rKTs


H470

(e-text produced by ACIP)

see text in transliteration
273a
།།རྒྱ་གར་སྐད་དུ། ཏྲི་ས་མ་ཡ་བྱཱུ་ཧ་རཱ་ཛ་ནཱ་མ་ཏནྟྲ། བོད་སྐད་དུ། དམ་ཚིག་གསུམ་བཀོད་པའི་རྒྱལ་པོ་ཞེས་བྱ་བའི་རྒྱུད། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ཕྱོགས་བཅུའི་འཇིག་རྟེན་གྱི་ཁམས་མཐའ་ཡས་པ་ན་རྣམ་པར་གནས་པའི་སངས་རྒྱས་དང ། བྱང་ཆུབ་སེམས་དཔའ་དང ། འཕགས་པའི་དགེ་འདུན་ཐམས་ཅད་ལ་ཕྱག་འཚལ་
273b
ལོ། །དབུས་དང་མཐའ་མེད་ཡོན་ཏན་རི་བོ་དཔག་མེད་དང ། །མཆོད་རྟེན་མཐའ་མེད་མཆོད་པའི་མཆོག་ཏུ་འཁྲུངས། །མཆོད་ཆེན་འཕགས་པའི་འཕགས་པ་ཆེན་པོའི་བདག་།དུས་གསུམ་འཁྲུངས་པའི་བདེ་གཤེགས་ཚོགས་ལ་ཕྱག་འཚལ་ལོ། །བཅོམ་ལྡན་འདས་དེ་བཞིན་གཤེགས་པས་བྱིན་གྱིས་བརླབས་པའི་ཆོས་ཀྱི་དབྱིངས་ཀྱི་ཕོ་བྲང་རྡོ་རྗེ་ཆེན་པོའི་ཉེ་འཁོར། རྡོ་རྗེ་འཆང་ཆེན་པོ་ཉེ་བར་འདུ་བ། དེ་བཞིན་གཤེགས་པ་ལྷག་པར་དགྱེས་པས་རྣམ་པར་རོལ་པ། དབུས་དང ། མཐའ་མེད་པའི་རྡོ་རྗེ་ཆེན་པོའི་རྩེ་མོ་མཐོན་པོའི་རིན་པོ་ཆེའི་རྒྱལ་པོ་རྣམ་པ་སྣ་ཚོགས་ཀྱི་རྒྱུ་ལས་གྱུར་པ། རིན་པོ་ཆེའི་རྒྱལ་པོའི་ཕོ་བྲང་ཆེན་པོའི་མཆོག་ན་བྱང་ཆུབ་སེམས་དཔའ་སེམས་དཔའ་ཆེན་པོའི་ཚོགས་ཀྱི་བསྐོར་བའི་སེངྒེའི་ཁྲི་ལ་བཞུགས་སོ། །དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཡུལ་རྫུ་འཕྲུལ་ཆེན་པོའི་བྱིན་གྱིས་བརླབས་ཀྱིས་རྒྱ་ཆེན་པོར་བྱེད་པ། དེ་བཞིན་གཤེགས་པའི་སྙིང་པོ།་ཐོགས་པ་མེད་པ་དོན་ཡོད་པར་གྲུབ་པ་གསུངས་ཏེ། ན་མ་སྟྲཻ་ཡ་དྷི་ཀཱ་ནཱཾ། ཏ་ཐཱ་ག་ཏཱ་ནཱཾ། སརྦ་ཏྲཱ་པྲ་ཏི་ཧ་ཏ་བཱཔྟི། དྷརྨ་ཏཱ་བ་ལཱི་ནཱཾ། ཨཾ་ཨ། ས་མ་ས་མ་ས་མནྟ་ཏོ། །ནནྟཱ་བཱ་བྷི། ཤཱ་ས་ནི་ཧ་ར་ཧ་ར། སྨ་ར་སྨ་ར་ཎི། བི་ག་ཏ་རཱ་ག་བུདྡྷ་དྷརྨ་ཏེ། ས་ར་ས་ར། ས་མ་བ་ལ། ཧ་ས་ཧ་ས། ཏྲ་ཡ་ཏྲ་ཡ། ག་ག་ན་མཧཱ་བ་ར་ཎ་ལཀྵ་ཎེ་ཛྭཱ་ལ་ཛྭཱ་ལ་ན། སཱ་ག་རེ་སཝཱཧཱ། དེ་
274a
༄#། །ལ་རིགས་ཀྱི་བུ། དེ་བཞིན་གཤེགས་པའི་སྙིང་པོ་འདི་ནི་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པ་ཡིན་ཏེ། བྱང་ཆུབ་སེམས་དཔའ་ཐབས་དང་ཤེས་རབ་དང་ལྡན་པ། སྔགས་ཀྱི་སྒོར་བྱང་ཆུབ་སེམས་དཔའི་སྤྱད་པ་སྤྱོད་པ་འདི་ལས་གང་ཞིག་བྱེད་པར་འགྱུར་བ་དེ་ནི་བསྐལ་པ་བརྒྱར་ཡང་དེ་བཞིན་གཤེགས་པས་བསྟན་པར་མི་སྤྱོད་ཀྱི། གཞན་དུ་མདོར་བསྡུས་ནས་གསུངས་པ་ཡིན་ནོ། །འདིས་སྐྱེས་བུ་དམ་པ་དེ་ནི་སྒོ་མཐའ་ཡས་པས་སེམས་ཅན་ཐམས་ཅད་ཀྱི་རྗེས་སུ་འགྲོ་ཞིང ། དེ་བཞིན་གཤེགས་པ་ཐམས་ཅད་ལ་ལྷག་པར་དམིགས་པའི་རྣམ་པར་ཐར་པའི་སྒོ་ལ་སོགས་པ་རྣམ་པར་ཐར་པའི་སྒོ་སྣ་ཚོགས་པའི་རྗེས་སུ་ཞུགས་པ། སེམས་ཅན་འདུལ་བའི་སྦྱོར་བ་རྣམ་པ་སྣ་ཚོགས་པས་གནས་པའི་ཏིང་ངེ་འཛིན་གྱིས་རྣམ་པར་རྩེ་བ། ལས་ཐམས་ཅད་རྗེས་སུ་དྲན་པའི་ཆོ་ག་ཡང་དག་པར་སྦྱོར་བའི་གཟུངས་ཐོབ་པར་འགྱུར་ཞིང ། སེམས་ཅན་གྱི་ཁམས་དང ། མོས་པ་དང ། རྗེས་སུ་མཐུན་པའི་གཟུགས་སྣ་ཚོགས་པ་མངོན་པར་གྲུབ་པར་འགྱུར་རོ། །སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་ཀྱི་སྟོབས་དང ། སྟོབས་སྣ་ཚོགས་མངོན་པར་སྒྲུབ་པར་བྱེད་པའི་སྒོ་སངས་རྒྱས་རྗེས་སུ་དྲན་པའི་མོས་པས་སྙིང་པོ་འདི་བཟླས་
274b
ན་གཟུགས་སྣ་ཚོགས་མཐོང་བར་འགྱུར་རོ། །མདོར་བསྡུས་ན། སངས་རྒྱས་འབྱུང་བའི་འཇིག་རྟེན་གྱི་ཁམས་སྣ་ཚོགས་པ་ཡང་མཐོང་བར་འགྱུར་རོ། །དེ་བཞིན་གཤེགས་པའི་གསུང་གི་འཁོར་ལོའི་དཀྱིལ་འཁོར་ཡང་སྒྲ་འབྱིན་པར་འགྱུར་རོ། །གསེར་དང ། ནོར་བུ་དང ། མུ་ཏིག་ལ་སོགས་པའི་ཆར་ཡང་མངོན་པར་འབབ་པར་འགྱུར་རོ། །སེམས་ཅན་གྱི་ཁམས་ཐམས་ཅད་དུ་ཡི་དྭགས་རྣམས་ལ་བཟའ་བ་དང ། བཅའ་བ་དང ། བཏུང་བ་ཡང་མངོན་པར་རབ་ཏུ་འབབ་པར་འགྱུར་རོ། །དམྱལ་བ་རྣམས་ཀྱི་གྲང་བ་ལ་དྲོ་བ་ཡང་ཡང་དག་པར་སྐྱེད་པར་བྱེད་དོ། །དུད་འགྲོ་རྣམས་ཀྱི་གཅིག་ལ་གཅིག་ཟ་བའི་སྡུག་བསྔལ་ཡང་རབ་ཏུ་ཞི་བར་བྱེད་དོ། །སེམས་ཅན་མོས་པའི་སྒོ་སྣ་ཚོགས་པའི་ཡུལ་ཅན་གྱི་སེམས་ཅན་གྱི་ཁམས་རྣམ་པར་སྦྱོང་བར་བྱེད་དོ། །བྱིན་གྱིས་རླབ་པར་བྱེད། ཡོངས་སུ་འགེངས་པར་བྱེད། །ཡོངས་སུ་སྨིན་པར་བྱེད། རྣམ་པར་འདུལ་བར་བྱེད། ངེས་པར་སྦྱོང་བར་བྱེད། རབ་ཏུ་སྦྱོང་བར་བྱེད། རྣམ་པར་འཕེལ་བར་བྱེད། དགའ་བར་བྱེད། སོ་སོར་འགོད་པར་བྱེད། རྣམ་པར་གྲོལ་བར་བྱེད། བྱང་ཆུབ་ཀྱི་ཐེག་པ་ལ་ལྷག་པར་འཛེག་པར་བྱེད་མྱུར་དུ་ལྷག་པར་འཛེག་པའི་ས་དང ། ཕ་རོལ་ཏུ་ཕྱིན་པའི་མན་ངག་ཀྱང་སྟོན་པར་བྱེད། མདོར་ན། མཐར་གྱིས་བྱང་ཆུབ་ལ་གཞོལ་ཞིང་སོ་སོར་འགོད་པར་བྱེད། དགེ་བ་
275a
༄#། །སྒྲུབ་པ་ལ་གནས་པ་སྐྱེད་པར་བྱེད། སྡུག་བསྔལ་དང ། ཉོན་མོངས་པ་ཟད་པར་བྱེད། རྣམ་པར་འཇོམས་པར་བྱེད། རྣམ་པར་སེལ་བར་བྱེད། འདྲེན་པར་བྱེད། འཇོམས་པར་བྱེད། མདོར་ན། རང་གི་སྨོན་ལམ་གྱི་སྟོབས་དང ། བསོད་ནམས་དང ། ཡེ་ཤེས་ཀྱི་སྟོབས་དང ། དེ་བཞིན་གཤེགས་པའི་བྱིན་གྱིས་བརླབས་ཀྱི་སྟོབས་ཀྱིས་སེམས་ཅན་གྱི་ཁམས་ཐམས་ཅད་དུ། དེ་བཞིན་གཤེགས་པའི་མཛད་པ་ཡང་བྱེད་པར་འགྱུར་རོ། །འདིར་ཡང་སེམས་ཅན་སྡུག་བསྔལ་བ་རྣམས་ཀྱིས་དོན་ཡོངས་སུ་མི་ཉམས་པར་བྱ་བའི་ཆོག་བཤད་པར་བྱ་སྟེ། སྔགས་འཛིན་པས་དང་པོར་རེ་ཞིག་བྱང་ཆུབ་ཏུ་སེམས་བསྐྱེད་པའི་རིགས་ཀྱི་བུ་འམ། རིགས་ཀྱི་བུ་མོ་བྱིས་པ་སོ་སོའི་སྐྱེ་བོའི་ས་ལས་འདས་པ་དང ། དེ་བཞིན་གཤེགས་པའི་བྱིན་གྱིས་བརླབས་རྙེད་པ་འདི་ཉིད་ལ་བདག་ཉིད་དད་པར་བྱའོ། །སྒྲུབ་པ་པོ་རིགས་ཀྱི་བུ་འམ། རིགས་ཀྱི་བུ་མོས་སྔ་དྲོ་དང་པོ་ལ། སངས་རྒྱས་དང ། བྱང་ཆུབ་སེམས་དཔའ་འཁོར་དང་བཅས་པ་ཐམས་ཅད་ལ་བདག་ཉིད་དབུལ་བར་བྱ་སྟེ། བདག་མིང་ཆེ་གེ་མོ་ཞེས་བགྱི་བ་ཆོས་ཀྱི་དབྱིངས་སུ་གཏོགས་པའི་སངས་རྒྱས་དང ། བྱང་ཆུབ་སེམས་དཔའ་འཁོར་དང་བཅས་པ་ཐམས་ཅད་ལ་བདག་དབུལ་བར་བགྱིའོ། །ཐུགས་རྗེ་ཆེན་པོ་དང་ལྡན་པ་དེ་
275b
རྣམས་ཀྱིས་ཀྱང་བདག་ལ་རྣམ་པ་ཐམས་ཅད་དང ། དུས་ཐམས་ཅད་དུ་བྱིན་གྱིས་བརླབ་པ་དང ། ཡོངས་སུ་བཟུང་བར་གྱུར་ཅིག། བདག་ལ་གྲུབ་པ་དང ། མཆོག་སྩོལ་ཅིག། དེ་ནས་སྡིག་པ་སོ་སོར་བཤགས་པར་བྱ་སྟེ། འདོད་ཆགས་དང ། ཞེ་སྡང་དང ། གཏི་མུག་ལས་སྐྱེས་པའི་སྡིག་པ་ཐམས་ཅད་སོ་སོར་བཤགས་པར་བགྱིའོ། །སངས་རྒྱས་དང ། བྱང་ཆུབ་སེམས་དཔའ་རྣམས་ཀྱིས་ཐུགས་བསྐྱེད་པ་གང་གིས་བཤགས་པ་མཛད་པའི་སེམས་བསྐྱེད་པ་དེས་བཤགས་པར་བྱ་སྟེ། ཇི་ལྟར་སངས་རྒྱས་བཅོམ་ལྡན་འདས་ཀྱིས་མཁྱེན་པ་ལྟར་དེས་ཀྱང་ཇི་ཙམ་དུ་བཤགས་པར་ནུས་པ་དེ་ཙམ་དུ་བཤགས་པར་བྱའོ། །དེ་ནས་བསོད་ནམས་ལ་རྗེས་སུ་ཡི་རང་བར་བྱ་སྟེ། གང་དུས་གསུམ་དུ་གཤེགས་པའི་སངས་རྒྱས་དང ། བྱང་ཆུབ་སེམས་དཔའ་དང ། ཉན་ཐོས་དང ། རང་སངས་རྒྱས་དང ། སེམས་ཅན་ཐམས་ཅད་ཀྱི་བསོད་ནམས་ཀྱི་ཚོགས་སེམས་ཅན་གྱི་ཁམས་རྣམ་པར་སྦྱོང་བར་བྱེད་པ། སེམས་ཅན་གྱི་ཁམས་ཡོངས་སུ་སྲུང་བར་བྱེད་པ། འཇིག་རྟེན་དང ། འཇིག་རྟེན་ལས་འདས་པ་དེ་དག་ཐམས་ཅད་ལ་རྗེས་སུ་ཡི་རང་བ་བླ་ན་མེད་པས་རྗེས་སུ་ཡི་རང་བར་བྱ་སྟེ། ཇི་ལྟར་སངས་རྒྱས་དང ། བྱང་ཆུབ་སེམས་དཔས་མཁྱེན་པ་ལྟར་དེས་ཀྱང་ཇི་ལྟར་རྗེས་སུ་ཡི་རང་བར་ནུས་པ་དེ་ལྟར་རྗེས་སུ་ཡི་རང་བར་བྱའོ། །དེ་ནས་མཆོད་པའི་
276a
༄#། །བྱ་བ་བྱ་སྟེ། སེམས་ཅན་གྱི་ཁམས་ན་གང་ང་ཡིར་མེད་ཅིང་ཡོངས་སུ་གཟུང་བ་མེད་པའི་མཆོད་པའི་ཆོ་ག་དེ་ཐམས་ཅད་སངས་རྒྱས་དང ། བྱང་ཆུབ་སེམས་དཔའ་རྣམས་ཀྱི་མཆོད་པའི་ཕྲིན་ལས་ཀྱིས་དབུལ་བར་བྱའོ། །དེ་ནས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་ཀྱི་སྟོབས་དང ། བདག་གི་བསོད་ནམས་ཀྱི་སྟོབས་དང ། རིག་པའི་གསང་སྔགས་ཀྱི་སྟོབས་ཀྱིས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་མཆོག་ཏུ་རྒྱ་ཆེ་བའི་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་མཆོག་རྒྱ་ཆེན་པོའི་གོང་མ་ལས་བླ་མར་མངོན་པར་བསྒྲུབ་པའི་མཆོད་པའི་སྤྲིན་རབ་ཏུ་འབབ་པར་འགྱུར་པར་བསམ་པ་འམ། བརྗོད་པ་མཆོད་པ་ཆེན་པོར་མངོན་པར་སྒྲུབ་པར་བྱེད་པའི་རིག་པའི་རྒྱལ་མོ་ཆེན་པོ་འདི་ལན་བརྒྱད་བརྗོད་པར་བྱའོ། །ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། སརྦ་ཐཱ་ཨུངྒ་ཏེ་སྥ་ར་ན་ཧི་མཾ་ག་ག་ན་ཁཾ་སཝཱཧཱ། དེ་ནས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཇི་ལྟར་མངོན་པར་བསྔོས་པ་ལྟར་དེ་བཞིན་དུ་ངེས་པར་འབྱུང་བར་འགྱུར་རོ། །མཆོད་པ་དེ་དག་ཀྱང་སངས་རྒྱས་དང ། བྱང་ཆུབ་སེམས་དཔའ་རྣམས་ཀྱིས་མཁྱེན་ཏོ། །དེ་ནས་སངས་རྒྱས་དང ། བྱང་ཆུབ་སེམས་དཔའ་འཁོར་
276b
དང་བཅས་པ་ཐམས་ཅད་ལ་ཡོན་ཏན་དུ་བསྔགས་པ་དང ། གྲགས་པ་སྣ་ཚོགས་ཀྱི་གླུའི་སྤྲིན་རྒྱ་མཚོ་རབ་འབྱམས་ཚིག་ཏུ་བརྗོད་པ་འམ་བསམས་ལ། འདི་ལྟ་བུའི་བསྟོད་པ་དཔེ་མེད་པ་ངེས་པར་སྒྲུབ་པར་བྱེད་པའི་རིག་པའི་རྒྱལ་མོ་འདི་ལན་བརྒྱད་བརྗོད་པར་བྱའོ། །ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། སརྦ་ཏྲ་ས་ཀུ་སུ་མི་ཏ་ཨ་བྷི་ཛྙཱ་རཱ་ཤི་ནི་ན་མོ་སྟུ་ཏེ་སཝཱཧཱ། དེ་ནས་དེ་བཞིན་དུ་སངས་རྒྱས་དང ། བྱང་ཆུབ་སེམས་དཔའ་རྣམས་ལ་ཡོན་ཏན་བསྔགས་པ་བརྗོད་པའི་སྤྲིན་གྱི་རྒྱ་མཚོ་རབ་ཏུ་འབྱུང་བར་འགྱུར་བ་དེ་ལྟ་བུར་ཡང་དད་པར་བྱའོ། །དེའི་འོག་ཏུ་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་ལུས་ཀྱི་སྤྲུལ་པའི་སྤྲིན་སེམས་ཅན་ཐམས་ཅད་ལ་དམིགས་པ་ལས་བྱུང་བའི་སེམས་ཅན་གྱི་ཁམས་ཐམས་ཅད་ཀྱི་སྡུག་བསྔལ་ཐམས་ཅད་ཞི་བར་འགྱུར་བ་དང ། བདེ་བ་ཐམས་ཅད་མྱུར་དུ་སྩོལ་ཅིག་པ་འམ། ཡང་ན་སེམས་ཅན་ཐམས་ཅད་ཀྱི་ཟག་པ་མེད་པའི་དགེ་བ་འབྱུང་བའི་སྦྱོར་བ་ཡང་དག་པར་འབྱུང་བ་དང ། དེ་བཞིན་གཤེགས་པ་རྣམས་ཀྱི་གྲུབ་པའི་མཆོག་དེ་དག་གིས་ཐོབ་པར་གྱུར་ཅིག་ཅེས་དེ་ལྟ་བུ་ལ་སོགས་པ་སེམས་ཅན་ཐམས་ཅད་ལ་ཕན་པའི་བསམ་པ་ཡིད་ལ་བྱེད་པ་འམ། ངག་ཏུ་བརྗོད་དེ། སངས་རྒྱས་ཐམས་ཅད་ཀྱི་སྤྲུལ་པའི་སྤྲིན་མངོན་པར་སྒྲུབ་པའི་རྒྱུ་དང ། སེམས་
277a
༄#། །ཅན་གྱི་ཁམས་ཐམས་ཅད་རྣམ་པར་སྦྱོང་བར་བྱེད་པ་དང ། སེམས་ཅན་ཐམས་ཅད་ཀྱི་སྡུག་བསྔལ་རབ་ཏུ་ཞི་བར་བྱེད་པའི་རིག་པའི་རྒྱལ་པོ་ཆེན་པོ་འདི་ལན་བརྒྱད་བརྗོད་པར་བྱའོ། །ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། ན་མོ་སྟུ་ཏེ་མཧཱ་བཛྲ་སརྦ་སཏྭཱ་ཧི་ཏཾ་ཀ་ར། ཏིཥྛ་སརྦ་ཏྲ། སརྦེ་ཥཱཾ་དྷརྨཱ་ཎཱཾ། ཨ་དྷིཥྛཱ་ཡ་སཝཱཧཱ། རིག་པའི་རྒྱལ་པོ་འདི་བརྗོད་པ་ཙམ་གྱིས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་ཀྱི་སྟོབས་ཀྱིས་དེ་དག་གི་སྤྲུལ་པའི་སྤྲིན་རྒྱ་ཆེ་བ་མོས་པས་མངོན་པར་བསྒྲུབས་ནས། མདོར་ན། སེམས་ཅན་གྱི་ཁམས་སུ་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་མཛད་པ་ཡང་བྱེད་པར་འགྱུར་རོ། །བྱང་ཆུབ་སེམས་དཔའི་ཐེག་པ་ཅན་གྱི་དེ་དག་ལ་ཡང་དྲག་པར་དད་པར་བྱའོ། །དེ་དག་ཀྱང་སངས་རྒྱས་དང ། བྱང་ཆུབ་སེམས་དཔའ་ཁོ་ནས་མཁྱེན་ཏོ། །དེ་ནས་དེ་དག་ཐམས་ཅད་བླ་ན་མེད་པའི་བསོད་ནམས་དང ། ཡེ་ཤེས་ཀྱི་ཚོགས་དང ། རྗེས་སུ་ཡི་རང་བ་ལ་སོགས་པ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱའོ། །དེའི་འོག་ཏུ་བདག་སྡུག་བསྔལ་བར་གྱུར་པ་ལ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་རྣམ་པ་ཐམས་ཅད་དུ་བྱིན་གྱིས་བརླབ་པ་དང །
277b
བདག་ལ་གྲུབ་པའི་མཆོག་སྩོལ་ཅིག་ཅེས་བརྗོད་པར་བྱའོ། །དེ་ནས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་བ་དང ། དམིགས་པ་དང ། བཟླས་པ་དང།་ནན་ཏན་དུ་བགྱིས་པ་དང ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་བླ་ན་མེད་པའི་བྱང་ཆུབ་ཀྱི་དངོས་གྲུབ་ལ་སོགས་པ་གྲུབ་པ་ཐམས་ཅད་ལ་རྗེས་སུ་ཡི་རང་བ་དང ། དམིགས་པ་དག་ལ་གོམས་པའི་སེམས་ཀྱིས་བླ་ན་མེད་པའི་སྙིང་པོ་འདི་ཇི་སྲིད་སྐྱོ་བར་མ་གྱུར་པ་དེ་སྲིད་བཟླས་པ་བཟླ་བར་བྱའོ། །དེའི་འོག་ཏུ་དེ་བཞིན་གཤེགས་པ་རྣམས་ཀྱི་སངས་རྒྱས་ཀྱི་བྱང་ཆུབ་དང ། བླ་ན་མེད་པའི་སེངྒེའི་སྒྲ་སྒྲོགས་པས་ཆོས་ཀྱི་འཁོར་ལོ་བསྐོར་བ་དང ། སེམས་ཅན་གྱི་དོན་བླ་ན་མེད་པ་བྱེད་པ་དང ། དེ་བཞིན་གཤེགས་པ་ཀུན་ཏུ་བཟང་པོའི་སྐུ་ཡོངས་སུ་སྒྲུབ་པར་འདོད་པས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ནས་ལྡང་བར་བྱའོ། །དེ་ནས་བྱང་ཆུབ་སེམས་དཔའི་སྤྱོད་པ་ལ་འཇུག་པ་འཕགས་པ་སྡོང་པོ་བཀོད་པ་ལ་སོགས་པ་རིག་པ་རྒྱ་ཆེན་པོའི་ཚུལ་གྱི་མདོ་སྡེ་རྣམས་མངོན་པར་མཆོད་ཅིང་ཀློག་པ་འམ། ཐ་ན་ཕྱག་བྱས་ནས་ཟས་བཟའ་བར་བྱ་སྟེ། དང་པོ་ཟས་ལ་སྔགས་འདིས་ལན་བརྒྱད་མངོན་པར་སྔགས་པ་བྱས་ནས་ཁམས་ཀྱི་དང་པོ་ལྷ་ཉིད་ལ་དབུལ་ཞིང་དེའི་འོག་ཏུ་ཟས་བཟའ་བར་བྱའོ། །དེ་ལ་
278a
༄#། །སྔགས་ནི་འདི་ཡིན་ཏེ། ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། ཨོཾ་བ་ལིཾ་དཱ་ཏེ་ཛོ་མཱ་ལི་ནི་སཝཱཧཱ། ཁ་ཟས་ཀྱི་ས་དུབ་པ་སྤངས་ནས་ཀྱང་སྔ་དྲོའི་བྱ་བ་གང་ཡིན་པ་དེ་དག་ཐམས་ཅད་ཕྱི་དྲོའི་ཡང་བྱ་བ་ཡིན་ནོ། །ཉལ་ན་ཡང་ཡན་ལག་ཐམས་ཅད་ཀྱིས་དང་པོར་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ནས་བསྟོད་དེ་མལ་སྟན་ལ་འདུག་ཅིང་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་བདག་ལ་བྱིན་གྱིས་བརླབ་པ་དང ། བླ་ན་མེད་པའི་དངོས་གྲུབ་ཀྱི་མཆོག་བདག་ལ་སྩོལ་ཅིག་།རྣམ་པར་འཚེ་བ་ཐམས་ཅད་རབ་ཏུ་ཞི་བར་མཛད་དུ་གསོལ་ཞེས་གསོལ་བ་ཡང་གདབ་པར་བྱའོ། །མཚན་གྱི་དང་པོ་དང ། ཐ་མ་ལ་མི་ཉལ་བའི་སྦྱོར་བས་དམ་པའི་ཆོས་འདོན་པ་ལ་སོགས་པ་བྱའོ། །སྒྲུབ་པ་པོའི་རིགས་ཀྱི་བུའམ། རིགས་ཀྱི་བུ་མོ་དེས་དེ་བཞིན་དུ་ཉི་མ་རེ་རེ་ཞིང་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་དང་པོར་ཕྱག་བྱ་བ་དང ། ཉིན་རེ་ཞིང་བདག་འབུལ་བ་དང ། དེ་བཞིན་དུ་སྡིག་པ་སོ་སོར་བཤགས་པ་དང ། འདས་པ་དང ། མ་བྱོན་པ་དང་ད་ལྟར་བཞུགས་པའི་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་བསོད་ནམས་དང ། ཡེ་ཤེས་ཀྱི་ཚོགས་ལ་རྗེས་སུ་ཡི་རང་བ་དང ། སེམས་ཅན་ཐམས་
278b
ཅད་ལ་རང་གི་བསོད་ནམས་བསྟབ་པ་དང ། དམ་པའི་ཆོས་ཀྱི་གླེགས་བམ་ལ་ཕྱག་བྱས་ནས་བཅང་བ་དང ། ཀློག་པའམ། སྒོམ་པ་དང ། ཐ་ན་མཆོད་པ་བྱས་ནས་དད་པས་སྙིང་པོ་འདི་བཟླ་བར་བྱ་བ་ཡིན་ཏེ། རི་འམ། ལྷ་ཁང་ངམ། ཁྱིམ་མམ། བྲང་ཁང་ལ་སོགས་པའི་གནས་རྣམས་སུ་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ལྷག་པར་དམིགས་ཤིང་བཟླས་པས་སེམས་ཅན་ཐམས་ཅད་ཡོངས་སུ་བསྲུང་བ་དང་ལྡན་པའི་སེམས་ཀྱིས་སྟོབས་བཅུ་མཁྱེན་པའི་ས་དོན་དུ་གཉེར་ཞིང་མངོན་པར་འདོད་པས་འབུམ་བཟླ་བར་བྱའོ། །དེ་ནས་དེ་བཞིན་གཤེགས་པ་དང ། བྱང་ཆུབ་སེམས་དཔའ་མཐོང་བར་འགྱུར་ཞིང་དེའི་ཏིང་ངེ་འཛིན་དང ། གཟུགས་ལ་སོགས་པ་འམ། ཕྱིར་མི་ལྡོག་པའི་ས་ལ་ཞུགས་པའི་བར་དུ་འཐོབ་པར་འགྱུར་རོ། །འདི་ནི་བྱང་ཆུབ་སེམས་དཔའི་ཐེག་པའི་ཐབས་དང ། ཤེས་རབ་ལ་མཁས་པ་དེ་དག་གི་བཟླས་པའི་ཆོ་ག་ཡིན་ནོ། །གལ་ཏེ་རིག་པ་འཛིན་པར་གྱུར་ཅིག་ཅེས་ཡིད་ལ་བྱེད་ན་བཟླས་པ་འབུམ་ཡོངས་སུ་རྫོགས་པར་བྱས་ལ། བཅོ་ལྔ་འམ། བཅུ་གསུམ་མམ། བཅུ་བཞིའི་ཉིན་མཚན་ལ་གསོ་སྦྱོང་བྱས་ལ། ཅི་འབྱོར་པའི་མཆོད་པ་བྱས་ནས་མེ་ཏོག་གི་གཅལ་བཀྲམ་པའི་དཀྱིལ་འཁོར་ལ་མཆོད་རྟེན་ནམ། ལུགས་སྐུའམ། དམ་པའི་ཆོས་ཀྱི་གླེགས་བམ་
279a
༄#། །མདུན་དུ་བཞག་ལ། ཀུ་ཤས་ཁྲེས་པོ་འམ། གཅལ་དུ་བཀྲམ་པ་ལ་འདུག་པའམ། ལོ་མ་ལ་ཉེ་བར་འདུག་སྟེ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་མཆོག་སློང་བས། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་བྱ་བ་དང ། དམིགས་པ་དང ། བཟླས་པས་ལྕགས་ཀྱི་འཁོར་ལོ་ལག་པ་ལ་ཐོགས་ལ། ཇི་སྲིད་དུ་འབར་བར་མ་གྱུར་པ་དེ་སྲིད་དུ་བཟླས་པ་བྱས་ན་འབར་བར་འགྱུར་ཞིང་ས་ཆེན་པོ་འགུལ་བར་འགྱུར་ཏེ། རིག་པ་འཛིན་པ་དེ་དག་ཐམས་ཅད་འདུས་ཤིང་དེ་དག་གིས་དབང་བསྐུར་བར་འགྱུར་རོ། །བྱང་ཆུབ་སེམས་དཔའི་རིག་པ་འཛིན་པའི་རིགས་སུ་བསོད་ནམས་ཇི་ལྟ་བ་དང ། རང་གི་སྐལ་བ་ཇི་ལྟ་བའི་གནས་རྙེད་པར་འགྱུར་རོ། །དེ་ཉིད་དུ་ཕྱིར་མི་ལྡོག་པའི་བྱང་ཆུབ་སེམས་དཔའི་སྤྱོད་པ་བསྒྲུབ་པའི་ས་འཐོབ་པར་འགྱུར་ཏེ། དེ་ལ་ལུས་ཉམས་པར་ཡང་མི་འགྱུར་རོ། །ཐབས་མཁས་པ་ཉིད་ཀྱིས་འདོད་པའི་ཡོན་ཏན་ལྔ་ལ་ལོངས་སྤྱོད་ཀྱང་གཟི་བརྗིད་མཚུངས་པ་མེད་པ་ཉིད་དུ་འགྱུར་རོ། །འཁོར་ལོའི་རིམ་པ་ཇི་ལྟ་བ་དེ་བཞིན་དུ་རྡོ་རྗེ་དང ། མདུང་དང ། རལ་གྲི་དང ། རྩེ་གཅིག་པ་དང ། གཏུན་ཤིང་དང ། དབྱིག་པ་དང ། སྟ་རེ་དང ། ཁ་ཊྭཱཾ་ག་དང ། གྲི་གུག་དང ། ཆུ་གྲི་དང ། ལྕགས་ཀྱུ་ལ་ཡང་བསྒྲུབ་པར་བྱའོ། །ཐབས་མཁས་
279b
པ་དང་ལྡན་ཞིང་སེམས་ཅན་ཡོངས་སུ་བསྲུང་བའི་བློ་ཅན་ལུས་དང ། སྲོག་ལ་ལྟོས་པ་མེད་པ། ཐམས་ཅད་དུ་རྗེས་སུ་འགྲོ་བའི་ཡིད་ལ་བྱེད་པས་ལྕགས་དང ། གསེར་དངུལ་དང ། ལྕགས་གསུམ་དང ། ཙནྡན་དང ། རྡོ་དང ། ཐ་ན་ཤིང་དང ། ས་ལས་བྱས་པ་འམ། ཏ་ལའི་ལོ་མའི་རང་བཞིན་ལས་བྱས་པ་ལ་སྔར་སྨོས་པའི་ཆོ་གས་གཅིག་པུ་དབེན་པར་འདུག་སྟེ། འབུམ་བཟླས་པས་བསྒྲུབས་ན་གོང་མ་བཞིན་རིག་པ་འཛིན་པར་འགྱུར་རོ། །ལྡོང་རོས་སམ། ལིག་བུ་མིག་གམ། བ་བླ་འམ། གི་ཝང་ལ་སོགས་པ་ལོ་མའི་བར་རམ། གོས་ཀྱི་བར་རམ། ལྕགས་ཀྱི་སྣོད་ཁ་སྦྱར་དུ་བཅུག་ལ་བསྒྲུབ་པར་བྱ་བ་འམ། གོས་སམ། རྒྱལ་མཚན་ནམ། ནོར་བུ་འམ། མུ་ཏིག་གི་ཕྲེང་བ་ལ་སོགས་པ་རྒྱན་རྣམས་སམ། པདྨ་འམ། ཨུཏྤལ་ལ་སོགས་པ་མེ་ཏོག་གི་ཁྱད་པར་རམ། སྐ་རགས་སམ། ལྷུང་བཟེད་དམ། ཆོས་གོས་སམ། མཁར་གསིལ་ལ་སོགས་པའི་ཡོ་བྱད་ལག་པར་ཆུད་པའམ། ལོ་མ་འམ། གོས་སམ། ཞགས་པ་ལ་བསྒྲུབས་ན་འབར་བར་འགྱུར་ཞིང་རིག་པ་འཛིན་པར་འགྱུར་རོ། །ཇི་སྙེད་ཀྱི་གྲོགས་འདོད་པ་དེ་སྙེད་ཀྱི་གྲོགས་དང་ལྷན་ཅིག་འཕུར་ཞིང་འགྲོ་བར་འགྱུར་རོ། །ཐོགས་པ་མེད་པ་དོན་ཡོད་པར་གྲུབ་པའི་སྙིང་པོ་འདི་ཡང་བསོད་ནམས་དང་ལྡན་པ་འམ་།བསོད་ནམས་དང་མི་ལྡན་པས་ཀྱང་རུང་འགྲུབ་པར་འགྱུར་རོ། །ཚུལ་ཁྲིམས་དང་
280a
༄#། །ལྡན་པ་ཡང་རུང ། ཚུལ་ཁྲིམས་དང་མི་ལྡན་པས་ཡང་འགྲུབ་པར་འགྱུར་རོ། །ཐབས་དང་ལྡན་པའམ། ཐབས་དང་མི་ལྡན་པས་ཡང་འགྲུབ་པར་འགྱུར་རོ། །མཁས་ཀྱང་རུང།་མི་མཁས་ཀྱང་རུང ། ངེས་པར་དོན་ཡོད་པར་འགྱུར། གཞན་དུ་དད་པ་མེད་པ་དང ། བྱང་ཆུབ་ཏུ་སེམས་མ་བསྐྱེད་པ་རྣམས་ཀྱི་མ་ཡིན་ནོ། །བྲིས་སྐུ་མེད་ཀྱང་རུང ། མཆོད་ཀྱང་རུང ། མཆོད་པ་མེད་ཀྱང་རུང ། ཁྲུས་ལ་སོགས་པ་མེད་ཀྱང་རུང ། ཕྱིའི་གཙང་སྦྲ་སྤྱོད་པ་ལ་སོགས་པ་མེད་ཀྱང་རུང ། ཉ་ཤ་དང ། ཤ་དག་ལ་སོགས་པ་མ་སྤངས་ཀྱང་རུང་འགྲུབ་པར་འགྱུར་རོ། །སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་དམིགས་པ་གོམས་པའི་སེམས་ཀྱིས་འགྲུབ་བོ། །གལ་ཏེ་བྲིས་སྐུ་ལ་སྒྲུབ་པ་བྱེད་པར་འདོད་ན་ཐང་ཀ་ལ་བཅོམ་ལྡན་འདས་རིན་པོ་ཆེའི་རི་བོ་ལ་རིན་པོ་ཆེའི་པདྨའི་སྟེང་ན་བཞུགས་པ་བྲི་བར་བྱའོ། །བཅོམ་ལྡན་འདས་ཀྱི་གཡོན་ལོགས་སུ་འཕགས་པ་རྡོ་རྗེ་འཛིན་པུས་མོ་བཙུགས་ནས་པདྨ་ལ་བཞུགས་པ་རྡོ་རྗེ་དང་བཅས་པར་ཐལ་མོ་སྦྱར་བ་ཨུཏྤ་ལའི་ལོ་མའི་མདོག་གམ། པྲི་ཡང་ཀུ་ལྟར་སྔོ་སངས་སམ། གསེར་གྱི་མདོག་ཅན་བྲི་བར་བྱའོ། །བཅོམ་ལྡན་འདས་ཀྱི་གཡས་ལོགས་སུ་རྡོ་རྗེ་འཛིན་པ་ཆེན་པོ་ཞེས་བྱ་བ་རྡོ་རྗེ་འཛིན་གསེར་གྱི་མདོག་ཅན་རལ་པ་དང ། ཅོད་པན་ཅན།
280b
གོས་སེར་པོ་གྱོན་པ། ལག་པ་གཡོན་གྱི་ལྕགས་ཀྱུ་ཡོངས་སུ་འཛིན་པ་བྲི་བར་བྱའོ། །དེའི་འོག་ཏུ་མིང་ངམ། མཐའ་མེད་ཅེས་བྱ་བའི་འཁོར་འབར་བའི་སྙིང་པོ་ཅན་ཁྲོས་ཤིང་འཁྲུགས་པར་འགྱུར་བ། ནོར་བུའི་ཟུར་ཕུད་ཀྱིས་བརྒྱན་པ། ཨ་ཤོ་ཀ་དམར་པོའི་མདོག་ཅན། ལག་པ་ན་གྲི་གུག་དང ། ཞགས་པ་ཐོགས་པ་བྲི་བར་བྱའོ། །རྡོ་རྗེ་འཛིན་པའི་འོག་ཏུ་གཞོན་ནུ་མ་གཡོན་ན་ཟུར་ཕུད་གཅིག་པ། ནག་པོ་སྔོ་བསངས་རོལ་པར་གྱུར་པས་འཁོར་ལ་དགའ་བ་དང་བཅས་པས་བལྟ་བ། གོས་སྔོན་པོ་གྱོན་པ། ལག་ན་མེ་ཏོག་གི་ཕྲེང་བ་ཐོགས་པ། མཐའ་མེད་མ་ཞེས་བྱ་བ་བྲན་མོ་བྲི་བར་བྱའོ། །འདིར་ཡང་བྲིས་སྐུ་ལ་གཞན་དུ་ཡང་ལས་དེ་དག་ཉིད་དང ། སྒྲུབ་པ་དེ་དག་ཉིད་བྱ་བའམ། རྟོགས་པ་ཐམས་ཅད་ཀྱི་ཆོ་གའི་སྦྱོར་བའམ། ཡིད་ལ་འདོད་པའི་ཆོ་ག་སྦྱར་བར་བྱའོ། །དུར་ཁྲོད་དུ་འབུམ་བཟླས་ན་རྡོ་རྗེ་འཛིན་འོངས་ནས་ལག་པ་ནས་བཟུང་སྟེ་ལྕང་ལོ་ཅན་དུ་འདྲེན་པར་བྱེད་དོ། །དེས་རྡོ་རྗེ་རིགས་ཀྱི་གཞོན་ནུར་གྱུར་པ་ཐོབ་པར་འགྱུར་རོ། །རིག་པ་འཛིན་པའི་ས་དངོས་པོ་རལ་གྲི་ལ་སོགས་པ་ལ་བསྙེན་པ་བྱས་པ་དེས་རིག་པ་འཛིན་པར་འགྱུར་རོ། །རྒྱ་མཚོར་ཞུགས་ནས་འབུམ་བཟླས་ན་ཀླུའི་རྒྱལ་པོ་རྒྱ་མཚོའི་གནས་སུ་ཕྱིན་པར་འགྱུར་ཞིང་ཀླུའི་རྒྱལ་པོ་རྒྱ་མཚོ་མཐོང་བར་འགྱུར་རོ། །ཕྱིར་མི་ལྡོག་པའི་བྱང་ཆུ་
281a
༄#། །སེམས་དཔའི་ལུས་རབ་ཏུ་ཐོབ་པར་འགྱུར་རོ། །ཡིད་བཞིན་གྱི་ནོར་བུའམ། རྡོ་རྗེའམ། རལ་གྲིའམ། འཁོར་ལོའམ། རིན་པོ་ཆེ་ལ་སོགས་པ་དེ་རྣམས་ཀྱི་རིག་པ་འཛིན་པར་འགྱུར་ཞིང་སངས་རྒྱས་ཀྱི་ཞིང་མང་པོར་འགྲོ་བ་དང ། འོང་ནུས་པར་འགྱུར་རོ། །ཀླུའི་རིགས་ཐམས་ཅད་བློ་མཐུན་པར་འགྱུར་རོ། །ཆར་ཆེན་པོ་རྣམ་པ་སྣ་ཚོགས་པ་མངོན་པར་འབབ་པར་འགྱུར་རོ། །ཀླུའི་མཚེའུ་གང་དུ་འབུམ་བཟླས་ན་ཀླུའི་གནས་དེར་རབ་ཏུ་འཇུག་པར་འགྱུར་ཞིང་དེར་གང་འདོད་པ་དེ་རྙེད་པར་འགྱུར་རོ། །གང་གཱར་ཞུགས་ཤིང་འབུམ་བཟླས་ལ་འབུམ་ཡོངས་སུ་རྫོགས་ནས་དེ་ཉིད་དུ་མཆོད་རྟེན་བརྩིགས་ལ་སྦྲང་རྩི་དང ། འོ་མ་དང ། ཡུངས་ཀར་དང་བཅས་པས་སྦྱིན་སྲེག་བྱས་ན་ཀླུ་ཐམས་ཅད་སྐྲག་པས་ལྷགས་པར་འགྱུར་ཞིང་གང་སྨྲས་པ་དེ་བྱེད་པར་འགྱུར་རོ། །དུར་ཁྲོད་དུ་ཡུངས་ཀར་གྱིས་སྦྱིན་སྲེག་བྱས་ན་གནོད་སྦྱིན་གོང་མ་བཞིན་བྱེད་པར་འགྱུར་རོ། །རིའི་ལྷ་ལ་འབྲུ་མར་དང ། ཙནྡན་གྱི་སྦྱིན་སྲེག་གིས་སམ། ནགས་ཀྱི་གནས་སུ་རིག་པ་འཛིན་པ་ལ་སྦྲང་རྩི་དང ། པི་པི་ལིང་གི་སྦྱིན་སྲེག་བྱས་ན་ཐམས་ཅད་འདུས་པར་འགྱུར་ཞིང ། དུས་ཐམས་ཅད་དུ་རྗེས་སུ་དྲན་པ་ཙམ་གྱིས་རང་གི་བཀའ་ལུང་སྒྲུབ་པར་བྱེད་དོ། །ཤིང་གི་གྲིབ་མས་ཤིང་གཞན་ལ་མ་ཕོག་པ་ནི་ཤིང་གཅིག་
281b
གོ།་ཤིང་གཅིག་གི་དྲུང་དུ་རྗེས་སུ་དྲན་པས་མཆོད་རྟེན་བྱས་ཤིང་འབུམ་བཟླས་ལ་མདུན་དུ་ཨ་ཤཝདྠ་ལས་བྱས་པའི་རྩེ་གསུམ་པ་བྱས་ལ་ཉིན་མཚན་སྨྱུང་བར་འདུག་སྟེ། ཉ་ལ་བྲིས་བསྐུས་ཤིང་ཅི་འབྱོར་བའི་མཆོད་པ་བྱས་ནས། ཇི་སྲིད་དུ་འབར་བར་གྱུར་གྱི་བར་དུ་མཚན་རངས་པ་བསྒྲུབ་པ་བྱས་ན། གདུལ་དཀའ་བ་འདུལ་བར་བྱེད་པའི་བྱང་ཆུབ་སེམས་དཔའི་སྤྱད་པ་སྤྱོད་པ་དེ་གླིང་བཞི་བའི་ཕུན་སུམ་ཚོགས་པའི་བདག་པོར་འགྱུར་རོ། །སྐུ་གདུང་དང་བཅས་པའི་མཆོད་རྟེན་ལ་བཟླས་པ་འབུམ་བྱས་ལ་ཉ་ལ་འཁོར་ལོའི་ཕྱག་མཚན་ནམ།་རྡོ་རྗེའི་ཕྱག་མཚན་ནམ། རྒྱལ་མཚན་བླངས་ནས་ཇི་སྲིད་འཕུར་བ་དེ་སྲིད་བཟླས་ན་དེས་ཀུན་ཏུ་འགྲོ་བའི་རིག་པ་འཛིན་པར་འགྱུར་རོ། །ཆུ་བོར་ཞུགས་ཏེ་བཟླས་པ་འབུམ་བྱས་ནས་ས་ལ་བྱས་པའི་མཆོད་རྟེན་གྱི་རྩར་ཉ་ལ་སོགས་པའི་ཉིན་ཞག་ལ་ཇི་སྐད་བཤད་པའི་གནས་སུ་ཆོ་ག་སྔ་མ་བཞིན་ལག་པས་ནོར་བུ་བླངས་ཏེ། ཇི་སྲིད་འབར་བར་གྱུར་པ་དེ་སྲིད་བཟླས་ན་ཡིད་བཞིན་གྱི་ནོར་བུ་འཆང་བའི་རིག་པ་འཛིན་པར་འགྱུར་རོ། །ཡང་དེ་ཉིད་ལག་པས་བླངས་ཏེ་བཟླས་པས་ཡིད་བཞིན་གྱི་ནོར་བུར་འགྱུར་རོ། །ཟངས་མའི་བུམ་པ་ལ་ཆོག་འདི་ཉིད་ཀྱིས་བསྒྲུབ་པ་བྱས་ན་བུམ་པ་གང་བར་འགྱུར་རོ། །སློང་མོས་འཚོ་ཞིང་ལྕགས་ཀྱི་རྡོ་རྗེ་ལག་པར་བླངས་ཏེ། ཇི་སྲིད་འདས་པ་དང ། མ་འོངས་པ་དང ། ད་ལྟར་
282a
༄#། །གྱི་སྨྲ་བར་བྱ་བ་སྟོན་པར་བྱེད་པ་དེ་སྲིད་བཟླས་པས་ཆོས་གང་ཉན་པར་འདོད་པ་དེ་མངོན་པར་སྟོན་པར་འགྱུར་རོ། །དེའི་སྟེང་དུ་བསྒྲུབས་ན་འབར་བར་འགྱུར་རོ། །འབར་བར་གྱུར་པས་ལག་ན་རྡོ་རྗེ་རྡོ་རྗེའི་རིགས་སུ་འཇུག་པར་འགྱུར་རོ། །རྡོ་རྗེ་ཇི་ལྟ་བ་བཞིན་དུ་རལ་གྲི་དང ། འཁོར་ལོ་དང ། ལྕགས་ཀྱུ་དང ། གླེགས་བམ་ལག་པར་བླངས་ཏེ་བསྒྲུབས་པས་རྡོ་རྗེའི་རིགས་སུ་འཇུག་པར་འགྱུར་ཞིང་ཐམས་ཅད་དུ་ཐོགས་པ་མེད་པའི་རིག་པ་འཛིན་པར་འགྱུར་རོ། །གཞོན་ནུའམ། གཞོན་ནུ་མ་ལེགས་པར་ཁྲུས་བྱས་ཏེ། རྒྱན་གྱིས་བརྒྱན་པ་ལ་སྔོན་དུ་བསྙེན་པ་བྱས་ལ་ཅི་འབྱོར་པའི་མཆོད་པ་བྱས་ཏེ། ཉིན་མཚན་སྨྱུང་བར་མཆོད་རྟེན་ནམ། ལུགས་སྐུའམ། གླེགས་བམ་མམ།་བྲིས་སྐུའམ། གཞན་དག་གི་མདུན་དུ་ཀུ་ཤའི་གཅལ་བཀྲམ་པ་ལ་འདུག་ནས། སངས་རྒྱས་དང ། བྱང་ཆུབ་སེམས་དཔའ་རྣམས་ལ་ཐལ་མོ་སྦྱར་བ་བྱས་ནས་གསོལ་བ་བཏབ་ལ། དེ་ནས་ཙནྡན་ནམ། ག་བུར་རམ། གུ་གུལ་ལམ། དུ་རུ་སྐས་དུ་བ་མེད་པའི་མེ་མདག་ལ་སྦྱིན་སྲེག་བྱའོ། །དེ་དག་མེད་ན་སྐྱིལ་མོ་ཀྲུང་གིས་འདུག་སྟེ། ལག་པས་དེ་དག་བཟུང་ལ་ཇི་སྲིད་གཞོན་ནུ་དང ། གཞོན་ནུ་མ་འབར་བར་གྱུར་པ་དེ་སྲིད་དུ་བཟླས་པས་རབ་ཏུ་འབར་ཞིང་འཕུར་བར་འགྱུར་རོ། །ལག་པས་བླངས་པ་དེ་
282b
དག་དང་བཅས་པར་རིག་པ་འཛིན་པར་འགྱུར་རོ། །བུད་མེད་ལེགས་པར་ཁྲུས་བྱས་ཤིང་རྒྱན་གྱིས་བརྒྱན་པ་ལ་ཇི་སྲིད་སྐྱེས་པར་གྱུར་པ་དེ་སྲིད་དུ་བཟླས་པར་བྱའོ། །དུར་ཁྲོད་དུ་བྲིས་པའམ། ཤིང་ངམ། ས་ལས་བྱས་པའི་སེངྒེ་ལ་ཇི་སྲིད་འགྲོ་བར་གྱུར་པ་དེ་སྲིད་བཟླས་པས་དེ་ལ་ཞོན་ཞིང་གང་དུ་འདོད་པ་དེར་འགྲོ་བར་འགྱུར་རོ། །གལ་ཏེ་ཉིན་རེ་རྟག་ཏུ་བཟླས་ན་གང་དུ་འགྲོ་བའི་ས་ཕྱོགས་དེ་བསྲུང་བ་བྱས་པར་འགྱུར་རོ། །གལ་ཏེ་ཉིན་མཚན་དུ་བསྒྲུབ་པ་བྱེད་ན་ནི་ཇི་སྲིད་ཞག་ལྔའམ། དྲུག་གམ། བརྒྱད་དམ། ལྷག་མའི་ཟླ་བ་ཕྱེད་ཀྱི་ནང་དུ་ཡར་འཕགས་པར་འགྱུར་ཞིང་ལྷ་རྣམས་ལས་ཀྱང་རྒྱལ་བར་འགྱུར་རོ། །དེ་ལ་ཞོན་ན་གང་དུ་འདོད་པ་དེར་འགྲོ་བ་དང ། འོང་བར་འགྱུར་རོ། །དེ་བཞིན་དུ་རྟའམ། གླང་པོ་ཆེའམ། ཁྱུ་མཆོག་གམ། མ་ཧེའམ། ར་སྐྱེས་སམ། ལུག་གམ། རི་དགས་ལ་བཟླས་ན་དེ་དག་ཐམས་ཅད་ཉིད་གང་དུ་ཇི་སྲིད་འདོད་པ་དེ་སྲིད་ཏུ་འགྲོ་བ་དང ། འོང་བར་འགྱུར་རོ། །མེ་ཏོག་གིས་རབ་ཏུ་གཏོར་བའི་དཀྱིལ་འཁོར་ལ་དུར་ཁྲོད་ཀྱི་ཤིང་ལ་མེ་སྦར་ལ་མར་དང ། ཡུངས་ཀར་གྱིས་སྦྱིན་སྲེག་བྱས་ན་ཟླ་བ་ཕྱེད་ཀྱི་ནང་དུ་ངེས་པར་མཁའ་ལ་འཕུར་བར་འགྱུར་རོ། །དུར་ཁྲོད་དུ་ཇི་ལྟ་བ་བཞིན་དུ་རི་ལ་སོགས་པ་ལ་ཡང་གཅིག་ཏུ་དབེན་པར་འདུག་སྟེ་བསྒྲུབ་པའམ། ངང་པ་ལ་སོགས་པ་བྱ་ལ་བསྒྲུབ་པའམ། ཆོ་ག་
283a
༄#། །འདི་ཉིད་ཀྱིས་ཤིང་ཁྲིའམ། མཆིལ་ལྷམ་ལ་སོགས་པ་ལ་ཡང་ཡིད་ལ་འདོད་པས་ཆོ་ག་བཞིན་དུ་བསྒྲུབ་པར་བྱའོ། །ཤིང་མྱ་ངན་མེད་ཀྱི་ཡང་ཀ་ལ་འཇུས་ནས་ཇི་སྲིད་ནམ་མཁའ་ལ་འགྲོ་བ་དང ། མི་སྣང་བར་འགྱུར་བ་དེ་སྲིད་དུ་བཟླས་པར་བྱའོ། །དེ་བཞིན་དུ་ཤིང་ཨ་ཤཝདྠ་དང ། ནྱ་གྲོ་དྷ་དང ། ནཱ་ག་པུཥྤའི་ཤིང་དང ། ཤིང་ཏིལ་དཀར་དང ། ་མྲ་དང ། དུར་ཁྲོད་ཀྱི་ཤིང་ལ་འཛེགས་ཏེ། ཇི་སྲིད་མི་སྣང་བར་འགྲོ་བ་དེ་སྲིད་དུ་བཟླ་བར་བྱའོ། །དེ་ལྟར་མི་སྣང་བར་གྱུར་བས་ལོ་སྟོང་འཚོ་བར་ཡང་འགྱུར་ཞིང་ཁྲུ་གང་ཙམ་གྱིས་ས་ལ་མ་རེག་པར་འགྲོ་བར་འགྱུར་རོ། །བསོད་སྙོམས་ཀྱི་འཚོ་བས་དུར་ཁྲོད་དུ་ཇི་སྲིད་དུ་མི་སྣང་བར་གྱུར་པ་དེ་སྲིད་དུ་བཟླས་པར་བྱའོ། །དུར་ཁྲོད་དུ་ཞག་ལྔ་འདུག་སྟེ་བཟླས་པ་བྱས་ནས་ཕྱིས་དེ་ཉིད་དུ་སའི་རང་བཞིན་གྱི་མཆོད་རྟེན་བྱས་ནས་དེར་མེ་ཏོག་གི་དཀྱིལ་འཁོར་བྱས་ཏེ་ཐལ་བ་ལག་པའི་ཁ་སྦྱར་དུ་བཅུག་སྟེ་ཇི་སྲིད་དུ་བ་འཐུལ་བ་དེ་སྲིད་དུ་བཟླས་པ་བྱས་ནས་དེས་མཛུབ་རིས་གསུམ་བྱས་པས་མི་སྣང་བར་འགྱུར་རོ། །ཤ་མ་ཏ་ལའི་རྩ་བསྐམ་པོ་ཕྱེ་མར་བྱས་ཏེ་དུར་ཁྲོད་དུ་མེ་ཏོག་གིས་མངོན་པར་གཏོར་བའི་དཀྱིལ་འཁོར་བྱས་ལ་ལག་པ་ཁ་སྦྱོར་རམ། ཁམ་ཕོར་ཁ་སྦྱར་དུ་བཅུག་སྟེ་ཇི་སྲིད་དུ་བ་
283b
