rKTs


H48

(e-text produced by ACIP)

see text in transliteration
313b
།།རྒྱ་གར་སྐད་དུ། ཨཱརྱ་སཝ་པ་ན་ནིར་དེ་ཤ་ནཱ་མ་མཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་རྨི་ལམ་བསྟན་པ་ཞེས་བྱ་བ་ཐེག་པ་
314a
༄#། །ཆེན་པོའི་མདོ། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན།་བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཀྱི་ཕུང་པོའི་རི་ལ་དགེ་སློང་དྲུག་ཁྲིའི་དགེ་སློང་གི་དགེ་འདུན་ཆེན་པོ་ཕལ་ཆེར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས་པ་དག་དང་ཐབས་གཅིག་ཏུ་བཞུགས་ཏེ། ཉན་ཐོས་ཆེན་པོ་མངོན་པར་ཤེས་པ་མངོན་པར་ཤེས་པ་ཤ་སྟག་དང་ཡང་ཐབས་གཅིག་གོ་།དེ་ནས་བཅོམ་ལྡན་འདས་ཞལ་ཟས་ཀྱི་བྱ་བ་མཛད་ནས་འདི་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ། ཏིང་ངེ་འཛིན་དེའི་མཐུས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་བརྒྱ་བྱིན་དང ། ཚངས་པ་དང ། འཇིག་རྟེན་སྐྱོང་བ་འཁོར་དང་བཅས་པ་གང་དག་ཡོད་པ་དེ་དག་ཐམས་ཅད་བཅོམ་ལྡན་འདས་ག་ལ་བ་དེར་སོང་སྟེ་ལྷགས་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ཐལ་མོ་སྦྱར་ཏེ་ཕྱོགས་གཅིག་ཏུ་འཁོད་དོ། །ཏིང་ངེ་འཛིན་དེའི་མཐུས་ཕྱོགས་བཅུ་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར་ལྷགས་པའི་དགེ་སློང་ཇི་སྙེད་པ་དེ་དག་ཐམས་ཅད་ཀྱང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་པ་དང ། བཅོམ་ལྡན་འདས་ཀྱི་ཞབས་
314b
ལ་མགོ་བོས་ཕྱག་བྱས་ཏེ། ཕྱོགས་གཅིག་ཏུ་འཁོད་དོ། །ཏིང་ངེ་འཛིན་དེའི་མཐུས་འཁོར་བརྒྱད་ཀྱི་གང་ཟག་བྱང་ཆུབ་སེམས་དཔའི་ཐེག་པ་པ་ཇི་སྙེད་པ་དེ་དག་ཐམས་ཅད་ཀྱང་བཅོམ་ལྡན་འདས་ག་ལ་བ་དེར་དོང་སྟེ་ལྷགས་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འཁོད་དོ། །དེ་ནས་གནས་གཙང་མའི་རིས་ཀྱི་ལྷའི་བུ་དགའ་བ་དང ། རབ་ཏུ་དགའ་དང ། རྟོགས་དགའ་དང ། བཟང་དགའ་དང ། དཔལ་བཟང་དང ། ཡོངས་སུ་དགའ་ལྡན་དང ། དབང་ཕྱུག་དང ། དབང་ཕྱུག་ཆེན་པོ་ཞེས་བྱ་བ་རྣམས་གནས་གཙང་མའི་རིས་ཀྱི་ལྷའི་བུ་རབ་ཏུ་མང་པོ་དག་དང་ལྷན་ཅིག་ཏུ་བཅོམ་ལྡན་འདས་ག་ལ་བ་དེར་སོང་སྟེ་ལྷགས་པ་དང ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །ཕྱོགས་གཅིག་ཏུ་འཁོད་ནས་ཀྱང་བཅོམ་ལྡན་འདས་ལ་གནས་གཙང་མའི་རིས་ཀྱིས་ལྷའི་བུ་དེ་དག་གིས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས། སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ཀྱིས་གསུངས་པ། བྱང་ཆུབ་སེམས་དཔའི་མཚན་མ་བསྟན་པ་ཞེས་བགྱི་བའི་ཆོས་ཀྱི་རྣམ་གྲངས་འདི་ནི་སྔོན་ཡང་བཤད་ལ། སླད་ཀྱིས་ཀྱང་འཆད་པར་འགྱུར་བས། བཅོམ་ལྡན་འདས་ཀྱིས་ཀྱང་སྐྱེ་བོ་མང་པོ་ལ་སྨན་པ་དང ། སྐྱེ་བོ་མང་པོ་ལ་བདེ་བ་དང ། འཇིག་རྟེན་
315a
༄#། །ལ་ཐུགས་བརྩེ་བ་དང ། ལྷ་དང་མི་རྣམས་ཀྱི་དོན་དང ། སྨན་པ་དང་བདེ་བའི་སླད་དུ་དེ་ཡང་དག་པར་བཤད་དུ་གསོལ། བཅོམ་ལྡན་འདས་ཡོངས་སུ་མྱ་ངན་ལས་འདས་ན་ཡང་མ་འོངས་པའི་བྱང་ཆུབ་སེམས་དཔའ་རྣམས་ཀྱིས་ཆོས་ཀྱི་རྣམ་གྲངས་འདི་ཐོས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་འདུན་པ་རྒྱ་ཆེན་པོ་བསྐྱེད་པར་འགྱུར་ཞིང ། བདག་ཉིད་ཀྱི་དགེ་བ་ཡང་དག་པ་ཇི་ལྟ་བ་བཞིན་དུ་མཐོང་བ་ན་གཞན་དག་ལ་རློམ་སེམས་བགྱིད་པར་མི་འགྱུར་ཞིང ། བདེ་བས་ཀྱང་བག་མ་མཆིས་པར་མི་འགྱུར་ལ། སྡུག་བསྔལ་བར་གྱུར་པས་ཀྱང་སྒྱིད་ལུག་པར་མི་འགྱུར་ལགས་སོ། །བཅོམ་ལྡན་འདས་ཀྱིས་གནས་གཙང་མའི་རིས་ཀྱི་ལྷའི་བུ་དེ་དག་ལ་ཅང་མི་གསུང་བར་གནང་བར་མཛད་དོ། །དེ་ནས་བྱང་ཆུབ་སེམས་དཔའ་རྡོ་རྗེས་རབ་འཇོམས་ཀྱིས་ལྷའི་བུ་དེ་དག་གིས་གསོལ་བ་བཏབ་པར་རིག་ཅིང ། འཁོར་མཐའ་ཡས་པ་དག་ལྷགས་པར་ཡང་རིག་ནས། དེའི་ཚེ་ཚིགས་སུ་བཅད་པ་འདི་དག་གསོལ་ཏོ། །ཡོན་ཏན་བརྒྱས་གཏམས་པ་ལ་འདི་ཞུ་ལགས། །ལྷ་མི་དགའ་མཛད་པ་ལ་འདི་ཞུ་ལགས། །བདུད་འཇོམས་མཛད་པ་པོ་ལ་འདི་ཞུ་ལགས། །སྐྱེ་མང་སྨན་པའི་མཆོག་ལ་འདི་ཞུ་ལགས། །འཁྲུལ་མེད་གསུང་གིས་ཆོས་རྣམས་སྟོན་མཛད་ཅིང་།།
315b
འགྲོ་བའི་འཇིག་རྟེན་མཁས་པ་བླ་ན་མེད། །ཡིད་གཉིས་བརྒྱ་སྟོང་རབ་ཏུ་གཅོད་མཛད་ཅིང ། །སྐྱེ་མང་མིག་རྩོལ་བ་ལ་འདི་ཞུ་ལགས། །ཉི་ལྟར་མཉམ་མེད་མུན་པ་སེལ་མཛད་ཅིང་།། ཟླ་ལྟར་ཡོངས་དག་བསིལ་བའི་འོད་ལྡན་པ། །མི་སྡུག་སྟུག་ལ་མི་གཡོ་ལྷུན་འདྲ་ཞིང ། །མཚོ་འདྲ་ཡོན་ཏན་མཆོག་ལ་འདི་ཞུ་ལགས། །དོགས་ས་བཞིན་དུ་ནོངས་པ་བགྱིས་བཟོད་ཅིང ། །ཆབ་ལྟར་སྐྱེ་དགུའི་དྲི་མ་སྦྱོང་བར་མཛད། །ཞུགས་བཞིན་ཉོན་མོངས་དྲ་བ་བསྲེག་མཛད་ཅིང ། །སྲིད་གསུམ་འཁྲུལ་མི་མངའ་ལ་འདི་ཞུ་ལགས། །སྨན་པ་བཞིན་དུ་འགྲོ་བ་གསོ་མཛད་ཅིང ། །རྣམ་ཐོས་བུ་ལྟར་སྡུག་ལ་ནོར་སྦྱིན་མཛད། །སྤྲིན་བཞིན་སྐོམ་པས་གདུངས་པ་ཞི་མཛད་ཅིང ། །ངེས་པ་གསུང་མཆོག་སྟོན་ལ་འདི་ཞུ་ལགས། འགྲོ་བ་ཟུག་རྡུ་སྡུག་བསྔལ་ང་རྒྱལ་བཅས། །ཐ་བ་ཉོན་མོངས་དྲི་བཅས་གཡོ་ཅན་དག་།འདུལ་མཁས་བདེ་དང་བདེ་བ་སྩོལ་མཛད་ཅིང ། །འགྲོ་བས་དྲན་བགྱི་བ་ལ་མཆོག་འདི་ཞུ། །འཛེམ་དང་སྣང་ལྡན་བློ་གྲོས་བརྟན་ལྡན་ཞིང ། །རྟོགས་དང་དྲན་ལྡན་བླ་མ་རྣམས་ཀྱིས་མཆོད། །མཉམ་མེད་ཚུལ་མི་འཆོས་ཤིང་ཐུགས་མི་གནས། །ཡོན་ཏན་རྒྱ་མཚོ་འདྲ་ལ་མཆོག་འདི་ཞུ། །སྐྱེ་དགུའི་འཐབ་རྩོད་ཉོན་མོངས་ཞི་མཛད་ཅིང ། །རྟག་ཏུ་ངེས་ཤིང་ཞལ་བཟང་དགའ་བར་མཛད། །ཤིན་ཏུ་ཞལ་འཛུམ་མཉེན་ཞིང་བྱམས་པའི་ཐུགས། །སྲིད་
316a
༄#། །གསུམ་ཕ་རོལ་གཤེགས་ལ་འདི་ཞུ་ལགས། །སོར་བཅུ་ཐལ་སྦྱར་འདི་ཡིས་བསྟོད་བགྱིས་ཤིང ། །བདེ་གཤེགས་སྟོབས་བཅུ་ཁྱོད་ལ་གསོལ་འདེབས་ཀྱི། །སེམས་ཅན་རིན་ཆེན་དེ་དག་རྣམས་ཀྱི་སྤྱོད། །ཞུས་པ་བཞིན་དུ་བཀའ་སྩོལ་བཤད་དུ་གསོལ། །བྱང་ཆུབ་ཚུལ་གྱི་སྤྱོད་དེ་ཅི་འདྲ་བས། །ཐོས་ནས་ལྷ་མི་ཚོགས་ཀྱང་སྤྱོད་འགྱུར་བས། །འདི་ནི་སྐྱེས་མཆོག་ལགས་ཞེས་བདག་ཅག་གིས། །ཇི་ལྟར་འཚལ་འགྱུར་མཚན་མ་བདག་ལ་གསུངས། །དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེས་རབ་འཇོམས་ལ་འདི་སྐད་ཅེས་བཀའ་སྩལ་ཏོ། །རྡོ་རྗེས་རབ་འཇོམས། །དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་གཟུང་ཞིག་དང ། རྣམ་པ་གང་དག་དང ། རྟགས་གང་དག་དང ། མཚན་མ་གང་དག་གིས་གང་ཟག་བྱང་ཆུབ་སེམས་དཔའི་ཐེག་པ་པ་ཡིན་པར་ཤེས་པར་བྱ་བ་ངས་ཁྱོད་ལ་བཤད་པར་བྱའོ། །བྱང་ཆུབ་སེམས་དཔའ་རྡོ་རྗེས་རབ་འཇོམས་ཀྱིས་བཅོམ་ལྡན་འདས་དེ་ལྟར་འཚལ་ལོ་ཞེས་གསོལ་ནས་བཅོམ་ལྡན་འདས་ཀྱིས་ལྟར་ཉན་པ་དང ། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །རྡོ་རྗེས་རབ་འཇོམས་མཚན་མ་བརྒྱ་རྩ་བརྒྱད་ཀྱིས་ནི། གང་ཟག་བྱང་ཆུབ་སེམས་དཔའི་ཐེག་པ་པ་ཡིན་པར་རིག་པར་བྱ་སྟེ། བརྒྱ་རྩ་བརྒྱད་གང་ཞེ་ན།
316b
གཉིད་ལོག་པའི་རྨི་ལམ་ན་དེ་བཞིན་གཤེགས་པའི་སྐུ་མཛེས་པས་བཀའ་སྩོལ་པའི་གཟུགས་མཐོང་བ་དང ། གཞན་ཡང་དེ་བཞིན་གཤེགས་པ་ཡང་ཅང་མི་གསུང་བར་མཐོང་བ་དང ། གཞན་ཡང་དེ་བཞིན་གཤེགས་པ་དབུ་དང་ཞབས་སུ་བཅས་པར་གཡོགས་པ་མཐོང་བ་དང ། གཞན་ཡང་དེ་བཞིན་གཤེགས་པ་ཞལ་ཕྱིར་ཕྱོགས་པ་མཐོང་བ་དང ། གཞན་ཡང་དེ་བཞིན་གཤེགས་པའི་སྐུ་འཇིམ་པ་ལས་བྱས་པ་མཐོང་བ་དང ། གཞན་ཡང་དེ་བཞིན་གཤེགས་པའི་སྐུ་མཚོན་གྱིས་བྲིས་པ་མཐོང་བ་དང ། གཞན་ཡང་འགྲོ་བ་ན་དེ་བཞིན་གཤེགས་པའི་སྐུ་མཐོང་བ་དང ། གཞན་ཡང་དེ་བཞིན་གཤེགས་པ་གཞན་དག་ལ་ཆོས་སྟོན་པ་མཐོང་བ་དང ། གཞན་ཡང་དེ་བཞིན་གཤེགས་པ་རྫུ་འཕྲུལ་གྱིས་ནམ་མཁའ་ལས་གཤེགས་པ་མཐོང་བ་དང ། གཞན་ཡང་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པ་མཐོང་བ་དང ། གཞན་ཡང་དེ་བཞིན་གཤེགས་པ་ཞུགས་ལ་བཞེན་པ་མཐོང་བ་དང ། གཞན་ཡང་རྨི་ལམ་ན་དེ་བཞིན་གཤེགས་པའི་སྐུ་གདུང་དག་རྙེད་པ་དང ། གཞན་ཡང་རྨི་ལམ་ན་དེ་བཞིན་གཤེགས་པའི་དབུ་སྐྲ་རྙེད་པ་དང ། གཞན་ཡང་རྨི་ལམ་ན་སྔོན་མ་མཐོང་བའི་མཆོད་རྟེན་དག་མཐོང་བ་དང ། གཞན་ཡང་རྨི་ལམ་ན་དེ་བཞིན་གཤེགས་པའི་མཆོད་རྟེན་རིན་པོ་ཆེས་བརྒྱན་པ་དག་མཐོང་བ་དང ། གཞན་ཡང་དེ་བཞིན་གཤེགས་པའི་མཆོད་
317a
༄#། །རྟེན་ཆོ་འཕྲུལ་མཛད་པ་དག་མཐོང་བ་དང ། གཞན་ཡང་དེ་བཞིན་གཤེགས་པའི་འོད་མཐོང་བ་དང ། གཞན་ཡང་རྨི་ལམ་ན་དེ་བཞིན་གཤེགས་པའི་སྒྲ་ཐོས་ལ་མ་མཐོང་བ་དང ། གཞན་ཡང་བདག་དེ་བཞིན་གཤེགས་པའི་སྐུ་ཡིན་པར་ཀུན་ཤེས་པ་དང ། གཞན་ཡང་བདག་དེ་བཞིན་གཤེགས་པའི་མཆོད་རྟེན་ལ་མེ་ཏོག་གམ། མེ་ཏོག་ཕྲེང་ངམ། སྤོས་སམ། བྱུག་པ་འབུལ་ཞིང ། སྐུད་པར་ཀུན་དུ་ཤེས་པ་དང ། གཞན་ཡང་དེ་བཞིན་གཤེགས་པ་ལ་ན་བཟའ་དྲི་མ་ཅན་གསོལ་པ་མཐོང་བ་དང ། གཞན་ཡང་རྨི་ལམ་ན་སྔོན་མ་ཐོས་པའི་ཆོས་དག་ཐོས་པ་དང ། གཞན་ཡང་རྨི་ལམ་ན་མ་བསྟན་པའི་ཆོས་དག་ཤེས་ལ་སད་ན་ཆོས་འཆད་པ་སུ་ཡང་མེད་ལ་ཅི་ཡང་མི་དྲན་པ་དང ། སྔོན་མ་མཐོང་བའི་དགེ་སློང་ཆོས་སྨྲ་བ་དག་མཐོང་བ་དང ། གཞན་ཡང་རྨི་ལམ་ན་བདག་ཆོས་ཀྱི་ཁྲི་སྟན་ལ་འདུག་སྟེ། ཆོས་སྟོན་པར་ཀུན་དུ་ཤེས་པ་དང ། གཞན་ཡང་རྨི་ལམ་ན་བདག་འཇིག་པ་མེད་པར་ཀུན་ཏུ་ཤེས་པ་དང ། གཞན་ཡང་རྨི་ལམ་ན་བྱང་ཆུབ་ཀྱི་སྙིང་པོ་མཐོང་བ་དང ། གཞན་ཡང་དེ་བཞིན་གཤེགས་པ་འཆག་པ་མཐོང་བ་དང ། གཞན་ཡང་དེ་བཞིན་གཤེགས་པ་ཆོས་ཀྱི་འཁོར་ལོ་བསྐོར་བ་མཐོང་བ་དང ། གཞན་ཡང་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་མཆོད་
317b
རྟེན་མཐོང་བ་དང ། གཞན་ཡང་དེ་བཞིན་གཤེགས་པའི་ཆོས་གོས་རྙེད་པ་དང ། གཞན་ཡང་དེ་བཞིན་གཤེགས་པའི་ལྷུང་བཟེད་རྙེད་པ་དང ། གཞན་ཡང་དེ་བཞིན་གཤེགས་པ་ཉག་ཅིག་མཐོང་བ་དང ། གཞན་ཡང་དེ་བཞིན་གཤེགས་པ་སྐྱེ་བོ་མང་པོས་ཡོངས་སུ་བསྐོར་བ་མཐོང་བ་དང ། གཞན་ཡང་དེ་བཞིན་གཤེགས་པའི་གདུགས་མཐོང་བ་དང ། གཞན་ཡང་དེ་བཞིན་གཤེགས་པའི་འཆག་ས་དག་མཐོང་བ་དང ། གཞན་ཡང་དེ་བཞིན་གཤེགས་པའི་གདན་མཐོང་བ་དང ། གཞན་ཡང་བདག་དེ་བཞིན་གཤེགས་པ་ལ་ཞལ་ཟས་འབུལ་བར་ཀུན་དུ་ཤེས་པ་དང ། གཞན་ཡང་བདག་དེ་བཞིན་གཤེགས་པ་ལ་ན་བཟའ་འབུལ་བར་ཀུན་དུ་ཤེས་པ་དང ། གཞན་ཡང་བདག་དེ་བཞིན་གཤེགས་པ་ལ་མེ་ཏོག་འབུལ་བར་ཀུན་དུ་ཤེས་པ་དང ། གཞན་ཡང་བདག་རི་ལ་འདུག་པར་ཀུན་དུ་ཤེས་པ་དང ། གཞན་ཡང་རྨི་ལམ་ན་བདག་གཅེར་བུར་འདུག་པར་ཀུན་དུ་ཤེས་པ་དང ། གཞན་ཡང་རྨི་ལམ་ན་བདག་ཕྱོགས་མཚམས་ན་འདུག་པར་ཀུན་དུ་ཤེས་པ་དང ། གཞན་ཡང་རྨི་ལམ་ན་བདག་སྔོན་མ་མཐོང་བའི་ཡུལ་དུ་ཕྱིན་པར་ཀུན་དུ་ཤེས་པ་དང ། གཞན་ཡང་རྨི་ལམ་ན་བདག་ཆུ་བོའི་ནང་ན་འདུག་པར་ཀུན་དུ་ཤེས་པ་དང ། གཞན་ཡང་རྨི་ལམ་ན་སྤྲིན་ལས་ཆར་འབབ་པ་མཐོང་བ་དང ། གཞན་ཡང་རྨི་ལམ་ན་ས་གཡོས་པར་ཀུན་དུ་ཤེས་པ་དང ། གཞན་ཡང་རྨི་ལམ་ན་བདག་གཡུལ་འགྱེད་
318a
༄#། །པའི་ནང་དུ་སོང་བར་ཀུན་དུ་ཤེས་པ་དང ། གཞན་ཡང་རྨི་ལམ་ན་བདག་ན་བར་ཀུན་དུ་ཤེས་པ་དང ། གཞན་ཡང་རྨི་ལམ་ན་བདག་གཡང་ས་ནས་གཡང་དུ་ལྷུང་ཞིང་བཏོན་པ་མེད་པར་ཀུན་དུ་ཤེས་པ་དང ། གཞན་ཡང་རྨི་ལམ་ན་བདག་བསད་པ་ལས་བཏང་བར་ཀུན་དུ་ཤེས་པ་དང ། གཞན་ཡང་རྨི་ལམ་ན་བདག་དགྲའི་ནང་ན་འདུག་པར་ཀུན་དུ་ཤེས་པ་དང ། གཞན་ཡང་རྨི་ལམ་ན་བདག་ནམ་མཁའ་ལ་འགྲོ་བར་ཀུན་ཏུ་ཤེས་པ་དང ། གཞན་ཡང་རྨི་ལམ་ན་བདག་གིས་ལག་པ་ན་སྒྲོན་མ་ཐོགས་པར་ཀུན་དུ་ཤེས་པ་དང ། གཞན་ཡང་རྨི་ལམ་ན་བྱང་ཆུབ་སེམས་དཔའ་ཕྱིར་འབྱུང་བ་མཐོང་བ་དང ། གཞན་ཡང་རྨི་ལམ་ན་གླེགས་བམ་རྙེད་པ་དང ། གཞན་ཡང་རྨི་ལམ་ན་གཟུངས་ཀྱི་སྒྲ་ཐོས་པ་དང ། གཞན་ཡང་རྨི་ལམ་ན་ཏིང་ངེ་འཛིན་གྱི་སྒྲ་ཐོས་པ་དང ། གཞན་ཡང་རྨི་ལམ་ན་ཤིན་ཏུ་རྒྱས་པའི་སྡེའི་མདོ་སྡེའི་སྒྲ་ཐོས་པ་དང ། གཞན་ཡང་རྨི་ལམ་ན་ཆོས་སྨྲ་བའི་དགེ་སློང་ཆེ་གེ་མོ་ཞེས་བྱ་བ་རྣམས་ཀྱི་མིང་ཐོས་པ་དང ། གཞན་ཡང་རྨི་ལམ་ན་བདག་ཚིགས་སུ་བཅད་པ་ལ་སྤོབས་པ་ཐོབ་པར་ཀུན་དུ་ཤེས་པ་དང ། གཞན་ཡང་རྨི་ལམ་ན་བདག་མདོ་སྡེ་ལ་སྤོབས་པ་ཐོབ་པར་ཀུན་དུ་ཤེས་པ་དང ། གཞན་ཡང་རྨི་ལམ་ན་ཆོས་ཀྱི་གཏེར་གྱི་སྒྲ་ཐོས་པ་དང ། གཞན་ཡང་རྨི་ལམ་ན་འཇིག་རྟེན་གྱི་ཁམས་གཞན་གྱི་དེ་བཞིན་གཤེགས་
318b
པའི་མཚན་ཐོས་པ་དང ། གཞན་ཡང་འཇིག་རྟེན་གྱི་ཁམས་གཞན་གྱི་བྱང་ཆུབ་སེམས་དཔའ་ཆེ་གེ་མོ་ཞེས་བྱ་བའི་མིང་ཐོས་པ་དང ། གཞན་ཡང་བདག་རྒྱ་མཚོའི་དབུས་ན་འདུག་པར་ཀུན་དུ་ཤེས་པ་དང ། གཞན་ཡང་བདག་རིན་པོ་ཆེ་དག་ཐུ་བར་ཀུན་དུ་ཤེས་པ་དང ། གཞན་ཡང་བདག་རི་རབ་ཀྱི་རྩེ་མོར་སོན་པར་ཀུན་དུ་ཤེས་པ་དང ། གཞན་ཡང་བདག་རི་ལ་འཛེག་པར་ཀུན་དུ་ཤེས་པ་དང ། གཞན་ཡང་བདག་རིའི་རྩེ་མོ་ན་འདུག་པར་ཀུན་དུ་ཤེས་པ་དང ། གཞན་ཡང་བདག་ཤིང་ལྗོན་པ་ལ་འཛེག་པར་ཀུན་དུ་ཤེས་པ་དང ། གཞན་ཡང་བདག་གླང་པོ་ཆེའི་གཙོ་བོ་མཐོང་བ་དང ། གཞན་ཡང་བདག་གླང་པོ་ཆེའི་གཙོ་བོ་ལ་ཞོན་པར་ཀུན་དུ་ཤེས་པ་དང ། གཞན་ཡང་བདག་རྟ་ལ་ཞོན་པར་ཀུན་ཏུ་ཤེས་པ་དང ། གཞན་ཡང་བདག་བདེན་པས་བྱིན་གྱི་རླབས་ཕྱེད་པར་ཀུན་ཏུ་ཤེས་པ་དང ། གཞན་ཡང་འབྲས་བུའི་ཤིང་ལྗོན་པ་དག་མཐོང་བ་དང ། གཞན་ཡང་མེ་ཏོག་གི་ཤིང་ལྗོན་པ་དག་མཐོང་བ་དང ། གཞན་ཡང་སྔོན་མ་མཐོང་བའི་གྲོང་ཁྱེར་མཐོང་བ་དང ། གཞན་ཡང་མཚོ་མ་དྲོས་པ་མཐོང་བ་དང ། གཞན་ཡང་ལྷའི་བུ་མཐོང་བ་དང ། གཞན་ཡང་ཀླུ་མཐོང་བ་དང ། གཞན་ཡང་བདག་འཛམ་བུའི་གླིང་གཞན་དུ་སོང་བར་ཀུན་དུ་ཤེས་པ་དང ། གཞན་ཡང་བདག་གོས་དཀར་པོ་གྱོན་པར་ཀུན་དུ་ཤེས་པ་དང ། གཞན་ཡང་བདག་གི་མགོ་ལ་རིན་པོ་ཆེའི་ཕྲེང་
319a
༄#། །བ་ཐོགས་པར་ཀུན་དུ་ཤེས་པ་དང ། གཞན་ཡང་བདག་གི་མགོ་ལ་མེ་ཏོག་གི་ཕྲེང་བ་རྒྱན་དང་བཅས་པ་ཐོགས་པར་ཀུན་དུ་ཤེས་པ་དང ། གཞན་ཡང་བདག་མེ་ཏོག་སིལ་མ་དག་བསྲེལ་བར་ཀུན་དུ་ཤེས་པ་དང ། གཞན་ཡང་བདག་རྔོ་བོ་ཆེ་བརྡུང་བའམ། རོལ་མོའི་སྒྲ་གཞན་དག་འབྱིན་པར་ཀུན་དུ་ཤེས་པ་དང ། གཞན་ཡང་ཉི་མ་སྤྱང་ཀིས་ཟིན་པའམ། ཟླ་བ་སྤྱང་ཀིས་ཟིན་པར་མཐོང་བ་དང ། གཞན་ཡང་བདག་མི་གཙང་བས་འབགས་པར་ཀུན་དུ་ཤེས་པ་དང ། གཞན་ཡང་བདག་རྒྱལ་པོར་གྱུར་པར་ཀུན་དུ་ཤེས་པ་དང ། གཞན་ཡང་བདག་རྒྱལ་པོའི་སྤྱན་སྔའམ། རྒྱལ་པོའི་བློན་པོ་ཆེན་པོའམ། སྐྱེ་བོ་ཕལ་པོ་ཆེའི་ནང་ན་འདུག་པར་ཀུན་དུ་ཤེས་པ་དང ། གཞན་ཡང་བདག་སྐྱེད་མོས་ཚལ་ན་འདུག་པར་ཀུན་དུ་ཤེས་པ་དང ། གཞན་ཡང་སྔོན་མ་མཐོང་བའི་གཙུག་ལག་ཁང་ངམ། གྲོང་ངམ། ཡུལ་ལམ། ལྗོངས་མཐོང་བ་དང ། གཞན་ཡང་རྨི་ལམ་ན་གདུགས་རྙེད་པ་དང ། གཞན་ཡང་རྨི་ལམ་ན་བདག་སྐྱེ་བོ་ཕལ་པོ་ཆེ་ལ་ཆོས་སྟོན་པར་ཀུན་དུ་ཤེས་པ་དང ། གཞན་ཡང་བདག་གྲོང་གཞན་དུ་ཞུགས་པར་ཀུན་དུ་ཤེས་པ་དང ། གཞན་ཡང་བདག་ཟམ་པ་འདོགས་པར་ཀུན་དུ་ཤེས་པ་དང ། གཞན་ཡང་བདག་གྲུ་སྦྱོར་བར་ཀུན་དུ་ཤེས་པ་དང ། གཞན་ཡང་རྨི་ལམ་ན་སྤྲིན་ལས་འབྲུག་སྒྲ་གྲག་པའམ།
319b
གློག་འབྱུང་བར་ཀུན་དུ་ཤེས་པ་དང ། གཞན་ཡང་རྨི་ལམ་ན་མཚོན་ཆའམ། གོ་ཆ་རྙེད་པ་དང ། གཞན་ཡང་རྨི་ལམ་ན་སྣོད་དག་རྙེད་པ་དང ། གཞན་ཡང་རྨི་ལམ་ན་བདག་སེམས་ཅན་རྣམས་ལ་ལམ་སྟོན་པར་ཀུན་དུ་ཤེས་པ་དང ། གཞན་ཡང་རྨི་ལམ་ན་བདག་སྐྱེད་མོས་ཚལ་དུ་འཇུག་པར་ཀུན་དུ་ཤེས་པ་དང ། གཞན་ཡང་རྨི་ལམ་ན་ལོ་ཏོག་ཕུན་སུམ་ཚོགས་པ་མཐོང་བ་དང ། གཞན་ཡང་བདག་སེམས་ཅན་ནད་པ་རྣམས་གསོ་བར་ཀུན་དུ་ཤེས་པ་དང ། གཞན་ཡང་བདག་བྱང་ཆུབ་ཏུ་ལུང་སྟོན་པའི་སྒྲ་ཐོས་པ་དང ། གཞན་ཡང་བདག་མངོན་པར་རྫོགས་པར་བྱང་ཆུབ་པར་ཀུན་དུ་ཤེས་པ་དང ། གཞན་ཡང་རྨི་ལམ་ན་བུམ་པ་གང་བ་དག་རྙེད་པ་སྟེ། རྡོ་རྗེས་རབ་འཇོམས། རྨི་ལམ་གྱི་མཚན་མ་བརྒྱ་རྩ་བརྒྱད་པོ་འདི་དག་ཀུན་ཏུ་སྣང་ན་གང་ཟག་བྱང་ཆུབ་སེམས་དཔའི་ཐེག་པ་པ་ཡིན་པར་རིག་པར་བྱའོ། །རྡོ་རྗེས་རབ་འཇོམས། དེ་ལ་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པས་བཀའ་སྩལ་པ་མཐོང་ན། བྱང་ཆུབ་སེམས་དཔའ་དེ་གལ་ཏེ་གཟུངས་ཐོབ་པར་གྱུར་པ་ཞིག་གམ། མངོན་པར་ཤེས་པ་ཐོབ་པར་གྱུར་པར་ཞིག་གམ། བདེན་པའི་བྱིན་གྱི་རླབས་གྲུབ་པར་གྱུར་པ་ཞིག་ཡིན་ན་ནི་ས་བརྒྱད་པར་ལུང་བསྟན་པར་འགྱུར་བར་བལྟའོ། །ཡོན་ཏན་དེ་དག་འཐོབ་ཏུ་ཉེ་བ་ཞིག་ཡིན་ན་ནི་ས་དང་པོ་བདུན་པོ་དག་ལས་ས་གང་ཡང་རུང་
320a
༄#། །བར་ལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པ་ཅང་མི་གསུང་བ་མཐོང་ན། བྱང་ཆུབ་སེམས་དཔའ་དེས་ནི་ཆོས་ལ་སྒྲིབ་པར་འགྱུར་བའི་ལས་བསགས་པ་ཡིན་པས། དེས་ཆོས་མཉན་པ་ཡང་དག་པར་འཛིན་དུ་གཞུག་པར་བྱ་ཞིང་ཁ་ཏོན་ལ་ཡང་དག་པར་བརྩོན་པའི་གང་ཟག་རྣམས་ལ་ཡང་བདེ་བའི་བསྙེན་བཀུར་དག་ཉེ་བར་བསྒྲུབ་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཏེ། གང་ཟག་དེ་ནི་ས་དང་པོ་བདུན་པོ་དག་ལས་ས་གང་ཡང་རུང་བར་བལྟའོ། །དེའི་ཚེ་ས་དང་པོ་ལ་གནས་པ་ཞིག་ཡིན་ན་ནི་དེས་སྦྱང་བའི་ཕྱིར་ལོ་བདུན་དུ་ཕུང་པོ་གསུམ་པའི་ཆོས་ཀྱི་རྣམ་གྲངས་ཉིན་ལན་གསུམ་མཚན་ལན་གསུམ་གདོན་པར་བྱའོ། །ཅི་སྟེ་ས་གཉིས་པ་ལ་གནས་པ་ཞིག་ཡིན་ན་ནི་དེས་ལོ་དྲུག་ཏུ་གདོན་པར་བྱའོ། །ཅི་སྟེ་ས་གསུམ་པ་ལ་གནས་པ་ཞིག་ཡིན་ན་ནི་དེས་ལོ་ལྔར་གདོན་པར་བྱའོ། །ཅི་སྟེ་ས་བཞི་པ་ལ་གནས་པ་ཞིག་ཡིན་ན་ནི་དེས་ལོ་བཞིར་གདོན་པར་བྱའོ། །ཅི་སྟེ་ས་ལྔ་པ་ལ་གནས་པ་ཞིག་ཡིན་ན་ནི་དེས་ལོ་གསུམ་དུ་གདོན་པར་བྱའོ། །ཅི་སྟེ་ས་དྲུག་པ་ལ་གནས་པ་ཞིག་ཡིན་ན་ནི་དེས་ལོ་གཉིས་སུ་གདོན་པར་བྱའོ། །ཅི་སྟེ་ས་བདུན་པ་ལ་གནས་པ་ཞིག་ཡིན་ན་ནི་དེས་ལོར་གདོན་པར་བྱའོ། །རྡོ་རྗེས་རབ་འཇོམས་།གཞན་
320b
ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པ་དབུ་དང་ཞབས་སུ་བཅས་པར་གཡོགས་པར་མཐོང་ན། དེ་ནི་སེམས་ཅན་རྣམས་དགེ་བའི་བཤེས་གཉེན་ལ་ལྟ་བ་དང ། ཆོས་ཉན་པ་དང་ཕྲལ་བ་ཡིན་པས་དེས་ཞེ་འགྲས་པ་མེད་པའི་སེམས་ཀྱིས་སྤོབས་པར་བྱེད་པའི་དངོས་པོ་ཉེ་བར་བསྒྲུབ་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཏེ། གང་ཟག་དེ་ནི་ལས་དང་པོ་པར་ལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པའི་ཞལ་ཕྱིར་ཕྱོགས་པ་མཐོང་ན། དེས་ནི་རབ་ཏུ་འབྱུང་བའི་བར་ཆད་བྱས་ཤིང ། ཆོས་ཉན་པ་རྣམས་ལ་ཡང་སྒྲིབ་པ་བསྐྱེད་པ་ཡིན་པས། དེས་ཆོས་ཀྱི་ཁྲི་སྟན་བཤམས་པའི་ངང་ཚུལ་ཅན་དུ་བྱས། སེམས་ཅན་རྣམས་ཀྱང་ཆོས་ཉན་དུ་གཟུད་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཏེ། གང་ཟག་དེ་ནི་ས་དང་པོ་བདུན་པོ་དག་ལས་ས་གང་ཡང་རུང་བར་བལྟའོ།། རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པའི་སྐུ་འཇིམ་པ་ལས་བྱས་པ་མཐོང་ན་བྱང་ཆུབ་སེམས་དཔའ་དེ་ནི་ས་དང་པོ་བར་བལྟ་སྟེ། དེས་ནི་ཆོས་སྨྲ་བའི་སྤྱོད་པ་ལ་དཔྱས་བྱས་པ་ཡིན་པས་དེས་ནི་དེ་བཞིན་གཤེགས་པའི་མཆོད་རྟེན་ནམ། ཆོས་ཡིག་ཁང་དུ་མགོ་ལ་མར་མེ་གཞག་པར་བྱ་ཞིང་
