་སྔོན་གྱི་དགེ་བའི་བཤེས་གཉེན་ནི། སུ་ལགས། འདི་གནས་པ་གང་གིས་གནས། དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་རྟོགས་པ་དྲི་མ་མེད་པ་ལ་འདི་སྐད་ཅེས་བཀའ་སྩལ་ཏོ། །རྟོགས་པ་དྲི་མ་མེད་པ། སྔོན་བྱུང་བ་འདས་པའི་དུས་ན་བསྐལ་པ་
Ba382b
གངྒཱའི་ཀླུང་དགུ་བཅུའི་བྱེ་མ་སྙེད་འདས་པ་ན་གདུལ་དཀའ་ཞེས་བྱ་བའི་བསྐལ་པ་ཆེན་པོ་བྱུང་སྟེ། བསྐལ་བ་ཆེན་པོ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡེ་ཤེས་སྒྲོན་མ་ཆེན་མོའི་འོད་ཟེར་ཞེས་བྱ་བ་འཇིག་རྟེན་དུ་བྱུང་ངོ ། །རིགས་ཀྱི་བུ། འཇིག་རྟེན་གྱི་ཁམས་མི་མཇེད་འདི་ནི། དེའི་ཚེ་དེའི་དུས་ན་རྡོ་རྗེ་ལྡན་ཞེས་བྱ་བའི་འཇིག་རྟེན་གྱི་ཁམས་སུ་གྱུར་ཏོ། །བཅོམ་ལྡན་འདས་དེ་བཞིན་གཤེགས་པ་ཡེ་ཤེས་སྒྲོན་མ་ཆེན་པོའི་འོད་ཟེར་དེ་ནི། བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་ཕྲག་དྲུག་ཅུ་ལ་མུན་པ་མུན་ནག་རྣམ་པར་སེལ་བ་རྣམ་པར་སྣང་བྱེད་ཅེས་བྱ་བའི་ཆོས་ཀྱི་རྣམ་གྲངས་དེ་བཞིན་གཤེགས་པའི་གསང་བ་འཆད་དོ། །རྡོ་རྗེ་འཆང་གི་རིགས་འཇིག་རྟེན་གྱི་ཁམས་རབ་འབྱམས་དཔག་ཏུ་མེད་པ་ནས་འདུས་པ་འཇིག་རྟེན་གྱི་ཁམས་མཐའ་ཡས་མུ་མེད་པའི་རྔུལ་ཕྲ་རབ་སྙེད་ལ་ཏིང་ངེ་འཛིན་དང ། གཟུངས་ཀྱི་སྔགས་པ་དཔག་ཏུ་མེད་པ་བསྟན་པའི་ཕྱིར་འཛུམ་པ་མཛད་དོ། །དེ་ནས་རྡོ་རྗེ་འཆང་ཆེན་པོའི་ཁྱུ་མཆོག་ཏུ་གྱུར་པ་འཇིག་རྟེན་མཐའ་ཡས་པའི་དབང་ཕྱུག་གི་རྒྱལ་པོ་ཞེས་བྱ་བ་འཁོར་འདུས་པ་དེ་ཉིད་དུ་འདུས་པར་གྱུར་བ་དེ་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ངས་ལ་བཙུགས་ཏེ་བཅོམ་ལྡན་འདས་ཀྱི་
Ba383a
༄#། །ཞབས་གཉིས་ལ་གཏུགས་ནས་ཡང་ལངས་ཏེ། རྟོགས་ཡངས་པ་ཆེན་པོ་རབ་འབྱམས་ཀྱི་འོག་གི་ཕྱོགས་ནས་ཕྱག་རྒྱ་ཆེན་པོ་བསྒྱུར་བས་རྡོ་རྗེ་བླངས་ཏེ་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་མཐའ་ཡས་རྒྱ་མཚོ་རྣམ་པ་བཅུ་ཡང་དག་པར་བསྐུལ་ནས་དེ་དག་གིས་རྒྱལ་པོ་བསྒྱིངས་པར་བསྒྱུར་བས་རྒྱ་མཚོ་ཆེན་པོ་བསྡུ་བའི་ཚུལ་གྱི་ང་རྒྱལ་ཆེན་པོ་ངེས་རྡོ་རྗེ་གསོར་ནས་དུས་ཀྱི་ཐ་མ་འཇིག་པའི་མེ་ལྟ་བུའི་མིག་གི་འཛུམ་པའི་འོད་ཟེར་འབར་བའི་དཀྱིལ་འཁོར་གྱི་འོག་གི་ཕྱོགས་ཀྱི་ཕྱག་རྒྱ་བསྒྱུར་བས་རྡོ་རྗེ་དེ་དེ་བཞིན་གཤེགས་པའི་ཞབས་ཀྱི་དྲུང་དུ་བཞག་སྟེ་ཞབས་གཉིས་ལ་ཕྱག་འཚལ་ནས་དེ་བཞིན་གཤེགས་པ་དེ་ལ་འཛུམ་པ་མཛད་པའི་རྒྱུ་དེ་ཞུས་པ། དེ་ཅིའི་སླད་དུ་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོའི་འཁོར་འདུས་པ་ལ་འཛུམ་པ་བསྟན། བཅོམ་ལྡན་འདས་ཀྱི་ཞལ་གྱི་སྒོ་དང ། སྨིན་མཚམས་ཀྱི་མཛོད་སྤུ་ནས་སྔོན་མ་བྱུང་བའི་འོད་ཟེར་ཁ་དོག་སྣ་ཚོགས་བྱུང ། བཅོམ་ལྡན་འདས། དེའི་སླད་དུ་འཁོར་འདིས་བསྐུལ་ནས་བདག་བཅོམ་ལྡན་འདས་ལ་ཞུ་ཞིང་མཆིས་ན། ཐུགས་རྗེ་ཆེན་པོ་དང་ལྡན་པ་བཅོམ་ལྡན་འདས་ཀྱིས་བདག་དང་བྱང་ཆུབ་སེམས་དཔའི་ཚོགས་འདི་ལ་ཐུགས་བརྩེ་པའི་སླད་དུ་བཀའ་སྩལ་དུ་གསོལ། རྡོ་རྗེ་བསྒྱིངས་
Ba383b
པ་ཆེན་པོ་འཇིག་རྟེན་མཐའ་ཡས་པའི་དབང་ཕྱུག་གི་རྒྱལ་པོ་ལག་ན་རྡོ་རྗེས་དེ་སྐད་ཞུས་པ་དང ། དེ་ནས་དེའི་ཚེ་བཅོམ་ལྡན་འདས་ཀྱིས་མཚན་དཔལ་བེའུ་ཆེན་པོ་ལས་མཐོན་ཁ་ཆེན་པོ་དང ། བཻཌཱུརྱ་ལྟ་བུ་འོད་ཟེར་ནོར་བུ་རིན་པོ་ཆེ་ཆེན་པོ་སྐར་མདོག་ལྟ་བུའི་འོད་དང་ལྡན་པ་འོད་ཟེར་ཆེན་པོའི་དཀྱིལ་འཁོར་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་མཐའ་ཡས་པར་ཆེར་སྣང་བའི་འོད་ཟེར་གྱི་མེ་ལྕེ་བྱུང་ནས་དྲི་མ་མེད་པའི་འོད་ཟེར་རྣམ་པར་འཕྲོ་བའི་དཀྱིལ་འཁོར་ལས་ལག་པ་གཡོན་པས་རྡོ་རྗེ་བླངས་པ་ལས་གསང་བའི་བདག་པོ་ལག་ན་རྡོ་རྗེ་རིག་པའི་རྒྱལ་པོ་ཆེན་པོ་བྱུང་ངོ ། །ལྕགས་ཀྱུའི་མཚན་ལས་ནི། ལྕགས་ཀྱུ། ཉས་ནི། འདོང་བའི་རྡོ་རྗེ་མ། བཀྲ་ཤིས་ལས་ནི། ལུ་གུ་རྒྱུད། གཡུང་དྲུང་འཁྱིལ་པ་མཆོག་ཏུ་མཛེས་ཤིང་མེ་འབར་བ་ལྟ་བུ་ལས་ནི། མེ་ཁ་ལ། བྱ་མ་བུམ་ལས་ནི། སེར་མོ། །གདུགས་ལས་ནི། རྒྱལ་མཚན་དྲག་པོ། །རྡོ་རྗེ་ལས་ནི། དགའ་བ་སྟེ། རྒྱལ་མོ་ཆེན་མོ་ཕོ་ཉ་མོ་དང་འཁྲོ་དུ་བཅས་པ་བདུན་པོ་དེ་དག་བྱུང་ངོ ། །དེ་དག་གི་མདུན་དུ་མ་རུངས་པ་ཁྲོ་བོའི་གཟུགས་སྟོབས་པོ་ཆེན་དང ། ཁྲོ་བོ་ཀི་ལི་ཀི་ལི་དུས་ཀྱི་མའི་རིན་པོ་ཆེ་ལྟ་བུ་རྡོ་རྗེ་ཁུ་ཚུར་ལས་བྱུང་ངོ ། །ལག་ངར་ལས་ནི། ཁུ་ཚུར་རོ། །ཕྲག་པ་འབར་ཞིང་མཛེས་པ་ལས་ནི། རྡོ་རྗེ་གནམ་ལྕགས་ཏེ། དེ་ལྟར་འཁོར་དང་བཅས་པའི་ཕོ་ཉ་མོ་
Ba384a
༄#། །བཅུའོ། །དེ་བཞིན་དུ་དྲུག་ཅུ་ཕྲག་བཞིར་བསྒྲེའོ། །རྟོགས་པ་དྲི་མ་མེད་པ། འདི་ལྟར་ལག་ན་རྡོ་རྗེ་གཡོག་འཁོར་དང་བཅས་ཤིང་ཕོ་ཉ་མོ་དང ། འཁོར་དང་བཅས་པ་བྱུང་ནས་དམ་ཚིག་ཆེན་པོ་དང་ལྡན་པའི་དཀྱིལ་འཁོར་དུ་བཅོམ་ལྡན་འདས་དེ་བཞིན་གཤེགས་པ་ཡེ་ཤེས་སྒྲོན་མ་མཆེན་པོའི་འོད་ཟེར་ལས་དེས་དེ་བཞིན་གཤེགས་པའི་བྱིན་གྱི་རླབས་ཀྱིས་གསོལ་བ་བཏབ་པ་དང ། དེ་བཞིན་གཤེགས་པ་དེའི་མ་མེད་བཞེས་བྱ་བའི་ཏིང་ངེ་འཛིན་ལ་མཉམ་པར་བཞག་སྟེ་ཐོག་མར་དེ་བཞིན་གཤེགས་པས་སྐུ་དང ། གསུང་དང ། ཐུགས་ཀྱི་གསང་བ་བཅུ་དང ། གསང་བ་མཐའ་ཡས་དཀྲིགས་ཕྲག་བྱེ་བ་དང་ལྡན་བའི་མདོ་སྡེའི་དབང་པོའི་རྒྱལ་པོ་དེ་གདུལ་དཀའ་བ་རྣམས་འདུལ་བ་དང ། ཐམས་ཅད་མཁྱེན་པའི་ཡེ་ཤེས་བསྟན་པའི་ཕྱིར་དེ་བཞིན་གཤེགས་པའི་འཁོར་དམ་ཚིག་ཅན་འདུས་པའི་དཀྱིལ་འཁྲོ་དུ་བཤད་དོ། །རྟོགས་པ་དྲི་མ་མེད་པ། དེ་ཚུན་ཆད་བཅོམ་ལྡན་འདས་དེ་བཞིན་གཤེགས་པ་ཡེ་ཤེས་སྒྲོན་མ་ཆེན་པོའི་འོད་ཟེར་དེ་ལ་སོགས་པ་སངས་རྒྱས་བྱེ་བ་ཕྲག་དགུ་བཅུ་རྩ་དགུའི་གམ་དུ་བདུད་ཕམ་པར་མཛད་ནས་བསྟན་པ་ཀུན་ཏུ་བཟུང་བར་གྱུར་ཏོ། །རྟོགས་པ་དྲི་མ་མེད་པ། དེ་ལ་བཅོམ་ལྡན་འདས་དེ་བཞིན་གཤེགས་པ་ཡེ་ཤེས་སྒྲོན་མ་ཆེན་པོ་འོད་ཟེར་དེའི་
Ba384b
འོག་ཏུ་བསྐལ་པ་དགུ་བཅུ་རྩ་དྲུག་པ་ལ་འཇིག་རྟེན་གྱི་ཁམས་མི་མཇེད་འདིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དོན་གཟིགས་པ་ཞེས་བྱ་བ་འཇིག་རྟེན་དུ་བྱུང་སྟེ། བཅོམ་ལྡན་འདས་དེའི་གསུང་རབ་ལ་བདུད་ཅང་མི་སྨྲ་བ་ཞེས་བྱ་བ་དེ་བྱུང་ངོ ། །རྟོགས་པ་དྲི་མ་མེད་བ། ལག་ན་རྡོ་རྗེ་དེས་ཀྱང་བདུད་ཕམ་པར་བྱས་ནས་དོན་གཟིགས་པ་ཞེས་བྱ་བའི་དེ་བཞིན་གཤེགས་པ་བརྒྱད་ཅུ་དང ། སངས་རྒྱས་བྱེ་བ་ཕྲག་དགུ་བཅུ་རྩ་གཅིག་ལས་བདུད་ཕམ་པར་བྱས་ཏེ་བསྟན་པ་སྲུང་བར་བྱས་སོ། །དེ་ཚུན་ཆང་བསྐལ་བ་དགུ་བཅུ་རྩ་དྲུག་ལྷག་བ་ཞིག་འདས་ནས་སངས་རྒྱས་གསེར་དུ་སྣང་བས་རྣམ་པར་རོལ་བ་ཞེས་བྱ་བ་བསྐལ་བ་བྱེ་བ་ཕྲག་དྲུག་ཅུ་རྩ་བརྒྱད་ལས་བདུད་ཕམ་པར་བྱས་ཏེ་བསྟན་པ་ཀུན་ཏུ་བསྲུངས་པར་གྱུར་ཏོ། །དེའི་འོག་ཏུ་དེར་སྟོང་སྙེད་འདས་ནས་ལག་ན་རྡོ་རྗེ་འདི་དེ་བཞིན་གཤེགས་པ་དེ་དག་གི་གསང་བ་འཛིན་པ་དང ། བསྟན་པ་སྲུང་བར་གྱུར་ཏོ། །དེ་བཞིན་དུ་སྦྱར་ཏེ་ཐ་མར་དེ་བཞིན་གཤེགས་པ་གཙུག་ཏོར་ཅན་དང ། རྣམ་པར་གཟིགས་དང ། ཐམས་ཅད་སྐྱོབ་དང ། གསེར་ཐུབ་དང ། དེ་བཞིན་དུ་ལོག་པར་དང་སེལ་དང ། མི་འཁྲུགས་པ་དང ། འོད་སྲུང་ལ་སོགས་པ་དང ། ངའི་བསྟན་པ་ལ་ཡང་མ་དུལ་བ་དང ། དེ་བཞིན་དུ་གསང་བ་འཛིན་ཅིང་བསྐལ་པ་བཟང་པོ་ལ་འཇིག་རྟེན་གྱི་ཁམས་མི་མཇེད་འདི་ཉིད་དུ་
Ba385a
༄#། །སངས་རྒྱས་ཀྱི་མཛད་པ་བྱེད་དེ། བསྐལ་པ་བཟང་པོའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཇི་སྙེད་པ་ཐམས་ཅད་ལ་དེ་བཞིན་དུ་མཐར་གྱིས་ཐབས་འདིས་བསྟན་པ་ལ་བྱ་བ་བྱས་ནས་མངོན་པར་རྫོགས་པར་སངས་རྒྱས་ཏེ། རྡོ་རྗེའི་རྩལ་གྱིས་འགྲོ་བ་ཞེས་བྱ་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ་ཞེས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་བཀའ་སྩལ་ཏོ། །དེ་ནས་བཅོམ་ལྡན་འདས་ལ་འབྱུང་པོའི་བདག་པོ་དབང་ལྡན་གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གིས་ཀྱང་རིག་པ་མཆོག་གི་ལས་སྩལ་བར་བགྱིའོ། །མ་གོད་པའི་རས་ལ་རི་མོ་མཁན་གསོ་སྦྱོང་བཟུང་བས་སངས་རྒྱས་ཀྱི་སྐུ་གཟུགས་གསེར་གྱི་ཁ་དོག་ལྟར་འབྲིར་སྩལ་ཏོ། །དེ་བཞིན་གཤེགས་པའི་གཡས་རོལ་དུ་ལག་ན་རྡོ་རྗེ་མདོག་སྔོ་བསངས། རྒྱན་ཐམས་ཅད་ཀྱིས་བརྒྱན་པའོ། །ལག་ན་རྡོ་རྗེའི་གཡས་རོལ་དུ་ནི། ཕོ་ཉ་མོ་བཅུ་གཉིས་ཏེ། རྒྱལ་བའི་བློ་གྲོས་མ་དང ། མེ་ཁ་ལ་ནི།་སྔོ་བསངས་སོ། །རྡོ་རྗེའི་གདོང་དང ། རྡོ་རྗེ་ལྟེ་བ་དང ། གདོང་དཀར་མོ་དང ། རྡོ་རྗེ་སེར་མོ་དང ། ནག་མོ་དང ། གྱེན་དུ་ལྟ་བའི་གདོང་ནི། གསེར་མདོག་གོ། རྡོ་རྗེ་སེངྒེའི་ཁྲི་
Ba385b
དང ། རྡོ་རྗེ་ལྡན་མ་དང ། ཤུགས་ལྡན་མ་དང ། རྡོ་རྗེ་བཞད་མ་ནི། དམར་མོར་བྲི་བར་བགྱི་སྟེ། ཕོ་ཉ་མོ་ཐམས་ཅད་ཀྱང་རྒྱན་ཐམས་ཅད་ཀྱིས་བརྒྱན་པར་བགྱིའོ། །བཅོམ་ལྡན་འདས་ཀྱི་གཡོན་རོལ་ཏུ་དབང་ཕྱུག་ཆེན་པོ་མདོག་དཀར་པོ་རལ་པ་ཅན་མཚན་མ་བསྒྲེང་བ། དཀའ་ཐུབ་ཟློག་པ་དང་ལྷན་ཅིག་བྲི་བར་བྱའོ། །འབྱུང་པོ་མདོག་དམར་པོ་མི་སྡུག་པ་བཞི་ཡང་བྲི་བར་བྱའོ། །ཕྱིས་རིག་སྔགས་འཆང་གིས་དུས་གསུམ་དུ་ཁྲུས་བགྱི་ཞིང་ཟླ་བ་གཅིག་གི་བར་དུ་བརྒྱད་བརྒྱ་བརྒྱད་བརྒྱ་བཟླས་བརྗོད་བགྱི་ཞིང་ཟས་སུ་ཆུ་སྐྱོ་བཏུང་བར་བགྱིའོ། །ཐ་མར་ལུས་སྦྱང་བ་བགྱི་སྟེ། དེའི་འོག་ཏུ་ཞག་གསུམ་སྨྱུང་བ་བགྱིས་ལ། གནས་བཞིར་བསྙེན་བཀུར་བགྱིད་པ་བཞི་གཞག་གོ། །ཕོ་ཉ་མོ་རྣམས་ཀྱིས་ལས་ཐམས་ཅད་བགྱིའོ། །རི་མོའི་སྐུ་གཟུགས་ཀྱི་སྤྱན་སྔར་རྩཝ་ཀུ་ཤ་སྤམ་ས་པའི་སྟེང་དུ་འདུག་སྟེ། མཆོད་པ་རྒྱ་ཆེར་བགྱིས་ལ་གཏོར་མ་ཡང་ཤིན་ཏུ་རྒྱ་ཆེར་བགྱིའོ། །ལྕེ་པོག་གི་བདུག་པས་བདུག་གོ་།རི་མོའི་སྐུ་གཟུགས་ཀྱི་སྤྱན་སྔར་ཨརྒའི་ཤིང་གི་ཞུགས་བུས་ལ། མེ་ཏོག་དཀར་པོ་ཞོ་དང ། སྦྲང་རྩི་དང ། མར་ལ་སྨྱུགས་པས་མེ་སྟག་དག་བྱུང་གི་བར་དུ་སྦྱིན་སྲེག་བགྱིའོ། །དེའི་འོག་ཏུ་ཨུཏྤ་ལ་སྔོན་པོ་ལྟ་གྦུའི་རལ་གྲི་བྱུང་གི་བར་དུ་ལྕགས་ཕྱེས་སྦྱིན་སྲེག་བགྱིའོ། །དེ་བླངས་མ་ཐག་ཏུ་སྐྲ་ལྕང་ལོ་འཁྱིལ་བར་འགྱུར། ལོ་
Ba386a
༄#། །བཅུ་དྲུག་པ་ལྟ་བུར་འགྱུར། ཉི་མ་འཆར་བའི་འོད་ལྟར་འགྱུར། དཔོན་གཡོག་དྲུག་ནམ་མཁའ་ལ་མཆི་བར་འགྱུར་རོ། །ལོ་ཁྲི་ཉིས་སྟོང་ཐུབ་པར་འགྱུར། དེ་བཞིན་དུ་གྲོགས་རྣམས་ཀྱང་དཔག་ཚད་སྟོང་དུ་གྱེན་དུ་འཕགས་པར་འགྱུར་རོ། །དེ་བཞིན་དུ་འོག་མ་དབང་ཕྱུག་ཆེན་པོའི་རལ་གྲི་བསྒྲུབ་པར་བགྱིའོ། །གཞན་ཡང་རལ་གྲི་སྒྲུབ་པ་ནི། ཟླ་བ་གཅིག་སློང་མོའི་ཟས་ཟ་ཞིང ། ཕྱིས་མར་གྱི་ངོ་ཞག་བཅུ་བཞི་ལ་རི་མོའི་གཟུགས་ཀྱི་མདུན་དུ་ཕོ་ཉ་མོ་རྣམས་ཀྱིས་ལས་ཐམས་ཅད་བགྱིའོ། །ཞག་གསུམ་སྨྱུང་བ་བགྱིས་ཏེ་རལ་གྲི་མ་ཆག་ཅིང་འཕན་མེད་པ་བླངས་ལ། རལ་གྲི་ལག་པ་གཡས་ན་ཐོགས་ཏེ་འབར་གྱི་བར་དུ་བཟླས་བརྗོད་བགྱིའོ། །དེ་བླངས་པ་ཙམ་གྱིས་ནམ་མཁའ་ལ་འཕག་གོ་།ལོ་བཅུ་དྲུག་ལོན་པ་ལྟ་བུར་འགྱུར་རོ། །རིག་སྔགས་འཆང་སྟོང་གི་བདག་པོར་འགྱུར་རོ། །ལོ་ཁྲི་ཉིས་སྟོང་ཐུབ་པར་འགྱུར་རོ། །གཞན་ཡང་འཁོར་ལོ་སྒྲུབ་པ་བཤད་པར་བགྱིའོ། །སློང་མོའི་ཟས་བཟའ་ཞིང་ཕྱིས་མར་གྱི་ངོ་ཞག་བཅུ་བཞི་ནས་ཞག་གསུམ་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་མཆོད་པ་རྒྱ་ཆེར་བགྱིས་ལ། གཏོར་མ་དང་ལྷ་བཤོས་ཀྱང་ཤིན་ཏུ་རྒྱ་ཆེར་སྦྱར་ཅིང་ཕོ་ཉ་མོ་རྣམས་ཀྱིས་ལས་ཐམས་ཅད་བགྱིའོ། །ལྕགས་སྣ་གསུམ་ལ་འཁོར་ལོ་རྩིབས་བཅུ་དྲུག་པ་བགྱིས་ལ། ཤིང་
Ba386b
་ཤཝ་ཏྠའི་ལོ་མ་བདུན་གྱི་སྟེང་དུ་བཞག་ལ་འབར་གྱི་བར་དུ་བཟླས་བརྗོད་བགྱིའོ། །འབར་ནས་ས་གཡོ་བར་འགྱུར་རོ། །རིག་སྔགས་འཆང་ཐམས་ཅད་སྐྲག་པར་འགྱུར་རོ། ། དེས་བླངས་པ་ཙམ་གྱིས་སྐྲ་ལྕང་ལོ་འཁྱིལ་བར་འགྱུར་རོ། །ལོ་བཅུ་དྲུག་ལོན་པ་ལྟ་བུར་འགྱུར་རོ། །མདོག་ཉི་མ་ཤར་བ་བཞིན་དུ་འགྱུར་རོ། །རིག་སྔགས་འཆང་གི་འཁོར་ལོས་བསྒྱུར་བར་འགྱུར་རོ། །བུད་མེད་བརྒྱད་འབྱུང་བར་འགྱུར་རོ། །དཔོན་གཡོག་བཅུ་དྲུག་འགྲོ་བར་འགྱུར་རོ། །རིག་སྔགས་འཆང་གཞན་བརྒྱ་ཡང་འབྱུང་སྟེ། བསྙེན་བཀུར་བགྱིད་པར་འགྱུར་རོ། །གང་གི་གནས་ཆེ་གེ་མོ་ཞེས་བགྱི་བར་མཆི་བར་བསམ་པ་དེའི་ཚེ་འཁོར་ལོ་དཔག་ཚད་ཙམ་དུ་མེ་ལྕེ་འབར་བ་སྟོང་འབྱིན་ཅིང་འགྲོ་སྟེ། བསྡོ་བ་ཅི་ཡོད་པ་ཕུང་བར་འགྱུར་རོ། །ལོ་བརྒྱད་ཁྲི་ཐུབ་བོ། །གང་གི་ཚེ་འཆི་བ་དེའི་ཚེ་ལྷའི་ནང་དུ་སྐྱེའོ། །དེ་ནས་རིག་པའི་རྒྱལ་པོ་ལས་ཀྱི་དཀྱིལ་འཁོར་བཤད་པར་བགྱི་སྟེ། བརྟག་པ་བགྱིས་ལ་གནས་མ་ཉམས་པར་ཤེས་རབ་ཅན་གྱིས་དཀྱིལ་འཁོར་བྲིའོ། ཁྲུ་ནི་བཅུ་གཉིས་སྒོ་བཞི་པ། །དེ་བཞིན་དུ་ནི་ཁྲུ་བརྒྱད་ལ། །དེ་ལ་ཐོག་མར་བྲི་བ་ནི། །རིམ་པ་གཉིས་པ་དམར་པོ་སྟེ། །རིམ་པ་གསུམ་པ་ནག་པོའོ། །དཀྱིལ་འཁོར་དེ་ཡི་བྱང་ཕྱོགས་སུ། །སངས་རྒྱས་བཅོམ་ལྡན་བྲི་བར་བགྱི། །དེ་བཞིན་གཤེགས་དང་ཉེ་བར་ནི། །བཅོམ་
Ba387a
༄#། །ལྡན་ཕྱག་ན་རྡོ་རྗེ་སྟེ། །རྡོ་རྗེ་ཐོགས་ཤིང་རིམ་པས་བསྐོར། །སྒོ་རྣམས་ཀུན་ཏུ་བསྲུང་བར་བགྱི། །སྒོ་བཞིར་སྒོ་བ་རྣམས་བྲི་འོ། །ཤར་ཕྱོགས་སུ་ནི་དྲག་པོ་དང ། །གཞོན་ནུ་དང་ནི་མ་མོ་བྲི། །ལྷོ་ཕྱོགས་སུ་ནི་ཁྱབ་འཇུག་དང ། །ཉི་ཟླ་དང་ནི་ཚངས་པ་བྲི། །ནུབ་ཕྱོགས་སུ་ནི་གཤིན་རྗེ་དང ། །ཀ་ཏྱའི་བུ་མོ་གཏུམ་མོ་བྲི། །བྱང་ཕྱོགས་སུ་ནི་ལྷ་མོ་དཔལ། །དེ་བཞིན་ལྷ་མོ་དབྱངས་ཅན་བྲི། །ལྷ་རྣམས་འདི་དག་ཐམས་ཅད་ནི། །ཇི་སྐད་བཤད་པ་བཞིན་དུ་བྲི། །བྱ་མ་བུ་མ་མགུལ་ཆིངས་ཅན་གྱིས་བསྐོར་ཞིང་སྒོ་སྐོར་ཡང་གཞག་གོ་།དབུས་སུ་གཏུན་ཤིང་སྐྲའི་སྲད་བུ་དང་བཅས་པ་གཅིག་གཞག་གོ་།བྱ་མ་བུམ་གྱི་ལྷོ་ཕྱོགས་སུ་རྡོ་རྗེ་བྲིའོ། །ལྷ་རྣམས་ཀྱང་མཚོན་ཆ་དང་བཅས་པར་བགྱི་སྟེ། དྲག་པོའི་ནི། མདུང་རྩེ་གསུམ་པ་བྲིའོ། །གཞོན་ནུའི་ནི། མདུང་ཐུང་ངོ ། །མ་མོ་རྣམས་ཀྱི་ནི། མཆེ་བའོ། །ཁྱབ་འཇུག་གི་ནི། འཁོར་ལོའོ། །ཟླ་བ་དང་ཉི་མའི་ནི། གཞུའོ། །ཚངས་པའི་ནི། རིལ་བ་སྤྱི་བླུགས་སོ། །གཤིན་རྗེའི་ནི། བེ་ཅོན་ནོ། །གཞན་དག་མཚོན་ཆ་ཐ་མལ་པའོ། །ཞུགས་ན་རབ་ཏུ་བུས་ནས་སུ། །བརྒྱད་བརྒྱད་ཚང་བའི་ཡམ་སྲོག་ཤིང ། །ལྷ་བཤོས་དྲི་དང་བདུག་པ་དང ། །གཏོར་མ་བཙལ་ནས་ལྷ་སྤྱན་དང ། །སྦྱིན་སྲེག་འདི་ནི་སྦྲང་རྩི་དང ། །མར་དང་འབྲས་ཡོས་ལན་ཚཝ་
Ba387b
དང ། །དེ་བཞིན་ཡུངས་ཀར་རྣམས་ཀྱིས་བགྱི། །ཡུངས་ཀར་གྱིས་ནི་སྲུང་བ་བགྱི། །གཙང་མའི་གོས་ནི་བགོ་བར་བགྱི། །མཆོད་པ་དག་ནི་སྔར་བགྱིས་ཏེ། །དེ་ཡི་འོག་ཏུ་ལས་བརྩམ་མོ། །འཇིག་རྟེན་ན་ནི་ཅི་ཡོད་པའི། །མནའ་ཚིག་རྣམས་ཀྱིས་མ་ནས་བསྒྲག་གོ། དམ་ཚིག་འདི་ལྟར་སུ་སྲུང་བ་དེ་ལ་ལོག་འདྲེན་ཐམས་ཅད་ཀྱིས་གླགས་མི་རྙེད་ཅིང་ལས་ཀྱང་དངོས་གྲུབ་ཏུ་འགྱུར་རོ། །དཀོན་མཆོག་གསུམ་ལ་དང་པས་དཀྱིལ་འཁོར་སྔར་མཐོང་ནས་དེའི་འོག་ཏུ་རིག་པ་མཆོག་བསྒྲུབ་པར་བགྱིའོ། །སུ་ཞིག་གཞན་དུ་བགྱིད་ན་དེའི་རྡོ་རྗེ་ཉིད་ཀྱིས་མཐར་བགྱིད་པར་འགྱུར་རོ། །དཀྱིལ་འཁོར་གྱི་ཆོ་ག་རྫོགས་སོ།། །།རིག་པ་མཆོག་སྒྲུབ་པ་འདི་ནི། འདི་ལགས་ཏེ། ཟླ་བ་གཅིག་ཟས་སུ་འོ་སྐྱོ་འཐུངས་ལ་ཕྱིས་མར་གྱི་ངོ་ཞག་བཅུ་བཞི་ནས་ཞག་གསུམ་སྨྱུང་བ་བགྱིས་ཏེ་གོས་གཙང་མ་དགོས་ལ། རིང་བསྲེལ་དང་བཅས་པའི་མཆོད་རྟེན་ནམ། སངས་རྒྱས་ཀྱི་སྐུ་གཟུགས་སམ། བྱང་ཆུབ་ཀྱི་ཤིང་ངམ། བཅོམ་ལྡན་འདས་ལག་ན་རྡོ་རྗེ་ཡང་ཅི་ནུས་སུ་མཆོད་དོ། །ཕོ་ཉ་རྣམས་ཀྱིས་དྲི་དང ། མེ་ཏོག་དང ། བདུག་པ་དང ། གཏོར་མ་སྦྱིན་ནོ། །དེ་ནས་ལྕགས་ཀྱི་རལ་གྲི་བགྱིས་ཏེ་བུང་མེད་རྒྱན་ཐམས་ཅད་ཀྱིས་བརྒྱན་པ། བུད་མེད་བཅུས་བསྐོར་བ་ནམ་འོངས་ཀྱི་བར་དུ་བཟླས་བརྗོད་བགྱིའོ། །འོངས་ནས་གཡོག་
Ba388a
༄#། །འཁོར་འབུལ་ལོ། །རལ་གྲི་དེ་གཡོག་འཁོར་ལ་བཞག་ན། བུད་མེད་དེ་ཆུང་མར་འགྱུར་རོ། །གལ་ཏེ་འཚལ་ན། བུད་མེད་དེ་དག་ཀྱང་ཆུང་མར་འགྱུར་རོ།། གལ་ཏེ་མི་འཚལ་ན། གཡོག་འཁོར་རྣམས་ལ་སྩལ་ཏོ། །གཡོག་འཁོར་རྣམས་དང་ལྷན་ཅིག་ཏུ་ནམ་མཁའ་ལ་མཆིའོ། །འོག་ཏུ་ཡང་དཔག་ཚང་སྟོང་དུ་ཡང་མཆིའོ། །སྟེང་དུ་ཡང་དེ་བཞིན་ནོ། །རལ་གྲི་དེ་ཐོགས་ན་འཁོར་ལོས་བསྒྱུར་བ་མ་གཏོགས་པར་རིག་སྔགས་འཆད་ཐམས་ཅད་ཀྱིས་མི་སོད་དོ། །ལོ་ཁྲི་ཐུབ་བོ། །སྒྲུབ་པ་གཞན་ཡང་ཡོད་དེ། ཚེས་གྲངས་དང ། སྐར་མ་གདམ་མི་དགོས། སྨྱུང་བ་བྱ་མི་དགོས་སོ། །བུད་མེད་དེ་ལེགས་པར་བསྐུ་ཞིང་མེ་ཏོག་གིས་ཀྱང་མཆོད་ལ་ཕོ་ཉ་མོ་རྣམས་ཀྱིས་ཀྱང་ལས་བྱའོ། །དེའི་འོག་ཏུ་བུད་མེད་དེ་ཁ་བུབ་ཏུ་བཞག་ལ་བུད་མེད་དེའི་རྒྱབ་ཏུ་ཞོན་ཏེ་བུད་མེད་དེ་འགུལ་ཞིང་སྒྲ་འབྱིན་ཡང་འཇིགས་པར་མི་བྱ་ཞིང ། གྱེན་དུ་འཕག་གི་བར་དུ་རིག་པའི་རྒྱལ་པོ་བཟླས་བརྗོད་བྱའོ། །ཡང་ས་ལ་ལྷུང་ངོ ། །ལྷུང་ནས་དེ་ལས་འབབ་པར་བྱའོ། །དེ་ནས་བུད་མེད་རྒྱན་ཐམས་ཅད་ཀྱིས་བརྒྱན་པ་རྣམས་མཐོང་ངོ ། །དེའི་ནང་ནས་བུད་མེད་ཅིག་ཁ་བུབ་ཏུ་འདུག་ཅིང་དབུགས་འབྱིན་པ་དེའི་རྒྱབ་ཏུ་ཞོན་ན། ནམ་མཁའ་ལ་འཕག་ཅིང་མདོག་ཉི་མ་ཤར་བ་ལྟ་བུར་འགྱུར་
Ba388b
རོ། །བུད་མེད་ཀྱི་གློ་ལ་རལ་གྲི་འཛམ་བུའི་ཆུ་བའི་གསེར་གྱིས་བརྒྱན་ཅིང་མུ་ཏིག་དང ། རིན་པོ་ཆེས་སྤྲས་པ་འཕྱང་ངོ ། །ལས་འདི་ནི། རྒྱལ་མཚན་དང་འགྲེའོ་ཞེས་སྨྲས་ནས་བྱའོ། །ལེ་ལོ་ཅན་དང ། བྱས་པ་མི་གཟོ་བ་རྣམས་ཀྱིས་ལས་འདི་མི་བྱའོ། །གང་ནུས་པ་བརྟན་ཞིང་མཐུ་སྟོབས་དང་ལྡན་པ་རྩོལ་པར་ངེས་པར་བྱས་པས་ལས་འདི་བརྩམ་པར་སྟེ།་ལས་འདི་སྒྲུབ་པ་པོས་རྟག་ཏུ་གོ་ཆ་སྲ་བ་དང ། ཚངས་པར་སྤྱོད་པར་བྱ་ཞིང་ཉ་དང་ཤ་ཡོངས་སུ་སྤང་བར་བྱའོ། །རིག་སྔགས་འཆང་གིས་ལྡོང་རོས་སྒྲུབ་པའི་ཚེ་གལ་ཏེ་སྟེ་ན།་དེ་དགུག་པའི་ཕྱིར་འདི་བརྩམ་པར་བྱ་སྟེ། རིག་སྔགས་འཆང་གྲུབ་པའམ། ཀླུའམ། གནོད་སྦྱིན་ནམ། ཤ་ཟའམ། གྲུལ་བུམ་ཡང་རུང་སྟེ་དབབ་པ་བྱས་པ་དེ་ལ་གང་གིས་རྫས་ཁྱེར་བ་དེས་ང་ལ་སླར་བྱིན་ཅིག་དང་ཕུང་བར་མི་བྱའོ་ཞེས་བརྗོད་པར་བྱའོ། །མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བགྱིས་ཏེ་ཟངས་པོ་ཆེ་བཙུགས་ལ་འབྲུ་མར་བླུགས་ཏེ་བསྐོལ་ལ་རིག་པའི་རྒྱལ་པོ་བཟླས་བརྗོད་བྱས་ན་རིག་སྔགས་འཆང་གྲུབ་པ་ཡང་རུང ། གང་ཡིན་པ་དེ་དེར་འོང་ཞིང་འོངས་ནས་ཀྱང་སླར་འབུལ་ལ་དེ་ལ་ཅི་ཡང་མི་བྱའོ། །གལ་ཏེ་མི་འོང་ན། ཕྱིས་སྙིང་པོས་ཡན་ལག་དང ། ཉིང་ལག་རྣམས་གཏུབས་ཏེ་གཞག་གོ། སྲུང་བ་བྱས་པའི་ཆོ་གས་བྱའོ། །གཞན་དུ་ན་མ་རུངས་པར་
Ba389a
༄#། །འགྱུར་རོ། །གལ་ཏེ་སྲུང་བ་མ་བྱས་ན། གྲུབ་པ་རྣམས་ཀྱིས་མ་རུངས་པར་བྱེད་དོ། །ཡན་ལག་དང་ཉིད་ལག་གཏུབས་པས་འོང་ཞིང་རྫས་ཀྱང་སྦྱིན་པར་བྱེད་དོ། །འདི་སྐད་དུ་བཅོམ་ལྡན་འདས། ཡོངས་སུ་བསྐྱབ་ཏུ་གསོལ་ཞེས་སྨྲའོ། །དེ་སླར་གསོ་བའི་ཕྱིར་འབྲུ་མར་གྱི་ཟངས་པོ་ཆེ་ལས་འབྲུ་མར་བླངས་ཏེ་འཕགས་པ་ལག་ན་རྡོ་རྗེའི་མདུན་དུ་སྙིང་པོས་སྲེག་བླུགས་ལན་སྟོང་སྦྱིན་སྲེག་བྱས་ན། སོས་ཤིང་དབང་དུ་ཡང་འགྱུར་རོ། །དབྱིག་དུག་བསལ་བར་འདོད་ན། ལག་པ་དང་རྐང་པ་སྣོད་དུ་བཅུག་ལ་རླུང་གཡབ་ཀྱིས་གཡབས་ཏེ་གང་དུ་འདོད་པ་དེར་རིག་པའི་རྒྱལ་པོ་བཟླས་བརྗོད་བྱས་ན། དཔྱིག་དུག་བྱུང་སྟེ་ནད་མེད་པར་འགྱུར་རོ། །མིག་སེར་གྱི་ནད་བསལ་བར་འདོད་ན། ཆུ་ལ་ལན་བདུན་བསྔགས་ལ་སྐོམ་དུ་བླུད་ན་འཚོའོ། །མིག་ནད་བསལ་བར་འདོད་ན། མེ་ཏོག་རྩ་བ་རིང་པོ་དག་ལ་ལན་བདུན་བཟླས་བརྗོད་བྱས་ཏེ་སྔགས་ཀྱིས་བཏབ་ལ་སྣོད་དུ་བཅུག་ན་འཚོའོ། །དེ་ནས་རིག་པའི་རྒྱལ་པོའི་མཆོག་ལག་ན་རྡོ་རྗེ་ལ་ལོག་འདྲེན་གྱིས་འདི་སྐད་ཅེས་སྨྲས་སོ། །བཅོམ་ལྡན་འདས། སེམས་ཅན་ཐམས་ཅད་ཀྱི་དོན་གྱི་སླད་དུ་རིག་པ་མཆོག་འདི་འཆད་དམ། བཅོམ་ལྡན་འདས། གང་གིས་བདག་ས་ལ་འཁྱམས་ཤིང་སེམས་ཅན་རྣམས་ལ་ཡང་གླགས་རྙེད་པར་
Ba389b
འགྱུར་བར་བདག་ལ་མི་གཟིགས་སམ། དེ་ནས་གནོད་སྦྱིན་གྱི་དབང་པོ་ལག་ན་རྡོ་རྗེས་ལོག་འདྲེན་ལ་འདི་སྐད་ཅེས་སྨྲས་སོ། །ཁྱོད་ཉོན་ཅིག་།གང་དག་དམ་ཚིག་མི་ཤེས་པར་ངའི་རིག་པའི་ཆོ་ག་རྒྱས་པར་ཀློག་པ་དེ་དག་ཁྱེར་ཅིག་།གང་དག་གཅིག་གི་ལྷག་མ་གཅིག་ཟ་བ་དང ། ལྷ་ལ་ཕུལ་བའི་དྲི་དང ། བདུག་པ་དང ། མེ་ཏོག་ལ་སྤྱོད་པ་དེ་དག་ཁྱེར་ཅིག་།གང་དག་ངའི་དམ་ཚིག་ཤེས་པ་དང ། ཆོ་ག་རྒྱས་པ་ལས་འབྱུང་བ་བཞིན་དུ་སྤོང་བར་བྱེད་པ་དང ། གང་དག་རིག་པ་མཆོག་རྡོ་རྗེའི་རིག་སྔགས་དང་བཅས། གསང་ཆེན་དང་བཅས་པར་འཛིན་པ་དེ་དག་ལ་གླགས་མ་ཚོལ་ཅིག། ཆུད་མ་གསོན་ཅིག་།དེ་སྐད་ཐོས་པ་དང ། ལོག་འདྲེན་དེ་དག་ཅ་ཅོ་ནས་དགའ་ཞིང་མགུ་ལ་ཡིད་རངས་ཏེ་ལག་ན་རྡོ་རྗེའི་རྐང་པ་ལ་ཕྱག་བྱ་བའི་གསང་སྔགས་སྨྲས་པ། ན་མོ་རཏྣ་ཏྲ་ཡཱ་ཡ། ན་མཤྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ན་པ་ཏ་ཡེ། ཏདྱ་ཐཱ། ཧུ་རུ་བཛྲ་པཱ་ཎི། ཧུ་རུ་བཛྲ་པཱ་ཎི། ཏྲོ་ཊ་ཐ་ཡ་བཛྲ་པཱ་ཎི། སྥོ་ཊ་ཡ་བཛྲ་པཱ་ཎི། ད་ཧ་པ་ཙ་མ་ཐ་བཛྲ་པཱ་ཎི་སཝཱཧཱ། རི་མོ་མཁན་གསོ་སྦྱོང་བཟུང་བསམ་གོད་པའི་རས་ལ་སྦྱིན་དང་མ་འདྲེས་པའི་ཚོན་གྱིས་འཕགས་པ་ལག་ན་རྡོ་རྗེ་བྲི་བར་བྱ་སྟེ། པྲི་ཡང་ཀུ་ལྟར་སྔོ་བསངས། རྒྱན་ཐམས་ཅད་ཀྱིས་བརྒྱན་པའོ། །དེའི་གཡོག་འཁོར་ལོག་འདྲེན་བཞི་བཅུ་བྲི་བར་བྱ་སྟེ། ཁ་དོག་སྣ་ཚོགས་པ་ལག་ན་རྡོ་
Ba390a
༄#། །རྗེའི་རྐང་པ་གཉིས་ལ་མགོ་བོས་ཕྱག་འཚལ་བ་བྲི་བར་བྱའོ། །སྣ་དཀར་ལ་གཅུ་བར་བྱའོ། །དེའི་འོག་ཏུ་རིག་སྔགས་འཆང་གིས་མར་གྱི་ངོ་ཞག་བཅུ་བཞི་ནས་བརྩམས་ཏེ་བའི་རྣམ་ལྔས་ལུས་སྦྱང་བ་བྱས་ལ་དུས་གསུམ་དུ་ཁྲུས་བྱ་ཞིང་རི་མོའི་སྐུ་གཟུགས་ཀྱི་མདུན་དུ་དུས་གསུམ་དུ་བརྒྱ་རྩ་བརྒྱད་སྦྱིན་སྲེག་བྱའོ། །ཟླ་བ་ཕྱི་མ་མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བྱས་ཏེ་ལག་ན་རྡོ་རྗེ་ལ་མཆོད་པ་བྱས་ནས་དྲི་དང ། མེ་ཏོག་དང ། བདུག་པ་ཕུལ་ཏེ་ལོག་འདྲེན་རྣམས་ལ་ཡང་བག་བཙོས་པར་པ་ཏ་ཀ་དང ། མོ་ཏ་ཀ་ད་དང ། པུ་པ་ལི་ཀ་དང ། རྩ་བ་དང་ཤིང་ཏོག་གཞན་དག་ཀྱང་ཕུལ་ལ། ལག་ན་རྡོ་རྗེའི་མདུན་དུ་སྣ་མའི་མེ་ཏོག་ཞོ་དང ། སྦྲང་རྩི་དང ། མར་ལ་སྨྱུགས་པ་བརྒྱད་སྟོང་སྦྱིན་སྲེག་བྱའོ། །འོག་དང་རི་མོའི་སྐུ་གཟུགས་འགུལ་ཞིང་ཧ་ཧ་ཞེས་བྱ་བའི་སྒྲ་སྒྲོག་སྟེ། དེ་ལ་ཡང་འཇིགས་པར་མི་བྱའོ། །ཡང་ལན་བརྒྱ་སྟོང་སྦྱིན་སྲེག་བྱས་ན། དེ་ནས་མི་མི་སྡུག་པ་ཞིག་འོང་སྟེ། དེ་ལ་ཡང་འཇིགས་པར་མི་བྱའོ། །རྡོ་རྗེ་བཞད་མས་སྨྲར་བཅུག་ན། དེ་ཅི་ཞེས་སྨྲའོ། །དེས་ལག་ན་རྡོ་རྗེའི་མདུན་དུ་གང་སྨྲས་པ་དེ་དྲན་པར་བགྱིས་ལ་དེ་བཞིན་གྱིས་ཤིག་ཅེས་བརྗོད་པར་བྱའོ། །དེ་བཞིན་དུ་བྱའོ་ཞེས་སྨྲས་ནས་མི་སྣང་བར་འགྱུར་རོ། །དེའི་འོག་ཏུ་རིག་སྔགས་
Ba390b
སྒྲུབ་པ་ལ་ལོག་འདྲེན་དེ་དག་དངོས་གྲུབ་སྦྱིན་པར་འགྱུར། ཉིན་གཅིག་བཞིན་ཀཪྴ་པ་ཎ་ཉི་ཤུ་སྦྱིན་པར་འགྱུར། དབང་དུ་ཡང་འགྱུར་རོ། །ཡིད་ལ་གང་ཅི་བསམ་པ་དེ་ཐམས་ཅད་བྱེད་པར་ཡང་འགྱུར་རོ། །བཅོམ་ལྡན་འདས། གཞན་ཡང་བརྗོད་པར་བགྱིའོ། །གང་དག་རིག་པ་མཆོག་གི་ཆོ་ག་རྒྱས་པར་སྒྲུབ་པར་བགྱི་བ་དང ། མཆོད་པར་བགྱིད་པ་དེ་དག་ལ་ཅི་ཡང་མི་བགྱིའོ། །འདོད་པ་ཐམས་ཅད་ཟ་ཞིང་སྒྲུབ་པ་དེ་ལ་དངོས་གྲུབ་སྩལ་ཏོ། །གང་དག་བདག་ཅག་གིས་གསང་སྔགས་འཆང་བ་དེ་དག་ལ་ལོག་འདྲེན་ནམ། ལོག་འདྲན་གྱི་བུའམ། ལོག་འདྲེན་གྱི་འཁོར་གང་ལ་ལ་ཞིག་གླགས་ལྟ་བའམ། གང་གླགས་རྣམ་པར་ཚོལ་བ་དེའི་མགོ་ཚལ་པ་བརྒྱར་འགས་སོ། །བཅོམ་ལྡན་འདས། བདག་ཅག་གིས་མི་སྙན་པ་བརྗོད་པར་བགྱིའོ། །སྒྲུབ་པའི་དུས་ན་གསང་སྔགས་འདི་ཉིད་ཀྱིས་མེ་ཏོག་ལ་ལན་བདུན་སྔགས་ཀྱིས་བཏབ་ལ་སྩལ་བར་བགྱིས་ན། ལོག་འདྲེན་ཐམས་ཅད་དངོས་གྲུབ་སྩོལ་ཏོ། །སྔགས་འདི་ཉིད་ཀྱིས་གཞན་ལ་བགེགས་བགྱིད་དོ། །སྐར་མ་གདམ་མི་འཚལ། སྨྱུང་བ་བགྱི་མི་འཚལ་ལོ། །ལག་ན་རྡོ་རྗེའི་མདུན་དུ་མོན་སྲན་གྲེའུ་ལས་བགྱིས་པའི་སྣུམ་ཁྲུ་ཕུ་པ་ལ་ཀ་བརྒྱད་སྟོང་སྦྱིན་སྲེག་བགྱིས་ལ་འདི་སྐད་དུ་ཆེ་གེ་མོ་ཞེས་བྱ་བའི་བགེགས་གྱིས་ཤིག་ཅེས་བརྗོད་ན། དེའི་ཚེ་ལོག་འདྲེན་
Ba391a
༄#། །དེ་དག་དགའ་ཞིང་མགུ་བར་གྱུར་པའི་ཡིད་ཀྱིས་བགེགས་བགྱིད་དོ། །བསམ་ན་ཞི་བར་འགྱུར་རོ། །ཅི་སྟེ་ལོག་འདྲེན་རྣམས་མཐོང་བར་འཚལ་ན། མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ། དུར་ཁྲོད་དུ་མཆིས་ལ་མགལ་བ་བླངས་ཏེ་དྲི་དང ། མེ་ཏོག་དང ། བདུགས་པས་བརྒྱན་པ་བགྱིས་ལ། རིག་པ་དཔག་ཏུ་མ་མཆིས་པར་བཟླས་བརྗོད་བགྱིས་ན། དགུང་ཕྱེད་ཀྱི་དུས་ན་ལོག་འདྲེན་རྣམས་མཆི་སྟེ། དེ་དག་ལ་རྡོ་རྗེ་ལྟེ་བས་དྲི་སྩལ་བར་བགྱིའོ། །མེ་ཁ་ལས་མེ་ཏོག་སྩལ་བར་བགྱིའོ། །རྡོ་རྗེ་བཞད་མས་སྨྲར་སྩལ་ཏེ། །འདི་སྐད་སེམས་དང་བར་གྱིས་ཤིག་ཅེས་བརྗོད་ན། ལོག་འདྲེན་དེ་དག་རྩེ་ཞིང་དགོད་དོ། །དེ་ནས་རིག་སྔགས་འཆང་གིས་རིག་པ་མཆོག་དྲན་པར་བགྱིས་ན། དེ་དག་མི་འགུལ་ཏེ། འདི་སྐད་དུ་ཁྱེད་སེམས་དང་བར་གྱིས་ཤིག་ཅེས་བརྗོད་པར་བགྱིའོ། །དེ་བཞིན་དུ་བྱའོ་ཞེས་སྨྲས་ནས་མི་སྣང་བར་གྱུར་ཏོ། །དེའི་འོག་ཏུ་རིག་པ་ལ་བགེགས་མི་བགྱིད་དོ། །སྔགས་འདི་ཉིད་ཀྱིས་སྐྱེས་པ་དང ། བུད་མེད་དབང་དུ་བགྱི་བར་འཚལ་ན། མར་གྱི་ངོ་ཞག་བརྒྱད་ལ་གྲོག་མཁར་རྩའི་མདུན་གྱི་དོག་ས་བླངས་ལ་གཟུགས་བགྱིས་ཏེ་ལག་ན་རྡོ་རྗེའི་མདུན་དུ་ཐབ་ཁུང་བགྱིས་ལ་ཐབ་ཁུང་གི་ནང་དུ་དགོན་པའི་བ་ལང་གི་ལྕི་བས་ཞུགས་བུས་ཏེ་ཞུགས་
Ba391b
ཀྱི་ནང་དུ་གཟུགས་སྩལ་ལ་དེའི་སྟེང་དུ་ལན་ཚཝའི་སྦྱིན་སྲེག་ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ་དགུང་བདུན་དུ་དུས་གསུམ་ན་དབང་དུ་འགྱུར་རོ། །བགེགས་བརྒྱད་ཁྲི་གཙུག་ཕུད་འཕྱང་བ་ཞེས་བགྱི་བའི་བགེགས་དེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་བགེགས་བགྱིད་པ་ལགས་ཏེ། དེའི་བར་དུ་བསྒྲུབ་པར་བགྱིའོ། །སྒྲུབ་པའི་དུས་ན་རིག་སྔགས་འཆང་གིས་གྲོག་མཁར་གྱི་དོགས་ལས་གཙུག་ཕུད་འཕྱང་གི་སྐུ་གཟུགས་བགྱིས་ལ་མར་གྱི་ངོ་ཞག་བརྒྱད་དམ་བཞི་ལ་ལག་ན་རྡོ་རྗེའི་མདུན་དུ་བཞག་སྟེ་ཞོ་དང ། འོ་མས་བཀྲུས་ལ། མེ་ཏོག་དང ། བདུག་པས་མཆོད་དེ་རིག་པ་བརྒྱད་སྟོང་བཟླས་བརྗོད་བགྱིས་ན་དེ་ནས་ཡིད་དགའ་ནས་འཇིག་རྟེན་གྱི་འཕྲུལ་པོ་ཆེས་དངོས་གྲུབ་སྩོལ་ཏོ། །དགོས་པ་ཞིག་གྲུབ་ན་ཡང་དེ་ལ་དངོས་གྲུབ་སྩོལ་ཏོ། །ལོག་འདྲེན་གྱི་སྒྲུབ་པ་རྫོགས་སོ།། །།རིག་སྔགས་འཆང་གི་ནོར་སྒྲུབ་པ་དང ། ལས་བྱང་བར་བགྱི་བར་འཚལ་ན། བ་ལང་གི་ལྷས་སུ་མཆིས་ལ་མར་གྱི་ངོ་ཞག་བརྒྱད་ནས་བརྩམས་ཏེ་ཟས་སུའོ་སྐྱོ་འཚལ་ཞིང་འབུམ་བཟླས་བརྗོད་བགྱིས་ན་རིག་པའི་རྒྱལ་པོ་ཚངས་པའི་གདུགས་ཀྱི་གུང་ལ་ཅེ་སྦྱང་མོ་སྒྲ་འབྱིན་ཏེ། སྒྲ་ལན་ལྔ་བརྒྱ་འབྱིན་ཏོ། །དེ་ནས་དངོས་གྲུབ་ཏུ་འགྱུར་ཏེ། ཏི་ན་ར་སྟོང་རྙེད་ཅིང་ལས་ཀྱང་བྱང་བར་འགྱུར་རོ། །ཅི་སྟེ་
Ba392a
༄#། །ལག་ན་རྡོ་རྗེ་བཅོམ་ལྡན་འདས་ལག་ན་རྡོ་རྗེ་མཐོང་བར་འཚལ་ན། པདྨའི་རྫིང་དུ་མཆིས་ལ་ཡར་གྱི་ངོ་ཞག་བདུན་ནས་བརྩམས་ཏེ་ཟས་སུ་འོ་སྐྱོ་འཐུང་ཞིང་ལན་སུམ་སྟོང་བཟླས་བརྗོད་བགྱིས་ན་ཉིད་ཀྱིས་ལག་ན་རྡོ་རྗེ་མཐོང་ངོ ། །མེ་ཁ་ལ་བཟླས་བརྗོད་བགྱིས་པས་མེ་ཏོག་དབུལ་ལོ། །རྡོ་རྗེ་བཞད་མས་སྨྲར་སྩལ་ཏེ། རིག་སྔགས་འཆང་གིས་འདི་སྐད་དུ་བཅོམ་ལྡན་འདས། བདག་ཡོངས་སུ་བསྐྱབ་ཏུ་གསོལ་ཞེས་བརྗོད་དོ། །དེ་འདི་སྐད་དུ་བུ་དེ་ཅི་བྱ་ཞེས་བརྗོད་པ་དང ། དེ་ནས་བཅོམ་ལྡན་འདས་ཡིད་ཀྱིས་གང་བསམ་པ་དེ་ཐོབ་པར་མཛད་དུ་གསོལ་ཞེས་བརྗོད་དོ། །དེ་བཞིན་དུ་གྱུར་ཅིག་ཅེས་བརྗོད་ནས་མི་སྣང་བར་འགྱུར་རོ། །དེའི་འོག་ཏུ་ཡིད་ལ་གང་བསམ་པ་དེ་ཐམས་ཅད་འགྲུབ་བོ། །བྱིས་པ་ལོག་འདྲེན་གྱིས་ཟིན་ན། ལག་ན་རྡོ་རྗེའི་མདུན་དུ་ལན་བརྒྱ་རྩ་བརྒྱད་བཟླས་བརྗོད་བགྱིས་པའི་སྤོས་ཆུས་བཀྲུས་ན་གཏོང་ངོ ། །གལ་ཏེ་ལོག་འདྲེན་གྱི་གནས་སྒྲུབ་པར་འཚལ་ན། རིག་སྔགས་འཆང་གིས་ཡར་གྱི་ངོའི་ཉ་ནས་བརྩམས་ཏེ་ཟས་སུ་འོ་སྐྱོ་འཐུང་ཞིང་རིག་པ་བཟླས་བརྗོད་བགྱིའོ། ། དེ་ནས་མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་མཚན་གཅིག་མཆིས་པར་མཆིས་ལ་ཅི་འབྱོར་པས་མཆོད་དེ། མེ་ཏོག་དཀར་པོ་སྟོང་གིས་མཚན་
Ba392b
མ་བསྣུན་ན། མཚན་བརྒྱར་འགས་ཏེ། དེ་ནས་ལོག་འདྲེན་གྱི་ལས་དངོས་གྲུབ་ཏུ་འགྱུར་རེ། །ལོག་འདྲེན་རྣམས་ངག་ཉན་པར་ཡང་འགྱུར་རོ། །ལོག་འདྲེན་རྣམས་གསད་དོ་སྙམ་དུ་ཁྲོས་པའི་ཡིད་ཀྱིས་བཟླས་བརྗོད་བགྱིས་ན། ལོག་འདྲེན་རྣམས་འགུམ་མོ། །གང་དུ་བསྒོམས་པ་དེར་ཐམས་ཅད་བགྱིད་དོ། །ཡར་གྱི་ཚེས་བརྒྱད་ནས་བརྩམས་ལ་འཕགས་པ་ལག་ན་རྡོ་རྗེའི་མདུན་དུ་ནང་པར་རིག་པ་ལན་བརྒྱ་རྩ་བརྒྱད་བཟླས་བརྗོད་བགྱིའོ། །གདུགས་ཀྱི་གུང་ལ་ཡང་དེ་བཞིན་དུ་བགྱིའོ། །ཕྱེ་མ་རེད་ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ། དེ་ལྟར་དགུང་བདུན་དུ་བགྱིས་ན་བདུན་པའི་གདུགས་ལ་ཏི་ན་ར་སྦྱིན་པར་བགྱིད་དོ། །ཅི་ནུས་ཀྱིས་མཆོད་པར་བགྱིའོ། །ཟས་སུའོ་སྐྱོ་འཐུང་བར་བགྱིའོ། །ཡར་གྱི་ངོའི་ཚེས་ལྔ་ནས་བརྩམས་ཏེ་རྒྱ་མཚོར་འབབ་པའི་ཆུ་ཀླུང་དུ་ཞུགས་ལ་སྔ་དྲོ་ནས་ཕྱི་དྲོའི་བར་དུ་བཟླས་བརྗོད་བགྱིས་ན་ཏི་ནར་གཅིག་རྙེད་དོ། །ཚེས་གྲངས་དང་སྐར་མ་གདམ་མི་འཚལ། སྨྱུང་བ་བགྱི་མི་འཚལ་བར་ཡུངས་ཀར་འཕྲུ་སྟོང་ལས་རྡོ་རྗེ་བགྱིས་ཏེ་ཁམ་ཕོར་དུ་སྩལ་ལ་ལོ་མས་ཁ་བཅད་དེ་རིག་པ་བརྒྱ་རྩ་བརྒྱད་བཟླས་བརྗོད་བགྱིའོ། །རས་ཟུང་གཅིག་སྩོལ་གྱི་བར་དུ་གཞག་གོ་།དེ་ནས་མཚའུར་དོར་རོ། །ཚེས་གྲངས་དང་སྐར་མ་གདམ་མི་འཚོལ། །སྨྱུང་བ་བགྱི་མི་འཚལ་བར་རྐེད་པ་ནུབ་
Ba393a
༄#། །ཙམ་གྱི་ཆབ་ཏུ་ཞུགས་ལ་ལན་བརྒྱད་སྟོང་བཟླས་བརྗོད་བགྱིས་ན་རས་ཟུང་གཅིག་སྩོལ་བར་བགྱིད་དོ། །མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ལ་ལག་ན་རྡོ་རྗེའི་མདུན་དུ་མཆོད་པ་བགྱིས་ལ། ཤིང་བིལ་བའི་ཞུགས་ཤིང་གི་ཞུགས་བུས་ཏེ་སྣ་མའི་མེ་ཏོག་ཞོ་དང ། སྦྲང་རྩི་དང ། མར་ལ་སྨྱུགས་པ་བརྒྱད་སྟོང་སྦྱིན་སྲེག་བགྱིས་ན། ཏི་ན་ར་སྩོལ་བར་བགྱིད་དོ། །ཡར་གྱི་ངོ་ཚེས་བཅུ་གསུམ་ལ་དེ་བཞིན་གཤེགས་པའི་སྤྱན་སྔར་མཆོད་པ་བགྱིས་ཏེ་ཉིན་ཞག་གཅིག་སྨྱུང་བ་བགྱིས་ལ་ལན་བརྒྱ་སྟོང་བཟླས་བརྗོད་བགྱིས་ན། རས་ཟུང་གཅིག་རྙེད་དོ། །དེ་ནས་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ལ་གསན་དུ་གསོལ། ཡོན་ཏན་བསམ་གྱིས་མི་ཁྱབ་པའི་ལས་བརྗོད་པར་བགྱིའོ། །དགུང་གསུམ་དུ་སྨྱུང་བ་བགྱིས་ལ་མར་གྱི་ངོ་ཞག་བཅུ་བཞི་ལ་ནྱ་གྲོ་དྷའི་ཤིང་གཅིག་པུ་མཆིས་པར་མཆིས་ལ། དྲི་དང ། མེ་ཏོག་དང ། བདུག་པས་བརྒྱན་པར་བགྱིའོ། །ཕོ་ཉ་མོ་རྣམས་ཀྱིས་ཐམས་ཅད་བགྱིའོ། །དེ་ནས་རིག་སྔགས་འཆང་གིས་རས་ཡུག་མ་གོད་པས་ཤིང་ནྱ་གྲོ་དྷ་དཀྲིས་ལ་རྩཝ་ཀུ་ཤ་སྤམས་པའི་སྟེང་དུ་མཆིས་ཤིང ། རིག་པའི་རྒྱལ་པོ་བརྒྱད་སྟོང་བཟླས་བརྗོད་བགྱིས་ན། དེ་ནས་ཤིང་ནྱ་གྲོ་དྷ་ལས་འོད་ཟེར་
Ba393b
ཅིག་བྱུང་སྟེ། དེས་རིག་སྔགས་འཆང་ལ་བསྐོར་བ་བགྱིས་ནས་སྤྱི་བོར་ནུབ་བར་འགྱུར་རོ། །དེ་ནས་རིག་སྔགས་འཆང་གིས་རས་ལ་བཏགས་ཏེ་དེ་བཞིན་གཤེགས་པ་ཐམས་ཅད་དང ། ལག་ན་རྡོ་རྗེ་ལ་ཕྱག་བགྱིས་ལ་རས་དེ་དེ་བཞིན་གཤེགས་པ་ལ་ཕུལ་ན། ཡིད་ལ་བསམ་པ་ཙམ་གྱིས་སྐྱེ་བོ་བདུན་གྱིས་བསྐོར་ཏེ་ནམ་མཁའ་ལ་མཆི་ཅི་འཚལ་བ་གཟུགས་ཅན་དུ་འགྱུར་རོ། །དཔག་ཚད་སུམ་སྟོང་དུ་གྱེན་དུ་འཕག་གོ་།འོག་ཏུ་ཡང་དེ་བཞིན་ནོ། །བསམ་པ་ཙམ་གྱིས་ལྷའི་རིགས་ཐམས་ཅད་འགུགས་པར་འགྱུར་རོ། །སེམས་ཅན་ཐམས་ཅད་ཀྱི་སེམས་དང་སྤྱོད་པ་ཡང་འཚལ་བར་འགྱུར་རོ། །ས་དང་པོ་ལ་གནས་པའི་བྱང་ཆུབ་སེམས་དཔའ་རྣམས་དང་ལྷན་ཅིག་གནས་པར་འགྱུར་རོ།། ཁྲི་བདུན་སྟོང་ཐུབ་པར་འགྱུར་རོ། །དེའི་བསམ་པ་དང ། དགོས་པ་ཐམས་ཅད་འབྱོར་པར་འགྱུར་རོ། །རིག་སྔགས་འཆང་གྲུབ་པ་དང ། ས་ལ་གནས་པ་རྣམས་ཀྱི་རྣམ་པའི་སྤྱོད་ཡུལ་དུ་མི་འགྱུར་རོ། །གང་གི་ཚེ་ནམ་མཁའ་ལ་གནས་པ་དེའི་ཚེ་རིག་སྔགས་འཆང་རྣམས་ཀྱི་སྤྱོད་ཡུལ་དུ་མི་འགྱུར་རོ། །དངོས་གྲུབ་འདིས་ལྷ་ཐམས་ཅད་དང ། རིག་སྔགས་འཆང་ཐམས་ཅད་མདུན་ན་གནས་པར་འགྱུར་རོ། །དེ་བཞིན་དུ་ལག་ན་རྡོ་རྗེའི་ཆོ་ག་རྒྱས་པ་ཐམས་ཅད་དངོས་གྲུབ་ཏུ་འགྱུར་རོ། །འདི་སྒྲུབ་པའི་རིག་སྔགས་འཆང་གི་
Ba394a
༄#། །མཚམས་མ་མཆིས་པ་ལྔ་འབྱང་བར་འགྱུར་རོ། །གང་གི་ཚེ་འགུམ་པ་དེའི་ཚེ་ལག་ན་རྡོ་རྗེའི་གནས་སུ་མཆིའོ། །ཡར་གྱི་ངོ་ཚེས་བརྒྱད་ནས་བརྩམས་ཏེ་ལུས་སྦྱང་བ་བགྱིས་པ་ལ་ཟས་སུའོ་སྐྱོ་འཐུང་ཞིང་རིག་པ་བཟླས་བརྗོད་བགྱིའོ། །མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་མཚན་གཅིག་མཆིས་པར་མཆིས་ལ་ཤམ་ཐབས་སེར་པོ་བགོ་ཞིང་བསྒྲུབ་པར་བགྱིའོ། །དེ་ནས་རིག་སྔགས་འཆང་གིས་གཏོར་མའི་ཆོ་ག་རྒྱ་ཆེར་བགྱིས་ལ་མཚན་གྱི་སྟེང་དུ་ཞབས་གཡོན་པ་བཞག་སྟེ་རིག་སྔགས་བརྒྱད་སྟོང་བཟླས་བརྗོད་བགྱིས་ན། དེ་ནས་མཚན་ལས་འོད་ཟེར་ཅིག་བྱུང་སྟེ། དེས་རིག་སྔགས་འཆང་ལ་བསྐོར་བ་བགྱིས་ནས་མགོ་བོར་ནུབ་པར་འགྱུར་ཏེ། དེས་སྐྲ་ལྕང་ལོ་འཁྱིལ་ཞིང་གདུགས་ཤར་བ་ལྟ་བུའི་མདོག་ཅན་གྱི་རིག་སྔགས་འཆང་དུ་འགྱུར་རོ། །ཡིད་ཀྱིས་གར་འཚལ་བ་དེར་མཆི་བར་འགྱུར་རོ།། ལོ་དགུ་སྟོང་ཐུབ་པར་འགྱུར་རོ། །བཅོམ་ལྡན་འདས། འདི་ཡང་སྟོབས་དང་ཕ་རོལ་གནོན་པ་དཔག་ཏུ་མ་མཆིས་ཤིང་འབྱུང་པོ་ཐམས་ཅད་དང ། གནོད་སྦྱིན་ཐམས་ཅད་དང ། ཀླུ་ཐམས་ཅད་དང ། ལོག་འདྲེན་ཐམས་ཅད་ཀྱིས་མི་ཚུགས་པ་ལགས་ཏེ། རིག་པའི་རིགས་རྒྱུད་ཐམས་ཅད་ཀྱི་སྙིང་པོ་མཆོག་གི་གསང་སྔགས་བཤད་པར་
Ba394b
བགྱིའོ། །ཊཀྐི་ཧཱུཾ་ཛ། འདི་དང ། ཕོ་ཉ་མོ་རྣམས་ཀྱི་ལས་ཀྱི་ཁྱད་པར་བརྗོད་པར་བགྱིའོ། །སྙིང་པོའི་ལས་རྣམས་ནི། རི་མོ་མཁན་གསོ་སྦྱོང་བཟུང་བས་མ་གོང་བའི་རས་ལ་སྦྱིན་དང་མ་འདྲེས་པའི་ཚོན་གྱིས་སངས་རྒྱས་ཀྱི་སྐུ་གཟུགས་བྲི་བར་བགྱིའོ། །དེའི་གཡོན་རོལ་ཏུ་ཀུན་དགའ་བོ་དང ། གཡས་རོལ་དུ་ལག་ན་རྡོ་རྗེ་ཡབ་ཐོགས་པ་བྲི་བར་བགྱིའོ། །བཅོམ་ལྡན་འདས་ནི། གསེར་གྱི་མདོག་ཅན་ནོ། །ཀུན་དགའ་བོ་ནི། སྔོ་བསངས་སོ། །ལག་ན་རྡོ་རྗེ་ཡར་སྔོ་བསངས་ཏེ། རྒྱན་ཐམས་ཅད་ཀྱིས་བརྒྱན་པའོ། །དེའི་འོག་ཏུ་སྒྲུབ་པ་པོ་ལག་ན་པོག་ཕོར་ཐོགས་པར་བྲིའོ། །དེ་ནས་ཡར་གྱི་ངོ་ནས་དགུང་གསུམ་སྨྱུང་བ་བགྱིས་ཏེ། རི་མོའི་སྐུ་གཟུགས་ཀྱི་མདུན་དུ་ལུང་ཐང་གི་ཤིང་གི་ཞུགས་བུས་ལ་སྣ་མའི་མེ་ཏོག་མར་ལ་སྨྱུགས་པ་ལན་བརྒྱད་སྟོང་སྦྱིན་སྲེག་བགྱིས་ན། དེ་བཞིན་གཤེགས་པའི་དཔྲལ་བ་ལས་འོད་ཟེར་བྱུང་སྟེ། དེ་ནས་དངོས་གྲུབ་ཏུ་འགྱུར་རོ། །དེས་ཡིད་ཀྱིས་གང་བསམ་པ་དེ་འབྱོར་བར་འགྱུར་རོ། །འཁོར་ལོས་བསྒྱུར་བ་ཉིད་དམ། རིག་སྔགས་འཆང་ཉིད་ནི། མ་གཏོགས་སོ། །གཏོར་མ་རྒྱ་ཆེར་སྩལ་བར་བགྱིའོ། །མ་བསྒྲུབས་པར་ལས་རྣམས་སུ་འགྱུར་བ་ལགས་ཏེ། ལན་བདུན་བཟླས་བརྗོད་བགྱིས་པའི་ཐལ་བའམ། སྲད་བུའམ། ཆུས་ནི། བཀྲུ་བར་བགྱིའོ། །གྲོགས་སྲུང་ན། སྤྱི་བོར་མདུད་པ་དོར་རོ། །ལན་གསུམ་བཟླས་བརྗོད་
Ba395a
༄#། །བགྱིས་པས་ཡུལ་འཁོར་བསྲུང་ངོ ། །གསེག་མ་ལ་ལན་བདུན་བཟླས་བརྗོད་བགྱིས་པ་ཆབ་ཏུ་སྩལ་བས་ཆུ་སྲིན་ཀུམ་བྷིར་དང ། ཆུ་སྲིན་བཅིང་ངོ ། །ཡལ་གས་ནི།་རིམས་ནད་གསོ་བར་བགྱིའོ། །ཆབ་བམ་རྩཝ་ཀུ་ཤས་ནི། དུག་ལས་གསོ་བར་བགྱིའོ། །བགེགས་དང་ལོག་འདྲེན་ཕུང་བར་བགྱི་བར་འཚལ་བས། སྒྲུབ་པའི་དུས་ན་ཨརྒའི་ཤིང་གི་ཞུགས་བུས་ལ་སྐེ་ཚེའི་འབྲུ་ལས་ལན་བརྒྱ་སྟོང་སྦྱིན་སྲེག་བགྱིས་ན། ལོག་འདྲེན་རྣམས་ཕུང་བར་འགྱུར་རོ། །ཕྱུགས་ཆུང་དབང་དུ་བགྱིས་པར་འཚལ་བས། མདའ་ཐོགས་ལ་ལག་ན་རྡོ་རྗེའི་མདུན་དུ་ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ་ཕྱུགས་ཆུང་གི་ལག་ནས་བཟུང་ན། དབང་དུ་འགྱུར་རོ། །ཆང་མ་རུང་བར་བགྱི་བར་འཚལ་ན།་ལན་བདུན་བཟླས་བརྗོད་བགྱིས་པའི་གསེག་མ་ཁྱིམ་གྱི་སྒོར་དོར་རོ། །ཆབ་ལ་མི་འབྱིང་བར་བགྱིས་ན། ཤིང་ཤ་ལྱ་ཀའི་འབྲས་བུ་ལ་ལན་བདུན་བཟླས་བརྗོད་བགྱིས་ཏེ་སྩལ་ན་ཆབ་མི་འབྱིང་བ་བགྱིས་པར་འགྱུར་རོ། །མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ། ལག་ན་རྡོ་རྗེའི་མདུན་དུ་ཤིང་བིལ་བའི་བུད་ཤིང་གི་ཞུགས་བུས་ལ་སྲེག་བླུགས་རྒྱ་སྐྱེགས་ལ་ལན་སྟོང་བསྐྱར་ཞིང་སྦྱིན་སྲེག་བགྱིས་ན། ནད་རྐང་སྐེ་མས་གྱིས་འདེབས་པར་བགྱིད་དོ། །མར་དང་གུ་གུལ་གྱི་སྲེག་བླུགས་
Ba395b
ལན་བརྒྱ་སྟོང་སྦྱིན་སྲེག་བགྱིས་ན། ཞི་བར་འགྱུར་རོ། །ཡར་གྱི་ངོ་ཉ་ནས་བརྩམས་ཏེ་གདུགས་ཀྱི་གུང་ལ་གོས་གསར་པ་བ་གོས་ལ་ཟངས་ཀྱི་སྣོད་དུ་ཞོ་དང་འབྲས་ཆན་སྩོལ་ཏེ་གདོང་གཏུགས་ལ་བསྟན་ཅིང་ཕྱུགས་ཆུང་གི་མིང་ནས་ཕྱུང་སྟེ་ལན་བརྒྱ་སྟོང་བཟླས་བརྗོད་བགྱིས་ན། ཕྱུགས་ཆུང་མཆིའོ། །གལ་ཏེ་མི་མཆིན། ཕྱུགས་ཆུང་དེ་འགུམ་མོ། །གདུག་བདུན་དུ་བགྱིའོ། །འབྲས་ཅན་གྱི་གདུགས་ལ་དབུལ་ལོ། །ཤིང་ཤ་མི་ཕུར་བུ་སོར་བརྒྱད་བ་བླངས་ཏེ་སྲད་བུས་དཀྲིས་ཏེ་ལག་ན་རྡོ་རྗེའི་མདུན་དུ་ལན་བརྒྱ་རྩ་བརྒྱད་བཟླས་བརྗོད་བགྱིས་ལ་གྲུ་མི་འགུལ་བར་བགྱིའོ་ཞེས་བགྱི་སྟེ། ཆབ་ཏུ་དོར་ན་གྲུ་མི་འགུལ་བ་བགྱིས་པར་འགྱུར་རོ། །མར་གྱི་ངོ་ཞག་བཞི་ལ་ཞག་གཅིག་སྨྱུང་བ་བགྱིས་ཏེ་མཚན་གཅིག་མཆིས་པར་མཆིས་ལ། འབྱུང་པོའི་གཏོར་མ་སྩལ་ཏེ་ལྷོ་ཕྱོགས་ཀྱི་ངོས་ལ་ཤུ་དག་བརྒྱ་སྟོང་སྦྱིན་སྲེག་བགྱིས་ན། ཏི་ན་ར་གསུམ་རྙེད་དོ། །ཤུ་དག་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ་སོ་ཕྲག་ཏུ་སྩལ་ན། ཤགས་འགྱེད་པའི་ཚེ་གཞན་གྱིས་ལན་མི་ཐེབས་པར་སྨྲ་བར་འགྱུར་རོ། །ལག་ན་རྡོ་རྗེའི་མདུན་དུ་གིའུ་ཝང་ལ་ལན་བརྒྱ་སྟོང་བཟླས་བརྗོད་བགྱིས་ལ། དེས་ཐིག་ལེ་བགྱིས་ན་དཔལ་ཆེ་བར་འགྱུར་རོ། །རྒྱལ་པོའི་ཕོ་བྲང་འཁོར་དུ་ལན་ཐེབས་པར་སྨྲ་བར་འགྱུར་རོ། །བུད་མེད་དབང་དུ་བགྱིད་ན། ལག་ན་རྡོ་
Ba396a
༄#། །རྗེའི་མདུན་དུ་པ་ལ་ཤའི་ཤིང་གི་ཞུགས་བུས་ལ། སྔ་དྲོ་ལན་ཚཝ་ལ་ལན་སྟོང་རྩཝ་བརྒྱད་སྦྱིན་སྲེག་བགྱིས་ནས་མིང་ནས་བརྗོད་ན། ཉི་མ་བདུན་གྱིས་འགྲུབ་སྟེ།་ཟ་གཅིག་པར་བགྱིའོ། །ཡུགས་ས་མོ་དབང་དུ་བགྱིད་ན། མར་གྱི་ངོ་ཞག་དྲུག་ནས་བརྩམས་ཏེ་བཅུའི་བར་དུ་དུས་གསུམ་དུ་ལག་ན་རྡོ་རྗེའི་མདུན་དུ་ལུང་ཐང་གི་ཤིང་ལ་ཞུགས་བུས་ལ་མོན་སྲན་གྲེའུ་ལན་བརྒྱ་རྩ་བརྒྱད་སྦྱིན་སྲེག་བགྱིས་ན། དབང་དུ་འགྱུར་རོ། །བྲམ་ཟེའི་བུ་མོ་དབང་དུ་བགྱིད་པར་འཚལ་བས། མར་གྱི་ངོ་ཞག་བརྒྱད་ལ་ལག་ན་རྡོ་རྗེའི་མདུན་དུ་དུ་བ་མ་མཆིས་པའི་མེ་མདག་ལ་རྒྱ་སྐྱེགས་ཀྱིས་ལན་བརྒྱ་སྟོང་སྦྱིན་སྲེག་བགྱིས་ན། དབང་དུ་འགྱུར་རོ། །སྐྱེས་པ་དབང་དུ་བགྱི་ན། མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བགྱིས་ནས་ལག་ན་རྡོ་རྗེའི་མདུན་དུ་དོང་ཀའི་ཤིང་གི་ཞུགས་བུས་ལ་ཡུངས་ཀར་ལ་ལན་བརྒྱ་སྟོང་སྦྱིན་སྲེག་བགྱིས་ན། དབང་དུ་འགྱུར་རོ། ། ཊཀྐི་ཧཱུཾ་ཛཿ ་རཱ་ཛཱ་ནཱ་མ་པ་ཤི་ཀ་ཏུ་ཀ་མེ་ན་ཤུཀླ་པཉྩ་མྱེ་མ་ཧོ་ར་ཏ་ཤཱི་ཏེ་བཛྲ་པཱ་ཎི་སྱ་ཨ་གྲ་ཏ་པྲི་ཡ་ཀུ་བ་ཏ་ཤེ་རཏྣི་མ་པྲ་ཛྭ་ལྱ་ཤཝེ་སར་ཤ་པཾ་ཨིནྡྲ་ཡ་བཾ་ཙེ་ཀི་ཀྲི་ཏྱ་བི་ཤཝ་རུ་དྷི་ར་ཨཀྟཱ་ནཱཾ་ཨཥྚ་ས་ཧ་སྲཾ་ཛཱུ་ཡ་ཤོ་བ་ཏི། མར་གྱི་ངོ་ཞག་བརྒྱད་དམ་བཅུ་བཞི་ནས་ཞག་གསུམ་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་མཆོད་པ་ཅི་ནུས་ཀྱིས་མཆོད་
Ba396b
དེ། རིག་པ་མཆོག་གིས་དྲི་དང ། མེ་ཏོག་དང ། བདུག་པ་ཐམས་ཅད་ལ་ཕུལ་ལ། དེའི་འོག་ཏུ་རིག་སྔགས་འཆང་གིས་ཤིང་སཱ་ལ་སེར་པོ་ལས་སྒྲོམ་བུ་བགྱིས་ཏེ། སྒྲོམ་བུ་དེར་ལིག་བུ་མིག་སྩལ་ལ་དྲོ་བར་གྱུར་པ་དང ། དུ་བར་འཐུལ་བ་དང ། འབར་བའི་བར་དུ་བཟླས་བརྗོད་བགྱིའོ། །དྲོ་བར་གྱུར་ན། དབང་དུ་འགྱུར་རོ། །དུ་བ་འཐུལ་ན། མི་སྣང་བར་འགྱུར་རོ། །འབར་ན། ནམ་མཁའ་ལ་མཆི་བར་བགྱིའོ། །མདོག་གདུགས་ཤར་བ་འདྲ་བར་འགྱུར་རོ། །ལོ་བདུན་སྟོང་ཐུབ་པར་འགྱུར་རོ། །ལུས་ཞིག་ནས་ལག་ན་རྡོ་རྗེ་མཐོང་བར་འགྱུར་རོ། །མར་གྱི་བོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་དུར་ཁྲོད་དུ་མཆིས་ལ་སྐྱེས་པའི་རོ་མ་སྨས་པ་བླངས་ཏེ་རིག་པ་མཆོག་གིས་དྲི་དང ། མེ་ཏོག་དང ། བདུག་པས་བརྒྱན་པ་བགྱིས་ལ་མགོ་བོ་ཤར་ཕྱོགས་སུ་བསྟན་ཏེ། དེ་ནས་རིག་སྔགས་འཆང་གཅེར་བུར་བྱུང་ལ་སྐྲ་བཤིག་སྟེ། དེའི་སྙིང་གར་མཆིས་ལ་མི་རོའི་ཁར་མིའི་ཐོད་བ་ཡུངས་ཀར་གྱིས་གཏམས་པ་བཞག་ལ་ཡུངས་ཀར་རྣམས་མི་སྣང་གི་བར་དུ་བཟླས་བརྗོད་བགྱིའོ། །དེ་ནས་དངོས་གྲུབ་ཏུ་འགྱུར་རོ། །མི་ཐོད་བླངས་ལ་མཚེའུར་བོར་ན་དེ་ནས་ཡིད་ཀྱིས་བསམ་པ་ཙམ་གྱིས་ནམ་མཁའ་ལ་མཆི་བར་འགྱུར་ཏེ། ནམ་མཁའ་ལ་མཆིའོ། །མི་སྣང་བར་འགྱུར་རོ། །རྒྱལ་པོར་བགྱིད་དོ། །བདག་མི་སྡུག་པར་ཡང་སྟོན་ཏོ། །
Ba397a
༄#། །སླར་ཡང་རྒྱན་ཐམས་ཅད་ཀྱིས་བརྒྱན་པ་དང ། མདོག་གདུགས་ཤར་བ་ལྟ་བུར་ཡང་སྟོན་ཏོ། །བདག་གིས་གང་བསམ་པ་དེ་དག་ཐམས་ཅད་འགྲུབ་བོ། ། ཚེ་ལོ་སྟོང་ཐུབ་པར་འགྱུར་རོ། །མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་རིག་པ་མཆོག་གིས་ལག་ན་རྡོ་རྗེ་ལ་དྲི་དང ། མེ་ཏོག་དང ། བདུག་པ་རྣམས་དབུལ་ལོ། །གྲོང་གི་ཕུག་རོན་གྱི་ཁར་ལྡོང་རོས་སྩལ་ལ་དྲོ་བར་གྱུར་པ་དང ། དུ་བ་འཐུལ་བ་དང ། འབར་གྱི་བར་དུ་བཟླས་བརྗོད་བགྱིའོ། །དྲོ་བར་གྱུར་པས་ཐིག་ལེ་བགྱིས་ན། ཆབ་ཀྱི་ནང་དུ་དགུང་ཟླ་གཅིག་མཆིས་ཤིང་ཆབ་ཀྱི་ནང་དུ་གཞག་གོ་།གང་མཐོང་བ་དེ་དབང་དུ་འགྱུར་རོ། །དུ་བ་འཐུལ་ན། མི་སྣང་བར་འགྱུར་ཏེ། མི་སྣང་བར་གྱུར་ན། གྲུབ་པ་རྣམས་ཀྱི་སྤྱོད་ཡུལ་དུ་མི་འགྱུར་རོ། །ལོ་སྟོང་ཐུབ་པར་འགྱུར་རོ། །འབར་ན། ནམ་མཁའ་ལ་མཆི་བར་འགྱུར་ཏེ། དཔག་ཚད་སྟོང་ཚུན་ཆད་མཐོང་ཞིང་སྒྲ་ཡང་ཐོས་སོ། །ལོ་ཁྲི་ཉིས་སྟོང་ཐུབ་པར་འགྱུར་རོ། །ལག་ན་རྡོ་རྗེ་གྲུབ་པར་འགྱུར་རོ། །ཆུ་ལ་ལན་བདུན་བཟླས་བརྗོད་བགྱིས་པས་གར་བགྱིད་དུ་སྩལ་ཏེ། ལན་གསུམ་བཟླས་བརྗོད་བགྱིས་པའི་དུ་བས་གསང་ཚིག་སྨྲར་སྩལ་ཏོ། །ཡིད་ཀྱིས་ལན་བདུན་བཟླས་བརྗོད་བགྱིས་པའི་མེ་ཏོག་གིས་སྨྲར་སྩལ་ཏོ། །ཡར་གྱི་ངོ་ཞག་
Ba397b
བརྒྱད་ལ་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་པ་ལ་ཤའི་ཤིང་གི་ཞུགས་བུས་ལ་ཀུ་མུ་དའི་མེ་ཏོག་ཞོ་དང ། སྦྲང་རྩི་དང ། མར་ལ་སྨྱུགས་པ་བརྒྱད་སྟོང་སྦྱིན་སྲེག་བགྱིས་ན། ཡིད་ཀྱིས་བསམ་པ་དེ་དག་ཐམས་ཅད་འགྲུབ་སྟེ། རིག་སྔགས་འཆང་གི་རྒྱལ་པོ་ཉིད་ནི། མ་གཏོགས་སོ། །མར་ངོ་ཞག་བརྒྱད་ནས་བརྩམས་ཏེ་ཟས་སུ་འོ་སྐྱོ་འཚལ་ཞིང་ལག་ན་རྡོ་རྗེའི་མདུན་དུ་བིལ་བའི་ཤིང་གི་ཞུགས་བུས་ལ་བིལ་བའི་ཡམ་སྲེག་ཤིང་འབུམ་སྦྱིན་སྲེག་བགྱིས་ན། རྒྱལ་པོ་ཉིད་སྩོལ་ཏོ། །ཆོ་ག་འདི་ཉིད་ཀྱིས་རིག་སྔགས་འཆང་ཉིད་ཀྱང་སྩོལ་ཏོ། །མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་སེང་ལྡེང་གི་ཤིང་གི་ཞུགས་བུས་ལ་སྐེ་ཚེའི་མེ་ཏོག་ལ་ལན་བརྒྱ་སྟོང་སྦྱིན་སྲེག་བགྱིས་ན། ལས་གྲུབ་པའི་མཆོག་ཏུ་འགྱུར་རོ། །མར་གྱི་ངོ་ཞག་བཅུ་བཞི་ལ་ལག་ན་རྡོ་རྗེའི་མདུན་དུ་ཨརྒའི་ཤིང་གིས་ཞུགས་བུས་ལ་ཨརྒའི་མེ་ཏོག་ལས་ལན་འབུམ་སྦྱིན་སྲེག་བགྱིས་ན། ཏི་ན་ར་སྟོང་སྩོལ་ལོ། །བྱང་ཆུབ་ཀྱི་ཤིང་གི་འོག་ཏུ་ཟས་སུ་ཆུ་གྲོག་འཚལ་ཞིང་ལན་སུམ་འབུམ་བཟླས་བརྗོད་བགྱིས་ན། རིག་སྔགས་འཆང་བརྒྱས་བསྐོར་བའི་རིག་སྔགས་འཆང་དུ་འགྱུར་རོ། །འདོད་པ་ཐམས་ཅད་ལོངས་སྤྱོད་དུ་འགྱུར་རོ། །ལོ་དགུ་སྟོང་ཐུབ་པར་འགྱུར་རོ། །གང་རིག་པའི་རྒྱལ་པོ་སྒྲུབ་པར་འཚལ་བ་
Ba398a
༄#། །དེས་མར་གྱི་ངོ་ཞག་བརྒྱད་ནས་བཟུང་སྟེ་ཟས་སུ་འོ་སྐྱོ་འཚལ་ཞིང་རྒྱ་མཚོར་འབབ་པའི་ཆུ་ཀླུང་དུ་ཞུགས་ཏེ་ཀུ་མུ་དའི་མེ་ཏོག་རྒྱས་པ་འབུམ་དུ་ཕུལ་ན། དེ་ནས་རིག་སྔགས་འཆང་ལ་ཆུའི་ནང་དུ་ཀླུས་རིག་པར་བགྱིད་དེ། དེ་ལ་འཇིགས་པར་མི་བགྱིའོ། །དེ་ནས་བཅོམ་ལྡན་འདས་རིག་པའི་མཆོག་འགྲུབ་པར་འགྱུར་ཏེ། དེ་གྲུབ་པས་ཆོ་ག་རྒྱས་པ་ཐམས་ཅད་གྲུབ་པར་འགྱུར་རོ། །རིག་པའི་མཆོག་གི་སྙིང་པོའི་ཆོ་ག་རྒྱས་པ་རྫོགས་སོ།། །།དེ་ནས་བཅོམ་ལྡན་འདས་ལ་ཕྱག་ན་རྡོ་རྗེ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས། ཉེ་བའི་སྙིང་པོ་འདི་མཆོག་ཏུ་མི་བཟད་པ། ཆོ་ག་རྒྱས་པ་མང་པོ་རབ་ཏུ་སྒྲུབ་པ་བགྱིད་པ། ལྷ་དང་བཅས་པའི་འཇིག་རྟེན་གྱིས་འགལ་བར་བགྱི་བ་མ་ལགས་པ་འབྱུང་པོ་ཐམས་ཅད་དང ། ལྷ་ཐམས་ཅད་ཀྱིས་མི་ཚུགས་ཏེ། ཕྱིར་ཞིང་བཤད་པར་བགྱིའོ། །དེ་ནས་བཅོམ་ལྡན་འདས་ཀྱིས་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ཤོད་ཅིག་།གནོད་སྦྱིན་གྱི་དབང་པོ། སེམས་ཅན་རྣམས་ཀྱི་དོན་གྱི་ཕྱིར་དེ་བཞིན་གཤེགས་པས་གནང་གི་།ཤོད་ཅིག་།དེ་ནས་ལག་ན་རྡོ་རྗེས་ཐམས་ཅད་དང་ལྡན་པའི་འཁོར་འདུས་པ་ལ་རྣམ་པར་བལྟས་ནས་ལྷ་དེ་དག་ལ་འདི་སྐད་ཅེས་སྨྲས་སོ། །ཀྱེ་ཀྱེ་ལྷའི་ཚོགས་རྣམས་ཉོན་ཅིག་།ཉེ་བའི་
Ba398b
སྙིང་པོ་འདི་ནི། མཆོག་ཏུ་མི་བཟད་པ། དེ་བཞིན་གཤེགས་པས་ཀྱང་འགལ་བར་མཛེད་པ་མ་ཡིན་ཏེ། ཕྱི་ཕྱིར་བཤད་ཀྱི། ལྷའི་ཚོགས་རྣམས་དེ་ཉོན་ཅིག་།དེ་ནས་ལག་ན་རྡོ་རྗེས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས་གསང་སྔགས་སྨྲས་པ། ན་མོ་རཏྣ་ཏྲ་ཡ་སྱ། ན་མ་ཤྩཎྜ་བཛྲ་པཱ་ཎི་སྱ། མཧཱ་ཡཀྵ་སེ་ནཱ་པ་ཏི་སྱ། ན་མཤྩཎྜ་པྲ་མྲྡ་ནཱ་ཡ་སཝཱཧཱ། ཧི་རི་མི་རི་ཏི་རི་ནི་སཝཱཧཱ། དེ་ནས་གསང་སྔགས་སྨྲས་པས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམ་པ་དྲུག་ཏུ་གཡོས་སོ། །གཞལ་མེད་ཁང་ན་གནས་པའི་ལྷ་རྣམས་ཀྱང་ཁ་བུབ་ཏུ་འགྱེལ་ནས་སྐྱབས་མེད་ཅིང་དཔུང་གཉེན་མེད་དེ་འདར་ཡེད་ཡེད་ནས་གསང་བའི་བདག་པོ་ཅི་ནས་བདག་ཅག་སྲོག་དང་བྲལ་བར་མི་འགྱུར་བར་བདག་ཅག་ལ་ཡོངས་སུ་བསྐྱབ་ཏུ་གསོལ་ཞེས་ལག་ན་རྡོ་རྗེ་ལ་སྐྱབས་སུ་དོང་ངོ ། །ལོག་འདྲེན་རྣམས་ཀྱང་འགུལ་མ་ནུས་ནས་ཡིད་ཀྱིས་ལག་ན་རྡོ་རྗེ་ལ་ཕྱག་འཚལ་ལོ། །དེ་ནས་བཅོམ་ལྡན་འདས་ལག་ན་རྡོ་རྗེས་ཅུང་ཟད་འཛུམ་པའི་བཞིན་གྱིས་ལྷ་དེ་དག་ལ་འདི་སྐད་ཅེས་སྨྲས་སོ། །གྲོགས་པོ་ཁྱེད་ལོངས་ཤིག་།ངའི་དམ་ཚིག་ལ་ཡང་དག་པར་གནས་པར་གྱིས་ཤིག་།དེ་ཐོས་ནས་ལྷ་རྣམས་རབ་ཏུ་དགའ་བའི་བཞིན་གྱིས་བཅོམ་ལྡན་འདས་ལག་ན་རྡོ་རྗེའི་རྐང་པ་གཉིས་ལ་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
Ba399a
༄#། །ལག་ན་རྡོ་རྗེ་འདི་ནི། མཆོག་ཏུ་མི་བཟད་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ལྷ་དག་།དེ་དེ་བཞིན་ནོ། །དེ་ནས་བཅོམ་ལྡན་འདས་ལ་ལག་ན་རྡོ་རྗེས་གསོལ་པ། བཅོམ་ལྡན་འདས། བདག་གི་རིག་པ་འདི་ནི། ལྷ་རྣམས་འཆི་འཕོ་བར་བགྱིད་པ། གནོད་སྦྱིན་རྣམས་ཕུང་བར་བགྱིད་པ། གནོད་སྦྱིན་རྣམས་ཕུང་བར་བགྱིད་པ།་དྲི་ཟ་རྣམས་ལྷུང་བར་བགྱིད་པ། ལོག་འདྲེན་རྣམས་ངེས་པར་བརླག་པར་བགྱིད་པ། རྡོ་རྗེའི་རིགས་ཐམས་ཅད་སྐྲག་པར་བགྱིད་པ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་ལ་སོགས་པ་ལ་གནོད་པར་བགྱིད་པ་ལགས་སོ། །བཅོམ་ལྡན་འདས། བདག་གི་ཉེ་བའི་སྙིང་པོ་འདི་ནི། བདག་ལ་ཡང་ཕུར་བུས་འདེབས་པ་ལགས་ཏེ། བཅོམ་ལྡན་འདས། མགུ་བར་བགྱིད་པ། སྐམ་པར་བགྱིད་པ། ཆད་པས་གཅོད་པ་ལགས་སོ། །ལྷ་རྣམས་འཆི་འཕོ་བར་བགྱིད་པ་དང ། གནོད་པར་བགྱིད་པ་དང ། ཕུར་བུས་གདབ་པར་བགྱིད་པར་འཚལ་བས་མར་གྱི་ངོ་ཞག་བཅུ་བཞི་ལ་ཞག་གསུམ་སྨྱུང་བ་བགྱིས་ཏེ་བའི་ལྕི་བ་ས་ལ་མ་ལྷུང་བ་ལས་བརྒྱ་བྱིན་གྱི་གཟུགས་བགྱིས་ལ་ལག་ན་རྡོ་རྗེའི་མདུན་དུ་བཞག་སྟེ་དེའི་སྟེང་དུ་ཤིང་ཀུན་གྱི་ཤིང་གི་ཞུགས་བུས་ལ་བྲི་ཡང་ཀུའི་ཡམ་སྲེག་ཤིང་ཡུངས་ཀར་གྱི་འབྲུ་མར་ལ་སྨྱུགས་པ་བརྒྱ་སྟོང་སྦྱིན་སྲེག་བགྱིའོ། །དེ་ནས་ལྷ་རྣམས་སོ་སོ་ནས་ཚིག་
Ba399b
ཅིང་བརྒྱ་བྱིན་གྱི་གན་དུ་མཆིའོ། །བརྒྱ་བྱིན་ཡང་ལྷ་རྣམས་དབུགས་འབྱིན་ཏེ། གྲོགས་པོ་དག་མ་འཇིགས་ཤིག་ཅེས་ལྷ་རྣམས་དབུགས་ཕྱུང་ནས་རིག་སྔགས་འཆང་གི་གན་དུ་མཆི་སྟེ་ཕྱིན་པ་དང ། ཚིག་འདི་སྐད་དུ་ཀྱེ་མའོ་རིག་སྔགས་འཆང་ལ་དགེ་སྦྱོང་གི་ཚུལ་མེད་དོ། །ཞེས་སྨྲས་པ་དང ། རིག་སྔགས་འཆང་གིས་འདི་སྐད་དུ་བཅོམ་ལྡན་འདས་ལག་ན་རྡོ་རྗེས་གང་བཤད་པ་དེ་དྲན་པར་གྱིས་ཤིག་ཅེས་བརྗོད་པར་བགྱིའོ། །དེ་ཐོས་ནས་ཤིན་ཏུ་དགའ་བའི་བཞིན་གྱིས་རིག་སྔགས་འཆང་ལ་རིག་པ་སྩོལ་ལོ། །དེའི་འོག་ཏུ་རིག་སྔགས་འཆང་གི་རིག་པ་མཆོག་གིས་སླར་གཏང་བར་བགྱིའོ། །རིག་པ་དེས་རིག་སྔགས་འཆང་གི་འཁོར་ལོས་བསྒྱུར་བར་འགྱུར་ཏེ། རིག་སྔགས་འཆང་བདུན་སྟོང་གི་བདག་པོར་བསྐལ་བར་གནས་པར་འགྱུར་རོ། །ལྷ་རྣམས་ཀྱང་གཡོས་པར་བགྱིད་པར་འགྱུར་རོ། །གནོད་སྦྱིན་རྣམས་ཀྱང་ཕུང་བར་བགྱིད་པར་འཚལ་བས་གང་ནས་གནོད་སྦྱིན་ནམ། གནོད་སྦྱིན་མོ་གནས་པ་དེར་མར་གྱི་ངོ་ཞག་བརྒྱད་ལ་མཆིས་ལ་ཉིན་ཞག་གཅིག་སྨྱུང་བ་བགྱིས་ཏེ་བྱང་ཆུབ་ཀྱི་ཤིང་གི་ཞུགས་བུས་ལ་ཨ་པ་མྲྒའི་ཡམ་སྲེག་ཤིང་ལས་ལན་བརྒྱ་སྟོང་སྦྱིན་སྲེག་བགྱིའོ། །དེ་ནས་གནོད་སྦྱིན་དེ་དག་འབྲོས་པ་ཚུར་ཤོག་ཅེས་བརྗོད་ན་སླར་མཆིའོ། །མཆིས་ནས་ཀྱང་དེའི་བསྙེན་བཀུར་གྱིས་ཤིག་ཅེས་བརྗོད་དོ། །གདུགས་གཅིག་བཞིན་དུ་ཏི་ན་
Ba400a
༄#། །ར་བདུན་བདུན་སྩལ་ལོ། །གང་དུ་བསྐོས་པ་དེ་ཐམས་ཅད་བགྱིད་དོ། །དྲི་ཟ་རྣམས་ལྷུང་བར་བགྱིད་པར་འཚལ་བས་རྒྱ་མཚོར་འབབ་པའི་ཀླུང་གི་ངོས་སུ་ཡར་གྱི་ངོ་ཚེས་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་ཁམ་པོ་ཛའི་ཤིང་གི་ཞུགས་བུས་ལ་ཡུངས་ཀར་མར་དང་བསྲེས་པས་ལན་ཁྲིར་སྦྱིན་སྲེག་བགྱིའོ། །དེ་ནས་ཡི་དྭགས་ཀྱི་གཟུགས་ཅན་གྱི་མི་ཞིག་མཆིའོ། །མཆིས་ནས་ཀྱང་རྐང་པ་གཉིས་ལ་ཕྱག་བགྱིད་པ་དང ། བདེ་བར་གྱུར་ཅིག་ཅེས་བརྗོད་པར་བགྱིའོ། །དེ་ནས་མི་དེས་རྐང་པ་གཉིས་ལ་ལིག་བུ་མིག་བཞག་ནས་སླར་མཆིའོ། །ལིག་བུ་མིག་དེས་མིག་བསྐུས་ན། དྲི་ཟའི་གཟུགས་སུ་འགྱུར་རོ། །རྐང་གིས་འགྲོ་བར་འགྱུར་རོ། །ལོ་ལྔ་སྟོང་ཐུབ་བར་འགྱུར་རོ། །དྲི་ཟ་རྣམས་ཀྱང་སྲུང་བ་དང ། སྐྱོབ་པ་དང ། སྦེད་པར་བགྱིད་དོ། །ལོག་འདྲེན་རྣམས་ཀྱང་བརླག་པར་བགྱིད་ན། སྨན་ཨ་ས་དེ་བ་དང ། ཤིང་བ་ལ་ཀར་བ་སའི་ཚིག་གུ་དང ། ནེའུ་ལེའི་སྤུ་དང ། སྦྲུལ་སྐོགས་བརྗེས་པ་དང ། རྫས་དེ་དག་གིས་གནོད་སྦྱིན་གྱི་གཟུགས་ལ་བདུག་པར་བགྱིའོ། །རིག་པ་ཡང་ལན་བརྒྱ་སྟོང་བཟླས་བརྗོད་བགྱིའོ། །དེ་ནས་རྨི་ལམ་དུ་ལོག་འདྲེན་རྣམས་བྲེད་ཅིང་ཅི་བྱ་གཏོལ་མེད་པར་མཐོང་ངོ ། །དེའི་ནང་ནས་མི་ཞིག་འདི་སྐད་ཅེས་ཀྱི་རིག་སྔགས་འཆང ། བདག་ཅག་
Ba400b
ལ་གནོད་པ་མ་མཛད་པར་འདི་སྣོམས་ཤིག་ཅེས་སྨྲའོ། །དེ་ནས་ནང་བར་ཏི་ན་ར་ཅིག་སྩོལ་ལོ། །སྒྲུབ་པའི་དུས་ན་ཡང་བདུག་པ་འདི་ཉིད་ཀྱིས་བདག་ལ་བདུགས་ན། ལོག་འདྲེན་ཐམས་ཅད་ཉམས་པར་འགྱུར་རོ། །ལོག་འདྲེན་གྱི་ལས་བགྱི་ན་ཡང་མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ལ་བགྱིའོ། །རྡོ་རྗེའི་རིགས་སྐྲག་པར་བགྱི་ན། ལྕེ་འབབ་པས་བཅག་པའི་ཤིང་བླངས་ལ་མར་གྱི་ངོ་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་ལྕེ་འབབ་པས་བཅག་པའི་ཤིང་གི་ཞུགས་བུས་ལ་ཁམ་པོ་ཛའི་ཡམ་སྲེག་ཤིང་བརྒྱ་སྟོང་སྦྱིན་སྲེག་བགྱིས་ན། རྡོ་རྗེའི་རིགས་ཐམས་ཅད་སྐྲག་པར་འགྱུར་རོ། །རིའི་དངོས་གྲུབ་ཀྱང་སྩོལ་ལོ། ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་ལ་སོགས་པ་ལ་གནོད་པ་བགྱིད་ན། མར་གྱི་ངོ་ཞག་བཅུ་བཞི་ལ་ཞག་གསུམ་སྨྱུང་བ་བགྱིས་ཏེ་མཚན་གཅིག་མཆིས་པར་མཆིས་ལ་ཅི་ནུས་ཀྱིས་མཆོད་དེ། མཚན་མ་ཁྲག་གིས་བསྐུས་ལ་ཁྲོས་པ་དང་བཅས་པས་ལག་པ་གཉིས་ཀས་འཁྱུད་དེ་རིག་པ་ལན་བརྒྱ་སྟོང་བཟླས་བརྗོད་བགྱིས་ན། དེ་ན་མཚན་མ་འགུལ་ལོ། །སྐྲག་པར་འགྱུར་ཞིང་རང་གི་ཆོ་ག་རྒྱས་པ་རྣམས་ཀྱི་དངོས་གྲུབ་སྩོལ་ཏོ། །དེ་ལྟར་ཆོ་ག་རྒྱས་པ་ཐམས་ཅད་འགྲུབ་པར་འགྱུར་
Ba401a
༄#། །རོ། །ལག་ན་རྡོ་རྗེ་ལ་ཕུར་བུས་གདབ་ན་མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་སེང་ལྡེང་གི་ཤིང་གི་ཞུགས་བུས་ལ་ཁམ་པོ་ཛའི་ཡམ་སྲེག་ཤིང་བརྒྱ་སྟོང་སྦྱིན་སྲེག་བགྱིས་ན། སྲེག་བླུགས་གསུམ་པའི་ཚེ་འདར་རོ། །བརྒྱས་ཚར་གཅོད་པར་འགྱུར་རོ། །སུམ་བརྒྱས་སྐམ་པར་འགྱུར་རོ། །བཞི་བརྒྱ་པའི་ཚེ་ལག་ན་རྡོ་རྗེ་ལ་ཕུར་བུས་བཏབ་པར་འགྱུར་རོ། །ལག་ན་རྡོ་རྗེ་ཕུར་བུས་བཏབ་པས་ལག་ན་རྡོ་རྗེའི་རིགས་ཐམས་ཅད་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་ལ་སོགས་པ་ཐམས་ཅད་ཀྱང་ཕུར་བུས་བཏབ་པར་འགྱུར་རོ། །བརྒྱ་སྟོང་ཚང་བའི་ཚེ་ལག་ན་རྡོ་རྗེའི་ཚིག་ནས་མཆི་སྟེ་རིག་སྔགས་འཆང་ཅི་འདོད་ཅི་སྦྱིན་ཅེས་བརྗོད་པ་དང ། བཅོམ་ལྡན་འདས། ཆོ་ག་རྒྱས་པ་དངོས་གྲུབ་བདག་ལ་སྩལ་དུ་གསོལ་ཞེས་བརྗོད་པར་བྱའོ། །དེ་ལྟར་གྱུར་ཅིག་ཅེས་བརྗོད་ནས་མི་སྣང་བར་གྱུར་ཏོ། །དེ་ནས་རིག་སྔགས་འཆང་གིས་མྱུར་བར་ལག་ན་རྡོ་རྗེའི་གཟུགས་འོ་མས་བཀྲུ་བར་བགྱིའོ། ། དེ་ནས་མཆིས་པའི་མར་དང ། གུ་གུལ་གྱིས་ལན་བརྒྱ་སྟོང་སྦྱིན་སྲེག་བགྱིའོ། །དེ་ནས་སོས་པར་འགྱུར་རོ། །ལྷ་ལ་ཡང་མཆོད་པ་རྒྱ་ཆེར་བགྱིས་ལ་ཤུགས་
Ba401b
ལྡན་མས་སླར་གཤེགས་སུ་གསོལ་ལོ། །བཅོམ་ལྡན་འདས་རིག་པའི་རྒྱལ་པོ་སྒྲུབ་པའི་རིག་སྔགས་འཆང་ལ་གལ་ཏེ་དངོས་གྲུབ་ཏུ་མ་གྱུར་ན། རིག་སྔགས་འཆང་དེས་ལས་བདག་གིར་བྱ་བ་ཡིན་པར་དམིགས་པར་བགྱིའོ། །ལན་གཉིས་སུ་ཡང་བསྒྲུབ་པར་བགྱིའོ། །མ་གྲུབ་ན་ཡང་ལས་བདག་གིར་བྱ་བ་ཡིན་པར་དམིགས་པར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། ཅིའི་ཕྱིར་དེ་སྐད་སྨྲ། གསོལ་པ། བཅོམ་ལྡན་འདས། ཕ་འགུམས་པ་དང ། མ་འགུམས་པ་དང ། ཚངས་པ་ལ་གནོད་པ་བགྱིས་པའི་སེམས་ཅན་དག་ཀྱང་མཆིས། མཚམས་མ་མཆིས་པ་ལྔ་དང་ལྡན་པའི་སེམས་ཅན་དག་ཀྱང་མཆིས་ཏེ། བཅོམ་ལྡན་འདས། དེའི་སླད་དུ་བདག་འདི་སྐད་ཅེས་བརྩོན་འགྲུས་བརྩམས་ལ་བསྒྲུབ་པར་བྱའོ་ཞེས་མཆིའོ། །ལན་བདུན་དུ་ཡང་སྒྲུབ་པ་ལ་འཇུག་པར་བགྱིའོ། །གལ་ཏེ་མ་གྲུབ་ན། ལས་འདི་བརྩམ་པར་བགྱི་སྟེ།་མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བར་བགྱིས་ལ་དུར་ཁྲོད་ཀྱི་ཤིང་གི་ཞུགས་བུས་ཏེ་སེང་ལྡེང་གི་ཡམ་སྲེག་གི་ཤིང་ལ་བདག་གི་ཁྲག་བྱུགས་ལ་ལན་བརྒྱ་སྟོང་སྦྱིན་སྲེག་བགྱིའོ། །གལ་ཏེ་མ་མཆིས་ན་རང་གི་ཤས་ལན་བརྒྱ་སྟོང་སྦྱིན་སྲེག་བགྱིས་ན་མཆི་བར་བགྱི་སྟེ། བཅོམ་ལྡན་འདས་རིག་སྔགས་ཀྱི་དངོས་གྲུབ་
Ba402a
༄#། །ཀྱང་སྩལ་བར་བགྱིའོ། །ལས་འདི་ནི། མཆོག་ཏུ་མི་བཟད་པ་ལགས་ཏེ། རིག་སྔགས་འཆང་དེས་མི་བཟད་པའི་ལས་འདི་ཐོག་མར་མི་བགྱིའོ། །དེ་ཅིའི་སླད་དུ་ཞེ་ན། དེ་བཞིན་གཤེགས་པ་རྣམས་ཀྱི་བྱང་ཆུབ་ནི། བཅོམ་ལྡན་འདས་ཀྱིས་ཀྱང་འགལ་བར་བགྱི་བ་མ་ལགས་པ་ལྟ་བུ་སྟེ། གལ་ཏེ་རིག་སྔགས་འཆང་གིས་ལས་ཐོག་མར་བརྩམ་སྟེ། བཅོམ་ལྡན་འདས། དེ་ནི། བདག་ལ་གནོད་པ་བགྱིད་དེ། དེ་ཁོ་ན་ཉིད་ཀྱང་མི་མཐོང་ལ་བདག་ལ་གནོད་པ་བགྱིད་དོ། །བཅོམ་ལྡན་འདས།་བདག་ལ་གནོད་པ་བགྱིད་ན། ལྷ་ཐམས་ཅད་ལ་གནོད་པ་བགྱིད་པར་འགྱུར་རོ། །གནོད་སྦྱིན་ཐམས་ཅད་ལ་ཡང་གནོད་པ་བགྱིས་པར་འགྱུར་ཏེ། དེ་དག་རིག་སྔགས་འཆང་དེ་ལ་གླགས་ཚོལ་ཞིང་མཆིས་པར་འགྱུར། གལ་ཏེ་མཚམས་མ་མཆིས་པ་ལྔ་དང་ལྡན་པའི་རིག་སྔགས་འཆང་ཞིག་རིག་པའི་རྒྱལ་པོ་བསྒྲུབས་ན། སྒྲུབ་པ་བདུན་པ་ལ་དངོས་གྲུབ་སྩལ་བར་བགྱིའོ། །གལ་ཏེ་མ་སྩལ་ན། དེ་བཞིན་གཤེགས་པ་ཐམས་ཅད་འཁུས་པར་འགྱུར་རོ། །བཅོམ་ལྡན་འདས། གཞན་ཡང་གང་གིས་རིག་སྔགས་འཆང་རྣམས་ཀྱི་དངོས་གྲུབ་ཏུ་འགྱུར་བའི་རྫས་རྣམས་མི་འཕྲོག་པར་བརྗོད་པར་བགྱིའོ། །བྱང་ཆུབ་སེམས་དཔའ་ཆེན་པོ་སྨྲོས་ཤིག་།བཅོམ་
Ba402b
ལྡན་འདས། རིག་སྔགས་འཆང་གིས་ལིག་བུ་མིག་དང་ལྡོང་རོས་ལ་སོགས་པ་སྒྲུབ་ན། ཐོག་མར་འོ་མས་བཀྲུ་བར་བགྱི་སྟེ། བཀྲུས་པས་དངོས་གྲུབ་ཏུ་འགྱུར་རོ། །དངོས་གྲུབ་ཏུ་གྱུར་པའི་རྫས་རྣམས་ཀྱང་རིག་སྔགས་འཆང་གི་བླ་མ་དང ། བདག་དང ། གྲོགས་རྣམས་ལ་ཆ་གསུམ་དུ་བགོ་བར་བགྱིའོ། །རལ་གྲི་དང ། འཁོར་ལོ་དང ། མདུང་རྩེ་གསུམ་པ་ཞིག་གྲུབ་ལ། སྟོར་ན་ཡིད་ཀྱིས་འདི་སྙམ་དུ་སེམས་ཅན་གང་བསོད་ནམས་ཆུང་བ་དེའི་སྟོར་གྲང་སྙམ་དུ་བསམ་ལ་རིག་སྔགས་འཆང་དེས་སྦྱིན་སྲེག་བགྱིའོ། །ཡང་ན་ལག་པ་བཀན་ཏེ་མནན་ནོ། །གལ་ཏེ་ཤིན་ཏུ་གནོད་པ་བགྱིས་ན། རིག་སྔགས་འཆང་དེས་འདི་སྐད་དུ་རྫས་འདི་ནི། ལག་ན་རྡོ་རྗེའི་ཡིན་ནོ་ཞེས་བརྗོད་པར་བགྱིའོ། ། བཅོམ་ལྡན་འདས། བདག་གི་མིང་ཐོས་ནས་ཡིད་ཀྱིས་ཀྱང་འཁུ་བས་སེམས་པ་ནི། ལྷ་དང་བཅས་པ་དང ། བདུད་དང་བཅས་པ་དང ། ཚངས་པ་དང་བཅས་པ་དང ། དགེ་སྦྱོང་དང་བྲམ་ཟེའི་སྐྱེ་རྒུ་དང་བཅས་པའི་འཇིག་རྟེན་ན་མ་མཐོང་ངོ ། །དེ་ནས་ཐམས་ཅད་དང་བཅས་པའི་འཁོར་དེས་བྱང་ཆུབ་སེམས་དཔའ་ཆེན་པོ་ལེགས་སོ་ལེགས་སོ། ། སྟོབས་དང་ཕ་རོལ་གནོན་པ་དཔག་ཏུ་མེད་པ་ཁྱོད་སེངྒེའི་སྒྲ་འདི་ལྟ་བུ་འབྱིན་པ་ལེགས་སོ་ཞེས་ཏེ་ལེགས་སོ་ཞེས་བྱ་བ་བྱིན་ནོ། །བཅོམ་ལྡན་འདས། འདི་ནི། བདག་
Ba403a
༄#། །གི་ཉེ་བའི་སྙིང་པོ་ལགས་ཏེ། འདི་ལན་གཅིག་བརྗོད་པས་ཆོ་ག་ཆེན་པོ་རྒྱས་པ་བརྒྱད་བརྗོད་པར་འགྱུར་རོ། །ལག་ན་རྡོ་རྗེ། དེ་དེ་བཞིན་ཏེ། དེ་དེ་བཞིན་ནོ། །བཅོམ་ལྡན་འདས། རིག་པའི་རྒྱལ་པོ་འདི་བདུན་སྒྲུབ་པ་དང ། གནོད་པ་བགྱིད་ན། ཡིད་ཀྱིས་བཟླས་བརྗོད་བགྱིའོ། །ཅི་སྟེ་རིག་སྔགས་འཆང་རིག་སྔགས་སྒྲུབ་པར་འཚལ་ན། རིག་སྔགས་འཆང་དེས་ཐོག་མར་རིག་སྔགས་དེ་ལན་བརྒྱ་རྩ་བརྒྱད་བརྗོད་པར་བགྱིའོ། །ཉེ་བའི་སྙིང་པོ་ཡང་ལན་བརྒྱ་རྩ་བརྒྱད་བཟླས་བརྗོད་བགྱིའོ། །དེ་ནས་རིག་སྔགས་འཆང་གིས་རིག་སྔགས་བསྒྲུབ་པར་བགྱིའོ། །གལ་ཏེ་རིག་སྔགས་མ་གྲུབ་ན། དེ་ཉིད་དུ་མཆིས་ལ་དུ་བ་མཆིས་པའི་མེ་མདག་ཏུ་སྐེ་ཚེ་ལས་ལན་བརྒྱ་སྟོང་སྦྱིན་སྲེག་བགྱིས་ན། རིག་པ་དེ་ཉམས་པར་གྱུར་ནས་དེའི་མདུན་དུ་མཆི་སྟེ་དངོས་གྲུབ་ཏུ་སྩོལ་ཏོ། །དེ་ཉིད་དུ་མཆིས་ལ་རིག་སྔགས་འཆང་གིས་ཡང་རིག་པ་བསྒྲུབ་ན། མྱུར་དུ་འགྲུབ་བོ། །གསང་སྔགས་ཐམས་ཅད་ཀྱི་ལས་ཀྱང་འདིས་འགྲུབ་པ་ལགས་སོ། །སྤོས་རྣམས་ཀྱི་ལག་ན་རྡོ་རྗེའི་གཟུགས་བགྱིས་ལ་གདུགས་བདུན་དུས་གསུམ་དུ་ལན་བརྒྱ་རྩ་བརྒྱད་བཟླས་བརྗོད་བགྱིས་ལ་མར་གྱི་ངོ་ཞག་བཅུ་བཞི་པ་ལ་ཉིན་ཞག་གཅིག་སྨྱུང་བ་བགྱིས་
Ba403b
ཏེ་དཔག་ཏུ་མ་མཆིས་པར་བཟླས་བརྗོད་བགྱིས་ན། གནོད་སྦྱིན་མོ་མཆི་བར་འགྱུར་ཏེ། རྡོ་རྗེ་བཞད་མས་སྨྲར་སྩལ་བར་བགྱིའོ། །གང་གི་ཚེ་ངས་ཆེ་གེ་མོ་ཞེས་བྱ་བ་ལ་རྒྱོབས་ཤིག་རྒྱོབས་ཤིག་།སྲེགས་ཤིག་སྲེགས་ཤིག་།ཟུངས་ཤིག་།མྱོས་པར་གྱིས་ཤིག་།མ་རུངས་པར་གྱིས་ཤིག་ཅེས་བསྒོ་བ་ཐམས་ཅད་ལ་གནོད་པ་གྱིས་ཤིག། བཅོམ་ལྡན་འདས་དྲན་པ་ཙམ་གྱིས་ཀྱང་ཐམས་ཅད་གྱིས་ཤིག་ཅེས་བསྒོ་བར་བགྱིའོ། །ཉེ་བའི་སྙིང་པོ་རྫོགས་སོ།། །།ནག་མོ་དྲག་མོའི་ལས་རྣམས་ལགས་ཏེ་གསང་སྔགས་ཐམས་ཅད་དུ་གསང་སྔགས་གང་ལས་མི་བགྱིད་པ་དེ་ནག་མོ་དྲག་མོ་འདིས་བཀུག་ན། དེ་ལས་བགྱིད་དོ། །བཀུག་ཀྱང་གལ་ཏེ་མ་གྲུབ་ན། ཕྱེམ་རེད་ལག་ན་རྡོ་རྗེའི་མདུན་དུ་རིག་སྔགས་དེ་ལན་བདུན་བརྗོད་ལ་དེའི་འོག་ཏུ་ནག་མོ་དྲག་མོའི་སྔགས་ལན་བརྒྱ་རྩ་བརྒྱད་བརྗོད་པར་བགྱིའོ། །དེ་ནས་སྔགས་དེ་རྨི་ལམ་དུ་སྟོན་པར་བགྱིད་དོ། །ཡི་གེ་མ་ཚང་བ་དང ། ཕུར་བུ་བཏབ་པས་སྤྲ་བར་བགྱིད་དོ། །གལ་ཏེ་ཡི་གེ་མ་ཚང་བར་གྱུར་ན། རིག་པ་མཆོག་གིས་ཚང་བར་བགྱིད་དོ། །གལ་ཏེ་ཕུར་བུས་བཏབ་བར་གྱུར་ན། རིག་པ་མཆོག་ཉིད་ཀྱིས་ཕུར་བུས་འབྱུང་བར་བགྱིད་དོ། །ཕྱེམ་རེད་ལག་ན་རྡོ་རྗེའི་མདུན་དུ་མཆོད་པ་བགྱིས་ལ་སྔགས་དེ་རང་གི་ཁྲག་གིས་ཤིང་ཏ་ལའི་
Ba404a
༄#། །ལོ་མ་བྲིས་ཏེ་རྩཝ་ཀུ་ཤ་ལས་བགྱིས་པའི་རྡོ་རྗེ་ལ་བདུན་སྔགས་ལ་བསྣུན་ན། དེ་ནས་ཕུར་བུ་འབྱིན་པར་འགྱུར་རོ། །གདོན་དགུག་ན། མེ་ཏོག་གིས་བགྱིའོ། །གདོན་རེངས་པར་བགྱིད་ན། ལན་གསུམ་བཟླས་བརྗོད་བགྱིས་པའི་ཆབ་ཀྱིས་བགྱིའོ། །གདོན་སྤོང་བར་བགྱི་ན། བདུག་པས་བགྱིའོ། །གདོན་དབབ་ན། རྣ་བར་བཟླས་བརྗོད་བགྱིས་པས་སོ། །གདོན་གཏོང་བར་འདོད་ན། ཤ་ཀ་རའི་ཆབ་ལ་ལན་བདུན་བཟླས་བརྗོད་བགྱིས་ན་གཏོང་ངོ ། །ཙནྡན་དམར་པོ་ལས་རྡོ་རྗེ་བགྱིས་ལ་མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་བ་ལང་གི་ཤས་བདུག་པར་བགྱིའོ། །རིག་པ་ཡང་ལན་བརྒྱ་སྟོང་བཟླས་བརྗོད་བགྱིས་ན། ཕ་རོལ་བརྗེད་བྱེད་ཀྱིས་ཟིན་པར་བགྱིད་དོ། །རྡོ་རྗེ་འོ་མས་བཀྲུས་ལ་རིག་པ་ཡང་ལན་བརྒྱ་སྟོང་བཟླས་བརྗོད་བགྱིས་ན། ཐར་པར་ཡང་བགྱིས་པར་འགྱུར་རོ། །རྡོ་རྗེ་དེ་ཉིད་ལ་ཤ་ཆེན་པོས་བདུགས་ལ་རིག་པ་ཡང་ལན་བརྒྱ་སྟོང་བཟླས་བརྗོད་བགྱིས་ན། འགུམ་པར་བགྱིད་དོ། །ཚེས་གྲངས་དང་སྐར་མ་གདམ་མི་འཚལ། སྨྱུང་བ་བགྱི་མི་འཚལ་ཏེ། འདི་ལ་རྒྱུ་ནི། ཁྲོ་བོ་ཉིད་དོ། །དགྲ་གསད་པར་འཚལ་བས་གོས་རློན་པ་བགོས་ལ་ཁ་གདུགས་བལྟས་ཏེ་དགྲའི་སྲོག་བསྐམས་ཀྱི་བར་དུ་གསང་སྔགས་
Ba404b
བཟླས་བརྗོད་བགྱིའོ། །རྡོ་རྗེ་འོ་མས་བཀྲུས་ལ་རིག་པ་ཡང་ལན་བརྒྱ་སྟོང་བཟླས་བརྗོད་བགྱིས་ན། སྔ་མཁོ་བཞིན་འགྱུར་རོ། །གལ་ཏེ་ནག་མོ་དྲག་མོ་སྒྲུབ་པར་འཚལ་ན། ཐོག་མ་ཉིད་དུ་ཟས་སུ་འོ་སྐྱོ་འཚལ་ཞིང་ལན་འབུམ་བཟླས་བརྗོད་བགྱིའོ། །དེའི་འོག་ཏུ་རི་མོ་མཁན་གསོ་སྦྱོང་བཟུང་བས་མ་གོད་པའི་རས་ལ་སངས་རྒྱས་ཀྱི་སྐུ་གཟུགས་གསེར་མདོག་ལྟ་བུ་བྲི་བར་བགྱིའོ། །དེའི་གཡོན་རོལ་དུ་ནག་མོ་དྲག་མོ་བྲི་བར་བགྱིའོ། །མར་གྱི་ངོ་ཞག་བཅུ་བཞི་ལ་ཞག་གསུམ་སྨྱུང་བ་བགྱིས་ཏེ་མཆོད་པ་རྒྱ་ཆེར་བགྱིས་ལ་ནག་མོ་དྲག་མོ་མཆི་བར་འགྱུར་གྱི་བར་དུ་རིག་པ་བཟླས་བརྗོད་བགྱིའོ། །མཆིས་པ་དང་རིག་པ་མཆོག་གིས་མཆོད་ཡོན་དབུལ་ལོ། །དེ་ནས་དེ་རིག་སྔགས་འཛིན་ཅི་སྦྱིན་པར་བྱ་ཞེས་མཆི་བ་དང ། དེ་ནས་བཅོམ་ལྡན་འདས་མ། རྒྱལ་པོ་བགྱིད་དུ་སྩོལ་ཅིག་ཅེས་བརྗོད་ན། དེ་བཞིན་དུ་གྱུར་ཅིག་ཅེས་བརྗོད་ནས་མི་གདའ་བར་འགྱུར་རོ། །ནག་མོ་དྲག་མོའི་ཆོ་ག་རྫོགས་སོ།། །།རྒྱལ་བ་ལྡན་མའི་ལས་རྣམས་ལགས་ཏེ། ལྷ་ཐམས་ཅད་དགུག་ན་ལན་གསུམ་བཟླས་བརྗོད་བགྱིས་པའི་ཆབ་ཀྱིས་བགྱིའོ།། དུད་འགྲོའི་སྐྱེ་གནས་སུ་གཏོགས་པ་ཐམས་ཅད་དགུག་ན། ཡིད་ཀྱིས་བགྱིའོ། །བུད་མེད་དབང་དུ་བགྱིད་ན། ཡར་གྱི་ངོ་ཚེས་བརྒྱད་ནས་བརྩམས་ཏེ་ལག་ན་རྡོ་རྗེའི་མདུན་དུ་
Ba405a
༄#། །གདུགས་བདུན་དུས་གསུམ་དུ་དུ་བ་མ་མཆིས་པའི་མེ་མདག་ལ་ན་ལེ་ཤམ་གྱིས་ལན་བརྒྱ་རྩ་བརྒྱད་སྦྱིན་སྲེག་བགྱིས་ན་དབང་དུ་འགྱུར་རོ། །དབབ་པར་བགྱིད་ན། ཆབ་བམ། བྱེའུ་རུག་པའི་འོ་མས་བགྱིའོ། །གདོན་བཅིང་ངམ། བསྐྱོད་པར་བགྱི་ན། གུ་གུལ་གྱིས་བགྱིའོ། །དུར་ཁྲོད་ཀྱི་ཐལ་བ་ལ་གཟུགས་བགྱིས་ལ་ལན་གསུམ་བཟླས་བརྗོད་བྱས་པས་གདོན་གྱིས་གཏོང་བར་བགྱིད་དོ། །དུར་ཁྲོད་ཀྱི་སོལ་བ་ལས་གདོན་གྱི་གཟུགས་བགྱིས་ལ་མཚོན་རྣོན་པོས་བཅད་ན། བཅད་པར་འགྱུར་ཏེ། གཏོང་ངོ ། །དུག་ལས་གསོལ་ན། ཡལ་གས་བགྱིའོ། །མར་གྱི་ངོ་ཞག་བཅུ་བཞི་ལ་དུར་ཁྲོད་དུ་དུར་ཁྲོད་ཀྱི་ཐལ་བས་གཟུགས་བགྱིས་ལ་བཟླས་བརྗོད་ལན་བརྒྱ་སྟོང་བགྱིས་པའི་སེང་ལྡེང་གི་ཕུར་བུས་སྙིང་གར་བཙུགས་ན། གཟེར་ཐབས་དྲག་པོས་བཏབ་པར་འགྱུར་རོ། །ཕྱུང་ན། སོས་པར་འགྱུར་རོ། །ཡར་གྱི་ངོ་ཚེས་བདུན་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་བྱ་རོག་མ་ལངས་ཀྱི་བར་དུ་ལན་སྟོང་རྩ་བརྒྱད་བཟླས་བརྗོད་བགྱིས་ན། ཏི་ན་ར་གཅིག་སྩོལ་ཏོ། །སྒྲུབ་པ་བགྱི་ན། མ་གོད་པའི་རས་ལ་སྤྱིན་དང་མ་འདྲེས་པའི་ཚོན་གྱིས་སངས་རྒྱས་ཀྱི་སྐུ་གཟུགས་གསེར་གྱི་མདོག་ཅན་བྲི་བར་བགྱིའོ། །དེའི་གཡོན་རོལ་ཏུ་འཕགས་པ་སྤྱན་རས་གཟིགས་དབང་ཕྱུག་བྲི་བར་
Ba405b
བགྱིའོ། །དེའི་གཡས་རོལ་ཏུ་འཕགས་པ་ལག་ན་རྡོ་རྗེ་བྲི་བར་བགྱིའོ། །འཕགས་པ་སྤྱན་རས་གཟིགས་དབང་ཕྱུག་ནི། འདམ་བུ་མདའ་རྒྱུའི་ཁ་དོག་ལྟར་དཀར་བའོ། །ལག་ན་རྡོ་རྗེ་ནི། སྔོ་བསངས་ཏེ། རྒྱན་ཐམས་ཅད་ཀྱིས་བརྒྱན་པའོ། །ལག་ན་རྡོ་རྗེ་གཡས་རོལ་དུ་ནི། རྒྱལ་བ་ལྡན་མ་སྔོ་བསངས་ལ། དེ་ཡང་རྒྱན་ཐམས་ཅད་ཀྱིས་བརྒྱན་པའོ། །དེའི་འོག་རོལ་ཏུ་ནི། སྒྲུབ་པ་པོ་ལག་ན་པོག་ཕོར་ཐོགས་པར་བྲིའོ། །དེ་ནས་ཞག་གསུམ་སྨྱུང་བ་བགྱིས་ཏེ་མར་གྱི་ངོ་ཞག་བརྒྱད་ལ་རི་མོའི་སྐུ་གཟུགས་ལ་མཆོད་པ་རྒྱ་ཆེར་བགྱིས་ལ། གུ་གུལ་གྱི་བདུག་པ་བསྲེག་ཅིང་རི་མོའི་སྐུ་གཟུགས་ཀྱི་མདུན་དུ་ཞུགས་བུས་ལ་ཀཱ་ར་བཱི་རའི་མེ་ཏོག་ཞོ་དང ། སྦྲང་རྩི་དང ། མར་ལ་སྨྱུགས་པ་བརྒྱད་སྟོང་སྦྱིན་སྲེག་བགྱིའོ། །དེ་ནས་མེ་ཐབ་ནས་ཀཱ་ར་བཱི་རའི་མེ་ཏོག་པདྨའི་ཚད་ཙམ་དུ་འབྱུང་ངོ ། །ཀཱ་ར་བཱི་རའི་པདྨའི་དབུས་ནས་ཀཱ་ར་བཱི་ར་འདྲ་བའི་ལྡོང་རོས་འབྱུང་སྟེ། རིག་པའི་རྒྱལ་པོ་བཟླས་བརྗོད་བགྱིད་བཞིན་དུ་དེ་བླང་བར་བགྱིའོ། །བླངས་པ་ཙམ་གྱིས་གདུགས་ཤར་བའི་མདོག་ལྟ་བུ་དང ། སྐྲ་ལྕང་ལོ་འཁྱིལ་བ་དང ། ལོ་བཅུ་དྲུག་ལོན་པའི་ལུས་ལྟ་བུར་འགྱུར། ལོ་བརྒྱད་ཁྲི་ཐུབ་པར་འགྱུར། ནམ་མཁའ་ལ་མཆི་བ་དང ། མཉམ་པ་མ་མཆིས་པ་དང ། ཁ་ཟས་ཅི་འཚལ་བ་རྣམས་འཚལ་བར་འགྱུར་རོ། །རིག་སྔགས་འཆང་རྣམས་ཀྱི་སྤྱོད་ཡུལ་མ་ལགས་པར་འགྱུར་རོ། །བདག་འགུམ་པའི་དུས་འཚལ་བ་
Ba406a
༄#། །འགྱུར་རོ། །གལ་ཏེ་སླད་ཀྱིས་ཀྱང་བརྩོན་འགྲུས་བསྐྱེད་ན། ཚེ་དེའི་ཉིས་འགྱུར་ཐུབ་པར་འགྱུར་རོ། །ཡར་གྱི་ངོ་ཟླ་བ་ཉ་ལ་ཉིན་ཞག་གཅིག་སྨྱུང་བ་བགྱིས་ཏེ་མཆོད་པ་བགྱིས་ལ་མེ་ཏོག་དྲི་ཞིམ་པོ་ལས་བརྒྱ་སྟོང་ཕུལ་ན། ཀཪྴ་པ་ཎ་ལྔ་སྩོལ་ཏོ། །དགྲ་བསྐྲད་པར་འཚལ་ན། ཡར་གྱི་ངོ་ཚེས་གཅིག་ལ་དུར་ཁྲོད་ཀྱི་གནས་སུ་ཞུགས་བུས་ལ་དུར་ཁྲོད་ཀྱི་ཐལ་བས་སྦྱིན་སྲེག་བགྱིས་ན་བསྐྲད་པར་འགྱུར་རོ། །མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བར་བགྱིས་ཏེ་ལག་ན་རྡོ་རྗེའི་མདུན་དུ་པྲི་ཡང་ཀུའི་ཤིང་གི་ཞུགས་བུས་ལ་བེ་ཀངྐ་ཏའི་ཡམ་སྲེག་ཤིང་བརྒྱ་སྟོང་སྦྱིན་སྲེག་བགྱིས་ན། ནོར་སྩོལ་ཏོ། །དཔལ་ཆེ་བར་བགྱི་ན། ལག་ན་རྡོ་རྗེའི་མདུན་དུ་ཏིལ་གྱིས་ལན་བརྒྱ་སྟོང་བཟླས་བརྗོད་བགྱིའོ། །དབྱེ་བར་བགྱི་ན། ཡར་གྱི་ངོ་ཚེས་ལྔ་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་མོན་སྲན་གྲེའུ་ལས་ལན་བརྒྱ་སྟོང་སྦྱིན་སྲེག་བགྱིས་ན་དབྱེ་བར་བགྱིས་པར་འགྱུར་རོ། །ཚེས་གྲངས་དང་སྐར་མ་གདམ་མི་འཚལ། སྨྱུང་བ་བགྱི་མི་འཚལ་ཏེ་ལག་ན་རྡོ་རྗེའི་མདུན་དུ་གདུགས་བདུན་དུས་གསུམ་དུ་བ་རུ་ར་བརྒྱ་རྩ་བརྒྱད་སྦྱིན་སྲེག་བགྱིས་ན། ཕྱུགས་ཆུང་རྙེད་དོ། །བུད་མེད་དབང་དུ་བགྱི་ན། གདུགས་བདུན་དུས་གསུམ་དུ་མོན་སྲན་གྲེའུ་ལས་སྦྱིན་སྲེག་བགྱིའོ། །སྐྱེས་པ་དབང་དུ་བགྱི་ན། མར་གྱི་
Ba406b
ངོ་ཞག་བཅུ་བཞི་ལ་ལག་ན་རྡོ་རྗེའི་མདུན་དུ་ཉིན་ཞག་གཅིག་སྨྱུང་བ་བགྱིས་ལ་ཏིལ་ལས་ལན་བརྒྱ་སྟོང་བགྱིས་ན་སྐྱེས་པ་དབང་དུ་འགྱུར་རོ། །རཱ་ཛཱ་མ་ཏེ་བ་ཤཱི་ཀ་ར་མི་ཤུཀླ་པྲ་ཏི་པ་དྷ་མཾ་བྷེ་བཛྲ་པཱ་ཎེ་ར་གྷྲ་ཏ་ཨརྐྐ་ཨེསྟེ་རག་ནིམ་པ་ཛྭ་ལྱ་ཤཝེ་ཏ་ས་ར་ཤ་པ་ནཾ་ཨཥྚ་ས་ཧ་སྲཾ་ཛུ་ཧུ་ཡད་ཡ་བད་ཨསྟ་མི་ཏི་བ་ཤ་།རྒྱལ་བ་ལྡན་པའི་ཆོ་ག་རྫོགས་སོ།། །།རྡོ་རྗེ་ལྕགས་སྒྲོག་གི་ལས་རྣམས་ཏེ། རིག་སྔགས་བཅིང་ན། སྲད་བུ་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ་མདུད་པ་དོར་རོ། །ཡུངས་ཀར་གྱིས་ནི། ཞུགས་ཀྱི་ར་བར་འགྱུར་རོ། །ཆབ་ཀྱིས་ནི།་ཡུལ་གྲུ་ཆེན་པོར་འགྱུར་རོ། །ཐལ་བས་ནི། རྡོ་རྗེ་ར་བར་འགྱུར་རོ། །བཅིང་བ་ཐམས་ཅད་རྡོ་རྗེ་ལྕགས་སྒྲོག་འདི་ཉིད་སྦྱར་བར་བགྱིའོ། །གང་དག་བདག་གི་རིག་པ་མཆོག་གི་ཆོ་ག་རྒྱས་པ་ལ་དམ་ཚིག་མཐོང་ནས་འཇིག་རྟེན་པ་དང ། འཇིག་རྟེན་ལས་འདས་པའི་རིག་སྔགས་སྒྲུབ་པ་དེ་དག་ལ་གང་དག་བགེགས་བགྱིད་དམ། རྫས་འཕྲོག་པ་དེ་དག་ནི། དམ་ཚིག་མ་འཆལ་ཞིང་རིགས་ལ་འཁུ་བ་ལགས་ཏེ། དེ་དག་མ་རུང་པར་བགྱི་བའི་སླད་དུ་ལས་འདི་བརྩམ་པར་བགྱིའོ། །ཙནྡན་དམར་པོ་ལས་ལག་ན་རྡོ་རྗེའི་གཟུགས་བགྱིས་ཏེ་མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་སེང་ལྡེང་གི་ཤིང་གི་ཞུགས་བུས་ལ། ཤ་ཆེན་པོ་སྲེག་བླུགས་ལན་བདུན་སྦྱིན་སྲེག་བགྱིས་ཏེ་དེའི་འོག་ཏུ་འདི་སྐད་
Ba407a
༄#། །ཅེས་ལྷའམ། གནོད་སྦྱིན་ནམ། གྲུབ་པའམ། རིག་སྔགས་འཆང་ངམ། ལོག་འདྲེན་ནམ། ལོག་འདྲེན་གཡོག་འཁོར་རམ། གྲུལ་བུམ་མམ། འབྱུང་པོའམ། ཤ་ཟའམ། གང་གིས་བདག་གི་རྫས་ཇི་ལྟར་ཁྱེར་བ་དེས་སླར་བྱིན་ཅིག་ཅེས་བརྗོད་པར་བགྱིའོ། །དེ་སྐད་ཐོས་ནས་གལ་ཏེ་དེས་སྩལ་ན་ནི། ཅང་མི་བགྱིའོ། །གལ་ཏེ་མ་སྩལ་ན་ཡང་འདི་སྐད་སྐྲག་པར་བགྱི་སྟེ། གང་གིས་བདག་གི་རྫས་ཁྱེར་བ་དེས་སླར་བྱིན་ཅིག་ཅེས་བགྱིའོ། །ཅི་སྟེ་མ་སྩལ་ན། ལག་ན་རྡོ་རྗེའི་རིགས་ལས་ཕྱི་རོལ་པ་ལག་ན་རྡོ་རྗེའི་རིགས་ལ་འཁུ་བ་ལགས་པས་བྱ་གག་གི་རྟུག་པ་བླངས་ལ་ཡང་ལན་གསུམ་བརྗོད་པར་བགྱིའོ། །དེ་ལྟར་བགྱིས་ཀྱང་མ་སྩལ་ན། བྱ་གག་གི་རྟུག་པ་ལག་ན་རྡོ་རྗེ་ལ་བདུག་ཅིང་རིག་སྔགས་ཀྱང་ལན་བརྒྱད་བརྒྱ་བཟླས་བརྗོད་བགྱིའོ། །དེ་ནས་ལག་ན་རྡོ་རྗེའི་རིགས་ལ་འཁུ་བ་ངེས་ཀྱི་ཧུད་ཀྱི་ཧུད་ཅེས་མཆི་ལ་ཚིག་ཅིངས་ཕྱོགས་དེར་ལྟུང་ངོ ། །མིག་ཀྱང་འཇར་རོ། །འགུམ་པར་ཡང་འགྱུར་རོ། །དེའི་རིགས་རབས་ཆད་པར་འགྱུར་རོ། །ནོར་ནི། སླར་ཁུགས་པར་འགྱུར་རོ། །གསད་པར་ནི། མི་བགྱིའོ། །གདོན་གྱི་ལས་རྣམས་ཀྱང་བགྱི་སྟེ། ས་ཟིན་པའམ་མ་ཟིན་པ་ཡང་རུང་སྟེ་ཡིད་ཀྱིས་དབབ་པར་བགྱིའོ། ། བྱེའུ་རུག་པའི་ལོ་མའམ། སྲ་རྩི་པོག་གམ། ཆབ་ཀྱིས་དུག་ལས་གསོ་བར་བགྱིའོ། །བདག་གསོ་ཞིང་མཛེ་ནད་མ་མཆིས་པར་བགྱི་ན། དོག་ས་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་
Ba407b
ལ་བསྐུ་བར་བགྱིའོ། །ནད་ཀྲི་ཏ་སི་མ་མཆིས་པར་བགྱི་ན། སྲད་བུ་ལ་ལན་བརྒྱ་རྩ་བརྒྱད་བཟླས་བརྗོད་བགྱིད་ལ་གང་ན་ནད་ཀྲི་ཏ་སི་མཆིས་བདེར་བཅིང་བར་བགྱིའོ། །མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་བིལ་བའི་ཤིང་གི་ཞུགས་བུས་ལ་བིལ་བའི་ཡམ་སྲེག་ཤིང་ཁྲི་སྦྱིན་སྲེག་བགྱིས་ན། ལོངས་སྤྱོད་དག་སྩོལ་ལོ། །ཡར་གྱི་ངོ་ཉ་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་ཨ་བ་མརྒའི་ཡམ་སྲེག་ཤིང་ཁྲི་རིག་པ་མཆོག་དང་ལྷན་ཅིག་པས་སྦྱིན་སྲེག་བགྱིས་ན། རྡོ་རྗེ་ལྕགས་སྒྲོག་མཐོང་ཞིང་གང་བླངས་པ་དེ་སྩོལ་ལོ། །རྡོ་རྗེ་ལྕགས་སྒྲོག་གི་ཆོ་ག་རྫོགས་སོ།། །།རྡོ་རྗེ་སེར་མོའི་ལས་རྣམས་ལགས་ཏེ། གདོན་བབས་པ་གཏོང་བར་བགྱི་ན། ཆབ་གྱིས་བགྱིའོ། །འདར་བར་བགྱི་ན། མཛུབ་མོ་ལ་ལན་བདུན་བཟླས་བརྗོད་བགྱིས་ཏེ་བསྟན་ན་འདར་རོ། །གདོན་རྣམ་པར་གཞོམ་ན། ཡིད་ཀྱིས་ལན་བདུན་བཟླས་བརྗོད་བགྱིའོ། །ཆབ་ཀྱིས་ནི། རེངས་པར་བགྱིད་དོ། །རིག་པས་བཅིངས་པ་ལས་དགྲོལ་ན།་རྡོ་རྗེ་སོར་མོའི་སྔགས་ལན་བདུན་བརྗོད་དེ། སོང་ཞིག་སོང་ཞིག་ཅེས་བརྗོད་ན། གྲོལ་བར་འགྱུར་རོ། །བཅིང་བ་དགྲོལ་ན། ལན་འབུམ་བཟླས་བརྗོད་བགྱིས་པས་གྲོལ་ལོ། །རྐང་རྡུལ་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་པས་ཐིག་ལེ་བགྱིས་ན། གང་བསམ་པ་དེ་རྙེད་དོ། །མར་གྱི་ངོ་ཞག་བཅུ་བཞི་ནས་ཞག་གཅིག་སྨྱུང་བ་བགྱིས་ཏེ་ནྱ་གྲོ་དྷ་གཅིག་པུ་མཆིས་པར་མཆིས་ལ་
Ba408a
༄#། །མཆོད་པ་རྒྱ་ཆེར་བགྱིས་ཏེ་ནྱ་གྲོ་དྷའི་དྲུང་དུ་མཆིས་ལ་ཤླེ་ཤྨེ་ཏ་ཀའི་ལོ་མ་དག་གི་སྟེང་དུ་རྩཝ་དུར་བའི་ལོ་མ་བཞག་སྟེ་འབར་གྱི་བར་དུ་བཟླས་བརྗོད་བགྱིའོ། །འབར་ནས་མགོ་བོར་བཞག་ན། དེ་མེ་ཏོག་གི་ཕྲེང་བར་འགྱུར་རོ། །དེས་མགོ་ལ་བཅིངས་ན། དཔག་ཚད་སྟོང་དུ་གྱེན་དུ་འཕག་གོ་།ལོ་ཁྲི་ཉིས་སྟོང་ཐུབ་བོ། །ཟླ་བ་སྤྱང་ཀིས་ཟིན་པའི་ཚེ་ཞག་གཅིག་སྨྱུང་བ་བགྱིས་ལ་ལག་ན་རྡོ་རྗེའི་མདུན་དུ་རས་དཀར་པོ་བཞག་ལ་འབར་གྱི་བར་དུ་བཟླས་བརྗོད་བགྱིས་ན། བླངས་པ་ཙམ་གྱིས་གདུགས་ཤར་བ་ལྟ་བུའི་མདོག་ཅན་དུ་འགྱུར་ཞིང་ལོ་ཉིས་སྟོང་ཐུབ་པར་འགྱུར་རོ། །རྡོ་རྗེ་སེར་མོའི་ཆོ་ག་རྫོགས་སོ།། །།ཤུགས་ལྡན་མའི་ལས་རྣམས་ལགས་ཏེ། གདོན་ཚར་གཅད་ན། དུར་ཁྲོད་ཀྱི་སོལ་བས་གཟུགས་བྲིས་ལ། ལན་གསུམ་བཟླས་བརྗོད་བགྱིས་པའི་ལྕུག་མས་བཞུས་ན་གདོན་གྱིས་གཏང་ངོ ། །སྐྲ་ལས་བགྱིས་པའི་སྲད་བུ་གཏུན་ཤིང་གིས་བརྡུངས་ན། གདོན་དུ་ཞིང་གཏོང་ངོ ། །གཟེགས་མ་ལས་སྦྱིན་སྲེག་བགྱིས་ན། གདོན་གྱི་ཡན་ལག་འཚིག་པར་འགྱུར་རོ། །བ་ལང་གི་ལྕི་བ་ལས་གཟུགས་བགྱིས་ལ་ལན་བདུན་བཟླས་བརྗོད་བགྱིས་པའི་ཐུར་མས་མིག་ཕྱུང་ན། ཞར་བར་འགྱུར་རོ། །ལན་བདུན་བཟླས་བརྗོད་བགྱིས་པའི་གསེག་མས་ཤིང་ལྗོན་པ་ལ་བསྣུན་ན། འཕོ་བར་འགྱུར་རོ། །དབབ་ན། མེ་ཏོག་གིས་བགྱིའོ། །དགྲོལ་ན། ཡིད་ཀྱིས་སོ། །འདི་དག་ལ་སོགས་པ་ནི།
Ba408b
དོན་གྱི་ལས་རྣམས་ལགས་སོ། །སྲུང་བ་ནི། ལན་ཉི་ཤུ་རྩ་གཅིག་བཟླས་བརྗོད་བགྱིས་པའི་ཐལ་བས་བགྱིའོ། །ཡུལ་གྲུ་སྲུང་བ་ནི། ལན་བདུན་བཟླས་བརྗོད་བགྱིས་པའི་ཆབ་ཀྱིས་བགྱིའོ། །བསྐྲད་པ་ནི།་ཡུངས་ཀར་གྱིས་བགྱིའོ། །ནང་པར་ལངས་ཏེ་ཤུགས་ལྡན་མའི་སྔགས་ལན་བརྒྱ་རྩ་བརྒྱད་བརྗོད་ན། ནད་ཐམས་ཅད་ལས་ཐར་པར་འགྱུར་རོ། །བུད་མེད་དབང་དུ་བགྱི་ན། མར་གྱི་ངོ་ཞག་བརྒྱད་ནས་བརྩམས་ཏེ་དགུང་བདུན་དུས་གསུམ་དུ་ལུང་ཐང་གི་ཤིང་གི་ཞུགས་བུས་ལ། ཏིལ་གྱི་སྲེག་བླུགས་ལན་ཉི་ཤུ་རྩ་གཅིག་སྦྱིན་སྲེག་བགྱིས་ན། དབང་དུ་འགྱུར་རོ། །རཱ་ཛྙཱ་ན་བ་མ་ཤི་ཀ་ཏུ་ཀ་མ་ཀྲྀཥྞ་སྲ་ཨ་བྷ་མི་མ་ཨ་ཧོ་ར་ཏྲོ་ཤི་ཏེ་ན་བཛྲ་པཱ་ཎི་ར་གྷུ་ཏ་ཏི་ལ་ཀ་ཤཝེ་རཀ་ནིཾ་པྲ་ཛྭ་ལྱ་རུ་དྷི་ར་ཨཀྟ་ནཾ་རི་ཛ་ཀ་ནཾ་ཨཥྚ་ས་ཧ་སྲཾ་ཛུ་ཧཱུ་ཡ་བ་ཤོ་བྷ་བ་ཏི། རྒྱ་མཚོར་འབབ་པའི་ཆུ་ངོགས་གཉི་གའི་ས་བླངས་ལ་ཟ་མ་ཏོག་བགྱིས་ཏེ་ཟ་མ་ཏོག་དེར་ལིག་བུ་མིག་སྩལ་ལ་ཟ་མ་ཏོག་ཀྱང་མི་ཐོད་ཁ་སྦྱར་གྱི་ནང་དུ་སྩལ་ཏེ་མར་གྱི་ངོ་ཞག་བརྒྱད་ནས་དགུང་གསུམ་སྨྱུང་བ་བགྱིས་ཏེ་མཚན་གཅིག་མཆིས་པར་མཆིས་ལ་ལྷོ་ཕྱོགས་སུ་མཆིས་ཏེ་མི་ཐོད་ཐོགས་ལ་འབར་གྱི་བར་བཟླས་བརྗོད་བགྱིའོ། །འབར་ནས་བླངས་ཏེ་རིག་པ་མཆོག་གིས་སྲུང་བ་བགྱིས་ཏེ་ལིག་བུ་མིག་གཅིག་ལ་བཏགས་ཏེ་ལིག་བུ་མིག་དེའོ་མ་དང་ལྷན་ཅིག་འཚལ་ན། འཚལ་བ་ཙམ་གྱིས་སྐྲ་ལྕང་ལོ་འཁྱིལ་བར་འགྱུར། མདོག་ཨུཏྤ་ལའི་ཁ་དོག་ལྟ་བུར་འགྱུར།
Ba409a
༄#། །མཚོན་གང་དག་འཕངས་པ་དེ་དག་ཕྱེ་མར་ལྷགས་པར་འགྱུར། ལོ་དྲུག་ཁྲི་ཐུབ་པར་འགྱུར། དབང་ཕྱུག་ཆེན་པོའི་ཚོགས་རྣམས་གྲོགས་སུ་འགྱུར་རོ། །མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་བྱང་ཆུབ་ཀྱི་ཤིང་གི་ཞུགས་བུས་ལ་མེ་ཏོག་ཨུཏྤ་ལ་ཞོ་དང ། སྤྲང་རྩི་དང ། མར་ལ་སྨྱུགས་པ་བརྒྱ་སྟོང་སྦྱིན་སྲེག་བགྱིས་ན་ཡུལ་རྙེད་དོ། །འབྱུང་པོ་ཐམས་ཅད་དབང་དུ་བགྱི་བར་འཚལ་བས་མར་གྱི་ངོ་ཞག་གསུམ་དུ་སྨྱུང་བ་བགྱིས་ཏེ་དུར་ཁྲོད་དུ་མཆིས་ལ་པྲི་ཡང་ཀུའི་ཤིང་གི་ཞུགས་བུས་ཏེ་མར་ལ་ལན་བརྒྱ་རྩ་བརྒྱད་སྦྱིན་སྲེག་བགྱིས་ན། འབྱུང་པོ་ཐམས་ཅད་མཆི་བར་འགྱུར་ཏེ། དེ་དག་ལ་ཕྱག་བརྙན་གྱིས་ཤིག་ཅེས་བརྗོད་ན། གང་དང་གང་དུ་བསྐོས་པ་དེ་དག་ཐམས་ཅད་བགྱིད་དོ། །ཡར་གྱི་ངོ་ཚེས་ལྔ་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་ཨ་ཏི་མུཀྟ་ཀའི་མེ་ཏོག་སྟོང་རྩ་བརྒྱད་ཕུལ་ན། ལོངས་སྤྱོད་རྣམས་སྩོལ་ཏེ། ཤུགས་ལྡན་མའི་ཆོ་ག་རྫོགས་སོ།། །།རྡོ་རྗེ་གདོང་གི་ལས་རྣམས་ལགས་ཏེ། ལན་བརྒྱ་རྩ་བརྒྱད་བཟླས་བརྗོད་བགྱིས་པའི་བུམ་པས་གདུགས་བདུན་ཁྲུས་བགྱིས་ན། སྡིག་པ་ཐམས་ཅད་ལས་གྲེལ་བར་འགྱུར་རོ། །བྱིས་པ་གང་དག་གདོན་གྱིས་ཟིན་པ་དེ་ཁྲུས་བགྱིས་ན། གཏོང་བར་འགྱུར་རོ། །གདོན་གྱིས་ཟིན་པ་རྣམས་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་པའི་བདུག་པས་
Ba409b
བདུགས་ན། གཏོང་བར་འགྱུར་རོ། །གང་དག་ནམ་གྲུ་དང ། སྲུལ་པོ་དང ། གདོན་བརྙན་མས་ཟིན་པ་དེ་དག་ཚོན་སྣ་ལྔའི་སྐུད་པ་ལ་མདུད་པ་བདུན་བོར་ཏེ་ལག་པ་ལ་བཅིངས་ན། གཏོང་ངོ ། ། དུག་ལས་གསོན། ཡལ་གས་བགྱིའོ། །སྲིན་བུ་ཏི་ཀས་ཟིན་པ་དང ། ནད་ཙི་ལུ་ཏ་དང ། རྐང་ཤུ་བྱུང་བ་ལས་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ་བསྐུས་ན། ལན་གསུམ་གྱི་ཐ་མ་ལ་སོས་པར་འགྱུར་རོ། །ཕྱག་རྒྱ་གཞིག་ན། ཆབ་ཀྱིས་བགྱིའོ། །དབྱིག་དུག་བསལ་བར་བགྱི་ན། ཆབ་ཀྱིས་རྐང་ལག་བཀྲུས་ལ་སྣོད་དུ་སྩལ་ཏེ། དེ་ནས་རྩཝ་ཀུ་ཤས་བྱབས་ན་འབྱང་བར་འགྱུར་རོ། །གདོན་སྤོ་ན། ལན་བདུན་བཟླས་བརྗོད་བགྱིས་པའི་ཐལ་བས་བགྱིའོ། །ནད་ཙི་ལུ་མ་མཆིས་པར་བགྱི་ན། མཚོན་རྣོན་པོས་ས་ཤུར་གྱིས་དྲས་ལ་ཡང་རྐེད་དུ་བཅད་ན་ཙི་ལུ་མ་མཆིས་པར་འགྱུར་རོ། །ནད་བྲི་ཧ་མ་མཆིས་པར་བགྱི་བ་ཡང་དེ་བཞིན་ནོ། །འཛེར་པ་མ་མཆིས་པར་བགྱི་ན། ས་ལ་ལན་བདུན་བཟླས་བརྗོད་བགྱིས་པས་བགྱིའོ། །མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་མཆོད་པ་ཅི་ནུས་སུ་བགྱིས་ལ་གི་ཝང་རས་དཀར་པོའི་སྟེང་དུ་བཞག་སྟེ་འབར་གྱི་བར་དུ་བཟླས་བརྗོད་བགྱིའོ། །འབར་ནས་བླང་བར་བགྱིས་ཏེ། བླངས་ནས་ཐིག་ལེ་བགྱིས་ན། མི་གདའ་བར་འགྱུར། འབྱུང་པོ་ཐམས་ཅད་ཀྱིས་མི་ཚུགས་པར་འགྱུར་རོ། །ཟླ་བ་གཅིག་སློང་མོ་བའི་ཟས་འཚལ་ཞིང་ཐ་མར་ཞག་
Ba410a
༄#། །གསུམ་སྨྱུང་བ་བགྱིས་ལ་མར་གྱི་ངོ་ཞག་བཅུ་བཞི་ལ་ལག་ན་རྡོ་རྗེའི་མདུན་དུ་མཆོད་པ་རྒྱ་ཆེར་བགྱིས་ཏེ་ཤུ་དག་ཆང་པར་བཅངས་ལ་སྦྲུལ་དུ་གྱུར་གྱི་བར་བཟླས་བརྗོད་བགྱི་ཞིང ། དེས་མི་འཇིགས་པར་བགྱིའོ། །སླར་ཡང་ཤུ་དག་ཏུ་གྱུར་གྱི་བར་དུ་བཟླས་བརྗོད་བགྱིའོ། །དེ་ནས་དེ་བཟའ་བར་བགྱི་སྟེ། འཚལ་བ་ཙམ་གྱིས་གདུགས་ཤར་བ་ལྟ་བུའི་མདོག་ཅན་དུ་འགྱུར་ཞིང་ལོ་ལྔ་སྟོང་ཐུབ་པར་འགྱུར་རོ། །མར་གྱི་ངོ་ཞག་བརྒྱད་ལ་ལྷ་ཆེན་པོ་གནས་སུ་མཆིས་ལ་ཉིན་ཞག་གཅིག་སྨྱུང་བ་བགྱིས་ལ། ལྷ་ཆེན་པོ་གཞོགས་གཡས་པར་ལིག་བུ་མིག་ཨ་ཤཝཏྠའི་ལོ་མའི་སྟེང་དུ་བཞག་སྟེ་དུ་བ་འཐུལ་གྱི་བར་དུ་བཟླས་བརྗོད་བགྱིའོ། །དེ་ནས་ལིག་བུ་མིག་བླངས་ཏེ་ལྷའི་སྐལ་བ་བཞག་ལ་མིག་ལ་བསྐུས་ན། མི་གདའ་བར་འགྱུར་རོ། །ལོ་བདུན་སྟོང་ཐུབ་པར་འགྱུར་རོ། །རྒའི་མེ་ཏོག་དུར་ཁྲོད་ཀྱི་མེས་བསྲེགས་ནས་མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ནས་ལྷ་ཆེན་པོའི་གནས་སུ་མཆིས་ལ་ཤིང་ཨ་ཤཝཏྠའི་ལོ་མའི་སྟེང་དུ་བཞག་སྟེ་ལན་བརྒྱ་སྟོང་བཟླས་བརྗོད་བགྱིས་ལ་ཐིག་ལེ་བགྱིས་ན། མི་གདའ་བར་འགྱུར་རོ། །ལོ་ལྔ་སྟོང་ཐུབ་པར་འགྱུར་རོ། །ཟླ་བ་གཅིག་སྐྱོ་འཚལ་ཞིང་མར་གྱི་ངོ་ཞག་བཅུ་བཞི་ལ་མིའི་རུས་པ་ཟླ་གམ་ལྟ་བུར་བགྱིས་ལ་དེ་ནས་རིག་སྔགས་འཆང་གི་རིང་བསྲེལ་དང་བཅས་པའི་
Ba410b
མཆོད་རྟེན་གྱི་དྲུང་དུ་ལག་ན་རྡོ་རྗེའི་གཟུགས་དང ། དབང་ཕྱུག་ཆེན་པོའི་གཟུགས་བཞག་ལ་རིག་སྔགས་འཆང་གིས་བཅོམ་ལྡན་འདས་དང ། ལག་ན་རྡོ་རྗེ་དང ། དབང་ཕྱུག་ཆེན་པོ་ལ་རྒྱ་ཆེར་མཆོད་དེ་རིག་སྔགས་འཆང་གིས་ཡར་གྱི་ངོའི་ཚེས་བརྒྱད་ནས་ཉིན་ཞག་གཅིག་སྨྱུང་བ་བགྱིས་ལ་ཟླ་གམ་བླངས་ཏེ་རས་དཀར་པོའི་སྟེང་དུ་བཞག་ལ་འབར་གྱི་པར་དུ་བཟླས་བརྗོད་བགྱིའོ། །འབར་ནས་བླངས་ཏེ་མགོ་བོར་བཞག་ན། ཅི་འདོད་པའི་གཟུགས་ཅན་དུ་འགྱུར་རོ། །ལག་ན་རྡོ་རྗེ་དང ། དབང་ཕྱུག་ཆེན་པོའི་གཟུགས་སུ་ཡང་བསྒྱུར། ཡིད་ཀྱིས་གང་བསམ་པ་དེ་ཐམས་ཅད་ཀྱང་འགྲུབ་བོ། །ལོ་སྟོང་ཐུབ་པར་འགྱུར་རོ། །འཆི་བའི་དུས་ཀྱང་འཚལ་ལོ། །ཟས་སུ་འོ་སྐྱོ་འཚལ་ཞིང་ལག་ན་རྡོ་རྗེའི་མདུན་དུ་ཤླེ་ཤྨེ་ཏ་ཀའི་ཤིང་གི་ཞུགས་བུས་ལ།་ཨ་པ་མརྒའི་ཡམ་སྲེག་ཤིང་འབུམ་སྦྱིན་སྲེག་བགྱིས་ན། རྒྱལ་པོ་ཉིད་འཐོབ་བོ། །རྡོ་རྗེ་གདོང་གི་ཆོ་ག་རྫོགས་སོ།། །།རྡོ་རྗེ་ལྟེ་བའི་ལས་རྣམས་ལགས་ཏེ། རི་མོ་མཁན་གསོ་སྦྱོང་བཟུང་བས་མ་གོད་པའི་རས་ལ་སྤྱིན་དང་མ་འདྲེས་པའི་ཚོན་གྱིས་འཕགས་པ་ལག་ན་རྡོ་རྗེའི་མདོག་སྔོ་བསངས། རྒྱན་ཐམས་ཅད་ཀྱིས་བརྒྱན་པ། དར་རམ་རས་ཀྱི་ཤམ་ཐབས་ཅན་བྲི་བར་བྱའོ། །དེའི་གཡས་རོལ་ཏུ་རྡོ་རྗེའི་ལྟེ་བ་གསེར་གྱི་མདོག་ལྟ་བུ་བྲི་བར་བགྱིས་ཏེ། དེ་ཡང་རྒྱན་ཐམས་ཅད་ཀྱིས་བརྒྱན་པར་བགྱིའོ། །དེ་ནས་རིག་སྔགས་འཆང་ཟས་སུ་འོ་སྐྱོ་འཚལ་བར་
Ba411a
༄#། །བགྱིའོ། །མར་གྱི་ངོ་ཞག་བཅུ་བཞི་ནས་ཞག་གསུམ་སྨྱུང་བ་བགྱིས་ཏེ་ཅི་ནུས་ཀྱིས་མཆོད་པ་བགྱིས་ལ་ཙནྡན་དམར་པོ་མཐོ་གང་ལ་རྡོ་རྗེ་བགྱིས་ཏེ། རྡོ་རྗེའི་རྐེད་པར་ལྡོང་རོས་བཞག་ལ་བྱང་ཆུབ་ཀྱི་ཤིང་གི་ལོ་མས་གཡོགས་ཏེ་དངོས་གྲུབ་རྣམ་གསུམ་བྱུང་གི་བར་དུ་བཟླས་བརྗོད་བགྱིའོ། །འབར་བར་གྱུར་ན། བསྐལ་པར་གནས་ཤིང་རིག་སྔགས་འཆང་ཐམས་ཅད་ཀྱིས་མི་ཚུགས་པར་འགྱུར་རོ། །དཔག་ཚད་སྟོང་གྱེན་དུ་འཕགས་ཤིང་དེའི་མོད་ལ་སླར་མཆིའོ། །གང་གི་ཚེ་འགུམ་པ་དེའི་ལག་ན་རྡོ་རྗེའི་རིགས་སུ་སྐྱེའོ། །ཅི་སྟེ་དུ་བ་འཐུལ་ན་ས་བླངས་ཏེ་ཐིག་ལེ་བགྱིས་ན། མི་གདའ་བར་འགྱུར། ལོ་བཅུ་དྲུག་ལོན་པ་ལྟ་བུའི་ལུས་སུ་འགྱུར། ལོ་བདུན་སྟོང་ཐུབ་པར་འགྱུར་རོ། །བྲོ་བར་གྱུར་ནས་བླངས་ལ་ཐིག་ལེར་བགྱིས་ན། གང་མཐོང་བ་དེ་དབང་དུ་འགྱུར་ཏེ། དུད་འགྲོའི། སྐྱེ་གནས་སུ་གཏོགས་པ་ཡང་དབང་དུ་འགྱུར་རོ། །ཟླ་བ་གཅིག་ཟས་སུ་ཆུ་གྲོག་འཚལ་ཞིང་མར་གྱི་ངོ་ཞག་བརྒྱད་ནས་ཞག་གསུམ་སྨྱུང་བ་བགྱིས་ཏེ་བ་ལང་གི་ལྷས་སམ། ཀུན་དགའི་ར་བའམ། ཡང་ན་གནས་གཙང་མར་མཆོད་པ་རྒྱ་ཆེར་བགྱིས་ལ། ལྡོང་རོས་ཏིལ་གྱི་ལོ་མ་བདུན་གྱི་སྟེང་དུ་བཞག་སྟེ་གདོལ་པའི་བུ་མོའི་མོ་མཚན་ནམ། འཇི་བ་ལས་བགྱིས་པའི་མོ་མཚན་གྱི་སྟེང་དུ་གཞག་པར་བགྱི་ཞིང ། གདོལ་པའི་བུ་མོ་རལ་གྲི་ཐོགས་པ་བཞི་ཕྱོགས་བཞིར་བཞག་པར་བགྱིས་
Ba411b
ལ།་དེ་ནས་རིག་སྔགས་འཆང་གི་དངོས་གྲུབ་རྣམ་པ་གསུམ་བྱུང་གི་བར་དུ་བཟླས་བརྗོད་བགྱིའོ། །འབར་བར་གྱུར་ན། གདུགས་ཤར་བ་འདྲ་བའི་མདོག་ཏུ་འགྱུར། སྐྲ་ལྕང་ལོ་འཁྱིལ་བར་འགྱུར་རོ། །ལོ་བཅུ་དྲུག་ལོན་པ་ལྟ་བུར་འགྱུར། འོག་ཏུ་དཔག་ཚད་སྟོང་དུ་མཆི་བར་འགྱུར། སྟེང་དུ་ཡང་དེ་བཞིན་མཆི་བར་འགྱུར། དཔག་ཚད་སྟོང་ཚུན་ཆད་ཀྱིས་ཐོས་ཤིང་མཐོང་བར་འགྱུར། ལོ་ཁྲི་ཉིས་སྟོང་འཚོ་བར་འགྱུར། ནམ་མཁའ་ལ་རླུང་གི་ཤུགས་ངང་མཚུངས་པར་འགྱུར། གྲུབ་པ་ཐམས་ཅད་ཀྱང་འདེས་དབང་དུ་འགྱུར། ཚེས་གྲངས་དང་སྐར་མ་འདམ་མི་འཚ། སྨྱུང་བ་བགྱི་མི་འཚལ་ཏེ་བུད་མེད་གྱི་རོ་བླངས་ལ་ལིག་བུ་མིག་དེའི་མོ་མཚན་གྱི་སྟེང་དུ་བཞག་སྟེ་མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ལ་ལག་ན་རྡོ་རྗེའི་མདུན་དུ་མཆོད་ལ་བགྱིས་ཏེ་ལན་བརྒྱ་སྟོང་བཟླས་བརྗོད་བགྱིས་ལ། ལིག་བུ་མིག་དེ་བླངས་ཏེ་མིག་ལ་བསྐུས་ན། མི་གདའ་བར་འགྱུར། ལོ་བདུན་སྟོང་ཐུབ་པར་འགྱུར་རོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བགྱིས་ཏེ་གདོལ་བའི་ཁྱིམ་ནས་ཞུགས་བླངས་ལ་སེང་ལྡེང་གི་ཤིང་གི་ཞུགས་བུས་ཏེ་དུག་དང་ཁྲག་དང་བསྲེས་པའི་ཡུངས་ཀར་གྱིས་ལན་བརྒྱད་སྟོང་སྦྱིན་སྲེག་བགྱིས་ན། གང་གི་མིང་ནས་སྨོས་ཏེ་སྦྱིན་སྲེག་བགྱིས་པ་དེ་དབང་དུ་འགྱུར་རོ། །མར་གྱི་ངོ་ཞག་བཅུ་གཉིས་ལ་མི་རུས་ཀྱི་ཐུར་མས་བླངས་ཏེ་ལན་བརྒྱ་སྟོང་བཟླས་བརྗོད་བགྱིས་ལ་དགྲའི་ཁྱིམ་
Ba412a
༄#། །སྒོར་བཙུགས་ན། དགུང་གསུམ་གྱིས་འབྲོས་པར་འགྱུར་རོ། །རྡོ་རྗེ་ལྟེ་བའི་ཆོ་ག་རྫོགས་སོ།། །།མེ་ཁ་ལའི་ལས་རྣམས་ལགས་ཏེ། སྲུང་བ་བགྱི་ན། ལན་གདུན་བཟླས་བརྗོད་བགྱིས་པའི་སྲད་བུས་ལག་པ་ལ་བཅིང་བར་བགྱིའོ། །ཡུལ་གྲུ་སྲུང་ན། ལན་ཉི་ཤུ་རྩ་གཅིག་བཟླས་བརྗོད་བགྱིས་པའི་ཆབ་ཀྱིས་བགྱིའོ། །དབབ་ན། བྱེའུ་རུག་པའི་ལོ་མའམ་རྨ་བྱའི་མདོངས་ཀྱིས་བགྱིའོ། །གདོན་ལ་གནོད་པ་བགྱིད་ན། ཆབ་ཀྱིས་བགྱིའོ། །ཁྱིམ་མམ། ལྷ་ཁང་ངམ། ཀུན་དགའི་ར་བར་མཆིས་ལ་གང་དུ་བཟླས་བརྗོད་བགྱིས་པ་དེ་ནས་འབྱུང་པོ་གདོན་ཐམས་ཅད་འབྲོས་པར་འགྱུར་རོ། །གདོན་ཚར་བཅད་ན། ཁྲག་གིས་གཟུགས་བྲིས་ལ་རྐང་པས་མནན་ཏེ་ལན་བརྒྱ་རྩ་བརྒྱད་བཟླས་བརྗོད་བགྱིས་ན་གདོན་གྱི་རིགས་ཕུང་བར་འགྱུར་རོ། །རིག་པ་སྒྲུབ་ན། ཐོག་མ་ཉིད་ལས་འདི་བགྱིས་ཏེ་ལག་ན་རྡོ་རྗེའི་མདུན་དུ་ཤླེ་ཤྨེ་ཏ་ཀའི་ཤིང་གིས་ཞུགས་བུས་ལ་ཀུ་ར་བའི་མེ་ཏོག་བརྒྱ་སྟོང་སྦྱིན་སྲེག་བགྱིས་ན་ལྷ་དེས་རིག་པའི་ལྷ་བཟུང་ནས་ཁྲིད་དེ་མཆིའོ། །ཁྲིད་དེ་མཆིས་ནས་མྱུར་དུ་དངོས་གྲུབ་ཏུ་འགྱུར་རོ། །ཅི་སྟེ་ལོག་འདྲེན་རྣམས་ཀྱི་རིགས་སྒྲུབ་པར་འཚལ་ན་།ལོག་འདྲེན་རྣམས་ཀྱི་ལོག་འདྲེན་གྱི་རིགས་ནི། བཞི་མཆིས་ཏེ། སོ་གཅིག་པའི་རིགས་དང ། ཀམ་པོ་ཛའི་རིགས་དང ། རྣམ་པར་འཇོམས་པའི་རིགས་དང ། ཕུང་བྱེད་ཀྱི་རིགས་སོ། །སེ་
Ba412b
གཅིག་པའི་རིགས་ལ་གཙུག་ཕུད་འཕྱང་ལ་སོགས་པ་ལོག་འདྲེན་བརྒྱད་ཁྲི་མཆིས་ཏེ་དེ་དག་ནི། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་བགེགས་བགྱིད་དོ། །ཀམ་པོ་ཛའི་རིགས་ལ་ནི། དབང་ཕྱུག་ཆེན་པོའི་གཡོག་འཁོར་བ་ལང་རྣ་བ་ལ་སོགས་པ་བགེགས་དྲུག་ཁྲི་མཆིས་ཏེ། དབང་ཕྱུག་ཆེན་པོའི་ཆོ་ག་རྒྱས་པ་ལ་བགེགས་བགྱིད་ཅིང་རིག་པ་ཡང་འཇོམས་པར་བགྱིད་དོ། །རྣམ་པར་འཇོམས་པའི་རིགས་ལ་ནི། འཇིག་རྟེན་སྐྱོང་བའི་གཡོག་འཁོར་མྱ་ངན་མེད་ལ་སོགས་པ་ལོག་འདྲེན་དྲུག་ཁྲི་མཆིས་ཏེ། དེ་དག་ཀྱང་དབང་ཕྱུག་ཆེན་པོ་དང ། ཕུར་བུ་གསུམ་པའི་ཆོ་ག་རྒྱས་པ་ལ་བགེགས་བགྱིད་དོ། །ཕུང་བྱེད་ཀྱི་རིགས་ལ་ནི། ལག་ན་རྡོ་རྗེའི་གཡོག་འཁོར་མུརད་ཏ་ཀ་ལ་སོགས་པའི་ལོག་འདྲེན་བྱེ་བ་ཕྲག་འབུམ་མཆིས་ཏེ།་དེ་དག་ནི། རིག་པའི་ཆོ་ག་རྒྱས་པ་ཐམས་ཅད་ལ་བགེགས་བགྱིད་ཅིང ། རིག་པ་ཡང་འཇོམས་པར་བགྱིད་དོ། །འདི་ནི། ལོག་འདྲེན་དེ་དག་གི་སྒྲུབ་པ་ལགས་ཏེ། སོ་གཅིག་པའི་རིགས་ཀྱི་སྒྲུབ་བ་ནི། མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་དུར་ཁྲོད་ཀྱི་ཤིང་གིས་ཞུགས་བུས་ལ་བ་ལང་གི་མཁྲིས་པས་སྦགས་པའི་ཡུངས་ཀར་ལ་ལན་བརྒྱ་སྟོང་སྦྱིན་སྲེག་བགྱིས་ན། ཀྱི་ཧུད་ཀྱི་ཧུད་ཅེས་མཆི་བའི་སྒྲ་གྲག་ཅིང་གྲུབ་པར་འགྱུར་ཏེ། གྲུབ་ནས་ཀྱང་སྒྲུབ་པ་ལ་བགེགས་མི་བགྱིད་དེ། བདེ་བར་
Ba413a
༄#། །སྒྲུབ་ཏུ་མཆིས་སོ། །ཀམ་པོ་ཛའི་རིགས་ཀྱི་སྒྲུབ་བ་ནི། མར་གྱི་ངོ་ཞག་ལྔ་ལ་ཉིན་ཞག་གཅིག་སྨྱུང་བ་བགྱིས་ཏེ་ལ་གན་རྡོ་རྗེ་དང ། དབང་ཕྱུག་ཆེན་པོ་ལ་མཆོད་པ་བགྱིས་ནས་ལག་ན་རྡོ་རྗེའི་མདུན་དུ་ཨརྒའི་ཤིང་གིས་ཞུགས་བུས་ལ་མོན་སྲན་གྲེའུ་དང་མར་བསྲེས་པ་ལ་ལན་བརྒྱ་སྟོང་སྦྱིན་སྲེག་བགྱིས་ན། ལག་ན་རྡོ་རྗེའི་གཟུགས་འགུལ་ཏེ། དེ་ནས་འགྲུབ་པར་འགྱུར་རོ། །གྲུབ་ནས་ཀྱང་དབང་ཕྱུག་ཆེན་པོའི་ཆོ་ག་རྒྱས་པར་བཀླགས་པ་ཙམ་གྱིས་རིག་པ་ཐམས་ཅད་འགྲུབ་བོ། །རྣམ་པར་འཇོམས་པའི་རིགས་ཀྱི་སྒྲུབ་པ་ནི། མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བགྱིས་ཏེ་མཚན་གཅིག་མཆིས་པར་མཆིས་ལ་མཆོད་པ་རྒྱ་ཆེན་པོ་བགྱིས་ལ་ལོག་འདྲེན་རྣམས་ལ་ཡང་གཏོར་མ་བགྱིའོ། །དེའི་མདུན་དུ་བེ་ཀངྐ་ཏའི་ཞུགས་བུས་ལ་ཁྲག་དང་བསྲེས་པའི་ཡུངས་ཀར་གྱིས་ལན་བརྒྱ་སྟོང་སྦྱིན་སྲེག་བགྱིས་ན། དེའི་འོག་ཏུ་གྲིབ་མ་གདའ་ཞིང་འགྲུབ་པར་འགྱུར་རོ། །རྣམ་པར་འཇོམས་པའི་རིགས་གྲུབ་ན། ལོག་འདྲེན་རྣམས་དབང་དུ་འགྱུར་རོ། །གང་དང་གང་དུ་དགོས་པ་དེ་ཐམས་ཅད་བགྱིད་དོ། །ཕུང་བྱེད་ཀྱི་རིགས་ཀྱི་སྒྲུབ་པ་ནི།་ཟླ་བ་ཕྱེད་ཟས་སུ་འོ་སྐྱོ་འཚལ་ཞིང་མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་མཆོད་བ་རྒྱ་ཆེར་བགྱིས་ལ་ཞུགས་
Ba413b
མར་གཉིས་བུས་ཏེ། གཅིག་ནི། ལག་ན་རྡོ་རྗེ་ལ་དབུལ་ལོ། །གཅིག་ནི། མུརད་ཏ་ཀ་ལ་དབུལ་ལོ། །དེ་ནས་རིག་སྔགས་འཆང་གིས་སྲུང་བ་བགྱིས་ལ་ལག་ན་རྡོ་རྗེའི་མདུན་དུ་སེང་ལྡེང་གི་ཤིང་གིས་ཞུགས་བུས་ཏེ་ན་ལེ་ཤམ་དཀར་པོ་དག་གི་ཁྲག་བསྲེས་པས་ལན་བརྒྱ་སྟོང་སྦྱིན་སྲེག་བགྱིས་ན། ལག་ན་རྡོ་རྗེའི་རྐང་པ་གཡས་པའི་མཐེ་བོང་ལས་འོད་ཟ་འབྱུང་སྟེ། དེ་ནས་འགྲུབ་པར་འགྱུར་རོ། །ཕུང་བྱེད་ཀྱི་རིགས་སྒྲུབ་ན། རིག་པའི་ཆོ་ག་ཐམས་ཅད་བདེ་བར་སྒྲུབ་ཏུ་མཆིས་ཏེ། བགེགས་མ་མཆིས་པའོ། །ལོག་འདྲེན་དེ་དག་ཀྱང་ཕྱག་བརྙན་དུ་འགྱུར་རོ། །ལོག་འདྲེན་རྣམས་ཀྱང་རིག་སྔགས་འཆང་ལ་གསང་སྔགས་སྩོལ་ཏེ། དེས་ལོ་སྟོང་ཐུབ་པར་འགྱུར་རོ། །ཟས་སུ་འོ་ཐུག་འཚལ་ཞིང་ལག་ན་རྡོ་རྗེའི་མདུན་དུ་ལན་འབུམ་བཟླས་བརྗོད་བགྱིས་ན། མེ་ཁ་ལ་འགྲུབ་པར་འགྱུར་ཏེ། གདུགས་གཅིག་བཞིན་ཀཪྵ་པ་ཎ་བརྒྱ་སྟོང་སྩོལ་ཏོ། །རྟག་ཏུ་བཟླས་བརྗོད་བགྱིས་ན། དགྲ་ལས་རྒྱལ་ལོ། །མར་གྱི་ངོ་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་པདྨ་བརྒྱ་སྟོང་ཕུལ་ན། རིག་པའི་རྒྱལ་པོ་དམ་པ་སྩོལ་བར་འགྱུར་རོ། །མེ་ཁ་ལའི་ཆོ་ག་རྫོགས་སོ།། །། གདོན་དཀར་མོའི་ལས་རྣམས་ལགས་ཏེ། རི་མོ་མཁན་གསོ་སྦྱོང་བཟུང་བས་མ་གོད་པའི་རས་ལ་སྦྱིན་དང་མ་འདྲེས་པའི་ཚོན་གྱིས་ལག་ན་རྡོ་རྗེ་མདོག་སྔོ་བསངས། རྒྱན་ཐམས་ཅད་
Ba414a
༄#། །ཀྱིས་བརྒྱན་པ། ཕོ་ཉ་མོ་བཅུ་གཉིས་ཀྱིས་བསྐོར་བ་བྲི་བར་བགྱི་སྟེ། ཁ་དོག་ཇི་ལྟ་བ་བཞིན་དུ་བྲི་བར་བགྱིའོ། །ཕོ་ཉ་མོ་ཐམས་ཅད་ཀྱང་རྒྱན་ཐམས་ཅད་ཀྱིས་བརྒྱན་པ་བྲི་བར་བགྱིའོ། །ཐ་མར་རིའི་རྩེ་མོ་རྣམས་བྲི་བར་བགྱིའོ། །དེ་ནས་རིག་སྔགས་འཆང་གིས་ཡར་གྱི་ངོ་ཚེས་གཅིག་ནས་བརྩམས་ཏེ་ཟས་སུ་ཆུ་སྒྲོག་འཆལ་ཞིང་མར་གྱི་ངོ་ཞག་བརྒྱད་ལ་ཐུག་གི་བར་དུ་བཟླས་བརྗོད་བགྱིའོ། །མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེ་ལ་མཆོད་པ་རྒྱ་ཆར་བགྱིས་ལ་འབྱུང་བོའི་གཏོར་མ་ཡང་བཟང་དུ་བགྱིའོ། །དེའི་འོག་ཏུ་རིག་སྔགས་འཆང་གིས་རི་མོའི་གཟུགས་ཀྱི་མདུན་དུ་བྱང་ཆུབ་ཀྱི་ཤིང་གིས་ཞུགས་བུས་ལ་པདྨ་ཞོ་དང་སྦྲང་རྩི་དང་མར་ལ་སྨྱུགས་པ་བརྒྱ་སྟོང་སྦྱིན་སྲེག་བགྱིའོ། །དེ་ནས་ཅ་ཙོའི་སྒྲ་ཆེན་པོ་གྲག་པར་འགྱུར་ཏེ། དེ་ལ་མི་འཇིགས་པར་བགྱིའོ། །དེ་ནས་གདོང་དཀར་མོ་གཟུགས་མི་སྡུག་པར་བསྒྱུར་ནས་མཆི་སྟེ། དེ་ལ་ཡང་མ་འཇིགས་པར་བགྱིའོ། །རྡོ་རྗེ་བཞད་མའི་བཟླས་བརྗོད་བགྱིས་ལ་དེ་ལ་འདི་སྐད་ཅེས་ལག་ན་རྡོ་རྗེའི་གནང་ཆེན་མ་བཅོམ་ལྡན་འདས་མ་ཁྱོད་ལེགས་པར་བྱོན་ཏམ་ཞེས་བརྗོད་པར་བགྱིའོ། །དེ་དེ་སྐད་ཐོས་ནས་དགའ་བར་འགྱུར་ཏེ། དེས་འདི་སྐད་དུ་ཆི་བྱ་བ་ཞེས་བརྗོད་པ་དང ། བཅོམ་ལྡན་འདས་མ་ལོ་ལྔ་
Ba414b
སྟོང་ཐུབ་པར་འཚལ་ལོ་ཞེས་བརྗོད་པར་བགྱི་སྟེ། དེ་བཞིན་དུ་གྱུར་ཅིག་ཅེས་བརྗོད་ནས་དགའ་བའི་ཡིད་ཀྱིས་རལ་གྲི་སྩོལ་ཏེ། དེ་ནས་མི་གདའ་བར་འགྱུར་རོ། །རལ་གྲི་དེ་བླངས་ནས་སྐྲ་ལྕང་ལོར་འཁྱིལ་བར་འགྱུར། གདུགས་ཤར་བ་ལྟ་བུའི་མདོག་ཅན་དུ་འགྱུར། རིག་སྔགས་འཆང་ཐམས་ཅད་ཀྱི་སྙིང་དུ་སྡུག་པར་འགྱུར་རོ། །མ་བསྒྲུབས་པར་ལས་རྣམས་འགྲུབ་པར་འགྱུར་རོ། །དབབ་པར་བགྱི་ན། གདོན་གྱིས་ཟིན་པའི་རྐང་པ་ལ་རྐང་པས་མནན་ཏེ་དབབ་པར་བགྱིའོ། །འབྱུང་པོ་དང ། ཤ་ཟ་རྣམས་དབབ་ན། ལན་བདུན་བཟླས་བརྗོད་བགྱིས་པའི་ཡུངས་ཀར་གྱིས་བགྱིའོ། །དུག་ལས་གསོ་ན། ཡལ་གས་བགྱིའོ། །གདོན་བཟའ་བར་བགྱི་ན། ལན་གསུམ་བཟླས་བརྗོད་བགྱིས་པའི་མེ་ཏོག་དམར་པོས་བགྱིའོ་གདོན་འཁུངས་པར་བགྱི་ན། ཡིད་ཀྱིས་བཟླས་བརྗོད་བགྱིས་པས་བགྱིའོ། །དབྱེ་བར་བགྱི་ན། མར་གྱི་ངོ་ཞག་བརྒྱད་ནས་བརྩམས་ཏེ་ལག་ན་རྡོ་རྗེའི་མདུན་དུ་གདུགས་བདུན་དུས་གསུམ་དུ་བ་རུ་རའི་ཤིང་གིས་ཞུགས་བུས་ལ། སྦྲུལ་ཁོག་པ་བརྗེས་པའི་སྲེག་བླུགས་གསུམ་སྦྱིན་སྲེག་བགྱིའོ། །ལོང་བར་བགྱི་ན། དབང་ཕྱུག་ཆེན་པོའི་གནས་སུ་མཆིས་ལ་ནེའུ་ལེའུ་ལྕེས་ལན་བརྒྱད་བརྒྱ་སྦྱིན་སྲེག་བགྱི་ཞིང་མིང་ནས་ཕྱུང་ན། ལོང་བར་འགྱུར་རོ། །ལག་ན་རྡོ་རྗེའི་མདུན་དུ་ཤུ་དག་བརྒྱད་བརྒྱ་སྦྱིན་སྲེག་བགྱིས་ན། སྔ་མཁོ་བཞིན་དུ་འགྱུར་རོ།
Ba415a
༄#། །གདོང་དཀར་མོའི་ཆོ་ག་རྫོགས་སོ།། །།རྡོ་རྗེ་སེར་མོའི་ལས་རྣམས་ལགས་ཏེ། ཡར་གྱི་ངོ་ཚེས་བརྒྱད་ནས་བརྩམས་ཏེ་དུར་ཁྲོད་དུ་ཟླ་བ་དྲུག་བཟླས་བརྗོད་བགྱིས་ན། རྒྱལ་པོ་ཉིད་སྩོལ་ཏོ། །ཟླ་བ་གསུམ་བཟླས་བརྗོད་བགྱིས་ན། ཉི་ཚེ་བའི་ལོངས་སྤྱོད་རྣམས་སྩོལ་ཏོ། །ཟླ་བ་གཅིག་བཟླས་བརྗོད་བགྱིས་ན། དི་ན་ར་ཁྲི་ཉིས་སྟོང་སྩོལ་ཏོ། །ཟས་སུ་ནི། སློང་མོའི་ཟས་རྣམས་བཟའ་བར་བགྱིའོ། །དགྲ་བསྐྲད་པར་འཚལ་ན། བྱ་ནག་བཀྲའི་འདབ་མ་བླངས་ཏེ་ལག་ན་རྡོ་རྗེའི་མདུན་དུ་ལན་བརྒྱ་སྟོང་བཟླས་བརྗོད་བགྱིས་ལ་དགྲའི་ཁྱིམ་དུ་བཞག་ན་དགྲ་འཕྲལ་དུ་འབྲོས་སོ། །གཞན་ནད་ཀྱིས་འདེབས་པར་འཚལ་ན། མར་གྱི་ངོ་ཞག་བརྒྱད་ལ་ལག་ན་རྡོ་རྗེའི་མདུན་དུ་ཤིང་བཛྲའི་རྩ་བས་རྡོ་རྗེ་ལ་བདུག་པར་བགྱི་ཞིང ། རིག་པ་ཡང་ལན་བརྒྱ་སྟོང་བཟླས་བརྗོད་བགྱིས་ན། གང་ཡིད་ལ་བསམ་པ་དེ་ནད་ཀྱིས་ཐེབས་པར་འགྱུར་རོ།། ལག་ན་རྡོ་རྗེའི་མདུན་དུ་ལྕེ་པོག་གིས་བདུག་ཅིང་རིག་པ་ཡང་ལན་བརྒྱད་སྟོང་བཟླས་བརྗོད་བགྱིས་ན། གསོས་པ་བགྱིས་པར་འགྱུར་རོ། །འབྱུང་པོ་དང་ཤ་ཟ་རྣམས་རེངས་པར་བགྱི་ན། ཡིད་ཀྱིས་བགྱིའོ། །དབབ་པའི་མེ་ལོང་གིས་བགྱིས་ཏེ། མེའི་སྦྱིན་སྲེག་བགྱིས་པའི་ཐལ་བས་དག་པར་ཕྱིས་ལ་ཁྱེའུ་དག་ལ་བསྟན་ན། བདེན་པ་
Ba415b
བརྗོད་དོ། །གདོན་བསྐྲད་ན། ཡུངས་ཀར་གཏུན་དུ་བརྡུངས་ན་དུ་ཞིང་གཏོང་བར་འགྱུར་རོ། །དུར་ཁྲོད་ཀྱི་སོལ་པས་ས་ལ་གཟུགས་བྲིས་ལ་དེའི་ལག་པའམ་མགུལ་བར་ལག་ན་རྡོ་རྗེ་བྲིས་ཏེ་མནན་ན་གཏོང་བར་འགྱུར་རོ། །མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བྱས་ཏེ་ལག་ན་རྡོ་རྗེའི་མདུན་དུ་ཡུངས་ཀར་ཟ་མ་ཏོག་ཏུ་སྩལ་ལ་བཟླས་བརྗོད་བགྱིས་ན། དེས་རེག་པ་ཙམ་གྱིས་གདོན་དུ་ཞིང་གཏོང་བར་འགྱུར་རོ། །དགྲ་བསད་པར་འཚལ་ན། དུར་ཁྲོད་ཀྱི་སོལ་བ་བླངས་ལ་གཟུགས་བྲིས་ཏེ་སྙིང་གར་མནན་ལ་བཟླས་བརྗོད་བགྱིས་ན་འཕྲལ་དུ་དགྲ་མ་ལགས་པར་འགྱུར་རོ། །ཚེས་གྲངས་དང་སྐར་མ་གདམ་མི་འཚལ། སྨྱུང་བ་བགྱི་མི་འཚལ་ཏེ། དགྲ་སྐམ་པར་བགྱི་ན། མར་གྱི་ངོ་ཞག་བརྒྱད་ལ་ཤིང་མ་ད་ན་ལས་གཟུགས་བགྱིས་ལ་སེང་ལྡེང་གི་ཕུར་བུ་སྙིང་གར་བཙུགས་ཏེ་རིག་པ་གང་ལན་བརྒྱ་སྟོང་བཟླས་བརྗོད་བགྱིས་ན་ནད་དྲག་པོས་འདེབས་ཤིང་སྐམ་པར་ཡང་འགྱུར་རོ། །ཕྱུང་ན་སོས་པར་ཡང་འགྱུར་རོ། །རྡོ་རྗེ་སེར་མོའི་ཆོ་ག་རྫོགས་སོ།། །།ནག་སེར་གྱི་ལས་རྣམས་ལགས་ཏེ། ཡུལ་གྲུ་སྲུང་ན། ཆབ་ཀྱིས་བགྱིའོ།། མཚམས་བཅད་ན། ལན་ཉི་ཤུ་རྩ་གཅིག་བཟླས་བརྗོད་བགྱིས་པའི་ཕུར་བུས་བགྱིའོ། །སྨན་སྲུང་ན། ཡིད་ཀྱིས་བགྱིའོ། །རྐང་གཉིས་པ་དང ། རྐང་བཞི་པ་རྣམས་དགར་ན་
Ba416a
༄#། །ཐལ་མོས་བརྡབས་པས་བགྱིའོ། །རིག་སྔགས་བཅད་ན། མཚོན་རྣོན་པོས་ས་ལ་ཤུབ་རེར་དྲས་ན་རིག་སྔགས་བཅད་པར་འགྱུར་རོ། །གདོན་དབབ་ན། ཡིད་ཀྱིས་བགྱིའོ། །གདོན་སྤོ་ན། ལན་བདུན་བཟླས་བརྗོད་བགྱིས་པའི་མེ་ཏོག་གིས་བགྱིའོ། །ཡར་གྱི་ངོ་ཚེས་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་རྒྱ་མཚོར་འབབ་པའི་ཆུ་ཀླུང་དུ་ཞུགས་ལ་རིག་པ་ལན་བརྒྱ་སྟོང་བཟས་བརྗོད་བགྱིས་ན། འགྲུབ་པར་འགྱུར་རོ། །གྲུབ་ནས་ལས་སུ་གྱུར་ཏེ་གླང་པོ་ཆེ་རེངས་པར་བགྱི་བ་དང ། རྟ་རེངས་པར་བགྱི་ཕ་དང ། ཕ་རོལ་གྱི་དམག་ཚོགས་རོངས་པར་བགྱི་བ་དང ། གང་ཡིད་ལ་བསམ་པ་དེ་དག་ཐམས་ཅད་རེངས་པར་བགྱིད་དོ། །མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་ནག་མོའི་མདུན་དུ་ཨརྒའི་ཤིན་གིས་ཞུགས་བུས་ལ་འབྲས་སཱ་ལུ་མར་དང་བསྲེས་པས་ལན་བརྒྱ་སྟོང་སྦྱིན་སྲེག་བགྱིས་ན། ནག་མོ་མཆིས་པར་འགྱུར་ཏེ། དེ་ལ་ཕོ་ཉ་མོའི་གསང་སྔགས་ཀྱིས་མཆོད་ཡོན་ཕུལ་ན། དེ་ཁྱོད་ཉིད་ལ་དམ་པ་གང་སྦྱིན་པར་བྱ་ཞེས་སྨྲ་བར་འགྱུར་རོ། །དེ་ལ་འདི་སྐད་དུ་སའི་བདག་པོར་གྱུར་པ་སྩོལ་ཅིག་ཅེས་བརྗོད་པར་བགྱིའོ། །དེས་འདི་སྐད་དུ་ཡུལ་གཅིག་གི་རྒྱལ་པོར་གྱུར་ཅིག་ཅེས་བརྗོད་ན། དེ་བཞིན་དུ་གྱུར་ཅིག་ཅེས་བརྗོད་པར་བགྱི་སྟེ། སླར་གཏང་
Ba416b
བའི་གསང་སྔགས་ཀྱིས་ཀྱང་སླར་གཏང་ཞིང ། མེ་ཏོག་དཀར་པོས་ཀྱང་སླར་བཏང་ན། དེ་ནས་མི་གདའ་བར་འགྱུར་རོ། །ལུང་ཐང་གི་ཤིང་དྲུང་ན་གཏུམ་མོ་ཁ་ཤར་ཕྱོགས་སུ་བསྟན་པ་མཆིས་པ་དེའི་མདུན་དུ་མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བགྱིས་ཏེ་དུ་བམ་མཆིས་པའི་མདག་མར་མེའི་སྙིང་པོ་བརྒྱ་སྟོང་བོར་ན། དི་ན་ར་སྟོང་སྩོལ་ཏོ། །ནག་སེར་གྱི་ཆོ་ག་རྫོགས་སོ།། །།རྡོ་རྗེ་བསྟོད་དེ་འཛིན་པའི་ལས་རྣམས་ལགས་ཏེ། མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་མེ་ཏོག་དཀར་པོ་བརྒྱ་སྟོང་ཕུལ་ན།་མཚན་མས་བཏབ་བསྟོད་སྩོལ་ཏོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་རྐང་པ་གཡས་པའི་མཐེ་བོང་ནས་བཟུང་ལ་གཟུགས་འགུལ་གྱི་བར་དུ་བཟླས་བརྗོད་བགྱིས་ན། ཡིད་ཀྱིས་བསམ་པས་རེངས་པར་བགྱིད་དེ། དུད་འགྲོའི་སྐྱེ་གནས་སུ་མཆི་བའི་སེམས་ཅན་དེ་དག་ཐམས་ཅད་རེངས་པར་བགྱིད་དོ། ། ཡིད་ཀྱིས་གྲོལ་བར་འགྱུར་རོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་པ་བགྱིས་ཏེ་ལག་ན་རྡོ་རྗེའི་མདུན་དུ་ལག་ན་རྡོ་རྗེ་ལ་མཆོད་པ་བགྱིས་ལ་ཤིང་ཤླེ་ཤྨེ་ཏ་ཀའི་ཕུར་བུ་བླངས་ཏེ་སྐུད་པ་དམར་པོས་དཀྲིས་ལ་དེ་ནས་རིག་སྔགས་འཆད་གིས་པ་ལ་ཤའི་ཤིང་གིས་ཞུགས་བུས་ཏེ་ཕུར་བུ་ལ་ལན་བརྒྱ་སྟོང་བཟླས་བརྗོད་བགྱིས་ལ་དེ་ནས་དུམ་བུ་གསུམ་
Ba417a
༄#། །དུ་བཅད་དེ། དུམ་བུ་རེ་རེ་ལ་ལན་ཉི་ཤུ་རྩ་རེ་རེ་བཟླས་བརྗོད་བགྱིས་ལ་ཞུགས་སུ་བོར་ན། ནང་པར་དི་ན་ར་སུམ་སྟོང་སྩོལ་ཏོ། །ཡར་གྱི་ངོ་ཚེས་བརྒྱད་ལ་ཞག་གཅིག་སྨྱུང་བ་བགྱིས་ཏེ་རྒྱ་མཚོར་འབབ་པའི་ཆུ་ཀླུང་དུ་ཞུགས་ལ་པདྨ་འབུམ་ཕུལ་ན་རྒྱལ་པོ་ཉིད་སྩོལ་ཏེ། །སྐྱེས་པ་དབང་དུ་བགྱི་ན། མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་བྱང་ཆུབ་ཀྱི་ཤིང་གིས་ཞུགས་བུས་ལ་ཀུ་མུ་དའི་མེ་ཏོག་ཞོ་དང་སྦྲང་རྩི་དང་མར་ལ་སྨྱུགས་པ་བརྒྱ་སྟོང་སྦྱིན་སྲེག་བགྱིས་ན་སྐྱེས་པ་དབང་དུ་འགྱུར་རོ། །བུད་མེད་དབང་དུ་བགྱི་ན། མར་གྱི་ངོ་ཞག་བཅུ་གཉིས་ལ་ལག་ན་རྡོ་རྗེའི་མདུན་དུ་དྲི་མཆོག་གི་མེ་ཏོག་བརྒྱ་སྟོང་གིས་ལག་ན་རྡོ་རྗེ་ལ་བསྣུན་ན་བུད་མེད་དབང་དུ་འགྱུར་རོ། །རྡོ་རྗེ་བསྟོད་དེ་འཛིན་གྱི་ཆོ་ག་རྫོགས་སོ།། །།རྡོ་རྗེ་སེངྒེའི་ཁྲིའི་ལས་རྣམས་ལགས་ཏེ། དབབ་ན། གདོན་གྱིས་ཟིན་པའམ། མ་ཟིན་པ་ཡང་རུང་གུ་གུལ་གྱིས་དབབ་པོ། །གདོན་བཅིངས་ན། ཡིད་ཀྱིས་བགྱིའོ། །གདོན་སྐྲག་པར་བགྱི་ན། ལན་བདུན་བཟླས་བརྗོད་བགྱིས་པའི་ཐལ་མོས་བརྡབ་པར་བགྱིའོ། །གདོན་འབྲོས་པར་བགྱི་ན། སོལ་བས་གཟུགས་བྲིས་ལ་ལྕུག་མས་བསྣུན་ན་གཏོང་བར་འགྱུར་རོ། །གདོན་སྐམ་ན། གུ་གུལ་གྱི་བདུག་པས་བགྱིའོ། །གདོན་བཟའ་བར་བགྱི་ན།
Ba417b
ལན་བདུན་བཟླས་བརྗོད་བགྱིས་པའི་ཤས་བགྱིའོ། །གདོན་གཅད་ན། མཚོན་རྣོན་པོས་རྩཝ་ཀུ་ཤ་བཅད་ན་གདོན་བཅད་པར་འགྱུར་རོ། །དུག་སྤོ་ན། ཆབ་བམ། ཡལ་གས་བགྱིའོ།། བྱིས་པ་གདོན་གྱིས་ཟིན་པ་རྣམས་ལ་ཡལ་གས་བྱ་བ་པར་བགྱིའོ། །ཆུར་མི་འབྱིང་པར་བགྱི་ན། ལན་བདུན་བཟླས་བརྗོད་བགྱིས་པའི་ཡུངས་ཀར་གྱིས་བགྱིའོ། །མཚོན་གྱིས་མི་ཚུགས་པར་བགྱི་ན། ཡིད་ཀྱིས་བགྱིའོ། །མར་གྱི་ངོ་ཞག་བཅུ་བཞི་ལ་ལག་ན་རྡོ་རྗེའི་མདུན་དུ་ཙནྡན་དམར་པོས་གདོང་དམར་ཕྲིས་ནས་དེ་ལ་གཏོར་མ་སྣ་ཚོགས་སྩལ་ཅིང་གྲོག་མཁར་གྱིས་ལ་མདུད་རྩེ་གསུམ་པ་བགྱིས་ཏེ་ལག་པ་གཡོན་ན་རྡོ་རྗེ་ཐོགས་པ་མདུང་རྩེ་གསུམ་པའི་སྟེང་དུ་མཆིས་ཏེ་ལན་བརྒྱ་སྟོང་བཟླས་བརྗོད་བགྱིས་ན། གཏེར་མཐོང་བར་འགྱུར་རོ། །ཡར་གྱི་ངོ་ཚེས་ལྔ་ནས་བརྩམས་ཏེ་རྒྱ་མཚོར་འབབ་པའི་ཆུ་ཀླུང་དུ་ཞུགས་ལ་ལན་འབུམ་བཟླས་བརྗོད་བགྱིས་ན། རིག་སྔགས་འཆང་གི་འཁོར་ལོས་བསྒྱུར་བར་འགྱུར། རིག་སྔགས་ལན་དུག་སྟོང་གི་གཡོག་འཁོར་དང་ལྡན་པར་འགྱུར་རོ། །བསྐལ་པར་གནས་པར་ཡང་འགྱུར་རོ། །ཟླ་བ་གཅིག་ཟས་སུ་འོ་སྐྱོ་འཚལ་ཞིང་མར་གྱི་ངོ་ཞག་བཅུ་བཞི་ལ་ཞག་གསུམ་སྨྱུང་བ་བགྱིས་ཏེ་དབང་ཕྱུག་ཆེན་པོའི་གནས་སུ་མཆིས་ལ་གློ་གཡས་ལོགས་སུ་མཆོད་པ་བགྱིས་ཏེ་ཕག་རྒོད་ཀྱི་མཆེ་བ་ལ་གི་ཝང་གིས་བསྐུས་ལ་རས་དཀར་པོའི་སྟེང་དུ་བཞག་
Ba418a
༄#། །སྟེ་རིག་པ་བཟླས་བརྗོད་བགྱིས་ན། བགེགས་རྣམ་པ་སྣ་ཚོགས་འབྱུང་སྟེ། རིག་བའི་རྒྱལ་པོས་བསྣུན་པར་བགྱིའོ། །དེ་ནས་མཆེ་བ་དེ་འབར་བར་འགྱུར་ཏེ། འབར་ནས་བླང་བར་བགྱིའོ། །བླངས་མ་ཐག་ཏུ་མདུད་རྩེ་གསུམ་པར་འགྱུར་ཏེ། རིག་སྔགས་ཐམས་ཅད་ཀྱི་སྤྱོད་ཡུལ་དུ་མི་འགྱུར། དཔག་ཚད་གྱེན་དུ་འཕགས་པར་འགྱུར་རོ། །ལོ་དགུ་སྟོང་ཐུབ་པར་འགྱུར་རོ། །རྡོ་རྗེ་སེངྒེའི་ཁྲིའི་ཆོ་ག་རྫོགས་སོ།། །རྡོ་རྗེ་ལྡན་མའི་ལས་རྣམས་ལག་སྟེ། རི་མོ་མཁན་གསོ་སྦྱོང་བཟུང་བས་མ་གོད་པའི་རས་ལ་སྦྱིན་དང་མ་འདྲེས་པའི་ཚོན་གྱིས་འཕགས་པ་ཕྱག་ན་རྡོ་རྗེ་མདོག་སྡོ་བསངས། རྒྱན་ཐམས་ཅད་ཀྱིས་བརྒྱན་པ་བྲི་བར་བྱའོ། །དེའི་གཡས་རོལ་དུ་རྡོ་རྗེ་དང་ལག་བཟང་ཡང་བྲི་བར་བགྱི་སྟེ། གཉི་ག་ཡང་གསེར་གྱི་མདོག་ཅན། རྒྱན་ཐམས་ཅད་ཀྱིས་བརྒྱན་པར་བགྱིའོ། །གཡོན་རོལ་དུ་རྡོ་རྗེ་ལྡན་མ་རྒྱན་ཐམས་ཅད་ཀྱིས་བརྒྱན་པ་བྲིའོ། །ཐ་མར་རིའི་རྩེ་མོ་རྣམས་བྲི་བར་བགྱིའོ། །དེ་ནས་རིག་སྔགས་འཆང་གིས་ཚེས་གཅིག་ནས་བརྩམས་ཏེ་ཟས་སུ་འོ་སྐྱོ་འཚལ་ཞིང་ཟླ་བ་ཉའི་བར་དུ་བཟླས་བརྗོད་བགྱིའོ། །དེ་ནས་ཞག་གསུམ་སྨྱུང་བར་གྱིས་ཏེ་བཅོམ་ལྡན་འདས་ལ་མཆོད་པ་རྒྱ་ཆེར་བགྱིས་ལ་བིལ་བའི་ཤིང་གིས་ཞུགས་བུས་ལ་བིལ་བའི་མེ་ཏོག་ཞོ་དང་སྦྲང་རྩི་དང་མར་ལ་སྨྱུགས་པ་བརྒྱ་
Ba418b
སྟོང་སྦྱིན་སྲེག་བགྱིས་ན། དེ་ནས་རྡོ་རྗེ་རྗེའི་འགུལ་ནས་གྲུབ་པར་འགྱུར་ཏེ། ཉིན་གཅིག་བཞིན་དི་ན་ར་ལྔ་ལྔ་སྩོལ་ཏོ། །དེ་བཞིན་དུ་དགོད་པར་བགྱིའོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བགྱིས་ཏེ་རི་མོའི་གཟུགས་ཀྱི་མདུན་དུ་དུ་བ་མ་མཆིས་པའི་མདག་མེ་ལ་ཨ་ཀ་རུ་སྟོང་སྦྱིན་སྲེག་བགྱིས་ན། རི་མོའི་གཟུགས་ཀྱི་མེ་ཏོག་གི་ཕྲེང་བ་འགུལ་ནས་འགྲུབ་པར་འགྱུར་ཏེ། གྲུབ་ནས་ཡུལ་གྲུ་སྩོལ་ལོ། །བུད་མེད་དབང་དུ་བགྱི་ན། གདུགས་བདུན་དུས་གསུམ་དུ་ཀ་ར་བཱི་རའི་ཤིང་གིས་ཞུགས་བུས་ལ་མར་དང་བསྲེས་པའི་ཡུངས་གྱིས་སྦྱིན་སྲེག་ལན་བརྒྱ་སྟོང་བགྱིའོ། །ཡུགས་ས་མོ་དབང་དུ་བགྱི་ན། ས་ཕྱོགས་གཙང་མར་ལུང་ཐང་གི་ཤིང་གིས་ཞུགས་བུས་ལ་ཏིལ་ལ་ལན་བརྒྱ་སྟོང་སྦྱིན་སྲེག་བགྱིས་ན་ཡུགས་ས་མོ་དབང་དུ་འགྱུར་རོ། །སྐྱེས་པ་དབང་དུ་བགྱི་ན། མར་གྱི་ངོ་ཞག་བཅུ་བཞི་ལ་ཞུག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་ཨརྒའི་ཤིང་གིས་ཞུགས་བུས་ལ་སྐེ་ཚེའི་འབྲུ་ལ་ལན་བརྒྱད་སྟོང་སྦྱི་ན་སྲེག་བགྱིས་ན་དབང་དུ་འགྱུར་རོ། །རྡོ་རྗེ་ལྡན་མའི་ཆོ་ག་རྫོགས་སོ།། །།རྡོ་རྗེ་བཞད་མའི་ལས་རྣམས་ལགས་ཏེ། དབབ་ན། མེ་ཏོག་དཀར་པོ་དག་གིས་བགྱིའོ། །བཅིང་ན། ཡིད་ཀྱིས་བགྱིའོ། །སྨྲས་སྩལ་ན། ལན་བདུན་བཟླས་བརྗོད་བགྱིས་པའི་ཆབ་ཀྱིས་བགྱིའོ། །གང་བགྱིད་དུ་སྩལ་ན། གུ་གུལ་གྱིས་བདུག་པར་
Ba419a
༄#། །བགྱིའོ། །ཟས་སྩལ་ན། ཀཱ་ར་བཱི་རའི་མེ་ཏོག་ལ་ལན་བདུན་བཟླས་བརྗོད་བགྱིས་པར་བགྱིའོ། །བརྗོད་དུ་སྩལ་ན། ལན་བདུན་བཟླས་བརྗོད་བགྱིས་པའི་ཡུངས་ཀར་གྱིས་བསྣུན་ན་འདས་པ་དང ། མ་འོངས་པ་བརྗོད་དོ། །གདོན་དགོད་དུ་སྩལ་ན། ལན་བདུན་བཟླས་བརྗོད་བགྱིས་པའི་མེ་ཏོག་གཏོར་རོ། བཅིང་ན། ཆབ་ཀྱིས་བགྱིའོ། །བརྡེག་ན། སེ་གོལ་གཏོགས་པར་བགྱིའོ། །ཚར་གཅད་ན། རྩཝ་ལ་ལན་བདུན་སྔགས་ཀྱིས་བཏབ་ལ་མགོ་ལ་བཞག་ན་མྱོས་པར་འགྱུར་ཏེ་གདོན་འབྲོས་སོ། །བཅད་ན།་བ་ལང་གི་ལྕི་བ་ལས་གཟུགས་བགྱིས་ལ་མཚོན་རྣོན་པོས་བཅད་ན་བཅད་པར་འགྱུར་རོ། །གདོན་བསྡིགས་པ་དང་རྒྱུག་ཏུ་གཞུག་ན། མཛུབ་མོས་བསྡིག་པར་བགྱིའོ།། གདོན་དཀྱིལ་འཁོར་དུ་གཞུག་ན། རྡོ་རྗེའི་ཕྱག་རྒྱས་བསྣུན་ན་དཀྱིལ་འཁོར་དུ་གཞུག་གོ། གདོན་འབྲོས་པར་བགྱི་ན། དོན་གྱི་མདུན་དུ་ལན་བརྒྱ་རྩ་བརྒྱད་སྦྱིན་སྲེག་བགྱིས་ན་གདོན་དུ་ཞིང་འབྲོས་སོ། །གདོན་སྤོ་ན། ཡིད་ཀྱིས་གར་འཚལ་བ་དེར་རྦད་དོ། །དུག་དབབ་ན། སྲ་རྩི་པོག་གིས་བདུག་པས་བགྱིའོ། །ཕུར་བུ་དབབ་ན། ལུང་ཏང་གི་ལོ་མའི་བདུག་པས་བགྱིའོ། །རིམས་དབབ་ན། ཀཱ་ར་བཱི་རའི་མེ་ཏོག་གི་བདུག་པས་བགྱིའོ། །རིམས་ཞག་བཞི་པ་དབབ་ན། མདས་བགྱིའོ། །སྲུང་བ་བགྱི་ན། ལན་བདུན་བཟླས་བརྗོད་
Ba419b
བགྱིས་བའི་སྲད་བུས་བགྱིའོ། །ཆང་མ་རུང་བར་བགྱི་ན། གསེག་མ་ལ་ལན་བདུན་བཟླས་བརྗོད་བགྱིས་ལ་ཁང་སྟེང་དུ་བོར་ན་ཆང་མ་རུང་པར་བགྱིས་པར་འགྱུར་རོ། །གདོན་གྱིས་བཏབ་པར་བགྱི་ན། ཡིད་ཀྱིས་བགྱིའོ། །སྐྱེས་པ་དང་བུད་མེད་དབང་དུ་བགྱི་ན། མར་གྱི་ངོ་ཞག་བརྒྱད་ནས་བརྩམས་ཏེ་གདུགས་བདུན་དུས་གསུམ་དུ་ཕུབ་མ་ལས་ལན་བརྒྱ་སྟོང་སྦྱིན་སྲེག་བགྱིས་ན་དབང་དུ་འགྱུར་རོ། །དབྱེ་བར་བགྱི་ན། མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེ་མདུན་དུ་སྐྱེས་པའི་སྐྲ་ལས་ལན་བརྒྱ་སྟོང་སྦྱིན་སྲེག་བགྱིས་ན་དབྱེ་བ་བགྱིས་པར་འགྱུར་རོ། །རོ་ལངས་སྒྲུབ་པར་འཚལ་བས་ཚེས་གྲངས་དང་སྐ་ར་མ་གདམ་མི་འཚལ། སྨྱུང་བ་བགྱི་མི་འཚལ་བས་བུད་མེད་ཀྱི་རོ་ལངས་ལ་སྤོས་དང་བདུག་པས་མཆོད་དེ། མགོ་ཤར་ཕྱོགས་སུ་བསྟན་ལ། དེ་ནས་རིག་སྔགས་འཆང་གིས་རྡོ་རྗེ་བཞག་མ་བརྗོད་པར་གྱིས་ན། བུད་མེད་དེ་དགོད་ཅིང་ལྡང་བར་འགྱུར་ཏེ།་དེ་ལ་ཉལ་པོ་བགྱིའོ། །གལ་ཏེ་མ་ནུས་ན་རིག་སྔགས་འཆང་གིས་ལ་གོར་དུ་རིག་པ་མཆོག་དྲན་པར་བགྱི་ཞིང་སྙིང་པོ་གཉིས་ཀ་བཟླས་བརྗོད་བགྱིས་པའི་ཡུངས་ཀར་གྱིས་བསྣུན་པར་བགྱིའོ། །དེ་ནས་བུད་མེད་དེ་དགོད་ཅིང་མཆི་སྟེ། དེ་ལ་རྩེད་པར་བགྱིའོ། །དེ་ནས་བུད་མེད་དེ་སྦྲུམ་པར་གྱུར་ཏེ། དེ་ནས་རིག་སྔགས་འཆང་གིས་རྡོ་རྗེ་བཞད་མ་
Ba420a
༄#། །བཟླས་བརྗོད་བགྱིས་པའི་ཡུངས་ཀར་གྱིས་བསྣུན་པར་བགྱིའོ། དེ་ནས་དེ་མི་འགུལ་བར་འགྱུར་རོ། །ཡང་རིག་པ་མཆོག་གིས་ཡུངས་ཀར་གྱིས་བསྣུན་པར་བགྱིའོ། །དེ་ནས་ལྟོ་འགས་ཏེ་བཞད་མ་བཟླས་བརྗོད་བགྱིས་ལ་མངལ་བླངས་བར་བགྱིའོ། །མངལ་བླངས་ནས་ཀྱང་ཡུངས་ཀར་གྱིས་བསྣུན་ན། དུམ་བུ་བརྒྱར་འགྱུར་ཏེ། ཕྲུ་མའི་ནང་དུ་སྩལ་ལ་མི་ཐོད་གསུམ་གྱི་སྟེང་དུ་མཆིས་ལ་ཡོངས་སུ་སྨིན་པར་འགྱུར་གྱི་བར་དུ་རྡོ་རྗེ་བཞད་མ་བཟླས་བརྗོད་བགྱིས་ལ་བླངས་ཏེ་གྲོགས་རྣམས་ལ་ཡང་སྩལ་ཅིང་འཚལ་ན་སྐྲ་ལྕང་ལོ་འཁྱིལ་པར་འགྱུར། གདུགས་ཤར་བ་ལྟ་བུའི་མདོག་ཏུ་འགྱུར། ལོ་བཅུ་དྲུག་ལོན་པ་ལྟ་བུར་འགྱུར། ནམ་མཁའ་ལ་མཆི་བར་འགྱུར། རིག་སྔགས་འཆང་ཐམས་ཅད་བྲན་དུ་འགྱུར། རྡོ་རྗེའི་འཁོར་ལོས་བསྒྱུར་བར་འགྱུར། དཔག་ཚད་སྟོང་གྱེན་དུ་འཕགས་པར་འགྱུར། དཔག་ཚད་སྟོང་ཚུན་ཆད་ཀྱིས་ཐོས་པར་འགྱུར། ལ་བརྒྱད་ཁྲི་ཐུབ་པར་འགྱུར། མཚོན་ཆས་ལུས་ལ་མི་ཚུགས་པར་འགྱུར། རྡོ་རྗེ་ཉིད་དུ་འགྱུར། བདག་མཆི་བར་འཚལ་བར་འགྱུར་རོ། །ལྷའི་སྒྲུབ་པ་ནི། ཟླ་བ་གཅིག་ཟས་སུ་ཆུ་གྲོག་འཚལ་ཞིང་དེའི་འོག་ཏུ་མར་གྱི་ངོ་ཞག་བརྒྱད་ནས་ཞག་གསུམ་སྨྱུང་བ་བགྱིས་ཏེ་ལག་ན་རྡོ་རྗེ་མཆད་ཅིང་ལྷ་ཐམས་ཅད་ཀྱང་མཆོད་པར་
Ba420b
བགྱིའོ། །དེ་ནས་རིག་སྔགས་འཆང་གིས་ལག་ན་རྡོ་རྗེའི་མདུན་དུ་ལྡོང་རོས་ཤིང་ཨ་ཤཝཐའི་ལོ་མ་བདུན་གྱི་སྟེང་དུ་བཞག་སྟེ་དངོས་གྲུབ་གསུམ་བྱུང་གི་བར་དུ་བཟླས་བརྗོད་བགྱིའོ། འབར་པར་གྱུར་ན། ནམ་མཁའ་ལ་མཆི་པར་འགྱུར་རོ། །དུ་བ་འཐུལ་ན། མི་གདའ་བར་འགྱུར། ལོ་ལྔ་སྟོང་ཐུབ་པའི་རིག་སྔགས་འཆང་ཉིད་དུ་འགྱུར། ལོ་ལྔ་སྟོང་ཐུབ་པའི་རྐང་གིས་འགྲོ་བར་འགྱུར་རོ། །ས་ཕྱོགས་གང་ན་གནོད་སྦྱིན་མོ་མཆིས་བ་དེར་མར་གྱི་ངོ་ཞག་བརྒྱད་ནས་ཞག་གསུམ་སྨྱུང་བ་བགྱིས་ཏེ་གནས་དབེན་པར་མཆིས་ལ་དུར་ཁྲོད་ཀྱི་ཤིང་གིས་ཞུགས་བུས་ལ་སེང་ལྡེང་གི་ཡུམ་སྲེག་ཞིང་ཁྲག་དང་དུག་ལ་སྨྱུགས་པ་ལན་བརྒྱ་སྟོང་སྦྱིན་སྲེག་བྱིས་ན། གནོད་སྦྱིན་མོ་དེ་མཆི་བར་འགྱུར་ཏེ། མཆིས་ནས་འདི་སྐད་དུ་ཅི་བྱ་ཞེས་མཆི་བ་དང ། དེས་འདི་སྐད་དུ་གང་བསམ་པ་དེ་གྱིས་ཤིག་ཅེས་བརྗོད་པར་བགྱིའོ། །གལ་ཏེ་བཏུབ་ན་འདི་སྐད་དུ་དཔག་ཚད་བརྒྱ་ནས་བུད་མེད་ངའི་གན་དུ་ཁྲིད་ཤོག་།གྲོགས་པོ་བརྒྱད་ཅུ་ལ་ཟན་བྱིན་ཅིག། ཉིན་གཅིག་བཞིན་རས་ཟུང་བརྒྱད་དང ། ཀཪྵ་པ་ཎ་བརྒྱད་བརྒྱད་ཕུལ་ཅིག་ཅེས་བརྗོད་དང ། དེ་ལྟར་བགྱིའོ་ཞེས་མཆིས་པར་འགྱུར་ཏེ། དེའི་འགོ་ཏུ་བུད་མེད་ཁྲིད་དེ་མཆིའོ། །ཡིད་ཀྱིས་བཟླས་བརྗོད་བགྱིའོ། །ཡིད་ཀྱིས་སླར་གཏང་བར་བགྱིའོ། །རྡོ་རྗེ་བཞད་མའི་ཆོ་ག་རྫོགས་སོ།། །།ཕོ་ཉ་མོ་ཐམས་ཅད་ཀྱི་ལས་ནི། འདི་ལགས་ཏེ། རིག་པ་མཆོག་གི་
Ba421a
༄#། །ཕོ་ཉ་མོ་ནི། ལས་ཐམས་ཅད་དུ་ཡང་སྦྱར་བར་བགྱིའོ། །ལས་ཐམས་ཅད་དུ་ཡང་རིག་པ་མཆོག་གི་སྙིང་པོ་དང་ལྷན་ཅིག་སྦྱར་བར་བགྱི་སྟེ། སྒྲུབ་པ་མ་ལགས་པའི་རིག་པ་ཡང་སྒྲུབ་པར་བགྱིད་དོ། །སྲིན་བུ་ཀ་ཏའི་དུག་གིས་གནོད་བར་གྱུར་པ་རྣམས་ལ་ནི། ཡི་གེ་བྲི་བའི་གཞི་དང ། སྣག་ཚ་དང ། སྨྱུག་གུ་ཡང་སྔགས་ལན་བདུན་བདུན་གྱིས་བསྔགས་ལ་གང་འདོད་པ་བྲིས་ཏེ་བསྐུར་ན་སོས་པར་འགྱུར་རོ། །དེ་ནས་ཡང་བཅོམ་ལྡན་འདས་ལ་ལག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས།་གཞན་ཡང་གང་གིས་རིག་པ་ཐམས་ཅད་དངོས་གྲུབ་ཏུ་འགྱུར་བ་སྩོལ་བའི་རིག་པའི་ལྷ་ཐམས་ཅད་ཀྱི་གསང་བ་བརྗོད་པར་བགྱིའོ། །གལ་ཏེ་རིག་སྔགས་འཆང་རིག་པ་སྒྲུབ་པར་འཚལ་ན། རིག་པའི་ལྷ་དེ་ལ་འདིས་མགུ་བར་བགྱིའོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བགྱིས་ཏེ་རྒྱ་མཚོར་འབབ་པའི་ཆུ་ཀླུང་གི་ངོགས་གཉི་གའི་ས་བླངས་ལ་ལྷའི་གཟུགས་བགྱིས་ཏེ་སྤྱིན་དང་མ་འདྲེས་པའི་ཚོན་གྱིས་ལྷའི་ཁ་དོག་ཅི་འདྲ་བ་དེ་འདྲ་བར་བྲི་བར་བགྱིའོ། །མར་སྦྲང་རྩིས་ལྟོ་དགང་བར་བགྱིའོ། །མེ་ཏོག་པདྨའི་དབུས་སུ་ལྷ་དེ་གཞག་པར་བགྱིའོ། །པདྨའི་ཟེ་བ་ནི། ཨ་ག་རུ་དང་ཙནྡན་གྱིས་བསྐུ་བར་བགྱིའོ། །དུས་གསུམ་དུ་བདུག་པས་ཀྱང་བདུག་པར་
Ba421b
བགྱི་སྟེ།་གུ་གུལ་དང ། དུ་རུ་ཀ་དང ། ག་པུར་དང ། ཤིང་ཤ་མིའི་མེ་ཏོག་དང ། དེ་རྣམས་བསྲེས་པའི་བདུག་པས་བདུག་པར་བགྱིའོ། །གདུགས་གསུམ་གྱི་བར་དུ་བགྱིའོ། །དེ་ནས་གཟུགས་དེ་འོ་མའི་ནང་དུ་སྩལ་ཏེ་ཞིག་པར་མ་གྱུར་གྱི་བར་དུ་བཞག་ལ་ཞིག་ནས་འོ་མ་རྒྱ་མཚོར་འབབ་པའི་ཆབ་ཀྱི་ནང་དུ་སྩོལ་ཏོ། །དེ་ནས་སྦྱོར་བ་འདིས་ལྷ་ངེ་མགུ་བར་འགྱུར་ཞིང་དགའ་བ་མཐོང་སྟེ་མྱུར་དུ་དངོས་གྲུབ་ཀྱང་སྩོལ་ཏེ། བཅོམ་ལྡན་འདས། འདི་ནི། རིག་པའི་རིགས་ཐམས་ཅད་ཀྱང་གསང་བ་ལགས་ཏེ། འདིས་ལྷ་ཐམས་ཅད་འགྲུབ་པར་འགྱུར་རོ། །བཅོམ་ལྡན་འདས། གསང་བ་འདི་ནི། བདག་གིས་སེམས་ཅན་ཐམས་ཅད་ཀྱི་དོན་གྱི་སླད་དུ་བརྗོད་དོ། །བཅོམ་ལྡན་འདས། རིག་པའི་རྒྱལ་བོ་བདག་གིས་བཤད་པ་འདི་ནི། རིག་སྔགས་ཐམས་ཅད་ཀྱི་རྒྱལ་པོ་སྟེ། རིག་པ་ཐམས་ཅད་སྒྲུབ་ཏུ་སྩལ་བ། མཚུངས་པ་མ་མཆིས་པ། མི་མཉམ་པ་དང་མཉམ་པ། ཟླ་མ་མཆིས་པ་ལགས་སོ། །འདི་ནི། བདག་གིས་སེམས་ཅན་ཐམས་ཅད་ཀྱི་དོན་གྱི་སླད་དུ་བཤད་དོ། །དེ་ནས་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་འཁོར་འདུས་པ་ལ་བཀའ་སྩལ་པ།་གྲོགས་པོ་དག། བྱང་ཆུབ་སེམས་དཔའ་སེམས་དཔའ་ཆེན་པོ་སྟོབས་ཆེན་པོ་ལག་ན་རྡོ་རྗེ་མཐོང་ངམ། གསོལ་བ། བཅོམ་ལྡན་འདས། མཐོང་ལགས་སོ། །བདེ་བར་གཤེགས་
Ba422a
༄#། །པ།་མཐོང་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། གྲོགས་པོ་དག་།བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་གང་གིས་འདི་ལྟར་ཡིད་ཀྱིས་ཕྱག་འཚལ་ན་ཡང་དེས་དེ་བཞིན་གཤེགས་པ་སྟོང་ཕྲག་དགུ་ལ་ཕྱག་བྱས་པར་འགྱུར་རོ། །དེ་ནས་ཐམས་ཅད་དང་ལྡན་པའི་འཁོར་དེས་ལག་ན་རྡོ་རྗེའི་རྐང་པ་གཉིས་ལ་གཏུགས་ཏེ་ཕྱག་འཚལ་ནས་འདི་སྐད་ཅེས་བྱང་ཆུབ་སེམས་དཔའ་ཁྱོད་དེ་བཞིན་གཤེགས་པས་བསྟོད་ཅིང་བཀུར་ཏེ་བསྔགས་པ་ལེགས་སོ་ལེགས་སོ། །བརྩོན་འགྲུས་དང་བརྟུལ་བ་ཆེན་པོ་དང་ལྡན་པ་ལེགས་སོ་ཞེས་བྱ་བ་སྨྲས་སོ། །དེ་ནས་གཞོན་ནུ་རྡོ་རྗེ་སྡེས་བཅོམ་ལྡན་འདས་ཀྱི་ཞབས་དང ། ལག་ན་རྡ་རྗེ་ལ་ཕྱག་འཚལ་ཏེ་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ཡབ། བདག་ཀྱང་རིག་པ་མཆོག་ལ་དགའ་བས་གང་གིས་རིག་པ་མཆོག་སྒྲུབ་པའི་རིག་སྔགས་འཆང་དེ་ལ་གནོད་སྦྱིན་ཐམས་ཅད་དང ། ལོག་འདྲེན་ཐམས་ཅད་དང ། རིག་སྔགས་འཆང་ཐམས་ཅད་དང ། གྲུབ་པ་ཐམས་ཅད་དང ། ཀླུ་ཐམས་ཅད་དང ། ཡི་དྭགས་ཐམས་ཅད་དང ། གྲུལ་བུམ་ཐམས་ཅད་བགེགས་བགྱིད་པར་མི་འགྱུར་བར་སེམས་ཅན་ཐམས་ཅད་ཀྱི་དོན་གྱི་སླད་དུ་གསང་སྔགས་སྩལ་བར་བགྱིའོ། །དེ་ནས་གནོད་སྦྱིན་
Ba422b
གྱི་དབང་པོ་ལག་ན་རྡོ་རྗེས་གཞོན་ནུ་རྡོ་རྗེ་སྡེ་ལ་འདི་སྐད་ཅེས་སྨྲས་སོ། །བཞིན་བཟང ། ཁྱོད་སེམས་ཅན་ཐམས་ཅད་ལ་ཕན་བར་བརྩོན་པ་ལེགས་སོ། །བཞིན་བཟང ། ཁྱོད་རིག་པ་མཆོག་གི་དོན་གྱི་ཕྱིར་གསང་སྔགས་སྨྲོས་ཤིག། དེ་ནས་ཕས་གནང་བས་གཞོན་ནུ་རྡོ་རྗེ་སྡེ་དགའ་མགུ་ཡིད་རངས་ཏེ་བཅོམ་ལྡན་འདས་ཀྱི་ཞབས་གཉིས་ལ་ཕྱག་འཚལ་ནས་ལོག་འདྲེན་ངེས་པར་གཞིག་པའི་གསང་སྔགས་སྨྲས་པ། ན་མོ་བུདྡྷཱ་ཡ། ན་མོ་དྷརྨཱ་ཡ། ན་མོ་སཾ་གྷཱ་ཡ། ན་མཤྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ན་མོ་བཛྲ་སེ་ནཱ་ཡ། ཀུ་མ་ར་རཱུ་པ་དྷཱ་ར་ཎི། ཨ་པྲ་ཏི་ཧ་ཏཱ་ཡ། མ་ཧཱ་བ་ལ་པ་རཱ་ཀྲ་མཱ་ཡ། ཙ་ལ་ཙ་ལ། ཀུ་ལ་ཀུ་ལ། མ་ཐ་མ་ཐ། ནཱ་ཤ་ཡ་སརྦ་པིགྷྣན། བི་ནཱ་ཡ་ཀཾ་བནྡྷ་བནྡྷ། སྥོ་ཊ་ཡ་སྥོ་ཊ་ཡ།་མ་ར་མ་ར། བིནད་བིནྡ། ཡེ་མ་མ་དུཥྚ། ཙྪིནྡ་སྟྭཾ་མྱ་ཀྲྀནྟ་ཛམྦྷ་མོ་ཧ་ཡ་ནི། སུམྦྷ་ཡ་སྟམྦྷ་ཡ་སཝཱཧཱ། སྒྲུབ་པའི་དུས་ན་གྲོགས་མཁར་འགྱིས་ལས་རྡོ་རྗེ་བགྱིས་ཏེ་སྲུང་བ་བགྱིའོ།། སྲུང་བའི་དུས་ན་ཏིལ་ནག་པོས་སྦྱིན་སྲེག་བརྒྱ་སྟོང་བགྱིས་ན། བགེགས་ཐམས་ཅད་བཅོམ་པར་འགྱུར་རོ། །སྒྲུབ་པའི་དུས་ན་ལན་བདུན་བཟླས་བརྗོད་བགྱིས་པའི་ཡུངས་ཀར་གྱིས་མཚམས་གཅད་དོ། །རྐང་རྗེས་ཀྱི་སའམ་ཐལ་བ་ལ་ལན་གསུམ་བཟླས་བརྗོད་བགྱིས་ཏེ་སྲུང་བ་བགྱིའོ། །སྒྲུབ་པའི་དུས་ན་འཇིམ་པ་ལས་རྡོ་རྗེའི་གཟུགས་བགྱིས་ཏེ་སྤོས་
Ba423a
༄#། །དང ། མེ་ཏོག་དང ། བདུག་པས་མཆོད་ལ་རིག་པ་ལན་བརྒྱ་སྟོང་བཟླས་བརྗོད་བགྱིས་ན། སྒྲུབ་པའི་ཚེ་བྱིན་གྱིས་རློབ་པར་བགྱིད་ཅིང་དངོས་གྲུབ་ཏུ་འགྱུར་རོ། ། ལྷ་རྣམས་དབབ་ན། གུ་གུལ་གྱི་བདུག་པས་བགྱིའོ། །ཀླུ་དཀྲུག་པར་བགྱི་ན། རྡོ་རྗེའི་ཕྱག་རྒྱ་བགྱིས་ལ་ལག་ན་རྡོ་རྗེའི་མདུན་དུ་བཟླས་བརྗོད་ལན་བརྒྱད་བརྒྱ་བགྱིས་ཏེ་གང་ན་ཀླུ་གནས་པའི་མཚོ་དེར་བོར་ན། ཀླུ་ཐམས་ཅད་སྐྲག་པར་འགྱུར་རོ། །དྲི་ཟ་རྣམས་གཡོས་པར་བགྱི་ན། མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེའི་མདུན་དུ་དུར་ཁྲོད་ཀྱི་སོལ་བས་དྲི་ཟའི་གཟུགས་བྲིས་ལ། དེའི་ལྟོ་བར་སྲིན་ལག་བཞག་སྟེ་རིག་པ་ལན་བརྒྱ་སྟོང་བརྗོད་ན། སྙིང་པོ་བརྗོད་པས་མཆི་བར་འགྱུར་རོ། །མཆིས་ནས་བར་སྣང་ལས་སྨན་འདོར་ཏེ། དེ་འཚལ་ན་ཐོས་པ་འཛིན་པར་འགྱུར། དྲི་ཟ་ཐམས་ཅད་ཀྱང་སྲུང་བར་འགྱུར་རོ། །གནོད་སྦྱིན་རྣམས་བརླག་པར་བགྱི་ན། ཕྱོགས་གང་ན་གནོད་སྦྱིན་ནམ་གནོད་སྦྱིན་མོ་གནས་བའི་ཕྱོགས་དེར་མཆིས་ལ་ལྕགས་ཕུར་སོར་བཞི་པ་བླངས་ཏེ་ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ་བཙུགས་ན། གནོད་སྦྱིན་འབྲོས་པར་འགྱུར་རོ། །ཅི་སྟེ་སྒྲུབ་བར་འཚལ་ན། རི་མོ་མཁན་གསོ་སྦྱོང་བཟུང་བས་མ་གོད་པའི་རས་ལ་སངས་རྒྱས་ཀྱི་
Ba423b
གཟུགས་གསེར་གྱི་མདོག་ཅན་བྲི་བར་བགྱིའོ། །དེའི་གཡོན་རོལ་དུ་ལག་ན་རྡོ་རྗེ་མདོག་སྔོ་བསངས། རྒྱན་ཐམས་ཅད་ཀྱིས་བརྒྱན་པ་བྲིའོ། །དེ་བཞིན་གཤེགས་པའི་གཡས་རོལ་དུ་རྡོ་རྗེ་སྡེ་གཞོན་ནུའི་གཟུགས་འཛིན་པ་གསེར་གྱི་མདོག་ཅན། ལག་པ་གཡོན་པ་ན་པདྨ། གཡས་པས་དམ་པ་སྦྱིན་པར་བྲིའོ། །དེའི་འོག་རོལ་དུ་སྒྲུབ་པ་པོ་ལག་ན་པོག་ཕོར་ཐོགས་བ་བྲིའོ། །དེ་ནས་རིག་སྔགས་འཆང་གིས་ཟླ་བ་ཕྱེད་ཟས་སུ་འོ་སྐྱོ་འཐུང་ཞིང་རིག་པ་བཟླས་བརྗོད་བགྱིའོ། །དེ་ནས་མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བགྱིས་ཏེ་རྒྱ་ཆེར་མཆོད་ལ་གཏོར་མ་ཡང་རྒྱ་ཆེར་བགྱིའོ། །དེ་ནས་རིག་སྔགས་འཆང་གིས་སྣ་མའི་མེ་ཏོག་བརྒྱ་སྟོང་གིས་དེ་བཞིན་གཤེགས་པ་ལ་ཕོག་པར་བགྱིའོ། །དངོས་གྲུབ་ཀྱི་མཚན་མར་ནི། མར་མེའི་མེ་ལྕེ་གྱེན་དུ་མཆི་ལ་སྤུ་ཟིང་ཞེས་བགྱིད་ན་དངོས་གྲུབ་ཏུ་འགྱུར་རོ། །ཡིད་ཀྱིས་གང་བསམ་པ་དེ་སྩོལ་ཏེ། རིག་སྔགས་འཆང་ཉིད་དང ། འདོད་པ་དང་ལྡན་པ་ནི། མ་གཏོགས་སོ། །ལས་ཐམས་ཅད་དུ་ཡང་སྦྱར་བར་བགྱི་སྟེ། ཡིད་ཀྱི་ལས་བགྱིའོ། །རྡོ་རྗེ་སྡེའི་ཆོ་ག་རྫོགས་སོ།། །།དེ་ནས་མུ་དྷ་ད་ཀས་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ཡབ། བདག་ནི་ཁྱོད་ཀྱི་རིག་སྔགས་ཀྱི་ཆོ་ག་རྒྱས་པ་ཐམས་ཅད་ལ་བགེགས་བགྱིད་པ་ལགས་མོད་ཀྱི། གང་དག་རིག་པ་
Ba424a
༄#། །མཆོག་སྒྲུབ་པ་དེ་དག་ལ་བདག་སླར་བཅིང་བ་སྩལ་བར་བགྱིའོ། །བདག་བཅིངས་ན། རིག་སྔགས་འཆང་དེ་ལ་སུ་ཡང་བགེགས་བགྱིད་པར་མི་འགྱུར་རོ། །བཞིན་བཟང ། དེ་དེ་བཞིན་ཏེ། བདག་ཅག་བཅིང་བ་སྨྲོས་ཤིག། སྨྲོས་ཤིག། དེ་ནས་མུ་དྷ་ད་ཀས་ལག་ན་རྡོ་རྗེའི་རྐང་པ་གཉིས་ལ་གཏུགས་ཏེ་བདག་བཅིང་བའི་གསང་སྔགས་སྨྲས་པ། ན་མོ་རཏྣ་ཏྲ་ཡ་སྱ། ན་མཤྩཎྜ་བཛྲ་པཱ་ཎི་སྱ། ཏདྱ་ཐཱ། རྫི་རྫི་རུ་རུ་ཁ་རི་བི་ཁ་རི། ཏིཥྛ་ཏིཥྛ། ཙ་ལ་ཡ་ཙ་ལ་ཡ། བཛྲ་པཱ་ཎི་སྱ། ཨ་ཀྲོ་དྷ་བྷ་ཤ་དྷཾ། སྨ་ར་སྨ་ར།་བནྡྷ་བནྡྷ་སཝཱཧཱ། ལག་ན་རྡོ་རྗེ་དང།་མུ་དྷ་ད་ཀའི་མདུན་དུ་མེ་ཏོག་དམར་པོ་དང་བདུག་པས་མཆོད་ལ། དེ་ནས་སྒྲུབ་པའི་དུས་ན་སྲད་བུ་དཀར་པོ་ལ་མདུད་པ་གསུམ་དོར་རོ། །སུ་ཞིག་རྟག་ཏུ་འཆང་བ་དེ་ལ་ཐམས་ཅད་དངོས་གྲུབ་ཏུ་འགྱུར་རོ། །སྒྲུབ་པ་ཐམས་ཅད་དང ། ལས་ཐམས་ཅད་དུ་ཡང་སྤྲ་ཚིལ་ལས་མུ་དྷ་ད་ཀའི་གཟུགས་བགྱིས་ཏེ་ལག་པ་གཡོན་ན་མདུང་རྩེ་གསུམ་པ་ཐོགས་པར་བགྱིའོ། །དེ་ནས་རིག་སྔགས་འཆང་གིས་ཙནྡན་དམར་པོའི་མདུང་རྩེ་གསུམ་པས་སྙིང་གར་བཙུགས་པ་དེའི་འོག་ཏུ་རྡེའུ་ནག་པོས་བཀང་སྟེ་དངོས་གྲུབ་སྩལ་གྱི་བར་དུ་གཞག་པར་བགྱིའོ། །དེ་ནས་རིག་སྔགས་འཆང་གིས་མདུང་རྩེ་གསུམ་པ་ཕྱུང་ལ་འོ་མས་བཀྲུས་ཏེ་རིག་པ་ཡང་ལན་
Ba424b
བརྒྱ་རྩ་བརྒྱད་བཟླས་བརྗོད་བགྱིས་ལ་ཐམས་ཅད་བགྱིའོ། །གལ་ཏེ་ལས་དེ་ལྟར་མ་བགྱིས་ན། དངོས་གྲུབ་ཏུ་མི་འགྱུར་རོ། །མུ་དྷ་ད་ཀའི་སྒྲུབ་པ་ལགས་ཏེ། རི་མོ་མཁན་གསོ་སྦྱོང་བཟུང་བས་མ་གོད་པའི་རས་ལ་སངས་རྒྱས་ཀྱི་གཟུགས་གསེར་གྱི་ཁ་དོག་ཅན་བྲི་བར་བགྱིའོ། །དེ་བཞིན་གཤེགས་པའི་གཡོན་རོལ་དུ་ལག་ན་རྡོ་རྗེ་མདོག་སྔོ་བས་རྒྱན་ཐམས་ཅད་ཀྱིས་བརྒྱན་པ་བྲིའོ། །དེ་བཞིན་གཤེགས་པའི་གཡས་རོལ་དུ་ནི། འཕགས་པ་ཀུན་དགའ་བོ་གསེར་གྱི་མདོག་ཅན་ལག་ན་རྔ་ཡབ་ཐོགས་པ་བྲིའོ། །ལག་ན་རྡོ་རྗེའི་འོག་ལོགས་སུ་མུ་དྷ་ད་ཀ་མདོག་དམར་ལ་མིག་གསུམ་པ། འདོད་པའི་གཟུགས་འཛིན་པ། གད་མོ་རྟ་སྐད་འབྱིན་ཅིང་ལག་པ་གཡས་པ་ཁ་འགྲམ་དུ་བཞག་པ་བྲིའོ། །དེ་ནས་རིག་སྔགས་འཆང་གིས་མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བགྱིས་ལ་རི་མོའི་གཟུགས་ལ་མཆོད་པ་རྒྱ་ཆེར་བགྱིས་ལ་དེའི་མདུན་དུ་ཨ་ཀཪྵའི་ཤིང་གིས་ཞུགས་བུས་ཏེ་ཡུངས་ཀར་དང ། ཏིལ་ནག་པོ་དང ། འབྲས་ཡོས་དང ། འདི་རྣམས་མར་དང་བསྲེས་པ་ལ་ལན་བརྒྱ་སྟོང་བགྱིས་ན། རི་མོའི་གཟུགས་ཀྱི་མེ་ཏོག་གི་ཕྲེང་བ་འགུལ་བར་འགྱུར་ཏེ། དངོས་གྲུབ་ཏུ་འགྱུར་རོ། །དངོས་གྲུབ་ཏུ་གྱུར་ན། རྡོ་རྗེའི་རིགས་ཐམས་ཅད་ཀྱི་དངོས་གྲུབ་ཏུ་འགྱུར་རོ། །ལས་གཞན་དག་ཀྱང་\?\་
Ba425a
༄#། །བགྱིས་ཏེ། སྦྲུལ་གྱིས་ཟིན་པ་དབབ་ན། སྲ་རྩི་པོག་གིས་བདུག་པས་བགྱིའོ། །གདོན་བསྐྲད་ན། རྐང་རྗེས་ཀྱིས་ལག་མཐིལ་དུ་མདུང་རྩེ་གསུམ་པ་བྲིས་ལ་བསྟན་ན་གདོན་དུ་ཞིང་འབྲོས་སོ། །སྐྱེས་པ་དང་བུད་མེད་དབང་དུ་བགྱི་ན། མུ་དྷ་ད་ཀ་ལ་ཕྱག་བགྱིས་ལ་གདུགས་གང་ཡང་རུང་སྟེ་ཤླེ་ཤྨེ་ཏ་ཀའི་ཤིང་གིས་ཞུགས་བུས་ལ་བརུ་རའི་མེ་ཏོག་བརྒྱ་སྟོང་སྦྱིན་སྲེག་བགྱིས་ན་དབང་དུ་འགྱུར་རོ། །མོ་མཚན་བཅིང་བར་འཚལ་ན། དུར་ཁྲོད་ཀྱི་ཐལ་བ་དུར་ཁྲོད་ཀྱི་རས་ཀྱིས་བཅིངས་ལ་རིག་པ་ཡང་ལན་བརྒྱ་རྩ་བརྒྱད་བཟླས་བརྗོད་བགྱིས་ན་མོ་མཚན་བཅིངས་པར་འགྱུར་རོ། །དགྲོལ་ན་དབྱེའོ། །བྱིས་པ་གདོན་སྐེམ་བྱེད་ཀྱིས་ཟིན་པ་རྣམས་ནི། ཆབ་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་ཏེ་བཀྲུས་ན་སོས་པར་འགྱུར་རོ། །འབྱུང་པོ་དང ། འདྲེ་དང ། ཀླུ་རྣམས་བསྐྲད་ན། ཐལ་མོ་བརྡབས་པས་བགྱིའོ། །ཱརྱ་མུ་དྷ་ད་ཀའི་ཆོ་ག་རྫོགས་སོ།། །།དེ་ནས་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་བླ་གོས་ཕྲག་པ་གཅིག་ཏུ་གཟར་ཏེ་པུས་མོ་གཡས་པའི་ལྷ་ང་ས་ལ་བཙུགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གིས་ཀྱང་ལག་ན་རྡོ་རྗེ་ལ་གསང་སྔགས་སྩལ་བར་བགྱིའོ། །ལག་ན་རྡོ་རྗེ། འདི་ནི།
Ba425b
ཁྲོ་བོ་གོས་དཀར་མོའི་སྙིང་པོ་བཏོན་པ་ཙམ་གྱིས་འགྲུབ་པ་སྟེ། འདི་ཁོ་བོས་བརྗོད་པར་བགྱིའོ། །འདི་བཏོན་པ་ཙམ་གྱིས་སེམས་ཅན་ཐམས་ཅད་རེངས་པར་འགྱུར་རོ། །ན་མཿ སརྦ་ཏ་ཐཱ་ག་ཏེ་བྷྱོ། བྷ་ག་བ་ཏེ། ཨོཾ་བྷ་ཡ་ནཱ་ཤ་ནེ་ཏྲཱ་ས་ནེ་ཏྲཱ་ས་ཡ། བྷྀ་ཀུ་ཊི་ཏ་ཏི་བེ་ཏ་ཏི་སཝཱཧཱ། རིག་པ་འདི་བཏོན་པ་ཙམ་གྱིས་བགེགས་ཐམས་ཅད་བཅོམ་པར་འགྱུར་རོ། །བདག་སྲུང་ན། ཐལ་བ་ལ་ལན་བདུན་བཟླས་བརྗོད་བགྱིས་པས་བགྱིའོ། །གཞན་སྲུང་ན། སྤྱི་བོར་ལན་གསུམ་བཟླས་བརྗོད་བགྱིས་ཏེ་སྐྲ་མདུད་པར་བགྱིའོ། །སེམས་ཅན་ཐམས་ཅད་རེངས་པར་བགྱི་ན། ཡིད་ཀྱིས་བགྱིའོ། །དབང་དུ་བགྱི་ན། ཡར་གྱི་ངོ་ཟླ་བ་ཉ་ལ་ཞག་གཅིག་སྨྱུང་བ་བགྱིས་ལ་འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་བྱང་ཆུབ་ཀྱི་ཤིང་གིས་ཞུགས་བུས་ལ་ཏིལ་གྱིས་ལན་བརྒྱ་སྟོང་སྦྱིན་སྲེག་བགྱིས་ན་དབང་དུ་འགྱུར་རོ། །མ་རུངས་པར་བགྱི་འཚལ་ན། མི་རུས་ཀྱི་ཕུར་བུ་བླངས་ལ་ལན་བརྒྱ་སྟོང་སྔགས་ཀྱིས་བཏབ་སྟེ་དགྲའི་ཁྱིམ་དུ་བཙུགས་ན་དགྲ་མ་རུངས་པར་འགྱུར་རོ། །དགྲ་འགུམ་ན། མར་གྱི་ངོ་ཞག་བརྒྱད་ལ་དུར་ཁྲོད་ཀྱི་ཐལ་བ་བླངས་ཏེ་དུར་ཁྲོད་ཀྱི་ཞུགས་སུ་ལན་བརྒྱ་སྟོང་སྦྱིན་སྲེག་བགྱིས་ན་འགུམ་མོ། །བསྐམ་ན། མར་གྱི་ངོ་ཞག་བཅུ་བཞི་ལ་ཆབ་ལྟེ་བ་ནུབ་ཙམ་དུ་ཞུགས་ལ་དགྲའི་སྲོག་བསྐམས་ཀྱི་བར་དུ་
Ba426a