འཐུལ་བ་དེ་སྲིད་དུ་བཟླས་ལ་དེས་མིག་ལ་བསྐུས་ན་མི་སྣང་བར་འགྱུར་རོ། །དེ་བཞིན་དུ་འགྲོ་ན་པུཥྤ་དང ། ་ཏི་པ་ལཱ་དང ། ིནྡྲ་བ་རུ་ནི་རྣམས་ཀྱི་རྩ་བའམ། ཤུ་དག་གམ། ཨ་པ་རཱ་ཙི་ཏའམ། ཨ་པ་ར་ཏི་ནིའམ། པདྨ་ཀུ་ཤུ་ཀའམ། པདྨའི་སྡོང་བུའི་རྩ་བའམ། དཎྜོ་པ་ལའམ། ཨུཏྤ་ལའི་མེ་ཏོག་གམ། མིའི་ཤའམ། རྨ་བྱའི་ཤའམ། ཚ་བ་གསུམ་མམ། ར་ཛ་པ་ཏའམ། སྤོས་དཀར་བའམ། གཞན་དག་ཕྱེ་མར་བྱས་ཏེ། ཁམ་ཕོར་ཁ་སྦྱར་རམ། ལག་པ་ཁ་སྦྱར་དུ་བཅུག་སྟེ་ཇི་སྲིད་དུ་བ་འཐུལ་བ་དེ་སྲིད་དུ་བཟླས་པ་དེས་མིག་ལ་བསྐུས་ན་མི་སྣང་བར་འགྱུར་རོ། ། དུར་ཁྲོད་དུ་སྦྲང་རྩི་ལ་ལན་སྟོང་མངོན་པར་སྔགས་ཏེ། མིག་ལ་བསྐུས་ན་མ་མཐོང་བ་ཐམས་ཅད་མཐོང་བར་འགྱུར་རོ། །དགོན་པར་མཆོད་རྟེན་གྱི་ལོགས་ལ་ཤིང་རྟ་བྲིས་ལ་ཇི་སྲིད་ཟླ་བ་ཕྱེད་ཀྱི་ནང་དུ་འགུལ་བར་གྱུར་པ་དེ་སྲིད་ཉིན་མཚན་བཟླས་ལ་དེ་ལ་ཞོན་ན་ཀུན་ཏུ་འགྲོ་བར་འགྱུར་རོ། །བ་བླ་བླངས་ཏེ་དབེན་བའི་མཆོད་རྟེན་ནམ། དགོན་པའམ། རི་ལ་སོགས་པ་ལ་ཇི་སྲིད་དངོས་གྲུབ་གསུམ་གྲུབ་པར་འགྱུར་བ་དེ་སྲིད་དུ་བཟླས་པར་བྱའོ། །དེ་བཞིན་དུ་གི་ཝང་དང ། ལིག་བུ་མིག་ལ་སོགས་པ་ལ་བསྒྲུབ་པར་བྱའོ། ། དགེ་སློང་གིས་རྟག་ཏུ་ཆོས་གོས་དང ། ལྷུང་བཟེད་དང ། འཁར་གསིལ་ལ་སོགས་པ་བླངས་ལ་བཟླས་པ་བྱ་ཞིང་འཇོག་པ་ན་བསྲུང་བ་བྱས་ཏེ་གཞག་པར་བྱའོ། །དེ་
284a
༄#། །ལྟ་བུ་ལ་སོགས་པའི་ལས་སུ་བྱ་བ་བྱེད་པ་ན་ཡིད་ལ་འདོད་པའི་ཆོ་གས་བསྒྲུབ་པའམ། དེ་བཞིན་གཤེགས་པ་ཐམས་ཅད་ཀྱི་རྟོག་པའི་ཆོ་གས་བསྒྲུབས་ན་སངས་རྒྱས་བཅོམ་ལྡན་འདས་ཀྱི་སྙིང་པོ་འདི་འདོད་པ་ཕུན་སུམ་ཚོགས་པར་བྱེད་པར་འགྱུར་རོ། །ཐོགས་པ་མེད་པར་དོན་ཡོད་པའི་ཡིད་ལ་འདོད་པའི་ཆོ་ག་ཇི་ལྟར་འདོད་པ་བཞིན་བསྒྲུབ་པར་བྱའོ། །བྱང་ཆུབ་སེམས་དཔའ་དང་བཅས་པའི་དེ་བཞིན་གཤེགས་པ་ཐམས་ཅད་འདི་ལྟར་བདག་པོར་ཁས་བླངས་ནས་ཕྱག་འཚལ་བ་དང ། དམིགས་པ་དང ། བཟླས་པས་སངས་རྒྱས་དང ། བྱང་ཆུབ་སེམས་དཔར་བཅས་པ་རྗེས་སུ་དྲན་ཞིང་བཟླས་པ་གོམས་པར་བྱའོ། །གལ་ཏེ་སྐྱིལ་ཀྲུང་མ་བཤིག་པར་མཚན་མོ་གཅིག་པུར་རི་ལ་སོགས་པ་དྲི་ཞིམ་པ་དབེན་བ་ན་དབེན་བར་འདུག་སྟེ། བཟླས་པ་བྱེད་ན་ཉི་མ་ཤར་བའི་དུས་ཀྱི་ཚེ་བསྙེན་པ་མ་བྱས་པར་ཡང་རིག་པ་འཛིན་པར་ངེས་པར་མཚན་གཅིག་གིས་འགྲུབ་བོ། །ཙོག་པུར་འདུག་ནས་བྱས་ན་གདོན་མི་ཟ་བར་ཟླ་བ་ཕྱེད་ཀྱི་ནང་དུ་ལུས་ཡོངས་སུ་འགྱུར་བར་བྱེད་དོ། །དཀྱིལ་འཁོར་མེ་ཏོག་ལ་སོགས་པས་མངོན་པར་གཏོར་བར་བྱས་ལ་མཆོད་རྟེན་ལ་མངོན་དུ་ཕྱོགས་པའམ། ལུགས་སྐུ་ལ་མངོན་པར་ཕྱོགས་པས་སངས་རྒྱས་དང ། བྱང་ཆུབ་སེམས་
284b
དཔའ་ཐམས་ཅད་ལ་བདག་དབུལ་ཞིང་སྟོང་ཕྲག་བརྒྱད་བཟླས་ན་དམ་པའི་ཆོས་སྤོང་བ་དང ། འཁོར་བ་ཐོག་མ་མེད་པའི་ལས་ཀྱི་སྒྲིབ་པ་རྣམས་སྤོང་བར་བྱེད་དོ། །ཆུ་བོའི་དོགས་སུ་མཆོད་རྟེན་བྱས་ལ་ཆུ་བོ་དེ་ཉིད་དུ་སྐེད་པ་ནུབ་ཙམ་དུ་ཞུགས་ཏེ་བཟླས་ན་ལས་ཀྱི་སྒྲིབ་པ་ཟད་པར་འགྱུར་རོ། །དེ་བཞིན་དུ་མཆོད་རྟེན་ལ་སྐོར་བ་བྱེད་ཅིང་སྟོང་ཕྲག་བརྒྱད་བཟླས་ན་སྡིག་པ་ལས་གྲོལ་བར་འགྱུར་རོ། །དབེན་བར་མིག་བཙུམས་ཏེ་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་དམིགས་ནས་ཇི་སྲིད་མིག་བཙུམས་པ་དེ་ཁོ་ནས་དེ་བཞིན་གཤེགས་པ་ཡིད་ཀྱིས་མཐོང་བར་འགྱུར་བ་དེ་སྲིད་དུ་བཟླས་པ་བྱས་ན། སྡིག་པའི་ལས་ཀྱི་སྒྲིབ་པ་ལས་རྣམ་པར་གྲོལ་བར་འགྱུར་རོ། །མི་སྨྲ་བར་སྟོང་ཕྲག་བརྒྱད་བཟླས་པ་བྱས་ན་དཀྱིལ་འཁོར་ཐམས་ཅད་དུ་རབ་ཏུ་ཞུགས་པར་འགྱུར་རོ། །འདིས་དམ་ཚིག་ཐམས་ཅད་ཀྱང་ཤེས་པར་འགྱུར་རོ། །རྣམ་པར་འཚེ་བ་ལ་མར་དང ། ཡུངས་ཀར་གྱི་སྦྱིན་སྲེག་བྱའོ། །ནད་པ་རྣམས་ཀྱི་དོན་དུ་ནི་མར་དང ། སྦྲང་རྩིས་སྦྱིན་སྲེག་བྱའོ། །ཁྲོས་པ་རྣམས་ཀྱི་དོན་དུ་སྦྲང་རྩིའོ། །རྒྱལ་པོ་འདྲེན་པར་བྱེད་པ་ལ་ནི་ཡུངས་ཀར་ཏིལ་མར་ལ་སྦགས་པས་སྦྱིན་སྲེག་བྱའོ། །གཡུལ་འགྱེད་པ་ལ་ནི་འོད་མའི་ཚེར་མའམ། འཆི་བ་ལ་མ་ད་ནའི་ཚེར་མའམ། ཨརྒའི་མེ་ཏོག་
285a
༄#། །གམ།་དུ་དུ་ར་གའི་མེ་ཏོག་ཡུངས་ཀར་གྱི་མར་ལ་སྦགས་ནས་སྦྱིན་སྲེག་བྱས་ན་འཆི་བ་རབ་ཏུ་ཞི་བར་བྱེད་དོ། །མུ་ཙུ་ཀུནྡྷའི་ཕུར་བུ་མ་མོའི་དཀྱིལ་འཁོར་དུ་སྦས་ན་མཁའ་འགྲོ་མ་ཐམས་ཅད་ཀྱི་ཕྱག་རྒྱ་དང ། སྔགས་ཕུར་བུས་བཏབ་པར་འགྱུར་རོ། །རིག་པ་འཛིན་པའི་རྒྱལ་པོ་ཐམས་ཅད་བྲིས་ཏེ། ལྕགས་ཀྱི་ཕུར་བུས་བཏབ་ན་རིག་པ་འཛིན་པ་ཐམས་ཅད་དང ། མ་དད་པ་དང ། གནོད་པ་བྱེད་པ་ཕུར་བུས་བཏབ་པར་འགྱུར་རོ། ། ཤོ་ཀའི་ཕུར་བུས་ལམ་པོ་ཆེའི་བཞི་མདོར་བརྐོས་ན་གདོན་ཆེན་པོ་རེངས་པར་བྱེད་པར་འགྱུར་རོ། །ཉིན་བཞི་པ་ལ་སོགས་པའི་རིམས་ཐམས་ཅད་ལ་སྐུད་པའམ། བདུག་སྤོས་དྲི་ཞིམ་པོ་རྣམས་ཀྱིས་མགོ་བཏུམས་ལ་རང་ལ་བདུགས་ན་སེལ་བར་བྱེད་ཅིང་ལྷས་བསྟན་ནས་སྨྲ་བར་བྱེད་དོ། །དེ་བཞིན་དུ་སྦྱིན་སྲེག་གང་ཡིན་པ་དེས་ཀྱང་ཀླུ་དང ། གནོད་སྦྱིན་ལ་སོགས་པ་མེད་པར་བྱེད་དོ། །ཟླ་བ་གཟས་ཟིན་པ་ན་ཟངས་མའམ། ལྕགས་སམ། གསེར་རམ། དངུལ་གྱི་སྣོད་དུ་བཅུག་པའི་མར་ལ་ཇི་སྲིད་དངོས་གྲུབ་གསུམ་ཐོབ་པར་འགྱུར་བ་དེ་སྲིད་དུ་བཟླས་ལ་དེ་འཐུངས་ན་ཐོས་པ་འཛིན་པའམ། རིག་པ་འཛིན་པར་འགྱུར་རོ། །ཉི་མ་གཟས་ཟིན་པ་ན་བ་བླ་ཤིང་མྱ་ངན་མེད་ཀྱི་ལོ་མ་ལ་བཞག་སྟེ། དགོན་པའི་མཆོད་རྟེན་ནམ། རི་
285b
བོའི་མཆོད་རྟེན་གྱི་རྩར་དཀྱིལ་འཁོར་ལ་མེ་ཏོག་གཏོར་བ་བྱས་ཤིང་ཇི་སྲིད་གྲུབ་པ་གསུམ་ཐོབ་པར་གྱུར་པ་དེ་སྲིད་དུ་བཟླས་ན་འབར་བར་གྱུར་ནས་རིག་པ་འཛིན་པར་འགྱུར་རོ། ། བ་བླ་ལ་ཇི་ལྟ་བ་དེ་བཞིན་དུ་ལིག་བུ་མིག་དང ། ལྡོང་རོས་ལ་སོགས་པ་ལ་ཟླ་བའམ། ཉི་མ་གཟས་ཟིན་པ་ན་བསྒྲུབ་པར་བྱའོ། །གང་ཞིག་སངས་རྒྱས་དང ། བྱང་ཆུབ་སེམས་དཔའི་སྤྱོད་ཡུལ་ལ་འཇུག་པར་འགྱུར་བའམ། རྟེན་འཕོ་བར་འདོད་པའམ། རྒལ་བར་འདོད་པའམ། སེམས་ཅན་རྣམས་དང ། སྐྱེ་བོ་སྡུག་བསྔལ་བ་རྣམས་འཁོར་བ་ལས་ཡོངས་སུ་སྲུང་བར་བྱེད་འདོད་པའམ། བདག་ཉིད་མཐོང་བའི་ཆོས་ཉིད་ལ་སངས་རྒྱས་ཀྱི་མཛད་པ་ལ་ངེས་པར་སྦྱོར་བར་འདོད་པའམ། གསལ་པོར་སྣང་བ་ལ་གཞན་དག་ཡང་དག་པར་སྦྱོར་བར་འདོད་པའམ། སངས་རྒྱས་བཅོམ་ལྡན་འདས་རྣམས་ལས་ལེགས་སོ་ཞེས་བྱ་བའི་རྣམ་པ་རབ་ཏུ་བསྒྲགས་པ་མྱུར་དུ་རྙེད་པར་འདོད་པའམ། ཕྱིར་མི་ལྡོག་པའི་ས་ལ་སྐྱེ་བརྙེད་པར་འདོད་པས། སྔགས་ཀྱི་སྤྱོད་པའི་སྒོ་བྱང་ཆུབ་སེམས་དཔའི་སྤྱོད་པ་འདི་ལ་བསླབ་པར་བྱའོ། །ཐབས་ལ་མཁས་པ་འདིས་ཀྱང་ཡོངས་སུ་ཟིན་པར་བྱ་སྟེ། སྨོན་ལམ་རྒྱ་ཆེན་པོ་བྱ་བ་དང ། སྡིག་པ་རྣམས་སོ་སོར་བཤགས་པ་དང ། དུས་གསུམ་དུ་འབྱུང་བའི་བསོད་ནམས་དང ། ཡེ་ཤེས་ཀྱི་ཚོགས་འཇིག་རྟེན་དང ། འཇིག་རྟེན་ལས་འདས་པ་ལ་རྗེས་སུ་
286a
༄#། །ཡི་རང་བ་དང ། རྗེས་སུ་ཡི་རང་བ་ཡང་སེམས་ཅན་གྱི་ཁམས་ཐམས་ཅད་ཀྱི་སངས་རྒྱས་ཀྱི་རྒྱུ་ཉིད་དུ་རབ་ཏུ་སྦྱོར་བར་གྱུར་ཅིག་ཅེས་དེ་ལྟར་བསྔོའོ། ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་དམིགས་ཤིང ། སེམས་ཅན་གྱི་དོན་འབྱུང་བར་གྱུར་ཅིག་།ཅེས་དང་པོའི་ཚིག་ཏུ་བརྗོད་པའམ། རྗེས་སུ་བསམས་པའམ། དམིགས་ནས་བདག་གི་བསོད་ནམས་ཀྱི་སྟོབས་དང ། སྨོན་ལམ་གྱི་སྟོབས་ཀྱིས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་བདག་ལ་བྱིན་གྱིས་བརླབ་ཅིང་སེམས་ཅན་གྱི་དོན་འདི་འབྱུང་བར་གྱུར་ཅིག་ཅེས་དང་པོ་ཚིག་ཏུ་བརྗོད་པའམ། རྣམ་པར་བསམས་ཏེ་བཟླས་པ་བྱའོ། །དབེན་བའི་ས་ཕྱོགས་སུ་འཕགས་པ་སྡོང་པོ་བཀོད་པ་ལ་སོགས་པ་ཤིན་ཏུ་རྒྱ་ཆེན་པོའི་མདོ་དང ། བྱང་ཆུབ་སེམས་དཔའི་སྤྱོད་པའི་རྒྱུ་ལ་རབ་ཏུ་འཇུག་པ་ཀློག་པ་ཉིད་དང ། སེམས་པ་ཉིད་དང ། མཆོད་པ་ཉིད་དང ། མཆོད་པ་ཉིད་ཚེས་གཅིག་ནས་བརྩམས་ཏེ་ཟླ་བ་གཅིག་གི་བར་དུ་བྱའོ། །དེ་ནས་ཉ་ལ་མཆོད་པ་བྱས་ཏེ། མཚན་ཐོག་ཐག་ཏུ་བཟླས་པ་བྱས་ན། དེ་བཞིན་གཤེགས་པ་རྣམས་བྱོན་ཞིང་མགོ་ལ་ཕྱག་གིས་བྱུགས་ཏེ། འདི་སྐད་དུ། སྐྱེས་བུ་དམ་པ། ལེགས་སོ། ལེགས་སོ་ཞེས་གསུང་བར་འགྱུར་ཏེ། དེ་ལ་སོགས་
286b
པ་མི་བརྗེད་པའི་གཟུངས་རྙེད་པར་འགྱུར་ཞིང ། བྱང་ཆུབ་སེམས་དཔའི་སྤྱོད་པ་ལ་རྗེས་སུ་ཞུགས་ནས་མངོན་པར་ཤེས་པ་ལྔ་ཐོབ་པར་འགྱུར་རོ། །ཇི་ལྟར་སེམས་ཅན་རྣམས་འཚང་རྒྱ་བའི་རྒྱུར་གྱུར་ཅིག་ཅེས་རྣམ་པར་བསམས་ལ་བཟླས་པར་བྱའོ། །དེ་བཞིན་དུ་སེམས་ཅན་རྣམས་ཀྱི་ནད་རྣམས་རབ་ཏུ་ཞི་བར་བྱ་བ་དང ། སྡུག་བསྔལ་གྱིས་ཉོན་མོངས་པ་ཐམས་ཅད་རབ་ཏུ་ཞི་བར་གྱུར་ཅིག་ཅེས་དེ་ལྟར་བཟླས་པར་བྱའོ། །གྲང་བའི་དམྱལ་བ་རྣམས་ལ་དྲོ་བ་འབྱུང་བར་འགྱུར་བ་དང ། ཚ་བའི་དམྱལ་བ་རྣམས་ལ་གྲང་བ་ཉིད་འབྱུང་བར་གྱུར་ཅིག་ཅེས་བཟླས་པར་བྱའོ། །དུད་འགྲོ་གཅིག་ལ་གཅིག་ཟ་བ་རྣམས་མེད་པར་གྱུར་ཅིག་ཅེས་བཟླས་པར་བྱའོ། །སེམས་ཅན་གྱི་ཁམས་ཐམས་ཅད་དུ་སྡུག་བསྔལ་བ་དང ། ཡིད་མི་བདེ་བ་ཐམས་ཅད་མེད་པར་གྱུར་ཅིག་།བདེ་བ་དང ། ཡིད་བདེ་བ་ཐམས་ཅད་འབྱུང་བར་གྱུར་ཅིག་།ཡི་དྭགས་རྣམས་ལ་བཟའ་བ་དང ། བཏུང་བ་འབྱུང་བར་གྱུར་ཅིག་ཅེས་དེ་ལྟར་ཟང་ཟིང་མེད་པའི་སེམས་ཅན་ཐམས་ཅད་ལ་ལོངས་སྤྱོད་པ་འབྱུང་བར་གྱུར་ཅིག་།སེམས་ཅན་ཐམས་ཅད་ཀྱི་དགེ་བ་རབ་ཏུ་འཕེལ་བའི་ཤུགས་འབྱུང་བར་གྱུར་ཅིག་།བདེ་བ་དང ། ཡིད་བདེ་བ་དེ་དག་རྣམས་ལ་འབྱུང་བར་གྱུར་ཅིག་།དད་པ་དང ། དགའ་བ་དང ། རབ་ཏུ་དགའ་བ་ལ་སོགས་པ་
287a
༄#། །དང།་རྗེས་སུ་ཡི་རང་བ་ལ་སོགས་པའི་དགེ་བའི་ཤུགས་འབྱུང་བར་གྱུར་ཅིག་།བསོད་ནམས་དང ། ཡེ་ཤེས་ཀྱི་ཚོགས་ཐམས་ཅད་ཡོངས་སུ་རྫོགས་པར་གྱུར་ཅིག་།སྟོབས་བཅུ་མཁྱེན་པའི་ས་ལ་སེམས་ཅན་སོ་སོར་གནས་པར་གྱུར་ཅིག་ཅེས་བྱ་བ་ལ་སོགས་པ་དང ། གཞན་ཡང ། སེམས་ཅན་ལ་ཕན་པའི་རྒྱུར་དམིགས་ཏེ་སྔགས་བཟླ་བར་བྱའོ། །མདོར་ན། འཁོར་བར་གྱུར་བའི་ཉོན་མོངས་པ་དང ། སྡུག་བསྔལ་བ་ལ་སོགས་པ་རབ་ཏུ་སྤང་བ་དང ། བྱང་ཆུབ་སེམས་དཔའི་ཚོགས་ཡོངས་སུ་རྫོགས་པར་གྱུར་ཅིག་ཅེས་སྔགས་བཟླ་བར་བྱའོ། །དེ་བཞིན་དུ་བཟླས་པས་ཀྱང་དེ་བཞིན་གཤེགས་པའི་བྱིན་གྱིས་བརླབས་དང ། སྨོན་ལམ་གྱི་སྟོབས་དང།་བསོད་ནམས་དང ། ཡེ་ཤེས་ཀྱི་སྟོབས་ཀྱིས་གོ་རིམས་ཇི་ལྟ་བ་བཞིན་དུ་སེམས་ཅན་གྱི་ཁམས་སུ་སེམས་ཅན་གྱི་དོན་གྱི་ཁྱད་པར་ཆུང་ངུ་དང ། འབྲིང་དང ། ཆེན་པོ་རྣམས་འབྱུང་བར་འགྱུར་རོ། །དེ་དག་ཀྱང་དེ་བཞིན་གཤེགས་པས་མཁྱེན་པར་འགྱུར་ཏེ། མོས་པ་རྒྱ་ཆེ་བ་དང ། དད་པས་བྱང་ཆུབ་མངོན་པར་འདོད་པའི་རིགས་ཀྱི་བུ་དེ་ལ་ཡང་དད་པར་བྱའོ། །དེ་ལ་འདིའི་དཔེ་བསྟན་པ་ནི། འདི་ལྟ་སྟེ། ཡང་འདོད་པའི་ཁམས་ན་དབང་ཕྱུག་ཅེས་བྱ་བ་ཡོད་དེ། འདོད་པ་སྐྱེད་པར་བྱེད་པ་ཞེས་བྱ་བའི་
287b
རིག་པས་འདོད་པ་ན་སྤྱོད་པའི་ལྷའི་བུ་འདོད་པས་རྒྱལ་བར་བྱེད་ཅིང ། འདོད་པའི་ལོངས་སྤྱོད་ཡོངས་སུ་ལོངས་སྤྱོད་པ་ཡང་ཡང་དག་པར་སྟོན་པར་བྱེད་དོ། །མེ་ཏོག་རྣམ་པ་སྣ་ཚོགས་པ་མང་པོ་དང ། རིན་པོ་ཆེ་དང ། ནོར་བུ་ཡོད་པའི་ས་ཕྱོགས་དང ། ཡོ་བྱད་དང ། ལོངས་སྤྱོད་ཉེ་བར་སྟོབས་པར་བྱེད་དོ། །འདི་ལྟ་སྟེ། ཡང་ལྷའི་བུ་དབང་ཕྱུག་ཅེས་བྱ་བ་ཡོད་དེ་དེས་ཡིད་ལྟར་མགྱོགས་པ་ཞེས་བྱ་བའི་རིག་པས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ལས་སུ་བྱ་བ་བྱེད་ཅིང་ཡོ་བྱད་དང ། ལོངས་སྤྱོད་མངོན་པར་སྤྲུལ་ནས་གནས་གཙང་མའི་རིས་ཀྱི་ལྷའི་བུ་རྣམས་ལ་ཡང་ཉེ་བར་སྟོན་པར་བྱེད་དོ། །འདི་ལྟ་སྟེ། ཡང་རིག་པ་འཛིན་པ་ཞེས་བྱ་བའི་སྔགས་ཀྱིས་གོས་དང ། བཟའ་བ་དང།་བཏུང་བ་དང ། གཞལ་ཡས་ཁང་དང ། སྐྱེད་མོས་ཚལ་དང ། དྲི་དང ། མེ་ཏོག་དང ། ཕྱེ་མ་དང ། ཕྲེང་བ་ལ་སོགས་པ་མངོན་པར་སྤྲུལ་ནས་ཡོངས་སུ་ལོངས་སྤྱོད་པར་བྱེད་ཅིང་གཞན་དག་ལ་སྟེར་བར་བྱེད་དོ། །འདི་ལྟ་སྟེ། ཡང་མིག་འཕྲུལ་རྣམ་པ་སྣ་ཚོགས་པའི་མིག་འཕྲུལ་མཁན་ཞེས་བྱ་བས་རྣམ་པ་སྣ་ཚོགས་པའི་མིག་འཕྲུལ་སྟོན་པར་བྱེད་དོ། །འདི་ལྟ་སྟེ། ཡང་ལྷ་མ་ཡིན་རྣམས་སྔགས་ཀྱི་སྒྱུ་མ་བྱེད་པར་འགྱུར་རོ། །འདི་ལྟ་སྟེ། ཡང་སྨན་བས་སྔགས་ཀྱིས་སེམས་ཅན་མང་པོ་རྣམས་ཀྱི་
288a
༄#། །རིམས་སེལ་བར་བྱེད་ཅིང ། ཡི་དྭགས་དང ། དུག་དང ། ནད་རྣམས་སེལ་བར་བྱེད་དོ། །འདི་ལྟ་སྟེ། ཡང་སྔགས་ཀྱིས་མེའི་དྲོ་བ་མེད་པར་བྱེད་ཅིང་གྲང་བ་ཡང་དྲོ་བར་འགྱུར་རོ། །འདི་ལྟ་སྟེ། ཡང་མངོན་པར་གནོད་པར་བྱེད་པས་རིམས་ཀྱིས་འཛིན་པར་བྱེད་དོ། །འདི་ལྟ་སྟེ། ཡང་མ་མོའི་རྟོག་པས་སེམས་ཅན་མང་པོ་རྣམས་ལ་གསོད་པ་དང ། རྣམ་པར་འཚེ་བར་བྱེད་དོ། །གཞན་ཡང ། སྡིག་པ་རྣམས་ལ་སྡིག་པའི་སྔགས་ཀྱིས་སྡིག་པ་ལ་སྦྱོར་བར་ཡང་བྱེད་དོ། །འདི་ལྟ་སྟེ། ཡང་གནོད་སྦྱིན་གྱི་སེམས་རྣམ་པར་གཡོ་བར་བྱེད་པའི་སྔགས་ཀྱིས་སེམས་དགའ་བ་དང ། ཡིད་བདེ་བ་ལ་སོགས་པ་དང ། གཞན་དག་ཀྱང་བྱེད་པར་འགྱུར་རོ། །དེ་ལྟ་བུ་ལ་སོགས་པའི་ངེས་པ་སྟོན་པ་ནི་སྔགས་ཀྱི་སྟོབས་ཡིན་པར་བལྟ་བར་བྱའོ། །གསང་སྔགས་དེའི་སྟོབས་ནི་གསང་སྔགས་ཉིད་ལས་འབྱུང་བ་ཡང་མ་ཡིན། །སེམས་ཅན་ལས་འཇུག་པ་ཡང་མ་ཡིན། སྦྱོར་བ་བྱས་པ་ཡང་མི་དམིགས་མོད་ཀྱི། སྔོན་གྱི་བསྙེན་པའི་ཆོ་ག་ལས་གསང་སྔགས་ཀྱི་སྟོབས་རབ་ཏུ་ཤེས་པར་བྱའོ། །བྱིན་གྱིས་བརླབས་ཀྱི་ཆོས་ཉིད་ལས་བྱུང་བ་ལས་འདས་པ་ཡང་མ་ཡིན། ཆོས་ཐམས་ཅད་ཀྱི་ཆོས་ཉིད་འདི་ཡང་འགྲོ་བ་དང ། འོང་བ་ཡང་མ་ཡིན། དམིགས་པ་
288b
ཡང་མ་ཡིན། འགྲོ་བར་བྱེད་པ་ཡང་མ་ཡིན། །བྱེད་པ་པོ་ཡང་མ་ཡིན། བྱེད་པ་ཡང་མ་ཡིན། བདེན་པར་གྱུར་པ་མི་སླུ་བ་ཡིན་ཏེ། དེ་བས་ན་དད་པས་སྔགས་འདིས་སེམས་ཅན་ཐམས་ཅད་ཀྱི་དོན་བྱའོ། །ཚེ་འདི་ཉིད་ལ་མཐོང་བའི་ཆོས་ཀྱི་ཡོན་ཏན་འདོད་པ་དང ། བྱང་ཆུབ་སེམས་དཔའི་སྤྱོད་པ་ལ་འཇུག་པར་འདོད་པ་དང ། བསོད་ནམས་དང ། ཡེ་ཤེས་ཀྱི་ཚོགས་ཡོངས་སུ་རྫོགས་པར་བྱེད་འདོད་པ་དང ། ཡོན་ཏན་རིན་པོ་ཆེ་སོ་སོར་ཐོབ་པར་འདོད་པས་བསྒྲུབ་པར་བྱའོ། །སེམས་ཅན་གྱི་དོན་གྱི་ཕྱིར་མངོན་པར་བརྗོད་པའི་སྦྱོར་བ་འདིས་བསྒྲུབས་ན་མྱུར་བ་ཁོ་ནར་ཇི་ལྟར་འདོད་པའི་རིག་པ་འཛིན་པ་ལ་སོགས་པ་འགྲུབ་པར་འགྱུར་རོ། །གཞན་ཡང ། སེམས་ཅན་རྣམས་ལ་ཕན་པའི་རྒྱུར་གྱུར་བ་ཇི་སྐད་དུ་བཤད་པའི་དངོས་གྲུབ་ཀྱི་གོ་འཕང་གང་ཡིན་པ་རྣམ་པར་བསམས་ལ་བཟླས་པ་འབུམ་བྱས་ན་ངེས་པར་དེ་བཞིན་གཤེགས་པའི་ཞལ་མཐོང་ཞིང་མགོ་ལ་བྱུགས་ཏེ་ཇི་ལྟར་འདོད་པའི་དངོས་གྲུབ་ཀྱང་མྱུར་དུ་སྩོལ་བར་མཛད་པར་འགྱུར་རོ། །ཡིད་ཀྱིས་ལས་སུ་བྱ་བ་ཅི་འདོད་པ་ལ་སྦྱོར་བའང་རུང ། རྟོག་པའི་ཆོ་ག་གཞན་ནམ། སྔགས་འདི་ལ་རྟོགས་པ་ཐམས་ཅད་ཀྱི་ཆོ་གས་སྦྱར་བར་བྱའོ། །དམ་ཚིག་གསུམ་གྱི་རྒྱལ་པོ་ལས་གསུངས་པའི་ཆོ་ག་ལས། དེ་བཞིན་གཤེགས་པའི་
289a
༄#། །སྙིང་པོའི་ལེའུ་རྫོགས་སོ།། །།ཡང་དེའི་ཚེ་བཅོམ་ལྡན་འདས་ཐམས་ཅད་ཀྱི་མཆོག་ཏིང་ངེ་འཛིན་གྱི་རྒྱལ་པོ་ཞེས་བྱ་བ་ལ་སྙོམས་པར་ཞུགས་སོ། །སྙོམས་པར་ཞུགས་མ་ཐག་ཏུ་སྐུའི་ཡན་ལག་ཐམས་ཅད་ལས་དེ་བཞིན་གཤེགས་པའི་སྤྱོད་ཡུལ་ཐམས་ཅད་ཀྱི་མཆོག་ཅེས་བྱ་བའི་རིག་པའི་རྒྱལ་པོ་བྱུང་བར་གྱུར་ཏོ། །ན་མཿ སརྦ་བུདྡྷ་བོ་དྷི་སཏྭ་ནཱཾ། ཨོཾ་ཨ་མ་ལ་བི་ཀྲཱནྟ་ཏེ་ཛཱི་ནི་ཨ་ར་ཛེ་སཝཱཧཱ། ལག་ན་རྡོ་རྗེ། འདི་ནི་ཆོས་ཀྱི་སྤྱོད་ཡུལ་མཐའ་དང ། དབུས་མེད་པའི་དེ་བཞིན་གཤེགས་པ་རྣམས་ཀྱི་རིག་པ་མཆོག་།ཐོགས་པ་མེད་པ་དོན་ཡོད་པར་གྲུབ་པའི་རིག་སྔགས་ཆེན་པོ་རྟོག་པའི་སྦྱོར་བ་རབ་འབྱམས་ཡངས་པ་མཐའ་མེད་པ། སྔགས་ཀྱི་སྒོར་ཞུགས་པའི་བྱང་ཆུབ་སེམས་དཔའི་སྤྱད་པ་སྤྱོད་པའི་བྱང་ཆུབ་སེམས་དཔའ་འདིས་ལས་རྣམས་གང་བག་མེད་པའི་སེམས་དང་པོ་བསྐྱེད་པའི་བྱང་ཆུབ་སེམས་དཔའ་ནི་དེ་བཞིན་གཤེགས་པས་བྱིན་གྱིས་བརླབས་མ་གཏོགས་པར་སྨྱོ་བར་འགྱུར་རོ། །མདོར་བསྟན་ན་བཟླས་པ་ཙམ་གྱིས་སངས་རྒྱས་ཀྱི་མཛད་པ་བྱེད་པར་འགྱུར་རོ། ། གསང་སྔགས་ཀྱི་སྤྱོད་པ་རྗེས་སུ་ཐོབ་ནས་རྣམ་པ་སྣ་ཚོགས་པའི་དེ་བཞིན་གཤེགས་པའི་སྐུ་དང ། བྱང་ཆུབ་སེམས་དཔའི་སྐུ་སེམས་ཅན་གྱི་ཁམས་ཐམས་ཅད་ལ་ཡང་
289b
དག་པར་སྟོན་པར་འགྱུར་རོ། །མོས་པ་སྣ་ཚོགས་པ་རྣམས་ལ་འཚམ་པར་འཁོར་བ་ལས་ཟློག་པའི་ཕྱིར་སྒྱུ་མ་མཁན་བཞིན་དུ་ཐམས་ཅད་དུ་སོང་བ་ཐམས་ཅད་ལ་ཐོགས་པ་མེད་པའི་གསང་སྔགས་ཆེན་པོ་འདིས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་བསོད་ནམས་དང ། ཡེ་ཤེས་ཀྱི་ཚོགས་ལས་བྱུང་བ་མཐའ་དང ། དཔུས་མེད་པའི་དེ་བཞིན་གཤེགས་པས་བྱིན་གྱིས་བརླབས་པའི་སྟོབས་དང ། དགེ་བས་རྒྱས་པར་བྱས་པའི་སེམས་ཀྱི་འཇུག་པས་བྱིན་གྱིས་བརླབས་པས་དེ་བཞིན་གཤེགས་པ་རྣམས་ཀྱི་གསུང་གི་འཁོར་ལོ་དང ། གཞན་དག་ཀྱང་སེམས་ཅན་གྱི་ཁམས་རྣམས་ལས་འབྱུང་ཞིང་ཐོས་པར་འགྱུར་ཅིག་ཅེས་སེམས་ཅན་ཐམས་ཅད་བསྐྱབ་པར་དམིགས་ནས་སྔགས་བཟླས་ནས་དེ་བཞིན་གཤེགས་པ་རྣམས་ཀྱིས་བྱིན་གྱིས་བརླབས་ཀྱི་སྟོབས་ཀྱི་ཤུགས་ལ་དད་པར་བྱའོ། །དེ་ལྟ་བས་ན་བྱང་ཆུབ་སེམས་དཔའི་ཐེག་པ་བས་ཐ་ན་གཟུང་བ་ཙམ་ལ་ཡང་སྦྱར་བར་བྱའོ། །རྟོག་པ་འདིར་སངས་རྒྱས་བཅོམ་ལྡན་འདས་ཀྱིས་དོན་ཡོད་པ་ཐོགས་པ་མེད་པ་སྨོན་ལམ་གྱི་སྟོབས་དང ། བྱིན་གྱིས་བརླབས་ཀྱི་སྟོབས་ཀྱིས་དངོས་གྲུབ་བྱིན་གྱིས་བརླབས་པ་ཡིན་ནོ། །དེ་ལས་འདིར་རིག་པ་འཛིན་པ་ཐོབ་པའི་ཐབས་ཕྱོགས་ཙམ་བརྗོད་པར་བྱའོ། །འདིར་དད་པ་དང་ལྡན་པའི་བྱང་ཆུབ་སེམས་དཔའི་ཐེག་པ་པས་
290a
༄#། །རེ་ཞིག་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་སྔ་མ་བཞིན་དུ་བདག་གི་ལུས་དབུལ་བར་བྱའོ། །དེ་ནས་དུས་ཐམས་ཅད་པའི་སྡིག་པ་བཤགས་ཏེ། ལུས་དང ། ངག་དང ། ཡིད་ཀྱིས་ཀུན་ནས་ཉོན་མོངས་པ་དང ། ཉེ་བའི་ཉོན་མོངས་པ་ལས་བྱུང་བ་རྣམས་ནུས་པ་ཇི་ལྟ་བ་བཞིན་དུ་བཤགས་པར་བྱའོ། །དེ་ནས་འདས་པ་དང ། མ་བྱོན་པ་དང ། ད་ལྟར་བྱུང་བའི་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་བསོད་ནམས་དང ། ཡེ་ཤེས་ཀྱི་ཚོགས་ཐམས་ཅད་ལ་རྗེས་སུ་ཡི་རང་བར་བྱ་སྟེ། སེམས་ཅན་ཐམས་ཅད་སྐྱོབ་ཅིང་ཕན་པར་མཛད་པ་ལ་རྗེས་སུ་ཡི་རང་ངོ ། །དཔག་ཏུ་མེད་པའི་དེ་བཞིན་གཤེགས་པ་སེམས་ཅན་གྱི་དོན་མཛད་པ་དང ། བྱང་ཆུབ་སེམས་དཔའ་རྣམས་སེམས་ཅན་རྣམས་ཀྱི་དོན་མཛད་པ་ཉིད་ལ་ཡང་རྗེས་སུ་ཡི་རང་ངོ ། །དེ་ནས་འདི་ལྟར་ཡང་བསམ་པར་བྱའོ། །དེ་བཞིན་གཤེགས་པ་གཅིག་ཅིག་གི་བསོད་ནམས་དང ། ཡེ་ཤེས་ཀྱི་ཚོགས་ཀྱང་ཚད་མེད་དོ་ཞེས་རྗེས་སུ་ཡི་རང་ནས་སེམས་ཅན་ཐམས་ཅད་ཀྱི་ཕྱིར་ཡོངས་སུ་བསྔོ་ན་མཐའ་དང ། དབུས་མེད་པའི་འབྲས་བུ་རྣམ་པར་སྨིན་པ་རྒྱ་ཆེན་པོ་འབྱུང་བར་འགྱུར་ན་གང་ཡང་སངས་རྒྱས་དང ། བྱང་ཆུབ་སེམས་དཔའ་མཐའ་ཡས་པ།
290b
མཐའ་མི་མཐོང་བ། ཚད་མེད་པ་ཁོང་དུ་ཆུད་པར་བྱས་ནས་རྗེས་སུ་ཡི་རང་བ་ལྟ་ཅི་སྨོས། ཡང་ན་སངས་རྒྱས་བཅོམ་ལྡན་འདས་རྣམས་ཀྱིས་ཇི་ལྟར་མཁྱེན་པ་གང་ཡིན་པ་དེས་རྗེས་སུ་ཡི་རང་ངོ་ཞེས་བརྗོད་དོ། །དེ་ནས་འཇིག་རྟེན་གྱི་ཁམས་ཐམས་ཅད་དུ་ཡང་དག་པར་བྱུང་བ། བདག་གི་མེད་པ་རྗེས་སུ་མ་བཟུང་བ། ཐང་ལས་སྐྱེས་པ་རིན་པོ་ཆེའི་རི་ལ་སོགས་པ་དང ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་མཆོད་པའི་དོན་དུ་བསྔོ་བར་བྱའོ། །དེ་ནས་བདག་གི་བསོད་ནམས་ཀྱི་སྟོབས་ཀྱིས་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་ཆོས་ཀྱི་དབྱིངས་ལས་སྤྲོས་པའི་དམ་པ་རྒྱ་ཆེན་པོའི་མཆོད་པའི་སྤྲིན་སྣ་ཚོགས་པ་དེ་བཞིན་གཤེགས་པ་རྣམས་ཀྱིས་བྱིན་གྱིས་བརླབས་དང ། བདག་གི་སྨོན་ལམ་གྱི་སྟོབས་ཀྱིས་འབྱུང་བར་གྱུར་ཅིག་ཅེས་ངེས་པར་བསམས་ལ། འདི་སྐད་ལན་བརྒྱད་ཀྱི་བར་དུ་བརྗོད་པར་བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། སརྦ་ཐཱ་ཨུཏ་ག་ཏེ་སྥ་ར་ཎ་ཧཱི་མཱཾ་ག་ག་ན་ཁཾ་ས་མནྟ་ཏ་སཝཱཧཱ། དེའི་རྗེས་ལ་གཞན་མ་ཡིན་པར་དེ་བཞིན་དུ་མཆོད་པ་རྣམས་དེ་བཞིན་གཤེགས་པས་ཇི་ལྟར་མཁྱེན་པ་བཞིན་དུ་འབྱུང་བར་འགྱུར་རོ། །དེ་ནས་དེ་བཞིན་གཤེགས་པ་ཐམས་ཅད་དང ། བྱང་ཆུབ་སེམས་དཔའ་ཐམས་ཅད་ལ་ཡོན་ཏན་བསྔགས་པ་མཐའ་ཡས་པ་རབ་འབྱམས་
291a
༄#། །རྒྱ་མཚོ་རྣམས་བདག་གི་སྨོན་ལམ་གྱི་སྟོབས་དང ། བསོད་ནམས་ཀྱི་སྟོབས་དང ། དེ་བཞིན་གཤེགས་པ་རྣམས་ཀྱི་བྱིན་གྱིས་བརླབས་ཀྱིས་འབྱུང་བར་གྱུར་ཅིག་ཅེས་བསམས་ལ་སྔགས་འདི་ལན་བརྒྱད་ཀྱི་བར་དུ་བརྗོད་པར་བྱའོ། །ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། སརྦ་ཏྲཱཾ་སཾ་ཀུ་སུ་མི་ཏཱ་ཨ་བྷི་ཛྙཱ་ན་རཱ་ཤི་ནི་ན་མོ་སྟུ་ཏེ་སཝཱཧཱ།་དེ་ནས་བསྟོད་པ་ཡང་དག་པར་བརྗོད་པའི་རྒྱ་མཚོ་རྣམས་དེ་བཞིན་གཤེགས་པ་རྣམས་ཀྱིས་ཇི་ལྟར་མཁྱེན་པ་བཞིན་དུ་འབྱུང་བར་འགྱུར་རོ། །དེ་ནས་སངས་རྒྱས་དང།་བྱང་ཆུབ་སེམས་དཔའ་ཐམས་ཅད་ཀྱིས་ཐམས་ཅད་དུ་སྡུག་བསྔལ་བར་གྱུར་པ་བདག་ལ་བྱིན་གྱིས་བརླབ་ཏུ་གསོལ། བདག་ལ་དངོས་གྲུབ་དང ། མཆོག་སྩལ་དུ་གསོལ་ཞེས་ཚིག་ཏུ་བརྗོད་པར་བྱའོ། །དེ་ནས་སེམས་ཅན་ཐམས་ཅད་ཀྱིས་དགེ་བའི་རྩ་བའི་ཚོགས་ཟག་པ་མེད་པ་རྣལ་འབྱོར་ལས་ཡང་དག་པར་བྱུང་བ་རབ་ཏུ་ཐོབ་པར་གྱུར་ཅིག་ཅེས་ཀྱང་བརྗོད་དོ། །དེ་བཞིན་དུ་མཐའ་དང ། དབུས་མེད་པའི་སེམས་ཅན་ཐམས་ཅད་ལ་ཕན་པ་དང ། བདེ་བ་སྦྱིན་པར་ཡིད་ལ་བྱས་ནས་དེ་ལྟ་བུའི་སྤྲུལ་པའི་སྤྲིན་མངོན་པར་སྒྲུབ་པར་བྱེད་པའི་སྦྱོར་བས་བསྟན་པའི་དེ་བཞིན་གཤེགས་པའི་སྙིང་པོའི་སྔགས་ལན་བརྒྱད་ཀྱི་བར་དུ་བརྗོད་པར་བྱའོ། །དེ་ནས་སངས་
291b
རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ཞིང་དམིགས་ལ་བཟླས་པ་གོམས་པར་བྱས་ནས། སངས་རྒྱས་དང ། བྱང་ཆུབ་སེམས་དཔའ་རྣམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་གྲུབ་པར་གྱུར་པ་དང ། སངས་རྒྱས་ཀྱི་ཆོས་ཐམས་ཅད་གྲུབ་པར་གྱུར་པ་དེ་དག་ལ་རྗེས་སུ་ཡི་རང་བ་ལ་དམིགས་པའི་སེམས་ཀྱིས་གོམས་པར་བྱས་ཤིང་བཟླས་པར་བྱ་སྟེ། ཇི་སྲིད་སྐྱོ་བར་མ་གྱུར་གྱི་བར་དུའོ། །དེ་ནས་དེ་བཞིན་གཤེགས་པ་རྣམས་ཆོས་ཀྱི་འཁོར་ལོ་བསྐོར་བས་བླ་ན་མེད་པའི་སེངྒེའི་སྒྲ་སྒྲོགས་པ་དང།་བླ་ན་མེད་པའི་སེམས་ཅན་གྱི་དོན་མཛད་ཅིང ། །དེ་བཞིན་གཤེགས་པ་ཀུན་ཏུ་བཟང་པོ་ཡེ་ཤེས་ཀྱི་སྐུ་ཡོངས་སུ་རྫོགས་པ་ལ་མངོན་པར་མོས་པས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ནས་ལངས་ཏེ་འཕགས་པ་སྡོང་པོ་བཀོད་པ་ལ་སོགས་པ་ཡངས་ཤིང་རྒྱ་ཆེ་བའི་མདོ་སྡེ་བཀླག་པ་འམ། གཞན་ཡང་རུང་ཇི་ལྟར་བསམས་པ་བཞིན་དུ་སྔ་དྲོ་དུས་ཀྱི་བར་དུ་གནས་པར་བྱའོ། །དེ་ནས་གླེགས་བམ་ལ་སོགས་པ་མཆོད་པ་འམ། ཐ་ན་མཆོད་རྟེན་ལ་ཕྱག་འཚལ་བྱས་ནས་ཟས་བཟའ་བར་བྱའོ། །ཟ་བའི་ཚེ་ཁ་ཟས་ལ་སྔགས་འདིས་ལན་བརྒྱད་མངོན་པར་སྔགས་ལ་དང་པོའི་ཆང་བུ་ལྷ་བཤོས་སུ་ཕུལ་ལ་བཟའ་བར་བྱའོ། །དེ་ལ་སྔགས་ནི་འདི་ཡིན་ཏེ། ན་
292a
༄#། །མཿ ་སརྦ་བུདྡྷ་བོ་དྷི་སཏྭཱ་ནཱཾ། ཨོཾ་བ་ལིནྟཱ་ཏེ། ཏེ་ཛོ་མཱ་ལི་ནི་སཝཱཧཱ། ཟས་ཀྱིས་དུབ་པ་ཅུང་ཞིང་ངལ་བསོས་ལ་ཕྱི་དྲོའི་དུས་སུ་ཡང་ཆོ་ག་འདི་བཞིན་དུ་བྱའོ། །ཉལ་བའི་ཚེ་དང་པོར་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཡན་ལག་ཐམས་ཅད་ཀྱིས་ཕྱག་འཚལ་ནས་བདག་ཉིད་ཕུལ་ལ་ཕྱི་ནས་མལ་དུ་ཇི་ལྟར་འདོད་པར་གཉིད་ལོག་ལ་ནམ་གྱི་ཆ་སྟོད་དང ། ཆ་སྨད་ལ་མི་ཉལ་བར་བྱའོ། །དེ་ལ་ཆོ་ག་ནི་འདི་ཡིན་ནོ། །ཚེས་གཅིག་ནས་བརྩམས་ནས་ཉིན་རེ་ཞིང་ཟླ་བ་གཅིག་རྫོགས་ཀྱི་བར་དུ་འདི་བཞིན་དུ་བྱ་བ་ཡིན་ནོ། །གལ་ཏེ་ཆོ་ག་འགའ་ཞིག་མ་བྱས་སམ། བྱ་བ་གཞན་གྱིས་བྲེལ་བས་ཉི་མ་གཅིག་གམ། གཉིས་སམ། གསུམ་ལ་སོགས་པར་ལས་ལས་ཉམས་ན་ཡང་དེས་བརྩོན་འགྲུས་དོར་བར་མི་བྱ་སྟེ་ཟླ་བ་དེ་ཉིད་ཀྱི་ཉ་ལ་ཉིན་མཚན་གཅིག་ཏུ་བཅོམ་ལྡན་འདས་ཀྱི་མདུན་དུ་འམ། མཆོད་རྟེན་དང ། སྐུ་གཟུགས་དང ། དམ་པའི་ཆོས་གླེགས་བམ་མམ། གཞན་གྱི་མདུན་དུ་ཡང་རུང ། མཆོད་པ་ཅི་འབྱོར་པ་བྱས་ནས་ཀུ་ཤ་བཀྲམ་པ་ལ་འདུག་སྟེ་བསྲུང་བའི་ཆོ་ག་བྱས་ནས་འཁོར་ལོ་དང ། རྡོ་རྗེ་དང།་རྩེ་གསུམ་དང ། མདུང་དང ། ཁ་ཊྭཱཾ་ག་ཡང་རུང ། ལྕགས་ལས་བྱས་པ་འམ། ས་ལས་བྱས་པ་ཡང་རུང ། དེ་བཞིན་གཤེགས་པའི་སྙིང་པོའི་ལེའུ་ནས་གསུངས་
292b
པའི་མཚོན་ཆ་རྣམས་ལས་གང་འདོད་པ་ཞིག་ལག་ཏུ་བླངས་ནས་བསྒྲུབ་པ་བྱས་ན་དེས་ནམ་ཕྱེད་དམ། ཉི་མ་འཆར་ཀར་ངེས་པར་འབར་བར་འགྱུར་རོ། །དེ་ཉིད་རིག་པ་འཛིན་པར་འགྱུར་ཏེ། སྐད་ཅིག་དེ་ལ་རིག་འཛིན་གྱི་རིགས་ཀུན་ཉེ་བར་འདུས་ནས་དེ་ལ་དབང་བསྐུར་བར་འགྱུར་རོ། །དེ་ནས་བཟུང་ནས་འཇིག་རྟེན་གྱི་ཁམས་ཐམས་ཅད་དུ་ནམ་མཁའ་ལ་རྒྱུ་ཞིང་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་རྗེས་སུ་འཇུག་ཅིང་མཆོད་པ་བྱེད་པའི་བྱང་ཆུབ་སེམས་དཔའི་སྤྱོད་པ་ལ་ཞུགས་ནས་བདེ་བ་དང་ལྡན་བཞིན་དུ་ལྷ་དང ། ཀླུ་དང ། གནོད་སྦྱིན་ཐམས་ཅད་ཀྱིས་མཆོད་ཅིང་རིག་པ་འཛིན་པ་ཐམས་ཅད་མངོན་པར་དགའ་བར་བྱེད་པའི་རིག་སྔགས་འཛིན་པའི་རྒྱལ་པོ་ཆེན་པོར་འགྱུར་རོ། །མཐའ་ཡས་པའི་བུད་མེད་ཀྱི་འཁོར་ལ་སོགས་པ་ལ་ཡོངས་སུ་ལོངས་སྤྱོད་ཀྱང་ཉམས་པར་མི་འགྱུར་ཞིང་ལུས་དེ་ཉིད་མི་འདོར་བར་བདེ་བར་རྗེས་སུ་འཇུག་པར་འགྱུར་རོ། །ཐབས་འདི་ཉིད་ཀྱིས་མཐར་གྱིས་སངས་རྒྱས་དང ། བྱང་ཆུབ་སེམས་དཔའ་རྣམས་ཀྱི་ཡེ་ཤེས་ཀྱི་སྐུའི་བར་དུ་ཡང་ཐོབ་པར་འགྱུར་རོ། །འཁོར་ལོ་ལ་སོགས་པ་མཚོན་ཆ་རྣམས་ལ་ཇི་ལྟ་བ་བཞིན་དུ་ལྡོང་རོས་དང ། མིག་སྨན་དང ། བ་བླ་དང ། གི་ཝང་དང ། གོས་དང ། ཀུ་ཤ་དང ། ནོར་བུ་དང ། རྨ་བྱའི་སྒྲོ་དང ། སྣོད་
293a
༄#། །དང ། མཆིལ་ལྷམ་དང ། གདུགས་དང ། རྔ་ཡབ་དང ། རྒྱལ་མཚན་དང ། འཕན་དང ། པདྨ་དང ། ུཏྤལ་དང ། ཏ་ལའི་ལོ་མ་ལས་རལ་གྲི་དང།་ཆུ་གྲི་དང ། གྲི་དང ། ཁ་ཊྭཱཾ་ག་ལ་སོགས་པའི་རྫས་སུ་བྱས་པ་འམ། ལྷག་མས་ཀྱང་བསྒྲུབ་པར་བྱའོ། །ཡིད་ལ་གང་འདོད་པ་འམ། རིག་སྔགས་དང ། གསང་སྔགས་དང།་རྟོག་པའི་ཆོ་ག་གཞན་ལ་ཡང་སྦྱར་བའམ། དེ་བཞིན་གཤེགས་པའི་སྙིང་པོ་ནས་གསུངས་པའི་རྫས་རྣམས་སམ། དེ་བཞིན་གཤེགས་པའི་སྙིང་པོ་ནས་གསུངས་པའི་ཆོ་ག་འམ། ཡིད་ལ་གང་འདོད་པའི་ཆོ་གས་ཀྱང་སྒྲུབ་པ་བྱས་ན་དེ་ཉིད་ཀྱིས་རིག་པ་འཛིན་པར་འགྱུར་རོ། །སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་ཐད་ནས་དངོས་གྲུབ་བླང་བའི་ཆོ་གའོ། །ཇི་སྐད་བསྟན་པའི་ཕྱོགས་གཅིག་དུ་མཆོད་རྟེན་དང ། སྐུ་གཟུགས་དང ། དམ་པའི་ཆོས་ཀྱི་གླེགས་བམ་མམ། གང་ཡང་རུང་བའི་མདུན་དུ་མེ་ཏོག་སིལ་མ་བཀྲམ་པའི་དཀྱིལ་འཁོར་བྱས་ལ། ཅི་འབྱོར་པའི་དྲི་དང ། མེ་ཏོག་དང ། ཕྲེང་བ་ལ་སོགས་པའི་མཆོད་པ་བྱས་ཀྱང་རུང ། མ་བྱས་ཀྱང་རུང།་ཀུ་ཤའི་ཆང་བུ་ལ་ཉེ་བར་འདུག་ནས་ལག་པ་འམ། གཞན་དུ་ཡང་རུང ། ལྡོང་རོས་ལ་སོགས་པའི་རྫས་བཟུང་ནས། ལོ་མའི་བར་རམ། གོས་ཀྱི་བར་དུ་འམ།
293b
ལྕགས་དང ། དངུལ་དང ། གསེར་གྱི་སྣོད་དུ་བཞག་ལ་ཇི་སྲིད་འབར་བར་གྱུར་གྱི་བར་དུ་བཟླས་པ་བྱས་ན། དེ་བཞིན་དུ་བསོད་ནམས་ཇི་ལྟ་བ་བཞིན་རིག་པ་འཛིན་པར་འགྱུར་རོ། །གཞན་གྱིས་མི་འཕྲོགས་པ་ཞེས་བྱ་བ་སྟེ། འདི་ནི་ཐབས་ལ་མཁས་པའི་བྱང་ཆུབ་སེམས་དཔའི་ཐེག་པ་པའི་ཆོ་ག་ཡིན་ནོ། །ཆོ་ག་འདི་ཉིད་ཀྱིས་དབེན་ཞིང་སྟོང་པའི་རི་དང ། ཆུ་ཀླུང་དང ། མཚེའུ་དང ། ཚལ་ཉམས་དགའ་བ་འམ། ཤིང་གཅིག་གམ། གཙུག་ལག་གི་གནས་སམ། སྐུ་གདུང་དང་བཅས་པའི་མཆོད་རྟེན་གྱི་རྩ་འམ། སྐུ་གཟུགས་བཞུགས་པ་འམ། གཞན་ཡང ། གཙུག་ལག་ཁང་གི་བྲང་ཁང་ལ་སོགས་པ་དབེན་པར་བསྒྲུབ་པར་བྱ་སྟེ། འདུ་འཛི་དང་བྲལ་བ་འམ། སངས་རྒྱས་རྗེས་སུ་དྲན་པ་ལ་གོམས་པར་བྱས་ལ། སེམས་ཅན་ཐམས་ཅད་ལ་ཕན་པའི་སེམས་དང་ལྡན་པ། བརྩོན་འགྲུས་དང་ལྡན་པ། དད་པ་དང་ལྡན་པ། སེར་སྣ་མེད་པས་སོམ་ཉི་དང་བྲལ་བའི་སེམས་ཀྱིས་ལུས་དང ། སྲོག་ལ་ཡང་ལྟོས་པ་མེད་པར་བྱའོ། །གཞན་ཡང ། ཐམས་ཅད་ཀྱི་ཐུན་མོང་གི་ཆོ་ག་ནི་རི་དང ། ཆུ་འགྲམ་དང ། འབབ་ཆུའི་ངོས་ལ་སོགས་པའི་གནས་དབེན་ཞིང་སྟོང་པ་རྣམས་སུ་དམ་པའི་ཆོས་ཀྱི་གླེགས་བམ་དང ། གཉིས་སུ་གནས་ལ་དུས་གསུམ་དུ་སྡིག་པ་བཤགས་པ་དང ། བསོད་ནམས་དང ། ཡེ་ཤེས་ཀྱི་ཚོགས་ལ་རྗེས་སུ་ཡི་རང་བ་བྱས་ནས།
294a
