H488

<head>
<link rel="stylesheet" type="text/css" href="../sub/style.css">
<link rel="stylesheet" type="text/css" href="../sub/cssstyles.css" />
<link rel="stylesheet" type="text/css" href="../sub/w3.css" />

<style>
.button {
  display: inline-block;
  border-radius: 4px;
  background-color: #08088a;
  border: none;
  color: #FFFFFF;
  text-align: center;
  font-size: 12px;
  padding: 10px;
  width: 130px;
  transition: all 0.5s;
  cursor: pointer;
  margin: 5px;
  border-radius: 12px;
}

.button span {
  cursor: pointer;
  display: inline-block;
  position: relative;
  transition: 0.5s;
}

.button span:after {
  content: '\00bb';
  position: absolute;
  opacity: 0;
  top: 0;
  right: -20px;
  transition: 0.5s;
}

.button:hover span {
  padding-right: 25px;
}

.button:hover span:after {
  opacity: 1;
  right: 0;
}
</style>
</head>
<div style="position: fixed; top: 0px; left: 0px; width: 150px; height: 60px; background-color: white">
<img src="../sub/logo.png" alt="rKTs" style="width:135px;height:60px;">
</div>

﻿
<table>
<tr height=50>
<tr>
<td width=150 valign=top>

<button  class="button" style="vertical-align:middle"  onclick="window.close();">Close window</button>
<td>


<table><tr><td><h1>H488</h1><td>(<a href="https://asianclassics.org/tibetan/" target="new2">e-text produced by ACIP</a>)<br><br><a href="verif3.php?id=H488&coll=lhasa">see text in transliteration</a></table>15a<br><font size=+2>


།རྒྱ་གར་སྐད་དུ། ཨཱ་རྱ་སརྦ་བུདྡྷ་ཨངྒ་བ་ཏི་མཱ་མ་དྷཱ་ར་ཎཱི། བོད་སྐད་དུ། འཕགས་པ་སངས་རྒྱས་ཐམས་ཅད་ཀྱི་ཡན་ལག་དར་ལྡན་པ་ཞེས་བྱ་བའི་གཟུངས། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་གངྒཱའི་ཀླུང་ཆེན་པོའི་འགྲམ་ན། འཇིག་རྟེན་སྐྱོང་བ་བཞི་དང་ཐབས་ཅིག་ཏུ་བཞུགས་ཏེ། དེའི་ཚེ་བཅོམ་ལྡན་འདས་ཀྱིས་རྣམ་ཐོས་ཀྱི་བུ་ལ་སོགས་པ་རྒྱལ་པོ་ཆེན་པོ་བཞི་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་དག་སྐྱེས་པ་དང ། བུད་མེད་དང ། ཁྱེའུ་དང ། བུ་མོ་རྣམས་ལ་འཇིགས་པ་ཆེན་པོ་བཞི་པོ་འདི་དག་འབྱུང་ངོ ། །བཞི་གང་ཞེ་ན། འདི་ལྟ་སྟེ། རྒ་བ་དང ། ན་བ་དང ། རྒུད་པ་དང ། འཆི་བའོ། །དེ་ལ་ཡང་འཇིགས་པ་ཆེན་པོ་གཅིག་སྟེ། འདི་ལྟར་འཆི་བདག་གི་འཇིགས་པ་ཆེན་པོ་སྟེ། བརྩམ་པ་མེད་པ། གཉེན་པོ་མེད་པ། རྟག་ཏུ་ཕྱི་བཞིན་འབྲང་བའོ། །རྒྱལ་པོ་ཆེན་པོ་དག་དེ་ལ་འཇིགས་པ་ཆེན་པོ་གཅིག་པོ་དེའི་གཉེན་པོ་ངས་འདིར་བརྗོད་པར་བྱའོ། །དེ་ནས་བཅོམ་ལྡན་འདས་ལ་རྒྱལ་པོ་ཆེན་པོ་བཞིས་འདི་སྐད་</font><hr>15b<br><font size=+2>


ཅེས་གསོལ་ཏོ། །བཅོམ་ལྡན་འདས། གང་གི་སླད་དུ་བཅོམ་ལྡན་འདས་ཀྱིས་སྲོག་རབ་ཏུ་སྩལ་བས་སྐྱེད་བུ་རྗེས་སུ་གཟུང་བ་འདི་ནི། དེང་བདག་ཅག་གི་རྙེད་བ་ལེགས་པར་རྙེད་དོ། །དེ་ནས་བཅོམ་ལྡན་འདས་ཤར་ཕྱོགས་སུ་ཐུགས་མངོན་དུ་ཕྱོགས་ཏེ་བཞུགས་ནས། སེ་གོ་ལ་གྱི་སྒྲས་དེ་བཞིན་གཤེགས་པ་ཐམས་ཅད་ལ་བསྐུལ་ཏེ། འདི་སྐད་ཅེས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་སུ་དག། སེམས་ཅན་རྣམས་ལ་ཐུགས་བརྩེ་བའི་སླད་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པ་དེ་དག་བདག་གི་གྲོགས་མཛོད་ཅིག་།དེས་ན་བདག་འདིར་སངས་རྒྱས་ཐམས་ཅད་ཀྱི་བྱིན་གྱིས་རླབས་ཀྱིས་བྱིན་གྱིས་བརླབས་ནས་སེམས་ཅན་ཐམས་ཅད་ཀྱི་དུས་མ་ཡིན་པར་འཆི་བ་རབ་ཏུ་བཟློག་པར་བགྱིའོ། །སྔོན་མ་བསྐོར་བའི་ཆོས་ཀྱི་འཁོར་ལོ་གཉིས་པ་ཡང་བསྐོར་བར་བགྱིའོ་ཞེས་གསུངས་སོ། །དེ་བཞིན་དུ་ལྷོ་དང ། ནུབ་དང ། བྱང་དང ། སྟེང་དང ། འོག་གི་དེ་བཞིན་གཤེགས་པ་ཐམས་ཅད་ལ་བསྐུལ་ཏེ། འདི་སྐད་ཅེས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་སུ་དག། སེམས་ཅན་རྣམས་ལ་ཐུགས་བརྩེ་བའི་དོན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་བར་སངས་རྒྱས་པ་དེ་དག་བདག་གི་གྲོགས་མཛོད་ཅིག་ཅེས་གསུང་ངོ ། །དེ་བཞིན་དུ་ཕྱོགས་མཚམས་རྣམས་སུ་ཡང ། འདི་སྐད་ཅེས། གང་གི་</font><hr>16a<br><font size=+2>