321a
༄#། །དེས་ཞེས་འགྲས་པ་མེད་པའི་སེམས་སུ་ཡང་བྱའོ། །དེ་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་རོ། །གལ་ཏེ་ས་གཞན་ལ་གནས་པའི་བྱང་ཆུབ་སེམས་དཔའ་ཞིག་གིས་མཚན་མ་དེ་ལྟ་བུ་མཐོང་ན་ནི་བདུད་ཀྱི་ལས་སུ་རིག་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པའི་སྐུ་ཚོན་གྱིས་བྲིས་པ་མཐོང་ན་བྱང་ཆུབ་སེམས་དཔའ་དེ་ནི་ས་ལྔ་པོ་གང་ཡང་རུང་བ་དག་ཏུ་བལྟ་སྟེ། སངས་རྒྱས་ཀྱི་སྐུ་བྲིས་པ་ལ་སྤོས་སམ། མེ་ཏོག་དག་གིས་མཆོད་པ་བྱེད་པར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །ཅི་སྟེ་ཐལ་མོ་སྦྱར་ནི་ས་གཉིས་པར་བལྟའོ། །ཅི་སྟེ་བསྟོད་པ་བྱེད་ན་ནི་ས་གསུམ་པར་བལྟའོ། །ཅི་སྟེ་ཡན་ལག་ལྔས་ཕྱག་འཚལ་ན་ནི་ས་བཞི་པར་བལྟའོ། །ཅི་སྟེ་སྐོར་བ་བྱེད་ན་ནི་ས་ལྔ་པར་བལྟའོ། །དེས་ཆོས་ཟབ་མོ་དག་ལ་བཟོད་པ་བསྐྱེད་པར་བྱ་སྟེ། དེའི་འོག་ཏུ་ལུང་བསྟན་པ་ཐོབ་པར་ཡང་འགྱུར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པའི་སྐུ་བཞུད་པ་མཐོང་ན་དེས་ནི་བརྙས་ཐབས་བྱས་ཤིང་ཁ་ཏོན་དང་ལུང་ཕོག་པ་ཡིན་པས་དེས་བག་ཡོད་པར་བརྩོན་འགྲུས་བརྩམ་པར་བྱ་ཞིང ། ཡང་དང་ཡང་དུ་ཆོས་མཉན་པ་ཡང་སྦྱིན་པར་བྱ། དེ་བཞིན་གཤེགས་
321b
པའི་མཆོད་རྟེན་དག་ཀྱང་བྱི་དོར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཏེ། བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། །ཅི་སྟེ་བྱང་ཆུབ་སེམས་དཔའ་གཞན་ཞིག་འགྲོ་བ་ན་དེ་བཞིན་གཤེགས་པ་མཐོང་ན་དེ་ལ་མཚན་མ་ཅིར་འགྱུར་ཞེ་ན། གལ་ཏེ་བཀད་སར་འགྲོ་ལ་དེ་བཞིན་གཤེགས་པ་མཐོང་ན་ས་དང་པོ་བར་བལྟའོ། ། གལ་ཏེ་གཙུག་ལག་ཁང་དུ་འགྲོ་ལ་དེ་བཞིན་གཤེགས་པ་མཐོང་ནས་གཉིས་པར་བལྟའོ། །གལ་ཏེ་ཆོས་ཉན་དུ་འགྲོ་ལ་དེ་བཞིན་གཤེགས་པ་མཐོང་ན་ས་གསུམ་པར་བལྟའོ།། གལ་ཏེ་ནང་དུ་ཡང་དག་འཇོག་ན་ས་བཞི་པར་བལྟའོ། །གལ་ཏེ་དབེན་པ་ན་འདུག་ན་ས་ལྔ་པར་བལྟའོ། །གལ་ཏེ་སྨྲ་ཞིང་འགྲོ་ལ་མཐོང་ན་ས་དྲུག་པར་བལྟའོ། །གལ་ཏེ་རབ་ཏུ་འདུད་ཅིང་འགྲོ་ལ་མཐོང་ན་ས་བདུན་པར་བལྟའོ། །གལ་ཏེ་ཆོ་འཕྲུལ་བྱེད་ཅིང་འགྲོ་ལ་མཐོང་ན་ས་བརྒྱད་པར་བལྟའོ། །གལ་ཏེ་སྤྲུལ་པ་སྤྲུལ་ཞིང་འགྲོ་ན་ས་དགུ་པར་བལྟའོ། །གལ་ཏེ་གཡས་གཡོན་དུ་བལྟ་ཞིང་འགྲོ་ལ། སྨྲ་ཞིང་སྟོང་པ་ཉིད་བརྗོད་ན་ས་བཅུ་བར་བལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པ་འཁོར་གྱི་ནང་ན་ཆོས་སྟོན་པ་མཐོང་ལ་རྣམ་པར་མི་ཤེས་ན་བྱང་ཆུབ་སེམས་དཔའ་དེ་ནི་ས་བཅུ་པོ་དག་ལས་ས་གང་ཡང་རུང་བར་བལྟ་སྟེ། དེས་ནི་སྟོན་པ་
322a
༄#། །ཡོངས་སུ་མྱ་ངན་ལས་འདས་པའི་ཆོས་སྨྲ་བ་ལ། འདི་ནི་ཤེས་བཞིན་དུ་སྤྱོད་པ་མ་ཡིན་ནོ་ཞེས་སྨད་པ་ཡིན་པས་དེས་དགེ་བའི་བཤེས་གཉེན་དང་མི་འབྲལ་བར་ཐོས་པ་ཡོངས་སུ་བཙལ་བར་བྱ་ཞིང ། དེས་གླགས་ལྟ་བ་མེད་པར་ཡང་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་རོ། །གལ་ཏེ་དེ་བཞིན་གཤེགས་པ་སྦྱིན་པའི་གཏམ་སྟོན་པ་ཐོས་ན་ནི་དེས་དང་པོ་པར་བལྟའོ། །ཚུལ་ཁྲིམས་ཀྱི་གཏམ་གྱིས་ནི་ས་གཉིས་པར་རོ། །བཟོད་པའི་གཏམ་གྱིས་ནི་ས་གསུམ་པར་རོ། །བརྩོན་འགྲུས་ཀྱི་གཏམ་གྱིས་ནི་ས་བཞི་པར་རོ། །བསམ་གཏན་གྱི་གཏམ་གྱིས་ནི་ས་ལྔ་པར་རོ། །ཤེས་རབ་ཀྱི་གཏམ་གྱིས་ནི་ས་དྲུག་པར་རོ། །སྙིང་རྗེ་ཆེན་པོའི་གཏམ་གྱིས་ནི་ས་བདུན་པར་རོ། །སོ་སོ་ཡང་དག་པར་རིག་པའི་གཏམ་གྱིས་ནི་ས་བརྒྱད་པར་རོ། །ཏིང་ངེ་འཛིན་གྱི་གཏམ་གྱི་ས་ནི་ས་དགུ་པར་རོ། །སྟོབས་བཅུ་ཡོངས་སུ་རྫོགས་པའི་གཏམ་གྱིས་ནི་ས་བཅུ་པར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པ་རྫུ་འཕྲུལ་གྱིས་ནམ་མཁའ་ལ་གཤེགས་པ་མཐོང་ན་བྱང་ཆུབ་སེམས་དཔའ་དེ་ནི་ས་བདུན་པ་ལ་བྱང་ཆུབ་ཏུ་ལུང་བསྟན་པར་བལྟ་སྟེ། དེ་ནི་ནང་དུ་ཡང་དག་འཇོག་ལ་གདུ་བར་བྱ་ཞིང་ཆོས་ཟབ་མོ་ལ་བཟོད་པ་དང་
322b
ལྡན་པར་ཡང་བྱའོ། །དེས་ན་དེ་མྱུར་དུ་མངོན་པར་རྫོགས་པར་བྱང་ཆུབ་པར་འགྱུར་རོ། །གལ་ཏེ་དེ་བཞིན་གཤེགས་པ་ནམ་མཁའ་ལ་བཞུགས་པ་མཐོང་ན་ནི་ས་དང་པོར་རོ། །དེ་བཞིན་དུ་གཤེགས་པས་ནི་ས་གཉིས་པར་རོ། །ས་ལ་བཞུགས་ཤིང་འོད་རབ་ཏུ་འགྱེད་པས་ནི་ས་གསུམ་པར་རོ། །བཞུགས་ཤིང་ཆོས་སྟོན་པས་ནི་ས་བཞི་པར་རོ། །ཆོ་འཕྲུལ་མཛད་པས་ནི་ས་ལྔ་པར་རོ། །ས་ལ་བཞུགས་ཤིང་སྙོམས་པར་ཞུགས་པས་ནི་ས་དྲུག་པར་རོ། །ས་ལ་བཞུགས་ཤིང་འོད་གྱེན་དུ་གཏོང་བས་ནི་ས་བདུན་པར་རོ། །བཞེངས་ཤིང་ནམ་མཁའ་ལ་གཤེགས་པ་དང ། མི་སྣང་པར་མཛད་པས་ནི་ས་བརྒྱད་པ་ལ་གནས་པར་འགྱུར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པ་མཐོང་ན། དེས་ནི་དམ་པའི་ཆོས་སྤངས་པ་དང ། རབ་ཏུ་བྱུང་ནས་ཀྱང་ཚུལ་འཆོས་པ་དང ། རྫུན་གྱིས་རྙེད་པ་ཡོངས་སུ་བཙལ་བ་ཡིན་པས། དེས་དཀོན་མཆོག་གསུམ་ལ་བསྙེན་བཀུར་བྱ་བ་ལ་བརྩོན་པར་བྱ་ཞིང་ཆོས་སྨྲ་བ་རྣམས་ལ་ཡང་གོས་ཀྱི་སྦྱིན་པར་བྱ། སྒོ་གསུམ་ཡང་ཤིན་ཏུ་བསྡམ་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཏེ། དེ་ནི་ས་དང་པོ་ལྔ་པོ་དག་ལས་ས་གང་ཡང་རུང་བར་བལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་
323a
༄#། །བཞིན་གཤེགས་པ་ཞུགས་ལ་བཞེན་པ་མཐོང་ན་དེས་ནི་སྡིག་པའི་གྲོགས་པོའི་དབང་གིས་དམ་པའི་ཆོས་ནུབ་པ་ལ་རྗེས་སུ་ཡི་རང་བར་བྱས་པ་ཡིན་ཏེ། བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །བྱང་ཆུབ་ཏུ་སེམས་བསྐྱེད་ནས་རིང་པོ་མ་ལོན་པ་ཞིག་ཡིན་ན་ནི་ས་དང་པོ་བར་བལྟ་སྟེ། དེས་ཞག་བདུན་དུ་ཆོས་སྨྲ་བའམ། དེ་བཞིན་གཤེགས་པའི་མཆོད་རྟེན་གྱི་སྤྱན་སྔར་མཚན་ཐོག་ཐག་ཏུ་མར་མེ་གཟུང་བར་བྱ་ཞིང ། ཉིན་ལན་གསུམ། མཚན་ལན་གསུམ་དུ་སྡིག་པ་ཡང་བཤགས་པར་བྱ། སེམས་ཅན་རྣམས་དམ་པའི་ཆོས་ཡོངས་སུ་གཟུང་བ་ཡང་དག་པར་འཛིན་དུ་འཇུག་པར་ཡང་བྱ་སྟེ། དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པའི་སྐུ་གདུང་དག་རྙེད་ན་དེ་ནི་ས་གསུམ་པར་བལྟ་སྟེ། ཚེ་བརྗེས་ན་ཡང་སངས་རྒྱས་དང་ཕྲད་པར་འགྱུར་ཞིང ། ལུང་བསྟན་པ་ཡང་འཐོབ་པར་འགྱུར། ཕ་རོལ་ཏུ་ཕྱིན་པ་དག་ཀྱང་ཡོངས་སུ་རྫོགས་པར་འགྱུར་རོ། །ས་གཞན་ལ་གནས་པ་ཞིག་གིས་རྨི་ལམ་ན་དེ་བཞིན་གཤེགས་པའི་སྐུ་གདུང་དག་རྙེད་ན་དེའི་མཚན་མ་ནི་འདི་དག་ཡིན་ཏེ། གང་གིས་དབུ་སྐྲ་དག་རྙེད་ན་དེ་ནི་ས་དང་པོ་བར་བལྟའོ། །སེན་མོས་ནི་ས་གཉིས་པར་རོ། །རིང་བསྲེལ་གྱིས་ནི་ས་གསུམ་པར་
323b
རོ། །ཚེམས་ཀྱིས་ནི་ས་བཞི་པར་རོ། །མཆེ་བས་ནི་ས་ལྔ་པར་རོ། །མཛོད་སྤུས་ནི་ས་དྲུག་པར་རོ། །ཕྱག་གིས་ནི་ས་བདུན་པར་རོ། །གཙུག་ཏོར་གྱིས་ནི་ས་བརྒྱད་པར་རོ། །སྐུ་སོ་སོར་ཕྱེ་བས་ནི་ས་དགུ་པར་རོ། །སྐུ་རིལ་པོས་ནི་ས་བཅུ་པར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པའི་དབུ་སྐྲ་འཐོར་བ་དག་རྙེད་ན། བྱང་ཆུབ་སེམས་དཔའ་དེ་ནི་ས་དགུ་པར་བལྟ་སྟེ། སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཀྱང་བྱང་ཆུབ་ཏུ་ལུང་བསྟན་པ་ཡིན་ལ། དེའི་ལས་ཀྱི་སྒྲིབ་པ་ཐམས་ཅད་ཀྱང་ཚེ་བརྗེས་པས་རྣམ་པར་དག་པར་འགྱུར་རོ། །གལ་ཏེ་ཁྱིམ་པའི་ཚུལ་དུ་གནས་པ་ཞིག་གིས་དབུ་སྐྲ་དག་རྙེད་ན་དེ་ནི་ས་དང་པོ་པར་བལྟའོ།། གལ་ཏེ་ཁྱིམ་ནས་ངེས་པར་བྱུང་བ་ཞིག་གིས་རྙེད་ན་ས་གཉིས་པར་བལྟའོ། །སྲང་དུ་སོང་བ་ཞིག་གིས་རྙེད་ན་ས་གསུམ་པར་བལྟའོ། །གལ་ཏེ་སུམ་མདོར་རྙེད་ན་ས་བཞི་པར་བལྟའོ། །གྲོང་ཁྱེར་གྱི་སྒོར་རྙེད་ན་ས་ལྔ་པར་བལྟའོ། །ཕྱིར་བྱུང་བས་རྙེད་ན་ས་དྲུག་པར་བལྟའོ། །སྐྱེད་མོས་ཚལ་ན་འདུག་པས་རྙེད་ན་ས་བདུན་པར་བལྟའོ། །སྐྱེ་བོའི་ནང་ན་འདུག་པས་རྙེད་ནས་བརྒྱད་པར་བལྟའོ། །ནམ་མཁའ་ལས་རྙེད་ན་ས་དགུ་པར་བལྟའོ། །སྙོམས་པར་ཞུགས་པས་རྙེད་ན་ས་བཅུ་པར་བལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་
324a
༄#། །གིས་རྨི་ལམ་ན་སྔོན་མ་མཐོང་བའི་མཆོད་རྟེན་དག་མཐོང་ན་བྱང་ཆུབ་སེམས་དཔའ་དེ་ནི་ལས་ཀྱི་སྒྲིབ་པ་ཆུང་ཞིང་དེ་ལ་བདུད་ཀྱི་ལས་ཀྱང་ཆུང་བར་རིག་པར་བྱ་སྟེ། གལ་ཏེ་དེ་དགེ་བའི་བཤེས་གཉེན་དག་ལ་སྟེན་པར་བྱེད་ན་ཆོས་ཀྱི་བཟོད་པ་ཡང་རྟོགས་པར་འགྱུར་ཞིང་གཟུངས་ཀྱང་ཐོབ་པར་འགྱུར་ཏེ། དེ་ནི་ས་བཅུ་པོ་ཐམས་ཅད་དུ་ཤེས་པར་བྱའོ། །གལ་ཏེ་དེ་བཞིན་གཤེགས་པའི་མཆོད་རྟེན་འཇིམ་པ་ལས་བྱས་པ་མཐོང་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །གལ་ཏེ་རྡོ་ལས་བྱས་པ་མཐོང་ན་ས་གཉིས་པར་བལྟའོ། །གལ་ཏེ་རྡོ་ཐལ་གྱིས་བྱི་དོར་བྱས་པ་མཐོང་ན་ས་གསུམ་པར་བལྟའོ། །གལ་ཏེ་སྟེགས་བུ་དང ། གདུགས་བྱི་དོར་བྱས་པ་མཐོང་ན་ས་བཞི་པར་བལྟའོ། །གལ་ཏེ་རྡོའི་ཀ་བ་བྱི་དོར་བྱས་པ་མཐོང་ན་ས་ལྔ་པར་བལྟའོ། །གལ་ཏེ་གསེར་གྱིས་སྦྲེལ་བ་མཐོང་ན་ས་དྲུག་པར་བལྟའོ། །གལ་ཏེ་རིན་པོ་ཆེའི་དྲ་བས་ཀུན་ནས་གཡོགས་པ་མཐོང་ན་ས་བདུན་པར་བལྟའོ། །གལ་ཏེ་དྲིལ་བུ་གཡེར་ཁའི་དྲ་བས་ཀུན་ནས་གཡོགས་པ་མཐོང་ན་ས་བརྒྱད་པར་བལྟའོ། །ས་དང་པོ་བདུན་པོ་དག་ལ་མཐོང་བ་གང་ཡིན་པ་དེས་ནི་བདུད་ཀྱི་ལས་ཀྱང་རིག་པར་བྱའོ། །ས་དགུ་པ་དང་ས་བཅུ་པ་དག་ལ་ནི་རྨི་ལམ་ལོག་པར་མཐོང་བ་མེད་དོ། །རྡོ་རྗེས་རབ་འཇོམས། གཞན་ཡང་
324b
བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པའི་མཆོད་རྟེན་རིན་པོ་ཆེས་བརྒྱན་པ་དག་མཐོང་ན། དེ་རིང་པོ་མི་ཐོགས་པར་མངོན་པར་རྫོགས་པར་བྱང་ཆུབ་པར་འགྱུར་ཞིང ། དེ་ལ་ལྷ་རྣམས་ཀྱང་སེམས་པར་འགྱུར་ཏེ། བྱང་ཆུབ་སེམས་དཔའ་དེ་ནི་ས་བརྒྱད་པར་རིག་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པའི་མཆོད་རྟེན་ཆོ་འཕྲུལ་མཛད་པ་དག་མཐོང་ན་བྱང་ཆུབ་སེམས་དཔའ་དེ་ནི་ཚེ་དེ་ཉིད་ལ་ལས་ཀྱི་སྒྲིབ་པ་ཐམས་ཅད་རྣམ་པར་དག་པར་འགྱུར་ཏེ། བྱང་ཆུབ་སེམས་དཔའ་དེ་ནི་ས་བརྒྱད་པར་བལྟ་ཞིང ། བྱང་ཆུབ་སེམས་དཔའ་རྣམས་ཀྱིས་ཀྱང་བསམས་པ་ཡིན་ནོ། །དེས་སྡིག་པའི་གྲོགས་པོ་དག་ཡོངས་སུ་སྤང་བར་བྱ་ཞིང་ས་དང་པོ་ལ་དད་པར་བྱ། ས་གཉིས་པ་ལ་ཡེ་ཤེས་ཡོངས་སུ་བཙལ། ས་གསུམ་པ་ལ་མོས་པ་མང་དུ་བྱ། ས་བཞི་པ་ལ་སེམས་དག་པར་བྱ། ས་ལྔ་པ་ལ་དད་པས་མོས་པར་བྱ།་ས་དྲུག་པ་ལ་སེམས་མཉམ་པར་བྱ། ས་བདུན་པ་ལ་དོན་དམ་པ་ལ་མོས་པར་བྱ། ས་བརྒྱད་པ་ལ་བཀོད་པ་དག་ལ་མོས་པར་བྱ། ས་དགུ་པ་ལ་ནི་བྱིན་གྱིས་བརླབ་པར་བྱའོ།། ས་བཅུ་པ་ལ་ནི་གང་དག་གཞན་ལ་གནས་པ་དེའི་མཚན་མ་བྱུང་བར་གྱུར་པ་དེ་དག་གི་ཆོས་དེ་ལ་ཕྱིན་ཅི་ལོག་མེད་པར་བལྟའོ། །ས་དང་པོ་དང་ས་བདུན་པའི་བར་དག་ལ་ནི་བདུད་ཀྱི་
325a
༄#། །ལས་ཀྱང་རིག་པར་བྱའོ། །གོང་མ་དག་ལ་ནི་བདུད་ཀྱི་བར་ཆད་བྱེད་པར་མི་ནུས་སོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པའི་འོད་མཐོང་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟ་སྟེ། དེས་ནི་གཞན་དག་གི་བསམ་པ་ཡོངས་སུ་རྫོགས་པར་བྱ་བ་ལ་བསླབ་པར་བྱའོ། །གལ་ཏེ་བརྩོན་འགྲུས་བྱས་ན་གཟུངས་ཐོབ་པར་འགྱུར་ཞིང ། ས་བཅུ་པོ་ཐམས་ཅད་དུ་ཡང་འགྱུར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པའི་སྒྲ་ཐོས་ལ་མ་མཐོང་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟ་སྟེ། དེས་ནི་རྒྱལ་པོར་གྱུར་ཅིང་ལོངས་སྤྱོད་དང་ལྡན་པ་ན། དེས་སེམས་ཅན་རྣམས་སངས་རྒྱས་ལ་ལྟ་བ་དང་ཕྲལ་ཞིང ། རབ་ཏུ་བྱུང་ནས་ཀྱང་གཡོས་ཆོས་ལ་དཔྱས་བྱས་པ་ཡིན་པས་དེས་ཕུང་པོ་གསུམ་པའི་ཆོས་ཀྱི་རྣམ་གྲངས་ལ་ཟླ་བར་ཉིན་མཚན་དུ་གདོན་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་དེ་བཞིན་གཤེགས་པའི་སྐུ་ཡིན་པར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་པར་རིག་པར་བྱ་ཞིང ། ས་དགུ་པའི་བར་དུ་ཡང་
325b
རིག་པར་བྱ་སྟེ། བྱང་ཆུབ་སེམས་དཔའ་དེས་ནི་གཟུངས་བསྒྲུབ་པར་ནུས་ཤིང ། ཏིང་ངེ་འཛིན་བསྒྲུབ་པར་ཡང་ནུས་ལ། མངོན་པར་ཤེས་པ་བསྒྲུབ་པར་ནུས་སོ། །བྱང་ཆུབ་སེམས་དཔའ་དེ་ལ་ནི་སངས་རྒྱས་ཀྱང་དགོངས་པར་མཛད་པས་དེས་ཀྱང་སེམས་མཉམ་པར་བྱའོ། །དེས་ན་མྱུར་དུ་བྱང་ཆུབ་འགྲུབ་པར་འགྱུར་ཞིང་མངོན་པར་རྫོགས་པར་བྱང་ཆུབ་པར་ཡང་འགྱུར་རོ། །གང་གིས་དེ་བཞིན་གཤེགས་པ་བཞེངས་པ་ལ་བསོད་སྙོམས་འབུལ་བ་མཐོང་ན་བྱང་ཆུབ་སེམས་དཔའ་དེ་ནི་ས་དང་པོ་བར་བལྟའོ། །གང་བཞུགས་པ་ལ་འབུལ་བ་དེ་ནི་ས་གཉིས་པར་བལྟའོ། །གང་བཀོད་པ་ཕུན་སུམ་ཚོགས་པ་ལ་འབུལ་བ་དེ་ནི་ས་གསུམ་པར་བལྟའོ། །གང་གཉེན་འདབ་ཀྱིས་ཡོངས་སུ་བསྐོར་བ་ལ་འདུལ་བ་དེ་ནི་ས་བཞི་པར་རོ། །གང་སྐྱེ་བ་མང་པོས་ཡོངས་སུ་བསྐོར་བ་ལ་འབུལ་བ་དེ་ནི་ས་ལྔ་པར་རོ། །གང་སྐྱེ་བོ་གཉི་གས་ཡོངས་སུ་བསྐོར་བ་ལ་འབུལ་བ་དེ་ནི་ས་དྲུག་པར་རོ། །གང་བཀོད་པ་ཐམས་ཅད་ལ་སྙོམས་པར་ཞུགས་པ་ལ་འབུལ་བ་དེ་ནི་ས་བདུན་པར་རོ། །གང་སྟོན་པ་མཛད་པ་ལ་འབུལ་བ་དེ་ནི་ས་བརྒྱད་པར་རོ། །གང་ཆོ་འཕྲུལ་མཛད་པ་ལ་འབུལ་བ་དེ་ནི་ས་དགུ་པར་ཏེ། ཐམས་ཅད་དུ་ཡང་བདུད་ཀྱི་ལས་ནི་རྟོགས་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་དེ་བཞིན་
326a
༄#། །གཤེགས་པའི་མཆོད་རྟེན་ལ་མེ་ཏོག་གམ། མེ་ཏོག་ཕྲེང་ངམ། སྤོས་སམ། ཙནྡན་གྱི་ཕྱེ་མ་དག་གསོལ་ལམ། བྱུག་པས་སྐུད་པར་ཀུན་ཏུ་ཤེས་ན། བྱང་ཆུབ་སེམས་དཔའ་དེ་ནི་ས་དང་པོ་ལྔ་པོ་དག་ལས་ས་གང་ཡང་རུང་བར་བལྟ་སྟེ། སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་ལས་གལ་ཏེ་སད་པ་ན་སྦྱིན་པའི་མཚན་མ་དེ་དག་ཀྱང་དྲན་ཞིང ། སྦྱིན་པ་ལ་སེམས་ཀྱིས་རློམ་སེམས་སུ་མི་བྱེད་ན་དེ་ནི་ས་དང་པོ་བར་བལྟའོ། །གལ་ཏེ་ཚུལ་ཁྲིམས་ལ་སེམས་ཀྱིས་རློམ་སེམས་སུ་མི་བྱེད་ན་ས་གཉིས་པར་བལྟའོ། །གལ་ཏེ་བཟོད་པ་ལ་སེམས་ཀྱིས་རློམ་སེམས་སུ་མི་བྱེད་ན་ས་གསུམ་པར་བལྟའོ། །གལ་ཏེ་བརྩོན་འགྲུས་ལ་སེམས་ཀྱིས་རློམ་སེམས་སུ་མི་བྱེད་ན་ས་བཞི་པར་བལྟའོ། །གལ་ཏེ་བསམ་གཏན་ལ་སེམས་ཀྱིས་རློམ་སེམས་སུ་མི་བྱེད་ན་ས་ལྔ་པར་བལྟའོ། །དེས་ཀྱང་སེམས་ཅན་ཐམས་ཅད་ལ་ཞེ་འགྲས་པ་མེད་པ་སེམས་སུ་བྱ་སྟེ། དེས་ན་མྱུར་བ་ཉིད་དུ་ཕྱིར་མི་ལྡོག་པའི་ས་གནོན་པར་འགྱུར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པ་ན་བཟའ་དྲི་མ་ཅན་གསོལ་བ་མཐོང་ན་བྱང་ཆུབ་སེམས་དཔའ་དེ་ནི་ལས་ཀྱི་སྒྲིབ་པ་ཆེ་བ་སྟེ། ས་དང་པོ་བཞི་པོ་དག་ལས་ས་གང་ཡང་རུང་བར་བལྟའོ། །གལ་ཏེ་དེ་ལ་ཤིན་ཏུ་
326b
གནོད་པ་བྱེད་པའི་རྐྱེན་མི་འདོད་པ་དག་འབྱུང་བར་འགྱུར་ན་ས་དང་པོ་བར་བལྟའོ། །གལ་ཏེ་འདྲེན་མར་འབྱུང་ན་ས་གཉིས་པར་བལྟའོ། །གལ་ཏེ་ལུས་ཀྱི་འབྱུང་ན་ས་གསུམ་པར་བལྟའོ། །གལ་ཏེ་སེམས་ཀྱི་འབྱུང་ནས་བཞི་པར་བལྟའོ། །གལ་ཏེ་རྨི་ལམ་ན་བདག་ལ་བདག་གནོད་པ་བྱེད་ན་དེ་ནི་ས་ལྔ་པར་བལྟའོ། །ཡོངས་སུ་རྫོགས་པའི་བྱང་ཆུབ་སེམས་དཔའ་རྣམས་ལ་ནི་ཐ་ན་རྨི་ལམ་ན་ཡང་ལས་ཀྱི་རྣམ་པར་སྨིན་པ་མྱོང་བ་མེད་དོ། །དེས་མངོན་པའི་ང་རྒྱལ་མེད་པར་བྱ་ཞིང ། ཕྲག་དོག་མེད་པར་སེམས་ཅན་རྣམས་ཀྱང་གཞན་མཆོད་པ་ཡང་དག་པར་འཛིན་དུ་གཞུག་པར་བྱའོ། །དེས་ཡང་དང་ཡང་དུ་ཕུང་པོ་གསུམ་པའི་མདོ་སྡེ་ཡང་ཁ་ཏོན་དུ་བྱས་ཏེ། དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་རོ། ། རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་སྔོན་མ་ཐོས་པའི་ཆོས་དག་ཐོས་ན་བྱང་ཆུབ་སེམས་དཔའ་དེ་ནི་སངས་རྒྱས་མང་པོ་ལ་བསྙེན་བཀུར་བྱས་པ་དང ། ཆོས་སྨྲ་བའི་གང་ཟག་མང་པོ་དག་ལ་ཡང་བསྙེན་བཀུར་བྱས་པ་ཡིན་པར་རིག་པར་བྱ་སྟེ། བྱང་ཆུབ་སེམས་དཔའ་དེ་ནི་ས་དང་པོ་བདུན་པོ་དག་ལས་ས་གང་ཡང་རུང་བར་བལྟའོ། །དེས་ནི་ཇི་སྐད་སྨྲས་པ་དེ་བཞིན་དུ་བྱེད་པར་བྱ་སྟེ། དེས་ན་མྱུར་བ་ཉིད་དུ་བྱང་ཆུབ་ཏུ་ངེས་པར་འབྱུང་བར་འགྱུར་རོ། །གལ་ཏེ་ཆོས་ཀྱི་གཏམ་སྣ་ཚོགས་
327a
༄#། །དག་ཐོས་ན་ནི་ས་དང་པོ་བར་བལྟའོ། །གལ་ཏེ་ཡོ་བྱད་བསྙུངས་པའི་གཏམ་དག་ཐོས་ན་ནི་ས་གཉིས་པར་བལྟའོ། །གལ་ཏེ་ཐེ་ཚོམ་གཅོད་པའི་གཏམ་དག་ཐོས་ན་ནི་ས་གསུམ་པར་བལྟའོ། །གལ་ཏེ་གཟུངས་ཀྱི་གཏམ་དག་ཐོས་ན་ནི་ས་གཞི་པར་བལྟའོ། །གལ་ཏེ་མཚན་ཉིད་ཀྱི་གཏམ་དག་ཐོས་ན་ནི་ས་ལྔ་པར་བལྟའོ། ། གལ་ཏེ་དོན་དམ་པའི་གཏམ་དག་ཐོས་ན་ནི་ས་དྲུག་པར་བལྟའོ། །གལ་ཏེ་གཏམ་ཐམས་ཅད་ཐོས་ན་ནི་ས་བདུན་པར་བལྟ་སྟེ། ས་དང་ས་དག་ལ་དེ་ལྟར་ཤེས་པར་བྱ་ཞིང ། ལས་ཀྱི་སྒྲིབ་པ་དག་ཀྱང་རྟོགས་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་མ་བསྟན་པའི་ཆོས་དག་ཤེས་ལ་དེ་སད་ན་མི་ཤེས་ན། དེས་ནི་ཆོས་ལ་སྒྲིབ་པའི་ལས་བྱས་ཤིང་ཟང་ཟིང་དང་བཅས་པའི་སེམས་ཀྱིས་ཆོས་ཀྱི་སྦྱིན་པ་བྱིན་པ་ཡིན་པས། དེས་ཆོས་སྨྲ་བ་ལ་བསྙེན་བཀུར་བྱ་ཞིང ། དངོས་པོ་ཐམས་ཅད་མི་བསྲི་བར་ཆོས་སྨྲ་བ་དག་ལ་དབུལ་བར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཏེ། བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གལ་ཏེ་རྨི་ལམ་ན་ཆོས་ཐོས་ནས་སད་ནས་མ་མཐོང་ན་དེ་ནི་ས་དང་པོར་བལྟའོ། །གལ་ཏེ་སད་ནས་ཀྱང་མ་བརྗེད་ན་དེ་ནི་ས་གཉིས་པར་བལྟའོ། །གང་ལ་ཉམས་
327b