༄#། །སངས་རྒྱས་དང ། བྱང་ཆུབ་སེམས་དཔའ་རྣམས་ཀྱི་སྤྱན་སྔར་གསོལ་བ་འདེབས་པས་ཅི་སྲིད་མཚན་མ་བྱུང་བར་གྱུར་གྱི་བར་དུ་བཟླས་པ་བྱའོ། ། ཡར་ངོའི་ཉ་ལ་ཆོ་ག་སྔ་མ་བཞིན་དུ་ཉིན་ཞག་གཅིག་སྨྱུང་བར་གནས་ནས་ཇི་སྐད་བསྟན་པའི་རྫས་རྣམས་ལས་གང་ཡང་རུང་བ་བླངས་ལ་ཇི་སྲིད་འབར་བར་གྱུར་གྱི་བར་དུ་བཟླས་ན་དེ་ཉིད་ཀྱིས་རིག་པ་འཛིན་པར་འགྱུར་རོ། །རིག་པ་མཆོད་དོན་ཡོད་པ་འདི་ནི་རང་བཞིན་གྱིས་གྲུབ་པ། ཐོགས་པ་མེད་པ། ཡིད་ལ་རེ་བའི་ཕུན་སུམ་ཚོགས་པ་སྒྲུབ་པར་བྱེད་པ་སྟེ། ཇི་ལྟ་ཇི་ལྟར་རབ་ཏུ་སྦྱོར་བ་དེ་ལྟ་དེ་ལྟར་འགྲུབ་པར་འགྱུར་རོ། །རང་བཞིན་གྱིས་གྲུབ་པ་བཀླགས་པས་འགྲུབ་པ་ཡིན་པས་བཟླས་པ་ཙམ་གྱིས་འདོད་པ་ཐམས་ཅད་བྱེད་པ་ཡིན་ནོ། །དོན་ཡོད་པའི་རྟོག་པའི་ཆོ་ག་བཞིན་དུ་སྦྱར་བ་འམ། ཇི་ལྟར་འདོད་པ་བཞིན་བསྒྲུབ་པར་བྱའོ། །ཡང་ན་རས་རིས་བསྒྲུབ་པར་འདོད་ན། བཅོམ་ལྡན་འདས་པདྨའི་གདན་ལ་སྐྱིལ་མོ་ཀྲུང་གིས་བཞུགས་པར་བྱའོ། །བཅོམ་ལྡན་འདས་ཀྱི་གཡས་ལོགས་སུ་འཕགས་པ་ཕྱག་ན་རྡོ་རྗེ་ཀུན་ནས་འབར་བས་བསྐོར་བ། བཅོམ་ལྡན་འདས་ཅོད་བན་ལས་བྱུང་བའི་འོད་ཟེར་གྱིས་མངོན་པར་དབང་བསྐུར་བ་བྲི་བར་བྱའོ། །བཅོམ་ལྡན་འདས་ཀྱི་གཡོན་ལོགས་སུ་རིག་པའི་
294b
མཆོག་ཅེས་བྱ་བའི་རྒྱལ་མོ་གསེར་གྱི་མདོག་ཅན་རལ་པ་དང་བཅས་པ། གོས་གཙང་མ་བགོས་པ། པདྨའི་གདན་ལ་བཞུགས་པ། བཅོམ་ལྡན་འདས་ལ་ཐལ་མོ་སྦྱར་བ། འོད་ཀྱི་ཕྲེང་བས་བརྒྱན་པའོ། །བཅོམ་ལྡན་འདས་མའི་འོག་ཏུ་མཐའ་མེད་ཅེས་བྱ་བའི་འཁོར་རལ་གྲི་དང ། ཞགས་པ་ལག་ན་ཐོགས་པ། མདོག་སྔོ་བསངས་ཁྲོས་ཤིང་འཁྲུགས་པ་གོས་དམར་སེར་ཟུང་བགོས་པ། ཁྲོ་གཉེར་བསྡུས་པ། བགེགས་ཐམས་ཅད་ཚར་གཅོད་པ། མངག་གཞུག་པ་རིན་པོ་ཆེའི་བྲག་ལ་འདུག་པ་བྲི་བར་བྱའོ། །འཕགས་པ་ཕྱག་ན་རྡོ་རྗེའི་འོག་ཏུ་ནི་སྒྲུབ་པ་པོ་ཐལ་མོ་སྦྱར་བ། རིན་པོ་ཆེའི་བྲག་གི་པདྨའི་སྡོང་པོ་ལ་བཞུགས་པ། མེ་ཏོག་གི་འཁྲི་ཤིང་གིས་ཀུན་ནས་བསྐོར་བ་བྲི་བར་བྱའོ། །དེ་ལྟ་བུའི་རས་རིས་ཀྱི་མདུན་དུ་ཆོ་ག་འདིས་ཇི་ལྟར་འདོད་པར་རམ། རྟོག་པ་གཞན་གྱི་ཆོ་ག་དང་ཡང་སྦྱར་བར་བྱའོ། །རིག་པ་མཆོག་གི་རས་རིས་གཞན་ཡང་ཏིང་ངེ་འཛིན་ལ་སྙོམས་པར་ཞུགས་པ་པདྨ་དམར་པོ་ལ་རབ་ཏུ་བཞུགས་པ་བྲི་བར་བྱའོ། །དེའི་འོག་ཏུ་མངག་གཞུག་པ་མཐའ་མེད་ལག་པ་ན་རལ་གྲི་དང ། ཞགས་པ་ཐོགས་པ་དེ་དང་འདྲ་བར་བྲི་བར་བྱའོ། །རས་རིས་འདིར་ཡང་ལས་དེ་དག་ཀུན་བྱའོ། །ཆོ་ག་གཞན་ཡང་རི་ལ་སོགས་པ་སྟོང་ཞིང་དབེན་པའི་ཕྱོགས་གཅིག་ཏུ་སྐྱིལ་མོ་ཀྲུང་བཅས་ནས་བྱང་ཆུབ་སེམས་དཔའ་
295a
༄#། །དང་བཅས་པའི་དེ་བཞིན་གཤེགས་པ་དམིགས་ནས་མཚན་ཐོག་ཐག་སྐྱིལ་མོ་ཀྲུང་མ་བཤིག་པར་བཟླས་པ་བྱས་ན་སྔོན་དུ་བསྟེན་བ་མ་བྱས་ཀྱང་ཐོ་རངས་སམ། ནམ་ཕྱེད་ན་རིག་པ་འཛིན་པར་འགྱུར་རོ། །མཐུ་མཚུངས་པ་མེད་པ་དང་ལྡན་པས་ཕྱིར་མི་ལྡོག་པའི་རིག་པ་འཛིན་པས་མཆོད་པར་འགྱུར། སེམས་ཅན་ཐམས་ཅད་ཀྱིས་མཆོད་པར་འགྱུར་རོ། །རིག་པའི་མཆོག་འདི་གང་གི་ལག་ཏུ་ཐོབ་པ་དེ་ནི་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པར་འགྱུར་རོ། །རྡོ་རྗེའི་རིགས་ཐམས་ཅད་ཀྱིས་ཡང་དག་པར་བསྲུངས་བར་འགྱུར་རོ། །སྦྱིན་སྲེག་ལ་སོགས་པའི་སྦྱོར་བས་ལྷ་དང ། ཀླུ་ལ་སོགས་པ་དགུག་པ་དང ། གཞན་ཡང ། ཡིད་ལ་གང་འདོད་པ་རྟོག་པ་གཞན་གྱི་ཆོ་ག་བཞིན་དུ་བསྒྲུབ་པར་བྱའོ། །དེ་བཞིན་གཤེགས་པའི་སྙིང་པོའི་ཚིག་གང་ཡིན་པའི་དམ་པ་ཉིས་འགྱུར་དུ་སྦྱར་བར་བྱའོ། །དེ་བཞིན་གཤེགས་པ་ཡང་དག་པར་འབྱུང་བ་ཞེས་བྱ་བ་རིག་པའི་མཆོག་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་ལོ་རྡོ་རྗེ་ཞེས་བྱ་བ་སངས་རྒྱས་ཐམས་ཅད་ཀྱི་ཡུལ་ལ་རྣམ་པར་ལྟ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་
295b
ཀྱིས་རྡོ་རྗེ་ཤུགས་ཀྱི་ཡི་གེ་ཞེས་བྱ་བ་བྱུང་བར་གྱུར་ཏོ། །དེ་ལས་ནི་རིག་པའི་མཆོག་གི་རྡོ་རྗེའི་ཚིག་འདི་བྱུང་བར་གྱུར་ཏོ། །ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། ཨོཾ་བི་ར་ཛི་བི་ར་ཛི་མཧཱ་བི་ར་ཛི་སཏྭ་སཏྭ། སཱ་ར་ཏེ་སཱ་ར་ཏེ། ཏྲཱ་ཡི་ཏྲཱ་ཡི་བི་དྷ་མ་ཧཱ་ཏཱི་སཾ་བྷཉྫ་ནི། ཏརྨ་ཏི་སིདྡྷ་ཨ་གྲེ་ཏྲཾ་སཝཱཧཱ། འཁོར་ལོ་རྡོ་རྗེ་ཞེས་བྱ་བའི་རིག་པའི་མཆོག་འདི་ལ་ཡང་རིག་པའི་མཆོག་དང་པོ་མི་མཉམ་པ་དང ། མཉམ་པའི་རྟོག་པའི་ཆོ་གར་དང་པོར་དེ་བཞིན་གཤེགས་པའི་སྙིང་པོའི་རྟོག་པའི་ཆོ་ག་ཉིས་འགྱུར་དུ་སྦྱོར་བ་གང་ཡིན་པ་ཡང་ཉིས་འགྱུར་དུ་འཇུག་གོ་།འདིའི་རས་རིས་ཀྱི་ཁྱད་པར་ནི་རིན་པོ་ཆེའི་བྲག་ལས་སྐྱེས་པའི་རིན་པོ་ཆེའི་པདྨ་ཆེན་པོ་ལ་སྐྱིལ་མོ་ཀྲུང་གིས་བཞུགས་པ་ཕྱག་གིས་མཆོག་སྩོལ་བའོ། །བཅོམ་ལྡན་འདས་ཀྱི་གཡེན་ལོགས་སུ་རིག་པའི་མཆོག་ཕྱག་ན་འཁོར་ལོ་བསྣམས་པ། རྒྱན་ཐམས་ཅད་ཀྱིས་བརྒྱན་པ། རིན་པོ་ཆེའི་བྲག་ལ་བཞུགས་པ་བྲི་བར་བྱའོ། །བཅོམ་ལྡན་འདས་ཀྱི་གཡས་ལོགས་སུ་འཁོར་ལོ་རྡོ་རྗེ་ཞེས་བྱ་བའི་རྡོ་རྗེ་འཛིན་ཕྱག་ན་འཁོར་ལོ་བསྣམས་པ། ཅུང་ཟད་སྔོ་བསངས་རིན་པོ་ཆེའི་བྲག་ལ་བཞུགས་པ། དེ་བཞིན་གཤེགས་པའི་འོད་ཟེར་གྱིས་ཀུན་ནས་བསྐོར་བའོ། །དེའི་འོག་ལོགས་སུ་སྒྲུབ་པ་པོ་ཕྱག་འཚལ་བ་བྲིའོ། །ལྷ་མོའི་འོག་ཏུ་ནི་མཐའ་མེད་ཅེས་བྱ་བ་འཁོར་དེ་ཉིད་བགེགས་ཚར་གཅོད་པ་རལ་གྲི་དང ། ཞགས་པ་ལ་
296a
༄#། །ན་ཐོགས་པ་བྲི་བར་བྱའོ། །རས་རིས་གཉིས་པ་ནི་ལྷ་མོ་གཅིག་པུ་གནས་པ་ཕྱག་ན་འཁོར་ལོ་བསྣམས་པའོ། །དེའི་འོག་ཏུ་ནི་དེ་བཞིན་དུ་མཐའ་མེད་ལག་ན་རལ་གྲི་དང ། ཞགས་པ་ཐོགས་པ། ཁྲོ་བོ་གཞོན་ནུའི་གཟུགས་ཅན། ཁྲོ་གཉེར་གཡོ་བ་དང་བཅས་པའོ། །འདིར་ཡང་ཆོ་ག་ནི་སྔ་མ་ཉིད་ཀྱིས་བྱའོ། །ཇི་ལྟར་ཡིད་ལ་འདོད་པས་སམ།་རྟོག་པ་གཞན་གྱི་ཆོ་གས་ཀྱང་བྱའོ། །འདིར་ཁྱད་པར་ནི་འདི་ཡིན་ནོ། །བཀླགས་པ་ཙམ་གྱིས་དམ་ཚིག་ཐམས་ཅད་ཤེས་པར་འགྱུར། དཀྱིལ་འཁོར་ཐམས་ཅད་དུ་ཞུགས་པར་འགྱུར་རོ། །འཁོར་ལོ་རྡོ་རྗེ་ཞེས་བྱ་བའི་རིག་པའི་མཆོག་རྫོགས་སོ།། །།དེ་ནས་བདུད་རྩི་རྡོ་རྗེ་ཞེས་བྱ་བའི་རྡོ་རྗེ་འཆང་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་ཀྱི་སྟོབས་ཀྱིས་དམ་ཚིག་གི་རྒྱལ་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ལས་རོལ་པའི་ཡུལ་མཐའ་ཡས་པ་ཞེས་བྱ་བའི་བདེན་པའི་ཚིག་གི་འཁོར་ལོ་རྡོ་རྗེའི་སྒྲ་མངོན་བར་བྱུང་བར་གྱུར་ཏོ། །དེ་ལས་བདུད་རྩིའི་རྡོ་རྗེ་ཞེས་བྱ་བའི་རིག་པ་མཆོག་འདི་ཐོས་པར་གྱུར་ཏོ། །ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། ཨ་མྲྀ་ཏ་ཨ་མྲྀ་ཏ། ཤི་ཁི་ཤི་ཁི། བི་མ་ལ་བི་མ་ལ། བཱི་རཱ་ཛཱི་ནཱི་བཱི་རཱ་ཛཱི་ནཱི། ཧ་ར་ཧ་ར། བི་དཱམྨ་ཧཱ་ས་མ་ཡ། བཛྲ་ཨ་གྲེ་སཝཱཧཱ། བདུད་རྩི་རྡོ་རྗེ་འདིའི་ཆོ་ག་
296b
ཡང་སྔར་བསྟན་པའི་རིག་པའི་མཆོག་གསུམ་གྱི་དེ་ཉིད་ཀྱི་ཡིན་ནོ། །འདིར་འདིའི་རས་རིས་ཀྱི་ཁྱད་པར་ནི་བཅོམ་ལྡན་འདས་རིན་པོ་ཆེའི་རིའི་སྟེང་ན་རིན་པོ་ཆེའི་པདྨ་ཆེན་པོ་ལ་ཉེ་བར་བཞུགས་པ། ཕྱག་གིས་མཆོག་སྩོལ་བ་དེ་བཞིན་དུ་བྲི་བར་བྱའོ། །བཅོམ་ལྡན་འདས་ཀྱི་གཡོན་ལོགས་སུ་ལྷ་མོ་པྲི་ཡངྐུ་ལྟར་སྡེ་བསངས་རྒྱན་ཐམས་ཅད་ཀྱིས་བརྒྱན་བ། ཕྱག་ན་ཡིད་བཞིན་གྱི་ནོར་བུའི་རྒྱལ་མཚན་བསྣམས་པ་བྲི་བར་བྱའོ། །བཅོམ་ལྡན་འདས་ཀྱི་གཡས་ལོགས་སུ་བདུད་རྩི་རྡོ་རྗེ་ཞེས་བྱ་བའི་རྡོ་རྗེ་འཆང་ཏིང་ངེ་འཛིན་ལ་སྙོམས་པར་ཞུགས་པ། རིན་པོ་ཆེའི་པདྨ་ལ་ཉེ་བར་བཞུགས་པ། ཕྱོགས་གཉིས་སུ་རིན་པོ་ཆེའི་བ་དན་གཉིས་འཕྱར་བ། དེ་བཞིན་གཤེགས་པའི་འོད་ཟེར་གྱིས་ཀུན་ནས་བསྐོར་བ་བྲི་བར་བྱའོ། །དེའི་འོག་ཏུ་སྒྲུབ་པ་པོ་སྔ་མ་བཞིན་དུ་བྲིའོ། །ལྷ་མོའི་འོག་ཏུ་མངག་གཞུག་པ་མཐའ་ཡས་རལ་གྲི་དང ། ཞགས་པ་ལག་ན་ཐོགས་པ། གཞོན་ནུའི་ཆ་བྱད་ཅན། ལོག་འདྲེན་ཚར་གཅོད་པ་བྲི་བར་བྱའོ། །རས་རིས་གཉིས་པ་ནི་ལྷ་མོ་ཡིད་བཞིན་གྱི་ནོར་བུ་ཕྱག་ན་བསྣམས་པ་དེ་བཞིན་དུ་བྲིས་ལ་འཁོར་མཐའ་ཡས་ཀྱང་སྔ་མ་ལྟ་བུའོ། །དེ་བཞིན་དུ་ཐེ་ཚོམ་དང་བྲལ་བས་རྟོག་པ་འདི་ལ་སྦྱར་བར་བྱའོ། །དེ་བཞིན་གཤེགས་པའི་སྙིང་པོའི་རྟོག་པའི་ཆོ་ག་ཡང་འདིར་ཉིས་འགྱུར་དུ་སྦྱར་བར་བྱའོ། །བདུད་རྩི་རྡོ་རྗེ་ཞེས་བྱ་བའི་རིག་པའི་མཆོག་རྫོགས་སོ།། །།
297a
༄#། །དེ་ནས་བྱང་ཆུབ་སེམས་དཔའ་དཔའ་བོའི་རྒྱལ་པོ་ཞེས་བྱ་བ་གསུམ་མཉམ་པའི་སྟོབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་དེ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱིས་གསུངས་པའི་རྡོ་རྗེ་གསུམ་གྱི་སྟོབས་ཞེས་བྱ་བའི་རིག་པའི་མཆོག་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ཧ་ཧ་ཧ། བཱིཾ་བཱིཾ། བྷྲཱ་མ་ཎི།་ཏྲི་བ་ལི་ནི་སཝཱ་ཧཱ། རྡོ་རྗེ་གསུམ་གྱི་སྟོབས་ཞེས་བྱ་བའི་རིག་པའི་མཆོག་གི་སྙིང་པོ་འདིས་ནི་གང་དེ་དག་ཏུ་མངོན་པར་མ་བསྒྲུབས་པ་འགྲུབ་པར་འགྱུར་ཏེ། འདིའི་ཆོ་ག་ནི་དེ་དག་ཉིད་ཡིན་ནོ། །རས་རིས་ཀྱི་ཁྱད་པར་ནི་རིག་པའི་མཆོག་གི་གནས་སུ་གཞོན་ནུ་མ་བྲི་བར་བྱ་སྟེ། རྒྱན་ཐམས་ཅད་ཀྱིས་བརྒྱན་པ། ལྕང་ལོ་ཅན། པདྨའི་སྟན་ལ་བཞུགས་པ། བཅོམ་ལྡན་འདས་ལ་ཐལ་མོ་སྦྱར་བར་བྱས་པའོ། །བཅོམ་ལྡན་འདས་ཀྱི་གཡས་ལོགས་སུ་རྡོ་རྗེ་གྱི་གནས་སུ་དེ་བཞིན་དུ་དཔའ་བོའི་རྒྱལ་པོ་ཞེས་བྱ་བའི་བྱང་ཆུབ་སེམས་དཔའ་གསེར་གྱི་མདོག་ཅན། སྐྱིལ་མོ་ཀྲུང་གིས་པདྨའི་སྟེང་དུ་ཏིང་ངེ་འཛིན་ལ་མཉམ་པར་གཞག་པས་བཞུགས་པ། དེ་བཞིན་དུ་འོད་ཀྱི་ཕྲེང་བས་བསྐོར་པ་བྲི་བར་བྱའོ། །དེའི་འོག་ཏུ་སྒྲུབ་པ་པོའོ། །ལྷ་མོའི་འོག་ཏུ་ནི་དེ་བཞིན་དུ་མཐའ་མེད་དོ། །རས་རིས་གཉིས་པ་ནི་དེ་བཞིན་དུ་རིན་པོ་ཆེའི་པདྨ་ལ་བཞུགས་པའི་ལྷ་མོ་ལྕང་ལོ་ཅན་གཡོག་དང་བཅས་
297b
པ་བྲི་བར་བྱའོ། །རས་རིས་འདི་ལ་ཡང་དེ་བཞིན་གཤེགས་པའི་སྙིང་པོའི་རྟོག་པ་དང་སྦྱར་ནས་དེ་བཞིན་དུ་ལས་ཐམས་ཅད་ཉིས་འགྱུར་དུ་བྱའོ། །རྡོ་རྗེ་གསུམ་གྱི་སྟོབས་ཞེས་བྱ་བའི་རིག་པའི་མཆོག་རྫོགས་སོ།། །།དེ་ནས་བྱང་ཆུབ་སེམས་དཔའ་མཉམ་པ་ཉིད་ལ་གནས་པ་རྡོ་རྗེ་ཞེས་བྱ་བ་སྟོབས་ཆེན་པོའི་སྤྱོད་ཡུལ་མཆོག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་ནས་རིག་པ་མཆོག་ཅེས་བྱ་བའི་ཡི་གེ་བརྒྱད་པོ། དོན་ཡོད་པ། མི་འཕྲོགས་པ། ཆོས་ཐམས་ཅད་དུ་དེ་བཞིན་གཤེགས་པའི་བྱིན་གྱིས་བརླབས་ལ་ལྟོས་བ་མེད་པ་འདི་གསུངས་སོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་ས་ཧཱ་ནཱ་མཱ་ས་མ་ཧཱུཾ། འདི་ནི་རིག་པ་ཆེན་པོའི་མཆོག་རྒྱལ་པོའི་རྩེ་མོ་བླ་ན་མེད་པ་སྟེ། འདིས་དངོས་གྲུབ་གང་ཅི་ཡང་རུང་བ་མི་གྲུབ་པ་མེད་དེ་ཁ་ན་མ་ཐོ་བ་དང་བཅས་པ་ནི་མ་ཡིན་ནོ། །སྔར་བསྟན་པའི་རྟོག་པའི་ཆོ་ག་རྣམས་ཀྱིས་ཀྱང་དེ་བཞིན་དུ་སྦྱར་བར་བྱ་སྟེ། དེ་བཞིན་གཤེགས་པའི་སྙིང་པོའི་སུམ་འགྱུར་དུ་བྱ་བ་ཉིད་དོ། །རས་རིས་ནི་པདྨ་ལ་བཞུགས་པའི་དེ་བཞིན་གཤེགས་པ་བྲི་བར་བྱའོ། །བཅོམ་ལྡན་འདས་ཀྱི་གཡས་ལོགས་སུ་བྱང་ཆུབ་སེམས་དཔའ་མཉམ་པ་ཉིད་ལ་གནས་པའི་ཏིང་ངེ་འཛིན་ལ་མཉམ་པར་གཞག་པ། པདྨའི་སྟེང་ན་བཞུགས་པ་བྲི་བར་བྱའོ། །བཅོམ་ལྡན་འདས་ཀྱི་གཡོན་ལོགས་སུ་གཞོན་ནུ་མ་ལྕང་ལོ་ཅན།
298a
༄#། །རྒྱན་ཐམས་ཅད་ཀྱིས་བརྒྱན་པ། པདྨའི་སྟེང་ན་སྐྱིལ་མོ་ཀྲུང་གིས་བཞུགས་པ་འབར་བའི་ཕྲེང་བས་བསྐོར་བ་མཉམ་པར་བཞག་པ་བྲི་བར་བྱའོ། །རིག་པ་མཆོག་གི་འོག་ཏུ་མཐའ་མེད་ཞེས་བྱ་བ་ལག་ན་རྡོ་རྗེ་ཐོགས་པ། སྔོ་བསངས་ཁྲོས་པ། འབར་བའི་ཕྲེང་བས་བསྐོར་བ། ཁྲོ་གཉེར་བསྡུས་པ། མངག་གཞུག་པ། བགེགས་ཚར་གཅོད་པ་བྲི་བར་བྱའོ། །བྱང་ཆུབ་སེམས་དཔའི་འོག་ཏུ་སྒྲུབ་པ་པོ་འོ། །རས་རིས་གཉིས་པ་ནི་གཞོན་ནུ་མ་དེ་ལྟ་བུ་ཉིད་འོག་ཏུ་མཐའ་མེད་དང་བཅས་པའོ། །འདིར་ཡང་ཡིད་ལ་གང་འདོད་པའི་ཆོ་ག་འམ།་རྟོག་པ་གཞན་གྱི་ཆོ་གས་སྔ་མ་བཞིན་དུ་ལས་རྣམས་ལ་སྦྱར་བར་བྱའོ། །མི་བརྗེད་པ་རྡོ་རྗེ་ཞེས་བྱ་བའི་རིག་པའི་མཆོག་རྫོགས་སོ།། །།དེ་ནས་དམ་ཚིག་རྡོ་རྗེ་བརྩེགས་པ་ཞེས་བྱ་བའི་རྡོ་རྗེ་འཆང་གི་སྔགས་གསུངས་པ། ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། ཧཱཾ་ཧཱཾ་ཨ་ས་མ་ཙིནྟ་མཧཱ་བཛྲ་བི་ཤཝ་དྷ་ར་ཨ་ནནྟ་བི་ཀྲནྟ་ཛཱ་སཱཾ་ཧཱུཾ་ཕཊ། འདི་ཡི་ཆོ་ག་ནི་འདི་ཡིན་ཏེ། སྔར་བསྟན་པའི་རྟོག་པའི་ཆོ་ག་རྣམས་སྦྱར་བར་བྱའོ། །དམ་ཚིག་མཆོག་ཅེས་བྱ་བའི་རིག་པའི་མཆོག་རྫོགས་སོ།། །།རྡོ་རྗེ་ཀཱི་ལི་ཀཱི་ལ་ཞེས་བྱ་བའི་རྡོ་རྗེ་འཛིན་དེ་བཞིན་དུ་ཏིང་ངེ་འཛིན་ལ་སྙོམས་པར་ཞུགས་ནས་རྡོ་རྗེ་རིགས་གཞོན་ནུ་མ་མཛེས་མ་ཞེས་བྱ་བའི་རིག་པའི་མཆོག་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ཙ་ལ་སམྦ་
298b
ར། བི་ཥ་ཡེ་ཧཱུཾ་མ་ཧཱ་བཛྲ་ག་ཏེ་ཛེ། ཧཱི་ཧཱི་ཨ་ས་མ་མཧཱ་བི་དྷོ་ཨུ་དྷ་མེ། ཧ་ཧ་སིདྡྷི་སིདྡྷི། བ་ར་ཨཾ་ག་དྷེ་བ་རཱ་ག་།ཧེ་སྥ་ར། ཛཱ་ལ་ནཱ་མ་སཝཱཧཱ། རྡོ་རྗེ་རིགས་མཛེས་ཞེས་བྱ་བའི་རིག་པའི་མཆོག་ཡིན་ནོ། །བྱང་ཆུབ་སེམས་དཔའ་ཀུན་ནས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་མཆོག་འདི་གསུངས་སོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་བཛྲ་མཧཱ་བཛྲ། མཧཱ་བ་ལ་ས་ར་བཱི་རཱ་ཛཱ་ཏེ། ས་མ་ས་མ། ཁུ་རུ་ཁུ་རུ། བི་ཥ་མོ་དྷ་རི་དྷ་རི། སཱི་རི་སཱ་རི། བ་རེ་སཝཱཧཱ། དཔའ་བོ་མཆོག་ཅེས་བྱ་བའི་རིག་པའི་མཆོག་ཡིན་ནོ། །བྱང་ཆུབ་སེམས་དཔའ་མི་གཡོ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་མཆོག་འདི་གསུངས་སོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་ས་མནྟཱ་བཱ་ཏྲི། ཨ་ཙ་ལ་བ་ར་ཨཾ། བི་ལ་སི་ནཱི། ཁེ་ལེ་བ་ར། ཨུཏྟ་མ། ཧཱ་སཱི་ནི་ཧ་རཱ་ཏེ། གྷ་ཎ་མ་ཎ་དེ་ནི་ཧཾ། མི་གཡོ་བ་མཆོག་གི་ལུས་ཞེས་བྱ་བའི་རིག་པའི་མཆོག་ཡིན་ནོ། །བྱང་ཆུབ་སེམས་དཔའ་སྙིང་རྗེ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྔགས་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་མྲྀ་ཏེ་ཨ་མྲྀ་ཏེ། ཤི་ཁི་ནེ་ཤི་ཁི་ནེ། ས་མ་ཏེ་ས་མ་ཏེ། ཨ་ས་མེ་ཨ་ས་མེ། ག་ག་ནེ་ག་ག་ནེ། ཏིཥྛ་ཏིཥྛ། ཨ་ས་ཧེ། ཧཱུཾ་ཛྭ་ལ་ཛྭ་ལ་སཝཱཧཱ། བདུད་རྩི་རྩེ་མོ་ཞེས་བྱ་བའི་རིག་པའི་མཆོག་ཡིན་ནོ། །ཤིན་ཏུ་རོལ་པ་རྡོ་རྗེ་ཞེས་བྱ་བའི་གཞོན་ནུ་ཏིང་ངེ་འཛིན་ལ་སྙོམས་པར་
299a
༄#། །ཞུགས་ནས་མཛེས་པ་མི་མཉམ་པ་ཞེས་བྱ་བའི་རིག་པའི་མཆོག་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭ་ནཱཾ། ཨཱ་ཏི་ཨཱ་ཏི། བ་ར་བ་ར། བི་རི་བི་རི། ས་མ་ལིཥྚི་ཎི། ཏི་རི་ཏི་རི། ཧཱ་ས་ཧཱ་ས། ཨཱ་རཱི་ཎི་བནྡྷ་ཡ། མཧཱ་བྷོ་གི་ནི། ཏ་ཧཱ་ཏ་མཧཱ་བཛྲ་གུ་ཎོངྒ་ཏེ་བཛྲ་ལེ་སཝཱཧཱ། ཀུན་ཏུ་འཇུག་པ་ཞེས་བྱ་བའི་རིག་པའི་མཆོག་ཡིན་ནོ། །བྱང་ཆུབ་སེམས་དཔའ་དེ་བཞིན་གཤེགས་པའི་འོད་ཟེར་རྡོ་རྗེ་ཞེས་བྱ་བས་དེ་བཞིན་གཤེགས་པའི་སྟོབས་ཞེས་བྱ་བའི་རིག་པའི་མཆོག་ཡི་གེ་བརྒྱད་པ་འདི་གསུངས་སོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་ནནྟ་ས་ཏྭཱ་མཾ་ག་ཧཱུཾ། བྱང་ཆུབ་སེམས་དཔའ་འཁོར་ལོའི་སྟོབས་ཞེས་བྱ་བ་སྟོབས་ཐམས་ཅད་ཀྱི་རྒྱལ་པོའི་རྩེ་མོའི་སྟོབས་ཀྱི་སྒོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་སྤྱོད་ཡུལ་བྱིན་གྱིས་རློབ་པ་ཞེས་བྱ་བའི་རིག་པའི་མཆོག་འདི་གསུངས་སོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་ས་མ་མཧཱ་བ་ར་ད་ཡ་གི་ཏི་ཏི་ཏི་ཏི། ཨ་མཱུ་ཨ་མཱུ། ཁཾ་ཁཾ་ཎཱ་ཨ་ས་མ་གུ་ཎཱ། ཨཀཱ་ར་ཏི་ཏི་ཏི་ཏི། ཨ་གྲ་བཱ་ལོ་ཨ་དྷ་ཡེ་ཏཾ་སཝཱཧཱ། བྱང་ཆུབ་སེམས་དཔའ་འཁོར་ལོ་ཀུན་ནས་རྡོ་རྗེ་ཞེས་བྱ་བ་མཆོག་གི་ཡུལ་ལ་རྣམ་པར་གཟིགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་མཆོག་འདི་གསུངས་སོ། །ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། ཨ་ཏི་ཨ་ཏི། ས་མ་ས་མ།
299b
ཀཱི་ལི་ཀི་ལ། བ་ར་བ་ར། ས་མ་ཡེ་ཧ་ས་ཧ་ས། ཨ་སཏེ། ཏྲ་ཡི་ཏྲ་ཡི། ག་ག་ནེ། ཀུ་རུ་ཀུ་རུ། ཨ་ཛི་ཏེ་སཝཱཧཱ། རབ་མཆོག་རྡོ་རྗེ་ཞེས་བྱ་བའི་རིག་པའི་མཆོག་ཡིན་ནོ། །དེ་ནས་བྱང་ཆུབ་སེམས་དཔའ་བྱིན་གྱིས་བརླབས་ཀྱི་རྡོ་རྗེ་ཞེས་བྱ་བ་ཡེ་ཤེས་ཀྱི་སྒོ་ཕྱོགས་བཅུར་སྤྲོ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་མ་ཐག་ཏུ་འཇིག་རྟེན་གྱི་ཁམས་རབ་འབྱམས་རྒྱ་མཚོ་རྣམས་སུ་ངོ་མཚར་ཆེན་པོ་དམ་པ་རྒྱ་ཆེ་བ་དུ་མ་སྣ་ཚོགས་ཀྱི་ལྟས་རབ་ཏུ་བྱུང་བར་གྱུར་ཏེ། དེ་ནས་ཕྱོགས་བཅུ་ནས་དེ་བཞིན་གཤེགས་པ་ཐམས་ཅད་ཀྱིས་གསུངས་པའི་ཡི་གེ་བཅུ་པ་འདི་བྱུང་ཞིང་ཐོས་པར་གྱུར་ཏོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། མ་ཧཱ་བཛྲ་བི་ཀྲནྟ་ཨ་གྲ་ས་ཧཱུཾ། ཕྱོགས་བཅུའི་འོད་ཅེས་བྱ་བའི་རིག་པ་མཆོག་ཡིན་ནོ། །བྱང་ཆུབ་སེམས་དཔའ་དེ་བཞིན་གཤེགས་པའི་འོད་ཟེར་རྡོ་རྗེ་ཞེས་བྱ་བས་རིག་པའི་མཆོག་གསུངས་པ། ན་མཿ སརྦ་བུདྡྷ་བོ་དྷི་སརྦ་སཏྭཱ་ནཱཾ། ཨཱརྱ་ཨ་གྲ་ཏེ་ཛྭཱ་ལ་ཛྭཱ་ལ་སཝཱཧཱ། སྤྱན་གསུམ་ཞེས་བྱ་བའི་རིག་པའི་མཆོག་རྩེ་མོ་བླ་ན་མེད་པའི་ཡུལ་ཅན་ནོ། །དེ་ནས་བཅོམ་ལྡན་འདས་ཀྱིས་ཀུན་ནས་བསྒྲགས་པ་ཞེས་བྱ་བའི་ཡི་གེ་ལྔ་པའི་རིག་པའི་མཆོག་ཕྱུང་ངོ ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། མཧཱ་པཱ་ལ་ཧཱུཾ། དེ་ནས་རྡོ་རྗེ་འཆང་ཉིད་ཀྱི་རྡོ་རྗེ་སངས་རྒྱས་ཐམས་ཅད་ཀྱིས་བྱིན་གྱིས་བརླབས་ནས། ཉིད་ཀྱི་རིག་པའི་མཆོག་
300a
༄#། །གསུངས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨོཾ་བཛྲ་ནེ་ཏྲ། ཛྭཱ་ལ་ཛྭཱ་ལ། ཀུ་རུ་བ་ར་ཀུ་རུ་བ་ར། བི་ར་བི་ར། མཧཱ་བ་ལ། ཨ་ཧི་ཧོ། མཧཱ་ས་མ་ཡ་ཏེ་ཛ་ལ་ན་ཧཱུཾ། དེ་ནས་ལག་ན་རྡོ་རྗེས་ཡང་རྡོ་རྗེ་དེ་ཉིད་བྱིན་གྱིས་བརླབས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། མཧཱ་ཙནྟ་ཧཱུཾ། གསང་བའི་མཆོག་ཅེས་བྱ་བའི་རིག་པའི་མཆོག་གོ། །འཕགས་པ་རྡོ་རྗེ་སྡེས་རང་གི་རིག་པའི་མཆོག་སྨྲས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་བཛྲ་ཧཱུཾ། ཡི་གེ་བཞི་པ་རིག་པའི་མཆོག་ཞལ་བཞི་པ་ཞེས་བྱ་བའོ། །ཁྲོ་བོ་རྡོ་རྗེ་ཞེས་བྱ་བའི་རྡོ་རྗེ་འཆང་གཟི་བརྗིད་སྟོབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པ་མཆོག་གསུངས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་གྲ་ཏེ་ཛོ་བ་ལ་ཧཱུཾ། རཀྵ་རཀྵ། ད་མ་ད་མ། ཛཱ་ལ་ན་མ་ཧཱ། ཧ་ར་ཧ་ར། བི་ཥ་ཎ། ཏ་ར་ཏ་ར། ན་ར་ན་ར། ཀ་ར་ཀ་ར། ཧཾ་ཧཾ། ཨ་མོ་གྷ། ཨ་པྲ་ཏི་ཧ་ཏ། ཨ་མྲྀ་ཏ་པ་ལ། ཛྭཱ་ལ་ཛྭཱ་ལ་སཝཱ་ཧཱ། གཟི་བརྗིད་ཀྱི་སྟོབས་ཞེས་བྱ་བའི་རིག་པའི་མཆོག་ཡིན་ཏེ། གཏུམ་པོ། སྲུང་བ་པོ། འཆང་བ་པོ། གསོད་པར་བྱེད་པ། སྒྲུབ་པར་བྱེད་པ། ཐོགས་པ་མེད་པ། དོན་ཡོད་པ་སྟེ། ལས་མཐའ་ཡས་པ་སྔར་བསྟན་པའི་ཆོ་ག་འདིས་སྒྲུབ་པར་བྱེད་དོ། །དེ་བཞིན་གཤེགས་པའི་སྙིང་པོའི་ཆོ་ག་སུམ་འགྱུར་དུ་སྦྱར་བར་བྱའོ། །རིག་པ་མཆོག་འདི་དག་ནི་སངས་རྒྱས་ཐམས་ཅད་ཀྱི་ཡུལ་ལས་བྱུང་བ།
300b
བསམ་གྱིས་མི་ཁྱབ་པ། མཐའ་ཡས་པ། མཐའ་མེད་པ། སེམས་ཅན་གྱི་ཁམས་རྣམ་པར་སྦྱོང་བར་བྱེད་པ། སྔར་བསྟན་པའི་ཆོ་གའི་རིམ་པ་འདི་ལ་སྦྱར་བར་བྱའོ། །སྐྱེ་བ་འདི་ཉིད་ལ་ཚེ་དཔག་ཏུ་མེད་པ་ཐོབ་པར་འདོད་པ་དང ། དཔག་ཏུ་མེད་པའི་བདེ་བ་ལ་ལོངས་སྤྱོད་པར་འདོད་པ་དང ། འཕགས་པ་ཕྱིར་མི་ལྡོག་པའི་ས་ལ་འཇུག་བར་འདོད་པ་དང ། སངས་རྒྱས་དང ། བྱང་ཆུབ་སེམས་དཔའ་རྣམས་ལ་མཆོད་པར་འདོད་པ་དང ། མཐོང་བར་འདོད་པས་སོམ་ཉི་སྤངས་ནས་དད་ཅིད་རྟོག་པ་དང་ལྡན་པས་འཕྲོགས་པ་མེད་པ་དོན་ཡོད་པ་འདིས་འགྲུབ་པར་འགྱུར་རོ། །འདི་ནི་རས་རིས་མེད་ཀྱང་རུང ། མ་བསྒྲུབས་ཀྱང་རུང ། མཆོད་པ་མེད་པས་ཀྱང་རུང ། ཁྲུས་ལ་སོགས་པ་གཙང་སྦྲ་ཀུན་སྤྱོད་མེད་ཀྱང་རུང ། ཤ་དང ། ཉ་ཤ་མ་སྤངས་ཀྱང་རུང ། བསོད་ནམས་དང་ལྡན་ཡང་རུང ། བསོད་ནམས་དང་མི་ལྡན་ཡང་རུང ། འདིས་འགྲུབ་པར་འགྱུར་རོ། །ཚུལ་ཁྲིམས་དང་ལྡན་ཡང་རུང ། ཚུལ་ཁྲིམས་དང་མི་ལྡན་ཡང་རུང ། དམན་པ་འམ། དམན་པ་མ་ཡིན་པ་ཡང་རུང ། མཁས་པ་འམ། མཁས་པ་མ་ཡིན་པ་ཡང་རུང ། ཐབས་དང་ལྡན་ཡང་རུང ། ཐབས་དང་མི་ལྡན་ཡང་ངེས་པར་འགྲུབ་པར་འགྱུར་རོ། །དད་པ་མེད་པ་དང ། བྱང་ཆུབ་ཏུ་སེམས་མ་བསྐྱེད་པ་ནི་མ་གཏོགས་སོ། །དེ་ནས་རིག་པ་མཆོག་འདིའི་ཆོ་ག་ཡང་སྔར་བསྟན་པའི་རྟོག་པ་རྣམས་ཀྱི་ཆོ་ག་དང་ཐུན་མོང་ཡིན་ནོ། །ཁྱད་པར་
301a
༄#། །གྱི་ཆོ་ག་ཕྱོགས་ཙམ་ཞིག་བསྡུས་ནས་བརྗོད་པར་བྱའོ། །རིག་པའི་མཆོག་རིག་པ་ཆེན་པོའི་རྒྱལ་བོ་རྩེ་མོ་འདི་ནི་རང་བཞིན་གྱིས་གྲུབ་པ། བཀླགས་པས་འགྲུབ་པ། བཟླས་པ་ཙམ་གྱིས་འདོད་པའི་དོན་ཕུན་སུམ་ཚོགས་པ་འགྲུབ་པར་བྱེད་པ་འདི་སེམས་ཅན་གྱི་ཁམས་རྣམས་རྣམ་པར་སྦྱད་པར་བྱ་བ། དམིགས་པ་སྔོན་དུ་འགྲོ་བས་བཟླས་པ་བྱས་ན་བསྲུང་བ་དང ། དཀྱིལ་འཁོར་དང ། བཅིང་བ་དང ། བརྡེག་པ་དང ། དབབ་པ་དང ། རེངས་པར་བྱ་བ་དང ། བསྐྲད་པར་བྱ་བ་དང ། དགུག་པ་དང ། གདུག་པ་ཚར་བཅད་པ་དང།་བསྲེག་པ་དང ། བཙོ་བ་དང ། མཐུ་བསྟན་པ་དང ། ལྷ་དང ། ཀླུ་ལ་སོགས་པ་དགུག་པ་དང ། དབང་དུ་བྱ་བ་དང ། དོན་བསྒྲུབ་པར་བྱ་བ་དང ། རྒྱལ་པོ་དང ། རྒྱལ་པོའི་བུ་མོ་དགུག་ཅིང་བསྒྲུབ་པ་དང ། བསྙེན་པ་འཕེལ་བར་བྱ་བ་དང ། ནད་རྣམ་པར་བསལ་བར་བྱ་བ་དང ། ཀླུ་དང ། གནོད་སྦྱིན་ལ་སོགས་པ་དབང་དུ་བྱེད་པ་ལ་སོགས་པ་ལས་རབ་འབྱམས་སྒྲུབ་པའི་ཁྱད་པར་གྱིས་མངོན་སུམ་དུ་སྦྱར་བར་བྱའོ། །ལས་གང་དང་གང་སྦྱིན་སྲེག་གང་དང་གང་གིས་དེ་དང ། དེ་འགྲུབ་པའི་ཐབས་གང་ཡིན་པ་དེ་ཐབས་དེ་དེ་བཞིན་དུ་ལས་ཀྱི་ཆོ་གས་བྱའོ། །ཇི་ལྟར་ནུས་པའི་བརྩོན་འགྲུས་བསྐྱེད་ལ་མིའི་ལུས་ནི་གདུལ་དཀའ་བ་ཡིན་ཞེས་སྨད་ནས་རིའི་གསེབ་དུ་ཞུགས་ཏེ། སྡིག་པ་དུས་གསུམ་དུ་བཤགས་པ་དང ། བསོད་ནམས་
301b
ལ་རྗེས་སུ་ཡི་རང་བ་དང ། ཡོངས་སུ་བསྔོ་བ་བྱས་ནས་ནུས་པ་དང་མཐུན་པར་ཇི་སྲིད་མཚན་མ་བྱུང་གི་བར་དུ་བཟླས་བ་བྱའོ། །དེ་ནས་ཟླ་བ་ཉ་བ་ལ་འཁོར་ལོ་དང ། རལ་གྲི་དང ། གསེར་དང ། དངུལ་དང ། ཟངས་ལས་བྱས་པ་འམ། ལྕགས་རིན་པོ་ཆེ་ལས་བྱས་པ་འམ། ཏ་ལའི་ལོ་མ་ལས་བྱས་པ་མང་རུང ། ཅི་འབྱོར་པའི་མཆོད་པ་བྱས་པ་འམ། སྔགས་གང་ཡང་རུང་བས་བསྲུང་བ་བྱས་ཏེ། ཇི་སྲིད་འབར་བར་གྱུར་པའི་བར་དུ་བཟླས་པ་བྱའོ། །དེ་ནས་གང་ལ་མཚོན་གྱིས་བརྒྱབ་པ་དེ་ཡང་འཁོར་དང་བཅས་པར་རིག་པ་འཛིན་པར་འགྱུར་རོ། །དེ་ལྟར་འཁོར་ལོ་ལ་སོགས་པ་ཇི་ལྟ་བ་དེ་བཞིན་དུ་མཚོན་ཆ་ཐམས་ཅད་ལ་ཡང་ངོ ། །ཐུན་མོང་གི་ཆོ་གས་བ་བླ་འམ། ལྡོང་རོས་སམ། ལིག་བུ་མིག་ལ་སོགས་པ་རྫས་ཐམས་ཅད་ལ་བསྒྲུབ་པར་བྱའོ། ། འདིར་སྦྱོར་བ་ནི་རྣམ་པ་གཉིས་ཏེ། ཐབས་དང་བཅས་པ་དང ། ཐབས་དང་བྲལ་བའོ། །དེ་ལ་ཆོ་ག་གང་ཡང་རུང་བས་ཞུས་པ་ཇི་ལྟ་བ་བཞིན་དུ་གང་ཡང་རུང་བཞིག་སེམས་ཅན་གྱི་ཁམས་རྣམས་ལ་ཕན་པ་དང ། བདེ་བ་འབྱུང་བའི་རྒྱུར་གྱུར་ཅིག་ཅེས་ཡིད་ལ་བྱས་ནས་བཟླས་པ་བྱས་ན་མྱུར་དུ་དངོས་གྲུབ་ཐོབ་པར་འགྱུར་རོ། །དེ་བཞིན་དུ་སེམས་ཅན་ཐམས་ཅད་ཀྱི་དངོས་གྲུབ་ཀྱི་རྒྱུར་གྱུར་ཅིག་ཅེས་ཡང་དག་པར་བསམས་ལ་བཟླས་པ་བྱའོ། །དེ་བཞིན་དུ་སེམས་ཅན་གྱི་ཁམས་དགེ་བ་ལ་འཇུག་པར་གྱུར་ཅིག་ཅེས་བྱ་བ་ལ་སོགས་པ་
302a
༄#། །སེམས་ཅན་རྣམས་ལ་ཕན་པའི་སྦྱོར་བ་བྱས་ལ་མོས་པར་བྱས་ནས་བསྒྲུབ་པར་བྱ་སྟེ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་དམིགས་ཤིང་ཕྱག་འཚལ་ནས་བཟླས་པ་བྱའོ། །སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་རྣམས་དོན་དུ་གཉེར་བ་ལ་འབད་པས་དམིགས་ཤིང་བཟླས་པ་བྱ་ཞིང་སྡིག་པ་རྣམས་བཤགས་པ་དང ། བསོད་ནམས་དང་ཡེ་ཤེས་ཀྱི་ཚོགས་ཐམས་ཅད་ཡོངས་སུ་རྫོགས་པར་བྱ་བའི་དོན་དུ་གཉེར་བའི་ཕྱིར་བཟླ་བ་དང ། བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པའི་སྨོན་ལམ་གྱི་དཀྱིལ་འཁོར་རྫོགས་པ་དོན་དུ་གཉེར་བར་དམིགས་ནས་བཟླ་བ་དང ། སྟོབས་བཅུ་པའི་ཡེ་ཤེས་ཀྱི་ས་ནོན་པར་བྱ་བ་དོན་དུ་གཉེར་བར་དམིགས་ནས་བཟླ་བ་དང ། དེ་དག་ལ་རྗེས་སུ་ཡི་རང་བར་བྱས་ནས་གང་ཡང་རུང་བའི་རིག་པ་མཆོག་གིས་བསྒྲུབས་ན་མྱུར་དུ་དངོས་གྲུབ་ཐོབ་པར་འགྱུར་རོ། །རི་བོའི་གསེབ་ཏུ་འབུམ་བཟླས་པ་བྱས་ན་འཕགས་པ་ཕྱག་ན་རྡོ་རྗེ་ལ་སོགས་པ་གང་ཡང་རུང་བའི་བྱང་ཆུབ་སེམས་དཔའ་མཐོང་བར་འགྱུར་རོ། །གཉིས་ཀྱིས་ནི་སངས་རྒྱས་བཅོམ་ལྡན་འདས་རྣམས་སོ། །གསུམ་གྱིས་ནི་བྱང་ཆུབ་སེམས་དཔའ་རྣམས་དང་སྨྲ་བར་འགྱུར་རོ། །བཞིས་
302b
ནི་དེ་བཞིན་གཤེགས་པ་རྣམས་ཀྱི་གསུང་ཐོས་པར་འགྱུར་རོ། །ལྡས་ནི་གཟུངས་རྣམས་ཐོབ་པར་འགྱུར་རོ། །དྲུག་གིས་ནམ་མཁའ་ལ་འགྲོ་བར་འགྱུར་རོ། །བདུན་གྱིས་མངོན་པར་ཤེས་པ་ལྔ་རབ་ཏུ་ཐོབ་པར་འགྱུར་རོ། །བརྒྱད་ཀྱིས་སངས་རྒྱས་ཐམས་ཅད་ལ་མངོན་པར་མཆོད་པར་འགྱུར་རོ། །དགུས་ནི་མྱ་ངན་ལས་འདས་པ་མངོན་པར་སྒྲུབ་པར་བྱེད་དོ། །བཅུས་ནི་འཇིག་རྟེན་གྱི་ཁམས་རྣམས་སུ་རྒྱུ་བར་འགྱུར་རོ། །འདི་དག་ནི་ཐབས་ལ་མཁས་པའི་བཟླས་པའི་ཆོ་ག་སྟེ། མཐའ་ཡས་པའི་འབྲས་བུ་ཐོབ་པའི་རྒྱུར་འགྱུར་བའོ། །ཐབས་ལ་མི་མཁས་པ་རྣམས་ཀྱིས་ཀྱང་བརྩོན་འགྲུས་རབ་དང ། འབྲིང་དང ། ཐ་མས་ཇི་ལྟར་བསྙེན་པ་དེ་ལྟར་རབ་ཏུ་སྦྱར་ན་ནུབ་གཅིག་གིས་རིག་པ་འཛིན་པར་འགྱུར་ཏེ་སྔ་མ་བཞིན་ནོ། །རི་འམ། ཕུག་གམ། ཁང་པའི་ཕུག་ལ་སོགས་པ་དབེན་ཞིང་སྟོང་པར་མེ་ཏོག་དྲི་ཞིམ་པོ་སིལ་མ་བཀྲམ་པ། དྲི་ཞིམ་པའི་སྤོས་ཀྱིས་བདུག་པའི་ས་ཕྱོགས་འགའ་ཞིག་ཏུ་ཉི་མ་ནུབ་པའི་དུས་ན་སྐྱིལ་མོ་ཀྲུང་བཅས་ནས། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་དམིགས་པས་སྐྱིལ་མོ་ཀྲུང་མ་བཤིག་བར་གང་ཡང་རུང་བའི་རིག་པའི་མཆོག་ནམ་ཕྱེད་དམ། ཉི་མ་ཤར་གྱི་བར་དུ་བཟླས་པ་བྱས་ན་ལུས་འབར་བར་གྱུར་ནས་གསེར་གྱི་མདོག་ཏུ་འགྱུར། ནམ་མཁའ་ལ་འགྲོ་བ་དང ། ཐམས་ཅད་
303a
༄#། །དུ་འགྲོ་བའི་རིག་པ་འཛིན་པར་འགྱུར་རོ། །གལ་ཏེ་མ་གྲུབ་ན་བར་དུ་ནུབ་གཅིག་ངལ་བསོས་ལ་ནུབ་གསུམ་པ་ལ་ཡང་དེ་བཞིན་དུ་བྱའོ། །ཡང་ནུབ་གཅིག་གིས་བར་དུ་ཆོད་པའི་ནུབ་ལྔ་པ་ལ་ནི་དམ་པའི་ཆོས་སྤོང་བ་ཡང་ངེས་པར་འགྲུབ་པར་འགྱུར་རོ། །བསྲུང་བའི་ཆོ་ག་བྱས་ནས་འབུམ་བཟླས་ཏེ་རྫས་གང་ལ་བསྒྲུབས་པ་དེ་འགྲུབ་པར་འགྱུར་རོ། ། ལྕགས་ལས་བྱས་པའི་འཁོར་ལོ་འམ། རྡོ་རྗེ་དང ། རལ་གྲི་ལ་སོགས་པ་ལག་ཏུ་ཐོགས་ནས་ཇི་སྲིད་འབར་བར་གྱུར་གྱི་བར་དུ་བཟླས་པ་བྱས་ཏེ། དེ་ཉིད་ཀྱིས་རིག་པ་འཛིན་པར་འགྱུར་རོ། །གལ་ཏེ་འབར་བར་མ་གྱུར་ན་བ་ལང་གི་ལྕི་བའི་ནང་དུ་དེ་བཅུག་ལ་གང་ཡང་རུང་བའི་རིག་པ་མཆོག་གིས་བསྲུང་བ་བྱས་ཏེ་གཞག་གོ། དུར་ཁྲོད་དུ་འདུག་ནས་ཇི་སྲིད་གནོད་སྦྱིན་དུ་གྱུར་གྱི་བར་དུ་བཟླས་པ་བྱས་ལ་མྱ་ངན་མེད་ཀྱི་ཤིང་གི་རྩ་བར་འདུག་སྟེ་ཇི་སྲིད་གནོད་སྦྱིན་མོ་འོང་བར་གྱུར་གྱི་བར་དུ་བཟླས་པར་བྱའོ། །འོངས་ནས་ཅི་ཞིག་བགྱི་ཞེས་ཟེར་ན། གང་འདོད་པ་སྨྲས་ན་ཐམས་ཅད་བྱེད་པར་འགྱུར་ཞིང་འཁྱུད་ནས་རང་གི་ཁྱིམ་དུ་འཇུག་པར་འགྱུར་རོ། །པཀྵའི་ཤིང་གི་རྩ་བར་མེ་ཏོག་སིལ་མ་བཀྲམ་པའི་དཀྱིལ་འཁོར་ལ་ལྷའི་བཞོན་པ་བྲིས་ལ། ཇི་སྲིད་འབར་བར་གྱུར་གྱི་བར་དུ་བཟླས་ན་རིག་པ་འཛིན་པར་འགྱུར་རོ། །རིའི་གསེབ་ཏུ་སེངྒེ་འམ། རྟ་བྲིས་ནས་དེ་ཉིད་དུ་འདུག་
303b
སྟེ།་ཇི་སྲིད་འབར་བར་གྱུར་གྱི་བར་དུ་བཟླས་པ་བྱའོ། །དེ་བཞིན་དུ་གླང་པོ་ཆེ་དང ། མ་ཧེ་དང ། ལུག་དང ། ར་དང ། ངང་པ་དང ། རྨ་བྱ་ལ་སོགས་པ་དྲིས་ནས་མེ་ཏོག་སིལ་མས་བརྒྱན་པའི་དཀྱིལ་འཁོར་བྱས་ནས་མཚན་མོ་རངས་པ་བཟླས་པར་བྱའོ། །གལ་ཏེ་མཚན་མོ་དེ་ལ་མ་གྲུབ་ན་ཡང་བསྒྲུབ་པར་བྱ་སྟེ། སངས་རྒྱས་རྗེས་སུ་དྲན་བཞིན་དུ་ལྷ་ཆེན་པོའི་ཁང་པར་ཞུགས་ནས་ཇི་སྲིད་ལྷ་ཆེན་པོ་རང་གི་གཟུགས་ཀྱིས་འོང་བར་གྱུར་གྱི་བར་དུ་བཟླས་པ་བྱའོ། །དེ་ནས་དེ་ཉིད་དུ་ཉལ་ན་འོངས་ནས་གང་སྨྲས་པ་དེ་བྱེད་པར་འགྱུར་རོ། །སྲད་མེད་ཀྱི་བུའི་གཟུགས་བརྙན་ལག་ཏུ་ཐོགས་ནས་ཇི་སྲིད་སྲེད་མེད་ཀྱི་བུ་འོང་གི་བར་དུ་བཟླས་པ་བྱས་ནས་འོངས་ནས་གང་སྨྲ་པ་དེ་བྱེད་པར་འགྱུར་རོ། །ལྷ་གང་གི་ཁང་པར་བཟླས་པའི་ལྷ་དེ་ཟླ་བ་ཕྱེད་ཀྱི་ནང་དུ་ངེས་པར་འོང་བར་འགྱུར་བ་འམ། ཡང་ན་བསྐམས་པར་འགྱུར་རོ། །ཡར་ངོའི་བརྒྱད་དམ། བཅུ་བཞི་ལ་བ་བླ་བླངས་ནས་ལྷ་ཆེན་པོའི་བྱང་ཕྱོགས་སུ་ཀུ་ཤའི་ཆངས་བུ་ལ་ཉེ་བར་འདུག་ནས་ཇི་སྲིད་འབར་བར་གྱུར་གྱི་བར་དུ་བཟླས་པ་བྱས་ན་དེ་ནས་རིག་པ་འཛིན་པར་འགྱུར་བ་འམ། མི་སྣང་བར་འགྱུར་རོ། །རྣམ་ཐོས་ཀྱི་བུ་བྲིས་ནས་ཇི་སྲིད་མདུན་དུ་འོངས་ནས་མཆོག་སྩོལ་བར་གྱུར་གྱི་བར་དུ་བཟླས་པ་བྱའོ། །ཀླུའི་གནས་མཚེ་འུ་ར་ཇི་སྲིད་ཀླུ་རྣམས་གྱེན་དུ་འཕགས་ཀྱི་བར་དུ་བཟླས་པ་བྱའོ། །གལ་ཏེ་ལྡང་བར་མ་གྱུར་ན་ཕུག་མའི་མེ་
