རྒྱ་གར་སྐད་དུ། ཨཱརྱ་ཨཪྴ་པྲ་ཤ་མ་ཎི་སཱུ་ཏྲ། །བོད་སྐད་དུ། འཕགས་པ་གཞང་འབྲུམ་རབ་ཏུ་ཞི་བར་བྱེད་པའི་མདོ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་འོད་མའི་ཚལ་བྱ་ཀ་ལན་ད་ 286b ཀ་གནས་པའི་ཚལ་ན་དགེ་སློང་ལྔ་བརྒྱ་ཙམ་གྱི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ། དེ་ནས་བཅོམ་ལྡན་འདས་བཅོ་ལྔའི་གསོ་སྦྱོད་ཟླ་བ་ཉ་བ་དེ་ཉིད་ཀྱི་ཚེ་དགེ་འདུན་གྱི་མདུན་ན་གདན་བཤམས་པ་ལ་བཞུགས་སོ། །དེའི་ཚེ་ཚེ་དང་ལྡན་པ་ཀུན་དགའ་བོ་བཅོམ་ལྡན་འདས་ཀྱི་སྣམ་ལོགས་ན་རྔ་ཡབ་ཐོགས་ཏེ་བཅོམ་ལྡན་འདས་ལ་གཡོབ་ཅིང་འདུག་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་བླ་གོས་ཕྲག་པ་གཅིག་ཏུ་གཟར་ཏེ་པུས་མོ་གཡས་པའི་ལྷ་ང་ས་ལ་བཙུགས་ནས་བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། རྒྱལ་པོའི་ཁུབ་འདི་ན་དགེ་སློང་གཞང་འབྲུམ་ཅན་མང་པོ་དགྲ་གཞང་འབྲུམ་གྱི་བྲོ་ནད་ཀྱིས་གཟིར་ཏེ། སྡུག་བསྔལ་མི་བཟད་པ། དྲག་པོ། མི་བདེ་བ། ཡིད་དུ་མི་འོང་བའི་ཚོར་བ་མྱོང་བར་གྱུར་ན། བཙུན་པ་བཅོམ་ལྡན་འདས། དེ་དག་ལ་བདག་གིས་ཇ་ལྟར་བསྒྲུབ་པར་བགྱི། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། ཁྱོད་ཀྱི་གཞང་འབྲུམ་སེལ་བའི་མདོ་འདི་ལོངས་ཤིག་།ཀུན་དགའ་བོ། གང་ལ་ལ་ཞིག་གིས་གཞང་འབྲུམ་སེལ་བའི་མདོའི་མིང་དང ། ཚིག་དང ། ཡི་གེ་ཤེས་ན། དེ་ཇི་སྲིད་འཚོའི་བར་དུ་གཞང་ 287a ༄#། །འབྲུམ་གྱི་ནད་ཀྱིས་བཏབ་པར་མི་འགྱུར་རོ། །ཚེ་རབས་བདུན་གྱི་བར་དུ་ཚེ་རབས་དྲན་པར་འགྱུར་རོ། །ཏདྱ་ཐཱ། ཨ་ལེནྟེ། ཨ་མ་ལེ། ཤཝ་ལི་ཙི་ལི། ཀུ་ཤེས་སཾ་བྷ་བེ་སཝཱཧཱ། ཀུན་དགའ་བོ། དཱི་ལྟ་སྟེ། བྱང་ཕྱོགས་ན་རིའི་རྒྱལ་པོ་གངས་ཞེས་བྱ་བ་དེ་ན་ས་ལའི་ཤིང་རྣམ་པར་རྒྱལ་བ་ཞེས་བྱ་བ་དེའི་མེ་ཏོག་གསུམ་ཡོད་དོ། །གཅིག་ནི།་འཕེལ་