བར་མི་འགྱུར་བའི་བྱང་ཆུབ་སེམས་དཔའ་དེ་ནི་ལུང་བསྟན་པའི་ཆོས་ཅན་ཡིན་ཞིང ། ཕ་རོལ་ཏུ་ཕྱིན་པ་དྲུག་པོ་དག་དང་ལྡན་པར་ཡང་བལྟ་སྟེ། ས་གཞན་དག་གི་བར་ལ་གནས་པས་ནི་བཟུང་ནས་མི་ཉམས་ཤིང་ཉམས་པར་ཡང་མི་འགྱུར་རོ། །དེས་ལས་ཀྱི་སྒྲིབ་པ་དང ། བདུད་ཀྱི་ལས་དག་ཀྱང་རྟོགས་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་སྔོན་མ་མཐོང་བའི་དགེ་སློང་ཆོས་སྨྲ་བ་མཐོང་ན་བྱང་ཆུབ་སེམས་དཔའ་དེ་ནི་བྱང་ཆུབ་སེམས་དཔའ་རྣམས་ཀྱིས་བསམས་པ་ཡིན་ཞིང ། དེ་ལ་ལས་ཀྱི་སྒྲིབ་པ་ཆུང་བ་དང ། བདུད་ཀྱི་ལས་ཆུང་བར་ཡང་རིག་པར་བྱའོ། །གལ་ཏེ་བརྩོན་འགྲུས་བྱས་ན་སྣང་བ་ཐོབ་པར་ཡང་འགྱུར་ཏེ། བྱང་ཆུབ་སེམས་དཔའ་དེ་ནི་ས་དང་པོ་དྲུག་པོ་དག་ལས་ས་གང་ཡང་རུང་བར་བལྟའོ། །གལ་ཏེ་ཚིགས་སུ་བཅད་པའི་སྡེ་སྨྲ་ལ། མདོའི་སྡེ་མ་ཡིན་ན་ནི་ས་དང་པོ་པར་བལྟའོ། །གལ་ཏེ་མདོའི་སྡེ་སྨྲ་ན་ནི་ས་གཉིས་བར་བལྟའོ། །གལ་ཏེ་ཚིགས་སུ་བཅད་པའི་སྡེ་དང ། མདོའི་སྡེ་སྨྲ་ན་ནི་ས་གསུམ་པར་བལྟའོ། །གལ་ཏེ་སྣ་ཚོགས་སྨྲ་ན་ནི་ས་བཞི་པར་བལྟའོ། །གལ་ཏེ་ཟབ་མོ་སྨྲ་ན་ནི་ས་ལྔ་པར་བལྟའོ། །གལ་ཏེ་སོ་སོ་ཡང་དག་པར་རིག་པ་སྨྲ་ན་ནི་ས་དྲུག་པར་བལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་ཆོས་ཀྱི་ཁྲི་
328a
༄#། །སྟན་ལ་འདུག་སྟེ། ཆོས་སྟོན་པ་ཀུན་དུ་ཤེས་ན་དེས་ནི་སྔོན་གྱི་སངས་རྒྱས་ཀྱི་ཁྲི་གདན་བཤམས་ཤིང ། བདག་ཉིད་ཀྱིས་བཤམས་པ་ཡིན་ཏེ། བྱང་ཆུབ་སེམས་དཔའ་དེ་ནི་ཟབ་མོ་ལ་བཟོད་པའི་སྣོད་དུ་གྱུར་ཅིང་ས་དང་པོ་བརྒྱད་པོ་དག་ལས་ས་གང་ཡང་རུང་བར་བལྟའོ། །གལ་ཏེ་མ་མགུ་བར་བྱས་ཏེ་སྟོན་ན་ནི་ས་དང་པོ་པར་བལྟའོ། །གལ་ཏེ་མགུ་བར་བྱས་ཏེ་སྟོན་ན་ནི་ས་གཉིས་པར་བལྟའོ། །གལ་ཏེ་འབྲེལ་བར་སྟོན་ན་ནི་ས་གསུམ་པར་བལྟའོ། །གལ་ཏེ་རྒྱུན་རྗེས་སུ་འབྲེལ་བར་སྟོན་ན་ནི་ས་བཞི་པར་བལྟའོ། །གལ་ཏེ་ཤེས་པ་ཆེན་པོའི་ཡུལ་སྟོན་ན་ནི་ས་ལྔ་པར་བལྟའོ། །གལ་ཏེ་ཉན་ཐོས་ཀྱི་ཡུལ་སྟོན་ན་ནི་ས་དྲུག་པར་བལྟའོ། །གལ་ཏེ་བྱང་ཆུབ་སེམས་དཔའི་ཡུལ་སྟོན་ན་ནི་ས་བདུན་པར་བལྟའོ། །གལ་ཏེ་སངས་རྒྱས་ཀྱི་ཡུལ་སྟོན་ན་ནི་བྱང་ཆུབ་སེམས་དཔའ་དེ་ས་བརྒྱད་པར་བལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་གནས་སུ་སོན་པར་ཀུན་དུ་ཤེས་ན། བྱང་ཆུབ་སེམས་དཔའ་དེ་ནི་ལས་ཀྱི་སྒྲིབ་པ་ལས་རྣམ་པར་བརྒལ་ཞིང ། བདུད་ཀྱི་ལས་ལས་ཤིན་ཏུ་འདས་པ་ཡིན་ཏེ། ས་དགུ་པོ་དག་ལས་ས་གང་ཡང་རུང་བར་བལྟའོ། །གང་མི་རྫི་བར་གནས་ན་བྱང་ཆུབ་སེམས་དཔའ་དེ་ནི་ས་དང་པོ་བར་བལྟའོ། །གང་ནོར་རྙེད་ཅིང་གནས་
328b
ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གང་ཆོས་རྙེད་ཅིང་གནས་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། །གང་དགེ་བའི་བཤེས་གཉེན་ལ་བལྟ་ཞིང ། གནས་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟའོ། །གལ་ཏེ་ཚུལ་བཞིན་གྱི་སེམས་ལ་གནས་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གང་ལུས་བདེ་བ་ཉིད་ལ་གནས་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། །གང་སེམས་བདེ་བ་ཉིད་ལ་གནས་ན་བྱང་ཆུབ་སེམས་དཔའ་དེ་ནི་ས་བདུན་པར་བལྟའོ། །གང་མངོན་པར་ཤེས་པ་ལ་གནས་ན་བྱང་ཆུབ་སེམས་དཔའ་དེ་ནི་ས་བརྒྱད་པར་བལྟའོ། །གང་ལུང་བསྟན་པ་ལ་གནས་ན་བྱང་ཆུབ་སེམས་དཔའ་དེ་ནི་ས་དགུ་པར་བལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བྱང་ཆུབ་ཀྱི་སྙིང་པོ་མཐོང་ན་བྱང་ཆུབ་སེམས་དཔའ་དེ་ནི་བྱང་ཆུབ་ལས་ཕྱིར་མི་ལྡོག་པར་ཉེ་བ་སྟེ། ས་བཅུ་པོ་དག་ལས་ས་གང་ཡང་རུང་བར་བལྟའོ། །བྱང་ཆུབ་སེམས་དཔའ་གང་གིས་བྱང་ཆུབ་ཀྱི་སྙིང་པོ་ནི་མཐོང་ལ། བྱང་ཆུབ་ཀྱི་ཤིང་མ་མཐོང་ན་དེ་ནི་ས་དང་པོ་པར་བལྟའོ། །གང་གིས་བྱང་ཆུབ་ཀྱི་ཤིང་ཡང་མཐོང་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གང་གིས་ཤིང་ལྗོན་པ་མང་པོས་ཡོངས་སུ་བསྐོར་བར་མཐོང་ན་བྱང་ཆུབ་སེམས་དཔའ་དེ་ནི་ས་གསུམ་
329a
༄#། །པར་བལྟའོ། །གང་གིས་ལོ་མ་ཕུན་སུམ་ཚོགས་པར་མཐོང་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟའོ། །གང་གིས་མེ་ཏོག་ཕུན་སུམ་ཚོགས་པར་མཐོང་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གང་གིས་འབྲས་བུ་ཕུན་སུམ་ཚོགས་པར་མཐོང་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། ། གང་གིས་གདན་བཤམས་པར་མཐོང་ན་བྱང་ཆུབ་སེམས་དཔའ་དེ་ནི་ས་བདུན་པར་བལྟའོ། །གང་གིས་བྱང་ཆུབ་ཀྱི་སྙིང་པོ་མིས་ཡོངས་སུ་བསྐོར་བར་མཐོང་ན། བྱང་ཆུབ་སེམས་དཔའ་དེ་ནི་ས་བརྒྱད་པར་བལྟའོ། །གང་གིས་ཀླུས་ཡོངས་སུ་བསྐོར་བར་མཐོང་ན་བྱང་ཆུབ་སེམས་དཔའ་དེ་ནི་ས་དགུ་པར་བལྟའོ། །གང་གིས་ལྷས་ཡོངས་སུ་བསྐོར་ཞིང་མེ་ཏོག་དག་གིས་ཀྱང་གཏོར་ལ། ཨ་ལ་ལ་ཞེས་བྱ་བའི་སྒྲ་ཡང་ཐོས་ན་བྱང་ཆུབ་སེམས་དཔའ་དེ་ནི་ས་བཅུ་བར་བལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པ་འཆག་པ་མཐོང་ན་བྱང་ཆུབ་སེམས་དཔའ་དེས་ནི་བརྙས་པར་བྱས་ཤིང་ཆོས་ཀྱི་སྦྱིན་པ་བྱིན་པ་ཡིན་པས། དེས་ནི་བརྩོན་འགྲུས་དང་ལྡན་པས་གཞན་དག་གིས་ཡོངས་སུ་ཐོབ་པར་བྱ་བ་དང ། ཉེས་པར་མི་འཛིན་པ་ལ་སྤྲོ་བར་བྱ་སྟེ། བྱང་ཆུབ་སེམས་དཔའ་དེ་ནི་ས་བདུན་པོ་དག་ལས་
329b
ས་གང་ཡང་རུང་བར་བལྟའོ། །གང་གིས་དེ་བཞིན་གཤེགས་པ་མི་མཛེས་པར་འཆགས་པ་མཐོང་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །གང་གིས་མཛེས་པར་མཐོང་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གང་གིས་གདན་བཤམས་པ་མཐོང་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། །གང་གིས་བཞུགས་པར་མཐོང་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟའོ། །གང་གིས་ཤིང་ལྗོན་པས་ཡོངས་སུ་བསྐོར་བ་དང་བཅས་པར་མཐོང་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གང་གིས་མེ་ཏོག་ཀུན་དུ་བཀྲམ་པར་མཐོང་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། །གང་གིས་བླ་བྲེས་ཀུན་ནས་བཀབ་པར་མཐོང་ན་བྱང་ཆུབ་སེམས་དཔའ་དེ་ནི་ས་བདུན་པར་བལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པ་ཆོས་ཀྱི་འཁོར་ལོ་སྐོར་བར་མཐོང་ན་བྱང་ཆུབ་སེམས་དཔའ་དེ་ནི་ས་བདུན་པོ་དག་ལས་ས་གང་ཡང་རུང་བ་ལས་ཕྱིར་མི་ལྡོག་ཅིང ། ལས་ཀྱི་སྒྲིབ་པ་ཡོངས་སུ་དག་པ་ཡིན་པར་བལྟའོ། །གང་གིས་གདན་མ་བཤམས་པར་མཐོང་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །གང་གིས་གདན་བཤམས་པར་མཐོང་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གང་གིས་གདན་སྣ་ཚོགས་བཤམས་པར་མཐོང་ན་བྱང་ཆུབ་སེམས་
330a
༄#། །དཔའ་དེ་ནི་ས་གསུམ་པར་བལྟའོ། །གང་གིས་གདན་ལ་མེ་ཏོག་མངོན་པར་བཀྲམ་པར་མཐོང་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟའོ།། གང་གིས་སྟེང་དུ་བླ་རེ་སྣ་ཚོགས་བྲེས་པ་མཐོང་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གང་གིས་བར་སྣང་ལས་གླུ་དབྱངས་ཀྱི་སྒྲ་དག་ཐོས་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། །གང་གིས་གདན་གྱི་སྟེང་ན་རིན་པོ་ཆེའི་དྲ་བས་ཡོངས་སུ་གཡོགས་པའི་གདུགས་དཀར་པོ་མཐོང་ན་བྱང་ཆུབ་སེམས་དཔའ་དེ་ནི། ས་བདུན་པར་བལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་མཆོད་རྟེན་མཐོང་ན་བྱང་ཆུབ་སེམས་དཔའ་དེ་ནི་ས་དང་པོ་བརྒྱད་པོ་དག་ལས་ས་གང་ཡང་རུང་བར་བལྟའོ། །དེ་ནི་བྱང་ཆུབ་ཏུ་ཉེ་ཞིང་ལས་ཀྱི་སྒྲིབ་པ་ཆུང་བར་བལྟ་སྟེ། གང་གིས་དེ་བཞིན་གཤེགས་པའི་མཆོད་རྟེན་རྡུལ་ཆགས་པར་མཐོང་ན་བྱང་ཆུབ་སེམས་དཔའ་དེ་ནི་ས་དང་པོ་བར་བལྟའོ། །གང་གིས་རྡུལ་མེད་ཅིང་དག་པར་མཐོང་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གང་གིས་རྩཝའི་རིགས་འདྲེས་པ་དག་སྐྱེས་པར་མཐོང་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། །གང་
330b
གིས་རྩཝ་སྔོན་པོ་དག་སྐྱེས་པར་མཐོང་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟའོ། །གང་གིས་མེ་ཏོག་རྒྱས་པའི་ཤིང་ལྗོན་པ་སྣ་ཚོགས་ཀྱིས་ཡོངས་སུ་བསྐོར་བར་མཐོང་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གང་གིས་མེ་ཏོག་དང་འབྲས་བུ་ཕུན་སུམ་ཚོགས་པར་མཐོང་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། །གང་གིས་བྱ་འདབ་ཆགས་སྣ་ཚོགས་དག་སྐད་འབྱིན་པར་མཐོང་ན་བྱང་ཆུབ་སེམས་དཔའ་དེ་ནི་ས་བདུན་པར་བལྟའོ། །གང་གིས་རྒྱལ་མཚན་དང ། བླ་བྲེ་དང ། གདུགས་དག་གིས་བརྒྱན་པར་མཐོང་ན།་བྱང་ཆུབ་སེམས་དཔའ་དེ་ནི་ས་བརྒྱད་པར་བལྟའོ། རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པའི་ཆོས་གོས་རྙེད་ན། བྱང་ཆུབ་སེམས་དཔའ་དེ་ནི་ས་དང་པོ་བརྒྱད་པོ་དག་ལས་ས་གང་ཡང་རུང་བར་བལྟ་སྟེ། དེས་ནི་སངས་རྒྱས་རྗེས་སུ་དྲན་པ་ལ་མངོན་པར་བརྩོན་པས་ཡེ་ཤེས་ཡོངས་སུ་བཙལ་བར་བྱའོ། །བྱང་ཆུབ་སེམས་དཔའ་དེ་ནི་ལས་ཀྱི་སྒྲིབ་པ་ཆུང་བ་ཡིན་ཏེ། གལ་ཏེ་དེ་བཞིན་གཤེགས་པའི་ཆོས་གོས་དྲི་མ་ཅན་རྙེད་ན་ནི། བྱང་ཆུབ་སེམས་དཔའ་དེ་ས་དང་པོ་པར་བལྟའོ། །གལ་ཏེ་དེ་བཞིན་གཤེགས་པའི་ཆོས་གོས་དྲི་མ་མེད་པ་རྙེད་ན་ནི། བྱང་ཆུབ་སེམས་དཔའ་དེ་ས་གཉིས་པར་བལྟའོ། །གལ་ཏེ་དེ་བཞིན་གཤེགས་པའི་ཆོས་གོས་ཚོན་གྱིས་བསྒྱུར་བ་རྙེད་
331a
༄#། །ན་ནི། བྱང་ཆུབ་སེམས་དཔའ་དེ་ས་གསུམ་པར་བལྟའོ། །གལ་ཏེ་དེ་བཞིན་གཤེགས་པའི་ཆོས་གོས་བཅགས་ཤིང་ཤིན་ཏུ་བྱི་དོར་བྱས་པ་རྙེད་ན་ནི། བྱང་ཆུབ་སེམས་དཔའ་དེ་ས་བཞི་པར་བལྟའོ། །གལ་ཏེ་དེ་བཞིན་གཤེགས་པའི་ཆོས་གོས་འོད་དང་ལྡན་པ་རྙེད་ན་ནི། བྱང་ཆུབ་སེམས་དཔའ་དེ་ས་ལྔ་པར་བལྟའོ། །གལ་ཏེ་དེ་བཞིན་གཤེགས་པའི་ཆོས་གོས་ཆོ་འཕྲུལ་བྱེད་པ་རྙེད་ན་ནི། བྱང་ཆུབ་སེམས་དཔའ་དེ་ས་དྲུག་པར་བལྟའོ། །གལ་ཏེ་དེ་བཞིན་གཤེགས་པའི་ཆོས་གོས་གཅིག་རྙེད་ན་ནི།་བྱང་ཆུབ་སེམས་དཔའ་དེ་ས་བདུན་པར་བལྟའོ། །གལ་ཏེ་དེ་བཞིན་གཤེགས་པའི་ཆོས་གོས་གསུམ་ཆར་རྙེད་ན་ནི། བྱང་ཆུབ་སེམས་དཔའ་དེ་ས་བརྒྱད་པར་བལྟ་སྟེ། གལ་ཏེ་བརྩོན་ན་ནི་མཚན་མ་དེ་དག་འབྱུང་བར་འགྱུར་རོ། །ཅི་སྟེ་མི་བརྩོན་ན་ནི་བྱང་ཆུབ་སེམས་དཔའ་དེ་ལ་བདུད་ཀྱི་ལས་མ་གཏོགས་པར་ལས་དེ་མེད་དོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པའི་ལྷུང་བཟེད་རྙེད་ན་བྱང་ཆུབ་སེམས་དཔའ་དེ་ནི་སངས་རྒྱས་རྣམས་ཀྱིས་དགོངས་པ་ཡིན་ཏེ། བྱང་ཆུབ་སེམས་དཔའ་དེས་བརྒྱད་པ་ལ་ཆོས་ཀྱི་སྣང་བའི་སྣོད་དུ་གྱུར་པར་འགྱུར་རོ། །དེས་ཀྱང་སྒྲིབ་པ་མེད་པའི་བཟོད་པ་བསྒོམ་པར་བྱ་སྟེ། དེས་ན་དེ་བྱང་ཆུབ་ཏུ་ངེས་པར་
331b
འབྱུང་བར་འགྱུར་རོ། །གལ་ཏེ་ལྷུང་བཟེད་སྐྱོན་ཅན་རྙེད་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །གལ་ཏེ་སྐྱོན་མེད་པ་སྟོང་པ་རྙེད་ན་བྱང་ཆུབ་སེམས་དཔའ་ས་གཉིས་པར་བལྟའོ། །གལ་ཏེ་རོ་ཞིམ་པོས་ཡོངས་སུ་གང་བ་རྙེད་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། །གལ་ཏེ་མེ་ཏོག་དང་བཅས་པར་རྙེད་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟའོ། །གལ་ཏེ་འབྲས་བུ་དང་བཅས་པ་རྙེད་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གལ་ཏེ་ཁ་ཟས་དང་བཅས་པ་རྙེད་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ།། གལ་ཏེ་དྲིས་ཡོངས་སུ་གང་བརྙེད་ན་བྱང་ཆུབ་སེམས་དཔའ་དེ་ནི་ས་བདུན་པར་བལྟའོ། །གལ་ཏེ་མེ་ཏོག་ཕྲེང་གིས་དཀྲིས་པ་རྙེད་ན་བྱང་ཆུབ་སེམས་དཔའ་དེ་ནི་ས་བརྒྱད་པར་བལྟའོ།། གལ་ཏེ་ཆོས་གོས་དང་བཅས་ཏེ་རྙེད་ན་བྱང་ཆུབ་སེམས་དཔའ་དེ་ནི་ས་དགུ་པར་བལྟའོ། །གལ་ཏེ་ནམ་མཁའ་ལས་རྙེད་ན་བྱང་ཆུབ་སེམས་དཔའ་དེ་ནི་ས་བཅུ་པར་བལྟའོ། །དེ་ལ་གང་རློམ་སེམས་མེད་པ་མ་རྟོགས་པར་བདུད་ཀྱི་ལས་ནི་རྟོགས་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པ་ཉག་གཅིག་མཐོང་ན་དེས་རབ་ཏུ་དབེན་པར་གནས་པར་བྱ་ཞིང ། སྟོང་པ་ཉིད་ཀྱི་ཏིང་ངེ་འཛིན་ལ་ཡང་བརྩོན་པར་བྱ་སྟེ། བྱང་ཆུབ་སེམས་དཔའ་དེ་ནི་ས་བརྒྱད་པར་བལྟའོ། །དེས་ནི་ལས་
332a
༄#། །ཀྱི་སྒྲིབ་པ་སྦྱང་བའི་ཕྱིར་བསམ་པ་རྣམ་པར་དག་པས་རབ་ཏུ་བརྩོན་པར་བྱ་སྟེ། དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པ་སྐྱེ་བོ་མང་པོས་ཡོངས་སུ་བསྐོར་བ་མཐོང་ན་དེས་སྐྱེ་བོ་མང་པོ་བསྡུ་ཞིང་ཉོན་མོངས་པ་བཟོད་པར་བྱའོ། །བྱང་ཆུབ་སེམས་དཔའ་དེ་ནི་ས་བཅུ་པོ་ཐམས་ཅད་ལས་ས་གང་ཡང་རུང་བར་བལྟ་སྟེ། བྱང་ཆུབ་ནི་བརྩོན་འགྲུས་ལ་རག་ལས་པ་ཡིན་ནོ། །གལ་ཏེ་དེ་བཞིན་གཤེགས་པ་དམངས་རིགས་དང ། རྗེའུ་རིགས་ཀྱིས་ཡོངས་སུ་བསྐོར་བ་མཐོང་ན་བྱང་ཆུབ་སེམས་དཔའ་དེ་ནི་ས་དང་པོ་བར་བལྟའོ། །གལ་ཏེ་དེ་བཞིན་གཤེགས་པ་རྒྱལ་རིགས་ཀྱིས་ཡོངས་སུ་བསྐོར་བ་མཐོང་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གལ་ཏེ་དེ་བཞིན་གཤེགས་པ་བྲམ་ཟེས་ཡོངས་སུ་བསྐོར་བ་མཐོང་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། །གལ་ཏེ་དེ་བཞིན་གཤེགས་པ་རྒྱལ་པོ་དག་གིས་ཡོངས་སུ་བསྐོར་བ་མཐོང་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟའོ། །གལ་ཏེ་དེ་བཞིན་གཤེགས་པ་ཀླུ་དག་གིས་ཡོངས་སུ་བསྐོར་བ་མཐོང་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གལ་ཏེ་དེ་བཞིན་གཤེགས་པ་རྒྱལ་པོ་ཆེན་པོ་དག་གིས་ཡོངས་
332b
སུ་བསྐོར་བ་མཐོང་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། །གལ་ཏེ་དེ་བཞིན་གཤེགས་པ་བརྒྱ་བྱིན་དག་གིས་ཡོངས་སུ་བསྐོར་བ་མཐོང་ན་བྱང་ཆུབ་སེམས་དཔའ་དེ་ནི་ས་བདུན་པར་བལྟའོ། །གལ་ཏེ་དེ་བཞིན་གཤེགས་པ་ཚངས་པ་དག་གིས་ཡོངས་སུ་བསྐོར་བ་མཐོང་ན་བྱང་ཆུབ་སེམས་དཔའ་དེ་ནི་ས་བརྒྱད་པར་བལྟའོ། །གལ་ཏེ་དེ་བཞིན་གཤེགས་པ་གནས་གཙང་མའི་རིས་ཀྱི་ལྷ་རྣམས་ཀྱིས་ཡོངས་སུ་བསྐོར་བ་མཐོང་ན་བྱང་ཆུབ་སེམས་དཔའ་དེ་ནི་ས་དགུ་པར་བལྟའོ། །གལ་ཏེ་དེ་བཞིན་གཤེགས་པ་བྱང་ཆུབ་སེམས་དཔའ་རྣམས་ཀྱིས་ཡོངས་སུ་བསྐོར་བ་མཐོང་ན་བྱང་ཆུབ་སེམས་དཔའ་དེ་ནི་ས་བཅུ་པར་བལྟ་སྟེ། བདུད་ཀྱི་ལས་ནི་མ་གཏོགས་སོ།། །།བམ་པོ་གཉིས་པ། རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པའི་གདུགས་མཐོང་ན། བྱང་ཆུབ་སེམས་དཔའ་དེ་ནི་ས་དང་པོ་དགུ་པོ་དག་ལས་ས་གང་ཡང་རུང་བར་བལྟ་སྟེ། བདུད་ཀྱི་ལས་མ་གཏོགས་པར་ལས་ཀྱི་སྒྲིབ་པ་ནི་ཡོད་དོ། །གལ་ཏེ་རྙེད་པ་དང ། བཀུར་སྟི་དང ། ཚིགས་སུ་བཅད་པ་དག་ལ་དགའ་བར་མི་བྱེད་ན་མྱུར་བར་བྱང་ཆུབ་ཏུ་ངེས་པར་འབྱུང་བར་འགྱུར་རོ། །གལ་ཏེ་ལོ་མའི་གདུགས་མཐོང་ན་བྱང་ཆུབ་སེམས་དཔའ་དེ་ནི་ས་དང་པོ་བར་བལྟའོ། །གལ་ཏེ་འོད་མའི་གདུགས་མཐོང་ན་བྱང་ཆུབ་སེམས་དཔའ་དེ་ནི་ས་གཉིས་བར་
333a
༄#། །བལྟའོ། །གལ་ཏེ་གྲོ་གའི་གདུགས་མཐོང་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། །གལ་ཏེ་ཤིང་གི་གདུགས་མཐོང་ན་བྱང་ཆུབ་སེམས་དཔའ་དེ་ནི་ས་བཞི་བར་བལྟའོ། །གལ་ཏེ་ཤིང་འདབ་ཀྱི་གདུགས་མཐོང་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གལ་ཏེ་ལྕགས་ཀྱི་གདུགས་མཐོང་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། །གལ་ཏེ་གསེར་གྱི་གདུགས་མཐོང་ན་བྱང་ཆུབ་སེམས་དཔའ་དེ་ནི་ས་བདུན་པར་བལྟའོ། །གལ་ཏེ་རིན་པོ་ཆེའི་གདུགས་མཐོང་ན་བྱང་ཆུབ་སེམས་དཔའ་དེ་ནི་ས་བརྒྱད་པར་བལྟའོ། །གལ་ཏེ་དྲིལ་བུ་གཡེར་ཁའི་དྲ་བ་དབྱངས་པའི་གདུགས་མཐོང་ན་བྱང་ཆུབ་སེམས་དཔའ་དེ་ནི་ས་དགུ་པར་བལྟ་སྟེ། ས་དྲུག་པོ་དག་ལ་ནི་བདུད་ཀྱི་ལས་ཀྱང་རྟོགས་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པའི་འཆགས་དག་མཐོང་ན་བྱང་ཆུབ་སེམས་དཔའ་དེ་ནི་ས་བཅུ་པོ་དག་ལས་ས་གང་ཡང་རུང་བར་བལྟའོ། །དེས་བརྩོན་འགྲུས་བརྩམས་ནས་ངེས་པར་འབྱུང་བར་འགྱུར་ཏེ། བྱང་ཆུབ་སེམས་དཔའ་དེ་ནི་ལུང་བསྟན་པ་ཡིན་པར་བཟུང་ཞིང་ལུང་བསྟན་པའི་མཚམས་བཅད་པ་ཡིན་ནོ། །གལ་ཏེ་ཁྱིམ་དུ་འཆགས་དག་མཐོང་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ།།
333b
གལ་ཏེ་སྒོ་ན་འདུག་སྟེ་མཐོང་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གལ་ཏེ་སྐྱེད་མོས་ཚལ་ན་འདུག་སྟེ་མཐོང་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ།། གལ་ཏེ་འཆག་སྟེ་མཐོང་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟའོ། །གལ་ཏེ་གནས་ཁང་ན་འདུག་སྟེ་མཐོང་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གལ་ཏེ་སྙོམས་པར་ཞུགས་པ་མཐོང་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། །གལ་ཏེ་ཆུ་ཀླུང་གི་ནང་དུ་མཐོང་ན་བྱང་ཆུབ་སེམས་དཔའ་དེ་ནི་ས་བདུན་པར་བལྟའོ། །གལ་ཏེ་རི་ལ་འདུག་སྟེ་མཐོང་ན་བྱང་ཆུབ་སེམས་དཔའ་དེ་ནི་ས་བརྒྱད་པར་བལྟའོ། །གལ་ཏེ་ནམ་མཁའ་ལ་མཐོང་ན་བྱང་ཆུབ་སེམས་དཔའ་དེ་ནི་ས་དགུ་པར་བལྟའོ། །གལ་ཏེ་ཆོ་འཕྲུལ་མཛད་པ་མཐོང་ན་བྱང་ཆུབ་སེམས་དཔའ་དེ་ནི་ས་བཅུ་པར་བལྟ་སྟེ། བདུད་ཀྱི་ལས་ནི་མ་གཏོགས་སོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་དེ་བཞིན་གཤེགས་པའི་གདན་མཐོང་ན་བྱང་ཆུབ་སེམས་དཔའ་དེ་ནི་ས་དང་པོ་དྲུག་པོ་དག་ཏུ་བལྟ་སྟེ། དེས་རབ་ཏུ་ཞི་བ་ལ་མངོན་པར་དགའ་བར་བྱའོ། །དེས་ན་བྱང་ཆུབ་ཏུ་ངེས་པར་འབྱུང་བར་འགྱུར་ཏེ། བྱང་ཆུབ་སེམས་དཔའ་དེ་ནི་ལས་ཀྱི་སྒྲིབ་པ་ཆུང་བ་ཡིན་ནོ། །གང་གིས་གདན་ལེགས་པར་མ་བྱས་པ་མཐོང་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །
334a
༄#། །གང་གིས་གདན་ལེགས་པར་བྱས་པ་མཐོང་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གང་གིས་གདན་བྱི་དོར་བྱས་པ་མཐོང་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། །གང་གིས་གདན་ཁྲ་བོ་མཐོང་ན་བྱང་ཆུབ་སེམས་དཔའ་དེ་ནི་ས་བཞིན་པར་བལྟའོ། །གང་གིས་གདན་བཤམས་པ་མཐོང་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གང་གིས་གདན་ལེགས་པར་བཤམས་པར་མཐོང་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟ་སྟེ། བདུད་ཀྱི་ལས་ཀྱང་རྟོགས་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་དེ་བཞིན་གཤེགས་པ་ལ་ཞལ་ཟས་འབུལ་བར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་བདུན་པོ་དག་ཏུ་བལྟའོ། །གལ་ཏེ་ངེས་བརྩོན་འགྲུས་བྱས་ན་བྱང་ཆུབ་ཏུ་ངེས་པར་འབྱུང་བར་ཡང་འགྱུར་ཏེ། བྱང་ཆུབ་སེམས་དཔའ་དེ་ནི་ལས་ཀྱི་སྒྲིབ་པ་ཆུང་བ་ཡིན་ནོ། །གང་དེ་བཞིན་གཤེགས་པ་གྲོང་དུ་གཤེགས་ཤིང་བཞེངས་པ་ལ་བསོད་སྙོམས་འབུལ་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །གང་དེ་བཞིན་གཤེགས་པ་གྲོང་ན་བཞུགས་པ་ལ་བསོད་སྙོམས་འབུལ་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གང་དེ་བཞིན་གཤེགས་པ་སྒོར་གཤེགས་པ་ལ་བསོད་སྙོམས་འབུལ་ན་བྱང་