304a
༄#། །ལ་ལྕགས་ཀྱི་སྣོད་དམ། ཟངས་ཀྱི་སྣོད་ཏིལ་མར་གྱིས་བཀང་ནས། ཇི་སྲིད་ཁོལ་བར་གྱུར་གྱི་བར་དུ་བཟླས་པ་བྱས་ནས། དེར་ཀླུའི་ལྕུག་མ་ཚ་དང་རང་སྐྱུར་གྱིས་བསྐུས་ནས་བསྲེགས་ན་ངེས་པར་ལྡང་བར་འགྱུར་བ་འམ། དྲི་མ་ཅན་དུ་འགྱུར་རོ། །འཕགས་པ་ཕྱག་ན་རྡོ་རྗེའི་སྐུ་གཟུགས་ལ་བལྟས་ནས་ཇི་སྲིད་སྨྲ་བ་དང ། འགུལ་བ་དང ། འབར་བར་གྱུར་གྱི་བར་དུ་བཟླས་པ་བྱས་ན་དེ་ནས་མཆོག་སྩོལ་བར་འགྱུར་རོ། །རས་རིས་ཀྱི་མདུན་དུ་མེ་ཏོག་གིས་མངོན་པར་བརྒྱན་པའི་དཀྱིལ་འཁོར་བྱས་ནས་ཇི་སྲིད་དུ་འཕགས་པ་ཕྱག་ན་རྡོ་རྗེ་བྱོན་གྱི་བར་དུ་བཟླས་ན་བྱོན་ནས་མགོ་ལ་རེག་པར་འགྱུར་རོ། །རེག་པ་ཙམ་གྱིས་ལྕང་ལོ་ཅན་དུ་གནས་ནས་གནོད་སྦྱིན་གྱི་གཟུགས་སུ་འགྱུར་རོ། །འཕགས་པ་ཕྱག་ན་རྡོ་རྗེའི་རྡོ་རྗེ་བླངས་ལ་ཇི་སྲིད་མི་སྣང་བར་གྱུར་གྱི་བར་དུ་བཟླས་པ་བྱའོ། །འབུམ་བཟླས་པས་ལས་ཐམས་ཅད་བྱེད་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་སྐུ་གཟུགས་ཀྱི་ཞབས་ཀྱི་མཐེབ་མོ་ལ་བཟུང་ནས་ཇི་སྲིད་འབར་བ་དང ། འཕྲོ་བ་དང ། ཁྲོ་བ་སྟོན་གྱི་བར་དུ་བཟླས་པ་བྱས་ན། དེ་ནས་བྱ་བ་ཐམས་ཅད་བྱེད་པར་འགྱུར་ཞིང་གསུང་བར་ཡང་འགྱུར་རོ། །འཕགས་པ་འཇམ་དཔལ་ལ་བལྟ་ཞིང་ཇི་སྲིད་འབར་བར་འགྱུར་གྱི་བར་དུ་བཟླས་པ་བྱས་
304b
ན་མི་སྣང་བར་འགྱུར་བ་འམ། རིག་པ་འཛིན་པར་འགྱུར་རོ། །འཕགས་པ་ཀུན་ཏུ་བཟང་པོ་ལ་བལྟ་ཞིང་ཇི་སྲིད་དགེ་བ་ལ་ངོམས་མི་ཤེས་པ་དང ། འབེབས་པ་དང ། མངོན་པར་འཕར་གྱི་བར་དུ་བཟླས་པ་བྱའོ། །རྒྱུད་འདིར་སྔགས་ཀྱི་སྤྱོད་པ་ལ་ཞུགས་པས། ཟླ་བ་གཟས་ཟིན་པའི་ཚེ་ཟངས་ཀྱི་སྣོད་དུ་མར་བཞག་ནས་དྲི་ཞིམ་པོའི་མེ་ཏོག་གི་དཀྱིལ་འཁོར་བྱས་ཏེ། བདུག་སྤོས་དྲི་ཞིམ་པོས་བདུགས་ལ་ཇི་སྲིད་འབར་བར་འགྱུར་གྱི་བར་དུ་བཟླས་པ་བྱས་ནས་དེ་འཐུངས་ན་ཐོས་པ་འཛིན་པར་འགྱུར་རོ། །ཟླ་བ་དང ། ཉི་མ་གཟས་བཟུང་བ་ན་ལྷ་ཆེན་པོའི་ཁང་པར་ཞུགས་ནས་ལྡོང་རོས་སམ། མིག་སྨན་ནམ། བ་བླ་བླངས་ནས་ཨ་ཤཝཏྟའི་འདབ་མའི་བར་དུ་བཅུག་ནས་ཇི་སྲིད་འབར་བར་གྱུར་གྱི་བར་དུ་བཟླས་ན་དེས་རིག་པ་འཛིན་པར་འགྱུར་བ་འམ། མི་སྣང་བར་འགྱུར་རོ། །ལྷ་ཆེན་པོའི་སྟེང་དུ་ལག་པ་བཞག་ནས་ཇི་སྲིད་མི་སྣང་བར་གྱུར་གྱི་བར་དུ་བཟླས་པ་བྱའོ་དུར་ཁྲོད་དུ་གནས་ནས་ཇི་སྲིད་མི་སྣང་བར་འགྱུར་གྱི་བར་དུ་བཟླས་པ་བྱའོ། །དུར་ཁྲོད་དུ་དཀྱིལ་འཁོར་བྱས་ནས་ཁམ་ཕོར་མ་བསྲེགས་པ་ཁ་སྦྱར་ཐལ་བས་བཀང་ནས་དུ་བ་བྱུང་གི་བར་དུ་བཟླས་པ་བྱས་ལ་དེ་ཆུ་གསུམ་བྱས་ནས་མི་སྣང་བར་འགྱུར་རོ། །བྱང་ཆུབ་སེམས་དཔའ་དགུག་པ་དང ། ལྷ་དང ། ཀླུ་དགུག་པ་ནི་ནུབ་གཅིག་གིས་འགྲུབ་པར་འགྱུར་
305a
༄#། །རོ། །མདོར་བསྡུས་ན་རིག་པ་མཆོག་འདི་དག་གིས་ནི་འདོད་པའི་ཕུན་སུམ་ཚོགས་པ་བྱེད་པ་ཡིན་ནོ། །ཡིད་ལ་གང་འདོད་པའི་ཆོ་གས་ཇི་ལྟར་བསྒྲུབས་པ་དེ་དེ་ལྟར་འགྲུབ་པར་འགྱུར་རོ་ཞེས་མཁས་པས་བརྟགས་ལ། འདི་ལ་བྱང་ཆུབ་སེམས་དཔའི་ཐེག་པ་པས་སོམ་ཉི་མི་བྱའོ། །དེ་ནས་འདིའི་ཐུན་མོང་གི་རས་རིས་བསྟན་པར་བྱ་སྟེ།་བཅོམ་ལྡན་འདས་རིན་པོ་ཆེའི་པདྨ་ལ་བཞུགས་པའོ། །གཡས་སུ་ནི་འཕགས་པ་ཕྱག་ན་རྡོ་རྗེའོ། །ལྷ་མོ་རྒྱན་ཐམས་ཅད་ཀྱིས་བརྒྱན་པ། རལ་པ་དང་བཅས་པ། གསེར་གྱི་མདོག་ཅན་ཐམས་ཅད་རིག་པའི་མཆོག་ཅེས་བྱ་བ་འམ། དྲི་མ་མེད་པར་རྣམ་པར་གནོན་པའི་གཟི་བརྗིད་ཅེས་བྱ་བ་ཡང་རུང་འདི་ལྟ་བུའི་བཅོམ་ལྡན་འདས་མ་འོད་ཀྱི་ཕྲེང་བ་དང་བཅས་པ་བྲི་བར་བྱ་སྟེ། བྲག་ལ་གནས་པའི་པདྨའི་སྡོང་བུ་ལ་བཞུགས་པའོ། །ལྷ་མོའི་འོག་ཏུ་ནི་དེ་བཞིན་དུ་བགེགས་ཐམས་ཅད་ཚར་གཅོད་པའི་གཡོག་མོ་མཐའ་ཡས་ཞེས་བྱ་བ་བྲིའོ། །ཕྱག་ན་རྡོ་རྗེའི་འོག་ཏུ་ནི་སྒྲུབ་པ་པོ་ཕྱག་འཚལ་བ་བྲི་བར་བྱའོ། །ཡང་ན་རས་རིས་ནི་ཇི་ལྟར་འདོད་པ་དེ་ལྟ་བུ་བྲི་བར་བྱ་སྟེ། སངས་རྒྱས་བཅོམ་ལྡན་འདས་རྣམས་དང ། བྱང་ཆུབ་སེམས་དཔའ་རྣམས་ཀྱི་གཟུགས་ཀྱི་སྐུ་ནི་མཐའ་ཡས་པ་ཡིན་པའི་ཕྱིར་རོ། །རྟོག་པ་དང་ལྡན་ཞིང་ཐབས་ལ་
305b
མཁས་པ་རྣམས་ཀྱིས་ནི་རས་རིས་ཀྱི་ཆོ་ག་མེད་པ་འམ། མཆོད་པ་མེད་པར་ཡང་འགྲུབ་བོ། །གསང་སྔགས་ཀྱི་སྒོར་སྤྱོད་པའི་བྱང་ཆུབ་སེམས་དཔའི་སྤྱོད་པའི་རིག་པ་མཆོག་གི་རྒྱལ་པོ་བསྡུས་པའི་ལེའུ་རབ་འབྱམས་རྫོགས་སོ།། །།དེ་ནས་གསང་བ་པའི་བདག་པོ་ལག་ན་རྡོ་རྗེ་བསྟན་པ་དོན་ཡོད་པའི་དངོས་གྲུབ་རབ་ཏུ་འབྱུང་བར་བྱ་བའི་ཕྱིར་བཅོམ་ལྡན་འདས་ཀྱི་སྤྱན་སྔར་དེ་བཞིན་གཤེགས་པ་ཐམས་ཅད་ཀྱི་སྤྱོད་ཡུལ་རྒྱ་མཚོ་ནམ་མཁའི་སྤྱན་ཞེས་བྱ་བའི་རིག་པའི་རྒྱལ་མོ་རྩེ་མོས་གསོལ་བ་བཏབ་བོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་གཅིག་ཏུ་རྗེས་སུ་འགྲོ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ནམ་མཁའི་སྤྱན་ཞེས་བྱ་བའི་རིག་པའི་རྒྱལ་མོ་རྩེ་མོ་མཆོག་འདི་སྐུ་ཐམས་ཅད་ལས་གསུངས་སོ། །ན་མཿ ་སྟྲཻ་ཡ་དྷྭི་ཀཱ་ནཱཾ། སརྦ་ཏ་ཐཱ་ག་ཏཱ་ནཱཾ། ཨོཾ་ག་ག་ན་ལོ་ཙ་ནེ། ག་ག་ན་ས་མ། སརྦ་ཐཱ་ཨོཾ་ག་ཏཱ་ཏི་ས་ར་སཾ་བྷ་བཛྲཱ་ལཱ་ན་མོ་ཨ་མོ་གྷཱ་ནཱཾ་སཝཱཧཱ། ལག་ན་རྡོ་རྗེ། རིག་པའི་རྒྱལ་མོ་རྩེ་མོ་འདི་ནི་དེ་བཞིན་གཤེགས་པ་ཐམས་ཅད་ཀྱི་སྤྱོད་ཡུལ་ལས་ཡང་དག་པར་བྱུང་བ། བྱང་ཆུབ་སེམས་དཔའ་ཐམས་ཅད་བསྐྱེད་པའི་ཡུམ། མཐའ་ཡས་པ་ཐོགས་པ་མེད་པ་དོན་ཡོད་པར་གྲུབ་པ། སྔགས་ཀྱི་སྤྱོད་པའི་བྱང་ཆུབ་སེམས་དཔའ་རྣམས་ལ་སངས་རྒྱས་ཀྱི་མཛད་པ་ལ་རབ་ཏུ་སྦྱོར་བར་གནས་པའོ། །འདི་
306a
༄#། །འཛིན་པར་བྱེད་པའི་རིགས་ཀྱི་བུ་ནི་ཕྱིར་མི་ལྡོག་པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་པར་འགྱུར་རོ། །བཟླས་པ་ཉིད་ཀྱིས་ཡོན་ཏན་མཐའ་ཡས་པ་མཉམ་པ་མེད་པ་ཐོབ་པར་འགྱུར་རོ། །བསྒྲུབ་པ་བྱས་ན་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་པར་འགྱུར་རོ། །བྱང་ཆུབ་སེམས་དཔའི་སྤྱོད་པའི་ས་ལ་འཇུག་པ་ཐོབ་པར་འགྱུར་རོ། །རིག་པ་འཛིན་པ་ལ་སོགས་པའི་དངོས་གྲུབ་རྣམས་ཇི་ལྟར་འདོད་པ་བཞིན་མི་འཕྲོགས་པ་དོན་ཡོད་པ་འདིས་ཚེགས་ཆུང་དུས་ཐོབ་པར་འགྱུར་རོ། །དེ་ནས་ད་ནི་རིག་པ་འཛིན་པ་ཐོབ་པའི་རྒྱུར་གྱུར་པའི་རྟོག་པའི་ཆོ་ག་ཕྱོགས་ཙམ་ཞིག་འབྱུང་བར་འགྱུར་རོ། །སེམས་བསྐྱེད་པའི་རིགས་ཀྱི་བུ་བྱང་ཆུབ་སེམས་དཔས་ཚེས་གཅིག་ནས་བརྩམས་ནས་དང་པོར་ཞིག་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་བདག་ཉིད་དབུལ་བར་བྱའོ། །དབུལ་བའི་ཚིག་འདི་བརྗོད་པར་བྱ་སྟེ། བདག་ཆེ་གེ་མོ་ཞེས་བགྱི་བ་སངས་རྒྱས་དང ། བྱང་ཆུབ་སེམས་དཔའ་འཁོར་དང་བཅས་པ་ཐམས་ཅད་ལ་བདག་དབུལ་བར་བགྱིའོ། །ཐུགས་རྗེ་ཆེན་པོ་དང་ལྡན་པ་དེ་དག་ཐམས་ཅད་ཀྱིས་དུས་ཐམས་ཅད་དུ་སྡུག་བསྔལ་བ་བདག་ལ་བྱིན་གྱིས་བརླབ་ཏུ་གསོལ། ཡོངས་སུ་བཟུང་དུ་གསོལ། ཡོངས་སུ་བསྐྱབ་ཏུ་གསོལ་
306b
ཞེས་བརྗོད་དོ། །དེ་ནས་སྡིག་པ་བཤགས་པར་བྱ་སྟེ། སངས་རྒྱས་དང ། བྱང་ཆུབ་སེམས་དཔའ་རྣམས་ཀྱིས་ཐུགས་བསྐྱེད་པ་གང་གིས་བཤགས་པའི་སེམས་བསྐྱེད་པ་དེས་དུས་ཐམས་ཅད་པའི་སྡིག་པ་ཐམས་ཅད་བདག་གིས་ཀྱང་སངས་རྒྱས་བཅོམ་ལྡན་འདས་རྣམས་ཀྱིས་ཇི་ལྟར་མཁྱེན་པ་དེ་བཞིན་དུ་བཤགས་པར་བགྱིའོ་ཞེས་བྱ་བ་འམ། ནུས་པ་ཇི་ལྟ་བ་བཞིན་དུ་བཤགས་པར་བྱའོ། །སེམས་ཅན་ཐམས་ཅད་ལ་ཕན་པ་དང ། བདེ་བའི་རྒྱུར་གྱུར་པ་སེམས་ཅན་ཐམས་ཅད་ཀྱི་ཁམས་རྣམ་པར་སྦྱོང་བར་བྱེད་པའི་དུས་གསུམ་དུ་གཤེགས་པའི་སངས་རྒྱས་དང ། བྱང་ཆུབ་སེམས་དཔའ་རྣམས་ཀྱི་བསོད་ནམས་དང ། ཡེ་ཤེས་ཀྱི་ཚོགས་རྣམས་ལ་རྗེས་སུ་ཡི་རང་སྟེ། ཇི་ལྟར་སངས་རྒྱས་བཅོམ་ལྡན་འདས་རྣམས་ཀྱིས་མཁྱེན་པ་དེ་བཞིན་དུ་རྗེས་སུ་ཡི་རང་ཞེས་བྱ་བ་འམ། ནུས་པ་ཇི་ལྟ་བ་བཞིན་དུ་རྗེས་སུ་ཡི་རང་བར་བྱའོ། །དེ་ནས་འཇིག་རྟེན་གྱི་ཁམས་ཐམས་ཅད་དུ་གཏོགས་པ་ན། བདག་གི་མེད་པ། ཡོངས་སུ་འཛིན་པ་མེད་པ། ཐང་དང ། ཆུ་ལས་སྐྱེས་པའི་རིན་པོ་ཆེའི་རི་དང ། རྒྱ་མཚོའི་རིན་པོ་ཆེ་ལ་སོགས་པས་མཆོད་པའི་ཐབས་ལ་གོམས་པར་བྱས་ལ། སངས་རྒྱས་དང ། བྱང་ཆུབ་སེམས་དཔའ་འཁོར་དང་བཅས་པ་ཐམས་ཅད་ལ་དབུལ་ཞིང་ཡོངས་སུ་བསྔོ་བར་བྱའོ། །དེ་ནས་སངས་རྒྱས་དང །
307a
༄#། །བྱང་ཆུབ་སེམས་དཔའ་འཁོར་གྱི་དཀྱིལ་འཁོར་ཐམས་ཅད་དུ་རྒྱ་ཆེ་ཞིང་གྱ་ནོམ་པ་མཆོད་པའི་སྤྲིན་རབ་འབྱམས་རྣམས་བདག་གི་སྨོན་ལམ་དང ། བསོད་ནམས་ཀྱི་སྟོབས་དང ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་ཀྱིས་སོ་སོར་འབྱུང་བར་གྱུར་ཅིག་ཅེས་བརྗོད་ལ། དེ་ལྟ་བུའི་མཆོད་པ་ཆེན་པོ་མངོན་པར་སྒྲུབ་པར་བྱེད་པའི་རིག་པའི་རྒྱལ་མོ་ཆེན་མོ་འདི་ཡང་ལན་བརྒྱད་ཀྱི་བར་དུ་བརྗོད་པར་བྱའོ། །ན་མཿ ་སརྦ་བུདྡྷ་བོ་དྷི་སཏྭ་ནཱཾ། སརྦ་ཐཱ་ཨུངྒ་ཏེ་སྥ་ར་ཎ་ཧི་མཾ། ག་ག་ན་ཁཾ་ས་མནྟཱ་ཏེ་སཝཱཧཱ། དེ་ནས་གཞན་མ་ཡིན་པར་མཆོད་པ་རྣམས་དེ་བཞིན་དུ་ཡང་དག་པར་འབྱུང་བར་འགྱུར་རོ། །དེ་ནས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཡོན་ཏན་བསྔགས་པ་རྒྱ་མཚོ་སྒྲོགས་པའི་དབྱངས་རབ་འབྱམས་རྣམས་ཀྱིས་སེམས་ཅན་གྱི་ཁམས་ཐམས་ཅད་དང ། ཆོས་ཀྱི་དབྱིངས་སུ་གྲགས་པ་འཇུག་པར་གྱུར་ཅིག་།དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོ་རྗེས་སུ་འཇུག་པར་གྱུར་ཅིག་།མདོ་སྡེའི་ཚུལ་རབ་ཏུ་སྒྲོགས་པར་གྱུར་ཅིག་ཅེས་བསམས་ལ། བསྟོད་པ་དང ། བསྔགས་པ་སྒྲུབ་པར་བྱེད་པ། ཆོས་ཐམས་ཅད་ཀྱི་སྤྲིན་གྱི་ཆར་འབེབས་པར་བྱེད་པའི་རིག་པ་ཆེན་མོའི་རྒྱལ་མོ་འདི་ཡང་
307b
ལན་བརྒྱད་ཀྱི་བར་དུ་བརྗོད་པར་བྱའོ། །ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། སརྦ་ཏྲ་སཾ་ཀུ་སུ་མི་ཏཱ། ཨ་བྷི་ཛྙཱ་ན་རཱ་ཤི་ནཱི་ན་མོ་སྟུ་ཏེ་སཝཱཧཱ། དེ་ནས་དེ་བཞིན་དུ་གཞན་མ་ཡིན་པར་བསྟོད་པ་བརྗོད་པ་དང ། ཆོས་བརྗོད་པའི་དབྱངས་རྣམས་སངས་རྒྱས་དང ། བྱང་ཆུབ་སེམས་དཔའ་རྣམས་ཀྱིས་ཇི་ལྟར་མཁྱེན་པ་བཞིན་དུ་ངེས་པར་གནས་པར་འགྱུར་རོ། །འགྲོ་བ་ཐམས་ཅད་ཀྱི་སྡུག་བསྔལ་ཐམས་ཅད་ཞི་བར་བྱེད་པ། སེམས་ཅན་ཐམས་ཅད་ལ་ཕན་པ་དང ། བདེ་བའི་བསམ་གཏན་ལ་ཆེད་དུ་བྱེད་པའི་དམིགས་པ་ཐམས་ཅད་ཀྱིས་ཏིང་ངེ་འཛིན་སྣ་ཚོགས་ཀྱི་མཚན་མས་བརྟགས་པའི་སྤྱོད་ལམ་སྟོན་ཅིང ། རྣམ་པ་སྣ་ཚོགས་པའི་སྤྲུལ་པའི་སྤྲིན་འབྱུང་བ་ཆོས་ཀྱི་དབྱིངས་སུ་སྤྲོས་པས་སེམས་ཅན་ཐམས་ཅད་ལ་མངོན་དུ་ཕྱོགས་པས་གནས་པ་དང ། སྟོབས་བཅུའི་ཡེ་ཤེས་ཀྱི་ས་ལ་སེམས་ཅན་རྣམས་རབ་ཏུ་དགོད་པའི་བར་དུ་གྱུར་ཅིག་ཅེས་ཚིག་ཏུ་བརྗོད་པ་འམ། བསམས་ལ་དེ་ལྟ་བུའི་སྤྲུལ་པ་ཆེན་པོ་མངོན་པར་སྒྲུབ་པར་བྱེད་པའི་རིག་པའི་རྒྱལ་མོ་ཆེན་པོ་འདི་ལན་བརྒྱད་ཀྱི་བར་དུ་བརྗོད་པར་བྱའོ། །ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། ན་མོ་སྟུ་ཏེ། མཧཱ་བཛྲ་སརྦ་སཱ་དྷ་ཧི་ཏཾ་ཀ་ར། ཏིཥྛ་སརྡཱ་ཏྲ་སརྦྦེ་ཥཱཾ་དྷརྨཱ་ཎཱཾ། ཨ་དྷིཥྛ་ཡ་སཝཱཧཱ། དེ་ནས་ཇི་ལྟར་མངོན་པར་བསྒྲུབས་པ་དེ་དག་ཇི་ལྟ་བ་བཞིན་དུ་གནས་པར་འགྱུར་རོ། །རིག་པ་
308a
༄#། །འདི་ཀུན་ཡང་གོང་དུ་ཅི་ཙམ་འདོད་པའི་བཟླས་པ་བྱས་ན་གསང་སྔགས་ཀྱི་སྤྱོད་པ་ཡང་དག་པར་གྲུབ་པ་རྣམས་ལ་སངས་རྒྱས་དང ། བྱང་ཆུབ་སེམས་དཔའ་རྣམས་ཀྱིས་ཇི་ལྟ་བ་བཞིན་དུ་གཟིགས་པར་འགྱུར་རོ། །དེས་དེ་ལྟར་སེམས་ཅན་གྱི་དོན་དང ། དགོས་པ་བདག་གིར་བྱས་ནས་སངས་རྒྱས་དང ། བྱང་ཆུབ་སེམས་དཔའ་རྣམས་བྱང་ཆུབ་ཏུ་ཐུགས་བསྐྱེད་པ་ནས་བཟུང་སྟེ། བླ་ན་མེད་པ་ཡང་དག་པར་རྫོགས་པར་བྱང་ཆུབ་ཀྱི་བར་གྱི་སེམས་ཅན་ཐམས་ཅད་ཀྱི་དོན་བསྒྲུབས་པ་ལ་རྗེས་སུ་ཡི་རང་ཞིང་དམིགས་པ་ལ་གོམས་པར་བྱས་ནས་དེ་བཞིན་གཤེགས་པ་ཐམས་ཅད་ལ་ཕྱག་འཚལ་བ་འམ། དམིགས་པ་ལ་གོམས་པར་བྱས་ཏེ། འདིར་ཡང་ནམ་མཁའི་སྤྱན་བཟླས་པ་བྱའོ། །ཡང་ན་སེམས་ཅན་རྣམས་ལ་དེ་བཞིན་གཤེགས་པ་རྣམས་ཀྱི་བྱིན་གྱིས་རླབས་ཀྱི་སྟོབས་དང ། བདག་གི་བསོད་ནམས་ཀྱི་སྟོབས་ཀྱིས་དེ་བཞིན་གཤེགས་པ་རྣམས་ཀྱི་སྤྱན་རྣམས་ཇི་ལྟར་རིགས་པ་བཞིན་དུ་དེ་བཞིན་གཤེགས་པས་བྱིན་གྱིས་རློབ་ཅིང་འབྱུང་བར་གྱུར་ཅིག་ཅེས་དང་པོ་ཡིད་ལ་བྱས་ལ་བཟླས་པ་བྱའོ། །ཡང་ན་དེ་བཞིན་གཤེགས་པས་བསྔགས་པའི་སེམས་ཅན་ཐམས་ཅད་ཀྱི་དོན་འབྱུང་བའི་དངོས་གྲུབ་ཐོབ་པར་གྱུར་ཅིག་ཅེས་བྱའོ། །ཡང་ན་སེམས་ཅན་རྣམས་ལ་དེ་བཞིན་གཤེགས་
308b
པའི་ཡེ་ཤེས་ཀྱི་མིག་དང་ལྡན་པར་གྱུར་ཅིག་ཅེས་བྱའོ། །ཡང་ན་དགེ་བ་ལ་འབད་པ་འབྱུང་བར་གྱུར་ཅིག་ཅེས་བྱའོ། །ཡང་ན་དེ་བཞིན་གཤེགས་པའི་ཡེ་ཤེས་ཀྱི་རྒྱུ་འབྱུང་བར་གྱུར་ཅིག་ཅེས་བྱའོ། །ཡང་ན་སྟོབས་བཅུ་ཡོངས་སུ་རྫོགས་པས་བསོད་ནམས་དང ། ཡེ་ཤེས་ཀྱི་ཚོགས་ཡོངས་སུ་རྫོགས་པ་འམ། དེ་བཞིན་གཤེགས་པའི་ཡེ་ཤེས་ཀྱི་སྐུ་ཡོངས་སུ་རྫོགས་པ་འམ། མཚན་དང ། དཔེ་བྱད་དང་ལྡན་པའི་སྐུ་ཡོངས་སུ་རྫོགས་པ་འམ། ཆོས་ཀྱི་འཁོར་ལོ་ཆེན་པོ་སྐོར་བའི་སྐུ་ཡོངས་སུ་རྫོགས་པ་སེམས་ཅན་ཐམས་ཅད་ཀྱིས་སོ་སོར་ཐོབ་པར་གྱུར་ཅིག་ཅེས་བྱ་བ་འམ། ཡང་ན་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་དང་ཡང་དག་པར་འགྲོགས་ཤིང ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་སྤྱོད་པ་ཡང་དག་པར་སྒྲུབ་པ་འམ། བྱང་ཆུབ་སེམས་དཔའ་ཐམས་ཅད་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱ་བའི་ཕྱིར་དང ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་རྣམས་རིམ་གྱིས་གནོན་པའི་ཕྱིར་རམ། བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པའི་དཀྱིལ་འཁོར་ཐམས་ཅད་དུ་འཇུག་པ་འམ། ། གཟུངས་དང ། ཏིང་ངེ་འཛིན་དང ། རྣམ་པར་ཐར་པ་ཐམས་ཅད་སོ་སོར་ཐོབ་པ་འམ། མཆོད་པ་ཆེན་པོའི་སྤྲིན་མངོན་པར་བསྒྲུབ་པ་སྤྲུལ་པ་འམ། དེ་བཞིན་གཤེགས་
309a
༄#། །པ་ཐམས་ཅད་ཀྱི་སྤྲིན་ལས་ཆོས་ཀྱི་ཆར་གྱི་རྒྱུན་འབབ་པ་རབ་ཏུ་གནས་པར་བྱ་བ་འམ། དཀོན་མཆོག་གསུམ་གྱི་གདུང་རྒྱུན་མི་བཅད་པ་འམ། རིག་པ་འཛིན་པའི་དཔལ་ཐོབ་པར་བྱ་བ་འམ། རྡོ་རྗེ་འཛིན་པ་ཉིད་རབ་ཏུ་ཐོབ་པ་ཡང་སེམས་ཅན་ཐམས་ཅད་ལ་འབྱུང་བར་གྱུར་ཅིག་ཅེས་བརྗོད་དོ། །ཡང་ན་བསམ་པ་ཇི་ལྟ་བ་དང།་མོས་པ་ཇི་ལྟ་བ་བཞིན་དུ་འམ། སེམས་ཅན་གྱི་ཁམས་ཐམས་ཅད་ལ་ཕན་པ་དང ། བདེ་བ་འབྱུང་བའི་བསམ་པ་དང ། ལྷག་པའི་བསམ་པས་བཟླས་པ་བྱའོ། །ཡང་ན་བླ་ན་མེད་པའི་དངོས་གྲུབ་ཐམས་ཅད་བདག་གི་སྨོན་ལམ་གྱི་སྟོབས་དང ། དེ་བཞིན་གཤེགས་པ་རྣམས་ཀྱིས་བྱིན་གྱིས་བརླབས་ཀྱིས་སེམས་ཅན་ཐམས་ཅད་ལ་འབྱུང་བར་གྱུར་ཅིག་ཅེས་སམ། ཇི་ལྟར་རིགས་པར་སེམས་ཀྱིས་བསམས་ལ་བཟླས་པ་བྱའོ། །དེ་ལྟར་གོམས་པར་བཟླས་པ་བྱས་ན་དངོས་གྲུབ་ཐོབ་པར་འགྱུར་རོ། །སྨོན་ལམ་དང་རྗེས་སུ་མཐུན་པ་དང ། བརྩོན་འགྲུས་དང་རྗེས་སུ་མཐུན་པར་བྱང་ཆུབ་སེམས་དཔའི་སྤྱོད་པ་ལ་མངོན་པར་ཕྱོགས་ཤིང་འཇུག་ན་ངེས་པར་འགྲུབ་པར་འགྱུར་རོ། །འདི་དག་ནི་རྟག་ཏུ་བྱ་བའི་ཆོ་ག་ཡིན་ནོ། །ཡང་ན་སོམ་ཉི་མེད་པའི་དད་པས་ཅི་ལྟར་ནུས་པའི་ཆོ་གས་བྱའོ། །དེ་ནས་འཕགས་པ་སྡོང་པོ་བཀོད་པ་ལ་སོགས་པའི་ཆོས་ཀྱི་
309b
གླེགས་བམ་མམ། བྱང་ཆུབ་སེམས་དཔའི་སྤྱོད་པ་རྒྱ་ཆེ་བའི་ལུགས་རྒྱས་པར་བྱེད་པའི་མདོ་སྡེ་གདོན་པར་བྱ། མཆོད་པར་བྱ་བ་འམ། ཐ་ན་ཕྱག་བྱས་ནས་སོ། །ཀུན་ནས་ངལ་བར་གྱུར་ནས་ཟས་ཟན་སྔགས་འདིས་ཟས་ལ་ལན་བརྒྱད་མངོན་པར་བཟླས་པར་བྱའོ། །ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། ཨོཾ་བ་ལིམ་ད་དེ་ཏེ་ཛོ་མཱ་ལི་ནི་སཝཱཧཱ། དེ་ནས་ཟས་ཀྱིས་དུབ་པ་བསལ་ལ་ཕྱི་དྲོའི་དུས་སུ་ཡང་སྔ་དྲོའི་ཆོ་ག་འདི་ཉིད་ཀྱིས་བྱའོ། །སྐྱོ་བར་གྱུར་ན་སྔགས་བཟླས་པར་བྱ་སྟེ། ཇི་སྲིད་མི་སྐྱོ་བའི་བར་དུའོ། །དེ་ནས་སྨོན་ལམ་བཏབ་ནས་ལྡང་བར་བྱའོ། །ལངས་ནས་ཟབ་ཅིང་རྒྱ་ཆེ་བའི་མདོ་སྡེ་ཀློག་པ་ལ་སོགས་པ་གཞན་བྱའོ། །ཉལ་བའི་ཚེ་ཡང་ལུས་ཐམས་ཅད་བཏུད་པས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་བསམ་པ་ཐག་པས་ཕྱག་བྱས་ལ་ཕྱི་ནས་ཇི་ལྟར་འདོད་པས་གཉིད་ལོག་པར་བྱ་ཞིང ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་བདག་ལ་བྱིན་གྱིས་བརླབ་ཏུ་གསོལ། །བདག་ལ་དངོས་གྲུབ་དང ། མཆོག་སྩལ་དུ་གསོལ། གནོད་པ་ཐམས་ཅད་རབ་ཏུ་ཞི་བར་མཛད་དུ་གསོལ་ཞེས་མཁས་པས་རྟག་ཏུ་བྱའོ། ། ཉིན་རེ་ཉིན་རེ་འདི་ལྟ་བུའི་ལས་ཟླ་བ་གཅིག་གི་བར་དུ་བྱའོ། །དེ་ནས་ཟླ་བ་ཉལ་ཉིན་ཞག་གཅིག་སྨྱུང་བར་འདུག་ནས་ཅི་འབྱོར་པའི་མཆོད་པ་བྱས་ཏེ། མཆོད་རྟེན་ནམ། སྐུ་
310a
༄#། །གཟུགས་སམ། རས་རིས་ལ་དབེན་ཞིང་སྟོང་པའི་ས་ཕྱོགས་སུ་མེ་ཏོག་སིལ་མ་བཀྲམ་པའི་དཀྱིལ་འཁོར་བྱས་པ་ལ་དམ་པའི་ཆོས་ཀྱི་གླེགས་པམ་མདུན་དུ་བཞག་སྟེ། སྤོས་དྲི་ཞིམ་པོས་བདུགས་ནས་སྐྱིལ་མོ་ཀྲུང་བཅས་ཏེ། ལྕགས་ཀྱི་འཁོར་ལོ་འམ། རྡོ་རྗེ་འམ། རལ་གྲི་བླངས་ལ་ཀུ་ཤ་བཀྲམ་པ་ལ་འདུག་ནས་ཇི་སྲིད་འབར་བར་གྱུར་གྱི་བར་དུ་བཟླས་པ་བྱ་སྟེ། ནམ་ཕྱེད་དམ། ཉི་མ་ཤར་བའི་དུས་སུ་འབར་བར་འགྱུར་རོ། །འབར་བ་ན་ལྟས་ཆེན་པོ་འབྱུང་བར་འགྱུར་ཏེ། ས་གཡོ་བ་དང།་གཞན་ཡང ། སངས་རྒྱས་འབྱུང་བ་དང་འདྲ་བའི་ལྟས་ཆེན་པོ་འབྱུང་བར་འགྱུར་རོ། །སྐད་ཅིག་དེ་ལ་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་ཀྱིས་འཆིང་བ་ཞེས་བྱ་བའི་འོད་ཟེར་རབ་ཏུ་འབྱུང་བར་འགྱུར་རོ། །དེ་ནས་རིག་པ་འཛིན་པ་ཐམས་ཅད་འཁོར་དང་བཅས་པ་དང ། རིག་པ་འཛིན་པའི་བུ་མོ་གྲོགས་དང་བཅས་པ་དང ། རིག་པ་འཛིན་པའི་རྒྱལ་པོ་ཆེན་པོ་འཁོར་དང་བཅས་པས་དེ་དབང་བསྐུར་བས་ཐམས་ཅད་དུ་ཐོགས་པ་མེད་པ་དང ། ལྷ་ཐམས་ཅད་ཀྱིས་མཆོད་པ་དང ། བསོད་ནམས་ཇི་ལྟར་ཉེ་བར་བསགས་པ་བཞིན་དུ་སངས་རྒྱས་ཀྱི་ཞིང་རྣམས་སུ་འགྲོ་ཞིང ། སངས་རྒྱས་དང ། བྱང་ཆུབ་སེམས་དཔའ་རྣམས་
310b
ལ་མཆོད་པ་དང ། སེམས་ཅན་ཡོངས་སུ་སྨིན་པར་བྱེད་པའི་ནུས་པ་ཡང་རབ་ཏུ་འཐོབ་བོ། །ལུས་དེ་ཉིད་མ་དོར་བར་བྱང་ཆུབ་སེམས་དཔའི་སྤྱོད་པ་ལ་རྗེས་སུ་འཇུག་པ་རབ་ཏུ་འཐོབ་བོ། །སྟོབས་ཇི་ལྟ་བ་དང ། སྣོད་ཇི་ལྟ་བ་བཞིན་དུ་གོ་རིམས་ཀྱིས་བྱང་ཆུབ་སེམས་དཔའི་ས་རྣམས་ནོན་པར་འགྱུར། ཡང་དག་པར་རྫོགས་པའི་སངས་རྒྱས་ཀྱི་བར་དུ་ལུས་དེ་ཉིད་ཀྱིས་ཐོབ་པར་འགྱུར་རོ། །འདི་དག་ནི་ཐབས་ལ་མཁས་པའི་བྱང་ཆུབ་སེམས་དཔའི་ཐེག་པ་པའི་གསང་སྔགས་ཀྱི་སྒོར་སྤྱོད་པ་ལ་ཞུགས་པ་གཙོར་བྱེད་པའི་ཐབས་ལ་མཁས་པའི་ཆོ་ག་ཡིན་ནོ། །རི་འམ། འབབ་ཆུའི་འགྲམ་མམ། མཚོའི་གླིང་ངམ། ཤིང་གཅིག་གི་དྲུང་ངམ། ཀུན་དགའ་ར་བ་འམ། དགོན་པ་འམ། གཙུག་ལག་གི་གནས་སམ། སྐུ་གདུང་དང་བཅས་པའི་མཆོད་རྟེན་ནམ། སྐུ་གཟུགས་ཀྱི་མདུན་དུ་འམ། ཐ་ན་གཙུག་ལག་ཁང་ངམ། ཁང་པ་འམ། ཉེ་བར་སྤྱོད་པའི་སའང་རུང ། སྟོང་ཞིང་དབེན་པར་རས་རིས་ཀྱི་མདུན་དུ་བསྒྲུབ་པར་བྱའོ། །གལ་ཏེ་ནུས་པ་ཡོད་ན་རི་ལ་སོགས་པ་སྟོང་ཞིང་དབེན་པའི་གནས་རྣམས་སུ་འདུ་འཛི་རྣམ་པར་སྤངས་ནས། ཐ་ན་ཁྱིམ་མམ།་བྲང་ཁང་ངམ། ཉེ་བར་སྤྱད་ས་འམ། མཛོད་ཕུགས་སུ་ཡང་རུང ། ཇི་སྲིང་མ་བྱུང་གི་བར་དུ་བཟླས་པ་བྱའོ། །དེ་ནས་སྔ་མ་བཞིན་དུ་འཁོར་ལོ་འམ། རྡོ་རྗེ་ལ་
311a
༄#། །ལ་སོགས་པ་ཇི་ལྟར་འདོད་པ་བཞིན་དུ་བསྒྲུབ་པར་བྱའོ། །འབུམ་བཟླས་པ་བྱས་ནས་ལྡོང་རོས་སམ། མིག་སྨན་ལ་སོགས་པའི་རིག་འཛིན་ཐོབ་པར་བྱེད་རྫས་ཐམས་ཅད་བསྒྲུབ་པར་བྱའོ། །དབང་དུ་བྱ་བ་ལ་སོགས་པའི་ལས་ཐམས་ཅད་བཀླགས་པས་འགྲུབ་པ་འདི་རིའི་གསེབ་ཏུ་ཞུགས་ལ་འབུམ་ཕྲག་གསུམ་བཟླས་ན་དེ་བཞིན་གཤེགས་པ་མཐོང་བར་འགྱུར་རོ། །མཐོང་ནས་གཟུངས་ལ་སོགས་པ་རབ་ཏུ་ཐོབ་པར་འགྱུར་རོ། །དབེན་ཞིང་སྟོང་པའི་རི་ལ་སོགས་པར་སྐྱིལ་མོ་ཀྲུང་གིས་འདུག་ལ། སྐྱིལ་མོ་ཀྲུང་མ་བཤིག་པར་མཚན་ཐོག་ཐག་དེ་བཞིན་གཤེགས་པ་ལ་དམིགས་ནས་བཟླས་ན་ནམ་ཕྱེད་དམ། ཉི་མ་འཆར་བའི་དུས་སུ་ལུས་རབ་ཏུ་འབར་བར་འགྱུར་རོ། །འབར་བར་གྱུར་ནས་ལུས་བརྗེས་ནས་རིག་པ་འཛིན་པར་འགྱུར་རོ། །ལྷའི་བཞོན་པ་བྲིས་ནས་དེའི་སྟེང་དུ་འདུག་སྟེ་མཚན་རངས་པ་བཟླས་ན་ལྷའི་བཞོན་པ་རིན་པོ་ཆེ་ལས་གྲུབ་པར་གྱུར་ནས་ནམ་མཁའ་ལ་གང་འདོད་པ་དེར་འགྲོ་བར་འགྱུར་རོ། །རིག་པ་འདི་ནི་རང་བཞིན་གྱིས་གྲུབ་པ་ཡིན་པས། མངོན་དུ་བསྙེན་པ་མ་བྱས་པས་ཀྱང་ཆོ་ག་བཞིན་དུ་བྱའོ། །ཇི་སྐད་གསུངས་པའི་རིག་པ་མཆོག་གི་ཆོ་གས་ཀྱང་བྱ་བ་འམ། ཐབས་དང་མི་ལྡན་པས་ནི་ཇི་ལྟར་འདོད་པ་འམ། མོས་
311b
པ་ཇི་ལྟ་བ་བཞིན་ལས་ཀྱིས་བསྒྲུབ་པར་བྱའོ། །རྟོག་པ་འདི་ཆོ་གས་ཡིད་ལ་གང་འདོད་པ་ཅི་རིགས་པར་སྦྱར་བར་བྱའོ། །ཡང་ན་རས་རིས་བསྒྲུབ་པར་འདོད་ན་རས་རིས་དེ་བཞིན་གཤེགས་པའི་སྐུ་གཟུགས་པདྨའི་གདན་ལ་བཞུགས་པ་བྲི་བར་བྱའོ། །གཡས་སུ་འཕགས་པ་ཕྱག་ན་རྡོ་རྗེ་པདྨའི་གདན་ལ་བཞུགས་པ་ཐལ་མོ་སྦྱར་བ་འོད་ཀྱིས་བསྐོར་བར་བྲི་བར་བྱའོ། །བཅོམ་ལྡན་འདས་ཀྱི་གཡོན་དུ་ནམ་མཁའི་སྤྱན་གསེར་གྱི་མདོག་ཅན་རྒྱན་ཐམས་ཅད་ཀྱིས་བརྒྱན་པ། རལ་པ་དང་བཅས་པ། ཐལ་མོ་སྦྱར་བ་བྱས་པ། པདྨའི་གདན་ལ་བཞུགས་པ་འོད་ཀྱི་ཕྲེང་བ་ཅན་བྲི་བར་བྱའོ། །དེའི་འོག་ཏུ་ཁྲོས་པ་གནག་ཅིང་ལྗང་བ། རལ་བ་གཅིག་ཡོད་པ། འཇིགས་པ་ཆེན་མོ་ཞེས་བྱ་བ་གཞོན་ནུ་མ། ལག་པ་གཡས་ཀྱིས་རྡོ་རྗེ་འཛིན་ཅིང་འཕྱར་བ། རིན་པོ་ཆེའི་ཕྲེང་བ་ཅན་བྲག་ལ་བཞུགས་པ་འབར་བའི་ཕྲེང་བ་ཅན། ངུར་སྨྲིག་བགོས་པ། མིག་ཅུང་ཟད་དམར་བ། བགེགས་ཚར་གཅོད་པ་བྲི་བར་བྱའོ། །འཕགས་པ་ཕྱག་ན་རྡོ་རྗེའི་འོག་ཏུ་ནི་སྒྲུབ་པ་པོ་ཕྱག་འཚལ་བ་བྲི་བར་བྱའོ། །རས་རིས་འདི་ལ་རྟོག་པ་འདིའི་ཆོ་ག་རྣམས་བྱ་བ་འམ། ཇི་ལྟར་འདོད་པས་བྱའོ། ། རས་རིས་གཉིས་པ་ནི། ལྷ་མོ་འཇིགས་པར་བྱེད་པའི་གྲོགས་དང་བཅས་པ། །རལ་པ་ཐུར་ལ་འཕྱང་བ། ལུས་འོད་ཀྱི་ཕྲེང་བ་ཅན་ནོ། །དེ་ལྟ་བུ་ལ་ཡང་འདིར་སྔར་གྱི་ཆོ་ག་རྣམས་
312a
༄#། །སྦྱར་བར་བྱའོ། །ཐབས་དང་ལྡན་ནམ། ཐབས་དང་མི་ལྡན་ཡང་རུང ། ནམ་མཁའི་སྤྱན་འདི་ནི་དོན་ཡོད་པ་ཡིན་ཏེ། བསོད་ནམས་དང་ལྡན་ནམ། བསོད་ནམས་དང་མི་ལྡན་ཡང་རུང་ཞེས་རྒྱ་ཆེར་སྦྱར་ཞིང་གང་གིས་ཀྱང་ངེས་པར་འགྲུབ་པར་འགྱུར་ཏེ། འདོད་པའི་དོན་ཕུན་སུམ་ཚོགས་པར་བྱེད་པ་ཡིན་ནོ། །ཞེས་མཁས་པས་རིག་པར་བྱའོ། །བྱང་ཆུབ་སེམས་དཔའ་རྣམས་ཀྱི་ཡུམ་ནམ་མཁའི་སྤྱན་ཞེས་བྱ་བའི་རྟོག་པ་རྫོགས་སོ།། །།དེ་ནས་ཡང ། བཅོམ་ལྡན་འདས་སངས་རྒྱས་དང ། བྱང་ཆུབ་སེམས་དཔའ་རྣམས་ཀྱི་སྤྱོད་ཡུལ་མངོན་པར་སྤྲོ་བར་བྱེད་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ནས། སྡུག་བསྔལ་བར་གྱུར་པའི་སེམས་ཅན་རྣམས་བསྐྱབས་པའི་ཕྱིར་སྔགས་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨཱརྱ་ཨཱ་གཱ་ཛེ་ཨནནྟཱ་བི་ཤཱ་ཡ་ནཱི། ཨ་ར་ཛེ་བི་ར་ཛེ། ཧཱུཾ་ཏྲཱ་ཀ་ར་སཝཱཧཱ། སངས་རྒྱས་མ་ལུས་ཐམས་ཅད་ཀྱིས། །གསང་སྔགས་འདི་ནི་གསུངས་པ་ན། །ཤིན་ཏུ་རྒྱ་ཆེ་རྣམ་པར་རོལ། །ནམ་མཁའ་ལ་ནི་བྱུང་བར་གྱུར། །བྱང་ཆུབ་སེམས་དཔའ་གསང་སྔགས་ཀྱི་སྒོར་སྤྱོད་པ་སྦྱོད་པ་རྣམས་ཀྱི་མདུན་དུ་འདིའི་ལས་ཀྱི་ཆེ་བའི་བདག་ཉིད་གསུངས་པ། ཆོག་རབ་འབྱམས་མཐའ་ཡས་པའི་རྒྱལ་པོ་སྐད་ཅིག་དེ་ལ་སེམས་
312b
ཅན་གྱི་ཁམས་རྣམ་པར་སྦྱོང་བར་བྱེད་པ་ཞེས་བྱ་བའོ། །ཆོ་ག་དེ་དག་ཐམས་ཅད་ཀྱང་འདི་ལ་སྦྱར་བར་བྱ་བ་འམ། ཡང་ན་ཇི་ལྟར་འདོད་པའི་ཆོ་གས་བྱའོ། །སྙིང་པོ་རྟོག་པའི་ཆོ་གས་ཉིས་འགྱུར་དུ་སྦྱར་བ་འམ། མཉམ་པས་ཀྱང་རུང་ངོ ། །དེ་ནས་བྱང་ཆུབ་སེམས་དཔའ་རྡོ་རྗེའི་ལུས་ཞེས་བྱ་བ་ཆགས་པ་མེད་པའི་སྒོའི་གཞི་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་རྒྱལ་མོ་ཆེན་མོའི་རྩེ་མོ་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཏྲཱི་ཏྲཱི་ཏྲཱི། ཨ་ཧ་ཧ་བྷི་སྨ་ཡེ། ན་མཿ སརྦ་ཏ་ཐཱ་ག་ཏཱ་ནཱཾ། ཨ་ས་ཏྲི་ཤེ་ས་སཝཱཧཱ། ཕུན་སུམ་ཚོགས་པ་མཐའ་ཡས་པ་ཞེས་བྱ་བའི་རིག་པའི་རྒྱལ་མོ་ཆེན་མོའི་རྩེ་མོ་འདི་ནི་ཆོ་ག་དེ་དག་ཉིད་ཀྱིས་སྦྱོར་བར་བྱའོ་ཞེས་བྱ་བར་རྒྱལ་བ་རྣམས་ཀྱིས་མཁྱེན་པ་ཡིན་ནོ།། །།དེ་ནས་བྱང་ཆུབ་སེམས་དཔའ་ནམ་མཁའ་དང་མཉམ་པ་ཞེས་བྱ་བ་ཀུན་ནས་ནམ་མཁའ་དང་མཉམ་པའི་ཏིང་ངེ་འཛིན་ལ་སྙོམས་པར་ཞུགས་ནས། རིག་པའི་རྒྱལ་མོའི་རྩེ་མོ་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ཧ་ཧ་ཧ། མཧཱ་མུ་ནི་བི་སྨ་ཡེ། ཧ་ར་ཧ་ར། ཏྲ་ཡ་ཏྲ་ཡ། བི་ཤོ་དྷ་ཀེ་ན་མཿ སརྦ་ཏ་ཐཱ་ག་ཏཱེ་བྷྱཿ སཝཱཧཱ། དོན་ཡོད་པའི་དོན་ཡོད་པ་ཞེས་བྱ་བ་དག་གི་དབང་ཕྱུག་མ་ཞེས་བྱ་བའི་རིག་པའི་རྒྱལ་མོའི་རྩེ་མོ་ཡངས་ཤིང་རྒྱ་ཆེ་བའི་རྣམ་པར་
313a
༄#། །རོལ་པའི་སྤྱོད་ཡུལ་ཡིན་ཏེ། འདིའི་ཆོ་ག་ཡང་དེ་དག་ཉིད་ཀྱིས་བྱ་བ་འམ། ཡིད་ལ་གང་འདོད་པས་བྱའོ། །དེ་ནས་དེ་བཞིན་གཤེགས་པ་ཀུན་ཏུ་ཤིན་ཏུ་མཉམ་པར་རྫོགས་པར་གྲུབ་པ་ཞེས་བྱ་བ་དངོས་གྲུབ་ཀྱི་རྒྱལ་པོའི་རྩེ་མོ་ལ་སྙོམས་པར་ཞུགས་པ་ཞེས་བྱ་བའི་ཏིང་ངེ་འཛིན་གྱི་རྒྱལ་པོ་ལ་སྙོམས་པར་ཞུགས་སོ། །སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་རྩེ་མོ་ཞེས་བྱ་བའི་རིག་པ་ཆེན་མོའི་རྒྱལ་མོ་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་མ་ལ་བ་ལེ་ཧ་ཧ། ཨ་ས་མ་ས་མནྟ། ག་ག་ན་ག་ག་ན། ས་མ་ས་མ། ཀུ་རུ་ཀུ་རུ། ན་མཿ སརྦ་བུདྡྷ་བོ་དྷི་ས་ཏྭེ་བྷྱཿ སཝཱཧཱ། སངས་རྒྱས་སྲས་དང་བཅས་རྣམས་ཀྱིས། །ལྷན་ཅིག་འདིར་ནི་གསུངས་པ་ན། །ཆོས་དབྱིངས་ངོ་མཚར་ཆེན་པོ་འདི། །ཐམས་ཅད་ཀུན་ཏུ་རྨད་དུ་གྱུར། །འདིའི་ཆོ་ག་ཡང་དེ་དག་ཡིན། །འཇིག་རྟེན་ཐམས་ཅད་ཀུན་ཏུ་ཡང། །འདི་དང་འདྲ་བ་དེ་ཡོད་མིན། །རས་རིས་ཀྱི་ཁྱད་པར་ནི་ནམ་མཁའི་སྤྱན་གྱི་གནས་སུ་ལྷ་མོ་ཀུ་མུ་དའི་མདོག་ཅན། །རལ་པ་དང་བཅས་པ། རྒྱན་དང་བྲལ་བ། ཏིང་ངེ་འཛིན་ལ་སྙོམས་པར་ཞུགས་པ་བྲི་བར་བྱའོ། །སངས་རྒྱས་བཅོམ་ལྡན་འདས་ནི་དེ་ལྟ་བུ་ཉིད་ཡིན་ནོ། །ལག་ན་རྡོ་རྗེ་ནི་གཏུམ་པའོ། །གཡོན་དུ་ནི་རལ་པ་གཅིག་
313b
ཡོད་པ།་གནག་པ། མིག་དམར་བ། བགེགས་མཐར་བྱེད་པ། །ཁྲོས་པ། ངུར་སྨྲིག་བགོས་པ། གཞོན་ནུ་ལག་ན་རལ་གྲི་\?\་སོགས་\?\་པ་བྲི་བར་བྱ་སྟེ། འབར་བའི་ཕྲེང་བས་བསྐོར་བ་རིན་པོ་ཆེའི་བྲག་ལ་གནས་པའོ། །ལྷག་མ་ནི་སྔ་མ་བཞིན་ནོ། །རིན་པོ་ཆེའི་བྲག་ལ་གནས་པའི་པདྨའི་སྡོང་བུ་ལ་གནས་པ་བྲི་བར་བྱའོ། །རིག་པའི་རྒྱལ་མོའི་རྩེ་མོ་འདི་རས་རིས་རྟོག་པའི་ཆོ་ག་ཐམས་ཅད་སྦྱར་བར་བྱའོ། །དེ་ནས་བྱང་ཆུབ་སེམས་དཔའ་དོན་ཐམས་ཅད་གྲུབ་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་རྒྱལ་མོའི་རྩེ་མོ་དོན་ཡོད་པ་ཞེས་བྱ་བ་འདི་གསུངས་སོ། །ན་མཿ བུདྡྷ་བོ་དྷི་སཏྭཱ་ནཱཾ། ཨརྠ་སིདྡྷ་བི་དྱཱ་ཨུཏྟ་མ་ཨཱ་གྲེ་སཝཱཧཱ། བྱང་ཆུབ་སེམས་དཔའ་ལོངས་སྤྱོད་མཐའ་ཡས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པའི་རྒྱལ་མོའི་རྩེ་མོ་འདི་གསུངས་སོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ར་ཛེ་ས་མ་ཡེ། སཱ་དྷ་ཡཱི་ཀུ་རུ་ཀུ་རུ། སིདྡྷི། མ་ཨ་མོ་གྷ། ཨ་པྲ་ཏི་ཧ་ཏ་སྟེ་སིདྡྷི། ས་ཏ་ཀེ་ཏ། ཨུ་ཐཱ་ཨ་ག་ག་ནཱཾ་སཝཱཧཱ། གཏུམ་པོ་མཉམ་པ་མེད་པ་ཞེས་བྱ་བའི་རིག་པའི་རྒྱལ་མོའི་རྩེ་མོ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ས་མ་ས་མ་ཨ་གྲེ་ཨ་གྲེ། དྷ་ར་དྷ་ར། དྷི་རི་དྷི་རི། ཏ་ཡི་ཏ་ཡི། ག་ག་ནཱཾ་སཱ་དྷ་ཡ། སརྦཾ་ན་མོ་སྟུ་ཨ་པྲ་ཏི་ཧ་ཏ་ཨ་གྲཱ་ནཾ། ཛྭཱ་ལ་ཛྭཱ་
