།།རྒྱ་གར་སྐད་དུ། ཨཱརྱ་བི་མ་ལ་ནཱ་མ་དྷ་ར་ཎཱི། བོད་སྐད་དུ། འཕགས་པ་དྲི་མ་མེད་པ་ཞེས་བྱ་བའི་གཟུངས། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཕུང་པོའི་རིལ་བཞུགས་ཏེ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བློ་གྲོས་རྣམ་པར་དག་པ་ལ་བཀའ་སྩལ་པ།་བློ་གྲོས་རྣམ་པར་དག་པ། ཚུལ་ཁྲིམས་ཡོངས་སུ་དག་པས་དེ་བཞིན་གཤེགས་པ་ཡོངས་སུ་དག་གོ། བློ་གྲོས་རྣམ་པར་དག་པ། ཏིང་ངེ་འཛིན་ཡོངས་སུ་དག་པས་དེ་བཞིན་གཤེགས་པ་ཡོངས་སུ་དག་གོ། བློ་གྲོས་རྣམ་པར་དག་པ། བཟོད་པ་ཡོངས་སུ་དག་བས་དེ་བཞིན་གཤེགས་པ་ཡོངས་སུ་དག་གོ་།བློ་གྲོས་རྣམ་པར་དག་པ། 30b ཕན་པའི་དངོས་པོ་ཡོངས་སུ་དག་པས་དེ་བཞིན་གཤེགས་པ་ཡོངས་སུ་དག་གོ། བློ་གྲོས་རྣམ་པར་དག་པ། བྱམས་པ་ཡོངས་སུ་དག་པས་དེ་བཞིན་གཤེགས་པ་ཡོངས་སུ་དག་གོ། བློ་གྲོས་རྣམ་པར་དག་པ། སྙིང་རྗེ་ཡོངས་སུ་དག་པ་དང ། དགའ་བ་ཡོངས་སུ་དག་པ་དང ། བཏང་སྙོམས་ཡོངས་སུ་དག་པས་དེ་བཞིན་གཤེགས་པ་ཡོངས་སུ་དག་གོ། བློ་གྲོས་རྣམ་པར་དག་པ། རྣམ་པར་གྲོལ་བ་ཡོངས་སུ་དག་པ་དང ། རྣམ་པར་གྲོལ་བའི་ཡེ་ཤེས་མཐོང་བ་ཡོངས་སུ་དག་པས་དེ་བཞིན་གཤེགས་པ་ཡོངས་སུ་དག་གོ་།བློ་གྲོས་རྣམ་པར་དག་པ།་སྟོབས་ཡོངས་སུ་དག་པ་དང ། མི་འཇིགས་པ་ཡོངས་སུ་དག་པ་དང ། སངས་རྒྱས་ཀྱི་ཆོས་ཡོངས་སུ་དག་པས་དེ་བཞིན་གཤེགས་པ་ཡོངས་སུ་དག་གོ། བློ་གྲོས་རྣམ་པར་དག་པ།་ཐམས་ཅད་མཁྱེན་པའི་ཡེ་ཤེས་ཡོངས་སུ་དག་པས་དེ་བཞིན་གཤེགས་པ་ཡོངས་སུ་དག་གོ་།བློ་གྲོས་རྣམ་པར་དག་པ། དེ་ལྟར་དེ་ ་གཤེགས་པ་ཡོངས་སུ་དག་པ་ལ། སུ་ཞིག་མེ་ཏོག་དང ། ཕྲེང་བ་དང ། སྤོས་དང ། གདུགས་དང ། རྒྱལ་མཚན་ལ་སོགས་པ་དང ། རོལ་མོའི་སྒྲ་དང ། བྱུག་པ་རྣམས་ཀྱི་བསྟི་སྟང་དུ་བྱེད་པ་དེའི་བསོད་ནམས་ཀྱི་ཕུང་པོའི་མཐའ་རྟོགས་པར་མི་ནུས་ཏེ། དེའི་མཐའ་ནི་ཐེག་པ་གསུམ་པོ་ལས་ཐེག་པ་གང་ཡང་རུང་བས། མྱ་ངན་ལས་འདས་པའི་མཐར་རྠུག་པ་མ་གཏོགས་པར། བསོད་ 31a ༄#། །ནམས་ཀྱི་ཕུང་པོ་དེ་ཕྱི་མའི་མཐར་ཡང་ཟད་པར་མི་ནུས་སོ། །དེ་ཅིའི་ཕྱིར་ཞེ་ན། བློ་གྲོས་རྣམ་བར་དག་བ། ཇི་ལྟར་དེ་བཞིན་གཤེགས་པ་སངས་རྒྱས་ཀྱི་ཆོས་ཐམས་ཅད་ཀྱི་ཚད་མེད་པ་དེ་བཞིན་དུ། དེ་བཞིན་གཤེགས་པ་ལ་ཡོན་ཕུལ་བ་ཡང་ཚད་མེད་དོ། །མཐའ་ཡས་སོ། །བསམ་གྱིས་མི་ཁྱབ་བོ། །མཚུངས་པ་མེད་དོ། ། གྲངས་མེད་དོ། །དཔག་གིས་མི་ལང་ངོ ། །བརྗོད་དུ་མེད་དོ། །བློ་གྲོས་རྣམ་པར་དག་པ། སུ་ཞིག་དེ་བཞིན་གཤེགས་པ་ད་ལྟར་བཞུགས་ཏེ་འཚོ་ཞིང་གཞེས་པ་ལ་བསྟི་སྟང་དུ་བྱེད་པ་དང ། བླ་མར་བྱེད་པ་དང ། རི་མོར་བྱེད་པ་དང ། མཆོད་པ་དང ། རྗེད་པ་དང ། ཕྱི་མའི་ཚེ་ཕྱི་མའི་དུས་ལྔ་བརྒྱ་ཐ་མ་ལ་སུ་ཞིག་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་རིང་བསྲེལ་ཡུངས་འབྲུ་ཙམ་ལ་བསྟི་སྟང་བྱེད་པ་དང ། བླ་མར་བྱེད་པ་དང ། རི་མོར་བྱེད་པ་དང ། མཆོད་པ་དང ། རྗེད་པ་དང ། ཡང་དག་པར་སེམས་ཉེ་བར་བཞག་སྟེ། བྱང་ཆུབ་ཏུ་གཞོལ་བའི་སེམས་བསྐྱེད་པས་ཕྱག་འཚལ་བ་དང ། ཕྱག་བྱེད་པ་དང ། བསྟི་སྟང་བྱེད་པ་དང ། བླ་མར་བྱེད་པ་དང ། རི་མོར་བྱེད་པ་དང།་རྗེད་པར་བྱེད་པ་དང ། མཆོད་པ་དང ། གསོལ་བ་དང ། བསྔགས་པ་དང ། སྐོར་བ་བྱེད་བ་དེས་ཕན་ཡོན་ལྔར་ཤེས་པར་བྱ་སྟེ། ལྔ་གང་ཞེ་ན། དྲན་པ་དང་ལྡན་ 31b འགྱུར་བ་དང ། རྟོགས་པ་དང་ལྡན་པར་འགྱུར་བ་དང ། ངོ་ཚ་ཤེས་ཤིང་ཁྲེལ་ཡོད་པ་དང་ལྡན་པར་འགྱུར་པ་དང ། མྱུར་དུ་བཅོམ་ལྡན་འདས་མཐོང་བར་འགྱུར་བ་དང ། མཐོང་ནས་ཀྱང་དད་པ་བསྐྱེད་པར་འགྱུར་བ་སྟེ། ཕན་ཡོན་ལྔ་པོ་དག་ཏུ་ཤེས་པར་བྱའོ། །དེ་ནས། གཞན་ཡང ། ཆོས་བཞིར་ཤེས་པར་བྱ་སྟེ། བཞི་གང་ཞེ་ན། དེ་བཞིན་གཤེགས་པས་བསྟན་པའི་ཚིག་སོ་སོར་འཛིན་པ་དང ། དེ་དག་ཀྱང་ཇི་སྐད་བསྟན་པ་དེ་བཞིན་དུ་བསྒྲུབ་པ་དང ། སངས་རྒྱས་བཅོམ་ལྡན་འདས་རྣམས་དང་ཉེ་བར་འགྱུར་བ་དང ། མྱུར་དུ་སངས་རྒྱས་ཀྱི་ཞིང་ཡོངས་སུ་དག་པར་སྐྱེ་བར་འགྱུར་བ་སྟེ། ཆོས་བཞི་པོ་དེ་དག་ཡོངས་སུ་འཛིན་པར་འགྱུར་རོ། །བློ་གྲོས་རྣམ་པར་དག་པ། བྱང་ཆུབ་སེམས་དཔའ་ཆོས་བཞི་དང་ལྡན་ན་བདུད་དམ། བདུད་ཀྱི་རིས་ཀྱི་ལྷའི་བུ་རྣམས་ཀྱིས་མི་རྫི་བར་འགྱུར་ཏེ། བཞི་གང་ཞེ་ན། རིགས་ཆེ་བ་དང ། བཙས་མ་ཐག་ཏུ་སངས་རྒྱས་བཅོམ་ལྡན་འདས་རྣམས་ཡིད་ལ་བྱེད་པ་དང ། ཕྱི་མའི་དུས་ན་དམ་པའི་ཆོས་འཛིན་པ་དང ། རྟག་ཏུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་བྱིན་གྱིས་བརླབ་པར་འགྱུར་བ་སྟེ། བློ་གྲོས་རྣམ་པར་དག་པ། བྱང་ཆུབ་སེམས་དཔའ་ཆོས་བཞི་པོ་དེ་དག་དང་ལྡན་ན། བདུད་དམ། བདུད་ཀྱི་རིགས་ཀྱི་ལྷའི་བུ་རྣམས་ 32a ༄#། །ཀྱིས་མི་རྫི་བར་འགྱུར་རོ། །བློ་གྲོས་རྣམ་པར་དག་པ། བྱང་ཆུབ་སེམས་དཔའི་ཐེག་པ་ལ་ཡང་དག་པར་ཞུགས་པ་གང་གིས། དེ་བཞིན་གཤེགས་པའི་མཆོད་རྟེན་མཐོང་ནས་དད་པ་བསྐྱེད་དེ། པུས་མོ་གཉིས་ཀའི་ལྷ་ང་ས་ལ་བཙུགས་ནས་ཕྱག་བཙལ་ཏེ། དེ་བཞིན་གཤེགས་པ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་སྐུ་ལེགས་པར་བརྒྱན་པ་དེ་ཅི་འདྲ་བར་བདག་ཀྱང་དེ་འདྲ་བའི་ལུས་ཐོབ་པར་གྱུར་ཅིག་ཅེས་དེ་ལྟར་མོས་པ་བསྐྱེད་ན། བློ་གྲོས་རྣམ་པར་དག་པ། བསོད་ནམས་ཀྱི་ཕུང་པོ་དེའི་མཐའ་བརྗོད་པར་མི་ནུས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་གནས་པའི་ཕྱིར་རོ། །བསོད་ནམས་ཀྱི་ཕུང་པོ་དེ་ནི་རྒྱལ་པོ་ཉིད་དམ། བརྒྱ་བྱིན་ཉིད་དམ། ཚངས་པ་ཉིད་དམ། ཉན་ཐོས་ཉིད་དམ། རང་སངས་རྒྱས་ཉིད་དམ། བླ་ན་མེད་པ་ཡང་དག་པར་རྫོགས་པའི་སངས་རྒྱས་ཉིད་ཀྱིས་ཀྱང་ཟད་པར་བྱར་མི་ནུས་སོ། །དེ་ཅིའི་ཕྱིར་ཞེ་ན། བློ་གྲོས་རྣམ་པར་དག་པ། རིགས་ཀྱི་བུའམ། རིགས་ཀྱི་བུ་མོ་དེས། བསོད་ནམས་ཀྱི་ཕུང་པོ་བསམ་གྱིས་མི་ཁྱབ་པ་ཡོངས་སུ་བཟུང་བ་ཡིན་ཏེ། བློ་གྲོས་རྣམ་པར་དག་པ། འདི་ལྟ་སྟེ། དཔེར་ན། དེ་བཞིན་གཤེགས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་ 32b རྒྱས་པ་གྲོང་ཁྱེར་དུ་འཇུག་གམ། གཙུག་ལག་ཁང་ངམ། གྲོང་དུ་འཇུག་ཀྱང་རུང ། དེ་བཞིན་གཤེགས་པ་ཐམས་ཅད་དུ་རྒྱུ་ཡང་རུང ། འཆག་ཀྱང་རུང ། འགྲེང་ཡང་རུང ། འདུག་ཀྱང་རུང ། ཆོས་སྟོན་ཀྱང་རུང ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན། སེམས་ཅན་ལྷ་འམ། ཀླུ་འམ། གནོད་སྦྱིན་ནམ། དྲི་ཟ་འམ། ལྷ་མ་ཡིན་ནམ།་ནམ་མཁའ་ལྡིང་ངམ། མི་འམ་ཅི་འམ། ལྟོ་འཕྱེ་ཆེན་པོ་འམ། མི་འམ། མི་མ་ཡིན་པ་འམ། ཤིང་ངམ། རི་འམ། ཁུང་བུའམ། བྱ་སྐྱིབས་ཀྱང་རུང་སྟེ། ཐམས་ཅད་དེ་བཞིན་གཤེགས་པ་ག་ལ་བ་དེ་ལོགས་སུ་འདུད་པ་དང ། རབ་ཏུ་འདུད་པ་དང ། ཀུན་ཏུ་འདུད་བ་མི་བྱེད་པ་དེ་གང་ཡང་མེད་དེ། ཇི་ལྟར་དེ་བཞིན་གཤེགས་པ་དགེ་བའི་རྩ་བ་ཐམས་ཅད་དང་ལྡན་པར་བྱེད་པ་དེ་བཞིན་དུ། རིགས་ཀྱི་བུ་འམ། རིགས་ཀྱི་བུ་མོ་དེ་དག་གྲོང་ངམ། གྲོང་ཁྱེར་རམ། གྲོང་རྡལ་ལམ། ཡུལ་འཁོར་རམ། ཕོ་བྲང་འཁོར་ན་རྒྱུ་བ་ལ་སེམས་ཅན་རྣམས་འདུད། རབ་ཏུ་འདུད། ཀུན་ཏུ་འདུད་པར་འགྱུར་རོ། །བཅོམ་ལྡན་འདས་འོད་དཔག་མེད་ལ་ཕྱག་འཚལ་ལོ། ། མི་ཏཱ་ཨ་མི་ཏེ་པྲ་བྷ་བེ་མཧཱ་པྲ་བྷེ། པྲ་བྷ་བ་ཏི། པྲ་བྷ་བ་ཏི། པྲ་བྷ་བ་ཏི། པྲ་བྷ་བ་ཏི། པྲ་བྷ་བ་ཏི། པྲ་བྷ་བ་ཏི། པྲ་བྷ་བ་ཏི། པྲ་བྷ་བ་ཏི། པྲ་བྷ་བ་ཏི། པྲ་བྷ་བ་ཏི། བཅོམ་ལྡན་འདས་ 33a ༄#། །མཐུས་བསྟན་དུ་གསོལ། བཅོམ་ལྡན་འདས། མཐུས་བསྟན་དུ་གསོལ། ཏདྱ་ཐཱ། མ་ཏི་མ་ཏི། མ་ཏི་མ་ཏི། མ་ཏི་མ་ཏི། མ་ཏི་མ་ཏི། མ་ཏི་མ་ཏི། སྨྲྀ་ཏི།་སྨྲྀ་ཏི། སྨྲྀ་ཏི། སྨྲྀ་ཏི། སྨྲྀ་ཏི། སྨྲྀ་ཏི། སྨྲྀ་ཏི། སྨྲྀ་ཏི། སྨྲྀ་ཏི། སྨྲྀ་ཏི། མཧཱ་སྨྲྀ་ཏི། མཧཱ་སྨྲྀ་ཏི། ཆགས་པ་མི་མངའ་བ། གཏི་མུག་བསལ་དུ་གསོལ། སོ་མེ། སོ་མེ། སོ་མེ། སོ་མེ། སོ་མེ། སོ་མེ། སོ་མེ། སོ་མེ། སོ་མེ། སོ་མེ། སཽ་མ་ན་སྱ་མུ་པ་ན་ཡ། སཽ་མ་ན་སྱ་མུ་པ་ན་ཡ། སཽ་མ་ན་སྱ་མུ་པ་ན་ཡ། སཽ་མ་ན་སྱ་མུ་པ་ན་ཡ། སཽ་མ་ན་སྱ་མུ་པ་ན་ཡ། སཽ་མ་ན་སྱ་མུ་པ་ན་ཡ། སཽ་མ་ན་སྱ་མུ་པ་ན་ཡ། སཽ་མ་ན་སྱ་མུ་པ་ན་ཡ། སཽ་མ་ན་སྱ་མུ་བ་ན་ཡ། སཽ་མ་ན་སྱ་མུ་པ་ན་ཡ། ཤི་ཁི་ཤི་ཁི། ཤི་ཁི་ཤི་ཁི། ཤི་ཁི་ཤི་ཁི། ཤི་ཁི་ཤི་ཁི། ཤི་ཁི་ཤི་ཁི། ཞི་བར་གྱུར་ཅིག་།ནད་མེད་པར་གྱུར་ཅིག་།བགེགས་མེད་པར་གྱུར་ཅིག། པྲ་བྷ་བ་ཏི། མཧཱ་མ་དྱེ། རཤྨི། རཤྨི། རཤྨི། རཤྨི།་རཤྨི། རཤྨི། རཤྨི། རཤྨི། རཤྨི། རཤྨི། སངས་རྒྱས་བཅོམ་ལྡན་འདས་འདི་དག་གི་མཚན་ཡང་གཟུང་བར་བྱ་ཞིང་ཕྱག་བྱའོ། །འདི་ལྟ་སྟེ། བཅོམ་ལྡན་འདས་རིན་ཆེན་འབྱུང་གནས་དང ། བཅོམ་ལྡན་འདས་རིན་ཆེན་ཉི་མ་དང ། བཅོམ་ལྡན་འདས་རིན་ཆེན་བླ་མ་དང ། བཅོམ་ལྡན་འདས་རིན་ཆེན་མཁྲེགས་དང ། 33b བཅོམ་ལྡན་འདས་རིན་ཆེན་མེ་ཏོག་དང ། བཅོམ་ལྡན་འདས་རིན་ཆེན་འོད་འཕྲོ་དང ། བཅོམ་ལྡན་འདས་རིན་ཆེན་མཐུ་དང ། བཅོམ་ལྡན་འདས་རིན་ཆེན་མི་འཁྲུགས་པ་དང ། བཅོམ་ལྡན་འདས་འོད་དཔག་མེད་དང ། བཅོམ་ལྡན་འདས་དབྱངས་དཔག་མེད་དང ། བཅོམ་ལྡན་འདས་ཐུབ་དཀའ་དང ། བཅོམ་ལྡན་འདས་གྲངས་པ་མཐའ་ཡས་དང ། བཅོམ་ལྡན་འདས་རིན་ཆེན་འོད་དང ། བཅོམ་ལྡན་འདས་བདེ་ཆེན་བརྙེས་དང ། བཅོམ་ལྡན་འདས་སྐར་མའི་འོད་དང ། བཅོམ་ལྡན་འདས་བདེན་དབྱངས་དང ། བཅོམ་ལྡན་འདས་ནད་ཀྱི་དྲི་མ་བྲལ་བ་དང ། བཅོམ་ལྡན་འདས་ཟླ་བ་དཀར་དང ། བཅོམ་ལྡན་འདས་དྲི་མ་མེད་པའི་འོད་དང ། བཅོམ་ལྡན་འདས་ཉི་མ་དཀར་དང ། བཅོམ་ལྡན་འདས་ཉི་མའི་འོད་དང ། བཅོམ་ལྡན་འདས་འོད་དག་པ་དང ། བཅོམ་ལྡན་འདས་རིན་ཆེན་མཐའ་ཡས་དང ། བཅོམ་ལྡན་འདས་རིན་ཆེན་སྙིང་པོ་དང ། བཅོམ་ལྡན་འདས་རིན་ཆེན་འབྱུང་དང ། བཅོམ་ལྡན་འདས་ཟླ་བའི་སྒྲོན་མ་དང ། བཅོམ་ལྡན་འདས་པདྨའི་སྡེ་དང ། བཅོམ་ལྡན་འདས་པདྨའི་སྒྲ་དང ། བཅོམ་ལྡན་འདས་པདྨའི་མཆོག་དང ། བཅོམ་ལྡན་འདས་ཡན་ལག་མཆོག་དང ། བཅོམ་ལྡན་འདས་གསེར་འོད་དང ། བཅོམ་ལྡན་འདས་ཚངས་པའི་དབང་ཕྱུག་རྒྱལ་པོ་དང ། བཅོམ་ 34a ༄#། །ལྡན་འདས་གསེར་ལྟ་བུར་སྣང་བ་དང ། བཅོམ་ལྡན་འདས་གསེར་གྱི་འབྱུང་གནས་དང ། བཅོམ་ལྡན་འདས་ཀླུའི་དབང་ཕྱུག་རྒྱལ་པོ་དང ། བཅོམ་ལྡན་འདས་མེ་ཏོག་དང ། བཅོམ་ལྡན་འདས་སྤོས་ཐམས་ཅད་ཀྱི་དབང་ཕྱུག་རྒྱལ་པོ་དང ། བཅོམ་ལྡན་འདས་ཕྲེང་བའི་རྒྱལ་པོ་དང ། བཅོམ་ལྡན་འདས་དཔའ་བརྟན་པའི་སྡེ་དང ། བཅོམ་ལྡན་འདས་མཚོན་ཆ་སྤོང་དང ། བཅོམ་ལྡན་འདས་དཔལ་གྱི་སྙིང་པོ་ནོར་བུ་རིན་པོ་ཆེ་དང ། བཅོམ་ལྡན་འདས་དཔག་མེད་རྟོགས་འོད་དང ། བཅོམ་ལྡན་འདས་སེང་གེ་སྒྲ་དང ། བཅོམ་ལྡན་འདས་སེང་གེ་དབང་ཕྱུག་རྒྱལ་པོ་དང ། བཅོམ་ལྡན་འདས་མཐུ་ཆེན་བརྩོན་འགྲུས་ངེས་འབྱུང་དང ། བཅོམ་ལྡན་འདས་སྙིང་པོས་ཟིལ་གནོན་དང ། བཅོམ་ལྡན་འདས་རྔ་སྒྲའི་རྒྱལ་པོ་དང ། བཅོམ་ལྡན་འདས་ཟླ་བ་མཆོག་དང ། བཅོམ་ལྡན་འདས་པདྨ་ཟིལ་གནོན་དང ། བཅོམ་ལྡན་འདས་འཇིག་རྟེན་སྒྲོན་མ་དང ། བཅོམ་ལྡན་འདས་མེ་དང ། བཅོམ་ལྡན་འདས་སྐྲག་བྱེད་དང ། བཅོམ་ལྡན་འདས་རིན་ཆེན་མུ་ཁྱུད་དང ། བཅོམ་ལྡན་འདས་རྟག་ཏུ་ཡོངས་སུ་མྱ་ངན་ལས་འདས་པ་དང ། བཅོམ་ལྡན་འདས་བློ་ཡངས་དང ། བཅོམ་ལྡན་འདས་རིན་ཆེན་དཔག་མེད་སྤྲུལ་འདོད་དང ། བཅོམ་ལྡན་འདས་རི་རབ་ལྟར་རྣམ་ 34b པར་གནོན་པ་དང ། བཅོམ་ལྡན་འདས་ཕྱག་ན་རིན་ཆེན་མཆོག་དང ། བཅོམ་ལྡན་འདས་རིན་ཆེན་འདུས་པའི་དཔལ་དང ། བཅོམ་ལྡན་འདས་ཕྱིར་མི་ལྡོག་པའི་འཁོར་ལོ་རིན་པོ་ཆེའི་ཚིག་གི་དཔལ་དང ། བཅོམ་ལྡན་འདས་ཀུན་ནས་རྣམ་པར་སྣང་མཛད་རྣམ་པར་དག་པ་བརྙེས་པ་དང ། བཅོམ་ལྡན་འདས་ཉི་ཟླ་སྒྲོན་མ་དང ། བཅོམ་ལྡན་འདས་ལྷུན་པོ་དང ། བཅོམ་ལྡན་འདས་ལྷུན་པོ་ཆེན་པོ་དང ། བཅོམ་ལྡན་འདས་རི་རབ་དང ། བཅོམ་ལྡན་འདས་ཤིན་ཏུ་ལྷུན་པོ་དང ། བཅོམ་ལྡན་འདས་རི་རབ་ལྟ་བུའོ། །ཏདྱ་ཐཱ། པ་ཏ་པ་ཏ། ད་མ་ད་མ། གྷ་མ་གྷ་མ་སཝཱཧཱ། ཤར་ཕྱོགས་ལོགས་ན་སངས་རྒྱས་བཅོམ་ལྡན་འདས་འདི་དག་ལ་སོགས་པ་འཁོར་དང་བཅས་པ་གང་དག་བཞུགས་པ་འདྲེན་པ་དེ་དག་ལ་ཕྱག་འཚལ་ལོ། །དེ་དག་གིས་ཀྱང་བདག་འཁོར་དང་བཅས་པ་ལ་ནད་མེད་པ་དང ། ཞི་བར་མངོན་དུ་སྲུང་དུ་གསོལ། ལྷོ་ཕྱོགས་ལོགས་ན་སངས་རྒྱས་བཅོམ་ལྡན་འདས་གང་དག་བཞུགས་པ་འདྲེན་པ་དེ་དག་ལ་ཕྱག་འཚལ་ལོ། །དེ་དག་གིས་ཀྱང་བདག་ལ་ནད་མེད་པ་དང ། ཞི་བར་མངོན་དུ་སྲུང་དུ་གསོལ། ནུབ་ཕྱོགས་ལོགས་ན་སངས་རྒྱས་བཅོམ་ལྡན་འདས་གང་དག་བཞུགས་པ་འདྲེན་པ་དེ་དག་ལ་ཕྱག་འཚལ་ལོ། །དེ་དག་གིས་ཀྱང་བདག་ལ་ནད་མེད་པ་དང ། ཞི་བར་མངོན་དུ་སྲུང་དུ་གསོལ། 35a ༄#། །བྱང་ཕྱོགས་ལོགས་ན་སངས་རྒྱས་བཅོམ་ལྡན་འདས་གང་དག་བཞུགས་པ་འདྲེན་པ་དེ་དག་ལ་ཕྱག་འཚལ་ལོ། །དེ་དག་གིས་ཀྱང་བདག་ལ་ནད་མེད་པ་དང ། ཞི་བར་མངོན་དུ་སྲུང་དུ་གསོལ། འོག་གི་ཕྱོགས་ལོགས་ན་སངས་རྒྱས་བཅོམ་ལྡན་འདས་གང་དག་བཞུགས་པ་འདྲེན་པ་དེ་དག་ལ་ཕྱག་འཚལ་ལོ། ། དེ་དག་གིས་ཀྱང་བདག་ལ་ནད་མེད་པ་དང ། ཞི་བར་མངོན་དུ་སྲུང་དུ་གསོལ། སྟེང་གི་ཕྱོགས་ལོགས་ན་སངས་རྒྱས་བཅོམ་ལྡན་འདས་གང་དག་བཞུགས་པ་འདྲེན་པ་དེ་དག་ལ་ཕྱག་འཚལ་ལོ། །དེ་དག་གིས་ཀྱང་བདག་ལ་ནད་མེད་པ་དང ། ཞི་བར་མངོན་དུ་སྲུང་དུ་གསོལ། ཕྱོགས་མཚམས་ལོགས་ན་སངས་རྒྱས་བཅོམ་ལྡན་འདས་གང་དག་བཞུགས་པ་འདྲེན་པ་དེ་དག་ལ་ཕྱག་འཚལ་ལོ། །དེ་དག་གིས་ཀྱང་བདག་ལ་ནད་མེད་པ་དང ། ཞི་བར་མངོན་དུ་སྲུང་དུ་གསོལ། ཏདྱ་ཐཱ། བི་མ་ལེ། བི་མ་ལཱ་ཀ་རེ། བི་མ་ལ་སཾ་བྷ་བེ་སཝཱཧཱ། བི་མ་ལེ། བི་མ་ལེ། བི་མ་ལེ། བི་མ་ལེ། བི་མ་ལེ། བི་མ་ལེ། བི་མ་ལེ། བི་མ་ལེ། བི་མ་ལེ། བི་མ་ལེ། བི་མ་ལཱ་ཀ་རེ། བི་མ་ལཱ་ཀ་རེ། བི་མ་ལཱ་ཀ་རེ། བི་མ་ལཱ་ཀ་རེ། བི་མ་ལཱ་ཀ་རེ། བི་མ་ལཱ་ཀ་རེ། བི་མ་ལཱ་ཀ་རེ། བི་མ་ལཱ་ཀ་རེ། བི་མ་ལཱ་ཀ་རེ། བི་མ་ལཱ་ཀ་རེ། བི་མ་ལ་ས་མུངྒ་ཏེ། བི་མ་ལ་ 35b ས་མུངྒ་ཏེ། བི་མ་ལ་ས་མུངྒ་ཏེ། བི་མ་ལ་ས་མུངྒ་ཏེ། བི་མ་ལ་ས་མུངྒ་ཏེ། བི་མ་ལ་ས་མུངྒ་ཏེ། བི་མ་ལ་ས་མུངྒ་ཏེ། བི་མ་ལ་ས་མུངྒ་ཏེ། བི་མ་ལ་ས་མུངྒ་ཏེ། བི་མ་ལ་ས་མུངྒ་ཏེ།་རིག་སྔགས་འདི་ནི་རིག་སྔགས་ཆེ། །ལྷ་རྣམས་ཀྱིས་ནི་བརྗོད་པ་ཡིན། །འདི་ནི་དུས་གསུམ་བརྗོད་བྱས་ན། །ནད་རྣམས་ལ་ནི་ཡོངས་སུ་ཐར། །མི་མ་ཡིན་གྱིས་གང་བྱས་དང། །སྡིག་པ་གང་དག་སྦྱོར་བྱས་དགྲོལ། །དེ་དག་དྲན་པ་བརྗེད་མི་འགྱུར། །བཟུང་བ་རྣམས་ཀྱང་ཆུད་མི་ཟ། །དེ་དག་སྐྱེ་བ་རྣམས་སུ་ཡང ། །རྟག་ཏུ་སངས་རྒྱས་འབྲལ་མི་འགྱུར། །སུ་ཞིག་དྲི་མ་མེད་པའི་གཟུངས། །འདི་ནི་དགའ་བས་འཛིན་བྱེད་པ། །ཞིང་རྣམས་ཀུན་ཏུ་རྒྱུ་བ་ན། །དཔལ་ལྡན་པདྨའི་སྙིང་པོར་འབྱུང ། །མཚན་རྣམས་ཀྱིས་ནི་ལེགས་པར་བརྒྱན། །ཡན་ལག་འོད་ཟེར་དྲ་བ་འབྱུང ། །ཏདྱ་ཐཱ། ཀུ་ཊི་ཀུ་ཊི། ཀུཙྪ་ལོ། ཨེ་ལ་ཨེ་ལ། མུཀྟ། ཀོད་ཐཱ་ལོ། ཨེ་རི་རི། རི་མྲྀ་ཏི་སཝཱཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་རྣམ་པར་དག་པ་དང ། ལྷ་དང ། མི་དང ། ལྷ་མ་ཡིན་དང ། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་དྲི་མ་མེད་པ་ཞེས་བྱ་བའི་གཟུངས་རྫོགས་སོ།། །།རྒྱ་གར་གྱི་ 36a ༄#། །མཁན་པོ་ཇ་ནི་མི་ཏྲ་དང ། དཱ་ན་ཤཱི་ལ་དང ། ཞུས་ཆེན་གྱི་ལོཙྪ་བ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ། སྐད་གསར་བཅད་ཀྱིས་ཀྱང་བཅོས་ནས་གཏན་ལ་ཕབ་པ།། |