རྒྱ་གར་སྐད་དུ། ཨཱརྱ་པརྞྞ་ཤ་བ་རི་ནཱ་མ་དྷཱ་ར་ཎཱི། བོད་སྐད་དུ། འཕགས་མ་རི་ཁྲོད་ལོ་མ་གྱོན་མ་ཞེས་བྱ་བའི་གཟུངས། འཕགས་མ་རི་ཁྲོད་ལོ་མ་གྱོན་མ་ལ་ཕྱག་འཚལ་ལོ། །དཀོན་མཆོག་གསུམ་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་ཏུ་མེད་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་ཐུགས་རྗེ་ཆེན་པོ་ 160a ༄#། །དང་ལྡན་པ་ལ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་པོ་ཐོབ་པ་ལ་ཕྱག་འཚལ་ལོ། །བཅོམ་ལྡན་འདས་མ་མིའུ་ཐུང་ཤ་ཟ་མོ་རི་ཁྲོད་ལོ་མ་གྱོན་མ་དགྲ་སྟ་དང ། ཞགས་པ་འཛིན་མ་ཁྱོད་ལ་ཕྱག་འཚལ་ལོ། །འཇིགས་པ་གང་དག་ཅི་བྱུང་བ་དེ་དག་ཐམས་ཅད་དང ། ཡམས་ཀྱི་ནད་གང་དག་ཅི་ཡང་རུང་བ་དང ། འཆི་བྱེད་གང་དག་ཅི་ཡང་རུང་བ་དང ། འཆི་བྱེད་ཆེན་པོ་གང་དག་ཅི་ཡང་རུང་བ་དང ། གནོད་པ་གང་དག་ཅི་ཡང་རུང་བ་དང ། འཁྲུག་པ་གང་དག་ཅི་ཡང་རུང་བ་དང ། ཁོང་དུ་གནོད་པ་གང་དག་ཅི་ཡང་རུང་བ་དང ། གང་དག་ཅི་བྱུང་བ་དེ་དག་ཐམས་ཅད་ནི། བྱིས་པ་ཁོ་ན་ལ་འབྱུང་གི་།མཁས་པ་ལ་ནི་མ་ཡིན་ནོ། །བདེན་པ་དང ། བདེན་པའི་ཚིག་དང ། བདེན་པའི་ངག་གིས་སོང་ཞིག་།དེངས་ཤིག་།མཁས་པས་བྱིན་གྱིས་བརླབས་པའི་གསང་སྔགས་ཀྱི་གཞི་འདི་དག་གིས་བདག་དང ། སེམས་ཅན་ཐམས་ཅད་ལ་སྲུང་བར་མཛོད་ཅིག་།ཡོངས་སུ་བསྐྱབ་པར་མཛོད་ཅིག་།ཡོངས་སུ་གཟུང་བར་མཛོད་ཅིག་།ཡོངས་སུ་བསྐྱང་བར་མཛོད་ཅིག་།ཞི་བ་དང་བདེ་ལེགས་སུ་མཛོད་ཅིག་།ཆད་པ་སྤང་བར་མཛོད་ཅིག་།མཚོན་ཆ་སྤང་བར་མཛོད་ཅིག་།ཇི་སྲིད་དུ་དུག་གཞོམ་པའི་བར་དུ་མཛོད་ཅིག་།མེའི་གནོད་པ་སྤང་བར་མཛོད་ཅིག་།ཆུའི་གནོད་པ་སྤང་ 160b བར་མཛོད་ཅིག་།བྱད་སྟེམས་གཅད་པར་མཛོད་ཅིག་།མཚམས་བཅིང་བར་མཛོད་ཅིག་།ས་གཞི་བཅིང་བར་མཛོད་ཅིག་།ཏདྱ་ཐཱ། ཨ་མྲྀ་ཏེ་ཨ་མྲྀ་ཏེ། ཨ་མྲྀ་ཏ་ཨུདྦྷ་བེ། ཨ་མྲྀ་ཏ་སཾ་བྷ་བེ།་ཨཱ་ཤཝསྟེ། ཨཱ་ཤཝསྟཾ་གེ། མཱ་མ་ར་མཱ་མ་ར། མཱ་ས་ར་མཱ་ས་ར། ཞི་བར་མཛོད། ནད་ཐམས་ཅད་ཉེ་བར་ཞི་བར་མཛོད། དུས་མ་ཡིན་པར་འཆི་བ་ཐམས་ཅད་ཉེ་བར་ཞི་བར་མཛོད། གཟའ་དང་རྒྱུ་སྐར་གྱི་ཉེས་པ་ཐམས་ཅད་ཉེ་བར་ཞི་བར་མཛོད། འཆི་བའི་དུག་ཐམས་ཅད་ཉེ་བར་ཞི་བར་མཛོད། བཅོམ་ལྡན་འདས་མ་རི་ཁྲོད་ལོ་མ་ཅན། ཏུནྣ་ཏུནྣ། བི་ཏུནྣ་བི་ཏུནྣ། ཏུ་ཎ་ཏུ་ཎ། ཏུ་མུ་ལ་སཝཱཧཱ། ཨོཾ་གཽ་རི། གནྡྷ་རི། ཙཎྜཱ་ལི། མཱ་ཏཾ་གི། བུཀྐ་སི་སཝཱཧཱ། ཨོཾ་ཨཾ་ཀུ་རེ། མཾ་ཀུ་རེ། ཀུ་ར་རེ། པརྞྞ་ཤ་བ་རི་སཝཱཧཱ། ན་མཿ ་སརྦ་ཤ་བ་རཱི་ཎཱཾ། མཧཱ་ཤ་བ་རཱི་ཎཱཾ། བྷ་ག་བ་ཏི་པི་ཤཱ་ཙི། པརྞྞ་ཤ་བ་རི་པི་ཤཱ་ཙི་སཝཱཧཱ། ཨོཾ་པི་ཤཱ་ཙི་པརྞྞ་ཤ་བ་རི་ཧྲཱིཿ ་ཛཿ ་ཧཱུཾ་ཕཊ་པི་ཤཱ་ཙི་སཝཱཧཱ། འཕགས་མ་རི་ཁྲོད་མ་ལོ་མ་གྱོན་མའི་གཟུངས་རྫོགས་སོ།། །། |