314a
༄#། །ལ།་ཧ་ས་ན་སཝཱཧཱ། དེ་བཞིན་གཤེགས་པའི་དམ་ཚིག་ཅེས་བྱ་བའི་ཐོགས་པ་མེད་པ་དོན་ཡོད་པར་གྲུབ་པ་རིག་པའི་རྒྱལ་མོའི་རྩེ་མོ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཧྲྀ་ད་ཡཾ། ས་མ་ཡཾ་ས་མ་ཡཾ། ན་དྷི་བིརྱ་ཏེ་སྱ་ས་དྷོ། ཥ་མ་ཡཾ། ཏ་ཊི་དནྟ། ན་མཿ ་གྲ། གུ་ཎཱ་ཨ་ནནྟ། མ་ཡཾ་གུ་རུ་ཏེ། སཉྩ་སརྦཱ། མི་དྷཾ་མ་པི་ཏེ། སྟོབས་གསུམ་པ་ཞེས་བྱ་བ་རིག་པའི་རྒྱལ་མོ་རྩེ་མོ་ཐམས་ཅད་དུ་མི་མཉམ་པ་ཐོགས་པ་མེད་པ་དོན་ཡོད་པར་གྲུབ་པ་ཡིན་ནོ། །ན་མཿ སརྦ་བུདྡྷ་བོ་དྷི་སཝ་ཏྭཱཾ་ནཱཾ། ཨ་མོ་གྷ། ཨ་ཙི། པྲ་བི་ཤ་བ་ར་དེ། ཨ་མ་ལ་ཨ་མ་ལ། ཛྭཱ་ལ་ན་ཙ་ལོདྦྷ་དེ་སྥ་ར་ཎ་སཝཱཧཱ། འཇིགས་པ་མེད་པ་དོན་ཡོད་པའི་འོད་ཟེར་ཞེས་བྱ་བའི་རིག་པའི་རྒྱལ་མོའི་རྩེ་མོ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨ་ས་མ། དྷ་ར་དྷ་ར། ས་མ་ས་མ། སཾ་ག་ཏ་སཾ་ག་ཏ། ཏཱི་ཊཱི་ཏཱི་ཊཱི། ཧ་ས་ཧ་ས། ཏཱི་ཏཱི་མཧཱ་མཧཱ། བི་ཤཝ་དྷ་གྲ་ཨ་གྲ། ཧཱུཾ་སྥཱ་ར་སྥཱ་ར། བི་མ་ལེ་ཀུ་རུ། ཨ་མོ་གྷ་ཨ་པྲ་ཏི་ཧ་ཏ། ཨསྠ་སིདྷ། ཡཾ་ཨ་དུཿ ཁ་ག་ར་སཝཱཧཱ། མཉམ་པ་མེད་པའི་མཆོག་གི་སྟོབས་ཀྱི་རྩེ་མོ་ཞེས་བྱ་བ་རིག་པའི་རྒྱལ་མོའི་རྩེ་མོ་ཡིན་ནོ། །དེ་ནས་མཉམ་བ་མེད་པ། ཐོགས་པ་མེད་པ། དོན་ཡོད་པར་གྲུབ་པ། ཐུན་མོང་མ་ཡིན་པའི་རས་རིས་འབྱུང་བར་
314b
འགྱུར་ཏེ། བཅོམ་ལྡན་འདས་ནི་པདྨའི་གདན་ལ་བཞུགས་པ་འོད་ཟེར་རབ་ཏུ་འཕྲོ་བ་བྲི་བར་བྱའོ། །གཡས་སུ་འཕགས་པ་ཕྱག་ན་རྡོ་རྗེ་བཅོམ་ལྡན་འདས་ལ་ཐལ་མོ་སྦྱར་བའོ། །བཅོམ་ལྡན་འདས་ཀྱི་གཡོན་དུ་ནི་གསེར་གྱི་མདོག་ཅན་རལ་པ་དང་བཅས་པའི་ཅོད་པན་འཛིན་པ། ང་རྒྱལ་དང་བྲལ་བ་བཅོམ་ལྡན་འདས་ལ་ཐལ་མོ་སྦྱར་བའི་ལྷ་མོའོ། །ལྷ་མོའི་འོག་ཏུ་དྲག་གཏུམ་ཞེས་བྱ་བའི་གཡོག་པོ་གཞོན་ནུ་རལ་པ་ཅན་གནག་ཅིང་སྔོ་བ། གོས་སྔོན་པོ་བགོས་པ། ཁྲོས་པ། མིག་དམར་བ། ལག་ན་རྡོ་རྗེ་ཐོགས་པ། །འབར་བས་བསྐོར་བ། བགེགས་ཚར་གཅོད་པ་བྲི་བར་བྱའོ། །རྡོ་རྗེ་འཛིན་གྱི་འོག་ཏུ་ནི་སྒྲུབ་པ་པོ་ཕྱག་འཚལ་བ་བྲི་བར་བྱའོ། །འདི་ལ་ཡང་ལས་དེ་དག་ཐམས་ཅད་སྦྱར་བར་བྱ་བ་འམ། དེ་བཞིན་གཤེགས་པའི་ཆོ་གས་སམ། རིག་པ་མཆོག་གི་ཆོ་གས་སྦྱར་བ་འམ། ཇི་ལྟར་མངོན་པར་འདོད་པས་སམ། རྟོག་པ་གཞན་གྱི་ཆོ་གས་ཀྱང་བསྒྲུབ་པར་བྱ་སྟེ།་ཐེ་ཚོམ་དང་བྲལ་བའི་དད་པས་བྱའོ། །ཐོགས་པ་མེད་པ་དོན་ཡོད་པར་གྲུབ་རིག་པའི་རྒྱལ་མོ་ཆེན་མོའི་རྩེ་མོ་འདིས་ཁ་ཅིག་ལ་ནི་མཚན་གཅིག་གིས་དངོས་གྲུབ་འབྱུང་བར་འགྱུར་རོ། །ཁ་ཅིག་ལ་ནི་ནུབ་གཉིས་ནའོ། །ཁ་ཅིག་ལ་ནི་ནུབ་གསུམ་ནའོ། །ཁ་ཅིག་ལ་ནི་ཟླ་བ་ཙམ་གྱིས་ངེས་པར་དངོས་གྲུབ་འབྱུང་བར་འགྱུར་རོ། །འདིར་
315a
༄#། །ཡང་སྔ་མ་བཞིན་དུ་ཕན་ཡོན་ཡོད་པར་ཤེས་པར་བྱའོ། །འདི་ལ་ཚུལ་ཁྲིམས་དང་ལྡན་ཡང་རུང ། ཚུལ་ཁྲིམས་དང་མི་ལྡན་པ་ཡང་རུང ། བསོད་ནམས་དང་ལྡན་ཡང་རུང ། །བསོད་ནམས་དང་མི་ལྡན་ཡང་རུང་འགྲུབ་པར་འགྱུར་ཏེ། གཞན་དུ་ན་དད་པ་མེད་པ་དང ། བྱང་ཆུབ་ཏུ་སེམས་མ་བསྐྱེད་པ་ནི་མ་གཏོགས་སོ། །ཐོགས་པ་མེད་པ་དོན་ཡོད་པར་གྲུབ་པའི་རིག་པའི་རྒྱལ་མོ་རབ་འབྱམས་རིམ་པར་ཕྱེ་བའོ།། །།དེ་ནས་བཅོམ་ལྡན་འདས་འབར་བའི་རྩེ་མོ་ཀུན་ཏུ་མཐའ་ཡས་པ་ཞེས་བྱ་བའི་གད་མོ་སྤྱི་གཙུག་ནས་གྲགས་པས་མཐའ་ཐུག་པ་མེད་པའི་ཆོས་ཀྱི་དབྱིངས་མཐའ་ཡས་པའི་རྣམ་པར་རོལ་པའི་སྤྱོད་ཡུལ་ཅན། གཙུག་ཏོར་གྱི་ཡང་གཙུག་ཏོར་དཀྱིལ་འཁོར་གྱི་བདག་པོ་རིག་པ་བྱུང་བར་གྱུར་ཏོ། ན་མཿ སརྦ་བུདྡྷ་བོ་དྷི་སཏྭཱཾ་ནཱཾ། ཨཱ་གྲ་ཨཱ་གྲ་བི་ཥ་ཡ། ས་མ་ས་མ། བ་ར་བ་ར། དེ་ད་ཡཾ་ཀུ་རུ། ཨརྠ་སིདྡྷི། ཛྭཱ་ལ་ན་མཿ ། ཨ་པྲ་ཏི་ཧ་ཏོ། ཨུཥྞཱི་ཥཱ་ཎཱཾ། ཨ་ཏི་ཨ་ཏི་སཝཱཧཱ། སངས་རྒྱས་ཐམས་ཅད་ཀྱི་གཙུག་ཏོར་དང ། གཞན་དག་ལས་ཀྱང་ཐོགས་པ་མེད་པར་གཙུག་ཏོར་གྱི་རྩེ་མོ་ཞེས་བྱ་བ་གསུངས་པ་ན་མཐའ་ཡས་ཤིང་ཡངས་པའི་ངོ་མཚར་བྱུང་བས་ཐམས་ཅད་གཡོས་པར་གྱུར་ཏོ། །དེ་ནས་ཤར་ཕྱོགས་ལོགས་
315b
ནས་དེ་བཞིན་གཤེགས་པ་མཐའ་ཡས་པ་དྲི་མ་མེད་པ་ཞེས་བྱ་བས་དེ་བཞིན་དུ་འོད་ཀྱི་སྣང་བར་བྱེད་པ་ཞེས་བྱ་བའི་རིག་སྔགས་འདི་གསུངས་ཤིང་ཐོས་པར་གྱུར་ཏོ། །ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། ཨ་གྲ་བི་མ་ལེ་ན་མཿ ། ཨ་གྲཱ་བི་མཎྜ་ལེ་ན་མཿ ། ཨ་གྲི་ཡ་ཨ་གྲ་སཝཱ་དེ་ན་མཿ ། སིདྡྷ་ཨ་གྲ་ཡེ་ཀེ་ན་མཿ ། ཨ་ཙ་ལ་མཧཱ་བ་ལ་ཨ་གྲེ་ན་མཿ ། ཛྭཱ་ལ་ཛྭཱ་ལ། དྷུ་ན་དྷུ་ན། དོ་ཥ་ཎ་ཛ་ག་ཏ། གྷ་ཏ་གྷ་ཏ། བི་ཤ་ཡ་ན་ན་མཿ ། སྠཱཾ་ཨ་པྲ་ཏི་ཧ་ཏེ་བྷྱཿ སཝཱཧཱ། །གཙུག་ཏོར་དྲི་མ་མེད་པའི་གཙུག་གི་རྩེ་མོ་ཞེས་བྱ་བའོ། །སྟེང་གི་ཕྱོགས་ལོགས་ནས་དེ་བཞིན་གཤེགས་པ་བདུད་རྩིའི་སྙིང་རྗེས་བརྒྱན་པ་ཞེས་བྱ་བས་ཀུན་ཏུ་བཞད་པའི་རྩེ་མོ་ཞེས་བྱ་བའི་བཞད་པའི་མཆོག་མཛད་ནས་རྩེ་མོ་འདི་གསུངས་ཤིང་ཐོས་པར་གྱུར་ཏོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་ཧོ་མཧཱ་བི་སྨ་ཡ་ཨ་གྲི། ས་ད་ཨ་གྲཱ་ཎཱཾ། ཨ་ཧོ་ཀཱ་རུ་ཎཱ། ཨ་མྲྀ་ཏ། ཨ་གྲེ་བརྟི་ནི། སཱ་དྷ་ཡ་ཨ་མྲྀ་ཏ་དྷརྨཱ་ཎཱཾ། ཏདྱ་ཐཱ། ཀཱ་རུ་ཎི་ཀཱ་རུ་ཎི། དྷི་རི་དྷི་རི། ཤཱི་ཁཱི་ཤཱི་ཁཱི། དྷ་རི་དྷ་རི། ཨ་གྲི་ཏ་ར་ཨ་གྲི་ཏ་ར། ན་མོ་ཨ་གྲེ་བྷྱཿ ། ཏ་ཐཱ་ག་ཏེ་བྷྱཿ ། བོ་དྷི་ས་ཏྭ་བྷྱཿ ། སྥ་ར་ཎ་ག་ག་ན་བ་རེ་སཝཱཧཱ། སྙིང་རྗེ་བདུད་རྩི་རྩེ་མོའི་དམ་ཚིག་ཅེས་བྱ་བ་གཙུག་ཏོར་རོ། །ཡང་གཙུག་ཏོར་གསུམ་པ་ཞེས་བྱ་བའི་རྡོ་རྗེ་འཛིན་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་གསོལ་བ་
316a
༄#། །འདེབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་ནས་རིག་པའི་རྩེ་མོའི་རྩེ་མོ་འདི་རབ་ཏུ་ཐོབ་བོ། །རབ་ཏུ་ཐོབ་ནས་གསུངས་པ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཏྲི་ཤཱི་ཁཱ། ཨ་གྲ་ན་མོ་སྟུ་ཏེ། ས་མནྟ་ཤ་མནྟཱ། ཨ་གྲི་གུ་ཎ་ཨ་ཙ་ལ་ཨ་གྲ་དྷརྨ་ཏེ། བི་དྷུ་ན་ཧཱི་ཀླེ་ཤཱ་ནཱཾ། དུཿ ་ཁ་ཛྭཱ་ལ་ཛ་ག་ཏེ། སརྦྦ་དུཿ ཁཾ་ད་ད་ཧི་ཙཾ། ཤཱནྟ་དཾ་ཏྲི་ས་མ་ཡེ་ཀུ་རུ་སཝཱཧཱ། །རྩེ་མོའི་རྩེ་མོ་ཆོས་རྩེ་མོ། །སེམས་ཅན་ཀུན་གྱི་དོན་བྱེད་ནི། །ཀུན་ནས་ཡོན་ཏན་མཐའ་ཡས་པ། །སྲས་དང་བཅས་པར་གསུངས་པར་གྱུར། །དེ་ནས་བླ་ན་མེད་པ། ཐོགས་པ་མེད་པ། དོན་ཡོད་པའི་ཆོས་རྣམས་དང ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་སྟོབས་ཅན་རྣམས་ཀྱིས་ཐུན་མོང་གི་ཆོ་ག་ལ་འཇུག་པ་བཤད་པར་བྱའོ། །ཐབས་ལ་མཁས་པ་རྣམས་ཀྱིས་སྔ་མ་བཞིན་དུ་སངས་རྒྱས་ཐམས་ཅད་ཀྱི་མཛད་པ་རབ་ཏུ་བྱེད་པར་འདོད་པས་ཚེས་གཅིག་ནས་བརྩམས་ནས། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་བདག་ཉིད་ཀྱི་དངོས་པོ་དབུལ་བར་བྱ་བ་དང ། སྔ་མ་བཞིན་དུ་སྡིག་པ་བཤགས་པར་བྱའོ། །ནུས་པ་ཇི་ལྟ་བ་བཞིན་དུ་དུས་གསུམ་དུ་གཤེགས་པའི་སངས་རྒྱས་དང ། བྱང་ཆུབ་སེམས་དཔའ་
316b
ཐམས་ཅད་ཀྱི་བསོད་ནམས་དང ། ཡེ་ཤེས་ཀྱི་ཚོགས་སེམས་ཅན་ཐམས་ཅད་ཡོངས་སུ་སྨིན་པར་མཛད་པ་ལ་རྗེས་སུ་ཡི་རང་བས་རྗེས་སུ་ཡི་རང་ངོ ། །དེ་བཞིན་དུ་བདག་གི་བསོད་ནམས་ཀྱིས་དེ་བཞིན་གཤེགས་པ་འཁོར་དང་བཅས་པ་སེམས་ཅན་ཐམས་ཅད་ཡོངས་སུ་སྐྱོབ་པར་མཛད་པ་འབྱུང་བར་འགྱུར་བ་འགྲུབ་པར་གྱུར་ཅིག་ཅེས་ཡོངས་སུ་བསྔོ་བར་བྱ་ཞིང ། བྱིན་གྱིས་བརླབ་ཏུ་གསོལ་ཞེས་བརྗོད་ལ། དབེན་ཞིང་སྟོང་པའི་གནས་རྣམས་སུ་སྔགས་འདི་བཟླས་པ་བྱས་ལ་གོམས་པར་བྱའོ། །ཡིད་སྐྱོ་བར་གྱུར་ན་དམ་པའི་ཆོས་བཀླག་པར་བྱའོ། །འདུ་འཛི་སྤངས་ནས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་དམིགས་ཤིང་ཕྱག་འཚལ་ནས་བཟླས་པ་ལ་གོམས་པས་བཟླས་པ་བྱ་བ་འམ། ནུས་པ་ཇི་ལྟ་བ་བཞིན་དུ་ཚེས་གཅིག་ནས་བརྩམས་ནས་ཟླ་བའི་བར་དུ་བཟླས་ལ་དེ་ནས་ཟླ་བ་ཉ་ལ་མེ་ཏོག་དྲི་ཞིམ་པོ་བཀྲམ་པའི་དཀྱིལ་འཁོར་བྱས་ནས་མཚན་ཐོག་ཐག་བཟླས་པ་བྱས་ན། དེ་བཞིན་གཤེགས་པ་བྱོན་ཏེ་མགོ་ལ་ཕྱག་གིས་རེག་ནས་འདོད་པའི་དོན་གསུང་བར་འགྱུར་རོ། །རེག་པ་ཙམ་གྱིས་མངོན་པར་ཤེས་པ་ལྔ་འབྱུང་བར་འགྱུར་རོ། །སྔགས་ཀྱི་སྤྱོད་པ་ལ་འཇུག་པ་ཡང་རབ་ཏུ་ཐོབ་པར་འགྱུར་རོ། །གལ་ཏེ་དེ་བཞིན་གཤེགས་པའི་གཟུགས་
317a
༄#། །བརྙན་མཐོང་ན་སླར་ཡང་ཟླ་བ་གཅིག་ན་མངོན་པར་ཤེས་པ་ལྔ་ཐོབ་པར་འགྱུར་རོ། །དེ་བཞིན་དུ་དེ་བཞིན་གཤེགས་པའི་སྙིང་གའི་\?\་ལེའུའི་ཆོ་ག་འམ། རིག་པ་མཆོག་གིའམ། རྟོག་པ་གཞན་གྱི་ཆོ་ག་འམ། ཡིད་ལ་གང་འདོད་པ་སྒྲུབ་པའི་ཆོ་གས་བསྒྲུབ་པར་བྱའོ། །དེ་བཞིན་གཤེགས་པ་རྣམས་ཀྱི་བྱིན་གྱིས་བརླབས་གྱི་སྟོབས་དང།་ཐོགས་པ་མེད་པ་དོན་ཡོད་པར་གྲུབ་པའི་ཆོས་ཉིད་ཀྱི་བྱིན་གྱིས་བརླབས་ཀྱིས་འདིར་སེམས་ཅན་རྣམས་ལ་ཕན་པའི་རྒྱུར་གྱུར་ཅིག་ཅེས་བསམས་ནས་བཟླས་ན། དེ་ནས་གཞན་མ་ཡིན་པར་དེ་བཞིན་གཤེགས་པ་རྣམས་ཀྱི་བྱིན་གྱིས་བརླབས་ཀྱི་སྟོབས་ཀྱིས་ཡང་དག་པར་གནས་པར་འགྱུར་ཞིང་དེ་དག་ལ་ཕན་པ་ཡང་འབྱུང་བར་འགྱུར་རོ་ཞེས་དད་པར་ཡང་བྱའོ། །དོན་ཡོད་པ་འདིར་ཡང་ཆུང་ངུ་དང ། འབྲིང་དང ། ཆེན་པོའི་དངོས་གྲུབ་ངེས་པར་འབྱུང་བར་འགྱུར་རོ། །དེ་དག་ཀྱང་དེ་བཞིན་གཤེགས་པ་རྣམས་ཀྱིས་ཡང་དག་པར་མཁྱེན་པར་འགྱུར་རོ། །བསོད་ནམས་ཇི་ལྟ་བ་བཞིན་དུ་གང་གིས་རིག་པ་འཛིན་པར་འགྱུར་ཞིང ། ཡོན་ཏན་མཐའ་ཡས་པའི་བདུད་རྩི་དེ་ཁོ་ན་ཉིད་རབ་ཏུ་ཐོབ་ཅིང་ཡོངས་སུ་སྤྱད་པ་ཐམས་ཅད་ལ་འཕྲོགས་པ་མེད་པའི་གྲོགས་དང་བཅས་པས་འགྲོ་བས་སམ། ཇི་ལྟར་མངོན་པར་
317b
འདོད་པའི་ཆོ་གས་བསྒྲུབ་པར་བྱའོ། །མདོར་ན་མཚན་གཅིག་གིས་ཀྱང་རིག་པ་འཛིན་པར་འགྱུར་ཏེ། སྐྱིལ་མོ་ཀྲུང་མ་གཤིག་པར་དེ་བཞིན་གཤེགས་པ་རྗེས་སུ་དྲན་པས་མེ་ཏོག་དྲི་ཞིམ་པོ་བཀྲམ་པའི་དཀྱིལ་འཁོར་ལ་བཞུགས་པའི་དམ་པའི་ཆོས་ཀྱི་གླེགས་བམ་གྱི་མདུན་དུ་མཚན་ཐོག་ཐག་བཟླས་ན་དེས་ངེས་པར་ཉི་མ་ཤར་བའི་ཚེ་རིག་པ་འཛིན་པར་འགྱུར་རོ། །ལས་གཞན་ཡང་འབྱུང་བར་འགྱུར་ཏེ། ལྷ་དགུག་པ་ནི་ཡུངས་ཀར་དང ། མར་གྱིས་སོ། །ཀླུ་དགུག་པ་ནི་མར་དང ། སྦྲང་རྩི་བསྲེས་པ་དང ། ཕོ་བ་རིས་ཀྱིས་སོ། །གནོད་སྦྱིན་དགུག་པ་ནི་སྦྲང་རྩི་ཅན་གྱི་མེ་ཏོག་མར་གྱིས་བསྒོས་པ་དང ། ཏིལ་མར་གྱིས་བསྒོས་པའི་སྔགས་མདུད་ཀྱིས་སོ། །རིག་པ་འཛིན་པ་ལ་ནི་ཏིལ་མར་གྱིས་བསྒོས་པའི་ཡུངས་ཀར་གྱིས་སོ། །རྒྱལ་པོ་དགུག་པ་ལ་ནི་མར་གྱིས་གང་བའི་སྦྱིན་སྲེག་གྱིས་ཏེ། མེ་ཏོག་དང་བཅས་པ་བསྲེག་པར་བྱའོ། །སྐྱེས་པ་དབང་དུ་བྱ་བ་ལ་ནི་མར་གྱི་དཀྱིལ་འཁོར་གྱིས་སོ། །བུད་མེད་དབང་དུ་བྱ་བ་ལ་ནི་པྲི་ཡང་ཀུའི་མེ་ཏོག་སྦྲང་རྩིས་བགོས་པ་བསྲེག་པར་བྱའོ། །ཐེ་ཚོམ་དང་བྲལ་བས་ཇི་ལྟར་འདོད་པས་ངེས་པར་བསྒྲུབ་པར་བྱ་སྟེ། ཐུན་མོང་གི་སྦྱོར་བ་ཡིན་ནོ། །འདིའི་རས་རིས་ཀྱི་ཆོ་ག་ནི། བཅོམ་ལྡན་འདས་གསེར་གྱི་མདོ་\?\། ཅན་སྐྱིལ་མོ་ཀྲུང་གིས་
318a
༄#། །བཞུགས་པ། སྤྱི་གཙུག་ནས་བྱུང་བའི་འོད་ཟེར་གྱི་སྟེང་དུ་འོད་ཟེར་གྱི་ཕྲེང་བའི་དཀྱིལ་འཁོར་ཅན་བྲི་བར་བྱའོ། །གཡས་སུ་འཕགས་པ་ཕྱག་ན་རྡོ་རྗེ་བཅོམ་ལྡན་འདས་ལ་ཐལ་མོ་སྦྱར་བ་པདྨ་ལ་བཞུགས་པ་འོད་ཀྱི་ཕྲེང་བ་ཅན་ནོ། །བཅོམ་ལྡན་འདས་ཀྱི་གཡོན་དུ་ནི་ཀུ་མུ་དའི་མདོག་ཅན་སྒྲོས་དམར་བ། ལག་པ་དང།་རྐང་པ་དམར་བ། རལ་པ་དང་བཅས་པ། རྒྱན་དང་བྲལ་བ། ཐལ་མོ་སྦྱར་བ་བྱས་པ། པདྨ་དམར་པོའི་གདན་ལ་བཞུགས་པའི་ལྷ་མོའོ། །དེའི་འོག་ཏུ་གཏུམ་པོ་ཆེན་པོ་འདུལ་བ་ཞེས་བྱ་བ་གཞོན་ནུ་མ་ཁྲོས་པ། སྦྲུལ་གྱི་རྒྱན་གྱིས་བརྒྱན་པ། གནག་ཅིང་ལྗང་བ། རལ་པ་གཅིག་ཡོད་པ། མིག་ཅུང་ཞིག་དམར་བ་བྲི་བར་བྱའོ། །འཕགས་པ་ཕྱག་ན་རྡོ་རྗེའི་འོག་ཏུ་ནི་སྒྲུབ་པ་པོ་ཕྱག་འཚལ་བ་བྲི་བར་བྱ་བའོ། །འདིར་ཡང་ཆོ་ག་ནི་དེ་དག་ཉིད་ཡིན་ནོ། །ཡིད་ལ་གང་འདོད་པས་ཀྱང་རུང་ངོ། །རས་རིས་གཉིས་པ་ནི། ལྷ་མོ་པདྨ་ལ་གནས་པ་རལ་པ་ཐུར་དུ་བཤལ་བའོ། །མངག་གཞུག་པ་གཏུམ་ཆེན་ནི་གཞོན་ནུ་སྐྲ་འགྲེང་བར་བྲི་བར་བྱའོ། །གཙུག་ཏོར་རབ་འབྱམས་ཀྱི་རིམ་པར་ཕྱེ་བའོ། །བཅོམ་ལྡན་འདས་ཀྱི་དབུའི་སྤྱི་གཙུག་ནས་ཀུན་ནས་རོལ་པ་ཡངས་ཤིང་རྒྱ་ཆེ་བའི་འོད་ཟེར་གྱིས་བརྒྱན་པའི་སྔགས་
318b
འདི་ལྟ་བུ་བྱུང་བར་གྱུར་ཏོ། །ན་མཿ སརྦ་བུདྡྷ་བོ་དྷི་སྟྭཱ་ནཱཾ། ཨོཾ་ཤཱི་ཁཱ་ཨནྟ། ཨ་གྲ་ཨ་གྲ་སཝཱཧཱ། ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་མ་ལ་ཨ་གྲ་མ་ཡེ་ན་མོ་སྟ་ཨ་གྲ་ཙེན་ཨུ་བི་ཥ་ཡེ་ཤི་ཁི་ནཱི་སཝཱཧཱ། ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་མྲྀ་ཏེ་ཨཱ་དྷ་ར་བི་ཥ་ཡེ། ཨ་གྲ་དྷརྨ་ཏེ། ན་མ་སྟཱི་ཏྟི། སྟཱི་ཏྟི་མཧཱ་བཱི་རཻ་སཝཱཧཱ། ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཏྲི་ས་མ་ཡ་བི་ཥ་ཡེ། ཏྲི་ཤཱ་ཁཱ་ཨ་གྲ་ཏཱ་བོ་གི་ནཱི། ཨ་ནུཏྟ་ར་ཨ་གྲ་ཨུངྟ་ར་མཧཱ་ཤི་ཁི་སཝཱཧཱ། ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་གྲ་ཨུཏྟ་ར་ཨ་གྲི་བི་ཥ་ཡེ་ནཱ་མ་སཝཱཧཱ། །སྤྱི་གཙུག་འདི་དག་ཐམས་ཅད་ནི་དེ་བཞིན་གཤེགས་པ་དང་ཀུན་ཏུ་མཉམ་པ། སངས་རྒྱས་ཀྱི་ཡོན་ཏན་ཐམས་ཅད་ཀྱི་ཞིང་དུ་གྱུར་པ། སེམས་ཅན་གྱི་ཁམས་རྣམ་པར་སྤྱོད་པར་བྱེད་པ་བསྒྲུབ་པར་བྱའོ། །སྔགས་ཆེན་པོའི་བླ་ན་མེད་པའི་ཡོན་ཏན་ལ་ཡང་དད་པར་བྱས་ནས་བསྒྲུབས་ན་ལས་ཐམས་ཅད་དེ་བཞིན་དུ་བྱེད་པར་འགྱུར་རོ། །རས་རིས་ཀྱི་ཁྱད་པར་ནི་ལྷ་མོ་གསེར་གྱི་མདོག་ཅན་རྒྱན་དང་བྲལ་བའི་རལ་པའི་ཅོད་པན་འཛིན་པ་བྲི་བར་བྱའོ། །འོག་ཏུ་སྤྱི་གཙུག་གི་འོད་ཟེར་ཞེས་བྱ་བའི་གཞོན་ནུ་མ་ལག་པ་གཡོན་པ་ན་ཞགས་པ། གཡས་ཀྱིས་རྡོ་རྗེ་འཕྱར་བ། ཁྲོས་པ། རལ་པ་གཅིག་ཡོད་པ། གནག་ཅིང་ལྗང་བ། མིག་དམར་བ། དེ་བཞིན་དུ་རིན་པོ་ཆེའི་བྲག་ལ་གནས་པ། བགེགས་ཚར་གཅོད་པ་བྲི་བར་བྱའོ། །སྤྱི་
319a
༄#། །གཙུག་རབ་འབྱམས་ཀྱི་རིམ་པར་ཕྱེ་བའོ།། །།དེ་ནས་ཡང་དེའི་ཚེ་བྱང་ཆུབ་སེམས་དཔའ་འོད་ཟེར་གྱི་སྤྲུལ་པ་ཞེས་བྱ་བ་ཀུན་ནས་མ་ལུས་པའི་འོད་ཟེར་གྱི་མཛོད་ཅེས་བྱ་བའི་ཏིང་ངེ་འཛིན་རབ་འབྱམས་ལ་བལྟ་ཞིང་སྔགས་འདི་སྨྲས་སོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་ཏེ་ཛེ་ས་མས་མ། ཏེ་ཛེ་ནི། ཛྭཱ་ལ་ཡ་ཛྭཱ་ལ་ཡ་ཛྭཱ་ལ་ཡ་མཧཱ་བེ་ག་། ས་གྲེ་ཧེ། དྷ་མ་དྷ་མ། བི་དྷ་མ་བི་དྷ་མ། མུཉྩ་ཧི་སརྦ་ཐཱ་ཕྲ་བཾ་སཝཱཧཱ། །རིག་པའི་རྒྱལ་མོའི་རྩེ་མོ་གཟི་བརྗིད་མཐའ་ཡས་པའི་སྤྱོད་ཡུལ་ཅན་ཞེས་བྱ་བ་ཡིན་ནོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཏཱི་ཧཱི་ཏཱི་ཧཱི། ཤི་རི་ཤི་རི། དྷ་མ་དྷ་མ། བི་མ་ལེ། དྷུ་ན་དྷུ་ན། ས་མ་ཏེ་ད་ཏུ་ཏ། ནཱ་མཱ་སྟཱཾ་ཙནྡྱ་ནཱཾ་སྥ་ར་སྥ་ར་ཛྭཱ་ལ་ན་ཨ་མ་ལེ་སཝཱཧཱ། རིག་པ་མཆོག་དྲི་མ་མེད་པ་འབར་བ་ཞེས་བྱ་བ་ཡིན་ནོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་ཏི་ཤ་ཡ། ཤྲཱི་ཏེ་ཛྭ་མཱ་ལ་ཨ་གྲ་ས་མ་ཡ། ། གྲི་ཎཱི་ལ་ཨུ་ལ་ཨ། བེ་ཤཱི་ནཱི་བེ་ཤཱི་ནི། ཏི་ར་ཏི་ར། ཨ་ས་ཧེ་ཨ་ས་ཧེ། ས་མ་ས་མ། བཱ་ར་ཏེ་སཝཱཧཱ། རིག་པ་མཆོག་གཟི་བརྗིད་རྩེ་མོ་རྨད་དུ་བྱུང་བ་ཞེས་བྱ་བ་ཡིན་ནོ། །ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། ཏཱི་ཏཱི་ཏཱི་ཏཱི། ཤ་ནི་ཤ་ནི། ཏེ་ཛེ་ཏེ་ཛེ། ཏ་ར་ཏ་ར། ཨ་གྲེ་ཛྭ་ལ་ཡ་ནཱ་མ་སརྦ་དྷ། ཨ་མ་ལེ་ཤཝ་སཝཱཧཱ། འཇིག་རྟེན་གསུམ་འབར་བར་བྱེད་པ་ཞེས་
319b
བྱ་བའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨནྟེ་ས་མནྟོ། དྷུ་ན་དྷུ་ན། ལོ་ཀཾ་ཨ་མ་ལ། ཛྭ་ལ་ས་མནྟཱ་ཤཾ་གི་།དྷ་ར་དྷ་ར། ནཱ་མ་སཝཱཧཱ། བསམ་གྱིས་མི་ཁྱབ་པའི་འབར་བ་ཀུན་ཏུ་མ་ཆགས་པ་ཞེས་བྱ་བའོ། །ད་ནི་བསམ་གྱིས་མི་ཁྱབ་པའི་རྒྱལ་པོའི་རྩེ་མོའི་སྒྲུབ་པའི་ཐབས་ཀྱི་ལས་འབྱུང་བར་འགྱུར་ཏེ། ཇི་སྲིད་དུ་ཉི་མའི་དཀྱིལ་འཁོར་ལྟ་བུའི་འོད་ཟེར་འོངས་ནས་སྤྱི་བོར་བབས་ནས་ཡིད་ལ་གང་འདོད་པས་སམ། དེས་ངེས་པར་གསེར་གྱི་མདོག་ཅན་གསེར་གྱི་འོད་ཟེར་གྱི་དཀྱིལ་འཁོར་གྱིས་བརྒྱན་པའི་རིག་པ་འཛིན་པར་འགྱུར་རོ། །ཐམས་ཅད་དུ་ཐོགས་པ་མེད་པར་འགྲོ་བ་འདིས་ལས་ཐམས་ཅད་ལ་སྔ་མ་བཞིན་དུ་དེ་བཞིན་གཤེགས་པའི་སྙིང་པོའི་ལེའུ་ཆོ་ག་འམ། ཡིད་ལ་གང་འདོད་པས་སམ། རིག་པ་མཆོག་གི་ཆོ་གས་སམ། རྟོག་པ་གཞན་གྱི་ཆོ་གས་ཀྱང་བསྒྲུབ་པར་བྱ་བའོ། །དོན་ཡོད་པ། མི་ཟད་པ། རྨད་དུ་བྱུང་བ་འདོད་པར་བྱ་བའི་དངོས་གྲུབ་བརྒྱད་ཡངས་ཤིང་མི་ཟད་པ་འཁྲུལ་པ་མེད་པའོ། །གཟི་བརྗིད་རབ་འབྱམས་རིམ་པར་ཕྱེ་བའོ།། །།དེ་ནས་བྱང་ཆུབ་སེམས་དཔའ་རྡོ་རྗེའི་ཐིག་ལེ་ཞེས་བྱ་བ་ཀུན་ཏུ་ནམ་མཁའི་སྤྱོད་ཡུལ་གྱི་སྟོབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྔགས་འདི་སྨྲས་སོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ག་ག་ནོ་པ་མེ། ན་མོ་
320a
༄#། །སྟམྦྷ་ཡ་ཨ་གྲ་ནི་སཝཱཧཱ། །ན་མཿ སརྦ་བུདྡྷ་བོ་དྷ་ས་ཏྭཱ་ནཱཾ། ཨ་མ་ལེ་ཨ་ནནྟ་མ་དྷེ་ཏྲ་ཧྲཱིཿ ། སརྦ་སཏྭཱཾ་དུཿ ཁ་ཏྭ་ན་ད་མ། ས་མནྟཱ་ནཱཾ། ཨ་ནཱ་ཡ། ཨ་ནནྟ། ཨ་ཙ་ལ་གུ་ཎཱ་སཝཱཧཱ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། ཨུ་ཏི་ཨུ་ད་ར། ཨ་ག་དྷརྨ་ཏྭཱཾ། བཛྲ་བི་ས་རཱ་ཎཱཾ་སུ་ཁི་ས་ད་ཨ་ས་ཨ་ས་ཡེ་ཡཾ་བྷ་བཾ་ཧེ་ཧེ་མི་སི་དྷི་ཨ་གྲི་ག་མ་དེ་མ་ནི་མནྟ་བ་ད་ར་ཛ་ཨ་གྲི་བྷ་བནྟ། ས་མ་ས་མ། ཨ་ས་ཧ་ཨ་ས་ཧ། ཏྲཱ་ཡ་ཏྲཱ་ཡ། དྷུ་ན་དྷུ་ན། ཨ་ས་མནྟ། སརྦ་བི་ཥ་ཡ། ཨ་ཧ་ན་ཨ་ཧ་ན། ཏྲྱཾ་ཤི་ནི་ཏཱཾ། ས་མ་ཡ་མོ་སྟ་གནྡུ་ནཱཾ་སཝཱཧཱ། །སྙིང་པོའི་དཀྱིལ་འཁོར་གསུམ་དང་ལྡན་པ་ཞེས་བྱ་བའི་རིག་པའི་རྒྱལ་མོའི་རྩེ་མོ་ཡིན་ནོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་ས་མེ་ཨ་ས་མེ། ཨ་ས་ཧེ་ཨ་ས་ཧེ།་ཛྭ་ལ་ནི་བི་ཤོ་དྷ་ཡ། ཨ་གྲི་ཏྲི་ལོ་ཀཾ། ས་མནྟ་ཏོ། ན་མཿ ས་མནྟ། ཨ་དྷིཥྛཱ་ན་ཨ་གྲ་དྷརྨ་ཏེ་སཝཱཧཱ། ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་དྷི་དྷ་ར་ཨ་གྲ་དྷརྨ་ཏེ། ཧ་ཧ་ཧ་མ་ཧཱ་གུ་ནོ་ཏ་ར། ཨ་ནནྟ་ས་ནནྟ་ཡེ་ཙ་ར་ཙ་ར། མཧཱ་བ་ལེ་སཝཱཧཱ། །སྔགས་ཀྱི་སྤྱོད་པས་བསྒོས་པ་ཡི། །རྩེ་མོ་དམ་པ་མཆོག་འདི་ནི། །གསུངས་པ་གཙོ་བོ་ཐམས་ཅད་ཀྱིས། །མ་ལུས་པར་ནི་བྱིན་གྱིས་བརློབ། །སྔར་གྱི་ཆོ་ག་རྣམས་ཀྱིས་འདི་ལ་སྦྱར་བར་བྱའོ། །ཡིད་ལ་གང་འདོད་པའི་ཆོ་གས་སམ། རྟོག་པ་གཞན་གྱི་ཆོ་གས་ཀྱང་སྦྱར་
320b
བར་བྱའོ། །འདིར་ཁྱད་པར་ནི་རི་ལ་སོགས་པ་དབེན་ཞིང་སྟོང་པར་སློང་མོའི་ཁ་ཟས་དང ། དུས་གསུམ་དུ་ཁྲུས་དང ། གཙང་སྒྲ་བྱེད་ཅིང་དབེན་པར་ལུས་ཡང་བས་བཟླས་པ་ལ་གོམས་པར་བྱ་སྟེ། ཇི་སྲིད་དུ་རྫུ་འཕྲུལ་གྱི་རྐང་པ་ཐོབ་པ་དང ། མངོན་པར་ཤེས་པ་ལྔ་དང་ལྡན་པར་གྱུར་གྱི་བར་དུའོ། །རྒྱ་མཚོའི་ནང་དུ་ཞུགས་ནས་ཇི་སྲིད་མངོན་པར་ཤེས་པ་ལྔ་ཐོབ་ཀྱི་བར་དུ་བཟླས་པ་བྱའོ། །ཀུན་ཏུ་རབ་འབྱམས་ཀྱི་རིམ་པར་ཕྱེ་བའོ། །དེ་ནས་ལག་ན་རྡོ་རྗེ་དེ་བཞིན་གཤེགས་པའི་བྱིན་གྱིས་བརླབས་ཀྱིས་དཀྱིལ་འཁོར་ཆེན་པོའི་བཀོད་པའི་བྱིན་གྱིས་བརླབས་ཞེས་བྱ་བ་སངས་རྒྱས་རྣམས་ཀྱི་ཏིང་ངེ་འཛིན་རབ་འབྱམས་ཀྱི་སྤྱོད་ཡུལ་ལ་རྣམ་པར་ལྟ་ཞིང་དཀྱིལ་འཁོར་ཆེན་པོའི་བཀོད་པ་དང་ལྡན་པ་འདི་སྨྲས་སོ། །དེ་ལ་དམ་ཚིག་གསུམ་ཞེས་བྱ་བའི་དཀྱིལ་འཁོར་ཆེན་པོ་འདི་འདི་ལྟར་འབྱུང་སྟེ། མ་ངེས་པའི་སེམས་ཅན་གྱི་ཁམས་ཡོངས་སུ་སྐྱོབ་པའི་ཕྱག་རྒྱ་བཅིངས་ལ་ཤིན་ཏུ་རྒྱ་ཆེ་ཞིང་རྨད་དུ་བྱུང་བ། འདྲ་བ་མེད་པ། བླ་ན་མེད་པ། འཕགས་པའི་སྤྱོད་ཡུལ་དེའི་དཀྱིལ་འཁོར་གྱི་ཆོ་ག་ནི་འདི་ཡིན་ནོ། །དེ་ལ་ནི་རེ་ཞིག་དང་པོར་གཞན་དག་མོས་པ་བསྐྱེད་པར་བྱ་ཞིང་བྱང་ཆུབ་སེམས་དཔའི་ལས་ཀྱི་ཕྱིར་གསོལ་བ་གདབ་པ་འམ། བདག་ཉིད་ངེས་པར་སྦྱོར་བར་འདོད་པས་བར་ཆད་ཉེ་
321a
༄#། །བར་ཞི་བར་བྱ་བའི་ཕྱིར་དང་པོར་སྔགས་འདི་ལན་ཉི་ཤུ་རྩ་གཅིག་བཟླས་པ་བྱ་ཞིང ། སེང་ལྡེང་གི་ཕུར་བུས་བརྐོས་ལ་དཀྱིལ་འཁོར་གྱི་ཉེ་བར་མཁོ་བ་རྣམས་གསོག་པར་བྱའོ། །ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། ས་མནྟ་བཛྲ་ཎཱཾ་ཧཱུཾ་ཨ་ཀྲོ་དྷ་ཡཾ། ས་ཧེ་མཧཱ་ཙཎྜ་ལཱི་ཧཱུཾ་ཕཊ་ཕཊ་ཕཊ། སརྦ་ཏྲ་རཀྵ་ན་ཏྲཱ་ཏྲ་ཊ་ཏྲ་ཊ། མྲཱ་ཊཱ་མྲཱ་ཊཱ་ཕཊ། དེ་ནས་ཚེས་བཅཝོ་ལྔ་འམ། བཅུ་གསུམ་ལ་དབེན་པའི་ས་ཕྱོགས་སུ་དཀྱིལ་འཁོར་བྲི་བར་བྱ་སྟེ། ཚོན་རྩི་ལྔའི་ཕྱེ་མས་སམ། དྲི་ཡིས་བསྒོས་པའི་བིར་གྱིས་ཀྱང་རུང ། ཚོན་གཞན་ཡང་རུང ། ཐ་ན་ཐལ་བས་ཀྱང་བྲི་བར་བྱའོ། །གྲུ་བཞི་པ་སྒོ་བཞི་དང་ལྡན་པའི་ལྷ་རྫས་ཀྱི་དཀྱིལ་འཁོར་ཁྲུ་ལྔ་པ་ནས་ཇི་ཙམ་འདོད་པའི་བར་སྔགས་འདི་བཟློས་ཤིང་བྲི་བར་བྱའོ། །ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། ཨ་མ་ལ་ཨ་མ་ལ། ཧ་ར་གྷ་ཨ་ནནྟ། ཤཱ་ཤཱ་ཏ་སརྦ་ཛཱི་ནཱ་ཨ་ཤི་མཱ་ཎཱི་ཥྲཱ་བ་ར་ད་མ་མ་དནྡུ། ཨ་ཏི་ཨ་ཏ་རཾ་བ་ར་ཨ་གྷྱཾ་ས་མ་སརྦ་ཏཱ་ཨ་ནན་ཏཾ། ཏཏྟེ་མེ་བཛྲ་པཱ་དཱཾ་ཨ་ར་ར། ཨ་ས་མ་ས་མ། ས་མནྟ། ཨ་ནནྟ། དྷརྨ་ཏེ་ཁ་ཎ་ཁ་ཎ། མཧཱ་བཱི་ར། ཨ་ཙ་ལེ་ས་མ་ས་མ། ཨ་ས་ཧ་མཱ་བ་ལེ། ཀ་ཎ་ཀ་ཎ། མཧཱ་རེ་ཨ་ར་གྲེ་ཀེ་ཧ་ཧ་ཧ་ཧ། བཛྲ་བཛྲ་ཨཾ་ཀ་མེ། དྷ་ར་དྷ་ར། ཧཱུཾ་ཧཱུཾ་སཾ་ད་ལཾ། ས་མ་བཱ་ལཾ། ཨ་གྲ་བི་ཀྲ་མེ། ཀུ་རུ་ཀུ་རུ། ཏུ་རུ་སརྦ་ཐཱ།
321b
སརྦ་ཧི་ཛྭཱ་ལ་ཛྭཱ་ལ། ཨ་གྲེ་ཨ་གྲི་ནི་ཧཱུཾ་ཕཊ་ཕཊ་སཝཱཧཱ། །རིག་པའི་རྒྱལ་མོའི་རྩེ་མོ་འདི་ནི་རྩ་བའི་རིག་པ་ཡིན་ནོ། །འདི་བཟུང་བ་ཙམ་མམ། བཟླས་པ་ཙམ་གྱིས་རྟོག་པ་ཐམས་ཅད་ཀྱི་དངོས་གྲུབ་འབྱུང་བར་འགྱུར་རོ། །རིགས་སྔགས་དང ། གསང་སྔགས་ཐམས་ཅད་ཀྱི་སྙིང་པོ་འདི། དེ་བཞིན་གཤེགས་པའི་མདུན་དུ་སྟོང་བཟླས་ན་གསང་སྔགས་ཐམས་ཅད་བཟླས་པ་འབུམ་བྱས་པར་འགྱུར་རོ། །ལས་གཞན་ཐམས་ཅད་ཀྱང་དོན་ཡོད་པ་ཐོགས་པ་མེད་པ་འདིས་བྱེད་པར་འགྱུར་རོ། །སྔགས་འདི་བརྗོད་ཅིང་དཀྱིལ་འཁོར་གྱི་ནུབ་ཀྱི་སྒོར་བྲི་པར་བྱའོ། །དེ་ནས་དཀྱིལ་འཁོར་ལས་ཁྲུ་དོ་ཙམ་གྱི་ཕྱི་རོལ་བྱང་གི་སྒོ་གཉིས་པ་ཕྱིའི་དཀྱིལ་འཁོར་བྲི་བར་བྱའོ། །དེའི་ནང་གི་དཀྱིལ་འཁོར་ལ་ཕྱག་རྒྱ་འབྱུང་བར་འགྱུར་ཏེ། སངས་རྒྱས་ཐམས་ཅད་ཀྱི་གོང་ཤར་ཕྱོགས་སུ་གྲུ་གསུམ་གྱི་གཟུགས་དང ། གྲུ་བཞི་པའི་ཕྱག་རྒྱ་པདྨའི་སྟེང་ན་གནས་པ་བྲི་བར་བྱའོ། །ཟླ་བ་དང་ཉི་མ་ནི་དཀྱིལ་དུའོ། །དེ་ལ་སངས་རྒྱས་ཐམས་ཅད་ཀྱི་སྔགས་ནི་འདི་ཡིན་ཏེ། ན་མཿ སརྦ་བུདྡྷ་པོ་དྷི་ས་ཏྭཱ་ནཱཾ། སརྦ་ཐཱ་སརྦ་ཏྲ་ཎཱ་ཀེ་སཝཱཧཱ་ཟླ་བ་དང ། ཉི་མའི་སྔགས་སོ། ། ན་མཿ ས་མནྟཱ་བཛྲཱ་ཎཱཾ། ས་མ་ས་མ་མ་ཧཱུཾ། ན་མཿ ས་མནྟཱ་བཛྲཱ་ཎཱཾ། ཨ་ས་ཧ་ཧཾ་མཾ། བཅོམ་ལྡན་འདས་ཀྱི་གཡས་སུ་བྱང་ཆུབ་སེམས་དཔའི་ཕྱག་རྒྱ་བྲི་བར་བྱ་སྟེ། ཡིད་
322a
༄#། །བཞིན་གྱི་ནོར་བུའི་རྒྱལ་མཚན་གྱི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེ་ནས་བྱང་ཆུབ་སེམས་དཔའི་སྔགས་ནི་འདི་ཡིན་ཏེ། ན་མཿ ་སརྦ་བུདྡྷ་བོ་དྷི་ས་ཏྭཱཾ་ནཱཾ། མཧཱ་ཀ་རུ་ཎ་ཨེ་ཏྱེ་མཎྚ་ལེ་སཝཱཧཱ་།ཡིད་བཞིན་གྱི་ནོར་བུའི་ཕྱག་རྒྱ་དང ། སྔགས་སོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། མཧཱ་ས་མནྟ་ཨ་མྲྀ་ཏེ་ཛྭཱ་ལ་ཛྭཱ་ལ་སཝཱཧཱ་དེའི་རྗེས་ཐོགས་སུ་འཕགས་པ་ཀུན་ཏུ་བཟང་པོའི་དཀྱིལ་འཁོར་རལ་གྲིའི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེའི་རིག་པ་ནི་འདི་ཡིན་ནོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། བཛྲ་རཱ་ད་ཨ་མ་ལ་སཝཱཧཱ་རལ་གྲིའི་ཕྱག་རྒྱ་དང ། སྔགས་སོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཾ། མཧཱ་བཛྲོ་དཱ་རེ་དཱ་ར་ཡ་ཏྭཱ་ཌཱ། དེ་ནས་དེའི་རྗེས་ཐོགས་ལ་དམ་ཚིག་རྡོ་རྗེའི་མདུང་དཀྱིལ་འཁོར་ཆུང་ངུ་ལ་གནས་པའོ། །དེའི་རིག་པ་ནི་འདི་ཡིན་ནོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱ། མཧཱ་བི་ར་ཨ་ཙ་ལ། སྨ་ར་ཛྭ་ལ་ན་ཧཱུཾ། མདུང་གི་ཕྱག་རྒྱ་དང ། སྔགས་སོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། དྷ་མ་དྷ་མ་བཛྲོད་བྷ་བེ་ཏྲཱཾ། བྱང་ཤར་མཚམས་སུ་རྡོ་རྗེའི་ཕྲེང་བ་དང ། རྡོ་རྗེའི་ཕྲེང་བ་དཀྱིལ་འཁོར་ཆུང་ངུ་ལ་གནས་བའོ། །དེའི་རིག་པ་ནི་འདི་ཡིན་ནོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། བཛྲ་མཱ་ལཱ་མཱ་ལ། ཨ་ཙ་ལེ། བནྡྷ་བནྡྷ། ན་མ་ཛྭ་སྟྭཾ་སྥཱ་
322b
ཊ།་ན་མཿ ས་མནྟ་བཛྲ་ནཱི། ཏྲི་གུ་ན་བ་ར་བ་ར་སཝཱཧཱ་།སངས་རྒྱས་ཐམས་ཅད་ཀྱི་ཕྱག་རྒྱའི་གཡོན་ཕྱོགས་སུ་དམ་པའི་ཆོས་ཀྱི་འཁོར་ལོའི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེའི་སྔགས་ནི་འདི་ཡིན་ནོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ས་མནྟ་མཱ་དྷྱ་ཨ་མཱཾ་ལཾ་གུ་ཎ་ཨ་ཙ་ལ་བི་ཤོ་དྷ་ཀ་ན་མ་སྟུ་སྟེ། ཏཱ་རཱ་ཏཱ་རཱ། ཀུ་རུ་ཀུ་རུ། དྷ་མ་དྷ་མ། དྷུ་ན་དྷུ་ན། ག་ག་ག། ཧ་ཧ་ཧ། ཏྲ་ཡ་ཏྲ་ཡ། ཛྭཱ་ལ་ཛྭཱ་ལ་སཝཱཧཱ་ན་མཿ ས་མནྟ་བཛྲ་ཎཾ། མཧཱ་བ་ལེ་ཛྭཱ་ལ་སཝཱཧཱ་དེའི་རྗེས་ཐོགས་ལ་རྡོ་རྗེ་འཛིན་ཐམས་ཅད་ཀྱི་རྡོ་རྗེའི་དཀྱིལ་འཁོར་ཆུང་ངུ་ལ་གནས་པ་མི་གཡོ་བ་ཞེས་བྱའོ། །དེ་ལ་སྔགས་ནི་འདི་ཡིན་ནོ། །ན་མཿ ས་མནྟ་བཛྲ་ཎཱཾ། མཧཱ་བཛྲ་ཨ་ནནྟ་བ་ལ་ས་མ་ཡེ། ཛྭཱ་ལ་ཛྭཱ་ལ་ཧཱུཾ་ཕཊ། རྡོ་རྗེའི་ཕྱག་རྒྱ་དང ། སྔགས་སོ། །ན་མཿ ས་མནྟ་བཛྲ་ཎཱཾ། མཧཱ་བཛྲ་ཨ་ནནྟ་ཏེ་ཛ་སཱ་དྷ་ཡ་ཧཱུཾ། དེའི་རྗེས་ཐོགས་རྡོ་རྗེའི་རིགས་ཐམས་ཅད་ཅེས་བྱ་བའི་ལྕགས་ཀྱུའི་ཕྱག་རྒྱའི་དཀྱིལ་འཁོར་ཆུང་ངུ་ལ་གནས་པའོ། །དེ་ལ་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། མཧཱ་བཛྲཱ་ཨ་ནནྟ་ཏེ་ད་སཱ་དྷ་ཡ་ཧཱུཾ། ཀ་ལ་ཀ་ལ། ས་མནྟ། བི་ཥ་ཡ་ཨདྦྷུ་ཏ། དྷརྨ་ཏེ་ཛྭཱ་ལ་ནཱ་མ་སཝསྠི་དྷ་ནེ་དྷ་ནེ། ཧ་ན་ཧ་ན། མཧཱ་བི་ཀ་མེ་སཝཱཧཱ་ལྕགས་ཀྱུའི་ཕྱག་རྒྱ་དང་སྔགས། ན་མཿ ས་མནྟ་བཛྲཱ་ཎཱཾ། མཧཱ་བེ་ག་ཨ་ར་ཏཱི་མེ། ཨ་ན་ཡ། ཨ་ཏྱཱཾ་གྲྀཧྞ་
323a
༄#། །སཝཱཧཱ་ལྷོ་ཤར་མཚམས་སུ་རྡོ་རྗེའི་རྡོ་རྗེ་ལྟ་བུའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ནཱཾ། མཧཱ་ཨ་ཙ་ལ་ཨ་ཙ་ལ། ཀུ་རུ་ཀུ་རུ།་བནྡྷ་བནྡྷ། བིདྷ་ཡ་བིདྷ་ཡ། ཏི་ལེ་ཀཾ་ཧཱུཾ་མ་ན་སཝཱཧཱ་རྡོ་རྗེ་ལྟ་བུའི་ཕྱག་རྒྱ་དང ། སྔགས་སོ། །ན་མཿ ས་མནྟ་བཛྲ་ཎཱཾ། བཛྲ་བ་ལ་ཡེ། ཨ་ནནྟེ་ནེ། ཏ་ཏཱི་ཏ་ཏཱི་ཧཱུཾ་ཕཊ། ལྷོ་ཕྱོགས་སུ་དབུས་སུ་བཅོམ་ལྡན་འདས་ཤཱཀྱ་ཐུབ་པའི་ཕྱག་རྒྱ་གྲུ་བཞི་པ་པདྨ་ལ་གནས་པ། ལྷུང་བཟེད་དང ། ཆོས་གོས་ཀྱི་དབུས་ན་གནས་པའོ། །དེ་ལ་འདི་ནི་བཅོམ་ལྡན་འདས་ཀྱི་སྔགས་སོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཨ་མ་ལ་ཨ་མ་ལ། བི་མ་ལ་ཨ་ནནྟ་གོ་ཙཱ་ར་ཡ་ན་མོ་སྟུ་ཏེ། མཧཱ་བཻ་རོ་ཙ་ནཱ་ཡ། ཧ་ར་ཧ་ར། དྷ་ར་དྷ་ར། ཨ་ནནྟ་ཏོ། ཨ་ས་མ་ན་ཨ་ས་མ་ན། ཨ་ར་ར་མཧཱ་བི་ཀྲཱནྟཱ། མ་ཧཱ་བི་ར་ཏུ་རུ་ཏུ་རུ་སཝཱཧཱ་ཆོས་གོས་ཀྱི་ཕྱག་རྒྱ་དང ། སྔགས་སོ། །ན་མཿ ས་མནྟ་བཛྲཱ་ཎཱཾ།་བཻ་རོ་ཙ་ན་མཱ་ལཱ་སཝཱཧཱ་།ལྷུང་བཟེད་ཀྱི་ཕྱག་རྒྱའོ་།ན་མཿ ས་མནྟ་བཛྲཱ་ཎཱཾ། བི་ཐ་བི་ཐཱ། དྷཱ་ར་ཡ་དྷཱ་ར་ཡ། པ་ཏྲཱཾ་མཧཱ་བ་ལེ་སཝཱཧཱ་ན་མཿ ས་མནྟ་བཛྲཱ་ཎཱཾ། དྷ་ར་ཡ་དྷ་ར་ཡ། བཾ་དྷ་བཾ་དྷ་སཝཱཧཱ་བཅོམ་ལྡན་འདས་ཀྱི་གཡས་ཕྱོགས་སུ་ལོངས་སྤྱོད་རྡོ་རྗེའི་བྲང་འགྲོའི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེའི་སྔགས་
323b
ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཙ་ཕེ་ཎཱ་ཨ་གྲ་ས་ཕཊ། ན་མཿ ས་མནྟ་བཛྲ་ཎཱཾ། ཏྲི་ནནྟ་ལ་བ་ཏྭཱ་མཧཱ་བྷོ་ག་ཏི་ཊི་ཏི་ཊི། ཧཱུཾ་ཧཾ་སཝཱཧཱ་།དེའི་རྗེས་ཐོགས་ལ་རྡོ་རྗེ་གཏུམ་པོའི་གྲི་གུག་གི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེ་ལ་སྔགས་ནི་འདི་ཡིན་ཏེ། ན་མཿ ས་མནྟ་བཛྲཱ་ཎཱཾ། མཧཱ་ཙཎྜ་ལ་བཛྲཱ་ཧཱུཾ། བི་ད་ར་ཡ་ཕཊ། རྡོ་རྗེ་གྲི་གུག་གི་ཕྱག་རྒྱ་དང ། སྔགས་སོ། །ན་མཿ ས་མནྟ་བཛྲཱ་ཎཱཾ། མཧཱ་བཛྲཱ་ཀ་ཏཱ་རཱ་ཀཱ་ཎཱཾ་རཱ་ཎཱཾ། ཙྪིནྡ་ཙྪིནྡ། བྷིནྡྷ་བྷིནྡ། ཨ་པྲ་ཏི་ཧ་ཏ་ཏ་མ་ཡ་ཏྲ་ཀ་ཀ་ར་ཕཊ། དེའི་རྗེས་ཐོགས་ལ་རྡོ་རྗེ་དགའ་བའི་སོ་ཤིང་དཀྱིལ་འཁོར་ཆུང་ལ་གནས་པའོ། །དེ་ལ་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཏྲཱ་ཧི་ཏྲཱ་ཧི། མཧཱ་བ་ལཱ། ཏྭེ་ཨ་ཏཱ་ཨུ་སུ། ཏཱ་ར་སུ་ཏཱ་ར་སུ་ཏ་རུ་ནམ་སིདྡྷི་ར་སྟུ་སཝཱཧཱ་ན་མཿ ས་མནྟ་བཛྲ་ཎཱཾ། ཏི་ཏི་ཡཾ་ཨ་ཀོ་ནེ་ཧཱུཾ། བཅོམ་ལྡན་འདས་ཀྱི་གཡོན་དུ་ཏ་རེ་དང ། མཆོད་སྦྱིན་རྡོ་རྗེ་ཨུཏྤ་ལའི་སྟེང་དུ་རྡོ་རྗེའི་ཕྱག་རྒྱ་གདན་དཀྱིལ་འཁོར་ཆུང་ངུ་ལ་གནས་པའོ། །དེའི་རིག་པ་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། བཛྲ་ཨ་ཊ་ཧ་ས་ཧཱུཾ་ན་མཿ སཝཱཧཱ་།ཕྱག་རྒྱའོ་།ན་མཿ ས་མནད་བཛྲཱ་ཎཱཾ། བ་ར་ད་ཏེ་ཧ་ཧི་ཏྟྱ་མ་བི་ཀེ་སཝཱཧཱ་དེའི་རྗེས་ལ་འཕགས་པ་སྤྱན་རས་གཟིགས་དབང་ཕྱུག་གི་པདྨ་སིལ་མའི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེའི་སྔགས་ནི་འདི་ཡིན་ནོ། །ན་མཿ ་