བ་ཞེས་བྱ། གཉིས་པ་ནི། འཛམ་པ་ཞེས་བྱ། གསུམ་པ་ནི། སྐམ་པོ་ཞེས་བྱ་སྟེ། ཇི་ལྟར་དེ་བསྐམས་པ་དེ་བཞིན་དུ་སེམས་ཅན་རྣམས་ཀྱི་རླུང་གི་འབྲུམ་བུ་བསྐམས་པར་གྱུར་ཅིག། མཁྲིས་པའི་འབྲུམ་བུ་བསྐམས་པར་གྱུར་ཅིག་།བད་ཀན་གྱི་འབྲུམ་བུ་བསྐམས་པར་གྱུར་ཅིག། མི་གཙང་བའི་འབྲུམ་བུ་བསྐམས་པར་གྱུར་ཅིག་།ཁྲག་གི་འབྲུམ་བུ་བསྐམས་པར་གྱུར་ཅིག། འདུས་པའི་འབྲུམ་བུ་བསྐམས་པར་གྱུར་ཅིག་།དེ་བཞིན་དུ་བདག་དང་སེམས་ཅན་ཐམས་ཅད་ཀྱི་བད་ཀན་གྱི་འབྲུམ་བུ་བསྐམས་པར་གྱུར་ཅིག་།མི་གཙང་བའི་འབྲུམ་བུ་བསྐམས་པར་གྱུར་ཅིག། ཁྲག་གི་འབྲུམ་བུ་བསྐམས་པར་གྱུར་ཅིག་།འདུས་པའི་འབྲུམ་བུ་བསྐམས་པར་གྱུར་ཅིག ། སྣའི་འབྲུམ་བུ་བསྐམས་པར་གྱུར་ཅིག་།འཕྱང་བའི་འབྲུམ་བུ་བསྐམས་པར་གྱུར་ཅིག་།ཏདྱ་ཐཱ། ཤ་མེ་ཤ་མཱ་ནེ། ཤམ་ཤ་མཱ་ནེ་སཝཱཧཱ། ན་བར་མ་གྱུར་ཅིག། རེངས་པར་ 287b མ་གྱུར་ཅིག་།སྒྲ་འབྱུང་བར་མ་གྱུར་ཅིག་།འཛག་པར་མ་གྱུར་ཅིག་།སྡུག་བསྔལ་བར་མ་གྱུར་ཅིག་།རབ་ཏུ་སྡུག་བསྔལ་བར་མ་གྱུར་ཅིག་ཟག་པར་མ་གྱུར་ཅིག་།རབ་ཏུ་ཟག་པར་མ་གྱུར་ཅིག་།འདི་ཉིད་དུ་ཟད་པ་དང ། ཡོངས་སུ་ཟད་པ་དང ། མེད་པར་གྱུར་ཅིག། འོག་ཏུ་སོང་ཞིག། ན་མོ་བྷ་ག་བ་ཏེ། བུདྡྷ་ཡ་སདྱ་བཱ་དཱི་ནཱ་སིདྡྷྱནྟུ་མནྟྲ་པ་དཱ་ནི་སཝཱཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་ཚེ་དང་ལྡན་པ་ཀུན་དགའ་བོ་ཡི་རང་སྟེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །དེ་ལ་ཆོ་ག་ནི། འདི་ཡིན་ཏེ། བཀླགས་པས་འགྲུབ་པ་འདི་སྲད་བུ་དམར་པོ་ལ་ལན་བདུན་བཟླས་པ་བྱས་ལ་མདུད་པ་བདུན་བོར་ཏེ་མགུལ་དུ་གདགས་སོ། །འཕགས་པ་གཞང་འབྲུམ་རབ་ཏུ་ཞི་བར་བྱེད་པའི་མདོ་རྫོགས་སོ།། །།རྒྱ་གར་གྱི་མཁན་པོ་འཛིན་མི་ཏྲ་དང ། དཱ་ན་ཤཱི་ལ་དང ། ཞུ་ཆེན་གྱི་ལོ་ཙྪ་བ་བནྡྷེ་ཡེ་ཤེས་སྡེས་བསྒྱུར་ཅིང་གཏན་ལ་ཕབ་པ། |