334b
ཆུབ་སེམས་དཔའ་དེ་ནི་ས་གསུམ་པར་བལྟའོ། །གང་དེ་བཞིན་གཤེགས་པ་སྲང་དུ་གཤེགས་པ་ལ་བསོད་སྙོམས་འབུལ་ན་བྱང་ཆུབ་སེམས་དཔའ་དེ་ནི་ས་བཞིན་པར་བལྟའོ། །གང་དེ་བཞིན་གཤེགས་པ་གྲོང་ཁྱེར་གྱི་སྒོར་གཤེགས་པ་ལ་བསོད་སྙོམས་འབུལ་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གང་དེ་བཞིན་གཤེགས་པ་དགོན་པ་ན་བཞུགས་པ་ལ་བསོད་སྙོམས་འབུལ་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། །གང་དེ་བཞིན་གཤེགས་པ་གཙུག་ལག་ཁང་དུ་གཤེགས་པ་ལ་བསོད་སྙོམས་འབུལ་ན་བྱང་ཆུབ་སེམས་དཔའ་དེ་ནི་ས་བདུན་པར་བལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་དེ་བཞིན་གཤེགས་པ་ལ་ན་བཟའ་འབུལ་བར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་བརྒྱད་པོ་དག་ཏུ་བལྟའོ། །དེས་ནི་མཚན་མ་མེད་པའི་ཏིང་ངེ་འཛིན་ལ་བརྩོན་པར་བྱ་སྟེ། དེས་ན་བྱང་ཆུབ་ཏུ་ངེས་པར་འབྱུང་བར་འགྱུར་རོ། །གལ་ཏེ་དེ་བཞིན་གཤེགས་པ་ལ་གུས་པར་བྱས་ཏེ་ན་བཟའ་འབུལ་བར་བྱེད་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །གལ་ཏེ་དེ་བཞིན་གཤེགས་པ་ལ་ན་བཟའ་དཀར་པོ་འབུལ་བར་བྱེད་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གལ་ཏེ་དེ་བཞིན་གཤེགས་པ་ལ་ན་བཟའ་དམར་པོ་འབུལ་ན་བྱང་ཆུབ་སེམས་དཔའ་དེ་ནི་ས་གསུམ་པར་
335a
༄#། །བལྟའོ། །གལ་ཏེ་དེ་བཞིན་གཤེགས་པ་ལ་ན་བཟའ་ཁྲ་བོ་འབུལ་ན་བྱང་ཆུབ་སེམས་དཔའ་དེ་ནི་ས་བཞིན་པར་བལྟའོ། །གལ་ཏེ་དེ་བཞིན་གཤེགས་པ་ལ་ན་བཟའ་གསེར་གྱི་ཁ་དོག་ལྟ་བུ་འབུལ་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གལ་ཏེ་དེ་བཞིན་གཤེགས་པ་ལ་ན་བཟའ་རིན་པོ་ཆེས་སྤྲས་པ་འབུལ་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། །གལ་ཏེ་དེ་བཞིན་གཤེགས་པ་ལ་ན་བཟའ་ཚོན་གྱིས་བྲིས་པ་འབུལ་ན་བྱང་ཆུབ་སེམས་དཔའ་དེ་ནི་ས་བདུན་པར་བལྟའོ། །གལ་ཏེ་ད་བཞིན་གཤེགས་པ་ལ་ན་བཟའ་འོད་ཆགས་པ་འབུལ་ན་བྱང་ཆུབ་སེམས་དཔའ་དེ་ནི་ས་བརྒྱད་པར་བལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་དེ་བཞིན་གཤེགས་པ་ལ་མེ་ཏོག་དག་འབུལ་བར་ཀུན་ཏུ་ཤེས་ན། བྱང་ཆུབ་སེམས་དཔའ་དེ་ནི་ས་དྲུག་པོ་དག་ལས་ས་གང་ཡང་རུང་བར་བལྟ་སྟེ། གང་ཟག་དེ་ནི་ལས་ཀྱི་སྒྲིབ་པ་ཆེ་ཞིང་ལུང་ནོད་པ་ལ་བརྩོན་ཡང་ཚེགས་ཆེན་པོས་སྣང་བར་འགྱུར་རོ། །གལ་ཏེ་དེ་བཞིན་གཤེགས་པ་ལ་མེ་ཏོག་རྙིངས་པ་དག་འབུལ་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །གལ་ཏེ་དེ་བཞིན་གཤེགས་པ་ལ་མེ་ཏོག་སར་པ་དག་འབུལ་ན་བྱང་ཆུབ་སེམས་དཔའ་དེ་ནི་ས་གཉིས་པར་
335b
བལྟའོ། །གལ་ཏེ་དེ་བཞིན་གཤེགས་པ་ལ་མེ་ཏོག་ཁ་དོག་སྣ་ཚོགས་པ་དག་འབུལ་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། །གལ་ཏེ་དེ་བཞིན་གཤེགས་པ་ལ་མེ་ཏོག་དག་གིས་འཐོར་བར་བྱེད་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟའོ། །གལ་ཏེ་དེ་བཞིན་གཤེགས་པའི་ཕྱག་ཏུ་ལག་པས་མེ་ཏོག་དག་འབུལ་བར་བྱེད་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གལ་ཏེ་དེ་བཞིན་གཤེགས་པ་ལ་ལྷའི་མེ་ཏོག་དག་འབུལ་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟ་སྟེ། བདུད་ཀྱི་ལས་ནི་མ་གཏོགས་སོ། །གང་ཟག་གཉིས་པོ་ལ་དང་པོ་པ་དང ། སོམ་ཉི་ཅན་ཡང་མ་གཏོགས་སོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་རི་ལ་འདུག་པར་ཀུན་དུ་ཤེས་ན་དེས་ནི་འགྱོད་པ་བསྐྱེད་པ་དང ། ཆོས་སྤངས་པ་ཡིན་ཏེ། ལས་ཀྱི་སྒྲིབ་པ་ཚེ་བ་དང ། ནད་མང་བ་དང ། ཤེས་རབ་ཆུང་བར་ཡང་འགྱུར་རོ། །གལ་ཏེ་སེམས་ཅན་ཐམས་ཅད་ལ་ཞེ་འགྲས་པ་མེད་པའི་ཡིད་ཀྱིས་བརྩོན་པར་བྱས་ན་དེས་བྱང་ཆུབ་ཏུ་ངེས་པར་འབྱུང་བར་འགྱུར་ཏེ། བྱང་ཆུབ་སེམས་དཔའ་དེ་ནི་ས་ལྔ་པོ་དག་ལས་ས་གང་ཡང་རུང་བར་བལྟ་སྟེ། དེས་ལོ་བདུན་དུ་ཕུང་པོ་གསུམ་པའི་ཆོས་ཀྱི་རྣམ་གྲངས་ལ་ཉིན་ལན་གསུམ། མཚན་ལན་གསུམ་དུ་གདོན་པར་བྱ་ཞིང ། ས་དང་པོ་
336a
༄#། །ལ་ཡེ་ཤེས་སྣང་བ་ལ་བརྩོན་པ་རྣམས་ལ་བདེ་བའི་བསྙེན་བཀུར་ཉེ་བར་བསྒྲུབ་པར་བྱའོ། །ས་གཉིས་པ་ལ་ནི་རིམ་གྲོ་དང ། བསྙེན་བཀུར་བྱའོ། །ས་གསུམ་པ་ལ་ནི་དཀོན་མཆོག་གསུམ་མཆོད་པར་བྱའོ། །ས་བཞི་པ་ལ་ནི་ཆོས་ཟབ་མོ་དག་ལ་བཟོད་པ་བསྒོམ་པར་བྱ་སྟེ། བྱང་ཆུབ་སེམས་དཔའ་དེ་ནི་ས་ལྔ་པོ་དག་ཏུ་བལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་གཅེར་བུར་འདུག་པར་ཀུན་ཏུ་ཤེས་ན། བྱང་ཆུབ་སེམས་དཔའ་དེ་ནི་ལས་ཀྱི་སྒྲིབ་པ་ཆུང་བ་སྟེ། དེས་སྟོང་པ་ཉིད་ལ་བརྩོན་པར་བྱའོ། །བྱང་ཆུབ་སེམས་དཔའ་དེ་ནི་ས་དང་པོ་བཞི་པོ་དག་ཏུ་བལྟ་སྟེ། གང་གིས་བདག་གཅེར་བུར་གྲོང་ན་འདུག་པར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །གང་གིས་བདག་གཅེར་བུར་གྲོང་གི་དབུས་ན་འདུག་པར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གང་གིས་བདག་གཅེར་བུར་དགོན་པ་ན་འདུག་པར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། །གང་གིས་བདག་གཅེར་བུར་རི་ལ་འདུག་པར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟ་སྟེ། བདུད་ཀྱི་ལས་ཀྱང་རྟོགས་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་
336b
དཔའ་གང་གིས་རྨི་ལམ་ན་བདག་ཕྱོགས་མཚམས་ན་འདུག་པར་ཀུན་ཏུ་ཤེས་ན་གང་ཟག་དེ་ནི་དགེ་བའི་བཤེས་གཉེན་གྱིས་ཡོངས་སུ་སྤངས་པ་སྟེ། བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །དེ་ནི་བློ་ཆུང་བ་དང ། ལེ་ལོ་ཆེ་བ་དང ། སེམས་ལ་མྱ་ངན་མང་བ་དང ། གནོད་པ་མང་བ་དང ། སྐྱེ་བོ་མང་པོ་སྡང་བ་དང ། ནད་མང་བ་དང ། སེམས་གཡེང་བར་ཡང་འགྱུར་རོ། །དགེ་བའི་རྩ་བ་དག་ལ་རབ་ཏུ་འབྱུང་བར་འགྱུར་ཞིང་ཕྱིར་ཡང་ལྡོག་པར་འགྱུར་རོ། །ལོངས་སྤྱོད་དག་ཀྱང་ཚེགས་ཆེན་པོས་ཐོབ་པར་འགྱུར་ཞིང་ཉོན་མོངས་པ་མང་པོར་ཡང་འགྱུར་རོ། །དེས་ནི་རྙེད་པའི་ཕྱིར་ཆོས་སྨྲ་བ་ལ་སྨད་ཅིང་ཆོས་ཀྱང་སྤངས་ལ། མ་དད་པ་དང ། མ་མོས་པ་དང ། ངོ་ཚ་མེད་པས་ཆོས་སྨྲ་བ་ལ་བསྙེན་བཀུར་བྱས་པ་ཡིན་པས་དེས་དྲང་པོས་ཆོས་སྨྲ་བ་ལ་བརྟེན་པར་བྱའོ། །དེས་གལ་ཏེ་ཞེ་འགྲས་པ་མེད་པའི་སེམས་ཀྱིས་རྫས་ཐམས་ཅད་ཡོངས་སུ་གཏང་བར་གྱུར་ན ། དེས་ན་བྱང་ཆུབ་ཏུ་ངེས་པར་འབྱུང་བར་འགྱུར་ཏེ། བྱང་ཆུབ་སེམས་དཔའ་དེ་ནི་ས་དྲུག་པའི་བར་དག་ལ་ཡང་རེག་པར་འགྱུར་བས། དེས་ཀྱང་སྐྱོན་ཆུང་ངུ་དང ། འབྲིང་དང ། ཆེན་པོ་དེ་དག་གཞོམ་པ་ལ་བརྩོན་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་སྔོན་མ་མཐོང་བའི་ཡུལ་དུ་ཕྱིན་པར་ཀུན་དུ་
337a
༄#། །ཤེས་ན་དེ་ལ་བདུད་ཀྱི་ལས་དང ། ལས་ཀྱི་སྒྲིབ་པ་དག་ཡོད་པ་ཡིན་པས། དེས་རྟོགས་ནས་བརྩོན་པར་བྱས་ན་རྣམ་པར་དག་པར་འགྱུར་རོ། །བྱང་ཆུབ་སེམས་དཔའ་དེ་ནིས་དང་པོ་གསུམ་པོ་དག་ལས་ས་གང་ཡང་རུང་བར་བལྟ་སྟེ། དཀོན་མཆོག་གསུམ་ལ་དགེ་བའི་རྩ་བ་བསྐྱེད་པ་ལ་བརྩོན་པས་ནི་ས་དང་པོ་ལ་སྦྱོར་བར་འགྱུར་རོ། །སྟོང་པ་ཉིད་བསྒོམ་པས་ནི་ས་གཉིས་པ་ལ་སྦྱོར་བར་འགྱུར་རོ། །ཆོས་ལ་བཟོད་པས་ནི་ས་གསུམ་པ་ལ་སྦྱོར་བར་འགྱུར་རོ། །གལ་ཏེ་ས་དྲུག་པའི་བར་དག་ལ་གནས་པའི་བྱང་ཆུབ་སེམས་དཔའ་ལ་མཚན་མ་དེ་དག་འབྱུང་བར་འགྱུར་ན་བདུད་ཀྱི་ལས་སུ་རྟོགས་པར་བྱའི། ལས་ཀྱི་སྒྲིབ་པ་ནི་མ་ཡིན་ནོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་ཆུ་བོའི་ནང་ན་འདུག་པར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་ལྔ་པོ་དག་ལས་ས་གང་ཡང་རུང་བར་བལྟ་སྟེ། དེ་ལ་ནི་མི་དགེ་བའི་ཆོས་དང ། དགེ་བའི་ཆོས་གཉིས་ཀ་ཡང་ཤས་ཆེ་བ་ཡིན་ནོ། །དེ་གལ་ཏེ་སྲོག་ཡོངས་སུ་གཏོང་བས་ཡོངས་སུ་གདུང་བར་མི་འགྱུར་ཞིང ། སྡིག་པའི་གྲོགས་པོ་ཡང་ཡོངས་སུ་སྤོང་བར་བྱེད་ལ། གཡོ་མེད་པས་ཆོས་ལ་མོས་པའི་གང་ཟག་ལ་བརྟེན་པར་བྱེད་ན། དེས་དེའི་ལས་ཀྱི་སྒྲིབ་པ་དེ་དག་རྣམ་པར་དག་
337b
པར་འགྱུར་རོ། །དེས་ནི་གནོད་པ་དང་རྩུབ་པའི་སེམས་ཀྱིས་ཆོས་གནས་པར་བྱ་བའི་ཕྱིར་དགེ་བའི་བཤེས་གཉེན་དག་ལ་བརྟེན་པ་ཡིན་ནོ། །བྱང་ཆུབ་སེམས་དཔའ་གང་གིས་བདག་ཆུ་བོ་འཁྲུགས་པའི་ནང་དུ་སོང་བར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །གང་གིས་བདག་ཆུ་བོ་ལྦུ་བ་ཅན་གྱི་ནང་དུ་སོང་བར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གང་གིས་བདག་ཆུ་བོ་རབ་རླབས་ཆེན་པོའི་ནང་དུ་སོང་བར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། །གང་གིས་བདག་ཆུ་བོ་ཀློང་འཁྱིལ་བའི་ནང་དུ་སོང་བར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟའོ། །གང་གིས་བདག་ཆུ་བོ་རབ་ཏུ་དང་བའི་ནང་དུ་སོང་བར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་སྤྲིན་ལས་ཆར་འབབ་པ་མཐོང་ན་དེ་ལ་བདུད་ཀྱི་ལས་མང་སྟེ། བྱང་ཆུབ་སེམས་དཔའ་དེ་ནི་ས་དང་པོ་བདུན་པོ་དག་ཏུ་བལྟའོ། །དེས་ནི་དབང་ཕྱུག་དང་ལྡན་པ་ན་ཆོས་སྨྲ་བ་དག་ལ་མཐོ་བཙམས་ཤིང་རབ་ཏུ་བྱུང་ནས་ཀྱང་རྙེད་པ་དང ། བཀུར་སྟིས་ཟིལ་གྱིས་ནོན་པས་ཆོས་སྨྲ་བ་དག་ལ་བསྔགས་པ་མ་ཡིན་པ་བརྗོད་ལ། མངོན་པར་བརྩོན་པ་རྣམས་ལ་ཡང་གདམས་ངག་ལོག་པར་སྨྲས་པ་ཡིན་པས་དེས་བཟོད་པ་
338a
༄#། །ལྷུར་བླང་བ་དང ། ཐོས་པ་ལ་བརྩོན་པར་བྱ་བ་དང ། རྙེད་པ་དང ། བཀུར་སྟི་ལ་ལྷག་པར་ཆགས་པ་མེད་པར་བྱ་ཞིང ། གལ་ཏེ་གཞན་ལ་ཕན་པ་ལ་ཤིན་ཏུ་བརྩོན་པར་བྱས་ན། དེས་དེའི་ལས་ཀྱི་སྒྲིབ་པ་བྱང་བར་འགྱུར་རོ། །དེ་ལ་གང་གིས་རྡུལ་གྱིས་ཡོག་པའི་སྤྲིན་ལས་ཆར་འབབ་པ་མཐོང་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །གང་གིས་རླུང་གིས་འཁྲུགས་པར་མཐོང་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གང་གིས་སྤྲིན་གྱིས་འཁྲུགས་པར་མཐོང་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། །གང་གིས་འབྲུག་གྲག་པའི་སྤྲི་ན་མཐོང་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟའོ། །གང་གིས་གློག་གིས་དངངས་པར་བྱེད་པ་མཐོང་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གང་གིས་ཐོག་འབབ་པར་མཐོང་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། །གང་གིས་ཆར་ཆུའི་རྒྱུན་མཐོང་ན་བྱང་ཆུབ་སེམས་དཔའ་དེ་ནི་ས་བདུན་པར་བལྟ་སྟེ། ས་དང་ས་དག་ལ་བདུད་ཀྱི་ལས་ནི་ཤེས་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་ས་གཡོས་པར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟ་སྟེ། ལས་དང་པོ་པ་དམིགས་པ་ལ་མང་དུ་སྤྱོད་པ་ཡིན་ཞིང ། དེ་ལ་
338b
ནི་བདུད་ཀྱི་ལས་དང ། ལས་ཀྱི་སྒྲིབ་པ་ཡང་ཤས་ཆེ་བ་ཡིན་ཏེ། སེམས་ཅན་མང་པོ་འཇིགས་པར་བྱས་པ་ཡིན་པས། དེས་གལ་ཏེ་སེམས་ཅན་རྣམས་ལ་མི་འཇིགས་པའི་སྦྱིན་པ་བྱིན་ཞིང་རྣམ་པ་གསུམ་བསྡམས་པར་གྱུར་ན། དེས་དའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་རོ། །དེ་ལ་ཡང་དང་ཡང་དུ་ས་གཡོ་བར་མཐོང་ན་དེ་ནི་ལས་དང་པོ་པའི་བྱང་ཆུབ་སེམས་དཔའ་སྟེ། ས་དང་པོ་པར་བལྟའོ། །གྲོང་ཁྱེར་ཞིག་པའམ། ལྗོངས་ཀྱི་མི་ཀུན་དུ་འཁྲུགས་པར་མཐོང་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །ཡུན་རིང་དུ་གཡོ་བར་མཐོང་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། །བདེན་པའི་བྱིན་གྱི་རླབས་ཀྱིས་གཡོ་བར་མཐོང་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟའོ། ། བདུད་ཀྱི་ལས་ཀྱིས་གཡོ་བར་མཐོང་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གཡོ་བས་མཐོ་འཚམ་པར་བྱེད་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། ། གཟུངས་ལ་བརྩོན་པས་གཡོ་བར་མཐོང་ན་བྱང་ཆུབ་སེམས་དཔའ་དེ་ནི་ས་བདུན་པར་བལྟའོ། །གཡོས་ནས་དབང་ཐང་ཆེ་བར་གྲགས་པའི་ལྷ་རྣམས་འདུ་བར་མཐོང་ན་བྱང་ཆུབ་སེམས་དཔའ་དེ་ནི་ས་བརྒྱད་པར་བལྟའོ། །གཡོས་ནས་ཀླུ་དང ། ཚངས་པས་གཟི་བྱིན་བསྐྱེད་པར་མཐོང་ན་བྱང་ཆུབ་སེམས་དཔའ་དེ་ནི་ས་དགུ་པར་བལྟའོ། །ས་གཡོས་
339a
༄#། །ནས་དེ་བཞིན་གཤེགས་པའི་སྒྲ་ཐོས་སམ། མཐོང་ན་བྱང་ཆུབ་སེམས་དཔའ་དེ་ནི་ས་བཅུ་པར་བལྟ་སྟེ། ས་དང་ས་དག་ལ་དེ་ལྟར་ཁོང་དུ་ཆུད་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་གཡུལ་འགྱེད་པའི་ནང་དུ་སོང་བར་ཀུན་དུ་ཤེས་ན། བྱང་ཆུབ་སེམས་དཔའ་དེ་ནི་ས་དང་པོ་བཞི་པོ་དག་ལས་ས་གང་ཡང་རུང་བར་བལྟའོ། །ས་གོང་མ་ས་བདུན་པ་མན་ཆད་ལ་མི་བརྩོན་པ་དག་ལ་ནི་བདུད་ཀྱི་ལས་ཀྱང་འབྱུང་ངོ ། །དེས་ནི་ཆོས་མ་ཡིན་པར་སྨྲ་བ་དག་ཡོངས་སུ་བཟུང་ཞིང ། རྙེད་པ་དང ། བཀུར་སྟི་ལ་ལྷག་པར་ཆགས་པས་ཆོས་སྨྲ་བ་དག་ཡོངས་སུ་སྤངས་ལ། དེས་ཆོས་སྨྲ་བ་དག་ལ་གཡོས་བསྙེན་བཀུར་བྱས་པ་ཡིན་པས། དེས་གལ་ཏེ་ཐབས་མཁས་པ་ལ་བསླབས་ཤིང ། ལྷག་པའི་བསམ་པས་ཕ་རོལ་ཏུ་ཕྱིན་པ་དྲུག་པོ་དག་ལ་སྤྱད་ན། དེས་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་འགྱུར་རོ། །དེ་ལ་བདག་གང་ན་གནས་པར་གཡུལ་འགྱེད་པ་མཐོང་ན་དེ་ནི་ས་དང་པོ་པར་བལྟའོ། །མཚོན་ཆ་འདེབས་པ་མཐོང་ན་ས་གཉིས་པར་བལྟའོ། །བོང་བ་དང་དབྱུག་པ་འབབ་པར་མཐོང་ན་ས་གསུམ་པར་བལྟའོ། །གཤེ་བ་དང ། བརྒྱད་བཀག་པ་མཐོང་ནས་བཞི་པར་བལྟའོ། །མི་བརྩོན་པ་ལ་ནི་བདུད་ཀྱི་ལས་
339b
ཀྱང་རིག་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་ན་བར་ཀུན་དུ་ཤེས་ན། བྱང་ཆུབ་སེམས་དཔའ་དེ་ནི་ས་དང་པོ་གཉིས་པོ་དག་ལས་ས་གང་ཡང་རུང་བར་བལྟའོ། །དེ་ལ་ནི་འཇིག་རྟེན་པ་དང ། འཇིག་རྟེན་ལས་འདས་པའི་བྱ་བ་ཐམས་ཅད་ལ་བར་ཆད་མང་བ་ཡིན་ནོ། །དེས་ནི་ཆོས་ཀུན་དུ་བསྡུ་བ་བྱས་ནས་ཡང་ཕྱིར་བཤིག་པ་དང ། ཡོ་བྱད་དག་བྱིན་ནས་ཡང་ཕྱིར་འཕྲོགས་པ་ཡིན་པས། དེས་གལ་ཏེ་ཆོས་སྨྲ་བའི་གང་ཟག་རྣམས་ལ་ཇི་ལྟར་འོས་པའི་མཆོད་པ་དག་ཕུལ་ཞིང ། ཞེ་འགྲས་པ་མེད་པའི་སེམས་ཀྱིས་འབུལ་བར་བྱེད་ན་དེས་དེའི་ལས་ཀྱི་སྒྲིབ་པ་དེ་རྣམ་པར་འདག་པར་འགྱུར་ཞིང ། བྱང་ཆུབ་ཏུ་ངེས་པར་ཡང་འབྱུང་བར་འགྱུར་རོ། །ས་གཞན་ལ་གནས་པ་དག་གིས་བདག་ན་བར་ཀུན་དུ་ཤེས་ན་དེས་ནི་བདུད་ཀྱི་ལས་སུ་རྟོགས་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་གཡང་ས་ནས་གཡང་དུ་ལྷུང་ཞིང་བཏོན་པ་མེད་པར་ཀུན་ཏུ་ཤེས་ན། བྱང་ཆུབ་སེམས་དཔའ་དེ་ནི་སྔོན་གྱི་མཐར་བསམ་པ་ཉམས་པར་གྱུར་ཤིན་ཏུ་གཡོ་ཅན་དང ། མ་མོས་པ་མང་བ་དང ། ལས་ཀྱི་སྒྲིབ་པ་ཐམས་ཅད་མང་བ་དང ། བདུད་ཀྱི་ལས་མང་བ་དང ། ལུས་ཉམ་ཆུང་བ་དང ། སེམས་ཞན་པ་ཡིན་ཏེ། དེ་ལ་ནི་ཆོས་
340a
༄#། །ཀྱི་ལུང་འབོག་ན་མྱུར་དུ་མཐོང་ཞིང་འདུན་པ་སྐྱེས་ནས་ཀྱང་ཡང་ཕྱིར་ནུབ་པར་འགྱུར་ཞིང ། དེ་ནི་སྦྱིན་པ་སྦྱིན་ན་ཡང་འགྱོད་པ་དང་བཅས་པས་སྦྱིན་པར་འགྱུར་ལ། བྱིན་ནས་ཀྱང་སོམ་ཉིར་གྱུར་པ་དང ། ཆོས་ཀྱི་རྗེས་སུ་མཐུན་པའི་ཆོས་སྨྲ་ན་ཡང་ནུབ་པར་འགྱུར་ཏེ། དེས་ལོངས་སྤྱོད་རྒུད་པར་མཐོང་བ་དང ། དེས་བསྟན་པ་རྒུད་པར་མཐོང་བ་དང ། དེས་བཟོད་པ་རྒུད་པར་མཐོང་བ་དང ། དེ་དམིགས་པ་མང་བར་འགྱུར་བ་དང ། ཆོས་མ་ཡིན་པར་སྨྲ་བ་གང་ཡིན་པ་ལ་བརྟེན་པ་དང ། ཟབ་མོ་ལ་མོས་པའི་གང་ཟག་རྣམས་ལ་མོས་པ་མ་ཡིན་པ་མང་བར་འགྱུར་ཏེ། བྱང་ཆུབ་སེམས་དཔའ་དེ་ནི་ས་གཉིས་བར་བལྟའོ། །གང་གིས་བདག་གཡང་ས་ནས་ལྷུང་ནས་མཚོན་ཆའི་ནང་དུ་སོན་པར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །གང་གིས་བདག་བྲག་ལས་གཡང་དུ་ལྷུང་བ་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །ས་གཞན་ལ་གནས་པ་དག་ལ་ནི་ལས་ཀྱི་སྒྲིབ་པས་གཡང་དུ་ལྷུང་བར་ཀུན་ཏུ་ཤེས་པར་འབྱུང་གི། བདུད་ཀྱི་ལས་ཀྱིས་ནི་མ་ཡིན་ནོ། །དེས་གལ་ཏེ་ཟླ་བ་གསུམ་གྱི་བར་དུ་ཉིན་ལན་གསུམ། མཚན་ལན་གསུམ་དུ་འཇིག་རྟེན་དང་མི་མཐུན་པའི་སྦྱིན་པ་སྤྱད་པར་བྱས་ཤིང ། ཤེས་པ་དང་ལྡན་པ་ཡང་མཆོད་ལ་ཞེ་
340b
འགྲས་པ་མེད་པའི་སེམས་སུ་བྱས་ན། དེས་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་འགྱུར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་བསད་པ་ལས་ཐར་བར་ཀུན་དུ་ཤེས་ན་དེ་ལ་བདུད་ཀྱི་ལས་མང་གི་།ལས་ཀྱི་སྒྲིབ་པ་ནི་མེད་དོ། །དེས་སྨོན་པ་མེད་པའི་ཏིང་ངེ་འཛིན་བསྒོམ་པར་བྱ་ཞིང་བྱམས་པ་ལ་གནས་པར་ཡང་བྱ་སྟེ། བྱང་ཆུབ་སེམས་དཔའ་དེ་ནི་ས་དང་པོ་དྲུག་པོ་དག་ཏུ་བལྟའོ། །གང་གིས་བདག་དགོན་པར་བསད་པ་ལས་ཐར་པར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གང་གིས་བདག་གྲོང་གི་ཉེ་འཁོར་དུ་བསད་པའི་ལས་ཐར་པར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གང་གིས་བདག་ཉེ་དུའི་ནང་དུ་བསད་པ་ལས་ཐར་པར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། །མི་བརྩོན་པ་དང ། ལས་དང་པོ་པ་དང ། ལྷག་པའི་བསམ་པ་ཉམས་ཆུང་བ་ལ་ནི་བྱང་ཆུབ་ལས་བཟློག་པའི་ཕྱིར་བདུད་ཀྱི་ལས་ཀྱང་འབྱུང་བར་འགྱུར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་དགྲའི་ནང་དུ་སོང་བར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་ལྔ་པོ་དག་ཏུ་བལྟ་སྟེ། དེས་ནི་རྒྱལ་པོར་གྱུར་པ་ན་ཚུལ་ཁྲིམས་དང་ལྡན་པ་ལ་མཐོ་བཙམས་
341a