324a
༄#། །ས་མནྟ་བཛྲཱ་ཎཱཾ། བཻ་རོ་ཙ་ན་མཧཱ་རོ་ཙཱ། ཏཱ་རཱ་ཏཱ་རཱ། མཧཱ་ཏཱ་རཱ། ཧོ་ཧོ། ད་མ་ད་མ། ཧཱུཾ་ཛྭཱ་ལ་ན་ཕཊ། ན་མཿ ས་མནྟ་བཛྲཱ་ཎཱཾ། ཨཱ་ར་ཨཱ་ར། ཏཏྟི་ར་ས་མ་ཡཾ་སཝཱཧཱ་དེའི་རྗེས་ཐོགས་ལ་གཏུམ་པོ་རྡོ་རྗེའི་དར་དཔྱངས་གཉིས་དང་བཅས་པའི་ཕྱག་རྒྱ་གདན་དཀྱིལ་འཁོར་ཆུང་ངུ་ལ་གནས་པའོ། །ན་མཿ ས་མནྟ་བཛྲཱ་ཎཱཾ། ན་མ་ཤྩཎྚ་ཨནྟ་ཀ་ཧཱུཾ་བཛྲཱ་ན་ལ་ཧཱུཾ་ཕཊ། ཕྱག་རྒྱའོ་།ན་མཿ ས་མནྟ་བཛྲཱ་ཎཱཾ། གྷ་ཊཱ་ན་ཧཾ་ཊ་ཀ་ཕཊ། ལྷོ་ནུབ་ཀྱི་མཚམས་སུ་རོལ་པ་རྡོ་རྗེའི་རྡོ་རྗེ་ཞགས་པའི་ཕྱག་རྒྱ་གདན་དཀྱིལ་འཁོར་ལ་གནས་པའོ། །དེའི་རིག་པ་ནི་འདི་ཡིན་ཏེ། ན་མཿ ས་མནྟ་བཛྲཱ་ཎཱཾ། ཁེ་ལ་ཁེ་ལ། ལ་ལཱི་ཏྲཱཾ། ཀཱ་རཱ་པྲཱ་བེ་ཤ་ཡ། པྲཱ་བེ་ཤ་ཡ། བནྡྷ་ཡ་བནྡྷ་ཡ། ཧཱུཾ་ཧཱུཾ་ཏཱ་ཊཱ་ཏཱ་ཊཱ། ཕྱག་རྒྱའི་འོ། །ན་མཿ ས་མནྟ་བཛྲཱ་ཎཱཾ། ཏྲི་གུ་ཎ་མཧཱ་བཛྲཱ་ས་མ་ཧཾ་བནྡྷ་ཧཱུཾ་ཕཊ། ནུབ་ཕྱོགས་ཀྱི་སྒོའི་ཕྱི་རོལ་གྱི་དཀྱིལ་འཁོར་ལ་གནས་པར་རྡོ་རྗེ་འཁྱིལ་བའི་མཚན་མའོ། །སྒོའི་གཡས་སུ་རྡོ་རྗེ་རྒྱ་ཆེན་གྱི་འཁོར་ལོ་དང་བཅས་པའི་དཀྱིལ་འཁོར་ཆུང་ངུའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། མ་ཧོ་དར་བཛྲཱ་ཎཱཾ། ཧོ་བཛྲཱ་ཛྭ་ལ་ཡ་མ་ལ་ཧཱུཾ་ཧཱུཾ་ཧཱུཾ། སུ་རུ་སུ་རུ། ཏྲི་བ་ལ་དཾ་ཀུ་རུ་ཀུ་རུ། ན་མཿ སཝ་སྟྱ་སྟྱ་སཝཱཧཱ་།འཁོར་ལོའི་འོ། །ན་མཿ ས་མནྟ་བཛྲཱ་ཎཱཾ། ཏྲཾ་ཏྲཾ་ག་ག་ཏྲ་ཀ་ར་ཧཱུཾ། དེའི་རྗེས་
324b
ཐོགས་སུ་རྡོ་རྗེ་དཔའ་བོ་རྡོ་རྗེ་དར་དཔྱངས་དང་བཅས་པའི་གདན་དཀྱིལ་འཁོར་ཆུང་ངུའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ནཾ། མཧཱ་ཀྲུ་ཏྟཱ་ཨནྟ་ཀ་ཛྭཱ་ལ་ཧཱུཾ་ཕཊ་ཏྲི། བ་ལ་ཨ་ཤེ་ཌ་ས་མཾ་སཝཱཧཱ་།རྡོ་རྗེ་དར་དཔྱངས་ཀྱིའོ། །ན་མཿ ས་མནྟ་བཛྲཱ་ཎཱཾ། ཏྲི་པ་ཏ་ཀེ་ཏྲི་པ་ཏ་ཀེ་ཧཱ་ཤ་ཧཱ་ཤ། བཛྲ་བ་ལ་ཨ་གྲེ་མཎྜ་ལཱ་ཡ། ཧ་ར་ཧ་ར། དྷ་ར་དྷ་ར། ཧཱུཾ་ཧཱུཾ། དྷ་ནི་དྷ་ནི། ས་མ་ཡེ་སཝཱཧཱ་དེའི་རྗེས་ལ་རྡོ་རྗེ་རྣམ་པར་རྒྱལ་བའི་རྡོ་རྗེ་དཀྱིལ་འཁོར་ཞེས་བྱ་བའི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པ་བྲི་བར་བྱའོ། །དེའི་སྔགས་ནི་འདི་ཡིན་ཏེ། ན་མཿ ས་མནྟ་བཛྲཱ་ཎཱཾ། མཧཱ་མཧེནྡྲ་ག་ཎ་གྷ་ཎ། བི་ར་བི་ར། ཧཱུཾ་ཛྭཱ་ལ་ནཱ་མ་སཝཱཧཱ་ཕྱག་རྒྱའི་སྔགས་སོ། །ན་མཿ ས་མནྟ་བཛྲཱ་ཎཱཾ། བ་ར་བ་ལི་ནི་བ་ལི་ནི། ནི་ཐི་ནི་ཐི་སཝཱཧཱ་དེའི་རྗེས་ལ་སྒོའི་གཡོན་དུ་རྡོ་རྗེ་ཡན་ལག་གི་རྩེ་མོ་གསུམ་གྱི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཨ་ཚ་ཊཱ་ནཱ། མཧཱ་ཤཱུ་ལ་ཨ་གྲ་པཱ་ཎི། ཧཱུཾ་དྷ་མ་དྷ་མ། དྷ་ར་དྷ་ར། མཧཱ་བཛྲ་ཨཾ་གྷ་དྷ་ན་ཧཱུཾ་ཕཊ། རྩེ་གསུམ་གྱིའོ། །ན་མཿ ས་མནྟ་བཛྲཱ་ཎཱཾ། ཨེ་ཧི་མ་ཧཱ་ཏྲི་ཤཱུ་ལ་ཕཊ། བིནྡྷ་མཧཱ་ཙཎྜ་ཨ་སཝཱ་ད་ཀ་།ཏི་ཊ་ཏི་ཊ། ཧཱུཾ་ཏྲ་ཕཊ། རྡོ་རྗེ་ཡན་ལག་གི་ཕྱག་རྒྱ་དང ། སྔགས་སོ། །དེའི་རྗེས་ལ་སྟ་རེའི་ཕྱག་རྒྱ་དང་བཅས་པའི་གདན་དཀྱིལ།
325a
༄#། །འཁོར་ཆུང་ངུའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། མཧཱ་བེ་གཱ། ཨ་མཱ་མཱ་ལ་ཨངྒ། ད་ཡ་ད་ཡ། ཧཱུཾ་ས་ཛཱ་ཡ་ཛཱ་ཡ་ན་མ་སཝཱཧཱ་ཕྱག་རྒྱའི་སྔགས་སོ། །ན་མཿ ས་མནྟ་བཛྲཱ་ཎཱཾ། ཨ་ནནྟ་བ་ལཱ་བི་ཀྲ་མེ། ཏཱི་རཱི་ཏི་རི། གྷོ་རཾ་སྥུ་ཊ་ཡ་ཧཱུཾ་ཕཊ། དེའི་རྗེས་ལ་རྡོ་རྗེ་ཞལ་གྱི་རྡོ་རྗེ་མཆེ་བའི་ཕྱག་རྒྱ་གདན་དཀྱིལ་འཁོར་ཆུང་ངུ་དང་བཅས་པ་བྲི་བར་བྱའོ། །དེའི་སྔགས་ནི་འདི་ཡིན་ཏེ། ན་མཿ ས་མནྟ་བཛྲཱ་ཎཱཾ། མཧཱ་ཙཎྚ། ཨ་ཙ་ལ་ཨ་ཙ་ལ་ཧཱུཾ། བིདྱཱ་ཨུཏྟ་མ། ཨུ་ད་ར་ཨུ་ད་ར། ཛྭཱ་ལ་ཛྭཱ་ལ། བྷཾ་ཛ་བྷཾ་ཇ། མརད་མརྡ། ཨ་བཱི་ཤ་ཨ་བཱི་ཤ། ཁཱ་ད་ཁཱ་ད་ཧཱུཾ་ཕཊ། ན་མཿ ས་མནྟ་བཛྲཱ་ཎཱཾ། ཧཱུཾ་བཛྲ་ཨུཙྪ་ཊ་ནི། ཏི་ཤི་ཁི་ནི། ཏཱ་ཊཱ་ཏཱ་ཊཱ། ཕཱི་ཊ་ཕཱི་ཊ་ཕཊ། ཕྱག་རྒྱའི་སྔགས་སོ། །བྱང་ཕྱོགས་ཀྱི་ཆར་བཅོམ་ལྡན་འདས་དེ་བཞིན་གཤེགས་པ་དོན་ཡོད་གྲུབ་པའི་ཕྱག་རྒྱ་འོད་ཟེར་འགྱེད་པའི་རྣམ་པ་པདྨ་ལ་གནས་པ་དབུས་སུ་བྲི་བར་བྱའོ། །དེ་ལ་བཅོམ་ལྡན་འདས་ཀྱི་སྔགས་ནི། ན་མཿ སརྦ་བུདྡྷ་བོ་དྷི་སཏྭཱ་ཎཱཾ། ཏིཥྛ་ཏིཥྛ། ཨ་པྲ་ཏི་ཧ་ཏ་སྟུ་སིདྡྷི་ཛྭཱ་ལ་ཛྭཱ་ལ། ཏྲི་ཤི་ཁི་ས་མ་ས་མ། ཨ་ས་མ་ཏ་མ་ཏ་མ། ཨ་ས་ཧེ་དྷ་མ་དྷ་མ། ན་མཿ སཱ་ཨ་མ་ལེ་བྷྱཿ སྟཱ་ར་སཝཱཧཱ་འོད་ཀྱི་ཕྱག་རྒྱའི་སྔགས་སོ། །ན་མཿ ས་མནྟ་བཛྲཱ་ཎཱཾ། ཏྲ་ཡ་ཏྲ་ཡ། ཨ་མ་ལ་ཨ་ཧཱུཾ་ཏེ། སརྦ་ཐཱ་སརྦ་ཐཱ། སརྦ་མཧཱ་ཏེ་
325b
ཛ་མཱ་ལེ། ཏྲི་ཤི་ཁཱི་ནི། ཛྭཱ་ལ་ཛྭཱ་ལ། ཨ་ཨཱ་ཨ་ཨཱ། ས་མེ་དྷུ་ན་སཝཱཧཱ་།བཅོམ་ལྡན་འདས་ཀྱི་གཡས་སུ་རྡོ་རྗེ་ཤུགས་ཀྱི་དབང་ཕྱུག་གི་སྟ་རེ་གདན་དཀྱིལ་འཁོར་ཆུང་ངུ་ལ་གནས་པའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཧཱུཾ་ག་ག་ནཱ་ག་ག་ནཱ། བཱ་བཱ་མ་ཧཱ་བེ་གཱ་ཀྲ་མ་ཀྲ་མ། ཧུ་ལུ་ཧུ་ལུ། ཧཱུཾ་ཕཊ་སཝ་རེ། ན་མཿ ས་མནྟ་བཛྲཱ་ཎཱཾ། ས་མ་ས་མ། བེ་གཱ་ཏྲཱ་དྷི་མ་ཧཱ་བ་ལ་ཧཱུཾ། དེའི་རྗེས་ལ་རྡོ་རྗེ་ཤུགས་ཆེན་པོའི་རྡོ་རྗེ་མཆེ་བ་གདན་གྱི་དཀྱིལ་འཁོར་ཆུང་ངུ་ལ་གནས་པའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཧཱུཾ་ཧཱུཾ་ཧཱུཾ་ཀཱ་པཱ་ལ་མཱ་ལེ། ཧཱུཾ་ཛྭཱ་ལ་ནཱ་མཱ་ཡ་ཕཊ། རྡོ་རྗེ་མཆེ་བའི་ཕྱག་རྒྱའོ་།ན་མཿ ས་མནྟ་བཛྲཱ་ཎཱཾ། ཏིཥྛ་ཧེ་ཏྲ་ཊ་ཏྲ་ཊ། མ་ཊ་མ་ཊ། ཛྭཱ་ལ་ན་ཤི་ཁ་ར། གདན་དཀྱིལ་འཁོར་ཆུང་ངུ་དང་ལྡན་པའི་ཆུ་གྲིའི་ཕྱག་རྒྱ་བྲི་བར་བྱའོ། །དེའི་རིག་པ་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཀ་ཊཱ་ཀ་ཊཱ། མཱ་བཱ་རེ་ཏ་ཀ་མཾ། ཏཱི་ཊཱ་ཏཱི་ཊཱ། ཨ་ལོ་ཀཾ་ཧཱུཾ་ཕཊ། ནུབ་བྱང་མཚམས་སུ་རྡོ་རྗེ་རོལ་པའི་དག་བྱེད་དང་བཅས་པའི་རྡོ་རྗེ་གདན་དཀྱིལ་འཁོར་དང་བཅས་པའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲ་ཎཱཾ། ཨ་ཙ་ལ་ཨ་ཙ་ལ། ན་ཊཱ་ན་ཊཱ། ཨ་མ་བི་ལ་ཤ་།སྦུ་ར་སྤུ་ར། ཧཱུཾ་ཊཱ་ཏཱ་སཝཱཧཱ་།དག་བྱེད་ཀྱི་ཕྱག་རྒྱའོ་།ན་མཿ ས་མནྟ་བཛྲཱ་ཎཱཾ། ཏྲི་ཏ་ག་བཛྲཱ་ཧཱུཾ་དྷ་ར་དྷ་ར། ས་མ་ཡཾ་ཧཱུཾ། བཅོམ་ལྡན་འདས་ཀྱི་གཡོ་
326a
༄#། །དུ་རྡོ་རྗེ་གདན་གྱི་དཀྱིལ་འཁོར་ཆུང་ངུ་ལ་གནས་པ་གཞག་པར་བྱའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཨ་ས་ཧོ་ད་ཡ། མཧཱ་མཧཱ། བཛྲ་ཏ་ར་ཏ་ར། བིནྡྷ་བིནྡྷ། མཱཾ་ནཱ་མ་སཝཱཧཱ། རྡོ་རྗེའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱཾ། ཨ་བྷྱ་བྷྱ། ཀ་ར་ཀ་ར། ཨ་པྲ་ཏི་ཧ་ཏ། མ་ཧཱ་མ་ཏཱ། ཨ་མོ་གྷ་ཏ་དྷ་ཀ་དྷ་ཀ ། མཱཾ་མཱཾ་ཛཱ། དུས་མཐའི་འབར་བ་འདྲ་བའི་གདན་དཀྱིལ་འཁོར་ཆུང་ངུ་ལ་གནས་པའི་གཏུན་ཤིང་གི་ཕྱག་རྒྱ་དགོད་པར་བྱའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཨ་ཏཱི་ཨ་ཏཱི་སཝཱཧཱ། སཾ་བ་ར་ཧཱ། ཨནྟ་ཀ་ཧཱུཾ་ཧཱུཾ། ཨཱ་ས་ཧཱ་ཛྭཱ་ལ་ཏཱ་ཊཱ། མཱ་རཱ་མཱ་རཱ། ཕཊ་ཕཊ། གཏུན་ཤིང་གི་ཕྱག་རྒྱའོ། །ན་མཿ ས་མནྟ་བཛྲ་ཎཱཾ། ཏཱ་ཊཱ་ཏཱ་ཊཱ།་ཀུ་ཊཱ་ཀུ་ཊཱ། མཧཱ་བ་རི་བ། གྲ་མ་ཨ་ས་དྲི་ཤ་།ཏྲི་ཊཱ་ཏྲི་ཊཱ། དེ་ནས་དེའི་རྗེས་ལ་དྲི་མ་མེད་པའི་རྡོ་རྗེའི་རྡོ་རྗེ་མྱུ་གུའི་ཕྱག་རྒྱ་གདན་དཀྱིལ་འཁོར་ཆུང་ངུ་དང་བཅས་པའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲ་ཎཱཾ། ག་ག་ནཱཾ་ག་ག་ནཱཾ། ཀུ་རུ་ཀུ་རུ། ཏི་རི་ཏི་རི། ས་མ་ས་མ། བ་ར་དྷ་ན་མ། རྡོ་རྗེ་དབྱུག་གུའི་ཕྱག་རྒྱའོ། །ན་མཿ ་ས་མནྟ་བཛྲཱ་ཎཱཾ། ཏཱ་ཊཱ་ཏཱ་ཊཱ། ཧཱུཾ་ཀ་ན་ཀ་ན། རཾ་རཾ་བཱི་ཛཱ་ཡ། ཏི་ས་ཏི་ས། བ་ལ་བ་ལ། ཁ་ཎཱ་ཁ་ཎཱ། ཧཱུཾ་མཾ། དཀྱིལ་འཁོར་ཀྱི་དབུས་སུ་ནི་འབར་བས་ཀུན་ནས་བསྐོར་
326b
བའི་དཀྱིལ་དུ་བྲི་བར་བྱའོ། །དེའི་སྔགས་ནི་འདི་ཡིན་ཏེ། གང་ཡང་སྟེང་ནས་རྡོ་རྗེའི་རིགས་རྣམས་ཀྱིས་མགྲིན་གཅིག་ཏུ་གསུངས་སོ། །ན་མཿ སརྦ་བུདྡྷ་པོ་དྷི་ས་ཏྭཱ་ནཱཾ། ན་མཿ ་སརྦ་བཛྲ་གུ་ལཱ་ཎཱཾ། ཨ་ས་མ་ས་མ། ཨ་དྷིཥྛཱ་ན། ཨ་ནནྟ། ས་མནྟཱ་ས་མནྟཱ། བ་ལཱ་མཧཱ་བཛྲ་རཱ་ཛ། སརྦ་ཏྲ་ས་མཱ་བ་ཏྲཱ། བེ་གི་ན་ཛྭཱ་ལ་ཛྭཱ་ལ། ཛྭཱ་ལཱ་པ་ཡ་ཨ་ནནྟ་བཱི་ཀྲ་མ་ཏྲ་ག་ཏྲ་ག་མཱཾ།་ཨ་ས་ཧཱ་མ་ཧཱ་ས་མ་ཡོ་ཧཱུཾ་ཏ་ར་ཏ་ར། དྷ་ར་དྷ་ར། ཧཱུཾ་མཧཱ་མཧཱ། སུ་ཙཎྜ་ཙཎྜ། མཱ་ར་ཡ་མཱ་ར་ཡ། སྥོ་ཊ་ཡ་སྥོ་ཊ་ཡ། ཧཱུཾ་ཧཱུཾ་ཧཱུཾ་བཛྲ་དྷ་ར་ཨ་གྲ་ཧཱུཾ་ཧཱུཾ། བི་དྷཱ་ར་ཡ་བི་དྷཱ་ར་ཡ། ཧཱུཾ་ཙཎྜ་ར་ཨནྟྭ་ཀཱ་པཱ་ཏ་ཡ་སཝཱཧཱ། །དམ་ཚིག་རྩེ་མོའི་རྡོ་རྗེའི་གཟི་བརྗིད་ཀྱི་དམ་ཚིག་ཅེས་བྱ་བའི་རྡོ་རྗེའོ། །ངྒའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཏྲི་ལོ་ཙ་ན། ཨེ་ཧི་བ་ར་བ་ལ་ཨ་གྲ། ཨེ་ཧི་སརྦ་བུདྡྷ་བོ་དྷི་སཏྭཱ་ནཱཾ། ཨ་དྷིཥྛཱ་ན། ཨ་ཧོ་ཤ་སཱ་ཤ་སཱ་ཀ་།མཧཱ་བ་ར་བཛྲ་ཧྲཱི་མཧཱ་མཧཱ། ས་མཱ་ས་མཱ། ཏྭ་ར་སྟུ་ར། ན་མོསྟུ་ཏེ། སཝཱཧཱ། །རྡོ་རྗེའི་མཚན་མ་ནི་ཕྱི་རོལ་གྱི་དཀྱིལ་འཁོར་གྱི་བྱང་ཕྱོགས་ཀྱི་སྒོར་བྲིའོ། །རྡོ་རྗེ་ཀླུའི་སྦྲུལ་གྱི་ཕྱག་རྒྱ་དང ། འདུལ་བྱེད་ཀྱི་སོག་ལེ་ལྟ་བུའི་ཕྱག་རྒྱ་ནི་འགྲམ་གཉིས་སུ་དགོད་པར་བྱའོ། །དེ་དག་གི་སྔགས་ནི་འདི་དག་གོ་།ན་མཿ ས་མནྟ་བཛྲཱ་ཎཱཾ། ན་མོ་སྟུ་ཏེ་ག་ག་ན་ས་མ་ཨ་ཛ་བརྟི་དྷ་ར་དྷ་ར་བ་ལ་ད། ཨཱ་ཏཱི་ཨཱ་ཏཱི། བེ་གྲ་པ་ཏི་གཾ་།བཾ་བཾ་མཧཱ་ན། གཾ་ཧཱུཾ་སཱུ་ར་ཨ་
327a
༄#། །གྲ་ཕཊ། རྡོ་རྗེའི་ཀླུ་བྲང་འགྲོའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱཾ། ཨ་ཏི་བིཥྚ་ཨ་ཏི་བིཥྚ། ཏི་ལི་ཏི་ལི། བ་ལ་བ་ལ། བ་ར་བ་ར། ཏ་ཊི་ཏ་ཊི། ཏཱ་ཊཱ་ཏཱ་ཊཱ། ད་ཧ་ད་ཧ། བིནྡྷ་བིནྡྷ། ཙཎྜ་ཙཎྜ། བནྡྷ་བནྡྷ་ཕཊ། འདུལ་བ་པོའི་འོ། །ན་མཿ ས་མནྟ་བཛྲཱ་ཎཱཾ། ཙཎྚ་ཨ་གྲ་ཨ་ནནྟ་ཀ་ཧཱུཾ་ད་མ་ཡ་ཕཊ། སོག་ལེ་ལྟ་བུའོ། །ན་མཿ ས་མནྟ་བཛྲཱ་ཎཱཾ། ཏྲ་གི་ནི་མཎྜི་ནི་ཨ་ས་ཧཱ་བ་ལཱ་ཨ་གེ་ཏཱཾ་ཏཱཾ། བྱང་ཤར་མཚམས་སུ་རྡོ་རྗེ་རྣལ་འབྱོར་གྱི་དཀྱིལ་འཁོར་ཆུང་ངུ་ལ་གནས་པའི་པི་ཝང་གི་ཕྱག་རྒྱ་བྲི་བར་བྱའོ། །དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། མཧཱ་ཡོ་གེནྡྲ་བ་རུ་ཎི། ས་མ་ས་མ། ཛྭཱ་ལ་ཛྭཱ་ལ་སཝཱཧཱ། པི་ཝང་གི་ཕྱག་རྒྱའོ། །ན་མཿ ས་མནྟ་བཛྲཱ་ཎཱཾ། ཏི་ནི་ཏི་ནི། ཏ་ནུ་ཏ་ནུ། སུ་གྷོ་ཥཱ་བེ་གེ ། ཧ་རཾ་ཧ་རཾ། ཨེ་ཏི་ཧ་ན་ཧ་ན་སཝཱཧཱ། ལྷོ་ཤར་མཚམས་སུ་རྡོ་རྗེ་མདངས་ཀྱི་ལྕུག་མ་གདན་དཀྱིལ་འཁྲོ་ཆུང་ངུ་ལ་གནས་པ་དགོད་པར་བྱའོ། །དེའི་རིག་པ་ནི་འདི་ཡིན་ནོ། ། ན་མཿ ས་མནྟ་བཛྲཱ་ཎཱཾ། མཧཱ་ཙྞྜ་ཏ་ར་ལེ་ན་མ་ཤོ་བྷི་ནི་ཏེ་ཛེ་ནི་ཛྭཱ་ལ་ཛྭཱ་ལ། སིདྡྷི་ཧ་ར་ཧ་ར། བི་རེ་སཝཱཧཱ། །རྡོ་རྗེ་ལྕུག་མའི་འོ། །ན་མཿ ས་མནྟ་བཛྲཱ་ཎཱཾ། ཏཱི་ལི་ཏཱི་ལི། བི་ལི་བི་ལི།་བི་ཀེ་དྷ་རི་ཎི། བཛྲ་དྷ་ར་དྷ་ར། ཏཱཾ་ཏཱཾ། བོ་དྷི་དི་ནི་ཨཾ། ལྷོ་ནུབ་མཚམས་སུ་རྡོ་རྗེ་རྒྱལ་མཚན་གྱི་དྲིལ་བུའི་ཕྱག་རྒྱ་དཀྱིལ་འཁོར་ཆུང་ངུ་ལ་གནས་པ་དགོད་པར་བྱའོ།།
327b
དེའི་སྔགས་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཏྲི་རཱུ་ཙེ། ས་མ་ཡ་བ་ལི་བ་ར་བ་ར། བྷི་རེ་བྷི་རེ། ར་ཎ་ར་ཎ། ར་བེ་མེ། ཙི་ནི་སཝཱཧཱ། དྲིལ་བུའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱཾ། ར་ཎ་ཛ་ར་ཎ་ཛ། ཏི་ར་ཎེ་ཏི་ར་ཎེ། རཾ་རཾ་དཱནྟ་སཝཱཧཱ། ནུབ་བྱང་མཚམས་སུ་སྟོབས་མཆོག་གི་ཤུགས་ཀྱི་ཕྲེང་བའི་ཕྱག་རྒྱ་གདན་དཀྱིལ་འཁོར་ཆུང་ངུ་དང་བཅས་པའོ། །དེའི་རིག་པ་ནི་འདི་ཡིན་ནོ། །ན་མཿ ས་མནྟ་བཛྲཱ་ཎཱཾ། ཏི་ཤི་ཡེ་ཏི་ཤི་ཡེ། བཛྲ་ཏི་ཤི་ཧེ་ཏི་ཤི་ཧེ། ཙི་རི་ཙི་རི། བི་རི་བི་རི། ཏྲི་པ་ཏ་ཀྲེ་སཝཱཧཱ། ཕྲེང་བའི་ཕྱག་རྒྱའོ། །ན་མཿ ས་མནྟ་བཛྲཱ་ཎཱཾ། ཏྲི་བ་ལ་ནཱི།་བ་ར་མཱ་ལེ་མཱ་ལེ་ནི་བྷནྡྷ་ཡ། བ་རི་ཎཱི་སུ་ར་བྷི་ཎཱི། བ་ར་ཨ་གྲེ་ས་མ་ས་མ། བནྡྷེ་བནྡྷེ། ཡ་དྷེ་ནི་སཝཱཧཱ། ལྷག་མ་བསྟན་པའི་སྣམ་བུ་གཅིག་ལ་ནི་སེམས་དཔའ་ཆེན་པོ་ཐམས་ཅད་དགོད་པར་བྱའོ། །ཕྱོགས་བཞིར་ཕྱི་རོལ་གྱི་དཀྱིལ་འཁོར་གྱི་གྲཝ་བཞིར་ནི་བུམ་པ་གང་བ་སྟེ། ནང་དྲི་ཞིམ་པོའི་ཆུས་བཀང་བ་བཞི་གཞག་པར་བྱའོ། །འདིར་ཡང་སྔར་གསུངས་པའི་རྡོ་རྗེ་རྒྱལ་མོ་ལས་རབ་འབྱམས་མཐའ་ཡས་པ་སྒྲུབ་པར་བྱེད་པ་ལ་ལན་ཉི་ཤུ་རྩ་གཅིག་གི་བར་དུ་ཡོངས་སུ་བཟླས་པར་བྱའོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། མཧཱ་ས་མནྟ་བཛྲཱ་ཎཱཾ། ཨ་ས་མ་ས་མ་ས་མནྟ། ཨ་ནནྟ་བི་ཀྲ་མཱ། མཧཱ་བཛྲ་རཱ་ཛྙཱ། ཨ་གྲ་ཨ་གྲ་ཡོ་ཧོ་ས་མ་ཡ། མཧཱ་བཱ་ལཱ་བེ་ག་ཏཱ། མཧཱ་ཛྭཱ་ལ་ན་ཛྭཱ་ལ་ཛྭཱ་ལ། མཱ་མཱ་མཱ། སརྦ་ཐ་བཱ་
328a
༄#། །རཱུ་བཱ་རཱུ། ས་མཱ་ས་མཱ། ཏྲ་ཏྲ་ཏྲ་ཏྲ། བ་ར་བ་ར། བིདྱཱ་ཨུཏྟ་མ་ཨ་གྲ་ཨ་གྲ་།ཧཱུཾ་ཧཱུཾ། ཛྭཱ་ལ་ཡ་སརྦ་མཧཱ་མཧཱ། སིདྡྷི་སིདྡྷི། ཨ་གྲ་ཨ་གྲ་དྷ་ན་ཧཱུཾ་ཧཱུཾ། མཾ་ཕཊ་ཕཊ། སརྦ་ཐཱ་ཨུདྡྷོ་མེ་སཝཱཧཱ། དེ་ནས་ནང་གི་དཀྱིལ་འཁོར་ལ་དེ་བཞིན་གཤེགས་པའི་སྙིང་པོ་ལན་བདུན་གྱི་བར་དུ་བརྗོད་ལ་ཐལ་མོ་བརྡབ་པར་བྱའོ། །ཕྱི་རོལ་གྱི་དཀྱིལ་འཁོར་ལ་བྱང་ཆུབ་སེམས་དཔའ་རྣམས་ཀྱི་སྙིང་པོ་ལན་བདུན་གྱི་བར་དུ་བརྗོད་ལ་སྔ་མ་བཞིན་དུ་ཐལ་མོ་ཡང་བརྡབ་པར་བྱའོ། །དེ་ལ་སྙིང་པོ་ནི་འདི་ཡིན་ནོ། ། ན་མཿ ཏྲཻ་ཡདྷྭི་ཀ་ནཾ། ཏ་ཐཱ་ག་ཏཱ་ནཱཾ། སརྦ་ཏཱ་ཨ་པྲ་ཏི་ཧ་ཏཱ་བཱ་པྟི། དྷརྨ་ཏཱ་བ་ལཱི་ནཱཾ། ཨཾ་ཨ། ས་མ་ས་མ། ས་མནྟཱ་ཏེ། ། ནནྟཱ་ཏོ། །པཱཔྟི། ཤཱ་ས་ནི་ཧ་ར་ཧ་ར། སྨ་ར་སྨ་ར་ཎ།་བི་ག་ཏ་རཱ་ག་།བུདྡྷ་དྷརྨྨ་ཏེ། ས་ར་ས་ར། ས་མ་བ་ལ། ཧ་ས་ཧ་ས། ཏྲ་ཡ་ཏྲ་ཡ། ག་ག་ན་མཧཱ་བ་ར་ལ་ཀྵ་ཎ། ཛྭཱ་ལ་ཛྭཱ་ལ་ན་སཱ་ག་རེ་སཝཱཧཱ། །འདི་ནི་དེ་བཞིན་གཤེགས་པའི་སྙིང་པོའོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། བ་ར་བ་ར། སརྦཾ་སརྦཾ། ས་མ་ས་མ། ཀཱ་རུ་ཎཱཾ་ཀཱ་རུ་ཎཱཾ། ཏཱ་རཱ་ཏཱ་རཱ། སཱ་རཱ་སཱ་རཱ། ཨ་ཏཱི་ཨ་ཏཱི། ཨ་མཱི་ཏཱཾ། ཨ་མཱི་ཏཾ། ཨ་ཏཱཾ་ཨ་ཏཱཾ། བྷི་རཾ་བྷི་རཾ། ཨ་ཏཱི་ཨ་ཏཱི། ཤུ་རཾ་ཤུ་རཾ། ཧ་ཧ་ཧ་ཧ། མཧཱ་ས་མ་ཡ། ན་མོ་སྟྭ་ཨ་མ་ལ། སིདྡྷི་ད་ཡ་ཀ་བྷྱཿ ། སརྦ་བུདྡྷ་བོ་དྷི་སཏྭཱ་བྷྱཿ ། སརྦ་ཨ་
328b
ནནྟ་མ་དྷྱེ་བྷྱཿ ། མཧཱ་ཀཱ་རུ་ཎ། མཱ་ལཱི་ནཱི། ཏྲི་ས་མ་ཡེ་ཛྭཱ་ལ་སཝཱཧཱ། བྱང་ཆུབ་སེམས་དཔའི་སྙིང་པོ་སྟེ། འདི་དང་འདྲ་བ་གཞན་མེད་དོ། །དེ་ནས་རྡོ་རྗེ་དཀྱིལ་འཁོར་གྱི་དབུས་སུ་པུས་མོ་གཡས་པའི་ལྷ་ང་ས་ལ་གཙུགས་ནས་ལག་པར་མེ་ཏོག་བླངས་ནས་དེ་བཞིང་གཤེགས་པའི་ལྕགས་ཀྱུ་ལན་ཉི་ཤུ་རྩ་གཅིག་གི་བར་དུ་བརྗོད་པར་བྱའོ། །དེ་བརྗོད་པ་ཙམ་གྱིས་རྡོ་རྗེའི་རིགས་ཐམས་ཅད་ཉེ་བར་ལྷགས་ནས་དགའ་བ་ལ་སོགས་པའི་ལྟས་སམ། གསལ་བ་འམ། སྒྲ་ཐོས་པ་འམ། དྲི་ཞིམ་པོ་འམ། འོད་དམ། སེར་བུའི་བསིལ་བའམ། བཞོན་པ་འམ། གཞན་ཡང་རུང་ལྟས་ཅུང་ཟད་ཞིག་འབྱུང་བར་འགྱུར་རོ། །དེ་ལ་ཀུན་ཏུ་ཐོགས་པ་མེད་པར་གྲུབ་པ་རིག་པའི་རྒྱལ་མོ་ཆན་མོ་དེ་བཞིན་གཤེགས་པ་རྣམས་ཀྱི་ལྕགས་ཀྱུ་ཞེས་བྱ་བ་ནི་འདི་ཡིན་ཏེ། སངས་རྒྱས་དང ། བྱང་ཆུབ་སེམས་དཔའ་རྣམས་ཀྱི་བྱིན་གྱིས་བརླབས་པ་སྟོབས་ཀྱི་སྙིང་པོའོ། ། ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ས་མནྟ་ཨ་མོ་གྷ་ཨ་པྲ་ཏི་ཧ་ཏ་བཛྲཱ་ཎཱཾ། ཨ་གྲ་ཨ་གྲ། ཨཱ་ཀཪྵ་ཎི་ཧཱུཾ། བི་གཱེ་བེ་གཱེ་མཧཱ་བེ་གཱ་ནཱི། སརྦ་བཛྲཱ་ཀུ་ལཱ་ནཱཾ། ཨཱ་ཀཪྵ་ཡ་ཧཱུཾ། སརྦ་མུ་པྲཱ་ག་ཎཱ་ནཱཾ། ཏཱིཀྟེ་ཏཱིཀྟེ། ཏི་ཏི་ཏི་ཏི། ཏ་ཐ་ཏ་ཐ། ཨ་ཨ་ནཱ་པྲཾ་ཏེ། ཨ་པྲ་ཏི་ཧ་ཏ། ཨ་མོ་གྷ་བི་ཀྲ་མེ། ས་མ་ས་མ། ཨ་མཱ་ལ་མ་ཧཱ་མེ། ཨ་ཏི་ཨ་ཏི། བྷེ་གྷ་པ་ཏཱ་
329a
༄#། །གེ།་ས་མ་ཡ་མཾ། དཾ་ཀ་རུ་ཤྲཱི་ཏྲཱི་ན་ཡ་ཏ་ཏྭཱ་ཨངྒི་ནི། ཨཱ་ན་ཡ་ཤཱི་གྷྲཾ་ཏ་ཐཱ་ག་ཏཱཾ་ཀུ་ཤི་སཝཱཧཱ། །དེ་ནས་ཅི་འབྱོར་པའི་མཆོད་པ་བྱས་ནས་སྔགས་འདི་ལན་བརྒྱད་བརྗོད་པར་བྱའོ། །ན་མཿ སརྦ་ཏ་ཐཱ་ག་ཏཱ་ནཱཾ། སརྦ་ཨུད་ག་ཏེ་སྥ་ར་ཎ་ཧི་མཱཾ་ག་ག་ན་ཁཾ་ས་མནྟ་ཏ་སཝཱཧཱ། དེ་ནས་སྔགས་འདིས་གཏོར་མ་བྱིན་གྱིས་བརླབས་ལ་དཀྱིལ་འཁོར་གྱི་ཕྱི་རོལ་ཏུ་སྦྱིན་པར་བྱའོ། །ན་མཿ སརྦ་ཐཱ་ག་ཏཱ་ནཱཾ། བ་ལ་བ་ཏི་བ་ལཱི་དེ་སཝཱཧཱ། །དེ་ནས་སྔ་མ་བཞིན་དུ་བྱང་ཆུབ་ཏུ་སེམས་བསྐྱེད་པས་སངས་རྒྱས་དང ། བྱང་ཆུབ་སེམས་དཔའ་རྣམས་ལ་ཕྱག་བྱས་ལ་གཙང་སྦྲ་བྱས་ནས་གཡས་སུ་མེ་ཏོག་ཐོགས་ཏེ། གདོང་གཡོགས་པ་གཞུག་པར་བྱའོ། །མེ་ཏོག་དང་བཅས་པའི་ཐལ་མོ་སྦྱར་ནས་གཅིག་གཉིས་གསུམ་བཞི་འམ། ལྔ་ཡང་གཞུག་པར་བྱ་ཞིང་སྡོམ་པ་འདི་ལྟར་གཟུང་བར་བྱའོ། །དེ་ལ་དམ་ཚིག་དང ། སྡོམ་པ་བླངས་པ་ནི། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། །བདག་ཆེ་གེ་མོ་ཞེས་བགྱི་བ་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་བདག་འབུལ་གྱི། ཐམས་ཅད་ཀྱིས་དུས་ཐམས་ཅད་དུ་བདག་ལ་རབ་ཏུ་གཟུང་དུ་གསོལ། །སངས་རྒྱས་དང ། བྱང་ཆུབ་སེམས་དཔའ་རྣམས་
329b
ཀྱིས་བདག་བྱིན་གྱིས་བརླབས་ཏུ་གསོལ། ཐུགས་རྗེ་ཆེན་པོ་དང་ལྡན་པ་སེམས་ཅན་གྱི་ཁམས་ཐམས་ཅད་ཡོངས་སུ་སྐྱོབ་པར་མཛད་པ་རྣམས་ཀྱིས་བདག་ཡོངས་སུ་བསྒྱབ་ཏུ་གསོལ། ལས་ཐམས་ཅད་གྲུབ་པར་བྱ་བའི་ཕྱིར་དམ་ཚིག་ཆེན་པོ་བདག་ལ་སྩལ་དུ་གསོལ་ཞེས་དེ་ལྟར་ལན་གསུམ་གྱི་བར་དུ་བརྗོད་པར་བྱའོ། །དེ་ནས་ལན་རེ་རེ་རྣ་བར་འདི་བརྗོད་པར་བྱའོ། །ནམ་མཁའ་མཐའ་ཡས་དང་མཉམ་རྒྱལ་དབང་པོ། །སྲས་བཅས་མ་ལུས་ཀུན་གྱི་དམ་ཚིག་སྩོལ། །འཆི་བ་མེད་ཅིང་གསད་མེད་སེམས་ཅན་བསྐྱབ་པ་མེད། །ཤིན་ཏུ་བསྟན་པས་འདི་ལྟར་བྱ་བ་ཉིད། །དེ་ནས་མེ་ཏོག་འཕངས་པར་བྱའོ། །མེ་ཏོག་གང་ལ་བབ་པ་དེ་ནི་དེའི་རིགས་ཀྱི་ལྷ་ཡིན་ནོ། །དེ་ནས་གདོང་གཡོགས་དཀྲོལ་ལ་དེ་བཞིན་གཤེགས་པ་ལ་སོགས་པ་རྣམས་ཀྱི་ཕྱག་རྒྱ་བསྟན་པར་བྱའོ། །སྤྱི་བོར་མཐེ་བོང་བཞག་ལ་གཙུག་ཏོར་གྱི་ཕྱག་རྒྱ་བྱ་ཞིང་སྔགས་འདི་བརྗོད་དོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། ཏྲི་ཤི་ཁཱ་ཨ་གྲིན་ན་མོསྟུ་ཏེ། ས་མནྟ། ཨ་ད་ས་མནྟྭ་ཨ་གྲི་ཀུ་ཎ་ཨ་ཙ་ལ་ཨ་གྲི་དྷི་ར་མེ། བཱི་དུ་ནཱ་ཧི་ཀཱེ་ཤེ་དུཿ ཁ་ཇྭ་ལ་ན་ཛ་ག་ཏ། སརྦ་སུ་ཁཾ་ད་དྷ་ཧཱི་ཙ་ཤུ་ཏཱ་ཏྲེ་དྡྷཾ་ཏྲི་ས་མ་ཡེ་ཀུ་རུ་སཝཱཧཱ། །ཕྱག་རྒྱ་འདི་འཆང་བར་བྱེད་པ་དེ་ལ་གཙུག་ཏོར་གྱི་མཚན་མ་འབྱུང་བར་འགྱུར་ཞིང་བར་དུ་ཉམས་པར་ཡང་མི་འགྱུར་ལ།
330a
༄#། །ཡོན་ཏན་མཐའ་ཡས་པའི་སྒོར་འཇུག་པ་ཡང་རབ་ཏུ་ཐོབ་པར་འགྱུར་རོ། །ངེས་པར་རྒལ་ནས་སོ་སོར་སྤྱོད་པའི་དམ་ཚིག་འདི་རྣམ་པར་བསྟན་པར་བྱའོ། །ཡང་ཡང་འཆི་བར་མི་འགྱུར་ཞིང ། །ངན་འགྲོར་མི་འགྲོ་འཆི་འཕོ་མེད། །ཁྱོད་ཀྱིས་བྱང་ཆུབ་སེམས་དཔའ་ཡི། །ཐེག་པ་འདི་ལ་དམ་ཚིག་སྲུངས། །དམ་པའི་ཆོས་ཀྱང་སྤང་མི་བྱ། །སངས་རྒྱས་བྱང་ཆུབ་སེམས་དཔའ་ལ། །མི་གུས་མི་བྱ་སྤང་མི་བྱ། །སྲོག་ཆགས་གསད་པར་མི་བྱ་ཞིང ། །བླ་མ་ལ་ཡང་བརྙས་མི་བྱ། །སྔགས་དང་ཕྱག་རྒྱ་སྤང་མི་བྱ། །ཉམས་པར་མི་བྱ་བདག་གིས་མིན། །རྡོ་རྗེ་འདྲ་བ་འགོམ་མི་བྱ། །བཟའ་བར་མི་བྱ་སེར་སྣ་མིན། །འདི་སྤྱོད་པ་ཡི་རྒྱལ་པོ་ཡི། །གསང་སྔགས་སྒོ་ཡི་སྤྱད་པ་སྤྱོད། །བྱང་ཆུབ་སེམས་དཔས་ཚུལ་ཁྲིམས་དང ། །ལྡན་པ་མངོན་སྤྱོད་མི་བྱ་འོ། །གནོད་བྱེད་པ་ལ་ཡང་མི་བྱའོ། །སྡིག་པའི་ལས་ཀྱང་མི་བྱ་ཞིང ། །བྱིས་པའི་ཆོས་ཀྱང་མི་བྱ་འོ། །བླ་མ་ལ་ནི་ལྷ་བཞིན་བྱ། །མདོར་ན་བདག་དང་གཞན་དག་ལ། །གནོད་པར་འགྱུར་བ་དེ་མི་བྱ། །སྲིད་པའི་སྡུག་བསྔལ་རྒྱ་མཚོ་ལས། །འདིས་ནི་ངེས་པར་འདའ་བར་བྱེད། །སྟོན་པའི་བསྟན་པ་བདུད་རྩི་ཉིད། །ཐུགས་རྗེ་ཆེན་པོའི་བསྟན་པ་ལས། །སླར་ཡང་ཉམས་པར་མི་འགྱུར་ཞིང ། །སྡུག་བསྔལ་མི་འགྱུར་
330b
ངན་འགྲོར་མིན། །མྱུར་དུ་ཞི་བར་འགྱུར་བ་མིན། །འདི་ལྟར་གསང་སྔགས་སྤྱོད་པ་ཡི། །དམ་ཚིག་འདི་ནི་སངས་རྒྱས་རྣམས། །སྲས་དང་བཅས་པས་ཁྱོད་ལ་གསུངས། ། གང་ཞིག་རྣམ་པ་འདི་ལྟ་བུས། །ལུས་དང་མཐུན་པའི་ཡོན་ཏན་འབྱུང ། །དད་མེད་ངན་འགྲོ་བ་མི་བྱ། །སངས་རྒྱས་སྲས་བཅས་ཡོངས་རྣམས་ཀྱི། །སྨོན་ལམ་ལ་ཡང་སྤྱད་པར་བྱ། །ཀུན་རྫོབ་ཏུ་ནི་མི་ལྡོག་པར། །རྒྱལ་བའི་བདག་ཉིད་སྐྱེས་པས་མཐོང ། །རིང་དུ་མི་བྱེད་ཆེས་དྲག་པས། །སེམས་ཅན་དོན་དུ་སྨོན་པར་བྱེད། །ཅེས་བརྗོད་ལ།་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཐལ་མོ་སྦྱར་བས་ཕྱག་འཚལ་བ་དེ་ནི་དམ་ཚིག་གི་ཐལ་མོ་ཞེས་བྱ་བ་སྟེ། །རྩ་བའི་ཕྱག་རྒྱ་ཡིན་ནོ། ། ན་མཿ སརྦ་བུདྡྷ་བོ་དྷི་སཏྭཱ་ནཱཾ། སུ་སིདྡྷི་སཱ་དྷ་ནི་ཨ་གྲ་ཀཱ་རུ་ཎ། བཱ་རེ་དྷེ། ཏྲཱ་ཡི་ཏྲཱ་ཡི། ཨཱ་ཏཱི་བ་ལ་ན་མོ་སྟུ། བ་རཱ་དྷ་ཡི། གྷེ་བྷྱོ་མཧཱ་ཀྲྀ་པ་བྷྱཿ སཝཱཧཱ། །འདི་ནི་རྩ་བའི་ཕྱག་རྒྱའི་སྔགས་ཡིན་ནོ། །ཕྱག་རྒྱ་གང་ཡང་རུང་བ་བཅིངས་ལ་བྱ་བ་འམ། དེ་བཞིན་དུ་གང་ཡང་རུང་བའི་སྔགས་དང ། ཕྱག་རྒྱ་ལ་བསླབ་པར་བྱའོ། །སེར་སྣ་དང་བྲལ་བས་འདིར་གང་ལས་དངོས་གྲུབ་འབྱུང་བའི་དམ་ཚིག་ལ་གོམས་པར་བྱས་ནས། མདངས་དང་ལྡན་པས་འདིར་དངོས་གྲུབ་ཀྱི་དམ་ཚིག་ལ་ཞུགས་ནས་མྱུར་དུ་
331a
༄#། །དེ་བཞིན་གཤེགས་པས་བསྔགས་པའི་དངོས་གྲུབ་འབྱུང་བར་འགྱུར་རོ། །སེམས་ཅན་ཐམས་ཅད་ལ་འབྱུང་བར་གྱུར་ཅིག་ཅེས་བསམས་ནས་ཕྱག་རྒྱ་བཅིངས་ནས་སྔགས་བཟླས་ན་དངོས་གྲུབ་བརྒྱད་འབྱུང་བར་འགྱུར་རོ། །སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་དམིགས་ནས་ཕྱག་བྱས་ལ་བཟླས་པ་བྱ་ཡི། འདིར་གཉིས་ལ་བསླབ་པར་མི་བྱ་སྟེ། དེ་བཞིན་གཤེགས་པ་གཅིག་ལ་ཕྱག་མི་བྱ་བ་དང ། སེམས་ཅན་གཅིག་གི་དོན་བསྒྲུབ་པར་མི་བྱ་བའོ། །གཞན་དུ་ན་མ་ལུས་པ་ལ་སྤྲོས་པའི་སེམས་བསྐྱེད་པའི་ཆེ་བ་ལ་གོམས་པར་བྱའོ། །ཐམས་ཅད་དུ་གཉིས་པོ་འདི་དག་སྤངས་པར་བྱ་སྟེ། འགྱོད་པ་དང།་ཞུམ་པའི་སེམས་སོ། །གཞན་ཡང་གཉིས་པོ་འདི་དག་ནི་བྱ་བ་སྟེ། སྡིག་པ་ཐམས་ཅད་བཤགས་པ་དང ། བསོད་ནམས་དང ། ཡེ་ཤེས་ཀྱི་ཚོགས་ལ་རྗེས་སུ་ཡི་རང་བ་རྒྱུན་མི་བཅད་པའོ། །འདིར་གཉིས་པོ་འདི་སྤང་བར་བྱ་སྟེ། བསླབ་པ་ལ་མི་འབྱོར་པ་དང ། སྒྲུབ་པ་མི་བྱེད་པའོ། །འགྲུབ་པར་མི་འགྱུར་བ་ནི་གཉིས་ཏེ། དད་པ་མེད་པ་དང ། བྱང་ཆུབ་ཏུ་སེམས་མ་བསྐྱེད་པའོ། །བསྲུང་བར་བྱ་བའི་དམ་ཚིག་ནི་གཉིས་ཏེ། །དུས་མ་ཡིན་པར་བྱ་བ་བྱེད་པ་དང ། །བརྟག་པ་
331b
མེད་པའོ། །སྔགས་ཀྱི་སྤྱོད་པ་ལ་རྗེས་སུ་ཞུགས་པའི་ཆོས་ནི་གཉིས་ཏེ། སངས་རྒྱས་རྗེས་སུ་དྲན་པ་བསྐྱེད་པ་དང ། ཐམས་ཅད་དུ་དངོས་གྲུབ་ཕུན་སུམ་ཚོགས་པ་ལ་གཞོལ་བའོ། །དེ་ནས་འདི་ལྟར་རྡོ་རྗེ་འཛིན་ཐམས་ཅད་ཀྱི་སྙིང་པོ་རྣམས་དང ། དཀྱིལ་འཁོར་ཐམས་ཅད་ཀྱི་ཕྱག་རྒྱ་དང ། སྔགས་རྣམས་ཀྱིས་རྟོག་པ་འབྱུང་བར་འགྱུར་རོ། །མར་དང་བཅས་པའི་གུ་གུལ་གྱི་བདུག་སྤོས་ཀྱིས་ནི་རིམས་དང ། གདོན་དང ། འབྱུང་པོ་དང ། ཤ་ཟ་རྣམས་ལ་མི་ན་བ་དང་ན་བས་ཀྱང་རུང་རས་རིས་དང ། རི་མོ་དང ། སྐུ་གཟུགས་དང།་ཤིང་དང ། ལོ་མ་དང ། རལ་གྲི་དང ། མེ་ལོང་ལ་སོགས་པ་ལ་འབེབས་པར་བྱེད་དོ། །གང་ཡང་རུང་བའི་བསྲུང་བའི་དཀྱིལ་འཁོར་གྱིས་ནི་བཅིང་བ་དང ། བཙིར་བ་དང ། བརྡབ་པ་དང ། བསྣུན་པ་དང ། གསད་པ་དང ། གཅད་པ་དང ། དབབ་པ་དང ། རྣམ་པར་སྦྱང་བ་དང ། བསྒྲུབ་པ་དང ། དགུག་པ་དང ། དབང་དུ་བྱ་བ་ལ་སོགས་པའི་ལས་ཐམས་ཅད་བསྒྲུབ་པར་བྱ་བ་ནི་བཀླགས་པས་འགྲུབ་པ་འདི་ཉིད་ཀྱིས་བྱེད་པར་འགྱུར་རོ། །མཆོག་སྒྲུབ་པ་ལ་སོགས་པ་ལས་ཐམས་ཅད་ནི་དེ་བཞིན་དུ་དེ་བཞིན་གཤེགས་པའི་སྙིང་པོའི་རིམ་པར་ཕྱེ་བ་རབ་འབྱམས་ཀྱི་ཆོ་ག་འམ། རིག་པ་མཆོག་ལ་སོགས་པའི་ཆོ་གས་སྦྱར་བར་བྱ་བ་དེ་དག་ཀྱང་ཐོགས་པ་མེད་པ་དོན་ཡོད་པར་
332a
༄#། །གྲུབ་པ་འདིས་ཀྱང་བྱའོ། །འདི་དག་གི་ཐུན་མོང་གི་རས་རིས་འབྱུང་བར་འགྱུར་རོ། །སངས་རྒྱས་བཅོམ་ལྡན་འདས་ནི་བྲག་གི་ཕུག་ན་པདྨའི་གདན་ལ་བཞུགས་པ། གསེར་གྱི་མདོག་ཅན་འོད་ཀྱི་ཕྲེང་བས་བསྐོར་བར་བྲི་བར་བྱའོ། །གཡས་སུ་རྡོ་རྗེ་འཛིན་གང་ཡང་རུང་བ་ཞིག་རང་གི་མཚན་མས་ཕྱག་བྲེལ་བ་འོད་ཀྱིས་བསྐོར་བའི་པདྨའི་གདན་ལ་བཞུགས་པ་བྲི་བར་བྱའོ། །གསང་བའི་བདག་པོ་རྡོ་རྗེ་འཛིན་ནི་བཅོམ་ལྡན་འདས་ཀྱི་གཡོན་དུ་པདྨའི་གདན་ལ་བཞུགས་པ་བྲི་བར་བྱའོ། ། བགེགས་རྣམས་གསོད་པའི་གཡོག་པོ་མཐའ་ཡས་གང་ཡང་རུང་བ་གང་ཅིང་ལྗང་བ། གཞོན་ནུ་རལ་ཅན། མིག་ཅུང་ཞིག་དམར་བ། ཁྲོས་པ། རིན་པོ་ཆེའི་བྲག་ལ་བཞུགས་པ་བྲི་བར་བྱའོ། །འོག་ཏུ་ནི་སྒྲུབ་པ་པོའོ། །འདིར་ཡང་རྡོ་རྗེ་འཛིན་གང་ཡང་རུང་བའི་སྙིང་པོ་དང ། །བསྒྲུབ་པར་བྱའོ། །དེ་བཞིན་དུ་སྔར་བསྟན་པའི་ཆོ་ག་འམ། དེ་བཞིན་གཤེགས་པ་རྣམས་ཀྱི་སྔགས་སམ། དེ་བཞིན་གཤེགས་པའི་སྙིང་པོའི་ཆོ་ག་བཞིན་དུ་རྡོ་རྗེ་འཛིན་པ་ལ་ཡང་དེ་བཞིན་གཤེགས་པའི་ཆོ་གས་བསྒྲུབ་པར་བྱའོ། །གྲུབ་པར་གྱུར་ན་རྡོ་རྗེ་འཛིན་དུ་འགྱུར་རོ། །བྱང་ཆུབ་སེམས་དཔའ་རྣམས་ཀྱི་སྙིང་པོའི་སྔགས་བླ་ན་མེད་པའི་ནོར་བུའི་རྒྱ་མཚོ་ཐོགས་
332b
པ་མེད་པ་དོན་ཡོད་པར་གྲུབ་པར་བྱེད་པ་ལ་ཡང་དེ་བཞིན་དུ་སྦྱར་བར་བྱའོ། །རྟོག་པ་ཐམས་ཅད་ཀྱི་ཆོ་གས་སམ། ཡིད་ལ་གང་འདོད་པའི་ཆོ་གས་སྦྱར་རོ། །དེ་བཞིན་གཤེགས་པའི་ལྕགས་ཀྱུ་དཔེ་མེད་པ་དེ་བཞིན་གཤེགས་པའི་ཡོན་ཏན་གྱི་མཛོད་ལས་ཡང་དག་པར་བྱུང་བ། སྙིང་པོའི་མཐུས་ཀྱང་དེ་བཞིན་དུ་བསྒྲུབ་པར་བྱའོ། །འདིར་ནི་བར་ཆད་མི་འབྱུང་ཞིང ། །རྨོངས་པར་མི་འགྱུར་ཆགས་མི་འགྱུར། །འདིར་ནི་སངས་རྒྱས་ཀུན་གྱི་ནོར། །རྟག་ཏུ་བྱིན་གྱིས་བརླབས་ནས་གནས། །ཐུན་མོང་གི་ཕྱག་རྒྱ་སྒྲུབ་པ་འབྱུང་བར་འགྱུར་རོ། །འདི་ལ་ཕྱག་རྒྱ་གང་ཡང་རུང་བ་རྩིག་ངོས་སམ། རས་སམ། སྤང་ལེབ་བམ། ལོ་མ་འམ། གཙང་མའི་ས་ཕྱོགས་སུ་ཚོན་རྩི་འམ། དྲིས་བགོས་པའི་པིར་རམ།་ཐ་ན་ཐལ་བས་ཀྱང་རུང་བྲིས་ལ་དྲི་དང ། མེ་ཏོག་གིས་མཆོད་པ་བྱས་ཏེ། བདག་གི་དོན་འདི་མཛད་དུ་གསོལ། །བདག་ལ་མཆོག་འདི་སྩལ་དུ་གསོལ། ། བདག་གི་འདི་ནི་བསྒྲུབ་ཏུ་གསོལ། །བདག་གི་དགོས་པ་འདི་དག་གཞན་དུ་མ་གྱུར་པ་དེ་བཞིན་དུ་གྱུར་ཅིག་ཅེས་ཡང་དག་པར་བསམས་ནས་ཕྱག་རྒྱའི་སྔགས་བཟླས་པ་བྱས་ན་དགོས་པ་འགྲུབ་པར་འགྱུར་བ་འམ། ལྷ་ལ་སོགས་པ་འམ། མི་ལ་སོགས་པ་ངས་འོང་བར་བྱས་སོ་ཞེས་བྱ་བ་ལ་སོགས་པ་དེ་དང ། དེ་སྨྲ་བར་འགྱུར་རོ། །དེ་
333a
༄#། །ལྟ་བུའི་དགོས་པ་ཡང་སྨྲ་བར་བྱེད། སྟོན་ཅིག་ཅེའམ། རྒྱོབ་ཅིག་ཅེ་འམ། ཆོད་ཅིག་སོད་ཅིག་རྒྱས་ཐོབ་ཅིག་ཚེར་ཅིག་།ཕུག་ཅིག་སྨོད་ཅིག་ཅེས་སམ། སྡིག་པ་ཅན། གདུག་པ་ཅན། གནོད་པ་བྱེད་པའི་ལྷ་དང ། ཀླུ་ལ་སོགས་པ་གཞོམ་པ་འམ། གང་ཡང་རུང་བ་བསམས་ལ་རང་གི་ཁྲག་གིས་བྲིས་ཏེ་ཁྲོས་པས་འདུག་ལ་བཟླས་པ་བྱས་ན་གང་གི་དོན་དུ་བྱས་པའི་ལྷ་འམ། ཀླུ་འམ། རིག་པ་འཛིན་པ་འང་རུང་སྟེ་ངེས་པར་འཆི་བར་འགྱུར་རོ། །གང་གི་ཚེ་མཆོག་བསྒྲུབ་པར་འདོད་ན་དེས་ལྕགས་ལས་ཕྱག་མཚན་བྱས་ལ་བཟླས་པ་བྱས་ནས་ལག་པར་བཟུང་སྟེ། གང་ཡང་རུང་བས་དབེན་པར་ཇི་སྲིད་འབར་བར་གྱུར་གྱི་བར་དུ་བསྒྲུབས་ན་དེ་ཟླ་བ་གཅིག་གི་ནང་ངམ། ཟླ་བ་གསུམ་གྱི་ནང་དུ་རིག་པ་འཛིན་པར་འགྱུར་རོ། །གང་གི་ཆེ་ཟས་ཟ་བ་ན་ཡང་དེ་ལག་པ་ནས་མ་བོར་བར་བཟའོ། །སློང་དུ་འགྲོ་ན་ཡང་དེ་བཞིན་དུ་ལག་ཏུ་ཐོག་ལ་སློང་དུ་འགྲོ་བར་བྱའོ། །ཉལ་བའི་ཚེ་ཡང་བསྲུང་བ་བྱས་ནས་སྔས་སུ་གཞག་པར་བྱའོ། །མི་སྣང་བ་ལ་སོགས་པ་ལས་ཐམས་ཅད་ཀྱང་ཕྱག་རྒྱ་འདིས་བསྒྲུབ་པར་བྱའོ། །བྱང་ཆུབ་སེམས་དཔས་ཕྱག་རྒྱ་འདིས་སྙིགས་མ་དང་ལྡན་པའི་འཇིག་རྟེན་གྱི་ཁམས་རྣམ་པར་སྦྱང་བའི་བར་དུ་
333b