༄#། །ཕྱིར་འདི་དག་ཚེ་དང ། སྟོབས་དང ། ཁ་དོག་དང་ལྡན་པ་ཡོངས་སུ་འགྲུབ་ཅིང ། དུས་མ་ཡིན་པར་འཆི་བའི་འཇིགས་པ་འབྱུང་བར་མི་འགྱུར་བར་སངས་རྒྱས་ཐམས་ཅད་བདག་གི་གྲོགས་མཛོད་ཅིག་ཅེས་གསུངས་སོ། །དེ་ནས་ཕྱོགས་བཅུའི་སའི་ཁམས་ཇི་སྙེད་སངས་རྒྱས་ཀྱི་སྤྱན་ལ་སྣང་བར་གྱུར་པ་དེ་སྙེད་ཀྱི་འཇིག་རྟེན་གྱི་ཁམས་དག་སངས་རྒྱས་བཅོམ་ལྡན་འདས་ཀྱིས་ཏིལ་གྱི་གང་བུ་བཞིན་དུ་གང་སྟེ། དེ་དག་གིས་དེ་བཞིན་གཤེགས་པའི་གྲོགས་མཛད་པར་ཞལ་གྱིས་བཞེས་ནས་དེ་བཞིན་གཤེགས་པ་དེ་དག་ཐམས་ཅད་འདི་སྐད་ཅེས་གསུང་ངོ ། །ཏདྱ་ཐཱ། ཙ་ལཱ་ཙ་ལ་ཙ་ལེ། བི་ན་ཏི། སཝ་སྟི་ཀེ། ཙཀྲ་ཨངྒ་ཏི། པྲ་ཤ་མནྟུ། སརྦ་རོ་ག་ཨ་ན་ཏྲེ། ཀུཎྚེ་ཀུཎྚེ། མཧཱ་ཀུཎྚེ། ཙ་རེ་ཙ་རེ་རེ། ཧེ་མ་གི་རི། ཧེ་མ་གཽ་རི། ཧེ་མ་གཽ་རི། ཧེ་མ་ནི་ཤུནྟི། ཧེ་མ་སི་སི། ཀཽ་ར་བེ་ཀཽ་རབ་བེ། ཧེ་ཀུ་ར་རེ། ཀུ་ར་རེ། ཀུ་མ་ཏི། བི་ཥ་ས་མ་ཎི། ཤི་ཥུ་བི། ཙ་ལེ་ཙ་ལེ། བི་ཙ་ལེ།་མཱ་བི་ལ་མྦ་ཧུ་མུ་ཧུ་མུ་སཝཱ་ཧཱ། གསང་བ་པའི་བདག་པོ་ཇི་སྙེད་པ་ཐམས་ཅད་ཀྱང་དེ་བཞིན་གཤེགས་པ་ཐམས་ཅད་དང་ཉེ་བར་འདུག་ནས། དེ་དག་གིས་སྨྲས་པ། ཧཱུཾ་ཧཱུཾ་སི་སི་སཝཱ་ཧཱ།་དེ་སྐད་ཅེས་བཀའ་སྩལ་པ་དང ། དེ་བཞིན་གཤེགས་པ་ཐམས་ཅད་མི་སྣང་བར་གྱུར་ཏོ། །དེ་ནས་བཅོམ་ལྡན་འདས་ལ་རྒྱལ་པོ་ཆེན་པོ་རྣམ་ཐོས་ཀྱི་བུས་འདི་སྐད་</font><hr>16b<br><font size=+2>


