རྒྱ་གར་སྐད་དུ། ཨཱརྱ་ཛྭར་པྲ་ཤ་མ་ནི་ནཱ་མ་དྷྭ་ར་ཎི། བོད་སྐད་དུ། འཕགས་པ་རིམས་ནད་རབ་ཏུ་ཞི་བར་བྱེད་པ་ཅེས་བྱ་བའི་གཟུངས། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། ། འོད་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་དུར་ཁྲོད་ཆེན་པོ་བསིལ་བའི་ཚལ་ན་བཞུགས་སོ། །དེ་ནས་དགེ་སློང་ཞིག་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། ཕྱོགས་གཅིག་ཏུ་འདུག་ནས་དགེ་སློང་དེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས། འདི་ན་སེམས་ཅན་རྣམས་རིམས་ནད་ཀྱིས་གཙེས་པར་མཆིས་ན། བཅོམ་ལྡན་འདས། དེ་དག་སྲུང་དུ་གསོལ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ། ཕྱོགས་འདི་ན་མེ་ལྕེའི་ཕྲེང་བཞེས་བྱ་བའི་རིམས་ནད་ 285b འདུག་སྟེ། སེམས་ཅན་རྣམས་ལ་ཉིན་གཅིག་པ་དང ། ཉིན་གཉིས་པ་དང ། ཉིན་གསུམ་པ་དང ། ཉན་བཞི་པ་ལ་སོགས་པ་ལ་ཐུགས་རྗེ་དང་ལྡན་པས་བརྩེ་བར་བྱེད་པས་དེ་སྲུང་བའི་གསང་སྔགས་ཀྱི་གཞི་རྣམས་འདི་དག་ཡིན་ནོ། །ཏདྱ་ཐཱ། ཛྭ་ལ་ནི་ཛྭ་ལ་ནི། པྲ་ཏི་བ་ནི་པྲ་ཤ་མ་ནི། བདག་གི་རིམས་ནད་སོང་ཞིག་།མ་འདུག་ཅིག་སཝཱཧཱ། བདེན་པ་དང ། བདེན་པའི་ཚིག་དང ། འཇིག་རྟེན་ན་སངས་རྒྱས་དང ། ཆོས་དང ། དགེ་འདུན་གྱི་བདེན་པ་དང་བདེན་པའི་ཚིག་གིས་བདག་གི་རིམས་ནད་སོང་ཞིག་།མ་འདུག་ཅིག་སཝཱཧཱ། སིདྡྷཾ་ཏུ་མནྟྲ་པ་ཏཱ་བ་དྷ་ར་བིདྱ་ན་པྲ་མ་ཨ་ནུ་མོ་དོ་སཝཱཧཱ། སྐུད་པ་ནག་པོ་ལ་ལན་ཉི་ཤུ་རྩ་གཅིག་བཟླས་ཤིང་མདུད་པ་ཉི་ཤུ་གཅིག་བོར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་དགེ་སློང་དེ་དག་ཡི་རང་སྟེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་རིམས་ནད་རབ་ཏུ་ཞི་བར་བྱེད་པའི་གཟུངས་རྫོགས་སོ།། །། |