ཡང་བྱའོ། །ཐུགས་ཀྱི་བདག་ཉིད་སྡིག་པ་རྣམ་པར་འཇིག་པར་བྱེད་པའོ། །སངས་རྒྱས་ཀུན་གྱི་ཕྱག་རྒྱ་འདི། །ཀུན་ཏུ་མཆོག་རྣམས་སྲས་བཅས་པས། །དཔག་མེད་ཅེས་བྱའོ་སེམས་ཅན་ཁམས། །རྣམ་པར་སྦྱང་ཕྱིར་བྱིན་གྱིས་བརླབས། །ཕྱག་རྒྱ་སྤྱོད་པའི་རྒྱལ་ས་རུ། །གཙོ་བོ་གང་ཞིག་ཞུགས་གྱུར་པ། །འབད་པ་ཆུད་དུས་སེམས་ཅན་དོན། །དེ་ཡིས་མ་བསམས་པར་ཡང་བྱེད། །དམ་ཚིག་གསུམ་གྱི་ཕྱག་རྒྱ་ཆེན་པོའི་རྒྱལ་མོ་འདི་དག་ནི་ས་ཡ་གྲངས་མེད་པ་བཅུའི་ནང་ན་རྩེ་མོར་གྱུར་པ་དོན་སྣ་ཚོགས་སྒྲུབ་པ་ཡིན་ནོ། །ན་མཿ ་ས་མནྟ་བཛྲཱ་ཎཱཾ། ཧཱུཾ་ཏྲི་ས་མ་ཡཾ་ཀུ་རུ་ཀུ་རུ། ཏཾ་ཏཾ། ས་མ་ས་མ། ཨ་མ་ལེ། ཏ་ར་ཏ་ར། ཨ་གྲེ་ཎ་སཝཱཧཱ། །རྩེ་མོ་ཞེས་བྱ་བ་ཕྱག་རྒྱའི་རྒྱལ་མོ་ཡིན་ནོ། །ན་མཿ ་ས་མནྟཱ་བཛྲཱ་ཎཱཾ། ཏྲི་བ་ལེ་ཨ་མ་ལ། ཨ་ས་མནྟ་ས་ཏི་ནི་བཛྲེ་བཛྲེ། ཏི་མི་ཏི་མི། སིདྡྷི་སིདྡྷི། ཀུ་རུ་ཀུ་རུ། ས་མ་ས་མ། ལ་བ་ཏེ་ལ་བ་ཏེ། ཨ་ཡཏྟི་ནི། ཛྭཱ་ལ་ན་མ་སརྦ་ཨུདྡྷ་མ་ན་སཝཱཧཱ། །སྟོབས་མི་མཉམ་པ་ཞེས་བྱ་བ་ཕྱག་རྒྱའི་རྒྱལ་མོ་ཡིན་ནོ། །ན་མཿ ་ས་མནྟཱ་བཛྲཱ་ཎཱཾ། ཧཱུཾ་སཱ་དྷ་ཡ་ས་མ་ཡཾ་བཛྲ་ས་མ་ཡཾ། ཏི་ཊི་ཏི་ཊི། སརྦཾ་ཏྲི་ཤི་ཁ། རཀྵ་རཀྵ་མཱཾ་པ་རེ་བྷྱཿ ། ས་ཀ་ལ་ཏི་སཝ་ཏི་ཀི། ཛྭཱ་ལ་ཛྭཱ་ལ། ཏི་པ་ཏི་ཡི། བི་རེ་ཛེ་སཝཱཧཱ། །ཁ་དོག་མེད་པ་ཞེས་བྱ་བའི་ཕྱག་རྒྱའོ། །ན་མཿ ་ས་མནྟ་བཛྲཱ་ཎཱཾ། ཏྲཱཾ་གི་ནི་ཏྲཱཾ་གི་ནི། ཨ་
334a
༄#། །ཏཱཾ་ས་ཡི་ནི་ཨ་ཏཱཾ་ས་ཡི་ནི། ཏཱི་བ་རཱི་ཎཱི་ཏཱི་བ་རཱི་ཎཱི། ཏྲི་བར་ཏྲི་བ་ར། ཨ་མ་ལེ་ཧཱུཾ་སིདྡྷྱ་ནྟུ་སརྦ་ཨུཏྟ་ར་ཏཱ་ཏྲེ་དྷྱཾ་དྷྱཾ་བི་ཀྲེ་སཝཱཧཱ། །གསུམ་ལྡན་ཞེས་བྱ་བའི་ཕྱག་རྒྱའོ། །ན་མཿ ་ས་མནྟ་བཛྲཱ་ཎཱཾ། ཨ་ཏི་བ་ར་བཛྲ་ས་མནྟི་ནི་ཧཱུཾ་ཏྲི་པྲྀ་ཏེ། ཀུ་རུ་ཀུ་རུ། ཏ་ར་ཏ་ར། ཏཱ་རེ་ཏཱ་རེ། ཨ་ས་མ་མཧཱ་བ་ལི་ས་མ་ཡེ། དྷུ་ན་དྷུ་ན། ཧ་ར་ཧ་ར། ཨ་མྲྀ་ཏེ་སཝཱཧཱ། ཡན་ལག་གི་སྟོབས་ཞེས་བྱ་བའི་ཕྱག་རྒྱའི་རྒྱལ་མོ་ཡིན་ནོ། །ན་མཿ ་ས་མནྟ་བཛྲཱ་ཎཱཾ། ཏྲཱཾ་ཏྲཱཾ་ཏྲའྱཾ་ཏྲའྱཾ། གི་ནི་ཙྪིནྡྷ་མཧཱ་ཨཱདྨེ་ཏ་ར་ཏ་ར་ཤོ་དྷ་ནི། སརྦ་བ་རི་ཏྲཱཾ། ཀུ་རུ་ཀུ་རུ།་ཨ་ས་ཧ་བ་ལ། ཨ་པྲ་ཏི་ཧ་ཏ་བེ་ག་།ཏྲཱཾ་ཏྲཱཾ་ཧཱུཾ་ཧཱུཾ། གི་ནི་ཏྲཱཾ་ཏྲཱཾ། ཡན་ལག་མཐའ་ཡས་པ་ཞེས་བྱ་བ་རལ་གྲིའི་ཕྱག་རྒྱའོ། །ན་མཿ ་ས་མནྟ་བཛྲཱ་ཎཱཾ། ཨ་མ་ལེ་ཨ་མ་ལེ། ས་མ་ཡེ་ས་མ་ཡེ། ཨ་གྲེ་ཨ་གྲེ་།མོ་ཙ་ནི་མོ་ཙ་ནི། ཨ་ས་ཧེ་ཨ་ས་ཧེ། ཏི་ཛི་ནི་བཛྲཱི། ཨ་ཏི་ཨ་ཏི། ཨ་གྲཱ་མཱ་ཏཱི། མུ་ཡ་མུ་ཡ། ཏྲི་ས་མ་ཡེ་ཏྲི་ས་མ་ཡེ། ཧཱུཾ་ཛྭཱ་ལ། ཨ་ནཱཾ་སཝཱཧཱ། ན་མཿ ་ས་མནྟ་བཛྲཱ་ཎཱཾ། ཏ་ར་མ་ཏི་ཏ་ར་མ་ཏི། ས་རེ་ས་རེ། དྷི་ནི་དྷི་ནི། དྷི་རི་དྷི་རི། ཏི་རི་མེ་ཏི་རི་མེ། ཧཱུཾ་བི་ཤོ་དྷ་ཡ་བི་ཤོ་དྷ་ཡ། ཤོ་བྷ་ཡ་ཤོ་བྷ་ཡ། ཏྲི་བ་ལི་ནི་ཏ་ར་ཨཾ་ག་ནི་ཨ་ནོ་བ་མེ་སཝཱཧཱ། ཁ་དོག་གི་སྟོབས་ཞེས་བྱ་བའི་ཕྱག་རྒྱ་ཡིན་ནོ། །ན་མཿ ་ས་མནྟ་བཛྲཱ་ཎཱཾ། ཨ་ཧེ་ཨ་ཧེ། ཨ་ཏཱི་ཨ་ཏཱི། ཏ་ར་མཱ་ཏ་ར་མཱ། ཏཱ་ཡ་ཏཱ་ཡ། ས་མ་ཡེ་ཏྲ་ཏ་རི། ཨ་མ་
334b
ལེ།་ན་མོ་སྟུ་ཏེ་ཨ་ས་ཏྲི་ཤེ་བྷྱཿ ་སཝཱཧཱ། །ཤིན་ཏུ་ངོ་མཚར་དུ་གྱུར་བ་ཞེས་བྱ་བའི་ཕྱག་རྒྱའོ། །ན་མཿ ་ས་མནྟ་བཛྲཱ་ཎཱཾ། ཧཱུཾ་བ་ར་བ་ར། བ་ར་དེ་བ་ར་དེ། ཏྲི་ཏ་ཡི་ཏྲི་ཏ་ཡི། སརྦ་སརྦ། ཏ་བི་ན་ཡཾ་ཀ་རོ་ཏི། མ་ཧཱ་བ་ལེ་བྷྱཿ ་སཝཱཧཱ། །ལོག་འདྲེན་གྱི་མཆོག་ཅེས་བྱ་བའི་ཕྱག་རྒྱའི་རྒྱལ་མོའི་རྩེ་མོའོ། །བཅུ་པོ་འདི་དག་ནི་ཕྱག་རྒྱའི་རྒྱལ་མོ་རྩེ་མོ་མཉམ་པ་མེད་པ་སྟེ། ཐམས་ཅད་དུ་ཐོགས་པ་མེད་པ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་པ། བྱང་ཆུབ་སེམས་དཔའ་རྣམས་བསྐྱེད་པར་མཛད་པ་ཞེས་བྱའོ། །ཕྱག་རྒྱའི་སྔགས་ཀྱི་སྒྲུབ་པ་པོས་འདི་ལ་དད་པས་སྤྱད་པར་བྱའོ། །ཕྱག་རྒྱའི་རྒྱལ་མོ་བརྩོན་འགྲུས་ཆེན་མོ་མཉམ་པ་མེད་པ། ཐམས་ཅད་དུ་དྲི་མ་མེད་པ་བྱིན་གྱིས་བརླབས་པ་མེད་པ།་འདོད་པ་ཐམས་ཅད་ལ་དེར་གཏད་པ། དེ་ངེས་པར་བསྒྲུབ་པར་བྱ་སྟེ། དོན་ཡོད་པར་རབ་ཏུ་གྲུབ་པར་འགྱུར་རོ། །དམ་ཚིག་གསུམ་ལས། དེ་བཞིན་གཤེགས་པའི་གསང་བའི་དཀྱིལ་འཁོར་ཆེན་པོ་ཐོགས་པ་མེད་པ་དོན་ཡོད་པ་གྲུབ་པ་ལས་གསང་སྔགས་ཀྱི་སྒོར་སྤྱོད་པའི་དངོས་གྲུབ་ཀྱི་རྒྱལ་པོའི་རྟོག་པའི་རིམ་པར་ཕྱེ་བའི་རབ་འབྱམས་རྫོགས་སོ།། །།ན་མཿ ་ས་མནྟ་བཛྲཱ་ཎཱཾ། ཨ་ས་མ་ཡེ། ཏྲི་ས་མ་ཡེ། ས་མ་ཡེ་སཝཱཧཱ། བཅོམ་ལྡན་འདས་སངས་རྒྱས་ཐམས་ཅད་སྟོབས་ཀྱི་ཤུགས་གཅིག་པ་
335a
༄#། །ཞེས་བྱ་བའི་ཏིང་འཛིན་ལ་སངས་རྒྱས་ཐམས་ཅད་དང་ལྷན་ཅིག་སྙོམས་པར་ཞུགས་སོ། །སྙོམས་པར་ཞུགས་ནས་སངས་རྒྱས་ཀྱི་ཞིང་ཐམས་ཅད་ཀྱི་དེ་བཞིན་གཤེགས་པ་རྣམས་ཀྱི་ཏིང་ངེ་འཛིན་དང ། རྣམ་པར་གྲོལ་བ་དང ། རྣམ་པར་ཐར་པ་རྨད་དུ་བྱུང་བ། རྒྱས་པ། སྔ་ན་མེད་པ། གཞན་གྱི་བྱིན་གྱི་བརླབས་ཀྱིས་སངས་རྒྱས་དང ། བྱང་ཆུབ་སེམས་དཔའ་མ་ལུས་པ་ཐམས་ཅད་ཀྱི་དམ་ཚིག་གི་སྤྱོད་ཡུལ་བྱིན་གྱིས་བརླབས་པ་བྱས་ནས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་དུས་གསུམ་མཉམ་པ་ཉིད་ཅེས་བྱ་བའི་སྙིང་པོ་འདི་གསུངས་སོ། །ན་མཿ ་སརྦ་བུདྡྷ་བོ་དྷི་ས་ཏྭཱ་ཎཱཾ། ཨ་བྷི་ར་ཧཱུཾ་ཁཾ། སྲས་བཅས་སངས་རྒྱས་ཐམས་ཅད་ཀྱི། །མཐའ་དང་དབུས་མེད་ཆོས་རྣམས་ལས། །མཚུངས་པ་མེད་པའི་གཏེར་ཀུན་གྱི། །སྙིང་པོ་འདི་ནི་སྟོབས་པོ་ཆེ། །འདི་ཡིས་རྒྱལ་བའི་སྲས་རྣམས་ཀྱིས། །སངས་རྒྱས་མཛད་པ་བྱེད་པར་གསུངས། །མ་བསམས་པར་ཡང་སེམས་ཅན་དོན། །མཁས་པས་འདི་ཡིས་སྦྱོར་བར་འགྱུར། །འགྲོ་བ་དྲུག་འགྲེལ་བདག་ཉིད་ཡི་གེ་ལྔ། །ཐུགས་རྗེའི་བདག་ཉིད་ཀུན་གྱི་ཡབ་གཅིག་པུ། །འཇིག་རྟེན་གསུམ་པོ་སྐྱོབ་པའི་སྒོར་ཞུགས་ནས། །ཞིང་རྣམས་རྒྱ་མཚོ་སྦྱོང་ཞིང་རྣམ་པར་གནས། །ཐུགས་རྗེའི་བདག་ཉིད་དད་པས་ཟིན་པའི་ཡུལ།།
335b
སེམས་ཅན་དོན་མཆོག་ཉེ་བར་སྒྲུབ་པར་བྱེད། །གཅིག་ཏུ་སྡུག་བསྔལ་མཐར་ཐུག་འགྲོ་བ་རྣམས། །བྱང་ཆུབ་སེམས་དཔའ་གཙོ་མཆོག་དེ་སྦྱོང་བྱེད། །དེ་ཕྱིར་གཙོ་མཆོག་དྲི་མེད་འདི་སྒྲུབ་པ། །རྨད་བྱུང་ཆེ་མཆོག་ཆོས་ཅན་སྙིང་པོ་འདིའོ། །མཐའ་ཡས་བདེ་བར་གཤེགས་ལ་མངོན་དད་པས། །བརྩོན་འགྲུས་རྡོ་རྗེ་བླ་མེད་བསྒྲུབ་པར་བྱ། །འདིའི་སྒྲུབ་པ་ནི་དེ་བཞིན་གཤེགས་པའི་སྙིང་པོ་ཇི་ལྟ་བ་དང ། རིག་པ་མཆོག་རབ་འབྱམས་ལ་སོགས་པའི་ཆོ་ག་ཇི་ལྟ་བ་བཞིན་དུ་བྱའོ། །དེ་ནས་འདིར་རས་རིས་ཀྱི་ཁྱད་པར་འབྱུང་བར་འགྱུར་རོ། །རས་རིས་ནི་བཅོམ་ལྡན་འདས་རིན་པོ་ཆེའི་བྲག་ཕུག་ན་པདྨ་ལ་ཏིང་ངེ་འཛིན་ལ་སྙོམས་པར་ཞུགས་པས་བཞུགས་པ་འོད་ཀྱིས་བསྐོར་བ་བྲི་བར་བྱའོ། །བཅོམ་ལྡན་འདས་ཀྱི་གཡས་སུ་བྱང་ཆུབ་སེམས་དཔའ་ནམ་མཁའི་དྲི་མ་མེད་པ་ཞེས་བྱ་བ་བྲི་ཡང་ཀུ་ལྟར་ལྗང་གུ་བཅོམ་ལྡན་འདས་ལ་ཐལ་མོ་སྦྱར་བས་པདྨ་ལ་གནས་པ་བྲི་བར་བྱའོ། །བཅོམ་ལྡན་འདས་ཀྱི་གཡོན་དུ་འཕགས་པ་རྡོ་རྗེ་འཛིན་ཨུཏྤལ་སྔོན་པོའི་འདབ་མའི་མདོག་ཅན་ནམ། གསེར་གྱི་མདོག་ཅན་འོད་ཀྱི་ཕྲེང་བས་བསྐོར་བ། ལག་ན་རྡོ་རྗེ་ཐོགས་པ་རིན་པོ་ཆེའི་པདྨ་ལ་བཞུགས་པའོ། །དེའི་འོག་ཏུ་མི་གཡོ་བ་མིག་གཅིག་པ་ཞེས་བྱ་བ་བགེགས་ཚར་གཅོད་པ། རིན་པོ་ཆེའི་བྲག་ལ་བཞུགས་པ་མིག་དམར་པོ་གཅིག་
336a
༄#། །ཡོད་པ། ཀུན་ནས་འབར་བས་བསྐོར་བ། གནག་ཅིང་ལྗང་བ། ཁྲོས་ཤིང་འཁྲུགས་པ། གཞོན་ནུ་རལ་པ་གཅིག་ཡོད་པ། ལག་པ་ན་རལ་གྲི་དང ། ཞགས་པ་ཐོགས་པ་བྲི་བར་བྱའོ། །སྒྲུབ་པ་པོ་ནི་ཐལ་མོ་སྦྱར་བའོ། །རས་རིས་གཉིས་པ་ནི་བཅོམ་ལྡན་འདས་དེ་བཞིན་དུ་ཏིང་ངེ་འཛིན་ལ་སྙོམས་པར་ཞུགས་པ་དང ། མི་གཡོ་བ་མིག་གཅིག་པ་བྲི་བར་བྱའོ། །དེ་བཞིན་དུ་ཆོ་ག་ཐམས་ཅད་ཀྱིས་སྦྱར་བར་བྱ་ཞིང ། རི་ལ་སོགས་པ་དབེན་པར་འདུ་འཛི་སྤངས་ནས་རས་རིས་མེད་པར་ཡང་བསྒྲུབ་པ་འམ། ཐ་ན་གཙུག་ལག་ཁང་གི་བྲང་ཁང་ལ་སོགས་པ་དང ། ཀུན་དགའ་ར་བ་ལ་སོགས་པའི་གནས་སུ་སེམས་ཅན་གྱི་ཁམས་རྣམ་པར་དག་པའི་ཕྱིར་དངོས་གྲུབ་ཉེ་བར་དམིགས་པ་ཉིད་ཀྱིས་འབུམ་ཕྲག་གསུམ་བཟླས་ན་དེ་བཞིན་གཤེགས་པ་བྱོན་ནས་མགོ་ལ་རེག་སྟེ། ལེགས་སོ་ཞེས་བྱ་བ་བྱིན་ཞིང་ཀུན་ནས་རེག་པར་གྱུར་པས་མངོན་པར་ཤེས་པ་རྣམས་འབྱུང་བར་འགྱུར་ཞིང་གཟུངས་རྣམས་ཀྱང་སོ་སོར་ཐོབ་བར་འགྱུར་རོ། །འབུམ་ཕྲག་གསུམ་བཟླས་ན་རྫས་གང་དང།་གང་བསྒྲུབས་པ་དེ་དང ། དེས་རིག་པ་འཛིན་པའི་རྒྱལ་པོར་འགྱུར་རོ། །འཕགས་པ་བྱམས་པའི་སྤྱན་སྔར་འབུམ་ཕྲག་གསུམ་བཟླས་ན་འཕགས་པ་བྱམས་
336b
པ་མཐོང་བར་འགྱུར་རོ། །འཕགས་པ་ཕྱག་ན་རྡོ་རྗེ་ལ་རྣམ་པར་བལྟ་ཞིང་གནས་པས་འབུམ་ཕྲག་གསུམ་བཟླས་ན་ལག་པ་ནས་བཟུང་ནས་ལྕང་ལོ་ཅན་དུ་འཇུག་པར་འགྱུར་རོ། །དེ་བཞིན་དུ་འཕགས་པ་ཀུན་ཏུ་བཟང་པོ་ལ་སོགས་པའི་བྱང་ཆུབ་སེམས་དཔའ་གང་དག་གི་མདུན་དུ་བཟླས་པ་བྱས་པ་དེ་ངེས་པར་མཐོང་བ་སྩོལ་བར་འགྱུར་རོ། །ཁྱད་པར་དུ་འགྲོ་བ་ལ་ཡང་འཇོག་པར་འགྱུར་རོ། །སྐྱིལ་མོ་ཀྲུང་གིས་འདུག་ནས་མཚན་རངས་པར་དེ་བཞིན་གཤེགས་པ་ལ་དམིགས་ནས་བཟླས་ན་མངོན་པར་ཤེས་པ་ལྔ་ཐོབ་པར་འགྱུར་རོ། །རི་ལ་སློང་མོ་སྤྱོད་ཅིང་འབུམ་ཕྲག་གསུམ་བཟླས་ན་རྫུ་འཕྲུལ་གྱི་རྐད་པ་འཐོབ་ཅིང་ཇི་སྲིད་འདོད་པར་གནས་པར་འགྱུར་རོ། །སྙིང་པོ་འདི་ནི་རང་བཞིན་གྱིས་གྲུབ་པ། ཆགས་པ་མེད་པ། དོན་ཡོད་པར་གྲུབ་པའོ། །མྱུར་དུ་འགྲུབ་པ། སྒྲིབ་པ་མེད་པར་འགྲུབ་པ་ཞེས་བྱའོ། །གང་དེ་བཞིན་གཤེགས་པའི་སྤྱོད་ཡུལ་གྱི་ཆོ་ག་གང་ཡིན་པ་དེ་རྟོག་པ་འདིའི་ཡིན་ནོ། །མདོར་ན། གང་འདོད་པ་དེ་སྒྲུབ་པར་བྱེད་པ་ནི་དུས་གསུམ་པ་ཉིད་ཀྱི་དམ་ཚིག་ཅེས་བྱ་བ་ཡི་གེ་ལྔ་པོ་ཡིན་ནོ་ཞེས་བྱའོ། །དེ་ནས་བྱང་ཆུབ་སེམས་དཔའ་ནམ་མཁའི་དམ་ཚིག་ཅེས་བྱ་བ་གང་མཆོག་ཏུ་མཚུངས་པ་མེད་པ་ཕ་རོལ་གྱི་ཡང་ཕ་རོལ་ཏུ་གྱུར་པ། དཔའ་བོ་དྲི་མ་མེད་པ་ཐམས་ཅད་དང་གཅིག་
337a
༄#། །ཏུ་ཉེ་བར་འདུག་ནས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཡང་དག་པར་སྐྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སངས་རྒྱས་དང ། བྱང་ཆུབ་སེམས་དཔའ་རྣམས་ཀྱི་ཐུགས་ཉེ་བར་བསྡུས་པ་འདི་གསུངས་སོ། །ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། མཧཱ་མཧཱ། ཨ་ར་ཡ་ཨ་ར་ཡ།་ཤོ་དྷ་ཡ་ཤོ་དྷ་ཡ། ཨ་མཱ་ལཱ་ཨ་མཱ་ལཱ། ཏྲ་ཧ་ཏྲ་ཧ། མཧཱ་ཀཱ་རུ་ཎ། ས་མ་ཡ་ཏྲ་ཀ་ར་ཏྲ་ཀ་ར། ཏྲ་ཡ་ཏྲ་ཡ་སཝཱཧཱ། །ཡང་བཅོམ་ལྡན་འདས་སངས་རྒྱས་དང ། བྱང་ཆུབ་སེམས་དཔའ་རྣམས་ཀྱི་བྱ་བ་ལ་སྒྲིབ་པ་མེད་པ། སྔོན་གྱི་ཆོས་ཀྱི་དབྱིངས་ཀྱི་མཐར་ཐུག་པར་བྱས་པ་དེ་བཞིན་གཤེགས་པ་ཐམས་ཅད་ཀྱིས་ལྷན་ཅིག་ཏུ་གསུངས་སོ། །ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། བ་ར་བ་ར། སརྦཾ་སརྦཾ། ས་མ་ས་མ། ཀུ་རུ་ཎཱཾ་ཀུ་རུ་ཎཱཾ། ཏཱ་རཱ་ཏཱ་རཱ། སཱ་རཱ་སཱ་རཱ། ཨཱ་ཏཱི་ཨཱ་ཏཱི། ཨ་མཱི་ཏཱཾ། ཨ་ཏཱི་ཨ་ཏཱི། བཱི་རཾ་བཱི་རཾ། ཨ་ཏཱི་ཨ་ཏཱི། ཤུ་རཾ་ཤུ་རཾ། ཧ་ཧ་ཧ་ཧ། མ་ཧཱ་ས་མ་ཡ། ན་མཿ ་ཏྲ་ཨ་མ་ལ་སིདྡྷི་དཱ་ཡ་ཀེ་བྷྱཿ ། སརྦ་བུདྡྷ་བོ་དྷི་ས་ཏྭཱ་བྷྱཿ ། སརྦ་ཨ་ནནྟ་མེ་དྷྱེ་བྷྱཿ ། མ་ཧཱ་ཀ་རུ་ཎཱི། ཨ་མ་ལ་ཎིའཾ། ཨ་ས་ཧེ་ཛཱ་སཝཱཧཱ། །འདི་གསུམ་བསམ་གྱིས་མི་ཁྱབ་སྟེ། །སངས་རྒྱས་རྣམས་ཀྱིས་གྲོལ་བ་དང ། །མཆོག་ཏུ་རྣམ་དག་སེམས་
337b
ཅན་རྣམས། །བྱེད་པའང་བསམ་གྱིས་མི་ཁྱབ་པ། །དཔའ་བོ་ཀུན་གྱིས་འདིར་ཐམས་ཅད། །འདི་ཡི་སྟོབས་ཀྱིས་དོན་ཐམས་ཅད། །བྱིན་གྱི་རླབས་ཀྱིས་བྱིན་གྱིས་བརླབས།། གསང་བ་བདག་ཉིད་ཆེན་པོ་འདི། །དཔག་མེད་ཅེས་བྱའི་ཐུགས་རྗེའི་བདག་།ཀུན་གྱི་སྤྱོད་ཡུལ་འདི་ཡིན་ཏེ། །དེ་ཕྱིར་འདི་དང་འདྲ་བ་མེད། །བློ་ལྡན་དད་པས་སྙིང་པོ་འདི། །འགྲོ་ཀུན་འདུལ་བར་འདོད་པ་ཡིས། །ཡང་དག་ཉིད་དུ་བསྒྲུབ་པར་བྱ། །འདི་ནི་བྱང་ཆུབ་སེམས་དཔའ་གསང་སྔགས་ཀྱི་སྒོར་སྤྱད་པ་སྤྱོད་པ་བསྡུས་པའི་རྒྱལ་པོའི་ཕྱོགས་གཅིག་གི་བླ་ན་མེད་པའི་སྙིང་པོ་རིམ་པར་ཕྱེ་བ་རབ་འབྱམས་ཀྱི་ཕྱོགས་གཅིག་ཡིན་ནོ། །འཕགས་པ་ཀུན་ཏུ་བཟང་པོས་ཀྱང་རང་གི་སྙིང་པོ་སྨྲས་པ། ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། སུ་མ་ཏཱི་སུ་མ་ཏཱི། ས་མ་ཡ་ས་མ་ཡ། ས་མ་ས་མ། ཨ་ཏཱི་ཨ་ཏཱི། རོ་ཙ་ནཱ་རོ་ཙ་ནཱ། མཧཱ་བ་ལེ་བེ་གེ་དྱེ་ཧི་མ་ཧཱ་ས་མནྟ་བྷ་དྲ། ཨ་ཙི་ཏ་བ་ལ་བེ་ག་ན་མཿ ་སྟུ་ཏེ་སཝཱཧཱ། །དེ་བཞིན་གཤེགས་པའི་སྙིང་པོའི་ཚོགས་ཉིས་འགྱུར་དུ་སྦྱར་བར་བྱའོ། །རིག་པ་མཆོག་རབ་འབྱམས་ལ་སོགས་པའི་ཆོ་གས་ཀྱང་སྦྱར་བར་བྱའོ། །རས་རིས་ནི་སངས་རྒྱས་བཅོམ་ལྡན་འདས་འཕགས་པ་ཀུན་ཏུ་བཟང་པོ་དང ། འཕགས་པ་སྟོབས་པོ་ཆེ་ཞེས་བྱ་བ་ཕྱག་ན་རྡོ་རྗེ་རྣམས་སྔ་མ་བཞིན་དུ་ཅི་རིགས་པར་བྲི་བར་བྱའོ། །
338a
༄#། །ཕྱག་ན་རྡོ་རྗེའི་འོག་ཏུ་ནི་འཕགས་པ་རྡོ་རྗེའི་སྟོབས་ཞེས་བྱ་བ་གཞོན་ནུ་རིན་པོ་ཆེའི་བྲག་ལ་འདུག་པ། གནག་ཅིང་ལྗང་བ། མིག་དམར་བ། དུར་སྨྲིག་གྱོན་པ། ལག་ན་རལ་གྲི་ཐོགས་པ། ཁྲོས་པ། ཐུར་དུ་ལྟ་བ། བགེགས་རྣམས་འཇོམས་པ་བྲི་བར་བྱའོ། །འོག་ཏུ་ནི་སྒྲུབ་པ་པོའོ། །རས་རིས་གཉིས་པ་ནི་འཕགས་པ་ཀུན་ཏུ་བཟང་པོ་དང ། གཡོག་པོ་དེ་བཞིན་དུ་གནས་པ་བྲི་བར་བྱའོ། །འདིར་ཡང་ལས་ཐམས་ཅད་སྔ་མ་བཞིན་དུ་བསྒྲུབ་པར་བྱ་སྟེ། ཇི་ལྟར་མོས་བ་བཞིན་དུ་འཕགས་པ་ཀུན་ཏུ་བཟང་པོའི་སྨོན་ལམ་གྱིས་འགྱུར་རོ། །འཕགས་པ་བློ་གྲོས་ཆེན་པོས་རང་གི་སྙིང་པོ་སྨྲས་པ། ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། ཨ་ཏཱ་ཨ་ཏཱ། སརྦ་སརྦ། ས་མ་ས་མ། ས་པཾ། ཨ་ཙ་ལཱི་ནཱི། ཨ་ཙ་ལཱི་ནཱི། ཨ་མ་ལཱི་ནི། ཨ་མ་ལཱི་ནི། མཧཱ་ཨ་གྲ་ཡེ་སཝཱཧཱ། །མཆོག་ལ་ལྟ་བ་ཞེས་བྱ་བས་སྙིང་པོ་སྨྲས་པ། ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། ཨ་ནནྟ་མ་ཧཱ་བ་ཁེ་ནཱ་སྟི་ཨ་གྲ་ས་ཏྭ་ན་མོ་སྟུ་ཏེ། སརྦ་ཏྲ་ཨ་པྲ་ཏི་ཧ་ཏ་གྲཱ་ཏེ་ན་མཱ་སརྦ་ཛི། ཨཾ་བེ་ཏད་ཨེ་ཏྲཾ། ཨ་ཏྲ་ཨ་ཏྲ། བ་ར་བ་ར། བི་རི་ཡ། བི་རི་ཡ་སཝཱཧཱ། །དྲི་མ་མེད་པའི་ཤུགས་ཀྱི་འོད་ཀྱིས་རང་གི་སྙིང་པོ་སྨྲས་པ། ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། ཏ་ར་ཏ་ར། བ་ར་བ་ར། བི་རི་བི་རི། དྷ་མ་དྷ་མ། ཨ་ས་མ་ཛྭཱ་ལ་སཝཱཧཱ། །རྡོ་རྗེ་
338b
དཔའ་བོས་རང་གི་སྙིང་པོ་སྨྲས་པ། ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། ཨ་གྲ་ཏསྟ་ར་མ་ན་ཧཱ་མ་ཏི་ཧཱུཾ་ཧཱུཾ། ཨེ་ཧྱ་ཧི། ཨ་ཏི་ཨ་ཏི། ཨ་མ་ལཱ། བ་ར་བ་ར། བི་རི་བི་རི། བཛྲ་བཛྲ། བ་ལ་ཨཾ་གི་།ཏི་བི་ཏི་བི། ཧཱུཾ་ཛྭཱ་ལཱ་ནཱ་མ་སཝཱཧཱ། །རྡོ་རྗེ་དཔའ་བོས་སྨྲས་པ། ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། ག་ག་ནཱ་ག་ག་ནཱ། ག་ག་ནཱ་དྷ་ནོདྒ་ཏེ་དྷི་དྷ་ནཱ་མེ། ཏི་སི་ཏི། ཧ་ས་ཧ་ས། བཛྲ་བ་ལཱ་ཨུད་ད་ཡ་སཝཱཧཱ། །ནམ་མཁའ་ཤར་བས་རང་གི་སྙིང་པོ་སྨྲས་པ། ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། ཨ་ཏི་ཨ་ཏི། གརྦྷ་གརྦྷ། ཏུ་རཱུ་ཏུ་རཱུ། བཛྲ་བཛྲ། ཀུ་རུ་ཀུ་རུ་ཧཱུཾ་སཝཱཧཱ། །དེ་བཞིན་གཤེགས་པའི་ཐུགས་ཀྱི་སྙིང་པོའོ། །ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། ཏྲཱ་ཊ་ཏྲཱ་ཊ། ཏྲཱ་ཊཱ་ཏྲཱ་ཊཱ། ཧ་ར་ཧ་ར། མཧཱ་བཛྲ་གརྦྷ་ཧཱུཾ་ཧཱུཾ། ཏཱ་ཊ་ཏཱི་ཊི། བནྡྷ་བནྡྷ། བཛྲ་བཛྲ། གུ་ཎཱ་གུ་ཎཱ། ས་རཱི་ཧཱུཾ་ཛྭཱ་ལ་ན་མཿ ་སྟེ་སཝཱཧཱ། །རྡོ་རྗེ་སྙིང་པོའི་འོ། །ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། ཀཱ་རུ་ཎཱཾ། ས་མ་ཡཾ། ཀུ་རུ་ཀུ་རུ། ཨ་ནནྟ་མཧཱ་བ་ལཱ་བཛྲ་ཧེ་ཧེ་ཤཱི་གྷྲཾ་ཤཱི་གྷྲཾ། ཨཱ་བི་ཤ་ཨཱ་བི་ཤ། ཏཀ་ཏྭཱི་ཏི་བི་ཏི་བི། བཛྲ་མཱ་ལ་སཝཱཧཱ། །རྡོ་རྗེ་མཐའ་ཡས་ཀྱིའོ། །ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། ཨ་མ་ལ་ཤཱི། ས་མནྟ་ས་མ་ཡ། ཧི་རི་ཧི་རི། ཧཱུཾ་ཧཱུཾ། བཛྲ་བཛྲ། ཏིཥྛ་ཏིཥྛ། ཛ་ར་ཛ་ར། བཛྲ་ཡ་ས་ནི་ནཱ་མ་སཝཱཧཱ། །རྡོ་རྗེ་དཔལ་གྱི་སྙིང་པོའི་འོ། །འཕགས་པ་སྤྱན་རས་གཟིགས་དབང་ཕྱུག་པདྨ་ལས་ངེས་པར་བྱུང་བ་ཞེས་བྱ་བས་སྙིང་
339a
༄#། །པོ་སྨྲས་པ། །ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། ཨཱ་ཡ་ཧཱི་ཤཱི་གྷྲཾ་སུ་ག་ཏ། ཛ་པེ་གྲ་ཏ་བྲ་ཎ་མི་ཏཾ་ཏེ་བ་ར། ས་ཏྲ་མེ་ཀྲ་མཱ་ཀཱ་རོ་ཧཱི། སརྦ་བ་ར་དམ་མཧཱ་བ་ལ། ཨ་ཙཎྜ་ཀ་ས་ཏྭ་བི་ཤུདྡྷི། ཀ་ར་ཀ་ར་ཀ་ཏྲཾ་ཏྲེ་དཾ་ཏྲི་ཏ་ཡཾ། བི་ར་ཡཾ་བི་ར་ཡཾ། བི་ར་ཡཾ། ཨ་ར་ར་ཀྲི་མཱ་པ་ཡ་སཝཱཧཱ། །པདྨ་ལས་ངེས་པར་བྱུང་བ་སྤྱན་རས་གཟིགས་དབང་ཕྱུག་གི་སྙིང་པོའོ། །ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། བ་ར་ད་བཛྲ་ཨུད་ཡ་ཧཱུཾ་ཧཱུཾ། ཧེ་ཧེ་སཝཱ་དྷ་ཡ་སཝཱཧཱ། རྡོ་རྗེ་དཔའ་བོའི་འོ། །ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། ཨ་རུ་ཎཱཾ་ཨ་རུ་ཎཱཾ། ས་མ་ཏེ་ས་མ་ཏེ། བ་ར་དེ་བ་ར་དེ། སཱ་རཱ་ཐེ། ན་མོ་ཨ་ཙིནྟྱ་བི་ཤ་ཡེ་བྷྱཿ ། སཝཱཧཱ། །བདེ་བར་གཤེགས་པ་ལས་བྱུང་བའི་སྙིང་པོའོ། །འཕགས་པ་བྱམས་པས་རང་གི་སྙིང་པོ་སྨྲས་པ། ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། ཏཱིཏྟཱི་ཡ་ཏཱིཏྟཱི་ཡ། བི་དྷི་ཡ་བི་དྷི་ཡ། མཧཱ་ཡོ་གཱི་ཤཝ་ར། ད་ཪྴ་ཡ་ད་ཪྴ་ཡ། ས་མ་ཡཾ་ཛྭཱ་ལ་ཡ་སརྦཾ་ཨ་མོ་གྷ་སིདྡྷི་སཝཱཧཱ། །མྱ་ངན་མེད་བཟང་པོས་རང་གི་སྙིང་པོ་སྨྲས་པ། ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། སཱ་མ་ཏེ་སཱ་མ་ཏེ། སུ་རཱ་ཏེ་སུ་རཱ་ཏེ། ཤོ་བྷི་ནི་ཤོ་བྷི་ནི། བྷ་དྲེ་བྷ་དྲེ། བྷ་ར་བྷ་ར། བི་ར་བི་ར། ཙ་ལ་སཝཱཧཱ། །ན་མཿ ་སརྦ་བུདྡྷ་བོདྷི་ས་ཏྭཱ་ནཱཾ། ཨ་ཏྲཱི་ཀ་ས་མ་ཧཱ་མནྟི་མནྟི། ཀ་ར་ཀ་ར། བཱི་ར་བཱི་ར། ཏ་
339b
ར་ཏ་ར། ཏཱི་ཡཱ་ཏཱི་ཡཱ། མཉྫུ་ཤྲི་ཡ། ཀ་རི་ཀ་རི། ཀ་ར་ཀ་ར། ཏ་ར་ཏ་ར། ཧ་ར་ཧ་ར། བཛྲ་མ་ཡ་ཧཱུཾ་ཧཱུཾ། ཛ་ལ་ཀུ་མཱ་ར་ཀ་སཝཱཧཱ། །འཕགས་པ་འཇམ་དཔལ་གྱི་སྙིང་པོའོ། །འཕགས་པ་པདྨ་རྡོ་རྗེས་སྙིང་པོ་སྨྲས་པ། ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། ཨཱརྱ་གཱི་རྟེན་མོ་སྟུ་ཏེ། ཀཱ་རུ་ཎ་མཎྜ་ལཱ་མ་ལ་ཛྭཱ་ལ་མེ་དྷོ་མ་ནི་ས་ཧ་ཏེ་ཙ་གུ་ཎཱ་རཱ་ཛ་ཨ་གྲ་བྷུ་ཥ་ཎ་ཏཱ་ཏྲ། ཨེ་དཾ་ཏི་དྭ་ཡ་ཏྲི་དྭ་ཡ་ཏྲི། སུ་མ་ཏི་སུ་མ་ཏི། ཏེ་ར་ཏཱི་ཏེ་ར་ཏཱི། ཀུ་ཎ་ཀུ་ཎ། ཛྭཱ་ལ་ཡ་ཨ་མོ་གྷ་ཨ་པྲ་ཏི་ཧ་ཏ་སཝཱཧཱ། །འཕགས་པ་རྡོ་རྗེ་རང་བཞིན་གྱིས་སྙིང་པོ་སྨྲས་པ། ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། བཛྲ་མ་ཡཱ་ཏྲི་ཤི་ཁཱ་བ་ར་ཧཱུཾ། བ་ར་བོ་ག་གུ་ཎཱཾ་མ་ལ་བནྡྷ་བེ་ཀི་ནི་སཝཱཧཱ། །འཕགས་པ་རྡོ་རྗེ་རྩེ་མོས་སྙིང་པོ་སྨྲས་པ། ན་མཿ ་སརྦ་བུདྡྷ་བོདྷི་ས་ཏྭཱ་ནཱཾ། ཨ་ཧ་ཧ་ཧ་ཧ། ས་མ་ས་མ། ཏྲི་ཤཱི་ཁར་ཏྲི་ཤཱི་ཁ་ར། ཏྲྱམྦ་ཏྲྱམྦ། ཨ་ས་དྲྀ་ཤྱ་སཝཱཧཱ། །རྡོ་རྗེ་ཡན་ལག་བྱིན་གྱིས་རང་གི་སྙིང་པོ་སྨྲས་པ། ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། ཏྲཱ་ག་ཏྲཱ་ག་ཧཱུཾ་ཧཱུཾ། ཙཾ་ཙཾ་ཏུ་ཏ་སུ་ཁ་ཡ་ཧཱི་སཝཱཧཱ། རྡོ་རྗེ་མི་གཡོ་བས་རང་གི་སྙིང་པོ་སྨྲས་པ། ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། སརྦ་ཏྲ་གྷུ་ཎཱཾ། ཀུ་རུ་ཀུ་རུ། ས་མ་ཏཱ། ཧཱ་རཱ་ཧཱ་རཱ། ཧཱུཾ་ཧཱུཾ། བཛྲ་ཨ་ཙ་ལ་སཝཱཧཱ། །ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། ཧ་ན་ཧ་ན། ཏ་ན་ཏ་ན། མཧཱ་བཛྲ་བ་ལོད་པ། །ཏ་ཏ་ཏ་ཏ། ན་མ་ན་མ། ཨ་ཏ་ཨ་ཏ། ས་ཏ་ས་ཏ། གུ་ཎཱ་གུ་ཎཱ། ཏ་ན་ཏ་ན།
340a
༄#། །མ་ན་མ་ན། ཛྭཱ་ལ་ཡ་ཛྭཱ་ལ་ཡ། བེ་ག་ཨ་ཙ་ལ་ཨ་ཙ་ལ། ཧཱུཾ་ཧཱུཾ། ཨ་ཏི་ཛྭཱ་ལ་ཡ་ན་མ་སཝཱཧཱ། །གསང་བའི་བདག་པོ་རྡོ་རྗེ་འཆང་གི་རྡོ་རྗེ་སོས་རང་གི་སྙིང་པོ་སྨྲས་པ། ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། རཀྟཱ་རཀྟཱ། སཀྟཱ་སཀྟཱ། མནྟ་མནྟ། བྷ་དྲཱ་བྷ་དྲཱ། མོ་ཊཱ་མོ་ཊཱ། ཏ་ཊ་ཏ་ཊ། ཧཱུཾ་ཧཱུཾ་བཛྲ་ཨ་ཏི་བ་ལ། ཛ་ཧ་ལེ་ཛ་ཧ་ལེ།་ཏིཏྟི་ཏིཏྟི། ཏི་ཙི་ཏི་ཙི། ཤ་ཏ་ཤ་ཏ། ཙ་ཙ་ཨཱ་ཛྙཱ་ཀ་ར་སཝཱཧཱ། །དྲི་མ་མེད་པའི་མདངས་ཀྱིས་རང་གི་སྙིང་པོ་སྨྲས་པ། ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། ཨཱརྱ་ཨ་མ་ལ། ས་ད་ཡ། སརྦཾ། ཏི་ཙི་ཏི་ཙི། མ་ཏི་མ་ཏི། གཱནྟེ་སཝཱཧཱ། ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། ཏ་ར་ཏི་ཏ་ར་ཏི། བ་ར་ཏི་བ་ར་ཏི། མཧཱ་བ་ར་ཏི། ས་མནྟ་ཛྭཱ་ལ་ཡ། བཛྲ་ཏཱ་ཧཱ་རི་ཧཱུཾ་ག་ར་ས་མ་ཡ་སཝཱཧཱ། །དམ་ཚིག་གཟི་བརྗིད་ཅེས་བྱ་བའོ། །ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། ཏྲི་ཤི་ཁཱི། བ་ར་དྷེ་བ་ར་དྷེ། ཤ་ར་ཤ་ར། ཤཱ་རེ་ཤཱ་རེ། བ་ར་བ་ར། ཏེ་ཛ་ཧཱུཾ་ཧཱུཾ། ཁ་ནཱི། སིདྡྷི་སཝཱཧཱ། །རྡོ་རྗེ་ཤུགས་ཀྱིའོ། །ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། ཨཊྚ་ཨཊྚ། ཙཎྜེ་ཙཎྜེ། བྷཱི་ཥ་ཎཱི་བྷཱི་ཥ་ཎཱི། ཏ་ཊ་ཏ་ཊ། བཛྲ་བེ་གེ་ནཱི་གིནྟཱ་ཤོ་དྷི་ནཱི་ཏྲཱཾ་ཏྲཱཾ། ཨཱ་ཀཪྵ་ཡ་སིདྡྷེ། ཏྲཱཾ་བི་ནི་བཛྲ་བཻ་རོ་ཙ། ། ན་ཐ་ཨ་ན་ཐ། བ་ལ་བ་ལ་ཧཱུཾ་ཧཱུཾ། ཡ་མ་ལི་ནི། ཨསྟ་ཀ་རོ་ཧི་སརྦ་ཐཱ་སཱ་དྷ་ནི་སཝཱཧཱ། །
340b
འཕགས་པ་རྡོ་རྗེའི་ལྕགས་ཀྱུའི་འོ། །ན་མཿ ་སརྦ་བུདྡྷ་བོ་དྷི་སཏྭཱ་ནཱཾ། ཏི་ཀྟྭེ་ཏི་ཀྟྭེ། མུཀྟྭེ་མུཀྟྭེ། །དེ་ཧི་བ་ར་རཾ། ཏོ་ཥ་ཡེ་ཏོ་ཥ་ཡེ། ཧ་ས་ཀ་རེ་ཏཾ་རེ་ཏཾ། ཏི་ལི་ཏི་ལི། ཏི་ནི་ཏི་ནི། མུ་ནི་མུ་ནི།་མཧཱ་ཀཱ་རུ་ཎཱཾ་མཾ་ཏྲ་ཡི་གེ་སཝཱཧཱ། རྡོ་རྗེ་མའི་འོ། །ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། ཏི་ཊྱ་ཏི་ཊྱ། ཏོ་ཏྲ་ཏོ་ཏྲ། མེ་ལ་མཱ་ལ། ཧཱ་ཧཱ་ལེ་ཁེ་མ་མ་ཙོ་རེ་ཧཱུཾ་ཧཱུཾ། བཛྲ་ཨཾ་གི་ཀེ་ཀྵི་ཏ་ཀེ་ཀ་རེ་སཝཱཧཱ། །རྡོ་རྗེ་གདན་གྱིའོ། །ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། ཨ་པཱི་ནཱི་ཨ་པཱི་ནཱི། ཨཱརྱ་མཱ་ལ་ནི། བེ་གེ་ཛྭཱ་ལཱ་ཡ་སཝཱཧཱ། །རྡོ་རྗེ་ནག་པོའི་འོ། །ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། མ་ག་ཏ་སྟྲི་ག་ཧི་ར་ཡ་སྱ་ཏ་སྱ་ཏ་གེ་ན་མོ་བུདྡྷ་མཧཱ་ཡོ་ག་བ་ལ་ཨ་གྲ་ཡ་བཛྲ་བི་ར་ཡ་ཏ་ཡི་ནི་ཏྲེ་དཱཾ། ཨ་མི་བི་ཏི་ཨ་མི་བི་ཏི། བ་ལ་བ་ཏི་བ་ལ་བ་ཏི། ཤོ་དྷ་ནེ་སཝཱཧཱ། རྡོ་རྗེ་དཔའ་བོའི་འོ། །རྟོག་པ་འདི་དག་ཐམས་ཅད་དུ་སྔ་མ་བཞིན་དུ་སྦྱར་བར་བྱའོ། །དེ་བཞིན་དུ་རས་རིས་ཀྱང་ཇི་ལྟར་རིགས་པར་བྲི་བར་བྱའོ། །འདི་དག་ནི་བསྒྲིབས་པ་མེད་པར་རབ་ཏུ་གྲུབ་པ། དོན་ཡོད་པར་གྲུབ་པ། རང་བཞིན་གྱིས་གྲུབ་པ། བཀླགས་པས་གྲུབ་པ། ཐོགས་པ་མེད་པར་རབ་ཏུ་གྲུབ་པའོ། །སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་པའོ། །འདོད་པའི་དོན་ཕུན་སུམ་ཚོགས་པར་བྱེད་པའོ། །སེམས་ཅན་ཐམས་ཅད་ཀྱི་དོན་བྱེད་པའོ། །མཐོང་
341a
༄#། །བའི་ཆོས་ལ་བདུད་རྩིའི་སྤྱོད་ཡུལ་དུ་འགྱུར་ཞིང་ཡོན་ཏན་གྱི་འབྱུང་གནས་རབ་ཏུ་ཐོབ་པར་འདོད་པས་འབད་པ་ཐམས་ཅད་ཀྱིས་བསྒྲུབ་པར་བྱའོ། །འདིས་མི་འགྲུབ་པ་གང་ཡང་མེད་དོ། །སྒྲུབ་པ་འདིས་བསྒྲུབས་པ་ལ་ཉམས་པ་མེད་དོ། །བར་ཆད་མི་འབྱུང་ངོ ། །ལོག་འདྲེན་མི་འབྱུང་ངོ ། །གནོད་པ་མི་འབྱུང་ངོ ། །ནད་མི་འབྱུང་ངོ ། །ཇི་ལྟར་འདོད་པས་ཇི་ལྟར་མོས་པ་བཞིན་དུ་དད་པར་བྱས་ནས་དེ་བཞིན་གཤེགས་པ་རྗེས་སུ་དྲན་བཞིན་དུ་ལས་རྣམས་བསྒྲུབ་པར་བྱའོ།། རྟོག་པ་འདིར་ཐེ་ཚོམ་མེད་པར་བྱ་སྟེ། །དམ་ཚིག་འདིས་འགྲུབ་པར་འགྱུར་རོ། །སྙིང་པོ་རབ་འབྱམས་ཀྱི་རིམ་པར་ཕྱེ་བའོ།། །།དེ་ནས་འདིར་གཏུམ་པོ་མཐར་བྱེད་ལ་སོགས་པ་ཕོ་ཉར་བྱེད་པ་ས་ཡ་བསམ་གྱིས་མི་ཁྱབ་པའི་གཙོ་བོ་བཅུའི་སྙིང་པོ་བཅུ་འབྱུང་བར་འགྱུར་རོ། །ན་མཿ ་ས་མནྟ་བཛྲཱ་ཎཱཾ། ཨ་ཏེ་བི་ཥ་ཡ། གྲྀ་ཧཎ་ཡ་ཙ་ཎྜ། ཨུཏྟ་ཙཚ་ཀ་མ་ཧཱ་གོ་རཱ་ཀ་རཱ། ཧཱུཾ་ཧཱུཾ་ཧཱུཾ། བཛྲ་ཀཱ་ར་ལ། ཛྭཱ་ལ་ཛྭཱ་ལ། ཧཾ་ཧཾ་ཧཱུཾ་ཧཱུཾ། ཕཊ་ཕཊ་སཝཱཧཱ། ན་མཿ ་ས་མནྟ་བཛྲཱ་ཎཱཾ། ཧཱུཾ་མཧཱ་བ་ལ་ཨ་བྲ་ཨ་ཙ་ལ། གྲྀ་ཧཎ་གྲིཧྞ། བནྡྷ་བནྡྷ། པཱ་ཏཱ་ཡ་པཱ་ཏཱ་ཡ། ཨཱ་བི་ཤ་ཨཱ་བི་ཤ། ཨ་མོ་གཧ་ཨ་པྲ་ཏི་ཧ་ཏ་བ་ར་བི་ཤཝ་མཱཾ་ཧཱུཾ་ཧཱུཾ། ཏ་བཱི་ཏ་བཱི་ར་ཨ་ཙ་ལ་སཝཱཧཱ། ན་མཿ ་ས་མནྟ་བཛྲཱ་ཎཱཾ། ཨ་ཙི་ཏ་ཨུད་ད་ར་གུ་
341b
ན་པརྞཱ་བ་ར་བ་ར། ཀ་ར་ཀ་ར། བྷ་ར་བྷ་ར། ཨ་ཏཱི་བཱ་ལཱ། ཁ་ཎ་ཁ་ཎ། ཁུནྟ་ཁུནྟ། ཏ་ནི་ཏ་ནི། མ་ཧཱ་ཛྭཱ་ལཱ་མནད་ཡ་ས་ཀ་སཝཱཧཱ། །ཤིན་ཏུ་སྟོབས་ཀྱི་རྡོ་རྗེའི་འོ། །ན་མཿ ་ས་མནྟ་བཛྲཱ་ཎཱཾ། ཏྲི་ཕ་ལི་ཨ་ཙ་ལཱི། ཨ་མ་ལཱི། ཀ་མ་ལཱི། མ་ཧཱ་མཧཱ། ས་ད་བ་ལ། ས་མི་ཏ། ག་བ་རཱ། ཏི་ཛཱ་ཏྲེ་དཾ། ཏཾ་བ་ཏཾ་བ། ཏྲེ་ཊ་ཏྲ་ཊ། ཨ་ཏི་བཛྲ་བི་ཥ་ཎ་ཧཱུཾ། སྥོ་ཊ་ཡ།་སཱ་དཧ་ཨཱ་ཛྙཱ་ཀ་ར་སཝཱཧཱ། །མཆོད་ཆེན་མཆོག་གིའོ། །ན་མཿ ་ས་མནྟ་བཛྲཱ་ཎཱཾ། ཏིཥྵ་ཏིཥྵ། མཧཱ་དུ་ཏ་ཨ་མོ་གཧ། ཨ་པྲ་ཏི་ཧ་ཏ། ཨ་ཙ་ལཱ་ཀུ་རུ་ཀཱ་མཾ། མཧཱ་ཏེ་ཛ་ཨ་གྲ་བ་ནཱ་ཏོ་ཨསྨི་བྷ་པོ་ཨུཏྟ་མ། ཏ་ཏྲེ་དཾ། ཏ་ཏ་ཏ་ཏ། མ་ཏ་མ་ཏ། ཨ་ཏི་ཨ་ཏི། བཛྲ་ས་ད་ཡས་ད་ཡ། སརྦཾ། བ་ར་བ་ར། ད་ན་མི་སཝཱཧཱ། །ཤིན་ཏུ་རྡོ་རྗེའི་འོ། །ན་མཿ ་ས་མནྟ་བཛྲཱ་ཎཱཾ། ཨ་ཏཱི་ཨ་ཏཱི་ཨཱ་ཏཱི། ཏེ་ཛོ་ཨ་ཏཱི། བཛྲ་ཀ་ར་ཀ་ར། བཛྲ་མ་ཏ་མ་ཏ། ཏཱི་བཱ་རཱ་ཏཱི་བཱ་རཱ་ཏཱི། མ་ཧཱ་མ་ལཱ། ཨ་གྲ་ཨ་ཙ་ལི་ཏ་ས་ལ་ལི་ཏ་ག་ཏི་སཾ། ཀུ་རུ་ཀུ་རུ་སརྦཾ། ས་མ་ཡ་ས་མ་ཡ། བ་ལ་ཨ་གྲ། ཏ་ཊ་ཏ་ཊ། ར་ཊ་ར་ཊ། བི་ར་ཛ་ན་མ་སྟེ་སྟ་སཝཱཧཱ། ན་མཿ ་ས་མནྟ་བཛྲ་ཎཱཾ། ཨེ་ཧི་མཧཱ་ཙཎྜ་ཨ་ཙ་ལ་བཛྲ། ཨ་ཏི་བི་ཥ་མ་བཛྲ། ཨ་ཏི་སྠེ་ར་བཛྲ། ཨ་ཏི་སུ་ར་བཛྲ། ཨ་ཙ་ལི་བི་ཏ་བཛྲ། མཱ་ལ་ཨ་ས་ཧ་ས་ཧ། མཧཱ་ཀྲོ་དྷ་ན་མ་ཧཱུཾ་ཧཱུཾ། ཧཱ་ཧཱ། ཧོ་ཧོ། ཨ་མོ་གྷ་ཨ་བྲ་ཏི་ཧ་ཏ། མཧཱ་ཕཊ་ཕཊ། བཛྲ་ཨཾ་གི་ཧཱུཾ་ཧཱུཾ་ཛྭཱ་ལ་སཝཱཧཱ། །གཏུམ་པོ་ཆེན་པོ།
342a
༄#། །མི་གཡོ་བ་ཁྲོ་བོ་མེ་དཔུང་གིའོ། །ན་མཿ ་ས་མནྟ་བཛྲཱ་ཎཱཾ། ཨ་ཡཱ་ཧཱི་མཧཱ་ཙཎྜ་ལ། ཀ་ར་ཀ་ར། བར་བར། ཏྲ་ཡ་ཏྲ་ཡ། ཏྲཾ་མཧཱ་བ་ལ་བཛྲ་ས་མ་ཡ་བཛྲ་ས་མ་ཡཾ། བྷཾ་དྷ་རུ་དྷ་ར། མཧཱ་བཛྲ་ཧ་ས་ཧ་ས། ཨ་ཏི་ཨ་ཏི། རོ་ཥ་ཎ་ཧཱུཾ་ཧཱུཾ་ཕཊ་ཕཊ་སཝཱ་ཧཱ། །རྡོ་རྗེ་དམ་ཚིག་གི་འོ། །ན་མཿ ་ས་མནྟ་བཛྲ་ཎཱཾ། ཨ་ར་ཏི་ཨ་ར་ཏི། ཧ་ས་ཏཱི་ཧ་ས་ཏཱི། ཙ་རཱ་ཏཱི་ཙ་རཱ་ཏཱི། ཀ་རཱ་ཏཱི་ཀ་རཱ་ཏཱི། ཏཱི་ཡ་ཏཱི་ཡ། ཏཱི་སི་ཡ་ཏཱི་སི་ཡ། ཏཱི་རཱ་ཡ་ཏཱི་རཱ་ཡ། ཏིཏྟཱ་ཡ་ཏིཏྟཱ་ཡ། ཨེ་ཧི་སུ་སིདྡྷི་མཧཱ་བཛྲ། ཨུད་ཏ། ཏིཥྵ་ས་མ་ཡ་ས་མ་ཡ། ཨཱ་སཱ་དྲཱི་སཝཱཧཱ།། རྡོ་རྗེ་ཆེན་པོ་མཐོང་བ་ཞེས་བྱ་བའི་ཕོ་ཉའོ། །སྨོན་ལམ་དྲི་མེད་རྒྱལ་སྲིད་ཀྱིས། །དཔའ་བོ་ཆེན་པོ་བྱིན་བརླབས་ནས། །སེམས་ཅན་ཁམས་རྣམས་རྣམ་སྦྱོང་བའི། །དཔའ་བོ་འདི་དག་དང་འདྲ་མེད། །དམ་པའི་ཆོས་དང་སྲས་བཅས་པའི། །སངས་རྒྱས་ཀུན་གྱི་ཅི་བགྱི་ལགས། །བཀའ་བཞིན་བྱེད་པྶ་གནས་པའི་ཕ། །འདི་དག་རྟག་ཏུ་དམ་པ་མཆོག་།འཇིག་རྟེན་གསུམ་པོ་གང་ན་ཡང ། །འདི་དག་དང་འདྲ་ཡོད་མ་ཡིན། །དུས་གསུམ་བདག་པོའི་སྟོབས་རྣམས་ཀྱིས། །མཐར་བྱེད་འདི་དག་སྟོབས་ཅན་བྱས། །སྔར་བསྟན་པའི་ཆོ་ག། ཐམས་ཅད་ཀྱིས་བསྒྲུབ་པ་འམ། ཡིད་ལ་གང་འདོད་པས་སམ། རྟོག་པ་གཞན་གྱི་ཆོ་གས་ཀྱང་བསྒྲུབ་པར་བྱ་སྟེ། དོན་གང་གི་ཆེད་དུ་
342b
བྱས་ནས་བཟླས་པ་བྱས་པ་དེ་ཡང་དག་པར་སྒྲུབ་པར་བྱའོ། །རིག་འཛིན་སྒྲུབ་པར་བྱེད་པའི་རྫས་རྣམས་ལ་དེ་བཞིན་བསྒྲུབས་ན། མ་བསམས་པར་ཡང་འདི་དག་ཐམས་ཅད་འབད་པ་ཆུང་དུས་འགྲུབ་པར་འགྱུར་རོ། །ལྷ་རྣམས་ཀྱང་བཅིངས་ནས་འགུགས་པར་བྱེད་དོ། །ཀླུ་ལ་སོགས་པ་ཡང་འགུགས་པར་བྱེད་དོ། །མདོར་ན་སངས་རྒྱས་དང ། བྱང་ཆུབ་སེམས་དཔའ་རྣམས་ཀྱང་འགུགས་པར་བྱེད། །རྟེན་པར་བྱེད་པའི་སའི་ཁམས་ཀྱང་གཡོ་བར་བྱེད་དོ། །སེམས་ཅན་གྱི་ཁམས་རྣམས་མཐའ་ཡས་ཤིང་རྒྱ་ཆེན་པོའི་མཚར་རྣམས་ཀྱང་ཡང་དག་པར་སྟོན་པར་བྱེད་དོ། །སྐྱེད་པར་བྱེད་དོ། །ཁྲོ་བོའི་འཁོར་ལོ་ཐམས་ཅད་ཀྱི་གདུག་པ་འདུལ་དཀའ་བ་རྣམས་འདུལ་བར་བྱེད། །གསོད་པར་ཡང་བྱེད་དོ། །ཀུན་ནས་ཉོན་མོངས་པ་ཅན་གྱི་འཇིག་རྟེན་གྱི་ཁམས་རྣམས་རྣམ་པར་སྦྱོང་བར་ཡང་བྱེད་དོ། །དེ་ནས་གསང་བའི་དཀྱིལ་འཁོར་འདིར་ཁྲོས་པ་མཆོག་ལ་སོགས་པ་ཁྲག་ཁྲིག་བསམ་གྱིས་མི་ཁྱབ་པ་ཕྲག་བཅུའི་ཕོ་ཉ་མོ་རྣམས་འབྱུང་བར་འགྱུར་རོ། །ཧེ་ཧི་མ་རོ་ཥ་ད་རི་ནི་ཌ་དྷ་རཱི་ཎི། ཏཱ་རི་ནཱི་ཏཱ་ར་ཎཱི། ས་ཏི་ས་ཏི། སུ་མེ་ཏྲེ། ཨ་ན་ནྟི་ན་མཾ་མཾ། ས་ད་ཡ་ས་ད་ཡཾ། ཨ་ཛི་ཏེ་ཏོ་ཥ་ཡ། ཏོ་ཥོ་ཡ། སུ་ག་ཏཾ། ཏཱ་ཡཱི་ཏཱ་ཡཱི། བཱི་རཾ་བཱ་ར། བཱི་ར་པ་ཏཱ་ཀེ་།ེ་ཧི་ས་མ་ཨ་དགེ་སཱ་མ་ས་ནཱི་ཧཱུཾ་ཧཱུཾ་ཧཱུཾ། །ཛཱ་ལ་ནཱ་མཱ་ཡཱ། ཨ་གྲེ་ཏྲེ་བི་ནཱི་སཝཱ་ཧཱ། ཁྲོ་བོ་ཆེན་པོའི་འོ།།
343a