ཅེས་གསོལ་ཏོ། །བཅོམ་ལྡན་འདས། བདག་གིས་ཀྱང་དེ་བཞིན་གཤེགས་པའི་བྱིན་གྱིས་བརླབས་ཀྱིས་བསྲུང་བར་བགྱིའོ། །དུས་མ་ལགས་པར་འགུམ་པ་ལས་བཟློག་པར་བགྱིའོ། ཏདྱ་ཐཱ། ཤཝེ་ཏེ་ཤཝེ་ཏེ་ཤཝེ་ཏེ། ལེ་ལི་ལི། འཕགས་སྐྱེས་པོས་ཀྱང་སྨྲས་པ། མཱ་ཏ་དྷེ་མཱ་ཏངྒེ། མཱ་ཏངྒི་ནི། ཤཱུ་མཱ་ཤཱུ་མཱུ། ཡུལ་འཁོར་སྲུང་གིས་ཀྱང་སྨྲས་པ། ཙ་རེ་ཙ་རེ་རེ་སཝཱ་ཧཱ་མིག་མི་བཟང་གིས་ཀྱང་སྨྲས་པ། བ་ལམ་བི་པ། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་དག་གང་ལ་ལ་ཞིག་སངས་རྒྱས་ཐམས་ཅད་ཀྱིས་གཟིགས་པའི་རིག་སྔགས་འདི་ཉིན་རེ་ལ་ལན་རེ་འདོན་ན་རིགས་ཀྱི་བུའམ། རིགས་ཀྱི་བུ་མོ་དེ་ལ་སྟོན་པའི་འདུ་ཤེས་བསྐྱེད་པར་བྱའོ། །རིགས་ཀྱི་བུའམ། རིགས་ཀྱི་བུ་མོ་དེ་ངན་སོང་གསུམ་དུ་འགྲོ་བར་མི་འགྱུར་རོ། །འདིས་སེམས་ཅན་ཐམས་ཅད་ཀྱི་སྲོག་ལ་ཕན་བཏགས་པར་འགྱུར་རོ། །གང་ཞིག་སེམས་ཅན་ཐམས་ཅད་ཀྱི་དོན་དུ་ཉིན་གཅིག་བཞིན་དུ་ཚིག་ཏུ་འདོན་པ་དང ། གང་ཡང་འདི་ཀློག་པ་དེ་ལ་དུས་མ་ཡིན་པར་འཆི་བའི་འཇིགས་བ་མེད་དོ། །དེའི་ལུས་ལ་ནད་ངན་པ་འབྱུང་བར་མི་འགྱུར་རོ། །ཆུས་འཆི་བའི་དུས་བྱེད་པར་མི་འགྱུར་རོ། །མེས་མ་ཡིན། མཚོན་གྱིས་མ་ཡིན། དུག་གིས་མ་ཡིན། ལྕེ་འབབ་བས་མ་ཡིན་ནོ། །གང་ལ་ལ་རྒྱལ་པའི་བུ་དག་རིག་སྔགས་འདོན་པའི་ས་ཕྱོགས་དེ་སངས་རྒྱས་དང་</font><hr>17a<br><font size=+2>


༄#། །བྱང་ཆུབ་སེམས་དཔའ་ཐམས་ཅད་ཀྱིས་དགོངས་པར་རིག་པར་བྱའོ། །ཡི་གེར་འདྲི་བའམ། ཡི་གེར་འདྲིར་འཇུག་པ་དེས་སངས་རྒྱས་བཅོམ་ལྡན་འདས་ལ་རིམ་གྲོ་བྱ་བ་ཐམས་ཅད་ཀྱིས་བསྟི་སྟང་བྱས་པར་འགྱུར་རོ། །དེ་ཅིའི་ཕྱིར་ཞེན། སེམས་ཅན་རྣམས་ལ་རིམ་གྲོ་བྱེད་པ་ནི་སངས་རྒྱས་ལ་རིམ་གྲོ་བྱེད་པ་ཡིན་ནོ་ཞེས་དེ་བཞིན་གཤེགས་པ་རྣམས་གསུང་བའི་ཕྱིར་རོ། །སུ་ཞིག་གིས་འདི་བྲིས་ནས་ཡན་ལག་ལ་བཏགས་ན་དེའི་ཡན་ལག་ཐམས་ཅད་བསྲུང་བར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་རྒྱལ་པོ་ཆེན་པོ་བཞི་དང ། ཐམས་ཅད་དང་ལྡན་པའི་འཁོར་དེ་དག་དང ། ལྷ་དང ། མི་དང ། ལྷ་མ་ཡིན་དང ། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་སངས་རྒྱས་ཐམས་ཅད་ཀྱི་ཡན་ལག་དང་ལྡན་པ་ཞེས་བྱ་བའི་གཟུངས་རྫོགས་སོ།། །། རྒྱ་གར་གྱི་མཁན་པོ་ཇི་ན་མི་ཏྲ་དང ། དཱ་ན་ཤཱི་ལ་དང ། ཞུས་ཆེན་གྱི་ལོ་ཙྪ་པ་བནྡེ་ཡེ་ཤེས་སྡེས་བསྒྱུར་ཅིང་ཞུས་ཏེ་སྐད་གསར་བཅད་ཀྱིས་ཀྱང་བཅོས་ནས་གཏན་ལ་ཕབ་པའོ།། །། </font><hr>

</table>