༄#། །པས་དགྲ་བོ་མང་བ་དང ། བར་ཆད་མང་བ་ཡིན་ཏེ། དེས་མི་གནས་པ་ལ་སྤྱད་པར་བྱ་ཞིང ། སྒྲིབ་པ་མེད་པའི་མཐའ་ལ་ཡང་མོས་པར་བྱ། གཅིག་ཏུ་ཕན་པ་ལ་ཡང་བརྩོན་པར་བྱ་སྟེ། དེས་ན་དེའི་ལས་ཀྱི་སྒྲིབ་པ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་གིས་བདག་མཚོན་སྣ་ཚོགས་ཐོགས་པའི་ནང་དུ་སོང་བར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །གང་གིས་བདག་མཚོན་སྣ་གཅིག་ཐོགས་པའི་ནང་དུ་སོང་བར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གང་གིས་བདག་དབྱུག་པ་ཐོགས་པ་རྣམས་ཀྱི་ནང་དུ་སོང་བར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། ། གང་གིས་བདག་རྡོ་བ་ཐོགས་པ་རྣམས་ཀྱི་ནང་དུ་སོང་བར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟའོ། །གང་གིས་བདག་ལག་པ་སྟོང་པ་རྣམས་ཀྱི་ནང་དུ་སོང་བར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟ་སྟེ། གཞན་དག་ལ་ནི་བདུད་ཀྱི་ལས་སུ་རིག་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་ནམ་མཁའ་ལས་འགྲོ་བར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་མི་སྐྱེ་བའི་ཆོས་ལ་བཟོད་པ་ཐོབ་པར་འགྱུར་བ་དང ། དམིགས་པ་ལས་
341b
འདའ་བར་འགྱུར་བའི་མཚམས་ལ་གནས་པ་དང ། ལྷ་རྣམས་ཀྱིས་བསམས་པ་ཡིན་ཏེ། དེས་ནི་གཙང་སྦྲར་སྤྱད་པ་དང ། རྟག་ཏུ་བརྩོན་པ་དང ། བྱང་ཆུབ་ཀྱི་སེམས་ཡང་དག་པར་འཛིན་དུ་གཞུག་པར་བྱ་ཞིང ། སེམས་ཅན་རྣམས་དང་ཕྱོགས་གཅིག་ན་ཡུན་རིང་དུ་གནས་པར་མི་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་ཡང་འབྱུང་བར་འགྱུར་རོ། །བྱང་ཆུབ་སེམས་དཔའ་དེ་ནི་ས་དང་པོ་བདུན་པོ་དག་ལས་ས་གང་ཡང་རུང་བར་བལྟའོ། །གལ་ཏེ་ནམ་མཁའ་ལ་སྦྱིན་པ་སྦྱིན་ཞིང་འགྲོ་བར་མཐོང་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །དྲང་སྲོང་མཐོང་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །དགེ་སློང་མཐོང་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། །ཀླུ་མཐོང་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟའོ། །ལྷ་མཐོང་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །ཚངས་པ་མཐོང་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། །བྱང་ཆུབ་སེམས་དཔའ་མ་དེ་བཞིན་གཤེགས་པ་མཐོང་ན་བྱང་ཆུབ་སེམས་དཔའ་དེ་ནི་ས་བདུན་པར་བལྟ་སྟེ། བདུད་ཀྱི་ལས་ནི་མ་གཏོགས་སོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་གི་ལག་པ་ན་སྒྲོན་མ་ཐོགས་པར་ཀུན་དུ་ཤེས་ན་དེས་ཆོས་ཀྱི་སྣང་བ་བསྒྲུབ་པར་བྱ་སྟེ། བྱང་ཆུབ་སེམས་
342a
༄#། །དཔའ་དེ་ནི་ས་དང་པོ་ལྔ་པོ་དག་ཏུ་བལྟའོ། །གལ་ཏེ་དེས་ལུས་དང་སྲོག་ལ་མི་བལྟ་བར་ཟང་ཟིང་མེད་པ་ལ་རབ་ཏུ་སྦྱོར་བར་བྱེད་ཅིང ། ཡེ་ཤེས་ཀྱི་སྤྱོད་པ་ལ་ཡང་ནེམ་ནུར་མེད་པར་བྱས་ན། དེས་དེའི་ལས་ཀྱི་སྒྲིབ་པ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་འགྱུར་རོ། །དེ་ལ་ས་དང་པོ་ལ་གནས་པ་ནི་དམིགས་པ་ལ་མངོན་པར་བརྩོན་པ་ལ་དགའ་བར་བྱེད་དོ། །ས་གཉིས་པ་ལ་གནས་པ་ནི་བསམ་གཏན་ལ་མངོན་པར་དགའ་བར་བྱེད་དོ། །ས་གསུམ་པ་ལ་གནས་པ་ནི་བྱམས་པ་ལ་དགའ་བར་བྱེད་དོ། །ས་བཞི་པ་ལ་གནས་པ་ནི་སྙིང་རྗེ་ལ་དགའ་བར་བྱེད་དོ། །ས་ལྔ་པ་ལ་གནས་པ་ནི་བཏང་སྙོམས་ལ་དགའ་བར་བྱེད་དོ། །ས་དང་པོ་ལ་གནས་པ་སྣང་པ་འདོད་པས་ནི་སངས་རྒྱས་རྗེས་སུ་དྲན་པ་བསྒོམ་པར་བྱའོ། །ས་གཉིས་པ་ལ་གནས་པས་ནི་མཆོག་ཏུ་དགའ་བ་སྦྱིན་པར་བྱའོ། །ས་གསུམ་པ་ལ་གནས་པས་ནི་ཐོས་པ་བཙལ་བར་བྱའོ། །ས་བཞི་པ་ལ་གནས་པ་ནི་གཟུང་བསྒོམ་པར་བྱའོ། །ས་ལྔ་པ་ལ་གནས་པས་ནི་སྟོང་པ་ཉིད་བསྒོམ་པར་བྱ་སྟེ། དེས་ན་སྣང་བ་ཐོབ་པར་འགྱུར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན། བྱང་ཆུབ་སེམས་དཔའ་ཕྱིར་འབྱུང་བ་མཐོང་ན། བྱང་ཆུབ་སེམས་དཔའ་དེ་ནི་ས་དང་པོ་དྲུག་པོ་དག་
342b
ལས་ས་གང་ཡང་རུང་བར་བལྟ་སྟེ། དེ་ཚེ་བརྗེས་ནས་ཕྱིར་མི་ལྡོག་པའི་ས་འཐོབ་པར་འགྱུར་ཞིང ། འདི་ཙམ་ཞིག་ནས་སངས་རྒྱས་སུ་འགྱུར་རོ་ཞེས་ལུང་བསྟན་པར་འགྱུར་བའི་མཚམས་བཅད་པ་ཡིན་ནོ། །གང་གིས་རྐང་པས་ཕྱིར་འབྱུང་བ་མཐོང་ན་དེ་ནི་ས་དང་པོ་པར་བལྟའོ། །གང་གིས་གླང་གི་ཤིང་རྟས་ཕྱིར་འབྱུང་བ་མཐོང་ན་དེ་ནི་ས་གཉིས་པར་བལྟའོ།། གང་གིས་རྟའི་ཤིང་རྟས་ཕྱིར་བྱུང་བ་མཐོང་ན་དེ་ནི་ས་གསུམ་པར་བལྟའོ། །གང་གིས་གླང་པོ་ཆེའི་ཤིང་རྟས་ཕྱིར་བྱུང་བ་མཐོང་ན་དེ་ནི་ས་བཞི་པར་བལྟའོ། །གང་གིས་མིའི་ཤིང་རྟས་ཕྱིར་བྱུང་བ་མཐོང་ན་དེ་ནི་ས་ལྔ་པར་བལྟའོ། །གང་གིས་ནམ་མཁའ་ལས་ཕྱིར་བྱུང་བ་མཐོང་ན། དེ་ནི་ས་དྲུག་པར་བལྟ་སྟེ། བདུད་ཀྱི་ལས་ནི་མ་གཏོགས་སོ། །རྡོ་རྗེས་རབ་འཇོམས་གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན། གླེགས་བམ་རྙེད་ན་བྱང་ཆུབ་སེམས་དཔའ་དེ་ནི་ས་དང་པོ་གསུམ་པོ་དག་ལས་ས་གང་ཡང་རུང་བར་བལྟ་སྟེ། བྱང་ཆུབ་སེམས་དཔའ་དེ་ལ་ནི་ཕྱིར་རྒོལ་བ་དང ། སྐུར་པ་འདེབས་པ་མང་པོ་དག་འབྱུང་བར་འགྱུར་ཡང་བར་ཆད་བྱེད་པར་ནི་མི་འགྱུར་རོ། །དེས་སྡིག་པ་བཤགས་པ་ལན་མང་དུ་བྱ་ཞིང་རྟག་ཏུ་མངོན་པར་བརྩོམ་པར་ཡང་བྱ་སྟེ། དེས་ན་དེའི་ལས་ཀྱི་སྒྲིབ་པ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གལ་ཏེ་འཇིག་རྟེན་པ་དང ། ཉན་ཐོས་དང་ལྡན་པའི་
343a
༄#། །གླེགས་བམ་རྙེད་ན་བྱང་ཆུབ་སེམས་དཔའ་དེ་ནིས་དང་པོ་པར་བལྟའོ། །ཤེས་རབ་ཀྱི་ཕ་རོལ་ཏུ་ཕྱིན་པ་དང་ལྡན་པའི་གླེགས་བམ་དག་རྙེད་ན་བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གང་གིས་ཟབ་མོ་དང་ལྡན་པའི་གླེགས་བམ་རྙེད་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། །བརྩོན་པ་དག་ལ་ལྷའི་བུས་བྱིན་ནམ། བྱང་ཆུབ་སེམས་དཔའ་མ་དེ་བཞིན་གཤེགས་པ་ཆོས་ཀྱི་གདན་ལ་བཞུགས་པས་བྱིན་ན་དེ་ནི་ས་བདུན་པའི་བར་དག་ཏུ་ཡང་བལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་གཟུངས་ཀྱི་སྒྲ་ཐོས་ན་བྱང་ཆུབ་སེམས་དཔའ་དེ་ནི་ས་དང་པོ་དྲུག་པོ་དག་ལས་ས་གང་ཡང་རུང་བར་བལྟ་སྟེ། སངས་རྒྱས་རྣམས་ལས་མངོན་སུམ་དུ་གཟུངས་ཐོབ་པ་ཡིན་ནོ། །བྱང་ཆུབ་སེམས་དཔའ་དེ་ནི་ལས་ཀྱི་སྒྲིབ་པ་ཆུང་ལ་བདུད་ཀྱི་ལས་མང་བ་ཡིན་པས་དེས་ནི་སྤོབས་པ་སྦྱིན་པར་བྱ་ཞིང་གླགས་ལྟ་བ་མེད་པ་ལ་བརྩོན་པར་ཡང་བྱ་སྟེ། དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གལ་ཏེ་ཚིགས་སུ་བཅད་པས་མངོན་པར་བསྒྲུབ་པའི་གཟུངས་ཀྱི་སྒྲ་ཐོས་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །ཡི་གེས་མངོན་པར་བསྒྲུབ་པའི་གཟུངས་ཀྱི་སྒྲ་ཐོས་ན་
343b
བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །ལེགས་པར་བྲིས་པས་མངོན་པར་བསྒྲུབ་པའི་གཟུངས་ཀྱི་སྒྲ་ཐོས་ན་བྱང་ཆུབ་སེམས་དཔའ་དེ་ནི་ས་གསུམ་པར་བལྟའོ། ། ཀླུས་ཡོངས་སུ་བཟུང་བའི་གཟུངས་ཀྱི་སྒྲ་ཐོས་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟའོ། །ལྷས་ཡོངས་སུ་བཟུང་བའི་གཟུངས་ཀྱི་སྒྲ་ཐོས་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གང་གིས་དོན་དམ་པའི་གཟུངས་ཀྱི་སྒྲ་ཐོས་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་ཏིང་ངེ་འཛིན་གྱི་སྒྲ་ཐོས་ན་བྱང་ཆུབ་སེམས་དཔའ་དེ་ནི་ས་དང་པོ་བརྒྱད་པོ་དག་ལས་ས་གང་ཡང་རུང་བར་བལྟ་སྟེ། དེས་ནི་འཇིག་རྟེན་གསུམ་ལ་ལྷག་པར་ཆགས་པ་མེད་པར་བྱ་ཞིང ། རྟག་ཏུ་དབེན་པ་ལ་མངོན་པར་དགའ་བར་ཡང་བྱའོ། །དེ་ལ་ནི་ལས་ཀྱི་སྒྲིབ་པ་ཆུང་ཞིང་དེ་ལ་བདུད་ཀྱི་ལས་ཀྱང་ཆུང་མོད་ཀྱི། འོན་ཀྱང་དེ་ལ་ཉོན་མོངས་པའི་སྒྲིབ་པའི་ཤས་ཆེ་བས། དེས་ཆོས་སྣ་ཚོགས་དག་མཉན་པར་བྱ་ཞིང་སོ་སོར་བརྟག་པ་མང་དུ་ཡང་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །དེ་ལ་རྟོག་པ་དང་བཅས་པ་དཔྱོད་པ་དང་བཅས་པའི་ཏིང་ངེ་འཛིན་ནི་ས་དང་པོ་ལ་གནས་པའིའོ། །རྟོག་པ་
344a
༄#། །མེད་ལ་དཔྱོད་པ་ཙམ་གྱི་ཏིང་ངེ་འཛིན་ནི་ས་གཉིས་པ་ལ་གནས་པའིའོ། །རྟོག་པ་ཡང་མེད་ལ་དཔྱོད་པ་ཡང་མེད་པའི་ཏིང་ངེ་འཛིན་ནི་ས་གསུམ་པ་ལ་གནས་པའིའོ། །ཚངས་པའི་གནས་པ་ནི་ས་བཞི་པ་ལ་གནས་པའིའོ། །སྟོང་པ་ཉིད་ཀྱི་ཏིང་ངེ་འཛིན་ནི་ས་ལྔ་པ་ལ་གནས་པའིའོ། །དགོས་པ་ཐམས་ཅད་མངོན་པར་བསྒྲུབ་པ་ནི་ས་དྲུག་པ་ལ་གནས་པའིའོ། །རིག་པ་ཆེན་པོ་ནི་ས་བདུན་པ་ལ་གནས་པའིའོ། །སངས་རྒྱས་ཀྱི་བཀོད་པ་བསྒྲུབ་པ་ནི་ས་བརྒྱད་པ་ལ་གནས་པའིའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ནི་ཤིན་ཏུ་རྒྱས་པའི་སྡེའི་མདོ་སྡེའི་སྒྲ་ཐོས་ན་བྱང་ཆུབ་སེམས་དཔའ་དེ་ནི་ས་དང་པོ་དྲུག་པོ་དག་ཏུ་བལྟ་སྟེ།་དེས་ནི་ཆོས་ལ་མོས་པ་དང ། ངེས་པར་གྱུར་པ་ལ་བཟོད་པར་བྱའོ། །བྱང་ཆུབ་སེམས་དཔའ་དེ་ནི་སྒྲིབ་པ་ཆུང་བ་དང ། རྟོགས་པ་བུལ་བ་ཡིན་པས། དེས་གཅིག་ཏུ་ཡོངས་སུ་ཞུ་བའི་དང་ཚུལ་ཅན་དང ། བསྙེན་བཀུར་བྱས་པ་ལ་གདུ་བར་བྱ་སྟེ། དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་རོ། །སྦྱིན་པའི་ཕ་རོལ་ཏུ་ཕྱིན་པའི་མདོ་སྡེའི་སྒྲ་ཐོས་ན་ས་དང་པོ་བར་བལྟའོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་མདོ་སྡེའི་སྒྲ་ཐོས་ན་ས་གཉིས་པར་བལྟའོ། །བཟོད་པའི་ཕ་རོལ་ཏུ་ཕྱིན་པའི་མདོ་སྡེའི་སྒྲ་ཐོས་ན་
344b
ས་གསུམ་པར་བལྟའོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པའི་མདོ་སྡེའི་སྒྲ་ཐོས་ན་ས་བཞི་པར་བལྟའོ། །བསམ་གཏན་གྱི་ཕ་རོལ་ཏུ་ཕྱིན་པའི་མདོ་སྡེའི་སྒྲ་ཐོས་ན་ས་ལྔ་པར་བལྟའོ། །ཤེས་རབ་ཀྱི་ཕ་རོལ་ཏུ་ཕྱིན་པའི་མདོ་སྡེའི་སྒྲ་ཐོས་ན་ས་དྲུག་པར་བལྟའོ། །མངོན་པར་བརྩོན་པ་དང ། སངས་རྒྱས་ཀྱིས་བྱིན་གྱིས་བརླབས་པ་དང ། ལྷག་པའི་བསམ་པ་ཕུན་སུམ་ཚོགས་པའི་གང་ཟག་ནི་མ་གཏོགས་སོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་ཆོས་སྨྲ་བའི་དགེ་སློང་ཆེ་གེ་མོ་ཞེས་བྱ་བ་རྣམས་ཀྱི་མིང་ཐོས་ན་བྱང་ཆུབ་སེམས་དཔའ་དེ་ནི་ས་དང་པོ་བཞི་པོ་དག་ཏུ་བལྟ་སྟེ། དེས་ནི་དགེ་བའི་བཤེས་གཉེན་ལ་བསྟེན་པར་བྱའོ། །བྱང་ཆུབ་སེམས་དཔའ་དེ་ནི་བར་ཆད་མང་བ་དང ། སེམས་ལ་འགྱོད་པ་མང་བ་དང ། ཤེས་རབ་ཞན་པ་ཡིན་ཏེ། དེས་སེམས་ཅན་ཐམས་ཅད་ལ་ཞེ་འགྲས་པ་མེད་པའི་སེམས་དང ། ཐབས་ལ་མཁས་པ་དང ། ཐབས་ཀྱི་སྡོམ་པ་དང ། ཡིད་ལ་ནེམ་ནུར་མེད་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་གིས་སྔོན་མ་མཐོང་བའི་དགེ་སློང་གི་མིང་ཐོས་ན་བྱང་ཆུབ་སེམས་དཔའ་དེ་ནི་ས་དང་པོ་བར་བལྟའོ། །གང་གིས་སྔོན་མ་ཐོས་པའི་དགེ་སློང་གི་མིང་ཐོས་ན་དེ་ནི་ས་གཉིས་པར་བལྟའོ། །
345a
༄#། །གང་གིས་འཇིག་རྟེན་གྱི་ཁམས་གཞན་གྱི་དགེ་སློང་གི་མིང་ཐོས་ན་དེ་ནི་ས་གསུམ་པར་བལྟའོ། །གང་གིས་སྐྱེ་བ་གཅིག་གིས་ཐོགས་པའི་དགེ་སློང་གི་མིང་ཐོས་ན་དེ་ནི་ས་བཞི་པར་བལྟ་སྟེ། ས་གོང་མ་དག་ཏུ་ཡང་འདོད་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་ཚིགས་སུ་བཅད་པ་ལ་སྤོབས་པ་ཐོབ་པར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་གསུམ་པོ་དག་ཏུ་བལྟ་སྟེ། བྱང་ཆུབ་སེམས་དཔའ་དེ་ནི་སྤོབས་པ་ཕུན་སུམ་ཚོགས་པ་ཡིན་ནོ། །དེས་གལ་ཏེ་ཆོས་གསུམ་ཡོངས་སུ་སྤངས་ན་མྱུར་དུ་སྣང་བ་ཐོབ་པར་འགྱུར་ཏེ། ཆོས་གསུམ་གང་ཞེ་ན། བྱང་ཆུབ་སེམས་དཔའ་གང་གཞན་མཆོད་པ་ལ་ཕྲག་དོག་བྱེད་པ་དང ། རྙེད་པ་དང ། བཀུར་སྟི་འདོད་པ་དང ། གཡོ་ལ་བརྟེན་པ་སྟེ། ཆོས་གསུམ་པོ་དེ་དགེ་ཡོངས་སུ་སྤང་བར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གལ་ཏེ་ཚིགས་སུ་བཅད་པ་ཉུང་ངུ་ལ་སྤོབས་ན་དེ་ནི་ས་དང་པོ་པར་བལྟའོ། །ཚིགས་སུ་བཅད་པ་སྣ་ཚོགས་ལ་སྤོབས་ན་ས་གཉིས་པར་རོ། །ཟབ་མོའི་ཚིགས་སུ་བཅད་པ་ལ་སྤོབས་ན་ས་གསུམ་པར་རོ། །རྣམ་པ་མང་པོ་དག་ལ་སྤོབས་ན་ས་གོང་མར་རོ། །རྡོ་རྗེས་རབ་
345b
འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་མདོ་སྡེ་ལ་སྤོབས་པ་ཐོབ་པར་ཀུན་དུ་ཤེས་ན་དེ་ནི་ས་དང་པོ་བརྒྱད་པོ་དག་ཏུ་བལྟ་སྟེ། དེ་ལ་དགྲ་བོ་མང་བ་དང ། ཡོན་ཏན་མང་བ་ཡིན་པས་དེས་ཡང་དག་པར་མགུ་བར་བྱེད་པའི་ངང་ཚུལ་ཅན་དུ་བྱ་ཞིང་ཁྱད་པར་དུ་འཕགས་པ་དག་ལ་མཆོད་པར་བྱ་བ་དང ། ཇི་ལྟ་བ་བཞིན་དུ་སྤྱོད་པའི་གང་ཟག་ལ་ཡང་མཆོད་པར་བྱ་ཞིང་ཤེས་པས་ལྷག་པའི་ང་རྒྱལ་དུ་ཡང་མི་བྱའོ། །དེས་ན་དེའི་ལས་ཀྱི་སྒྲིབ་པ་རྣམ་པར་དག་པར་འགྱུར་ཞིང་རྨི་ལམ་དུ་རྨིས་པའི་ལས་ཀྱི་སྒྲིབ་པ་དེ་ཡང་རྣམ་པར་དག་པར་འགྱུར་བ། མྱོང་བར་འགྱུར་བ་ཆུང་བར་ཡང་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །དེ་ལ་བཞི་པ་བསྒྲུབ་པ་ལ་སྤོབས་ན་ས་དང་པོ་ལ་གནས་པར་འགྱུར་རོ། །ཡོ་བྱད་བསྙུངས་པ་བསྒྲུབ་པའི་མདོ་སྡེ་ལ་སྤོབས་ན་ས་གཉིས་པར་རོ། །སྣ་ཚོགས་བསྒྲུབ་པའི་མདོ་སྡེ་ལ་སྤོབས་ན་ས་གསུམ་པར་རོ། །སྔོན་གྱི་ཚུལ་བསྒྲུབ་པའི་མདོ་སྡེ་ལ་སྤོབས་ན་ས་བཞི་པར་རོ། །དུས་གསུམ་བསྒྲུབ་པའི་མདོ་སྡེ་ལ་སྤོབས་ན་ས་ལྔ་པར་རོ། །ཕ་རོལ་ཏུ་ཕྱིན་པའི་མདོ་སྡེ་ལ་སྤོབས་ན་ས་དྲུག་པར་རོ། །མདོ་སྡེ་ཟབ་མོ་ལ་སྤོབས་ན་ས་བདུན་པར་རོ། །ཐམས་ཅད་རྣམ་པར་གཏན་ལ་འབེབས་པ་ལ་སྤོབས་ན་ས་བརྒྱད་པར་བལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་
346a
༄#། །གང་གིས་རྨི་ལམ་ན་ཆོས་ཀྱི་གཏེར་གྱི་སྒྲ་ཐོས་ན་དེ་ནི་ས་དང་པོ་བདུན་པོ་དག་ཏུ་བལྟའོ། །བྱང་ཆུབ་སེམས་དཔའ་དེ་ནི་ཉོན་མོངས་པ་མང་ལ་ལས་ཀྱི་སྒྲིབ་པ་ཆུང་བ་ཡིན་ཏེ། དེས་ཡོངས་སུ་འདྲི་བའི་རང་བཞིན་ཅན་དུ་བྱ་ཞིང་དད་པས་མོས་པར་ཡང་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་གིས་བདག་གྲོང་ན་འདུག་པ་ན་ཆོས་ཀྱི་གཏེར་གྱི་སྒྲ་ཐོས་པར་ཀུན་དུ་ཤེས་ན་དེ་ནི་ས་དང་པོ་བར་བལྟའོ། །གང་གིས་བདག་གནས་ཁང་ན་འདུག་པར་ཀུན་དུ་ཤེས་ན་དེ་ནི་ས་གཉིས་པར་རོ། །གང་གིས་བདག་གཙུག་ལག་ཁང་ན་འདུག་པར་ཀུན་ཏུ་ཤེས་ན་དེ་ནི་ས་གསུམ་པར་རོ། །གང་གིས་བདག་དགོན་པ་ན་འདུག་པར་ཀུན་དུ་ཤེས་ན་དེ་ནི་ས་བཞི་པར་རོ། །གང་གིས་བདག་སྟན་ལ་འདུག་པར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་ལྔ་པར་རོ། །གང་གིས་བདག་སྐྱེད་མོས་ཚལ་ན་འདུག་པར་ཀུན་དུ་ཤེས་ན་དེ་ནི་ས་དྲུག་པར་རོ། །གང་གིས་བདག་རིའི་རྩེ་མོ་ལ་འདུག་པར་ཀུན་དུ་ཤེས་ན་དེ་ནི་ས་བདུན་པར་བལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་སྔོན་མ་ཐོས་པའི་འཇིག་རྟེན་གྱི་ཁམས་གཞན་གྱི་དེ་བཞིན་གཤེགས་པའི་མཚན་ཐོས་ན་བྱང་ཆུབ་སེམས་དཔའ་
346b
དེ་ནི་ས་དང་པོ་བརྒྱད་པོ་དག་ཏུ་ལུང་བསྟན་པ་ཡིན་ཏེ། ང་རྒྱལ་གྱི་དབང་གིས་ངེས་པར་འབྱུང་བར་འགྱུར་རོ། །དེས་ནི་བདུད་ཀྱི་ལས་མང་དུ་ཉེ་བར་བསགས་ཤིང ། དེ་ལ་ལས་ཀྱི་སྒྲིབ་པ་མང་བ་ཡིན་ནོ། །དེས་གལ་ཏེ་མཆོད་པར་འོས་པ་མཆོད་ཅིང་སྤྱོད་ལམ་བརྟགས་པ་མ་ཡིན་ན། དེས་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །དེ་ལ་གཏོང་བ་ལ་ང་རྒྱལ་བྱེད་ན་ས་དང་པོ་པར་རོ། །ཚུལ་ཁྲིམས་ལ་ང་རྒྱལ་བྱེད་ན་ས་གཉིས་པར་རོ། །ཐོས་པ་ལ་ང་རྒྱལ་བྱེད་ན་ས་གསུམ་པར་རོ། །མངོན་པར་བརྩོན་པ་ལ་ང་རྒྱལ་བྱེད་ན་ས་བཞི་པར་རོ། །ཡོ་བྱད་བསྙུངས་པ་ལ་ང་རྒྱལ་བྱེད་ན་ས་ལྔ་པར་རོ། །ཤེས་པ་ལ་ང་རྒྱལ་བྱེད་ན་ས་དྲུག་པར་རོ། །སྤོབས་པ་ལ་ང་རྒྱལ་བྱེད་ན་ས་བདུན་པར་རོ། །བྱིན་གྱི་རླབས་ལ་ང་རྒྱལ་བྱེད་ན་ས་བརྒྱད་པར་བལྟ་སྟེ། བྱ་བ་ཐམས་ཅད་མཐར་ཕྱིན་པར་བྱེད་ན་ནི་ང་རྒྱལ་ཡིན་ནོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་འཇིག་རྟེན་གྱི་ཁམས་ཆེ་གེ་མོ་ཞིག་བྱང་ཆུབ་སེམས་དཔའ་ཆེ་གེ་མོ་ཞེས་བྱ་བའི་མིང་ཐོས་ན་བྱང་ཆུབ་སེམས་དཔའ་དེ་ནི་ས་དང་པོ་ལྔ་པོ་དག་ཏུ་བལྟ་སྟེ། བྱང་ཆུབ་སེམས་དཔའ་དེ་ནི་བྱང་ཆུབ་སེམས་དཔའ་རྣམས་ཀྱི་བསམས་པ་དང ། ཉོན་མོངས་པ་ཆུང་བ་ཡིན་པར་རིག་པར་བྱའོ། །དེས་གལ་ཏེ་ལྷག་པའི་ང་རྒྱལ་མེད་པར་བྱས་ཤིང་ཉེ་དུ་
347a
༄#། །རྣམས་ལ་ཡང་བཀུར་སྟི་ཆེར་བྱས་ན། དེས་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གཟུངས་ཐོབ་པའི་མིང་ཐོས་ན་ས་དང་པོ་བར་འགྱུར་རོ། །མངོན་པར་འབྱུང་བའི་ན་ས་གཉིས་པར་རོ། །དཀའ་བ་སྤྱོད་པའི་ན་ས་གསུམ་པར་རོ། །བྱང་ཆུབ་ཀྱི་སྙིང་པོར་བདུད་འདུལ་བར་བྱེད་པའི་ན་ས་བཞི་པར་རོ། །མངོན་པར་རྫོགས་པར་འཚང་རྒྱ་བའི་ན་ས་ལྔ་པར་རོ། །མང་དུ་ཐོས་ཤིང་མཐོང་ནས་གོང་མར་ཡང་འགྱུར་རོ། །གནས་མེད་ཅིང་ལྷག་པའི་བསམ་པ་ཉམ་ཆུང་བ་ཞིག་གི་ན་ས་དང་པོར་བལྟའོ། །འགྱོད་པ་དང་བཅས་པར་གནས་པའི་ན་ས་གཉིས་པར་རོ། །སྡིག་པ་བྱེད་པའི་ན་ས་གསུམ་པར་རོ། །མངོན་པར་བག་མེད་པའི་ན་ས་བཞི་པར་རོ།། ཞི་གནས་མང་བའི་ན་ས་ལྔ་པར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་རྒྱ་མཚོའི་དབུས་ན་འདུག་པར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་བརྒྱད་པོ་དག་ལས་ས་གང་ཡང་རུང་བར་ལུང་བསྟན་པར་བལྟ་སྟེ། དེས་ནི་ཐོས་པའི་མཐར་ཕྱིན་པར་བྱ་ཞིང་དེས་བརྩོན་འགྲུས་དང་ལྡན་པ་དང ། ཤེས་རབ་ལ་མོས་པར་ཡང་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་གིས་མ་བྱིན་པར་མཐོང་ན་དེ་ནི་
347b
ས་དང་པོ་བར་བལྟའོ། །གང་གིས་འགྲམ་དུ་སོན་པར་མཐོང་ན་དེ་ནི་ས་གཉིས་པར་རོ། །གང་གིས་སྤང་ལེབ་ལ་འདུག་པར་མཐོང་ན་དེ་ནི་ས་གསུམ་པར་རོ། །གང་གིས་ཀོ་གྲུར་ཞུགས་པ་མཐོང་ན་དེ་ནི་ས་བཞི་པར་རོ། །གང་གིས་གྲུ་ན་འདུག་པར་མཐོང་ན་དེ་ནི་ས་ལྔ་པར་རོ། །གང་གིས་ཆུ་ལ་འདུག་པར་མཐོང་ན་དེ་ནི་ས་དྲུག་པར་རོ། །གང་གིས་གྲུ་ན་འགྲེང་བར་མཐོང་ན་དེ་ནི་ས་བདུན་པར་རོ། །གང་གིས་རིན་པོ་ཆེ་ཐམས་ཅད་ཀྱིས་བཀང་བའི་གྲུ་ཕ་རོལ་ཏུ་སྒྲོལ་བར་མཐོང་ན་དེ་ནི་ས་བརྒྱད་པར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་རིན་པོ་ཆེ་དག་ཐུ་པར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་གསུམ་པོ་དག་ལས་ས་གང་ཡང་རུང་བར་བལྟ་སྟེ། དེ་ལ་ནི་རྣམ་པར་མཐོ་འཚམ་པ་མང་ཞིང་དཀར་པོའི་ཆོས་རྣམས་ཀྱང་སྡུག་བསྔལ་བས་ཡང་དག་པར་འཐོབ་པར་འགྱུར་ཏེ། དེས་ཆོས་འདོད་པར་བྱ་ལ། ཆོས་སྨྲ་བ་དག་ལ་འཁྲུལ་བ་མི་བཙལ་ཞིང་བྱས་པ་གཟོ་བར་ཡང་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་གིས་ས་བརྐོས་ནས་རིན་པོ་ཆེ་དག་རྙེད་ན་དེ་ནི་ས་དང་པོ་པར་བལྟའོ། ། གང་གིས་ས་རྡུལ་དང་འདྲེས་པ་རྙེད་ན་དེ་ནི་ས་གཉིས་པར་བལྟའོ། །གང་གིས་རྩཝ་དང་འདྲེས་པ་རྙེད་ན་དེ་ནི་ས་གསུམ་པར་བལྟའོ། །མངོན་པར་བརྩོན་པ་དག་གི་མཚན་མ་དེ་དག་ཡིན་