༄#། །བཟླས་བརྗོད་བགྱིའོ། །མཚམས་བཅད་པར་འཆལ་ན། སེང་ལྡེང་གི་ཕུར་པ་སོར་བཞི་པ་བླངས་ཏེ་ཕུར་བུ་རེ་རེ་ལ་ཡང་ལན་བརྒྱ་རྩ་བརྒྱད་བཟླས་བརྗོད་བགྱིས་ལ་ཕྱོགས་བཞིར་བཙུགས་ན་མཚམས་བཅད་པར་འགྱུར་རོ། །ཡུལ་འཁོར་བཅིང་ན། ལན་ཉི་ཤུ་རྩ་གཅིག་བཟླས་བརྗོད་བགྱིས་པའི་ཆབ་ཀྱིས་བགྱིའོ། །སེམས་ཅན་རྣམས་བསྐྲད་ན། ལན་བདུན་བཟླས་བརྗོད་བགྱིས་པའི་ཡུངས་ཀར་གྱིས་བགྱིའོ། །ལིག་བུ་མིག་དང་ལྡོང་རོས་སྒྲུབ་ན། ཟླ་བ་གཅིག་ཟས་སུ་འོ་སྐྱོ་འཚལ་ཞིང་ཡར་གྱི་ངོ་ཚེས་བརྒྱད་ནས་ཞག་གསུམ་སྨྱུང་བ་བགྱིས་ཏེ་རིང་བསྲེལ་དང་བཅས་པའི་མཆོད་རྟེན་ནམ། སངས་རྒྱས་ཀྱི་སྐུ་གཟུགས་ཀྱི་སྤྱན་སྔར་ཤིང་ཨ་ཤཝཏྠའི་ལོ་མ་བདུན་གྱི་སྟེང་དུ་ལིག་བུ་མིག་དང་ལྡོང་རོས་བཞག་པ་དངོས་གྲུབ་གསུམ་བྱུང་གི་བར་དུ་བཟླས་བརྗོད་བགྱིའོ། །འབར་ན་ནི། ལོ་སྟོང་ཐུབ་པར་འགྱུར་རོ། །རིག་སྔགས་འཆང་སྐྲ་ལྕང་ལོ་འཁྱིལ་པ་ཅན་དུ་འགྱུར་རོ། །དུ་བ་འཐུལ་ན་ནི། མི་གདའ་བར་འགྱུར་རོ། །ལོ་དགུ་སྟོང་ཐུབ་པར་འགྱུར་རོ། །ཡུལ་འཁོར་མ་རུངས་པར་བགྱིད་པར་འཚལ་བས་མར་གྱི་ངོ་ཞག་བརྒྱད་ལ་དུར་ཁྲོད་ཀྱི་ཤིང་གིས་ཞུགས་བུས་ལ་ཡུངས་ཀར་དང ། དུག་དང ། ཁྲག་དང་བསྲེས་ལ་ལན་བརྒྱ་སྟོང་སྦྱིན་སྲེག་བགྱིས་ན་ཡུལ་
Ba426b
འཁོར་མ་རུངས་པར་འགྱུར་རོ། །མར་གྱིས་ལན་བརྒྱ་སྟོང་སྦྱིན་སྲེག་བགྱིས་ན་ཞི་བར་འགྱུར་རོ། །དགྲ་འགུམ་ན། ཚེས་གྲངས་དང་སྐར་མ་གདམ་མི་འཚལ་ཏེ། ལུང་ཐང་གི་ཤིང་གིས་ཞུགས་བུས་ལ་ཤིང་ཨརྒའི་ལོ་མ་བརྒྱ་སྟོང་སྦྱིན་སྲེག་བགྱིས་ན་ཞག་གསུམ་ན་འགུམ་མོ། །ཤགས་འགྱེད་ན། རིག་པ་བཟླས་བརྗོད་བགྱིས་ལ་གདོང་ལ་བྱུགས་ན་རྒྱལ་བར་འགྱུར་རོ། །ཁྲོས་པའི་མདུན་དུ་བཟླས་བརྗོད་བགྱིས་ན་དགའ་བར་འགྱུར་རོ། །ཡུགས་ས་མོ་དབང་དུ་བགྱི་བར་འཚལ་བས་ཡར་གྱི་ངོ་ཞག་བརྒྱད་ལ་འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་མེ་ཏོག་དཀར་པོ་བརྒྱ་སྟོང་སྦྱིན་སྲེག་བགྱིད་ན་དབང་དུ་འགྱུར་རོ། །དགྲ་ཚར་བཅད་ན། འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་དུ་བ་མ་མཆིས་པའི་མེ་མདག་ལ་རྒྱ་སྐྱེགས་ཀྱིས་ལན་བརྒྱ་སྟོང་སྦྱིན་སྲེག་བགྱིའོ། །བཟླས་བརྗོད་བགྱིས་ན། གང་འདོད་པ་དེ་རྙེད་པར་འགྱུར་རོ། །མཁའ་འགྲོ་མ་ཐམས་ཅད་ཀྱི་དཀྱིལ་འཁོར་བཅིང་ན། ཡུངས་ཀར་ལ་ལན་བདུན་བཟླས་བརྗོད་བགྱིས་པས་བགྱིའོ། །ཆུ་སྲིན་ཀུ་མྦྷི་རའི་ཁ་བཅིང་ན། གསེག་མ་ལ་ལན་བདུན་བཟླས་བརྗོད་བགྱིས་ཏེ་ཆབ་ཏུ་བོར་ན་ཁ་བཅིང་བར་འགྱུར་རོ། །སེངྒེ་དང ། སྟག་དང ། མ་ཧེ་དང ། གླང་པོ་ཆེ་དང ། རྒྱལ་པོ་དང ། ཆོམ་རྐུན་གྱི་ནང་དུ་ཆུད་ན་བསམ་པར་
Ba427a
༄#། །བྱའོ། །རི་མོ་མཁན་གསོ་སྦྱོང་བཟུང་བས་མ་གོད་པའི་རས་ལ་སངས་རྒྱས་ཀྱི་སྐུ་གཟུགས་བྲི་བར་བྱ་སྟེ། གཡོན་རོལ་དུ་ནི། ལག་ན་རྡོ་རྗེ། གཡས་རོལ་དུ་ནི། འཕགས་པ་སྤྱན་རས་གཟིགས་དབང་ཕྱུག་གོ། དེ་བཞིན་གཤེགས་པ་ནི། གསེར་གྱི་མདོག་ཅན་དུ་བྲིའོ། །ལག་ན་རྡོ་རྗེ་ནི། ལོ་བཅུ་དྲུག་ཙམ་ལོན་པའི་གཟུགས་འདྲ་ལ་ཁ་དོག་སྔོ་བསངས། རྒྱན་ཐམས་ཅད་ཀྱིས་བརྒྱན་པ་བྲིའོ། །འཕགས་པ་སྤྱན་རས་གཟིགས་ཀྱི་དབང་ཕྱུག་གི་གཡས་རོལ་དུ་ནི། ལྷ་མོ་བྲི། དེ་ཡང་འདམ་བུ་མདའ་རྒྱུ་ལྟར་དཀར་བའོ། །འཕགས་པ་སྤྱན་རས་གཟིགས་ཀྱང་དེ་དང་འདྲའོ། །ལྷ་མོ་ནི། པདྨའི་ཕྲེང་བས་བརྒྱན་པ་བྲིའོ། །དེའི་འོག་རོལ་དུ་སྒྲུབ་པ་པོ་པོག་ཕོར་ཐོགས་པ་བྲིའོ།། སྒྲུབ་པ་པོ་ཟླ་བ་གཅིག་གི་བར་དུ་ཟས་སུ་འོ་སྐྱོ་འཚལ་ཞིང་ཡར་གྱི་ངོ་ཚེས་བརྒྱད་ལ་མཆོད་པ་རྒྱ་ཆེན་པོ་བགྱིས་ཏེ་ལྷ་མོ་ལ་འོད་ཟེར་བྱུང་གི་བར་དུ་བཟླས་བརྗོད་བགྱིའོ། །འོད་ཟེར་དེ་དེ་བཞིན་གཤེགས་པའི་ཞབས་ཀྱི་མཐེ་བོང་ནུབ་པར་འགྱུར་རོ། །དེ་ནས་དངོས་གྲུབ་ཏུ་འགྱུར་ཏེ། རྒྱལ་པོ་ཉིད་སྩོལ་ཏོ། །ཡིད་ཀྱིས་གང་བསམ་པ་དེ་དག་ཐམས་ཅད་འབྱོར་ཏོ། །ཡར་གྱི་ངོ་ཟླ་བ་ཉ་ནས་ཞག་གསུམ་སྨྱུང་བ་བགྱིས་ཏེ་རྒྱ་མཚོར་འབབ་པའི་ཆུ་ཀླུང་དུ་ཞུགས་ལ་པདྨ་འབུམ་བོར་ན་ལྷ་མོ་ཉིད་མཐོང་
Ba427b
ངོ ། །དམ་པ་གང་བླངས་པ་དེ་རྙེད་དེ། རྒྱལ་པོ་ཉིད་དམ། རིག་སྔགས་འཆང་ཉིད་དུ་འགྱུར་རོ། །ཐ་མར་ཞག་གསུམ་སྨྱུང་བ་བགྱིའོ། །འཕགས་པ་སྤྱན་རས་གཟིགས་ཀྱི་དབང་ཕྱུག་གི་ཆོ་ག་རྫོགས་སོ།། །།དེ་ནས་བཅོམ་ལྡན་འདས་ཀྱིས་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ། ངས་ཀྱང་གང་གིས་རྡོ་རྗེའི་རིགས་དང ། ཆོ་ག་རྒྱས་པ་ཆེན་པོ་གཞན་དག་ཀྱང་འགྲུབ་པར་འགྱུར་པའི་གསང་སྔགས་ཀྱི་ཆོ་ག་རྒྱས་པ་འདིར་སྦྱིན་པར་བགྱིའོ། །དེ་ལྟ་བས་ན། ཆོ་ག་རྒྱས་པ་ཐམས་ཅད་དུ་འདི་གཅིག་པུ་སྦར་བར་བགྱིའོ། །ལག་ན་རྡོ་རྗེ། འདི་དྲན་པ་ཙམ་གྱིས་རིག་པའི་ལྷ་ཐམས་ཅད་མངོན་དུ་འགྱུར་རོ། །ན་མ་སརྦ་ཏ་ཐཱ་ག་ཏེ་བྷྱོ་བྷ་ག་བདྷྱཿ ། ཨོཾ་རུ་རུ་སྤུ་རུ་ཛྭ་ལ་ཏིཥྛ་སིདྡྷ་ལོ་ཙ་ནེ་སརྦ་ཨརྠ་སཱ་དྷ་ནི་སཝཱཧཱ། ལག་ན་རྡོ་རྗེ། སྤྱན་འདི་ནི། སེམས་ཅན་ཐམས་ཅད་ཀྱི་དོན་གྱི་ཕྱིར་དེ་བཞིན་གཤེགས་པ་བྱེ་བ་ཕྲག་བཅུས་དགོངས་ཏེ། ངས་ཀྱང་ད་ལྟར་སེམས་ཅན་རྣམས་ཀྱི་དོན་དང ། ཁྲོ་བོ་རྣམས་དགའ་བར་བྱ་བ་དང ། གདུལ་དཀའ་བ་རྣམས་འདུལ་བའི་ཕྱིར་བཤད་དོ། །རི་མོ་མཁན་གསོ་སྦྱོང་དང་ལྡན་པས་མ་གོད་པའི་རས་ལ་སྦྱིན་དང་མ་འདྲེས་པའི་ཚོན་གྱིས་སངས་རྒྱས་ཀྱི་སྐུ་གཟུགས་གསེར་གྱི་མདོག་ཅན་ཆོས་སྟོན་པ་བྲི་བར་བྱའོ། །དེའི་གཡས་རོལ་དུ་འཕགས་པ་
Ba428a
༄#། །ལག་ན་རྡོ་རྗེ་མདོག་སྔོ་བསངས། རྒྱན་ཐམས་ཅད་ཀྱིས་བརྒྱན་པ་ཆོས་ཉན་པ་བྲིའོ། །དེ་བཞིན་གཤེགས་པའི་གཡོན་རོལ་དུ་འཕགས་པ་སྤྱན་རས་གཟིགས་དབང་ཕྱུག་འདམ་བུ་མདའ་རྒྱུ་ལྟར་དཀར་བ། སྐྲའི་ཐོར་ཚུགས་དང་ཅོད་པན་ཅན། སྟག་ལྤགས་ཀྱི་ཤམ་ཐབས་གྱོན་པ། ལག་ན་རྔ་ཡང་ཐོགས་པ་བྲི་བར་བྱའོ། །དེ་ནས་ཟླ་བ་ཕྱེད་ཟས་སུ་འོ་སྐྱོ་འཐུང་ཞིང་རིག་པ་བཟླས་བརྗོད་བྱའོ། །དེས་མར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བགྱིས་ཏེ་རི་མོའི་གཟུགས་ལ་མཆོད་པ་རྒྱ་ཆེར་བྱས་ལ་རིག་པ་ལན་བརྒྱ་སྟོང་བཟླས་བརྗོད་བྱའོ། །དེ་བཞིན་གཤེགས་པའི་གློ་གཡས་ནས་འོད་ཟེར་བྱུང་སྟེ་ལག་ན་རྡོ་རྗེ་ལ་ནུབ་ན་འགྲུབ་པར་འགྱུར་རེ།། རྒྱལ་པོ་ཉིད་དམ། རིག་སྔགས་འཆང་ཉིད་དེ། དམ་པ་གཉིས་སྦྱིན་པར་བྱེད་དོ། །རྒྱལ་པོ་ཉིད་དུ་གྱུར་ན། རིག་སྔགས་འཆང་རྣམས་ཀྱི་འཁོར་ལོས་བསྒྱུར་བར་འགྱུར་རོ། །རིག་སྔགས་འཆང་ཉིད་དུ་གྱུར་ན་ནི། རིག་སྔགས་འཆང་དྲུག་ཁྲིའི་བདག་པོ་ཉི་མ་ཤར་བ་ལྟ་བུའི་མདོག་ཅན་ལོ་བཅུ་དྲུག་ལོན་པ་ལྟ་བུའི་ལུས་སུ་འགྱུར་རོ། །ལོ་ཁྲི་བཞི་སྟོང་ཐུབ་པར་འགྱུར་རོ། །སེམས་ཅན་ཐམས་ཅད་ཀྱི་སྐད་ཤེས་པར་འགྱུར་རོ། །སློང་མོའི་ཟས་བཟའ་ཞིང་རིའི་རྩེ་མོར་རིང་བསྲེལ་དང་བཅས་པའི་མཆོད་རྟེན་གྱི་
Ba428b
དྲུང་དུ་མེ་ཏོག་དཀར་པོ་ཞོ་དང ། སྦྲང་རྩི་དང ། མར་ལ་སྨྱུགས་པ་འབུམ་སྦྱིན་སྲེག་བྱ་ཞིང་ལན་འབུམ་བཟླས་བརྗོད་བྱས་ན། དེ་བཞིན་གཤེགས་པའི་གཟུགས་མངོན་སུམ་དུ་འགྱུར་ཏེ། མཐོང་ནས་གང་སྒྲུབ་པ་དེ་འགྲུབ་བོ། །སུ་ཞིག་རྟག་ཏུ་ལན་གསུམ་བརྗོད་ཅིང་ཕྱག་ཀྱང་འཚལ་ན། དེས་དེ་བཞིན་གཤེགས་པ་བྱེ་བ་ཕྲག་བཅུ་ལ་བསྟི་སྟང་བྱས་པ་དང ། བླ་མར་བྱས་པ་དང ། རིམ་གྲོ་བྱས་པ་དང ། མཆོད་པ་བྱས་པར་འགྱུར་རོ། །གང་གི་ཚེ་ཤི་བ་དེའི་ཚེ་བདེ་བ་ཅན་དུ་སྐྱེ་བར་འགྱུར་རོ། །མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བ་བྱས་ཏེ་བཅོམ་ལྡན་འདས་ལ་མཆོད་པ་བྱས་ལ་ཙནྡན་དཀར་པོས་དཀྱིལ་འཁོར་བྱུགས་ཏེ་རིག་པ་ལན་བརྒྱ་སྟོང་བཟླས་བརྗོད་བྱས་ན་།དེ་ནས་དངོས་གྲུབ་ཏུ་འགྱུར་རོ། །དེའི་འོག་ཏུ་ལས་ཐམས་ཅད་ལ་སྦྱར་བར་བྱའོ། །མིག་ལ་ལན་བདུན་བསྔགས་ན། གང་མཐོང་བ་དེ་དབང་དུ་འགྱུར་རོ། །ལག་ན་རྡོ་རྗེའི་མདུན་དུ་ལྡོང་རོས་ལ་ལན་བརྒྱད་བརྒྱ་བཟླས་བརྗོད་བྱས་ནས་མིག་ལ་བསྐུས་ན། གང་མཐོང་བ་དེ་དབང་དུ་འགྱུར་རོ། །རྐང་རྗེས་ཀྱིས་བླངས་ལ་ལན་བདུན་སྔགས་ཀྱིས་བཏབ་སྟེ་བུད་མེད་གང་གི་མགོ་བོར་གཏོར་ན། དེ་དབང་དུ་འགྱུར་རོ། །བདག་གི་མཆིལ་མ་ལན་བདུན་བསྔགས་ཏེ་ཐིག་ལེ་བྱས་ན། གང་མཐོང་བ་དེ་དབང་དུ་འགྱུར་རོ། །གང་
Ba429a
༄#། །གི་མིང་ནས་བརྗོད་དེ་ཡུངས་ཀར་ལ་ལན་བརྒྱད་བརྒྱ་སྦྱིན་སྲེག་བྱས་ན། དེ་དབང་དུ་འགྱུར་རོ། །བུད་མེད་དབང་དུ་བྱ་ན། ཏིལ་ནག་པོ་ལས་ལན་བརྒྱད་བརྒྱ་སྦྱིན་སྲེག་བྱ་ཞིང་མིང་ནས་ཀྱང་བརྗོད་ན་དེ་དབང་དུ་འགྱུར་རོ། །ཀྲྀཥྞ་ཙ་ཏུ་ར་ད་ཤྱེ་ན་ཤཝེ་ཏ། ཕུཥྞ་ན་མ་ཨཥྚ་ས་ཧ་སྲ་ཎེ། བཛྲ་པཱ་ཎི་ར་ཧ་ན་ཏ་པ་སྱ། རཱ་ཛ་པ་ད་ནི་ཡ་ཤོ་བ་ཏི། ལྡོང་རོས་ཀྱིས་ལག་མཐིལ་དུ་གཟུགས་བྲིས་ལ་མིང་ནས་བརྗོད་ཅིང་ཉི་མ་ལ་བལྟས་ཏེ་ལན་བརྒྱད་བརྒྱ་བཟླས་བརྗོད་བྱས་ན། དབང་དུ་འགྱུར་རོ། །དུར་ཁྲོད་ཀྱི་སོལ་བ་བླངས་ཏེ་རྩིག་ངོས་ལ་གཟུགས་བྲིས་ལ་མོ་མཚན་གྱི་སྟེང་དུ་མཛུབ་མོ་བཞག་སྟེ་ལན་བརྒྱད་བརྒྱ་བཟླས་བརྗོད་བྱས་ན། དབང་དུ་འགྱུར་རོ། །སྤྲ་ཚིལ་ལ་གཟུགས་བྱས་ཏེ་ལྡན་པ་གཡས་པར་བཞག་ལ་ལན་བརྒྱད་བརྒྱ་བཟླས་བརྗོད་བྱས་ན། དབང་དུ་འགྱུར་རོ། །གི་ཝང་དང ། ཤུ་དག་དང ། དུང་གི་ལྟེ་བ་དང ། རྒྱ་སྤོས་རྣམས་བསྲེས་ཏེ་བཏགས་ལ་རིག་པ་ལན་བརྒྱ་སྟོང་བཟླས་བརྗོད་བྱས་ཏེ་ཟས་དང ། སྐོམ་དང ། བཟའ་བའི་ནང་དུ་བཏབ་ན། དབང་དུ་འགྱུར་རོ། །དུར་ཁྲོད་ཀྱི་ཐལ་བ་བླངས་ལ་ལག་ན་རྡོ་རྗེའི་མདུན་དུ་ལན་བརྒྱད་བརྒྱ་བཟླས་བརྗོད་བྱས་ཏེ་གང་ལ་གཏོར་བ་དེ་དབང་དུ་འགྱུར་རོ། །ལག་ན་རྡོ་རྗེའི་མདུན་དུ་མེ་ཏོག་དཀར་པོ་བརྒྱད་
Ba429b
བརྒྱ་གཏོར་ན། དབང་དུ་འགྱུར་རོ། །དུར་ཁྲོད་ཀྱི་སོལ་བ་བླངས་ཏེ་རྩིག་ངོས་ལ་གཟུགས་བྲིས་ལ་ཤིང་ཀཱ་ར་བཱི་རའི་མེ་ཏོག་བརྒྱ་རྩ་བརྒྱད་མོ་མཚན་དུ་ཕོག་པར་བྱས་ན། དབང་དུ་འགྱུར་རོ། །བ་ལང་གི་ལྕི་བ་ས་ལ་མ་ལྷུང་བ་བླངས་ཏེ་ཞི་བའི་མཚན་གཅིག་བྱས་ལ་དེའི་མདུན་དུ་རྩཝ་ཀུ་ཤ་ལས་མདུང་རྩེ་གསུམ་བྱས་པས་ཉི་མ་གསུམ་དུ་ཡུངས་ཀར་དང ། ཞོ་དང ། སྦྲང་རྩི་བསྲེས་པའི་སྲེག་བླུགས་ལན་བདུན་བདུན་སྦྱིན་སྲེག་བྱས་ན། དབང་དུ་འགྱུར་རོ། །ལག་ན་རྡོ་རྗེའི་མདུན་དུ་ལྡུམ་བུ་བ་ཤ་ཀའི་ཡམ་སྲེག་ཤིང་བརྒྱད་བརྒྱ་སྦྱིན་སྲེག་བྱས་ན། དབང་དུ་འགྱུར་རོ། །གཞོན་ནུ་མ་དབང་དུ་བྱ་ན། ཨ་རང་ག་ནའི་མེ་ཏོག་བརྒྱ་སྟོང་གིས་ལག་ན་རྡོ་རྗེ་ལ་ཕོག་པར་བྱས་ན་གཞོན་ནུ་མ་དབང་དུ་འགྱུར་རོ། །ཡུགས་ས་མོ་དབང་དུ་བྱ་ན། ལག་ན་རྡོ་རྗེའི་མདུན་དུ་མོན་སྲན་གྲེའུ་སྦྱིན་སྲེག་བྱ་ཞིང་མིང་ནས་ཀྱང་བརྗོད་ན་དབང་དུ་འགྱུར་རོ། །ཐལ་བ་ལ་ལན་བདུན་སྔགས་ཀྱིས་བཏབ་སྟེ་བུད་མེད་ལ་གཏོར་ན། དབང་དུ་འགྱུར་རོ། །བུད་མེད་ཀྱི་མདུན་དུ་རིག་པ་ལན་བརྒྱད་བརྒྱ་བཟླས་བརྗོད་བྱས་ན། དབང་དུ་འགྱུར་རོ། །ཤིང་བུ་སོར་བཞི་པ་བླངས་ཏེ་གཡབ་ན་འོང་ཞིང་དབང་དུ་འགྱུར་རོ། །མེ་ཏོག་དཀར་པོ་བླངས་ཏེ་ལག་ན་རྡོ་རྗེའི་མདུན་དུ་ལན་བརྒྱ་སྟོང་བཟླས་བརྗོད་བྱས་ལ་བུད་མེད་མཐོང་བར་གཡབ་ན་འོང་ཞིང་དབང་དུ་
Ba430a
༄#། །འགྱུར་རོ། །གཞན་ཡང་ལས་བྱེད་འདོད་ན། བུ་མོ་གཙང་མས་བཀལ་བའི་སྐུད་པ་བརྐྱང་ནས་བླངས་ཏེ་ལག་ན་རྡོ་རྗེའི་མདུན་དུ་ཉིས་ཁུགས་དང་བཞི་ཁུགས་བྱས་པ་བཞག་ལ་བཟླས་བརྗོད་བྱས་ཏེ་གཅིག་ལ་གཅིག་འཁྲིལ་ན་དགོངས་པ་འགྲུབ་པར་འགྱུར་རོ། །གེའུ་ཝང་སྒྲུབ་པར་འདོད་པས་ཉི་མ་བདུན་དུ་ཟས་སུ་འོ་སྐྱོ་འཐུང་ཞིང་ཡར་གྱི་ངོ་ཞག་བཅུ་བཞི་ལ་ཉིན་ཞག་གཅིག་སྨྱུང་བ་བྱས་ཏེ་ལག་ན་རྡོ་རྗེ་ལ་མཆོད་པ་རྒྱ་ཆེར་བྱས་ལ་གིའུ་ཝང་པདྨའི་སྟེང་དུ་བཞག་སྟེ་འབར་གྱི་བར་དུ་བཟླས་བརྗོད་བྱའོ། །འབར་ནས་བླང་བར་བྱའོ། །བླངས་པ་ཙམ་གྱིས་ཉི་མ་ཤར་བ་ལྟ་བུའི་མདོག་དང་ལྡན་པར་འགྱུར་རོ། །དགོས་པ་ཐམས་ཅད་ཡིད་ཀྱིས་བསམ་པ་ཙམ་གྱིས་འབྱུང་བར་འགྱུར། རིག་སྔགས་འཆང་ཐམས་ཅད་ཀྱིས་མི་སོད་པར་འགྱུར། ལོ་དགུ་སྟོང་ཐུབ་པར་འགྱུར་རོ། །ཟླ་བ་ཕྱེད་ཟས་སུ་འོ་སྐྱོ་འཐུང་ཞིང ། དེ་ནས་རིག་སྔགས་འཆང་གིས་གྲོག་མཁར་གྱིས་ལས་ནོར་རྒྱས་ཀྱི་གཟུགས་བྱས་ལ་དེའི་སྟེང་དུ་འདུག་སྟེ་ནམ་འགུལ་བར་གྱུར་གྱི་བར་དུ་རིག་སྔགས་ལན་འབུམ་བཟླས་བརྗོད་བྱས་ན་ལོངས་སྤྱོད་སྟེར་རོ། །འདས་པ་དང ། མ་འོངས་པ་དང ། ད་ལྟར་བྱུང་བ་རྣམས་སྟོན་པར་འགྱུར། ལོ་ལྔ་བརྒྱ་ཐུབ་པར་
Ba430b
འགྱུར།་བདེ་བ་ཅན་དུ་སྐྱེ་བར་འགྱུར། ཟས་སུ་འོ་སྐྱོ་འཐུང་ཞིང་ལག་ན་རྡོ་རྗེའི་མདུན་དུ་ལན་འབུམ་བཟླས་བརྗོད་བྱས་ན། ལོངས་སྤྱོད་སྟེར་ཏེ། ཟླ་བ་གཅིག་གི་བར་དུ་སློང་མོའི་ཟས་བཟའ་ཞིང་ཡར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བགྱིས་ཏེ་ལག་ན་རྡོ་རྗེ་ལ་མཆེད་པ་བྱས་ནས་བཅོམ་ལྡན་འདས་ལ་ཡང་ལྷག་པར་མཆོད་དེ་ལག་ན་རྡོ་རྗེའི་རྐང་པ་ནས་བཟུང་ལ་རིག་སྔགས་བཟླས་བརྗོད་བྱས་ཏེ་ལག་ན་རྡོ་རྗེའི་གཟུགས་འགུལ་བར་གྱུར་གྱི་བར་དུ་བཟླས་བརྗོད་བྱའོ། །འགུལ་བར་གྱུར་ན། གྲུབ་བ་ཐམས་ཅད་ཀྱིས་མཐོང་བར་འགྱུར་རོ། །ཡིད་ཀྱིས་བསམ་པས་ཁ་ཟས་འབྱུང་བར་འགྱུར། ལོ་ལྔ་སྟོང་ཐུབ་པར་འགྱུར་རོ། །དེ་ནས་གནོད་སྦྱིན་གྱི་དབང་པོ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སངས་རྒྱས་བཅོམ་ལྡན་འདས་གང་དག་སེམས་ཅན་རྣམས་ཀྱི་དོན་གྱི་སླད་དུ་གསང་སྔགས་འདི་ལྟ་བུ་གསུངས་པ་ནི། ངོ་མཚར་ཏོ་ཞེས་གསོལ་ནས་འཁོར་ཐམས་ཅད་ངོ་མཚར་དུ་གྱུར་ཏོ། །སངས་རྒྱས་ཀྱི་སྤྱན་གྱི་ཆོ་ག་རྫོགས་སོ།། །།དེ་ནས་འབྱུང་པོའི་བདག་པོ་དབང་ལྡན་གྱིས་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་
Ba431a
༄#། །ཅེས་གསོལ་ཏོ། །བཅོམ་ལྡན་འདས། བདག་གི་མིག་འདི་ནི། རིག་པ་ཐམས་ཅད་ཀྱི་གཙོ་མོ་ལགས་ཏེ། འདི་དྲན་པ་ཙམ་གྱིས་བདག་གིས་དངོས་གྲུབ་སྩལ་བར་བགྱིའོ། །བཅོམ་ལྡན་འདས། བདག་གིས་ཀྱང་སེམས་ཅན་རྣམས་ཀྱི་དོན་གྱི་སླད་དུ་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་མིང་དབུལ་བར་འཚལ་ལོ། །འབྱུང་པོའི་བདག་པོ། དེ་བཞིན་དུ་གྱིས་ཤིག་།དེ་ནས་འབྱུང་པོའི་བདག་པོ་དབང་ལྡན་གྱིས་ལག་ན་རྡོ་རྗེའི་ཞབས་གཉིས་ལ་བཏུགས་ནས་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །གསང་བའི་བདག་པོ། ཁྱོད་ཀྱིས་རིག་སྔགས་ཆེན་པོའི་མིང་འདི་བཞེས་སུ་གསོལ། ན་མོ་རུ་ཏྲཱ་ཡ་ལེ་ལེ། ལི་ལི་ལི་ལི། ཀ་མུ་ཀཱ་ཡ་སཝཱཧཱ། ལིག་བུ་མིག་བུད་མེད་ཀྱི་སྐྲས་བཅིངས་ལ་རྒྱ་མཚོ་འབབ་པའི་ཆུ་ཀླུང་གི་ངོས་གཉིས་ཀའི་འཇིམ་པ་བླངས་པའི་ནང་དུ་བཅུག་སྟེ་བསྲེགས་ལ་དབང་ཕྱུག་ཆེན་པོའི་གནས་སུ་སོང་ནས་མར་གྱི་ངོ་ཞག་བརྒྱད་དམ་བཅུ་བཞི་ལ་ཞག་གཅིག་སྨྱུང་བ་བྱས་ཏེ་ལིག་བུ་མིག་བླངས་ལ་ལན་བརྒྱ་སྟོང་བཟླས་བརྗོད་བྱས་ནས་སྦྱང་བར་བྱ་སྟེ། མིག་ལ་བསྐུས་ན་གང་ལ་བལྟས་པ་དེ་དབང་དུ་འགྱུར་རོ། །མར་གྱི་ངོ་ཞག་བརྒྱད་ལ་དུར་ཁྲོད་ཀྱི་སོལ་བ་བླངས་ཏེ་མིའི་ཐོད་པ་ལ་བརྡར་ནས་ལན་བརྒྱ་རྩ་བརྒྱད་བཟླས་བརྗོད་བྱས་པས་ཐིག་ལེ་བྱས་ན། གང་
Ba431b
ལ་བལྟས་པ་དེ་དབང་དུ་འགྱུར་རོ། །སོལ་བ་ཡང་བསྒྲུབ་པར་བྱ་སྟེ། ཞག་བདུན་གྱི་བར་དུ་ཟས་སུ་ཆུ་དང་ཕྱེའི་འདག་གུ་ཟ་ཞིང་མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བགྱིས་ཏེ་དུར་ཁྲོད་དུ་སོང་ལ། དེ་ནས་ཐག་བུ་ལ་སྐྱང་ནུལ་བ་ཀོ་ཙམ་བྱས་ཏེ་མཆོད་པ་ཆེན་པོ་བྱས་ནས་དུར་ཁྲོད་ཀྱི་སོལ་བ་བླངས་ཏེ། དེ་ནས་རིག་སྔགས་འཆང་གིས་སོལ་བ་མིའི་ཐོད་པའི་ནང་དུ་བཞག་ལ་ལག་པས་མནན་ཏེ་དུད་པར་འཐུལ་བར་གྱུར་གྱི་བར་དུ་རིག་སྔགས་བཟླས་བརྗོད་བྱས་ནས་བླངས་ཏེ་ཐིག་ལེ་བྱས་ན། ལུས་མི་སྣང་བར་འགྱུར་ཞིང ། བསམ་པས་ཀྱང་ཁ་ཟས་འབྱུང་བར་བྱེད་དེ། ཚེ་ལོ་སྟོང་ཐུབ་པར་འགྱུར་ལ། དབང་ཕྱུག་ཆེན་པོའི་ལས་རྣམས་བཀླགས་པ་ཙམ་གྱིས་འགྲུབ་པར་འགྱུར་རོ། །ཚེས་གྲངས་དང་སྐར་མ་ཡང་གདམ་མི་འཚལ། སྨྱུང་བ་ཡང་བགྱི་མི་འཚལ་བར་བུད་མེད་ཤི་བའི་རོ་བླངས་ལ་དྲི་དང ། མེ་ཏོག་གིས་བརྒྱན་ཏེ། དེའི་མོ་མཚན་དུ་ཏིལ་གྱི་ལོ་མ་བཞག་ནས་དེའི་སྟེང་དུ་ལྡོང་རོས་སྲང་གཅིག་གམ། སྲང་ཕྱེད་བཞག་ལ་འབར་བར་གྱུར་གྱི་བར་དུ་རིག་སྔགས་བཟླས་བརྗོད་བྱས་ཏེ། འབར་བར་གྱུར་ན་དབང་ཕྱུག་ཆེན་པོའི་གཟུགས་དང་ལྡན་པར་འགྱུར་ཞིང ། རབ་ཏུ་འཇོམས་པའི་ཚོགས་ཀྱིས་བསྐོར་ལ་ལོ་དགུ་སྟོང་ཐུབ་ཅིང་དབང་ཕྱུག་ཆེན་པོའི་ཚོགས་རྣམས་དབང་དུ་འགྱུར་རོ།།
Ba432a
༄#། །དུར་ཁྲོད་ཀྱི་ཐལ་བ་བླངས་ཏེ་མིའི་ཐོད་པའི་སྣོད་དུ་བཞག་ལ། མཚན་གཅིག་འདུག་པའི་གནས་སུ་སོང་ནས་ཞག་གསུམ་སྨྱུད་བ་བྱས་ཏེ་མར་གྱི་ངོ་ཞག་བཅུ་བཞི་ལ་འབྱུང་པོའི་གཏོར་མ་ཡང་བྱས་ལ། དེ་ནས་ཐོད་པའི་སྣོད་ལག་ཏུ་བླངས་ཏེ་དངོས་གྲུབ་རྣམ་གསུམ་དུ་གྱུར་གྱི་བར་དུ་བཟླས་བརྗོད་བྱས་ན། དུད་པ་འཐུལ་བས་ནི།་ལུས་མི་སྣང་བར་འགྱུར་ཞིང་ཚེ་ལོ་བརྒྱ་སྟོང་ཐུབ་པར་འགྱུར་རོ། །འབར་བར་འགྱུར་ཏེ། ཐིག་ལེ་བྱས་པས་ནི། སྐྲ་ལྕང་ལོ་འཁྱིལ་བར་འགྱུར་ཞིང་ནམ་མཁའ་ལ་འགྲོ་བ་དང ། ཚེ་ལོ་ལྔ་སྟོང་ཐུབ་པར་འགྱུར་རོ། །གི་ཝང་སྒྲུབ་པར་འདོད་པས་ནི། མར་གྱི་ངོ་ཞག་གཅིག་སྨྱུང་བ་བྱས་ཏེ་ལག་ན་རྡོ་རྗེའི་མདུན་དུ་མཆོད་པ་བྱས་ལ་ལག་ན་རྡོ་རྗེའི་ལག་ཏུ་གིའུ་ཝང་བཞག་ནས་འབར་བར་གྱུར་གྱི་བར་དུ་བཟླས་བརྗོད་བྱས་ཏེ་འབར་བར་གྱུར་ན། བླངས་པ་ཙམ་གྱིས་སྟོབས་གླང་པོ་ཆེ་དང་མཉམ་ཞིང་ཕ་རོལ་གྱི་མཚོན་གྱིས་ཀྱང་མི་ཚུགས་ལ་ཚེ་ལོ་སུམ་སྟོང་ཐུབ་པར་འགྱུར་བ་དང ། གང་གཏམ་བྱས་པ་དེ་དབང་དུ་འགྱུར་ཞིང ། དབང་ཕྱུག་ཆེན་པོའི་གཡོག་རྣམས་ཀྱིས་ཉིན་གཅིག་བཞིན་ཏི་ན་ར་བཅུ་གཉིས་དང ། གོས་ཕྲུགས་བཅུ་གཉིས་སྦྱིན་པར་བགྱིད་ཅིང ། སྔོན་མ་བྱུང་བའི་བུད་མེད་ཀྱང་ཁྲིད་དེ་འོང་བར་འགྱུར་རོ། །དབང་ཕྱུག་ཆེན་པོའི་ཆོ་
Ba432b
ག་རྫོགས་སོ།། །།དེ་ནས་མ་ཏངྒི་རྒྱལ་པོ་ཕུར་བུ་གསུམ་པས་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ལག་ན་རྡོ་རྗེ། བདག་གིས་ཀྱང་སེམས་ཅན་ཐམས་ཅད་ཀྱི་དོན་གྱི་ཕྱིར་མིག་དབུལ་བར་བགྱིས་ཏེ། འདི་དྲན་པ་ཙམ་གྱིས་བདག་གི་ཆོ་ག་རྒྱས་པ་ཐམས་ཅད་འགྲུབ་པར་འགྱུར་རོ། །དེ་ནས་མ་ཏང་གི་རྒྱལ་པོ་ཕུར་བུ་གསུམ་པས་བཅོམ་ལྡན་འདས་དང ། ལག་ན་རྡོ་རྗེའི་ཞབས་ལ་མགོ་བོས་ཕྱག་འཚལ་ནས་གསང་སྔགས་སྨྲས་པ། ན་མོ་བཛྲ་པཱ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ། ན་མཿ ་ན་མཿ ་ཏྲི་ཤ་ཀརྨ་ཏཾ་གརྫ་སྱ། ཨ་ཊ་བ་ཊ། ཨུ་བུ་རི་ཎི། གཽ་རི་གནྡྷ་རི། ཧ་ན་ད་ཧ། པ་ཙ་པ་ཙ། སནྟར་བ་ཡ། ཏུ་རུ་ཏུ་རུ། ཀམྤཱ་ཡ་སཝཱཧཱ། ཡར་གྱི་ངོ་ཚེས་བརྒྱད་ཀྱི་སྲོད་ལ་དཀྱིལ་འཁོར་སྐྱང་ནུལ་གྱིས་བྱུགས་ནས་ཕུར་བུ་གསུམ་པ་ལ་དྲི་དང ། མེ་ཏོག་དང ། བདུག་པ་ཕུལ་ཏེ་བཅོམ་ལྡན་འདས་དང ། ལག་ན་རྡོ་རྗེ་ལ་བདུག་པ་གསོལ་ནས་ཞག་གཅིག་སྨྱུང་བ་བྱས་ཏེ་རིག་སྔགས་ལན་བརྒྱ་སྟོང་བཟླས་བརྗོད་བྱས་ན། འགྲུབ་པར་འགྱུར་ཏེ། དེའི་འོག་ཏུ་ལས་བརྩམ་པར་བྱའོ། །བུད་མེད་དབང་དུ་བྱ་ན། ཚེས་གྲངས་དང་རྒྱུ་སྐར་ཡང་གདམ་མི་དགོས། སྨྱུང་བ་ཡང་བྱ་མི་དགོས་པར་ཀཱ་ར་བཱི་རའི་ཡམ་སྲེག་ཤིང་གིས་མིང་ནས་སྨོས་ཤིང་བརྒྱ་སྟོང་གིས་སྦྱིན་སྲེག་བྱས་ན། དབང་དུ་འགྱུར་རོ། །དཀྱིལ་
Ba433a
༄#། །འཁོར་སྐྱང་ནུལ་གྱིས་བྱུགས་ལ་ལན་ཚཝ་ལས་གཟུགས་བྱས་ནས་མཚོན་རྣོན་པོས་རྐང་པ་ནས་བརྩམས་ཏེ་བཅད་ཅིང་དུད་པ་མེད་པའི་འདབ་མ་ལ་ལན་བརྒྱད་བརྒྱ་སྦྱིན་སྲེག་བྱས་ན་ཡང་དབང་དུ་འགྱུར་རོ། །ཡར་གྱི་ངོ་ཚེས་ལྔ་ལ་ཡང་མིའི་རུས་པའི་ཕུར་བུ་ས་ལ་བཏབ་སྟེ་དེའི་སྟེང་དུ་མར་མེ་སྦར་ལ་མར་མེ་དེའི་མེ་ལྕེ་འབར་བ་ལ་ནིམ་པའི་ལོ་མ་ཁབ་ཀྱིས་བཙུགས་ཏེ་མིང་ནས་སྨོས་ཤིང་བརྒྱད་བརྒྱ་སྦྱིན་སྲེག་བྱས་ན། དབང་དུ་འགྱུར་རོ། །ཡར་གྱི་ཚེས་བཅུ་གསུམ་ལ་རས་བལ་གྱི་འདབ་མ་རྒྱ་སྐྱེགས་ཀྱིས་ཁ་དོག་བསྒྱུར་བ་སྲེད་མེད་ཀྱི་བུའི་ཆུང་མ་ལ་ཕུལ་བ་ལས་མར་མེའི་སྙིང་པོ་བྱས་ཏེ་མར་མེ་སྦར་ལ་ཀཱ་ར་བཱི་རའི་མེ་ཏོག་ཁབ་ཀྱིས་བཙུགས་ཏེ་བརྒྱ་སྟོང་སྦྱིན་སྲེག་བྱས་ན་ཡང་དབང་དུ་འགྱུར་རོ། །ཡར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་ཨ་ཏི་མུཀྟ་ཀའི་མེ་ཏོག་བརྒྱ་སྟོང་གིས་དཀའ་ཟློག་མའི་མོ་མཚན་ལ་བསྣུན་ན་ཡང་གྲོང་དང ། ལོངས་སྤྱོད་ཀྱི་གཞི་སྦྱིན་པར་བྱེད་དོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་ཨ་རང་ག་ནའི་མེ་ཏོག་གིས་དཀའ་ཟློག་མའི་རྐང་པ་ལ་བསྣུན་ན། བུ་མོ་ཐོབ་པར་འགྱུར་རོ། །བུད་མེད་དབང་དུ་བྱ་ན། ལག་ན་རྡོ་རྗེའི་མདུན་དུ་མེ་ཏོག་དཀར་པོ་བརྒྱད་བརྒྱ་ཕུལ་ན་དབང་དུ་འགྱུར་རོ། །ཡར་གྱི་ངོ་ཞག་ལྔ་ལ་ཞག་གཅིག་
Ba433b
སྨྱུང་བ་བྱས་ཏེ་ཀམ་པོ་ཛ་འི་ཤིང་གིས་མེ་སྦར་ལ་ཀོ་ཤ་ཏ་ཀའི་མེ་ཏོག་བརྒྱ་སྟོང་གིས་མིང་ནས་སྨོས་ཤིང་སྦྱིན་སྲེག་བྱས་ན། མོ་མཚན་རུལ་བར་འགྱུར་རོ། །དཀའ་ཟློག་མའི་འོ་མས་བཀྲུས་ལ་རིག་སྔགས་ཀྱང་སྟོང་རྩ་བརྒྱད་བཟླས་བརྗོད་བྱས་ན། སོས་པར་འགྱུར་རོ། །ཕུར་བུ་གསུམ་པའི་ཆོ་ག་རྫོགས་སོ།། །།དེ་ནས་ནམ་མཁའ་ལ་རྒྱུ་བའི་མ་མོ་བདུན་གྱིས་ཅ་ཅོ་དང་ག་ཞའི་སྒྲ་བཏོན་ནས་འཁོར་དེ་ཉིད་དུ་འདུས་པར་གྱུར་ཏེ་འཁོར་འདུས་པ་དེ་དག་ཐམས་ཅད་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་གིས་ཀྱང་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་གསང་སྔགས་ཀྱི་ཤས་འབུལ་བར་འཚལ་ལོ། །དེ་ནས་བཅོམ་ལྡན་འདས་ཀྱིས་མ་མོ་དེ་དག་ལ་འདི་སྐད་ཅེས་བཀའ་སྩལ་ཏོ། །སྲིང་མོ་དག་།གང་ཁྱེད་སེམས་ཅན་ཐམས་ཅད་ལ་ཕན་པའི་ཕྱིར་ཞུགས་པ་ནི།་ལེགས་སོ་ལེགས་སོ། །དེ་ནས་མ་མོ་དེ་དག་གིས་ཚིག་མཐུན་པར་ལག་ན་རྡོ་རྗེ་ལ་གསང་སྔགས་ཕུལ་བ། ན་མོ་བུདྡྷཱ་ཡ། ན་མོ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ཏདྱ་ཐཱ།་ཧུ་ལུ་ཧུ་ལུ། ལ་ཧུ་ལ་ཧུ། ཧ་ཧ། ཏིཥྛ་ཏིཥྛ། བྷྲ་མ་བྷྲ་མ། བནྡྷ་བནྡྷ། ཁ་ད་ཁ་ད། མ་ཙ་མེ་ཁ་ཤྩིད་བེགྷྣཾ་ཀ་རི་ཥྱ་ཏི། མོ་ཧ་ནི་མོ་ཧ་ནི། ན་ཡ་ཏི་ན་ཡ། མཱ་ལི་ནི་བི་ཤཝེ་ཤཝ་རེ། ཨ་
Ba434a
༄#། །མོ་གྷེ་ན་མཿ ་སཝཱཧཱ། རིག་སྔགས་འདི་དྲན་པ་ཙམ་གྱིས་རིག་པ་མཆོག་སྒྲུབ་པའི་རིག་སྔགས་འཆང་དེ་ལ་བདག་ཅག་མ་མོ་བདུན་གྱིས་དཔག་ཚད་གཅིག་གི་བར་དུ་བསྲུང་བར་བགྱི། ཡང་དག་པར་སོ་སོར་བསྐྱབ་པར་བགྱིའོ། །རིག་སྔགས་ཀྱི་ལས་རྣམས་འབྱུང་སྟེ། རས་གསར་པ་ལ་སྦྱིན་དང་མ་འདྲེས་པའི་ཚོན་རྩིས་ལག་ན་རྡོ་རྗེ་མདོག་སྔོ་བསངས་ལ་ལོ་བཅུ་དྲུག་ལོན་པའི་ཤ་གཟུགས་ཅན་རྒྱན་ཐམས་ཅད་ཀྱིས་བརྒྱན་པ། མ་མོ་བདུན་གྱིས་བསྐོར་བ་བྲིའོ། །མ་མོ་བདུན་ནི། འཇིགས་པའི་ཚུལ་དུ་བསྒྲུབ་པར་བྱའོ། །དེ་ནས་ཞག་གསུམ་སྨྱུང་བ་བྱས་ཏེ་མར་གྱི་ངོ་ཞག་བཅུ་བཞི་ལ་ཅི་ནུས་ཀྱིས་མཆོད་པ་བྱས་ཏེ་ཆང་དང ། ཤའི་གཏོར་མ་ཡང་སྦྱིན་པར་བྱའོ། །དེ་ནས་རིག་སྔགས་འཆང་གིས་རི་མོའི་སྐུ་གཟུགས་ཀྱི་མདུན་དུ་སེང་ལྡེང་གི་ཤིང་གིས་མེ་སྦར་ལ་ཡུངས་ཀར་ཁྲག་གིས་བསྒོས་པས་ལན་བརྒྱ་སྟོང་སྦྱིན་སྲེག་བྱས་ཏེ་དེ་ནས་རི་མོའི་སྐུ་གཟུགས་འགུལ་བར་མཐོང་ན། རིག་སྔགས་འཆང་གི་རིག་པ་མཆོག་དྲན་པར་བྱའོ། །བུད་མེད་མཆེ་བ་གཙིགས་པ་ཡང་འོང་བར་འགྱུར་ཏེ། དེས་འཇིགས་པར་མི་བྱ་བར་སྲིང་མོ་ཁྱོད་འོངས་པ་ལེགས་སོ། །རྡོ་རྗེ་འཛིན་གྱིས་དམ་ཚིག་བྱིན་པ་གང་ཡིན་པ་དེ་དྲན་པར་གྱིས་ཤིག་ཅེས་སྨྲོས་ཤིག་།དེ་སྐད་ཐོས་ནས་ཅ་ཅོའི་སྒྲ་ཕྱུང་སྟེ་དེ་བཞིན་
Ba434b
དུ་བྱའོ་ཞེས་ནས་མི་སྣང་བར་འགྱུར་རོ། །དེ་ནས་ཉིན་གཅིག་བཞིན་དུ་ཏི་ན་ར་རེ་སྦྱིན་བར་བྱེད་ཅིང་དོན་ཐམས་ཅད་སྒྲུབ་སྟེ། རིག་སྔགས་ཀྱི་དངོས་གྲུབ་ཀྱང་སྦྱིན་པར་བྱེད་དོ།། ལས་གཞན་དག་ཀྱང་འབྱུང་སྟེ། ལོག་འདྲེན་ཕུང་བར་བྱ་བ་ལ་ནི། སྐེ་ཚེ་དང ། ལན་ཚཝ་སྦྱིན་སྲེག་ལན་བརྒྱད་བརྒྱ་བྱའོ། །གདོན་གཞིག་པ་ནི། སྐྲ་གཏུབས་པའི་བདུག་པས་བདུགས་ན་གདོན་ཐམས་ཅད་འཇིགས་པར་འགྱུར་རོ། །གདོན་གཞོམ་པ་ནི། མཛུབ་མོས་བྱའོ། །ལོ་ཏོག་མ་རུངས་པར་བྱ་བ་ནི། མར་གྱི་ངོ་ཞག་བཅུ་བཞི་ལ་ནི་ཨ་འབྲའི་ཤིང་གི་ཕུར་བུ་སོར་བརྒྱད་པ་བླངས་ཏེ་ལག་ན་རྡོ་རྗེའི་མདུན་དུ་ལན་བརྒྱད་བརྒྱ་བཟླས་བརྗོད་བྱས་ནས་ཞིང་ལ་བཏབ་ན་ལོ་ཏོག་མེད་པར་འགྱུར་རོ། །ཆང་མ་རུང་བར་བྱ་ན། འོ་མའི་སྲེག་བླུགས་ལ་ལན་ཉི་ཤུ་རྩ་གཅིག་སྦྱིན་སྲེག་བྱས་ན་མ་རུང་བར་འགྱུར་རོ། །དགྲ་ལུས་མི་སྡུག་པར་བྱ་ན། ལམ་གྱི་སུམ་མདོར་སྐྱུ་རུ་རའི་ཤིང་གིས་མེ་སྦར་ཏེ་དགྲའི་མིང་ནས་སྨོས་ཤིང་དུག་གིས་ལན་བརྒྱ་སྟོང་སྦྱིན་སྲེག་བྱས་ན་དགྲའི་ལུས་ལ་མི་གཙང་བའི་དྲི་མནམ་པར་འགྱུར་རོ། །ཕྱིར་གསོ་བ་ནི། ལག་ན་རྡོ་རྗེ་ལ་མཆོད་པ་རྒྱས་པར་བྱས་ཏེ་མར་དང ། གུ་གུལ་གྱིས་ལན་སྟོང་རྩ་བརྒྱད་སྦྱིན་སྲེག་བྱས་ན་ཕྱིར་འཚོ་བར་འགྱུར་རོ། །དབྱེ་བར་བྱ་བ་ནི། མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་
Ba435a
༄#། །བྱས་ཏེ་ལག་ན་རྡོ་རྗེའི་མདུན་དུ་སྤེན་མའི་ཤིང་གིས་མེ་སྦར་ལ་ཕུབ་མས་ལན་བརྒྱ་སྟོང་སྦྱིན་སྲག་བྱས་ན་དབྱེ་བར་འགྱུར་རོ། །དགྲ་བསྐྲད་པར་འདོད་པས་ནི།་མར་གྱི་ངོ་ཞག་བརྒྱད་ལ་ནེའུ་ལེའི་རུས་པ་བླངས་ནས་དགྲའི་མིང་ནས་སྨོས་ཏེ་སྦྲུལ་གྱི་ཁུང་བུར་བཙུགས་ན་དེ་མ་ཐག་ཏུ་དགྲ་འབྲོས་པར་འགྱུར་རོ། །རིག་པ་མཆོག་སྒྲུབ་པའི་རིག་སྔགས་འཆང་གི་ཆོ་ག་རྒྱས་པ་ལས་འབྱུང་བའི་ལྷ་རྣམས་ལ་མཆོད་པ་བྱས་ལ་བཙུགས་ནས་བྱུང་ན་ཡང་རྟག་ཏུ་བཅིང་བར་བྱའོ། །དེ་བཅིངས་ན།་ཆོ་ག་རྒྱས་པར་འགྲུབ་པར་འགྱུར་ཏེ། རིག་སྔགས་ཀྱི་དངོས་གྲུབ་ལས་སུ་ཡང་གླགས་ཚོལ་བར་མི་འགྱུར་རོ། །གང་ལ་རིག་པ་མཆོག་གི་ཆོ་ག་རྒྱས་པ་ཐམས་ཅད་རྫོགས་པ་ཡོད་པ་དེ་ཐམས་ཅད་ལ་ནི། ལྷ་རྣམས་ཡིད་དགའ་བར་འགྱུར་ཏེ། རིག་སྔགས་ཀྱང་སྦྱིན་པར་བྱེད་དོ། །དེ་མ་ཡིན་ན། ལག་ན་རྡོ་རྗེའི་བྱ་བ་སྒྲུབ་པ་རྣམས་གླགས་ཚོལ་བའི་ཕྱིར་འཁོད་དོ། །ཆོ་ག་རྒྱས་པ་སྒྲུབ་པས་ཆོ་ག་རྒྱས་པ་ལས་བཤད་པ་བཞིན་དུ་འགལ་བ་རྣམས་བསྲུང་བར་བྱ་སྟེ། ཉ་དང ། ཤ་སྤང་བར་བྱའོ། །རྟག་ཏུ་སངས་རྒྱས་དང ། ཆོས་དང ། དགེ་འདུན་ལ་མངོན་པར་དགའ་བར་བྱའོ། །གང་དག་ངའི་རྡོ་རྗེའི་རིགས་ལ་མཆོད་པ་བྱེད་ཅིང་དང་བར་བྱེད་པ་དང ། རིག་པའི་མཆོག་
Ba435b
འདོན་ཅིང་མཆོད་པ་དེ་དག་ནི། ངའི་དམ་ཚིག་ཤེས་པ་ཡིན་ནོ། །དེ་དག་ནི། ང་ལ་ཤས་ཆེར་དང་སྟེ། དེ་དག་ལ་ང་ཞི་བར་སེམས་སོ། །ལྷ་ཐམས་ཅད་ཀྱང་ཞི་བར་སེམས་པར་འགྱུར་རོ། །གང་དག་བྱང་ཆུབ་སེམས་དཔའ་རྣམས་ཀྱི་ཚུལ་ལས་ཕྱི་རོལ་དུ་གྱུར་ཅིང་འདོད་དོ་ཅོག་ཟ་བ་དང ། དགེ་སྦྱོང་དུ་མི་འཛིན་པ་དང ། བྲམ་ཟེར་མི་འཛིན་པར་ཆོ་ག་རྒྱས་པ་འདི་སྒྲུབ་པ་དེ་དག་ནི། ལག་ན་རྡོ་རྗེ་འཛིན་གྱིས་རྡོ་རྗེས་བཤིག་པར་འགྱུར་རོ། །ལྷ་ཐམས་ཅད་ཀྱང་མ་དད་པའི་སེམས་སུ་འགྱུར་རོ། །ལོག་འདྲེན་རྣམས་ཀྱང་གླགས་ལྟ་ཞིང་ཀླན་ཀ་ཚོལ་བའི་ཕྱིར་འཁོད་དེ། དེ་མ་ཐག་ཏུ་ནད་ཀྱིས་འདེབས་ཤིང་ལོག་འདྲེན་རྣམས་ཀྱིས་ནོན་པར་འགྱུར་རོ། །མ་མོ་རྣམས་ཀྱི་ཆོ་ག་རྫོགས་སོ།། །།དེ་ནས་རྡོ་རྗེ་ཁྲོ་བོ་བདུད་རྩི་ཐབ་སྦྱོར་གྱིས་འཁོར་འདུས་པ་ཐམས་ཅད་ལ་གླང་པོ་ཆེའི་ལྟ་སྟངས་ཀྱིས་བལྟས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས།་འདིའི་སེམས་ཅན་རྣམས་ནི། བསོད་ནམས་དམན་པ་དང ། ཚུལ་ལ་མི་གནས་པ་དང ། ཕ་ལ་མ་གུས་པ་དང ། མ་ལ་མ་གུས་པ་དང ། བསོད་ནམས་ཆུང་བ་དང ། དད་པ་མེད་པ་དང ། གླགས་ཚོལ་བ་དང ། འཆལ་བ་དང ། རྟག་ཏུ་ཟང་ཟིང་ལ་བརྐམ་པ་དང ། རྟག་ཏུ་ལོག་འདྲེན་དང ། མཆེ་བ་ཅན་དང ། ཤ་ཟ་རྣམས་ཀྱིས་ཟིན་པ་ལགས་ཏེ།
Ba436a
༄#། །བགེགས་དང་ལོག་འདྲེན་དེ་དག་གཞིག་པ་དང ། མཐར་གཏུགས་པའི་སླད་དུ་གསང་སྔགས་བཤད་པར་འཚལ་ལོ། །དེ་ནས་བཅོམ་ལྡན་འདས་ཀྱིས་རྡོ་རྗེ་ཁྲོ་བོ་ལ་བཀའ་སྩལ་ཏོ། །བདུད་རྩི་ཐབ་སྦྱོར། གང་ཁྱོད་སེམས་ཅན་ཐམས་ཅད་ལ་ཕན་པའི་ཕྱིར་ཞུགས་པ་ལེགས་སོ་ལེགས་སོ། །ཁྱོད་ལ་དེ་བཞིན་གཤེགས་པས་གནང་གི་།སེམས་ཅན་ཐམས་ཅད་ཀྱི་ཕྱིར་གསང་སྔགས་ཤོད་ཅིག་།དེ་ནས་རྡོ་རྗེ་ཁྲོ་བོ་བདུད་རྩི་ཐབ་སྦྱོར་གྱིས་བཅོམ་ལྡན་འདས་དང ། ལག་ན་རྡོ་རྗེའི་ཞབས་ལ་གཏུགས་ནས་གསང་སྔགས་བཤད་པ། ན་མོ་རཏྣ་ཏྲ་ཡཱ་ཡ། ན་མཤྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ན་མོ་བཛྲ་ཀྲོ་དྷཱ་ཡ། པྲ་ཛྭ་ལི་ཏ་དཱི་པྟ་དཾཥྚོ་ཏ་ཀ་ཊ་བྷ་ཡ་བྷཻ་ར་བཱ་ཡ། ཨ་སི་མུ་ས་ལ། བཛྲ་བ་ར་ཤུ་པཱ་ཤ་ཧ་སྟཱ་ཡ། ཏདྱ་ཐཱ། ཨོཾ་ཧུ་ལུ་ཧུ་ལུ། ཨ་མྲྀ་ཏ་ཀུཎྜ་ལི། ཁ་ཁ་ཁ་ཁ། ཁཱ་ན་ཁཱ་ན་ཁཱ་ན་ཁཱ་ན། ཁཱ་ད་ཁཱ་ད་ཁཱ་ད་ཁཱ་ད། ཁཱ་ཧི་ཁཱ་ཧི་ཁཱ་ཧི་ཁཱ་ཧི། ཏིཥྛ་ཏིཥྛ་།ཧ་ན་ཧ་ན། ད་ཧ་ད་ཧ། པ་ཙ་པ་ཙ། གྲྀཧྞ་གྲྀཧྞ། བནྡྷ་བནྡྷ། གརྫ་གརྫ། ཏརྫ་ཏརྫ། བི་སྥོ་ཊ་ཡ་བི་སྥོ་ཊ་ཡ། བྷ་ག་བཱན། ཨ་མྲྀ་ཏ་ཀུཎྜ་ལི། མཱུརྟ་ན་ཏཱ་ཌ་ཡ་བཛྲེ་ཎ་སརྦ་བིགྷྣཱཾ་བི་ནཱ་ཡ་ཀཾ་ནི་བཱ་ར་ཡ་མ་ཧཱ་ག་ཎ་པ་ཏི། ཛཱི་བི་ཏཱནྟ་ཀ་རཱ་ཡ། ཧཱུཾ་ཧཱུཾ་ཕཊ་ཕཊ། ཨོཾ་ཀྲོ་དྷ་ག་ཎ་ཡེ་སཝཱཧཱ། བདུད་རྩི་ཐབ་སྦྱོར་གྱི་གསང་སྔགས་དང་པོའོ། །ན་མོ་རཏྣ་ཏྲ་
Ba436b
ཡཱ་ཡ།་ན་མཤྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ན་མོ་མ་ཧཱ་བཛྲ་ཀྲོ་དྷ་ཡ། དཾཥྚོ་ཏ་ཀ་ཊ་བྷཻ་ར་བཱ་ཡ། ཨ་སི་མུ་ས་ལ་པ་ར་ཤུ་བཱ་ཤ་ན་ཧ་སྟཱ་ཡ། ཧེ་ཧེ། པ་ཏ་པ་ཏ། དྷ་བ་དྷ་བ།་ཁ་ཁ། ཁཱ་ཧི་ཁཱ་ཧི། ཨ་མྲྀ་ཏ་ཀུཎྜ་ལི། ཏིཥྛ་ཏིཥྛ། བནྡྷ་བནྡྷ། ཧ་ན་ཧ་ན། གརྫ་གརྫ། ག་ཎ་བ་ཏི། ཛཱི་བི་ཏ་ཨནྟ་ཀ་རཱ་ཡ་སཝཱཧཱ། གསང་སྔགས་གཉིས་པའོ། །ན་མཱོ་རཏྣ་ཏྲ་ཡ་ཡ། ན་མ་ཤྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ན་མོ་བཛྲ་ཀྲོ་དྷཱ་ཡ། བི་མ་ལ་ཀ་ན་ཀ་ཛྭ་བུ་ཤ་ན་ཡ་ག་ག་ན། ཨ་མྲྀ་ཏ་སཾ་བྷ་བཱ་ཡ། གརྟ་མ་ལྱ་ཨ་ནུ་ལེ། པ་ན་པྲི་ཡཱ་ཡ། བཛྲ་པཱ་ཎི་པྲི་ཡཱ་ཡ། བཛྲ་པཱ་ཎི་ཏུ་ལྱ། བྷ་ག་ཡ་དེ་བ་ནཱ་ག་ཡཀྵ་རཱཀྵ་ས་པྲ་མརད་ནཱ་ཡ། ཏྲཻ་ལོཀྱ། གོ་ཙ་རཱ་ཡ། ཤ་ཏ་སྱ་ནྱ་བི་ཏྲ་ཀ་ར་ཡ་ཧྲྀ་ད་ནན། གརྦྷོ་ཏྟ་མཱ་ཡ་ཨ་མྲྀ་ཏ་ཀུཎྜ་ལི། ཨི་ཧྱེ་ཧི་དཾཥྚྲོ་ཏ་ཀ་ཊ་བྷཻ་ར་བ་གྷི་བི་ཏུད་ཛྭ་ལ་སྤུ་ལིཾ་ཀ་ཤ་ནི་དུ་ལེ་རུ་ཕོ་ཏི་ཏི་སཾ་བུདྡྷ། ཨོཾ་ཁ་ཁ་ཁ་ཁ། གྲྀཧྞ་གྲྀཧྞ། བནྡྷ་བནྡྷ། ཧ་ན་ཧ་ན། གརྫ་གརྫ། བི་སྥོ་ཊ་ཡ་བི་སྥོ་ཊ་ཡ། དྷ་ཀ་དྷ་ཀ། ཛྭ་ལ་ཛྭ་ལ། པྲ་ཛྭ་ལ་པྲ་ཛྭ་ལ། གྲ་ས་གྲ་ས། སརྦ་བིགྷྣཱཾ་བི་ནཱ་ཡ་ཀཱ་ནཱན་ཧྲྀ་ད་ཡཾ་སྤ་ཏ། གནྡྷ་རྦ་ཧྲྀ་ད་ཡཾ་སྤ་ཏ། རཱཀྵ་ས་ཧྲྀ་ད་ཡཾ་སྤ་ཏ། སརྦ་ཛྭ་ར་ཧྲྀ་ད་ཡཾ་སྤ་ཏ། སརྦ་ཙ་ཏུ་ཀ་ཧྲྀ་ད་ཡཾ་སྤ་ཏ། སརྦ་ནཱ་གཱ་ནཱཾ་ཧྲྀ་ད་ཡཾ་སྤ་ཏ། ཧཱུཾ་ཧཱུཾ་སྤ་ཏ། ད་ཧ་ད་ཧ། པ་ཙ་པ་ཙ། ཨཱ་བི་ཤ་ཨཱ་བི་ཤ། ཨི་དཾ་ཙ་མེ་ཀཱརྱཾ་ཀུ་རུ་བཛྲ་དྷ་ར་ཨཱཛྙཱ་པ་ཡ་ཏི་སཝཱཧཱ། གསང་སྔགས་གསུམ་པའོ། །
Ba437a
༄#། །ན་མོ་བཛྲ་ཀྲོ་དྷཱ་ཡ། དཾཥྚྲོཏ་ཀ་ཊ་བྷཻ་ར་བཱ་ཡ། ཏདྱ་ཐཱ། ཧུ་ལུ་ཧུ་ལུ། ཁ་ཁ་ཁ་ཁ། ཁཱ་ཧི་ཁཱ་ཧི། ཏིཥྛ་ཏིཥྛ། བནྡྷ་བནྡྷ་སཝཱཧཱ། ཁྲོ་བོ་བདུད་རྩི་ཐབ་སྦྱོར་གྱི་གསང་སྔགས་བཞི་པའོ། །དེ་ནས་འདི་དག་གི་སྙིང་པོ་དོན་ཡོད་པ་གང་འདོད་པ་དང ། བཟླས་བརྗོད་བྱས་ཤིང་བསྒྲུབས་ན། བདག་གི་གསང་སྔགས་ཐམས་ཅད་བཏོན་ཅིང་བཟླས་བརྗོད་བགྱིས་པ་དང ། བསྒྲུབས་པར་གྱུར་པ་དེ་བཤད་པར་འཚལ་ལོ། །དེ་ལ་འདི་ནི། བདག་གི་སྙིང་པོ་ལགས་སོ། །ོཾ་ཨ་མྲྀ་ཏེ་ཧཱུཾ་ཕཊ། བདུད་རྩི་ཐབ་སྦྱོར་གྱི་སྙིང་པོ་རྡོ་རྗེ་ཁྲོ་བོ་བདུད་རྩི་ཐབ་སྦྱོར་གྱིས་གསང་སྔགས་རྣམས་བཤད་མ་ཐག་ཏུ་ས་ཆེན་པོ་འདི་རྣམ་པ་དྲུག་ཏུ་གཡོས་སོ། །ལོ་ག་འདྲེན་རྣམས་ཀྱང་སྐྲག་སྟེ་སྐྱབས་མེད་ཅིང་རྟེན་མེད་པར་གྱུར་ནས་དེ་བཞིན་གཤེགས་པའི་ཐད་དུ་སོང་སྟེ། བཅོམ་ལྡན་འདས། བདག་ཅག་གི་སྐྱབས་མཛད་དུ་གསོལ། བདེ་བར་གཤེགས་པ།་བདག་ཅག་གི་སྐྱབས་མཛད་དུ་གསོལ་ཞེས་དེ་སྐད་དུ་སྨྲ་ཞིང་མགོ་བོ་ཐུར་དུ་གཏུགས་སོ། །ཀྱེ་ཀྱེ་ལོག་འདྲེན་མ་རུངས་པ་རྣམས་ལོངས་ལ་ངའི་ངག་ཉོན་ཅིག ། རྡོ་རྗེ་ཀུན་ཏུ་འབར་ཞིང་རབ་ཏུ་འབར་ལ། ཀུན་ཏུ་རབ་ཏུ་འབར་བས་ཁྱེད་ཀྱི་སྤྱི་བོ་གཤགས་ས་རེ། ངས་རལ་པ་སེར་པོ་ཅན་རྣམས་ཀྱི་གསང་སྔགས་ཀྱིས་ལྷའི་ལོ་སྟོང་
Ba437b
གེ་བར་དུ་ལོག་འདྲེན་རྣམས་བཅོམ་པ་དང ། གཏུབས་པ་དང ། བརྡུངས་པ་དང ། གཟིར་བ་དང ། བསྐམས་པ་གང་ཡིན་པ་དེ་དྲན་པར་གྱིས་ཤིག་།ངའི་མཐུ་དང ། བརྩོན་འགྲུས་དང ། ཕ་རོལ་གནོན་པ་ཆེན་པོ་དྲན་པར་གྱིས་ཤིག་།གང་ངའི་གསང་སྔགས་འཛིན་ཅིང་འདོན་པ་དང ། སྒྲུབ་པ་དང ། དེས་སྲུང་བར་བྱེད་པ་དེ་ལ་གླགས་མ་ཚོལ་ཅིག་།ཏིལ་སྦྲུས་པའམ། ཟས་ངན་པ་ཟ་ཡང་རུང ། ཤ་ཟ་ཡང་རུང ། གྲོང་གི་ཆོམ་རྐུན་སྤྱོད་ཀྱང་རུང་སྟེ། རིག་པའི་མཆོག་ལ་སོགས་པ་རིག་པ་ཐམས་ཅད་སྒྲུབ་པ་ལ་གླགས་མ་ཚོལ་ཅིག ། ཟན་ཟ་བའི་ཚེ་ཡང་ཁམ་དང་པོ་ལ་སྔགས་ཀྱིས་བཏབ་སྟེ་དབུལ་བར་བྱའོ། །ཉི་མ་ཤར་བའི་ཚེ་ལན་བདུན་བརྗོད་ན། དེའི་ཕྱི་བཞིན་དུ་རྟག་ཏུ་འབྲང་ངོ ། །ལོག་འདྲེན་རྣམས་ཀྱང་གླགས་མི་ཚོལ་ལོ། །ཉ་དང ། ཤ་དང ། ཏིལ་དང ། སྲན་ཆན་དང ། པེན་ཚེ་ཡང་རུང ། སྣུམ་འཁུར་པརྤ་ཏ་དང ། ལ་ཕུག་ཀྱང་རུང་སྟེ་ཐམས་ཅད་ཟར་ཟིན་ཀྱང་རིག་སྔགས་འཛིན་ན། དེ་ལ་ཐམས་ཅད་འགྲུབ་པར་འགྱུར་རོ། །གང་ངའི་གསང་སྔགས་འཛིན་པ་ནི། བཟའ་བ་མ་ཡིན་པ་ཟ་ཞིང་བྱ་བ་མ་ཡིན་པ་བྱེད་དུ་ཟིན་ཀྱང་དེ་ལ་གང་གིས་ལོག་འདྲེན་རྣམས་གླགས་ཚོལ་བ་བརྟུན་ཏེ་འཁོད་པར་མི་འགྱུར་བའི་གསང་སྔགས་བདེ་བ་བསྟན་པར་བྱའོ། །རིག་སྔགས་འཆང་སྒྲུབ་པ་ན་གང་དུ་ལོག་འདྲེན་རྣམས་ཀྱིས་
Ba438a
༄#། །གླགས་རྙེད་པར་མི་འགྱུར་བའི་གནས་ཀྱང་བསྟན་པར་བྱ་སྟེ། ངེས་པར་བྱས་པ་ལ་ནི། གླགས་ཚོལ་བ་ལ་བརྟུན་པར་མི་འགྱུར་རོ། །ངེས་པར་གནས་པ་ལ་ཡང་གནས་ནས་གནས་སུ་འགྲོ་བ་ན་གོམ་པ་རེ་རེ་ལ་ལོག་འདྲེན་རྣམས་གླགས་ཚོལ་བའི་ཕྱིར་འཁོད་པ་ཡོད་དོ། །ལོག་འདྲེན་སའི་སྤྱི་ཕུད་ཅེས་བྱ་བ་གང་དག་ས་བརྟོལ་ནས་འབྱུང་བ་ཡང་ཡོད་དོ། །དེ་ལ་བགེགས་ཀྱི་མཚན་མ་ཡང་བཤད་པར་བྱ་སྟེ། དེ་དག་ནི། གོམ་པ་རེ་རེ་འཛིན་པར་བྱེད་དོ། །དེ་དག་གིས་ཟིན་ན། བགེགས་སུ་འགྱུར་ཏེ། ལེ་ལོ་སྐྱེ་བར་འགྱུར་ཞིང་བརྒྱལ་བ་དང ། སྐྱུག་པ་དང ། མགོ་འཁོར་བར་འགྱུར་རོ། །ལོག་འདྲེན་དེ་དག་ནི། བསོད་ནམས་ཀྱང་ཟད་པར་བྱེད་དེ། ལོག་འདྲེན་རྣམས་ཀྱིས་རེག་པ་ཙམ་གྱིས་ལྷའི་ལོ་སྟོང་གི་བར་དུ་ཕ་རོལ་ཏུ་ཕྱིན་པ་དྲུག་བསགས་པའི་བསོད་ནམས་ཀྱི་ཕུང་པོ་ཡང་ཐལ་བར་རློག་པར་བྱེད་ཅིང་རིག་སྔགས་འཆང་རིག་སྔགས་སྒྲུབ་པའི་བསོད་ནམས་ཟད་པར་བྱེད་དོ། དེ་ནས་རིག་སྔགས་རྣམས་འགྲུབ་པར་མི་འགྱུར་རོ། །དེ་བས་ན། རིག་སྔགས་འཆང་གི་ལུས་ཀྱི་ལྕི་ཡང་ལས་ཤེས་པར་བྱ་སྟེ། མར་དང་སྲ་རྩི་པོག་གིས་བདག་ཉིད་བདུག་པར་བྱའོ། །དེ་ནས་ལོག་འདྲེན་དེ་དག་གིས་གཏོང་བར་འགྱུར་རོ། །གང་ངའི་གསང་སྔགས་འཛིན་པ་དེ་ལ་ནི་གླགས་ཚོལ་བར་བརྟུན་པར་མི་འགྱུར་ཏེ། དེ་བས་ན།
Ba438b
རིག་སྔགས་འཆང་གིས་རིག་པའི་མཆོག་དྲན་པར་བྱས་ན་དེ་མཉེས་པར་གྱུར་པས་འཛུམ་པའི་བཞིན་གྱིས་དངོས་གྲུབ་མྱུར་དུ་འབྱིན་པར་བྱེད་དེ། ལོག་འདྲེན་རྣམས་ཀྱིས་མ་མཐོང་བ་འགྲུབ་པར་འགྱུར་རོ། །ལོག་འདྲེན་སའི་སྤྱི་ཕུད་ཅེས་བྱ་བ་རྣམས་ཀྱི་མཚན་ཉིད་རྫོགས་སོ།། །།ལོག་འདྲེན་ཆུ་ལྟར་གཡོ་བ་ཞེས་བྱ་བ་དེ་དག་ནི། ཆུ་ན་གནས་ཏེ། རིག་སྔགས་འཆང་ཁྲུས་བྱེད་པ་ན་འཛིན་པར་བྱེད་དོ། །དེ་དག་གི་མཚན་མ་འབྱུང་སྟེ་སེམས་འཁྲུག་པར་བྱེད་དེ། འདོད་པ་ལ་ལྷུར་སེམས་པ་དང ། བྲུ་བས་གཟིར་ཅིང་ཁ་ཟས་ལ་མངོན་པར་ཆགས་པ་དང ། འཇིགས་པའི་སེམས་སྐྱེ་བར་འགྱུར་རོ། །དེ་བས་ན། རིག་སྔགས་འཆང་གིས་བདུད་རྩི་ཐབ་སྦྱོར་དྲན་པར་བྱ་སྟེ། དྲན་པ་ཙམ་གྱིས་ལོག་འདྲེན་རྣམས་འཆི་བར་འགྱུར་རོ། །དེ་ནས་རིག་སྔགས་འཆང་གིས་སྙིང་རྗེའི་སེམས་བསྐྱེད་པར་བྱ་སྟེ། རིག་པ་མཆོག་དྲན་པར་བྱའོ། །དེ་དྲན་པ་ཙམ་གྱིས་འབྲས་བུ་ཆེ་བར་འགྱུར་ཏེ། རིག་སྔགས་ཀྱི་ལྷ་དེ་དག་གིས་ལོག་འདྲེན་རྣམས་མྱོས་པར་མཐོང་ནས་དགའ་བའི་སེམས་ཀྱིས་དངོས་གྲུབ་མྱུར་དུ་སྦྱིན་པར་བྱེད་དོ། །ལོག་འདྲེན་ཆུ་ལྟར་གཡོ་བ་ཞེས་བྱ་བ་རྣམས་ཀྱི་མཚན་ཉིད་རྫོགས་སོ།། །།ལོག་འདྲེན་རིག་སྔགས་ཀྱི་ལྷའི་མངག་གཞུག་པ་ཞེས་བྱ་བ་རྣམས་ནི། མཐུ་ཆེ་བ་སྟེ། དེ་དག་ནི། རིག་སྔགས་འཆང་རིག་
Ba439a
༄#། །སྔགས་ལས་ལྡང་བ་ན་འཛིན་པར་བྱེད་དོ། །ཟིན་པར་གྱུར་ན་ལུས་ཀྱི་ཚུལ་ལས་རྟོགས་པར་བྱ་སྟེ། ལུས་ཚ་བར་འགྱུར། སྡང་བར་གྱུར། སྡིག་པའི་སེམས་འབྱུང་བར་འགྱུར་རོ། །དེ་ནས་རིག་སྔགས་འཆང་གིས་དེ་དག་ཕྱིར་གཞིལ་བར་བྱ་སྟེ། གཙུག་ཕུད་ལ་འཆང་ལ་བདུག་པ་ཐམས་ཅད་སྦྱིན་ཞིང ། རིག་སྔགས་ལན་བརྒྱ་སྟོང་བཟླས་བརྗོད་བྱས་ན། ཕྱིན་ཆད་ལོག་འདྲེན་དེ་དག་གླགས་ཚོལ་བ་ལ་བརྟུན་པར་མི་འགྱུར་ཏེ། དགའ་བར་གྱུར་ནས་དངོས་གྲུབ་ཀྱང་སྦྱིན་པར་བྱེད་དོ། །ལོག་འདྲེན་འདི་དག་ཀྱང་རིག་སྔགས་ཀྱི་ལྷ་ཐམས་ཅད་ཀྱི་ཕྱི་བཞིན་འབྲང་ཞིང་གནས་པ་ཡིན་ནོ། །རྟག་ཏུ་གླགས་ཚོལ་བ་ཡང་ཡིན་ཏེ། སུ་ཞིག་སྔགས་གྲུབ་པ། སུ་ཞིག་སྔགས་འདོན་པ། སུ་མཆོད་པ་བྱེད་པས་དེ་ལ་བགེགས་ཀྱང་བྱེད་ཅིང་འདུན་པ་ཟློག་པར་བྱེད། ལེ་ལོ་ཡང་འཇུག་པར་བྱེད་དོ། །དེ་བས་ན། རིག་སྔགས་འཆང་གིས་ཉི་མ་ལོགས་སུ་ཁ་བལྟས་ལ་རྟག་ཏུ་ཆུ་ཁྱོར་གང་གཏོར་ནས་ཁྲོ་བོའི་རིག་སྔགས་ཀྱང་ལན་བདུན་བརྗོད་པར་བྱ་སྟེ། འདི་སྐད་དུ་བདག་མིང་འདི་ཞེས་བྱ་བའི་རིག་སྔགས་ཆེ་གེ་མོ་ཞེས་བྱ་བ་སྒྲུབ་ཀྱི། ཁྱེད་ཡིད་དགའ་བར་གྱིས་ཤིག་ཅེས་ཀྱང་སྨྲོས་ཤིག་།དུས་ཐམས་ཅད་དུ་དེ་སྐད་སྨྲས་ནས་དེས་ལོག་འདྲེན་རྣམས་དགའ་ཞིང་མགུ་ལ་ཡིད་དགའ་
Ba439b
པར་གྱུར་ཏེ། དངོས་གྲུབ་སྦྱིན་པར་བྱེད་ཅིང་སེམས་ཀྱང་དང་བར་འགྱུར་རོ། །གྲུབ་པའི་ཚེ་ཡང་ནང་པར་ཉི་མ་ལོགས་སུ་ཁ་བལྟས་ལ་ཐལ་མོ་སྦྱར་ནས་རིག་སྔགས་བརྗོད་དེ། འདི་སྐད་དུ་བདག་མིང་འདི་ཞེས་བགྱི་བའི་རིག་སྔགས་ཆ་གེ་མོ་ཞིག་སྒྲུབ་ཀྱི། ཁྱེད་ཡིད་དགའ་བར་གྱིས་ཤིག་ཅེས་ཀྱང་སྨྲོས་ཤིག་།དེ་ནས་གཙུག་ཕུད་འཕྱང་ལ་ལ་སོགས་པ་ལོག་འདྲེན་དེ་དག་དེ་ཉིད་དུ་འདུ་བར་འགྱུར་ཏེ། རིག་སྔགས་འཆང་གིས་ཁྲོ་བར་བྱས་ལ་ཁྱེད་མ་འགུལ་ཅིག་ཅེས་སྨྲོས་ཤིག་།དེ་ནས་ལོག་འདྲེན་དེ་དག་བཅིངས་ཤིང་གཟིར་བར་གྱུར་ཏེ་དངོས་གྲུབ་མྱུར་དུ་སྦྱིན་པར་བྱེད་དོ། །ལོག་འདྲེན་རྣམས་དགྲོལ་བ་ནི། ཡིད་ཀྱིས་བྱའོ། །ལོག་འདྲེན་ལྷའི་མངག་གཞུག་ཅེས་བྱ་བ་རྣམས་ཀྱི་མཚན་ཉིད་རྫོགས་སོ།། །། ལོག་འདྲེན་འཇིག་རྟེན་མེ་ཏོག་ཅེས་བྱ་བ་རྣམས་ནི། གང་གི་ཚེ་རིག་སྔགས་འཆང་རིག་སྔགས་སྒྲུབ་ཅིང་ལྷ་ལ་མེ་ཏོག་དབུལ་བ་ན་དེའི་ཚེ་ལོག་འདྲེན་དེ་དག་གིས་འཛིན་པར་བྱེད་དེ། ལོག་འདྲེན་དེ་དག་ཉིད་ཀྱང་མེ་ཏོག་གི་ཁོངས་སུ་འཇུག་ཅིང་གནས་སོ། །དེ་བས་ན་རིག་སྔགས་འཆང་གིས་ཐོག་མ་ཉིད་དུ་མེ་ཏོག་དེ་དག་རིག་སྔགས་འཆང་བཟླས་བརྗོད་བྱེད་བཞིན་དུ་བླང་བར་བྱའོ། །བླངས་ནས་གུ་གུལ་གྱི་བདུག་པས་བདུགས་ཏེ། དེ་ནས་ལྷ་ལ་ཕུལ་ན་ལྷ་རྣམས་ཡིད་དགའ་བར་འགྱུར་རོ། །བདུག་པས་མ་བདུགས་པར་ལྷ་
Ba440a
༄#། །དེ་དག་ལ་ལོག་འདྲེན་རྣམས་ཀྱིས་གནོད་པར་འགྱུར་ཏེ་འགྲུབ་པར་མི་འགྱུར་རོ། །ལོག་འདྲེན་འཇིག་རྟེན་མེ་ཏོག་ཅེས་བྱ་བ་རྣམས་ཀྱི་མཚན་ཉིད་རྫོགས་སོ།། །།ལོག་འདྲེན་ཟས་སུ་དྲི་ཟ་བ་ཞེས་བྱ་བ་དེ་དག་ནི། རིག་སྔགས་འཆང་དྲི་ལ་རེག་པ་ན་འཛིན་པར་བྱེད་དེ། ཅི་སྟེ་རིག་སྔགས་འཆང་གིས་དྲི་དག་ལྷ་ལ་ཕུལ་ན། ལྷ་དེ་དག་སེམས་དང་བ་མེད་ཅིང་རྒྱབ་ཀྱིས་ཕྱོགས་པར་འགྱུར་ཏེ། ལོག་འདྲེན་དེ་རྣམས་མཐོང་བས་འཕང་བར་འགྱུར་ཞིང ། རིག་སྔགས་འཆང་ལ་འགྲུབ་པར་མི་འགྱུར་རོ། །དེ་བས་ན། རིག་སྔགས་འཆང་གིས་ཐོག་མ་ཉིད་དུ་ཁྲོ་བོའི་བཟླས་བརྗོད་བྱེད་བཞིན་དུ་དྲི་བླང་བར་བྱའོ། །དེས་ན་ལོག་འདྲེན་དེ་དག་འབྱེར་ཏེ་རྨས་པར་ཡང་འགྱུར་རོ། ། དེ་ནས་ལྷ་དེ་དག་དྲིས་ཚིམ་པར་བྱས་པས་དགའ་བའི་སེམས་ཀྱིས་དངོས་གྲུབ་སྩོལ་ཏོ། །ལོག་འདྲེན་ཟས་སུ་དྲི་ཟ་བ་རྣམས་ཀྱི་མཚན་ཉིད་རྫོགས་སོ།། །། ལོག་འདྲེན་ནག་པོ་ཞེས་བྱ་བ་རྣམས་ནི། བདུག་པ་ཉིད་ལས་འབྱུང་སྟེ། གང་གི་ཚེ་རིག་སྔགས་འཆང་ལྷ་ལ་བདུག་པ་འབུལ་བ་ན་དེའི་ཚེ་འཛིན་པར་བྱེད་དོ། །ལོག་འདྲེན་གྱིས་ཟིན་པའི་མཚན་ཉིད་ནི། དྲན་པ་ཉམས་པ་དང ། རིག་སྔགས་གཏོང་བར་འགྱུར་ཏེ། བདུག་པ་མཐོང་བས་ལྷ་འཕང་བར་འགྱུར་ཞིང་དངོས་གྲུབ་འགྲུབ་པར་མི་འགྱུར་
Ba440b
རོ། །དེ་བས་ན། རིག་སྔགས་འཆང་གིས་ཐོག་མ་ཉིད་དུ་ལག་པ་གཡོན་པས་མར་བླངས་ལ་ཁམ་ཕོར་གྱི་ནང་ནས་བདུག་པ་ཕུལ་ན། དེ་ཕྱིན་ཆད་ལོག་འདྲེན་རྣམས་འབྱུང་བར་མི་འགྱུར་རོ། །བདུག་པ་དེས་ཀྱང་ལྷ་ཐམས་ཅད་ཚིམ་པར་བྱའོ། །ལྷ་དེས་ཀྱང་དངོས་གྲུབ་མྱུར་དུ་སྦྱིན་པར་བྱེད་དོ། །ནག་པོ་དང ། ཟས་སུ་དྲི་ཟ་བ་ནི། མཚན་ཉིད་གཅིག་གོ་།ནག་པོ་ཞེས་བྱ་བའི་མཚན་ཉིད་རྫོགས་སོ།། །།ལོག་འདྲེན་གཙུག་ཕུད་གཅིག་པ་ཞེས་བྱ་བ་རྣམས་ནི། མཐུ་ཆེ་ཞིང་བརྩོན་འགྲུས་ཆེ་བ་སྟེ། ལོག་འདྲེན་དེས་ཀྱང་མར་མེའི་མེ་ལྕེ་ཉིད་ལས་འབྱུང་སྟེ། དེ་བས་ན་རིག་སྔགས་འཆང་གིས་ཐོག་མ་ཉིད་དུ་འདི་ལྟར་བྱ་སྟེ། རས་དཀར་པོ་ལས་སྙིང་པོ་བྱས་ཏེ་མར་མེ་གཉིས་སྦར་ནས་རིག་སྔགས་བཟླས་བརྗོད་བྱེད་བཞིན་དུ་ཁ་ཐུར་དུ་བསྟན་ཏེ་བཞག་ལ་རིག་སྔགས་ཀྱང་ལན་བརྒྱད་བརྒྱ་བརྗོད་ན་ལོག་འདྲེན་ཐམས་ཅད་ཁ་ཐུར་དུ་བལྟས་ཏེ་འཁོད་པར་འགྱུར་རོ། །རིགས་སྔགས་ཀྱང་བདེ་བླག་ཏུ་འགྲུབ་པར་འགྱུར་རོ། །སྒྲུབ་པ་ཐམས་ཅད་ལ་ཡང་ཐོག་མ་ཉིད་དུ་ལས་དེ་དག་བྱའོ། །ལོག་འདྲེན་གཙུག་ཕུད་གཅིག་པ་ཞེས་བྱ་བ་རྣམས་ཀྱི་མཆན་ཉིད་རྫོགས་སོ།། །།བཅོམ་ལྡན་འདས། གང་སུ་ལོག་འདྲེན་རྣམས་འཛིན་པར་འགྱུར་བ་དང ། གང་དུ་རིག་སྔགས་འཆང་རྣམས་ཀྱི་དངོས་གྲུབ་འགྲུབ་པར་འགྱུར་བའི་
Ba441a
༄#། །ལོག་འདྲེན་རྣམས་ཀྱི་གནས་བདག་གིས་བཤད་ལགས་སོ། །བཅོམ་ལྡན་འདས། ལོག་འདྲེན་ཐམས་ཅད་ཀྱི་སྲོག་མཐར་ཐུག་པར་བགྱི་བའི་ལས་འདི་ཡང་བཤད་པར་འཚལ་ལོ། །བསྒྲུབས་པའི་རིག་སྔགས་འཆང་གིས་རྡོ་རྗེ་ཁྲོ་བོའི་དཀྱིལ་འཁོར་སྐྱང་ནུལ་གྱིས་བྱུགས་ལ་ཀཱ་ར་བཱི་རའི་ཤིང་གིས་མེ་སྦར་ལ། ཀཱ་ར་བཱི་རའི་མེ་ཏོག་དག་གི་ཁྲག་གི་ནང་དུ་སྨྱུགས་པའི་སྲེག་བླུགས་ཉི་ཤུ་རྩ་གཅིག་གིས་སྦྱིན་སྲེག་བྱ་སྟེ། ལས་དེ་བྱས་ནས་ལོག་འདྲེན་ཐམས་ཅད་བཅིང་ངོ་ཞེས་བརྗོད་ན། བཅིངས་པར་འགྱུར་རོ། །ལོག་འདྲེན་ཐམས་ཅད་ཀྱི་མཐར་ཐུག་པར་གྱིས་ཤིག་ཅེས་བརྗོད་ན། ལོག་འདྲེན་ཐམས་ཅད་འཆི་བར་འགྱུར་རོ། །བཅིངས་པ་ལས་བཀྲོལ་ན་ཡང་ཡིད་ཀྱིས་བྱའོ། །ལས་གཞན་དག་ཀྱང་འབྱུང་སྟེ། བསྲུང་བར་བྱ་ན། ལན་བདུན་བཟླས་བརྗོད་བྱས་པའི་ཆུས་མགོ་བོར་བླུགས་སོ། །མཚམས་བཅད་ན། ལན་ཉི་ཤུ་རྩ་གཅིག་བཟླས་བརྗོད་བྱས་པའི་སེང་ལྡེང་གི་ཕུར་བུས་བྱའོ། །གདོན་དབབ་ན། ཧ་ཧ་ཞེས་བྱ་བ་དང ། གུ་གུལ་གྱི་བདུག་པས་བྱའོ། །དུག་ལས་གསོ་བར་བྱ་ན། སེ་གོལ་ལམ་ཡལ་གས་བྱའོ། །གདོན་འབྲོས་པར་བྱ་ན། མེ་ཏོག་དཀར་པོ་ལ་ལན་བདུན་བཟླས་བརྗོད་བྱ་བའམ་གུ་གུལ་གྱིས་བདུག་པས་བྱའོ། །དགྲ་བསྐྲད་པར་
Ba441b
འདོད་པས་ནི། མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ། རྡོ་རྗེ་ཁྲོ་བོའི་དཀྱིལ་འཁོར་སྐྱང་ནུལ་གྱིས་བྱུགས་ནས་པྲི་ཡང་ཀུའི་ཤིང་གིས་མེ་སྦར་ཏེ་ཕུབ་མའི་སྦྱིན་སྲེག་ལན་བརྒྱ་སྟོང་བྱས་ན་ཞག་བདུན་གྱིས་འབྲོས་པར་འགྱུར་རོ། །དགྲ་གསད་པར་འདོད་ན། དུར་ཁྲོད་དུ་སོང་ལ་རྡོ་རྗེ་ཁྲོ་བོའི་དཀྱིལ་འཁོར་སྐྱང་ནུལ་གྱིས་བྱུགས་པའི་དབུས་སུ་ས་ལས་གཟུགས་བྱས་པ་དེའི་ཁར་དུར་ཁྲོད་ཀྱི་ཤིང་གིས་མེ་སྦར་ཏེ་ཡུངས་ཀར་གྱི་སྦྱིན་སྲེག་ལན་བརྒྱ་སྟོང་བྱས་ན། དེ་མ་ཐག་ཏུ་དགྲ་འཆི་བར་འགྱུར་རོ། །མར་གྱི་དོ་ཞག་བརྒྱད་ལ་ལག་ན་རྡོ་རྗེའི་མདུན་དུ་ཀཱ་ར་བཱི་རའི་མེ་ཏོག་དུས་གསུམ་དུ་བརྒྱ་རྩ་བརྒྱད་ཞག་བདུན་གྱི་བར་དུ་སྦྱིན་སྲེག་བྱས་ན། ཁྲག་འཛག་པར་འགྱུར་རོ། །འཕགས་པ་ལག་ན་རྡོ་རྗེའི་མདུན་དུ་མཆོད་པ་བྱས་ཏེ་ཀཱ་ར་བཱི་རའི་མེ་ཏོག་དཀར་པོ་སྟོང་རྩ་བརྒྱད་ཕུལ་ན། ཞི་བར་འགྱུར་རོ། །དེ་ནས་སྐྱེས་པ་དང་བུད་མེད་དབང་དུ་བྱ་བར་འདོད་ན། མ་ད་ན་ལས་གཟུགས་བྱས་ཏེ་མ་ད་ནའི་ཚེར་མ་བདུན་གྱིས་གནད་རྣམས་སུ་བཏབ་ལ་ཚ་བ་གསུམ་གྱིས་སྙིང་གར་བཀང་ནས་ཟངས་ཀྱི་ཐུར་མས་ཀྱང་རྐང་པར་བཙུགས་ལ་སྤྱི་བོར་ཕྱུང་སྟེ་ཞག་བདུན་གྱི་བར་དུ་དུས་གསུམ་དུ་བཟླས་བརྗོད་བྱེད་བཞིན་དུ་སེང་ལྡེང་གི་མེ་ལ་སྲེག་ཅིང་དུས་གཅིག་ཀྱང་ལན་བརྒྱ་རྩ་བརྒྱད་བཟླས་བརྗོད་བྱས་པའི་མཇུག་
Ba442a
༄#། །ཏུ་ཞག་གཅིག་སྨྱུང་བ་བྱས་ལ་མཆོད་པ་རྒྱ་ཆེར་བྱས་ཏེ་ལན་བརྒྱ་སྟོང་བཟླས་བརྗོད་བྱས་ན་སྐྱེས་པ་དང ། བུད་མེད་དབང་དུ་འགྱུར་རོ། །མར་གྱི་ངོ་ཞག་བཞི་ལ་ཞག་གཅིག་སྨྱུང་བ་བྱས་ཏེ་ལག་ན་རྡོ་རྗེའི་མདུན་དུ་བིལ་བའི་ཤིང་གི་མེ་སྦར་ལ། བེ་ཀངྐ་ཏའི་ཡམ་སྲེག་ཤིང་ཡུངས་མར་གྱི་ནང་དུ་སྨྱུགས་པ་བརྒྱ་སྟོང་གིས་སྦྱིན་སྲེག་བྱས་ན། ཏི་ན་ར་རེ་རེ་ཐོབ་པར་འགྱུར་རོ། །ཡུགས་ས་མོ་དབང་དུ་བྱ་བར་འདོད་ན། ཡར་གྱི་ངོ་ཞག་བརྒྱད་ནས་བརྩམས་ཏེ་ཞག་གསུམ་གྱི་བར་དུ་དུས་གསུམ་དུ་ཟར་མའི་མེ་ཏོག་བརྒྱ་རྩ་བརྒྱད་ཀྱིས་ལག་ན་རྡོ་རྗེ་ལ་བསྣུན་ན། དབང་དུ་འགྱུར་རོ། །བུ་མོ་དབང་དུ་བྱ་བར་འདོད་ན། ཞག་གསུམ་སྨྱུང་བ་བྱས་ཏེ་ཡར་གྱི་ངོ་ཚེས་བཅུ་གསུམ་ལ་འདོད་པའི་ལྷའི་གཟུགས་བྱས་ཏེ་འདིའི་ཁར་འབྲས་ཀྱི་སྦྱིན་སྲེག་ལན་བརྒྱ་སྟོང་བྱས་ན། བུ་མོ་དབང་དུ་འགྱུར་རོ། །དེ་ནས་མཛུབ་མོ་སྒྲུབ་པར་འདོད་ན། ཞག་གསུམ་སྨྱུང་བ་བྱས་ཏེ་མར་གྱི་ངོ་ཞག་བཅུ་བཞི་ལ་དུར་ཁྲོད་དུ་སོང་ནས་བ་ལང་གི་ལྕི་བ་ས་ལ་མ་ལྷུང་བས་དཀྱིལ་འཁོར་སྐྱང་ནུལ་གྱིས་བྱུགས་ཏེ། དཀྱིལ་འཁོར་གྱི་དབུས་སུ་མིའི་ཐོད་པ་མ་ཆག་མ་ཉམས་པ་བཞག་ལ་ཙནྡན་དམར་པོའི་དྲི་ཆུས་གཏོར་ནས་མེ་ཏོག་དམར་པོས་མཆོད་ལ། དེ་ནས་སྒྲུབ་པ་པོས་མཛུབ་མོས་གཡབ་ནས་གང་གི་ཚེ་ཐོད་པ་འགུལ་
Ba442b
ན།་དེའི་ཚེ་འགྲུབ་པར་འགྱུར་ཏེ། གང་ལ་མཛུབ་མོས་བསྡིགས་པ་དེ་དབང་དུ་འགྱུར་རོ། །དེ་ནས་གཏེར་དབྱུང་བར་འདོད་ན། མེའི་སྦྱིན་སྲེག་གི་ཐབ་ཏུ་ལྕགས་བཞག་པ་བླངས་པ་ལས་རྡོ་རྗེ་བྱས་ལ། རྡོ་རྗེ་བལ་ནག་གི་སྐུད་པས་དཀྲིས་ཏེ་མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་ང་བྱས་ནས་ལག་ན་རྡོ་རྗེའི་མདུན་དུ་རྡོ་རྗེ་དེ་ལ་ལན་བརྒྱ་བཟླས་བརྗོད་བྱས་ན་དེའི་ཚེ་འགྲུབ་པར་འགྱུར་རོ། །བསྒྲུབས་ནས་ཀྱང་གཏེར་གང་ན་ཡོད་པ་དེར་བཞག་པ་རྡོ་རྗེའི་གཏེར་དེ་བླངས་ཏེ་འབྱུང་བར་འགྱུར་རོ། །དེ་ནས་ཁྲོ་བོའི་བཟླས་བརྗོད་བྱེད་བཞིན་དུ་བླང་བར་བྱའོ། །དེ་སྟེ་མེད་ན། རྡོ་རྗེ་ཉིད་འབྱུང་བར་འགྱུར་རོ། །དེ་ནས་གཤེད་བྱེད་བསླང་འདོད་ན། མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་ལག་ན་རྡོ་རྗེའི་མདུན་དུ་དུར་ཁྲོད་ཀྱི་ཤིང་གིས་མེ་སྦར་ལ། བ་ལང་གི་ཤས་སྦྱིན་སྲེག་བྱས་པ་དང ། ཇི་ཙམ་ན་མེའི་ཐབ་ནས་གཤེད་བྱེད་འབྱུང་བར་འགྱུར་ཏེ། གང་ལ་ཡིད་ཀྱིས་བསམ་པ་དེ་བསྐྱབ་པར་འགྱུར་རོ། །མི་ནད་འབྱུང་བར་འདོད་ན། མར་གྱི་ངོ་ཞག་བཅུ་བཞི་ལ་དུར་ཁྲོད་དུ་སོང་སྟེ་དུར་ཁྲོད་ཀྱི་ཤིང་གིས་མེ་སྦར་ལ་སྒྲེན་མོར་བྱུང་ཞིང་སྐྲ་བཤིག་སྟེ་ཏིལ་དང་བསྲེས་པའི་ཡུངས་ཀར་གྱིས་བརྒྱད་བརྒྱ་སྦྱིན་སྲེག་བྱས་ན་མི་ནད་འབྱུང་བར་འགྱུར་རོ། །འཕགས་པ་ལག་ན་རྡོ་རྗེའི་མདུན་དུ་པདྨའི་སྦྱིན་སྲེག་ལན་སྟོང་རྩ་བརྒྱད་བྱས་ན། ཞི་བར་འགྱུར་རོ། །མི་མང་པོ་གཞིག་པར་
Ba443a
༄#། །འདོད་ན། ཚེས་གྲངས་དང་རྒྱུ་སྐར་ཡང་འདམ་མི་འཚལ། སྨྱུང་བ་ཡང་བྱ་མི་དགོས་པར་ཁྲོ་བོ་ཉིད་མཆོག་ཏུ་བརྟམ་པར་བྱ་སྟེ། དུར་ཁྲོད་དུ་སོང་ལ་དུར་ཁྲོད་ཀྱི་ཤིང་གིས་མེ་སྦར་སྒྲེན་མོར་བྱུང་ཞིང་སྐྲ་བཤིག་སྟེ། ནིམ་པའི་ལོ་མས་བསྲེགས་པའི་དུར་ཁྲོད་ཀྱི་ཐལ་པའི་སྦྱིན་སྲེག་ལན་བརྒྱ་སྟོང་བྱས་ན་མི་མང་པོ་འཇིག་པར་འགྱུར་རོ། ། ཞི་བར་འདོད་ན། སྣ་མའི་མེ་ཏོག་ཞོ་དང ། སྦྲང་རྩི་དང ། མར་གྱི་ནང་དུ་སྨྱུགས་པས་ལན་བརྒྱད་བརྒྱ་སྦྱིན་སྲེག་བྱས་ན་ཞི་བར་འགྱུར་རོ། །རྡོ་རྗེ་ཁྲོ་བོ་བདུད་རྩི་ཐབ་སྦྱོར་གྱི་ཆོ་ག་རྫོགས་སོ།། །།དེ་ནས་མི་མཇེད་ཀྱི་བདག་པོ་ཚངས་པས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདུད་རྩི་ཐབ་སྦྱོར་གང་གིས་ལོག་འདྲེན་རྣམས་ཀྱི་གསང་བའི་གནས་འདི་དག་བཤད་པ་ནི། བརྩོན་འགྲུས་དང ། མཐུ་དང ། ཕ་རོལ་གནོན་པ་ཆེ་ལགས་སོ། །བདག་གིས་ཀྱང་དེ་བཞིན་གཤེགས་པ་ལ་རིག་སྔགས་རྣམས་ཀྱི་དངོས་གྲུབ་རྣམས་ཀྱི་སླད་དུ་གང་གིས་རིག་སྔགས་རྣམས་འགྲུབ་པ་དང ། གང་གིས་མི་འགྲུབ་པ་ཡོངས་སུ་ཞུ་བར་འཚལ་ལོ། །དེ་ནས་བཅོམ་ལྡན་འདས་ཀྱི་ཚངས་པ་ཆེན་པོ་ལ་འདི་སྐད་ཅེས་བཀའ་སྩལ་ཏོ། །ཚངས་པ་ཆེན་པོ། གང་ཁྱོད་སེམས་ཅན་ཐམས་ཅད་ལ་ཕན་པའི་ཕྱིར་ཞུགས་ཏེ། དངོས་གྲུབ་འགྲུབ་པར་འགྱུར་བ་
Ba443b
དང ། འགྲུབ་པར་མི་འགྱུར་བ་དེ་བཞིན་གཤེགས་པ་ལ་ཡོངས་སུ་ཞུ་བར་བྱེད་པ་ལེགས་སོ་ལེགས་སོ། །ཚངས་པ་ཆེན་པོ། ཁྱོད་ལ་རིག་སྔགས་རྣམས་ཀྱི་དངོས་གྲུབ་འགྲུབ་པར་འགྱུར་བ་དང ། འགྲུབ་པར་མི་འགྱུར་བའི་རྒྱུ་བཤད་པར་བྱ་སྟེ། འཇུག་པར་བྱ་བ་མ་ཡིན་པ་ལ་འཇུག་པ་གང་ཡིན་པ་དང ། ཚངས་པ་ཆེན་པོ་འཇོམས་པ་དང ། རིག་སྔགས་ལ་སྨོད་པ་གང་ཡིན་པ་དེ་ལ་ནི། རིག་སྔགས་འགྲུབ་པར་མི་འགྱུར་རོ། །མི་བཟད་པའི་ལས་བྱེད་པའམ། སྡིག་པའི་ངང་ཆུལ་ཅན་ནམ། རྫུན་ཟེར་བའམ། རིག་སྔགས་གཅོད་དམ། ཕུར་བུས་འདེབས་པ་གང་ཡིན་པ་དེ་ལ་ཡང་རིག་སྔགས་འགྲུབ་པར་མི་འགྱུར་རོ། །ཚངས་པ། བྱང་ཆུབ་ཀྱི་སེམས་ཡོངས་སུ་འཛིན་པས་ནི། ཡིད་ཀྱིས་ཀྱང་ལྷ་གཞན་ལ་ཕྱག་མི་བྱའོ། །གསོལ་པ།་བཅོམ་ལྡན་འདས། དེ་ནི། དེ་ལགས་སོ། །བཀའ་སྩལ་པ། རིགས་ཀྱི་བུའམ་རིགས་ཀྱི་བུ་མོ་གང་བྱང་ཆུབ་ཀྱི་སེམས་ཡོངས་སུ་འཛིན་པས་ལྷ་གཞན་ལ་ཕྱག་བྱས་ན། བྱང་ཆུབ་ཀྱི་སེམས་ཡོངས་སུ་འཛིན་པ་མེད་པའི་ཕྱིར་དེ་ལ་ལྷ་དེ་མ་དད་པའི་ཕྱིར་ཏེ། དེའི་ཕྱིར་དེས་ཀྱང་རིག་སྔགས་འགྲུབ་པར་མི་འགྱུར་རོ། །དུད་འགྲོར་སྐྱེས་པ་རྣམས་ལ་འཇུག་པར་བྱེད་པ་གང་ཡིན་པ་དང ། སྦྲུལ་འཛིན་པ་དང ། ཁས་རྩཝ་གཅོད་པར་བྱེད་པ་གང་ཡིན་པ་དེ་ལ་ཡང་རིག་སྔགས་འགྲུབ་པར་མི་འགྱུར་རོ། །པདྨ་དང་ཁྱུ་མཆོག་ལ་རྐང་པས་རེག་པར་
Ba444a
༄#། །བྱེད་པ་དེ་ལ་ཡང་རིག་སྔགས་འགྲུབ་པར་མི་འགྱུར་རོ། །ཚངས་པ།་གང་གིས་རིག་སྔགས་འགྲུབ་པར་མི་འགྱུར་བ་ངས་མདོར་བསྟན་པ་ཡིན་ནོ། །དེ་ནས་མི་མཛེད་ཀྱི་བདག་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། སངས་རྒྱས་བཅོམ་ལྡན་འདས་རྣམས་དེ་ལྟར་སེམས་ཅན་དག་བདེ་བླག་ཏུ་འགྲུབ་པར་བགྱི་བའི་གནས་རྣམས་སྟོན་པ་ཐུགས་རྗེ་ཆེ་བ་ལགས་སོ། །དེ་ནས་བཅོམ་ལྡན་འདས་ཀྱིས་ཚངས་པ་ལ་འདི་སྐད་ཅེས་བཀའ་སྩལ་ཏོ། །ཚངས་པ། གང་དག་ལ་རིག་སྔགས་ཀྱི་དངོས་གྲུབ་འགྲུབ་པར་འགྱུར་བའི་ཕྱོགས་འགའ་ཙམ་ཞིག་ཁྱོད་ལ་བསྟན་པར་བྱ་སྟེ། སངས་རྒྱས་དང ། ཆོས་དང ། དགེ་འདུན་ལ་དགའ་བ་གང་ཡིན་པ་དག་དང ། དགེ་བ་བཅུའི་ལས་ཀྱི་ལམ་དང་ལྡན་པ་གང་ཡིན་པ་དག་དང ། ཕ་ལ་གུས་པ་དང ། མ་ལ་གུས་པ་གང་ཡིན་པ་དང ། རིག་སྔགས་ལ་མཆོད་པ་བྱེད་ཅིང་རིག་སྔགས་ལ་བཀུར་སྟི་བྱེད་པ་གང་ཡིན་པ་དང ། གསང་སྔགས་འཛིན་པར་བྱེད་པ་གང་ཡིན་པ་དང ། འབྱུང་པོའི་ཟས་ངན་པ་དང་ཏིལ་སྦྲུས་པ་མི་ཟ་བ་དང ། སེམས་ཅན་ཐམས་ཅད་ལ་ལེགས་པར་ལྟ་བ་གང་ཡིན་པ་དེ་ལ་ནི། རིག་སྔགས་འགྲུབ་པར་འགྱུར་རོ། །དེ་ནས་མི་མཇེད་ཀྱི་བདག་པོ་ཚངས་པ་དགའ་ཞིང་མགུ་ལ་ཡིད་རངས་ཏེ་རབ་ཏུ་དགའ་ནས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ཏེ་བཅོམ་
Ba444b
ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གིས་ཀྱང་ལག་ན་རྡོ་རྗེའི་ཚེ་ག་རྒྱས་པ་ལ་གང་གིས་རིག་སྔགས་འཆང་རྣམས་སྲུང་བའི་གསང་སྔགས་དབུལ་བར་འཚལ་ལོ། ། བཀའ་སྩལ་པ། ཚངས་པ་ཆེན་པོ། གང་ཁྱོད་ཀྱིས་སེམས་ཅན་ཐམས་ཅད་ལ་ཕན་པའི་ཕྱིར་བསམ་པ་ཤོད་ཅིག་ཤོད་ཅིག་།ཁྱོད་ལ་དེ་བཞིན་གཤེགས་པས་གནང་ངོ ། །དེ་ནས་མི་མཇེད་ཀྱི་བདག་པོ་ཚངས་པས་ལག་ན་རྡོ་རྗེ་ལ་གསང་སྔགས་ཕུལ་བ། ན་མོ་རཏྣ་ཏྲ་ཡ་སྱ། ན་མ་ཤྩཎྜ་བཛྲ་པ་ཎི་སྱ། མཧཱ་ཡཀྵ་སེ་ནཱ་པ་ཏི་སྱ། ཏདྱ་ཐཱ། ན་མ་ཙཎྜ་བཀྵི་ཎི། ཨ་ཏི་ནི་ཙ་ཨ་སེ་བྷི་ཤ་ཡ། མི་མེད་ཙ་མྱེ་དན་ཙ། ཨ་ཧ་ར་སཝཱཧཱ། བཅོམ་ལྡན་འདས། རིག་སྔགས་འདི་དྲན་པ་ཙམ་གྱིས་ལོག་འདྲེན་རྣམས་ལས་ཐར་པར་འགྱུར་རོ། །འདི་དག་གི་ལས་རྣམས་འབྱུང་སྟེ། སྲུང་པ་ནི། ལན་བདུན་བཟླས་བརྗོད་བྱེད་པའི་སྐུད་པས་བྱའོ། །མཚམས་གཅད་པ་དང ། དུག་བཅིང་བ་ནི། ལན་བརྒྱ་རྩ་བརྒྱད་བཟླས་བརྗོད་བྱས་པའི་ཆུས་བྱའོ།། དུག་ལས་གསོ་བ་ནི། ཡལ་གས་བྱའོ། །རྒྱ་གཞོམ་པ་ནི། ཆུས་བྱའོ། །དབབ་པ་ནི། གུ་གུལ་གྱིས་བདུག་པའམ་ཆུས་བྱའོ། །གདོན་བཅིང་བ་དང ། གདོན་བསྐྱོད་པ་ནི། མཐེ་བོས་བྱའོ། །གདོན་འཁོར་དུ་གཞུག་པ་ནི། མཛུབ་མོ་ལ་བཟླས་བརྗོད་བྱས་ཏེ་བསྡིག་པར་བྱའོ། །སྐྱེས་པ་དང་བུད་མེད་དབང་དུ་བྱ་ན། ཡར་གྱི་ངོ་ཚེས་གཅིག་ལ་བརྩམས་ཏེ་ཞག་བདུན་
Ba445a
༄#། །གྱི་བར་དུ་དུས་གསུམ་དུ་སྣ་མའི་མེ་ཏོག་སྟོང་རྩ་བརྒྱད་ཀྱིས་ལག་ན་རྡོ་རྗེ་ལ་བསྣུན་ན་དབང་དུ་འགྱུར་རོ། །བུམ་པ་ལ་ལན་བརྒྱད་བརྒྱར་བསྔགས་ཏེ་བདག་ཉིད་ཁྲུས་བྱས་ན། ལོག་འདྲེན་ཐམས་ཅད་ཀྱིས་གཏོང་བར་འགྱུར་རོ། །རིག་སྔགས་སྒྲུབ་པའི་ཚེ་བགེགས་ཞི་བར་བྱ་ན། ལན་བདུན་བཟླས་བརྗོད་བྱས་པའི་ཐལ་བ་གཙང་མས་བྱའོ། །གཞན་ལ་བགེགས་འབྱུང་བར་འདོད་ན། རིག་སྔགས་འཆང་གང་གིས་ནུབ་མོའི་རིག་སྔགས་སྒྲུབ་པ་དེ་ཉིད་ཀྱི་ནུབ་མོ་ལག་ན་རྡོ་རྗེའི་མདུན་དུ་བེ་ཀཾ་ཀ་ཏའི་ཡམ་སྲེག་ཤིང་བརྒྱད་བརྒྱས་སྦྱིན་སྲེག་བྱས་ན། ཕ་རོལ་ལ་བགེགས་འབྱུང་བར་འགྱུར་རོ། །འཕགས་པ་ལག་ན་རྡོ་རྗེའི་བདུན་དུ་རིག་སྔགས་ལན་བརྒྱད་བརྒྱ་བཟླས་བརྗོད་བྱས་ན། རྨི་ལམ་དུ་ཡང་དག་པ་ཇི་ལྟ་བ་བཞིན་དུ་སྟོན་པར་འགྱུར་རོ། །གཞིག་པར་འདོད་ན། ལག་ན་རྡོ་རྗེའི་མདུན་དུ་ཞག་བདུན་གྱི་བར་དུ་དུས་གསུམ་དུ་ལྷ་ལ་ཕུལ་བའི་མེ་ཏོག་བརྒྱ་རྩ་བརྒྱད་སྦྱིན་སྲེག་བྱའོ། །རིམས་ཀྱིས་འདེབས་པར་བྱ་ན། མར་གྱི་ངོ་ཞག་བརྒྱད་ན་ཞག་གཅིག་སྨྱུང་བ་བྱས་ཏེ་ལག་ན་རྡོ་རྗེའི་མདུན་དུ་ཨ་ཤཝཏྠའི་ཤིང་གིས་མེ་སྦར་ནས་ཡུངས་ཀར་ཁྲག་གིས་བསྒོས་པས་ལན་སྟོང་རྩ་བརྒྱད་སྦྱིན་སྲེག་བྱས་ན། དེ་མ་ཐག་ཏུ་རིམས་ཀྱིས་འདེབས་པར་
Ba445b
འགྱུར་རོ། །དབྱེ་བར་བྱ་ན། ཞག་བདུན་གྱི་བར་དུ་དུས་གསུམ་དུ་ཕུབ་མའི་སྦྱིན་སྲེག་བརྒྱ་རྩ་བརྒྱད་བྱའོ། །གདོན་གཞིག་པར་འདོད་ན། ལག་ན་རྡོ་རྗེའི་མདུན་དུ་ཏིལ་དང་ཐལ་བའི་སྦྱིན་སྲེག་བརྒྱ་རྩ་བརྒྱད་བྱས་ན་གདོན་གྱི་རིགས་འཇིགས་པར་འགྱུར་རོ། །གདོན་མདོངས་པར་བྱ་ན། ཞིམ་ཐིག་ལེའི་ལོ་མའི་སྦྱིན་སྲེག་བརྒྱ་རྩ་བརྒྱད་བྱས་ན་མདོངས་པར་འགྱུར་རོ། །ཡུངས་ཀར་ཁྱོར་གང་བཏགས་ཏེ་འཕགས་པ་ལག་ན་རྡོ་རྗེའི་མདུན་དུ་ལན་སྟོང་རྩ་བརྒྱད་བཟླས་བརྗོད་བྱས་ན། སླར་ཤགས་འགྱེད་པ་ལ་ལན་ཐེབས་པར་འགྱུར་རོ། ། ནོར་འདོད་ན། ཡར་གྱི་ངོ་ཟླ་བ་ཉ་ལ་ཞག་གཅིག་སྨྱུང་བ་བྱས་ཏེ་ལག་ན་རྡོ་རྗེའི་མདུན་དུ་ནིམ་པའི་ཤིང་གིས་མེ་སྦར་ནས་ཏིལ་གྱི་སྦྱིན་སྲེག་སྟོང་རྩ་བརྒྱད་བྱས་ན། ཏི་ན་ར་རེ་ཐོབ་པར་འགྱུར་རོ། །དེ་ནས་མཛུབ་མོ་སྒྲུབ་པར་འདོད་ན། མར་གྱི་ངོ་ཞག་གཅིག་སྨྱུང་བ་བྱས་ཏེ་ཁང་སྟོང་ངམ། དབེན་པའི་ཕྱོགས་སུ་བུད་མེད་ཀྱི་མོ་མཚན་དུ་མཛུབ་མོ་བཙུགས་ཏེ་རིག་སྔགས་སྟོང་རྩ་བརྒྱད་བཟླས་བརྗོད་བྱས་ན་འགྲུབ་པར་འགྱུར་ཏེ། དེ་ནས་གང་ལ་མཛུབ་མོས་བསྡིགས་པ་དེ་དབང་དུ་འགྱུར་རོ། །གོས་འདོད་ན་ཡང་ཡར་གྱི་ངོ་ཚེས་བརྒྱད་ལ་ཞག་གཅིག་སྨྱུང་བ་བྱས་ཏེ་ལྟེ་བ་ནུབ་ཙམ་དུ་ཆུའི་ནང་དུ་ཞུགས་ལ་ཀཱ་ར་བཱི་ར་ཀའི་མེ་ཏོག་བརྒྱད་བརྒྱ་ཕུལ་ན་གོས་ཕྲུགས་རེ་རེ་ཐོབ་པར་འགྱུར་རོ། །
Ba446a
༄#། །ཀླུ་མཆོད་པས་ཚེས་ལྔ་ལ་ཞག་གཅིག་སྨྱུང་བ་བྱས་ཏེ་གྲོག་མཁར་གྱི་སྟེང་དུ་སོང་ལ་དེར་འདུག་ནས་རིག་སྔགས་སྟོང་རྩ་བརྒྱད་བཟླས་བརྗོད་བྱས་ཏེ། དེ་ནས་སྦྲུལ་མཐོང་བ་དེ་ལ་ཆེ་གེ་མོ་ཞིག་གི་ཐད་དུ་སོང་ལ་ཟོ་ཞིག་ཞེས་སྨྲོས་ཤིག་།ཕྱིར་གསོ་ན། ཡིད་ཀྱིས་བྱ་སྟེ། གཅིག་པུས་གསོ་ནུས་ཀྱི། གཞན་སུས་ཀྱང་གསོ་མི་ནུས་སོ། །ཚངས་པའི་ཆོ་ག་རྫོགས་སོ།། །།དེ་ནས་རྒྱལ་པོ་ཆེན་པོ་བཞིས་བཅོམ་ལྡན་འདས་ཀྱི་ཞབས་གཉིས་ལ་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་གིས་ཀྱང་རིག་པའི་མཆོག་སྒྲུབ་པ་ལ་དངོས་གྲུབ་སྩལ་བར་འཚལ་ཏེ། བགེགས་གཞིལ་བའི་གསང་སྔགས་ཀྱང་བཤད་པར་འཚལ་ལོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དག་།སེམས་ཅན་རྣམས་ཀྱི་དོན་ཀྱི་ཕྱིར་ཁྱེད་ཀྱིས་ཤོད་ཅིག་།དེ་ནས་རྒྱལ་པོ་ཆེན་པོ་བཞིས་བཅོམ་ལྡན་འདས་དང ། ལག་ན་རྡོ་རྗེའི་ཞབས་གཉིས་ལ་ཕྱག་འཚལ་ནས་ཚིག་མཐུན་པར་གསང་སྔགས་བཤད་པ། ན་མོ་རཏྣ་ཏྲ་ཡཱ་ཡ། ན་མཤྩཎྜ་བཛྲ་པཱ་ཎ་ཡེ། མཧཱ་ཡཀྵ་སེ་ནཱ་པ་ཏ་ཡེ། ཏདྱ་ཐཱ། ཨུ་གྲཱ་ཡ་སཝཱཧཱ། ཨ་ཏི་ཨུ་གྲཱ་ཡ་སཝཱཧཱ། ཨུ་གྲ་བི་ཡཱ་ཡ་སཝཱཧཱ། ཨ་ཏི་ཨུ་གྲ་བི་ཡཱ་ཡ་སཝཱཧཱ། ཨུ་གྲ་ཀྲོ་དྷ་ནཱ་ཡ་སཝཱཧཱ། ཨ་ཏི་ཨུ་གྲ་ཀྲོ་དྷ་ནཱ་ཡ་སཝཱཧཱ། ཙཎྜ་རོ་ཥ་ཎ་
Ba446b
ཡ་སཝཱཧཱ། རོ་ཥ་པྲ་མ་ནཱ་ཡ་སཝཱཧཱ། པྲ་ཧ་ར་ཎ་བཛྲ་པྲ་ཧ་ར་ཎི་སཝཱཧཱ། ཨཊྚེ་མཊྚེ་མ་ཏི་ནི་ཧ་སེ་སཝཱཧཱ། བཅོམ་ལྡན་འདས། འདི་དྲན་པ་ཙམ་གྱིས་གདོན་ཐམས་ཅད་འབྱེར་བར་འགྱུར་རོ། །ཡི་དྭགས་ཐམས་ཅད་དང ། ཤ་ཟ་ཐམས་ཅད་དང ། གྲུལ་བུམ་ཐམས་ཅད་དང ། འབྱུང་པོ་ཐམས་ཅད་དང ། གནོད་སྦྱིན་ཐམས་ཅད་འབྱེར་བར་བྱེད་དེ། འགུམ་པར་ཡང་འགྱུར་རོ། ། དེ་ནས་རིག་སྔགས་འདིའི་ལས་རྣམས་འབྱུང་སྟེ། དབབ་པར་བྱ་ན་ནི། ཞིམ་ཐིག་ལེའི་ལོ་མས་བྱའོ། །གདོན་ཐམས་ཅད་མཉེ་བར་བྱ་ན། གོས་བསྲེག་པར་བྱའོ། །གདོན་གྱིས་ཟིན་པ་ལ་ནི། ལན་བདུན་བཟླས་བརྗོད་བྱས་པའི་གཏུན་ཤིང་གིས་བསྡིག་པར་བྱའོ། །གདོན་འབྲོས་པར་བྱ་ན། དུར་ཁྲོད་ཀྱི་སོལ་བ་ལ་གཟུགས་བྱས་ཏེ་མཚོན་རྣོན་པོས་བཅད་ན་གདོན་ཆོ་ངེས་འདེབས་ཤིང་འབྲོས་པར་འགྱུར་རོ། །གདོན་གྱི་མདུན་དུ་ལན་ཚཝ་དང ། སྐེ་ཚེས་སྦྱིན་སྲེག་ལན་བརྒྱད་བརྒྱ་བྱས་ན། གདོན་གྱི་ལུས་ཚ་བས་འདེབས་པར་འདེབས་པར་འགྱུར་རོ། །བ་ལང་གི་ལྕི་བ་ལས་གདོན་གྱི་གཟུགས་བྱས་ཏེ་ལྕགས་ཀྱི་ཐུར་མས་མིག་ཏུ་བཙུགས་ན། ལོང་བར་འགྱུར་རོ། །གདོན་གྱི་མདུན་དུ་ཕུབ་མའི་སྦྱིན་སྲེག་སྟོང་རྩ་བརྒྱད་བྱས་ན། གདོན་གྱི་རིགས་བརླག་པར་འགྱུར་རོ། །གདོན་གྱི་མདུན་དུ་ན་ལེ་ཤམ་གྱི་སྲེག་ལུགས་ཉི་ཤུ་རྩ་གཅིག་སྦྱིན་སྲེག་བྱས་ན། གདོན་ཁྲག་སྐྱུག་པར་འགྱུར་རོ། །བྱི་
Ba447a
༄#། །པ་གདོན་གྱིས་ཟིན་པ་ལ་ནི། བདུག་པས་གཏོང་བར་འགྱུར་རོ། །ཅི་སྟེ་མི་གཏོང་ན། སྐྲ་གཏུབས་པ་དང ། ལུག་རུ་དང ། སྒོག་སྐྱ་དང ། སྦྲུལ་གྱི་པགས་པ་བརྗེས་པ་རྣམས་ཀྱི་བདུག་པས་བདུགས་ན་དེ་མ་ཐག་ཏུ་གཏོང་བར་འགྱུར་རོ། །བྱིས་པ་གདོན་གྱིས་ཟིན་པ་རྣམས་ལ་བཟླས་བརྗོད་བྱས་པའི་ཚོན་སྣ་ལྔའི་སྐུད་པས་ཀྱང་གཏོང་བར་འགྱུར་རོ། །བདག་སྲུང་ན། ལན་གསུམ་བཟླས་བརྗོད་བྱས་པའི་ཐལ་བས་བྱའོ། །ཕ་རོལ་སྲུང་ན། ལན་བདུན་བཟླས་བརྗོད་བྱས་པའི་སྐུད་པས་བྱའོ།། མཚམས་བཅད་ན། ལན་གསུམ་བཟླས་བརྗོད་བྱས་པའི་གསེག་མས་བྱའོ། །སྦྲུལ་བསྐྲད་ན། ལན་གསུམ་བཟླས་བརྗོད་བྱས་པའི་ཆུ་དང་ཐལ་བས་བརྡབ་པར་བྱའོ།། མཆེ་བ་ཅན་ཐམས་ཅད་ཁ་བཅིང་བར་བྱ་བ་དང ། སྨད་བཅིང་བར་བྱ་བ་ནི། ཡིད་ཀྱིས་བྱའོ། །གཏེར་བཅིང་ན། ལན་ཉི་ཤུ་རྩ་གཅིག་བཟླས་བརྗོད་བྱས་པའི་སེང་ལྡེང་གི་ཕུར་བུ་ས་ལ་བཏབ་ན་གཏེར་བཅིངས་པར་འགྱུར་རོ། །ཆང་མ་རུང་བར་བྱ་ན། ཏིལ་གྱི་སྲེག་བླུགས་ལན་བདུན་སྦྱིན་སྲེག་བྱའོ། །ཉ་བསྐྲད་ན་ནི། ནིམ་པའི་ལོ་མ་ལ་ལན་བདུན་བསྔགས་ཏེ་མཚོའི་ནང་དུ་བོར་ན་ཉ་འབྲོས་པར་འགྱུར་རོ། །དུད་འགྲོར་སྐྱེས་པ་རྣམས་ལ་ནད་དག་ཞི་བར་འདོད་པར་བྱ་ན། ལག་ན་རྡོ་རྗེའི་གཟུགས་འོ་མས་
Ba447b
བཀྲུས་ལ་བཟླས་བརྗོད་ཀྱང་སྟོང་རྩ་བརྒྱད་བྱས་ན་ཞི་བར་འགྱུར་རོ། །དུས་མ་ཡིན་པར་ཆར་འབབ་པར་འདོད་ན་ཡང་ཡར་གྱི་ངོ་ཚེས་ལྔ་ལ་ཞག་གཅིག་སྨྱུང་བ་བྱས་ཏེ་ལྟེ་བ་ནུབ་ཙམ་དུ་ཆུའི་ནང་དུ་ཞུགས་ནས་པདྨའི་སྦྱིན་སྲེག་ཁྲི་ཕུལ་ན། དུས་མ་ཡིན་པར་ཆར་པ་འབབ་པར་འགྱུར་རོ། །ཞི་བར་འདོད་ན། ཡར་གྱི་ངོ་ཚེས་བརྒྱད་ལ་ཞག་གཅིག་སྨྱུང་བ་བྱས་ལ་ལག་ན་རྡོ་རྗེའི་མདུན་དུ་བྱང་ཆུབ་ཀྱི་ཤིང་གི་བུད་ཤིང་གིས་མེ་སྦར་ནས་ཨུཏྤ་ལའི་སྦྱིན་སྲེག་སྟོང་རྩ་བརྒྱད་བྱས་ན་ཞི་བར་འགྱུར་རོ། །དུག་གཞོམ་པར་འདོད་ན། རྩཝ་ཀུ་ཤས་བྱའོ། །དུག་བསལ་ན། ཁུ་ཚུར་གྱིས་བྱའོ། །གདོན་ཟར་གཞུག་ན། ལན་བདུན་བཟླས་བརྗོད་བྱས་པའི་ཨ་པ་ར་ཙི་ཏའི་མེ་ཏོག་གིས་བྱའོ། །གཡུལ་འགྱེད་ན། ཨ་པ་ར་ཙི་ཏའི་མེ་ཏོག་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ་མགོ་ལ་བཏགས་ན་གཞན་གྱིས་མི་ཐུབ་པར་འགྱུར་རོ། །གང་གི་ཚེ་རིག་སྔགས་འཆང་རིག་སྔགས་འགྲུབ་པར་འདོད་ན།་ཞག་གསུམ་སྨྱུང་བ་བྱས་ལ་ནང་པར་བུམ་པ་གསར་པ་བཞི་བླངས་ཏེ་ཆུས་བཀང་ནས་རིག་སྔགས་འཆང་གི་ཕྱེམ་རེད་ན་ལེ་ཤམ་དཀར་པོ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ་བུམ་པ་དེ་དག་གི་ནང་དུ་བླུགས་ན་བུམ་པ་དེ་དག་འཕག་ཅིང་ལུད་པར་གྱུར་ན། རིག་སྔགས་འཆང་གིས་རིག་སྔགས་འགྲུབ་པར་ཤེས་པར་བྱའོ། །
Ba448a
༄#། །དེ་སྟེ་མི་འགྲུབ་ན་ནི། འཕག་པར་མི་བྱའོ། །རིག་སྔགས་འཆང་རིག་སྔགས་སྒྲུབ་ལན་ཞག་གཅིག་སྨྱུང་བར་བྱས་ལ་ས་ལས་གཟུགས་བྱས་པ་བཀོད་དེ་མེའི་ཕྱོགས་སུ་ཁ་དོག་དམར་པོ་གཞག་པར་བྱའོ། །གཤིན་རྗེའི་ཕྱོགས་སུ་ནི། ཁ་དོག་སེར་པོའོ། །ཆུ་ལྷའི་ཕྱོགས་སུ་ནི། སྔོ་བསངས་སོ། །རླུང་གི་ཕྱོགས་སུ་ནི། ནག་པོ་སྟེ།་འདི་དག་སོ་སོའི་གནས་ཇི་ལྟ་བ་བཞིན་དུ་དགོད་པར་བྱའོ། །དེ་ནས་རིག་སྔགས་འཆང་རིག་སྔགས་སྒྲུབ་པ་ན་ཅི་སྟེ་བགེགས་ཀྱི་གཟུགས་དག་འབྱུང་བར་འགྱུར་ཏེ། དངོས་གྲུབ་ཕལ་སྒྲུབ་ན། གཤིན་རྗེའི་ཕྱོགས་ནས་ཡི་དྭགས་མོ་ནག་མོ་ཞེས་བྱ་བ་དེ་བགེགས་བྱེད་དེ། སྟག་གི་གཟུགས་སུ་སྟོན་པ་དང ། ཝའི་གཟུགས་སུ་འཚེ་བར་བྱེད་དོ། །དེ་ལྟ་བུ་ལ་སོགས་པ་བགེགས་བྱེད་པ་དང ། རིག་སྔགས་འཆང་གིས་གཤིན་རྗེའི་ཕྱོགས་ལ་ལན་བདུན་བཟླས་བརྗོད་བྱས་པའི་ཡུངས་ཀར་གྱིས་བསྣུན་ན། བགེགས་རྣམས་མེད་པར་འགྱུར་རོ། །གཤིན་རྗེའི་རྒྱལ་པོའི་གཡོག་ཡི་དྭགས་ཀུ་མུ་ད་ཞེས་བྱ་བ་རྫུ་འཕྲུལ་ཆེ་བ་ཡི་དྭགས་སུམ་ཁྲིའི་བདག་པོ་ཞིག་ཡོད་དེ། ཀུ་མུ་ད་དེ་ཡང་རིག་སྔགས་འཆང་དེ་དངོས་གྲུབ་ཆེན་པོ་སྒྲུབ་པ་ན་བགེགས་བྱེད་དེ། ཀུ་མུ་དའི་བགེགས་འབྱུང་བ་ཡང་ལ་ལ་ནི། ཡི་དྭགས་ཀྱི་ཚུལ། ལ་ལ་ནི། སྲིན་པོའི་
Ba448b
གཟུགས། ལ་ལ་ནི། ཁྱིའི་མགོ་ཅན། ལ་ལ་ནི། རྔ་མོའི་མགོ་ཅན། ལ་ལ་ནི། བོང་བུའི་མགོ་ཅན་གྱི་ཡི་དྭགས་ཏེ། དེ་དག་འོང་བའི་ཚེ་ཡང་ཧ་ཧ་ཞེས་བྱ་བའི་སྒྲ་འབྱིན་ཅིང་སྐར་མདའ་བརྒྱ་དག་ཁ་ནས་འབྱིན་པར་བྱེད་དོ། །དེ་ལ་རིག་སྔགས་འཆང་གིས་གཤིན་རྗེའི་ཕྱོགས་ཀྱི་གཟུགས་ལ་ལན་བདུན་བཟླས་བརྗོད་བྱས་པའི་ཐལ་བས་བསྣུན་ན། དེ་མ་ཐག་ཏུ་བགེགས་ཐམས་ཅད་མེད་པར་འགྱུར་རོ། །རྒྱལ་པོ་དེའི་ཕྱི་བཞིན་འབྲང་བ་སྒོ་དཔོན་མ་སྣ་ཆད་མ་ཞེས་བྱ་བ་རྫུ་འཕྲུལ་ཆེ་ཞིང་མཐུ་ཆེ་བ་ཞིག་ཡོད་དེ། སྣ་ཆད་མ་དེ་ནི། བགེགས་ཆེན་པོ་བྱེད་པ་ཡིན་ནོ། །དེ་ཡང་དེས་གསང་སྔགས་ཀྱིས་བཟློག་པར་མི་ནུས་ཏེ། དེ་འོངས་བ་དང་སྐར་མདའ་ལྟུང་བར་སྟོན་ཅིང་སྦྱུགས་པ་ཡང་ལེན་ཏེ། སྣ་ཆད་མ་དེས་དཀྱིལ་འཁོར་གྱི་མཚམས་སེང་ལྡེང་གི་ཕུར་བུས་བཏབ་པ་ནི། མོ་མཚན་གྱིས་འབྱིན་པར་བྱེད་དོ། །དཀྱིལ་འཁོར་གྱི་མཚམས་ཐལ་བས་བཅད་པ་ནི། བུས་པས་མེད་པར་བྱེད་དོ། །དཀྱིལ་འཁོར་གྱི་མཚམས་ཆུས་བཅད་པ་ནི། མཆིལ་མས་མེད་པར་བྱེད་དོ། །ཡིད་ཀྱིས་དཀྱིལ་འཁོར་གྱི་མཚམས་བཅད་པ་ནི། གཅིན་གྱིས་འབྲལ་བར་བྱེད་དོ།། དེ་ལྟ་བུའི་ཚུལ་དག་གིས་དཀྱིལ་འཁོར་འཇིག་པར་བྱེད་པ་དང ། དེ་ལ་རིག་སྔགས་འཆང་གིས་མྱུར་དུ་སྣ་ཆད་མའི་མིང་ནས་སྨོས་ཏེ་སྲིང་མོ་སྣ་ཆད་མ་ཁྱོད་འོངས་བ་ལེགས་སོ་ལེགས་སོ་ཞེས་
Ba449a
༄#། །བྱས་ནས་ལན་བདུན་བསྔགས་པའི་སེང་ལྡེང་གི་ཕུར་བུ་སོར་བཞི་པར་གཤིང་དེའི་ཕྱོགས་ཀྱི་སྙིང་གར་གདབ་བོ། །དེ་ནས་སྣ་ཆད་མ་དེས་དུ་འབོད་ཀྱི་སྒྲ་ཕྱུང་ནས་མེད་པར་འགྱུར་ཏེ། རིག་སྔགས་ཀྱང་འགྲུབ་པར་འགྱུར་རོ། །གཤིན་རྗེའི་ཕྱོགས་ཀྱི་ཆོ་ག་རྫོགས་སོ།། །།རིག་སྔགས་འཆང་རིག་སྔགས་སྒྲུབ་པ་ན་ཅི་སྟེ་མེའི་ཕྱོགས་ནས་བགེགས་ཀྱི་གཟུགས་དག་འབྱུང་སྟེ། དངོས་གྲུབ་ཕལ་སྒྲུབ་པ་ན་མེའི་ཕྱོགས་ཀྱི་རྒྱལ་པོའི་གཡོག་མོ་སྲིན་མོ་རྩེད་མོ་ཅན་ཞེས་བྱ་བ་ཡོད་དེ། དེ་ནི། བགེགས་བྱེད་པ་ཡིན་ནོ། །སྲིན་མོ་རྩེད་མོ་ཅན་དེ་ཡང་བྱའི་གཟུགས་སུ་སྟོན་པར་བྱེད་ཅིང་ང་རོ་མི་སྙན་པ་ཡང་འབྱིན་པར་བྱེད་དོ། །དེ་ལ་རིག་སྔགས་འཆང་གིས་མེའི་ཕྱོགས་ཀྱི་གཟུགས་ལན་བདུན་སྔགས་ཀྱིས་བསྔགས་པའི་ཡུངས་ཀར་གྱིས་བསྣུན་ན། མེད་པར་འགྱུར་རོ། །དངོས་གྲུབ་ཆེན་པོ་སྒྲུབ་པ་ན་རྒྱལ་པོ་དེའི་གཡོག་སྲིན་མོ་མི་སྡུག་པ་ཞེས་བྱ་བ་རྫུ་འཕྲུལ་ཆེ་བ་སྲིན་པོ་སུམ་ཁྲིའི་བདག་པོ་ཞིག་ཡོད་དེ། མི་སྡུག་པ་དེ་ཡང་རིག་སྔགས་འཆང་ལ་བགེགས་བྱེད་པ་ཡིན་ཏེ། མི་སྡུག་པ་དེ་འོངས་པ་དང ། མི་སྡུག་པ་དེའི་རྣམ་པའི་སྲིན་པོ་དག་དང ། ལ་ལ་ཁྱི་མགོ་ཅན་དག་དང ། ལ་ལ་གླང་པོ་ཆེའི་མགོ་ཅན་དག་དང ། ལ་ལ་སེངྒེའི་མགོ་ཅན་ལྟ་བུའི་བགེགས་ཀྱི་རྣམ་པ་དག་ཏུ་སྣང་སྟེ། ལ་
Ba449b
ལ་ནི།་བྲག་འཕེན་པར་བྱེད། ལ་ལ་ནི། འབྱུང་པོའི་འཁྲུལ་འཁོར་སྟོན་ཅིང་འཇིགས་པའི་སྒྲ་དག་ཀྱང་འབྱིན་ཏེ། སྐར་མདའ་བརྒྱ་དག་ཀྱང་ཁ་ནས་འབྱིན་པར་བྱེད་དོ། །དེ་ལ་རིག་སྔགས་འཆང་གིས་མེའི་ཕྱོགས་ཀྱི་གཟུགས་ལ་ལན་བདུན་བསྔགས་པའི་ཐལ་བས་བསྣུན་ན། བགེགས་རྣམས་མེད་པར་འགྱུར་རོ། །རྒྱལ་པོ་དེའི་གཡོག་སྲིན་པོ་སོ་དཀར་ཞེས་བྱ་བ་མཐུ་ཆེ་ཞིང་བརྩོན་འགྲུས་ཆེ་བ་ཞིག་ཡོད་དེ། སོ་དཀར་དེ་ཡང་རིག་སྔགས་འཆང་དེ་ལ་ནམ་གུང་གི་ཐུན་ལ་བགེགས་བྱེད་དོ། །དེ་ཡང་གསང་སྔགས་ཀྱིས་བཟློག་པར་མི་ནུས་ཏེ། དེ་འོངས་པ་དང་ངུ་འབོད་ཀྱི་སྒྲ་ཆེན་པོ་ནི། འབྱིན། རི་རྣམས་ནི། གཡོ། རི་དྭགས་རྣམས་ནི། གར་བྱེད། ཝ་རྣམས་ནི། རྩེ། གླང་པོ་ཆེ་རྣམས་ནི། སྐད་འབྱིན་ཏེ། དེས་རིག་སྔགས་འཆང་གི་མེའི་ཕྱོགས་ཀྱི་བགེགས་ཡིན་པར་ཤེས་པར་བྱའོ། །སོ་དཀར་དེ་ཡང་བུས་པའི་གཟུགས་ཀྱིས་སྒྲ་འབྱིན་ཞིང་འོང་ངོ ། །ཡང་ན་ལྷའི་གཟུགས་ཀྱིས་འོང་སྟེ། དེས་ཀྱང་བལྟས་པ་ཙམ་གྱིས་དཀྱིལ་འཁོར་ཐམས་ཅད་འཇིག་པར་བྱེད་དོ། །དེ་ལ་རིག་སྔགས་འཆང་གིས་མྱུར་དུ་ལན་བདུན་བསྔགས་པའི་སེང་ལྡེང་གི་ཕུར་བུ་སོར་བཞི་པས་མེའི་ཕྱོགས་ཀྱི་གཟུགས་ལ་བཏབ་སྟེ་འདི་སྐད་དུ་སོ་དཀར་བཅོམ་མོ་ཞེས་ཀྱང་སྨྲས་ན། ངུ་འབོད་ཀྱི་སྒྲ་ཆེན་པོ་ཕྱུང་ནས་མེད་པར་
Ba450a
༄#། །འགྱུར་ཏེ། གསང་སྔགས་ཀྱང་འགྲུབ་པར་འགྱུར་རོ། །མོའི་ཕྱོགས་གྱི་ཆོག་རྫོགས་སོ།། །།རིག་སྔགས་འཆང་རིག་སྔགས་སྒྲུབ་པ་ན་ཅི་སྟེ་རླུང་གི་ཕྱོགས་ནས་སྲོད་ལ་བགེགས་ཀྱི་གཟུགས་དག་འབྱུང་སྟེ། དངོས་གྲུབ་ཕལ་སྒྲུབ་པ་ན་རླུང་གི་ཕྱོགས་ཀྱི་རྒྱལ་པོའི་གཡོག་མོ་སོ་སྒོ་མ་ཞེས་བྱ་བ་ཞིག་ཡོད་པ་དེ་ཡང་བགགས་བྱེད་དེ། མར་མེ་གསོད་ཅིང་ལྷ་བཤོས་སྨེ་བས་འགགས་པར་བྱེད་དོ། །དེ་ཕྱིར་གཞིལ་བར་བྱ་བ་ནི། རླུང་གི་ཕྱོགས་ཀྱི་གཟུགས་ལ་ལན་བདུན་བསྔགས་པའི་ཡུངས་ཀར་གྱིས་བསྣུན་ན། བགེགས་རྣམས་མེད་པར་འགྱུར་རོ། །དངོས་གྲུབ་ཆེན་པོ་སྒྲུབ་པ་ན་རླུང་གི་ཕྱོགས་ཀྱི་རྒྱལ་པོའི་གཡོག་གནོད་སྦྱིན་རྫུ་འཕྲུལ་ཆེན་པོ་དྲུག་ཁྲིའི་བདག་པོ་ཞིག་ཡོད་དེ། །འཚུབ་མ་གཅིག་པ་ཞེས་བྱ་བ་དེ་ཡང་རིག་སྔགས་འཆང་དེ་ལ་འཇིང་གི་ཐུན་ལ་བགེགས་བྱེད་དོ། །འཚུབ་མ་གཅིག་པ་དེ་ཡང་འདོད་རྒུར་སྒྱུར་བའི་གཟུགས་ཅན་ཡིན་ཏེ། ཆེད་འགའ་ནི། ཝའི་གཟུགས། ཆེད་འགའ་ནི། སྟག་གི་གཟུགས། ཆེད་འགའ་ནི། ཁྱུ་མཆོག་གི་གཟུགས། གཟུགས་སྣ་ཚོགས་སུ་བདག་ཉིད་སྟོན་པར་བྱེད་ཅིང ། ཆེད་འགའ་ནི། ཧ་ཧ་ཞེས་བྱ་བའི་སྒྲ་འབྱིན་ཅིང་སྐར་མདའ་བརྒྱ་དག་ལྟུང་བར་བྱེད། གནམ་ཡང་གྲུམ་པར་བྱེད་དོ། །དེ་ལ་རིག་སྔགས་འཆང་གིས་རླུང་གི་ཕྱོགས་ཀྱི་
Ba450b
གཟུགས་ལ་ལན་བདུན་བསྔགས་པའི་ཐལ་བས་བསྣུན་ན། བགེགས་རྣམས་མེད་པར་འགྱུར་རོ། །རྒྱལ་པོའི་སྒོ་དཔོན་མ་ལྕགས་ཀྱུ་དཀར་མོ་ཅན་ཞེས་བྱ་བ་མཐུ་ཆེ་ཞིང་རྫུ་འཕྲུལ་ཆེ་ལ་བགེགས་བྱེད་པ་ཆེན་མོ་ཞིག་ཡོད་དེ། དེ་ཡང་གསང་སྔགས་ཀྱིས་བཟློག་པར་མི་ནུས་ཏེ། དེ་ནི། ནམ་གུང་གི་ཐུན་ལ་འོང་ངོ ། །དེ་འོངས་པ་དང་དུས་མ་ཡིན་པའི་ཆར་འབབ་ཅིང་འབྲུག་ཀྱང་དི་རི་རི་སྒྲོག་།གནམ་ཡང་གྲུམ་པར་བྱེད་དེ། ལྕགས་ཀྱུ་དཀར་མོ་ཅན་དེ་ཡང་མདོག་དཀར་ཞིང་གཟུགས་ཀྱི་ལུས་བསྟན་པས་ཀྱང་དཀྱིལ་འཁོར་འཇིག་པར་བྱེད་དོ།། དེ་ལ་རིག་སྔགས་འཆང་གིས་མྱུར་དུ་ལན་བདུན་བསྔགས་ཏེ་སེང་ལྡེང་གི་ཕུར་བུ་སོར་བཞི་བས་རླུང་གི་ཕྱོགས་ཀྱི་གཟུགས་ལ་བཏབ་སྟེ་ལྕགས་ཀྱུ་དཀར་མོ་ཅན་བཅོམ་མོ་ཞེས་ཀྱང་སྨྲས་ན།་དུ་འབོད་ཀྱི་སྒྲ་ཆེན་པོ་ཕྱུང་ནས་མེད་པར་འགྱུར་ཏེ། གསང་སྔགས་ཀྱང་འགྲུབ་པར་འགྱུར་རོ། །རླུང་གི་ཕྱོགས་ཀྱི་ཆོ་ག་རྫོགས་སོ།། །།རིག་སྔགས་འཆང་རིག་སྔགས་སྒྲུབ་པ་ན་ཆུ་ལྷའི་ཕྱོགས་ནས་བགེགས་རྣམས་འབྱུང་སྟེ། དངོས་གྲུབ་ཕལ་སྒྲུབ་པ་ན་ཆུ་ལྷའི་རྒྱལ་པོའི་གཡོག་མོ་ཀླུ་མོ་རྒྱལ་བ་མོ་ཞེས་བྱ་བ་ཞིག་ཡོད་དེ། རྒྱལ་བ་མོ་དེ་ཡང་སྲོད་ལ་བགེགས་བྱེད་དོ། །ཐོག་ཏུ་འོངས་ལ་ཁོག་སྐམ་འདོར་བར་བྱེད་ཅིང་ཕ་གུ་འཕེན་པར་བྱེད་དོ། །དེ་ལ་རིག་སྔགས་འཆང་གིས་ཆུའི་ཕྱོགས་ཀྱི་གཟུགས་ལ་ལན་བདུན་བསྔགས་པའི་ཡུངས་
Ba451a
༄#། །ཀར་གྱིས་བསྣུན་ན། མེད་པར་འགྱུར་རོ། །རྒྱལ་པོ་དེའི་གཡོག་ཀླུ་མོ་སོ་བརྩེགས་ཞེས་བྱ་བ་མཐུ་ཆེ་ཞིང་རྫུ་འཕྲུལ་ཆེ་བ་ཀླུ་སུམ་ཁྲིའི་བདག་པོ་ཞིག་ཡོད་དེ། སོ་བརྩེགས་དེ་ཡང་རིག་སྔགས་འཆང་དེ་ལ་འཇིང་གི་ཐུན་ལ་བགེགས་བྱེད་སྣ་ཚོགས་རྣམ་པ་མང་པོ་བྱེད་དོ། །སོ་བརྩེགས་དེ་དུར་ཁྲོད་དུ་སྐྱེས་པ་ཐམས་ཅད་ཀྱི་ཆ་ལུགས་དག་ཏུ་སྣང་ཞིང་ཀུན་ཏུ་རྒྱུ་དང་གཅེར་བུ་ལྟ་བུའི་བགེགས་ཀྱི་ཆ་ལུགས་དག་ཏུ་སྣང་སྟེ། དེ་ཡང་དུ་འབོད་ཀྱི་སྒྲ་ཆེན་པོ་འབྱིན་ཅིང་སྐར་མདའ་དག་ཀྱང་འབྱིན་པར་བྱེད་དོ། །དེ་ལ་རིག་སྔགས་འཆང་གིས་ཆུ་ལྷའི་ཕྱོགས་ཀྱི་གཟུགས་ལ་ལན་བདུན་བསྔགས་པའི་ཡུངས་ཀར་གྱིས་བསྣུན་ན། མེད་པར་འགྱུར་རོ། །ཆུ་ལྷའི་ཕྱོགས་ཀྱི་རྒྱལ་པོ་རྒོ་དཔོན་མ་མིག་སེར་མ་ཞེས་བྱ་བ་མཐུ་ཆེ་ཞིང་རྫུ་འཕྲུལ་ཆེ་བ་གེགས་ཆེན་པོ་བྱེད་པ་ཞིག་ཡོད་དེ། དེ་ཡང་གསང་སྔགས་ཀྱིས་བཟློག་པར་མི་ནུས་ཏེ། རིག་སྔགས་འཆང་དེ་རིག་སྔགས་སྒྲུབ་པ་ན་ནམ་གུང་གི་ཐུན་ལ་བགེགས་བྱེད་དེ། དེས་ཀྱང་སྒྲ་ཕྱུང་བས་དཀྱིལ་འཁོར་ཐམས་ཅད་འཇིག་པར་བྱེད་ཅིང་མེའི་གཟུགས་ཀྱིས་བགེགས་བྱེད་ལ་སྐར་མདའ་སྟོང་དག་སྣང་བར་བྱེད་དོ། །དེ་ལ་རིག་སྔགས་འཆར་གིས་མྱུར་དུ་ལན་བདུན་བསྔགས་པའི་སེང་ལྡེང་གི་ཕུར་བུ་སོར་བཞི་པས་
Ba451b
ཆུ་ལྷའི་ཕྱོགས་ཀྱི་གཟུགས་ལ་བཏབ་ཅིང་འདི་སྐད་དུ་མིག་སེར་མ་འདུག་ཅིག་འདུག་ཅིག་ཅེས་སྨྲས་ན། འདུག་ཅིག་འདུག་ཅིག་ཅེས་བྱ་བ་ཐོས་ནས་བདག་ནི། རྨ་ཕབ་བོ་སྙམ་སྟེ་དུ་འབོད་ཀྱི་སྒྲ་ཆེན་པོ་ཕྱུང་ནས་མེད་པར་འགྱུར་ཏེ། རིག་སྔགས་ཀྱི་དངོས་གྲུབ་ཀྱང་འགྲུབ་པར་འགྱུར་རོ། །ཆུ་ལྷའི་ཆོ་ག་རྫོགས་སོ།། །།དེ་བས་འཛམ་པའི་ལས་འདི་བཤད་དེ། རིག་སྔགས་འཆང་རིག་སྔགས་སྒྲུབ་པ་ན་ལན་བདུན་བསྔགས་པའི་སེང་ལྡེང་གི་ཕུར་བུ་སོར་བཞི་པ་ཚོན་སྣ་ལྔའི་སྐུད་པས་དཀྲིས་པ། བགེགས་ཐམས་ཅད་ཀྱི་གནས་སུ་རྐང་པ་གཡོན་པས་མནན་ན། བགེགས་ཐམས་ཅད་བཅོམ་པ་དང ། རེངས་པར་བྱས་པར་འགྱུར་རོ། །ཞག་གསུམ་སྨྱུང་བ་བྱས་ཏེ་མར་གྱི་ངོ་ཞག་བརྒྱད་དམ་ཞག་བཅུ་བཞི་ལ་དབང་ཕྱུག་ཆེན་པོའི་གནས་སུ་སོང་སྟེ་འབྱུང་པོའི་གཏོར་མ་ཡང་བྱིན་ལ་རིག་སྔགས་ལན་བརྒྱད་བརྒྱ་བཟླས་བརྗོད་བྱས་ན།་བགེགས་ཀྱི་ལས་ཐམས་ཅད་འགྲུབ་པར་འགྱུར་ཏེ། བསམ་པས་བགེགས་ཐམས་ཅད་མེད་པར་འགྱུར་རོ། །འཇིག་རྟེན་སྐྱོང་བ་རྣམས་ཀྱི་ཆོ་ག་རྫོགས་སོ།། །།དེ་ནས་འཇིག་རྟེན་ཕན་འདོད་པ། །ཐུབ་པ་ཀུན་དང་ལྷ་ཆེན་གྱིས། །ལག་ན་རྡོ་རྗེའི་མདུན་དུ་བདར། །ལྷན་ཅིག་ཏུ་ནི་འདུས་པར་འགྱུར། །ཉི་མ་བཞིན་དུ་གཟི་འབར་ཞིང ། །དཀའ་ཐུབ་
Ba452a
༄#། །རྣལ་འབྱོར་ལྡན་པ་ཡི། །ཐུབ་པ་རབ་མཆོག་ལྡན་པ་ཀུན། །ཉིན་མོ་བྱ་བ་བྱས་ནས་འཁོད། །ཐུབ་པ་དག་ནི་ཐམས་ཅད་དང ། །བདེ་བྱེད་ལྷ་ཚོགས་ལྷ་རྣམས་ཀྱིས། །ལག་ན་རྡོ་རྗེ་སེམས་དཔའ་ཆེ། །འབྱུང་པོ་ཀུན་དབང་རྗེ་ལ་ཞུས། །འཇིག་རྟེན་དངོས་གྲུབ་བྱེད་པ་ཡི། །བགེགས་རྣམས་དག་ནི་ག་ལ་འབྱུང ། །དེ་དག་གི་ནི་ཆག་ཐོས་ནས། །ལག་ན་རྡོ་རྗེ་གྲགས་པ་ཆེ། །དགའ་པར་གྱུར་ནས་དྲིས་པ་དེ། །རྒྱས་པར་ཡང་ནི་རབ་བཤད་དེ། །བགེགས་རྣམས་ཇི་ལྟར་འབྱུང་འགྱུར་བ། །ཐུབ་པ་དག་ནི་ཀུན་གྱིས་ཉོན། །ལྷ་རྣམས་ལ་ཡང་ལྷ་མིན་རྣམས། །འཐབ་པའི་ཕྱིར་ནི་ལྡང་བ་ལྟར། །སེམས་ཅན་རྣམས་ལ་བགེགས་བྱའི་ཕྱིར། །དེ་བཞིན་གཤེགས་རྣམས་འབྱུང་བར་འགྱུར།། ཇི་ལྟར་ལྷ་ཡིས་ལྷ་མིན་རྣམས། །གཡུལ་དུ་ལན་བརྒྱར་བཅོམ་པ་དང ། །བརྒྱ་བྱིན་གྱིས་ནི་གཡུལ་བཅོམ་ལྟར། །དེ་བཞིན་གཤེགས་རྣམས་བཅོམ་པར་གྱུར། །དེ་ཚེ་ལྷ་ཀུན་དགར་གྱུར་ནས། །འཇིག་རྟེན་གྲགས་པ་དེ་དག་ནི། །ཐམས་ཅད་སྟོབས་དང་ལྡན་འགྱུར་ཞིང ། །དེ་དག་ང་རྒྱལ་དྲེགས་པས་རྒྱས། །འཇིག་རྟེན་དོན་དང་ལྷ་རྣམས་ཀྱིས། །བརྩོན་འགྲུས་དང་ནི་མཐུ་བསྐྱེད་ཕྱིར། །བདེ་ཞིང་རྒྱ་མཚོ་ཆེན་པོ་ནི། །གཤེད་བྱེད་དང་ནི་དབྱུང་བར་བརྩམས། །ཐུབ་པ་དེ་དག་རྨོངས་པ་སྟེ། །ཕན་པ་བྱས་ན་སྟོབས་ཀྱིས་རྒྱགས།།
Ba452b
བརྒྱལ་འདིས་ནི་འཇིག་རྟེན་ན། །རིང་པོར་མི་ཐོགས་ཐེ་ཚོམ་མེད། །དེ་ནས་དྲང་སྲོང་ལྷར་བཅས་རྣམས། །ཅ་ཅོའི་སྒྲ་ནི་རབ་འདོན་ཅིང ། །རྩོམ་པ་ཆེན་པོ་སྐད་ཅིག་ཏུ། །འཇིག་རྟེན་དུ་ནི་གྲགས་པར་འགྱུར། །དེ་ནས་ལྷ་རྣམས་ཐུབ་པར་བཅས། །ཁྲོ་བོ་རུ་ནི་གྱུར་པ་ན། །ལྷར་བཅས་དྲང་སྲོང་དེ་དག་ལ། །ལྷ་ཆེན་གྱིས་ནི་ཚིག་སྨྲས་པ། །ཚངས་བཅས་ལྷ་རྣམས་ཁྱེད་ཀྱི་མཐུས། །རྩོམ་པ་དག་ནི་མ་བྱེད་ཅིག་།རྡོ་རྗེ་འཆང་བ་དཔལ་ལྡན་འདི། །གནོད་སྦྱིན་ཚོགས་ཀུན་བདག་པོ་སྟེ། །གནོད་སྦྱིན་བདེ་བདག་ཞི་བ་པོ། །སེམས་ཅན་ཀུན་ལ་ཕན་པར་དགའ། །མ་རུངས་འདི་དག་བརླག་བྱེད་པ། །བརྩམས་ཤིང་ཚར་གཅོད་ནུས་པ་ཡོད། །དེ་ནས་ལྷ་ཡི་མཆོག་རྣམས་ཀྱིས། །ལག་ན་རྡོ་རྗེ་དཔལ་ལྡན་མཆོག་།སྦྱོར་བ་ཤེས་ཤིང་སྦྱོར་གནས་ནས། །དཔུང་ཆེན་དག་ནི་རབ་སྤྲུལ་པ། །རྒྱལ་པོའི་བློ་གྲོས་རྡོ་རྗེའི་གདོང ། །རྡོ་རྗེའི་ལྟ་བ་གདོང་དཀར་མ། །རྡོ་རྗེ་མིག་སེར་འོག་པག་ཅན། །རྡོ་རྗེ་ནག་མོ་ཕོ་ཉ་ཆེ། །དབང་ཕྱུག་ཆེན་མོ་གནམ་ངོ་མ། །དྲག་མོ་རྡོ་རྗེ་སེངྒེའི་ཁྲི། །ཤུགས་ལྡན་མ་དང་རྡོ་རྗེ་ཅན། །དེ་བཞིན་བཞད་མ་རྡོ་རྗེ་ཅན། །གཏུམ་མོ་རང་གི་ཐུགས་དང་ནི། །ཉེ་བའི་སྙིང་པོ་ལས་ཀུན་བྱེད། །འབྱུང་པོ་སྲིན་པོ་ཕོ་ཉ་མོ། །རྣམ་པ་སྣ་ཚོགས་མིང་གྲགས་པ། །མ་རུངས་གདོན་རྣམས་བཟློག་པ་དང ། །བགེགས་རྣམས་བརླག་ཕྱིར་སྤྲུལ་པར་
Ba453a
༄#། །གྱུར། །དེ་ནས་བསྒྱུར་དེ་དགར་གྱུར་ནས། །དཔལ་གྱིས་སུ་ནི་འཁྱུད་པ་བཞིན། །ལག་ན་རྡོ་རྗེའི་ཕོ་ཉ་དེ། །ཀུན་ནས་བསྐོར་ཅིང་འཁོད་པར་གྱུར། །དེ་ནས་རབ་འབར་མི་བཟད་ཅིང ། །འབྱུང་པོ་ཐམས་ཅད་བརླག་བྱེད་ཅིང ། །ལག་ན་རྡོ་རྗེའི་རྡོ་རྗེ་དེ། །ཕྱོགས་བརྒྱད་དག་ཏུ་འཕྲོས་པར་འགྱུར། །དེ་ནས་སྟོབས་ཆེན་བརྩོན་ཆེན་མོ། །ཕོ་ཉ་མོ་དག་སོང་བར་གྱུར། །དེ་ནས་སྐྲག་ནས་གདོན་དེ་དག་།ཐམས་ཅད་བརྡུངས་ཏེ་སེམས་སྟོར་ཅིང ། །རྡོ་རྗེ་ནག་མོས་འཇིགས་གཟིར་བས། །བསྐྱབས་ཀྱང་རྙེད་པར་མ་གྱུར་ཏེ། །རྡོ་རྗེ་སྒྲོག་གིས་ཕམ་བྱས་ཤིང ། །རྡོ་རྗེ་ཅན་གྱི་ཡུལ་དུ་བཅོམ། །དེ་ནས་དེ་དག་ཡིད་ཀྱིས་སུ། །དེ་བཞིན་གཤེགས་ལ་སྐྱབས་སུ་སོང ། །དཀོན་མཆོག་གསུམ་གྱིས་མཛེས་བྱས་ཤིང ། །ཐམས་ཅད་དགེ་ལ་ངེས་པར་གྱུར། །དེ་ནས་མེ་ནི་འདྲ་བ་དེ། །རྡོ་རྗེ་ལྟ་བུའི་མཚོན་ཐོགས་པ། །ཞི་ནས་རྡོ་རྗེ་ལ་སོགས་ཚོགས། ཡིད་མ་ཞི་ལ་ཡང་སྨྲས་པ། །ཀྱེ་ཀྱེ་ཚོགས་རྣམས་ཞི་བར་གྱིས། །སྐལ་བ་ཆེ་རྣམས་ལྡོག་པར་གྱིས། །གདོན་ཀུན་དགེ་ལ་ངེས་བྱས་ཤིང ། །ཞི་བར་གྱུར་གྱི་མ་གཞོམ་ཞིག། ལག་ན་རྡོ་རྗེ་ལྟས་བསྟན་པའི། །ཐད་དུ་ཡང་ནི་ཁྲིད་པར་གྱིས། །མི་བཟད་ཚོགས་ཀྱིས་དེ་ཉན་ནས། །གདོན་རྣམས་དེ་དག་ཐམས་ཅད་ནི། །རྣལ་འབྱོར་བསྟན་བཅོས་མཐུས་
Ba453b
བཏུལ་ནས། །ལག་ན་རྡོ་རྗེའི་ཐད་དུ་ཁྲིད། །བཅོམ་ལྡན་རྡོ་རྗེ་ལྡན་པ་དེས། །མཐོང་ནས་ཅི་སྟེ་གསོན་འདོད་ན། །རིག་པའི་མཆོག་ལ་ཕྱག་བྱོས་ལ། །ཕྱག་རྒྱ་མཐོང་ནས་བསྟ་ན་ལ་མནོས། །གནས་ནས་མི་རྣམས་ཐོང་ཞིག་ཅེས། །གདོན་རྣམས་ལ་ནི་བགད་དེ་སྨྲས། །དེ་སྐད་སྨྲས་ནས་གདོན་དེ་དག་།ཀུན་གྱིས་དེ་ཚེ་བསྟན་སྨྲས་པ། །ཁྱོད་ཀྱི་ལས་འདི་མཆོག་ཡིན་ཏེ། །གཞན་གྱིས་མི་ཐུབ་དྲག་ཅིང་དགེ་།མངའ་བདག་ཁྱོད་ཀྱིས་བཀའ་སྩལ་པ། །དེ་བཞིན་དུ་ནི་བགྱི་བར་འཚལ། །སངས་རྒྱས་ལ་ནི་སྐྱབས་སུ་མཆི། །ཆོས་དང་དགེ་འདུན་དེ་བཞིན་ཏེ། །ཞི་ལ་མ་རུངས་འདུལ་བ་པོ། །ཁྱོད་ལ་རྟག་ཏུ་སྐྱབས་སུ་མཆི། །སེམས་ཅན་ཀུན་ལ་ཕན་པའི་ཕྱིར། །སྟོབས་ཆེན་དེ་ནི་སྐྱེས་པ་ལེགས། །བདག་ཅག་གི་ནི་འཚོ་པ་ཡི། །ཐབས་ཀྱི་ཕྱིར་ཡང་བཀའ་སྩོལ་ཅིག་།དེ་ནས་དཔལ་ལྡན་རྡོ་རྗེ་འཆང ། །བགད་ནས་ཚོགས་ལ་སྨྲས་པ་ནི། །ཁྱོད་ཀྱིས་བླང་བར་བྱ་བ་དང ། །མེ་བླང་བ་ཡང་བསྟན་པར་བྱ། །གང་དག་རྟག་ཏུ་རྫུན་སྨྲ་དང ། །དྲིན་དུ་མི་གཟོ་གཙང་སྦྲར་མེད། །བྱང་ཆུབ་སེམས་ནི་རབ་ཉམས་པ། །སྐྱེ་བོ་དེ་རྟག་རྟག་ཏུ་ལོང ། །ཉ་དང་ཤ་སོགས་ཟ་བ་དང ། །མི་བྱ་བདག་བྱེད་པ་གང ། །རྐང་པས་ཕྱག་རྒྱ་རྫི་བྱེད་པ། །སྐྱེ་བོ་དེ་དག་བླང་བར་གྱིས། །ཅི་སྟེ་གསོན་པར་འདོད་ན་ནི། །གང་དག་བདེན་པའི་ཚིག་སྨྲ་དང ། །དྲིན་དུ་གཟོ་ཞིང་ངེས་པར་གནས། །སྲོག་གི་ཕྱིར་ཡང་བྱང་ཆུབ་སེམས། །གཏོང་བར་
Ba454a
༄#། །མི་བྱེད་རབ་བསྡམས་དང ། །རྟག་ཏུ་ངལ་དད་པ་དང ། །དེ་བཞིན་རིགས་མཆོག་རིགས་ལ་གནས། །གང་རྣམས་ཀྱི་ནི་ཁྱིམ་དག་ཏུ། །རིག་རྒྱལ་དམ་པ་རྟག་མཆོད་དང ། །ང་རིག་པ་ཡི་རྒྱལ་པོ་མཆོག་།སྒྲུབ་པ་དང་ནི་བཟླས་བརྗོད་བྱེད། །དེ་དག་ལ་ནི་ཞི་བར་གྱིས། །ཡི་གེ་བཞི་པ་ཞེས་བྱ་བའི། །རྡོ་རྗེ་དོན་ཡོད་ཆེན་པོ་དེས། །གདོན་གང་དེ་ལ་དང་མི་འཛིན། །དེ་ཡི་སྤྱི་བོ་འགེམས་པར་བྱེད། །རྟག་ཏུ་ང་དང་རིགས་མཆོག་ལ། །དེ་བཞིན་དད་པ་ལྷུར་བྱེད་དང ། །དམ་ཚིག་གཤེས་པ་གང་ཡིན་དེ། །ཁྱེད་ཀྱིས་རྟག་ཏུ་མཆོད་པ་གྱིས། །ལག་ན་རྡོ་རྗེའི་ཚིག་འདི་དག་།ཐོས་ནས་ཀྱང་ནི་ལོག་འདྲེན་རྣམས། །དགའ་ཞིང་ཅ་ཅོའི་སྒྲ་འབྱིན་ནས། །སྐད་ཅིག་གིས་ནི་མི་སྣང་གྱུར། །རིག་པ་མཆོག་གི་རྒྱུད་ཕྱི་མ་ལས། ལོག་འདྲེན་འབྱུང་པོ་རྫོགས་སོ།། །།ལས་འདི་ནི། དམ་པར་འགྱུར་བ་དང ། དྲག་ཅིང་དོན་ཡོད་ལ་གཞན་གྱིས་མི་ཐུབ་ཅིང་དགེ་བ་ཡིན་ཏེ། དངོས་གྲུབ་སྒྲུབ་པའི་ཚེ་དུད་པ་མེད་པའི་མེ་མདག་ལ་རིག་སྔགས་ཀྱི་རྒྱལ་པོས་ཏིལ་ནག་པོའི་སྦྱིན་སྲེག་ལན་བརྒྱད་བརྒྱ་བྱས་ན། བགེགས་ཐམས་ཅད་འབྱུང་བར་མི་འགྱུར་རོ། །ལས་འདི་དག་ནི་མཆོག་ཡིན་ཏེ། །འཇིག་རྟེན་རྣམས་ཀྱི་དངོས་གྲུབ་ཕྱིར། །རིག་མཆོག་མགོ་བོར་བཞག་ན་ནི། །སྤྱན་རྣམས་དངོས་གྲུབ་སྟོན་པར་འགྱུར། །སངས་རྒྱས་ཡུལ་དང་ཆོས་སྤྱན་ལ། །གང་ཞིག་ཕྱག་འཚལ་ད་ལ་ནི།།
Ba454b
བཅོམ་ལྡན་གསུངས་པའི་ལས་ལ་སོགས། །ལག་ན་རྡོ་རྗེས་བཤད་པ་ཡི། །ཆོ་ག་འདི་དང་རྡོ་རྗེའི་རིགས། །དེ་དག་ཐམས་ཅད་འགྲུབ་འགྱུར་ཏེ། །ཡུལ་ཡང་ཡིད་ལ་བཞག་ནས་ནི། །དངོས་གྲུབ་མཆོག་ནི་བསྒྲུབ་པར་བྱ། །ལས་འདི་དག་ཀྱང་བྱས་ནས་ནི། །དངོས་གྲུབ་མཆོག་འགྱུར་ཤེས་པར་བྱ། །གང་གིས་ཉིན་མོ་ཡང་རུང་སྟེ་ཞག་གཅིག་སྨྱུང་བ་བྱས་ཏེ་ལག་ན་རྡོ་རྗེའི་མདུན་དུ་དྲི་དང ། མེ་ཏོག་དང ། བདུག་པ་ཕུལ་ནས་བ་སེར་མོའི་ལྕི་བ་ས་ལ་མ་ལྷུང་བས་ལྷ་མོའི་གཟུགས་བྱས་ཏེ་ལག་པ་གཡས་པར་རྡོ་རྗེ་ཐོགས་པར་བྱ། དེའི་འོག་ལོགས་སུ་སྒྲུབ་པ་པོ་སྙིམ་པ་ཟེད་ཅིང་འདུག་པར་བྱའོ། །དེ་ནས་རིག་སྔགས་འཆང་གིས་ཡིད་ལ་བསམ་སྟེ་རིག་སྔགས་བརྗོད་ནས་ཅི་སྟེ་གཟུགས་འགུལ་བར་གྱུར་ན། དེ་མ་ཐག་ཏུ་ལས་འགྲུབ་ཅིང ། རིག་སྔགས་ཀྱང་བདེ་བླག་ཏུ་འགྲུབ་སྟེ། བགེགས་ཐམས་ཅད་ཀྱང་བསམ་པ་ཙམ་གྱིས་འཇིགས་པར་འགྱུར་རོ། །ཡང་ན་སྒྲུབ་པ་པོའི་ལག་ཏུ་རྡོ་རྗེ་བྱིན་ན། །སའི་བདག་པོར་འགྱུར་རོ། །ཡང་ན་བཅོམ་ལྡན་འདས་མ་ལས་འོད་ཟེར་འབྱུང་སྟེ། འོད་ཟེར་དེས་ཕོག་པར་གྱུར་ན་ནི། རིག་སྔགས་འཆང་དུ་འགྱུར་ཞིང་གླང་པོ་ཆེའི་སྟོབས་དང་ལྡན་ལ་སྐྲ་ལྕང་ལོ་འཁྱིལ་བ་དང ། ཉི་མ་ཤར་བའི་ཁ་དོག་ཅན་དུ་འགྱུར་ཞིང་ལག་ཏུ་རལ་གྲི་འོད་བར་འགྱུར་ཏེ། དེ་ཐོགས་ན་རིག་སྔགས་འཆང་ཐམས་ཅད་ཀྱིས་མི་སོད་ལ་སྒྱུ་འཕྲུལ་དག་ཀྱང་བྱེད་པར་འགྱུར་རོ། །གང་གི་ཚེ་གཉིད་ཀྱིས་ལོག་པ་དེ་ན་རལ་གྲི་དེ་དཔག་
Ba455a
༄#། །ཚད་གཅིག་ཙམ་ནས་མགལ་མེའི་འཁོར་ལོ་བཞིན་དུ་ཀུན་ནས་འཁོར་བར་བྱེད་ཅིང་སད་པ་ན་ཤུགས་སུ་འགྲོ་སྟེ། ཚེ་ལོ་ཁྲི་བཞི་སྟོང་ཐུབ་ཅིང་ནམ་འཆི་བ་དེའི་ཚེ་བདེ་བ་ཅན་དུ་སྐྱེ་བར་འགྱུར་རོ། །ལས་དེ་བྱས་ཏེ་དངོས་གྲུབ་ཀྱི་མཆོག་སྒྲུབ་ན། ཆོ་ག་རྒྱས་པའི་དངོས་གྲུབ་སྦྱིན་པར་བྱེད་དེ། མས་བུ་ལ་བྱ་བ་བཞིན་ནོ། །དངོས་གྲུབ་བསྒྲུབ་པའི་ཕྱིར་དབང་ཕྱུག་ཆེན་པོ་སྒྲུབ་པའི་མདོར་བསྟན་ཏེ། དེ་ལ་ནི། འདི་ནི། ཆོ་ག་རྒྱས་པའི་དངོས་གྲུབ་མཆོག་སྒྲུབ་པ་བསྟན་པ་སྟེ། ལག་ན་རྡོ་རྗེའི་མདུན་དུ་བྱང་ཆུབ་ཀྱི་ཤིང་གིས་མེ་སྦར་ལ་ཡུངས་མར་དང་སྦྱར་བས་ལན་བརྒྱ་སྟོང་སྦྱིན་སྲེག་བྱས་ན་ཁྲུ་དོའམ་ཁྲུ་གསུམ་ཙམ་དུ་དུད་པའི་ཁྲི་ཞིང་འབྱུང་སྟེ། དེ་ནས་རིག་སྔགས་འཆང་གིས་རིག་སྔགས་ཀྱི་རིགས་འགྲུབ་པ་དང ། ཆོ་ག་རྒྱས་པ་འགྲུབ་པར་ཤེས་པར་བྱ་སྟེ། དེ་ནས་ལས་བརྩམ་པར་བྱའོ། །ཡིད་ལ་བསམ་སྟེ་ཕུར་བུ་གསུམ་པས་བཤད་པའི་ཆོ་ག་རྒྱས་པ་དང ། ལག་ན་རྡོ་རྗེས་བཤད་པ་བསྒྲུབ་པར་བྱའོ། །རྣ་བར་གཤིབས་ཏེ་བཟླས་བརྗོད་བྱས་ན། དངོས་གྲུབ་ཀྱི་མཆོག་སྟོན་པར་འགྱུར་ཏེ། ནུབ་ཀར་ལག་ན་རྡོ་རྗེ་ལ་མཆོད་པ་བྱས་ལ་ལག་ན་རྡོ་རྗེའི་རྣ་བ་གཡས་པར་རིག་སྔགས་ལན་སྟོང་རྩ་བརྒྱད་བཟླས་བརྗོད་བྱས་ནས་ཅི་སྟེ་རྨི་ལམ་དུ་བྲམ་ཟེ་མཐོང་ན། ལས་འགྲུབ་པར་འགྱུར་རོ། །འབྲེག་མཁན་མཐོང་ན་ནི། འགྲུབ་པར་མི་འགྱུར་ཏེ། དེ་ལ་བལྟ་ཞིང་ལས་བསྒྲུབ་པར་
Ba455b
བྱའོ། །རི་མོའི་གཟུགས་གང་གིས་མཐོང་བ་དེས་ནི། རྡོ་རྗེའི་རིགས་མཐོང་བ་ཡིན་ནོ། །རྡོ་རྗེའི་རིགས་མཐོང་ན། ལས་འབྱང་བར་འགྱུར་རོ། །ལས་བྱང་ན། དངོས་གྲུབ་ཀྱི་མཆོག་ཐོབ་པར་འགྱུར་ཏེ། རས་མ་ཉམས་པ་ལ་རི་མོ་མཁན་གསོ་སྦྱོང་དང་ལྡན་པ་ཚོན་རྩི་སྤྱིན་མེད་པས་སངས་རྒྱས་ཀྱི་སྐུ་གཟུགས་གསེར་གྱི་ཁ་དོག་ཅན་ཆོས་སྟོན་པའི་ཚུལ་དུ་འབྲིར་གཞུག་གོ་།དེ་བཞིན་གཤེགས་པའི་གཡས་ལོགས་སུ་ལྷ་མོ་གསེར་གྱི་ཁ་དོག་ཅན་ཆོས་ཉན་པ་བྲིའོ། །དེའི་འོག་ལོགས་སུ་ལག་ན་རྡོ་རྗེ་མདོག་སྡོ་བསངས་ལ་རྒྱན་ཐམས་ཅད་ཀྱིས་བརྒྱན་པ་ཆོས་ཉན་པ་བྲི།་དེ་བཞིན་གཤེགས་པའི་གཡོན་ལོགས་སུ་དབང་ཕྱུག་ཆེན་པོ་འདམ་བུ་མངའ་རྒྱུའི་མདོག་ཅན། ཐོར་ཚུགས་དང་ཅོད་པན་ཐོགས་པ་བྲི། དེའི་གཡོན་ལོགས་སུ་ཕུར་བུ་གསུམ་པའི་མ་མ་ཏངྒི་ལུགས་ཅན་ཆོས་ཉན་པའི་ཚུལ། དེའི་འོག་ལོགས་སུ་དབང་ཕྱུག་ཆེན་པོ་འདམ་བུ་མདའ་རྒྱུའི་ཁ་དོག་ཅན། ཐོར་པོ་ཕུར་བུ་གསུམ་པ། མདོག་སྡོ་བསངས། རྒྱན་ཐམས་ཅད་ཀྱི་མིག་གསུམ་དང་ལྡན་པ་བྲིའོ། །དེའི་དྲུང་དུ་མ་ཏང་གི་རྒྱལ་པོ་ཕུར་བུ་གསུམ་པ། མདོག་སྡོ་བསངས། རྒྱན་ཐམས་ཅད་ཀྱི་བརྐྱན་པ་མ་ཏང་གི་ཆ་ལུགས་སུ་བྲིའོ། །དེའི་ལོགས་སུ་འཇིག་རྟེན་སྐྱོང་བ་བཞི་ཁ་དོག་ཐ་དད་པ་དང ། རྒྱན་སྣ་ཚོགས་ཀྱིས་བརྒྱན་པ་ཆོས་ཉན་པའི་ཚུལ་དུ་བྲི། ལག་ན་རྡོ་རྗེའི་ལོགས་སུ་རྡོ་རྗེ་སྡེ་དང་གཙུག་ནས་བྱུང་རྩེ་ཞིང་འདུག་པར་བྲི་སྟེ། རྡོ་རྗེ་
Ba456a
༄#། །སྡེ་ནི།་གསེར་གྱི་མདོག་ཅན་ལ་རྒྱན་ཐམས་ཅད་ཀྱིས་བརྒྱན་པ་བྱའོ། །གཙུག་ནས་བྱུང་གི་མདོག་དམར་ལ་མིག་གསུམ་ཡོད་པ། གླང་པོ་ཆེའི་པགས་པའི་སྨད་གཡོགས་ཅན། ཀླུའི་རྒྱལ་པོ་ནོར་རྒྱས་ཀྱི་སེ་རལ་ཀར་ཐོགས་ལ་རྒྱན་སྣ་ཚོགས་ཀྱིས་བརྒྱན་པ་བྱའོ། །ཁྱད་པར་དུ་རྡོ་རྗེ་སྡེའི་དྲུང་དུ་རྡོ་རྗེ་ཁྲོ་བོ་འབར་ལ་ལོག་འདྲེན་རྣམས་འཇོམས་ཤིང་འཐོར་བ་བྲི། རིག་པའི་མཆོག་འདོད་རྒུར་སྒྱུར་བའི་གཟུགས་ཅན་ལན་གཅིག་མཐོང་བ་ཙམ་གྱིས་ངོ་ཤེས་པ་ཙམ་དུ་གསོལ་བ་ལག་ན་རྡོ་རྗེའི་ཁ་ནས་བྱུང་བ་བྲིའོ། །གཟུགས་དེ་མཐོང་ན། སྔོན་གྱི་སྡིག་པ་ཐམས་ཅད་ལས་གྲོལ་བར་འགྱུར་ཏེ། ལོག་འདྲེན་རྣམས་ཀྱིས་ཀྱང་མི་ཚུགས་སོ། །གང་རི་མོའི་གཟུགས་འདི་སྒྲུབ་པ་དེས་ནི། དངོས་གྲུབ་ཀྱི་མཆོག་ངེས་པར་འགྲུབ་པར་འགྱུར་རོ། །སྒྲུབ་པར་འདོད་པའི་རིག་སྔགས་འཆང་གིས་ཞག་གསུམ་སྨྱུང་བ་བྱས་ཏེ་ཟླ་བ་ཉ་ལ་རི་མོའི་གཟུགས་མཆོད་པ་རྒྱས་པར་བྱས་ན། གསང་སྔགས་སྔ་མ་དག་གིས་ལས་རྣམས་བྱའོ། །འོ་མས་བཀང་བའི་སྣོང་བཞི་དང ། ཞོས་བཀང་བ་བཞི་དང ། དེ་བཞིན་དུ་བཏུང་བ་དང་སྦྱར་ཐུག་གིས་བཀང་བ་བཞི་བཞི་དབུལ་ཞིང་འབྱུང་པོའི་གཏོར་མ་ཡང་སྦྱིན་ནོ། དེ་ནས་རིག་སྔགས་འཆང་གིས་དངོས་གྲུབ་ཀྱི་མཚན་མ་བྱུང་གི་བར་དུ་ནམ་ཕྱེད་ཀྱི་དུས་སུ་མེ་ཏོག་དྲི་ཞིམ་པོ་སྟོང་རྩ་བརྒྱད་བཟླས་བརྗོད་ལན་
Ba456b
རེ་རེ་སྦྱར་ཞིང་བཅོམ་ལྡན་འདས་སངས་རྒྱས་ཀྱི་ཡུམ་ལ་བསྣུན་ན། རི་མོའི་གཟུགས་འགུལ་བ་དང ། མེ་ཏོག་གི་ཕྲེང་བ་གཡོ་བ་དང ། ལྷ་མོ་ལས་འོད་ཟེར་འབྱུང་བར་འགྱུར་ཏེ། རི་མོའི་གཟུགས་འདུལ་ན་ནི། དབབ་པའི་ལས་དང ། ཞི་བ་དང ། རྒྱས་པའི་ཆོ་ག་འགྲུབ་པར་འགྱུར་རོ། །མེ་ཏོག་ཕྲེང་བ་གཡོ་ན་ནི། དབབ་པའི་རིག་སྔགས་ཀྱི་ཆོ་ག་འགྲུབ་པར་འགྱུར་རོ། །འོད་ཟེར་བྱུང་ན་ནི། ཆོ་ག་རྒྱས་པའི་དངོས་གྲུབ་མཆོག་ཏུ་འགྱུར་ཏེ། སྒྲུབ་པར་གྱུར་ན་རྡོ་རྗེའི་རིགས་ཐམས་ཅད་འགྲུབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གིས་དཔལ་ཆེན་མོའི་རིག་སྔགས་ཀྱི་ཆོ་ག་རྒྱས་ལ་ལྷག་མ་དག་ཀྱང་འགྲུབ་པར་འགྱུར་རོ། །ཅི་སྟེ་དབང་ཕྱུག་ཆེན་པོའི་ཆོ་ག་རྒྱས་པ་སྒྲུབ་པར་འདོད་ན་རིག་སྔགས་འཆང་དེས་མེ་ཏོག་དམར་པོ་སྟོང་རྩ་བརྒྱད་བཟླས་བརྗོད་ལན་རེ་རེ་དང་སྦྱར་ཏེ་དབང་ཕྱུག་ཆེན་པོ་ལ་བསྣུན་ན། དེའི་ཡང་དངོས་གྲུབ་རྣམ་པ་གསུམ་དུ་འགྱུར་ཏེ། དབང་ཕྱུག་ཆེན་པོའི་ཆོ་ག་རྒྱས་པ་ཡང་འགྲུབ་པར་འགྱུར་རོ། །ཅི་སྟེ་ཕུར་བུ་གསུམ་པའི་ཆོ་ག་རྒྱས་པར་སྒྲུབ་པར་འདོད་ན་རིག་སྔགས་འཆང་དེས་མ་ཏོག་ནག་པོ་སྟོང་རྩ་བརྒྱད་བཟླས་བརྗོད་ལན་རེ་དང་སྦྱར་ཏེ་ཕུར་བུ་གསུམ་པའི་རི་མོ་ལ་བསྣུན་ན། དེ་ཡང་དངོས་གྲུབ་རྣམ་པ་གསུམ་དུ་འགྱུར་ཏེ། ཕུར་བུ་གསུམ་པས་བྱས་པའི་མ་ཏངྒི་ཆོ་ག་རྒྱས་པ་ཐམས་ཅད་ཀྱང་འགྲུབ་པར་འགྱུར་རོ། །
Ba457a
༄#། །སེམས་ཅན་རྣམས་ལ་ཕན་པའི་ཕྱིར། །ཆོ་ག་འདི་ནི་བདག་གིས་བཤད། །ཁྱེད་རྣམས་ཡིད་ནི་དགའ་བཞིན་པས། །དངོས་གྲུབ་དམ་པ་སྦྱིན་པར་གྱིས། །གང་སངས་རྒྱས་ཀྱི་ཡུམ་དྲན་པ་ཙམ་གྱིས་འོང་བར་མི་བྱེད་ན་དངོས་གྲུབ་ཀྱང་སྦྱིན་པར་མི་བྱེད་པ་ནི། དེ་བཞིན་གཤེགས་པ་ལ་སྙིང་རིངས་པ་ཡིན་ཏེ། ངས་ཀྱང་རྡོ་རྗེས་སྤྱི་བོ་བཀས་པར་བྱའོ། །གང་ཆོ་ག་རྒྱས་པ་འདི་འཆང་བ་དེ་ལ་གདོན་ཐམས་ཅད་དང ། ལོག་འདྲེན་ཐམས་ཅད་དང ། ཤ་ཟ་ཐམས་ཅད་ཀྱང་འབྱེར་ཞིང་སྐྲག་པར་འགྱུར་རོ། །གང་ཞིག་ཆོ་ག་འདིས་མཆོད་པ། །དེ་ལ་ལྷ་མཆོག་རྣམས་ཀྱིས་མཆོད། །གང་ཞིག་དངོས་གྲུབ་མཆོད་པ་ལ། །དེ་ཡིས་ཆོ་ག་ལྷ་མཆོད་བྱ། །གང་ཞིག་ཆོ་ག་འདི་མཆོད་དང ། །ཐམས་ཅད་རྫོགས་པར་མཆོད་བྱེད་པ། །དེ་ཡི་ལག་ན་རྡོ་རྗེ་ཡིས། །བཤད་པ་བཞིན་དུ་ངེས་པར་འགྲུབ། །གང་ཞིག་ཆོ་ག་འདི་འཆང་བ། །སངས་རྒྱས་ཀུན་གྱིས་བྱིན་གྱིས་བརླབས། །ལག་ན་རྡོ་རྗེ་དཔལ་ལྡན་པ། །དེ་ཡི་ལུས་ཀྱི་སྤྱི་བོར་གནས། །ཡི་གེ་བཞི་པ་ཞེས་བྱ་བ། །རིག་སྔགས་ཀྱི་རྒྱལ་པོའི་ཆོ་ག་རྟོགས་སོ།། །།
Ma1b
༄##། །དེ་ནས་བཅོམ་ལྡན་འདས་ལག་ན་རྡོ་རྗེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སྐྱེ་བོ་ཕྱི་མ་རྣམས་དང ། སེམས་ཅན་བསོད་ནམས་ཆུང་དུ་རྣམས་ཀྱི་སླད་དུ་རིག་སྔགས་ཀྱི་རྒྱལ་པོ་དང ། ལྷ་ཐམས་ཅད་ཀྱི་ཆོ་ག་ཕྱི་མ་རྒྱས་
Ma2a
༄##། །པར་བཤད་པར་འཚལ་ན། དེ་བཞིན་གཤེགས་པས་གནང་བར་མཛད་དུ་གསོལ། བཅོམ་ལྡན་འདས་ཀྱིས་གནང་བར་མཛད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྡོ་རྗེ་འཛིན། རིག་སྔགས་ཀྱི་རྒྱལ་པོ་འི་ལས་ཕྱི་མ་རྣམས་ཤོད་ཅིག་།དེ་ནས་བཅོམ་ལྡན་འདས་ལག་ན་རྡོ་རྗེས་རིག་སྔགས་ཀྱི་རྒྱལ་པོ་ཆེན་པོ་ལ་བསམས་ནས་ལས་ཕྱི་མ་རྣམས་བཤད་དོ། །དེ་ནས་རིག་སྔགས་ཀྱི་རྒྱལ་པོ་མཆོག་གི་ལས་འབྱུང་སྟེ། དགོན་པའམ། རིའི་རྩེ་མོའམ། དབེན་པའི་ཕྱོགས་སུ་སྐྱང་ནུལ་བྱ་སྟེ།་ཐབ་དབྱིབས་གྲུ་བཞིར་བྱས་ལ་ལྷ་བཤོས་སུ་ཞོ་དབུལ་བར་བྱའོ། །གཡོག་བྱེད་པ་རྣམས་ལ་ཞོ་གླུད་དོ། །ཡང་ན་
Ma2b
ངོས་ཀུན་ཏུ་ཁྲུ་བཅུ་པའི་དཀྱིལ་འཁོར་སྐྱང་ནུལ་གྱིས་བྱུགས་ཏེ་དེར་མེ་སྦར་ལ་ཤར་ཕྱོགས་སུ་ཁ་བལྟས་ཏེ་འདུག་ནས་བེ་ཀཾ་ཀ་ཏའི་ཡམ་སྲེག་ཤིང་སྲིད་དུ་ཁྲུ་གང་སྦོམས་སུ་ཆང་བར་འཁྱུད་པ། འཕན་མེད་པ་སྟོང་རྩ་བརྒྱད་ཞོ་དང ། སྦྲང་རྩི་དང ། མར་གྱི་ནང་དུ་སྨྱུགས་ཏེ་དུས་གསུམ་དུ་སྦྱིན་སྲེག་བྱའོ། །ཟས་སུ་ཕྱེའམ། འོ་མའི་འདག་གུའམ། སློང་མོའི་ཟས་བཟའ་ཞིང་ལས་བྱས་ཏེ་མི་སྨྲ་བར་བདུག་ཅིང་དུས་གསུམ་དུ་ཁྲུས་བྱའོ། །ཁང་པའི་ཤར་ཕྱོགས་ཀྱི་གློར་གྲོགས་མཁར་གྱི་ས་ལས་ལག་ན་རྡོ་རྗེའི་སྟེགས་བུ་ཁྲི་འཕང་ཅན་བྱས་ལ། དྲི་དང ། མེ་ཏོག་དང ། བདུག་པ་དང ། ལྷ་བཤོས་དབུལ་ཞིང་ཕོ་ཉ་མོའི་སྔགས་ཐམས་ཅད་ཀྱི་ལས་བྱས་ཞིང་ཅི་འབྱོར་པས་མཆོད་པ་བྱས་ནས་རིག་སྔགས་འཆང་གིས་བཅོམ་ལྡན་འདས་མ་སྔགས་ཀྱིས་བཏབ་པའི་ཆུས་ཁ་ཟས་བསང་གཏོར་བྱས་ཏེ་བཟའ་བར་བྱའོ། །ཅི་དགའ་བའི་འདོད་པ་ཡང་
Ma3a
༄#། །གསོལ་བར་བྱའོ། །སྦྱིན་སྲེག་དེ་ཡང་ཞག་ཉི་ཤུ་རྩ་གཅིག་གི་བར་དུ་བྱའོ། །དེ་ནས་བཅོམ་ལྡན་འདས་ལག་ན་རྡོ་རྗེ་མེ་ཐབ་དེའི་ནང་ནས་འབྱུང་ངོ ། །དེ་ནས་བཅོམ་ལྡན་འདས་ཀྱིས་དམ་པའམ། རྡོ་རྗེ་སྩོལ་བར་མཛད་དེ། རྡོ་རྗེ་དེ་ལག་ན་ཐོགས་པས་ལག་ན་རྡོ་རྗེ་དང་མཐུ་སྟོབས་མཉམ་པར་འགྱུར་ཏེ། ཐམས་ཅད་དུ་ཡང་ཐོགས་པ་མེད་པར་འགྲོ་བར་འགྱུར་རོ། །མིག་བཙུམས་པའི་ཡུད་ཙམ་གྱིས་ཀྱང་འོག་མིན་གྱི་གནས་སུ་འགྲོ་བར་འགྱུར་ཞིང་བསྐལ་པར་གནས་པར་འགྱུར་ཏེ། རིག་སྔགས་འཆང་ཐམས་ཅད་ཀྱང་དེས་བསྒོ་བ་བཞིན་བྱེད་པར་འགྱུར་རོ། །རིག་སྔགས་འཆང་ལ་ཆོ་ག་རྒྱས་པའི་དངོས་གྲུབ་ཀྱང་སྦྱིན་བར་མཛད་དེ། ཆོ་ག་རྒྱས་པར་བསྒྲུབས་ན།་ལས་ཐམས་ཅད་རྡོ་རྗེ་བསྒྱུར་བ་ཙམ་གྱིས་འགྲུབ་པ་དང ། བྱེད་པར་འགྱུར་ཏེ། བསྐལ་པར་གནས་པར་འགྱུར་རོ། །དབང་དུ་བྱ་ན།
Ma3b
གཙང་སྦྲར་བྱས་ཏེ་མཆོད་རྟེན་ལ་མེ་ཏོག་དང ། དྲི་དང ། བདུག་པ་ཕུལ་ཞིང་བཅོམ་ལྡན་འདས་ལག་ན་རྡོ་རྗེ་ལ་ཡང་མཆོད་པར་བྱས་ལ། དེའི་མདུན་དུ་དཀྱིལ་འཁོར་སྐྱང་ནུལ་གྱིས་བྱུགས་ནས་ཞག་བདུན་གྱི་བར་དུ་དུས་གསུམ་དུ་མེ་ཏོག་དཀར་པོ་སྙིམ་པར་བཅུག་སྟེ་མིང་ནས་སྨོས་ཤིང་ལན་སྟོང་རྩ་བརྒྱད་རྩ་བརྒྱད་བཟླས་བརྗོད་བྱས་ལ་ཕྱོགས་མཚམས་མ་ནོར་བར་མཆོད་རྟེན་ལ་བོར་ན་དབང་དུ་འགྱུར་རོ། །གཏེར་དང་ལྷ་མ་ཡིན་གྱི་ཕུག་གང་ན་ཡོད་པར་ཡུངས་ཀར་གྱིས་བསྣུན་ན། ལྷ་མ་ཡིན་གྱི་ཕུག་གི་འཁྲུལ་འཁོར་ཚོགས་པར་འགྱུར་ཞིང་གཏེར་གྱི་འཁོར་ཐམས་ཅད་ཆོམས་པར་འགྱུར་ཏེ་ཕྱིན་པར་ཡང་འགྱུར་རོ། །ཐམས་ཅད་དུ་སྐུད་པས་བསྲུང་བར་བྱའོ། །གཏེར་དང་ལྷ་མ་ཡིན་གྱི་ཕུག་གི་གནས་སྒྲུབ་པ་ཐམས་ཅད་ལ་བགེགས་དང་ལོག་འདྲེན་ཐམས་ཅད་མེད་པར་བྱ་བའི་ཕྱིར་སངས་རྒྱས་བཅོམ་ལྡན་འདས་དང ། འཕགས་པ་ལག་ན་རྡོ་རྗེའི་མདུན་དུ་དཀྱིལ་འཁོར་སྐྱང་ནུལ་གྱིས་བྱུགས་ཏེ་ཞག་གཅིག་སྨྱུང་བ་བྱས་ཏེ་ནིམ་པའི་ཤིང་དང ། རྒའི་བུད་ཤིང་གིས་མེ་སྦར་ནས་ཡུངས་ཀར་དང ། ལན་ཚཝ་ཡུངས་མར་གྱིས་བསྒོས་པའམ། ཡང་ན་མར་དང ། འབྲས་ཡོས་ཀྱིས་ལན་བརྒྱད་སྟོང་སྦྱིན་སྲེག་བྱ་སྟེ། སངས་རྒྱས་བཅོམ་ལྡན་འདས་ལ་མེ་ཏོག་དྲི་ཞིམ་པོ་དང ། བདུག་པ་དང ། ལྷ་བཤོས་དབུལ་ཞིང་ལག་ན་རྡོ་རྗེ་
Ma4a
༄#། །ལ་ཡང་མཆོད་པ་བྱས་ནས་དེའི་འོག་ཏུ་ལས་བརྩམ་པར་བྱའོ། །དེ་ནས་མིའི་གཙོ་བོ་དབང་དུ་བྱ་བར་འདོད་ན། འཕགས་པ་ལག་ན་རྡོ་རྗེའི་མདུན་དུ་དཀྱིལ་འཁོར་སྐྱང་ནུལ་གྱིས་བྱུགས་ལ་ཞག་བདུན་གྱི་བར་དུ་དུས་གསུམ་དུ་དྲི་དང ། མེ་ཏོག་དང ། ལྷ་བཤོས་ཕུལ་ནས་བྱང་ཆུབ་ཀྱི་ཤིང་གི་བུད་ཤིང་གིས་མེ་སྦར་ལ་འབྲས་ཡོས་ཀྱི་འོ་ཐུག་གིས་སྦྱིན་སྲེག་སྟོང་རྩ་བརྒྱད་རྩ་བརྒྱད་བྱས་ན་དབང་དུ་འགྱུར་ཏེ། ཇི་སྐད་སྨྲས་པ་བཞིན་བྱེད་ཅིང་ནོར་སྦྱིན་པར་འགྱུར་རོ། །བྲམ་ཟེ་དབང་དུ་བྱ་ན། ཆོ་ག་དེ་ཉིད་ཀྱིས་ཏིལ་གྱི་སྦྱིན་སྲེག་བརྒྱ་སྟོང་བྱའོ། །རྒྱལ་རིགས་ལ་ནི། ནས་ཀྱི་སྦྱིན་སྲེག་བྱའོ། །རྗེའུ་རིགས་ལ་ནི། ནས་དང་ལན་ཚཝའི་སྦྱིན་སྲེག་བྱའོ། །དམངས་རིགས་ལ་ནི།་སྦྱར་ཐུག་གི་སྦྱིན་སྲེག་བྱའོ། །ཡུགས་ས་མོ་དབང་དུ་བྱ་ན། ཡུངས་ཀར་གྱི་སྦྱིན་སྲེག་བྱའོ། །བུ་མོ་དབང་དུ་བྱ་ན། ཡུངས་ཀར་གྱི་སྦྱིན་སྲེག་བྱའོ། །འདི་དག་ལ་ཡང་དེ་བཞིན་དུ་དྲི་དང ། མེ་ཏོག་དང ། ལྷ་བཤོས་དབུལ་ཞིང་སྦྱིན་སྲེག་ལན་སྟོང་སྟོང་བྱས་ན། དབང་དུ་འགྱུར་ཏེ། ཟ་གཅིག་པར་བྱའོ། །དགྲ་ཕུང་བར་བྱ་ན། མར་གྱི་ངོ་ཞག་བཅུ་བཞིའམ་མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་དཀྱིལ་འཁོར་གྲུ་གསུམ་སྐྱང་ནུལ་གྱིས་བྱུགས་ནས་སེང་ལྡེང་གི་བུད་ཤིང་གིས་མེ་སྦར་ལ་སྐེ་ཚེའི་སྦྱིན་སྲེག་
Ma4b
ལན་བརྒྱ་སྟོང་བྱས་ན། དེ་མ་ཐག་ཏུ་མེད་པར་འགྱུར་རོ། །དགྲ་གསད་ན། ཞག་བདུན་གྱི་བར་དུ་དུས་གསུམ་དུ་དུག་དང་ཁྲག་གི་སྦྱིན་སྲེག་སྟོང་རྩ་བརྒྱད་བྱས་ན་འཆི་བར་འགྱུར་རོ། ། གནོད་སྦྱིན་དང ། གནོད་སྦྱིན་མོ་དབང་དུ་བྱ་ན། གནོད་སྦྱིན་དང ། གནོད་སྦྱིན་མོ་ཕྱོགས་གང་ན་གནས་པ་དེར་མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་དཀྱིལ་འཁོར་སྐྱང་ནུལ་གྱིས་བྱུགས་ནས་དྲི་དང ། མེ་ཏོག་དང ། བདུག་སྤོས་དང ། མར་མེ་ཕུལ་ཏེ་མངར་གསུམ་གྱི་ལྷ་བཤོས་ཀྱང་དབུལ་ལོ། །དེ་ནས་ཨ་ཤོ་ཀའི་བུད་ཤིང་གིས་མེ་སྦར་ལ་ཨ་ཤོ་ཀའི་མེ་ཏོག་བརྒྱ་སྟོང་གིས་སྦྱིན་སྲེག་བྱས་ན་དབང་དུ་འགྱུར་རོ། །བཅོམ་ལྡན་འདས། གང་ཞིག་གིས་རྡོ་རྗེའི་རིགས་གཙོ་བོ་མཆོག་གི་མིང་ཙམ་འཛིན་པ་དེ་ལ་ཡང་ལྷ་ཐམས་ཅད་ཀྱིས་ཟིལ་གྱིས་མནན་པར་མི་ནུས་ན། གང་མདོ་ཉིད་འཆང་བ་ལྟ་སྨོས་ཀྱང་ཅི་འཚལ། དེ་ནས་འཇིགས་པ་ཐམས་ཅད་ལ་ནི། སྐུད་པ་ལ་བརྒྱ་རྩ་བརྒྱད་བཟླས་བརྗོད་བྱས་པས་སྲུང་བ་བྱས་པར་འགྱུར་རོ། །དུག་གོ་ཅོག་ལ་ནི། ཆུའམ་རྨ་བྱའི་མདོངས་ཀྱིས་བྱབས་ན་མེད་པར་འགྱུར་རོ། །ཞག་གཅིག་སྨྱུང་བ་བྱས་ཏེ་ཉི་མ་བཟང་བ་ལ་འབབ་ཆུའི་འགྲམ་དུ་སོང་སྟེ་མེ་ཏོག་བརྒྱ་སྟོང་ཕུལ་ན། མེ་ཏོག་གི་ཁ་དོག་ཇི་ལྟ་བུ་ཕུལ་བ་དེ་ལྟ་བུའི་གོས་རྣམས་ཞག་བདུན་ཚུན་ཆད་ཀྱིས་ཐོབ་པར་འགྱུར་རོ། །གཞོན་ནུའི་གདོན་གྱིས་བྱིས་པ་ཟིན་པ་ལ་ནི།
Ma5a
༄#། །དཀྱིལ་འཁོར་སྐྱང་ནུལ་གྱིས་བྱུགས་པ་ལ་དྲི་དང ། མེ་ཏོག་དང ། ལྷ་བཤོས་ཕུལ་ནས་བྱིས་པ་ཤར་ཕྱོགས་སུ་ཁ་བསྟན་ཏེ་བཞག་ལ་བདུག་པས་བདུགས་ཏེ་བྱབ་པ་ཡང་བྱས་ནས་ལག་པ་ལ་ཡང་སྐུད་པ་བཏགས་ན་སོས་པར་འགྱུར་རོ། །རིག་སྔགས་སྒྲུབ་པ་ཐམས་ཅད་དང ། རོ་ལངས་སྒྲུབ་པ་དང ། བདག་ཉིད་སྲུང་བ་དང ། ཕྱོགས་བཅིང་བ་དང ། ཕ་རོལ་སྲུང་བ་དང ། མཚམས་གཅད་པ་དང ། སྒྲུབ་པ་ཐམས་ཅད་ལ་རིག་སྔགས་ཀྱི་རྒྱལ་པོ་འདི་གཅིག་བུས་བྱའོ། །ཆར་དབང་པར་འདོད་ན། ཆུ་ཀླུང་གི་སར་འགྲམ་གཉིས་ཀའི་སས་རྡོ་རྗེ་བྱས་ལ་མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་ཆུ་ཀླུང་རྒྱ་མཚོར་འབབ་པའི་འགྲམ་དུ་སོང་ལ་ས་དེ་ལྟ་བུ་ལ་ནོར་རྒྱས་ཀྱི་བུའི་གཟུགས་བྱས་ཏེ། དེ་ལ་དྲི་དམར་པོ་དང ། མེ་ཏོག་དམར་པོ་དང ། བདུག་པ་དང ། མར་མེ་ཕུལ་ནས་དེའི་མདུན་དུ་རྡོ་རྗེ་ལ་ལན་བརྒྱ་སྟོང་བཟླས་བརྗོད་བྱས་ཏེ་བཟླས་བརྗོད་ཟིན་ན། དུས་མ་ཡིན་པར་ཆར་འབབ་པར་འགྱུར་རོ། །གཅད་ན། ལག་ན་རྡོ་རྗེའི་མདུན་དུ་ལག་ན་རྡོ་རྗེ་ལ་ཕུལ་བའི་མེ་ཏོག་རྙིང་པ་བརྒྱད་བརྒྱས་སྦྱིན་སྲེག་བྱས་ན་འཆད་པར་འགྱུར་རོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་རྒྱ་ཤུག་དང ། བན་ད་ཀའི་ཤིང་བླངས་ལ་མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་
Ma5b
བྱས་ནས་དུར་ཁྲོད་དུ་སོང་ལ་དཀྱིལ་འཁོར་སྐྱང་ནུལ་དུ་བྱུགས་ཏེ་དྲི་དང ། མེ་ཏོག་དང ། བདུག་པ་ཕུལ་ནས་ནམ་དྲོ་བར་གྱུར་གྱི་བར་དུ་རིག་སྔགས་ཀྱི་རྒྱལ་པོ་ལན་སྟོང་རྩ་བརྒྱད་རྩ་བརྒྱད་བཟླས་བརྗོད་བྱས་ན་འགྲུབ་པར་འགྱུར་ཏེ། གྲུབ་ནས་དེ་འཆང་ན། རྒྱལ་པོ་ལ་བཞག་ན་གཞན་གྱིས་མི་ཐུབ་པར་འགྱུར་ཏེ། ཅི་རྙེད་པ་ཡང་འཕྲལ་དུ་ཟད་པར་འགྱུར་རོ། །རི་བོང་གི་ཁྲག་དང ། མིག་གཉིས་དང ། དེ་བཞིན་དུ་སྦལ་པའི་མིག་གཉིས་དང ། རི་དྭགས་ཀྲྀཥྞ་ས་རའི་མིག་གཉིས་བླངས་ལ་སྐར་མ་རྒྱལ་དང་སྦྱར་ཞིང་ཞག་གཅིག་སྨྱུང་བ་བྱས་ཏེ་བཏགས་ལ་ལག་ན་རྡོ་རྗེའི་མདུན་དུ་ཏིལ་གྱི་ལོ་མའི་བར་དུ་བཞག་ནས་དྲོ་བར་གྱུར་གྱི་བར་དུ་བཟླས་བརྗོད་བྱས་ན་གྲུབ་པར་འགྱུར་ཏེ། རྐང་པས་མགྱོགས་པའི་སྨན་དུ་འགྱུར་རོ། །དེ་ནས་མིག་ལ་བསྐུས་ན་ལོ་བཅུ་དྲུག་ལོན་པ་ན་ཚོད་དང་ལྡན་པར་འགྱུར་ཞིང་གཏེར་ཐམས་ཅད་མཐོང་སྟེ། ཚེ་ལོ་ལྔ་བརྒྱ་ཐུབ་པར་འགྱུར་ལ་ཚན་པོ་ཆེའི་སྟོབས་དང་ལྡན་པར་འགྱུར་རོ། ། མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་དུར་ཁྲོད་དུ་སོང་ལ་དཀྱིལ་འཁོར་སྐྱང་ནུལ་དུ་བྱུགས་ནས་དེའི་དབུས་སུ་འབྲས་ཕྱེ་ལས་མིའི་གཟུགས་བྱས་ཏེ། དེ་ལ་གཏོར་མ་རྒྱས་པ་དང ། དྲི་དང ། མེ་ཏོག་དང ། བདུག་པ་ཡང་འབྱིན་ལ་ཏ་ལའི་ལོ་མའི་སྤུ་གྲི་སྐྲ་ལ་སོགས་པ་བྲེག་པ་ལྟར་བྱ། དེའི་གཡས་ལོགས་སུ་མིའི་ཐོད་པ་དྲི་དང ། མེ་ཏོག་དང །
Ma6a
༄#། །བདུག་པས་བརྒྱན་ཏེ་བཞག་ལ་ཐོད་པའི་སྟེང་དུ་འདུག་པ་བཞིན་དུ་རིག་སྔགས་འཆང་གིས་རིག་སྔགས་ཀྱི་རྒྱལ་པོ་ལ་ལན་བརྒྱད་བརྒྱ་བཟླས་བརྗོད་བྱས་ཏེ།་དེ་ནས་ཐོད་པ་བླངས་ཏེ་དུར་ཁྲོད་ཀྱི་མེས་བསྲེགས་ན་ཐོད་པ་ཆག་པ་དེའི་དུམ་གྲུགས་བླངས་ཏེ་གཟུགས་བྱས་ཏེ་དེའི་ལྟེ་བའི་སྟེང་དུ་བཞག་སྟེ་ལན་བརྒྱད་བརྒྱ་བཟླས་བརྗོད་བྱའོ། །དེ་ནས་ཐོད་པའི་དུམ་གྲུགས་བླངས་ཏེ་ལག་ན་རྡོ་རྗེའི་མདུན་དུ་བཏགས་ལ་ལན་བརྒྱད་བརྒྱ་བཟླས་བརྗོད་བྱས་པས་ལུས་བསྐུས་ན་འདོད་རྒྱུར་བསྒྱུར་བའི་གཟུགས་ཅན་དུ་འགྱུར་ཏེ། གང་དྲི་མི་ཞིམ་པ་དེ་དག་ཀྱང་དྲི་ཞིམ་པར་བྱེད་ཅིང་ཆུ་ཀླུང་གྱེན་དུ་འབབ་པར་བྱེད་ལ་ཚེ་ལོ་བདུན་བརྒྱ་ཐུབ་པར་འགྱུར་ཏེ་སྲུང་བའི་ཆོ་ག་བྱེད་པས་བྱའོ། །ཆུ་སྲིན་ན་ཀྲ་དང ། །སྦལ་པའི་ཚིལ་བླངས་ལ་ཏིལ་མར་དང་སྦྱར་ཏེ་འཕགས་པ་ལག་ན་རྡོ་རྗེའི་མདུན་དུ་བཟླས་བརྗོད་བྱས་ནས་ཏིལ་མར་དེས་གདོང་བསྐུས་ན། ཆུའི་ནང་དུ་ཟླ་བ་དྲུག་གི་བར་དུ་འདུག་ནུས་པར་འགྱུར་རོ། །མིག་སྨན་སྒྲུབ་པར་འདོད་ན། ཚེས་གྲངས་དང་རྒྱུ་སྐར་ཡང་གདམ་མི་དགོས། སྨྱུང་བ་བྱ་མི་དགོས་པར་ཕག་གི་མིག་གཉིས་དང ། གླང་པོ་ཆེའི་མིག་གཉིས་དང ། ལིག་བུ་མིག་དང ། ཕ་ཝང་ལོང་བུ་དང ། སྟང་ཟིལ་དང ། བུ་ཏྲ་ཛི་བ་དང ། འདི་རྣམས་བླངས་ནས་མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་
Ma6b
ལག་ན་རྡོ་རྗེའི་མདུན་དུ་དྲི་དང ། མེ་ཏོག་དང ། བདུག་པ་ཕུལ་ནས་རིག་སྔགས་ཀྱི་རྒྱལ་པོ་ལ་ལན་བརྒྱད་བརྒྱ་བཟླས་བརྗོད་བྱས་ཏེ་དེས་མིག་བསྐུས་ན། ལུས་ལ་ནད་ཡོད་པ་རྣམས་མེད་པར་འགྱུར་རོ། །མི་གདོན་གྱིས་ཟིན་པ་ཡང་གདོན་གྱིས་དེ་མཐོང་བར་འགྱུར་ཏེ་མཐོང་ནས་འབྲོས་པར་འགྱུར་རོ། །ཀླུ་དབང་དུ་བྱ་ན། བ་ལང་གི་ལྷས་སམ་ཀུན་དགའི་ར་བར་དཀྱིལ་འཁོར་སྐྱང་ནུལ་དུ་བྱུགས་ལ་སིད་དྱའི་ཤིང་གིས་མེ་སྦར་ཏེ་རིག་སྔགས་ཀྱི་རྒྱལ་པོས་སྣ་མའི་མེ་ཏོག་བརྒྱ་སྟོང་སྦྱིན་སྲེག་བྱས་ན། ཧ་ཧ་ཞེས་བྱ་བའི་སྒྲ་ཐོས་པར་འགྱུར་རོ། །དེ་ནས་ལས་དེ་འགྲུབ་པར་འགྱུར་ཏེ། ཀླུ་མཐོང་ན་ཚུར་ཤོག་ཅེས་བརྗོད་ན། སའི་སྟེང་ན་གནས་པའི་ཀླུའམ། ཀླུའི་བུ་མོ་རྣམས་འོངས་ཏེ་ཡིད་ལ་བསམ་པ་ཙམ་གྱིས་ཐམས་ཅད་འོང་བར་འགྱུར་རོ། །སྒྲུབ་པ་ཐམས་ཅད་ལ་རྒྱལ་པོ་ཆེན་པོ་བཞི་རྣམས་ཤེས་པར་བྱ་བའི་ལས་འདི་བྱས་ན། བགེགས་ཐམས་ཅད་མེད་པར་འགྱུར་རོ། །རིག་སྔགས་འཆང་གིས་སྒྲུབ་པར་འདོད་ན། ལག་ན་རྡོ་རྗེའི་མདུན་དུ་སོ་མ་རཱ་ཛའི་ཁུ་བས་ལོག་འདྲེན་གྱི་གདོང་བྲིས་ལ་དེའི་སྟེང་དུ་སེང་ལྡེང་གི་ཤིང་གིས་མེ་སྦར་ཏེ་ལེ་བརྒན་རྩིའི་མེ་ཏོག་རྒྱ་སྐྱེགས་ཀྱི་ཁུ་བས་ཁ་དོག་བསྒྱུར་བ་བརྒྱ་སྟོང་སྦྱིན་སྲེག་བྱས་ན། བགེགས་ཐམས་ཅད་བཅོམ་ཞིང་བརྟགས་པར་འགྱུར་རོ། །དེ་ཕྱིན་ཆད་སྒྲུབ་པ་རྣམས་ཅི་འདོད་པ་བཞིན་
Ma7a
༄#། །འགྲུབ་པར་འགྱུར་རོ། །གང་ཞིག་སོ་མ་རཱ་ཛའི་ཁུ་བས་ལོག་འདྲེན་གྱི་གདོང་བྲི་ན་ཡང་སྒྲུབ་པ་ཐམས་ཅད་ལ་བགེགས་མེད་པར་འགྱུར་རོ། །གཏུམ་པོ་ནུབ་ཕྱོགས་སུ་ཁ་བསྟན་པའི་མདུན་དུ་མར་གྱི་ངོ་ཞག་དགུ་ལ་ཞག་གཅིག་སྨྱུང་བ་བྱས་ཏེ་མཆོད་པ་རྒྱས་པར་བྱས་ནས་དྲི་དང ། མེ་ཏོག་དང ། བདུག་པ་ཕུལ་ན་བེ་ཀངྐ་ཏའི་བུད་ཤིང་གིས་མེས་པར་ཏེ་འབྲས་ལས་བྱས་པའི་ཁུ་བ་ལན་བརྒྱ་སྟོང་བླངས་ནས་སྦྱིན་སྲེག་བྱས་ན། ལྷ་མོའི་དཔྲལ་བ་ནས་འོད་ཟེར་འབྱུང་སྟེ། དེ་ནས་འགྲུབ་པར་འགྱུར་རོ། །གྲུབ་ནས་ཀྱང་ཏི་ན་ར་ལྔ་བརྒྱའམ། ཡང་ན་ལོངས་སྤྱོད་ཀྱི་གཞི་སྦྱིན་པར་འགྱུར་རོ། །དགྲ་ལ་གཙེ་བར་འདོད་ན། མར་གྱི་ངོ་ཞག་ལྔ་ལ་ཞག་གཅིག་སྨྱུང་བ་བྱས་ཏེ་དུར་ཁྲོད་དུ་སོང་ལ་འབྲས་ཕྱེ་ལས་གཟུགས་བྱས་ནས་སེང་ལྡེང་གི་ཕུར་བུ་དུག་གི་དུད་པས་བདུགས་པས་ཚིགས་རྣམས་སུ་བཏབ་ལ། རིག་སྔགས་ཀྱི་རྒྱལ་པོ་ལན་བརྒྱ་སྟོང་འདས་བརྗོད་བྱས་ན།་དགྲའི་ཡན་ལག་ཐམས་ཅད་དུ་ཟུག་པར་འགྱུར་རོ། །ཕྱུང་སྟེ་འོ་མས་བཀྲུས་ན་སོས་པར་འགྱུར་རོ། །དཔྱིད་ཟླ་འབྲིང་པོའི་ཚེས་གསུམ་ལ་འདོད་པའི་གཟུགས་བྱས་ལ་དེའི་མདུན་དུ་སེང་ལྡེང་གི་ཕུར་བུ་སོར་བཞི་པ་བཞག་སྟེ་ཞག་གཅིག་སྨྱུང་བ་བྱས་ལ་མཆོད་པ་བྱས་ཏེ་རིག་སྔགས་ཀྱི་རྒྱལ་པོ་ལན་བརྒྱ་སྟོང་བཟླས་བརྗོད་བྱས་ན་འགྲུབ་པར་འགྱུར་
Ma7b
ཏེ།་དེ་ནས་སྲེད་མེད་ཀྱི་བུའི་ཆུང་མ་ལ་ཕུལ་བའི་རས་བལ་གྱི་འདབ་མ་རྒྱ་སྐྱེགས་ཀྱི་ཁུ་བས་ཁ་དོག་བསྒྱུར་བ་དུག་གིས་བསྒོས་པས་མོ་མཚན་གྱི་གཟུགས་བྱས་ཏེ་བུད་མེད་ཀྱི་མིང་ནས་སྨོས་ཤིང་ཕུར་བུ་དེས་ཕུག་ན། བུད་མེད་ཀྱི་མོ་མཚན་ན་ཞིང་ཁྲག་འཛག་པར་འགྱུར་ཏེ། །འཕྱུང་ན་སོས་པར་འགྱུར་རོ། །སྨིགས་བུའི་སྐད་དམ། ཅེ་སྤྱང་གི་སྐད་དམ། ཝའི་སྐད་ཤེས་པར་འདོད་ན། དུར་ཁྲོད་དམ། ཁྱིམ་གཙང་མའམ། ལྷ་ཁང་དུ་ཡར་གྱི་ངོ་ཚེས་དགུ་ལ་ཞག་གཅིག་སྨྱུང་བ་བྱས་ཏེ་དཀྱིལ་འཁོར་སྐྱང་ནུལ་གྱིས་བྱུགས་ལ་ལག་ན་རྡོ་རྗེའི་གཟུགས་བཞག་ནས་དེའི་གཡས་ཕྱོགས་སུ་ལྷ་ཆེན་པོ་བཞག་སྟེ་ལྷ་ཆེན་པོའི་མདུན་དུ་འབྲས་ཕྱེ་ལས་སྨིགས་བུའི་གཟུགས་སམ། ཅེ་སྤྱང་གི་གཟུགས་སམ། ཝའི་གཟུགས་བྱས་ལ་བཞག་ནས་འཕགས་པ་ལག་ན་རྡོ་རྗེ་ལ་མཆོད་པ་བྱས་ལ། ལྷ་ཆེན་པོ་ལ་ཡང་ལྷ་བཤོས་ཅི་འབྱོར་པ་ཕུལ་ནས་སྨིགས་བུ་ལ་འབྲས་ཅན་ཞོ་དང་སྦྱར་བ་སྦྱིན་ནོ། །ཅེ་སྤྱང་ལ་ནི།་ཤ་སྦྱིན་ནོ། །ཝ་ལ་ནི། ཅི་འདོད་པ་སྦྱིན་ནོ། །དེ་ནས་རིག་སྔགས་འཆང་གིས་ཡིད་ལ་བསམ་སྟེ་རིག་སྔགས་ཀྱི་རྒྱལ་པོ་བཟླས་བརྗོད་བྱས་ན། ཅི་སྟེ་སྨིགས་བུ་ཡིད་ལ་བསམ་ན་ནི།་སྨིགས་བུ་སྨྲ་བར་འགྱུར་རོ། །ཅེ་སྤྱང་ཡིད་ལ་བསམ་ན་ནི། ལྕེ་སྤྱང་སྨྲ་བར་འགྱུར་རོ། །ཝ་ཡིད་ལ་བསམ་ན་ནི། ཝ་སྨྲ་བར་འགྱུར་རོ། །ཡང་ན་དེ་དག་ཐམས་ཅད་ཡིད་ལ་
Ma8a
༄#། །བསམ་ན། ཐམས་ཅད་སྨྲ་བར་འགྱུར་ཏེ། སྨྲས་ན་འགྲུབ་པར་འགྱུར་རོ། །གྲུབ་ནས་ཀྱང་འཛམ་བུའི་གླིང་ན་ཡོད་པའི་དོན་ཐམས་ཅད་སྟོན་པར་འགྱུར་རོ། །ནམ་འཆི་བ་ཡང་སྟོན་པར་འགྱུར། ནོར་ཡང་སྟོན་པར་འགྱུར་རོ། །རིག་སྔགས་གང་ཞིག་ལས་འགྲུབ་པར་མི་བྱེད་ན། རིག་སྔགས་དེའི་མིང་ནས་སྨོས་ཤིང་ལག་ན་རྡོ་རྗེའི་མདུན་དུ་ཨུ་དུམ་ཝ་རའི་ཡམ་སྲེག་ཤིང་བརྒྱ་སྟོང་སྦྱིན་སྲེག་བྱས་ན། རིག་སྔགས་མཐུ་དང་ལྡན་པར་འགྱུར་ཞིང་དངོས་གྲུབ་ཀྱང་མྱུར་དུ་སྦྱིན་པར་བྱེད་དོ། །འབྱུང་པོ་དབང་དུ་བྱ་བར་འདོད་ན། ཞག་གསུམ་སྨྱུང་བ་བྱས་ཏེ་མར་གྱི་ངོ་ཞག་བརྒྱད་ལ་དཀྱིལ་འཁོར་སྐྱང་ནུལ་གྱིས་བྱུགས་ནས་དེའི་དབུས་སུ་ཚོན་རྩི་སྣ་གསུམ་གྱི་ཕྱེ་མས་ལག་ན་རྡོ་རྗེའི་གཟུགས་བྱས་ཏེ་དེའི་གཡས་ཕྱོགས་སུ་འབྱུང་པོའི་བདག་པོ་གཞག་གོ། དེ་ནས་ལག་ན་རྡོ་རྗེ་ལ་མཆོད་པ་བྱ་སྟེ། འབྱུང་པོའི་བདག་པོ་ལ་ལྷ་བཤོས་རྒྱས་པར་དབུལ་ཞིང་འབྱུང་པོའི་ཁ་ཟས་ཀྱང་སྦྱིན་པར་བྱ་སྟེ། སངས་རྒྱས་ཀྱི་སྤྱན་སྔར་སྤྱན་དྲངས་པར་བྱས་ལ་རིག་སྔགས་ཀྱི་རྒྱལ་པོ་དང་བཅས་ཏེ་ལན་བརྒྱ་སྟོང་བཟླས་བརྗོད་བྱས་ནས་པ་རུ་རའི་ཤིང་གིས་མེ་སྦར་ལ་བ་རུ་རའི་ས་བོན་ཉེ་བའི་སྙིང་པོས་ལན་བརྒྱད་བརྒྱ་སྦྱིན་སྲེག་བྱའོ། །དེ་ནས་འབྱུང་པོའི་བུ་ནག་པོ་ཞེས་བྱ་བ་འོང་བར་འགྱུར་ཏེ། འོངས་ནས་ཅི་བྱ་
Ma8b
ཞེས་ཟེར་བ་དང ། དེས་ཡིད་ལ་ཅི་དང་ཅི་བསམ་པ་ཐམས་ཅད་གྱིས་ཤིག་ཅེས་སྨྲོས་ཤིག། དེ་ནས་དེ་ལྟར་བྱའོ་ཞེས་སྨྲས་ནས་མི་སྣང་བར་འགྱུར་ཏེ། བསམ་པ་ཙམ་གྱིས་དཔག་ཚད་བརྒྱར་ཡང་འགྲོ་ཞིང་དེ་བཞིན་དུ་ཕྱིར་ཡང་འོང་ངོ ། །དཔག་ཚད་བརྒྱ་ནས་བུད་མེད་ཁྲིད་དེ་འོང་ཞིང་ཕྱིར་ཡང་སྐྱེལ་ལོ། །ཀུན་དགའ་ར་བ་དང ། སྐྱེད་མོས་ཚལ་དང ། ཁང་ཁྱིམ་དང ། མལ་སྟན་དག་ཀྱང་སྤྲུལ་པར་བྱེད་དོ། །གཡོག་ཀྱང་བྱེད་པར་འགྱུར་རོ། །བཟའ་བ་དང ། གཞིབ་པ་དང ། བལྡག་པ་དང ། བཏུང་བ་ལ་སོགས་པ་ཡང་སྤྲུལ་པར་བྱེད་དོ། །ཚེ་ལོ་སུམ་བརྒྱ་ཐུབ་པར་འགྱུར་ཏེ། ལུས་ཞིག་ནས་ལྕང་ལོ་ཅན་དུ་སྐྱེ་བར་འགྱུར་རོ། །ཞག་གསུམ་སྨྱུང་བ་བྱས་ཏེ་མར་གྱི་ངོ་ཞག་བཅུ་བཞི་ལ་མ་མོའི་ནང་དུ་སོང་ནས་མཆོད་པ་རྒྱས་པར་བྱ་སྟེ། གཏོར་མ་ཡང་རྒྱས་པར་བྱས་ནས་བཅོམ་ལྡན་འདས་མས་སྲུང་བ་བྱ་ཞིང་ཕོ་ཉ་མོ་རྣམས་ཀྱིས་ལས་ཐམས་ཅད་བྱས་ལ་མར་མེ་གཉིས་སྦར་ཏེ་སྟང་ཟིལ་བ་སོའི་གབ་ཙེའི་ནང་དུ་བཅུག་ནས་མ་མོའི་གཙོ་མོའི་མདུན་དུ་པུས་མོ་གཉིས་བཙུགས་ཏེ་འདུག་ལ་ལག་པ་གཡོན་པས་མནན་ཏེ་རིག་སྔགས་ཀྱི་རྒྱལ་པོ་ལན་བརྒྱ་སྟོང་བཟླས་བརྗོད་བྱས་ན། དེ་ནས་དངོས་གྲུབ་ཀྱི་མཚན་མ་འབྱུང་བར་འགྱུར་ཏེ། དྲོ་བ་དང ། དུད་པ་འཐུལ་བ་དང ། འབར་བར་འགྱུར་རོ། །དེ་ལ་འབར་བ་ནི། ནམ་མཁའ་ལ་འགྲོ་བར་འགྱུར་ཞིང་ཉི་མ་ཤར་བའི་
Ma9a
༄#། །ཁ་དོག་དང་ལྡན་ཏེ་ལོ་བཅུ་དྲུག་ལོན་པའི་ཤ་ཚུགས་ཅན་དུ་འགྱུར་ལ་རིག་སྔགས་འཆང་ཐམས་ཅད་ཀྱིས་མི་སོད་པར་འགྱུར་རོ། །དུད་པ་འཐུལ་ན་ནི། ལུས་མི་སྣང་བར་འགྱུར་ཞིང ། རིག་སྔགས་འཆང་གི་རིགས་མེ་ཏོག་ཅེས་བྱ་བ་དང ། རིག་སྔགས་འཆང་གི་རིགས་དྲི་ཞེས་བྱ་བ་དང ། རིག་སྔགས་འཆང་གི་རིགས་ཡི་དྭགས་ཞེས་བྱ་བའི་རིག་སྔགས་འཆང་གི་རིགས་ཐམས་ཅད་ཀྱང་ཤེས་པར་འགྱུར་རོ། །དེ་ལ་རིག་སྔགས་འཆང་གི་རིགས་མེ་ཏོག་ཅེས་བྱ་བ་དེ་དག་ནི། གནོད་སྦྱིན་མོ་རྣམས་དང་ལྷན་ཅིག་ཏུ་རྩེ་ཞིང་དགའ་ལ་དགའ་མགུར་སྤྱོད་དེ་ཚེ་ལོ་སྟོང་ཐུབ་ལ། རིག་སྔགས་འཆང་དྲི་ཞེས་བྱ་བ་རྣམས་ཀྱིས་མི་ཚུགས་ཤིང་དབང་ཡང་མི་བྱེད་དོ། །རིག་སྔགས་འཆང་གི་རིགས་དྲི་ཞེས་བྱ་བ་དེ་དག་ནི། རྒྱལ་པོའི་བཙུན་མོ་དག་དང ། དེད་དཔོན་ཆེན་པོའི་རིགས་རྣམས་དང ། ཁྱིམ་བདག་ཁྱིམ་ཆེན་པོའི་རིགས་རྣམས་ཀྱི་བུད་མེད་གང་ཡིན་པ་དེ་དག་དང་ལྷན་ཅིག་ཏུ་རྩེ་ཞིང་དགའ་ལ་དགའ་མགུར་སྤྱོད་དེ་ཚེ་ལོ་ལྔ་བརྒྱ་ཐུབ་པོ། །དེ་དག་ཀྱང་རིག་སྔགས་འཆང་མེ་ཏོག་ཅེས་བྱ་བ་རྣམས་ཀྱིས་མི་ཚུགས་སོ། །རིག་སྔགས་འཆང་གི་རིགས་ཡི་དྭགས་ཞེས་བྱ་བ་དེ་དག་ནི། མི་འདོད་དེ་དེ་དག་གི་ཡི་དྭགས་རྫུ་འཕྲུལ་ཆེན་པོའི་བུ་མོ་འབྱུང་བར་འགྱུར་ཏེ། དེ་དག་དང་ལྷན་
Ma9b
ཅིག་ཏུ་རྩེ་ཞིང་དགའ་ལ་དགའ་མགུར་སྤྱོད་དེ་ཚེ་ལོ་སུམ་བརྒྱ་ཐུབ་པོ། །དེ་ལ་མེ་ཏོག་གི་རིགས་རྣམས་ནི། མེ་ཏོག་གི་མིང་གིས་དགུག་པར་བྱའོ། །དྲིའི་རིགས་རྣམས་ནི། དྲིའི་མིང་རྣམས་ཀྱིས་དགུག་པར་བྱའོ། །ཡི་དྭགས་ཀྱི་རིགས་རྣམས་ནི། ཡི་དྭགས་ཀྱི་མིང་གིས་དགུག་པར་བྱའོ། །དེ་བཀུག་ན་སྐྲག་སྟེ་དྲུང་དུ་འོང་བར་འགྱུར་རོ། ། རིག་སྔགས་འཆང་ཐམས་ཅད་ཀྱི་མངའ་བདག་ཏུ་གྱུར་ཏེ་མིང་སྨོས་པ་ཙམ་གྱིས་ཀྱང་རིག་སྔགས་འཆང་རྣམས་སྐྲག་པར་འགྱུར་རོ། །གང་ཞིག་རྒྱུད་ཕྱི་མ་མཐའ་དག་ཆུབ་པར་བྱེད་པ་ལ་ནི། རིག་སྔགས་ཀྱི་ལྷ་ཐམས་ཅད་དང ། རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེ་ཡང་ཕྱི་བཞིན་འབྲང་བར་འགྱུར་ཏེ། ལྷ་ཐམས་ཅད་ཀྱང་སེམས་རངས་པར་འགྱུར་ལ་དངོས་གྲུབ་ཀྱང་བདེ་བླག་ཏུ་འགྲུབ་པར་འགྱུར་རོ། །ཆོ་ག་རྒྱས་པ་རྒྱུད་ཕྱི་མ་དང་བཅས་པ་ལག་ན་རྡོ་རྗེ་དང ། ལྷ་ཆེན་པོས་གང་བཤད་པ་འདི་ནི། བཅོམ་ལྡན་འདས་ཀྱིས་བསྟོད་ཅིང་བསྔགས་ཏེ། དེ་ལ་ལྷ་ཐམས་ཅད་སེམས་དགའ་ནས་དངོས་གྲུབ་སྦྱིན་པར་བྱེད་དོ། །རིག་སྔགས་ཀྱི་རྒྱལ་པོ་ཆེན་པོ་རིག་པ་མཆོག་གི་ཆོ་ག་རྒྱས་པའི་སྙིང་པོ་བརྒྱན་པ། བཅོམ་ལྡན་འདས་མ་མཆོག་ལ་དྲག་ཏུ་སྐུལ་བར་བྱེད་པ་གང་ཡིན་པ་དེའི་སྙིང་པོ་ཆེན་པོ་རིག་པ་མཆོག་གི་སྙིང་པོ་ལ་དྲག་ཏུ་སྐུལ་བར་བྱེད་པ་ཡང་ངས་བཤད་ཟིན་ཏོ། །རིག་སྔགས་མཆོག་ལ་དྲག་ཤུལ་ཅན་ཕ་རོལ་
Ma10a
༄#། །གནོན་པ་གང་ཡིན་པ་དེ་དག་ལ་དྲག་ཤུལ་སྐུལ་བར་བྱེད་པ་དེ་ཉིད་ཀྱི་སྙིང་པོ་ཡང་ངས་བཤད་ཟིན་ཏེ། འདི་ནི། དངོས་གྲུབ་གཉིས་ཀ་སྦྱིན་པར་བྱེད་པ་ཡིན་པས་ན། དེས་ནི། ལྷ་རྣམས་ཀྱང་དེ་བཞིན་དུ་ཡིད་བསྐྱོད་པར་བྱེད་དོ། །ཉེ་བའི་སྙིང་པོ་བཤད་པ་ན་ལྷའི་ཚོགས་འཁོད་པ་གང་ཡིན་པ་དེ་དག་སྐྲག་ཅིང་འཇིགས་པར་འགྱུར་ཏེ། དེ་དག་བཅོམ་ལྡན་འདས་ལག་ན་རྡོ་རྗེ་ལ་མགོ་བོས་ཕྱག་འཚལ་ནས་འཁོད་དོ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་ལྷ་དག་ལ་བཀའ་སྩལ་པ། ལྷ་དག། རིག་སྔགས་བཤད་པར་བྱས་ཏེ་རེ་ཞིག་ཁྱེད་ལ་སྙིང་པོ་མཆོག་གི་ལས་རྣམས་ཉོན་ཅིག་།དེ་ནས་སྙིང་པོའི་ལས་རྣམས་འབྱུང་སྟེ། སྲུང་བ་ནི། ལན་བདུན་བཟླས་བརྗོད་བྱས་པའི་ཐལ་བས་བྱའོ། །མཚམས་གཅད་པ་ནི། ལན་བདུན་བཟླས་བརྗོད་བྱས་པའི་ཕུར་བུས་བྱའོ། །བསྐྲད་པ་ནི། སྐྲས་བྱའོ། །ཀུམྦྷི་ར་ཁ་བཅིང་བར་བྱ་བ་ནི། ལན་བདུན་བཟླས་བརྗོད་བྱས་པའི་གསེག་མས་བྱའོ། །ལས་ཐམས་ཅད་དང་སྒྲུབ་པ་ཐམས་ཅད་ལ་ཡང་རིག་སྔགས་ཀྱི་རྒྱལ་པོ་སྙིང་པོ་སྦྱར་བར་བྱའོ། །སྒྲུབ་པའི་ཚེ་བགེགས་བསལ་བ་ནི། མེ་སྦར་ལ་ཡུངས་ཀར་བདག་གི་ཁྲག་གིས་བསྒོས་པས་ལན་བརྒྱད་བརྒྱ་སྦྱིན་སྲེག་བྱས་ན། བགེགས་ཐམས་ཅད་ཆོམས་པར་འགྱུར་རོ། །བགེགས་ཐམས་
Ma10b
ཅད་རེངས་པར་བྱ་ན། ཙམ་པ་ཀའི་ས་བོན་ལ་ལན་ཉི་ཤུ་རྩ་གཅིག་བཟླས་བརྗོད་བྱས་པས་བྱའོ། །རོ་ལངས་རེངས་པར་བྱ་ན། ལན་གསུམ་བཟླས་བརྗོད་བྱས་པའི་ཡུངས་ཀར་གྱིས་བྱའོ། །རོ་ལངས་སྒྲུབ་པ་ཐམས་ཅད་དང ། བགེགས་རེངས་པར་བྱ་བ་ཐམས་ཅད་ལ་ནི། སྙིང་པོས་བྱའོ། །བདག་དང་གྲོགས་རྣམས་སྲུང་བ་ནི། བཅོམ་ལྡན་འདས་མས་བྱའོ། ། མཚམས་གཅད་པ་ནི། རིག་སྔགས་ཀྱི་རྒྱལ་པོས་བྱ་སྟེ། རྩ་བའི་ལས་རྣམས་ལ་ཡང་སྦྱར་རོ། །ཕྱི་མའི་ལས་རྣམས་ནི། བཅོམ་ལྡན་འདས་མ་ཡུམ་གྱིས་བྱའོ། །རིག་སྔགས་ཀྱི་རྒྱལ་པོའི་སྙིང་པོའི་ལས་རྣམས་སྒྲུབ་པ་ནི། སྙིང་པོས་ཕྱི་མའི་ལས་གཞན་རྣམས་རིག་སྔགས་ཀྱི་རྒྱལ་པོ་དང ། བཅོམ་ལྡན་འདས་མས་བྱའོ། །རིག་སྔགས་ཀྱི་རྒྱལ་པོ་ལ་ནི། བཅོམ་ལྡན་འདས་མ་ཡུམ་གྱིས་བྱའོ། །ཉེ་བའི་སྙིང་པོ་ལ་ནི། སྙིང་པོའམ། ཡུམ་མམ། རིག་སྔགས་ཀྱི་རྒྱལ་པོས་བྱའོ། །ཕོ་ཉའི་གསང་སྔགས་རྒྱུད་ཕྱི་མ་དང་བཅས་པ་ཐམས་ཅད་ནི།་བཅོམ་ལྡན་འདས་མས་སྦྱར་བར་བྱའོ། །ནོར་འདོད་ན། མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་ལག་ན་རྡོ་རྗེའི་མདུན་དུ་མཆོད་པ་རྒྱས་པར་བྱས་ལ་སྤྲ་བའི་ཤིང་གིས་མེ་སྦར་ནས་འབྲས་དམར་པོ་ལ་རྡོ་རྗེ་བྱས་ཏེ་མར་གྱི་ནང་དུ་སྨྱུགས་པ་སྟོང་རྩ་བརྒྱད་སྦྱིན་སྲེག་བྱས་ན། དངོས་གྲུབ་ཀྱི་མཚན་མར་མེ་ཏོག་ཕྲེང་བ་འགུལ་བར་འགྱུར་རོ།།
Ma11a
༄#། །གྲུབ་ནས་ཀྱང་ཏི་ན་ར་ལྔ་བརྒྱའམ། ཡང་ན་ཡུལ་སྦྱིན་པར་བྱེད་དོ། །སྐྱེས་པ་དབང་དུ་བྱ་ན། མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་ལྷ་ཆེན་པོའི་གནས་སུ་སོང་སྟེ་གཟུགས་ཀྱི་གཡས་ལོགས་སུ་ཨརྒའི་ཤིང་གིས་མེ་སྦར་ནས་ཞག་གསུམ་གྱི་བར་དུ་སེང་ལྡེང་གི་ཡམ་སྲེག་ཤིང་སྐུད་པས་དཀྲིས་པ་སྟོང་རྩ་བརྒྱད་རྩ་བརྒྱད་སྦྱིན་སྲེག་བྱས་ན། སྐྱེས་པ་དབང་དུ་འགྱུར་རོ། །མིའི་གཙོ་བོ་དབང་དུ་བྱ་བར་འདོད་ན། ཡར་གྱི་ངོ་ཚེས་བརྒྱད་ལ་ཞག་གཅིག་སྨྱུང་བ་བྱས་ཏེ་གྲོག་མཁར་གྱི་ཕུང་པོ་གཅིག་འདུག་པར་སོང་ནས་དེའི་སྟེང་དུ་མེ་ཏོག་དང ། དྲི་དང ། བདུག་པ་ཕུལ་ལ་དེའི་འོག་ཏུ་ཨ་ཤཝཏྠའི་ཤིང་གིས་མ་སྦར་ཏེ་ཡུངས་ཀར་གྱི་སྦྱིན་སྲེག་ལན་སྟོང་སྦྱིན་སྲེག་བྱས་ན་མིའི་གཙོ་བོ་དབང་དུ་འགྱུར་རོ། །བུད་མེད་དབང་དུ་བྱ་བར་འདོད་ན། ཞག་གསུམ་གྱི་བར་དུ་དུད་པ་མེད་པའི་མདག་མ་ལ་འབྲས་དང་ཕུབ་མ་བསྲེས་པས་སྦྱིན་སྲེག་ལན་བརྒྱ་རྩ་བརྒྱད་བྱ་བྱས་ན་དབང་དུ་འགྱུར་རོ། །ཡུགས་ས་མོ་དབང་དུ་བྱ་ན། ལག་ན་རྡོ་རྗེའི་མདུན་དུ་ཡར་གྱི་ངོ་ཚེས་བརྒྱད་ལ་ཞག་གཅིག་སྨྱུང་བ་བྱས་ཏེ་པ་ལ་ཤའི་ཤིང་གིས་མེ་སྦར་ནས་སྐེ་ཚེ་དང ། ལན་ཚཝ་ལན་བརྒྱ་སྟོང་སྦྱིན་སྲེག་བྱས་ན་ཡུགས་ས་མོ་དབང་དུ་འགྱུར་རོ། །སྤྱན་མ་མ་གཏོགས་པར་གང་གསང་སྔགས་ཐམས་ཅད་ལ་སྙིང་
Ma11b
གཟིར་བར་བྱེད་པ་དང ། གདུང་བར་བྱེད་པ་དང ། རིག་སྔགས་ཀྱི་རྒྱལ་པོ་གདུང་བར་བྱེད་པའི་སྙིང་པོ་དང་བཅས་པར་སྦྱར་བར་བྱའོ། །དེ་ལྟར་སྦྱར་ན། བདེ་བླག་ཏུ་འགྲུབ་པར་འགྱུར་རོ། །ཟླ་བ་གཅིག་གི་བར་དུ་སློང་མོའི་ཟས་བཟའ་ཞིང་སྙིང་པོ་བཟླས་བརྗོད་བྱས་པ་ལ་དེའི་འོག་ཏུ་མར་གྱི་ཞག་བརྒྱད་ལ་སྐྱེས་པའི་རོ་མ་ཉམས་པ་བླངས་ཏེ་སྙིང་པོས་གཏོར་མ་སྦྱིན་ཞིང་དེའི་ལག་ཏུ་ལིག་བུ་མིག་བཞག་པ་དེ་ནས་རིག་སྔགས་ཀྱི་རྒྱལ་པོ་བཟླས་བརྗོད་བྱ་སྟེ། ཡི་དྭགས་ཀྱི་རིག་སྔགས་འཆང་གིས་ལག་ཏུ་ལིག་བུ་མིག་འབུལ་བར་འགྱུར་གྱི་བར་དུ་བཟླས་བརྗོད་བྱའོ། །དེ་ནས་འགྲུབ་པར་འགྱུར་ཏེ། དེས་མིག་གཉིས་བསྐུས་ནས། གང་ལ་རེག་པ་དེ་གསེར་དུ་འགྱུར་རོ། །ཉེ་བའི་སྙིང་པོ་ཐོགས་པ་མེད་ཅིང་སྟོབས་ཀྱིས་ཕ་རོལ་གནོན་པའི་ཕྱི་མའི་ལས་རྣམས་འབྱུང་སྟེ། བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཀྱི་རིག་སྔགས་ཐམས་ཅད་ཀྱི་ཡུམ་གསུངས་པ་གང་དྲན་པར་བྱས་ན། རིག་སྔགས་ཐམས་ཅད་འགྲུབ་པར་འགྱུར་བ་ཡིན་པ་དང ། རིག་སྔགས་ཐམས་ཅད་ཀྱི་ཉེ་བའི་སྙིང་པོ་དམ་པ་འཇུག་པར་བྱེད་པ་ངས་བཤད་པ་གང་ཡིན་པའི་སྤྱན་དང ། ཉེ་བའི་སྙིང་པོ་དྲན་པར་བྱས་ན། རིག་སྔགས་སྒྲུབ་པར་དཀའ་བ་ཐམས་ཅད་ཀྱང་འགྲུབ་པར་བྱེད་ཅིང་རིག་སྔགས་རྣམས་ལས་གང་དང་གང་ལས་སྦྱར་བ་དེ་ཡང་མྱུར་དུ་
Ma12a
༄#། །བྱེད་པར་འགྱུར་རོ། །རིག་སྔགས་གང་ལས་ཐམས་ཅད་ལ་ལས་མི་བྱེད་པ་དེ་ལ་རིག་སྔགས་འཆང་གི་ཡུམ་དང་ཉེ་བའི་སྙིང་པོ་ལྡན་པས་ལག་ན་རྡོ་རྗེའམ་ལྷ་ཆེན་པོའི་མདུན་དུ་སྣ་མའི་མེ་ཏོག་མར་གྱི་ནང་དུ་བསྙུགས་པ་བརྒྱ་སྟོང་གིས་ལས་ཐམས་ཅད་བདེ་བླག་ཏུ་དངོས་གྲུབ་སྦྱིན་པར་བྱེད་དོ། །རིག་སྔགས་ཡིད་ལ་བསམ་སྟེ་གྲོག་མཁར་གྱི་ས་ལས་གཟུགས་བྱས་ལ་དྲི་དང ། མེ་ཏོག་དང ། བདུག་པས་བརྒྱན་ནས་ལག་ན་རྡོ་རྗེའི་མདུན་དུ་བཞག་སྟེ་ཡུམ་དང་ཉེ་བའི་སྙིང་པོར་ལྡན་པས་སྣ་མའི་མེ་ཏོག་བརྒྱད་བརྒྱས་བསྣུན་ན། རྨི་ལམ་དུ་སྟོན་ཏེ། དེ་བཞིན་དུ་འགྲུབ་པར་འགྱུར་རོ། །རྨི་ལམ་ཉིད་དུ་རིག་སྔགས་འགྲུབ་པའམ། ཡང་ན་མི་འགྲུབ་པ་ཡིན་པའི་རིག་སྔགས་ཐམས་ཅད་སྟོན་པར་བྱེད་དེ། དེ་ལྟར་རྟོགས་ནས་རིག་སྔགས་བདེ་བླག་ཏུ་བསྒྲུབ་པར་བྱའི། གཞན་དུ་མ་ཡིན་ནོ། །ཡར་གྱི་ངོ་ཚེས་བརྒྱད་ནས་བརྩམས་ཏེ་རྒྱ་མཚོར་འབབ་པའི་ཆུ་ཀླུང་གི་ནང་དུ་ཞུགས་ལ་སློང་མོའི་ཟས་ཟ་ཞིང་ལན་འབུམ་བཟླས་བརྗོད་བྱས་ན་ཡུལ་སྦྱིན་པར་འགྱུར་རོ། །ཡར་གྱི་ངོ་ཚེས་བརྒྱད་ནས་ཉའི་བར་དུ་ཟས་འོ་མ་དང་ཕྱེའི་འདག་གུ་ཟ་ཞིང་རིག་སྔགས་བཟླས་བརྗོད་བྱས་ན། གཞན་གྱི་ཡུལ་འཁོར་ལ་གནོད་པ་བྱེད་པར་འགྱུར་རོ། །དེ་ནས་ཟས་སུ་ཆུ་དང་ཕྱེའི་འདག་གུ་ཟ་ཞིང་བཟླས་
Ma12b
བརྗོད་བྱས་ན། དམག་གི་དཔུང་འཇོམས་པར་བྱེད་དོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་རྐང་པ་གཡས་པའི་མཐེ་བོང་བཟུང་ནས་ཉེ་བའི་སྙིང་པོ་བཟླས་བརྗོད་བྱས་ན། ཇི་ཙམ་ན་ལག་ན་རྡོ་རྗེའི་རྐང་པའི་མཐེ་བོང་ལས་འོད་ཟེར་འབྱུང་བར་འགྱུར་ཏེ། འོད་ཟེར་དེས་ཀྱང་རིག་སྔགས་འཆང་གཡས་ཕྱོགས་སུ་བསྐོར་ནས་ལག་ན་རྡོ་རྗེའི་སྤྱི་བོར་མི་སྣང་བར་འགྱུར་རོ། །དེ་ནས་འགྲུབ་པར་འགྱུར་ཏེ། རྒྱལ་པོ་སྦྱིན་པར་བྱེད་ཅིང་ཚེ་ལོ་བརྒྱ་ཐུབ་པར་འགྱུར་རོ། །སློང་མོའི་ཟས་ཟ་ཞིང་རྒྱ་མཚོར་འབབ་པའི་ཆུ་ཀླུང་གི་ནང་དུ་ཞུགས་ཏེ་ཉེ་བའི་སྙིང་པོ་སྤྱན་དང་བཅས་པར་ལན་འབུམ་བཟླས་བརྗོད་བྱས་ལ་དེ་ནས་རིག་སྔགས་འཆང་གིས་ཆུའི་ནང་དུ་ཡུངས་ཀར་གྱི་སྲེག་བླུགས་ལན་བརྒྱ་སྟོང་བྱས་ན། བར་སྣང་ལ་རལ་གྲི་མཐོང་བར་འགྱུར་ཏེ་དེ་བླང་བར་བྱའོ། །ཅི་སྟེ་སྣང་བར་མི་བྱེད་ན་ནི། རིག་སྔགས་འཆང་གིས་རིག་པ་མཆོག་བཟླས་བརྗོད་བྱས་ན་སྣང་བར་འགྱུར་ཏེ། འོག་པག་ཅན་གྱི་རིག་སྔགས་བཟླས་བརྗོད་བྱེད་བཞིན་དུ་བླང་བར་བྱའོ། །དེ་བླང་པས་སྐྲ་ལྕང་ལོར་འཁྱིལ་ཅིང་ལོ་བཅུ་དྲུག་ལོན་པའི་ཤ་ཚུགས་ཅན་དུ་འགྱུར་ཏེ། དཔག་ཚད་ཉིས་སྟོང་གྱེན་དུ་འཕགས་པ་དང ། རིག་སྔགས་འཆང་ཐམས་ཅད་ཀྱིས་མི་སོད་པ་དང ། ཚེ་ལོ་ཉིས་སྟོང་ཐུབ་པར་འགྱུར་རོ། །གཏེར་འབྱུང་བར་འདོད་ན། །རིག་སྔགས་འཆང །
Ma13a
༄#། །གནས་གང་ན་གཏེར་ཡོད་པར་སོང་ལ་ཚེས་གྲངས་དང་རྒྱུད་སྐར་ཡང་གདམ་མི་དགོས། སྨྱུང་བ་ཡང་བྱ་མི་དགོས་པར་བིལ་བའི་མེའི་ནང་དུ་ཡུངས་ཀར་དང ། པདྨའི་ལོ་མ་བསྲེགས་པ་ལ་ཉེ་བའི་སྙིང་པོ་ལན་བརྒྱ་སྟོང་སྦྱིན་སྲེག་བྱས་ན། གཏེར་གྱི་ལྷ་དེས་རྨི་ལམ་དུ་སྟོན་པར་བྱེད་དོ། །དེ་ནས་རིག་པ་མཆོག་གིས་བགེགས་རྣམས་ཀྱི་སྦྱིན་སྲེག་བྱས་ནས་བླང་བར་བྱའོ། །དགའ་བྱེད་གདོང་གིས་གནས་བསྲུང་བར་བྱའོ། །ཉེ་བའི་སྙིང་པོས་ནི། མར་མེ་སྦར་བར་བྱ་སྟེ། བ་ལང་གི་རཝ་ཨརྒའི་ཤིང་བལ་གྱིས་དཀྲིས་ལ། བ་སེར་མོའི་མར་གྱི་སྨར་མེ་སྦར་བར་གཏེར་གང་ན་ཡོད་པ་དེ་བརྟོལ་ཏེ། སྒྲ་ཚིག་ཚིག་པོ་འབྱུང་བར་འགྱུར་རོ། །ཡང་ན་སྲིན་ཕྱེས་ཨརྒའི་ཤིང་བལ་གྱིས་དཀྲིས་ལ་རྡོ་རྗེ་ཁྲོ་བོའི་སྔགས་དང་ལྡན་པས་སྲོག་ཆགས་གོ་ཏའི་ཚིལ་གྱིས་མར་མེ་སྦྱར་རོ། །མཚན་མ་ནི། དེ་ཉིད་དང་འདྲའོ། །ནག་བ་ལའི་ཨརྒའི་ཤིང་བལ་གྱིས་གཡོགས་ཏེ་པདྨའི་རྒྱུས་པས་དཀྲིས་ལ་མིའི་ཚིལ་གྱིས་སྦར་ཏེ་གཟུང་ངོ ། །མཚན་མ་ནི། དེ་ཉིད་དང་འདྲ་སྟེ། སྙིང་པོ་ཆེན་པོ་ཞེས་བྱའོ། །ལྷ་རྣམས་གནས་རྣམས་པ་སྣ་ཚོགས་མཐོང་ནས་ཉེ་བའི་སྙིང་པོའི་ལས་རྣམས་བཤད་པ་ཡིན་ནོ། །སྒྲུབ་པའི་སྙིང་པོ་སྟོབས་ལྡན་པ། །གང་དག་སྙིང་སྟོབས་མེད་པ་དང ། །བསོད་ནམས་ཆུང་ངུ་དེ་དག་གི། ཕ་རོལ་ཕྱིན་པ་རྫོགས་བྱའི་ཕྱིར།།
Ma13b
གཏེར་གྱི་སྒོ་ཡི་ཁྱད་པར་དག་།བདག་གིས་སུ་ནི་བཤད་པར་བྱ། །བཅོམ་ལྡན་ལག་ན་རྡོ་རྗེ་ཡིས། །དེ་ནས་ཚིག་ནི་འདི་སྐད་སྨྲས། །གཏེར་སྒོ་གང་དག་ཚངས་པ་ཡིས། །གསང་སྔགས་ཀྱིས་ནི་སྦྱོར་བ་དང ། །ཆོ་ག་ས་ནི་ངེས་བཞག་པ། །མི་རྣམས་ཆོ་ག་མེད་པ་དང ། །སྟོབས་དང་མཐུ་ནི་མེད་པ་ཡིས། །རྟག་ཏུ་ཆོམས་པར་མི་འགྱུར་ཏེ། །གང་གིས་མི་རྣམས་བདེ་བླག་ཏུ། ། ལོངས་པར་སྤྱད་པར་འགྱུར་བ་དང ། །ཕ་རོལ་ཕྱིན་པའང་རྫོགས་བྱེད་དང ། །ཇི་ལྟར་ནོར་རྣམས་རབ་བཞག་པ། །དེ་དག་བདག་གིས་བཤད་པར་བྱ། །བཅོམ་ལྡན་ལག་ན་རྡོ་རྗེ་ཡིས། །དེ་སྐད་དུ་ནི་ཚིག་ཀྱང་སྨྲས། །གཏེར་གྱི་སྒོ་ནི་རབ་བཤད་པ། །ས་མཐར་རྒྱ་མཚོ་ཐུག་པ་ཡི། །ས་ཡི་འོག་གནས་གང་ཡིན་པ། །བདག་གིས་སུ་ནི་རབ་བཤད་ཀྱི། །ལྷ་རྣམས་ཀྱིས་ནི་མཉན་པར་གྱིས། །དེ་དག་གིས་ནི་ཁ་དོག་མཚན། །གསང་སྔགས་གང་གིས་གཞོམ་པ་དང ། །ཆོ་ག་ཇི་བཞིན་ལས་རྣམས་དང ། །བདེ་བླག་ཏུ་ནི་ཐོབ་པ་ཡི། །སྦྱར་སྨན་བདག་གིས་བཤད་པར་བྱ། །དེ་དག་གི་ནི་མཚན་མ་ཡང ། །སོ་སོ་རུ་ནི་བཤད་པར་བྱ། །གྲུ་གསུམ་དང་ནི་ཟླ་གམ་དང ། །ཟླུམ་པོ་དང་ནི་ཟུར་བཞི་དང ། །པདྨ་ཆུ་ཤིང་ལོ་མ་དང ། །དེ་བཞིན་གཞན་མ་བསིལ་ཡབ་འདྲ། །གཏེར་གྱི་སྒོ་ནི་བརྒྱད་བཤད་པ། །དེ་དག་ཁ་དོག་ལེགས་པར་ཉོན། །ངང་པའི་མདོག་འདྲ་གཏེར་སྒོ་ཡོད། །ཀཱ་ར་བཱ་རིའི་མདག་འདྲ་དང ། །འདམ་བུ་ཆུ་གཤེར་
Ma14a
༄#། །འདྲ་བ་དང ། །རྒྱ་སྐྱེགས་ཁུ་བའི་ཁ་དོག་འདྲ། །ལྗང་གུའི་མདོག་ཅན་གཏེར་སྒོ་ཡོད། །བ་བླའི་མདོག་དང་འདྲ་བ་དང ། །གྷི་ཝང་གི་ནི་ཁ་དོག་འདྲ། །དེ་བཞིན་བྷྲིངྒ་དང་མཚུངས། །ཁ་དོག་བཤད་པ་འདི་དག་གིས། །གཏེར་སྒོ་རྣམས་ཀྱི་བགེགས་བསལ་བཞིན། །སྟེང་དང་ས་འོག་གནས་པ་ཡི། །བགེགས་རྣམས་གང་གིས་བརླག་འགྱུར་བའི། །སྦྱིན་སྲེག་ལས་ནི་ཆོ་ག་རྣམས། །རབ་ཏུ་བཤད་ཀྱི་མཉན་པར་གྱིས། །གཏེར་སྒོ་གསང་སྔགས་གང་གིས་དགོད། །དེ་དག་རིམ་པ་བཤད་པར་བྱ། །ན་མོ་བཛྲ་པཱ་ཎ་ཡེ།་ན་མོ་རུ་དྲ་ཡ། ན་མོ་མ་ཧཱ་བིདྱ་རཱ་ཛཱ་ཡ། བི་རུ་དྲི་ཎེ་སཝཱཧཱ། ར་ར་ནཱ་ར་སཝཱཧཱ། ཨོཾ་ག་ནཱ་ཡ་སཝཱཧཱ། བི་རཱུ་པི་ཎི་སཝཱཧཱ། ཏི་བྷ་རི་སཝཱཧཱ། མུ་ཀ་ཏི་ནི་སཝཱཧཱ། བི་མུཾ་ཏི་ནི་སཝཱཧཱ། པྲེ་ཏ་ཧེ་སཝཱཧཱ།་བ་དི་ར་ཎི་སཝཱཧཱ། ཧཽ་རྒ་ཁོ་སཝཱཧཱ། ག་ག་ནེ་སཝཱཧཱ། བི་རི་ཎི་སཝཱཧཱ། ཨཾ་ག་རི་ཎི་སཝཱཧཱ། བི་ར་ག་ཎེ་སཝཱཧཱ། མ་ཧཱ་བ་ར་ཏ་སཝཱཧཱ། རི་ཎི་བ་ཎི་སཝཱཧཱ། ཀ་ར་པ་རཱ་ཀི་ར་སཝཱཧཱ། བ་ ་པི་སཝཱཧཱ།་མ་རི་པ་སཝཱཧཱ། བཛྫ་ནི་སཝཱཧཱ། གརྫྫ་ནི་སཝཱཧཱ། མརྨ་ཎི་སཝཱཧཱ། ཀུ་ནི་པ་ཏི་ན་སཝཱཧཱ། ས་ལ་དཀྱིལ་འཁོར་གྲུ་བཞིར་སྐྱང་ནུལ་དུ་བྱུགས་ལ་ཀུ་ཤའི་སྟན་བཏིང་ལ་ཤར་ཕྱོགས་སུ་ཁ་བལྟས་ཏེ་འདུག་ནས་གཙང་སྤྲ་དང ། ཚངས་པར་སྤྱད་པ་དང ། དབང་པོ་དུལ་བར་བྱ་སྟེ། ཟས་སུ་ཆུ་གྲོག་འཐུང་ཞིང་ལས་བརྩམས་ལ་ཆོ་ག་འདིས་ལྷ་ཐམས་ཅད་བཀོད་ནས་
Ma14b
འཁུར་བ་བཀྲ་ཤིས་ལྡན་དང ། བེན་ཙེ་དང ། ཙནྡན་དྲི་ཞིམ་པོ་དག་ཕྱོགས་དང་མཚམས་ཀྱི་ལྷ་རྣམས་ལ་དབུལ་ཞིང་ཞོ་དང་དམར་བག་སྤངས་ཏེ་སྔགས་སྔ་མས་ཤ་མྱའི་ཡམ་སྲེག་ཤིང་མར་གྱི་ནང་དུ་མྱུགས་པ་བརྒྱ་སྟོང་སྦྱིན་སྲེག་བྱའོ། །བགེགས་ཐམས་ཅད་ཕུང་བར་བྱེད་པའི་གཅོད་བྱེད་ཅེས་བྱ་བའི་རིག་སྔགས་བསྟན་པར་བྱ་སྟེ། ན་མོ་བཛྲ་པཱ་ཎི་སྱ།་ཀུ་ཏུ་ཀུ་ཏི། ཙི་ཏི་ཙི་ཏི། མི་ཏི་མི་ཏི། རི་ཎི་ཏི་ཎི། མོ་ཏི་ནི་པྲ་མོ་ཏི་ནི་སཝཱཧཱ། རིག་སྔགས་འདིས་ཡུངས་ཀར་ལ་ལན་བདུན་བཟླས་བརྗོད་བྱས་ཏེ་ཕྱོགས་བཞིར་གཏོར་ན་སྲུང་བ་བྱས་པར་འགྱུར་རོ། །ན་མོ་བཛྲ་པཱ་ཎི་སྱ། ཨ་མ་ར་ཨ་མ་ར། མ་རི་ཀ་ཏི་ནི་ཏ་ན་ཏི་ལ་ཏི་སཝཱཧཱ། རིག་སྔགས་འདིས་ཡུངས་ཀར་ལ་བཟླས་བརྗོད་བྱས་ཏེ་མགོ་བོར་གཏོར་ན་བགེགས་རྣམས་འཚེ་བར་མི་བྱེད་དོ། །ན་མོ་བཛྲ་པཱ་ཎི་སྱ། ཀུ་ཏི་ཀུ་ཏི། ཏུ་ཏི་ཏུ་ཏི། ཧ་ར་ཧ་ར་སཝཱཧཱ། རིག་སྔགས་འདི་ཆུ་ལ་བཟླས་བརྗོད་བྱས་པའི་སར་བཞག་ན་མེའི་འཇིགས་པ་མི་འབྱུང་ངོ་།། གཏེར་སྒོ་ཀུན་གྱི་བགེགས་རྣམས་ནི། །རྣམ་པ་བརྒྱད་དུ་རབ་བཤད་དོ། །མི་རོ་དག་ནི་མིའུ་ཐུང་དང ། །འཇིགས་པར་བྱེད་པ་སྐད་ཅིག་པ། །གླང་པོ་ཆེ་དང་མ་ཧེ་དང ། །རབ་ཏུ་འཇིགས་པའི་སྲིན་པོ་དང ། །སྟག་དང་བྱ་དང་སྤྱིལ་པོ་ཙམ། །བགེགས་རྣམས་བརྒྱད་པོ་རབ་བཤད་དེ། །དེ་དག་ཕུང་བར་བྱ་བའི་ཕྱིར། །རིག་སྔགས་འདི་ནི་སྦྱར་བར་བྱ། །ན་མོ་བཛྲ་པཱ་ཎི་སྱ།
