རྒྱ་གར་སྐད་དུ། ཨཱརྱ་བྲ་ཏཱི་ཏྱ་ས་མུཏྤ་ད་པ་རི་ཧྲྀ་ད་ཡ་དྷཱ་ར་ཎི། བོད་སྐད་དུ། འཕགས་པ་རྟེན་ཅིང་འབྲེལ་བར་འབྱུང་བའི་སྙིང་པོའི་ཆོ་གཅིག་གཟུངས། སངས་རྒྱས་དང ། བྱང་ཆུབ་སེམས་དཔའ་ 320a ༄#། །ཐམས་ཅད་ལ་ཕྱག་འཚལ་ལོ། །ཆོས་གང་རྒྱུས་བྱུང་དེ་དག་ནི། །རྒྱུ་ལ་འགོག་པ་གང་ཡིན་པ། །དེ་བཞིན་གཤེགས་པས་བཀའ་སྩལ་ཏོ། །དེ་སྐར་གསུང་བ་དགེ་སྦྱོང་ཆེ། །ཚིག་འདི་སྒྲུབ་པའི་ཆོ་ག་ནི། །སེམས་ཅན་རྣམས་ལ་ཕན་བྱེད་པ། །ལས་ཀུན་གྲུབ་པར་བྱེད་པའི་ཕྱིར། །དེ་བཞིན་གཤེགས་པས་རབ་ཏུ་གསུངས། །རིགས་ཀྱི་བུ་དག་གང་གིས་ནི། །དང་པོར་སངས་རྒྱས་བཅོམ་ལྡན་ལ། །གུས་ཤིང་དང་བའི་སེམས་བསྐྱེད་ནས། །བཅོམ་ལྡན་འདས་ཀྱིས་བཀའ་སྩལ་པ། ། རྟེན་འབྲེལ་ཟབ་མོའི་ཆོ་ག་བཤད། །ཐམས་ཅད་ལས་དང་མཐུན་པར་གསུངས། །དང་པོ་འཇུག་པའི་ཚིག་གསུངས་པ། །འདི་ལྟར་ལས་དང་ཉོན་མོངས་ཡོད་གྱུར་ན། ། སེམས་ཅན་རྣམས་ནི་འཁོར་བར་འགྲོ་འགྱུར་ལ། །ལས་དང་ཉོན་མོངས་མེད་ན་འཁོར་བ་ལས་ཀྱང་ལྡོག་།བདེན་པ་འདི་ཡིས་བདག་གི་བསམ་པ་འགྲུབ་གྱུར་ཅིག ། སངས་རྒྱས་ལ་ཕྱག་འཚལ་ལོ། །ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །ཡང་དག་པར་རྫོགས་པའི་སངས་རྒྱས་གྔྒའིའི་ཀླུང་གི་བྱེ་མ་སྙེད་བཞུགས་པ་ལ་ཕྱག་འཚལ་ལོ། །རང་སངས་རྒྱས་རྣམས་ལ་ཕྱག་འཚལ་ལོ། །དགྲ་བཅོམ་པ་རྣམས་ལ་ཕྱག་འཚལ་ལོ། །རྒྱུན་དུ་ཞུགས་པ་རྣམ་ལ་ཕྱག་འཚལ་ལོ། །འཕགས་པ་ 320b བྱམས་པ་ལ་སོགས་པའི་བྱང་ཆུབ་སེམས་དཔའ་རྣམས་ལ་ཕྱག་འཚལ་ལོ། །བརྟུལ་ཞུགས་གྲུབ་པ་རྣམས་ལ་ཕྱག་འཚལ་ལོ། །སེམས་ཅན་རྣམས་ཀྱི་སྨན་པ་རྣམས་ལ་ཕྱག་འཚལ་ལོ། །ནོར་བུ་གྲུབ་པ་རྣམས་ལ་ཕྱག་འཚལ་ལོ། །འདི་ལྟ་སྟེ། ན་མོ་རྟྣ་ཏྲ་ཡཱ་ཡ། ཨོཾ་ཡེ་དྷྲྨའ་ཧེ་ཏུ་པྲ་བྷཱ་བཱ་ཧེ་ཏུནྟེ་ཥའྣྟ་ཐཱ་ག་ཏོ་ཧྱ་བ་དྟ། ཏེ་ཥའྙྩ་ཡོ་ནི་རོ་དྷ་ཨེ་བཾ་བཱ་དཱི་མཧཱ་ཤྲ་མ་ཎཿ སཝཱཧཱ། ལས་རྣམས་ཀུན་གྱི་ཆོ་ག་ལ། །ཚིགས་སུ་བཅད་པ་འདི་དག་བརྗོད། །བསམ་རྒྱུད་རང་གི་ལག་མཐལ་ལ། །སངས་རྒྱས་བཅོམ་ལྡན་འདས་ཀྱི་སྐུ། །སྐྱེས་བུ་ཆེན་པོའི་མཚན་གྱིས་བརྒྱན། །དཔེ་བྱང་བཟང་པོ་བརྒྱད་ཅུས་སྤྲས། །མེ་ཡི་ཁམས་ལ་བཞུགས་པ་བསྒོམ། །དེ་ནི་ལྷ་དག་རྗེས་སུ་དྲན། །དེ་ནི་སྦྱོར་བའི་ལས་བཤད་དེ། །རིམ་པ་བཞིན་དུ་སོ་སོར་བསྟན། །རིམས་ཀྱིས་བཏབ་ནས་ན་བ་དང ། །ཀླད་པ་ན་དང་མིག་ནད་དང ། །ཁོང་ནད་ལ་སོགས་ནད་རྣམས་ལ། །ཚིགས་བཅད་འདི་དང་སྙིང་པོ་འདི། །མང་པོར་བཟླས་ཤིང་ལངས་ནས་ནི། །ལག་པ་གཡས་པའི་ཁུ་ཚུར་གྱི། །དབྱུང་བའི་ཐབས་སུ་ཁྱབ་པར་བྱ། །ནང་རྣམས་ཐམས་ཅད་སོས་པར་འགྱུར། །ཉིན་གཅིག་ཉིན་གཉིས་ཉིན་གསུམ་དང ། །ཉིན་བཞི་རྟག་པའི་རིམ་རྣམས་ལ། །བུ་མོ་གཞོན་ནུས་བཀའ་བ་ཡི། །སྐུད་པ་དཀར་པོ་སུམ་སྒྲིལ་ལ། །བཟླས་བརྗོད་ཉི་ཤུ་ 321a ༄#། །བརྒྱད་བཟླས་ནས། །མགུལ་དུ་བཏགས་ན་བདེ་བར་འཚོ། །ནད་ལ་ཕན་པའི་སྨན་རྣམས་ལ། །གཟུངས་སྔགས་འདི་དག་བཟླས་ཤིང་བཏང ། །སྙིང་ནད་རྩིབ་ལོགས་ན་བ་དང ། །ཁོང་ན་ནད་རྣམས་ཅི་ཡོད་ལ། །ཆུ་ལ་སྔགས་འདི་མང་བཟླས་ནས། །བླུད་ན་ཕན་ཞིང་བདེ་བར་འགྱུར། །ནད་ལ་ཕན་པའི་སྨན་རྣམས་ལ། ། བཟླས་ཤིང་བཏང་ན་འཚོ་བར་འགྱུར། །གཡན་པ་དང་ནི་འབྲུམ་བུ་དང ། །ཕོལ་མིག་དང་ན་རྨ་རེད་ལ། །གྲོག་ཚངས་ལ་སྙིང་པོ་འདི། །མང་དུ་བཟླས་ཏེ་བཏབ་ན་འཚོ། ། གཞང་འབྲུམ་གཞང་ནད་ཟ་གུ་དང ། །ཕོ་མཚན་སྐྲངས་ཤིང་ན་བ་ལ། །སྐྱེར་པའི་ཁཎྜའི་རིལ་བུ་འམ། །བྱང་ཆུབ་སེམས་དཔའི་རིལ་བུ་ལ། །ཉི་ཤུ་བཟླས་ཤིང་བསྐུས་ན་ཕན། ། ནད་ཀྱི་རྣམ་པ་གང་ན་ཡང ། །ནད་ཚབས་ཆེ་ཆུང་ཚེད་བརྟགས་ནས། །ཚིགས་སུ་བཅད་པའི་བཟླས་བརྗོད་ལ། །མང་ཉུང་ནད་དང་སྦྱར་ནས་སུ། །ལུས་ལ་བྱབ་ཅིང་བཟླས་ན་ཕན། །འཁྲུ་བ་ག་ནད་ཀྱིས་བཏབ་བ་ལ། །སྨན་ནམ་རིལ་བུ་ཁ་ཟས་ལ། །བདུན་ནམ་ཉི་ཤུ་བཟླས་ནས་ཀྱང ། །ཁོང་དུ་བཏང་ན་ཕན་པར་འགྱུར། །དེ་ཡི་བཟླས་བརྗོད་སྔ་མ་སྟེ། །འདི་དག་རབ་ཏུ་བཟླ་བར་བྱ། །ན་མོ་རཏྣ་ཏྲ་ཡཱ་ཡ། ཨོཾ་ཡེ་དྷརྨཱ་ཧེ་ཏུ་པྲ་བྷ་བཱ་ཧེ་ཏུནྟེ་ཥཱནྟ་ཐཱ་ག་ཏོ་ཧྱ་བ་ད་ཏ། ཏེ་ཥཱཉྩ་ཡོ་ནི་རོ་དྷ་ཨེ་བཾ་བཱ་དཱི་མཧཱ་ཤྲ་མ་ཎཿ ་སཝཱཧཱ། དེ་དག་ 321b བཟླས་ན་ནད་རྣམས་འཚོ། །དེ་ནི་ནད་རྣམས་འཚོ་བའོ། །དེ་ནས་ཡང་ནི་བཀའ་སྩལ་པ། །ནས་དང་གྲོ་དང་སྲན་མ་དང ། །འབྲས་དང་སྲན་ཆུང་མོན་སྲན་དང ། །ཤིང་ཏོག་རྒུན་འབྲུམ་ཨ་རུ་ར། །དེ་དག་ཀུན་ལ་ཟབ་ཡི་།སྲིན་བུ་སྤུར་བུ་ཕྱེ་མ་ལེབ། །བྱེའུ་དང་བྱི་བ་ནེ་ཙོ་དང ། །ལོ་ཏོག་ཟ་བ་ཁ་བཅིང་ན། །ཞིང་གི་ཁྱོན་དང་སྦྱར་ནས་ཀྱང ། །བྱེ་མ་ས་དང་ཐལ་བ་ལ། །བཟླས་བརྗོད་བརྒྱ་ནི་རྩ་བརྒྱད་བཟླས། །ཞིང་དང་ཤིང་ཏོག་གཏོར་བྱས་ན། །དེ་དག་ཀུན་ཀྱང་ཁ་བཅིངས་འགྱུར། །ཧ་ཅང་ཆར་པ་ཆེས་པ་ན། །བཅོམ་ལྡན་འདས་ལ་ཕུལ་བ་ཡི། །མེ་ཏོག་དམན་མ་རེ་རེ་ལ། །བཟླས་བརྗོད་ཉི་ཤུ་རྩ་གཅིག་བྱ། །གཙང་ཞིང་བདེ་བའི་གནས་དག་ཏུ། །དཀྱིལ་འཁོར་ཆེན་པོའི་དབུས་དག་ཏུ། །བུམ་པ་གང་བའི་སྟེང་དག་ཏུ། །ཁམ་ཕོར་གཙང་མའི་ནང་དུ་ཡང ། །མེ་ཏོག་གཙང་མ་བཟླས་པ་དེ། །བསྲེགས་ན་ཆར་པ་འཆད་པར་འགྱུར། །སེར་བ་དྲག་པོ་འོངས་པ་ན། །སེ་བ་ཉ་མིག་ལྕུག་མ་ལ། །བཟླས་བརྗོད་བརྒྱ་ནི་རྩ་བརྒྱད་བཟླས། །སེར་བ་གང་ནས་གཡོ་ངོས་སུ། །ཀླད་ལ་བསྐོར་ཞིང་བྱབས་ན་འཆད། །ཡང་ན་ཐལ་ཆེན་ཡུངས་ཀར་ལ། །བཟླས་བརྗོད་བརྒྱ་ནི་རྩ་བརྒྱད་བྱ། །ཐུམ་པོ་བྱས་ཏེ་ལྕུག་མ་ལ། །བཏགས་ཏེ་བཙུགས་ན་སེར་བ་འཆད། །འབྱུང་པོ་ཤ་ཟ་ཡི་དྭགས་དང ། །བརྗེད་བྱེད་གདོན་གྱིས་ཟིན་པ་ལ། །དཀྱིལ་འཁོར་འདོམ་ 322a ༄#། །གང་གྲུ་བཞི་ལ། །བུམ་པ་གཙང་མ་ལྔ་བཞག་སྟེ། །གུ་གུལ་དུད་པས་བདུགས་ནས་ཀྱང ། །ཡུངས་ཀར་ག་པུར་ཙནྡན་དང ། །གླ་རྩི་ལ་སོགས་སྨན་སྦྱར་ཏེ། །བཟླས་བརྗོད་བརྒྱ་ནི་རྩ་བརྒྱད་བཟླས། །གོས་དང་ཟས་ནི་དཀར་པོ་སྦྱར། །དཀྱིལ་འཁོར་དེ་ཡི་ནང་དུ་གཞུག་།བུམ་པ་ཆུ་ཡིས་བཀྲུ་བར་བྱ། །སངས་རྒྱས་སྐུ་བསིལ་བྱས་པའི་ཆུས། །བཀྲུ་ཞིང་བླུད་ན་རབ་ཏུ་ཕན། །ནད་དང་གནོད་པ་ཀུན་ལས་ཐར། །འབྱུང་པོ་བརྗེད་བྱེད་ཤ་ཟ་ཡིས། །གླགས་ཀྱང་རྙེད་པར་མི་འགྱུར་རོ། །བྱིས་པ་གདོན་གྱིས་འཇིགས་པ་ལ། །གིའུ་ཝང་ལ་ནི་སྔགས་བཟླས་ནས། །སྙིང་པོ་སྟོབས་ཆེན་འདི་བྲིས་གདགས། །ོཾ་བཛྲ་ཀྲོ་དྷ་མཧཱ་བ་ལ། ཧ་ན་ད་ཧ་པ་ཙ་བི་དྷྭན་ས་ཡ། ཛ་ཊི་ལཾ་བོ་དྷ་ར། ཨུ་ཙུཤྨ་ཀྲོ་དྷ་ཧཱུཾ་ཕཊ་སཝཱཧཱ། གཙང་སྦྲ་བྱས་ཏེ་མགུལ་བར་གདགས། །དེ་བཞིན་ཡུངས་ཀར་དག་ལ་ཡང ། །བཟླས་བརྗོད་བྱས་ཏེ་བཏུམ་ལ་གདགས། ། མཁའ་འགྲོའི་གདོན་གྱིས་ཟིན་པ་ན། །ཡུངས་ཀར་དང་ནི་གུ་གུལ་ལ། །སྔགས་གཉིས་ལན་ནི་བདུན་བདུན་བཟླས། །དུད་པས་བདུགས་ན་འཚོ་བར་འགྱུར། །དེ་ལ་ཐེ་ཚོམ་མི་ཟ་འོ། །བྱིས་པ་གདོན་དང་ནད་ལས་ཐར། །བུད་མེད་བུ་ནི་ཐོགས་གྱུར་ན། །ཆུ་ལ་བཟླས་བརྗོད་ལྔ་བདུན་བྱས། །བླུད་ན་ལེགས་པར་བཙས་པར་འགྱུར། ། 322b བུད་མེད་མོ་གཤམ་བུད་མེད་ལ། །སངས་རྒྱས་སྐུ་བསིལ་བྱས་པའི་ཆུ། །དེ་ལ་བཟླས་བརྗོད་ཉི་ཤུ་བྱ། །ཁྲུས་བྱས་ལུས་ནི་གཙང་མ་ལ། །ཆུ་དེ་བླུད་ན་བུ་ཚ་འཕེན། །རིགས་བརྒྱུད་དག་ནི་འཕེལ་བར་འགྱུར། །ལམ་དུ་ཞུགས་ཏེ་འགྲོ་བ་ན། །སྐུད་པ་དང་ནི་གོས་ཀྱི་གྲར། །བཟླས་བརྗོད་བདུན་བཟླས་མདུད་པ་བདུན། །མདུད་ཅིང་བཟླས་ཏེ་སོང་བ་ན། ། བདེ་བར་འགྲོ་ཞིང་དོན་ཡང་འགྲུབ། །དགྲ་དང་ཉེ་ཞོ་མེད་པར་འགྱུར། །ཡིད་ནི་གཞུངས་པར་འདོད་པ་ན། །ཤུ་དག་ཚོན་གང་ཙམ་པ་ལ། །མར་སྲང་སུམ་བརྒྱ་དྲུག་ཅུ་ལ། ། བཟླས་བརྗོད་བྱས་ཏེ་བསྲེས་ནས་ཀྱང ། །བུམ་པ་གཅིག་ཏུ་བླུགས་ལ་དཀྲུག་།ཉི་མ་རེ་རེ་ལོ་གཅིག་ཏུ། །ཤུ་དག་གི་ནི་དུམ་རེ་དང ། །མར་སྲང་དག་ནི་རེ་རེ་ལ། །བཟླས་བརྗོད་རེ་རེ་བྱ་ཞིང་བཟའ། །དེ་ནི་ཡིད་གཞུངས་བློ་ལྡན་འགྱུར། །དེ་བཞིན་བ་ནི་སེར་སྐྱ་མའི། །མར་དང་འོ་མ་དག་ལ་ཡང ། །བཟླས་བརྗོད་བརྒྱ་ནི་རྩ་བརྒྱད་དུ། །བཟླས་ཏེ་འོ་ཐུག་དཀྲུག་ཅིང་བཟའ། །ཡིད་གཞུངས་པ་ཡི་མཆོག་ཏུ་འགྱུར། །མི་དང་འགྲོགས་ཤིང་མཛའ་འདོད་ན། །གང་དག་ཡིད་དང་འཐད་པ་ལ། །མེ་ཏོག་དག་ནི་རྩཝ་ཤིང་ལ། །འབྲས་བུ་འམ་ནི་འཇི་བ་དག་།ལག་པ་གཡས་པའི་ཆང་པར་བཅུག་།བཟླས་བརྗོད་བརྒྱ་ནི་རྩ་གཅིག་གདབ། །གང་གི་ལག་ཏུ་བྱིན་པ་ན། །དེ་དང་རྟག་ཏུ་མཛའ་བར་འགྱུར། །རྟ་ལ་སོགས་པའི་ 323a ༄#། །ཕྱུགས་རྣམས་ཀུན། །འཆི་བར་ཉེ་བར་གནས་པ་ན། །ཆུ་དང་ཡུངས་ཀར་བཅས་པ་ལ། །བཟླས་བརྗོད་བརྒྱ་ནི་རྩ་བརྒྱད་བྱ། །དེ་ལ་གཏོར་ན་སོས་པར་འགྱུར། །ཡང་ན་ཉུངས་ཀར་བརྒྱ་བརྒྱད་ལ། །བཟླས་པའི་ཐུམ་པོ་མགུལ་དུ་གདགས། །དེ་ནི་ནད་མེད་བདེ་བར་འགྱུར། །མི་རྣམས་འཆི་བས་འཇིགས་གྱུར་ན། །ཡུངས་ཀར་ལ་ནི་བཟླས་བརྗོད་བྱ། །ཐུམ་པོ་བྱས་ཏེ་མགོ་ལ་གདགས། །བཟླས་བརྗོད་བརྒྱད་སྟོང་འབུམ་ཡང་བཟླས། །མི་ནད་དང་ནི་ཕྱུགས་ནད་ཀུན། །མིང་ཡང་མེད་ཅིང་བདེ་བར་འགྱུར། །དེ་དག་ཀུན་གྱི་བཟླས་བརྗོད་ནི། །འདི་དག་ཀུན་ཏུ་རྒྱ་ཆེར་གསུངས། །ན་མོ་རཏྣ་ཏྲ་ཡཱ་ཡ། ཨོཾ་ཡེ་དྷརྨཱ་ཧེ་ཏུ་པྲ་བྷ་བཱ་ཧེ་ཏུནྟེ་ཥཱནྟ་ཐཱ་ག་ཏོ་ཧྱ་བ་དཏ། ཏེ་ཥཱཉྩ་ཡོ་ནི་རོ་དྷ་ཨེ་བཾ་བཱ་དཱི་མ་ཧཱ་ཤྲ་མ་ཎཿ ་སཝཱཧཱ། རྟག་ཏུ་བཟླས་བརྗོད་བྱས་ན་ནི། །བསམ་པ་ཡོངས་སུ་རྫོགས་པར་འགྱུར། །གནོད་པས་ཅིས་ཀྱང་ཚུགས་མི་འགྱུར། །དམ་ཆོས་ཡོངས་སུ་བཟུང་བར་འགྱུར། །ཚིགས་སུ་བཅད་པ་འདི་དག་ནི། །མཐུ་དང་རྫུ་འཕྲུལ་བསམ་མི་ཁྱབ། །ཆོ་ག་འདི་དག་ཐམས་ཅད་ནི། །གང་ལ་དད་པས་ཡིད་ཆེས་ན། །འགྲུབ་པར་ཐེ་ཚོམ་མེད་པར་འགྱུར། །བཟླས་བརྗོད་འབུམ་ནི་བྱས་གྱུར་ན། །དགོས་པ་ཐམས་ཅད་འགྲུབ་པར་འགྱུར། །སྟོན་པ་ཤཱཀྱའི་ཐུགས་རྗེ་འདི། །དགེ་སློང་ནེར་བན་རཀྵི་ཏས། ། 323b ཐོ་གར་ཡུལ་ནས་རྙེད་པ་སྟེ། །འགྲོ་བ་ཀུན་གྱི་དཔལ་དུ་ཤར། །འཕགས་པ་རྟེན་ཅིང་འབྲེལ་པའི་སྙིང་པོའི་ཆོ་གའི་གཟུངས་རྫོགས་སོ།། །། |