348a
༄#། །གྱི་མངོན་པར་མི་བརྩོན་པ་དག་ལ་ནི་བདུད་ཀྱི་ལས་ཀྱང་ཡོད་དེ། ལྷག་པར་ཡང་ས་དྲུག་པ་ལ་འབྱུང་ངོ ། །ས་བཞི་པ་ལ་ནི་མི་བརྩོན་པ་དང་ལྡན་པ་དག་བདུད་ཀྱི་ལས་དང་ལས་ཀྱི་སྒྲིབ་པ་ལས་མ་གྲོལ་བ་ཡིན་ནོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་རི་རབ་ཀྱི་རྩེ་མོར་སོན་བར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་ལྔ་པོ་དག་ལས་ཕྱིར་མི་ལྡོག་པར་བལྟ་སྟེ། དེ་ལ་ནི་སྡིག་པའི་གྲོགས་པོའི་དབང་དང ། གཡོ་ལ་བརྟེན་པ་དང ། མ་མོས་པ་མང་བས་ཡོན་ཏན་གང་ཡིན་པ་དག་ཅུང་ཟད་ཀྱང་མི་སྐྱེ་སྟེ། དེས་ནི་དགེ་བའི་བཤེས་གཉེན་ལ་བརྟེན་པར་བྱ་ཞིང་གཡོ་མེད་པ་དང ། མོས་པ་མང་དུ་ཡང་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་གིས་བདག་རི་རབ་ལ་འཛེག་བར་ཀུན་དུ་ཤེས་ན་དེ་ནི་ས་དྲུག་པར་རོ། །འཛེགས་ཏེ་འགྲེང་ན་ས་བདུན་བར་རོ། །བདག་ཕྱོགས་བཞིར་རྣམ་པར་བལྟ་ནས་བརྒྱད་པར་རོ། །འདུག་ནས་དགུ་པར་རོ། །སྐུལ་བར་བྱེད་ན་ས་བཅུ་པར་རོ།། ས་དང་པོ་ནས་ས་བདུན་པའི་པར་དག་གིས་ནི་མངོན་པར་བརྩོན་པའམ། བསམ་པ་ཕུན་སུམ་ཚོགས་པའམ། དགེ་བའི་བཤེས་གཉེན་གྱི་ལག་ཏུ་སོན་པའམ། བདུད་ཀྱི་ལས་ཀྱིས་
348b
མཐོང་བར་འགྱུར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་རི་ལ་འཛེག་པར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་ལྔ་པོ་དག་ཏུ་བལྟ་སྟེ། བྱང་ཆུབ་སེམས་དཔའ་དེ་ལ་ནི་རྣམ་པ་ཐམས་ཅད་དུ་གནོད་པ་དག་ཀུན་དུ་འབྱུང་བར་འགྱུར་རོ། །དེས་ནི་ཆོས་སྨྲ་བ་ལ་བརྙས་པར་བྱས་པ་ཡིན་པས་དེས་དངོས་པོ་ཐམས་ཅད་སྤ་བ་མེད་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་ཏེ། ས་དང་པོ་ལ་ནི་ཕུང་པོ་གསུམ་པའི་ཆོས་ཀྱི་རྣམ་གྲངས་གདོན་པར་བྱའོ། །ས་གཉིས་པ་ལ་ནི་སངས་རྒྱས་རྗེས་སུ་དྲན་པ་བསྒོམ་པར་བྱའོ། །ས་གསུམ་པ་ལ་ནི་སྟོང་པ་ཉིད་བསྒོམ་པར་བྱའོ། །ས་བཞི་པས་ལ་ནི་སྙིང་རྗེ་ཆེན་པོ་བསྒོམ་པར་བྱའོ།། ས་ལྔ་པ་ལ་ནི་ལྷག་མཐོང་བསྒོམ་པར་བྱའོ། །གང་གིས་བདག་རི་ལ་འཛེག་པར་ཀུན་དུ་ཤེས་ན་དེ་ནི་ས་དང་པོ་པར་བལྟའོ། །གང་གིས་དབུས་སུ་ཕྱིན་ན་དེ་ནི་ས་གཉིས་པར་རོ། །གང་གིས་རྩེ་མོར་ཕྱིན་ན་དེ་ནི་ས་གསུམ་པར་རོ། །གང་མངོན་པར་ལྟ་བར་བྱེད་ན་དེ་ནི་ས་བཞི་པར་རོ། །གང་འདུག་ན་དེ་ནི་ས་ལྔ་པར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་རིའི་རྩེ་མོ་ན་འདུག་པར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་བདུན་པོ་དག་ཏུ་བལྟ་སྟེ། བྱང་ཆུབ་སེམས་དཔའ་དེ་ལ་ནི་ལས་ཀྱི་སྒྲིབ་པ་ཆུང་
349a
༄#། །ལ་བདུད་ཀྱི་ལས་ཤས་ཆེ་བ་ཡིན་པས། དེས་ནི་སྡུག་པའི་དངོས་པོ་ཡོངས་སུ་གཏང་བར་བྱ་ཞིང ། ཉེ་དུ་ཡང་མཆོད་པར་བྱ། ཉེ་དུ་གཞན་དག་ཀྱང་དགའ་བར་བྱའོ། །དེས་ན་དེའི་ལས་ཀྱི་སྒྲིབ་བ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །རི་ཆེན་པོ་བདུན་པོ་དག་ནི་ས་བདུན་པོ་རྣམས་ཀྱིའོ། །རི་རབ་ནི་ས་ལྷག་མ་རྣམས་ཀྱིའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་ཤིང་ལྗོན་པ་ལ་འཛེག་པར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་བཞི་པོ་དག་ལས་ས་གང་ཡང་རུང་བར་བལྟ་སྟེ། དེ་ལ་ནི་བདུད་ཀྱི་ལས་དང ། ལས་ཀྱི་སྒྲིབ་པ་ཡང་འབྲིང་ཙམ་སྟེ། དེས་ནི་དགེ་བའི་བཤེས་གཉེན་གང་དག་སྣང་བ་ཐོབ་པ་རྣམས་དང ། གང་དག་གིས་དུས་དུས་སུ་དེའི་ཆོས་ཀྱི་ཐེ་ཚོམ་སེལ་བར་ནུས་པའི་དགེ་བའི་བཤེས་གཉེན་དག་ལ་བསྟེན་པར་བྱའོ། །དེས་ན་དེས་ལས་ཀྱི་སྒྲིབ་པ་དེ་རྣམ་པར་དག་པ་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་འགྱུར་རོ། །དེ་ལ་གྲིབ་ཤིང་ལོ་མ་ཕུན་སུམ་ཚོགས་པ་ལ་འཛེགས་ནས་དང་པོར་རོ། །སྤོས་ཀྱི་ཤིང་ལ་ནི་ས་གཉིས་བར་རོ། །མེ་ཏོག་གི་ཤིང་ལ་ནི་ས་གསུམ་པར་རོ། །འབྲས་བུའི་ཤིང་ལ་ནི་ས་བཞི་པར་ཏེ། མངོན་པར་བརྩོན་པ་དག་གི་མཚན་མ་དེ་དག་ཡིན་གྱི། མངོན་པར་མི་བརྩོན་པ་ལ་ནི་བདུད་ཀྱི་ལས་ཀྱང་ཡོད་དོ། །ས་གོང་མ་དག་གིས་ནི་ཐམས་ཅད་
349b
ཕུན་སུམ་ཚོགས་པའི་ཤིང་ལྗོན་པ་དག་མཐོང་བར་འགྱུར་ཏེ། ལས་ཀྱི་རྣམ་པར་སྨིན་པ་ནི་མ་གཏོགས་སོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་གླང་པོ་ཆེའི་གཙོ་བོ་མཐོང་ན། བྱང་ཆུབ་སེམས་དཔའ་དེ་ནི་ས་དང་པོ་དྲུག་པོ་དག་ལས་ས་གང་ཡང་རུང་བར་བལྟ་སྟེ། བྱང་ཆུབ་སེམས་དཔའ་དེས་སྦྱིན་པ་སྤྱད་པ་ལྟར་ཤེས་རབ་དེ་ལྟར་མ་སྤྱད་པས་དེ་ལ་དགེ་བའི་རྩ་བ་དག་དཀའ་བས་སྐྱེ་བར་འགྱུར་ཏེ། དེས་ནི་དད་པར་བྱ་ཞིང་ངེས་པར་བརྟག་པ་མང་དུ་ཡང་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་འགྱུར་རོ། །དེ་ལ་གླང་པོ་ཆེའི་གཙོ་བོ་ཡོངས་སུ་མ་དག་པ་མཐོང་ནས་དང་པོར་རོ། །ཐལ་ཀར་མཐོང་ནས་གཉིས་པར་རོ། །མཆེ་བ་དྲུག་པོ་མཐོང་ནས་གསུམ་པར་རོ། ། རྒྱན་གྱིས་བརྒྱན་པ་མཐོང་ན་ས་གཞི་པར་རོ། །རྒྱལ་མཚན་དང ། གདུགས་ཐོགས་པ་མཐོང་ན་ས་ལྔ་པར་རོ། །སྒྲ་འབྱིན་པ་མཐོང་ནས་དྲུག་པར་རོ།། །།བམ་པོ་གསུམ་པ་སྟེ་ཐ་མའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་གླང་པོ་ཆེའི་གཙོ་བོ་ལ་ཞོན་པ་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་བདུན་པོ་དག་ཏུ་སྟེ། བྱང་ཆུབ་སེམས་དཔའ་སྐྱེ་བ་གཅིག་གིས་ཐོགས་པ་དང ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་དགོངས་ཤིང་དེ་
350a
༄#། །ལ་ཡེ་ཤེས་ལ་འཇུག་པ་དང ། དབང་ཕྱུག་ཆེན་པོ་ཡང་ཡོད་པ་ཡིན་པས་དེས་ནི་གུས་པ་དང་བཅས་པ་དང ། བྱང་ཆུབ་ཀྱི་སེམས་ཡང་དག་པར་འཛིན་དུ་གཞུག་པ་དང ། རྒྱུ་མེད་པ་དང ། ངན་དོན་ཙམ་གྱི་ཆོག་ཤེས་པ་དང ། ཡིད་དུ་འཐད་པ་སྦྱིན་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་གིས་བདག་གླང་པོ་ཆེའི་གཙོ་བོ་ཐམས་ཅད་བ་ལ་ཞོན་པར་ཀུན་དུ་ཤེས་དེ་ནི་ས་དང་པོ་པར་བལྟའོ། །གང་གིས་གོས་དཀར་པོ་བགོས་ཏེ་ཞོན་པར་ཀུན་དུ་ཤེས་ན་དེ་ནི་ས་གཉིས་པར་བལྟའོ། །གང་གིས་ཚོན་དམར་པོ་ཅན་བགོས་ཏེ་ན་དེ་ནི་ས་གསུམ་པར་བལྟའོ། །གང་གིས་ཚོན་སྣ་ཚོགས་ཅན་བགོས་ཏེ་ན་དེ་ནི་ས་བཞི་པར་བལྟའོ། །གང་གིས་དྲི་ཞིམ་པོས་ཁ་བསྒྱུར་བའི་གོས་དག་བགོས་ཤིང་རྒྱན་གྱིས་བརྒྱན་ཏེ་ན་དེ་ནི་ས་ལྔ་པར་བལྟའོ། །གང་གིས་ཅོད་པན་ཐོགས་ཏེ་ན་དེ་ནི་ས་དྲུག་པར་བལྟའོ། །གང་གིས་རྒྱན་གྱིས་བརྒྱན་པའི་གདུགས་ཐོགས་ཏེ་ན་དེ་ནི་ས་བདུན་པར་བལྟའོ། །ས་གོང་མ་དག་གིས་ནི་ཐམས་ཅད་ཕུན་སུམ་ཚོགས་པར་མཐོང་སྟེ། ལས་ཀྱི་སྒྲིབ་པ་དང ། མངོན་པར་མི་བརྩོན་པ་ནི་མ་གཏོགས་སོ། ། རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་རྟ་ལ་ཞོན་པར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་བཞི་པོ་དག་ཏུ་བལྟ་སྟེ། དེས་ནི་
350b
ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་བརྟེན་པར་བྱའོ། །དེ་ལ་ནི་བདུད་ཀྱི་ལས་ཤས་ཆེ་ལས་ལས་ཀྱི་སྒྲིབ་པ་ཆུང་བ་ཡིན་པས། དེས་ན་སྟོང་པ་ཉིད་གཙོ་བོར་བྱ་བ་དང ། ལྷག་མཐོང་མང་དུ་བྱ་བ་དང ། ནན་ཏན་གྱིས་བསྒྲུབ་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །དེ་ལ་བདག་རྟ་འགྲེང་བ་ལ་ཞོན་པར་ཀུན་དུ་ཤེས་ན་ས་དང་པོར་པར་བལྟའོ། །འགྲོ་བ་ལ་ཞོན་པར་ཀུན་དུ་ཤེས་ནས་གཉིས་པར་བལྟའོ། །རྒྱུག་པ་ལ་ཞོན་པར་ཀུན་དུ་ཤེས་ནས་གསུམ་པར་བལྟའོ། །བརྒྱན་པ་ལ་ཞོན་པར་ཀུན་དུ་ཤེས་ནས་བཞི་པར་བལྟ་སྟེ། བདུད་ཀྱི་ལས་ནི་མ་གཏོགས་སོ། །ས་གོང་མ་དག་ལ་ནི་ཐམས་ཅད་ཕུན་སུམ་ཚོགས་པར་མཐོང་སྟེ། བྱང་ཆུབ་སེམས་དཔའ་ལྷག་པའི་ང་རྒྱལ་ཅན་རྣམས་དང ། བདུད་ཀྱི་ལས་ནི་མ་གཏོགས་སོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་བདེན་པའི་བྱིན་གྱི་རླབས་བྱེད་པར་ཀུན་དུ་ཤེས་ནས་བྱང་ཆུབ་སེམས་དཔའ་དེ་ནི་ས་བཅུ་པོ་ཐམས་ཅད་ལས་ས་གང་ཡང་རུང་བར་བལྟ་སྟེ། དེ་ལ་ནི་བདུད་ཀྱི་ལས་ཆུང་ལ། ལས་ཀྱི་སྒྲིབ་པ་ཤས་ཆེ་བ་ཡིན་པས། དེས་ནི་ཡུལ་མང་པོ་ལས་ངེས་པར་བརྟག་པར་བྱ་ཞིང ། ཏིང་ངེ་འཛིན་བསྒྲུབ་པ་ལ་མཁས་པར་ཡང་བྱ། སྤྱོད་ལམ་དྲང་པོ་དང་གསོག་པ་དང་བྲལ་བར་ཡང་བྱའོ། །དེས་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་
351a
༄#། །འབྱུང་བར་འགྱུར་རོ། །གང་སྦྱིན་པ་དང་ལྡན་པའི་བྱིན་གྱི་རླབས་བྱེད་ན་བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །བཅིངས་པ་ཐར་བར་བྱ་བའི་ཕྱིར་ནས་གཉིས་པར་བལྟའོ། །ནད་པ་ཐར་བར་བྱ་བའི་ཕྱིར་ན་ས་གསུམ་པར་བལྟའོ། །གྲོང་ཁྱེར་གྱི་ཕྱིར་ན་ས་བཞི་པར་བལྟའོ། །རྒྱལ་པོའི་ཕྱིར་ན་ས་ལྔ་པར་རོ། །གླིང་བཞི་པའི་ཕྱིར་ནས་དྲུག་པར་རོ། །སྟོང་གི་ཕྱིར་ནས་བདུན་པར་རོ། །སྟོང་གཉིས་པའི་ཕྱིར་ན་ས་བརྒྱད་པར་རོ། །སྟོང་གསུམ་པའི་ཕྱིར་ན་ས་དགུ་པར་རོ། །འོད་འབྱུང་བ་དང ། ས་གཡོ་བ་དང ། ལྷ་རྣམས་ཀྱི་མེ་ཏོག་གི་ཆར་དབབ་པའི་ཕྱིར་ན་ས་བཅུ་པར་བལྟ་སྟེ། ས་དྲུག་པོ་དག་ལ་ནི་བདུད་ཀྱི་ལས་མ་གཏོགས་སོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་འབྲས་བུའི་ཤིང་ལྗོན་པ་མཐོང་ན་བྱང་ཆུབ་སེམས་དཔའ་དེ་ནི་ས་དང་པོ་བདུན་པོ་དག་ཏུ་བལྟ་སྟེ། ལུང་བསྟན་པ་ཡོངས་སུ་རྫོགས་པའི་ཆོས་དང་ལྡན་པ་ཡིན་ནོ། །དེས་ནི་རྙེད་པ་དང ། བཀུར་སྟི་ལ་མ་ཆགས་པ་དང ། དྲང་པོ་དང ། ཉེས་པར་མི་འཛིན་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་གིས་འབྲས་བུ་ཉུང་དུའི་ཤིང་ལྗོན་པ་མཐོང་ན་དེ་ནི་ས་དང་པོ་པར་བལྟའོ། །གང་གིས་འབྲས་བུ་མང་པོའི་ཤིང་ལྗོན་པ་མཐོང་ན་དེ་ནི་ས་གཉིས་པར་བལྟའོ། །
351b
གང་གིས་འབྲས་བུ་རོ་ཞིམ་པོའི་ཤིང་ལྗོན་པ་མཐོང་ན་དེ་ནི་ས་གསུམ་པར་བལྟའོ། །གང་གིས་འབྲས་བུ་དྲི་ཞིམ་པོའི་ཤིང་ལྗོན་པ་མཐོང་ན་བྱང་ཆུབ་སེམས་དཔའ་དེ་ནི་ས་བཞི་པར་བལྟའོ། ། གང་གིས་འབྲས་བུ་སྨན་དུ་རུང་བའི་ཤིང་ལྗོན་པ་མཐོང་ན་བྱང་ཆུབ་སེམས་དཔའ་དེ་ནི་ས་ལྔ་པར་བལྟའོ། །གང་གིས་ལྷ་ཡུལ་གྱི་འབྲས་བུའི་ཤིང་ལྗོན་པ་མཐོང་ན་བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། །གང་གིས་བདུད་རྩིའི་རོ་དང་ལྡན་པའི་འབྲས་བུའི་ཤིང་ལྗོན་པ་མཐོང་ན་བྱང་ཆུབ་སེམས་དཔའ་དེ་ནི་ས་བདུན་པར་བལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་མེ་ཏོག་གི་ཤིང་ལྗོན་པ་མཐོང་ན། བྱང་ཆུབ་སེམས་དཔའ་དེ་ནི་ས་དང་པོ་བདུན་པོ་དག་ལས་ས་གང་ཡང་རུང་བར་བལྟ་སྟེ། དེ་ས་ནི་དགེ་བའི་རྩ་བ་སྣ་ཚོགས་བྱ་བ་ལ་བརྩོན་པར་བྱ་ཞིང་དགེ་བའི་རྩ་བའི་ཆོས་དེ་ལ་ཀུན་དུ་སྤྱོད་པ་ན། དེས་འཁོར་བཞི་པོ་དག་དང་མ་འདྲེས་པར་རི་ཁྲོད་དུ་འགྲོ་བ་ལ་བརྩོན་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་འགྱུར་རོ། །གང་གིས་མེ་ཏོག་མང་ལ་དྲི་མི་ཞིམ་པའི་ཤིན་ལྗོན་པ་མཐོང་ན། བྱང་ཆུབ་སེམས་དཔའ་དེ་ནི་ས་དང་པོ་པར་བལྟའོ། །གང་གིས་མེ་ཏོག་དྲི་ཞིམ་པོའི་ཤིང་ལྗོན་པ་མཐོང་ན། བྱང་ཆུབ་སེམས་དཔའ་དེ་ནི་ས་གཉིས་པར་བལྟའོ། །གང་གིས་མེ་ཏོག་མང་ཞིང་དྲི་ཞིམ་པའི་ཤིང་ལྗོན་པ་མཐོང་ན། བྱང་ཆུབ་སེམས་དཔའ་དེ་ནི་
352a
༄#། །ས་གསུམ་པར་བལྟའོ། །གང་གིས་མེ་ཏོག་དང་འབྲས་བུར་བཅས་པའི་ཤིང་ལྗོན་པ་མཐོང་ན། བྱང་ཆུབ་སེམས་དཔའ་དེ་ནི་ས་བཞི་པར་བལྟའོ། །གང་གིས་ལོ་མ་ཉུང་བའི་མེ་ཏོག་གི་ཤིང་ལྗོན་པ་མཐོང་ན། བྱང་ཆུབ་སེམས་དཔའ་དེ་ནི་ས་ལྔ་པ་བལྟའོ། །གང་གིས་ལྷའི་མེ་ཏོག་གི་ཤིང་ལྗོན་པ་མཐོང་ན། བྱང་ཆུབ་སེམས་དཔའ་དེ་ནི་ས་དྲུག་པར་བལྟའོ། །གང་གིས་བྱང་ཆུབ་ཀྱི་ཤིང་ལྗོན་པ་མཐོང་ན། བྱང་ཆུབ་སེམས་དཔའ་དེ་ནི་ས་བདུན་པར་བལྟ་སྟེ། བདུད་ཀྱི་ལས་ནི་མ་གཏོགས་སོ། །ས་གོང་པ་དག་ལ་ནི་མཚན་མ་ལོག་པ་དག་མེད་དོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་སྔོན་མ་མཐོང་བའི་གྲོང་ཁྱེར་མཐོང་ན་དེ་ནི་ས་དང་པོ་དྲུག་པོ་དག་ཏུ་བལྟ་སྟེ། བྱང་ཆུབ་སེམས་དཔའ་དེ་ལ་ནི་ཆོས་ཀྱི་སྒྲིབ་པ་མེད་དོ། །བྱང་ཆུབ་སེམས་དཔའ་དེ་ནི་མི་སྐྱེ་བའི་ཆོས་ལ་བཟོད་པ་དང་ཉེ་བར་རིག་པར་བྱ་སྟེ། དེས་ནི་སྟོང་པ་ཉིད་བསྒོམ་པའི་ཕྱིར་ཡི་དམ་ལ་བརྟན་པ་དང ། བདེ་བ་དང ། སྡུག་བསྔལ་དག་གིས་ཞེ་འགྲས་པ་མེད་པའི་སེམས་སུ་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གྲོང་ཁྱེར་དང་པོ་བརྩིགས་མ་ཐག་མཐོང་ནས་དང་པོ་པར་བྱའོ། །གྲོང་ཁྱེར་ཕྱིས་བྱི་དོར་བྱས་པ་མཐོང་ནས་གཉིས་པར་རོ། །རབ་ཕུན་སུམ་ཚོགས་
352b
བས་ནི་ས་གསུམ་པར་རོ། །སྐྱེད་མོས་ཚལ་ཕུན་སུམ་ཚོགས་པས་ནི་ས་བཞི་པར་རོ། །འབབ་ཆུ་ཕུན་སུམ་ཚོགས་པས་ནི་ས་ལྔ་པར་རོ། །རྫིང་བུ་ཕུན་སུམ་ཚོགས་པས་ནི་ས་དྲུག་པར་རོ། །སྡིག་པའི་གྲོགས་པོའི་ལག་ཏུ་སོང་བ་དང ། དམིགས་པ་ཅན་དང ། མངོན་པར་མི་བརྩོན་པ་དང ། བདུད་ཀྱི་ལས་ནི་མ་གཏོགས་སོ། །ས་གོང་མ་དག་ལ་ནི་ཐམས་ཅད་ཕུན་སུམ་ཚོགས་པར་མཐོང་ངོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་མཚོ་མ་དྲོས་པ་མཐོང་ན། དེ་ནི་ས་དང་པོ་བརྒྱད་པོ་དག་ཏུ་བལྟ་སྟེ། དེ་ལ་ཉོན་མོངས་པ་ནི་ཆུང་ངོ ། །གལ་ཏེ་ལྷག་པའི་བསམ་པས་བརྩོན་པར་བྱེད་ཅིང ། ལུས་དང ། སྲོག་དང ། ཡོ་བྱད་དག་ལ་ལྷག་པར་ཆགས་པར་མི་བྱེད་ན་དེ་ལ་མྱུར་དུ་སྣང་བ་བསྐྱེད་པར་འགྱུར་རོ། །དེས་གཞན་གྱི་བསམ་པ་ཡོངས་སུ་རྫོགས་པར་བྱ་བ་ལ་མངོན་པར་བརྩོན་པར་བྱ་སྟེ། དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་གིས་མཚོ་མ་དྲོས་པའི་འགྲམ་མཐོང་ན། དེ་ནི་ས་དང་པོ་པར་བལྟའོ། །གང་གིས་དབུས་མཐོང་ན་དེ་ནི་ས་གཉིས་པར་རོ། །གང་གིས་ཐམས་ཅད་མཐོང་ན་དེ་ནི་ས་གསུམ་པར་རོ། །གང་གིས་ལག་པས་རེག་ན་དེ་ནི་ས་བཞི་པར་རོ། །གང་གིས་ཁྲུས་བྱས་ན་དེ་ནི་ས་ལྔ་པར་རོ། །གང་གིས་འགྲམ་ན་འདུག་ན་དེ་ནི་ས་དྲུག་པར་རོ། །གང་གིས་མཚོ་མ་དྲོས་པའི་ཀླུ་མཐོང་ན་དེ་ནི་ས་བདུན་པར་རོ། །གང་གིས་གནས་
353a
༄#། །དང་གཟི་བྱིན་སྦྱིན་པར་མཐོང་ན་དེ་ནི་ས་བརྒྱད་པར་རོ། །ས་དྲུག་པོ་དག་ལ་ནི་བདུད་ཀྱི་ལས་མ་གཏོགས་སོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་ལྷའི་བུ་མཐོང་ན་བྱང་ཆུབ་སེམས་དཔའ་དེ་ནི་ས་དང་པོ་ལྔ་པོ་དག་ལས་ས་གང་ཡང་རུང་བར་བལྟའོ། །དེ་ལ་ལས་ཀྱི་སྒྲིབ་པ་དང ། བདུད་ཀྱི་ལས་ནི་ཆུང་ལ་འདོད་པ་ཙམ་ནི་ཡོད་དེ། དེས་ཟླ་བ་གསུམ་དུ་བརྩོན་པར་བྱས་ན་ལས་ཀྱི་སྒྲིབ་པ་རྣམ་པར་དག་པར་འགྱུར་ཞིང ། རྣམ་པར་མ་དག་པར་ཡང་ཆུང་ངུར་འགྱུར་ལ་སྣང་བ་ཐོབ་པར་ཡང་འགྱུར་རོ། །བྱང་ཆུབ་སེམས་དཔའ་དེ་ནི་ཕྱོགས་བཅུའི་བྱང་ཆུབ་སེམས་དཔའ་རྣམས་ཀྱིས་བསམས་པ་ཡིན་ཏེ། དེ་གལ་ཏེ་སྐྱོ་བར་མི་འགྱུར་ཞིང་མངོན་པར་བརྩོན་པར་གྱུར་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །དེ་ལ་རྒྱལ་ཆེན་བཞིའི་རིས་ཀྱི་ལྷའི་བུ་མཐོང་ནས་དྲུག་པོ་དག་ཏུའོ། །སུམ་ཅུ་རྩ་གསུམ་པས་ནི་ས་བདུན་པར་རོ། །དགའ་ལྡན་པས་ནི་ས་བརྒྱད་པར་རོ། །ཚངས་རིས་པས་ནི་ས་དགུ་པར་རོ། །གནས་གཙང་མ་པས་ནི་ས་བཅུ་པར་རོ། །ས་དང་པོ་ལ་མངོན་པར་བརྩོན་པས་ནི་ས་ཐམས་ཅད་ཀྱང་མཐོང་སྟེ། བདུད་ཀྱི་ལས་ཀྱང་ཡོད་དོ། །ས་བཅུ་པོ་དག་ལ་ལྷག་པའི་བསམ་པ་ཕུན་སུམ་ཚོགས་པས་ནི་ཐམས་ཅད་མཐོང་ངོ ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་
353b
དཔའ་གང་གིས་རྨི་ལམ་ན་ཀླུ་མཐོང་ན། དེ་ནི་ས་དང་པོ་བརྒྱད་པོ་དག་ལས་ས་གང་ཡང་རུང་བར་བལྟ་སྟེ། དེ་ནི་ཆོས་ལ་རྗེས་སུ་མཐུན་པའི་བཟོད་པ་དང་ལྡན་པ་ཡིན་ནོ། །དེ་ནི་བརྩམས་ནས་ཡང་ཕྱིར་རྣམ་པར་རྩེ་བར་འགྱུར་བ་དང ། སྦྱོར་བ་བཟུང་ནས་ཀྱང་ཡང་ཕྱིར་སྤོང་བར་འགྱུར་ཏེ། དེས་ནི་ལོངས་སྤྱོད་ཀྱི་གཞི་ལས་ཆོས་སྨྲ་བ་ལ་སྐུར་པ་བཏབ་པ་ཡིན་པས་དེས་སྡུག་པའི་དངོས་པོ་ཡོངས་སུ་གཏང་བ་ལ་མངོན་པར་བརྩོན་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་གིས་རི་ལ་གནས་པའི་ཀླུ་མཐོང་ན་དེ་ནི་ས་དང་པོ་པར་བལྟའོ། །གང་གིས་ནགས་ཁུང་ན་གནས་པ་མཐོང་ན་དེ་ནི་ས་གཉིས་པར་བལྟའོ། །གང་གིས་ཆུ་ཀླུང་གི་ཕ་རོལ་དུ་མཐོང་ན་དེ་ནི་ས་གསུམ་པར་བལྟའོ། །གང་གིས་ནགས་ཁྲོད་དུ་མཐོང་ན་དེ་ནི་ས་བཞི་པར་བལྟའོ། །གང་གིས་སྐྱེ་བོའི་ནང་དུ་མཐོང་ན་དེ་ནི་ས་ལྔ་པར་བལྟའོ། །གང་གིས་རྒྱལ་པོའི་ཕོ་བྲང་གི་ནང་དུ་མཐོང་ན་དེ་ནི་ས་དྲུག་པར་བལྟའོ། །གང་གིས་སྐྱེ་བོ་མང་པོས་ཡོངས་སུ་བསྐོར་བ་མཐོང་ན་དེ་ནི་ས་བདུན་པར་བལྟའོ། །གང་གིས་ནམ་མཁའ་ལ་མཐོང་ན་དེ་ནི་ས་བརྒྱད་པར་བལྟའོ། །ས་དང་པོ་དྲུག་པོ་དག་ལ་ནི་བདུད་ཀྱི་ལས་མ་གཏོགས་པར་བལྟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་འཛམ་བུའི་གླིང་གཞན་དུ་སོང་བར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་དྲུག་པོ་དག་ཏུ་བལྟ་སྟེ། བཟོད་པ་ཐོབ་པ་
354a
༄#། །ཡིན་ནོ། །དེ་ལ་སྒྲིབ་པ་ནི་ཆུང་ན་དེ་མངོན་པར་མི་བརྩོན་པ་དང ། ལེ་ལོ་དང ། གཡོ་ལ་བརྟེན་པ་དང ། ངའོ་སྙམ་པའི་ང་རྒྱལ་གྱི་ཚུལ་གྱིས་སྣང་བ་ཐོབ་པར་མི་འགྱུར་བས།་དེས་ཚུལ་དེ་དག་ཇི་ལྟ་བ་བཞིན་དུ་རབ་ཏུ་བརྩོན་པར་བྱའོ། །དེས་ན་དེའི་ལས་ཀྱིས་གྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་གིས་འཛམ་བུའི་གླིང་ཉམས་མི་དགའ་བ་མཐོང་ན་དེ་ནི་ས་དང་པོ་པར་རོ། །གང་གིས་ཉམས་དགའ་བ་མཐོང་ན་དེ་ནི་ས་གཉིས་པར་རོ། །གང་གིས་གྲོང་དང ། གྲོང་ཁྱེར་དང ། གྲོང་རྡལ་མཛེས་པར་མཐོང་ན་དེ་ནི་ས་གསུམ་པར་རོ། །གང་གིས་སྐྱེད་མོས་ཚལ་མེ་ཏོག་ཀུན་དུ་རྒྱས་པ་མཐོང་ན་དེ་ནི་ས་བཞི་པར་རོ། །གང་གིས་ལྗོངས་ཀྱི་མི་འདུས་པར་མཐོང་ན་དེ་ནི་ས་ལྔ་པར་རོ། །གང་གིས་ཀུན་དགའ་ར་བ་དང ། ཚལ་ཕུན་སུམ་ཚོགས་པར་མཐོང་ན་དེ་ནི་ས་དྲུག་པར་ཏེ། བདུད་ཀྱི་ལས་ནི་མ་གཏོགས་སོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་གོས་དཀར་པོ་གྱོན་པར་ཀུན་དུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་བརྒྱད་པོ་དག་ཏུ་བལྟ་སྟེ། དེ་ནི་ལས་ཀྱི་སྒྲིབ་པ་རྣམ་པར་དག་ལ་བདུད་ཀྱི་ལས་ཤས་ཆེ་བ་ཡིན་པས་དེ་ཆོས་ལ་འདུན་པ་སྐྱེས་ཀྱང་ཡང་ཕྱིར་ནུབ་པར་འགྱུར་ཞིང་དེའི་ཡོན་ཏན་དག་ལ་བར་ཆད་མང་བར་འགྱུར་བས། དེས་དངོས་པོ་ཐམས་ཅད་མི་སྦ་