Ma15a
༄#། ། རི་བ་རི། ཏི་རི་མི་རི། ཙི་རི་མི་རི། པར་པ་ནི་ར་ཎི། ཀི་རི་ཀི་རི། ཀ་ལི་ཀ་ལི། མི་རི་མི་རི། ཤི་རི་ཤི་རི། ནཱ་ཤ་ནི་ནཱ་ཤ་ནི། སྟཾ་བྷ་ནི་སྟཾ་བྷ་ནི། མོ་ཧ་ནི་སཝཱཧཱ། རིག་སྔགས་འདི་དང ། རིག་སྔགས་ཀྱི་རྒྱལ་པོས་ཡུངས་ཀར་ལ་བཟླས་བརྗོད་བྱས་ཏེ་ཕྱོགས་བཞིར་གཏོར་ན། བགེགས་ཐམས་ཅད་མི་སྣང་བར་འགྱུར་རོ། ། ན་མོ་རཏྣ་ཏྲ་ཡཱ་ཡ། ན་མོ་དྷ་ག་བ་ཏེ་བྲ་ཧཱ་ཡ། ཁཱ་རི་བི་བི་ཀི་རི། ན་རི་བ་ན་རི། མོ་ཧ་ནི་ཧ་རི་ཧ་རི་ཕོ་ཥཱཎི་སཝཱཧཱ། རིག་སྔགས་འདིས་ཆུ་ལ་བཟླས་བརྗོད་བྱས་ཏེ་ཕྱོགས་བཞིར་གཏོར་ནི། བགེགས་ཐམས་ཅད་བཅོམ་ཞིང་མི་སྣང་བར་འགྱུར་རོ། །ན་མོ་བཛྲ་པཱ་ཎི་སྱ། ན་མོ་མི་རི་མི་རི། ཙནྡྲཱི་ཙནྡྲཱི། མནྟི་སཝཱཧཱ། གསང་སྔགས་འདིས་ཆུ་ལ་བཟླས་བརྗོད་བྱས་ཏེ་ཕྱོགས་དང་ཕྱོགས་མཚམས་རྣམས་སུ་གཏོར་ན། ཕྱོགས་བཅིང་བར་བྱས་པར་འགྱུར་ཏེ། ཁཝ་ཡི་གཟུགས་ནི་མི་སྣང་འགྱུར། །འཕུར་ཞིང་ཆེ་ལ་གསུམ་དུ་སྣང ། །སྤྱིལ་པོ་ཙམ་ཞེས་བྱ་བ་ནི། །ཕྱོགས་རྣམས་ཀུན་ཏུ་ཞི་བར་འགྱུར། །གཏེར་གྱི་སྒོ་ཡི་རི་མོ་ནི། ཐོད་པ་རབ་འདྲ་རྟོགས་པར་བྱ། །དེ་ན་ཕུར་བུ་ཟེར་སྣང་བ། །འཇའ་ཁུགས་འདྲ་བའི་འོད་དང་བཅས། །ཕུར་བུ་དེ་ནི་དཔལ་གཟུགས་ལྡན། །དེ་ལ་ལག་པས་རེག་མི་བྱ། །ལུས་ནི་སྦྱར་སྨན་བསྐུས་ནས་ཀྱང ། །དེ་ནས་ཕུར་བུ་དབྱུང་བར་བྱ། །གང་གིས་ས་ལ་དེ་ལྷུང་བའི། །
Ma15b
ནམ་མཁའི་ཕུབ་མ་ཤུ་དག་ཡུང ། །ནིམ་པའི་ལོ་མ་ལྡོང་རོས་དང ། །སྒོག་སྐྱ་ནས་དང་ཤིང་ཀུན་རྣམས། །མི་ཁྲག་གིས་ནི་སྦྱར་བ་ཡི། །བྱུག་བས་དེ་ལ་བསྐུ་བར་བྱ། །དེ་ནས་ས་ལ་ལྷུང་བར་འགྱུར། །དེ་ལྟར་མ་བྱས་ནུས་མི་འགྱུར། །ཤིར་རི་ཤ་ཡི་མེ་ཏོག་དང ། །དེ་ཡི་རྩ་བ་ཤུན་ཕྲགས་དང ། །རུ་རྟ་རྒྱས་པོས་བྲི་ཧ་ཏི། །ཡུངས་ཀར་འདི་རྣམས་ཆ་མཉམ་པ། །ར་གཅིན་དག་དང་བརྟག་པར་བྱ། །ལུས་ལ་བསྐུས་པའི་སྦྱར་སྨན་འདི། །ཁྲག་འཇོམས་པ་ཡི་མཆོག་ཡིན་ནོ། །རུ་རྟ་དང་ནི་རྒྱ་སྤོས་དང ། །ལིག་བུ་མིག་དང་ལྡོང་རོས་བཅས། །སྦལ་པའི་ཚིལ་དང་ལྡན་བྱས་ཏེ། །དུད་པའི་མིག་རྩི་རབ་སྦྱར་བ། །འདི་ནི་མིག་རྩིའི་རྒྱལ་པོ་སྟེ། །གཏེར་གྱི་སྒོ་རྣམས་གཅོད་པ་ཡིན། ཡི་མེ་ཏོག་དང ། །དེ་ཡི་རྩ་བ་ཤུན་ཕྲགས་དང ། །རུ་རྟ་རྒྱ་བཅས། །བྷིངྒའི་དུད་པས་རབ་ཏུ་བདུག་།འདི་ནི་སྦྱར་སྨན་མཆོག་ཡིན་ཏེ། །སྦྱར་སྨན་གྱིས་ནི་ལུས་བསྐུས་ནས། །དེ་ནས་ཕུར་བུ་དབྱུང་བར་བྱ། །ཅི་སྟེ་སྣང་བར་མི་བྱེད་ན། །ཁྲ་ཡི་འཁྲུལ་འཁོར་རེངས་བྱེད་ཅིང ། །བེག་གས་ཀུན་ཕུང་བར་བྱེད་པ་ཡི། །རིག་སྔགས་འདི་ནི་དེ་ཡིས་སྦྱར། ཀ་རུཾ་ག་ཀུ་རུཾ་ག། དཱི་བྱ། རཱུ་པི་ཎ། ཀནྣེ་ཏུ་མ་བ་ཀ་ག་ཏྲ། སཾ་བྷ་བེ་བདི་དུ་ལུ་ནི། ཀུ་མི་ནི། ཧཱི་ཧཱི་ནཱི། ཧཱུ་ཧཱུ་ཧཱུ་ནི། ཀི་རི་ཀི་རི། ཀ་ལ་ཀ་ར་ཎེ། མ་ཧཱ་བདྱཱི། ཧ་ར་ཧ་ར་ཧ་ར། ཙ་ལ་ཙ་ལ་ཙ་ལ། ར་ར་ར། ཐ་ཐ་ཐ། ཤ་ཤ་ཤ། སྟམྦྷ་ཡ། ནཱ་ཤ་ཡ་
Ma16a
༄#། །ནཱ་ཤ་ཡ། ཧི་རི་ཧི་རི། གི་ནི་གི་ནི། ཧུནད་ཧུནྡ། གྲྀ་ཧ་ན་མུ་ཡ། ཧ་ན་བྲཧྨ་ཎི། པ་ཏ་ནི། མོ་ཧ་ནི། བི་ཙི་རི། མ་བ་ན། ཐ་ར་ཐ་ར། མི་ཏི་མི་ཏི། སི་ཏི་སི་ཏི་མི་རི་མི་རི། བི་རི་བི་རི། ཧི་རི་ཧི་རི། དེ་མྱ་ནི་དེ་མྱ་ནི། བི་ཏི་བ་ཏི། པ་ཏ་ནི། པ་ཏ་ནི། ཧ་ཧ་ཧ་ནི་སཝཱཧཱ། ཕུར་བུ་འབྱིན་པ་ན་མདོག་གསུམ་དུ་བཅལ་ཏེ། ཆུ་དང་ཡུངས་ཀར་གྱིས་བསྣུན་ན། ཁྲ་དེ་རེངས་བར་མི་འགྱུར་རོ། །ཡང་ན་རྒྱང་རིང་པོར་ལྷུང་བར་འགྱུར་ཏེ། རིག་སྔགས་འདིས་ནི། བགེགས་ཐམས་ཅད་བཅོམ་པར་འགྱུར་རོ། །ན་མོ་བཛྲ་པཱ་ཎ་ཡེ། ན་མོ་རུ་དྲཱ་ཡེ། ན་མོ་བྲཧྨཱ་ཡ། ག་ར་ཤི་རི་ཤི་རི་རི། སི་སི་རི་རི། མི་རི། བ་བ་པ་སཝཱཧཱ། རིག་སྔགས་འདིའམ། ཡང་ན་གོས་དཀར་ཅན་གྱིས་གཙུག་ཕུད་བཅིང་བར་བྱའོ། །གང་གེས་ནོར་རྣམས་བླང་བྱ་བའི། །གྲུ་གསུམ་འཇོམས་པ་འདི་ཡིན་ཏེ། ཁོ་ར་ཁོར་ཡུག་སྦྱངས་བྱས་ལ། །རབ་ཏུ་བསྒྲིམས་ཏེ་བརྟག་པར་བྱ། །དེ་ཡི་མཚམས་ཀྱི་དབུས་དག་ཏུ། །རི་མོ་གྲུ་གསུམ་ནག་པ་ཡོད། །ཅི་སྟེ་དེ་ལྟར་མི་སྣང་ན། །དེ་ནས་འོ་མར་གཏོར་བར་བྱ། ། པ་མརྒའི་ཐལ་སྨན་གྱིས། །མཁས་པ་དག་གིས་རབ་གཏོར་ཞིང ། །དུང་གི་ཕྱེ་མས་ཕྱི་བར་བྱ། །ཁོ་ར་ཁོར་ཡུག་གཏོར་བྱ་ཞིང ། །གཏོར་དང་བྱི་དོར་བྱས་ནས་ཀྱང ། །ཅི་སྟེ་མཚན་མ་མཐོང་འགྱུར་ན། །སྦྱར་སྨན་གྱིས་ནི་བསྐུས་ན་ཡང ། །ལྕགས་ཀྱི་འཁར་བས་
Ma16b
བརྡབས་བྱས་ན། ཆགས་པར་འགྱུར་ཏེ་གཞན་དུ་མིན། །ཟླ་གམ་དག་གི་དབུས་དག་ན། །བཀྲ་ཤིས་ལྡན་པའི་གཟུགས་ཀྱང་སྣང ། །ཅི་སྟེ་དེ་ལྟར་མི་སྣང་ན། །ཐལ་བའི་སྨན་འདི་སྦྱར་བར་བྱ། །\?\་འདྲ་བྱེའུ་རུག་ལོ་མ་རྣམས། །མཉམ་པར་བཞག་པས་བཙིར་ནས་ནི། །བ་གཅིན་དག་དང་ལྷན་ཅིག་སྦྱར། །བསྐོལ་ནས་གཏོར་བ་བྱས་ནས་ནི། །བཀྲ་ཤིས་ལྡན་པ་དེར་སྣང་སྟེ། །འདི་ལ་བློ་ལྡན་ཐེ་ཚོམ་མེད། །སྦྱར་སྨན་གྱིས་ནི་བསྐུལ་ནས་ཀྱང ། །ལྕགས་ཀྱི་འཁར་བས་བརྡབ་པར་བྱ། །དེས་ན་ས་ལ་དེ་ལྟུང་སྟེ། །རྣམ་པ་གཞན་དུ་འགྱུར་བ་མེད། །ཟླུམ་པོ་གཞོམ་པའི་ཆོ་ག་ཡིས། །སྦྱར་བར་བྱ་བ་རབ་བཤད་དོ། །ཁོ་ར་ཁོར་ཡུག་སྦྱངས་ནས་ནི། །རབ་ཏུ་བསྒྲིམས་ཏེ་བརྟག་པར་བྱ། །པདྨའི་རྩ་བའི་མདོག་འདྲ་བ། །སྦྲུལ་མགོ་གདེངས་ཀའི་རི་མོ་སྣང ། །ཅི་སྟེ་དེ་དག་མི་སྣང་ན། །ཐལ་བའི་སྨན་འདི་སྦྱར་བར་བྱ། །ཀ་ལི་ཤ་ཡི་ས་བོན་དང ། །བཙོད་རྣམས་དང་ནི་བ་གཅིན་གྱིས། །སྦྱར་ནས་ཀུན་ཏུ་བླུག་པར་བྱ། །དེ་ནས་མཚན་མེ་སྣང་འགྱུར་ཏེ། །སྦྱར་སྨན་གྱིས་ནི་ལུས་བསྐུས་ནས། །ལྕགས་ཀྱི་འཁར་བ་བརྡབ་པར་བྱ། །དེས་ན་དེས་ནི་འཇིག་འགྱུར་ཏེ། །རྣམ་པ་གཞན་དུ་འགྱུར་བ་མེད། །གྲུ་བཞི་པོ་ཡི་རི་མོ་ཡང ། །གྲུ་བཞི་ཡིན་ཏེ་བཤད་པར་བྱ། །ཅི་སྟེ་དེ་ནི་མི་སྣང་ན། །ཐལ་བའི་སྨན་ནི་སྦྱར་བར་བྱ། །སྣུ་ཧ་ཤ་རའི་ཡལ་ག་བླངས། །མཉམ་པར་བཞག་པས་བཙིར་བྱས་
Ma17a
༄#། །ལ། །བ་གཅིན་གྱིས་ནི་སྦྱར་ནས་ཀྱང ། །མཁས་པ་ཡིས་ནི་བླུག་པར་བྱ། །བླུགས་ནས་མཚན་མ་སྣང་འགྱུར་ཏེ། །དེ་ལ་སྨན་གྱིས་བསྐུས་བྱས་ཤིང་།། ལྕགས་ཀྱི་ཁར་བས་བརྡབས་བྱས་ན། །ཆག་པར་འགྱུར་ཏེ་གཞན་དུ་མིན། །པདྨ་ཡི་ནི་དབུས་སུ་ཡང ། །སྙིང་པོ་དག་ནི་སྣང་བ་ཡོད། །སྨན་རྣམས་ཀྱིས་ནི་ལུས་བསྐུས་ནས། ། རྡོ་བ་ཡིས་ནི་བརྡབ་བྱ་ཞིང ། །དེ་ནི་སྙིང་པོ་གཞོམ་པར་བྱ། །དེ་ན་ཡོད་པར་ཐེ་ཚོམ་མེད། །ཇི་ལྟར་བདག་གིས་བཞག་པ་བཞིན། །ལྷག་པར་ཡང་ནི་བླང་བར་བྱ། །ཆུ་ཤིང་ལོ་མའི་དབྱིབས་འདྲ་བ། །སྦྱར་བའི་ཐབས་ནི་མཉན་པར་བྱ། །དེ་ནི་མཚན་མ་སྣང་བ་ནི། །གིའུ་ཝང་ཐིག་ལེ་འདྲ་བ་ཡི། །རི་མོ་གཉིས་སམ་གསུམ་ཡང་རུང ། །ཡང་ན་བཞིའམ་ལྔ་ཡོད་དེ། །མཚན་མ་འདི་དག་སྣང་བར་འགྱུར། །ཅི་སྟེ་མཚན་མ་མི་སྣང་ན། །ཐལ་བའི་སྨན་འདི་སྦྱར་བར་བྱ། ། ཤཝཏྠ་དང་པ་ཏ་པའི། །ལོ་མ་ཨ་པ་མརྒ་རྣམས། །ར་ཡི་གཅིན་གྱིས་སྦྱར་ནས་སུ། །ཁོ་ར་ཁོར་ཡུག་བླུག་པར་བྱ། །བླུགས་མ་ཐག་ཏུ་སྣང་འགྱུར་ཏེ། །སྦྱར་སྨན་གྱིས་ནི་བསྐུས་ནས་ཀྱང ། །ལྕགས་ཀྱི་ཁར་བས་བརྡབས་བྱས་ན། །ཆག་པར་འགྱུར་ཏེ་གཞན་དུ་མིན། །བསིལ་ཡབ་དག་དང་འདྲ་བ་ནི། །ཡུ་བར་བཅས་པར་སྣང་བར་འགྱུར། །གཤོར་གྱིས་ལེགས་པར་སྦྱངས་བྱས་ལ། །དེ་ཡིས་མཚན་མ་བརྟག་པར་བྱ། །ཅི་སྟེ་དེ་
Ma17b
ན་མི་སྣང་ན། །ཐལ་བའི་སྨན་འདི་སྦྱར་བར་བྱ། །ིནྡྲ་ཤིང་གི་ལོ་མ་དང ། །ནིར་རྒུན་དག་གི་ལོ་མ་དག་།རྟ་ཡི་གཅིན་གྱིས་སྦྱར་ནས་ཀྱང ། །ཁོ་ར་ཁོར་ཡུག་བླུགས་ནས་ནི། །དེ་ནས་མཚན་མ་སྣང་བ་དེར། །སྦྱར་སྨན་གྱིས་ནི་བསྐུས་ནས་ཀྱང ། །ལྕགས་ཀྱི་ཁར་བས་བརྡབས་བྱས་ན། །ཆག་པར་འགྱུར་ཏེ་གཞན་དུ་མིན། །ཆུ་ཤིང་ལོ་མ་འདྲ་བ་ལས། །རུས་སྦལ་རྒྱབ་དང་འདྲ་བ་དང ། །རྡོ་རྗེ་ཅི་སྟེ་རང་འོངས་པ། །དེ་ནི་གཞོམ་དུ་མེད་པ་ཡིན། །གཏེར་གྱི་སྒོ་ནི་ཐམས་ཅད་ལ། །ཕུར་བུ་རྣམ་པ་བཞི་ཡོད་དོ། །དབང་པོ་གཤིན་རྗེ་ལུས་ངན་དང ། །ཁྱབ་འཇུག་ཕུར་བུ་བཞི་པའོ། །གཏེར་གྱི་སྒོ་ནི་ཐམས་ཅད་དུ། །རིག་སྔགས་འདིས་གཏོར་མ་སྦྱིན་པར་བྱ་སྟེ། གཤིན་རྗེ་ལ་ནི། བསྲེག་བྱ་རྣམས་སོ། །ཁྱབ་འཇུག་ལ་ནི། འབྲས་ཅན་སྣ་ཚོགས་པའོ།། ཀུ་བེ་ར་ལ་ནི། སྦྱར་ཐུག་གོ་།དཔལ་ལྡན་ལ་ནི། འབྲས་ཀྱི་འོ་ཐུག་སྦྱིན་པར་བྱའོ། །ན་མོ་བཛྲ་པཱ་ཎི་སྱ། ནནྟེ་སུ་ནནྟེ། གོ་བིནྟེ། རི་ཏི་རི་ཏི། མི་ཏི་མི་ཏི། མོ་རི་ཏི་སཝཱཧཱ། སྔགས་འདིས་ཅི་འདོད་བའི་གཏོར་མ་ཐམས་ཅད་བྱིན་ལ། དེ་ནས་ལས་བརྩམ་པར་བྱའོ། །གཞོར་གྱི་སྔགས་ནི་འདི་ཡིན་ཏེ། ན་མོ་བཛྲ་པཱ་ཎི་སྱ། ཏི་ཤི་ཡ་བི་ཏི་ཤ་ཡ། ན་མོ་མ་ཧཱ་ཥི་ཡཱ་ཡ་སཝཱཧཱ། སྔགས་འདི་དག་གིས་ཆུ་ལ་བཟླས་བརྗོད་བྱས་བསང་གཏོར་བྱ་སྟེ། དེ་ནས་ལས་བྱའོ། །དེ་ལ་གཏེར་སྒོ་གཅོག་པའི་མཆོག་།རྡོ་རྗེ་རྣམས་དང་གཞན་ཡང་གང ། །ཁྲ་ཡི་རིགས་རྣམས་
Ma18a
༄#། །གཅོག་པ་ཡི། །སྦྱར་སྨན་རྣམས་ཀྱང་བཤད་པར་བྱ། །ཀ་ན་ཀ་ཡི་རྩ་བ་དང ། ། ཤ་ནག་ཏིའི་གྷི་ཝང་དང ། །སྤུ་ཡི་རྩ་བ་འདི་དག་རྣམས། །རྒ་དར་བའི་ཤུན་ཕྲགས་དང ། །རིལ་བུ་སྲན་ཙམ་བྱས་ནས་ཀྱང ། །གྲིབ་མ་དག་ཏུ་བསྐམ་པར་བྱ། །གཏེར་སྒོ་ཐམས་ཅད་གཅོག་པ་འདི། །འབྱུང་པོའི་མཆོག་ཅེས་བྱ་བ་ཡིན། །འབམ་པོ་དང་ནི་གཅོད་རྣམས་དང ། །གི་ཝང་ལྡོང་རོས་བཅས་པ་དང ། །ཀཱ་ར་བཱི་རའི་རྩ་བ་དང ། །རྒ་དཀར་པོའི་ཤུན་ཕྲགས་དང ། །ཤོ་ན་ཀ་ཡི་ཤུན་ཕྲགས་དང ། །འདི་དག་ཆ་ནི་བསྙམས་བྱས་ལ། །བ་གཅིན་དག་དང་བཏགས་པར་བྱ། །གཏེར་སྒོ་ཐམས་ཅད་གཅོག་པ་ཡི། །སྦྱར་སྨན་དག་གི་དམ་པ་སྟེ། །ལག་ན་རྡོ་རྗེས་བཤད་པ་ཡིན། །གྣི་མནྟའི་ལོ་མ་དང་།། ཨེ་རནྟ་ཡི་རྩ་བ་དང ། །སྣུ་ཧ་གཤི་རི་སྒོག་སྐྱ་རྣམས། །བ་གཅིན་དག་དང་བཏགས་པར་བྱ། །གཏེར་སྒོ་གཅོག་པའི་སྦྱར་སྨན་འདི། །རྡོ་རྗེ་ཞེས་ནི་བྱ་བ་ཡིན། །ཀ་ར་བཱི་རའི་རྩ་བ་དང ། །ཆུ་ཤིང་ས་བོན་སྐྱེར་པ་དང ། །ཡུངས་དང་ནག་ཏ་མ་ལ་དང ། །གི་རི་ཀར་ནི་དཀར་པོ་རྣམས། །བ་གཅིན་ངག་དང་བཏགས་པར་བྱ། །སྦྱར་སྨན་གྱི་ནི་རྒྱལ་པོ་འདི། །གཏེར་སྒོ་གཅོག་པའི་མཆོག་ཡིན་ནོ། །བིདྱ་ཛི་ཧཝ་མོ་ར་ཏི། །དེ་བཞིན་རམ་ཉེའུ་ཡུངས་ཀར་རྣམས། །བ་གཅིན་གྱིས་ནི་ལེགས་སྦྱར་བ། །གཏེར་སྒོ་གཅོག་པའི་དམ་པ་ཡིན། །བ་
Ma18b
ལུང་གི་ནི་མེ་ཏོག་དང ། །ཤལ་ལ་ཀ་ཡི་སྙིང་པོ་དང ། །འབམ་པོ་སྣི་ཧ་ཀྵི་རི་དང ། །གིའུ་ཝང་དག་དང་ལྡན་པར་ནི། །ར་གཅིན་དག་དང་བཏགས་བྱས་པ། །རྡོ་རྗེ་འཇོམས་པའི་མཆོག་ཡིན་ནོ། །ཀོ་ཤ་ཏ་ཀའི་ས་བོན་དང ། །ཀོ་བི་ར་ཡི་འབྲས་བུ་དང ། །དུ་རུ་ཀ་ཡི་ལོ་མ་རྣམས། །བ་གཅིན་དག་དང་བཏགས་བྱས་ལ། །ཞག་གྲངས་བཞི་བཅུ་དགུར་བཞག་པ། །རྡོ་རྗེ་འཇོམས་པའི་དམ་པ་ཡིན། །པ་རི་ཛཱ་ཏིའི་རྩ་བ་དང ། །སུ་པར་སྣ་དང་ཏ་ཀ་དང ། །སྤེན་པ་ཡི་ནི་ལོ་མ་དང ། །སྦྲང་\?\་རྩི་དང་ནི་ཤིང་ཀྲུ་དང ། །གིའུ་ཝང་དག་དང་སྦྱར་བ་ནི། །གཏེར་སྒོ་གཅོག་པའི་དམ་པ་ཡིན། །སྦྱར་སྨན་དམ་པ་འདི་དག་ནི། །རྡོ་རྗེ་འཇོམས་པ་ཡིན་པར་བཤད། །གསེར་རྣམས་བླང་བར་འདོད་པ་ཡི། །ལག་པ་བསྐུ་བ་ང་ལས་ཉོན། །རུ་རྟ་དང་ནི་རྒྱ་སྤོས་དང ། ། ལི་ཏ་དང་མོ་ར་ཏི། །ལག་པ་བསྐུ་བའི་མཆོག་ཡིན་ཏེ། །རྡོ་རྗེ་འབར་བྱེད་འཇིགས་པ་ཡིན། །ཞིམ་ཐིག་ལེ་ཡི་ས་བོན་དང ། །ནག་ཏ་མ་ལའི་འབྲས་བུ་རྣམས།། བ་གཅིན་དག་དང་སྦྱར་བ་ནི། །བདེ་བར་བྱེད་པའི་ལག་སྐུད་ཡིན། །པདྨའི་རྩ་བ་རྒྱ་སྤོས་དང ། །ས་ར་ཥི་དང་སྤུ་རྣམས་ནི། །ར་ཡི་གཅིན་དང་ལེགས་སྦྱར་བའི། །བདེ་བར་བྱེད་པའི་ལག་སྐུད་ཡིན། །ཀ་གན་འཛི་ཡི་ས་བོན་དང ། །ཀར་ནི་ཀ་རའི་མེ་ཏོག་དང ། །པྲི་ཡང་ཀུ་དང་རྒྱ་སྤོས་དང ། །སུ་ར་བི་དང་ཙནྡན་དཀར། །གིའུ་ཝང་དག་དང་ལྡན་པ་ནི། །བདེ་བར་བྱེད་པའི་
Ma19a
༄#། །ལག་སྐུད་ཡིན། །སྒོ་གླགས་ལག་པས་རེག་པ་ན། །མཚམས་ནས་ཀྱང་ནི་འབྱེ་བར་འགྱུར། །དེ་ཉིད་རེངས་པར་བྱ་བའི་ཕྱིར། །རིག་སྔགས་འདི་ནི་སྦྱར་བར་བྱ། །ན་མོ་བཛྲ་པཱ་ཎི་སྱ། ཏི་རི་ཏི་རི། མི་རི་སཝཱཧཱ། རིག་སྔགས་འདིས་ཆུ་ལ་ལན་བདུན་བསྔགས་ཏེ་སྒོ་གླེགས་ཀྱི་ངོས་ལ་གཏོར་ན་རེངས་བར་འགྱུར་ཏེ། བདེ་བླག་ཏུ་བཟུང་བར་འགྱུར་རོ། །གཏེར་གྱི་སྒོ་རྣམས་ཐམས་ཅད་ལ། །རིག་སྔགས་འདི་ནི་སྦྱར་བར་བྱ། །རེངས་བྱེད་རྨོངས་བྱེད་དགེ་བ་སྟེ། །བགེགས་རྣམས་ཐམས་ཅད་འཇོམས་བྱེད་པ། །ཚངས་པ་ཉིད་ཀྱིས་བྱས་པ་སྟེ། །རྨོངས་བྱེད་སྒོ་ཡི་ཐེམ་པའི་ཕྱིར། །རི་རབ་བརྟོལ་ནས་བྱུང་བ་སྟེ། །དྲི་ཟ་ལྷ་མོ་རྣམས་དང་ནི། །མི་འམ་ཅིས་ནི་རབ་ཏུ་མཆོད། །འཇོམས་པར་བྱེད་ཅིང་སྐྲག་བྱེད་པ། །ལྷ་ཡི་གཟུགས་ལྡན་བློ་གྲོས་ཆེ། །རིག་སྔགས་འདི་ནི་བཤད་པར་བྱ། །ཀི་ལི་ཀི་ལི། པཾ་ག་ཡཀྵི་ཧ་ཧ་བྷི་མཾ་གི་།ཧ་ན་ཧ་ན། ཤཱུ་ལེ་ན་བི་ད་ར་ཡ་བཛྲེ་ཎ།་ཀི་ལི་ཀི་ལི་ཤཔྡེ་ན། སྟམྦྷ་ཡ་རུ་དྲེ་ཎ། དེ་ན་ཧ་ན་ཧ་ན་ཤཀྟི་ན། ཀི་རི་ཀི་རི། ཙི་རི་ཙི་རི། མི་རི་མི་རི། ན་རུ་ཏི་ན་རུ་ཏི། ཐ་ར་ཐ་ར། ཐ་ཐ། ར་ར། པ་ཏ་ཡ་པ་ཏ་ཡ། སྟམྦྷ་ཡ་སྟམྦྷ་ཡ། པ་ཏ་ཡ་པ་ཏ་ཡ། གརྫ་གརྫ། མརྫ་མརྫ། ཏརྫ་ཏརྫ། ཀིཾ་ཀི་ནི། ཀིཾ་ཀི་ནི། དུནྡུ་བྷི་དུནྡུ་བྷི། ཤུཀླ་དཾཥྚྲ་རཱ་ལཱ་ན་ནེ། ཀ་ན་ནེ་དི་པྱ་རཱུ་པེ། ཙ་མ་བིནྡུ་སཾ་མ་ཌཱ།་དི་
Ma19b
པྱ་པྲ་བྷེ།་བ་ཤ་ནེ། ཀ་ཧ་ཀ་ཧ། ཁ་ཌ་ག་ཧ་སྟེ། ཏྲི་ནེ་ཏྲེ། རུ་དྲ་ཡ་ནེ་ཤྨ་ཤཱ་ནེ། ཡ་དཱ་ཀྲི་ད་སེ། གླེཾ་པཱ་གླེཾ་པཱ། ག་གླེཾ་པཱ། ཡུ་ར་ཝ་ར་ཎི། ཨནྡྷ་ཀཱ་རེ་སཝ་ཡཾ་ཀ་ཤ་ཀི་མུ་ཀུ་ཊ། ཙནྡྲཾ་ཀ། ཤཪྵེ། དེ་བ་གནྡྷརྦ། ཡཀྵ་བིདྷྱཱ། ད་རཻ་ཨ་ཙེ་ཏེ། སུ་པཱུ་ཛི་ཏེ། དྲེཾ་བཱ་དྲེཾ་བཱ། ཐི་ཐི། མ་བ་པ་སྤཪྴ་མ་བ། ཧ་ཧཾ་པ། ཀ་ཀཾ་པ། ཙི་ཏྲེ། ཧ་ན་ཧ་ན། སྟམྦྷ་ཡ་སྟམྦྷ་ཡ། མ་ཧཱ་བིདྱཱ་ཙ་ཏུ་རྨུ་ཁ་ཨཱ་ཛྙཱ་པ་ཡ་ཏི་སཝཱཧཱ། རིག་སྔགས་འདིས་ཡུངས་ཀར་དང ། ཆུ་དང ། ཐལ་བ་རྣམས་ལས་གང་ཡང་རུང་བ་གཅིག་བླངས་ཏེ་རིག་སྔགས་བཟླས་བརྗོད་བྱས་ལ་ཕྱོགས་བཞིར་གཏོར་ན། བགེགས་ཐམས་ཅད་རེངས་པར་འགྱུར་ཞིང ། དགྲ་ཡང་བཅོམ་པར་འགྱུར་རོ། །དེ་ཉིད་ཀྱིས་གསད་པ་དང ། གཉིད་ལོག་ཏུ་གཞུག་པ་དང ། མུན་པར་བྱ་བ་དང ། གར་དང ། གླུ་དང ། རོལ་མོ་ལ་སོགས་པ་བྱེད་དུ་གཞུག་པ་དང ། གཞན་ཡང་སེམས་ཅན་མི་སྣང་བ་གང་ཡིན་པ་དག་དང ། སྣང་བ་གང་ཡིན་པ་དག་དང ། བགེགས་དང་ལོག་འདྲེན་གང་ཡིན་པ་དང ། ཅི་སྟེ་རྒྱལ་པོའི་ཕོ་བྲང་ངམ། དུར་ཁྲོད་ཀྱི་གནོད་པ་བྱུང་ངམ། སྦྲུལ་གྱིས་བཅིངས་པའང་རུང ། གཞན་ཡང་སེམས་ཅན་གནོད་པར་བྱེད་པ་གང་ཡིན་པ་དེ་དག་ཐམས་ཅད་འཇོམས་པར་བྱེད་ཅིང་རྨོངས་པར་བྱེད་པ་ཡིན་ནོ། །ཞེས་བཅོམ་ལྡན་འདས་རྡོ་རྗེ་འཛིན་གྱིས་དེ་སྐད་བཤད་དོ། །གསེར་ལེན་པ་ན་རྡོ་རྗེ་ལག་ན་ཐོགས་
Ma20a
༄#། །ཤིང་རིག་སྔགས་ཀྱི་མཆོག་འདིས་སྦྱིན་སྲེག་ལེགས་པར་བྱའོ། །ན་མོ་བཛྲ་པཱ་ཎི་སྱ། བི་བེ་ཏཱ་ཡ་སཝཱཧཱ། ཏི་སྟོཾ་སུ་ཀ་ལ་ཧཱ་ཡ་སཝཱཧཱ། ཀུཾ་བེཥྚ་ནཱ་ཡ། པ་རིནྟ་ཨསྟ་ནཱ་ཡ་སཝཱཧཱ། ནི་དྲཱ་དྷི་པ་ཏ་ཡེ་སཝཱཧཱ། ཤ་ཡེ་ཡུར་བཱ་ཡུ་སཝཱཧཱ། ལི་བི་གྲ་རེ་ཏཱ་ཡ་སཝཱཧཱ། བ་ཧུ་ཡཀྵ་ཡ་སཝཱཧཱ། ཡ་སཝཱཧཱ། ག་ཎཱ་ཡ་སཝཱཧཱ། ག་ཎ་པ་ཏ་ཡ་སཝཱཧཱ། ཀ་མ་རཱུ་པ་ཡ་སཝཱཧཱ།་ཀཾ་ལི་ནེ་སཝཱཧཱ། བྱཱ་གྷྲཱ་ཡ་སཝཱཧཱ། བྱཱ་གྷྲཱ་དྷི་པ་ཏ་ཡེ་སཝཱཧཱ། རཱཀྵ་སཱ་ཡ་སཝཱཧཱ། རཀྵ་སཱ་དྷི་པ་ཏ་ཡེ་སཝཱཧཱ། ཁཌྒ་སཝཱཧཱ། ཁཌྒཱ་དྷི་པ་ཏ་ཡེ་སཝཱཧཱ། རུ་དྲཱ་ཡ་སཝཱཧཱ། ཡ་མཱ་ཡ་སཝཱཧཱ། ཝ་རུ་ཎཱ་ཡ་སཝཱཧཱ། ཀུ་བེ་རཱ་ཡ་སཝཱཧཱ། པྲྀ་ཐི་བྱེ་སཝཱཧཱ། མཱ་ཏྲི་བྱེ་སཝཱཧཱ། བྲཧྨ་ཡ་སཝཱཧཱ། གང་གསང་སྔགས་འདི་དག་གིས་ཤ་མའི་ཡམ་སྲེག་ཤིང་བརྒྱད་བརྒྱ་སྦྱིན་སྲེག་བྱས་ན། བགེགས་ཐམས་ཅད་བཅོམ་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་གྱིས་བཤད་དེ། དེ་ཡང་འཁྲུལ་འཁོར་ཐམས་ཅད་འཇོམས་པའི་ཉེ་བའི་སྙིང་པོ་དང་ལྡན་པས་སྦྱིན་སྲེག་བྱའོ། །ཡང་ན་ཉེ་བའི་སྙིང་པོ་གཅིག་པུས་བྱའོ། །དེ་ལྟར་མ་བྱས་ན་བརླག་པར་བྱའོ། །དེ་ནས་དབང་ལྡན་གྱིས་བཅོམ་ལྡན་འདས་ལག་ན་རྡོ་རྗེ་ལ་ཞུས་པ།་བཅོམ་ལྡན་འདས་སྟོབས་པོ་ཆེ་ཕ་རོལ་གནོན་པ། མི་རྣམས་ལ་ཕན་པའི་ཕྱིར་ཉན་བར་འཚལ་བ་དེ་བདག་ལ་གསུངས་ཤིག་།ཁྲ་རྣམས་བཤད་པ་དུ་ཞིག་མཆིས།།
Ma20b
བརྩོན་འགྲུས་མཐུ་སྟོབས་ཇི་ཙམ་ལགས། །བདག་གིས་ཐེ་ཚོམ་དེ་དག་གསུངས། །ཇི་བཞིན་དུ་ནི་གསུངས་བའི་རིགས། །རྡོ་རྗེ་འཛིན་ཆེན་མངའ་བདག་གིས། །དབང་ལྡན་གྱི་ནི་ཚིག་ཐོས་ནས། །དབང་ལྡན་གཟི་བརྗིད་ཆེན་པོ་པ། །ཚངས་པས་བཤད་པའི་ཁྲ་དེ་ཉིད། །སྔོན་ནི་ས་འདི་སྟེང་དག་ན། །རྟག་ཏུ་གཏེར་རྣམས་མང་པོ་ཡོད། །གཏེར་དེ་དག་ནི་བསྲུང་བའི་ཕྱིར། །ཚངས་པ་ཉིད་ཀྱིས་ཁྲ་རྣམས་ཡོད། །ཁྲ་ཡི་རྣམ་པ་བརྒྱད་བཤད་པ། །བརྩོན་འགྲུས་ཆེ་ཞིང་སྟོབས་པོ་ཆེ། །ལག་ན་རྡོ་རྗེ་བཀའ་མཆོག་གིས། །དེ་དག་གང་གིས་བརྒྱར་འགྱེས་དང ། །གཏོར་མ་སྔགས་རྣམས་ཇི་བཞིན་པ། །དེ་དག་བདག་གིས་བཤད་པར་བྱ། །ནག་དང་དཀར་དང་དེ་བཞིན་དམར། །མགྲིན་པ་མཐོན་ཀར་གྲགས་པ་དང ། །ཀ་པིན་ཛ་ར་མིག་དམར་དང ། །འདབ་བཀྲ་དང་ནི་ཤེལ་མིག་ཅན། །དེ་ལ་ནག་པོ་ནི། གཤིན་རྗེ་ལྷར་འཛིན་པ་ཡིན་ནོ། །དཀར་པོ་ནི་ཚངས་པ་ལྷར་འཛིན་པ་ཡིན་ནོ། །དེ་བཞིན་དུ་མགྲིན་པ་མཐོན་ཀ་ནི། སྨིན་དྲུག་གི་བུ་ལྷར་འཛིན་པ་ཡིན་ནོ། །ཀ་པིན་ཛ་ར་ནི། ཁྱབ་འཇུག་ལྷར་འཛིན་པ་ཡིན་ནོ། །མིག་དམར་ནི་ཀུ་བེ་ར་ལྷར་འཛིན་པ་ཡིན་ནོ། །དེ་བཞིན་དུ་འདབ་བཀྲ་ནི།་དབང་པོ་ལྷར་འཛིན་པ་ཡིན་ནོ། །ཤེལ་མིག་ཅན་ནི་སའི་ལྷ་ལྷར་འཛིན་པ་ཡིན་ནོ། །ཁྲ་དེ་དག་གི་ཁ་དོག་མཚན། །རྟགས་རྣམས་བདག་གིས་བཤད་པ་ཡིན། །དེ་ད་
Ma21a
༄#། །གི་ནི་མདོག་དང་དབྱིབས། །རིམ་བཞིན་དུ་ནི་བཤད་པར་བྱ། །ནག་པོ་ཡི་ནི་གཟུགས་གང་དང ། །མཐུ་སྟོབས་གང་ཡིན་རབ་བཤད་དེ། །ཁ་དོག་རབ་ཏུ་ནག་པ་དང ། །བོང་ཚད་ཆེ་ཞིང་འཇིགས་པར་བྱེད། །དཔག་ཚད་གཅིག་ན་གནས་བཞིན་དུ། །དྲིལ་བུའི་སྐད་འདྲ་འབྱིན་པར་བྱེད། །གཏོར་མ་འདོད་ཕྱིར་ཡང་དང་ཡང ། །དེ་བཞིན་རྒྱུན་ཏུ་སྐད་ཀྱང་འབྱིན། །གང་གིས་ཞི་བར་འགྱུར་བ་ཡི། །ཟས་རྣམས་ཀྱང་ནི་བཤད་པར་བྱ། །ཤ་བཙོས་དེ་བཞིན་བརྡོས་པ་རྣམས། །བྱ་རྗེ་ལ་ནི་སྦྱིན་པར་བྱ། །མྱུར་དུ་སྔགས་ཀྱང་སྦྱར་བྱ་ཞིང ། །གཏོར་མ་ཡང་ནི་སྦྱིན་པར་བྱ། །ན་མོ་བཛྲ་པཱ་ཎི་སྱ། ཀྲྀཥྞ་ཀྵཱ་ཡ། ཀྲྀཥྞཱ་དྷི་པ་ཏ་ཡེ་སཝཱ་ཧཱ། གཏོར་མ་ལ་ཡང་སྔགས་འདིས་བསྔགས་ལ་དེ་ནས་སྦྱིན་པར་བྱའོ། །དཀར་པོ་ཡི་ནི་གཟུགས་གང་དང ། །མཐུ་སྟོབས་གང་ཡིན་རབ་བཤད་དེ། །ནམ་མཁའ་ལ་དག་བསྐོར་བྱས་ནས། །དེ་ནི་ཆུ་སྐྱར་མདོག་འདྲ་ཡི། །འདབ་མའི་ཤུགས་ཀྱིས་འོང་བར་འགྱུར། །རྒྱུན་དུ་ཁོར་ཁོར་ཡུག་ནས། །འདབ་མའི་གཤོག་སྒྲ་ཆེན་པོ་ཡིས། །འབྲུག་སྒྲ་ཆེན་པོ་འབྱིན་པར་བྱེད། །གནས་རྣམས་སུ་ནི་ལན་གཅིག་གམ།། ལན་གཉིས་ལན་གསུམ་བསྐོར་བར་བྱེད། །གདོན་རྣམས་ལན་གསུམ་ཚང་བའི་བར། །དེ་སྲིད་དུ་ནི་གཏོར་མ་སྦྱིན། །སྣ་མ་འབྲས་ཡོས་མར་དག་གིས། །གཏོར་མ་རྣམས་
Ma21b
ནི་སྦྱིན་པར་བྱ། །སྔགས་ལ། ན་མོ་བཛྲ་པཱ་ཎི་སྱ། ཤོ་དྷ་ཡ་ཤོ་དྷ་ཡ། པ་པ་ཏ་ཡ། ཤོ་པཱ་དྷི་བ་ཏ་ཡེ་སཝཱ་ཧཱ། དམར་པོ་ཡི་ནི་གཟུགས་གང་དང ། །མཐུ་སྟོབས་གང་ཡིན་རབ་བཤད་དེ། །བཞད་བཞིན་དུ་ནི་སྐད་འབྱིན་ཅིང ། །ཟབ་མོའི་སྒྲ་ནི་རབ་ཏུ་སྒྲོག་།ལན་ལྔའི་བར་དུ་སྐད་འབྱིན་ཞིང ། །དེ་ནི་མྱུར་དུ་འོང་བར་བྱེད། །ཇི་སྲིད་ལན་ལྔ་སྐད་འབྱིན་པ། །དེ་སྲིད་དུ་ནི་གཏོར་མ་སྦྱིན། །དྲི་དམར་དང་ནི་མེ་ཏོག་དམར། །ཕུ་ལ་ལི་ཀ་སྦྱིན་པར་བྱ། །བཟའ་བ་དང་ནི་ལ་ཏུ་དང ། །ཏིལ་གྱི་ཁུ་བ་སྦྱིན་པར་བྱ། །སྔགས་ལ། ན་མོ་བཛྲ་པཱ་ཎི་སྱ། རཀྟེ་རཀྟ། ཀྵེ་རཀྟ་དྷི་པེ་ཏ་ཡེ་སཝཱ་ཧཱ། མགྲིན་པ་མཐོན་ཀའི་གཟུགས་གང་དང ། །མཐུ་སྟོབས་གང་ཡིན་རབ་བཤད་དེ། །སྡེར་མོས་ཀྱང་ནི་འབྲད་པར་བྱེད། །དེ་ནི་ཁཝ་ལྟར་སྐད་འབྱིན་ཅིང ། །ལན་བདུན་བར་དུ་སྐད་འབྱིན་ཏེ། །དེ་ནི་མྱུར་དུ་འོང་བར་འགྱུར། །གཏོར་མ་མྱུར་དུ་སྦྱིན་པར་བྱ། །སྔགས་ཀྱང་ལེགས་པར་དྲན་པར་བྱ། །ལན་ཚཝ་མེད་པའི་ཤ་སྦྱིན་ཅིང ། །ཡམ་སྲེག་ཤིང་ཡང་སྦྱིན་པར་བྱ། །གཏོར་མའི་ལས་ནི་འདི་དག་གིས། །དེ་ནི་མྱུར་དུ་ལྟུང་བར་འགྱུར། །སྔགས་ལ། ན་མོ་བཛྲ་པཱ་ཎི་སྱ། ནཱི་ལ་ག་ཤོ། ནཱི་ལ་ཏེ་ཛོ། ནཱི་ལཱ་དྷི་པ་ཏ་ཡེ་སཝཱ་ཧཱ། ཀ་པིན་ཛ་རའི་གཟུགས་གང་དང ། །མཐུ་སྟོབས་གང་ཡིན་རབ་བཤད་དེ། །སྲིན་བྱ་བཞིན་དུ་ཡང་དང་ཡང ། །སྐད་པོ་ཆེ་ནི་འབྱིན་པར་བྱེད། །མྱུར་བ་མྱུར་བར་སྐད་འབྱིན་ཅིང ། །དེ་བཞིན་སྒྲ་
Ma22a
༄#། །ཡང་ལན་གསུམ་འབྱིན། །ཉེ་བ་དག་ཏུ་འོང་བ་འགྱུར། །དེ་ཚེ་ཟས་ཀྱང་སྦྱིན་པར་བྱ། །གསང་སྔགས་ཀྱིས་ནི་བྱ་བ་ཡིན། །ཁྲག་གིས་སུ་ནི་བཀང་པ་ཡི། །མངོན་སུམ་དག་ཀྱང་སྦྱིན་པར་བྱེད། །དེ་བཞིན་ཉ་དང་ཤ་རྗེན་སྦྱིན། །སྔགས་ལ། ན་མོ་བཛྲ་པཱ་ཎི་སྱ། ཀ་ར་ལི། བ་ཀ་ར་ལི། ཀ་ར་ལཱ་དྷི་པ་ཏ་ཡེ་སཝཱ་ཧཱ། མིག་དམར་གྱི་ནི་གཟུགས་གང་དང ། །མཐུ་སྟོབས་གང་ཡིན་རབ་བཤད་དེ། །རྟ་བཞིན་དུ་ནི་སྐད་འབྱིན་ཅིང ། །འཁར་བའི་སྒྲ་ལྟར་ཚེར་ཚེར་པོ། །དེ་བཞིན་སྒྲ་ཆེར་སྒྲོག་པར་བྱེད།། མེ་ལྕེ་འབར་བ་ཁ་ནས་འབྱིན། །ཐེ་ཚོམ་མེད་ཅིང་མྱུར་བ་རུ། །དེ་ལ་གཏོར་མ་སྦྱིན་པར་བྱ། །དེ་བཞིན་ཤ་ནི་རྗེན་པ་དང ། །ཆང་གིས་བཀང་བའི་གནོད་ཀྱང་བྱིན། །སྔགས་ལ།་ན་མོ་བཛྲ་པཱ་ཎི་སྱ། རཀྟ་ནེ་ཏྲོ་རཀྟ་ནི་བ། རཀྟཱ་དྷི་པ་ཏ་ཡེ་སཝཱ་ཧཱ། འདབ་བཀྲ་ཡི་ནི་གཟུགས་གང་དང ། །མཐུ་སྟོབས་གང་ཡིན་རབ་བཤད་དེ། །འབྲུག་སྒྲ་བཞིན་དུ་སྐད་འབྱིན་ཅིང ། །དེ་ཡང་དེ་བཞིན་འོང་བར་འགྱུར། །རང་གི་ལུས་ལས་དེ་བཞིན་འདབ། །གློག་གི་རྒྱུད་འདྲར་སྣང་བར་འགྱུར། །རྔ་མོ་ལྟར་ནི་བརྟུལ་ཞིང་འོང ། །དུར་པ་བཞིན་དུ་ཡང་དང་ཡང ། །ལན་བརྒྱད་དུ་ནི་སྐད་འབྱིན་ཅིང ། །དེ་ནི་མྱུར་དུ་འོང་བར་འགྱུར། །དེ་ལ་གཏོར་མ་སྦྱིན་བྱ་ཞིང ། །གསང་སྔགས་ཀྱང་ནི་བྱ་བ་ཡིན། །བུ་རམ་ཞོ་དང་སྦྱར་
Ma22b
བ་ཡི། །ཟས་ཀྱང་རབ་ཏུ་སྦྱིན་པར་བྱ། །སྔགས་ལ། ན་མོ་བཛྲ་པཱ་ཎི་སྱ། ཙི་ཏྲ་ཙི་ཏྲ་ཀྵོ། །པི་ཙ་ཏྲཱི་དྷི་པ་ཏ་ལེ་སཝཱ་ཧཱ། ཤེལ་མིག་ཅན་གྱི་གཟུགས་གང་དང ། །མཐུ་སྟོབས་གང་ཡིན་རབ་བཤད་དེ། །ནམ་མཁའ་དག་ནི་ཁེབས་པར་བྱེད། །དེ་ནི་དལ་ནས་འོང་བར་བྱེད། །གླང་པོ་ཆེ་ལྟར་སྐད་འབྱིན་ཅིང ། །འདབ་མས་རླུང་ནི་གཡོ་བར་བྱེད། །འདབ་མ་དེ་ནི་རླུང་གིས་སུ།། གྲང་བར་ཡང་ནི་བྱེད་པར་འགྱུར། །སྐད་ནི་ལན་གཉིས་འབྱིན་བྱེད་ཅིང ། །དེ་ནི་ཁད་ཀྱིས་འོང་བར་འགྱུར། །དེ་ལ་གཏོར་མ་སྦྱིན་བྱ་ཞིང ། །གསང་སྔགས་ཀྱང་ནི་བྱ་བ་ཡིན། །དེ་བཞིན་མར་དང་སྦྱར་བྱ་ཡི། །ནས་ཀྱི་ཟས་ཀྱང་སྦྱིན་པར་བྱ། །བ་ཡི་མར་དང་དེ་བཞིན་ཤ་།བུ་རམ་ཆང་གིས་བཀང་བར་སྦྱིན། །སྔགས་ལ། ན་མོ་བཛྲ་པཱ་ཎི་སྱ། ཀེ་ཀ་རཀྵ་ཀ་ཀར་དྲྀཥྚི། ཀེ་ཀ་རཱ་དྷི་པ་ཏ་ཡེ་སཝཱ་ཧཱ། ཁྲ་འདི་དག་ནི་བདག་གིས་སུ། །མཚོན་བཅས་ཆོ་གར་ལྡན་པར་བཤད། །གང་ཞིག་ཁྲ་ནི་ནག་པོ་ཡི། །སྔགས་ལ་བརྟེན་ཏེ་ལས་རྩོམ་པ། །དེ་ལ་འཇིགས་པ་ཅི་ཡང་རུང ། །ཅུང་ཟད་ཀྱང་ནི་འབྱུང་མི་འགྱུར། །དེ་ལ་སྦྲང་རྩི་འོ་མ་སྦྱར། །དེ་ལས་འགལ་བར་ལས་བྱ་བ། །གང་ཡིན་དེ་ནི་བདག་ཉིད་བརླག་།བདག་ཉིད་ཆེན་པོ་ཁྲ་འདི་དག་།མཆོད་པ་བྱས་ན་ལྡོག་འགྱུར་ཏེ། །ལག་ན་རྡོ་རྗེས་བཤད་པ་བཞིན། །ཁྲ་ཐམས་ཅད་ཀྱི་གསང་སྔགས་ནི། ལྷག་པར་སྤྱན་དང ། རིག་སྔགས་ཀྱི་རྒྱལ་པོ་དང་སྦྱར་བར་བྱའོ། །ཁྲ་གཞོམ་
Ma23a
༄#། །པའི་རིག་སྔགས་ཚངས་པས་སྨྲས་པ་ངས་བཤད་ཟིན་ཏེ། དེ་དང་སྦྱར་ཞིང་ལས་བྱའོ། །ངས་ཀྱང་ཁྲ་ཐམས་ཅད་ཕུང་བར་བྱ་བའི་ཕྱིར་གཏུམ་པོ་མི་བཟད་པའི་རིག་སྔགས་གང་ཐོས་པས་བྲག་ལ་ཐོག་ཏོག་འབབ་པ་བཞིན་དུ་དུམ་བུ་བརྒྱར་འགྲོ་བར་འགྱུར་བར་བཤད་པར་བྱའོ། །ན་མོ་བཛྲ་པཱ་ཎི་སྱ། མ་ཧཱ་ཙནྟེ་ཙནྟེ་ཙིནྟ་ན་མ་ན་ཙ་མ་ནེ།་སྟམྦྷ་ནི། ཛམྦྷ་ནི། མོ་ཧ་ནི། ཧི་ཧི་ག་ཀ་རེ། བ་རེ་ཡེ་སཝཱ་ཧཱ། ཁྲ་ཐམས་ཅད་ཟློག་པ་ལ་ཡུངས་ཀར་གྱིས་བྱའོ། །དེ་ནས་རྡོ་རྗེ་འབྱར་བྱེད་གཞོམ་པར་འདོད་ན། རྡོ་རྗེ་འབྱར་བྱེད་ལ་བལྟས་ལ་རྡོ་རྗེ་ཁྲོ་བོ་ཉིད་བསྔགས་ཏེ་བླང་བར་བྱའོ། །སྨན་འདི་དག་ཀྱང་གཏོར་བར་བྱ་སྟེ། རྒྱ་སྲན་གྱི་ཁུ་བ་དང ། སྲུ་སྲུའི་རྩ་བ་དང ། འོམ་བུ་བསྲེགས་པའི་ཁུ་བ་དང ། སོ་མ་དང ། སོ་མ་ཏ་པ་དང ། སོ་མ་ཛཱ་ཏི་དང ། འདི་རྣམས་བསྲེས་པའི་ཆུས་གཏོར་ལ་ཉི་མའི་འོད་ཀྱིས་གདུང་བར་བྱའོ། །གང་ན་ཉི་མ་མེད་པ་དེར་ནོར་བུ་མེ་ཤེལ་བསྟན་པར་བྱའོ། །དེ་ནས་བཅོས་མའི་རྡོ་རྗེ་འབྱར་བྱེད་གཞིག་པར་འདོད་ན། སཝ་རི་ཀའི་ཐལ་བ་དང ། གཟེ་མ་དང ། ཀནྟ་ག་དང ། ང་ཡག་དང ། དུནྟི་ཀའི་ཐལ་བ་དང ། འདི་རྣམས་བསྲེས་པས་བཤིག་ན་དེས་འཇིག་པར་འགྱུར་རོ། །དེ་ནས་བཅོས་མའི་རྡོ་རྗེ་འབྱར་བྱེད་བྱ་བར་འདོད་ན། ལྷང་ཚེར་སྲང་གཉིས་དང ། སོ་མ་ར་ཙའི་ས་བོན་སྲང་
Ma23b
གཅིག་དང ། བ་བླ་སྲང་ཕྱེད་དང ། མོན་སྲན་གྲེའུའི་ཕྱེ་མ་སྲང་གཉིས་དང ། ཕྱེ་མ་ཞོ་གཉིས་དང ། ས་མ་ཛཱ་ཏི་ཞོ་གཉིས་དང ། ཀུ་ཏ་ཛི་ཞོ་གཉིས་དང ། ཀ་ལ་པ་ཏའི་ས་བོན་ཞོ་གཉིས་དང ། འདི་རྣམས་ལྷན་ཅིག་ཏུ་སྦྱར་ཏེ་ཕྱེ་མ་ཞིབ་མོར་བྱའོ། །ལྷང་ཚེར་ཡང་བརྟག་པར་བྱ་སྟེ། ཀ་ཙ་པ་ལ་བསྲེགས་པའི་ཆུ་དང ། འོམ་བུ་དང ། ིནྡྲ་བྲིཀྵ་བསྲེགས་པའི་ཆུ་དང་གཅིག་ཏུ་སྦྱར་ལ་མ་ཏངྒིས་བསྐུས་པའི་སྣོད་ཀྱི་ནང་དུ་ཟླ་བ་གཅིག་གི་བར་དུ་བཞག་ནས་ཀྲ་ཀནྟི་དང ། མུ་ཟིའི་ཕྱེ་མས་བཏབ་ན། དེ་ནས་རྡོ་རྗེ་འབྱར་བྱེད་དེ་དག་དང་བར་འགྱུར་ཏེ། སྒོ་གླེགས་སམ། རྩིག་ངོས་སམ། གང་འདོད་པ་ལ་གཏུམ་པའི་ཕྱིར་གྱིས་བསྐུས་ན་རྡོ་རྗེ་འབྱར་བྱེད་དེ་ཨ་ཤོ་ཀའི་མེ་ཏོག་འདྲ་བར་དམར་པོར་འགྱུར་རོ། །ལས་ཐམས་ཅད་ལ་ཡང་ཉེ་བའི་སྙིང་པོ་དང་ལྡན་པར་འགྱུར་རོ། །གཏེར་སྒོ་འདི་དག་ངས་བཤད་དེ། །གཏེར་རྣམས་འདི་ན་ཡོད་དོ་ཞེས། །མངོན་པའི་རྟགས་ནི་གང་དག་གིས། །ངེས་པར་རྟོགས་པར་འགྱུར་གྱི་ཉོན། །རྫས་ཀྱི་ཚད་ནི་ཇི་ཙམ་པ། །དེ་ཀུན་བདག་གིས་བཤད་པར་བྱ། །ཤིང་མེད་ཁྲང་ཁྲོད་གནས་དག་ན། །ས་ལ་ཐ་ཡི་ཤིང་འདྲ་བ། །དཀར་ཞིང་དྲི་ཞིམ་སྣང་བ་ཡོད།། ཟབས་སུ་མི་འགྲེང་གཉིས་ཙམ་ན། །ནོར་རྣམས་ཁྲི་ཕྲག་དྲུག་ཡོད་དེ། །དེ་ནི་ཀླུ་དང་ལྡན་པ་ཡིན། །ཤིང་གི་གནས་ནི་དུ་མ་ན། །པདྨའི་འདབ་མ་འདྲ་བ་དང ། །པདྨ་ཆེན་པོའི་དྲི་ཞིམ་
Ma24a
༄#། །ཡོད། །ཟབས་སུ་མི་འགྲེང་གཉིས་ཙམ་ཡོད། །ནོར་ནི་དྲུག་ཁྲི་ལྔ་སྟོང་ཡོད། །དེ་ནི་སྲིན་དང་ལྡན་པ་ཡིན། །ཤིང་མེད་པ་ཡི་གནས་དག་ན། །ས་ལ་ཐ་ལའི་འབྲུ་འདྲ་བ། །ཏ་ལའི་དྲི་དང་ལྡན་པ་ཡོད། །ཟབས་སུ་མི་འགྲེང་གཉིས་ཙམ་ན། །འབུམ་ལས་ལྷག་པའི་ནོར་ཡོད་དེ། །དེ་ནི་གནོད་སྦྱིན་ལྡན་པ་ཡིན། །ཤིང་མེད་པ་ཡི་གནས་དག་ན། །ས་ལ་ཏ་ལའི་ཤིང་འདྲ་བ། །གཅིག་པུ་དྲི་ཞིམ་ལྡན་པ་ཡོད། །ཟབས་སུ་མི་འགྲེང་གསུམ་ཙམ་ན། །ནོར་རྣམས་བྱེ་བ་སྙེད་ཡོད་དེ། །དེ་ན་རྣམ་ཐོས་བུ་ཡང་གནས། །ཤིང་མེད་པ་ཡི་གནས་རྣམས་ན། །ས་ལ་ཏ་ཡི་མིག་འདྲ་བ། །དཀར་ཞིང་དྲི་ཞིམ་ལྡན་པ་ཡོད། །ཟབས་སུ་མི་འགྲེང་གསུམ་ཙམ་ན། །ནོར་རྣམས་བཞི་ཁྲི་དྲུག་སྟོང་ཡོད། །དེ་དག་ན་ནི་དབང་ལྡན་ཡོད། །ཤིང་མེད་པ་ཡི་གནས་རྣམས་ན། །ཅི་སྟེ་ས་ལའི་ཁྲི་འདྲ་བ། །རྐང་པ་བཞི་ལ་ལྡན་པ་སྟེ། །ཀེ་ཏ་ཀ་ཏི་དྲི་ཅན་ཡོད། །དེ་ན་བྱེ་བ་སྙེད་ཡོད་དོ། །དེ་ནི་ཀླུ་དང་ལྡན་པ་ཡིན། །མཚན་རྟགས་ཆེན་པོ་འདི་དག་ནི། །བཤད་ཟིན་གཞན་ཡང་ང་ལ་ཉོན། །དབྱར་ཞིང་སྐམ་ལ་རྩུབ་པ་དང ། །རྒུན་ཞིང་གསིང་མར་གྱུར་པ་དང ། །མཛའ་བོ་དེ་བཞིན་བྱི་ལ་སྦྲུལ། །ལྷན་ཅིག་གཅིག་ཏུ་གནས་པ་དང ། །དེ་བཞིན་སྦྲུལ་དང་ནེའུ་ལེ་གཉིས། །ཁུང་གཅིག་ན་ནི་ལྷན་ཅིག་གནས། །གང་ན་གོ་ད་དཀར་པོ་
Ma24b
དང ། །བྱི་བ་དཀར་པོ་ལྷན་ཅིག་གནས། །གང་ན་ཝ་ནི་ཉལ་བ་དང ། །ཅི་སྟེ་ས་ཕྱོགས་དྲོ་བ་དང ། །ཁྱི་ནི་རྟག་ཏུ་གྲོང་བོར་ནས། །དགོན་པའི་ཕྱོགས་གཅིག་གང་ན་ཉལ། །ཤིང་ནི་ཐུར་དུ་མི་འཁྲུང་བ། །ཅི་སྟེ་ཐུར་དུ་འཁྲུང་འགྱུར་དང ། །འོ་མ་མེད་ལས་འོ་མ་འབྱུང ། །མུ་ཏུའི་རྩཝ་ནི་གདུགས་འདྲ་དང ། །རྒྱལ་མཚན་འདབ་མ་འདྲ་བ་དང ། །ཤིང་རྣམས་གང་དག་བུམ་པ་འདྲ། །རྩཝ་ལས་རྩཝ་འབྱུང་ཡལ་ག་འཕྱང ། །རྩུབ་ཅིང་ཁ་རྔ་འདྲ་བ་དང ། །འདབ་མ་སྐམ་ཞིང་ལོ་མ་སྣུམ། །དུས་མ་ཡིན་པར་མེ་ཏོག་འབྱུང ། །རྟག་ཏུ་འབྲས་བུ་ཆགས་པ་དང ། །ཚེར་མ་མེད་ལས་འཚེ་རམ་འབྱུང ། །ཚེར་མ་ཅན་ལས་ཚེར་མ་མེད། །རྩེ་གཅིག་ཤིང་རིགས་གང་ཡིན་པ། །ཅི་སྟེ་ཁ་དྲག་གྱུར་པ་དང ། །ཤིང་དྲུང་གྲོག་མཁར་ཕུང་ཆེན་ཡོད། །དུས་མ་ཡིན་པར་མེ་ཏོག་འབྱུང ། །ཤིང་དྲུང་གང་ན་གཟུགས་ཡོད་ལ། །རྟག་ཏུ་འབྲས་བུ་མཆོད་པ་དང ། །མཆོད་པ་མེད་ཅིང་གཟི་བརྗིད་ལྡན། །ཤིང་དྲུང་གི་ནི་ཕྱོགས་གཅིག་ན། །བདེ་བྱེད་མཚན་ནི་སྣུམ་བྱེད་ཡོད། །ཤིང་དྲུང་གི་ནི་ཕྱོགས་གཅིག་ན། །ཅི་སྟེ་རྡོ་ལེབ་ཡོད་པ་དང ། །གྲོང་གི་ཕྱོགས་གཅིག་མ་མོ་ཡིས། །གནས་ཡོད་མཆོད་པ་མེད་པ་དང ། །ཁྲོན་པའི་ཕྱེགས་གཅིག་སངས་རྒྱས་གཟུགས། །ཅི་སྟེ་ཁྲོན་པའི་ཕྱོགས་གཅིག་ན། །བདེ་བྱེད་མཚན་མ་སྟེགས་བུར་བཅས། །རྟག་ཏུ་སྣུམ་པ་གནས་པ་དང ། །ཁྲོན་པ་ཡི་ནི་ཕྱོགས་གཅིག་ན། །རྡོ་
Ma25a
༄#། །ལེབ་མིང་དང་ལྡན་པ་ཡོད། །ཞིང་གི་ཕྱོགས་གཅིག་ཀླུ་རྣམས་ཀྱིས། །མཆོད་ཅིང་སྟེགས་བུར་བཅས་པ་དང ། །རྟག་ཏུ་སྣུམ་དང་ལྡན་པ་ཡོད། །ཞིང་གི་དབུས་སུ་གང་དག་ན། །རྡོ་ཡི་ཕུང་པོ་ཆེན་པོ་ཡོད། །དེ་ན་ཁུང་གི་སྒོ་ཡང་ཡོད། །ཞིང་དག་གི་ནི་དབུས་རྣམས་ན། །རྡོ་ལེབ་ཟུར་གསུམ་ཡོད་པ་དང ། །རྫིང་བུ་དག་གི་འགྲམ་དག་ན། །མ་མོ་རྣམས་ཀྱི་གནས་ཡོད་པ། །མཆོད་པ་མེད་ཅིང་གཟི་བྱིན་ལྡན། །མཆོད་དུ་ཟིན་ཀྱང་གཟི་མེད་ན། །ངེས་པར་དེ་ན་ནོར་ཡོད་དོ། །གྲོང་གི་ཕྱོགས་གཅིག་སླར་སོང་ནས། །ར་དང་རྨིག་པས་རྐོ་བར་བྱེད། །ཁང་པ་བརྩེགས་པའི་ཁ་དག་ནས། །བྱ་རོག་ཐུར་དུ་ལྟ་བཞིན་དུ། །རྟག་ཏུ་སྐད་ཀྱང་འབྱིན་པར་བྱེད། །རྫིང་བུ་ཡི་ནི་འགྲམ་དག་ན། །ཅི་སྟེ་གནོད་སྦྱིན་གཟུགས་ཡོད་དང ། །ཆུ་ཀླུང་འགྲམ་ན་སངས་རྒྱས་གཟུགས། །དབང་ཕྱུག་ཆེ་དང་ལྷན་ཅིག་གནས། །གྲོང་དང་གྲོང་གི་ཕྱོགས་གཅིག་ན། །ས་འབིགས་ཞེས་བྱ་རྡོ་ལེབ་ཡོད། །གྲོང་རྣམས་ཀྱི་ནི་དབུས་དག་ན། །སྟེགས་བུ་མེད་པའི་མཆོད་ཤིང་ཡོད། །ཀླུ་ཡི་མཆོད་ཤིང་སྟེགས་བུ་དང ། །ལྷན་ཅིག་ན་ནི་གནས་པ་ཡོད། །དེ་དག་གི་ནི་ལྷོ་ཕྱོགས་ན། །གྲོག་མཁར་ཕུང་པོ་ཆེན་པོ་ཡོད། །གྲོང་ངམ་ཡང་ན་དགོན་པ་ན། །མ་མོའི་གནས་ནི་མཆོད་པ་མེད། །སངས་རྒྱས་གཟུགས་དང་ཉི་མའི་གཟུགས།།
Ma25b
ཅི་སྟེ་དེ་དག་གཡོན་ཕྱོགས་ན། །གང་ལ་ཉི་མའི་གཟུགས་ཡོད་ལ། །ཀླུ་དག་དང་ནི་ལྷན་ཅིག་གནས། །ཞིང་དབུས་རྡོ་ཕུང་ཆེན་པོ་ཡོད། །གྲོག་མཁར་དང་ཡང་ལྷན་ཅིག་གནས།། ས་གཞི་དག་ཀྱང་དུད་པར་འཐུལ། །རྩཝ་ཡང་རྙིང་པར་འགྱུར་བ་སྟེ། །རྟག་ཏུ་ཡང་ནི་གཟི་བྱིན་ལྡན། །ཆུ་ཡང་ཤིན་ཏུ་སྐམ་པར་འགྱུར། །ཆུ་དོགས་ཕ་གུ་ཕུང་ཆེན་ཡོད། །ས་དགེ་ཀྱང་ནི་བྱེ་མ་འདྲ། །ཁང་པ་བརྩིགས་པའི་ཕྱོགས་གཅིག་ན། །རྟག་ཏུ་དུད་པ་འདྲ་བར་འཐུལ། །གྲོང་ངམ་ཡང་ན་དགོན་པའམ། །ཞིང་ངམ་ཡང་ནི་ཁྱིམ་དག་ན། །ཁྲ་དང་ཕུག་རོན་ལྷན་ཅིག་ཏུ། །གང་ན་ཤིན་ཏུ་མཛའ་བར་འགྱུར། །གྲང་ངམ་ཚ་འམ་བཀྲེས་པའམ། །སྐོམ་པ་ཡིས་ནི་གཟིར་བཞིན་དུ། །དེ་ལྟར་དུས་ནི་ཐམས་ཅད་དུ། །ཕྱོགས་གཅིག་ཏུ་ནི་དགའ་བར་འཛིན། །ཞིང་དག་གི་ནི་དབུས་དག་ཏུ། །རྡོ་ལེབ་མིང་དང་ལྡན་པ་ཡོད། །ཤིང་རྣམས་གང་ལ་བ་ལང་རྫི། །བྲུ་བས་གཟིར་ཞིང་སྐོམ་པས་གཟིར། །རྟོག་ཏུ་འཛེག་ཅིང་རྩེ་པ་དང ། །སྡུག་བསྔལ་དེ་བཞིན་རབ་བདེར་འཛིན། །དུས་ཀུན་ཏུ་ནི་བ་ལང་རྫི། །གང་དུ་དེ་བཞིན་རྩེ་བྱེད་ཅིང ། །གྲང་ཞིང་གྲང་བ་མེད་པར་འཛིན། །དེ་བཞིན་དུ་ནི་སྐྱོ་བ་མེད། །པདྨའི་སྡོང་བུ་གཅིག་པ་ལ། །པདྨ་ལ་ནི་པདྨ་སྐྱེས། །དེ་བཞིན་ཨུཏྤལ་ཀུ་མུ་ད། །ཅི་སྟེ་ཁ་དོག་ངན་པོར་འགྱུར། །དྲི་ཡང་ཞིམ་པོར་མི་འགྱུར་བར། །འདབ་མ་དག་ཀྱང་འཁུམས་པ་
Ma26a
༄#། །དང ། །གང་ལ་འབྲས་བུ་མི་ཆགས་པ། །དེ་ལ་པདྨ་ཀུ་མུད། །བ་གཅིན་དང་ནི་རྟ་གཅིན་དང ། །རྡོ་ཐལ་རྣམས་དང་ལྷན་ཅིག་སྦྱར། །དེ་དང་དེ་ཡི་མེ་ཏོག་དང ། །ཆུ་རྣམས་ལ་ནི་གཏོར་བྱས་ན། །གང་ན་གཏེར་དེ་གནས་པ་ཡི། །ས་ཕྱོགས་དེ་དང་ཆུ་རྣམས་དང ། །མེ་ཏོག་སྔོན་པོ་དམར་པོར་འགྱུར། །རྟག་ཏུ་ས་ཕྱོགས་གང་དག་ན། །ཆུ་ནི་ཁྱོར་གང་ཙམ་ཡོད་ལ། །ས་གཞི་དེ་ཡང་དྲོ་བ་དང ། །ཁང་པ་བརྩེགས་པ་གང་དག་ལ། །རྡོ་ཐལ་སྔོན་པོར་འདུག་པ་དང ། །བྱི་རུ་ལྟ་བུར་མདོག་དམར་ཞིང ། །བར་བར་དུ་ནི་གནས་པ་དང ། །ཡང་ན་རབ་ཏུ་མདོག་སྔོ་ཞིང ། །ཕུག་རོན་མདོག་ལྟར་འདུག་ཀྱང་རུང ། །དེ་བཞིན་རོ་ནི་ཁ་བ་དང ། །གང་ན་གཟུགས་ནི་མདོག་སྣུམ་ཞིང ། །བཀྲུས་ཀྱང་ཤིང་དུ་སྐམ་པ་ཡོད། །དེ་བཞིན་དྲི་དང་མེ་ཏོག་ཕྲེང ། །དེ་ནི་སྙིང་པོར་ལྡན་པ་སྟེ། །ཡན་ལག་འབྲུ་མར་བསྐུས་པ་ལ། །མི་ཡི་ལྕེ་ཡིས་བལྡགས་བྱས་ན། །མྱུར་དུ་ཡལ་བར་འགྱུར་བ་དང ། །གང་ན་རྡོ་རྗེའི་གཟུགས་ཡོད་པ། །ཐུར་དུ་ཡང་ནི་ལྟ་བར་བྱེད། །ཕྱོགས་གཅིག་ན་ནི་ལྷ་གཞན་གྱི། །ཤིང་དམ་ཡང་ན་རྡོ་གཟུགས་ཡོད། །མགོ་ལ་རྫ་ཐོགས་ཅི་སྟེ་སྣང ། །རྫིང་བུ་འགྲམ་གྱི་གནས་དག་ན། །ནོར་ལྷ་ཡི་ནི་པུ་ཡི་གཟུགས། །ནུབ་ཕྱོགས་ཕྱོགས་པ་དེ་འདུག་བཞིན། །ཤར་ཕྱོགས་ལོགས་སུ་ལྟ་བ་དང ། །རྫིང་བུའི་འགྲམ་ན་མ་མོ་གནས།།
Ma26b
ནུབ་ཕྱོགས་ཕྱོགས་པ་དེ་འདུག་བཞིན། །ཤར་ཕྱོགས་ལོགས་སུ་ལྟ་བ་དང ། །ཁྲོན་པོའི་ཕྱོགས་གཅིག་སངས་རྒྱས་གཟུགས། །ཅི་སྟེ་དུར་ཁྲོད་གནས་དག་ན། །སངས་རྒྱས་གཟུགས་འདྲ་སྣང་བ་དང ། །ཆུ་མེད་ཕྱོགས་ན་སྦྲུལ་གཟུགས་དང ། །གང་ན་མི་རོ་མགོ་མེད་འདྲ། །རྡོ་འམ་ཡང་ན་ཤིང་ལ་བྱས། །ལམ་གྱི་བཞི་མདོ་གང་དག་ན། །ཅི་སྟེ་དབང་པོའི་གཟུགས་སྣང་ཞིང ། །སྒྲ་ཆེན་ལ་ནི་ཞོན་བཞིན་དུ། །བུམ་པ་མགོ་ལ་ཐོགས་ནས་ཀྱང ། །ཐུར་དུ་ལྟ་བ་ཡོད་པ་དང ། །མིག་རྣམས་ཡོངས་ཀྱི་མི་གནས་པའི། །ཤིང་མེད་པ་ཡི་གནས་དག་ན། །མ་མོ་དག་ཀྱང་གནས་འགྱུར་ལ། །མཚན་ནི་ཐུར་དུ་ལྟ་བ་དང ། །ཤིང་གི་ཚལ་ནི་གང་དག་ན། །ཅི་སྟེ་གླང་ཆེན་གཟུགས་ཡོད་དང ། །གྲོང་ནས་ཀྱང་ནི་རྒྱང་རིང་བ། །གང་ན་ཕག་གི་གཟུགས་ཡོད་པ། །རྡོའམ་ཡང་ན་ཤིང་ལས་བྱས། །ཤིང་གི་ཚལ་གྱི་དབུས་དག་དང ། །ཤིང་མཚམས་བར་ལ་སོགས་པ་ན། །དབང་ཕྱུག་གི་ནི་གཟུགས་ཡོད་དེ། །དེ་ནི་རྟག་ཏུ་ཐུར་དུ་ལྟ། །ཁྲོན་པའི་ཕྱོགས་གཅིག་གནོད་སྦྱིན་གནས། །གཟུགས་བརྙན་སྟེགས་བུར་བཅས་པ་སྟེ། །གང་ན་ཀླུ་དང་གནོད་སྦྱིན་དང ། །ཡང་ན་གཏུམ་པོའམ་བརྒྱ་བྱིན་གྱི། །ཤ་ཚུགས་འདྲ་ལ་ཤིང་རིང་ཐོགས། །གང་ན་གླང་གི་གཟུགས་ཡོད་དང ། །གླང་གི་གཟུགས་ནི་ཤིང་ལས་བྱས། །ཡང་ན་ས་ལས་བྱས་པ་ཡོད། །ཤིང་གི་ཚུལ་གྱི་ཕྱི་རོལ་ན། །གང་ན་ཀླུ་ཡི་རྡོ་གཟུགས་ཡོད།།
Ma27a
༄#། །ལམ་གྱི་བཞི་མདོ་གང་དག་ན། །ཀླུ་ནི་གཅིག་པུ་གནས་པ་ལ། །ཤིང་རྣམས་ཀྱིས་ཀྱང་བསྐོར་བ་སྟེ། །མི་རྣམས་མེད་པའི་ས་ཕྱོགས་བཟང ། །ཆུ་མེད་པ་ཡི་དགོན་པ་ན། །ཀླུ་ཡི་མཆོད་ཤིང་ཁ་བྲག་བཞི། །དུར་ཁྲོད་ན་ནི་སྦྲུལ་འདྲའི་ཤིང ། །ཡོད་ན་ཀླུ་ཡི་མཆོད་ཤིང་ཡོད། །དུར་ཁྲོད་དེ་ན་ཤིང་ཡོད་པ། །ཀླུ་ཤིང་དག་གིས་ཀུན་ནས་བསྐོར།། དུར་ཁྲོད་གང་ན་ཁྱི་དང་ནི། །ཡང་ན་ཝ་ནི་རྟག་ཏུ་གནས། །གྲོག་མཁར་བ་ཡི་དུས་ཀུན་དུ། །ཝ་རྣམས་སྣང་བ་ཡོད་པ་དང ། །དགུན་ཞིང་གྲོང་གི་ཕྱི་རོལ་དུ། །ཕྱུགས་ནི་རྟག་ཏུ་ཉལ་བར་བྱེད། །ཕག་གམ་ཡང་ན་ཁྱི་ཡང་རུང ། །སོང་ནས་རྟག་ཏུ་ལྟ་བ་དང ། །རྐང་ལག་དག་གིས་འབྲུ་བར་བྱེད། །བྱ་རོག་ས་ལ་འདུག་ནས་ནི། །རྟག་ཏུ་ཐུར་དུ་ལྟ་བར་བྱེད།། གྲོག་མཁར་གྱི་ནི་ཕྱོགས་གཅིག་ན། །གང་དུ་བྱ་རོག་མཆུ་དག་གིས། །རྟག་ཏུ་རྐོ་བར་བྱེད་པ་དང ། །ས་ནི་རྟག་ཏུ་དུད་པར་འཐུལ། །གང་ན་ས་ནི་དཀར་པོར་སྣང ། །དབྱར་ཞིང་སྐམ་ལ་རྩུབ་པ་དང ། །རྟག་ཏུ་ཡང་ནི་དུད་པར་འཐུལ། །གཙང་མའི་གནས་ནི་གང་དག་ན། །རྟག་ཏུ་མི་གཙང་སྣང་བ་དང ། །ཉི་མ་ནུབ་ཀ་དག་ཏུ་ཡང ། །དུད་པ་མེད་པར་དུད་འདྲ་སྣང ། །དབྱར་ཞིང་དྲ་བས་ཁེབས་འགྱུར་ལ། །ཁོར་ཁོར་ཡུག་གས་པ་དང ། །རྟག་ཏུ་ཡང་ནི་རབ་ཏུ་འབར། །ཤིང་དྲུང་གང་ན་རྟག་འབར་དང ། །གེལ་བ་འཁྲི་ཤིང་མེད་པ་ལ།།
Ma27b
དབྱར་ཞིང་ཐོག་ཏོག་འབར་བ་དང ། །རྟག་ཏུ་ཚཝ་སྒོ་གང་དག་ན། །ས་ནི་འཁོར་ལོ་ག་ཤོལ་དག་གིས། །ཁེབས་པར་སྣང་བ་ཡོད་པ་དང ། །གྲང་བའི་དུས་ན་དྲོ་བ་དང ། །དྲོ་བའི་དུས་ནི་གྲང་བ་དང ། །གཞན་དག་གིས་ནི་མ་འདྲེས་པའི། །ཤིང་གི་ཚལ་གྱི་དབུས་དག་ན། །མི་ཡི་ཐོད་པ་ཁུང་ཆེན་ཡོད། ། ནི་ན་ཛ་བྱི་ཛ་ན་ཀནྟེ། །ཤིང་མེད་གནས་ན་གཏེར་ཡོད་དོ། ། ཁང་པ་དོག་པ་དག་ན་ཡང ། །བྲག་ཅའི་སྒྲ་ནི་ཡོད་པ་དང ། །མེ་ཏོག་མེད་ཅིང་འབྲས་བུར་ལྡན། །འབྲས་བུ་ལ་ཡང་མེ་ཏོག་ཆགས། །ཤིང་གང་འབྲས་ལས་འབྲས་བུ་འབྱུང ། །མེ་ཏོག་ལས་ཀྱང་མེ་ཏོག་སྐྱེས། །དཀྱིལ་འཁོར་བཞི་དང་འདྲ་བ་ཡི། །ས་ནི་རབ་ཏུ་འབར་བ་ཡོད། །གང་ན་ཡལ་ག་གཅིག་བུ་ལས། །འབྲས་བུ་འབྱུང་གི་གཞན་ལས་མིན། །ལོ་མ་མེད་པའི་ཡལ་ག་ལས། །མེ་ཏོག་གང་ནས་འབྱུང་བ་ཡོད། །ཉིན་བར་ལོ་མ་འཁུམ་འགྱུར་ཞིང ། །མཚན་མོ་འདུ་བར་འགྱུར་བ་དང ། །ཤིང་གཉིས་རྩེ་མོའི་ཡལ་ག་དང ། །རབ་ཏུ་འདུ་བར་འགྱུར་བ་ཡང ། །རྫིང་གི་འགྲམ་ན་སྟོབས་བཟང་གཟུགས། །ཤར་ཕྱོགས་སུ་ནི་ཁ་ལྟ་ཞིང ། །སྲེད་མེད་བུ་ཡང་ལྷོ་ཕྱོགས་འདུག་།ཅི་སྟེ་རྫིང་གི་འགྲམ་དག་ན། །སངས་རྒྱས་སྐུ་གཟུགས་ཡོད་པ་དང ། །ཀུན་དགའ་ར་བའི་ཕྱོགས་གཅིག་ན། །ཅི་སྟེ་གནོད་སྦྱིན་གཟུགས་ཡོད་དང ། །སྐུ་བ་ཡི་ནི་ལོ་མ་རྣམས། །ཕུར་མར་ཆགས་ཤིང་བུ་གུ་ཡོད། །ཅི་སྟེ་ཞིང་གི་དབུས་དག་ན།།
Ma28a
༄#། །ཀླུ་ཡི་གཟུགས་དང་སྐུ་ལ་ཀ་།ཡང་ན་བདེ་བྱེད་མཚན་ཡོད་དང ། །ཅི་སྟེ་ཞིང་གི་དབུས་དག་ན། །ཁྲོན་པ་འགའ་ཞིག་ཡོད་པ་དང ། །བདེ་བྱེད་གནས་ཀྱི་སྟེགས་བུ་ཡི། །ཕྱོགས་གཅིག་ན་ནི་གཟུགས་གཞན་ཡོད། །ལམ་གྱི་བཞི་མདོའི་ཤིང་དྲུང་ན། །ཅི་སྟེ་ཁྲོན་པ་ཡོད་པ་དང ། །དུར་བ་དཀར་པོའི་ཕྱོགས་བཞི་ནས། །རྩཝ་རྣམས་ཀྱིས་ཀྱང་བསྐོར་བ་དང ། །ཤིང་ལ་ཅི་སྟེ་གཟུགས་ཡོད་དང ། །ས་ལ་སྦྲང་མས་རྟག་ཏུ་བསྐོར། །ས་ཕྱོགས་བཟང་པོར་དབྱར་གྱི་དུས། །སྲིན་ཕྱིས་ཕུང་པོ་སྣང་བ་ཡོད། །རྟགས་འདི་རྣམས་ལས་གཏེར་རྣམས་ཀྱི། །མཚན་མ་དག་ནི་བརྟགས་བྱས་ཏེ། །འབྱུང་བ་དག་ནི་ངས་བཤད་ཟིན། །དེ་ནས་བླུག་པར་བྱ་པའི་སྨན། །གང་དག་གི་ནི་རྟོགས་གྱུར་ནས། །རྟག་ཏུ་ཐེ་ཚོམ་མེད་འགྱུར་པའི། །བླུག་སྨན་ཆོ་ག་མཉན་པར་གྱིས། །འབྲས་ཅན་ཞོས་སྦྱར་ཏིལ་ཕྱེ་དང ། །ཀུཉྫ་ར་ཡི་མེ་ཏོག་རྣམས། །མ་ཧེའི་འོ་མས་སྦྱར་བར་བྱ། །སྣ་མའི་མེ་ཏོག་བཏགས་པར་བྱ། །ཀཱ་ར་བཱི་རའི་མེ་ཏོག་རྣམས། །མ་ཧེའི་འོ་མ་བ་གཅིན་སྦྱར། །སྲན་ཆུང་ཏིལ་དང་ལྷན་ཅིག་ཏུ། །ཆུ་ཡིས་སུ་ནི་བཏགས་པར་བྱ། །ཀུན་དའི་མེ་ཏོག་བླངས་བྱས་ལ། །འོ་མ་ཙནྡན་དག་དང་སྦྱར། །ིནྡྲ་པྲིཀྵའི་ལོ་མ་རྣམས། །ཞོ་ག་ཆུ་དང་བཏགས་པར་བྱ། །ཉ་ལྕིབས་ས་ནི་བླངས་ནས་ཀྱང ། །ཆུ་དང་ལྷན་ཅིག་བཏགས་པར་
Ma28b
བྱ། །ཀུན་དའི་མེ་ཏོག་མ་བྱེ་བ། །བླངས་ནས་འོ་མས་སྦྱར་བར་བྱ། །རྒ་དམར་པོའི་ལོ་མ་རྣམས། །འོ་མ་ཡིས་ནི་སྦྱར་བར་བྱ། ། ཤ་ན་ནི་ཞོ་དང་སྦྱར། །མཁས་པས་བླུག་སྨན་དེ་བྱས་ལ། །རང་བཞིན་གྱུར་པར་རྟོགས་ནས་ནི། །ནོར་ཡོད་པར་ནི་བསྟན་པ་ཡིན། །གཞན་དག་ཀྱང་ནི་བཤད་བྱ་སྟེ། །མ་བསྲེགས་པ་ཡི་ཁམ་ཕོར་དག་།འབྲས་ཕྱེ་འདག་གུས་བསྐུས་བྱས་ལ། །མཛུབ་གང་བརྐོས་ནས་གཞག་པར་བྱ། །རང་བཞིན་གཞན་དུ་གྱུར་ན་ནི། །ནོར་རྣམས་ཡོད་པར་ཤེས་པར་བྱ། །ཡུངས་ཀར་ཨ་དའི་མེ་ཏོག་རྣམས། །གོང་བུ་དག་ཏུ་བརྫིས་ནས་ནི། །རང་བཞིན་གྱུར་ན་ནོར་ཡོད་དོ། །འབྲས་རྣམས་ཏིལ་དང་ལྷན་ཅིག་ཏུ། །ཞོ་དང་སྦྱར་ཏེ་གོང་བུར་བྱས། །ཁམ་ཕོར་ཁ་སྦྱར་ནང་བཅུག་ལ། །མཛུབ་གང་བརྐོས་པའི་འོག་ཏུ་གཞག་རང་བཞིན་གྱུར་ན་ནོར་ཡོད་དོ། །དགུན་སྨད་དུས་སུ་དུས་རྣམས་ནི། །མར་གྱིས་བཀང་སྟེ་བརྐེས་ནས་གཞག་།ཞུ་བར་གྱུར་ན་ནོར་ཡོད་དོ། །ལྷ་རྣམས་སེམས་ཅན་དོན་གྱི་ཕྱིར། །བླུག་སྨན་དམ་པའི་ཆོ་ག་རྣམས། །བདག་གིས་སུ་ནི་བཤད་པ་ཡིན། །སེམས་ཅན་རྣམས་ལ་ཕན་གདགས་ཕྱིར། །མིག་སྨན་གང་གིས་མིག་བསྐུས་ན། །ས་ལ་གཏེར་ཀུན་མཐོང་འགྱུར་བའི། །མིག་སྨན་རྣམས་ཀྱང་བཤད་པར་བྱ། །འུག་པའི་མཆི་མ་ཟག་པ་ཡིས། །ལིག་བུ་མིག་ནི་བསྒོས་ནས་ཀྱང ། །ལྡོང་རོས་དག་དང་ལྷན་ཅིག་ཏུ། །བློ་ཅན་གྱིས་ནི་མིག་ཀྱང་བསྐུ།།
Ma29a
༄#། །ལྡོང་རོས་དང་ནི་ཤིང་མངར་དང ། །གིའུ་ཝང་དང་ནི་འུག་པ་ཡི། །མིག་རྣམས་ལྷན་ཅིག་སྦྱར་བྱས་ལ། །བློ་ལྡན་གྱིས་ནི་མིག་ཀྱང་བསྐུ། །ར་ཡི་གཅིན་དང་དེ་བཞིན་དུ། །བྱི་ལྷ་ཡི་ནི་གཅིན་བླངས་ལ། །འུག་པའི་མིག་དང་ལྷན་ཅིག་ཏུ། །དུད་པ་བཀག་སྟེ་བསྲེག་པར་བྱ། །ལིག་བུ་མིག་དང་སྦྱར་བྱས་ལ། །བློ་ལྡན་གྱིས་ནི་མིག་ཀྱང་བསྐུ།། རྡུལ་བྱེའུ་རང་ནི་ཤི་བ་ཡི། །ཁོང་དུ་ལིག་བུ་མིག་བཅུག་ལ། །དུད་པ་བཀག་སྟེ་བསྲེགས་པ་ནི། །མིག་སྨན་རབ་ཏུ་བཟང་བ་ཡིན། །འཇོན་མོའི་མགོ་བོའི་ནང་དག་ཏུ། །ལིག་བུ་མིག་ནི་བཅུག་ནས་ཀྱང ། །དུད་པ་བཀག་སྟེ་བསྲེགས་ན་ནི། །མིག་སྨན་རབ་ཏུ་བཟང་བ་ཡིན། །ནེའུ་ལེའི་མགོ་བོ་བླངས་ནས་ནི། །དེ་ཡི་ནང་དུ་ལྡོང་རོས་གཞུག་།དུད་པ་བཀག་སྟེ་བསྲེགས་པ་ནི། །མིག་སྨན་རབ་ཏུ་བཟང་བ་ཡིན། །མཐིང་རིལ་སྒོ་ང་བྱ་གག་སྒོང ། །དེ་བཞིན་སྦྲུལ་མགོ་དེ་དག་རྣམས། །དུད་པ་བཀག་སྟེ་བསྲེགས་པ་ནི། །མིག་སྨན་རབ་ཏུ་བཟང་བ་ཡིན། །ན་མ་ཀ་རི་སྦྲུལ་མགོ་དང ། །ལིག་བུ་མིག་དང་སྦྱར་བྱས་ནས། །དུད་པ་བཀག་སྟེ་བསྲེགས་པ་ནི། །མིག་སྨན་རབ་ཏུ་བཟང་བ་ཡིན། །རང་ཤི་བ་ཡི་སྦྲུལ་དག་གི་།ཁོང་དུ་ལིག་བུ་མིག་བཅུག་ལ། །ལྡོང་རོས་དང་ནི་ལྷན་ཅིག་ཏུ། །དུད་པ་བཀག་སྟེ་བསྲེག་པར་བྱ། །མིག་སྨན་རབ་ཏུ་བཟང་བ་ཡིན། །ན་མ་སྐ་རི་གིའུ་ཝང་དང ། །འུག་པ་ཡི་ནི་མིག་རྣམས་
Ma29b
དང ། །འཇོན་མོའི་མགོ་དང་ཆ་མཉམ་པར། །དུད་པ་བཀག་སྟེ་བསྲེག་པར་བྱ། །ལུང་བོང་གི་ནི་མིག་གཉིས་དང ། །དེ་བཞིན་བྱི་བའི་མིག་གཉིས་དང ། །བྱ་རྒོད་མགོ་དང་ལྷན་ཅིག་ཏུ།། དུད་པ་བཀག་སྟེ་བསྲེགས་པ་ནི། །མིག་སྨན་རབ་ཏུ་བཟང་བ་ཡིན། །སྤྲེའུ་ཡི་མཇུག་མ་དག་དང་ནི། །དེ་བཞིན་འཇོན་མོའི་མིག་གཉིས་དང ། །སྦྲུལ་གྱི་མགོ་དང་ལྷན་ཅིག་ཏུ། །དུད་པ་བཀག་སྟེ་བསྲེགས་པ་ནི། །མིག་སྨན་ཀུན་གྱི་མཆོག་ཡིན་ནོ། །སེམས་ཅན་རྣམས་ཀྱི་དོན་གྱི་ཕྱིར། །མིག་སྨན་གྱི་ནི་སྦྱོར་བ་མཆོག་།ལྷ་རྣམས་དག་གིས་བཤད་པ་ཡིན། །མིག་སྨན་རྣམས་དང ། །བླུག་སྨན་རྣམས་ལ་ནི། ཉེ་བའི་སྙིང་པོ་སྦྱར་བར་བྱའོ། །གཏེར་གྱི་ལས་ཐམས་ཅད་ནི། རིག་སྔགས་ཀྱི་རྒྱལ་པོས་བྱའོ། །ཉེ་བའི་སྙིང་པོའི་ལས་རྫོགས་སོ།། །། ངས་སྔར་བཤད་པའི་ཕོ་ཉ་མོ་གང་ཡིན་པ་ཐམས་ཅད་ཀྱི་ཕོ་ཉ་མོའི་ལས་བཤད་པར་བྱའོ། །ལྷ་རྣམས། རིག་སྔགས་ཆེན་མོ་སྟོབས་ཆེན་མོ་སྟོབས་ཆེན་མོའི་འཕྲུལ་གྱི་རིག་སྔགས་དེ་དག་གི་རིག་སྔགས་ཀྱི་ཆོ་གའི་ལས་ཀྱང་བཤད་པར་བྱའོ། །དེ་ལ་ཕོ་ཉ་མོ་ཐམས་ཅད་ཀྱི་ལས་ནི། འདི་ཡིན་ཏེ། ལོངས་སྤྱོད་ཀྱི་གཞི་སྒྲུབ་པར་འདོད་པས་ཞག་གསུམ་སྨྱུང་བ་བྱས་ལ་འཕགས་པ་ལག་ན་རྡོ་རྗེའི་མདུན་དུ་ལྷ་བཤོས་སྣ་ཚོགས་སུ་ཕུལ་ནས་མཆོད་པ་བྱས་ཏེ་པྲི་ཡང་ཀུའི་ཤིང་གིས་མེ་སྦར་ལ་པྲི་ཡང་ཀུ་དང ། གིའུ་ཝང་དང ། རིལ་བུ་སྟོང་རྩ་
Ma30a
༄#། །བརྒྱད་སྦྱིན་སྲེག་བྱས་ན། ཞག་བདུན་གྱི་ཐ་མར་ལོངས་སྤྱོད་ཀྱི་གཞི་འཐོབ་པར་འགྱུར་རོ། །མར་གྱི་ངོ་ཞག་བཅུ་བཞི་ལ་མཆོད་སྦྱིན་བྱས་པའི་མཆོད་སྡོང་བླངས་ནས་མི་རོ་བསྲེག་ན། རིག་སྔགས་ཀྱི་སྙིང་པོ་དང་ལྡན་པར་བཟླས་བརྗོད་བྱེད་བཞིན་དུ་མདག་མ་བླངས་ལ། བླངས་པ་དེ་སྤྱན་གྱི་སྔགས་བཟླས་བརྗོད་བྱེད་བཞིན་དུ་ཕུག་རོན་གྱི་ཁུང་དུ་ཤི་བར་བྱས་ཏེ་ཕྱི་མའི་མར་གྱི་ངོ་ཞག་བཅུ་བཞི་ལ་ལྷ་ཆེན་པོའི་གནས་སུ་སོང་ནས་ལོག་འདྲེན་གྱི་སྔགས་ཀྱིས་གཏོར་མའི་ཆོ་ག་ཐམས་ཅད་བྱས་ལ། ཞག་གཅིག་སྨྱུང་བ་བྱས་ཏེ་ལྡུམ་བུ་སོ་མའི་འདབ་མ་བདུན་བླངས་པའི་སྟེང་དུ་སོལ་བ་བཞག་ནས་གཟུགས་ཀྱི་ལྷོ་ཕྱོགས་སུ་རིག་སྔགས་བཟླས་བརྗོད་བྱ་སྟེ། དུད་པ་འཐུལ་བའི་བར་དུ་བཟླས་བརྗོད་བྱས་ལ།་དེ་བྲངས་ནས་ནང་པར་བྲམ་ཟེ་རྣམས་དང ། དགེ་སློང་གི་དགེ་འདུན་ལ་མཆོད་སྟོན་བྱས་ལ་དེ་ནས་སྦྱར་བར་བྱ་སྟེ། ཐིག་ལེ་བྱས་ན་ལུས་མི་སྣང་བར་འགྱུར་ཞིང་ཚེ་ལོ་ལྔ་བརྒྱ་ཐུབ་ལ། ཕོ་ཉ་མོ་ཐམས་ཅད་དབང་དུ་འགྱུར་རོ། །ཟས་སུ་འོ་མའི་འདག་གུ་ཟ་ཞིང་ཚེས་གཅིག་ལ་བརྩམས་ཏེ་ཚེས་བདུན་གྱི་བར་དུ་རིག་སྔགས་བཟླས་བརྗོད་བྱས་ནས་ཞག་གཅིག་སྨྱུང་བ་བྱས་ལ་དཀའ་ཟློག་མའི་གནས་སུ་སོང་སྟེ་འབྲས་ཕྱེ་ལས་མདུང་རྩེ་གསུམ་པ་བྱས་པ་བརྒྱ་སྟོང་སྦྱིན་སྲེག་བྱས་ན། ཡུལ་གྲུ་ཐོབ་པར་འགྱུར་རོ། །ཆོ་ག་
Ma30b
འདི་ཉིད་ཀྱིས་མ་མོའི་གནས་སུ་སོང་ལ་མཆོད་པ་བྱས་ཏེ་དབང་ཕྱུག་ཆེན་པོའི་སྔགས་ཀྱི་ལས་ཐམས་ཅད་བྱའོ། །མ་མོའི་གཙོ་བོའི་མདུན་དུ་འབྲས་ཕྱེ་ལས་འཁུར་བ་དཀྲིས་ཤིང་ལྡན་པར་བྱས་\?\་པ་བརྒྱ་སྟོང་སྦྱིན་སྲེག་བྱས་ན། ཡུལ་གྲུ་སྦྱིན་པར་བྱེད་དོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་སྣ་མའི་མེ་ཏོག་ཁ་མ་བྱེ་བ་བརྒྱ་སྟོང་སྦྱིན་སྲེག་བྱས་ན། ཕོ་ཉ་མོ་ཐམས་ཅད་ལས་སོ་ཅོག་བྱེད་པར་འགྱུར་རོ། །རིག་སྔགས་ཀྱི་རྒྱལ་པོ་སྒྲུབ་པའི་ལས་རྣམས་ལ་ནི། ཕོ་ཉ་མོ་རྣམས་སྦྱར་བར་བྱའོ། །ཕོ་ཉ་མོ་རྣམས་ལ་ནི། བདུད་རྩི་ཐབ་སྦྱོར་དང ། དགའ་བྱེད་གདོང་སྦྱར་བར་བྱའོ། །བདུད་རྩི་ཐབ་སྦྱོར་ལ་སོགས་པའི་གསང་སྔགས་ཐམས་ཅད་ལ་ནི།་རིག་སྔགས་ཀྱི་རྒྱལ་པོ་དང་སྤྱན་སྦྱར་བར་བྱའོ། །ཡང་ན་བཅོམ་ལྡན་འདས་མ་ཉི་ཚེ་སྦྱར་བར་བྱའོ། །གདོན་ནོ་ཅོག་དབྱེ་བར་འདོད་ན། མ་ད་ནའི་ཚེར་མ་དུག་དང་ཁྲག་གི་ནང་དུ་སྨྱུགས་པ་བརྒྱ་སྟོང་སྦྱིན་སྲེག་བྱས་ན། འབྱེར་བར་འགྱུར་རོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་་ ་ཏེ་སྨིན་དྲུག་གི་བུའི་གནས་སུ་སོང་ནས་རིག་སྔགས་ལན་བརྒྱད་བརྒྱ་བཟླས་བརྗོད་བྱས་ན། གཞན་གྱི་ཡིད་དུ་འོང་བར་འགྱུར་རོ། །སྐྱེས་པ་དང་བུད་མེད་དབང་དུ་བྱ་བར་འདོད་ན། མར་གྱི་ངོ་ཞག་བཅུ་བཞི་ལ་
Ma31a
༄#། །ཞག་གཅིག་སྨྱུང་བ་བྱས་ཏེ་ལྷ་ཆེན་པོའི་གནས་སུ་སོང་ལ་གཟུགས་ཀྱི་ལྷོ་ཕྱོགས་སུ་སེང་ལྡེང་གི་ཤིང་གིས་མེ་སྦར་ནས་ཡུངས་ཀར་གྱིས་ལན་བརྒྱ་སྟོང་སྦྱིན་སྲེག་བྱས་ན། སྐྱེས་པ་དང་བུད་མེད་དབང་དུ་འགྱུར་རོ། །མར་གྱི་ངོ་ཚེས་བདུན་ལ་རྒྱུ་སྐར་ས་རི་ལ་བབ་པའི་ཚེ་བིལ་བ་ལས་ཤིང་བརྙན་བདུན་སྐྱེས་པ་བླངས་ནས་དུག་མོ་ཡུངས་ཀྱི་ཤིང་དྲུང་ལན་སྟོང་བཟླས་བརྗོད་བྱས་ཏེ་བཙུགས་ན། གྲོང་ཁྱེར་གྱི་མི་ཐམས་ཅད་གཉིད་ལོག་པར་འགྱུར་རོ། །མར་གྱི་ངོ་ཞག་བརྒྱད་ལ་སྤོས་ཀྱི་རེངས་བུ་བླངས་ཏེ་མིའི་ཚིལ་གྱིས་བསྒོས་ནས་མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་ལྷ་ཆེན་པོའི་གནས་སུ་སོང་ནས་མཆོད་པ་རྒྱས་པར་བྱས་ལ་གཟུགས་ཀྱི་ལྷོ་ཕྱོགས་སུ་སྤོས་ཀྱི་འདག་གུས་མདུང་རྩེ་གསུམ་པ་བྲིས་ནས་དེའི་སྟེང་དུ་མིའི་ཐོད་པ་བཞག་པ་ལ་འདུག་སྟེ་ཐོད་པའི་སྣོད་མི་ཚིལ་གྱིས་བཀང་བའི་ནང་དུ་སྤོས་ཀྱི་རེང་བུ་བཞག་པ་ལས་ཐོད་པའི་ནང་དུ་དུད་པ་ཆགས་པར་བྱས་ནས་དེ་བླངས་པ་ལག་ན་རྡོ་རྗེ་དང ། ལྷ་ཆེན་པོ་དང ། གྲོགས་རྣམས་ལ་ཡང་སྐལ་བ་སྦྱིན་ཏེ། དེ་ནས་མིག་གཉིས་བསྐུས་ན། ལུས་མི་སྣང་བར་འགྱུར་ཞིང་འདོད་རྒུར་བསྒྱུར་བའི་གཟུགས་ཅན་སྟོབས་པོ་ཆེ་ཚེ་ལོ་དགུ་བརྒྱ་ཐུབ་པར་འགྱུར་རོ། །གདོན་ལས་ཐར་པར་བྱ་འདོད་ན། ཨ་ཤཝཏྠའི་ཤིང་གིས་མེ་སྦར་ཏེ་
Ma31b
ལན་ཚཝ་དང་སྐེ་ཚེས་ལན་བརྒྱ་སྟོང་སྦྱིན་སྲེག་བྱས་ན་ཆོ་ངེ་བཏོན་ནས་གཏོང་བར་འགྱུར་རོ། །དགུན་ཟླ་ཐ་ཆུང་ཡར་གྱི་ངོ་ཚེས་བཅུ་བཞི་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་ཨརྒའི་ཤིང་གིས་མེ་སྦར་ནས་དྲི་ན་ཤུ་ལེའི་མེ་ཏོག་བརྒྱ་སྟོང་སྦྱིན་སྲེག་བྱས་ན། ཕོ་ཉ་མོ་ཐམས་ཅད་ཀྱིས་དམ་པ་སྦྱིན་པར་འགྱུར་རོ། །ཚོགས་ཀྱི་བདག་པོ་ལྕགས་ཅན་ནི། ཕོ་ཉ་མ་ཐམས་ཅད་ཀྱི་གཞེན་འདེབས་པ་དང ། སྒྲུབ་པ་བྱེད་པར་ངས་བསྐོས་ཏེ། དེ་དྲན་པར་བྱས་ན། ཕོ་ཉ་མོ་ཐམས་ཅད་མདུན་ན་འཁོད་པར་འགྱུར་རོ། །ང་དང་ལྷ་རྣམས་ཀྱི་སྙིང་པོ་ལྟ་བུར་གྱུར་པ། འབྱུང་པོའི་བདག་པོའི་ཆོ་ག་རྒྱས་པ་སྒྲུབ་པ། ཕོ་ཉ་མོ་ཐམས་ཅད་ཀྱི་ཡིད་དང་འཐད་པ། ཚོགས་ཀྱི་བདག་པོ་ལྕགས་ཅན་བཤད་པར་བྱའོ། །ན་མོ་རཏྣ་ཏྲ་ཡ་སྱ། ན་མཤྩཎྜ་བཛྲ་པཱ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ། ཏདྱ་ཐཱ། ར་བ་ར་བ། དྷ་བ་དྷ་བ། མ་ར་མ་ར། བྷཉྫ་བྷཉྫ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། གྲྀཧྞ་གྲྀཧྞ། ཙྪིནྡ་ཙྪིནྡ། བྷིནྡ་བྷིནྡ། ཧ་ན་ལ་ཧ་ཀ་བཛྲ་ཎ་སཝཱཧཱ། ལྕགས་ཅན་སྙིང་ལྟ་བུར་གྱུར་པ། འབྱུང་པོའི་བདག་པོའི་ཆོ་ག་རྒྱས་པར་སྒྲུབ་པ། ཚོགས་ཀྱི་བདག་པོའི་ཕོ་ཉ་མ་ཐམས་ཅད་ཀྱི་ཡིད་དང་འཐད་པ་བཤད་དེ། ན་མོ་བཛྲ་པཱ་ཎ་ཡེ། ན་མ་ཨཱི་ཤཝ་རཱ་ཡ། ན་མོ་ནནད་ཀེ་ཤཝ་རཱ་ཡ། རུ་ལུ་རུ་ལུ། པི་ལ་ཏ་མ་ཏཾ་གི། ཙ་ལ་ལོ་ཧ་ཀ་།དུཥྚ་སཾ་གྲ་ཧ་མི་ནཾ། ཨཱ་བེ་ཤ་ཡ་སཝཱཧཱ། འདི་ནི།
Ma32a
༄#། །ཚོགས་ཀྱི་བདག་པོ་ལྕགས་ཅན་ཕོ་ཉ་མ་རྣམས་ཀྱི་གཞེན་འདེབས་པ་དང ། སྒྲུབ་པར་བྱེད་པ་ཐོགས་པ་མེད་པའི་ལས་ཅན་ནོ། །གདོན་དབབ་པ་ཐམས་ཅད་ལ་ནི།་མེ་ཏོག་གིས་བྱའོ། །ལས་སོ་ཅོག་ལ་ཡང་ཚོགས་ཀྱི་བདག་པོ་ལྕགས་ཅན་བརྗོད་ནས་ལས་ཐམས་ཅད་བྱའོ། །ཞག་གསུམ་སྨྱུང་བ་བྱས་ནས་མར་གྱི་ངོ་ཞག་བརྒྱད་ལ་ལག་ན་རྡོ་རྗེའི་མདུན་དུ་དཀྱིལ་འཁོར་སྐྱང་ནུལ་གྱིས་བྱུགས་ཏེ་དྲི་དང ། མེ་ཏོག་དང ། བདུག་པ་ཕུལ་ནས་བཻ་ཀཾ་ཀ་ཏའི་ཤིང་གིས་མེ་སྦར་ལ་བིལ་བའི་ཡམ་སྲེག་ཤིང་བརྒྱ་སྟོང་སྦྱིན་སྲེག་བྱས། དེའི་འོག་ཏུ་ཚོགས་ཀྱི་བདག་པོ་ལྕགས་ཅན་གྱིས་མཚན་མོ་རྨི་ལམ་དུ་བསྟན་པར་འགྱུར་རོ། །དེ་ནས་ཕོ་ཉ་མ་ཐམས་ཅད་ལས་བྱེད་པར་འགྱུར་རོ། །ཕོ་ཉམ་རྣམས་ཀྱི་ཆོ་ག་རྫོགས་སོ།། །།ལོག་འདྲེན་རྣམས་ཀྱི་རིག་སྔགས་བཤད་པ་གང་ཡིན་པ་དེ་ཉིད་སྙིང་པོའི་མཆོག་ཀྱང་བཤད་པར་བྱ་སྟེ། ན་མོ་བཛྲ་པཱ་ཎི་སྱ། ཨོཾ་བི་ཏི་ཏ་མ་ཏི་སྟེ་ཧ། སྙིང་པོའི་ལས་རྣམས་འབྱུང་སྟེ། སྒྲུབ་པ་ཐམས་ཅད་དང ། ལས་ཐམས་ཅད་ལ་ལས་འདི་ཉིད་བྱ་སྟེ། གུ་གུལ་དང་ནི་ཡུངས་ཀར་དང ། །གིའུ་ཝང་ཤུ་དག་རུ་རྟ་དང ། །སུག་སྨེལ་ཡང་ན་དེ་བཞིན་ཏེ། །སྒྲོན་ཤིང་དང་ནི་ཐང་ཤིང་དང ། །ཙནྡན་དང་ནི་ཨ་ག་རུ། །ཀ་ལེ་ཡ་ཀ་པད་ཏྲ་དང ། །གེ་སར་འདི་རྣམས་ཆ་བསྙམས་ལ། །ཆུ་
Ma32b
དང་ལྷན་ཅིག་བཏགས་པར་བྱ། །གང་ན་སྦྱར་སྨན་འདི་གནས་པ། །དེར་ནི་འཇིགས་པ་མི་འབྱུང་སྟེ། །ཆོམ་རྐུན་མ་ཡིན་མཚོན་རྣམས་མིན། །སྤྲུལ་རྣམས་མ་ཡིན་ལྷ་མིན་མིན།། ལག་ན་རྡོ་རྗེའང་འདིས་བསྐུལ་བས། །ས་སྟེང་དག་ཏུ་རྒྱལ་བར་འགྱུར། །འདི་ཡིས་ལུས་ལ་བསྐུས་པ་ནི། །ལོག་འདྲེན་རྣམས་ལས་ཐར་པར་འགྱུར། །སྦྱར་སྨན་འདི་ནི་བྱས་ནས་ཀྱང ། ། སྒྲུབ་པ་ཐམས་ཅད་བསྒྲུབས་བྱས་ན། །ལོག་འདྲེན་རྣམས་ཀྱིས་མི་ཚུགས་ཏེ། །ལག་ན་རྡོ་རྗེས་བཤད་པ་བཞིན། །ལོག་འདྲེན་རྣམས་ཀྱང་གཞེན་འདེབས་པ། །སྒྲུབ་པ་བྱེད་པར་ནི། འཕགས་པ་ལག་ན་རྡོ་རྗེས་བདུད་རྩི་ཐབ་སྦྱོར་བསྐོས་སོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་ཙནྡན་དམར་པོའི་ཁུ་བས་འཕགས་པ་བདུད་རྩི་ཐབ་སྦྱོར་བྲིའོ། །དེའི་གཡོག་སུམ་ཅུ་རྩ་གཉིས་ཀྱང་ཐལ་བས་བྲིའོ། །དེའི་ལོག་འདྲེན་རྣམས་ལ་གཏོར་མ་སྦྱིན་པར་བྱའོ། །བདུད་རྩི་ཐབ་སྦྱོར་ཡང་ལན་བརྒྱ་བཟླས་བརྗོད་བྱའོ། །དེ་ནས་ལག་ན་རྡོ་རྗེས་བཤད་པ་བཞིན་དུ་ལོག་འདྲེན་རྣམས་འགྲུབ་པར་འགྱུར་རོ། །ལོག་འདྲེན་རྣམས་ཀྱི་ཆོ་ག་རྫོགས་སོ།། །།འཕགས་པ་སྤྱན་རས་གཟིགས་ཀྱི་དབང་ཕྱུག་གིས་རིག་པ་མཆོག་ལས་བཅོམ་ལྡན་འདས་མ་གོས་དཀར་མོ་ཅན་བཤད་པ་གང་ཡིན་པ་དེའི་ཕྱི་མའི་ལས་རྣམས་ངས་བཤད་ཀྱི། ལྷ་རྣམས་ཉོན་ཅིག་།སྒྲུབ་པ་ཐམས་
Ma33a
༄#། །ཅད་ལ་སྲུང་བ་ཡིན་ཏེ། ཆོམ་རྐུན་དང ། སྟག་དང ། སྦྲུལ་དང ། ཆུ་སྲིན་ན་ཀྲ་དང ། མ་ཀ་ར་རྣམས་ལས་གནས་སྲུང་བ་དང ། མཚམས་གཅང་པ་དང ། ཁ་བཅིང་བར་བྱ་བ་རྣམས་ཡིད་ཀྱིས་བྱའོ། །གཏེར་བླང་བ་ནི། གཏེར་གང་ན་ཡོད་པ་དེར་སོང་ལ་སྨྱུང་བར་བྱས་ཏེ་དཀྱིལ་འཁོར་སྐྱང་ནུལ་གྱིས་བྱུགས་ནས་བིལ་བའི་ཤིང་གིས་མེའི་ནང་དུ་ཡུངས་ཀར་མར་དང་སྦྱར་བས་ལན་བརྒྱ་སྟོང་སྦྱིན་སྲེག་བྱས་ན། དེའི་འོག་ཏུ་གཏེར་སྟོན་པར་འགྱུར་ཏེ། དེ་ནས་བླང་བར་བྱའོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་འཕགས་པ་སྤྱན་རས་གཟིགས་དབང་ཕྱུག་གི་མདུན་དུ་མཆོད་པ་བྱས་ནས་སྣ་མའི་མེ་ཏོག་བརྒྱ་སྟོང་ལན་རེ་བཟླས་བརྗོད་བྱས་ཏེ། འཕགས་པ་སྤྱན་རས་གཟིགས་དབང་ཕྱུག་གི་བྲང་དུ་བསྣུན་ལ་བཟླས་བརྗོད་རྫོགས་པའི་ཏིལ་གྱིས་ལན་བརྒྱ་སྟོང་སྦྱིན་སྲེག་བྱས་ན། དངོས་གྲུབ་གྲུབ་པའི་མཚན་མར་འཕགས་པ་སྤྱན་རས་གཟིགས་དབང་ཕྱུག་གི་ཡན་ལག་དང ། ཉིང་ལག་འགུལ་བར་འགྱུར་རོ། །དེ་ནས་གྲུབ་ནས་ཡུལ་གྲུའམ། ཡང་ན་གསེར་སྦྱིན་པར་འགྱུར་རོ། །ཟླ་བ་གཅིག་གི་བར་དུ་སློང་མོའི་ཟས་ཟ་ཞིང་རིག་སྔགས་བཟླས་བརྗོད་བྱས་ལ། དེ་ནས་རིག་སྔགས་འཆང་གིས་ཟླ་བ་ཉ་ལ་ཞག་གཅིག་སྨྱུང་བ་བྱས་ཏེ་རས་མ་ཉམས་པ་ལ་ཚོན་རྩི་སྦྱིན་མེད་པས་འཕགས་པ་སྤྱན་རས་གཟིགས་
Ma33b
དབང་ཕྱུག་འབྲིར་གཞུག་སྟེ་འདམ་བུ་མདའ་རྒྱུའི་མདོག་ཅན་ཐོར་ཚུགས་བྱས་པ། ལག་པ་གཡོན་པ་ན་པདྨ་ཐོགས་པ། གཡས་པ་ན་སྔགས་ཀྱི་ནོར་བུ་ཐོགས་ཏེ། བྲང་ན་དཔལ་གྱི་བེའུ་ཡོད་པ་པདྨ་ལ་བཞུགས་པར་བྱ། གཡས་ཕྱོགས་སུ་བཅོམ་ལྡན་འདས་མ་གོས་དཀར་ཅན་འདམ་བུ་མདའ་རྒྱུའི་མདོག་དང་ལྡན་པ། ཐོར་ཚུགས་བྱས་ཤིང་པདྨའི་ཕྲེང་བས་བརྒྱན་པ་པདྨ་ལ་བཞུགས་ཏེ་ཡིད་ཙམ་གྱིས་འདུད་པར་བྱའོ། །དེ་ནས་རིག་སྔགས་འཆང་སྤྱད་པ་བྱས་པས་མར་གྱི་ངོ་ཞག་ལྔ་ལ་སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་རི་མོའི་སྐུ་གཟུགས་བཀྲམ་སྟེ་མཆོད་པ་རྒྱས་པར་བྱས་ལ་ལྷ་བཤོས་ཀྱང་རྒྱས་པར་དབུལ་ལོ། །རི་མོའི་གཟུགས་ཀྱི་མདུན་དུ་པྲི་ཡང་ཀུའི་ཕྱེ་མ་བརྫིས་པས་གཟུགས་བྱས་ཏེ། སྤྱན་རས་གཟིགས་ཀྱི་གསང་སྔགས་སྙིང་པོ་དང་བཅས་པས་ལན་བརྒྱད་བརྒྱ་བཟླས་བརྗོད་བྱའོ། །དེ་ནས་མཇུག་བརྟུལ་ཏེ་རིག་སྔགས་ཀྱི་རྒྱལ་པོ་བཟླས་བརྗོད་བྱས་པས་མཚམས་རྣམས་གཅད་པར་བྱའོ། །བཅོམ་ལྡན་འདས་མས་ནི། སྟེང་དང་འོག་བཅིང་བར་བྱའོ། །སྟེང་དང་འོག་བཅིང་བ་ན་ལྷོ་ཕྱོགས་སུ་སྐར་མདའ་ལྟུང་བར་འགྱུར་ཏེ། དེ་ནས་དངོས་གྲུབ་འགྲུབ་པའི་མཚན་མར་ཤེས་པར་བྱའོ། །དེ་ནས་རིག་སྔགས་འཆང་གིས་ཡང་ཉེ་རེག་བྱས་ལ་རི་མོའི་གཟུགས་ཀྱི་མདུན་དུ་ཀུ་ཤའི་སྟན་ལ་འདུག་སྟེ་རིག་སྔགས་ལན་བརྒྱ་སྟོང་
Ma34a
༄#། །བཟླས་བརྗོད་བྱས་ན། རི་མོའི་གཟུགས་འགུལ་ཞིང་ས་ཡང་གཡོ་བར་འགྱུར་རོ། །དེ་ནས་འགྲུབ་པར་འགྱུར་ཏེ། བླ་མ་ལ་ཕྱག་བྱས་ནས་རིག་སྔགས་བཟླས་བརྗོད་བྱེད་བཞིན་དུ་གྱེན་དུ་འཕགས་པར་བྱའོ། །འདོད་རྒུར་སྒྱུར་བའི་གཟུགས་ཅན་དུ་འགྱུར་ཞིང ། དཔག་ཚད་སྟོང་གྱེན་དུ་འཕགས་ཤིང ། རྣ་བ་གསང་ཞིང་མིག་རྣོ་བ་དང ། རིག་སྔགས་འཆང་ཐམས་ཅད་ཀྱིས་མི་སོད་པ་དང ། ཚེ་ལོ་དགུ་སྟོང་ཐུབ་པར་འགྱུར་རོ། །ལུས་དང་བྲལ་བའི་འོག་ཏུ་ཡང་བདེ་བ་ཅན་དུ་སྐྱེ་བར་འགྱུར་རོ། །གོས་དཀར་ཅན་གྱི་རིག་སྔགས་ཀྱི་ཆོ་ག་ལ་གཞེན་འདེབས་ཤིང་སྒྲུབ་པར་བྱེད་པའི་གསང་སྔགས་ཆེན་པོ་ཡང་ངས་སྦྱིན་པར་བྱའོ། །ོཾ་ཤྲཱི་པཎྜ་ར་བཱ་སི་ནི། ན་ཛ་ཊཱ་མུ་ཀུ་ཊ་དྷ་ར་ཎེ་སཝཱཧཱ།་ཀ་བེ་ཀ་བེ་ཀ་བེ་ཀི་བི་རི་སཝཱཧཱ། རིག་སྔགས་འདི་ལག་ན་རྡོ་རྗེའི་མདུན་དུ་འཕགས་པ་སྤྱན་རས་གཟིགས་དབང་ཕྱུག་གི་གཟུགས་གཞག་པར་བྱའོ། །དེའི་གཡོན་རོལ་དུ་ནི། གོས་དཀར་ཅན་གཞག་པར་བྱའོ། །དེ་ནས་རིག་སྔགས་འཆང་གིས་ཡར་གྱི་ངོ་ཟླ་བ་ཉ་ལ་ཉིན་མཚན་དུ་སྨྱུང་བ་བྱས་ཏེ་དྲི་དང ། མེ་ཏོག་དང ། བདུག་པ་ལ་སོགས་པས་མཆོད་པ་བྱས་ནས་ཞག་གསུམ་གྱི་བར་དུ་བཟླས་བརྗོད་བྱས་ན། དེ་ནས་གོས་དཀར་ཅན་འགྲུབ་པར་འགྱུར་རོ། །གོས་དཀར་ཅན་གྱི་ཆོ་ག་རྫོགས་སོ།། །།ལྷ་རྣམས། ངས་
Ma34b
འཕགས་པ་སྤྱན་རས་གཟིགས་དབང་ཕྱུག་གི་ལས་རྣམས་བཤད་ཟིན་ཏེ། གཞོན་ནུ་རྡོ་རྗེ་སྡེའི་ཐོགས་པ་མེད་པའི་ལས་རྣམས་ཀྱང་བཤད་པར་བྱའོ། །སྟོན་ཟླ་ར་བ་ཚེས་བརྒྱད་ལ་ཞག་གཅིག་སྨྱུང་བ་བྱས་ཏེ་ལག་ན་རྡོ་རྗེའི་མདུན་དུ་ཀ་ར་བཱི་རའི་མེ་ཏོག་བརྒྱ་སྟོང་ལན་རེ་བཟླས་བརྗོད་བྱས་པས་འཕགས་པ་རྡོ་རྗེ་སྡེ་ལ་བསྣུན་ན་མདུན་དུ་འདུག་པར་འགྱུར་ཏེ། ཕོ་ཉ་མ་རྣམས་ཀྱིས་ལྷའི་ཚོགས་སོ་ཅོག་འགུགས་པར་འགྱུར་ཞིང་དེ་ལ་དངོས་གྲུབ་སྦྱིན་དུ་འཇུག་སྟེ། མངགས་མ་ཐག་ཏུ་ཡིད་ཅི་སེམས་པ་འགྲུབ་པར་འགྱུར་རོ། ། གདོན་རྣམས་ཀྱི་སྙིང་གཞོམ་པར་བྱ་ན། ལན་བདུན་བཟླས་བརྗོད་བྱས་པའི་ཡུངས་ཀར་གྱིས་བྱའོ། །བཅའ་སྒ་ལ་ལན་བདུན་བཟླས་བརྗོད་བྱས་ཏེ་གདོན་ལ་བསྟན་ན། གདོན་གྱི་ལུས་ཚ་བས་འདེབས་པར་འགྱུར་རོ། །ནད་དོ་ཅོག་ལ་ས་ལ་ལན་བདུན་བཟླས་བརྗོད་བྱས་ཏེ་བྱིན་ན། ནད་མེད་པར་འགྱུར་རོ། །གཞོན་ནུ་མཆོག་གི་གཞེན་འདེབས་ཤིང་སྒྲུབ་པར་བྱེད་པའི་སྙིང་པོ་བཤད་ཟིན་ཏོ། དྲག་ཏུ་སྐུལ་བ་གཞན་ཡང་བཤད་པར་བྱའོ། །ན་མོ་བཛྲ་པཱ་ཎི་སྱ། ཨོཾ་ཧུ་ཡུ་ཧུ་ཡུ་སཝཱཧཱ། འཕགས་པ་རྡོ་རྗེ་སྡེའི་སྙིང་པོའོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་ལག་ན་རྡོ་རྗེའི་མདུན་དུ་རྡོ་རྗེའི་སྡེ་བཞག་ནས་མེ་ཏོག་དཀར་པོ་བརྒྱ་སྟོང་སྙིང་པོ་དང་སྦྱར་ཏེ་འཕགས་པ་རྡོ་རྗེ་སྡེ་ལ་བསྣུན་ན། དེ་ནས་འཕགས་པ་རྡོ་རྗེ་སྡེ་
Ma35a
༄#། །འགྲུབ་པར་འགྱུར་ཏེ། དྲག་ཏུ་སྐུལ་བའི་སྙིང་པོ་མཆོག་བཟླས་བརྗོད་བྱས་པ་ཐམས་ཅད་བྱེད་པར་འགྱུར་རོ། །འཕགས་པ་རྡོ་རྗེ་སྡེའི་ཆོ་ག་རྫོགས་སོ།། །། ལྷ་རྣམས། ངས་འཕགས་པ་རྡོ་རྗེ་སྡེའི་ལས་གང་དག་གིས་མྱུར་དུ་མདུན་ན་གནས་པར་འགྱུར་བ་རྣམས་བཤད་ཟིན་ཏེ། འགོང་བར་དགའ་བ། མཐུ་དང་ཕ་རོལ་གནོན་པ་དཔག་ཏུ་མེད་པའི་རྒྱུད་ཕྱི་མ་གང་གིས་རྩེ་བཞིན་དུ་བདེ་བླག་ཏུ་ལས་རྣམས་བྱེད་པ་ཡང་བཤད་པར་བྱའོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་ཨརྐའི་ཤིང་གིས་མེ་སྦར་ནས་ཡུངས་ཀར་མར་དང་སྦྱར་བས་ལན་བརྒྱ་སྟོང་སྦྱིན་སྲེག་བྱས་ན། གཞོན་ནུ་མཆོག་འགྲུབ་པར་འགྱུར་ཏེ། ལས་དེ་གྲུབ་པས་ཆོ་ག་རྒྱས་པ་གཞན་དག་བདེ་བླག་ཏུ་འགྲུབ་པར་འགྱུར་རོ། །རིག་སྔགས་འཆང་རིག་སྔགས་སྒྲུབ་པ་ན། གཞོན་ནུའི་གསང་སྔགས་དྲན་པར་བྱ་སྟེ། དྲན་པ་ཙམ་གྱིས་མྱུར་དུ་མདུན་ན་འདུག་པར་འགྱུར་རོ། །རྩེ་ཞིང་སྒྲུབ་ན་ལྷ་ཐམས་ཅད་གཞོན་ནུ་བལྟ་བའི་ཕྱིར་འོང་བར་འགྱུར་ཏེ། འོངས་ནས་དངོས་གྲུབ་སྦྱིན་པར་བྱེད་དོ།། ཞག་གསུམ་སྨྱུང་བ་བྱས་ཏེ་མར་གྱི་ངོ་ཞག་བཅུ་བཞི་ལ་ལྷ་ཆེན་པོའི་གནས་སམ། ཡང་ན་ཀུན་དགའི་ར་བའམ། ཁང་སྟོང་དུ་སོང་ནས་བེའུ་དཀར་པོ་བླངས་ཏེ་དྲི་དང །
Ma35b
མེ་ཏོག་དང ། བདུག་པས་བརྒྱན་ལ་ཁ་ལྷོ་ཕྱོགས་སུ་བསྟན་ནས་སྦྲང་རྩི་དང ། ་ལམ་བུ་མས་ལག་པ་གཉིས་བསྐུས་ཏེ་རྐང་པ་གཡས་པ་བྱུག་པར་བྱའོ། །རིག་སྔགས་ཀྱང་ལན་བརྒྱ་སྟོང་བཟླས་བརྗོད་བྱས་ཏེ་བེའུ་སྨྲར་གཞུག་གོ་།དེ་སྟེ་སྨྲར་མི་བཏུབ་ན་ཡང་ལན་བརྒྱ་སྟོང་བཟླས་བརྗོད་བྱས་ཏེ། དེ་ནས་སྨྲར་བཅུག་ན། ཅི་བྱ་ཞེས་སྨྲ་བར་འགྱུར་རོ། །དེས་ཀྱང་འདོད་པ་ཐམས་ཅད་སྦྱིན་པར་གྱིས་ཤིག་ཅེས་སྨྲོས་ཤིག་།དེ་ནས་ཡིད་ལ་གང་བསམ་པ་དེ་ཐམས་ཅད་འགྲུབ་པར་འགྱུར་ཏེ། ཚེ་ལ་སྟོང་ཉིས་བརྒྱ་ཐུབ་པར་འགྱུར་རོ། །གཞོན་ནུའི་ལས་རིག་སྔགས་སྒྲུབ་པར་བྱེད་པ་བཤད་ཟིན་ཏོ། །ཅི་སྟེ་རྡོ་རྗེའི་རིགས་སྒྲུབ་པར་འདོད་ན། ལག་ན་རྡོ་རྗེའི་སྲས་གཙུག་ནས་བྱུང་གཏུམ་པ། དྲག་པ། འདུལ་དཀའ་བ་བསྟེན་པར་བྱའོ། །སྒྲུབ་པར་འདོད་པ་གང་ཡིན་པས་ཡུམ་སྙིང་ལ་དྲན་པར་བྱས་ཏེ་སྲས་གཏུམ་པོ་དྲན་པར་བྱའོ། །འདིའི་ལས་གང་སྒྲུབ་ན། རྡོ་རྗེའི་རིགས་འགྲུབ་པར་འགྱུར་བ་ཡང་བཤད་པར་བྱ་སྟེ། མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ནས་འཕགས་པ་ལག་ན་རྡོ་རྗེའི་གློ་གཡས་ཕྱོགས་སུ་ནི། འཕགས་པ་རྡོ་རྗེ་སྡེ། གཡོན་ཕྱོགས་སུ་ནི། འཕགས་པ་གཙུག་ནས་བྱུང་གཞག་གོ་།དེ་དག་ལ་དྲི་དང ། མེ་ཏོག་དང ། བདུག་པ་རྣམས་དབུལ་བར་བྱ་སྟེ། འཕགས་པ་རྡོ་རྗེ་སྡེ་ལ་ནི། ཙནྡན་དཀར་པོ་དབུལ་ལོ། །འཕགས་པ་ལག་ན་
Ma36a
༄#། །རྡོ་རྗེ་དང ། གཞོན་ནུ་ལ་ནི། ཙནྡན་དམར་པོ་དབུལ་ལོ། །མེ་ཏོག་དཀར་པོ་དང ། དམར་པོ་ཡང་ཚུལ་དེ་དང་འདྲ་བར་དབུལ་བར་བྱ་སྟེ། དེའི་མདུན་དུ་སེང་ལྡེང་གི་ཤིང་གིས་མེ་སྦར་ལ་ཡུམ་གྱི་གསང་སྔགས་ཀྱིས་ཙནྡན་དམར་པོའི་ཡམ་སྲེག་ཤིང་མར་གྱི་ནང་དུ་སྨྱུགས་པ་བརྒྱ་སྟོང་སྦྱིན་སྲེག་བྱའོ། །དེ་ནས་གཞོན་ནུ་འགྲུབ་པར་འགྱུར་ཏེ། བགེགས་མེད་པ་བདེ་བླག་ཏུ་ཆོ་ག་རྒྱས་པ་འགྲུབ་པར་འགྱུར་རོ། །ལག་ན་རྡོ་རྗེས་བཤད་པ་བཞིན། །རིག་སྔགས་རྒྱལ་པོ་མངའ་བདག་མཆོག་།གང་ཞིག་ཕྱག་འཚལ་མཆོད་བྱེད་པ། །གང་ཞིག་རྟག་ཏུ་ལན་གཅིག་གམ། །ཡང་དང་ཡང་དུ་རྗོད་བྱེད་དང ། །གཟི་ཆེན་སྲས་ནི་ཡུམ་དང་བཅས། །ལེགས་པ་རུ་ནི་དྲན་པར་བྱེད། །དེ་ལ་ངས་ནི་ཁོར་ཟུག་ཏུ། །ལག་ན་རྡོ་རྗེས་བསྐུལ་བ་བཞིན། །དངོས་གྲུབ་ཀྱང་ནི་སྦྱིན་པར་བྱ། །གང་ཞིག་ཆོ་ག་རྒྱས་པ་འདི། །གསང་བཅས་གསང་ཆེན་ལྡན་པ་དང ། །ལག་ན་རྡོ་རྗེས་སྔགས་བཤད་དང ། །གཟི་ཆེན་ཕྱི་མའི་རྒྱུད་ཀློག་དང ། །གཞོན་ནུ་དམ་པ་མངའ་བདག་ནི། །སྤྱན་དང་ལྷན་ཅིག་ལྡན་པ་དང ། །ཕྱི་མའི་རྒྱུད་ལས་བཤད་པ་ཡིན། །ལས་རྣམས་གང་ཞིག་ལྟ་བྱེད་པ། །དེ་ལ་དཔལ་ལྡན་རྡོ་རྗེ་འཛིན། །ལུས་ཀྱི་སྤྱི་བོར་རྟག་ཏུ་གནས། །དེ་ནས་བཅོམ་ལྡན་འདས་ལག་ན་རྡོ་རྗེས་སངས་རྒྱས་ཀྱི་སྤྱན་སྤྱི་བོ་ལ་བཀུར་ཏེ་རྡོ་
Ma36b
རྗེ་འབར་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་ལག་ན་རྡོ་རྗེས་རྡོ་རྗེ་འབར་བའི་ཏིང་ངེ་འཛིན་ལ་སྙོམས་པར་ཞུགས་མ་ཐག་ཏུ་ལྷ་ཐམས་ཅད་སེམས་འཇིག་པར་འགྱུར་ཏེ། །ལྷགས་ནས་ཁྱབ་འཇུག་ནི། བཅོམ་ལྡན་འདས་ཀྱི་གློ་གཡོན་ཕྱོགས་སུ་འདུག་གོ་།ལྷ་ཆེན་པོ་ནི། གཡས་ཕྱོགས་སུ་འདུག་གོ་།སྨིན་དྲུག་མ་ནི། འཛེམ་བཞིན་དུ་རྒྱབ་ལོགས་སུ་འདུག་གོ་།དཀའ་ཟློག་ནི། མདུན་ཕྱོགས་སུ་འདུག་གོ་།གཞོན་ནུ་དྲིལ་མཛེས་དང ། སྨིན་དྲུག་གི་བུ་ནི། གློ་གཡས་སུ་འདུག་གོ་།ཚོགས་རྣམས་ནི། གཡོན་ཕྱོགས་སུ་འདུག་གོ་།ཕོ་ཉ་མོ་དྲུག་གིས་བསྐོར་བའི་དཔལ་གྱི་ལྷ་མོ་གཟི་བརྗིད་ཆེན་མོ་ཤིན་ཏུ་འོད་འབར་བ་དག་མོ་ཕ་རོལ་གནོན་པ་དྲག་མོ་ནི། ཕྱོགས་གཅིག་ཏུ་འདུག་སྟེ།་དེའི་ལྷ་ཡུལ་བ་དང ། ལྷ་མ་ཡིན་དང ། གྲུབ་པས་བསྟེན་པའི་འཁོར་གྱི་དཀྱིལ་འཁོར་དེར་མ་ཞུགས་སོ། །དེ་ནས་བཅོམ་ལྡན་འདས་ལག་ན་རྡོ་རྗེ་ཏིང་ངེ་འཛིན་ལས་བཞེངས་ཏེ་ལྷ་དེ་དག་ལ་གླང་པོ་ཆེའི་ལྟ་སྟངས་ཀྱིས་བལྟས་སོ། །དེ་ནས་ཕྱོགས་གཅིག་ན་འདུག་པའི་དཔལ་གྱི་ལྷ་མོ་དང ། ཕོ་ཉ་མོ་སྟོབས་ཆེན་མོའི་ཕ་རོལ་གནོན་པ་དང་ལྡན་པ་དྲུག་ཀྱང་བལྟས་སོ། །དེ་ནས་ཕོ་ཉ་མོ་དྲུག་པོ་རྣམས་ཀྱིས་དཔལ་གྱི་ལྷ་མོ་ཆེན་མོ་ལ་ལེགས་པར་བལྟས་ནས་ཕོ་ཉ་མོ་དེ་དག་གིས་བསྟོད་དེ། ཕོ་ཉ་མོ་ཆེན་མོ་མེ་ལྕེ་མ་དང ། མེ་སྟག་མ་དང །
Ma37a
༄#། །ཕྲེང་ལྡན་མ་དང ། མཛོད་ལྡན་མ་དང ། འབར་ལྡན་མ་དང ། ཁ་འབར་མ་དང ། འདི་དག་གིས་དཔལ་གྱི་ལྷ་མོ་ལ་བསྟོད་པ། ཨགྣི་ཛི་ཧཝ་སཝ་ཡཾ་ན་མ་པཱི་ཏ་དཾཥྚྲ་ཡ་ན་མཿ །་ཡ་མཱ་ཡ་ན་མཿ ། ད་ཧ་ནཱ་ཡ་ན་མཿ བིནྡུ་ཛི་ཧཝཱ་ཡ་ན་མཿ ། ཨཱ་དཪྴ་ནཱ་ཡ་ན་མཿ ། བྲི་ཤ་ལཱ་ཡ་ན་མཿ སཝཱཧཱ། མེ་ལྕེ་མས་བསྟོད་ནས་ལྷ་རྣམས་དགའ་བར་གྱུར་ཏོ། །མེ་སྟག་མའི་རིག་སྔགས་བཤད་དེ། ཙུ་རུ་ཙུ་རུ། མུ་རུ་མུ་རུ། པུ་རུ་པུ་རུ་སཝཱཧཱ། ཨཱ་གཙྪ་པ་ཏེ་སཝཱཧཱ། མེ་སྟག་མས་བསྟོད་ནས་ཕྲེང་ལྡན་མས་བསྟོད་པ། ན་མོ་བཛྲ་པཱ་ཎི་ཡེ།་དེ་བ་ཏི། དེ་བ་ཡ། ཙི་ཡི་མི་ཡི། ཀ་ལི་པྲ་ཏཱིཙྪ་བི་ལི་དེ་བ་ཏེ་སཝཱཧཱ། ཕྲེང་ལྡན་མས་བསྟོད་ནས་མཛོད་ལྡན་མས་བསྟོད་པ། ན་མོ་བཛྲ་པཱ་ཎ་ཡེ་དེ་བ་ཏི་དྷ་བཱ་ཡཱ་ཏི་བ་རི་སི་རི་རི།་བི་དུ་རི། ཛ་པེ་ན་ཏ་ཏོ་ད་ནེ་སཝཱཧཱ། མཛོད་ལྡན་མས་བསྟོད་ནས་འབར་ལྡན་མས་མངོན་པར་བསྟོད་དོ། །ན་མོ་བཛྲ་པཱ་ཎི་སྱ། ན་མཿ པྲ་ཙཎྜ་སྱ། ན་མ་སྐྲྀ་ཏྭཱ་སརྦ་བྷཱུ་ཏ། པྲ་ཤ་མ་ནི།་སརྦ་ཨ་ཏ་སིངྣཾ་བ་ཤེ་མི་ཧུ་ན་ནི་ཧུ་ན་ནི། མོ་ཧ་ནི་མོ་ཧ་ནི། ཧི་ཧི་བཛྲ་པཱ་ཎི་སཝཱཧཱ། འབར་ལྡན་མས་བསྟོད་ནས་ཁ་འབར་མས་མངོན་པར་བསྟོད་པ། ཤྲི་ཡེ་མ་ཧཱ་ཤྲི་ཡེ།་ཙ་ལེ་མ་ཧཱ་ཙ་ལེ། ཨི་རྱིད་དེ་ཀ་ནི། མ་ཧཱ་བྷོ་གི་ནི། བྷོ་ག་བ་ཏི་།མ་མཱ་བ་ལོ་ཀ་སཝཱཧཱ། ཁ་འབར་མས་བསྟོད་ནས་ལྷའི་མིག་གིས་རྣམ་པར་བལྟས་སོ། །དེ་ནས་དཔལ་
Ma37b
གྱི་ལྷ་མོ་ཆེན་མོ་ལག་ན་རྡོ་རྗེ་ལ་བསྟོད་ནས་དེ་ནས་བསྐྱོད་པར་བརྩམས་སོ། །དེ་ནས་ལྷའི་དཀྱིལ་འཁོར་དེ་དག་གིས་དཔལ་གྱི་ལྷ་མོ་ཆེན་མོ་རྒྱང་རིང་པོ་ནས་འོང་བ་མཐོང་ནས་མྱུར་དུ་ལངས་ཏེ་ལག་ན་རྡོ་རྗེའི་གཡས་སུ་འཁོད་དོ། །སྟོབས་པོ་ཆེའི་ཚོགས་ལ་གཏུམ་བྱེད་དང ། གསེར་ཅན་དང ། རྨུགས་བྱེད་དང ། རྫོང་ལྡན་དང ། ལྕགས་ཅན་དང ། སོ་ཅན་དང ། མཚན་སྦྱིན་དང ། བདུད་རྩི་ཐབ་སྦྱོར་ལ་སོགས་པ་ཚོགས་པ་དེ་དག་གིས་མངོན་པར་བསྟོད་དོ། །ཚོགས་རྣམས་ཀྱིས་དཔལ་གྱི་ལྷ་མོ་ཆེན་མོ་སྟོབས་ཆེན་མོ་བསྟོད་པ་ནི། སྤྱན་དང་ལག་ན་རྡོ་རྗེ་ལ་ཕྱག་འཚལ་ནས་ཐོག་མར་གཏུམ་བྱེད་མ་བརྗོད་པ། ན་མོ་བཛྲ་པཱ་ཎ་ཡེ། ད་མ་ད་མ་རཾ་གཱ་རཾ་གཱ། ག་ག་ག་ཡ་ག་ཡ་ག་ཡ། ཙནད་ཀཱ་ཛྙཱ་པ་ཡ་ཏི་སཝཱཧཱ། གཉིས་པ་སྟེ་གསེར་ཅན་བརྗོད་པ། ན་མོ་བཛྲ་པཱ་ཎི་སྱ། བ་ན་བ་ན། ཙ་ལ་པ་ཙ་ལ་པ། ན་མོ་ཛཱ་ཀཱ་ཛྙཱ་པ་ཡ་ཏི་སཝཱཧཱ། གསུམ་པ་སྟེ་རྨུགས་བྱེད་བརྗོད་པ། ན་མོ་བཛྲ་པཱ་ཎི་སྱ། ད་ཧ་ད་ཧ། པ་ཙ་པ་ཙ།་ཙཱུརྞ་ཙཱུརྞ། ནཱ་ཤ་ཡ། བི་ནཱ་ཤ་ཡ་ཛཾ་བྷ་ཀོ་ཛྙཱ་པ་ཡ་ཏི་སཝཱཧཱ། བཞི་པ་སྟེ་རྫོང་ལྡན་བརྗོད་པ། ན་མོ་བཛྲ་པཱ་ཎི་སྱ། ཙུ་རུ་ཙུ་རུ། ཏ་ཏ་ཏ་ཏ། མ་ཏ་མ་ཏ། ཀོཏྟ་ཀོཏྟ་ཛྙཱ་པ་ཡ་ཏི་སཝཱཧཱ། ལྔ་པ་སྟེ་ཚོགས་ཆེན་མོ་ལྕགས་ཅན་བརྗོད་པ། ན་མོ་བཛྲ་པཱ་ཎི་སྱ། ཊཌྱ་ཋཱ། ར་བ་ར་བ། ད་བ་ད་བ། མ་ར་མ་རེ། མཱ་ར་མཱ་ར། བྷཉྫ་བྷཉྫ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། གྲྀཧྞ་
Ma38a
༄#། །གྲིཧྞ།་ཚིནད་ཚིནྡ། བྷིནྡ་བྷིནྡ། ཧ་ན་ལེ་ཧ་ཀ་བཛྲེ་ཎ་སཝཱཧཱ། དྲུག་པ་སྟེ་སོ་ཅན་བརྗོད་པ། ན་མོ་བཛྲ་པཱ་ཎི་སྱ། ཧུ་ཏ་ཧུ་ཏ། གྲཱ་ཧ་མ་པ་རི། ཤུ་མི་བཛྲ་ཧ་སྟེ་ན། སུ་པྲ་ཏི་ན་དནྟ་ཀོ་ཛྙཱ་པ་ཡ་ཏི་སཝཱཧཱ། བདུན་པ་སྟེ་ཚོགས་གཟི་བོ་ཆེ་སྟོབས་པོ་ཆེ་མཚན་སྦྱིན་བརྗོད་པ། ན་མོ་བཛྲ་པཱ་ཎི་སྱ། ཏིཥྛ་ཏིཥྛ། བྷོ་མ་ཧཱ་གྲ་ཧ་བཛྲ་ས་ཏྱེ་ན་སུ་པྲ་ཏི་པི་བ་པཱ་ལ་ཏོ་ཏཱ་ཛྙཱ་པ་ཡ་ཏི་སཝཱཧཱ། བརྒྱད་པ་སྟེ་ཚོགས་ཆེན་པོ་བདུད་རྩི་ཐབ་སྦྱོར་བརྗོད་པ། ན་མོ་བཛྲ་པཱ་ཎི་སྱ། ཧུ་ལུ་ཧུ་ལུ། ཏིཥྛ་ཏིཥྛ། ཨ་མྲྀ་ཏ་ཀུཎྜ་ལི། ཁ་ཁ་ཁཱ་ཧི་ཁཱ་ཧི། བྷནྡྷ་བྷནྡྷ་སཝཱཧཱ། ལྷ་དེ་དག་གིས་ཚོགས་ཆེན་པོ་བརྒྱད་པོ་དེ་དག་ལས་བརྩམས་ཏེ་དཔལ་གྱི་ལྷ་མོ་ཆེན་མོ་ལ་བསྟོང་ནས་ཚོགས་ཆེན་པོ་དེ་དག་གིས་ཀྱང་དཔལ་གྱི་ལྷ་མོ་ཆེན་མོ་ལ་རིམ་གྲོ་བྱེད་ཅིང་ལག་ན་རྡོ་རྗེའི་འཁོར་གྱི་དཀྱིལ་འཁོར་དུ་སོང་ངོ ། །དེ་ནས་གཞོན་ནུ་སྨིན་དྲུག་གི་བུས་ལྷ་མོ་ཆེན་མོ་དེ་དག་ལ་བསྟོད་པ་མཐོང་ནས་རང་གི་རིག་སྔགས་ཀྱིས་དཔལ་གྱི་ལྷ་མོ་ཆེན་མོ་ལ་བསྟོད་པ། ན་མོ་བཛྲ་པཱ་ཎི་སྱ། ཏྲཻ་ལོཀྱ་ཛ་ལ་ནི་བི་དྲཱ་པ་ཎི། སརྦ་དྷརྨ་ཎི། ས་མ་ཎི། ས་མི་རཎེ། སརྦ་ལོ་ཀ་བ་ཤཾ་ཀ་རི། ཛ་ཛྫེ་མུ་ཛི། ཧྲྀ་ད་ཡཾ་ཨ་བརྟ་ནི། མི་ལི་མི་ལི། མི་ལི་ཙ་ལཱ་ཡ། སརྦ་ལོ་ཀོ་ཏ་སཱ་ད་ནི། ཨནུ་ན་ཧ་ན་སཝཱཧཱ། དེ་ནས་དཔལ་གྱི་ལྷ་མོ་གཞོན་ནུ་སྨིན་དྲུག་གི་བུས་བསྟོད་ནས་ཡིད་
Ma38b
རབ་ཏུ་དགའ་ཞིང་འཁོར་གྱི་དཀྱིལ་འཁོར་གྱི་ནང་དུ་སོང་ངོ ། །དེ་ནས་དཔལ་གྱི་ལྷ་མོ་ཆེན་མོ་འཁོར་གྱི་དཀྱིལ་འཁོར་གྱི་ནང་དུ་སོང་བ་དྲུག་མས་མཐོང་ནས་རང་གི་རིག་སྔགས་ཀྱིས་བསྟོད་པ། ན་མོ་བཛྲ་པཱ་ཎི་སྱ། ན་མཿ སཏྱ་པཱ་ཎི་ནཾ། ས་ཏྱ་བཱ་ཙ་ནེ་ན་ས་ཏྱ། བ་ཏི་ནི་ས་ཏྱཾ་བ་དེ་ས་ཏྱཾ། བ་ཧི་ཏེ་ཛ་བ་ཏི། མཱ་ལ་ནི། ཧ་རི་ཎི་བརྟ་ནི། ཛ་ལོ་ཏིཏྩ་ལི། སརྦ་ལོ་ཀ་བ་ཤཾ་ཀ་རི།་ཨཱཏྨ་ནཱཾ་མུ་ནི་སྱ། ཀི་བི་ཏེ། ཡོ་ག་མེ་ད་རེ། ཧི་ལི་ཧི་ལི། ན་མོསྟུ་ཏེ་སཝཱཧཱ། དྲུག་མས་བསྟོད་པ་དཀའ་ཟློག་མས་མཐོང་ནས་མངོན་པར་བསྟོད་པ། ན་མོ་བཛྲ་པཱ་ཎི་སྱ། སྱང་དེ། ད་ཡི་ཏ། ཨ་ཏྲི་ཏྲེ། སོ་མེ་བྲཧྨ། བི་ད་ནི། རི་ཥི་རི་ཥི། ནཀྵ་ཏྲེ། ཡ་ས་ད་ཏྲ་སྱ་དྱ་ན། ཏཾ་བ་ཏ། ཀ་ཏེ་ཡ་ནི་སཝཱཧཱ། དེ་ནས་དཔལ་གྱི་ལྷ་མོ་ཆེན་མོ་ལ་དྲུག་མ་དང ། དཀའ་ཟློག་གཉིས་ཀྱིས་བསྟོང་ནས་དྲུག་མ་དང ། དཀའ་ཟློག་མ་གཉིས་ལ་ཡང་བལྟས་ཏེ་ལག་ན་རྡོ་རྗེའི་འཁོར་གྱི་དཀྱིལ་འཁོར་གྱི་ནང་དུ་སོང་ངོ ། །དེ་ནས་དཔལ་གྱི་ལྷ་མོ་ཆེན་མོ་ལྷ་རྣམས་ཀྱིས་བསྟོད་དེ་ལག་ན་རྡོ་རྗེ་འཁོར་གྱི་དཀྱིལ་འཁོར་གྱི་ནང་དུ་ཞུགས་ནས་རིག་པ་མཆོག་གི་ཆོ་ག་ཆེན་པོ་རྒྱས་པ་ཕྱིར་ཞིང་འཕེལ་བར་བྱ་བ་དང ། རིག་པ་མཆོག་གི་ཆོ་ག་རྒྱས་པ་ཆེན་པོ་བརྒྱན་པ་དང ། རིག་པ་མཆོག་གི་ཆོ་ག་ཆེན་པོ་རྒྱས་པ་སྒྲུབ་པ་དང ། རིག་པ་མཆོག་གི་ཆོ་ག་རྒྱས་པ་ཆེན་པོའི་དཔལ་བསྐྱེད་པ་དང ། རིག་པ་མཆོག་གི་ཆོ་ག་རྒྱས་པ་ཆེན་
Ma39a
༄#། །པོའི་རིག་སྔགས་ཀྱི་ལས་ཐམས་ཅད་བྱ་བའི་ཕྱིར་རིག་སྔགས་ཀྱི་རྒྱལ་པོ་ཆེན་པོའི་མཆོག་ལག་ན་རྡོ་རྗེས་རྗེས་སུ་ཡི་རང་བ། མ་གྲུབ་པ་རྣམས་གྲུབ་པར་བྱེད་པ། གྲུབ་པ་རྣམས་ཆུད་མི་ཟ་བར་བྱེད་པ། འདོད་པ་ཐམས་ཅད་རབ་ཏུ་སྦྱིན་པ། རྟག་ཏུ་དཔལ་མངོན་པར་འཕེལ་བར་བྱེད་པ། དཀྱིལ་འཁོར་ཐམས་ཅད་གསལ་བར་བྱེད་པ། དཀྱིལ་འཁོར་ཐམས་ཅད་ཀྱི་ནང་དུ་གཏོགས་པ། དཀྱིལ་འཁོར་ཐམས་ཅད་ལ་འཇུག་པར་བྱེད་པ། དཀྱིལ་འཁོར་ཐམས་ཅད་སྒྲུབ་པའི་རིག་སྔགས་བཤད་དེ། དེ་བཞིན་གཤེགས་པ་ཐམས་ཅད་ལ་ཕྱག་འཚལ་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེ་སྤྱི་བོ་ལ་བཀུར་ཏེ་རིག་སྔགས་འདི་བཤད་དོ། །ན་མོ་བུདྡྷ་སྱ། ན་མོ་དྷརྨ་སྱ། ན་མཿ སཾ་གྷ་སྱ། ན་མོ་བཛྲ་པཱ་ཎི་སྱ། ན་མོ་ཡཀྵཱ་ཎཱཾ། ན་མོ་མ་ཧཱ་ཤྲི་ཡེ། ཙི་ལི་ཙི་ལི། ཨུན་མཱ་ད། པྲ་མནྟེ། དྲྀ་ཌྷ། ཤྲི་ཡེ། ཙ་ལེ་ཙ་ལེ། ཤྲི་ཡེ། ཨ་ཀི་ར་ཎི། ཨུ་པ་ཏིཥྛ། ཨུ་པ་ཏིཥྛ། ཨི་མི་ཏིཥྛ། ཨི་མཾ་པུ་རུ་ཥཾ། ན་མཿ ུ་པ་ཏིཥྛ། མ་ཡ་ར་མ། གྲི་ཧེ་གྲི་ཧེ། དེ་བ་ཏི་བཛྲ་སཝ་མཱན་སཝཱཧཱ། རིག་སྔགས་ཀྱི་རྒྱལ་པོ་ཆེན་པོ་དཔལ་གྱི་ལྷ་མོ་ཆེན་མོས་རིག་སྔགས་བཤད་མ་ཐག་ཏུ་ལྷ་རྣམས་ཀྱིས་དེ་ཐོས་ནས་སྙིང་འདར་ཏེ་ལག་ན་རྡོ་རྗེའི་ཞལ་དུ་ལྟ་ཞིང་འཁོད་དོ། །དེ་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །ལྷ་རྣམས།
Ma39b
ཁྱེད་ཀྱིས་རིག་སྔགས་ཀྱི་རྒྱལ་པོ་ཆེན་པོ་དཔལ་གྱི་ལྷ་མོ་ཆེན་མོས་རིག་སྔགས་བཤད་པ་གང་ཡིན་པ་ཉོན་ཅིག་།རིག་པ་མཆོག་གི་ཆོ་ག་རྒྱས་པ་ཆེན་པོའི་ཕྱིར་འཕེལ་བར་བྱ་བ་དང ། རིག་པ་མཆོག་གི་ཆོ་ག་རྒྱས་པ་ཆེན་པོ་བརྒྱན་པ་དང ། རིག་པ་མཆོག་གི་ཆོ་ག་རྒྱས་པ་ཆེན་པོ་སྒྲུབ་པ་དང ། རིག་པ་མཆོག་གི་ཆོ་ག་རྒྱས་པ་ཆེན་པོའི་སྒྲུབ་པ་དཔལ་མངོན་པར་བསྐྱེད་པ་དང ། རིག་པ་མཆོག་གི་ཆོ་ག་རྒྱས་པ་ཆེན་པོའི་རིག་སྔགས་ཀྱི་ལས་ཐམས་ཅད་བྱ་བའི་ཕྱིར་མ་གྲུབ་པ་རྣམས་གྲུབ་པར་བྱེད་པ། གྲུབ་པ་རྣམས་ཆུད་མི་ཟ་བར་བྱེད་པ། འདོད་པ་ཐམས་ཅད་རབ་ཏུ་སྦྱིན་པ། རྟག་ཏུ་དཔལ་འཕེལ་བར་བྱེད་པ། དཀྱིལ་འཁོར་ཐམས་ཅད་གསལ་བར་བྱེད་པ། དཀྱིལ་འཁོར་ཐམས་ཅད་ཀྱི་ནང་དུ་གཏོགས་པ།་དཀྱིལ་འཁོར་ཐམས་ཅད་དུ་འཇུག་པར་བྱེད་པ། དཀྱིལ་འཁོར་ཐམས་ཅད་སྒྲུབ་པའི་རིག་སྔགས་བཤད་པ་དེ། བཟོད་ལྡན་དག་།ཁྱེད་ཀྱིས་རྒྱགས་པ་མེད་པའི་སེམས་ཀྱིས་ཉོན་ཅིག་།ངས་རྡོ་རྗེ་འབར་ཞིང་རབ་ཏུ་འབར་ལ་ཀུན་ཏུ་རབ་ཏུ་འབར་བས་སྤྱི་བོ་གཤག་ས་རེ། དེ་ནས་ལྷ་རྣམས་སྙིང་འདར་ཏེ་ལག་ན་རྡོ་རྗེའི་ཞལ་དུ་ལྟ་ཞིང་རིག་སྔགས་ཀྱི་རྒྱལ་པོ་ལག་ན་རྡོ་རྗེ་ལ་དཀྱིལ་འཁོར་གྱི་ནང་དུ་གཏོགས་པའི་རིག་སྔགས་ཀྱིས་ཀྱང་མངོན་པར་བསྟོད་དེ། རིག་སྔགས་ཀྱི་རྒྱལ་པོ་ཆེན་པོ་དཔལ་གྱི་ལྷ་མོས་རིག་སྔགས་
Ma40a
༄#། །བཤད་པ་གང་ཡིན་པ་དེ་དག་གིས་ལག་ན་རྡོ་རྗེ་ལ་བསྟོད་ནས་ཚིག་འདི་སྐད་ཅེས་སྨྲས་སོ། །རིག་སྔགས་ཀྱི་རྒྱལ་པོ་ཆེན་པོ། དཔལ་གྱི་ལྷ་མོ་ཀུན་ཏུ་ལྟ་བ་ཆེན་པོའི་རིག་སྔགས་ཀྱི་དཀྱིལ་འཁོར་གྱི་ནང་དུ་གཏོགས་པའི་ལས་རྣམས་བཤད་དུ་གསོལ། བཤད་དུ་གསོལ། དེ་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །ལྷ་རྣམས། ངས་བཤད་ཀྱི། ཁྱོད་ཉོན་ཅིག་།རིག་སྔགས་འཆང་ཐམས་ཅད་ཀྱི་དཔལ་མངོན་པར་འབྱུང་བར་བྱེད་པ་ཞེས་བྱ་བའི་དཀྱིལ་འཁོར་དཔལ་ཐམས་ཅད་སྐྱེད་པར་བྱེད། ཕ་རོལ་ཏུ་ཕྱིན་པ་ཐམས་ཅད་ཀྱི་ཚོགས་སུ་གྱུར་པའི་དཀྱིལ་འཁོར་གྱི་རྒྱལ་པོ་དེ་ངས་བཤད་པར་བྱ་སྟེ། གང་མཐོང་ནས་རིག་སྔགས་འཆང་ཐམས་ཅད་ཀྱི་དཔལ་ཐམས་ཅད་ཀྱི་མངོན་པར་འགྱུར་བ་དང ། ལྷ་ཐམས་ཅད་བསྐྱེད་པར་འགྱུར་བ་དང ། ལོག་འདྲེན་ཐམས་ཅད་ཞི་བར་འགྱུར་བ་དང ། རྒྱལ་སྲིད་ཐམས་ཅད་བརྟན་པར་འགྱུར་བ་དང ། དགྲ་ཐུལ་བར་འགྱུར་བ་དང ། རིག་སྔགས་འཆང་གི་དཔལ་རྣམས་འཕེལ་བར་འགྱུར་བའི་དཀྱིལ་འཁོར་གྱི་རྒྱལ་པོ་དེ་ངས་བཤད་དོ། །ས་གཞི་མཉམ་པར་བརྟགས་བྱས་ལ། །ཤེས་རབ་ཅན་གྱིས་དཀྱིལ་འཁོར་བྲི། །ཁྲུ་ནི་བཞི་འམ་བཅུ་དྲུག་པ། །གྱོ་མོ་དང་ནི་གསེག་མ་མེད། །དུར་ཁྲོད་ཡང་ནི་ཤིང་
Ma40b
གཅིག་དྲུང ། །ཡང་ན་ཆུ་ཀླུང་འདུས་པའི་མདོ། །ས་གཞི་དེ་དག་བརྟགས་བྱས་ལ། །དེ་ནས་མཁས་པས་དཀྱིལ་འཁོར་བྲི། །ས་དེ་ལྟ་བུ་མཐོང་ནས་སྨྱུང་བ་བྱས་ཏེ་གསོ་སྦྱོང་དང་ལྡན་པས་དུ་གུ་ལའི་རས་དཀར་པོ་བགོས་ལ་ལག་ན་པོག་ཕོར་ཐོགས་ནས་ཕྱེ་མ་རེད་ཀྱི་དུས་མཚམས་སུ་དཔལ་གྱི་ལྷ་མོའི་རིག་སྔགས་ཀྱིས་ལྷ་རྣམས་སྤྱན་དྲང་བར་བྱའོ། །དེ་ནས་ནམ་ཕྱེད་ཀྱི་དུས་སམ། ཡང་ན་ནང་པར་དཀྱིལ་འཁོར་བྲི་བར་བྱ་སྟེ། ཅི་སྟེ་གསེར་གྱི་ཕྱེ་མས་བྲི་ན་ནི། ལྷའི་དཔལ་འཐོབ་པར་འགྱུར་རོ། །དངུལ་གྱིས་ནི། དགྲ་ལས་རྒྱལ་བར་འགྱུར་རོ། །ཟངས་ཀྱིས་ནི། ཞི་བར་འགྱུར་རོ། །ཡང་ན་ཙནྡན་གྱི་ཕྱེ་མས་བྲིས་ན་ནི། དཔལ་ཐོབ་པར་འགྱུར་རོ། །ཙནྡན་དམར་པོའི་ཕྱེ་མས་ནི། དགྲ་ལས་རྒྱལ་བར་འགྱུར་རོ། །པུ་ཤེལ་ཙེས་ནི།་གྲོད་ཁྱེར་ཞི་བར་འགྱུར་རོ། །ཡང་ན་འབྲས་ཕྱེ་དཀར་པོས་བྲིས་ན་ནི། དཔལ་ཐོབ་པར་འགྱུར་རོ། །ནས་རྗེན་པའི་ཕྱེས་བྲིས་ན་ནི། དགྲ་ལས་རྒྱལ་བར་འགྱུར་རོ། །ཡང་ན་མེའི་བསྲེག་བྱ་བྱས་པའི་ཐལ་བས་བྲིས་ན་ནི། ཞི་བར་འགྱུར་རོ། །ཅི་སྟེ་སོ་ཕག་གི་ཕྱེ་མའམ། སོལ་ཕྱེའམ། དུར་ཁྲོད་ཀྱི་ཐལ་བ་ཡང་རུང་སྟེ། ཚོན་རྩི་འདི་གསུམ་གྱིས་དཀྱིལ་འཁོར་བྲིས་ན་ནི། ཡུལ་འཁོར་ལ་གནོད་པར་འགྱུར་རོ། །རིག་སྔགས་འཆང་བདག་ཉིད་དག་པར་བྱ་སྟེ། རྒྱུ་སྐར་དང་མཐུན་པའི་དུས་སུ་སྨྱུང་བ་བྱས་ལ་ཉི་མ་བཟང་བའམ། ཡང་
Ma41a
༄#། །ན་ཡར་གྱི་ངོ་ཚེས་ལྔ་ལ་དཀྱིལ་འཁོར་ཁྲུ་བཅུ་དྲུག་པའམ། ཡང་ན་ཁྲུ་བཅུ་བཞི་པ་བྲིའོ། །ཅི་སྟེ་ཐོག་མར་ཤར་ཕྱོགས་སུ་ཐིག་བཏབ་ན་ནི། རིག་སྔགས་འཆང་རྣམས་ཀྱི་དཔལ་འཕེལ་བར་འགྱུར་རོ། །ཅི་སྟེ་ལྷོ་ཕྱོགས་སུ་བཏབ་ན་ནི། གྲོང་ཁྱེར་ལ་གནོད་པར་འགྱུར་རོ། །ཅི་སྟེ་ནུབ་ཕྱོགས་སུ་བཏབ་ན་ནི། རིག་སྔགས་འཆང་རྣམས་ཕན་ཚུན་མི་མཐུན་པར་འགྱུར་རོ། །ཅི་སྟེ་བྱང་ཕྱོགས་སུ་བཏབ་ན་ནི། དགྲ་ཐམས་ཅད་ལས་རྒྱལ་བར་འགྱུར་རོ། །ཅི་སྟེ་ཐོག་མར་ཚོན་དཀར་པོ་བཀྱེ་ན་ནི། རྒྱལ་པོ་རྒྱལ་བར་འགྱུར་ཞིང་རིག་སྔགས་འཆང་རྣམས་ཀྱི་ལས་འགྲུབ་པར་འགྱུར་རོ། །ཅི་སྟེ་ཚོན་དམར་པོ་བཀྱེ་ན་ནི། གྲོང་ཁྱེར་ཞི་བར་འགྱུར་རོ། །ཅི་སྟེ་ནག་པོ་བཀྱེ་ན་ནི། གྲོང་ཁྱེར་ལ་མི་དགེ་བར་འགྱུར་རོ། །དེ་ནས་རིག་སྔགས་འཆང་གིས་རིག་སྔགས་ཀྱི་རྒྱལ་པོ་བཟླས་བརྗོད་བྱེད་བཞིན་དུ་དཀྱིལ་འཁོར་བྲི་བར་བྱ་སྟེ། བྱང་ཕྱོགས་སུ་ནི། གངས་ཀྱི་རི་གཞག་གོ་།ལྷོ་ཕྱོགས་སུ་ནི། རི་འབིགས་བྱེད་གཞག་གོ་།དེ་ནས་ཁོར་ཡུག་གི་རིས་བསྐོར་བར་བྱའོ། །དབུས་སུ་ནི། སངས་རྒྱས་བཅོམ་ལྡན་འདས་བྲིའོ། །གཡོན་ལོགས་སུ་ནི།་ལག་ན་རྡོ་རྗེ་བྲིའོ། །བཅོམ་ལྡན་འདས་ཀྱི་གཡས་ལོགས་སུ་ནི། དཔལ་ལྷ་མོ་ཆེན་མོ་བྲིའོ། །ལག་ན་རྡོ་རྗེའི་དྲུང་དུ་ནི། ཕོ་ཉ་མོ་དྲུག་བྲིའོ། །བྱང་ཕྱོགས་ངོས་སུ་ནི།
Ma41b
ཁྱབ་འཇུག་དང ། ལྷ་ཆེན་པོ་དང ། ཚངས་པ་རྣམས་དེ་དག་དང་མཐུན་པའི་འཁོར་དང་བདུད་རྩི་གཞག་གོ་།ནུབ་ཕྱོགས་སུ་དྲུག་མ་དང ། དཀའ་ཟློག་མ་དང ། གཞོན་ནུ་འཁོར་དང་བཅས་པ་གཞག་གོ་།ལྷོ་ཕྱོགས་སུ་ནི། ཚོགས་དྲུག་ཅུ་རྩ་བཞི་པོ་རྣམས་གཞག་གོ་།སྒོ་རེ་རེར་ཡང་ཚོགས་རྣམས་གཞག་པར་བྱ་སྟེ། ཤར་ཕྱོགས་ཀྱི་སྒོར་གཏུམ་བྱེད་དང ། གསེར་ཅན་གཉིས་གཞག་གོ་།ལྷོ་ཕྱོགས་ཀྱི་སྒོར་ནི། བདུད་རྩི་ཐབ་སྦྱོར་དང ། རྨུགས་བྱེད་གཉིས་གཞག་གོ་།ནུབ་ཕྱོགས་ཀྱི་སྒོར་ནི། རྫོང་ལྡན་དང ། མཚན་སྦྱིན་གཉིས་གཞག་གོ་།བྱང་ཕྱོགས་ཀྱི་སྒོར་ནི། ལྕགས་ཅན་དང ། སོ་ཅན་གཉིས་གཞག་གོ་།ནང་དུ་ནི། བཅོམ་ལྡན་འདས་ཚིག་ལྡན་མ་དྲི་ཟའི་འཁོར་གྱིས་བསྐོར་བ་གཞག་གོ་།ཀཪྵ་པ་ན་བརྒྱ་རྩ་ཚང་བའམ། ཡང་ན་པ་ན་བརྒྱས་རྡོ་རྗེ་བྱས་ཏེ་བཞག་ལ་དེའི་སྟེང་དུ་སྤྱན་གྱིས་བཟླས་བརྗོད་བྱས་པའི་བུམ་པ་མི་ནག་ཅིང་རྩ་བ་མེད་ལ་མགྲིན་བཅིངས་དང་བཅས་པ་གཞག་པར་བྱ་སྟེ། བུམ་པ་དེའི་ནང་དུ་ས་བོན་ཐམས་ཅད་དང ། རིན་པོ་ཆེ་ཐམས་ཅད་གཞུག་ཅིང་འོ་མ་ཡོད་པའི་ཤིང་གི་ཡལ་ག་གཞག་གོ་།གྲ་བཞིར་ཡང་བུམ་པ་བཞི་གཞག་པར་བྱ་སྟེ། མགྲིན་བཅིངས་དང་ལྡན་པ་ལ་ས་བོན་དང་རིན་པོ་ཆེ་ཐམས་ཅད་བཅུག་སྟེ་འོ་མ་ཡོད་པའི་ཤིང་གི་ཡལ་ག་གཞག་གོ་།དེ་ནས་རིག་སྔགས་
Ma42a
༄#། །འཆང་གང་དག་དཔལ་ལམ་རིག་སྔགས་འཆང་ལས་བྱུང་བའི་འབྲས་བུ་འདོད་ན། རིག་སྔགས་འཆང་དེས་བླ་མ་ལ་བསྙེན་བཀུར་བྱའོ། །བླ་མ་དེས་ཀྱང་རིག་སྔགས་འཆང་སྨྱུང་བར་བྱས་པ། བྱང་ཆུབ་ཀྱི་སེམས་ཡོངས་སུ་བཟུང་བ། གསོ་སྦྱོང་གི་ཡན་ལག་དང་ལྡན་པ། གོས་གཙང་མ་བགོས་པ། དར་དཀར་གྱིས་གདོང་གཡོགས་པ་དཀྱིལ་འཁོར་དུ་གཞུག་པར་བྱའོ། །དེ་ལ་ནུབ་ཕྱོགས་ཀྱི་སྒོར་བཅུག་ན་ནི། དཔལ་མངོན་པར་འཕེལ་བར་འགྱུར་རོ། །ལྷོ་ཕྱོགས་སུ་ནི། རྟག་ཏུ་རྒྱལ་བར་འགྱུར་རོ། །ཤར་ཕྱོགས་སུ་ནི། འཐབ་མོ་འབྱུང་བར་འགྱུར་རོ། །བྱང་ཕྱོགས་སུ་ནི། བླ་མའི་སྒོ་ཡིན་ཏེ། འཇུག་པར་མི་བྱའོ། །དེ་ནས་བླ་མས་རིག་སྔགས་འཆང་དུ་གུ་ལའི་རས་དཀར་པོས་གདོང་གཡོགས་ལ་དཔལ་གྱི་ལྷ་མོའི་རིག་སྔགས་ཀྱི་མགོ་བོར་བསང་གཏོར་བྱས་ཏེ་གཞུག་གོ་།དེ་ནས་འགྲོན་བུ་བརྒྱད་བརྒྱ་ལྷ་ལ་དོར་བར་བྱའོ། །འགྲོན་བུ་དེ་ཡང་ལོ་མས་དཀྲིས་ན་ནི། རིག་སྔགས་འགྲུབ་པར་འགྱུར་རོ། །རས་དཀར་པོས་དཀྲིས་ཏེ་བོར་ན་ནི། ཞག་བདུན་གྱིས་དཔལ་འོང་བར་འགྱུར་རོ། །རིག་སྔགས་འཆང་དེ་དག་ལ་ལྷ་རྣམས་ཀྱང་བསྟན་པར་བྱའོ། །དེ་ནས་ཕྱིར་བྱུང་སྟེ་བྱང་ཕྱོགས་སུ་སོང་ལ་དབུས་ཀྱི་བུམ་པའི་ཆུ་ཁྱོར་བའི་ནང་དུ་སྦྱིན་ནོ། །རིག་སྔགས་འཆང་
Ma42b
རྣམས་ཀྱིས་ཀྱང་ལག་པ་གཡོན་པས་མནོས་ཏེ་བཏུང་བར་བྱའོ། །རིག་སྔགས་རྣམས་ལ་ཡང་སེམས་ཅན་ཐམས་ཅད་བདག་གིས་ཡོངས་སུ་བཟུང་ངོ ། །ཞེས་སྨྲོས་ཤིག་ཅེས་བསྒོ་བར་བྱའོ། །དེའི་འོག་ཏུ་དེ་དག་གི་དོན་གྱི་ཕྱིར་བདག་གིས་ཕ་རོལ་ཏུ་ཕྱིན་པ་དྲུག་པོ་རྣམས་ཡོངས་སུ་རྫོགས་པར་བྱའོ། །ཞེས་སྨྲར་གཞུག་གོ་།དེའི་འོག་ཏུ་དེ་དག་གི་དོན་གྱི་ཕྱིར་རིག་སྔགས་ཀྱི་ཚོགས་རྣམས་བདག་ལ་གྲུབ་པར་གྱུར་ཅིག་ཅེས་སྨྲར་གཞུག་གོ་།དེ་ནས་རིག་སྔགས་འཆང་བ་སྤུ་ལྡང་བར་འགྱུར་ཞིང་བསྟོད་པའི་གླུའི་སྒྲ་ཡང་ཐོས་པར་འགྱུར་རོ། །དེའི་འོག་ཏུ་འོངས་པའི་བྲམ་ཟེ་རྣམས་ཀྱང་རྒྱལ་བར་གྱུར་ཅིག་།དར་བར་གྱུར་ཅིག་ཅེས་བརྗོད་པར་འགྱུར་རོ། །དུང་གི་སྒྲ་དང ། རྔ་སྒྲ་ཡང་ཐོས་པར་འགྱུར་རོ། །ཅི་སྟེ་བུད་མེད་གོས་དཀར་པོ་བགོ་ཞིང་སྣོད་གང་བ་ཐོགས་པ་མཐོང་ན་ནི། ལག་ན་རྡོ་རྗེས་ཇི་སྐད་བཤད་པ་བཞིན་དུ་རིག་སྔགས་འཆང་དེ་ལ་དཔལ་འོང་བར་འགྱུར་རོ། །ཅི་སྟེ་ཐུ་བ་གང་བ་མཐོང་ན་ནི།་རྒྱལ་སྲིད་དམ། ཡུལ་གྲུའམ། གྲོང་གི་བདག་པོ་ཐོབ་པར་འགྱུར་རོ། །དེ་ནས་རིག་སྔགས་འཆང་གི་དཔལ་ཐོབ་པར་འདོད་ན། དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོ་འདི་མཐོང་ན་རིག་སྔགས་འཆང་ཐམས་ཅད་ཀྱི་རྒྱལ་པོར་འགྱུར་ཏེ། རིག་སྔགས་འཆང་ཐམས་ཅད་ལས་རྒྱལ་བར་འགྱུར་རོ། །ཅི་སྟེ་དཔལ་ཐམས་ཅད་མངོན་པར་
Ma43a
༄#། །འབྱུང་བར་བྱེད་པའི་དཀྱིལ་འཁོར་ཐམས་ཅད་མཐོང་ན་ནི། དེ་ཡང་རྒྱལ་བར་འགྱུར་ཏེ། དགྲ་རྣམས་བཏུལ་ནས་སའི་སྟེང་འཁོལ་བར་འགྱུར་རོ། །མི་ཕལ་པ་གང་ལ་ལ་དཔལ་འདོད་པས་དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོ་མཐོང་ན་ཡང་སྐལ་པ་ཅན་གྱི་ཁྱད་པར་དུ་འགྱུར་ཞིང ། རྒྱལ་སྲིད་དམ། ཡུལ་གྲུའི་བདག་པོའམ། གྲོང་གི་བདག་པོར་འགྱུར་ཏེ། དཀྱིལ་འཁོར་ཆེན་པོ་འདིའི་ལས་འདི་ནི། དོན་ཡོད་པ་ཡིན་ནོ། །ཞེས་རྡོ་རྗེ་འཛིན་པས་བཤད་དོ། །དེ་ནས་རིག་སྔགས་འཆང་རིག་སྔགས་ཀྱི་དངོས་གྲུབ་འདོད་པས་དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་མོ་མཐོང་ལ་མཐོང་ནས་ཞག་ཉི་ཤུ་རྩ་གཅིག་གི་བར་དུ་ངེས་པར་གནས་པར་བྱ་སྟེ། རིག་སྔགས་གང་འདོད་པ་བཟླས་བརྗོད་བྱས་ན། ཞག་ཉི་ཤུ་རྩ་གཅིག་གིས་དེ་ལ་རིག་སྔགས་དེ་འགྲུབ་པར་འགྱུར་རོ། །རྒྱལ་པོ་མཐོང་སྟེ་ཞག་ཉི་ཤུ་རྩ་གཅིག་གི་བར་དུ་ངེས་པར་གནས་པ་ཡང་ཡིད་ལ་བསམ་པ་ཐམས་ཅད་ཐོབ་པར་འགྱུར་རོ། །ལས་རྣམས་ཟིན་ནས་རིག་སྔགས་ཀྱི་ལྷ་བཤོས་སྣ་ཚོགས་དང ། མེ་ཏོག་སྣ་ཚོགས་རྙིང་པ་དེ་རྣམས་ཀྱང་བསྡུས་ལ་དུར་ཁྲོད་དམ། ཆུ་ཀླུང་གང་ཡང་རུང་བར་དོར་བར་བྱའོ། །དེ་ནས་རིག་སྔགས་འཆང་དབང་ཕྱུག་ཉམས་བའམ། རྒྱལ་
Ma43b
པོའི་དཔལ་ཉམས་པ་སླར་གྲོན་པར་འདོད་ན། རིག་སྔགས་འཆང་དེས་ཞག་གསུམ་སྨྱུང་བ་བྱས་ཏེ་ཟླ་བ་ཉའི་ནུབ་མོ་གནས་དབེན་བའམ། ཡང་ན་མྱ་གྲོ་དྷའི་དྲུང་དུ་དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཁྲུ་བཅུ་དྲུག་པ། སྒོ་བཞི་ཡོད་པ། མེའི་སྦྱིན་སྲེག་བྱས་པའི་ཐལ་བས་བྲི་ཞིང ། དཔལ་གྱི་ལྷ་མོའི་རིག་སྔགས་དང་སྦྱར་ཏེ་དེའི་དབུས་སུ་སངས་རྒྱས་བཅོམ་ལྡན་འདས་བྲིའོ། །གཡོན་ཕྱོགས་སུ་ནི། རྡོ་རྗེ་བྲིའོ། །དེ་བཞིན་གཤེགས་པའི་གཡས་ཕྱོགས་སུ་དཔལ་གྱི་ལྷ་མོ་ཆེན་མོ་བྲིའོ། །དེ་ནས་རིག་སྔགས་འཆང་གིས་དཀྱིལ་འཁོར་གྱི་ཤར་ཕྱོགས་ཀྱི་ངོས་སུ་བུམ་པ་ཉི་ཤུ་རྩ་བདུན་དགོད་པར་བྱའོ། །བྱང་དང ། ནུབ་དང ། ལྷོར་ཡང་དེ་བཞིན་དུ་དགོད་པར་བྱའོ། །བུམ་པ་དེ་དག་གི་ནང་དུ་ཡང་ས་བོན་དང ། རིན་པོ་ཆེ་ཐམས་ཅད་གཞུག་གོ་།བུམ་པ་ཐམས་ཅད་ཀྱང་མགྲིན་བཅིངས་དང་ལྡན་པར་བྱའོ། །བུམ་པ་དེ་དག་ཐམས་ཅད་དུ་འོ་མ་ཡོད་པའི་ཤིང་གི་ཡལ་ག་ཡང་བཙུགས་ཏེ་ལན་བདུན་བདུན་བསྔགས་སོ། །དེ་ནས་སངས་རྒྱས་བཅོམ་ལྡན་འདས་དང ། འཕགས་པ་ལག་ན་རྡོ་རྗེ་དང ། དཔལ་གྱི་ལྷ་མོ་ཆེན་མོ་ལ་ལྷ་བཤོས་རྒྱས་པར་དབུལ་ཞིང་མཆོད་པ་རྒྱས་པར་བྱའོ། །སངས་རྒྱས་བཅོམ་ལྡན་འདས་ཀྱི་སྤྱན་སྔར་དཀྱིལ་འཁོར་གུར་གུམ་གྱིས་སྐྱང་ནུལ་དུ་བྱུགས་ལ་དེའི་མདུན་དུ་བིལ་བའི་ཤིང་གིས་
Ma44a
༄#། །མེ་སྦར་ཏེ་བ་སེར་མོ་བེའུ་ཡོད་པའི་མར་གྱི་ནང་དུ་ཨ་ག་རུའི་ཡམ་སྲེག་ཤིང་ངམ། ཡང་ན་པདྨ་བརྒྱད་སྟོང་སྨྱུགས་ཏེ་སྦྱིན་སྲེག་བྱས་ལ་མར་གྱི་མར་མེ་བརྒྱད་སྟོང་སྦར་ཏེ་དེ་ནས་ལས་བྱའོ། །ལས་ཟིན་ནས་བུམ་པ་དེ་དག་གིས་རྒྱལ་པོ་དེ་ཁྲུས་བྱེད་དུ་བཅུག་ལ། ཞག་ཉི་ཤུ་རྩ་གཅིག་གི་བར་དུ་ངེས་པར་གནས་པར་བྱས་ན། ཟིན་པའི་རྗེས་ལ་རྒྱལ་སྲིད་ཐོབ་པར་འགྱུར་རོ། །ཕལ་པ་གང་ལ་ལས་ཁྲུས་བྱས་ན། དེའི་ལོངས་སྤྱོད་ཀྱི་གཞི་འགྲུབ་པར་འགྱུར་ཏེ། རྒྱལ་སྲིད་དམ། ཡུལ་གྲུའི་བདག་པོའམ། གྲོང་གི་བདག་པོར་འགྱུར་རོ། །ཅི་སྟེ་བ་ལང་དང་བྲམ་ཟེ་གསོད་པར་བྱེད་ན་ཡང་སྡིག་པ་ཐམས་ཅད་ལས་ཐར་པར་འགྱུར་རོ། །གང་དང་གང་འདོད་པའི་ཕྱིར་བྱས་ན་ཡང་འདོད་པ་དེ་དང་དེ་ཐོབ་པར་འགྱུར་ཏེ། ཇི་ལྟར་ང་དེ་བཞིན་གཤེགས་པའི་ཞམ་འབྲིང་ན་རྟག་ཏུ་གནས་པ་དེ་བཞིན་དུ་དཔལ་གྱི་ལྷ་མོ་ཆེན་མོ་འདི་དེའི་ཐད་ན་གནས་པར་འགྱུར་རོ།། ཇི་ལྟར་རྡོ་རྗེ་འདི་རྟག་ཏུ་ང་ལ་གནས་པ་དེ་བཞིན་དུ་དཔལ་གྱི་ལྷ་མོ་འདི་རྟག་ཏུ་དེ་ལ་གནས་པར་འགྱུར་རོ། །གང་ཞིག་རྟག་ཏུ་དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་འཆང་དེ་ལ་ནི། རྟག་ཏུ་ལྷ་རྣམས་སྲུང་པར་བྱེད་ཅིང་ཞི་བ་དང་བདེ་ལེགས་སུ་འགྱུར་རོ། །རིག་སྔགས་འཆང་ངམ། རིག་སྔགས་འཆང་གི་བུའམ། རིག་སྔགས་
Ma44b
འཆང་མ་གང་ཞིག་དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོ་མཐོང་ན། ཐམས་ཅད་འཕེལ་བར་བྱེད་པའི་དཔལ་ཐོབ་པར་འགྱུར་རོ། །དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་རྫོགས་སོ།། །།དེ་ནས་དྲང་སྲོང་ལྔ་དགའ་བའི་ཚལ་དུ་འཁོད་ནས་གཅིག་ལ་གཅིག་བལྟས་ཏེ་འདི་སྐད་སྨྲས་སོ། །བྱང་ཆུབ་སེམས་དཔའ་སེམས་དཔའ་ཆེ། །རྡོ་རྗེ་འཛིན་པ་འདི་ཉིད་ནི། །སེམས་ཅན་རྣམས་ལ་ཕན་འདོད་ཕྱིར། །ཐུབ་པའི་དྲུང་ན་གསང་བའི་སྔགས། །རྣམ་པ་སྣ་ཚོགས་ཐབས་ཀྱིས་སུ། །རིག་མཆོག་ཆོ་ག་ཆེན་པོ་གང ། །ལྷ་རྣམས་ལ་ནི་གྲུབ་སྦྱིན་ཞིང ། །ཐོས་ནས་རྟག་ཏུ་ལྷ་རྣམས་ནི། །ལྷ་མིན་ལས་རྒྱལ་ལྡོན་བྱེད་ཀྱི། །སེམས་ཅན་རྣམས་ཀྱི་དོན་གྱི་ཕྱིར། །གསང་བའི་བདག་པོ་སྟོབས་པོ་ཆེ། །ཞི་བ་དང་ནི་དུལ་བ་ཡི། །ཐད་དུ་སོང་ནས་བྲི་བར་བྱ། །དེ་ནས་ལྷའི་དྲང་སྲོང་འོད་ཟེར་ཅན་དང ། འོད་སྲུང་དང ། ཀུན་ཤེས་དང ། གནས་འཇོག་དང ། མི་སྦྱིན་གྱི་པུ་ལ་སོགས་པ་བཅོམ་ལྡན་འདས་དང ། ལག་ན་རྡོ་རྗེ་དང ། དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་གྱི་རྒྱལ་པོ་གང་ན་བ་དེར་དོང་སྟེ་ཕྱིན་ནས་ལྷའི་གླུ་དབྱངས་ཀྱིས་བཅོམ་ལྡན་འདས་ལག་ན་རྡོ་རྗེ་ལ་མངོན་པར་བསྟོད་དོ། །དེ་ནས་བཅོམ་ལྡན་འདས་ལག་ན་རྡོ་
Ma45a
༄#། །རྗེས་དཀྱིལ་འཁོར་དེ་ནས་ལངས་ནས་ལྷའི་དྲང་སྲོང་དེ་དག་ལ་སྨྲས་པ། དྲང་སྲོང་ཆེན་པོ། ཁྱེད་རྣམས་སེམས་ཅན་ཐམས་ཅད་ལ་ཕན་པའི་ཕྱིར་བརྩོན་པ་དང ། སེམས་ཅན་ཐམས་ཅད་ལ་ཕན་པའི་ཕྱིར་ཞུགས་པ་དང ། དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་གྱི་རྒྱལ་པོའི་ནང་དུ་འོངས་པ་ལེགས་སོ་ལེགས་སོ། །དེ་ནས་དགའ་བའི་ཚལ་ཆེན་པོ་ཡིད་དུ་འོང་བ་དང ། ཤིང་ཆེན་པོ་ཡོངས་འདུ་ལ་གནས་པའི་སྲིན་མོ་ནམ་གྲུ་ཞེས་བྱ་བ་སྟོབས་ཆེན་མོ། བརྩོན་འགྲུས་ཆེན་མོ། འཇིག་རྟེན་གསུམ་ན་བྱིས་པ་རྣམས་གསོང་པ། འདོད་རྒུར་སྒྱུར་བའི་གཟུགས་ཅན་དེ་ཡང་དྲང་སྲོང་དེ་དག་གི་ཐད་དུ་སོང་སྟེ་མཐོང་ནས་ལྟད་མོར་གྱུར་ཏེ་དཀྱིལ་འཁོར་དེ་དང་ཉེ་བ་ཞིག་ཏུ་སོང་ནས་རྒྱང་ན་འདུག་ཅིང་རྡོ་རྗེ་འབར་བའི་གཟི་བརྗིད་ཀྱིས་དེའི་ནང་དུ་འོང་མ་ནུས་སོ། །དེ་ནས་དབང་ཕྱུག་ཆེན་པོ་ལ་སོགས་པ་ལྷ་རྣམས་དང ། མི་སྦྱིན་གྱི་བུ་ལ་སོགས་པ་དྲང་སྲོང་རྣམས་ལག་ན་རྡོ་རྗེའི་ཞལ་དུ་ལྟ་ཞིང ། རྡོ་རྗེ་འཛིན་སྲིན་མོ་ནམ་གྲུ་ཞེས་བྱ་བ། སྟོབས་ཆེན་མོ། བརྩོན་འགྲུས་ཆེན་མོ་འདི་ནི།་སྐྱེ་བོ་གནས་པ་དང ། འགྲོ་བ་འཇིགས་པར་བྱེད་པ་ལགས་ཀྱི། རྡོ་རྗེ་འཛིན་ཆེན་པོ། སྲིན་མོའི་འཇིགས་པ་དེ་ལས་བདག་ཅག་ཡོངས་སུ་སྐྱོབས་ཤིག་།དེ་ནས་
Ma45b
དཔལ་དང་ལྡན་པ་རྡོ་རྗེ་འཛིན་ཁྲོས་ཏེ་མིག་དམར་པོར་བསྒྱུར་ནས་རང་གི་དཔུང་ལ་བལྟས་ཏེ་ལྷ་དེ་དག་ལ་འདི་སྐད་ཅེས་སྨྲས་སོ། །ལྷ་རྣམས། རེ་ཞིག་འཁོད་ཅིག་དང ། འཇིག་རྟེན་ན་སྡང་བ་གང་ཇི་སྙེད་ཡོད་པ་དེ་དག་གཞིག་པར་བྱའོ། །དེ་ནས་ལྷ་རྣམས་དང ། དྲང་སྲོང་དེ་དག་གིས་ལག་ན་རྡོ་རྗེ་དང ། སྤྱན་ལ་བསྟོད་ནས་རྡོ་རྗེ་འཛིན་སྲིན་མོ་ཆེན་མོ། །བརྩོན་འགྲུས་ཆེན་མོ། །སྟོབས་ཆེན་མོ་ཁྱོད་ཀྱི་དཀྱིལ་འཁོར་དུ་འཇུག་མི་ནུས་ཀྱི། རྡོ་རྗེ་འཛིན་ཁྱོད་ཀྱིས་ཀྱང་སྲིན་མོ་ཆེན་མོ་འདི་ལ་བསྟོད་པར་མཛོད་ཅིག་དང ། དེས་ན་དཀྱིལ་འཁོར་དུ་འོང་བར་འགྱུར་རོ། །དེ་ནས་བཅོམ་ལྡན་འདས་ལག་ན་རྡོ་རྗེས་ལྷ་དེ་དག་ལ་སྙིང་རྗེའི་སེམས་ཀྱིས་བལྟས་ནས་སྲིན་མོ་ནམ་གྲུ་ལ་རང་གི་ཆོ་འབྲང་ལས་བསྟོད་པ། ནམ་གྲུ་ཕྱོད་ཀྱི་ཆོ་འགྲང་དང ། །མཚན་ཉིད་དག་ནི་བཤད་བྱ་ན། །ནོར་བུའི་རང་བཞིན་ཁྱོད་ཀྱི་ལུས། །རྒྱབ་ནི་འཛམ་བུ་ཆུ་བོའི་གསེར། །ཁྱོད་ཀྱི་གདོང་ཡང་དངུལ་ཡིན་ཏེ། །ལྟོ་བའི་ངོས་ནི་རྡོ་རྗེས་གཏམས། །མིང་པོ་མཛོད་དང་མཛོད་སྲུང་བ། །ཁྱོད་ཀྱི་མ་ནི་ཀུན་འགྲོ་མ། །ཁྱོད་ཀྱི་ཕ་ནི་རླུང་ཞེས་བྱ། །སྐལ་ལྡན་ཤིང་རྟ་ཁྱོད་ཀྱི་རུས། །ལྷ་ཡུལ་དག་ཏུ་གྲགས་པ་ཡིན། ། དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་སྲིན་མོ་ནམ་གྲུ་རང་གི་ཆོ་འབྲང་ལ་བསྟོད་ནས་སངས་རྒྱས་བཅོམ་ལྡན་འདས་ལ་མགོ་བོས་ཕྱག་འཚལ་ཏེ། རྡོ་རྗེ་འཛིན་པ་
Ma46a
༄#། །བདག་ཉིད་ཆེ། །ཚངས་དང་གསུམ་ལ་ཕྱག་འཚལ་ཏེ། དབང་ཕྱུག་ཆེ་ལ་ཕྱག་འཚལ་ནས། །ས་འཛིན་རླུང་རྣམས་གང་ཡིན་དང ། །གང་དག་གནོད་སྦྱིན་སྟོབས་པོ་ཆེ། །གྲུབ་པ་རྒྱུ་བ་དྲི་ཟ་རྣམས། །དྲང་སྲོང་ལྷ་དང་ལྷ་མིན་པ། །དེ་ནས་འབྱུང་པོ་ཐམས་ཅད་དང ། །འོད་ཟེར་ཅན་དང་འོད་སྲུང་དང ། །ཀུན་ཤེས་དང་ནི་གནས་འཇོག་དང ། །ཐུབ་པ་ཆེན་པོ་མི་སྦྱིན་བུ། །དབང་པོ་གཏུམ་པོ་ཁྱབ་འཇུག་དང ། །འདི་རྣམས་བདག་ལ་གྲུབ་སྦྱིན་ཤོག་།ནམ་གྲུ་མོ་ནི་བཤད་བྱ་ན། །མཚན་མོ་ནག་མོ་འཇིགས་བྱེད་མ། །གཤིན་རྗེའི་སྲིང་མོ་ཆེན་མོ་སྟེ། །ཡོངས་འདུའི་ཤིང་ལ་གནས་པ་ཡིན། །རི་ལ་ཁྱབ་འཇུག་གཅིག་པུ་ནི། །བདེ་བར་ཉལ་བར་མི་ཉམ་སྟེ། །དེས་ནི་བྱ་ཡི་གཟུགས་ཀྱིས་སུ། །མཚན་མོ་ཁྱབ་འཇུག་སྐྲག་པར་བྱེད། །ལྷ་མོ་ནག་མོ་སྟོབས་མོ་ཆེས། །དེ་མཐོང་ནས་ནི་འོང་བར་འགྱུར། །དེ་ནས་རྩེད་མོ་བྱེད་བཞིན་དུ། །བྱིས་པ་གསོད་པའི་མགྲིན་པ་ནས། །ལག་པ་གཡོན་པས་བཟུང་ནས་ནི། །འཇིགས་པའི་སྒྲ་ཡང་འབྱིན་པར་བྱེད། །རྣ་གཉིས་ཀྱང་ནི་མ་མཐོང་སྟེ། །སེམས་ཉམས་པས་ནི་ང་མཐོང་ནས། །ཤིན་ཏུ་བྲེད་ཅིང་བཞིན་ཡང་འགྱུར། །ཁྱོད་ནི་ང་ལ་མ་འཚེ་བར། །ལྷ་ཡི་དགའ་གནས་དགའ་བར་གྱིས། །དེ་ནས་ཁྲོས་ནས་དེ་ཉིད་དུ། །བྱིས་པ་གསོད་ལ་བསྒོ་བ་ནི། །ལོ་གཅིག་པ་དང་
Ma46b
ལོ་གཉིས་དང ། །ལོ་དགུ་པ་ལ་མ་འཇུག་པར། །བཟང་མོ་སོང་ལ་སྐྱེ་རྒུ་འདི། །རང་གི་ལས་ཀྱིས་བཟའ་བར་གྱིས། །བ་ལང་རྣམས་ལ་གོར་ཡང་བྱོས། །ཝ་རྣམས་དང་ནི་ཝ་གསོད་དང ། །རི་དྭགས་ལ་ནི་རི་དྭགས་ནད། །མི་རྣམས་ལ་ནི་མི་ངས་བྱོས། །ཁྱོད་ཀྱི་ལུས་ལ་དེང་བརླག་གྱུར། །བྱིས་པ་རྣམས་ནི་རྩེ་གྱུར་ཅིག་།བྱིས་པ་རྣམས་ལ་ཕན་གདགས་ཕྱིར། །མ་མོ་རྣམས་ལ་སྙེམས་པའི་མཆོག་།མི་རྣམས་ཀྱང་ནི་རིམ་བཞིན་དུ། །དེ་ནི་བདག་གིས་བཤད་པར་བྱ། །དཀྱིལ་འཁོར་འདི་ནི་མཐོང་བ་ལ། །གདོན་ནི་གང་ཞིག་ལྡོག་མི་བྱེད། །གདེན་མང་དག་གིས་དེ་སྤངས་ནས། །མུན་པ་མི་བཟད་གནས་པར་འགྱུར། །གང་གིས་སུ་ནི་ཞི་འགྱུར་བ། །འདི་ཡང་ལྷ་རྣམས་མཉན་པར་གྱིས། །གང་ན་བུད་མེད་སྲུང་བྱེད་པ། །དེར་ནི་བྱིས་པ་བསྲུང་བྱ་སྟེ། །གསེར་དག་དང་ནི་ལུང་ཏང་རྣམས། །པུད་ཏྲན་ཛི་བ་ལིག་བུ་མིག་།གིའུ་ཝང་མར་དང་སྦྲང་རྩི་དང ། །ཡང་ན་ཤུ་དག་གྲོ་བ་རྣམས། །འདི་དག་གང་གི་ཁྱིམ་ན་ཡོད། །དེར་ནི་བྱིས་པ་བསྲུང་བར་བྱ། །དེ་ནས་གསང་བའི་བདག་པོ་ལག་ན་རྡོ་རྗེ་སྟོབས་པོ་ཆེས་རིག་སྔགས་བཤད་པ། །ན་མོ་བཛྲ་པཱ་ཎི་སྱ། ཙི་ལི་ཙི་ལི། བྷིནྡ་བྷིནྡ། མུཉྩ་མུཉྩ། ཧི་བ་ལ་ཀཾ་སཝཱཧཱ། བཛྲ་པཱ་ཎི་རཱ་ཛྙཱ་པ་ཡ་ཏི་སཝཱཧཱ། དེ་བ་ས་མཱ་ཛྙཱ་པ་ཡ་ཏི་སཝཱཧཱ། རི་ཤ་ཡ། ས་མཱ་ཛྙཱ་བ་ཡ་ཏི་སཝཱཧཱ། དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་སྟོབས་པོ་ཆེས་
Ma47a
༄#། །འདི་བཤད་མ་ཐག་ཏུ་སྲིན་མོ་སྟོབས་མོ་ཆེ་ནམ་གྲུས་སྐད་ཆེན་པོ་ཕྱུང་ནས་དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོ་གང་ན་བ་དེར་སོང་སྟེ་ཕྱིན་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །སྟོབས་པོ་ཆེ་ཚོགས་མི་བཟད་པ་མཆོག་ཏུ་མི་བཟད་པ་མཆོག་ཏུ་འཇིགས་པ་ལས་བདག་བསྐྱབ་ཏུ་གསོལ། །དེ་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་སྲིན་མོ་དེ་དག་ལ་འདི་སྐད་ཅེས་སྨྲས་སོ། །སྲིན་མོ་མ་འཇིགས་ཤིག་།མ་འཇིགས་ཤིག་།རིག་སྔགས་ཀྱི་རྒྱལ་པོ་ཆེན་པོ་དྲན་པར་གྱིས་ཤིག་།བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་དྲན་པར་གྱིས་ཤིག་དང ། དེས་ན་འཇིགས་པར་མི་འགྱུར་རོ། །སྐལ་པ་ཆེན་པོ་ལྡོག་པར་གྱིས་ཤིག་།སྟོབས་པོ་ཆེ་ངའི་བཀའ་ཉོན་ཅིག་།དེ་ནས་སྲིན་མོ་ཆེན་མོ་ནམ་གྲུས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་ཆེན་པོ་བདག་གིས་གཏོང་ལགས་ཀྱི། བདག་གིས་ཅི་བགྱི་བ་བཀའ་སྩོལ་ཅིག་།དེ་ནས་བཅོམ་ལྡན་འདས་ལག་ན་རྡོ་རྗེས་སྲིན་མོ་དེ་ལ་སྨྲས་པ། གང་ན་རིག་སྔགས་ཀྱི་རྒྱལ་པོ་གནས་པ་དེར་ཁྱོད་མ་འདུག་ཅིག་།དཔལ་ཐམས་ཅད་འབྱུང་བར་བྱེད་པའི་དཀྱིལ་འཁོར་ཆེན་པོ་མཐོང་བ་གང་ཡིན་པ་
Ma47b
དང ། ཁྱོད་ཀྱི་ཆོ་འབྲང་དང ། མཚན་ཉིད་གྲོ་ག་ལ་བྲིས་ཏེ་འཆང་བ་དེར་ཡང་ཁྱོད་ཀྱིས་བསྲུངས་ལ་ཞི་བ་དང་བདེ་ལེགས་སུ་གྱིས་ཤིག་།སྨྲས་པ། སྟོབས་པོ་ཆེ། དེ་ལྟར་བགྱི་སྟེ།་གང་བདག་གི་ཆོ་འབྲང་དང ། མཚན་ཉིད་གྲོ་ག་ལ་གིའུ་ཝང་གིས་བྲིས་ནས་སྣོད་དུ་བཅུག་སྟེ་འཆང་བ་དང ། དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོ་མཐོང་བ་དང ། ཡུལ་ལམ་གྲོང་ཁྱེར་གང་ན་དཀྱིལ་འཁོར་ཆེན་པོ་འདི་འབྲི་བའི་ཡུལ་དེ་ཞི་བ་དང ། བདེ་ལེགས་སུ་འགྱུར་ཏེ། དེས་ན་སེམས་ཅན་སྡང་བར་སེམས་པ་རྣམས་ཀྱིས་ཁྱོད་ཀྱི་བཀའ་མཉན་ནས་སྲུང་བར་བྱེད་དེ། ཞི་བ་དང ། བདེ་ལེགས་སུ་འགྱུར་རོ། །བྱིས་པ་གང་ནམ་གྲུའི་ཆོ་འབྲང་དང་མཚན་ཉིད་སྣོད་དུ་བཅུག་སྟེ་འཆང་བ་དེ་ལ་ནི། གདོན་ཐམས་ཅད་ཀྱིས་འཇིགས་པར་མི་འགྱུར་རོ། །གང་ཞིག་དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོ་བྲིས་པའི་དབུས་སུ་རྡོ་རྗེའི་དབྱིབས་ཀྱི་ཐབ་ཁུང་བྱས་ཏེ་རབ་ཏུ་གྲུབ་པར་བྱེད་པའི་རྒྱུད་ཆེན་པོ་ལས་ཁྲོ་བོ་སྟོབས་པོ་ཆེ་ངས་བཤད་པ་གང་ཡིན་པའམ། ཡང་ན་རིག་སྔགས་ཀྱི་རྒྱལ་པོ་ཆེན་པོས་གུ་གུལ་ལམ་འབྲུའི་སྦྱིན་སྲེག་བྱས་ན། ལག་ན་རྡོ་རྗེས་བཤད་པ་བཞིན་དུ་ཡུལ་ལམ་གྲོང་ཁྱེར་གྱི་མི་ནད་ཞི་བར་འགྱུར་རོ། །ཞི་བའི་ཆོ་ག་རྫོགས་སོ།། །།དེ་ནས་བཅོམ་ལྡན་
Ma48a
༄#། །འདས་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །བཟོད་ལྡན་དག་།ཁྱེད་ཉོན་ཅིག་།དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོ་ལས་ངས་རིག་སྔགས་བཤད་པ་གང་ཡིན་པ་དེ་དག་གི་ལས་ཀྱི་འབྲས་བུ་སྟོན་པ་རྣམ་པ་སྣ་ཚོགས་དས་བཤད་པར་བྱའོ། །སྨྲས་པ། རིག་སྔགས་ཀྱི་རྒྱལ་པོ་སྔགས་ཐམས་ཅད་ཀྱི་ལས་ཤོད་ཅིག་ཤོད་ཅིག་།སྨྲས་པ། ལྷ་རྣམས་པའི་བཀའ་གཅོག་པ་དེ་ནི། ངས་རྡོ་རྗེ་འབར་བ་ཀུན་ཏུ་རབ་ཏུ་འབར་བས་སྤྱི་བོ་གཤེག་པར་བྱའོ། །དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོའི་ཆོ་ག་ངས་བཤད་པ་གང་ཡིན་པ་དེ་ཡང་དེ་བཞིན་དུ་གྱིས་ཤིག་།ནམ་གྲུའི་ཆོ་འབྲང་དང ། མཚན་ཉིད་ཀྱི་ཆོ་ག་བཤད་པར་བྱ་སྟེ། ཡུལ་གང་དུ་མི་ནད་ཀྱི་གནོད་པ་བྱུང་བ་དེར་ངས་ཆོ་ག་བཤད་པའི་ཆོ་ག་དེས་དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོ་བྲིས་ལ། དེའི་དབུས་སུ་རབ་ཏུ་གྲུབ་པར་བྱེད་པའི་རྒྱུད་ལས་བཤད་པའི་རྡོ་རྗེ་ཁྲོ་བོས་གུ་གུལ་ལས་འབྲུའི་སྦྱིན་སྲེག་བྱའོ། །སྲིན་མོ་ཆེན་མོ་དེའི་གཏོར་མ་གང་གིས་མི་ནད་ཞི་བར་གྱུར་པ་ཡང་བཤད་པར་བྱ་སྟེ། འབྲས་ཀྱི་འོ་ཐུག་སྦྱར་ཐུག་དང ། །འབྲས་ཅན་མོན་སྲན་གྲེའུ་སྦྱར་དང ། །འབྲས་ཅན་བུ་རམ་སྦྱར་བ་
Ma48b
དང ། །ཏིལ་དང་སྦྱར་བའི་སྣུམ་ཁུར་དང ། །འབྲས་ཀྱི་ཞིང་དེ་དུ་ཞོ་དང ། །བན་ཙེར་འཁུར་བ་བཀྲ་ཤིས་ལྡན། །འབྲས་ཀྱི་ཆུང་པེང་ལ་ཕུག་ཏིལ། །བུར་མར་འོ་མ་ཉ་དང་ཤ་།ཏིལ་ཕྱེ་ལས་བྱས་འཁུར་བ་དང ། །ཆང་དང་དབྱིག་དང་བཅས་པ་དང ། །མེ་ཏོག་ཕྲེང་བ་དྲི་དང་བྱུག་།གཏོར་མ་དེ་དག་བྱིན་ན་ནི། །མི་ནད་ཀུན་ཞི་ཕན་པར་འགྱུར། །ལྷ་ཐམས་ཅད་ལ་ཡང་བཤོས་སྣ་ཚོགས་དབུལ་བར་བྱ་ཞིང ། དེར་ཤིན་ཏུ་བཀྲ་ཤིས་པའི་ཚིགས་སུ་བཅད་པ་ཡང་བཀླག་པར་བྱའོ། །རྣམ་པར་རྒྱལ་བའི་རྒྱུད་ཆེན་པོ་ལས་བཅོམ་ལྡན་འདས་ཀྱིས་གསུངས་པའི་རིག་སྔགས་ཀྱི་རྒྱལ་མོ་ཆེན་མོ་རྨ་བྱ་ཆེན་མོའི་རིག་སྔགས་བདུན་བརྒྱད་བསྐོར་བ་གང་ཡིན་པ་དེ་ཡང་དེར་བཀླག་པར་བྱ་སྟེ། རིམ་གྲོར་བྱ་ཞིང་བླ་མར་བྱས་ལ་དྲི་དང ། མེ་ཏོག་དང ། བདུག་པ་དང ། བཤོས་རྣམས་ཀྱིས་མཆོད་པར་བྱའོ། །ནམ་གྲུའི་ཆོ་འབྲང་དང ། མཚན་ཉིད་ཀྱང་བཀླག་པར་བྱ་སྟེ། གྲོ་ག་ལ་བྲིས་ནས་མགོ་ལ་བཏགས་ན་ཡུལ་དེར་ཞི་བ་དང ། བདེ་ལེགས་སུ་འགྱུར་ཏེ། ཡུལ་དེར་མི་ནད་ཀྱི་གནོད་པ་འབྱུང་བར་མི་འགྱུར་རོ། །ནམ་གྲུའི་ཆོ་འབྲང་མཚན་ཉིད་ནི། །ལག་ན་རྡོ་རྗེས་བཤད་པ་བཞིན། ། དེས་ནི་བདག་གིས་ངེས་པར་བསྟན། །ཕོ་ཉ་མོ་སྟོབས་ཆེན་མོ་རྣམས་ཀྱི་ལས་ཀྱང་བཤད་པར་བྱ་སྟེ། དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོ་ལ་
Ma49a
༄#། །ཕོ་ཉ་མོ་སྟོབས་ཆེན་མོ་དྲུག་ངས་བཤད་པ་གང་ཡིན་པ་རྣམས་དང ། ཚོགས་རྣམས་ཀྱི་ནང་ན་ཕོ་ཉ་མོ་རྣམས་ཀྱི་ལས་སྒྲུབ་པ་ལྕགས་ཅན་བསྟན་པ་གང་ཡིན་པ་དང ། མཐོང་བར་དགའ་བར་བཤད་པར་ཕོ་ཉ་ཚོགས་དྲུག་གིས་བསྐོར་བ་ཚོགས་ཆེན་པོ་ལྕགས་ཅན་གང་གིས་མཐོང་བ་དེས་ཕོ་ཉ་མོ་རྣམས་དང་འགྲོགས་པ་མི་བཟད་པ་དཔའ་བོའི་ཚོགས་ཆེན་པོ་དང ། ཕོ་ཉ་མོ་རྣམས་དང་ལྷན་ཅིག་གནས་པ་དྲག་པོ་མི་བཟད་པ། ལས་དྲག་པོ་བྱེད་པ། གཟུགས་བཟང་པོ་དང ། ལྕགས་ཅན་ཕོ་ཉ་མ་རྣམས་དང་ལྷན་ཅིག་ན་གནས་པ་སྟོབས་པོ་ཆེ་སྒྲུབ་པ་ནི། མར་གྱི་ངོ་ཞག་བརྒྱད་ལ་སྨྱུང་བར་བྱས་ཏེ་བཅོམ་ལྡན་འདས་ལག་ན་རྡོ་རྗེའི་མདུན་དུ་མཆོད་པ་རྣམ་པ་སྣ་ཚོགས་དེ་བཞིན་དུ་བྱས་ལ། དེ་ནས་ཕོ་ཉ་མོ་སྟོབས་མོ་ཆེ་དྲུག་གཞག་པར་བྱའོ། །དེ་ལ་དབུས་སུ་ནི། ལག་ན་རྡོ་རྗེ་སྟོབས་པོ་ཆེ་དྲག་པོའི་ལས་བྱེད་པ་གཟུགས་བཟང་པོ་གཞག་གོ་།འོག་ལོགས་སུ་ནི། རྐང་པ་གཡས་པའི་ལྷོ་ཕྱོགས་སུ་ནི་ཕོ་ཉ་མོ་སྟོབས་མོ་ཆེ་དྲུག་གཞག་གོ་།རྐང་པ་གཡས་པ་དེ་ཡང་འདེགས་པར་བྱ་སྟེ། ཚོགས་ཆེན་པོ་ལྕགས་ཅན་སྟོབས་པོ་ཆེ་ཚོགས་བདུན་གྱིས་བསྐོར་བས་ལག་པ་གཉིས་ཀྱིས་རྡོ་རྗེ་འཛིན་པ་ཆེན་པོའི་རྐང་པ་གཡས་པ་སྟོན་ཅིང་འཛིན་པར་བྱའོ། །དེ་ནས་ལྕགས་ཅན་གྱི་
Ma49b
འོག་ལོགས་སུ་རིན་པོ་ཆེ་ཐམས་ཅད་དང ། འབྲུ་ཐམས་ཅད་གཞག་པར་བྱའོ། །ཡང་ན་ཀཪྵ་པ་ནི་བརྒྱ་རྩ་བརྒྱད་ཚང་བར་དབུལ་བར་བྱའོ། །ལག་ན་རྡོ་རྗེ་དང་ལྕགས་ཅན་ལ་སོགས་པ་ཚོགས་རྣམས་དང ། ཕོ་ཉ་མོ་སྟོབས་མོ་ཆེ་དེ་དག་ཀྱང་ཚོན་རྩི་སྣ་གསུམ་གྱིས་བྲི་བར་ཕྱའོ། །དེ་ནས་ལག་ན་རྡོ་རྗེ་དང ། ཚོགས་ཆེན་མོ་རྣམས་དང ། ཕོ་ཉ་མོའི་ཚོགས་དེ་དག་ལི་ལྷ་བཤོས་སྣ་ཚོགས་དབུལ་བར་བྱའོ། །དེ་ནས་ཚོགས་ཆེན་པོ་ལྕགས་ཅན་གྱི་སྔགས་ལན་བརྒྱ་རྩ་བརྒྱད་བཟླས་པར་བྱའོ། །དེ་ནས་མཚན་མོ་རྨི་ལམ་བཟང་པོ་རྨི་བར་འགྱུར་རོ།། ཡང་ན་སྐྱེས་པའམ་བུད་མེད་མཐོང་བར་འགྱུར་ཏེ། ཅི་སྟེ་སྐྱེས་པ་ནག་པོ་མིག་དམར་ལ་གོས་སེར་པོ་གྱོན་པ་ཞིག་མཐོང་ན་ནི། དེ་ཕྱིན་ཆད་རིག་སྔགས་འཆང་གི་ཞི་བ་དང ། རྒྱས་པ་དང ། དྲག་ཤུལ་གྱི་ལས་རྣམས་འགྲུབ་པར་འགྱུར་རོ། །ཅི་སྟེ་བུད་མེད་གོས་དཀར་པོ་གྱོན་པ་མདོག་ནག་པའམ། སྔོ་བསངས་སམ། དཀར་པོ་མཐོང་བར་གྱུར་ན། དེ་ཅི་སྟེ་དཀར་པོ་མཐོང་ན་ནི། ལྡོང་རོས་བསྒྲུབ་པར་བྱའོ། །ཅི་སྟེ་སྔོ་བསངས་མཐོང་ན་ནི། མཚོན་ཆ་ཐམས་ཅད་འགྲུབ་པར་འགྱུར་རོ། །ཅི་སྟེ་ནག་པོ་མཐོང་ན་ནི། ལིག་བུ་མིག་དང ། ཕ་བོང་ལོང་བུ་དང ། སྟང་ཟིལ་ལ་སོགས་པའི་མིག་སྨན་རྣམས་འགྲུབ་པར་འགྱུར་རོ། །ཕོ་ཉ་མོ་རྣམས་ཀྱི་ལས་ཐམས་ཅད་ལ་ནི། ནང་པར་བླ་མ་དང་ཆོ་གས་ལག་ན་རྡོ་རྗེ་དང་འདྲ་
Ma50a
༄#། །བར་བྱ་སྟེ། བདག་ཉིད་ཀྱིས་ཕོ་ཉ་མོ་རྣམས་ཀྱི་ཐབས་སུ་བུད་མེད་གང་ཡང་རུང་བ་ཀུ་ཤའི་སྟན་བྱས་པ་ལ་འདུག་པ་ལ་ཅི་རིགས་པའི་ཁ་ཟས་ཀྱིས་སྟོན་ན་ཕོ་ཉ་མོ་དྲུག་དང ། ཚོགས་སྟོབས་པོ་ཆེ་བརྒྱད་པོ་རྣམས་འགྲུབ་པར་འགྱུར་ཏེ། ཞག་གསུམ་ན་ཕོ་ཉ་མོའི་ཚོགས་རྣམས་ཡོངས་སུ་མགུ་བར་གྱུར་པས་གློ་བུར་བུ་སྐྱེས་པ་དང་བུད་མེད་ཀྱི་གཟུགས་ཀྱིས་ཤིང་ཐོག་སྦྱིན་པར་བྱེད་དོ། །དེ་ནས་རིག་སྔགས་འཆང་གིས་ཤིང་ཐོག་བླངས་ལ་བདག་གྲུབ་བོ་སྙམ་དུ་ཤེས་པར་བྱས་ནས་ལག་ན་རྡོ་རྗེ་དང ། ཕོ་ཉ་མོའི་ཚོགས་རྣམས་ལ་མཆོད་པར་བྱའོ། །བཅོམ་ལྡན་འདས་ལག་ན་རྡོ་རྗེ་ཕོ་ཉ་མོའི་ཚོགས་དང་ལྷན་ཅིག་ཏུ་ཚོན་རྩི་སྣ་གསུམ་གྱིས་བྲིས་པ་འདི་ནི། གང་གིས་མཐོང་ན་ཡང་ཕོ་ཉ་མོའི་ཚོགས་ཐམས་ཅད་འགྲུབ་པར་འགྱུར་ན། སྒྲུབ་པ་དང་འཆང་བ་ལྟ་ཅི་སྨོས། དབྱིག་དེ་དག་ཀྱང་ལག་པར་བཞག་སྟེ་བླ་མ་ལ་དབུལ་བར་བྱའོ། །ཕུལ་ནས་ཀྱང་ཕོ་ཉ་མོའི་ཚོགས་རྣམས་བདག་ལ་གྲུབ་པར་གྱུར་ཅིག་ཅེས་སྨྲས་ལ། དེ་ནས་ཀྱང་བསྒྲིམས་ཏེ་ཕོ་ཉ་མོའི་ཚོགས་ཀྱིས་བལྟས་པའི་ལས་འདི་བསྒྲུབ་པར་བྱའོ། །དེ་ནས་ཕོ་ཉ་མོ་དྲུག་དང ། ཚོགས་སྟོབས་པོ་ཆེ་བརྒྱད་པོ་རྣམས་ལས་སྣ་ཚོགས་ཀྱིས་བསྒྲུབ་པར་བྱའོ། །ཕོ་ཉ་མོ་རྣམས་ཀྱི་ལས་སྣ་ཚོགས་རྣམས་བཤད་
Ma50b
པར་བྱ་སྟེ། མེ་ལྕེ་མའི་ལས་འདི་རྣམས་སྲུང་བ་ནི། ལན་བདུན་བཟླས་བརྗོད་བྱས་པའི་སྐུད་པས་བྱའོ། །མཚམས་གཅད་པ་ནི། ཐལ་བས་བྱའོ། །དུག་ལས་གསོ་བ་ནི། ཡལ་གས་བྱའོ། །གདོན་ཐམས་ཅད་ལ་ནི། ཡུངས་ཀར་གྱིས་གདབ་པའི་ལས་བྱའོ། །གཞོན་ནུའི་གདོན་ལ་ནི། རྣ་བར་གཤིབས་ཏེ་བཟླས་བརྗོད་བྱས་པ་གཏོང་བར་བྱེད་དེ། །གཞོན་ནུ་ཐམས་ཅད་ལ་རྟག་ཏུ་སྦྱར་བར་བྱའོ། །དབབ་པ་ནི། གུ་གུལ་གྱིས་བདུག་པར་བྱའོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེ་ལ་མེ་ཏོག་དཀར་པོ་སྟོང་གིས་བསྣུན་ན། ལོངས་སྤྱོད་ཀྱི་གཞི་སྦྱིན་པར་བྱེད་དོ། །ཟླ་བ་གཅིག་གི་བར་དུ་སློང་མོའི་ཟས་བཟའ་ཞིང་རིག་སྔགས་བཟླས་བརྗོད་བྱས་ནས་མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་ལྕགས་ཅན་བཞག་ནས་མཆོད་པ་རྒྱས་པར་བྱས་ལ། དེའི་མདུན་དུ་དོང་ཀའི་ཤིང་གིས་མེ་སྦར་ལ་ལྡོང་རོས་བ་ལང་གི་མཁྲིས་པ་དང་སྦྱར་བས་ལན་བརྒྱད་སྟོང་སྦྱིན་སྲེག་བྱས་ན། གློ་བུར་དུ་ཧ་ཧ་ཞེས་བྱ་བའི་སྒྲ་ཐོས་པར་འགྱུར་ཏེ། དེ་ནས་ཚོགས་ཆེན་པོ་རྨུགས་བྱེད་འོངས་པར་འགྱུར་རོ། །འོངས་ནས་རྨུགས་བྱེད་ཀྱིས་ལྡོང་རོས་སྦྱིན་པར་བྱེད་དེ། དེ་ཐོགས་པས་འདོད་རྒུར་སྒྱུར་བའི་གཟུགས་ཅན་དུ་འབྱུང་ཞིང ། ལྕགས་ཅན་དང་ཁ་དོག་མཚུངས་ལ་བསྐལ་པ་
Ma51a
༄#། །གནས་པར་འགྱུར་རོ། །ཡང་ན་སློང་མོའི་ཟས་བཟའ་ཞིང་དབེན་པའི་གནས་སུ་ལན་འབུམ་བཟླས་བརྗོད་བྱས་ན་ཚོགས་ཆེན་པོ་ལྕགས་ཅན་གྱིས་རལ་གྲི་སྦྱིན་པར་བྱེད་དེ། དེ་ཐོགས་པས་སྟོབས་དང་ཕ་རོལ་གནོན་པ་དཔག་ཏུ་མེད་ཅིང་བསྐལ་པར་གནས་བར་འགྱུར་རོ། །བྱན་ལག་གི་ཚང་ནས་ཤིང་བུ་བླངས་ལ་འཕགས་པ་ལག་ན་རྡོ་རྗེའི་མདུན་དུ་ལན་འབུམ་བཟླས་བརྗོད་བྱས་ན། དེ་ཐོགས་པས་ཡིད་ལ་གང་བསམ་པ་དེ་འགྲུབ་པར་འགྱུར་ཏེ། སྐྱེས་པ་དང ། བུད་མེད་དང ། ཟས་དང ། གོས་དང ། མལ་སྟན་རྣམས་ཡིད་ལ་བསམ་པས་འགྲུབ་པར་འགྱུར་རོ། །དེ་ལྟ་བུའི་ཤིང་བུ་ཆུ་ཀླུང་ཆེན་པོར་བོར་ཏེ། དེ་ནས་ཉི་མ་ལ་བལྟས་ལ་ཆུ་དོགས་སུ་བཟླས་བརྗོད་བྱས་ན་ཡིད་ལ་གང་བསམ་པ་དེ་དག་ཐམས་ཅད་འགྲུབ་ཅིང་ཚེ་ལོ་ཁྲི་ཐུབ་པར་འགྱུར་ཏེ། མིའི་ཐོད་པ་ལ་དབབ་པ་དང ། རལ་གྲི་དང ། མེ་ལོང་ལ་དབབ་པ་ཡང་བྱེད་ནུས་པར་འགྱུར་རོ། །ཡར་གྱི་ངོ་ཟླ་བ་ཉ་ལ་བརྩམས་ཏེ་སློང་མོའི་ཟས་ཟ་ཞིང ། འཕགས་པ་ལག་ན་རྡོ་རྗེའི་ཞབས་ཀྱི་དྲུང་དུ་ལན་འབུམ་བཟླས་བརྗོད་བྱས་ན།་བུད་མེད་ཐོབ་པར་འགྱུར་རོ། །དཔལ་ཐམས་ཅད་མངོན་པར་འབྱུང་བར་བྱེད་པའི་ལས་བྱ་བ་དང ། ལྷ་རྣམས་ལ་དྲི་དབུལ་བ་ཡང་འདིའི་རིག་སྔགས་ཀྱིས་བྱའོ། །
Ma51b
མེ་ལྕེ་མའི་ཆོ་ག་སྟེ་དང་པོ་རྫོགས་སོ།། །།མེ་སྟག་མའི་ལས་རྣམས་འབྱུང་སྟེ། དབབ་པ་ནི། ལན་བདུན་བཟླས་བརྗོད་བྱས་པའི་ཆུས་བྱའོ། །རྒྱ་གཞོམ་པ་ནི། སོ་ཕག་གིས་བྱའོ། །དུག་ལས་གསོ་བ་ནི། ཡལ་གས་བྱའོ། །སྡོམ་དང་ལུ་ཏས་ཟིན་པ་རྣམས་ནི། བྱབ་བས་བྱའོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་དུར་ཁྲོད་ཀྱི་གསེག་མ་བླངས་ནས་འཕགས་པ་ལག་ན་རྡོ་རྗེའི་མདུན་དུ་ལན་བརྒྱད་སྟོང་བཟླས་བརྗོད་བྱས་ན། གསེག་མ་དེ་ཐོགས་པས་གང་ལ་བསྡིགས་པ་དེ་རྒྱས་བཏབ་པར་འགྱུར་ལ།་གུ་གུལ་གྱིས་བདུགས་ན་གྲོལ་བར་འགྱུར་རོ། །མི་རོ་ལ་བལྟས་ཏེ་ལོངས་ཞེས་སྨྲས་ན་ལྡང་བར་འགྱུར་ཏེ། དོན་དུ་གཉེར་བའི་མཆོག་སྟོན་པར་འགྱུར་རོ། །དེ་ནས་རྨ་བྱ་སྒྲུབ་པར་འདོད་ན། །ཞག་གསུམ་སྣང་བ་བྱས་ཏེ་མར་གྱི་ངོ་ཞག་བཅུ་བཞི་ལ་གཞོན་ནུའི་གནས་སུ་སོང་ལ་ཚོན་རྩི་སྣ་གསུམ་གྱིས་རྨ་བྱ་བྲིས་ནས་དེའི་ལུས་ལ་རྨ་བྱའི་སྒྲོ་བཞག་སྟེ་ལྷ་བཤོས་སྣ་ཚོགས་ཕུལ་ལ་དེ་ནས་སྐད་ལན་གསུམ་ཕྱུང་གི་བར་དུ་རིག་སྔགས་བཟླས་བརྗོད་བྱས་ན། དེ་ཕྱིན་ཆད་དུག་གསོ་བའི་ལས་ཐམས་ཅད་འགྲུབ་པར་འགྱུར་རོ། །རྨ་བྱའི་སྒྲོ་དེ་ཡང་དུད་པ་བཀག་སྟེ་བསྲེགས་ལ། དེས་མིག་བསྐུས་ན་ཕྱེམ་རེད་ལུས་མི་སྣང་བར་འགྱུར་ཏེ། ཡིད་ལ་གང་བསམ་པའི་དོན་དེ་བྱེད་ནུས་པར་
Ma52a
༄#། །འགྱུར་རོ། །སེམས་ཅན་ཐམས་ཅད་ལ་ཡང་མཚམས་གཅད་བར་ནུས་སོ། །འབྲུའི་ཞིང་གི་སྟེང་དུ་སོང་ལ་ལན་སྟོང་བཟླས་བརྗོད་བྱས་ན། འབྲུ་རྣམས་རྒྱས་པར་འགྱུར་རོ། །འབྲུ་མ་རུངས་པར་བྱ་བར་འདོད་ན། མིའི་རུས་པའི་ཕུར་བུ་ལ་ལན་སྟོང་བཟླས་བརྗོད་བྱས་ཏེ་བཙུགས་ན་མ་རུངས་པར་འགྱུར་རོ། །དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོ་ལ་མེ་ཏོག་དབུལ་བ་དང ། ལྷ་ཐམས་ཅད་ལ་ལྷ་བཤོས་དབུལ་པ་ཡང་འདིའི་རིག་སྔགས་ཀྱིས་བྱའོ། །མེ་སྟག་མའི་ཆོ་ག་སྟེ་གཉིས་པ་རྫོགས་སོ།། །།ཕྲེང་ལྡན་མའི་ལས་རྣམས་འབྱུང་སྟེ། བུད་མེད་དབང་དུ་བྱ་ན། ཞག་གསུམ་གྱི་བར་དུ་དུས་གསུམ་དུ་ལན་ཚཝའི་སྦྱིན་སྲེག་བྱས་ན་དབང་དུ་འགྱུར་རོ། །ཟླ་བ་གཅིག་གི་བར་དུ་དུས་གསུམ་དུ་ཁྲུས་བྱས་ཏེ་དུས་གསུམ་དུ་ལན་སྟོང་རྩ་བརྒྱད་བཟླས་བརྗོད་བྱས་ན། ཟླ་བ་གཅིག་ལོན་ནས་བཅོམ་ལྡན་འདས་ལག་ན་རྡོ་རྗེ་མཐོང་བར་འགྱུར་ཏེ། བསམ་པ་ཐམས་ཅད་ཡོངས་སུ་རྫོགས་པར་བྱེད་ཅིང་ཚེ་ལོ་ལྔ་བརྒྱ་ཐུབ་པར་འགྱུར་རོ། །ཡར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་དགོན་པའི་གནས་སུ་ལན་བརྒྱ་སྟོང་བཟླས་བརྗོད་བྱས་ན་གློ་བུར་དུ་འོང་བར་འགྱུར་ཏེ། འོངས་ནས་གཏེར་སྦྱིན་པར་བྱེད་ལ་དེ་ཡང་མི་ཟད་
Ma52b
པར་འགྱུར་རོ། །ཞག་གསུམ་སྨྱུང་བ་བྱས་ཏེ་ཡར་གྱི་ངོ་ཚེས་ལྔ་ལ་བུམ་པ་ས་བོན་དང་རིན་པོ་ཆེ་ཐམས་ཅད་ཀྱིས་བཀང་སྟེ་མགྲིན་བཅིངས་དང་བཅས་པར་བཞག་སྟེ་རིག་སྔགས་ཀྱང་ལན་བརྒྱད་སྟོང་བཟླས་བརྗོད་བྱས་ལ་ཆུ་དེས་རྒྱལ་པོའམ། རྒྱལ་པོའི་བུ་ཁྲུས་བྱེད་དུ་བཅུག་ན། ཡུལ་དེ་དཔལ་དང་ལྡན་པར་འགྱུར་རོ། །དེ་ནས་གནོད་སྦྱིན་དབང་དུ་བྱ་བར་འདོད་ན། དགོན་པའི་གནས་སྐྱེས་པ་དང་བུད་མེད་མེད་པའི་ཕྱོགས་སུ་ཟླ་བ་གཅིག་གི་བར་དུ་སློང་མོའི་ཟས་བཟའ་ཞིང་ས་ལས་གནོད་སྦྱིན་གྱི་གཟུགས་བྱས་ཏེ་དུས་གསུམ་དུ་ལན་བརྒྱད་བརྒྱའམ། ལན་སྟོང་བཟླས་བརྗོད་བྱས་ན་ཟླ་བ་དྲུག་ལོན་པ་ན་གནོད་སྦྱིན་གྱི་བདག་པོ་འོང་བར་འགྱུར་ཏེ། དེ་ན་རེ། བདག་ཅག་གིས་ཅི་ཞིག་བྱ། དམ་པ་སློངས་ཤིག་ཞེས་ཟེར་བ་དང ། དེ་ནས་ངེས་འདི་སྐད་དུ་དཔག་ཚད་བརྒྱ་ཚུན་ཆད་ཀྱི་གནོད་སྦྱིན་ཐམས་ཅད་བདག་གི་དབང་དུ་གྱུར་ཅིག་ཅེས་སྨྲོས་ཤིག་།དེ་ན་རེ། དེ་ལྟར་བྱའོ། །ཞེས་སྨྲས་ནས་མི་སྣང་བར་འགྱུར་ཏེ། ཡིད་ལ་བསམ་པ་དེ་ཐམས་ཅད་བྱེད་ཅིང་དུས་མ་ཡིན་པར་རྩ་བ་དང ། མེ་ཏོག་དང ། འབྲས་བུ་དང ། ཟས་དང ། གོས་དང ། རིན་པོ་ཆེ་དང ། ཏི་ན་ར་གང་འདོད་པ་རྣམས་སྦྱིན་པར་བྱེད་དོ། །དེ་ནས་ལོངས་སྤྱོད་ཀྱི་གཞི་བླང་བར་འདོད་ན། ཞག་དྲུག་སྨྱུང་བར་བྱས་ཏེ་བཅོམ་ལྡན་འདས་ལག་ན་རྡོ་རྗེ་ལ་མཆོད་པའི་ཕྱིར་ཞིང་རྒྱས་པར་
Ma53a
༄#། །བྱས་ལ།་ཟླ་བ་ཉའི་ནུབ་མོ་ཨ་ག་རུ་དང ། གུ་གུལ་དང ། དུ་རུ་ཀ་བསྲེགས་ཤིང་ནམ་ནངས་ཀྱི་བར་བཟླས་བརྗོད་བྱས་ཏེ་ཞག་བདུན་གྱི་བར་དུ་ངེས་པར་གནས་ན་དེ་ནས་ལོངས་སྤྱོད་ཀྱི་གཞི་ཆེན་པོ་ཐོབ་པར་འགྱུར་རོ། །དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོའི་མར་མེ་རྣམས་ཀྱང་འདིའི་རིག་སྔགས་ཀྱིས་དབུལ་བར་བྱའོ། །ཕྲེང་ལྡན་མའི་ཆོ་ག་སྟེ་གསུམ་པ་རྫོགས་སོ།། །།མཛོད་ལྡན་མའི་ལས་རྣམས་འབྱུང་སྟེ། འཕགས་པ་ལག་ན་རྡོ་རྗེའི་མདུན་དུ་ལན་འབུམ་བཟླས་བརྗོད་བྱས་ན། ནད་ཐམས་ཅད་ལས་ཐར་པར་འགྱུར་རོ། །དབབ་པ་ནི། གུ་གུལ་གྱིས་བདུག་པར་བྱའོ། །མར་གྱི་ངོ་ཞག་བརྒྱད་ལ་ཞག་གསུམ་སྨྱུང་བ་བྱས་ལ་གུ་གུལ་དང་བིལ་བ་ལྷན་ཅིག་ཏུ་སྦྱར་ཏེ་ལན་སྟོང་བཟླས་བརྗོད་བྱས་ན། ཏི་ན་ར་སྟོང་ཐོབ་པར་འགྱུར་རོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་དུར་ཁྲོད་དུ་སོང་ནས་མིའི་ཐོད་པ་བླངས་ལ་རའི་འོ་མས་བཀང་སྟེ་ཐོད་པ་གསུམ་གྱི་སྟེང་དུ་བཞག་ནས་རིག་སྔགས་བཟླས་བརྗོད་བྱེད་བཞིན་དུ་འབྲས་སཱ་ལུའི་འོ་ཐུག་བཙོས་ལ། ཟིན་པའི་འོག་ཏུ་རིག་སྔགས་བཟླས་བརྗོད་བྱེད་བཞིན་དུ་འཐུངས་ཏེ་སླར་ཐོད་པའི་ནང་དུ་སྐྱུག་པར་བྱའོ། །དེ་ནས་ཡི་དྭགས་འོང་བར་
Ma53b
འགྱུར་ཏེ། ཡི་དྭགས་ན་རེ། རིག་སྔགས་འཆང ། ཕལ་འོ་ཐུག་པྱིན་ཅིག་ཅེས་ཟེར་བ་དང ། དེ་ནས་རིག་སྔགས་འཆང་གིས་རིག་སྔགས་ཐམས་ཅད་ཀྱི་རྒྱལ་པོ་བཟླས་བརྗོད་བྱེད་བཞིན་དུ་ཡི་དྭགས་དེ་ལ་སྦྱིན་བར་བྱའོ། །ཡི་དྭགས་དེས་འོ་ཐུག་འཐུངས་ནས་འཆི་བར་འགྱུར་ཏེ། དེའི་ལག་ན་ལྡོང་རོས་འདུག་བ་བླངས་ནས་དེ་ཐོགས་པས་ལག་ན་རྡོ་རྗེ་དང་མཐུ་སྟོབས་མཉམ་ཞིང་བསྐལ་པར་གནས་པར་འགྱུར་རོ། །རིག་སྔགས་འཆང་གིས་ཟླ་བ་གཅིག་གི་བར་དུ་སློང་མོའི་ཟས་ཟ་ཞིང་རིག་སྔགས་བཟླས་བརྗོད་བྱས་ན། འདོད་པ་ཐམས་ཅད་ཡོངས་སུ་རྫོགས་པར་འགྱུར་རོ། །ཀུན་དགའ་ར་བ་བཟླ་བ་གཅིག་གི་བར་དུ་སློང་མོའི་ཟས་ཟ་ཞིང་ལན་འབུམ་བཟླས་བརྗོད་བྱས་པའི་མཇུག་ཏུ་ཞག་གསུམ་སྨྱུང་བ་བྱས་ཏེ་མཚན་རངས་བར་བཟླས་བརྗོད་བྱས་ན། དེ་ནས་ཤིང་གི་ལྷས་གཟུགས་སྟོན་པར་བྱེད་དེ། དེ་ལས་འགྲུབ་པར་འགྱུར་ལ། དེ་ཕྱིན་ཆད་ནགས་ཀྱི་ལྷས་ཁ་ཟས་སྦྱིན་པར་འགྱུར་རོ། །དཔལ་ཐམས་ཅད་མངོན་བར་འབྱུང་བར་བྱེད་པའི་དཀྱིལ་འཁོར་ཆེན་པོའི་ལྷ་ཐམས་ཅད་ལ་བདུག་པ་དབུལ་བ་ཡང་འདིའི་རིག་སྔགས་ཀྱིས་བྱའོ། །མཛོད་ལྡན་མའི་ཆོ་ག་སྟེ་བཞི་པ་རྫོགས་སོ།། །།འབར་ལྡན་མའི་ཆོ་ག་རྣམས་འབྱུང་སྟེ། དབབ་པ་ནི། གུ་གུལ་གྱིས་བདུག་བར་བྱའོ། །སྲུང་བ་ནི།
Ma54a
༄#། །སྐུད་པས་བྱའོ། །མཚམས་གཅད་པ་ནི། སོ་ཕག་གིས་བྱའོ། །བསྐྲད་པ་ནི། ཐལ་མོ་བརྡབས་པས་བྱའོ། །སས་ནི། འབྲས་དང་ཕོལ་མིག་རྣམས་མེད་པར་འགྱུར་རོ། །ཟླ་བ་གཅིག་གི་བར་དུ་མེ་ཏོག་དཀར་པོ་ལ་ལན་བདུན་བསྔགས་ཏེ་ཕྱེམ་རེད་བྱང་ཕྱོགས་སུ་བོར་ནས་ཟླ་བ་གཅིག་ལོན་པ་ན་བཅོམ་ལྡན་འདས་མ་འགྲུབ་པར་འགྱུར་ཏེ། བསམ་པ་ཐམས་ཅད་ཡོངས་སུ་རྫོགས་པར་འགྱུར་ཞིང་ལོ་ལྔ་བརྒྱ་ཐུབ་བར་འགྱུར་རོ། །རྣ་བར་གཤིབས་ཏེ་བཟླས་བརྗོད་བྱས་ན། གདོན་ཐམས་ཅད་ཀྱིས་གཏོང་པར་འགྱུར་ཏེ། གཞོན་ནུ་རྣམས་ལ་རྟག་ཏུ་སྦྱར་བར་བྱའོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེ་ལ་མེ་ཏོག་དཀར་པོ་སྟོང་གིས་བསྣུན་ན། ལོངས་སྤྱོད་ཀྱི་གཞི་སྦྱིན་པར་འགྱུར་རོ། །ཟླ་བ་གཅིག་གི་བར་དུ་སློང་མོའི་ཟན་བཟའ་ཞིང་རིག་སྔགས་བཟླས་བརྗོད་བྱས་ནས་ཞག་གསུམ་སྨྱུང་བ་བྱས་ཏེ་མར་གྱི་ངོ་ཞག་བཞི་ལ་འཕགས་པ་ལག་ན་རྡོ་རྗེའི་མདུན་དུ་ལྕགས་ཅན་བཞག་ནས་མཆོད་པ་རྒྱས་པར་བྱས་ཏེ་ལྷ་བཤོས་རྒྱས་པར་ཕུལ་ནས་དེའི་མདུན་དུ་དོང་ཀའི་ཤིང་གིས་མེ་སྦར་ལ་ལྡོང་རོས་ལ་བ་ལང་གི་མཁྲིས་པ་དང་སྦྱར་བས་ལན་བརྒྱད་སྟོང་སྦྱིན་སྲེག་བྱས་ན། གློ་བུར་དུ་ཧ་ཧ་ཞེས་བྱ་བའི་སྒྲ་ཐོས་ནས་ཚོགས་ཀྱི་
Ma54b
བདག་པོ་ཆེན་པོ་རྨུགས་བྱེད་འོང་བར་འགྱུར་རོ། །འོངས་ནས་རྨུགས་བྱེད་ཀྱིས་ལྡོང་རོས་སྦྱིན་པར་བྱེད་དོ། །དེ་ནས་འདོད་རྒུར་སྒྱུར་བའི་གཟུགས་ཅན་དུ་འགྱུར་ཞིང་ལྕགས་ཅན་དང་མཐུ་སྟོབས་མཉམ་ལ་བསྐལ་པར་གནས་པར་འགྱུར་རོ། །ཡར་གྱི་ངོ་ཟླ་བ་ཉ་ལ་བརྩམས་ཏེ་སློང་མོའི་ཟས་བཟའ་ཞིང་འཕགས་པ་ལག་ན་རྡོ་རྗེའི་ཞབས་དྲུང་དུ་ལན་འབུམ་བཟླས་བརྗོད་བྱས་ན་དཔལ་ཐོབ་པར་འགྱུར་རོ། །དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོའི་ལས་བྱ་བ་དང ། ལྷ་རྣམས་ལ་དྲི་དབུལ་བ་ཡང་འདིའི་རིག་སྔགས་ཀྱིས་བྱའོ། །འབར་ལྡན་མའི་ཆོ་ག་སྟེ་ལྔ་པ་རྫོགས་སོ།། །།ཁ་འབར་མའི་ལས་རྣམས་འབྱུང་སྟེ། དབབ་པ་ནི། ཆུས་བྱའོ། །སྲུང་བ་ནི།་ཡུངས་ཀར་གྱིས་བྱའོ། །མཚམས་གཅད་པ་ནི། སོ་ཕག་གིས་བྱའོ། །དུར་ཁྲོད་ཀྱི་ཐལ་བ་བླངས་ཏེ་མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ནས་ལག་ན་རྡོ་རྗེའི་མདུན་དུ་ལན་སྟོང་བཟླས་བརྗོད་བྱས་ན། །ཐལ་བ་དེས་གང་ལ་རེག་པར་བྱས་པ་དེ་གདོན་གྱིས་འདེབས་པར་འགྱུར་ཞིང་།ཚིག་གིས་བསྒོ་བས་གཏོང་བར་འགྱུར་རོ། །ལུས་གཙང་བར་བྱས་ཏེ་ལན་འབུམ་བཟླས་བརྗོད་བྱས་ན། བ་ལང་བརྒྱ་ཐོབ་པར་འགྱུར་རོ། །དེ་ནས་སྐྱེས་པ་དབང་དུ་བྱ་བར་འདོད་ན། ཟླ་བ་ཉ་ལ་ཞག་གཅིག་སྨྱུང་བ་
Ma55a
༄#། །བྱས་ཏེ་མཆོད་པ་རྒྱས་པར་བྱས་ནས་གུར་གུམ་དང་གསེར་ཕྱེ་མར་དང་སྦྱར་བས་ལན་བརྒྱད་སྟོང་སྦྱིན་སྲེག་བྱས་ན་བརྒྱ་བྱིན་ཡང་དབང་དུ་འགྱུར་ན་མི་རྣམས་ལྟ་ཅི་སྨོས། དགེ་སློང་དང་བྲམ་ཟེ་བརྒྱད་བརྒྱ་ལ་མཆོད་སྟོན་བྱིན་ལ་སེམས་ཅན་ཐམས་ཅད་ལ་ཡང་བྱམས་པ་བསྒོམས་ན་ནི། བྲམ་ཟེ་གསོད་པས་ཀྱང་འགྲུབ་པར་འགྱུར་རོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་དུར་ཁྲོད་ཀྱི་ཤིང་གིས་མེ་སྦར་ནས་དུར་ཁྲོད་ཀྱི་ཡམ་སྲེག་ཤིང་སྐུད་པ་དམར་པོས་དཀྲིས་པ་བརྒྱད་སྟོང་སྦྱིན་སྲེག་བྱས་ན། དེ་ནས་རྨི་ལམ་དུ་ཚོགས་ཆེན་པོ་ལྕགས་ཅན་སྟོན་པར་བྱེད་དེ། དེ་ནས་འགྲུབ་པར་འགྱུར་རོ། །ཆུ་ཁྱོར་བ་གང་ལ་ལན་བདུན་བསྔགས་ནས་གང་ལ་བལྟས་ཏེ་གཏོར་བ་དེ་གདོན་གྱིས་ཐེབས་པར་འགྱུར་ལ། ཆུ་ཀླུང་གི་ནང་དུ་ཞུགས་ཏེ་ལན་བརྒྱད་སྟོང་བཟླས་བརྗོད་བྱས་ན། གཏོང་བར་འགྱུར་རོ། །ཁ་འབར་མའི་ཆོ་ག་སྟེ་དྲུག་པ་རྫོགས་སོ།། །།དེ་ནས་བཅོམ་ལྡན་འདས་གྱིས་ལྷ་དེ་དག་ལ་སྨྲས་པ། ལྷ་རྣམས། དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོ་ལ་ཕོ་ཉ་མོ་རྣམས་ཀྱི་ལས་རྣམས་འབྱུང་བ་ངས་བཤད་ཟིན་ཏེ། ཚོགས་ཆེན་པོ་རྣམས་
Ma55b
ཀྱི་ཡང་བཤད་པར་བྱའོ། །བདུད་རྩི་ཐབ་སྦྱོར་གྱི་ལས་སྦྱར་བས་གང་བཤད་པ་གང་ཡིན་པའི་ལས་དེ་ཚོགས་ཐམས་ཅད་ལ་སྦྱར་བར་བྱའོ། །རབ་ཏུ་གྲུབ་པར་བྱེད་པའི་རྒྱུད་ཆེན་པོ་ལས་རྡོ་རྗེ་ཁྲོ་བོ་ངས་བཤད་པ་གང་ཡིན་པ་དེའི་ལས་ཀྱིས་ཀྱང་ཚོགས་ཆེན་པོ་སྟོབས་པོ་ཆེ་རྣམས་ལ་སྦྱར་བར་བྱའོ། །ལྷ་རྣམས། འབྱུང་པོའི་བུ་གཞོན་ནུ་མཆོག་སྨིན་དྲུག་གི་བུ་སྟོབས་པོ་ཆེའི་ལས་རྣམས་ངས་བཤད་ཀྱི། སེམས་རྩེ་གཅིག་ཏུ་བྱོས་ལ་ཉོན་ཅིག་།གང་ལ་བསམ་སྟེ་བཟླས་བརྗོད་བྱས་ན། དེའི་དབང་དུ་འགྱུར་རོ། །རྒྱ་གཞོམ་པ་ནི།་ཆུས་བྱའོ། །སྲུང་བ་ནི། སྐུད་པས་བྱའོ། །མཚམས་གཅད་པ་ནི། ཐལ་བས་བྱའོ། །བུད་མེད་དབང་དུ་བྱ་བ་ནི། ཞག་བདུན་གྱི་བར་དུ་དུས་གསུམ་དུ་ཡུངས་ཀར་གྱིས་ལན་སྟོང་རྩ་བརྒྱད་བརྒྱད་སྦྱིན་སྲེག་བྱས་ན་དབང་དུ་འགྱུར་རོ། །མིའི་གཙོ་བོ་དབང་དུ་བྱ་བར་འདོད་ན། ཞག་བདུན་གྱི་བར་དུ་ཟས་སུ་འོ་མ་དང ། ཕྱེའི་འདག་གུ་ཟ་ཞིང་འཕགས་པ་ལག་ན་རྡོ་རྗེ་ལ་མཆོད་པ་བྱས་ཏེ་དུས་གསུམ་དུ་བེ་ཀང་ཀ་ཏའི་ཡམ་སྲེག་ཤིང་གིས་འབྲུ་མར་དྲི་ཞིམ་པའི་ནང་དུ་སྨྱུགས་པ་སྟོང་རྩ་བརྒྱད་བརྒྱད་སྦྱིན་སྲེག་བགྱིས་ན་དབང་དུ་འགྱུར་རོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་གཞོན་ནུ་སྨིན་དྲུག་གི་བུ་བཞག་ནས་དེའི་མདུན་དུ་
Ma56a
༄#། །ཙནྡན་དམར་པོའི་ཤིང་གིས་མེ་སྦར་ནས་སེང་ལྡེང་གི་ཡམ་སྲེག་ཤིང་མར་གྱི་ནང་དུ་སྨྱུགས་པ་བརྒྱད་སྟོང་སྦྱིན་སྲེག་བྱས་ན། གཞོན་ནུའི་མེ་ཏོག་གི་ཕྲེང་བ་འགུལ་བར་འགྱུར་རོ། །དེ་ནས་འགྲུབ་པར་འགྱུར་ཏེ། ཞག་བདུན་ཚུན་ཆད་ཀྱིས་གཞོན་ནུའི་སྡེའི་བདག་པོ་ཐོབ་པར་འགྱུར་རོ། །མི་རྣམས་ཀྱིས་མི་སོད་ལ་བདག་གི་ཚེའི་ཚད་ཀྱང་ཤེས་པར་འགྱུར་རོ། །ཟླ་བ་གཅིག་གི་བར་དུ་སློང་མོའི་ཟས་བཟའ་ཞིང ། དེ་ནས་མར་གྱི་ངོ་ཞག་བརྒྱད་དམ། ཞག་བཅུ་བཞི་ལ་ཞག་གསུམ་སྨྱུང་བ་བྱས་ཏེ་ཙནྡན་དམར་པོའི་མདུང་ཐུང་བདེ་བར་གཤེགས་པའི་མཐོ་གང་གི་ཚད་དུ་བྱས་པ་རས་དམར་པོའི་སྟེང་དུ་བཞག་ནས་མཆོད་པ་རྒྱས་པར་བྱ་ཞིང་ལྷ་བཤོས་རྒྱས་པ་ཕུལ་ལ།་དེ་ནས་རིག་སྔགས་འཆང་བ་རྩ་ཀུ་ཤའི་སྟན་གྱི་སྟེང་དུ་འདུག་པའི་ལག་པ་གཡས་པས་མནན་ལ་འབར་བར་གྱུར་གྱི་བར་དུ་བཟླས་བརྗོད་བྱས་ན་འགྲུབ་པར་འགྱུར་ཏེ། དེ་ཐོགས་པས་ཕ་རོལ་གྱི་ཡུལ་འཁོར་འབྱེད་པར་བྱེད་ཅིང་གདོན་ཐམས་ཅད་འཇོམས་པར་བྱེད་པར་འགྱུར་ཏེ། ཡུལ་གང་དུ་བཙུགས་པ་དེར་རྒྱལ་བར་འགྱུར་རོ། །ཀླུའམ། ཀླུ་མོའམ། དྲི་ཟའམ། རིག་སྔགས་འཆང་རྣམས་ལ་བལྟས་ཏེ་བསྡིགས་ན། དེ་ཐམས་ཅད་བཀའ་བཞིན་དུ་འགྱུར་རོ། །གླང་པོ་ཆེ་རྒྱགས་ཤིང་
Ma56b
མྱོས་པ་ལ་བལྟས་ཤིང་བསྡིགས་ན། གླང་པོ་ཆེ་དབང་དུ་འགྱུར་རོ། །སློང་མོའི་ཟས་བཟའ་ཞིང་ཆོ་ག་འདི་བཞིན་དུ་འཁོར་ལོ་བསྒྲུབས་ན། རིག་སྔགས་འཆང་གི་འཁོར་ལོས་བསྒྱུར་བའི་རྒྱལ་པོར་འགྱུར་ཏེ། བསྐལ་པར་གནས་ཤིང་རིག་སྔགས་འཆང་བརྒྱས་བསྐོར་བ་ལ་མེ་ལོང་ལ་དབབ་པ་དང ། མཐེ་བོང་ལ་དབབ་པ་དང ། བུམ་པ་ལ་དབབ་པ་ཡང་ནུས་པར་འགྱུར་རོ། །དབྱེ་བར་བྱ་ན། ཞག་གསུམ་གྱི་བར་དུ་ཕུབ་མའི་སྦྱིན་སྲེག་ལན་སྟོང་རྩ་བརྒྱད་བརྒྱད་བྱས་ན་དབྱེ་བར་འགྱུར་རོ། །སྨིན་དྲུག་གི་བུའི་ཆོ་ག་རྫོགས་སོ།། །།ལྷ་མོ་ཆེན་མོ་དྲུག་མའི་ལས་རྣམས་བཤད་པར་བྱ་སྟེ། སྲུང་བ་ནི། ཐལ་བས་བྱའོ། །དུག་ལས་གསོ་བ་ནི། ཆུས་བྱའོ། །མཚམས་གཅད་པ་ནི། སོ་ཕག་གིས་བྱའོ། །དེ་ནས་ལོངས་སྤྱོད་ཀྱི་གཞི་བསླང་བར་འདོད་ན། གཞོན་ནུའི་གནས་སུ་སོང་ལ་ལྷ་མོ་ལ་མཆོད་པ་བྱས་ཏེ་སྨིག་མའི་ཤིང་གིས་མེ་སྦར་ནས་འོ་ཐུག་དང ། མར་དང ། སྦྲང་རྩི་སྦྱར་བས་ལན་བརྒྱད་སྟོང་སྦྱིན་སྲེག་བྱས་ལ། དེ་ནས་ནང་བར་ལངས་ལ། འཕགས་པ་ལག་ན་རྡོ་རྗེ་ལ་མཆོད་པ་བྱ་སྟེ། གུར་གུམ་མར་དང་སྦྱར་བས་ལན་སྟོང་རྩ་བརྒྱད་བརྒྱད་སྦྱིན་སྲེག་བྱས་ན་ཞག་བདུན་པའི་ཉིན་པར་སྡེའི་བདག་པོར་འགྱུར་རོ། །དེ་ནས་འཕགས་པ་ལག་ན་རྡོ་རྗེའི་ཞབས་ཀྱི་དྲུང་དུ་ལགས་ལྡན་ལྷ་ཆེན་པོ་དང ། གཞོན་
Ma57a
༄#། །ནུ་སྨིན་དྲུག་གི་བུ་དང ། ལྷ་མོ་དྲུག་མཚོན་རྩི་སྣ་གསུམ་གྱིས་བྲིས་ལ། རིག་སྔགས་འཆང་ཟས་སུ་འོ་མ་དང་ཕྱེའི་འདག་གུ་ཟ་ཞིང་ལན་འབུམ་བཟླས་བརྗོད་བྱས་ན་ལྷ་མོ་མཐོང་བར་འགྱུར་ཏེ། དེ་ཡང་འདོད་པ་ཐམས་ཅད་སྦྱིན་པར་བྱེད་དོ། །བཏོན་པ་ཙམ་གྱིས་རྒྱན་སྐུགས་ལས་རྒྱལ་བར་འགྱུར་རོ། །དེ་ནས་བདག་ཉིད་ཀྱི་ཚེའི་ཚད་ཤེས་པར་འདོད་ན། མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་བཅོམ་ལྡན་འདས་ལག་ན་རྡོ་རྗེ་ལ་ཡང་མཆོད་པ་རྒྱས་པར་བྱས། ཨ་ག་རུའི་བདུག་པ་དང ། དུ་རུ་ཀ་དང ། གུར་གུམ་དང ། གུ་གུལ་དང ། སྦྲང་རྩི་དང ། བ་མར་གྱི་མར་མེ་བཞི་ཕྱོགས་བཞིར་སྦར་ལ། དེ་ཉིད་དུ་རིག་སྔགས་བཟླས་བརྗོད་བྱས་ཏེ་དེ་ཉིད་དུ་ཉལ་ན་འཇིག་རྟེན་གསུམ་ན་ཡོད་པའི་དོན་རྨི་ལམ་དུ་སྟོན་པར་འགྱུར་རོ། །ཁྱོད་ཀྱིས་ཚེ་འདི་སྲིད་དུ་ཐུབ་པར་འགྱུར་རོ། །ཞེས་སྨྲ་ཞིང་ནམ་འཆི་བ་ཡང་སྟོན་པར་བྱེད་དེ། ག་གེ་མོ་ཞིག་ཏུ་ཆེ་གེ་མོ་ཞིག་གི་ཚེ་སྲོག་འདོར་རོ་ཞེས་སྟོན་པར་འགྱུར་ཏེ། འདི་ནི། དངོས་གྲུབ་ཀྱི་མཆོག་གི་ལམ་ཡིན་ནོ། །དེ་ནས་འདས་པ་དང ། མ་འོངས་པའི་ལམ་ཤེས་པར་འདོད་ན། སློང་མོའི་ཟས་ཟ་ཞིང་འཕགས་པ་ལག་ན་རྡོ་རྗེའི་ཞབས་དྲུང་དུ་ཟླ་བ་གཅིག་གི་བར་དུ་བཟླས་བརྗོད་བྱས་ན། དེ་ནས་
Ma57b
བུང་བ་འོང་བར་འགྱུར་ཏེ། བུང་བ་དེ་ཡང་རྣ་དྲུང་དུ་མི་སྣང་བར་གྱུར་ནས་འཇིག་རྟེན་གསུམ་ན་ཡོད་པའི་དོན་སྟོན་པར་འགྱུར་ཞེས་རྡོ་རྗེ་འཛིན་གྱིས་བཤད་དོ། །དྲུག་མའི་ཆོ་ག་རྫོགས་སོ།། །།ལྷ་མོ་དཀའ་ཟློག་མ་དྲིལ་མཛེས་ཀྱི་ལས་ཀྱང་བཤད་པར་བྱ་སྟེ། མིག་ལ་བསྔགས་ན་གང་བལྟས་པ་དེ་ཐོབ་པར་འགྱུར་རོ། །གདོང་ལ་ལག་པ་བྱུགས་ཏེ་ཉལ་ན། རྨི་ལམ་ངན་པ་རྨི་བར་མི་འགྱུར་རོ། །དེ་ནས་སྡེ་དཔོན་འདོད་ན། ཡར་གྱི་ངོ་ཚེས་དགུ་ལ་ཞག་གཅིག་སྨྱུང་བ་བྱས་ཏེ་གཏུམ་མོ་ནུབ་ཕྱོགས་སུ་བསྟན་པ་ལ་བལྟས་ནས་མཆོད་པ་རྒྱས་པར་བྱས་ལ་མར་དང ། གུ་གུལ་གྱིས་ལན་སྟོང་སྦྱིན་སྲེག་བྱས་ན། སྡེ་དཔོན་ཐོབ་པར་འགྱུར་རོ། །དེ་ནས་མིའི་གཙོ་བོ་དབང་དུ་བྱ་བར་འདོད་ན། མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་མཆོད་པ་བྱས་ནས་མཚན་རངས་པར་བཟླས་བརྗོད་བྱས་ན། མིའི་གཙོ་བོ་དབང་དུ་ཁུགས་པར་འགྱུར་རོ། །དེ་ནས་རལ་གྲི་སྒྲུབ་པར་འདོད་ན། ཟླ་བ་གཅིག་གི་བར་དུ་སློང་མོའི་ཟས་ཟ་ཞིང་རིག་སྔགས་ལན་བདུན་འབུམ་བཟླས་བརྗོད་བྱས་ལ་དེ་ནས་ཞག་གསུམ་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་མཆོད་པ་རྒྱས་པར་བྱས་ནས་རིག་སྔགས་ཀྱི་རྒྱལ་པོས་སྲུང་བའི་ཆོ་ག་ཐམས་ཅད་བྱའོ། །དེ་ནས་ལག་པ་གཉིས་གུ་གུལ་གྱིས་
Ma58a
༄#། །བསྐུས་ལ་ལག་པས་རལ་གྲི་བཟུང་སྟེ་རིག་སྔགས་བཟླས་བརྗོད་བྱས་ན། དངོས་གྲུབ་རྣམ་པ་གསུམ་དུ་འགྱུར་ཏེ། རལ་གྲི་དེ་ལག་ན་ཐོགས་པས་རིག་སྔགས་འཆང་གི་རྒྱལ་པོ་བསྐལ་པར་གནས་པར་འགྱུར་ཞིང་ལྷ་ཆེན་པོའི་ཕོ་བྲང་ན་འདུག་པར་འགྱུར་ཏེ། ལེགས་ལྡན་ལྷ་ཆེན་པོ་དེ་དག་ཀྱང་འབྲས་བུ་ཐོབ་པ་སྦྱིན་པར་བྱེད་དོ། །དེ་ནས་བྱང་ཆུབ་སེམས་དཔའ་རྣམས་དང་ལྷན་ཅིག་ཏུ་གནས་པར་འགྱུར་ཞིང་འཕགས་པ་སྤྱན་རས་གཟིགས་དབང་ཕྱུག་དང་ལྷན་ཅིག་གནས་པར་འགྱུར་ལ། དེ་དང་ལྷན་ཅིག་ཏུ་དེ་བཞིན་གཤེགས་པ་མཐོང་ཞིང་བསྙེན་བཀུར་བྱེད་པར་འགྱུར་ཏེ། ལུས་དང་བྲལ་བའི་ཚེ་ཡང་བདེ་བ་ཅན་དུ་སྐྱེ་བར་འགྱུར་རོ། །དེ་ནས་ལྷའི་གསང་བ་མངོན་སུམ་དུ་མཐོང་བར་འདོད་ན། ཞག་གསུམ་སྨྱུང་བ་བྱས་ཏེ་ཟླ་བ་ཉ་ལ་སངས་རྒྱས་བཅོམ་ལྡན་འདས་ལག་ན་རྡོ་རྗེ་དང་གཉིས་ལ་ཅི་ནུས་ཀྱིས་མཆོད་པར་བྱའོ། །དེ་ནས་ཡུད་ཙམ་བཟང་པོ་ལ་བདག་དང ། རྒྱལ་པོའམ། གཞན་ཡང་རུང་སྟེ་དུ་གུ་ལའི་རས་དཀར་པོ་བགོས་ཏེ་དེ་ནས་ཨ་ག་རུ་བསྲེག་ཅིང་རྒྱལ་པོ་དང་གཉི་ག་ཐད་ཀར་འདུག་སྟེ་མིག་མི་འཛུམ་པར་བཟླས་བརྗོད་བྱས་ན། མིག་སྔ་ན་འདུག་པའི་ལྷས་གང་གི་དོན་བསྟན་པ་དེ་རྒྱལ་པོས་ཀྱང་ཇི་ལྟར་ཐོས་པ་དེ་བཞིན་དུ་མཐོང་
Ma58b
བར་འགྱུར་རོ། །ཆོ་ག་འདི་ནི། བསྟེན་ནས་ལོ་གཅིག་མ་ལོན་བར་ལ་སྦྱིན་པར་མི་བྱའོ། །སྟོང་རྙེད་མ་བྱིན་པ་ལ་ཡང་སྦྱིན་པར་མི་བྱ་སྟེ། ཆོས་ཅན་དད་པ་དང་ལྡན་པ་ལ་སྦྱིན་པར་བྱའོ། །དཀའ་ཟློག་མའི་ཆོ་ག་རྫོགས་སོ།། །།ལྷ་རྣམས། དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོ་ལས་འབྱུང་བའི་རིག་སྔགས་ཀྱི་ལྷ་རྣམས་ཀྱི་ལས་ངས་བཤད་ཟིན་ཏོ། །ངས་ཀྱང་ལྷ་དེ་དག་སྒྲུབ་པ་དང ། གཞེན་གདབ་པ་དང ། གནོད་པར་བྱ་བ་དང ། གསད་པ་དང ། བསྐམ་པ་དང ། དཔལ་བསྐྱེད་པ་དང ། ལས་ཉམས་པ་རྣམས་ཀྱི་ལས་སྒྲུབ་པ་དང ། རིག་སྔགས་ཉམས་པ་རྣམས་ཀྱི་རིག་སྔགས་བསྐང་བ་དང ། མི་ནད་ཀྱི་གནོད་པ་འབྱུང་བ་ལ་མི་ནད་ཞི་བར་བྱ་བའི་ཕྱིར་རིག་སྔགས་བཤད་པར་བྱའོ། །ན་མོ་བཛྲ་པཱ་ཎི་སྱ། ཨོཾ་བཛྲ་ཛྭ་ལ་བྷཻ་ར་ཝཱ་ཡ་ཕཊ་ཧཱུཾ་ཛྭ་ལ་ན་ལཱ་ཡ་ཕཊ་སཝཱཧཱ། དེ་ནས་ལྷ་དེ་དག་གིས་རྡོ་རྗེ་འབར་བ་འདི་ཐོས་ནས་སྙིང་འདར་ཞིང་ལག་ན་རྡོ་རྗེའི་ཞལ་དུ་བལྟས་སོ། །དེ་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་ལྷ་དག་ལ་འདི་སྐད་ཅེས་སྨྲས་སོ། །ལྷ་རྣམས། མ་འཇིགས་ཤིག་།མ་འཇིགས་ཤིག་།རྡོ་རྗེ་འབར་བ་ཞེས་བྱ་བ་ཁྲོ་བོ་ཆེན་པོའི་རྒྱུད་དང་མཐུན་པ་འདི་ནི། ལྷ་རྣམས་སྒྲུབ་པ་དང ། གཞེན་འདེབས་པ་དང ། གནོད་པ་བྱེད་པ་དང ། གསད་པ་དང ། སྐེམ་པ་
Ma59a
༄#། །དང ། དཔལ་བསྐྱེད་པ་དང ། ལས་ཉམས་པ་རྣམས་ཀྱི་ལས་སྒྲུབ་པ་དང ། རིག་སྔགས་ཉམས་པ་རྣམས་ཀྱི་རིག་སྔགས་བསྐྱོད་པ་དང ། མི་ནད་ཀྱི་གནོད་པ་བྱུང་བ་ལ་མི་ནད་ཞི་བར་བྱེད་པ་ཡིན་ཏེ། ལྷ་རྣམས་ཀྱི་ཆོ་ག་རྒྱས་པ་འགྲུབ་པར་བྱེད་པ་འདི་ནི། རྣམ་པར་རྒྱལ་བའི་རྒྱུད་ཆེན་པོ་ལས་ཀྱང་ངས་བཤད་དོ། །ད་ལྟར་ཡང་ཁྱེད་རྣམས་འགྲུབ་པར་བྱེད་པ་རྡོ་རྗེ་འབར་བ་ཞེས་བྱ་བ་ཁྲོ་བོ་ཆེན་པོ་འདི་ངས་བཤད་པ་ཡིན་ནོ། །འདིའི་ལས་ཀྱང་བཤད་པར་བྱ་སྟེ། གང་གིས་དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོ་འགྲུབ་པར་བྱེད་པ་དང ། གང་གིས་དཀྱིལ་འཁོར་གྱི་ནང་དུ་གཏོགས་པའི་ལྷ་རྣམས་འགྲུབ་པར་བྱེད་པ་དང ། རིག་སྔགས་འཆང་མཐུ་ཟད་པ་གང་ཡིན་པ་དག་དང ། རྒྱལ་པོ་དབང་ཕྱུག་ལས་ཉམས་པ་གང་ཡིན་པ་དག་དང ། ལྷའམ། ལྷའི་བུའམ། ཀླུའམ། ཀླུའི་བུའམ། གནོད་སྦྱིན་ནམ།་གནོད་སྦྱིན་གྱི་བུའམ། སྲིན་པོའམ། སྲིན་པོའི་བུའམ། དྲི་ཟའམ། དྲི་ཟའི་བུ་མཐུ་ཆུང་ངུ་གང་ཡིན་པ་དེ་དག་གི་མཐུ་བསྐྱེད་པའི་ཕྱིར་ཡང་ངས་བཤད་པར་བྱའོ།། མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་གནས་དབེན་པའམ། ནྱ་གྲོ་དྷའི་དྲུང་དུ་རྣམ་པར་རྒྱལ་བའི་རྒྱུད་ཆེན་པོ་ལས་སྨན་ཨུཏྤ་ལ་དང་ལྡན་པ་ཞེས་བྱ་བ་
Ma59b
བརྩོན་འགྲུས་ཆེན་མོ། སྟོབས་ཆེན་མོ་བཅོམ་ལྡན་འདས་ཀྱིས་གསུངས་པའི་སྨན་དེའི་ཕྱེ་མས་བཅོམ་ལྡན་འདས་རྡོ་རྗེ་ཁྲོ་བོ་བྲི་བར་བྱ་སྟེ། ལག་པ་གཡོན་པ་ན་རྡོ་རྗེ་ཐོགས་ལ་ལག་པ་གཡས་པ་མཆོག་སྦྱིན་པར་བྱའོ། །དེའི་མདུན་དུ་བུམ་པ་མི་ནག་ཅིང་རྩ་བ་མེད་ལ་མགྲིན་ཆིངས་དང་བཅས་པ་ས་བོན་ཐམས་ཅད་ཀྱིས་གང་བར་བྱས་ཏེ། བུམ་པ་དེའི་ནང་དུ་སྨན་ཨུཏྤ་ལ་དང་ལྡན་པ་ཡང་གཞུག་གོ་།བུམ་པ་དེ་ཡང་གསེར་ལས་བྱས་ལ་འགྲོན་བུ་བཀྲམ་པ་ལས་བྱས་པའི་རྡོ་རྗེའི་སྟེང་དུ་རས་དཀར་པོ་བཞག་སྟེ། དེའི་དབུས་སུ་བུམ་པ་གཞག་པར་བྱའོ། །དེ་ནས་རིག་སྔགས་འཆང་གིས་བསམ་པ་རྒྱ་ཆེན་པོས་ལྷ་བཤོས་དང་མཆོད་པ་རྒྱས་པར་བྱ་སྟེ། གུ་གུལ་གྱིས་བདུག་པ་ཡང་དབུལ་ལོ། །དེ་ནས་རིག་སྔགས་འཆང་གིས་དཔལ་གྱི་ལྷ་མོའི་རིག་སྔགས་ལན་བརྒྱད་བརྒྱ་བཟླས་བརྗོད་བྱས་ནས་དེའི་འོག་ཏུ་རྡོ་རྗེ་འབར་བ་ཁྲོ་བོ་ཆེན་པོ་ལན་བརྒྱ་སྟོང་བཟླས་བརྗོད་བྱའོ། །དེ་ནས་ནང་པར་བུམ་པ་དེས་བདག་ཉིད་ཁྲུས་བྱའོ། །འགྲོན་བུ་ལས་བྱས་པའི་རྡོ་རྗེ་དང་གོས་དེ་ཡང་འཕགས་པ་ལག་ན་རྡོ་རྗེ་ལ་ཕུལ་ནས་བླ་མ་ཡང་དེ་དང་འདྲ་བའི་ཕྱིར་བླ་མ་ལ་དབུལ་ལོ། །དེ་ཕུལ་ནས་ཀྱང་ཡིད་ལ་བསམ་པ་བསླང་བར་བྱའོ། །དགེ་སློང་གི་དགེ་འདུན་རྣམས་ཀྱང་ཅི་ནུས་ཀྱིས་སྟོན་པར་བྱའོ། །དེས་ན་ལྷ་ཐམས་ཅད་ཀྱི་ལས་མངོན་སུམ་དུ་འགྱུར་
Ma60a
༄#། །རོ། །ལས་འདི་ནི། སྐལ་བ་མེད་པས་མཐོང་བར་མི་འགྱུར་ཏེ། རིག་སྔགས་ལས་བྱུང་བའི་འབྲས་བུ་ཐོབ་པའམ། རིག་སྔགས་འཆང་གི་རིགས་དང་ལྡན་པ་གང་ཡིན་པ་དེ་དག་གིས་མཐོང་བར་འགྱུར་རོ། །ལས་འདིས་དཀྱིལ་འཁོར་གྱི་ནང་དུ་གཏོགས་པའི་རིག་སྔགས་རྣམས་འགྲུབ་པར་འགྱུར་ཏེ། རིག་སྔགས་དེ་དག་དྲན་པ་ཙམ་གྱིས་སྒྲུབ་པ་དང ། གསད་པར་ཡང་ནུས་པར་འགྱུར་རོ། །དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོ་རྫོགས་སོ།། །།དེ་ནས་བཅོམ་ལྡན་འདས་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །ལྷ་རྣམས། བཅོམ་ལྡན་འདས་མ་ཡུམ་གང་སྤྱི་བོར་བཀུར་ནས་རྡོ་རྗེ་འབར་བའི་ཏིང་ངེ་འཛིན་ཐོབ་པར་གྱུར་པ་དང ། གང་གཟུང་བ་དང ། བཀླགས་པ་དང ། བསྒྲུབས་ན། རིག་སྔགས་འཆང་གིས་ང་དང་འདྲ་བའི་འབྲས་བུ་ཐོབ་པར་འགྱུར་བའི་བཅོམ་ལྡན་འདས་མ་ཡུམ་དེ་བཤད་ཀྱི། ཁྱེད་རྣམས་ཀྱིས་རྒྱགས་པ་མེད་པའི་སེམས་ཀྱིས་ཉོན་ཅིག་།དེ་ནས་དབང་ཕྱུག་ཆེན་པོ་ལ་སོགས་པ་ལྷ་རྣམས་དགའ་ཞིང་མགུ་ལ་ཡིད་རངས་ཏེ། བདེ་བ་དང ། ཡིད་བདེ་བར་གྱུར་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་བསྟོད་པ། བྱང་ཆུབ་སེམས་དཔའ་ཆེན་པོ་ལེགས་སོ་ལེགས་སོ། །སྟོབས་དང ། ཕ་རོལ་
Ma60b
གནོད་པ་དཔག་ཏུ་མེད་པ་ལེགས་སོ། །ཁྱོད་ཀྱིས་སེམས་ཅན་རྣམས་ཀྱི་དོན་གྱི་ཕྱིར་བྱང་ཆུབ་སེམས་དཔའ་ཆེན་པོ་སྐྱེད་པར་བྱེད་པ་ཤོད་ཅིག་ཤོད་ཅིག་།དེ་ནས་རིག་སྔགས་ཀྱི་རྒྱལ་པོ་ལག་ན་རྡོ་རྗེས་རང་གི་རིག་སྔགས་ཀྱི་ཚོགས་རྣམས་ལ་གླང་པོ་ཆེའི་སྟ་སྟངས་ཀྱིས་བལྟས་སོ། །འཁོར་འདུས་པ་དེ་དག་ཐམས་ཅད་ལ་ཡང་བལྟས་ནས་བཅོམ་ལྡན་འདས་ལ་ཕྱག་འཚལ་ཏེ་སྙིང་དགའ་བར་བྱེད་པའི་ཡུམ་བཤད་དོ། །ན་མོ་རཏྣ་ཏྲ་ཡ་སྱ། ན་མཤྩཎྜ་བཛྲ་པཱ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ། ན་མཿ ལ་གྀ་ཧྲ་ད་ཡེ། ན་མཿ ཤངྐ་རེ།་ཤཱནྟིཾ་ཀ་རེ། གྷུ་ཊ་གྷུ་ཊ་གྷུ་ཊི་ནི། གྷཱ་ཊ་ཡ། གྷུ་ཊི་ནི་སཝཱཧཱ། བྱང་ཆུབ་སེམས་དཔའ་ལག་ན་རྡོ་རྗེས་འཇིག་རྟེན་ཡུམ་བཤད་མ་ཐག་ཏུ་ཡང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་ཏེ། མུན་པ་དང ། རབ་རིབ་དང ། ལིང་ཏོག་གི་མུན་ནག་ཐམས་ཅད་མེད་པར་གྱུར་ཏོ། །སེམས་ཅན་དམྱལ་བ་དང ། དུད་འགྲོའི་སྐྱེ་གནས་དང ། ཡི་དྭགས་རྣམས་ཀྱི་སྡུག་བསྔལ་ཐམས་ཅད་ཀྱང་མེད་པར་གྱུར་ཏོ། ལྷ་རྣམས་ཐམས་ཅད་ཀྱང་ངོ་མཚར་དུ་གྱུར་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །རིག་སྔགས་ཀྱི་རྒྱལ་པོ་ཆེན་པོ། ལྷའི་ཡུམ་གྱི་ལས་རྣམས་ཤོད་ཅིག་ཤོད་ཅིག་།བཅོམ་ལྡན་འདས། བདག་ཅག་གིས་
Ma61a
༄#། །ཀྱང་ཡུམ་འཆང་བའི་རིག་སྔགས་འཆང་དེ་ལ་ཡོངས་སུ་དགའ་ནས་མྱུར་དུ་དངོས་གྲུབ་སྦྱིན་ཞིང་བསྲུང་བ་དང ། བསྐྱབ་པར་བགྱིའོ། །དེ་ནས་རིག་སྔགས་ཀྱི་རྒྱལ་པོ་ཆེན་པོ་རྡོ་རྗེ་འཛིན་གྱིས་ལྷ་རྣམས་ལ་འདི་སྐད་ཅེས་སྨྲས་སོ། །བཟོད་ལྡན་དག། དེ་དེ་བཞིན་ནོ། །དེ་དེ་བཞིན་དུ་མཱ་མ་ཀཱི་འཆང་བ་གང་ཡིན་པ་དེ་ནི། ངན་འགྲོ་ལོག་པར་ལྟུང་བར་མི་འགྱུར་རོ། །ལྷ་དང་བདུད་དུ་བཅས་པའི་འཇིག་རྟེན་དང ། དགེ་སྦྱོང་དང ། བྲམ་ཟེར་བཅས་པའི་སྐྱེ་རྒུ་ལས་གང་ཞིག་ཡུམ་དང་སྲས་གཉི་གའི་མིང་ཙམ་འཆང་བ་དེ་ཅི་སྟེ་ངན་འགྲོ་ལོག་པར་ལྟུང་བར་འགྱུར་བ་ནི། ངས་ཡང་དག་པར་རྗེས་སུ་མ་མཐོང་སྟེ། དེ་ནི། གནས་མེད་དོ། །དེ་ཅིའི་ཕྱིར་ཞེ་ན། དཔེར་ན། ནོར་བུ་རིན་པོ་ཆེ་མགོ་ལ་ཐོགས་པ་ལ་ནད་དོ་ཅོག་མི་འབྱུང་ཞིང་གདོན་ཐམས་ཅད་འབྱེར་བར་འགྱུར་བ་བཞིན་ཏེ། འདི་ལྟར་ངན་འགྲོ་རྣམས་ལས་སྒྲོལ་བ་འདི་ནི། ཡུམ་དང་སྲས་སུ་བཅས་པའི་མཐུ་ཡིན་པའི་ཕྱིར་རོ། །དེ་ནས་བཅོམ་ལྡན་འདས་ལག་ན་རྡོ་རྗེས་དེ་བཞིན་གཤེགས་པ་ལ་ཕྱག་འཚལ་ནས་ཡུམ་གྱི་ལས་རྣམས་བཤད་པ། སྒྲུབ་པ་ཐམས་ཅད་ལ་ཕྱག་རྒྱ་གཅིག་བཅིངས་ལ་སྒྲུབ་པའི་རྫས་ལ་ཕྱག་རྒྱས་བཏབ་ན། མྱུར་དུ་དངོས་གྲུབ་ཀྱི་མཚན་མ་འབྱུང་བར་འགྱུར་རོ། །དམ་ཚིག་མི་ཤེས་པ་ལ་ནི། ཕྱག་རྒྱ་
Ma61b
བསྟན་པར་མི་བྱའོ། །གང་གི་ཚེ་རིག་སྔགས་འཆང་གིས་རིག་སྔགས་འཆང་ལ་ཕྱག་རྒྱ་སྟོན་པ་ན། དེའི་ཚེ་བཅོམ་ལྡན་འདས་ལག་ན་རྡོ་རྗེའི་མདུན་དུ་འགྲོན་བུ་བརྒྱད་བརྒྱས་རྡོ་རྗེ་བྱས་ལ་དེའི་མདུན་དུ་ཕྱག་རྒྱ་བསྟན་པར་བྱའོ། །དེ་ཡང་འབྲས་ཆེན་བུ་རམ་དང་སྦྱར་བའི་མཆོད་ཡོན་རྡོ་རྗེ་ལ་ཕུལ་ནས་ཕྱག་རྒྱ་བསྟན་པར་བྱའོ། །དེ་མཐོང་ན། ལག་ན་རྡོ་རྗེ་མཐོང་བ་ཡིན་ཏེ། བྱང་ཆུབ་ཀྱི་སེམས་བསྐྱེད་པ་རྣམས་ལ་བསྟན་པར་བྱའི། སྡིག་པ་བྱེད་པ་རྣམས་ལ་བསྟན་པར་མི་བྱའོ། །སྡིག་པ་བྱེད་པ་གང་ཡིན་པ་དེ་དག་གིས་ནི། ཕྱག་རྒྱའི་ཚོགས་ཀྱི་མིང་ཡང་ཐོས་པར་མི་འགྱུར་རོ། །དགེ་བའི་རྩ་བ་བྱས་པ་གང་ཡིན་པ་དེ་དག་གིས་ནི། ཕྱག་རྒྱ་དེ་དག་ཐོས་པར་འགྱུར་རོ། །ངའི་གསང་བའི་ཕྱག་རྒྱའི་ཚོགས་འདི་ནི།་གཙང་ཞིང་དབེན་པར་བྱས་པས་བལྟ་བར་བྱའོ། །གང་གིས་ཕྱག་རྒྱའི་ཚོགས་མཐོང་བ་དེ་ལ་ནི། རིག་པ་མཆོག་གི་ཆོ་ག་རྒྱས་པ་གསང་བ་དང་བཅས་གསང་ཆེན་དང་བཅས་པར་དེའི་ལག་ཏུ་འདུག་པར་འགྱུར་ཏེ། རིག་སྔགས་འཆང་གིས་ཀྱང་ཕྱག་རྒྱའི་ཚོགས་ཀྱི་གཟི་བྱིན་བསྐྱེད་པར་བྱ་བའི་ཕྱིར་བླ་མ་ལ་དཔག་ཏུ་མེད་པའི་ཡོན་དབུལ་ཞིང་བླ་མའི་ལག་ནས་རིག་པ་མཆོག་གི་ཆོ་ག་རྒྱས་པ་མནོད་པར་བྱའོ། །བླ་མས་ཀྱང་བླ་མ་ལ་གུས་པའི་སློབ་མ་ལ་ལག་ནས་མངོན་པར་དངོས་གྲུབ་སྦྱིན་པར་བྱའོ། །དེ་ལྟར་བྱས་ན་
Ma62a
༄#། །ལག་ན་རྡོ་རྗེས་བྱིན་པ་ཡིན་ཏེ། ཆོ་ག་རྒྱས་པ་ཡང་གྲུབ་པར་འགྱུར་རོ། །ཅི་སྟེ་བླ་མའི་ལག་ནས་ཕྱག་རྒྱ་མཐོང་བ་ཙམ་གྱིས་ལས་བྱས་ན། ཕྱག་རྒྱ་དེ་ཉིད་ཀྱིས་ཀྱང་གནོད་པ་མེད་པར་འགྱུར་རོ། །དེ་བཞིན་གཤེགས་པའི་གནས་སམ། སྐུ་གདུང་གི་གནས་སུ་ཕྱག་རྒྱའི་ཚོགས་གཞག་པར་བྱའོ། །ཕྱག་རྒྱ་མཐོང་བ་གང་ཡིན་པ་དེ་དག་ནི། ཕྱིར་མི་ལྡོག་པ་ཡིན་པར་བལྟ་བར་བྱ་སྟེ། དེ་དག་ཐམས་ཅད་ལྷ་རྣམས་ཀྱི་ཕྱག་བྱ་བའི་གནས་སུ་འགྱུར་རོ། །ང་གང་ན་གནས་པ་དེ་ན་དེ་དག་གནས་ཏེ། ང་མཐོང་པས་དེ་དག་ངེས་པར་ཕྱིར་མི་ལྡོག་པའི་འབྲས་བུ་དང་ལྡན་པར་འགྱུར་ཞིང་ལུས་དང་བྲལ་བ་ན་ལག་ན་རྡོ་རྗེའི་གནས་ཡིད་དུ་འོང་བའམ། བདེ་བ་ཅན་དུ་སྐྱེ་བར་འགྱུར་རོ། །ཕྱག་རྒྱ་མཐུ་སྟོབས་ཆེན་པོ་ནན་ཏན་དུ་བལྟ་བར་བྱ་སྟེ། ཕྱག་རྒྱའི་རྣམ་པ་ལག་པའི་ཚུལ་གྱིས་བསྟན་པར་བྱའོ། །དཀྱིལ་འཁོར་གྱི་རྣམ་པ་བྲིས་པ་མཐོང་ནས་ཕྱག་རྒྱ་ཆེན་པོ་རྣམ་པ་སྣ་ཚོགས་དགོད་པར་བྱའོ། །བཅོམ་ལྡན་འདས་མཱ་མ་ཀཱིའི་ལས་རྣམས་འབྱུང་བར་འགྱུར་ཏེ། ཟས་སུ་འོ་མའམ། འདག་གུའམ། ལོ་མའམ། སློང་མོའི་ཟས་ཟ་ཞིང་ལན་འབུམ་བཟླས་བརྗོད་བྱས་ན། སྔར་བསྙེན་པ་བྱས་པར་འགྱུར་རོ། །དེ་ནས་རས་མ་ཉམས་པ་དང ། ཁ་ཚར་མ་བཅད་པ་དང ། སྤུ་མེད་པ་ལ་ཚོན་རྩི་སྤྱིན་དང་
Ma62b
མ་སྦྱར་བས་རི་མོ་མཁན་གསོ་སྦྱོང་དང་ལྡན་པས། སངས་རྒྱས་ཀྱི་སྐུ་གཟུགས་སེངྒེའི་ཁྲི་ལ་བཞུགས་ཤིང་ཆོས་འཆད་པའི་ཚུལ་དུ་འབྲིར་གཞུག་གོ་།དེའི་གཡོན་ལོགས་སུ་འཕགས་པ་ལག་ན་རྡོ་རྗེ་མདོག་སྔོ་བསངས། རྒྱན་ཐམས་ཅད་ཀྱིས་བརྒྱན་པ་རྡོ་རྗེ་དང་རྔ་ཡབ་ཐོགས་པར་བྱའོ། །གཡས་ལོགས་སུ་ནི། བཅོམ་ལྡན་འདས་མཱ་མ་ཀཱི་མདོག་སྔོ་སངས་ལག་པ་གཡོན་པ་རྡོ་རྗེ་ཐོགས་ཤིང ། ལག་པ་གཡས་པ་ན་ཡིད་བཞིན་གྱི་ནོར་བུ་ཐོགས་པ། རྒྱན་ཐམས་ཅད་ཀྱིས་བརྒྱན་པ་འབྲིར་གཞུག་གོ་།དེ་ནས་སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་རི་མོའི་གཟུགས་བཀྲམ་ལ་ཡར་ངོའི་ཚེས་ཞག་གཅིག་ནས་བརྩམས་ཏེ་ཉའི་བར་དུ་བཟླས་བརྗོད་བྱས་པའི་མཇུག་ཏུ་ཞག་གསུམ་སྨྱུང་བ་བྱས་ལ་མཆོད་པ་སྣ་ཚོགས་རྒྱས་པར་བྱ་སྟེ། འོ་མ་ཡོད་པའི་ཤིང་གིས་མེ་སྦར་ལ་དུད་པ་མེད་པའི་མདག་མ་ལ་ཨ་ག་རུ་ནག་པོའི་ཡམ་སྲེག་ཤིང་དུ་རུ་ཀའི་མར་གྱི་ནང་དུ་སྨྱུགས་པ་བརྒྱ་སྟོང་ཕྲག་གསུམ་སྦྱིན་སྲེག་བྱའོ། །དེ་ནས་ལས་ཟིན་པའི་འོག་ཏུ་འཕགས་པ་ལག་ན་རྡོ་རྗེ་འོང་བར་འགྱུར་ཏེ། དེ་འོང་བའི་རྟགས་སུ་མེ་ཏོག་གི་ཕྲེང་བ་འགུལ་བ་དང ། མར་མེའི་མེ་ལྕེ་ཆེན་པོར་འགྱུར་བ་དང ། སྔོན་མ་བྱུང་བའི་དྲི་བསུང་ཞིམ་པོའི་ངད་ལྡང་བར་འགྱུར་བ་དང་འདི་རྣམས་འབྱུང་བར་འགྱུར་ཏེ། དེ་ལ་སྤོས་ཆུ་མེ་
Ma63a
༄#། །ཏོག་དང་ལྡན་པའི་མཆོད་ཡོན་དབུལ་བར་བྱའོ། །ཡང་ན་ལྷ་མོ་འོང་བར་འགྱུར་ཏེ། ཕྱག་བྱས་ལ་དམ་པ་རྣམ་པ་བརྒྱད་ལས་དམ་པ་གཅིག་བསླང་བར་བྱ་སྟེ། རིག་སྔགས་འཆང་གི་འཁོར་ལོས་བསྒྱུར་བ་དང ། བཅུད་ཀྱིས་ལེན་ཆེན་པོ་དང ། གཙུག་ལག་དང ། བཟོ་ཐམས་ཅད་ཤེས་པ་ཐོབ་པ་དང ། མངོན་པར་ཤེས་པ་ལྔ་ཐོབ་པ་དང ། གཟུངས་ལ་འཇུག་པ་དང ། རིན་པོ་ཆེའི་ཆར་འབབ་པ་དང ། ལྷ་མ་ཡིན་གྱི་ཕུག་ཏུ་འཇུག་པ་དང ། བསྐལ་པར་གནས་པ་སྟེ། དམ་པ་བརྒྱད་འདི་དག་ལས་གཅིག་བསླང་བར་བྱའོ། །ལན་བདུན་བསྒྲུབས་པའི་ཐ་མ་ལ་མཚམས་མེད་པ་ལྔ་བྱེད་བྱེད་པས་ཀྱང་འགྲུབ་པར་འགྱུར་རོ། །དེ་ནས་སྒྲུབ་པར་འདོད་པས་ལྡོང་རོས་བླངས་ལ་བུད་མེད་ཀྱི་ནུ་ཞོ་དང་བཏགས་ཏེ་རིལ་བུ་ལྔ་བྱས་ཏེ་ཡུངས་ཀར་དང་ལྷན་ཅིག་ཨ་ག་རུའི་སྒྲོམ་བུའི་ནང་དུ་བཅུག་ལ་ཟླ་བ་སྦྱང་ཀིས་ཟིན་པའམ།་ཉི་མ་སྦྱང་ཀིས་ཟིན་པའི་ཚེ་གཏོར་མའི་ཆོ་ག་བྱས་ཏེ་བསྒྲུབ་པར་བྱའོ། །གང་གི་ཚེ་ཡུངས་ཀར་རྣམས་ཚེག་ཚེག་ཟེར་བའི་ཚེ་ནི། སྐྱེ་བོ་ཐམས་ཅད་དབང་དུ་འགྱུར་བའི་དངོས་གྲུབ་དང་པོ་སྟེ། དེས་ན་འཇིག་རྟེན་ཐམས་ཅད་དབང་དུ་འགྱུར་ཞིང་གང་བསྒོ་བ་དེ་དག་ཐམས་ཅད་བྱེད་པར་འགྱུར་རོ། །ཡང་ན་དུད་པ་འཐུལ་བར་འགྱུར་ན་ནི།
Ma63b
ལུས་མི་སྣང་བར་འགྱུར་བ་ཐམས་ཅད་ཀྱི་རྒྱལ་པོར་འགྱུར་རོ། །ཡང་ན་འབར་བར་འགྱུར་ན་ནི། དེའི་ཚེ་ལྷ་གཞོན་ནུར་འགྱུར་ཏེ། ཉི་མ་ཤར་ཀའི་གཟི་བྱིན་ལྡན་ཞིང་རིག་སྔགས་འཆང་གི་རྒྱལ་པོར་འགྱུར་ལ་བསྐལ་པ་ཆེན་པོ་གཅིག་གི་བར་དུ་འཚོ་བར་འགྱུར་རོ། །གི་ཝང་དང་བ་བླ་ལ་སོགས་པའི་རྫས་རྣམས་ཀྱང་དེ་བཞིན་དུ་བསྒྲུབ་པར་བྱའོ། །དེ་ནས་མིག་རྩི་སྒྲུབ་པར་འདོད་ན། ལིག་བུ་མིག་དང ། ུཏྤལ་སྔོན་པོ་དང ། རུ་རྟ་དང ། ཙནྡན་རྣམས་ལྷན་ཅིག་སྦྱར་ཏེ་ཟངས་ཀྱི་སྣོད་དུ་བཅུག་ལ་ཟླ་བ་སྦྱང་ཀིས་ཟིན་པའི་ཚེ་དུད་པ་བྱུང་གི་བར་དུ་བཟླས་བརྗོད་བྱས་ནས་དེས་མིག་བསྐུས་ན། ལུས་མི་སྣང་བར་འགྱུར་ཞིང་འདོད་རྒུར་སྒྱུར་བའི་གཟུགས་ཅན་དུ་འགྱུར་ལ་ལུས་མི་སྣང་བར་འགྱུར་བ་ཐམས་ཅད་ཀྱི་རྒྱལ་པོར་འགྱུར་རོ། །དེ་ནས་རལ་གྲི་སྒྲུབ་པར་འདོད་ན། རལ་གྲི་འཕན་མེད་པ་བླངས་ལ། མར་གྱི་ངོ་ཞག་བརྒྱད་དམ། ཞག་བཅུ་བཞི་ལ་རི་མོའི་གཟུགས་ལ་མཆོད་པ་རྒྱས་པར་བྱས་ཏེ་གཏོར་མའི་ཆོ་ག་བྱས་ནས་སྲུང་བའི་ཆོ་ག་ཡང་ནན་ཏན་དུ་བྱས་ལ། ལག་པ་གཡས་པས་རལ་གྲི་བཟུང་སྟེ་འགུལ་བར་གྱུར་གྱི་བར་བཟླས་བརྗོད་བྱས་ནས་འགུལ་བར་གྱུར་ན་ནི། གཅིག་པུ་གནས་པའི་རིག་སྔགས་འཆང་དུ་འགྱུར་རོ། །འབར་ན་ནི། འཁོར་དང་བཅས་པར་འགྱུར་ཏེ། རིག་སྔགས་འཆང་ཐམས་ཅད་ཀྱི་སྟོབས་
Ma64a
༄#། །དང་ཕ་རོལ་གནོན་པ་ཐོགས་པ་མེད་པར་གྱུར་པ་ནས་གཡས་པས་རལ་གྲི་བཟུང་སྟེ་འགུལ་བར་གྱུར་གྱི་བར་དུ་བཟླས་བརྗད་བྱས་ནས་འཕགས་པར་འགྱུར་རོ། །དེ་ནས་རྡོ་རྗེ་སྒྲུབ་པར་འདོད་ན། ལྕགས་ཞུན་མ་ལས་རྡོ་རྗེ་སོར་བཅུ་དྲུག་པ་ཐོར་ཏོ་གཉི་ག་རྩེ་གསུམ་པར་བྱས་ཏེ་ཙནྡན་དམར་པོའི་ལྡེ་གུས་བྱུགས་ལ། ཆོ་འཕྲུལ་ཆེན་པོའི་ཟླ་བ་ཚེས་ནས་བརྩམ་ཞིང་རི་མོའི་གཟུགས་ལ་མཆོད་པ་རྒྱས་པ་བྱས་ནས་བཟླས་བརྗོད་བྱེད་ཅིང་ཉིན་གཅིག་བཞིན་དུ་ཕྱིར་ཞིང་རྒྱས་པར་བྱའོ། །དགེ་སློང་རྣམས་སྟོན་པའི་རྗེས་སུ་ཞག་གསུམ་སྨྱུང་བ་བྱས་ཏེ་རི་མོའི་གཟུགས་སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་བཀྲམས་ལ་མཆོད་པ་རྒྱས་པར་བྱས་ཏེ་མར་གྱི་མར་མེ་བརྒྱད་སྦར་ནས་རྩཝ་ཀུ་ཤ་ལས་སྟན་བྱས་པ་ལ་འདུག་ལ་རྡོ་རྗེ་ལག་པ་གཉི་གས་བཟུང་སྟེ་འབར་བར་གྱུར་གྱི་བར་དུ་བཟླས་བརྗོད་བྱས་ན། རྡོ་རྗེ་དེ་ཐོགས་པས་འཁོར་དང་བཅས་པ་འཕགས་པར་འགྱུར་ཏེ། རིག་སྔགས་ཀྱི་འཁོར་ལོས་བསྒྱུར་བར་འགྱུར་ལ། སྟོབས་དང་ཕ་རོལ་གནོན་པ་ལག་ན་རྡོ་རྗེ་དང་མཉམ་ཞིང་བསྐལ་པ་ཆེན་པོའི་བར་དུ་འཚོ་བར་འགྱུར་ཏེ། ལུས་དང་བྲལ་ན་ཡང་རྡོ་རྗེའི་རིགས་སུ་སྐྱེ་བར་འགྱུར་རོ། །དེ་བཞིན་དུ་མདུང་རྩེ་གསུམ་པ་དང ། མདུང་ཐུང་ལ་སོགས་པ་མཚོན་ཆ་ཐམས་ཅད་
Ma64b
ཀྱང་འགྲུབ་པར་འགྱུར་རོ། །རས་དང ། ཤིང་ལྷམ་དང ། མཆོད་ཕྱིར་ཐོགས་དང ། འཁར་བ་དང ། ཤིང་ལ་སོགས་པ་རྣམས་ཀྱང་ཆོ་ག་གོང་མའི་ཚུལ་གྱིས་བསྒྲུབས་ན། ཐམས་ཅད་དངོས་གྲུབ་རྣམ་པ་གསུམ་དུ་འགྱུར་རོ། །ཞི་བར་བྱ་བར་འདོད་ན། ཐབ་ཁུང་པདྨའི་དབྱིབས་འདྲ་བར་བྱས་ལ་མཆོད་སྦྱིན་ལ་འོས་པའི་བུད་ཤིང་དག་གིས་མེ་སྦར་ཏེ་འབྲས་བཟང་པོའི་ཆན་གྱི་སྲེག་བླུགས་ཞོ་དང ། སྦྲང་རྩི་དང ། མར་སྦྱར་བ་བླུགས་གཟར་གྱིས་ལན་བརྒྱད་སྟོང་སྦྱིན་སྲེག་བྱས་ན། ཞག་གསུམ་བྱས་པས་ནི། བདག་གམ་གཞན་ཞི་བར་འགྱུར་རོ། །ཞག་བདུན་བྱས་པས་ནི། གྲོང་ངམ་གྲོང་ཁྱེར་ཞི་བར་འགྱུར་རོ། །མི་ནད་ཆེན་པོའི་གནོད་པ་ལ་ནི། ཤ་མི་ཡམ་སྲེག་ཤིང་ཞོ་དང ། སྦྲང་རྩི་དང ། མར་གྱི་ནང་དུ་སྨྱུགས་པའི་སྦྱིན་སྲེག་བྱའོ། །ཕྱུགས་ཀྱི་གོར་ལ་ནི། ཨུ་དུམ་ཝ་རའི་ཡམ་སྲེག་ཤིང་ཞོ་དང ། སྦྲང་རྩི་དང ། མར་གྱི་ནང་དུ་སྨྱུགས་པའི་སྦྱིན་སྲེག་བྱའོ།། ཆར་མི་འབབ་པ་ལ་ནི། མངར་གསུམ་གྱིས་སྦྱིན་སྲེག་བྱ་སྟེ། ཐམས་ཅད་ལ་ཡང་ལན་སྟོང་རྩ་བརྒྱད་བརྒྱད་བྱ་ཞིང་ཞག་བདུན་བདུན་དུ་བྱས་ན། ཐམས་ཅད་འགྲུབ་བར་འགྱུར་རོ། །དུར་བའི་ཉག་མ་ཞོ་དང ། སྦྲང་རྩི་དང ། མར་གྱི་ནང་དུ་སྨྱུགས་པ་བརྒྱ་སྟོང་སྦྱིན་སྲེག་བྱས་ན། ཞག་བཅུས་དུས་མ་ཡིན་པར་འཆི་བ་ཞི་བར་འགྱུར་རོ།།
Ma65a
༄#། །ལན་འབུམ་སྦྱིན་སྲེག་བྱས་ན། འཆི་བདག་ལས་རྒྱལ་ཏེ་ཚེ་རིང་བར་འགྱུར་རོ། །སློང་མོའི་ཟས་ཟ་ཞིང་ལན་འབུམ་བཟླས་བརྗོད་བྱས་པའི་མཇུག་ཏུ་ཞག་གསུམ་སྨྱུང་བ་བྱས་ཏེ་ཟླ་བ་སྤྱང་ཀིས་ཟིན་པའི་ཚེ་བ་ནག་མོའི་འོ་མ་ལ་ལན་བརྒྱད་བརྒྱ་བསྔགས་ཏེ་འཐུངས་ན། སྨན་བཅུད་ཀྱིས་ལེན་དུ་འགྱུར་རོ།། རྒྱས་པར་འདོད་ན། ཞོའི་སྦྱིན་སྲེག་བརྒྱ་སྟོང་བྱས་ན་རྒྱས་པར་འགྱུར་རོ། །ཕ་རོལ་གྱི་དཔུང་རེངས་པར་བྱ་ན། ལྕགས་ཀྱི་ཕྱེ་མ་ཏིལ་མར་དང་སྦྱར་བས་ལན་སུམ་སྟོང་སྦྱིན་སྲེག་བྱའོ། །རྒྱལ་མཚན་དང་དུང་ལ་སོགས་པ་ལ་བསྔགས་ན་ཡང་དེ་མཐོང་ཞིང་ཐོས་པས་ཕ་རོལ་གྱི་དཔུང་རེངས་པར་འགྱུར་རོ། །བུམ་པ་གསར་པ་འབྲུ་ཐམས་ཅད་དང་སྤོས་ཆུས་བཀང་སྟེ་ལན་བརྒྱད་སྟོང་བཟླས་བརྗོད་བྱས་པས་ལོག་འདྲེན་གྱིས་ཟིན་པ་ཁྲུས་བྱེད་དུ་བཅུག་ན། གཏོང་བར་འགྱུར་རོ། །སྦྲུམ་མ་ཁྲུས་བྱེད་དུ་བཅུག་ན། བདེ་བར་བུ་བཙའ་བར་འགྱུར་རོ། །བྱིས་པ་རྣམས་གདོན་ནོ་ཅོག་གིས་ཟིན་པ་ཁྲུས་བྱེད་དུ་བཅུག་ན། གཏོང་བར་འགྱུར་རོ། །དབང་བསྐུར་བ་འདིས་ནི། སྡིག་པ་ཐམས་ཅད་ལས་གྲོལ་བར་འགྱུར་ཏེ། བྱུར་ངན་པོ་ཡང་དཔལ་དང་ལྡན་པར་འགྱུར་རོ། །དཀྱིལ་འཁོར་གྱི་ལས་ཀྱིས་ཀྱང་གདོན་ཐམས་ཅད་ཀྱི་ལས་བྱེད་དོ། །རྨ་བྱའི་མཇུག་མ་ལ་ལན་
Ma65b
བརྒྱད་སྟོང་གིས་བསྔགས་པ་ནི། དུག་གོ་ཅོག་སེལ་བར་བྱེད་དེ། ཤི་ཟིན་པ་ཡང་འཚོ་བར་བྱེད་དོ། །རིམས་དང་མི་ནད་ལ་སོགས་པ་ཡང་དེ་ཉིད་ཀྱིས་སེལ་བར་བྱེད་དོ། ། སྐུད་པས་ནི། རིམས་སོ་ཅོག་མེད་པར་བྱེད་དོ། །རྡོ་རྗེ་ལ་ལན་བརྒྱད་སྟོང་བཟླས་བརྗོད་བྱས་པས་ནི། ལྷ་མ་ཡིན་གྱི་འཁྲུལ་འཁོར་ཐམས་ཅད་འཇོམས་པར་བྱེད་དོ། །སེང་ལྡེང་གི་ཡམ་སྲེག་ཤིང་ཞོ་དང ། སྦྲང་རྩི་དང ། མར་གྱི་ནང་དུ་སྨྱུགས་པ་བརྒྱད་སྟོང་སྦྱིན་སྲེག་བྱས་ན། གཏེར་ཆེན་པོ་མཐོང་བར་འགྱུར་ལ། དེ་ཡང་སྤྱད་བཞིན་དུ་ཟད་པར་མི་འགྱུར་རོ། །རྒྱ་མཚོར་འབབ་པའི་ཆུ་ཀླུང་གི་ནང་དུ་ཞུགས་ཏེ་པདྨ་ཙནྡན་དམར་པོའི་ནང་དུ་སྨྱུགས་པ་འབུམ་སྦྱིན་སྲེག་བྱས་ན། པདྨའི་ཕུང་པོ་དང་མཉམ་པའི་གཏེར་སྦྱིན་པར་འགྱུར་རོ། །བིལ་བའི་སྲེག་བླུགས་མར་གྱི་ནང་དུ་སྦྱིན་སྲེག་བྱས་ན། ལོངས་སྤྱོད་འཕེལ་བར་འགྱུར་རོ། །ཏིལ་རྣམས་ལྷན་ཅིག་ཏུ་བསྡུས་ཏེ་མར་དང་སྦྱར་བས་ལན་འབུམ་སྦྱིན་སྲེག་བྱས་ན། ཁ་ཟས་འཕེལ་ཏེ་ཟད་པར་མི་འགྱུར་རོ། །དེ་ནས་ལྷ་རྣམས་དབང་དུ་བྱ་བར་འདོད་ན། ཞག་ཉི་ཤུ་རྩ་གཅིག་གི་བར་དུ་དུས་གསུམ་དུ་ཨ་ག་རུའི་ཡམ་སྲེག་ཤིང་མར་གྱི་ནང་དུ་སྨྱུགས་པ་བརྒྱ་སྟོང་སྦྱིན་སྲེག་བྱས་ན། ལྷ་ཐམས་ཅད་དབང་དུ་འགྱུར་རོ། །གནོད་སྦྱིན་མོ་རྣམས་ལ་ནི། ཨ་ཤོ་ཀའི་ཡམ་སྲེག་ཤིང་གིས་
Ma66a
༄#། །བྱའོ། །ཀླུ་རྣམས་ལ་ནི། ཀླུ་ཤིང་གི་མེ་ཏོག་གིས་བྱའོ། །རིག་སྔགས་འཆང་རྣམས་མཁན་པའི་ཡམ་སྲེག་ཤིང་གིས་བྱའོ། །འཕགས་པ་ལག་ན་རྡོ་རྗེ་ལ་ནི། ཨ་ག་རུའི་ཡམ་སྲེག་ཤིང་དུ་རུ་ཀའི་མར་གྱི་ནང་དུ་སྨྱུགས་པས་བྱའོ། །དྲི་ཟ་རྣམས་ལ་ནི། ཐང་ཆུའི་སྤོས་ཀྱིས་སྦྱིན་སྲེག་བྱའོ། །མི་འམ་ཅི་རྣམས་ལ་ནི། པོག་གི་སྦྱིན་སྲེག་གིས་བྱའོ། །ཡི་དྭགས་རྣམས་ལ་ནི། སྲ་རྩི་པོག་གི་སྦྱིན་སྲེག་གིས་བྱའོ། །ལོག་འདྲེན་རྣམས་ལ་ནི། ཏིལ་གྱི་ཚིགས་མའི་སྦྱིན་སྲེག་གིས་བྱའོ། །འབྱུང་པོ་རྣམས་ལ་ནི། འབྱུང་པོའི་ཟས་ཀྱིས་སྦྱིན་སྲེག་ལན་བརྒྱད་བརྒྱ་ཞག་བདུན་ནམ་ཞག་ཉི་ཤུ་རྩ་གཅིག་གི་བར་དུ་བྱའོ། །མིའི་གཙོ་བོའམ་མི་ཆེན་པོ་དབང་དུ་བྱ་བར་འདོད་ན། ཞག་བདུན་གྱི་བར་དུ་དུས་གསུམ་དུ་ཡུངས་ཀར་གྱི་སྲེག་བླུགས་ཏིལ་མར་དང་སྦྱར་བས་ལན་བརྒྱད་སྟོང་སྦྱིན་སྲེག་བྱའོ། །མིའི་གཙོ་བོའི་བུ་མོ་ལ་ནི། སྐེ་ཚེའི་སྲེག་བླུགས་ཀྱིས་བྱའོ། །མདུན་ན་འདོན་པ་ལ་ནི། མར་གྱི་སྲེག་བླུགས་ཀྱིས་བྱའོ། །བུ་མོ་རྣམས་ལ་ནི། སྣ་མའི་མེ་ཏོག་གིས་བྱའོ། །བུད་མེད་ཐམས་ཅད་ལ་ནི། ལན་ཚཝའི་སྲེག་བླུགས་ཀྱིས་བྱའོ། །བྲམ་ཟེ་ལ་ནི། འབྲས་བཟང་པོའི་ཆན་གྱི་སྲེག་བླུགས་ཀྱིས་བྱའོ། །རྒྱལ་རིགས་ལ་ནི། ཞོའི་སྲེག་བླུགས་ཀྱིས་བྱའོ། །རྗེའུ་རིགས་ལ་
Ma66b
འབྲས་ཀྱི་སྦྱར་ཐུག་གི་སྲེག་བླུགས་ཀྱིས་བྱའོ། །དམངས་རིགས་ལ་ནི། མོན་སྲན་གྲེའུའི་སྲེག་བླུགས་ཀྱི་སྦྱིན་སྲེག་གིས་བྱའོ། །སེམས་ཅན་ཐམས་ཅད་ལ་ནི། མར་དང་ཏིལ་སྦྱར་བས་བྱ་སྟེ། ཐམས་ཅད་ལ་ཡང་སྦྱིན་སྲེག་ལན་བརྒྱད་བརྒྱའི་བར་བྱའོ། །ཉི་མ་ལ་ཕྱོགས་ཏེ་ལན་འབུམ་བཟླས་བརྗོད་བྱས་ན། སྡིག་པ་ཐམས་ཅད་ལས་གྲོལ་བར་འགྱུར་ཏེ། ཟས་སུ་བ་གཅིན་དང་ཕྱེའི་འདག་གུ་ཟ་ཞིང་ལས་བྱའོ། །རིག་སྔགས་འཆང་ཐམས་ཅད་གསོ་བར་འདོད་ན། ཞག་བདུན་གྱི་བར་དུ་ཞོ་དང ། སྦྲང་རྩི་དང ། མར་ལ་སྦྱར་བའི་ཏིལ་གྱིས་ལན་བརྒྱད་སྟོང་སྦྱིན་སྲེག་བྱའོ། །བཅོད་པ་དང ། བཅོམ་པ་དང ། མ་རུངས་པར་གྱུར་པ་དང ། ཕུར་བུས་བཏབ་པ་རྣམས་གསོ་བར་འདོད་ན། པུ་ཤེལ་ཙེ་ལས་གཟུགས་བྱས་ཏེ་མེ་ཏོག་དཀར་པོས་མཆོད་པ་ལན་བརྒྱད་བརྒྱ་བཟླས་བརྗོད་བྱས་པའི་འོ་མས་བཀྲུ་ཞིང་འོ་མའི་སྦྱིན་སྲེག་ཀྱང་བྱ་སྟེ། ཨ་ག་རུའི་བདུག་པ་ཡང་ཕུལ་ན་ཕྱིར་སོས་པར་འགྱུར་རོ། །དེ་ནས་བཅོམ་ལྡན་འདས་མ་ཡུམ་བརྗོད་ལ་སྔགས་ཀྱིས་མཆོད་ཡོན་ཕུལ་ན། སྤྱན་དྲངས་པར་འགྱུར་ཞིང་བཟླས་བརྗོད་ཀྱང་བསྲུངས་པར་འགྱུར་རོ། །ལན་གཅིག་བརྗོད་པས་ནི། བདག་ཉིད་ལ་སྲུང་བར་བྱེད་དོ། །ལན་གཉིས་བརྗོད་པས་ནི། གཞན་ལ་སྲུང་བར་བྱེད་དོ། །ལན་གསུམ་བརྗོད་པས་ནི། རྫས་སྲུང་བར་བྱེད་དོ། །ཡུངས་ཀར་གྱིས་
Ma67a
༄#། །བསྲུང་བར་བྱ་བའི་རྫས་སྔགས་ཀྱི་གཟི་བྱིན་བསྐྱེད་ན། རྒྱས་པར་འགྱུར་ཞིང་དངོས་གྲུབ་ཏུ་འགྱུར་རོ། །གིའུ་ཝང་གིས་བཅོམ་ལྡན་འདས་མའི་གསང་སྔགས་གང་འདོད་པ་བར་ཐག་ཡངས་པར་ཡི་གེ་བྲིས་ཏེ་གིའུ་ཝང་དང་སྨྱུག་གུ་ཡང་དེར་བཞག་ལ་དེར་སྔགས་དེས་ལན་བརྒྱད་བརྒྱ་བཏབ་སྟེ་བཅོམ་ལྡན་འདས་ལ་མཆོད་པ་བྱས་ནས་ཉལ་ན། འོང་བར་འགྱུར་ཏེ། ལྷག་ཆད་སྐོང་བར་འགྱུར་རོ། །ཡང་ན་རྨི་ལམ་དུ་སྟོན་པར་འགྱུར་རོ། །ལན་བརྒྱད་བརྒྱ་བཟླས་བརྗོད་བྱས་ཏེ་རྩཝ་ཀུ་ཤའི་སྟན་ལ་ཉལ་ན། ལེགས་ཉེས་སྟོན་པར་འགྱུར་རོ། །བཅོམ་ལྡན་འདས་མ་འདི་ནི། རིག་པ་མཆོག་གི་རྒྱུད་ཐམས་ཅད་ཀྱི་སྙིང་པོར་གྱུར་པ་དོན་ཐམས་ཅད་སྒྲུབ་པ་སྟེ། བཅོམ་ལྡན་འདས་མཱ་མ་ཀཱི་འདི་ནི། རིག་སྔགས་ཀྱི་རྒྱལ་པོ་རིག་པ་མཆོག་གི་ལས་གང་ཡིན་པ་རྣམས་དང ། ཕོ་ཉ་མོ་བཅོ་བརྒྱད་གང་ཡིན་པ་རྣམས་དང ། ཕྱག་རྒྱ་ཆེན་པོ་གང་ཡིན་པ་རྣམས་ཀྱི་སོ་སོའི་ཆོ་ག་ཤིན་ཏུ་མྱུར་བར་བྱེད་ཅིང་གཞན་གྱིས་མི་ཚུགས་ཤིང་མྱུར་དུ་འགྲུབ་པར་འགྱུར་རོ། །གྲོག་མཁར་གྱི་ས་དང་ཡུངས་ཀར་བསྲེས་པ་ལས་རྡོ་རྗེ་བྱས་ཏེ་ཙནྡན་དམར་པོས་བྱུགས་ལ་བླངས་ན། ལམ་མི་གཟུར་བ་དང་མི་སྨྲ་བར་ལན་འབུམ་བཟླས་བརྗོད་བྱས་ནས་བཟླས་བརྗོད་བྱས་པའི་མཇུག་ཏུ་ཟླ་བ་
Ma67b
སྤྱང་ཀིས་ཟིན་པའི་ཚེ་རྡོ་རྗེ་ཡུངས་ཀར་གྱི་དབུས་སུ་བཞག་སྟེ་ཡུངས་ཀར་ཚེག་ཚེག་ཟེར་གྱི་བར་དུ་བཟླས་བརྗོད་བྱས་ན། རྡོ་རྗེ་འགྲུབ་པར་འགྱུར་ཏེ། རྡོ་རྗེ་དེས་ལས་ཐམས་ཅད་བྱེད་ལ་བྲག་གི་རྩེ་མོ་ཕྱེ་མར་རློག་ཅིང་སྙིལ་བར་བྱེད་དོ། །ཆུ་ཀླུང་གྱེན་དུ་ཟློག་པར་བྱེད་དོ། །མཚོ་སྐམ་པར་བྱེད་དོ། །ཀླུ་རྣམས་འབྱེར་བར་བྱེད་དོ། །དུག་རྣམས་ཀྱི་དུག་མེད་པར་བྱེད་དོ། །སྲོག་ཆགས་རྣམས་རེངས་པར་བྱེད་དོ། །རྨོངས་པར་བྱེད་དོ། །སྒྱེལ་བར་བྱེད་དོ། །འཁྲུལ་འཁོར་རྣམས་ཕྱེ་མར་རློག་གོ། ཤིང་རྟ་ལ་སོགས་པ་རེངས་པར་བྱེད་ཅིང་ཕྱེ་མར་རློག་སྟེ། དེ་ལ་སོགས་པའི་ལས་ཐམས་ཅད་བྱེད་དོ། །བཅོམ་ལྡན་འདས་མཱ་མ་ཀཱི་འདི་ནི། རོ་ལངས་ཐམས་ཅད་སྒྲུབ་པ་སྟེ། ལས་སྣ་ཚོགས་བྱེད་པ་ཡིན་ནོ། །རིའི་རྩེ་མོར་སོང་སྟེ་ལྕགས་ཞུན་མ་ལས་བྱས་པའི་རྡོ་རྗེ་ཐོགས་ལ་ལག་པ་གཡོན་པས་བཟུང་ལ་ལན་དྲུག་འབུམ་བཟླས་བརྗོད་བྱས་ན། དེ་ནས་རི་འགུལ་བར་འགྱུར་ཏེ། རི་འགུལ་ན་འཁོར་དང་བཅས་པ་འཕགས་པར་འགྱུར་རོ། །སློང་མོའི་ཟས་ཟ་ཞིང་རིའི་རྩེ་མོར་བྱེ་བ་གཅིག་བཟླས་བརྗོད་བྱས་ན། ཡིད་ལ་གང་འདོད་པ་དེ་ཐམས་ཅད་ཐོབ་པར་འགྱུར་རོ། །ལྷ་རྣམས།་བཅོམ་ལྡན་འདས་མཱ་མ་ཀཱི་འདི་ནི། ཐམས་ཅད་འགྲུབ་པ་སྟེ། ལས་སྣ་ཚོགས་བྱེད་པ་ཡིན་ནོ། །བཅོམ་ལྡན་འདས་མ་འཇིག་རྟེན་གྱི་ཡུམ་གྱི་ལས་རྣམས་ངས་
Ma68a
༄#། །བཤད་ཟིན་ཏེ། དེ་ལ་དྲག་ཏུ་འགྲུབ་པར་བྱེད་པའི་སྔགས་ཀྱང་བཤད་པར་བྱའོ། །ན་མོ་བཛྲ་པཱ་ཎི་སྱ། ཨོཾ་ཛྭ་ལ་མཱ་མ་ཀཱི་སྥོ་ཊ་ཡ་ཧཱུཾ་ཕཊ་སཝཱཧཱ། ལྷ་རྣམས། འདིའི་ལས་ཀྱང་བཤད་པར་བྱ་སྟེ། བཅོམ་ལྡན་འདས་མའི་ལས་ངས་བཤད་པ་གང་ཡིན་པ་དེ་དག་ལས་ཉིས་འགྱུར་དུ་བསྟེན་པར་བྱས་ན། ཐམས་ཅད་བྱེད་པར་འགྱུར་རོ། །དེ་ནས་བཅོམ་ལྡན་འདས་ལག་ན་རྡོ་རྗེ་འཁོར་དེའི་ནང་ནས་ལངས་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། རིག་པ་མཆོག་གི་ཆོ་ག་ཆེན་པོ་ལས་བདག་གིས་ལྷ་རྣམས་བཤད་པ་གང་ལགས་པ་དེ་དག་ཐམས་ཅད་ཀྱི་སྒྲུབ་པ་པོ་གཙང་སྦྲ་དང ། ཆོ་ག་དང ། སྤྱོད་ཡུལ་དང་ལྡན་པ་གང་ལགས་པ་སྲུང་བ་དང ། བསྐྱབ་པ་དང ། སྦ་བར་བགྱིད་ཅིང་དངོས་གྲུབ་ཀྱང་ཐོབ་པར་འགྱུར་བ་དང ། ཚོར་བ་རྗེས་སུ་དྲན་པར་བགྱིས་པས་བགེགས་དང ། ལོག་འདྲེན་དེ་དག་ཐམས་ཅད་བརླག་པར་འགྱུར་བ་དང ། གཙང་སྦྲ་བགྱིས་ཀྱང་རུང ། གཙང་སྦྲ་མ་བགྱིས་ཀྱང་རུང་བ་ན་སྲུང་བ་དང ། བསྐྱབ་པ་དང ། སྤ་བ་དང ། སེམས་ཅན་རྣམས་ཀྱི་དོན་གྱི་སླད་དུ་བདག་གིས་རྡོ་རྗེ་ཁྲོ་བོ་སྟོབས་པོ་ཆ་བཤད་པར་བགྱི་ན། བཅོམ་ལྡན་འདས་ཀྱིས་སྣང་བར་མཛད་དུ་གསོལ། དེ་ནས་བཅོམ་ལྡན་འདས་ཀྱིས་བྱང་
Ma68b
ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །བྱང་ཆུབ་སེམས་དཔའ་ལེགས་སོ་ལེགས་སོ། །སྟོབས་དང་ཕ་རོལ་གནོན་པ་དཔག་ཏུ་མེད་པ་ཁྱོད་སེམས་ཅན་ཐམས་ཅད་ལ་ཕན་པའི་ཕྱིར་ཞུགས་པ་དེ་ནི། ལེགས་སོ། །ཁྱོད་ལ་དེ་བཞིན་གཤེགས་པས་གནང་བར་མཛད་ཀྱི། སེམས་ཅན་ལམ་དུ་ཞུགས་པ་རྣམས་དང ། ལམ་མ་ཡིན་པར་ཞུགས་པ་རྣམས་དང ། གཙང་སྦྲ་བྱས་པ་རྣམས་དང ། གཙང་སྦྲ་མ་བྱས་པ་རྣམས་བསྲུང་བའི་ཕྱིར་ཤོད་ཅིག་ཤོད་ཅིག་།དེ་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་འཁོར་འདུས་པ་ལ་གླང་པོ་ཆེའི་ལྟ་སྟངས་ཀྱིས་བལྟས་ནས་རྡོ་རྗེ་ཁྲོ་བོ་སྟོབས་པོ་ཆེ་བཤད་པ། ན་མོ་རཏྣ་ཏྲ་ཡ་སྱ། ན་མོ་བཛྲ་པཱ་ཎི་སྱ། ན་མཤྩཎྜ་བཛྲ་པཱ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ། ཨོཾ་བཛྲ་ཀྲོ་དྷ་མཧཱ་བ་ལ། ཧ་ན་ད་ཧ་པ་ཙ་བི་དྷྭ་ན་ས་ཡ། ཛ་ཏི་ལ་ལཾ་བོ་ད་ར་ཨུཙྪུ་ཤྨ་ཀྲོ་དྷ་ཡ་ཧཱུཾ་ཕཊ་སཝཱཧཱ། དེ་ནས་ལྷ་དེ་དག་ངོ་མཚར་དུ་གྱུར་ཏེ་ལག་ན་རྡོ་རྗེའི་ཞལ་དུ་ལྟ་ཞིང་ཚིག་འདི་སྐད་ཅེས་སྨྲས་སོ། །རིག་སྔགས་ཀྱི་རྒྱལ་པོ་ཆེན་པོ། རྡོ་རྗེ་ཁྲོ་བོ་སྟོབས་པོ་ཆེའི་ལས་རྣམས་ཤོད་ཅིག་ཤོད་ཅིག་།དེ་ནས་ལག་ན་རྡོ་རྗེ་དྲག་པོ་ཆེན་པོས་སྙིང་རྗེའི་སེམས་ཀྱིས་ལས་རྣམས་བཤད་པ། རིག་པ་མཆོག་སྒྲུབ་པའི་རིག་སྔགས་འཆང་ལམ་དུ་འཇུག་གམ། བཤད་པ་དང ། གཅི་བ་ལ་སོགས་པ་བྱེད་ན། ཐོག་མར་ལན་གཅིག་བརྗོད་
Ma69a
༄#། །ན་སྲུང་བ་བྱས་པར་འགྱུར་རོ། །ལམ་དུ་འཇུག་ན། ལན་གསུམ་བརྗོད་ནས་སོང་ན་ཆོམ་རྐུན་ལ་སོགས་པའི་འཇིགས་པ་འབྱུང་བར་མི་འགྱུར་རོ། །དེ་བཞིན་དུ་ཆུ་ཀླུང་རྒལ་བ་ན་ཡང་ཆུ་སྲིན་ན་ཀྲ་ལ་སོགས་པའི་འཇིགས་པ་འབྱུང་བར་མི་འགྱུར་རོ། །དེ་ནས་སྒྲུབ་པར་འདོད་ན། ཚེས་གྲངས་དང་རྒྱུ་སྐར་གདམ་མི་འཚལ། སྨྱུང་བ་ཡང་བྱ་མི་དགོས་པར་ཁྲོ་བོ་ཉིད་བརྩོན་པར་བྱ་སྟེ། ཉིན་པར་ཡང་རུང ། མཚན་མོ་ཡང་རུང ། ཟན་ཟོས་ཀྱང་རུང ། ཅི་སྟེ་མ་ཟོས་ཀྱང་རུང ། གཙང་སྦྲ་བྱས་ཀྱང་རུང ། གཙང་སྦྲ་མ་བྱས་ཀྱང་རུང་སྟེ་ལན་སུམ་འབུམ་བཟླས་བརྗོད་བྱས་ན། སྔར་བསྙེན་པ་བྱས་པར་འགྱུར་རོ། །དེ་ནས་པ་ལ་ཤའི་ཤིང་ངམ། བིལ་བའི་ཤིང་གིས་མ་སྤར་ཏེ་འབྲས་ཡོས་སམ།་ཏིལ་ཡང་རུང ། མར་དང་སྦྱར་བས་ལན་བརྒྱད་སྟོང་སྦྱིན་སྲེག་བྱས་ན། འགྲུབ་པར་འགྱུར་རོ། །དེ་ནས་ལས་རྣམས་འབྱུང་སྟེ། མིའི་གཙོ་བོའམ། མི་ཆེན་པོ་དབང་དུ་བྱ་བར་འདོད་ན། དོང་ཀའི་བུང་ཤིང་གིས་མེ་སྤར་ལ་ཡུངས་ཀར་གྱིས་ལན་བརྒྱ་སྟོང་སྦྱིན་སྲེག་བྱས་ན་དབང་དུ་འགྱུར་རོ། །དམག་དཔོན་དབང་དུ་བྱ་བར་འདོད་ན། དམག་དཔོན་གྱི་རྐང་རྗེས་ཀྱི་རྡུལ་བླངས་ལ་ལག་པ་གཡོན་པས་ལན་བརྒྱད་སྟོང་སྦྱིན་སྲེག་བྱས་ན་དབང་དུ་འགྱུར་རོ། །སྐྱེས་པ་དབང་དུ་བྱ་ན་ལན་ཚཝ་ལས་གཟུགས་བྱས་ལ་རྐང་
Ma69b
པ་གཡས་པ་ནས་བརྩམས་ཏེ་བཅད་ཅིང་བཅད་ཅིང་ལག་པ་གཡོན་པས་ལན་བརྒྱ་སྟོང་སྦྱིན་སྲེག་བྱས་ན། སྐྱེས་པ་དབང་དུ་འགྱུར་རོ། །བུ་མོ་དབང་དུ་བྱ་ན། འབྲས་སཱ་ལུའི་ཕྱེ་མ་ལ་གཟུགས་བྱས་ལ་རྐང་པ་གཡོན་པ་ནས་བརྩམས་ཏེ་བཅད་ཅིང་བཅད་ཅིང་ལག་པ་གཡས་པས་ལན་བརྒྱད་སྟོང་སྦྱིན་སྲེག་བྱས་ན་དབང་དུ་འགྱུར་རོ། །ཡུགས་ས་མོ་དབང་དུ་བྱ་ན། དུར་ཁྲོད་དམ། གདོལ་པའི་ཁྱིམ་ནས་མེ་བླངས་ལ་དུར་ཁྲོད་ཀྱི་ཤིང་གསེབ་ལ་ལམ་གྱི་སུམ་མདོར་མེ་སྦྤར་ཏ་མོན་སན་གྲེའུའི་སྦྱིན་སྲེག་ལན་བརྒྱད་སྟོང་བྱས་ན་དབང་དུ་འགྱུར་རོ། །བུ་མོ་དབང་དུ་བྱ་ན། ལག་ན་རྡོ་རྗེའི་མདུན་དུ་བུ་མོས་སྤྱད་པའི་མེ་ཏོག་རྙིང་པ་བརྒྱད་སྟོང་སྦྱིན་སྲེག་བྱས་ན་དབང་དུ་འགྱུར་རོ། །དགྲ་དབང་དུ་བྱ་ན། གིའུ་ཝང་ངམ། ལྡོང་རོས་ལ་ལན་བརྒྱ་སྟོང་བསྔགས་ཏེ་བདག་ཉིད་ཀྱི་ལུས་བསྐུས་ན། དགྲའི་ནང་དུ་འཆིགས་པར་མི་འགྱུར་རོ། །ལིག་བུ་མིག་བླངས་ཏེ་ཨ་ཤཝཏྠའི་ལོ་མའི་སྟེང་དུ་བཞག་ལ་སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་ལན་བརྒྱ་སྟོང་བཟླས་བརྗོད་བྱས་པས་མིག་བསྐུས་ན་སྐྱེ་པོ་ཐམས་ཅད་ཀྱི་སྙིང་དུ་སྡུག་པར་འགྱུར་རོ། །གིའུ་ཝང་ཡང་ཆོ་ག་དེ་དང་འདྲའོ། ། སྐྱེས་པ་དབང་དུ་བྱ་ན། ཨ་མའི་ཤིང་གིས་མེ་སྤར་ལ་ནས་དང ། གྲོ་དང ། ནཱ་ག་གེ་སར་ལ་སོགས་པས་ལན་བརྒྱད་སྟོང་སྦྱིན་སྲེག་བྱས་ན་དབང་དུ་འགྱུར་རོ། །གྲུབ་པར་མ་གྱུར་ན།
Ma70a
༄#། །ལས་འདི་དག་བྱས་ཏེ་བིལ་བའི་ཤིང་གིས་མེ་སྦར་ཏེ་ཏིལ་ནག་པོ་བརྒྱད་སྟོང་སྦྱིན་སྲེག་བྱས་ན་འགྲུབ་པར་འགྱུར་རོ། །ཕྱིན་ཆད་དབང་དུ་བྱ་བ་དང ། བསྐྲད་པ་དང ། དབྱེ་བ་དང ། གཞིག་པ་དང ། གསད་པ་དང ། སྒོ་གླེགས་བཅག་པ་དང ། འཁྲུལ་འཁོར་སྒོ་གཏན་དང ། གཤེགས་པ་དང ། གཞོམ་པ་ལ་སོགས་པ་བྱེད་ནུས་པར་འགྱུར་རོ། མིའི་གཙོ་བོ་དབང་དུ་བྱ་ན། དུར་ཁྲོད་ཀྱི་ཤིང་གིས་མེ་སྦར་ལ། སྐེ་ཚེ་ཡུངས་མར་དང་སྦྱར་བས་ལན་བརྒྱ་སྟོང་སྦྱིན་སྲེག་བྱས་ན་དབང་དུ་འགྱུར་རོ། །མེ་ཏོག་ལ་ལན་བདུན་བསྔགས་ན།་གང་ལ་བྱིན་པ་དེ་དབང་དུ་འགྱུར་རོ། །སྤོས་སམ། ཤིང་ཐོག་གམ། སོ་རྩི་རྣམས་ཀྱང་ཆོ་ག་དེ་བཞིན་དུ་བྱའོ། །མིག་སྨན་ལ་བསྔགས་ཏེ་མིག་གཉིས་ལ་བསྐུས་ན། གང་ལ་བལྟས་པ་དེ་དབང་དུ་འགྱུར་རོ། །བསྐྲད་པར་བྱ་ན། ཨརྐའི་ཤིང་གིས་མེ་སྤར་ལ་ལུང་ཏང་གི་མེ་ཏོག་གིས་ལན་བརྒྱ་སྟོང་སྦྱིན་སྲེག་བྱས་ན་ཞག་བདུན་གྱིས་འབྲོས་པར་འགྱུར་རོ། །དབྱེ་བར་བྱ་ན། ཆོ་ག་དེ་དང་འདྲ་བར་བྱ་སྟེ། ཕུབ་མའི་སྦྱིན་སྲེག་བྱས་ན་དབྱེ་བར་འགྱུར་རོ། །གཞིག་པར་བྱ་ན། དུར་ཁྲོད་ནས་མེ་བླངས་པའི་ནང་དུ་དུར་ཁྲོད་ཀྱི་ཐལ་བས་སྦྱིན་སྲེག་བྱས་ན་འཇིག་པར་འགྱུར་རོ། །གསད་པར་བྱ་ན། སྐེ་ཚེ་ཡུངས་མར་དང་སྦྱར་བའི་སྦྱིན་སྲེག་བྱས་ན་དེ་མ་ཐག་ཏུ་འཇིགས་པར་འགྱུར་རོ། །བསྐམ་པར་བྱ་ན། གོས་
Ma70b
གཤེར་བ་བགོས་ལ་ཁྲོས་བཞིན་དུ་ཉི་མ་ལ་ཕྱོགས་ཏེ་བཟླས་བརྗོད་བྱས་ན་ཇི་ཙམ་དུ་གོས་བསྐམས་པར་འགྱུར་བ་དེ་ཙམ་དུ་དགྲའི་སྲོག་སྐམ་པར་འགྱུར་རོ། །ཁྲོས་བཞིན་དུ་མཚན་གཅིག་འདུག་པའི་སྟེང་དུ་ལག་པས་མནན་ཏེ་བཟླས་བརྗོད་བྱས་ན། དེ་མ་ཐག་ཏུ་དགྲ་མེད་པར་འགྱུར་རོ། །འཕགས་པ་ལག་ན་རྡོ་རྗེའི་མདུན་དུ་སེ་གོལ་གཏོག་ཅིང་གསང་སྔགས་བཟླས་བརྗོད་བྱས་ན། དེ་མ་ཐག་ཏུ་དགྲ་འཆི་བར་འགྱུར་རོ། །ཆོ་ག་ཇི་ལྟར་བྱས་ཀྱང་རུང་སྟེ་ཁྲོས་བཞིན་དུ་བཟླས་བརྗོད་བྱས་ན། ཆོ་ག་དེས་དེ་མ་ཐག་ཏུ་དགྲ་འཇིགས་པ་དང་འཆི་བར་འགྱུར་རོ། །ཞི་བར་བྱ་བ་དང་ཕྱིར་གསོ་བ་ལ་ནི། པལ་ཤའི་ཤིང་གིས་མེ་སྦར་ཏེའོ་མ་དང་མར་སྦྱར་བས་ལན་བརྒྱད་སྟོང་སྦྱིན་སྲེག་བྱས་ན་ཕྱིར་འཚོ་བར་འགྱུར་རོ། ། ཧཱུཾ་ཞེས་བྱས་པས་ནི། སྒོ་གླེགས་དང་སྒོ་གཏན་ཆོམ་པར་འགྱུར་རོ། །ཕཊ་ཅེས་བྱས་པས་ནི། ལྷ་མ་ཡིན་གྱི་འཁྲུལ་འཁོར་ཐམས་ཅད་ཆོམ་པར་འགྱུར་རོ། །ནིམ་པའི་ཤིང་གི་མེ་སྦར་བའི་ནང་དུ་སྐེ་ཚེ་ཁྲག་དང་སྦྱར་བས་ལན་བརྒྱ་སྟོང་སྦྱིན་སྲེག་བྱས་པས་དགྲ་ལ་ཇི་ལྟར་འདོད་པ་བཞིན་དུ་བྱེད་ནུས་པར་འགྱུར་རོ། །ཁྱི་ནག་པོའི་ལྕེ་བླངས་ལ་གུ་གུལ་དང་ལྷན་ཅིག་བཏགས་ཏེ་རིལ་བུར་བྱས་ཏེ་ཟངས་དང ། ཁར་བ་དང ། ར་གན་གཅིག་ཏུ་སྦྱར་བས་གཡོགས་ལ་གོ་ཕྱེའི་ཤིང་གི་གབ་ཚེར་བཅུག་སྟེ་མར་གྱི་ངོ་ཞག་བརྒྱད་དང་
Ma71a
༄#། །ཞག་བཅུ་བཞི་གང་ཡང་རུང་བ་ལ་ལག་ན་རྡོ་རྗེའི་མདུན་དུ་ལན་བརྒྱད་སྟོང་བཟླས་བརྗོད་བྱས་ཏེ། དེ་ནས་སྒྲ་ཏུག་ཏུག་ཟེར་བར་གྱུར་ནས་དེ་དག་ལས་གཅིག་ཁར་བཅུག་ན། ལུས་མི་སྣང་བར་འགྱུར་ལ། ཕྱིར་ཕྱུང་ན་སྣང་བར་འགྱུར་ཏེ། ཚེ་ལོ་ཁྲི་ཐུབ་པར་འགྱུར་རོ། །རིའི་རྩེ་མོར་སོང་སྟེ་ལན་འབུམ་བཟླས་བརྗོད་བྱས་ན།་ལྷ་མ་ཡིན་གྱི་ཕུག་གི་འཁྲུལ་འཁོར་ཐམས་ཅད་ཧཱུཾ་ཞེས་བྱས་པའམ། ཕཊ་ཅེས་བྱས་པས་ཆོམ་པར་འགྱུར་རོ། །ལྷ་མ་ཡིན་གྱི་ཕུག་སྒོར་ཡུངས་ཀར་དུག་དང་ཁྲག་དང་སྦྱར་བས་ལན་སྟོང་སྦྱིན་སྲེག་བྱས་པས་ལྷ་མ་ཡིན་གྱི་བུ་མོ་གཅིག་བཞིན་ཕྱིར་བྱུང་ནས་སྒྲུབ་པ་པོ་ནང་དུ་ཁྲིད་པར་འགྱུར་རོ། །ལིག་བུ་མིག་གིས་རྒྱུད་མཆད་པར་ལན་སྟོང་སྦྱིན་སྲེག་བྱས་ལ་ཟླ་བ་སྤྱང་ཀིས་ཟིན་པའི་ཚེ་ཟླ་བ་མ་བཏང་གི་བར་དུ་བཟླས་བརྗོད་བྱས་ཏེ་དེས་མིག་བསྐུས་ན། ལུས་མི་སྣང་བར་འགྱུར་ཞིང་ཚེ་ལོ་སྟོང་ཐུབ་པར་འགྱུར་རོ། །གང་ལ་དམིགས་ཏེ་ལན་ཁྲི་བཟླས་བརྗོད་བྱས་ན་དེ་བྲན་དུ་འགྱུར་རོ། །ཡང་ན་འཆི་བར་འགྱུར་རོ། །དུར་ཁྲོད་ཀྱི་རས་ཁྲུ་གང་ཙམ་བླངས་ལ་དེ་ཚོན་རྩི་སྤྱིན་མེད་པས་ཁྲོ་བོའི་གཟུགས་མི་སྡུག་ཅིང་མཆེ་བ་གཙིགས་ལ་ལུས་ཀྱི་མདོག་ནག་ཅིང་མེ་ལྕེ་འབར་བས་བསྐོར་ཏེ་སྐྲ་ཁམ་པ་གྱེན་དུ་བརྫེས་ཤིང་ཁྲོས་པའི་མིག་གིས་
Ma71b
བལྟས་ལ་ལག་པ་གཡོན་པ་རྡོ་རྗེ་ཐོགས། ལག་པ་གཡས་པ་ན་དབྱུག་པ་ཐོགས་པ་འབྲིར་གཞུག་གོ་།འོག་ལོགས་སུ་ནི། སྒྲུབ་པ་པོ་ལག་ན་པོག་ཕོར་ཐོགས་པ་བྲིས་ལ་མར་གྱི་རོ་ཞག་བརྒྱད་དམ་བཅུ་བཞི་གང་ཡང་རུང་བ་ལ་དེའི་མདུན་དུ་མེ་ཏོག་དམར་པོ་ཕུལ་ཏེ་ལྡོང་རོས་དང ། ལིག་བུ་མིག་དང ། གིའུ་ཝང་དང ། དགའ་བྱེད་ཀྱི་སྲད་བུ་དང ། དོང་ཀའི་ཤིང་ལྷམ་དང ། གོས་དང ། རྡོ་རྗེ་འཁོར་ལོ་དང ། མདུང་རྩེ་གསུམ་པ་དང ། རལ་གྲི་ལ་སོགས་པ་ལས་གང་ཡང་རུང་བ་བླངས་ནས་ཆོ་ག་བཞིན་དུ་དག་པར་བྱས་ལ་ཨ་ཤཝཏྠའི་ལོ་མ་ལ་བཞག་སྟེ་དངོས་གྲུབ་རྣམ་གསུམ་གྱུར་གྱི་བར་དུ་བཟླས་བརྗོད་བྱས་ན། དྲོ་བར་གྱུར་ན་ནི། རྐང་བས་མགྱོགས་པར་འགྱུར་རོ། །དུད་པ་འཐུལ་ན་ནི། ལུས་མི་སྣང་བར་འགྱུར་རོ། །འབར་བར་གྱུར་ན་ནི། ནམ་མཁའ་ལ་འགྲོ་བའི་རིག་སྔགས་འཆང་དུ་འགྱུར་ཏེ། བསྐལ་པར་གནས་པར་འགྱུར་རོ། །དེ་ནས་གནོད་སྦྱིན་མོ་དབང་དུ་བྱ་བར་འདོད་ན། སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་ཨ་ཤཝཏྠའི་ཤིང་གིས་མེ་སྦར་ལ་ཨ་ཤཝཏྠའི་མེ་ཏོག་བརྒྱད་སྟོང་སྦྱིན་སྲེག་བྱས་ན། གནོད་སྦྱིན་མོའི་མིང་ནས་སྨོས་པས་དབང་དུ་འགྱུར་རོ། །ཀླུའི་བུ་མོ་དབང་དུ་བྱ་བར་འདོད་ན། ཤི་པ་ལ་ཀའི་ཤིང་གིས་མེ་སྦར་ལ་ནཱ་ག་པུས་པ་བརྒྱ་སྟོང་སྦྱིན་སྲེག་བྱས་ན་དབང་དུ་འགྱུར་རོ། །དགུག་པར་བྱ་ན། མར་གྱི་ངོ་ཞག་བརྒྱད་དང་ཞག་བཅུ་བཞི་གང་ཡང་རུང་
Ma72a
༄#། །བའི་ཕྱེ་མ་རེད་ཨརྐའི་ཤིང་གིས་མེ་སྦར་ལ་ཡུངས་ཀར་གྱིས་ལན་བརྒྱད་སྟོང་སྦྱིན་སྲེག་བྱས་ན། མིང་ནས་གང་སྨོས་པ་ཁུགས་པར་འགྱུར་ཏེ། ཞག་གཅིག་སྨྱུང་བ་བྱས་པ་ལས་བྱའོ། །ཞག་བདུན་གྱི་བར་དུ་དུས་གསུམ་དུ་བྱས་ན་ནི། བརྒྱ་བྱིན་ཡང་ཁུགས་པར་འགྱུར་རོ། །ལན་ཚཝ་དང་བདག་གི་ཁྲག་སྦྱར་བས་སྦྱིན་སྲེག་བྱས་ན་ནི། གང་གི་མིང་ནས་སྨོས་པ་དེ་དབང་དུ་འགྱུར་རོ། །དེ་ནས་ལོག་འདྲེན་གཞིག་བར་འདོད་ན། མར་གྱི་ངོ་ཞག་བཅུ་བཞི་ལ་ལག་ན་རྡོ་རྗེའི་མདུན་དུ་མཆོད་པ་བྱས་ཏེ། དེ་ཉིད་ཀྱིས་སྲུང་བ་བྱས་ནས་ཞག་གསུམ་སྨྱུང་བར་བྱས་ལ་ཐབ་ཁུང་རྡོ་རྗེའི་དབྱིབས་འདྲ་བར་བྱ་སྟེ། གུ་གུལ་གྱི་རིལ་བུ་བརྒྱད་སྟོང་སྦྱིན་སྲེག་བྱས་ན་བགེགས་ཐམས་ཅད་ཞི་བར་འགྱུར་རོ། །ཡར་གྱི་ངོ་ཚེས་གཅིག་ལ་བརྩམས་ཏེ་དུས་གསུམ་དུ་གུ་གུལ་གྱི་རིལ་བུ་མར་གྱི་ནང་དུ་སྨྱུགས་པ་བརྒྱ་སྟོང་སྦྱིན་སྲེག་བྱས་པའི་མཇུག་ཏུ་ཞག་གསུམ་སྨྱུང་བ་བྱས་ལ་དེའི་མདུན་དུ་མཆོད་པ་ཆེན་པོ་བྱས་ཏེ་རྡོ་རྗེ་ཁྲོ་བོའི་ཁ་ནས་གློ་བུར་དུ་ང་གྲུབ་བོ་ཞེས་ཟེར་བའི་སྒྲ་འབྱུང་གི་བར་དུ་བཟླས་བརྗོད་བྱས་ན། དེ་ནས་སྐྲ་ལྕང་ལོར་འཁྱིལ་ཞིང་ཉི་མ་ཤར་བའི་མདོག་འདྲ་བ་ལ། རིག་སྔགས་འཆང་གི་འཁོར་ལོས་བསྒྱུར་བར་འགྱུར་ཞིང་བསྐལ་པར་གནས་ཤིང་ལག་ན་རྡོ་རྗེ་དང་མཐུ་
Ma72b
སྟོབས་མཉམ་པར་འགྱུར་རོ། །དེ་ནས་ལིག་བུ་མིག་སྒྲུབ་པར་འདོད་ན། རི་མོའི་གཟུགས་དེ་ཉིད་ཀྱི་མདུན་དུ་ཡར་གྱི་ངོ་ལས་བརྩམས་ཏེ་དུས་གསུམ་དུ་ལན་བརྒྱ་སྟོང་བཟླས་བརྗོད་བྱས་ནས་དེའི་མདུན་དུ་ཞག་གསུམ་སྨྱུང་བ་བྱས་ལ་ལིག་བུ་མིག་གམ། ལྡོང་རོས་ཨ་ཤཝཏྠའི་ལོ་མའི་སྟེང་དུ་བཞག་སྟེ་ལག་པ་གཡོན་པས་མནན་ལ་དྲོ་བར་གྱུར་བ་དང ། དུད་པ་འཐུལ་བ་དང ། འབར་བར་གྱུར་གྱི་བར་དུ་བཟླས་བརྗོད་བྱས་ན། དྲོ་བར་གྱུར་ན་ནི། འགྲོ་བ་རྣམས་དབང་དུ་བྱེད་པར་འགྱུར་རོ། །དུད་པ་འཐུལ་ན་ནི། ལུས་མི་སྣང་བར་འགྱུར་ཏེ།་རིག་སྔགས་འཆང་ཐམས་ཅད་ཀྱི་སྤྱོད་ཡུལ་དུ་མི་འགྱུར་ཞིང ། རིག་སྔགས་འཆང་གཅོད་པ་ཐམས་ཅད་ཀྱིས་མི་ཚུགས་ལ་རིག་སྔགས་འཆང་ཐམས་ཅད་ཀྱིས་བྱར་མེད་པར་འགྱུར་རོ། །འབར་བར་གྱུར་ན་ནི། ནམ་མཁའ་ལ་འགྲོ་ཞིང་འཁོར་སྟོང་དང་ལྡན་ལ་གཡོག་རྣམས་འཆང་བར་འགྱུར་རོ། །ཅི་སྟེ་མི་འདོད་ན་ཡང་རིག་སྔགས་འཆང་རྣམས་གཡོག་ཏུ་འགྱུར་ཏེ། རིག་སྔགས་འཆང་ཐམས་ཅད་ཀྱིས་མི་སོད་པར་འགྱུར་རོ། །དེ་ནས་རྡོ་རྗེ་སྒྲུབ་པར་འདོད་ན། འཛམ་བུ་ཆུ་བོའི་གསེར་ལས་རྡོ་རྗེ་སོར་བཅུ་གཉིས་རྩེ་གསུམ་དུ་བྱས་ལ། ཆུ་ཀླུང་རྒྱ་མཚོར་འབབ་པའི་འགྲམ་དུ་མར་གྱི་ངོ་ཞག་གཅིག་ལས་བརྩམས་ཏེ་ཕྱི་མ་ཡར་གྱི་ངོ་ཚེས་བཅུ་གཉིས་ཀྱི་བར་དུ་དུས་གསུམ་དུ་བཟླས་བརྗོད་བྱའོ།།
Ma73a
༄#། །དེ་ནས་ཞག་གསུམ་སྨྱུང་བ་བྱས་ཏེ་འཕགས་པར་གྱུར་གྱི་བར་དུ་བཟླས་བརྗོད་བྱས་ན། དེ་ནས་རིག་སྔགས་འཆང་ཐམས་ཅད་ཀྱིས་ཕྱག་བྱ་བར་འགྱུར་ཞིང་སུམ་ཅུ་རྩ་གསུམ་པའི་ལྷ་རྣམས་ཀྱིས་ཀྱང་མཆོད་དེ། ལག་ན་རྡོ་རྗེ་དང་འགྲན་པ་དང ། བསྐལ་པར་གནས་པར་འགྱུར་རོ། །སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་ལིག་བུ་མིག་ལ་ལན་འབུམ་བཟླས་བརྗོད་བྱས་ཏེ་དེ་ནས་ཡར་གྱི་ངོ་ཚེས་བཅོ་ལྔ་ལ་ཟླ་བ་སྤྱང་ཀིས་ཟིན་པའི་ཚེ་ཁར་བཅུག་སྟེ་ཟླ་བ་མ་བཏང་གི་བར་དུ་བཟླས་བརྗོད་བྱས་ཏེ་དེས་མིག་བསྐུས་པས་ལུས་མི་སྣང་བར་འགྱུར་རོ། །ཡང་ན་བུད་མེད་གང་སྐྱེས་པ་དང་མ་ཕྲད་པར་ཤི་བ་དེའི་མོ་མཚན་དུ་མར་གྱི་ངོ་ཞག་བཅུ་བཞི་ལ་ལིག་བུ་མིག་དང ། ལྡོང་རོས་བཅུག་སྟེ་ཉི་མ་ཤར་གྱི་བར་དུ་བཟླས་བརྗོད་བྱས་ཏེ་དེས་མིག་བསྐུས་པས་སེམས་ཅན་ཐམས་ཅད་ཀྱི་སྙིང་དུ་སྡུག་པར་འགྱུར་ཞིང ། ཤགས་འགྱེད་དོ་ཅོག་ལ་ལན་ཐེབས་པར་འགྱུར་རོ། །ཤུ་དག་ལ་ལན་བརྒྱད་བརྒྱ་བཟླས་བརྗོད་བྱའོ། །དེ་ནས་ཕྱུང་སྟེ་མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བར་བྱས་ལ། ལྷ་ཆེན་པོའི་གཟུགས་ཀྱི་གཡས་ལོགས་སུ་ལན་བརྒྱ་སྟོང་བཟླས་བརྗོད་བྱས་ན་དེ་ལག་པ་ལ་བཏགས་པས་རྒྱལ་པོ་ལས་རྒྱལ་བར་འགྱུར་ཞིང་རྩོད་པ་དང ། འཐབ་པ་ལ་ལན་ཐེབས་པར་འགྱུར་ཏེ། རྒྱལ་པོའམ་བློན་པོ་
Ma73b
ལ་གང་སྨྲས་པ་ཐམས་ཅད་ཚིག་ཉན་པར་འགྱུར་ཞིང་གང་བླངས་པ་དེ་ཡང་ཐོབ་པར་འགྱུར་རོ། །ལིག་བུ་མིག་ལ་ལན་བརྒྱད་སྟོང་བསྔགས་ཏེ་མིག་ལ་བསྐུས་ན་ཀུན་གྱི་ཡིད་དུ་འོང་བར་འགྱུར་རོ། །གིའུ་ཝང་གིས་ལུས་བསྐུས་ན་སྐྱེ་བོ་ཐམས་ཅད་ཀྱི་སྙིང་དུ་སྡུག་པར་འགྱུར་རོ། །དེ་ནས་རིག་སྔགས་འཆང་ལ་ལས་ལིག་བུ་མིག་གམ། ལྡོང་རོས་འཕྲོག་པར་གྱུར་ན་ཞག་གསུམ་སྨྱུང་བར་བྱས་ལ་ལན་སུམ་འབུམ་བཟླས་བརྗོད་བྱས་ནས་པ་ལང་གི་ལྕི་བ་ས་ལ་མ་ལྷུང་བ་ལས་རིག་སྔགས་འཆང་གི་གཟུགས་བྱས་ཏེ་ཁྲག་གིས་བསྐུས་ལ།་ཀ་ར་བཱི་རའི་མེ་ཏོག་གིས་མཆོད་ནས་ལྕགས་ཞུན་མའི་མཚོན་གྱིས་བཅད་ན། རིག་སྔགས་འཆང་གིས་ལིག་བུ་མིག་གམ། ལྡོང་རོས་ཕྱིར་བྱིན་པར་འགྱུར་རོ། །དེ་ནས་རིག་སྔགས་དག་པར་འདོད་ན། དེ་བཞིན་དུ་ཞག་གསུམ་སྨྱུང་བ་བྱས་ཏེ་ལན་འབུམ་བཟླས་བརྗོད་བྱས་ན། པོག་གི་ཆུས་རིག་སྔགས་བྲིས་ལ་ཆུ་ཀླུང་རྒྱ་མཚོར་འབབ་པའི་ནང་དུ་བཅུག་སྟེ་ལན་བརྒྱད་སྟོང་བྱས་ནས་དེ་ཉིད་དུ་ཉལ་ན་ཕྱི་དེ་ཉིན་བར་ལྷག་ཆད་དག་པར་བྱ་སྟེ། ཕྱིར་འབྱུང་བར་འགྱུར་རོ། །མིའི་གཙོ་བོའམ། མི་ཆེན་པོ་དབང་དུ་བྱ་བར་འདོད་ན། ཐབ་ཁུང་རྡོ་རྗེའི་དབྱིབས་འདྲ་བར་བྱས་ལ་ལུང་ཏང་གི་བུད་ཤིང་གིས་མེ་སྦར་ཏེ་རྒྱ་སྐྱེགས་ཀྱིས་སྲེག་བླུགས་ལན་བརྒྱ་སྟོང་སྦྱིན་སྲེག་བྱས་ན། དེའི་བྲན་བཞིན་དུ་འོང་བར་འགྱུར་རོ། །ཡང་ན་གྲོག་
Ma74a
༄#། །མཁར་གྱི་ས་ལས་གཟུགས་བྱས་ཏེ་དེའི་མདུན་དུ་བ་ལང་གི་ཤས་ལན་བརྒྱ་སྟོང་སྦྱིན་སྲེག་བྱས་ན། ནང་མིའི་གཙོ་བོ་དབང་དུ་འགྱུར་ལ། དབྱེ་བར་བྱ་འདོད་ན། གཉིས་ཀའི་སེན་མོ་བཅད་པ་བླངས་ལ་ཏིལ་ནག་པོ་དང་བསྲེས་ཏེ་ཚ་བ་གསུམ་དང ། ཡུངས་ཀར་མར་དང་སྦྱར་བས་ཞག་བདུན་གྱི་བར་དུ་དུས་གསུམ་དུ་ལན་བརྒྱ་རྩ་བརྒྱད་སྦྱིན་སྲེག་བྱས་ན་དབྱེ་བར་འགྱུར་རོ། །གྲོང་ཁྱེར་འཕོ་བར་འདོད་ན། ཞག་བདུན་གྱི་བར་དུ་དུས་གསུམ་དུ་ཕུབ་མས་ལན་སྟོང་རྩ་བརྒྱད་བཟླས་བརྗོད་བྱས་ན་འབྲོས་པར་འགྱུར་རོ། །ཡང་ན་འཇིགས་པར་འདོད་ན། ཞག་གསུམ་གྱི་བར་དུ་དུས་གསུམ་དུ་ཁྱི་ཤས་ལན་སྟོང་རྩ་བརྒྱད་བརྒྱད་སྦྱིན་སྲེག་བྱས་ན་འཇིགས་པར་འགྱུར་རོ། །ཕྱིར་གསོ་བ་ཐམས་ཅད་ལ་ནི། ཨུ་དུམ་བ་རའི་ཡམ་སྲེག་ཤིང་ཞོ་དང ། སྦྲང་རྩི་དང ། མར་གྱི་ནང་དུ་སྨྱུགས་པ་ལན་བརྒྱ་སྟོང་སྦྱིན་སྲེག་བྱས་ལ་རྡོ་རྗེ་ཁྲོ་བོ་ལ་ཡང་མར་གྱི་བདུག་པ་བསྲེགས་ན་ཕྱིར་ཞི་བར་འགྱུར་རོ། །དེ་ནས་གདོན་གྱིས་ཟིན་པར་བྱ་བར་འདོད་དམ། ཡང་ན་གང་ལ་རིམས་ཀྱིས་འདེབས་པར་འདོད་ན། ཞག་བདུན་གྱི་བར་དུ་དུས་གསུམ་དུ་ཨརྐའི་ཤིང་གིས་མེ་སྦར་ལ། མི་རིམས་ཀྱིས་བཏབ་པ་གང་ཡིན་པ་དེའི་རྐང་རྗེས་ཀྱི་རྡུལ་བླངས་ཏེ་དུག་དང ། ཁྲག་དང་སྦྱར་བའི་སྦྱིན་སྲེག་བྱས་ན་རིམས་ཀྱིས་འདེབས་པར་
Ma74b
འགྱུར་རོ། །ཡང་ན་ཀུ་ཤ་ལས་གཟུགས་བྱས་ཏེ་སྙིང་གར་རྐང་པ་གཡོན་པས་མནན་ལ་ཕྱེ་མ་རེད་ནས་བརྩམས་ཏེ་ནམ་ལངས་ཀྱི་བར་དུ་བཟླས་བརྗོད་བྱའོ། །དེ་ལྟར་བྱས་ན་ཞག་བདུན་གྱིས་རིམས་ཆེན་པོས་འདེབས་པར་འགྱུར་ཏེ། ཅིས་ཀྱང་མི་སློང་བར་ཞག་བདུན་གྱིས་འཆི་བར་འགྱུར་རོ། །ཕྱིར་གསོན། ཡུངས་ཀར་ཞོ་དང ། སྦྲང་རྩི་དང ། མར་དང་སྦྱར་བས་ལན་བརྒྱ་སྟོང་སྦྱིན་སྲེག་བྱས་ལ་བུམ་པ་མི་ནག་ཅིང་རྩ་བ་མེད་པ་བླངས་ཏེ་ཆུས་བཀང་ལ་ལན་སྟོང་བསྔགས་པས་ཁྲུས་བྱེད་དུ་བཅུག་ན་གཏོང་བར་འགྱུར་རོ། །དེ་ནས་གདོན་གྱིས་ཟིན་པར་བྱ་འདོད་ན། ཞག་གསུམ་སྨྱུང་བར་བྱས་ཏེ་དུར་ཁྲོད་དུ་གྲོང་ཁྱེར་གྱི་སྒོ་བཞིའི་ས་བླངས་པས་རྔ་མོའི་གཟུགས་བྱས་ཏེ་དེས་དེ་མ་ཡིན་པའི་མིའི་གཟུགས་བྱས་པའི་མགོ་བོ་ལ་འཛིན་པར་བྱས་ལ་སྙིང་ག་དང ། སྟ་ཟུར་དུ་ལྕགས་ཞུན་མའི་ཕུར་བུ་བཏབ་སྟེ་རྐང་པ་གཡོན་པས་མནན་ལ་མཚན་རངས་པར་བཟླས་བརྗོད་བྱས་ན་གདོན་དྲག་པོས་ཟིན་པར་འགྱུར་ཏེ།་ཅིས་ཀྱང་མི་སློང་བར་ཞག་བདུན་གྱིས་འཆི་བར་འགྱུར་རོ། །སྦྲུལ་གྱིས་འཛིན་དུ་གཞུག་ན་ཡང་ཆོ་ག་འདི་ཉིད་ཀྱིས་བྱས་ན། ཅིས་ཀྱང་མི་བཟློག་པར་དེ་མ་ཐག་ཏུ་འཆི་བར་འགྱུར་རོ། ། ཕྱིར་གསོ་བ་ནི། འབྱུང་པོའི་གནས་སུ་དཀྱིལ་འཁོར་བྲིས་ལ་འབྱུང་པོའི་ཁ་ཟས་ལན་བརྒྱད་སྟོང་དུ་བསྔགས་པ་དབུལ་ལོ། །སྦྲུལ་གྱིས་ཟིན་པ་གསོ་བ་ན། སྦྲང་རྩི་དང་འོ་ཐུག་ཕུལ་ཏེ་བྱ་བ་
Ma75a
༄#། །པ་ཡང་བྱས་ན་གཏོང་བར་འགྱུར་རོ། །མཛེ་ནད་ཀྱིས་འདེབས་པར་བྱ་ན། ཞག་བདུན་གྱི་བར་དུ་དུས་གསུམ་དུ་རི་བོང་གི་སྤུ་དུག་དང་ཁྲག་གི་ནང་དུ་སྨྱུགས་པ་སྟོང་རྩ་བརྒྱད་བརྒྱད་སྦྱིན་སྲེག་བྱས་ན་མཛེ་ནད་ཀྱིས་འདེབས་པར་འགྱུར་རོ། །ཆོ་ག་དེ་བཞིན་དུ་དུག་དང་ཁྲག་གི་སྦྱིན་སྲེག་བྱས་ན། ནད་ཁོང་སྐེམ་གྱིས་འདེབས་པར་འགྱུར་རོ། །ཕྱིར་གསོ་བ་ནི། བུ་རམ་དང་འོ་མ་ལ་ལན་བརྒྱད་སྟོང་བསྔགས་པ་སྐོམ་དུ་བླུད་ན་གཏོང་བར་འགྱུར་རོ། །བ་ལང་གི་ལྕི་བས་ལ་མ་ལྷུང་བ་ལས་གཟུགས་བྱས་ཏེ་སེང་ལྡེང་གི་ཕུར་བུ་ལ་ལན་བརྒྱ་སྟོང་བསྔགས་པས་བཙུག་ན་ཟག་པར་འགྱུར་རོ། །ཕྱིར་གསོ་བ་ནི། ཕུར་བུ་ཕྱུང་ལ་མར་གྱིས་ལན་བརྒྱད་སྟོང་སྦྱིན་སྲེག་བྱའོ། །བུད་མེད་ཀྱི་མཚན་ཟག་པར་འདོད་ན། ཞག་གཅིག་སྨྱུང་བར་བྱས་ཏེ་ཕག་ཤ་ལས་མོ་མཚན་གྱི་གཟུགས་བྱས་ལ། ཁྱིའི་རུས་པའི་ཕུར་བུ་ལ་ལན་བརྒྱ་སྟོང་བཟླས་བརྗོད་བྱས་པ་བཙུག་ན་ཟག་པར་འགྱུར་རོ། །ཕྱིར་གསོ་བ་ནི། འོ་མས་ལན་བརྒྱད་བརྒྱ་སྦྱིན་སྲེག་བྱའོ། །དེ་ནས་གསད་པར་འདོད་ན། མ་དའི་ཚེར་མ་དང ། སྐེ་ཚེ་དང ། ཚ་བ་གསུམ་དང ། དུག་རྣམས་ཡུངས་ཀར་མར་དང་སྦྱར་ཏེ་དུར་ཁྲོད་ནས་མེ་བླངས་པའི་ནང་དུ་དུས་གསུམ་དུ་ལན་བརྒྱད་བརྒྱ་སྦྱིན་སྲེག་བྱས་ན། དུས་ལ་བབ་པར་ཞག་བདུན་གྱིས་འཆི་བར་འགྱུར་ཏེ། ཞག་དྲུག་གི་བར་དུ་ནི། ཕྱིར་གསོར་
Ma75b
རུང་ངོ ། །ཞི་བར་འདོད་ན། དཀྱིལ་འཁོར་སྐྱང་ནུལ་གྱིས་བྱུགས་ཏེ་ལན་བརྒྱད་བརྒྱ་བཟླས་བརྗོད་བྱས་པའི་བུམ་པས་ཁྲུས་བྱེད་དུ་བཅུག་ལ། དུར་བ་མར་གྱི་ནང་དུ་སྨྱུགས་པས་ལན་བརྒྱ་སྟོང་སྦྱིན་སྲེག་བྱས་ན་ཞི་བར་འགྱུར་རོ། །ཕ་རོལ་གྱི་དམག་གཞོམ་པར་འདོད་ན། བ་རུ་རའི་ཤིང་གིས་མེ་སྦར་བའི་ནང་དུ་མཚོན་ཆ་ཕྱེ་མར་བྱས་པ་ཁྲག་དང་སྦྱར་བས་ལན་བརྒྱ་སྟོང་སྦྱིན་སྲེག་བྱས་ལ། དེའི་ཐལ་བས་བདག་གི་དམག་དང་དམག་དཔོན་རྣམས་ལ་ཐིག་ལེ་བྱས་ནས་རྒྱལ་མཚན་གྱི་རྩེ་མོ་ལ་ཡང་བྱུགས་ཏེ་བསྟན་ན། མཐོང་བ་ཙམ་གྱིས་ཕ་རོལ་གྱི་དམག་ཚོགས་དང ། དམག་དཔོན་དེ་དག་ཕམ་པར་འགྱུར་རོ། །ཡང་ན་གླང་པོ་ཆེ་དང ། རྟ་ཤི་བའི་ཤ་བླངས་ཏེ་ཕུབ་མ་དང་བ་རུ་རའི་ཤིང་བསྲེས་པའི་མེར་གཡུལ་འགྱེད་པའི་ཚེ་སྦྱིན་སྲེག་བྱས་ན། སྲེག་བླུགས་བླུགས་པ་ཙམ་གྱིས་ཕམ་པར་འགྱུར་རོ། །ཡུངས་ཀར་དམར་པོ་བླངས་ཏེ་ལན་བརྒྱ་སྟོང་བསྔགས་པས་བདག་གི་དམག་འཁོད་པའི་ས་ལ་གཏོགས་པའི་ས་གཏོར་ཏེ་མགོ་ལ་ཡང་གཏོར་ན། བདག་གི་དམག་དང་དམག་དཔོན་རྣམས་མཐོང་བ་ཙམ་གྱིས་ཕ་རོལ་གྱི་དམག་ཕམ་པར་འགྱུར་ཏེ། ནམ་ཡང་ཕ་རོལ་གྱི་དམག་གིས་ནོན་པར་མི་འགྱུར་རོ། །ཡང་ན་བདག་གི་ནང་དུ་འདུག་སྟེ་བཟླས་བརྗོད་བྱས་ན། ཕ་རོལ་གྱི་དམག་ཕམ་པར་འགྱུར་རོ། །དེ་ནས་རྒྱལ་སྲིད་སྒྲུབ་པར་འདོད་ན། རིའི་རྩེ་
Ma76a
༄#། །མོར་སོང་ལ་སློང་མོའི་ཟས་ཟ་ཞིང་ལན་བྱེ་བར་བཟླས་བརྗོད་ཟིན་པའི་འོག་ཏུ་རྡོ་རྗེ་ཁྲོ་བོ་འོང་སྟེ་རང་གི་གཟུགས་བསྟན་ནས་དམ་པ་སྦྱིན་པར་བྱེད་དེ། འཁོར་ལོས་བསྒྱུར་བའི་རྒྱལ་པོ་དང་འདྲ་བར་འགྱུར་རོ། །དེ་ནས་གཏེར་ཆེན་པོ་མཐོང་བར་འདོད་ན། ནོར་གྱི་སྤྱན་རྒྱན་ཐམས་ཅད་ཀྱིས་བརྒྱན་པ་གནོད་སྦྱིན་གྱི་ཚོགས་ཀྱིས་བསྐོར་བ་བྲི་བར་བྱའོ། །གློ་གཡས་སུ་ཡང་གཏེར་དུང་དང་པདྨ་གཉིས་བྲིས་ལ། དེའི་མདུན་དུ་རྡོ་རྗེ་ཁྲོ་བོ་ལིག་བུ་མིག་དང་སྤྲིན་གྱི་མདོག་ཅན་མཆེ་བ་གཙིགས་པ། སྐྲ་གྱེན་དུ་འགྲེང ། ལས་ལ་ལྟ་ཞིང་འདུག་པ་བྲིས་ཏེ་ཡུངས་ཀར་དང་ཨ་ག་རུ་གཅིག་ཏུ་སྦྱར་ནས་ཡར་གྱི་ངོ་ཚེས་ཞག་གཅིག་ལ་བརྩམས་ལ་ཟས་སུ་འོ་མའི་འདག་གུའམ། སློང་མོའི་ཟས་ཟ་ཞིང་ལན་འབུམ་བཟླས་བརྗོད་བྱས་ཏེ། ཅི་འབྱོར་པས་མཆོད་པ་བྱས་པའི་མཇུག་ཏུ་ཞག་གསུམ་སྨྱུང་བ་བྱས་ཏེ་ཟླ་བ་ཉ་ལ་མར་གྱི་མར་མེ་བཞི་ཕུལ་ནས་གཏེར་གཅིག་ལས་ཏི་ན་རའི་ཆར་བབ་ཀྱི་བར་དུ་བཟླས་བརྗོད་བྱའོ། །ཏི་ན་ར་དེ་དག་ཀྱང་བླང་བར་མི་བྱའོ། །དེ་ནས་ནམ་ནངས་པ་དང་སའི་འོག་ནས་གཏེར་ཆེན་པོ་མཐོང་བར་འགྱུར་ལ་དེ་ཡང་ཟད་པར་མི་འགྱུར་ཏེ། ཐོག་མར་དཀོན་མཆོག་གསུམ་གྱི་ཕྱིར་སྤྱད་པར་བྱའོ། །འབྲུ་མ་རུངས་པར་བྱ་བ་དང ། འཕེལ་བར་བྱ་འདོད་ན། ཞིང་གི་དབུས་སུ་བཟླས་བརྗོད་བྱས་ན་རྒྱས་
Ma76b
པར་བྱ་བའམ། མ་རུངས་པར་བྱ་བའི་བསམ་པ་ཇི་ལྟ་བུས་བཟླས་བརྗོད་བྱས་པ་དེ་བཞིན་དུ་འགྱུར་རོ། །གྲོང་བཤིག་པར་འདོད་ན། གྲོང་གི་དབུས་སུ་ཞག་གཅིག་སྨྱུང་བ་བྱས་ཏེ། ཨརྐའི་ཡམ་སྲེག་ཤིང་སྦྱིན་སྲེག་བརྒྱ་སྟོང་བྱས་ན་གྲོང་འཇིག་པར་འགྱུར་རོ། །གྲོང་ཁྱེར་བཤིག་པའི་ནི། ཆོ་ག་དེ་བཞིན་དུ་ཞག་བདུན་གྱི་བར་དུ་བྱས་ན་འཇིག་པར་འགྱུར་རོ། ། རྒྱལ་པོའི་གྱོད་ལ་ཐོགས་པར་བྱ་ན། ཞག་གསུམ་སྨྱུང་བ་བྱས་ཏེ་རྒྱལ་པོའི་གྱོད་ལ་ཐོགས་པར་བྱའོ་སྙམ་དུ་བསམས་ལ་དེ་ལོག་འདྲེན་གྱི་གཟུགས་བྱས་ནས་རཱ་ཛ་ཨརྐའི་ཡམ་སྲེག་ཤིང་ཡུངས་མར་གྱི་ནང་དུ་སྨྱུགས་པ་བརྒྱ་སྟོང་སྦྱིན་སྲེག་བྱའོ། །ཁ་ཟས་འདོད་ན། ཉི་མ་ཤར་ཁར་ལན་བརྒྱད་བརྒྱ་བཟླས་བརྗོད་བྱས་ན་ཁ་ཟས་རོ་དྲུག་དང་ལྡན་པར་འགྲུབ་པར་འགྱུར་རོ། །གོས་འདོད་ན། ཉི་མ་ཤར་བར་རས་ཀྱི་ཁ་ཚར་རེ་རེ་ལ་བཟླས་བརྗོད་ལན་རེ་རེ་བྱས་པ་བརྒྱད་སྟོང་སྦྱིན་སྲེག་བྱས་ན། གོས་ཐོབ་པར་འགྱུར་རོ། །བུད་མེད་དབང་དུ་ཐོབ་པར་འདོད་ན། རས་བལ་གྱི་འདབ་མ་རྒྱ་སྐྱེགས་ཀྱིས་ཁ་བསྒྱུར་བ་དང ། མ་ད་ནའི་ཚེར་མ་རྒྱ་སྐྱེགས་ཀྱི་ནང་དུ་སྨྱུགས་པ་དུས་གསུམ་དུ་ལན་བརྒྱད་བརྒྱ་སྦྱིན་སྲེག་བྱས་ན་དབང་དུ་འགྱུར་རོ། །ཡུགས་ས་མོ་དབང་དུ་བྱ་བར་འདོད་ན། རྡོ་རྗེ་ཁྲོ་བོའི་མདུན་དུ་དུས་གསུམ་དུ་ཡུངས་ཀར་གྱིས་ལན་སྟོང་རྩ་བརྒྱད་སྦྱིན་སྲེག་བྱས་ན། ཞག་བདུན་གྱིས་བྲན་
Ma77a
༄#། །བཞིན་དུ་འོང་བར་འགྱུར་རེ། །ཕུབ་མའི་སྦྱིན་སྲེག་གིས་ནི། དགྲ་མ་རུངས་པར་འགྱུར་རོ། །རྒྱ་སྐྱེགས་ཀྱིས་ནི། གཟི་བྱིན་མེད་པར་བྱེད་དོ། །ཏིལ་བཏགས་པའི་སྦྱིན་སྲེག་གིས་ནི། ལོག་འདྲེན་གྱིས་ཟིན་པར་འགྱུར་རོ། །གང་ཞིག་ཕ་རོལ་གྱི་རིག་སྔགས་གཅད་པར་འདོད་ན། ཀུ་ཤ་ལས་གཟུགས་བྱས་ཏེ་ཞག་བདུན་གྱི་བར་དུ་དུས་གསུམ་དུ་ལན་བརྒྱད་བརྒྱ་བརྒྱད་བརྒྱ་བཟླས་བརྗོད་བྱས་ལ། ཞག་བདུན་གྱི་ཉིན་པར་ལྕགས་ཞུན་མའི་མཚོན་གྱིས་བཅད་ཅིང་སྦྱིན་སྲེག་བྱས་ན། ཞག་གཅིག་གིས་རིག་སྔགས་བཅད་པར་འགྱུར་རོ། །བོང་བུའི་རྟུག་པའམ། གླང་པོ་ཆེའི་རྟུག་པས་དུས་གསུམ་དུ་ལན་སྟོང་རྩ་བརྒྱད་སྦྱིན་སྲེག་བྱས་ན། ཞག་བདུན་གྱིས་རིག་སྔགས་ཐམས་ཅད་བཅིངས་པར་འགྱུར་རོ། །ཕྱིར་གསོ་བར་འདོད་ན། དེ་ཉིད་དུ་དེ་ཉིད་ཀྱི་སྦྱིན་སྲེག་བྱས་ན་གཏོང་བར་འགྱུར་རོ། །བདག་དང་གཞན་གྱི་ཕྱིར་ལོག་འདྲེན་གཞིག་པར་འདོད་ན། གླང་པོ་ཆེའི་མགོ་ཅན་གྱི་གཟུགས་སྔ་ནས་ཡོད་པ་དེར་སོང་ལ། བགེགས་ཀྱི་གཟུགས་བྲིས་ནས་དེར་མེ་སྦར་ཏེ་གླང་པོ་ཆེའི་ཤས་སྦྱིན་སྲེག་བྱས་ན། ལོག་འདྲེན་རྣམས་མ་རུངས་པར་འགྱུར་རོ། ། ཕྱིན་ཆད་བགེགས་མེད་དོ། །གྲུ་ཐོགས་པར་བྱ་བར་འདོད་ན། ཆུ་སྲིན་ཀུམྦྷི་རའི་མཆེ་བ་ལ་ལན་བརྒྱད་བརྒྱ་བཟླས་བརྗོད་བྱས་ཏེ་ཆུའི་ནང་དུ་བཅུག་ན་གྲུ་ཐོགས་པར་འགྱུར་ལ། ཕྱུང་
Ma77b
ན་འགྲོ་བར་འགྱུར་རོ། །ཕ་རོལ་གྱི་དམག་རེངས་པར་བྱ་ན། མདའ་ལ་ལན་བརྒྱད་སྟོང་བཟླས་བརྗོད་བྱས་ཏེ་འཕངས་ན་རེངས་པར་འགྱུར་ཏེ། མཚོན་འདེབས་ཤིང་འཕེན་མི་ནུས་པར་འགྱུར་རོ། །ཆོམ་རྐུན་རེངས་པར་བྱ་ན། ཡིད་ལ་བཟླས་བརྗོད་བྱས་ན་རེངས་པར་འགྱུར་རོ། །མི་མ་ཡིན་པ་རེངས་པར་བྱ་ན། དུར་ཁྲོད་ཀྱི་ལྕགས་ཀྱི་ཕུར་བུ་ལ་བསྔགས་ཏེ་བཙུགས་ན། བཅིངས་པ་དང་རེངས་པར་འགྱུར་ལ། ཕྱུང་ན་གྲོལ་བར་འགྱུར་རོ། །དྲན་པ་ཙམ་གྱིས་ངན་འགྲོར་འགྲོ་བར་མི་འགྱུར་ཏེ། མཚམས་མེད་པ་ལས་ཐར་པར་འགྱུར་རོ། །དངོས་གྲུབ་འདི་དག་ནི། བཟླས་བརྗོད་བྱས་པ་ཙམ་གྱིས་ལས་ཐམས་ཅད་བྱེད་པར་འགྱུར་ཏེ། དེ་དུག་ལས་གསོ་ན་མ་ད་ནའམ། རྨ་བྱའི་མདོངས་སམ། ཡལ་གས་བྱའོ། །རིམས་སོ་ཅོག་གསོ་བ་ནི། ཚོན་རྩི་སྣ་ལྔའི་སྐུད་པས་བྱའོ། །མཚམས་བཅད་པ་ནི། ཡུངས་ཀར་རམ། ཐལ་བའམ། ཆུས་བྱའོ། །གདོན་དབབ་པ་ནི། གུ་གུལ་གྱིས་བདུག་པར་བྱའོ། །སྤྲུལ་གྱིས་ཟིན་པ་ལ་ནི། ཤིང་ཀུན་དང ། ཤུ་དག་དང ། བྱི་ས་ཀུ་དང ། ལུང་ཐང་དང ། རྨ་བྱའི་མདོངས་དང ། རྨ་བྱའི་མཁྲིས་པ་དང ། ནེའུ་ལེའི་སྤུ་དང ། ཚ་བ་གསུམ་དང ། འདི་རྣམས་སྔ་དྲོ་ནཱ་ག་པུས་པའི་ཁུ་བ་དང་བཏག་ཅིང་གྲིབ་མར་བསྐམས་པ་ལན་བདུན་གྱི་བར་དུ་བྱས་ལ། དེ་ནས་ལག་ན་རྡོ་རྗེའི་མདུན་དུ་མཆོད་པ་བྱས་ཏེ་ཡར་གྱི་ངོ་ཚེས་བཅོ་ལྔ་ལ་ཞག་གཅིག་སྨྱུང་བ་བྱས་ནས་ལན་བརྒྱད་སྟོང་
Ma78a
༄#། །བཟླས་བརྗོད་བྱས་ལ། སྦྱིན་པའི་ཚེ་ལན་བདུན་བསྔགས་ནས་སྦྱིན་པར་བྱ་སྟེ། གསོན་པོ་ཞིག་ན་ནི། བླུད་པར་བྱའོ། །ཤི་ཟིན་པ་ཞིག་ན་ནི། སྣར་བླུགས་ཤིང་མིག་ལ་བསྐུས་ན། འཇོག་པོས་ཟིན་པ་ཡང་འཚོ་བར་འགྱུར་རོ། །སྦྲུལ་གྱིས་ཟིན་ཏེ་ཤི་ནས་བསྲེགས་ཟིན་པ་ཡང་ཐལ་བས་གཟུགས་བྱས་ལ་རྡོ་རྗེ་ཁྲོ་བོའི་རིག་པ་མཆོག་དང་ལྡན་པ་གཅིག་ཏུ་ལན་འབུམ་བཟླས་བརྗོད་བྱས་པའི་རྗེས་ལ་དེ་ཉིད་དུ་ཞག་གསུམ་སྨྱུང་བ་བྱས་ཏེ་ཡར་གྱི་ངོ་ཚེས་བཅོ་ལྔ་ལ་ཞི་བ་ལ་འོས་པའི་མེ་ཏོག་གིས་མཆོད་པ་བྱས་ནས་ནཱ་ག་གེ་སར་གྱི་ཤིང་གིས་མེ་སྦར་ཏེ་མངར་གསུམ་གྱིས་ལན་བརྒྱད་སྟོང་སྦྱིན་སྲེག་བྱས་ལ། གཟུགས་རས་དཀར་པོས་བཀབ་སྟེ་དེ་ནས་རིག་པ་མཆོག་བཟླས་བརྗོད་བྱེད་བཞིན་དུ་རས་བཤུས་ལ་ཤི་བ་དེ་ན་ཚོད་དང ། གཟུགས་ཅི་འདྲ་བ་དེ་འདྲ་བའི་ན་ཚོད་དང་གཟུགས་ཅན་གྱི་སེམས་ཅན་ལྡང་བར་འགྱུར་རོ། །དེ་ནས་རྡོ་རྗེ་ཁྲོ་བོའི་གསང་སྔགས་རིག་པ་མཆོག་དང་ལྡན་པ་ལན་བདུན་བཟླས་བརྗོད་བྱས་ན། ལངས་ཏེ་ཁྱིམ་དུ་འགྲོ་བར་འགྱུར་རོ། །ཅི་སྟེ་རས་ཀྱིས་བཀབ་ཀྱང་མིའི་གཟུགས་སུ་མ་གྱུར་ན་རྨ་བྱའི་སྒྲོ་རང་ལྷུང་བས་སྦྱིན་སྲེག་བྱས་ན། གདོན་མི་ཟ་བར་དེ་བཞིན་ཉིད་དུ་འགྱུར་ཏེ་འགྲུབ་པར་འགྱུར་རོ། །ཆར་དབབ་པར་འདོད་ན། ཐབ་ཁུང་པདྨའི་དབྱིབས་འདྲ་བར་བྱས་ལ་མངར་གསུམ་གྱིས་ལན་
Ma78b
བརྒྱད་སྟོང་སྦྱིན་སྲེག་བྱས་ན། ཆར་ཆེན་པོ་ཞག་བདུན་གྱི་བར་དུ་འབབ་པར་འགྱུར་རོ། །ཅི་སྟེ་ཆར་མ་བབ་པར་གྱུར་ན། མེ་དེ་ཉིད་ཀྱི་ནང་དུ་མངར་གསུམ་དུག་དང་ཁྲག་དང་སྦྱར་ཏེ་སྦྱིན་སྲེག་བྱས་ན་འབབ་པར་འགྱུར་རོ། །གཅད་པར་བྱ་ན་མངར་གསུམ་དཀར་དང་སྦྱར་བས་སྦྱིན་སྲེག་བྱས་ན་འཆད་པར་འགྱུར་རོ། །གཏེར་འབྱུང་བར་བྱ་ན། ཡུངས་ཀར་གྱི་འཁྲུལ་འཁོར་ཐམས་ཅད་ཆོམ་པར་འགྱུར་རོ། །བཟླས་བརྗོད་བྱས་པ་ཙམ་གྱིས་ལས་ཐམས་ཅད་བྱེད་པར་འགྱུར་རོ། །ལས་བྱས་པ་ལས་ཅི་སྟེ་གྲུབ་པར་མ་གྱུར་ན། རིག་པ་མཆོག་དང་ལྡན་པར་བྱས་ན་ལས་ཐམས་ཅད་མྱུར་དུ་ངེས་པར་འགྱུར་རོ། །དེ་ནས་གནོད་སྦྱིན་ཆེན་པོ་རྨུགས་བྱེད་རྣམས་ལྷ་མ་ཡིན་རྣམས་ཀྱིས་གཙེས་ནས་དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོ་གང་ན་བ་དེར་དོང་ངོ ། །དེ་ནས་སྐྱབས་མ་རྙེད་པའི་གནོད་སྦྱིན་དེ་དག་ལག་ན་རྡོ་རྗེ་ལ་སྐྱབས་སུ་སོང་སྟེ། རྡོ་རྗེ་འཛིན་ཆེན་པོ། ལྷ་མ་ཡིན་མཆོག་འཇིགས་པ་ལས་སྐྱོབས་ཤིག་ཅེས་སྨྲས་སོ། །དེ་ནས་བཅོམ་ལྡན་འདས་ལག་ན་རྡོ་རྗེས་གནོད་སྦྱིན་ཆེན་པོ་རྨུགས་བྱེད་དེ་དག་ལ་བཟོད་ལྡན་དག་།ཁྱེད་ནི། སྡིག་པ་མེད་པ་ཡིན་ཏེ། དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོའི་རྒྱལ་པོ་ག་ན་བ་དེར་ཕྱིན་ལ་ལག་ན་རྡོ་རྗེ་ང་བསྟན་པར་གནས་པས་ན། མ་འཇིགས་ཤིག་མ་
Ma79a
༄#། །འཇིགས་ཤིག་ཅེས་དབུགས་ཕྱུང་ངོ ། །དེ་ནས་དབང་ཕྱུག་ཆེན་པོ་ལ་སོགས་པ་ལྷ་རྣམས་དང ། དྲང་སྲོང་དེ་དག་གིས་བཅོམ་ལྡན་འདས་ལག་ན་རྡོ་རྗེ་དང ། སྤྱན་ལ་མངོན་པར་བསྟོད་པ། གཟི་བརྗིད་ཆེན་པོ་ལེགས་སོ་ལེགས་སོ། །སྟོབས་པོ་ཆེ་ཕ་རོལ་གནོན། ཁྱོད་ཀྱིས་ལྷ་དང་བཅས་པའི་འཇིག་རྟེན་གྱི་དོན་གྱི་ཕྱིར་གང་གིས་ལྷ་ཐམས་ཅད་རྒྱལ་བར་འགྱུར་ལ། ལྷ་མ་ཡིན་རྣམས་ཕམ་པར་འགྱུར་བའི་དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོ་བཤད་པ་ལེགས་སོ་ལེགས་སོ། །དེ་ནས་བཅོམ་ལྡན་འདས་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །བཟོད་ལྡན་དག་།འཇིག་རྟེན་ན་སྡང་བ་གང་ཇི་སྙེད་ཡོད་པ་དེ་དག་དེང་ཤིག་པར་བྱའི། མ་འཇིགས་ཤིག་མ་འཇིགས་ཤིག་།དེ་ནས་བཅོམ་ལྡན་འདས་ལག་ན་རྡོ་རྗེ་དང་སྤྱན་ལ་ཕྱག་བྱས་ནས་ལྷ་མ་ཡིན་རྣམས་དང ། ཁྲས་སུ་ཁྲག་འཐུང་བའི་གདོན་རྣམས་གཞིག་པའི་ཕྱིར་རྡོ་རྗེ་ཁུ་ཚུར་གྱི་རིག་སྔགས་ཆེན་མོ་བརྗོད་དོ། །དེ་ནས་ལྷ་མ་ཡིན་དེ་དག་གི་ཁུ་ཚུར་གྱི་མིང་ཐོས་ནས་བྲག་ལ་གནམ་ལྕགས་ཀྱིས་ཕོག་པ་བཞིན་དུ་མ་རུངས་པར་གྱུར་ཏོ། །དེ་ནས་བཅོམ་ལྡན་འདས་ལག་ན་རྡོ་རྗེས་སྤྱན་ལ་སྤྱི་བོས་ཕྱག་འཚལ་ཏེ་མཉམ་པར་བཞག་ནས་རྡོ་རྗེ་
Ma79b
ཁུ་ཚུར་བཤད་པ། ན་མོ་རཏྣ་ཏྲ་ཡ་སྱ། ན་མཤྩཎྜ་བཛྲ་པཱ་ཎི་སྱ། མ་ཧཱ་ཡཀྵ་སེ་ན་པ་ཏི་སྱ། དེ་བ་ཨ་སུ་ར་སཾ་ཀྲ་མ། དེ་བ་ནཱ་མཱ་ཡ་ཀ་རི། བཛྲ་མུཥྚི། ས་མུ་ཏ་པནྣ། ཨ་སུ་ར་ནི། ཀྵ་ཡཾ་ཀ་རི་ག་ཏ་ནི་སརྦ་ཤ་ཏྲཱུཾ་ཎཱན། ནཱ་གཱ་ནཱན་བ་ཤ་བ་སྟེ་ནི་བཛྲ་མུཥྚི་མ་པྲ་བྷཀྵ་མི་བྷཱུ་ཏཱ་ནཱན། མརྨ་བེ་ཏཱ་ནཾ། ཧ་ཧ་བཛྲ་བཱ་ཎི། ཧི་ཧི་བཛྲ་པཱ་ཎི། ཧ་ན་ཧ་ན་བཛྲ་པཱ་ཎི། ཨ་བི་རེ་ཨ་བི་རེ་བཛྲ་པཱ་ཎི། ཨོཾ་ཀུ་ཧཱུཾ་སཝཱཧཱ། གསང་བདག་བློ་དང་ལྡན་པ་ཡིས། །གསང་སྔགས་བཤད་པ་ཙམ་གྱིས་ནི། །དཀྱིལ་འཁོར་དེ་ལ་སྡང་བ་གང ། །དེ་དག་ཡོངས་སུ་ཚིག་གྱུར་ནས། ། སྟོབས་ཆེན་ཕ་རོལ་གནོན་པ་ཡིས། །རྡོ་རྗེ་ཁུ་ཚུར་རབ་འཇིགས་ལས། །བདག་ཅག་བསྐྱབ་པ་གྱིས་ཤིག་ཅེས། །ལག་ན་རྡོ་རྗེའི་སྐྱབས་སུ་སོང ། །དེ་ནས་དཀོན་མཆོག་གསུམ་པོ་ཡིས། །བརྒྱན་པར་སེམས་ནི་བསྐྱེད་པར་གྱིས། །འོན་ཏན་གཞི་བ་ཉིད་དུ་འགྱུར། །དེ་ནས་ལྷ་དེ་དག་གིས་འཇིགས་པའི་སེམས་ཀྱིས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེ་ལ་མངོན་པར་བསྟོད་ནས་རིག་སྔགས་ཀྱི་རྒྱལ་པོ་རྡོ་རྗེ་ཁུ་ཚུར་གྱིས་རིག་སྔགས་ཆེན་མོའི་ལས་རྣམས་ཤོད་ཅིག་ཤོད་ཅིག་ཅེས་སྨྲས་ནས། ལག་ན་རྡོ་རྗེ་སྟོབས་ཆེན་གྱིས། །སྤྱན་ལ་སྤྱི་བོས་ཕྱག་འཚལ་ནས། །མཉམ་བཞག་རྡོ་རྗེ་ཁུ་ཚུར་གྱི། །ཆོ་ག་བཤད་པ་རབ་བསྟན་པ། །ཆུ་ཀླུང་གི་འགྲམ་མམ། སྐུ་གདུང་དང་ལྡན་པའི་མཆོད་རྟེན་གྱི་
Ma80a
༄#། །དྲུང་དུ་སྒྲ་སྐད་གྲག་པ་མེད་པའི་གནས་སུ་གཙང་སྦྲ་དང ། ཚངས་པར་སྤྱད་པ་དང ། ཟ་གཅིག་པ་དང ། སློང་མོའི་ཟས་ཟ་ཞིང་མི་སྨྲ་བར་ལན་སུམ་འབུམ་མམ། ལྔ་འབུམ་བཟླས་བརྗོད་བྱའོ། །ཆུ་ཀླུང་ངམ། པདྨའི་རྫིང་བུར་མེ་ཏོག་ལ་ལན་རེ་རེ་བཟླས་བརྗོད་བྱས་ཏེ་དོར་བར་བྱའོ། །སློང་མོའི་ཟས་ཟ་ཞིང་རིའམ། དགོན་པར་བ་ལང་གི་ལྕི་བ་བསྲེག་པར་བྱའོ། །ཆུའི་ནང་དུ་ཟིན་ཐིག་ལེའི་ལོ་མ་བཅད་ཅིང་བཅད་ཅིང་དོར་བར་བྱའོ། །ལས་འདི་དག་བྱས་ན། ལྷ་ཉིད་རང་གི་ཆ་ལུགས་ཀྱིས་འོང་བར་བྱེད་དེ། འགོག་པར་བྱེད་དོ། །སྒྲུབ་པའམ། བདག་ཉིད་སད་པར་འདོད་པའམ། ཡུལ་གྲུ་འདོད་ཀྱང་རུང་སྟེ་རས་མ་ཉམས་པ། སྐྲ་མེད་པ། ཁ་ཚར་མ་བཅད་པ་ལ་ཚོན་རྩི་སྦྱིན་དང་མ་སྦྱར་བ་སྣོད་གསར་པའི་ནང་དུ་བཅུག་སྟེ་ཕྱིས་གསར་པས་རི་མོ་མཁན་གཙང་མ་གསོ་སྦྱོང་གི་ཡན་ལག་བརྒྱད་དང་ལྡན་པ་བཅོམ་ལྡན་འདས་ཀྱི་སྐུ་གཟུགས་འབྲིར་གཞུག་གོ་།རྡོ་རྗེའི་སྡེ་ཡང་མིའི་གཟུགས་སུ་བྱས་ལ་མགོ་བོར་རྡོ་རྗེ་བཞག་སྟེ་འཕགས་པ་རྡོ་རྗེ་འཛིན་ལག་པ་གཡོན་པས་སྙེས་པར་བྱའོ། །རྡོ་རྗེའི་སྡེ་ཡང་སྐྲ་ལྕང་ལོར་འཁྱིལ་ཞིང་རྒྱན་ཐམས་ཅད་ཀྱིས་བརྒྱན་པར་བྱའོ། །བཅོམ་ལྡན་འདས་ལག་ན་རྡོ་རྗེའི་མགོ་ལོགས་སུ་ནི། གཙུག་ནས་བྱུང་གཞོན་ནུའི་གཟུགས་ལ་
Ma80b
རྒྱན་ཐམས་ཅད་ཀྱིས་བརྒྱན་པ་གསེར་གྱི་ཁ་དོག་ཅན། བཅོམ་ལྡན་འདས་ལ་ཕྱག་འཚལ་ཞིང་འདུག་པར་བྲིའོ། །བཅོམ་ལྡན་འདས་ཀྱི་གཡས་ལོགས་སུ་ནི། རྡོ་རྗེ་ཁུ་ཚུར་མ་གཞོན་ནུའི་གཟུགས་འཛིན་པ་རྒྱན་ཐམས་ཅད་ཀྱིས་བརྒྱན་ཅིང ། དཔུང་རྒྱན་དང ། གདུ་བུའི་རྒྱན་གྱིས་བརྒྱན་ལ་གསེར་གྱི་མདོག་ཅན་བཅོམ་ལྡན་འདས་ལ་ཕྱག་འཚལ་ཞིང་འདུག་པ་བྲིའོ། །སྒྲུབ་པ་པོ་ཡང་འོག་ལོགས་སུ་པུས་མོ་གཡས་པའི་ལྷ་ང་ས་ལ་བཙུགས་ཏེ་ལག་པ་གཡས་པ་ན་པོག་ཕོར་ཐོགས། ལག་པ་གཡོན་པ་ན་མེ་ཏོག་གི་ཟ་མ་ཏོག་ཐོགས་པར་བྲིའོ། །དེ་ནས་ཡར་གྱི་ངོ་ཚེས་གཅིག་ལ་བརྩམས་ཏེ་ཚེས་བཅུ་གསུམ་གྱི་བར་དུ་ཟས་སུ་འོ་མ་དང་འབྲས་ཅན་ཟ་ཞིང་ཟ་གཅིག་པར་བྱས་ལ་དུས་གསུམ་དུ་ལན་སྟོང་རྩ་བརྒྱད་བཟླས་བརྗོད་བྱའོ། །དེ་ནས་ཞག་གཉིས་སམ་གསུམ་དུ་སྨྱུང་བ་བྱས་ཏེ་དུས་གསུམ་དུ་ཁྲུས་བྱེད་ཅིང་གོས་གཙང་མ་བགོས་ལ་མཚན་མོ་ནི། སྦྱིན་སྲེག་བྱ། ཉིན་མོ་ནི། བཟླས་བརྗོད་བྱ་སྟེ། ཡུལ་གྲུ་འདོད་ན་ནི། ཤུ་ཏི་མར་གྱི་ནང་དུ་སྨྱུགས་པས་སྦྱིན་སྲེག་བྱའོ། །ཞག་གྲངས་དུའི་སྦྱིན་སྲེག་བྱེད་པ་དེ་སྲིད་དུ་བཟླས་བརྗོད་བྱ་སྟེ། ལས་སོ་ཅོག་ལ་དུས་གསུམ་དུ་ལན་སུམ་སྟོང་བཟླས་བརྗོད་བྱའོ། །དངོས་གྲུབ་ཀྱི་མཚན་མར་རྨི་ལམ་དུ་མེ་ཏོག་གམ། འབྲས་བུ་རྙེད་པའམ། འཛིན་པ་
Ma81a
༄#། །རྨིས་ན་ལྷ་འགྲུབ་པར་འགྱུར་རོ། །ཤགས་འགྱེད་པའི་ཆོ་ག་འདི་ཡིན་ཏེ། རྒྱ་སྐྱེགས་ཡུངས་མར་གྱི་ནང་དུ་སྨྱུགས་པས་སྦྱིན་སྲེག་བྱའོ། །བུ་འདོད་པས་ནི། ཏིལ་དང་འབྲས་ཀྱིས་བྱའོ། །དགྲ་གཞིག་པ་ལ་ནི། གུ་གུལ་འབྲུ་མར་དང་སྦྱར་ཏེ་ཁྲག་དང་བསྲེས་པས་བྱའོ། །འཇིགས་པ་ཐམས་ཅད་ལ་ནི། བིལ་བའི་ཡམ་སྲེག་ཤིང་གིས་བྱའོ། །ལྷ་བཤོས་ནི། འབྲས་ཀྱི་འོ་ཐུག་དང་འོ་མ་འབྲས་ཀྱིས་སྦྱར་བས་བྱའོ། །ཕྱོགས་བཞིར་ཡང་འཇིག་རྟེན་སྐྱོང་བ་རྣམས་ལས་འབྱུང་པོའི་ཟས་ཀྱི་གཏོར་མ་ཤ་དང་ཆང་དང་བཅས་པར་ནུབ་མོ་སྦྱིན་པར་བྱའོ། །ལས་རྣམས་ལ་ནི། ནས་དང ། ཡུངས་ཀར་དང ། འབྲས་ཡོས་དང ། སོ་སོར་སྦྱིན་སྲེག་བྱའོ། །གདོན་ལས་ཐར་པར་བྱ་ན། བ་རུ་རའི་ཡམ་སྲེག་ཤིང་སྐེ་ཚེས་བྱའོ། །ལོ་ཏོག་རྒྱས་པར་བྱ་ན། ནས་དང ། ུ་དུམ་བ་རའི་ཡམ་སྲེག་ཤིང་གིས་བྱའོ། །དགྲ་གཞིག་པར་བྱ་ན། སྐེ་ཚེའི་འབྲུ་བཏགས་ཏེ་ཏིལ་དང་སྦྱར་བ་དང ། མ་ད་ནའི་ཚེར་མའི་ཡམ་སྲེག་ཤིང་གིས་བྱའོ། །གཏན་དུ་བསྐྲད་པར་བྱ་ན་ནི། བིལ་བའི་འབྲས་བུ་ཡུངས་མར་གྱི་ནང་དུ་སྨྱུགས་པ་དང ། བིལ་བའི་ཡམ་སྲེག་ཤིང་དང ། བིལ་བའི་ཕྱེ་མ་དང ། རྒྱ་སྐྱེགས་ཕྱེ་མར་བྱས་ཏེ་སྦྱིན་སྲེག་བྱའོ། །འཕགས་པ་ལག་ན་རྡོ་རྗེའི་སྐུ་གཟུགས་ཀྱང་འདིར་
Ma81b
གཞུག་གོ་།བུད་མེད་དབང་དུ་བྱ་བར་འདོད་ན། ཉིན་མཚན་དུ་ལན་ཚཝས་བྱའོ། །ཀ་ཀ་དང་ཨུ་དུ་བའི་ཡམ་སྲེག་ཤིང་དང ། ལན་ཚཝ་ལས་གཟུགས་བྱས་ཏེ་བུད་མེད་ལ་ནི། རྐང་པ་གཡོན་པ་ནས། སྐྱེས་པ་ལ་ནི། རྐང་བ་གཡས་པ་ནས་བརྩམ་མོ། །སྐྱེས་པ་ལ་ནི། ནིམ་པའི་ཡམ་སྲེག་ཤིང་དང ། སྐྱེས་པའི་གཟུགས་བྱས་ལ་ལན་ཚཝ་ཨེ་རནྜཱམ། ཟར་མའི་མར་དང་སྦྱར་ཏེ་སྦྱིན་སྲེག་བྱའོ། །ཆོ་ག་གཞན་ཡང་རྩིག་ངོས་སམ། ཤིང་ལེབ་ལ་འཕགས་པ་ལག་ན་རྡོ་རྗེའི་གཟུགས་བྲིས་ཏེ་མགོ་བོར་ཡང་བཅོམ་ལྡན་འདས་ཀྱི་གཟུགས་བྲིའོ། །རྡོ་རྗེ་འཛིན་གྱིས་ལག་པ་གཡོན་པ་ལ་རྡོ་རྗེ་གཏོད་དེ་འཛིན་པར་བྱ། ལག་པ་གཡས་པའི་མཛུབ་མོ་ནི། བསྡིགས་པའི་ཚུལ་དུ་བྱ་སྟེ། གཡོན་ཕྱོགས་སུ་རྡོ་རྗེ་ཁུ་ཚུར་མ་མདོག་ནག་མོར་བྲི། གཡས་ཕྱོགས་སུ་སྒྲུབ་པ་པོ་ལག་ན་རྡོ་རྗེའི་ཞལ་དུ་བལྟ་ཞིང་བུས་མོ་གཉིས་ས་ལ་བཙུགས་ཏེ་རྡོ་རྗེ་འཛིན་ལ་སྙིམ་པར་མེ་ཏོག་འཐོར་བར་བྱ། རྡོ་རྗེ་ཁུ་ཚུར་མ་ཡང་ལག་པ་གཡོན་པ་ཁུ་ཚུར་བཅངས་ལ་རབ་ཏུ་འབར་བར་བྱ། ལག་པ་གཡས་པ་ནི། མཛུབ་མོར་བསྡིགས་པར་བྱ་སྟེ། ཁྲོས་ཤིང་གོས་སེར་པོ་གྱོན་པར་བྱའོ། །མར་གྱི་ངོ་ཞག་བརྒྱད་ནས་བརྩམས་ཏེ་མར་གྱི་ངོ་ཞག་བཅོ་ལྔའི་བར་ཞག་བདུན་དུ་སྔར་བསྙེན་པ་མི་སྨྲ་བར་དུས་གསུམ་དུ་ལན་བརྒྱད་བརྒྱ་
Ma82a
༄#། །བརྒྱད་བརྒྱ་བཟླས་བརྗོད་བྱས་ཏེ་ཟས་སུ་འོ་མ་དང་འབྲས་ཅན་ཟ་ཞིང་མར་གྱི་མར་མེ་དང ། དྲི་དང ། མེ་ཏོག་གི་ཕྲེང་བ་དང ། བདུག་པ་ལ་སོགས་པས་མཆོད་པ་བྱ་ཞིང་དུས་གསུམ་དུ་ཁྲུས་བྱས་ལ་ནུབ་གཅིག་བཞིན་དུ་གཏོར་མ་རྣམ་པ་སྣ་ཚོགས་དབུལ་ཞིང་རྟག་ཏུ་དུས་གསུམ་དུ་ཡང་དབུལ་ལོ། །ཞག་བདུན་གྱི་བར་དུ་བཟླས་བརྗོད་བྱས་ལ། ཡར་གྱི་ངོ་ཚེས་གཅིག་ལ་བརྩམས་ཏེ་ཀ་ར་བའི་ར་དམར་མོ་ཡུངས་མར་གྱི་ནང་དུ་སྨྱུགས་པ་དང ། ་ཀའི་ཡམ་སྲེག་ཤིང་གིས་སྦྱིན་སྲེག་བྱ་སྟེ། ཆོ་ག་འདི་ནི། སྔ་མ་བཞིན་ནོ། །མེ་ཏོག་དཀར་པོས་བྱ་ནའང་ཡམ་སྲེག་ཤིང་ནི། སྔ་མ་ཉིད་དེ། མར་གྱི་ནང་དུ་སྨྱུགས་པས་བྱའོ། །ལས་འདི་རྣམས་གཉིས་ཏེ། དགྲ་སྡིག་ཅན་ལ་བྱའོ། །རྩོད་པའི་སའམ། གྲོང་གི་ལོགས་སུ་རླུང་ཕྱོགས་གང་ནས་འགྲོ་བ་དེར་ཉེའུ་ཤིང་དུམ་བུ་དུམ་བུར་གཏུབས་པ་དང ། པ་ལ་ཤའི་ཡམ་སྲེག་ཤིང་སྦྱིན་སྲེག་བྱ་སྟེ། ལྷ་བཤོས་སུ་ཞོ་དང ། འབྲས་ཅན་སྦྱར་བ་དབུལ་ཞིང་སྨྱུང་བ་བྱས་པས་བྱ་སྟེ། སྐུ་གཟུགས་ཀྱི་ཆོ་ག་ནི། སྔ་མ་བཞིན་ནོ། །དགྲའི་བ་ལང་ངམ། མ་ཧེ་རྣམས་མ་རུངས་པར་བྱ་ན། བ་ལང་གི་ཤ་དང ། མ་ཧེའི་ཤས་སྦྱིན་སྲེག་བྱའོ། །རྡོ་རྗེ་ཁུ་ཚུར་གྱི་ཆོ་གའི་སྐབས་སུ་ལྷ་བཤོས་དབུལ་ཞེས་འབྱུང་བ་ཀུན་རྡོ་རྗེ་ཁུ་
Ma82b
ཚུར་ཉིད་དབུལ། མི་རྣམས་ལ་ནི། མི་ཤས་སྦྱིན་སྲེག་བྱའོ། །ཚ་བ་གསུམ་དང ། སྐེ་ཚེ་འབྲུ་མར་དང་སྦྱར་བའི་སྦྱིན་སྲེག་ཀྱང་བྱའོ། །མི་རྣམས་ལ་ནི། བེ་ཀང་ཀ་ཏའི་ཡམ་སྲེག་ཤིང་གིས་བྱའོ། །བ་ལང་རྣམས་ལ་ནི། བ་ལང་གི་ལྕི་བས་བྱའོ། །མ་ཧེ་རྣམས་ལ་ནི། མ་ཧེའི་ལྕིབས་བྱའོ། །མི་དང་བ་ལང་མ་ཧེ་རྣམས་ཀྱི་ནད་ཀྱི་གནོད་པ་ལ་ཡང་དེ་དང་འདྲ་སྟེ། མི་རྣམས་ལ་ནི། སྐྲ་དང ། སེན་མོ་དང ། བྱི་བའི་རྟུག་པ་དང ། ལན་ཚཝ་རྣམས་ཡུངས་མར་དང་སྦྱར་ཏེ་སྦྱིན་སྲེག་བྱའོ། །བ་ལང་གི་ནད་ལ་ནི། པགས་པ་དང ། མཇུག་མ་དང ། སྤུ་དང ། རྨིག་པ་རྣམས་དང ། བེག་ཚོང་དང་ལྷན་ཅིག་ཏུ་ཕྱེ་མར་བྱས་ཏེ་ཡུངས་མར་དང་སྦྱར་བས་བ་ལང་གི་ལྷས་སམ། བ་ལང་གི་ར་བའམ། ཡང་ན་གང་ན་བ་ལང་གནས་པ་ཡང་རུང་སྟེ། དེར་སྦྱིན་སྲེག་བྱ་ཞིང་ཉིན་མཚན་བརྒྱད་ཀྱི་བར་བཅོམ་ལྡན་འདས་ལ་མཆོད་པ་བྱའོ། །དགེ་སློང་རྣམས་ལ་ཡང་མཆོད་སྟོན་བྱས་ཏེ། འདིར་ཡང་སྐུ་གཟུགས་ཀྱི་ཆོ་ག་སྔ་མ་བཞིན་གཏོར་མའི་ཆོ་ག་ཡང་བྱའོ། །མི་རྣམས་ལ་ནི། གྲོང་ངམ། གྲོང་ཁྱེར་གྱི་ནང་དུ་སྒོའི་ཐེམ་བ་ནོན་པར་བྱ་སྟེ། དེ་ཉིད་དུ་ཁྱིམ་དུ་བྱས་ལ་མི་རྣམས་ལ་ནི། སེང་ལྡེང་གི་གསོལ་བས་བྱའོ། །བ་ལང་རྣམས་ལ་ནི། སྤོས་ཀྱིས་བྱའོ། །མ་ཧེ་རྣམས་ལ་ནི། ནིམ་བའི་ཡམ་སྲེག་ཤིང་གིས་བྱས་ན་ཞི་བར་འགྱུར་རོ། །ལྡོང་རོས་
Ma83a
༄#། །དང ། ལིག་བུ་མིག་དང ། གིའུ་ཝང་ལ་སོགས་པ་སྒྲུབ་པར་འདོད་ན། སྔར་བཤད་པའི་བསྙེན་པ་བྱས་ལ། ཟངས་དང ། ལྕགས་དང ། ར་གན་ལ་སོགས་པས་ཡམ་སྲེག་ཤིང་གིས་མིག་སྨན་བྱས་ཏེ་ལིག་བུ་མིག་དང ། ལྡོང་རོས་དང ། གེའུ་ཝང་ལ་སོགས་པ་ལས་གང་ཡང་རུང་བ་བླངས་ལ། བུ་མོ་གཞོན་ནུ་གསོ་སྦྱོང་དང་ལྡན་ཞིང་གོས་དཀར་པོ་གྱོན་པས་སྤོས་ཆུ་དང་སྦྱར་ཏེ་བཏགས་ནས་སྐུ་གདུང་དང་ལྡན་པའི་མཆོད་རྟེན་ནས་སྐུ་གཟུགས་ཀྱི་མདུན་དུ་ཡར་གྱི་ངོ་ཚེས་བརྒྱད་ནས་བརྩམས་ཏེ་ཚེས་བཅོ་ལྔའི་བར་དུ་ཉིན་པར་སྔར་བསྙེན་པར་བྱས་ལ་ནུབ་མོ་བསྒྲུབ་པར་བྱའོ། །གཏོར་མ་ཡང་ནུབ་མོ་སྦྱིན་པར་བྱའོ། །དེ་ནས་ལག་པ་གཉིས་དྲི་ཆུས་བཀྲུས་ལ་མིག་སྨན་དེ་བླངས་ཏེ་མཆོད་ནས་མར་གྱི་ངོ་ཞག་གཅིག་ལ་བུད་མེད་ཤི་བ་མཐོང་བ་དང་དེའི་ཁར་མིག་སྨན་དེ་བཅུག་ལ་རས་མ་ཉམས་པར་ཁ་བཅིང་བར་བྱའོ། །བུད་མེད་དེ་ཡང་ཐོག་མ་ཁོ་ནར་སྣུམ་གྱིས་བསྐུ་ཞིང་དྲིལ་ཏེ་ཁྲུས་བྱས་ནས་སྤོས་ཀྱིས་བྱུགས་ལ་མིག་གཉིས་མིག་རྩིས་བསྐུའོ། །རྐང་པ་གཉིས་ཀྱི་མཐིལ་ཡང་རྒྱ་སྐྱེགས་ཀྱིས་བསྐུས་ལ་རས་མ་ཉམས་པ་ཟུང་གཅིག་བསྐོན་ཏེ། ཀུ་ཤའི་སྟན་ལ་མགོ་ནུབ་ཕྱོགས་སུ་བསྟན་ཏེ་གཞག་གོ་།དེ་ནས་དཀྱིལ་འཁོར་གྱི་མཚམས་གཅད་པར་བྱ་སྟེ། དང་པོ་ཚོན་
Ma83b
སྣ་ལྔའི་སྐུད་པས་བྱའོ། །རིམ་པ་གཉིས་པ་ཐལ་བས་བྱའོ། །གསུམ་པ་ནི། ཡུངས་ཀར་གྱིས་བྱའོ། །བཞི་པ་ནི། ཆུས་བྱས་ལ་ཤར་ཕྱོགས་སུ་ཁ་བལྟས་ཏེ་འདུག་ནས་བུད་མེད་དེ་ཡང་སེང་ལྡེང་གི་ཕུར་བུའམ། ལྕགས་ཀྱི་ཕུར་བུ་བཞི་ལ་གདགས་སོ། རི་སྔགས་དག་གིས་ཀྱང་དཀྱིལ་འཁོར་གྱི་མཚམས་གཅད་པར་བྱ་སྟེ། དང་པོ་ནི། སངས་རྒྱས་བྱམས་པས་བྱའོ། །གཉིས་པ་ནི། གོས་དཀར་མོས་བྱའོ། །གསུམ་པ་ནི། གཟུགས་ཆེན་པོས་བྱའོ། །བཞི་པ་ནི། རྡོ་རྗེ་ཁྲོ་བོས་བྱ་སྟེ། རིག་སྔགས་འཆང་གིས་རྐང་པ་གཡོན་པ་ནི་ས་ལ་བཞག་།གཡས་པ་ནི་སྙིང་གར་མནན་ལ་འབྱུང་པོའི་གཏོར་མ་ཐམས་ཅད་ཀྱང་སྦྱིན་ཞིང་མིའི་ཐོད་པ་བཞིའི་ནང་དུ་ཕྱོགས་བཞིར་གཏོར་མ་བྱིན་ནས་ནམ་ལངས་ཀྱི་བར་དུ་བཟླས་བརྗོད་བྱའོ། །རིག་སྔགས་འཆང་གི་གློ་གཡས་གཡོན་དུ་ནི། ལག་ན་མཚོན་ཐོགས་པའི་མི་གཉིས་གཞག་པར་བྱ་སྟེ། གཡོན་ཕྱོགས་སུ་ཡང་གཅིག ། གཡས་ཕྱོགས་སུ་ཡང་གཅིག་གཞག་གོ་།ཕྱོགས་སྲུང་བ་ཡང་བཞིར་མི་བཞི་གཞག་སྟེ། དཀྱིལ་འཁོར་གཉིས་པ་ལ་གཞག་གོ་།དེ་ནས་རིག་སྔགས་འཆང་གིས་བརྩོན་འགྲུས་བརྟུན་ལ་ནམ་ཤར་ཕྱོགས་སུ་ཅེ་སྦྱང་གི་སྐད་འབྱིན་གྱི་བར་དུ་བཟླས་བརྗོད་བྱ་སྟེ། རིག་སྔགས་འཆང་གིས་འགྲུབ་པར་ཤེས་པར་བྱའོ། །བུད་མེད་ཀྱི་ཁ་ནས་ཀྱང་འོད་ཟེར་འབྱུང་
Ma84a
༄#། །བར་འགྱུར་ཏེ། འོད་ཟེར་བྱུང་བ་དང་གཏོར་མ་སྦྱིན་པར་བྱའོ། །བགེགས་བྱུང་ན་ཡང་གཏོར་མ་བྱིན་ན་གྲུབ་པ་ཡིན། དེ་བླངས་པས་བདག་གི་གྲོགས་རྣམས་དང་བཅས་ཏེ་གྱེན་དུ་འཕགས་པར་འགྱུར་ཞིང་སྐྲ་ལྕང་ལོར་འཁྱིལ་ལ་ཉི་མ་འཆར་ཀའི་མདོག་ཅན་དང་ལྡན་པ་དང ། རིག་སྔགས་འཆང་གི་རྒྱལ་པོར་འགྱུར་ཞིང ། ལག་ན་རྡོ་རྗེ་དང་མཐུ་སྟོབས་མཉམ་ཞིང་ཨིནྡྲ་ནཱི་ལའི་མདོག་ཅན་དཔག་ཚད་གཅིག་ཏུ་དྲི་བསུང་གིས་ཁྱབ་པ་དང ། བསྐལ་པར་གནས་པར་འགྱུར་ཏེ། འདིའི་རི་མོའི་སྐུ་གཟུགས་ཀྱི་ཆོ་ག་ཡང་སྤྱི་དང་འདྲའོ། ། པ་མྲྐ་སྒྲུབ་པ་ཡང་འདིར་བཤད་པར་བྱ་སྟེ། རིའི་རྩེ་མོ་ར་བཅོམ་ལྡན་འདས་བཞུགས་པར་བྱ་སྟེ། པདྨའི་གདན་ལ་བཞུགས་ལ་བཅོམ་ལྡན་འདས་ཀྱི་ཕྱག་གཡས་པ་མི་འཇིགས་པའི་ཕྱག་རྒྱར་བྱའོ། །འོག་གི་གཡོན་རོལ་ཏུ་ནི། རྡོ་རྗེ་འཛིན་མདོག་ནག་པོར་བྲིའོ། །རྡོ་རྗེ་སྡེ་ཡང་རྡོ་རྗེ་འཛིན་དང་འདྲ་བར་བྱ་སྟེ། ལག་ན་རྡོ་རྗེ་ལ་ལྟ་ཞིང་འདུག་པར་བྲིའོ། །རྡོ་རྗེ་འཛིན་གྱི་ལག་པ་གཡོན་པ་ཡང་རྡོ་རྗེའི་སྟེང་དུ་བཞག་ལ། གང་གི་ཕྱིར་སྒྲུབ་པ་དེ་ཡང་པུས་མོ་གཡས་པ་ས་ལ་བཙུགས་ཏེ་མེ་ཏོག་གིས་སྙིམ་པ་བཀང་ལ་རྡོ་རྗེ་འཛིན་ལ་ལྟ་ཞིང་འདུག་པར་བྱ་སྟེ། རྡོ་རྗེ་འཛིན་ཡང་སྒྲུབ་པ་པོ་ལ་ལྟ་ཞིང་ལག་པ་གཡས་
Ma84b
བས་དབུགས་འབྱིན་པར་བྱའོ། །རྡོ་རྗེ་ཁུ་ཚུར་མ་ཡང་གཞོན་ནུའི་གཟུགས་རྒྱན་ཐམས་ཅད་ཀྱིས་བརྒྱན་པར་བྱ་སྟེ། དེའི་ལག་པ་གཡོན་པ་ན་རྡོ་རྗེ་ཐོགས། གཡས་པ་ན་པདྨ་འམ་ཨུཏྤ་ལ་ཐོགས་ཏེ། རྡོ་རྗེ་འཛིན་ལ་ལྟ་ཞིང་པདྨའམ་ཨུཏྤ་ལ་རྡོ་རྗེ་འཛིན་ལ་དབུལ་བར་བལྟ་བར་བྱའོ། །རི་མོ་མཁན་གྱི་ཆོ་ག་དང ། རས་ཀྱི་ཆོ་ག་ནི། སྔར་བཤད་པ་དང་འདྲ་བ་བྱ་སྟེ། རི་མོ་མཁན་གཙང་མས་བྱའོ། །མར་གྱི་ངོ་ཟླ་བ་ཕྱེད་ཀྱི་བར་དུ་བཟླས་བརྗོད་ལན་བརྒྱད་སྟོང་བརྒྱད་སྟོང་བྱས་ལ། ཡར་གྱི་ངོ་ཚེས་གཅིག་ནས་བརྩམས་ཏེ་ཞག་གསུམ་སྨྱུང་བར་བྱས་ལ་བསྒྲུབ་པར་བྱ་སྟེ། མར་གྱི་ངོ་ལ་ནི་སྔར་བསྟན་པ་ཡིན་ནོ། །ཡར་གྱི་ངོ་ཚེས་གཅིག་ལ་ཨ་པ་མརྐའི་ཡམ་སྲེག་ཤིང་མར་དང་སྤྲང་རྩིའི་ནང་དུ་སྨྱུགས་པ་ལན་བརྒྱད་སྟོང་བཟླས་བརྗོད་བྱས་པས་སྦྱིན་སྲེག་བྱའོ། །ཕྱི་རོལ་གྱི་གཏོར་མ་ཡང་ཅི་འབྱོར་པས་བྱའོ། །ནང་གི་ལྷ་བཤོས་ཀྱང་ཞོ་དང་འབྲས་ཅན་སྦྱར་བའམ། འབྲས་ཀྱི་འོ་ཐུག་འབུལ་བར་བྱས་ན། ཟླ་བ་ཕྱེད་ཚུན་ཆད་ཀྱིས་འདོད་པ་ཐམས་ཅད་སྦྱིན་པར་འགྱུར་རོ། །ཡང་ན་ཨ་པ་མརྐའི་ཡམ་སྲེག་ཤིང་འབུམ་སྦྱིན་སྲེག་བྱའོ། །གྲོང་དང་གྲོང་ཁྱེར་དང་མི་ཉེ་བའི་བྱང་ཤར་གྱི་ཕྱོགས་མཚམས་ན་ཙ་པ་ཏའི་ཤིང་ངམ། ཡང་ན་ཤིང་འོ་མ་ཅན་གྱི་དྲུང་དུ་སོང་ལ་ཉི་མ་གུང་གི་དུས་སུ་གྲིབ་མས་ཇི་ཙམ་ཁེབས་པ་དེ་
Ma85a
༄#། །ཙམ་གྱི་ཕྱོགས་བྱི་དོར་བྱ་སྟེ། གྲོག་མཁར་གྱི་སས་སྐྱང་ནུལ་བྱུགས་ལ། ས་དེ་ཉིད་ཀྱིས་སྟེགས་བུ་གསུམ་བྱ་སྟེ། གཅིག་ནི། བཅོམ་ལྡན་འདས་ཀྱི། གཅིག་ནི། རྡོ་རྗེ་འཛིན་གྱི། གཅིག་ནི། རྡོ་རྗེ་ཁུ་ཚུར་མའི་བྱའོ། །མདུན་ལོགས་དེར་ཐབ་ཁུང་རྡོ་རྗེའི་དབྱིབས་འདྲ་བར་བྱས་ལ་གྲོག་མཁར་གྱིས་ས་རྡོ་རྗེ་བྱས་ནས་ས་དེ་ཉིད་ཀྱིས་སྐྱང་ནུལ་བྱུགས་ཏེ་ཙནྡན་དམར་པོས་མཆོད་ལ་ཀ་ར་བཱི་ར་དམར་པོས་མཆོད་པར་བྱའོ། །ལྷ་བཤོས་ཀྱང་ཅི་འབྱོར་པས་འབྲས་ཅན་བུར་མ་དང་སྦྱར་བ་དང ། འབྲས་ཅན་ཞོ་དང་སྦྱར་བ་དབུལ་ལོ། །དེའི་ནང་དུ་རྩཝ་དུར་བ་རྩེ་མོ་མ་ཉམས་པའི་སྟན་བཏིང་ལ་ཁ་ཤར་ཕྱོགས་སུ་བལྟས་ཏེ། གཏོར་མ་རྣམ་གསུམ་ལ་སོགས་པ་སྦྱིན་ཞིང ། བཅོམ་ལྡན་འདས་དེའི་མདུན་ལོགས་ཀྱི་དཀྱིལ་འཁོར་ལ་ཐབ་ཁུང་རྡོ་རྗེའི་དབྱིབས་འདྲ་བ། ར་བ་ཤར་ནུབ་ཏུ་དཀྱུས་རིང་བར་བྱས་བའི་ནང་དུ་ཤིང་འོ་མ་ཅན་ཚེར་མ་མེད་ཅིང་རྩ་བ་དང་བཅས་པ་བཅད་དེ་སྦྱིན་སྲེག་བྱས་ན། རྒྱལ་སྲིད་དམ་ནོར་སྦྱིན་པར་འགྱུར་ཏེ། མིའི་གཙོ་བོ་དབང་དུ་བྱ་བར་འདོད་ན།་སྦྱིན་སྲེག་བྱས་ན་མིའི་གཙོ་བོ་དེ་ཡང་དེ་ཉིད་དུ་འོང་བར་འགྱུར་ཏེ། རྒྱལ་རིགས་ནི། ཞག་གསུམ་གྱིས་དབང་དུ་འགྱུར་རོ། །རྗེའུ་རིགས་ནི། ཞག་གཉིས་ཀྱིས་
Ma85b
དབང་དུ་འགྱུར་རོ། །དམངས་རིགས་ནི། ཞག་གཅིག་གིས་དབང་དུ་འགྱུར་རོ། །ལས་བྱེད་པའི་ཚེ་ཅི་སྟེ་ལ་ལ་ཞིག་འོངས་ཏེ་ནོར་གྱིས་འདྲིད་པར་བྱེད་ན་ཡང་ལས་ཡོངས་སུ་མ་རྫོགས་ཀྱི་བར་དུ་ནོར་དེ་བླང་བར་མི་བྱའོ། །གཡོག་བྱེད་པ་མ་གཏོགས་པར་གཞན་དང་ལྷན་ཅིག་ཏུ་གཏམ་ཡང་མི་བྱའོ། །ཅི་སྟེ་རྨི་ལམ་དུ་ལྷ་མོ་ལས་འོད་ཟེར་འབྱུང་བར་རྨིས་ན། དེ་ཡང་དེའི་དངོས་གྲུབ་ཀྱི་མཚན་མ་ཡིན་ནོ། །སྒྲུབ་པར་འདོད་པ་ནི། ཅི་སྟེ་བུད་མེད་ཀུན་འོངས་ཏེ་མེ་ཏོག་གམ་འབྲས་བུ་སྦྱིན་པར་བྱེད་ན། དེས་ན་དངོས་གྲུབ་འགྲུབ་པར་ཤེས་པར་བྱོས་ཤིག་།ལོ་ཏོག་མ་རུངས་པར་འདོད་ན། ཞག་བདུན་གྱི་བར་དུ་དུས་གསུམ་དུ་ལན་བརྒྱད་སྟོང་བཟླས་བརྗོད་བྱས་པས་འབྲུ་མ་རུང་བར་བྱ་བ་གང་ཡིན་པའི་འབྲུ་དེ་ཉིད་ཀྱི་སྦྱིན་སྲེག་བྱ་སྟེ། མཆོད་པ་ཡང་ཅི་འབྱོར་པས་བྱའོ། །གསོ་སྦྱོང་དང་ལྡན་པས་པ་ལ་ཤའི་སྦྱིན་སྲེག་བྱས་ན་ཞི་བར་འགྱུར་རོ། །ཉ་པ་རྣམས་ཀྱིས་ཉ་མི་སོད་པར་བྱ་ན། ཉ་པ་ཉིད་ཀྱི་ཁྱིམ་ནས་མེའམ་ཤིང་བླངས་ལ་ཉ་པ་དེ་ཉིད་ཀྱི་ཁྱིམ་ནས་ཉ་བླངས་ནས་མར་གྱི་ནང་དུ་སྨྱུགས་ཏེ་ཉ་པ་དེ་དག་ཉིད་ཀྱི་ཁྱིམ་གྱི་གྲར་སྦྱིན་སྲེག་བྱས་ན། ཉ་མི་སོད་པར་འགྱུར་རོ། །དེ་བཞིན་དུ་རི་དྭགས་དང ། ཕག་དང ། མ་ཧེ་དང ། རི་བོང་ལ་སོགས་པའི་ཆོ་ག་དེ་དང་འདྲ་སྟེ། ལམ་གྱི་
Ma86a
༄#། །བཞི་མདོར་སྦྱིན་སྲེག་བྱས་ཀྱང་རུང ། གཏོར་མ་ཡང་སྦྱིན་པར་བྱའོ། །གསོད་བ་དང་འཆིང་བར་བྱེད་པ་ལ་ནི། རྩིག་ངོས་ལ་རྡོ་རྗེ་ཁུ་ཚུར་མ་བྲིས་ཏེ།་དེའི་མགོ་བོར་ཡང་བཅོམ་ལྡན་འདས་ཀྱི་སྐུ་གཟུགས་བྲིས་ལ་ཟས་སུ་དཀར་གསུམ་ཟ་བ་དང ། གསོ་སྦྱོང་གི་ཡན་ལག་དང་ལྡན་པས་བྱ་ཞིང ། བཅོམ་ལྡན་འདས་ལ་དྲི་ལ་སོགས་པས་མཆོད་པར་བྱའོ། །རྡོ་རྗེ་ཁུ་ཚུར་མ་ནི། མདོག་དཀར་པོར་བྱ་སྟེ། ལག་པ་གཡོན་ཁུ་ཚུར་བཅངས་ལ་ལག་པ་གཡས་བས་དབུགས་འབྱིན་པར་བྱའོ། །སྒྲུབ་པ་པོ་ཡང་པུས་མོ་གཡས་པས་ལ་བཙུགས་ཏེ་སྙིམ་པར་མེ་ཏོག་ཐོགས་པར་བྱའོ། །དེ་ནས་ཡམ་སྲེག་ཤིང་གང་འདོད་པ་དང ། གུ་གུལ་ཡུངས་མར་གྱི་ནང་དུ་སྨྱུགས་པས་ནུབ་མོ་སྦྱིན་སྲེག་བྱས་ན་དེས་འགྲུབ་པར་འགྱུར་རོ། །ལས་ཐམས་ཅད་ལ་ཡང་སྤྱན་དང་ལྷན་ཅིག་སྦྱར་བར་བྱའོ། །ལྷ་རྣམས། རིག་སྔགས་ཀྱི་རྒྱལ་པོ་ཆེན་མོ་རྡོ་རྗེ་ཁུ་ཚུར་མའི་ལས་རྣམས་ནི། ངས་བཤད་ཟིན་ཏེ། དེ་ལ་དྲག་ཏུ་སྐུལ་བའི་རིག་སྔགས་དྲན་པ་ཙམ་གྱིས་མདུན་དུ་གནས་པར་འགྱུར་བ་ཡང་ངས་བཤད་པར་བྱའོ། །ན་མོ་བཛྲ་པཱ་ཎི་སྱ། རུ་ཏུ་རུ་ཏུ་མ་ཏ་སཝཱཧཱ། དེ་ནས་ལྷ་དེ་དག་འཇིགས་པའི་སེམས་ཀྱིས་ལག་ན་རྡོ་རྗེའི་ཞལ་དུ་ལྟ་ཞིང་ཚིག་
Ma86b
འདི་སྐད་དུ་རིག་སྔགས་འཆང་གི་རྒྱལ་པོ་ཆེན་པོ། རིག་སྔགས་ཀྱི་རྒྱལ་པོ་ཆེན་མོ་རྡོ་རྗེ་ཁུ་ཚུར་མའི་སྙིང་པོའི་ལས་རྣམས་ཤོད་ཅིག་ཤོད་ཅིག་ཅེས་ཀྱང་སྨོས་སོ། །དེ་ནས་རིག་སྔགས་ཀྱི་རྒྱལ་པོ་ལག་ན་རྡོ་རྗེ་སྙིང་པོའི་ལས་རྣམས་བཤད་པ། རས་མ་ཉམས་པ་ཁ་ཚར་མ་བཅད་པ་ལ་ཚོན་རྩི་སྤྱིན་དང་མ་སྦྱར་བས་སངས་རྒྱས་ཀྱི་སྐུ་གཟུགས་སེངྒེའི་ཁྲི་ལ་བཞུགས་ཤིང་ཆོས་སྟོན་ཅིང་བཞུགས་པ་འབྲིར་གཞུག་གོ་།གློ་གཡོན་ལོགས་སུ་ལག་ན་རྡོ་རྗེ་ཨུཏྤ་ལ་སྔོན་བོའི་མདོག་ཅན་རྒྱན་ཐམས་ཅད་ཀྱིས་བརྒྱན་པ་ལ་ཚིག་གུའི་ཤམ་ཐབས་གྱོན་ཞིང་ལག་ན་རྔ་ཡབ་ཐོགས་པ་བྲིའོ། །གཡས་ལོགས་སུ་ནི། རྡོ་རྗེ་ཁུ་ཚུར་མ་མདོག་སྔོ་བསངས་མ་རྒྱན་ཐམས་ཅད་ཀྱིས་བརྒྱན་ལ་ལག་པ་གཡོན་པ་ན་རྡོ་རྗེ་ཐོགས། གཡས་པ་ན་ཤིང་ཐོག་ཐོགས་པ་བྲིའོ། །དེ་ནས་རིག་སྔགས་འཆང་གིས་འོ་མའི་ལྡེ་གུའམ། སློང་མོའི་ཟས་ཟ་ཞིང་ཕྱོགས་གཙང་མར་ལན་དྲུག་འབུམ་བཟླས་བརྗོད་བྱའོ། །དེའི་འོག་ཏུ་རི་མོའི་སྐུ་གཟུགས་ཕྱོགས་གཙང་མར་བཀྲམ་སྟེ་ཟས་དཀར་གསུམ་བཟའ་ཞིང་དུས་གསུམ་དུ་ཁྲུས་བྱས་ལ། ཡར་གྱི་ངོ་ཚེས་གཅིག་ལ་བརྩམས་ཏེ་ཞག་གསུམ་སྨྱུང་བ་བྱས་ཏེ་མེ་སྦྱར་ནས་གུ་གུལ་གྱི་རིལ་བུ་མོན་སྲན་རྩའི་འབྲུ་ཙམ་ལ་དུ་རུ་ཀྲའི་མར་གྱི་ནང་དུ་སྨྱུགས་པ་བརྒྱད་སྟོང་
Ma87a
༄#། །སྦྱིན་སྲེག་བྱས་ན། དེ་ནས་སྐུ་གཟུགས་འགྲུབ་པར་འགྱུར་ཏེ། ལྷ་མོ་འོངས་ནས་དམ་པ་གང་སྩོལ་བ་ཐོབ་པར་འགྱུར་རོ། །མཆོད་པ་ཡང་ཅི་འབྱོར་པར་བྱའོ། །དགེ་སློང་དག་ལ་ཡང་མཆོད་སྟོན་གསོལ་བར་བྱ་སྟེ། འདི་ནི། གཞན་གྱིས་མི་ཐུབ་པའི་དངོས་གྲུབ་ཡིན་ནོ། །སྐུ་གཟུགས་དེ་ཉིད་ཀྱི་མདུན་དུ་ལག་པ་གཡོན་པ་ཁུ་ཚུར་བཅངས་ཏེ་ལན་སུམ་འབུམ་བཟླས་བརྗོད་བྱས་ན། ཁུ་ཚུར་བཅངས་པས་ལུས་མི་སྣང་བར་འགྱུར་ཞིང་ཕྱེ་ན་སྣང་བར་འགྱུར་རོ། ། ཆོ་ག་སྔ་མ་བཞིན་དུ་ས་ཕྱོགས་གཙང་མར་ཧཱུཾ་དང་ལྡན་པར་ལན་ཉི་ཁྲི་བཟླས་བརྗོད་བྱས་ན། གླང་པོ་ཆེ་རྒྱགས་པ་དག་ཀྱང་སྒྱེལ་བར་བྱེད་ཅིང་འདྲེན་པར་བྱེད། དབང་དུ་འགུགས་པར་བྱེད། བཅིང་བར་བྱེད་དོ། །འགྲོལ་བར་བྱེད་དོ། །ཁུ་ཚུར་བཅངས་པས་གང་ལ་བསྡིགས་པ་དེ་སྲོག་དང་འབྲལ་བར་འགྱུར་རོ། །ཀླུ་རྣམས་ཀྱང་རེངས་པར་བྱེད། འཁྲུལ་འཁོར་རྣམས་ཀྱང་སྒྱེལ་བར་བྱེད་དོ། །གདོན་རྣམས་ཀྱང་རེངས་པར་བྱེད་ཅིང་སྒྱེལ་བར་བྱེད་དོ། །དེ་བཞིན་གདོན་དང་ཡི་དྭགས་ཐམས་ཅད་བརླག་པར་བྱེད་དོ། །ནམ་མཁའ་ལ་གྱེན་དུ་བསྡིགས་ན། རིག་སྔགས་འཆང་ཐམས་ཅད་ལྟུང་བར་བྱེད་ཅིང་འཆིང་བར་བྱེད་དོ། །ཀླུ་རྣམས་རེངས་པར་བྱེད། གྲུ་
Ma87b
རྣམས་ཐོགས་པར་བྱེད། མེ་དཔལ་གསོད་པར་བྱེད། དམག་གི་དཔུང་རེངས་པར་བྱེད། ཆུ་བརྟན་པར་བྱེད། །རྒྱ་མཚོ་སྐེམ་པར་བྱེད། མཆེ་བ་ཅན་ཐམས་ཅད་ཁ་བཅིངས་པར་བྱེད། མོ་མཚན་བཅིང་བར་བྱེད། ཁ་བཅིང་བར་བྱེད། བྲག་རྙིལ་བར་བྱེད་ཅིང་ཕྱེ་མར་རློག་པར་བྱེད་དེ། ལས་གང་དང་གང་བྱེད་ན། བཅོམ་ལྡན་འདས་མ་དྲན་པར་བྱ་སྟེ། ཁུ་ཚུར་ཡང་བཅངས་ན་ཐམས་ཅད་འགྲུབ་པར་འགྱུར་རོ། །ཕུག་གི་འཁྲུལ་འཁོར་རྣམས་ཕྱེ་མར་རློག་པར་བྱེད། འཇིག་པར་བྱེད། གནས་པར་བྱེད་དོ། །གཏེར་གྱི་འཁྲུལ་འཁོར་རྣམས་གཅོད་པར་བྱེད་དེ། དེ་བཞིན་དུ་ལས་ཐམས་ཅད་ལ་བཅོམ་ལྡན་འདས་ལ་སྦྱར་བར་བྱའོ། །མིའི་གཙོ་བོ་དང་མི་ཆེན་པོ་ཡང་དབང་དུ་འགུགས་པར་བྱེད་དོ། །སེམས་ཅན་ཐམས་ཅད་སྨྲར་འཇུག་ཅིང་འཛིན་དུ་འཇུག་ལ། རྒྱས་པར་བྱེད། འཆིང་བར་བྱེད་དོ། །དུས་གསུམ་དུ་གདུག་པས་ཟིན་པས་སྨྲར་འཇུག་སྟེ་ཁུ་ཚུར་གྱིས་ལས་བྱའོ། །སྲུང་བའི་ཆོ་ག་ལ་ནི། བཅོམ་ལྡན་འདས་མ་ལ་མཆོད་པ་བྱ་སྟེ། ལན་ཁྲི་བཟླས་བརྗོད་བྱས་ན་འགྲུབ་པར་འགྱུར་རོ། །སྒྲུབ་པའི་ཚེ་ཡང་འདིས་དཀྱིལ་འཁོར་གྱི་མཚམས་གཅད་པར་བྱ་སྟེ། ཐལ་བའམ། ཡུངས་ཀར་རམ། ཆུའམ། བོང་བའམ། སྐུད་པའམ། ཕུར་བུའམ། རྡོ་རྗེས་བསྐོར་བར་བྱའོ། །ཁང་བཟང་དུ་
Ma88a
༄#། །ལན་འབུམ་བཟླས་བརྗོད་བྱས་པའི་ཡུངས་ཀར་གྱིས་རྡོ་རྗེ་བྲིས་ན་དག་པར་འགྱུར་རོ། །དེ་བཞིན་དུ་ཐམས་ཅད་ལ་ཡང་སྲུང་བར་བྱས་པར་འགྱུར་རོ། །གསོ་སྦྱོང་དང་ལྡན་པས་ལན་སུམ་འབུམ་བཟླས་བརྗོད་བྱས་ལ་ཧཱུཾ་དང་ལྡན་པས་སྐེ་ཚེའི་སྦྱིན་སྲེག་སུམ་འབུམ་བྱས་ན། མིའི་གཙོ་བོ་དང ། བུད་མེད་ཀྱི་གཙོ་མོ་ཡང་དབང་དུ་ཁུགས་པར་འགྱུར་རོ། །ལན་འབུམ་སྦྱིན་སྲེག་བྱས་ན། བྲམ་ཟེ་དང་རྒྱལ་རིགས་དབང་དུ་ཁུགས་པར་འགྱུར་རོ། །དེའི་འོག་ཏུ་ལན་བརྒྱད་སྟོང་སྦྱིན་སྲེག་བྱས་ན། མི་ཆེན་པོ་རྣམས་དབང་དུ་ཁུགས་པར་འགྱུར་རོ། །ལན་གཅིག་བརྗོད་པས་གསང་སྔགས་རེངས་པར་བྱེད་ཅིང་བཅིངས་པ་གྲོལ་བར་བྱེད་དོ། །ལན་གསུམ་པས་ནི། ཕ་རོལ་གྱི་རིག་སྔགས་གཅོད་པར་བྱེད་དོ། །བྱེའུ་དང་བུ་མོ་ཁྲུས་བྱེད་དུ་གཞུག་པར་འདོད་ན། བུམ་པ་མི་ནག་ཅིང་རྩ་བ་མེད་པ་བཞིའམ། བཅུ་གཉིས་སམ།་བཅུ་དྲུག་ཀྱང་རུང་སྟེ་དཀྱིལ་འཁོར་གྱི་སྟེང་དུ་བཞག་ལ་ས་བོན་དང་སྨན་ཐམས་ཅད་བླུགས་ཏེ་མཆོད་པ་བྱ་སྟེ། ལྷ་བཤོས་ཀྱང་དབུལ་ལ། ལན་བརྒྱད་སྟོང་སྦྱིན་སྲེག་བཟླས་བརྗོད་བྱས་ཏེ་ཁྲུས་བྱེད་དུ་བཅུག་ན། ཐམས་ཅད་ཀྱི་ཡིད་དུ་འོང་བར་འགྱུར་རོ། །བུད་མེད་པུ་ཚོལ་བ་ཡང་བུ་ཡོད་པར་འགྱུར་རོ། །དེ་ནས་རལ་
Ma88b
གྲི་དང ། དགྲ་སྟ་དང ། གསལ་ཤིང་དང ། དབྱུག་པ་དང ། མདུང་ཐུང་དང ། ཆུང་ངུ་ན་ཤིང་ལྷམ་དང ། གོས་དང ། སྐ་རགས་དང ། སོར་གདུབ་ལ་སོགས་པ་འགྲུབ་པར་འདོད་ན། ཆོ་ག་སྔར་བཤད་པ་བཞིན་དུ་བྱས་ཏེ་ལྷ་མོའི་མདུན་དུ་ཀུ་ཤའི་སྟན་ལ་འདུག་ནས་འབར་བར་གྱུར་གྱི་བར་བཟླས་བརྗོད་བྱས་ན། དེ་ནས་འགྲུབ་པར་འགྱུར་ཏེ། དེ་བླངས་ནས་ནམ་མཁའ་ལ་འགྲོ་ཞིང་གྲུབ་པ་རྣམས་ཀྱིས་མི་སོད་པར་འགྱུར་རོ། །ལུས་མི་སྣང་བར་སྒྲུབ་པ་ནི། ལུས་མི་སྣང་བ་གྲུབ་པ་རྣམས་ཀྱི་རྒྱལ་པོར་འགྱུར་རོ། །དྲོ་བར་གྱུར་ན་ནི། རྐང་པས་འགྲོ་བ་རྣམས་ཀྱི་བདག་པོར་འགྱུར་རོ། །ལྷ་རྣམས། རིག་སྔགས་ཀྱི་རྒྱལ་མོ་རྡོ་རྗེ་ཁུ་ཚུར་མའི་སྙིང་པོ་མཆོག་གི་ལས་རྣམས་ངས་བཤད་ཟིན་ཏོ། །དེ་ནས་བཅོམ་ལྡན་འདས་ལག་ན་རྡོ་རྗེ་རྡོ་རྗེ་སྤྱན་གྱི་སྤྱི་བོ་ལ་དབང་བསྐུར་ནས་རྡོ་རྗེ་འབར་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་ལག་ན་རྡོ་རྗེ་རྡོ་རྗེ་འབར་བའི་ཏིང་ངེ་འཛིན་ལ་སྙོམས་པར་ཞུགས་མ་ཐག་ཏུ་དེ་ནས་ལྷ་འདུས་པ་ཐམས་ཅད་ཡིད་འཇིགས་པར་གྱུར་ནས་ལྷ་ཆེན་པོ་ནི། བཅོམ་ལྡན་འདས་ཀྱི་གློ་གཡོན་ཕྱོགས་སུ་འདུག་གོ་།སྦྱན་ནི། གཡས་ཕྱོགས་སུ་འདུག་གོ་།དྲུག་མ་དང་དཀའ་ཟློག་མ་ནི། རྒྱབ་ལོགས་སུ་འདུག་སྟེ། ལྷ་ཐམས་ཅད་གཅིག་ལ་གཅིག་ལྟ་ཞིང ། ལག་ན་རྡོ་རྗེ་སྟོབས་པོ་ཆེ་
Ma89a
༄#། །ལ་བསྐུལ་བ། རིག་སྔགས་ཀྱི་རྒྱལ་པོ་ཆེན་པོ། སྤྱན་གྱི་ལས་རྣམས་ཤོད་ཅིག་ཤོད་ཅིག་།དེ་ནས་བཅོམ་ལྡན་འདས་ལག་ན་རྡོ་རྗེས་སྤྱན་གྱི་ལས་གང་དག་མཐོང་བས་ལག་ན་རྡོ་རྗེས་བཤད་པ་བཞིན་དུ་དངོས་གྲུབ་དམ་པ་ཐོབ་པར་འགྱུར་བ་བཤད་དེ། མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ལ་ལག་ན་རྡོ་རྗེའི་མདུན་དུ་ཏ་ག་ར་དཀར་པོའི་མེ་ཏོག་བརྒྱད་སྟོང་སྦྱིན་སྲེག་བྱས་ན་འགྲུབ་པར་འགྱུར་རོ། །ཟླ་བ་གཅིག་གི་བར་དུ་ཟས་སུ་འོ་མ་དང ། ཕྱེའི་འདག་གུ་ཟོས་ལ་ཟླ་པ་ཉ་ལ་ཞག་གཅིག་སྨྱུང་བ་བྱས་ཏེ་ལག་ན་རྡོ་རྗེའི་མདུན་དུ་རིག་སྔགས་ལན་བརྒྱད་སྟོང་བཟླས་བརྗོད་བྱས་ན། དེ་ནས་རིག་སྔགས་འཆང་གིས་ནང་བར་དགེ་སློང་ལ་མཆོད་སྟོན་བྱིན་ཏེ་ཅི་འབྱོར་པས་མཆོད་པ་ཡང་བྱའོ། །དེའི་འོག་ཏུ་རིག་སྔགས་འཆང་གིས་རས་མ་ཉམས་པ་ལ་རི་མོ་མཁན་གསོ་སྦྱོང་དང་ལྡན་པས་དེ་བཞིན་གཤེགས་པའི་སྐུ་གཟུགས་འབྲིར་འཇུག་སྟེ། དེ་བཞིན་གཤེགས་པའི་གཡས་ཕྱོགས་སུ་ནི། སངས་རྒྱས་ཀྱི་སྦྱན་བྲིའོ། །གཡོན་ཕྱོགས་སུ་ནི། འཕགས་པ་ལག་ན་རྡོ་རྗེ་བྲིའོ། །དེ་བཞིན་གཤེགས་པ་ནི། གསེར་གྱི་མདོག་ཅན་ལ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་བརྒྱན་པར་བྱའོ། །བཅོམ་ལྡན་འདས་མ་དེ་ཡང་
Ma89b
གསེར་གྱི་མདོག་ཅན་ལ་ཡིད་ཙམ་གྱིས་འདུད་དེ་ལོ་བཅུ་དྲུག་ལོན་པའི་གཟུགས་ཅན་རྒྱན་ཐམས་ཅད་ཀྱིས་བརྒྱན་པ། ལག་པ་གཉིས་པདྨ་འཛིན་པར་བྱ་སྟེ། པདྨ་ཡང་རྡོ་རྗེའི་མཚན་མ་དང་ལྡན་པར་བྱའོ། །ལག་ན་རྡོ་རྗེ་མདོག་སྔོ་བསངས་ལ་རྒྱན་ཐམས་ཅད་ཀྱིས་བརྒྱན་པ། དར་ལའི་གོས་གྱོན་ཞིང་པདྨ་ལ་འདུག་པ་བྲིའོ། །དེ་ནས་རིག་སྔགས་འཆང་གིས་མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་སྐུ་གཟུགས་ལ་མཆོད་པ་རྒྱས་པར་བྱ་ཞིང་ལྷ་བཤོས་ཀྱང་རྒྱས་པར་ཕུལ་ནས་རིག་སྔགས་ཀྱི་རྒྱལ་པོ་དང་བཅས་པར་ལྷ་སྤྱན་དྲང་བར་བྱའོ། །སྤྱན་གྱིས་ནི། ལས་ཐམས་ཅད་ལ་བསྲུང་བར་བྱའོ། །དེའི་མདུན་དུ་ཕོ་དང་མོའི་མིང་དང་ལྡན་པའི་རྫས་མར་གྱི་ནང་ནས་སྨྱུགས་པས་ལན་བརྒྱད་སྟོང་སྦྱིན་སྲེག་བྱས་ན། བཅོམ་ལྡན་འདས་མའི་གཟུགས་འགུལ་བར་འགྱུར་རོ། །ཡང་ན་མེ་ཏོག་གི་ཕྲེང་བ་འགུལ་བར་འགྱུར་ན།་ལས་དེ་འགྲུབ་པ་ཡིན་ཏེ། འདོད་རྒུར་བསྒྱུར་བའི་གཟུགས་ཅན་དུ་འགྱུར་ཞིང་ལུས་མི་སྣང་བར་འགྱུར་ལ། ཚེ་ལོ་དགུ་སྟོང་ཐུབ་པར་འགྱུར་རོ། །གང་གི་ཚེ་བུད་མེད་ཀྱི་གཟུགས་སྤྲུལ་པར་བྱ་ན། དེའི་ཚེ་མོའི་མིང་དང་ལྡན་པའི་ས་བོན་རྣམས་བླངས་ལ། ལག་ན་རྡོ་རྗེའི་མདུན་དུ་ཆུའི་བུམ་པ་བཞག་པ་དེའི་ནང་དུ་བླུགས་ཏེ། དེ་ནས་རིག་
Ma90a
༄#། །སྔགས་བརྗོད་ན། དེ་དེས་བུད་མེད་དུ་འགྱུར་ཏེ། བུད་མེད་དེ་ཡང་བུད་མེད་རིན་པོ་ཆེའི་ཡོན་ཏན་དང་ལྡན་པར་འགྱུར་ལ། ཡིད་ལ་ཅི་བསམ་པ་དེ་སྤྲུལ་པར་བྱེད་དོ། །གང་གི་ཚེ་སྐྱས་པའི་གཟུགས་སྤྲུལ་པར་བྱེད་ན། དེའི་ཚེ་ཕོའི་མིང་དང་ལྡན་པའི་ས་བོན་རྣམས་བླངས་ཏེ་བླུགས་ནས་ཡིད་ཀྱིས་བསྔགས་ན། སྐྱེས་པའི་གཟུགས་སུ་གནས་པར་འགྱུར་ཏེ། སྐྱེས་པ་དེ་ཡང་བསྒོ་བ་བཞིན་དུ་བྱེད་ཅིང ། ཡིད་ལ་ཅི་བསམ་པ་དེ་བྱེད་པར་འགྱུར་རོ། །འཇིམ་པས་བསྐུས་ན། མི་གཙང་བ་དང ། གླང་པོ་ཆེའི་རྟུག་པ་དང ། རྟ་སྟུག་ཀྱང་བཟའ་རུ་རུང་བར་བྱེད་དོ། །ཆུ་ཡང་འོ་མར་འགྱུར་ལ་འོ་མ་ཡང་ཆུར་འགྱུར་རོ། །ཉིན་མོ་ཡང་མཚན་མོར་འགྱུར་ལ་མཚན་མོ་ཡང་ཉིན་མོར་འགྱུར་རོ། །བྱེ་མ་ཡང་ཀ་རར་འགྱུར་རོ། །ལུས་ཀྱང་སྐད་ཅིག་གིས་མི་སྣང་བར་འགྱུར་རོ། །ཚེ་ལོ་བརྒྱད་ཁྲི་ཐུབ་པར་འགྱུར་རོ། །ཤིན་ཡང་བདེ་བ་ཅན་དུ་སྐྱེ་བར་འགྱུར་རོ། །འཕགས་པ་ལག་ན་རྡོ་རྗེའི་མདུན་དུ་ཡུངས་ཀར་གྱིས་རྡོ་རྗེའི་དབྱིབས་བྲིས་ལ་སྤྱན་གྱི་རིག་སྔགས་ཀྱི་རྒྱལ་པོ་དང་ལྡན་པར་བཟླས་བརྗོད་བྱེད་བཞིན་དུ་ཁམ་ཕོར་རམ་ལོ་མས་བཀབ་ལ། དེ་ནས་རིག་སྔགས་ལན་བརྒྱད་བརྒྱ་བརྒྱད་བརྒྱ་བཟླས་བརྗོད་བྱ། ཞག་བདུན་གྱི་ཐ་མར་གོས་ཕྲུགས་གཅིག་
Ma90b
ཐོབ་པར་འགྱུར་རོ། །བཅོམ་ལྡན་འདས་གསང་བ་པ་རྣམས་ཀྱི་ཆོ་ག་རྒྱས་པར་སྒྲུབ་པ་དང ། ཆོ་ག་རྒྱས་པ་རྣམས་མ་རུངས་པར་བགྱི་བའི་ལས་འདི་ནི། ཤིན་ཏུ་ངོ་མཚར་ཆེ་བ་ལགས་སོ། །ལས་དམ་པ་འདིས་འཕགས་པ་ལག་ན་རྡོ་རྗེའི་མདུན་དུ་རྡོ་རྗེའི་རིགས་སྤྱན་དང་བཅས་པའམ། གདོང་དྲུག་པ་རྡོ་རྗེ་གསུམ་པ་འདུག་པར་ཡིད་ཀྱིས་བསམས་ལ། བཅོམ་ལྡན་འདས་མ་རིགས་ཀྱི་རྒྱལ་པོ་དང་ལྡན་པར་ལན་བརྒྱད་སྟོང་བཟླས་བརྗོད་བྱས་ན་མིང་འགྲུབ་པར་བྱེད་དེ། བཅོམ་ལྡན་འདས་མ་མིང་དེ་ཉིད་ཀྱིས་སྨན་ལ་གསང་གཏོར་བྱས་ན་གྲོལ་བར་འགྱུར་རོ། །ཆོ་ག་རྒྱས་པ་མ་རུངས་པར་བྱེད་པར་བཤད་པར་བྱ་སྟེ། མ་རུངས་པར་བྱེད་པ་ལག་ན་རྡོ་རྗེས་རྣམ་པར་བསྒྱིངས་པའི་ལས་དམ་པ་འདིས་ཕྱོགས་གཙང་མར་ཆོ་ག་རྒྱས་པའི་ལྷ་བྲིས་ལ། རིག་སྔགས་ཀྱི་ལྷའི་བ་སྤུ་རྣམས་སུ་ཡང་རྡོ་རྗེ་ཕྱེད་ནུབ་པར་བྲི་སྟེ། རིག་སྔགས་ཀྱང་ལན་བརྒྱད་སྟོང་བཟླས་བརྗོད་བྱས་ན། རིག་སྔགས་ཀྱི་ལྷ་ཐམས་ཅད་དང ། ཆོ་ག་རྒྱས་པ་ཐམས་ཅད་ཕུར་བུས་བཏབ་པ་དང ། མ་རུངས་པར་བྱས་པར་འགྱུར་རོ། །ཞི་བར་བྱ་ན། སོལ་བས་རྡོ་རྗེ་བྲིས་ལ་དེ་ཉིད་ཀྱིས་སྨན་ལ་གསང་གཏོར་བྱས་ན་གྲོལ་བར་འགྱུར་རོ། །རིག་སྔགས་སྒྲུབ་པར་འདོད་པ་ལ་རིག་སྔགས་གང་
Ma91a
༄#། །ཡིན་པ་དེ་ལས་སྒྲུབ་པར་མི་བྱེད་ན། འཕགས་པ་ལག་ན་རྡོ་རྗེའམ། ལྷ་ཆེན་པོའི་མདུན་དུ་མེ་ཐ་མལ་བའི་ནང་དུ་སྤྱན་གྱིས་མོན་སྲན་གྲེའུས་སྦྱིན་སྲེག་ལན་བརྒྱད་སྟོང་བྱས་ན། རིག་སྔགས་ལ་ཡང་ལན་བརྒྱད་བརྒྱ་སྦྱིན་སྲེག་བྱས་ན་དེས་དངོས་གྲུབ་མྱུར་དུ་སྦྱིན་པར་བྱེད་དོ། །བུད་མེད་དབང་དུ་བྱ་ན། ཞག་བདུན་གྱི་བར་དུ་དུས་གསུམ་དུ་ཕུབ་མའི་སྦྱིན་སྲེག་བརྒྱ་རྩ་བརྒྱད་བྱས་ན་དབང་དུ་འགྱུར་རོ། །ལྷ་རྣམས་ལ་ནི། རིག་སྔགས་དང ། ཆོ་ག་རྒྱས་པ་གྲུབ་པ་དང ། མ་རུངས་པར་བྱ་བ་དང ། རིག་སྔགས་འཆང་རྣམས་ལ་དངོས་གྲུབ་སྦྱིན་དུ་གཞུག་པར་དེ་བཞིན་གཤེགས་པས་སྣང་གི་།དེ་ལ་ཕྱག་བྱས་ལ་དེ་བཞིན་གཤེགས་པའི་བཀས་ངས་བཤད་པར་བྱའོ། །དེ་ནས་དེ་བཞིན་གཤེགས་པ་རྣམས་ལ་ཕྱག་བྱས་ནས་འཁོར་རྣམས་ལ་བལྟས་ཏེ་སྙིང་པོ་མཆོག་བཤད་པ། ན་མཿ སརྦ་བྷུ་ཏ་ཧྲྀ་ད་ཡ་ཨ་ནུ་ག་ཏེ། ཨེ་ཧྱེ་ཧི་བྷ་ག་བ་ཏེ། ཨོཾ་ཀུ་རུ་གི་ནི་སཝཱ་ཧཱ། ཨོཾ་ལོ་ཙ་ནེ་པྲ་བ་རི་བྷ་མ་རི་ནི་སུམྦྷ། ཨོཾ་ཛོ་ལི་ཏི་སཝཱ་ཧཱ། སྙིང་པོའོ། །ོཾ་བིད་དུ་ཏེ་ཧཱུཾ་བ་རི་ཎི་ཕཊ།་བཅོམ་ལྡན་འདས་མ་སྤྱན་གྱི་ཉེ་བའི་སྙིང་པོའོ། །གསང་སྔགས་བཤད་པ་ན་ས་རྣམ་པ་དྲུག་ཏུ་གཡོས་སོ། །རིག་སྔགས་ཀྱི་ལྷ་ཐམས་ཅད་ཀྱང་སྙིང་འདར་
Ma91b
ཞིང་མདུན་དུ་འཁོད་ནས་བྱང་ཆུབ་སེམས་དཔའ་ཆེན་པོ། བདག་ཅག་གིས་ཅི་བགྱིས་པ་གསུངས་ཤིག་གསུངས་ཤིག་ཅེས་སྨྲས་སོ། །དེ་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །ལྷ་རྣམས་ཉོན་ཅིག་།རིག་སྔགས་འཆང་གང་བཅོམ་ལྡན་འདས་མ་མཆོག་དྲག་ཏུ་སྐུལ་བའི་སྙིང་པོ་དམ་པ་འཆང་བདེ་ལ་ཁྱོད་ཀྱིས་དངོས་གྲུབ་དམ་པ་བྱིན་ཅིག་།ཅི་སྟེ་མ་བྱིན་ན་ངས་རྡོ་རྗེ་ཀུན་ཏུ་འབར་བས་སྤྱི་བོར་གཞག་གོ་།དེ་ནས་ལྷ་དེ་དག་རྟབ་རྟབ་པོར་གྱུར་ཏེ་ལག་ན་རྡོ་རྗེའི་རྐང་པ་ལ་གཏུགས་ནས་བཅོམ་ལྡན་འདས་དྲག་ཏུ་སྐུལ་བའི་བཅོམ་ལྡན་འདས་མའི་སྙིང་པོ་འཆང་བའམ། ཕྱག་འཚལ་བ་གང་ཡིན་པ་དེ་དབང་ཕྱུག་ཆེན་པོ་ལ་སོགས་པ་བདག་ཅག་ལྷ་རྣམས་ཀྱིས་རྟག་ཏུ་སྲུང་བར་བགྱིའོ། །བཅོམ་ལྡན་འདས་མ་རྟག་ཏུ་རྗོད་པར་བྱེད་པའམ། སྒྲུབ་པར་བྱེད་པའམ། མཆོད་པར་བྱེད་པ་གང་ཡིན་པ་དེའི་མདུན་དུ་ཡང་འཁོད་པར་བྱ་སྟེ། དངོས་གྲུབ་ཀྱང་སྦྱིན་པར་བྱའོ། །རིག་སྔགས་མཆོག་འདི་ནི། བཟླས་བརྗོད་བྱས་པ་ཙམ་གྱིས་དངོས་གྲུབ་འགྲུབ་པར་བྱེད་ཅིང་མ་གྲུབ་པ་ཡང་གྲུབ་པར་བྱེད་པ་ཡིན་ཏེ། འདི་ནི། ཆོ་ག་རྒྱས་པ་རྣམས་ཀྱི་ས་བོན་ལྟ་བུར་གྱུར་པ་དངོས་གྲུབ་སྦྱིན་པར་བྱེད་པ་ཡིན་ན། བཅོམ་ལྡན་འདས་མའི་སྙིང་
Ma92a
༄#། །པོ་མཆོག་ལ་དྲག་ཏུ་སྐུལ་བ་ཆོ་ག་རྒྱས་པ་འདི་འཆང་བ་གང་ཡིན་པ་དེ་ལ་ནི། ལག་ན་རྡོ་རྗེའི་བཀས་ཆོ་ག་རྒྱས་པ་འགྲུབ་པར་འགྱུར་རོ། ། འཕགས་པ་ལག་ན་རྡོ་རྗེའི་མདུན་དུ་མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་རྐང་པ་གཡས་པའི་མཐེ་བོང་བཟུང་ལ་ལན་བརྒྱ་སྟོང་བཟླས་བརྗོད་བྱས་ནས་རྐང་པའི་མཐེ་བོང་མི་ལ་རེག་པའི་ཉམས་འདྲ་བར་གྱུར་ན། དེས་གྲུབ་པར་ཤེས་པར་གྱིས་ཤིག་།དེ་ནས་བགེགས་བསླང་བར་འདོད་ན། འཕགས་པ་ལག་ན་རྡོ་རྗེའི་མདུན་དུ་ཀོ་ཤ་ཏའི་མེ་ཏོག་གིས་མཆོད་པ་བྱས་ཏེ་ལན་བརྒྱད་སྟོང་བཟླས་བརྗོད་བྱས་ན་བགེགས་ལྡང་བར་འགྱུར་རོ། །ལྷ་རྣམས། བཅོམ་ལྡན་འདས་མ་སྤྱན་གྱི་རྒྱུད་ཕྱི་མ་ངས་བཤད་དོ། །དབང་ཕྱུག་ཆེན་པོ་དང་ཕུར་བུ་གསུམ་པས་བཤད་པའི་མ་མོ་རྣམས་ཀྱི་རྒྱུད་ཕྱི་མ་ཡང་ངས་བཤད་པར་བྱ་སྟེ། མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་ལན་བརྒྱད་སྟོང་བཟླས་བརྗོད་བྱས་ན་བགེགས་ལྡང་བར་འགྱུར་རོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་པ་ལ་
Ma92b
ཤའི་ཤིང་གིས་མེ་སྦར་ནས་བེ་ཀང་ཀ་ཏའི་འབྲས་བུ་མར་གྱི་ནང་དུ་སྨྱུགས་པ་བརྒྱད་སྟོང་སྦྱིན་སྲེག་བྱས་ན། རིག་སྔགས་ཀྱི་ལྷ་ཐམས་ཅད་དམ་པ་སྦྱིན་པར་བྱེད་དོ། །ཡར་གྱི་ངོ་ཟླ་བ་ཉ་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་ས་གཞི་བ་ཀོ་ཙམ་སྐྱང་ནུལ་གྱིས་བྱུགས་ནས་དྲི་དང ། མེ་ཏོག་དང ། བདུག་པས་བརྒྱན་ཏེ་ལྷ་བཤོས་ཀྱང་རྒྱས་པར་ཕུལ་ལ་ལས་ཐམས་ཅད་བཅོམ་ལྡན་འདས་མས་བྱའོ། །དེ་ནས་རིག་སྔགས་འཆང་གིས་བྱིས་པ་གཞོན་ནུ་ཟླ་བ་དྲུག་ལོན་པ་བླངས་ཏེ་དྲི་དང ། མེ་ཏོག་དང ། བདུག་པས་བརྒྱན་ནས་དཀྱིལ་འཁོར་གྱི་དབུས་སུ་བཞག་ལ། དེ་ནས་རིག་སྔགས་འཆང་གིས་བྱིས་པའི་རྐང་པ་གཡས་ནས་བཟུང་སྟེ་རིག་སྔགས་ལན་བརྒྱད་སྟོང་བཟླས་བརྗོད་བྱའོ། །དེ་ནས་དེ་ན་རེ། ཅི་བགྱི་ཞེས་ཟེར་བ་དང ། ཡིད་ལ་གང་འདོད་པ་དེ་སྨོས་ལ་ཚེ་རིང་བའམ། རྒྱལ་པོའམ། རིག་སྔགས་འཆང་རྣམས་ལས་གཅིག་ཡིད་ལ་བསམ་སྟེ་བསྒྲུབ་པར་བྱའོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་མེ་ཏོག་དང ། དྲི་དང ། བདུག་པ་ཕུལ་ནས་ནིམ་པའི་ཤིང་གིས་མེ་སྦར་ཏེ་མེ་ཏོག་དཀར་པོ་ཡུངས་མར་གྱི་ནང་དུ་སྨྱུགས་པ་བརྒྱད་སྟོང་སྦྱིན་སྲེག་བྱའོ། །དེ་ནས་རིག་
Ma93a
༄#། །སྔགས་འཆང་གིས་སྦྱིན་སྲེག་བྱས་པའི་ཐལ་བ་བླངས་ལ། རིག་སྔགས་ལན་བརྒྱད་སྟོང་བཟླས་བརྗོད་བྱས་ནས་དྲོ་བར་གྱུར་ན་གྲུབ་པ་ཡིན་ཏེ། མཁའ་འགྲོ་མ་མཐོང་ན་ནི། བཅིངས་པར་འགྱུར་རོ། །ཞི་བར་བྱ་ན། རིག་སྔགས་ཀྱི་རྒྱལ་པོས་ཡུངས་ཀར་ལ་བསྔགས་ཏེ་བསྣུམ་ན་གྲོལ་བར་འགྱུར་རོ། ། ཡར་གྱི་ངོ་ཟླ་བ་ཉ་ལ་ཞག་གཅིག་སྨྱུང་བ་བྱས་ཏེ་བྱང་ཆུབ་ཀྱི་ཤིང་དྲུང་དུ་སོང་ནས་མཆོད་པ་རྒྱས་པར་བྱས་ལ་ལྷ་བཤོས་ཀྱང་རྒྱས་པར་ཕུལ་ཏེ་རིག་སྔགས་ཀྱི་རྒྱལ་པོ་དང་བཅས་པས་ལས་ཐམས་ཅད་བྱའོ། །དེ་ནས་རིག་སྔགས་འཆང་གིས་བྱང་ཆུབ་ཀྱི་ཤིང་ལག་པ་གཉིས་ཀྱིས་བཟུང་སྟེ་རིག་སྔགས་ལན་བརྒྱད་སྟོང་བཟླས་བརྗོད་བྱས་ན། བྱང་ཆུབ་ཀྱི་ཤིང་ལག་པ་རྐྱོང་བར་འགྱུར་ཞིང་རིག་སྔགས་འཆང་ག་མགོ་ལ་རེག་པར་བྱེད་དེ། རེག་མ་ཐག་ཏུ་སྐྲ་ལྕང་ལོར་འཁྱིལ་ཞིང་ཉི་མ་ཤར་བའི་མདོག་དང་ལྡན་ལ་ལོ་བཅུ་དྲུག་ལོན་པའི་གཟུགས་དང་ལྡན་པར་འགྱུར་ཏེ། ཅི་འདོད་པའི་ཟས་ལ་ལོངས་སྤྱོད་ཅིང་ཚེ་ལོ་དགུ་སྟོང་ཐུབ་པར་འགྱུར་རོ། ། སྲུང་བ་ནི། ལན་བདུན་བཟླས་བརྗོད་བྱས་པའི་སྐུད་པས་བྱའོ། །གནས་སྲུང་བ་ནི། ལན་གསུམ་བཟླས་བརྗོད་བྱས་པའི་ཆུས་བྱ་སྟེ། བཅོམ་ལྡན་འདས་མ་སྤྱན་གྱི་
Ma93b
སྙིང་པོ་ངས་བཤད་པའི་བཅོམ་ལྡན་འདས་མ་གང་ཡིན་པ་དང་ལྡན་པ་རྟག་ཏུ་སྦྱར་བར་བྱའོ། །དེ་དང་མ་སྦྱར་བ་ཤས་ཆེར་རྨོངས་པར་འགྱུར་རོ། །བཅོམ་ལྡན་འདས་མ་སྤྱན་གྱི་རྒྱུད་ཕྱི་མ་རྫོགས་སོ།། །།དེ་ནས་བཅོམ་ལྡན་འདས་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །ཁྱེད་རྣམས་ཉོན་ཅིག་།གཟི་བརྗིད་དྲག་པོ་ངས་བཅོམ་ལྡན་འདས་མ་མ་མོ་རྣམས་ཀྱི་ཆོ་ག་རྒྱས་པའི་གསང་སྔགས་བཤད་པར་བྱའོ། །དེ་ནས་ལྷ་དེ་དག་སྙིང་འདར་བཞིན་དུ་བཅོམ་ལྡན་འདས་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །རྡོ་རྗེ་འཛིན། སྙིང་པོ་དྲག་ཏུ་སྐུལ་བར་བྱེད་པའི་གསང་སྔགས་འདི་བརྗོད་ན། བཅོམ་ལྡན་འདས་མ་རྣམས་བདག་ཅག་ལ་གནོད་ཀྱི། ཐོང་ཞིག་ཐོང་ཞིག་།དེ་ནས་རིག་སྔགས་ཀྱི་རྒྱལ་པོ་ལག་ན་རྡོ་རྗེས་ལྷ་དེ་དག་ལ་སྨྲས་པ། བཟོད་ལྡན་དག་།རིག་སྔགས་འདི་ནི། གང་ཚེ་ཁྱེད་རྣམས་ཀྱིས་ཅི་སྟེ་དངོས་གྲུབ་སྐྱོང་བར་བྱེད་ན་དེའི་ཚེ་བརྗོད་དགོས་སོ། །དེ་ནས་བཅོམ་ལྡན་འདས་ལག་ན་རྡོ་རྗེའི་གཟི་བརྗིད་དྲག་པོས་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ནས་བཅོམ་ལྡན་འདས་མ་རྣམས་ཀྱི་སྙིང་པོ་ལ་དྲག་ཏུ་སྐུལ་བའི་གསང་སྔགས་བཤད་པ། ན་མོ་བཛྲ་པཱ་ཎི་སྱ། ཨོཾ་བ་ཧི་པྲོ་ཏ་རི་ཎི་སཝཱཧཱ། བཅོམ་ལྡན་འདས་མ་རྣམས་ཀྱི་སྙིང་པོ་ལ་དྲག་ཏུ་སྐུལ་བའི་གསང་
Ma94a
༄#། །སྔགས་བཤད་མ་ཐག་ཏུ་དེ་ཐོས་པས་ལྷ་རྣམས་སྙིང་འདར་ཞིང་ལག་ན་རྡོ་རྗེའི་ཞལ་དུ་ལྟ་བར་གྱུར་ཏོ། །དེ་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །ལྷ་རྣམས། རྡོ་རྗེ་ཕྲེང་བ་མའི་སྙིང་པོ་གནོད་པར་བྱེད་པ་ནི། དམ་ཚིག་ལས་འགལ་བར་བྱེད་པ་དང ། བཅོམ་ལྡན་འདས་མ་རྣམས་ཀྱི་དངོས་གྲུབ་སྦྱིན་པར་བྱེད་པ་དེ་དག་ལ་རྡོ་རྗེ་ཕྲེང་བ་མས་ཁྲག་འཐུང་བར་བྱེད་པའམ། ཡང་ན་རྡོ་རྗེས་གཤེག་པར་བྱེད་པར་ཟད་ཀྱི། མ་འཇིགས་ཤིག་།དེའི་ལས་ཀྱང་བཤད་པར་བྱ་སྟེ། མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་དྲི་དང ། མེ་ཏོག་དང ། བདུག་པ་ཕུལ་ནས་དེའི་མདུན་དུ་བཅོམ་ལྡན་འདས་མ་ཨུཏྤ་ལ་དང་ལྡན་པ་སྨན་ཆེན་མོ་སྟོབས་པོ་ཆེ་ངས་བཤད་པ་གང་ཡིན་པ་དེས་དཀྱིལ་འཁོར་བྱའོ།། དེ་ནས་རྡོ་རྗེ་ཕྲེང་བ་མ་ལན་བརྒྱད་སྟོང་བཟླས་བརྗོད་བྱས་ན། བཅོམ་ལྡན་འདས་མ་རྣམས་འགྲུབ་པར་འགྱུར་རོ། །རྡོ་རྗེ་ཕྲེང་བ་མ་ཆོ་ག་རྒྱས་པ་ལ་དྲག་ཏུ་སྐུལ་བ་འདི་ནི། དམ་ཚིག་མི་ཤེས་པ་དང ། ཤིན་ཏུ་མི་གཟོ་བ་དང ། ལོ་གཅིག་གི་བར་དུ་མ་བསྟེན་པ་དང ། སྟོང་སྙེད་མ་བྱིན་པ་ལ་སྦྱིན་པར་མི་བྱའོ། །ལྷ་རྣམས། མ་མོ་
Ma94b
རྣམས་ཀྱི་ཆོ་ག་རྒྱས་པའི་ལས་ངས་བཤད་ཟིན་ཏོ། །མ་མོ་འཇིག་རྟེན་གྱི་མ་མོ་རྣམས་ཀྱི་ཡང་མདོ་ཅུང་ཟད་ཙམ་བཤད་པར་བྱ་སྟེ། འཕགས་པ་ལག་ན་རྡོ་རྗེའི་མདུན་དུ་མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་མ་མོའི་གནས་སུ་སོང་ནས་དྲི་དང ། མེ་ཏོག་དང ། བདུག་པ་ཕུལ་ལ་ལྷ་བཤོས་ཀྱང་རྒྱས་པར་ཕུལ་ཏེ། དེ་ཉིད་ཀྱི་སྔགས་ཀྱིས་ལས་ཐམས་ཅད་བྱའོ། །དེ་ནས་རིག་སྔགས་འཆང་གིས་ལས་གཅིག་བསམ་ལ་བསྒྲུབ་པར་བྱ་སྟེ། རིག་སྔགས་ལན་བརྒྱ་སྟོང་བཟླས་བརྗོད་བྱས་ན། དེ་ནས་འཇིག་རྟེན་གྱི་མ་མོ་རྣམས་དམ་པ་སྦྱིན་པར་འགྱུར་རོ། །ཧཱུཾ་ཞེས་བྱ་བས་འབེབས་པར་བྱེད་དོ། །དུག་ལ་ནི། བལྟས་པས་དུག་མེད་པར་བྱེད་དོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བར་བྱས་ཏེ་ཕག་མོ་གཅིག་པུ་གནས་པར་སོང་ནས་དྲི་དང ། མེ་ཏོག་དང ། བདུག་པས་བརྒྱན་ལ་རིག་སྔགས་ལན་བརྒྱད་སྟོང་བཟླས་ན། བཅོམ་ལྡན་འདས་མ་ཕག་མོ་ཆེན་མོ་དེ་འགུལ་ཏེ་གྲུབ་པར་འགྱུར་ཞིང་ལོངས་སྤྱོད་ཀྱི་གཞི་སྦྱིན་པར་བྱེད་དོ། །ལྷ་རྣམས། འཇིག་རྟེན་གྱི་མ་མོ་རྣམས་ཀྱི་ལས་ངས་བཤད་ཟིན་ཏོ། །སྙིང་པོ་ལ་དྲག་ཏུ་སྐུལ་བའི་རིག་སྔགས་ཀྱང་བཤད་པར་བྱའོ། །ན་མོ་བཛྲ་པཱ་ཎི་སྱ། ཏ་ཀི་ཏ་ཀི་པུ་ཏ་ཀི་སཝཱ་ཧཱ། རིག་སྔགས་འདིས་འཕགས་པ་ལག་ན་
Ma95a
༄#། །རྡོ་རྗེའི་མདུན་དུ་མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་དྲི་དང ། མེ་ཏོག་དང ། བདུག་པ་ཕུལ་ནས་དྲི་ཆུ་སེར་པོ་དང ། དཀར་པོ་དང ། དམར་པོ་དང ། ནག་པོ་ལ་སོགས་པས་དཀྱིལ་འཁོར་བྱས་ཏེ་མཆོད་པ་ཡང་ཅི་རིགས་པར་བྱའོ། །དེ་ནས་རིག་སྔགས་ལན་བརྒྱད་སྟོང་བཟླས་བརྗོད་བྱས་ན། འཇིག་རྟེན་གྱི་མ་མོ་རྣམས་དམ་པ་སྦྱིན་པར་འགྱུར་རོ། །འཇིག་རྟེན་གྱི་མ་མོ་རྣམས་ཀྱི་ཆོ་ག་རྫོགས་སོ།། །།ལྷ་རྣམས། འཇིག་རྟེན་གྱི་མ་མོ་རྣམས་ཀྱི་ལས་རྣམས་ངས་བཤད་དོ། །རྡོ་རྗེ་ཁྲོ་བོ་ཆེན་པོ་བདུད་རྩི་ཐབ་སྦྱོར་སྟོབས་དང་ཕ་རོལ་གནོན་པ་དཔག་ཏུ་མེད་པ་ལས་ཕྱི་མ་ཡང་བཤད་པར་བྱའོ། ། མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་ཁྲོ་བོ་བཞག་ནས་མཆོད་པ་རྒྱས་པ་བྱས་ལ་བཅོམ་ལྡན་འདས་མས་ལས་ཐམས་ཅད་བྱ་ཞིང་མེ་ཏོག་དཀར་པོ་རེ་རེ་ལ་ལན་རེ་རེ་བཟླས་བརྗོད་བྱེ་བ་བརྒྱད་སྟོང་གིས་འཕགས་པ་རྡོ་རྗེ་ཁྲོ་བོའི་བྲང་དུ་བསྣུན་ན་དམ་པ་སྦྱིན་པར་འགྱུར་རོ། །ལན་བདུན་བཟླས་བརྗོད་བྱས་པའི་གུ་གུལ་བདུག་པས་ནི། འབེབས་པར་བྱེད་དོ། །ཆུའམ་ཡང་ན་རྣམ་པར་བཟླས་བརྗོད་བྱས་པས་ནི། རྒྱ་འཇོམས་པར་
Ma95b
བྱེད་དོ། །ལོ་མས་ནི། དུག་སེལ་བར་བྱེད་དོ། །སྲུང་བ་ནི། སྐུད་པའམ་གོས་ཀྱི་གྲར་མདུད་པ་བྱ་སྟེ། དེ་དག་ཐམས་ཅད་ཀྱང་ལན་བདུན་བདུན་བཟླས་བརྗོད་བྱས་པས་ནི། ལོངས་སྤྱོད་ཀྱི་གཞི་འདོད་ན་རས་མ་ཉམས་པ་ལ་རི་མོ་མཁན་གསོ་སྦྱོང་དང་ལྡན་པས་འཕགས་པ་རྡོ་རྗེ་ཁྲོ་བོ་མདོག་ནག་ལ་མིག་དམར་བ། ཤམ་ཐབས་སེར་པོ་གྱོན་ཞིང་སྐྲ་ཁམ་པར་འདུག་ལ་སྦྲུལ་གྱི་ཕྲེང་བས་བརྒྱན་ཏེ་པདྨ་ལ་འདུག་པ་འབྲིར་གཞུག་གོ་།དེ་ནས་མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་སྐུ་གཟུགས་ཀྱི་མདུན་དུ་བྱང་ཆུབ་ཀྱི་ཤིང་བུད་ཤིང་གིས་མེ་སྦར་ནས་པདྨ་དཀར་པོ་ཞོ་དང ། སྦྲང་རྩི་དང ། མར་གྱི་ནང་དུ་སྨྱུགས་པ་བརྒྱད་སྟོང་སྦྱིན་སྲེག་བྱས་ན། དངོས་གྲུབ་འགྲུབ་པའི་མཚན་མར་མེ་ཏོག་གི་ཕྲེང་བ་འགུལ་བར་འགྱུར་ཏེ། གྲུབ་ནས་ཀྱང་ཁམས་གཅིག་གི་རྒྱལ་པོར་འགྱུར་རོ། །མཆོད་པ་ཡང་ཅི་འབྱོར་པས་བྱའོ། །བཟླས་བརྗོད་བྱས་པ་ཙམ་གྱིས་གདོན་ཐམས་ཅད་འཇོམས་པར་བྱེད་དོ། །འོ་མའམ་ཆུས་ནི། དུག་སེལ་བར་བྱེད་དོ། །སས་ནི། ཁམ་ཕོར་ལག་པ་ལ་འབེབས་པར་བྱེད་དོ། །མིའི་ཐོད་པ་དང་བུམ་པ་ལ་ཡང་འབེབས་པར་བྱེད་དོ། །ཡན་ལག་ཀྱང་མ་རུངས་པར་བྱེད་ནུས་སོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་ལི་ཁྲི་བླངས་ལ་ཐོད་པའི་ནང་
Ma96a
༄#། །དུ་བཞག་སྟེ་ལྷ་ཆེན་པོའི་གནས་སུ་སོང་ལ་གཟུགས་ཀྱི་གཡས་ལོགས་སུ་དུར་ཁྲོད་ཀྱི་ཤིང་གིས་མེ་སྦར་ཏེ་ལི་ཁྲི་བཙོ་བར་བྱ་ཞིང་རིག་སྔགས་ཀྱི་རྒྱལ་པོས་བསྲུང་བར་བྱའོ། །དེ་ནས་རིག་སྔགས་འཆང་གིས་ལི་ཁྲི་བླངས་ཏེ་ཁྱིམ་དུ་ཁྱེར་ལ་དྲི་དང ། མེ་ཏོག་དང ། བདུག་པས་བརྒྱན་ནས་མར་གྱི་ངོ་ཞག་བརྒྱད་ཀྱི་བར་དུ་དུས་གསུམ་དུ་བཟླས་བརྗོད་ལན་བརྒྱད་བརྒྱ་བརྒྱད་བརྒྱ་བྱའོ། །དེ་ནས་རིག་སྔགས་འཆང་གིས་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་མཆོད་པ་བྱས་ལ་དྲི་དང ། མེ་ཏོག་དང ། བདུག་པ་རྣམས་ཀྱང་བཅོམ་ལྡན་འདས་མའི་སྔགས་ཀྱིས་དབུལ་ལོ། །རིག་སྔགས་ཀྱི་རྒྱལ་པོས་ནི།་བསྲུང་བར་བྱའོ། །དེ་ནས་རིག་སྔགས་འཆང་གིས་ལི་ཁྲི་བླངས་ཏེ་ཨ་ཤཝཏྠའི་ལོ་མ་བདུན་གྱི་སྟེང་དུ་བཞག་ལ་དྲོ་བར་གྱུར་གྱི་བར་དུ་རིག་སྔགས་བརྗོད་ན་འགྲུབ་པར་འགྱུར་ཏེ། གྲུབ་ནས་ཀྱང་ཐིག་ལེ་བྱས་ན་ལུས་མི་སྣང་བ་དང ། འདོད་རྒུར་སྒྱུར་བའི་གཟུགས་ཅན་དུ་འགྱུར་ལ་རིག་སྔགས་འཆང་ཐམས་ཅད་ཀྱིས་མི་སོད་ཅི་འདོད་པའི་ཁ་ཟས་རྣམས་ལོངས་སྤྱོད་ཅིང་ཚེ་ལོ་ལྔ་སྟོང་ཐུབ་པར་འགྱུར་རོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་སྐུ་གདུང་དང་ལྡན་པའི་མཆོད་རྟེན་
Ma96b
གྱི་དྲུང་དུ་མཆོད་པ་རྒྱས་པར་བྱས་ལ་ལྷ་བཤོས་ཀྱང་རབ་ཏུ་རྒྱས་པར་ཕུལ་ཏེ་བཅོམ་ལྡན་འདས་མས་ལས་ཐམས་ཅད་བྱའོ། །དེ་ནས་རིག་སྔགས་འཆང་གིས་མཆོད་རྟེན་གྱི་མདུན་དུ་ལྡོན་གྲོས་ཀྱི་རལ་གྲི་བྲིས་ལ་ལག་མཐིལ་དུ་རྡོ་རྗེ་བྲིས་ཏེ་ལག་པས་རལ་གྲི་བཟུང་ནས་འཕར་ཞིང་ཀུ་ཅོའི་སྒྲ་ཐོས་པར་གྱུར་གྱི་བར་དུ་རིག་སྔགས་ཀྱི་རྒྱལ་པོ་བརྗོད་པར་བྱའོ། །དེ་ནས་རིག་སྔགས་འཆང་གིས་བཅོམ་ལྡན་འདས་མ་དང ། རིག་སྔགས་ཀྱི་རྒྱལ་པོ་དང་བཅས་པར་དྲན་པར་བྱའོ། །དེ་ནས་ལག་ཏུ་འོང་བར་འགྱུར་ཏེ། དེ་ལག་ན་འོངས་པས་ཉི་མ་ཤར་བའི་མདོག་དང་ལྡན་ཞིང་སྐྲ་ལྕང་ལོ་འཁྱིལ་བ་ལོ་བཅུ་དྲུག་ལོན་པའི་གཟུགས་དང་ལྡན་པར་འགྱུར་ཏེ། འཁོར་ལོས་སྒྱུར་བ་མ་གཏོགས་པར་རིག་སྔགས་འཆང་ཐམས་ཅད་ཀྱིས་མི་སོད་པ་དང ། བུད་མེད་བདུན་གྱིས་བསྐོར་ནས་ནམ་མཁའ་ལ་འགྲོ་བར་འགྱུར་བ་དང ། སྡང་བར་སེམས་པ་གང་ཡིན་པ་དེ་དག་བསམ་པ་ཙམ་གྱིས་ཆོམ་པར་འགྱུར་ཏེ། ཚེ་ལོ་ཁྲི་སུམ་སྟོང་ཐུབ་པར་འགྱུར་རོ། །ལྷ་རྣམས། རྡོ་རྗེ་ཁྲོ་བོ་ཆེན་པོ་བདུད་རྩི་ཐབ་སྦྱོར་སྟོབས་དང་ཕ་རོལ་གནོན་པ་དཔག་ཏུ་མེད་པའི་ལས་རྣམས་ངས་བཤད་ཟིན་ཏོ། །འདི་ལ་དྲག་ཏུ་བསྐུལ་བའི་སྙིང་པོ་མཆོག་གི་རིག་སྔགས་ཀྱང་བཤད་པར་བྱའོ། །ན་མོ་བཛྲ་པཱ་ཎི་སྱ། ཧཱུཾ་ཛྭ་ལཱ་ན་ལཱ་ཡ་ཕཊ་
Ma97a
༄#། །སཝཱ་ཧཱ། །གསང་སྔགས་འདི་ནི། ཆོ་ག་རྒྱས་པ་ཐམས་ཅད་ལ་དྲག་ཏུ་སྐུལ་བ་ཡིན་ཏེ། རིག་སྔགས་ཐམས་ཅད་ཀྱང་འགྲུབ་པར་བྱེད་དོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་དྲི་དང ། མེ་ཏོག་དང ། བདུག་པ་ཕུལ་ནས་དཀྱིལ་འཁོར་ཙནྡན་དམར་པོས་སྐྱང་ནུལ་བྱུགས་ལ། ཀཱ་ར་བཱི་རའི་མེ་ཏོག་བརྒྱད་བརྒྱས་འཕགས་པ་ལག་ན་རྡོ་རྗེ་ལ་བསྣུན་ནས་འཕགས་པ་བདུད་རྩི་ཐབ་སྦྱོར་འགྲུབ་པར་འགྱུར་ཏེ། དེ་ཕྱིན་ཆད་ལས་ཐམས་ཅད་བྱེད་ནུས་པར་འགྱུར་རོ། །ལྷ་རྣམས། རྡོ་རྗེ་ཁྲོ་བོ་ཆེན་པོ་བདུད་རྩི་ཐབ་སྦྱོར་སྟོབས་དང་ཕ་རོལ་གནོན་པ་དཔག་ཏུ་མེད་པའི་ལས་རྣམས་ངས་བཤད་ཟིན་ཏོ། ། ཚངས་པས་བཤད་པའི་ལས་ཀྱང་བསྟན་པར་བྱ་སྟེ། སྲུང་བ་ནི། ལན་བདུན་བཟླས་བརྗོད་བྱས་པའི་ཐལ་བས་བྱའོ། །གདོན་བསྐྱོད་པ་ནི། མཐེ་བོས་བྱའོ། །ལོ་ཐོག་མ་རུངས་པར་བྱ་བ་ནི། ཡིད་ཀྱིས་བྱའོ། །ཆུ་མ་རུངས་པར་བྱ་བ་ནི། ལན་གསུམ་བཟླས་བརྗོད་བྱས་པའི་གསེག་མས་བྱའོ། །དགྲ་གསད་པར་འདོད་ན། དགྲ་གང་ན་འདུག་པ་དེ་ལོགས་སུ་ཁ་བལྟས་ཏེ་ཞག་བདུན་གྱི་བར་དུ་དུས་གསུམ་དུ་ལན་བརྒྱད་བརྒྱ་བརྒྱད་བརྒྱ་བཟླས་བརྗོད་བྱས་ན་ཞག་བདུན་གྱི་ཉིན་པར་དགྲ་འཆི་བར་འགྱུར་རོ། །བུད་མེད་དབང་
Ma97b
དུ་བྱ་བར་འདོད་ན། འཕགས་པ་ལག་ན་རྡོ་རྗེའི་མདུན་དུ་ཀ་ར་བཱི་རའི་མེ་ཏོག་བརྒྱད་བརྒྱས་འཕགས་པ་ལག་ན་རྡོ་རྗེ་ལ་བསྣུན་ན་དབང་དུ་འགྱུར་རོ། །ཁྲག་འཛག་པར་བྱ་ན།་ཞག་གསུམ་གྱི་བར་དུ་རྒྱ་སྐྱེགས་ཀྱི་སྦྱིན་སྲེག་བརྒྱད་བརྒྱ་བརྒྱད་བརྒྱ་བྱས་ན་ཁྲག་མང་དུ་འཛག་པར་འགྱུར་རོ། །འོ་མའི་སྦྱིན་སྲེག་བྱས་ན་ཞི་བར་འགྱུར་རོ། །ཕ་རོལ་གྱི་ཡུལ་འཁོར་གཞོམ་ན། སྔར་ངས་ལས་བཤད་པའི་ལས་གང་ཡིན་པ་དེས་རྐང་རྫས་ཀྱི་རྡུལ་གྱིས་ཞག་བདུན་གྱི་བར་དུ་སྦྱིན་སྲེག་བྱའོ། །ལྷ་རྣམས། ཚངས་པའི་སྙིང་པོ་ལ་དྲག་ཏུ་སྐུལ་པའི་གསང་སྔགས་ཀྱང་བཤད་པར་བྱའོ། །ན་མོ་བཛྲ་པཱ་ཎི་སྱ། ན་མཿ པི་ཏཱ་མ་ཧཱ་སྱ། ཨོཾ་སཝ་ཡཾ་བྷུ་བེ་ཛྭ་ལ་ཕཊ་སཝཱ་ཧཱ། མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་དྲི་དང ། མེ་ཏོག་དང ། བདུག་པ་ཡང་ཕུལ་ནས་མེ་ཏོག་དཀར་པོ་བརྒྱ་སྟོང་གིས་འཕགས་པ་ལག་ན་རྡོ་རྗེ་ལ་བསྣུན་ན། དེ་ནས་ཚངས་པས་དམ་པ་སྦྱིན་པར་འགྱུར་རོ། །ལྷ་རྣམས། ཚངས་པ་ཆེན་པོས་བཤད་པའི་རིག་སྔགས་ཀྱི་ལས་རྣམས་ངས་བཤད་ཟིན་ཏོ། །འཇིག་རྟེན་སྐྱོང་པ་བཞིས་བཤད་པའི་དགའ་བྱེད་གདོང་གི་ལས་ཀྱང་བཤད་པར་བྱེ་སྟེ། སྲུང་བ་ནི། ལན་བདུན་བཟླས་བརྗོད་བྱས་པའི་སྐུད་
Ma98a
༄#། །པས་བྱའོ། །དཀྱིལ་འཁོར་གྱི་ཆོ་ག་ལ་ནི། ལས་ཐམས་ཅད་ལ་ཡང་སྦྱར་བར་བྱའོ། །བཅོམ་ལྡན་འདས་མས་ནི། ལྷ་རྣམས་སྤྱན་དྲང་བར་བྱའོ།། སྙིང་པོས་ནི། སླར་གཏང་བར་བྱའོ། །གདོན་ཐམས་ཅད་ཀྱི་མཚམས་གཅད་པ་ནི། ཡིད་ཀྱིས་བྱ་སྟེ། དགྲོལ་བ་ཡང་ཡིད་ལ་བྱའོ། །དགྲ་གཞིག་པར་འདོད་ན། མར་གྱི་ངོ་ཞག་བརྒྱད་ལ་བརྩམས་ཏེ་དུས་གསུམ་དུ་ཕུབ་མའི་སྦྱིན་སྲེག་ལན་བརྒྱད་བརྒྱ་བརྒྱད་བརྒྱ་སྦྱིན་སྲེག་བྱས་ན། ཞག་བདུན་གྱི་ཉིན་པར་དགྲ་འཇིགས་པར་འགྱུར་རོ།། སྐྱེས་པ་དབང་དུ་བྱ་ན། ཡར་གྱི་ངོ་ཚས་བདུན་ལ་བརྩམས་ཏེ་འཕགས་པ་ལག་ན་རྡོ་རྗེའི་མདུན་དུ་མཆོད་པ་བྱས་ནས་ཨརྒའི་ཤིང་གིས་མི་སྦར་ལ་ཏིལ་ནག་པོས་སྦྱིན་སྲེག་ལན་བརྒྱད་སྟོང་བྱས་ན་དབང་དུ་འགྱུར་རོ། །བུད་མེད་དབང་དུ་བྱ་ན། འཕགས་པ་ལག་ན་རྡོ་རྗེའི་མདུན་དུ་འབྲས་ཡོས་ཀྱིས་ལན་བརྒྱད་སྟོང་སྦྱིན་སྲེག་བྱས་ན་བུད་མེད་དབང་དུ་འགྱུར་རོ། །གདོན་གྱིས་ཟིན་པ་རྣམས་ལ་ནི། ལན་བདུན་བཟླས་བརྗོད་བྱས་པའི་ཡུངས་ཀར་གྱིས་གཏོར་བས་ཞི་བར་འགྱུར་རོ། །བཟླས་བརྗོད་བྱས་པ་ཙམ་གྱིས་ནི། གདོན་ཐམས་ཅད་སྐྲག་པར་འགྱུར་རོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་མཆོད་པ་བྱས་ནས་
Ma98b
བྱང་ཆུབ་ཀྱི་ཤིང་གིས་བུད་ཤིང་ལ་མེ་སྦར་ནས་ཨ་པ་ར་ཛི་ཏ་དཀར་པོའི་མེ་ཏོག་གིས་ལན་བརྒྱད་སྟོང་སྦྱིན་སྲེག་བྱས་ན། དགའ་བྱེད་གདོང་གིས་དམ་པ་སྦྱིན་པར་འགྱུར་རོ། ། གདོན་གྱིས་ཟིན་པ་རྣམས་ལ་ཨ་པར་ཙི་ཏའི་མེ་ཏོག་ལན་བདུན་བཟླས་བརྗོད་བྱས་ཏེ་གདོན་གྱི་ཁ་ཟས་ཀྱི་ནང་དུ་བྱིན། གདོན་ལག་པ་ཕན་ཚུན་འཆིང་བར་བྱེད་ཅིང་ཀུན་ཏུ་རྒྱུག་སྟེ་ཅི་བསྒོ་བ་བཞིན་བྱེད་པར་འགྱུར་རོ། །ཆོ་ག་རྒྱས་པའི་རྒྱུད་ཕྱི་མ་དང་བཅས་པ་མཐོང་ཞིང་ལྡན་པ་དེ་ལ་ནི། གདོན་རྣམས་ཀྱང་འབྱེར་ཞིང་ལྷ་རྣམས་ཀྱང་ཡིད་དགའ་བར་འགྱུར་རོ། །གདོན་རྣམས་ཀྱིས་ཀྱང་མ་འདོད་ཅིང་མཐོང་ན་འབྱེར་བར་འགྱུར་རོ། ལྷ་རྣམས། འདི་དག་གི་སྙིང་ལ་དྲག་ཏུ་སྐུལ་བའི་གསང་སྔགས་སྔགས་ཀྱང་བཤད་པར་བྱའོ། །ན་མོ་བཛྲ་པཱ་ཎི་སྱ། བཛྲིཾ་བཛྲིཾ་བ་ལོ་ཀ་པཱ་ལཱ་ཡ་སཝཱ་ཧཱ། མར་གྱི་ངོ་ཞག་བཅུ་བཞི་ལ། །གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་མཆོད་པ་བྱས་ནས་ལན་བརྒྱད་སྟོང་སྦྱིན་སྲེག་བྱས་ན་དགའ་བྱེད་གདོང་གིས་དམ་པ་སྦྱིན་པར་བྱེད་དོ། །རིག་སྔགས་ཐམས་ཅད་ལ་ཡང་སྒྲུབ་པའི་ཚེ་ཐོག་མ་ཁོ་ནར་སྙིང་ལ་དྲག་ཏུ་སྐུལ་བའི་གསང་སྔགས་ཀྱིས་མར་དང་གུ་གུལ་གྱིས་ལན་བརྒྱད་བརྒྱ་སྦྱིན་སྲེག་བྱས་ལ་དེ་ནས་རིག་སྔགས་བསྒྲུབ་པར་བྱའོ། །ལས་ཀྱི་མཇུག་ཏུ་ཡང་
Ma99a
༄#། །ཡུངས་ཀར་མར་དང་སྦྱར་བས་ལན་བརྒྱད་བརྒྱ་སྦྱིན་སྲེག་བྱའོ། །དེ་ནས་བྱས་ན་ལས་དེས་དྲག་ཏུ་སྐུལ་བའི་རིག་སྔགས་ཐམས་ཅད་ཀྱིས་དངོས་གྲུབ་སྦྱིན་པར་བྱེད་དོ། །དེ་ནས་ལྷ་དག་ལས་འདི་ཐོས་པས་ཡིད་འཇིགས་ཤིང་སྙིང་འདར་ཏེ་ལག་ན་རྡོ་རྗེའི་ཞལ་དུ་ལྟའོ། །དེ་ནས་བཅོམ་ལྡན་འདས་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །བཟོད་ལྡན་དག་།ཁྱེད་སེམས་རྩེ་གཅིག་ཏུ་གྱིས་ལ་ཉོན་ཅིག་།ཅི་སྟེ་དམ་ཚིག་འདི་ལས་འགལ་བར་བྱས་ཏེ་དངོས་གྲུབ་སྦྱིན་པར་མི་བྱེད་ན། ངས་རྡོ་རྗེ་ཀུན་ཏུ་འབར་བས་སྤྱི་བོ་གཤེག་གོ་།དེ་ནས་རྡོ་རྗེ་ཁྲོ་བོས་ཅ་ཅོའི་སྒྲ་བོན་ཏེ་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེ་གང་ན་བ་དེར་སོང་སྟེ་ཕྱིན་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས། ཁྱེད་ཀྱིས་སེམས་ཅན་ཐམས་ཅད་ལ་ཕན་པའི་ཕྱིར་ཞུས་ཏེ་ཆོ་ག་རྒྱས་པ་ཆེན་པོ་རིག་པ་མཆོག་གི་རྒྱུད་ཕྱི་མ་དང་བཅས། གསང་བ་དང་བཅས་པར་བཤད་ན། བདག་གིས་ཀྱང་སེམས་ཅན་རྣམས་ཀྱི་དོན་གྱི་ཕྱིར་དང ། གདོན་དང་དྲག་ཤུལ་ཅན་མི་རྣམས་ལ་གང་འཚེ་བ་ཡིན་པའི་གདོན་དེ་དག་ངེས་པར་གཞིག་པའི་ཕྱིར་བཅོམ་ལྡན་འདས་ལ་འབྲི་བར་བགྱིའི།
Ma99b
བཅོམ་ལྡན་འདས། སྙིང་རྗེའི་སེམས་ཀྱིས་གདོན་རྣམས་ཀྱི་རུས་དང ། རིགས་མིང་དེ་དག་བདག་ལ་གསུངས་ཤིག་།དེ་སྐད་ཅེས་སྨྲས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བཅོམ་ལྡན་འདས་ལག་ན་རྡོ་རྗེས་རྡོ་རྗེ་ཁྲོ་བོ་ལ་འདི་སྐད་ཅེས་སྨྲས་སོ། །བདུད་རྩི་ཐབ་སྦྱོར། གང་ཁྱོད་སེམས་ཅན་ལ་ཕན་པའི་ཕྱིར་ཞུགས་ཏེ། སེམས་ཅན་རྣམས་ཀྱི་དོན་གྱི་ཕྱིར་གདོན་རྣམས་ཀྱི་རུས་དང ། མིང་ང་ལ་དྲིས་པ་ལེགས་སོ་ལེགས་སོ། །དེ་ངས་བཤད་པ་བཞིན་དུ་ཉོན་ཅིག་།འཇིག་རྟེན་དག་ན་གདོན་རྣམས་ནི།། དྲག་ཅིང་སྦྱོར་བ་སྣ་ཚོགས་ཡོད། །གདོན་ཡོད་དེ་དག་ཅི་འདྲ་བ། །གོ་རིམ་བཞིན་དུ་བཤད་པར་བྱ། །གདོན་རྣམས་སྟོང་ཕྲག་བརྒྱད་ཅུ་ནི། །མི་ཡི་འཇིག་རྟེན་དག་ན་གནས།། དེ་ལས་ས་འདིར་རྒྱུ་བ་ཡི། །གདོན་ནི་བཅོ་བརྒྱད་ཤེས་པ་དང ། །གདོན་རྣམས་འོང་བར་འཇུག་པ་དང ། །དེ་བཞིན་མཚན་མ་དག་དང་ནི། །གསོ་རུང་མི་རུང་དཔྱད་པ་དང ། ། གསོ་བའི་ཐབས་ནི་ཐ་དད་དང ། །རིགས་རྣམས་ལ་ནི་གང་བསྟེན་དང ། །གང་གི་རུས་ནི་གང་ཡིན་དང ། །དེ་ལས་གཞན་ཡང་བཤད་བྱ་སྟེ། །ངས་བཤད་དེ་ནི་མཉན་པར་གྱིས། །གཟུགས་ཀྱང་མེད་ལ་དྲི་ཡང་མེད། །སྒྲ་ཡང་མེད་ཅིང་ཁྱད་པར་དུ། །ཉན་དུ་མེད་ཅིང་བལྟར་མེད་དེ། །མཚན་མ་ཙམ་ལས་ཤེས་པར་བྱ། །མེ་ལོང་དང་ནི་ཆུ་དག་
Ma100a
༄#། །ལས། །གྲིབ་མ་ཇི་ལྟར་སྣང་བ་བཞིན། །དེ་ལྟར་དེ་དག་རྟོགས་བྱ་ཞིང ། །དེ་ལས་གདོན་རྣམས་ཤེས་པར་བྱའོ། །ཐམས་ཅད་རླུང་དང་འདྲ་བ་སྟེ།། མཐོང་བ་ཙམ་གྱིས་འཛིན་པར་བྱེད། །མཚན་མ་དང་ནི་ཚུལ་རྣམས་དང ། །སྤྱོད་པས་ཀྱང་ནི་རྟོགས་པར་བྱ། །གདོན་རྣམས་ལུས་ལ་ཞུགས་ན་ནི། །མི་ལས་མི་མ་ཡིན་པར་བྱེད། །གྲིབ་མ་དང་ནི་འགྲོས་དང་མདོག་།དེ་བཞིན་ང་རོ་འགྱུར་བར་བྱེད། །གདོན་རྣམས་རིགས་བཞི་ཡན་ལག་བཞི། །རྣམ་པ་བཞི་ཡོད་ཤེས་པར་བྱ། །རིགས་བཞི་དག་ལ་སྤྱོད་པ་ཡང ། །མདོར་ན་དེ་དག་ཤེས་པར་བྱ། །རླུང་ཅན་གྱིས་ནི་རླུང་ཅན་འཛིན། །དེ་དག་གི་ནི་མིང་དང་གཟུགས། །སོ་སོར་ཡང་ནི་བཤད་བྱ་སྟེ། །གཅིག་ནི་ལྷ་གདོན་ཤེས་པར་བྱ། །གཅིག་ནི་འབྱུང་པོའི་གདོན་ཡིན་ཏེ། །དེ་བཞིན་གཅིག་ནི་དྲི་ཟ་ཉིད། །གཅིག་ནི་གནོད་སྦྱིན་གདོན་ཡིན་ཏེ། ། གཅིག་ནི་སྲིན་པོར་ཤེས་པར་བྱ། །ཤ་ཟའི་གདོན་ནི་རྣམ་གསུམ་དང ། །ཀླུ་ཡི་གདོན་ནི་ཤེས་པར་བྱ། །ཚངས་པའི་སྲིན་པོ་ཉིད་དང་ནི། །ལོག་འདྲེན་གདོན་ནི་ཤེས་པར་བྱ། །དེ་བཞིན་བརྗེད་བྱེད་གདོན་དག་དང ། །གཞོན་ནུའི་གདོན་ནི་རྣམ་བཞིར་ཤེས། །གཅིག་ནི་སྨྱོ་བྱེད་ཉིད་ཡིན་ཏེ། །ལྷ་མིན་གདོན་ནི་ཤེས་པར་བྱ།།
Ma100b
དེ་ལྟར་གདོན་རྣམས་བཅོ་བརྒྱད་དེ། །གང་གི་ཚེ་ན་གང་རྒྱུ་དང ། །གང་གི་དུས་ནི་གང་ཡིན་དང ། །གང་གི་མདོག་ནི་ཅི་འདྲ་བ། །དེ་ནི་བདག་གིས་བཤད་ཀྱི་ཉོན། །གདོན་རྣམས་བཅོ་བརྒྱད་གང་ཡིན་པ། །དུས་ཚིགས་དག་ཏུ་འཛིན་བྱེད་དེ། །ལོ་གྲངས་བཅུ་གཉིས་ལོན་པ་ཡི། །གདོན་རྣམས་གསོ་རུ་རུང་བར་བཤད། །དེ་ལས་འདས་པར་གནས་པ་ཡི། །གསོ་རུ་རུང་བ་མ་ཡིན་ནོ། །དེ་ལས་གཞན་ཡང་མཚན་རྣམས་ཀྱིས། །ཁྱད་པར་དག་ཀྱང་བཤད་པར་བྱ། །ལྷ་གདོན་ཤེས་པར་བྱ་བ་ལ། །དེ་ནི་གཏོར་མ་འདོད་པ་སྟེ། །རིགས་བཞི་སོ་སོར་རྒྱུ་བར་བྱེད། །གཙང་ཞིང་གཙང་སྦྲ་སྤྱོད་པ་དང ། །དཀའ་ཐུབ་གནོད་པ་མཐར་ཕྱིན་དང ། །ཚུལ་ཁྲིམས་ལྡན་པའི་མི་དག་ལ། ། ལྷ་ཡི་གདོན་ནི་འཛིན་པར་བྱེད། །ལྷ་ཡི་གདོན་གྱིས་ཟིན་པ་ནི། །ཤེས་པས་ལེགས་པར་རྟོགས་བྱ་སྟེ། །དགའ་བར་མི་འགྱུར་འཁྲུག་མི་འགྱུར། །ཁ་ཟས་ལ་ཡང་མི་སེམས་ལ། །ཅུང་ཟད་ཀྱང་ནི་སྨྲར་མི་བྱེད། །དེ་ནི་གཉིད་ཀྱང་མི་ལོག་སྟེ། །ཕྱི་ས་དང་ནི་གཅིན་དག་ཀྱང ། །རང་དགར་འབྱུང་བར་མི་འགྱུར་ལ། །ཁྲུས་བྱས་ཁྲུས་མ་བྱས་ཀྱང་རུང ། །དྲི་བསུང་མང་པོའི་ངད་ལྡན་ཞིང ། །དེ་ཡི་གདོང་ནི་པདྨ་བཞིན། །ལེགས་པར་བྱས་པར་འགྱུར་བ་སྟེ། །གང་ལ་ཚུལ་ནི་འདི་དག་ཡོད། །དེ་ནི་ལྷ་ཡི་གདོན་
Ma101a
༄#། །དུ་བཤད། །གང་གིས་བདེ་བར་འགྱུར་བ་ཡི། །གཏོར་མའི་ཆོག་འདི་དག་བྱ། །མེ་ཏོག་དྲི་དང་མེ་ཏོག་ཕྲེང ། །མར་མེ་ཡང་ནི་དེ་ལ་སྦྱིན། ། པདྨ་ཨུཏྤལ་པུ་ཤེལ་ཙེ། །ཆང་དང་འབྲས་ཆན་སྦྱིན་དུ་གཞུག་།གདུགས་དཀར་དག་བྱེད་སྲད་བུ་དང ། །དེ་བཞིན་མེ་ཏོག་ཕྲེང་དཀར་དག་།དེ་ན་ལྷ་ཡི་གནས་ཀྱང་རུང ། །ལམ་གྱི་བཞི་མདོར་སྦྱིན་པར་བྱ། །གཏོར་མའི་ལས་ནི་འདི་ཉིད་ཀྱིས། །གདོན་དེ་མྱུར་དུ་གཏོང་བར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བ། །འདི་ནི་དེ་ལ་སྦྱར་བར་བགྱི། །ན་ག་ཏ་མ་ཤྲ་ཤ་ཡི། །མེ་ཏོག་རྩ་བ་འབྲས་བུ་དང ། །ཤུན་ཕྲགས་དང་ནི་དེ་བཞིན་དུ། །ཤུ་དག་དཀར་པོ་ཡུངས་ཀར་དང ། །ཚོགས་རྣམས་དེ་དག་བསགས་ནས་ཀྱང ། །མེ་ནི་ཆུང་ངུས་བྱས་པ་ལ། །མར་ནི་ཕུལ་བཞིའི་ནང་དུ་བཙོ། །དེ་ནས་དེ་ལ་བླུད་པར་བྱ། །དེ་བཞིན་དུ་ནི་སྣར་ཡང་བླུགས། །མིག་བསྐུས་ལུས་བྱུགས་འཇིགས་བར་འགྱུར། །སྣར་བླུགས་འཇིགས་པས་གཟིར་བ་དང ། །མར་འཐུངས་པས་ཀྱང་འཇིགས་གྱུར་ནས། །གདོན་དེ་རབ་ཏུ་འབྲོས་པར་འགྱུར། །ཅི་སྟེ་དེས་ཀྱང་མ་བཏང་ན། །ལས་འདི་ཡང་ནི་ལེགས་པར་བརྩམ། །རྒྱལ་བའི་བློ་གྲོས་མའི་སྔགས་ཀྱིས་དུར་ཁྲོད་ཀྱི་སོལ་བ་ལས་
Ma101b
གཟུགས་བརྙན་བྱས་ལ་རྡོ་རྗེ་ལྕགས་སྒྲོག་གིས་བཅིངས་ནས་མདུན་དུ་གཟུགས་བརྙན་མཚོན་རྣོན་པོས་བཅད་ན། གདོན་གྱིས་ཀུ་ཅོ་བཏོན་ཏེ་འབྲོས་པར་འགྱུར་རོ། །ཅི་སྟེ་དེ་ལྟར་བྱས་ཀྱང་མ་བྲོས་ན། རྒྱལ་བའི་བློ་གྲོས་མས་ལན་ཚཝ་དང་སྐེ་ཚེ་ལན་བརྒྱད་བརྒྱས་བྱས་ན་ཀུ་ཅོ་བཏོན་ཏེ་འབྲོས་པར་འགྱུར་རོ། །ལྷའི་གདོན་གྱི་སྐབས་རྫོགས་སོ།། །།སྔར་བཤད་པ་ནི་གང་ཡིན་པའི། །འབྱུང་པོའི་གདོན་ཡང་ཤེས་པར་བྱ། །བྲམ་ཟེ་དང་ནི་རྒྱལ་རིགས་ལ། །འཛིན་པར་བྱེད་དེ་དེ་བཞིན་དུ། །དེ་ནི་གཏོར་མ་འདོད་ཕྱིར་རྒྱུ། །དེ་ཡི་ཚུལ་རྣམས་ང་ལ་ཉོན། །གཙང་ཞིང་གཙང་སྦྲར་སྤྱོད་པ་དང ། །གཟུགས་བཟང་བ་ཡི་མི་རྣམས་ལ། །འབྱུང་པོའི་གདོན་ནི་འཛིན་པར་བྱེད། །དེ་ཡི་ཚུལ་རྣམས་ང་ལས་ཉོན། །ཚེས་གྲངས་བཅུ་གསུམ་བཅུ་བཞི་འང་རུང ། །གཉི་གའི་ཕྱོགས་ལའང་དེ་བཞིན་ཏེ། །བཅུ་བཞི་ལ་ནི་རྟག་པ་ཡིན། །དགའ་སྟོན་དག་དང་འདུས་པ་དང ། །ལྷ་རྣམས་ཀྱི་ནི་གནས་དག་དང ། །སྐབས་འདི་དག་ཏུ་གཟུགས་བཟང་བའི། །མི་རྣམས་ལ་ནི་འཛིན་པར་བྱེད། །གཙང་ཞིང་གཙང་སྦྲར་སྤྱོད་པ་དང ། །དཀའ་ཐུབ་གདོན་པ་མཐར་ཕྱིན་དང ། །རྟག་ཏུ་གོས་དཀར་གྱོན་པ་དང ། །སྨྱུང་བ་དགའ་བ་དེ་བཞིན་ནོ། །འབྱུང་པོའི་གདོན་གྱིས་
Ma102a
༄#། །ཟིན་པ་ཡི། །ཚུལ་འདི་དག་ནི་ང་ལ་ཉོན། །སེམས་པ་དང་ནི་དགོད་པ་དང ། །ནམ་མཁའ་ལ་ནི་ལྟ་བར་བྱེད། །མདོག་ཀྱང་ནམ་མཁའ་འདྲ་བར་འགྱུར། །གསེར་གྱི་མདོག་ལྟར་མཛེས་པ་སྟེ། །ཟས་དང་སྐོམ་ལ་དགའ་བ་དང ། །ལྷ་དང་བྲམ་ཟེ་མཆོད་ལ་དགའ། །འབྱུང་པོའི་གདོན་གྱིས་ཟིན་པ་ཡི། །མཚན་མ་ཡང་ནི་དེ་དག་ཡིན། །དེ་ནི་གང་གིས་བདེར་འགྱུར་བའི། །གསོ་བའི་ཐབས་ཀྱང་བཤད་པར་བྱ། །ཏིལ་ཟན་དང་ནི་འབྱུང་པོའི་ཟས། །ཤ་བཙོས་རྗེན་པ་དེ་བཞིན་ཏེ། །མེ་ཏོག་དྲི་དང་གཏོར་མ་དང ། །མེ་ཏོག་ཕྲེང་བ་སྣ་ཚོགས་པ། །གཏོར་མ་དེ་དག་བསྡུས་ནས་ནི། །ལྷོ་ཕྱོགས་སུ་ཡང་སྦྱིན་པར་བྱ། །རྡོ་རྗེ་སེར་སྐྱའི་སྔགས་ཀྱིས་ཀྱང ། །སྲེག་བླུགས་གསུམ་དང་བདུན་པ་དབུལ། །གཏོར་མའི་ལས་ནི་འདི་ཉིད་ཀྱིས། །གདོན་དེ་མྱུར་དུ་གཏོང་བར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །གནད་མ་ལ་དུ་མ་བི་དང ། །བ་ལ་ཨ་ཏི་བ་ལ་དང ། །པུ་ཤེལ་ཙི་དང་ཐལ་ཏྲེ་ས་དང ། །ཤུ་ག་ན་ས་སྒོག་པ་དང ། །ཚོགས་རྣམས་དེ་དག་བསགས་ནས་ནི། །མར་ནི་ཕུལ་གང་བཞི་དག་དང ། །བ་གཅིན་ཕུལ་བཞིའི་ནང་དུ་བཙོ། །མེ་ནི་ཆུང་ངུས་
Ma102b
བཙོ་བར་བྱ། །དེ་ནས་དེ་དག་བླུད་པར་བྱ། །དེ་བཞིན་དུ་ནི་སྣར་ཡང་བླུགས། །མིག་བསྐུས་ལུས་བྱུགས་འཇིགས་གྱུར་ནས། །འབྱུང་པོ་རབ་ཏུ་འབྲོས་པར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །རྡོ་རྗེ་སེར་སྐྱའི་སྔགས་ཀྱིས་ལས་བརྩམས་ཏེ། དཀྱིལ་འཁོར་བྲིས་ནས་ལན་ཚཝ་དང ། །སྐེ་ཚེའི་སྦྱིན་སྲེག་ལན་བརྒྱད་བརྒྱ་བྱས་ན། གདོན་གྱིས་ཀུ་ཅོ་བཏོན་ཏེ་འབྲོས་པར་འགྱུར་རོ། །འབྱུང་པོའི་གདོན་གྱི་སྐབས་རྫོགས་སོ། ། སྔར་བཤད་པ་ནི་གང་ཡིན་པའི། །དྲི་ཟའི་གདོན་ཡང་ཤེས་པར་བྱ། །བྲམ་ཟེ་རྒྱལ་རིགས་འཛིན་པར་བྱེད། །ཡར་གྱི་ངོ་ཡི་ཚེས་བཅུ་གཉིས། །མར་གྱི་ངོ་ཡང་དེ་བཞིན་ཏེ། །དྲི་ཟ་རྟག་ཏུ་རྒྱུ་བར་བྱེད། །ལྷག་མའི་དུས་སུ་འཚེ་མི་བྱེད། །གཏོར་མ་འདོད་ཅིང་ཞི་ལ་དགའ། །གདོན་དེ་དགའ་བ་འདོད་པ་སྟེ། །གླུ་ལ་དགའ་ཞིང་དགའ་ལ་སྲེད། །གཙང་ཞིང་གཙང་སྦྲར་སྤྱོད་པ་དང ། །གཟུགས་བཟང་བ་ཡི་མི་དག་ལ། །དྲི་ཟ་དག་ནི་སྟེན་པར་བྱེད། །དེ་ཡི་ཚུལ་ནི་ང་ལ་ཉོན། །གླུ་ལེན་ཅིང་ནི་གར་བྱེད་ཅིང ། །ཁ་ནས་རོལ་མོའི་སྒྲ་ཡང་འབྱིན། །ཟས་དང་སྐོམ་ལ་དགའ་བར་བྱེད། །དེ་བཞིན་ཁྲུས་དང་ཕྲེང་ལ་དགའ། །རྒྱན་དང་གཏམ་གྱི་ཚུལ་ལ་
Ma103a
༄#། །དགའ། །ཆགས་ཤིང་དྲི་ཞིམ་དང་ཀྱང་ལྡང ། །དྲི་ཟ་ཡི་ནི་ཟིན་པ་ཡིས། །མཚན་མ་རྣམས་ནི་དེ་དག་ཡིན། །གང་གིས་དེ་ནི་བདེར་འགྱུར་བ། །གསོ་བའི་ཐབས་ཀྱང་བསྟན་པར་བྱ། །གཙང་ཞིང་གཙང་སྦྲར་སྤྱོད་པ་དང ། །དགའ་བཞིན་པས་ནི་གསོ་བར་བྱ། །མེ་ཏོག་ཕྲེང་དམར་དེ་བཞིན་ཏེ། །འབྲས་ཆན་དམར་པོའང་དེ་བཞིན་ཏེ། །བ་དན་དམར་པོ་སྦྱིན་པར་བྱེད། །ཙནྡན་དམར་པོ་ཉིད་དག་དང ། །སྐུད་པ་དམར་པོ་དག་དང་ནི། །དེ་དག་ཐམས་ཅད་སྦྱིན་པར་བྱ། ། ནད་པ་གོས་དམར་བསྐོན་བྱས་ལ། །མེ་ཏོག་ཕྲེང་མར་བྱུག་བར་ལྡན། །མེ་ཏོག་ཕྲེང་མར་ལུས་བསྐུས་པའི། །དགེ་སློང་བྲམ་ཟེ་བཀྲ་ཤིས་གདོན། །ཁ་ཟས་དམར་པོ་བྱིན་ནས་ཀྱང ། །དེ་ནས་ནུབ་མོ་གཏོར་མ་སྦྱིན། །གཏོར་མའི་ལས་ནི་འདི་ཉིད་ཀྱིས། །གདོན་དེ་མྱུར་དུ་གཏོང་བར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །གསོད་དང་ཚ་བ་གསུམ་པོ་དང ། །སེང་ལྡེང་གི་ནི་སྙིང་པོ་དང ། །རྩ་བ་ལྔ་པ་གཉིས་ཀྱང་འཇུག། སྒོག་སྐྱ་བརྒྱ་ཡང་གཞུག་པར་བྱ། །དེ་ནས་ཚོགས་རྣམས་བསགས་ནས་ཀྱང ། །མར་ནི་ཕུལ་གང་བཞི་དག་དང ། །བ་གཅིན་བཞི་ཆས་བཙོ་བྱ་ཞིང ། །མེ་ནི་ཆུང་ངུས་
Ma103b
བཙོ་བར་བྱ། །དེ་ནས་དེ་ལ་བླུད་པར་བྱ། །དེ་བཞིན་དུ་ནི་སྣར་ཡང་བླུགས། །མིག་བསྐུས་ལུས་བྱུགས་འཇིགས་པར་འགྱུར། །སྣར་བླུགས་འཇིགས་པས་གཟིར་བ་དང ། ། མར་འཐུངས་བས་ཀྱང་འཇིགས་གྱུར་ནས། །གདོན་དེ་རབ་ཏུ་འབྲོས་པར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །དཀྱིལ་འཁོར་གྱི་དབུས་སུ་རྡོ་རྗེ་མའམ། ཡང་ན་བདུད་རྩི་ཐབ་སྦྱོར་གྱིས་ནིམ་པའི་ཡམ་སྲེག་ཤིང་དུག་དང་ཁྲག་གི་ནང་དུ་སྨྱུགས་པ་བརྒྱད་སྟོང་སྦྱིན་སྲེག་བྱས་ན། དེ་ནས་གདོན་དུ་ཞིང་འབྲོས་པར་འགྱུར་ཏེ། གདོན་རྣམ་པ་གསུམ་པོ་འདི་དག་གང་གིས་མགོ་གས་ནས་འབྲོས་པར་འགྱུར་བའི་ངོ་ལོན་རྣམ་པ་སྣ་ཚོགས་ཀྱིས་གཞིག་པར་བྱའོ། །གདོན་བཅོ་བརྒྱད་ལས་ཀྱང་དེ་བཞིན་དུ་གསོ་བར་བྱའོ། །དེ་ནས་རྡོ་རྗེ་འཛིན་པའི་སྔགས་ནི། ཕོ་ཉ་མོ་རྡོ་རྗེ་མའི་སྔགས་ཏེ། ན་མ་ཤྩཎྜ་བཛྲ་པཱ་ཎི་སྱ། མ་ཧཱ་ཡཀྵ་སེ་ན་པ་ཏི་སྱ། ཏདྱ་ཐཱ། ཛི་ཛི་རུ་རུ། ཁུ་རི་བི་ཁུ་རི། ཏིཥྛ་ཏིཥྛ། པ་ལ་ཡ། ཡཏ་ཏད། བཛྲ་པཱ་ཎི་སྱ། ཨ་གྲ་ཏོ་བ་ཤི། ཏ་ན་ཏ་ན། སྨ་ར་སྨ་ར། བནྡྷ་བནྡྷ་སཝཱ་ཧཱ། ན་མོ་ར་ཏྣ་ཏྲ་ཡཱ་ཡ། ན་མོ་བཛྲ་ཀྲོ་དྷཱ་ཡ། ཧུ་ལུ་ཧུ་ལུ། ཏིཥྛ་ཏིཥྛ། ཨ་མྲྀ་ཏ་ཀུཎྜ་ལི། ཁ་ཁ་ཁཱ་ཧི་ཁཱ་ཧི། བནྡྷ་བནྡྷ་སཝཱ་ཧཱ། དྲི་ཟའི་གདོན་
Ma104a
༄#། །གྱི་སྐབས་རྫོགས་སོ།། །།སྔར་བཤད་གང་ཡིན་ཚངས་པ་ཡི། །སྲིན་པོའི་གདོན་ཡང་ཤེས་པར་བྱ། །གཏུམ་ཞིང་དྲག་ལ་སྟོབས་པོ་ཆེ། །ལྕི་ལ་ཚུགས་པར་དཀའ་བ་སྟེ། །ཡར་གྱི་ངོ་ཡི་ཚེས་བརྒྱད་དང ། །ཟླ་བ་ཉ་ལ་འཛིན་པར་བྱེད། །གདོན་དང་དཀའ་ཐུབ་ལྡན་པ་དང ། །ཚངས་པར་སྤྱོད་ལ་གནས་པ་ལ། །ཚངས་པའི་སྲིན་པོ་འཛིན་པར་བྱེད། །ལྷ་ལ་འདྲན་ཏོར་བྱེད་པ་དང ། །གང་ཞིག་སྙིང་ནི་སྡང་བ་དང ། །བྲམ་ཟེ་མ་ཡིན་བྲམ་ཟེར་སྨྲ། ། བྲམ་ཟེ་གང་དག་གཙང་སྦྲ་ཉམས། །དཔའ་བོ་གང་དག་འདྲན་ཏོར་བྱེད། །ལྷ་གནས་དག་ཏུ་གར་རྩེ་ཞིང ། །ཚངས་པར་སྤྱོད་ལས་ཉམས་གྱུར་པ། །དེ་ལ་ཚངས་པའི་སྲིན་པོ་འཚེ། །དེ་ཡི་ཚུལ་ནི་ང་ལ་ཉོན། །གཤེ་ཞིང་འགྱོད་པར་བྱེད་པ་དང ། །གར་ཡང་བྱེད་ཅིང་གདོན་པར་བྱེད། །བསྒྲགས་པར་མི་འགྱུར་སྨྲ་མི་བྱེད། །ལྷ་རྣམས་ལ་ཡང་མཆོད་བྱེད་ཅིང ། །བྲམ་ཟེ་མཐོང་ན་མཆོད་པར་བྱེད། །རྡོ་བ་དག་དང་ཤིང་དག་དང ། །དེ་བཞིན་ལག་པ་རྐང་པ་ཡིས། །རང་གི་ལུས་ལ་གནོད་པར་བྱེད། །ཚངས་པའི་སྲིན་པོས་ཟིན་པ་ནི། །སྙན་ཚིག་རིག་བྱེད་ལྷུར་ལེན་ཅིང ། །ངེས་བརྗོད་རིག་བྱེད་རྗོད་པར་བྱེད། །བསྟན་བཅོས་ཀུན་ལ་མཁས་པ་སྟེ། །དྲི་བ་
Ma104b
དག་ཀྱང་འདྲི་བར་བྱེད། །སྔགས་འཆང་ལ་ནི་བརྙས་པར་བྱེད། །དགོད་ཅིང་རབ་ཏུ་རྒྱུག་པར་བྱེད། །ཚངས་པའི་སྲིན་པོས་ཟིན་པ་ཡི། །མཚན་མ་ཡང་ནི་དེ་དག་ཡིན། ། གང་གིས་གདོན་དེ་གཏོང་འགྱུར་བ། །དེ་ཡི་གཏོར་མ་བཤད་པར་བྱ། །ནས་ནི་བྲེ་གསུམ་བཙོས་པ་དང ། །དེ་བཞིན་འཁུར་བ་ཏིལ་ཟན་དང ། །མེ་ཏོག་ཕྲེང་དམར་བདུག་པ་དང ། །ཤིང་ཐོག་རྣམ་པ་སྣ་ཚོགས་དག་།ཏིལ་ནག་དེ་བཞིན་འབྲས་ཡོས་དང ། །དེ་བཞིན་ཞོ་དང་འོ་མ་དང ། །གང་བའི་སྣོད་དང་དེ་བཞིན་གདུགས། །དེ་ཡི་བྱུག་པ་ཤུ་དག་སྟེ། །ཁྲུས་བྱས་བསྒྲིམས་ཏེ་གཙང་བྱས་པས། །ལྷོ་ཕྱོགས་སུ་ནི་སྦྱིན་པར་བྱ། །གཏོར་མའི་ལས་ནི་འདི་ཉིད་ཀྱིས། །གདོན་ནི་མྱུར་དུ་གཏོང་བར་འགྱུར། ། ཅི་སྟེ་དེས་ཀྱང་མ་བཏང་ན། །གདོན་དེ་མྱུར་དུ་གཏོང་བ་ཡི། །ཐབས་གཞན་འདི་ནི་སྦྱར་བར་བྱ། །ནག་ཏ་མ་ལ་ཤྲི་ཤ་ཡི། །འབྲས་བུ་རྩ་བ་ཤུ་ཕྲགས་དང ། །དེ་བཞིན་མེ་ཏོག་ཐམས་ཅད་དང ། །པ་ཏ་ལི་དང་ཨ་ཤ་ན། །བིལ་བའི་རྩ་བ་གཞུག་པར་བྱ། །དུག་མོ་ཡུངས་ཀྱང་དེ་བཞིན་ཏེ། །ཐང་ཤིང་དང་ནི་བིལ་བ་དང ། །དེ་བཞིན་ཚ་བ་གསུམ་པོ་དང ། །རྩ་བ་ལྔ་པ་གཉིས་ཀྱང་གཞུག་།སྒོག་སྐྱ་དང་ནི་ཕུལ་བདུན་མར། །བ་གཅིན་ཀྱང་ནི་ཉི་ཤུ་དང ། །སེང་ལྡེང་ཤུན་ཕྲགས་བཤུས་པ་ནི། །སྲང་གྲངས་
Ma105a
༄#། །ཉི་ཤུ་རྩ་བཞི་དང ། །འདི་དག་ཐམས་ཅད་བསྲེས་པ་ནི། །མེ་ཆུང་གིས་ནི་དལ་ནས་བཙོ། །དེ་ནས་དེ་ལ་བླུད་པར་བྱ། །དེ་བཞིན་དུ་ནི་སྣར་ཡང་བླུགས། །མིག་བསྐུས་ལུས་བྱུགས་འཇིགས་པར་འགྱུར། །སྣར་བླུགས་འཇིགས་པས་གཟིར་བ་དང ། །མར་འཐུངས་པས་ཀྱང་འཇིགས་གྱུར་ནས། །གདོན་དེ་རབ་ཏུ་འབྲོས་པར་འགྱུར། །ཅི་སྟེ་དེ་ནས་མ་བཏང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །དཀྱིལ་འཁོར་ཟླུམ་པོ་བྲིས་ནས་ཀྱང ། །དེར་ནི་གདོན་ཡང་འགུགས་པར་བྱ། །གང་གིས་གདོན་དེ་གཏོང་འགྱུར་བའི། །ངོ་ལོན་དག་ནི་དེར་བྱ་སྟེ། །རིག་པའི་མཆོག་གམ་ཡང་ན་ནི། །དགའ་བྱེད་གདོང་གིས་གཞོམ་པར་བྱ། །གང་གིས་གདོན་དེ་གཏོང་འགྱུར་བའི། །སྔགས་གཞན་གྱིས་ཀྱང་ཡང་ན་གཞོམ། །ཚངས་པའི་སྲིན་པོའི་གདོན་གྱི་སྐབས་རྫོགས་སོ།། །།སྔར་བཤད་པ་ནི་གང་ཡིན་པའི། །སྲིན་པོའི་གདོན་ཡང་ཤེས་པར་བྱ། །གཏུམ་ཞིང་དྲག་ལ་གཟུ་ལུམས་ཅན། །ལྕི་ཞིང་ཚུགས་པར་དཀའ་བ་སྟེ། །མར་གྱི་ངོ་ནི་ཞག་བརྒྱད་དང ། །མར་གྱི་ངོ་ནི་བཅུ་བཞི་ལ། །མི་ནི་གཏུམ་ཞིང་གཟུ་ལུམས་ཅན། །སྤྱི་བརྟོལ་ཅན་ནི་གང་ཡིན་དང ། །བརླང་
Ma105b
ཞིང་འཐབ་ལ་སྲེད་པ་དང ། །རྟག་ཏུ་ཚིག་ནི་རྩུབ་པོར་སྨྲ། །དེ་ལ་སྲིན་པོ་སྟེན་པར་བྱེད། །སྲིན་པོས་ཟིན་པ་དེ་ཡི་ནི། །མཚན་མ་རྣམས་ཀྱང་ཤེས་པར་བྱ། །སྐད་ཅིག་གིས་ནི་ངུ་བར་བྱེད། །དགའ་ཞིང་གླུ་ཡང་ལེན་པར་བྱེད། །དོན་དང་ལྡན་པའི་ཚིག་སྨྲ་ཞིང ། །དོན་མེད་པ་ཡི་ཚིག་ཀྱང་སྨྲ། །ཟས་དང་སྐོམ་ལ་དགའ་བ་དང ། །དེ་བཞིན་མེ་ནི་ཤ་ལ་སྲེད། །གཤེ་བར་བྱེད་ཅིང་སྨྱུགས་པར་བྱེད། །དེ་བཞིན་ཟན་ཟ་གླུ་ཡང་ལེན། །མི་ནི་གློ་བུར་དག་ཏུ་ལེན། །ལག་པས་ས་ལ་རྐོ་བར་བྱེད། །སྲིན་པོའི་གདོན་གྱིས་ཟིན་པ་ཡི། །མཚན་མ་རྣམས་ནི་དེ་ཡིན་ཏེ། །གང་གིས་གདོན་དེ་གཏོང་འགྱུར་ཏེ། །དེ་ཡི་ངོ་ལོན་བཤད་པར་བྱ། །ཁུ་བ་ཟས་དང་དེ་བཞིན་དྲི། །དེ་བཞིན་ཤ་བཙོས་རྗེན་པ་དང ། །ཟས་དང་སྐོམ་དང་ཏིལ་ཟན་རྣམས། །སྡིག་མེད་ཁྲག་གིས་གཏོར་བ་དང ། །དྲི་ཞིམ་པ་ཡི་མེ་ཏོག་རྣམས། །ཁ་དོག་སྣ་ཚོགས་རྣམས་ཀྱིས་བསྲེག་།དེ་ནས་ཁྲུས་བྱས་གཙང་འགྱུར་བའི། །དགེ་སློང་བྲམ་ཟེས་བཀྲ་ཤིས་གདོན། །ལྷོ་ཕྱོགས་དང་ནི་ནུབ་ཕྱོགས་སུ། །གཏོར་མ་དེ་དག་སྦྱིན་པར་བྱ། །གཏོར་མའི་ལས་ནི་འདི་ཉིད་ཀྱིས། །གདོན་དེ་མྱུར་དུ་གཏོང་བར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་བཤད་པར་བྱ། །
Ma106a
༄#། །དུག་མོ་ཡུངས་དང་ཤ་རི་ཤ། །ན་ག་ཏ་མ་ལའི་ལོ་མ་དང ། །རྩ་བ་འབྲས་བུ་ཤུན་ལྤགས་དང ། །མེ་ཏོག་སྐམ་པོ་རྣམས་དང་ནི། །པ་ཏ་ལི་དང་ཀ་ཏ་པི། །ཚ་བ་གསུམ་པོ་རྣམས་དང་ནི། །སྐྱུ་རུ་ར་ཡི་འབྲས་བུ་དང ། །ལུང་དང་རྩ་བའང་གཞུག་པར་བྱ། །སྒོག་སྐྱ་དང་ནི་ཤིང་ཀུན་དང ། །དེ་བཞིན་རྒྱམ་ཚཝ་ཡུངས་ཀར་རྣམས། །དེ་དག་ཆ་ནི་མཉམ་བྱས་ལ། །ར་གཅིན་དང་ནི་བཏགས་པར་བྱ། །མར་ནི་ཕུལ་བཞི་ལྡན་པ་དང ། །བ་གཅིན་དག་ནི་བཞི་འགྱུར་དང ། །མེ་ནི་ཆུང་ངུས་ངལ་ནས་བཙོ། །དེ་ནས་དེ་ལ་བླུད་པར་བྱ། །དེ་བཞིན་དུ་ནི་སྣར་ཡང་བླུགས། །མིག་བསྐུས་ལུས་བྱུགས་འཇིགས་པར་འགྱུར། །སྣར་བླུགས་འཇིགས་པས་གཟིར་བ་དང ། །མར་འཐུངས་པས་ཀྱང་འཇིགས་གྱུར་ནས། །གདོན་དེ་རབ་ཏུ་འབྲོས་པར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །སྔགས་དང་སྦྱིན་སྲེག་སྣ་ཚོགས་ཀྱིས། །དེ་ཡི་ངོ་ལོན་བྱ་བ་སྟེ། །ལྷ་མིན་གཡུལ་དུ་འཇོམས་པ་ལྟར། །རྡོ་རྗེ་མས་ཀྱང་གཞོམ་པར་བྱ། རྡོ་རྗེ་མས་ནི་འཇིགས་སྐྲག་ནས། །གདོན་དེ་རབ་ཏུ་འབྲོས་པར་འགྱུར། །སྲིན་པོའི་གདོན་གྱི་སྐབས་རྫོགས་སོ།། །།སྔར་
Ma106b
བཤད་པ་ནི་གང་ཡིན་པའི། །ཤ་ཟའི་གདོན་ཡང་ཤེས་པར་བྱ། །གཏུམ་ཞིང་དྲག་ལ་གཟུ་ལུམས་ཅན། །ལྕི་ཞིང་ཚུགས་པར་དཀའ་བ་སྟེ། །མི་རྣམས་ང་རྒྱལ་ཅན་དག་དང ། །ཕྲ་མ་ཅན་དང་བརྐམ་པ་དང ། །བདག་གི་ཕྱོགས་ནི་འཇོམས་བྱེད་དང ། །གཞན་ནོར་འཕྲོག་པ་འཛིན་པར་བྱེད། །ཚེས་གཉིས་དང་ནི་ཚེས་གསུམ་དང ། །དེ་བཞིན་བརྒྱད་དང་བཅུ་བཞི་དང ། །ཚེས་གསུམ་ལ་ནི་རྟག་ཏུ་རྒྱུ། །ཤ་ཟ་ཡིས་ནི་ཟིན་པ་ཡི། །མཚན་མ་དག་ཀྱང་ཤེས་པར་བྱ། །ཚེས་གཉིས་ལ་ནི་གང་རྒྱུ་བ། །དེ་ཡི་ཚུལ་རྣམས་ང་ལས་ཉོན། །སྐྱེས་པ་ཡི་ནི་མདོག་དང་ལྡན། །ཚིལ་དང་རུལ་པའི་དྲི་མནམ་ཞིང ། །སྐྱེ་བོ་མཐོང་ན་དགོད་པར་བྱེད། །དྲག་ཏུ་ཡང་ནི་གཤེ་བ་དང ། །ཕྱི་སའི་དྲི་དང་ལྡན་པ་དང ། །དེ་བཞིན་ཁྲག་གི་དྲི་ཡང་མནམ། །གང་མ་ཞེས་བྱའི་ཤ་ཟ་ཡིན། །གཉིས་པའི་མཚན་ཡང་ང་ལས་ཉོན། །ལུས་ཀུན་ཡང་ནི་འདར་བ་སྟེ། །སྐད་ཅིག་རེ་རེར་རབ་ཏུ་རྒྱུག་།ངུ་ཞིང་གླུ་ཡང་ལེན་པར་བྱེད། །སྐད་ཅིག་རེ་རེར་གར་ཡང་བྱེད། །ཁང་སྟོང་དག་ཏུ་སྟེན་པ་དང ། །དེ་བཞིན་སྐྱེ་བོ་འཇིགས་པར་བྱེད། །ཟས་དང་སྐོམ་ལ་དགའ་བ་དང ། །དེ་བཞིན་ཤ་དང་ཆང་ལ་དགའ། །སྤྲུལ་པ་ཞེས་བྱ་ཤ་ཟ་ཡིན། །གསུམ་པའི་མཚན་མའང་ང་ལས་ཉོན། །
Ma107a
༄#། །ནད་པ་དག་གིས་མིག་ཀྱང་ནི། །ནམ་མཁའ་ལ་ཡང་ལྟ་བར་བྱེད། །ཁ་ཟས་བྱིན་པ་རྣམས་དང་ནི། །གནས་དང་གནས་མིན་རྣམས་སུ་འདོར། །དེ་ནི་ཤ་དང་ཆང་དག་གིས། །ཇི་ལྟར་བྱས་ཀྱང་ཆོག་མི་ཤེས། །ཐབ་ཁུང་དག་ཏུ་ཉལ་བར་བྱེད། །ཚུལ་ཡང་མེད་ཅིང་ལྟོ་ཆེ་ལ། །རྟག་ཏུ་ཕྱི་བ་རེག་པར་བྱེད། །བུད་མེད་ལམ་དུ་འགོག་པར་བྱེད། །ཤ་ཟ་གཟུ་ལུམས་ཅན་ཞེས་བྱ། །གསུམ་པ་ཡང་ནི་བཤད་པ་ཡིན། །དེ་ནི་གང་གིས་བདེར་འགྱུར་བའི། །གསོ་བའི་ཐབས་ཀྱང་བཤད་པར་བྱ། །ཏིལ་ཟན་ལ་ཕུག་སྒོག་སྐྱ་དང ། །ཏིལ་གྱི་ཚིགས་མ་ནས་ཀྱི་ཟས། །ཞོ་དང་ཤ་བཙོས་རྗེན་པ་དང ། །བཏུང་བ་དང་ནི་དེ་བཞིན་ཟས། །དེ་ཡི་གཏོར་མ་སྨན་པས་བླངས། །ནུབ་ཕྱོགས་སུ་ནི་རང་བཞིན་སྦྱིན། །གཏོར་མའི་ལས་ནི་འདི་ཉིད་ཀྱིས། །གདོན་དེ་མྱུར་དུ་གཏོང་བར་འགྱུར། །ཅི་སྟེ་དེས་ཀྱང་མ་བཏང་ན། །གང་གང་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱིན་པར་བྱ། །པྲི་ཡང་ཀུ་ཡི་མེ་ཏོག་དང ། །ཚཝ་འདི་ཡང་ནི་དེ་བཞིན་ཏེ། །འབྲས་བུ་གསུམ་དང་སྒོག་སྐྱའང་གཞུག་།ཤུ་དག་དང་ནི་ཤིང་ཀུན་དང ། །ཕ་ལ་ཏ་དང་བཅས་པར་གཞུག་།ཀ་ཏ་བ་ཀའང་དེ་བཞིན་ཏེ། །ཤྀ་རི་ཤ་ཡི་མེ་ཏོག་
Ma107b
དང ། །དེ་དག་ཆ་ནི་མཉམ་བྱས་ལ། །ར་གཅིན་དང་ནི་བཏགས་པར་བྱ། །མར་ནི་ཕུལ་བཞིར་ལྡན་པ་དང ། །བ་གཅིན་དག་ནི་བཞི་འགྱུར་ནའང ། །མེ་ནི་ཆུང་ངུས་དལ་ནས་བཙོ། །མིག་ཀྱང་བསྐུས་ཤིང་སྣར་ཡང་བླུགས། །དེ་བཞིན་དུ་ནི་མར་ཀྱང་བཏུང ། །མིག་བསྐུས་ལུས་བྱུགས་འཇིགས་པར་འགྱུར། །སྣར་བླུགས་འཇིགས་པས་གཟིར་བ་དང ། །མར་འཐུངས་པས་ཀྱང་འཇིགས་གྱུར་ནས། །གདོན་དེ་རབ་ཏུ་འབྲོས་པར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི། ། ཐབས་གཞན་འདི་ནི་སྦྱར་བར་བྱ། །སེམས་ཅན་རྣམས་ལ་ཕན་འདོད་པས། །དཀྱིལ་འཁོར་དུ་ནི་ལེགས་པར་གཞུག་།འཇིགས་པའི་ཕྱག་རྒྱ་སྦྱིན་སྲེག་ལས། །ནག་མོ་ཡིས་ནི་མྱུར་དུ་གཞོམ། །སྦྱིན་སྲེག་ལས་ཀྱིས་འཇིགས་སྐྲག་ནས། །གདོན་དེ་རབ་ཏུ་འབྲོས་པར་འགྱུར། །ཤ་ཟའི་གདོན་གྱི་སྐབས་རྫོགས་སོ།། །། སྔར་བཤད་པ་ནི་གང་ཡིན་པའི། །ཀླུ་ཡི་གདོན་ཡང་བཤད་པར་བྱ། །གཏུམ་ཞིང་སྟོབས་ཆེ་ཁྲོ་བ་དང ། །དྲག་ཅིང་སོས་ཀྱང་འདེབས་པར་བྱེད། །འཇོམས་པར་བྱེད་ཅིང་སེམས་ཅན་འཚེ། །ཡར་ངོ་གཉིས་ཀྱི་ཚེས་ལྔ་དང ། །དེ་བཞིན་མར་གྱི་ཚེས་བདུན་དང ། །དུས་ཚིགས་ཀུན་དང་གུང་གི་ཚེ། །དད་པ་ཅན་གྱི་བྲམ་ཟེ་ལ། །ཀླུ་དབང་གདོན་
Ma108a
༄#། །ནི་རྒྱུ་བར་བྱེད། །གདོན་གྱིས་ཟིན་པ་འདར་བ་དང ། །འཁོར་ཞིང་ས་ལ་འགྱེལ་བར་འགྱུར། །ཧ་རེར་ཡང་ནི་ལྟ་བ་དང ། །མིག་ཀྱང་དམར་བར་འགྱུར་བ་དང ། །ལྕེ་ཡང་འབྱིན་པར་བྱེད་པ་དང ། །ཡང་དང་ཡང་དུ་དབུགས་ཀྱང་གཏོང ། །འབྲས་བུ་མེ་ཏོག་ཕྲེང་བ་དགའ། །དེ་བཞིན་འོ་མ་མར་ལ་དགའ། །རྟག་ཏུ་ཡང་ནི་ཁྲོ་བར་འགྱུར། །སོ་ཡང་འཐམས་པར་འགྱུར་བ་སྟེ། །གང་གི་མཚན་མ་དེ་དག་ནི། །ཀླུ་ཡི་གདོན་དུ་བཤད་པ་ཡིན། །དེ་ནི་གང་གིས་བདེར་འགྱུར་བའི། ། གསོ་བའི་ཐབས་ཀྱང་བསྟན་པར་བྱ། །རིག་སྔགས་འཆང་གིས་ཁྲུས་བྱས་ལ། །གཙང་ཞིང་ཡིད་ནི་དགེ་བ་ཡིས། །བསྒྲིམས་ཏེ་གཏོར་མ་སྦྱིན་པར་བྱ། །བཀྲ་ཤིས་འབྲས་ཡོས་བུ་རམ་དང ། །སྣུམ་ཁུར་འབྲས་ཅན་བུ་རམ་སྦྱར། །པདྨ་ཨུཏྤལ་པུ་ཤེལ་ཙི། །དེ་བཞིན་ཨུཏྤལ་དམར་པོ་དང ། །ཟས་མཆོག་དང་ནི་འོ་མ་ཞོ། །ས་ནག་ཀྱང་ནི་དེ་བཞིན་ཏེ། །མེ་ཏོག་ཕྲེང་མང་བདུག་པ་དང ། །ཀླུ་ཡི་མེ་ཏོག་སྦྱིན་པར་བྱ། །དྲི་མར་དག་ནི་དེ་བཞིན་ཏེ། །སྐུད་པ་དམར་པོ་སྦྱིན་པར་བྱ། །གུ་གུལ་དང་ནི་ཐང་ཤིང་གི་།བདུག་པ་དེ་ལ་སྦྱིན་པར་བྱ། །བྱང་ཕྱོགས་དང་ནི་ཤར་ཕྱོགས་སུ། །གཏོར་མ་སྲོད་ལ་སྦྱིན་པར་བྱ། །གཏོར་མའི་ལས་ནི་འདི་ཉིད་ཀྱིས། །གདོན་དེ་མྱུར་
Ma108b
དུ་གཏོང་བར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །ལིག་བུ་མིག་ནི་ཆུ་གྲང་དང ། །བཏགས་ནས་མིག་བསྐུ་ཡང་ན་བླུགས། །ཤཝེ་ཏ་བ་ལ་གསེར་ཕྲོམ་དང ། །རྒྱ་སྤོས་དང་ནི་ཡུངས་ཀར་དང ། །ནག་ཏ་མ་ལ་ཏུམ་ཕྱི་དང ། །ཐང་ཤིང་དང་ནི་རྣམ་པ་བདུན། །ཚོགས་རྣམས་དེ་དག་བསགས་ནས་ནི། །མེ་ནི་ཆུང་ངུས་བཙོ་བྱ་ཞིང ། །མར་ནི་ཕུལ་ཏག་བཞི་དག་དང ། །བ་གཅིན་ཕུལ་བཞིའི་ནང་དུ་བཙོ། །དེ་ནས་དེ་ལ་བླུད་པར་བྱ། །དེ་བཞིན་དུ་ནི་སྣར་ཡང་བླུགས། །མིག་བསྐུས་ལུས་བྱུགས་འཇིགས་པར་འགྱུར། །སྣར་བླུགས་འཇིགས་པས་གཟེར་བ་དང ། །མར་འཐུངས་པས་ཀྱང་འཇིགས་གྱུར་ནས། ། གདོན་དེ་རབ་ཏུ་འབྲོས་པར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །གང་གིས་གདོན་དེ་གཏོང་འགྱུར་བའི། །སྦྱིན་སྲེག་ལས་ནི་སྦྱར་བར་བྱ། །སྦྱིན་སྲེག་ལས་ནི་མི་བཟད་དང ། །རྡོ་རྗེ་ལྟེ་བས་བཅོམ་བྱས་ན། །སྦྱིན་སྲེག་ལས་ནི་འཇིགས་གཟིར་བས། །ཀླུ་ཡིས་མི་ནི་གཏོང་བྱེད་ཅིང ། ། ཀླུ་ནི་མྱུར་དུ་འབྲོས་པར་འགྱུར། །ཀླུ་ཡི་གདོན་གྱིས་ཟིན་པ་ལ། །གང་གིས་གཞན་དུ་འགལ་བར་བྱེད། །རིག་སྔགས་འཆང་དང་མི་དག་ལ། །བརྩེ་བའི་ཕྱིར་ནི་འོང་བྱེད་ན། །གོ་ཆ་
Ma109a
༄#། །བརྟན་པར་བགོ་བྱ་ཞིང ། །རིག་པ་མཆོག་གི་གོ་བགོས་ལ། །མ་རུངས་དུག་ནི་མི་བཟད་པ། །ཕོ་ཉམས་ནི་ངེས་བར་འཇོམས། །ལག་ན་རྡོ་རྗེ་རིགས་མཆོག་མ། །ཕོ་ཉ་སྟོབས་ཆེན་གང་ཡིན་པའི། །སྙིང་པོ་དྲག་ཅིང་འཇིགས་པ་ཡི། །ལས་ཀྱིས་སྤྱི་བོར་འཇོམས་པར་བྱེད། །བཅོམ་པ་དེས་ན་དབྱེ་བྱེད་ཅིང ། ། གདོན་ནི་ངེས་པར་བརླག་པར་འགྱུར། །ཀླུའི་གདོན་གྱི་སྐབས་རྫོགས་སོ།། །།སྔར་བཤད་པ་ནི་གང་ཡིན་པའི། །ལོག་འདྲེན་གདོན་ཡང་ཤེས་པར་བྱ། །གཏུམ་ཞིང་དྲག་ལ་གཟུ་ལུམས་ཅན། །ལྕེ་ཞིང་འཇིག་རྟེན་འཇོམས་པ་སྟེ། །མར་གྱི་ངོ་ཡི་ཚེས་ལྔ་དང ། །ཚེས་གྲངས་བཅུ་བཞི་གནམ་སྟོང་ལ། །སྐྱེ་བོ་གནས་དང་འགྲོ་བ་ལ། །དུས་ཀུན་ཏུ་ནི་འཚེ་བར་བྱེད། །དྲི་མ་ཅན་དང་གོས་ངན་ཅན། །དེ་བཞིན་ཁ་ཟས་ཁྱོས་མ་ཟ། །དགའ་བར་འགྱུར་དང་ཁྲོ་བ་དང ། །བུད་མེད་ཀྱིས་སྤངས་གང་ཡིན་དང ། །ཆུ་ངོགས་བུད་མེད་བལྟས་པ་དང ། །ཤིང་ལ་འཛེག་ཅིང་བཤང་གཅི་བྱེད། །འགྲེང་ཞིང་བཤང་གཅི་བྱེད་པ་དང ། །གཅེར་བུར་རྒྱུགས་གང་ཡིན་དང ། །གཞན་གྱི་གོས་དང་འདྲེས་པ་དང ། །གོས་ཀྱི་ཐ་མས་གཡབ་པ་ཡི། །མི་རྣམས་གང་གིས་ཟིན་པ་ཡི། །ཞུམ་ཞིང་ངུ་བར་བྱེད་པ་དང ། །
Ma109b
ནོར་རྣམས་ཀྱང་ནི་ཆུད་ཟ་ཞིང ། །གཞན་གྱི་ཡིད་དུ་མི་འོང་དང ། །སྐྱེས་པ་ཆུང་མ་རྙེད་མི་འགྱུར། །བུད་མེད་ན་ནི་ཁྱོ་མི་རྙེད། །ཚོང་བྱེད་ན་ཡང་ཟོང་དག་གིས། །ཁེ་སྤོགས་རྙེད་པར་མི་འགྱུར་ཞིང ། །ཞིང་གཤིན་དག་ལ་རྨོས་བཏབ་ཀྱང ། །རྨོས་པའི་འབྲས་བུ་ཐོབ་མི་འགྱུར། །མཚན་ནི་ཐམས་ཅད་རྫོགས་པ་ཡི། །ཆུང་མ་ལས་ཀྱང་བུ་མི་འབྱུང ། །དོན་གཞན་བྱ་བར་བརྩམས་ཀྱང་ནི། །ལོག་པའི་བློ་ནི་གཞན་དུ་འགྱུར། །དེ་དག་གང་ལ་སྣང་འགྱུར་བའི། །དེ་ཡི་གསོ་བའི་ཐབས་ཀྱང་བཤད། །ཁང་པ་མཉམ་ཞིང་གསར་བྱས་ལ། །རིན་ཆེན་ཐམས་ཅད་བསགས་པར་བྱ། །བུམ་པ་བཞི་ཡང་དེར་བཞག་ཅིང ། །བཀྲ་ཤིས་རྣམས་ཀྱང་དབུལ་བར་བྱ། །རྫས་རྣམས་དང་ནི་འབྲས་རྣམས་དང ། །བུམ་པ་བ་དན་སྔོན་པོ་དང ། །ཤ་བཙོས་དང་ནི་རྗེན་པ་དང ། །དེ་བཞིན་ཁུ་བ་ཟས་རྣམས་དང ། །དྲི་དང་མེ་ཏོག་དཀར་པོ་དང ། །འབྲས་ཀྱི་འོ་ཐུག་དེར་སྦྱིན་བྱ། །གཏོར་མའི་ལས་ནི་འདི་ཉིད་ཀྱིས། །དེ་ནི་ཁྲུས་ཀྱང་བྱེད་དུ་གཞུག་།བ་ལ་ཨ་ཏི་བ་ལ་དང ། །ཀནྟ་ཀ་རི་འབྲི་ཧ་ཏི། །བ་ཏྲ་དང་ནི་པུ་ཤེལ་ཙེ། །པྲི་ཡང་ཀུ་དང་ཤུ་ཏི་དང ། །ཕྱེ་མའི་གོང་བུ་འདི་ཡིས་ནི། །རབ་ཏུ་མཉམ་གཞག་ཁྲུས་བྱེད་གཞུག་།རིག་སྔགས་འཆང་ནི་ཤར་ཕྱོགས་ལྟ། །ནད་པ་ནུབ་ཕྱོགས་བསྟན་བྱས་ལ།།
Ma110a
༄#། །གོས་དཀར་ཅན་གྱི་སྙིང་པོ་དང ། །ལྡན་པའི་ཆུས་ནི་དབང་ཡང་བསྐུར། །དེ་ནས་བློ་ལྡན་ཡིད་གཞུངས་བས། །བདུད་རྩི་ཐབ་སྦྱོར་ལྡན་པ་ཡི། །སྦྱར་སྨན་གྱིས་ནི་ལུས་ཀྱང་བསྐུ། །གུ་གུལ་དང་ནི་ཡུངས་ཀར་དང ། །གིའུ་ཝང་ཤུ་དག་རུ་རྟ་དང ། །སུ་ག་སྨེལ་ཡང་ནི་དེ་བཞིན་ཏེ། །སྒྲོན་ཤིང་དང་ནི་ཐང་ཤིང་དང ། །ཙནྡན་དང་ནི་ཨ་ག་རུ། །ཀ་ལེ་ཡ་ཡི་པད་འདྲ་དང ། །གེ་སར་རྣམས་ནི་ཆ་བསྙམས་ལ། །ཆུ་དང་ལྷན་ཅིག་བཏགས་པར་བྱ། །གང་ན་སྦྱར་སྨན་འདི་གནས་པ། །དེར་ནི་འཇིགས་པ་མི་འབྱུང་སྟེ། །ཆོམ་རྐུན་མ་ཡིན་མཚོན་རྣམས་མིན། །སྦྲུལ་རྣམས་མ་ཡིན་ལྷ་མིན་མིན། །ལག་ན་རྡོ་རྗེའང་འདིས་བསྐུས་པས། ། ས་སྟེང་དག་ཏུ་རྒྱལ་བར་འགྱུར། །འདི་ཡིས་ལུས་ལ་བསྐུས་ན་ནི། །ལོག་འདྲེན་རྣམས་ལས་ཐར་པར་འགྱུར། །སྦྱར་སྨན་དོན་ཀུན་སྒྲུབ་པ་ནི། །སྔར་ཡང་ངས་ནི་བཤད་པ་ཡིན། །ལོག་འདྲེན་གྱི་གདོན་གྱི་སྐབས་རྫོགས་སོ།། །།སྔར་བཤད་པ་ནི་གང་ཡིན་པའི། །བརྗེད་བྱེད་གདོན་ཡང་ཤེས་པར་བྱ། །དྲག་ཅིང་ཁྲོ་ལ་གཏུམ་པ་དང ། །གཟུ་ལུམས་ཅན་དེ་ཚུགས་པར་དཀའ། །ཚེས་གཉིས་དང་ནི་ཚེས་བཞི་དང ། །དེ་བཞིན་དགུ་དང་བཅུ་གཉིས་དང ། །མར་གྱི་བཅུ་བཞི་
Ma110b
དེ་བཞིན་ཏེ། །བརྗེད་བྱེད་དག་ནི་འཇུག་པར་འགྱུར། །དང་པོའི་ཐུན་ནི་འདས་ནས་ཀྱང ། །ལྷག་མ་རྣམས་ལ་དེ་བཞིན་ལྡང ། །ཕྱི་ནས་རླུང་བཞིན་ཡང་དང་ཡང ། །དེ་ནས་ཡུད་ཙམ་ཉིན་ཞག་དང ། །དེ་བཞིན་ཟླ་ཕྱེད་ཟླ་དང་ལོར། །དབུ་བ་སྐྱུག་ཅིང་རྒྱལ་བར་འགྱུར། །ལུས་ལས་རྔུལ་ཡང་འབྱུང་བར་འགྱུར། །གདོན་གྱིས་ཟིན་པ་འཁོར་བ་དང ། །ས་ལ་འགྱེལ་ཞིང་འཁོར་བར་འགྱུར། །བརྗེད་བྱེད་གདོན་གྱིས་ཟིན་པ་ཡི། །དེ་ཡི་མཚན་མ་དེ་དག་ཡིན། །གང་གིས་གདོན་དེ་གཏོང་འགྱུར་བའི། །གསོ་བའི་ཐབས་ཀྱང་བཤད་པར་བྱ། །བདུག་པ་དྲི་དང་མེ་ཏོག་ཕྲེང ། །དེ་བཞིན་ཤ་བཙོས་རྗེན་པ་དང ། །ཏིལ་ཟན་དང་ནི་འབྱུང་པོའི་ཟས། །དེ་བཞིན་ཤུག་པ་པུ་ཤེལ་རྩེ། །བྱུག་པ་དང་ནི་མར་ཡང་བླུད། །འབྲས་བུ་གསུམ་ལས་སྲང་གཅིག་དང ། །ཚ་བ་གསུམ་ལས་སྲང་གཅིག་གཞུག་།སྒོག་སྐྱ་བརྒྱ་ཡང་གཞུག་པར་བྱ། །ཡུངས་ཀར་སྟོང་ཡང་དེ་བཞིན་ཏེ། །ནག་ཏམ་ལའི་ས་བོན་དང ། །བིལ་བའི་རྩ་བ་དེ་བཞིན་ཏེ། །དེ་དག་ཆ་ནི་མཉམ་བྱས་ལ། །ར་གཅིན་དང་ནི་བཏགས་པར་བྱ། །མར་དང་བ་གཅིན་བཞི་འགྱུར་གྱི། །མར་དུ་ཡང་ནི་བཙོ་བར་བྱ། །མིག་ཀྱང་བསྐུ་ཞིང་སྣར་ཡང་བླུགས། །དེ་བཞིན་མར་ཡང་བཏུང་བར་བྱ། །མིག་བསྐུས་ལུས་བྱུགས་འཇིགས་པར་
Ma111a
༄#། །འགྱུར། །སྣར་བླུགས་འཇིགས་པས་གཟིར་བ་དང ། །ཆོ་ག་འདི་དག་རྣམས་ཀྱིས་ཀྱང ། །གདོན་དེ་རབ་ཏུ་འབྲོས་པར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་གྱུར་པའི། །ཐབས་གཞན་འདི་ཡང་བཤད་པར་བྱ། །དཀྱིལ་འཁོར་བྲིས་ཏེ་གཞུག་པར་བྱས་ལ་སྤྱན་ནམ། ཡང་ན་བདུད་རྩི་ཐབ་སྦྱོར་རམ། ཚོགས་ཆེན་པོ་ལྕགས་ཅན་གྱིས་བེ་ཀང་ཀ་ཏའི་ཡམ་སྲེག་ཤིང་གི་སྦྱིན་སྲེག་བྱས་ན། གདོན་དེ་འབྲོས་པར་འགྱུར་རོ། །བརྗེད་བྱེད་ཀྱི་གདོན་གྱི་སྐབས་རྫོགས་སོ།། །།སྔར་བཤད་པ་ནི་གང་ཡིན་པའི། །སྨྱོ་བྱེད་གདོན་ཡང་ཤེས་པར་བྱ། །དྲག་ཅིང་གཏུམ་ལ་གཟུ་ལུམས་ཅན། །ལྕི་ཞིང་ཚུགས་པར་དཀའ་བ་སྟེ། །མར་གྱི་ངོ་ཡི་ཞག་གཉིས་དང ། །ཞག་དགུ་ལ་ནི་འཚེ་བྱེད་ཅིང ། །རླུང་དང་བད་ཀན་རང་བཞིན་གྱི། །སྨྱོ་བྱེད་གདོན་ནི་འཇུག་པར་འགྱུར། །དེ་ཡི་ཚུལ་ནི་བཤད་པར་བྱ། །ངས་བཤད་དེ་ནི་མཉན་པར་གྱིས། །གཟུགས་ནི་རབ་ཏུ་མཛེས་པ་ཡིན། །ཤིན་ཏུ་དགའ་ཞིང་སྤྲོ་བར་འགྱུར། ། དཔའ་བོ་དང་ནི་གཟུགས་བཟང་དང ། །མི་ནི་གླུ་ལ་སྲེད་པ་ལ། །རྩེད་མོ་ལ་སོགས་གཏམ་དག་ལས། །སྨྱོ་བྱེད་འཛིན་ཏེ་ཐེ་ཚོམ་མེད། །མཚན་འདི་དག་གིས་ཤེས་
Ma111b
བར་བྱ། །ཚུལ་རྣམས་ཀྱང་ནི་འདིར་ཉོན་ཅིག་།གླུ་ལེན་ཅིང་ནི་གར་བྱེད་དང ། །དགོད་པར་བྱེད་ཅིང་དུ་བ་དང ། །དྲི་དང་མེ་ཏོག་ཕྲེང་ལ་དགའ། །རླུང་དང་བད་ཀན་གནས་པ་ཡིན། །རབ་ཏུ་རྒྱུག་གམ་ཡང་ན་འགྲེང ། །དལ་ནས་ཀྱང་ནི་དགོད་པ་དང ། །གཉིད་ཀྱང་ཆེ་བར་མི་འགྱུར་ལ། །ཅུང་ཟད་ཀྱང་ནི་སྨྲ་མི་བྱེད། །ཁ་ཟས་ལ་ཡང་དགའ་བ་རྣམས། །རླུང་མཁྲིས་བད་ཀན་གནས་པ་ཡིན། །ཤིན་ཏུ་དྲག་ཏུ་སྨྲ་བ་དང ། །མང་དུ་ཡང་ནི་སྨྲ་བ་དང ། །གཏམ་གྱི་ཚུལ་ལ་དགའ་བའི་རྣམས། །བད་ཀན་གནས་ལ་བརྟེན་པ་དང ། །གནས་གསུམ་ལ་ནི་རྟེན་འགྱུར་ལ། །ཚུལ་ཀུན་ཡང་ནི་བྱེད་གྱུར་ན། །དེ་ནི་གསོར་མེད་ཤེས་པར་བྱ། །དེ་ལ་སྤྱད་པར་བྱ་བ་མེད། །ལྷ་རྣམས། ལག་ན་རྡོ་རྗེ་ངའི་མཚམས་རླུང་འདི་ནི། །གསོར་མི་རུང་བ་ལ་ཡང་ཚར་གཅོད་པ་ཡིན་ནོ། །གདོན་གང་ངའི་མིང་ཐོས་ཀྱང་མི་འབྲོས་པ་དེ་ལ་ནི། ངས་རྡོ་རྗེ་དྲག་པོས་སྤྱི་བོ་གཤག་པར་བྱའོ། །སྨན་དང་གསང་སྔགས་གང་གིས་སྨྱོ་བྱེད་ཀྱི་གདོན་སྟོབས་པོ་ཆེ་ལ་གསོ་བ་ཡང་བཤད་པར་བྱ་སྟེ། དྲི་ཀུན་དང་ནི་མེ་ཏོག་ཕྲེང ། །དེ་བཞིན་རོལ་མོའི་སྤྱད་ཀུན་དང ། །འབྲས་ཅན་དྲི་ཞིམ་གཙང་མ་དང ། །འོ་ཐུག་འབྲུ་ཆང་སྦྱར་བའི་ཆང ། །དེ་ལྟར་གཏོར་མ་རྣམས་བསགས་ལ། །ལམ་གྱི་བཞི་མདོར་སྦྱིན་པར་
Ma112a
༄#། །བྱ། །གཏོར་མའི་ལས་ནི་འདི་དག་གིས། །གདོན་དེ་མྱུར་དུ་གཏོང་བར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོར་འགྱུར་བའི། །ཐབས་གཞན་འདི་ནི་སྦྱར་བར་བྱ། །མར་སྙིང་ལོ་ནི་སུམ་ཅུ་གཉིས། །ལོན་པའི་མར་དེ་ཕུལ་བཞི་དང ། །འོ་མ་ཕུལ་བཞི་དག་དང་ནི། །སྦྲང་རྩི་ཕུལ་བཞིར་ལྡན་པར་བྱ། །བ་ལང་ཀོ་བ་བསྲེགས་པ་ཡི། །ཕྱེ་མ་ཕུལ་བཞི་གཞུག་པར་བྱ། །སྒོག་སྐྱ་བརྒྱ་ཡང་གཞུག་པར་བྱ། །སྲང་གྲངས་སུམ་ཅུ་ཨ་རུ་ར། །སྲང་གྲངས་ཉིས་འགྱུར་ཚ་བ་གསུམ། །གསོ་བ་པོས་ནི་གཞུག་བྱ་སྟེ། །ལྷན་ཅི་ག་ཕྱེ་མ་ཞིབ་མོར་བྱ། །གང་ཚེ་ཐམས་ཅད་ཚོས་གྱུར་ནས། །དེ་བཞིན་དུ་ནི་ཕྱིར་ཡང་འགྱུར། །མི་ཡི་འཇིག་རྟེན་གནས་པ་ཡི། །གདོན་རྣམས་ཐམས་ཅད་ཇི་སྙེད་པ། །རླུང་ཅན་དང་ནི་མཁྲིས་པ་ཅན། །བད་ཀན་ཅན་དང་འདུས་པ་ཅན། །གདོན་གྱི་གཟུགས་ནི་ཐམས་ཅད་ཀྱི། །སྨན་རྣམས་ཀྱང་ནི་འདི་ཡིན་ཏེ། །རྡོ་རྗེ་ལྷ་ཡི་མར་ཞེས་བྱ། །གདོན་ཀུན་གཏོང་བར་འགྱུར་བ་དང ། །གདོན་ཀུན་ཞི་བར་བྱེད་པ་དང ། །གདོན་ཀུན་འཇིགས་པར་བྱེད་པ་སྟེ། །སེམས་ཅན་རྣམས་ལ་ཕན་པའི་ཕྱིར། །ང་ཡིས་སུ་ནི་བཤད་པ་ཡིན། །གང་ཞིག་སྨན་གྱི་རྒྱལ་
Ma112b
པོ་ཡི། །མིང་ནི་ལེགས་པར་དྲན་བྱེད་པ། །དེ་ལ་གདོན་རྣམས་ཐམས་ཅད་ཀྱིས། །གླགས་བཙལ་ཕྱིར་ནི་བརྩོན་མི་བྱེད། །དེ་ཕྱིར་དེ་ལ་བླུད་པར་བྱ། །དེ་བཞིན་སྣར་ཡང་བླུགས་པར་བྱ། །ཆོ་ག་འདི་དག་གིས་ཀྱང་ནི། །གདོན་དེ་རབ་ཏུ་འབྲོས་པར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི།། ཐབས་གཞན་འདི་ནི་སྦྱར་བར་བྱ། །དཀྱིལ་འཁོར་བྲིས་ལ་དེར་གཞུག་པར་བྱ་སྟེ། དཀྱིལ་འཁོར་དེར་རིག་སྔགས་ཀྱི་རྒྱལ་པོའམ། ཚོགས་ལྕགས་ཅན་ནམ། རྨུགས་བྱེད་ཀྱིས་སྦྱིན་སྲེག་བྱའོ། །ལྷ་རྣམས། འདི་ནི། ལག་ན་རྡོ་རྗེའི་མཚམས་རླུང་ཡིན་ཏེ། གསོར་མི་རུང་བ་རྣམས་ཀྱང་ཚར་གཅོད་པར་བྱེད་དོ། །གདོན་གང་ངའི་མིང་ཐོས་ནས་མི་འབྲོས་པ་དེ་ལ་རྡོ་རྗེ་དྲག་པོས་སྤྱི་བོ་གཤག་པར་བྱའོ། །ལྷ་རྣམས། དེ་བཞིན་གཤེགས་པའི་བཀས་མ་རུངས་པ་རྣམས་གཞོམ་པ་བཟང་པོ་རྣམས་ངས་བཤད་ཟིན་ཏོ། །སྨྱོ་བྱེད་ཀྱི་གདོན་གྱི་སྐབས་རྫོགས་སོ།། །།སྔར་བཤད་པ་ནི་གང་ཡིན་གདོན། །ལྷ་མ་ཡིན་གདོན་ཤེས་པར་བྱ། །གཏུམ་ཞིང་གཟུ་ལུམས་ཆེ་བ་དང་།། འཇིག་རྟེན་འཚེ་བར་བྱེད་པའི་སྟེ། །གཟི་བརྗིད་ཅན་དང་ལུས་ཆེ་དང ། །གཟུགས་བཟང་ཡོན་ཏན་ལྡན་པ་ལ། །ལྷ་མ་ཡིན་ནི་འཇུག་པར་བྱེད། །དེ་ཡི་མཚན་མ་ཚུལ་
Ma113a
༄#། །བཞིན་ཉོན། །རིག་སྔགས་འཆང་ལ་བརྙས་པར་བྱེད། །རིག་བྱེད་ཀྱང་ནི་སྨྲ་བར་བྱེད། །སྐེམ་བྱེད་ང་ཡིན་ཁྱབ་འཇུག་ང ། །ཞེས་ནི་རྫུན་ཡང་སྨྲ་བར་བྱེད། །གདོན་ཀུན་གྱི་ནི་ཚུལ་དག་དང ། །རྣམ་པ་མང་པོར་སྒྱུར་བར་བྱེད། །ངུ་ཞིང་རེས་འགའ་སེམས་ཀྱང་འཛིན། །རེས་འགའ་ཟས་ཀྱང་ཟ་བར་བྱེད། །ལག་པས་རྩ་དག་བླངས་ནས་ཀྱང ། །སྐད་ཅིག་གིས་ནི་མི་ལ་འཚེ། །ཚིག་ངན་དག་ཀྱང་སྨྲ་བར་བྱེད། །ཤིན་ཏུ་ཡང་ནི་དགོད་པར་བྱེད། །ལྷ་མ་ཡིན་གྱི་གདོན་རྣམས་ཀྱི། །མཚན་མ་ཡང་ནི་དེ་ཡིན་ཏེ། །ཆོ་ག་ཡང་ནི་དེ་བཞིན་དུ། །དེ་ཡི་ངོ་ལོན་གང་དག་གིས། །གདོན་དེ་གཏོང་བར་འགྱུར་བའང་བྱ། །མེ་ཏོག་ཀུན་དང་དྲི་དག་དང ། །མེ་ཏོག་ཕྲེང་བ་སྣ་ཚོགས་དང ། །པདྨ་ཨུཏྤལ་པུ་ཤེལ་ཙེ། །ུཏྤལ་དམར་པོའི་འདབ་མ་དང ། །ཤ་བཙོས་དང་ནི་རྗེན་པ་ཡིན། །ངོ་ལོན་དག་ནི་འཇམ་པོར་བྱ། །དེ་ནས་རིག་སྔགས་འཆང་དག་གིས། །གཙང་སྦྲ་བྱ་སྟེ་ནུབ་ཕྱོགས་སྦྱིན། །གཏོར་མའི་ལས་ནི་འདི་ཉིད་ཀྱིས། །གདོན་དེ་མྱུར་དུ་གཏོང་བར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །འབྲས་བུ་གསུམ་དང་ཚ་བ་གསུམ། །
Ma113b
བ་ལ་ཨ་ཏི་བ་ལ་དང ། །ཐལ་ཏྲེས་དང་ནི་བུ་ཤེལ་ཙེ། །རྩ་བ་ལྔ་རྣམས་བསགས་ནས་ནི། །མར་ནི་ཕུལ་ཏག་བཞི་དག་ཀྱང ། །བ་གཅིན་ཕུལ་བཞིའི་ནང་དུ་བཙོ། །མེ་ནི་ཆུང་ངུས་དལ་ནས་བཙོ། །དེ་ནས་དེ་ལ་བླུད་པར་བྱ། །དེ་བཞིན་དུ་ནི་སྣར་ཡང་བླུགས། །མིག་བསྐུས་ལུས་བྱུགས་འཇིགས་པར་འགྱུར། །སྣར་བླུགས་འཇིགས་པས་གཟིར་བ་དང ། །མར་འཐུངས་པས་ཀྱང་འཇིགས་གྱུར་ནས། །གདོན་དེ་རབ་ཏུ་འབྲོས་པར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །རྡོ་རྗེ་སེར་སྐྱས་སྦྱིན་སྲེག་བྱ། །རྡོ་རྗེ་སྒྲོག་གིས་བཅིང་བར་བྱ། །དེ་དག་སྔགས་ཀྱིས་ཚར་ཡང་གཅད། ། ལྷ་མ་ཡིན་གྱི་གདོན་གྱི་སྐབས་རྫོགས་སོ།། །།དེ་ནས་ངས་ནི་སྔར་བཤད་གང ། །གཞོན་ནུའི་གདོན་བཞིན་ཤེས་པར་བྱ། །གཏུམ་ཞིང་ཁྲོ་ལ་གཟུ་ལུམས་ཅན། །འགྲོ་བའི་གནས་དང་མི་གནས་འཇོམས། །ཚེས་གཉིས་དང་ནི་བཅུ་གཅིག་དང ། །མར་གྱི་ངོ་ཡི་ཞག་ལྔ་དང ། །ཕལ་ཆེར་ཚེས་བཅུ་དག་ལ་རྒྱུ། །གཞོན་ནུའི་སྲོག་ནི་གཅོད་པ་ཡི། །རྟག་ཏུ་གསུམ་ཞིང་རྒྱུ་བར་བྱེད། །བྱིས་པ་གསོད་ཅིང་མི་སྲུན་ན། །རིགས་བཞི་ལྡན་ཞིང་རྟག་ཏུ་རྒྱུ། །གཏོར་མ་
Ma114a
༄#། །འདོད་པའི་གདོན་ཆེན་ཡིན། །དེ་ལས་གཞན་པའི་གང་དག་གི་།རིགས་རྣམས་ཅི་འདྲ་བཤད་པར་གྱིས། །ནམ་གྲུ་བྲམ་ཟེར་ཤེས་པར་བྱ།། བྱ་ནི་རྒྱལ་རིགས་ཡིན་པར་བསྟན། །སྐེམ་བྱེད་རྗེའུ་རིགས་ཤེས་པར་བྱ། །གཞོན་ནུ་དམངས་རིགས་ཤེས་པར་བྱ། །གྱེན་དུ་ལྟ་བ་གང་ཡིན་དང ། །སྐད་ཅིག་སྐད་ཅིག་འཁོར་བར་བྱེད། །རིམས་དང་ལུད་པ་དབུགས་མི་བདེ། །དེ་ནི་ནམ་གྲུའི་གདོན་ཡིན་ནོ། །མིག་ཕབ་པ་ནི་གང་ཡིན་དང ། །སོ་ཡང་འཆའ་བར་བྱེད་པ་དང ། །རྔམ་པ་ཅན་དང་རིམས་བཏབ་གང ། །དེ་ནི་བྱ་ཉིད་ཡིན་པར་བསྟན། །གློ་བུར་དུ་ནི་ངུ་བ་གང ། །རིམས་ཀྱིས་བཏབ་ཅིང་རབ་ཏུ་རྒྱུག་།སྡང་ཞིང་དགོད་པར་བྱེད་པ་དང ། །དེ་བཞིན་འདར་ཞིང་གླལ་བར་བྱེད། །བྱིས་པ་གང་གིས་ཁ་དག་ནས། །དྲི་ང་བ་ནི་འབྱུང་བ་དང ། །ལུས་ལ་རྨ་དང་འབྲུམ་བུ་དང ། །ཚ་ཞིང་མེ་ཡི་མདོག་དང་འདྲ། །མཚན་མོ་དུས་མཚམས་ལྡང་བར་འགྱུར། །དུས་མཚམས་དག་ཏུ་བབ་པ་ན། །འཁྲུ་ཞིང་རིམས་འདེབས་སྐྱུག་པ་དང ། །ལུས་ཀྱང་སྔོན་པོར་གྱུར་པ་དང ། །གང་ཞིག་ལུས་ནི་རྡོབ་པར་བྱེད། །རིམས་ཀྱིས་ཀྱང་ནི་འཚེ་བ་དང ། །ནུ་མ་ཤིན་ཏུ་སོས་ཀྱང་འདེབས། །ལན་གྲངས་མང་དུ་ངུ་ཞིང་འདར། །
Ma114b
མིག་ཀྱང་དམར་པོར་གྱུར་པ་དང ། །མི་དགའ་མཆུ་ཡང་མུར་བར་བྱེད། །བྱིས་པ་སྐེམ་བྱེད་ཟིན་པ་ཡིན། །ལག་པ་དང་ནི་རྐང་པ་གཅིག་།ལས་བྱས་པས་ནི་ཚིག་ཀྱང་ན། །མིག་ནི་འཁོར་ཞིང་ལྟ་བར་བྱེད། །མིག་གཅིག་ཀྱང་ནི་འཛུམ་པར་བྱེད། །རྣག་དང་ཁྲག་གི་དྲི་ཡང་མནམ། །སྨིན་མ་ཡ་གཅིག་འདེགས་པར་བྱེད། །སྐེམ་བྱེད་བརྗེད་བྱེད་གདོན་རྣམས་ཀྱི། །མཚན་མ་དག་ཏུ་བསྟན་པ་ཡིན། །གཞོན་ནུའི་གདོན་ལ་གཏོར་མ་བྱ། །ལེགས་པར་ཁྲུས་བྱས་གཙང་མས་བསྒྲིམ། །དབྱིག་རྣམས་དང་ནི་གསེར་རྣམས་དང ། །གོས་ཀྱང་དེ་ལ་སྦྱིན་པར་བྱ། །སྣུམ་ཁུར་བཀྲ་ཤིས་འབྲས་ཡོས་དང ། །འབྲས་ཆན་དང་ནི་ཟན་དྲོན་དང ། །ཤ་བཙོས་དང་ནི་རྗེན་པ་དང ། །ཆང་དང་ཏིལ་ཟན་རྣམས་དང་ནི། །ཏིལ་དང་འབྲས་ཅན་པུ་ཤེལ་ཙེ། །འབྲས་ཀྱི་འོ་ཐུག་ཡུངས་ཀར་ལྡན། །བ་ལང་གི་ནི་ཆུ་ཀ་འམ། །ཤིང་སྐམ་མ་མོའི་གནས་དག་ཏུ། །གཏོར་མ་མེ་མར་བཅས་པ་འདི། །སྲོད་ལ་ཡང་ནི་སྦྱིན་པར་བྱ། །གཏོར་མའི་ལས་ནི་འདི་ཉིད་ཀྱིས། །གདོན་དེ་མྱུར་དུ་གཏོང་བར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་བ་ཡི། །ཐབས་གཞན་དག་ནི་སྦྱར་བར་བྱ། །བུ་ཚང་རྡོ་དང་རམ་ཉེ་བ། །གསེར་ཕྲོམ་དང་ནི་སྐྱེར་པ་ཡུངས། །ཀ་པིང་ཏ་ཡི་
Ma115a
༄#། །ཁུ་བ་དང ། །པ་ལ་ཤ་ཡི་ལོ་མ་དང ། །སྦྲང་རྩི་རན་ཙམ་གཞུག་པར་བྱ། །སེང་ལྡེང་སྙིང་པོ་ཚ་བ་གསུམ། །བཙོད་དང་ཤིང་མངར་ཐམས་ཅད་དང ། །དེ་དག་ཆ་ནི་མཉམ་བྱས་ལ། །ར་གཅིན་དང་ནི་བཏག་པར་བྱ། །མར་ནི་ཕུལ་བཞི་གཞུག་པར་བྱ། །བ་གཅིན་ཡང་ནི་བཞི་འགྱུར་བླུགས། །གོ་ཕྱེའི་ལོ་མ་དག་དང་ནི། །པར་བ་ར་ཀ་རུལ་པ་དང ། །ཏིལ་ཏུལ་ནས་ཀྱི་ལོ་མ་ཡིན། །བླུགས་པའི་སྨན་ནི་བྱ་བ་ཡིན། །མར་ནི་ཕུལ་ཏག་ཕྱེད་ཀྱིས་ཀྱང ། །གོང་བུའི་སྨན་མཆོག་བཙོ་བར་བྱ། །དུས་མཚམས་གཉིས་སུ་མཁས་པ་ཡིས། །དེ་ནི་ཁྲུས་ཀྱང་བྱེད་དུ་གཞུག་།གཞོན་ནུའི་གདོན་ནི་ཐམས་ཅད་ལས། །གསོ་བའི་ཐབས་ནི་དམ་པ་ཡིན། །ཀུན་ནས་གསོ་བའི་ཐབས་ཡོད་དེ། །ཐམས་ཅད་ཀྱང་ནི་འཚོ་བ་ཡོད། །ཆོ་ག་འདི་དག་གིས་ཀྱང་ནི། །གདོན་དེ་རབ་ཏུ་འབྲོས་པར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །དགའ་བྱེད་གདོང་གིས་ཁྲུས་བྱ་ཞིང ། །གཏོར་མ་ཡང་ནི་དེ་ལ་སྦྱིན། །ཡང་ན་རིག་པ་མཆོག་གིས་བྱ། །དེས་ནི་གདོན་དེ་གཏོང་བར་འགྱུར། །གཞོན་ནུའི་གདོན་གྱི་སྐབས་རྫོགས་སོ།། །།སྔར་བཤད་
Ma115b
པ་ནི་གང་ཡིན་པའི། །གནོད་སྦྱིན་གདོན་ཡང་ཤེས་པར་བྱ། །གཏུམ་ཞིང་གཟུ་ལུམས་ཆེ་བ་སྟེ། །འཇིག་རྟེན་དག་ལ་འང་འཚེ་བར་བྱེད། །ངོ་གཉིས་ཚེས་ནི་བཅུ་གསུམ་དང་།། ཡར་གྱི་ཚེས་ལྔ་དག་ལ་རྒྱུ། །སྐྱེད་མོས་ཚལ་དང་ལྷ་གནས་སུ། །གཙང་ཞིང་སྤྱོད་པ་གཙང་བ་དང ། །མི་རྣམས་གཟུགས་ནི་བཟང་བ་དང ། །རྒྱན་པོས་རྩེ་ལ་རབ་ཆགས་དང ། །བཞི་མདོ་གང་དུ་རྩེ་བ་ན། །བྲམ་ཟེ་རྒྱལ་རིགས་རྟག་ཏུ་འཛིན། །གནོད་སྦྱིན་གདོན་གྱིས་ཟིན་གྱུར་པ། །དེ་ཡི་མཚན་མ་ཤེས་པར་བྱ། །དྲི་དང་མེ་ཏོག་ཕྲེང་ལ་དགའ།། ཟས་སྐོམ་ལ་འང་དེ་བཞིན་དགའ། །ཁྲོ་བ་མེད་ཅིང་མི་ངུ་ལ། །ཡང་དང་ཡང་དུ་ཟས་ཀྱང་ཟ། །དབང་ཡང་ཆེ་ཞིང་ནོར་མང་ལ། །དེ་བཞིན་རྟག་ཏུ་སྦྱིན་ལ་དགའ། །རྟག་ཏུ་ཤིན་ཏུ་གཙང་སྦྲ་ལྡན། །དེ་ནི་གསོ་བའི་ཐབས་ཀྱང་བཤད། །ཟས་ཀུན་དང་ནི་དྲི་ཀུན་དང ། །དེ་བཞིན་མེ་ཏོག་ཐམས་ཅད་དང ། །ཤིང་ཏོག་ཀུན་དང་སྦྱར་ཐུག་དང ། ། དེ་བཞིན་འབྲས་ཀྱི་འོ་ཐུག་དང ། །ཤ་བཙོས་དང་ནི་རྗེན་པ་དང ། །ཏིལ་ཟན་དང་ནི་འབྱུང་པོའི་ཟས། །གདུགས་སེར་དང་ནི་མཆོད་ཕྱིར་ཐོགས། །དེ་བཞིན་སྐུད་པ་སེར་པོ་དང ། །དབྱིག་རྣམས་དང་ནི་གསེར་དག་དང ། །རིན་ཆེན་རྣམ་པ་སྣ་ཚོགས་རྣམས། །ཚུལ་བཞིན་དུ་ནི་སྦྱིན་པར་བྱ། །གཏོར་མ་དེ་དག་བསགས་ནས་ཀྱང ། །བྱང་
Ma116a
༄#། །ཕྱོགས་སུ་ནི་སྦྱིན་པར་བྱ། །གཏོར་མའི་ལས་ནི་འདི་ཉིད་ཀྱིས། །གདོན་དེ་མྱུར་དུ་གཏོང་བར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །གྲོ་རྣམས་དང་ནི་ནས་རྣམས་དང ། །མོན་སྲན་གྲེའུ་དང་རྒྱ་སྲན་དང ། །འབྲས་བུ་གསུམ་དང་ཚ་བ་གསུམ། །དེ་བཞིན་ཡུངས་ཀར་པྲི་ཡང་ཀུ། །ཤུ་དག་དང་ནི་ཤིང་ཀུན་དང ། །དེ་བཞིན་རྩ་བ་ལྔ་པ་གཉིས། །ཏིལ་རྣམས་སྒོག་སྐྱ་ལྡན་པར་གཞུག ། མར་ནི་ཕུལ་བཞིའི་ནང་དུ་བཙོ། །འོ་མ་ཕུལ་བཞི་སྦྲང་རྩི་བཞི། །བ་གཅིན་ཕུལ་བཞི་བླུགས་པར་བྱ། །བ་ལང་ཀོ་བ་བསྲེགས་པ་ཡི། །ཕྱེ་མ་ཕུལ་བཞི་གཞུག་པར་བྱ། །མེ་ནི་ཆུང་དུས་དལ་ནས་བཙོ། །དེ་ནས་དེ་ལ་བླུགས་པར་བྱ། །དེ་བཞིན་དུ་ནི་སྣར་ཡང་བླུགས། །མིག་བསྐུས་ལུས་བྱུགས་འཇིགས་པ་དང ། །སྣར་བླུགས་འཇིགས་པས་གཟིར་བར་འགྱུར། །ཆོ་ག་འདི་དག་གིས་ཀྱང་ནི། །གདོན་དེ་རབ་ཏུ་འབྲོས་པར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ཡང་སྦྱར་བར་བྱ། །དཀྱིལ་འཁོར་བྲིས་ཏེ་དེར་བཅུག་ལ་སྦྱིན་སྲེག་གི་ལས་མི་བཟད་པས་མེའི་ནང་དུ་རིག་པ་མཆོག་
Ma116b
གིས་གཞོམ་པར་བྱའོ། །ཡང་ན་རྡོ་རྗེ་ནག་མོས་གཞོམ་པར་བྱ་སྟེ། དེས་ནི། གདོན་འབྲོས་པར་འགྱུར་རོ། །གནོད་སྦྱིན་གྱི་གདོན་གྱི་སྐབས་རྫོགས་སོ།། །།དེ་ལས་གཞན་ཡང་གདོན་རྣམས་ཀྱི། །མཚན་མའི་བྱེ་བྲག་བཤད་པར་བྱ། །གདོན་རྣམས་དག་ནི་ཐམས་ཅད་ལ། །རིགས་བཞི་དག་ནི་ཡོད་པར་བཤད། །དེ་དག་ཀྱང་ནི་མིང་གཅིག་དང ། །མཚན་མ་གཅིག་པུ་འཁྲུལ་བར་བྱེད། ། གདོན་རྣམས་གང་དག་གང་དུ་འཛིན། །དེ་ཡང་བདག་གིས་བཤད་པར་བྱ། །ལྷ་དང་འབྱུང་པོ་གནོད་སྦྱིན་དང ། །དེ་བཞིན་དྲི་ཟ་ཚངས་པའི་སྲིན། །གདོན་རྣམས་ལྔ་པོར་ཤེས་པ་ན། །བྲམ་ཟེ་རྒྱལ་རིགས་སྤྱོད་པར་བཤད། །ཀླུ་ཡི་གདོན་དུ་ཤེས་པ་དང ། །སྲིན་པོ་ཡི་ནི་གདོན་ཉིད་དང ། །གདོན་དེ་གཉིས་སུ་ཤེས་པ་ནི། །རྗེའུ་རིགས་དམངས་རིགས་འཚེ་བ་ཡིན། །ལྷ་མིན་གདོན་ནི་རྒྱལ་རིགས་ཀྱིས། །ལྷག་མའི་རིགས་རྣམས་འཚེ་བ་ཡིན། །ཤ་ཟའི་གདོན་ནི་དམངས་རིགས་ཀྱིས། །ལྷག་མའི་རིགས་རྣམས་འཚེ་བ་ཡིན། །སྨྱོ་བྱེད་དང་ནི་ལོག་འདྲེན་དང ། །བྱིས་པའི་གདོན་ནི་གང་ཡིན་པ། །གདོན་རྣམས་འདི་གསུམ་ཤེས་པ་ནི། །རིགས་བཞི་དག་ལ་སྤྱོད་པར་བཤད། །གདོན་གང་རིགས་མཐུན་གང་ལ་སྤྱོད། །དེ་ནི་གསོ་བར་སླ་བ་ཡིན། །ཅི་སྟེ་གདོན་གང་འགའ་བཙལ་ཞིང ། །གཞན་ལ་སྟོན་པར་འགྱུར་ན་ནི། །ལག་ན་རྡོ་རྗེས་བཤད་པ་བཞིན། །དེ་ལ་གསོན་དུ་རེ་བའང་མེད། །ཉི་མ་ནུབ་མོ་སྣང་མི་བྱེད། །ཟླ་བ་ཉིན་མོ་སྣང་མི་བྱེད། །བསྟན་པ་དེ་ཡི་ཚུལ་གྱིས་
Ma117a
༄#། །ནི། །གདོན་ནི་རང་གི་རིགས་ལ་སྤྱོད། །གདོན་རྣམས་བཅོ་བརྒྱད་གང་ཡིན་པ། །ཐམས་ཅད་དུས་ཚིག་རྣམས་སུ་རྒྱུ། །ལོ་གྲངས་བཅུ་གཉིས་ཚུན་ཆད་ཀྱི། །གདོན་རྣམས་གསོ་བའི་ཐབས་བཤད་དེ། །དེ་ལས་འདས་པའི་གདོན་རྣམས་ཀྱི། །གསོ་བའི་ཐབས་ནི་ཡོང་མེད་དོ། །མཚན་གཅིག་གནས་དང་ཆུ་ཡི་ནང ། །མེ་འགྲམ་དང་ནི་ཁྲོན་པའི་དྲུང ། །དེ་བཞིན་མ་མོ་རྣམས་ཀྱི་གནས། །བ་ལང་དབུས་དང་རྟ་ཞོན་དང ། །གླང་ཆེན་ཞོན་དང་གཡུལ་དུ་ཕམ། །རི་བོ་དང་ནི་དུར་ཁྲོད་དང ། །ཤིང་དྲུང་དང་ནི་འབྲེག་མཁན་ཁྱིམ། །གནས་འདི་དག་ནི་ཐམས་ཅད་དུ། །གདོན་ནི་གང་ཞིག་འཇུག་གྱུར་ན། །ལག་ན་རྡོ་རྗེས་བཤད་པ་བཞིན། །དེ་ལ་གསོན་དུ་རེ་བ་མེད། །དེ་ལས་གཞན་ཡང་མི་བཟད་གདོན། །གསོ་བའི་ཐབས་ཀྱང་བཤད་པར་བྱ། །གྲིབ་གནོན་གདོན་ནི་གཉིས་ཡོད་དེ། །མཐོང་བ་ཙམ་གྱིས་འབྲང་བར་བཤད། །དེ་ཡི་མཚན་མའང་ང་ལས་ཉོན། །གྲིབ་གནོན་གདོན་གཉིས་གང་ཡིན་དེ། །ཐམས་ཅད་དུ་ནི་འཇུག་པར་བྱེད། །གདོན་རྣམས་དག་ནི་ཐམས་ཅད་ཀྱང ། །གྲིབ་གནོན་གྱིས་ནི་ཉེ་བར་མཚོན། །སཽ་གནྡྷི་དང་ཨུཏྤལ་གྱི། །མཚན་མ་རྣམས་ཀྱང་ང་ལ་ཉོན། །དེ་ལས་སཽ་གནྡྷི་ཀ་ནི། །གཟུ་ལུམས་
Ma117b
ཆེ་ཞིང་དྲག་པ་སྟེ། །ཚེས་གྲངས་ཉིན་ཞག་ངེས་པ་མེད། །ཤིང་དྲུང་དང་ནི་སྐྱེད་མོས་ཚལ། །ལམ་གྱི་བཞི་མདོར་འཇུག་པར་བྱེད། །གདོན་དེ་ཁུས་འདེབས་དུ་བ་དང ། །ལུས་རྣམས་ཀྱང་ནི་འཇོམས་པར་བྱེད། །ཉིན་མོ་ཐུན་གཅིག་འདས་པ་ན། །གསོད་པར་ཡང་ནི་བྱེད་པ་སྟེ། །སཽ་གནྡྷི་ཀས་ཟིན་འགྱུར་བ། །དེ་ཡིས་མཚན་མ་དེ་དག་ཡིན། ། བདུད་རྩི་ཐབ་སྦྱོར་རབ་དགའ་བྱེད་གདོང་གི་ཆུ་ལ་བསྔག་ཏེ་ཁྲུས་བྱེད་དུ་བཅུག་ལ་བདུག་པས་གདུག་ན་གཏོང་བར་འགྱུར་རོ། །ུཏྤ་ལ་ཡང་ང་ལས་ཉོན། ། ངུ་ཞིང་དགོད་པར་བྱེད་པ་དང ། །སོ་རྣམས་ཀྱང་ནི་གཙིགས་པར་བྱེད། །ནུ་མ་ཡང་ནི་མི་ཤེས་དེ། །དུས་ཚིགས་མེད་པར་རྒྱུ་བར་བྱེད། །ུཏྤལ་ལས་ནི་ཟིན་གྱུར་པ།། དེ་ཡི་མཚན་མ་དེ་དག་ཡིན། །གང་གིས་གདོན་དེ་གཏོང་འགྱུར་བའི། །གཏོར་མ་ཡང་ནི་དེ་ལ་སྦྱིན། །འབྲས་ཀྱི་འོ་ཐུག་སྦྱར་ཐུག་དང ། །ལག་པན་འབྲས་ཆན་བུ་རམ་ཆན། །ཤ་བཙོས་པ་དང་རྗེན་པ་དང ། །ཆང་དང་ཏིལ་གྱི་ཟན་དག་དང ། །འབྲས་ཅན་ཤ་དང་སྦྱར་བ་སྦྱིན། །ཏིལ་དག་དང་ནི་དེ་བཞིན་དབྱིག་།ཆང་དང་སྦྱར་བའི་ཆང་སྦྱིན་ཞིང ། །ལམ་གྱི་བཞི་མདོར་གཏོར་མ་སྦྱིན། །གཏོར་མའི་ལས་ནི་འདི་ཉིད་ཀྱིས། །གདོན་དེ་མྱུར་དུ་གཏོང་བར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་
Ma118a
༄#། །གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །ཡུངས་ཀར་ཤུ་དག་ཤིང་ཀུན་དང ། །པི་པི་ལིང་དང་ན་ལེ་ཤམ། །འབྲས་བུ་གསུམ་ནི་ཆ་མཉམ་དང ། །གི་རི་ཀར་ནི་དཀར་པོ་དང ། །རུ་རྟ་དང་ནི་པྲི་ཡང་ཀུ། །དེ་བཞིན་བཅའ་ལག་དག་དང་ནི། །ཐང་ཤིང་དང་ནི་པུ་ཤེལ་ཙེ། །ནག་ཏ་མ་ལའི་འབྲས་བུ་དང་།། ཚོགས་རྣམས་འདི་དག་བསགས་ནས་ནི། །བ་གཅིན་དག་དང་བཏགས་པར་བྱ། །མར་གྱི་ནང་གུ་བཙུ་བྱ་ཞིང ། །བ་ཅིན་བཞིར་འགྱུར་བླུགས་པར་བྱ། །མིག་ཀྱང་བསྐུ་ཞིང་སྣར་ཡང་བླུགས། །བཏུང་བར་བྱ་ཞིང་ལུས་ཀྱང་བྱུག་།འདི་ནི་གདོན་རྣམས་ཐམས་ཅད་ཀྱི། །སྨན་རྣམས་ཀྱི་ནི་དམ་པ་ཡིན། །གང་ན་སྦྱར་སྨན་འདི་གནས་པ། །དེ་ན་ཀི་ཏ་ལུ་ཏ་དང ། །བྱིས་པ་ཡང་ནི་དེ་བཞིན་ཏེ། །དེ་དག་གིས་ནི་འཇིགས་པ་མེད། །ཆོ་ག་འདི་དག་གིས་ཀྱང་ནི། །གདོན་དེ་རབ་ཏུ་འབྲོས་པར་འགྱུར། ། ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །བདུད་རྩི་ཐབ་སྦྱོར་རམ། དགའ་བྱེད་གདོང་ངམ། གོས་དཀར་ཅན་གྱིས་དཀྱིལ་འཁོར་དུ་བཞག་ན། གདོན་ཐམས་ཅད་མ་རུངས་པར་འགྱུར་རོ། །སཽ་གནྡྷི་དང་ཨུཏྤལ་ལ་གཉི་ག་ཡང་ལས་གཅིག་ཡིན་པར་ཤེས་པར་བྱའོ། །དེ་
Ma118b
ནས་བྱང་ཆུབ་སེམས་དཔའ་བདུད་རྩི་ཐབ་སྦྱོར་གྱིས་བཅོམ་ལྡན་འདས་ལག་ན་རྡོ་རྗེ་ལ་བྲིས་པ། མ་རུངས་གདོན་ལས་གསོ་བའི་ཐབས། །བཅོམ་ལྡན་ཤེས་པར་བགྱི་བར་འཚལ། །གང་ལ་ཤིང་བུ་བབ་པ་དང ། །གང་དག་དཀྱིལ་འཁོར་སྤོང་བ་དང ། །གོས་ཤིང་ཞེན་པར་གྱུར་པ་དང ། །ཕྱིར་ཡང་ལྡོག་བྱེད་གང་ཡིན་དང ། །ནམ་ཡང་གཏོང་བར་མི་བྱེད་པ། །གསང་སྔགས་དང་ནི་རྩི་སྨན་དང ། །སྦྱིན་སྲེག་ལས་ཀྱིས་གཞི་པ་ནི། །གདོན་རྣམས་གཞིག་པའི་དམ་པ་སྟེ། །མར་བཏུང་བ་ཡི་ཆོ་ག་དང ། །ཆོ་ག་ཅི་འདྲ་གཏོར་མའི་ལས། །གསང་བ་ཡི་ནི་ཐེ་ཚོམ་དང ། །གང་གིས་གནོད་སྦྱིན་བཏང་འགྱུར་དང ། །སྲེག་པ་དང་ནི་གཅད་པ་དང ། །གསད་ཅིང་རུས་པ་གཞོམ་པ་དང ། །དེ་དག་ཆོ་ག་རབ་བཤད་པ། །དེ་ནི་སྟོབས་ཆེན་བདག་ལ་གསུངས། །དེ་ལྟར་བློ་ཅན་ཆེ་བ་ཉིད། །བདུད་རྩི་ཐབ་སྦྱོར་གྱིས་དྲིས་ནས། །ལག་ན་རྡོ་རྗེ་སྐལ་ཆེན་གྱིས། །འདི་སྐད་ཀྱི་ནི་ཚིག་ཡང་སྨྲས། །བདུད་རྩི་ཐབ་སྦྱོར་ཁྱོད་ཀྱིས་སུ། །ང་ལ་གང་དྲིས་བཤད་པར་བྱ། །ལྷ་རྣམས་འཁོད་པའི་ནང་དུ་ཉོན། །མ་རུངས་པ་ཡི་གདོན་ཉིད་ནི། །གཡོ་དང་མི་གཡོ་ཞེས་བྱ་བ། །སེམས་ཅན་ཀུན་ལ་འཚེ་བ་ཡོད། །སྦྱིན་སྲེག་ལས་ནི་དུ་མས་ཀྱང ། །གཡོ་དང་མི་གཡོ་བའི་འབྲོས་མི་འགྱུར། །དེ་ཡི་
Ma119a
༄#། །མཚན་མ་ངས་བཤད་ཀྱི། །གོ་རིམ་བཞིན་དུ་ལྷ་རྣམས་ཉོན། །དྲིས་པ་ཡི་ནི་དོན་རྣམས་ཀྱང ། །རབ་ཏུ་ཡང་ནི་སྨྲ་བར་བྱེད། །དུ་བར་བྱེད་ཅིང་རབ་ཏུ་ཁྲོ། །དེ་ནི་མ་རུངས་མཚན་མར་ཤེས། །འདུས་ཤིང་ཚོགས་པའི་ནང་དག་ཏུ། །ཤིན་ཏུ་ཡོངས་སུ་སྲུང་བ་གང ། །ཁང་སྟོང་དག་ཏུ་དགའ་བར་བྱེད། །དེ་ནི་མ་རུངས་མཚན་མར་ཤེས། །གང་གིས་རྟག་ཏུ་ཕྱག་འཚལ་དང ། །སྙན་པར་ཡང་ནི་སྨྲ་བ་དང ། །སྟན་དག་ཀྱང་ནི་སྟོབ་པར་བྱེད། །དེ་ནི་མ་རུངས་མཚན་མར་ཤེས། །སྟན་དག་ལས་ནི་སྟན་དག་ལ། །ཅི་སྟེ་འཕོ་ཞིང་ལྡན་པར་བྱེད། །དེ་ནི་མ་རུངས་མཚན་མར་ཤེས། །ང་ནི་ལྷ་ཡིན་ཁྱབ་འཇུག་པ། །ཚངས་པ་ང་ཡིན་དབང་ཕྱུག་པ། །སྐྱེ་རྒུ་འི་བདག་པོ་ང་ཡིན་ཞེས། །དེ་སྐད་ཀྱི་ནི་ཚིག་སྨྲ་ཞིང ། །གདོན་ཀུན་གྱི་ནི་ཚུལ་ཡང་བྱེད། །གང་གིས་གདོན་དེ་གཏོང་འགྱུར་བ། །དེ་ཡི་གསོ་བའི་ཐབས་ཀྱང་བཤད། ། ་ཤོ་གནྡྷ་ཤུ་དག་དང ། །འབྲས་བུ་གསུམ་དང་པུ་ཙེ་ཤེལ། །ཀནྟ་ཀ་རི་བྲི་ཧ་ཏི། །ཀི་ཏི་ཀར་ནི་དཀར་པོ་དང ། །ནག་ཏ་མ་ལའི་འབྲས་བུ་དང ། །ཤི་རི་ཤ་ཡི་མེ་ཏོག་དང ། །དེ་བཞིན་གསོ་མ་པ་ཏ་ལི། །པ་ལ་ཤ་ཡི་ལོ་མ་དང ། །བུ་ཚང་རྡོ་དང་རམ་ཉེ་བ། །བ་ལ་ཨ་ཏི་བ་ལ་དང ། །བིལ་བ་ཨརྐ་གཉིས་ཀྱི་རྩ། །དེ་བཞིན་རྩ་བ་ལྔ་པ་
Ma119b
གཉིས། །ལོ་ནི་སུམ་ཅུ་ལོན་པ་ཡི། །མར་ནི་རྙིང་པ་གང་ཡིན་པའི། །མར་ནི་ཕུལ་བཞི་ལྡན་པར་བྱ། །འོ་མ་ཕུལ་བཞི་སྦྲང་རྩི་བཞི། །བ་ལང་ཀོ་བ་བསྲེགས་པ་ཡི། །ཕྱེ་མ་ཕུལ་བཞི་གཞུག་པར་བྱ། །སྒོག་སྐྱ་བརྒྱ་ཡང་གཞུག་པར་བྱ། །སྲང་གྲངས་སུམ་ཅུའི་ཨ་རུ་ར། །ཚ་བ་གསུམ་ཡང་དེ་བཞིན་ཏེ། །དེ་བཞིན་འབྲུ་མར་བླུགས་པར་བྱ། །ཤིང་ཀུན་ཡང་ནི་སྲང་གཅིག་དང ། །ལྷན་ཅིག་ཕྱེ་མ་ཞིབ་མོར་བྱ། །གང་ཚེ་ཐམས་ཅད་ཚོགས་གྱུར་ན། །བ་གཅིན་ཕུལ་བཞིན་བླུགས་པར་བྱ། །དེ་ནས་མེ་ནི་ཆུང་དུས་བཙོ། །རླུང་ཅན་དང་ནི་མཁྲིས་པ་ཅན། །བད་ཀན་ཅན་དང་འདུས་པ་ཅན། །གདོན་གྱི་གཟུགས་ནི་ཐམས་ཅད་ཀྱི། །སྨན་རྣམས་ཀྱང་ནི་འདི་ཡིན་ཏེ། །ཆོ་ག་དག་ནི་འདི་ཉིད་ཀྱིས། །གདོན་དེ་མྱུར་དུ་གཏོང་བར་འགྱུར། །ཅི་སྟེ་དེས་ཀྱང་མ་བཏང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །ལྕགས་སྒྲོག་གིས་ནི་བཅིང་བྱ་ཞིང ། །སྐྲ་ཡི་ཐག་པས་བཅིང་བར་བྱ། །བདུག་པ་སྣ་ཚོགས་ཀྱིས་ཀྱང་བདུག་།ལུས་ཀྱང་བསྐུ་ཞིང་བྱུག་པར་བྱ། །དེ་ནས་ཆོ་ག་སྦྱར་བྱ་ཞིང ། །དུས་ལས་ཀྱང་ནི་བཤོལ་མི་བྱ། །དཀྱིལ་འཁོར་ཡངས་ལ་བཞག་ནས་ནི། །ཁོར་ཡུག་ནས་ནི་གཟིར་བར་བྱ། །གདོན་གྱིས་ཟིན་པ་དབུས་བཞག་སྟེ། །ལྕགས་ཐག་གིས་ནི་གདགས་
Ma120a
༄#། །པར་བྱ། །དེ་ནི་བརྟན་པོས་འཁོར་དུ་གཞུག་།བདུག་པས་ལེགས་པར་བདུག་བྱ་ཞིང ། །ལན་གྲངས་བརྒྱར་ནི་ཚང་བར་བྱ། །དེ་བཞིན་ཀོ་བ་ཆུ་དྲོན་དང ། །ཤིང་ཀུན་དང་ནི་སྒོག་སྐྱ་དང ། །སྤུན་པ་དང་ནི་བཅའ་བ་དང ། །འདི་དག་ཆུ་དང་སྦྱར་བྱ་ཞིང ། །ཆུ་ཡི་ནང་དུ་ནུབ་པར་བྱ། །མིས་ནི་གདོན་ཟིན་ངལ་ཡང་བསོ། ། དེ་ལྟར་ནུབ་པར་བྱས་པ་ཡི། །ཆོ་ག་འདི་དག་གིས་ཀྱང་ནི། །ཅི་སྟེ་གདོན་དེ་མི་གཏོང་ན། །ལས་ལ་མཁས་པས་རབ་བསྒྲིམས་ཏེ། །ཆོ་ག་འདི་ནི་སྦྱར་བར་བྱ། །བདུག་པ་སྦྱར་བ་འདི་དག་གིས། །མྱོས་པ་ཉིད་དུ་བྱ་བ་སྟེ། །འདིར་ནི་དྲེད་སྤུ་སེན་མོ་དང ། །དེ་བཞིན་སྟག་གི་སེན་མོ་བླང ། །ཤ་ལྱ་ཀ་ཡི་འབྲས་བུ་དང ། །ཁྱི་དང་དོམ་གྱི་རྟུག་པ་དང ། །བ་ལང་བྱི་བའི་པགས་པ་དང ། །བ་ཏུ་ན་ཡི་རྟུག་པ་དང ། །རྔ་མོ་བོང་བུའི་རྟུག་པ་དང ། །སྤུ་དང་རྟ་ཡི་རྨིག་པ་དང ། །དེ་བཞིན་བ་ལང་ར་དག་དང ། །སྤྲེའུའི་རུས་པ་སྒོག་སྐྱ་དང ། །དེ་བཞིན་དུ་ནི་སྤེན་མ་རྣམས། །དེ་དག་ཆ་ནི་མཉམ་བྱས་ལ། །ཆུ་དང་ལྷན་ཅིག་བཏགས་པར་བྱ། །ལག་ན་རྡོ་རྗེ་ཕྱག་བྱས་ལ། །བདུག་པ་འདི་ནི་སྦྱར་བྱས་ཏེ། །ཡུད་ཙམ་ངལ་ཡང་བསོ་བྱ་ཞིང ། །བདུག་པས་ཡང་དང་ཡང་དུ་བདུག་།དུང་དང་འོ་མ་ཤིང་ཀུན་དང ། །དེ་བཞིན་ཀུ་ཤ་ན་ས་དང ། ། ནན་ཐལ་ཏྲེས་པུ་ཤེལ་
Ma120b
ཙེ། །ངལ་བསོ་དེ་ལ་ཕན་པ་དེ། །སྣར་ཡང་བླུགས་ཤིང་འཐུང་དུ་གཞུག་།ལེགས་པ་ཡང་ནི་བླུགས་པར་བྱ། །ཕན་པར་འདོད་པས་གདོན་ཟིན་གྱི། །ལུས་ལ་ཡང་ནི་བསྐུ་བར་བྱ།། རྒྱམ་ཚཝ་དང་ནི་བཅའ་ལྒ་དང ། །བྱི་ཏང་ཀ་དང་ཚ་བ་གསུམ། །བ་བླ་དང་ནི་རུ་རྟ་རྣམས། །ཆ་མཉམ་པར་ནི་བསྲེག་པར་བྱ། །ར་ཡི་གཅིན་དང་བཏགས་བྱ་སྟེ། །མིག་བསྐུས་ནས་ནི་གདོན་ཀུན་སེལ། །སྣར་བླུགས་ན་ཡང་གདོན་ཀུན་སེལ། །ནིར་གུན་དི་དང་བྱེའུ་རུག་དང ། །ལུང་ཏང་ཡུངས་ཀར་པི་པི་ལིང ། །དེ་དག་མི་བཟད་གདོན་རྣམས་ཀྱིས། །ཟིན་པ་ལ་ནི་སྣར་ཡང་བླུགས། །བཀྲུ་སྨན་ཡང་ནི་གཏང་བྱ་ཞིང ། །སྨན་གྱིས་མིག་བསྐུས་ལུས་ཀྱང་བྱུག་།དེ་ལྟ་བུ་ནི་བྱས་ན་ཡང ། །ཅི་སྟེ་གདོན་ནི་མི་གཏོང་ན། ། གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །སྡོང་ཆེན་ལ་ནི་གདགས་བྱ་ཞིང ། །སྒྲེན་མོར་ཤིན་ཏུ་སྐྲག་པར་བྱ། །ཐག་པ་སྦོམ་པོས་བཅིང་བྱ་ཞིང ། །ལུས་ནི་ཤིན་ཏུ་བསྒྲིམ་པར་བྱ། །ཁྲོན་པ་ནས་ནི་བཅུས་པའི་ཆུ། །རབ་ཏུ་ཡང་ནི་གཏོར་བར་བྱ། །གདོན་པ་དེས་ནི་རབ་ཟིན་ནས། །མི་བཟད་པས་ནི་ལུས་ཀྱང་བསྐུ།། བདུག་པ་སྦྱར་བའི་ལུས་རིམས་ཀྱིས། །གདོན་དེ་མྱུར་དུ་མེད་པར་འགྱུར། །ངལ་བསོ་བ་ཡང་བྱ་བ་སྟེ། །ཤུ་དག་ནིམ་པའི་ལོ་མ་དང ། །པ་དག་དང་ནི་པུ་རྩེ་ཤེལ། །ཀ་པིཏ་
Ma121a
༄#། །ཏ་ཡི་ལོ་མ་དང ། །སྒོག་སྐྱ་སྦྲུལ་ལྤགས་བརྗེས་པས་བསྲེ། །འདི་ནི་ཞི་བར་བྱེད་པར་བཤད། །ཆོ་ག་འདི་དག་གིས་ཀྱང་ནི། །གདོན་དེས་ཅི་སྟེ་མི་གཏོང་ན། །གང་གིས་གདོན་དེ་གཏོང་འགྱུར་བའི། །ཐབས་གཞན་འདི་ནི་སྦྱར་བར་བྱ། །འདི་ལ་ཐེ་ཚོམ་མེད་པར་ནི། །མི་བཟད་གསང་སྔགས་སྦྱར་བར་བྱ། །རྨུགས་བྱེད་ལྕགས་ཅན་སོ་ཅན་དང ། །མཚན་སྦྱིན་བདུད་རྩི་ཐབ་སྦྱོར་སོགས། །ཚོགས་རྣམས་སོ་སོའི་ལས་ཀྱིས་གཞོམ། །བཅིངས་ནས་ཀརྐ་ཏ་ཀ་ཡི། །བདུག་པ་མི་བཟད་བདུག་བྱ་སྟེ། །མགོ་དང་ལྐོག་མ་དེ་བཞིན་དབུས། །ཕྲག་པ་གཉིས་ཀྱང་ངེས་པར་བདུག་།དྲག་པོའི་ལས་ཀྱིས་དྲག་པོ་རྣམས། །སྐྲག་པར་བྱས་ནས་གཏོང་བར་འགྱུར། །ཡིང་ནི་འབྱུང་བར་བྱེད་པ་ནི། །གསང་སྔགས་སྦྱར་སྨན་ལྡན་དེ་བཞིན། །ཡུངས་ཀར་རེག་བདུག་དྲག་པོ་ཡིས། །བློ་ངན་དེ་ནི་སྐྲག་པར་བྱ། །བློ་ཅན་རྒྱུད་ལ་འཇིགས་མེད་ཅིང ། །དེ་ཉིད་རྟོགས་པས་གཏོང་དུ་གཞུག་།ཆོ་ག་འདི་དག་ཉིད་ཀྱིས་ཀྱང ། །ཅི་སྟེ་གདོན་དེ་མི་གཏོང་ན། །གདོན་རྣམས་རབ་ཏུ་ཚར་གཅོད་པའི། ། ཐབས་གཞན་འདི་ནི་སྦྱར་བར་བྱ། །ངེས་པར་ཡང་དག་ཁྱད་པར་དུ། །གསང་སྔགས་ཀྱི་ནི་སྦྱོར་བ་བྱ། །ལག་ན་རྡོ་རྗེས་བྱས་པ་ཡི། །གཞིག་པའི་ཐབས་ཀྱང་རབ་ཏུ་
Ma121b
བྱ། །གཙང་སྦྲ་བྱ་ཞིང་ཞག་ལྔའི་བར། །གསོ་སྦྱོང་དག་གི་ལྡན་པར་བྱ། །གཙང་མས་དུར་ཁྲོད་གཙང་མའི་དབུས། །དཀྱིལ་འཁོར་ཡང་ནི་བྲི་བར་བྱ། །རྫས་བཞི་སྦྱར་བ་གང་ཡིན་པ། །དེ་ཡང་ལེགས་པར་བཤད་པར་བྱ། །ལུང་ཏང་ཕྲེང་ཡང་དེ་བཞིན་དུ། །ཤི་ཤ་པ་དང་སེང་ལྡེང་དང ། །བ་རུ་ར་དང་རྒྱ་སྲན་དང ། །ཀ་ཀུ་བྷ་དང་ཨརྫ་ན། །ཐང་ཤིང་ཡམ་སྲེག་ཤིང་རྣམས་བསྡུ། །ཆུ་ཡི་བུམ་པ་བཞི་དག་ཀྱང ། །ཁྲག་གིས་སུ་ནི་གཏོང་བར་བྱ། །ཤ་བཙོས་པ་དང་རྗེན་པ་དང ། །ཏིལ་ཟན་ལ་ཕུག་སྦྲང་རྩི་དང ། །མར་རྙིང་དག་གི་ཚོགས་རྣམས་དང ། །ཡུངས་ཀར་དག་ནི་བྲེ་བཞི་ཡི། །ཚོགས་རྣམས་དང་ནི་བ་བླ་དང ། ། ཏི་པ་ལེའང་དེ་བཞིན་ནོ། །དྲི་ཀུན་ཡང་ནི་དེ་བཞིན་ཏེ། །སིམ་ཧ་དང་སྟའི་མེ་ཏོག་དང ། །ས་ཧ་དེ་བའང་གཞུག་པར་བྱ། །གསེར་དག་དང་ནི་དངུལ་རྣམས་དང ། །འབྲུ་ཀུན་ཡང་ནི་གཞུག་པར་བྱ། །ཁ་དོག་དག་ཀྱང་ངན་པར་བྱ། །ཁྲག་གིས་ཀྱང་ནི་བསྲེག་པར་བྱ། །དྲི་དང་འབྲས་བུ་མེ་ཏོག་ཕྲེང ། །ཚོན་རྩི་བཏགས་དང་མ་བཏགས་དང ། ། ག་རུ་ནི་མ་ཉམས་སྤོས། །ཏ་མེ་རུ་དང་གུ་གུལ་མར། །པི་ཚུ་མརདའི་ལོ་མ་དང ། །དེ་བཞིན་སྐུད་པ་ཤིས་པ་སྟེ། །མིག་སྨན་གྱི་ནི་རིལ་བུ་དང ། །དེ་བཞིན་སྣར་ཡང་བླུག་པར་བྱ། །ལུས་ལ་ཡང་ནི་བསྐུ་བར་བྱ། །དེ་ནས་ཁྲུས་ཀྱང་བྱ་བ་སྟེ། །
Ma122a
༄#། །ཞི་བའི་ལས་ཀྱི་ཆོ་གས་ཀྱང ། །གདོན་རྣམས་དྲག་ཏུ་ཚར་གཅོད་པ། །དངོས་གྲུབ་མཆོག་འདོད་གང་ཡིན་པས། །རབ་ཏུ་བསྒྲིམས་ཏེ་བྱ་བ་ཡིན། །འབྱུང་པོའི་བདག་དང་འབྱུང་པོ་ཡི། །གོ་ཆ་དེ་ལ་བཤད་པར་བྱ། །དཀྱིལ་འཁོར་ཕུན་སུམ་ཚོགས་པ་དེར། །ས་བོན་ཐམས་ཅད་བཀོད་པ་ཡི། །དཀྱིལ་འཁོར་ཤེས་རབ་ཅན་གྱིས་བྲིས། །འབྱུང་པོའི་བདག་པོ་ཆུང་མར་བཅས། །མཁས་པ་ཡིས་ནི་གཞག་པར་བྱ། །སོ་ཅན་དང་ནི་ལྕགས་ཅན་དང ། །དེ་བཞིན་རྨུགས་བྱེད་རྫོགས་ལྡན་རྣམས། །དེ་དག་ཕྱོགས་རྣམས་གཞག་པར་བྱ། །ཀུན་ནས་ལག་ན་བདུག་པ་ཐོགས། །ལྷོ་ཕྱོགས་ཀྱི་ནི་ངོས་སུ་ཡང ། །དགའ་བྱེད་གྲོང་ཁྱེར་འོད་དང་བཅས། །དམ་པ་བརྒྱད་པོ་གང་བཤད་བྲི། །ཁོ་ར་ཁོར་ཡུག་དག་ནས་ཀྱང ། །ཡམ་སྲེག་ཤིང་ནི་དགྲམ་པར་བྱ། །ནང་དུ་བཀོད་པ་དེ་དག་ཀྱང ། །བསམ་པར་བྱ་ཞིང་ཤེས་པར་བྱ། །ངོས་རྣམས་བཀྲ་ཤིས་འབར་བ་དང ། །མ་རུངས་གདོན་ནི་མཁས་པས་བྲི། །ངེས་པར་ཡང་ནི་མཆོད་བྱས་ནས། །མེ་ཏོག་ཕྲེང་དང་དྲིས་རྒྱས་པས། །ལག་ན་རྡོ་རྗེ་ལེགས་བཤད་པའི། །ལས་རྣམས་ཀྱང་ནི་སྦྱར་བྱ་ཞིང ། །རྒྱུད་མཐོང་བ་ཡི་ལས་ཀྱིས་ནི། །མ་རུངས་གདོན་རྣམས་དགུག་པར་བྱ། །
Ma122b
དཀྱིལ་འཁོར་འདི་ནི་འབྱུང་གནས་ཀྱི། །འབྱུང་པོའི་རིགས་ནི་བརླག་པར་འགྱུར། །དྲག་པོ་ཆེན་པོ་མི་བཟད་པ། །ཆོས་ལུགས་མི་བཟད་གང་ཡིན་པ། །དེ་དག་ང་ཡི་དཀྱིལ། འཁོར་གཞུག་།དྲག་པོ་གཡོ་དང་མི་གཡོ་བ། །དྲག་ཏུ་འཁྲུལ་ཅིང་སེམས་ཅན་རྣམས། །ང་ཡི་དཀྱིལ་འཁོར་ནང་དུ་གཞུག་།དེ་མཐོང་སེམས་ཅན་འཆི་བར་འགྱུར། །གདོན་རྣམས་ཀྱི་ནི་དཀྱིལ་འཁོར་དུ། །འཐབ་པ་དྲག་པ་དེར་གཞུག་ཅིང ། །ཤིན་ཏུ་ཚར་ཡང་གཅད་པར་བྱ། །རིག་པའི་མཆོག་གམ་སྤྱན་གྱིས་ནི། །འཇིག་རྟེན་དཀྱིལ་འཁོར་བྲི་བར་བྱ། །གདོན་གྱི་དཀྱིལ་འཁོར་རྫོགས་སོ།། །།དེ་ནས་གདོན་སྐྲག་པའི་མཚན་མ་རྣམས་དང ། མེད་པར་འགྱུར་བའི་མཚན་མ་རྣམས་བལྟ་བར་བྱ་སྟེ། འདི་ནི་བཏང་བར་མ་གྱུར་ཅིང ། །སྐྲག་པའི་མཚན་མར་ཤེས་པར་བྱ། །ལུས་ཀུན་ཡང་ནི་འདར་བ་དང ། །མགོ་བོ་ཡང་ནི་འདར་བར་བྱེད། །དབུགས་ཀྱི་ཤུགས་ཀྱང་འབྱིན་པར་བྱེད། །དེ་ནི་སྐྲག་པའི་མཚན་མར་ཤེས། །ཤིན་ཏུ་དགོད་པར་བྱེད་པ་དང ། །ཡང་དང་ཡང་དུ་ཁྲོ་བར་བྱེད། །ཚིག་ཀྱང་ཤིན་ཏུ་འཛིན་པར་བྱེད། །དེ་ནི་སྐྲག་པའི་མཚན་མར་ཤེས། །མཐོང་ན་ཡང་ནི་ཞི་བར་འགྱུར། །ཞི་བའི་ཚུལ་གྱིས་ལྟ་བ་དང ། །བདུག་པ་ཡང་ནི་སྣོམ་པར་བྱེད། །ཧཱུཾ་ཞེས་བྱ་བས་སྡོད་པར་འགྱུར། །དེ་ནི་
Ma123a
༄#། །སྐྲག་པའི་མཚན་མར་ཤེས། །ངལ་ཞིང་རིམས་ནད་འདེབས་གྱུར་པ། །དེ་ནི་མེད་པའི་མཚན་མར་ཤེས། །སྨྲས་པ་རྟོག་པ་གང་ཡིན་དང ། །ཐམས་ཅད་མྱུར་དུ་འཛིན་པ་དང ། །ཡང་ན་ཤིན་ཏུ་འདར་བར་འགྱུར། །དེ་ནི་མེད་པའི་མཚན་མར་ཤེས། །གང་ཞིག་མཐོང་ན་རང་དབང་དང ། །སླར་ནི་རང་དགར་འགྱུར་བ་དང་།། མི་ཡི་ཚུལ་ནི་སྤྱོད་གྱུར་པ། །དེ་ནི་མེད་པའི་མཚན་མར་ཤེས། །འཇིགས་བཞིན་བདེན་པ་གང་ཡིན་དེ། །ཞི་བའི་ཚུལ་གྱིས་ལྟ་བ་དང ། །མི་ནི་ངོ་མཚར་ལྡན་གྱུར་པ། ། དེ་ནི་མེད་པའི་མཚན་མར་ཤེས། །དེ་བཞིན་མདུན་གྱི་མི་ཕྱོགས་ལ། །དྲིས་ན་ཡང་ནི་སྨྲ་མི་བྱེད། །རིམས་ནད་བྱང་ཞིང་རྨོངས་མེད་པ། །དེ་ནི་མེད་པའི་མཚན་མར་ཤེས། །ཁྱོད་ཀྱིས་ང་ལ་གང་དྲིས་པ། །དེ་ཀུན་ཁྱོད་ལ་བཤད་པར་བྱ། །བཅོམ་ལྡན་ཇི་ལྟར་གདོན་འབྲོས་དང ། །མི་ནི་འབྲོས་ཚུལ་ཅི་འདྲ་དང ། །གནས་པའི་ཚུལ་ནི་ཅི་འདྲ་དང ། །བྱ་བ་སྒྲུབ་པར་ཇི་ལྟར་འགྱུར། །ཇི་ལྟར་མི་འཇོམས་མཉན་པར་འཚལ། །ལག་ན་རྡོ་རྗེ་སྟོབས་ཆེན་གྱིས། །དེ་ཡི་ཚིག་དེ་ཐོས་གྱུར་ནས། །བདུད་རྩི་ཐབ་སྦྱོར་ཁྱོད་ཀྱི་སུ། །ང་ལ་དྲིས་པ་གང་ཡིན་པ། །གདོན་རྣམས་ཉན་པར་འགྱུར་བ་ཡི། །ལས་དེ་སོ་སོ་ཅི་རིགས་ཉོན། །དཀྱིལ་འཁོར་དག་ནི་བཞི་མདོ་དང ། །དེ་བཞིན་
Ma123b
ཁྱིམ་དང་བ་ལང་ལྷས། །དུར་ཁྲོད་དང་ནི་ཤིང་གཅིག་དྲུང ། །དེ་ནི་མཁས་ཤིང་འཇིགས་མེད་པས། །གདོན་དེ་གཏོང་དུ་གཞུག་པར་བྱ། །ཐོག་མར་ཆོ་གར་བྱ་བ་ནི། །ཞག་གསུམ་ཡང་ན་ཞག་ལྔ་འམ། །ཞག་བདུན་བར་དུ་ཅུང་ཟད་བསྟེན། །ཡང་ན་ཟླ་བ་ཕྱེད་ཀྱི་བར། །དེ་བཞིན་ཞག་ནི་ཉི་ཤུ་གཅིག་།རིག་སྔགས་སྟོབས་ནི་ཆེ་བ་དང ། །བདག་ཉིད་རིག་སྔགས་གསང་བ་ཡི། །རིག་སྔགས་དེ་བཞིན་ཤེས་ནས་ནི། །ཅི་ནས་དེ་ནི་དབང་འགྱུར་ཞིང ། །ཉན་དུ་ཡང་ནི་གཞུག་པར་བྱ། །ཕྱེམ་རེད་ཀྱི་ནི་དུས་མཚམས་སུ། །བ་བ་ན་བདུད་རྩི་ཐབ་སྦྱོར་གྱིས། །འབྱུང་པོ་རྣམས་ཀྱི་དཀྱིལ་འཁོར་ནི། །ཁྲུ་གསུམ་ཁྲུ་བཞི་མཛེས་པ་བྲི། །དེས་ནི་ཐེ་ཚོམ་མེད་པར་ཡང ། །གསང་བ་བདག་ནི་ཉན་པར་འགྱུར། ། བདག་ཉིད་འབྱོར་པར་གང་འདོད་པས། །གསང་བ་ཡང་ནི་འདིས་བྱ་ཞིང ། །གསང་སྔགས་འདི་ཡིས་འབྱུང་པོ་རྣམས། །ཉན་པར་འགྱུར་བ་ཞེས་བྱ་བ། །འདི་ནས་མཁས་པས་བྱེད་དུ་གཞུག་།ལོ་ནི་བཅུ་གཉིས་དག་ཏུ་ཡང ། །མ་བསྙེན་པ་ལ་སྦྱིན་མི་བྱ། །སྟོང་སྙེད་མ་བྱིན་སྦྱིན་མི་བྱ། །སྡིག་པའི་ཚུལ་ཅན་སྦྱིན་མི་བྱ། །གང་གིས་གདོན་ནི་ཉན་པར་འགྱུར། །གང་གིས་གསང་སྔགས་དབང་འགྱུར་པ། །ཕྱག་རྒྱའི་ཆོ་ག་ངེས་པ་ཡིས། །གསང་སྔགས་དཀྱིལ་འཁོར་འདི་ཡང་བཤད། །ཕྱག་རྒྱ་ཚོགས་དང་བཅས་བཏང་
Ma124a
༄#། །ཞིང ། །གསང་བའི་ཕྱག་རྒྱས་བཏང་བྱས་ནས། །བརྟགས་ནས་རྟག་ཏུ་འཛིན་པར་བྱེད། །ཕྱག་རྒྱ་བྱས་པའི་ཕྱག་རྒྱ་ཡི། །དཀྱིལ་འཁོར་མཆོག་ཏུ་གསང་བ་འདི། །གསང་བ་པ་རྣམས་གཞིག་པ་དང ། །ཆོ་ག་བསྒྲུབ་ཕྱིར་བཤད་པར་བྱ། །དེ་ནས་བཅོམ་ལྡན་འདས་ལག་ན་རྡོ་རྗེ་རྣལ་འབྱོར་དམ་པ་ལ་གནས་ན་ས་གདོན་ཉན་པར་འགྱུར་བའི་ཕྱག་རྒྱའི་དཀྱིལ་འཁོར་འདི་བཤད་དེ། ཁྲུ་གསུམ་པ་ཚོན་སྣ་ལྔའི་ཕྱེ་མས་དབུས་སུ་བཅོམ་ལྡན་འདས་ལག་ན་རྡོ་རྗེ་བྲིའོ། །དེ་ནས་ཕྱག་རྒྱ་དགོད་པར་བྱ་སྟེ། ཤར་ཕྱོགས་ཀྱི་སྒོ་ལོགས་སུ་ན། རྒྱལ་བ་ཞེས་བྱ་བའི་ཕྱག་རྒྱ་དང ། རྣམ་པར་རྒྱལ་བ་དང ། རྡོ་རྗེ་མཚན་མ་དང ། རྡོ་རྗེའི་རྟགས་རྣམས་དགོད་དོ། །ལྷོ་ཕྱོགས་སུ་ནི། བཀྲ་ཤིས་དང ། ཤིན་ཏུ་བཀྲ་ཤིས་དང ། ཀླུ་ལག་དང ། པདྨའི་མཚན་རྣམས་དགོད་དོ། །བྱང་ཕྱོགས་སུ་ནི། འཚེ་བ་དང ། པདྨའི་ཕྲེང་བ་དང ། གཡུང་དྲུང་རིས་དང ། མདུང་རྩེ་གསུམ་པ་དགོད་དོ། །ནུབ་ཕྱོགས་སུ་ནི། མདུང་ཐུང་དང ། རྡོ་རྗེ་དང ། ཞགས་པ་དང ། རལ་གྲི་རྣམས་དགོད་དོ། །གདོན་གྱི་དབྱུག་པ་ཡང་གཡོན་ལོགས་སུ་གཞག་གོ་།འཁོར་ལོ་ནི་གཡས་ཕྱོགས་སུ་གཞག་གོ་།དེ་ནས་རིག་སྔགས་འཆང་གིས་ལྷ་བཤོས་རྣམ་པ་སྣ་ཚོགས་དབུལ་ཞིང་དྲི་དང ། མེ་ཏོག་ཀྱང་དབུལ་
Ma124b
ལོ། །རིག་སྔགས་ཀྱང་ལན་བརྒྱད་སྟོང་བཟླས་བརྗོད་བྱའོ། །གདོན་གྱིས་ཟིན་པ་ཡང་བུམ་པའི་ཆུས་ཁྲུས་བྱེད་དུ་གཞུག་གོ་།དེ་ནས་གདོན་གྱིས་གཏོང་བར་འགྱུང་པའི་རིག་སྔགས་བཀླག་པར་བྱའོ། །དེ་ནས་གདོན་གྱིས་རིག་སྔགས་འཆང་ཇི་སྐད་ཟེར་བ་བཞིན་བྱེད་པར་འགྱུར་ཏེ། སོང་ཞིག་ཅེས་བྱས་ན་འགྲོ་བར་འགྱུར་རོ། །དེ་ནས་གདོན་བཀོལ་བར་འདོད་ན། གང་དང་གང་དུ་དགོས་པ་དེ་ཐམས་ཅད་བྱེད་པར་འགྱུར་རོ། །ལྷ་རྣམས་གསང་བ་དང ། གསང་ཆེན་དང ། གདོན་ཉན་པར་འགྱུར་བའི་ཕྱག་རྒྱའི་ཚོགས་ཀྱིས་ཕྱག་རྒྱའི་དཀྱིལ་འཁོར་ཐམས་ཅད་ངས་བཤད་ཟིན་ཏོ། །ཕྱག་རྒྱ་རྣམས་ཀྱི་ཅུང་ཟད་དཔེ་ཙམ་དུ་བྱ་བ་དེ་ངས་བཤད་པར་བྱ་སྟེ། རིག་པ་མཆོག་གི་ཆོག་རྒྱས་པ་ཆེན་པོའི་རྒྱུད་ཕྱི་མ་དང་བཅས་པ་ཕྱག་རྒྱ་རྣམས་ཀྱིས་བཏབ་པ་འདི་འཆང་བ་གང་ཡིན་པ་དང ། ཀློག་པ་དང ། ཕྱག་འཚལ་བ་གནག་ཡིན་པ་དེ་ལ་ཡང་ལྷ་རྣམས་ཡིད་དགའ་བར་འགྱུར་ན། བཅོམ་ལྡན་འདས་རིག་སྔགས་ཀྱི་རྒྱལ་པོ་སྤྱན་དང་བཅས་པ་འདི་འཆང་བའམ། ཕྱག་འཚལ་བ་ལྟ་ཅི་སྨོས་ཏེ། དེའི་མདུན་དུ་གདོན་ཐམས་ཅད་སྙིང་འདར་ཞིང་མྱུར་དུ་འཁོད་པར་འགྱུར་རོ། །བཅོམ་ལྡན་འདས་རིག་པ་མཆོག་གི་ཆོ་ག་རྒྱས་པ་ཆེན་པོ་བཅོམ་ལྡན་འདས་མ་སྤྱན་དང་བཅས་པ་གང་ཡིན་པ་ངས་
Ma125a
༄#། །བཤད་ཟིན་ཏོ། །སྙིང་པོའི་རྒྱལ་པོའི་ལས་གང་གིས་ཆོ་ག་རྒྱས་པ་ཐམས་ཅད་འགྱུར་བའམ། འཇོམས་པར་བྱེད་པ་ཡང་ངས་བཤད་པར་བྱ་སྟེ།་སྙིང་པོ་བཅོམ་ལྡན་འདས་མ་དང་བཅས་པ་རྒྱུད་ཕྱི་མ་དང་ལྡན་པ་ལ་གནས་པ་དང ། འཆང་བ་གང་ཡིན་པ་དེ་ལ་ནི། ལག་ན་རྡོ་རྗེས་བཤད་པ་བཞིན་དུ་རིང་པོ་མི་ཐོགས་པར་དངོས་གྲུབ་འགྱུབ་པར་འགྱུར་རོ། །འཇོམས་པར་བྱེད་པ་ཡང་ངས་བཤད་པར་བྱ་སྟེ། ཚེས་གྲངས་འདམ་མི་དགོས། སྨྱུང་བ་ཡང་བྱ་མི་དགོས་པར་བ་ལང་གི་ལྕི་བས་དཀྱིལ་འཁོར་སྐྱང་ནུལ་གྱིས་བྱུགས་པ། དེར་ཙནྡན་དམར་པོ་ལས་བྱས་པའི་རྡོ་རྗེ་བཞག་ནས་དེའི་མདུན་དུ་མིའི་གཟུགས་བྱས་ཏེ་སྙིང་པོའི་རྒྱལ་པོ་བཟླས་བརྗོད་བྱེད་ཅིང་བ་ཀུ་ལའི་མེ་ཏོག་གིས་བསྣུན་ན། ཆོ་ག་རྒྱས་པའི་གདོན་བཅོམ་པར་འགྱུར་རོ། །ཆོ་ག་དེ་ཉིད་ཀྱིས་སྣ་མའི་མེ་ཏོག་གིས་བསྣུན་ན། ཆོ་ག་རྒྱས་པ་འགྲུབ་པར་འགྱུར་ཏེ། དམ་པ་སྦྱིན་པར་འགྱུར་རོ། །ཟླ་བ་གཅིག་གི་བར་དུ་སློང་མོའི་ཟས་སམ། འོ་མ་དང་ཕྱེ་མའི་འདག་གུ་ཟ་ཞིང་མཆོད་རྟེན་དྲུང་དུ་སྙིང་པོའི་རྒྱལ་པོ་བཟླས་བརྗོད་བྱས་ན། གང་སྒྲུབ་པ་དེ་ལ་འབྲས་བུ་ཡོད་པར་འགྱུར་རོ། །དེ་ནས་རིག་སྔགས་འཆང་གིས་མར་གྱི་ངོ་ཞག་བཅུ་བཞི་ལ་
Ma125b
ཞག་གཅིག་སྨྱུང་བ་བྱས་ཏེ་གོས་གཙང་མ་བགོས་ནས་མཆོད་རྟེན་གྱི་ཁང་བུར་སོང་ལ་དྲི་དང ། མེ་ཏོག་དང ། བདུག་པས་བརྒྱན་ནས་ཀུ་ཤའི་སྟན་གཉིས་བཞག་སྟེ། རིག་སྔགས་འཆང་ཤར་ཕྱོགས་སུ་ཁ་བལྟ་ཞིང་རིག་སྔགས་འཆང་གཅིག་ནུབ་ཕྱོགས་སུ་ཁ་བལྟས་ཏེ་འདུག་ལ་དེ་ནས་རིག་སྔགས་འཆང་གི་ལག་པ་རིག་སྔགས་འཆང་གི་ལག་པས་བཟུང་ནས་རིག་སྔགས་ཀྱི་རྒྱལ་པོ་ལན་བརྒྱད་སྟོང་བཟླས་བརྗོད་བྱའོ། །དེ་ནས་འཕགས་པ་ལག་པ་སྦྱར་བའི་ནང་ནས་འོད་ཟེར་འབྱུང་བར་འགྱུར་རོ། ། འོད་ཟེར་དེ་ཡང་རྣམ་པ་གཉིས་སུ་འགྱུར་ཏེ། རིག་སྔགས་འཆང་ལ་གཡས་ཕྱོགས་སུ་བསྐོར་ནས་མི་སྣང་བར་གྱུར་པ་དང ། རིག་སྔགས་འཆང་གི་མགོ་བོ་ལ་གཙུག་གི་ནོར་བུར་འགྱུར་ཏེ། དེ་མགོ་ལ་འདུག་པས་རིག་སྔགས་འཆང་གི་འཁོར་ལོས་བསྒྱུར་བར་གྱུར་ཏེ། རིག་སྔགས་འཆང་ཐམས་ཅད་ཀྱིས་མི་སོད་ལ། འདོད་རྒུར་བསྒྱུར་བའི་གཟུགས་ཅན་དུ་འགྱུར་ཞིང་བསྐལ་པར་གནས་པ་དང ། སྲེད་མེད་ཀྱི་བུའི་སྟོབས་ཕྱེད་དང་ལྡན་པར་འགྱུར་ཏེ། གཉི་ག་ཡང་སྲེད་མེད་ཀྱི་བུའི་སྟོབས་ཕྱེད་དང་ལྡན་པར་འགྱུར་ཞིང་དཔག་ཚད་ཉིས་སྟོང་དུ་གྱེན་དུ་འཕགས་པར་འགྱུར་རོ། །ཟླ་བ་ཕྱེད་ཀྱི་བར་དུ་ཟས་སུ་འོ་མ་དང་ཕྱེ་མའི་འདག་གུ་ལ་རིག་སྔགས་བཟླས་བརྗོད་བྱས་ལ་
Ma126a
༄#། །དེ་ནས་མར་གྱི་ངོ་ཞག་བཅུ་བཞི་ལ་ལྷ་ཆེན་པོའི་གནས་སུ་སོང་སྟེ་རིག་སྔགས་ལན་བརྒྱད་སྟོང་བཟླས་བརྗོད་བྱའོ། །དེ་ནས་རིག་སྔགས་འཆང་ཟླ་བ་ཉ་ལ་ནྱ་གྲོ་དྷའི་ཤིང་གཅིག་འགྲེང་གི་དྲུང་དུ་སོང་ལ་དེའི་དྲུང་དུ་ཁྲུ་ལྔ་ཙམ་བྱི་དོར་བྱས་ནས་ཕོའི་མིང་དང་ལྡན་པའི་ཤིང་ལས་མདུང་བྱས་ཏེ་དྲི་དང ། མེ་ཏོག་དང ། བདུག་པས་བརྒྱན་ལ། བཅོམ་ལྡན་འདས་མ་དང ། རིག་སྔགས་ཀྱི་རྒྱལ་པོས་ལས་བྱས་ཏེ། དེ་ནས་རིག་སྔགས་འཆང་དེ་ནྱ་གྲོ་དའི་ཤིང་ལ་འཛེགས་ལ། རིག་སྔགས་ལན་བརྒྱད་སྟོང་བཟླས་བརྗོད་བྱ་སྟེ། བཟླས་བརྗོད་བྱེད་བཞིན་དུ་མདུང་གི་སྟེང་དུ་བདག་ཉིད་མཆོང་ནས་དེས་རེག་མ་ཐག་ཏུ་ལྕང་ལོ་འཁྱིལ་ཞིང་ལོ་བཅུ་དྲུག་ལོན་པའི་གཟུགས་ཅན་དུ་འགྱུར་ཏེ། རིག་སྔགས་འཆང་ཐམས་ཅད་ཀྱིས་མི་སོད་ལ་ཚེ་ལོ་ཁྲི་ཉིས་སྟོང་ཐུབ་པར་འགྱུར་ཏེ། ལུས་ཞིག་བའི་ཚེ་ཡང་འཕགས་པ་ལག་ན་རྡོ་རྗེ་མཐོང་བར་འགྱུར་རོ། །ཡུམ་དང་སྙིང་པོའི་རྒྱལ་པོ་འཆང་བ་གང་ཡིན་པ་དེ་ལ་ནི། ལྷ་རྣམས་ཡིད་དགའ་བས་དངོས་གྲུབ་སྦྱིན་པར་འགྱུར། ཆོག་རྒྱས་པར་རྒྱུད་ཕྱི་མ་དང་བཅས་པ་འདི་འཆང་བའམ། ཀློག་པ་གང་ཡིན་པ་དེ་དག་ལ་ནི། ལྷ་ཐམས་ཅད་སྲུང་བ་དང ། སྐྱོབ་པ་དང །
Ma126b
སྦེད་པར་འགྱུར་ཏེ། སྡིག་པ་ཐམས་ཅད་ལས་ཀྱང་གྲོལ་བར་འགྱུར་རོ། །སྙིང་པོའི་རྒྱལ་པོ་འཆང་བ་གང་ཡིན་པས་ནི། ལག་ན་རྡོ་རྗེས་བཤད་པ་བཞིན་དུ་རིང་པོ་མི་ཐོགས་པར་དངོས་གྲུབ་ཐོབ་པར་འགྱུར་རོ། །གདོན་ཐམས་ཅད་ཀྱང་འདི་ཉིད་ཀྱིས་དབང་དུ་བྱའོ། །གདོན་འཁྲུགས་པར་བྱ་འདོད་ན། ན་ལེ་ཤམ་བླངས་ལ་ཀ་ན་ཀའི་འབྲས་བུའི་ནང་དུ་བཙོས་ནས་ན་ལེ་ཤམ་དེས་གདོན་ལ་བདུགས་ན། སྨྱོ་བར་འགྱུར་རོ། །གུ་གུལ་གྱི་བདུག་པའམ། གཏོར་མས་གཏོང་བར་འགྱུར་རོ། །མིག་འཁྲུལ་བར་བྱ་བར་འདོད་ན། བ་བླ་བླངས་ཏེ་རྩངས་པ་ཟར་བཅུག་སྟེ་བ་བླ་རྩངས་པའི་ཁ་ནས་བྱུང་བ་བླངས་ནས་མིག་སྔར་བསྟེན་ན། མིག་འཁྲུལ་བར་འགྱུར་ཏེ། མར་དང་སྦྲང་རྩིས་བསྐུས་ན། སླར་འཚོ་བར་འགྱུར་རོ། །གདོན་གྱི་ཀླད་པ་ན་བར་བྱ་ན། བ་ལ་ཀ་ཏའི་འབྲས་བུ་བླངས་ལ་ཕྱེ་མར་བཏགས་ཏེ་མེ་ཏོག་དང་ལྷན་ཅིག་ཏུ་སྣོམ་དུ་བཅུག་ན། བསྣམས་མ་ཐག་ཏུ་ཀླད་པའི་ནད་ཀྱིས་འདེབས་པར་འགྱུར་རོ། །གུ་གུལ་གྱི་བདུག་པའམ། གཏོར་མས་གཏོང་བར་འགྱུར་རོ། །དེ་ནས་གདོན་མཁྲིས་པའི་རིམས་ཀྱིས་འདེབས་པར་འདོད་ན། ཨགྣི་མ་སྡུ་བ་གཅིན་བགོས་ལ། བགོས་ནས་ཕྱེ་མ་ཞིབ་མོར་བཏགས་ཏེ་མེ་ཏོག་དང་ལྷན་ཅིག་ཏུ་སྣོམ་དུ་བཅུག་ན། བསྣམས་མ་
Ma127a
༄#། །ཐག་ཏུ་མཁྲིས་པའི་རིམས་ཀྱིས་འདེབས་པར་འགྱུར་ཏེ། གུ་གུལ་གྱི་བདུག་པ་དང ། གཏོར་མས་གཏོང་བར་འགྱུར་རོ། །པྲི་ཏི་པི་པི་ཏ་དང ། ཙནྡན་དམར་པོ་དང ། མིའི་ཐོད་པ་ལྷན་ཅིག་ཏུ་སྦྱར་ཏེ་འཐུང་དུ་བཅུག་ན། གདོན་མྱོས་པར་འགྱུར་ཏེ། མར་དང་སྦྲང་རྩིའམ་གཏོར་མས་གཏོང་བར་འགྱུར་རོ། །ཏུམ་པའི་རྩ་བ་དང ། ཀ་ཤ་ཏ་ཀི་དང ། ཀ་ན་ཀའི་འབྲས་བུ་ལྷན་ཅིག་ཏུ་བཏགས་ཏེ་བླུད་ན་ཡང་མྱོས་པར་འགྱུར་རོ་།བུ་རམ་དང་རྩ་བས་སམ་གཏོར་མས་གཏོང་བར་འགྱུར་རོ། །གདོན་ནི། ཆོ་གས་གཏོང་བར་འགྱུར་བའི་བདུག་པ་བཤད་པར་བྱ་སྟེ། གཞོན་ནུ་ལ་ནི་ལྷག་པར་ཡང ། །རྨ་བྱའི་སྒྲོ་དང་དྷ་ཀ་ཏི། །གསེར་ཕྲོམ་ལུག་རུ་བ་ལང་རཝ། །དེ་བཞིན་མ་ཧཱ་ས་གནྡྷ། །སྦྲུལ་ལྤགས་རྗེན་པ་དག་དང་ནི། །རྒྱ་སྐྱེགས་བྱི་ལའི་པགས་པ་དང ། །མོན་སྲན་སྡེའུའི་མ་རུའི་རྩ་བ་དང ། །ན་ལེ་ཤམ་དཀར་འབྲུ་བཞི་དང ། །རས་བལ་ཚི་གུ་བིལ་བའི་རྩ། །ཐང་ཤིང་ཙནྡན་དམར་པོར་བཅས། །ཐེ་ཚོམ་མེད་པར་གནོད་སྦྱིན་མོ། །བདུག་པ་འདི་དག་སྦྱིན་བྱ་ཞིང ། །བྱིས་པ་རྣམས་ལ་ཕན་འདོད་པས། །བདུག་པ་འདི་ནི་སྦྱར་བར་བྱ། །གདོན་རྣམས་ཀྱིས་ནི་ངོ་ལོན་དང ། །གཏོང་བར་
Ma127b
བྱེད་པ་དང ། འཁྲུལ་པར་བྱེད་པ་དེ་ངས་བཤད་ཟིན་ཏོ། །སེམས་ཅན་རྣམས་ལ་ཕན་གདགས་པའི་ཕྱིར་རིག་སྔགས་ཀྱིས་གདོན་རྣམས་གཅད་པ་དང ། གཞོམ་པ་དང ། ཕྱིར་བསླང་བར་བྱ་བ་ངས་བསྟན་པ་དེ་ཡང་བཤད་པར་བྱའོ། །ན་མོ་བཛྲ་པཱ་ཎི་སྱ། ཧུ་རུ་ཧུ་རུ་བ་ཧུ་མེ། ཨུཏ་ཏིཥྛ། ཨི་མེ་སཝཱ་ཧཱ། ཕྱིར་བསླང་བ་ནི། ཆུས་བྱའོ། ། ལྷ་རྣམས། གདོན་རྣམས་ཀྱི་མཚན་མ་དང ། གསོ་བའི་ཐབས་ངས་བཤད་ཟིན་ཏོ། །རིག་པ་མཆོག་གི་ཆོ་ག་རྒྱས་པ་མ་ལུས་པའི་དབང་དུ་བྱས་ཏེ། ལས་བྱེད་པ་གང་ཡིན་པའམ། ཡང་ན་བཅོམ་ལྡན་འདས་རིག་སྔགས་ཀྱི་རྒྱལ་པོ་སྤྱན་དང་བཅས་པར་འཆང་བ་གང་ཡིན་པ་དེས་ཀྱང་གདོན་རྣམས་མ་རུངས་པར་བྱ་བ་དང ། གསད་པར་ནུས་སོ། །གང་ཞིག་བཟོད་ལྡན་ཁྲོ་ཐུལ་བ། །ཚངས་པར་སྤྱོད་ཅིང་དབང་པོ་ཐུལ། །གཙང་ཞིང་སྤྱོད་པ་གཙང་བ་དང ། །བྱང་ཆུབ་ཏུ་ནི་ངས་བྱས་དང ། །རིག་པ་མཆོག་གི་དེ་ཉིད་རྟོགས། །ཆོ་གའི་ལྷ་རྣམས་མཆོད་བྱེད་པ། །དེ་འདྲར་སྤྱོད་པ་མཁས་པ་ཡིས། །གསང་བ་པ་རྣམས་གཞིག་པར་བྱ། །གདོན་ཐམས་ཅད་ཀྱི་ངོ་ལོན་རྫོགས་སོ།། །།དེ་ནས་སའི་ལྷ་མོས་ལག་ན་རྡོ་རྗེའི་ཞབས་གཉིས་ལ་གཏུགས་ནས་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །
Ma128a
༄#། །བཅོམ་ལྡན་འདས། ཆོ་ག་རྒྱས་པ་ལེགས་པར་གསུངས་སོ། །བདག་གིས་ཀྱང་རིག་སྔགས་འཆང་རྣམས་ཀྱི་དོན་གྱི་ཕྱིར་བཅོམ་ལྡན་འདས། རིག་སྔགས་འཆང་གིས་རིག་སྔགས་ནི། ཇི་ལྟར་བསྒྲུབ་པར་བགྱི། ཇི་ལྟར་ནི་འཇུག་པར་བགྱི། ནོར་སྒྲུབ་པའི་ལས་ཀྱི་དུས་ནི་གང ། དྲག་ཤུལ་བྱ་བའམ། ཞི་བའམ། རྒྱས་པའི་ལས་ཀྱི་དུས་ནི་གང ། རིག་སྔགས་ནི་དུས་གང་དུ་བསྒྲུབ་པར་བགྱི། དེ་ནས་བཅོམ་ལྡན་འདས་ལག་ན་རྡོ་རྗེས་སའི་ལྷ་མོ་ལ་འདི་སྐད་ཅེས་སྨྲས་སོ། །སའི་ལྷ་མོ། ཁྱོད་སེམས་ཅན་ཐམས་ཅད་ལ་ཕན་པའི་ཕྱིར་ཞུགས་ཏེ་ང་ལ་དྲིས་པ་གང་ཡིན་པ་དེ་ལེགས་སོ། །སེམས་ཅན་རྣམས་ཀྱི་དོན་གྱི་ཕྱིར་ལྷ་མོ་ཁྱོད་ལ་བཤད་པར་བྱ་སྟེ། རིག་སྔགས་འཆང་རིག་སྔགས་སྒྲུབ་པ་ཟླ་བ་ཕྱེད་དམ། ཞག་ཉི་ཤུའི་བར་དུ་རིག་སྔགས་བསྟེན་པར་བྱ་སྟེ། དེ་ཡང་དོར་བར་བྱའོ། །གསུམ་པ་ནི། རོ་སྨད་དཀྲིས་ནས་ལྷའི་ཐད་དུ་འགྲོ་བར་བྱའོ། །རིག་སྔགས་འཆང་རིགས་གང་དེ་ཉིད་ཀྱིས་ཆུ་ལ་བསྔགས་ཏེ་ཁྲུས་བྱ་ཞིང ། ཁྲུས་བྱེད་པའི་ཚེ་སུ་ལ་ཡང་སྨྲ་བར་མི་བྱ་སྟེ། རིག་སྔགས་ལ་ཕྱག་བྱས་ནས་ཁྲུས་བྱའོ། །རིག་སྔགས་སྒྲུབ་པ་ན་སྐྱིལ་མོ་ཀྲུང་བརྟན་པོར་འདུག་པ་བྱ་སྟེ།
Ma128b
རྒྱས་པའམ་རིག་སྔགས་སྒྲུབ་པ་ལ་ནི། སྐྱིལ་མོ་ཀྲུང་གིས་འདུག་པར་བྱའོ། །དྲག་ཤུལ་ལ་ནི། རྐང་པས་རྐང་པ་མནན་ཏེ་འདུག་པར་བྱའོ། །རྒྱས་པའི་ལས་དང ། ནོར་སྒྲུབ་པ་དང ། སྒྲུབ་པ་ཆེན་པོ་རྣམས་ལ་ནི། ནང་པར་ལས་བྱ་སྟེ། དེའི་ཚེ་ལྷ་ཐམས་ཅད་མངོན་དུ་ཕྱོགས་པར་འགྱུར་བས་ན། དེའི་ཕྱིར་ལས་འགྲུབ་པར་འགྱུར་རོ། ། དྲག་ཤུལ་གྱི་ལས་ལ་ནི། ཉི་མ་གུང་ངམ། ནམ་ཕྱེད་ན་ལས་བྱ་སྟེ། དེའི་ཚེ་ཡི་དྭགས་ཐམས་ཅད་མངོན་དུ་ཕྱོགས་པར་འགྱུར་བས་ན། དེ་ཕྱིར་དེ་དག་མ་རུངས་པར་བྱེད་པ་ལ་འཇུག་པར་འགྱུར་རོ། །ཞི་བ་དང ། རིག་སྔགས་སྒྲུབ་པ་ནི། སྲོད་ཀྱི་དུས་སུ་བྱ་སྟེ། དེའི་ཚེ་གནས་གཙང་མའི་རིགས་ཀྱི་ལྷ་རྣམས་རིག་སྔགས་འཆང་ལ་ལྟ་བར་བྱེད་པས་ན། དེའི་ཕྱིར་དེ་ལ་ཞི་བ་འགྲུབ་པར་འགྱུར་རོ། །ནུབ་མོ་ཡང་ཆོ་ག་འདི་བཞིན་དུ་ལས་བྱའོ། །ལྷ་མོ། གཞན་ཡང་བཤད་པར་བྱ་སྟེ། རིག་སྔགས་གང་གི་སྦྱིན་སྲེག་ནུབ་མོ་བྱ་བར་བཤད་པ་དེའི་སྦྱིན་སྲེག་ནི། ནུབ་མོ་བྱ་སྟེ། བཟླས་པ་ཉིད་ནི་ཉིན་མོ་བྱའོ། །ལྷ་མོ་གང་གི་སྦྱིན་སྲེག་ཉིན་པར་བྱ་བ་དེའི་བཟླས་བརྗོད་ནི།་ནུབ་མོ་བྱའོ། །ལྷ་མོ། ཆོ་ག་དེས་ན་རིག་སྔགས་ཐམས་ཅད་བདེ་བླག་ཏུ་འགྲུབ་པར་འགྱུར་རོ། །དེ་ནས་སའི་ལྷ་མོ་དེ་མགུ་ཞིང་རབ་ཏུ་དགའ་ནས་རིག་པ་
Ma129a
༄#། །མཆོག་གི་ཆོ་ག་རྒྱས་པ་མངོན་པར་འཕེལ་བར་བྱ་བའི་ཕྱིར་ལག་ན་རྡོ་རྗེའི་ཞབས་ལ་ཕྱག་བྱ་བའི་གསང་སྔགས་སྨྲས་པ། ན་མོ་བཛྲ་པཱ་ཎི་སྱ།་བལ་གུ་བལ་གུ། ཧུ་ལུ་ཧུ་ལུ། ཏཾ་གི་ནི་སཝཱཧཱ། དེ་ནས་སའི་ལྷ་མོ་དེས་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས། རིག་སྔགས་ཀྱི་ལས་རྣམས་ཤོད་ཅིག་ཤོད་ཅིག་།དེ་ནས་བཅོམ་ལྡན་འདས་ལག་ན་རྡོ་རྗེས་རིག་སྔགས་ཀྱི་ལས་རྣམས་བཤད་པ། རིག་སྔགས་སྒྲུབ་པ་ན་རིག་སྔགས་འཆང་གིས་ཟླ་བ་ཕྱེད་ཀྱི་བར་དུ་ཟས་སུ་འོ་མ་དང་འདག་གུ་ཟ་ཞིང་རིག་སྔགས་བཟླས་བརྗོད་བྱའོ། །དེ་ནས་ཡར་གྱི་ངོ་ཚེས་བརྒྱད་ལ་ཙནྡན་དཀར་པོ་ལས་སའི་ལྷ་མོའི་གཟུགས་བྱས་ལ། ཙནྡན་དམར་པོ་ལས་ལག་ན་རྡོ་རྗེའི་གཟུགས་བྱས་ཏེ་དཀྱིལ་འཁོར་སྐྱང་ནུལ་གྱིས་བྱུགས་ནས་དཀྱིལ་འཁོར་གྱི་དབུས་སུ་ལག་ན་རྡོ་རྗེའི་གཟུགས་བཞག་ལ། དབུས་དེར་སའི་ལྷ་མོ་ཡང་བཞག་སྟེ་ལག་ན་རྡོ་རྗེ་དང ། སའི་ལྷ་མོ་ལ་མཆོད་པ་བྱས་ལ་ལྷ་བཤོས་རྒྱས་པར་ཕུལ་ནས་ལག་ན་རྡོ་རྗེའི་དྲུང་དུ་ནི། བ་དན་དམར་པོ་གཞག་གོ་།སའི་ལྷ་མོའི་དྲུང་དུ་ནི། བ་དན་དཀར་པོ་གཞག་གོ་།ཕྱོགས་བཞིར་ཡང་གོས་དམར་པོ་གྱོན་པའི་མི་རྣམས་གཞག་
Ma129b
གོ་།རིག་སྔགས་འཆང་གིས་ཀྱང་གོས་དམར་པོ་བགོས་ལ་ངེས་པར་གནས་པར་བྱ་སྟེ། རིག་སྔགས་བསྒྲུབ་པར་བྱའོ། །དེ་ནས་ཉི་མའི་འོད་ལས་བྱུང་བའི་མེས་བིལ་བའི་ཤིང་སྦྱར་ཏེ། བིལ་བའི་མེ་ཏོག་ཞོ་དང ། སྦྲང་རྩི་དང་།མར་གྱི་ནང་དུ་སྨྱུགས་པ་བརྒྱད་སྟོང་སྦྱིན་སྲེག་བྱས་ན། སའི་ལྷ་མོ་འདུལ་བར་འགྱུར་རོ། །དེ་ནས་རིག་སྔགས་འཆང་གིས་སའི་ལྷ་མོ་དེ་ལག་ན་རྡོ་རྗེའི་ཞབས་ཀྱི་དྲུང་དུ་གཞག་གོ་།དེ་ནས་རིག་སྔགས་འཆང་གིས་ལག་ན་རྡོ་རྗེ་ལ་ཙནྡན་དམར་པོའི་མཆོད་ཡོན་ཕུལ་བ་ལ་ཙི་ར་ཀན་ད་ཀའི་ཕྱེ་མ་ཡུངས་མར་དང་སྦྱར་བས་ལན་བརྒྱ་སྟོང་སྦྱིན་སྲེག་བགྱིའོ། །དེ་ནས་ནམ་མཁའ་ལས་སའི་ལྷ་མོ་འགྲུབ་བོ་ཞེས་སྒྲ་འབྱུང་བར་འགྱུར་རོ། །དེ་ནས་རིག་སྔགས་འཆང་གིས་སའི་ལྷ་མོ་དེ་བླངས་ལ། བླངས་ནས་ཕྱེ་མ་ཞིབ་མོར་བཏགས་ན། ཕྱེ་མས་གང་ལ་རེག་པ་དེ་ལས་གྲུབ་ནས་ས་ལ་གནས་པའི་རིག་སྔགས་འཆང་ཐམས་ཅད་ལ་མངོན་དུ་ཕྱོགས་པར་འགྱུར་ཞིང ། རིན་པོ་ཆེ་ཐམས་ཅད་དང ། སྨན་ཐམས་ཅད་མངོན་དུ་ཕྱོགས་པར་འགྱུར་རོ། །ས་ཡང་དེ་ལས་གནས་སྦྱིན་པར་འགྱུར་ཞིང ། འདོད་རྒུར་སྒྱུར་བའི་གཟུགས་ཅན་དུ་འགྱུར་ཏེ། ཚེ་ལོ་བདུན་སྟོང་ཐུབ་བར་འགྱུར་རོ། །ལས་ཐམས་ཅད་ལ་ལན་གསུམ་བཟླས་བརྗོད་
Ma130a
༄#། །བྱས་པའི་ཐལ་བས་བསྲུང་བར་བྱའོ། །བསྐྲད་པ་ནི། མར་གྱི་ངོ་ཞག་བཅུ་བཞི་ལ་ཟ་གཅིག་པར་བྱ་སྟེ། ལམ་གྱི་སུམ་མདོའམ། བཞི་མདོའམ། དུར་ཁྲོད་ཀྱི་ཐལ་བས་སའི་ལྷ་མོའི་གཟུགས་བྱས་ལ་དེའི་སྟེང་དུ་ཙནྡན་དམར་པོས་གཏོར་བར་བྱ་སྟེ། ཐལ་བར་བླངས་ལ་དུར་ཁྲོད་ཀྱི་ཤིང་གིས་མེ་སྦར་ལ་ལན་བརྒྱད་སྟོང་སྦྱིན་སྲེག་བྱས་ན། ཞག་གསུམ་གྱིས་འབྲོས་པར་འགྱུར་རོ། །གཟེར་ཐབས་ཀྱིས་གདབ་པར་འདོད་ན། མར་གྱི་ངོ་ཞག་བརྒྱད་ལ་རྫ་མཁན་གྱི་འཇིམ་པ་ལ་གཟུགས་བྱས་ཏེ་མདུང་རྩེ་གསུམ་པའམ། མ་ད་ནའི་ཚེར་མ་དབུལ་ནས་བླངས་པའི་མ་ད་ནའི་ཚེར་མ་ལ་ལན་བརྒྱད་བརྒྱ་བཟླས་བརྗོད་བྱས་པས་བཙུགས་ན། གང་དུ་བཙུགས་པ་དེར་གཟེར་བར་འགྱུར་ཏེ། ཕྱུང་ན་གཏོར་བར་འགྱུར་རོ། །ཐིག་ལེ་སྒྲུབ་པར་འདོད་ན། ཞག་གསུམ་སྨྱུང་བར་བྱས་པས་མར་གྱི་ངོ་ཞག་བརྒྱད་དམ་ཞག་བཅུ་བཞི་ལ་ལམ་གྱི་བཞི་མདོའམ། དུར་ཁྲོད་དུ་བ་ལང་གི་ལྕི་བས་དཀྱིལ་འཁོར་སྐྱང་ནུལ་གྱིས་བྱུགས་ཏེ་ལྷ་བཤོས་རྣམ་པ་སྣ་ཚོགས་ཕུལ་ནས་ཙནྡན་དམར་པོའི་ཆུས་དཀྱིལ་འཁོར་བསང་གཏོར་བྱས་ལ། དཀྱིལ་འཁོར་གྱི་དབུས་སུ་དུར་ཁྲོད་ཀྱི་ཐལ་བ་བཞག་
Ma130b
སྟེ།་རིག་སྔགས་འཆང་ཀུ་ཤའི་སྟན་ལ་འདུག་པས་ཐལ་བ་ལག་པས་མནན་ནས་ལྷ་མོའི་གཟུགས་སྣང་བར་འགྱུར་གྱི་བར་དུ་རིག་སྔགས་བཟླས་བརྗོད་བྱའོ། །དེ་ནས་འགྲུབ་པར་འགྱུར་ཏེ། ལྷ་ཐམས་ཅད་ལ་ཕྱག་བྱས་ནས་སའི་ལྷ་མོ་སྤྱན་དྲངས་ན་དེར་འདུག་པར་འགྱུར་ཏེ། དེ་འདུག་པས་བགེགས་རྣམས་འབྱུང་བར་མི་འགྱུར་ཞིང་དངོས་གྲུབ་ཀྱང་མྱུར་དུ་ཐོབ་པར་འགྱུར་རོ། །སའི་སྟེང་ན་སྡང་བར་སེམས་པ་གང་ཡིན་པ་དེ་དག་གིས་ཀྱང་གླགས་མི་རྙེད་དོ། །ལྷ་ཐམས་ཅད་ཀྱང་མངོན་དུ་ཕྱོགས་པར་མི་འགྱུར་ཏེ། དེ་ནས་དངོས་གྲུབ་ཐོབ་པར་འགྱུར། །དགུན་ཟླ་ཐ་ཆུང་ལ་ཟས་སུ་འོ་མ་དང་ཕྱེའི་ལྡེ་གུ་ཟ་ཞིང་ཤིང་ཨ་ཤོ་ཀའི་དྲུང་དུ་ལན་འབུམ་བཟླས་བརྗོད་བྱས་ཏེ་ཞག་གསུམ་སྨྱུང་བ་བྱས་པས་ཡར་གྱི་ངོ་ཟླ་བ་ཉ་ལ་ཤིང་དེ་ཉིད་ཀྱི་དྲུང་དུ་ཨ་ཤོ་ཀའི་ཤིང་གིས་མེ་སྦར་ལ་གུ་གུལ་གྱི་རིལ་བུ་བརྒྱད་སྟོང་གི་སྦྱིན་སྲེག་བྱས་ན། ཤིང་མི་སྣང་བར་གྱུར་ན་ལས་དེ་འགྲུབ་པ་ཡིན་ནོ། །དེ་ནས་ནམ་མཁའ་ལ་འཕགས་པར་འགྱུར་ཏེ། འདོད་རྒུར་སྒྱུར་བའི་གཟུགས་ཅན་དུ་འགྱུར་ཞིང་ཚེ་ལོ་ལྔ་སྟོང་ཐུབ་པར་འགྱུར་རོ། །ལྷ་བཤོས་ཀྱང་རྒྱས་པར་འབུལ་ལོ། །ལྷ་མོ། ཁྱོད་ཀྱི་རིག་སྔགས་ཀྱི་ལས་རྣམས་ངས་བཤད་ཟིན་ཏོ། །ངས་ཀྱང་ལྷ་མ་
Ma131a
༄#། །ཁྱོད་ལ་དྲག་ཏུ་སྐུལ་བའི་རིག་སྔགས་གང་བརྗོད་ན་ཁྱོད་ཀྱི་མདུན་དུ་གནས་པར་འགྱུར་བ་བཤད་པར་བྱའོ། །ན་མོ་བཛྲ་པཱ་ཎི་སྱ། ཨོཾ་སིདྡྷི་རི་ཥི་ནི་སཝཱཧཱ། སྒྲུབ་པའི་ཚེ་རིག་སྔགས་འདིས་མ་ད་ནའི་ཚེར་མ་ཁྲག་གི་ནང་དུ་སྨྱུགས་པ་བརྒྱད་སྟོང་གིས་སྦྱིན་སྲེག་བྱས་ན། བགེགས་ཐམས་ཅད་འབྱུང་བར་མི་འགྱུར་རོ། །མར་གྱི་ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་ཙནྡན་དམར་པོས་དཀྱིལ་འཁོར་བྱས་ནས་རིག་སྔགས་ལན་བརྒྱད་སྟོང་བཟླས་བརྗོད་བྱས་ན། སའི་ལྷ་མོ་འགྲུབ་པར་འགྱུར་ཏེ། དེ་ཕྱིན་ཆད་ལས་ཐམས་ཅད་བྱེད་ནུས་པར་འགྱུར་རོ། །སའི་ལྷ་མོའི་ཆོ་ག་རྫོགས་སོ།། །།དེ་ནས་ལྷའི་དྲང་སྲོང་མས་སའི་ལྷ་མོའི་ཚམ་བརླང་མཐོང་ནས་ལག་ན་རྡོ་རྗེའི་ཐད་དུ་སོང་སྟེ་སྨྲས་པ། རྡོ་རྗེ་འཛིན་ཆེན་པོ།་བདག་གིས་ཀྱང་རིག་སྔགས་འཆང་ཐམས་ཅད་གང་གིས་དངོས་གྲུབ་མྱུར་དུ་ཐོབ་པར་འགྱུར་བའི་དངོས་གྲུབ་བསྟན་པར་བྱའོ། །དེ་ནས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་སྟན་ལས་ལངས་ནས་ལྷའི་དྲང་སྲོང་མེ་ལ་འདི་སྐད་ཅེས་སྨྲས་སོ། །དྲང་སྲོང་ཆེན་པོ། ཁྱོད་སེམས་ཅན་ཐམས་ཅད་
Ma131b
ལ་ཕན་པའི་ཕྱིར་བརྩོན་པ་དང ། སེམས་ཅན་ཐམས་ཅད་ལ་ཕན་པའི་ཕྱིར་ཞུགས་པ་གང་ཡིན་པ་ནི། ལེགས་སོ་ལེགས་སོ། །དྲང་སྲོང་ཆེན་པོ། ཁྱོད་ནི། ལྷ་ཐམས་ཅད་ཀྱི་ཞལ་ཡིན་ནོ། །དྲང་སྲོང་ཆེན་པོ། ཁྱོད་ནི་ལྷ་ཐམས་ཅད་ཀྱི་རྗེ་ཡིན་གྱི། དྲང་སྲོང་ཆེན་པོ། སེམས་ཅན་རྣམས་ཀྱི་དོན་གྱི་ཕྱིར་དངོས་གྲུབ་ཀྱི་རྒྱུ་ཤོད་ཅིག་ཤོད་ཅིག་།དེ་ནས་ལྷའི་དྲང་སྲོང་མེ་ལག་ན་རྡོ་རྗེས་བསྟོད་པས་ཡིད་དགའ་བར་གྱུར་ནས་ལག་ན་རྡོ་རྗེ་སྟོབས་པོ་ཆེ་ལ་འདི་སྐད་ཅེས་སྨྲས་སོ། །གནོད་སྦྱིན་གྱི་བདག་པོ།་བདག་འོང་བ་ནི། དངོས་གྲུབ་འགྲུབ་པའི་རྒྱུར་འགྱུར་ཏེ། གང་གིས་བདག་འོང་བར་འགྱུར་བའི་བདག་སྤྱན་དྲང་བའི་གསང་སྔགས་བཤད་པར་བྱའོ། །ན་མོ་བཛྲ་པཱ་ཎི་སྱ། ཨོཾ་ཨགྣི་དེ་བ་ཏཱ་ཡ། དྷཱུ་པ་ཏ་ཡེ་ཛྭ་ལི་ནི་སཝཱཧཱ། རིག་སྔགས་འདི་སྤྱན་དྲང་བའི་སྔགས་སོ། །ན་མོ་བཛྲ་པཱ་ཎི་སྱ། ན་མོ་ཨགྣ་ཡེ། ཀུ་ཏི་ཀུ་ཏི། ག་ཏི་ཡེ་གཙྪ་གཙྪ། ཤོ་ཥནྟི་ལ་ལི་པུ་ཏྲ་སཝཱཧཱ། རིག་སྔགས་དེ་སླར་གཏང་བའི་སྔགས་སོ། །རིག་སྔགས་འཆང་གང་དག་བདག་ལ་ལྟ་བ་དེ་དག་གིས་ནི། དངོས་གྲུབ་ངེས་པར་ཐོབ་པར་འགྱུར་རོ། །བདག་འོང་བའི་མཚན་མ་ལྟ་བ་ནི། སྒྲུབ་པ་ཐམས་ཅད་ལ་ཡང་བདག་མདུན་དུ་བཞག་ལ་པ་ལ་ཤའི་ཤིང་གིས་མེ་སྦར་ནས་
Ma132a
༄#། །འབྲས་ཡོས་མར་དང་སྦྱར་བས་ལན་བརྒྱད་སྟོང་སྦྱིན་སྲེག་བྱའོ། །དེ་ནས་མེའི་དབུས་སྔོ་བྲེང་དེར་འདུག་པ་དང ། མཐའ་སྔོ་བ་དང ། མེའི་རྩེ་མོ་རྒྱས་པ་དང ། བྲུང་སྔོ་ཞིང་མགྱོགས་པ་ལས་བརྟག་སྟེ། དེ་ནས་རྟགས་བཤད་པ་དེ་དག་གིས་འོང་བར་ཤེས་པར་བྱའོ། །དེ་ནས་རིག་སྔགས་འཆང་གིས་ལྷ་བཤོས་ཕུལ་ཏེ་མར་གྱི་སྲེག་བླུགས་བདུན་གྱིས་སྦྱིན་སྲེག་བྱའོ། །བདག་འདུག་པ་དང་བགེགས་ཐམས་ཅད་མི་འབྱུང་ཞིང་རིག་སྔགས་ཀྱང་འགྲུབ་པར་འགྱུར་རོ། །དེ་ནས་ལྷའི་དྲང་སྲོང་མེས་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་ཆེན་པོ། རིག་སྔགས་ཀྱི་ལས་རྣམས་ཤོད་ཅིག་ཤོད་ཅིག་།དེ་ནས་བཅོམ་ལྡན་འདས་ལག་ན་རྡོ་རྗེ་ཡིད་དགའ་བར་གྱུར་ནས་རིག་སྔགས་ཀྱི་ཚོགས་རྣམས་ལ་བལྟས་ཏེ་རིག་སྔགས་ཀྱི་ལས་རྣམས་བཤད་པ། ལས་ཐམས་ཅད་ལ་ཡང་པ་ལ་ཤའི་ཤིང་གིས་མེ་སྦར་ལ། འབྲས་ཡོས་ཞོ་དང ། སྦྲང་རྩི་དང ། མར་དང་སྦྱར་བས་ལན་བརྒྱད་སྟོང་སྦྱིན་སྲེག་བྱས་ན། ལས་འགྲུབ་པར་འགྱུར་ཏེ། མེ་ཡང་དམ་པ་སྦྱིན་པར་བྱེད་ཅིང་གང་ན་འབར་བ་སྣང་བ་དེར་སྲུང་བར་འགྱུར་རོ། །ལྷ་དབབ་ན། བྱེའུ་རུག་
Ma132b
པའི་ལོ་མའམ་ཆུས་བྱའོ། །སྐྱེས་པ་དབང་དུ་བྱ་ན། ཡར་གྱི་ངོ་ཚེས་བཅུ་བཞི་ལ་ཞག་གཅིག་སྨྱུང་བར་བྱ་སྟེ། སྦྱིན་སྲེག་གི་གནས་སམ། ཁང་སྟོང་དབེན་པའི་ཕྱོགས་སུ་མེའི་སྦྱིན་སྲེག་བྱས་པའི་མེས་བིལ་བའི་ཤིང་གི་མེ་སྦར་ཏེ་ཀུན་དའི་མེ་ཏོག་ཁ་མ་བྱེ་བ་མར་གྱི་ནང་དུ་སྨྱུགས་པ་སུམ་སྟོང་གིས་སྦྱིན་སྲེག་བྱས་ན། སྐྱེས་པ་དབང་དུ་འགྱུར་རོ། །དེ་ནས་མེ་སྒྲུབ་པར་འདོད་ན། ཞག་བདུན་གྱི་བར་དུ་ཟས་འོ་མ་དང་ཕྱེའི་ལྡེ་གུ་ཟ་ཞིང་རིག་སྔགས་བཟླས་བརྗོད་བྱས་ན། དེ་ནས་ཡར་གྱི་ངོ་ཚེས་བཅུ་གཉིས་ལ་ཞག་གཅིག་སྨྱུང་བར་བྱས་ཏེ་ཁང་སྟོང་དུ་སོང་ལ་ནང་དུ་ཞུགས་ནས་གཅང་མར་བྱས་ཏེ་ཕྱོགས་བཞིར་གཏོར་མ་བྱིན་ལ། དཀྱིལ་འཁོར་གྱི་དབུས་སུ་ལག་ན་རྡོ་རྗེའི་གཟུགས་བཞག་ནས་དེའི་མདུན་དུ་མེའི་སྦྱིན་སྲེག་བྱས་པའི་མེས་བིལ་བའི་ཤིང་གི་མེ་སྦར་ལ། དེ་ནས་མེ་ཏོག་དཀར་པོ་དང ། གུ་གུལ་གྱི་བདུག་པས་མེ་ལྷ་སྤྱན་དྲང་ངོ ། །དེ་ནས་རིག་སྔགས་འཆང་གིས་རྩཝ་དུར་བའི་སྟན་བྱས་ཏེ་རྩཝ་དུར་བའི་སྟན་ལ་འདུག་ལ་སྣ་མའི་ཡམ་བསྲེག་ཤིང་ཞོ་དང ། སྦྲང་རྩི་དང ། མར་གྱི་ནང་དུ་སྨྱུགས་པ་བརྒྱད་སྟོང་གིས་སྦྱིན་སྲེག་བྱའོ། །དེ་ནས་མེ་སྟག་གང་གིས་རྩཝ་རོལ་བར་བྱེད་ན། རིག་སྔགས་འཆང་གིས་རིག་པ་མཆོག་དྲན་
Ma133a
༄#། །པར་བྱ་ཞིང་རིག་པ་མཆོག་ཉིད་ཀྱི་སྲེག་བླུགས་བདུན་དུ་སྦྱིན་སྲེག་བྱས་ན། དེས་ཞི་བར་འགྱུར་རོ། །དེ་ནས་འོད་ཟེར་གཅིག་བྱུང་སྟེ་རིག་སྔགས་འཆང་ལ་གཡས་ཕྱོགས་ནས་བསྐོར་ནས་སླར་དེ་ཉིད་དུ་ཞུགས་ན། འགྲུབ་པར་འགྱུར་ཏེ། གྲུབ་ནས་ལག་སྟངས་ཙམ་བྱས་པས་ཀྱང་སྦྱིན་སྲེག་གི་ལས་ཐམས་ཅད་འགྲུབ་པར་འགྱུར་རོ། །དེ་ནས་རིག་སྔགས་སྒྲུབ་པར་འདོད་ན། མེའི་ཐབ་ཁུང་དེ་ཉིད་ནས་སོལ་བ་བླངས་ཏེ་ཆོ་ག་འདི་ཉིད་ཀྱིས་ལག་ན་རྡོ་རྗེའི་མདུན་དུ་བཟླས་བརྗོད་བྱས་ན། དངོས་གྲུབ་རྣམ་པ་གསུམ་དུ་འགྱུར་རོ། །དེ་ནས་མེ་འབྱུང་བར་འདོད་ན། མར་གྱི་ངོ་ཞག་གཅིག་སྨྱུང་བ་བྱས་ཏེ་སྦྱིན་སྲེག་གི་གནས་སུ་སོང་ནས་ཨ་མྲ་ར་ཏེ་ཀའི་རུས་པས་ལན་བརྒྱ་སྟོང་སྦྱིན་སྲེག་བྱས་ན། མེའི་ཁ་ནས་མེ་སྟག་འབྱུང་བར་འགྱུར་ཏེ། ཆེ་གེ་མོ་ཞིག་སྲེག་ཅིང་ཡུལ་དེ་ཚིག་པར་གྱིས་ཤིག་ཅེས་ཡིད་ཀྱིས་བཟླས་ན། ཡིད་ལ་བསམ་མ་ཐག་ཏུ་ལས་ཐམས་ཅད་བྱེད་པར་འགྱུར་རོ། །དགྲ་གསད་པར་འདོད་ན། མར་གྱི་ངོ་ཞག་བརྒྱད་དམ་མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་དུར་ཁྲོད་ཀྱི་ཤིང་བླངས་ནས་འབྱུང་པོའི་གཏོར་མ་ཡང་བྱིན་ལ། ཤིང་བླངས་པ་ལ་ལན་བརྒྱ་སྟོང་བཟླས་བརྗོད་
Ma133b
བྱས་ཏེ་ཆེ་གེ་མོ་ཞིག་ཆོམས་ཤིག་ཅེས་སྨྲས་ན། རིམས་ཚ་བས་བཏབ་སྟེ་ཞག་བདུན་གྱིས་འཆི་བར་འགྱུར་རོ། །ནོར་འདོད་ན། རྟག་ཏུ་མར་དང་འབྲས་ཀྱི་སྦྱིན་སྲེག་བྱས་ན་ནོར་འཕེལ་བར་འགྱུར་རོ། །ལྷ་སྒྲུབ་པར་འདོད་ན། གང་གི་ཉིན་མོ་ཡང་རུང་སྟེ་གློ་བུར་དུ་མེ་འབར་བ་མཐོང་ན། དེ་བླངས་ལ་མར་གྱི་ངོ་ཞག་བཅུ་བཞིའི་བར་དུ་བཞག་སྟེ་དུས་གསུམ་དུ་ཁྲུས་བྱེད་ཅིང་ཞག་བདུན་དུ་བཟླས་བརྗོད་བྱའོ། །དེ་ནས་ཞག་གསུམ་སྨྱུང་བ་བྱས་ཏེ་མར་གྱི་ངོ་ཞག་བཅུ་བཞི་ལ་ལག་ན་རྡོ་རྗེའི་མདུན་དུ་ལྷ་བཤོས་རྣམ་པ་སྣ་ཚོགས་ཕུལ་ཏེ་ཀུ་ཤའི་སྟན་ལ་འདུག་ཅིང་མེ་དེ་ཉིད་ཀྱིས་ཤ་མྱའི་ཤིང་གི་མེ་སྦར་ནས་མེ་དེའི་ནང་ནས་པདྨ་འདབ་མ་སྟོང་པ་དཔག་ཚད་བརྒྱ་དྲི་བསུང་གིས་ཁྱབ་པ་བྱུང་གི་བར་དུ་བཟླས་བརྗོད་བྱའོ། །དེ་ནས་རིག་སྔགས་འཆང་གིས་རིག་སྔགས་ཀྱི་རྒྱལ་པོ་བཟླས་བརྗོད་བྱེད་བཞིན་དུ་བླངས་ན། དེ་བླངས་མ་ཐག་ཏུ་མཐུ་སྟོབས་ཆེ་ཞིང་ཉི་མ་ཤར་བའི་མདོག་དང་ལྡན་ལ། དཔག་ཚད་བརྒྱ་དྲི་བསུང་གིས་ཁྱབ་པ་དང ། གཞན་གྱིས་མི་ཚུགས་པའི་འདོད་པའི་ལོངས་སྤྱོད་དང་ལྡན་ལ་སྲེག་པའི་རང་བཞིན་ཅན་འདོད་རྒུར་སྒྱུར་བའི་གཟུགས་དང་ལྡན་པ་དང ། བསྐལ་པར་གནས་པར་འགྱུར་རོ། །ལྷ་རྣམས་དྲང་སྲོང་ཆེན་པོའི་ལས་རྣམས་
Ma134a
༄#། །ངས་བཤད་ཟིན་ཏེ། དེ་ལ་དྲག་ཏུ་སྐུལ་བའི་གསང་སྔགས་ཀྱང་བཤད་པར་བྱའོ། །ན་མོ་བཛྲ་པཱ་ཎི་སྱ། ཧུ་ཏཱ་ཤན། ཨི་ཧ་ཨཱ་གཙྪ། པ་ཏི་གྲྀཧྞ། ཨི་མམ་ཧུ་ཏ་ནི། པྲ་ཏི་བུསྟ། མ་ཧཱ་བྷ་ག་།ཛྱེ་ཥྛ་སྟཾ། པྲ་པཱུ་ར་བ་བྷ་ཡ། ཨ་ཧཱ་དུཥྚ་གྲ་ཧཱ་སརྦེ་བུ་ན་ར། ཨཱ་བརྟ་ཏཤྩ་ཡེ། ནི་རུན་ཏི་ནི་རུན་ཏི། བཛྲ་པཱཎི་སྟྭཾ།་དེ་བ་དེ་བ་ན་མཿ སཝཱཧཱ། སྒྲུབ་པ་ཐམས་ཅད་ལ་རིག་སྔགས་འདིས་མར་དང ། འབྲས་ཡོས་ཀྱིས་སྲེག་བླུགས་ལན་ཉི་ཤུ་རྩ་གཅིག་སྦྱིན་སྲེག་བྱས་ན། དེས་ཐམས་ཅད་བྱེད་ནུས་པར་འགྱུར་རོ། །འཕགས་པ་ལག་ན་རྡོ་རྗེའི་མདུན་དུ་མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བར་བྱས་ཏེ་མཆོད་པ་བྱ་ཞིང་ལྷ་བཤོས་ཀྱང་ལྷག་པར་ཕུལ་ལ་དེ་ནས་ལན་བརྒྱ་སྟོང་བཟླས་བརྗོད་བྱས་ན། མེས་དམ་པ་སྦྱིན་པར་འགྱུར་རོ། །མེའི་ཆོ་ག་རྫོགས་སོ།། །།དེ་ནས་ལྷ་མོ་ཚིག་ལྡན་མས་རབ་ཏུ་རོལ་བ་མཐོང་ནས་ལག་ན་རྡོ་རྗེ་གཡས་ཕྱོགས་ནས་བསྐོར་བ་བྱས་ཏེ་དྲི་ཟའི་འཁོར་གྱིས་བསྐོར་ནས་འཁོར་དེ་ཉིད་ཀྱི་ནང་དུ་སོང་སྟེ་ཕྱིན་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ལག་ན་རྡོ་རྗེ། བདག་ནི། ལྷ་ཐམས་ཅད་དང ། རིག་སྔགས་འཆང་ཐམས་ཅད་
Ma134b
དང ། སེམས་ཅན་ཐམས་ཅད་ཀྱི་མཆོག་ཏུ་གྱུར་པ་དང ། སྒྲུབ་པར་བྱེད་པ་དང ། རབ་ཏུ་སྟོན་པར་བྱེད་པ་ཡིན་ནོ། །སྟོང་གསུམ་གྱི་འཇིག་རྟེན་གྱི་ཁམས་འདི་དག་ཐམས་ཅད་ནི། རྒྱགས་པས་མྱོས་པ་སྟེ། བདག་མེད་དུ་ཟིན་ན་དེ་དག་མ་རུངས་པར་འགྱུར་རོ། །དེ་བས་ན་སེམས་ཅན་ཐམས་ཅད་ལ་ཕན་པའི་ཕྱིར་རིག་པ་མཆོག་གི་ཆོ་ག་རྒྱས་པའི་དངོས་གྲུབ་སྦྱིན་པར་བྱ་སྟེ། བཅོམ་ལྡན་འདས། བདག་གི་གསང་སྔགས་འཆང་བ་གང་ཡིན་པ་དེ་དག་ལ་ནི། བདག་རྟག་ཏུ་འགྲུབ་ཅིང་དེའི་མདུན་དུ་རྟག་ཏུ་རབ་ཏུ་དགའ་བའི་སེམས་ཀྱིས་གནས་སོ། །དེ་ནས་བྱང་ཆུབ་སེམས་དཔའ་ལག་ན་རྡོ་རྗེས་ལྷ་མོ་ཚིག་ལྡན་མ་ལ་འདི་སྐད་ཅེས་སྨྲས་སོ།། ལེགས་སོ་ལེགས་སོ། །ལྷ་མོ་ཚིག་ལྡན་མ་ལེགས་སོ། །ལྷ་མོ། འཇིག་རྟེན་གྱི་མ་ཁྱོད་ངས་ཤེས་ཏེ་མཆོག་ཏུ་གྱུར་པ་དང ། སྒྲུབ་པར་བྱེད་པ་དང ། དངོས་གྲུབ་སྦྱིན་པ་ཡིན་ནོ། །ལྷ་མོ། འཇིག་རྟེན་གྱི་མ་ཁྱོད་ལེགས་ཀྱི། རིག་པ་མཆོག་གི་ཆོ་གས་རྒྱས་པ་ཆོ་ག་ཆེན་པོའི་གསང་སྔགས་ཤོད་ཅིག་ཤོད་ཅིག་།དེ་ནས་ལྷ་མོ་ཚིག་ལྡན་མ་དེ་ལག་ན་རྡོ་རྗེས་བསྟོད་པས་དགའ་ཞིང་མགུ་ལ་ཡིད་རབ་ཏུ་དགའ་ནས་རིག་སྔགས་ཀྱི་ཚོགས་ལ་ཡང་བལྟས། བྱང་ཆུབ་སེམས་དཔའ་ཆེན་པོ་
Ma135a
༄#། །ལག་ན་རྡོ་རྗེ་ལ་ཡང་བལྟས་ཏེ་ཕྱག་འཚལ་ནས་རིག་སྔགས་བཤད་པ། ན་མོ་བཛྲ་པཱ་ཎི་སྱ། ན་མཿ ས་ར་སཝ་ཏཱི་ཡེ། ལོ་ཀ་ཏ་ཡ། ལོ་ཀ་ཨུན་མི་ལི་ཀ་ལ། དཱ་མ་ཡནྟི་ཀཱ་ཡ། ཙཎྜི་ཀཱ་ཡ། ས་ཀཱ་ཡ་བིདྱཱ་ཡ། དིབྱ་རཱུ་པཱ་ཡ། དེ་བྱ་སཝཱཧཱ། ནུ་ན་དཱ་ཡ་སཝཱ་ཧཱ། ཀུ་རུ་ཀུ་རུ། ཀརྨི་ཀ་ཡ། མརད་ནཱི་ཡ། ལོ་ཀ་དྷ་ཡི་ཀཱ་ཡ། ས་ར་སཝ་ཏཱི་ཡེ་སཝཱ་ཧཱ། དེ་ནས་ལྷ་མོ་ཚིག་ལྡན་མ་ཡིད་རབ་ཏུ་དགའ་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །རིག་སྔགས་ཀྱི་རྒྱལ་པོ་ཆེན་པོ་རིག་པ་མཆོག་འདིའི་ལས་རྣམས་ཤོད་ཅིག་ཤོད་ཅིག་།དེ་ནས་བཅོམ་ལྡན་འདས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེ་གཟི་བརྗིད་དྲག་པོས་འཇིག་རྟེན་གྱི་མ་ཚིག་ལྡན་མའི་ལས་ཐམས་ཅད་བཤད་པ། རས་མ་ཉམས་པ་ལ་རི་མོ་མཁན་གསོ་སྦྱོང་དང་ལྡན་པ་འཕགས་པ་ལག་ན་རྡོ་རྗེའི་གཟུགས་འབྲིར་བཅུག་སྟེ་དེའི་གཡས་ལོགས་སུ་འཇིག་རྟེན་གྱི་མ་ཚིག་ལྡན་མདོག་སྔོ་བསངས་ལ་ལག་ན་པི་བང་ཐོགས་ཤིང་གླུ་ལེན་ཏེ། བྱང་ཆུབ་སེམས་དཔའ་ལག་ན་རྡོ་རྗེ་ལ་བསྟོད་ཅིང་འདུག་པའི་ཚུལ་དུ་འབྲིར་གཞུག་གོ་།ལྷ་བཤོས་ཀྱང་རྒྱས་པར་དབུལ་ལོ། །དེ་ནས་རིག་སྔགས་འཆང་ཞག་གསུམ་སྨྱུང་བར་བྱས་པས་ཡར་གྱི་ངོ་ཚེས་ལྔ་ལ་སྐུ་
Ma135b
གཟུགས་ཀྱི་མདུན་དུ་མཆོད་པ་རྒྱས་པར་བྱས་ཏེ་ཀུ་ཤའི་སྟན་ལ་འདུག་ཅིང་ལྷ་ལ་མཆོད་པར་བྱའོ། །ལྷ་བཤོས་ཀྱང་རྒྱས་པར་དབུལ་ལོ། །དེ་ནས་རིག་སྔགས་འཆང་གིས་ཙནྡན་དཀར་པོས་མེ་སྦར་ལ། ཨ་ག་རུའི་ཡམ་སྲེག་ཤིང་བརྒྱ་སྟོང་གིས་སྦྱིན་སྲེག་བྱས་ན། དངོས་གྲུབ་ཀྱི་མཆོག་མཚན་མར་མེ་ཏོག་གི་ཕྲེང་བ་འགུལ་བར་འགྱུར་རོ། ། གྲུབ་ནས་ཀྱང་ཚིག་གྲུབ་པ་དང ། རིག་སྔགས་ཐམས་ཅད་ཀྱང་འགྲུབ་པར་འགྱུར་ཏེ། ལས་རྣམ་པ་སྣ་ཚོགས་སྟོང་ཡང་བྱེད་ནུས་པར་འགྱུར་རོ། །འཇིག་རྟེན་གྱི་མི་རྣམས་དབབ་ན་ཡང་ལན་བདུན་བཟླས་བརྗོད་བྱས་པའི་བྱེའུ་རུག་པའི་ལོ་མའམ་ཐལ་བས་བྱའོ། །སྲུང་བ་ནི། ལན་གསུམ་དུ་བཟླས་བརྗོད་བྱས་པའི་སྐུད་པས་བྱའོ། །མཚམས་གཅད་པ་ནི། ཆུའམ་ཡིད་ཀྱིས་བྱའོ། །སྦྲུལ་གསད་ན། ལན་ཚཝ་དང་སྐེ་ཚེས་སྦྱིན་སྲེག་བྱའོ། །ཕྱིར་གསོ་བ་ནི། ཡིད་ཀྱིས་བྱའོ། །དུག་ལས་གསོ་བ་ནི། ཡལ་གས་བྱའོ། ། མོ་མཚན་འཛག་པར་བྱ་ན། སྲེད་མེད་ཀྱི་བུའི་ཆུང་མ་ལ་ཕུལ་བའི་རས་བལ་གྱི་འདབ་མ་རྒྱ་སྐྱེགས་ཀྱི་ཁུ་བས་ཁ་དོག་བསྒྱུར་བ་ལས་གཟུགས་བྱ་སྟེ། མིའི་རུས་པའི་ཕུར་བུ་ལ་ལན་སྟོང་རྩ་བརྒྱད་བཟླས་བརྗོད་བྱས་པས་མོ་མཚན་དུ་བཙུགས་ན་ཁྲག་འཛག་པར་འགྱུར་ཏེ། ཕྱུང་ན་གཏོང་བར་འགྱུར་རོ། །གྲོང་ཁྱེར་བཤིག་པར་བྱ་ན།
Ma136a
༄#། །བེ་ཀངྐ་ཏའི་ཕུར་བུ་མིའི་མཁྲིས་པས་བགོས་ཏེ་དུག་དང་ཁྲག་གི་ནང་དུ་སྨྱུགས་པ་ལ་ལན་བརྒྱད་སྟོང་བཟླས་བརྗོད་བྱས་ཏེ་སྒོའི་ཐེམ་པ་ལ་བཙུགས་ན། ཞག་གསུམ་གྱིས་གྲོང་ཁྱེར་བ་རྣམས་འབྲོས་པར་འགྱུར་རོ། །ཕུར་བུ་ཕྱུང་སྟེ་མར་དང་སྦྲང་རྩི་བསྐུས་ན། དེས་ཞི་བར་འགྱུར་རོ། །ཕྱིར་ཡང་སྔ་མ་ཁོ་ན་བཞིན་དུ་གནས་པར་འགྱུར་རོ། །ཆང་མ་རུངས་བར་བྱ་འདོད་ན། ཀ་ལ་ཧ་ཀར་ཀི་བླངས་ལ་ལན་བདུན་བཟླས་བརྗོད་བྱས་ཏེ་ཁྱིམ་དུ་བཙུགས་ན། ཆང་མ་རུངས་བར་འགྱུར་རོ། །དེ་ནས་ལྡོང་རོས་སྒྲུབ་པར་འདོད་ན། རྒྱུ་སྐར་རྒྱལ་ལ་བབ་པའི་ཚེ་ལྡོང་རོས་ཚོང་པའི་ཁ་ཐབས་བཞིན་དུ་ཉོས་ལ་ཕག་གི་མཁྲིས་པས་བསྒོས་ཏེ་ཕྱུང་ནས་ལག་ན་རྡོ་རྗེའི་ཞབས་ཀྱི་དྲུང་དུ་བཞག་ལ། དེ་ནས་ཟས་སུ་འོ་མ་དང་ཕྱེའི་ལྡེ་གུ་ཟ་ཞིང་ཞག་བཅུ་བདུན་གྱི་བར་དུ་དུས་གསུམ་དུ་སྟོང་རྩ་བརྒྱད་བཟླས་བརྗོད་བྱས་ནས་མར་གྱི་ངོ་ཞག་བརྒྱད་ལ་ཁ་ཟས་མི་བཟའ་བར་ལྡོང་རོས་ལག་པ་གཡོན་པས་བཟུང་སྡེ་ལན་བརྒྱད་སྟོང་བཟླས་བརྗོད་བྱས་ན། འགྲུབ་པར་འགྱུར་ཏེ། ཐིག་ལི་བྱས་ན། ལུས་མི་སྣང་བར་འགྱུར་ཞིང་སྒྱུ་འཕྲུལ་ཐམས་ཅད་བྱེད་པ་དང ། འདོད་རྒུར་སྒྱུར་བའི་གཟུགས་ཅན་དུ་འགྱུར་ཏེ། ཚེ་ལོ་ལྔ་སྟོང་ཐུབ་པར་འགྱུར་རོ། །དེ་ནས་
Ma136b
ལྷ་མོ་ཚིག་ལྡན་མ་མཐོང་བར་འདོད་ན། ཟླ་བ་གཅིག་གི་བར་དུ་སློང་མོའི་ཟས་ཟ་ཞིང་དགོན་པར་རིག་སྔགས་བཟླས་བརྗོད་བྱས་ལ། ཞག་གསུམ་སྨྱུང་བ་བྱས་པས་ཟླ་བ་ཉ་ལ་ཤིང་སཱ་ལའི་དྲུང་དུ་ཅི་འབྱོར་པས་མཆོད་པ་བྱ་ཞིང ། ལྷ་བཤོས་ཀྱང་ཕུལ་ནས་རིག་སྔགས་བཟླས་བརྗོད་བྱའོ། །དེ་ནས་ནམ་ཕྱེད་ཀྱི་དུས་སུ་གཅིག་པུ་རང་འོང་བར་འགྱུར་རོ།། དེ་ལ་མེ་ཏོག་དཀར་པོ་དང་ལྡན་པའི་མཆོད་ཡོན་དབུལ་ཞིང་བཅོམ་ལྡན་འདས་མ་བྱོན་པ་ལེགས་སོ་ལེགས་སོ་ཞེས་སྨྲོས་ཤིག་།དེ་ནས་ལྷ་མོ་དེ་དགོད་པ་དང ། རིག་སྔགས་འཆང་གིས་དེ་ལ་འཇིགས་པར་མི་བྱ་བར་རིག་པ་མཆོག་དྲན་པར་བྱའོ། །དེ་ནས་ལྷ་མོ་དེ་ན་རེ། བུ་ཁྱོད་ལ་དམ་པ་ཅི་ཞིག་སྦྱིན་ཟེར་བ་དང ། དམ་པ་གང་འདོད་པ་དེ་བསླང་བར་བྱ་སྟེ། རྒྱལ་རིགས་དང ། རིག་སྔགས་འཆང་དང ། ལུས་མི་སྣང་བ་དང ། གཏེར་མཐོང་བ་དང ། རིན་པོ་ཆེ་མཐོང་བ་དང ། རྒྱ་མཚོ་ཆེན་པོ་མཐོང་བ་དང ། འདོད་རྒུར་སྒྱུར་བའི་གཟུགས་ཅན་དང ། ཡིད་གཞུངས་པ་དང ། འདི་རྣམས་ལས་གཅིག་བསླང་བར་བྱ་ཞིང་སྔ་ནས་བསམས་ཏེ་ལས་བསྒྲུབ་པར་བྱའོ། །གང་ཡིད་ལ་བསམས་ཏེ་ལས་སྒྲུབ་པ་དེ་ཉིད་དེ་ལ་བསླང་བར་བྱའོ། །དེ་ལྟར་མ་བྱས་ན། མ་རུངས་བར་འགྱུར་རོ། །དེ་ལ་རྒྱལ་སྲིད་གྲུབ་པ་ནི། དགྲ་མེད་པར་འགྱུར་རོ། །རིག་སྔགས་འཆང་དུ་གྲུབ་
Ma137a
༄#། །པ་ནི། །གཞན་གྱིས་མི་ཚུགས་པའི་གནས་ཐོབ་ཅིང་ཉི་མ་ཤར་བའི་མདོག་དང་ལྡན་ལ། རིག་སྔགས་འཆང་གི་རྒྱལ་པོ་དཔག་ཚད་བརྒྱད་དྲི་བསུང་གིས་ཁྱབ་པ་ཞེས་བྱ་བར་འགྱུར་ཏེ། ཡིད་ལ་ཅི་བསམ་པ་ཐམས་ཅད་འགྲུབ་པར་འགྱུར་རོ། །ལུས་མི་སྣང་ན་ནི། བསམ་པ་ཙམ་གྱིས་འདོད་རྒུར་སྒྱུར་བའི་གཟུགས་ཅན་དུ་འགྱུར་ཞིང ། ཚེ་ལོ་དགུ་སྟོང་ཐུབ་པར་འགྱུར་རོ། །གཏེར་མཐོང་བ་གྲུབ་པ་ནི། གཏེར་མི་ཟད་པར་འགྱུར་རོ། །རིན་པོ་ཆེ་མཐོང་བ་གྲུབ་ན་ནི། ཡིད་ལ་ཅི་བསམ་པ་དེ་ཐམས་ཅད་འགྲུབ་པར་འགྱུར་ཞིང་མགོ་ལ་གཙུག་གི་ནོར་བུར་འགྱུར་ཏེ། གཙུག་གི་ནོར་བུ་མཐོང་བ་གང་ཡིན་པ་དེ་དག་ཀྱང་ནད་མེད་ཅིང ། ཚེ་ལོ་ཉིས་སྟོང་ཐུབ་པར་འགྱུར་རོ། །རིག་སྔགས་འཆང་ཉིད་ནི། ཚེ་ལོ་ལྔ་སྟོང་ཐུབ་པར་འགྱུར་རོ། །རྒྱ་མཚོ་ཆེན་པོ་མཐོང་བ་གྲུབ་ན་ནི། ཇི་ལྟར་འདོད་པ་བཞིན་དུ་དེ་ཉིད་དུ་གནས་པར་འགྱུར་རོ། །མི་འདོད་ན་ཡང་རིན་པོ་ཆེ་རྣམས་ལེན་ནུས་པར་འགྱུར་རོ། །ཡང་ན་ལྷ་མ་ཡིན་གྱི་བུ་མོ་དང་ལྷན་ཅིག་ཏུ་གནས་ཤིང་ལྷ་མ་ཡིན་རྣམས་ཀྱི་ལོངས་སྤྱོད་ལ་ལོངས་སྤྱོད་པར་འགྱུར་རོ། །འདོད་རྒུར་སྒྱུར་བའི་གཟུགས་ཅན་དུ་གྲུབ་ན་ནི། ཡིད་ཀྱིས་ཇི་ལྟར་འདོད་པ་དེ་ཐམས་ཅད་དུ་འགྱུར་རོ། །ཡིད་གཞུངས་པ་གྲུབ་ན་ནི། ཐོས་པ་འཛིན་པར་
Ma137b
འགྱུར་ཏེ། གང་ཅི་ཐོས་པ་དེ་ཐམས་ཅད་འཛིན་ནུས་པར་འགྱུར་རོ། །དེ་ནས་ཚིག་འགྲུབ་པ་སྒྲུབ་པར་འདོད་ན། མར་གྱི་དོ་ཞག་བརྒྱད་ལ་ཕ་བོང་གཅིག་པུ་གནས་པར་སོང་ལ། མཚན་ཐམས་ཅད་རྫོགས་པར་མཐོང་བ་དང་མཆོད་པ་རྒྱས་པར་བྱ་ཞིང ། ལྷ་བཤོས་རྒྱས་པར་ཕུལ་ནས་དེའི་སྟ་ཟུར་ཕྱོགས་སུ་མར་དང་སྦྲང་རྩི་བྱུགས་ལ་རིག་སྔགས་ཕན་བརྒྱད་སྟོང་བཟླས་བརྗོད་བྱས་ཏེ་ལྕེས་དྲུད་པར་བྱའོ། །དེ་ནས་བུད་མེད་ལ་རེག་པའི་ཉམས་འདྲ་བར་གྱུར་ནས་ལས་གྲུབ་པར་ཤེས་པར་བྱས་ཏེ། དེ་ཕྱིན་ཆད་ཐོས་པ་འཛིན་པར་འགྱུར་ཞིང ། སུ་དང་གཏམ་བྱས་པ་དེ་དབང་དུ་འགྱུར་བ་དང ། ཡིད་ལ་ཅི་བསམ་པ་དེ་དེ་བཞིན་དུ་འགྱུར་པ་དང ། གླུ་མཆོག་ཏུ་སྙན་པ་ལེན་པར་འགྱུར་བ་དང ། དུག་ཀྱང་ཟ་ནུས་པར་འགྱུར་རོ་།རིག་པ་མཆོག་སྒྲུབ་པའི་རིག་སྔགས་འཆང་གིས་ཆུ་ལ་བསྔགས་ཏེ་གདོང་བཀྲུས་ལ་ཉེ་རེག་བྱས་ན། དེས་རིག་སྔགས་ཀྱི་ལྷ་ཐམས་ཅད་དྲན་མ་ཐག་ཏུ་འོང་བར་འགྱུར་རོ། །སྒྲུབ་པའི་ཚེ་ཡང་ཚིག་ལྡན་མ་སྤྱན་དྲང་བར་བྱ་སྟེ། མ་དང་ཡནྟི་ཀའི་ཤིང་གི་མེ་སྦར་ལ་ཤི་ཀྲུའི་མེ་ཏོག་གི་སྲེག་བླུགས་ཉི་ཤུ་རྩ་གཅིག་སྦྱིན་སྲེག་བྱས་ན། གནས་གར་བཏབ་པ་དེར་གནས་པར་འགྱུར་རོ། །དེ་འོངས་པས་རིག་སྔགས་འཆང་གི་སྔོན་གྱི་བསོད་ནམས་མ་ཡིན་པ་རྣམས་བྱང་བར་འགྱུར་རོ། །མར་གྱི་
Ma138a
༄#། །ངོ་ཞག་བརྒྱད་ལ་ཞག་གཅིག་སྨྱུང་བ་བྱས་ཏེ་ལག་ན་རྡོ་རྗེའི་མདུན་དུ་ཙནྡན་དམ་པ་པོས་དཀྱིལ་འཁོར་བྱས་ནས་ལན་བརྒྱད་སྟོང་བཟླས་བརྗོད་བྱས་ན། དེས་ཆོ་ག་རྒྱས་པའི་ལྷ་ཐམས་ཅད་དམ་པ་སྦྱིན་པར་བྱེད་དོ། །དེ་ནས་བཅོམ་ལྡན་འདས་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །ལྷ་རྣམས། འཇིག་རྟེན་གྱི་མའི་ལས་རྣམས་ངས་བཤད་ཟིན་ཏོ། །ངས་ཀྱང་དྲན་པར་བྱེད་དུ་གཞུག་པ་དང ། དམ་ཚིག་འཛིན་དུ་གཞུག་པའི་གསང་སྔགས་བཤད་པར་བྱའོ། །ན་མོ་བཛྲ་པཱ་ཎི་སྱ། ན་མཿ ས་ར་སཝ་ཏཱི་ཡེ། ཨོཾ་ས་ར་སཝ་ཏཱི་ཡེ་སཝཱཧཱ། ལྷ་རྣམས། རིག་སྔགས་འདིའི་ལས་རྣམས་ཀྱང་འབྱུང་སྟེ། འཕགས་པ་ལག་ན་རྡོ་རྗེའི་མདུན་དུ་མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་རིག་སྔགས་འདིས་འོད་མའི་ཤིང་གི་མེ་སྦར་ལ་ཡུངས་ཀར་ཞོ་དང ། སྦྲང་རྩི་དང ། མར་དང་སྦྱར་བས་ལན་བརྒྱ་སྟོང་སྦྱིན་སྲེག་བྱས་ན། ཚིག་ལྡན་མ་གྲུབ་པར་འགྱུར་ཏེ། ལས་ཀྱི་མཆོག་སྟོང་བྱེད་ནུས་པར་འགྱུར་རོ། །སྒྲུབ་པའི་ཚེ་ཡང་མདུན་དུ་གུ་གུལ་གྱིས་ལན་བརྒྱ་སྟོང་སྦྱིན་སྲེག་བྱས་ན། ལྷ་མོ་ཡོངས་སུ་གཟིར་ཅིང་ཚིག་བཞིན་དུ་མྱུར་དུ་འོང་བར་འགྱུར་ཏེ། སྡིག་པའི་ལས་བྱེད་པར་མི་བྱའོ། །ཚིག་ལྡན་མའི་ཆོ་ག་རྫོགས་སོ།། །།
Ma138b
དེ་ནས་རྫོང་རིའི་ལྷ་མོས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེའི་གཟུགས་སུ་སྤྲུལ་ནས་ནམ་མཁའི་དཀྱིལ་འཁོར་ན་རྩེ་ཞིང་གར་བྱེད་དེ། རབ་ཏུ་འཇོམས་པའི་ཚོགས་ཀྱིས་བསྐོར་ལ་ལྷ་མོ་རྫོང་གི་འཕགས་མ་རྔ་འབུམ་རྡུང་ཞིང་གར་བྱེད་དེ། ལྷ་མོ་རྩེ་ཞིང་ང་ནི་ལག་ན་རྡོ་རྗེ་ཡིན་ནོ། །ང་ནི་ལག་ན་རྡོ་རྗེ་ཡིན་ནོ། །ཞེས་སྐད་ཆེན་པོས་སྨྲ་ཞིང་གང་བྱེད་དེ། ལྷ་མོ་རྫོང་གི་འཕགས་མ་ཆ་ལུགས་མི་བཟད་ཅིང་སྟོབས་དང་ཕ་རོལ་གནོན་པ། གཞན་གྱིས་མི་ཚུགས་པའི་ལྷ་མོ་རབ་ཏུ་འཇོམས་མའི་ཚོགས་ཀྱིས་བསྐོར་ཏེ་རྩེ་བར་བྱེད་དོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་མིག་ཡིད་ཙམ་བཏེག་སྟེ་བལྟས་ནས་བགད་དོ། །དེ་ནས་ལྷ་མོ་རྫོང་གི་འཕགས་མ་ཆ་ལུགས་མི་བཟད་ཅིང་སྟོབས་དང་ཕ་རོལ་གནོན་པ། གཞན་གྱིས་མི་ཚུགས་པ་རབ་ཏུ་འཇོམས་པའི་ཚོགས་ཀྱིས་བསྐོར་བ་དེ་སའི་སྟེང་དུ་ལྷུང་ངོ ། །དེ་ནས་ལྷ་མོ་དེས་ལག་ན་རྡོ་རྗེའི་རྐང་པ་གཉིས་ལ་གཏུགས་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས། བརྩོན་འགྲུས་དང་ཕ་རོལ་གནོན་པ་ཆེན་པོ་ཁྱོད་ཀྱིས་བདག་སའི་སྟེང་དུ་ལྟུང་བར་བྱེད་ནུས་ཀྱི། ལྷར་བཅས་པའི་འཇིག་རྟེན་དང ། བདུད་དུ་བཅས་པ་དང ། ཚངས་པར་བཅས་པ་དང ། དགེ་སྦྱོང་དང་བྲམ་ཟེར་བཅས་
Ma139a
༄#། །པའི་སྐྱེ་རྒུའི་ནང་ན་བདག་ལ་ལྟ་ནུས་པ་ཡང་གཞན་སུ་ཞིག་ཡོད་ན། ལྟུང་བར་བྱེད་པ་ལྟ་ཅི་སྨོས། ཁྱོད་ནི། ལྷའི་ལྷ་སྟོབས་དང་ཕ་རོལ་གནོན་པ་དཔག་ཏུ་མེད་པ་ཡིན། ཁྱོད་ནི། རིག་སྔགས་ཀྱི་རྒྱལ་པོ་འཇིག་རྟེན་ཐམས་ཅད་འཇོམས་པ། འཇིག་རྟེན་ཐམས་ཅད་ཀྱིས་ཕྱག་བྱ་བ་ཡིན་ནོ། །ཁྱོད་ནི། འཇིག་རྟེན་ཐམས་ཅད་ཀྱི་རྗེ་ཡིན་ཏེ། དེ་བས་ན། བདག་སའི་སྟེང་དུ་ལྟུང་བར་བྱེད་ཀྱི། ལྷར་བཅས་པའི་འཇིག་རྟེན་དང ། བདུད་དུ་བཅས་པ་དང ། ཚངས་པར་བཅས་པ་དང ། དགེ་སྦྱོང་དང་བྲམ་ཟེར་བཅས་པའི་སྐྱེ་རྒུའི་ནང་ན་བདག་ལ་ལྟ་བར་ནུས་པ་ཡང་གཞན་སུ་ཞིག་ཡོད་ན། ལྟུང་བར་བྱེད་པ་ལྟ་ཅི་སྨོས་ཞེས་ཚིག་དེ་སྐད་སྨྲ་ཞིང་འཁོར་འདུས་པ་དེའི་ནང་དུ་འདུག་ནས་ལྷ་གང་འཁོར་དེར་འདུས་པ་དེ་དག་སྐྲག་ཅིང་འཇིགས་ཏེ་ལག་ན་རྡོ་རྗེའི་ཞལ་དུ་ལྟ་བར་གྱུར་ཏོ། །དེ་ནས་ལྷ་མོ་ཆ་ལུགས་མི་བཟད་པ་དེས་ལྷ་མོ་ལག་ན་རྡོ་རྗེའི་གཟུགས་ཀྱིས་ལྷ་དེ་དག་ལ་འདི་སྐད་ཅེས་སྨྲས་སོ། །ལྷ་རྣམས། ཁྱེད་ཀྱིས་སེམས་ཅན་རྣམས་ལ་ཕན་པའི་ཕྱིར་ངས་བསྐལ་པ་སྟོང་ཕྲག་དགུ་བཅུ་རྩ་དགུའི་བར་དུ་དེ་བཞིན་གཤེགས་པ་མཉེས་པར་བྱས། མཆོད་པར་བྱས། བཀུར་སྟིར་བྱས། བླ་མར་བྱས། རི་མོར་བྱས་པ་ལ་ལྟོས། ངས་ལས་གཅིག་
Ma139b
གིས་རིག་པ་མཆོག་གི་ཆོ་ག་རྒྱས་པ་ཆེན་པོའི་རྒྱལ་པོ་བསྒྲུབས་པ་གང་ཡིན་པ་དང ། ལས་གཅིག་གིས་ལྷ་ཐམས་ཅད་མངོན་དུ་ཕྱོགས་པར་བྱས་ཤིང་བསྒྲུབས་པ་གང་ཡིན་པ་དེ་ངས་བཤད་ཀྱི། བཟོད་ལྡན་དག་རྒྱགས་པ་མེད་པའི་སེམས་ཀྱིས་ཉོན་ཅིག་།ལྷ་དང་བཅས་པ་དང ། བདུད་དང་བཅས་པ་དང ། ཚངས་པ་དང་བཅས་པ་དང ། དགེ་སྦྱོང་དང་བྲམ་ཟེར་བཅས་པའི་སྐྱེ་རྒུའི་ནང་ན་ལས་གཅིག་ཤེས་པ་ཡང་གཞན་སུ་ཞིག་ཡོད་ན། བཤད་པ་ལྟ་ཅི་སྨོས། དེ་ནས་ལྷ་དེ་དག་རྟབ་རྟབ་པོར་གྱུར་ཏེ་མིག་ས་ལ་ཕབ་བོ། །དེ་ནས་བཅོམ་ལྡན་འདས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །རྫོང་གི་འཕགས་པ་ཆ་ལུགས་མི་བཟད་པ་རབ་ཏུ་འཇོམས་པའི་ཚོགས་ཀྱིས་བསྐོར་བ་འདི་ནི། རིག་པ་མཆོག་གི་ཆོ་ག་རྒྱས་པ་ཆེན་པོའི་རྒྱལ་པོའི་ཆེན་པོའི་རིག་སྔགས་བཤད་པར་བྱ་བའི་ཕྱིར་འོངས་པ་ཡིན་གྱི།་བཟོད་ལྡན་དག་མ་འཇིགས་ཤིག་མ་འཇིགས་ཤིག་།ལྷ་མོ་འདིས་ནི། བསྐལ་པ་སྟོང་ཕྲག་དགུ་བཅུ་རྩ་དགུའི་བར་དུ་དེ་བཞིན་གཤེགས་པ་མཉེས་པར་བྱས། མཆོད་པར་བྱས། བཀུར་སྟིར་བྱས། རི་མོར་བྱས། བླ་མར་བྱས་ནས་རིག་པ་མཆོག་གི་ཆོ་ག་རྒྱས་པ་ཆེན་པོ་ཡང་བསྒྲུབས་ཏེ། དེས་ན། ལྷ་མོ་འདིས་ངའི་གཟུགས་འཛིན་
Ma140a
༄#། །པར་བྱེད་ཀྱི། ལྷར་བཅས་པའི་འཇིག་རྟེན་དང ། བདུད་དང་བཅས་པ་དང ། ཚངས་པར་བཅས་པ་དང ། དགེ་སྦྱོང་དང་བྲམ་ཟེར་བཅས་པའི་སྐྱེ་རྒུའི་ནང་ན་ངའི་གཟུགས་འཛིན་པར་ནུས་པ་གཞན་སུ་ཡོད། དེ་ནས་བཅོམ་ལྡན་འདས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་རྫོང་གི་ལྷ་མོ་ལ་འདི་སྐད་ཅེས་སྨྲས་སོ། །ལྷ་མོ། གང་ཁྱོད་སེམས་ཅན་ཐམས་ཅད་ཀྱི་དོན་གྱི་ཕྱིར་རིག་པ་མཆོག་གི་ཆོ་ག་རྒྱས་པ་ཆེན་པོའི་རྒྱལ་པོ་བཤད་པར་བྱ་བའི་དོན་ལ་འོངས་པ་ལེགས་སོ་ལེགས་སོ། །ལྷ་མོ། སེམས་ཅན་རྣམས་ཀྱི་དོན་གྱི་ཕྱིར་རིག་པ་མཆོག་གི་ཆོ་ག་རྒྱས་པ་ཆེན་པོའི་རྒྱལ་པོ་གསང་སྔགས་དེ་ཤོད་ཅིག་ཤོད་ཅིག་།དེ་ནས་ལྷ་མོ་རྫོང་གི་འཕགས་མ་ཡིད་རབ་ཏུ་དགའ་བར་གྱུར་ནས་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ཏོ། །བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །རིག་སྔགས་ཀྱི་རྒྱལ་པོ་ཆེན་པོ་རིག་པ་མཆོག་གི་ཆོ་ག་རྒྱས་པ་ཆེན་པོའི་རྒྱལ་པོ་གསང་སྔགས་དང ། བདག་གི་ལས་སྔོན་བདག་གིས་བསྒྲུབས་པ་བདག་གིས་བཤད་པར་བྱའོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །བཟོད་ལྡན་དག་།ལྷ་མོ་རྫོང་གི་འཕགས་པས་གསང་སྔགས་བཤད་
Ma140b
པ་ཁྱོད་ཀྱིས་ཉོན་ཅིག་།ལྷ་མོས་ཀྱང་ཤོད་ཅིག་ཤོད་ཅིག་།དེ་ནས་ལྷ་མོ་དེས་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ནས་རིག་སྔགས་བཤད་པ། ན་མོ་རཏྣ་ཏྲ་ཨ་སྱ། ན་མོ་བཛྲ་པཱ་ཎི་སྱ། མ་ཧཱ་ཡཀྵ་སེ་ན་པཱ་ཏི་སྱ། ན་མཿ ཀྲོ་དྷ་གཱི་རི་ཀྵ་ཡ། སིཾ་ཧ་ཤ་ཏུ་ལ་བཱ་ཧཱ་ནཱ་ཡ། ཨེ་ཧི་བྷ་ག་བ་ཏཱི། བཛྲ་པཱ་ཎི། སདྱ་ན། སྟ་ནེ་ཤཝ་རི། ཨཱ་གཙྪ་ཨཱ་གཙྪ། ནནྟི་ནི། མ་མ་ཀརྨ། སཱ་དྷ་ཡ། བུདྡྷ་ས་དྱ། ཨ་མོ་གྷ་གཱ་མི་ནི། ཡ་ཤོ་དྷ་རི། ཧུ་རུ་ཧུ་རུ། དྷུ་ན་དྷུ་ན་མཱི་ནི་ནཱ། ཀརྨཱ་ཎི་ཧུད་དྲུ་སཝཱཧཱ། གསང་སྔགས་བཤད་པའི་ཚེས་རྣམ་པ་དྲུག་ཏུ་གཡོས་སོ། །ལྷ་རྣམས་རྟབ་རྟབ་པོར་གྱུར་ཏེ་འབྲོས་པ་ལ་ཞུགས་སོ། །དེ་ནས་བཅོམ་ལྡན་འདས་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །བཟོད་ལྡན་དག་།ཁྱེད་ཀྱིས་ལྷ་དྲན་པར་གྱིས་ཤིག་།དེ་ནས་ལྷ་མོ་དེས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །རིག་སྔགས་ཀྱི་རྒྱལ་པོ་ཆེན་པོ། སྔོན་བདག་གིས་བསྒྲུབས་པ་གང་ཡིན་པའི་རིག་སྔགས་ཀྱི་ལས་ཤོད་ཅིག་ཤོད་ཅིག་།དེ་ནས་བཅོམ་ལྡན་འདས་ལག་ན་རྡོ་རྗེ་དྲེགས་པ་ཆེན་པོས་རྗེས་སུ་དྲན་པར་བྱ་བའི་རིག་སྔགས་ཀྱི་ལས་བཤད་པ། རིག་སྔགས་འདི་ཞག་བདུན་གྱི་བར་དུ་དབེན་པར་འདུག་ལ་གཅེར་བུའམ་ཡང་ན་ཁྱེར་དིངས་སུ་བྱས་ཏེ་རིག་སྔགས་བཟླས་བརྗོད་བྱས་ན། ཞབས་
Ma141a
༄#། །བདུན་པའི་ཉིན་པར་མཚན་མ་འབྱུང་བར་འགྱུར་ཏེ། ནམ་ཕྱེད་ཀྱི་དུས་སུ་སྐར་མདའ་ལྔས་བསྐོར་བའི་སྐར་མདའ་ལྟུང་བར་འགྱུར་རོ། །དེ་ནས་རིག་པ་མཆོག་གི་ཆོ་ག་གྲུབ་པར་ཤེས་པར་བྱ་སྟེ། ནང་བར་གྱི་དུས་སུ་འཕགས་པ་ལག་ན་རྡོ་རྗེའི་མདུན་དུ་སིནྡྷུ་ར་སྔོན་པོའི་ཡམ་བསྲེག་ཤིང་བརྒྱད་སྟོང་གིས་སྦྱིན་སྲེག་བྱས་ལ་དགེ་སློང་བདུན་ལ་མཆོད་སྟོན་བྱ་ཞིང་བྲམ་ཟེ་དག་ཀྱང་སྟོན་ནས་ལས་དེ་གྲུབ་ན། ལག་ན་རྡོ་རྗེ་དང་མཐུ་སྟོབས་མཉམ་ཞིང ། བསྐལ་པར་གནས་པ་དང ། འདོད་རྒུར་སྒྱུར་བའི་གཟུགས་ཅན་དང ། སྟོབས་དང་ཕ་རོལ་གནོན་པ་གཞན་གྱིས་མི་ཐུབ་པ་དང ། རིག་སྔགས་འཆང་གི་འཁོར་ལོས་བསྒྱུར་བར་འགྱུར་ཏེ། རིག་སྔགས་འཆང་ཐམས་ཅད་ཀྱིས་མི་སོད་ལ་མཐུ་སྟོབས་ཆེ་བ་དང ། བདག་ནམ་འཆི་བ་ཤེས་པ་དང ། ཕ་རོལ་ནམ་འཆི་བ་ཤེས་པ་དང ། འཛམ་བུའི་གླིང་ན་ཡོད་པའི་དོན་འདས་པ་དང ། མ་འོངས་པ་དང ། ད་ལྟར་བྱུང་བ་ཐམས་ཅད་ཡང་དག་པ་ཇི་ལྟ་བ་བཞིན་དུ་ཤེས་ཏེ། ལུས་ཞིག་ནས་ཀྱང་ལག་ན་རྡོ་རྗེའི་གནས་ཡིད་དུ་འོང་བར་སྐྱེ་བར་འགྱུར་རོ། །ཕོ་ཉ་མོ་རྣམས་སྒྲུབ་པའི་ཐབས་ཀྱང་དེ་བཞིན་ཏེ། ཞག་གསུམ་སྨྱུང་བར་བྱས་ལ་དངོས་གྲུབ་ཀྱི་མ་ལ་ཕྱག་བྱས་ནས་བྱའོ། །ལྷ་ཐམས་ཅད་ཀྱི་ལས་རྣམས་
Ma141b
ལ་ཡང་ཆོ་ག་དེ་ཉིད་ཡིན་ཏེ། ཞག་ལྔས་འགྲུབ་པར་འགྱུར་རོ། །སྦྱིན་སྲེག་ཀྱང་ལས་འདི་ཉིད་ཀྱིས་བྱས་ན། ལས་ཐམས་ཅད་འགྲུབ་པར་འགྱུར་རོ། །མཇུག་ཏུ་ཡུངས་ཀར་གྱི་སྦྱིན་སྲེག་བྱའོ། །རས་མ་ཉམས་པ་ལ་རི་མོ་མཁན་གསོ་སྦྱོང་དང་ལྡན་པ་ཚོན་རྩི་སྦྱིན་མེད་པས་སངས་རྒྱས་ཀྱི་སྐུ་གཟུགས་འབྲིར་གཞུག་གོ་།དེའི་གཡས་ལོགས་སུ་ལྷ་མོ་མདོག་དཀར་ཞིང་འབྱུང་པོའི་ཚོགས་ཀྱིས་བསྐོར་བ་བྲིའོ། །བཅོམ་ལྡན་འདས་ཀྱི་གཡོན་རོལ་དུ་འཕགས་པ་ལག་ན་རྡོ་རྗེ་སྔོ་བསངས་འདས་ཀྱི་གཡོན་རོལ་དུ་འཕགས་པ་ལག་ན་རྡོ་རྗེ་སྔོ་བསངས་ས་ཀྱིས་བརྒྱན་པ། དར་རམ་རས་ཀྱི་ཤམ་ཐབས་ཅན་བྲིའོ། །འོག་ཏུ་ནི། སྒྲུབ་པ་པོ་བྲིའོ། །མཐའ་མར་ནི། རིའི་རྩེ་མོ་རྣམས་བྲིའོ། །ལག་ན་རྡོ་རྗེ་ཡང་རིག་སྔགས་ཐམས་ཅད་ཀྱིས་བསྟོད་ཅིང་འདུག་པར་བྲིའོ། །སྟེང་དུ་ནི། ནམ་མཁའ་ལ་རྒྱུ་བའི་མ་མོ་བདུན་བྲིའོ། །དེ་ནས་རིག་སྔགས་འཆང་གིས་ཞག་གསུམ་སྨྱུང་བ་བྱས་ཏེ་ས་ཕྱོགས་གཙང་མར་སྐུ་གཟུགས་བཀྲམ་ལ་མར་གྱི་ངོ་ཞག་བཅུ་བཞི་ལ་སྣ་མའི་མེ་ཏོག་བརྒྱ་སྟོང་གིས་འཕགས་པ་ལག་ན་རྡོ་རྗེའི་རྐང་པ་གཡོན་པ་ལ་བསྣུན་ན། དེས་གཟུགས་འགུལ་ཞིང་སྤུ་ཟིང་ཞེས་བྱེད་པར་འགྱུར་རོ། །ལས་དེ་གྲུབ་པ་དང་དེ་ཕྱིན་ཆད་ལས་སྒྲུབ་ན། ཆོ་ག་རྒྱས་པའི་རིག་སྔགས་ཐམས་ཅད་དང ། རིག་སྔགས་གཞན་དག་ཀྱང་བདེ་བླག་ཏུ་འགྲུབ་
Ma142a
༄#། །པར་འགྱུར་རོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །ལྷ་རྣམས། ལྷ་མོ་ཆེན་མོ་འདི་ནི།་དྲག་ཅིང་རྫུ་འཕྲུལ་ཆེ་བ་ཡིན་ནོ། །དེ་ནས་ལྷ་རྣམས་ཀྱིས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །སྟོབས་པོ་ཆེ་ཁྱོད་ནི། མཆོག་སྦྱིན་པ་ཡིན་ནོ། །ཁྱོད་ནི། གཙོ་བོ་སྟེ། བརྩོན་འགྲུས་དང་ཕ་རོལ་གནོན་པ་ཆེན་པོ་ཡིན་གྱི། གང་གིས་མི་རྣམས་འགྲུབ་པར་འགྱུར་བའི་སྦྱིན་སྲེག་དང ། བཟླས་བརྗོད་དང ། ཡམ་སྲེག་ཤིང་རྣམས་ཀྱི་ལས་ལེགས་པར་སྦྱར་བ་ཐམས་ཅད་མ་ལུས་པར་ཤོད་ཅིག་།དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་སེམས་ཅན་ཐམས་ཅད་ལ་དགའ་བའི་ལྷ་རྣམས་ལ་སྦྱིན་སྲེག་དང ། བཟླས་བརྗོད་དང ། ཡམ་བསྲེག་ཤིང་རྣམས་ཀྱི་ཆོ་གའི་རིམ་པ་བཤད་པ། ལྷ་རྣམས་ཉོན་ཅིག་།ནོར་སྒྲུབ་བའི་སྦྱིན་སྲེག་རྣམས་ལ་ནི། འབྲས་མ་དྲུས་པ་དང ། ཤཱི་ཏི་དང ། ཐང་ཆུ་ལ་སོགས་པའི་རྫས་རྣམས་ཀྱིས་བྱའོ། །དྲག་ཤུལ་ལ་ནི། ཕུབ་མ་དང ། ལན་ཚཝ་དང ། སྐེ་ཚེ་དང ། དུག་དང ། ཁྲག་ལ་སོགས་པའི་རྫས་རྣམས་ཀྱིས་བྱའོ། །ཞི་པ་ལ་ནི། མར་དང ། འོ་མ་དང ། སྦྲང་རྩི་དང ། ཀ་ར་ལ་སོགས་པའི་རྫས་རྣམས་ཀྱིས་བྱའོ།
Ma142b
ལྷ་རྣམས། ཡམ་བསྲེག་ཤིང་རྣམས་ཀྱང་ཉོན་ཅིག་།བུད་མེད་དབང་དུ་བྱ་བ་ལ་ནི། མོའི་མིང་དང་ལྡན་པའི་ཡམ་སྲེག་ཤིང་རྣམས་ཀྱིས་བྱའོ། །ནོར་སྒྲུབ་པ་དང་དབང་དུ་བྱ་བ་ལ་སོགས་པ་ལ་ནི། བེལ་བ་དང ། པ་ལ་ཤ་དང ། ུ་དུམ་བ་ར་དང ། ་བ་མ་རྒ་དང ། བ་ས་ཀ་ལ་སོགས་པས་བྱའོ། །དྲག་ཤུལ་ལ་ནི། མ་དན་དང ། སེང་ལྡེང་དང ། བེ་ཀངྐ་ཏ་དང ། ནིམ་པའི་ཤིང་ལ་སོགས་པས་བྱའོ། །རྒྱས་པ་ལ་ནི། བིལ་བ་དང ། ་མྲ་དང ། བ་ན་ས་ལ་སོགས་པས་བྱའོ། །ལྷ་རྣམས། མེ་ཏོག་རྣམས་ཀྱང་བཤད་ཀྱི། ཉོན་ཅིག་།ཞི་བའི་ལས་ནི། པདྨ་དང ། ུཏྤ་ལ་དང ། སཽ་གནྡྷི་ཀ་དང ། སྣ་མའི་མེ་ཏོག་དང ། ་ཏི་མུཀྟ་ཀ་དང ། ཀླུ་ཤིང་གི་མེ་ཏོག་དང ། ་ཤོ་ཀ་ལ་སོགས་པ་ཡིན་ནོ། །དྲག་ཤུལ་གྱི་ལས་ཀྱི་ནི། ཀཱ་ར་བཱི་ར་དང ། ཏ་ཀ་ར་དང ། ཀུ་རནྟ་ཀ་ལ་སོགས་པ་ཡིན་ནོ། །ལྷ་རྣམས། ཡམ་བསྲེག་ཤིང་གི་མཚན་མ་སྣ་ཚོགས་ཀྱང་ཉོན་ཅིག་།ནོར་སྒྲུབ་པ་ལ་ནི། མཐོ་གང་གི་ཚད་དུ་བྱའོ། །དྲག་ཤུལ་ལ་ནི། མཛུབ་གང་གི་ཚད་དུ་བྱའོ། །ལྷ་མཐོང་བར་བྱ་བ་ལ་ནི། མཐེའུ་ཆུང་གི་ཚད་དུ་བྱའོ། །དབང་དུ་བྱ་བ་ལ། བུད་མེད་ཀྱི་ནི། རྩེ་མོའི་ཡམ་བསྲེག་ཤིང་གིས་བྱའོ། །སྐྱེས་པའི་ནི། དབུས་ཀྱིས་བྱའོ། །དྲག་ཤུལ་དང་མིའི་གཙོ་བོ་དབང་དུ་བྱ་བ་ལ་ནི། དྲུང་པས་བྱའོ། །རྒྱལ་པོའི་ལས་ལ་ནི། སཱ་ལའི་དྲུང་བས།
Ma143a
༄#། །བྱའོ། །དབུས་ཀྱི་བྱ་བ་ལ་ཡང་དབུས་ཀྱིས་བྱའོ། །དྲུང་བས་བྱ་བ་ལ་ཡང་དྲུང་བས་བྱའོ། །རིག་སྔགས་ཐམས་ཅད་ལ་ཡང་ལས་འདི་ཉིད་ཀྱིས་སྦྱར་བར་བྱ་སྟེ། རིག་སྔགས་གང་གིས་ཞི་བ་དང ། རྒྱས་པའི་ལས་རྣམས་ལ་མེ་ཏོག་དང ། ཡམ་བསྲེག་ཤིང་གང་བསྟན་པ་དེ་ཉིད་ཀྱིས་ལས་བྱས་ན་འགྲུབ་པར་འགྱུར་རོ། །ཡང་ན་རིག་སྔགས་ཀྱི་རིགས་གསང་བ་ལས་མེ་ཏོག་དང ། ཡམ་བསྲེག་ཤིང་ངས་བཤད་པ་གང་ཡིན་པ་དེ་ལས་བྱས་ན། བདེ་བླག་ཏུ་འགྲུབ་པར་འགྱུར་རོ། །ལྷ་རྣམས། ཡམ་བསྲེག་ཤིང་རྣམས་ཀྱི་སྦྱོར་བ་གསང་བ་འདི་དག་ངས་བཤད་ཟིན་ཏོ། །གཞན་ཡང་དོན་ཡོད་པའི་ལས་གང་གིས་གསང་སྔགས་རྣམས་འགྲུབ་པར་འགྱུར་བའི་སྐུ་གཟུགས་ཀྱི་མཚན་ཉིད་བཤད་པར་བྱའོ། །དེ་ནས་ལྷ་རྣམས་ཡིད་རབ་ཏུ་དགའ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་རྫོང་གི་འཕགས་མ་དང་བཅས་པ་ལ་བསྟོད་ཅིང་མངོན་པར་བསྟོད་དོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །བཟོད་ལྡན་དག་།ཁྱེད་ཀྱིས་དེ་བཞིན་གཤེགས་པའི་གཟུགས་ཉོན་ཅིག་།དེ་བཞིན་གཤེགས་པའི་གཟུགས་བརྙན་མཚན་ཐམས་ཅད་ཡོངས་སུ་རྫོགས་ཤིང་དཔལ་གྱི་བེའུས་བརྒྱན་པ། །ཕྱག་གཡས་པ་
Ma143b
མཆོག་སྦྱིན་པའི་ཚུལ་དུ་མཛད་པ་ལ་བལྟས་ཏེ། དེས་རིག་སྔགས་བསྒྲུབ་པར་བྱའོ། །ཡང་ན་དེ་བཞིན་གཤེགས་པ་ཆོས་སྟོན་ཅིང་བཞུགས་ལ་སྐྱབས་སྦྱིན་པའི་ཚུལ་དུ་མཇད་པ་ལ་བལྟས་ཏེ། དེར་བསྒྲུབ་པར་བྱའོ། །དེ་བཞིན་གཤེགས་པའི་སྤྱན་སྔར་དྲག་ཤུལ་བསྒྲུབ་པར་མི་བྱ་སྟེ། དེ་ནི། ལག་ན་རྡོ་རྗེའི་མདུན་དུ་བསྒྲུབ་པར་བྱའོ། །ལག་ན་རྡོ་རྗེའི་གཟུགས་ཀྱང་བཤད་པར་བྱ་སྟེ། མཚན་ཐམས་ཅད་ཡོངས་སུ་རྫོགས་པ་མདོག་སྡུག་ཅིང་སྔོ་བསངས་ལ་ཞི་བའི་གཟུགས་ཅན་མཆོག་སྦྱིན་པའི་ཚུལ་དུ་འདུག་པ་དེའི་མདུན་དུ་རིག་སྔགས་བསྒྲུབ་པར་བྱ་སྟེ། ཞི་བ་ནི། སྐྱིལ་མོ་ཀྲུང་བཅས་པས་བྱའོ། །དྲག་ཤུལ་ནི། འགྲེང་བས་བྱ་སྟེ། དྲག་ཤུལ་ནི། གཟུགས་མི་སྡུག་པས་བྱའོ། །ཞི་བ་དང་རྒྱས་པ་ལ་ནི། ཞི་བའི་གཟུགས་སུ་བྱའོ། །སྐུ་གཟུགས་ལ་ཐད་ཀར་བལྟ་ཞིང་བསྒྲུབ་པར་བྱ་སྟེ། གཞན་དུ་བལྟ་ཞིང་བསྒྲུབ་པར་མི་བྱའོ། །ཡན་ལག་ཉམས་པ་དང ། ལུས་སྐྱོན་ཅན་དང ། གཟི་བྱིན་མེད་པས་སྒྲུབ་ན་ནི། ལག་ན་རྡོ་རྗེས་བཤད་པ་བཞིན་དུ་གནོད་པར་འགྱུར་རོ། །རིག་སྔགས་ཀྱི་ལྷ་བྲི་བ་དེ་གང་ཡིན་པ་དེ་ཅི་སྟེ་མདོག་སྔོ་བསངས་སམ། སེར་རམ། དམར་བའམ། དཀར་ཤམ་ཞིག་ན། དེ་ཡང་དེའི་ཁ་དོག་ཏུ་
Ma144a
༄#། །བྲི་བར་བྱའོ། །བུད་མེད་གང་ཡིན་པ་དེ་ནི། བུད་མེད་ཀྱི་ཆ་བྱད་ཅན་དུ་བྱའོ། །སྐྱེས་པ་གང་ཡིན་བ་དེ་ནི། སྐྱེས་པའི་མཚན་དང་ལྡན་པར་བྱ་ཞིང།་གཟུགས་གང་ཡིན་པ་དང ། ཁ་དོག་གང་ཡིན་པ་དང ། མཚོན་ཆ་དང་ལྡན་པར་བྱའོ། །ཅི་སྟེ་མཚོན་ཆ་མེད་པ་ཞིག་ན། ཡང་མཚོན་ཆ་ཐོགས་པར་བྱའོ། །གཟུགས་ལོག་པར་བྱས་པས་ནི། དངོས་གྲུབ་འགྲུབ་པར་མི་འགྱུར་རོ། །དྲག་ཤུལ་གྱི་ལས་རྣམས་ལ་ལྷ་དྲག་པོ་གང་ཡིན་པ་དེའི་དྲུང་དུ་དེ་བཞིན་གཤེགས་པ་གཞག་པར་བྱའོ། །མཆོད་རྟེན་ནམ་མཚན་གྱི་དྲུང་དུ་སྒྲུབ་ན། མཆོད་རྟེན་ནི། བྱ་གག་གི་སྒོ་ང་འདྲ་བར་འདུག་ན་དངོས་གྲུབ་སྦྱིན་པར་འགྱུར་རོ། །མཆན་ཡང་མཚན་ཉིད་རྟགས་དང་ལྡན་པར་བྱ་སྟེ། འདི་དག་ནི། གཟུགས་ཀྱི་མཚན་ཉིད་དོ། །དེ་ནས་ལྷ་དེ་དག་ཡིད་དགའ་བར་གྱུར་ནས་ལག་ན་རྡོ་རྗེ་ལ་ལེགས་སོ་ཞེས་བྱ་བ་བྱིན་ཏེ། བྱང་ཆུབ་སེམས་དཔའ་ཆེན་པོ་གང་ཁྱོད་སེམས་ཅན་ཐམས་ཅད་ལ་ཕན་པའི་ཕྱིར་ཞུགས་ཏེ། སེམས་ཅན་ཐམས་ཅད་ཀྱི་དོན་གྱི་ཕྱིར་རིག་པ་མཆོག་གི་ཆོ་ག་རྒྱས་པ་ཆེན་པོ་མཚན་ཉིད་དང་བཅས། ཆོ་ག་དང་བཅས་པར་བཤད་པ་ལེགས་སོ་ལེགས་སོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་ལྷ་དེ་དག་ལ་འདི་
Ma144b
སྐད་ཅེས་སྨྲས་སོ། །བཟོད་ལྡན་དག་།ཁྱེད་ཉོན་ཅིག་།གང་གིས་དེ་བཞིན་གཤེགས་པའི་སྐུའི་མཚན་ཉིད་འདི་མཐོང་ན། དེ་མཐོང་མ་ཐག་ཏུ་དེ་བཞིན་གཤེགས་པ་བྱེ་བ་ཕྲག་དགུ་བཅུ་རྩ་དགུ་དངོས་གྲུབ་སྩོལ་བར་མཛད་དོ། །རིག་པ་མཆོག་ཕོ་ཉ་མོའི་ཚོགས་ཀྱི་དཀྱིལ་འཁོར་དང་བཅས་པས་ཀྱང་དངོས་གྲུབ་སྦྱིན་པར་འགྱུར་རོ། །ཡར་གྱི་ངོ་ཚེས་བརྒྱད་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེ་ལ་མཆོད་པ་བྱས་ནས་མེ་ཏོག་དཀར་པོ་ལ་ལན་རེ་བཟླས་བརྗོད་བྱས་པ་བརྒྱད་སྟོང་གིས་འཕགས་པ་ལག་ན་རྡོ་རྗེ་ལ་བསྣུན་ལ། དེ་ནས་མཆོད་རྟེན་ནམ་མཚན་ལ་བལྟས་ཏེ་རིག་སྔགས་བསྒྲུབས་ན། བདེ་བླག་ཏུ་འགྲུབ་པར་འགྱུར་རོ། །ལྷ་རྣམས། ལྷ་མོ་རྫོང་གི་འཕགས་མའི་ལས་རྣམས་ངས་བཤད་ཟིན་ཏོ། །དེ་ལ་དྲག་ཏུ་སྐུལ་བའི་གསང་སྔགས་དྲན་པར་བྱས་ན། མདུན་དུ་གནས་པར་འགྱུར་བ་ཡང་བཤད་པར་བྱའོ། །ན་མོ་བཛྲ་པཱ་ཎི་སྱ། ཨོཾ་ཤཝེ་ཏ་རུ་དྷ་རི་ཎི་སཝཱཧཱ། མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བར་བྱས་ཏེ་རིག་སྔགས་འདིས་ལྷ་མོ་ཨུཏྤལ་དང་ལྡན་པར་བྱས་ནས་འཕགས་པ་ལག་ན་རྡོ་རྗེའི་མདུན་དུ་བཞག་ལ་མཆོད་པ་ཆེན་པོ་བྱས་ཏེ་ལྷ་བཤོས་ཀྱང་རྒྱས་པར་ཕུལ་ནས་པ་ལ་ཤའི་ཤིང་གིས་མེ་སྦར་ལ། གུ་གུལ་
Ma145a
༄#། །སྦྲང་རྩི་དང ། མར་དང་སྦྱར་བས་ལན་བརྒྱད་སྟོང་སྦྱིན་སྲེག་བྱས་ན། ལྷ་མོ་ཆེན་མོ་རྫོང་གི་འཕགས་མ་འགྲུབ་པར་འགྱུར་ཏེ། ལས་ཐམས་ཅད་བྱེད་ནུས་པར་འགྱུར་རོ། །རྫོང་གི་འཕགས་མའི་ཆོ་ག་རྫོགས་སོ།། །།དེ་ནས་འགྲོ་བའི་བདག་པོ་སྲེད་མེད་ཀྱི་བུས་བྱང་ཆུབ་སེམས་དཔའ་ཆེན་པོ་འཕགས་པ་ལག་ན་རྡོ་རྗེ་རིག་སྔགས་ཀྱི་ཆོ་ག་རྒྱས་པ་འཆད་པ་མཐོང་ནས་འཁོར་དེ་ཉིད་ཀྱི་ནང་དུ་འདུས་པར་གྱུར་ཏེ་འདུས་ནས་ལག་ན་རྡོ་རྗེ་ལ་བསྟོད་པ། བྱང་ཆུབ་སེམས་དཔའ་ཆེན་པོ་སྟོབས་དང་ཕ་རོལ་གནོན་པ་དཔག་ཏུ་མེད་པ་ཁྱོད་སེམས་ཅན་ཐམས་ཅད་ལ་ཕན་པའི་ཕྱིར་ཞུགས་པ་དང ། སེམས་ཅན་ཐམས་ཅད་ལ་ཕན་པའི་ཕྱིར་བརྩོན་པ་གང་ཡིན་པ་ནི། ལེགས་སོ་ལེགས་སོ། །བྱང་ཆུབ་སེམས་དཔའ་ཆེན་པོ། བདག་གིས་ཀྱང་རིག་སྔགས་མཆོག་གི་ཆོ་ག་རྒྱས་པའི་ལས་རིག་སྔགས་འཆང་རྣམས་བརྒྱན་པ་དང ། འགྲུབ་པར་བྱ་བའི་ཕྱིར་གསང་སྔགས་བཤད་པར་བྱའོ། །དེ་ནས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་འགྲོ་བའི་བདག་པོ་སྲེད་མེད་ཀྱི་བུ་ལ་འདི་སྐད་ཅེས་སྨྲས་སོ། །འགྲོ་བའི་བདག་པོ་སྲེད་མེད་ཀྱི་བུ། ཁྱོད་སེམས་ཅན་ཐམས་ཅད་ལ་ཕན་པའི་
Ma145b
ཕྱིར་ཞུགས་པ་གང་ཡིན་པ་ལེགས་སོ་ལེགས་སོ། །རིག་སྔགས་འཆང་རྣམས་བརྒྱན་པའི་ཕྱིར་གསང་སྔགས་ཤོད་ཅིག་ཤོད་ཅིག་།དེ་ནས་བྱང་ཆུབ་སེམས་དཔའ་ཆེན་པོ་སྲེད་མེད་ཀྱི་པུས་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ལོ། །རིག་སྔགས་ཀྱི་ཚོགས་ལ་བལྟས་ནས་གསང་སྔགས་བཤད་པ། ན་མོ་བཛྲ་པཱ་ཎི་སྱ། ན་མོ་ན་ར་ཡ་ཎཱ་ཡ།་ན་མོ་བཻ་ཤྲ་བ་ཎཱ་ཡ། ཤྲི་བ་ཏ་ས་ཙཀྲ་དྷ་རཱ་ཡ། མ་པ་དནྟ། ཏྭབ་བནྡྷ་མི། ནི་པ་དནྟ་ན། ཙ་ཏུཥྤ་དནྟ། ཨ་ཤི་བི་ཤཱ་ནཤྩ་བནྡྷ་མི། སརྦ་ཏུཥྚ་ནཤྩ། ད་རུ་ཎན། ཨི་ཏི་མི་ཏི་ནི། མ་ཧཱ་ཤི་མི་ར། ན་མོ་དེ་བ་བཱ་ཡུ། ཙ་ཏུ་ར་བྷུ་ཛཱ་ཡ། མ་སྦུ་ར། མ་སྦུ་ན་སཝཱ་ཧཱ། དེ་ནས་འགྲོ་བའི་བདག་པོ་སྲེད་མེད་ཀྱི་བུས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །རྡོ་རྗེ་འཛིན་ཆེན་པོ། རིག་སྔགས་ཀྱི་ལས་ཤོད་ཅིག་ཤོད་ཅིག་།དེ་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་རིག་སྔགས་ཀྱི་ཚིག་ལ་བལྟས་ནས་རིག་སྔགས་ཀྱི་ལས་བཤད་པ། རིག་སྔགས་འཆང་གི་ལས་གཅིག་པུས་རིག་སྔགས་མཆོག་ལ་སོགས་པ་རིག་སྔགས་ཐམས་ཅད་སྒྲུབ་པར་འདོད་ན། ཟླ་བ་གཅིག་གི་བར་དུ་སློང་མོའི་ཟས་ཟ་ཞིང ། གནས་དབེན་པར་རིག་སྔགས་བཟླས་བརྗོད་བྱས་ལ། ཟླ་བ་གཅིག་ཚང་ནས་ཞག་གཅིག་སྨྱུང་བ་བྱས་ཏེ་ཡུངས་ཀར་གྱིས་ལན་བརྒྱད་སྟོང་སྦྱིན་སྲེ་
Ma146a
༄#། །བྱས་ན། རིག་སྔགས་ཀྱི་རྒྱལ་པོ་ཆེན་པོ་མཐོང་བར་འགྱུར་ཏེ། ཡིད་ལ་གང་འདོད་པ་དེ་དག་ཐམས་ཅད་བྱེད་པར་འགྱུར་རོ། །སྲུང་བ་ནི། ཆོས་དཀར་ཅན་གྱིས་བྱའོ། །དེ་ནས་འགྲོ་བའི་བདག་པོ་སྲེད་མེད་ཀྱི་བུས་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །རྡོ་རྗེ་འཛིན་བདག་གིས་ཀྱང་རིག་སྔགས་འཆང་རྣམས་བརྒྱན་པར་བྱ་བའི་ལས་གང་གིས་རིག་སྔགས་འཆང་རྣམས་རིན་པོ་ཆེས་བརྒྱན་པར་གྱུར་པ་བཤད་པར་བྱའོ། །དེ་ནས་ལག་ན་རྡོ་རྗེ་གྲགས་པ་ཆེན་པོས་འགྲོ་བའི་བདག་པོ་སྲེད་མེད་ཀྱི་བུ་ལ་འདི་སྐད་ཅེས་སྨྲས་སོ། །འགྲོ་བའི་བདག་པོ། གང་གིས་རིག་སྔགས་འཆང་རྣམས་རིན་པོ་ཆེས་བརྒྱན་པར་གྱུར་པ་ཤོད་ཅིག་ཤོད་ཅིག་།དེ་ནས་འགྲོ་བའི་བདག་པོ་སྲེད་མེད་ཀྱི་བུས་རིག་སྔགས་རྣམས་རིན་པོ་ཆེས་བརྒྱན་པར་བྱ་བའི་ལས་བཤད་པ། རོ་ཉེ་ཕ་བོང་ལོང་བུ་དང ། །ཚོན་མོ་སྟེང་དང་ཟངས་རྣམས་དང ། །ལན་ཚཝ་ཆུ་ཡི་བཅུ་ཆ་རྣམས། །ཏིལ་གྱི་ཐལ་བའི་ཆུ་དང་བཏག་།གྣི་ཏིལ་མར་དག་དང་སྦྱར། །མི་ཐོད་ནང་དུ་བཙོ་བར་བྱ། །གསེར་མཆོག་དག་ཏུ་འགྱུར་བ་སྟེ། །ཡིད་གཉིས་སུ་ནི་བྱ་བ་མེད། །སྦྱོར་བ་གཅིག་ནི་ངས་བཤད་ཟིན། །སྦྱོར་བ་གཉིས་པ་ང་ལས་ཉོན། །མཚལ་དང་དུག་བཅས་བ་བླ་དང་ནི་མུ་ཟིར་ལྡན། །ཤིང་ཐོག་
Ma146b
ཁུ་བས་བཏགས་ཏེ་ཟངས་མ་གླེགས་ལ་བསྐུ། །དུད་པ་བཀག་སྟེ་བསྲེགས་ནས་བཏགས་ན་གསེར་དང་འདྲ། །གསེར་བ་སྐྱེ་བོའི་ཆ་བརྒྱད་ཆ་ཡིས་སྒྱུར་བར་ནུས། །མཚལ་དང་དུག་བཅས་བྷུ་མི་བལ་ལི་བ་བླར་བཅས། །ཙིན་ཚའི་ཤིང་བརྙན་ཚཝ་དང་ཚཝ་ཚུར་ལྡན་བྱས་ལ། །མི་ཐོད་གསེར་ནང་ཨགྣིའི་ཏིལ་མར་ལྡན་བྱས་ན། །ལྷ་ཡི་རྒྱན་དུ་རུང་བའི་གསེར་གྱི་སྦྲམ་བུར་འགྱུར། །མཚལ་དང་ལྡོང་རོས་བཅས་དང་རྟ་ཁྲག་བ་བླར་ལྡན། །ཙིན་ཚའི་ཤིང་བརྙན་ཚཝ་དང་ཚཝ་ཚུར་ལྡན་བྱས་ལ། །མི་ཐོད་གསེར་ནང་ཨགྣིའི་ཏིལ་མར་ལྡན་བྱས་ལ། །ལྷ་ཡི་རྒྱན་དུ་རུང་བའི་གསེར་གྱི་སྦྲམ་བུར་འགྱུར། །གསེར་དང་ར་གན་དངུལ་རྣམས་ཁ་བསྒྱུར་ཏེ། །བཙོད་དང་གོ་བྱེ་དག་གི་ནང་དུ་བསྒོས་བྱས་ལ། །མི་ཐོད་གསར་པ་དག་ནི་ནང་དུ་བཙོ་བྱས་ན། །འཛམ་བུ་ཆུ་བོའི་གསེར་དག་དང་ནི་འདྲ་བར་འགྱུར། །འཚལ་ཕྱེ་ཞིབ་མོར་ཁ་ལུང་ཁུ་བས་ལན་བདུན་བསྒོ། །ཤིང་ཀུན་ཤ་ཡི་ཁུ་བས་ཀྱང་ནི་ལན་བདུན་བྱ། །མི་ཐོད་གསར་ནང་ཨགྣིའི་ཏིལ་མར་ལྡན་བྱས་ན། །ལྷ་ཡི་རྒྱན་དུ་རུང་བའི་གསེར་གྱི་སྦྲམ་བུར་འགྱུར། །སྦྱོར་བ་འདི་དག་བདག་གིས་བཤད་ཟིན་གྱི། ། བཻ་ཌཱུརྱ་སྔོན་པོའི་ཆོ་ག་ཡང་བདག་ལས་གསོན་ཅིག་།འཆིང་བུའི་སྔོན་པོའི་ཆ་བཞི་དང ། པདྨ་རཱ་ག་དེ་དང་མཉམ་པ་དང ། །བཻ་ཌཱུརྱ་སུམ་འགྱུར་དང ། །མ་ར་ཀ་ཏའི་ཆའི་ཕྱེ་
Ma147a
༄#། །དང ། དུ་ན་ལས་བྱི་ལའི་མིག་གི་མདོག་འདྲ་བ་སུམ་འགྱུར་དང ། ཟངས་དེའི་ཕྱེད་རྣམས་སྦྱར་ན། བཻ་ཌཱུརྱ་སྔོན་པོ་བཟང་པོར་འགྱུར་རོ། ། མཁས་པ་དག་གིས་ལི་ཁྲི་དང ། མཚལ་དང ། བ་སོ་སྦྱར་ནས་ར་གསར་དུ་འབྲངས་པའི་འོ་མས་སྦྲུས་ལ་བློ་དང་ལྡན་པས་བྱི་རུ་བྱས་ཏེ། གྲིབ་མར་ལེགས་པར་བསྐམས་ནས་ཉའི་ཁོང་དུ་བཅུག་ལ་ཉུང་མར་བརྔོས་ཏེ། གཏུན་གྱི་ནང་དུ་མོན་སྲན་གྲེའུ་སྐམ་པོ་བཅུག་ནས་སྣུམ་ཅུང་ཟད་ཙམ་དང་ལྡན་པར་བྱས་ལ་བྱི་རུ་བྱས་ཏེ། གྲིབ་མར་ལེགས་པར་བཅུག་སྟེ་འཇམ་པོར་འགྱུར་གྱི་བར་དུ་མཁས་པས་གཏུན་བུས་བརྡུངས་ན། བྱི་རུ་བཟང་པོར་འགྱུར་རོ། །ཆོ་ག་དེ་ལྟར་བྱས་ཏེ་ཐང་ཤིང་བླུགས་ན་ནི། ཨིནྡྲ་ནཱི་ལར་འགྱུར་རོ། །ཉ་ཕྱིས་ཀྱི་ཕྱེ་མ་བླུགས་ན་ནི། མུ་ཏིག་ཏུ་འགྱུར་རོ། །གཞན་དག་ཀྱང་ཁ་དོག་ཅི་འདྲ་བའི་བྱེ་བྲག་དང་སྦྱར་ཏེ་དེ་བཞིན་དུ་བྱའོ། །བཅོམ་ལྡན་འདས། རིན་པོ་ཆེའི་རྒྱན་རྣམ་པ་སྣ་ཚོགས་འདི་དག་ནི། བདག་གིས་བཤད་ཟིན་གྱི། གསེར་གྱི་དོན་དུ་བདག་གིས་རྫས་བཤད་པ་གང་ཡིན་པའི་རྫས་དེ་དག་གི་མཚན་ཉིད་ཀྱང་གསོན་ཅིག་།བརྡར་ན་མདོག་ནི་དམར་སེར་འགྱུར། །ལྕི་ཞིང་འོད་ཀྱང་ཆགས་པ་དང ། །མཉེན་ཞིང་མདོག་ཀྱང་མི་ནག་པ། །དེ་ནི་གསེར་གྱི་མཆོག་ཏུ་བཤད། །དངུལ་
Ma147b
ཞིང་འཇམ་ཞིང་ལྕི་ལ་སྣུམ། །བསྲེགས་ན་དྭངས་ལ་ཤིན་ཏུ་དཀར། །འོད་བཟང་མཉེན་བག་ཡོད་པའི་ཡུལ། །གང་ཡིན་དེ་ནི་རབ་ཏུ་བཟང ། །ཕྱི་རོལ་ཉི་མ་འཆར་ཀའི་མདོག་།བཅག་འཕྲོ་དངུལ་ཆུའི་མདོག་དང་འདྲ། །ལྕི་ཞིང་མདོག་སྡུག་དེ་འདྲའི་ཟངས། །གང་ཡིན་དེ་ནི་རབ་ཏུ་བཟང ། །ཕྱི་རོལ་ཕུག་རོན་མིག་འདྲ་ཞིང ། །བཅག་འཕྲོ་གསེར་གྱི་ཕྱེ་མ་འདྲ། །ལྕི་ཞིང་མདོག་སྡུག་དེ་འདྲ་བ། །མཚལ་གྱི་མཆོག་ཏུ་བཤད་པ་ཡིན། །ཕྱི་རོལ་ནེ་ཙོའི་སྒྲོ་མདོག་འདྲ། །བཅག་འཕྲོ་གསེར་གྱི་ཕྱེ་མ་བཞིན། །ལྕི་ཞིང་མདོག་སྡུག་དེ་འདྲ་བ། །མུ་ཟིའི་མཆོག་ཏུ་བཤད་པ་ཡིན། །ཉི་མ་འཆར་ཁའི་མདོག་འདྲ་ཞིང ། །ཀཱ་ར་བཱི་རའི་མེ་ཏོག་འདྲ། །ཡང་ན་ལ་ལ་གསེར་འདྲ་བ། །ལྡོང་རོས་ཀྱི་ནི་གཙོ་བོར་བཤད། །གསེར་གྱི་གྱིམ་བག་མདོག་འདྲ་ཞིང ། །རིམ་པའི་སུལ་གྱིས་གང་བ་དང ། །མདོག་ཀྱང་སྡུག་བསྔལ་ལྕི་བ་དང ། །བ་བླའི་མཆོག་ཏུ་བཤད་པ་ཡིན། ། རྫས་འདི་དག་ནི་བདག་གིས་བཤད། །བཟང་པོར་བཅོས་པའང་བདག་ལས་གསོན། །གསེར་གླེགས་ལ་ག་ལུང་གི་ཁུ་བ་དང ། ཚཝ་ཆུ་དང ། སྣུམ་དང་ལྡན་པར་བྱས་ཏེ་བ་ལང་གི་ལྕི་བའི་མེའི་ནང་དུ་ལན་བདུན་བསྲེགས་ན། དེས་གསེར་དུལ་བར་འགྱུར་རོ། །ར་གན་གྱི་ཆོ་ག་ཡང་འདི་ཡིན་ཏེ། མཁས་པས་བུ་རམ་དང ། ཁ་ལུང་དང །
Ma148a
༄#། །བྲམྷི་དང ། ལན་ཚཝ་དང ། ཀེངྴུ་ཀ་རྣམས་སོ་སོའི་ནང་དུ་ཞག་བདུན་བདུན་གཞག་གོ་།ཐབས་དེ་ལྟ་བུར་བྱས་ན་དངུལ་དང་ཟངས་ཀྱང་དུལ་བར་འགྱུར་རོ། །ལྡོང་རོས་ནི། བ་ལང་གི་ཤའི་ནང་དུ་བཅུག་ལ་བཏགས་ཏེ་ཁ་ལུང་གི་ཁུ་བའི་ནང་དུ་ལན་བདུན་བདུན་བཅུག་ན། དེས་དུལ་བར་འགྱུར་རོ། །མཚལ་ཡང་མུ་ཟིའི་ཆོ་གར་བསྟན་པ་བཞིན་དུ་བྱས་ན། དུལ་བར་འགྱུར་རོ། །བ་བླ་ནི། རས་ཀྱིས་དཀྲིས་ལ་ཤིང་སྣུ་ཉའི་སྦུབས་སུ་བཅུག་སྟེ་བ་ལང་གི་ལྕི་བས་གཡོགས་ནས་བདུགས་ལ་ལན་བདུན་གྱི་བར་དུ་བ་ལང་གི་ལྕི་བའི་ནང་དུ་བཅུག་ན། བ་བླ་དུལ་བར་འགྱུར་རོ། །བྱི་རུ་ལ་སོགས་པའི་རྫས་རྣམས་གདུལ་བ་ལ་ཡང་དེ་ལྟར་བྱས་ན། དུལ་བར་འགྱུར་རོ། །དངུལ་ལ་སོགས་པའི་རྫས་རྣམས་སྔར་ལེགས་པར་བཏུལ་ཏེ་དྲི་མ་མེད་པར་བྱས་ནས་གདོད་སྦྱོར་བ་ཐམས་ཅད་ལ་སྦྱར་བར་བྱའི། །དེ་མ་ཡིན་པར་ཡེ་མི་བྱའོ། །བཅོམ་ལྡན་འདས། འདི་དག་ནི། བདག་གིས་སེམས་ཅན་རྣམས་ལ་ཕན་པའི་ཕྱིར་བཤད་དེ། གང་ཞིག་དེ་དང་མི་མཐུན་པའི་ལས་བྱེད་ན། ལས་གྲུབ་པ་མེད་དོ། །བཅོམ་ལྡན་འདས། གཞན་ཡང་གང་དག་བདག་གིས་གསང་སྔགས་འཆང་བ་དེ་དག་ལ་ཐམས་ཅད་དུ་སྲུང་བར་འགྱུར་བ་འདི་ཡང་བཤད་པར་
Ma148b
བགྱིའོ། །དེ་ནས་བཅོམ་ལྡན་འདས་ལག་ན་རྡོ་རྗེས་འགྲོ་བའི་བདག་པོ་སྲེད་མེད་ཀྱི་བུ་ལ་འདི་སྐད་ཅེས་སྨྲས་སོ། །འགྲོ་བའི་བདག་པོ། གནས་ཀྱང་ཁྱོད་ལ་དྲག་ཏུ་སྐུལ་བའི་གསང་སྔགས་བཤད་པར་བྱའོ། །ན་མོ་བཛྲ་པཱ་ཎི་སྱ། ཨོཾ་ལོ་ལཱ་ཙཀྲཱ་ཡ་སཝཱཧཱ། གསང་སྔགས་འདིས་ལག་ན་རྡོ་རྗེའི་མདུན་དུ་མར་གྱི་ངོ་ཚེས་བཅུ་བཞི་ལ་ཞག་གཅིག་སྨྱུང་བ་བྱས་ཏེ་ལན་བརྒྱད་སྟོང་བཟླས་བརྗོད་བྱས་ན། སྲེད་མེད་ཀྱི་བུ་འགྲུབ་པར་འགྱུར་ཏེ། །ལས་ཐམས་ཅད་བྱེད་པར་ནུས་སོ། །སྲད་མེད་ཀྱི་བུའི་ཆོ་ག་རྫོགས་སོ།། །། དེ་ནས་གངྒཱའི་ཀླུང་ལ་སོགས་པ་ཀླུང་ཆེན་པོ་བཞི་འཁོར་བརྒྱད་ཁྲི་བཞི་སྟོང་གིས་བསྐོར་བ་རྣམས་ལག་ན་རྡོ་རྗེའི་ཞབས་དྲུང་དུ་སོང་སྟེ་ཕྱིན་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་ཆེན་པོ། བདག་ཅག་གིས་ཀྱང་སེམས་ཅན་ཐམས་ཅད་ལ་ཕན་པའི་ཕྱིར་རིག་པ་མཆོག་གི་ཆོ་ག་རྒྱས་པ་ཆེན་པོའི་གསང་སྔགས་བཤད་པར་བགྱིའོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་གངྒཱའི་ཀླུང་ལ་སོགས་པ་ཀླུང་བརྒྱད་ཁྲི་བཞི་སྟོང་གིས་བསྐོར་བ་རྣམས་ལ་འདི་སྐད་ཅེས་སྨྲས་སོ། །བཟོད་ལྡན་དག་།སེམས་ཅན་ཐམས་ཅད་ལ་ཕན་བའི་ཕྱིར་ཞུགས་པ་དང ། སེམས་ཅན་ཐམས་ཅད་ལ་ཕན་པའི་ཕྱིར་བརྩོན་པ་
Ma149a
༄#། །ལེགས་སོ་ལེགས་སོ། །བཟོད་ལྡན་དག་།རིག་བ་མཆོག་གི་ཆོ་ག་རྒྱས་པ་ཆེན་པོའི་གསང་སྔགས་ཤོད་ཅིག་ཤོད་ཅིག་།དེ་ནས་གངྒཱའི་ཀླུང་ལ་སོགས་པ་ཀླུང་ཆེན་པོ་བཞི་སྟོང་གིས་བསྐོར་བ་རྣམས་གཅིག་ཏུ་ཕྱོགས་པར་གྱུར་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་ཕྱག་འཚལ་ཏེ་རིག་སྔགས་བཤད་པ།་ན་མོ་བཛྲ་པཱ་ཎི་སྱ། ན་མཤཙ་ཏུར་ཎཱཾ། མ་ཧཱ་ས་མུ་དྲའི་ཎཱཾ། གངྒཱ་ན་དཱི། པྲ་མུ་ཁཱ་ཎཱ་ན། ཙ་ཏུར་ཤཱི་ཏི་ནཱ་ད་ས་ཧ་སྲ་ཎཱཾ། མ་ཡ་ཡོ་གི་ནི་བ་སི་ནཱན། ས་ར་ཏི་དྷཱ་རི་ཎཱན། ཤཝེ་ཏ་བཱ་ས་སཱ་ནཱན། ཛ་ཊཱ་མ་ཀུ་ཊ་ད་རཱི་ཎཱ་ན། ན་མོ་སྟུ་ཏེ་ཀི་ལི་ཀི་ལི་སཝཱ་ཧཱ། ཡོ་ག་དྷ་རི་ཎཱི། མ་ཧཱ་ཡོ་ག་དྷ་རི་ཎཱི་སཝཱཧཱ། དེ་ནས་གངྒཱའི་ཀླུང་ལ་སོགས་པ་ཀླྡེ་སའི་སྟེང་དུ་ལྷུང་ངོ ། །དེ་ནས་ལྷ་མོ་དེས་ལག་ན་རྡོ་ཁྲི་བཞི་སྟོང་གིས་བསྐོར་བ་རྣམས་ཀྱིས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །རིག་སྔགས་ཀྱི་རྒྱལ་པོ་ཆེན་པོ། རིག་སྔགས་ཀྱི་ལས་རྣམས་ཤོད་ཅིག་ཤོད་ཅིག་།དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་རིག་སྔགས་ཀྱི་ལས་བཤད་པ། དགུན་ཟླ་ཐ་ཆུང་ཚེས་བདུན་ལ་ཞག་གཅིག་སྨྱུང་བར་བྱས་ཏེ་གངྒཱའི་ཀླུང་གི་ནང་དུ་ཆུ་ལྟེ་བ་ཕྱིན་པ་ཙམ་དུ་ཞུགས་ལ་རིག་སྔགས་ལན་བརྒྱད་སྟོང་བཟླས་བརྗོད་བྱས་ཏེ་གངྒཱའི་ལྷ་མོ་ལ་ཟངས་ཀྱི་སྣོད་ཀྱི་ནང་ནས་ཙནྡན་
Ma149b
དམར་པོ་དང ། མེ་ཏོག་དམར་པོ་དང་ལྡན་པའི་མཆོད་ཡོན་དབུལ་ལོ། །དེ་ནས་འགྲུབ་པར་འགྱུར་ཏེ། ཀླུང་ཆེན་པོ་བཞི་དང ། ཀླུང་ཐམས་ཅད་འགྲུབ་པར་འགྱུར་རོ། །ཀླུང་གི་ཆུ་གངྒཱའི་ནང་དུ་ཞུགས་ཏེ་བསྒྲུབས་ན་ཡང་དེ་དག་མྱུར་དུ་འགྲུབ་པར་འགྱུར་རོ། །ལྷ་རྣམས། ཀླུང་ཆེན་པོ་རྣམས་ཀྱི་ལས་ངེས་བཤད་ཟིན་ཏོ། །དེ་དག་ལ་དྲག་ཏུ་སྐུལ་བའི་གསང་སྔགས་ཀྱང་བཤད་པར་བྱ་སྟེ། ཡར་གྱི་ངོ་ཚེས་བརྒྱད་ལ་ཞག་གཅིག་སྨྱུང་བ་བྱས་ནས་འཕགས་པ་ལག་ན་རྡོ་རྗེའི་མདུན་དུ་སྣ་མའི་མེ་ཏོག་བརྒྱད་སྟོང་ཕུལ་ན།་ཀླུང་ཆེན་པོ་བཞི་འགྲུབ་པར་འགྱུར་རོ། །ན་མོ་བཛྲ་པཱ་ཎི་སྱ། ཨོཾ་ཤཝེ་ཏ་ཛཱ་ཊི་ཀྲྀཥྞ་རཱུཾ་པ་དྷ་རི་ཎཱི་སཝཱ་ཧཱ། ཀླུང་ཆེན་པོ་བཞིའི་ཆོ་ག་རྫོགས་སོ།། །།དེ་ནས་བཅོམ་ལྡན་འདས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེ་འཁོར་དེ་ཉིད་ཀྱི་ནང་ནས་ལངས་ཏེ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ་བཅོམ་ལྡན་འདས་ག་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ནི། རིག་སྔགས་ཀྱི་རྒྱལ་པོ་ཆེན་པོ། རིག་སྔགས་ཀྱི་བདག་པོ་ཆེན་པོ། རིག་སྔགས་ཐམས་ཅད་ཀྱི་བདག་པོ། །རིག་སྔགས་ཐམས་ཅད་སྒྲུབ་པ་དང ། ཕུར་བུས་འདེབས་པ་དང ། གཅོད་པར་བགྱིད་
Ma150a
༄#། །པ་ལགས་ཏེ། བཅོམ་ལྡན་འདས། བདག་གིས་སེམས་ཅན་ཐམས་ཅད་ལ་སྨན་པ་དང ། སེམས་ཅན་ཐམས་ཅད་ལ་ཕན་པ་དང ། བདེ་བའི་སླད་དུ་རིག་པ་མཆོག་གི་ཆོ་ག་རྒྱས་པ་བཤད་པ་ལགས་སོ། །བཅོམ་ལྡན་འདས། སེམས་ཅན་རྣམས་ལ་སྨན་པར་འཚལ་བའི་སླད་དུ་ལྷ་ཐམས་ཅད་ཀྱིས་མ་འཚལ་བ་དང ། མ་ཐོས་པ་གང་ལགས་པ་དེ་ཡང་བཤད་པར་འཚལ་ལོ། །བཅོམ་ལྡན་འདས། འདི་ནི། རིག་པ་མཆོག་གི་ཆོ་ག་རྒྱས་པའི་སྙིང་པོར་གྱུར་པ་ལགས་སོ། ། འདི་ནི། ཡང་དག་པ་ལགས་སོ། །བཅོམ་ལྡན་འདས། འདི་ནི། བདག་གི་རླབས་ཆེན་པོ་ལགས་ཏེ། ཐབས་འདི་འབའ་ཞིག་གིས་རིག་སྔགས་ཐམས་ཅད་སྒྲུབ་པར་འཚལ་ལོ། །ཐབས་འདི་འབའ་ཞིག་གིས་གསང་སྔགས་ཐམས་ཅད་ཕུར་བུས་གདབ་པར་འཚལ་ལོ། །དེ་ནས་བཅོམ་ལྡན་འདས་ཀྱིས་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །རིག་སྔགས་ཀྱི་རྒྱལ་པོ་བྱང་ཆུབ་སེམས་དཔའ་ཆེན་པོ་གང་གིས་སེམས་ཅན་རྣམས་འགྲུབ་པའི་ཉེ་བར་སྒྲུབ་པའི་ལས་རྣམས་ཤོད་ཅིག་ཤོད་ཅིག་།དེ་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་སྙིང་རྗེའི་སེམས་ཀྱིས་རིག་སྔགས་ཀྱི་ཚོགས་ལ་བལྟས་ནས་སེམས་ཅན་རྣམས་ཀྱི་དོན་གྱི་ཕྱིར་རིག་སྔགས་
Ma150b
འཆང་གི་གསང་བ་བཤད་པ། མི་གང་མདོག་སྡུག་པ་དང ། ལག་པ་རིང་བ་དང ། སེན་མོ་ཟངས་ཀྱི་མདོག་ལྟ་བུ་དང ། རྐང་པ་རུས་སྦལ་འདྲ་བའི་རིག་སྔགས་འཆང་དེ་ལ་ནི། རིག་སྔགས་འཆང་དེ་དག་གི་རིག་སྔགས་འཆང་གི་ལས་རྣམས་འགྲུབ་པར་འགྱུར་རོ། །མི་གང་མདོག་ནག་པ་དང ། མིག་དམར་བ་དང ། སྣ་ཡོ་བ་དང ། སེན་མོ་སེར་བ་བ་དང ། སེན་མོ་སྔོ་བ་དང ། མཛེ་ཅན་དང ། ཤ་གཟིག་གུ་དང ། ཤུ་བ་དང ། འབྲུམ་བུ་ཕྲ་མོས་ཡོག་པ་དང ། མ་རུངས་པའི་ལས་བྱེད་པ་གང་ཡིན་པ་དེ་དག་ལ་ནི། ལས་དྲག་པོ་འགྲུབ་པར་འགྱུར་རོ། །མི་གང་མདོག་སྔོ་བསངས་དང ། ལག་པ་རིང་བ་དང ། མདོག་སྡུག་པ་དང ། མིག་རྩ་དམར་བ་དང ། སེན་མོ་རུས་སྦལ་ལྟ་བུ་དང ། རྐང་པ་རུས་སྦལ་ལྟ་བུ་ཤ་བཀྲའི་མིག་ལྟ་བུའི་རིག་སྔགས་འཆང་དེ་དག་ལ་ནི། རིག་སྔགས་འཆང་གི་གསང་སྔགས་འགྲུབ་པར་འགྱུར་རོ། །མི་གང་སྐྲ་དམར་བ་དང ། མིག་སེར་བ་དང ། སེན་མོ་སྔོ་བ་དག་ནི། མ་རུངས་པའི་ལས་བྱེད་པ་ཡིན་ཏེ། དེ་དག་ལ་ནི། དྲག་ཤུལ་གྱི་ལས་རྣམས་འགྲུབ་པར་འགྱུར་རོ། །མི་གང་མདོག་སྔོ་བསངས་དང ། སྐྲ་འཇམ་པ་དང ། ཤ་བཀྲའི་མིག་ལྟ་བུ་དང ། མགོ་གདུགས་ལྟ་བུ་དང ། ཤིང་ནྱ་གྲོ་དྷ་ལྟ་བུ་ཆུ་ཞེང་གབ་པ་དང ། བྱིན་པ་རི་དྭགས་ཨེ་ན་ཡ་ལྟ་བུའི་རིག་སྔགས་
Ma151a