354b
བར་བྱ་ཞིང་ཡེ་ཤེས་ལ་བརྩོན་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །ཡོ་བྱད་ཐམས་ཅད་དང ། གདིང་བ་ཐམས་ཅད་དང ། མང་དུ་ཐོས་པར་བྱ་བ་དང ། སྐྱོན་དང ། ལུས་དང ། སྲོག་དང ། དགེ་བའི་རྩ་བ་དག་ལ་ཡང་མངོན་པར་བརྟག་པར་བྱའོ། །གང་གིས་གོས་དཀར་པོ་གཙང་མ་རྙིང་བ་གྱོན་པ་མཐོང་ན་དེ་ནི་ས་དང་པོར་རོ། །གང་གིས་སར་པ་ཁ་ཚར་མེད་པ་གྱོན་པ་མཐོང་ན་དེ་ནི་ས་གཉིས་པར་རོ། །གང་གིས་ཁ་ཚར་ཅན་ན་དེ་ནི་ས་གསུམ་པར་རོ། །གང་གིས་བྱི་དོར་བྱས་པ་ན་དེ་ནི་ས་བཞི་པར་རོ། །གང་གིས་བཀྲུས་ཤིང་བཤགས་པ་ན་དེ་ནི་ས་ལྔ་པར་རོ། །གོས་རིན་པོ་ཆེས་ནི་ས་དྲུག་པར་རོ། །ངང་རིས་ཅན་གྱིས་ནི་ས་བདུན་པར་རོ། །ལྷའི་གོས་ཀྱིས་ནི་ས་བརྒྱད་པར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་གི་མགོ་ལ་རིན་པོ་ཆེའི་ཕྲེང་བའམ། རྒྱན་གྱི་ཕྲེང་བ་ཐོགས་པར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་དགུ་པོ་དག་ཏུ་བལྟ་སྟེ། དེ་ལ་བདུད་ཀྱི་ལས་ཀྱང་མེད། ལས་ཀྱི་སྒྲིབ་པ་ཡང་མེད་ན་རང་གི་ཉེས་པས་ངེས་པར་མི་འབྱུང་བས། དེས་ཐོས་པ་ཡོངས་སུ་བཙལ་བར་བྱ་ཞིང་ཆོས་ཀྱང་བསྒོམ་པར་བྱ། འཐབ་མོ་མེད་པ་དང ། རྩོད་པ་མེད་པར་ཡང་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །རིན་པོ་ཆེ་སྣ་གཅིག་གི་ཕྲེང་བས་ནི་ས་དང་པོར་རོ། །རིན་པོ་ཆེ་སྣ་བདུན་གྱི་བར་གྱིས་ནི་ས་བདུན་
355a
༄#། །པའི་བར་དུའོ། །འཁོར་ལོས་བསྒྱུར་བའི་ནོར་བུ་རིན་པོ་ཆེས་ནི་ས་བརྒྱད་པར་རོ། །ལྷའི་བུ་ནོར་བུ་རིན་པོ་ཆེས་ནི་ས་དགུ་པར་ཏེ། བདུད་ཀྱི་ལས་ནི་མ་གཏོགས་སོ། ། ལས་དང་པོ་པས་ནི་མཚན་མ་དེ་དག་མཐོང་ན་འཕྱར་བར་འགྱུར་ཞིང་ལེ་ལོ་སྐྱེ་བར་ཡང་འགྱུར། བག་འབེབས་པར་ཡང་བྱེད། གཞན་ལ་བརྙས་པར་ཡང་བྱེད་པས། དེའི་ཕྱིར་དེས་བདུད་ཀྱི་ལས་ནི་རྟོགས་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་གི་མགོ་ལ་མེ་ཏོག་གི་ཕྲེང་བ་ཐོགས་པར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་བརྒྱད་པོ་དག་ཏུ་བལྟ་སྟེ། དེ་ལ་ལས་ཀྱི་སྒྲིབ་པ་ནི་མེད་ལ། བདུད་ཀྱི་ལས་ནི་ཡོད་དོ། །དེས་གལ་ཏེ་དང་པོ་དང ། དབུས་དང ། ཐ་མར་ངེས་པར་རྟོགས་ནས་དད་པར་བྱས་ཤིང་ཐམས་ཅད་ཡོངས་སུ་གཏོང་བས་སྐྱོ་བ་མེད་པར་བྱས་ན་དེས་ན་དེའི་ལས་ཀྱི་སྒྲིབ་པ་དེས་རྣམ་པ་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །མེ་ཏོག་སྣ་གཅིག་གི་ཕྲེང་བས་ནི་ས་དང་པོར་རོ། །མེ་ཏོག་སྣ་གཉིས་ཀྱི་ཕྲེང་བས་ནི་ས་གཉིས་པར་རོ། །མེ་ཏོག་སྣ་ཚོགས་ཀྱི་ཕྲེང་བས་ནི་ས་གསུམ་པར་རོ། །མེ་ཏོག་ཐམས་ཅད་ཀྱི་ཕྲེང་བས་ནི་ས་བཞི་པར་རོ། །ཀླུའི་མེ་ཏོག་གི་ཕྲེང་བས་ནི་ས་ལྔ་པར་རོ། །ལྷའི་མེ་ཏོག་གི་ཕྲེང་བས་ནི་ས་དྲུག་པར་རོ། །ལྷའི་མེ་ཏོག་སྣ་ཚོགས་ཀྱི་ཕྲེང་བས་ནི་ས་བདུན་པར་རོ། །ལྷ་དང་མིའི་མེ་ཏོག་སྣ་ཚོགས་ཀྱི་ཕྲེང་བའི་འོད་འབྱུང་བས་
355b
ནི་ས་བརྒྱད་པར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་མེ་ཏོག་སིལ་མ་དག་སྲེལ་བར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དང་པོ་བདུན་པོ་དག་ཏུ་བལྟ་སྟེ། དེས་ནི་བྱང་ཆུབ་སེམས་དཔའ་དག་ཡང་དག་པར་འཛིན་དུ་འཇུག་པར་བྱའོ། །གང་ཟག་དེ་ནི་གཡོག་འཁོར་མང་བ་དང ། རྐྱེན་མང་བ་ཡིན་ཏེ། དེས་གལ་ཏེ་བསམ་པ་རྣམ་པར་སྦྱང་བ་བྱས་ན། དེས་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་གིས་བདག་ཁ་དོག་དང་ལྡན་པའི་མེ་ཏོག་སིལ་མ་དག་སྲེལ་བར་ཀུན་ཏུ་ཤེས་ན་དེ་ནི་ས་དང་པོ་པར་བལྟའོ། །དྲི་དང་ལྡན་པས་ནི་ས་གཉིས་པར་རོ། །རེག་དང་ལྡན་པས་ནི་ས་གསུམ་པར་རོ། །སྣ་ཚོགས་ཀྱིས་ནི་ས་བཞི་པར་རོ། ། ཆུ་ལས་སྐྱེས་པ་དང ། སྐམ་ལས་སྐྱེས་པས་ནི་ས་ལྔ་པར་རོ། །ཐམས་ཅད་ཁ་འབུས་པར་འགྱུར་པས་ནི་ས་དྲུག་པར་ཏེ། ས་གོང་མ་བཞི་པོ་དེ་དག་ལ་མངོན་པར་བརྩོན་པའམ། བདུད་ཀྱི་ལས་ཀྱི་མཚན་མ་ནི་དེ་དག་ཡིད་དུ་འོང་བ་དང ། ཡིད་དུ་མི་འོང་བ་ཐམས་ཅད་ཀྱང་འབུལ་བར་བྱེད་དོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་རྔ་བོ་ཆེ་བརྡུང་བའམ། རོལ་མོའི་སྒྲ་འབྱིན་པར་ཀུན་ཏུ་ཤེས་ན་བྱང་ཆུབ་སེམས་དཔའ་དེ་ནི་ས་དགུ་པོ་དག་ལས་ས་གང་ཡང་རུང་བར་བལྟ་སྟེ། དེ་ལ་ལས་ཀྱི་སྒྲིབ་པ་དང ། བདུད་ཀྱི་ལས་ཤས་ཆེ་བ་
356a
༄#། །ཡིན་པས་དེས་བརྩོན་འགྲུས་བརྩམས་ཤིང་ཐོས་པ་ལ་མངོན་པར་བརྩོན་པར་བྱའོ། །དེས་སེམས་ཅན་ཐམས་ཅད་ལ་སེམས་མཉམ་པར་ཡང་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་ཐིབས་པོར་སོང་སྟེ་རྔ་བོ་ཆེ་བརྡུང་བར་བྱེད་ན་དེ་ནི་ས་དང་པོ་པར་རོ། །གང་ས་མཉམ་པར་སོང་སྟེ་བརྡུང་ན་དེ་ནི་ས་གཉིས་པར་རོ། །གང་གྲོང་དུ་སོང་སྟེ་བརྡུང་ན་དེ་ནི་ས་གསུམ་པར་རོ། །གང་གྲོང་ཁྱེར་ཆེན་པོ་ན་དེ་ནི་ས་བཞི་པར་རོ། །གང་སྐྱེ་བོ་ཕལ་པོ་ཆེའི་དབུས་སུ་ན་དེ་ནི་ས་ལྔ་པར་རོ། །གང་སྐྱབས་སུ་སོང་སྟེ་ན་དེ་ནི་ས་དྲུག་པར་རོ། །གང་རི་ལ་ན་དེ་ནི་ས་བདུན་པར་རོ། །གང་རིའི་རྩེ་མོ་ན་དེ་ནི་ས་བརྒྱད་པར་རོ། །གང་ནམ་མཁའ་ལ་འདུག་སྟེ་ན་དེ་ནི་ས་དགུ་པར་རོ། །ཡེ་ཤེས་ལ་བརྩོན་པ་ལ་བདུད་ཀྱི་ལས་ནི་མ་གཏོགས་སོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་ཉི་མ་གཟས་ཟིན་པའམ། ཟླ་བ་གཟས་ཟིན་པར་ཀུན་ཏུ་ཤེས་ན། བྱང་ཆུབ་སེམས་དཔའ་དེ་ནི་ས་དང་པོ་དྲུག་པོ་དག་ཏུ་བལྟ་སྟེ། ཆོས་ཀྱིས་ཕོངས་པར་འགྱུ་བའི་ལས་དང་ལྡན་ཞིང་ཉོན་མོངས་པ་མང་བ་ཡིན་པས།་དེས་ནི་དངོས་པོ་ཐམས་ཅད་ཡོངས་སུ་གཏང་བར་བྱ་ཞིང་རྣམ་པར་སྨིན་པ་མི་འདོད་པ་ལ་ཡང་མངོན་པར་བརྩོན་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་
356b
ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །ཉི་མའམ་ཟླ་བ་འཆར་ཀ་གཟས་ཟིན་པར་ཀུན་ཏུ་ཤེས་ན་དེ་ནི་ས་དང་པོ་པར་རོ། །སྔ་དྲོའི་དུས་སུ་ན་ས་གཉིས་པར་རོ། །སྤྲིན་ཡང་འཁྲུགས་ན་ས་གསུམ་པར་རོ། །རླུང་ཡང་འཁྲུགས་ན་ས་བཞི་པར་རོ། །རྡུལ་གྱིས་ངེས་པར་བཅོམ་ན་ས་ལྔ་པར་རོ། །ཉི་མ་ཕྱེད་ཀྱི་དུས་ན་དེ་ནི་ས་དྲུག་པར་ཏེ། ལས་ཀྱི་སྒྲིབ་པ་དང ། བདུད་ཀྱི་ལས་ནི་མ་གཏོགས་སོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་མི་གཙང་བས་བསྐུས་པར་ཀུན་ཏུ་ཤེས་ན། བྱང་ཆུབ་སེམས་དཔའ་དེ་ནི་ས་དང་པོ་གསུམ་པོ་དག་ཏུ་བལྟ་སྟེ། སྔོན་འཕགས་པ་ལ་སྐུར་པ་བཏབ་པའི་བྱང་ཆུབ་སེམས་དཔའ་དམུ་རྒོད་ཡིན་པས། དེ་ལོ་གསུམ་དུ་ཕུང་པོ་གསུམ་པ་ལ་ཇི་ལྟར་ལུང་ཕོག་པ་བཞིན་དུ་གདོན་པར་བྱ་ཞིང ། གང་ལ་ཡང་མ་དད་པར་མི་བྱ་བར་མོས་པ་ཡང་མང་དུ་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །ལུས་ཐམས་ཅད་མི་གཙང་བའི་རྫབ་ཀྱིས་བསྐུས་ན། ས་དང་པོ་པར་རོ། །ལུས་ཀྱི་གཞོགས་ཕྱེད་བསྐུས་ན་ས་གཉི་པར་རོ། །ཡན་ལག་དང་ཉིད་ལག་བསྐུས་ནས་གསུམ་པར་རོ། །ས་དྲུག་པའི་བར་དག་ལ་ནི་བདུད་ཀྱི་ལས་སུ་རྟོགས་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན། བདག་རྒྱལ་པོར་འགྱུར་བར་ཀུན་ཏུ་ཤེས་ན། བྱང་ཆུབ་སེམས་དཔའ་དེ་
357a
༄#། །ནི་ས་བཅུ་པོ་ཐམས་ཅད་ལས་ས་གང་ཡང་རུང་བར་བལྟ་སྟེ། དེ་ལ་ནི་དགེ་བའི་རྩ་བ་སྟུག་ལ། བར་ཆད་ཀྱང་སྟུག་པ་ཡིན་པས་དེས་ནི་རློམ་སེམས་མེད་པར་བྱ་ཞིང ། གཞན་ལ་གཡོ་མི་བྱ་བ་དང ། ཀུན་བགེད་པའི་ངང་ཚུལ་ཅན་དང ། བདག་ལ་མི་བསྟོད་པ་དང ། གཞན་ལ་མི་སྨོད་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གྲོང་ན་འདུག་སྟེ་རྒྱལ་པོར་ཀུན་ཏུ་ཤེས་ན། དེ་ནི་ས་དང་པོ་པར་བལྟའོ། །གཙུག་ལག་ཁང་ན་འདུག་སྟེ་རྒྱལ་པོར་ཀུན་ཏུ་ཤེས་ན་དེ་ནི་ས་གཉིས་པར་བལྟའོ། །སྐྱེད་མོས་ཚལ་ན་འདུག་སྟེ་རྒྱལ་པོར་ཀུན་ཏུ་ཤེས་ན་དེ་ནི་ས་གསུམ་པར་བལྟའོ། །ལྷ་ཁང་ན་འདུག་སྟེ་རྒྱལ་པོར་ཀུན་ཏུ་ཤེས་ན་དེ་ནི་ས་བཞི་པར་བལྟའོ། །གྲོང་ཁྱེར་ཆེན་པོ་ན་འདུག་སྟེ་རྒྱལ་པོར་ཀུན་ཏུ་ཤེས་ན་དེ་ནི་ས་ལྔ་པར་བལྟའོ། །རིའི་རྩེ་མོ་ན་འདུག་སྟེ་རྒྱལ་པོར་ཀུན་ཏུ་ཤེས་ན་དེ་ནི་ས་དྲུག་པར་བལྟའོ། །འཛམ་བུ་གླིང་གི་རྒྱལ་པོར་ཀུན་ཏུ་ཤེས་ན་དེ་ནི་ས་བདུན་པར་བལྟའོ། །འཁོར་ལོས་བསྒྱུར་བའི་རྒྱལ་པོར་ཀུན་ཏུ་ཤེས་ན་དེ་ནི་ས་བརྒྱད་པར་བལྟའོ། །རྒྱ་མཚོའི་དབུས་སུ་ན་དེ་ནི་ས་དགུ་པར་བལྟའོ། །རི་རབ་ཀྱི་རྩེ་མོར་ན་དེ་ནི་ས་བཅུ་པར་བལྟ་སྟེ། བདུད་ཀྱི་ལས་ལ་མངོན་པར་བརྩོན་པ་དང ། སངས་རྒྱས་དང ། བྱང་ཆུབ་སེམས་དཔས་མ་དགོངས་པ་ནི་མ་གཏོགས་སོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་
357b
དཔའ་གང་གིས་རྨི་ལམ་ན། བདག་རྒྱལ་པོའི་སྤྱན་སྔའམ། རྒྱལ་པོའི་བློན་པོ་ཆེན་པོའམ། སྐྱེ་བོ་ཕལ་པོ་ཆེའི་མདུན་ན་འདུག་པར་ཀུན་ཏུ་ཤེས་ན། བྱང་ཆུབ་སེམས་དཔའ་དེ་ནི་ས་དང་པོ་བརྒྱད་པོ་དག་ཏུ་བལྟ་སྟེ། ཀུན་ནས་ཉོན་མོངས་པ་དང་བཅས་པ་ཡིན་པས། དེས་ནི་སེམས་ཅན་ཡོངས་སུ་སྨིན་པར་བྱ་ཞིང་ཉེ་དུའི་མཆོད་པ་སྤང་བར་བྱ་བ་དང ། ཤིན་ཏུ་ཡོངས་སུ་དག་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །དེ་ལ་སྦྱིན་པས་ཀུན་ནས་ཉོན་མོངས་པར་གྱུར་ན་ས་དང་པོ་པར་རོ། །ཚུལ་ཁྲིམས་ཀྱིས་ནི་ས་གཉིས་པར་རོ། །ཐོས་པས་ནི་ས་གསུམ་པར་རོ། །ཏིང་ངེ་འཛིན་གྱིས་ནི་ས་བཞི་པར་རོ། །གཟུངས་ཀྱིས་ནི་ས་ལྔ་པར་རོ། །མངོན་པར་ཤེས་པ་རྣམས་ཀྱིས་ནི་ས་དྲུག་པར་རོ། །ཆོས་སྟོན་པས་ནི་ས་བདུན་པར་རོ། ། གཡོག་འཁོར་ཕུན་སུམ་ཚོགས་པས་ནི་ས་བརྒྱད་པར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་སྐྱེད་མོས་ཚལ་དུ་སོན་པར་ཀུན་ཤེས་ན། བྱང་ཆུབ་སེམས་དཔའ་དེ་ནི་ས་དང་པོ་དགུ་པོ་དག་ཏུ་བལྟ་སྟེ། དེས་ནི་བསམ་གཏན་གྱི་ཕ་རོལ་ཏུ་ཕྱིན་པ་ལ་མངོན་པར་བརྩོན་པར་བྱའོ། །བྱང་ཆུབ་སེམས་དཔའ་དེ་ནི་འཇིག་རྟེན་གྱི་ཟང་ཟིང་ནི་རྙེད་ལ་ཤེས་པས་ནི་མ་ཡིན་པས་བདུད་ཀྱི་ལྕགས་ཀྱུས་ཀུན་ཏུ་དྲངས་པ་ཡིན་ཏེ། ལས་ཀྱི་སྒྲིབ་པ་ནི་ཆུང་ངོ ། །དེས་ནི་ཆོས་སྨྲ་བ་ལ་ཉེ་བར་འཚོ་བ་དག་བསྒྲུབ་པར་བྱ་ཞིང་ནང་དུ་ཡང་དག་འཇོག་ཀྱང་བསྒྲུབ་པར་བྱའོ། །དེས་
358a
༄#། །ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །དེ་ལ་ས་དང་པོ་ལ་ནི་སྤྱོད་པའི་ཤེས་པ་མེད་དོ། །ས་གཉིས་པ་ལ་ནི་ཐོས་པའི་ཤེས་པ་མེད་དོ། །ས་གསུམ་པ་ལ་ནི་ངེས་པའི་ཤེས་པ་མེད་དོ། །ས་བཞི་པ་ལ་ནི་བསམ་གཏན་གྱི་ཤེས་པ་མེད་དོ། །ས་ལྔ་པ་ལ་ནི་གཟུངས་ཀྱི་ཤེས་པ་མེད་དོ། །ས་དྲུག་པ་ལ་ནི་སོ་སོ་ཡང་དག་པར་རིག་པའི་ཤེས་པ་མེད་དོ། །ས་བདུན་པ་ལ་ནི་བསྒྲུབ་པའི་ཤེས་པ་མེད་དོ། །ས་བརྒྱད་པ་ལ་ནི་བཀོད་པའི་ཤེས་པ་མེད་དོ། །ས་དགུ་པ་ལ་ནི་སྨོན་ལམ་གྱི་ཤེས་པ་མེད་དོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན། སྔོན་མ་མཐོང་བའི་གཙུག་ལག་ཁང་ངམ། གྲོང་ངམ། ཡུལ་ལམ། ལྗོངས་མཐོང་ན། བྱང་ཆུབ་སེམས་དཔའ་དེ་ནི་ས་དང་པོ་དྲུག་པོ་དག་ཏུ་བལྟ་སྟེ། དེ་ནི་བར་ཆད་མང་བ་ཡིན་པས། དེས་སངས་རྒྱས་རྗེས་སུ་དྲན་པ་བསྒོམ་པར་བྱ་ཞིང ། དད་པར་ཡང་བྱ། བྱ་བ་ཐམས་ཅད་ལ་དད་པའི་སྦྱིན་པས་མོས་པར་ཡང་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་གིས་མཚན་མའི་བྱ་བ་དེ་དག་བྱི་དོར་མ་བྱས་པར་མཐོང་ན། དེས་ནི་ས་དང་པོ་བར་རོ། །གང་གིས་བྱི་དོར་བྱས་པར་མཐོང་ན་དེས་ནི་ས་གཉིས་པར་རོ། །གང་གིས་རྒྱན་གྱིས་བརྒྱན་པར་མཐོང་ན་དེས་ནི་ས་གསུམ་པར་རོ། །འཁོར་བཞི་
358b
པོ་དག་འདུས་ན་དེ་ནི་ས་ལྔ་པར་རོ། །ལྷའི་འཁོར་དག་འདུས་ན་དེས་ནི་ས་དྲུག་པར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན། གདུགས་རྙེད་ན་དེ་ནི་ས་དང་པོ་བདུན་པོ་དག་ཏུ་བལྟ་སྟེ། སངས་རྒྱས་ཀྱི་བྱིན་གྱིས་བརླབས་ཀྱང་ཡོད། བར་ཆད་ཀྱང་མང ། མི་ཆོམས་པ་ཡང་ཡིན་ནོ། །དེས་ནི་ཆོས་སྨྲ་བ་ལ་བརྙས་པར་མི་བྱ་སྟེ། དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །དེ་ལ་ལོ་མའི་གདུགས་ཀྱིས་ནི་ས་དང་པོ་པར་རོ། །འོད་མའི་གདུགས་ཀྱིས་ནི་ས་གཉིས་པར་རོ། །གྲོ་གའི་གདུགས་ཀྱིས་ནི་ས་གསུམ་པར་རོ། །རས་ཀྱི་གདུགས་ཀྱིས་ནི་ས་བཞི་པར་རོ། །ཁྲ་བོས་ནི་ས་ལྔ་པར་རོ། །དྲིལ་བུ་གཡེར་ཁས་ཡོངས་སུ་བསྐོར་བས་ནི་ས་དྲུག་པར་རོ། །རིན་པོ་ཆེའི་དྲ་བས་གླགས་པས་ནི་ས་བདུན་པར་རོ། །བདུད་ཀྱི་ལས་དང་མངོན་པར་མི་བརྩོན་པ་ནི་མ་གཏོགས་སོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན། བདག་སྐྱེ་བོ་ཕལ་པོ་ཆེའི་དབུས་ན་འདུག་སྟེ་ཆོས་སྟོན་པར་ཀུན་ཏུ་ཤེས་ན། བྱང་ཆུབ་སེམས་དཔའ་དེ་ནི་ས་བཅུ་པོ་ཐམས་ཅད་དུ་བལྟ་སྟེ། དེས་ས་དག་ལ་བདུད་ཀྱི་ལས་དང ། ལས་ཀྱི་སྒྲིབ་པ་ཡང་ཇི་ལྟ་བ་བཞིན་དུ་རྟོགས་པར་བྱ་ཞིང ། དེས་སྤོབས་པ་ཡོངས་སུ་བཙལ་བར་བྱ་སྟེ། སྤོབས་པ་རྙེད་ནས་ཀྱང་རྣམ་པར་ངེས་པ་སྒྲུབ་པའི་ལུང་འབོགས་པར་བྱའོ། །དངོས་པོ་ཐམས་ཅད་ལ་ལྷག་པར་ཞེན་པ་མེད་པར་བྱ་ཞིང ། དེས་དངོས་
359a
༄#། །པོ་རྙེད་པ་ལའང་ཡང་དག་པར་དགའ་བར་འགྱུར་བའི་ངང་ཚུལ་ཅན་དུ་བྱའོ། །དེས་ན་དེའི་ལས་ཀྱི་སྒྲིབ་པ་ད་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །སྦྱིན་པའི་གཏམ་སྟོན་པར་ཀུན་ཏུ་ཤེས་ན་ས་དང་པོ་ལ་གནས་པར་འགྱུར་རོ། །དགེ་བ་བཅུའི་ལས་ཀྱི་ལམ་གྱིས་ནི་ས་གཉིས་པར་རོ། །ཐོས་པའི་གཏམ་གྱིས་ནི་ས་གསུམ་པར་རོ། །སྦྱངས་པའི་ཡོན་ཏན་དང ། ཡོ་བྱད་བསྙུངས་པའི་གཏམ་གྱིས་ནི་ས་བཞི་པར་རོ། །སྙོམས་པར་འཇུག་པའི་གཏམ་གྱིས་ནི་ས་ལྔ་པར་རོ། །ལེགས་པར་སྦྱོར་བ་ཡོངས་སུ་བརྗོད་པའི་གཏམ་གྱིས་ནི་ས་དྲུག་པར་རོ། །བདག་མེད་པའི་གཏམ་གྱིས་ནི་ས་བདུན་པར་རོ། །ཡེ་ཤེས་བཀོད་པའི་གཏམ་གྱིས་ནི་ས་བརྒྱད་པར་རོ། །སངས་རྒྱས་ཀྱི་བཀོད་པའི་གཏམ་གྱིས་ནི་ས་དགུ་པར་རོ། །ལུས་ཀྱི་ཚད་ཀྱི་གཏམ་གྱིས་ནི་ས་བཅུ་པར་རོ། །ས་དང་པོ་ལ་ནི་ཡོ་བྱད་ལ་རྩོལ་བ་དང་བཅས་པའོ། །ས་གཉིས་པ་ལ་ནི་ཚུལ་ཁྲིམས་ལ་རྩོལ་བ་དང་བཅས་པའོ། །ས་གསུམ་པ་ལ་ནི་འོད་ལ་རྩོལ་བ་དང་བཅས་པའོ། །ས་བཞི་པ་ལ་ནི་ནོར་བདུན་ལ་རྩོལ་བ་དང་བཅས་པའོ། །ས་ལྔ་པ་ལ་ནི་མི་གནས་པ་ལ་རྩོལ་བ་དང་བཅས་པའོ། །ས་དྲུག་པ་ལ་ནི་རྣམ་པར་གཏན་ལ་དབབ་པ་ལ་རྩོལ་བ་དང་བཅས་པའོ། །ས་བདུན་པ་ལ་ནི་ངེས་པ་ལ་རྩོལ་བ་དང་བཅས་པའོ། །ས་བརྒྱད་པ་ལ་ནི་མངོན་པར་ཤེས་པ་དང ། སོ་སོ་ཡང་དག་པར་རིག་པ་ལ་རྩོལ་
359b
བ་དང་བཅས་པའོ། །ས་དགུ་པ་ལ་ནི་སྤྱོད་པ་ལ་རྩོལ་བ་དང་བཅས་པའོ། །ས་བཅུ་པ་ལ་ནི་ཚད་མེད་པ་ལ་རྩོལ་བ་དང་བཅས་པའོ། །དེའི་ས་དང་པོ་ལ་ནི་དགེ་བའི་རྩ་བ་ལ་བར་ཆད་ཡོད་དོ། །ས་གཉིས་པ་ལ་ནི་ཚུལ་ཁྲིམས་ལ་བར་ཆད་ཡོད་དོ། །ས་གསུམ་པ་ལ་ནི་མངོན་པར་བརྩོན་པ་ལ་བར་ཆད་ཡོད་དོ། །ས་བཞི་པ་ལ་ནི་དམིགས་པ་ལ་བར་ཆད་ཡོད་དོ། །ས་ལྔ་པ་ལ་ནི་རྣམ་པ་ལ་བར་ཆད་ཡོད་དོ། །ས་དྲུག་པ་ལ་ནི་ཟབ་མོའི་བཟོད་པ་ལ་བར་ཆད་ཡོད་དོ། །ས་བདུན་པ་ལ་ནི་རྣམ་པར་འབྱེད་པའི་ཡེ་ཤེས་ལ་བར་ཆད་ཡོད་དོ། །ས་བརྒྱད་པ་ལ་ནི་སེམས་ཅན་ཡོངས་སུ་སྨིན་པར་བྱ་བ་ལ་བར་ཆད་ཡོད་དོ། །ས་དགུ་པ་ལ་ནི་རྣམ་པར་ཤེས་པའི་ཚོགས་པ་ལ་བར་ཆད་ཡོད་དོ། །ས་བཅུ་པ་ལ་ནི་ཞིང་ཡོངས་སུ་དག་པར་བྱ་བ་ལ་བར་ཆད་ཡོད་དོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་གྲོང་ཁྱེར་ན་གནས་པར་བྱེད་པར་ཀུན་ཏུ་ཤེས་ན། བྱང་ཆུབ་སེམས་དཔའ་དེ་ནི་ས་བརྒྱད་པོ་དག་ལ་ཕྱིར་མི་ལྡོག་པར་ལུང་བསྟན་དུ་ཉེ་བ་ཡིན་ཏེ། དེས་ནི་ཟབ་མོ་ལ་མོས་པའི་གང་ཟག་ལ་བརྟེན་པར་བྱ་ཞིང་བསྙེན་བཀུར་བྱ། མཆོད་པར་བྱའོ། །ཆོས་ལ་ཐེ་ཚོམ་མང་ཞིང་སྒྲིབ་པ་ཡོད་པས་དེས་ཆོས་སྨྲ་བ་ལ་བརྟེན་ཅིང་བསྙེན་བཀུར་བྱེད། མཆོད་པ་བྱེད་ན་འགྱོད་པ་སེལ་བར་འགྱུར་ལ། དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །དེ་
360a
༄#། །ལས་དང་པོ་ལ་གནས་པ་ནི་སངས་རྒྱས་སུ་འགྱུར་རམ། འོན་ཏེ་མི་འགྱུར་སྙམ་དུ་བྱང་ཆུབ་ལ་ཐེ་ཚོམ་ཟའོ། །ས་གཉིས་པ་ལ་གནས་པ་ནི་ཡང་དག་པར་བླང་བ་ལ་ཐེ་ཚོམ་ཟའོ། །ས་གསུམ་པ་ལ་གནས་པ་ནི་ཡེ་ཤེས་ལ་ཐེ་ཚོམ་ཟའོ། །ས་བཞི་པ་ལ་གནས་པ་ནི་ཏིང་ངེ་འཛིན་བསྒྲུབ་པ་ལ་ཐེ་ཚོམ་ཟའོ། །ས་ལྔ་པ་ལ་གནས་པ་ནི་ཡང་དག་པའི་ཇི་ལྟ་བ་བཞིན་གྱི་ཤེས་པ་ལ་ཐེ་ཚོམ་ཟའོ། །ས་དྲུག་པ་ལ་གནས་པ་ནི་ལམ་དང་འབྲས་བུ་ལ་ཐེ་ཚོམ་ཟའོ། །ས་བདུན་པ་ལ་གནས་པ་ནི་ངེས་པའི་ཚིག་ལ་ཐེ་ཚོམ་ཟའོ། །ས་བརྒྱད་པ་ལ་གནས་པ་ནི་རྣམ་པར་འཕྲུལ་བ་ལ་ཐེ་ཚོམ་ཟའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་ཟམ་པ་འདོགས་ཤིང་ཆུ་བོའི་དབུས་སུ་སོང་བར་ཀུན་ཏུ་ཤེས་ན།་བྱང་ཆུབ་སེམས་དཔའ་དེ་ནི་ས་དང་པོ་བདུན་པོ་དག་ཏུ་བལྟ་སྟེ། དེ་ལ་ལས་ཀྱི་སྒྲིབ་པ་ཤས་ཆེ་ཞིང་བདུད་ཀྱི་ལས་ཀྱང་ཤས་ཆེ་བས་དེས་ནི་འདུན་པ་དྲག་པོར་བྱ་ཞིང་རྟེན་པ་མེད་པ་དང ། དབྱེ་བ་ལ་མི་གནས་པར་བྱ་བ་དང ། ཚོགས་པ་ལ་མངོན་པར་བརྩོན་པར་བྱས་ན་མི་སྐྱེ་བའི་ཆོས་ཀྱི་སྣང་བ་རྣམ་པར་དག་པར་འགྱུར་རོ། །གང་གིས་ཤེས་པའི་སྣང་བ་ལ་བར་ཆད་ཡོད་པ་དེ་ནི་ས་དང་པོ་པར་རོ། །གང་གི་ཇི་ལྟར་བརྩོན་པའི་དགེ་བའི་རྩ་བ་ལ་ལུས་ཉམས་བདེ་བ་མེད་ན་བྱང་ཆུབ་སེམས་དཔའ་འདི་ནི་ས་གཉིས་པར་རོ། །སེམས་ཀྱི་བར་དག་ལ་ཉམས་བདེ་བ་
360b
མེད་ན་བྱང་ཆུབ་སེམས་དཔའ་དེ་ནི་ས་གསུམ་པར་རོ། །གང་ལ་སྣང་བ་འགའ་ཞིག་ཡོད་ན་བྱང་ཆུབ་སེམས་དཔའ་དེ་ནི་ས་བཞི་པར་རོ། །གང་ལ་མི་འཇིགས་པ་ཆུང་བ་དེ་ནི་ས་ལྔ་པར་རོ། ། གང་ལ་ཡོངས་སུ་སྨིན་པར་བྱ་བ་ལ་བར་ཆད་ཡོད་པ་དེ་ནི་ས་དྲུག་པར་རོ། །གང་གིས་བསྟན་པ་ལ་བར་ཆད་ཡོད་པ་དེ་ནི་ས་བདུན་པར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་གྲུ་འདྲེན་པར་ཀུན་ཏུ་ཤེས་ན། བྱང་ཆུབ་སེམས་དཔའ་དེ་ནི་ས་དང་པོ་དྲུག་ཏུ་བལྟ་སྟེ། ཕ་རོལ་ཏུ་ཕྱིན་པ་དྲུག་པོ་ཐམས་ཅད་ལ་ཆ་མཉམ་པར་སྤྱོད་ཅིང་བར་ཆད་དང་བཅས་པ་ཡིན་པས། དེས་ནི་མི་གནས་པར་ཕ་རོལ་ཏུ་ཕྱིན་པ་དྲུག་པོ་ཐམས་ཅད་ལ་བརྟེན་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གྲུའི་ཤིང་མ་སྦྱངས་པ་འདྲེན་པར་ཀུན་ཏུ་ཤེས་ནས་དང་པོ་པར་རོ། །སྦྱངས་པས་ནི་ས་གཉིས་པར་རོ། །སྦྱར་བས་ནི་ས་གསུམ་པར་རོ། །མ་སྦྱར་བས་ནི་ས་བཞི་པར་རོ། །སྐྱེ་བོ་ཞུགས་པས་ནི་ས་ལྔ་པར་རོ། །སྒྲོལ་བས་ནི་ས་དྲུག་པར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་སྤྲིན་ལས་འབྲུག་གྲག་པའམ། གློག་འབྱུང་བར་བདག་གིས་ཀུན་ཏུ་ཤེས་ན། བྱང་ཆུབ་སེམས་དཔའ་དེ་ནི་ས་དང་པོ་ལྔ་པོ་དག་ཏུ་བལྟ་སྟེ། དེ་ལ་བདུད་ཀྱི་ལས་ནི་ཤས་ཆེ་ལ་ལས་ཀྱི་སྒྲིབ་པ་ནི་ཆུང་བས་དེས་ངེས་པར་བརྟག་པ་མང་