༄#། །འཆང་རྣམས་ལ་ནི། ལས་ཐམས་ཅད་འགྲུབ་པར་འགྱུར་རོ། །མི་གང་སོར་མོ་རྡུམ་པ་དང ། ལག་པ་རྡུམ་པ་དང ། སྒུར་བུ་དང ། ཞར་བ་དང ། མིག་ཡོ་བ་དང ། ཤེལ་མིག་ཅན་དང ། ཁ་དོག་གཅིག་གི་ཤས་ཆེ་བ་དེ་དག་ལ་ནི། ལས་ཕྲན་ཚེགས་འགྲུབ་པར་འགྱུར་ཏེ། དེ་དག་ལ་གཞན་ཅི་ཡང་འགྲུབ་པར་མི་འགྱུར་རོ། །མི་གང་ལག་པ་རིང་པ་དང ། བྲི་ཡང་ཀུའི་མདོག་ལྟ་བུར་འདུག་པ་དང ། སྐྲ་དང ། ལུས་དང ། རྐང་པ་མདོག་སྣུམ་པ་དེ་དག་ནི། རིག་སྔགས་འཆང་གི་རྒྱལ་པོ་ཡིན་ཏེ། ལས་ཐམས་ཅད་འགྲུབ་པར་འགྱུར་རོ། །ལྷ་རྣམས། མི་གང་དག་གིས་རིག་པ་མཆོག་གི་ཆོག་རྒྱས་པ་ཆེན་པོ་འགྲུབ་པར་འགྱུར་པའི་མིའི་མཚན་མ་ངས་བཤད་ཟིན་ཏོ། །མི་མཆོག་དེ་དག་ལ་གསང་བ་གང་གིས་བདེ་བླག་ཏུ་ལྷ་རྣམས་དགའ་བར་འགྱུར་པའི་གསང་བ་ངས་བཤད་པར་བྱའོ། །སྟེང་ན་རྒྱུ་པའི་རིག་སྔགས་ཀྱི་ལྷ་གང་ཡིན་པ་དེ་དག་ལ་ནི། སྣ་མའི་མེ་ཏོག་གིས་ཞག་བརྒྱད་ཀྱི་བར་དུ་ལྷ་དེ་དག་མཆོད་པ་བྱས་ཏེ་ག་པུར་དང་གུ་གུལ་གྱི་བདུག་པ་ཡང་ཕུལ་ན།་དེ་དག་འགྲུབ་པར་འགྱུར་རོ། །ཅི་སྟེ་སྟེང་ན་རྒྱུ་བའི་རིག་སྔགས་ཀྱི་ལྷ་རྣམས་དགུག་པར་འདོད་ན། དཀྱིལ་འཁོར་བྱས་ཏེ་ཞག་གསུམ་གྱི་བར་དུ་ལྷ་དེ་ལ་ཀོ་ཤ་ཏ་
Ma151b
ཀའི་མེ་ཏོག་གིས་མཆོད་པ་བྱས་ཏེ་ཀཱ་ར་བཱི་ར་ཁ་འབུས་པའི་བདུག་པ་ཡང་ཕུལ་ན། དེས་ལྷ་མཐོང་བར་ཡང་མི་འགྱུར་ན་དངོས་གྲུབ་ལྟ་ཅི་སྨོས། རིག་སྔགས་ཀྱི་ལྷ་ས་འོག་ན་རྒྱུ་བ་གང་ཡིན་པ་དེ་དག་ཅིས་དགའ་བར་འགྱུར་བ་དེ་ཡང་བཤེད་པར་བྱ་སྟེ། དཀྱིལ་འཁོར་བྱས་ལ་ཞག་ཉི་ཤུ་རྩ་གཅིག་གི་བར་དུ་བྲི་ཡང་ཀུའི་མེ་ཏོག་གིས་མཆོད་དེ་ཨ་ག་རུ་དང ། བོག་གི་བདུག་པ་ཡང་དབུལ་བར་བྱའོ། །ཅི་སྟེ་དཀྲུགས་པར་འདོད་ན། ཞག་གསུམ་གྱི་བར་དུ་ཀུ་རནྟ་ཀ་སྔོན་པོའི་མེ་ཏོག་གིས་མཆོད་དེ། དེ་ཉིད་ཀྱི་རྩ་བའི་བདུག་པ་ཡང་དེ་ལ་ཕུལ་ན། དེས་ལྷ་ཡང་མཐོང་པར་མི་འགྱུར་ན་དངོས་གྲུབ་ལྟ་ཅི་སྨོས། རིག་སྔགས་ཀྱི་ལྷ་དུར་ཁྲོད་དུ་དགའ་བ་གང་ཡིན་པ་དེ་དག་ཅིས་དགའ་བར་འགྱུར་པ་དེ་ཡང་བཤད་པར་བྱ་སྟེ། །ཞག་བདུན་གྱི་བར་དུ་བ་རུ་རའི་མེ་ཏོག་གིས་མཆོད་དེ། ཉ་ཤ་དང ། ཤའི་བདུག་པ་ཡང་དབུལ་ལོ། །ཅི་སྟེ་དཀྲུགས་པར་འདོད་ན། ཞག་གསུམ་གྱི་བར་དུ་པདྨའི་མེ་ཏོག་གིས་མཆོད་དེ། ཙནྡན་དང ། ག་པུར་གྱི་བདུག་པ་ཕུལ་ནས་དེ་ནས་ལྷ་ཡང་མཐོང་པར་མི་འགྱུར་ན། དངོས་གྲུབ་ལྟ་ཅི་སྨོས།་ལྷ་ཕལ་པ་རྣམས་ལ་ནི། དཀྱིལ་འཁོར་སྐྱང་ནུལ་གྱིས་བྱུགས་ཏེ་ཞག་བཅུའི་བར་དུ་མེ་ཏོག་དཀར་པོ་དང ། གུ་གུལ་གྱི་བདུག་པ་ཡང་དབུལ་ལོ། །ཅི་སྟེ་དཀྲུགས་
Ma152a
༄#། །པར་འདོད་ན། དཀྱིལ་འཁོར་བྱས་ལ་ཞག་གཅིག་གི་བར་དུ་དུག་ཏི་ཀའི་མེ་ཏོག་གིས་མཆོད་དེ། གནྦྷ་ཧ་ཏིའི་རྩ་བའི་བདུག་པ་ཕུལ་ན། དེས་ལྷ་ཡང་མཐོང་བར་མི་འགྱུར་ན་དངོས་གྲུབ་ལྟ་ཅི་སྨོས། ལྷ་རྣམས་ཀྱི་མཆོག་ཏུ་གསང་བ་འདིས་ནི། ལས་ཐམས་ཅད་ཀྱང་ལས་གཅིག་གིས་འགྲུབ་པར་འགྱུར་ཏེ། རིག་སྔགས་ཀྱི་རིགས་ཀྱི་རིམ་པ་བཞིན་དུ་ལས་བྱའོ། །དེ་ནས་ཆོ་ག་རྒྱས་པ་གཞིག་པར་འདོད་ན། རིག་སྔགས་ཀྱི་ཆོ་ག་ཐམས་ཅད་ལ་ཡང་དཀྱིལ་འཁོར་སྐྱང་ནུལ་གྱིས་བྱུགས་ལ་ཞག་གསུམ་གྱི་བར་དུ་དེས་དེ་བཞིན་དུ་ལྷ་བཤོས་དང ། མེ་ཏོག་དང ། བདུག་པ་ཐམས་ཅད་བླངས་ཏེ་ཆོ་ག་རྒྱས་བ་མིང་ནས་སྨོས་ཤིང་མཆོད་པ་བྱས་ན། ཆོ་ག་རྒྱས་པའི་ལྷ་ཡང་མཐོང་བར་མི་འགྱུར་ན་དངོས་གྲུབ་ལྟ་ཅི་སྨོས། རབ་ཏུ་གྲུབ་པར་བྱ་ན་ཡང་ཆོ་ག་དེ་ཉིད་ཡིན་ནོ། །བཅོམ་ལྡན་འདས། རིག་སྔགས་ཀྱི་ལྷ་ཐམས་ཅད་ཀྱི་གསང་བ་དང ། གསང་ཆེན་བདག་གིས་བཤད་ལགས་ཏེ། ལྷར་བཅས་པའི་འཇིག་རྟེན་བདུད་དུ་བཅས་པ་དང ། ཚངས་བར་བཅས་པ་དང ། དགེ་སྦྱོང་དང་བྲམ་ཟེར་བཅས་པའི་སྐྱེ་རྒུ་གཞན་ལྟ་སུ་ཞིག་གིས་འཚལ་བར་མི་ནུས་ན། བཤད་པ་ལྟ་སྨོས་ཀྱང་ཅི་འཚལ། བདག་གིས་རིག་པ་
Ma152b
མཆོག་གི་ཆོ་ག་རྒྱས་པ་ཆེན་པོ་བཤད་པ་རིག་པ་མཆོག་གི་སྙིང་པོར་གྱུར་པ། རིག་སྔགས་ཀྱི་ལྷ་ཐམས་ཅད་ཀྱི་སྙིང་པོ་གསང་བའི་ལས་འདི་ནི། དཀོན་མཆོག་གསུམ་ལ་དང་བ་ལ་སྩལ་བར་བགྱིའོ། །སྡིག་པའི་ལས་ཅན་དག་ལ་ནི། གསང་བ་འདི་སྩལ་བར་མི་བགྱིའོ། །ལྷ་རྣམས་མཆོད་པར་བྱ་བ་དང ། དཀྲུག་པར་བྱ་བའི་ཆོ་ག་རྫོགས་སོ།། །།དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་རིག་སྔགས་ཀྱི་ཚོགས་ཐམས་ཅད་ལ་བལྟས་ནས་ལྷ་དེ་དག་ལ་འདི་སྐད་ཅེས་སྨྲས་སོ། །བཟོད་ལྡན་དག་།ཁྱེད་རྒྱགས་པ་མེད་པའི་སེམས་ཀྱིས་ཉོན་ཅིག་།སེམས་ཅན་རྣམས་ཀྱི་དོན་གྱི་ཕྱིར་ངས་རིག་པ་མཆོག་གི་ཆོ་ག་རྒྱས་པ་ཆེན་པོ་བཤད་པ་དང ། རིག་སྔགས་ཀྱི་ལྷ་རྣམས་ཀྱི་རིག་སྔགས་གསང་བ་བཤད་པ་དང ། ཆོ་ག་རྒྱས་པའི་ལྷ་རྣམས་བཤད་པ་འདི་ནི། ཆོ་ག་རྒྱས་པ་ཆེན་པོའི་སྙིང་པོ་ཡིན་ཏེ། ཆོ་ག་རྒྱས་པ་གསང་བའི་དཀྱིལ་འཁོར་དང་ལྡན་པ་འདི་དང ། དཔལ་ཐམས་ཅད་མངོན་པར་འབྱུང་བ་གང་གིས་མཐོང་བའི་རིག་སྔགས་འཆང་དེ་དག་ནི། རིང་པོར་མི་ཐོགས་པར་དངོས་གྲུབ་འགྲུབ་པར་འགྱུར་ཏེ། ཆོ་ག་རྒྱས་པ་ཆེན་པོ་གསང་སྔགས་དང་ལྡན་བ་གང་གིས་མཐོང་པའི་རིག་སྔགས་འཆང་དེ་དག་རིང་པོར་མི་ཐོགས་པར་དངོས་
Ma153a
༄#། །གྲུབ་འགྲུབ་པར་འགྱུར་བར་ལག་ན་རྡོ་རྗེ་ངས་བཤད་དོ། །ཆོ་ག་རྒྱས་པ་འདི་གང་གིས་མཐོང་བ་དང ། ལྷ་ཐམས་ཅད་ལ་བརྟེན་པ་དེ་ལ་དགའ་བ་དང ། ཡིད་རབ་ཏུ་དགའ་བས་དངོས་གྲུབ་བྱིན་ཅིག་།གསང་བའི་དཀྱིལ་འཁོར་གྱི་ཆོ་ག་དམ་པ་འདི་གང་གིས་མཐོང་བ་དེ་ལ་ནི། དངོས་གྲུབ་སྦྱིན་པའི་ཕྱིར་ང་རྟག་ཏུ་ཕྱི་བཞིན་འབྲང་ངོ ། །རིག་སྔགས་འཆང་གསོ་སྦྱོང་འཛིན་ཅིང་སྨྱུང་བ་བྱས་པ་དང ། གཙང་བ་དང ། གོས་གཙང་མ་བགོས་པས་ཕྱོགས་གཙང་ཞིང་དབེན་པའི་སའམ་ཁྱིམ་གཙང་མར་དཀྱིལ་འཁོར་ཁྲུ་བཞི་པའམ། ཁྲུ་བཅུ་གཉིས་པ་བྱས་ལ་ཅི་འབྱོར་པའི་ཚོན་རྩི་སྣ་གསུམ་གྱིས་ཚོན་བཀྱེ་སྟེ་ཐོག་མར་སངས་རྒྱས་བཅོམ་ལྡན་འདས་གཞག་གོ་།དེའི་གཡོན་ལོགས་སུ་འཕགས་པ་ལག་ན་རྡོ་རྗེ་ཕོ་ཉ་མའི་ཚོགས་ཀྱི་འཁོར་དང་བཅས་པ་གཞག་གོ་།དེའི་དྲུང་དུ་འཕགས་པ་རྡོ་རྗེ་སྡེ་ལག་པ་ན་པདྨ་ཐོགས་པ་གཞག་གོ་།དེའི་གཡོན་ལོགས་སུ་འཕགས་པ་གཙུག་ནས་འབྱུང་བ་གཞག་གོ་།དེའི་དྲུང་དུ་ལྷ་ཆེན་པོ་དང ། ཚངས་པ་དང ། ཁྱབ་འཇུག་དང ། མ་མོ་བདུན་གཞག་གོ་།དེའི་དྲུང་དུ་ཚོགས་དྲུག་ཅུ་རྩ་བཞི་དང ། ལོག་འདྲེན་སུམ་ཅུ་རྩ་གཉིས་གཞག་གོ་།བཅོམ་ལྡན་འདས་ཀྱི་སྦྱན་སྔར་ནི།
Ma153b
སྦྱན་གསུམ་གཞག་པར་བྱའོ། །བཅོམ་ལྡན་འདས་ཀྱི་གཡས་ལོགས་སུ་ནི། འཕགས་པ་སྤྱན་རས་གཟིགས་དབང་ཕྱུག་གོས་དཀར་ཅན་དང་ལྷན་ཅིག་ཏུ་གཞག་ངོ་།དེའི་དྲུང་དུ་རྒྱལ་པོ་ཆེན་པོ་བཞི་དཔུང་དང་བཅས་པར་གཞག་གོ་།ལྷ་ཐམས་ཅད་ཀྱང་ཇི་ལྟ་བ་བཞིན་དུ་མཚོན་ཆ་ཐོགས་པར་བྱའོ། །ནང་དུ་ཡང་ཀླུང་ཆེན་པོ་བཞི་འདབས་ཆགས་སུ་གཞག་གོ་།གངྒཱའི་བུམ་པ་ནི། མགྲིན་ཆིངས་དཀྲི་བར་བྱའོ། །བུམ་པའི་ནང་དུ་སྙིང་པོ་གསུམ་གཞུག་པར་བྱའོ། །སྒོ་དང་པོའི་ནང་དུ་ནི། རྫོང་གི་འཕགས་མ་དང ། ཚིག་ལྡན་མ་གཞག་པར་བྱའོ། །བྱང་ཕྱོགས་སུ་ནི། ལྕགས་ཅན་གཞག་གོ་།ནུབ་ཕྱོགས་སུ་ནི། རྒྱལ་བའི་བློ་གྲོས་མ་གཞག་གོ་།ལྷོ་ཕྱོགས་སུ་ནི། བདུད་རྩི་ཐབ་སྦྱོར་གཞག་གོ་།བུམ་པའི་མདུན་དུ་ནི། ལྷའི་དྲང་སྲོང་མེ་འབར་དང་ལྡན་པར་གཞག་གོ་།སྒོ་བཞིར་ཡང་བུམ་པ་མགྲིན་ཆིངས་དང་བཅས་བ་བཞི་གཞག་གོ་།སྒོ་རེ་རེར་ཡང་སྐྲའི་སྐུད་པ་མཚོན་ཆ་དང་བཅས་པར་གཞག་གོ། དབུས་སུ་ཡང་ཚོགས་རྣམས་ཀྱི་ཏ་ལའི་ཐོ་བ་གཅིག་དང ། སྐྲའི་སྐུད་པ་གཞག་གོ་།ཐོག་མར་ཐིག་གདབ་པ་ནི། རིག་པ་མཆོག་གིས་བྱའོ། །ལྷ་ཐམས་ཅད་བྲི་བ་ནི། སྙིང་པོས་བྱའོ། །ལྷ་ཐམས་ཅད་སྦྱན་དྲང་བ་ནི། བཅོམ་ལྡན་འདས་མས་བྱའོ། །དྲི་དང ། མེ་ཏོག་དང ། བདུག་པ་དབུལ་
Ma154a
༄#། །ཕ་ཡང་དེས་བྱའོ། །དཀྱིལ་འཁོར་གྱི་བགེགས་བྱེད་པ་གང་ཡིན་པ་དེ་དག་ཀྱང་སྙིང་པོས་སྦྱིན་སྲེག་བྱ་སྟེ། ཡུངས་ཀར་དང ། ཞོ་དང ། སྦྲང་རྩི་དང ། མར་དང་ལྡན་པས་ལན་བརྒྱ་རྩ་བརྒྱད་སྦྱིན་སྲེག་བྱའོ། །དེ་ནས་རིག་སྔགས་འཆང་གིས་རིག་སྔགས་འཆང་ཞག་གཅིག་སྨྱུང་དུ་བཅུག་ལ་བྱང་ཆུབ་ཀྱི་སེམས་སྦྱིན་པར་བྱའོ། །དེ་ནས་བཅོམ་ལྡན་འདས་མའི་སྙིང་པོ་མགོ་བོར་བསྔགས་ལ་ཉེ་བའི་སྙིང་པོ་རྣམ་པར་བཞག་སྟེ་ནག་མོའི་སྔགས་བཟླས་བརྗོད་བྱེད་བཞིན་དུ་གཞུག་ཅིང་ཤར་ཕྱོགས་ཀྱི་སྒོའི་བྱང་སྟོད་དུ་བབ་པའི་ལྷ་རྣམས་ལ་ཕྱག་འཚལ་དུ་བཅུག་ལ་མེ་ཏོག་གམ། འགྲོན་བུའི་ཕུར་མ་འདོར་དུ་བཅུག་ན། གང་ལ་བབ་པ་དེ་དག་གི་རིགས་ཡིན་ཏེ། དེ་དག་ནི། སྲུང་བའི་རིགས་ཞེས་བཤད་དོ། །གསང་བ་དང ། ལྷ་ཐམས་ཅད་ཀྱི་གསང་བའི་ཕྱག་རྒྱ་ཡང་དེར་བསྟན་པར་བྱའོ། །གདོན་ཉན་དུ་གཞུག་པའི་སྐབས་ནས་ངས་བཤད་པའི་ཕྱག་རྒྱ་དང ། ལྷ་གང་ཡིན་པ་དེ་དག་ཀྱང་རིག་སྔགས་འཆང་རྣམས་ལ་བསྟན་པར་བྱའོ། །ལྷ་ཐམས་ཅད་ཀྱི་ཕྱག་རྒྱ་ནི། མདུང་རྩེ་གསུམ་པ་ཡིན་ནོ། །ལག་ན་རྡོ་རྗེའི་ནི། རྡོ་རྗེ་ཡིན་ཏེ། རྡོ་རྗེ་གང་ཡིན་པ་དེ་ནི། མདུང་རྩེ་གསུམ་པ་ཡིན་ཏེ། མདུང་རྩེ་གསུམ་པ་གང་ཡིན་པ་དེ་ཡང་རྡོ་རྗེ་ཡིན་པར་བལྟ་བར་བྱའོ། །གསང་བ་འདི་དག་
Ma154b
རྟོགས་ནས་གསང་བ་བ་རྣམས་ལ་ཡང་མཆོད་པར་བྱའོ། །གསང་བའི་ཕྱག་རྒྱ་ལྷ་ཐམས་ཅད་ཀྱི་གསང་ཆེན་འདི་གང་གིས་མཐོང་བ་དེ་ལ་ནི། ལྷ་ཐམས་ཅད་ཡིད་དགའ་ནས་དངོས་གྲུབ་སྦྱིན་པར་བྱེད་དེ། དེའི་ལས་རྣམས་ལ་རིག་སྔགས་བདེ་བླག་ཏུ་འགྲུབ་པར་འགྱུར་རོ། །དེ་ནས་རིག་སྔགས་འཆང་གིས་ལག་ན་རྡོ་རྗེ་དང་འདྲ་བར་བླ་མ་ལ་ཕྱག་བྱས་ནས་བཅོམ་ལྡན་འདས་ལ་ཡོན་དབུལ་ལོ། །དེའི་འོག་ཏུ་བྱང་ཕྱོགས་སུ་སོང་ལ་དེ་ནས་རིག་སྔགས་འཆང་རྣམས་ལ་ཕྱག་འཚལ་དུ་གཞུག་གོ་།གསང་བའི་དཀྱིལ་འཁོར་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པ་འདི་སུས་མཐོང་བ་དེ་ནི། སངས་རྒྱས་ཀྱི་བསམ་པ་དང་འབྲལ་བར་མི་འགྱུར་ཏེ། བདེ་བ་ཅན་དུ་ཡང་སྐྱེ་བར་འགྱུར་རོ། །ཆོ་ག་རྒྱས་པ་འདི་སུ་འཆང་བ་དེ་ནི། ལག་ན་རྡོ་རྗེ་དང་འདྲའོ། །དཀྱིལ་འཁོར་འདི་མཐོང་ན། ཆོ་ག་རྒྱས་པ་ཆེན་པོ་བརྒྱད་བདེ་བླག་ཏུ་འགྲུབ་པར་འགྱུར་རོ། །རིག་སྔགས་ཀྱི་ལྷ་ཐམས་ཅད་ཀྱང་རྟག་ཏུ་སྲུང་བར་བྱེད་དོ། །རིག་པ་མཆོག་གི་ཆོ་ག་རྒྱས་པ་རྒྱུད་ཕྱི་མ་དང་བཅས་པ། ཕོ་ཉ་མོའི་ཚོགས་ཀྱི་འཁོར་དང་བཅས་པ། ཕྱག་རྒྱའི་རྒྱན་དང་བཅས་པ། གསང་ཆེན་དང་བཅས་པ། གང་བ་དང་བཅས་པ། ལག་ན་རྡོ་རྗེས་བཤད་པ། སངས་རྒྱས་ཐམས་ཅད་ཀྱི་བྱིན་གྱིས་བརླབས་
Ma155a
༄#། །པ་འདི་ཐམས་ཅད་མ་ལུས་པར་སུ་འཆང་བ་དེའི་ལུས་ཀྱི་སྤྱི་བོར་ནི། དཔལ་དང་ལྡན་པ་རྡོ་རྗེ་འཛིན་རྟག་ཏུ་གནས་པར་འགྱུར་རོ། །གསང་བའི་དཀྱིལ་འཁོར་རྫོགས་སོ།། །།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །བྱང་ཆུབ་སེམས་དཔའ་ཆེན་པོ་ཁྱོད་ལེགས་སོ་ལེགས་སོ། །བྱང་ཆུབ་སེམས་དཔའ་ཆེན་པོ་ཁྱོད་སེམས་ཅན་ཐམས་ཅད་ལ་ཕན་པའི་ཕྱིར་ཞུགས་པ་དང ། སེམས་ཅན་ཐམས་ཅད་ལ་ཕན་པའི་ཕྱིར་བརྩོན་པ་ཡིན་ཏེ། ཆོ་ག་རྒྱས་པ་ཆེན་པོ་བཤད་པ་གང་ཡིན་པ་དེ་ནི། ལེགས་སོ། །རིག་པ་མཆོག་གི་ཆོ་ག་རྒྱས་པ་ཆེན་པོ་འདི་ནི།་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཀྱང་རྗེས་སུ་གནང་སྟེ། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པ་དང ། དེ་བཞིན་གཤེགས་པ་ཐམས་ཅད་ཀྱིས་བསྟོད་ཅིང་བསྔགས་པ་ཡིན་ནོ། །རིག་སྔགས་འཆང་གང་སྤྱན་གྱི་སྙིང་པོ་དང་བཅས་པ། རིག་སྔགས་ཀྱི་རྒྱལ་པོ་ཆེན་པོ་དང་བཅས་པར་དྲན་པར་བྱེད་དམ། དུས་གསུམ་དུ་ཕྱག་འཚལ་བ་དེ་དག་ལ་ནི། ངན་འགྲོ་ལོག་པར་ལྟུང་བར་འགྱུར་པ་དེ་དག་
Ma155b
མེད་དོ། །འཆི་བའི་ཚེ་ཡང་དེ་བཞིན་གཤེགས་པ་ཐམས་ཅད་མངོན་སུམ་དུ་ཕྱོགས་པར་འགྱུར་ཏེ། དེས་ན་དེ་དག་ལ་ངན་འགྲོ་ལེག་བར་ལྟུང་བར་འགྱུར་པ་མེད་དོ། ། སེམས་ཅན་མཚམས་མེད་པ་ལྔ་དང་ལྡན་པ་དག་ཀྱང་མནར་མེད་པར་སྐྱེ་བར་མི་འགྱུར་རོ། །འདི་ནི། རིག་སྔགས་ཀྱི་རྒྱལ་པོ་ཆེན་པོའི་མཐུ་ཡིན་ནོ། །དཔེར་ན། ནོར་བུ་རིན་པོ་ཆེ་གཙུག་ཕུད་ཅན་ཞེས་བྱ་བ་མཐོང་མ་ཐག་ཏུ་ནད་ཐམས་ཅད་ཞི་བར་འགྱུར་ཞིང་གདོན་ཐམས་ཅད་ཀྱང་འབྱེར་བར་འགྱུར་པ་དེ་བཞིན་དུ་རིག་སྔགས་ཀྱི་རྒྱལ་པོ་འདི་སྤྱན་དང ། སྙིང་པོ་དང་བཅས་པར་དྲན་པ་ཙམ་གྱིས་ལས་ཀྱི་སྒྲིབ་པ་ཐམས་ཅད་བྱང་བར་བྱེད་དོ། །འདི་ནི། རིག་སྔགས་ཀྱི་རྒྱལ་པོ་ཆེན་པོའི་རྒྱུ་དང་མཐུན་པ་ཡིན་ཏེ། སངས་རྒྱས་བཅོམ་ལྡན་འདས་རྣམས་ཀྱིས་གཞན་དུ་གསུང་པ་མ་ཡིན་ནོ། །རིགས་ཀྱི་བུའམ། རིགས་ཀྱི་བུ་མོ་གང་ལ་ལ་བྱང་ཆུབ་སེམས་དཔའ་རྣམ་པར་འཕྲུལ་པའམ། འཇིག་རྟེན་གྱི་སྣ་ཚོགས་བྱེད་པར་འདོད་ན། དེས་རིག་སྔགས་ཀྱི་རྒྱལ་པོ་བཙལ་བར་བྱ་ཞིང་བསྒྲུབ་པར་བྱའོ། །སེམས་ཅན་དགེ་བའི་རྩ་བ་བསྐྱེད་པ་གང་ཡིན་པ་དེ་དག་གི་ལག་ཏུ་ནི། ཐམས་ཅད་མ་ལུས་པར་འོང་བར་འགྱུར་རོ། །སེམས་ཅན་བསོད་ནམས་མ་བྱས་པ་དེ་དག་གི་ལག་ཏུ་ནི། འོང་བར་མི་འགྱུར་རོ།།
Ma156a
༄#། །རིག་སྔགས་ཀྱི་རྒྱལ་པོ་ཆེན་པོ་གང་གི་ལག་ཏུ་འོངས་པར་གྱུར་པ་དེ་དག་ལ་ནི། ལྷར་བཅས་པའི་འཇིག་རྟེན་གྱིས་ཕྱག་བྱ་བར་འགྱུར་རོ། །དེ་ནས་ལྷ་དེ་དག་སྙིང་འདར་ཞིང་དེ་བཞིན་གཤེགས་པ་ལ་བལྟ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ། རིག་སྔགས་ཀྱི་རྒྱལ་པོ་འདི་ནི་ཐོགས་པ་མེད་པའི་ལས་ཡིན་ཏེ། ལས་ཐམས་ཅད་ལ་དོན་ཡོད་པ་ཡིན་ན། སེམས་ཅན་མ་རུངས་པའི་ལས་བྱེད་ལ་གང་ཡིན་པ་དེ་དག་གིས་ཀྱང་ཇི་ལྟར་འདོད་པ་བཞིན་དུ་ལས་སྣ་ཚོགས་བྱེད་ནུས་ཤིང་ལྷ་རྣམས་ལ་ཡང་འཚེ་བར་ནུས་ཏེ། དགེ་བའི་རྩ་བ་བསྐྱེད་ཅིང་དགེ་བ་བཅུའི་ལས་ཀྱི་ལམ་དང་ལྡན་པའི་ལྷ་དེ་དག་ལ་ཡང་གནོད་པ་བྱེད་ནུས་སོ། །རྟུལ་ཕོད་པའི་མི་དེ་དག་ལ་རིག་སྔགས་ཐམས་ཅད་ཀྱི་སྙིང་པོ་གསང་བ་བསྟན་པར་བྱ་སྟེ། སེམས་ཅན་དེ་དག་གིས་དེ་མཐོང་ན། ཇི་ལྟར་འདོད་པ་བཞིན་དུ་བྱེད་པར་འགྱུར་རོ། །སེམས་ཅན་ངའི་གསང་བའི་ཕྱག་རྒྱའི་ཚོགས་མཐོང་བ་གང་ཡིན་པ་དེ་དག་གིས་ནི། དོན་ཡོད་པའི་ལས་ཀྱི་མཆོག་གིས་ལྷ་ཐམས་ཅད་དང་ང་ལ་གཙེ་བར་ནུས་སོ། །དེ་ནས་ལག་ན་རྡོ་རྗེས་བཅོམ་ལྡན་འདས་ལ་འདི་
Ma156b
སྐད་ཅེས་གསོལ་ཏོ། །བཅོམ་ལྡན་འདས། ལྷ་རྣམས་ལ་སྨན་པའི་སླད་དུ་དེ་བཞིན་གཤེགས་པ་རྣམས་ཀྱི་བཀའ། རིག་སྔགས་ཀྱི་རྒྱལ་པོ་ཆེན་པོའི་གསང་བ། རིག་སྔགས་ཐམས་ཅད་ཀྱི་སྙིང་པོ། མཱ་མ་ཀཱིའི་ཕྱག་རྒྱས་བཏབ་པ་བདག་གིས་བཤད་པར་འཚལ་ལོ། །དེ་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས་རིག་སྔགས་ཀྱི་རྒྱལ་པོ་ཆེན་པོའི་རིག་པ་མཆོག་གི་རིག་སྔགས་ཀྱི་ཆོ་ག་རྒྱས་པ་ཆེན་པོ་དོན་ཡོད་པར་སྒྲུབ་པ་བཤད་དོ། ། བཅོམ་ལྡན་འདས། ལྷ་ཐམས་ཅད་ཀྱིས་རིག་པ་མཆོག་གི་ཆོ་ག་རྒྱས་པ་ཆེན་པོའི་རིག་སྔགས་བཤད་པ་གང་ལགས་པའི་རིག་སྔགས་དེ་དག་བསྒྲུབ་པའི་སླད་དུ་ཡང་རིག་སྔགས་ཐམས་ཅད་ཀྱི་སྙིང་པོ་གང་ཐོས་ན། རིག་སྔགས་ཐམས་ཅད་དངོས་གྲུབ་ཏུ་འགྱུར་བ་བཤད་པར་འཚལ་ལོ། །དེ་ནས་བཅོམ་ལྡན་འདས་ལག་ན་རྡོ་རྗེས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས་རིག་སྔགས་ཐམས་ཅད་ཀྱི་སྙིང་པོ་བཤད་པ། ན་མོ་རཏྣ་ཏྲ་ཡ་སྱ། ན་མཤྩྞྜ་བཛྲ་པཱ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ། ཏདྱ་ཐཱ། ཨུཊྚི་རི་ལི། མཾ་གུ་ལྱེ། སཾ་ཧ་རི་བ་ལ་ན་རི་སཝཱཧཱ། རིག་སྔགས་ཐམས་ཅད་ཀྱི་སྙིང་པོ་ཐོས་མ་ཐག་ཏུ་ས་རྣམ་པ་དྲུག་གཡོས་ཏེ། གཡོ་བ་དང་མི་
Ma157a
༄#། །གཡོ་བའི་རྒྱུ་སྐར་དང ། གཟའ་ཆེན་པོ་རྣམས་འཁྲུགས་སོ། །བཅོམ་ལྡན་འདས། རིག་སྔགས་ཐམས་ཅད་ཀྱི་སྙིང་པོ་འདི་ནི། བདག་གི་རིག་པ་མཆོག་ལགས་ཏེ། མཉམ་པ་མ་མཆིས་ལ་སྟོབས་ཆེ་ཞིང་རྨད་དུ་བྱུང་བ་ལགས་སོ། །འདི་ནི། བདག་གི་གསང་བ་ལགས་ཏེ། སུ་འདི་ཆོ་ག་དང་ལྡན་པར་འདོད་པ་དེས་ནི། དེ་བཞིན་གཤེགས་པའི་སྤྱན་སྔར་དྲི་དང ། མེ་ཏོག་དང ། བདུག་པ་ཕུལ་ལ། ལག་ན་རྡོ་རྗེ་ལ་ཡང་མེ་ཏོག་དམར་པོ་ཕུལ་ཏེ། ཞག་གཅིག་སྨྱུང་བ་བགྱིས་ཏེ་བྱང་ཆུབ་ཀྱི་སེམས་ཡོངས་སུ་བཟུང་ལ་བླ་མ་ལ་ཡང་མཆོད་ཅིང་ཡོན་ཕུལ་ནས་རིག་སྔགས་ཐམས་ཅད་དང ། སྙིང་པོ་དང ། རིག་པ་མཆོག་གདོན་པར་བགྱིའོ། །དེ་ནས་ལྷ་ཐམས་ཅད་ཡིད་རབ་ཏུ་དགའ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བྱང་ཆུབ་སེམས་དཔའ་ཆེན་པོ་ལེགས་སོ་ལེགས་སོ། །རིག་སྔགས་ཐམས་ཅད་ཀྱི་སྙིང་པོ་འཛིན་པའི་རིག་སྔགས་འཆང་དེ་ལ་མྱུར་དུ་དངོས་གྲུབ་སྩོལ་ཅིག་།དེ་ནས་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །བསོད་ལྡན་དག་།ཁྱེད་ཉོན་ཅིག་།ངས་གསང་བའི་དཀྱིལ་འཁོར་བཤད་པ་ལས་གསང་བ་དང ། རིག་སྔགས་ཐམས་ཅད་ཀྱི་སྙིང་
Ma157b
པོ་བསྟན་པ་གང་ཡིན་པ་འདི་དང ། རིག་པ་མཆོག་སུ་འདོད་པའམ་མཆོད་པར་བྱེད་པ་དེ་ལ་ནི། རིག་སྔགས་ཀྱི་རྒྱལ་པོ་ཆེན་པོ་དམ་པ་སྦྱིན་པར་འགྱུར་རེ། །ཅི་སྟེ་རིག་སྔགས་ཐམས་ཅད་ཀྱི་སྙིང་པོ་དང ། རིག་སྔགས་ཀྱི་རིགས་མ་མཐོང་བ་ཞིག་ཡིན་ན་ནི། མྱོས་པར་འགྱུར་རོ། །འདི་མཐོང་ན་ནི། ཆོ་ག་རྒྱས་པ་ཆེན་པོ་བརྒྱད་ཀྱང་འགྲུབ་པར་འགྱུར་རོ། །བཅོམ་ལྡན་འདས། བདག་གིས་གསང་བའི་རིག་སྔགས་ཐམས་ཅད་ཀྱི་སྙིང་པོ་འདི་ནི། སངས་རྒྱས་དང ། ཆོས་དང ། དགེ་འདུན་ལ་དད་པ་དང ། འཕགས་པ་ལག་ན་རྡོ་རྗེའི་རིགས་ལ་དད་པར་བགྱིད་པ་དང ། བླ་མ་ལ་ཕན་འདོགས་པར་བགྱིད་པ་དེ་ལ་སྩལ་བར་བགྱིའོ། །དེ་ལྟར་མ་བགྱིས་ན། མ་རུངས་པར་འགྱུར་རོ། །བདག་གི་རིག་སྔགས་ཀྱི་རྒྱལ་པོའི་ཆོ་ག་རྒྱས་པ་འདི་ནི། དེ་ལ་གནས་པར་འགྱུར་རོ། །དེ་ནས་བཅོམ་ལྡན་འདས་ལག་ན་རྡོ་རྗེས་བཅོམ་ལྡན་ལྡན་འདས་ཀྱི་ཞབས་གཉིས་ལ་གཏུགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། རིག་སྔགས་ཐམས་ཅད་ཀྱི་སྙིང་པོའི་ལས་བདག་གིས་བཤད་པར་འཚལ་ལོ། །དེ་ནས་དབང་ཕྱུག་ཆེན་པོ་ལ་སོགས་པ་དཀྱིལ་འཁོར་དེར་ལྷ་འདུས་པ་རྣམས་ཀྱིས་རྡོ་རྗེ་འཛིན་གྱི་ཚིག་དེ་ཐོས་ནས་དེ་དག་འབྲོས་པ་ལ་
Ma158a
༄#། །ཞུགས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། རིག་སྔགས་ཐམས་ཅད་ཀྱི་སྙིང་པོའི་ལས་འདི་ནི། ལྷ་རྣམས་ལ་གནོད་ཀྱི། ཐོང་ཞིག་།དེ་ནས་རིག་སྔགས་ཀྱི་བདག་པོ་ལག་ན་རྡོ་རྗེ་སྟན་དེ་ལས་ལངས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ལྷ་རྣམས་ལྟ་གར་མཆིས་ཀྱི། དེ་བཞིན་གཤེགས་པས་རིག་སྔགས་ཐམས་ཅད་ཀྱི་སྙིང་པོའི་ལས་གནང་བར་མཛད་དུ་གསོལ། །དེ་ནས་བཅོམ་ལྡན་འདས། སེམས་ཅན་རྣམས་ཀྱི་དོན་གྱི་སླད་དུ་རིག་སྔགས་ཐམས་ཅད་ཀྱི་སྙིང་པོ་ལས་བདག་གིས་བཤད་པར་འཚལ་ན། དེ་བཞིན་གཤེགས་པས་གནང་བར་མཛད་དུ་གསོལ། །བདེ་བར་གཤེགས་པས་གནང་བར་མཛད་དུ་གསོལ། དེ་ནས་བཅོམ་ལྡན་འདས་ཀྱིས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། ལྷ་རྣམས་ལ་གནོད་ཀྱི། ཐོང་ཞིག་ཐོང་ཞིག་།དེ་ནས་བཅོམ་ལྡན་འདས་རིག་སྔགས་ཀྱི་རྒྱལ་པོ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ལྷ་རྣམས་དམ་ཚིག་སྲུང་ན། བདག་གིས་
Ma158b
བསྐྱང་བར་བགྱིའོ། །བཅོམ་ལྡན་འདས། ལྷ་གང་རིག་སྔགས་ཐམས་ཅད་ཀྱི་སྙིང་པོ་མིང་ཐོས་ན་ཡང་དངོས་གྲུབ་སྩོལ་བར་མི་བགྱིད་པ་དེ་ལ་ནི། བདག་གིས་དགུམ་པའི་སླད་དུ་ཕྱག་རྒྱའི་ཚོགས་མི་བཟད་པ་གཏང་བར་འཚལ་ལོ། །དེ་ནས་བཅོམ་ལྡན་འདས་ལག་ན་རྡོ་རྗེ་རྣལ་འབྱོར་དམ་པ་ལ་གནས་ནས་ཕྱག་རྒྱའི་ཚོགས་རྗེས་སུ་དྲན་པར་བྱས་སོ། །བཅོམ་ལྡན་འདས་མ་ཕྱག་རྒྱའི་རྒྱལ་མོ་ཕྱག་རྒྱ་ལ་འཚེ་བ། ཕྱག་རྒྱ་ལ་ཕུར་བུ་འདེབས་པ། ལྷ་ཐམས་ཅད་སྐྲག་པར་བྱེད་པ། གནོད་སྦྱིན་གྱི་ཚོགས་ཐམས་ཅད་ཚར་གཅོད་པ། གསོད་པར་གནོད་པར་བྱེད་པ། ཕུར་བུས་འདེབས་པ། སྐྲག་པར་བྱེད་པ། ཞི་བར་བྱེད་པ། རྒྱས་པར་བྱེད་པ། བདེ་བར་བྱེད་པ། ཕྱག་རྒྱ་བཞིའི་བདག་མོའི་རྒྱལ་མོ་མཱ་མ་ཀི་ཡང་རྗེས་སུ་དྲན་པར་བྱས་སོ། །དེ་ནས་བཅོམ་ལྡན་འདས་མ་ཕྱག་རྒྱའི་ཚོགས་བརྒྱད་ཅུས་བསྐོར་བ་འབར་བ་དང་བཅས་པ། མེ་སྟག་འཕྲོ་བ་དང་བཅས་པ་སྲེག་པའི་རང་བཞིན་གྱིས་ལག་ན་རྡོ་རྗེ་གཙོ་བོར་བྱས་ནས་དེ་བཞིན་གཤེགས་པ་ཤཱཀྱ་ཐུབ་པའི་སྦྱན་སྔར་འདུག་གོ་།དེ་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་དེ་བཞིན་གཤེགས་པ་ལ་ཕྱག་འཚལ་ནས་གསང་སྔགས་བཤད་པ། ན་མོ་རཏྣ་ཏྲ་ཡ་སྱ། ཨོཾ་ཀུ་ལནྡྷ་རི་སཝཱ་ཧཱ། དེ་ནས་གསང་བའི་བདག་པོ་བློ་དང་ལྡན་
Ma159a
༄#། །པས་འདི་སྨྲས་མ་ཐག་ཏུ་དབང་ཕྱུག་ཆེན་པོ་ལ་སོགས་པ་ལྷ་དེ་དག་ཕྱག་རྒྱ་རྣམས་ཀྱིས་བཅོམ་ནས་ལག་ན་རྡོ་རྗེའི་དཀྱིལ་འཁོར་དུ་ཞུགས་སོ། །གདོན་དྲག་པོ་དང ། སྲིན་པོ་མ་རུངས་པ་གང་ཡིན་པ་དེ་དག་ཐམས་ཅད་ཀྱང་ཕྱག་རྒྱ་རྣམས་ཀྱིས་ཞེ་བཅིལ་ནས་ཁྲག་སྐྱུག་བཞིན་དུ་ལག་ན་རྡོ་རྗེའི་ཞབས་དྲུང་དུ་བཞག་གོ་།དེ་ནས་ལྷ་དེ་དག་རྟབ་རྟབ་ཏུ་གྱུར་ཏེ་ཕྱག་རྒྱ་རྣམས་ཀྱིས་བཅོམ་ནས་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །རྡོ་རྗེ་འཛིན་ཆེན་པོ། ཕྱག་རྒྱའི་ཚོགས་ཀྱིས་ཤིན་ཏུ་འཇིགས་ཀྱི། བདག་ཅག་ཡོངས་སུ་བསྐྱབ་པར་གསོལ། དེ་ནས་བཅོམ་ལྡན་འདས་ལག་ན་རྡོ་རྗེས་ལྷ་དེ་རྣམས་ལ་འདི་སྐད་ཅེས་སྨྲས་སོ། །ལྷ་རྣམས། མ་འཇིགས་ཤིག་།མ་འཇིགས་ཤིག་།ཕྱག་རྒྱའི་ཚོགས་དེ་ཉིད་དྲན་པར་གྱིས་ཤིག་དང་དེས་ཞི་བར་འགྱུར་རོ། །དེ་ནས་བཅོམ་ལྡན་འདས་ཤཱཀྱ་ཐུབ་པས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །རྡོ་རྗེ་འཛིན་ཆེན་པོ་ལྷ་འདི་དག་ཡང་དག་པར་དབུགས་ཕྱུང་ཞིག་།དེ་ནས་བཅོམ་ལྡན་འདས་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གིས་གསང་བའི་དཀྱིལ་འཁོར་ལས་ལྷ་རྣམས་དང ། རིག་སྔགས་འཆང་རྣམས་དང ། གདོན་རྣམས་ཀྱི་གསང་བ་བཤད་པ་དེ་ནི།
Ma159b
བཅོམ་ལྡན་འདས། འགལ་བར་བགྱིར་མི་རུང་ལགས་ཏེ། སུ་འགལ་བར་བགྱིད་པ་དེ་ལ་བདག་ཁྲོས་ཏེ་ཕྱག་རྒྱའི་ཚོགས་འཇིགས་པར་གཏང་བར་འཚལ་ལོ། །དེ་ནས་བདུད་རྩི་ཐབ་སྦྱོར་དེའི་ནང་ནས་ལངས་ཏེ་འདི་སྐད་ཅེས་སྨྲས་སོ། །གདོན་རྣམས་ཆོས་ལུགས་མི་བཟད་པ། །མདའ་དང་གསང་སྔགས་གང་དག་དང ། །རྩི་སྨན་དང་ནི་སྦྱིན་སྲེག་གི་།ལས་ཀྱི་ཆོ་ག་གཏོང་འགྱུར་བ། །ཤོད་ཅིག་ཤོད་ཅིག་རིག་རྒྱལ་ཆེ། །མར་བཏུང་པ་ཡི་ཆོ་ག་དང ། །གཏོར་མའི་ལས་ནི་ཚུལ་བཞིན་དང ། །གསང་བ་དང་ནི་ཐེ་ཚོམ་མ་དང ། །གང་གིས་གསང་བ་གཏོང་གྱུར་པའི། །སྲེག་པ་དང་ནི་གཅད་པ་དང ། །གསད་ཅིང་རུས་པ་གཞོམ་བྱ་བ། །དེ་དག་ཆོ་གར་གང་བཤད་པ། །དེ་ནི་སྟོབས་ཆེན་བདག་ལ་གསུངས། །བདུད་རྩིའི་བདག་ཉིད་ཆེན་པོ་ཡིས། །འདོད་པ་དེ་སྐད་དྲིས་ནས་ནི། །དཔལ་དང་ལྡན་པ་རྡོ་རྗེ་འཛིན། །དཔའ་བོས་ཚིག་ནི་འདི་སྐད་སྨྲས། །མ་རུངས་གདོན་ལས་གསོ་བ་ཡི། །གསང་སྔགས་སྦྱོར་བའི་ཆོ་གའི་རིམ། །ང་ལ་སྟོབས་ཆེན་ཁྱོད་ཀྱིས་དྲིས། །དྲིས་པ་གང་ཡིན་བཤད་པར་བྱའོ། །ལྷ་ཀུན་འཁོད་པའི་ནང་དུ་ཉོན། །གདོན་རྣམས་ཚར་ནི་གཅད་པ་དང ། །དེ་བཞིན་ལྷ་རྣམས་བསྐྱོད་པ་དང ། །ལྷ་རྣམས་ཕྱག་རྒྱས་གདབ་པ་དང ། །དེ་བཞིན་འཛིན་བྱེད་གསལ་བ་དང ། །རིག་སྔགས་རྣམས་ཀྱང་སྒྲུབ་པ་དང ། །རིག་སྔགས་
Ma160a
༄#། །ཆོ་ག་རྒྱས་གདབ་དང ། །དེ་བཞིན་གདོན་རྣམས་དཀྲུགས་པ་དང ། །རིག་སྔགས་འཆང་ལ་བརྩེ་བ་དང ། །ཤིན་ཏུ་བྱིན་རླབས་དཀྱིལ་འཁོར་དང ། །ཕྱག་རྒྱའི་ཆོ་ག་འདིར་བཤད་དེ། །དཔའ་བོ་ལ་ནི་ཕྱག་འཚལ་ནས། །སྙིང་པོ་དགའ་བར་བྱེད་པའི་ཡུམ། །འབྱུང་པོ་རྣམས་ནི་སྐྲག་བྱེད་ཅིང ། །ཆོ་གའི་དངོས་གྲུབ་སྩོལ་བ་བཤད། །སངས་རྒྱས་དཔའ་བོས་གསུངས་པ་ཡི། །གདོན་ཀུན་འགུགས་པའི་ལྕགས་ཀྱུ་མ། །དེ་ཡང་མགོ་བོས་ཕྱག་འཚལ་ནས། །གདོན་ཀུན་ལྕགས་ཀྱུ་བཤད་པར་བྱ། །ན་མོ་རཏྣ་ཏྲ་ཡ་སྱ། ན་མཤྩཎྜ་བཛྲ་པཱ་ཎི་རཱ་ཛྙཱ་པ་ཡ་ཏི་སཝཱཧཱ། མ་ཧཱ་ཡཀྵ་སེ་ནཱ་པ་ཏི་སྱ། ཏདྱ་ཐཱ། བཛྲེ་བཛྲི་ནི། བཛྲི་ལི། བཛྲ་ཨཾ་ཀུ་ཤི། ཧི་རི་ཧི་རི། བཛྲ་མུཥྚི། ཨོཾ་བཛྲ་ཛྭ་ལ། ཨཾ་ཀུ་ཤ་ཡ་ཕཊ། སིདྡྷ་ཤྩཎྜ། བཛྲ་པཱ་ཎི་རཱ་ཛྙཱ་པ་ཡ་ཏི་སཝཱཧཱ། གསང་བའི་བདག་པོ་བློ་ལྡན་གྱིས། །རིག་སྔགས་འདི་ནི་བཤད་ནས་ཀྱང ། །དེ་ནས་ཟས་སུ་ལྷ་རྣམས་དང ། །གདོན་རྣམས་ཀྱི་ནི་ཁྲག་འཐུང་བའི། །ཕྱག་རྒྱ་དེ་དག་ལྷགས་པར་གྱུར། །དེ་ནས་ཅ་ཅོའི་སྒྲ་བཏོན་ནས། །གསང་བའི་དབང་པོ་སྟོབས་ཆེན་གྱིས། །གདོན་རྣམས་ཀྱི་ནི་གསང་བའི་མཆོག་།རབ་ཏུ་གསང་བ་འདི་བཤད་དེ། །ཕྱག་རྒྱ་དག་ནི་བཅོ་བརྒྱད་རྣམས། །ཆོ་གའི་དངོས་གྲུབ་
Ma160b
སྦྱིན་བྱེད་པ། །ཕྱག་རྒྱ་འབར་བའི་སྟོབས་པོ་ཆེ། །གདོན་རྣམས་སེལ་བ་འདི་བཤད་དོ། །གསང་བ་པ་ཡང་འཇིགས་བྱེད་པའི། །ཕྱག་རྒྱ་རྒྱལ་དང་རྣམ་རྒྱལ་པ། །རྡོ་རྗེ་མཚན་དང་རྡོ་རྗེ་རྟགས། །བཀྲ་ཤིས་ཤིན་ཏུ་བཀྲ་ཤིས་དང ། །པདྨ་དང་ནི་པདྨ་ཕྲེང ། །གཡུང་དྲུང་རིས་ཀྱང་དེ་བཞིན་ཏེ། །མདུང་རྩེ་གསུམ་པ་རྡོ་རྗེ་དང ། །མཆེ་བ་དང་ནི་མདུང་ཐུང་དང ། །ཀླུ་ལག་དང་ནི་ཞགས་པ་དང ། །རལ་གྲི་དབྱིག་པ་འཁོར་ལོ་རྣམས། །དྲག་ཅིང་ཕ་རོལ་གནོན་པ་ཡི། །ཕྱག་རྒྱ་འདི་དག་བདག་གིས་བཤད། །དེ་ནས་ལྷ་ཚོགས་དེ་དག་དང ། །འབྱུང་བ་དང་ནི་ཟ་བ་དང ། །དེ་བཞིན་སྲིན་པོ་རྣམས་སྐྲག་ནས། །གཅིག་ལ་གཅིག་བལྟས་མགོ་བོ་ཡིས། །ལག་ན་རྡོ་རྗེར་ཕྱག་འཚལ་ནས། །འདི་སྐད་ཀྱི་ནི་ཚིག་སྨྲས་པ། །རབ་འཇིགས་ཕྱག་རྒྱའི་ཚོགས་རྣམས་ལས། །གསང་བའི་དབང་པོས་བསྐྱབས་པར་གསོལ། །དེ་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །མ་འཇིགས་མ་འཇིགས་བཟོད་ལྡན་དག་།མངའ་བདག་རིག་སྔགས་ཀུན་དབང་པོ། ཕྱག་རྒྱའི་བཅོ་བརྒྱད་གོ་ཆ་ཅན། །ཕོ་ཉ་མོར་བཅས་བལྟས་པའི་མཆོག་།རིག་སྔགས་ཀུན་གྱིས་བསྐོར་བའི་རྡོ་རྗེ། །རིག་སྔགས་རྒྱལ་པོ་དྲན་པར་གྱིས། །བཅོམ་ལྡན་འདས་མས་གྲུབ་བསྟན་དང ། །རིག་སྔགས་ཀུན་གྱི་སྙིང་པོ་
Ma161a
༄#། །ལས། །བཤད་པ་དག་ཀྱང་དྲན་པར་གྱིས། །དེ་དག་དྲན་བས་འཇིགས་མེད་ཅིང ། །ཕྱག་རྒྱ་རྣམས་ཀྱིས་གསང་བར་མཐོང ། །སྤྱོད་གཟུགས་སྣ་ཚོགས་གདོན་རྣམས་ལ། །རྡོ་རྗེའི་ཕྱག་རྒྱ་གང་བཏབ་ན། །གདོན་རྣམས་ཕྱོགས་བརྒྱར་འབྱེར་བ་ཡི། །ཕྱག་རྒྱའི་ཚུལ་ཡང་བསྟན་པར་གྱིས། །དེ་ནས་ལྷའི་ཚོགས་དེ་དག་གིས་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས། གང་ན་ཕྱག་རྒྱ་འདི་དག་གི་མིང་ཙམ་གནས་པ་དེར་ཡང་དཔག་ཚད་ལྔའི་ནང་ཚུན་ཆད་དུ་བདག་ཅག་ཡོངས་སུ་མི་གནས་སོ། །བཟོད་ལྡན་དག་།དེ་དེ་བཞིན་ཏེ། དེ་དེ་བཞིན་ནོ། །ང་ཡང་རིག་སྔགས་ཀྱིས་བསྐོར་བའི་ཕྱག་རྒྱ་འདི་དག་གང་ན་གནས་པ་དེ་ན་གནས་གདོན་རྣམས་ལ་ནི་རྟག་ཏུ་ཕྱག་རྒྱའི་མཚན་ཉིད་བསྟན་པར་བྱའོ། །གདོན་ཐམས་ཅད་ལ་རྡོ་རྗེ་སྨོས་པའི་ལྕགས་ཀྱུ་མ། རྡོ་རྗེ་ལྕགས་ཀྱུ་མའི་ཕྱག་རྒྱ་དང་ལྡན་པས་ཀྱང་སྦྱར་བར་བྱའོ། །དེ་ལ་ཕྱག་རྒྱ་རྣམས་ཀྱི་རྟགས་དང་མཚན་ཉིད་ངས་བཤད་པར་བྱ་སྟེ། ལག་པ་གཡས་པའི་མཐེ་བོས་སོར་མོ་རྣམས་ཀྱི་སེན་མོ་མནན་ཏེ་ཁུ་ཚུར་བཅངས་ལ་མཛུ་བ་མོ་བརྐྱང་སྟེ་རྡོ་རྗེ་ལྟར་བྱས་པ་ནི། རྒྱལ་བའི་འོ། །གུང་མོ་ཡང་བརྐྱང་ལ་སོར་མོའི་བར་ནས་གང་ཙམ་གྱིས་ཕྱེ་བ་ནི། རྣམ་པར་རྒྱལ་བའི་འོ། །སྲིན་ལག་དང་བཅས་
Ma161b
པར་བརྐྱང་ལ་སོར་མོ་དེ་དག་གི་བར་ནས་གཉིས་ཙམ་གྱིས་ཕྱེ་བ་ནི། རྡོ་རྗེ་མཚན་གྱིའོ། །དེ་ཉིད་ལས་སོར་མོ་པར་ཕྲལ་ཏེ་བྲང་གི་དཀྱིལ་དུ་གཞུག་པ་ན། རྡོ་རྗེ་རྟགས་ཀྱིའོ། །ཕྱག་འཚལ་བའི་ཐལ་མོ་ལས་སོར་མོ་རྣམས་ཀྱི་བར་དུ་སོར་མོ་ཐབས་བཅུག་ནས་ལག་པའི་རྒྱབ་ཏུ་ལེགས་པར་སྦྱར་ལ་གུང་མོ་དང་མཐེའུ་ཆུང་གཉིས་གཤིབས་ཏེ་བཞག་ནས་བྲང་གི་དཀྱིལ་དུ་བཞག་པ་ནི། བཀྲ་ཤིས་ཀྱིའོ། །དེ་ཉིད་ལྟེ་བའི་གནས་སུ་བཟུང་བ་ནི། ཤིན་ཏུ་བཀྲ་ཤིས་ཀྱིའོ། །ཕྱག་འཚལ་བའི་ཐལ་མོ་ལས་པདྨའི་སྦུབས་འདྲ་བར་བྱས་ལ་གུང་མོ་གཉིས་སྤྲད་དེ་ལྷག་མ་རྣམས་ཡིད་ཙམ་གྱིས་མ་ཕྲད་པར་བྱས་པ་ནི། པདྨ་མཚན་གྱིའོ། །དེ་ཉིད་ལས་མཐེ་བོང་དང་མཐེའུ་ཆུང་གཉིས་སྤྲད་པ་ལ་ལྷག་མ་རྣམས་མི་སྤྲད་པ་ནི། པདྨ་ཕྲེང་བའི་འོ། །ལག་པ་གཉིས་བཀན་ཏེ་མཛུབ་མོ་དང་སྲིན་ལག་རྣམས་བསྣོལ་བར་དཀྲིས་ལ་མཐེ་བོང་གཉིས་ལག་པའི་ནང་དུ་བཀུག་ནས་སོར་མོ་ལྷག་མ་རྣམས་ནི། ཐམས་ཅད་ཀྱང་འདྲ་པར་སོ་སོ་ནས་ལག་པའི་གཏིང་དུ་གདུ་བུ་ལྟར་བཀུག་པ་ནི། གཡུང་དྲུང་རིས་ཀྱིའོ། །སོར་མོ་ཕན་ཚུན་བསྣོལ་ཏེ་ཁུ་ཚུར་བཅངས་ལ་ལག་ངར་ཡང་གཅིག་ཏུ་སྦྱར་ནས་གུང་མོ་བསྒྲེང་སྟེ་གཤིབས་ལ་མཛུབ་མོ་གཉིས་བརྐྱང་སྟེ་ནང་དུ་ཡང་མི་དགུ། ཕྱི་རོལ་དུ་ཡང་མི་དགྱེ་བར་ཐ་མལ་བར་བསྒྲེངས་ནས་མཐེ་བོང་
Ma162a
༄#། །གཉིས་ནང་དུ་གཞུག་པ་ནི། མདུང་རྩེ་གསུམ་པའི་འོ། །ཕྱག་འཚལ་བའི་ཐལ་མོ་ལས་སྲིན་ལག་ལུ་གུ་རྒྱུད་ལྟར་དཀྲིས་ལ་མཐེ་བོས་སྲིན་ལག་གི་སེན་མོ་གཉིས་མནན་ནས་མཛུབ་མོ་དང ། གུང་མོ་དང ། མཐེའུ་ཆུང་རྣམས་གཤིབས་ཏེ་བཞག་ལ་སོར་མོ་དེ་རྣམས་ཀྱི་བར་ནས་གཉིས་ཙམ་གྱི་ཚད་ཙམ་དུ་བྱས་ཏེ་དྲུང་དུ་ཁོང་སྟོང་དུ་བྱ་བ་འདི་ནི། རྡོ་རྗེའི་འོ། །ཕྱག་འཚལ་བའི་ཐལ་མོ་ལས་སོར་མོ་རྣམས་ནང་དུ་བསྣོལ་ཏེ་ཁུ་ཚུར་བཅངས་པ་ལག་པ་གཡས་པའི་གུང་མོའི་སྟེང་དུ་ཕྱུང་སྟེ་བརྐྱངས་པ་མཆོད་སྡོང་གི་དབྱིབས་ལྟར་བྱས་ཏེ་བཞག་པ་ནི། མཆེ་བའི་འོ། །ཕྱག་འཚལ་བའི་ཐལ་མོ་ལས་སོར་མོ་རྣམས་ཕྱི་རོལ་དུ་བསྣོལ་ཏེ་ཁུ་ཚུར་བཅས་ལ་སོར་མོ་ལག་པའི་རྒྱབ་ཏུ་གཞར། ལག་ངར་གཉིས་གཤིབས་ཏེ་གཅིག་ལ་གཅིག་སྦྱར་ཏེ་ལག་པའི་རྟིང་སྤྲད་ལ་གུང་མོ་བརྐྱང་སྟེ་གཤིབས་པ་ནི། མདུང་ཐུང་གིའོ། །ཕན་ཚུན་བསྣོལ་མར་དཀྲིས་ལ་ལག་པ་གཉིས་ཀྱི་མཐེ་བོང་དང ། མཐེའུ་ཆུང་རྣམས་ལུ་གུ་རྒྱུད་དུ་སྦྲེལ་ནས་སོར་མོ་ལྷག་མ་རྣམས་རྡོ་རྗེའི་མཚན་ཉིད་ལས་ཀླུ་མགོའི་གདེངས་ཀ་ལྟར་བྱས་ཏེ་བར་རྣམས་ནས་གང་ཙམ་དུ་བྱ་བ་ནི། ཀླུའི་ལག་གིའོ། །ལག་པ་གཉིས་ཀའི་མཐེ་བོས་མཐེའུ་ཆུང་གི་སེན་མོ་མནན་ཏེ་ཞབས་མིག་
Ma162b
གི་དབྱིབས་ལྟར་བྱས་ལ་ལག་པ་གཡོན་པ་བཀན་ནས་ལག་པ་གཡས་པ་ཁས་ཕུབ་སྟེ་སྦྱར་ལ་སོར་མོ་རྣམས་ཀྱི་ངོས་སོ་སོར་ལེགས་པར་ཕྲད་པར་བྱ་བ་ནི། ཞགས་པའི་འོ།། སོར་མོ་རྣམས་ཕན་ཚུན་ནང་དུ་བསྣོལ་ལ་ལག་པ་གཉིས་ཀྱི་གྲུ་མོ་སྦྱར་ཏེ་གུང་མོ་གཉིས་གཤིབས་ནས་མཐེ་བོང་གཉིས་ཀྱི་ནང་དུ་གུང་མོ་གཉིས་ཀྱི་གནས་སུ་བཅུག་ནས་ལག་པ་གཡས་པའི་གུང་མོ་དྲང་པོར་བསྒྲེང་ལ་གཡོན་པའི་གུང་མོ་བཀུག་པའི་རྩེ་མོ་མཐེ་བོང་དང་ཕྲད་པ་ནི། རལ་གྲིའོ། །དེ་ཉིད་ལས་གཡས་པའི་གུང་མོ་རང་གི་གནས་སུ་ནང་དུ་བཅུག་ལ་ལག་པ་གཡོན་པའི་གུང་མོ་གྱེན་དུ་དྲང་པོར་བསྲང་བ་ནི། དབྱུག་པའི་འོ། །ལག་པ་གཡོན་པ་བཀན་ལ་ལག་པ་གཡས་པ་ཁས་ཕུབ་སྟེ་གཅིག་ལ་གཅིག་ངོས་སྦྱར་ནས་གཡོན་པའི་མཐེའུ་ཆུང་སྟེང་ན་འདུག་པའི་ཚིགས་ཀྱི་སྲུབ་བཞག་སྟེ་ཚིགས་གཅིག་ཙམ་ཕྱིར་ལྷག་པར་བྱ། གཡོན་པའི་མཐེའུ་ཆུང་གི་རྩེ་མོར་གཡས་བའི་མཐེ་བོའི་ཚིགས་ཀྱི་སྲུབ་བཞག་སྟེ་སེན་མོ་ལྷག་མ་རྣམས་ནི། མདུང་རྩེ་གསུམ་པའི་ཚུལ་དུ་བཞག་སྟེ་འཁོར་ལོའི་མཚན་ཉིད་བྱས་ལ་སོར་མོ་རྣམས་ཀྱི་ཐོར་ཏོ་ལག་པའི་རྟིང་དུ་དམར་པོས་བཀྲམ་པ་ནི། འཁོར་ལོའི་འོ། །དེ་ལ་དེ་དག་གསང་སྔགས་རྣམས། །བདག་གིས་སུ་ནི་མདོར་བཤད་དེ། །རིམ་བཞིན་དུ་ནི་ངས་བཤད་
Ma163a
༄#། །པ། །ཅི་རིགས་པར་ནི་མཉན་པར་གྱིས། །ན་མོ་བཛྲ་པཱ་ཎི་སྱ། ཨོཾ་ཛ་ཡེ་ཛ་ཡ་བ་ཧེ་སཝཱཧཱ། རྒྱལ་བའི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོཾ་བི་ཛ་ཡེ་བི་ཀྲ་མེ། ཏྲཻ་ལོཀྱ་བི་ཀྲ་མེ་སཝཱཧཱ། རྣམ་པར་རྒྱལ་བའི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོཾ་བཛྲ་ཨཾ་ཀེ་སཝཱཧཱ། རྡོ་རྗེ་མཚན་གྱི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོཾ་བཛྲ་ཙིནྡེ་སཝཱཧཱ། རྡོ་རྗེ་རྟགས་ཀྱི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོཾ་སཝ་སྟི་ཀ་བི་ཤུདྡྷ་རཏྣ་སཝཱཧཱ། བཀྲ་ཤིས་ཀྱི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོཾ་ཏྲི་ཤཾ་ཀུ་སཝཱཧཱ། ཤིན་ཏུ་བཀྲ་ཤིས་ཀྱི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོཾ་ཤྲཱི་བ་ཧཻ་སཝཱཧཱ། པདྨ་མཚན་གྱི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོཾ་བི་ཤུ་དྡྷེ་སཝཱཧཱ། པདྨ་ཕྲེང་གི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོཾ་པྲ་མརྟི་ནི་སཝཱཧཱ། གཡུང་དྲུང་རིས་ཀྱི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོཾ་བཛྲ་ཏྲ་ས་ནི་པྲ་མརད་ནི་ཙིཚནྡ་བྷིནྡ་ནི་སཝཱཧཱ། མདུང་རྩེ་གསུམ་པའི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོཾ་བི་ནཱ་ཡ་ཀ་ནཱ་ཤ་ནི་སཝཱཧཱ། རྡོ་རྗེའི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོཾ་སརྦ་དུཿ པྲ་མརད་ནཱི་ཡེ་སཝཱཧཱ། མཆེ་བའི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོཾ་ཨ་ཏི་ཤཱ་ཡ་བི་ཀྲ་མེ་སཝཱཧཱ།
Ma163b
མདུང་ཐུང་གི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོཾ་ཧཱུཾ་ཕཊ་སཝཱ་ཧཱ། ཀླུ་ལག་གི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོཾ་པཱ་ཤེ་སཝཱཧཱ། ཞགས་པའི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོཾ་བིད་ཏྲཱ་ས་ནི་སཝཱཧཱ། རལ་གྲིའི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོཾ་མ་ཧཱ་ད་ཎྜ་སཝཱཧཱ། དབྱུག་པའི་གསང་སྔགས་སོ། །ན་མོ་བཛྲ་པཱ་ཎི་སྱ། ཨོཾ་ཙཀྲ་ཨ་སྤུ་ཏཾ་ཀེ་སཝཱཧཱ། འཁོར་ལོའི་གསང་སྔགས་སོ། །ཕྱག་རྒྱའི་ལས་རྣམས་མཐུ་བསྐྱེད་ཕྱིར། །གསང་སྔགས་འདི་དག་བཤད་པ་ཡིན། །ཕྱག་རྒྱ་ཡི་ནི་ལས་རྣམས་ཀྱི། །མཚན་ཉིད་བདག་གིས་བཤད་པར་བྱ། །དེ་ལ་རྒྱལ་བའི་ཕྱག་རྒྱ་ནི། །ལྷའི་གདོན་ལ་བསྟན་པར་བྱའོ། །རྣམ་པར་རྒྱལ་བའི་ཕྱག་རྒྱ་ནི། དྲི་ཟ་ལ་བསྟན་པར་བྱའོ། །རྡོ་རྗེའི་མཚན་ནི། །འབྱུང་པོ་ལ་བསྟན་པར་བྱའོ། །རྡོ་རྗེ་རྟགས་ནི། ལྷ་མ་ཡིན་རྣམས་ལ་བསྟན་པར་བྱའོ། །བཀྲ་ཤིས་ནི། ཚངས་པའི་སྲིན་པོ་རྣམས་ལ་བསྟན་པར་བྱའོ།། ཤིན་ཏུ་བཀྲ་ཤིས་ནི། གནོད་སྦྱིན་རྣམས་ལ་བསྟན་པར་བྱའོ། །པདྨ་མཚན་གྱི་ནི། །སྲིན་པོ་རྣམས་ལ་བསྟན་པར་བྱའོ། །པདྨ་ཕྲེང་བ་བཞི་ནི། གཟུ་ལུམས་ཅན་རྣམས་ལ་བསྟན་པར་བྱའོ། །གཡུང་དྲུང་རིས་ཀྱི་ནི། བེ་ས་ར་བསྟན་པར་བྱའོ། །མདུང་རྩེ་གསུམ་པ་ནི། སྨྱོ་བྱེད་རྣམས་ལ་བསྟན་པར་བྱའོ། །རྡོ་རྗེ་ནི། ལོག་འདྲེན་རྣམས་ལ་བསྟན་
Ma164a
༄#། །པར་བྱའོ། །མཆེ་བ་ནི། ཤ་ཟ་རྣམས་ལ་བསྟན་པར་བྱ་སྟེ། ལྷག་པར་ཡང་ཙི་བི་ན་ལ་བསྟན་པར་བྱའོ། །མདུང་ཐུང་ནི། བརྗེད་བྱེད་རྣམས་ལ་བསྟན་པར་བྱའོ། །ཀླུ་ལག་ནི། དུག་རྒྱས་པར་བྱེད་པའི་ཀླུ་རྣམས་ལ་བསྟན་བར་བྱའོ། །ཞགས་པ་ནི། ནམ་གྲུ་ལ་བསྟན་པར་བྱའོ། །རལ་གྲི་ནི། བྱད་ལ་བསྟན་པར་བྱའོ། །དབྱུག་པ་ནི། སྐེམ་བྱེད་ལ་བསྟན་པར་བྱའོ། །འཁོར་ལོ་ནི། གཞོན་ནུ་ལ་བསྟན་པར་བྱའོ། །མཱ་མ་ཀཱི་ནི། ཐམས་ཅད་ལ་བསྟན་པར་བྱའོ། །རྟགས་བཅས་མཚན་ཉིད་བཅས་པ་ཡི། །ཕྱག་རྒྱ་འདི་དག་བདག་གིས་བཤད། །གདོན་རྣམས་རྣམ་པར་འཕྲུལ་པ་ལས། །རྡོ་རྗེ་ལྕགས་ཀྱུ་བསྟན་བྱ་ཞིང ། །རྡོ་རྗེ་འཛིན་པ་བཟླས་བརྗོད་བྱ། །ལག་ན་རྡོ་རྗེས་བཤད་པ་ཡི། །ཕྱག་རྒྱ་འདི་ནི་གཅོད་བྱེད་པ།། གང་ཡིན་དེ་ལ་བདག་གིས་སུ། །རྡོ་རྗེ་འབར་བ་རབ་འབར་གྱིས། །སྤྱི་བོ་ཡང་ནི་གཞོམ་པར་བྱ། །ལག་ན་རྡོ་རྗེས་སྔགས་བསྟན་པ། །གདོན་རྣམས་འཇིགས་པར་བྱེད་པ་འདི། །རིག་སྔགས་རྣམས་ནི་བསྒྲུབ་པའི་ཕྱིར། །ལག་ན་རྡོ་རྗེའི་བཀའ་མཆོག་གིས། །རང་གི་མཚན་ནི་བསྟན་ན་འགྲུབ། །མཱ་མ་ཀཱི་ཡི་ཕྱག་རྒྱ་ཡི། །རྟགས་བཅས་མཚན་མ་གར་གནས་པ།། ལྷ་རྣམས་ཀུན་གྱིས་ཚུགས་མི་འགྱུར། །ཕྱག་རྒྱ་ཀུན་ལྡན་མཱ་མ་ཀཱིའི། །ཕྱག་རྒྱ་འདི་ནི་བདག་གིས་བཤད། །མདུང་རྩེ་གསུམ་པ་ཕྱེད་མཚན་ཅན། །མཱ་མ་ཀཱི་ཡི་ཕྱག་རྒྱ་ནི། །གང་དུ་
Ma164b
བསྟན་པ་དེ་དག་ཏུ། །ལྷ་དང་དྲི་ཟ་སྲིན་མི་གནས། །ལག་ན་རྡོ་རྗེའི་བཀའ་མཆོག་གིས། །གདོན་རྣམས་ཐམས་ཅད་མ་རུངས་འགྱུར། །མཱ་མ་ཀཱི་ཡི་རྒྱས་བཏབ་པའི། །ཆོ་ག་རྒྱས་པ་འདི་སྒྲུབ་ཅིང ། །དངོས་གྲུབ་འདོད་པ་གང་ཡིན་དེས། །གསང་བ་འདི་ནི་བསྟན་པར་བྱེད། །མཱ་མ་ཀཱི་ཡི་རྒྱས་བཏབ་པའི། །ཕྱག་རྒྱ་འདི་ནི་མཐོང་བ་དང ། །མཱ་མ་ཀཱི་ཡི་གསང་མཐོང་བས། །ཆོ་ག་ཚུལ་བཞིན་བསྒྲུབ་པར་བྱ། །སྒྲུབ་པར་གང་གིས་མཱ་མ་ཀཱིའི། །མཐོང་ན་རིང་པོར་མི་ཐོགས་པར། །དངོས་གྲུབ་མཆོག་ཐོབ་ཐེ་ཚོམ་མེད། །མཱ་མ་ཀཱི་ཡི་ཕྱག་རྒྱའི་མཚན། །གསང་བ་བདག་གིས་བཤད་པ་ཡི། །ཕྱག་རྒྱ་འདི་ནི་གང་དག་ཏུ། །བཞག་ནས་དངོས་གྲུབ་ཕྱིར་བསྒྲུབས་ན། །མཱ་མ་ཀཱི་ཡི་རྒྱ་མཐོང་བས། །རིང་པོར་མི་ཐོགས་དངོས་གྲུབ་ཐོབ། །ཕྱག་རྒྱ་ལྕགས་ཀྱུ་ལྷན་ཅིག་ཏུ། །གདོན་རྣམས་ཀུན་ལ་སྦྱར་བར་བྱ། །རིག་སྔགས་རྣམས་དང་སྦྱིན་སྲེག་ལས། །གཏོར་མ་བྱས་ཤིང་མར་འཐུངས་ཀྱང ། །དྲག་ཅིང་མི་བཟད་ཕ་རོལ་གནོན། །གདོན་རྣམས་གང་དུ་མི་འགྲོ་དེར། །ཕྱག་རྒྱ་མཐོང་ན་མི་བཟད་རྣམས། །ལྕགས་ཀྱུ་མ་དང་ལྷན་ཅིག་སྦྱར། །སོ་སོར་བསྟན་ཀྱང་གདོན་རྣམས་གང ། །འགྲོ་བར་མི་བྱེད་གང་ཡིན་པ། །དེ་ལ་ལག་ན་རྡོ་རྗེ་ཡི། །བཀའ་མཆོག་གིས་ནི་ཕྱག་རྒྱའི་ཚོགས། །མི་བཟད་རྣམས་ཀྱང་བསྟན་པར་བྱ། །གཏུམ་པའི་གཟུགས་ཅན་མཱ་མ་ཀཱི་།གཅིག་པུ་མི་བཟད་
Ma165a
༄#། །བསྟན་པར་བྱ། །མཐོང་ནས་སེམས་ནི་མཱ་མ་ཀཱིས། །འཇིགས་ནས་གདོན་རྣམས་འབྱེར་བར་བྱེད། །ཕྱག་རྒྱའི་རྣམ་པར་འཕྲུལ་པ་སྣ་ཚོགས་ཀྱང་བཤད་པར་བྱ་སྟེ།་གདོན་གང་ཆོས་ལུགས་མི་བཟད་པ། །རིག་སྔགས་ལ་འདའ་བར་བྱེད་པ་གང་ཡིན་པའི་གདོན་ཐམས་ཅད་གང་ཡིན་པ་དེ་ལ་ནི། ལས་འདི་བྱ་སྟེ། ས་ཕྱོགས་གཙང་མར་བརྟགས་ནས་རིག་སྔགས་ཀྱི་རྒྱལ་པོ་ཡོངས་སུ་སྦྱར་བར་བྱས་ལ། དེར་རྡོ་རྗེ་ལྕགས་ཀྱུ་མའི་ཕྱག་རྒྱ་མིང་དང་ལྡན་པར་གཞག་གོ། །ཚོན་རྩི་སྣ་གསུམ་གྱི་ཕྱེ་མས་རྒྱལ་བ་དང ། རྣམ་པར་རྒྱལ་བ་དང ། རྡོ་རྗེའི་མཚན་ནི། ཤར་ཕྱོགས་སུ་དགོད་དོ། །རྡོ་རྗེ་རྟགས་དང ། བཀྲ་ཤིས་དང ། ཤིན་ཏུ་བཀྲ་ཤིས་ནི། བྱང་ཕྱོགས་སུ་དགོད་དོ། །པདྨ་མཚན་དང ། པདྨ་ཕྲེང་དང ། གཡུང་དྲུང་རིས་ནི། ལྷོ་ཕྱོགས་སུ་དགོད་དོ། །མདུང་རྩེ་གསུམ་པ་དང ། རྡོ་རྗེ་དང ། མཆེ་བ་ནི། ནུབ་ཕྱོགས་སུ་དགོད་དོ། །དཀྱིལ་འཁོར་གྱི་ནང་དུ་སོང་ལ་མདུང་ཐུང་ནི། ཤར་ཕྱོགས་སུ་གཞག་གོ་།ཀླུ་ལག་ནི། བྱང་ཕྱོགས་སུ་གཞག་གོ་།རལ་གྲི་ནི། ནུབ་ཕྱོགས་སུ་གཞག་གོ་།ཕྱག་རྒྱ་བཞིས་ནི་བསྐོར་ནས་ཀྱང ། །བློ་ངན་དེ་ནི་སྐྲག་པར་བྱ། །དེ་ནས་དུག་བཞིན་དུ་དབྱུག་པའི་ཚུལ་དུ་བསྟན་ན། གདོན་དེ་ངུ་ཞིང་ཚིག་བཞིན་དུ་དཀྱིལ་འཁོར་དེར་འོང་བར་འགྱུར་ཏེ། དེར་རྡོ་རྗེ་ལྕགས་ཀྱུ་མས་བཟླས་བརྗོད་བྱས་ནས་ཕྱག་རྒྱའི་ཚུལ་བསྟན་ན།
Ma165b
དེ་མཐོང་བས་དེ་ཉིད་དུ་འགྱེལ་ཏེ། གདོན་གྱི་རིགས་ཀྱང་བཅོམ་པར་འགྱུར་རོ། །རིག་སྔགས་རྣམས་ཀྱི་གསང་བ་ཡི། །དཀྱིལ་འཁོར་འདི་ནི་གསང་མཆོག་ཡིན། །རིག་པ་མཆོག་གི་གསང་བའི་རྒྱུ། །གསང་བ་འདི་ནི་གང་མཐོང་དང ། །གང་གིས་ཕྱག་རྒྱ་འདི་མཐོང་བ། །དེ་ལ་ང་ནི་གནས་པ་ཡིན། །ཕྱག་རྒྱའི་གོ་ཆ་བགོས་ནས་ནི། །ལག་ན་རྡོ་རྗེའི་བཀའ་མཆོག་གིས། །ཕྱག་རྒྱ་དྲང་ཞིང་མཐོང་བྱེད་གང ། །དེ་ལ་ང་ནི་རྟག་ཏུ་ཡང ། །ཕྱག་རྒྱ་བཅིངས་པས་དངོས་གྲུབ་སྦྱིན། །དངོས་གྲུབ་མཆོག་ཕྱིར་བསྟན་པ་ཡིས། །ཆོག་ཇི་ལྟར་མཐོང་བ་བཞིན། །སྒྲུབ་པ་ཀུན་ལ་ཕྱག་རྒྱ་དགོད། །དེ་ནས་ལས་རྣམས་བརྩམ་པར་བྱ། །སྒྲུབ་པ་རྣམས་ཀྱི་དངོས་གྲུབ་ཕྱིར། །གང་གིས་མི་རྣམས་གྲུབ་འགྱུར་བ། །མཱ་མ་ཀཱི་ནི་རྟག་པར་གཞག་།ཕྱོགས་གང་དུ་རིག་སྔགས་སྒྲུབ་བ་དེར་མཱ་མ་ཀཱིའི་ཕྱག་རྒྱ་བྲི་བར་བྱའོ། །གང་དུ་བཅོམ་ལྡན་འདས་མཱ་མ་ཀཱིའི་དྲག་ཏུ་སྐུལ་བའི་མཆོག་སྤངས་པ་དེར་ནི། ལག་ན་རྡོ་རྗེས་བཤད་པ་བཞིན་དུ་དངོས་གྲུབ་མེད་དོ། །མཱ་མ་ཀཱི་བསྟན་པས་ནི། གདོན་རྣམས་ལ་རྒྱས་འདེབས་པར་འགྱུར་ཏེ། །སྨྲས་པས་ལས་ཐམས་ཅད་བྱེད་དོ། །བཅོམ་ལྡན་འདས། གང་ལག་ན་རྡོ་རྗེ་གང་དུ་སྤྱན་དྲང་བ་དེར་ནི། མཱ་མ་ཀཱིའི་ཕྱག་རྒྱ་གཞག་པར་བྱ་སྟེ། གང་ན་མཱ་མ་ཀཱི་གནས་པ་དེ་ན་ང་གནས་སོ། །གང་ན་ཕྱག་རྒྱའི་ཚོགས་གནས་པ་དེ་ན་ང་རིག་སྔགས་ཀྱི་རྒྱལ་པོ་དང་ལྷན་ཅིག་ཏུ་རིག་སྔགས་ཐམས་ཅད་དང་ལྡན་
Ma166a
༄#། །པ་དང ། ཕོ་ཉ་མའི་ཚོགས་ཀྱི་འཁོར་དང་གནས་སོ། །དུས་གསུམ་དུ་ནི་ཕྱག་རྒྱ་ལ། །ཕྱག་བྱས་དངོས་གྲུབ་དམ་པ་སྒྲུབ། །ང་ཡི་རྡོ་རྗེ་ཕྱག་རྒྱ་ཡིས། །བཏབ་པས་དེ་ལ་དངོས་གྲུབ་སྦྱིན། །མཱ་མ་ཀཱི་ནི་དེར་བཞག་ན། །རིག་སྔགས་ངེས་པར་འགྲུབ་འགྱུར་ཏེ། །དེ་ལ་ཡིད་གཉིས་མི་བྱའོ། །གང་ཞིག་ཕྱག་རྒྱ་འདི་དག་དང ། །མཱ་མ་ཀཱི་ཡི་ཕྱག་རྒྱར་ལྡན། །དེ་ནི་རིག་མཆོག་ཆོ་ག་ཡི། །གསང་དང་གསང་ཆེན་ལྡན་པ་ཡིན། །དེ་ལ་ལྷ་རྣམས་མགུ་བ་ཡི། །ཡིད་ཀྱིས་དངོས་གྲུབ་སྦྱིན་པར་བྱེད། །ཕྱག་རྒྱ་འདི་དག་དྲན་བྱེད་དང ། །ལྷག་པར་ཡང་ནི་སྟོན་བྱེད་པ། །དེ་ལ་ལྷ་རྣམས་དགའ་བ་འོ། །སེམས་ཀྱིས་དངོས་གྲུབ་སྦྱིན་པར་བྱེད། །ལྷ་རྣམས་བྱེ་བས་བཤད་པ་ཡིས། །ཕྱག་རྒྱ་འདི་དག་གར་གནས་པ། །དེར་ནི་དངོས་གྲུབ་སྦྱིན་པའི་ཕྱིར། ། ང་ནི་རྟག་ཏུ་གནས་པར་འགྱུར། །མཱ་མ་ཀཱི་ཡི་ཕྱག་རྒྱའི་མཚན། །ཕྱག་རྒྱ་ཀུན་གྱི་མཆོག་ཡིན་ཏེ། །ཕྱག་རྒྱ་ཐམས་ཅད་སྟོན་པ་ན། །མཱ་མ་ཀཱི་ཡི་ཕྱག་རྒྱ་ཡང ། །བསྟན་པར་བྱས་ན་དོན་བྱེད་འགྱུར། །གང་དུ་ཕྱག་རྒྱའི་ཚོགས་བཤད་ཅིང ། །མཱ་མ་ཀཱི་ཡི་གསང་མཆོག་བསྟན། །དེར་ནི་ང་ཡང་གནས་པར་འགྱུར། །ཕྱག་རྒྱ་འདི་དག་ནི། ཆར་ཡང་འབེབས་པར་བྱེད་དོ། ། ལྷ་རྣམས་ལ་ཡང་རྒྱས་འདེབས་པར་བྱེད་དོ། །མདོར་ན་ཡིད་ལ་ཇི་ལྟར་འདོད་པ་བཞིན་དུ་ཆོ་ག་སྣ་ཚོགས་ཀྱི་ལས་བྱེད་དེ། ཕྱག་རྒྱའི་ཚུལ་བསྟན་པས་ལས་བྱེད་པར་འགྱུར་རོ། །
Ma166b
ཕྱག་རྒྱ་ཐམས་ཅད་ལ་ཡང་རྡོ་རྗེ་ལྕགས་ཀྱུ་མ་དང་སྦྱོར་བར་བྱ་སྟེ། ཕྱག་རྒྱ་འདི་རྣམས་ནི། གདོན་ལ་བསྟན་བར་མི་བྱའོ། །ཕྱག་རྒྱ་རྣམས་བསྟན་ན། ལྷ་རྣམས་འཇིགས་ཤིང་སྐྲག་པར་འགྱུར་ལ་རིག་སྔགས་འཆང་ཡང་བརླག་པར་འགྱུར་རོ། །མཱ་མ་ཀཱིས་ཕུར་བུས་བཏབ་ན། རྟག་ཏུ་ཞི་བར་བྱེད་པར་འགྱུར་རོ། །སྐྲག་པས་དངོས་གྲུབ་སྦྱིན་པར་བྱེད་དོ། །ཕྱག་རྒྱའི་ཚུལ་ནི། ལག་པའི་སྟངས་ཀྱིས་བསྟན་པར་མི་བྱའོ། །དཀྱིལ་འཁོར་དུ་ཡང་མིང་དང་ཕྱག་རྒྱའི་ཚུལ་བྲིའོ། །མཱ་མ་ཀཱི་ནི། ལས་ཐམས་ཅད་ལ་ཡང་བསྟན་པར་བྱའོ། །གང་ན་མཱ་མ་ཀཱི་གནས་ལ། གང་ན་མཱ་མ་ཀཱི་གནས་པ་དེ་ན་ལག་པས་ཇི་ལྟར་བསྟན་པར་བྱ་བ་དེ་བཞིན་དུ་ས་ལ་ཡང་བྲིའོ། །ཕྱག་རྒྱ་གང་དག་གི་ཚུལ་གྱིས་བསྐུལ་བས་ཀྱང་མི་རྣམས་དངོས་གྲུབ་འགྲུབ་པར་འགྱུར་བ་བསྟན་ན། དེས་ཆོ་ག་དང ། ལས་དང ། གནས་རྣམས་ཀྱིས་ཀྱང་ལས་སུ་རུང་བར་བྱེད་དོ། །དེ་ནས་ཕྱག་རྒྱའི་ཚོགས་བསྟན་ནས་ལས་རྣམས་བྱ་སྟེ། མཐུ་སྟོབས་ཆེན་པོ་སྣ་ཚོགས་རྣམས་བསྟན་པར་བྱའོ། །དཀྱིལ་འཁོར་འདི་ནི། གསང་བའི་མཆོག་ཡིན་ནོ། །ང་ལ་བལྟ་བར་འདོད་པ་གང་ཡིན་པ་དེས་ནི། མཱ་མ་ཀཱི་ལ་སོགས་པ་ཕྱག་རྒྱའི་ཚོགས་རྣམས་ཀྱི་ཕྱག་རྒྱའི་དཀྱིལ་འཁོར་བལྟ་བར་བྱའོ། །ཕྱག་རྒྱའི་ཚོགས་ཀྱི་མིང་ཐོས་ནས་ཕྱག་འཚལ་བ་གང་ཡིན་པ་དེ་ནི། འཇིགས་པར་བྱ་བ་རྣམས་ཀྱིས་འཇིགས་པར་མི་འགྱུར་རོ། །ཅི་སྟེ་ཕྱག་རྒྱའི་ཚོགས་མ་མཐོང་ན། དེ་ལ་དམ་
Ma167a
༄#། །ཚིག་གིས་དངོས་གྲུབ་སྦྱིན་པར་མི་འགྱུར་རོ། །གང་གིས་མཱ་མ་ཀཱིའི་ཕྱག་རྒྱ་མཐོང་བ་དེའི་མདུན་དུ་ངས་དངོས་གྲུབ་སྦྱིན་པར་བྱའོ། །ཕྱག་རྒྱའི་ཚོགས་ཀྱིས་བསྐོར་བའི་མཱ་མ་ཀཱིའི་ཕྱག་རྒྱས་བཀོད་ལ་མཱ་མ་ཀཱིའི་གཟུགས་ཀྱང་གཞག་པར་བྱ་སྟེ། དེ་ནས་རིག་སྔགས་འཆང་གིས་མཱ་མ་ཀཱིའི་ཕྱག་རྒྱ་བལྟ་བར་བྱའོ། །དེ་ནས་མཱ་མ་ཀཱིའི་ལས་ཞི་བ་དང ། རྒྱས་པ་དང ། དྲག་ཤུལ་ལ་སོགས་པའི་ལས་བྱ་སྟེ། མཱ་མ་ཀཱིའི་མདུན་དུ་བཟླས་བརྗོད་བྱས་པ་དེས་བསྲུང་བར་བྱའོ། །མཱ་མ་ཀཱིའི་ཕྱག་རྒྱའི་ཚོགས་བྲིས་པ་གང་ན་འདུག་པ་དེ་ན་ང་ཕོ་ཉ་མ་རྣམས་ཀྱི་ཚོགས་ཀྱིས་བསྐོར་བ་ཡང་གནས་སོ། །མཆོད་རྟེན་གྱི་དྲུང་ངམ་སྐུ་གཟུགས་ཀྱི་གནས་སུ་ཕྱག་རྒྱའི་ཚོགས་དགོད་པར་བྱའོ། །ཡང་ན་གླེགས་བམ་ལ་བྲིས་ཏེ་གླེགས་བམ་དེ་ཡང་དེ་བཞིན་གཤེགས་པའི་གནས་སུ་གཞག་གོ། གཞན་དུ་བཞག་ན་བརྟག་པའམ་གནོད་པ་བྱེད་པར་འགྱུར་རོ། །ཕྱག་རྒྱའི་ཚོགས་ལ་བྲིས་ནས་དེར་སྤྱད་སྤྱད་པ་མཚོར་གནས་པའི་ཆུ་ཀླུང་དུ་དོར་བར་བྱའོ། །ལྕགས་ཀྱུ་མས་ཡོངས་སུ་སྦྱང་བ་བྱས་ལ་གྱོ་མོ་དང་གསེག་མ་མེད་པའི་ས་ཕྱོགས་སུ་ལྕགས་ཀྱུ་མས་ཕྱག་རྒྱའི་ཚོགས་བྲི་བར་བྱའོ། །མཱ་མ་ཀཱིའི་ཕྱག་རྒྱའི་ཚོགས་ཀྱིས་བསྐོར་བ་ཡང་གཞག་བར་བྱ་སྟེ། གཟུགས་སུ་གཞག་པར་བྱའོ། །ཟུག་རྡུ་ཡོད་པའི་སར་བྲིས་ན་ནི། གནོད་པ་བྱེད་པར་འགྱུར་ཏེ། ཡུལ་དང ། གྲོང་ཁྱེར་དང ། རྒྱལ་པོ་ལ་ཡང་
Ma167b
མི་དགེ་བར་བསྐྱེད་པར་འགྱུར་རོ། །མཱ་མ་ཀཱི་ཡང་ངས་རིག་པ་མཆོག་གི་ཆོ་ག་རྒྱལ་པོ་ཆེན་པོའི་དངོས་གྲུབ་བསྙེན་དུ་གཞུག་གོ་།ཕྱག་རྒྱའི་ཚོགས་སྟོབས་ཆེན་མོ་མི་བཟད་པ་འདི་བཤད་ཟིན་ཏོ།། རྟགས་དང་མཚན་མའི་ཚུལ་བསྟན་པ་དེ་དག་ཀྱང་བཤད་ཟིན་ཏོ། །དེ་ནས་མཱ་མ་ཀཱི་བལྟ་བར་འདོད་པས་ནི། ངལ་བལྟ་བར་བྱའོ། །ང་བལྟ་བར་འདོད་པས་ནི། མཱ་མ་ཀཱི་སྨན་བརྒྱད་ཀྱིས་བསྐོར་བ་ཚང་བ་དང ། སྨན་བརྒྱད་དང་བཅས་པའི་ཨུཏྤ་ལ་དང་ལྡན་པ་ཡིད་དུ་འོང་བ་བལྟ་བར་བྱའོ། །དེ་ནས་རིག་སྔགས་འཆང་ང་ལ་བལྟ་བར་འདོད་པས་བྱང་ཆུབ་ཀྱི་སེམས་བསྐྱེད་ལ་གསོ་སྦྱོང་ཡན་ལག་བརྒྱད་དང་ལྡན་པ་དང ། ཞག་གཅིག་སྨྱང་བར་བྱས་མའི་ཉི་མ་བཟང་བ་ལ་རིག་པའི་རྒྱལ་པོས་སྲུང་བའི་ཆོ་ག་བྱས་ཏེ། དྲི་དང ། མེ་ཏོག་དང་།བདུག་པ་ཕུལ་ནས་སྨན་གྱིས་ལུས་ཀྱི་ཡན་ལག་རྣམས་དབྱུང་བར་བྱ་སྟེ། དེ་བཞིན་གཤེགས་པས་གསུངས་པའི་སྨན། །ས་མ་ཛི་ནི་དབྱུང་བར་བྱ། །ལྷ་ཆེན་གྱིས་བྱིན་གཉིས་པ་སྟེ། །འབམ་པོ་ཡང་ནི་དབྱུང་བར་བྱ། །དེ་བཞིན་སྲེད་མེད་དུ་སུ་བྱིན་པ། །ནི་ལ་སུ་སྲིད་དབྱུང་བར་བྱ། །དེ་བཞིན་ཚངས་པས་བཤད་པ་ཡི། །བྲཧ་མི་ཡང་ནི་དབྱུང་བར་བྱ། །འཇིག་རྟེན་སྐྱོང་གིས་བཤད་པ་ཡི། །རམ་ཉེ་བ་ཡང་དབྱུང་བར་བྱ། ། རྫོང་གི་འཕགས་མས་བྱིན་པ་ཡི། །ཤཝེ་ཏ་ཛྭ་ཡང་དེ་བཞིན་དབྱུང ། །ཚིག་ལྡན་མས་ནི་བྱིན་པ་ཡི། །ནཱི་ལ་ཛྲ་ཡང་དབང་བར་བྱ། །ཡན་ལག་ཀུན་གྱི་ཨུཏྤལ་ལྡན། །ལག་ན་རྡོ་རྗེས་བཤད་པ་
Ma168a
༄#། །དགེ་།དེ་ནས་སྨན་གྱིས་ལུས་ཐམས་ཅད་ཕྱུང་ནས་ལྷན་ཅིག་ཏུ་གཞག་གོ་།དེ་ནས་རིག་སྔགས་འཆང་གིས་སྲུང་བའི་ཆོ་ག་བྱས་ནས་གཏོར་མའི་ཆོ་ག་བྱས་ལ། ཀུ་ཤའི་སྟན་ལ་འདུག་སྟེ་རྡོ་ལེབ་ཤིན་ཏུ་བཀྲུས་པ་ལ་དབྱིག་དང ། གསེར་བཀྲམ་ནས་རིག་སྔགས་ཀྱི་རྒྱལ་པོ་བཟླས་བརྗོད་བྱེད་བཞིན་དུ་སྨན་རྣམས་བཅོམ་ལྡན་འདས་མ་ཙནྡན་དམར་མོའི་ཆུས་བཀྲུས་པའི་ཆུ་ལ་སྔགས་ཀྱིས་བཏབ་པ་དེ་དང་བཏགས་ཏེ་སྨན་གྱི་ལུས་ཐམས་ཅད་བླངས་ལ། གསེར་རམ། རྡོ་རྗེའི་སྣོད་དམ། ཁམ་པའི་སྣོད་ཀྱི་ནང་དུ་བཞག་ནས་ཀཪྴ་པ་ནི་བརྒྱ་རྩ་བརྒྱད་ཀྱིས་རྡོ་རྗེ་རྫོགས་པར་བྱས་ཏེ་ཤིན་ཏུ་མཉམ་པར་བཞག་བས་ཙནྡན་དམར་པོའི་ཆུས་གསང་གཏོར་བྱས་ལ་ལག་པས་མནན་ནས་རིག་སྔགས་ཐམས་ཅད་ཀྱི་སྙིང་པོ་ལན་བརྒྱད་བརྒྱད་བཟླས་བརྗོད་བྱས་ཏེ། རྡོ་རྗེའི་དབུས་སུ་ལྷ་མོའི་གཟུགས་རྣམས་བཞག་ལ་གཟུགས་བཟང་མ་ལན་བརྒྱད་བཟླས་བརྗོད་བྱའོ། །དེ་ནས་མཱ་མ་ཀཱིའི་གཟུགས་སུ་བྱས་ལ། དེ་ནས་རིག་སྔགས་འཆང་གིས་རས་དཀར་པོའི་སྟེང་དུ་བཞག་སྟེ་མཱ་མ་ཀཱིའི་རིག་སྔགས་ཀྱིས་བརྗོད་བར་བྱའོ། །གདུ་བུ་ལ་ཡང་རིན་པོ་ཆེ་སྣ་ཚོགས་ཀྱིས་སྤྲས་པར་བྱའོ་དེར་ཡང་ལས་རྣམས་སྦྱར་བར་བྱ། །དེ་རིན་པོ་ཆེ་ཐམས་ཅད་དང ། ས་བོན་ཐམས་ཅད་ཀྱི་མཆོད་ཡོན་དབུལ་བར་བྱའོ། །གཏོར་མའི་ཆོ་ག་ཡང་རྒྱས་པར་བྱའོ། །རིག་སྔགས་ཀྱི་
Ma168b
རྒྱལ་པོ་ཡང་མཱ་མ་ཀཱིའི་དྲུང་དུ་གཞག་པར་བྱའོ། །ལྷ་ཐམས་ཅད་ཀྱི་གཟུགས་ཀྱང་སྤྱན་དྲངས་ལ། མཱ་མ་ཀཱིའི་མདུན་དུ་རིག་སྔགས་ཀྱི་རྒྱལ་པོ་ལན་བརྒྱ་བཟླས་བརྗོད་བྱའོ། །དེ་ནས་མེ་ཏོག་གི་ཕྲེང་བ་འགུལ་བ་དང ། མར་མེའི་ལྕེ་ཆེན་པོར་འགྱུར་བ་དང ། སྤུ་ཟིང་ཞེས་བྱེད་པ་དང ། སེམས་དགའ་བ་འབྱུང་བར་འགྱུར་རོ། །དེ་ནས་རིག་སྔགས་འཆང་གི་ཚོགས་རྣམས་ལ་གཏོར་མ་སྦྱིན་པར་བྱའོ། །དེ་ནས་ནང་པར་བླ་མ་ལ་མཆོད་པ་བྱ་སྟེ། རིན་ཐང་མེད་པའི་རིན་པོ་ཆེའི་ཡོན་ཕུལ་ལ། དེ་ནས་རིག་སྔགས་ཀྱི་རྒྱལ་པོ་བཟླས་བརྗོད་བྱེད་བཞིན་དུ་དངོས་གྲུབ་གསོལ་དུ་བཅུག་ན། ཆོ་ག་རྒྱས་པའི་དངོས་གྲུབ་སྦྱིན་པར་བྱེད་དམ། ཡང་ན་ལས་གཅིག་གིས་དངོས་གྲུབ་སྦྱིན་པར་བྱེད་དེ། བླ་མས་ཇི་སྐད་སྨྲས་བ་དེ་ཡིད་ལ་བཞག་ནས་ཚིག་དེ་ཡང་མཉན་པར་བྱའོ། །དེ་ནས་རིག་སྔགས་འཆང་གིས་བླ་མ་ལ་མཱ་མ་ཀཱི་བསྟན་པར་བྱ་སྟེ། མཐོང་ན་ཇི་སྐད་སྨྲས་པ་དེ་དེ་ལ་འགྲུབ་པར་འགྱུར་ཏེ། ཅི་སྟེ་ཁྲོ་བའི་སེམས་ཀྱིས་སྨྲས་ན་ནི། ལས་དྲག་པོར་འགྲུབ་པར་འགྱུར་རོ། །ཅི་སྟེ་དགའ་བའི་སེམས་ཀྱིས་སྨྲས་ན་ནི། དངོས་གྲུབ་མཆོག་འགྲུབ་པར་འགྱུར་ཏེ། བླ་མས་མཱ་མ་ཀཱི་རྒྱ་མཚོར་འབབ་པའི་ཆུ་ཀླུང་གི་ནང་དུ་བཏང་ལ་བླ་མའི་ལག་པས་མཱ་མ་ཀཱི་བཙལ་བར་བྱ་སྟེ། ལག་ཏུ་ཐོབ་ན་མཱ་མ་ཀཱིའི་ཆོ་ག་རྒྱས་པའི་དངོས་གྲུབ་བདེ་བླག་ཏུ་འགྲུབ་པར་འགྱུར་རོ། །རིག་སྔགས་
Ma169a
༄#། །འཆང་གིས་ཀྱང་ཆོ་གའི་གཟུངས་རྒྱ་མཚོར་འབབ་པའི་ཆུ་ཀླུང་གི་ནང་དུ་གཏང་བར་བྱའོ། །སྒྲུབ་པའི་ཚེ་སྤྱན་གྱིས་མཱ་མ་ཀཱི་གཞག་པར་བྱའོ། །ུཏྤ་ལ་དང་ལྡན་པས་ཀྱང་མཱ་མ་ཀཱི་གཞག་པར་བྱའོ། །ོཾ་ཧ་རན་ཛྲ་ན་བེ་ཏ་རན་ཛ་ན་བེ་སཝཱ་ཧཱ། ཆོ་ག་འདི་ཉིད་ཀྱིས་མར་གྱི་ངོ་ཞག་བརྒྱད་ལ་མཱ་མ་ཀཱིའི་མདུན་དུ་རྡོ་རྗེ་དབུས་སུ་པདྨ་བརྒྱད་སྟོང་གིས་སྦྱིན་དོར་བྱའོ། །དེ་ནས་ཆོ་ག་རྒྱས་པ་དང་འགྲུབ་པར་འགྱུར་ཏེ། ནང་པར་གྱི་དུས་སུ་བླ་མ་ལ་མཆོད་བ་བྱས་ནས་དངོས་གྲུབ་གསོལ་དུ་གཞུག་གོ་།དངོས་གྲུབ་བྱིན་ནས་ཀྱང་ཞག་བདུན་པའི་ཉིན་པར་གློ་བུར་དུ་མི་ནག་པོ་མཐོང་བར་འགྱུར་ཏེ། མཐོང་ན་ཆོ་ག་རྒྱས་པར་འགྲུབ་པར་ཤེས་པར་བྱའོ། །སྡིག་པའི་ལས་ནི་བྱེད་པ་དང ། །བྲམ་ཟེ་གསོད་དང་མི་གསོད་དང ། །ཚུལ་ཁྲིམས་འཆལ་ལ་སྦྱིན་མི་བྱ། །མི་བཟད་པ་ནི་གང་ཡིན་པའི། །མི་རྣམས་ཀྱིས་ནི་ཐོབ་མི་འགྱུར། །རྡོ་རྗེ་རིགས་མཆོག་གང་དད་པ། །མཱ་མ་ཀཱི་ནི་དེ་མདུན་ནས། །ཚུལ་ཁྲིམས་འཆལ་དང་སྡིག་པ་ཅན། །དེ་དག་གིས་ནི་གཟུགས་མི་མཐོང ། །གང་ན་མི་བཟད་སྡིག་བྱེད་བ། །དེ་ནི་བདག་གི་མིང་ཡང་མེད། །དེར་ནི་མི་མཐོང་ཅི་ཞིག་སྨོས། ། གང་དག་དགེ་བ་བཅུ་པོ་ཡི། །ལས་ཀྱི་ལམ་དང་ལྡན་པའི་མི། །དེ་དག་གིས་ནི་ང་ཡང་མཐོང ། །གང་དག་ཚུལ་ཁྲིམས་ལྡན་པ་དང ། །རྡོ་རྗེ་རིགས་ལ་དད་པའི་མི། །དེ་དག་གིས་ནི་
Ma169b
ང་མཐོང་ཞིང ། །རིག་འགྱུར་སེམས་ཅན་དེ་དག་ནི། །ང་ཡི་རིགས་སུ་གཏོགས་པ་ཡིན། །མཱ་མ་ཀཱི་ནི་གང་གིས་མཐོང ། །སྟོབས་ཆེན་དེ་དག་ང་ཡི་གནས། །ཡིད་དུ་འོང་བར་སྐྱེ་བར་འགྱུར། །གང་གི་ཚེ་ཆོ་ག་རྒྱས་པ་དེའི་ཚེ་བླ་མ་ལ་ཡོན་ཕུལ་ནས་མཱ་མ་ཀཱི་བསླང་བར་བྱའོ། །བླ་མས་ཀྱང་ཨུཏྤ་ལ་ནི། མཚན་དང་ལྡན་པའི་སྔགས་ཀྱིས་མཱ་མ་ཀཱིའི་གཟུགས་སོང་བཞི་བྱས་ལ། དེ་ནས་བླ་མས་སྦྱིན་པར་བྱ་སྟེ། དངོས་གྲུབ་ཀྱང་གསོལ་དུ་གཞུག་གོ་།ཕོ་ཉ་མ་རྣམས་དང ། ཚོགས་རྣམས་ལ་ཡང་གཏོར་མ་སྦྱིན་པར་བྱའོ། །ས་ཡོངས་སུ་སྦྱང་བ་དང ། དཀྱིལ་འཁོར་གྱི་བགེགས་ཀྱི་སྦྱིན་སྲེག་ཀྱང་བྱའོ། །ཕོ་ཉ་མ་རྣམས་ཀྱི་ལས་རྣམས་ལ་ནི། ལན་འབུམ་བཟླས་བརྗོད་བྱས་ན་འགྲུབ་པར་འགྱུར་རོ། །ཞི་བའི་ལས་རྣམས་ལ་ནི། རི་མོ་ལ་ལྷ་མོ་མདོག་ནག་པ་གཅིག་བྲིས་ཏེ་སྤྱི་བོ་ན་དེ་བཞིན་གཤེགས་པ་བཞུགས་ལ་སྐྱབས་སྦྱིན་པའི་ཕྱག་རྒྱ་དང ། ལག་པ་གཡོན་པ་ལ་རྡོ་རྗེ་འབར་བ་ཐོགས་པར་བྲིའོ། །དེ་ནས་མར་གྱི་ངོ་ཞག་བཅུ་བཞི་ལ་བརྩམས་ཏེ་ཞག་གཞན་གྱི་བར་དུ་གུ་གུལ་ཡུངས་མར་དང་སྦྱར་བའི་སྦྱིན་སྲེག་བྱའོ། །ཚོགས་རྣམས་ལ་ཡང་གཏོར་མའི་ཆོ་ག་བྱའོ། །ཚོགས་རྣམས་ཀྱི་ལས་ལ་ཡང་བདུད་རྩི་ཐང་སྦྱོར་གྱི་སྐབས་སུ་ངས་ལས་བཤད་པ་གང་ཡིན་པའི་ལས་དེས་སྦྱར་བར་བྱའོ། །ཕྱག་རྒྱ་དེ་དག་གི་སོ་སོའི་རྟགས་ཀྱང་བཤད་པར་བྱ་སྟེ། མཱ་མ་ཀཱིའི་རྟགས་ནི། སྟེགས་བུ་ལ་རྡོ་
Ma170a
༄#། །རྗེ་རྩེ་གསུམ་པ་ཁ་གཅིག་པ་བྲིའོ། །དེའི་གཡོན་ལོགས་སུ་རྡོ་རྗེ་རྩེ་གསུམ་པ་དབྱུག་པ་ལ་བཙུགས་པར་བྲིའོ། །གཡས་ལོགས་སུ་རྡོ་རྗེ་རྩེ་གསུམ་པ་ཁ་གཉིས་པ་དབུས་ཀྱི་ཆང་ཟུངས་དྲང་པོར་འདུག་ལ་ཆང་ཟུངས་ནས་དགྲ་སྟ་སྲབ་མོའི་སོ་ཕྱི་རོལ་དུ་བལྟས་པ་བྲིའོ། །རྒྱལ་བའི་སྟེགས་བུའི་སྟེང་དུ་རྡོ་རྗེ་རྩེ་གསུམ་ཁ་གཉིས་པ་དབུས་ཀྱི་ཆང་ཟུངས་དྲང་པོར་འདུག་པར་བྱའོ། །རྣམ་པར་རྒྱལ་བའི་ནི། དེ་ཉིད་ལས་དབུས་ནས་འབྲས་བུ་བྱས་ལ་གཡས་ཕྱོགས་སུ་རྡོ་རྗེ་རྩེ་གསུམ་ཁ་གཅིག་པ་མེ་ལྕེ་འབར་བ་གསུམ་དང་ལྡན་པ་དབྱུག་པ་ལ་བཙུགས་པ་ཡིན་ནོ། །རྡོ་རྗེ་མཚན་གྱི་ནི། སྟེགས་བུའི་སྟེང་དུ་རྡོ་རྗེ་རྩེ་གསུམ་ཁ་གཉིས་པ་དབུས་དྲང་པོར་བྱས་པའོ། །རྡོ་རྗེ་རྟགས་ཀྱི་ནི། དེ་ཉིད་ལ་དབུས་ནས་འབྲས་བུ་འདུག་པ་ཡིན་ནོ། །བཀྲ་ཤིས་ཀྱི་སྟེགས་བུའི་སྟེང་དུ་རྡོ་རྗེ་རྩེ་གཅིག་པ་ཁ་གཉིས་པ་རྩེ་མོ་ཀ་ཎྱའི་དབྱིབས་འདྲ་བར་བྱས་པ། དེའི་གཡས་ལོགས་སུ་རྡོ་རྗེ་རྩེ་གསུམ་ཁ་གཅིག་པ་དབུས་དྲང་པོར་འདུག་པར་བྱའོ། །ཤིན་ཏུ་བཀྲ་ཤིས་ཀྱི་ནི། སྟེགས་བུའི་སྟེང་དུ་ཐོར་ཚུགས་ཀྱི་ཕུང་པོ་བཅིངས་པ་བཞག་སྟེ་ཐོར་ཚུགས་ཀྱི་མཐའ་འབར་བའི་ཕྲེང་བས་བསྐོར་ལ། དེའི་གཡས་ལོགས་སུ་རྡོ་རྗེ་རྩེ་གསུམ་པ་ཁ་གཉིས་པ་དབུས་དྲང་པོར་བྱས་ལ་པདྨའི་སྟེང་ན་འདུག་པར་བྲིའོ། །པདྨ་མཚན་གྱི་ནི། སྟེགས་བུའི་སྟེང་དུ་པདྨ་ཡིད་ཙམ་གྱིས་ཁ་ཕྱེ་བ་རྩ་བ་དང ། སྡོང་བུ་དང་བཅས་
Ma170b
བར་འདུག་པར་བྱས་ལ། དེའི་གཡོན་ལོགས་སུ་རྡོ་རྗེ་རྩེ་གསུམ་པ་ཁ་གཉིས་པ་དབུས་དྲང་པོར་འདུག་པར་བྲིའོ། །གཡས་ལོགས་སུ་རྩེ་གསུམ་ཁ་གདེངས་མདུང་རྩེ་གསུམ་པ་འདྲ་བར་བྱའོ།། པདྨ་ཕྲེང་གི་ནི། པདྨ་ཁ་བྱེ་བ་བཅུ་གཅིག་ལ་གཅིག་འཁྲིལ་བ་བྲིས་ལ། དེའི་དབུས་སུ་རྡོ་རྗེ་རྩེ་གསུམ་ཁ་གཉིས་པ་དབུས་ནས་འབྲས་སུ་འདུག་པ་གཞག་གོ་།གཡུང་དྲུང་རིས་ཀྱི་ནི། དཀྱིལ་འཁོར་གྲུ་བཞི་ལྷམ་པ་ཉིས་རིམ་དུ་བྲིས་ཏེ་ངོས་བཞི་ནས་ཤད་བཞི་དྲངས་ལ་ཚིགས་བཅག་སྟེ་གཡས་ཕྱོགས་སུ་འཁྱིལ་བ་བྲིའོ། །ཤད་བཞི་པོ་དེ་དག་ཀྱང་རིན་པོ་ཆེའི་ཕྲེང་བས་བསྐོར་བར་བྱའོ། །དེ་དག་གི་སྟེང་དུ་རྡོ་རྗེ་རྩེ་གཅིག་པ་མར་གྱི་མེ་ལྕེ་འདྲ་བ་རྣམས་བྲིའོ། །དེའི་གཡོན་ལོགས་སུ་རྡོ་རྗེ་རྩེ་གསུམ་ཁ་གདེངས་པ་བྲིའོ། །གཡས་ལོགས་སུ་རྡོ་རྗེ་རྩེ་གསུམ་ཁ་གཉིས་པ་དབུས་དྲང་པོར་བྱའོ། ། མདུང་རྩེ་གསུམ་པ་ནི། སྟེགས་བུའི་སྟེང་དུ་མདུང་རྩེ་གསུམ་པ་ཁ་གཉིས་པ་དབུས་དྲང་པོར་བྱས་ལ། དེའི་གཡས་ལོགས་སུ་རྩེ་གསུམ་ཁ་གདེངས་རྡོ་རྗེ་འདྲ་བར་བྱའོ། །རྡོ་རྗེ་ནི། སྟེགས་བུའི་སྟེང་དུ་རྡོ་རྗེ་རྩེ་གསུམ་ཁ་གཉིས་པ་རྩེ་མོ་དབུས་མ་ཀ་ན་ཡའི་རྩེ་མོའི་དབྱིབས་ལྟར་འདུག་པར་བྱས་ལ། དེའི་གཡས་ལོགས་སུ་རྩེ་གསུམ་ཁ་གདེངས་མདུང་རྩེ་གསུམ་པ་འདྲ་བར་བྱའོ། །མཆེ་བའི་སྟེགས་ནི་རྡོ་རྗེ་རྩེ་གསུམ་ཁ་གཉིས་པ་དབུས་ཀྱི་ཆང་ཟུངས་དྲང་པོར་འདུག་པར་བྲིས་ལ། དེའི་གཡས་ལོགས་སུ་པདྨ་ཁམ་བྱེ་བ་ལ་མཆེ་བའི་ཕྱིར་དགུ་པོར་འདུག་པར་བྲིའོ། །མདུང་
Ma171a
༄#། །ཐུང་གི་སྟེགས་བུའི་སྟེང་དུ་རྡོ་རྗེ་གསུམ་ཁ་གཉིས་པ་དབུས་ནས་ལྟ་བུ་འདུག་པ་བྲིས་ལ། དེའི་གཡས་ལོགས་སུ་མདུང་ཡུབ་ཅན་རྩེ་མོ་ཀ་ན་ཡའི་དབྱིབས་འདྲ་བར་བྲིའོ། །ཀླུ་ལག་གི་ནི། སྦྲུལ་གཉིས་གཅིག་ལ་གཅིག་མཇུག་མ་སྦྲེལ་ཏེ་ཚམ་ངམ་བྱེད་ཅིང་དམིགས་རྩ་བསྒྲིམས་ལ་ལྕེ་འབྱིན་ཅིང་གཅིག་ལ་གཅིག་བལྟ་བར་བྲིས་ཏེ། དེ་གཉིས་ཀྱི་མགོ་བོ་ལ་འབར་བ་གསུམ་དང་ལྡན་པའི་ནོར་བུ་ཐོགས་ལ། དེ་གཉིས་ཀྱི་བར་ན་རྡོ་རྗེ་རྩེ་གསུམ་ཁ་གཉིས་པ་དབུས་ནས་འབྲས་སུ་འདུག་པ་སྦྲུལ་གྱི་མཇུག་མའི་སྟེང་ན་འདུག་པར་བྱའོ། ། ཞགས་པའི་ནི། སྟེགས་བུའི་སྟེང་དུ་རྩེ་གསུམ་ཁ་གཉིས་པ་དབུས་ནས་འབྲས་ལྟར་འདུག་པར་བྱའོ། །དེའི་གཡས་ལོགས་སུ་མདུང་རྩེ་གསུམ་པ་ཡུ་བ་ཅན་རྩེ་གསུམ་ཁ་གདེངས་འདྲ་བར་བྲིའོ། །གཡོན་ལོགས་སུ་ཀླུའི་ཞགས་པ་ཚམ་ངམ་བྱེད་པ་བྱའོ། །རལ་གྲི་ནི། སྟེགས་བུའི་སྟེང་དུ་རལ་གྲི་བྲིས་ལ། དེའི་གཡོན་ལོགས་སུ་རྡོ་རྗེ་རྩེ་གསུམ་ཁ་གཉིས་པ་དབུས་ནས་འབྲས་སུ་འདུག་པར་བྱའོ། །དབྱུག་པའི་སྟེགས་བུའི་སྟེང་དུ་དབྱུག་པ་ལྷ་གོར་ཞོ་ཤའི་ཤིང་ལྟར་འདུག་ཅིང་སྙེ་མ་ལྔ་པོ་ཡོད་པར་བྲིས་ལ། མགོར་ནི། ཆང་ཟུངས་བྱ། དྲུང་དུ་ནི། སྐྱུ་རུ་རའི་འབྲས་བུ་འདྲ་བར་བྱ། དེའི་གཡོན་ལོགས་སུ་རྡོ་རྗེ་རྩེ་གསུམ་ཁ་གཉིས་པ་དབུས་ནས་འབྲས་སུ་འདུག་ལ་རྩེ་མོ་དབུས་མ་ཀ་ན་ཡའི་རྩེ་མོའི་དབྱིབས་ལྟར་བྱ། གཡོན་ལོགས་སུ་མདུང་རྩེ་གསུམ་པ་རྡོ་རྗེ་
Ma171b
འདྲ་བ་དབྱུག་པ་ལ་བཙུགས་པ་བྲིའོ། །འཁོར་ལོའི་ནི། སྟེགས་བུའི་སྟེང་དུ་འཁོར་ལོ་རྩིབས་བཅུ་དྲུག་པ་འབར་བས་བསྐོར་བར་བྲིས་ལ། དེའི་གཡས་ལོགས་སུ་རྡོ་རྗེ་རྩེ་གསུམ་ཁ་གཉིས་བ་དབུས་ནས་འབྲས་སུ་འདུག་པར་བྱའོ། །སེམས་ཅན་རྣམས་ལ་ཕན་གདགས་ཕྱིར། །ཕྱག་རྒྱ་འདི་དག་བདག་གིས་བཤད། །ཕྱག་རྒྱ་འདི་དག་སོ་སོར་མཐོང་བའི་ལས་ཀྱང་བཤད་པར་བྱའོ། །ཕྱག་རྒྱ་སྣ་ཚོགས་སོ་སོར་མཐོང་བའི་ལས་ཀྱང་བཤད་པར་བྱའོ། །ཕྱག་རྒྱ་སྣ་ཚོགས་དག་གི་ལྷ་རྣམས་ཀྱང་བསྟན་པར་བྱའོ། །རྒྱལ་བའི་ཕྱག་རྒྱ་ནི། ཕོ་ཉ་མ་ཐམས་ཅད་ཀྱིའོ། །རྣམ་པར་རྒྱལ་བའི་ནི། ཚངས་པའི་འོ། །རྡོ་རྗེ་མཚན་ནི། ལྷ་ཆེན་པོའི་འོ། །རྡོ་རྗེ་རྟགས་ནི། ལོག་འདྲེན་རྣམས་ཀྱིའོ། །བཀྲ་ཤིས་ནི། རྡོ་རྗེ་སྡེའི་འོ། །ཤིན་ཏུ་བཀྲ་ཤིས་ནི། བཀྲ་ཤིས་ཕུར་བུ་གསུམ་པའི་འོ། ། པདྨའི་མཚན་ནི། འཕགས་པ་སྤྱན་རས་གཟིགས་དབང་ཕྱུག་གིའོ། །པདྨའི་ཕྲེང་ནི། དཔལ་ཆེན་པོའི་ཡིན་པར་བཤད་དོ། །དེ་བཞིན་དུ་གཡུང་དྲུང་རིས་རྣམས་ནི། ཚོགས་རྣམས་ཀྱིའོ། །མདུང་རྩེ་གསུམ་པ་ནི། རྫོང་གི་འཕགས་མའི་འོ། །རྡོ་རྗེ་ནི། ཁྲོ་བོ་ཡིན་པར་བཤད་དོ། །མཆེ་བ་ནི། མ་མོ་རྣམས་ཀྱིའོ། །དེ་བཞིན་དུ་མདུང་ཐུང་ནི། དྲུག་པ་རྣམས་ཀྱིའོ། །ཀླུ་ལག་ནི། རྒྱ་མཚོ་ཆེན་པོའིའོ། ། དེ་བཞིན་དུ་ཞགས་པ་ནི། འཇིག་རྟེན་སྐྱོང་བ་རྣམས་ཀྱིའོ། །རལ་གྲི་ནི། མེའི་ཡིན་པར་བཤད་དོ། །དབྱུག་པ་ནི། སའི་ལྷ་མོའིའོ། །འཁོར་ལོ་ནི། ནོར་ལྷའི་བུའོ། །ལྷ་རྣམས་ཀུན་གྱི་ཕྱག་རྒྱ་འདི་
Ma172a
༄#། །དག་དང་ལས་སྣ་ཚོགས་བསྟན་པ་རྣམས་ངས་བཤད་ཟིན་ཏེ། ཕྱག་རྒྱ་རྣམས་ནི། ཕྱག་རྒྱའི་མཚན་ཉིད་འདིར་མཆོག་ཏུ་གསང་བ་ཡིན་ནོ། །ཕྱག་རྒྱ་འདི་དག་སྒྲུབ་པ་གང་ཡིན་པ་དེས་ནི། མཱ་མ་ཀཱིའི་ཕྱག་རྒྱའི་མཚན་ཉིད་གཟུང་བར་བྱའོ། །གང་གི་ཕྱིར་ང་རྡོ་རྗེ་འཛིན་པས་ནི། དེའི་ཕྱིར་ངས་ཕྱག་རྒྱའི་ལས་ཀྱི་མཆོག་བཤད་པར་བྱའོ། །མཱ་མ་ཀཱིའི་ལས་ངས་བཤད་པ་གང་ཡིན་པ་ལ་ཡང་ཞི་བ་དང་རྒྱས་པ་དང ། དྲག་ཤུལ་རྣམས་གསུམ་དུ་བཤད་པའི་ལས་གང་ཡིན་པ་དེ་དག་གིས་རིམ་པ་སྣ་ཚོགས་ཀྱང་བཤད་པར་བྱའོ། །དྲག་ཤུལ་གྱི་ལས་རྣམས་ལ་ནི། མཱ་མ་ཀཱིའི་མཚན་ཉིད་ཇི་ལྟ་བ་བཞིན་བཞག་ལ་རྡོ་རྗེ་མཚན་དང ། རྡོ་རྗེ་རྟགས་དང ། འཁོར་ལོ་དང ། མཆེ་བ་དང ། གཡུང་དྲུང་རིས་དང ། མདུང་རྩེ་གསུམ་པ་དང ། ཕྱག་རྒྱ་འདི་དག་གིས་བསྐོར་བར་བྱ་སྟེ། དེའི་མདུན་དུ་སྦྱིན་སྲེག་གི་ཆོ་གར་བསྟན་པ་གང་ཡིན་པ་དེ་ལ་ཡང་དེ་བཞིན་དུ་བྱའོ། །བཟླས་བརྗོད་ཀྱི་སྒྲུབ་པ་ལ་ཡང་བཟླས་བརྗོད་བྱའོ། །དེ་ནས་རྒྱས་པ་བྱེད་ན། རྒྱལ་བ་དང ། བཀྲ་ཤིས་དང ། ཤིན་ཏུ་བཀྲ་ཤིས་དང ། ཀླུ་ལག་དང ། པདྨའི་ཕྲེང་དང ། རྡོ་རྗེ་དང ། འདི་རྣམས་གཞག་པར་བྱའོ། །མཱ་མ་ཀཱིའི་ཡང་མཚན་ཉིད་ཇི་ལྟ་བ་བཞིན་གཞག་པར་བྱ་སྟེ། དེའི་མདུན་དུ་སྦྱིན་སྲེག་གི་ཆོ་གའི་ལས་གང་ཡིན་པ་བ་ཤ་ཀའི་ཡམ་སྲེག་ཤིང་ངམ་འབྲས་ཆན་གྱིས་བྱའོ། །
Ma172b
མཱ་མ་ཀཱིའི་མདུན་དུ་རྣམ་པར་རྒྱལ་བའི་རྒྱུད་ཆེན་པོ་ལས་ཉི་མ་དང་ཟླ་བ་སྟོབས་དང་ཕ་རོལ་གནོན་པ་གཞན་གྱིས་མི་ཐུབ་པ་དང ། གཞོན་ནུ་མཆོག་གི་ཕྱག་རྒྱ་ངས་བཤད་པ་གང་ཡིན་པ་དེ་དག་ཀྱང་གཞག་པར་བྱ་སྟེ། ཉི་མ་དང་ཟླ་བའི་གཡོན་ལོགས་སུ་ནི། གཞུ་གཞག་གོ་།གཡས་ལོགས་སུ་ནི། གཞོན་ནུའི་མདུང་རྩེ་གསུམ་པ་གཞག་སྟེ། འདི་དག་ཐམས་ཅད་ཀྱང་གཟུགས་སུ་གཞག་པར་བྱའོ། །ཡང་ན་ཡིད་ཀྱིས་གཞག་གོ་།སྲེག་བླུགས་བདུན་བདུན་སྦྱིན་སྲེག་བྱའོ། །དེ་ནས་བཟླས་བརྗོད་བྱས་ན་ལས་གྲུབ་པར་འགྱུར་རོ། །ལིག་བུ་མིག་དང་ལྡོང་རོས་ལ་སོགས་པའི་ལས་ཀྱང་དེ་བཞིན་དུ་བྱའོ། །དེ་ནས་ཞི་བའི་ལས་བྱེད་ན། རྣམ་པར་རྒྱལ་པ་དང ། པདྨ་མཚན་དང ། མདུང་ཐུང་དང ། ཞགས་པ་དང ། རལ་གྲི་དང ། དབྱུག་པ་རྣམས་མཱ་མ་ཀཱི་དང་ལྷན་ཅིག་ཏུ་གཞག་པར་བྱ་སྟེ། མཱ་མ་ཀཱི་ཡང་མཚན་ཉིད་ཇི་ལྟ་བ་བཞིན་དུ་གཞག་པར་བྱའོ། །དེའི་མདུན་དུ་རབ་ཏུ་གྲུབ་པར་བྱེད་པའི་རྒྱུད་ཆེན་པོ་ལས་ལྷ་མོ་འཇིག་རྟེན་གྱི་མ་རྣམས་ཀྱི་ཕྱག་རྒྱའི་ཚོགས་ངས་བཤད་པ་གང་ཡིན་པ་རྣམས་ཀྱང་གཞག་པར་བྱའོ། །དེའི་མདུན་དུ་སྲེག་བླུགས་བདུན་གྱིས་སྦྱིན་སྲེག་བྱའོ། །དེ་ནས་ལས་བརྩམ་པར་བྱའོ། །དེ་ནས་བཟླས་བརྗོད་བྱས་ན་ལས་འགྲུབ་པར་འགྱུར་རོ། །ལྷ་གང་སྒྲུབ་པར་འདོད་པའི་ལྷ་དེའི་མདུན་དུ་བདག་གི་ཕྱག་རྒྱ་དང ། མཱ་མ་ཀཱིའི་གཟུགས་དྲི་ཆབ་ཀྱི་རི་མོར་བྲིས་ཏེ་
Ma173a
༄#། །གཞག་གོ་།དེའི་མདུན་དུ་གཏོར་མའི་ཆོ་ག་བྱས་ཏེ་དེ་ནས་ལས་བརྩམ་པར་བྱའོ། །ཕྱག་རྒྱ་འདི་དག་གི་གཏོར་མའི་ཆོ་ག་བཤད་པར་བྱ་སྟེ། རྒྱལ་བ་ལ་ནི། མོན་སྲན་གྲེའུ་དང ། བེན་ཙེ་སྦྱིན་པར་བྱའོ། །རྣམ་པར་རྒྱལ་བ་ལ་ནི། མར་དང་འབྲས་ཀྱིའོ། །རྡོ་རྗེ་མཚན་ལ་ནི། འབྱུང་པོའི་ཟས་སྦྱིན་ནོ། །རྡོ་རྗེ་རྟགས་ལ་ནི། ཏིལ་མར་གྱི་ཚིགས་མ་དང ། འབྲས་ཆན་བསྲེས་བ་སྦྱིན་ནོ། །བཀྲ་ཤིས་ལ་ནི། གཏོར་མ་སྣ་ཚོགས་སྦྱིན་ནོ། །ཤིན་ཏུ་བཀྲ་ཤིས་ལ་ནི། ཤ་སྦྱིན་ནོ། །པདྨ་མཚན་ལ་ནི། འབྲས་ཆ་ན་འོ་མ་དང་སྦྱར་བ་སྦྱིན་ནོ། །པདྨ་ཕྲེང་ལ་ནི། ཁུ་བ་ལ་སོགས་པ་གཏོར་མ་སྣ་ཚོགས་སྦྱིན་ནོ། །གཡུང་དྲུང་རིས་ལ་ནི། མོན་སྲན་གྲེའུའི་ཆན་དང་འབྲས་དྲུས་བརྡུངས་ལ་སོགས་པ་སྦྱིན་ནོ། །མདུང་རྩེ་གསུམ་པ་ལ་ནི། འབྲས་ཆན་ཞོ་དང་སྦྱར་བ་སྦྱིན་ནོ། །རྡོ་རྗེ་ལ་ནི། གཏོར་མ་སྣ་ཚོགས་སྦྱིན་ནོ། །མཆེ་བ་ལ་ནི། མོན་སྲན་གྲེའུ་དང་ཟན་དྲོན་སྦྱིན་ནོ། །མདུང་ཐུང་ལ་ནི། འབྲས་ཀྱི་འོ་ཐུག་སྦྱིན་ནོ། །ཀླུ་ལག་ལ་ནི། མངར་གསུམ་གྱི་གཏོར་མ་སྦྱིན་ནོ། །ཞགས་པ་ལ་ནི། མོན་སྲན་གྲེའུའི་ཆན་དང ། འབྲས་དྲུས་བརྡུངས་པ་དང ། སྦྱར་ཐུག་དང ། སྦྲང་རྩི་སྦྱིན་ནོ། །རལ་གྲི་ལ་ནི། མར་དང ། ཞོ་དང ། འབྲས་ཡོས་སྦྱིན་ནོ། །དབྱུག་པ་ལ་ནི། འབྱུང་པོའི་ཟས་ཐམས་ཅད་ཀྱི་གཏོར་མ་སྦྱིན་ནོ། །འཁོར་ལོ་ལ་ནི། ཁུ་བ་བཀྲ་ཤིས་ལྡན་
Ma173b
དང ། བེན་ཙེ་སྦྱིན་ནོ། །ཕྱག་རྒྱ་རྣམས་གསང་སྟེ་བལྟ་བའི་གཏོར་མ་འདི་དག་བདག་གིས་བཤད་ཟིན་ཏོ། །ཕྱག་རྒྱ་ཐམས་ཅད་ཀྱི་གཏོར་མར་བསྟན་པ་གང་ཡིན་པ་འདི་དག་ནི། བཅོམ་ལྡན་འདས་མཱ་མ་ཀཱི་ལ་ཡང་དབུལ་བར་བྱའོ། །དེ་ནས་ཕྱག་རྒྱ་སྒྲུབ་ན། ཟླ་བ་གཅིག་གི་བར་དུ་སློང་མོའི་ཟས་བཟའ་ཞིང་མཱ་མ་ཀཱི་ལ་ཡང་བསྙེན་བཀུར་བྱས་ན་ཕྱག་རྒྱ་ཐམས་ཅད་འགྲུབ་པར་འགྱུར་རོ། །རིག་པ་མཆོག་གི་ལས་སྔར་ངས་བཤད་པ་གང་ཡིན་པའི་རིག་སྔགས་ཀྱི་རྒྱལ་པོ་ནི། སྙིང་པོ་དང་ལྷན་ཅིག་ཏུ་སྦྱར་བར་བྱའོ། །སྙིང་པོ་ཡང་ཉེ་བའི་སྙིང་པོ་དང་ལྷན་ཅིག་ཏུ་སྦྱར་བར་བྱའོ། །རིག་སྔགས་ཀྱི་རྒྱལ་པོ་ནི། སྤྱན་དང་ལྷན་ཅིག་ཏུ་སྦྱར་བར་བྱའོ། །སྤྱན་ཡང་སྙིང་པོའི་རྒྱལ་པོ་དང་ལྷན་ཅིག་ཏུ་སྦྱར་བར་བྱའོ། །ལྷ་རྣམས། འདི་ཡང་ངས་བཤད་པར་བྱའོ། །སེམས་རྩེ་གཅིག་ཏུ་གྱིས་ལ་ཉོན་ཅིག་།ཞི་བའི་ལས་རྣམས་ལ་ནི། སྙིང་པོ་དང་ལྷན་ཅིག་ཏུ་སྦྱར་བར་བྱའོ། །རྒྱས་པ་རྣམས་ལ་ནི། སྤྱན་དང་ལྷན་ཅིག་ཏུ་སྦྱར་བར་བྱའོ། །དྲག་ཤུལ་རྣམས་ལ་ནི། ཉེ་བའི་སྙིང་པོ་དང་ལྷན་ཅིག་ཏུ་སྦྱར་བར་བྱའོ། །བཅོམ་ལྡན་འདས་མའི་དྲག་ཤུལ་ལ་ནི། རིག་སྔགས་ཀྱི་རྒྱལ་པོ་དང་ལྷན་ཅིག་ཏུ་བཟླས་བརྗོད་བྱའོ། །རྒྱལ་བའི་ལས་ལ་ནི། མཱ་མ་ཀཱི་གཞན་ལས་གཟུགས་བཟང་བ་དང་ལྷན་ཅིག་ཏུ་བཟླས་བརྗོད་བྱའོ། །མཱ་མ་ཀཱི་ཉིད་ཀྱི་རྒྱས་པའི་ལས་ལ་ནི། མཱ་མ་
Ma174a
༄#། །ཀཱིའི་སྙིང་བོའི་རྒྱལ་པོ་དང་ལྷན་ཅིག་ཏུ་བཟླས་བརྗོད་བྱའོ། །ཕོ་ཉ་མ་རྣམས་ལ་ནི། ལྕགས་ཅན་དྲན་པར་བྱ་སྟེ། བཟླས་བརྗོད་བྱའོ། །ཡང་ན་ཚོགས་ཀྱི་ཕྱག་རྒྱ་རྣམས་བཀོད་ལ་བསྒྲུབ་པར་བྱའོ། །ཆོ་ག་རྒྱས་པའི་ལྷ་ཐམས་ཅད་ཀྱང་རང་རང་གི་ཕྱག་རྒྱའི་གཟུགས་བཞག་ནས་བསྒྲུབ་པར་བྱའོ། །ཕྱག་རྒྱ་བྲིས་ནས་སྦྱིན་སྲེག་བསྙེན་བཀུར་བྱའོ། །དེ་ནས་ལྷ་རྣམས་ཀྱིས་བཅོམ་ལྡན་འདས་ལག་ན་རྡོ་རྗེ་ལ་བསྟོད་དེ་སྨྲས་པ། རྡོ་རྗེ་འཛིན་ཆེན་པོ། བདག་ཅག་སྙིང་དགའ་བར་བྱེད་པའི་གཟུགས་བཟང་མའི་ཕྱག་རྒྱའི་མཆོག་རྣམས་ཀྱི་ལས་གང་རྗེས་སུ་དྲན་པར་བྱས་ན། མི་རྣམས་ལ་བདག་ཅག་དངོས་གྲུབ་སྩོལ་བར་འགྱུར་བའི་ལས་རྣམས་ཤོད་ཅིག་།ལྷ་རྣམས། དེ་དེ་ལྟར་བྱའོ། །དེ་དེ་ལྟར་བྱ་སྟེ། སྙིང་དགའ་བར་བྱེད་པའི་ལས་རྣམས་བཤད་པར་བྱའོ། །དེ་ནས་བཅོམ་ལྡན་འདས་ལག་ན་རྡོ་རྗེ་རྣལ་འབྱོར་དམ་པ་ལ་གནས་ནས་གཟུགས་བཟང་མ་བཤད་པ། ན་མོ་རཏྣ་ཏྲ་ཡཱ་ཡ། ན་མ་ཀཱ་ལ་ཀྲྀ་ཏནྟཱ་རུ་ཏི་ནི་ཤཾ་ཀ་རེ། གྷ་ཊ་གྷ་ཊ། གྷུ་ཊི་ནི། པཱ་ཏ་ནི་སཝཱཧཱ། རྣམ་པར་རྒྱལ་བའི་རྒྱུད་ཆེན་པོའི་སྙིང་པོ་བདུན་གྱིས་བརྒྱན་པ། གང་ལས་སངས་རྒྱས་ཀྱི་སྙིང་པོ་དཔའ་བོ་ཆེན་པོ་བཅོམ་ལྡན་འདས་ཀྱིས་གསུངས་པ་དང ། སོག་མེད་གཏུམ་པོ་དང ། དེ་བཞིན་དུ་ལུས་དམར་དྲག་པོ་དང ། སྟོབས་ཆེན་རྒྱས་པ་དང ། དེ་བཞིན་
Ma174b
དུ་དཔལ་བྱེད་ཞི་བར་གྲགས་པ་དང ། ལས་སྣ་ཚོགས་ཀྱིས་རྩེ་བ་དང ། ལྷ་རྣམས་འགྱེལ་བར་བྱེད་པ་དྲག་པོའི་ཕྲེང་བ་འཛིན་པ་རྣམས་ངས་བཤད་པ་གང་ཡིན་པའི་སྙིང་པོ་སྟོབས་པོ་ཆེ་འདི་དག་ནི། རྣམ་པར་རྒྱལ་བ་དེ་ལས་འབྱུང་སྟེ། སྟོབས་ཆེ་ཞིང་ཕ་རོལ་གནོན་པ་ཡིན་ནོ། །དེ་ལ་ངས་བཤད་པ་གང་ཡིན་པ་དེ་དག་གི་ནང་ན་ནི། ཕྱག་རྒྱ་སྟོབས་པོ་ཆེ་ཕ་རོལ་གནོན་ཀླུ་མགོ་ཅན་དང ། ཕྲེང་བ་འཛིན་དང ། ཕྱག་རྒྱ་འདི་ཉིད་གྲུབ་པ་ཡིན་ཏེ། གྲུབ་པ་ཕ་རོལ་གནོན་པ་ཡིན་ནོ། །རབ་ཏུ་འགྲུབ་པར་བྱེད་པའི་རྒྱུད་ཆེན་པོ་སྙིང་པོ་གསུམ་གྱིས་བརྒྱན་པ་ལས་འགྲོ་ལྡིང་དང ། རྩེད་མོ་ཅན་དང ། གྲུབ་པ་གཏུམ་མོ་རྩེད་མོ་ཅན་ངས་བཤད་པ་གང་ཡིན་པ་དང ། དེ་བཞིན་དུ་དེ་ལས་ཕྱག་རྒྱ་འཇིག་རྟེན་གྱི་མ་ངས་བཤད་པ་དང ། དེ་ལས་སྙིང་པོའི་རྒྱལ་པོ་སྟོབས་པོ་ཆེ་བཤད་པ་འདི་དག་གི་ནང་ན་ནི། གདོང་དམར་བསྟན་པའི་ཕྱག་རྒྱ་སྟོབས་པོ་ཆེ་དེ་ཆོ་ག་རྒྱས་པ་དེའི་དངོས་གྲུབ་སྦྱིན་པར་བྱེད་པ་ཡིན་ནོ། །རིག་པ་མཆོག་གི་ཆོ་ག་རྒྱས་པ་ཆེན་པོ་བཅོམ་ལྡན་འདས་མ་ལ་དྲག་ཏུ་སྐུལ་པར་བྱེད་པ་ངས་བཤད་པ་གང་ཡིན་པ་དང ། ཆོ་ག་རྒྱས་པ་ཆེན་པོ་འདི་དག་གི་ནང་ན་ནི། རིག་པ་མཆོག་གཙོ་བོ་ཡིན་པར་ངས་བཤད་དོ། །དེའི་ནང་ནས་ངས་བཤད་པའི་མཱ་མ་ཀཱིའི་ཕྱག་རྒྱའི་མཚན་ཉིད་གདོང་དམར་དང ། ཀླུ་མགོ་ཅན་དང ། ཕྲེང་བ་འཛིན་དང ། མཱ་མ་ཀཱི་ལ་དྲག་ཏུ་
Ma175a
༄#། །སྐུལ་བའི་མཆོག་གི་ཕྱག་རྒྱ་འདི་རྣམས་དང་ལྡན་པར་མཁས་པ་གང་ཞིག་ཟླ་བ་གཅིག་གི་བར་དུ་འཛིན་པར་བྱེད་ལ། སློང་མོའི་ཟས་ཟ་ཞིང་ཚངས་པར་སྤྱོད་པ་དེས་ནི། དེ་བཞིན་དུ་དུས་གསུམ་དུ་མཆོད་པ་བྱས་ཏེ་དེར་མཱ་མ་ཀཱིའི་མིང་བསྒྲགས་པ་ཡང་བརྗོད་ན། ཟླ་བ་ཚལ་ནས། བཅོམ་ལྡན་འདས་ལག་ན་རྡོ་རྗེ་ཕྱག་རྒྱའི་ལྷ་དང་ཐབས་ཅིག་ཏུ་མཐོང་བར་འགྱུར་ཏེ། ཡིད་ལ་སྨོན་པ་ཐམས་ཅད་ཡོངས་སུ་རྫོགས་པར་བྱེད་དོ། །དེ་ནས་ཟླ་བ་ཕྱེད་ཀྱི་བར་དུ་སློང་མོའི་ཟས་བཟའ་ཞིང་ཁང་པ་སྟོང་པར་དུས་གསུམ་དུ་རིག་སྔགས་ཀྱི་རྒྱལ་པོ་སྟོང་དང་ལྡན་པར་མིང་ཡང་དག་པར་བརྗོད་པར་བྱའོ། །ཡང་ན་ཏ་ལའི་ལོ་མའམ་གྲོ་ག་ལ་བྲིས་ཏེ་མཆོད་ན་ཡང་ཟླ་བ་ཕྱེད་ཀྱིས་ཕྱག་རྒྱའི་ལྷ་མཐོང་བར་འགྱུར་ཏེ། ཅི་འདོད་པ་བཞིན་དུ་ལྷ་དེ་བྱེད་པར་འགྱུར་རོ། །ཕྱག་རྒྱ་དེ་དག་ལས་གང་ཡང་རུང་བ་བཞག་ནས་བསྙེན་བཀུར་བྱས་ན་ཕྱག་རྒྱ་རྣམས་འགྲུབ་པར་འགྱུར་ཏེ། དེ་ཕྱིན་ཆད་ལས་ཐམས་ཅད་ལ་ཕྱག་རྒྱ་བཞག་ནས་ལས་བསྒྲུབ་པར་བྱའོ། །ཟླ་བ་གཅིག་གི་བར་དུ་སློང་མོའི་ཟས་ཟ་ཞིང་ཁང་པ་སྟོང་པར་རིག་སྔགས་ཀྱི་རྒྱལ་པོས་མཱ་མ་ཀཱི་དང ། གདོང་དམར་དང ། ཀླུ་མགོ་ཅན་དང ། ཕྲེང་བ་འཛིན་དང ། ཕྱག་རྒྱའི་རྒྱལ་མོ་འདི་དག་ལ་བསྙེན་བཀུར་བྱས་ཏེ། མཇུག་ཞག་གསུམ་གྱི་བར་དུ་སྨྱུང་
Ma175b
བར་བྱས་ནས་དབེན་པའི་ཕྱོགས་སུ་དཀྱིལ་འཁོར་སྐྱང་ནུལ་གྱིས་བྱུགས་ནས་མར་གྱི་ངོ་ཞག་བཅུ་བཞི་ལ་རྫས་དེ་དག་གིས་མཱ་མ་ཀཱིའི་གཟུགས་བྱས་ཏེ་གཞག་གོ་།གདོང་དམར་གྱི་གཟུགས་ཙནྡན་དཀར་པོའི་ཕྱེ་མ་ལ་ལ་གཡས་ཕྱོགས་སུ་གཞག་གོ་།ཀླུ་མགོ་ཅན་དང ། ཕྲེང་བ་འཛིན་ནི། ཙནྡན་དམར་པོའི་ཕྱེ་མ་ལས་བྱས་ཏེ་གཞག་གོ་།དེ་ནས་རིག་སྔགས་འཆང་གིས་ཕྱག་རྒྱ་དེ་དག་གི་མིང་བརྗོད་པར་བྱ་སྟེ། ལྷ་བཤོས་གཙང་མ་སྣ་ཚོགས་ཅི་འདོད་པ་ཡང་དབུལ་ལོ། །དེ་ནས་རིག་སྔགས་འཆང་གིས་གློ་ཕྱོགས་སུ་བུམ་པ་བཞག་ལ། དེའི་ནང་དུ་ལུས་ཀྱི་ཡན་ལག་གི་གཟུགས་གཞུག་པར་བྱའོ། །དེ་ནས་རིག་སྔགས་འཆང་གི་རྒྱལ་པོ་བཟླས་བརྗོད་བྱེད་བཞིན་དུ་ཆུ་སྐྱོར་བ་རེ་རེ་ནས་ལན་བརྒྱད་སྟོང་ཚང་བའི་བར་དུ་ཕྱག་རྒྱ་མཆོག་དེ་དག་ལ་བསྣུན་པར་བྱ། དེ་ནས་ལྷ་དེ་དེར་འོང་བར་འགྱུར་རོ། །དེ་ནས་གང་འདོད་པ་དེ་ཉིད་བསླང་པར་བྱའོ། །དེ་ནས་ཡིད་ལ་ཅི་བསམ་པ་དེ་ལྷ་དེས་བྱེད་པར་འགྱུར་རོ། །ཅི་སྟེ་ལས་འདི་བྱས་ཀྱང་མ་འོངས་ན། མཱ་མ་ཀཱིའི་ཕྱག་རྒྱ་རྣམས་ཀྱི་སྦྱིན་སྲེག་ལན་བརྒྱ་བྱས་ན་ལྷ་དེ་ཚིག་བཞིན་དུ་དེ་ཉིད་དུ་འོང་བར་འགྱུར་རོ། །དེ་ནས་ལྷའི་ཚོགས་དེ་དག་སྐྲག་ཅིང་སྒྱིད་ལུག་ནས་བཅོམ་ལྡན་འདས་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །སྟོབས་པོ་ཆེ། ལས་འདི་ནི། དྲག་ཅིང་མི་བཟད་ལ་གཏུམ་པ་ཡིན་གྱི། མིང་བརྗོད་པ་
Ma176a
༄#། །ཙམ་གྱིས་ཀྱང་དངོས་གྲུབ་ཆེན་པོ་སྦྱིན་པར་བྱ་ན། འཆང་བ་དང ། མཆོད་པ་བྱེད་པ་གང་ཡིན་པ་ལྟ་ཅི་སྨོས། དུས་གསུམ་དུ་ཁྲུས་བྱེད་ལ་སློང་མོའི་ཟས་ཟ་ཞིང་ཟླ་བ་གཅིག་གི་བར་དུ་བཅོམ་ལྡན་འདས་མ་རྣམས་ཀྱི་མིང་བརྗོད་པར་བྱ་བ་སྙིང་དགའ་བར་བྱེད་པ་སྟོབས་པོ་ཆེས་བཤད་པ་དེས་ནང་པར་ལངས་ནས་དྲན་པར་བྱེད་ཅིང་ཀློག་པ་གང་ཡིན་པ་དེ་ལ་ནི། ལས་འགྲུབ་པ་སྦྱིན་ཞིང་རྟག་ཏུ་བསྲུང་བར་ཡང་བགྱིའོ། །ལྷ་རྣམས། དེ་དེ་བཞིན་ནོ། །དེ་དེ་བཞིན་ཏེ། སྙིང་དགའ་བར་བྱེད་པའི་ལས་ཀློག་ཅིང་རྗོད་པར་བྱེད་པ་དང ། མཱ་མ་ཀཱིའི་ལས་ལ་སོགས་པའི་ཕྱག་རྒྱའི་ཚོགས་རྣམས་ཆོ་ག་འདི་བཞིན་དུ་ཏ་ལའི་ལོ་མ་ལ་བྲིས་ཏེ་མཆོད་ཅིང་རི་མོར་བྱེད་པ་གང་ཡིན་པ་དེ་ལ་ངའི་བཀས་ཁྱོད་ཀྱིས་དངོས་གྲུབ་སྦྱིན་པར་གྱིས་ཤིག་།སུ་ངའི་བཀའ་གཅོག་པ་དེ་ནི། དེ་བཞིན་གཤེགས་པ་ཐམས་ཅད་ལ་སྙིང་རིང་པ་ཡིན་ཏེ། དེའི་མགོ་བོ་ངས་རྡོ་རྗེ་ཀུན་ཏུ་འབར་ཞིང་རབ་ཏུ་འབར་བས་གཞོམ་པར་བྱའོ། །གང་ཞག་བདུན་གྱི་བར་དུ་མཱ་མ་ཀཱི་དང་བཅས་པའི་ཕྱག་རྒྱའི་ཚོགས་ཀྱི་ལས་ནང་པར་ཞིང་ཀློག་པར་བྱེད་པ་དེ་ལ་ནི། དེ་དག་གིས་དགའ་བའི་སེམས་ཀྱིས་མྱུར་དུ་དངོས་གྲུབ་སྩོལ་བར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱང་མངོན་དུ་ཕྱོགས་པར་འགྱུར་ཏེ། རྨི་ལམ་དུའང་སྟོན་པར་མཛད་དོ། །བཅོམ་
Ma176b
ལྡན་འདས་ལག་ན་རྡོ་རྗེའང་རྟག་ཏུ་རྗེས་སུ་འབྲང་བར་འགྱུར་རོ། །རྡོ་རྗེའི་རིགས་ཀྱང་རྟག་ཏུ་སྟོན་པར་བྱེད་དོ། །ཆོ་ག་འདི་དག་ལྟར་ཕྱག་རྒྱའི་ཚོགས་ཀྱི་མིང་བརྗོད་ན་ཡང་སེམས་ཅན་དམྱལ་བར་འགྲོ་བར་མི་འགྱུར་ན། མཱ་མ་ཀཱི་འཆང་བ་དང ། ཀླུ་མགོ་ཅན་ཆེན་མོ་དང ། ཕྲེང་བ་འཛིན་དང ། གདོང་དམར་རྣམས་འཆང་བ་དང ། དྲན་པ་དང ། མཆོད་པར་བྱེད་པ་ལྟ་ཅི་སྨོས་ཏེ།་དེ་ངན་འགྲོ་ལོག་པར་ལྟུང་བ་དག་ཏུ་སྐྱེ་བར་འགྱུར་བ་ནི། གནས་མེད་དོ། །སྐལ་པ་མེད་ཅིང་བསོད་ནམས་མ་བྱས་པ་གང་ཡིན་པ་དེ་དག་གིས་ནི། མིང་ཡང་མི་ཤེས་སོ། ། བསོད་ནམས་བྱས་པ་གང་ཡིན་པ་དེ་ནི། ལག་ན་རྡོ་རྗེས་ཡོངས་སུ་བཟུང་བ་དང ། ལག་ན་རྡོ་རྗེའི་བུ་ཡིན་ཏེ། དེ་དག་གིས་ནི། མཱ་མ་ཀཱི་དང ། ཀླུ་མགོ་ཅན་ཆེན་པོ་དང ། གདོང་དམར་དང ། ཕྲེང་བ་འཛིན་རྣམས་ཀྱི་མིང་ཐོས་པར་འགྱུར་རོ། །རྡོ་རྗེའི་རིགས་གཙོ་བོར་གཏོགས་པ་དེ་ལས་ཤི་འཕོས་ནས་འདིར་སྐྱེས་པ་གང་ཡིན་པ་དེ་དག་གིས་ནི། དེ་དག་མཐོང་བར་འགྱུར་ཏེ། མིང་བརྗོད་པ་དང ། ལྷག་པར་ཡང་སྒྲུབ་པར་འདོད་པ་གང་ཡིན་པ་ལ་རིག་སྔགས་ཀྱི་རྒྱལ་པོ་ཚོགས་དང་བཅས་པ་དེ་དག་གིས་དངོས་གྲུབ་སྦྱིན་པར་འགྱུར་རོ། །གང་གི་ཉིན་པར་ཡང་རུང་སྟེ། ཟས་སུ་འོ་མ་དང་འབྲས་ཅན་ཟ་ཞིང ། དེ་ནས་བཅོམ་ལྡན་འདས་མ་ལག་ན་རྡོ་རྗེ་དང་བཅས་པ་ལ་མཆོད་པ་ཕྱི་དེ་ཉིན་པར་སྨྱུང་བར་བྱས་ཏེ། དེ་ནས་རིག་སྔགས་འཆང་
Ma177a
༄#། །དུས་གསུམ་དུ་ཁྲུས་བྱས་པས་རིག་སྔགས་ཀྱི་རྒྱལ་པོ་བཟླས་བརྗོད་བྱེད་བཞིན་དུ་བཅོམ་ལྡན་འདས་མ་ལ་མཆོད་པ་བྱའོ། །དེ་ནས་ཕྱེད་རེད་ལག་ན་པོག་ཕོར་ཐོགས་ལ་གཙོ་བོ་ལག་ན་རྡོ་རྗེ་དང ། བཅོམ་ལྡན་འདས་མ་སྤྱན་དྲང་བར་བྱའོ། །དེ་ནས་ནུབ་མོ་རྨི་ལམ་དུ་ལྷ་མོ་མཐོང་བར་འགྱུར་རོ། །དེ་ནས་ནང་པར་ལངས་ཏེ་ཁྲུས་བྱས་ལ་གཙོ་བོ་ལག་ན་རྡོ་རྗེ་དང ། བཅོམ་ལྡན་འདས་མ་ལ་མཆོད་པ་བྱས་ནས་བླ་མ་དང ། དགེ་སློང་གང་ཡང་རུང་བ་གཅིག་དང ། བདག་དང་མི་གསུམ་ལ་མཆོད་སྟོན་བྱ་སྟེ། བླ་མ་ནི།་རིག་སྔགས་ཀྱི་རྒྱལ་པོ་བཟླས་བརྗོད་བྱེད་བཞིན་དུ་བླ་མའི་སྟན་ལ་ལྷོ་ཕྱོགས་སུ་ཁ་བལྟས་ཏེ་འདུག་ཏུ་གཞུག་གོ་།དགེ་སློང་གཅིག་ཤོས་ནི། ཤར་ཕྱོགས་སུ་ཁ་བལྟས་ཏེ་འདུག་ཏུ་གཞུག་ཅིང་གཟུགས་བཟང་མ་བཟླས་བརྗོད་བྱེད་བཞིན་དུ་གཞུག་པར་བྱའོ། །བདག་ནི། སྤྱན་བཟླས་བརྗོད་བྱེད་བཞིན་དུ་ནུབ་ཕྱོགས་སུ་ཁ་བལྟས་ཏེ་འདུག་ལ་བླ་མའི་མདུན་དུ་དྲི་དང ། མེ་ཏོག་དང ། བདུག་པ་དབུལ་བར་བྱའོ། །དགེ་སློང་དེ་ལ་ཡང་དབུལ་བར་བྱའོ། །བདག་གི་རྐང་པ་ལ་ཡང་དབུལ་བར་བྱའོ། །བླ་མ་ལ་ནི། ས་མ་ཏའི་འཁུར་བ་ལ་སོགས་པ་ཟས་སྣ་ཚོགས་སྦྱིན་པར་བྱའོ། །དགེ་སློང་དེ་ལ་ནི། འོ་མའི་ཐུག་པ་དང ། ཞོའི་ཐུག་པ་དང ། སྦྱར་ཐུག་གི་ཟས་སྦྱིན་པར་བྱའོ། །བདག་གིས་ཀྱང་དེ་བཞིན་དུ་
Ma177b
ཞོ་དང ། འོ་མ་དང ། མར་ལ་སོགས་པ་དང་ལྡན་པའི་ཟས་གནང་བ་གང་ཡིན་པ་རྣམས་བཟའ་བར་བྱ་སྟེ། མགོ་མཉམ་དུ་ཟས་བཟའ་ཞིང་ཟས་སློང་བ་ལ་གང་གིས་ཀྱང་ཟས་སྦྱིན་པར་མི་བྱའོ། །བླ་མའི་སྣོད་ནི། རིག་སྔགས་ཀྱི་རྒྱལ་པོས་གདབ་པར་བྱའོ། །དགེ་སློང་དེའི་ཡང་གཟུགས་བཟང་མས་གདབ་བོ། །བདག་གི་ནི། བཅོམ་ལྡན་འདས་མ་བཏབ་སྟེ་བཟའ་བར་བྱའོ། །དེ་ནས་ཟོས་ཟིན་ནས་བླ་མ་ལ་རྡོ་རྗེའི་རིགས་བདག་ལ་དགའ་བར་གྱུར་ཅིག་ཅེས་སྨོས་ཤིག་།དགེ་སློང་ལ་ཡང་ཕྱག་རྒྱའི་ཚོགས་བདག་ལ་དགའ་བར་གྱུར་ཅིག་ཅེས་སྨོས་ཤིག་།བདག་གིས་ཀྱང་རིག་སྔགས་ཀྱི་རྒྱལ་པོ་གཟུགས་བཟང་མ་དང་སྤྱན་བཟླས་བརྗོད་བྱེད་བཞིན་དུ་ཆོ་ག་རྒྱས་པའི་ལྷ་རྡོ་རྗེའི་རིགས་དང་བཅས་པ་བདག་ལ་དགའ་བར་གྱུར་ཅིག་།ཅེས་སྨྲས་པར་བྱ་སྟེ། བླ་མའི་ལག་པ་གཡས་པ་ནས་བཟུང་ནས་ལན་གསུམ་དུ་སྨོས་ཤིག་།དེ་ནས་ཆོ་ག་རྒྱས་པའི་ལྷ་ཐམས་ཅད་རྡོ་རྗེ་རིགས་དང་བཅས་པ་རྣམས་གྲུབ་པར་འགྱུར་ཏེ། དེའི་ནུབ་མོ་ནམ་ཕྱེད་ཀྱི་དུས་སུ་བཅོམ་ལྡན་འདས་ལག་ན་རྡོ་རྗེ་ལྷ་ཐམས་ཅད་ཀྱིས་བསྐོར་བ་མཐོང་བར་འགྱུར་ཏེ། ནང་བར་མཆོད་པ་བྱའོ། །འདི་ནི། ལས་ཐམས་ཅད་ཀྱི་ནང་ན་ལས་དམ་པ་སྟེ། མཆོག་ཏུ་གསང་བ་ཡིན་ནོ། །ཇི་ལྟར་ཚོགས་ཐམས་ཅད་ཀྱི་ནང་ན་རིག་སྔགས་ཀྱི་རྒྱལ་པོ་མཆོག་ཡིན་པ་བཞིན་དུ་མཱ་མ་ཀཱི་དང །
Ma178a
༄#། །ཀླུ་མགོ་ཅན་དང ། ཕྲེང་བ་འཛིན་དང ། གདོང་དམར་རྣམས་ཀྱང་དེ་དང་འདྲ་བར་བསྟན་ཏེ། དེ་ལྟར་ན། འདི་ནི། ལས་ཐམས་ཅད་དུ་ལྷ་ཐམས་ཅད་ལ་དྲག་ཏུ་སྐུལ་པ་ཞེས་བྱ་བ་དང ། ལྷ་རྣམས་དབང་དུ་བྱེད་པ་ཞེས་བྱ་བ་ཡིན་ཏེ། ཆོ་ག་རྒྱས་པ་འདི་ཁང་སྟོང་གཙང་མར་གདོན་པར་བྱེད་པ་གང་ཡིན་པ་དེ་ལ་ནི། ལག་ན་རྡོ་རྗེས་བཤད་པ་བཞིན་དུ་མཱ་མ་ཀཱིའི་ཚོགས་དང་བཅས་པར་ངེས་པར་འགྲུབ་པར་འགྱུར་རོ། །ནང་པར་ལངས་ནས་ཚོགས་རྣམས་དང ། མཱ་མ་ཀཱི་དང་བཅས་པའི་མིང་ཡང་དག་པར་དྲན་པར་བྱེད་པ་གང་ཡིན་པ་དེ་ནི། མཚམས་མེད་པའང་གྲོལ་བར་འགྱུར་ཏེ། དེའི་ཕ་རོལ་ཏུ་ཕྱིན་པ་རྣམས་འཕེལ་བར་འགྱུར་རོ། །དེ་ནས་མཱ་མ་ཀཱི་བསྒྲུབ་པར་བྱ་སྟེ། ཐོག་མར་གཟུགས་བཟང་མས་ལས་བྱས་ལ་དེ་ནས་མཱ་མ་ཀཱི་བཟླས་བརྗོད་བྱ་སྟེ། དེ་མཱ་མ་ཀཱིས་བསྟན་ན་ལྷ་ཐམས་ཅད་འོང་བར་འགྱུར་ཏེ། དེ་དག་གཟུགས་བཟང་མས་དྲི་དང ། མེ་ཏོག་དང ། བདུག་པ་དབུལ་བར་བྱའོ། །ཇི་ལྟར་བསྟན་པ་བཞིན་དུ་རིག་སྔགས་འཆང་གིས་བླ་མ་ལ་མཆོད་པ་བྱས་ནས་མཱ་མ་ཀཱི་བསླང་པར་བྱའོ། །བླ་མས་ཀྱང་སེམས་མཉམ་པར་བཞག་པས་དེ་བཞིན་གཤེགས་པ་ཐམས་ཅད་ལ་ཕྱག་བྱས་ལ་རིག་སྔགས་ཀྱི་རྒྱལ་པོ་བཟླས་བརྗོད་བྱེད་བཞིན་དུ་སྦྱིན་བར་བྱའོ། །དེ་ནས་རིག་སྔགས་
Ma178b
འཆང་གིས་མཱ་མ་ཀཱི་བསླངས་ནས་དངོས་གྲུབ་བསླང་བར་བྱ་སྟེ། བླ་མས་གང་སྨྲས་པ་དེ་དེ་ལ་འགྲུབ་པར་འགྱུར་རོ། །ལྷ་རྣམས། ངས་ཀྱང་མཱ་མ་ཀཱི་བླངས་ནས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱས་སོ། །རིག་སྔགས་འཆང་མཱ་མ་ཀཱི་མཆོད་དམ་འཆང་བར་བྱེད་པ་གང་ཡིན་པ་དེ་ལ་ཕ་རོལ་ཏུ་ཕྱིན་པ་དྲུག་མངོན་དུ་ཕྱོགས་པར་འགྱུར་རོ། །ཕ་རོལ་ཏུ་ཕྱིན་པ་དྲུག་མངོན་དུ་ཕྱོགས་པར་གྱུར་པས་རིག་སྔགས་འགྲུབ་པར་འགྱུར་ཏེ། ངན་འགྲོའི་འཇིགས་པ་ཡང་མེད་པར་འགྱུར་རོ། །མཱ་མ་ཀཱི་ལ་ཕྱག་འཚལ་ཞིང་མེ་ཏོག་གིས་མཆོད་པ་བྱེད་པ་དང ། དྲི་དང ། བདུག་པ་དང ། གསེར་གྱིས་མཆོད་པ་གང་ཡིན་པ་དེས་ནི། དེ་བཞིན་གཤེགས་པའི་རང་བཞིན་ལ་བསྐུར་སྟི་བྱས་པ་དང ། བླ་མར་བྱས་པ་དང ། རྗེད་པ་དང ། མཆོད་པ་བྱས་པར་འགྱུར་རོ། །གང་གིས་མཱ་མ་ཀཱིའི་སྐུ་གཟུགས་བྱས་ལ་ཆོ་ག་སྔ་མ་བཞིན་དུ་བཞག་ནས་ཀུ་ཤའི་སྟན་ལ་འདུག་སྟེ་ཉི་མ་བཟང་བ་ལ་པདྨ་སྟོང་གིས་བསྣུན་ན།་མཱ་མ་ཀཱིའི་ཁོང་ནས་འོད་ཟེར་གཅིག་འབྱུང་སྟེ། རིག་སྔགས་འཆང་དེ་ལ་གཡས་ཕྱོགས་སུ་བསྐོར་ནས་རྣ་བ་གཡས་པའི་ནང་དུ་འཇུག་པར་འགྱུར་རོ། །དེ་ནས་རིག་སྔགས་འཆང་གིས་མངོན་པར་ཤེས་པ་ཐོབ་པར་འགྱུར་ཏེ། དེ་བཞིན་གཤེགས་པ་རྣམས་དང ། བྱང་ཆུབ་སེམས་དཔའ་རྣམས་ཀྱང་མཐོང་བར་འགྱུར། བཅོམ་ལྡན་འདས་ལག་ན་རྡོ་རྗེ་ཕོ་
Ma179a
༄#། །ཉ་མའི་ཚོགས་ཀྱི་འཁོར་དང་བཅས་པ་ཡང་མཐོང་བར་འགྱུར་རོ། །དེ་ནས་བཅོམ་ལྡན་འདས་ལག་ན་རྡོ་རྗེས་རིག་སྔགས་དེ་བླངས་ནས་དགའ་ལྡན་གྱི་གནས་སུ་འཇོག་པར་བྱེད་དོ། །འཕགས་པ་བྱམས་པ་དང་ལྷན་ཅིག་ཏུ་གནས་པར་འགྱུར་རོ། །མཱ་མ་ཀཱི་སྨན་བརྒྱད་དང་ལྡན་པ་མཐོང་བ་གང་ཡིན་པ་དེ་ནི། མཐོང་བས་ཆོ་ག་རྒྱས་པར་འགྲུབ་པར་འགྱུར་ཏེ། རིག་སྔགས་འགྲུབ་པར་འགྱུར་བའི་མཚན་མ་དག་ཀྱང་འབྱུང་བར་འགྱུར་ཞིང ། འདོད་རྒུར་སྒྱུར་བའི་གཟུགས་ཅན་གྱི་བར་དུ་ཡང་འགྱུར་རོ། །བཅོམ་ལྡན་འདས་མའི་ཆོ་ག་ཡང་བཤད་པར་བྱ་སྟེ། སྒྲུབ་པ་ཐམས་ཅད་ལ་ཕྱག་རྒྱ་གཅིག་གཞག་པར་བྱའོ། །ཕྱག་རྒྱས་བཏབ་ན། སྒྲུབ་པ་ལ་མྱུར་དུ་དངོས་གྲུབ་ཀྱི་མཚན་མ་འབྱུང་བར་འགྱུར་རོ། །དམ་ཚིག་མི་ཤེས་པ་ལ་ནི། ཕྱག་རྒྱ་བསྟན་པར་མི་བྱའོ། །གང་གི་ཚེ་རིག་སྔགས་འཆང་གིས་རིག་སྔགས་འཆང་ལ་ཕྱག་རྒྱ་བསྟན་པ་དེའི་ཚེ་བཅོམ་ལྡན་འདས་ལག་ན་རྡོ་རྗེའི་མདུན་དུ་འགྲོན་བུ་བརྒྱད་བརྒྱས་རྡོ་རྗེ་བྱས་ལ་རྡོ་རྗེ་དེའི་མདུན་དུ་ཕྱག་རྒྱ་བསྟན་པར་བྱའོ། །བླ་མ་ལ་དད་པས་ཀྱང་རྡོ་རྗེ་ལ་མཆོད་ཡོན་ཕུལ་ནས་བླ་མ་ལ་ཡོན་ཕུལ་ཏེ་ཕྱག་རྒྱ་བལྟ་བར་བྱའོ། །མཐོང་ན་ལག་ན་རྡོ་རྗེ་མཐོང་བ་ཡིན་ཏེ། བྱང་ཆུབ་ཀྱི་སེམས་བསྐྱེད་པ་རྣམས་ལ་བསྟན་པར་བྱའོ། །སྡིག་པ་བྱེད་པ་རྣམས་ལ་བསྟན་པར་མི་
Ma179b
བྱའོ། །སྡིག་པ་བྱེད་པ་གང་ཡིན་པ་དེ་དག་གིས་ནི། ཕྱག་རྒྱའི་ཚོགས་ཀྱི་མིང་ཡང་མི་ཤེས་ཏེ། དགེ་བའི་རྩ་བ་བསགས་པ་གང་ཡིན་པ་དེ་དག་གིས་ནི། ཕྱག་རྒྱ་འདི་ཐོབ་པར་འགྱུར་རོ། །ངའི་ཕྱག་རྒྱའི་ཚོགས་གསང་བ་འདི་ནི། གཙང་བ་དང ། དབེན་པར་བལྟ་བར་བྱ་སྟེ། ཕྱག་རྒྱ་མཐོང་བ་གང་ཡིན་པ་དེ་དག་ལ་ནི། རིག་པ་མཆོག་གི་ཆོ་ག་རྒྱས་པ་གསང་པ་དང་བཅས་པ། གསང་ཆེན་དང་བཅས་པ་ལག་ཏུ་སོན་པ་ཡིན་ནོ། །རིག་སྔགས་འཆང་གིས་ཀྱང་ཕྱག་རྒྱའི་ཚོགས་ཀྱི་དྲུང་དུ་བླ་མ་ལ་དཔག་ཏུ་མེད་པའི་ཡོན་ཕུལ་ལ་བླ་མའི་ལག་ནས་རིག་པ་མཆོག་གི་ཆོ་ག་རྒྱས་པ་ནོད་པར་བྱ་སྟེ། བླ་མ་ལ་དད་པ་དེ་ལ་མངོན་པར་དགའ་བའི་དངོས་གྲུབ་སྦྱིན་པར་བྱའོ། །བཅོམ་ལྡན་འདས་ལག་ན་རྡོ་རྗེས་བྱིན་པ་ཡིན་ཏེ། ཆོ་ག་རྒྱས་པ་ཡང་འགྲུབ་པར་འགྱུར་རོ། །དེ་ནས་བླ་མའི་ལག་ནས་ཕྱག་རྒྱ་མཐོང་བ་ཙམ་གྱིས་སྦྱོར་བ་བྱས་ན་ནི། ཕྱག་རྒྱ་མ་རུང་བར་བྱེད་པར་འགྱུར་རོ། །དེ་བཞིན་གཤེགས་པའི་གནས་སམ། སྐུ་གདུང་གི་གནས་སུ་ཕྱག་རྒྱའི་ཚོགས་བཀོད་ནས་ཕྱག་རྒྱ་ལ་ལྟ་བ་གང་ཡིན་པ་དེ་དག་ནི། ཕྱིར་མི་ལྡོག་པ་ཡིན་པར་བལྟ་བར་བྱ་སྟེ། དེ་ནི། ལྷ་ཐམས་ཅད་ཀྱི་ཕྱག་བརྒྱ་ཡིན་ནོ། །ང་གང་ན་འདུག་པ་དེ་ན་ཕྱག་རྒྱ་གནས་ལ། ཕྱག་རྒྱ་གང་ན་གནས་པ་དེ་ན་ང་འདུག་སྟེ། ང་མཐོང་བས་དེ་དག་ངེས་པར་ཕྱིར་མི་ལྡོག་པའི་འབྲས་བུ་དང་ལྡན་པར་
Ma180a
༄#། །འགྱུར་རོ། །ལུས་ཞིག་པའི་ཚེ་ཡང་ལག་ན་རྡོ་རྗེའི་གནས་ཡིད་དུ་འོང་བའམ། བདེ་བ་ཅན་དུ་སྐྱེ་བར་འགྱུར་རོ། །གང་གི་ཕྱིར་ཕྱག་རྒྱ་ལྟ་བར་བྱེད་ན། ཕྱག་རྒྱའི་དབྱིབས་ལག་པའི་ཚུལ་གྱིས་བསྟན་པར་བྱའོ། །དཀྱིལ་འཁོར་དུ་ཡང་དབྱིབས་སུ་བྲི་བར་བྱ་སྟེ། དེ་མཐོང་ནས་ཆོ་ག་བཞིན་དུ་ཕྱག་རྒྱ་ཆེན་པོ་བསྒྲུབ་པར་བྱའོ། ། དེ་ནས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་འཁོར་གྱི་ནང་ནས་ལངས་ཏེ་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། སེམས་ཅན་རྣམས་ཀྱི་དོན་གྱི་སླད་དུ་རིག་པ་མཆོག་གི་ཆོ་ག་རྒྱས་པ་ཆེན་པོ་གསང་བ་དང་བཅས། གསང་ཆེན་དང་བཅས་པ་བདག་གིས་བཤད་ལགས་ཀྱི། བཅོམ་ལྡན་འདས་རྒྱལ་པོའི་ཕོ་བྲང་ལྕང་ལོ་ཅན་དུ་མཆིས་ལ་སེམས་ཅན་རྣམས་གདུལ་བར་འཚལ་ལོ། །དེ་སྐད་ཅེས་གསོལ་ནས་བཅོམ་ལྡན་འདས་ཀྱིས་གསང་བའི་བདག་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ། གང་ཁྱོད་ཀྱིས་རིག་པ་མཆོག་གི་ཆོ་ག་རྒྱས་པ་ཆེན་པོ་འདི་བཤད་པ་ནི། ཁྱོད་གཏུམ་པ་ཡིན། བསྙེན་པར་དཀའ་བ་ཡིན། ཤིན་ཏུ་ཐུལ་པར་དཀའ་བ་ཡིན། འཕགས་པའི་ཚུལ་མེད་པ་ཡིན་ཏེ། ལག་ན་རྡོ་རྗེ།
Ma180b
ཁྱོད་ཀྱིས་རིག་པ་མཆོག་གི་ཆོ་ག་རྒྱས་པ་བཤད་པ་གང་ཡིན་པ་དེ་དག་ཐམས་ཅད་ནི། གསང་བ་མེད་པར་ལས་མི་བྱེད་དོ། །ལག་ན་རྡོ་རྗེ། དེ་བས་ན། རྡོ་རྗེའི་རིགས་འདི་དང ། རིག་པ་མཆོག་གི་ཆོ་ག་རྒྱས་པ་ཆེན་པོ་འདི་བདེ་བླག་ཏུ་འགྲུབ་པར་བྱ་བའི་ཕྱིར་ཁྱོད་ཀྱི་མིང་བརྒྱད་པ་གསང་སྔགས་ཀྱི་འཁོར་དང་བཅས་པ་གང་ཐོས་ན། མཚམས་མེད་པ་ལྔ་བྱེད་པ་ཡང་སྡིག་པ་འབྱང་བར་འགྱུར་བ་དང ། ལག་ན་རྡོ་རྗེ་ཁྱོད་ཀྱང་མཐོང་བར་འགྱུར་བ་དང ། བགེགས་དང ། ལོག་འདྲེན་ཐམས་ཅད་ཀྱང་འབྱེར་བར་འགྱུར་བ་དང ། ལོག་འདྲེན་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞི་རྣམས་ཀྱང་ཕྱོགས་བཅུར་འབྱེར་བར་འགྱུར་བ་དང ། གང་ཐོས་ན། ཚངས་པར་མ་སྤྱད་པ་ཡང་ཚངས་པར་སྤྱད་པར་འགྱུར་བ་དང ། ཐུབ་པར་མ་བྱས་པ་ཡང་ཐུབ་པར་བྱས་པར་འགྱུར་བ་དང ། སྨྱུང་བར་མ་བྱས་པ་ཡང་སྨྱུང་བར་བྱས་པར་འགྱུར་བ་དང ། དགེ་སྦྱོང་མ་ཡིན་པ་ཡང་དགེ་སྦྱོང་གི་འབྲས་བུ་དང་ལྡན་པར་འགྱུར་བ་དང ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་དེ་ལ་སྲུང་བ་མཛད་པ་དང ། ལས་ཀྱི་དངོས་གྲུབ་ཀྱང་སྩོལ་བ་བཤད་པར་བྱའོ། །དེ་ནས་བཅོམ་ལྡན་འདས་ལག་ན་རྡོ་རྗེས་བཅོམ་ལྡན་འདས་ཀྱི་ཞབས་གཉིས་ལ་གཏུགས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གི་མིང་
Ma181a
༄#། །བརྒྱད་པ་གསང་སྔགས་ཀྱི་དཀྱིལ་འཁོར་དང་བཅས་པ་རྣམས་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ལག་ན་རྡོ་རྗེ། ངས་བཤད་ཀྱི། ཉོན་ཅིག་།འདི་ལྟ་སྟེ། ཁྱོད་ནི། གླང་པོ་ཆེའི་རྣ་བ་ཅན་ཡིན། ཁྱོད་ནི། རྒྱན་བཟང་པོ་དང་ལྡན་པ་ཡིན། ཁྱོད་ནི། རྣམ་པར་གནོན་པ་ཡིན། ཁྱོད་ནི། ཡོན་ཏན་རིན་པོ་ཆེའི་འབྱུང་ཁུངས་ཡིན། ཁྱོད་ནི། བདེན་པའི་སྤྲིན་ཡིན། ཁྱོད་ནི། གཟུགས་སྡུག་པའི་རྒྱན་དང་ལྡན་པ་ཡིན། ཁྱོད་ནི། འབར་བའི་མེ་ལྕེ་དང་ལྡན་པ་ཡིན། ཁྱོད་ནི། གཟུགས་མཛེས་པ་ཡིན།་ཁྱོད་ཀྱི་མིང་འདི་དག་མཁས་པ་གང་གིས་ཐོས་ན། བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་བདུན་གྱི་བར་དུ་སེམས་ཅན་དམྱལ་བར་སྐྱེ་བར་མི་འགྱུར་རོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱང་དེ་འཆི་བའི་དུས་ཀྱི་ཚེ་མདུན་ན་བཞུགས་ཤིང་དེ་དག་དེ་ལ་ཆོས་སྟོན་པར་མཛད་དོ། །ཆོས་བསྟན་པ་དེས་ནི། དགའ་ལྡན་གྱི་ལྷ་རྣམས་ཀྱི་ནང་དུ་སྐྱེ་བར་འགྱུར་ཏེ། བྱང་ཆུབ་སེམས་དཔའ་རྣམས་དང་ཐབས་ཅིག་ཏུ་གནས་པར་འགྱུར་རོ། །ན་མོ་བུདྡྷ་ཡ། ན་མོ་དྷ་རྨཱ་ཡ། ན་མོ་སཾ་གྷཱ་ཡ། ན་མོ་བཛྲ་པཱ་ཎ་ཡ། ཏདྱ་ཐཱ།་ཨཌྚེ་མཊྚེ་ཁ་ར་ཊྚེ། སོ་སོ་མེ་ས་མ་མུ་ཁི་ཧི་རི། ཐི་རི་མི་རི་ཀི་རི། བྷི་བྷི་བྷི། སི་མི་སིདྡྷནྟུ་སརྦ་ཀཱརྱ་ཎི། མནྟྲ་པཱ་དཿ སཝཱཧཱ། དེ་ནས་བཅོམ་ལྡན་འདས་བྱང་ཆུབ་སེམས་
Ma181b
དཔའ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ལེགས་སོ་ལེགས་སོ། །འདི་ལྟར་གསང་ཆེན་བཀའ་སྩལ་པ་གང་ལགས་པ་ནི། བདག་ལགས་ཏེ། བཅོམ་ལྡན་འདས། དེ་དེ་ལགས་སོ། །དེ་དེ་ལགས་ཏེ། བཅོམ་ལྡན་འདས། རིག་པ་མཆོག་གི་སྒྲུབ་པས་བཟླས་བརྗོད་བགྱིས་པ་དང ། སྒྲུབ་པའི་ཚེ་མཆོད་པ་བགྱིས་པ་མིང་བརྒྱད་པ་བཀླག་པར་བགྱིའོ། །བཀླགས་ན་བསྟོད་པར་འགྱུར་ཏེ། དགའ་ནས་དངོས་གྲུབ་སྩོལ་པར་འཚལ་ལོ། །བགེགས་ཀྱང་འབྱུང་བར་མི་འགྱུར་ལ་ལྷ་རྣམས་ཀྱང་དགའ་ནས་མྱུར་དུ་དངོས་གྲུབ་སྩོལ་བར་བགྱིད་དོ། །ཉལ་བའི་ཚེ་བཀླགས་ན། རྨི་ལམ་ངན་པ་མཐོང་བར་མི་འགྱུར་རོ། །སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་ལན་འབུམ་བཟླས་བརྗོད་བགྱིས་ན། སྡིག་པ་ཐམས་ཅད་ལས་གྲོལ་བར་འགྱུར་རོ། །མཚམས་མེད་པ་ལྔ་བགྱིས་པ་ཡང་བསྐལ་པ་བཟང་པོར་བྱང་ཆུབ་སེམས་དཔར་འགྱུར་ཞེས་བདག་མཆིའོ། །དེ་ནས་ཡང་ལན་འབུམ་བཟླས་བརྗོད་བགྱིས་ན། སློབ་དཔོན་དུ་འགྱུར་ཏེ། དེའི་འོག་ཏུ་རིག་པ་མཆོག་གི་དཀྱིལ་འཁོར་རྣམས་བྲི་བར་བགྱིའོ། །དེ་ནས་ཡང་ལན་འབུམ་བཟླས་བརྗོད་བགྱིས་ན། རིག་སྔགས་འཆང་གི་ལུས་ཀྱི་དཀྱིལ་འཁོར་ནས་མཚན་རྣམས་འབྱུང་བར་འགྱུར་རོ། །དེའི་འོག་ཏུ་རིག་པ་མཆོག་ཀྱང་ལན་འབུམ་
Ma182a
༄#། །བཟླས་བརྗོད་བགྱིས་ན། ལག་ན་རྡོ་རྗེ་བདག་ཉིད་མཆིས་ནས་ལག་པས་བླངས་ཏེ་གང་དང་གང་དུ་མཆི་བ་དེ་དང་དེར་ཁྲིད་ཅིང་ལག་ན་རྡོ་རྗེ་དང་འདྲ་བར་སེམས་ཅན་རྣམས་ཀྱིས་བསམ་པ་འཚལ་བར་འགྱུར་ལ། གདུལ་བའི་སེམས་ཅན་རྣམས་ཇི་ལྟ་བུས་དབང་དུ་འགྱུར་བ་དེ་ལྟ་བུས་དབང་དུ་འགྱུར་བ་དེ་ལྟ་བུར་ཆོས་སྟོན་ཏོ། ། བྱང་ཆུབ་སེམས་དཔའ་རྣམས་དང་ལྷན་ཅིག་ཏུ་གནས་ཤིང ། བདག་ཉིད་ཇི་ལྟར་འདོད་པ་བཞིན་དུ་སྐྱེ་བར་འགྱུར་བ་དང ། འཆི་བའི་ཚེ་ཡང་བདག་ཉིད་གཟུགས་སྣ་ཚོགས་སུ་མཐོང་བར་འགྱུར་བ་དང ། བསྡུ་བ་རྣམ་པ་བཞིས་སེམས་ཅན་རྣམས་ཡོངས་སུ་འཛིན་པ་དང ། ས་བཅུ་ལ་གནས་པའི་བྱང་ཆུབ་སེམས་དཔར་འགྱུར་བ་དང ། དེ་བཞིན་གཤེགས་པ་ལ་སྐུལ་བ་དང ། ཡོངས་སུ་སྲུང་བར་བགྱི་བ་དང ། བདུད་བཞི་ལས་རྣམ་པར་རྒྱལ་བར་འགྱུར་རོ། །དེའི་ལས་རྣམས་འབྱུང་སྟེ། རིག་པ་མཆོག་སྒྲུབ་པའི་རིག་སྔགས་འཆང་དམ་ཚིག་ཉམས་པས་བག་མེད་པའི་དབང་གིས་མི་བསད་པ་ལ་སོགས་པ་བྱས་སམ། ཉ་དང ། ཤ་དང ། ཤ་ཟོས་སམ་གྲོང་གི་ཆོས་བྱས་ན། ཟླ་བ་ཉ་ལ་ཞག་གཅིག་སྨྱུང་བར་བྱས་ཏེ་འཕགས་པ་ལག་ན་རྡོ་རྗེ་ལ་མཆོད་པ་བྱས་ནས་ལན་བརྒྱད་སྟོང་བཟླས་བརྗོད་བྱས་ན། དམ་ཚིག་སྐོང་པར་འགྱུར་རོ། །དཀྱིལ་འཁོར་དུ་མ་
Ma182b
ཞུགས་པས་ཀྱང་དེ་ལྟར་བྱས་ན། དཀྱིལ་འཁོར་ཐམས་ཅད་དུ་ཞུགས་པར་འགྱུར་ཏེ། དེའི་འོག་ཏུ་རིག་པ་མཆོག་སྒྲུབ་པ་ན་རིག་སྔགས་འཆང་གིས་ཟན་ཟ་བའི་ཚེ་སློང་མོའི་ཟས་ལ་ལན་གསུམ་བཟླས་བརྗོད་བྱས་ནས་མིང་བརྒྱད་པ་ལན་གཅིག་བཏོན་ཏེ་ཟོས་ན། ཁ་ཟས་ངན་པ་དག་པར་འགྱུར་ལ། སྦྱར་བའི་དུག་གིས་ཀྱང་མི་ཚུགས་པར་འགྱུར་རོ། ། དེ་ལྟར་མ་བྱས་ན། ཤ་བསྟེན་པས་ལོག་འདྲེན་རྣམས་དང ། གདོན་རྣམས་ནི། མི་བཟད་པ་སྟེ། ཚུགས་པར་མི་འགྱུར་རོ། །ལས་རྣམས་ལ་རིག་པ་མཆོག་གིས་བྱས་ན། ཐམས་ཅད་བྱེད་པར་འགྱུར་རོ། །དེ་ནས་གཞོན་ནུ་རྡོ་རྗེ་སྡེས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེའི་རྐང་པ་གཉིས་ལ་གཏུགས་ནས་འདི་སྐད་ཅེས་སྨྲས་སོ། །བཅོམ་ལྡན་འདས། བགེགས་རྣམས་དང ། གདོན་རྣམས་ནི། མི་བཟད་པ་སྟེ། སྒྲུབ་པ་པོ་རྣམས་ལ་རྟག་ཏུ་གླགས་ཚོལ་ལོ། །སེམས་ཅན་སྣ་ཚོགས་དང ། སྒྲུབ་པ་པོ་རིག་སྔགས་དང ། གསང་སྔགས་བརྩོན་པ་གང་ཡིན་པ་དེ་དག་གི་ཆོ་ག་ཉམས་པ་ལ་ཡང་གདོན་རྣམས་དང ། རིམས་ལ་སོགས་པའི་གནོད་པས་འཚེ་བར་བགྱིད་དེ། བཅོམ་ལྡན་འདས། དེ་དག་ལ་ཕན་པའི་ཕྱིར་བདེ་བླག་ཏུ་འགྲུབ་བར་འགྱུར་བའི་ཐབས་གང་གིས་ལོག་འདྲེན་རྣམས་བསལ་ནས་བདེ་བླག་ཏུ་གསང་སྔགས་འགྲུབ་པར་འགྱུར་བ་དང ། ཇི་ལྟར་འདོད་པ་བཞིན་
Ma183a
༄#། །བདེ་བར་གནས་པར་འགྱུར་བའི་གསང་ཆེན་བསྡུས་པའི་ཆོག་འབའ་ཞིག་བཤད་པར་གསོལ། དེ་ནས་གསང་བའི་བདག་པོ་ལག་ན་རྡོ་རྗེས་གཞོན་ནུ་རྡོ་རྗེ་སྡེ་ལ་འདི་སྐད་ཅེས་སྨྲས་སོ། །གཞོན་ནུ། གང་ཁྱོད་སྒྲུབ་པ་པོ་རྣམས་ལ་ཕན་པའི་ཕྱིར་བརྩོན་པ་དང ། བྱང་ཆུབ་སེམས་དཔའི་སྤྱོད་པ་ལ་ཞུགས་པ་ལེགས་སོ་ལེགས་སོ། ། དེ་ལེགས་པར་ཉོན་ལ་ཡིད་ལ་ཟུངས་ཤིག་དང་བཤད་པར་བྱའོ། །རྡོ་རྗེ་སྡེ། ཕྱག་རྒྱ་ཆེན་པོ་འབར་བ། སྟོབས་པོ་ཆེ། དོན་ཐམས་ཅད་སྒྲུབ་པ། ཆོ་ག་བཞིན་དུ་ཚུལ་བསྟན་པ་ཙམ་གྱིས་དེ་མ་ཐག་ཏུ་ལས་ཐམས་ཅད་བྱེད་པ་དང ། གདོན་ཐམས་ཅད་ཀྱང་སྐྲག་པར་བྱེད་པ། བགེགས་རྣམས་ཀྱང་འཇིགས་པར་བྱེད་པ། ལྷ་རྣམས་ཀྱང་འགྲུབ་པར་བྱེད་པ།་ཀླུ་རྣམས་ཀྱང་འདྲེན་པར་བྱེད་པ། འབྱུང་པོ་རྣམས་ཀྱང་སྐྲོད་པར་བྱེད་པ་དང ། སྟག་ལ་སོགས་པ་མཆེ་བ་ཅན་རྣམས་ཀྱང་འབྱེར་བར་བྱེད་པ་དང ། དེ་ལ་སོགས་པའི་ལས་རྣམས་བྱེད་པ་ཡོད་དོ། །དེ་དག་ཀུན་གྱི་མིང་རྣམས་དང ། །མཚན་ཉིད་དང་ནི་དབྱིབས་རྣམས་དང ། །སོ་སོ་ཡི་ནི་ལས་རྣམས་ཀྱང ། །མདོ་ཙམ་རབ་ཏུ་བཤད་པར་བྱ། །བགེགས་རྣམས་དང་ནི་གསང་བ་དང ། །འཁྲུལ་འཁོར་གཞོམ་པར་བསྟན་པ་ལ། །སྔགས་རྣམས་ཕྱག་རྒྱར་སྦྱར་ན་ནི། །མྱུར་དུ་ལས་རྣམས་ངེས་པར་བྱེད། །ལྷ་ལ་སོགས་
Ma183b
པ་གཟི་ཆེན་རྣམས། །སྔོན་གྱི་དཀྱིལ་འཁོར་འདུས་པ་ཡི། །ལྷ་རྣམས་ཀུན་ལ་བདག་གིས་ནི། །ཕྱག་རྒྱ་དམ་ཚིག་བཅས་པས་ན། །ཕྱག་རྒྱ་དག་གིས་ལྷ་རྣམས་ཀུན། །བྱམས་པ་ཡི་ནི་སེམས་སུ་འགྱུར། །འགལ་བར་བྱེད་པ་གང་དེ་དག་།རྡོ་རྗེ་འཛིན་པས་བསད་པར་འགྱུར། །སྟོབས་ཆེན་ཕ་རོལ་གནོན་པ་དང ། །རྫུ་འཕྲུལ་ཆེ་བའི་ལྷ་དེ་དག་།རིག་མཆོག་རྒྱུད་ཀྱི་གཡོག་འཁོར་དུ། །བྱ་བའི་ཕྱིར་ན་བཤད་པ་ཡིན། །རིག་སྔགས་ཁྲོ་བོ་ཕོ་ཉ་མ། །རིགས་དང་ཉེ་བའི་རིགས་ཀྱི་ལྷ། །རྣལ་འབྱོར་མ་ནི་གང་བསྟན་པ། །དེ་དག་ཕྱག་རྒྱ་བཤད་པ་ཡིན། ། རིག་མཆོག་རྩ་བའི་ཕྱག་རྒྱ་རྣམས། །ཐོག་མར་རབ་ཏུ་བསྟན་པ་ཡིན། །དེ་ནི་སྙིང་པོའི་ཕྱག་རྒྱ་དང ། །ཉེ་བའི་སྙིང་པོ་རབ་ཏུ་བཤད། །རིག་སྔགས་རྒྱལ་པོ་གནོད་མཛེས་ཀྱི། །ཕྱག་རྒྱ་ལས་ཀུན་བྱེད་པ་དང ། །རྡོ་རྗེ་ལྕགས་ཀྱུའི་ཕྱག་རྒྱ་ནི། །བཀུག་པའི་ལས་ལ་སྦྱོར་བར་བྱ། །དེ་བཞིན་ཕྱག་རྒྱ་ཆེན་པོ་བརྒྱད། །བརྩོན་འགྲུས་ཆེ་ཞིང་གཟི་བརྗིད་ཆེ། །རབ་ཏུ་གཏུམ་ཞིང་ལས་ཀུན་ལ། །ལག་ན་རྡོ་རྗེ་གཟི་མཐུ་ལྡན། །རྒྱལ་བ་དང་ནི་རྣམ་པར་རྒྱལ། །མཱ་མ་ཀཱི་དང་གདོང་དམར་དང ། །ཕྲེང་བ་འཛིན་དང་ཀླུ་མགོ་ཅན། །རྣ་བ་གདོང་དང་འོད་ཟེར་ཕྲེང ། ། ཕྱག་རྒྱ་ཆེན་པོ་བརྒྱད་བཤད་པ། །ལག་ན་རྡོ་རྗེ་གཟི་ཆེན་གྱི། །ཡན་ལག་ཀུན་ལ་འབྱུང་བ་ཡིན། །བདག་གིས་བཤད་པ་གང་ཡིན་པའི། །གདོན་གྱི་དཀྱིལ་འཁོར་ལས་བཤད་
Ma184a
༄#། །པ། །བཅོ་བརྒྱད་པོ་ནི་བརྩོན་འགྲུས་ཆེ། །མེ་ལྕེ་འབར་བའི་དེ་དག་དང ། །ཕྱག་རྒྱ་དྲུག་ཅུ་རྩ་བཞི་གང ། །ལས་ཀྱི་དཀྱིལ་འཁོར་ལས་བཤད་དང ། །རྡོ་རྗེ་འཕགས་བྱེད་དཀྱིལ་འཁོར་ལས། །ཕྱག་རྒྱ་བསྟན་པ་གང་ཡིན་དང ། །དེ་དག་གི་ནི་གཙོ་བོ་ཡི། །ཕྱག་རྒྱ་མདོར་བཤད་གང་ཡིན་པ། །དེ་དག་གི་ནི་ཚུལ་དང་རྟགས། །ལས་རྣམས་ཀྱང་ནི་བསྟན་པར་བྱ། །དེ་ནས་བཅོམ་ལྡན་འདས་རིག་སྔགས་ཐམས་ཅད་ཀྱི་བདག་པོ་རིག་པ་མཆོག་།སྟོབས་དང་ཕ་རོལ་གནོན་པ། གཞན་གྱིས་མི་ཐུབ་བའི་ཕྱག་རྒྱའི་མཚན་ཉིད་འབྱུང་སྟེ། མདུན་དུ་ལག་ངར་ལྷན་ཅིག་ཏུ་སྦྱར་ལ་སོར་མོ་ཕན་ཚུན་བསྣོལ་ཏེ་ཁུ་ཚུར་བཅངས་ཏེ་གུང་མོ་བསྒྲེངས་ལ་གཤིབས་ལ། དེའི་ཕྱི་རོལ་གྱི་གློ་གཉིས་ནས་མཛུབ་མོ་གཉིས་རྡོ་རྗེའི་དབྱིབས་སུ་བྱས་ནས་མཐེ་བོང་གཉིས་རྡོ་རྗེའི་དབྱིབས་ལྟར་རབ་ཏུ་བཞག་པ་ནི། བཅོམ་ལྡན་འདས་རིག་པ་མཆོག་གི་རྩ་བའི་ཕྱག་རྒྱའོ། །དེ་ཉིད་ལས་མཐེ་བོང་གཉིས་སྤྲད་དེ་བཞག་པ་ནི། རིག་སྔགས་ཀྱི་རྒྱལ་མོའི་ཕྱག་རྒྱའོ། །སྤྱན་དྲང་བ་ནི། རིག་སྔགས་ཀྱི་རྒྱལ་པོའི་ཕྱག་རྒྱ་ལས་གུང་མོ་གཉིས་ཀྱི་དབུས་བཀུག་ལ་གུང་མོ་གཤིབས་པའི་ཕྱི་རོལ་གྱི་ཚིགས་དྲང་པོར་བསྟན་པར་བྱ་སྟེ། རྒྱལ་བའི་བློ་གྲོས་ཀྱི་ཕྱག་རྒྱ་ཡིན་ནོ། །སླར་གཏང་བ་ནི། དེ་ཉིད་ལས་མཛུབ་མོ་གཉིས་ཅུང་ཟད་
Ma184b
བརྐྱང་བར་བྱ་སྟེ། ཤུགས་ལྡན་གྱི་ཡིན་ནོ། །རྩ་བའི་ཕྱག་རྒྱ་ལས་གུང་མོ་གཤིབས་པའི་ཕྱི་རོལ་གྱི་ཚིགས་དྲང་པོར་མཛུབ་མོ་གདུ་བུ་ལྟར་བཀུག་སྟེ་བཞག་པ་ནི། སྙིང་པོའི་ཕྱག་རྒྱའོ། །ཚིགས་དབུ་མར་གཞར་བ་ནི། ཉེ་བའི་སྙིང་པོའི་ཕྱག་རྒྱའོ། །མཛུབ་མོའི་ཐོར་ཏོ་མཉམ་དུ་གཤིབས་པ་ནི། བློ་གྲོས་རྡོ་རྗེའི་ཕྱག་རྒྱའོ། །དེ་ཉིད་ལས་རྒྱབ་ཏུ་བསྙམས་ཏེ་གཞར་བ་ནི།་དགའ་བྱེད་གདོང་གི་ཕྱག་རྒྱའོ། །རྩ་བའི་ཕྱག་རྒྱ་ལས་མཛུབ་མོ་གཉིས་ཀྱི་སེན་མོ་ཕན་ཚུན་སྤྲད་དེ་བཞག་པས་མཐེ་བོང་གཉིས་མནན་པ་ནི། རལ་གྲིའི་ཕྱག་རྒྱའོ། །རལ་གྲིའི་ཕྱག་རྒྱ་ལས་མཛུབ་མོ་གཉིས་ཚིགས་རེ་རེ་བཀུག་སྟེ་མཐེ་བོང་གཉིས་ཀྱི་ཕྱི་རོལ་དུ་བཞག་པ་ནི། རིག་སྔགས་ཀྱི་རྒྱལ་པོ་རབ་ཏུ་གྲུབ་པར་བྱེད་པའི་རྩ་བའི་ཕྱག་རྒྱའོ། །དེ་ལས་མཛུབ་མོ་གཉིས་བརྐྱང་བ་ནི། དབང་ཕྱུག་ཆེན་པོའི་འོ། །དེ་ཉིད་ལས་མཐེ་བོང་ཅུང་ཟད་བཀུག་པ་ནི། ལྷ་མོ་རྩེ་གསུམ་ཀ་གདེང་གི་ཕྱག་རྒྱའོ། །སྙིང་པོའི་ཕྱག་རྒྱ་ལས་གུང་མོ་གཤིབས་པའི་ཚིགས་དང་པོ་བཀུག་པ་ནི། སངས་རྒྱས་བཅོམ་ལྡན་འདས་ཀྱི་རྩ་བའི་ཕྱག་རྒྱའོ། །དེ་ཉིད་ལས་མཛུབ་མོ་གཉིས་བཏང་སྟེ་ཚིགས་རེ་རེ་བཀུག་ལ་འོག་ཏུ་ཕན་ཚུན་སྤྲད་པ་ནི། གཙུག་ཏོར་གྱི་ཕྱག་རྒྱའོ། །མཛུབ་མོ་གཉིས་ཕྱི་རོལ་ཏུ་མ་ཕྲད་པར་ཟུང་བ་ནི། པདྨ་འཛིན་གྱི་ཕྱག་རྒྱའོ། །གཏུམ་སེལ་གྱི་ཕྱག་རྒྱ་ཡང་དེ་ཉིད་ཡིན་ནོ། །ཅུང་ཟད་བརྐྱང་
Ma185a
༄#། །བ་ནི།་དཔལ་ཆེན་མོའི་ཕྱག་རྒྱའོ། །དེ་ཉིད་ལས་ཚིགས་དང་པོའི་སྟེང་དུ་བཞག་པ་ནི། རྡོ་རྗེ་མི་གཡོ་བའི་ཕྱག་རྒྱའོ། །ཚིགས་རེ་རེ་བཀུག་སྟེ་མཐེ་བོང་གཉིས་ཀྱི་ཕྱི་རོལ་དུ་གཞར་བ་ནི། རྟ་མགྲིན་གྱི་ཕྱག་རྒྱའོ། །སེན་མོ་གཉིས་ལ་གཞར་བ་ནི། རྡོ་རྗེ་སྙིང་པོའི་ཕྱག་རྒྱའོ། །དེ་བཞིན་དུ་རལ་གྲིའི་ཕྱག་རྒྱ་ལས་མཛུབ་མོ་གཉིས་ཀྱི་ཚིགས་རེ་རེ་བཀུག་པ་ནི། རྫོང་གི་འཕགས་མའི་ཕྱག་རྒྱའོ། །དེ་ཉིད་ལས་མཐེ་བོང་གཉིས་སོ་སོར་སྦས་པ་ནི། རལ་པ་གཅིག་པའི་ཕྱག་རྒྱའོ། །རལ་པ་གཅིག་པའི་ཕྱག་རྒྱ་ཉིད་ལས་ཚིགས་གཅིག་བཀུག་པ་ལས་གཤིབས་པ་ནི། སངས་རྒྱས་ཐམས་ཅད་ཀྱི་ཕྱག་རྒྱའོ། །རྫོང་གི་འཕགས་མའི་ཕྱག་རྒྱ་ལས་བཀུག་པ་ནི། གནོད་སྦྱིན་ཐམས་ཅད་ཀྱི་ཕྱག་རྒྱའོ། །རྩ་བའི་ཕྱག་རྒྱ་ལས་གུང་མོ་གཤིབས་པ་ཡིད་ཙམ་གྱིས་བཀུག་པ་ནི། གཞན་གྱིས་མི་ཐུབ་པའི་ཕྱག་རྒྱའོ། །རིག་སྔགས་ཀྱི་རྒྱལ་པོའི་ཕྱག་རྒྱ་ལས་མཐེ་བོང་གཉིས་ཡིད་ཙམ་ཕྱིར་བཀྱེ་བ་ནི། འཇིགས་བྱེད་ཆེན་པོའི་ཕྱག་རྒྱའོ། །རྒྱལ་བའི་བློ་གྲོས་ཀྱི་ཕྱག་རྒྱ་ལས་ཕྱེ་སྟེ་མཐེ་བོང་བསྒྲེང་བ་ནི། རྡོ་རྗེ་སེར་སྐྱའི་ཕྱག་རྒྱའོ། །དེ་བཞིན་དུ་རྡོ་རྗེ་འཇིགས་བྱེད་ཀྱི་སྤྱན་གྱི་ཕྱག་རྒྱ་ནི། ཤུགས་ལྡན་མའི་ཡང་ཡིན་ནོ། །སྙིང་པོའི་ཕྱག་རྒྱ་ལས་མཛུབ་མོ་གཉིས་བཀུག་པ་ནི། ལག་ན་རྡོ་རྗེའི་ཕྱག་རྒྱའོ། །མེ་ཏོག་གི་ཕྱག་
Ma185b
རྒྱ་ཡང་དེ་ཉིད་ཡིན་ནོ། །ཉེ་བའི་སྙིང་པོའི་ཕྱག་རྒྱ་ལས་དེ་བཞིན་དུ་མཛུབ་མོ་གཉིས་མཐེ་བོང་ལ་རེག་པར་བྱས་པ་ནི། རྡོ་རྗེ་ཁྲོ་བོ་མཛེས་པའི་ཕྱག་རྒྱའོ། །འདོད་པའི་རྡོ་རྗེ་མའི་ཕྱག་རྒྱ་ཡང་དེ་ཉིད་ཡིན་ནོ། །མཛུབ་མོ་གཉིས་ཅུང་ཟད་ཕྱེ་བ་ནི། ཚངས་པའི་མིག་གི་ཕྱག་རྒྱའོ། །བློ་གྲོས་རྡོ་རྗེ་ཕྱག་རྒྱ་ལས་མཐེ་བོང་གཉིས་སྦས་པ་ནི། རིག་སྔགས་ཀྱི་རྒྱལ་པོ་ཡི་གེ་འབྲུ་བཞི་པའི་ཕྱག་རྒྱའོ། །འཕགས་པ་སྤྱན་རས་གཟིགས་དབང་ཕྱུག་དབུ་བཞི་པའི་ཕྱག་རྒྱ་ཡང་དེ་ཉིད་ཡིན་ནོ། །མཛུབ་མོ་ཅུང་ཟད་ཕྱེ་བ་ནི། བརྒྱ་བྱིན་གྱི་ཕྱག་རྒྱའོ། །དགའ་བྱེད་གདོང་གི་ཡང་དེ་ཉིད་ཡིན་ནོ། །མཐེ་བོང་གཉིས་སྦས་པ་ནི། གཙུག་ཏོར་ཐུབ་མེད་ཀྱི་ཕྱག་རྒྱའོ། །མཛུབ་མོ་གཉིས་བཀུག་ལ་གུང་མོ་གཤིབས་པའི་ཕྱི་རོལ་ཚིགས་དྲང་པོར་བསྟན་པ་ནི། རྡོ་རྗེ་འོད་ཟེར་ཕྲེང་གི་ཕྱག་རྒྱའོ། །ཚིགས་དབུས་མར་བསྟན་པ་ནི། འཕགས་པ་བདུད་རྩི་ཐབ་སྦྱོར་གྱི་ཕྱག་རྒྱའོ། །ཐུར་དུ་བསྟན་པ་ནི། ཕུར་བུ་གསུམ་པའི་ཕྱག་རྒྱའོ། །རལ་གྲིའི་ཕྱག་རྒྱ་ལ་གཤིབས་པའི་རྩེ་མོ་བཀུག་པ་ནི། དབང་ཕྱུག་ཆེན་པོའི་མཚན་གྱི་ཕྱག་རྒྱའོ། །དེ་ཉིད་ལས་མཛུབ་མོ་དང་སྦྱར་བ་ནི། ཉི་མའི་ནམ་མཁའི་ཕྱག་རྒྱའོ། །རབ་ཏུ་འགྲུབ་པར་བྱེད་པའི་མཛུབ་མོའི་ཚིགས་གཉིས་བཀུག་པ་ནི། རིག་སྔགས་འཆང་ཐམས་ཅད་འགྲུབ་པའི་ཕྱག་རྒྱའོ། །རྒྱལ་བའི་རྒྱུད་ལས་དབང་བསྐུར་བའི་ཕྱག་
Ma186a
༄#། །རྒྱ་ཡང་དེ་ཉིད་ཡིན་ནོ། །རྩ་བའི་ཕྱག་རྒྱ་ལས་མཛུབ་མོ་བརྐྱང་བ་ནི། སྲིན་པོའི་ཕྱག་རྒྱའོ། །རྩེ་གསུམ་ཀ་གདེང་གི་ཕྱག་རྒྱ་ལས་མཐེ་བོ་སྦྱར་བ་ནི། མ་མོ་ཐམས་ཅད་ཀྱི་ཕྱག་རྒྱའོ། །དེ་ཉིད་ལས་མཛུབ་མོ་གཉིས་གུང་མོ་གཤིབས་པའི་ཕྱི་རོལ་ནས་གདུ་བུ་ལྟར་དཀྲིས་པ་ནི། རྡོ་རྗེ་སྒྲོག་གི་ཕྱག་རྒྱའོ། །དེ་ལྟར་འདུག་བཞིན་དུ་བཀུག་པ་ནི།་རྡོ་རྗེ་གདུ་བུའི་ཕྱག་རྒྱའོ། །སངས་རྒྱས་ཐམས་ཅད་ཀྱི་ཕྱག་རྒྱ་ལས་མཛུབ་མོ་ཕྱེ་སྟེ་གདུ་བུ་ལྟར་བྱས་ལ་གུང་མོ་གཤིབས་པའི་ཕྱི་རོལ་གྱི་ཚིགས་དང་པོར་བསྟན་པ་ནི། ཀླུ་ཆེན་པོའི་ཕྱག་རྒྱའོ། །དེ་ལྟར་དེ་ལྟ་བུའི་ཚུལ་གྱིས་མདོར་བསྡུས་ཏེ་རིག་པ་མཆོག་གི་ཕྱག་རྒྱའི་ཁྱད་པར་ཕྱག་རྒྱ་གྲངས་མེད་པར་འབྱུང་ངོ ། །ཕྱག་འཚལ་བའི་ཐལ་མོ་སྦྱར་ལ་སྲིན་ལག་བསྣོལ་ཏེ་ནང་དུ་བཅུག་ནས་མཐེ་བོང་གཉིས་ཀྱི་དྲུང་དུ་བཞག་ལ་དེ་གཉིས་ཀྱི་བར་དུ་མཐེ་བོང་གཉིས་དམ་དུ་གཤིབས་ཏེ་བཞག་།གུང་མོ་གཤིབས་བའི་གློ་གཉིས་ནས་མཛུབ་མོ་གཉིས་རྡོ་རྗེའི་ཚུལ་དུ་བྱས། མཐེའུ་ཆུང་གཉིས་ཀྱང་གཤིབས་ཏེ་བཞག་པ་ནི། རིག་སྔགས་ཀྱི་རྒྱལ་པོའི་རྩ་བའི་ཕྱག་རྒྱའོ། །དེ་ལས་མཐེ་བོང་གཉིས་གཤིབས་ཏེ་བསྟོད་པ་ནི། རྡོ་རྗེ་རྩེ་ལྔ་པའི་ཡིན་ནོ། །དེ་ཉིད་ལས་གུང་མོ་གཤིབས་པ་ནས་གང་ཙམ་གྱིས་ཕྱེ་བ་ནི། རྡོ་རྗེ་འཇོམས་པའི་ཕྱག་རྒྱའོ། །མཐེ་བོང་དང་མཐེའུ་
Ma186b
ཆུང་གཉིས་གཤིབས་ལ་གུང་མོ་གཤིབས་པ་དང་ལྷན་ཅིག་ཏུ་སྦྱར་བ་ནི། ལག་ན་རྡོ་རྗེའི་སྙིང་པོ་ཐམས་ཅད་ཀྱི་ཕྱག་རྒྱའོ། །དེ་ལས་མཛུབ་མོ་བརྐྱང་བ་ནི། རྡོ་རྗེ་འབར་བའི་ཕྱག་རྒྱའོ། །མཛུབ་མོ་ཚིགས་དབུ་མ་བཀུག་ལ་གུང་མོ་གཤིབས་པའི་ཚིགས་དང་པོར་བཞག་པ་ནི། བློན་མོ་བདུན་གྱི་སྤྱིའི་ཕྱག་རྒྱའོ། །དེ་ཉིད་ལས་མཐེ་བོང་གཉིས་གཤིབས་ལ་མཐེའུ་ཆུང་གཉིས་གཤིབས་པ་ལས་བསྣོལ་བ་ནི། ཕོ་ཉ་མ་ཐམས་ཅད་ཀྱི་སྤྱིའི་ཕྱག་རྒྱའོ། །རིག་སྔགས་ཀྱི་རྒྱལ་པོའི་ཕྱག་རྒྱ་ལས་མཛུབ་མོ་གཉིས་རལ་གྲི་ཕྱག་རྒྱ་ལྟར་བྱས་ལ་སྲིན་ལག་གཉིས་ཀྱང་མཐེ་བོང་གཉིས་ཀྱི་རྩེ་མོའི་གློ་ཕྱོགས་སུ་བསྟོད་དེ་གཞར་བ་ནི། རྡོ་རྗེ་འཇིགས་བྱེད་ཆེན་པོའི་ཕྱག་རྒྱའོ། །རྩེ་ལ་སྲིན་ལག་གཉིས་སྔ་མ་ཁོ་ན་བཞིན་བཞག་པ་ནི། རྡོ་རྗེ་ཁྲོ་བོ་ཆེན་པོ་སུ་རུ་སུ་རུའི་ཕྱག་རྒྱའོ། །དེ་ལ་མཛུབ་མོའི་ཚིགས་གཅིག་བཀུག་པ་ནི། ཁྲོ་བོ་མེའི་ཕྱག་རྒྱའོ། །དེ་ལྟར་དེ་ལྟ་བུའི་ཚུལ་གྱིས་མདོར་བསྡུས་ཏེ་རིག་སྔགས་ཀྱི་རྒྱལ་པོ་གནོད་མཛེས་ཀྱི་ཕྱག་རྒྱ་ལས་ཕྱག་རྒྱ་གྲངས་མེད་པར་འབྱུང་ངོ ། །ཕྱག་འཚལ་བའི་ཐལ་མོ་སྦྱར་ཏེ་སྲིན་ལག་དང་མཛུབ་མོ་གཤིབས་པ་ནང་དུ་སྦས་ལ།་སོར་མོ་རྣམས་ཀྱི་བར་ཕྱེ་བ་ནི། ནམ་མཁའི་རྩ་བའི་ཕྱག་རྒྱའོ། །དེ་ཉིད་ལས་སོར་མོ་རྣམས་གཞུམ་པ་ནི། འཕགས་པ་དོན་ཡོད་པའི་ཞགས་པའི་ཕྱག་རྒྱའོ། །དེ་ཉིད་
Ma187a
༄#། །ལས་ལག་པ་གཡོན་པའི་མཇུབ་མོ་བརྐྱང་བ་ནི། རྟ་མགྲིན་གྱི་ཕྱག་རྒྱའོ། །གཡས་པ་བརྐྱང་བ་ནི། རྡོ་རྗེ་སྙིང་པོའི་ཕྱག་རྒྱའོ། །མཱ་མ་ཀཱིའི་ཕྱག་རྒྱ་དེ་ཉིད་ལས་མཛུབ་མོ་གཉིས་ཀྱི་ཚིགས་གཅིག་བཀུག་པ་ནི། མཱ་མ་ཀཱི་སྤྱན་དྲང་བའི་ཕྱག་རྒྱའོ། །བརྐྱང་བ་ནི། སླར་གཏང་བའི་ཕྱག་རྒྱའོ། །ཁྲོ་བོ་རྣམ་པར་མི་བཟད་པའི་ཕྱག་རྒྱ་ཡང་དེ་ཉིད་ཡིན་ནོ། །གུང་མོ་གཤིབས་པ་ལས་རྡོ་རྗེའི་ཚུལ་དུ་བྱ་བ་ནི། ཁྲོ་བོ་རྩེ་གཅིག་ལྡན་གྱི་ཕྱག་རྒྱའོ། །གཡས་པའི་མཛུབ་མོ་བཀུག་པ་ནི། རྡོ་རྗེ་དགྲ་སྟའི་ཕྱག་རྒྱའོ། །དེ་ཉིད་ལས་མཐེ་བོང་གཉིས་རབ་ཏུ་བཞག་སྟེ་ཚིགས་གཅིག་བཀུག་ལ་མཛུབ་མོའི་ངོས་ལ་གཞར་བ་ནི། རྡོ་རྗེ་མི་གཡོ་བའི་ཕྱག་རྒྱའོ། །དེ་ཉིད་ལས་མཛུབ་མོའི་ཐོར་ཏོ་སྤྲད་པ་ནི། རྡོ་རྗེ་ཞགས་པའི་ཕྱག་རྒྱའོ། །ཚིགས་གཉིས་བཀུག་པ་ནི། ལོག་འདྲེན་གྱི་ཕྱག་རྒྱའོ། །རྡོ་རྗེའི་ཚུལ་དུ་བྱས་པ་ནི། གཙུག་ནས་བྱུང་བའི་ཕྱག་རྒྱའོ། །མཱ་མ་ཀཱིའི་ཕྱག་རྒྱའི་མཛུབ་མོ་གཉིས་ཕྱེ་སྟེ་གུང་མོ་གཤིབས་པའི་ཚིགས་དང་པོར་བཞག་ལ་མཐེ་བོང་གཉིས་ཀྱང་བཅུམ་པ་ནི། རྡོ་རྗེ་སྡེའི་ཕྱག་རྒྱའོ། །ཚིགས་དབུས་མར་བཞག་པ་ནི། ལག་བཟང་གི་ཕྱག་རྒྱའོ། །དྲུང་དུ་བཞག་པ་ནི། གཙུག་ནས་འབྱུང་གི་ཕྱག་རྒྱའོ། །དེ་གཉིས་གུང་མོ་གཤིབས་པའི་རྒྱབ་ཏུ་གདུ་བུ་ལྟར་སྦྱར་བ་ནི། ལོག་
Ma187b
འདྲེན་ཐམས་ཅད་བཅིངས་བའི་ཕྱག་རྒྱའོ། །མཱ་མ་ཀཱིའི་ཕྱག་རྒྱ་དེ་ཉིད་ལས་མཛུབ་མོ་གཉིས་ཕྱེ་སྟེ་གུང་མོ་གཤིབས་པའི་ཕྱི་རོལ་ནས་རྡོ་རྗེའི་ཚུལ་དུ་བཟུང ། མཐེ་བོང་གཉིས་གཤིབས་ཏེ་བསྟོད་པ་ནི་རྡོ་རྗེ་རྩེ་ལྔ་པ་སྟེ། བཅོམ་ལྡན་འདས་ལག་ན་རྡོ་རྗེ་ཡིན་ནོ། །དེ་བཞིན་དུ་མཛུབ་མོའི་དབུས་བཀུག་ཏེ་ཚིགས་དང་པོར་བཞག་པ་ནི། ཆུ་སྲིན་མ་ཀ་རའི་ཕྱག་རྒྱ་ཡིན་ནོ། །མཱ་མ་ཀཱིའི་ཕྱག་རྒྱ་ཉིད་ལས་མཐེའུ་ཆུང་གཤིབས་པ་མཐེ་བོང་གཤིབས་པ་དང ། གུང་མོ་གཤིབས་པ་རྣམས་བཅུམ་པ་ནི། རྡོ་རྗེ་ནག་མོའི་ཕྱག་རྒྱའོ། །མཐེའུ་ཆུང་དང་མཐེ་བོང་གཤིབས་པ་ཕན་ཚུན་བསྣོལ་བ་གྱེན་དུ་རྡོ་རྗེ་རྩེ་གསུམ་པར་བྱ་བ་ནི། མཱ་མ་ཀཱིའི་སྙིང་པོའི་ཕྱག་རྒྱ་སྟེ། ལས་ཐམས་ཅད་བྱེད་པ་དང ། ཤིན་ཏུ་དྲག་པོ་ཡིན་ནོ། །དེ་ཉིད་ལས་སོར་མོ་རྣམས་བཅུམ་པ་ནི། རྡོ་རྗེ་འབྱིན་མའི་ཕྱག་རྒྱའོ། །མཐེ་བོང་གཤིབས་པ་བཅུམ་སྟེ་བཞག་པ་ནི། རྡོ་རྗེ་ལྟེ་བའི་ཕྱག་རྒྱའོ། །མཐེ་བོང་ནང་དུ་སྦས་ལ་མཐེའུ་ཆུང་གཤིབས་པ་ཕྱེ་བ་ནི། གདོང་དཀར་མའི་ཕྱག་རྒྱའོ། །དེ་ནས་འཕགས་མ་མཱ་མ་ཀཱིའི་ཕྱག་རྒྱ་ཐ་དད་པ་གདོན་ཐམས་ཅད་འཇིགས་པར་བྱེད་པ་འབྱུང་སྟེ། གཡས་བརྐྱང་ཚུལ་གྱིས་གནས་པར་བྱས་ལ་ལག་པ་གཡོན་པ་ནི། རྡོ་རྗེ་མཚན་མ་བལྟ་བའི་དམིགས་སུ་གཏད་པར་བྱ། གཡས་པ་སྟ་ཟུར་ཕྱོགས་སུ་གཞག་།བཅོམ་ལྡན་འདས་མཱ་མ་
Ma188a
༄#། །ཀཱིའི་ལས་ཀུན་བྱེད་པའི་ཕྱག་རྒྱ་གཞན་འདི་ནི། གདོན་རྣམས་ལ་སོགས་པ་དང ། སྣ་ཚོགས་པའི་བགེགས་ལ་སྦྱར་བར་བྱའོ། །དེ་ལྟར་དེ་ལྟ་བུའི་ཚུལ་གྱིས་ཕྱག་རྒྱ་གྲངས་མེད་པར་འབྱུང་ངོ ། །ལག་པ་གཡས་པའི་སོར་མོ་རྣམས་བཅངས་ཏེ་ཁུ་ཚུར་ཐ་མལ་པར་བྱས་ནས་མཛུབ་མོ་བརྐྱང་བའི་གློར་མཐེ་བོང་གཞར་བ་ནི།་རྒྱལ་བའི་ཕྱག་རྒྱའོ། །དེ་ཉིད་ལས་གུང་མོ་དང་བཅས་པར་བརྐྱང་བ་ནི། རྣམ་པར་རྒྱལ་བའི་ཕྱག་རྒྱའོ། །དེ་ཉིད་ལས་མཐེ་བོང་རིལ་ནང་དུ་བཅུག་སྟེ་སོར་མོ་ཐམས་ཅད་ཀྱིས་བསྣན་པ་ནི། ལག་ན་རྡོ་རྗེའི་ཁུ་ཚུར་གྱི་ཕྱག་རྒྱའོ། །སོར་མོ་ཕན་ཚུན་ཡིད་ཙམ་ལྷག་པར་བྱས་པ་ནི། བདུད་རྩི་ཐབ་སྦྱོར་གྱི་ཕྱག་རྒྱའོ། །གུང་མོ་དང་སྲིན་ལག་གཉིས་ཀྱི་བར་དུ་མཐེ་བོའི་ཐོར་ཏོ་ཚིགས་གཅིག་ཙམ་གྱི་ཕྱི་རོལ་དུ་བྱུང་བར་བྱས་པ་ནི། རྡོ་རྗེ་ཁུ་ཚུར་གྱི་ཕྱག་རྒྱའོ། །ལག་ན་རྡོ་རྗེ་ཁུ་ཚུར་གྱི་ཕྱག་རྒྱ་ལས་མཛུབ་མོ་བརྐྱང་བ་ནི། རྡོ་རྗེ་རྩེ་གཅིག་པའི་ཕྱག་རྒྱའོ། །དེ་ལྟར་དེ་ལྟ་བུའི་ཚུལ་དུ་ཕྱག་རྒྱ་གྲངས་མེད་པར་འབྱུང་ངོ ། །སྙིམ་པ་བཀན་ཏེ་གུང་མོ་གཉིས་ལུ་གུ་རྒྱུད་ཀྱི་ཚུལ་དུ་འཁྱུད་ནས་སོར་མོ་ལྷག་མ་རྣམས་བཀུག་པ་ལ་མཐེ་བོས་མནན་པ་ནི། གདོང་དམར་གྱི་ཕྱག་རྒྱའོ། །དེ་ཉིད་ལས་སྙིམ་པ་ཕྱེ་སྟེ་སྲིན་ལག་གཉིས་འཁྱུད་ལ་མཛུབ་མོ་བཀུག་
Ma188b
པའི་རྩེ་མོར་གཞར་བ་ནི། འོད་ཟེར་ཕྲེང་གི་ཕྱག་རྒྱའོ། །དེ་ཉིད་ལས་མཐེའུ་ཆུང་དང་སྲིན་ལག་འཁྱུད་དེ་ལག་པའི་ནང་དུ་བཅུག་ལ་ཕྱི་རོལ་ནས་མཛུབ་མོ་གཉིས་ཀྱི་ཐོར་ཏོའི་སྟེང་ནས་གུང་མོ་བཀུག་པའི་རྩེ་མོ་མཐེ་བོང་གཉིས་ཀྱི་རྩེ་མོ་དང་སྤྲད་པ་ནི། རྣ་ཆ་གདོང་གི་ཕྱག་རྒྱའོ། །དེ་ཉིད་ལས་གུང་མོ་མཐེ་བོའི་ཐོར་ཏོ་ལ་གཞར་བ་ནི། དགའ་བྱེད་གདོང་གི་ཕྱག་རྒྱའོ། །དེ་ཉིད་ལས་ལག་པ་གཡོན་པའི་སྲིན་ལག་བརྐྱང་བ་ནི། རྡོ་རྗེ་སྡེའི་ཕྱག་རྒྱའོ། །དེ་ཉིད་ལས་གཡས་པའི་སྲིན་ལག་ཕྱིར་བརྐྱང་བ་ནི། ལག་བཟང་གི་ཕྱག་རྒྱའོ། །དེ་ཉིད་ལས་སྙིམ་པ་ཕྱེ་སྟེ་གཉིས་ཀ་ཕན་ཚུན་འཁྱུད་ནས་མཐེའུ་ཆུང་གཉིས་སྲིན་ལག་དང་གུང་མོ་མནན་ལ་མཛུབ་མོ་གཉིས་ཀྱི་ཐོར་ཏོ་སྤྲད་དེ་མཐེ་བོང་གཉིས་ཀྱིས་སྲིན་ལག་དང་གུང་མོ་མནན་པ་ནི། ཁྲོ་བོ་ཐམས་ཅད་ཀྱི་ཕྱག་རྒྱའོ། །དེ་ཉིད་ལས་གཡས་པ་བརྐྱང་བ་ནི། ཁྲོ་བོ་རྡོ་རྗེ་རྩེ་གཅིག་ལྡན་གྱི་ཕྱག་རྒྱའོ། །དེ་ཉིད་ལས་ལྡོག་པ་ནི། སྙིང་པོའི་ཕྱག་རྒྱའོ།། དེ་ལས་སྙིམ་པ་ཕྱེ་ལ་མཐེའུ་ཆུང་དང་སྲིན་ལག་དང་གུང་མོ་རྣམས་འཁྱུད་ནས་མཛུབ་མོ་གཉིས་བཀུག་སྟེ་སྤྲད་ལ་སྲིན་ལག་གཉིས་ཀྱི་དྲུང་དུ་མཐེ་བོང་བཞག་པ་ནི། ལུས་དམར་གྱི་ཕྱག་རྒྱའོ། །དེ་ཉིད་ལས་སྲིན་ལག་བསྣོལ་བའི་རྩེ་མོར་མཐེ་བོང་གཉིས་བཞག་ལ་མཐེའུ་ཆུང་དང་གུང་མོ་ཐ་མལ་པར་བཀུག་པ་ནི། རྡོ་རྗེ་འཇིགས་བྱེད་ཀྱི་ཕྱག་
Ma189a
༄#། །རྒྱའོ། །དེ་ཉིད་ལས་སྙིམ་པ་ཕྱེ་སྟེ་སོར་མོ་ཐམས་ཅད་ཀྱི་ཐོར་ཏོ་བསྣོལ་མར་ཕན་ཚུན་འཁྱུད་དེ་མཐེ་བོང་དང ། མཛུབ་མོའི་ཐོར་ཏོ་སྤྲད་ལ་མཐེའུ་ཆུང་རང་རང་མཐེ་བོའི་དྲུང་དུ་གཞར་བ་ནི། རྡོ་རྗེ་ལུ་གུ་རྒྱུད་ཀྱི་ཕྱག་རྒྱའོ། །དེ་ཉིད་ལས་ལྡོག་སྟེ་བཀུག་པ་ནི། རྡོ་རྗེ་འོག་པག་ཅན་གྱི་ཕྱག་རྒྱའོ། །དེ་ལྟར་དེ་ལྟ་བུའི་ཚུལ་གྱིས་ཕྱག་རྒྱ་གྲངས་མེད་པ་འབྱུང་ངོ ། །སྙིམ་པ་བཀན་ལ་མཐེའུ་ཆུང་གཤིབས་ནས་དེའི་རྒྱབ་ནས་སྲིན་ལག་གཤིབས་པར་བྱ། དེ་གཉིས་ཀྱི་བློའི་ཚིགས་དང་པོར་གུང་མོ་གཉིས་བཞག་ལ་མཛུབ་མོ་གཉིས་སོ་སོ་ནས་བཀུག་སྟེ་མཐེ་བོང་གཉིས་གློ་ལ་གཞར་བ་ནི། ཀླུ་མགོ་ཅན་གྱི་རྩ་བའི་ཕྱག་རྒྱའོ། །དེ་ཉིད་ལས་གུང་མོ་དང ། མཛུབ་མོ་དང ། མཐེ་བོ་ཀླུ་མགོ་གདེངས་ཀ་ལྟར་དགུག་པ་ནི། ཀླུ་ཐམས་ཅད་ཀྱི་སྙིང་པོའི་ཕྱག་རྒྱའོ། །མཐེ་བོང་གཉིས་གཅིག་ཏུ་སྦྱར་ཏེ་ཀླུ་མགོའི་གདེངས་ཀ་ལྟར་བྱས་པ་ནི། ནམ་མཁའ་ལྡིང་གི་ཕྱག་རྒྱའོ། །གུང་མོ་དང་མཛུབ་མོ་སྔོན་དུ་སྦྱར་བ་ནི། ལྷ་མ་ཡིན་ཐམས་ཅད་ཀྱི་ཕྱག་རྒྱའོ། །རྩ་བའི་ཕྱག་རྒྱ་དེ་ཉིད་ལས་མཐེ་བོང་གཉིས་ནང་དུ་བཅུག་པ་དེའི་ངོས་སུ་གུང་མོ་གཉིས་ཀྱི་ཚིགས་གཅིག་བཀུག་སྟེ་བཞག་ནས་མཛུབ་མོ་གཉིས་ཕྱི་རོལ་དུ་རྡོ་རྗེ་ལྟར་བཟུང་བ་ནི། རྡོ་རྗེ་ཡངས་པ་ཆེན་པོའི་ཕྱག་རྒྱའོ། །རྩ་བའི་ཕྱག་རྒྱ་
Ma189b
ལས་མཛུབ་མོ་དང་གུང་མོ་བཀུག་ལ་དེའི་ནང་དུ་མཐེ་བོང་གཞུག་པ་ནི། དེ་ཉིད་ཀྱི་སྤྱན་དྲང་བའི་ཕྱག་རྒྱའོ། །མཛུབ་མོ་བརྐྱང་བ་ནི། སླར་གཏང་བའི་ཕྱག་རྒྱའོ། །རྩ་བའི་ཕྱག་རྒྱ་ལས་གུང་མོ་ཅུང་ཟད་ཙམ་ཕྱེ་ལ་མཛུབ་མོའི་ཚིགས་དང་པོའི་ངོས་ལ་བཞག་པ་ཡང་ཀླུ་མགོ་ཅན་གྱི་ཕྱག་རྒྱ་ཡིན་ནོ། །རྩ་བའི་ཕྱག་རྒྱ་ལས་མཛུབ་མོའི་དབུས་བཀུག་ལ་གུང་མོ་གཉིས་ཀྱི་ཚིགས་དང་པོའི་ངོས་སུ་བཟུང་བ་འདི་ནི། ཀླུ་མགོ་ཅན་གྱི་ཕྱག་རྒྱ་ཐ་དད་པ་ཡིན་ནོ། །དེ་ཉིད་ལས་མཐེ་བོའི་བར་དུ་གདུ་བུ་ལྟར་བཀུག་པ་ནི། ཀླུ་ཆེན་པོའི་ཕྱག་རྒྱའོ། །དེ་བཞིན་དུ་གཅིག་ཏུ་སྤྲད་དེ་རྩེ་གཅིག་པའི་ཚུལ་དུ་བཞག་པ་ནི། འཕྲོག་མའི་ཕྱག་རྒྱའོ། །དགའ་བོ་དང་ཉེ་དགའ་བོའི་ཕྱག་རྒྱ་ཡང་དེ་ཉིད་ཡིན་ནོ། །ཚིགས་དང་པོ་གཉིས་བཀུག་པ་ནི། ཁ་འབར་མའི་ཕྱག་རྒྱའོ། །ཚིགས་གཉིས་བཀུག་པ་ནི། ཁྲོ་བོ་ཐུབ་དཀའི་ཕྱག་རྒྱའོ། །རྩ་བའི་ཕྱག་རྒྱ་དེ་ཉིད་ལས་མཛུབ་མོ་གཉིས་ཀྱི་ཚིགས་དང་པོའི་ཕྱི་རོལ་དུ་སྦྱར་ཏེ་བཞག་པ་འདི་ནི། ཀླུ་མགོ་ཅན་གྱི་ཕྱག་རྒྱ་ཐ་དད་པ་ཡིན་ནོ། །འཕགས་པ་སྤྱན་རས་གཟིགས་དབང་ཕྱུག་གི་ཁྲུས་ཀྱི་ཆོ་ག་ཡང་དེ་ཉིད་ཡིན་ནོ། །དེ་ལྟར་དེ་ལྟ་བུའི་ཚུལ་གྱིས་ཕྱག་རྒྱ་གྲངས་མེད་པར་འབྱུང་ངོ ། ། ལག་པ་གཉིས་ཀྱིས་སོར་མོ་ཕན་ཚུན་བསྣོལ་ཏེ་མཐེ་བོང་གཉིས་ནང་དུ་བཅུག་ལ་མཛུབ་མོ་གཉིས་གཤིབས་པའི་ཐོར་ཏོ་བཀུག་པ་ནི། ཕྲེང་བ་འཛིན་གྱི་རྩ་བའི་ཕྱག་རྒྱའོ། །དེ་ཉིད་
Ma190a
༄#། །ལས་མཛུབ་མོའི་དབུས་བཀུག་སྟེ་ཕན་ཚུན་ཐོར་ཏོ་སྤྲད་པ་ནི། རྡོ་རྗེ་ཁང་པའི་ཕྱག་རྒྱའོ། །རྩ་བའི་ཕྱག་རྒྱ་ལས་མཛུབ་མོ་བཀུག་པ་ནི། འོད་ཟེར་གྱི་ཕྲེང་གི་ཕྱག་རྒྱའོ། །དེ་ཉིད་ལས་མཛུབ་མོ་གཉིས་ཀྱི་དབུས་བཀུག་ལ་གུང་མོ་གཉིས་བསྣོལ་ལ་བཞག་།མཐེ་བོང་གཉིས་བསྟོད་དེ་རྩེ་གཅིག་པའི་ཚུལ་དུ་བྱས་པ་ནི། གདོན་ཐམས་ཅད་སྐྲག་པར་བྱ་བའི་ཕྱག་རྒྱའོ། །དེ་ཉིད་ལས་མཐེ་བོང་གཉིས་ཀྱི་ཐོར་ཏོ་གཤིབས་ཏེ་ནང་དུ་བཅུག་པ་ནི། གདོན་ཐམས་ཅད་བཅིང་བ་ཡིན་ནོ། དེ་གདོན་ཐམས་ཅད་སྐྲག་པར་བྱ་བ་དེ་ཉིད་ནི། ལག་ན་རྡོ་རྗེ་དང་དབང་ཕྱུག་ཆེན་པོའི་ཕྱག་རྒྱའོ། །གདོན་བཅང་བ་ནི། ཁྲོ་བོ་འགྲོ་བའི་ཕྱག་རྒྱའོ། །རྩ་བའི་ཕྱག་རྒྱ་ལས་གུང་མོ་མཐེ་བོའི་ཐོར་ཏོ་ལ་གཞར་བ་ནི། གནོད་སྦྱིན་མོ་ཐམས་ཅད་ཀྱི་སྙིང་པོའི་ཕྱག་རྒྱའོ། །དེ་ལྟར་དེ་ལྟ་བུའི་ཚུལ་གྱིས་ཕྱག་རྒྱ་གྲངས་མེད་པར་འབྱུང་ངོ ། །ཕྱག་འཚལ་བའི་ཐལ་མོ་ལས་སྲིན་ལག་གཉིས་བསྣོལ་མཐེ་བོང་དྲུང་དུ་བཞག་ལ་བར་དུ་མཐེ་བོ་གཉིས་བཞག་སྟེ་མཛུབ་མོ་གཉིས་ཀྱི་དབུས་བཀུག་ནས་གུང་མོ་གཤིབས་པའི་སྟེང་དུ་བཞག་ལ། མཐེའུ་ཆུང་གཉིས་གཤིབས་པའི་འོད་ཟེར་ཕྲེང་བའི་རྩ་བའི་ཕྱག་རྒྱའོ། །མཛུབ་མོ་གཉིས་ཀྱི་ཚིགས་དབུས་མ་བཀུག་པ་ནི། སྤྱན་དྲང་བའི་ཕྱག་རྒྱའོ། །བརྐྱང་བ་ནི། སླར་གཏང་
Ma190b
བའི་ཕྱག་རྒྱའོ། །རྩ་བའི་ཕྱག་རྒྱ་ལས་མཛུབ་མོ་གཉིས་ཀྱི་ཚིགས་གཅིག་བཀུག་ལ་མཐེ་བོའི་ངོས་ལ་གཞར་བ་ནི། རིག་པ་མཆོག་གི་ཕྱག་རྒྱ་ཐ་དད་པ་ཡིན་ནོ། །མཐེ་བོང་གཉིས་བཀུག་པ་ནི། གནོད་མཛེས་ཀྱི་ཕྱག་རྒྱའོ། །སྟེང་ནས་གདུ་བུ་ལྟར་བྱས་པ་ནི། རྡོ་རྗེ་ལྕགས་ཀྱུ་མའི་ཕྱག་རྒྱའོ། །ཕྱི་རོལ་ནས་དཀྲི་བ་ནི། གདོན་བཅིང་བ་ཡིན་ནོ། །རྩ་བའི་ཕྱག་རྒྱ་ལས་མཛུབ་མོ་རྡོ་རྗེའི་ཚུལ་དུ་གཟུང་བ་འོད་ཟེར་ཕྲེང་གི་ཕྱག་རྒྱ་གཉིས་པ་ཡིན་ནོ། །དེ་ཉིད་ལས་མཛུབ་མོ་གཉིས་དྲུང་ནས་བཀུག་སྟེ་གདུ་བུ་ལྟར་བསྣོལ་བ་འདི་ནི། འོད་ཟེར་ཕྲེང་གི་ཕྱག་རྒྱ་ཐ་དད་པ་ཡིན་ནོ། །དེ་ཉིད་ལས་མཐེ་བོང་གཉིས་བཀུག་པ་ནི། དབང་བསྐུར་བའི་ཕྱག་རྒྱའོ། །དེ་ཉིད་ལས་མཐེ་བོང་རྩེ་གཅིག་པའི་ཚུལ་དུ་བཞག་པ་ནི། གདོན་བསྐྲད་པར་བྱ་བ་ཡིན་ནོ། །དེ་ཉིད་ལེགས་པར་བསྟབས་པ་ནི། དཔལ་མོའི་བློ་གྲོས་མའི་ཕྱག་རྒྱའོ། །རྩ་བའི་ཕྱག་རྒྱ་ལས་མཛུབ་མོ་གཉིས་དབུས་བཀུག་སྟེ་མཐེ་བོང་གཉིས་ཀྱི་སྟེང་དུ་རལ་གྲི་ལྟར་བྱས་པ་ནི། ཁྲོ་བོ་ཀི་ལི་ཀི་ལིའི་ཕྱག་རྒྱའོ། །མཱ་མ་ཀཱིའི་ཕྱག་རྒྱ་གཤིབས་པའི་ཚུལ་དེ་ཉིད་ལས་ཕྱེ་བ་ནི། རྡོ་རྗེ་ཁྲོ་བོ་སུ་རུ་སུ་རུའི་ཕྱག་རྒྱའོ། །མཛུབ་མོ་གཉིས་རལ་གྲི་ལྟར་བྱས་ཏེ་སྲིན་ལག་གཉིས་ཡིད་ཙམ་གྱིས་བསྟོད་པ་ནི། ཉི་མའི་ཕྱག་རྒྱའོ། །རྩ་བའི་ཕྱག་རྒྱ་དེ་ཉིད་ལས་གུང་མོ་གཤིབས་པའི་ཚིགས་བཀུག་པ་ནི།
Ma191a
༄#། །འཕགས་པ་མཱ་མ་ཀཱིའི་ཕྱག་རྒྱའོ། །རྩ་བའི་ཕྱག་རྒྱ་དེ་ཉིད་ལས་མཛུབ་མོ་གཉིས་ཚིགས་དང་པོར་བཞག་ལ་སྲིན་ལག་གཉིས་ཀྱི་རྩེ་མོར་མཐེ་བོང་གཉིས་ཀྱི་ཐོར་ཏོ་ལ་སོ་སོར་བཞག་པ་ནི། དཔལ་གྱི་རྒྱུད་ཀྱི་དབང་བསྐུར་བའི་ཕྱག་རྒྱའོ། །དེ་ཉིད་ལས་མཐེ་བོང་གཉིས་ཀྱི་དྲུད་དུ་བཀུག་སྟེ་ཅུང་ཟད་སྦྱར་བ་ནི། མ་ཏད་མིག་གི་ཕྱག་རྒྱའོ། །མཐེ་བོང་གཤིབས་པའི་ཕྱི་རོལ་གྱི་ངོས་ལ་མཛུབ་མོ་གཉིས་བཞག་པ་ནི། གྲུབ་པའི་ཕྱག་རྒྱའོ། །དེ་ལྟར་དེ་ལྟ་བུའི་ཚུལ་གྱིས་ཕྱག་རྒྱ་གྲངས་མེད་པར་འབྱུང་ངོ ། ། ཕྱག་འཚལ་བའི་ཐལ་མོ་ལས་མཐེའུ་ཆུང་དང་སྲིན་ལག་གཉིས་བསྣོལ་ཏེ་མཐེ་བོའི་དྲུང་དུ་བཞག་ལ་གུང་མོ་གཉིས་ཀྱིས་མཛུབ་མོ་གཤིབས་པར་དཀྲིས་ནས་མཐེ་བོང་གཉིས་ནང་དུ་བཅུག་པ་ནི། རྣ་ཆ་གདོང་གི་རྩ་བའི་ཕྱག་རྒྱའོ། །དེ་ཉིད་ལས་ཐ་མལ་པར་སྦྱར་བ་ནི། རྣ་ཆ་གདོང་གི་ཕྱག་རྒྱ་གཉིས་པའོ། །རྩ་བའི་ཕྱག་རྒྱ་ལས་གཤིབས་པའི་ཁ་ཕྱེ་བ་ནི།་དགའ་བྱེད་གདོང་གི་ཕྱག་རྒྱའོ། །སོར་གཉིས་ཙམ་གྱི་ཕྱེ་བ་ནི། ཁྲོ་བོ་ཆེར་བཞད་ཀྱི་ཕྱག་རྒྱའོ། །གུང་མོ་གཉིས་ཀྱི་རྩེ་མོ་སྲིན་ལག་གཉིས་ཀྱི་རྩེ་མོར་སྦྱར་བ་ནི། རྡོ་རྗེ་རྩེ་མོའི་ཕྱག་རྒྱའོ། །མཐོ་བོའི་ཚིགས་བསྟོད་དེ་ཀླུ་མགོ་ལྟར་བྱས་པ་ནི། སྐྲག་བྱེད་ཆེན་པོའི་ཕྱག་རྒྱའོ། །དེ་ཉིད་ལས་སྙིམ་པའི་ཚུལ་དུ་བྱས་ལ་མཐེ་བོང་གཉིས་ཀྱི་རྩེ་མོ་
Ma191b
སྤྲད་དེ་ཁ་སྦྱར་བ་ནི། སྤྱན་དྲང་བའི་ཕྱག་རྒྱའོ། །མཐེ་བོང་གཉིས་བརྐྱང་བ་ནི། སླར་གཏང་བའི་ཕྱག་རྒྱའོ། །མཐེ་བོང་གཉིས་བཀུག་པའི་ཐོར་ཏོ་ནང་དུ་བཅུག་པ་ནི། རྡོ་རྗེ་བྷྲིཾ་གི་རི་ཏིའི་ཕྱག་རྒྱའོ། །རྣ་ཆ་གདོང་གི་ཕྱག་རྒྱ་གཉིས་པའི་ལས་མཐེ་བོང་གཉིས་སྦས་པ་ནི། རྡོ་རྗེ་སེར་སྐྱའི་ཕྱག་རྒྱའོ། །གཤིབས་པ་ལས་སོར་གཉིས་ཙམ་གྱིས་ཕྱེ་སྟེ་མཐེ་བོང་བསྟོད་པ་ནི། གདོན་སྐྲག་པར་བྱེད་པ་དང ། བཅིང་བར་བྱ་བ་ཡིན་ནོ། །གཤིབས་པའི་རྩེ་མོར་གུང་མོ་གཉིས་ཀྱིས་བཀབ་སྟེ་བསྡམས་པ་ནི། གཙུག་ནས་བྱུང་གི་ཕྱག་རྒྱའོ། །དེ་བཞིན་དུ་མཛུབ་མོ་ཕྱེ་སྟེ་དབུས་སུ་བཀུག་ནས་གུང་མོ་གཤིབས་པ་ལ་གཞར་བ་ནི། དེ་བཞིན་གཤེགས་པའི་སྤྱན་གྱི་ཕྱག་རྒྱའོ། །གུང་མོ་སྦས་པ་མཛུབ་མོ་གཉིས་རྩེ་གཅིག་པའི་ཚུལ་དུ་བྱ་བ་ནི། སྒྲོལ་མའི་ཕྱག་རྒྱའོ། །དེ་ཉིད་ལས་མཛུབ་མོ་བཀུག་པ་ནི། ཁྲོ་གཉེར་ཅན་གྱི་ཕྱག་རྒྱའོ། །ཅུང་ཟད་ཕྱེ་བ་ནི། འཇིག་རྟེན་གསུམ་ལས་རྣམ་པར་རྒྱལ་བའི་ཕྱག་རྒྱའོ། །མཐེ་བོང་གཉིས་སྦས་པ་ནི། རྡོ་རྗེ་རྩེ་གཅིག་གི་ཕྱག་རྒྱའོ། །ཅུང་ཟད་བརྐྱང་བ་ནི། རྡོ་རྗེ་སྒྲོག་གི་ཕྱག་རྒྱའོ། །མཐེ་བོང་ཡང་གཤིབས་ལ་མཐེའུ་ཆུང་ཡང་གཤིབས་པ་ནི། རྡོ་རྗེ་གདོང་གི་ཕྱག་རྒྱའོ། །དེ་ཉིད་ལས་ཕྱེ་བ་ནི། རྡོ་རྗེ་སེལ་གྱི་ཕྱག་རྒྱའོ། །གུང་མོ་གཅིག་བསྒྲེང་བ་ནི། གཙུག་ཕུད་ཀྱི་ཕྱག་རྒྱའོ། །མཐེ་བོང་གཉིས་བསྒྲེང་བ་ནི། རྡོ་རྗེ་གདོང་གི་ཕྱག་རྒྱའོ། །དེ་ཉིད་ལས་ཐུར་དུ་
Ma192a
༄#། །བསྟན་ཏེ་མཐེའུ་ཆུང་དང་ལྷན་ཅིག་སྤྲད་པ་ནི། རྡོ་རྗེ་ནམ་མཁའ་ལྡིང་གི་ཕྱག་རྒྱའོ། །སྲིན་ལག་གཉིས་སྦྱར་བ་ནི། ཁྲོ་བོ་འཆོལ་བའི་ཕྱག་རྒྱའོ། །དེ་ལྟར་དེ་ལྟ་བུའི་ཚུལ་དུ་ཕྱག་རྒྱ་གྲངས་མེད་པར་འབྱུང་ངོ ། །རྣ་ཆ་གདོང་གི་ཕྱག་རྒྱ་ཉིད་ལས་གུང་མོ་གཉིས་གཤིབས་པ་ལ་མཛུབ་མོ་གཉིས་ཀྱིས་དཀྲིས་པ་ནི། གདོང་དམར་གྱི་རྩ་བའི་ཕྱག་རྒྱའོ། །མཛུབ་མོ་གཉིས་རྡོ་རྗེ་ལྟར་བྱས་པ་ནི། སྤྱན་དྲང་བའི་ཕྱག་རྒྱའོ། །བཏང་ནས་གྱེན་དུ་གློད་དེ་བཞག་པ་ནི། སླར་བཏང་བའི་ཕྱག་རྒྱའོ། །སྤྱན་དྲང་བའི་ཕྱག་རྒྱ་ལས་མཐེ་བོང་གཉིས་བསྟོད་དེ་བཞག་པ་ནི། གདོན་འཇོམས་པའི་ཕྱག་རྒྱའོ། །རྩ་བའི་ཕྱག་རྒྱ་ལས་མཐེའུ་ཆུང་དང་སྲིན་ལག་གཉིས་སྤྲད་དེ་སྦྱར་བ་ནི། རྡོ་རྗེ་རིགས་ཀྱི་མཛེས་མའི་ཕྱག་རྒྱའོ། །དེ་ཉིད་ལས་མཐེ་བོང་གཉིས་སྦས་པ་ནི། དབང་ཕྱུག་ཆེན་པོའི་མིག་གི་ཕྱག་རྒྱའོ། །མཛུབ་མོ་གཉིས་བཀུག་པ་ལས་བཏང་བས་གུང་མོ་གཤིབས་པའི་སེན་མོ་གཉིས་ཀྱི་ཕྱི་རོལ་ནས་བསྟན་པ་ནི། རིགས་གསུམ་སྤྱིའི་ཕྱག་རྒྱ་ཆེན་པོ་ཡིན་ཏེ། རིག་སྔགས་ཐམས་ཅད་སྲུང་བ་དང ། དབང་བསྐུར་བ་ཐམས་ཅད་དང ། ལས་ཐམས་ཅད་ལ་དམ་ཚིག་གི་ཕྱག་རྒྱ་ཆེན་པོ་ཡིན་ནོ། །སྤྱན་དྲང་བའི་ཕྱིར་ཡང་སྦྱར་བར་བྱའོ། །དེ་ལས་མཐེའུ་ཆུང་བཏང་བ་ནི། མེ་ལྕེ་འབར་བའི་ཕྱག་རྒྱ་སྟེ། རིག་སྔགས་
Ma192b
ཐམས་ཅད་བཅིང་བ་དང ། གྲོལ་བར་བྱེད་པ་ཡིན་ནོ། །དེ་ལྟར་དེ་ལྟ་བུའི་ཚུལ་གྱིས་ཕྱག་རྒྱ་གྲངས་མེད་པ་འབྱུང་ངོ ། །རྐང་པ་གཡས་བ་བརྐྱང་བའི་ཚུལ་དུ་བཞག་ནས་མཛུབ་མོ་གཅིག་དྲང་པོར་བསྲང་སྟེ་ལྟ་བའི་དམིགས་སུ་གཏད་པ་ལག་པ་གཡས་པའི་རྡོ་རྗེ་མདུན་ལོགས་སུ་བཞག་ནས་སྟ་ཟུར་གྱི་ཕྱོགས་སུ་བསྟན་པ་ནི། རྒྱལ་བ་རྩ་བའི་ཕྱག་རྒྱའོ། ། དེ་ཉིད་ལས་དཔུང་པ་བརྐྱང་ལ་ཁྲོ་བོའི་ལྟ་བ་བྱས་ཏེ་བསྡིགས་པ་ནི། ཁྲོ་བོ་སྲོག་མེད་ཀྱི་ཕྱག་རྒྱའོ། །དེ་ལས་མཐེ་བོང་དང་གཤིབས་པ་ནི། ཁྲོ་བོ་རབ་ཏུ་གཏུམ་པའི་ཕྱག་རྒྱའོ། །དེ་ཉིད་ལས་གཡོན་བརྐྱང་གི་ཚུལ་དུ་བྱས་པ་ནི། རྡོ་རྗེ་དབྱུག་སྔོན་གྱི་ཕྱག་རྒྱའོ། །ཁྲོ་བོ་ཐམས་ཅད་ཀྱི་སྤྱིའི་ཕྱག་རྒྱ་སྔ་མ་ལས་མཐེ་བོང་བརྐྱང་བ་ནི། ཞབས་ལས་བྱུང་གི་ཕྱག་རྒྱའོ། །རྡོ་རྗེ་ཉིད་བསྟོད་དེ་བསྟན་པ་ནི། རྡོ་རྗེ་ཕོ་ཉ་མའི་ཚོགས་ཐམས་ཅད་ཀྱི་སྤྱིའི་ཕྱག་རྒྱའོ། །དེ་ཉིད་ལས་སྙིང་གར་རྡོ་རྗེ་བྱས་པ་ནི། ཁྲོ་བོ་མེ་གཏུམ་པོའི་ཕྱག་རྒྱའོ། །ལག་པ་གཡོན་པའི་སོར་མོ་གསུམ་བཅུམ་ལ་མཐེ་བོང་ངོས་ཀྱི་མཛུབ་མོའི་སེན་མོ་མནན་ཏེ་སྙིང་གའི་ཕྱོགས་སུ་བཟུང་ལ་ལག་པ་གཡས་པའི་རྡོ་རྗེ་བསྟོད་པ་ནི། ཁྲོ་བོ་ལྷའི་ཡན་ལག་གི་ཕྱག་རྒྱའོ། ། དེ་ཉིད་ལས་ལག་པ་གཡོན་པའི་མཛུབ་མོ་བཏང་སྟེ་དེ་བཞིན་དུ་བཟུང་བ་ནི། གདོན་ཞི་བར་བྱ་བའི་ཕྱིར་ཕོ་ཉ་མོ་ཐམས་ཅད་ཀྱི་སྤྱིའི་ཕྱག་རྒྱ་ཡིན་ནོ། །དེ་བཞིན་དུ་མཛུབ་མོ་དང་གུང་མོ་བརྐྱང་
Ma193a
༄#། །བ་ནི། རྣམ་པར་རྒྱལ་བའི་ཕྱག་རྒྱའོ། །དེ་ཉིད་ལས་མཛུབ་མོ་ཅུང་ཟད་བཀུག་སྟེ་གཡོན་བརྐྱང་བའི་ཚུལ་དུ་བྱས་པ་ནི། སྤྱན་དྲང་བའི་ཕྱག་རྒྱའོ། །གུང་མོའི་རྩེ་མོ་མཐེ་བོས་བཀབ་སྟེ་མཛུབ་མོ་བརྐྱང་བ་ནི། གདོན་འཇོམས་པའི་ཕྱག་རྒྱའོ། །རྩ་བའི་ཕྱག་རྒྱ་དེ་ཉིད་ལས་མཛུབ་མོ་དང་སྲིན་ལག་གཉིས་ཀྱིས་ཕྱི་རོལ་ནས་དཀྲིས་ལ་གཡས་བརྐྱང་བའི་ཚུལ་དུ་བྱས་པ་ནི། མི་བཟད་པའི་ཕྱག་རྒྱའོ། །དེ་ཉིད་ལས་གཡོན་བརྐྱང་བའི་ཚུལ་དུ་བྱས་པ་ནི། རྣམ་པར་རྒྱལ་བ་མི་བཟད་པའི་ཕྱག་རྒྱའོ། །ཕྱག་རྒྱ་དེ་ཉིད་མགོ་བོར་བཞག་པ་ནི།་འཇིགས་པའི་ཕྱག་རྒྱའོ། །རྐང་པ་གཡས་བརྐྱང་གི་ཚུལ་དུ་བྱས་ལ་ལག་པ་གཡོན་པ་སྟ་ཟུར་གྱི་ཕྱོགས་སུ་བཞག་ནས་གཡས་པའི་མཐེ་བོང་གི་ངོས་ཀྱིས་མཐེའུ་ཆུང་དང་སྲིན་ལག་བསྣོལ་བ་མནན་ཏེ་གུང་མོ་བསྒྲེང་ལ་མཛུབ་མོ་ཅུང་ཟད་བཀུག་ནས་རྣ་བའི་ཕྱོགས་སུ་བཞག་པ་ནི། བཅོམ་ལྡན་འདས་མ་རྡོ་རྗེ་ལྕགས་ཀྱུ་མའི་རྩ་བའི་ཕྱག་རྒྱའོ། ། དེ་ཉིད་ལས་མཐེ་བོང་བཏང་བ་ནི། ལྕགས་ཀྱུ་མའི་ཕྱག་རྒྱ་ཐ་དད་པ་ཡིན་ནོ། །གཡོན་བརྐྱང་གི་ཚུལ་དུ་བྱས་ལ་ལག་པ་གཡོན་པས་དེ་བཞིན་དུ་བྱས་པ་ནི། ལྕགས་ཀྱུའི་ཕྱག་རྒྱའོ། །རྩ་བའི་ཕྱག་རྒྱ་ཉིད་ལས་རྐང་བ་བསྙམས་ཏེ་བསྒྲེང་བ་ནི། སའི་ལྷ་མོའི་ཕྱག་རྒྱའོ། །རྩ་བའི་ཕྱག་རྒྱ་ལས་རྐང་བ་གཉིས་བསྐུམས་ལ་མཛུབ་མོ་བརྐྱང་སྟེ་བསྟན་པ་ནི།
Ma193b
རྡོ་རྗེ་ལྕགས་ཀྱུ་མའི་གདོན་ཞི་བར་བྱ་བའི་ཕྱག་རྒྱའོ། །མདུན་ལོགས་སུ་མཛུབ་མོ་གཅིག་གི་དབུས་བཀུག་སྟེ་བཞག་ལ་གུང་མོ་བརྐྱང་སྟེ་བསྟན་པ་ནི། རྡོ་རྗེ་གདན་གྱི་ཕྱག་རྒྱའོ། ། གཡོན་པའི་སོར་མོ་གཉིས་ཀྱིས་དེ་བཞིན་དུ་བྱས་པ་ནི། ལྷའི་ཕྱག་རྒྱའོ། །མཛུབ་མོ་གཅིག་པུ་ནི། འཇམ་དཔལ་གྱི་ཕྱག་རྒྱའོ། །གུང་མོ་ནི། རྡོ་རྗེ་མཛེས་མའི་ཕྱག་རྒྱའོ། ། གཡས་བརྐྱང་གི་ཚུལ་དུ་གནས་ལ་ལག་པ་གཡོན་པའི་སེན་མོ་རྣམས་སྦས་ཏེ་ཁུ་ཚུར་བཅངས་ནས་དེ་བཞིན་དུ་ལག་པ་གཡས་པའི་རྡོ་རྗེ་བརྐྱང་སྟེ་ལྟ་བའི་དམིགས་སུ་གཏད་པ་ནི། རྡོ་རྗེ་ཁུ་ཚུར་གྱི་ཕྱག་རྒྱའོ། །མཛུབ་མོ་སྟེང་དུ་བཞག་པ་ནི། སྙིང་པོའི་ཕྱག་རྒྱའོ། །གུང་མོ་ཡང་དེ་ལྟར་བྱས་པ་ནི། ཉེ་བའི་སྙིང་པོའི་ཕྱག་རྒྱའོ། །གུང་མོ་དང་མཐེ་བོང་གཉིས་སྦྱར་ལ་སོར་མོ་གཞན་རྒྱབ་ཏུ་བཞག་པ་ནི། རྡོ་རྗེ་འཇོམས་མའི་ཡིན་ཏེ། ཕྱོགས་བཞི་སྲུང་བ་ཡིན་ནོ། །གཡས་བརྐྱང་གི་ཚུལ་གྱིས་ལག་པ་གཡོན་པའི་རྡོ་རྗེ་གཡས་པའི་དཔུང་མགོར་བཞག་ལ་ལག་པ་གཡས་པའི་རྡོ་རྗེ་བསྟོད་ནས་དཔུང་པ་གཡོན་བ་རྣ་བའི་ཕྱོགས་སུ་བཞག་སྟེ་ལྟ་བའི་དམིགས་སུ་བཏད་པ་ནི། རྡོ་རྗེ་ཕག་མོའི་ཕྱག་རྒྱའོ།། གཡོན་བརྐྱང་གི་ཚུལ་གྱིས་ལག་པ་གཡོན་པ་བཀན་ལ་མཛུབ་མོ་དང་མཐེའུ་ཆུང་གཉིས་བཀུག་སྟེ་པདྨའི་རྩ་བ་ལྟར་བྱས་ལ་གཡས་པ་ཡང་དེ་ཉིད་དང་འདྲ་བར་བཞག་པ་ནི།
Ma194a
༄#། །ལུས་དམར་གྱི་ཕྱག་རྒྱའོ། །འབར་བའི་ཕྱག་རྒྱ་ཡང་དེ་ཉིད་ཡིན་ནོ། །སྙིང་པོ་གང་ནས་འབྱུང་བའི་ཕྱག་རྒྱ་ཡང་དེ་ཉིད་ཡིན་ནོ། །རྡོ་རྗེ་བྷྲིཾ་གི་རི་ཏིའི་ཕྱག་རྒྱ་ཡང་དེ་ཉིད་ཡིན་ནོ། །གཡས་བརྐྱང་གི་ཚུལ་གྱི་ལག་པ་གཡོན་པ་བཀན་ཏེ་བརྐྱང་ལ་མཐེ་བོང་དང་མཐེའུ་ཆུང་སོ་སོར་བསྐྱེད་ནས་སོར་མོ་ལྷག་མ་རྣམས་ཀླུ་མགོའི་གདེངས་ཀ་ལྟར་བཞག་།གཡས་པ་ཡང་མཚན་ཉིད་དེ་དང་འདྲ་བར་བྱས་ལ་གཞུ་འགེངས་པ་ལྟར་གྲུ་མོ་རྣ་བའི་ཕྱོགས་སུ་བཟུང་བ་ནི། ཀླུ་ཆེན་པོའི་ཕྱག་རྒྱའོ། །ཁྱབ་འཇུག་གི་འདུག་སྟངས་ཀྱིས་མཐེ་བོའི་སེན་མོ་རྐང་པ་གཡོན་པའི་འོག་ཏུ་སྦྱར་ཏེ་ལག་པ་སྟེང་དང་བཅས་པར་སྦྱར་བའི་མཐིལ་གྱིས་གདེག་ཅིང་ལག་བ་བསྣོལ་བས་བཟུང་ལ། ཕོ་ལོང་གི་ཐབས་སུ་གྱེན་དུ་སྦར་ཞིང་ལག་པ་བསྐོར་ཏེ་བཀན་པས་ནུ་མའི་བར་དུ་གདེག་ཅིང་བསྐོར་ལ། ལག་པ་གཉིས་ཀྱི་མཐིལ་ལོགས་ཀྱི་སོར་མོ་ལ་བལྟས་ནས་མིག་གྱེན་ཁར་བསྒྱུར་ཏེ་བཏེག་ལ་གློག་སྒྱུར་བའི་ཕྱག་རྒྱ་ཡང་བཅིངས་ནས་གཡོན་པའི་སོར་མོའི་རྡོ་རྗེའི་ཆེན་པོ་བསྟོད་པ་བྱས་ན། དེས་ལྷ་དང ། གནོད་སྦྱིན་དང ། ལྷ་མ་ཡིན་དང ། ཀླུ་དང ། སྲིན་པོ་རྣམས་དང ། ལོག་འདྲེན་རྣམས་དང ། འགྲམ་ན་གནས་པ་ཐམས་ཅད་དང ། ཚངས་པ་དང ། སྐེམ་བྱེད་དང ། དབང་ཆེན་དང ། དྲག་པོ་ལ་སོགས་
Ma194b