361a
༄#། །དུ་བྱ་ཞིང་སྡུག་པའི་དངོས་པོ་ཡོངས་སུ་བཏང་སྟེ། གཟུངས་ཡང་དག་པར་བསྒྲུབ་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་གིས་སྤྲིན་ནམ་གློག་མཐོང་ནས་སྐྲག་ན་དེ་ནི་ས་དང་པོ་པར་རོ། །གང་མི་སྐྲག་ན་དེ་ནི་ས་གཉིས་པར་རོ། །གང་ཆོས་ཡིད་ལ་བྱེད་ན་དེ་ནི་ས་གསུམ་པར་རོ། །གང་སངས་རྒྱས་ཡིད་ལ་བྱེད་ཅིང་རིའི་རྩེ་མོ་ན་འདུག་ན་དེ་ནི་ས་བཞི་པར་རོ། །གང་ནམ་མཁའ་ལ་འདུག་ན་དེ་ནི་ས་ལྔ་པར་ཏེ། བདུད་ཀྱི་ལས་ནི་མ་གཏོགས་སོ། །ཀླུ་འོངས་ཤིང་བྱི་དོར་རམ། བསྒོམ་པར་བྱེད་ན་ས་གོང་མ་དག་ཏུའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་མཚོན་ཆའམ་གོ་ཆ་རྙེད་ན་བྱང་ཆུབ་སེམས་དཔའ་དེ་ནི་ས་དང་པོ་གསུམ་པོ་དག་ཏུ་བལྟ་སྟེ། དེ་ལ་བདུད་ཀྱི་ལས་དང ། ལས་ཀྱི་སྒྲིབ་པ་ཆེ་བ་ཡིན་པས་དེས་ནི་བཟོད་པའི་ཕ་རོལ་ཏུ་ཕྱིན་པ་དང ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང།་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཀུན་ཏུ་བརྟེན་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་གིས་མཚོན་ཆའམ་གོ་ཆ་དྲི་མ་ཅན་རྙེད་ན་དེ་ནི་ས་དང་པོ་པར་བལྟའོ། །དྲི་མ་མེད་ན་ས་གཉིས་པར་རོ། །རྣོན་པོས་ནི་ས་གསུམ་པར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་
361b
སེམས་དཔའ་གང་གིས་རྨི་ལམ་ན་སྣོད་དག་རྙེད་ན་བྱང་ཆུབ་སེམས་དཔའ་དེ་ནི་ས་བདུན་པོ་དག་ཏུ་བལྟ་སྟེ། དེས་མཚན་མ་ཇི་ལྟ་བ་བཞིན་དུ་ཡོངས་སུ་གདུལ་བར་བྱའོ། །དེ་ལ་ནི་བདུད་ཀྱི་ལས་དང་ལས་ཀྱི་སྒྲིབ་པ་ཡང་མ་ངེས་པ་ཡིན་པས་དེས་བསྡུ་བའི་དངོས་པོ་བཞི་པོ་དག་གིས་མངོན་པར་བརྩོན་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །ས་དྲུག་པོ་དག་ལ་ནི་ཕྱིར་མི་ལྡོག་པའི་ཆོས་རྣམས་སྦྱང་བར་བྱའོ། །བདུན་པ་ལ་ནི་ངའོ་སྙམ་པའི་ང་རྒྱལ་ཤེས་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་སེམས་ཅན་རྣམས་ལ་ལམ་སྟེན་པར་ཀུན་ཏུ་ཤེས་ན། བྱང་ཆུབ་སེམས་དཔའ་དེ་ནི་ས་བཅུ་པོ་ཐམས་ཅད་དུ་འགྱུར་ཏེ། དེས་ལས་ཀྱི་སྒྲིབ་པ་དང།་ཉོན་མོངས་པའི་སྒྲིབ་པའི་དངོས་པོ་ཇི་ལྟ་བ་བཞིན་དུ་རྟོགས་པར་བྱ་ཞིང་ཆོས་སྨྲ་བ་ལ་བསྙེན་བཀུར་བྱ་བ་དང ། དངོས་པོ་ཐམས་ཅད་ཡོངས་སུ་གཏང་བར་བྱ་བ་དང ། བརྩོན་འགྲུས་བརྩམ་པར་ཡང་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གཞོན་པའི་ལམ་གཙང་མ་སྟོན་ན་ས་དང་པོར་རོ། །སྐྱེད་མོས་ཚལ་གྱི་ལམ་གྱིས་ནི་ས་གཉིས་པར་རོ། །གྲོང་ཁྱེར་གྱི་ལམ་གྱིས་ནི་ས་གསུམ་པར་རོ། །ལམ་པོ་ཆེས་ནི་ས་བཞི་པར་རོ། །རིའི་ལམ་གྱིས་ནི་ས་ལྔ་པར་རོ། །རྒྱ་མཚོའི་ལམ་གྱིས་ནི་ས་དྲུག་པར་རོ། །
362a
༄#། །ལྷའི་ལམ་གྱིས་ནི་ས་བདུན་པར་རོ། །འདི་ནི་ཉན་ཐོས་དང ། རང་སངས་རྒྱས་ཀྱི་སའི་ལམ་མོ་ཞེས་བྱ་བས་ནི་ས་བརྒྱད་པར་རོ། །བྱང་ཆུབ་སེམས་དཔའི་ལམ་གྱིས་ནི་ས་དགུ་པར་རོ། །སངས་རྒྱས་ཀྱི་ལམ་གྱིས་ནི་ས་བཅུ་པར་ཏེ། ས་དང་པོ་དྲུག་པོ་དག་ལ་ནི་བདུད་ཀྱི་ལས་དང་ལས་ཀྱི་སྒྲིབ་པ་ཡང་རྟོགས་པར་བྱའོ། །ས་གོང་མ་བཞི་པོ་དག་ལ་ནི་སྐྱོན་དེ་དག་མེད་དོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་དུ་བདག་སྐྱེད་མོས་ཚལ་དུ་ཞུགས་པར་ཀུན་ཏུ་ཤེས་ན། བྱང་ཆུབ་སེམས་དཔའ་དེ་ནི་ས་དང་པོ་བརྒྱད་པོ་དག་ཏུ་བལྟ་སྟེ། དེའི་རྨི་ལམ་དུ་བདུད་ཀྱི་ལས་དང་ལས་ཀྱི་སྒྲིབ་པ་དག་རྣམ་པར་སྨིན་པར་འགྱུར་ཞིང་རྨི་ལམ་ན་སྐྲག་པར་ཡང་འགྱུར་ལ། དེ་སད་པ་ན་ཡིད་མི་བདེ་བ་ཉམས་སུ་མྱོང་བར་ཡང་འགྱུར་བས། དེས་སྟོང་པ་ཉིད་བསྒོམ་པར་བྱ་ཞིང་ཆོས་ཟབ་མོ་ཡང་མཉན་པར་བྱ། ནང་དུ་ཡང་དག་འཇོག་ཀྱང་གཟུང་བར་བྱ། རྨུགས་པ་དང་གཉིད་ཀྱང་སྤང་བར་བྱ། བྱང་ཆུབ་རྣམ་པར་གཏན་ལ་འབེབས་པ་ལ་མཁས་པའི་གང་ཟག་ལ་ཡང་བརྟེན་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །རྒྱལ་སྲིད་རྣམ་པར་ཉམས་པས་འཇིགས་ན་ས་དང་པོར་རོ། །ཚུལ་ཁྲིམས་རལ་པས་འཇིགས་ན་ས་གཉིས་པར་རོ། །ཆོས་ནུབ་པས་འཇིགས་ནས་གསུམ་པར་རོ། །ཆོས་
362b
སྨྲ་བ་མཆི་བས་འཇིགས་ནས་བཞི་པར་རོ། །མེས་ཚིག་པས་འཇིགས་ན་ས་ལྔ་པར་རོ། །བདག་བསད་པ་དང་འོག་པའི་ནད་ཀྱིས་འཇིགས་ནས་དྲུག་པར་རོ། །རི་ལས་གཡང་དུ་ལྷུང་བས་འཇིགས་ན་ས་བདུན་པར་རོ། །སྟོན་པ་ཡོངས་སུ་མྱ་ངན་ལས་འདས་པས་འཇིགས་ན་ས་བརྒྱད་པར་ཏེ། ས་བརྒྱད་པོ་དག་ལ་མངོན་པར་བརྩོན་པ་ལ་བདུད་ཀྱི་ལས་ཀྱང་རྟོགས་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་ལོ་ཏོག་ཕུན་སུམ་ཚོགས་པ་མཐོང་ན། བྱང་ཆུབ་སེམས་དཔའ་དེ་ནི་ས་དང་པོ་བརྒྱད་པོ་དག་ཏུ་བལྟ་སྟེ། ས་དང་པོ་ལ་གནས་པ་ས་གཉིས་པ་ལ་མངོན་པར་བརྩོན་པས་དེ་ལྟ་བུ་མཐོང་ན་བདུད་ཀྱི་ལས་ལ་ཡིད་རྟོན་པར་འགྱུར་པའམ། སྔོན་གྱི་རྒྱལ་བ་ལ་ལྷག་པར་བྱ་བ་བྱས་པའམ། བར་ཆད་མང་བ་ཡིན་པས་དེས་ནི་འཇིག་རྟེན་ཐམས་ཅད་ལ་བརྟེན་པར་མི་བྱ་ཞིང་མི་བལྟ་བར་ཡོངས་སུ་གཏོང་བ་དང ། རྣམ་པ་གསུམ་ལེགས་པར་བསྡམ་པར་ཡང་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གལ་ཏེ་བྱང་ཆུབ་སེམས་དཔས་བདག་གམ་ཡོའི་ལོ་ཏོག་ཕུན་སུམ་ཚོགས་པ་མཐོང་ན་དེ་ནི་ས་གསུམ་པར་རོ། །གྲོང་གི་ལོ་ཏོག་ཕུན་སུམ་ཚོགས་པར་མཐོང་ན་ས་བཞི་པར་རོ། །ལྗོངས་ཀྱི་ལོ་ཏོག་ཕུན་སུམ་ཚོགས་པར་མཐོང་ན་ས་ལྔ་པར་རོ། །འཛམ་བུའི་གླིང་གི་ལོ་ཏོག་ཕུན་སུམ་ཚོགས་པར་མཐོང་ན་ས་དྲུག་པར་རོ། །གླིང་བཞི་པའི་ལོ་ཏོག་ཕུན་སུམ་ཚོགས་པར་མཐོང་ན་ས་
363a
༄#། །བདུན་པར་རོ། །སྟོང་གསུམ་པའི་ལོ་ཏོག་ཕུན་སུམ་ཚོགས་པར་མཐོང་ན་ས་བརྒྱད་པར་རོ། །ལོ་ཏོག་ཡོངས་སུ་སྨིན་པ་ཕུན་སུམ་ཚོགས་པར་མཐོང་ན་ས་དགུ་པར་རོ། །དེ་ལ་འཇུག་པར་བྱེད་ན་ས་བཅུ་པར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་སེམས་ཅན་ནད་པ་རྣམས་གསོ་བར་ཀུན་ཏུ་ཤེས་ན། བྱང་ཆུབ་སེམས་དཔའ་དེ་ནི་ས་དང་པོ་བརྒྱད་པོ་དག་ལས་ས་གང་ཡང་རུང་བར་བལྟ་སྟེ། དེ་ལ་ལས་ཀྱི་སྒྲིབ་པ་ཆུང་ལ་བདུད་ཀྱི་ལས་ཤས་ཆེ་བས་དེས་སྙིང་རྗེ་ཆེན་པོ་ཡོངས་སུ་སྦྱང་བར་བྱ་ཞིང་གཞན་ལ་ཕན་པར་བརྩོན་པ་དང ། ཕྱིར་རེ་བ་མེད་པར་ཡང་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །གང་ཁྱེའུ་གསོ་བར་བྱེད་ན་དེ་ནི་ས་དང་པོར་རོ། །གང་བུད་མེད་གསོ་བར་བྱེད་ན་དེ་ནི་ས་གཉིས་པར་རོ། །གང་མི་ཆེན་པོ་གསོ་བར་བྱེད་ན་དེ་ནི་ས་གསུམ་པར་རོ། །གང་རིམས་ཀྱིས་བཏབ་པ་གསོ་བར་བྱེད་ན་དེ་ནི་ས་བཞི་པར་རོ། །གང་སྐྱ་རྦབ་ཀྱི་ནད་ཀྱིས་བཏབ་པ་གསོ་བར་བྱེད་ན་དེ་ནི་ས་ལྔ་པར་རོ། །གང་ཤ་ཀྲའི་ནད་ཀྱིས་བཏབ་པ་གསོ་བར་བྱེད་ན་དེ་ནི་ས་དྲུག་པར་རོ། །གང་སྐེམ་ནད་ཀྱིས་བཏབ་བ་གསོ་བར་བྱེད་ན་དེ་ནི་ས་བདུན་པར་རོ། །གང་འབྱུང་པོས་ཟིན་པ་གསོ་བར་བྱེད་ན་དེ་ནི་ས་བརྒྱད་པར་ཏེ། བདུད་ཀྱི་ལས་ནི་མ་གཏོགས་སོ། །སྙིང་རྗེ་ཆེན་པོ་དང་ལྡན་པའི་
363b
བྱང་ཆུབ་སེམས་དཔའ་དེས་བཟོད་པའི་ཕ་རོལ་ཏུ་ཕྱིན་པ་ལ་སྤྱོད་ཅིང་ལྷག་པའི་བསམ་པ་ཕུན་སུམ་ཚོགས་པར་བྱའོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་བྱང་ཆུབ་ཏུ་ལུང་བསྟན་པའི་སྒྲ་ཐོས་ན། བྱང་ཆུབ་སེམས་དཔའ་དེ་ནི་ས་བཅུ་པོ་དག་ལས་ས་གང་ཡང་རུང་བར་བལྟ་སྟེ། དེས་ནི་བྱང་ཆུབ་སེམས་དཔའ་རྣམས་ཀྱིས་ལུང་བསྟན་པ་བཅུ་པོ་དག་ཏུ་ལུང་བསྟན་པ་ལ་བདུད་ཀྱི་ལས་དང་ལས་ཀྱི་སྒྲིབ་པ་དག་རྟོགས་པར་བྱའོ། །བཅུ་གང་ཞེ་ན། ས་དང་པོ་ལ་བྱང་ཆུབ་ཏུ་ལུང་བསྟན་པ་དང ། ས་གཉིས་པ་ལ་བྱང་ཆུབ་ཀྱི་སྤྱོད་པར་ལུང་སྟོན་པ་དང ། ས་གསུམ་པ་ལ་བཟོད་པར་ལུང་སྟོན་པ་དང ། ས་བཞི་པ་ལ་སྨོན་ལམ་དུ་ལུང་སྟོན་པ་དང ། ས་ལྔ་པ་ལ་མཉམ་པ་ཉིད་དུ་ལུང་སྟོན་པ་དང ། ས་དྲུག་པ་ལ་ཡེ་ཤེས་སུ་ལུང་སྟོན་པ་དང ། ས་བདུན་པ་ལ་ཐབས་ལ་མཁས་པར་ལུང་སྟོན་པ་དང ། ས་བརྒྱད་པ་ལ་ཉན་ཐོས་དང་རང་སངས་རྒྱས་ཀྱི་ས་ལས་ཡང་དག་པར་འདས་པ་ཐམས་ཅད་མཁྱེན་པ་ཉིད་དུ་ལུང་སྟོན་པ་དང ། ས་དགུ་པ་ལ་སྐྱེ་བ་གཅིག་གིས་ཐོགས་པར་ལུང་སྟོན་པ་དང ། ས་བཅུ་པ་ལ་སངས་རྒྱས་སུ་དབང་བསྐུར་བར་ལུང་སྟོན་པའོ། །དེས་ནི་སྙིང་རྗེ་ཆེན་པོ་དང ། ཤེས་རབ་ཀྱི་ཕ་རོལ་ཏུ་ཕྱིན་པ་དང ། ཐབས་ལ་མཁས་པ་ལ་བརྟེན་པར་བྱའོ། །དེས་ན་བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བདག་མངོན་པར་རྫོགས་པར་
364a
༄#། །སངས་རྒྱས་པར་ཀུན་ཏུ་ཤེས་ན། བྱང་ཆུབ་སེམས་དཔའ་དེ་ནི་ས་ཕྱི་མ་གསུམ་པོ་དག་ཏུ་བལྟ་སྟེ། དེས་ནི་བདུད་ཀྱི་ལས་རྟོགས་པར་བྱ་ཞིང་རྟག་ཏུ་མངོན་པར་བརྩོན་པར་ཡང་བྱ། ལྷག་པའི་བསམ་པ་བསྒྲུབ་པར་ཡང་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའ་གང་གིས་རྨི་ལམ་ན་བུམ་པ་གང་བ་རྙེད་ན་བྱང་ཆུབ་སེམས་དཔའ་དེ་ནི་ས་བཅུ་པོ་ཐམས་ཅད་དུ་བལྟའོ། །དེས་ནི་ཡུལ་ཇི་ལྟ་བ་བཞིན་དུ་རྟོགས་པར་བྱ་སྟེ། གལ་ཏེ་གྲོང་ནས་རྙེད་ན་དེ་ནི་ས་དང་པོ་པར་བལྟའོ། །གལ་ཏེ་སྒོ་ནས་རྙེད་ན་དེ་ནི་ས་གཉིས་པར་བལྟའོ། །གལ་ཏེ་ལམ་ནས་རྙེད་ན་དེ་ནི་ས་གསུམ་པར་བལྟའོ། ། གལ་ཏེ་ཤིང་དྲུང་ནས་རྙེད་ན་དེ་ནི་ས་བཞི་པར་བལྟའོ། །གལ་ཏེ་འགྲེང་སྟེ་རྙེད་ན་དེ་ནི་ས་ལྔ་པར་བལྟའོ། །གལ་ཏེ་འདུག་སྟེ་རྙེད་ན་དེ་ནི་ས་དྲུག་པར་བལྟའོ། །གལ་ཏེ་མལ་ནས་རྙེད་ན་དེ་ནི་ས་བདུན་པར་བལྟའོ། །གལ་ཏེ་ནམ་མཁའ་ལས་རྙེད་ན་དེ་ནི་ས་བརྒྱད་པར་བལྟའོ། །གལ་ཏེ་ཟས་ཟ་བའི་ཚེ་རྙེད་ན་དེ་ནི་ས་དགུ་པར་བལྟའོ། །གལ་ཏེ་བཞོན་པ་ལ་ཞོན་པའམ་སྐྱེད་མོས་ཚལ་ན་འདུག་པ་ན་རྒྱན་གྱིས་བརྒྱན་པ་རྙེད་ན་དེ་ནི་ས་བཅུ་པར་བལྟ་སྟེ། བདུད་ཀྱི་ལས་དང་ལས་ཀྱི་སྒྲིབ་པ་ནི་རྟོགས་པར་བྱའོ། །དེས་ན་དེའི་ལས་ཀྱི་སྒྲིབ་པ་དེ་རྣམ་པར་དག་པར་
364b
འགྱུར་ཞིང ། བྱང་ཆུབ་ཏུ་ངེས་པར་འབྱུང་བར་ཡང་འགྱུར་རོ། །རྡོ་རྗེས་རབ་འཇོམས། གཞན་ཡང་བྱང་ཆུབ་སེམས་དཔའི་མཚན་མ་བརྒྱ་རྩ་བརྒྱད་པོ་དེ་དག་གིས་ནི་གང་ཟག་བྱང་ཆུབ་སེམས་དཔའི་ཐེག་པ་པ་ཡིན་པར་རིག་པར་བྱ་ཞིང་ཤེས་པར་བྱའོ། །དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ། །གང་ལ་མཚན་མ་དེ་དག་ཡོད་གྱུར་པ། །དེ་ཉིད་བདག་ཉིད་ཆེ་བར་ཐེ་ཚོམ་མེད། །སྤྱོད་པ་ཅུང་ཟད་ཙམ་ཞིག་རྟོགས་གྱུར་ཀྱང ། །ཡོན་ཏན་ཤེས་པས་ཉེས་པ་མ་སྐྱེད་ཅིག་།རྒྱ་མཚོ་ཆེན་པོ་ལས་ནི་མེ་འབར་ཞིང ། །མེ་ཡི་དབུས་ནས་ཆུ་ནི་བྱུང་གྱུར་ཀྱང ། ། གང་ལ་མཚན་མ་གཅིག་ཙམ་ཡོད་གྱུར་པ། །དེ་ནི་བྱང་ཆུབ་ཕྱིར་ལྡོག་ངས་མ་མཐོང ། །སྡིག་སྦྲུལ་སོས་ནི་ལྷུན་པོ་བཟུང་གྱུར་ཅིང ། །གངྒཱའི་བྱེ་སྙེད་ཞིང་དུ་འགྲོ་གྱུར་ཀྱང ། །དེ་འདྲའི་བྱེད་རྒྱུ་དེ་དག་ཡོད་པ་ནི། །བྱང་ཆུབ་སེམས་ལས་ཕྱིར་ལྡོག་ཡོད་མ་ཡིན། །སྤྱོད་པས་ས་ལས་ལྡོག་པར་སྣང་གྱུར་ཀྱང ། །འདི་ལ་བྱང་ཆུབ་ཕྱིར་ལྡོག་འགའ་ཡང་མེད། །གང་ཟག་ཇི་ཙམ་ཡོན་ཏན་ཆུང་བས་ཀྱང ། །ལྷག་པའི་བསམ་པས་བསྐྱོད་ན་བྱང་ཆུབ་ཐོབ། །ནམ་མཁའི་ཁམས་དང་དེ་བཞིན་སེམས་ཅན་ཁམས། །སངས་རྒྱས་ཡེ་ཤེས་དེ་བཞིན་བྱང་ཆུབ་སེམས། །ཆོས་བཞི་གང་ཡིན་དེ་དག་ཚད་མེད་དེ། །དེ་དག་འཇིག་རྟེན་ཀུན་གྱིས་རྟོགས་མི་ནུས། །གང་དག་བྱང་ཆུབ་སེམས་དཔའི་སྤྱོད་རྟོགས་པ། །དེ་དག་སྨྱོན་པ་ཡིན་པར་ཤེས་པར་བྱ། །སེམས་ཅན་སྤྱོད་པ་
365a
༄#། །བསམ་ཡས་སེམས་བྱེད་པ། །གང་ཞིག་རྩཝ་ཡིས་རྒྱ་མཚོ་གཏིང་དཔོག་བཞིན། །གང་ཟག་འཚོ་བར་འདོད་པས་ལྕགས་ཞུན་གྱི། །རྒྱ་མཚོ་ཆེན་པོ་འཐུང་བར་བྱེད་སླ་ཡི། །བྱང་ཆུབ་སེམས་དཔའ་ཐ་བ་མི་བསྐྱེད་དེ། །དེ་ཡི་སྡུག་བསྔལ་དེ་ལ་གྲངས་ཀྱང་མེད། །འགའ་ཞིག་ལས་ཀྱིས་བསྒྲིབས་པར་འགྱུར་པའམ། །ཡང་ན་བདུད་ཀྱིས་ཀུན་ཏུ་དཀྲུགས་གྱུར་པར། །དེ་ལ་གང་ཟག་ཕལ་པ་བདེ་འདོད་པ། །སུས་ཀྱང་ཁོང་ནི་ཁྲོ་བར་མི་བྱའོ། །མདོག་ངན་གླེན་ནམ་ཡང་ན་རྙེད་མེད་པ། །བརྙས་ཤིང་སྨད་པར་བྱ་བ་ཡིན་ན་ཡང ། །མི་ཡི་ཁམས་དང་སྤྱོད་པ་ཤེས་དཀའ་བས། །དེ་ལ་གྱ་ཚོམ་སྐྱོན་ནི་གདགས་མི་བྱ། །ཤཱ་རིའི་བུ་དབེན་འདུག་སྟེ་བསྒོམ་པ་ན། །དེས་ནི་སེམས་ཀྱི་སྐད་ཅིག་ལྔ་བཅུ་རྟོགས། །སྟོན་པས་སྐད་ཅིག་གཅིག་ལ་ཚད་མེད་སེམས། །མཁྱེན་པས་དེ་ལ་སོམ་ཉི་མ་བྱེད་གསུངས། །དགྲ་བཅོམ་ཀུན་གྱིས་རང་ཁམས་མི་ཤེས་ན། །སེམས་ཅན་སྤྱོད་པས་ཤེས་པ་སྨོས་ཅི་དགོས། །ངས་ནི་སྐད་ཅིག་ཙམ་གྱིས་གཞན་ཤེས་པས། །གང་ཟག་དེ་ལ་བརྙས་པར་མ་བྱེད་ཅིག་།འདོད་ཆགས་བྲལ་བས་གོས་དམར་བླངས་ནས་ནི། །གྱོན་པར་བྱེད་ཅིང་དེ་བཞིན་མྱུར་དུ་ནི། །སྐད་ཅིག་འཇིག་པར་འགྱུར་བ་ངས་མཐོང་བར། །སུ་ཞིག་ཉེས་དབེན་འགའ་ཞིག་སྨྲ་བར་བྱེད། །མ་སྐྱེས་དགྲ་ཡིས་ཕ་ནི་བསད་གྱུར་ཅིང ། །དེ་བཞིན་གཤེགས་པ་དཀྲོངས་པར་སྦྱར་བྱས་ཀྱང ། །དེ་སེམས་
365b
གཅིག་གིས་ངན་འགྲོ་རྣམ་གྲོལ་ན། །གང་ཟག་དག་པ་གང་ཡིན་སྨོས་ཅི་དགོས། །སེམས་ཀྱིས་འཆིང་བར་བྱེད་ཅིང་གྲོལ་བྱེད་པས། །ལུས་སེམས་འདི་ལ་ཉེས་པ་ཅི་ཡང་མེད། །ལུས་ཀྱི་འདུ་འཛི་མཐོང་ནས་གཤེ་མ་བྱེད། །ཕ་རོལ་རྒོལ་བར་མ་བྱེད་ལུས་སྦྱངས་ཤིང ། །གསེར་ནི་མི་གཙང་ནང་དུ་བཅུག་གྱུར་ཀྱང ། །འབར་བའི་རང་བཞིན་ནམ་ཡང་མི་འབྲི་ལྟར། །དེས་པ་གང་ཞིག་འཇིག་རྟེན་ཆོས་སྤྱོད་ཀྱང ། །ནམ་ཡང་བསམ་པའི་རང་བཞིན་དེ་མི་སྤོང ། །རྒྱལ་བུ་ཚོང་དཔོན་བུ་དང་ལྷན་ཅིག་ཏུ། །དགའ་བ་བདག་ཉིད་ཆེན་པོས་རྩེ་བ་ལྟར། །དེ་བཞིན་སྤྱོད་པའི་སེམས་ཅན་དབུས་ན་ཡང ། །དེ་ཡང་གཞན་ལ་ལྷར་བཅས་འགྲོ་བའང་གཞན། །ལ་ལས་དུག་ཟོས་འཆི་བར་མི་འགྱུར་ལ། །མེ་དག་གཟུང་ཡང་ཚིག་པར་མི་འགྱུར་ན། །གང་དག་ཡེ་ཤེས་སྤྱོད་ལ་བསླབས་དེ་དག་།བྱིས་པའི་སྤྱོད་པས་མི་འཕྲོགས་སྨོས་ཅི་དགོས། །བྱང་ཆུབ་སེམས་དཔའ་དག་ལ་ཡོན་ཕུལ་ལྟར། །རང་སངས་རྒྱས་དང་དེ་བཞིན་དགྲ་བཅོམ་གྱིས། །སྟོང་གསུམ་ས་འདི་ཐམས་ཅད་གང་གྱུར་པ། །དེ་དག་མཆོད་བྱས་རྣམ་སྨིན་དཔག་མེད་མིན། །སེམས་དག་གྱུར་ན་སྦྱིན་པའི་གནས་འགྱུར་ཞིང ། །སེམས་དག་གྱུར་པ་རྒྱལ་བ་རྣམས་དང་འདྲ། །གང་དག་རྒྱལ་འདྲའི་བྱང་ཆུབ་སེམས་དཔའ་དེའི། །བྱང་ཆུབ་གཞོལ་བའི་ལྷག་པའི་བསམ་ལ་ལྟོས། །གང་དག་གངྒཱའི་བྱེ་སྙེད་སངས་རྒྱས་ཞིང ། །འགྲོན་བུས་བཀང་སྟེ་རྒྱལ་བར་ཕུལ་བས་ནི། །གང་གིས་
366a
༄#། །མདོ་འདི་བྲིས་ཏེ་འཆང་བ་ཡི། །དེ་ཡི་བསོད་ནམས་དཔེ་དང་ཆར་མི་ཕོད། །གང་དག་བྱང་ཆུབ་སེམས་ནི་མ་བརྗེད་པ། །དེ་དག་རྙེད་པ་རབ་རྙེད་ལེགས་འཚོ་བ།། ནོར་འདོད་པ་དག་རྒྱ་མཚོ་ཆེན་པོ་ལྟར། །དེ་བཞིན་དེ་དག་རྙེད་པ་ཕུན་སུམ་ཚོགས། །གང་གིས་སྐྱེ་མང་དོན་དུ་མདོ་སྡེ་ཀུན། །ཀུན་དུ་ཆུབ་བྱས་འཆང་ཞིང་ཀློག་པ་བས། །མི་གང་མདོ་སྡེ་འདི་ལ་མཁས་གྱུར་པས། །སེམས་ཅན་སྤྱོད་པ་མ་གཏོགས་བཅོམ་པ་ཡིན། །གལ་ཏེ་བྱང་ཆུབ་མཆོག་ལ་རེག་འདོད་ན། །དེ་ཕྱིར་བསྟན་བཞིན་འདི་ལ་བརྩོན་གྱིས་ལ། །བདག་བསྟོད་གཞན་ལ་སྨོད་པ་མ་བྱེད་པར། །ལྷག་པའི་བསམ་པས་སྤྱོད་པ་རྣམ་པར་སྦྱོངས། །དགོན་པར་དགའ་ཞིང་རྟག་ཏུ་དབང་བསྡམས་ལ། །བརྩོན་འགྲུས་བརྩམས་ཤིང་ཉེ་དུ་ཐག་བསྲིངས་ལ། །བྱམས་ལ་གནས་ཤིང་དོན་དམ་མཁས་གྱུར་པ། །དེས་ནི་དེ་འདྲའི་བྱང་ཆུབ་འཐོབ་པར་འགྱུར། །བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་བཤད་པ་ན་ལྷ་དང་མིའི་སྐྱེ་དགུ་དྲུག་ཁྲི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ། །ལྷ་དང་མིའི་སྐྱེ་དགུ་སྔོན་སེམས་མ་བསྐྱེད་པ་ཁྲག་ཁྲིག་ཕྲག་བཅོ་བརྒྱད་ཀྱིས་ནི་བྱང་ཆུབ་ཏུ་སེམས་བསྐྱེད་དེ། དེ་དག་གིས་ཆོས་ཀྱི་རྣམ་གྲངས་འདི་ཐོས་མ་ཐག་ཏུ་བསྐལ་པ་བརྒྱད་ཅུར་འཁོར་བ་ཕྱིར་བསྙིལ་བར་གྱུར་ཏོ། །དེ་ལྟ་བས་ན་གལ་ཏེ་བྱང་ཆུབ་ཡོངས་སུ་མི་གཏོང་ན་ཆོས་ཀྱི་རྣམ་གྲངས་འདི་གཟུང་
366b
པར་བྱ། བཅང་བར་བྱ། བཀླག་པར་བྱ། ཀུན་ཆུབ་པར་བྱ་ཞིང ། འདུན་པ་དྲག་པོ་དང ། འབད་པ་དང ། སྤྲོ་བ་དང་རབ་ཏུ་སྤྲོ་བ་ལ་མངོན་པར་བརྩོན་པར་བྱའོ། །དེ་ནས་འཁོར་དེ་ན་གང་དག་བྱང་ཆུབ་ལས་ཕྱིར་ལྡོག་པར་འདོད་པ་དང ། སྐྲག་པ། སྒྱིད་ལུག་པ། སོམ་ཉི་དང་བཅས་པ། ཐེ་ཚོམ་དང་བཅས་པ། ཁྱིམ་གྱི་གནས་སུ་འགྲོ་འདོད་པ། བདུད་ཀྱི་ལས་དང་ལས་ཀྱི་སྒྲིབ་པ་མི་ཤེས་པའི་བྱང་ཆུབ་སེམས་དཔའ་ཁྲིས་བཅོམ་ལྡན་འདས་ཀྱི་སྤྱན་སྔ་ནས་ཆོས་ཀྱི་རྣམ་གྲངས་འདི་ཐོས་ནས་སྐྱོན་ཡོངས་སུ་སྤངས་ཤིང་ལྷག་པའི་བསམ་པ་རྣམ་པར་སྦྱངས་ཏེ། དེ་དག་ནི་འཇིག་རྟེན་གྱི་ཁམས་གཞན་དུ་སྐྱེ་བར་འགྱུར་ཞིང ། དེ་དག་ཐམས་ཅད་བྱང་ཆུབ་སེམས་དཔའ་བྱམས་པ་དང་ལྷན་ཅིག་ཏུ་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་ཏེ། དེ་དག་གིས་ནི་བསྐལ་པ་ཉི་ཤུར་བདུད་ཀྱི་ལས་རྣམ་པར་སྦྱོང་བར་འགྱུར་རོ། །གང་དག་འཇིག་རྟེན་གྱི་ཁམས་གཞན་དུ་སྐྱེས་པ་སྐྱེ་བ་གཅིག་གིས་ཐོགས་པ་ལ་གནས་པ་སྟན་ལ་འཁོད་པ་དེ་དག་ཐམས་ཅད་ཀྱང།་བྱང་ཆུབ་སེམས་དཔའ་བྱམས་པ་དང་ལྷན་ཅིག་ཏུ་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་ཏེ། དེ་དག་གིས་ནི་བསྐལ་པ་ཉི་ཤུར་བདུད་ཀྱི་ལས་དང་ལས་ཀྱི་སྒྲིབ་པ་རྣམ་པར་སྦྱངས་སོ། །དེ་ལྟར་ན་ཆོས་ཀྱི་རྣམ་གྲངས་འདི་ཐོས་པ་ཡང་བྱང་ཆུབ་སེམས་དཔའ་རྣམས་ཀྱིས་གཅེས་སྤྲས་བྱེད་པ་ཡིན་ན་འཛིན་པ་དང ། འཆང་བ་དང ། སྟོན་པ་ལྟ་སྨོས་ཀྱང་ཅི་དགོས།
367a
༄#། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་རྡོ་རྗེས་རབ་འཇོམས་དང ། ལྷ་དང ། མི་དང ། ལྷ་མ་ཡིན་དང ། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་སྟོང་ཕྲག་བརྒྱ་པ་ལས།་རྨི་ལམ་བསྟན་པའི་ལེའུ་ཞེས་བྱ་སྟེ་འདུས་པ་བཞི་པ་རྫོགས་སོ།། །།རྒྱ་གར་གྱི་མཁན་པོ་པྲཛྙཱ་བརྨ་དང ། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པའོ།།