པའི་སྙིང་ལ་གློག་འགྱུར་བའི་ཤུགས་འདི་བབ་པས་འོང་བར་འགྱུར་ཏེ། མཐུ་སྟོབས་བཅོམ་ནས་རྡོ་རྗེའི་རྗེས་སུ་མཐུན་དང་དུལ་ཞིང་རྡོ་རྗེ་ལ་འདུད་པར་འགྱུར་རོ། །དེ་དག་གི་ཕྱིར་ཞི་བར་བྱས་ན། དེའི་ཚེ་ཕྱག་རྒྱ་དེ་སྙིང་གར་བཀྲོལ་བ་དེ་དག་དེའི་མོད་ལ་མཐུན་པར་བདེ་བར་འགྱུར་བའི་ཕྱིར་དང་ཞིང་བྱམས་པའི་སེམས་དང་ལྡན་པར་བཟླས་བརྗོད་བྱའོ། །དེ་ནས་བཅོམ་ལྡན་འདས་མ་རྡོ་རྗེ་ལུ་གུ་རྒྱུད་ཀྱི་ཕྱག་རྒྱའི་མཚན་ཉིད་འབྱུང་སྟེ། ལག་པ་གཡོན་པ་ཕྱིར་བསྟན། གཡས་པ་ནང་དུ་བསྟན་ཏེ་གཅིག་ཏུ་སྦྱར་ནས་ལག་པའི་སོར་མོ་རྣམས་ཀྱིས་གཡོན་པའི་མཐེའུ་ཆུང་ནས་བརྩམས་ཏེ་རེ་རེ་ནས་བཟུང་སྟེ་དཀྲིས་ལ་གྲུ་མོ་བསྙམས་ནས་ཕྱག་རྒྱ་སྙིང་གར་བཞག་སྟེ་མཐེ་བོང་གཉིས་ཀྱིས་སོ་སོའི་སྲིན་ལག་མནན་ལ་ལག་པ་གཉིས་ཕྱིར་བསྟན་པ་ནི། བཅོམ་ལྡན་འདས་མ་རྡོ་རྗེ་ལུ་གུ་རྒྱུད་ཀྱི་རྩ་བའི་ཕྱག་རྒྱའོ། །ཐབས་དེ་ཉིད་ལས་ལག་པ་གཉིས་བཀན་པ་ནི། བཅིངས་པའི་ཕྱག་རྒྱའོ། །ལག་པ་གཉིས་ཀའི་མཛུབ་མོ་དང་མཐེ་བོང་གང་བུ་ལྟར་ཕན་ཚུན་སྤྲད་པ་འདི་ནི། རྡོ་རྗེ་ལུ་གུ་རྒྱུད་ཐ་དད་པ་ཡིན་ནོ། །མཐེ་བོང་གཉིས་བསྐྱེད་པ་ནི། རྡོ་རྗེ་སྒྲོག་གི་ཕྱག་རྒྱའོ། །གཡོན་པ་བཀན་པ་གཡས་པ་ཁས་ཕུབ་སྟེ་སོར་མོ་རྣམས་གཅིག་ལ་གཅིག་བསྡམས་པ་འདི་ཡང་རྡོ་རྗེ་ལུ་གུ་རྒྱུད་ཀྱི་ཕྱག་རྒྱ་ཡིན་ནོ། །དེ་ལས་
Ma195a
༄#། །ཁུ་ཚུར་བཅངས་ཏེ་མཐེ་བོང་གཉིས་བརྐྱང་བ་ནི། རྡོ་རྗེ་ཐོག་གི་ཕྱག་རྒྱའོ། །སོར་མོ་རྣམས་ཕྱེ་སྟེ་ཁུ་ཚུར་བཅངས་ལ་མཛུབ་མོ་གཉིས་ཀྱིས་མནན་ཏེ་སྒྲ་དང་བཅས་པར་བརྡབ་པ་ནི། དགྲོལ་བའི་ཕྱག་རྒྱའོ། །ཕྱག་འཚལ་བའི་ཐལ་མོའི་སོར་མོ་བསྙམས་ལ་མཛུབ་མོ་གཉིས་སོ་སོར་བཀུག་སྟེ་གུང་མོ་གཉིས་ངོས་ལ་བསྟན་པ་ནི། སངས་རྒྱས་ཀྱི་སྤྱན་གྱི་ཕྱག་རྒྱའོ། །ཕན་ཚུན་བསྣོལ་ཏེ་སྙིམ་པ་བཟེད་ལ་མཛུབ་མོ་གཉིས་ཀྱི་སེན་མོ་གཅིག་གིས་གཅིག་བཀབ་པ་ནི། སྤྱན་དྲང་བ་ཡིན་ནོ། །དེ་ལས་ལྡོག་པ་ནི། སླར་གཏང་བ་ཡིན་ནོ། །དེ་བཞིན་དུ་ལག་པ་གཡས་པའི་ཁུ་ཚུར་གྱི་རྡོ་རྗེ་ཐོ་བ་ཕྲག་པ་ལོགས་སུ་བཞག་སྟེ་ལྟ་སྟངས་ཀྱིས་སྙིང་ལ་བསྡིགས་པ་ནི། ཁྲོ་བོའི་ཕྱག་རྒྱའོ། །ཡིག་འབྲུ་བཅུ་པའི་ཚུལ་དུ་བྱས་པ་ནི། རྡོ་རྗེ་དབྱུག་པའི་ཡིན་ནོ། །དེ་ཉིད་ལས་བསྟོད་པ་ནི། ཁྲོ་བོ་འགྲོ་བའི་ཕྱག་རྒྱའོ། །མཐེ་བོང་བཀྱེད་པ་ནི། གཞོམ་པའི་ཕྱག་རྒྱའོ། །གཡས་པའི་མཐེ་བོང་དང་མཐེའུ་ཆུང་གཉིས་ཀྱིས་གཡོན་པའི་ཁུ་ཚུར་བཟུང་ལ་མཛུབ་མོ་དང་གུང་མོ་དང་སྲིན་ལག་རྣམས་བརྐྱང་སྟེ་མདུང་རྩེ་གསུམ་པའི་དབྱིབས་ལྟར་བྱས་པ་ནི། གཙུག་ནས་བྱུང་གི་ཕྱག་རྒྱའོ། །མེ་ལྷ་སྤྱན་དྲང་བའི་ཕྱག་རྒྱ་ཡང་དེ་ཉིད་ཡིན་ནོ། །གཡོན་པའི་སྲིན་ལག་དང་གུང་མོ་སྦས་
Ma195b
བ་ནི།་གཙུག་ནས་བྱུང་གི་ཕྱག་རྒྱ་ཐ་དད་པ་ཡིན་ནོ། །ལག་པ་གཡོན་པའི་སྲིན་ལག་དང་གུང་མོ་བཀུག་པ་མཐེ་བོས་བཟུང་ལ་མཛུབ་མོ་དང་མཐེའུ་ཆུང་གཉིས་བརྐྱང་པ་ནི། རྡོ་རྗེ་འཇིགས་བྱེད་ཆེན་པོའི་ཕྱག་རྒྱའོ། །དེ་ཉིད་མཛུབ་མོའི་ཐོར་ཏོ་མཐེ་བོའི་རྩེ་མོ་ལོགས་སུ་བཏུད་པ་འདི་ནི། རྡོ་རྗེ་འཇིགས་བྱེད་ཆེན་པོའི་ཕྱག་རྒྱ་ཐ་དད་པ་སྟེ། རྡོ་རྗེ་རྩེ་གཅིག་པ་ཡིན་ནོ། །གཞན་ཡང་ནམ་མཁའ་ལྡིང་དང་དཔལ་གྱི་བེའུའི་དབྱིབས་དེ་ལས་མཐེའུ་ཆུང་དང་སྲིན་ལག་གཉིས་ཀྱི་ཐོར་ཏོ་བཀུག་པ་ནི། མིག་གི་ཕྱག་རྒྱ་ཞེས་གྲགས་སོ། །མཐེའུ་ཆུང་དང་སྲིན་ལག་དང་གུང་མོ་རྣམས་ཀྱི་ཐོར་ཏོ་ལེགས་པར་བཀུག་པ་ནི། ཁྲོ་གཉེར་ཅན་གྱི་ཕྱག་རྒྱའོ། །མིང་མེད་དང་གུང་མོ་དང་སྲིན་ལག་དང་གུང་མོ་རྣམས་ཀྱི་ཐོར་ཏོ་ལེགས་པར་བཀུག་པ་ནི། ཁྲོ་གཉེར་ཅན་གྱི་ཕྱག་རྒྱའོ། །མཛུབ་མོ་དང་གུང་མོ་དང་སྲིན་ལག་དང་མཐེའུ་ཆུང་རྣམས་སྤྲད་ལ་མཐེ་བོང་གཉིས་ཀྱི་ཐོར་ཏོ་གུང་མོ་དང་སྲིན་ལག་གི་མཚམས་སུ་བཞག་པ་ནི། རྟ་མགྲིན་གྱི་ཕྱག་རྒྱའོ། །དེ་ཉིད་ལས་སྲིན་ལག་དང་གུང་མོ་གཉིས་ཀྱི་ཚིགས་ནང་དུ་བཀུག་སྟེ་མཐེའུ་ཆུང་གཉིས་བརྐྱང་པ་ནི། རུས་སྦལ་གྱི་ཕྱག་རྒྱ་གཉིས་པ་ཡིན་ནོ། །ལག་པ་གཉིས་བླ་འོག་ཏུ་བསྟན་ཏེ་བསྣོལ་ལ་སོར་མོ་རྣམས་གཅིག་ལ་གཅིག་དཀྲིས་ནས་མཐེ་བོང་དང་མཐེའུ་ཆུང་རྣམས་སྤྲད་པ་ནི། རུས་སྦལ་དང་རྡོ་རྗེ་ས་འོག་གི་
Ma196a
༄#། །ཕྱག་རྒྱའོ། །ལག་པ་གཉིས་ཁུ་ཚུར་བཅངས་ལ་གུང་མོ་བརྐྱང་སྟེ་རྡོ་རྗེ་ལྟར་བྱས་ནས་གཡོན་པའི་མཛུབ་མོ་བརྐྱང་བ་ནི། རྡོ་རྗེ་དབྱུག་པའི་ཕྱག་རྒྱའོ། ། སྒྲོལ་མའི་ཕྱག་རྒྱ་ཉིད་ལས་མཛུབ་མོ་གཉིས་ཀྱི་ཐོར་ཏོ་ནས་གང་ཙམ་གྱིས་ཕྱེ་བ་ནི། རྡོ་རྗེ་ཡངས་པའི་ཕྱག་རྒྱའོ། །ནས་གཉིས་ཙམ་གྱིས་ཕྱེ་བ་ནི། བདུད་རྩི་ཐབ་སྦྱོར་གྱིའོ། ། མཛུབ་མོ་གཉིས་བརྐྱང་བ་ནི། ཀུན་ཏུ་ཡངས་པའི་ཕྱག་རྒྱའོ། །དེ་ནས་མཛུབ་མོ་གཉིས་བརྐྱང་སྟེ་སྤྲད་པ་ནི། པདྨ་ཡངས་པའི་ཕྱག་རྒྱའོ། །མཛུབ་མོ་གཉིས་བརྐྱང་མར་བརྗོད་པ་ནི།་རྡོ་རྗེ་ས་འོག་གི་ཕྱག་རྒྱའོ། །དེ་ཉིད་ལས་གུང་མོ་གཉིས་ཀྱི་ཐོར་ཏོའི་ཚིགས་དང་པོ་གདུ་བུ་ལྟར་བཀུག་ལ་མཛུབ་མོ་གཉིས་ཀྱི་རྩེ་མོ་སྤྲད་པ་ནི། རྡོ་རྗེ་དགྲ་སྟའི་ཕྱག་རྒྱའོ། །གཡོན་པའི་མཛུབ་མོ་བརྐྱང་བ་ནི། རལ་གྲི་དང ། དགྲ་སྟའི་ཕྱག་རྒྱའོ། །གུང་མོ་དང་སྲིན་ལག་གཉིས་ཐོར་ཏོ་བསྣོལ་ཏེ་སྦྱར་ལ་མཛུབ་མོ་དང་མཐེའུ་ཆུང་བརྐྱང་སྟེ་གུང་མོ་དང་མཐེ་བོང་གཉིས་ཀྱི་རྩེ་མོ་སྦྱར་བ་ནི། རྡོ་རྗེ་སེངྒེའི་ཁྲིའི་ཕྱག་རྒྱའོ། །མཛུབ་མོ་དང་གུང་མོ་གཅིག་ལ་གཅིག་བསྟན་ལ་མཐེ་བོང་བརྐྱང་སྟེ་སྦྱར་ནས་མཐེའུ་ཆུང་ཡང་བརྐྱང་སྟེ་སྦྱར་བ་ནི། རྡོ་རྗེ་ལྕགས་མདའི་ཕྱག་རྒྱའོ། །ལག་པ་གཉིས་བསྣོལ་ལ་མཐེ་བོང་གཉིས་བསྒྲེང་སྟེ་སོར་གཉིས་ཙམ་གྱིས་ཕྱེ་བ་ནི། རུས་སྦལ་གྱི་ཕྱག་རྒྱ་དང །
Ma196b
ཕུར་བུ་དབྱུང་བའི་ཕྱག་རྒྱའོ། །ལག་པ་གཉིས་བསྣོལ་ཏེ་སོར་མོ་ཐམས་ཅད་སྦྱར་བར་བྱ་བ་ནི། རྡོ་རྗེ་ར་བའི་ཕྱག་རྒྱའོ། །ལག་པ་གཉིས་བཀན་ལ་མཐེའུ་ཆུང་ནང་དུ་སྦྱར་ཏེ་མཛུབ་མོ་དང་གུང་མོ་དང་སྲིན་ལག་རྣམས་རྒྱབ་ཏུ་བསྒྲེངས་ནས་མཛུབ་མོ་དང་གུང་མོ་དང་སྲིན་ལག་རྣམས་ཀྱིས་མནན་ཏེ་མཐེ་བོང་གཉིས་རུས་སྦལ་གྱི་ཕྱག་རྒྱ་བཞིན་དུ་བྱས་པ་ནི།་ཤེས་རབ་ཀྱི་ཕ་རོལ་ཏུ་ཕྱིན་པའི་ཕྱག་རྒྱའོ། །སྲིན་ལག་ནང་དུ་བཀུག་ལ་མཐེ་བོང་གཉིས་ཀྱི་ཚིགས་དྲང་པོར་མནན་ཏེ་མཛུབ་མོ་གཉིས་ཀྱི་རྩེ་མོ་གུང་མོ་གཉིས་ཀྱི་ཚིགས་དང་པོར་སྦྱར་ནས་མཐེའུ་ཆུང་གཉིས་དྲང་པོར་སྦྱར་བ་ནི། མཚོན་ཆ་ཆེན་པོའི་ཕྱག་རྒྱའོ། །དེ་ཉིད་ལས་མཛུབ་མོ་གུང་མོ་གཉིས་ཀྱི་སེན་མོ་ལ་བརྟེན་པ་ནི། མཚོན་ཆ་མཆོག་གི་ཕྱག་རྒྱའོ། །མཚོན་ཆ་ཆེན་པོའི་ཕྱག་རྒྱ་དེ་ཉིད་ལས་མཛུབ་མོ་གཉིས་གུང་མོ་གཉིས་ཀྱི་ཚིགས་དང་པོའི་བསྲུབས་ཀྱི་གློར་གཞར་བ་ནི། མཚོན་ཆའི་ཤུགས་ཀྱི་ཕྱག་རྒྱའོ། །དེ་ཉིད་ལས་མཛུབ་མོ་གཉིས་ཀྱི་ཐོར་ཏོ་གུང་མོའི་ཚིགས་དང་པོ་ནས་ཅུང་ཟད་བཀུག་སྟེ་གུང་མོ་གཉིས་ཀྱི་ཚིགས་དབུ་མར་སྦྱར་བ་ནི། མཚོན་ཆའི་སྙིང་པོ་ཡིན་ནོ། །མཚོན་ཆ་ཆེན་པོ་དེ་ཉིད་ལས་སྲིན་ལག་དང་མཐེ་བོང་ངོས་སྦྱར་བ་ནི། ཚོལ་བའི་མཚོན་ཆའོ། །ལག་པའི་ཕྱག་རྒྱ་དྲང་ཐབས་སུ་བྱས་པ་ནི། དམ་ཚིག་ཆེན་པོའི་ཕྱག་རྒྱ་ཡིན་ཏེ། ཕྱག་འཚལ་
Ma197a
༄#། །བའི་ཕྱག་རྒྱ་དང་འདྲའོ། །ནམ་མཁའ་ལྡིང་གི་དཔལ་བེའུའི་ཕྱག་རྒྱ་ལྟར་སྲིན་ལག་ཕྱེ་སྟེ་མཐེ་བོང་གཉིས་དྲང་བོར་གཤིབས་པ་ཡང་རྡོ་རྗེ་དབྱུག་སྔོན་གྱི་ཕྱག་རྒྱའོ། །དེ་ཉིད་ལས་མཐེ་བོང་གཉིས་ཀྱི་ཚིགས་དང་པོ་ལེགས་པར་བཀུག་སྟེ་སྲིན་ལག་གཉིས་ཀྱི་དྲུང་དུ་བརྟེན་པ་ནི། རྡོ་རྗེ་དབྱུག་པའི་ཕྱག་རྒྱའོ། །མདའ་བོ་ཆེའི་དབྱིབས་ལྟར་གུང་མོ་གཉིས་ཀྱི་དྲུང་དུ་མཐེ་བོང་གཉིས་གཤིབས་པའི་རྩེ་མོ་བཀུག་པ་ནི། གཙུག་ཏོར་གྱི་ཕྱག་རྒྱའོ། །པདྨའི་གདན་གྱི་དབྱིབས་ལྟར་བྱས་ཏེ་གུང་མོ་གཉིས་ཀྱི་ཐོར་ཏོ་སྤྲད་པ་ནི། སྤྱན་རས་གཟིགས་དབང་ཕྱུག་གི་ཕྱག་རྒྱའོ། །མཐེའུ་ཆུང་དང་སྲིན་ལག་གདུ་བུ་ལྟར་བཀུག་ལ་དེ་བཞིན་དུ་སྤྲད། གུང་མོ་གཉིས་གཤིབས་པ་མནན་ནས་གཤིབས་པའི་ཚིགས་དང་པོར་མཛུབ་མོ་གཉིས་གཞར་བ་ནི། འདོད་པའི་རྡོ་རྗེ་མའིའོ། །དེ་ཉིད་ལས་མཐེ་བོང་གཉིས་སེན་མོ་སྤྲད་པ་དེ་ལ་སྲིན་ལག་གཉིས་སྦྱར་བ་ནི།་ལུས་ལས་བྱུང་གི་ཕྱག་རྒྱའོ། །ཐལ་བའི་ཁུ་ཚུར་ནི། འཇོམས་བྱེད་ལྔའི་ཕྱག་རྒྱའོ། །ལག་པ་གཉིས་བཀན་ཏེ་སོར་མོའི་ཕྱི་རོལ་ཏུ་བསྣོལ་མར་བརྐྱང་ལ་མཛུབ་མོ་བསྲང་སྟེ་ཐོར་ཏོར་སྦྱར་ནས་མཐེ་བོང་བརྐྱངས་ནས་མདུང་རྩེ་གསུམ་པའི་དབྱིབས་ལྟར་བྱས་པ་ནི། ཏ་མུའི་ཕྱག་རྒྱའོ། །མཐེའུ་ཆུང་དང་སྲིན་ལག་གི་ཐོར་ཏོ་མཐེ་བོས་མནན་
Ma197b
ལ་སོར་མོ་ལྷག་མ་རྣམས་བརྐྱང་སྟེ་མདུང་རྩེ་གསུམ་པའི་ཕྱག་རྒྱའོ། །ལག་པ་གཉིས་བཀན་ཏེ་སོར་མོའི་དབྱིབས་ལྟར་བྱས་པ་ནི། ལུས་དཔག་མེད་ཀྱི་ཕྱག་རྒྱའོ། །ལག་པ་གཉིས་གླང་པོ་ཆེའི་སྣའི་དབྱིབས་ལྟར་བྱས་པ་ནི། འཇིགས་བྱེད་ཀྱི་ཕྱག་རྒྱའོ། །སྨིན་མ་ཡང་བཀུག་པ་ནི། ཁྲོ་བོ་དབང་ཕྱུག་གི་ཡིན་ཏེ། འདི་དག་ནི། རིགས་ཀྱི་རྒྱལ་པོ་བཅོ་བརྒྱད་ཀྱི་ཕྱག་རྒྱ་ཡིན་ནོ། །མཛུབ་མོ་གཉིས་སོ་སོའི་གུང་མོའི་དྲུང་དུ་བཀུག་པ་ནི། ལོག་འདྲེན་རྣམས་ཀྱི་ཕྱག་རྒྱའོ། །ལག་པའི་ཁུ་ཚུར་ནམ་མཁའ་ལྟར། །ཁོང་སྟོང་སྦྱར་ནས་དེ་བཞིན་དུ། །མཐེ་བོང་གཉིས་ཀྱང་བསྟོད་པ་ནི། །ཚངས་པ་ཞེས་ནི་བྱ་བར་བཤད། །མཐེ་བོང་གཉིས་ནི་བཏུད་ནས་ཀྱང ། །ཅུང་ཟད་བསྟོད་པ་ཁྱབ་འཇུག་གི་།གུང་མོ་གྱེན་དུ་བསྒྲེངས་བྱས་ལ། །དེ་ཡི་སྟེང་དུ་མཛུབ་མོ་དང ། །མཐེ་བོང་ལྷན་ཅིག་བཞག་པ་ནི། །ཉི་མ་ཡི་ནི་ཡིན་པར་བཤད། །གཡོན་པའི་སོར་མོ་བཞི་པོ་རྣམས། །གཡས་པ་ཡིས་ནི་བཅུམ་པར་བྱ། །དེ་ལྟར་ཁུ་ཚུར་བཅངས་བྱས་ནས། །མཐེ་བོང་གཉིས་ནི་བསྐྱེད་དེ་སྦྱར། །གཡོན་པ་མཐོང་བར་བྱས་པ་ནི། །མིག་གཡོན་གྱི་ནི་ཕྱག་རྒྱ་ཡིན། །ལག་པ་གཡས་པའི་མཐེ་བོང་དང ། །མཛུབ་མོ་ཡང་ནི་དེ་བཞིན་སྦྱར། །སོར་མོ་གསུམ་པོ་རྣམས་ཀྱང་ནི། །མཐེ་བོང་ལྷན་ཅིག་སྦྱར་བྱ་ཞིང ། །བྱི་ལའི་སྡེར་མོའི་དབྱིབས་འདྲ་བ། །ཞབས་ཀྱི་
Ma198a
༄#། །སྙིང་པོའི་ཕྱག་རྒྱ་འདི། །འཇིག་རྟེན་གསུམ་གྱི་མཆོད་པ་ཡིན། །སོར་མོ་དག་ནི་བཞི་པོ་རྣམས། །ལག་པ་གཡོན་པས་བཅང་བར་བྱ། །གཡོན་པའི་མཐེ་བོང་བསྐྱེད་ནས་ནི། །གཡས་པ་ཡང་ནི་བསྟོད་པར་བྱ། །ཕྲག་པ་གཉིས་ཀྱི་རྒྱབ་ཏུ་ནི། །རྟག་ཏུ་འདུག་པར་བྱ་བ་ཡིན། །སོར་མོ་ཡི་ནི་མཛུབ་མོ་དང ། །གུང་མོ་ཚིགས་ཀྱི་བར་དུ་ནི། །མཐེ་བོང་གཉིས་ཀྱི་ཐ་མའི་ཚིགས། །སྦྱར་ཞིང་ལེགས་པར་གཞག་པར་བྱ། །གཡོན་པའི་མཁྲིག་མའི་ཕྱོགས་སུ་ནི། །གཡས་པས་མཐེ་བོང་བརྟེན་བྱས་པ། ། སེངྒེའི་རྣ་བ་འདྲ་བ་སྟེ། །ཕྱག་རྒྱ་དཔལ་ལྡན་སྙིང་པོ་ཡིན། །ཕྱག་རྒྱ་གསུམ་པོ་འདི་དག་ནི། །འཁྲུལ་འཁོར་རྣམས་ཀྱི་སྙིང་པོར་བཤད། །འདི་དག་གིས་ནི་སྦྱར་བྱས་ཤིང ། །གསང་སྔགས་ལྡན་པར་བྱས་ན་ནི། །འཁྲུལ་འཁོར་འོད་འབར་གང་ཡིན་དང ། །འཁྲུལ་འཁོར་རྩེ་མོ་མི་བཟད་གང ། །སྣང་བ་དང་ནི་མི་སྣང་དང ། །ཆེ་ཆུང་དང་ནི་དཀར་ནག་རྣམས། །ཐམས་ཅད་ཀྱང་ནི་འཇིགས་འགྱུར་ཏེ། །འདི་ལ་སྤྱད་པར་མི་བྱ་འོ། །འཁྲུལ་འཁོར་ཕྱག་རྒྱ་གསུམ་བཤད་པ། །ཐོར་ཚུགས་གསུམ་པ་ཡིན་པར་བཤད། དེ་ལ་གཉིས་ཀའི་སོར་མོ་ཀུན། །འོག་གི་ཕྱོགས་སུ་བརྟེན་བྱ་ཞིང ། །མཐེ་བོང་ཡང་ནི་དེ་བཞིན་ནོ། །གུང་མོ་གྱེན་དུ་བསྒྲེངས་ནས་ནི། །གཉིས་ཀ་ལྷན་ཅིག་སྦྱར་བྱ་བ། །
Ma198b
ནམ་མཁའ་ཕྱག་རྒྱར་བསྟན་པ་སྟེ། །ལྷ་ཆེན་གྱི་ནི་ཡིན་པར་ཤེས། །བདག་ཉིད་དང་ནི་ལྡན་པ་ཡིན། །གཡོན་པའི་གུང་མོ་གང་ཡིན་པ། །གཉིས་ཀ་ཡི་ནི་བར་དུ་གཞུག་།ལག་པ་གཉིས་ཀའི་སོར་མོ་ཡི། །ལྷག་པ་ཡང་ནི་དགྱེད་པར་བྱེད། །མཐེ་བོང་གཉིས་ཀྱང་དགྱེད་བྱ་སྟེ། །ལྷ་མོའི་ཕྱག་རྒྱ་ཡིན་པར་བཤད། །མདོར་ན་ཕྱག་རྒྱ་འདི་དག་ནི། །བྱས་ན་ལས་རྣམས་གྲུབ་པ་སྟེ། །བགེགས་རྣམས་ཞི་བར་འདོད་པ་བཞིན། །རབ་ཏུ་བསྒྲིམས་ཏེ་སྦྱར་བར་བྱ། །དེ་ལས་གཞན་པ་རྒྱུད་ཀུན་གྱི། །དོན་ཀུན་སྒྲུབ་པར་བྱེད་པ་ཡི། ཕྱག་རྒྱ་སྤྱི་ཡི་སྒྲུབ་པའི་ཐབས། །འདི་དག་ཀྱང་ནི་བཤད་པར་བྱ། །སྤྱན་དྲང་ལ་སོགས་དོན་རྣམས་ལ། །སྲུང་བ་ལ་སོགས་ལས་རྣམས་ལས། །སྒྲུབ་པ་པོས་ནི་རིམ་བཞིན་དུ། །ཕྱག་རྒྱ་འདི་དག་སྦྱར་བར་བྱ། །ཕྱག་རྒྱ་ཀུན་གྱི་ཆོ་ག་ཡི། །གཏང་བ་དང་ནི་དགུག་པ་ཡི། །ཤིན་ཏུ་བཟླས་པའི་སྒྲུབ་པ་པོ། །བགེགས་རྣམས་དང་ནི་ལོག་འདྲེན་གྱིས། །རིང་དུ་ཡོངས་སུ་སྤོང་བར་བྱེད། །ཐོག་མར་ལས་ནི་ཐམས་ཅད་ལ། །བགེགས་ཀུན་ཞི་བར་བྱ་བའི་ཕྱིར། །བགེགས་རྣམས་ཀུན་གྱི་དགྲར་གྱུར་པ། །བདུད་རྩི་ཐབ་སྦྱོར་བཤད་པར་བྱ། །ལག་པ་གཉིས་ཀའི་མཐེ་བོང་གཉིས་ཀྱིས་མཐེའུ་ཆུང་གི་སེན་མོ་མནན་ལ་སོར་མོ་ལྷག་མ་རྣམས་ཀྱི་བར་ནས་གང་ཙམ་གྱིས་ཕྱེ་སྟེ་རྡོ་རྗེའི་མཚན་ཉིད་དུ་བྱས་ལ། དེ་ཉིད་བསྣོལ་ཏེ་དཔུང་
Ma199a
༄#། །མགོར་བཞག་ནས་མཆེ་བ་མནན་ལ་དྲག་ཏུ་ལྟ་ཞིང་འཁུར་བ་བུས་ཏེ་རྐང་པ་ཕྲལ་ལ་འགྲེང་ཞིང་གཡས་བརྐྱང་གི་ཚུལ་གྱིས་ལུས་བཏུད་པ་ནི། འཕགས་པ་བདུད་རྩི་ཐབ་སྦྱོར་གྱི་རྩ་བའི་ཕྱག་རྒྱའོ། །འདི་མངོན་སུམ་དུ་བསྟན་ཏེ་ལོག་འདྲེན་རྣམས་དང ། གདོན་གཞན་རྣམས་ཆིངས་ཤིག་ཅེས་བྱས་ན་བཅིངས་པར་འགྱུར་རོ། །ལག་པ་གཡོན་པའི་རྡོ་རྗེ་གང་ཡིན་པ་དེ་ནི། ལས་ཀྱི་རྡོ་རྗེ་ཞེས་བྱའོ། །གཡས་པ་ནི། དམ་ཚིག་གི་རྡོ་རྗེ་ཡིན་ནོ། །སྙིམ་པ་བཀན་ལ་མཐེའུ་ཆུང་གཉིས་བསྣོལ་བའི་བར་སྲིན་ལག་གཉིས་བཞག་ནས་མཛུབ་མོ་གཉིས་དབུས་བཀུག་ལ་གུང་མོ་གཉིས་གཤིབས་པ་དེའི་ཚིགས་དང་པོར་བསྟན་ཏེ་མཐེ་བོང་གཉིས་གློ་ལ་བཅར་ནས་སྙིམ་པའི་ཐབས་སུ་བྱས་པ་ནི། ཁྲུས་ཀྱི་ཕྱག་རྒྱ་སྟེ། ཁྲུས་བྱེད་པའི་ཚེ་དེ་ལ་ལན་བདུན་བཟླས་བརྗོད་བྱས་ནས་ཕྱག་རྒྱའི་ཆུ་མགོ་བོར་བླུགས་ན། བགེགས་རྣམས་ལས་གྲོལ་ཞིང་ཁྲུས་བྱས་ནས་ཀྱང་འཇུག་པར་མི་འགྱུར་རོ། །དེ་ཉིད་ལས་མཐེ་བོང་གཉིས་བར་དུ་བཅུག་ལ་གཞན་ཐམས་ཅད་སྔ་མ་བཞིན་དུ་བྱས་པ་ནི། སྲུང་བའི་ཕྱག་རྒྱ་སྟེ། མགོ་བོ་དང ། ལག་པ་གཉིས་དང ། སྙིང་ག་དང ། ལྐོག་མ་དང་གནས་ལྔར་རིམ་པ་བཞིན་གཏུགས་པར་བྱའོ། །དེ་ཉིད་ལས་མཛུབ་མོ་གཉིས་བཀུག་མཐེ་བོང་གཉིས་ཚིགས་
Ma199b
དང་པོ་ཡང་ནང་དུ་བཏུད་པ་ནི། ལྷ་ཐམས་ཅད་ཀྱི་སྤྱིའི་ཁྲུས་ཀྱི་ཕྱག་རྒྱའོ། །སྲུང་བའི་ཕྱག་རྒྱ་ལས་མཛུབ་མོ་གཉིས་བཏང་སྟེ་རྡོ་རྗེའི་ཚུལ་དུ་བྱས་པ་ནི། སྲུང་བ་ཆེན་པོ་ལོག་འདྲེན་ཐམས་ཅད་འཇོམས་པར་བྱེད་པ་ཡིན་ཏེ། སྙིང་གར་གཞག་ལ་ཉི་མ་གཅིག་བཟླས་བརྗོད་བྱས་ན། ལོག་འདྲེན་གྱིས་ཟིན་པ་ལས་གྲོལ་བར་འགྱུར་ཏེ། གདོན་ཐམས་ཅད་ལ་ཡང་དེ་བཞིན་དུ་སྦྱར་བར་བྱའོ། །གཡོན་པའི་སོར་མོ་གཉིས་ཀྱི་མཐེ་བོང་སྦས་ཏེ་གདུ་བུ་ལྟར་འདུག་པའི་ནང་དུ་མཐེའུ་ཆུང་དང་མཛུབ་མོ་གཉིས་དབུ་བཀུག་པའི་ཐོར་ཏོ་བཅུག་ལ་ལག་པ་གཡས་པ་སྟ་ཟུར་ཕྱོགས་སུ་རྡོ་རྗེར་བྱས་ཏེ་ལས་ཐམས་ཅད་ལ་དྲི་དང་མེ་ཏོག་དང་བདུག་པ་ལ་སོགས་པ་ཐམས་ཅད་ལ་སྦྱར་ན། བགེགས་འོང་བར་མི་འགྱུར་རོ། །རྡོ་རྗེ་དེ་ཉིད་གཡོན་པའི་གཏུམ་མོ་ཕྱོགས་སུ་བཟུང་ན། གཟི་བྱིན་སྐྱེ་བར་འགྱུར་རོ། །གཡོན་པའི་སྲིན་ལག་བསྒྲེང་བའི་ངོས་ལ་མཐེའུ་ཆུང་དང་གུང་མོ་བསྣོལ་བ་བསྟན་ཏེ་མཛུབ་མོས་མཐེའུ་ཆུང་གི་ཐོར་ཏོ་དམ་དུ་བཟུང་ནས་མཛུབ་མོ་དང་གུང་མོའི་ཐོར་ཏོ་མཐེ་བོས་མནན་པ་ནི། བཅོམ་ལྡན་འདས་དེ་ཉིད་ཀྱི་མཆེ་བའི་ཕྱག་རྒྱ་སྟེ། གདོན་ཐམས་ཅད་དང ། བགེགས་ཆེན་པོ་རྣམས་ལ་སྦྱར་བར་བྱའོ། །སོར་མོ་རྣམས་ཕན་ཚུན་བསྣོལ་ལ་མཐེ་བོང་གཉིས་ནང་དུ་བཅུག་པའི་སྟེང་དུ་མཛུབ་མོ་ཚིགས་གཅིག་
Ma200a
༄#། །བཀུག་སྟེ་གདུ་བུའི་ཐབས་སུ་སྤྲད་པ་ནི། ཆུ་སྩལ་བའི་ཕྱག་རྒྱ་སྟེ། ཆུ་ལ་བསྐོར་ནས་ཅི་དགའ་བར་ཁྲུས་བྱའོ། །རྡོ་རྗེའི་ཕྱག་རྒྱ་ལས་མཛུབ་མོ་བཀུག་པ་ནི།་དེ་ཉིད་སྤྱན་དྲང་བའི་འོ། །གཉིས་ཀ་བརྐྱང་བ་ནི། སླར་གཏང་བ་ཡིན་ཏེ། བདུད་རྩི་ཐབ་སྦྱོར་གྱི་ཕྱག་རྒྱ་ཡིན་ནོ། །ལག་པ་གཡོན་པའི་རྡོ་རྗེ་གང་ཡིན་པ་ནི། ཁྲོ་བོ་ཆེན་པོའི་ཕྱག་རྒྱ་སྟེ། བཅིངས་པ་དང་དཀྱིལ་འཁོར་གྱི་སྐབས་སུ་བཤད་པའི་ལས་གང་དང་གང་ཡིན་པ་དེ་དང་དེ་ལ་ཁྲོ་བོ་ཆེན་པོ་སྦྱར་བར་བྱའོ། །སྤྱན་དྲང་བ་དང ། སླར་གཏང་བ་ལ་ཡང་ཕྱག་རྒྱ་རྣམས་ཇི་ལྟ་བ་བཞིན་དུ་སྔགས་དང་སྦྱར་བར་བྱའོ། །རིགས་ཀྱི་ཕྱག་རྒྱ་ཐམས་ཅད་ལ་ཡང་དེ་དག་ཉིད་ཀྱིས་སྦྱར་བར་བྱའོ། །སྙིམ་པ་ལས་མཐེའུ་ཆུང་དང་སྲིན་ལག་ཕན་ཚུན་བསྣོལ་ཏེ་མཐེ་བོང་གཉིས་གློ་ལ་གཞར། མཛུབ་མོ་གློད་དེ་དབུས་བཀུག་ལ་གུང་མོ་གཤིབས་པའི་ཚིགས་དང་པོར་བཞག་པ་ནི། རིགས་གསུམ་ཆར་གྱི་སྤྱིའི་མཆོད་ཡོན་གྱི་ཕྱག་རྒྱའོ། །དེ་བཞིན་དུ་སོར་མོ་ཕྲུགས་གསུམ་ཕན་ཚུན་བསྣོལ་ལ་མཛུབ་མོ་བརྐྱང་བའི་ཐོར་ཏོ་སྤྲད་ནས་མཐེ་བོང་གཉིས་ཀྱིས་གློར་བཞག་སྟེ་སྙིམ་པའི་ཐབས་སུ་བྱས་པ་ནི། མེ་ཏོག་གི་ཕྱག་རྒྱའོ། །སྙིམ་པ་བཀན་ལ་མཐེའུ་ཆུང་གཤིབས་ཏེ་དེའི་རྒྱབ་ཏུ་སྲིན་ལག་གཤིབས་ཏེ་གཞར། དེའི་རྒྱབ་ཏུ་གུང་མོ་
Ma200b
གཤིབས་ལ་མཛུབ་མོ་གཉིས་ལོགས་ཤིག་ཏུ་བརྐྱང་སྟེ་གཤིབས་ནས་མཐེ་བོང་གཉིས་གློ་ལ་གཞར་ཏེ་སྙིམ་པའི་ཐབས་སུ་བྱས་པ་ནི། བདུག་པའི་ཕྱག་རྒྱའོ། །སྙིམ་པ་བཟེད་མཛུབ་མོ་གཉིས་ཅུང་ཟད་བཀུག་པ་ནི། སྤྱིའི་ལྷ་བཤོས་ཀྱི་ཕྱག་རྒྱ་སྟེ། ནང་དུ་མེ་ཏོག་གཞག་པར་བྱའོ། །ལག་པ་གཡས་པ་སྐྱབས་སྦྱིན་གྱི་ཕྱག་རྒྱར་བྱས་ལ་གཡོན་པ་མཁྲིག་མ་ནས་གདུ་བུ་ལྟར་བཟུང་བ་ནི། དྲིའི་ཕྱག་རྒྱའོ། །ལག་པ་གཡས་པ་ཁུ་ཚུར་བཅངས་ལ་མཐེ་བོང་དང་གུང་མོ་གཤིབས་པ་ནི། སྤྱིའི་མར་མེའི་ཕྱག་རྒྱའོ། །མཐེ་བོང་དང་སྲིན་ལག་གཉིས་ཀྱིས་སྔགས་ཀྱི་ནོར་བུ་བཟུང་ལ་མཐེའུ་ཆུང་དང་གུང་མོ་བརྐྱང་སྟེ་མཛུབ་མོའི་དབུས་བཀུག་ནས་གུང་མོའི་རྒྱབ་ཀྱི་ཚིགས་དང་པོར་བཞག་པ་འདི་ནི། རིག་སྔགས་ཀྱི་ནོར་བུའི་ཕྱག་རྒྱའོ། །སྙིམ་པའི་ནང་དུ་སྔགས་ཀྱི་ནོར་བུ་བླངས་ལ་གསང་སྔགས་བཟླས་བརྗོད་བྱས་ན། དག་པར་བྱས་པར་འགྱུར་རོ། །ལག་པ་གཡས་སྐྱབས་སྦྱིན་གྱི་ཚུལ་དུ་བྱས་ཏེ་བསྟན་ལ་མཛུབ་མོ་བཀུག་ནས་མཐེ་བོང་ཡང་ལག་པའི་མཐིལ་དུ་བཀུག་པ་ནི། མེ་སྤྱན་དྲང་པའོ། །མཛུབ་མོ་དང་མཐེ་བོའི་ཐོར་ཏོ་བཀུག་སྟེ་ལྷན་ཅིག་སྦྱར་བ་ནི། མེ་སླར་གཏང་པའི་འོ། །གཡས་པའི་རྡོ་རྗེ་གང་ཡིན་པ་དེ་ནི། སེམས་དཔའ་ཡིན་ནོ། །ལག་པ་གཉིས་གུང་མོ་གཉིས་དང་སྤྲད་དེ་སྦྱར་ལ་གཞན་བསྣོལ་ནས་ཟླ་འོག་ཏུ་
Ma201a
༄#། །བསྟན་ཏེ་དྲ་བའི་ཐབས་སུ་བྱ་བ་ནི། རྡོ་རྗེ་དྲ་བའིའོ། །མཛུབ་མོ་དང་མཐེའུ་ཆུང་གཤིབས་ལ་མཐེ་བོང་གཉིས་བཀྱེད་ནས་འོག་དང་ཐད་དཀར་ས་ལ་བཞག་སྟེ་གསང་སྔགས་བཟླས་བརྗོད་བྱས་ན། ལས་ཐམས་ཅད་ལ་ས་གཞི་གསལ་བ་དང ། ཡོངས་སུ་བཟུང་བ་བྱས་པར་འགྱུར་ཏེ། རིགས་ཀྱི་སྤྱིའི་སྙིང་པོའི་ཕྱག་རྒྱ་ཡིན་ནོ། །ལྷ་རྣམས་ལ་བསྟན་ན་ཡང་ལྷ་རྣམས་དགའ་བར་བྱས་པ་དང ། བསྐུལ་བར་བྱས་པར་འགྱུར་རོ། །ཁྲོ་བོ་ཀི་ལི་ཀི་ལིའི་ཕྱག་རྒྱ་བཅིངས་པ་ལ་ཕྱག་འཚལ་བའི་ཐལ་མོ་ལས་སོར་མོ་རྣམས་སྦྱར་བ་ནི། མཆོད་པའི་ཕྱག་རྒྱའོ། །བསྔོལ་མར་སྦྱར་བ་ནི། ཕྱག་འཚལ་བའི་ཕྱག་རྒྱའོ། །མེ་ཏོག་ལ་སོགས་པ་མ་འབྱོར་ན་ཡང་ཕྱག་རྒྱ་བཅིངས་པས་འབྱོར་པ་བྱས་པར་འགྱུར་རོ། །ལས་ཐམས་ཅད་ལ་ཡང་བསྐྲད་པ་ནི། །ལས་ཀྱི་རྡོ་རྗེས་བྱའོ། །སངས་རྒྱས་སྤྱན་གྱི་ཕྱག་རྒྱ་ནི། ཐམས་ཅད་དུ་རིག་སྔགས་སྲུང་བར་བྱའོ། །སོར་མོ་ཕན་ཚུན་སྦྱར་ཏེ་ཁུ་ཚུར་བཅངས་ལ་གུང་མོ་གཤིབས་པའི་ཕྱི་རོལ་ཏུ་མཛུབ་མོ་རྡོ་རྗེ་ལྟར་བྱས་ནས་མཐེ་བོང་གཉིས་གློ་ལ་གཞར་བ་ནི།་དམ་ཚིག་ཆེན་པོའི་ཕྱག་རྒྱ་སྟེ། ངན་དུ་བྱས་བ་དག་ལ་ཡང་སྲུང་བ་ཆེན་པོ་ཡིན་ལ་ཉེ་འཁོར་དུ་མཚམས་དེ་འཁོར་ལོས་བསྒྱུར་བའི་བཟླས་བརྗོད་བྱས་སུ་ཟིན་ཀྱང་
Ma201b
སུས་ཀྱང་རིག་སྔགས་ཀྱི་མཐུ་ཉམས་པར་བྱེད་མི་ནུས་སོ། །ཁྲོ་བོ་འཆོལ་བའི་སྦས་པའི་ཕྱག་རྒྱ་ལ་ཡང་སྲུང་བར་འགྱུར་ཏེ། འདི་དག་ནི། སྒྲུབ་པ་རྣམས་ཀྱི་སྤྱིའི་ཕྱག་རྒྱ་ཡིན་ནོ། །དེ་ལས་གཞན་ཡང་སྦྱིན་སྲེག་གི་གསང་སྔགས་ལས་གང་གི་སྐབས་སུ་བསྟན་པ་ལུང་ལས་ཇི་སྐད་འབྱུང་བ་དེ་དག་ལ་ཡང་ལས་ཀྱི་ཕྱག་རྒྱ་སྦྱར་བར་བྱའོ། །རྡོ་རྗེའི་ཕྱག་རྒྱ་ནི། རྡོ་རྗེའི་རིགས་ཐམས་ཅད་སྤྱིའི་ཡིན་ནོ་ཞེས་བཅོམ་ལྡན་འདས་རྡོ་རྗེ་འཛིན་གྱིས་བཤད་དོ། །ན་མོ་རཏྣ་ཏྲ་ཡཱ་ཡ། ན་མོ་བཛྲ་དྷ་ར་སྱ། ན་མོ་བིདྱཱ་ག་ན་སྱཱ་སྟུཾ། འདི་ནི།་སྙིང་པོ་ཡིན་ཏེ། དེ་བཞིན་དུ། རྡོ་རྗེ་རིགས་ཆེན་དེ་དང་ནི། །རིག་སྔགས་རིགས་ནི་ཐམས་ཅད་ཀྱི། །རིག་སྔགས་བློན་མོ་བདུན་དག་དང ། །རིག་སྔགས་ཡན་ལག་བདུན་དང་བཅས། །འདོད་པའི་རྡོ་རྗེ་འཛིན་གྱིས་བཤད། །དང་པོ་འདོད་པའི་རྡོ་རྗེ་མ། །རིག་སྔགས་རྡོ་རྗེ་མེ་ཏོག་བཞིན། །ལས་མཆོག་ལ་ནི་གཉིས་པ་ཡིན། །རྫུ་འཕྲུལ་དང་ནི་སྟོབས་ལྡན་པ། །རྡོ་རྗེ་སྒྲོག་ཅེས་བྱ་བ་དང ། །འོག་པག་སེར་མོ་གཏུམ་མོ་དང ། །དེ་བཞིན་རྡོ་རྗེ་ཚུགས་པར་དཀའ། །རིག་སྔགས་ཆེན་མོ་བདུན་དེ་དག་།ཉི་མ་བདུན་དང་སྟོབས་མཉམ་ཞིང ། །སེམས་ཅན་ཚོགས་ཀུན་མཆོག་རྣམས་ལ། །ཐལ་མོ་སྦྱར་ཏེ་ཕྱག་ཀྱང་བྱ། །གཞན་ཡང་ཡ་མཚན་ལས་འདས་ཤིང ། །དུས་ཀྱི་མཐའ་ཡི་མེ་འདྲ་བ། །རྡོ་རྗེ་ཁྲོ་བོ་
Ma202a
༄#། །ཁྲོ་བོ་ཆེ། །དེ་ལ་ཡང་དང་ཡང་དུ་འདུད། །དེ་བཞིན་རྡོ་རྗེ་ཐོག་ཐག་ནི། །འབྱུང་པོ་རྣམས་ལ་ཐོག་ཏོག་བཞིན། །གཟུང་དཀའ་རིག་སྔགས་ལས་ཀུན་བྱེད། །ལྷོ་ཕྱོགས་སྒོ་ནི་སྲུང་བ་དང ། །རྡོ་རྗེ་ཁུ་ཚུར་མཆོག་སྦྱིན་དང ། །གཏུམ་པོ་ཆེན་པོ་སྟོབས་མོ་ཆེ། །བདག་དང་གཞན་ཀུན་སྲུང་བའི་མཆོག་།བྱང་ཕྱོགས་སྒོ་ནི་སྲུང་བ་དང ། །ཕོ་ཉ་ཆེན་མོ་གྲུབ་པ་བཅུ། །དེ་བཞིན་དེ་དག་གཡོན་མོ་རྣམས། །ཕོ་ཉ་མོ་ནི་དྲུག་ཅུ་བཞི། །རིག་སྔགས་ཚོགས་ནི་སྣ་ཚོགས་དང ། །རྡོ་རྗེ་དབྱུག་པ་ཉི་མ་ལ། །རྡོ་རྗེ་རིགས་ཀྱི་སློབ་དཔོན་གྱིས། །གྲུབ་པའི་རྡོ་རྗེ་ཆོ་ག་ཡིས། །སྙིང་ནས་ཀྱང་ནི་ཕྱག་བྱས་ནས། །དེ་ལས་གཞན་རྣམས་བཤད་པར་བྱ། །ལས་ཀྱི་དཀྱིལ་འཁོར་གཙོ་བོ་ནི། །ཇི་བཞིན་དུ་ནི་བྲིས་ནས་ཀྱང ། །གདོན་གྱི་ལས་རྣམས་བསྒྲུབ་པར་བྱ། །གང་གི་མིང་ནི་སྨོས་ཙམ་གྱིས། །མ་བཅོས་པར་ཡང་གདོན་རྣམས་འཇིག་།དབང་པོའི་རྒྱལ་མཚན་བསྟན་པ་ཡིས། །མ་བཅོས་ལྷ་མིན་ཕམ་པ་བཞིན། །འབྱུང་པོ་ཀུན་ལས་གྲོལ་བའི་ཐབས། །འཇིག་རྟེན་ཀུན་ཏུ་མཆོག་གྱུར་གང ། །ཐམས་ཅད་ཞི་བར་བྱེད་པ་ཡི། །དམ་པ་གང་ཡིན་བཤད་པར་བྱ། །གང་ཞིག་ཚུལ་བཞིན་དྲན་བྱས་ཤིང ། །བསྒྲིམས་ཏེ་མཆོད་པ་བྱས་ན་ནི། །འབྱུང་པོ་ཀུན་གྱིས་མི་ཚུགས་ལ། །འཇིགས་
Ma202b
མེད་བདེ་བར་གནས་པར་འགྱུར། །འཇིག་རྟེན་འཇིག་རྟེན་སློབ་དཔོན་འདྲ། །འཇིག་རྟེན་གྱི་ནི་སྣང་བྱེད་མཆོག་།འབྱུང་པོའི་ཚོགས་ནི་ཐམས་ཅད་ཀྱིས། །རྟག་ཏུ་ལྷ་ཆེན་བཞིན་དུ་མཆོད། །མཆོག་གྱུར་མཆོག་གིས་མཆོད་པ་དེས། །ཆོ་ག་བཞིན་དུ་རྒྱས་པར་ནི། །གདོན་གྱི་མཚན་ཉིད་པར་དུ་ཡང ། །ལེགས་པར་རབ་ཏུ་བཤད་པར་བྱ། །ཟླ་ཕྱེད་ཡུད་ཙམ་ཉིན་མོ་དང ། །རྒྱུ་སྐར་དག་ནི་བཟང་བ་ལ། །གཙང་ཞིང་གོས་གཙང་བགོས་པ་དང ། །བསྡམས་ཤིང་ངེས་པར་གནས་པ་དང ། །གཙང་མའི་གྲོགས་དང་ལྡན་པ་དང ། །གཙང་མའི་ལམ་དུ་ཞུགས་པ་ཡི། །ཡར་གྱི་ངོ་ནི་ཚེས་གཅིག་གི་།ཚེས་གཉིས་དེ་བཞིན་ལྔ་ཡང་རུང ། །ཚེས་དྲུག་གམ་ནི་ཚེས་བརྒྱད་བཅུ། །བཅུ་གསུམ་ཡང་ན་ཉ་དག་གི་།ཉིན་པར་ཡོངས་སུ་གཟུང་བར་བྱ། །བ་བླ་དང་ནི་བ་ལ་བ། །བེ་ཤཝ་དེ་བ་དེ་བཞིན་ཏེ། །ཡང་ན་ཏེའུ་ཏུ་ལ་ཡང་རུང ། །ཞག་ཕྱེད་ཡོངས་སུ་གཟུང་བར་བྱ། །ཤཝ་ཏ་མེ་ཏྲ་བ་ལ་དང ། །ཤ་ར་མ་ཐ་ཨ་བི་ཙི། །ཛ་ཡ་སེའུ་མེའི་ཡུད་ཙམ་ལ། །དཀྱིལ་འཁོར་དམ་པ་བྱ་བ་ཡིན། །བསྒྲིམས་ཏེ་ལག་ན་རྡོ་རྗེ་དང ། །རྒྱལ་དབང་ལ་ནི་ཕྱག་བྱས་ནས། །ཞི་ཞིང་སྔོན་ཆད་ལས་བྱས་པའི། །ས་ཕྱོགས་མཁས་པས་འགྲོ་བར་བྱ། །ཀུན་དགའ་ཚོང་འདུས་གཙུག་ལག་ཁང ། །གྲོང་དང་གྲོང་ཁྱེར་བྱང་ཤར་མཚམས། །དེ་བཞིན་ལྷོ་ནུབ་
Ma203a
༄#། །མཚམས་ཀྱང་རུང ། །མཉམ་ཞིང་མདངས་དགའ་མདོག་སྡུག་དང ། །ཚད་ལྡན་ཚཝ་སྒོ་མེད་པ་དང ། །རྡོ་དང་གསེག་མ་རུས་པ་དང ། །སྐྱོན་ཀུན་མེད་པ་དེས་མཐོང་ནས། །དེ་འདྲའི་ས་དེ་རྙེད་ནས་ནི། །རྡོ་རྗེ་ལྕགས་ཀྱུ་དྲན་བྱ་ཞིང ། །ཤར་ཕྱོགས་ནས་ནི་གོམ་པ་འདོར། །ཧ་ཅང་མི་དྲག་རྒོད་མི་བྱ། །རིག་སྔགས་གང་ལ་དད་པ་ཡིས། །བདག་ཉིད་དེ་ནས་བསྲུང་བར་བྱ། །ཡན་ལག་གསུམ་པོ་ནས་དང་ནི། །ཡུངས་དཀར་འབྲས་ཀྱང་གཞག་པར་བྱ། །དེ་ནས་དཀྱིལ་འཁོར་གནས་དེར་ཡང ། ། དགེ་ལྟས་དག་ཀྱང་བལྟ་བར་བྱ། །སྔགས་ཀྱིས་དག་པར་བྱས་པའི་ཆུས། །ཐམས་ཅད་ལེགས་པར་གཏོར་བར་བྱ། །བ་ལང་ལྕི་བས་ལེགས་པར་སྦྱར། །ཀུ་ཤ་དག་ཀྱང་གདིང་བར་བྱ། །ཁྲུ་ནི་བཞི་འམ་དྲུག་གམ་བརྒྱད། །ས་ཡི་ཕྱོགས་ཆར་ཐིག་ཀྱང་གདབ། །ཐིག་སྐུད་གསར་ཞིང་གྲིམས་པ་དང ། །རན་པ་དང་ནི་མཛེས་པ་དང ། །དྲི་ཞིམ་དང་ནི་བལྟ་ན་སྡུག་།གཟབ་པ་དང་ནི་ལེགས་པ་དང ། །ཐུང་དུ་དང་ནི་སྦོམ་ལ་སོགས། །མ་ལེགས་མདུད་པ་རྣམས་མེད་ན། །དྲི་དང་མེ་ཏོག་མཆོད་པ་ཡིས། །ཤེས་རབ་ཅན་གྱིས་ཐིག་ཀྱང་གདབ། །བུ་དག་ཆོག་ཤེས་དབེན་པ་བདེ། །ཆོས་ལ་མི་སྨོད་བདེ་བ་ཡིན། །འཚེ་བ་སྤངས་པ་འཇིག་རྟེན་བདེ། །སྲོག་ཆགས་རྣམས་ལ་སྔོམ་པ་དད། །འདོད་
Ma203b
ཆགས་བྲལ་བ་འཇིག་རྟེན་བདེ། །འདོད་པ་རྣམས་ལས་འདས་པ་དང ། །ང་སྙམ་ང་རྒྱལ་ཞི་བ་དང ། །དུལ་བ་འདིར་ནི་མཆོག་ཏུ་བདེ། །བུ་དག་རྒྱུན་ལས་ཟློག་པ་ཡི། །ལམ་བགྲོད་ཟབ་ཅིང་བལྟ་དཀའ་བ། །མུན་ནག་ཐིབས་པོས་བསྒྲིབས་པ་དང ། །འདོད་ལ་ཆགས་པས་རྟོགས་མི་འགྱུར། །ངས་ནི་དཀའ་བ་རྟོགས་བྱས་ནས། །སྐྱེ་བོ་རྒྱུན་བཞིན་འཁྱམས་པ་དང ། །འདོད་པ་དག་གི་མདུད་པ་ཡིས། །བཅིངས་པའི་བར་དུ་བཤད་པ་སྟེ། །འདི་ནི་ལག་ན་རྡོ་རྗེ་ཡི། །ཡིད་འོང་ཆེད་དུ་བརྗོད་པ་བརྒྱད། །ཀི་ལི་ཀི་ལིས་སྲུང་བྱས་ནས། །ངེས་པར་ཀུན་ཏུ་འཇིགས་པ་མེད། །བྱང་ཕྱོགས་ཡང་ན་ནུབ་ཕྱོགས་སུ། །ཚོན་རྩི་ལ་སོགས་དེ་དག་བཞག་།ཤར་བལྟས་ལག་པ་གཡོན་པ་ཡིས། །དྲི་དང་མེ་ཏོག་ཕྲེང་བས་མཆོད། །མཚོན་ཆ་བསྔགས་ཤིང་ཕྱོགས་བཅིངས་ལ། །ཐིག་གིས་གྲ་ཡང་བཙལ་བར་བྱ། །དེ་ལྟར་མཉམ་པར་བཀོད་ནས་ནི། །ཁང་པ་གྲུ་བཞི་བྲི་བར་བྱ། །ཇི་ལྟར་ཐིག་ནི་གདབ་བ་བཞིན། །ཐིག་དང་མཐུན་པར་བསྒྲུབ་པར་བྱ། །རིག་སྔགས་རྡོ་རྗེ་ལྕགས་ཀྱུ་མ། །ཡ་མཚན་དེ་ཉིད་དྲན་པར་བྱ། །ནང་གི་ཁང་པ་མཉམ་པ་དང ། །གྲ་བཞི་ལེགས་པར་གནས་པར་བྱ། །གྲ་ཡི་ཕྱོགས་ནི་ཐམས་ཅད་དུ། །དེ་ཡི་ཚད་དང་མཐུན་པ་ནི། །རྡོ་རྗེ་ཁང་གནས་རྡོ་རྗེ་ཡི། །དབུས་དང་ཐོག་མ་དབྱིབས་ལེགས་ཤིང ། །རྩེ་མཐོ་ཤིན་ཏུ་རྒྱ་ཆེ་བ། །
Ma204a
༄#། །ཤར་དུ་བརྟེན་ཏེ་གཞག་པར་བྱ། །རྡོ་རྗེ་ཡི་ནི་བྱང་ཕྱོགས་སུ། །རྡོ་རྗེ་རིག་སྔགས་གདབ་ཅིང་བྱ། །དབུས་དང་རྩེ་མོ་ལེགས་པ་ཡི། །རྒྱལ་མཚན་རྩེ་མོ་ནང་དུ་བསྒྲེང ། །ནུབ་བྱང་གྲར་ནི་གཞག་པར་བྱ། །རྡོ་རྗེ་སྒོ་ནི་ནུབ་ཏུ་གདོད། །འདི་ནི་གསང་བའི་སྒོར་བཤད་དེ། །འབྱུང་པོ་ཐམས་ཅད་འཇིགས་པར་བྱེད། །དཀྱིལ་འཁོར་འདོད་པས་སྒོ་དེ་ཡི། །བྱང་ཕྱོགས་ཀྱི་ནི་ཉེ་འཁོར་དང ། །ལྷོ་ཕྱོགས་སུ་ནི་གང་བཤད་པ། །བསྙེན་ཏེ་ལེགས་པར་གཞག་པར་བྱ། །གུར་གུམ་དག་ནི་ཡིད་འོང་བ། །རྒྱ་སྐྱེགས་ཁུ་བས་སྦྱར་བའམ། །ལེ་བརྒན་རྩིས་ནི་དམར་བྱས་བྱ། །དེར་ནི་ཡིད་ཀུན་འཕྲོག་བྱེད་པ། །དེས་ནི་བ་དན་བྱས་ནས་ཀྱང ། །ཤིང་རིང་དག་ལ་གདགས་པར་བྱ། །སྒོ་ཡི་ལྷོ་ཕྱོགས་ངོས་སུ་ཡང ། །དེ་དག་ལས་གཞན་གང་འདོད་པའི། །ཀུ་རནད་ཡི་ཕྲེང་བ་དག་།རྡོ་རྗེ་རྩེ་མོར་གདགས་པར་བྱ། །ཡང་ན་མེ་ཏོག་དམར་པོ་ཡི། །ཕྲེང་བ་སྣ་ཚོགས་བཟང་པོ་གདགས། །རྡོ་རྗེའི་སྒོ་ནི་དོན་གྲུབ་པ། །འགྲོ་དང་མི་འགྲོ་འཇིག་རྟེན་གསུམ། །འདི་དག་འཇོམས་ནུས་གང་ཡིན་པ། །སྒོ་སྲུང་གཉིས་ཀྱང་གཞག་བྱ་ཞིང ། །དེ་ཡང་རིག་སྔགས་བཞིན་དུ་བྱ། །གྲགས་པ་གཞན་ཡང་གང་འདོད་པ། །རྡོ་རྗེ་ཐོག་ཏོག་ལྷོ་ཕྱོགས་སུ། །རྡོ་རྗེ་ཁུ་ཚུར་བྱང་ཕྱོགས་བཞག་།རྡོ་རྗེ་ལོ་ཏོག་ལྷོ་ཕྱོགས་སུ། །མེ་ཏོག་ཡུངས་ཀར་སྟེང་དག་ཏུ། །དྲི་བསུང་ཞིམ་པོས་ཆེར་
Ma204b
བསྒོས་ཤིང ། །དྲི་དང་མེ་ཏོག་རྒྱས་པའང་གཞག་།རྡོ་རྗེ་ཁུ་ཚུར་སྟོབས་པོ་ཆེ། །དཔལ་ལྡན་དེ་བཞིན་བྱང་ཕྱོགས་སུ། །རྡོ་རྗེ་ཁུ་ཚུར་ཕྱག་རྒྱ་ཡིས། །བཞག་ན་གླགས་ནི་རྙེད་མི་འགྱུར། །འཇིག་རྟེན་གསུམ་རྒྱལ་གང་གང་ལས། །རྡོ་རྗེ་འཛིན་པ་ཡིད་ཀྱིས་བཀུག་།རྡོ་རྗེ་ཁུ་ཚུར་ཁུ་ཚུར་གྱིས། །བསྣུན་ན་རྣམ་པར་འཇིག་པར་འགྱུར། །རྡོ་རྗེ་སྙིང་པོའི་ཁང་པ་དེར། །གཡོན་ལོགས་ནས་ནི་འཇུག་པར་བྱ། །དེ་ནི་གཡས་ལོགས་བསྐོར་བ་ཡང ། །འཇིག་རྟེན་དག་ཏུ་བཤད་པར་བྱ། །འཁོར་ཀུན་དང་ནི་ལྷན་ཅིག་ཏུ། །རྡོ་རྗེ་སྒྲོག་ཀྱང་གཞག་པར་བྱ། །ཀླུ་ཡི་གཙོ་བོ་ནོར་རྒྱས་བུ། །གཟི་ཅན་གཉིས་ཀྱང་གྲ་རུ་གཞག་།འདི་གཉིས་ཀླུ་ཀུན་བདག་པོ་སྟེ། །ཀླུ་ཀུན་གྱི་ནི་གནས་ཀྱང་ཡིན། །བྲམ་ཟ་ལས་བྱུང་དུག་ཅན་དེ། །འདི་གཉིས་སྔགས་དང་ཕྱག་རྒྱར་ལྡན། །འདི་གཉིས་ཀྱི་ནི་མདུན་ལོགས་སུ། །མཁའ་ལྡིང་རྣམ་པར་འདུད་པའི་བུ། །མཁའ་ལྡིང་གི་ནི་ཆོ་ག་བཞིན། །རྐང་དང་བྱིས་པ་ལ་སོགས་བསྐོར། །དེ་ནས་འབྱུང་བའི་ཚོགས་བདུན་དག་།ཆོ་ག་བཞིན་དུ་གཞག་པར་བྱ། །གནོད་སྦྱིན་ཀུན་དང་ཀུ་བེ་ར། །དེ་ཡི་བེ་ཅོན་བྱང་ཕྱོགས་གཞག་།དེ་ནས་ཀླུ་ཆེན་ཚོགས་རྣམས་དང ། །བྱ་བ་སྒྲུབ་པོ་གཡོག་དང་བཅས། །ཀླུ་ཡི་གཡོག་རྣམས་མཐུ་སྟོབས་ལྡན། །དེ་དག་ཤར་ཕྱོགས་ངོས་སུ་དགོད། །དེ་ནས་ཕྱི་རོལ་རིག་སྔགས་
Ma205a
༄#། །ཚོགས། །ཐམས་ཅད་བཞག་སྟེ་དབང་ཕྱུག་ཆེ། །ཆོས་ཀྱི་ངང་ཅན་གྲགས་ལྡན་མ། །ལྷ་མོ་དཀའ་ཟློག་ཞི་འབྲང་ལྡན། །ལག་ན་རྡོ་རྗེ་ལྷ་ཆེན་དང ། ། དཀའ་ཟློག་གཉིས་ཀྱི་བར་དག་ཏུ། །རིག་སྔགས་རིགས་དག་གཞག་པར་བྱ། །དེར་ནི་ལག་ན་རྡོ་རྗེ་ཡི། །རྡོ་རྗེ་འབར་བས་རབ་ཏུ་གཟིར། །དེ་ནས་གྲ་ལོགས་ལྷ་མོ་ནི། ། ཀ་ཏ་ཡ་ན་ལོག་འདྲེན་དང ། །སྣ་ཡོན་སུམ་ཅུ་རྩ་གཉིས་པོ། །དེ་དག་ལས་ནི་གང་འདོད་དང ། །དེ་ཡི་འོག་ཏུ་དྲི་ཟ་ནི། །སྐལ་ཆེན་བརྩོན་འགྲུས་ཆེ་བ་རྣམས། །ཤར་དུ་དབང་པོ་ལྷ་ཡི་ཚོགས། །དེ་ཡི་འོག་ཏུ་ལྷ་ཡི་གཟའ། །དེ་ནས་ཁྱབ་འཇུག་འཁོར་ལོར་བཅས། །མེ་དང་དྲུག་མ་བསྟན་པ་ཡི། །མེ་དང་མདུང་ཐུང་གྲ་རུ་གཞག་།ལྷོ་ཕྱོགས་དང་པོར་ལྷོ་ཕྱོགས་ཀྱི། །འབྱུང་པོའི་བྱ་བ་སྒྲུབ་པ་གཞག་།དེ་ཡི་འོག་ཏུ་གཤིན་རྗེ་དང ། །གཤིན་རྗེའི་དབྱུག་པ་གྲུལ་བུམ་རྣམས། །གྲུལ་བུམ་ལ་སོགས་ཚོགས་ཀུན་དང ། །མ་མོ་རྣམས་དང་འཇིག་རྟེན་མ། །བདེན་བྲལ་གྲར་ནི་འཕགས་མའི་མདུང ། །འབྱུང་པོའི་ཚོགས་ཀྱིས་བསྐོར་བར་བྱ། །ནུབ་ཕྱོགས་དང་པོར་སྐེམ་བྱེད་ནི། ། དྲག་མོ་ཚོགས་རྣམས་མང་པོར་བཅས། །ཀླུ་དང་མཁའ་ལྡིང་གྲགས་མ་རྣམས། །དེ་ཡི་འོག་ཏུ་གཏོར་མའི་གནས། །ཚུལ་ལི་ཞེས་བྱ་རྒྱ་ཆེན་ཡང ། །དེར་ནི་ངེས་
Ma205b
པར་གཞག་པར་བྱ། །དེ་ལྟར་དེ་དག་ཐམས་ཅད་དུ། །ཚོགས་རྣམས་ཐམས་ཅད་བཀོད་པའི་དབུས། །རྡོ་རྗེ་དཀྱིལ་འཁོར་ནང་དག་ཏུ། །རྡོ་རྗེ་དབྱིབས་ཀྱི་སྟེགས་བུ་ནི། །ཤར་ནུབ་ཕྱོགས་སུ་ལྟ་བའི་དབྱིབས། །དེ་ཡི་དབྱིབས་ལེགས་གཞག་པར་བྱ། །དེ་ཡི་ནུབ་ཕྱོགས་གནས་སུ་ཡང ། །རིག་སྔགས་འཆང་ནི་གུས་གནས་ཤིང ། །ལག་ན་རྡོ་རྗེའི་སྙིང་པོ་ནི། ། རབ་ཏུ་བསྒྲིམས་ཏེ་བཟླས་བརྗོད་བྱ། །ཙནྡན་ཕྱེ་མ་ལ་སོགས་སྦས། །ནས་དང་ཡུངས་ཀར་ལ་སོགས་དང ། །ཡང་ན་དེ་དག་རེ་རེ་ཡིས། །ལག་ན་རྡོ་རྗེ་ཐོག་མར་བྲིས། །བདག་ཉིད་གཡོན་ཕྱོགས་ངོས་ལ་འདུག་།ལྷ་མོ་ལྷོ་ནུབ་མཚམས་སུ་གཞག་།གཡས་པས་དྲི་དང་ཕྲེང་བས་མཆོད། །བདུག་པ་སྣ་ཚོགས་དག་ཀྱང་བསྲེག་།ཤིན་ཏུ་བཀྲ་ཤིས་ཚིགས་བཅད་ཀུན། །ཆོས་ཀྱི་འཁོར་ལོ་བསྐོར་བ་འམ། །ཡང་ན་འདུས་པ་ཆེན་པོའི་མདོ། །ཐེ་ཚོམ་མེད་པར་གདོན་པར་བྱ། །དེ་ནས་ཆོས་ཀྱི་རྒྱལ་པོ་ཡི། །ཆོས་ཀྱི་འཁོར་ལོ་མཁས་པས་བྲི། །དཔལ་དང་ལྡན་པ་ལྷ་ཡི་ལྷ། །སངས་རྒྱས་སྐུ་གཟུགས་འོད་ཅན་བྲི། །དེ་ནས་རྡོ་རྗེ་ལྕགས་ཀྱུ་ཡི། །རིག་སྔགས་གུས་པས་མཆོད་ཅིང་བཟླས། །ལྷ་མོ་སྟོབས་ཆེན་དེ་ཉིད་དང ། །རྡོ་རྗེ་རི་བོ་བྲི་བར་བྱ། །སྙིང་པོ་ལག་ན་རྡོ་རྗེ་ནི། །མཚོན་རྩེ་གསུམ་གྱི་བདག་ཉིད་ཀྱི། །ཚུལ་བཞིན་བྲི་ཞིང་རིགས་རྣམས་ཀྱི། །མ་མོ་བདུན་གྱིས་བསྐོར་བར་བྱ། །ཕོ་ཉ་མ་བཅུ་དཔུང་གི་མཆོག།
Ma206a
༄#། །དྲུག་ཅུ་རྩ་བཞིས་རྗེས་འབྲང་དང ། །རིག་སྔགས་ཚོགས་ནི་ཐམས་ཅད་དང ། །རྡོ་རྗེ་ཁྲོ་བོ་ཡན་ཆད་བྲི། །ཡིད་བཞིན་ནོར་བུ་འདྲ་བ་དང ། །སྐལ་ལྡན་མཆོག་སྦྱིན་གཟུགས་བཟང་འདྲ། །འཇིག་རྟེན་ཀུན་གྱི་ཐབས་སུ་ནི། །དུས་ཀུན་དུ་ནི་ཕྱག་བྱ་བ། །ལྷ་ཀུན་རིག་སྔགས་ཆེན་མོ་སྟེ། །གནོད་སྦྱིན་འབྱུང་པོ་ཀླུ་འཇིགས་བྱེད། །གདོན་ཆེན་དག་ནི་སྟོང་ཕྲག་རྣམས། །གཅིག་པུས་གསོད་པར་བྱེད་པ་སྟེ། །དེ་ཡི་མིང་ནི་བརྗོད་བྱས་ཤིང ། །མེ་ཏོག་བདུག་པས་མཆོད་བྱས་ན། །གདོན་རྣམས་བྱེ་བ་སྟོང་ཕྲག་དག་།འཁྱམས་པར་འགྱུར་ཞིང་གཡོ་བར་འགྱུར། །དེ་ཡི་དངོས་གྲུབ་གཟུགས་བཟང་ཞིང ། །དཔལ་དང་ལྡན་པར་མངོན་སུམ་གནས། །ཐམས་ཅད་དོན་ནི་སྒྲུབ་པ་པོས། །འདི་ལ་ཐེ་ཚོམ་མེད་པར་བསྒྲུབ། །སྒྲུབ་པས་རབ་དང་འབྲིང་ལ་སོགས། །བཤོས་དང་འདུག་པ་ལ་སོགས་མཆོད། ། ག་རུ་སྤོས་དུ་རུ་ཀ་།ཡུངས་ཀར་གུ་གུལ་ཤུ་དག་དང ། །ནིར་ཀུན་དི་དང་ཤུ་ལ་སི། །པད་འདྲ་མ་དང་སྦྲང་རྩི་མར། །མ་ཧ་བི་ཤ་ལ་དང་བཅས། །འདིར་ནི་ལས་ཀྱང་བྱ་བ་ཡིན། །ཐམས་ཅད་འཇུག་པའི་སྒོ་དག་ཏུ། །ཐམས་ཅད་ཀྱང་ནི་འབྱུང་བར་བྱ། །སྒོ་མ་ཡིན་པ་གཞན་དག་ཏུ། །འདིར་ནི་ཅི་ཡང་མི་བྱའོ། །ཞེ་སྡང་གཏི་མུག་རྒྱགས་དང་མྱོས། །འདོད་ཆགས་མི་ཤེས་དབང་གིས་ཀྱང ། །འདི་ལ་འཇུག་དང་འབྱུང་བྱས་ན། །མི་
Ma206b
རྣམས་མྱུར་དུ་ནད་ཀྱིས་འདེབས། །གདོན་རྣམས་མྱོས་ཤིང་རྒྱགས་པ་ཡིས། །རྡོ་རྗེ་དག་ལ་རྫི་བྱེད་དམ། །རྐང་པས་རྡོ་རྗེ་རི་མོ་བརྫིས། །མྱུར་དུ་དམ་ཚིག་ཉམས་འགྱུར་ཏེ། ། དེ་དག་རྡོ་རྗེ་འཛིན་པ་ཡིས། །མྱུར་དུ་རྡོ་རྗེ་ཆེན་པོས་འཇོམས། །དེ་དག་གི་ནི་རིགས་རྣམས་ཀྱང ། །རྡོ་རྗེའི་རིག་སྔགས་ཚོགས་ཀྱིས་གཞག་།སློབ་དཔོན་ཡང་ན་དམ་ཚིག་ཤེས། གདོན་གང་དག་གིས་བརྙས་བྱེད་ན། །རྡོ་རྗེ་ལྕགས་ཀྱུའི་བཟླས་བརྗོད་དང ། །སྦྱིན་སྲེག་དག་གིས་དེ་ཡི་རིགས། །སྐད་ཅིག་གིས་ནི་བཅོམ་པར་འགྱུར། །གཞན་ཡང་རྡོ་རྗེ་རིགས་ཆེན་ལས། །རིག་སྔགས་འདོར་གྱུར་གང་ཡིན་པ། །དེ་ཡང་སྔར་ནི་བསྒྲུབ་བྱས་ལ། །མྱོས་ལ་སོགས་པས་གདོན་རྣམས་བསྐྲད། །གང་ཕྱིར་སྐོར་ཡང་འགྲུབ་པའི་ཕྱིར། ། རྟག་ཏུ་འདི་ནི་ནང་དག་ཏུ། །མཆོད་པའི་ཚོགས་ནི་བརྗོད་པ་དང ། །བརྡེག་པ་ལ་སོགས་ལས་མི་བྱ། །གཞན་ཡང་ནད་གཏད་མང་པོ་དང ། །ཡི་དྭགས་འབྱུང་པོ་ཤ་ཟ་དག། དཀྱིལ་འཁོར་སྤོང་བར་བྱེད་པ་དང ། །དེ་དག་འདིར་ནི་གཤིབས་པ་ཡི། །དྲག་པོའི་ལས་ལ་འཇུག་པར་བྱ། །གཞིག་པར་བྱ་བ་གང་ཡང་རུང ། །ཐམས་ཅད་ལྷོ་ཕྱོགས་ནང་དུ་བྱ། །ཀུན་ལ་མེ་ནི་འབར་བར་བྱ། །བདུག་པའི་སྣོད་ནི་ཕྱི་རོལ་གཞག་།ལྷ་བཤོས་སྣ་ཚོགས་མཛེས་པ་དག་།ཅི་འདོད་ཀུན་ནི་ཐམས་ཅད་དུ། །ཐམས་ཅད་ཟད་མི་ཤེས་
Ma207a
༄#། །པར་བྱ། །གདོན་གྱི་དཀྱིལ་འཁོར་ཕ་རོལ་གྱི། །བྱང་ཤར་མཚམས་སུ་གང་འདོད་པའི། །ལྷ་ཡི་ཕྱག་རྒྱའི་ཚོགས་ཀྱང་བྲི། །པདྨ་འཁོར་ལོ་རྒྱལ་མཚན་མདུང ། །མདུང་ཐུང་དབྱུག་པ་བེ་ཅོན་རི། །ཞགས་པ་རྩེ་གསུམ་ཁ་གདེང་དུང ། །གདོན་དྲག་རྣམས་ལ་གནས་པར་བྱ། །གང་ན་རིག་སྔགས་གདོན་དྲག་པ། ། མཐུ་དྲག་གནས་པ་དེ་དག་ནི། །མཐུ་ཉིད་ཀྱིས་ནི་བསྒྲུབ་བྱ་ཞིང ། །འདི་ལ་དཔྱད་པར་མི་བྱ་འོ། །དཀྱིལ་འཁོར་དེ་ཡི་ཕྱོགས་ཀུན་ཏུ། །འབྱུང་པོའི་ཚོགས་ཀུན་གནས་ཀྱང་བྱ། །གཏོར་མ་དང་ནི་བདུག་པ་རྣམས། །རབ་ཏུ་རྒྱས་པས་མཆོད་པར་བྱ། །དེ་ནས་གདོན་ནི་དུལ་བ་ཡིས། །ཐེམས་པར་གྱུར་ན་མཆོད་པར་བྱ། །མི་བཟད་ལ་ནི་སྣར་བླུགས་དང ། །མིག་བསྐུ་བ་དང་བཏུང་བ་དང ། །སྦྱིན་སྲེག་སོགས་པས་གཞིག་པར་བྱ། །གདོན་གྱིས་དྲག་ཏུ་བཏབ་པ་ལ། །དལ་ནས་བཟུང་བས་ཡོངས་མི་བྱ། །དལ་ནས་བྱས་པ་སྨན་པ་ཉིད། །མི་བཟད་གདོན་གྱིས་བཅོམ་པར་འགྱུར། །དེ་ཕྱིར་སྨན་པ་མི་བཟད་པ། །གཏུམ་ཞིང་སྤྱོད་པར་རིག་པ་དང ། །བརྟན་མཆོག་དགའ་ཞིང་སྤྲོ་བ་དང ། ། སྙིང་སྙོམས་རིག་སྔགས་བརྩོན་པ་ཡིས། །ཁྲོས་ནས་མཐུ་ནི་སྙོམས་བྱ་ཞིང ། །བརྡེག་པའམ་ཡང་ན་བསྡིག་པར་བྱ། །དུལ་བའི་གདོན་ནི་དང་པ་ཡིས། །དེ་མ་ཐག་ཏུ་
Ma207b
འགྲུབ་པར་འགྱུར། །དཀྱིལ་འཁོར་ཕྱི་ནང་བཅས་པར་ཡང ། །གཏོར་མའི་ལས་ནི་བྱ་བ་དང ། །འཁུར་བ་དང་ནི་གཤིབས་པ་དང ། །ཁ་ཟས་ཅི་འབྱོར་རིམ་བཞིན་དབུལ། །དམ་ཚིག་ཅི་རིགས་སྦྱིན་པར་བྱ། །རིག་སྔགས་འབྱུང་པོ་ལ་སོགས་ཀྱི། །གཏོར་མ་ཀུན་ནི་ཅི་སྙེད་སྦྱིན། །གདོན་ཀུན་ལ་ནི་མཆེད་པ་བྱ། །བཅོམ་ལྡན་ཉིད་ཀྱིས་བཤད་པ་བཞིན། །བདེན་པར་སྨྲ་ཞིང་དམ་ཚིག་ཤེས། །སློབ་དཔོན་ཕྱིར་ནི་འདིར་བརྩོན་པའི། །སློབ་མ་དམ་ཚིག་འཛིན་དུ་གཞུག་།ཐམས་ཅད་ཀྱི་ནི་ཕྱག་རྒྱའི་ཚོགས། །སྐྲག་པར་བྱ་དང་མཆོད་བྱ་བ། །དེ་དག་ཐམས་ཅད་གཡོན་པ་ཡིས། །རྣམ་པ་ཐམས་ཅད་བསྟན་པར་བྱ། །རྡོ་རྗེ་གོམ་པ་འདོར་དང་འཇིག་།གཅིག་ཅར་ཡོངས་སུ་སྒྱུར་བ་དང ། །གཡོན་པས་བརྡབ་པར་བྱ་བ་དང ། ། རྒྱགས་པའི་སེངྒེ་སྒྲ་བསྒྲགས་དང ། །མཛུབ་མོ་བསྟན་ཏེ་ཧཱུཾ་ཞེས་བྱ། །ཤིན་ཏུ་སྒྲ་ཡང་རབ་ཏུ་བསྐྱེད། །རྡོ་རྗེ་རིགས་ཅན་སྐྱེས་པ་ཡི། །སློབ་དཔོན་གྱིས་ནི་བསྟན་པར་བྱ། །ལྷ་ཡི་གདོན་ནི་ཐམས་ཅད་ཀྱི། །རྟགས་ཀྱི་ཕྱག་རྒྱ་ཚོགས་བཤད་པ། །རྐྱེན་དུ་བབ་པ་གང་ཡིན་པའི། །སོ་སོའི་ཕྱག་རྒྱའི་ཚོགས་འདི་ཡིན། །ཚངས་པའི་པདྨ་ལྷ་ཆེན་མདུང ། །གཤིན་རྗེའི་དབྱུག་ཆེན་དམ་པ་ཡིན། །ཁྱབ་འཇུག་འཁོར་ལོ་སྨན་པའི་མི། །ནམ་མཁའ་ལྡིང་གི་སྣ་དང་འདབ། །དབང་པོ་རྡོ་རྗེ་མེ་ཡི་ལྕེ། །ཆུ་ལྷ་ཡི་ནི་ཞགས་པ་བསྟན། །རླུང་ནི་དར་གྱི་ཤུགས་ཅན་
Ma208a
༄#། །ཏེ། །ཏ་ན་ཏ་ཡི་བེ་ཅོན་སོགས། །འབྱུང་པོའི་གདོན་རྣམས་ཐམས་ཅད་ཀྱི། །ལག་པ་གཡོན་པས་དེ་དག་གཟུང ། །འཇུག་བྱེད་ཀྱི་ནི་འཁོར་ལོ་རྫིང ། །ལྟ་བ་དང་ནི་དི་རི་རི། །དྲི་ཟ་དག་ནི་ཐམས་ཅད་ཀྱི། །གླིང་བུ་པི་ཝང་ལ་སོགས་བསྟན། །གར་མཁན་དག་ནི་ལྷག་པར་ཡང ། །གར་དང་རོལ་མོའི་ཆ་བྱད་བསྟན། །གནོད་སྦྱིན་རྣམས་ཀྱི་ཆེར་བགད་པ། །རབ་གཏུམ་གྱི་ནི་སྒྲུབ་ཆེན་ཏེ། །ཀུ་བེ་ར་ཡི་མཚོན་མང་དང ། །ཡང་ན་ཕྱག་རྒྱའི་ཚོགས་ཀུན་ཡིན། །ཀླུ་ཆེན་གདེང་ས་ཀ་ཆས་པ་སྟེ། །ལག་པ་གཡོན་པས་མགོ་བོར་གཞག་།དབུགས་ནི་རྒྱུན་རིང་རྒྱུ་བ་དང ། །མིག་དམར་དུག་དང་བཅས་པ་ཡིན། །ཀླུ་རྣམས་གདེངས་ཀ་མང་པོ་དག་།གཅིག་ཏུ་གཞིབས་ནས་ཅི་དགར་གཞག་།བྱ་བ་སྒྲུབ་པ་ཐམས་ཅད་ནི། །སྦྲུལ་ཡོད་པ་ཡི་གདེངས་ཀའི་དབྱིབས། །ཚངས་པ་སྲིན་པོ་གཉིས་ཀྱི་ནི། །སྔགས་ཀྱི་རིལ་བ་ནོར་བུ་དང ། །ོཾ་བརྗོད་པ་ཡི་དབྱུག་པ་དང ། །མཆོད་ཕྱིར་ཐོགས་ལ་སོགས་པར་བསྟན། །སྲིན་པོ་རྣམས་ཀྱི་སོ་གཙིགས་དང ། །རྫུ་འཕྲུལ་དག་ཀྱང་རབ་ཏུ་བསྟན། །བཟའ་བ་དང་ནི་བཅའ་བ་དང ། ། མཚོན་ཆ་དག་ཀྱང་འདྲ་བ་ཡིན། །ཤ་ཟ་རྣམས་ནི་འཚེ་བ་དང ། །ཧ་རེར་ལྟ་ཞིང་ཤ་ལ་སྲེད། །འཇིགས་པ་སྣ་ཚོགས་སྟོན་པ་དང ། །ཀུན་ཏུ་ཡང་ནི་ལྟ་བར་བྱེད། །སྐམ་
Ma208b
བྱེད་དང་ནི་རང་བཞིན་ཚུལ། །མདུང་ཐུང་ལ་སོགས་དཔུང་ལ་བརྟེན། །མ་མོའི་གདོན་ནི་ཐམས་ཅད་ནི། །རང་གི་ལྷ་ཡི་མཚོན་མཆོག་བྱེད། །པདྨ་ཕྱིར་དང་ཐོར་ཚུགས་དབྱུག། སྔགས་ནི་ནོར་བུ་བསྐོར་བར་བྱ། །རིལ་བ་འཛིན་པ་འཕགས་པ་རྣམས། །ཚངས་པའི་ཕྱག་རྒྱ་བདུན་པ་ཡིན། །མདུང་རྩེ་གསུམ་པ་ཟླ་ཕྱེད་དང ། །ཐོར་ཚུགས་མིག་དང་རྒྱལ་མཚན་དང ། །ཁྱུ་མཆོག་སྐད་འབྱིན་རལ་གྲི་རྣམས། །དབང་ཕྱུག་ཆེན་པོའི་ཕྱག་རྒྱ་བདུན། །མདུང་ཐུང་དྲིལ་བུ་བ་དན་དང ། །དེ་བཞིན་ར་དང་བྱ་གག་དང ། །རྨ་བྱ་ཡི་ནི་མཇུག་མ་རྣམས། །གཞོན་ནུའི་ཕྱག་རྒྱ་བདུན་པོ་ཡིན། །འཁོར་ལོ་མཁའ་ལྡིང་དང་ཕག་རྣམས་ནི། །ཁྱབ་འཇུག་ཕྱག་རྒྱ་བདུན་མཁའ་ལྡིང་དང་ཕག་རྣམས་ནི། །ཁྱབ་འཇུག་ཕྱག་རྒྱ་བདུན་པོ་ཡིན། །མཆེ་བ་དང་ནི་སྤྲིན་དང་ས། །དེ་བཞིན་བུམ་པ་གཏུན་ཤིང་དང ། །གཤོལ་དང་རྐང་པ་གཡོན་པ་རྣམས། །ཕག་མོ་ཡི་ནི་ཕྱག་རྒྱ་བདུན། །ནམ་གྲུ་དག་གི་གཉེར་མ་གདོང ། །རྒྱན་སྐད་ལ་སོགས་སྟོན་པ་དང ། །སྐེམ་པ་ནམ་གྲུའི་ཕྱག་རྒྱ་སྟེ། །རང་བཞིན་ཉིད་དུ་བསྟན་པ་ཡིན། །ཟས་སུ་མདངས་ཟ་རྣམས་ཀྱི་ནི། །ལྷུང་བཟེད་རལ་གྲི་ལག་གཡོན་བཅོམ། །ལྷ་མིན་རྣམས་ཀྱི་མི་ཡི་གཟུགས། །ཧཱུཾ་དང་བཅས་པར་བསྟན་པར་བྱ། །འཕགས་པ་རྣམས་ནི་འཁོར་དང་བཅས། །ཀུན་ལ་མདུང་རྩེ་གསུམ་པ་
Ma209a
༄#། །ཡིན། །དྲི་བ་བྱས་ན་ལྷག་པར་ཡང ། །གདོན་རྣམས་མཚན་ཉིད་གསལ་བར་ཤེས། །ལོག་འདྲེན་སྣ་ཚོགས་བརྗོད་པ་གང ། །དེ་དག་ཚུལ་ལྟས་བསྟན་པར་བྱ། །དེ་དག་ལ་རང་གི་ལག་པ་བསྐུམ་པ་དང ། བརྐྱང་བ་དང ། རྐང་པ་ཐ་མལ་པར་བརྐྱང་བ་དང ། སྨྲར་གཞུག་པ་དེ་དག་ལས་གསང་སྔགས་ཀྱི་ལས་བསྟན་ཏེ། དྲི་བ་དང ། བརྡེག་པ་དང ། དགྲོལ་བའི་ཚུལ་རྣམ་པ་གསུམ་བྱའོ། །ལས་རྒྱ་ཆེ་བ་རིག་སྔགས་ཀྱི་ཚོགས་ཀྱིས་བཤད་པ་ཕྱག་རྒྱའི་ཚོགས་ཀྱི་དཀྱིལ་འཁོར་གྱི་ལས་གྲུབ་པ་འདི་ནི། ཤིན་ཏུ་ངོ་མཚར་ཆེ་བ་སྟེ། བསྡེབ་ཏུ་བྱ་བའི་མདོ་བསྟན་པ་དང ། སྔགས་ཀྱི་ཚོགས་རྣམས་ཀྱང་བཤད་དོ། །འདུས་པ་ཆེན་པོའི་མདོ་ལས་ཤིན་ཏུ་བཀྲ་ཤིས་པའི་ཚིགས་སུ་བཅད་པ་བསྟན་པ་དང ། རྡོ་རྗེའི་རིགས་ལས་རིག་སྔགས་ཀྱི་ཚོགས་རྫུ་འཕྲུལ་དང་ལྡན་པ་རྣམས་ཀྱང་བཤད་དོ། །ལག་ན་རྡོ་རྗེའི་དཀྱིལ་འཁོར་ཐམས་ཅད་ཀྱི་རྒྱལ་པོ་ལས། ལག་ན་རྡོ་རྗེ་དང ། ལྷ་ཆེན་པོ་དང ། དཀའ་ཟློག་མས་བཤད་པའི་ལས་ཀྱི་དཀྱིལ་འཁོར་ཕྱག་རྒྱ་དང་བཅས་པར་བཤད་པ་རྫོགས་སོ།། །།དཀྱིལ་འཁོར་ཆེན་པོ་འདི་དག་ལས། །ལས་ཀྱི་དཀྱིལ་འཁོར་ཅི་བསྟན་དང ། །རིག་སྔགས་ཀྱི་ནི་དཀྱིལ་འཁོར་རྣམས། །སོ་སོར་རྒྱས་པར་བསྟན་པ་
Ma209b
པ་དང ། །གདོན་གྱི་ལས་ཀྱི་ཕྱག་རྒྱ་དང ། །ཕྱག་རྒྱ་ཉི་ཚེ་བྱེད་པ་དང ། །རིག་སྔགས་གྲུབ་པའི་ས་རྣམས་དང ། །ཁྲུས་ཀྱི་དཀྱིལ་འཁོར་དག་ཏུ་ཡང ། །དྲི་དང་མེ་ཏོག་ཕྲེང་བ་དང ། །བདུག་པ་དང་ནི་མཆོད་པ་དང ། །གཏོར་མ་སྣ་ཚོགས་དེ་དག་ཀུན། །དབུལ་བས་ཀུན་ཏུ་རྣམ་ཀུན་གྱིས། །དོན་ཀུན་རབ་ཏུ་བསྒྲུབ་པའི་ཕྱིར། །སྤྱན་དྲང་འདི་ནི་ངེས་པར་བྱ།། འབྱུང་པོ་ཐམས་ཅད་བདེར་འགྱུར་བ། །འབྱུང་པོ་ཀུན་དགའ་ཞེས་བྱ་བའི། །གཏོར་མ་རིག་སྔགས་ལྡན་བྱ་ཞིང ། །གཡས་གཡོན་ནས་ནི་སྦྱིན་པར་བྱ། །རྟག་ཏུ་འདི་དག་ཐམས་ཅད་ཀྱང ། །ཕྱོགས་ཀུན་བལྟས་པས་འདི་སྐད་བརྗོད། །དཀོན་མཆོག་གསུམ་ལ་ཕྱག་འཚལ་ལོ། །རྡོ་རྗེ་འཛིན་ལ་ཕྱག་འཚལ་ལོ། །རིག་སྔགས་ཚོགས་ལ་ཕྱག་འཚལ་ལོ། །ཕྱག་རྒྱའི་ཚོགས་ལ་ཕྱག་འཚལ་ལོ། །རིག་སྔགས་བརྒྱད་བརྒྱར་སྐྱེས་པ་ཡི། །གདོན་གྱི་སྲོག་གི་རྟེན་གྱུར་དང ། །རྒྱུ་བ་རབ་ཏུ་བཤད་པར་བྱ། །དཀྱིལ་འཁོར་སྤྱན་དྲང་མཆོད་པ་དང ། །དཀྱིལ་འཁོར་རིས་གསུམ་མཆོད་པ་ལ། །གདོན་རྣམས་ཀྱི་ནི་གདོན་ལས་མཆོག་།གདོན་གྱི་གདོན་སྟོབས་རྨུགས་བྱ་དང ། །ངེས་པར་རྟག་ཏུ་བཟླས་བྱ་བཤད། །བྱེ་བ་ཕྲག་སྟོང་གདོན་རྣམས་ནི། །ས་སྟེང་དག་ན་རྒྱུ་བ་ཡོད། །དུས་ཚིགས་སྣ་ཚོགས་བབ་པ་ན། །དེ་དག་རྒྱུ་བ་སྣ་ཚོགས་པ། །གདོན་མཆོག་དམ་པ་འགྲུབ་པའི་ཕྱིར། །དེ་དག་བདག་
Ma210a
༄#། །གིས་བཤད་པར་བྱ། །གདོན་རྣམས་ཉན་པར་བྱེད་པ་དང ། །གཏོར་མ་ལེན་ཅིང་གྲུབ་སྦྱིན་པ། །དེ་དག་ཚུལ་དང་གནས་བྱས་པ། །དབེན་པ་དག་ཏུ་རྒྱུ་བར་བྱེད། །རི་བོ་ཡིད་དུ་འོང་རྣམས་དང ། །རྩེ་མོ་རྣམས་དང་ཁྱིམ་རྣམས་དང ། །འབྲས་བུ་མེ་ཏོག་རྒྱས་རྣམས་དང ། །དྲང་སྲོང་དག་གི་གནས་རྣམས་དང ། །དཀའ་ཐུབ་ཚལ་དང་གཞལ་མེད་ཁང ། །རིག་བྱེད་རྗེས་སུ་སློབ་པ་དང ། །མེ་ཏོག་སྣ་ཚོགས་མཆོད་ལྡན་དང ། །གནས་དང་ཀུན་དགའ་ཡིད་འོང་དང ། །བྱ་རྣམས་སྐད་ཆེན་འབྱིན་པ་དང ། །འཇིག་རྟེན་མར་མེ་བྱེད་ཀུན་དང ། །ཉི་མའི་གནས་ན་དགའ་བྱེད་ཅིང ། །ཉི་མ་ལྷན་ཅིག་འགྲོ་བར་བྱེད། །ཉི་མའི་འོད་དང་ཁ་དོག་མཉམ། །གཟའ་དང་རྒྱུ་སྐར་སྐར་མ་ལ། །དེ་དག་རྟག་ཏུ་རྒྱུ་བར་བྱེད། །ཟླ་བ་ཉ་བའི་འོད་ཟེར་གྱི། །ཕུང་པོ་རྒྱས་པ་དག་ལ་གནས། །རིན་ཆེན་ཀུན་གྱིས་རབ་བརྒྱན་ཅིང ། །རྩེ་ནས་ངོས་ནི་ལྡ་ལྡི་དང ། །ཕུག་བརྒྱ་དག་གིས་གང་བ་ཡིན། །ལྷུན་པོ་རི་ལ་དེ་དག་གནས། །གངས་རི་རི་བོའི་རྩེ་མོ་དང ། །གངས་ཀྱི་སུལ་ནི་སྟོང་པ་དང ། །སྨན་ཀུན་གྱིས་ནི་རྒྱས་པ་ཡི། །གསང་རྣམས་དང་ནི་ནགས་ཚལ་དང ། ། སྨན་རྒྱས་ཡོངས་སུ་གང་བ་ཡིན། །སྤོས་ངད་ལྡན་ལ་དེ་དག་གནས། །སྤོས་ཀྱི་ངད་ནི་ཞིམ་པ་མི། །ཕྱོགས་རྣམས་དང་ནི་རྒྱས་བྱེད་དང ། །དཔག་བསམ་ཤིང་གིས་བརྒྱན་
Ma210b
པ་ཡི། །སྐྱེད་མོས་ཚལ་ཆེན་དགའ་བྱེད་དང ། །ལྷ་རྣམས་གཞལ་མེད་ཁང་རྣམས་སུ། །ལྷ་ཡི་གཟུགས་ཀྱིས་གནས་པར་བྱེད། །དེ་དག་སྤྲིན་ཕུང་གསེབ་ན་གནས། །སྤྲིན་ཕུང་གི་ནི་སྒྲ་དག་འདྲ། །སྤྲིན་ཕུང་དག་དང་འགྲོག་བྱེད་ཅིང ། །སྤྲིན་ཕུང་ལྷན་ཅིག་དགའ་བར་བྱེད། །རྒྱ་མཚོ་ནང་གི་ཆུ་ལ་གནས། །ཆུ་ཡི་ཤུགས་ཀྱིས་རྗེས་འབྲང་ཞིང ། །དེ་དག་རྒྱ་མཚོའི་ཆུ་ཀླུང་དང ། །ལྷན་ཅིག་ཏུ་ནི་རྒྱུ་བར་བྱེད། །མུན་ནག་གི་ནི་ཀློག་ཆེན་དང ། །རྒྱ་མཚོ་ཡི་ནི་སྒྲ་རྣམས་དང ། །རྒྱ་མཚོ་ཆེན་པོ་འཁྲུགས་པ་ལ། །དེ་དག་རྟག་ཏུ་འཁྲུགས་པར་བྱེད། །དཔྱིད་ཟླའི་དུས་ལ་བབ་པ་ན། །ཤིང་རྣམས་ཀུན་ལ་གདོན་དེ་དག་།ཁུ་བྱུག་བུང་བའི་གཟུགས་སུ་གནས། །ཆུ་ཀླུང་ཆེན་པོའི་འགྲམ་དག་ན། །གླིང་མ་རྣམས་དང་རྫོང་རྣམས་དང ། །ཆུ་དམར་དག་གིས་རྒྱས་པ་ཡི། །འཇིང་རྣམས་ན་ནི་གནས་པར་བྱེད། །ཆུ་རྒྱུན་ཡིད་དུ་འོང་བ་དང ། །ཆུ་རྣམས་རབ་ཏུ་འབྱུང་བ་དང ། །ཁྲོན་པ་རྣམ་པ་སྣ་ཚོགས་དང ། །རི་བོ་དག་དང་ཆུ་རྣམས་དང ། །སྦྲུལ་གྱི་ཚོགས་ཀྱིས་གང་བ་ཡི། །ནགས་ཁུང་ཆེན་པོ་དག་ན་ཡང ། །དེ་དག་སྦྲུལ་དུ་གཟུགས་བསྒྱུར་ནས། །སྦྲུལ་དང་ལྷན་ཅིག་དགའ་བར་བྱེད། །ལྗོན་ཤིང་ཆེན་པོ་མི་བཟད་དང ། །འབྱུང་པོ་དག་ནི་ཚོགས་ཆེན་དང ། །ཁང་སྟོང་དང་ནི་ཡུལ་སྟོང་དང ། །བ་ལང་གནས་ནི་གང་བ་དང ། །རྒྱལ་པོ་དག་གིས་
Ma211a
༄#། །དཀོར་ཁང་དང ། །པདྨ་རྣམས་དང་གཞན་དག་ཀྱང ། །གླང་ཆེན་གནས་ནི་ཡིད་འོང་དང ། །རྟ་རྣམས་ཀྱི་ནི་བྲེས་དག་དང ། །གཞན་ཡང་གྲོང་ཁྱེར་རྣམས་དང་གཞན། །ཚོང་དུས་དག་ན་གནས་པར་བྱེད། །ཆང་འཐུང་གནས་དང་ཁྱིམ་དང་གཞན། །སྲང་དང་ལམ་དང་ཤིང་རྟ་དང ། །རྒྱུ་བ་དག་གི་གནས་རྣམས་དང ། ། བུ་མོ་ལ་སོགས་ལྟ་བའི་རྣམས། །སྐྱེད་མོས་ཚལ་རྙིང་མི་བཟད་དང ། །ལྷ་ཡི་གནས་ནི་ཞིགས་པ་དང ། །བུ་བཙའ་བ་ཡི་གནས་གཞན་དང ། །འཆི་ལ་ཐུག་པའི་ཁྱིམ་དག་དང ། །དགའ་སྟོན་ས་དང་འདུས་པ་དང ། །འདུས་སྟོན་ས་དང་འཐབ་མོའི་ས། །གཡུལ་གྱི་ས་ནི་ཐམས་ཅད་ནི། །གདོན་རྣམས་རྟག་ཏུ་གནས་པར་བྱེད། །དྲུག་ཅུ་རྩ་བཞིའི་གདོན་བཤད་པ། །ཡིད་ལྟར་མགྱོགས་ཤིང་འདོད་རྒུར་འགྲོ། །འདོད་རྒྱུར་སྒྱུར་བའི་གཟུགས་ཅན་དེ། །ཐམས་ཅད་རང་དགར་རྩེན་པར་བྱེད། །ལྷ་ཚོགས་མ་མོའི་གདོན་དྲུག་བཅས། །ཚངས་པ་སྲུང་བར་བྱེད་པ་སྟེ། །བར་སྣང་གཟའ་ནི་ཉི་མ་ཡང ། །གདོན་རྣམས་ཀྱི་ནི་གཙོ་བོར་བཤད། །སྐེམ་བྱེད་ལ་སོགས་སྲིན་པོའི་བར། ། རྫོང་ལྡན་མ་དང་ཀླུ་གཉིས་དང ། །སྲིན་པོ་བཅུ་དང་ལྷ་མོ་དང ། །ནོར་བུ་འགྲུལ་ནི་བར་མ་ཡིན། །གྲུལ་བུམ་ལ་སོགས་ཡི་དྭགས་དང ། །བརྗེད་བྱེད་བཅས་དང་སྲུལ་པོར་
Ma211b
བཅས། །མདངས་འཕྲོག་དེ་བཞིན་སྨྱོ་བྱེད་དང ། །ཐམས་ཅད་གདོན་གྱི་ཐ་མར་བཤད། །དེ་དག་གི་ནི་ཁྱད་པར་བཞིན། །དཀྱིལ་འཁོར་མངོན་པར་མཆོད་བྱས་ནས། །མདོན་པར་དགའ་བར་བྱ་བ་ཡི། །བསྟོད་པས་མཆོད་པ་དག་ཀྱང་བྱ། །དབང་པོ་རྡོ་རྗེ་འཆང་བའི་ལྷ། །ལྷ་ཡི་རྒྱལ་པོ་གདོན་གྱི་བདག་།ཤར་ཕྱོགས་གདོན་གྱིཚོགྶ་བཅས་ལ། །མཆེད་པར་བྱས་ཏེ་ཕྱག་ཀྱང་འཚལ། །མེ་སྟེ་བསྲེག་བྱ་བཞེས་པའི་ལྷ། །འབྱུང་པོའི་རྒྱལ་པོ་གདོན་གྱི་བདག་།ཕྱོགས་མཚམས་གདོན་གྱི་ཚོགས་བཅས་ལ། །མཆོད་པར་བྱས་ཏེ་ཕྱག་ཀྱང་འཚལ། །གཤིན་རྗེ་དབྱུག་པ་འཆང་བའི་ལྷ། །ས་ཡི་བདག་པོ་གདོན་གྱི་བདག་།བྲབ་སེམས་བདག་ཉིད་གདོན་བཅས་ལ། །མཆོད་པར་བྱས་ཏེ་ཕྱག་ཀྱང་འཚལ། །བདེན་དང་བྲལ་བ་ལེགས་ལྡན་ལྷ། །སྲིན་པོའི་བདག་པོ་གདོན་གྱི་བདག་།སྣ་ཚོགས་གདོན་གྱི་ཚོགས་བཅས་ལ། །མཆོད་པར་བྱས་ཏེ་ཕྱག་ཀྱང་འཚལ། །ཞགས་པ་ཐོགས་པ་ཆུ་ཡི་ལྷ། །བདེན་པ་སྲུང་བ་གདོན་གྱི་བདག་།ནུབ་ཕྱོགས་གདོན་དང་བཅས་པ་ལ། །མཆོད་པར་བྱས་ཏེ་ཕྱག་ཀྱང་འཚལ། །རླུང་སྟེ་སྲོག་ཀྱང་འཛིན་པའི་ལྷ། །ཚིག་སྲུང་གདོན་གྱི་བདག་པོ་སྟེ། །རླུང་གི་ཚོགས་ཀྱི་གདོན་བཅས་ལ། །མཆོད་པར་བྱས་ཏེ་ཕྱག་ཀྱང་འཚལ། །གནོད་སྦྱིན་ལག་ན་བེ་ཅོན་ཐོགས། །ནོར་སྲུང་གདོན་གྱི་བདག་པོ་སྟེ། །བྱང་
Ma212a
༄#། །ཕྱོགས་གདོན་དང་བཅས་པ་ལ། །མཆོད་པར་བྱས་ཏེ་ཕྱག་ཀྱང་འཚལ། །དབང་དང་ལྡན་པ་འདྲེན་པའི་ལྷ། །བགེགས་ཀྱི་རྒྱལ་པོ་གདོན་གྱི་བདག་དབང་ལྡན་ཕྱོགས་ཀྱི་གདོན་བཅས་ལ། །མཆོད་པར་བྱས་ཏེ་ཕྱག་ཀྱང་འཚལ། །འོག་གི་ཀླུ་དང་ཆེ་བའི་ལྷ། །རྒྱལ་པོ་ཆེན་པོ་གླང་པོ་ཆེ། །དམ་ཚིག་ཤེས་པའི་གདོན་བཅས་ལ། །མཆོད་པར་བྱས་ཏེ་ཕྱག་ཀྱང་འཚལ། །སྟེང་གི་ལྷ་ཚོགས་ཐམས་ཅད་དང ། །ཟླ་བ་ཉི་མ་གཟའ་ཆེན་དང ། །གཟའ་སྐར་རྒྱུ་སྐར་བཅས་པ་དང ། །སྐར་མའི་འཁོར་ལོའི་དཀྱིལ་འཁོར་དང ། །རིག་སྔགས་ཚོགས་དང་གསང་སྔགས་དང ། །དེ་བཞིན་ཕྱག་རྒྱའི་ཚོགས་ཀུན་དང ། །དམ་ཚིག་ཤེས་དང་སློབ་དཔོན་དང ། །ཚངས་པ་ལ་སོགས་ལྷ་ཆེན་དང ། །རྡོ་རྗེ་འཛིན་པ་ཚེ་ཡི་ལྷ། །ལག་ན་རྡོ་རྗེ་སྟོབས་པོ་ཆེ། །གཏུམ་པོ་འཇིག་རྟེན་གསུམ་གྱི་བདག་།འཇིགས་བྱེད་ལག་ན་རྡོ་རྗེ་ཐོགས། །ཐམས་ཅད་ཞི་བར་བྱེད་པ་སྟེ། །འབྱུང་པོའི་ཚོགས་ནི་ཀུན་གྱིས་མཆོད། །རྣམ་པ་ཀུན་གྱིས་འབྱུང་པོ་ཀུན། །དུས་ཀུན་དུ་ནི་སྲུང་བ་པོ། །རིག་སྔགས་བཅས་པ་དེ་དག་དང ། ། འབྱུང་པོའི་ཚོགས་ནི་ཐམས་ཅད་ལ། །བཤོས་དང་དྲི་སོགས་སྣ་ཚོགས་རྣམས། །དེས་ནི་དགའ་ཞིང་དབུལ་བར་བྱ། །དམ་ཚིག་ཤེས་པ་རྣམས་དང་ནི། །འབྱུང་པོའི་
Ma212b
ཚོགས་ཀྱིས་བདག་ལ་སྲུངས། །དེ་ཡི་རྒྱས་པ་འཕེལ་བ་དང ། །བཅོམ་ལྡན་འདས་ཀྱིས་མཛད་པར་གསོལ། །སྣ་ཚོགས་ཚིག་གིས་སྨྲ་བར་བྱ། །ཞི་བའི་ཚིག་ནི་ཡང་དང་ཡང ། །བདག་གི་བླ་མའམ་ཡང་ན་གཞན། །དམ་ཚིག་ཤེས་པ་གཞན་གྱིས་བྱས། །འདི་ནི་འབྱུང་པོ་ཀུན་ལ་ཕན་ཕྱིར་བཤད་པ་སྟེ། །འབྱུང་པོའི་ཚོགས་ཀུན་འདུས་ལ་རྟག་ཏུ་མཆོད་པར་བྱ། །དཀྱིལ་འཁོར་དག་ལས་གཏོར་མའི་ལས་ནི་རྒྱས་པ་འདི། །རྒྱུ་བ་དག་གི་གནས་དང་རྟེན་གྱུར་དཔལ་བསྐྱེད་ཕྱིར། །འདིར་ནི་ཐམས་ཅད་དུས་སུ་ཕྱོགས་རྣམས་ཐམས་ཅད་དུ། །ཡོངས་སུ་དག་པའི་ཡིད་དང་རྣམ་པ་ཐམས་ཅད་ཀྱིས། །ཐམས་ཅད་ཞི་བར་བྱེད་པ་གསུམ་དུ་རབ་བཤད་པ། །དོན་རྣམས་བསྒྲུབ་པའི་ཕྱིར་ནི་བླ་མས་བྱ་བ་ཡིན། །ལས་ཀྱི་དཀྱིལ་འཁོར་རྫོགས་སོ།། །།ཀུན་རིག་སེམས་ཀུན་གྱིས་མཆོད། །རིག་སྔགས་བདག་པོ་ཀུན་གྱིས་རྗེད། །མཚུངས་པ་མེད་པའི་སངས་རྒྱས་ནི། །རྣམ་གསུམ་ཉི་མའི་འོད་དང་ལྡན། །མཚན་མེད་མང་པོ་མངའ་བ་སྟེ། །འོད་མ་གང་འོད་ཆེན་འཆང་བ་དང ། །རིག་སྔགས་སྟོན་པ་ཆེན་པོ་སྟེ། །མཆོད་ཆེན་འཆང་ཞིང་སྦྱིན་བྱེད་དང ། །དག་པའི་ཆོས་ནི་དེས་གསུངས་པ། །ཞི་བའི་གྲོང་ཁྱེར་ཞི་བའི་ལམ། །གང་གིས་ཐུབ་རྣམས་ཤེས་པ་དང ། །གཞན་ཡང་སྔོན་གཤེགས་གཤེགས་
Ma213a
༄#། །གྱུར་དང ། །ཡ་མཚན་གནས་ལྡན་དགེ་འདུན་རྣམས། །མྱ་ངན་འདས་པའི་གྲོང་འཇུག་པ། །ཤིན་ཏུ་རྒྱས་པ་དེ་ཀུན་ལ། །ཡང་དང་ཡང་དུ་ཕྱག་འཚལ་ཞིང ། །ཐུབ་པ་སངས་རྒྱས་གཉིས་པ་ནི། །འཕགས་པ་ཤཱ་རྡྭ་ཏིའི་བུ། །ལྷ་དང་ལྷ་མིན་དྲི་ཟར་བཅས། །ཀླུ་དང་གནོད་སྦྱིན་ཚིགས་ཀྱིས་མཆོད། །དེ་བཞིན་དམ་པ་གྲུབ་པ་སྟེ། །རིག་སྔགས་འཆང་ཀུན་དབང་ཕྱུག་རྗེ། །དཔའ་བོ་གཅིག་པུ་དགྲ་ཐུལ་བ།།ལག་ན་རྡོ་རྗེ་ཕྱག་འཚལ་ལོ། །དེ་བཞིན་རྡོ་རྗེ་ལྕགས་ཀྱུ་ཡུམ། །རྡོ་རྗེ་ཐོག་ཐོག་བཟང་མོ་དང ། ། དེ་ནས་ལག་ན་རྡོ་རྗེའི་མཐུས། །ཀི་ལི་ཀི་ལི་གཏུམ་པོ་དང ། །རྡོ་རྗེ་སྒྲོག་གི་ཉི་མ་བཞིན། །བློ་གྲོས་རྡོ་རྗེ་ཕས་མི་ཐུབ། །འོག་དཔག་ཁྲོ་བོ་དྲིལ་བུ་ཅན། །དེ་བཞིན་རྡོ་རྗེ་ནག་མོ་ལ། །ཅི་སྟེ་ཤེས་རབ་ཅན་དག་གིས། །གཞན་དོན་གྲུབ་པར་འདོད་པ་ན། །མཆོད་ཅིང་ཕྱག་ཀྱང་བྱས་ནས་ནི། །དཀྱིལ་འཁོར་གཟུང་བྱ་ལེགས་པར་བཤད། །གྲུབ་པ་ལག་ན་རྡོ་རྗེ་ཡི། །དངོས་གྲུབ་ཐམས་ཅད་སྒྲུབ་བྱེད་ཅིང ། །དངོས་གྲུབ་ཐམས་ཅད་རབ་རྫོགས་པ། །ཇི་སྐད་དུ་ནི་རབ་བསྟན་པའི། །དཀྱིལ་འཁོར་ཅི་འདྲ་གང་ཡིན་དང ། །དེ་ཡི་ཡོན་ཏན་སྣ་ཚོགས་གང ། །ཚོགས་ཀྱང་ཇི་ལྟར་བསྟན་པ་དང ། །དཀྱིལ་འཁོར་གྱི་ནི་དམ་ཚིག་དང ། །ཆོ་ག་དམ་པ་གྲུབ་པ་དང ། །ཕན་དང་མི་ཕན་དོན་རྣམས་དང ། །དམ་ཚིག་
Ma213b
ཤེས་པའི་ཡོན་ཏན་དང ། །ཉམས་པའི་གནས་ནི་གང་ཡིན་པ། །དེ་དང་གཞན་ཡང་གང་མཐོང་བ། །དེ་དག་ཐམས་ཅད་ལེགས་པར་བཤད། །ལག་ན་རྡོ་རྗེའི་སྲས་གཏུམ་པ། །རྡོ་རྗེ་སྡེ་ལ་ཕྱག་བྱས་ནས། །ཟླ་ཕྱེད་ཡུད་ཙམ་ཞག་གཅིག་དང ། །རྒྱུ་སྐར་དག་ནི་བཟང་བ་ལ། །གཙང་ཞིང་གསོ་གཙང་བགོས་པ་དང ། །བསྔམས་ཤིང་ངེས་པར་གནས་པ་དང ། ། གྲོགས་པོ་གཙང་མར་ལྡན་པ་དང ། །གཙང་མའི་ལས་ཀྱི་རྗེས་འབྲང་བས། །ཡར་གྱི་ངོ་ཡི་ཚེས་གཅིག་གམ། །ཚེས་གཉིས་དེ་བཞིན་ལྔ་ཡང་རུང ། །ཚེས་དྲུག་དང་ནི་བརྒྱད་དང་བཅུ། །བཅུ་གཉིས་ཡང་ན་བཅུ་གསུམ་མམ། །ཡང་ན་ཉ་ཡི་ཉིན་པར་ནི། །ཡོངས་སུ་གཟུང་བར་བྱ་བ་སྟེ། །དེ་དག་བརྩམ་གྱི་གཞན་ལ་མིན། །དཀྱིལ་འཁོར་གནས་ནི་སྦྱངས་བྱས་ལ། །ཟླ་བ་ཉ་ཡི་ནུབ་མོ་ནི། །དཀྱིལ་འཁོར་ཆེན་པོ་བྲི་བར་བྱ། །བསྒྲིམས་ཏེ་ལག་ན་རྡོ་རྗེ་དང ། །རྒྱལ་དབང་ལ་ནི་ཕྱག་བྱས་ནས། །ཞི་ཞིང་སྔོན་ཆད་ལས་བྱས་པའི། །སར་ནི་མཁས་པས་འགྲོ་བར་བྱ། །ཚོང་དུས་ཀུན་དགའ་གཙུག་ལག་ཁང ། །གྲོང་ངམ་ཡང་ན་གྲོང་ཁྱེར་གྱི། །བྱང་ཤར་མཚམས་ནི་གང་མཐོང་བ། །དེ་ཡི་ལྷོ་ནུབ་མཚམས་དག་ཏུ། །ཟླ་བ་རེ་རེ་བརྟུལ་ཞུགས་བྱ། །མདངས་དགའ་ཚལ་ལྡན་གཙང་མ་དང ། །ཚཝ་སྒོ་རྡོ་གསེག་རུས་པ་དང ། །མཐོ་དམན་སྐྱོན་རྣམས་རྣམ་སྤངས་པ། །དེ་འདྲའི་དེ་རྙེད་ན་
Ma214a
༄#། །ནི། །རྡོ་རྗེ་ལྕགས་ཀྱུ་དྲན་བྱས་ལ། །ཤར་ཕྱོགས་ནས་ནི་གོམ་པའི་འདོར། །ཧ་ཅང་མི་དྲག་དགོད་མི་བྱ། །དེ་ནས་རིག་སྔགས་གང་འདོད་པས། །བདག་ཉིད་ཀྱང་ནི་བསྲུང་བར་བྱ། ། དེ་ནས་དཀྱིལ་འཁོར་གནས་དེར་ཡང ། །དགེ་བའི་ལྟས་རྣམས་བལྟ་བར་བྱ། །སྔགས་ཀྱིས་བཏབ་པའི་ཆུ་དག་གིས། །ཐམས་ཅད་ལེགས་པར་གཏོར་བར་བྱ། །བ་ལང་ལྕི་བས་ལེགས་པར་སྦྱར། །ཀུ་ཤ་དག་ཀྱང་གདིང་བར་བྱ། །མཉམ་པའི་དབུས་ཀྱི་དཀྱིལ་དག་ཏུ། །དཀྱིལ་འཁོར་བྱེད་པ་འདུག་ནས་ནི། །ཕྱོགས་མཚམས་སྟེང་དང་ཐད་ཀར་ཡང ། །ཁོ་ར་ཁོར་ཡུག་བལྟ་བར་བྱ། །སྲུང་ཞིང་ཡིད་དགའ་དྲི་དག་གིས། །ཁྲུས་བྱས་ཞག་གསུམ་སྨྱུང་བར་བྱ། །སྤོས་ངད་ལྡན་པའི་རི་བཞིན་དུ། །སྤོས་ཀྱིས་ཕྱོགས་ཀུན་རྒྱས་པར་བྱ། །ཐིག་སྐུད་གསེར་ཞིང་རབ་གཙང་དང ། །ཚད་དང་ལྡན་ཞིང་མཛེས་པ་དང ། །དྲི་ཞིམ་རེག་ན་འཇམ་པ་དང ། །སྲ་ཞིང་ལེགས་པར་གཟབ་པ་དང ། ། ཐུང་དང་སྦོམ་སོགས་མ་ལེགས་དང ། །མདུད་པ་རྣམས་ནི་མེད་པ་ཡིས། །ཐིག་ནི་ཤེས་རབ་ཅན་གྱིས་གདབ། །དེ་ཡི་ཚད་ཀྱང་བཤད་པར་བྱ། །རྡོ་རྗེ་འཛིན་ཆེན་དགའ་བ་ཡི། །དང་པོའི་གནས་ནི་རྫོགས་གྱུར་ནས། །དེ་ལས་གཞན་པའི་དཀྱིལ་འཁོར་ཆེ། །གྲངས་རྣམས་ཀྱང་ནི་བཤད་པར་བྱ། །ལག་ན་རྡོ་རྗེའི་དཀྱིལ་འཁོར་ཆེན་པོའི་
Ma214b
རྒྱལ་པོ་སྟེ་གནས་དང་པོའི།། །།བུ་དག་ཆོག་ཤེས་དབེན་པ་བདེ། །ཆོས་ལ་མི་སྨོད་བདེ་བ་ཡིན། །འཚེ་བ་སྤངས་པས་འཇིག་རྟེན་བདེ། །སྲོག་ཆགས་རྣམས་ལ་སྡོམ་བ་དང ། །འདོད་ཆགས་བྲལ་བ་འཇིག་རྟེན་བདེ། །འདོད་ཆགས་རྣམས་ལས་འདུས་པ་དང ། །ང་སྙམ་རྒྱལ་ཞི་བ་དང ། །དུལ་བ་འདི་ནི་མཆོག་ཏུ་བདེ། །བུ་དག་རྒྱུན་ལས་ལྡོག་པ་ཡི། །ལམ་བགྲོད་ཟབ་ཅིང་བལྟ་དཀའ་བ། །མུན་ནག་ཐིབས་པོས་བསྒྲིབས་པ་དང ། །འདོད་ལ་ཆགས་པས་རྟོགས་མི་འགྱུར། །ངས་ནི་དཀའ་བས་རྟོགས་བྱས་ནས། །སྐྱེ་བོ་རྒྱུན་བཞིན་འཁྱམས་པ་དང ། །འདོད་པ་དག་གི་མདུད་པ་ཡིས། །བཅིངས་པའི་བར་དུ་བཤད་པ་སྟེ། །འདི་ནི་ལག་ན་རྡོ་རྗེ་ཡི། །ཡིད་འོང་ཆེད་དུ་བརྗོད་པ་བརྗོད། །རྩེད་མོ་ཅན་གྱིས་བསྲུངས་བྱས་ནས། །ངེས་པར་ཀུན་ཏུ་འཇིགས་པ་མེད། །དཀྱིལ་འཁོར་ཁྲུ་ནི་བཅུ་དྲུག་ཏུ། །ཅི་ནས་རབ་ཏུ་ཚང་བར་བྱ། །སྲིད་དུ་ཡང་ནི་ཅི་ནས་ཀྱང ། །སུམ་ཅུ་རྩ་གཉིས་ཡོད་པ་དང ། ། གཙང་མས་གཙང་མའི་གོས་བགོས་ལ། །ཐིག་སྐུད་དེ་ནི་བདག་གིས་གཟུང ། །ལྷ་ལ་དགའ་བའི་གྲོགས་པོ་ཡིས། །ཁོ་ར་ཁོར་ཡུག་དྲང་བར་བྱ། །ཐིག་གྲངས་དེ་ཡི་སྟེང་དག་ཏུ། ། ཐིག་ནི་སྙོམས་པར་ལེགས་པར་བྲི། །རིག་སྔགས་རྡོ་རྗེ་ལྕགས་ཀྱུ་མ། །རྨད་དུ་བྱུང་བ་དེ་ཉིད་བརྗོད། །ཐུབ་ཆེན་གནས་པར་གྱུར་པ་ཡི། །ཁོར་ཡུག་དག་ནི་རྒྱ་ཆེ་བ། །རང་བྱུང་གིས་
Ma215a
༄#། །ནི་བསྟན་པ་བཞིན། །བློ་ཅན་དག་གིས་ཟླུམ་པོར་བྱ། །ཐུང་སྤོམ་ལ་སོགས་སྐྱོན་བྲལ་ཞིང ། །ཐིག་ནི་ལེགས་ཤིང་སྙོམས་པར་བྱ། །སྤོམ་ཚེས་པ་ནི་སྔར་བཤད་ཟིན། །ཐུང་ཆེས་པས་ནི་ནད་ཀྱིས་འདེབས། །གང་ཞིག་དངོས་གྲུབ་མཆོག་འདོད་པས། །དེ་ནི་ཡུངས་ཀར་དག་གིས་བྲིས། །གང་ཞིག་ཙནྡན་ཕྱེ་མས་འབྲི། ། དེས་ནི་འཇིག་རྟེན་ངེས་པར་འཇོམས། །ནས་རྣམས་ཀྱི་ནི་མ་འདྲེས་པའི། །སཱ་ལུ་བཟང་པོར་བྱས་ན་ནི། །དེ་ཡི་ནོར་དང་འབྲུ་རྣམས་དང ། །དབྱིག་རྣམས་རྟག་ཏུ་འཕེལ་བར་འགྱུར། །གང་ཞིག་དངོས་གྲུབ་མཆོག་འདོད་པས། །དེར་ནི་གསུམ་ཆར་གྱིས་ཀྱང་བྲི། །ཡང་ན་དེ་དག་གཅིག་པུ་ཡིས། །ཤེས་རབ་ཅན་གྱིས་བྲི་བར་བྱ། །དེ་ནས་རི་ཡི་རྒྱལ་པོ་ནི། །རིན་ཆེན་ཀུན་ནས་གྲུབ་པ་སྟེ། །ཉི་མ་བཞིན་དུ་རྟག་ཏུ་ཡང ། །རང་གི་འོད་ཀྱིས་རབ་འབར་ཞིང ། །བང་རིམ་ཡོད་པའི་རི་རབ་དེ། །ཐོག་མ་ཉིད་དུ་གཞག་པར་བྱ། ། སྔར་བསྟན་པ་ཡི་ཁོར་ཡུག་ནི། །གྲུ་བཞི་ཚད་དུ་བྱ་བ་ཡིན། །དེ་ཉིད་ཁོངས་སུ་རིམ་པ་གསུམ། །ཁུ་རེ་ཙམ་དུ་བྲི་བར་བྱ། །གཞན་ཡང་མཐོ་ནི་དོ་དོ་དང ། །སོར་བཞི་བཅས་པར་བྲི་བར་བྱ། །གཉིས་པ་དང་ནི་ལྷག་མ་རྣམས། །ཆ་དྲུག་མཛེས་དང་ལྡན་པར་བྱ། །གཞན་ནི་མཚམས་ལ་ཐུགས་པའི་བར། །ཅི་རིགས་པར་ནི་བྲི་བར་བྱ། །དུ་འབོད་ཆེན་
Ma215b
པོ་ཞེས་བྱ་བའི། །དམྱལ་བ་བདེན་བྲལ་ཕྱོགས་སུ་གཞག་།བསྟན་པ་བཞིན་དུ་དེ་བྱས་ནས། །གཞན་ཡང་བཤད་པ་བཞིན་དུ་བྱ། །རས་གསར་བ་ནི་སཱ་ལུ་འམ། །ཙྣྡྣན་བཟང་པོའི་ཕྱེ་མ་ཡིས། །རྡོ་རྗེ་སྲིད་དུ་ཁྲུ་གང་པ། །རྩེ་དྲུག་ཡང་ན་རྩེ་གསུམ་བྲི། །དེ་ཡང་ཅི་སྟེ་མི་འབྱོར་ན། །གྲོག་མཁར་གྱི་ནི་ས་དག་གིས། །སོར་བཞི་ཙམ་དུ་བྱ་བ་ཡིན། །གང་གིས་གདོན་ནི་སྟོང་ཕྲག་རྣམས། །ཁྱད་པར་འདིར་ནི་སྒྲུབ་བྱེད་པ། །དེ་ཉིད་འཇིག་རྟེན་གསུམ་དག་གི་།འཇིགས་བྱེད་དྲག་པོ་ཡིན་པར་ངེས། །དེ་ཉིད་ངོ་མཚར་བྱེ་བ་སྙེད། །ཡ་མཚན་རྣམས་ཀྱང་སྟོན་པ་ཡིན། །གཅིག་ཏུ་རྡོ་རྗེ་གཉིས་ལྡན་པ། །དེ་ཉིད་ཉི་ནི་དྲུག་དག་ཏུ། །དཀྱིལ་འཁོར་རྣམ་པ་བཞི་པོ་དག་།བྱིན་གྱིས་བརླབས་པའི་ཆོ་ག་བྱ། །བདེན་དང་གཏོར་བ་རྒྱ་ཆེ་བ། །ཏིང་འཛིན་ཞི་བ་ཡ་མཚན་ལྡན། །ཡང་ན་གང་གིས་འདི་དག་ཀུན། །ཐུབ་པའི་ཤེས་རབ་བྱིན་བརླབ་བྱ། །བདེན་དང་ངེས་པ་གནས་བྱས་ནས། །བདེན་བྲལ་ཕྱོགས་སུ་བྲི་བ་དང ། །ཆུ་ལྷའི་ཕྱོགས་སུ་སོང་ནས་ཀྱང ། །རྒྱ་ཆེན་དོན་རྣམས་བྱ་བ་ན། །སི་ཏ་ཀུ་ནི་བུ་དང་བཅས། །བཞི་བ་དེ་ནི་ལེགས་པར་གནས། །གྲོང་ཁྱེར་མཆོག་གི་དྲུག་དག་ཏུ། །གྲུ་ནི་བྱང་ཕྱོགས་བལྟ་བར་བྱ། །དེ་ནས་འཇུག་པར་རབ་བསྟན་དེ། །དཀྱིལ་འཁོར་དག་པ་གཞན་མི་བྱ། །གཟུགས་གནས་སྒོ་མཆོག་དེ་ཉིད་ནི། །རྡོ་རྗེ་འཛིན་པ་དགྱེ་
Ma216a
༄#། །པ་ཡིན། །དཀྱིལ་འཁོར་འདོད་པ་གང་ཡིན་པ། །དེ་ཡི་སྒོ་ཡི་བྱང་ཕྱོགས་དྲུང ། །ལྷོ་ཕྱོགས་ཀྱི་ནི་དྲུང་དག་ཏུ། །བསྟན་པ་གང་ཡིན་གཞག་པར་བྱ། ། གུར་གུམ་ཡིད་དུ་འོང་བ་དང ། །ལྡན་པའི་རྒྱ་སྐྱེགས་ཁུ་བ་དང ། །ལེ་བརྒན་རྩི་ཡིས་བསྒྱུར་བ་ཡི། །སར་ནི་དམར་ཞིང་ཡིད་འོང་བ། །བུག་རྡོལ་མེད་ཅིང་མ་ཉམས་ལ། ། དྲི་ང་བ་དག་མེད་པ་ཡི། །གདན་དག་ཀྱང་ནི་ངེས་བྱས་ཤིང ། །ཤིང་རིང་ལ་ནི་ལེགས་པར་གདགས། །དེ་ནས་ལོགས་ཤིག་རྩེ་མོ་ཡི། །ཆ་བྱད་སྣ་ཚོགས་ཁྱད་པར་དུ། ། རྣམ་པར་མཛེས་པ་གཞག་བྱ་སྟེ། །རྒྱ་སྐྱེགས་ལས་ནི་ལེགས་བྱས་པའི། །ཕོ་ལོང་ཆེན་པོ་རི་མོ་ཅན། །གཞན་ཡང་དྲིལ་དང་སྒོ་ངའི་དབྱིབས། །སྟེ་འུ་འཁོར་གྱི་ཚོགས་རྣམས་དང ། །གཞན་ཡང་རྣམ་པ་སྣ་ཚོགས་གཞག་།ཀུ་རནྟ་ཀའི་མེ་ཏོག་ཕྲེང ། །རྒྱལ་མཚན་རྩེ་མོར་འཕྱང་དུ་གཞུག་།ཡང་ན་མེ་ཏོག་དམར་བ་ཡི། །ཕྲེང་བ་བཟང་པོ་སྣ་ཚོགས་གདགས། །དེ་དག་བསྟན་པས་ཤེས་པ་ཡིས། །དཀྱིལ་འཁོར་དེ་ཡི་ཕྱི་རོལ་གཞག་།དེ་ནས་རི་དབང་འཁོར་ཡུག་གི་།ནང་དུ་ཡང་ནི་འགྲོ་བར་བྱ། །དེ་ལྟར་མཚུངས་མེད་ཅེས་བྱ་བའི། །དཀྱིལ་འཁོར་གྱི་ནི་ཐིག་གདབ་པ། །གནས་གཉིས་པ་ནི་རྒྱས་པར་བསྟན། །ལག་ན་རྡོ་རྗེའི་དཀྱིལ་འཁོར་ཐམས་ཅད་ཀྱི་རྒྱལ་པོ་ལས། གནས་གཉིས་
Ma216b
པ་རྫོས་སོ།། །།རིག་སྔགས་རྡོ་རྗེ་ལྕགས་ཀྱུ་མ། །རྨད་དུ་བྱུང་བ་དེ་དྲན་ཞིང ། །གཡོན་ཕྱོགས་དག་ཏུ་གོ་རིམ་བཞིན། །ལྷ་རྣམས་ཀྱང་ནི་དགོད་པར་བྱ། །ཆུ་ལྷའི་ཕྱོགས་ཀྱི་སྒོ་དག་ནི། །ཀྲྵ་པ་ན་བརྒྱད་དག་གི་།འགྲོན་བུ་རྣམས་ནི་ཤར་ནུབ་ཏུ། །མཉམ་ཞིང་མཛེས་པར་དགོད་པར་བྱ། །དེ་ཡི་ལྷོ་ཕྱོགས་རྡོ་རྗེ་ཡི། །རིག་སྔགས་བླ་མའི་རིགས་རྣམས་དགོད། །དེ་ནི་རྡོ་རྗེ་ལྕགས་ཀྱུ་མ། །རིག་སྔགས་རྒྱལ་པོ་དབུས་སུ་གཞག་།དྲེགས་ཤིང་སྟོབས་ཀྱིས་རྒྱགས་པ་ཡི། །སྔོན་པོ་ཆེན་པོ་སྔོན་པོ་གཉིས། །དེར་ནི་རིག་སྔགས་རིགས་རྣམས་ཀྱི། །སྒོ་སྲུང་དག་ཏུ་གཞག་པར་བྱ། །རིག་སྔགས་རྡོ་རྗེའི་རིགས་སྐྱེས་རྣམས། །ཤར་ཕྱོགས་སུ་ནི་བལྟ་བར་བྱ། །འདོད་པའི་རྡོ་རྗེ་དང་པོར་བཤད། །རྡོ་རྗེ་ཁྲོ་བོ་མཇུག་ཏུ་གཞག་།མེ་ཏོག་ཡིད་འོང་རྩེ་མོ་ཅན། །ལུག་རྒྱུད་གཏུམ་མོ་སེར་མོ་རྣམས། །ཕོ་ཉ་མ་དག་གྲངས་བཞིན་དུ། །ཐམས་ཅད་དེ་ཡི་ཕ་རོལ་དགོད། །བུང་བ་མ་དང་ལྟ་བ་མ། །དགའ་མ་ཐུབ་དཀའ་བྱང་ཕྱོགས་གཞག་།རྡོ་རྗེ་ཀ་ཏ་ཡ་ན་དང ། །འདི་དག་གཡས་ཕྱོགས་བྲི་བར་བྱ། །རྡོ་རྗེ་སྡེ་ཡི་འཁོར་རྣམས་ཀྱང ། །དེ་ཡི་ལྷོ་ཕྱོགས་དགོད་པར་བྱ། །དེ་ནས་ཀླུ་རྒྱལ་ནོར་རྒྱས་བུ། །བཞི་པ་དག་ལ་གཞག་པར་བྱ། །འབྱུང་པོ་སྣ་ཚོགས་བསྐོར་བ་ཡི། །གཞོན་ནུ་ཚོགས་དང་བཅས་པ་ཡང ། །དཀྱིལ་འཁོར་ལྔ་པར་གཞག་པར་བྱ།།
Ma217a
༄#། །མདུང་ཐུང་ཡང་ནི་མདུན་དུ་གཞག་།དེ་ནས་དྲུག་ལ་བདེན་བྲལ་ཕྱོགས། །འབྱུང་པོ་རིངས་བྱེད་མི་བཟད་པ། །འཕགས་པ་ཡི་ནི་མདུན་བྲིས་ལ། །འཕགས་མ་ཡིན་ནི་མདུན་དུ་གཞག་།མ་མོ་རྣམས་ཀྱི་རིགས་ལྔ་པོ། །ཚངས་མ་དང་ནི་དབང་ཕྱུག་མ། །སྐེམ་བྱེད་ཁྱབ་འཇུག་ཕག་མོ་ཞེས། །བྱ་བ་དཀྱིལ་འཁོར་བདུན་པར་གཞག་།གྲོང་ཁྱེར་དེ་ཡི་ནང་དག་ཏུ། །ཆུ་ཀླུང་འགྲམ་དང་ལྡན་པར་བྲི། །གྲ་རྣམས་ཤར་བྱང་གྲ་དག་དང ། །ལྷོ་དང་ནུབ་ཕྱོགས་ཕྱིན་པར་བྱ། །སྡིག་ཅན་ཆུན་གནས་པའི་ནང་།། ངོམས་མི་ཤེས་པའི་རི་དྭགས་ཤིག་།ནང་དུ་མཆུ་བཙུགས་ཕྱོགས་གཅིག་གནས། །དེ་ནང་ཁྱུ་མཆོག་འགྲོ་བར་བྱ། །རླུང་ལྷའི་ཕྱོགས་ཀྱི་གནས་གཅིག་ཏུ། །བདེ་བྱེད་ལྷ་མོ་ཁྱུ་མཆོག་དང ། །དེ་བཞིན་ར་དང་བུམ་རྣ་གཉིས། །གྲོང་ཁྱེར་གྱི་ནི་སྒོ་སྲུང་གཞག་།ཀླུང་གི་གཡས་རོལ་འགྲམ་དག་ཏུ། །རིག་སྔགས་ཆེན་མོ་བུ་སྨད་བཅས། །དབང་ལྡན་ཕྱོགས་སུ་གཞག་བྱ་སྟེ། །དཀྱིལ་འཁོར་བདུན་པ་འདས་པ་ཡིན། །དཀྱིལ་འཁོར་བརྒྱད་པ་སྔར་བཤད་པའི། །འབྱུང་པོའི་བྱ་བ་སྒྲུབ་པ་བདུན། །འབྱུང་པོ་སྣ་ཚོགས་བསྐོར་བ་གཞག་།དགུ་པར་ཡང་ནི་རིམ་བཞིན་བྲི། །དེ་ནས་དཀྱིལ་འཁོར་བཅུ་པར་ནི། །ཚངས་པའི་དྲང་སྲོང་རྣམས་ཀྱང་གཞག་།དེ་ནས་གཤིན་རྗེ་ཚོགས་མང་
Ma217b
བཅས། །བཅུ་གཅིག་པར་ནི་གཞག་པར་བྱ། །མེ་ལྕེ་ལྷ་ཡི་ཚོགས་ཀྱིས་བསྐོར། །མེ་དེ་མཐུ་ལས་སྐྱེས་པ་སྟེ། །དེ་ནི་བཅུ་གཉིས་ཤེས་པར་བྱ། །ཡི་དྭགས་རྣམས་ཀྱི་འཁོར་དང་བཅས། །ཡི་དྭགས་དག་ཀྱང་གཞག་པར་བྱ། །ལག་ན་རྡོ་རྗེས་བཤད་པ་བཞིན། །དེ་ནི་བཅུ་གསུམ་ཤེས་པར་བྱ། །ཟླ་བ་ཕྱོགས་བཟང་སྟོབས་པོ་ཆེ། །ཁྱབ་འཇུག་དབང་པོ་ཉེ་དབང་གཉིས། །རྒྱལ་བའི་དབང་པོ་སངས་རྒྱས་ཀྱི། །བློ་གྲོས་ལྷ་མོ་གཉིས་ཀྱང་གཞག་།གང་ན་ལྷ་དབང་གཉིས་གནས་པ། །དེ་ནི་བཅུ་བཞིར་ཤེས་པར་བྱ། །བཅོ་ལྔ་པ་ཡི་དཀྱིལ་འཁོར་དུ། །ཀླུ་ཆེན་རིགས་བརྒྱད་དགོད་པར་བྱ། །བཀའ་སྩོལ་པ་ཞེས་བྱ་བ་ཡི། །ཚངས་པའི་སྲིན་རྣམས་བཅུ་དྲུག་ཏུ། །བཅུ་བདུན་པ་ཡི་དཀྱིལ་འཁོར་དུ། །ཀ་ཏ་ཡ་ན་གཞག་པར་བྱ། །དེ་ཡི་འཁོར་ནི་གང་ཡིན་པ། །དེ་ཡང་དྲུང་དུ་གཞག་པར་བྱ། །དབང་ཕྱུག་ཆེན་མོ་ཆུང་མར་བཅས། །དབང་ལྡན་ཕྱོགས་སུ་གཞག་བྱ་སྟེ། །དེ་ནི་བཅོ་བརྒྱད་ཤེས་པར་བྱ། །དེ་ནས་ཕྱི་རོལ་རིག་སྔགས་རིགས། །རིག་སྔགས་ཀྱི་ནི་སྣ་ཚོགས་དགེ་།བཅུ་དགུ་པར་ནི་གཞག་པར་བྱ། །དེ་ནས་ཀྱང་ནི་རིག་སྔགས་རྣམས། །མིང་སྨོས་འདི་དག་ལ་སོགས་བྲི། །དྲི་གཤེད་ཐབས་ཀྱིས་དྲི་གཤེད་དང ། །རོ་ལངས་མར་ནི་གྲགས་པ་དང ། །དཀར་མོ་ཆེན་མོ་དཀར་མོ་དང ། །གཞན་ཡང་ས་སྟེང་གནས་རྣམས་གཞག །
Ma218a
༄#། །རྡོ་རྗེའི་མངའ་བདག་དགེས་པ་ཡི། །གཞན་གྱི་རིག་སྔགས་མཆོག་འཆིང་བ། །རབ་ཏུ་གསལ་ཞིང་འབར་བ་དེ། །དབུས་དེར་མཁས་པས་གཞག་པར་བྱ། །དེ་ནས་རྡོ་རྗེ་འཛིན་ཆེན་རྗེ། །ཉི་ཤུ་པར་ནི་གཞག་པར་བྱ། །གང་ན་རྡོ་རྗེ་འཛིན་གནས་ཏེ། །མིང་ནི་རྡོ་རྗེ་ཕོ་བྲང་ཡིན། །ཉི་ཤུ་གཅིག་པའི་བྱང་ཕྱོགས་སུ། །ཀུ་པེ་ར་ནི་ཚོགས་བཅས་བྲི། །ཀུ་བེ་ར་ནི་གར་གནས་པ། །གྲོང་ཁྱེར་ལྕང་ལོ་ཅན་ཞེས་བྱ། །ཀླུ་ཡི་བྱ་བ་བསྒྲུབ་པ་བརྒྱད། །གྲོང་ཁྱེར་ཉི་ཤུ་གཉིས་པར་གཞག་།བྱ་བ་སྒྲུབ་བཅས་ཀླུ་ཆེན་རྣམས། །ལྔ་པོ་ཉི་ཤུ་གསུམ་པར་གཞག་།དཀྱིལ་འཁོར་ཉིས་ཧུ་རྩ་བཞིར་ནི། །ཀླུ་ཡི་དཀྱིལ་འཁོར་གཞག་པར་བྱ། །ཀླུ་མགོ་ཡི་ནི་གདེངས་ཀ་ཅན། །ཀླུ་ཆེན་གྱིས་ནི་གཡས་སུ་བསྐོར། །དཀྱིལ་འཁོར་དེ་ཡི་ནང་དག་ཏུ། །ཀླུ་ཆེན་ཁ་དོག་སྣ་ཚོགས་པ། །མཐའ་ཡས་ནོར་རྒྱས་པདྨ་དང ། །དེ་བཞིན་ནོར་བུ་ལ་སོགས་ཀླུ། །ཀལ་པ་ལ་དང་རབ་མགྱོགས་གཉིས། །དེ་བཞིན་གཞན་ཡང་ཀླུ་རྣམས་ཀྱིས། །མ་དང་རྒྱལ་ཚབ་འཇོག་པོ་ཡང ། །དཀྱིལ་འཁོར་ནང་དུ་གཞག་པར་བྱ། །ཤར་སྒོ་འོད་མའི་རྩེ་མོ་གཞག ། དགའ་སྐྱེད་པ་ནི་ལྷོ་ཕྱོགས་སུ། །ནུབ་ཕྱོགས་སུ་ནི་ལེགས་མཐོང་གཞག་།བྱང་ཕྱོགས་སུ་ནི་སྟོབས་ཀྱིས་རྒྱུ། །དེ་ནས་རླུང་ལྷའི་ཕྱོགས་དག་ཏུ། །འབྱུང་པོའི་ཚོགས་ནི་
Ma218b
བདུན་རྣམས་དགོད། །དེ་ནི་ཉི་ཤུ་ལྔ་པ་ཡི། །དཀྱིལ་འཁོར་དུ་ཡང་གྲགས་པ་ཡིན། །དཀྱིལ་འཁོར་ཉི་ཤུ་རྩ་ལྔ་པ། །འདི་དག་ཀྱང་ནི་མཁས་པ་ཡིས། །ཅི་རིགས་པར་ནི་བྲི་བྱ་ཞིང ། །རྫོགས་བྱེད་རྣམས་ཀྱང་ལེགས་པར་བྲི། །ཆུ་ལྷའི་ཕྱོགས་སུ་ཉི་མ་བྲི། །ཤར་ཕྱོགས་སུ་ནི་ཟླ་བ་གཞག་།ཀ་རུ་ན་ནི་གླིང་བཞིར་ནི། །ཕྱོགས་མཚམས་དག་ཏུ་གཞག་པར་བྱ། །ལྷག་མ་དག་ནི་བྱང་ཕྱོགས་སུ། །ངེས་པར་ཡང་ནི་དགོད་པར་བསྟན། །འདི་དག་རྣམས་ནི་མདོར་བསྡུ་ན། །འཁོར་ཡུག་གི་ནི་ཁོང་ནས་དབྱུང ། །དེ་ནས་རྡོ་རྗེ་ཤུགས་ཀྱིས་ནི། །དེར་ནི་སྟོབས་ཆེན་འགྲོ་བར་བྱ། །བང་རིམ་ལ་ནི་སོང་ནས་ཀྱང ། །དང་པོ་ལེགས་པར་དགོད་པར་བྱ། །རྫོང་གི་འཕགས་མ་དོན་སྒྲུབ་པ། །དུར་ཁྲོད་གནས་དྲག་མོ་ནི། །བདེན་བྲལ་ཕྱོགས་སུ་གཞག་བྱ་ཞིང ། །མ་ཡང་དྲུང་དུ་གཞག་པར་བྱ། །ཕྱོགས་ཀྱི་ལྷ་ནི་བྱེ་བ་རྣམས། །དབང་ལྡན་ཕྱོགས་སུ་དགོད་པར་བྱ། །ལོག་འདྲེན་དྲག་པོ་ཆེན་པོ་ཡང ། །དཀྱིལ་འཁོར་དུ་ནི་ལེགས་པར་དགོད། །རླུང་ལྷའི་ཕྱོགས་སུ་མཁའ་ལྡིང་གཞག་།དེ་ནས་དང་པོ་སྐྱོང་བ་ཡི། །རྫོང་གི་འཕགས་མ་གཉིས་པ་ཡང ། །ཡོངས་སུ་རྫོགས་པར་གཞག་པར་བྱ། །བང་རིམ་དག་ནི་གཉིས་པ་ལ། །རྡོ་རྗེ་ཤུགས་ཀྱིས་བསྒོམ་བྱ་ཞིང ། །ཀླུ་རིགས་ནོར་བུ་གཞག་པར་བྱ། །མཐའ་ཡས་བདེན་བྲལ་ཕྱོགས་སུ་
Ma219a
༄#། །གཞག་།དེ་ནས་ཕྱོགས་ཀྱི་ལྷ་ཉིད་ནི། །གཤིན་རྗེའི་ཕྱོགས་སུ་ལེགས་པར་གཞག་།དེ་ནས་ཡི་དྭགས་ཚོགས་རྣམས་ཀྱང ། །མེ་ཡི་ཕྱོགས་སུ་གཞག་པར་བྱ། །དེ་ནས་ཆོ་ག་ཤེས་པ་ཡིས། །ཡི་དྭགས་ཀྱི་ནི་རིགས་རྣམས་དགོད། །བརྗེད་བྱེད་ཀྱི་ནི་རིགས་རྣམས་དང ། །ནམ་གྲུ་དག་གི་རིགས་ཀྱང་གཞན། །དབང་ལྡན་འབྱུང་པོ་རྣམས་དང་ནི། །འབྱུང་པོའི་ཆང་ཁྱུ་རྣམས་ཀྱང་གཞག་།ཚངས་པའི་སྲིན་པོ་ཞེས་བྱ་རྣམས། །དཀྱིལ་འཁོར་བྱང་ཕྱོགས་དགོད་པར་བྱ། །ཕྱི་རོལ་ཀླུ་ཡི་རིགས་རྣམས་ཀྱང ། །རླུང་ལྷའི་ཕྱོགས་སུ་ལེགས་པར་དགོད། །དཀྱིལ་འཁོར་དམ་པ་གཉིས་པ་ལས། །བང་རིམ་འདི་ནི་ཡོངས་སུ་རྫོགས། །རྡོ་རྗེ་རིམ་གྱིས་བསྒོམས་ནས་ནི། ། གསུམ་པ་ཡང་ནི་བདེན་བྲལ་ཕྱོགས། །ཤ་ཟ་བཞག་སྟེ་སོང་ན་ཡང ། །རྣལ་འབྱོར་མཁའ་འགྲོའི་དཀྱིལ་འཁྲོ་གཞག་།ཡི་དྲགས་ཀྱི་ནི་ཁྱིམ་རྣམས་ཀྱང ། །གཤིན་རྗེའི་ཕྱོགས་སུ་ལེགས་པར་དགོད། །མེ་ཡི་ཕྱོགས་སུ་དཀྱིལ་འཁོར་དུ། །སྟོབས་ཆེན་ལྷ་མ་ཡིན་རྣམས་གཞག་།དེ་ནས་དཔལ་ལྡན་འཇིག་རྟེན་སྐྱོང ། །འཇིག་རྟེན་ཆོས་ལས་ཕྱིར་ཕྱོགས་པ། །ཡུལ་འཁོར་སྲུང་ནི་དཔག་མེད་པའི། །དྲི་ཟར་ལྷན་ཅིག་ཀུན་ཏུ་དགོད། །དབང་ཕྱུག་ཆེན་མོར་བཅས་པ་ཡི། །དབང་ལྡན་ཕྱོགས་སུ་གནས་པར་
Ma219b
བྱ། །དེ་ནས་རིག་སྔགས་རྣམས་ཀྱི་བདག། ལག་ན་རྡོ་རྗེ་རྣལ་འབྱོར་ཆེ། །གྲོགས་བཅས་རྡོ་རྗེ་འཛིན་པ་ཡི། །རྡོ་རྗེ་ཕོ་བྲང་དགའ་བར་གཞག་།དེ་ནས་སྟོབས་ཆེན་འཇིག་རྟེན་སྐྱོང ། །དཔལ་ལྡན་འཇིག་རྟེན་ཆོས་སྤངས་པ། །ལག་ན་རྡོ་རྗེ་འཛིན་པ་ཡི། །དབང་ལྡན་བྱང་གི་ཕྱོགས་སུ་གཞག་།དེ་བཞིན་ལྕང་ལོ་ཅན་དག་ཏུ། །ནོར་སྦྱིན་ཚོགས་དང་བཅས་པར་བྲི། །ཀླུ་རྣམས་མ་ནི་སུ་རུ་ས། །རླུང་ལྷའི་ཕྱོགས་སུ་གནས་པར་བྱ། །དེ་དག་བུ་དང་བཅས་པར་ནི། །དེ་ཡི་དྲུང་དུ་དགོད་པར་བཤད། །མཁའ་ལྡིང་རྣམ་པར་འདུད་པའི་བུ། །མཐུ་རྩལ་ཤིན་ཏུ་རྫོགས་པའང་གཞག་།དེ་ནས་འབྱུང་པོའི་ཚོགས་རྣམས་དགོད། །ཆུ་ལྷ་ཡང་ནི་ནུབ་ཕྱོགས་གཞག་།གསུམ་པ་དག་ཀྱང་འདས་པ་ཡི། །བཞི་པ་དག་གིས་བཤད་པར་བྱ། །བང་རིམ་བཞི་པའི་སྟེང་དག་ཏུ། །རྡོ་རྗེ་ཤུགས་ཀྱིས་སོང་ནས་ནི། །ཉི་མ་རྣམས་ནི་གཡོག་དང་བཅས། །ཆུ་ལྷའི་ཕྱོགས་སུ་གནས་པར་བྱ། །བདེན་བྲལ་ཕྱོགས་སུ་སྲིན་རྣམས་དགོད། །དེ་ཡི་ཕ་རོལ་གྲུལ་བུམ་གཞག་།དེ་ནས་གྲུལ་བུམ་ལྕགས་ཅན་ཡང ། །ལྷོ་ཕྱོགས་སུ་ནི་གཞག་པར་བྱ། །མེ་ཡི་ཕྱོགས་སུ་རླུང་ལྷ་གཞག་།ཤར་ཕྱོགས་ཟླ་བ་འཁོར་དང་བཅས། །ཐག་བཟང་རིས་ཀྱང་དེ་བཞིན་ཏེ། །དེ་གཉིས་ཀྱིས་ནི་བཞི་པ་དགང ། །དེ་ནས་བང་རིམ་ལྡན་པ་ལ། །རྡོ་རྗེ་ཤུགས་
Ma220a
༄#། །ཀྱིས་འགྲོ་བར་བྱ། །ལྷ་བསྲུང་ཕྱིར་ནི་ཀླུ་རྣམས་ཀྱང ། །ཆུ་ལྷའི་ཕྱོགས་སུ་དགོད་པར་བྱ། །དབང་ལྡན་དང་ནི་ཤར་མཚམས་སུ། །ལྷ་ཡི་མཛོད་ཀྱང་གཞག་པར་བྱ། །གཞན་གྱིས་མི་ཐུབ་རྡོ་རྗེ་ཆེ། །དབང་ལྡན་ཕྱོགས་སུ་གཞག་པར་བྱ། །དེ་ནས་རྡོ་རྗེའི་དྲུང་དག་ཏུ། །གནས་གཙང་རིགས་ཀྱི་ལྷ་ཆེན་གཞག་།ལྷ་ཡི་སྲུང་མ་གནོད་སྦྱིན་ཆེ། །བྱང་ཕྱོགས་དག་ཏུ་གནས་པར་བྱ། །རྡོ་རྗེ་ཤུགས་ཀྱིས་དྲུག་པ་ལ། །སོང་ནས་ཆུ་ལྷའི་ཕྱོགས་དག་ཏུ། །ཀླུ་རྒྱལ་རྒྱ་མཚོ་ཆེན་པོའི་བུ། །དྲག་ཅིང་ཤུགས་དང་ལྡན་པ་གཞག་།དེར་ནི་གཡོག་དང་བཅས་པར་བྱ། །གཞན་དག་གིས་ནི་སྤྲུལ་པ་ལ། །དབང་བྱེད་ལ་ནི་གང་ཡིན་རྣམས། །བདེན་བྲལ་ཕྱོགས་སུ་གནས་པར་བྱ། །ཚངས་རིས་ཀྱི་ནི་ཚོགས་རྣམས་ཀྱང ། །མེ་ཡི་ཕྱོགས་སུ་དགོད་པར་བྱ། །ཚངས་པའི་མདུན་ན་འདོན་པ་ཡི། །ལྷ་རྣམས་ཤར་ཕྱོགས་གཞག་པར་བྱ། །ཤིན་ཏུ་མཐོང་ལྷ་དབང་ལྡན་དུ། །སྲིད་རྩེ་དེ་ཡི་ཕ་རོལ་དགོད། །དེ་བཞིན་དཀའ་ཟློག་བྱང་ཕྱོགས་གཞག་།དྲུག་པ་དག་ཀྱང་འདས་པ་ཡིན། །བང་རིམ་དག་ནི་བདུན་པ་ལ། །རྡོ་རྗེ་ཤུགས་ཀྱིས་རྡོ་རྗེ་འཆང ། །སོང་ནས་ཀླུ་ཡི་གཙོ་པོ་ནི། །རྒྱ་མཚོ་ཆེན་པོ་རྨད་བྱུང་གཞག་།བྱང་ཕྱོགས་བྱ་བ་ཟིན་ནས་ནི། །གྲགས་ཤིང་
Ma220b
བསོད་ནམས་ཆེ་བ་ཡི། །འཕྲུལ་དགའ་བ་ཡི་ལྷ་ཆེན་རྣམས། །གཤིན་རྗེའི་ཕྱོགས་སུ་གནས་པར་བྱ། །དེ་ནས་རྡོ་རྗེ་ཤར་ཕྱོགས་ཀྱི། །གནས་ཀྱི་གཙོ་བོར་གཞག་པར་བྱ། །སུམ་ཅུ་གསུམ་པའང་ཤར་ཕྱོགས་སུ། །གཞག་ཅིང་བདུན་པ་ཡོངས་སུ་དགང ། །ལྷ་རྣམས་སྣ་ཚོགས་རྒྱས་པ་ཡིས། །རི་ཡི་དབང་པོ་དམ་པ་ཡི། །བང་རིམ་དག་ནི་ཡོངས་སུ་རྫོགས། །དེ་ཡི་འོག་ཏུ་བྱ་བ་བཤད། །རི་རབ་སྟེང་དུ་ཐམས་ཅད་མཁྱེན། །རིག་སྔགས་སྙིང་པོ་འཆང་བ་པོ། །སངས་རྒྱས་འཇིག་རྟེན་རྟོགས་མཛད་པ། །ཐར་པའི་གྲོང་ཁྱེར་དབང་ཕྱུག་གཞན། །གང་གི་འོད་ཟེར་དེ་དག་གིས། །ཕྱོགས་རྣམས་ཐམས་ཅད་རྒྱས་མཛད་དང ། །གང་གིས་སྐུ་ལ་མཚན་ཀུན་གྱི། །མཛོད་རྣམས་ཐམས་ཅད་འབྱུང་བ་དང ། །མཚན་དང་གཞོན་དང་བརྩོན་འགྲུས་དང ། །གཞན་ཡང་ཞི་བར་ལྡན་པ་དང ། །མཆོག་རྣམས་མཆོག་སྦྱིན་བྱེད་པ་ལ། །གང་གིས་མཆོག་གི་མཆོག་སྦྱིན་དང ། །ཐུགས་རྗེ་ཆེ་དང་ལྡན་པའི་མགོན། །ཉི་མ་འཆར་ཀའི་འོད་དང་འདྲ། །འོད་ཟེར་ཉི་མ་བྱེ་བ་ཡིས། །གང་གིས་མུན་པ་བསལ་བ་དང ། །ཆོས་དང་མཚན་ཉིད་རིག་པ་ཡི། ། ཡིད་བཞིན་ནོར་བུའི་ཐུགས་མངའ་གང ། །གང་གིས་བསྐལ་པ་གྲངས་མེད་པར། །སེམས་ཅན་རྣམས་ནི་རབ་ཏུ་བསྲུངས། །རིན་ཆེན་སིནྡྲ་ནཱི་ལ་ལྟར། །གང་གི་གཙུག་ཏོར་
Ma221a
༄#། །མཛེས་པ་དང ། །ནོར་བུ་ཡི་ནི་རྒྱལ་པོ་བཞིན། །ཟླ་མདོག་ཅན་གྱི་མཛོད་སྲུང་ན། །གང་གི་བདུད་རྩི་གཏོར་བའི་ཞལ། །པདྨ་རཱ་གའི་མདོག་འདྲ་དང ། །དུས་མཚམས་གསེར་གྱིས་བསྒྱུར་བ་ཡི། །གསེར་གྱི་རི་ལྟར་སྐུ་མདོག་མཛེས། །འཁོར་ལོ་ཆེན་པོ་རྩིབས་སྟོང་པས། །ཕྱག་དང་ཞབས་ནི་ལེགས་སྤྲས་པ། ། སྐྱིལ་མོ་ཀྲུང་ནི་མཛེས་པ་ཡིས། །ཐུབ་པ་ཆེན་པོ་ལེགས་པར་བཞུགས། །ཆོས་ཀྱི་ཆུ་ཀླུང་ཆེན་པོའི་མཆོག་།དེ་ཡི་ཞལ་ནས་ཀུན་ཏུ་འབབ། །རྨད་དུ་བྱུང་བར་འབབ་པ་སྟེ།། བདག་གིས་ཁ་ནི་སྟོང་ཕྲག་རྣམས། །སྟོང་སྙེད་ཀྱིས་ནི་བརྗོད་པ་འམ། །ཁོང་དུ་ཆུད་པར་ནུས་མི་འགྱུར། །དེ་ནི་རྒྱས་པར་འགེངས་པ་དང ། །ཡེ་ཤེས་ཕ་མཐའ་བླ་ན་མེད།། ཤིན་ཏུ་རྨད་བྱུང་གསང་བར་བཤད། །ཚིག་ལྡན་གྱི་ནི་ལྷ་མོ་དེ། །འཇིག་རྟེན་མགོན་པོ་སངས་རྒྱས་ཀྱི། །གསུང་ལ་རབ་ཏུ་གནས་པ་ཡིན། །འཇིག་རྟེན་གསུམ་ན་བདག་མཆོག་སྦྱིན། །འཇིག་རྟེན་གསུམ་གྱིས་ཕྱག་བྱས་པ། །འདི་ནི་གནས་དང་འགྲོ་བ་ཡི། །འཇིག་རྟེན་ཐམས་ཅད་འཛིན་པ་ཡིན། །ཆེ་བའི་ཆེ་མཆོག་སྟོབས་ཆེན་ཏེ། ། དགའ་ཞིང་ཀུན་གྱི་ཚིག་ལ་གནས། །གཞན་གཅིག་སངས་རྒྱས་འདྲ་བར་མེད། །གུད་ན་ཡང་ནི་གནས་མ་ཡིན། །དེ་ཡི་བསྔགས་པ་སངས་རྒྱས་སམ། །ལྷ་རྣམས་
Ma221b
ཉིད་ཀྱིས་བརྗོད་པར་ནུས། །མཆོག་སྦྱིན་འཇིག་རྟེན་གསུམ་གྱི་མ། །ཉེས་པ་ཐམས་ཅད་རྣམ་པར་སྤངས། །མདོར་ན་འགྲོ་བ་འདི་ཀུན་ནི། །ཁྱོད་ཀྱི་རང་བཞིན་ཉིད་ཡིན་ཏེ། ། ལྷ་དང་དྲི་ཟ་ཀླུ་དབང་དབང ། །གནོད་སྦྱིན་ལྷ་མིན་ཚོགས་བསྐོར་བའི། །རྒྱུ་དང་མི་རྒྱུ་རྣམས་ཀྱི་གཏེར། །ཡ་མཚན་ལས་ཀྱི་དཀྱིལ་འཁོར་ནི། །དེར་གཏོགས་དེར་ནི་བརྩོན་ཞིང་སྤྲོ། །དེ་དང་འབྲེལ་བར་ཐེ་ཚོམ་མེད། །ཆོས་ཀླུང་བསོད་ནམས་ལྡན་པ་དེ། །བསོད་ནམས་རིན་ཆེན་དག་གིས་རྒྱས། །ལག་ན་རྡོ་རྗེའི་བསོད་ནམས་ཀྱིས། །ལས་ཀྱི་རྒྱ་མཚོ་དག་ལས་འབྱུང ། །ཆུ་ཀླུང་རྒྱ་མཚོར་འབབ་པ་ན། །སྐྱེ་བོས་བསྟེན་ནས་འབབ་པར་འགྱུར། །དེ་བཞིན་ཆོས་ཀྱི་ཆུ་ཀླུང་འདི། །འདི་དག་གིས་བསྟེན་བྱས་ནས་ཀྱང ། །ལག་ན་རྡོ་རྗེའི་མགོ་བོ་དང ། །རྣ་གཉིས་དང་ནི་གསུམ་དུ་དབབ། །ཟེར་མ་འཕྲོས་པས་ལྷ་མོ་དང ། །དབང་ཕྱུག་ཚོགས་བཅས་ཕོག་པར་འགྱུར། །དེ་ཕྱིར་ཆོས་ཀྱི་ཆུ་ཀླུང་འདི། །སངས་རྒྱས་ལས་ནི་འབྱུང་བྱས་ལ། །ལག་ན་རྡོ་རྗེའི་མགོ་བོར་ཡང ། །རབ་ཏུ་དབབ་ཅིང་བདུག་པར་བྱ། །བསོད་ནམས་ལྡན་པའི་ཆུ་ཀླུང་རྒྱ་ཆེན་དེ་ཉིད་ལས། །སྐྱེ་བོ་མཐའ་དག་གཅིག་ཏུ་སེམས་བཏུད་ཉན་པར་བྱེད། །དེ་ཉིད་ལ་ནི་ལྷ་རྣམས་ཐམས་ཅད་མངོན་པར་དགའ། །དེ་ཉིད་ལ་ནི་རིག་སྔགས་གྲུབ་པའི་ཚོགས་ཀུན་བརྟེན། །གནས་རྣམས་གསུམ་པ་འདི་ནི་
Ma222a
༄#། །ལྷ་ཡི་གནས་ཡིན་ཏེ། །རྡོ་རྗེ་འཛིན་པ་ང་ཡི་དགོངས་པ་བཞིན་དུ་རྫོགས། །དེ་ནས་དམ་ཚིག་མཁྱེན་པས་དཀྱིལ་འཁོར་རྒྱལ་པོ་ཡི། །གསང་བ་གང་དང་གང་གསུངས་དགའ་རྒྱས་བདག་གིས་བཤད། །ལག་ན་རྡོ་རྗེའི་དཀྱིལ་འཁོར་ཆེན་པོ་དཀྱིལ་འཁོར་ཐམས་ཅད་ཀྱི་རྒྱལ་པོ་ལས། གནས་གསུམ་པ་རྫོགས་སོ།། །། རི་རབ་ཀྱི་ནི་བྱང་ཕྱོགས་སུ། །ཆོས་ཀྱི་ཀླུང་ཆེན་འཛིན་པ་ཡི། །རྡོ་རྗེ་འཛིན་ཆེན་རབ་གཏུམ་པ། །སྟོབས་ཆེན་ལག་ན་རྡོ་རྗེ་གཞག་།དེ་ཡི་རྐང་པ་གཡོན་པ་ཡིས། །དབང་ཕྱུག་ཆེན་པོ་མནན་པར་བྱ། །གཡས་པ་ཡི་ནི་རྐང་པ་ཡིས། །ལྷ་མོ་དཀའ་ཟློག་མནན་པར་བྱ། །རི་ཡི་དབང་པོ་འཁོར་ཡུག་དང ། །བང་རིམ་དག་གི་བར་དག་ཏུ། །གླིང་ཆེན་རྣམ་པ་བཞི་པོ་དང ། །གནས་རྣམས་ཇི་བཞིན་གཞག་པར་བྱ། །དེ་ནས་ཆུ་ཀླུང་བདུན་ཡང་གཞག་།ལྷོ་ཕྱོགས་སུ་ནི་དབྱིབས་ལེགས་པའི། །འཛམ་བུ་གླིང་ནི་གཞག་པར་བྱ། །ཆུ་ཀླུང་དང་ནི་ཤིང་དང་ཡུལ། །སྣ་ཚོགས་ཀྱིས་ནི་ཤིན་ཏུ་རྒྱས། །དེ་ཡི་མངོན་མཚན་ཆེན་པོ་ནི། །འཛམ་བུའི་ཤིང་མཆོག་སྐྱེས་པ་དེ། །འཕང་དུ་དཔག་ཚད་བརྒྱ་ཡོད་དོ། །འོག་ལོགས་སུ་ནི་གཞག་པར་བྱ། །དེ་ནས་ཆུ་ཀླུང་བདུན་ཡང་གཞག་།ནགས་ཚལ་ཡང་ནི་བདུན་དག་དང ། །ཡིད་དུ་འོང་བའི་རི་བདུན་དང་།།
Ma222b
ཡུལ་བདུན་དག་ཀྱང་གཞག་པར་བྱ། །དང་པོ་བྱང་ནས་བརྩམ་བྱ་ཞིང ། །ལྷོ་ཕྱོགས་ལོགས་སུ་ཐུར་དུ་དྲང ། །ཤར་ནས་ནུབ་ཏུ་དྲང་བྱ་ཞིང ། །ཁོ་ར་ཁོར་ཡུག་བསྒྲུབས་ནས་ནི། །རྒྱལ་བའི་གསུང་རབ་ཡིད་འོང་བ། །ཆོས་ཀྱི་འཁོར་ལོ་རྗེས་སྒྲུབ་པ། །འཕགས་པ་ཤཱ་རདྭ་ཏིའི་བུ། །སྙིང་རྗེའི་བདག་ཉིད་པདྨའི་མཆོག་།དགེ་སློང་དགེ་སློང་མ་རྣམས་དང ། །རྒྱལ་པོ་དག་གིས་བསྟེན་པ་གཞག་།འཛམ་བུ་གླིང་གི་ལྷོ་ཕྱོགས་སུ། །འཁྲི་ཤིང་དག་ཀྱང་བྲི་བར་བྱ། །ནུབ་ཕྱོགས་སུ་ནི་བ་ལང་སྤྱོད། །ཆུ་བོ་བརྒྱས་ནི་གང་བ་དང་།། ཡུལ་དང་སྐྱེ་བོ་སྟོང་དག་དང ། །བ་ལང་ཁྱུ་ནི་སྟོང་གིས་རྒྱས། །དེ་བཞིན་ཤར་གྱི་ལུས་འཕགས་ཀྱང ། །ཤར་ཕྱོགས་སུ་ནི་གཞག་པར་བྱ། །ཡུལ་རྣམས་སུ་ནི་གཞག་པར་བྱ། །ཡུལ་རྣམས་དང་ནི་རི་དག་གིས། །ཀུན་ཏུ་རབ་ཏུ་རྒྱས་པར་གནས། །དེ་ནས་གནས་བརྟན་ཆོས་སྐྱོང་བ། །བཅུ་གཉིས་དག་དང་ལྷན་ཅིག་ཏུ། །སྒྲ་གཅན་འཛིན་ཞེས་གྲགས་པ་སྟེ། །སངས་རྒྱས་སྲས་ནི་མངོན་སུམ་གནས། །གནོད་སྦྱིན་ལྷ་མིན་ལྟོ་འཕྱེ་རྣམས། །ཉིན་མཚན་དུ་ནི་དེར་སོང་ནས། །དྲི་དང་ཕྲེང་བ་དཔེ་མེད་པས། །མཆོད་པ་བྱེད་ཅིང་ཕྱག་ཀྱང་འཚལ། །དེ་ནས་བྱང་གི་སྒྲ་མི་སྙན། །ལྷུན་པོ་ཡི་ནི་བྱང་ཕྱོགས་གཞག་།གཙང་ཞིང་གྲུ་བཞི་ལྷམ་པ་སྟེ། །ཆུ་ཀླུང་དག་གིས་རབ་ཏུ་བརྒྱན། །གང་དག་གི་ནི་ཚེ་ཡི་
Ma223a
༄#། །ཚད། །ཆིག་སྟོང་ཚང་པར་བརྗོད་པ་དང ། །སངས་རྒྱས་རྣམས་ཀྱི་གསུངས་པ་ཡི། །སེམས་ཅན་ཡ་མཚན་དེ་ན་གནས། །རྒྱ་མཚོའི་ས་ནི་བསྐོར་བ་ཡི། །རི་ཡི་དམ་པ་རི་རབ་ལ། །ཕྱོགས་ཀྱི་ལྷ་ནི་བཞི་པོ་རྣམས། །ཀུན་ནས་ངེས་པར་གཞག་པར་བྱ། །ཀཪྴ་པ་ན་བརྒྱད་དག་གིས། །དཀྱིལ་འཁོར་དང་པོར་རྡོ་རྗེ་བྲི། །དེ་ཡི་གནས་རྣམས་དེ་དག་ཏུ། །གསེར་གྱི་གདུ་བུ་དག་ཀྱང་བྱ། །སྒོ་རྣམས་རེ་རེར་དོན་གྲུབ་པ། །རྒྱུ་དང་མི་རྒྱུ་འཇིག་རྟེན་གསུམ། །ཐུབ་པར་ནུས་པ་གང་ཡིན་པའི། །སྒོ་སྲུང་གཉིས་ཀྱང་གཞག་པར་བྱ། །དེ་ཡང་སྔགས་དང་ལྡན་བྱ་ཞིང ། །ཀུན་ཏུ་གཞལ་ཡས་རྒྱས་པར་བྱ། །རྡོ་རྗེ་ཐོག་ཐོག་ལྷོ་ཕྱོགས་བྲི། །རྡོ་རྗེ་ཁུ་ཚུར་བྱང་ཕྱོགས་གཞག་།དེ་ནས་དེར་ནི་ལྷ་བཤོས་རྣམས། །རྣམ་པ་སྣ་ཚོགས་བཀྲ་བ་དང ། །བླ་མེད་རབ་མཛེས་རྒྱས་པར་བྱ། །དྲི་དང་མེ་ཏོག་ཕྲེང་བས་མཆོད། །ཞིབ་དེའི་ཐུ་ལུ་སྣ་ཚོགས་པ། །སྦྲང་རྩིས་བྱུགས་ཤིང་གཟབ་པ་དང ། །ལེགས་བྱས་ཨ་ཤཝ་ཀ་བརྟི། །དེ་བཞིན་བེ་རེག་ནས་ཁུར་དབུལ། །ཇི་ཙམ་དུ་ནི་རྒྱས་པ་ཕུལ། །དེ་ཙམ་དུ་ནི་འགྲུབ་པར་བཤད། །འབྲས་ཀྱི་པོ་ཐུག་ཚུ་ལ་ཀ་།ཐུག་པ་སྦྱར་ཐུག་ས་མི་ཏ། །འབྲས་ཅན་ཚོད་མ་སྣ་ཚོགས་པ། །ཁ་དོག་སྣ་ཚོགས་སོར་ལྔར་ལྡན། །དེ་ལ་སོགས་པ་གང་འདོད་པ། །ལོ་མ་སྣ་
Ma223b
ཚོགས་སྐྱོན་མེད་པ། །ཡང་ན་ཁམ་ཕོར་གསར་པ་འམ། །པདྨའི་ལོ་མ་དག་ལ་གཞག་།ནས་དང་གྲོ་དང་མོན་སྲན་གྲེའུ། །སཱ་ལུ་དང་ནི་ཏིལ་འབྲུ་རྣམས། །སྣོད་གསར་དག་གི་ནང་དུ་གཞག་།ཡང་ན་གཞན་དུ་དེ་བཞིན་གཞག་།ཧཝགས་དང་ཁ་རས་གང་བ་དང ། །བཏུང་བ་བསིལ་ཞིང་ཞིམ་པ་དག་།སྣོད་གསར་དག་གི་ནང་དག་ཏུ། །བཞག་ནས་རབ་ཏུ་དབུལ་བར་བྱ། །དེས་ན་སུ་ལའང་འཚེ་མི་འགྱུར། །དགའ་བའི་སེམས་ཀྱིས་ཟ་འདོད་ལ། །ཁ་ཟས་དག་ཀྱང་སྦྱིན་པར་བྱ། །དེ་ནས་དགའ་བར་བྱ་བའི་ཕྱིར། །ཏ་ལའི་ལོ་མ་བསིལ་ཡབ་དབུལ། །དྲི་ཞིམ་པ་ཡི་དྲི་ཀུན་གྱིས། །དཀྱིལ་འཁོར་ལ་ནི་མཆོད་པར་བྱ། །སྤོས་ཀྱི་ཕྱེ་མ་སྣ་ཚོགས་པ། །མཆོག་རྣམས་ཀྱིས་ཀྱང་དེ་བཞིན་མཆོད། །ཛ་ཡ་མུ་ས་ན་ལ་སོགས། །དྲི་ཞིམ་ཐམས་ཅད་སྦྱར་བས་མཆོད། ། ག་རུ་དང་དུ་རུ་ཀ་།ཤིང་གི་ཐང་ཆུ་གསར་སྦྱར་རྣམས། །བདུག་པའི་རྒྱུར་ནི་བསྔགས་པ་ཡིན། །དངོས་གྲུབ་སྒོ་དྲུང་འདུག་པར་བྱ། །ཡང་ན་ནང་དུ་སོང་ནས་ནི། །དེ་ནི་བྱང་ཕྱོགས་ཁ་བལྟ་ཞིང ། །ལག་ན་རྡོ་རྗེ་ཚུལ་བཞིན་འབོད། །ཤིན་ཏུ་བཀྲ་ཤིས་ཚིགས་བཅད་དང ། །དེ་བཞིན་བདེ་ལེགས་རྫོགས་པ་གདོན། །དེ་ནས་དེར་ནི་རིག་སྔགས་མ། །རྡོ་རྗེ་ལྕགས་ཀྱུ་རྩེ་མོ་ཅན། །རྡོ་རྗེའི་རིགས་ལས་བྱུང་བ་ཡི། །རིག་སྔགས་བསྟན་པ་གང་ཡིན་པ། །དེས་ནི་བདག་ཉིད་བསྲུང་
Ma224a
༄#། །བར་བྱ། །དེ་ནས་ཐོག་མར་སྤྱན་དྲང་པ། །རི་རབ་དེ་ཡི་རྩེ་མོར་ནི། །འདུག་ནས་སྒྲ་ཆེན་འདོན་པར་བྱ། །ཆོས་ཀྱི་ཆུ་ཀླུང་སྤྱན་དྲང་བ། །དམ་པ་འདི་ནི་བརྗོད་བར་བྱ། །བཀྲ་ཤིས་ཚིགས་བཅད་བརྗོད་པ་དང ། །ཆོས་ཀྱི་འཁོར་ལོ་བསྐོར་བ་དང ། །འདུས་པ་ཆེན་པོའི་མདོ་དག་དང ། །འཕགས་པའི་བདེན་པ་བཞི་དག་དང ། །རྟེན་ཅིང་འབྲེལ་པར་འབྱུང་བ་དེ། །མ་ཉམས་ཐེ་ཚོམ་མེད་པ་དང ། །འཕགས་པ་ཤཱ་རདྭ་ཏིའི་བུའི། །སེངྒེའི་སྒྲ་ནི་དཔེ་མེད་གདོན། །དེ་ནས་རྡོ་རྗེ་རིགས་ཀྱི་ཡུམ། །རིག་སྔགས་རྡོ་རྗེ་ལྕགས་ཀྱུ་བཟླས། །དེ་ནས་ཀྱང་ནི་རྩེ་མོ་ཅན། །དེ་ནས་རྡོ་རྗེ་རིགས་སྐྱེས་ཀྱི། །རིག་སྔགས་དག་ནི་གང་འདོད་དང ། །སྙིང་པོ་འགྲོ་ལྡིང་གཏུམ་པོ་དང ། །དེ་ཡི་སྟེང་དང་འདོད་པ་ཡི། །རྡོ་རྗེ་མ་དང་འོག་པག་ཅན། །ལུ་གུ་རྒྱུད་དང་གཏུམ་མོ་དང ། །གསེར་གཏུམ་རྡོ་རྗེ་ཐོག་ཐོག་མ། །དེ་བཞིན་རྡོ་རྗེ་ཁུ་ཚུར་མ། །རྡོ་རྗེ་ཐུབ་དཀའ་ཕོ་ཉ་མ། །ཆེན་མོ་བཅུ་དང་དྲུག་ཅུ་བཞི། །དང་པོ་བློ་གྲོས་རྡོ་རྗེ་མ། །གཉིས་པ་རྡོ་རྗེ་དྲིལ་བུ་མ། །གསུམ་པ་རྡོ་རྗེ་ནག་མོ་དང ། །བཞི་པ་གཞན་གྱིས་མི་ཐུབ་པ། །ལྔ་པ་རྡོ་རྗེ་རོལ་པ་དང ། དྲུག་པ་ཡང་ནི་རྒོད་བག་ཅན། །བདུན་པ་རྡོ་རྗེ་ཤུགས་ཡིན་ཏེ། །བརྒྱད་པ་རྡོ་རྗེ་ཉི་མ་ཡིན། །དགུ་པ་རྡོ་རྗེ་དབྱུག་པ་སྟེ། །དེ་ནི་སྣ་ཚོགས་གཟུགས་ཞེས་གྲགས། །བཅུ་
Ma224b
པ་རྡོ་རྗེ་བདེན་པ་སྟེ། །ཅི་དགའ་བར་ནི་བཟླས་བརྗོད་བྱ། །རྡོ་རྗེ་དབྱུག་པ་བལྟ་བར་བྱ། །རྡོ་རྗེ་ཁྲོ་བོ་འཇོམས་བྱེད་དང ། །བུང་བ་ལྟ་བ་ཆུ་ཀླུང་དང ། །རྡོ་རྗེ་ཀ་ཏྱ་ན་ཡ་དང ། །བདུག་པས་འཇིལ་དང་སྲུང་མ་དང ། །ཡོན་ཏན་ཆེན་མོ་དེ་ལ་སོགས། །ངེས་པ་ཉིད་དུ་བཟླས་བརྗོད་བྱ། །དེས་ན་དཀྱིལ་འཁོར་འགྲུབ་པར་འགྱུར། །ངེས་པར་གནས་པས་རིག་སྔགས་ནི། །མཆོག་འགྱུར་རྡོ་རྗེ་ལྕགས་ཀྱུ་མ། །བདུག་པ་ཀུན་གྱིས་རྒྱས་པ་ཡིས། །དཀྱིལ་འཁོར་དུ་ནི་བརྒྱད་བརྒྱར་བཟླས། །དེས་ན་ལས་སུ་སྒྲུབ་པ་ཡི། །རིག་སྔགས་དེས་ནི་གྲུབ་པར་འགྱུར། །རིག་སྔགས་གང་ལ་དགའ་བ་དེས། །དཀྱིལ་འཁོར་དུ་ནི་བཟླས་བརྗོད་བྱ། །ལག་ན་རྡོ་རྗེས་བཤད་པ་ཡི། །རིག་སྔགས་མང་པོ་དེ་ཉིད་ནི། །མཆོག་འདོད་དངོས་གྲུབ་འདོད་པ་ཡིས། །ཅི་ནས་སྐྱོ་བར་མ་འགྱུར་སྤྱད། །དེ་ནས་རྫོགས་པར་སྤྱན་དྲངས་ཤིང ། །གསང་སྔགས་རྒྱས་པར་བྱས་ནས་ནི། །དེ་ནས་དཀྱིལ་འཁོར་འདོད་པ་ཀུན། ། བཟུང་བ་ཡང་ནི་བཤད་པར་བྱ། །སངས་རྒྱས་ཆོས་དང་དགེ་འདུན་དང ། །དཀོན་མཆོག་གསུམ་ལ་གཙོ་བོར་འཛིན། །དད་ཅིང་མཉམ་པར་བཞག་པ་ཡི། །མི་ནི་དམ་ཚིག་འཛིན་དུ་གཞུག་།དེས་ན་དེ་ལ་མཁས་པ་ཡིས། །བསླབ་གཞི་ལྔ་ནི་སྦྱིན་པར་བྱ། །མིང་འདི་ཞེས་ནི་བྱ་བ་བདག་།ཕྱིན་ཆད་ནམ་འཚོའི་བར་དག་ཏུ། །སྲོག་གཅོད་ལོག་པར་
Ma225a
༄#། །གཡེམ་པ་དང ། །རྐུ་དང་བརྫུན་དུ་སྨྲ་བ་དང ། །འབྲུ་དང་སྦྱར་བའི་ཆང་འཐུང་བ། །རྟག་ཏུ་བདག་གིས་སྤངས་ཞེས་སྨོས། །བསླབ་གཞི་མཆོག་དང་ལྡན་པ་དེ། །བློ་གྲོས་རྡོ་རྗེས་བསྲུང་བར་བྱ། །འབོགས་པར་འགྱུར་བར་བྱ་བའི་ཕྱིར། །བྱིན་གྱིས་བརླབ་ཀྱི་ཆོ་གའང་བྱ། །དེ་ནས་དེར་ནི་བུམ་པ་བདུན། །ཆུ་ནི་རབ་ཏུ་བླུགས་ནས་ཀྱང ། །བློ་གྲོས་རྡོ་རྗེས་སྔགས་པ་དེས། །བདུད་རྩི་ཡིས་ནི་བརྗོད་པ་ཡིན། །རྡོ་རྗེ་འཛིན་པའི་ཕྱག་རྒྱ་ནི། །དྲིལ་བུར་བཅས་པས་དྲན་བྱེད་བརྗོད། །ལག་པ་གཉིས་ཀ་སླར་ཡང་སྦྱར། །མཐེའུ་ཆུང་མཐེ་བོང་སྦྲེལ་བྱ་ཞིང ། །བདུད་རྩིའི་ཆུ་ནི་བླུགས་པར་བྱ། །གོས་གཙང་བགོས་ཤིང་རབ་བསྡམས་པ། །སྐྲ་བཤིག་པ་ ་དུ་འབོད་ཆེ། །མི་བཟད་རྣམས་ནི་བསྒོ་བར་བྱ། །འདི་ནི་ངུ་འབོད་ཆེན་པོ་སྟེ། །འཁྲུག་ཅིང་སྡུག་བསྔལ་ཆེན་པོའི་གནས། །འདི་ཡིས་ཁྱོད་ནི་དམ་ཚིག་ལས། །ཉམས་ན་མྱུར་དུ་གདུངས་པར་འགྱུར། །ཁྱོད་ནི་དམ་ཚིག་ཤེས་གྱུར་ན། །རྐྱེན་དུ་འབབ་པར་མ་ལུས་སྦྱིན། །དེས་ན་ཁྱོད་ལ་མཁས་པ་འདི། །འཁྲུག་པའི་སྡུག་བསྔལ་བྱེད་མི་འགྱུར། །དམ་ཚིག་སྤངས་པ་གང་ཡིན་དང ། །དཀྱིལ་འཁོར་དུ་ནི་མ་ཞུགས་པ། །དེ་ལ་དམ་ཚིག་གཞན་མེད་པ། །བསྟན་བཅོས་ཀྱི་ནི་གཞུང་ལུགས་ཡིན། །དམྱལ་བ་ཡོད་པ་འདི་ལ་ལྟོས། །ནད་རྣམས་
Ma225b
ཐམས་ཅད་ཚོགས་པ་དང ། །འབྱུང་བ་ལ་སོགས་རྣམས་ཀྱི་རྒྱས། །ཁྱོད་ནི་དེ་ཉིད་ལྟུང་བར་བྱེད། །གདོན་མི་ཟ་བའི་སྡིག་པའི་ལས། །འདི་ལ་དཔྱད་པར་བྱ་བ་མེད། །རྟག་ཏུ་ཁྱོད་ཀྱིས་དམ་ཚིག་སྲུང ། །རྟག་ཏུ་དཀྱིལ་འཁྲོ་མཆོད་པ་གྱིས། །འོན་ཀྱང་འབྱུང་པོ་ཤ་ཟ་སོགས། །སྡིག་བྱེད་དེ་དག་འཇུག་མི་འགྱུར། །སློབ་དཔོན་ལ་ནི་གུས་པར་བྱ། །དེ་ནི་རྡོ་རྗེ་འཛིན་ཉིད་ཡིན། །ད་ནི་ཁྱོད་ཚེ་འབྲས་བུར་བཅས། །ཁྱོད་ཀྱི་འཚོ་བ་འབྲས་བུ་ཡོད། །ད་ནི་དམ་ཚིག་ལྷ་རྣམས་དང ། །ཁྱོད་ནི་མཚུངས་པ་ཉིད་དུ་འགྱུར། །རྡོ་རྗེ་འཛིན་པའི་རྒྱལ་མཚན་འདི། །ཇི་ལྟར་རྟག་ཏུ་མཛེས་པ་བཞིན། །དེ་ལྟར་ཁྱོད་ནི་ཡོན་ཏན་གྱིས། །དམ་ཚིག་ངེས་པར་གནས་པར་འགྱུར། །དེ་ནས་རྡོ་རྗེ་དེ་བླངས་ལ། །ལག་པ་གཡོན་པས་དྲིལ་བུ་གཟུང ། །ལག་པ་གཡས་པས་དེ་ཡི་གཡས། །བཟུང་ནས་ཀྱང་ནི་ སྤྲོ་བར་བྱ། །འདི་སྐད་རྟག་ཏུ་གྲུབ་པ་འདི། །སྡུག་བསྔལ་དག་ལས་སྒྲོལ་བ་སྟེ། །རྡོ་རྗེ་འཛིན་ཆེན་ཉིད་དང་ནི། །ལྷན་ཅིག་ཏུ་ནི་འཇུག་པར་འགྱུར། །དེ་ནས་གྲུར་ནི་ལུགས་ནས་ཀྱང ། །ཁོར་ཡུག་ལས་ནི་བརྒལ་བར་བྱ། །ལག་པ་བཏང་ནས་དེ་ལ་ནི། །དཀྱིལ་འཁོར་ཐམས་ཅད་བསྟན་པར་བྱ། །འཁྲུལ་པ་མེད་པར་མེ་ཏོག་གིས། །མདུན་བཞུགས་བདེ་གཤེགས་མན་ཆད་དང ། །དཀྱིལ་འཁོར་གང་དང་གང་མཐོང་བ། །དེ་དང་དེ་ལ་བདེ་བར་མཆོད། །དེ་ནས་
Ma226a
༄#། །ཐམས་ཅད་མཐོང་ནས་ཀྱང ། །ཡོན་གྱི་བུམ་པར་དབུལ་བར་བྱ། །བློ་ཅན་གྱིས་ནི་མཚན་ཡང་གཟུང ། །དམ་པ་གཞན་ཡང་བདག་གིས་བཤད། །རྡོ་རྗེ་སྟང་ཐབས་འགྲོ་བ་དང ། །གད་མོ་བཅས་པར་བསྒྱུར་བ་དང ། །གཡོན་པས་ཀྱང་ནི་གདབ་པར་བྱ། །སེངྒེའི་སྒྲ་སྒྲོག་འགྱིང་བ་དང ། །མཛུབ་མོས་ཧཱུཾ་ཡང་བསྒྲགས་བྱས་ཏེ། །ཐམས་ཅད་ཤིན་ཏུ་བྱེད་པའི་མཆོག་།དེ་ནས་གཞན་ཡང་མི་ཤེས་པས། །ཆོ་ག་བཞིན་དུ་གནོད་པར་བྱ། །སློབ་དཔོན་གུས་པར་ལེགས་བྱ་ཞིང ། །དམ་ཚིག་ཀྱང་ནི་ངེས་པར་བསྟན། །ཏིལ་ཟན་ལ་སོགས་མོན་སྲན་གྲེའུ། །བདག་ཉིད་ཀྱིས་ནི་ལེགས་པར་བཟའ། །ལྷག་པར་བླ་མར་གུས་བྱས་དང ། །དེ་ལ་དགའ་བར་བྱས་ནས་ནི། ། རྡོ་རྗེ་འཛིན་པ་ཆེན་པོ་དང ། །རིག་སྔགས་རྣམས་ལ་སྡུག་པར་གྱུར། །དེ་ནས་རིག་སྔགས་ཚོགས་རྣམས་ལ། །དེ་ཡི་རིག་སྔགས་གང་འདོད་པ། །དེ་ནི་བསྒྲིམས་ཏེ་བཀླག་བྱ་ཞིང ། །དངོས་གྲུབ་འདོད་པས་རྟག་ཏུ་མཆོད། །དེ་ལྟར་སློབ་དཔོན་རྒྱ་ཆེན་ཚོགས་རྣམས་དང ། །ལྷ་དང་ལྷ་མིན་མཆོག་གཟུགས་དུ་མ་ཡིན། །མཐོང་ཞིང་ཐོས་ལ་འབྲང་བར་འགྱུར་བ་དང ། །རྟག་ཏུ་ལེགས་མཆོད་རྗེས་སུ་བསྟན་པ་ཡིན། །རྡོ་རྗེའི་རིགས་དཔལ་དང་ལྡན་པ་ལས་མཉེས་པ་དཀའ་ཞིང་མེ་དང་ཉི་མ་ལས་ལྷག་པ་
Ma226b
དེ་ཁོ་ན་ཉིད་ཀྱི་མི་དང་དམ་པའི་ཡོན་ཏན་དང་ལྡན་པ་མཆོག་ཏུ་གྱུར་པ་གང་དང་གང་ཡིན་པ་དེ་དག་ནི། དཀྱིལ་འཁོར་དང་དམ་ཚིག་རབ་ཏུ་རྟོགས་པས་རྟག་ཏུ་མཐོང་ཞིང་ཐོས་པའམ། སྒྲུབ་པའི་ཚུལ་དང་ལྡན་པར་བྱས་ན་དངོས་གྲུབ་འགྲུབ་པའམ། ཕན་པ་ཡང་ཐོབ་པར་འགྱུར་རོ། །རྡོ་རྗེ་ཆེན་པོ་ཐོགས་བཞིན་དུ་རྟག་ཏུ་བདུག་པ་དང ། མེ་ཏོག་དང ། དྲི་དང ། ལྷ་བཤོས་རྒྱས་པར་དབུལ་ཞིང་སྦྱིན་སྲེག་བྱའོ། །དེ་ལྟར་གནས་བཞི་པ་ཚུལ་འཇིན་ཅིང་ཉི་མའི་གཟི་བརྗིད་དང་ལྡན་པའི་དཀྱིལ་འཁོར་དམ་པ་འདི་ནི། དཔལ་སྐྱེད་ཅིང་མཆོག་ཏུ་མྱུར་བའི་ཆོ་ག་ཡིན་པས་ན། དཀྱིལ་འཁོར་ཐམས་ཅད་ཀྱི་རྒྱལ་པོ་ཉིད་ཡིན་ནོ། །ལག་ན་རྡོ་རྗེའི་དཀྱིལ་འཁོར་གྱི་རྒྱལ་པོ་ལག་ན་རྡོ་རྗེ་དབང་ཕྱུག་ཆེན་པོ་གཉིས་ཀྱིས་དམ་ཚིག་བཤད་པ་ལས། གནས་བཞི་པ་རྫོགས་སོ།། །།དེ་ནས་རྡོ་རྗེ་ལྕགས་ཀྱུ་མ། །རྡོ་རྗེ་ཡི་ནི་རིགས་ཀྱི་ཡུམ། །སྒྲུབ་པ་ཡི་ནི་དོན་རྣམས་ཀུན།། སྒྲུབ་པ་བྱེད་པ་གང་ཡིན་བཤད། །ན་མོ་རཏྣ་ཏྲ་ཡཱ་ཡ། ན་མཤྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ན་མསྟེ་བཛྲ་དྷ་ར་བཛྲ་པཱ་ཎི་བཛྲ་ཡ་ན་མཿ ། སུ་བཛྲ་ཡ་ན་མོ་བཛྲ་དཱུ་ཏཱི་ཡེ།་ན་མོ་བཛྲ་ཤཱ་ནཱི་ཡེ། ན་མོ་བཛྲ་ཧྲྀ་ད་ཡཱ་ཡ། ན་མོ་བཛྲཾ་ཀུ་ཤཱི་ཡེ། ན་མོ་བཛྲ་ད་ཤུ་ཤཱ་ཡ། ན་མོ་བཛྲ་ཀོ་ཥཱ་ཡ། ན་མོ་བཛྲ་བི་ཛ་ཡཱ་ཡ། ན་མོ་བཛྲཾ་ཀུ་ཤ་།ཀོ་ཥ་པཱ་
Ma227a
༄#། །ཤ་བི་ཛ་ཡཱ་ཡ། ན་མཿ པྲ་བརྟ། ཨ་བརྟ། བཛྲཾ་ཀུ་ཤི་།མི་ལི་མི་ལི། ཧི་ལི་ཧི་ལི། ཧི་རི་ཧི་རི། ཀི་རི་ཀི་རི། ཨཱ་ཀཌྜྷྱ་ཨཱ་ཀཌྜྷྱ། གི་རི་གི་རི། ཁི་རི་ཁི་རི། བྷི་རི་བྷི་རི། ཀི་ལི་ཀི་ལི། བཛྲ་ཀུ་ལམ་སཾ་སྨ་ར། གི་རི་གི་རི། ཏི་རི་ཏི་རི། བྷི་རི་བྷི་རི། ཨཱ་གཙྪ་ཨཱ་གཙྪ། ཨཱ་ན་ཡ་མེ་ཧི་རཏྣ་སུ་བརྟ་དྷ་ན་དྷ་ནྱ་ན། ཨ་ཏ་པ་ཡ་མ། བ་རུ་ཎ། ཀུ་བེ་ར།་ཨིནྡྲ་མཱ་ཀཌྜྷྱ། ཡནྟ་ད་མ་ནི། གྲིཧྞཱཾ་ཀུ་ཤ་ན། ཏ་ཏ་ཏཾ། ཀི་ལི་ཀི་ལི། ཙུ་རུ་ཙུ་རུ། ཙཎྜ་ཙཎྜི། ཀི་རི་ཎི་བྲཧྨ་བ་དེ་ཧིམྦིཥྞུ་ན་བ་དེ་ཧི་མ་ཀ་ལོ། །ཀུ་ཀ་ཀལྦི། ནི་ལི་བི་ལ་ནི་ལི་ལྦ་ཀུ་མ་རཾ་ཨད་དྷ་རུ་དྲི་མ་དེ་ཧཾ་ཙཎྡྲཾ་བ་དེ་ཧི་མ་ཤུཀྐྲཾ་བ་དེ་ཧིཾ། སུརྱཾ་བ་དེ་ཧིཾ། ཡ་མཾ་བ་དེ་ཧིཾ། ཏ་ཏ་ཏཾ་བ་དེ་ཧིཾ། ཙི་རི་ཙི་རི། བཱི་རི་བཱི་རི། ཨ་ཀྲམྨྱེ། ཨཱ་ན་ཡ་ཨ་ཀྲམྨྱེ། ཨི་ཧི་ཏུ་རཱ་ཧི།་ཏུ་རུ་ཏུ་རུ། སརྦ་ཀ་ལན་སུ། དྲི་གྲ་བཱི་ར། ཀི་ལི་ཀི་ལི། མི་ལི་མི་ལི། ཏི་རི་ཏི་རི། མི་ལི་མི་ལི། ཙ་ཀ་ཙ་ཀ་།ཀི་ནི་ཀི་ནི། བི་རི་བི་རི། ཤ་ཐ་ཀུ་ཤི་ས་ཧ་སྲ། མི་ལ་བི་ཤ་ཙཾ་ཀུ་ཤི་བཛྲཾ་བ་ཧེ་བཛྲཾ་ཎི་བྲི་ཡེ། མ་ཏི་མ་ཏི། ཏི་རི་ཏི་རི། ཀི་རི་ཀི་རི། ཨ་ཀྲཾ་མྱ། ཨ་ནྱ་ཀར་མཾ་ནྱ། བ་ར་ཀ་ན་མ་ན་ཡ། ཡ་ཤེ་ཡ་ཤི་ན། ཀུ་རུ་ཀུ་རུ། ཀི་རི་ཀི་རི། གྷི་ནི་གྷི་ནི།་ཁི་རི་ཁི་རི། བི་ཙ་ར་བི་ཙ་ར། ཀོ་ཤཾ་ཀོ་ཤི་ནི། ཀུ་བེ་ར་མ་ཀྲ་།ཥྚིཀྐྲཾ་ཀདྡྷ། ལ་ལ་ལ་ལ། ཧ་སི་ནི་པྲི་ཡེ། པྲི་ཡཾ་ཀ་རི། ཙཀྵུར་མ་ཏི། ཙཀྵུཿ པྲ་བི་ཤ་།མ་ན་མ་ཀ་རི། ཤ་ཡ་སྣེ་
Ma227b
ཙཾ་དྷ་ནི། བྷི་ལི་བྷི་ལི། པཱ་ཤ་དེ་བརྡེ། ཙཀྵུ་དེ། ཧ་ར་ཧ་ར། བ་སུ་བ་སུ། སི་མི་སི་མི། ཧེ་ཧེ་ཧི་ཧི། ཧ་ཧ། ཀི་ཀི་ཀ་ལ་ཀ་ལ། པ་ལ་པ་ལ། ཙཀྵུཿ ཙཀྵུཿ ཏ་མེ་ཀ་ཐཱ་ཡ་སརྦ་སརྦྦེ་ཤཾ་།ཀུ་རུ་ཀུ་རུ། བ་ཀི་མེ་ཀ་ཏ་ཡ། མི་ལི་མི་ལི། ཙི་ལི་ཙི་ལི། ཙུ་ལུ་ཙུ་ལུ། པྲི་ཡམྤྲི་ཡེ་ན། ས་ར་ས་ར། ཀ་ར་ཀ་ར། ཙ་ར་ཙ་ར། བི་རི་བི་རི། བི་མ་ཡ་ཤཾ་ཡ་ཤེན། ལ་བྷ་ལ་བྷ། ཀི་རི་ཀི་རི། མི་ཏི་མི་ཏི། ལོ་ཀི་།ར་མ་ར་མ། ར་ཏི་ཀ་རི་བྷི་ཏི་ཀ་རི། མ་མ་སུ་ཁ་ཀ་རི། ནིར་བྷརྀ་ཏི་ཀ་ར། ཀིངྐ་རི་ཀིངྐ་རི། ཀ་ར་མ་རི། བི་ཏི་བི་ཏི། མི་རི་མི་རི། ཙི་རི་ཙི་རི། ཧི་རི་ཧི་རི། བི་རི་བི་རི།་གྷི་རི་གྷི་རི། བྷི་རི་བྷི་རི། ཧི་རི་ཧི་རི། བཛྲི་ཎི་བཛྲཾ་ཀུ་ཤི་པ་ར་མཱཾ་ཀུ་ཤི་ཧ་རེ་བཛྲེ་ཀྵཱི་པ་ནི་ཀ་པ་ནི་ཀ་ལ་ཤི་བ་ནི། བྷཀྵ་པཱ་ཎི། ཙཀྵུ་རཱཾ་ཀུ་ཤི་པ་ནི། བྷ་ར་བྷ་ར། མ་མ་པི་རི་པི་རི། ཀུ་རུ་ཀུ་རུ། ཀི་རི་ཀི་རི། ཏུ་རུ་ཏུ་རུ། ཏ་ར་ཏ་ར། བཛྲེ་ཀུ་ཤཱི་ཡེ་སཝཱཧཱ། ཀོ་ཤཱཾ་ཀུ་ཤི་ཡེ་སཝཱཧཱ། བ་ཤཱཾ་ཀུ་ཤཱི་ཡེ་སཝཱཧཱ། བི་ཛ་ཡཱཾ་ཀུ་ཤི་ཡེ་སཝཱཧཱ། ཀེ་མཱཾ་ཀུ་ཤཱི་ཡེ་སཝཱཧཱ། ཨ་ཛྙཱ་ཡཱཾ་ཀུ་ཤཱི་ཡེ་སཝཱཧཱ།་སརྦྦཾ་ཀུ་ཤ་ཨ་ཀཪྵ་ཎི་ཡེ་སཝཱཧཱ། དེ་བཱཾ་ཀུ་ཤཱི་ཡེ་སཝཱཧཱ། སྟི་པུ་རུ་ཥཱཾ་ཀུ་ཤཱི་ཡེ་སཝཱཧཱ། ཧྲྀ་ད་ཡཱཾ་ཀུ་ཤཱི་ཡེ་སཝཱཧཱ། དྷརྨཱཾ་ཀུ་ཤཱི་ཡེ་སཝཱཧཱ། སརྦ་ལོ་ཀ་ཛ་ཡཱཾ་ཀུ་ཤཱི་ཡེ་སཝཱཧཱ། སརྦ་སཏྭ་ན་མཱ་གཪྵ་ཎ་བ་ཤི་ཀ་ར་ཎཱཾ་ཀུ་ཤཱི་ཡེ་སཝཱཧཱ། རྡོ་རྗེ་ལྕགས་ཀྱུ་དེ་ཉིད་ན། །འདི་ལྟར་རྣམ་པ་གཞན་དུ་ཡང ། །རྡོ་རྗེ་རིགས་ཆེན་གཙོ་མོ་སྟེ། །འབར་བ་ཆེན་མོ་མཆོག་སྦྱིན་མཆོག།
Ma228a
༄#། །རིགས་ཀྱི་ཡུམ་སྟེ་རིགས་ཀྱི་མཆོག་།ལས་མཆོག་ཀུན་གྱི་བྱེད་པ་མོ། །བཅིངས་དང་གྲོལ་བ་ཐམས་ཅད་ཀྱི། །ལས་ཀུན་ལ་ནི་ཐུབ་མེད་པ། །དམ་པ་ཅི་འདྲ་དེ་བཞིན་འདྲ། །བར་མ་ཅི་འདྲ་དེ་བཞིན་འགྱུར། །སྙིང་པོ་དང་ནི་མིང་འདི་ཡང ། །གཙོ་བོ་དང་ནི་མཆོག་ཏུ་བཤད། །ལག་ན་རྡོ་རྗེ་ཉིད་ཀྱང་ནི། །སྐད་ཅིག་གིས་ནི་འདིས་འགུགས་ན། །ཕྱི་རོལ་རྒྱལ་པོ་ཕོ་ཉ་སོགས། །ཚོགས་རྣམས་ལྷ་ནི་ཅི་ཞིག་སྨོས། །ལྷ་ཡི་རིགས་ནི་མཐོང་བ་ཡི། །རིག་སྔགས་འཆང་བ་དེ་ལ་ནི། །འགྲུབ་པར་མི་འགྱུར་གང་ཡང་མེད། །གང་ཞིག་རབ་ཏུ་བསྒྲིམས་ནས་ནི། །ཡུམ་འདི་རྟག་ཏུ་འཆང་བྱེད་པ། །དེ་ལ་མཆོག་ཀུན་འགྲུབ་པར་འགྱུར། །བཅིངས་པ་དང་ནི་གྲོལ་བ་ལ། །རིག་སྔགས་གསང་སྔགས་ཀུན་བདག་འགྱུར། །ནང་དང་ཕྱི་རོལ་བཅས་པ་ཡི། །འཁོར་དང་ལྡན་པར་བྱས་ན་ནི། །གཅིག་པུ་འཇིག་རྟེན་གསུམ་མཆོག་དང ། །རྣམ་པ་གསུམ་དུ་འགྱུར་བར་བཤད། །དེ་དག་ཐམས་ཅད་ཁྱད་པར་དུ། །སྟོབས་དང་ལྡན་པར་སྐྱེ་བོས་བརྗོད། །མདོར་ན་ཡུམ་འདི་ཐམས་ཅད་ཀྱི། །མཆོག་གི་དམ་པར་བཤད་པ་ཡིན། །དེ་དག་བསྒྲུབས་པའི་དུས་དང་ནི། །ཐ་མལ་དུས་སུ་རྟག་ཏུ་ཡང ། །ཇི་སྐད་བཤད་པ་དེ་བཞིན་དུ། །རིག་སྔགས་འདི་ནི་སྦྱར་བར་བྱ། །ན་མཿ ་
Ma228b
ཙུ་རུ་ཀུཾ་དང ། ཙུ་རུ་ཀུཾ་ད། བཛྲ་པཱ་ཎི་ན་མོ་བྷུདྡྷ་སྱ་སཝཱཧཱ། ལན་ཉི་ཤུ་རྩ་གཅིག་བཟླས་བརྗོད་བྱས་པའི་ཡུངས་ཀར་གྱི་ཕྱེ་མས་གཞག་པར་བྱ། ན་མཿ ་ཀུ་རུ་ཙུ་རུ་བཛྲ་པཱ་ཎི། ན་མོ་བུདྡྷ་སྱ་སཝཱཧཱ། འདིས་ནི། མེ་ཏོག་དང་བདུག་པ་དབུལ་བར་བྱའོ། །ན་མོ་དུཾ་མེ་དུཾ་མེ་ཡུཾ་མེ་དུ་ས་དུཾ་མེ། ཙུ་རུ་ཙུ་རུ་སཝཱཧཱ། འདིས་བཤོས་དབུལ་ལོ། །ན་མོ་བཛྲཱི་བཛྲཱི། བཛྲཱི་ཎི་བཛྲཱི་ཎི། ཧ་ན་ཧ་ན། ད་ཧ་ད་ཧ། པ་ཙ་པ་ཙ། ཨེ་ཏཾ་སརྦ་བིགྷྣ་ན་པ་ནཱི་ཡ་ཀཾ་།ས་མ་མཱ་ར་ཡ། ཧ་ན་ཧ་ན། ཨུད་སཱ་ད་ཡ། ནཱ་ཤ་ཡ། བི་དྷྭན་ས་ཡ། སརྦ་དུཥྚ་ཙིཏྟ་ཤྩ་མ་མ། ཧུ་རུ་ཧུ་རུ།་སིདྡྷ་ཤྩ་ཎྜ་བཛྲ་པཱ་ཎི། ར་ཛྙཱ་པ་ཡ་ཏི་སཝཱཧཱ། མེ་སྦར་ལ་སྔགས་འདིས་ཤིང་འོ་མ་ཅན་གྱི་ཡམ་བསྲེག་ཤིང་ངམ། ཀ་རི་མཱ་ལ་ཀ་རའི་ཡམ་སྲེག་ཤིང་དང ། སྐེ་ཚེ་དང ། ལན་ཚཝ་བ་གསུམ་རྣམས་ལྷན་གཅིག་ཏུ་སྦྱར་ཏེ་སྦྱིན་སྲེག་བྱས་ན། བགེགས་དང་ལོག་འདྲེན་གྱི་གནོད་པ་ཐམས་ཅད་སེལ་བར་བྱེད་དོ། །དེ་ནས་དེ་ཡི་སྒྲུབ་པ་ནི། །རིག་སྔགས་འཆང་བ་ཀུན་གྱིས་མཆོད། །སྒྲུབ་པའི་ཐབས་ནི་གང་གིས་སུ། །སྟོབས་ཆེན་འདི་ནི་གྲུབ་པ་བཤད། །ཐམས་ཅད་མཁྱེན་པ་ཐམས་ཅད་གཟིགས། །སངས་རྒྱས་འགྲུབ་བྱེད་མགོན་པོ་དང ། །འཇིག་རྟེན་དག་ན་ཡ་མཚན་གསང ། །རྡོ་རྗེ་འཛིན་ལ་ཕྱག་འཚལ་ནས། །ལྷ་རྣམས་དང་ནི་དྲི་ཟ་དང ། །རིག་སྔགས་འཆང་དང་ལྟོ་འཕྱེ་ཆེ། །
Ma229a
༄#། །ཤིན་ཏུ་ཡ་མཚན་གསང་བ་འདི། །དོན་ཀུན་འགྲུབ་བྱེད་མཉན་པར་གྱིས། །གང་ཞིག་གསང་བའི་རྒྱལ་པོའི་མཆོག་།འདི་ནི་སོ་སོར་འཆང་བྱེད་པ། ། དེ་ལ་འཇིག་རྟེན་ཐམས་ཅད་ན། །བཀའ་ལས་འགལ་བར་བྱེད་པ་མེད། །ཅི་སྟེ་སྒྲུབ་པའི་དེ་ཉིད་ཤེས། །ཡང་ན་དངོས་གྲུབ་འདོད་པ་ཡིས། །ཆོ་ག་བཞིན་དུ་ཀུན་བྱས་ན། ། སྒྲུབ་པ་པོས་ནི་ཐམས་ཅད་འཐོབ། །ལྷ་འམ་ལྷ་མ་ཡིན་རྣམས་དང ། །གནོད་སྦྱིན་ཡང་ན་རིག་སྔགས་འཆང ། །གཞན་ཡང་གང་དག་སུ་ཡང་དུང ། །འགལ་པར་བྱེད་པ། གང་ཡང་མེད། །སངས་རྒྱས་ཤཱ་ར་དྭ་ཏིའི་བུ། །རྡོ་རྗེ་འཛིན་པ་ཆེན་པོ་དང ། །རིག་སྔགས་བདག་གི་བླ་མ་ལ། །ཅི་སྟེ་མཆོག་ཏུ་དང་བྱེད་ན། །དེ་ནི་ཀུན་ལས་ལྷག་པ་དང་།། སེམས་ཅན་ཀུན་གྱིས་མཆོད་པ་དང ། །རྟག་ཏུ་དངོས་གྲུབ་ཀུན་བྱེད་དང ། །གཞན་གྱི་དངོས་གྲུབ་འཇིགས་པར་ནུས། །དུས་ཀུན་ཏུ་ནི་གཙང་བ་དང ། །གསང་བ་ཐམས་ཅད་འཆད་བྱེད་ལ། །རིག་སྔགས་འཆང་གི་གོ་འཕང་མཆོག་།ཤིན་ཏུ་སེམས་པར་བྱེད་པ་ཡི། །ཆོ་གར་ལྡན་ཞིང་རྒྱས་པར་བཅས། །དེ་ནི་མ་ལུས་བཤད་པར་བྱ། །དེ་ནས་ལྷ་དང་ལྷ་མ་ཡིན། །མི་དང་རིག་སྔགས་འཆང་རྣམས་དང ། །འབྱུང་པོའི་ཚོགས་དང་ཀླུ་རྣམས་དང ། །གནོད་སྦྱིན་རྣམས་དང་སྲིན་པོར་བཅས། །གསང་བའི་མཆོག་
Ma229b
ནི་མཉན་པའི་ཕྱིར། །ཐམས་ཅད་ཐལ་མོ་སྦྱར་ནས་འཁོད། །དེ་ནས་ཚིག་དོན་རྟོགས་པ་ཡི། །རྡོ་རྗེ་འཛིན་པས་དེ་དག་ལ། །གསལ་བར་བྱ་ཕྱིར་ཚིག་འདི་སྨྲས། །ང་ནི་དཀྱིལ་འཁོར་དམ་པ་དང ། །བླ་མའི་རིགས་ནི་སྔོན་མཐོང་ལ། །རྡོ་རྗེ་དང་ནི་རྡོ་རྗེ་འཛིན། །རིག་སྔགས་སྒྲུབ་པ་རྟོགས་བྱས་ནས། །ཟླ་བ་ཕྱེད་གསུམ་པར་དུ་ནི། །ཟླ་གཅིག་པས་ནི་བསྒྲུབ་པར་བྱ། །སངས་རྒྱས་གཟུགས་ནི་རྫོགས་པ་འམ། །སྐུ་གདུང་ལྡན་པའི་མཆོད་རྟེན་དེར། །རིག་སྔགས་རྡོ་རྗེ་ལྕགས་ཀྱུ་མ། །རིག་སྔགས་རིགས་ཀྱི་ཚོགས་བསྐོར་བ། །ཆོ་ག་བཞིན་དུ་བྱས་ནས་ནི། །ཡིད་དང་འཐད་པས་མཆོད་པར་བྱ། །མཚམས་གཅད་པ་དང་ཕྱོགས་བཅིང་དང ། །ཆུས་ནི་ཀུན་ནས་གཅད་པ་དང ། །ཐམས་ཅད་དུ་ནི་སྲུང་བ་རྣམས། ། ཆོ་ག་བཞིན་དུ་ལེགས་པར་དགོད། །སྣ་གསུམ་རྡོ་རྗེ་བཀྲ་ཤིས་དང ། །ལྕགས་ཀྱུ་ཁ་གདེངས་ཡུངས་ཀར་གྱིས། །ཚུལ་བཞིན་དང་པོར་མདུན་དག་ཏུ། །རྡོ་རྗེ་ལྕགས་ཀྱུའི་གཟུགས་སུ་བྲི། །ཁ་ཟས་ཀྱང་ནི་དཀར་གསུམ་གྱིས། །ཆོ་ག་བཞིན་བྱས་བཟའ་བར་བྱ། །དུས་གསུམ་ཡང་ན་ནུབ་བདུན་དུ། །བཟླས་བརྗོད་མཆོག་གི་བརྒྱད་བརྒྱ་བྱ། །དེ་ནས་དེར་ནི་རྡོ་རྗེ་དང ། །ལྕགས་ཀྱུ་འབར་བ་མཐོང་བར་འགྱུར། །དེར་ནི་གཟུགས་ལས་གྲུབ་པ་པོ། །ལྷ་ཡི་རིག་སྔགས་འཆང་བཞིན་འགྱུར། །འཇིག་རྟེན་གསུམ་ཡང་
Ma230a
༄#། །སྣང་བར་བྱེད། །ས་སྟེང་དག་ཀྱང་འབར་བ་དང ། །འཇིག་རྟེན་གསུམ་ཡང་གཡོ་བར་ནི། །བདག་ཉིད་ཀྱིས་ནི་དེར་མཐོང་འགྱུར། །རིག་སྔགས་རྡོ་རྗེ་ལྕགས་ཀྱུ་དགེ་།དེ་ནས་དེ་ལ་འགྲུབ་པར་འགྱུར། །རི་དྭགས་ཀྱིས་བསྐོར་གཞོན་ནུ་མའི། །ཐད་དེ་དགའ་བ་རྩེན་པར་འགྱུར། །དེ་ནས་ལྷ་དང་འབྱུང་པོ་དག་།རྒྱ་མཚོ་ནམ་མཁའ་ས་གནས་པ། །དང་བ་མེད་ཅིང་མ་གྲུབ་རྣམས། །དེ་ལྟར་དགའ་བར་གྱུར་ནས་ནི། །དོན་རྣམས་ཀུན་ཡང་བྱེད་པར་འགྱུར། །དེ་བཞིན་དུ་ནི་ཇི་ལྟར་ཡང་།། ཀུན་ཏུ་དངོས་གྲུབ་ཡ་མཚན་ཅན། །མཁའ་ལ་དེ་བཞིན་བྱེད་པར་འགྱུར། །དེ་ནས་ཅི་དགའ་རྒྱུ་བ་དང ། །དེ་ཡི་དགའ་མགུར་དེ་བཞིན་བྱེད། །རྩེ་དགའ་མཆོག་ཏུ་ཤེས་པར་བྱ། །དེ་ནི་ཡུན་དུ་འཚོ་བར་འགྱུར། །དེ་ནི་དགའ་བཞིན་མཁའ་ལ་འགྲོ། །ལྷ་ཡི་རིག་སྔགས་འཆང་གིས་བསྐོར། །དེ་ནི་གཅིག་པུ་ཅི་དགའ་བར། །རྡོ་རྗེ་འཛིན་པ་ཡིན་བཞིན་དུ། །ལྷག་པར་དགའ་བའི་གནས་རྣམས་སུ། །རིག་སྔགས་འཆང་བས་བསྐོར་པར་འགྱུར། །དེ་ནི་ན་ད་ཀུ་བེར་བཞིན། །དགའ་བར་གང་ཡང་རྩེ་བར་འགྱུར། །དུས་མིན་ན་པར་ནི་ཤིང་རྣམས་དང ། །མེ་ཏོག་ཚལ་དང་འབྲས་བུའི་འཚལ། །ཁང་བཟང་མིད་དུ་འོང་བ་རྣམས། །ཐམས་ཅད་ཀྱང་ནི་སྤྲུལ་པར་བྱེད། །འོན་ཀྱང་
Ma230b
འདི་ནི་མོད་ཙམ་སྟེ། །འདིར་ནི་དེ་ལ་བཤད་མི་བྱ། །རྡོ་རྗེ་ལྕགས་ཀྱུ་གྲུབ་ན་ནི། །ཚིག་ཏུ་བརྗོད་པ་ཐམས་ཅད་གྲུབ། །ལས་ཀྱི་དམ་པ་འདི་ཉིད་ཀྱིས། །ཐམས་ཅད་ཀྱང་ནི་འགྲུབ་པར་བཤད། །དམ་ཚིག་ཚུལ་བཞིན་མཐོང་ནས་ནི། །དམ་ཚིག་དག་ལ་མཁས་པ་ཡིས། །སངས་རྒྱས་རིག་སྔགས་རྡོ་རྗེ་འཛིན། །བླ་མ་ཚུལ་བཞིན་མཆོད་པར་བྱ། ། བསྒྲིམས་ཏེ་མཆོད་པ་བྱས་ན་ནི། །ལྷ་བཤོས་དག་ཀྱང་ཚུལ་བཞིན་དབུལ། །དེ་ནས་འདོད་པ་ཀུན་སྦྱིན་པ། །རྡོ་རྗེ་ལྕགས་ཀྱུ་རིག་སྔགས་གདོན། །ལྷ་བཤོས་དེ་ཡི་ཆོ་ག་དང ། །མེ་ཏོག་བདུག་པས་མཆོད་བྱས་ནས། །སྒྲུབ་པ་པོས་ནི་ཅི་ནུས་ཀྱིས། །དུས་གསུམ་བཟླས་བརྗོད་བྱས་ན་ནི། །ཉི་ཤུ་རྩ་གཅིག་བཟླས་པས་ཀྱང ། །གདོན་གྱི་ལས་རྣམས་འགྲུབ་པར་འགྱུར། །དེས་ན་གདོན་ནི་སྟོང་ཕྲག་རྣམས། །དགའ་མགུར་ཡང་ནི་གཞིག་པར་ནུས། །ཡང་ན་གཡུལ་ངོར་མི་བཟང་འཇིག་།གདོན་དག་གི་ནི་དཀྱིལ་འཁོར་དུ། །མྱུར་དུ་གདོན་ནི་འབེབས་པ་དང ། །དེ་བཞིན་གཞིག་དང་གསད་པ་དང ། །བཅིང་དང་བྲེག་དང་གཟིར་བ་དང ། །ཀུ་ཅོ་འདོན་དུ་འཇུག་ཀྱང་རུང ། །གྲོང་ཁྱེར་དང་ནི་གནས་རྣམས་དང ། །སྨས་པའི་རྨ་ནི་སྤོ་བ་དང ། །རིག་སྔགས་དམ་བ་བཤད་པ་འདིས། །ཐམས་ཅད་ཀྱང་ནི་བྱེད་པར་འགྱུར། །བབས་པ་དེ་དག་ཐམས་ཅད་ཀྱང ། །པི་ཝང་
Ma231a
༄#། །དག་ཀྱང་ལེན་དུ་གཞུག་།དེ་བཞིན་གར་གྱི་ཆོ་ག་རྣམས། །ཡིད་འོང་ཡ་མཚན་བྱེད་དུ་གཞུག་།དགུག་དང་རྨི་ལམ་ཆོ་ག་དང ། །དེ་བཞིན་ལྕགས་སྒྲོག་གཞོམ་པ་དང ། །རྒྱལ་པོའི་ཕོ་བྲང་དག་ན་ནི། །རྩོད་པ་དག་ལས་ལྷག་པར་རྒྱལ། །གཟུགས་དང་སྟོབས་ཆེན་ལྡན་པ་ཡི། །རིག་སྔགས་རྡོ་རྗེ་ལྕགས་ཀྱུ་མ། ། གང་གི་སྙིང་ལ་ཚུལ་བཞིན་རྟག་།དེ་ཡི་དོན་ཀུན་འགྲུབ་པར་འགྱུར། །སྐྱེས་པའམ་ཡང་ན་བུད་མེད་དམ། །ཀླུའམ་ལྷ་ཡང་དགའ་བ་ཡོད། །དེར་ནི་ཀུན་ཏུ་ཐམས་ཅད་ལ། །དོན་རྣམས་ཐམས་ཅད་འགྲུབ་པར་འགྱུར། །རྒྱལ་པོ་དང་ནི་བློན་པོ་དང ། །བློན་པོ་ཆེན་པོ་མདུན་ན་འདོན། །ཞག་བདུན་ཡང་ན་ལྔ་ཡི་བར། །བརྒྱ་རྩ་བརྒྱད་བཟླས་དབང་དུ་འགྱུར། །གང་ཞིག་འཆི་བར་བྱ་འདོད་ན། །དེ་ཡི་གཟུགས་དེ་དེར་བྲིས་ལ། །ལག་པས་མནན་ལ་བཟླས་བརྗོད་བྱ། །གདོན་དང་ཀླུ་ཡི་གདོན་ཡང་རུང ། །འབྱུང་པོ་འབྱུང་པོའི་གདོན་དང་ནི། །ཁར་ནི་རྡོ་རྗེ་གཟིར་བྱས་ན། །ཞག་བདུན་གྱིས་ནི་བརླག་པར་འགྱུར། །བྲན་མོ་དང་ནི་མི་རྣམས་ཀྱང ། །ཞག་གསུམ་གྱིས་ནི་བརླག་པར་འགྱུར། །དབང་དུ་བྱ་བར་འདོད་ན་ནི། །དེར་ཡང་ཉི་ཤུ་རྩ་གཅིག་བཟླས། །བརྒྱད་བརྒྱར་བཟླས་བརྗོད་བྱས་ན་ནི། །བུ་དང་བུ་མོ་ཆུང་མ་དང ། །ཁྱིམ་ཐབ་དང་ནི་ནོར་
Ma231b
འཇོག་དང ། །ཁྱིམ་དང་བཞོན་པ་གླང་ཆེན་རྟ། །མ་ཧེ་དང་ནི་གྲོང་ཡང་རུང ། །ཞག་བདུན་གྱིས་ནི་མྱུར་བར་འཐོབ། །གཞན་གྱིས་རིག་སྔགས་རིགས་ཀུན་དང ། །གདོན་རྣམས་ཀྱང་ནི་བརླག་པར་འགྱུར། །ཁྱེའུ་དག་དང་ནི་བུ་མོ་རྣམས། །ནད་ཀྱིས་ཀྱང་ནི་མ་རུངས་འགྱུར། །རོ་བསྲེགས་སོལ་བའི་རི་མོ་ཡིས། །དགྲ་ཡི་གཟུགས་ནི་དེར་བྲིས་ལ། །དེ་ཡི་སྟེང་དུ་འདུག་ནས་ནི། །གང་དུ་གཞོམ་པར་འདོད་པ་དེར། །གཟིར་བར་བྱས་ཏེ་ཞག་བདུན་དུ། །བཟླས་བརྗོད་དང་ནི་སྦྱིན་སྲེག་བྱ། །དེ་ལྟར་བྱས་ན་གཟིར་བར་འགྱུར། །ཅི་སྟེ་བུ་མོ་ཐོབ་འདོད་ན། །དེས་ནི་ཞག་བདུན་བྱ་བར་བསྟན། །ཞག་བདུན་འབུམ་དུ་བཟླས་ན་ནི། །བུ་མོའི་མཆོག་ཀྱང་ཐོབ་པར་འགྱུར། །རིག་སྔགས་འཆང་བ་བདག་ཉིད་ཀྱིས། །ཁྲོས་ནས་བཟླས་བརྗོད་བྱས་ན་ནི། །གྲོང་ཁྱེར་དག་ནི་འབར་བ་དང ། །གསེར་དང་དེ་བཞིན་འཇིག་པ་དང ། །གདན་དག་གིས་ནི་འདེབས་པར་འགྱུར། ། གང་ལས་རྒྱལ་འདོད་དམག་གི་ནང ། །འདུག་ནས་ཀྱང་ནི་བཟླས་བརྗོད་བྱ། །གྲོང་ཁྱེར་དབུས་འདུག་བཟླས་ན་ནི། །ནད་ཀྱིས་གྲོང་ཁྱེར་དཀྲུགས་པར་འགྱུར། །གྲོང་གི་དབུས་འདུག་བཟླས་ན་ནི། །གྲོང་མི་ནད་ཀྱིས་དཀྲུགས་པར་འགྱུར། །དགོན་པར་འདུག་ནས་བཟླས་ན་ནི། །གདུག་པ་ཀུན་ལས་ཐར་བར་འགྱུར། །དེ་ནས་ཡིད་ནི་ཞི་བ་
Ma232a
༄#། །ཡིས། །ཞི་བའི་རིག་སྔགས་བརྗོད་པར་བྱ། །ཞི་ཕྱིར་རིག་སྔགས་བརྗོད་ན་ནི། །ཐམས་ཅད་དུ་ནི་ཞི་བར་འགྱུར། །གསད་ཕྱིར་རིག་སྔགས་བཟླས་ན་ནི། །ཕན་ཚུན་དུ་ཡང་གསོད་པར་འགྱུར། །འཐབ་ཏུ་གཟུང་ཕྱིར་རིག་སྔགས་བཟླས། །འཐབ་མོ་མངོན་དུ་འབྱུང་བར་འགྱུར། །ཤིང་སྐམ་ཕྱིར་ནི་ཆུ་ལ་བཟླས། །ཟླ་བ་གཅིག་གིས་ལོ་མ་འབྱུང ། །ཀུན་དགའ་ར་བ་ཡིད་འོང་ཡང ། །ཟླ་བ་གཅིག་གིས་བཤིག་པར་འགྱུར། །ཅི་སྟེ་ཉི་མ་རངས་པར་བཟླས། །ཆུ་དང་ཟས་དང་བག་ཚོས་དང། །འབྲས་བུ་རྣམ་པ་སྣ་ཚོགས་ཀྱང ། །དེ་མ་ཐག་ཏུ་སྒྱུར་བར་བྱེད། །གཞན་གྱིས་བཞོན་དང་དེ་བཞིན་དུ། །ཤིང་རྟའི་བཞོན་པ་འཇོམས་པར་བྱེད། །ཅི་སྟེ་ཆུ་ཀླུང་ཆེན་པོ་ཡི། །འགྲམ་དུ་སོང་ནས་བཟླས་བརྗོད་བྱ། །ལས་རྣམས་གང་དང་གང་འདོད་དང ། །གང་དང་ཆོ་ག་ཇི་བཞིན་གང ། །དེ་བཞིན་ཆོ་ག་གཏོར་མ་དང ། །བཟླས་བརྗོད་སྦྱིན་སྲེག་གཙང་བྱས་ན། །དེས་ན་དོན་རྣམས་ཐམས་ཅད་ཀྱང ། །བྱེད་འགྱུར་དེ་ལ་ཐེ་ཚོམ་མེད། །རྟག་ཏུ་བདེན་སྨྲ་བསླབ་ལ་དགའ། །དངོས་གྲུབ་མཆོག་ཆེན་ཐམས་ཅད་ལྡན། །འབྱུང་པོ་སྒྲུབ་པར་འདོད་ན་ནི། །ཞག་གསུམ་སྨྱུང་བྱས་མར་གྱི་ངོ ། །བཅུ་བཞི་ལ་ནི་གཏོར་མ་སྦྱིན། །ཟླ་བ་དྲུག་གམ་ཟླ་བ་ཕྱེད། །
Ma232b
ཤིང་དྲུང་ཡང་ན་དགོན་པར་གནས། །གཅིག་པུ་སྲུང་བ་མཆོག་བྱས་ལ། །སློང་མོ་ཡི་ནི་ཟས་ཀྱང་བཟའ། །ཟླ་དྲུག་ཡང་ན་ཟླ་བ་གཅིག་།ལྷ་འམ་གདོན་ཀྱང་གནས་ཀྱང་རུང། །ཟླ་གཅིག་ཕྱུགས་ཀྱི་ལྷས་སུ་གནས། །ཞོ་དང་འོ་མར་མར་ཡང་བཟའ། །སྐུ་གདུང་ལྡན་པའི་མཆོད་རྟེན་དྲུང ། །ཟླ་གཅིག་སྣ་ཚོགས་ཟས་ཀྱིས་མཆོད། །ཟླ་བ་གཉིས་ནི་དུར་ཁྲོད་དུ། །གཏོར་མ་བདུག་པ་གཙང་སོགས་མཆོད། །ཐང་ངམ་མཆོད་རྟེན་དྲུང་དུ་བཟླས། །དེ་ནས་འབྱུང་པོ་བརླག་པར་འགྱུར། །དེར་ནི་འབྱུང་པོ་དམ་པ་གང། །ཡང་ན་ཐོག་མར་གང་འོངས་དང ། །གང་ཚེ་དེ་ལ་ཉེ་བར་འགྱུར། །གང་ན་གང་ཞིག་སེམས་ཀྱིས་འདོད། །དེ་ཚེ་ཤིན་ཏུ་བསྙེན་ནས་ནི། །རྡོ་རྗེ་ལྕགས་ཀྱུ་རྟག་ཏུ་བཟླས། །དེ་ཡི་མིང་ནི་བྲིས་ནས་ཀྱང ། །དེ་ཉིད་མིང་ནི་གཟུང་བར་བྱ། །གཅིག་པུས་དཀྱིལ་འཁོར་བྱས་ན་ནི། །རིག་སྔགས་རྡོ་རྗེ་ལྕགས་ཀྱུའི་ཚོགས། །དྲི་ལ་སོགས་པས་ལེགས་མཆོད་ནས། །དེས་ནི་འབྱུང་པོ་དེ་དག་དགུག་།དེ་ཡིས་མིང་བརྗོད་འབྱུང་པོ་རྣམས། །དགའ་ནས་དེར་ནི་འོངས་བར་འགྱུར། །དེ་ནས་དེས་ནི་ལེགས་པར་མཆོད། ། གཞན་ཡང་འོངས་ནས་མཆོད་པར་བྱ། །མིང་ནི་ལེགས་པར་བརྗོད་བྱ་ཞིང ། །སྐྲག་བྱེད་མིང་ལ་བརྟེན་ནས་ནི། །འབྱུང་པོ་སྒྲུབ་ཏུ་གྲུབ་འགྱུར་ན། །མི་ནི་འགྲུབ་པར་འགྱུར་
Ma233a
༄#། །བ་ཡིན། །དེ་ནས་དེ་ལ་འབྱུང་པོ་རྣམས། །ཀུན་ནས་ཉེ་བར་འཁོར་བར་འགྱུར། །རྒྱལ་པོའི་ཞམ་འབྲིང་མཐུན་བྱེད་བཞིན། །ལས་ཀུན་ཡང་ནི་བྱེད་པར་འགྱུར། །དེ་ནི་རྒྱལ་པོའི་དམག་རྣམས་ལ། །རྒྱལ་པོ་ཆེན་པོས་བྱས་པ་བཞིན། །སྟོབས་ཆེན་འབྱུང་པོའི་སྡེ་དག་ལ། །བཀའ་ནི་ཀུན་ཏུ་སྩོལ་བར་བྱེད། །ས་སྟེང་ཀུན་ཏུ་རྩེ་བྱེད་ཅིང ། །འབྱུང་པོའི་བདག་པོ་ཀུན་གྱིས་མཆོད། །འབྱུང་པོ་དག་ནི་ཕུལ་བ་ཡིས། །ཁ་ཟས་ལ་སོགས་ཐམས་ཅད་ཟ། །གྲོང་ནི་གང་ལ་རྒྱལ་འདོད་ཅིང ། ། ཡང་ན་ཕན་པར་འདོད་ཀྱང་རུང ། །བསྒྲུབ་ཕྱིར་ཡང་ན་གཞིག་པའི་ཕྱིར། །དེར་ནི་འབྱུང་པོ་རྣམས་ཀྱང་གཏོང ། །དེས་ནི་མིང་གང་མ་བཀུག་པའི། །འབྱུང་པོའམ་འབྱུང་པོའི་ཚོགས་ཀྱང་རུང ། །དེ་ཡི་ལས་མཆོག་འདོད་ན་ནི། །དེ་ཡིས་མིང་ཡང་སྨོས་པར་བྱ། །མིང་ནི་སྨོས་པ་དེ་ཡིས་ནི། །སྙེམས་པ་མེད་པའི་འབྱུང་པོ་ཡང ། །བཀུག་པ་མེད་པར་མྱུར་དུ་ནི། །བཀའ་བཞིན་བྱེད་པར་འགྱུར་བ་བསྟན། །དེ་ནི་མི་ཡི་འཁོར་དག་ཏུ། །སྒྱུ་འཕྲུལ་དུ་མ་བྱེད་པར་འགྱུར། །ལྷག་པར་འབྱུང་པོའི་འཁོར་དག་ཏུ། ། སྤྱོད་པ་སྣ་ཚོགས་བྱེད་པར་འགྱུར། །སྲོག་ཆགས་མི་ལ་སོགས་རྣམས་ཀྱི། །སྲོག་ལ་དབང་བར་དེས་འགྱུར་རོ། །འབྱོར་པར་བྱ་བའི་ཕྱིར་ཡང་རུང ། །ཡང་ན་ལུས་
Ma233b
ནི་གཞིག་ཕྱིར་དེས། །མིང་གིས་བཀུག་པའི་འབྱུང་པོ་ལ། །དགའ་བཞིན་བག་བརྐྱང་སྨྲ་བར་བྱ། །མིང་ལ་སོགས་པ་འདི་དག་གིས། །སྣ་ནི་ཤིན་ཏུ་ཆེ་བ་དང ། །ཤིན་ཏུ་རིང་བར་བྱོས་ཤིག་ཅེས། །བསྒོ་ན་དེ་བཞིན་བྱེད་པར་འགྱུར། །དེ་བཞིན་རྐང་ལག་བཞིན་མདོག་བསྒྱུར། །རིང་བ་དང་ནི་སྐམ་པ་དང ། །མ་རུངས་པར་ནི་བྱོས་ཤིག་ཅེས། ། བསྒོ་ན་དེ་ཚེ་དེ་བཞིན་བྱེད། །དེ་བཞིན་རྣམ་པ་མང་པོ་དང ། །ཤིན་ཏུ་འཇིགས་པ་སྣ་ཚོགས་རྣམས། །དེ་བཞིན་ཞི་བྱེད་སྣ་ཚོགས་ཀྱིས། །འབྱུང་པོ་སྒྲུབ་པ་རྩེ་བར་འགྱུར།། མི་འདོད་ན་ཡང་མི་རྣམས་དང ། །འབྱུང་པོ་མང་པོས་མཐོང་མི་འགྱུར། །རིག་སྔགས་འཆང་ཆེན་བཞིན་དུ་འགྱུར། །གང་ཞིག་རིག་སྔགས་རྟག་ཏུ་བཟླས། །ལྷ་ལ་ཡང་ནི་ཕྱག་འཚལ་ཞིང ། །རྟག་ཏུ་འབྱུང་པོ་རྣམས་ལ་ཡང ། །ཁ་ཟས་ཅི་འདོད་སྦྱིན་བྱེད་པོར། །དེ་ནི་ལྷག་པར་བདེ་འགྱུར་ཞིང ། །ཚེ་ཡང་ལྷག་པར་བསྐལ་པར་ཐུབ། །འབྱུང་པོ་མང་པོའི་རྒྱལ་པོའི་མཆོག་།གཙོ་བོར་ཡང་ནི་འགྱུར་བ་དང ། །ལྷ་ཡི་རྒྱལ་པོ་འདྲ་བ་ཡང ། །རྐྱེན་དུ་བབ་པར་བཤད་པ་ཡིན། །རྡོ་རྗེ་ལྕགས་ཀྱུ་མའི་སྒྲུབ་པ་རྫོགས་སོ།། །། རྡོ་རྗེ་ལྕགས་ཀྱུའི་རིགས་ལ་ནི། །རིག་སྔགས་དོན་ཀུན་གྲུབ་བྱེད་པ། །ལྷ་མོ་མཆོག་འགྲོར་གྲགས་པ་འདི། །སེམས་ཅན་རྣམས་ཀྱིས་བསྟན་པར་བཤད། །ཟླ་བ་དྲུག་གིས་
Ma234a
༄#། །འགྲུབ་འགྱུར་ཏེ། །ཚིག་གིས་དོན་ཀུན་བྱེད་པར་བསྟན། །རྩི་སྨན་ཐམས་ཅད་བླངས་ནས་ནི། །སྲང་གཅིག་ངེས་པར་གཞག་པར་བྱ། །ན་མོ་རཏྣ་ཏྲ་ཡ་སྱ།་ན་མོ་བཛྲ་པཱ་ཎི་སྱ། བ་ཏི་བ་ར་ཏི། ཀུ་ཤ་སམྦ་ན་མ་ན་སེ། ཨ་ཏ་ར་ཏེ། བ་ཏེ། ཡེ་སཾ་རྩེ་བྷཱུ་ཏེ། ཨཏྟོ་ཐེ། རུ་པ་ཏི་ྀ་སྨྲི་མ་སཝཱཧཱ། སྐུ་གདུང་ལྡན་པའི་མཆོད་རྟེན་དྲུང ། །དུས་གསུམ་བཟླས་བརྗོད་བརྒྱད་བརྒྱ་བྱ། །གཙང་ཞིང་ཚངས་པར་སྤྱོད་པ་ཡིས། །ལྷ་བཤོས་མེ་ཏོག་བདུག་པ་དང ། །དེ་བཞིན་མཚན་མོ་མར་མེ་དང ། །མཆོད་པ་ཅི་ནུས་ཅི་དགའ་བྱ། །མཚམས་གཅད་ཕྱོགས་བཅིང་སྲུང་བ་རྣམས། །རྟག་ཏུ་རྡོ་རྗེ་ལྕགས་ཀྱུས་བྱ། །དེ་ལྟར་རྟག་ཏུ་བརྩོན་པ་ལ། །དེ་ནི་ཟླ་བ་དྲུག་གིས་འགྲུབ། །དེ་ནས་འདོད་ཆགས་ལ་སོགས་དང ། །སྨན་ཆེན་མཉམ་པར་འཇོག་པར་འགྱུར། །ནད་དང་སྨན་ཀུན་སྟོན་པ་དང ། །གཏམ་རྒྱུད་ཐམས་ཅད་སྨྲ་བར་འགྱུར། །སྒྲུབ་པ་པོ་ལ་ལེགས་ཉེས་རྣམས། །ཚིག་གིས་སྟོན་ཅིང་སྨྲ་བར་བྱེད། །གསང་སྔགས་དེའི་ཆོ་ག་ནི། འདི་ཡིན་ཏེ། རས་མ་ཉམས་པ་ལ་ཚོན་རྩི་སྤྱིན་མེད་པས་བཅོམ་ལྡན་འདས་དང ། ལག་ན་རྡོ་རྗེའི་སྐུ་གཟུགས་བྲིས་ཏེ། ལྷ་མོ་ཡང་བཅོམ་ལྡན་འདས་ཀྱི་ཞབས་ལ་འདུད་པར་བྱས་ནས་ཡར་གྱི་ངོ་ཚེས་གཅིག་ལ་བརྩམས་ཏེ།
Ma234b
ཟས་སུ་འོ་མ་དང ། ཕྱེའི་ལྡེ་གུ་ཟ་ཞིང་དུས་གསུམ་དུ་སྣ་མའི་མེ་ཏོག་བརྒྱད་བརྒྱ་ལ་ལན་རེ་རེ་བཟླས་བརྗོད་བྱས་པས་ལག་ན་རྡོ་རྗེ་ལ་བསྣུན་པར་བྱའོ། །བཅོམ་ལྡན་འདས་དང ། ལག་ན་རྡོ་རྗེ་ལ་མཆོད་པ་ཡང་རྟག་ཏུ་བྱས་ཏེ་མཇུག་ཏུ་ཞག་གསུམ་སྨྱུང་བར་བྱས་ནས་ཟླ་བ་ཉའི་ནུབ་མོ་བརྒྱད་སྟོང་གིས་བསྣུན་ལ་ཅི་འབྱོར་པས་མཆོད་ན་འགྲུབ་པར་འགྱུར་ཏེ། དོན་ཐམས་ཅད་སྟོན་པར་བྱེད་དོ། །གཞན་ཡང་ཚེས་བཅུ་གཉིས་ནས་བརྩམས་ཏེ་ཉའི་བར་དུ་གཙང་ཞིང་ངེས་པ་དང་ལྡན་པར་བྱས་ཏེ། རས་ལ་བཅོམ་ལྡན་འདས་དང ། ལག་ན་རྡོ་རྗེ་དང ། ལྷ་མོ་དང ། སྒྲུབ་པ་པོ་རྣམས་དགེ་བསྙེན་ལ་འབྲིར་བཅུག་སྟེ་སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་བཅོམ་ལྡན་འདས་ཀྱི་སྦྱན་སྔར་མཆོད་པ་བྱས་ནས་སྣ་མའི་མེ་ཏོག་བརྒྱད་བརྒྱ་ལ་ལན་བརྒྱད་བརྒྱ་སྔགས་ཀྱིས་བཏབ་ནས་ཕུང་པོ་ལྔར་བཅད་དེ། དེ་རྣམས་ལས་ཆ་གཅིག་བཅོམ་ལྡན་འདས་ལ་དབུལ་བར་བྱའོ། །ལྷག་མ་རྣམས་ནི། ཕྱོགས་བཞིར་གཏོར་བར་བྱའོ། །དེ་ནས་བཅོམ་ལྡན་འདས་ལ་ཕུལ་བ་དེ་དག་ལས་ཁ་ཅིག་བླངས་ཏེ་རས་དཀར་པོའི་ནང་དུ་ཕུར་ནས་སྔས་སུ་བཅུག་སྟེ་ཉལ་བར་བྱའོ། །འོ་མེ་དང ། ཕྱེའི་ལྡེ་གུ་དང་ཟས་དཀར་པོ་ཟ་ཞིང་མེ་ཏོག་དཀར་པོ་དང ། དྲི་དཀར་པོ་ཕུལ་ན། ཟླ་
Ma235a
༄#། །བ་ཉ་ལ་འགྲུབ་པར་འགྱུར་རོ། །དེ་ནས་གང་གི་ཉིན་པར་ཡང་རུང་སྟེ། ཆོ་ག་དེ་བཞིན་དུ་སྣ་མའི་མེ་ཏོག་བརྒྱད་བརྒྱ་ལ་ལན་བརྒྱད་བརྒྱ་བཟླས་བརྗོད་བྱས་ཏེ་མཆོད་པ་བྱས་ལ། ལྷག་མ་ཡང་དེ་བཞིན་དུ་གཏོར་ནས་ཉལ་ན། རྨི་ལམ་དུ་ཐམས་ཅད་སྟོན་པར་བྱེད་དོ། །ཆོ་ག་གསུམ་པ་ནི། མེ་ལོང་ལ་བསྒྲུབ་པར་བྱའོ། །མཆོག་འགྲོ་མའི་རིག་སྔགས་ཀྱི་ཆོ་ག་རྫོགས་སོ།། །།ན་མོ་རཏྣ་ཏྲ་ཡ་སྱ། ན་མཤྩཎྜ་བཛྲ་བྲ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ། ཨེ་ཧྱེ་ཧི་བཛྲ་པཱ་ཎི། ཨི་དཾ་བཱ་ཧ་ན།་མ་ནུ་སྨ་ར་ཤཱི་གྷྲཾ་མ་ན་ཙ་བ་ལ་ལི་ཏ་ག་ཏི། མ་ཧཱ་ཡཀྵ་སེ་ནཱ་པ་ཏི་བཛྲ་པཱ་ཎི། ཧེ་ཧི་ཧེ་ཧི་ཧེ་ཧི། ཧི་ཧི། ཧེ་ཀུ་རུ་ཧེ་ཀུ་རུ། ཀུ་ཀུ་ཀུ་ཀུ་།ཀུ་བཛྲ་པཱ་ཎི། ས་ར་ས་ར། བཻ་རི་བཻ་རི། ཧེ་ཧི་ཧེ་ཧི་ཧེ་ཧི། ཀུ་ཀུ་བྷ་ཀུ་ཀུ་བྷ། བཛྲ་པཱ་ཎི་སཝཱཧཱ། འདི་ནི། སྙིང་པོ་སྤྱན་དྲང་པའོ། །དེ་ལ་འདི་ནི། ལག་ན་རྡོ་རྗེའི་སྙིང་པོ་ཡིན་ནོ། །སརྦྦ་ཏྲ་ཨ་པ་ར་ཛི་ཏཾ། སརྦ་ཏྲ་ཨ་པྲ་ཏི་ཧ་ཏཾ། སརྦ་ཏྲ་ཨརྠ་སཱ་དྷ་ནཾ། ཨོཾ་ཛ་ཏེ་ཛོ་གྲཱ་མ་ཎཱཾ། སཝ་རཱུ་པ་མུ་པ་དཪྴ་ནཾ། ཀི་ལི་ཀི་ལི། མོ་ཀུ་ལ་ཤབྡཱ་རུ་ཏཾ་བཛྲ་ཏྱུ་ཏ་ཀ་ར་ཀྲི་ཏྱུ་ཀ་ར་ན་ར་ཎ་ཛ་ནཾ། ཨད་བྷཱ་ན་སིདྡྷི་པ་ར་མ་སིདྡྷི། བ་ཙ་ལཾ་ཙཎྜཾ། པི་ཏྲ། པ་ཀཾ་ས་ཀཾ་ར་ཀ་ར་ཏ་ཀ་རཾ་ཤཱཾ་ཏི་ཀ་རཾ། པུཥྚི་ཀ་རཾ། ས་བཱ་ནོ་པ་ར་དཪྵཾ། ཙ་ར་དཾ། སརྦྦ་ཀརྨྨ་ཨརྠ་སཱ་དྷ་ཀཾ་ཨཱ་ཀཪྵ་ཎཾ། བཛྲ་པཱ་ཎི་སྱ།
Ma235b
བོ་ལ་ལཱ་པ་ནཾ། བཛྲ་པཱ་ཎི་སྱ། ཧ་ས་པ་ནཾ། བཛྲ་པ་ཎི་སྱ། པ་ར་མ་ཧྲྀ་ད་ཡ། ཨི་དཾ་བཛྲ་པཱ་ཎི་སྱ། བཛྲ་པཱ་ཎི་ར་མ་ཧཱ་ཡཀྵ་སེ་ནཱ་པ་ཏི་ར་ཛྙཱ་པ་ཡ་ཏི་བཛྲེ་ཎ། ཧ་ན་ཏི། ད་ཧ་ཏི། པ་ཙ་ཏི་ཙྪིནྡ་ཏི། ཙྪིནྡ་ཏི། བི་དྲ་བ་ཡ་ཏི། ཨཱ་ལོ་ཀ་བི་ལོ་ཀཾ་ཀ་རོ་ཏི། ཧི་ལི་ནི། ལི་མི་ལི། ཨོ་ཨུ་ཧོ་ཨུ་བྷ་བཛྲ་པཱ་ཎི། ཧུ་རུ་ཧུ་རུ། སཾ་བཾ་བཛྲ་བཱཉྫ་ཡེ་དུཥྚན། ཧ་ན་ཧ་ན། ད་ཧ་ད་ཧ། པ་ཙ་པ་ཅེ།་གྲྀཧྣ་གྲྀཧྣ། བཾ་ཤྱཾ་ཀ་རོ་ཧ་ཧི་ལ་ཧ་ལཱ་ཡ་སཝཱཧཱ། ཧུ་ལུ་ཧུ་ལཱ་ཡ་སཝཱཧཱ། ཧི་ལི་ཧི་ལཱི་ཡེ་སཝཱཧཱ། ཀ་ལ་ཀ་ལཱ་ཡེ་སཝཱཧཱ། ཀུ་ལི་ཀུ་ལཱུ་ཡེ་སཝཱཧཱ། ཀཱི་ལི་ཀཱི་ལ་ཡེ་སཝཱཧཱ། ཀི་ལི་ཀི་ལཱ་ཡ་སཝཱཧཱ། ད་ཡ་མ་ན་སྨ་ར་བཛྲ་པཱ་ཎི། མ་ཧཱ་ཡཀྵ་སེ་ནཱ་པ་ཏི་ས་མ་ཡ་པྲ་ཏི་གྲྀཧྞ་ཧུ་ཏེ་ཧུ་ཏིཾ་དྷཱུ་པ་པཱ་ཤ་གནྡྷ་མ་ལྱཾ་ཙ་ར་སཝཱ་མ་ཏུ་ཏྭ་ས་མ་ཡཾ་བྱ་ཏ་ཀྲ་མ་མཱད་མ། ས་མ་ཡོ་བི་ཤུདྡྷི། ཧི་ལི་ཧི་རི་ན་ཨི་ལཾ།་ཀུ་རུ་ཀུནྡུ་པྲ་ད་ཤཀྟོ་སྨིན་དུ་རུ་མེ་ཧ་ར་བ་རཱ་ཧི་རི་ལི། ནི་ལི་བཛྲ་པཱ་ཎི། ཏི་ལི་ཏི་ལི། བ་ཤི་མ་ནུ་བརྟ་ཧི་རི་ཎི། ནི་རི་ཎི་ས་མ་ཡཱ་ནུ་བརྟ་ཧི་རི་མི་རི་ཨི་བཱ་ཧཾ་ཡ་ནི། སཏྭཾ་བཛྲ་པཱ་ཎི་མ་མ་ཧི། སཝ་ཡ་མུ་པ་ཏཥྛི་སཝཱཧཱ། འདི་ནི། དེའི་བདུག་པའི་སྔགས་སོ། །ལི་ཧི་ལི་ཧི་པི་ལི་ཏུ་ཨུ་བྷྱོ། ཨུ་བྷ། ཧུ་རུ་ཧུ། བྷཉྫ་བྷཉྫ་བ་ཤྱེ་མེ་ཀ་རོ་ཧཾ་དི་སཝཱཧཱ། ལག་ན་རྡོ་རྗེ་ཕྱག་འཚལ་བཅས། །རྩེ་མོ་ཅན་ཞེས་བྱ་བ་ཡི། །སྙིང་པོ་འདི་ནི་འཇིག་རྟེན་གྲགས། །དེ་ན་འདོད་རྒུར་སྒྲུབ་པ་ཡི། །གང་ཞིག་དངོས་གྲུབ་མཆོག་འདོད་ཅིང ། །འདི་ཡི་སྒྲུབ་པའི་
Ma236a
༄#། །དོན་ཤེས་པ། །དེས་ནི་རྡོ་རྗེ་སྒྲུབ་པའི་མཆོག་།ཡ་མཚན་འདི་ནི་བསྒྲུབ་པར་བྱ། །དེ་ནས་རིམ་པ་ཇི་བཞིན་དུ། །བདག་གིས་ལེགས་པར་བཤད་པར་བྱ།། དམ་པའི་དོན་གྱི་རྗེས་མཐུན་པ། །ཐུབ་ལ་སྤྱི་བོས་ཕྱག་འཚལ་བ། །གསེར་རམ་ར་གན་ཟངས་ལ་སོགས། །ཡང་ན་ཙནྡན་དམར་པོ་ལས། །རྡོ་རྗེ་རྩེ་མོ་བརྒྱད་པ་འམ། ། ཡང་ན་རྩེ་མོ་བཞི་པར་བྱ། །སོར་གསུམ་ཡང་ན་དྲུག་གམ་བརྒྱད། །ཡང་ན་སོར་ནི་བཅུ་གཉིས་པ། །ཟུར་བརྒྱད་ཤིན་ཏུ་རྫོགས་པ་འམ། །ཡང་ན་ཟུར་ནི་དྲུག་ཏུ་བྱ། །དེ་ནས་དགོན་པའམ་རང་གི་ཁྱིམ། །གཙང་ཞིང་མཉམ་པའི་ས་ཕྱོགས་སུ། །བ་ལང་ལྕི་བས་དཀྱིལ་འཁོར་བྱུག་།སྐུ་གདུང་མཆོག་དགའ་གཙང་མ་ཡིས། །དེ་ཡི་སྟེང་དུ་དྲི་ཞིམ་པའི། །སྤོས་ཀྱི་དཀྱིལ་འཁོར་བྱུག་པར་བྱ། །ཡུངས་ཀར་ཕུལ་ཐག་བཞི་རྣམས་ཀྱང ། །དབུས་དག་ཏུ་ནི་གཞག་པར་བྱ། །དེ་ཡི་སྟེང་དུ་རྡོ་རྗེ་དེ། །དྲི་དང་མེ་ཏོག་ཕྲེང་བས་བརྒྱན། །རྟག་ཏུ་ཡང་ནི་དུས་གསུམ་དུ། །མཆོད་པ་རྣམ་པ་སྣ་ཚོགས་བྱ། །ཙམ་པ་ཀ་དང་ཙམ་པ་ཀའི། །མེ་ཏོག་སྣ་མའི་མེ་ཏོག་རྣམས། །ཡིད་དུ་འོང་བས་སངས་རྒྱས་དང ། །རྡོ་རྗེ་འཛིན་པ་ངེས་པར་མཆོད། །དུ་རུ་སྐ་དང་ཨ་ག་རུ། །བདུག་པའི་མཆོག་ནི་རྟག་ཏུ་བསྲེག་།སྐུ་གཟུགས་ཆོ་ག་བཞིན་བྲིས་
Ma236b
ལ། །ཆོ་ག་འདི་ནི་བྱ་བ་སྟེ། །སངས་རྒྱས་གསེར་གྱི་ཁ་དོག་འདྲ། །སངས་རྒྱས་ཐད་ན་གནས་པ་ཡི། །ལག་ན་རྡོ་རྗེ་གཡོན་ཕྱོགས་བྲི། །རྒྱལ་པོ་བཞིན་དུ་བརྒྱན་བྱ་ཞིང ། །ཧ་ཅང་དམར་བར་མི་བྱ་སྟེ། །སྐུ་གཟུགས་ནུབ་ཕྱོགས་ལོགས་སུ་བསྟན། །ཤེས་རབ་ཅན་གྱིས་ཆོ་ག་འདི། །བྱ་སྟེ་དེ་ནི་རིམ་བཞིན་བཤད། །དང་པོ་ཡང་ནི་ཚེས་གཅིག་བརྩམས། །ངེས་པར་གནས་ཤིང་གཙང་བ་ཡིས། །ཁྲུས་ནི་བ་ལང་ལྕི་བ་དང ། །བ་གཅིན་བ་ཙགས་པས་དུས་གསུམ་བྱ། །མདུན་དུ་རྟག་ཏུ་གོས་ཕྲུགས་ནི། །བདུག་པས་རབ་ཏུ་བདུགས་པ་བགོ་།ཙམ་པ་ཀ་དང་ཙམ་ཀ་ཡི། །མེ་ཏོག་རྣམས་ཀྱིས་རྟག་ཏུ་མཆོད། །སྣ་ཚོགས་དྲི་དང་མེ་ཏོག་ཕྲེང ། །མཛེས་ཤིང་ཡིད་དུ་འོང་བས་མཆོད། ། ལན་གྲངས་བརྒྱད་བརྒྱར་བཟླས་བརྗོད་བྱ། །དུ་རུ་སྐ་དང་ཨ་ག་རུ། །བསྲེག་ཅིང་མར་མེ་གཉིས་ཀྱང་དབུལ། །རྟག་ཏུ་འཆི་བར་མི་བྱ་སྟེ། །དེ་བཞིན་མར་གྱི་མར་མེ་གཞན། །ཉིན་གཅིག་བཞིན་དུ་བསྐྱེད་པར་བྱ། །དེ་ཚེ་འོ་མའི་ལྡེ་གུ་རྣམས། །ཟ་ཞིང་མཉམ་པར་བཞག་པ་དང ། །གསོ་སྦྱོང་ཡན་ལག་བརྒྱད་ལྡན་པས། །ཚེས་ནི་བཅུ་གཉིས་པར་དུ་ཡང ། །རྟག་ཏུ་ཀུ་ཤའི་མལ་སྟན་འདུག་།དེ་ནས་ཞག་གསུམ་སྨྱུང་བྱས་ནས། །ཟླ་བ་ཉ་ལ་ཆོ་ག་བཞིན། །དཔེ་མེད་པ་ཡི་མཆོད་པ་བྱ། །དེར་ནི་ཚོན་
Ma237a
༄#། །རྩི་སྣ་གསུམ་གྱིས། །གྲོང་ཁྱེར་དག་ཀྱང་བྲི་བར་བྱ། །གྲུ་བཞི་ལྷམ་པ་སྒོ་བཞིར་ལྡན། །ཕྱོགས་ཆ་ལེགས་པར་གཅད་བྱ་ཞིང ། །མཉམ་བྱས་དེ་ཡི་ནང་དག་ཏུ། །ལྷ་བཤོས་དཀར་པོ་དཔེ་མེད་དབུལ། །ཕྱི་རིལ་དུ་ཡང་སྣ་ཚོགས་པ། །ཅི་འདོད་ཐམས་ཅད་གཞག་པར་བྱ། །དེ་ནས་ཀུ་ཤའི་སྟན་འདུག་ཅིང ། །སྲུང་བྱས་ཆོ་ག་ཤེས་པ་དེས། །རྡོ་རྗེ་འབར་བར་གྱུར་གྱི་བར། ། ག་རུ་དང་དུ་རུ་ཀ་།བསྲེག་ཅིང་དགའ་བཞིན་བཟླས་བརྗོད་བྱ། །ཉི་མ་ལས་ལྷག་དེ་ཡི་གཟི། །རྡོ་རྗེ་དེ་ནི་ལེགས་པར་བླང ། །ཅིས་ཀྱང་མི་འཇིགས་མཁའ་ལ་འགྲོ་།རིག་སྔགས་གྲུབ་པའི་སྟོབས་དང་ལྡན། །རིག་སྔགས་བདག་པོ་ཐམས་ཅད་དང ། །ལག་ན་རྡོ་རྗེ་རིགས་སྐྱེས་པའི། །རིག་སྔགས་ཚོགས་ནི་ཀུན་གྱིས་མཆོད། །དོན་མང་དག་ལ་བརྟེན་བྱ་ཞིང ། །རྣམ་པ་མང་དུ་ཅི་ཞིག་སྨོས། །ལག་ན་རྡོ་རྗེ་མཉམ་འགྱུར་ཏེ། །འདི་ལ་ཐེ་ཚོམ་ཅི་ཡང་མེད། །དེ་ནས་དགའ་བ་མ་ཡིན་པའི། །ལས་དེ་དག་ཀྱང་འདིར་བྱ་སྟེ། །དེ་དག་གི་ནི་མདོར་བསྟན་པ། །སྙིང་པོ་བསྡུས་པ་བཤད་པར་བྱ། །གང་ཞིག་མི་ཡི་གཙོ་བོ་འམ། །བློན་པོ་དབང་དུ་བྱ་འདོད་དེས། །དེ་ཡི་སྒྲུབ་པ་གང་ཡིན་པ། །འདི་ཡང་རབ་ཏུ་བཤད་པར་བྱ། །ཞག་བདུན་གཙང་མར་བྱས་ནས་ནི། །ནས་ཀྱི་ཟས་
Ma237b
ནི་དུས་སུ་བཟའ། །དེ་ནས་སེང་ལྡེང་མེ་བསངས་ལ། །ཡམ་བསྲེག་ཤིང་དང་སྦྲང་རྩི་ཞོ། །མར་བླངས་བརྒྱད་བརྒྱ་ཚང་བར་ནི། །དུས་གསུམ་དུ་ཡང་སྦྱིན་སྲེག་བྱ། །དུས་ཀྱི་ལྷག་མ་རྟག་ཏུ་བཟླས། །ལན་གསུམ་ཁྲུས་བྱས་ངེས་པར་གནས། །དབང་དུ་བྱ་འདོད་གང་ཡིན་པ། །དེ་དང་ཡང་ནི་ཕྲད་པར་བྱ། །དེ་ཡི་མིང་ནི་སྨོས་པས་ཀྱང ། །དེ་ནི་བྲན་བཞིན་དབང་དུ་འགྱུར། །མི་ནི་གང་ཞིག་བྲན་མོར་འདོད། །དེས་ནི་ནོར་གྱི་ཚད་བསམ་ལ། །དེ་ཡི་སྒྲུབ་མཆོག་འདི་བྱ་ཞིང ། །ལན་གསུམ་ཁྲུས་བྱ་བིལ་བ་ཡི། །བདུག་པ་མར་དང་ལྡན་པ་བསྲེག་།དེ་ནས་ལག་ན་རྡོ་རྗེའི་མདུན། །དེར་ནི་བ་ལང་ལྕི་བའི་མེར། །སྔར་བཤད་པ་ནི་གང་ཡིན་པའི། །སྦྱིན་སྲེག་མཉམ་པར་བཞག་པས་བྱ། །ཡང་ན་བིལ་བའི་སྦྱིན་སྲེག་ནི། །མར་དང་ཡུངས་ཀར་ལྡན་པ་འམ། །ཡུངས་ཀར་མར་དང་ལྡན་པའང་རུང ། །ཡང་ན་མར་ལྡན་པིལ་བ་འམ། །མར་དང་ཡུངས་ཀར་ལྡན་པ་ཡི། །སྦྲང་རྩི་བཟང་པོ་བིལ་བར་ལྡན། །ཡང་ན་རེ་རེ་སྦྱིན་སྲེག་མཆོག་།བརྒྱ་རྩ་བརྒྱད་དུ་བྱ་བ་སྟེ། །སེང་ལྡེང་ཡམ་བསྲེག་ཤིང་བཟང་གིས། །དུས་གསུམ་དུ་ནི་རྣམ་གསུམ་བྱས། །ཕྱེ་དང་བ་གཅིན་ལྡེ་གུ་དང ། ། ཕྱེ་དང་འོ་མའི་ལྡེ་གུའང་རུང ། །དུས་གསུམ་བཟའ་ཞིང་ཡང་ན་ནི། །མི་སྨྲ་མི་བཟའ་རིག་སྔགས་བཟླས། །ཡང་ན་སྦྱིན་སྲེག་ཡིད་ཀྱིས་བྱ། །གཙང་ཞིང་བརྩོན་པར་
Ma238a
༄#། །གནས་པ་དེས། །ནོར་ནི་ཡིད་ལ་གང་འདོད་པ། །ཞག་བདུན་གྱིས་ནི་ཐོབ་པར་འགྱུར། །ཟླ་ཕྱེད་ཡང་ན་ཟླ་བ་གཅིག་།ཡང་ན་ཟླ་བ་ཕྱེད་གསུམ་གྱིས། །རྣམ་པ་ཀུན་གྱི་ཐབས་རྣམས་ཀྱི། །འདོད་པ་ཐམས་ཅད་མ་ལུས་སྦྱིན། །ཡང་ན་གདོན་གྱི་ལས་རྣམས་འདིར། །སྦྱིན་སྲེག་བཟླས་བརྗོད་བརྩོན་པ་དང ། །གཙང་ཞིང་དམ་ཚིག་མཁས་པ་ཡིས། །ཐམས་ཅད་རབ་ཏུ་འགྲུབ་པར་འགྱུར། །རྩེད་མོ་ཅན་གྱི་སྙིང་པོ་རྫོགས་སོ།། །།དེ་ནས་གཏུམ་པོའི་སྙིང་པོའི་ཆོ་ག་རྒྱས་པར་བཤད་པར་བྱའོ། །ན་མཿ ཙི་ལི་ཙི་རི་ཎི། ཨི་ལི་ཀུ་རུ་ཧད་ཏི་པྲ་སིདྡྷ་བྷ་ག་ཏོ་སྨི་ཀུ་རུ་མེ་ཧ་བ་རཾ་ཀི་ལི་བི་ལི། ཧི་རི་ཎི་སུ་རུ་ཀུ་རུ། ས་མ་ཡ་མ་ནུ་བརྟ་ཧྲྀ་ད་ཡེ་སཝཱཧཱ། སྙིང་པོ་དྲན་པར་བྱེད་པའི་ཚིག་འདི་དག་གང་དུ་བརྗོད་པ་དེར་དགའ་བར་གྱུར་ནས་ལས་ཐམས་ཅད་བྱེད་པར་འགྱུར་རོ། །ན་མཿ ཀཱི་ལི་ཀཱི་ལཱ་ཡ་སཝཱཧཱ། མ་ཧཱ་ཀཱི་ལི་ཀཱི་ལ་ཡ་སཝཱཧཱ། ཀྲོ་དྷ་ཀཱི་ལི་ཀཱི་ལ་ཡ་སཝཱཧཱ། ཙཎྜ་ཀཱི་ལི་ཀཱི་ལ་ཡ་སཝཱཧཱ། དེ་བ་ཏི་ཀཱི་ལི་ཀཱི་ལ་ཡ་སཝཱཧཱ། བཛྲ་ཀཱི་ལི་ཀཱི་ལ་ཡ་སཝཱཧཱ། བཛྲ་དྷ་རཱ་ཡ་སཝཱཧཱ། བཛྲ་མོ་ཏ་ནཱ་ཡ་སཝཱཧཱ། བཛྲ་སྟཾ་བྷ་ཡ་སཝཱཧཱ། བཛྲ་པྲ་བཾ་དྷ་ནཱ་ཡ་སཝཱཧཱ། ཨི་ཧི་སྟི་བཛྲ། ཨེ་ཧི་སུ་སྟི་བཛྲ། ཨེ་ཧི་པྲ་ཏི་ར་བཛྲ། ཨེ་ཧི་ཨ་པྲ་ཏི་ཏ་ཧ་བཛྲ། ཨེ་ཧི་ཨ་མོ་གྷ་བཛྲ། ཨེ་ཧི་ཤི་གྷྲཾ་ནི་ལ་བེ་ག་བཛྲ། མ་ཧཱ་ཡཀྵ་སེ་ནཱ་
Ma238b
པ་ཏི།་བཛྲ་པཱ་ཎི། མུ་ནེ་མུ་ནེ་མུ་ནེ། རེ་མ་ཏི། མ་ཧཱ་མ་ཏི། སུ་མ་ཏི། ཨེ་ཧི་པ་ནི་ཏི་ལི། སཽ་ཧཾ་དི་ལི་པིར་ཏྭ་མ་ཏི་ཏོ་ནི་ར་ཏི་ཏི། ཀུ་ལ་ཏི་ལི། ཤི་ལི། ཙ་ར་དི་མོ་ཧ་ཏེ་ཀུ་ཅིང་ཐ་མརྟེ།་སུ་བུ་རུ་བུ་རུ། ཁུ་ཁུ་ཏི། ཁུ་ད་ལི་ཏི་ལི་ཏི་རི། ཨེ་ཧི་ཤཱི་གྷྲཾ་བཛྲ་པཱ་ཎི། མ་ཧཱ་ཡཀྵ་སེ་ནཱ་པ་ཏི། ཨི་དཾ་གནྡྷ་མ་ལེ། ཨ་ནུ་ལེ་པ་ན་མཿ པྲ་ཏི་ཙྪ་ཀུ་ཏི་ཀུ་ཏི་ཀུ་ཏི་སཝཱཧཱ། ཀུ་དི་བི་རི་བི་རི་ཏི་སཝཱཧཱ། བི་ཏི་མཾ་ཀུ་ཏི་ལ་སཝཱཧཱ། ཨ་ར་ལི་ས་ར་ཤ་ལི། ཙི་རི་ལི་ས་ར་ལི་གི་རི་ནི། བརྨ་ལི་ནི་སི་ལི་ཏི། པུརྞ་ཀུརྞ། སརྦ་དུརྦ་ཏུ་ཀུཏྟ། མུཏྟ། ནརྦ་བརྦ་བལྦ་རམྦ་ཧ་ཧཝ། ཨེ་ཧི་ཨེ་ཧི། ཤཱི་གྷྲཾ་བཛྲ་པཱ་ཎི། ཧེ་ཧེ་ཧཻ་ཧཻ་ཧེ། ཏུ་རུ་ཏུ་རུ། ལ་ཧཱུཾ་ལ་ཧཱུཾ་སཝཱཧཱ། སྨ་ར་ཧ་ན་མི་ཏི་རི་ཏི། དི་རི་རི་ཏི་ལི་པུ་སཝཱཧཱ། ཀུ་ཁུ་ལུ་ཏུ་ཀུ་ཀ་ཏི་ལུ་ཏི་ལི་རི་སཝཱཧཱ།་ཨེ་ཧི་ཏྲི་མ་ཧཱ་ཡཀྵ་སེ་ནཱ་པ་ཏི་ཧི་རི། ཏི་ལི་བི་ཏི། རི་ལི་གི་ནི། ནི་ར་ཛནྟུ་བི་རི་ཛ་ཡནྟུ་རི་ཀིནྟ་རངྒ་ཙུ་རུ་ཙུ་རུ། ཙི་རི་ཏི་རི་སཝཱཧཱ། ནརྦ་ཤརྦ་བ་བ་ཀུ་ཀུ་ལུ། ཁུ་ཁུ་ལུ།་ཁུ་ཁུ་ཏི་ནི། རུ་རུ་ཏ་རུ། སྨ་ར་ཏཾ། པྲ་ཏི་ཛཱ་ཡ་སཝཱཧཱ། ལག་ན་རྡོ་རྗེ་གཏུམ་རབ་གཏུམ། །ང་ཡི་སྙིང་པོ་གཉིས་པ་ནི། །གཏུམ་ཞིང་རབ་གཏུམ་ལས་ཡིན་ཏེ། །མིང་ཡང་གཏུམ་པོ་ཞེས་པར་གྲགས། །གཏུམ་པོ་རྡོ་རྗེ་འཛིན་པ་ཡི། །སྙིང་པོ་གཏུམ་པོ་འདི་དག་ནི། །ཉེས་པ་ཞེས་ནི་བྱ་བ་བསྟན། །ལས་རྣམས་ལ་ནི་ཟླ་ཕྱེད་དེ། །དམ་པ་
Ma239a
༄#། །རྣམས་ཀྱི་ལས་ཀུན་མཆོག་།གདོན་ལ་སོགས་པའི་སེམས་ཅན་དང ། །འགུགས་པའི་མཆོག་ལ་སོགས་པ་དང ། །སྲུང་བ་ལ་སོགས་དཔེ་མེད་པ། ། འདི་ཡི་ལས་ནི་སྟོང་རྣམས་དང ། །ཆོ་ག་ཆེན་པོ་བརྒྱད་རྣམས་ཀྱང ། །ལྷ་གནས་མཐོང་བར་ངེས་པར་ནི། །བཟླས་བརྗོད་སྦྱིན་སྲེག་རྣམས་ཀྱིས་བྱ། །ལ་ལ་གང་ཞིག་རྡོ་རྗེ་འཛིན། །མངོན་སུམ་མཐོང་བར་འདོད་ན་ནི། །ང་ཡི་སྒྲུབ་པའི་ཐབས་འདི་དག་།སྤྱན་འདྲེན་མཆོག་འདི་དེ་ཡིས་བྱ། །དུས་གསུམ་བ་ལང་ལྕི་བས་བསྐུས། །ལས་ཀྱང་དག་ཅིང་སེམས་དག་དང ། །རྡོ་རྗེ་འཛིན་ལ་གུས་པ་དང ། །རྐང་ལག་ལ་སོགས་བཀྲུས་ནས་ཀྱང ། །དགོན་པའམ་རང་གི་ཁྱིམ་ཡང་རུང ། །གཙང་མའི་ཕྱོགས་སུ་མཆོད་རྟེན་ནམ། །སྐུ་གཟུགས་ཡང་ན་སྐུ་གདུང་གི་།མདུན་དུ་རྟག་ཏུ་མཉམ་པར་གཞག་།མི་ནི་གཙང་སྦྲར་སྤྱོད་པ་ཡིས། །བདུག་པ་མེ་ཏོག་ལ་སོགས་པ། །མཆོག་དང་ཁྱད་པར་འཕགས་པ་ཡིས། །དུས་གསུམ་རྟག་ཏུ་མཆོད་པར་བྱ། །དེ་ལ་རབ་སྤྲོ་དེ་ལ་གུས། །སྲོག་ཀྱང་དེ་ལ་བསྟན་བྱས་ནས། །ལག་ན་རྡོ་རྗེ་གཟུགས་ཀྱང་རུང ། ། ཇི་སྐད་བསྟན་བཞིན་རི་མོར་བྲི། །དྲི་དང་ཕྲེང་བ་བྱུག་པ་ཡིས། །རྟག་ཏུ་དེ་ལ་མཆོད་པར་བྱ། །མར་དང་ལྡན་པས་དུས་སུ་བཟའ། །སྦྲང་རྩི་འོ་ཐུག་བཟའ་བར་བྱ། །
Ma239b
རི་མོའི་སྐུ་གཟུགས་ནུབ་ཕྱོགས་བསྟན། །རྟག་ཏུ་ཤར་ཕྱོགས་ཁ་བལྟ་འདུག་།མར་གྱི་མར་མེ་མི་འཆི་བས། །ཉིན་པར་མཆོད་པ་ལེགས་པར་བྱ། །ཆོ་འཕྲུལ་གྱི་ནི་ཟླ་ཕྱེད་དམ། །ཡར་གྱི་ངོ་ཡི་ཚེས་བརྒྱད་ལ། །བརྩམས་ཏེ་བརྒྱད་སྟོང་བཟླས་བརྗོད་བྱ། །ཡང་ན་ཉིན་རེ་དུས་གསུམ་དུ། །ལན་གྲངས་བརྒྱད་བརྒྱར་བཟླས་བརྗོད་བྱ། །ཐང་ཆུ་ཡང་ནི་བསྲེག་པར་བྱ། །དང་ཞིང་རྩེ་གཅིག་སེམས་ཀྱིས་ནི། །སྲུང་བའི་མཆོག་བྱས་བཟླས་བརྗོད་བྱ། །ཟླ་བ་ཕྱེད་ནི་ལོན་ནས་ཀྱང ། །དེས་ནི་ཞག་གསུམ་སྨྱུང་བ་བྱས། ། མཆོད་པ་ལ་སོགས་ཀུན་རྒྱས་ཤིང ། །ཤིན་ཏུ་མང་པོར་བྱས་ནས་ཀྱང ། །འདོད་པ་ཡིས་ལ་གཞག་བྱ་ཞིང ། །དེ་ནས་གུས་པ་མཆོག་གིས་སུ། །ོཾ་ནི་ཚིག་སྟོང་བཟླས་བརྗོད་བྱ། །དེ་ནས་རྡོ་རྗེ་ཅན་ཡང་མཐོང ། །དེ་ལ་མཆོད་སྦྱིན་གཙོ་བོ་དེ། །དམ་པའི་མཆོག་ནི་སྦྱིན་པར་བྱེད། །སྒྲུབ་པའི་ཆོ་གས་སྤྱན་དྲངས་ནས། །མཆོད་སྦྱིན་མཆོག་ལ་ཅི་འདོད་སྨོས། །ཚིག་གིས་གང་དང་གང་བརྗོད་པའི། །སྒྲུབ་པའི་དམ་པ་ཐོབ་པར་འགྱུར། །དེ་ཡི་སླར་གཏང་ཆོ་ག་དེ། །རྣམ་བ་ཐམས་ཅད་བཤད་པར་བྱ། །དེས་ནི་ཕྱག་དང་མཆོད་པ་དང ། །མཆོད་ཡོན་མེ་ཏོག་ལ་སོགས་དབུལ། །འདོད་པའི་རིག་སྔགས་ལན་གཅིག་བརྗོད། །དེ་ནས་རྡོ་རྗེ་འཛིན་པ་འགྲོ་།ན་མཿ ཧི་ལི་ཧུ་ལ། ནི་ལི་ཧུ་ལ།
Ma240a
༄#། ། ཧ་ཧ་ཧ་ཧ་ཧ། ས་པྲ་ཏི་གཙྪ་ཏུ་བྷ་ག་བཱཾ་བཛྲ་པཱ་ཎི་རེ་ཐ་སུ་ཁཾ་ཙུ་ལུ་ཙུ་ལུ་སཝཱཧཱ། འདི་ནི་གཅིག་གམ་གསུམ་དུ་བརྗོད། །ལྔ་འམ་བདུན་ནམ་ཉི་ཤུ་གཅིག་།བརྒྱ་འམ་ཡང་ན་བརྒྱད་བརྒྱ་འམ། །ལན་སྟོང་ཆོ་ག་བཞིན་དུ་བརྗོད། །འབྱུང་པོའི་གནས་སམ་གཞན་དག་ཏུ། །རྡོ་རྗེ་དང་ནི་ལྷ་ཡི་མདུན། །དྲི་ཀུན་གྱི་ནི་སྦྱོར་བ་དང། །བཅིང་དང་གྲོལ་ལ་བཟླས་བརྗོད་བྱ། །དགུག་དང་སླར་གཏང་ཐམས་ཅད་དང ། །བཅིང་དང་གྲོལ་བ་ཐམས་ཅད་ལ། །དེར་ནི་ལན་གཅིག་བརྗོད་པར་བྱ། །དེས་ན་རྡོ་རྗེ་འཛིན་པ་འགྲོ། །འདི་ནི་རྩེད་མོ་ལྡན་པ་ཡིན། །སྒྲུབ་དང་སླར་གཏང་བ་ཡང་ཡིན། །འདི་གཉིས་ལ་ནི་ཁྱད་པར་དུ། །དབྱེ་བར་བྱ་བ་མང་པོ་ཡོད། །གང་གིས་རྟག་ཏུ་གཙལ་བྱས་ལ། །ལོ་གཅིག་པར་དུ་དུས་གསུམ་དུ། །བཟླས་བརྗོད་རྣམ་པ་གསུམ་བྱས་ན། །དེ་ཡིས་བདེ་བར་འདོད་པ་འཐོབ། །གང་ཞིག་ཟླ་དྲུག་སྒྲུབ་བྱེད་ཅིང ། ། བཟླས་བརྗོད་ཉི་ཤུ་རྩ་གཅིག་བྱེད། །ལེགས་བྱས་དེ་ནི་མཁའ་ལ་རྒྱུ། །འབྲིང་དང་ལྷག་མ་ཉིད་དུ་འགྱུར། །གང་ཞིག་ཟླ་གསུམ་བཟླས་བརྗོད་བྱེད། །ཡང་ན་ཡིད་ཀྱིས་སྦྱིན་སྲེག་ལས། །བྱས་ན་ཆོ་ག་འདི་དག་གིས། །དེ་ལྟར་དེ་ཡང་འགྲུབ་པར་འགྱུར། །ཟླ་བ་ཕྱེད་གསུམ་ཟ་གཅིག་ཟོས། །དེས་ནི་དངོས་གྲུབ་ཐ་མ་འམ། །འབྲིང་དང་ཁྱད་
Ma240b
པར་འཕགས་པ་ཐོབ། །ཁྱིམ་གྱི་དོན་རྣམས་གྲུབ་བྱེད་ཅིང ། །ནད་རྣམས་ཀྱང་ནི་སེལ་བར་བྱེད། །དོན་རྣམས་ཇི་སྐད་བཤད་པ་བཞིན། །དེ་དག་ཐམས་ཅད་རབ་ཏུ་འགྲུབ། །ཟླ་བ་གཅིག་ཏུ་བཟླས་བརྗོད་བྱེད། །འོ་ཐུག་སྦྲང་རྩི་མར་བཅས་བཟའ། །དུས་གསུམ་བརྒྱད་བརྒྱ་བཟླས་པས་ནི། །གསུམ་བརྗོད་མཁའ་ལ་འགྲོ་བར་འགྱུར།། ལེགས་པར་མ་བྱས་དོན་ལ་སོགས། །དོན་རྣམས་ཐམས་ཅད་འགྲུབ་པར་འགྱུར། །བཅིང་དང་དགྲོལ་བ་ཐམས་ཅད་དམ། །སྒྲུབ་པའམ་གཞིག་པ་བཅད་པར་བྱེད། །ཟླ་ཕྱེད་ནས་ཀྱི་ཁ་ཟས་ཟོས། །གདོན་གྱི་ལས་རྣམས་བྱེད་པར་ནུས། །བ་གཅིན་ནས་ཀྱི་ཁ་ཟས་ཟོས། །དོན་རྣམས་ཐམས་ཅད་འགྲུབ་པར་ནུས། །ཞག་བདུན་དུ་ནི་དུས་གསུམ་དུ། །དེ་བཞིན་བརྒྱད་བརྒྱ་བཟླས་བརྗོད་བྱས། །དབང་དུ་བྱ་དང་བཅིངས་ལ་སོགས། །གསད་པར་ཡང་ནི་ནུས་པར་འགྱུར། །གང་ཞིག་ཞག་ལྔར་ཟས་མི་ཟ། །ཉིན་གཅིག་བཞིན་དུ་བཟླས་བརྗོད་བྱེད། །དེས་ན་མོ་རྣམས་གཞིག་པ་འམ། །དགྲོལ་དང་དབང་དུ་བྱ་བར་ནུས། །ཞག་གསུམ་བར་དུ་དུས་གསུམ་དུ། །གང་ཞིག་སྦྱིན་སྲེག་རྣམ་གསུམ་བྱེད། །ལྷག་མའི་དུས་སུ་ཁྲོས་ནས་བཟླས། །དེས་ནི་གཞན་ཡང་གཞིག་པར་ནུས། །དྲག་པོ་ཡི་ནི་ལས་བྱེད་ན། །ཞག་གཅིག་སྨྱུང་བྱས་དུར་ཁྲོད་དུ། །ཁྲག་གི་སྦྱིན་སྲེག་
Ma241a
༄#། །བྱས་ན་ནི། །དེས་ནི་གདོན་དང་མི་རྣམས་གཞིག་།དེ་དག་བསྒྲུབ་པར་བྱ་བའི་ཕྱིར། །དང་པོར་ཞག་གསུམ་སྨྱུང་བྱས་ནས། །མར་གྱི་ངོ་ནི་བཅུ་བཞི་ལ། །སུམ་བརྒྱ་ལྔ་བཅུ་གཙང་མས་བཟླས། །སྔར་བསྟན་འདི་དག་བྱས་ན་ནི། །དེ་ནས་ངེས་པར་གཉིས་ཀས་ཀྱང ། །ཚིག་གིས་གང་དང་གང་སྨྲས་པ། །བསམ་པའི་ལས་ནི་བྱེད་པར་འགྱུར། །དེ་ལྟར་རྩེད་མོ་ལྡན་པ་ཡི། །དཀྱིལ་འཁོར་སྙིང་པོ་མཆོག་ཀྱང་བཤད། །འགྲོ་ལྡིང་སྙིང་པོ་གསུམ་པ་ཡང ། །ཆོ་ག་དག་དང་བཅས་པར་ནི། །ལས་ཀྱི་དམ་པ་ཐམས་ཅད་དང ། །དེ་བཞིན་འབྲིང་དང་ཐམ་ལ། །རྡོ་རྗེ་རྫོགས་པར་ཁྲུ་གང་སྲིད། །རྩེ་གསུམ་ཡོངས་སུ་དག་པའི་མཆོག་།ཡང་ན་རྩེ་དྲུག་དམ་པ་ནི། །དེ་ཀུན་གྱིས་ནི་བྲི་བར་བྱ། །སུས་མཆོད་རྡོ་རྗེ་རིག་སྔགས་ཀྱིས། །རྡོ་རྗེ་དེ་ནི་སྤྱན་ཡང་དྲང ། །མེ་ཏོག་དམ་པ་མ་ཉམས་པ། །ལག་པ་གཡོན་ཐོགས་ལེགས་པར་མཆོད། །ལག་ན་བདུག་ཐོགས་པུས་མོ་བཙུགས། །དེས་ནི་རིག་སྔགས་འདི་ཡང་བཟླས། །ན་མོ་རེཾ་རེཾ་གྲཱཾ་གྲཱཾ་།ཙི་རི་ཎི་བི་ནཾ། ཏྲ་པ་རུ་ཎི། བཛྲཱ་ས་མ་ཡ། ཏུ་བི་ཏ་ཡེ་བཛྲ་པ་ནི་མ་ཧཱ་བཱ་ཧཱ་ཡཱ་སཝཱཧཱ། བྲིས་པ་དེ་ནི་ལག་གཡོན་ཐོགས། །མཆོད་གནས་ཀྱང་ནི་མཆོད་པར་བྱ། །བྱ་བ་ཟིན་ནས་སླར་གཏང་ཕྱིར། །མཆོད་གནས་སླར་ནི་
Ma241b
གཏང་བར་བྱ། །གཏུམ་པོ་དང ། རྩེ་མོ་ཅན་གྱི་སྒྲུབ་པ་རྫོགས་སོ།། །།འགྲོ་ལྡིང་གི་སྙིང་པོ་བཤད་པར་བྱ་སྟེ། གླེང་གཞི་ནི། མཉན་དུ་ཡོད་པའོ། །དེ་ནས་གནོད་སྦྱིན་གྱི་སྡེའི་བདག་པོ་ལག་ན་རྡོ་རྗེ་བཅོམ་ལྡན་འདས་གང་ན་བ་དེར་སོང་སྟེ་བླ་གོས་ཕྲག་པ་གཅིག་ཏུ་གཟར་ནས་དུལ་བ་མཆོག་གིས་གནས་ཤིང་བཅོམ་ལྡན་འདས་ཀྱི་སྤྱན་སྔར་འདུག་སྟེ་པུས་མོ་གཡས་པའི་ལྷ་ང་ས་ལ་བཙུགས་ནས་མགོ་བོ་བཏུད་ཅིང་ཐལ་མོ་རབ་ཏུ་སྦྱར་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས། བདག་གིས་སྐྱེ་བོ་མང་པོ་ལ་སྨན་པ་དང ། སྐྱེ་བོ་མང་པོ་ལ་བདེ་བའི་སླད་དུ་བདག་ཉིད་ཀྱི་སྙིང་པོ་འཇིག་རྟེན་དག་ལ་བཤད་ལགས་སོ། །བདག་གི་སྙིང་པོ་ནི། འདི་ལགས་ཏེ། བཅོམ་ལྡན་འདས། གང་གིས་བདག་ཉིད་ཀྱི་སྙིང་པོ་འདིས་བདག་བཀུག་ན་དེའི་ཐད་དུ་བདག་མྱུར་དུ་འཆི་བར་འཚལ་ལོ། །བཅོམ་ལྡན་འདས།་ཅི་སྟེ་བདག་ཉིད་ཀྱི་སྙིང་པོ་འདིས་བདག་བཀུག་པ་ལས་མ་མཆིས་ན། འཇིག་རྟེན་པ་ལ་དགྲ་བཅོམ་པ་གསོད་པའམ། དགེ་འདུན་གྱི་དབྱེན་བགྱིད་པ་གང་ལགས་པ་དེ་དག་གི་སྐྱེ་གནས་སུ་མཆི་བར་འགྱུར་རོ། །བཅོམ་ལྡན་འདས། དེ་བས་ན། ཞག་གཅིག་སྨྱུང་བར་བགྱིས་པས་བདག་བཀུག་ན་དེ་ལས་བཅོམ་ལྡན་
Ma242a
༄#། །འདས་ཀྱིས་སླར་གཏང་བར་གསོལ། དེ་སྐད་ཅེས་གསོལ་ནས་བཅོམ་ལྡན་འདས་ཡིད་ཙམ་འཛུམ་པ་མཇད་དེ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ། ལེགས་སོ་ལེགས་སོ། །ཁྱོད་ཀྱིས་འཇིག་རྟེན་དག་ལ་ཁས་བླངས་པས། ཁྱོད་ལ་ང་མཉེས་ཀྱི། གནོད་སྦྱིན་གྱི་སྡེའི་བདག་པོ་ལག་ན་རྡོ་རྗེ་ཁྱོད་སོང་ལ་དད་པ་དང་ལྡན་པ་ཡི་ཆད་པར་མ་བྱེད་ཅིག་།དེ་ལྟ་མོད་ཀྱི། ང་ཡང་ཁྱོད་ཀྱི་སྙིང་པོ་ཉན་པར་ནི། འདོད་དོ། །དེ་སྐད་ཅེས་བཀའ་སྩལ་ནས་གནོད་སྦྱིན་གྱི་སྡེའི་བདག་པོ་ཆེན་པོ་ལག་ན་རྡོ་རྗེས་གདོང་ཅུང་ཟད་ཙམ་ཕབ་ནས་འཛེམ་བཞིན་དུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ལ་གསན་དུ་གསོལ། ཏདྱ་ཐཱ། ཨེ་ཧི་སྟི་ར་བཛྲ། ཨེ་ཧི་སུ་སྟི་ར་བཛྲ། ཨེ་ཧི་མ་ཏུ་བཛྲ། ཨ་པྲ་ཏི་ཧ་ཏ་བཛྲ། ཨེ་ཧི་ཨེ་མ་ཀ་བཛྲ། ཨེ་ཧི་ཤཱི་གཾ་ནི་ལ་བེ་ག་བཛྲ། བེ་ག་བཛྲ། མ་ཧཱ་བཛྲ། བཛྲཱ་པཱ་ཎི་མ་ཧཱ་ཡཀྵ་སེ་ན་པ་ཏི་མུ་ནེ་མུ་ནེ། ཨ་ནཻ་རི་མ་ཏི། ཨ་ནཻ་རི་མ་ཏི། མ་ཧཱ་མ་ཏི། སུ་མ་ཏི། ཨ་རིནྟི་ལི། དྷུ་རི་ཏི་མེ་དེ་པུ་ལི་རི་ཏི། ཛི་རི་ཏི་ཀུ་ལ་ཏི་ཤི་ལི་ཤི་པ་ལི་ཏི་མ་ཏི་པུ་ཚོད་ཏ་མ་རྟེ་ཙིཏྟ་ཙིཏྟ་མརྟ། དུ་རུ་དུ་རུ། ཁུ་ཁུ་ཏི་ཁུ་ཁུ་ཏི་ཧ་ལ་ཏི་ལ་ཏི་རི་ཨེ་ཧི་ཤཱི་གྷཾ་བཛྲ་པཱ་ཎི་ཨི་དཾ་གཾ་དྷ་མཱ་ལེ་ནུ་ལེ་པ་ན་དེ། པྲ་ཏིཙྪ།
Ma242b
ུཏྟ་ལི།་ཨུདྠ་ཨུདྠ་ལི་སཝཱཧཱ། ཀུ་ཏི་བི་རི་ཏི་སཝཱཧཱ། ཙི་ཏི་བི་ཏི་ཧ་ཏི་སཝཱཧཱ། ན་མོ་བཛྲ་པཱ་ཎི་སྱ། ཨ་ལ་ལི་མ་ལ་རི་རི་བི་ལི་ནི། པར་མ་ཡི་ནི་ཤི་ལི། ལི་བི་བ་ལི། ལོ་ཏི་པུ་རྣ་གརྦ་ཤརྦ་ནརྦ། ཏུ་རྦ་ཨུཏྟ། པུཏྣ་ནརྦ་ཙརྦ་ཤརྦ་མ་ལྦྷ་ཛ་ལྡྷ་བ་མྦྷ་སཝཱཧཱ། ཨེ་ཧི་ཤཱི་གྷྲཾ་བཛྲ་པཱ་ཎི་ཧེ་ཧི་ཧེ་ཧི། ཏུ་རི་ཏུ་རི་ལ་ཧཱུཾ་ལ་ཧཱུཾ་སཝཱཧཱ། །སྨ་ར་ཏནྟ་ཀ་ར་ནྟ། ཏི་ཛྙཱེ་ཏཾ་མི་ཏི་རི་ཏི་མི་ཏི་རི་ཏི། མི་དི་ཏི་ཏི་ལི། རི་རི་རི། ཁུ་ཡུ་ལུ་ཁུ་ཁུ་ཡི་ལ་ཧུ་ན་རི་ཏི་ཨ་ཧྲཱི་ཏྭཾ། མ་ཧཱ་ཡཀྵ་སེ་ནཱ་པཱ་ཏི་ལི་རི་ལི་རི་ལི་རི། བ་སི་རི་རི་ཀི་རི་ཏི་སྨྲ་རི་མ་ཧཱ་སྨྲ་རི་ཨུ་ཛུ་རི་གེ་ཙུ་རུ་ཙུ་རུ་ཏི་སཝཱཧཱ། ཏརྦྷ་བྷརྦ་མརྦྷ་ཁུ་ཁུ་ལ་ཁུ་ཏི་ལི། ཏུ་རུ་ཏུ་རུ། སྨྲ་ར་ཏཾ་པྲ་ཏི་ཛྷོ་སཝཱཧཱ། འགྲོ་ལྡིང་ཞེས་བྱའི་སྙིང་པོ་འདི། །འཇིག་རྟེན་གསུམ་གྲགས་འཇིག་རྟེན་གྱི། །རབ་ཀྱི་མཆོག་གི་གཙོ་བོ་སྟེ། ། ལག་ན་རྡོ་རྗེ་གསུམ་པ་ཡིན། །འདི་ག་རྟེན་གསུམ་མཆོག་གཙོ་བོས་ཀྱང ། །འདི་ལས་འགལ་བར་བྱེད་མི་ནུས། །འཇིག་རྟེན་གསུམ་མཆོག་འཇིག་རྟེན་དབང ། །ཚངས་པ་ལ་སོགས་སྙིང་པོའི་བར། །དེ་ཡི་སྒྲུབ་པ་དེ་ཉིད་དེ། །དེ་ཡི་ལས་རྣམས་རྒྱས་པ་ཡང ། །རྩེད་མོ་ཅན་དང་གཏུམ་པོ་བཞིན། །འདི་ཡང་དེ་ལྟར་བྱ་བ་སྟེ། །སྒྲུབ་པའི་མདོ་ཙམ་བཤད་བྱ་ན། །གཙང་མའི་མིས་ནི་གཙང་མའི་ཕྱོགས། །དྲི་དང་ཕྲེང་བ་བྱུག་པ་རྣམས། །མཆོད་དང་ཁྱད་པར་འཕགས་པ་ཡིས། །མཆོད་རྟེན་ཡང་ན་སྐུ་གཟུགས་
Ma243a
༄#། །རྣམས། །སྐུ་གདུང་ལྡན་པ་མཆོད་པར་བྱ། །རྡོ་རྗེ་བྲིས་པ་ལེགས་མཆོད་ནས། །རི་མོའི་སྐུ་གཟུགས་ནུབ་ཕྱོགས་བསྟན། །ཡར་གྱི་ཆོས་བརྒྱད་བརྩམས་བྱས་ལ། །སྦྲང་རྩི་འོ་ཐུག་མར་དང་བཅས། །དུས་གསུམ་ཟ་ཞིང་རིག་སྔགས་བཟླས། །ཐང་ཆུ་བཟང་པོ་བསྲེག་པར་བྱ། །ལྕི་བ་སོགས་པ་ལེགས་པར་བཀྲུ། །དག་པས་ཤར་ཕྱོགས་བལྟས་ཏེ་འདུག། ཤིན་ཏུ་མཉམ་བཞག་དུས་གསུམ་དུ། །ལན་གྲངས་བརྒྱད་བརྒྱ་བཟླས་བརྗོད་བྱ། །དེ་ནས་ཡིད་དུ་འོང་བ་ཡི། ། མཆོད་པ་ལས་བཞིན་མཇུག་ཏུ་བྱ། །ཟླ་བ་ཕྱེད་ནི་འདས་ནས་ཀྱང ། །ཉ་ཡི་ནུབ་མོ་སྤྱན་ཡང་དྲང ། །ལྷ་ཡི་གནས་ནི་མཐོང་བ་དེས། །ཆོ་ག་མཆོག་གིས་བསྲུང་བར་བྱ། །བརྒྱ་རྩ་བརྒྱད་ནི་བརྗོད་བྱས་ན། །དེ་ནས་རྡོ་རྗེ་ཅན་ཡང་མཐོང ། །དེ་ནས་གཞན་ཡང་སྟོང་གི་ཕྱེད། །ཅི་སྟེ་གུས་པས་འདུན་པས་མཆོད། །རྡོ་རྗེ་འཛིན་ཆེན་མངོན་སུམ་དུ། །མཐོང་འགྱུར་དེ་ལ་ཐེ་ཚོམ་མེད། །མཆོད་སྦྱིན་མཆོག་གི་གཙོ་བོ་དེས། །དེ་ལ་དམ་པ་སྦྱིན་པར་འགྱུར། །ཡང་ན་འཁོར་ལོས་བསྒྱུར་བ་ཉིད། །འདོད་པ་གཞན་ལ་ཅི་ཞིག་སྨོས་\?\། །ཇི་སྐད་བཤད་པའི་ཆོ་ག་དང ། །ཇི་སྐད་བཤད་པའི་སླར་གཏང་དང ། །ཇི་སྐད་བཤད་པའི་ལས་རྣམས་ཀྱང ། །མཇུག་ཏུ་ལེགས་པར་
Ma243b
བྱ་བ་ཡིན། །འགྲོ་ལྡིང་གི་ཆོ་ག་དང་བཅས་པ་རྫོགས་སོ།། །།སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། ། གནོད་སྦྱིན་གྱི་སྡེའི་བདག་པོ་ཆེན་པོ་ལག་ན་རྡོ་རྗེ་ལ་ཕྱག་འཚལ་ལོ། །གླེང་གཞི་ནི། མཉན་དུ་ཡོད་པ་ན་སྟེ། དེ་ནས་གནོད་སྦྱིན་གྱི་སྡེའི་བདག་པོ་ཆེན་པོ་ལག་ན་རྡོ་རྗེས་བླ་གོས་ཕྲག་པ་གཅིག་ཏུ་གཟར་ཏེ་པུས་མོ་གཡས་པའི་ལྷ་ང་ས་ལ་བཙུགས་ནས་སྤྱི་བོར་ཐལ་མོ་སྦྱར་ཏེ་དུལ་བ་མཆོག་གིས་གནས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གིས་སྐྱེ་བོ་མང་པོ་སྨན་པའི་སླད་དུ་བདག་ཉིད་ཀྱི་སྙིང་པོ་འཇིག་རྟེན་དག་ལ་བཤད་ལགས་ཏེ། བདག་གི་སྙིང་པོ་ནི། འདི་ལགས་སོ། །གང་གིས་སྙིང་པོ་འདིས་བདག་བཀུག་ན། དེའི་ཐད་དུ་བདག་མྱུར་དུ་འཆི་བར་འཚལ་ལོ། །ཅི་སྟེ་བདག་སྙིང་པོ་འདིས་བཀུག་པ་ལས་མ་མཆིས་ན། འཇིག་རྟེན་ལ་ལ་མཚམས་མ་མཆིས་པ་བགྱིད་ཅིང་དགེ་འདུན་གྱི་དབྱེན་བགྱིད་པ་གང་ལགས་པ་དེ་དག་གི་སྐྱེ་གནས་སུ་མཆིས་པར་འགྱུར་རོ། །བཅོམ་ལྡན་འདས། དེ་བས་ན། ཞག་གཅིག་སྨྱུང་བར་བགྱིས་པས་བདག་བཀུག་ན། དེ་ལས་བཅོམ་ལྡན་འདས་ཀྱིས་སླར་གཏང་དུ་གསོལ། ལག་ན་རྡོ་རྗེས་དེ་སྐད་ཅེས་གསོལ་ནས་བཅོམ་ལྡན་འདས་ཀྱིས་ཡིད་ཙམ་
Ma244a
༄#། །འཛུམ་པ་མཛད་དེ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ། ལེགས་སོ་ལེགས་སོ། །ཁྱོད་ཀྱིས་འཇིག་རྟེན་དག་ལ་ཁས་བླངས་པས་ཁྱོད་ལ་ང་མཉེས་ཀྱི།་གནོད་སྦྱིན་གྱི་སྡེའི་བདག་པོ་ཆེན་པོ། ཁྱོད་སོང་ལ་དད་པ་དང་ལྡན་པ་ཡི་ཆད་པ་མ་བྱེད་ཅིག་།དེ་ལྟ་མོད་ཀྱི། ང་ཡང་ཁྱོད་ཀྱི་སྙིང་པོ་ཉན་བར་ནི། འདོད་དོ། །དེ་སྐད་ཅེས་བཀའ་སྩལ་ཏོ། །གནོད་སྦྱིན་གྱི་སྡེའི་བདག་པོ་ཆེན་པོ་ལག་ན་རྡོ་རྗེས་གདོང་ཡིད་ཙམ་ཕབ་ནས་འཛེམ་བཞིན་དུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བདག་གི་སྙིང་པོ་ཆོ་ག་དང་བཅས་པ་གསན་དུ་གསོལ། འདི་སྒྲུབ་པར་འཚལ་ཞིང་བཅོམ་ལྡན་འདས་ལ་མཆོད་པར་དགའ་བས་ཡར་གྱི་ངོ་ཚེས་གཅིག་ལ་བརྩམས་ཏེ་ཟས་སུ་འོ་མ་དང་ཕྱེའི་ལྡེ་གུ་འཚལ་ཏེ་དུས་གསུམ་དུ་བ་ལང་གི་ལྕི་བས་ཁྲུས་བགྱིས་ལ། གཙང་མས་གོས་གཙང་མ་བགོས་ནས་བདུག་པ་སྲེག་ཅིང་སྐུ་གདུང་དང་ལྡན་པའི་མཆོད་རྟེན་ནམ། སྐུ་གཟུགས་ཀྱི་མདུན་དུ་མཆོད་པ་རྒྱས་པར་བགྱིས་ལ་སྙིང་པོ་བརྗོད་པར་བགྱི་སྟེ། གསང་སྔགས་ཀྱི་ཚིག་འདི་དག་གི་ཐོག་མར་བདག་ཉིད་སྲུང་བར་བགྱིའོ། །ན་མོ་རཏྣ་ཏྲ་ཡ་སྱ། ན་མོ་བཛྲ་པཱ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ། ཤྲཱི་མུ་ཨཏ་ཏྲཻ་བྷ། བཛྲ་པཱ་ཎི་མ་ཏི་ཤི་བ་མཱ་ནཱ་ཡ། ཨ་ནྱོ་ནྱ་བཛྲ་ཨ་ཤ་ནིར་ན་མ། སརྦ་གྲ་ཧཱ་
Ma244b
བུཥྚ་ཨ་པ་ར་ཏེ་ཤུ་རཀྵ་ཡ་མ་ན་ཤྩ་ཨ་བྷ་ཡ་ཀ་རི་ཧི་ཧི་བཛྲ་པཱ་ཎི་ཧི་ཧི་ཧེ་ཧ་ཧི། ཧི་རི་ཀུ་ཀུ་བུ། ཧི་རི་ཀུ་བི་ས་ར་སུ་བེ་རི་ཙི་རི་བཛྲ་བཱ་ཎི་དུར་དནྟཱ་ནཱཾ། ད་མ་ཀ་ད་མ་ད་མ་སཝཱཧཱ། ལན་བདུན་བཟླས་བརྗོད་བགྱིས་ནས་ལག་པ་ལ་བཏགས་ན། སེམས་ཅན་ཐམས་ཅད་ཀྱིས་མི་ཐུབ་པར་འགྱུར་རོ། །ན་མོ་རཏྣ་ཏྲ་ཡ་སྱ། ན་མོ་བཛྲ་པཱ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ།་ཨེ་ཧི་བཛྲ་པཱ་ཎི། ཨད་མཱ་བ་ཧ་ན་མ་ནུ་སྨ་ར་མ་ཧཱ་སྠི་ར་བཛྲ། ཨེ་ཧི་སུ་སྟི་ར་བཛྲ། ཨེ་ཧི་ན་ན་བཱ་བཛྲ། ཨེ་ཧི་ཨ་པྲ་ཏི་ཧི་ཏ་བཛྲ། ཨི་ཧི་ཤཱི་གྷྲཾ་མ་ན་ཙ་པ་ལ་ག་ཏི་མ་ཧཱ་ཡཀྵ་སེ་ནཱ་པ་ཏི། བཛྲ་པཱ་ཎི་ཧི་ཧི་ཧེ་ཧི་ཧི་ཧེ་ཧི་ཧི་ཧི་ཧེ་ཧི་ཧི་ཧེ་ཧི་ཧི་ཧེ་ཧེ། ཀུ་ཏུ་ཀུ་ཏུ་ཀུ་ཏུ་ཀུ་ཏུ་བཛྲ་པཱ་ཎི་ཨེ་ཧེ། ཧི་ཧི་ཧེ། ཧི་ཧི་ཧི་ཧི་ཧི། ཧི་ཧི་ཧི་ཧི་ཧི་ཧི་ཧི་ཧི། བཛྲ་པཱ་ཎི་ཀུ་ཀུ་བུ་ཀུ་ཀུ་བུ། ཀུ་བྷྱ་ཀུ་བྷྱ།་ཀུ་ཀུ་བྷྱ། བཛྲ་པཱ་ཎི། ས་ར་ས་ར། ཨེ་བཻ་རི། ཨེ་བཻ་རི། ཨེ་བཻ་རི། ཨེ་བཻ་རི། ཧ་ར་ནི་ལི། ཨ་བ་ཧ་ཡ་མི་ཏྭཾ། མ་མ་ཧི་ས་མ་ཡེ་ནོ་པ་ཏིཥྛ་སཝཱཧཱ། ལན་བརྒྱ་རྩ་བརྒྱད་བཟླས་བརྗོད་བགྱིད་པའི་ཐང་ཆུའི་བདུག་པས་སྤྱན་དྲང་བར་བགྱིའོ། །ན་མོ་རཏྣ་ཏྲ་ཡ་སྱ། ན་མོ་བཛྲ་པཱ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ། ཧི་རི་ཧི་རི་ནི། བཛྲ་པཱ་ཎི། པྲ་ཏི་གྲྀཧྣ། ཨཱ་ཧཱུ་ཏིཾ། བུཥྤཾ།་དྷུ་པཾ། གཾ་དྷཾ་མཱ་ལྱེཾ། མ་ཏྭཾ། ས་མ་ཡོ་བྷ་དྷི་ཤྱེ་ཏི་སཝཱཧཱ། བཅོམ་ལྡན་འདས། དམ་ཚིག་བགྱི་བ་དང ། དེ་དག་གི་མེ་ཏོག་དབུལ་བ་ལགས་ཏེ། མེ་ཏོག་རྣམས་ཅི་ནས་
Ma245a
༄#། །ཀྱང་སྐུ་གཟུགས་ཀྱི་དབུ་ལ་བབ་པར་གྱེན་དུ་གཏོར་བར་བགྱི་སྟེ། བ་རུ་རའི་ཡམ་སྲེག་ཤིང་བརྒྱད་བརྒྱ་སྦྲང་རྩི་དང་མར་གྱི་ནང་དུ་སྨྱུགས་པས་སྦྱིན་སྲེག་བགྱིའོ། །ན་མོ་རཏྣ་ཏྲ་ཡ་སྱ། ན་མོ་བཛྲ་པཱ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ། མུ་ནེ་མུ་ནེ་མུ་ནེ་མུ་ནེ་མུ་ནེ་མུ་ནེ། རི་མ་ཏི་མ་ཏི་མ་ཏི་མ་ཏི་མ་ཧཱ་མ་ཏི་སུ་མ་ཏི། སྨ་ར་ས་མ་ཡཾ་བཛྲ་པཱ་ཎི་ཨེ་རནྟི་ལི་སྤུ་ཏི་ཕ་ཏེ་ཕུཿ ་བྷི་ལི་ཀྀ་ཏི། ཙི་རི་ལི་ཏི་ཏི་ཀོ་ར་ལ་ཧི་ཏ་ཏི་ལི་སི་རི་པ་ལ་ཏི། བི་དི་ཕུ་ཙིཏྟ། མ་ར་ཏེ་ཕུ། ཁུ་ཁུ་ཏི་ཀུ་ཏི་ལི་ལི་ཏི་རི་སཝཱཧཱ། མུ་ནེ་མུ་ནེ་བཛྲ་པཱ་ཎི། གཾ་དྷ་མཱ་ལྱ་ཨ་ནུ་ལེ་པ་ན་པྲ་ཏཱིཙྪ། ཀུ་ཏུ་ལི་ཀུ་ཏུ་ཀུ་ཏུ་ལི་སཝཱཧཱ། ཙ་ཏི་ལི་སཝཱཧཱ། ཏུ་ཏུ་བྷ་རི་སཝཱཧཱ། བི་དའྱ་མ་ཏུ་ཏི་ལི་སཝཱཧཱ། ཨ་ར་ལི་མ་ར་ལི། ཤ་ལི་ནི་བཛྲ་མ་ལི་ནི། བི་ལིཾ་ཏི་སི་རི་ལི་བི་བྷུརྞ་བྷུརྞ་ཤརྦ་སརྦ་ནརྦ་བྲབྷ་དྲ་པུ་ཎྱ་ནརྦ་ཧརྦ་ད་རྦ་རརྦ་ཙརྦེ་སཝཱཧཱ། ཨེ་ཧི་ཤཱི་གྷྲཾ་བཛྲ་པཱ་ཎི་ཧེ་ཧེ་ཧཽ་ཧཽ། །ཏུ་རུ་ཏུ་རུ། །ཏུ་རུ་ཏུ་རུ་ཏུ་རུ། ལ་ཧུ་ལ་ཧུ་ལ་ཧུ་སཝཱཧཱ། སྨ་ར་སྨཏི། ནཱ་ག་རི། ཡ་ཏྲ་སཾ་པྲ་ཏི་ཛྙ་ཏཾ། བུདྡྷ་ས་ཀཱ་ཤེ་།ུཏྟ་ཧྲྀ་ད་ཡ། མི་ཏི་རི་ཏི། མི་ཏི་རི་ཏི། མ་ཏི་མ་ཏི་ཏི་ཏི། ལི་ར་སཝཱཧཱ། ཁུ་ལ་ལུ་ལུ་ཁུ་ཁུ་ཏི་ལུ་ཏི་སཝཱཧཱ། ཨེ་ཧི་ཏྭཾ་མ་ཧཱ་ཡཀྵ་སེ་ནཱ་པ་ཏི། ཧི་ལི་རི་རི་ཏི་བྷྱོ། །མ་རཾ་ཀི་རི་ཛཾ་ས་རི་ཛམྦྷ། ཤུ་རི་ཙི་རི། ཙུ་རུ་ཙུ་རུ་ཙུ་རུ་ལི་ཏི་སཝཱཧཱ། ནརྦ་ཤརྦ་ཁུ་ཁུ་ལུ་ཁུ་ཁུ་ཏི་ཏི་
Ma245b
སཝཱཧཱ།་ཏུ་རུ་ཏུ་རུ། སྨ་ར་ཏྭཾ་པྲ་ཏི་ཛྙཾ་བཛྲ་པཱ་ཎི་སཝཱཧཱ། ཧ་ལ་ཧ་ལཱ་ཡ་སཝཱཧཱ། ཀུ་ལུ་ཀུ་ལཱ་ཡ་སཝཱཧཱ། ཀ་ལ་ཀ་ལཱ་ཡ་སཝཱཧཱ། ཀི་ལི་ཀི་ལཱ་ཡ་སཝཱཧཱ། མ་ཧཱ་ཀི་ལི་ཀི་ལཱ་ཡ་སཝཱཧཱ། ཏྲི་ཏ་ཀི་ལི་ཀི་ལཱ་ཡ་སཝཱཧཱ། ཏྲི་བ་ཏ་ཀི་ལི་ཀི་ལཱ་ཡ་སཝཱཧཱ། ཙཎྜ་ཀི་ལི་ཀི་ལཱ་ཡ་སཝཱཧཱ། བཛྲ་ཀི་ལི་ཀི་ལཱ་ཡ་སཝཱཧཱ། བཛྲ་དྷ་ར་ཡ་སཝཱཧཱ། བཛྲ་བྷཉྫ་ཡ་སཝཱཧཱ། བཛྲ་པཱ་ཎཱ་ཡེ་སཝཱཧཱ། ཧི་ལི་མི་ལི་ནི་ལི། ཨོཾ་སུཾ་བྷ་སུཾ་བྷ།་ཕུ་རུ་ཕུ་རུ་སཾ་བྷཉྫ་ན་མ་བྷརྦེ་བྷྱཿ ་སཝཱཧཱ། བཅོམ་ལྡན་འདས། སྙིང་པོ་འདི་ནི། ལས་ཐམས་ཅད་བགྱིད་པ་ལགས་ཏེ། དོན་ཐམས་ཅད་ལ་གཞན་གྱིས་མི་ཐུབ་ཅིང་དོན་མཆིས་པ་དང ། ཞི་བ་དང ། ཞི་བར་བགྱི་བ་དང ། དགྲ་འཇོམས་ཤིང་གཞན་གྱིས་མི་ཚུགས་པར་ལགས་ཏེ། ཐང་ཆུ་དང ། སྲ་རྩི་པོག་དང ། པོག་དཀར་པོ་དང ། ་ག་རུའི་བདུག་པ་བསྲེག་ཅིང་བརྗོད་པར་བགྱིའོ། །ཕྱག་འཚལ་བ་ནི། སྔ་མ་ཉིད་དེ། ཧ་རི་ཧ་རི་ཎི། བཛྲ་པཱ་ཎི། མུཾ་ཙ་དྷ། ཧ་ས་ན་སཝཱཧཱ། ཁི་རི་ཁ་ར་ཞེས་སྨོས་པས་དགོད་པར་འགྱུར་རོ། །ན་མོ་རཏྣ་ཏྲ་ཡཱ་ཡ། ན་མོ་ཧི་ལི་མུ་ལི་ལི་མུ་བཛྲ་པཱ་ཎི་ཙུ་རུ་ཙུ་རུ། ཛལྤ་ཛལྤ་སཝཱཧཱ། བདུག་པ་དེ་དག་ཉིད་ཤུ་དག་དང་སྦྱར་བར་བགྱིའོ། །ན་མོ་རཏྣ་ཏྲ་ཡ་སྱ། ཧི་ལི་ཧ་རི་བཛྲ་པཱ་ཎི་བ་ཏི་སྱ།་སིདྡྷ་བྷག་སྨི་སཝཱཧཱ། བདན་དམར་པོ་ཕྱར་ཏེ་དབུལ་བར་བགྱིའོ། །ལག་ན་རྡོ་རྗེའི་སྙིང་པོ་འདི་ནི། སེམས་ཅན་ཐམས་ཅད་ལ་བདེ་བའི་ཕྱིར་ལས་ཐམས་ཅད་
Ma246a
༄#། །བྱེད་པ་ཡིན་ནོ། །ལག་ན་རྡོ་རྗེའི་སྙིང་པོ་རྫོགས་སོ།། །།སྔར་བཤད་བློན་མོ་འབར་བ་གང ། །དེ་དག་ཀུན་གྱི་མཆོག་གྱུར་པ། །འདོད་པ་ཡི་ནི་རྡོ་རྗེ་མ། །འབར་བ་དེ་ནི་བཤད་པར་བྱ། །དཀོན་མཆོག་གསུམ་ལ་ཕྱག་འཚལ་ལོ། །ལག་ན་རྡོ་རྗེ་དང ། འདོད་པའི་དབང་ཕྱུག་ལ་ཕྱག་འཚལ་ལོ། །གླེང་གཞི་ནི། མཉན་དུ་ཡོད་པའོ། །དེ་ནས་འདོད་པའི་དབང་ཕྱུག་རིག་སྔགས་འཆང་དང་བཅས་པར་བཅོམ་ལྡན་འདས་གང་ན་བ་དེར་སོང་སྟེ་བཅོམ་ལྡན་འདས་ཀྱི་སྤྱན་སྔར་རིག་སྔགས་བྱས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གི་རིག་སྔགས་ཀྱི་བློན་མོ་ཞེས་བགྱི་བ་དེ་བཅོམ་ལྡན་འདས་ཀྱི་སྤྱན་སྔར་བདག་གིས་བཤད་པར་འཚལ་ན། དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་རྣམས་ལ་སྨན་པར་འགྱུར་བ་དང ། རྩེད་མོ་དང ། ལས་ཐམས་ཅད་བགྱིད་པ་དང ། ལས་ཐམས་ཅད་བསྒྲུབ་པའི་སླད་དུ་བཞེས་སུ་གསོལ། དེ་ནས་བཅོམ་ལྡན་འདས་ཀྱིས་བཀའ་སྩལ་པ། འདོད་པའི་དབང་ཕྱུག་།ངའི་ཉན་ཐོས་དགེ་སློང་དང།་དགེ་སློང་མ་དང ། དགེ་བསྙེན་དང ། དགེ་བསྙེན་མ་འདོད་ཆགས་དང་ལྡན་པ་དག་ཡོད་དེ། དེ་དག་གི་བར་དུ་གཅོད་པར་འགྱུར་གྱི། ཐོང་ཞིག་།དེ་ལྟར་འདོད་པའི་
Ma246b
དབང་ཕྱུག་གིས་ལན་གསུམ་གྱི་བར་དུ་བཅོམ་ལྡན་འདས་ལ་གསོལ་ཏོ། །བཙུན་པ་བཅོམ་ལྡན་འདས་ཀྱི་ཉན་ཐོས་དགེ་སློང་དང ། དགེ་སློང་མ་དང ། དགེ་བསྙེན་དང ། དགེ་བསྙེན་མ་འདོད་ཆགས་དང་ལྡན་པ་མཆིས་པ་དེ་དག་ལ་རིག་སྔགས་ཀྱི་རྩེད་མོར་འགྱུར་ན། བདག་གི་དེ་བཅོམ་ལྡན་འདས་ཀྱིས་བཞེས་སུ་གསོལ། དེ་ནས་བཅོམ་ལྡན་འདས་ཀྱིས་རྟག་ཏུ་ཞབས་འབྲིང་ན་འདུག་ཅིང་གཡོན་ཕྱོགས་ན་གནས་པ་གནོད་སྦྱིན་ལག་ན་རྡོ་རྗེ་ལ་གཟིགས་སོ། །དེ་ནས་གནོད་སྦྱིན་ལག་ན་རྡོ་རྗེས་བཅོམ་ལྡན་འདས་ལ་བལྟས་ནས་འདོད་པའི་དབང་ཕྱུག་ལ་འདི་སྐད་ཅེས་སྨྲས་སོ། །འདོད་པའི་དབང་ཕྱུག་།སྐྱེ་བོ་མང་པོ་ལ་ཕན་པ་དང ། སྐྱེ་བོ་མང་པོ་ལ་བདེ་བའི་ཕྱིར་རིག་སྔགས་དེ་ཤོད་ཅིག་ཤོད་ཅིག་།དེ་ནས་འདོད་པའི་དབང་ཕྱུག་དགའ་ཞིང་མགུ་ལ་ཡིད་རངས་ཏེ་རབ་ཏུ་དགའ་ནས་དགའ་བ་དང་ཡིད་བདེ་བ་སྐྱེས་ཏེ། དེའི་ཚེ་རིག་སྔགས་འདི་བཤད་དོ། །སྱད་ཡ་ཐེ་དན་ཨི་ཏི་ཡོ་པ་པ་ཏི། སམྤ་ཏི། བྷ་ཡ་ནི། ཙི་ལི་ཏ་ནི་ཙ། ཡོ་ཏན་དྷརྨ་མ་བི་ཛ་ནི་ཏི་པྲ་བཾ་ཏུ་ནཾ། ཨ་ཏི་ཀྲ་ནཾ་ཏཾ་བཻ་མ་དེ་བ་ནཱ་མ་སེ་ན་ཏེ་སརྦ་སིདྡྷ་ཙ་ཡོ་གི་ནི། ཡེ་ན་ས་ཏྱེ་ནི། བྷ་ག་ཝཱན།་ཤཱསྟ་ལོ་ཀེ་ཨ་ནུཏྣ་ར། ཨ་ཏེ་ན་ས་ཏྱ་བཱ་ཙ་ནེ། ན་ཨ་ཡི་མ་བིད་ཙ་ས་མུ་ཛ་ས་མ་ཡY་བི་ད། ཁི་ནི་ཁི་ནི། ཀུ་ཌ་ལ་མུ་ཁུ་ཀི་སཝཱཧཱ། ཀུ་ཏིཾ་ཛ་རེ་ཀུ་ཏིཾ་ཛ་ཡེ། ཏཾ་བུ་ལེ།
Ma247a
༄#། །སུཾ་དེ།་ཀུཾ་པེ་བ་སྟེ། པྲ་སེ་ཨ་ག་སྟེ་ཐཾ་ག་ཏི་ནི་པ་ཀ་སིདྡྷ་ཀརྨ་བི་ནཱ་ཤ་ནི་ཡ་ཡ་ཀརྨ་མ་ཧཱ་ས་ནི། པྲ་ཡུཀྟ་ནི་བ་ན་ཡེད། ཀྲི་ཏཾ་མ་ཡ། ཨིནྡྲ་ག་ནི། མཾ་ཏྲེ་ཎ། ཙི་ཏེ་ཏ་རོ་རི་ཤ་བ། ཙ་ཏུརྞི་ཤ་ན་སུ་ཀྲི་ཏཾ་ཀུན་ད། ཙུརྞ་ཡོ་གོ་བ་དི་ཡེ་ཏེ། སུ་ཧྲི་ད་དེཾ། སྟྲཾ་ཧྲི་ད་ཡཾ། བ་ཤམྤ་ཤྩཾ་ཧྲྀ་ད་ཡ་བི་དྱེ་ཤཝ་ནཾ། ཛམྦྷ་ནཾ་སྟམྦྷ་ནཾ་མོ་ཧ་ནཾ་ཙ་ཀ་རི་ཤཱི་ཏི། ཙཎྜ་ལི་བར་ཤ་ཛ། བི་ཏེ་པྲ་ཡུཀྟ་མཱུ་ལ་ཀརྨ་སུ་པཱ་ཏ་དཱ་སུ་ར་ཛཱ་ན་ཙཻ་བ་སརྦ་མེ་ད་ནི་ཀ་ར་ཡེ་ད། ཨེ་ཀ་ཨུད་ཏ་ནེ་ཏོ། །དི་ན་རི་བ་ར་བི་ནཱི་ཤ་ན་སརྦ་ཀརྨ་རི་བིདྱཱ་དེ་མ་ར་དཏྟ། པཱ་ཤེ་སྱཱད་དེ། བཛྲ་པཱ་ཎི། མ་ཏེ་གཽ་རེ། བིདྱཱ་རཱ་ཛ་ཨ་ནུཏྟ་རཾ། ཨོཾ་ཛམྦྷ་ཡ་སཝཱཧཱ། སྟམྦྷ་ཡ་སཝཱཧཱ། མེ་ཧ་ཡ་སཝཱཧཱ། མཱ་ལཱ་ཡ་སཝཱཧཱ། ཡཱ་མཱ་ཡ་སཝཱཧཱ། ཡ་མ་མ་མཱ་ཡ་སཝཱཧཱ། བཛྲ་ཡཱ་སཝཱཧཱ། མ་ཧཱ་བཛྲཱ་ཡ་སཝཱཧཱ། བཛྲ་དྷ་རཱ་ཡ་སཝཱཧཱ། བཛྲ་པཱ་ཎི་ཡེ་སཝཱཧཱ། བཛྲ་ཧསྟཱ་ཡ་སཝཱཧཱ། བཛྲོ་གྲ་ཧསྟཱ་ཡ་སཝཱཧཱ། བཛྲ་དཎྜཱ་ཡ་སཝཱཧཱ། བཛྲོ་གྲ་དཎྜཱ་ཡ་སཝཱཧཱ། བི་ཤཝ་པ་ཎ་ཡེ་སཝཱཧཱ། ན་མ་ཀཱ་མེ་ཤཝ་ར་བཛྲ་པཱ་ཎ་ཡེ་སཝཱཧཱ། རིག་སྔགས་འདོད་པའི་རྡོ་རྗེ་མ། །འདི་ནི་རླུང་གི་ཤུགས་ཞེས་བྱ། །འདོད་པའི་ཁམས་ནི་ཀུན་གྱི་མཆོག་།རིག་སྔགས་རྒྱལ་མོ་བླ་ན་མེད། ། འདོད་པའི་ཁམས་གནས་ཅི་ཡང་རུང ། །འདོད་པའམ་འདོད་པ་ཞིག་པར་རུང ། །རབ་ཏུ་བསྒྲུབས་ན་དེ་དག་ནི། །དོན་དུ་མི་འགྲུབ་གང་ཡང་མེད། །ལས་ཀྱི་དམ་པ་ཇི་
Ma247b
བཞིན་དང ། །ཁྱད་པར་དང་ནི་སྒྲུབ་པའི་མཆོག་།དེ་ཉིད་ཐོག་མར་བཤད་པར་བྱ། །རང་བྱུང་ལ་ནི་ཕྱག་བྱས་ནས། །སངས་རྒྱས་བྱང་ཆུབ་ཤིང་དྲུང་དུ། །ཤར་ཕྱོགས་བལྟ་ཞིང་འདུག་པར་བྱ། །ཀར་ནི་ཀ་རའི་མེ་ཏོག་དང ། །དེ་ནི་བཙོ་མའི་གསེར་མདོག་འདྲ། །སངས་རྒྱས་ཀྱི་ནི་གཡས་ལོགས་སུ། །རིགས་མཆོག་རབ་སྦྱིན་ཤེས་ཉེན་ཅན། །འདོད་པའི་དབང་ཕྱུག་རྨ་བྱ་ཡི། །མགྲིན་པ་བཞིན་དུ་སྔོ་བར་བྲི། །སངས་རྒྱས་ཀྱི་ནི་གཡོན་ལོགས་སུ། །མངའ་བདག་རྡོ་རྗེ་འཛིན་ཆེན་ནི། །སྤྲིན་དམར་མདོག་འདྲ་འོད་དང་བཅས། །དཔལ་མཆོག་པདྨར་བཞུགས་པར་བྲི། །དེ་ནས་མར་གྱི་བརྒྱད་ལ་བརྩམ། །ནས་ཀྱི་ཟས་བཟའ་དུས་སུམ་ཅུ། །དུས་གསུམ་དུ་ནི་བསྒྲིམ་བྱ་ཞིང ། །ཆོ་གའི་འདི་ནི་རྟག་ཏུ་བྱ། །མེ་ཏོག་ དཀར་པོ་སྔོན་པོ་དང ། །དམར་པོ་དང་ནི་རྣམ་པ་གསུམ། །བླངས་ཏེ་གནས་དེར་ཞུགས་ནས་ནི། །ཆོ་ག་བཞིན་དུ་མཆོད་པར་བྱ། །དེར་ནི་ལྔ་བཅུ་གཅིག་བཟླས་པས། །ཚེས་གྲངས་བཅུ་གཉིས་བར་དུ་ཡང ། །དཀར་པོ་\?\་སངས་རྒྱས་བསྣུན་པར་བྱ། །སྔོན་པོས་འདོད་པའི་དབང་ཕྱུག་ལ། །པདྨ་དམར་པོ་ལ་སོགས་པས། །ལག་ན་རྡོ་རྗེ་བསྣུན་པས་ཀྱང ། །ཞག་གསུམ་ཁྲུས་བྱས་གསོ་སྦྱོང་ལྡན། །བཅོ་ལྔ་ཡི་ནི་གཙང་མ་ཡིས། །ལྷ་བཤོས་སྣ་ཚོགས་ཀུན་དུ་དགྲམ། །དུ་རུ་སྐ་དང་ཨ་ག་རུ། །སངས་རྒྱས་ཀྱི་ནི་བདུག་
Ma248a
༄#། །མཆོག་བསྲེག་།ཐང་ཆུའི་སྣོད་ནི་ཐ་དད་གཞག་།ལག་ན་རྡོ་རྗེ་གུ་གུལ་དབུལ། །སངས་རྒྱས་རིག་སྔགས་རྡོ་རྗེ་འཛིན། །སློབ་དཔོན་ལ་ནི་གུས་མཆོད་བྱ། །དེ་ནས་སེམས་ནི་བསྡུས་ནས་ཀྱང ། །མཆོད་པ་དག་ནི་རྒྱས་པར་བྱ། །བདེན་པ་བཞི་ནི་སྟོན་པ་པོས། །མེ་ཏོག་དཀར་པོ་བཅོམ་ལྡན་ལ། །བཞི་བརྒྱའམ་བརྒྱད་བརྒྱ་དམ་པ་ཡིས། ། བཟླས་ཤིང་བཟླས་ཤིང་བསྣུན་པར་བྱ། །སྔོ་བའི་ནང་ན་མདོག་སྔོན་མཆོག་།སུམ་བརྒྱས་འདོད་པའི་དབང་ཕྱུག་ལ། །དམར་བའི་ནང་ན་མདོག་དམར་མཆོག་།སུམ་བརྒྱས་རྡོ་རྗེ་འཛིན་ལ་བསྣུན། །སྲུང་བ་ལ་ནི་ཁྲི་ལམ་དུ། །ཟླ་གཅིག་བརྒྱད་བརྒྱ་བཟླས་བརྗོད་བྱ། །སྒྲུབ་པ་ཐོག་མ་ཐ་མར་ཡང ། །སྐུད་པ་ནག་པོས་བཅིང་བར་བྱ། །བ་ཏི་བི་དྷ་རཀྵ་དྷ་རེ་རཀྵ་ཤ་།མ་ཧཱ་དྷ་ནི་རཀྵ། ཏ་ཐཱ་ག་ཏ་ས་ཧ་ཛཱ་ཏ་རཀྵ། པུཥྦ་ཀེ་ཏུ་རཀྵ། ཨ་པ་ཏ་རཀྵ་སཝཱཧཱ། རྩ་བའི་སྐུད་པ་གཙང་བྱས་ནས། །སྒྲུབ་པ་དེ་ལྟར་སྲུང་བྱས་ལ། ། མཚམས་བཅད་པ་ནི་འདིས་བྱས་ན། །མཚམས་བཅད་ཀུན་གྱིས་མཆོག་ཏུ་འགྱུར། །དྷ་ནི་ཀ་ནི་དྷ་ནི་ཀ་ནི་སརྦ་སཱི་མ་བནྡྷ་ནི་སཝཱཧཱ། མཚམས་བཅད་ཀྱི་ནི་མེ་འདི་ཡང ། །བརྒྱད་བརྒྱ་བཟླས་སམ་ཡང་ན་ནི། །དེ་བཞིན་ཚོན་སྐུད་སྣ་ཚོགས་ཀྱིས། །གནས་རྣམས་ཀུན་ཏུ་བསྐོར་བར་བྱ། །དངོས་གྲུབ་སྒྲུབ་ཅིང་ནོར་འདོད་པས། །དངོས་
Ma248b
གྲུབ་ལྟས་ནི་བལྟ་བའི་ཕྱིར། །རིག་སྔགས་རྒྱལ་དབང་གྲུབ་རྣམས་ཀྱི། །སྒྲུབ་པའི་ཚིག་ནི་བཟླས་བརྗོད་བྱ། ། གཾ་དེ་སཱ་དྷ་ཡ་ཨ་མོ་གྷེ་སཱ་ཡ་དྷ་ཡ། ས་བ་ལེ་སཱ་དྷ་ཡ། ཨུད་སཱ་དེ་སཏྱ་གེ་པྲཛྙེ་ཨུ་བ་ཤ་ནེ་ས་དྷ་ཡ་སཝཱཧཱ། དེ་ནས་རིག་སྔགས་སྒྲུབ་པ་ན། །མཚན་མ་དག་ནི་རྟོགས་པར་བྱ། །སྐུ་གདུང་ལྡན་པའི་སྐུ་གཟུགས་དེ། །ཉི་མ་བཞིན་དུ་འབར་བར་འགྱུར། །དད་དང་མཆོད་པའི་ཉེས་པ་དང ། །རིག་སྔགས་ཉམས་པའི་ཉེས་པ་ཡིས། །ཅི་སྟེ་དེར་ནི་མ་གྲུབ་ན། །ཡར་གྱི་དོ་ལའང་བསྒྲུབ་པར་བྱ། །དད་དང་མཆོད་དང་ཆོ་ག་ཡིས། །དེ་བཞིན་རྫོགས་པར་བརྩམ་པར་བྱ། །དུས་གསུམ་གཙང་སྦྲ་རྫོགས་བྱ་ཞིང ། །ནས་ཀྱི་ཁ་ཟས་དུས་སུ་བཟའ། །བཟླས་བརྗོད་འདུན་པས་མཚན་མ་གསུམ། །མ་བྱུང་བར་དུ་བཟླས་བརྗོད་བྱ། །སངས་རྒྱས་ཞལ་ནས་ཨནད་རྙིལ། །ཡང་ན་མཐོན་ཀ་ཆེན་པོ་འབྱུང ། །འདོད་པའི་དབང་ཕྱུག་ཁ་ནས་ཀྱང ། །བཟང་ཕོ་དཀྱིལ་འཁོར་སྟེང་དུ་ལྷུང ། །ལག་ན་རྡོ་རྗེའི་ཁ་ནས་ཀྱང ། །ཕུན་སུམ་ཚོགས་པའི་དབྱིག་རྣམས་འབྱུང ། །ཡིད་བཞིན་ནོར་བུ་འདྲ་བ་ཡི། །ནོར་བུ་ལེགས་སྡུག་མགོ་ལ་གདགས། ། འདོད་ན་གཡས་པའི་མཁྲིག་མར་ཡང ། །ཆོ་ག་བཞིན་དུ་གདགས་པར་བྱ། །ས་དང་ན་མ་མཁའ་སྣང་བྱེད་ཅིང ། །འཁོར་ལོས་བསྒྱུར་བ་གཞན་བཞིན་འགྱུར། །ནོར་
Ma249a
༄#། །བུའི་མཐུས་ནི་འཇིགས་བྱེད་ཅིང ། །རིག་སྔགས་གྲུབ་མཐུས་སྟོབས་ཆེན་འགྱུར། །དེས་ནི་མུན་པར་འཇིགས་བྱེད་ཅིང ། །རྒྱ་མཚོ་ཆེན་པོར་འཇིགས་པ་མེད། །འདོད་པ་དག་ལ་མཆོད་པར་འགྱུར། །རིག་སྔགས་མཆོག་བསྒྲུབས་སྐྱབས་ཀྱི་མཆོག་།དེ་ཡང་རིན་ཆེན་སྤྱོད་ཀུན་གྱི། །ནང་ན་ཚུགས་པར་ནུས་པ་མེད། །མུ་སྟེགས་རྣམས་ཀྱིས་ཀུན་རིག་བཞིན། །ཇི་ལྟར་དབང་ཕྱུག་འདོད་ལ་སྤྱོད། །འདོད་པ་ལྷག་མ་དེ་བཞིན་དུ། །རིག་པའི་རྒྱལ་པོ་མཆོག་སྒྲུབ་སྟེ། །འདོད་ལ་མངོན་དུ་སྤྱོད་པར་འགྱུར། །ཅི་སྟེ་དད་ཅིང་གུས་པ་དང ། །ལག་ན་རྡོ་རྗེ་ཆོ་ག་ཤེས། །དེ་ཡང་རྡོ་རྗེ་འཛིན་བཞིན་དུ། །འཇིག་རྟེན་གསུམ་ན་འཇིགས་མེད་རྒྱུ། །དབྱིག་རྣམས་དང་ནི་དོང་ཙེ་དག་།འཕགས་པ་ལ་ལས་བསྒྲུབས་ན་ཡང ། །གཉིས་ཀ་དེས་བསྒྲུབས་འཇིགས་པ་མེད། །བདེ་ཅན་དག་དང་ལྡན་པ་དང ། །ནག་མོ་ཆེ་དང་ལྡན་པ་དེས། །མངོན་དུ་ཡིད་བཞིན་ནོར་བུ་འཆང ། །གྲོང་ཁྱེར་རྒྱལ་པོ་བཞིན་དུ་འཐོབ། །བྱ་བ་མང་ལས་བརྟེན་པ་དང ། །རྣམ་པ་མང་པོ་སྣ་ཚོགས་པ། །མང་པོ་འདི་དག་ཅི་སྨོས་ཏེ། །མདོ་ཙམ་འདི་ནི་མཉན་པར་གྱིས། །འདོད་པ་ཡིས་ནི་རྡོ་རྗེ་མ། །འདི་ནི་ལས་ཀུན་སྒྲུབ་པ་སྟེ། །བློན་པོ་རྣམས་ཀྱི་དམ་པའི་མཆོག་།ལས་རྣམས་ཀུན་ལ་
Ma249b
དོན་ཡོད་པ། །ཅི་སྟེ་ཡིད་ལ་འདོད་པ་ཡིས། །དངོས་གྲུབ་བདེ་མཆོག་དགོངས་ན་ཡང ། །བྱ་བའི་དོན་ཀུན་གྲུབ་པ་ཡི། །འདོད་པའི་རྡོ་རྗེ་མ་ཉིད་སྒྲུབ། །རྟག་ཏུ་རང་དགར་བདེ་པ་སྦྱིན། །རང་དགར་འགྲོ་བའི་གཞི་ཡང་ཡིན། །རང་དགར་རྩེ་ཞིང་སྤྱོད་པ་ཡང ། །འཆང་བ་ལ་སོགས་རང་དགར་འགྱུར། །འདི་ནི་སྤྲོ་བའི་ངང་ཅན་ལ། །ནམ་ཡང་རྒྱབ་ཀྱིས་ཕྱོགས་མི་འགྱུར། །སྒྲུབ་པ་དེ་ཡང་འཇོམས་མི་བྱེད། །འབྲས་བུ་མེད་པར་མི་འགྱུར་ལ། །བགེགས་ཀྱང་བྱེད་པར་མི་འགྱུར་རོ། །དཀྱིལ་འཁོར་ལས་ནི་ཉམས་གྱུར་དང ། ། དམ་ཚིགས་དག་ཀྱང་སྤངས་པ་དང ། །སངས་རྒྱས་རྡོ་རྗེ་འཛིན་མཆོག་སོགས། །མ་དད་རྣམས་ལ་འགྲུབ་མི་འགྱུར། །དེ་ཕྱིར་དཀོན་མཆོག་གསུམ་པོ་དང ། །དེ་བཞིན་རྡོ་རྗེ་འཛིན་པ་དང ། །རིག་སྔགས་རང་གི་བླ་མ་ལ། །གུས་བྱས་མཆོད་ཅིང་བསྒྲུབ་པར་བྱ། །སྒྲུབ་པ་དག་ནི་མ་བྱས་ཀྱང ། །རྩ་བའི་རིག་སྔགས་སྟོབས་ལྡན་པ། །ལས་རྣམས་སྟོང་དག་འགྲུབ་བྱེད་པ། །གང་ཡིན་དེ་དག་ཤེས་པར་གྱིས། །ཀྲི་ཀ་མ་ལ་ཀ་ཡི་ཤིང ། །ཡམ་སྲེག་ཤིང་ནི་བརྒྱ་རྩ་བརྒྱད། །གཙང་མའི་ཕྱོགས་སུ་མེ་སྦར་ཏེ། །ཆོ་ག་དག་ནི་རྒྱས་པར་བྱ། །ཞག་བདུན་བར་དུ་དུས་གསུམ་དུ། །དེ་བཞིན་བཟླས་བརྗོད་བརྒྱད་བརྒྱ་བྱ། །མར་བཅས་འོ་ཐུག་སྦྲང་རྩིར་ལྡན། །མེ་མཆོག་སྦྱིན་སྲེག་བྱས་ན་ནི། །འདིས་
Ma250a
༄#། །ནི་རྒྱལ་པོའམ་ཡང་ན་ནི། །འཁོར་ལོས་བསྒྱུར་བའང་དབང་གྱུར་ན། །རྒྱལ་སྲིད་དག་ལ་ཕན་པ་ཡི། །རྒྱལ་པོའི་འཁོར་ལྟ་ཅི་ཞིག་སྨོས། །ལན་ཚཝ་ལས་ནི་གཟུགས་བྱས་ནས། །རྐང་པ་ནས་བརྩམས་སྦྱིན་སྲེག་བྱ། །ཆོ་ག་དེས་ནི་བུད་མེད་དང ། །སྐྱེས་པ་དབང་དུ་འགུགས་པར་འགྱུར། །བུ་མོ་ཡི་ནི་གཟུགས་བྱས་ནས། །རྐང་པ་ནས་བརྩམས་སྦྱིན་སྲེག་བྱ། །ཆོ་ག་དེ་ནས་བུད་མེད་རྣམས། །དབང་དུ་བྱ་བ་བསྟན་པ་ཡིན། །ལོ་མའི་སྦྲང་མའི་དཔུང་བྱས་ནས། །ཡུངས་ཀར་མེ་ཏོག་བསྲེགས་པ་ཡིས། །དེ་བཞིན་ཞག་བདུན་དུས་གསུམ་དུ། །རབ་ཏུ་བསྒྲིམས་ཏེ་མཆོད་པར་བྱ། །དེ་ནི་ཡུངས་ཀར་མེ་ཏོག་གིས། །ཞག་བདུན་བར་དུ་བསྒྲུབས་ན་ནི། ། ལན་བདུན་བཟླས་པ་འགྲུབ་འགྱུར་ཏེ། །ལོ་མའི་སྦྲང་མ་འཕོ་བར་འགྱུར། །གོ་ཆ་དག་ནི་མཆོག་དང་ནི། །དེ་བཞིན་མནྟ་ཀ་བླངས་ནས། །བཟླས་བརྗོད་བརྒྱད་བརྒྱ་བཟླས་བྱ་ཞིང ། །ཐོག་མར་ལེགས་པར་མཆོད་བྱས་ནས། །གང་གི་མིང་ནི་བརྗོད་པ་དེ། །སྐད་ཅིག་གིས་ནི་དབང་དུ་འགྱུར། །དེ་བཞིན་ཆོ་ག་བྱས་ནས་ནི། །ནནྟ་ཀ་ནི་ཕྱི་ནས་བླངས། །་ག་རུ་དང་ཙནྡན་དང ། །མ་རུ་པ་ཀ་རློན་པ་བླང ། །དྲི་ལ་སོགས་པ་དེ་དག་གིས། །ཁྲུས་བྱས་སྐྱེ་བོ་ཐམས་ཅད་དགྲ་།ཐོག་མར་མཆོད་པ་ལ་སོགས་པ། །
Ma250b
བྱེད་ཅིང་བྱེད་ཅིང་ཞག་བདུན་དུ། །དུས་གསུམ་བརྒྱད་བརྒྱ་བཟླས་བརྗོད་བྱ། །ཕྱི་ནས་མཁས་པས་ཁྲུས་ཀྱང་བྱ། །མར་གྱི་ངོ་ནི་བཅུ་བཞི་ལ། །བཟླས་བརྗོད་བརྒྱ་རྩ་བརྒྱད་བྱས་ན། །རྒྱལ་པོས་དེ་ལ་མཆོད་པར་བྱ། །བོང་ང་ཡི་ནི་རྩ་བ་ཡང ། །བྱང་ཕྱོགས་བལྟ་ཞིང་བརྐོ་བར་བྱ། །དེ་ནས་དེ་ཡི་ཤུན་ཕྲགས་ནི། །མར་གྱི་ངོ་ཡི་བཅུ་བཞི་ལ། །ཕྱེ་མར་བྱས་ནས་བཟླས་བརྗོད་བྱས། །དེ་བཞིན་བརྒྱད་བརྒྱ་བཟླས་ནས་ནི། །ཕུར་མར་བྱས་ཏེ་བཅང་བར་བྱ། །བུད་མེད་ལ་ནི་དེར་གཏོར་ན། །དེ་མ་ཐག་ཏུ་དབང་དུ་འགྱུར། །ཐམས་ཅད་དབྱེ་བར་བྱ་བ་ནི། །ནིམ་པའི་ཡལ་ག་བསྲེག་བྱ་ཞིང ། །འདི་དང་འདི་གཉིས་རྩོད་གྱུར་ཅིག་།ཅེས་བྱ་ཆོ་ག་གསང་བ་ཡིན། །དེ་ལས་ཕྱིར་གསོ་དམ་པ་ནི། །གསང་སྔགས་འདིས་ནི་བཀྲུ་བར་བྱ། །དྲི་ལ་སོགས་པས་སྙིང་ནས་མཆོད། །བཟླས་བརྗོད་བརྒྱད་བརྒྱ་བྱས་ན་ནི། །བྱད་སྟེམས་དགྲོལ་བའི་མཆོག་ཡིན་ཏེ། །ཅི་དགའ་བར་ནི་བརྩམ་བྱ་ཞིང ། ། ཞག་བདུན་བར་དུ་བསྒྲུབས་ན་ནི། །མི་སོད་འཇིགས་མེད་འབར་བར་འགྱུར། །ཀར་ན་པི་ལུ་ལི་གཅིག་དང ། །སྐེ་ཚེའི་འབྲུ་དང་ལན་ཚཝ་དང ། །ནིམ་པའི་འབྲུ་དང་རས་བལ་གྱི། ། ས་བོན་དེ་དག་སྦྱིན་སྲེག་བྱ། །འདི་ནས་གཞན་དུ་ཆེ་གེ་མོ། །སོང་ཞིག་བྲོས་ཤིག་མེད་གྱུར་ཅིག་།ཅེས་ནི་མིང་ཡང་བརྗོད་བྱས་ན། །འགྲོ་འགྱུར་འདི་ལ་ཐེ་ཚོམ་མེད། །དེ་ལས་སླར་ནས་
Ma251a
༄#། །གསོ་བ་དང ། །བཞག་པར་བྱས་ན་ལན་བདུན་དུ། །དེ་ལ་སྲུང་བ་མཆོག་བྱས་ན། །གནས་སུ་དགའ་བར་བྱེད་པར་འགྱུར། །བ་ཏ་ལ་ཡི་ལོ་མ་དང ། ། བིལ་བ་འཛམ་བུ་ཨ་མྲ་དང ། །སྐྱུ་རུ་ར་ལ་སོགས་པ་ཡིས། །སྐལ་ཆུང་དེ་ནི་ཁྲུས་བྱས་ན། །སྐལ་དང་ལྡན་པར་བྱེད་པའི་མཆོག་།གོས་འདོད་པ་ཤའི་མེ་ཏོག་རྣམས། ། སྦྱིན་སྲེག་བྱས་ན་གོས་རྣམས་ཐོབ། །ཧི་རན་ནེ་མུ་ལི་ཀི་རྣམས། །སྦྱིན་སྲེག་བྱས་ན་དབྱིག་རྣམས་འཕེལ། །གསེར་འདོད་པས་ནི་སུ་བརྞ། །ཚུལ་བཞིན་སྦྱིན་སྲེག་བྱས་ན་འཐོབ། །གསེར་སྒྲུབ་པ་ཡི་ནང་ན་ནི། །ཆོ་ག་འདི་ནི་མཆོག་ཏུ་བཤད། །འདོད་པའི་རྡོ་རྗེ་མའི་ཆོ་ག་རྫོགས་སོ།། །།དེ་ནས་རྡོ་རྗེ་འོག་པག་ཅན། །གནོད་སྦྱིན་རྣམས་ཀྱི་སྙིང་པོ་སྟེ། །འཕྲོག་མ་ཞེས་ཀྱང་རབ་གྲགས་པ། །འབར་བ་དེ་ནི་བཤད་པར་བྱ། །དཀོན་མཆོག་གསུམ་ལ་ཕྱག་འཚལ་ལོ། །གནོད་སྦྱིན་སྡེའི་བདག་པོ་ལག་ན་རྡོ་རྗེ་གསུམ་པོ་ལ་ཕྱག་འཚལ་ལོ། །གནོད་སྦྱིན་ཐམས་ཅད་ལ་ཕྱག་འཚལ་ལོ། །ལྔས་རྩེན་ལ་ཕྱག་འཚལ་ལོ། །གནོད་སྦྱིན་མོ་ཆེན་མོ་འཕྲོག་མ་རྡོ་རྗེའི་འོག་པག་ཅན་རིགས་ཐམས་ཅད་དང་ལྡན་པ་ལ་ཕྱག་འཚལ་ལོ། །དེ་ནས་གནོད་སྦྱིན་ཐམས་ཅད་ཀྱི་སྙིང་པོ་བརྗོད་པར་བྱའི། ཁྱེད་ཀུན་ང་ལ་ཉོན་ཅིག་།མཐོང་ན་
Ma251b
དོན་ཡོད་ཞི་བ་དང ། །གསུམ་མཆོག་བལྟ་ན་མི་བཟད་དང ། །འབྱུང་པོ་ཐམས་ཅད་རབ་ཞི་བྱེད། །ལག་ན་རྡོ་རྗེ་སྟོབས་པོ་ཆེ། །ནོར་གྱི་བདག་པོ་རྣམ་ཐོས་བུ། །གནོད་སྦྱིན་ཀུན་གྱི་མངའ་བདག་རྗེ། །གནོད་སྦྱིན་གང་དག་རི་ལ་གནས། །ས་ཏི་རི་དང་རི་བོ་ཆེ། །ཞོ་གདོང་དང་ནི་གདོང་རྒྱས་དང ། །འདོད་པའི་དོན་སྦྱིན་གནོད་སྦྱིན་གང ། །མཚོན་ཆ་འཐབ་ཆ་སྣ་ཚོགས་ཅན། །སྟོབས་ལྡན་རྫུ་འཕྲུལ་ཆེན་པོ་དང ། །རྒྱལ་དང་རྣམ་པར་རྒྱལ་བ་དང ། །པདྨ་དཀར་དང་དགྲ་འཇོམས་དང ། །རྒྱན་ཕྲེང་རྒྱས་དང་རྒྱན་ཕྲེང་ཆེ། །བདུད་རྩི་སྙིང་རྗེ་ཉིང་རྗེ་གྲོང ། །གནོད་སྦྱིན་ཆེན་པོ་ལྔས་རྩེན་དང ། །གནོད་སྦྱིན་ན་ལ་ཀུ་བེ་ར། །ནོར་བུའི་སུལ་ཅན་གནོད་སྦྱིན་གང ། །ནོར་བུ་བཟང་ཞེས་གྲགས་པ་དང ། །རྫོགས་ལྡན་དང་ནི་རྫོགས་བཟང་དང ། །རབ་ཏུ་བཟང་དང་བཟང་པོ་ཉིད། །བདག་གི་སྙིང་པོས་བཀུག་པས་ན། །དེ་དག་ཐམས་ཅད་འདིར་གཤེགས་ཤིག་།མ་སྨོས་གནོད་སྦྱིན་དེ་དག་དང ། །བདག་གི་དོན་གྲུབ་དེ་དག་དང ། །རྟག་ཏུ་དགེ་དང་ཕན་བྱེད་དང ། །གནོད་སྦྱིན་གདོན་ནི་སྐྱེད་བྱེད་དང ། །གནོད་སྦྱིན་མོ་ནི་འཕྲོག་མ་མོ། །བུ་མངས་ཁྱོད་ནི་འདིར་ཤོག་ཅིག་།གཟུགས་ཆེན་ལྡན་ཞིང་སྟོབས་ཆེ་བའི། །བུ་དེ་དག་ཀྱང་འདིར་ཤོག་ཅིག་།ཁྱོད་ནི་རྟག་ཏུ་གནོད་སྦྱིན་དང ། །བུ་ཡི་འཁོར་དང་ལྷན་ཅིག་ཏུ། །
Ma252a
༄#། །ལག་ན་རྡོ་རྗེས་རབ་བསྐུལ་བས། །ལས་རྣམས་ཐམས་ཅད་སྒྲུབ་པར་གྱིས། །དགྲ་ཡི་ཕྱོགས་དང་མཛའ་བོའི་ཕྱོགས། །དེ་བཞིན་རྒྱལ་པོ་ས་གང་དང ། །ནགས་དང་བྲག་ཁྲོད་རྫོང་རྣམས་དང ། །གཡུལ་དུ་རྒྱལ་བར་བྱ་བ་དང ། །རྒྱས་བ་ཡི་ནི་ལས་རྣམས་དང ། །རྩོད་པ་དང་ནི་འཐབ་པ་དང ། །སྲུང་པའི་ལས་དང་དབང་སྒྲུབ་དང ། །བག་མ་དག་ནི་ལེན་པ་ལ། །ལག་ན་རྡོ་རྗེས་བཤད་པ་བཞིན། །རྡོ་རྗེ་དབྱུག་སོགས་ལྷན་ཅིག་ཏུ། །དམ་པ་འཆང་བའི་འོག་པག་མས། །དོན་རྣམས་ཐམས་ཅད་སྨྱུར་ཏེ་གྱིས། །སྱཱད་ཡ་ཐེ་དན་ཨ་མ་ལེ། བི་མ་ལེ། ནི་རྨ་ལེ། མཾ་ག་ལྱེ་ས་ཧི་ཏེ། ཧ་ན་ཧ་ན། ས་ར་ས་ར། ཨཱ་ཤཱ་ནེ་བེ་ག་ནཱ་མ་ཏིཥྛ་རཱ་ཛཱ་དཱུ་ཏི། དེ་བ་དཱུ་ཏི། ཡཀྵ་དཱུ་ཏི། བཛྲ་དཱུ་ཏི།་སརྦ་གྲ་ཧ་ནཱ་ཤ་ཏྲུཾ་པྲ་མརད་ནི་བཛྲ་དཱུ་ཏི་ཨི་དཾ། ཀུ་རྦཾ་ཧི་བཛྲེ་སཱ་དཱ་ཡཱ་ཀཱརྱ་མ་མ་པ་རེ་ཤཾ་དྷུ་བྷ་ག་ཀཱ་རྱ་མ་བྷི་དུཥྚི་ཀ་དུ་རྨུ་ཁེ་དུ་རྨུ་ཁེ་མེ་མ། ཤ་ཏྲ་བོ་ནཱ་ཐ་བ་དྷ་བི་ཛ་ཡེ་བི་ཛ་ཡོ་མེ་བྷ་བ་ཏུ། ཨ་པ་རཱ་ཛི་ཏེ། ཨ་བ་རཱ་ཛ་ཡོ་མེ་བྷ་བ་ཏུ་བ་ལ་བ་ལ། བནྟོ་བྷ་བྷཱ་མེ་མ་ཏི་དྷི་ཏི་དྷི་ཏ་མནྟོ་བྷ་བ་ན་ཨ་མ་ལེ་མཾ་ག་ལྱེ། མ་རེ་ཧི་ཏཾ་བི་མ་ལྱེ། ན་ཤེ་ཧ་ཏཾ་མཾ་ག་ལྱེ། མ་རེ་ཧ་ཏཾ་བི་མ་ལྱེ། ན་ཤེ་ཧི་ཏཾ་དཾ་ཏ་ཀརྨ་དནྟོ་ཧི་དན་ལ་གྷུ་པཱ་ཤ་ནི་བྲི་ཤེ་ཧི་ཏཾ། སརྦ་རཱ་ཛཱ་དྭཱ་ར་བི་ར་ཛཱ་ནི་ཨ་པ་རཱ་ཛི་ཏེ། སརྦ་ཡཀྵ་ཧྲྀ་ད་ཡ་བརྟ་ནི།
Ma252b
་པ་ཡཱ་མི་བཱ་པི་ཙ་ཨ་ནུ་ས་ར་ས་ར་སརྦ་ཡཀྵ་ཧྲྀ་ད་ཡ་ནི་ཨ་བི་བ་པི་ཙ་སོ་ནི་སོ་ན། ས་ར་ས་ར། ས་མ་ཡ་མ་ནུ་སྨ་ར། ཨ་ཡཱ་ན། ཡ་ན་སཾ་ཙ་ལ་ནི། སརྦ་ཡཀྵ་ད་ཡཱ་ནི། ཧ་ན་ཧ་ན།་ད་ཧ་ད་ཧ། པ་ཙ་པ་ཙ། བྷཉྫ་བྷཉྫ། བྷ་ན་བྷ་ན། མུ་རུ་མུ་རུ། ཏུ་རུ་ཏུ་རུ། བྷ་བ་བྷ་བ། རཀྵ་རཀྵ་མཾ་ཀརྨ་དཱུ་ཏི་མ་མ་ཀརྨ། པྲ་བི་ཤ་།སརྦ་ཨརྠ་སཱ་དྷ་ནི། སརྦ་ཨརྠ་སཱ་དྷ་མ་མེ་སཱ་དྷ་ཡ། ཨི་དཉྩ་མེ། ཀཱརྱཾ་ཀུ་རུ་སཝཱཧཱ། རིག་སྔགས་རྡོ་རྗེ་འོག་པག་ཅན། །གནོད་སྦྱིན་ཀུན་གྱི་སྙིང་པོ་སྟེ། །འཕྲོག་མ་ཞེས་ཀྱང་རབ་གྲགས་པ། །ཤེས་ལྡན་དེ་ནི་བཤད་པ་ཡིན། །དཀྱིལ་འཁོར་གྱི་ནི་ལས་མཐོང་དང ། །དཀྱིལ་འཁོར་སྒྲུབ་པ་བྱས་པ་ཡིས། །དཀྱིལ་འཁོར་ཆོ་ག་དེ་བཞིན་དུ། །ལས་ཀྱི་དཀྱིལ་འཁོར་མཆོག་མཆོད་ནས།། ཉིན་ཞག་གཅིག་ཏུ་སྨྱུང་བར་བྱ། །ཡང་ན་ཞག་གསུམ་སྨྱུང་བྱས་ལ། །གཙང་མས་གཙང་མའི་ས་ཕྱོགས་སུ། །གནོད་སྦྱིན་དཀྱིལ་འཁོར་རབ་གསལ་བྲི། །ཡང་ན་ཞག་གི་ངོ་གཉིས་ལས། །གང་འདོད་པ་ཡི་མཚན་མ་ནི། །གྲུ་བཞི་ལྷམ་པ་སྒོ་བཞིར་ལྡན། །ཁྲུ་བཅུ་པ་ལ་དབྱིབས་ལེགས་པ། །སངས་རྒྱས་དབུ་གསུམ་ཤར་ཕྱོགས་གཟིགས།། ཡང་ན་ཆོས་ཀྱི་དཀྱིལ་འཁོར་བྲི། །དེ་ཡི་གཡོན་ཕྱོགས་རིག་སྔགས་ཀྱི། །སྟོབས་འཆང་ལག་ན་རྡོ་རྗེ་བྲི། །སངས་རྒྱས་ཀྱི་ནི་གཡས་ལོགས་སུ། །ནོར་གྱི་དབང་ཕྱུག་གནོད་
Ma253a
༄#། །སྦྱིན་བཅས། །དེ་དག་མདུན་དུ་འཕྲོག་མ་ནི། །འོག་བག་རིག་སྔགས་སྣ་ཚོགས་མཆོག་།དེ་ཡི་རིག་སྔགས་ཚོགས་ཀུན་ནི། །གཡས་ཕྱོགས་ངོས་སུ་གནས་པར་བྱ། །རྒྱལ་པོ་ཆེན་པོ་ཡུལ་འཁོར་སྲུང ། །དྲི་ཟ་མཆོག་གི་དཔུང་གིས་བསྐོར། །ཤར་ཕྱོགས་སྒོར་ནི་རབ་གནས་ཤིང ། །ནུབ་ཕྱོགས་སུ་ནི་བལྟ་བར་བྱ། །རྒྱལ་པོ་ཆེན་པོ་འཕགས་སྐྱེས་པོ། །གྲུལ་བུམ་མཆོག་གི་དཔུང་གིས་བསྐོར། །ལྷོ་ཕྱོགས་སྒོ་ཡི་ནང་ན་གནས། །ལྷོ་ཕྱོགས་ནས་ནི་བྱང་དུ་བལྟ། །རྒྱལ་པོ་ཆེན་པོ་མིག་མི་བཟང ། །ཀླུ་དག་དང་ནི་ནམ་མཁའ་སྡིང ། །མཆོག་རྣམས་ཀྱི་ནི་མདུན་དུ་འདུག་།ནུབ་ཕྱོགས་ནས་ནི་ཤར་དུ་བལྟ། །རྒྱལ་པོ་ཆེན་པོ་ཀུ་བེ་ར། ། གནོད་སྦྱིན་མཆོག་གི་དཔུང་གིས་བསྐོར། །བྱང་ཕྱོགས་ཀྱི་ནི་སྒོ་ན་གནས། །ལྷོ་ཕྱོགས་ལོགས་སུ་བལྟ་བར་བྱ། །ཁོ་ར་ཁོར་ཡུག་ཐམས་ཅད་ནས། །གདོན་རྣམས་བརྒྱད་བརྒྱས་བསྐོར་བར་བྱ། །མེ་རྣམས་ཀྱང་ནི་ཤིན་ཏུ་དགོད། །བཤོས་རྣམས་ཀུན་ཏུ་དགྲམ་པར་བྱ། །དེ་ནས་གནོད་སྦྱིན་གཏོར་མ་ཡང ། །ཤ་བཅས་དཀྱིལ་འཁོར་ནང་དུ་དགྲམ། །མར་མེ་ལ་སོགས་དྲི་རྣམས་དང ། །མེ་ཏོག་འབྲས་བུ་ཀུན་གྱིས་བསྐོར། །དེ་ལྟར་བྱས་ན་རིག་སྔགས་ཆེ། །རྒྱལ་མོ་ཡི་ནི་དམ་པ་
Ma253b
འདི། །བཟླས་བརྗོད་བྱེད་ན་བཤོས་རྣམས་དང ། །བདུག་པ་དྲི་ལ་སོགས་པ་དབུལ། །བཟླས་བརྗོད་བསྙེན་བ་གྲངས་མེད་པར། །བཟླས་བརྗོད་བྱ་ཞིང་ཀུན་ནས་མཆོད། །བདུག་པ་ཐམས་ཅད་ནང་དུ་བསྲེག་།བཟླས་བརྗོད་བརྒྱད་བརྒྱ་བཀྲ་ཤིས་པ། །མཁས་པས་སྔོན་དུ་བྱས་ན་ནི། །དེ་ཉིད་སྲུང་བའི་མཆོག་ཡིན་ནོ། །དེ་ཉིད་རབ་ཏུ་སྒྲུབ་པ་ཡིན། །ཕྱོགས་བཅིངས་པ་ཡང་དེ་ཉིད་དེ། །དེ་ནས་འདི་ཡི་བཟླས་བརྗོད་རྣམས། །བརྒྱ་རྩ་བརྒྱད་ནི་བཟླས་པ་ནས། །སྒྲུབ་པའི་འཕྲོག་མ་འགུལ་བ་དང ། །ས་གཞི་དག་ཀྱང་གཡོ་བར་འགྱུར། ། གནོད་སྦྱིན་རྣམ་པ་སྣ་ཚོགས་དག་།ཀུན་ནས་དེར་ནི་སྣང་བར་འགྱུར། །གཡོ་ཞིང་སྒྲ་འབྱིན་ལྟ་བར་བྱེད། །རབ་ཏུ་འདུ་ཤིང་འཕུངས་པ་དང ། །འཇིགས་པའི་གཟུགས་རྣམས་མཐོང་འགྱུར་ཞིང ། །གཟུགས་སོ་ཅོག་ནི་དུ་མར་སྟོན། །དེ་ནི་དེ་ཡིས་འཇིགས་མི་བྱ། །སངས་རྒྱས་ཀྱི་ནི་དྲུང་དག་ཏུ། །རིག་སྔགས་ཚོགས་ནི་བཟླས་བརྗོད་བྱ། །རིག་སྔགས་རྒྱལ་པོ་རབ་འབར་བ། །རྡོ་རྗེ་འོག་པག་རྣམས་བསྒྲུབས་པ། །དེ་ཚེ་བདག་ཉིད་འོང་བར་འགྱུར། །དེ་མཐོང་དེ་ནི་སྡེ་དང་བཅས། །མཁའ་ལ་རྒྱུ་བའི་མཆོག་ཏུ་འགྱུར། །གཞོན་ནུ་ལ་སོགས་གནོད་སྦྱིན་གྱི། །ཚོགས་མཆོག་ཀུན་གྱིས་དེ་ལ་མཆོད། །གནོད་སྦྱིན་བཞིན་དུའང་རྒྱུ་བ་དང ། །ཇི་བཞིན་སྟོབས་དང་ལྡན་པར་རྒྱུ། །དེ་སྲིད་དུ་ནི་མཁའ་ལ་འགྲོ།།
Ma254a
༄#། །ཡང་ན་ཚེ་དཔག་མེད་པར་གནས། །དཀྱིལ་འཁོར་མངོན་པར་མཆོད་ནས་ནི། །རྣམ་པ་ཀུན་གྱིས་རིག་སྔགས་བཟླས། །མ་གྲུབ་ན་ཡང་གདོན་ལ་སོགས། །ལས་རྣམས་ཐམས་ཅད་བྱེད་པར་ནུས། །ཡིད་དང་ཚིག་གིས་བཟླས་བྱས་ནས། །དོན་རྣམས་རྣམ་པ་སྣ་ཚོགས་པ། །ཐམས་ཅད་ཀྱང་ནི་སྒྲུབ་པར་ནུས། །རྟག་ཏུ་བཟླས་བརྗོད་སྦྱིན་སྲེག་དང ། །མཆོད་པ་ཀུན་དང་མཉམ་གཞག་དང ། །རྟག་ཏུ་མཆོད་པ་དགའ་བ་ཡིས། །དོན་རྣམས་ཐམས་ཅད་བསྒྲུབ་པར་བྱ། །རྡོ་རྗེ་འོག་པག་ཅན་གྱི་ཆོ་ག་རྫོགས་སོ།། །།དེ་ནས་སྔགས་འཆང་ཀུན་གྱིས་མཆོད། །ལག་ན་རྡོ་རྗེའི་སྲས་གཏུམ་པ། །རྡོ་རྗེའི་སྡེ་ནི་སྟོབས་པོ་ཆེ། །མཐོང་ན་དོན་ཡོད་ཞི་བ་པོ། །གཏུམ་པོ་རྡོ་རྗེ་འཛིན་དགའ་བ། །འབར་བ་ཆེན་པོ་མཆོད་སྦྱིན་མཆོག་།དོན་ཀུན་སྒྲུབ་བྱེད་བཤད་པར་བྱ། །ན་མོ་རཏྣ་ཏྲ་ཡཱ་སྱ། ན་མོ་མ་ཧཱ་སཏྭ་སྱ། སཏྭ་སཏྭ་སྱ། ཨ་ཏི་བ་ལ་སྱ། ཨ་པྲ་མོ་ཡ་བ་ལ་སྱ། བཛྲ་སེ་ནཱ་ཡ་སྱ། བཛྲ་ཀཱམ་ད་སྱ། ཏུ་རུ་ཏུ་རུ། བཛྲ་སི་ནཱ་སཝཱཧཱ། ཀུ་རུ་ཀུ་རུ་མ་ཧཱ་སེ་ནཱ་ཡ་སཝཱཧཱ། ཧུ་རུ་ཧུ་རུ།་སརྦ་སཏྭ། བཱུ་ཛི་ཏཱ་ཡ་སཝཱཧཱ། སུ་རུ་སུ་རུ། སཏྭ་ཀཱ་མ་ཏྲ་ཡ་སཝཱཧཱ། མུ་རུ་མུ་རུ། མ་ཧཱ་པུ་རུ་ཥཱ་ཡ་སཝཱཧཱ། མ་ཧཱ་སཱེ་ནཱ་པ་ཏ་ཡེ། སརྦ་ཀརྨ་དཱ་ཡ་སཝཱཧཱ། སརྦ་ཛ་
Ma254b
ཡ་ཛ་ཡ་དཱ་ཡ་སཝཱཧཱ། སརྦ་སིདྡྷི་སིདྡྷི་དཱ་ཡ་སཝཱཧཱ། སརྦ་དཱ་ན་དཱ་ནི་ནྱ་པྲ་དཱ་ཡ་སཝཱཧཱ། བཛྲ་སེ་ནཱ་ཡ་སཝཱཧཱ། ཨ་པྲ་མེ་ཡ་ཀུན་ཡ་སཝཱཧཱ། སརྦ་བ་ཏི་སཏྭ་བཱུ་ཛི་ཏཱ་ཡ་སཝཱཧཱ། པྲ་ཎི་གྲྀཧྣ་མཱཾ་རཀྵ་མཱཾ་སརྦ་ཀཱ་མ་ད། སརྦ་ཀཱ་མ་མ་མེ་པཱུ་རཱ་ཡ་སཝཱཧཱ། འདི་ཡི་ཆོ་ག་བཤད་པར་བྱ། །ངས་བཤད་དེ་ནི་མཉན་པར་གྱིས། །ཆོ་ག་བཞིན་དུ་རྡོ་རྗེ་སྡེ། །རི་མོའི་གཟུགས་ནི་རྒྱས་བྱས་ནས། །བདུག་པའི་མཆོད་པས་མཆོད་བྱ་ཞིང ། །བསྒྲིམས་ཏེ་རྟག་ཏུ་བཟླས་བརྗོད་བྱ། །སྐུ་གདུང་ལྡན་པའི་མཆོད་རྟེན་ནམ། །གང་ན་སྐུ་གདུང་ཡོད་པ་དེར། །ཅི་ནུས་ཀྱིས་ནི་རབ་བསྒྲིམས་ཏེ། །སྔར་ནི་བསྙེན་པ་འདི་དག་བྱ། །དེ་ནས་ཟླ་ཕྱེད་ཡང་ན་གཅིག་།ཡང་ན་ཞག་ནི་བདུན་ཡང་རུང ། །དུས་གསུམ་ཁྲུས་བྱས་དཀར་གསུམ་བཟའ། །མཉམ་བཞག་རྟག་ཏུ་བཟླས་བརྗོད་བྱ། །གསོ་སྦྱོང་ཡན་ལག་བརྒྱད་ལྡན་པས། །ནས་ཀྱི་ཁ་ཟས་དུས་གསུམ་བཟའ། །ཤིན་ཏུ་མཉམ་བཞག་དུས་གསུམ་དུ། །བརྒྱ་རྩ་བརྒྱད་ནི་བཟླས་བརྗོད་བྱ། །དེར་ནི་མར་གྱི་མར་མེ་གཉིས། །མ་ཤི་བར་ནི་གཞག་པར་བྱ། །ཕྱི་ནང་བཞག་བའི་སྨྱུང་བ་བྱ།། ཟླ་བ་ཉ་ལ་རབ་བསྒྲིམས་ཏེ། །བཟའ་དང་བཏུང་བ་མང་པོ་ཡིས། །ལྷ་བཤོས་མཉམ་པར་བཞག་པས་དབུལ། །ཆོ་ག་དམ་པས་བསྲུང་བྱ་ཞིང ། །ཆོ་ག་བརྟན་པ་དེས་
Ma255a
༄#། །བྱས་ནས། །རྡོ་རྗེ་སྡེ་ནི་སྟོབས་པོ་ཆེ། །ལན་གྲངས་བརྒྱ་སྟོང་བཟླས་བརྗོད་བྱ། །དེ་ནས་སྟོབས་ཆེན་རྡོ་རྗེ་སྡེ། །དེ་ལ་ཡང་ནི་འགྲུབ་འགྱུར་ཏེ།། ཡིད་ལ་ཅི་དང་ཅི་འདོད་པའི། །དོན་རྣམས་ཐམས་ཅད་བྱེད་པར་འགྱུར། །ནད་ཀུན་ཡང་ནི་སེལ་བྱེད་ཅིང ། །འདོད་པ་ཐམས་ཅད་སྦྱིན་པར་བྱེད། །ཡུངས་ཀར་ནས་དང་ལན་ཚཝ་དང ། །ཤུ་ཏི་དང་ནི་ཉེའུ་ཤིང་དང ། །པྲི་ཡང་ཀུ་དང་ཤུ་དག་རྣམས། །མཉམ་པར་བཞག་པས་ཞག་བདུན་དུ། །སེང་ལྡེང་མདག་མ་དུང་མེད་ལ། །དེ་ཡི་མིང་སྨོས་སྦྱིན་སྲེག་བྱ། །ཞག་བདུན་བར་དུ་ལན་གཅིག་ནི། །དུས་གསུམ་དུ་ནི་བརྒྱ་རྩ་བརྒྱད། །སྦྱིན་སྲེག་རབ་ཏུ་ལེགས་བྱས་ན། །སྐལ་ཆུང་གིས་ཀྱང་འགྲུབ་པར་འགྱུར། །ཚུལ་འདིས་སྦྱིན་སྲེག་བྱས་ན་ནི། །སེམས་ཅན་ཀུན་ཀྱང་འཁྲུག་པར་འགྱུར། །དོན་གང་ཡིད་ལ་བཞག་ནས་ནི། །སྟོབས་ཆེན་འདི་ནི་སྒྲུབ་བྱས་ན། །དེ་ཡི་ལས་དེ་བྱེད་འགྱུར་ཏེ། །འདི་ལ་དཔྱད་པར་བྱ་བ་མེད། །ཆོ་ག་གཞན་ཡང་རྟག་ཏུ་ཡིད་ལ་ལན་གསུམ་བཟླས་བརྗོད་བྱས་ཏེ་སྲུང་བ་ཡང་ལན་གསུམ་བཟླས་བརྗོད་བྱས་ནས་གང་འདོད་པ་དེ་བསླངས་ན་ཐོབ་བར་འགྱུར་རོ། །འདོད་པ་ཐམས་ཅད་བརྗོད་པས་འགྲུབ་པར་འགྱུར་ཏེ། འདི་ནི། དེའི་རྩ་བའི་སྒྲུབ་པ་ཡིན་
Ma255b
ནོ། །ཞག་གསུམ་སྨྱུང་བར་བྱ་སྟེ། ཡར་གྱི་ངོ་ཚེས་བཅུ་གསུམ་ལ་མཆོད་རྟེན་གྱི་དྲུང་དུ་བ་སེར་མོའི་ལྕི་བ་ལས་གནོད་སྦྱིན་གྱི་གཟུགས་བྱས་ལ། སྣ་མའི་མེ་ཏོག་གི་ཕྲེང་བ་ཕྱོགས་བཞིར་སྤྱན་དྲངས་ནས་གནོད་སྦྱིན་གྱི་གཏོར་མ་དང ། ཙནྡན་དཀར་པོ་དང ། ཀཱ་ར་བཱི་ར་དམར་པོ་དང ། རྣམ་པ་སྣ་ཚོགས་གཞན་དག་གིས་ཀྱང་སྐུ་གཟུགས་མཆོད་པར་བྱས་ལ། གུ་གུལ་དང ། ་ག་རུ་དང ། དུ་རུ་སྐའི་བདུག་པ་སྲེག་ཤིང ། མར་མེ་དང ། དྲི་དང ། མེ་ཏོག་གི་ཕྲེང་བས་མཆོད་པ་རྒྱས་པར་བྱས་ནས་དུས་གསུམ་དུ་ལན་བརྒྱ་རྩ་བརྒྱས་བཟླས་བརྗོད་བྱས་ལ། ཡར་གྱི་ངོ་ཚེས་གཅིག་ལ་བརྩམས་ཏེ་ཚེས་བརྒྱད་དང་བཅུ་བཞིའམ། ཉའི་བར་དུ་དུས་གསུམ་དུ་གྲངས་མེད་པར་བཟླས་བརྗོད་བྱས་ན་དོན་གྲུབ་པར་བྱེད། རྡོ་རྗེ་སྡེའི་སྙིང་པོ་རྫོགས་སོ།། །།ན་མོ་བུདྡྷེ་བྷྱཿ མ་ཧཱ་པཱུ་ཙུ་ཤ་ཀ་བྷེ་བྷྱོ། །ན་མཿ སརྦ་ལོ་ཀ་པ་བྷ་བིཥྞུ་བ། ཨཱི་ཤཝ་ར་ཨ་མ་སྟ་ཡཀྵ་སེ་ནཱ་པ་ཏ་ཡེ་པྲ་བརྦ་ར་དཱ་ཡ། མ་ཧཱ་སཏྭ་ཡ་ཨ་ན་ནི་དཱ་ནཱ་ཡ་མ་ཧཱ་དཀྵི་ཎི་ཡ་ཡ་སརྦ། བོ་དྷི་སཏྭ་ནཱཾ། པྲ་བ་ར་ཎཱ་པྲ་བ་ར། ཡི་མི་ཏྲ་བརྡྡྷ་ཡ་བ་རིཤྠ་ཡ། སརྦ་སཏྭ་ན་མསྐྲྀ་ཏ། བཱུ་ཛི་ཏཱ་ཡ་མ་ཧཱ་ཡཀྵ་སེ་ནཱ་པ་ཏ་ཡེ། བཛྲ་སེ་ནཱ་ཡ་བ་རུ། བེ་རུ་བུ་རུ་བུ་རུ། མུ་རུ་མུ་རུ། ཙུ་རུ་ ་རུ། དུ་རུ་དུ་རུ། ཧུ་རུ་ཧུ་རུ་ཡ། ཧུ་རུ་ཧུ་རུ།
Ma256a
༄#། །བཛྲ་སེ་ནཱ་ཡ་སཝཱཧཱ། མ་ཧཱ་སེ་ནཱ་ཡ་སཝཱཧཱ། སརྦ་ཀཱ་མ་དཱ་ཡ་སཝཱཧཱ། སརྦ་སུ་ཁ་དཱ་ཡ་སཝཱཧཱ། སརྦ་ཨརྠ་སཱ་དྷ་ནཱ་ཡ་སཝཱཧཱ། སརྦ་ཀརྨ་ཀ་མ་པར་པ་ར་དཱ་ཡཱ་སཝཱཧཱ། ན་མོ་བཛྲ་སེ་ནཱ་ཡ་སྟུ་སེ་ནཱ་ཡ་མ་ཧཱ་སེ་ནཱ་ཡ། སརྦ་ཀཱ་མ་དཱ་ཡ། སརྦ་སུ་ཁ་དཱ་ཡ། སརྦ་ཨརྠ་སཱ་དྷ་ནཱ་ཡ་སཝཱཧཱ། སཾ་བྷོ་ཤ་ཏི་ཏྲི་ནཱ་དྷ་ཡ་ཏ་ཡེ་སཝཱཧཱ།་བྲྀ་གོ་ཤ་ཤུཾ་ནེ་ག་ར་དེ་བ་དཱ་ཡ་སཝཱཧཱ། རཱ་ཛྙཱ་མ་ཀཪྵ་ཎཱ་མ་ཀཪྵ་ཎ་ཡ་སཝཱཧཱ། པྲ་ཏི་གྲྀཧྞ་ན་མ་མ་རཀྵ། ན་མཿ ་སརྦ་ཀརྨ་དྷྲ་བ་ར་ད་སརྦ་ཀཱ་མ་མེ་པུ་ར་ཡ། ད་ཧ་ད་ཧ། པ་ཙ་པ་ཙ། ཨི་དཾ་མ་མེ་ཀཱ་རྱཾ་སཱ་དྷ་ཡ་སཝཱཧཱ། ས་ཕྱོགས་གཙང་མའམ། བདག་གི་ཁྱིམ་དུ་རས་མ་ཉམས་པ་ལ་ཚོན་རྩི་སྤྱིན་མེད་པས་རྡོ་རྗེ་བྲི་བར་བྱ་སྟེ།་གཞོན་ནུའི་གཟུགས་འཆང་བ་གསེར་གྱི་མདོག་ཅན་རྒྱན་ཕྲེང་དང ། དོ་ཤལ་དང ། དཔུང་རྒྱན་དང ། ཅོད་པན་དང ། རྒྱན་སྣ་ཚོགས་ཀྱིས་བརྒྱན་པ་པདྨ་རྩ་བ་དམར་པོའི་སྟེང་ན་འདུག་སྟེ་ལག་པ་གཡོན་པ་ན་པདྨ་བསྒྲེང་སྟེ་འཛིན། ལག་པ་གཡས་པ་དབུགས་འབྱིན་པའི་ཚུལ་དུ་འདུག་པ་བྲི། དེའི་སྟེང་དུ་འདུ་བྱེད་ཐམས་ཅད་ནི། མི་རྟག་པའོ། །འདུ་བྱེད་ཐམས་ཅད་ནི། སྡུག་བསྔལ་བའོ། །ཆོས་ཐམས་ཅད་ནི། བདག་མེད་པའོ། །མྱ་ངན་ལས་
Ma256b
འདས་པ་ནི། ཞི་བའོ། །ཞེས་རྟོགས་པ་བརྗོད་པ་རྣམས་བྲི་བར་བྱའོ། །དེ་ནས་ཡར་གྱི་ངོ་ཚེས་གཅིག་ལ་བརྩམ་ཞིང་བསྒྲུབ་པར་བྱ་སྟེ། དེས་དེའི་དྲུང་དུ་དྲི་ཐམས་ཅད་ཀྱིས་དཀྱིལ་འཁོར་བྱུགས་ལ་མེ་ཏོག་དྲི་ཞིམ་པོ་དང ། བདུག་པས་མཆོད་ནས་བསྟོད་པ་དབུལ་བར་བྱའོ། །མར་གྱི་མར་མེ་གཉིས་ཀྱང་དབུལ་བར་བྱ་སྟེ། གཅིག་ནི།་སངས་རྒྱས་ལ། གཅིག་ནི། གཞོན་ནུ་ལ་དབུལ་ལོ། །དུས་གསུམ་དུ་སྦྱིན་སྲེག་སུམ་ཅུ་རྩ་གཉིས་བྱ་ཞིང ། འོ་མ་དང་བུ་རམ་སྦྱར་བ་དང ། ཞོ་དང་བུ་རམ་སྦྱར་བ་དབུལ་བར་བྱའོ། །ཏིལ་ཟན་དང་འབྱུང་པོའི་ཟས་ཀྱི་གཏོར་མ་ཡང་སྦྱིན་ནོ། །ཟས་སུ་འོ་མའམ། ཕྱེའི་ལྡེ་གུའམ། འོ་མ་རྗེན་པའི་ལྡེ་གུ་ཟ་ཞིང ། ནས་དང ། ཡུངས་ཀར་དང ། ཤུ་ཏི་དང ། ཉེའུ་ཤིང་དང ། ཤུ་དག་དང ། པྲི་ཡང་ཀུ་དང ། ལན་ཚཝ་དང ། ཏིལ་རྣམས་ཆ་བསྙམས་ཏེ་བཏགས་པའི་ཕྱེ་མས་སྦྱིན་སྲེག་བྱས་ན།་ཞག་བདུན་པའི་ཉིན་པར་བསོད་ནམས་ཆུང་ངུ་ལ་ཡང་ལུང་ངེས་པར་སྟོན་པར་བྱེད་དོ། །ཕྱི་དེ་ཉིན་པར་ཡང་ཁ་ཟས་མི་བཟའ་ཞིང་གྲངས་ངེས་པ་མེད་པར་བཟླས་བརྗོད་བྱའོ། །བཟླས་བརྗོད་བྱས་པས་ཐམས་ཅད་སྲུང་བ་ལ་སོགས་པ་བྱེད་དོ། །ཆོ་ག་གཞན་ཡང་མར་གྱི་ངོ་ཞག་བཅུ་བཞི་ལ་ཁ་ཟས་མི་བཟའ་བར་བྱང་
Ma257a
༄#། །ཆུབ་ཀྱི་ཤིང་དྲུང་དུ་བ་རོག་མོའི་ལྕིབས་ལ་མ་ལྷུང་བས་རྡོ་རྗེའི་གཟུགས་བྱས་ཏེ་ཁ་ནུབ་ཕྱོགས་སུ་བལྟས་ནས་འབྱུང་པོའི་གཏོར་མ་བྱས་ལ། མེ་ཏོག་དྲི་ཞིམ་པོ་ཕུ་ཏེ་མར་གྱི་མར་མེ་གཉིས་ཀྱང་མཚན་མོ་སྦར་ལ། ཤར་ཕྱོགས་སུ་ཁ་བལྟས་ཏེ་འདུག་ནས་ཐོག་མར་ཤུ་ཏི་དང ། ཉེའུ་ཤིང་དང ། ཡུངས་ཀར་དང ། ནས་རྣམས་མར་དང་སྦྱར་བའི་སྦྱིན་སྲེག་ལན་གསུམ་བྱའོ། །དེ་ནས་གུ་གུལ་དང ། བིལ་བ་དང ། ་ག་རུའི་བདུག་པ་རྣམས་ཀྱི་སྦྱིན་སྲེག་ལན་གསུམ་བྱའོ། །དེ་ནས་ལན་སུམ་ཅུ་རྩ་གཉིས་བྱས་ཏེ་དངོས་གྲུབ་ཀྱི་མཚན་མ་བྱུང་གི་བར་དུ་ཀཱ་ར་བཱི་ར་དམར་པོའི་མེ་ཏོག་ལ་ལན་རེ་བཟླས་བརྗོད་བྱས་པས་མཚན་རངས་པར་སྙིང་གར་བསྣུན་ན། ངེས་པར་འགྲུབ་པར་འགྱུར་རོ། །དེ་ནས་མིའི་གཙོ་བོའམ། མི་ཆེན་པོ་དབང་དུ་བྱ་བར་འདོད་ན། ཉིན་གཅིག་བཞིན་དུ་ལན་ཚཝ་ལས་དེའི་གཟུགས་བྱས། རྐང་པ་གཡས་པ་ནས་བརྩམས་ལ་སྦྱིན་སྲེག་ལན་སུམ་ཅུ་རྩ་གཉིས་བྱ་སྟེ། ཐོག་མར་ནི། ཤུ་ཏི་དང ། དུ་རུ་སྐ་མར་དང་སྦྱར་བས་ལན་གསུམ་སྦྱིན་སྲེག་བྱའོ། །དེ་ནས་གུ་གུལ་མར་དང་སྦྱར་བའི་བདུག་པས་ལན་གསུམ་བྱའོ། །དེའི་འོག་ཏུ་སྦྱིན་སྲེག་ལན་སུམ་ཅུ་
Ma257b
རྩ་གཉིས་བྱས་ན། ཞག་བདུན་གྱིས་དབང་དུ་འགྱུར་རོ། །རྡོ་རྗེ་སྡེ་ནི་བློ་ལྡན་གྱི། །གསང་སྔགས་གཉིས་པ་འདི་དག་ནི། །སྔ་མ་བཞིན་དུ་བསྡམས་བྱས་ན། ལས་རྣམས་ཐམས་ཅད་བྱེད་པར་འགྱུར། །དེ་སྐད་སྔར་བཤད་སྨན་རྣམས་ཀྱིས། །སྦྱིན་སྲེག་སུམ་ཅུ་རྩ་གཉིས་བྱས། །ཟླ་བ་གཅིག་ཙམ་བྱས་ན་ནི། །འདོད་པ་ཐམས་ཅད་ཐོབ་པར་འགྱུར། །དྲི་དང་མེ་ཏོག་ལ་སོགས་པས། །ལྷ་དང་ལྷ་མིན་ཀླུ་རྣམས་དང ། །སེམས་ཅན་ཀུན་ཀྱང་དབང་དུ་འགྱུར། །ཞག་བདུན་བར་དུས་གསུམ་དུ། །སྦྱིན་སྲེག་བརྒྱ་རྩ་བརྒྱད་བྱས་ཤིང ། །བཟླས་བརྗོད་བརྩོན་པར་བྱས་ན་ནི། །རྒྱལ་པོའི་ཡིད་དུ་འོང་བ་དང ། འཇིགས་པ་ཀུན་ལས་སྲུང་བ་དང ། །སྐལ་ལྡན་ནོར་རྣམས་འཕེལ་བར་བྱེད། །དེ་བཞིན་མེ་ཏོག་འབྲས་བུ་དང ། །དྲི་དང་བདུག་པ་ལ་སོགས་དང ། །ཟས་དང་སྐོམ་ལ་སོགས་པ་རྣམས། །བསྔགས་ནས་གང་དག་བྱིན་པ་ཡི། ། སེམས་ཅན་ཐམས་ཅད་དབང་དུ་འགྱུར། །སྔར་བཤད་སྨན་རྣམས་བཟླས་བརྗོད་བྱས། །སེམས་ཅན་གང་ལ་ཕྱེ་མར་གཏོར། །ཡང་ན་གང་ལ་ཟས་སྐོམ་བྱིན། །དེ་ནི་དབང་དུ་ཁུགས་པར་འགྱུར། །ཡུངས་ཀར་ནས་དང་ལན་ཚཝ་དང ། །ཤུ་ཏི་དང་ནི་ཉེའུ་ཤིང ། །པྲི་ཡང་ཀུ་དང་ཤུ་དག་རྣམས། །ཆ་ནི་མཉམ་པར་བྱས་ནས་ཀྱང ། །སེང་
Ma258a
༄#། །ལྡེང་མདག་མ་དུད་མེད་ལ། །དེ་དག་གིས་ནི་སྦྱིན་སྲེག་བྱ། །ཞག་བདུན་ཡང་ན་ཟླ་བ་ཕྱེད། །དུས་གསུམ་ཁྲུས་བྱེད་ངེས་པར་གནས། ། དུས་གསུམ་བརྒྱ་རྩ་བརྒྱད་བྱས་ནས། །སེམས་ཅན་ཐམས་ཅད་དབང་དུ་འགྱུར། །ཡང་ན་ཟླ་བ་གཅིག་ཙམ་གྱིས། །དོན་རྣམས་ཐམས་ཅད་འགྲུབ་པར་འགྱུར། །ཆོ་ག་འདི་དག་ཉིད་ཀྱིས་ནི། །ལྷ་ཀླུ་དེ་བཞིན་གནོད་སྦྱིན་དང ། །དྲི་ཟ་མི་དང་མི་འམ་ཅི། །མཉམ་པར་བཞག་པས་དབང་དུ་འགྱུར། །སྔ་མ་བཞིན་དུ་འདི་སྒྲུབས་ན། །སྔ་མ་བཞིན་དུ་འདོད་ཀུན་སྦྱིན། །འདི་ནི་སྒྲུབ་པར་མ་གྱུར་ཀྱང ། །ལས་རྣམས་ཐམས་ཅད་བྱེད་འགྱུར་ཏེ། །རྣམ་པ་གང་དང་གང་དང་དག་གིས། །གང་གི་ལས་ནི་གང་གང་སྒྲུབ། །རྣམ་པ་དེ་དང་དེ་དག་གིས། །དེ་ཡི་ལས་དེ་བྱེད་པར་འགྱུར། །རྡོ་རྗེ་སྡེ་ཡི་ཆད་པ་འདི། །དོན་ཡོད་གཞན་གྱིས་མི་ཐུབ་ལ། །ལས་རྣམས་ཐམས་ཅད་བྱེད་པ་དང ། །འདོད་པ་ཐམས་ཅད་སྦྱིན་པ་ཡིན། །བུམ་པ་ཞབས་མེད་མི་གནས་པ། །དྲི་དང་སྨན་རྣམས་ཐམས་ཅད་ལྡན། །རིན་ཆེན་ཀུན་དང་ལྡན་པ་དང ། །ས་བོན་ཀུན་གྱིས་མཆོད་བྱས་ཤིང ། །གཙོ་ད་ནས་དཀྲིས་པ་འམ། །དེ་ཡི་གཞི་ལ་བཞག་ནས་ནི། །ལན་
Ma258b
གྲངས་བརྒྱད་སྟོང་བཟླས་བརྗོད་བྱ། །བསྡམས་ཤིང་ལེགས་པར་བསྟན་བྱས་ནས། །རྡོ་རྗེ་སྡེ་ལ་རབ་བསྒྲིམས་ཏེ། །དྲི་ལ་སོགས་པས་ལེགས་མཆོད་ནས། ། ཟླ་བ་ཉ་ལ་མཉམ་བཞག་པས། །བུམ་པ་དེས་ནི་ཁྲུས་ཀྱང་བྱ། །བུམ་པ་དེ་ཡིས་ཁྲུས་བྱས་ནས། །མཚུངས་པ་མེད་པར་སྐལ་ལྡན་འགྱུར། །དེ་ཡིས་དོན་རྣམས་ཐམས་ཅད་འགྲུབ། །རྒྱས་ཤིང་དཔལ་ཡང་སྐྱེ་བར་འགྱུར། །ལིག་བུ་མིག་དང་ཙནྡན་དང ། བ་བླ་དང་ནི་ལྡོང་རོས་དང ། །ནཱ་ག་བུས་པ་བ་ཏྲ་དང ། །དེ་བཞིན་པོ་ལ་བརྒྱད་པ་སྟེ། །འདི་དག་ཆ་ནི་མཉམ་བྱས་ལ། །ཕྱེ་མ་ཞིབ་མོར་བཏགས་པར་བྱ། །རྒྱལ་གྱི་དུས་ལ་བབ་པའི་ཚེ། །མཆོད་རྟེན་དྲུང་དུ་བསྒྲུབ་པར་བྱ། །དྲི་བསང་མང་པོ་དབུལ་བྱ་ཞིང ། །ལན་གྲངས་བརྒྱ་སྟོང་བཟླས་བརྗོད་བྱ། །དེ་དག་གིས་ནི་ལུས་བསྐུས་ན། །དོན་རྣམས་ཐམས་ཅད་འགྲུབ་པར་འགྱུར། །དཀོན་མཆོག་གསུམ་ལ་དང་བ་དང ། །གུས་པར་བྱེད་པ་དེ་དག་ནི། །དོན་རྣམས་ཐམས་ཅད་བྱེད་པར་ནུས། །འདི་ལ་དཔྱད་པར་བྱ་བ་མེད། །འཕགས་པ་རྡོ་རྗེའི་ཆོ་ག་རྫོགས་སོ།། །། ན་མོ་རཏྣ་ཏྲཡ་སྱ། ན་མཤྩཎྜ་བཛྲ་པཱ་ཎི་སྱ། མ་ཧཱ་ཡཀྴ་སེ་ནཱ་པ་ཏི་སྱ། ཧ་རེ་ཧ་རེ། གཙྪ་ཧ་ར་པཱ་ཎི། ཤཱི་གྷྲཾ་བྷ་བ་ནི་བ་སི་ནི་དཱུ་ཏི་ཀ་ལ་ཀལྤེ། ཨ་མུ་ཀ་ན་ཙཎྜ། ཀི་
Ma259a
༄#། །ལི་སུ་ར་ལི། ནི་རི་ནི་རི། བ་ཤེ་མ་མ། ཀུ་སཝ་བ་ཤཱནྟི། སུཾ་བྷ་རི་སུཾ་བྷ་རི། བ་རུ་ཎ་པཱ་ཤེ་ན་བཾ་དྷ། ལ་ཧུར་ཨཱ་ན་ཡ་ཏི་རོ་ཏི་སི། རུ་རུ་ཙནྡེ་ཙཀྵི་ཎི་བཛྲ་ཧཱ་ནེ། ཧི་ཧི་ཧི་ཧི། ཧི་ཧེ་ཧི། ཡ་ཧི་བ་དྷེ་ཧི་ལི། ཧཱུཾ་བ་ན་ཡ་ཧི། ད་མེ་དྷི། ད་མ་བི་ནི། དེ་ཧ་ཧོ། བཛྲ་རཱ་ཛཱ་པ་ཡ་ཏི། ཙཎྜཱ་ཙཎྜཱ། ཙཎྜི་གཎྜི། གྷུ་རུ་གྷུ་རུ།་ཀི་རི་ཀི་རི། ཧ་ཧ་ཀ་རེ་ཎ། ཨཾ་གི་རི་ཎི། ཨ་ཤོ་བ་ད་ནི། སྨ་ར་བ་རཾ་གོ་ནི་པ་ཏ་ནི། བ་ཏ་ནི། ཙཎྜི་བཛྲ་པཱ་ཎི་ཧྲི་ད་ཡ། མཱ་བརྟ་ནི། མ་ཡེ་མ་ཡེ། མ་ཧཱ་མ་ཡེ། མ་ཧཱ་མ་ཡཱཾ་ཀུ་ཤི་།ཀཽ་ཤི་ཀ་བིད་བཛྲ་རཱ་ཛཉཱ་པ་ཡ་ཏི་སཝཱཧཱ། བློན་མོ་གཏུམ་མོར་གྲགས་པ་སྟེ། །གཞལ་མེད་ཁང་ན་གནས་པར་གྲངས། །དཀྱིལ་འཁོར་ཆོ་ག་མཐོང་བ་ཡིས། །དོན་ཀུན་རབ་ཏུ་སྒྲུབ་བྱེད་པ། །འདི་ཡི་ལས་རྣམས་མི་བཟད་པ། །མང་ཞིང་རྣམ་པ་སྣ་ཚོགས་ཡོད། །དེ་ལས་གཅེས་པ་བསྡུས་པ་ཡི། །མདོར་བསྟན་པ་ནི་བཤད་པར་བྱ། །ནོར་འདོད་པས་ནི་བསྔམས་བྱས་ནས། །རྫ་མཁན་འཇིམ་བའི་བུར་མ་བླངས། །ཆེ་གེ་མོ་ནི་འདི་ཡིན་ཞེས། །དེ་ནས་དེ་ཡི་གཟུགས་བརྙན་བྱ། །གཙང་མས་བཟླས་བརྗོད་བྱེད་བཞིན་དུ། །བྲམ་མ་ཀུ་ར་བླངས་ནས་ནི། །དེ་ཡི་ལྟེ་བར་གཞག་པར་བྱ། །དེ་
Ma259b
ཡང་སྣོད་ཀྱི་ནང་དུ་གཞུག་།རིག་སྔགས་མཆོད་པ་ལ་སོགས་བྱ། །དེ་ནས་ལན་སྟོང་རྩ་བརྒྱད་དུ། །སྦྱིན་སྲེག་བྱས་ནས་ཟིན་པའི་མཇུག། །དེ་ཉིད་ཕྱི་རོལ་བོར་ནས་ནི། །རང་གི་གནས་སུ་འགྲོ་བར་བྱ། །གང་གི་མིང་གིས་སྦྱིན་སྲེག་བྱ། །དེས་ནི་ནོར་ཀུན་སྦྱིན་པར་བྱེད། །སྦྱིན་བྱེད་དེ་ཡི་མདུན་དག་ཏུ། །སྔར་ནི་དྲན་བྱས་དེ་བཞིན་བྱེད། །མེ་ཏོག་བརྒྱད་བརྒྱ་བཟླས་བརྗོད་བྱས། །ལྷ་ཆེན་མཚན་གྱི་སྟེང་དུ་གཞག་།ཁ་ཟས་འདོད་པས་ཁ་ཟས་དག་།གང་འདོད་དེ་མ་ཐག་ཏུ་འཐོབ། །གྲོང་ཁྱེར་ནང་དུ་འགྲོ་འདོད་པས། །བཟླས་བརྗོད་བྱས་པའི་རྡུལ་དག་གིས། །སྒོ་ཡི་ཐེམ་པར་བསྣུན་བྱས་ནས། །གྲོང་ཁྱེར་སྒྲུབ་པ་འགྲུབ་འགྱུར་ཞིང ། །དེར་ནི་འཇིག་རྟེན་ཐམས་ཅད་ཀྱི། །ཡིད་དུ་འོང་བར་དེར་འགྱུར་རོ། །རྩོད་པ་དང་ནི་འཐབ་པ་ལ། །ཤགས་ལན་ཡང་ནི་ཐེབས་པར་འགྱུར། །བུད་མེད་ཡང་ན་སྐྱེས་པ་གང ། །དབང་དུ་བྱ་བར་འདོད་ན་ནི། །རིག་སྔགས་བློན་མོ་གཏུམ་མོ་ནི། །ཞག་གཅིག་སྨྱུང་བྱ་བཟླས་བརྗོད་བྱ། །པེ་ཀཾ་ཀ་ཏའི་ཡམ་བསྲེག་ཤིང ། །བཟང་པོ་སྟོང་ཕྲག་བརྒྱ་རྣམས་ཀྱང ། །ཞག་བདུན་བར་དུ་དུས་གསུམ་དུ། །རྒྱུན་མི་འཆད་པར་སྦྱིན་སྲེག་བྱ། །དབང་དུ་བྱ་འདོད་གང་ཡིན་པ། །དེ་དག་དང་ཡང་ཕྲད་པར་བྱ། །
Ma260a
༄#། །ལན་གཅིག་ཞག་ནི་བདུན་གསུམ་བྱ། །སྐལ་ཆུང་ལ་ཡང་འགྲུབ་འགྱུར་ཏེ། །གནོད་སྦྱིན་མིའམ་ཅི་མོ་མ། །དྲི་ཟ་མོ་ཡང་དབང་འགྱུར་ན། །གཞན་དག་ལྟ་ཅི་ཞིག་སྨོས་ཏེ། །དེ་ཡི་ཆོ་ག་བཤད་པར་བྱ། །ཆོ་ག་སྔ་མ་དེ་ཉིད་ཀྱིས། །མིང་བཅས་མེ་ཏོག་སྦྱིན་སྲེག་བྱ། །དེ་བཞིན་བེ་ཀང་ཀ་ཏའི་ཤིང ། །བརྒྱ་སྟོང་ཡང་ནི་སྦྱིན་སྲེག་བྱས།། ཅི་སྟེ་གཞལ་མེད་ཁང་མཆོག་གམ། །ཅི་སྟེ་རི་པོ་མནྡཱ་རའི། །སྟེང་ན་རིག་སྔགས་རིགས་སྔགས་རྒྱལ། །བྱས་ན་ངེས་པར་དབང་དུ་འགྱུར། །རྐ་ཡི་ནི་ཡཾ་བསྲེག་ཤིང་།། གཞིག་པར་བྱ་བའི་དམ་པ་ཡིན། །སྣུ་ཧ་དང་ནི་དྲི་ལྡན་ཀུན། །ཡམ་བསྲེག་ཤིང་རྣམས་སྔར་བཤད་པ། །གཟུགས་ཀྱི་དྲུང་དུ་འདུག་ནས་ནི། །དེ་བཞིན་རྒྱུན་དུ་སྦྱིན་སྲེག་བྱ། །གིའུ་ཝང་གིས་ནི་ལུས་བྱུགས་ན། །ལྷ་རྣམས་ཀྱང་ནི་དབང་དུ་འགྱུར། །དེ་བཞིན་གཟུགས་ཀྱི་དྲུང་འདུག་ཅིང ། །སྦྱིན་སྲེག་རྒྱུན་དུ་བྱས་ན་ནི། །ལིག་བུ་མིག་ནི་དམ་པ་ཡིས། །མིག་ཏུ་བསྐུས་ན་དགའ་བར་འགྱུར། །གྱད་རྣམས་བརྡབས་པའི་མཆོག་ཡིན་ཏེ། །བཟླས་བརྗོད་བྱས་ནས་བརྒལ་ན་ནི། །གནམ་ལྕགས་བྲག་ལ་བབ་པ་བཞིན། །དེས་ནི་གྱད་ཟླ་བཅོམ་པར་འགྱུར། །གཟུགས་བརྙན་རྙེད་པར་གདགས་པ་འམ། །སྐུད་པ་སྔོན་པོ་བཟླས་བརྗོད་བྱས། །དེ་བཞིན་ཚོད་སྐུད་བཏགས་ན་ནི། །དེ་ཡང་རྒྱལ་བྱེད་
Ma260b
སྲུང་བྱེད་མཆོག་།ལས་རྣམས་རྣམ་པ་སྣ་ཚོགས་པ། །ཅི་ཡང་རུང་བ་གང་དག་དང ། །དེ་དག་ཀུན་ནི་ཐམས་ཅད་ལ། །རྣམ་པ་ཐམས་ཅད་བྱེད་པར་འགྱུར། །གཏུམ་པོ་གཞལ་མེད་ཁང་གནས་པ། །འདི་ནི་ཐམས་ཅད་འཆིང་བྱེད་པ། །བཅིངས་པ་ཐམས་ཅད་གྲོལ་བྱེད་ཅིང ། །ལས་ཀུན་བྱེད་དེ་འགྲུབ་པ་ཡིན། །གསང་སྔགས་འདི་ནི་དེ་ཡི་གྲོགས། །ལག་ན་རྡོ་རྗེ་གྲོགས་མཆོག་ཡིན། །གདོན་དང་གདོན་འགྲོལ་ལ་སོགས་པ། །ལས་རྣམས་ཀུན་ལ་མཆོད་པ་ཡིན། །སྒྲུབ་པའི་ཐབས་དང་ཆོག་ནི། གསེར་དང ། དངུལ་དང ། ཟངས་སྣ་གསུམ་ལས་མདུང་རྩེ་གསུམ་པ་བྱས་ལ། དེའི་དབུས་སུ་རྡོ་རྗེའི་དབྱིབས་བྱས་ནས་སྐུ་གདུང་དང་ལྡན་པའི་མཆོད་རྟེན་གྱི་དྲུང་ངམ། ཁང་པའི་ནང་དུ་རི་མོའི་གཟུགས་ནུབ་ཕྱོགས་སུ་ཁ་བསྟན་པའི་མདུན་དུ་བ་ལང་གི་ལྕི་བ་ས་ལ་མ་ལྷུང་བས་དཀྱིལ་འཁོར་སྐྱང་ནུལ་དུ་བྱུགས་ཏེ། དེའི་སྟེང་དུ་སྤོས་ཀྱི་སྐྱང་ནུལ་བྱས་ནས་དེའི་ངོས་སུ་ཡུངས་ཀར་ལས་མདུང་རྩེ་གསུམ་བྱས་ལ། དེའི་སྟེང་དུ་བཞག་སྟེ་དུས་བཞག་སྟེ་དུས་གསུམ་དུ་ཁྲུས་བྱེད་ཅིང་དུས་གསུམ་དུ་མཆོད་པ་རྒྱས་པ་བྱས་ནས་ལན་བརྒྱད་བརྒྱ་བཟླས་བརྗོད་བྱས་ལ་དེ་ཉིད་དུ་རྩཝ་དུར་བའི་སྟན་གྱི་སྟེང་དུ་ཉལ་བར་བྱའོ། །ཡར་གྱི་ངོ་ཚེས་བརྒྱད་དམ་བཅུ་བཞི་ལ་ཞག་གཅིག་གསོ་སྦྱོང་གི་ཡན་ལག་བརྒྱད་དང་ལྡན་པས་རང་བཞིན་གྱི་
Ma261a
༄#། །ཚུལ་གྱིས་མ་འོངས་པའི་བར་དུ་བཟླས་བརྗོད་བྱས་ན། ལས་ཐམས་ཅད་བྱེད་པར་འགྱུར་ཏེ། ཡིད་ལྡན་མ་ཀ་ཏ་ཡ་ན་ཞེས་བྱ་བའི་ལས་རྣམས་ཀྱང་འགྲུབ་པར་འགྱུར་རོ། །རྫ་མཁན་གྱི་འཇིམ་པའི་བུར་མས་གཟུགས་བྱས་ཏེ་སྣོད་དུ་བཅུག་ལ་བེ་ཀང་ཀ་ཏའི་ཡམ་བསྲེག་ཤིང་བརྒྱད་སྟོང་གིས་རྒྱུན་མ་ཆད་པར་སྦྱིན་སྲེག་བྱས་ནས་དེའི་འོག་ཏུ་ཡུངས་ཀར་མར་དང་སྦྲང་རྩི་དང་སྦྱར་བས་རྒྱུན་མ་ཆད་པར་སྦྱིན་སྲེག་བྱས་ན། གང་གི་མིང་ནས་སྨོས་ཏེ་སྦྱིན་སྲེག་བྱས་པ་དེ་དབང་དུ་འགྱུར་ཏེ་ཕྲད་པར་ཡང་བྱའོ། །བྱ་བ་ཟིན་ནས་གཟུགས་བརྙན་ཡང་ཕྱི་རོལ་དུ་དོར་བར་བྱའོ། །ཁ་ཟས་འདོད་པས་མེ་ཏོག་བརྒྱད་བརྒྱ་ལ་བཟླས་བརྗོད་བྱས་ཏེ་ལྷ་ཆེན་པོའི་སྟེང་དུ་ཕུལ་ན།་ཁ་ཟས་ཇི་ལྟ་བུ་འདོད་པ་ཐོབ་པར་འགྱུར་རོ། །རྡུལ་ལ་བསྔགས་ཏེ་སྒོའི་ཐེམ་པ་ལ་བསྣུན་ན། གྲོང་ཁྱེར་འགྲུབ་པར་འགྱུར་རོ། །འཐབ་པ་དང ། འཁྲུག་པ་དང ། རྩོད་པ་ཐམས་ཅད་ལ་ཤགས་ལན་ཐེབས་པར་འགྱུར་རོ། །ནང་པར་ལངས་ཏེ་ཆུའི་ནང་དུ་ལྟེ་བ་ཙམ་ཞུགས་ལ་ལན་བརྒྱད་སྟོང་བཟླས་བརྗོད་བྱས་ན། མིའི་གཙོ་བོའམ་མི་ཆེན་པོ་དབང་དུ་འགྱུར་རོ། །གཟུགས་བྱས་པའི་ནང་དུ་རྡོ་རྗེའི་རིག་སྔགས་བཅུག་ལ་དེའི་སྟེང་དུ་བེ་ཀང་ཀ་ཏའི་བུད་ཤིང་གིས་མེ་སྦར་ཏེ་སྐེ་ཚེ་དང །
Ma261b
ཡུངས་ཀར་དང ། ལན་ཚཝས་སྦྱིན་སྲེག་བྱས་ན། ཞག་བདུན་གྱིས་དབང་དུ་འགྱུར་རོ། །གསང་སྔགས་འདི་ནི་དེ་ཡི་གྲོགས། །ལག་ན་རྡོ་རྗེའི་གྲོགས་མཆོག་ཡིན། །གདོན་དང་གདོན་ལས་དགྲོལ་ལ་སོགས། །ཀུན་ལ་དེ་ནི་མཆོད་པ་ཡིན། །གཞལ་མེད་ཁང་གནས་ཀྱི་ཆོ་ག་རྫོགས་སོ།། །།ན་མོ་རཏྣ་ཏྲ་ཡ་སྱ། ན་མཿ ས་མཾ་ཏཱ་ནཱཾ། སམྱཀྶཾ་བུདྡྷ་ནཾ།་ན་མཿ ་པྲ་ཏི་ཧ་ཏ་བ་ལ་པ་རཱ་ཀྲ་མ་ཡོ་ག་གྲ་ཧེ་ཛཱ་སེ་ཏི་ཊ་ས་མ་ཡ་སཏྭཱ་ཡ་སརྦ་ལོ་ཀ་སུ་ཛི་ཧཝཱ་ཡ་མ་ཧེ་ཤཝ་ར་སུ་ཁཱ་ཡ། མ་ཧཱ་ཡཀྵ་སེ་ནཱ་པ་ཏ་ཡེ་བཛྲ་པཱ་ཎ་ཡེ། ན་མོ་བྲྀཌྷ་བཛྲ་སྱ།་ན་མ་སྠི་ར་བཛྲ་དྷ་ར་སྱ། སརྦ་བོ་དྷི་སཏྭཱ་ཡེ། བྷཱུ་ཏ་ག་ཎ་ད་མ་ཀ་སྱ། མ་ཧཱ་ཡཀྵ་སེ་ན་པ་ཏ་ཡེ། བཛྲ་པཱ་ཎི་མ་ཧཱ་ཀྵ་ཡཱ་མི། དཱ་མ་ཡཱ་མི། མོ་ཧ་ཡཱ་མི། བེ་ཤ་ཡཱ་མི། ཏྭཾ་མ་ཧཱ་ཡཀྵ་སེ་ནཱ་པ་ཏི་ད་ནྱ་སུ་བཛྲ་པཱ་ཎ་ཡེ། ཡོ་ཧི་མེ་ཡ་ཧ་ཧི་ས་བེ་ཏོ་བྷེ་ག་བ་ཏོ་བུདྡྷེ་ན་ཏ་ཐཱ་པྲ་ཏི་ས་ཏྱ། ཨི་དཾ་ན་ཙ་ཏེ་སུ་བཛྲ་བཛྲ་མུརྞི་སཝ་ལེ་ཡY་ཡ་ཏི་མ་ཀཱི་ལཾ་ཡེ་ཡཱ་མི། ཏདྱ་ཐཱ། ད་མ་དམ། ད་ཧ་ད་ཧ། གྷུརྞ་གྷུརྞ། ཏརྞ་ཤརྨྨ་ཤརྨྨ། བྷརྦྦ་ནརྦྦ་ཤྲ་མ་སཊྚ་ནཊྚ། ནརྦྦ་བརྦྦ་ཛརྦྦ། མརྦྦ་རབྦ་ཨ་ར་ལི། མ་དཱ་ལི། ཁི་རཱི་ཁཱི་ན། ཧ་ན་ཧ་ན། ད་མ་ད་མ། སཾ་མོ་ཧ་ཡ་ཨ་མུ་ཀཾ་མེ་བ་ཤ་མཱ་ཡ་སཝཱཧཱ། གསང་སྔགས་མཆོག་འདི་གཏུམ་པ་སྟེ། །ལག་ན་རྡོ་རྗེའི་གྲོགས་སུ་བཤད། །དབྱུག་འདྲ་སྟོབས་དང་ལྡན་པ་སྟེ། །གདོན་ལ་སོགས་པ་འདུལ་
Ma262a
༄#། །བའི་མཆོག། དེ་ནི་དབང་ཆེན་དགའ་བ་སྟེ། །རྡོ་རྗེ་འཛིན་གྱི་གྲོགས་པོ་ཡིན། །ལས་ཀུན་ཡང་ནི་བྱེད་པ་སྟེ། །རྡོ་རྗེ་དབྱུག་པ་རབ་དབྱུག་བཞིན། །དེ་ནས་ལག་ན་རྡོ་རྗེ་ཡི། །ཕོ་ཉ་མས་ནི་བློ་གྲོས་བཟང ། །ཚོགས་བཅུ་འབར་བའི་རིག་སྔགས་ཀྱི། །ཚོགས་ཀུན་གྱིས་མཆོད་བཤད་པར་བྱ། །ན་མོ་རཏྣ་ཏྲ་ཡ་སྱ། ན་མཤྩཎྜ་བཛྲ་པཱ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ། མ་ཏི་བཛྲ་བཛྲི་ནི། སྨ་ར་ས་མ་ཡན། ཏི་ལི་ཏི་ལི། ཀི་ལི་ཀི་ལི། བནྡྷ་བནྡྷ། ཀ་ལ་ཀ་ལ། བ་ལ་བ་ལ། ར་ལ་ར་ལ། བཛྲི་ཎཱི་ཧ་ན་ཧ་ན། ད་ཧ་ད་ཧ། པ་ཙ་པ་ཙ། གྲྀཧྞ་གྲྀཧྞ། དཱུ་ཏི་དཾ་ཀུ་རུ་ཧུ་རུ་རུ། སིདྡྷ་ཙཎྜ་བཛྲ་པཱ་ཎི། རཱ་ཛྙོ་པ་ཡ་ཏི་སཝཱཧཱ། ཕོ་ཉ་མོ་ནི་བཅུ་པོ་ལས། །ལས་ཀུན་བྱེད་པ་དང་པོ་འདི། །བློ་གྲོས་རྡོ་རྗེ་གྲགས་པ་སྟེ། །རིག་སྔགས་ཆེན་པོ་སྟོབས་ཆེན་ཡིན། །ན་མོ་མ་ཏི་ཧཾ་བྷོ་བཛྲ་པཱ་ཎི་པ་རི་བརྟག་ན་ཏ་ཀ་ལ་ཧཱུཾ། ཁུ་རུ་ཁུ་རུ། ཧི་རི་ཧི་རི། ཧུ་རུ་ཧུ་རུ། སི་ལི་སི་ལི། པི་རི་པི་རི་ཀུ་རུ་ཀུ་རུ། ཀི་རི་ཀི་རི། བཛྲི་ཎི་བཛྲི་ཎི། ཨ་བེ་ཤ་ཡོ་དྷྱ་ཏེ་ན་རཱུ་བཾ་དཪྴ་ཡ་བི་ཀྲཱནྟ་གནྡྷ་ཏ། ཨ་ན་ལ་ལི་ཏ་ནི་ལ་ལི་ཏ་ནི། གནྡྷ་ཤྤྡེ་ན་དེ་བ། གྲ་ཧ་ཡཀྵ། བྷུ་ཏ་ཤ་ཀུ་ནི། སྐཾ་ད།་ཨ་བསྨཱ་ར། ཀཱུ་ཊ་པཱུ་ཏ་ན། པི་ཤཱ་ཙ་རཱ་ཀྵ་ས། ཨཱ་བེ་ཤ་ན། སྨ་ར་ས་མ་ཡ། ཀ་ཏ་ཀ་ཏ། མ་ཏ་མ་ཏ། ཏུ་རུ་ཏུ་རུ། ཏི་ཏི་ཏི་ཏི། ཛྷི་ཛྷི་ཛྷི་ཛྷི། ལི་ལི་ལི་ལི། ཧུ་ལ་ཧུ་ལ། ཧི་ལི་
Ma262b
ཧི་ལི།་ཧུ་རུ་ཧུ་རུ། ཐཱ་ཐཱ་ཐཱ་ཐཱ། ཐི་ཐི་ཐི་ཐི། པ་ཏ་པ་ཏ། ཧི་ནི་ཧི་ནི། ནཱི་ལ་མ་ཧཱ་ནཱི་ལ། བཛྲ་རི་རི་རི་རི། ར་ར་རི་རི། ཀུམྦྷཎྜ། ཨ་པསྨ་ར་ཨ་ར་ཨཱ་བེ་ཤ་ན། པུ་རུ་པུ་རུ། ད་ར་ད་ར། ཀ་ར་ཀ་ར།་སརྦ་གྲ་ཧ་ན་མ་བ་ཧ་ཡ་ཨ་སྨན་ཤ་རཱི་རེ། ཨ་མུ་ཀ་སེ་གྲྀ་ཧི་ཧེ། གྲྀ་ཧི་ཧེ་བྷ་ས་ཏྱེ། ས་ཏྱེ། བ་ར་བ་ར། ཙུ་རུ་ཙུ་རུ། ཙི་རི་ཙི་རི། ཨེ་ཧི་ཨེ་ཧི། བཛྲ་པཱ་ཎི། པི་ནི་པི་ནི། སི་རི་སི་རི།་ཀུ་རུ་ཀུ་རུ། མུ་རུ་མུ་རུ། སུ་རུ་སུ་རུ། དཱུ་ཏི་དཾ་ཀུ་རུ་ཧུ་རུ་རུ། སིདྡྷ་ཀྵ་ཎ་ནཱ་ད་བཛྲ་པཱ་ཎི་རཱ་ཛོ་པ་ཡ་ཏི་སཝཱཧཱ། ཕོ་ཉ་མ་ནི་བཅུ་པོ་ལས། །ལས་ཀུན་བྱེད་པ་གཉིས་པ་འདི། །རྡོ་རྗེ་དྲིལ་བུར་གྲགས་པ་སྟེ། །རིག་སྔགས་ཆེན་མོ་སྟོབས་ཆེན་ཡིན། །ན་མོ་མ་ཏུ་ཧུ་ཊུ་ཧུ་ཊུ་ཧུ་ཊུ། མུདྡྷ་ན་ཀ་མུདྡྷ་ན་ཀ། ལ་ལ་ལ་ལ། ལ་ལི་ཏ་ལ་ལི་ཏ། ཧི་ནི་ཧི་ནི། ཧི་ནི། ཀཱ་ལི་ཀཱ་ལི། མ་ཧཱ་ཀ་ལི་མ་ཧཱ་ཀ་ལི། མ་ཧཱ་ཀེ་ཤི་མ་ཧཱ་ཀྲོ་དྷེ། ཨུ་གྲོ་ཤ་བཾ་ནི་པ་ཏ་བ། གཙྪ་བྷ། ཨ་ཤུ་ཏ་བ་ཏི་ཤ་ཏ། ཧོ་སིདྡྷ་མ་ན་ཡ་ཤྱ། ནི་བཛྲ་ཏུ་དྷ་ས་ཙོ་ཏི། ཏ་ན་སུ་རུ་སུ་རུ། མུ་རུ་མུ་རུ།་བི་རི་བི་རི། ཀི་རི་ཀི་རི། ཀི་ཀི་རི། བཛྲི་ཎཱི། བཛྲཾ་ཀུ་ཤི་བཛྲེ་ཎ། ཧི་ནི་ཧི་ནི། ཨཱ་ཀཊྚྷྱ་ཨཱ་ཀཊྚྷྱ། ནི་སུཾ་བྷ་ནི་སུཾ་བྷ། ཧ་ར་ཧ་ར། ཧཱ་ས་ཡ་ཧཱ་ས་ཡ། པ་ཏ་ཡ་པ་ཏ་ཡ། པ་ཏ་ཡ། རེའུ་ཏྲེ་མ་ཧཱ་རེ་འུ་ཏྲེ། ཤཱི་གྷྲི་མཾ་ཨ་གཙྪ། དཱུ་ཏི་དཾ་ཀུ་རུ་ཀུ་རུ་ཧུ་རུ་ཧུ་རུ། སིདྡྷ་ཤྩཎྜ་བཛྲ་པཱ་ཎི་རཱ་ཛྙོ་པ་ཡ་ཏི་སཝཱཧཱ། ཕོ་ཉ་མ་ནི་བཅུ་པོ་ལས། །ལས་ཀུན་བྱེད་པ་གསུམ་པ་འདི།
Ma263a
༄#། །རྡོ་རྗེ་ནག་མོར་གྲགས་པ་སྟེ། །རིག་སྔགས་ཆེན་མོ་སྟོབས་ཆེན་ཡིན། །ན་མོ་མ་ཏི་སྠི་ར་བཛྲ། ཨེ་ཧི་སུ་ཏི་སྠི་ར་བཛྲ། ཨེ་ཧི་སུ་ཧཱ་བཛྲ། ཨེ་ཧི་ཨ་པྲ་ཏི་ཧ་ཏ་བཛྲ།་ཨེ་ཧི་ཨ་མོ་གྷ་བཛྲ། ཨེ་ཧི་ཨེ་ཧི་ཨ་ཏི། ཤཱི་གྷྲཾ་མ་ཏི། ལ་བ་ལ་བེ་ས་ས་མ། བཛྲ་བཛྲ་པཱ་ཎི་མ་ཧ་ཡཀྵ་སེ་ན་པ་ཏི་དྷུ་རུ་དྷུ་རུ། དྷ་ར་དྷ་ར། ཏི་རི་ཏི་རི། ཧི་དྷི་ཧི་དྷི། ད་ཧི་ལ་ཧུ་ན།་དྷུ་དྷུ་དྷུ་དྷུ། ཎུ་དྷུ་ཎུ་དྷུ། སི་ཎི་སི་ཎི། བ་བྷ་ཧི་བ་བྷ་ཧི། ཏུ་རི་ཏཾ་བཛྲ་པཱ་ཎི་བཛྲ་ཎ། ཀི་ནི་ཀི་ནི། ཀུ་རུ་ཀུ་རུ། ཤཱི་གྷྲཾ་ཨཱ་གཙྪ་རཀྵ་མཾ་རཀྵ་མཾ། ས་མུ་ཙ་ས་མུ་ཙ། བྷ་གཱ་གྲ་ཏེ། ཛ་སི་ཧཾ་ཏེ་ཛ་སོའུ་མ་མ་མ་ད་རི་ཤ་ནཾ། ཁ་རོ་ཧི། བི་ཀ་རོ་ཧི། བི་ཀ་རོ་ཧི། ཐ་ར་ཎེ་ཨོ་ཐ་ར་ཎེ། ཨུ་པ་ཏི་ཡ་ཤ་སརྦ་ཧོ་མི་ཧོ་མི། ཧི་ཧི་ཧི་ཧི། བཛྲ་པཱ་ཎི་མ་ཏི་ཨ་ཛི་ཏེ་ཨ་པ་ར་ཛི་ཏེ། ཨུཏྟ་ཏ་རི་ཨུཏྟ་ཏ་རི། སརྦ་བུདྡྷེ་ཤཝ་ར། ཧུ་ཧུ་ཀེ་ར་ལི་ཀེ་ར་ཎི། སུ་ནེ་ཧི་སུ་ནེ་ཧི། དཱུ་ཏི་དཾ་ཀུ་རུ་ཧུ་རུ་རུ། སིདྡྷ་ཤྩཎྜ་བཛྲ་པཱ་ཎི་རཱ་ཛྙོ་པ་ཡ་ཏི་སཝཱཧཱ། ཕོ་ཉ་མོ་ནི་བཅུ་པོ་ལས། ། ལས་ཀུན་བྱེད་པ་བཞི་པ་འདི། །གཞན་གྱིས་མི་ཐུབ་གྲགས་པ་སྟེ། །རིག་སྔགས་ཆེན་མོ་སྟོབས་ཆེན་ཡིན། །ན་མོ་མི་ཏ་སྨ་ར་ཡ། ས་མ་ཡེ་ས་ད་བཛྲ་ཎ་ཀྲྀ་ཏཱ་ཡ་ཏེ་ན་ས་ཏྱེ་ན།་ས་མ་ཡེ་ཧི་རི། ཀི་རི་མི་རི། སི་རི་ལ་ལི་ཏེ། ཨ་ལ་ཀེ་མ་ལ་ཀེ། བ་སུ་ཀི་རི་ར་ཀ། ར་ཀ་ར་ཎེ་ཎེ། ཏི་ནི་ཏི་ནི། ཧི་ནི་ཧི་ནི། མི་ཏི་མི་ཏི། ཀི་ཏི་ཀི་ཏི། མུ་ཏྲ་མུ་ཏྲ། སུ་རུ་སུ་རུ།
Ma263b
མུ་རུ་མུ་རུ། ཀུ་ལུ་ཀུ་ལུ། པཱུ་ཏི་དཾ་ཀུ་རུ་ཧུ་རུ་རུ། སིདྡྷ་ཤྩཎྜ་བཛྲ་པཱ་ཎི་རཱ་ཛྙོ་པ་ཡ་ཏི་སཝཱཧཱ། ཕོ་ཉ་མོ་ནི་བཅུ་པོ་ལས། །ལས་ཀུན་བྱེད་པ་ལྔ་པ་འདི། །རྡོ་རྗེ་མཛེས་མར་གྲགས་པ་སྟེ། །རིག་སྔགས་ཆེན་མོ་སྟོབས་ཆེན་ཡིན། །ན་མོ་མ་ཏི། དྷྲཾ་ཏི་དྷྲི་ཏི་གི་དྷྲི་གྷརྀ། རུ་རུ་བྲྀ་གྷརྀ་གྲི། རུ་རུ་བྲྀ་གྷརྀ་ན་རེ་རུ་ཙ་པ་ལ་མཱ་གཙྪ་ཀི་རི་ཀི་རི། ས་ཏྱ་ས་མ་ཡ། མ་ནུ་སྨ་ར་ཧི་བཛྲེ་ཎི་བཛྲེ་ཎི། ཎ་ཏི་ཎ་ཏི། ཀུ་ལུ་ཀུ་ལུ། ཧི་རི་མི་རི། ཀུ་རུ་སུ་རུ། སུ་རུ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། དཱུ་ཏི་དཾ་ཀུ་རུ་ཧུ་རུ། སིདྡྷ་ཤྩཎྜ་བཛྲ་པཱ་ཎི་རཱ་ཛྙོ་པ་ཡ་ཏི་སཝཱཧཱ། ཕོ་ཉ་མོ་ནི་བཅུ་པོ་ལས། །ལས་ཀུན་བྱེད་པ་དྲུག་པ་འདི། །རྡོ་རྗེ་ཤུགས་ཆེན་གྲགས་པ་སྟེ། །རིག་སྔགས་ཆེན་མོ་སྟོབས་ཆེན་ཡིན། །ན་མོ་མ་ཏི་བོ་ལ་རི་བཛྲ་ཀུ་ཀྵི་པ་པེ་ག་ཀྵི་པ་པེ་ག་གི་གི། གྷི་གི་གི་གྷི། གྷི་ཧི་གྷི་ཧི། བ་ཧི་བ་ཧི། ས་ར་ས་ར། ཧ་ར་ཧ་ར། ཧུ་རུ་ཧུ་རུ་ཧུ་རུ། ཀི་རི་བི་རི། དཱུ་ཏི་དཾ་ཀུ་རུ་ཧུ་རུ་རུ། སིདྡྷ་ཤྩཎྜ་བཛྲ་པཱ་ཎི་རཱ་ཛྙ་པ་ཡ་ཏི་སཝཱཧཱ། ཕོ་ཉ་མོ་ནི་བཅུ་པོ་ལས། ། ལས་ཀུན་བྱེད་པ་བདུན་པ་འདི། །རྡོ་རྗེ་ཤུགས་ཞེས་གྲགས་པ་སྟེ། །རིག་སྔགས་ཆེན་མོ་སྟོབས་ཆེན་ཡིན། །ན་མོ་མ་ཏི་སཱུརྱ་ས་མ་ཏེ་ཛ་ཏེ་ཛ་བཛྲ་ཎི། བི་ལ་བ་ལི། ཧེ་ལི་ཧེ་ལི། ཀུ་ཏུ་ཀུ་ཏུ། གྷ་དྷི་གྷ་དྷི། ས་ར་ས་ར། ཀུ་ལུ་ཀུ་ལུ། ཧི་ལི་ཧི་ལི། ཧུ་ལ་ནི། ཧ་ཧི་ཧ་ཧི། དཱུ་ཏི་དཾ་ཀུ་རུ་ཧུ་རུ་རུ། སིདྡྷ་ཤྩཎྜ་བཛྲ་པཱ་ཎི་རཱ་ཛྙ་པ་ཡ་ཏི་སཝཱཧཱ། ཕོ་ཉ་མོ་ནི་བཅུ་པོ་ལས།།
Ma264a
༄#། །ལས་ཀུན་བྱེད་པ་བརྒྱད་པ་འདི། །རྡོ་རྗེ་ཉི་མར་གྲགས་པ་སྟེ། །རིག་སྔགས་ཆེན་མོ་སྟོབས་ཆེན་ཡིན། །ན་མོ་མ་ཏི། ཛི་ཛི་ཛི་ཛི། རུ་རུ་རུ་རུ། ཙཎྜ་བཛྲ་པཱ་ཎི་ཀྲྀཥྞ་ཤ་བ་རཱ་ཛྙོ་པ་ཡ་ཏི་བི་ཀྲྀ་ཛ་བཛྲི་ཎི་མ་ན་ཡ། ཧི་ཧི་ཧི་ཧི་ཧི། ཀི་རི་ཀི་རི། མ་མ་ག་མེ་ན། ཏི་ཏི་ཏི་ཏི། མུ་ཏུ་མུ་ཏུ། ཧི་ཧི་ར་ཧི་ཧི་ར། ཧི་ཧི་དཱུ་ཏི་དཾ་ཀ་རོ་ཏ་ཧི་ཧི་རུ་རུ་སིདྡྷ་ཤྩཎྜ་བཛྲ་པཱ་ཎི་རཱ་ཛྙོ་པ་ཡ་ཏི་སཝཱཧཱ། ཕོ་ཉ་མོ་ནི་བཅུ་པོ་ལས། །ལས་ཀུན་བྱེད་པ་དགུ་པ་འདི། །རྡོ་རྗེ་དབྱུག་པར་གྲགས་པ་སྟེ། །རིག་སྔགས་ཆེན་མོ་སྟོབས་ཆེན་ཡིན། །ན་མོ་མ་ཏི་ས་ཏྱ། ས་ཏྱ་ནི་ས་ཏྱ་བ་ཏི་ནི། སཏྭ། བཛྲ་པྲ་ཏིསྟ་ཏ་ན། ས་ཏྱེ་ན་དྷརྱ་ཏེ་བཛྲ་ཎ་ས་ཏཾ། བཛྲ་ལོ་ཀེ་པྲ་ཏིཥྛི་ཏེ་ཨི་དཾ་ས་ཏྱེ་ན་ས་ཏྱེ་ན་ས་ཏྱ་བྷཀྵ་ཎ། ཤཱི་གྷྲཾ་ཡ་ཧི་བཛྲི་ཎི། ཧི་ཧི་ཧི་ཧི་ཧི། ཧ་ཧ་ཧེ། དྷ་ར་དྷ་ར། དྷུ་རུ་དྷུ་རུ། ལོ་ཀ་ཡ་ནི་ཤྩཎྜ་དྷེ་མོ་ཏ་ནི། མོ་ཏེ་སི་བིསྟུ་བིསྟུ། བི་ཏུ་རི་བི་ཏུ་རི། རུ་རུ་རུ་ཏི་པུ་ར་པཱ་ད་ག་ནི་ཛྭ་ལ་མ་ནུ་སྨ་ར་བཛྲི་དྷརྀ་ཏེ། དཱུ་ཏི་དཾ་ཀུ་རུ་ཧུ་རུ་རུ། སིདྡྷ་ཤྩཎྜ་བཛྲ་པཱ་ཎི་རཱ་ཛྙོ་པ་ཡ་ཏི་སཝཱཧཱ། ཕོ་ཉ་མོ་ནི་བཅུ་པོ་ལས། །ལས་ཀུན་བྱེད་པ་བཅུ་པོ་འདི། །རྡོ་རྗེ་བདེན་པར་གྲགས་པ་སྟེ། ། རིག་སྔགས་ཆེན་མོ་སྟོབས་ཆེན་ཡིན། །ལག་ན་རྡོ་རྗེའི་ཆོ་ག་རྒྱས་པ་ལས། ཕོ་ཉ་མོ་བཅུ་བཤད་པ་ཅེས་བྱ་བའི་ལེའུ་རྫོགས་སོ།། །།ན་མོ་རཏྣ་ཏྲ་ཡ་སྱ། ན་མ་
Ma264b
ཤྩཎྜ་བཛྲ་པཱ་ཎི་སྱ། མ་ཧཱ་ཡཀྵ་སེ་ནཱ་པ་ཏི་སྱ། སུ་ཁི་བྷ་བ་ཏུ་བཛྲ་པཱ་ཎི་ས་པ་རི་པཱ་ར་བཛྲ་པཱ་ཎི། བཱ་ཙ་ནེ་ན་བཱ་ཙ་ནེ་ན་ས་ཏྱེ་ན་བཛྲེ་ཎ། ཨཱ་ཛྙཱ་པ་ཡ་ཏི། བཛྲེ་ཎ་ཙྪིནྡ་ཏི། བཛྲེ་ཎ་བྷིནྡ་ཏི།་ཨ་ལོ་ལ་གྷ་ལོ་ལ། ག་ལིནྡྷ། བནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། བཛྲ་པཱ་ཎི། མ་ཧཱ། ཡཀྵ་སེ་ན་པ་ཏི་ར་ཛྙོ་པ་ཡ་ཏི་སཝཱཧཱ། ཟླ་བ་ཕྱེད་ཀྱི་བར་དུ་ཟས་སུ་འོ་མ་དང་ཕྱེའི་ལྡེ་གུ་ཟ་ཞིང་བསྒྲུབ་པར་བྱ་སྟེ། ལག་ན་རྡོ་རྗེ་རི་མོའི་གཟུགས་ཚོན་རྩི་སྦྱིན་མེད་པས་འབྲིར་གཞུག་གོ་།རི་མོའི་གཟུགས་ཀྱི་དྲུང་དུ་རས་མ་ཉམས་པའི་སྟན་ལ་གསེར་དང ། དངུལ་དང ། ཟངས་སྣ་གསུམ་ལས་བྱས་པའི་རྡོ་རྗེ་བཞག་སྟེ་སྟེང་གཡོགས་པར་བྱའོ། །པོག་དང་སྲ་རྩི་པོག་སྦྱར་བ་ཡང་དབུལ་ལོ། །ན་མཿ ཀུ་རུ་བཛྲ་པཱ་ཎི་པྲ་ཏི་གྲྀཧྞ་ཧི་མྱེ་དྷུ་པ་ཧུ་ཏི་མ་བསྤ་ཧུ་ཏི་མ་མ་མ་ཙ། རཀྵ་མཾ་ཏྭཾ་ས་མ་ཡོ་བྱ་དྷི་ཤུ་ཏི་སཝཱཧཱ། གཙང་མས་གོས་གཙང་མ་བགོས་ཏེ་དུས་གསུམ་དུ་བདུག་པ་ཐོགས་ཤིང་ལན་བརྒྱད་བརྒྱ་བཟླས་བརྗོད་བྱས་ནས་ཕྱི་དེ་ཉིན་པར་མཆོད་པ་ལྷག་པར་བསྐྱེད་དེ་བཟླས་བརྗོད་བྱའོ། །མར་མེ་ཡང་ཅི་འབྱོར་པས་བསྐྱེད་པར་བྱའོ། །དེ་ནས་ལག་ན་རྡོ་རྗེ་འོང་བར་འགྱུར་ཏེ། བྱ་བ་གང་ཡིན་པ་དེ་བྱེད་པར་འགྱུར་རོ། །གྲུབ་ནས་ཀྱང་ཟླ་བ་ཕྱེད་ཀྱི་བར་དུ་ཆོ་ག་བསྲུང་བར་བྱའོ། །དམ་ཚིག་མ་མཐོང་བས་བྱས་ན་མ་རུངས་པར་འགྱུར་རོ། །སློབ་དཔོན་
Ma265a
༄#། །ལ་གུས་པ་དང་མཆོད་པ་བྱས་ནས་གདོད་ཆོ་ག་རྒྱས་པར་མནོད་པར་བྱ་སྟེ། རྡོ་རྗེ་དཀྱིལ་འཁོར་གྱི་དབུས་སུ་ཀཪྵ་པ་ན་བརྒྱད་ཀྱི་འགྲོན་བུས་རྡོ་རྗེ་བྱས་ནས་སློབ་དཔོན་ལ་དབུལ་བར་བྱའོ། །དེ་ལྟ་བུས་ཆོ་ག་རྒྱས་པ་བསྒྲུབས་ན་གདོད་འགྲུབ་པར་འགྱུར་ཏེ། རིག་སྔགས་ཐམས་ཅད་འགྲུབ་པར་འགྱུར་རོ། །སློབ་དཔོན་མ་ཡིན་ཞིང་བུ་མ་ཡིན་པ་བསྟེན་ནས་ལོ་གཅིག་མ་ལོན་པ་ལ་སྦྱིན་པར་མི་བྱ་སྟེ། ཡང་ན་སློབ་དཔོན་གྱིས་རབ་ཏུ་སྦྱང་བ་བྱས་ནས་གཟོད་གཟུང་བར་བྱའོ། །དེ་ནས་ཕོ་ཉ་མོ་ཡི་ཚོགས། །བཅུ་པོ་རྣམས་ཀྱི་གཡོག་མོ་ནི། །ཡིད་ལས་སྐྱེས་པ་དྲུག་ཅུ་བཞི། །བསྟན་པ་རྣམས་ནི་བཤད་པར་བྱ། །ན་མོ་མ་ཏི་ཧི་བཛྲ་པཱ་ཎི་བཛྲ་པཱ་ཎི་མ་ཧཱ་ཡཀྵ་སེ་ན་པ་ཏི་རཱ་ཛྙོ་པ་ཡ་ཏི་སཝཱཧཱ། ལས་ཐམས་ཅད་བྱེད་པའོ། །ན་མོ་བཛྲ་པཱ་ཎི་བཛྲི་ཎི། ཧ་ན་ཧ་ན། ད་ཧ་ད་ཧ། པ་ཙ་པ་ཙ། ཨ་མུ་ཀཾ་མ་མ་བ་ཤ་མཱ་ནཱ་ཡ་སཝཱཧཱ། སྣ་མའི་མེ་ཏོག་གིས་སྦྱིན་སྲེག་བྱའོ། །ན་མོ་ནནྟེ། ཙྪིནྡ་བཛྲེ། ཙྪིནྡ་བཛྲེ་ཎི། ཙྪིནྡ་པ་ཏ་ཡ་ནི་སུམྦྷ་ཡ་སཝཱཧཱ། ལས་ཐམས་ཅད་བྱེད་པའོ། །ན་མ་ཨ་ར་ག་ཎི་བ་ར་ག་ཎི། སུ་ར་ག་ཎི།་བཛྲ་ཎ་ཙ་ཏེ་སཝཱཧཱ། ན་མོ་ནནྟ་ཀ་ལི། སུ་ར་ཀ་ལི། བྷི་རི་བྷི་རི། ཀུ་ཤ་ཤ་ཡ་ནྱེ། ཀུ་ཤ་རི་ཎི་སཝཱཧཱ། ཁྲོས་ནས་བྱང་ཕྱོགས་སུ་ཁ་བལྟས་ཏེ་བདུག་པར་བྱའོ། །ན་མོ་
Ma265b
གྷོ་ཥེ་ཎི། གྷོ་ཥེ་བཛྲི་ཎི། ཧ་ན་ཏི། བི་ནི་ཏི། ཨུཏ་སཱ་ད་ཡ་ཏི། བཛྲི་བཛྲ་ཎ་ཙ་ཏེ་སཝཱཧཱ། བྲ་མ་ཙནྡྷས་སྦྱིན་སྲེག་བྱས་ན་འཇིགས་པར་བྱེད་དོ། །ན་མོ་ཧི་ནི་ཧི་ནི། ཀུནད་ཡ་སཝཱཧཱ། དྷི་ནི་དྷི་ནི།་གྷི་ནི་གྷི་ནི་སཝཱཧཱ། ལས་ཐམས་ཅད་བྱེད་པའོ། །ན་མོ་མུ་ནེ་མུ་ནེ། ནི་མ་ཏི་མ་ཏི། མ་ཧཱ་མ་ཏི། སུ་མ་ཏི། རཀྵ་སུ་ཏི་ར་བཛྲ་པཱ་ཎི་ར་ཛྙོ་པ་ཡ་ཏི། ད་ཧ་ད་ཧ་སརྦ་བྷ་ཡེ་སཝཱཧཱ། ལས་ཐམས་ཅད་བྱེད་པའོ། །ན་མོ་ཧེ་ཧི་ཌ་པ་ས་གོ་ར་མ་ལི་བ་ར་མ་ལི་ཤུ་ཙི་རོ་ཏ་ཤུདྡྷ་བ་ལི་བཛྲ་པཱ་ཎི་རཱ་ཛྙ་པ་ཡ་ཏི་སཝཱཧཱ། ལས་ཐམས་ཅད་བྱེད་པའོ། །ན་མཿ ཀུམྦྷེ་ཀུམྦྷེ་ཀོ་ཊི་ན་ཀོ་ཊི་ནི། ཀུ་རུ་བཛྲ་པཱ་ཎི། ས་ཏྱེ་ན་ས་མུ་ཡེ་ན་ཙ་སཝཱཧཱ། མེ་ཏོག་གི་རིག་སྔགས་ཀྱིས་ཅི་ཡང་རུང་བ་ལ་བཟླས་བརྗོད་དམ་སྦྱིན་སྲེག་བྱའོ། །ན་མཿ སུ་ཁི་བྷ་བ། རུ་དྷེ་ར་བཛྲ་པཱ་ཎི་ཏྲོ་ཊ་ཡ་ཏྲོ་ཊ་ཡ་ནི་ཛི་ཧི་ནི། ཀུ་རུ་མེ་ཀཱརྱ་བྷྲ་མ་རི་བྷྲ་མ་རི་སཝཱཧཱ། ལྟེ་བའི་སྔགས་ཏེ། ལས་ཐམས་ཅད་བྱེད་པའོ། །ན་མཿ ་ཏི་ཊི་ནི། ཏུ་ཊུ་ནི། ཏུ་ཊུ་ནི། ཀུ་རུ་བཛྲེ་ཎ་པཱ་ཎི། ནོ་ཙི་ཡང་ཀ་མ་མ་བུརྡྷ་ཡ། བི་སོ་མེ་ཀ་མོ་སིདྡྷ་ཏུ་སཝཱཧཱ། ལག་པ་ལ་བཟླས་བརྗོད་བྱས་ཏེ་གང་དོན་དུ་བསྒྲུབས་པ་དེ་བླངས་བར་བྱའོ། །ན་མོ་བཛྲེ་ཎ་ཧ་ན་ཏི་མ་མ་ཙ། ས་མ་ཡན་རཀྵ་བཛྲ་པཱ་ཎི། མད་ཏྭཾ་ས་མ་ཡོ་བྱཱ་དྷི་ཤཱི་ཏི་སཝཱཧཱ། ལག་པའི་རིག་སྔགས་སོ། །ན་མོ་བྷི་བྷི་བྷི་རུ་རུ་བཛྲ་ཎ་ཡཾ་ད་སཝཱཧཱ། ལས་ཐམས་ཅད་བྱེད་པའོ། །ན་མཿ ཀུ་རུ་བྷྲ་མ་རི་མུཉྩ་
Ma266a
༄#། །མ་ཡ་མ་བཛྲ་པཱ་ཎི་ནི་རི་དཾ་ཀ་རི་ཀེ་སཝཱཧཱ། ལས་ཐམས་ཅད་བྱེད་པའོ། །ན་མཿ ་ཧི་རི་ཧི་རི། ཧི་ཧི་རི། ཀི་རི་ཎི། ཀི་རི་ཎི་སཝཱཧཱ། གྱད་བརྡབ་པའི་སྔགས་སོ། །ན་མོ་མཾ་དེ་མཾ་དེ། ད་ཧ་ད་ཧ། པ་ཙ་པ་ཙ། བ་ཤི་ཀ་རོ་ཧི། བ་ཤི་ཀ་རོ་ཧི། བ་ཤི་ཀ་རོ་ཧི། དེ་བ་མ་བ་མ་པི་ ་སཾ་བྷ་ཨུཏྟྲ་ས་ནི། བྷི་རི་བྷི་རི་སཝཱཧཱ། སྦྱིན་སྲེག་བྱའོ།། ན་མོ་ནི་རི་ནི་རི། པཱ་ཤ་པཱ་ཤེ་ཏི་སཝཱཧཱ། ལྟེ་བའི་སྔགས་ཏེ། སྦྱིན་སྲེག་ཐམས་ཅད་ལ་སྦྱར་བར་བྱའོ། །མིག་རྩིའི་སྔགས་དང ། མེ་ཏོག་གི་སྔགས་ཀྱང་ཡིན་ནོ། །རྒྱན་ཐམས་ཅད་ལ་ཡང་བཟླས་བརྗོད་བྱའོ། །ན་མོ་གྷུ་ཊུ་གྷུ་ཊུ་ནི་གུ་ཏུ་ནི་གུ་ཏུ་ནི། ནི་ས་ར་ཡ། མུ་ཏི་ནི་སཝཱཧཱ། འཁོར་དུ་གཞུག་པ་དང ། བརྡབ་པ་དང ། སྲུང་བ་དང ། བཅིང་བ་ལ་རས་སྔོན་པོས་བྱ་སྟེ། ལས་ཐམས་ཅད་བྱེད་པ་ཡིན་ནོ། །ན་མོ་གྷ་ཏ་ཡ་གྷ་ཏ་ཡ། ཙི་རི་ཙི་རི་ཙི་རི་སཝཱཧཱ། ཁ་ཟས་དྲང་བའི་སྔགས་ཡིན་ཏེ། དོང་བརྐོས་ལ་དེའི་ནང་དུ་ཁ་ཟས་ཀྱི་བྲུལ་མ་གཞུག་ཅིང་ཕྱི་རོལ་གྱི་ཁ་ཟས་ཅི་འདྲ་བ་དེ་འདྲ་བའི་ཁ་ཟས་ཀྱི་བྲུལ་མ་རས་གསར་བའི་ནང་དུ་བཅུག་སྟེ་ལན་བརྒྱད་བཟླས་བརྗོད་བྱས་ནས་རས་དེའི་སྟེང་དུ་དབྱུག་པ་གཞག་གོ། གང་ཅི་ཡང་རུང་བ་ཡང་འདྲེན་པར་བྱེད་དོ། །ན་མོ་གྷི་ནི་གྷི་ནི། ཀུཾ་ཌཱ་ཡ་བནྡྷ་ནི་སྟམྦྷ་ནི། གྷུ་གྷུ་གྷུ་སཝཱཧཱ། རིག་སྔགས་ཐམས་ཅད་
Ma266b
བཅིང་པའོ། །ན་མཿ ཙོ་ཏི་ནི། བནྡྷ་ནི། པ་ཏ་ནི་སཝཱཧཱ། རིག་སྔགས་ཐམས་ཅད་གསོ་བ་སྟེ། མར་དང་སྦྲང་རྩི་ལ་བཟླས་བརྗོད་བྱས་པས་བྱའོ། །ན་མོ་བཛྲི་ཎི་སྥོ་ཊ་ཡ། ཀུཎྜི་ནི་སྥོ་ཊ་ཡ་སཝཱཧཱ།་ཁྲོས་པ་ལ་ནི། ཡུངས་ཀར་གྱིས་གཏོར་རོ། །གཞིག་པ་ལ་ནི། བོང་བུའི་ཁྲག་གིས་བྱའོ། །ཞི་བར་གྱུར་ནས་ཕྱིར་གསོ་བ་ལ་ནི་མངར་གསུམ་གྱི་སྦྱིན་སྲེག་བྱའོ། །ན་མོ་བཛྲ་པཱ་ཎི་ར་ནུ་ག་ཏེ་ན་ཧི་རི་ཀི་རི། ཀཾ་མེ། བཛྲ་ཧ་ནི་ཀུ་རུ་བྷི་སཝཱཧཱ། མེའི་སྔགས་སོ། །ན་མཿ ཏི་ནི་སཝཱཧཱ། མིག་སྨན་གྱི་སྔགས་ཏེ། ལིག་བུ་མིག་དང ། རྡོ་ཕ་ཝང་ལོང་བུ་དང ། ུཏྤ་ལ་དམར་པོ་དང ། སུ་ནོད་ཛ་དང ། ས་ཧ་ཛ་ར་དང ། གླང་པོ་ཆེའི་རྡུལ་རྣམས་ནི། དབང་དུ་བྱ་བའི་མིག་རྩི་ཡིན་ཏེ། གང་ལ་བལྟས་པ་དེ་དབང་དུ་འགྱུར་རོ། །ན་མོ་བཛྲེ་ཎ་ཧ་ན་ཧི་ས་མ་ཡེ་ན་ཏིཥྚྷ་ཏི་པཱ་ཤ་མི་ཡ་ག་རི། བྷུ་རི་བྷུ་རི། པ་ཏྲ་ཤི་ཏི་ནི་སཝཱཧཱ། ཆུ་ཁྱོར་གང་ལ་བཟླས་བརྗོད་བྱས་ཏེ་ཤིང་ལ་གཏོར་ན། ལོ་མ་རྣམས་རྙིས་པར་འགྱུར་རོ། །ནཱ་བྷེ་ནཱ་བྷེ། བ་ན་ག་ཏ་དེ། བ་ན་ག་ཏ་དེ། བ་ན་ག་ཏ་དེ། སྟི་རི་སྟི་རི་སཝཱཧཱ། ནགས་ཁུང་དུ་འགྲོ་ན་སྲུང་བའི་སྔགས་སོ། །ན་མཿ ཀི་མོ་ཀ་མེ། ཀུ་མཱ་རི་ཎི་སཝཱཧཱ། སྨན་གྱི་སྔགས་ཏེ། བུ་མོ་གཞོན་ནུས་བཀལ་བའི་སྐུད་པས་བྱ་ཞིང་རྐང་པ་སྣུམ་གྱིས་བསྐུ་བར་བྱའོ། །ན་མཿ ཀུཎྜ་ནི་ཀུཾ་ཌཱི་ནི་སཝཱཧཱ། ཕོ་ཉ་མའི་རིག་སྔགས་བལྟ་བའི་སྔགས་ཏེ། རྫ་མཁན་གྱི་སྣོད་ནས་ཟས་
Ma267a
༄#། །དང ། སྨན་བླང་བར་བྱའོ། །ན་མོ་གྷ་ཏེ་གྷ་ཏེ་གྷི་ཏི་ནི་སཝཱཧཱ། གཞོན་ནུ་མའི་སྔགས་སོ། །ན་མཿ ཀུ་རུ་ཎ། བ་ཤེ་ན་བ་ཤེ་ན། བཛྲ་པཱ་ཎི། བཛྲ་པཱ་ཎི། ཧི་ཧི་ནི། ཏི་རཱུ་པ་མ་མ་མ་ཀརྨ་ཀུ་རུ་སཝཱཧཱ། ལས་ཐམས་ཅད་བྱེད་པའོ། །ན་མཿ ཀི་རི་ཀི་རི་སཝཱཧཱ། ཨུ་ཏ་ཀུ་རི་ཎི། ཏྲོ་ཊ་ནི་སྥོ་ཊ་ནི་སཝཱཧཱ། གནོད་སྦྱིན་མོའི་རིག་སྔགས་ཏེ། ཅི་འདོད་པ་ཐམས་ཅད་འགྲུབ་པའོ། །ན་མཿ ཡེ་ལ་ལ་ཏེ་ལ་བྷི་ནི་བཛྲི་ཎི་སཝཱཧཱ། རྐང་པ་བསྐུ་བའི་སྔགས་སོ། །ན་མཿ ཀུཾ་བྷེ་ཀུཾབྷེ་ནི་སཝཱཧཱ། སྨན་བླང་བ་དང ། ནགས་ཚལ་གྱི་ཤིང་ཏོག་བླང་པའི་སྔགས་སོ། །ན་མ་ཏེ་ཛ་ཛ་ནི། དྷུ་ན་དྷུ་ན་དྷུ་མ་ཏི་སཝཱཧཱ། ཐམས་ཅད་དབྲོག་པའི་སྔགས་ཀྱིས་འགྲུབ་པར་འགྱུར་རོ། །ན་མོ་ཧུ་ཛ་ཧུ་ཛ་ཧུ་ཛ་ནི་ཏི་སཝཱཧཱ། སྨན་ནོ་ཅོག་བླང་བའི་སྔགས་སོ། །ན་མཿ ཤྱ་མ་རི་བི་མ་རི་སཾ་ཀྲ་སཾ་ཀྲ་མ་ཎི་སཝཱཧཱ། རྨས་པའི་རྨ་སྤོ་བའོ། །ན་མོ་ཧི་ནི། པ་ཙ་པ་ཙ། བནྡྷ་བནྡྷ་ནི་ཁྲི་རི་ཎི་སཝཱཧཱ། ཁྲུས་བྱ་བའི་སྔགས་ཏེ། ལས་ཐམས་ཅད་བྱེད་པ་ཡང་ཡིན་ནོ། །ན་མོ་ཨ་ར་ཏེ་མཉྩ་རི་པཉྩ་བ་བ་ན་བ་སི་ནི་ཏུ་ཏི་ཀ་ལ་ཀ་ལ་སི་སཝཱཧཱ། གང་གི་མིང་གིས་སྐ་རགས་དུམ་བུ་དུམ་བུར་བཅད་ན་མིང་དེ་བཅད་པར་འགྱུར་རོ། །ན་མཿ པུ་ཤ་མཾ་ཛ་རི་ཛ་ཡ་མཾ་ཛ་རི་པུ་ཤ་པུ་རི་ཀེ་ནི་ལ་གྲི་བེ་དྷུ་ན་དུ་བི་ནི་ཏི་རི་སཝཱཧཱ། སྒོ་ལྕགས་དབྱེ་བ་དང ། གཉིད་ལོག་ཏུ་གཞུག་པ་དང །
Ma267b
དགྲོལ་བ་དང ། དབྱུང་བའི་སྔགས་ཏེ། བརྡབ་པར་བྱའོ། །ཡུངས་ཀར་ལ་བསྔགས་པས་ཀྱང་སྒོ་ལ་བསྣུན་པར་བྱའོ། །ན་མོ་བྷི་ན་ཡ་དུནྡུ་བྷི་ག་ཏཱ་ཡ་དུནྡུ་བྷི་ཐ། སུཾ་བྷ་སུཾ་བྷ་དྷ་རི་བྷསྨ་ཧ་ཧི། ས་མ་ཡཾ་མ་ཏེ་ན་ནུ་མ་ཏེ་ན་ ་མ་ཡཛྙཱ་པ་ཡ་ཏི་ཨུད་ག་ཏ་ནི་པ་ཏི་ནི་སཝཱཧཱ། སྒོ་ལྕགས་དབྱེ་བ་དང ། གཉིད་ལོག་ཏུ་གཞུག་པ་དང ། དགྲོལ་པ་དང ། དབྱུང་པ་དང ། གཞོམ་པ་དང ། རབ་ཏུ་གཞོམ་པ་དང ། གཞིག་པ་དང ། བསྒྱེལ་བ་དང ། གཅད་པའི་སྔགས་ཏེ། ལས་ཐམས་ཅད་བྱེད་པ་ཡང་ཡིན་ནོ། །ན་མོ་བཱ་རེ་བཱ་རེ་བཱ་ར་དཏྟེ་སིདྡྷ་སི་སཝཱཧཱ།་སྨན་བླང་པ་དང ། གདོན་དང་རིམས་ཀྱིས་ཐེབས་སུ་གཞུག་པའི་སྔགས་ཏེ། ལས་ཐམས་ཅད་བྱེད་པ་ཡང་ཡིན་ནོ། །ན་མཿ ཀི་རི་ཀི་རི་བཛྲ་པཱ་ཎི་ཏི་ལི་རི་ཏི་ལི་རི་ནི་ལི་ཛ་རི་སཝཱཧཱ། དབང་དུ་བྱ་བ་སྟེ། ཡུངས་ཀར་དང ། ལན་ཚཝ་དང ། ཅི་ཡང་རུང་བས་སྦྱིན་སྲེག་བྱའོ། །ན་མོ་མ་ཏི་མ་ཏི་བྷྲ་མ་རི་བྷྲ་མ་རི་སཝཱཧཱ། དབང་དུ་བྱ་བ་སྟེ། ཅི་ཡང་རུང་བས་བྱའོ། ། ན་མོ་དེཾ་བྷེ་དིཾ་བྷེ། དཾ་བྷེ་དཾ་བྷེ། དཾ་བྷེ་དཾ་བྷེ། བཛྲི་དྷི་ད་ཡ་ཙྪེ་ད་ནི་བེ་ད་ནི། ཡ་མྱེ་ཡ་མྱེ། ཡ་མ་ཡ་མེ་བིསྟི་བི་རི་བཛྲི་ཎི་ཙ་ཏེ་སཝཱཧཱ། སེམས་ཅན་ཐམས་ཅད་བཅིང་པ་དང ། ལས་ཐམས་ཅད་བྱེད་པའོ། །ན་མ་ཨུ་ཏོ་ཊ་ཡ་ཏྲོ་ཊ་ནི་བྷིནྡ་པ་ནི། བྷིནྡ་པ་ནཾ་སཝཱཧཱ། དབང་དུ་བྱ་བ་སྟེ། ཅི་ཡང་རུང་བས་སྦྱིན་སྲེག་བྱའོ། །ནི་སུཾ་བྷ་ནི་སུཾ་བྷ། བཛྲ་ཧ་ན་ནི་ཏེ་བྷི་རི་བྷི་རི་སཝཱཧཱ།
Ma268a
༄#། །རིག་སྔགས་དགྲོལ་བ་དང ། ལས་ཐམས་ཅད་བྱེད་པའོ། །ན་མ་ཤྩྞྚེ་རི་ག་ཤི་ནི་ཨསྠི་ནི་ཙྱ་སྱ་བི་ཤྱ་ཧེ་མཛྫ་མྱེ་ཙཾ་ཌ་ཨ་ཧ་ར་སཝཱཧཱ། ཚུལ་ཇི་ལྟ་བ་བཞིན་དུ་འདུག་ལ་བཟླས་བརྗོད་བྱེད་ཅིང་མིང་བརྗོད་པར་བྱའོ། །ལས་ཐམས་ཅད་བྱེད་པ་ཡང་ཡིན་ནོ། །ན་མཿ པ་ཀོ་པ་ཏི་ནི། མི་བྷི་མི་བྷི། ཏཾ་ཀེ་ཀེ་མཾ་མེ། ཀུ་རུ་ཀ་ར་པ་མ་བཛྲ་ཧ་ན་ནེ་སཝཱཧཱ། སྒོ་ལྕགས་དབྱེ་བ་དང ། དབང་དུ་བྱ་བ་དང ། གཞིག་པ་ལ་སྦྱིན་སྲེག་བྱའོ། །ན་མཿ བིཤི་ལི་པེ་ཤེ་ལེ། ཙི་ཏི་ལི། ཙི་ལི་བྷི་ཙི་ལི། ཙི་ལི་བྷི་ཙི་ལི། ཙི་ལི་བྷི་ཙལི་ལི། ཙ་རུ་ནི་ཏེ་ཙ་རུ་ཎི་སཝཱཧཱ།་མོ་མཚན་བཅིང་བ་སྟེ། ལས་ཐམས་ཅད་བྱེད་པ་ཡང་ཡིན་ནོ། །ན་མཿ སུཾ་བྷ་ནི་སུམྦྷ་བྷནྡྷ་དྷ་ལ་ཧཱུཾ་ཨཱ་ན་ཡེ་སཝཱཧཱ། ཅི་ཡང་རུང་བས་སྦྱིན་སྲེག་བྱའོ། །ཧི་ཧི་ཧི་ནི་ལི་ནི། ཨི་རི་ཏི་སུཾ་བྷ་བཛྲ་པཱ་ཎི། ཧུ་རུ་ཧུ་རུ། བྷཾ་ཛཱ་ནི་སཝཱཧཱ། བདུག་པ་ཐོགས་པ་དང ། མེ་ཏོག་སྟེང་དུ་འདོར་བའི་སྔགས་སོ། །ན་མཿ ་ཧུ་ལུ་ཧུ་ལུ་ཧུ་ལཱ་ཡ། ཀུ་ལུ་ཀུ་ལུ་ཀུ་ལཱ་ཡ། ཀི་ལི་ཀི་ལི་ཀི་ལཱ་ཡ་སཝཱཧཱ། འདི་ནི། ལག་ན་རྡོ་རྗེ་སྦྱིན་སྲེག་ཐོག་མར་བྱ་བ་ཡིན་ཏེ། གནོད་པར་བྱ་བ་ལ་སྦྱིན་སྲེག་བྱས་ནས་དེའི་འོག་ཏུ་བདུག་པས་དགྲོལ་བར་བྱའོ། །ཧི་རི་མི་རི་ཧི་ལི་མུ་ལི་ཛི་མུ་ལུ་མུ་ལུ་ཙི་སཝཱཧཱ། ལག་ན་རྡོ་རྗེ་སྨྲར་གཞུག་གོ། བི་རི་ལི། ཙི་རི་ལི། བཛྲ་པཱ་ཎི། བྷི་རི་བྷི་རི། ཨ་ནེ་མེ་ཧི་སཝཱཧཱ། དགོད་དུ་གཞུག་པའོ། །བི་ལི་བ་རི་
Ma268b
ཎི།་ཨི་ལི་ཀུ་རུ་བ་ཏི། པྲ་སཱི་ད་བྷ་ག་ཏོ། །སྨི་ཀུ་རུ་མེ་བ་རཾ་སཝཱཧཱ། མི་འཇིགས་པ་སྦྱིན་པའོ། །ན་མཿ ཀི་ལི་མི་ལི་ནི་རི་ནི། སུ་རུ་ཀུ་རུ། ས་མ་ཡ། མ་ནུ་བརྟ་ཧི་ད་ཡཾ་བནྡྷ་སཝཱཧཱ། སྦྱན་དྲང་པ་དང ། ལས་ཐམས་ཅད་བྱེད་པའོ། །ན་མོ་ ་ཧ་རཱ་ཡ་ཨ་གྲ་གྲི་བ་རི་ཎི། རུ་ཎི་རུ་ཎི། བ་རི་ཎི་ཤི་མ་ནི། པྲ་སཱ་དྷ་ནི། བཛྲ་པཱ་ཎི་ར་ཛྙཱ་བ་ཡ་ཏི་སཝཱཧཱ། རབ་ཏུ་སྒྲུབ་པ་སྟེ། བཟླས་བརྗོད་བྱེད་ཅིང་བདུག་པ་བསྲེགས་པས་བྱའོ། །ན་མོ་བྷ་གུ་རུ་ག་ཊཱུ་གཾ་ཌེ་ཛ་ཧ་ར་ཨུརྡྷཾ་ས་ཏྱ། ན་ས་མ་ཡེ་ན་པྲ་སཱ་དྷ་ཡ་སི་བཛྲི་ཎ་སཝཱཧཱ། དགའ་བར་བྱ་བ་སྟེ། བིལ་བ་དང ། ཤུ་ཏིས་ཁྲུས་བྱེད་ཅིང་ལས་བྱའོ། །ཧི་རི་མི་རི། ཨ་བ་ཧཱ་ཡ་མྲྀ་ཏ་ནཱ་མ་མ་ཧི་ས་མ་ཡ་མུ་པ་ཏཱིཀྵྞ་སཝཱཧཱ། བཟླས་བརྗོད་བྱེད་ཅིང་བདུག་པ་བསྲེགས་པས་འཇིགས་པ་འབྱུང་བར་མི་འགྱུར་རོ། །མུ་ནེ་མོ་ནེ། མུ་ནེ་མོ་ནེ། ཀཱརྱ་མི་དཾ་ཀུ་རུ་བྷཻ་ར་ཝ་བཛྲ་པ་ཎི་ཧ་ཧ་སཝཱཧཱ། ལས་ཐམས་ཅད་བྱེད་པའོ། །བཛྲ་དྷཱུཾ་ད་མ་ཧཱ་བེ་ཀཾ་བཛྲ་གྷོ་ན་པ་ཡཾ་ཀཾ་བཛྲེ་བཛྲེ་ཎ་ཧ་ན་པ་ཏ་ཡ་ནི་པ་ཏ་ཡ་སཝཱཧཱ། མིའི་གཙོ་བོ་དབང་དུ་བྱ་བ་སྟེ། སྦྱིན་སྲེག་གིས་བྱའོ། །ལས་ཐམས་ཅད་བྱེད་པ་ཡང་ཡིན་ནོ། །ཀཱ་ལི་ཀཱ་ལི། ཀོ་ནི་ཀྵེ་ཨ་ཨི་ཏི་བི་ལི་ལི། པི་ལི་ལི།་པི་ལི་ལི་སཝཱཧཱ། ན་མོ་བནྡཧ་མི་ཏྱ་མུ་ཁཾ་ཨ་མུ་ཀ་བཛྲ་ཧསྟ་སྱ་པི་ནི་ན་ཨ་ལི་ཙི་ལི་བི་ལི་མི་ལི། ན་མོ་བཛྲ་པཱ་ཎི་སྱ་སཝཱཧཱ། ལན་བདུན་བཟླས་བརྗོད་བྱས་ཉ་\?\་རས་
Ma269a
༄#། །ཀྱི་ཚར་ཚར་ལ་མདུད་པ་བོར་བར་བྱའོ། །ན་མོ་ཙི་ལི་ཙི་ལི། ཀུཊྚུ་ཀུཊྚུ་སུ་ཁཱི་བྷ་བ་ཏུ་བཛྲ་པཱ་ཎི། མ་ཧ་ཡཀྵ་སེ་ནཱ་པ་ཏི་ཨི་མི་ནི། པུཥྤ་ནི་གྲྀ་ཧི་ཏྭ། ཨ་མུ་ཀོ་བྷ་ཤ་མ་གཙྪ་ཏི་སཝཱཧཱ། སྣ་མའི་མེ་ཏོག་ལ་ལན་བརྒྱད་བརྒྱད་བཟླས་ཏེ་བཅོམ་ལྡན་འདས་ཀྱི་ཞབས་དྲུང་དུ་ནུབ་མོ་ནས་དབུལ་ལོ། །ན་མོ་བཛྲ་རཱ་ཛྙཱ་པ་ཡ་ཏི་ཧི་ཧི་ཧི་ཧི་ཧི་ཧི་ཤུ་ཀྲ་ཤོ་ན་ཏི་བནྡྷ་ནི། མ་ཧཱ་བིདྱ་ཤུ་ཀྲ་མེ་བནྡྷ་ ་ཙ་མཱི་སཝཱཧཱ། སྐུད་པ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ནས་མདུད་པ་བྱས་ཏེ་རྐེད་པ་ལ་བཏགས་ན།་ཁུ་བ་དང ། ཁྲབ་བཅིངས་པར་འགྱུར་ཏེ། ལག་ན་རྡོ་རྗེའི་ཆོ་ག་རྒྱས་པ་ཆེན་པོ་ལས། ཕོ་ཉ་མོ་དྲུག་ཅུ་རྩ་བཞི་རྫོགས་སོ།། །།དེ་ནས་ཕོ་ཉ་མོ་བཅུའི་ཆོ་ག་རྒྱས་པར་བཤད་པར་བྱའོ། །རས་མ་ཉམས་པ་ལ་ཚོན་རྩི་སྦྱིན་མེད་པས་བཅོམ་ལྡན་འདས་ཀྱི་སྐུ་གཟུགས་ཆོས་འཆད་པའི་ཚུལ་དུ་བཞུགས་པར་བྲིའོ། །གཡོན་ལོགས་སུ་གནོད་སྦྱིན་ལག་ན་རྡོ་རྗེ་བྲི་བར་བྱ་སྟེ། དེ་ཡང་འཁོར་དང་བཅས་པར་བྱའོ། །དེའི་མདུན་དུ་རྡོ་རྗེའི་གཟུགས་བྲིའོ། །གཡས་ལོགས་སུ་ནི། ཕོ་ཉ་མོ་བཅུ་འཁོར་དང་བཅས་པར་བྲི་སྟེ། རྒྱན་ཐམས་ཅད་ཀྱིས་བརྒྱན་ལ་ཐམས་ཅད་ཀྱི་མགོ་བོར་རྡོ་རྗེའི་མཚན་མ་ཡོད་པར་བྲིས་ནས་སྐུ་གདུང་དང་ལྡན་པའི་མཆོད་རྟེན་
Ma269b
གྱི་དྲུང་དུའམ། ཡང་ན་ཆེད་དུ་སྐུ་གདུང་བཞག་སྟེ་སྐུ་གཟུགས་ཁ་ནུབ་ཕྱོགས་སུ་བསྟན་ལ་སྐུ་གཟུགས་ཀྱི་མདུན་དུ་གསེར་དང ། དངུལ་དང ། ཟངས་རྣམ་གསུམ་ལས་བྱས་པའི་རྡོ་རྗེ་རས་གསར་པ་མ་ཉམས་པའི་སྟེང་དུ་བཞག་སྟེ་སྟེང་གཡོགས་པར་བྱ་སྟེ། དེའི་ངོས་གཅིག་ཏུ་ཐབ་ཁུང་རྡོ་རྗེའི་དབྱིབས་འདྲ་བར་བྱའོ། །དེ་ནས་ཉེ་བར་འགྲོ་བའི་གཞོན་ནུ་ཟླ་བ་ཕྱེད་གསུམ་ལ་བསྒྲུབ་པར་བྱ་སྟེ། གསོ་སྦྱོང་གི་ཡན་ལག་བརྒྱད་དང་ལྡན་ཞིང ། ཟས་སུ་འོ་མ་དང ། ཕྱེའི་འདག་གུ་ཟ་བ་དང ། དུས་གསུམ་དུ་ཁྲུས་བྱེད་ཅིང་དུས་གསུམ་དུ་གོས་བརྗེ་བ་དང ། རྩཝ་དུར་བའི་སྟན་ལ་ཉལ་བར་བྱའོ། །རྟག་ཏུ་དུས་གསུམ་དུ་བདུག་པ་དང ། དྲི་དང ། མེ་ཏོག་དབུལ་ཞིང་རིག་སྔགས་བཟླས་བརྗོད་བྱའོ། ། སྦྱིན་སྲེག་ཀྱང་ཐམས་ཅད་ཀྱིས་བྱ་སྟེ། སེང་ལྡེང་གི་ཡམ་སྲེག་ཤིང་དང ། ཡུངས་ཀར་དང ། སྦྲང་རྩི་མར་དང ། སྦྱར་བའི་སྦྱིན་སྲེག་བྱའོ། །ལྷ་བཤོས་ཀྱང་རྟག་པར་དབུལ་བར་བྱའོ། །མར་གྱི་མར་མེ་ཅི་འབྱོར་པ་ཡང་མཚན་རངས་པར་སྦྱར་རོ། །བཅོམ་ལྡན་འདས་ལ་རྟག་ཏུ་མཆོད་པར་བྱའོ། །ཟླ་བ་ཕྱེད་ཕྱེད་ཀྱི་མཚམས་སུ་ཡང་ཞག་གསུམ་སྨྱུང་བར་བྱའོ། །དེ་ལྟར་སྦྱར་ན་འགྲུབ་པར་འགྱུར་ཏེ། དོན་ཐམས་ཅད་བྱེད་དོ། །དེའི་ལས་རྣམས་འབྱུང་སྟེ། སྐྱེས་པ་དང་བུད་མེད་དབང་དུ་བྱ་བ་ལ་བ་རུ་རའི་ཤིང་ངམ་མར་དང་
Ma270a
༄#། །སྦྲང་རྩི་དང་ཡུངས་ཀར་རྣམས་ཀྱིས་ཞག་བདུན་གྱི་བར་དུ་སྦྱིན་སྲེག་བྱའོ། །དེ་བཞིན་དུ་མིའི་གཙོ་བོའམ། མི་ཆེན་པོའམ། གནོད་སྦྱིན་དང ། མིའམ་ཅི་ཡང་དབང་དུ་ཁུགས་པར་འགྱུར་ཏེ། ཅི་ནུས་ཀྱིས་སྨྱུང་བ་བྱའོ། །བྲམ་ཟེ་ལ་ནི། ཞག་གསུམ། རྒྱལ་རིགས་ལ་ནི། ཞག་གཉིས། རྗེའི་རིགས་ལ་ནི། ཞག་གཅིག་སྨྱུང་བར་བྱའོ། །དམངས་རིགས་ལ་ནི། སྨྱུང་བར་བྱ་མི་དགོས་པར་ནིམ་པའི་ཡམ་བསྲེག་ཤིང་གིས་བྱའོ། །གཞིག་པ་ལ་ནི། དུག་དང་ཁྲག་དང་འབྱུང་པོའི་ཟས་ཀྱིས་སྦྱིན་སྲེག་བྱའོ། །གདོན་གྱིས་ཐེབས་སུ་གཞུག་པ་ལ་ནི། ཨེ་རཎྚ་ས་བྱའོ། །འཁྲུག་པར་བྱ་བ་ལ་ནི། བའི་མར་གྱིས་བྱའོ། །དབྱེ་བ་ལ་ནི། སྦྲུལ་གྱི་པགས་པ་བརྗེས་པས་བྱའོ། །དབང་དུ་བྱ་བ་ལ་ནི། མར་དང་ནེའུ་ལེའི་སྤུས་བྱའོ། །སྙིང་པོ་གཅད་པ་ལ་ནི། ལན་ཚཝ་དང་ཀ་རས་སྦྱིན་སྲེག་བྱའོ། །གདོན་དགུག་པ་ལ་ནི། གུ་གུལ་གྱི་བདུག་པས་བྱའོ། །དབབ་པ་ལ་ནི། གུ་གུལ་དང་ཏུ་ལ་སའི་ལོ་མས་བྱའོ། །ཉེ་བའི་སྦྱིན་སྲེག་གིས་ནི། རྨི་ལམ་དུ་སྟོན་པར་འགྱུར་རོ། །སྲུང་བའི་ལས་ལ་ནི། སྐུད་པའམ། ཐལ་བའམ། ཆུས་བྱའོ། །གཙུག་ཕུད་བཅིང་བ་ལ་ནི། ཆུས་བྱའོ། །དུག་ཞི་བར་བྱ་བ་ལ་ནི། བཟླས་བརྗོད་ཀྱིས་བྱའོ། །གདོན་དང་རྨི་ལམ་གྱི་འཇིགས་པ་ལ་ནི། ལན་
Ma270b
ཚཝས་བྱའོ། །སྒོ་ལྕགས་དབྱེ་བ་དང ། གདོན་དབང་དུ་བྱ་བ་དང ། སྐྱེས་པ་དང་བུད་མེད་དབང་དུ་བྱ་བ་དང ། གདོན་དབབ་པ་དང ། བརྡེག་པ་དང ། སྨྲར་གཞུག་པ་དང ། གཟིར་དུ་གཞུག་པ་ནི། རའི་གཟུགས་བྱའོ། །མར་གྱིས་བསྐུས་ན། ཕྱིར་འཚོ་བར་འགྱུར་རོ། །སྨྲར་གཞུག་པ་དང ། ཁུས་འདེབས་སུ་གཞུག་པ་དང ། གར་བྱེད་དུ་གཞུག་པ་དང ། དུར་གཞུག་པ་དང ། ཆོ་རིགས་བྲི་བ་དང ། བྱི་བ་ཟར་གཞུག་པ་དང ། བུང་བ་ཟར་གཞུག་པ་ལ་ཡང་རའི་གཟུགས་བྱའོ། །མར་གྱིས་བསྐུས་ན་ནི། ཕྱིར་འཚོ་བར་འགྱུར་རོ། །ལས་འདི་དག་དང ། གཞན་ཡང་གྲངས་མེད་པ་དག་བྱེད་པར་འགྱུར་ཏེ། བརྡེག་པ་ནི། གཏུན་ཤིང་ངམ་སྐྲའི་ཐག་གུས་བྱའོ། །རོ་བསྲེགས་པའི་སོལ་བས་གཟུགས་བྲིས་ལ་ས་ལས་བྱས་པའི་རྡོ་རྗེས་བཀབ་ན། གདོན་དབུགས་ཆད་པར་འགྱུར་རོ། །མར་གྱི་ངོ་ཞག་བཅུ་བཞི་ལ་ལམ་གྱི་བཞི་མདོའམ་ཚན་གཅིག་པུ་འདུག་པར་ཀ་ར་བཱི་ར་དམར་པོའི་མེ་ཏོག་ཁ་མ་བྱེ་བ་ལ་བཟླས་བརྗོད་བྱས་ཏེ་ནུབ་མོ་ནས་བཞག་ལ་ཕྱི་དེ་ཉིན་བར་གྱི་དུས་མཚམས་དང་པོར་ལན་བདུན་བདུན་བཟླས་བརྗོད་བྱས་ནས་དགྲ་ལ་བལྟས་ཏེ་བོར་ན། གདོན་གྱིས་ཐེབས་པར་འགྱུར་རོ། །དགྲོལ་བ་ལ་ནི། ཀཱ་ར་བཱི་རའི་མེ་ཏོག་དཀར་པོས་བྱའོ། །ཆོ་ག་དེ་དག་ཉིད་ཀྱིས་སུག་སྨེལ་དང ། ཤུ་དག་དང ། ལིག་བུ་མིག་དང །
Ma271a
༄#། །ཐིང་རིལ་གྱི་སྒོ་ངའི་ཤུན་ཕྲགས་རྣམས་ཆ་བསྙམས་ཏེ་ཞག་གསུམ་སྨྱུང་བ་བྱས་ནས་ལན་བརྒྱ་སྟོང་བཟླས་བརྗོད་བྱའོ། །དེ་ལྟར་བྱས་ན། ལུས་མི་སྣང་བར་འགྲུབ་པར་འགྱུར་རོ། །དེ་བཞིན་དུ་བྱ་གག་དང ། བྱ་གར་དང ། ནེ་ཙོ་དང ། བྱ་ཙ་ཤ་རྣམས་ལས་གང་ཡང་རུང་བ་གཅིག་གི་སྒོ་ངའི་ཤུན་ཕྲགས་དང ། ཉ་རོ་ཧི་ཏའི་སྒོ་ངའི་ཤུན་ཕྲགས་དང ། ཡུང་བ་དང ། པུ་ཤེལ་ཙེ་དང ། ཉ་མཁྲིས་རྣམས་སྦྱར་བས་ཀྱང་ལུས་མི་སྣང་བར་བྱེད་དོ། །ཀྲི་ཤན་བ་ལི་དང ། ཀུ་བེ་ར་དང ། ཀུ་བེ་རཀྵི་རྣམས་ཆར་བའི་ཆུ་དང་བཏགས་པའི་རིལ་བུས་ལུས་བསྐུས་ན། རྒྱལ་པོའི་ཕོ་བྲང་དུ་འོངས་པ་དང ། སྐལ་བ་བཟང་པོ་དང་ལྡན་ཞིང ། བཟའ་བ་དང་བཏུང་བ་དང་ལྡན་པར་འགྱུར་རོ། །ལུས་མི་སྣང་བ་བསྒྲུབ་པ་ནི། ཞག་གསུམ་སྨྱུང་བ་བྱས་ཏེ་མར་གྱི་ངོ་ཞག་བཅུ་བཞི་ལ་ལུས་བསྐུ་བར་བྱའོ། ། ཤཝ་ཨ་ཀ་དང ། སྤོ་ར་དང ། ཤ་བྷ་རའི་རྩ་བ་དང ། གཟེ་མ་དང ། འབྲས་དང ། རིམ་པ་འདི་དག་ནི། གདོན་གྱིས་མི་ཚུགས་པའི་སྦྱར་སྨན་ཡིན་ནོ། །གུར་གུམ་དང ། རྒྱ་སྤོས་དང ། རུ་རྟ་དང ། སྤོས་དང ། ཀི་རི་ཀི་ར་ནི་ཀ་དང ། ི་དྲ་བ་ནུ་ནིའི་རྩ་བ་དང ། ་མྲྀ་ཏ་ལྔའི་འཇིམ་པ་རྣམས་ཀྱི་སྦྱར་སྨན་ནི། གདོན་གྱིས་འཇིགས་པ་ལ་ལུས་བསྐུ་བར་བྱའོ། །རིལ་བུའི་སྦྱོར་བ་ཐམས་ཅད་ནི། ཞག་གསུམ་
Ma271b
སྨྱུང་བར་བྱས་ཏེ་མར་གྱི་ངོ་ཞག་བཅུ་བཞི་ལ་ལན་བརྒྱད་སྟོང་བཟླས་བརྗོད་བྱས་ན། དེས་འགྲུབ་པར་འགྱུར་རོ། །ལན་ཚཝ་ལས་དུག་མའི་གཟུགས་བྱས་ལ་དེའི་རྐང་བའི་དྲུང་དུ་སྦྱིན་སྲེག་བྱས་ཏེ་རོ་བསྲེགས་པའི་སོལ་བས་གཟུགས་བྲིས་ལ་འཇིམ་པ་ལས་རྡོ་རྗེ་བྱས་པས་བཀབ་ན། དབུགས་ཆད་པར་འགྱུར་རོ། །དེ་ནས་བློ་གྲོས་རྡོ་རྗེ་ཉི་མ་ཚེའི་ཆོ་ག་བཤད་པར་བྱ་སྟེ། ཡར་གྱི་ངོ་ཚེས་གཅིག་ལ་བརྩམས་ལ་སྐུ་གདུང་དང་ལྡན་པའི་སྐུ་གཟུགས་བཞག་སྟེ་ཕོ་ཉ་མོའི་རི་མོའི་གཟུགས་ཆོ་ག་བཞིན་དུ་ནུབ་ཕྱོགས་སུ་བསྟན་ནས་དེའི་མདུན་དུ་བ་ལང་གི་ལྕི་བའམ་ས་དཀར་གྱིས་དཀྱིལ་འཁོར་སྐྱང་ནུལ་གྱིས་བྱུགས་ལ་དེའི་སྟེང་དུ་གུར་གུམ་དང ། ཙནྡན་དཀར་པོས་བྱུགས་ཏེ་ཙནྡན་དཀར་པོའམ། ཡུངས་ཀར་གྱིས་རྡོ་རྗེ་བྲིའོ། །དེའི་ཕྱོགས་གཅིག་ཏུ་ཐབ་ཁུང་རྡོ་རྗེའི་དབྱིབས་འདྲ་བར་བྱས་ལ། དེ་ནས་ལས་བརྩམ་པར་བྱ་སྟེ། དུས་གསུམ་དུ་ཁྲུས་བྱེད་ཅིང་དུས་གསུམ་དུ་གོས་བརྗེ་བ་དང ། ཕྱི་རོལ་དུ་རྩཝ་དུར་བའི་སྟན་ལ་ཉལ་བ་དང ། གསོ་སྦྱོང་གི་ཡན་ལག་བརྒྱད་དང་ལྡན་པ་དང ། ཁ་ཟས་དུས་གཅིག་ཏུ་འོ་མ་དང ། འབྲས་སཱ་ལུའི་ཆན་བཟའ་ཞིང་དཀའ་ཐུབ་སྤྱོད་པས་ནང་དུ་ལྷ་བཤོས་དབུལ་བར་བྱའོ། །གཏོར་མ་ཡང་ཏིལ་ཟན་དང ། འབྱུང་པོའི་ཟས་སྦྱིན་པར་བྱའོ། །བདུག་པ་ནི། བཅོམ་ལྡན་འདས་ལ་
Ma272a
༄#། ། ག་རུ་དབུལ་ལོ། །ལག་ན་རྡོ་རྗེ་ལ་ནི། གུ་གུལ་དང ། ཐང་ཆུ་དབུལ་ལོ། །བཅོམ་ལྡན་འདས་ལ་ནི། མེ་ཏོག་དྲི་ཞིམ་པོ་རྣམས་དབུལ་ལོ། །ལག་ན་རྡོ་རྗེ་ལ་ནི།་ཀ་ར་བཱི་ར་དམར་པོ་དབུལ་ལོ། །མཚན་མོ་ནི། མར་མེ་གཉིས་དབུལ་བར་བྱ་སྟེ། དུས་གསུམ་དུ་ལན་བརྒྱད་བརྒྱ་བཟླས་བརྗོད་བྱས་ལ་སྦྱིན་སྲེག་ཀྱང་བྱའོ། ། མཇུག་ཏུ་ཞག་གསུམ་སྨྱུང་བར་བྱས་ནས་ཟླ་བ་ཉ་ལ་མཆོད་པ་རྒྱས་པར་བྱས་ཏེ་ནམ་ཞིག་རང་བཞིན་གྱི་ཚུལ་གྱིས་འོང་བ་དང ། ཡང་ན་འོད་སྟོན་པའམ། ཡང་ན་རྨི་ལམ་ལེགས་པར་སྟོན་པའམ། ཡང་ན་གནོད་སྦྱིན་མོའམ། རིག་སྔགས་སམ། ཅི་འདོད་པ་ཐམས་ཅད་སྦྱིན་པར་འགྱུར་གྱི་བར་དུ་ཕོ་ཉ་མོའི་བཟླས་བརྗོད་གྲངས་མེད་པར་བྱའོ། །བདུག་པའི་གསང་སྔགས་ལ། ན་མོ་བ་ར་མུ་ནི་བ་ར་མ་ཧཱ་མུ་ནི་བར་མུ་ནི་བ་ར་མུ་ནི་པྲ་ཏིཙྪ་མེ་བྷ་ག་ཏྱོ་པ་ནི་ཏཾ་པུཥྤ་གནྡྷ་མཱ་ལྱེ་པ་ཧ་ར་མ་ཨི་ལི་མི་ལི་ལི་མེ། ཨི་ལི་མི་ལི་ལི་མེ་སཝཱཧཱ། འདིས་དུས་གསུམ་དུ་དྲི་དང ། བདུག་པ་དང ། མེ་ཏོག་གི་ཕྲེང་བའི་མཆོད་པ་དབུལ་བར་བྱའོ། །འདི་ནི། སྦྱིན་སྲེག་གི་སྔགས་ཏེ། ན་མོཿ ་ཨནྡྲཱི་ཡ་སཝཱཧཱ། ཡ་མཱ་ཡ་སཝཱཧཱ། ཝ་རུ་ཎཱ་ཡ་སཝཱཧཱ། ཨགྣ་ཡེ་སཝཱཧཱ། པྲ་ཛཱ་པ་ཏ་ཡེ་སཝཱཧཱ། བྷ་ག་བ་ཏེ་སཝཱཧཱ། བི་རཱུ་པཱཀྵ་ཡ་སཝཱཧཱ། བཱ་ཡ་བེ་སཝཱཧཱ། ཀུ་བེ་རཱ་ཡ་སཝཱཧཱ། བཛྲ་པཱ་ཎ་
Ma272b
ཡེ་སཝཱཧཱ།་ཛྭ་ལ་ཛྭ་ལ་མི་ལི་ཏི་ཨི་ཏི་མི་རི་ཛཱུ་ཧི་རི་སཝཱཧཱ། གསང་སྔགས་འདིས་ཨ་པ་མརྒ་དང ། ས་མི་དང ། ཤིང་འོ་མ་ཅན་གྱི་ཡམ་བསྲེག་ཤིང་གི་སྲེག་བླུགས་སྣ་རེ་ཡང་བརྒྱད་བརྒྱ་བརྒྱད་བརྒྱ་ཞོ་དང ། སྦྲང་རྩི་དང ། མར་གྱི་ནང་དུ་སྨྱུགས་ཏེ་སྦྱིན་སྲེག་བྱས་ལ། དེའི་འོག་ཏུ་གྲངས་ངེས་པར་ཕོ་ཉ་མོའི་བཟླས་བརྗོད་བྱའོ། །གསང་སྔགས་འདིས་བཅིང་བར་བྱ་སྟེ། ན་མོ་མ་ལི་མ་ལི་མ་ཧཱ་མ་ལི། ཨི་ཏི་མི་ཏི། ཡེ་ཏྲ་བི་ཧ་རི་ཎི་ཧཾ་སྲ་ནན་དི་ཤ་བནྡྷ། མ་ཛྙཱ་པ་ཡ་ཏི་རཀྵ་མཱཾ་སརྦ་ཏྭ་ཏི། ཙི་ཧི་རི་ཀི་རི་སཝཱཧཱ། ལན་བདུན་བཟླས་བརྗོད་བྱས་པའི་ཆུ་དང ། སྐུད་པས་བྱའོ། །འདི་ནི། ལག་ན་རྡོ་རྗེ་སླར་གཏང་བའི་སྔགས་ཏེ། ན་མཿ ་ཙི་ལི་ཙི་ལི་བཛྲ་པཱ་ཎི་སཝ་བྷཱ་ནི་གཙྪ་པུ་ན་ར་ག་མ་ནཱ་ཡ། པུ་ན་པྲ་ཏི་ག་མ་ནཱ་ཡ་སཝཱཧཱ།་ཆུས་སླར་གཏང་བར་བྱའོ། །དེ་ལྟར་དེ་སྒྲུབ་པ་ནི། འདོད་པ་ཐམས་ཅད་སྦྱིན་པར་འགྱུར་ཏེ། འདིས་བསྒྲུབས་ན་འདོད་པ་ཐམས་ཅད་སྦྱིན་པར་འགྱུར་ཏེ། མ་གྲུབ་ན་ཡང་ལས་རྣམས་བྱང་བར་བྱེད་དོ། །གདོན་དབབ་པ་གཙུག་ཕུད་བཅིང་བ་ནི། ཆུས་བྱའོ། །གནོད་པར་བྱ་བ་ནི། ཤིང་ཤུན་ཐག་གུའམ། ཏ་ལའི་ལོ་མས་སྦྱིན་སྲེག་བྱའོ། ། རྨི་ལྟས་ཀྱི་རིག་སྔགས་དང ། སྲུང་བའི་སྐུད་པ་ནི། ཡུངས་ཀར་དང ། ཆུ་དང ། ཐལ་བ་རྣམས་ཀྱིས་བྱའོ། །དུག་ཞི་བར་བྱ་བ་ནི། བཟླས་བརྗོད་བྱའོ། །གདོན་བདུན་པོ་སྐྲག་
Ma273a
༄#། །པར་བྱ་བ་ལ་ནི། ལན་ཚཝའི་སྦྱིན་སྲེག་གིས་བྱའོ། །སྒོ་ལྕགས་དབྱེ་བ་དང ། གདོན་དབང་དུ་བྱ་བ་དང ། མིའི་གཙོ་བོ་དང ། མི་ཆེན་པོ་དབང་དུ་བྱ་བ་ནི།་ཞག་བདུན་གྱི་བར་དུ་དུས་གསུམ་དུ་སྦྲང་རྩི་དང ། མར་དང ། ཡུངས་ཀར་དང ། སེང་ལྡེང་གི་ཡམ་སྦྲེག་ཤིང་གིས་ལན་བརྒྱ་རྩ་བརྒྱད་སྦྱིན་སྲེག་གིས་བྱ་སྟེ། དུས་གསུམ་དུ་ཁྲུས་བྱེད་ཅིང་གཙང་མས་གོས་གཙང་མ་བགོས་ནས་བྱའོ། །དེ་ལྟར་བྱས་ན། གནོད་སྦྱིན་མོའམ། དྲི་ཟ་མོའམ། སྲིན་མོ་ཡང་དབང་དུ་ཁུགས་པར་འགྱུར་རོ། །ཟླ་བ་གཅིག་གིས་ནི། འདོད་ཆགས་དང་བྲལ་བ་དང ། ཤི་བ་མ་གཏོགས་པར་སེམས་ཅན་ཐམས་ཅད་ཇི་ལྟར་འདོད་པ་བཞིན་དུ་དབང་དུ་ཁུགས་པར་འགྱུར་རོ། ། བློ་གྲོས་རྡོ་རྗེ་མའི་ཆོ་ག་གཉིས་པ་ནི། མར་གྱི་ངོ་ཞག་བརྒྱད་ལ་བརྩམས་ཏེ་ཟས་སུ་འོ་མ་དང ། འབྲས་ཆན་ཟ་ཞིང་ལག་ན་རྡོ་རྗེའི་མདུན་དུ་ཐབ་ཁུང་གྲུ་བཞི་པ་བྱས་ཏེ་སེང་ལྡེང་གི་མེ་སྤར་ལ། ཨུ་དུམ་ཝ་རའི་ཡམ་སྲེག་ཤིང་བརྒྱད་བརྒྱད་སྦྲང་རྩིའི་ནང་དུ་སྨྱུགས་པས་དུས་གསུམ་དུ་སྦྱིན་སྲེག་བྱའོ། །ཐབ་ཁུང་དུ་ཡང་རྩཝ་ཀུ་ཤས་བསྐོར་བར་བྱའོ། །ཡུངས་ཀར་གྱིས་ཀྱང་བསྲུང་བར་བྱའོ། །སྣ་མའི་མེ་ཏོག་གིས་ཀྱང་སངས་རྒྱས་ཀྱི་གཟུགས་རྣམས་ལ་མཆོད་པར་བྱའོ། །སྣ་མའི་མེ་ཏོག་གིས་
Ma273b
མཆོད་པ་བྱས་ནས་སྣ་མའི་མེ་ཏོག་གི་ཕྲེང་བ་ཡང་ཕྱག་ཏུ་དབུལ་ལོ། །ལག་ན་རྡོ་རྗེ་ལ་ཡང་ཟླ་བ་ཉ་ལ་ཞག་གཅིག་སྨྱུང་བ་བྱས་ཏེ་མཚན་མོ་ཀུ་རནྟས་ལན་བརྒྱད་སྟོང་སྦྱིན་སྲེག་བྱས་ན། ལས་རྣམས་འགྲུབ་པར་འགྱུར་ཏེ། མེ་ཏོག་གི་ཕྲེང་བ་འབུལ་བར་འགྱུར་རོ། །དེ་ལྟར་འགྲུབ་པར་གྱུར་ན་ཕྱི་དེ་ཉིན་པར་མཆོད་པ་ཤིན་ཏུ་རྒྱས་པའོ། །དེ་ནི། རྡོ་རྗེ་བློ་གྲོས་མ་དེའི་སྒྲུབ་པའི་ཆོ་ག་ཡིན་ཏེ། རས་མ་ཉམས་པ་ལ་ཚོན་རྩི་སྤྱིན་མེད་པས་བློ་གྲོས་རྡོ་རྗེ་མ་པདྨའི་མདོག་འདྲ་མ་ལག་ན་པདྨ་ཐོགས་ཤིང་པདྨ་ལ་འདུག་པ་བྲིའོ།། དེ་ནས་ཞག་ལྔའི་བར་དུ་ནི། བདག་ཅིན་དང ། ཕྱེ་མའི་ལྡེ་གུ་ཟ་ཞིང་དུས་གསུམ་དུ་ཁྲུས་བྱས་པ་དང ། དུས་གསུམ་དུ་གོས་བརྗེ་བ་དང ། རྩཝ་དུར་བའི་སྟན་གྱི་སྟེང་དུ་ཉལ་བར་བྱ་སྟེ།་དུས་གསུམ་དུ་པདྨ་བརྒྱད་བརྒྱ་ལ་ལན་རེ་རེ་བཟླས་བརྗོད་བྱས་ཏེ་དབུལ་ལོ། །མཇུག་ཏུ་ཟླ་བ་ཉ་ལ་ཞག་གཅིག་སྨྱུང་བ་བྱས་ཏེ་མཆོད་པ་ནི། རྒྱས་པར་བྱས་ནས་ལྷ་བཤོས་ཀྱང་ཕུལ་ལ་མཚན་མོ་པདྨོ་བརྒྱད་སྟོང་ཕུལ་ན་འགྲུབ་པར་འགྱུར་རོ། །འདོད་པ་ཐམས་ཅད་སྦྱིན་པར་འགྱུར་རོ། །མཆོད་པ་ཡང་ཅི་འབྱོར་པས་བྱའོ། །འདི་ནི། བློ་གྲོས་རྡོ་རྗེ་མ་དེའི་ཆོ་ག་ཡིན་ནོ། །ན་མོ་བུདྡྷཱ་ཡ། ན་མོ་དྷརྨཱ་ཡ། ན་མཿ སཾ་གྷཱ་ཡ། ན་མཤྩཎྜ་བཛྲ་པཱ་ཎ་ཡེ། མ་ཏི་བཛྲོ་བཛྲོ་ཎི། བཛྲ་བཛྲི་སྨ་ར་ས་མ་ཡཾ། བྷི་རི་བྷི་རི། ཀི་རི་
Ma274a
༄#། །ཀི་རི།་བནྡྷ་བནྡྷ། ཀ་ལ་ཀ་ལ། བ་ལ་བ་ལ། ར་ལ་ར་ལ། བཛྲེ། ཧ་ན་ཧ་ན་ཧ་ན། པ་ཙ་པ་ཙ་པ་ཙ། དཱུ་ཏི་བརྞ་ས་ཧ་སྲཾ་མེ་པྲ་ཡཙྪ་ཧུ་རུ་ཧུ་རུ། སིདྡྷ་ཤྩཎྜ་བཛྲ་པཱ་ཎི་རཱ་ཛྙཱ་པ་ཡ་ཏི་སཝཱཧཱ། ཆོ་ག་ནི། ཡར་གྱི་ངོ་ཚེས་བཅུ་གསུམ་ལ་བརྩམས་ཏེ་གསོ་སྦྱོང་གི་ཡན་ལག་བརྒྱད་དང་ལྡན་པས་ཟས་མི་ཟ་བར་དུས་གསུམ་དུ་ལས་བྱའོ། ། བཅོམ་ལྡན་འདས་ལ་མེ་ཏོག་དྲི་ཞིམ་པོ་དང ། ་ག་རུའི་བདུག་པ་དང ། ལྷ་བཤོས་དཀར་པོ་དང ། མར་གྱི་མར་མེ་རྣམས་ཕུལ་ཏེ་ལག་ན་རྡོ་རྗེའི་ཞབས་དྲུང་དུ་ཨ་ཤ་ཀུ་རའི་སྐྱང་ནུལ་གྱིས་དཀྱིལ་འཁོར་བྱུགས་ཏེ། དེར་གུར་གུམ་མམ། ཙནྡན་དམར་པོས་རྡོ་རྗེ་བྲིའོ། །ལག་ན་རྡོ་རྗེ་དང ། རྡོ་རྗེ་ལ་ཡང་གུར་གུམ་དང ། ཙནྡན་དང ། མེ་ཏོག་དམར་པོ་དང ། ལྷ་བཤོས་དམར་པོ་དང ། སེར་པོ་དང ། དཀར་པོ་དང ། མར་གྱི་མར་མེ་རྣམས་དབུལ་ཞིང ། དུས་གསུམ་དུ་ཁྲུས་བྱས་ཏེ་ལས་དང ། མཆོད་པ་བྱའོ། །དེ་ནས་རྡོ་རྗེའི་དྲུང་དུ་སྣོད་གསར་པའམ། ཁམ་ཕོར་གསར་པའི་ནང་དུ་མེ་སྦར་ཏེ་གུ་གུལ་གྱི་རིལ་བུ་བརྒྱད་བརྒྱ་ལ་ལན་རེ་རེ་བཟླས་བརྗོད་བྱས་པས་སྦྱིན་སྲེག་བྱ་སྟེ།་ཞག་གསུམ་སྨྱུང་བར་བྱས་ནས་ཟླ་བ་ཉ་ལ་ལན་བརྒྱད་སྟོང་བྱའོ། །དེའི་མཇུག་ཏུ་དངོས་གྲུབ་ཀྱི་རྟགས་གཡོ་བར་འགྱུར་ཏེ། ཟླ་བ་དྲུག་ཚང་ནས་འབྲས་བུ་ཡོད་
Ma274b
པར་འགྱུར་རོ། །དེ་ནས་བློ་གྲོས་རྡོ་རྗེ་མའི་ཆོ་ག་ཐ་དད་པ་བཤད་དེ། ཡར་གྱི་ངོ་ཚེས་གཅིག་ལ་བཙམས་ཏེ་ཟས་སུ་དཀར་གསུམ་ཟ་ཞིང་ལིག་བུ་མིག་གམ། ལྡོང་རོས་ལས་ཞོ་གཉིས་སམ། སྲང་རེ་རེ་བླངས་ཏེ་བཟླས་བརྗོད་བྱས་ཏེ་དུས་གསུམ་དུ་ཁྲུས་བྱེད་ཅིང ། དུས་གསུམ་དུ་གོས་བརྗེ་བ་དང ། རྩཝ་དུར་བའི་སྟན་ལ་ཉལ་ཞིང་དུས་གསུམ་དུ་བརྒྱད་བརྒྱ་བཟླས་བརྗོད་བྱས་ནས་བཅོམ་ལྡན་འདས་ལག་ན་རྡོ་རྗེ་ལ་མཆོད་པ་བྱས་ལ་མདུན་དུ་ཞག་གསུམ་སྨྱུང་བར་བྱས་ཏེ་ཟླ་བ་ཉ་ལ་ཡང་བཅོམ་ལྡན་འདས་དང ། ལག་ན་རྡོ་རྗེ་ལ་མཆོད་པ་བྱས་ནས་ལིག་བུ་མིག་དང ། ལྡོང་རོས་ཨ་ཤཝཏྠའི་ལོ་མ་བཞིའི་སྟེང་དུ་བཞག་ལ་གསུམ་གྱིས་བཀབ་ནས་ལག་པ་གཡས་པས་མནན་ཏེ། གཡོན་པས་ཙནྡན་དམར་པོའམ།་བེ་ཀང་ཀ་ཏའམ། གྲོག་མཁར་གྱི་ས་ལས་བྱས་པའི་རྡོ་རྗེ་སྲིད་དུ་སོར་བརྒྱད་ཡོད་པ་རྩེ་ལྔ་པ་བླངས་ཏེ་སྲུང་བ་བྱས་ཤིང་ཆོ་ག་བཞིན་དུ་ལྷ་བཤོས་ཕུལ་ནས་དངོས་གྲུབ་འགྲུབ་པའི་གནས་གང་ཡིན་པར་ཉི་མའམ། ཟླ་བ་ལ་གཟའ་འཇུག་པའི་ཚེ་ནམ་དྲོ་བར་གྱུར་པའམ། དུད་པ་འཐུལ་བའམ། འབར་བར་གྱུར་གྱི་བར་དུ་བཟླས་བརྗོད་བྱའོ། །མཆོད་རྟེན་གྱི་དྲུང་ངམ། སྐུ་གཟུགས་སམ། བྱང་ཆུབ་ཀྱི་ཤིང་དྲུང་དུ་བ་མར་སྲང་གཅིག་།གསེར་རམ། དངུལ་ལམ། ཟངས་ཀྱི་སྣོད་དུ་བཞག་སྟེ་བཅོམ་ལྡན་འདས་དང ། ལག་ན་རྡོ་
Ma275a
༄#། །རྗེ་ལ་མཆོད་པ་བྱས་ཏེ་ཟླ་བ་མི་མཐོང་བར་རྩཝ་དུར་བས་བཙུགས་ཏེ་བཟླས་བརྗོད་བྱས་ལ་དྲོ་བར་གྱུར་ནས་འཐུངས་ན། འཇིག་རྟེན་ཐམས་ཅད་དབང་དུ་བྱེད་པར་འགྱུར་རོ། །དབུ་བ་བྱུང་ནས་འཐུངས་ན་ནི། ཐོས་པ་འཛིན་པར་འགྱུར་རོ། །དུད་པ་འཐུལ་ནས་འཐུངས་ན་ནི། ལུས་མི་སྣང་བར་འགྱུར་རོ། །འབར་བར་གྱུར་ནས་འཐུངས་ན། ནམ་མཁའ་ལ་རྒྱུ་བར་འགྱུར་ཏེ། དངོས་གྲུབ་ཆེན་པོ་ཡིན་ནོ། །དེ་ནས་ནོར་སྒྲུབ་པ་འབྱུང་སྟེ། ཙནྡན་དམར་པོ་ལས་བློ་གྲོས་རྡོ་རྗེ་མའི་གཟུགས་རྒྱན་ཐམས་ཅད་ཀྱིས་བརྒྱན་ལ། དེའི་ལག་པ་གཡས་པ་ན་པདྨ་ཐོགས་པ། གཡོན་པ་ན་རྡོ་རྗེ་ཐོགས་པར་བྱས་ཏེ་གཙང་མའི་ཕྱོགས་སུ་གྲོག་མཁར་གྱི་ས་ལས་སྟེགས་བུ་སོར་བརྒྱད་པ་བྱས་ནས་དེར་ཁ་ནུབ་ཕྱོགས་སུ་བསྟན་ཏེ་བཞག་ལ། ཟླ་བ་ཉ་ལ་ཞག་གཅིག་སྨྱུང་བ་བྱས་ནས་ཐབ་ཁུང་རྡོ་རྗེའི་དབྱིབས་འདྲ་བར་བྱས་པའི་ནང་དུ་བ་ལང་གི་ལྕི་བས་མེ་སྦར་ཏེ་དགང་བླུགས་ཕུལ་ལ་ཙནྡན་དམར་པོའི་ཕྱེ་མ་སྦྲང་རྩི་དང་མར་དང་སྦྱར་བའི་སྲེག་བླུགས་ལན་བརྒྱད་སྟོང་སྦྱིན་སྲེག་བྱས་ན་འགྲུབ་པར་འགྱུར་རོ། །དེ་ནས་ཟ་གཅིག་པ་བྱས་ཏེ་གཙང་མ་བཟླས་བརྗོད་བྱས་ལ་བརྩོན་པས་དུས་མཚམས་ཀྱི་དུས་སུ་བ་ལང་གི་རྨིག་པ་མར་གྱིས་བཀང་བས་རྩཝ་དུར་
Ma275b
པ་དང་བཅས་པར་སྦྱིན་སྲེག་བྱས་ནས་ལན་བརྒྱད་བརྒྱ་བཟླས་བརྗོད་བྱའོ། །ཉིན་གཅིག་བཞིན་དུ་དེ་བཞིན་བྱས་ནས་བ་ལང་གི་རྨིག་པ་ཇི་སྙེད་ཅིག་སྦྱིན་སྲེག་བྱས་པ་རྨིག་པ་རེ་རེ་ཞིང་བ་ལང་བརྒྱད་བརྒྱ་ཐོབ་པར་འགྱུར་རོ། །མ་ཧེ་དང ། ར་ཡང་དེ་དང་འདྲའོ། །ཡང་ན་འབྲས་མ་བརྡུངས་པ་མར་དང་སྦྱར་བའི་ཡུལ་མ་གངྷའི་བྲ་ཚད་གཅིག་ཙམ་གྱི་སྲེག་བླུགས་ཆོ་ག་གོང་མ་བཞིན་ཞག་བདུན་སྦྱིན་སྲེག་བྱས་ལ་བརྒྱད་བརྒྱ་རྫོགས་ཤིང་དགང་བླུགས་ཕུལ་ན། ཉིན་རེ་ཞིང་བྲེ་རེ་རེ་ཐོབ་པར་འགྱུར་རོ། །དེ་བཞིན་དུ་འབྲུ་ཐམས་ཅད་དབུལ་བར་བྱ་སྟེ། དུར་བའི་མྱུ་གུ་སྦྱིན་སྲེག་བྱའོ། །མར་འཐུང་བར་འདོད་པས་ནི། མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བར་བྱས་ཏེ་གུ་གུལ་སྲང་གཅིག་སེང་ལྡེང་གི་ཐང་ཆུ་དང་བཅས་པ་ལ་ལན་བརྒྱད་སྟོང་བཟླས་བརྗོད་བྱས་ནས་མར་དང་སྦྱར་ཏེ་འཐུངས་ན། ནད་ཐམས་ཅད་མེད་བར་འགྱུར་རོ། །ཟླ་བ་ཉ་ལ་ཞག་གཅིག་སྨྱུང་བ་བྱས་ཏེ་ཡུངས་ཀར་སྲང་གཅིག་ཨ་ཤཝཏྠའི་ལོ་མ་བཞིའི་སྟེང་དུ་བཞག་ནས་གསུམ་གྱིས་བཀབ་སྟེ་ལག་པས་མནན་ལ་ལན་བརྒྱད་སྟོང་བཟླས་བརྗོད་བྱས་ན། །ལས་ཐམས་ཅད་དང ། འཇིགས་པ་ཐམས་ཅད་དང ། ཅི་ཡང་རུང་བ་ཐམས་ཅད་ལ་མགོ་བོར་གདབ་པར་བྱའོ། །མར་གྱི་ངོ་ཞག་བཅུ་བཞི་ལ་སྐུད་
Ma276a
༄#། །པ་ནག་པོ་ལ་ལན་བརྒྱད་བརྒྱ་བཟླས་བརྗོད་བྱས་ཏེ་མདུད་པ་བོར་ན། འཇིགས་པ་ཐམས་ཅད་སྲུང་བ་རྣམས་ལ་སུ་ཡང་འགལ་བར་མི་བྱེད་དོ། ། རིག་སྔགས་ཞུ་དག་པར་འདོད་ན། ཡར་གྱི་ངོ་ཚེས་གཅིག་ལ་བརྩམས་ཏེ་ཟས་སུ་དཀར་གསུམ་ཟོས་ལ་རིག་སྔགས་ཞུ་དག་པར་འདོད་པ་དེ་གྲོ་ག་ལ་བྲིས་ནས་སྨྱུ་གུ་དང་སྣག་ཚ་དང་བཅས་པར་བུམ་པ་གསར་པའི་ནང་དུ་གཞུག་གོ་།དེ་ཡང་བུམ་པ་མི་ནག་ཅིང་རྩ་བ་མེད་པའི་ནང་དུ་གཞུག་པར་བྱའོ། །མར་གྱི་མར་མེ་ཡང་སྦྱར་ལ་ལྷ་བཤོས་སུ་ཁུ་བཅུད་དབུལ་བར་བྱའོ། །དེ་ནས་དུས་གསུམ་དུ་ལན་བརྒྱད་བརྒྱ་བཟླས་བརྗོད་བྱེད་ཅིང་ཐང་ཆུའི་བདུག་པ་བསྲེགས་ལ། གཙང་མས་གོས་གཙང་མ་བགོས་ནས་དེ་ཉིད་ཀྱི་དྲུང་དུ་ས་ལ་ཉལ་བར་བྱའོ། །མཇུག་ཏུ་ཟ་མ་བཞི་སྨྱུང་བར་བྱས་ལ་ཟླ་བ་ཉ་ལ་མཆོད་པ་ཤིན་ཏུ་རྒྱས་པར་བྱས་ཏེ་གྲངས་ངེས་པ་མེད་པས་བཟླས་བརྗོད་བྱས་ལ་ཚེས་བཅུ་དྲུག་ལ་ཁ་ཕྱེ་ན། ཐམས་ཅད་ཞུ་དག་པར་འགྱུར་རོ། །ཡང་ན་ལས་ཐམས་ཅད་ལ་རྡོ་རྗེ་ལག་ཏུ་བླངས་ཏེ་སྔར་བསྙེན་པ་བྱའོ། །བློ་གྲོས་རྡོ་རྗེ་མའི་ཆོ་ག་རྫོགས་སོ།། །།དེ་ནས་རྡོ་རྗེ་ནག་མོའི་ཆོ་ག་བཤད་པར་བྱ་སྟེ། རས་མ་ཉམས་པ་ལ་ཚོན་རྩི་སྤྱིན་མེད་པས་བཅོམ་ལྡན་
Ma276b
འདས་ཀྱི་གཟུགས་འབྲིར་གདུ་ག་སྟེ། གཡོན་ཕྱོགས་སུ་ནི། ལག་ན་རྡོ་རྗེ་བྲིའོ། །གཡས་ཕྱོགས་སུ་ཕོ་ཉ་མོ་རྒྱན་ཐམས་ཅད་ཀྱིས་བརྒྱན་པ་བཅོམ་ལྡན་འདས་ལ་ཐལ་མོ་སྦྱར་བ་བྲིའོ། །དེ་ནས་སྐུ་གདུང་དང་ལྡན་པའི་མཆོད་རྟེན་ནམ་སྐུ་གཟུགས་ཀྱི་དྲུང་དུ་རས་ཀྱི་སྐུ་གཟུགས་ཁ་ནུབ་ཕྱོགས་སུ་བསྟན་ནས་དེའི་མདུན་དུ་དཀྱིལ་འཁོར་བ་ལང་གི་ལྕི་བའི་སྐྱང་ནུལ་གྱིས་བྱུགས་ལ་དེའི་སྟེང་དུ་མཆོད་པ་བྱ་ཞིང་དེའི་སྟེང་དུ་དྲིས་ཀྱང་བྱུགས་ཏེ་དེའི་སྟེང་དུ་ཡུངས་ཀར་ལས་སྟེགས་བུ་རྡོ་རྗེའི་དབྱིབས་འདྲ་བ་བྱས་ནས་དེའི་སྟེང་དུ་ཙནྡན་དམར་པོ་ལས་བྱས་པའི་རྡོ་རྗེ་ཤར་ཕྱོགས་སུ་བསྟན་ཏེ་གཞག་གོ། བཅོམ་ལྡན་འདས་དང ། ལག་ན་རྡོ་རྗེ་ལ་ཡང་མཆོད་དེ། དུས་གསུམ་དུ་ཀཱ་ར་བཱི་ར་དམར་པོའི་མེ་ཏོག་བརྒྱད་བརྒྱ་ལ་ལན་རེ་རེ་བཟླས་བརྗོད་བྱས་པས་རྡོ་རྗེ་བསྣུན་པར་བྱའོ། །དེའི་མཇུག་ཏུ་ཟ་མ་བཞི་སྨྱུང་བ་བྱས་ལ་ཟླ་བ་ཉ་ལ་མཆོད་པ་ཤིན་ཏུ་རྒྱས་པ་བྱས་ཏེ། གཏོར་མ་ལ་སོགས་པ་ཡང་བྱས་ནས་མར་མེ་གཉིས་སྦར་ལ། ལྷག་མ་རྣམས་ནི། ཅི་འབྱོར་པས་བྱའོ། །ན་མ་དངོས་གྲུབ་ཀྱི་རྟགས་འོད་སྟོན་པའམ། རང་བཞིན་གྱི་ཚུལ་གྱིས་འོང་བའམ། བཅོམ་ལྡན་འདས་ལ་ཕུལ་བའི་མར་མེ་མེ་ལྕེ་ཆེན་པོར་གྱུར་པའམ། རྨི་ལམ་དུ་སྟོན་པར་གྱུར་གྱི་བར་དུ་རྡོ་རྗེ་ལ་བསྣུན་ན། དེ་ནས་
Ma277a
༄#། །ལས་ཐམས་ཅད་བྱེད་པར་འགྱུར་རོ། །མིའི་གཙོ་བོའམ་མི་ཆེན་པོ་སྐྱེས་བུའི་ཁྱད་པར་འདི་གཉིས་དབང་དུ་བྱ་བར་འདོད་ན། ཡར་གྱི་ངོ་ཚེས་བརྒྱད་ལ་བརྩམས་ཏེ་གསོ་སྦྱོང་གི་ཡན་ལག་བརྒྱད་དང་ལྡན་པས་ཟས་སུ་དཀར་གསུམ་བཟའ་ཞིང་སྦྱིན་སྲེག་བྱ་སྟེ། བེ་ཀང་ཀེ་ཏའི་བུད་ཤིང་ངམ་དེ་མ་རྙེད་ན། བ་ལ་ཤའི་བུད་ཤིང་གིས་མེ་སྤར་ནས་སྦྲང་རྩི་དང ། མར་དང ། ལན་ཚཝས་སྦྱིན་སྲེག་བྱས་ན་མིའི་གཙོ་བོའམ་མི་ཆེན་པོ་དབང་དུ་འགྱུར་རོ། །དུས་གསུམ་དུ་ཡུངས་ཀར་མར་དང་སྦྱར་བའི་སྦྱིན་སྲེག་བྱ་བ་ནི། ལྷག་པར་ཡང་གཙུག་ནས་བྱུང་བའི་ཆོ་གའི་ཁྱད་པར་གྱི་ཐབས་ཡིན་ནོ། །རྡོ་རྗེ་ནག་མོའི་ཆོ་ག་རྫོགས་སོ།། །།གཞན་གྱིས་མི་ཐུབ་པའི་ཆོ་ག་ལ་གདོན་ཐམས་ཅད་ལ་དབབ་པ་དང ། བཙས་པ་ཟ་བ་དང ། གྲུལ་བུམ་གསལ་བ་དང ། མདངས་འཕྲོག་པ་དང ། གནོད་སྦྱིན་དང ། འབྱུང་པོ་དང ། སྲིན་པོ་དང ། ཤ་ཟ་དང ། ཡི་དྭགས་ལ་སོགས་པ་གསལ་བ་དང ། གཞིག་པར་བྱ་བ་ནི། ཨེ་རཎྜའི་ཤིང་གིས་མེ་སྦར་ལ། ཨེ་རཎྜའི་ཡམ་སྲེག་ཤིང་དང ། ཡུངས་ཀར་མར་དང་སྦྱར་བས་གཅིག་ཅར་སྦྱིན་སྲེག་བྱའོ། །གདོན་གྱིས་མ་རུངས་པ་བྱས་པ་ལ་ནིམ་པའི་ཡམ་སྲེག་ཤིང་གིས་བྱའོ། །དབབ་པ་ལ་ནི། སེང་ལྡེང་གི་ཡམ་
Ma277b
སྲེག་ཤིང་གིས་བྱ་སྟེ། ཁྲག་གི་སྦྱིན་སྲེག་བྱའོ། །དེ་ནས་གདོན་ཁུས་འདབས་ཤིང་གཏོང་བ་དང ། འཕོ་བར་འགྱུར་རོ། །འབྱུང་པོའི་ཟས་ཀྱིས་ནི། སྤྱིར་ཡང་འབེབས་པར་འགྱུར་རོ། །གསང་བ་པ་དང ། ཀླུ་ནི། ཟླ་བ་ཕྱེད་ཀྱིས་དབང་དུ་འགྱུར་རོ། །གནོད་སྦྱིན་མོ་ནི། ཞག་བདུན་གྱིས་སོ། །སྐྱེས་པ་ནི། ཞག་གསུམ་གྱིས་སོ། །བུད་མེད་ནི། ཟ་མ་བཞིས་དབང་དུ་འགྱུར་ཏེ། འདི་ལྟར་སྣ་མའི་མེ་ཏོག་དང ། བེ་ཀང་ཀ་ཏའི་ཡམ་སྲེག་ཤིང་སྦྲང་རྩི་དང་མར་གྱི་ནང་དུ་སྨྱུགས་པས་སྦྱིན་སྲེག་བྱས་ལ། དུས་གསུམ་དུ་ལན་བརྒྱད་བརྒྱ་བཟླས་བརྗོད་བྱས་ཏེ་བདག་བསྲུང་བར་བྱའོ། །སེམས་ཅན་ཐམས་ཅད་ཁ་བཅིང་བར་བྱ་བ་ནི། མང་པོ་ཡང་རུང ། གཅིག་ལ་ཡང་རུང ། སྲད་བུ་ལ་མདུད་པ་བྱས་ཏེ་བཟླས་བརྗོད་ལན་བརྒྱད་བརྒྱ་དང ། མདུད་པ་ལན་བརྒྱད་བརྒྱ་བྱའོ། །གཞིག་པ་ལ་ནི། ལན་ཚཝས་བྱའོ། །གདོན་གཞོམ་པ་ནི། ནིམ་པའི་ཡམ་བསྲེག་ཤིང་གིས་བྱ་སྟེ། ཆོ་ག་སྔ་མ་བཞིན་དུ་བྱའོ། །རས་སྔོན་པོ་ལ་ལན་བདུན་བཟླས་བརྗོད་བྱས་ཏེ་རོ་སྨད་དུ་བཅིངས་ན། སུས་ཀྱང་མི་ཐུབ་པའི་རྒྱན་དུ་འགྱུར་རོ། །དེ་བཞིན་དུ་གཡུལ་འགྱེད་པ་དང ། འཁྲུག་པ་དང ། འཐབ་པ་དང ། རྩོད་པ་ཐམས་ཅད་ལ་བསྲུང་བའི་ཕྱིར་བཅིངས་ན་རྒྱལ་ཞིང་ལན་ཐེབས་པར་འགྱུར་རོ། །དུར་ཁྲོད་དུ་ལས་བྱ་བ་རྣམས་དང །
Ma278a
༄#། །ཞི་བར་བྱ་བ་དང ། རྒྱས་པར་བྱ་བ་དང ། གདོན་དགུག་པ་དང ། དམ་ཚིག་འཛིན་དུ་གཞུག་པར་བྱ་བ་ལ་ནི། ཆོ་ག་བཞིན་དུ་བཟླས་བརྗོད་དང ། རྡོ་རྗེའི་ཕྱག་རྒྱས་བྱའོ། །རྨི་ལམ་དུ་སྟོན་དུ་གཞུག་པ་ལ་ནི། གཙུག་ཕུད་དང ། རས་ཀྱི་ཚར་ཚར་རམ། ཆོས་གོས་ཀྱི་གྲ་ལ་ལན་བདུན་བཟླས་བརྗོད་བྱས་ཏེ་མདུད་པ་བྱའོ། ། གཞན་གྱིས་མི་ཐུབ་པའི་ཆོ་ག་རྫོགས་སོ།། །།རིག་སྔགས་ཐམས་ཅད་ཀྱི་སྤྱིའི་ཆོ་ག་བཤད་པར་བྱ་སྟེ། ས་གཞི་མདོག་སྡུག་ཅིང་གསེག་མ་དང ། རུས་པ་དང ། སྲོག་ཆགས་ཀྱི་གནས་མེད་པར་བཀྲ་ཤིས་པའི་ཕྱོགས་སུ་མར་གྱི་ངོ་ཞག་བརྒྱད་ལས་ཡོངས་སུ་སྦྱང་བ་བརྩམས་ནས་དཀྱིལ་འཁོར་ཁྲུ་བཅུ་དྲུག་གྲ་བཞི་པ་བྱས་ནས་མར་གྱི་ངོ་ཞག་བཅུ་བཞི་ལ་ཚོན་རྩི་སྣ་ལྔས་བྲི་བར་བྱ་སྟེ། །སྒོ་བཞི་གདོད་པར་བྱའོ། །ཚོན་རྩི་འབྱུང་ཁུངས་ནས་བྱུང་བའི་ཚོན་གྱིས་བྲི་བར་བྱ་སྟེ། དཀྱིལ་འཁོར་གྱི་དབུས་སུ་ལག་ན་རྡོ་རྗེ་གནས་པའི་སྟེགས་བུ་བྱས་ལ། དེའི་ཕྱོགས་གཅིག་ཏུ་གུར་གུམ་གྱིས་རྡོ་རྗེ་སོར་བརྒྱད་ཙམ་བྲིའོ། །དེའི་སྟེང་དུ་ཡུངས་ཀར་གྱིས་རྡོ་རྗེ་བྱའོ། །དེའི་སྟེང་དུ་ཙནྡན་དམར་པོ་ལས་རྡོ་རྗེ་སོར་བརྒྱད་པ་བྱས་ལ་གཞག་གོ། །དཀྱིལ་འཁོར་གྱི་ཕྱི་རོལ་ཤར་ཕྱོགས་ཀྱི་སྒོར་ནི། རྡོ་རྗེ་དང ། འཁོར་
Ma278b
ལོ་གཞག་གོ་།ལྷོ་ཕྱོགས་སུ་ནི། རྡོ་རྗེ་དང ། དབྱུག་པ་གཞག་གོ་།ནུབ་ཕྱོགས་སུ་ནི། རྡོ་རྗེ་དང ། ཞགས་པ་གཞག་གོ་།བྱང་ཕྱོགས་སུ་ནི། རྡོ་རྗེ་དང ། བེ་ཅོན་གཞག་གོ་།དཀྱིལ་འཁོར་ཟླུམ་པོའི་ནང་དུ་ཕྱོགས་བཞི་ནས་རྡོ་རྗེ་ཐམས་ཅད་གཞག་གོ་།དེ་དག་གི་ཕྱི་རོལ་དུ་ཁྲུ་གང་ཙམ་གྱིས་དཔག་སྟེ་དཀྱིལ་འཁོར་གྱི་མཚམས་ཀྱིས་བསྐོར་ནས་ཚེས་གཅིག་ལ་བརྩམས་ཏེ་བསྒྲུབ་པར་བྱའོ། །སྒོ་བཞིར་ནི། བུམ་པ་མི་ནག་ཅིང་རྩ་བ་མེད་པ་བཞི་འོ་མས་བཀང་སྟེ་གཞག་གོ་།ཉིན་གཅིག་བཞིན་དུ་མཚན་མོ་མར་གྱི་མར་མེ་ཡང་དབུལ་ལོ། །ལྔ་པ་དེ་ལག་ན་རྡོ་རྗེ་དང ། བཅོམ་ལྡན་འདས་ལ་ཡང་དབུལ་ལོ། །སྟེགས་བུ་དེར་སྐུ་གདུང་དང་ལྡན་པའི་སྐུ་གཟུགས་བཞག་ལ་དེའི་མདུན་དུ་ལྷ་དང་རྡོ་རྗེ་དྲི་ཐམས་ཅད་ཀྱིས་ལེགས་པར་བྲི་བར་བྱ་སྟེ། ཁྲུ་གང་ཙམ་དུ་བྱའོ། །དེའི་ཕྱོགས་གཅིག་ཏུ་ཐབ་ཁུང་རྡོ་རྗེའི་དབྱིབས་འདྲ་བར་བྱས་ལ་དེར་ཤིང་འོ་མ་ཅན་གྱི་ཡམ་སྲེག་ཤིང་གིས་མེ་སྤར་ཏེ་དགང་བླུགས་ཕུལ་ནས་ཞོ་དང ། སྦྲང་རྩི་དང ། འོ་མ་དང ། ཡུངས་ཀར་གྱིས་སྦྱིན་སྲེག་བྱས་ལ། དེ་ནས་བཟླས་བརྗོད་ལན་བརྒྱད་སྟོང་བྱའོ། །ཟས་སུ་འོ་མ་དང ། ཕྱེའི་ལྡེ་གུ་ཟ་ཞིང་དུས་གསུམ་དུ་བདུག་པ་དང་མེ་ཏོག་གི་ཕྲེང་བ་ལ་སོགས་པས་མཆོད་དེ་དུས་གསུམ་དུ་གོས་བརྗེ་བ་དང ། མི་སྨྲ་བས་བསྒྲུབ་པར་བྱའོ།།
Ma279a
༄#། །དེའི་མཇུག་ཏུ་ཞག་གསུམ་སྨྱུང་བ་བྱས་ཏེ། ཟླ་བ་ཉ་ལ་མཆོད་པ་རྒྱས་པར་བྱས་ནས་སྒྲུབ་ཅིང་ལག་པས་རྡོ་རྗེ་མནན་ཏེ་ནམ་དྲོ་བར་གྱུར་བ་དང ། དུད་པ་འཐུལ་བ་དང ། འབར་བར་གྱུར་པ་དང ། ནམ་མཁའ་ལ་འཕགས་པར་གྱུར་གྱི་བར་དུ་བཟླས་བརྗོད་བྱའོ། །དེ་ནས་བླངས་ན། ལག་ན་རྡོ་རྗེ་དང་མཐུ་མཉམ་པར་འགྱུར་ཏེ་ཚེ་བསྐལ་པར་ཐུབ་ཅིང་མངོན་པར་ཤེས་པ་ལྔ་དང་ལྡན་ལ། དམོད་པ་འདོར་བ་དང་ཕན་འདོགས་ནུས་པར་འགྱུར་རོ། །སྨྱུང་བར་འདུག་པའི་ཉིན་མོ་ནི། རྟག་ཏུ་མནན་ཏེ་བཟླས་བརྗོད་བྱའོ། །ལག་ན་རྡོ་རྗེ་དང ། འཇིག་རྟེན་སྐྱོང་བ་རྣམས་ལ་ཡང་ཕྱོགས་ཐམས་ཅད་ཀྱང་ལྷ་བཤོས་རྒྱས་པ་དབུལ་ལོ། །སྒོ་རེ་རེར་ཡང་མར་གྱི་མར་མེ་གཉིས་དབུལ་ལོ། །ནང་དུ་མར་གྱི་མར་མེ་བཞི་དབུལ་ལོ། །ཐོག་མར་ནི། དཀྱིལ་འཁོར་གྱི་གནས་བ་ལང་གི་ལྕི་བས་སྐྱང་ནུལ་བྱུགས་ལ་དྲི་བྱུགས་ནས་གདོད་བྲི་བར་བྱའོ། །འདི་ནི། ཕོ་ཉ་མ་ཐམས་ཅད་ཀྱི་རྡོ་རྗེ་སྒྲུབ་པ་སྤྱིའི་ཆོ་ག་ཡིན་ཏེ། ལས་ཐམས་ཅད་ཀྱང་ལས་ཀྱི་རྡོ་རྗེ་ལག་ན་ཐོགས་པར་བྱའོ། །དེ་ནས་མེ་ཏོག་གི་ཆུན་པོ་འགུལ་བར་འགྱུར་རོ། ། དེ་ལྟར་གྲུབ་ནས་ཕྱི་དེ་ཉིན་པར་མཆོད་པ་ཤིན་ཏུ་རྒྱས་པར་བྱའོ། །བློ་གྲོས་རྡོ་རྗེ་མ་སྒྲུབ་པའི་ཆོ་ག་གསུམ་པ་ནི། རས་མ་ཉམས་པ་ལ་ཚོན་རྩི་སྤྱིན་མེད་པས་བློ་གྲོས་
Ma279b
རྡོ་རྗེ་མ་པདྨའི་མདོག་ཅན་ལག་ན་པདྨ་ཐོགས་ཤིང་པདྨ་ལ་འདུག་པ་བྲིའོ། །དེ་ནས་ཞག་ལྔའི་བར་དུ་བ་གཅིན་དང ། ཕྱེའི་ལྡེ་གུ་ཟ་ཞིང་དུས་གསུམ་དུ་ཁྲུས་བྱ་ཞིང་དུས་གསུམ་དུ་གོས་བརྗེ་བ་དང ། རྩཝ་དུར་བའི་སྟན་ལ་ཉལ་བས་དུས་གསུམ་དུ་པདྨ་བརྒྱད་བརྒྱ་ལ་ལན་རེ་བཟླས་བརྗོད་བྱས་ཏེ་དབུལ་ལོ། །ཟླ་བ་ཉ་ལ་ཉིན་མཚན་དུ་སྨྱུང་བར་བྱས་ཏེ་མཆོད་པ་རྒྱས་པར་བྱས་ནས་ལྷ་བཤོས་ཀྱང་ཕུལ་ལ་ནུབ་གསུམ་པདྨ་བརྒྱད་སྟོང་ཕུལ་ན། འགྲུབ་པར་འགྱུར་ཏེ། འདོད་པ་ཐམས་ཅད་སྦྱིན་པར་འགྱུར་རོ། །བློ་གྲོས་རྡོ་རྗེ་མའི་ཆོ་ག་རྫོགས་སོ།། །།ན་མོ་རཏྣ་ཏྲ་ཡཱ་ཡ། ན་མོ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ནི་རི་ནི་རི། པ་ཤྱེ་པ་ཤྱེ་ནེ་སཝཱཧཱ། འདི་ནི། ཕོ་ཉ་མ་ལྟ་བ་མ་ཞེས་བྱ་སྟེ།་འདི་ནི། ལས་ཐམས་ཅད་རྒྱས་པར་བཤད་པར་བྱའོ། །གསལ་སྣང་གི་ཆོ་ག་བྱ་བར་འདོད་ན་ནི། རི་མོའི་གཟུགས་ཀྱི་མདུན་དུ་དཀྱིལ་འཁོར་སྐྱང་ནུལ་གྱིས་བྱུགས་ཏེ་བདུག་པ་དང ། མེ་ཏོག་དང ། དྲི་ཕུལ་ནས་བུ་མོ་གཞོན་ནུས་བཀལ་བའི་སྐུད་པ་ཕྲ་མོ་ཉིས་བལྟབ་ཏུ་བྱས་པ་སོར་བཞི་པ་གཉིས་བྱས་ལ། དེ་ནས་ལན་བདུན་བཟླས་བརྗོད་བྱས་ཏེ་དཀྱིལ་འཁོར་དེའི་སྟེང་དུ་བཞག་ལ་དེ་ནས་རིག་སྔགས་བརྗོད་པར་བྱ་སྟེ། འདི་སྐད་དུ་ཅི་སྟེ་དོན་འདི་འགྲུབ་པ་ལྟ་ན། གཅིག་ལ་གཅིག་འཁྲི་བར་གྱུར་ཅིག །
Ma280a
༄#། །མི་འགྲུབ་པ་ལྟ་ན། སོ་སོར་གྱེས་པར་གྱུར་ཅིག་ཅེས་བྱའོ། །དེ་ནས་ཡང་དག་པ་ཇི་ལྟ་བ་བཞིན་དུ་ལྟས་སྟོན་པར་འགྱུར་ཏེ། གཙང་ཞིང་ཚངས་པར་སྤྱོད་པ་དང ། སྨྱུང་བར་བྱས་པས་བྱའོ། །སྐྱེས་པ་དང ། བུད་མེད་དབང་དུ་བྱ་བར་འདོད་ན། དེའི་མིང་དང་ལྡན་པར་རིག་སྔགས་བརྗོད་པར་བྱ་སྟེ། མ་ད་ནའི་ཤིང་ལས་གཟུགས་བྱས་ནས་ཚ་བ་གསུམ་གྱིས་བཀང་ལ་ཚིགས་བདུན་དུ་མ་ད་ནའི་ཚེར་མ་བདུན་གྱིས་བཏབ་ནས་ཟངས་ཀྱི་ཐུར་མ་རྐུབ་ཏུ་བཙུགས་ཏེ་སྤྱི་བོར་ཕྱུང་ལ་སེང་ལྡེང་གི་འདབ་མའི་དུགས་ཀྱིས་བདུག་ཅིང ། ཞག་བདུན་གྱི་བར་དུ་ཁ་ཤར་ཕྱོགས་སུ་བསྟན་ཏེ་དུས་གསུམ་དུ་ལན་བརྒྱད་བརྒྱ་བཟླས་བརྗོད་བྱས་ནས་མཇུག་ཏུ་ལན་སྟོང་བྱས་ན་འགྲུབ་པར་འགྱུར་རོ། །དེ་ནས་གཞིག་པར་འདོད་ན་ཡུངས་ནག་གི་འབྲུ་ལས་གཟུགས་བྱས་ལ་རྐང་པ་གཡས་པ་ནས་བརྩམས་ཏེ་སེང་ལྡེང་གི་མེའི་ནང་དུ་དུས་གསུམ་དུ་སྦྱིན་སྲེག་བྱས་ན། ཞག་བདུན་གྱིས་འཇིག་པར་འགྱུར་རོ། །དེ་ནས་མར་གྱི་ངོ་ཞག་བརྒྱད་ལ་གསོ་སྦྱོང་དང་ལྡན་པས་རོ་བསྲེགས་པའི་སོལ་བ་བླངས་ཏེ་ལན་བརྒྱད་སྟོང་བཟླས་བརྗོད་བྱས་ནས་དགྲའི་གཟུགས་བྲིས་ལ་རྟག་ཏུ་མགོ་བོ་དང ། སྙིང་ག་དང ། ལག་པ་གཉིས་དང ། རྐང་པ་གཉིས་སུ་ལྕགས་ཀྱི་ཕུར་
Ma280b
བུ་རེ་བཏབ་ན་ལྕེ་འཆིང་བར་འགྱུར་རོ། །དེ་མིང་ནས་སྨོས་ཤིང་དེའི་རྐང་པའི་དྲུང་དུ་ནི་མ་པའི་བུད་ཤིང་ཁྲག་གི་ནང་དུ་སྨྱུགས་པས་མེ་བུས་པ་ཡུངས་ནག་དང ། ལན་ཚཝ་དང ། ཏིལ་ནག་པོ་བསྲེགས་ཏེ་ཁྲག་དང་སྦྱར་བས་དུས་གསུམ་དུ་ལན་ཉི་ཤུ་རྩ་རེ་རེ་སྦྱིན་སྲེག་བྱས་ན། ཞག་ཉི་ཤུ་རྩ་གཅིག་གིས་འཇིག་པར་འགྱུར་རོ། །བདག་ཉིད་ཀྱི་མཐུ་བསྐྱེད་པར་འདོད་ན། སྐུ་གདུང་དང་ལྡན་པའི་མཆོད་རྟེན་གྱི་དྲུང་དུ་བདུག་པ་དང ། མེ་ཏོག་དང ། དྲི་ཕུལ་ལ་བུམ་པ་གསར་བ་ཆུས་བཀང་སྟེ་སྨན་ཐམས་ཅད་དང ། ས་བོན་ཐམས་ཅད་དང ། དབྱིག་རྣམས་བླུགས་ལ་ལན་བརྒྱད་བརྒྱ་བཟླས་བརྗོད་བྱས་ནས་རས་མ་ཉམས་པས་སྨད་གཡོགས་བྱས་ཏེ་ཁྲུས་བྱས་ན། སྡིག་པ་ཐམས་ཅད་རབ་ཏུ་བཅོམ་པར་འགྱུར་རོ། །དེ་ནས་མིག་སྨན་སྒྲུབ་པར་འདོད་ན། ཨུཏྤ་ལ་དམར་པོ་དང ། པདྨ་སྐྱོན་མེད་པ་དང ། པདྨོཏྟ་ར་དང ། ས་ཧ་ཙ་ར་དང ། གིའུ་ཝང་དང ། རྡོ་ཕ་བང་ལོང་བུ་དང ། མིག་སྨན་གྱི་གཙོ་བོ་འདི་དག་གླང་པོའི་རྡུལ་དང་སྦྱར་ནས་རྒྱུན་མ་ཆད་པར་ལན་སྟོང་སྦྱིན་སྲེག་བྱ་སྟེ། སྐར་མ་རྒྱལ་ལ་མིག་བསྐུས་ན། དེ་མ་ཐག་ཏུ་འཇིག་རྟེན་ཐམས་ཅད་ལ་དབང་བསྒྱུར་བར་འགྱུར་རོ། །དེ་ནས་ལུས་མི་སྣང་བར་འདོད་ན། མིག་སྨན་གོང་མ་དེ་ཉིད་ལྕགས་ལས་མིའི་གཟུགས་བྱས་པའི་སྤྱི་བོ་ཕུག་ལ་དེའི་ལྟོ་བ་མིག་སྨན་གྱིས་
Ma281a
༄#། །བཀང་སྟེ་ལྕགས་ཀྱི་ཕུར་བུས་བཏབ་ནས་ཞག་གསུམ་སྨྱུང་བར་བྱས་ལ་མར་གྱི་ངོ་ཞག་བཅུ་བཞིའི་ནུབ་མོ་བཟླས་བརྗོད་བྱས་ཏེ་རོ་བསྲེགས་པའི་མེ་འབར་བའི་ནང་དུ་བོར་ནས་འབྱུང་པོའི་གཏོར་མ་ཐམས་ཅད་ཕུལ་ལ་གྲངས་ངེས་པ་མེད་པར་བཟླས་བརྗོད་བྱའོ། །དེ་ནས་རྨི་ལམ་དུ་མི་ནག་པོ་མཐོང་བར་འགྱུར་ཏེ། གྲུབ་ཟིན་ནོ་ཞེས་ཟེར་བ་དང ། ནང་པར་ལངས་ཏེ་ངེས་མིག་བསྐུས་ན། ལུས་མི་སྣང་བར་འགྱུར་རོ། །རྡུལ་ལ་ལན་བརྒྱད་བརྒྱ་བཟླས་བརྗོད་བྱས་ཏེ་གདོང་བསྐུས་ན། རྒྱབ་པོའི་ཕོ་བྲང་དང ། རྩོད་པའི་ནང་དུ་རྒྱལ་བར་འགྱུར་ཏེ། དོན་ཡང་གྲུབ་པར་འགྱུར་རོ། །གསལ་སྣང་བྱ་བར་འདོད་ན། སྨྱུང་བ་བྱས་ལ་བདུག་པ་དང ། མེ་ཏོག་དང ། དྲི་དང ། ལྷ་བཤོས་ཕུལ་ཏེ་མཐེ་བོང་རྒྱ་སྐྱེགས་ཀྱི་ཁུ་བས་མདོག་བསྒྱུར་ནས་དྲི་ཞིམ་པོས་བགོས་པའི་ཏིལ་མར་གྱིས་བསྐུས་ཏེ་བྱིས་པ་བྱད་བཟང་ལ་མདོག་ནག་པ་བྱེད་དུ་བཅུག་ནས་རིག་སྔགས་བཟླས་བརྗོད་བྱས་ན། ངེས་པར་རྟོགས་པར་འགྱུར་རོ། །ཡང་ན་མེ་ལོང་ལ་ཡང་བྱ་སྟེ། མིག་ལ་སྔགས་ཀྱིས་གདབ་བོ། །གོས་དང་རྒྱན་ཐམས་ཅད་ལ་ཡང་སྔགས་ཀྱིས་གདབ་བོ། །ལྟ་བ་མའི་ཆོ་ག་རྫོགས་སོ།། །།དེ་ནས་ལྷ་ཀུན་ལུ་གུ་རྒྱུད། །ལག་ན་རྡོ་རྗེའི་གཡུང་དྲུང་ལས། །རྡོ་རྗེ་ལུ་གུ་རྒྱུད་གྲགས་
Ma281b
པ། །བདག་གིས་རབ་ཏུ་བཤད་པར་བྱ། །དེ་ནས་ལག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་གི་རིག་སྔགས་ཀྱི་རྒྱལ་མོ་འདི་ནི། ཐམས་ཅད་དུ་གཞན་གྱིས་མི་ཐུབ་ཅིང་དོན་ཐམས་ཅད་ལ་འགྲུབ་པ་ལགས་ཀྱི། སྐྱེ་བོ་མང་པོ་ལ་སྨན་པ་དང ། སྐྱེ་བོ་མང་པོ་ལ་བདེ་བ་སྩལ་བ་དང ། དགེ་སློང་དང ། དགེ་སློང་མ་དང ། དགེ་བསྙེན་མ་རྣམས་ལ་སྨན་པ་གང་ལགས་པ་བདག་གི་འདི་བཅོམ་ལྡན་འདས་ཀྱིས་བཞེས་སུ་གསོལ། སའི་སྟེང་གང་ན་བདུད་སྡིག་ཅན་གྱི་དབང་དུ་གྱུར་པ།་དད་པ་མ་མཆིས་པ། འདོད་པ་ན་སྤྱོད་པའི་བར་གང་དག་བཅོམ་ལྡན་འདས་ཀྱི་བསྟན་པ་ལ་བགེགས་བགྱིད་པ་དེ་དག་གཞོམ་པའི་སླད་དུ་རིག་སྔགས་རྡོ་རྗེ་ལུ་གུ་རྒྱུད་ཅེས་བགྱི་བ་འདི་བགེགས་ཐམས་ཅད་རབ་ཏུ་ཞི་བར་བགྱིད་པ། ལས་ཐམས་ཅད་བགྱིད་པ། ཐམས་ཅད་གཞན་གྱིས་མི་ཐུབ་པའི་སྡིག་པ་ཐམས་ཅད་རབ་ཏུ་ཞི་བར་བགྱིད་པ་འདིའི་སླད་དུ་བཅོམ་ལྡན་འདས་ཀྱིས་བདག་ལ་ཐུགས་བརྩེ་བར་མཛད་དུ་གསོལ། དེ་ནས་ལག་ན་རྡོ་རྗེས་རིག་སྔགས་ཀྱི་ཚོགས་རྣམས་ལ་བལྟས་སོ། །དེ་ནས་རིག་སྔགས་ཀྱི་ཚོགས་ཀྱིས་བསྐོར་བའི་རིག་སྔགས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ་དེའི་ཚེ་ཆེད་
Ma282a
༄#། །དུ་བརྗོད་པ་འདི་ཆེད་དུ་བརྗོད་དོ། །ནད་མེད་པ་ནི་རྙེད་པའི་མཆོག་།ཆོག་ཤེས་པ་ནི་ནོར་གྱི་མཆོག་།ཡིད་བརྟན་པ་ནི་གཉེན་གྱི་མཆོག། མྱ་ངན་འདས་པ་བདེ་བའི་མཆོག་།དཀོན་མཆོག་གསུམ་ལ་ཕྱག་འཚལ་ལོ། །གསང་བ་པའི་བདག་པོ་ལག་ན་རྡོ་རྗེ་རྡོ་རྗེ་འཛིན། གནོད་སྦྱིན་གྱི་སྡེའི་བདག་པོ་ཆེན་པོ་འཁོར་དང་བཅས་པ།་གཡོག་དང་བཅས་པ། ཕྱི་བཞིན་འབྲང་བ་དང་བཅས་པ་ལ་ཕྱག་འཚལ་ལོ། །འཇིག་རྟེན་སྐྱོང་བ་བཞི་ལ་ཕྱག་འཚལ་ལོ། །དེ་ནས་རིག་སྔགས་ཀྱི་རྒྱལ་མོ་ཆེན་མོ་རྡོ་རྗེ་ལུ་གུ་རྒྱུད་བཤད་པར་བྱའོ། །རྡོ་རྗེ་ལུ་གུ་རྒྱུད་ལ་ཕྱག་འཚལ་ལོ། །རྡོ་རྗེ་མཆོག་འཛིན་པ་ལག་ན་རྡོ་རྗེ་ལ་ཕྱག་འཚལ་ལོ། །རྡོ་རྗེ་མཛེས་པ་ལག་ན་འཁོར་ལོ་དང་རྡོ་རྗེ་ཐོགས་པ་ལ་ཕྱག་འཚལ་ལོ། །རིག་སྔགས་རྡོ་རྗེའི་རིགས་སུ་གཏོགས་པ་ལ་ཕྱག་འཚལ་ལོ། །རྡོ་རྗེ་ཞགས་པ་དང ། རྡོ་རྗེ་ལུ་གུ་རྒྱུད་ལ་ཕྱག་འཚལ་ལོ། ། རྡོ་རྗེ་རྣམ་པར་རྒྱལ་བ་ལ་ཕྱག་འཚལ་ལོ། །རྡོ་རྗེ་དགའ་བར་བྱེད་པ་ལ་ཕྱག་འཚལ་ལོ། །ནོར་བུ་རྡོ་རྗེ་འོད་ལ་ཕྱག་འཚལ་ལོ། །གསེར་དང ། ནོར་བུ་དང ། མུ་ཏིག་དང ། བྱི་རུ་དང ། རྡོ་རྗེ་མཛེས་པ་སྣ་ཚོགས་ཅན་ལ་ཕྱག་འཚལ་ལོ། །ལྷ་ཐམས་ཅད་ཀྱིས་ཕྱག་བྱས་ཤིང་བསྟོད་པ་ཁྱོད་ལ་ཕྱག་འཚལ་ལོ། །དྲི་ཟ་ཐམས་ཅད་ཀྱིས་མཆོད་
Ma282b
པ་ཁྱོད་ལ་ཕྱག་འཚལ་ལོ། །ཀླུའི་དབང་པོ་ཐམས་ཅད་ཀྱིས་བརྗོད་པ་ཁྱོད་ལ་ཕྱག་འཚལ་ལོ། །གནོད་སྦྱིན་ཐམས་ཅད་ཀྱིས་ཕྱག་བྱས་པ་ཁྱོད་ལ་ཕྱག་འཚལ་ལོ། །འབྱུང་པོས་བརྗོད་པ་ཁྱོད་ལ་ཕྱག་འཚལ་ལོ། །འཇིག་རྟེན་སྐྱོང་གིས་བརྗོད་པ་ཁྱོད་ལ་ཕྱག་འཚལ་ལོ། །རིག་སྔགས་ཐམས་ཅད་ཀྱིས་ཕྱག་བྱས་པ་ཁྱོད་ལ་ཕྱག་འཚལ་ལོ། །དབང་པོ་དང ། གཤིན་རྗེ་དང ། ཆུ་ལྷ་དང ། ཀུ་བེ་ར་དང ། ཕུར་བུ་དང ། དྲང་སྲོང་བདུན་གྱིས་ཕྱག་བྱས་པ་ལ་ཕྱག་འཚལ་ལོ། །དཀར་མོས་ཕྱག་བྱས་པ་ལ་ཕྱག་འཚལ་ལོ། །དྲི་ལེན་གྱིས་ཕྱག་བྱས་པ་ལ་ཕྱག་འཚལ་ལོ། །ནག་མོས་ཕྱག་བྱས་པ་ལ་ཕྱག་འཚལ་ལོ། །མ་ཏངྒིས་ཕྱག་བྱས་པ་ལ་ཕྱག་འཚལ་ལོ། །ཚངས་པས་ཕྱག་བྱས་པ་ལ་ཕྱག་འཚལ་ལོ། །དབང་པོས་ཕྱག་བྱས་པ་ལ་ཕྱག་འཚལ་ལོ། །ཁྱབ་འཇུག་གིས་ཕྱག་བྱས་པ་ལ་ཕྱག་འཚལ་ལོ། །གཞོན་ནུས་ཕྱག་བྱས་པ་ལ་ཕྱག་འཚལ་ལོ། །ཉི་མ་དང་ཟླ་བས་ཕྱག་བྱས་པ་ལ་ཕྱག་འཚལ་ལོ། །བྲམ་ཟེས་ཕྱག་བྱས་པ་ལ་ཕྱག་འཚལ་ལོ། །སྔོན་གྱི་དྲང་སྲོང་གིས་མཆོད་པ་ལ་ཕྱག་འཚལ་ལོ། །རླུང་ལྷས་ཕྱག་བྱས་པ་ལ་ཕྱག་འཚལ་ལོ། །དེ་ནས་བཅོམ་ལྡན་འདས་ལག་ན་རྡོ་རྗེ་ཕོ་ཉ་མའི་ཚོགས་ཀྱི་འཁོར་དང་བཅས་པར་མི་སྣང་བར་གྱུར་ཏོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་
Ma283a
༄#། །པ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་དང ། ཚངས་པ་དང ། ཁྱབ་འཇུག་དང ། དབང་ཕྱུག་ཆེན་པོ་དང ། ཕུར་བུ་གསུམ་པ་ལ་སོགས་པ་དང ། འཇིག་རྟེན་སྐྱོང་བ་བཞི་དང ། ལྷ་དང ། མི་དང ། ལྷ་མ་ཡིན་དང ། དྲི་ཟར་བཅས་པའི་འཇིག་རྟེན་ཡི་རང་སྟེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།འཕགས་པ་རིག་པ་མཆོག་གི་རྒྱུད་ཆེན་པོ་རྫོགས་སོ།། །།མཁན་པོ་བིདྱ་ཀ་ར་པྲ་བྷ་དང ། ལོཙྪ་བ་བནྡྷེ་དཔལ་བརྩེགས་ཀྱིས་བསྒྱུར་བའོ།།