༄#། །ན་མཿ ་ས་མནྟ་བཛྲཱ་ཎཱཾ། ཏྲ་ཏཱ་རིམ་ཏཱ་རི། བཛྲཱ་པ་ཏཱ་ཀེ་།བོ་དྷ་ཡ་ཏོ་ཥཱ་ཎཱཾ། བཛྲ་དྷ་ར་ཨ་གྲེ་ཏཏྟེ་ཏྟྟེ། མྟེཏ་མཏྟེ། མཧཱ་པྲ་ཙཎྜ། པེ་གེ་ཎཱི་སཝཱ་ཧཱ། རང་གཏུམ་ཆེན་མོ་ཞེས་བྱ་བའི་ཕོ་ཉ་མིའི་ཡིན་ནོ། །ན་མཿ ་ས་མནྟ་བཛའྲ་ཎཱཾ། ས་མ་ཏཾ། ས་མ་ཏཾ། ཏི་མི་ཏཾ། ཏི་མི་ཏཾ། མ་ཏི་ཏཾ། མ་ཏི་ཏཾ། མ་ནི་ཏཾ་མ་ནི་ཏཾ། ཁེ་ལ་ཁེ་ལ། སེངྡ་སེངྡེ། རྟེཏ་རཏྟེ། བིདྡེ་བིདྡེ་གུདྡེ་གུདྡེ། ཨ་གྲེ་བ་ར་དྷེ། མོ་སིདྡྷེ་མོ་སིདྡྷེ། ན་མོ་ཨ་མོ་གྷ་ཨ་པྲ་ཏི་ཧ་ཏེ་བྷྱཿ ་སཝཱཧཱ། །མཐའ་ཡས་རྡོ་རྗེ་ཞེས་པའི་ཕོ་ཉ་མོའི་འོ། །ན་མཿ ་ས་མནྟ་བཛྲ་ཎཱཾ། ཁེ་ལ་ནི་ཏི་ཡ། ཨ་བྷི་ཨ་བྷ་རོ་ཙ་ནེ་ཤཱ་ས་ཏེ་ཏོ་ཥ་ཏེ་ཏི་ཤི་ར་ཀཱ་ཏེ། ཏི་རི་སཝ་ཏི་སིདྡྷ་ཡ་ཧི་ཨ་ཛ་ལེ་ཨ་ཛ་ལེ་ཡཱ་སཾ། མ་ལི་ཨེ་ཏ་ཏྲེ། ཨེ་དམམ་ལ་ཏི་མ་ལ་བ་ཏི། ཀུ་སུ་མི་ཏི་ཀུ་སུ་མི་ཏི། ཏཱི་ཏཱི། ཏིཏྟ་ཡ་ཏིཏྟ་ཡ། ཏི་ཥྵ་ཏི་ཥྵ། མཱ་ལི་ཀི་སཝཱཧཱ། །ཕྲེང་བ་མ་ཞེས་བྱ་བའི་ཕོ་ཉ་མོའི། །ན་མཿ ་ས་མནྟ་བཛྲ་ཎཱཾ། ཨ་ཙ་ལཱ་ཙ་ཎྡེ། ཨ་གྲ་བནྡྷ་ནི། ཨ་མ་ལ་ཨ་ཙ་ལ་ཨ་གྲེ།་ས་ཏྱ་མ་གི་ནི། ཏྱ་མ་གི་ནི། སཾ་ཀ་རི་སཾ་ཀ་རི། དྷ་ཏེཏ་དཧ་ཏེཏ། ཨཏཻ་ཨཏྟེ། ར་ཏི་ར་ཏི། རྟེཏ་རྟེཏ། ཏ་ར་ཏ་ར། ཏ་ཏྟེ་ཏཏྟེ། ས་མཱ་ས་མཱ། སཏྟེ་སྟྟེ། ས་ཧེ་ས་ཧེ། སུ་ཁ་སུ་ཁ། ཨ་ས་ཧ་\?\་ཨུདྒ་ཏི་།དུ་རི་བི་དུ་རི་བི་དུ་རི། སཱ་དཧ་ཡ་སཱ་དཧ་ཡ། སིདྡྷི་ཛྭཱ་ལ་ཡ། ན་མ་སཝཱཧཱ། རྡོ་རྗེ་ཐམས་ཅད་པ་ཞེས་བྱའི་ཕོ་ཉ་མོའི། །ན་མཿ ་ས་མནྟ་བཛྲཱ་ནཱཾ། ཨ་ཏཱི་ས་
343b
ཡེ་ན་བྷོ་ཏི་ནཾ་ས་མ་ཏེ། ཏཾ་\?\་གི་ནཱི་ཀ་རུ་དེ་བཱི་ཨ་གྲེ་ཏེ་ཨ་གྲེ་ཏེ། མཱ་ཧི་ཏཾ་ཙི་ཡེ། ཏོ་ཥ་ཡ་ཧི་ནཱ་ཡ་ཀཱ་ན། ཏྲ་ཏྲ་ཨེ་དཾ། ཏ་ར་ཏི་ཏ་ར་ཏི། བར་ཏི་བ་ར་ཏི། མཧཱ་ཏི་མཧཱ་ཏི། ཧ་ར་ཏི་ཧ་ར་ཏི། མཧཱ་བི་ཥ་ཎ་ཛྭཱ་ལ་ནམ་སཝཱཧཱ། །ན་མཿ ་ས་མནྟ་བཛྲཱ་ཎཱཾ། སརྦ་ཏྲཱ་བ་ར་ཛི་ཏི། ཨེ་ཧི་མཧཱ་མ་ཧེ་ཨེ་ཧི། ཨ་མ་ལ་མ་ལེ། ཨེ་ཧི་ཏྲི་གུ་ཏེ་ཧ་ས་ཧ་ཏེ། ཨ་ཧ་ཏེ་ཧཱ་རཱ་ཏེ། ཏ་ར་ཏི་ཏྲཱི་སྠ། ཏཱི་སྠ། སརྦ་ཐཱ་ན་མོ་སྟུ་མཧཱ་ཀྲི་བེ་བྷྱཿ ་སའྭའྷཱ། ཤིན་ཏུ་རྡོ་རྗེ་དང ། རྡོ་རྗེ་མི་ཕམ་པའི་འོ། །ན་མཿ ་ས་མནྟ་བཛྲཱ་ཎཱཾ། ཨ་ཤོ་ཀ་ཏི། ཨ་མ་ལེ་བ་ལ་བ་ཏི། ཨ་བ་ལེ་ས་མ་ས་མ། ས་མ་ཡི་ཨ་ཏི་བ་ལ་བི་ཤ་ཡཱ། ཏ་ན་ཏ་ན། བ་ར་ཏཾ། ཀི་རི། ཀུ་རུ་ཀུ་རུ། ས་མི་ཏཱཾ། ས་མི་ཏཱཾ། སཾ་སྟི་ཏེ། ཛྭཱ་ལ་ཡ་སཝ་ཀ་སཝཱཧཱ། ཡང་དག་པར་རབ་ཏུ་གནས་པ་ཞེས་བྱ་བའི་ཕོ་ཉ་མོའི། །ན་མཿ ་ས་མནྟ་བཛཱ་ཎཱཾ། ཨ་ཏཱི་ཨུད་སེད་སྟྱཾ། ཀུ་ཤི་ཨཱ་ནཱ་ཡ། ཨ་ནཱ་ཡ། ཨ་ས་མ་བ་ཏཱ་ཀེ་ཧ་རི་ཎཱ། ཤིའི་གྷཾ། ཨ་མི་ཏཱ་མ་ཧཱ་བ་ལ་བེ་གེ། ཏཱ་ཡི་ཏཱ་ཡི། དྷ་ཡི་དྷ་ཡི། ཏཱི་སཱི་ཏཱི་སཱི། ས་མེ་ཡེ་ས་མི་ཡ། ཧཱུཾ་ཧཱུཾ་ཧཱུཾ། བི་ར་པ་ཏཱ་ཀེ་ཨ་ཀཪྵ་ཡ་སཝཱཧཱ། །མཉམ་པ་མེད་པའི་གདན་གྱི་ཡིན་ནོ། །ན་མཿ ་ས་མནྟ་བཛྲཱ་ནཱཾ། ཨ་ཏཱི་ཨ་ཏཱི། ཙཎྜ་ཤཱི་གྷཾ། མ་ཀྲི་ཥ་བནྡྷ་ཡ། ཏ་ཊི་ཏ་ཊི། སཱ་དྷ་ཡ། སཱ་དྷ་ཡ། ཏཱ་ལཱི་ཏི། ཏཱ་ལཱི་ཏི། ལེ་ཏེ་ལེ་ཏེ་ལེ། ཏོ་ཥ་ཡ་ཏྲི་པ་ལ་ཨཾ་གྲི་ཛྭཱ་ལ་ཛྭཱ་ལ་ཡ། ཨ་ཙ་ལེ་སཝཱཧཱ། །སྟོབས་གསུམ་གྱི་ཡན་ལག་ཅེས་བྱ་བའི་ཕོ་ཉ་
344a
༄#། །མོའི་འོ། །ན་མཿ ་ས་མནྟ་བཛྲཱ་ཎཱཾ། ཏྲཱི་རཱུ་ཙི་ཏྲཱི་རཱུ་ཙི། ད་ཡེ་ད་ཡེ། ཏྲི་དྷ་ཡེ་ཏྲི་དྷ་ཡེ། སརྦ་ཏི་སརྦ་ཏི། སརྦ་ཏ་སརྦ་ཏ། གུ་ནི་གུ་ནི། ཏྲི་ས་མ་ཡེ་ཏྲི་ས་མ་ཡེ།་ཏྲི་ཁེ་ཏྲི་ཁེ། མཱཾ་གེ་མཱཾ་གེ། ཁད་ཏཱི་ཤི་ཁེ་ཁད་ཏཱི་ཤི་ཁེ། ས་མནྟ་ཏཱི་ས་མནྟ་ཏཱི། ཨེ་ཧྱེ་ཧཱི་བ་ལ་བ་ཏི། ཏཱི་ད་རེ་ཏཱིད་ཏཱི་རེ། ཏྲཱི་ཤེ་ཁེ་ཏྲཱི་ཤེ་ཁ། བཛྲ་མཎྜ་ནེ་ཨ་ཙེ་ལི་ཀ།་ན་མོ་སྟཱ་ཨ་མོ་གྷཱ་ནཱ་མ་མཧཱ་ས་མ་ཡ། ་ཛྭཱ་ལ་ཡཱ་པྲ་ཏི་ཧ་ཏ་ཨ་གྲཱ་ས་ནེ་སཝཱཧཱ། །རྡོ་རྗེ་ཡན་ལག་ཅེས་བྱ་བའི་ཕོ་ཉ་མོའི། །མཐའ་ཡས་རྟོག་པ་འདི་དག་ཀུན། ། སངས་རྒྱས་སྤྱོད་ཡུལ་མཉམ་ཉིད་ལས། །བསྒྲེབས་མེད་དཔའ་བོས་ཐམས་ཅད་དུ། །མ་ལུས་པ་རྣམས་བྱིན་གྱིས་བརླབས། །དམ་པའི་ཆོས་ཀྱི་སྲས་བཅས་པ། ། དུས་གསུམ་སངས་རྒྱས་ཕོ་ཉ་མོ། །གཡོ་བ་མེད་པའི་སྨོན་ལམ་རྣམས། །བསྒྲུབ་པར་བྱ་བའི་དོན་དུ་གནས། །བརྩེ་ཆེན་རྣམས་ཀྱི་སྦྱིན་པ་འདི། །བདག་ཉིད་ཆེ་བའི་ཡོན་ཏན་གྱི། །བསྟན་པའི་སྙིང་པོར་གྱུར་པ་འདི། །མཁས་པས་གསང་བའང་འདི་ལས་མེད། །སྔོན་གྱི་མཐའ་འདི་གཤེགས་པ་ཡི། །དེ་བཞིན་གཤེགས་པའང་འདིས་ཐོབ་སྟེ། །བར་མཚམས་མེད་པའི་ལྗོན་པའི་ཤིང ། །འདི་ཡིས་རྒྱས་པར་བྱས་པ་ཡིས། །བདེ་གཤེགས་རྣམས་ཀྱིས་སངས་རྒྱས་གཟུགས། །མི་ཁོམ་བརྒྱད་པོ་རྣམས་སྦྱོང་
344b
བ། །སེམས་ཅན་རྣམས་ལ་ཕན་དོན་དུ། །གཅིག་ཉིད་མང་པོ་བྱེད་ཚུལ་ཕྱིར། །ཕོ་ཉ་མོ་འདི་དག་བསྒྲུབ་བྱ། །སེམས་ཅན་ཀུན་གྱི་དོན་གྱི་ཕྱིར། །སངས་རྒྱས་མ་ལུས་ཀུན་དམིགས་ན། །བྱ་བའི་བདག་ཉིད་ཅན་གྱིས་འགྲུབ། །ཕོ་ཉ་མོ་རབ་འབྱམས་ཀྱི་རིམ་པར་ཕྱེ་བའོ།། །།དེ་ནས་དཀྱིལ་འཁོར་བཀའ་ཉན་བསམ་གྱིས་མི་ཁྱབ་པར་འབྱུང་བར་འགྱུར་ཏེ། །ན་མ་ཤཙྞྜ་ཨནྟ་ཀཱ་ནཱཾ། ས་མ་ས་མ་མཱ་ཧཱི་ཏ། ཨ་ཙ་ལ་མཧཱ་བ་རཱ་ཙེ་ཊྚ་ཀ་གཱ་ཏ་ཡ་བི་ར་སྤ་ཏ། སུ་ར་མཱ་ར་ཡ་མཱ་ར་ཡ། ར་ཎ་ཧཱུཾ་ཧཱུཾ། མཱ་ཊཱ་མཱ་ཊ། ཕཊ་ཕཊ། མི་གཡོ་བ་ཤུགས་ཀྱིའོ། །ན་མཿ ་ས་མནྟ་བཛྲཱ་ཎཱཾ། ཀ་ཎ་ཀ་ཎ། ཁ་ཎ་ཁ་ཎ། མ་ན་མ་ན། ཤུ་རུ་ཏཱི་ཤུ་ར་ཏཱི། ར་མཱ་ཎཱ། ཀྲྀ་ཥྞ་ཀ་རཱ་ལ། མཧཱ་བ་ར་གྲྦྷ། ཙཎྜ་སུ་བྷཱ་ཥི་ཎ་ཁ་ཧི་སུ་རོ་ཤཱ། ཀ་ཏཱ་ཀ་ཏཱ། མཱ་ཏཱ་མཱ་ཏཱ། ར་ཏཱ་ར་ཏཱ། སཝཱ་རཱ་ན་ཏྲ་ས་ཀ་ར་ཧཱུཾ་ཧཱུཾ་ཀ་ར་ཧཱུཾ་ཀ་ར་ཧཱུཾ་ཀ་ར། མཾ་ཏེ་མཾ་ཏེ་ཧཱུཾ་ཕཊ། སྟོབས་ཆེན་ཤུགས་ཀྱིའོ། །ན་མཿ ་ས་མནྟ་བཛྲ་ཎཱཾ། ཏྲཱི་ཤི་ར་ཏྲཱི་ཛ་ཏ། ཏྲི་ཤི་ཁ།་ཏྲི་ནཱ་ཡ་ན་ཨུཏྨ་ཊ་ཏ། ཨུདྷི་ཧཱ་ཁ་ཧི་ཨ་ཙ་ལ། ཁ་ར་ཁ་ར། ཁཾ་ཁ་ར་ཁཾ་ཁ་ར། ཙཎྜ་མཧཱ་མཧཱ། བྷཱི་ཥ་ན། ས་ར་མ་ཧཱ། བ་ར་ད་ཡ་ཀ་ཧེ་ཧེ་ཙེ་ཌ། ཤྲི་ཎོ་ཧི་མ་མཱ་ཨ་ན་ལ་བི་ཤི་ཏྲཾ་སཝཱཧཱ། །བཀའ་ཉན་མེ་དཔུང་གིའོ། །ན་མཿ ་ས་མནྟ་བཛྲཱ་ཎཱཾ། ཨ་གྲ་བ་ལ་ཨ་ཙ་ལ། ཨེ་ཧི་ཨེ་ཧི། ཏི་ཏི་ས་མཱ་ས་མཱ། རཾ་ག་རཾ་ག། ཏ་ཊ་ཏ་ཊ། ཏ་མཱ་ཏ་མཱ། ཏི་སི་ཡ་ཏི་སི་
345a
༄#། །ཡ།་སི་མི་ཡ་སི་མི་ཡ། ཁེ་ལ་ནཱ་ཁེ་ལ་ནཱ། ཨ་ཙ་ལེ་སཝཱཧཱ། ཁ་དོག་ཅན་ནོ། །ན་མཿ ་ས་མནྟ་བཛྲཱ་ཎཱ། ཨ་ཏི་ཨ་ཏི། ཏྲཱི་བཧཱ་ཧ་ར་ཏྲཱི་བྷྲཱ་ཧ་ར། ཨ་ཏི་ཨ་ཏི། ཤཱུ་ར་བ་ཤཱུ་ར་བ། ཨ་ཏི་ཨ་ཏི། བི་ར་ཀུ་རུ་ཀུ་ར། ཤཱནྟ་ཏི་ཏི་ཤཱནྟ་ཏི། བི་ཥ་མ་ཨ་ཙ་ལ་བཱ་རཱ་ཙ་ཊཱ་མཧཱ་ཏེ་ཛ་ཀ་རོ་ཧི་མེ་ཨ་ཐཱ་ར་སཝཱཧཱ། གདུག་པ་མི་གཡོ་བའོ། །ན་མཿ ་ས་མནྟ་བཛྲཱ་ཎཱཾ། ཨོཾ་ཛ་ན་གི་རི་སྱཱ་མ། ཨེ་ཧི་མཧཱ་ས་མ་ཡེ་ག་ཏི་ག་ཏི། ར་ཏི་ར་ཏི། ཨ་ས་ཧཱ་ཨ་ས་ཧཱ། ཨ་ཙ་ལ་ཨ་ཙ་ལ། ཧཱུཾ་ཀ་ར། ཨ་ཐ་ར་ས་མ་ཨུན་ན་ཏ་སཝཱ་ཧཱ། །དམ་ཚིག་ཅན་ཞེས་བྱ་བའི་བཀའ་ཉན་ནོ། །ན་མཿ ་ས་མནྟ་བཛྲཱ་ཎཱཾ། སུ་བྷྲ་ཊ་བྷྲ་ཊ། ཏ་ར་ཏ་ར། བ་ར་བ་ར། ཛ་ཡ་ཛ་ཡ། ཨ་ཛི་ཏ་ཀ་ར་ཀ་ར། མ་ཏི་ཏ་ས་མཱ་ས་མཱ། གུ་ཎི་ཏ། དུ་ན་དུ་ན། དུ་ར་དུ་ར། ཨ་ཙ་ལ། ཏ་ཊ་ཏ་ཏ།་ཏི་ཊཱ་ཏི་ཊཱ། ཙ་ཊཱ་ཙ་ཊཱ། ཧཱུཾ། ཀུ་རུ་ཀུ་རུ་།སརྦཾ་ཏྲི་ས་མ་ཡ་སྭའྷཱ། མི་ཕམ་པའི་སྟོབས་ཞེས་བྱ་བའི་བཀའ་ཉན་ནོ། །ན་མཿ ་ས་མནྟ་བཛྲཱ་ཎཱཾ། གྲྦྷི་ཏཱ་གརྦྷི་ཏཱ། ཏྲི་ལོ་ཙ་ན་ཏྲི་ལོ་ཙ་ན། མཧཱ་མ་ཏཱི་པྲ་ཙཎྜ་ཤཱུ་ར་མཧཱ་ཏེ་ཛ་མཧཱ་བ་ལ་ཨད་མོ་ཏྲ་ཡ་ཏྲ་ཡ། ཨ་མི་ཏ། ས་མ་ས་མ། མི་ཧཱི་ཏཱ། ཀུ་རུ་ཀུ་རུ། སརྦཾ་ཏི་ཛ་ཏི་ཛ། ས་མ་ཏཾ་ས་མ་ཏཾ། ཧེ་ཧེ་ཀ་རཾ་ཀ་རཾ། ཧོ་ཧོ། ཏ་ར་ཏ་ར། མ་མ་སཾ་རཾ་སཾ་རཾ། ཨ་ས་མ་ལ། ཨུད་ད་ག་ཏ། མཧཱ་ཏྲོ་ཤོ་ཎ། ཛྭཱ་ལ་ཨཱ། སཱ་དྷ་མ་ཧཱུཾ། ན་མཿ ་སརྦ་ཏ་ཐཱ་ག་ཏེ་བྷྱཿ ་ཨ་ནནྟ་མ་དྷྱ་དྷ་རྨེ་བྷྱཿ ་སཝཱ་ཧཱ། སྟོབས་མཉམ་
345b
པ་མེད་པས་མཐོང་བ་ཞེས་བྱ་བའི་བཀའ་ཉན་ནོ། ན་མཿ ་ས་མནྟ་བཛྲཱ་ཎཱཾ། ཏྲཱ་སརྦ་ཏྲ་ག་སུ་ཙེ་ཏ་མཧཱ་བ་ལ། བི་ཤོ་ན། ཨ་ཏི་ཨ་ཏི། ཨུ་གྲ་ཨ་ཏི་ཨ་ཏི། ཨུ་གྲ་ས་མ་ས་མ་ས་མ་ཡ།་དྷ་ར་དྷ་ར། ཀ་ར་ཀ་ར། བ་ར་དྷ། ཀུ་རུ་ཀུ་རུ། ཕེཾ་ག་ལ་ན་ཡ་ན་ཡ། ཏཾ་བྷི་ཨ། དྷུ་ན་དྷུ་ན། ཏ་ར་ཨདྷ་ཡཱ་ཧཱུཾ། མཏྟཾ་མཏྟཾ། གཱ་མི་ན་སཝཱཧཱ། །མ་\?\་ངག་མྱོས་འགྲོ་ཞེས་བྱ་བའོ། ། ན་མཿ ་ས་མནྟ་བཛྲཱ་ཎཱཾ། ཏ་ཏ་ཏ་ཏ། ས་ཏ་ས་ཏ། སུ་རུ་བྷི་ན་སུ་ར་བྷི་ན། ན་ཊ་ན་ཊ། ཏཾ་གི་ཡ་ཏཾ་གི་ཡ། མཧཱ་བ་ལཱ། ཛ་ཛ་ཨ་གྲ། མཧཱ་ཛེ་ན་ལ་ཧཱུཾ། བི་ན་ཛ་པ་ཡ། ས་ར་ས་ར། དྷ་ར་དྷ་ར།་ཏ་ར་ཏ་ར། ཧ་རེ་ཧ་ར། ཏི་ཨུ་ཏི་ཨུ། ས་ར་དྷ་ཡན་མ་ཨ་ནནྟ་བཛྲཱ་ཨ་ཙ་ལ་སཝཱཧཱ། །མཐའ་ཡས་རྡོ་རྗེ་མི་གཡོ་བ་ཞེས་བྱའོ། །ན་མཿ ་ས་མནྟ་བཛྲཱ་ཎཱཾ། ཨ་ཏི་ཤ་ཡ་ཨ་གྲ་མཧཱ་གྷུ། རྞཱཾ། པཎྚི་ཏ་ཕྲ་བ་ར་ཙོ་ཏ་ས་མཧཱ་ཨ་ཙ་ལཱ། ཨ་ཏི་ཨ་ས་ཀཥ་ཏྲི་ཡད་ཏྭཱ་ཛ་ཀ་ཛི་ན་ཏེ་ས་མ་བྷ་བནྟི། སུ་དྷ་ར། ཙེ་ཏ་ཀ་ཡ་ན་མ་སཝཱཧཱ། །མཐར་བྱེད་ཅེས་བྱ་བའི་བཀའ་ཉན་ནོ།། ན་མཿ ་ས་མནྟ་བཛྲཱ་ཎཱཾ། ཨ་ཏི་ཀུ་ནཱཾ་སྨ་ཧྷ་མཱཾ་ཏི་མོ་ལཾ། ཀེ་ས་མ་ཡ། ཙི་ཏི་བ་ར་ཨུ་དྷ་ཏེ། མཱ་ལཱི་ཌ་ཏེ་ཨ་ཙ་ལི། ཏ་མ་ལེ་དེ་ཧི་བ་རི་བ་རེ་ཏྲི་བ་ལེ་ཀ་ན་ཏི། ས་མ་ནཱ་ཡ་ཎཽ་ཛྭ་ལེ། མཐའ་ཡས་བའི་འོ། །ན་མཿ ་ས་མནྟ་བཛྲཱ་ཎཱཾ། ཨ་ནནྟ་ཏྲི་ས་མ་ཡ། ཨ་གྲོ་ཏ་ར་ཏེ་ཨ་ཙ་ལ་ཙེ་ཏཱི། ཨ་མ་ལཱ། ཏེ་ཛེ་ནྟེ་ཛེ། ཧ་ས་ཧ་ས། ཏི་ཤི་ཏི་ཤི། ཧེ་ཧེ། ཨ་ན་ཡཱ་བཛྲ་མ་ཧཱ་བ་ལ་
346a
༄#། །བེ་ག་།ཏྲཾ་པི་ནི་ཏྲཾ་རཱུ་ཙེ་ནེ། ཏྲི་རཱུ་ཙེ་ནི། གྷོ་རེ་གྷོ་རེ། གྷཱ་ཏ་ཡ་གྷཱ་ཏ་ཡ། ཏྲ་ཀི་ཏྲ་ཀི། བཛྲ་བཛྲ། བ་ར་ཨདྷ་ག་།ཀ་ར་ཀ་ར། ཨ་གྲ་གུ་ཎེ། ས་མ་ཡ་ས་མ་ཡ། ཏྲ་ཡི་ཎཱཾ་ཏྲ་ཡི་ཎཱཾ། ས་མི་རྞཾ་ས་མི་རྞཾ། ཏྲ་ཏ་ཏྲཱི་མེ་ཏྲཾ་མེ་ཏྲཱཾ་མ་ཏྲཱི། ཨ་ས་ཧཱ་ཡི་གེ། ཧཱུཾ་ཧཱུཾ་ཧཱུཾ། སརྦ་ཏྲ་བི་ཀྲནྟ་པ་ལི་ནི་སྥུ་ཊ་ཡ། ཧཱུཾ་ཧཱུཾ་ཧཱུཾ། ན་མཿ ་སརྦ་ཏྲ་ཨ་པྲ་ཏི་ཧ་ཏཾ་ཤཱ་ས་ནེ་བྷྱཿ ་མ་ཧཱ་བ་ལ་བྷྱཿ ་སཝཱཧཱ། །རྡོ་རྗེ་ཡན་ལག་ཅེས་བྱ་བའི་བཀའ་ཉན་མོའི་འོ། །ན་མཿ ་ས་མནྟ་བཛྲཱ་ཎཱཾ། ཏྲི་པ་ཏཱཾ་གེ་ཧཱུཾ་བཛྲ་མྷཱ་ཨ་མྲྀ་ཏ་ཏཾ་ཛ་ཧཱུཾ། ཨ་ཙ་ལ་ནི་ཧཱུཾ། ཏི་ཊི་མཧཱ་ཨཏིམ། ཏྲི་བ་ཏྲི་བ། ཏྲིཾ་ག་ཏྲིཾ་ག་། ཙི་ཏེ་ས་མ་ར་ཏི། ཤ་ས་ནི་མོ་དྷེ་མོ་དྷེ། བ་ར་དེ་བ་ར་དེ། ཨ་མ་ལི་ནི། ཀཱ་རཱུ་ཎེ་སརྦ་མཧཱ་བ་དཱ་ཏི་བུ་སྲི་ཎུ་སྲི་ཎུ། དྷ་ར་དྷ་ར། དྷ་ནི་གུ་ནི་གུ་ནི། ན་མཿ ་སརྦ་ཏྲ་ཨ་པྲ་ཏི་ཧ་ཏ་ཤཱ་ས་ནེ་བྷྱོ་མཧཱ་བེ་བྷྱོ་སཝཱ་ཧཱ། །དར་དཔྱངས་པ་ཞེས་བྱ་བའི་བཀའ་ཉན་མོའི་འོ། །ན་མཿ ་ས་མན་བཛཱ་ཎཱཾ། ཨ་གྲ་གྲ་བེ་ཤཱ་ཡ། སརྦ་ཨ་མོ་གྷ་སཱ་དྷ་ནི་སིདྡྷི་ནི་ཛྭཱ་ལ་ཡ། ཨ་བ་མཱ་ལ་བཱི་རེ། ཨ་ཙ་ལེ་སུ་དྷ་རང་ཡཱི་གེ་།ཏི་ཏ་ཏ་ཀེ་ཧནྟ་རི་ཀེ་།སནྡྷ་ནི་ཨ་ས་མཾ་གུ་ཎེ་ཏ་ད་ཏི་ཀེ་།སཱ་དྷུ་སཱ་དྷཱུ། མཧཱ་བ་ལེ་བེ་གེ་། ཏི་ཨ་ཏི། ས་མ་ས་མ། ཏེ་ཛ་ན་མ་སརྦ་ཏྲ་སིདྡྷི་བྷྱཿ ་སཝཱཧཱ། །གྲུབ་པ་མོ་ཞེས་བྱ་བའི་བཀའ་ཉན་མོའི་འོ། །ན་མཿ ་ས་མནྟ་བཛཱ་ཎཱཾ། ཨ་ཙེ་ལ་ཙེ་ཏི་ཀེ་ཧཱུཾ་ཨ་ན་ཡ་ཏཾ། ཡདྨེ་ཧྲི་དྷི་ཎཱི་ཤི་ཏཾ། དྷ་བ་དྷ་བ།
346b
་ས་ལ་ཡི་གེ་ཙཎྜེ་སརྦ་ཏྭཱཾ། སརྦ་ཨ་པྲ་ཏི་ཧ་ཏ་ཤཱ་ས་ནི་ཧཱུཾ་མཧཱ་ཏཱི་བྲེ་སཝཱ་ཧཱ། །ན་མཿ ་ས་མནྟ་བཛྭཱ་ཎཱཾ། ཨ་ནནྟ་ཀེ་ཨ་ཙ་ལ་ཀ་ནི་རོ་ཥ་ཎི་ཧཱུཾ་ཧཱུཾ་བནྡྷ་ཨ་ན་ཡ། ཤཱ་ས་ཡེ། ཤཱ་ས་ནེ། མ་ཧཱ་ཨ་གྲེ་ཙེ་ཊ། ཀ་ཊཱ་ཀ་ཊཱ། མ་ཏཱ་མ་ཏཱ། བྷཉྫ་བྷཉྫ། ཨ་མ་ལེ་ཀེ་སྤོ་ཊཱ་ཡ་སཝཱ་ཧཱ། །ཤུགས་ཤིན་ཏུ་མཐའ་ཡས་བ་ཞེས་བྱ་བའི་བཀའ་ཉན་མོའི་འོ། ན་མཿ ་ས་ན་ནྟ། བཛྲ་ཎཱཾ། ཨ་ལོ་ཀེ་ཏྲི་ཤི།་ས་ཏྭ་ཧི་ཏ་སྠ་པཱི་ཏཱ་སི་ས་སཱ་དྷ་ཨ་ཙ་ལ་ཨ་མ་ལཱ། ཤ་གུ་ཎཱཾ། ཨ་གྲ་བཱི་རི་བཛྲ་མཧཱ་མཧཱ་མ་ཡི་སརྦི་ཡེ་སརྦི་ཡེ། སནྟི་ཡེ་སནྟི་ཡེ། ཏནྟི་ཡ་ཏྣྟི་ཡེ། དུ་དྷི་ཡེ་དུ་དྷི་ཡེ། ཡོ་དྷི་ནི་ཡེ་ཡོ་དྷི་ཏི་ཡེ། ཛ་ཏི་ཨ་ས་མནྟི་ཡེ་སཝཱཧཱ། །དེད་དཔོན་མ་ཞེས་བྱ་བའི་བཀའ་ཉན་མོའི་འོ། །ན་མཿ ་ས་མནྟ་བཛྲཱ་ཎཱཾ། སརྦ་བུདྡྷ་བོ་དྷ་སི་ཏྭཱ་ནཱཾ། ཨ་རྱ་ཨཾ་གི་ནི། མཧཱ་བཛྲ་ཨོ་ལཱི་ཨ་མ་ལཱི་ནི། ཀ་རུ་ཎ་ས་མ་ཡེ་ག་གཎེ། ཨ་ས་མེ། བ་ར་དྷེ་བི་ར་ཛེ་ས་གུ་ཎེ། ཨེ་ཛྙཱ་ག་རི། མཧཱ་མ་དྷ་མ་དྡྷི་ཀི་ཛྭཱ་ལ་ཛྭཱ་ལ་ཡ། ཏི་དྷི་ཏི་དྷི། ཙེ་ཏི་ཙེ་ཏི་ཀེ། ཀུ་རུ་ཀུ་རུ། སརྦ་མ་ཧཱ་མཧཱ། མ་ད་ཡནྟི་ཀེ་སཝཱཧཱ། །མྱོས་འགྲོ་མ་ཞེས་པའི་བཀའ་ཉན་མོའི་འོ། །ན་མཿ ་ས་མནྟ་བཛྲ་ཎཱཾ། ཨ་རཱ་མི་ཏི་ཤ་རཱ་མི་ཏི། ཤོ་བཱ་ཏི་ཤོ་བཱ་ཏི། ཀཥ་བཧ་ཏི་ཀཥ་བྷ་ཏི། ཙ་ཏི་མཧཱ་ཤྲི། ཨ་ཙ་ཏི། ཨ་ར་ཙ་ཏི། ནིད་ཡ་ཏི་ནྲེད་ཡ་དྷི། ཁེ་ལ་ཏི་ཁེ་ལ་ཏི། གུ་ཡY་གུ་ཡY། གྲི་ཧ་ཏ་རཱི། མ་ཏ་རི་མ་ཏ་རི་མ་ཏ་རི། ས་ཏ་རི་ས་ཏ་རི། མཎྜ་རི་མཎྜ་རི། ས་མ་ཏི་ཨ་ཙ་ལི་ནི། བཛྲ་ཨ་མ་
347a
༄#། །ལི་ནི། ཤནྟ་ཏི་ཨ་ས་ཧ་མཧཱ་བཱ་རཱ་ས་མ་ཡ། ཨ་མཧཱ་བ་ཙིཚྣྡ་ནི་ཨ་བ་ར་དཱ་ད་ཏུ། ན་མཿ ་སརྦ་བུདྡྷ་བོ་དྷི་ས་ཏྭེ་བྷྱཿ ་སཝཱཧཱ། །འཕགས་པ་བསམ་གྱིས་མི་ཁྱབ་པའི་དཔའ་བོ་ཞེས་བྱ་བའི་བཀའ་ཉན་མོའོ། །ན་མཿ ་ས་མནྟ་བཛྲཱ་ཎཱཾ། ཨ་ཏི་བ་ལ། ཨ་ཙ་ལེ་སཱ་དྷ་ཡ་ཏཱི་ཏི་རེ་སཝ་མ་ཡཾ་སཝཱཧཱ། །དཀར་མོ་ཆོས་ཅན་ཞེས་བྱ་བ་སྟེ། འདི་ནི་བཀའ་ཉན་རྣམས་ཀྱི་མཆོག་གོ་།ན་མཿ ་ས་མནྟ་བཛྲཱ་ཎཱཾ། ཏྲི་དྷ་ནི་ཏྲི་དྷ་ནི། ཏྲི་ཛཱ་ཊོ་ཏྲི་ཛཱ་ཊོ། །ཏ་མཱ་ཡེ་ཏ་མཱ་ཡེ། ཏཾ་སུ་ནི་ཏཾ་སུ་ནི། མཱ་ཏཱི་མཱ་ཏཱི། ས་མ་ཡཾ་ཏྲི་ཧཱུཾ་ཛཱ་ལ་ནེ་སཝཱཧཱ། རལ་པ་གསུམ་པ་ཞེས་བྱ་བའི་བཀའ་ཉན་མོའི་འོ། །ན་མཿ ་ས་མནྟ་བཛྲཱ་ཎཱཾ། ཨ་ཙ་ལ་ཀཱ་ཎ་ནཊྚ་ནཊྚ། མོཊྚ་མོཊྚ། ཤཊྚ་ཤཊྚ། ཏ་ཊྚ་ཏ་ཊྚ། ཏིཥྵ་ཏིཥྵ། ཨཱ་བི་ཤཱ་ཨཱ་བི་ཤཱ། ཨ་མཧཱ་མནྟ་བ་ཀཱ་དུ་ཎཱ་དུ་ཎཱ། ཏི་ཎི་ཏི་ཎི། ཁཱ་ད་ཁཱ་ད། བྷ་གི་ཨ་ནན། མཱ་ར་མཱ་ར། ན་སྠ་ན་རཀྵ་རཀྵ། སརྦ་ན་ཀུ་རུ་ཀུ་རུ། ཀི་རི་ཀི་རི། མཧཱ་བི་ཥ་མ་བཛྲ་སྥོཊ་ཡ། ཧཱུཾ་ཧཱུཾ་ཧཱུཾ། ཏྲི་བ་ལ་ཏཱི་རཱ་པ་གཱ་ན་ར་ཏཱ་ཀ་ཧཾ་ཧཾ་ཧཾ། ཨ་ཙ་ལ་ཙོ་ཊ་ཕཊ་ཡ་ཧཱུཾ། ཨ་ས་མཱ་ནཏ་ཀ་།ཏྲ་ཊ་མ་ཏ་བ་ལ་ཤཝ་ཏ་ཡ་ས་མ་ན་ཡ་ཏཾ། མཾ་ཧཱ་ཏུ་ཛི་ན་མོ་སྟུ་ཨ་པྲ་ཏི་ཧ་ཏཱ་བ་ལེ་བྷྱཿ ་།ཛྭ་ཡ་ཏྲ་ཊ།་ཨ་ས་ཧཱ་ན་མཿ ་སཝཱཧཱ། །མི་གཡོ་བ་ལོང་བ་ཞེས་བྱ་བའི་བཀའ་ཉན་མ་གདུག་པ་ཐམས་ཅད་གསོད་པ་སྟེ། སྒྲུབ་པ་པོས་ངེས་པར་དྲན་པར་བྱ་བ་ནི་བགེགས་ཐམས་ཅད་
347b
གཞོམ་པར་བྱ་བའི་སྙིང་པོ་དོན་ཡོད་པ་འདི་ཡིན་ནོ། །ན་མཿ ་སརྦ་མ་མནྟ་བཛྲཱ་ཎཱཾ། ཏ་ཊ་ཨ་མོ་གྷ་ཙཎྜ་མཧཱ་རོ་ཥ་ཎ་སྥོ་ཊ་མྱཾ། ག་ཏྲ་མ་ཡེ་ཏྲ་མ་ཡེ། ཧཱུཾ་ཏྲ་མཱ་ཡཱ་ཏྲ་མཱ་ཡ། ཧཱུཾ་ཕཊ་ཧཾ་མཾ། སརྦ་བི་གྷ་ན་སྠ་བྱིན་དུ་ལོག་སྟུ་ཥ་ཏི་ཨུད་ཚིཥྚ་བི་དྷེ་ནན་དུ་ཤ་ཏི། ལྷག་མའི་ཆང་བུ་ལ་ལན་གཅིག་བཟླས་ནས་བྱིན་ན་དངོས་གྲུབ་བརྒྱད་རབ་ཏུ་འཐོབ་བོ། །རྟག་ཏུ་རྗེས་སུ་འབྲང་བས་ཕན་པས་ཉེ་བར་བསྡུས་པ་སྒྲུབ་པར་བྱེད་དོ། །སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་ལུས་བྱིན་གྱིས་རློབ་པར་ཡང་འགྱུར་རོ། །བཀའ་ཉན་མོ་རྣམས་རྫོགས་སོ།། །།དེ་ནས་ཕོ་ཉ་མོ་དང ། བཀའ་ཉན་ཕོ་མོ་དེ་དག་གི་ཐུན་མོང་གི་སྒྲུབ་པའི་ཕྱོགས་ཙམ་མདོར་བསྟན་པའི་རྟོག་པ་འབྱུང་བར་འགྱུར་རོ། །འདི་དག་ནི་བཀླགས་པས་འགྲུབ་པའོ། །ལས་ཐམས་ཅད་དོན་ཡོད་པར་བྱེད་པ། ངོ་བོ་ཉིད་ཀྱིས་སྲུང་བ་ལ་སོགས་པ་གྲུབ་པའོ། །གང་ཡང་བྱང་ཆུབ་སེམས་དཔའི་རིག་སྔགས་ཀྱི་སྤྱོད་པ་ལ་ལྷག་པར་མོས་པ་རྣམས་ལ་ཡིད་བཞིན་གྱི་ནོར་བུ་དང་འདྲ་བར་ཐོགས་པ་མེད་པར་དོན་ཡོད་པར་གྲུབ་པ་ཡིན་ཏེ། འཁོར་གྱི་ནང་དུ་ཉེ་བར་འོངས་ནས་འདུག་པར་ཡང་བྱེད་དོ། །མཐོང་བར་ཡང་སྟོན་པར་བྱེད་དོ། །དེ་ལ་དགུག་པ་ལ་སོགས་པ་རྣམས་ལ་དམ་ཚིག་གསུམ་ཞེས་བྱ་བའི་ལྕགས་ཀྱུ་ཡིན་ནོ། །ན་མཿ ་ས་མནྟ་ཨ་མོ་གྷ་
348a
༄#། ། པྲ་ཏེ་ཧ་ཏ་བཛྲཱ་ཎཱཾ། ཨ་པྲ་ཏི་ཧ་ཏ་ཨཾ་ཀུ་ཤི་ཨཱ་ན་ཡ་ཧཱུཾ། ཨ་མོ་གྷ་མཧཱ་པ་ལ་ཨཾ་ཀུ་ཤི་ཨཱ་ན་ཡ་ཧཱུཾ། །མཧཱ་ཏྲི་ས་མ་ཡཾ། ཨཾ་ཀུ་ཤི་ཨཱ་ན་ཡ་ཧཱུཾ།་ཡང་ས་ཧཱུཾ། ས་མཱ་ཀི་ནི་ཧཱུཾ་ཧཱུཾ། ཏ་ཊ་ཏ་ཊ། བཛྲེ་བཛྲེ་ཏ། བཛྲེ་ཀ་ཊ་ཀ་ཊ། བཛྲེ་ཏ་ཊི་ཏ་ཊི། ཏཾ་ཀུ་རུ་ཀུ་རུ། ས་མ་ཡཾ་བཛྲ་མཧཱ་བ་རཱ། བི་ཀྲ་མེ་ཨ་ན་ཡ་ཤཱི་གྷྲཾ། སྟཾ་བྷ་ཡ་ས་ཏ་ན་བད་དྷ་ཡ་སཝཱ་རེ། ཏྲི་བ་ལི་ནི་མོ་ཙི་ནི་མོ་ཙ་ཡ། བནྡྷ་ན་ད་ཨ་ནནྟ་མ་ཏི་ནི་ཨ་ས་མ་ཨཾ་གེ་ཏྲི་ས་མཱ་ཡེ། མཧཱ་བཱ་ལཾ། ཨཾ་ཀུ་ཤི་ཨ་ས་ཧ་ས་མ་ཨཾ་ནཱཾ་ཧཱུཾ། ཧ་ར་ཧ་ར། ས་མེ་ཏྲཱ་ཧི་ཏྲཱ་ཧི། མཧཱ་བ་ལ་ཨཾ་ཀུ་ཤ་ཧཱུཾ། ཨ་ཀཪྵ་ཡ་ས་ས། ས་མཾ་ཏཾ་ནི་སཝཱཧཱ། །དམ་ཚིག་གསུམ་གྱི་ལྕགས་ཀྱུ་ཞེས་བྱའོ། །འདིས་ས་བཅུ་ལ་རབ་ཏུ་གནས་པའི་བྱང་ཆུབ་སེམས་དཔའ་རྣམས་ཀྱང་རབ་ཏུ་འགུགས་པར་བྱེད་ན། ཕོ་ཉ་ཕོ་མོའི་རིགས་དང ། བཀའ་ཉན་ཕོ་མོའི་རིགས་རྣམས་འགུགས་པ་ལྟ་སྨོས་ཀྱང་ཅི་དགོས་ཏེ། མི་འགུགས་པ་གང་ཡང་མེད་དོ། །སྟོབས་ཆེན་པོའི་ལྕགས་ཀྱུ་འདིས་སྔར་གྱི་དཀྱིལ་འཁོར་གྱི་སྙིང་པོ་དེ་དག་ཐམས་ཅད་ཀྱི་སྙིང་པོར་གྱུར་པ་འདི་ཡིན་ནོ། །ན་མཿ ་ས་མནྟ་བཛྲཱ་ཎཱཾ། སིདྡྷི་ད་སིདྡྷི་ད། སརྦ་ཐཱ་ཨེ་དུ་མེ། ཨཱ་མ་ལཱ་ནི་ཤོ་དྷི་ཀ་སིདྡྷི་ཀི། སརྦ་ཐཱ་སརྦ་ཧི། སཾ་བྷ་ཏ་ཨ་མ་ལཱི་ནོ། །ཁཱི་ལཱི་ཀཱ།
348b
་ནན་ཏི་ཀ་ཏཱ་ཏྲི་དྷ་ཨ་ནནྟ་བེ་བེ། ཤ་ར་ཎེ་ཤ་ར་ཎེ། ས་ཧཱ་ཎེ་ས་ཧཱ་ཎེ། ཏྲ་ས་ཏྲ་ས་ཧཱ་ཎེ། ཏྲ་ས་ཏྲ་ས། ཏྲི་ས་ཧ་ཎེ་ཏྲི་ས་ཧ་ཎེ། མཎྜི་ནི་མཎྜི་ནི། ཧ་ས་ཧ་ས། ཨ་ས་མ་བ་ལ། ཨཱཏེམ་དྲི་ས་མ་ཡ་ཏེ་ཛེ་ཤོ་དྷ་ཡ་ཤོ་དྷ་ཡ། རཱ་ཛ་ཡ་ཧཱུཾ། ཏྲི་ས་མ་ཡ་ཨགྣི་སཝཱཧཱ། །འདི་བཟླས་པས་ཕོ་ཉ་དང ། ཕོ་ཉ་མོ་དང ། བཀའ་ཉན་མོ་ཐམས་ཅད་ལེགས་པར་བཟླས་པར་འགྱུར་རོ། །བསྒྲུབ་པ་བྱས་ན་ལེགས་པར་སྒྲུབ་པར་འགྱུར་རོ། །རྟོག་པའི་ཆོ་ག་འདི་དག་གིས་དེ་བཞིན་གཤེགས་པའི་མཛོད་ཀྱི་སྙིང་པོ་རབ་འབྱམས་ཀྱི་དངོས་གྲུབ་སྒྲུབ་པར་འགྱུར་རོ། ། དངོས་གྲུབ་མཆོག་ལ་སོགས་པའི་དངོས་གྲུབ་བརྒྱད་རབ་ཏུ་ཐོབ་པར་འདོད་པ་དང ། མི་ལུས་ཐོབ་པ་དོན་ཡོད་པར་བྱ་བར་འདོད་པ་དང ། བདེ་བའི་མཐར་ཕྱིན་པར་འགྲོ་བར་འདོད་པས་དད་པས་བྱང་ཆུབ་ཀྱི་སེམས་ཀྱིས་ཡོངས་སུ་ཟིན་པའི་སེམས་ཅན་གྱི་དོན་ལ་མངོན་པར་མོས་པས་བརྩོན་འགྲུས་དང་ལྡན་པའི་སྐྱེས་བུ་དམ་པས་དོན་ཡོད་པར་གྲུབ་པ་འདིས་འབད་པར་བསྒྲུབ་པར་བྱའོ། །དེ་ནས་འདི་དག་གི་ཐུན་མོང་གི་རས་རིས་འབྱུང་བར་འགྱུར་རོ། །ངུར་སྨྲིག་གི་གོས་ལ་ཕོ་ཉ་རིན་པོ་ཆེའི་བྲག་ལ་གནས་པ། སྔོ་བསངས་རྒྱན་ཐམས་ཅད་ཀྱིས་བརྒྱན་པ། བཅོམ་ལྡན་འདས་ལ་ཐལ་མོ་སྦྱར་བས་ཕྱག་འཚལ་བའི་ལུས་ཅུང་ཞིག་འདུད་པ་བྲི་བར་བྱའོ། །ཕོ་ཉའི་
349a
༄#། །མིང་གི་ཁྱད་པར་གྱིས་རས་རིས་ཀྱང་དེ་དང་འདྲ་སྟེ། དེ་བཞིན་དུ་རྒྱན་ཐམས་ཅད་ཀྱིས་བརྒྱན་པ། འོད་ཀྱི་ཕྲེང་བ་ཅན། ལག་པ་གཡས་བ་ན་རྡོ་རྗེ་ཐོགས་པ། གཡོན་པ་ན་རིན་པོ་ཆེ་ཐོགས་པ། ཅུང་ཞིག་ལུས་འདུད་པ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་བཀའ་སྒྲུབ་པར་བྱེད་པ། མདོག་སྔོ་བསངས་བྲི་བར་བྱའོ། །དེ་བཞིན་དུ་ངུར་སྨྲིག་གི་གོས་ལ་བཀའ་ཉན་ཁྲོས་པ་ནག་ལྗང་གཞོན་ནུའི་གཟུགས་ཅན། ལག་ན་རྡོ་རྗེའམ། རལ་གྲིའམ། ཞགས་པའམ། མདུང་དང ། གྲི་གུག་ཐོགས་པ་བྲི་བར་བྱ་ཞིང ། མིག་དམར་བ། ཁྲོས་པ། འབར་བས་བསྐོར་བ། བྲག་གི་སྟེང་ན་གནས་པ། གོས་སེར་པོ་འམ། དམར་པོ་འམ། སྔོན་པོ་གྱོན་པ་བྲི་བར་བྱའོ། །བཀའ་ཉན་མོ་རྣམས་ཀྱང་དེ་བཞིན་དུ་ཁྲོས་པ། གཞོན་ནུའི་ལུས་ཅན་རྒྱན་དང་བྲལ་བ། ནག་ལྗང་ཤིང་གྱོན་པ། མེ་ཏོག་གི་ཕྲེང་བ་ལག་ན་ཐོགས་པ་འམ། སྐ་རགས་སམ། དར་དཔྱངས་སམ། སྡོང་བུ་འམ། ཀུ་ཤ་འམ། རལ་གྲི་འམ། ཞི་བ་མ་འམ། ཕྱག་ཤིང་ངམ། མཇུག་སྒྲོ་ལག་ན་ཐོགས་པར་བྱའོ། །མངག་གཞུག་པ་རྣམས་གང་འདོད་པ་གཅིག་བྲིས་ལ། །རང་འདོད་པའི་སྔགས་གཅིག་བཟུང་ནས་རས་རིས་དེ་ལ་བསྒྲུབ་པར་བྱ་སྟེ། རྡོ་རྗེ་དང །
349b
འཁོར་ལོ་དང ། ཁ་ཊྭཱཾ་ག་དང ། ལྕགས་ཀྱུ་དང ། མདུང་ལ་སོགས་པ་དང ། ལྡོང་རོས་ལ་སོགས་པའི་རྫས་ཐམས་ཅད་ལ་སྔར་བསྟན་པའི་ཆོ་ག་འམ། ཡིད་ལ་གང་འདོད་པའི་ཆོ་ག་བསྒྲུབ་པར་བྱ་སྟེ། མི་སྣང་བའི་དངོས་གྲུབ་ལ་སོགས་པ་འམ། ནོར་སྒྲུབ་པའམ། དབང་དུ་བྱ་བ་ལ་སོགས་པ་གང་ཡང་རུང་བ་བསྒྲུབ་པར་བྱའོ། །རབ་ཏུ་སྟོང་ཞིང་དབེན་པར་རས་རིས་མེད་པ་ཡང་ཐམས་ཅད་བསྒྲུབ་པར་བྱ་སྟེ། ཐ་ན་གཙུག་ལག་ཁང་ངམ། བྲང་ཁང་གི་ཕུག་ལ་སོགས་པའི་གནས་རྣམས་སུ་བསྒྲུབ་པར་བྱའོ། །གང་དག་རིམས་ཀྱིས་ཟིན་པ་དེ་ལ་དབབ་པར་འདོད་ན་མེ་ལོང་དང ། རལ་གྲི་ལ་སོགས་པ་དང ། རི་མོ་དང ། ལུགས་མ་ལ་སོགས་པ་རྣམས་ལ་གཞོན་ནུ་འམ།་གཞོན་ནུ་མ་མེ་ཏོག་བཀྲམ་པའི་དཀྱིལ་འཁོར་གྱི་དབུས་སུ་གཞག་ན་ནུབ་མོ་འབེབས་པར་ཡང་བྱེད། །སྨྲ་བར་ཡང་བྱེད་དོ། །ལྷ་དང ། ཀླུ་ལ་སོགས་པ་འགུགས་པར་བྱེད་དོ། །འཆིང་བར་བྱེད། ལྟུང་བར་བྱེད། །གསོད་པར་བྱེད། གཏུམ་པོས་འཚེ་བར་བྱེད་དོ། །དེ་ནས་བགྱི་བ་ཅི་མཆིས་པ་བདག་གིས་བགྱི་ཞེས་སྒྲུབ་པར་བྱེད་དོ། ། དེའི་ཕྱིར་བཀའ་ཉན་ཕོ་མོ་དེ་དག་བསྒྲུབ་པར་བྱ་སྟེ། ཚེས་གཅིག་ནས་བརྩམས་ནས་སྔ་དྲོའི་ཐུན་ལ་རས་རིས་ཀྱི་མདུན་དུ་མེ་ཏོག་གིས་མངོན་པར་བརྒྱན་པའི་དཀྱིལ་
350a
༄#། །འཁོར་བྱས་ནས་ལན་བརྒྱའི་བར་དུ་རྗེས་སུ་བརྗོད་པར་བྱའོ། །ཟས་ཟོས་པའི་རྗེས་ལ་ཡང་ལན་བརྒྱ་མངོན་པར་བརྗོད་པར་བྱའོ། །ཕྱི་དྲོའི་དུས་སུ་ཡང་ལན་བརྒྱ་བརྗོད་ལ་དེ་ཉིད་དུ་སངས་རྒྱས་དང ། བྱང་ཆུབ་སེམས་དཔའ་རྣམས་ལ་ཕྱག་བྱས་ནས་གཉིད་ལོག་པར་བྱེད་དོ། །དེ་ལྟར་ཉིན་རེ་ཞིང་ཟླ་བ་ཉའི་བར་དུ་ཟླ་བ་གཅིག་ཏུ་ཆོ་ག་བཞིན་དུ་བྱའོ། །ཟླ་བ་ཉ་ལ་ཅི་ལྟར་འབྱོར་པ་བཞིན་དུ་མཆོད་པ་བྱས་ལ། ནིམ་པའི་ཤིང་ལས་མེ་སྦར་ལ་ཨརྒའི་ཡམ་ཤིང་དང་བཅས་པའི་ཡུངས་ཀར་རེ་རེ་བསྲེགས་ན་སྲོད་ནས་བཟུང་ནམ་ཕྱེད་དམ། ཉི་མ་ཤར་ཀར་ངེས་པར་འོང་བར་འགྱུར་རོ། །གལ་ཏེ་འོང་བར་མ་གྱུར་ན་འཆི་བར་འགྱུར་རོ། །འོངས་ནས་བདག་ལ་བཀའ་སྩོལ་ཅིག་ཅེས་ཟེར་ན་དེ་དང ། དེ་བརྗོད་པར་བྱའོ། །བདག་ནི་ཅི་ཡང་བགྱིད་དོ་ཞེས་ཟེར་ན་དེ་ནས་བཟུང་སྟེ་རྗེས་སུ་འབྲེལ་བར་འགྱུར་རོ། །ཅི་བཀའ་སྩལ་པ་བྱེད་པར་འགྱུར་རོ། །ལྷའི་འཇིག་རྟེན་རྣམས་ཀྱང་འདྲི་ཞིང་སྨྲ་བར་བྱེད་དོ། །སྟེང་གི་མཚམས་སུ་ཡང་ཁྲིད་པར་བྱེད་དོ། །བྱ་བ་ཐམས་ཅད་ཀྱང་བྱེད་དོ། །ཇི་སྲིད་སྨྲ་བར་འདོད་པ་དེ་སྲིད་དུ་འདྲི་བར་བྱེད་དོ། །འདིས་གང་སྨྲས་པ་དེ་དེ་བཞིན་དུ་འགྱུར་གྱི་གཞན་དུ་མི་འགྱུར་རོ། །རིའི་གསེབ་དུ་འབུམ་བཟླས་ནས་རལ་གྲི་བླངས་ཏེ་མཚན་
350b
རངས་པ་སྦྱིན་སྲེག་བྱེད་ཅིང་འདི་ཉིད་ཀྱིས་གང་འདོད་པའི་ཆོ་ག་དེས་བསྒྲུབས་ན་རིག་པ་འཛིན་པར་འགྱུར་རོ། །དུར་ཁྲོད་དུ་འདུག་ནས་མེ་ཏོག་གིས་མངོན་པར་བརྒྱན་པའི་དཀྱིལ་འཁོར་ལ་འཁོར་ལོ་བཞག་ནས་ཇི་སྲིད་ཉི་མ་ཤར་གྱི་བར་དུ་བཟླས་ན་ཐོགས་ན་ཡང་མཚན་བདུན་གྱི་ནང་དུ་མི་སྣང་བར་འགྱུར་རོ། །དཀྱིལ་འཁོར་དེ་ཉིད་ལ་བ་བླ་བླ་བླངས་ལ་ཇི་སྲིད་དུ་བ་བྱུང་གི་བར་དུ་བཟླས་ན་ཞག་བདུན་གྱི་ནང་དུ་ངེས་པར་འགྲུབ་པར་འགྱུར་རོ། །ཐལ་བས་ཚུད་གསུམ་བྱས་ན་མི་སྣང་བར་འགྱུར་རོ། །དམ་ཚིག་གསུམ་བཀོད་པའི་རྟོག་པའི་རྒྱལ་པོ་ཆེན་པོ་ལས། ཕོ་ཉ་དང ། ཕོ་ཉ་མོ་དང ། བཀའ་ཉན་ཕོ་མོའི་རིམ་པར་ཕྱེ་བའི་ཕྱོགས་གཅིག་བསྟན་པའོ།། །།དེ་ནས་དེ་བཞིན་གཤེགས་པ་དོན་ཡོད་པར་གྲུབ་པ། ཡུལ་མཐའ་ཡས་པ། མཉམ་པ་ཉིད་དུ་དོན་ཡོད་པར་གྲུབ་པས་མ་ལུས་པ། དུས་གསུམ་མཉམ་པ་ཉིད་ཐོབ་པའི་སྒོ། བདེ་བ་ནམ་མཁའ་ཐམས་ཅད་ཀྱི་རྒྱལ་པོ། མི་མཉམ་པ་དང་མཉམ་པ་རྨད་དུ་བྱུང་བ། འཇིག་རྟེན་གྱི་སྒོ་གཅིག་པུ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་གཤེགས་པ།་ལྷག་མ་མེད་པའི་མཐུ་འགྲུབ་པ་ལ་སོགས་པ། དངོས་གྲུབ་ཐམས་ཅད་ཡང་དག་པར་ལེགས་པར་ཐོབ་པ། བྱིན་གྱི་རླབས་ཀྱི་རྒྱལ་པོ་ལ་སོགས་པ་ཞེས་བྱ་བ་ཐམས་
351a
༄#། །ཅད་དུ་མཐའ་དང ། དབུས་མེད་པའི་ཏིང་ངེ་འཛིན་གྱི་རྒྱལ་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རིག་པ་ཐམས་ཅད་ཀྱི་སྙིང་པོ་མཆོག་བླ་ན་མེད་པ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་བྱིན་གྱིས་བརླབས་པ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་དང་སྟབས་གཅིག་ཏུ་གསུངས་པ། ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། ཨཱ་སཾ་མ་ཨ་བྷུ་ཏ་ཨ་ནནྟ་སིདྷི། ཏྲ་ཨ་ཤ་ཥ་དྷརྨ་ཏཱཾ། ཨ་ས་མནྟེ་ག་ག་ནཱ་ཏཱ་མུ་ཁམ་ས་མུ་པེ་ཏཱི་ཡེ་ཥུ་ས་ཏྭ། ཏཾ་ས་མནྟ་ཏཱ་སུ་ཁཾ་སིདྡྷི་དྷ་ན་གུ་ན་ཛ་ས་མ་ཨ་གྷི་ནི། ས་གྲིད་པྱ་ཧོ་གུ་ཎ་ས་མ་བ་ཏཱི། ཤ་སཱ་ཏཾ་ཏ་དྲེ་དཾ། ཏྲྱཏྟྲ། སིདྡྷི་ནེ་ས་ར་ཡཱ། སུ་སཱ་མཱ་པ་ཏི། ཏེ་ཨ་མ་ལི་ནི་སཱ་དྷ་ཡ། ཀ་རུ་ཎ་མ་ཡེ་སརྦ་ཏཱ་ཤཱ་ས་ནི་སཱ་དྷ་ཡ། ཏྲ་ཡ་ས་མནྟུ། སཱ་དྷ་ཡ་སཱ་དྷ་ཡ། ཏྲི་ཏཱ་ཡེ་ཏྲི་ཏཱ་ཡེ། ས་མ་ཡེ་ས་མ་ཡ། སརྦ་ཐཱ་སུ་མ་བཱ་ཏེ། སིདྡྷ་ཡ་སིདྡྷེ། ཨ་མ་ལེ། ཤ་ཡི་ཡེ། སཱ་སཝཱི་ཀེ་སཝཱཧཱ།། །།གསང་སྔགས་འདི་ནི་གསུངས་པ་ན། །རྣམ་པར་དག་པའི་ཞིང་ཀུན་དུ། །སྐད་ཅིག་དེ་ལ་སངས་རྒྱས་ཀུན།། རྨད་བྱུང་གད་མོ་ཆེན་མོ་མཛད། །རིག་པ་ཐམས་ཅད་ཀྱི་སྙིང་པོ་འདི་ནི་རིག་པའི་རྒྱལ་པོ་མཆོག་གི་རྟོག་པ་མཐའ་ཡས་ཤིང་ཆགས་པ་མེད་པ་སྒྲུབ་པའི་མཆོག་
351b
དྲི་མ་མེད་པ། དངོས་གྲུབ་མཐའ་ཡས་པ། མཚུངས་པ་མེད་པའོ། །འདི་བཟླས་པ་བྱས་པས་དམ་ཚིག་གསུམ་བཀོད་པའི་རྟོག་པའི་རྒྱལ་པོ་འདི་ལེགས་པར་བཟླས་པ་བྱས་པར་འགྱུར་རོ། །བསྒྲུབས་ན་འགྲུབ་པར་འགྱུར་རོ། །ཆགས་པ་མེད་པས་རིག་སྔགས་ཀྱི་སྤྱད་པ་སྤྱོད་པའི་དངོས་གྲུབ་གྱི་རྒྱལ་པོའི་དངོས་གྲུབ་ཐོབ་པར་འདོད་པས་འདི་བཟླས་པར་བྱའོ། །ཐ་ན་གཟུང་བར་ཡང་བྱ་སྟེ། འདི་ལ་ཐམས་ཅད་རབ་ཏུ་གནས་པ་ཡིན་ནོ། །དེ་ནས་སྟོན་པ་རྡོ་རྗེ་འཛིན་བསྟན་པ་དོན་ཡོད་པའི་མཐུ་དང་ལྡན་པར་བྱ་བའི་ཕྱིར།། བཅོམ་ལྡན་འདས་ཀྱི་སྤྱན་སྔར་དེ་བཞིན་གཤེགས་པ་ལ་རྗེས་སུ་དྲན་བཞིན་དུ་སྔགས་པས་གསོལ་བ་བཏབ་བོ། །དེ་ནས་བཅོམ་ལྡན་འདས་ཀྱིས་ཐམས་ཅད་གཅིག་ཏུ་རྗེས་སུ་འགྲོ་བར་མཛད་ནས་རིག་པའི་རྒྱལ་པོ་མཆོག་འདི་གསུངས་སོ། །ན་མ་སྟྲཻ་ཡད་དྷྭི་ཀཱ་ནཱཾ། སརྦ་ཏ་ཐཱ་ག་ཏཱ་ནཱཾ། ཨོཾ་ག་ག་ན་ལོ་ཙ་ནེ། ག་ག་ན་ས་མ་སརྦ་ཐཱ་ཨུ་ད་ག་ཏཱ་ཏཱི། ས་ར་སཾ་བྷ་བེ་ཛྭཱ་ལ་ནཱ་མ་ཨཾ་གཱི་ནཱི་སཝཱཧཱ། །ལག་ན་རྡོ་རྗེ། རང་གི་རིག་པའི་རྒྱལ་པོ་མཆོག་འདི་ནི་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པའོ། །འདི་བརྩམས་པ་ཙམ་གྱིས་འདིའི་ཡོན་ཏན་མཐའ་མེད་པ། མཉམ་པ་མེད་པར་འགྱུར་རོ། །གཟུང་ན་དེ་དེ་བཞིན་གཤེགས་པ་ཐམས་ཅད་ཀྱིས་ཡོངས་སུ་
352a
༄#། །བཟུང་བ་ཐོབ་པར་འགྱུར་རོ། །བཟླས་པ་བྱས་ན་དེ་བཞིན་གཤེགས་པ་ཐམས་ཅད་ཀྱི་རྒྱུད་དུ་སྐྱེ་བར་འགྱུར་རོ། །བསྒྲུབ་པ་བྱས་ན་འདིས་སྒྲུབ་པ་པོ་དད་པའི་ནོར་ཅན་དུ་འགྱུར་རོ། །དེ་ནས་རེ་ཞིག་དང་པོར་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་བདག་ཉིད་ཀྱི་དངོས་པོ་ཐམས་ཅད་དབུལ་བར་བྱ་སྟེ།་བདག་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་བདག་ཉིད་དབུལ་བར་བགྱི་ཡི། ཐུགས་རྗེ་ཆེན་པོ་དང་ལྡན་བ་ཐམས་ཅད། དུས་ཐམས་ཅད་དུ་སྡུག་བསྔལ་བར་གྱུར་པ་བདག་ལ་བྱིན་གྱིས་བརླབ་དུ་གསོལ། ཞེས་བརྗོད་པར་བྱའོ། །དེ་ནས་ཐུགས་བསྐྱེད་པ་གང་གིས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་སྡིག་པ་རྣམས་བཤགས་པར་མཛད་པའི་སེམས་བསྐྱེད་པ་དེས་བདག་གི་སྡིག་པ་ཐམས་ཅད་དུས་ཐམས་ཅད་དུ་བཤགས་པར་བགྱི་སྟེ། སངས་རྒྱས་བཅོམ་ལྡན་འདས་རྣམས་ཀྱིས་ཇི་ལྟར་མཁྱེན་པ་དེ་བཞིན་དུ་འམ། ནུས་པ་ཇི་ལྟ་བ་བཞིན་དུ་བཤགས་པར་བགྱིའོ། །སངས་རྒྱས་དང ། བྱང་ཆུབ་སེམས་དཔའ་ཐམས་ཅད་དང ། ཉན་ཐོས་ལ་སོགས་པ་ཐམས་ཅད་ཀྱིས་བསོད་ནམས་དང ། ཡེ་ཤེས་ཀྱི་ཚོགས་ལ་རྗེས་སུ་ཡི་རང་ངོ ། །འཇིག་རྟེན་གྱི་ཁམས་
352b
ཐམས་ཅད་དུ་གཏོགས་པའི་མཆོད་པའི་སྤྲིན་རྣམས་བསྒོམས་ལ་བསྔོ་བར་བྱ་སྟེ། ན་མ་སྟྲཻ་ཡད་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། སརྦ་ཐ་ཨུངྒ་ཏེ་སྥ་ར་ཎ་ཧི་མཾ་ག་ག་ན་ཁཾ་སཝཱཧཱ། ། དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་མཆོད་པའི་མཆོག་རྒྱ་ཆེན་པོ་སྣ་ཚོགས་པའི་སྤྲིན་རབ་འབྱམས་རྣམས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་དང ། བདག་གི་སྨོན་ལམ་གྱི་སྟོབས་ཀྱིས་འབྱུང་བར་གྱུར་ཅིག་ཅེས་བསམས་ལ་སྔགས་འདི་བཟླ་བར་བྱའོ། །དེ་ནས་གཞན་མ་ཡིན་པར་ཡང་དག་པར་གནས་པར་འགྱུར་ཞིང ། །སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་གཟིགས་པར་འགྱུར་རོ། །ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། སརྦ་ཏྲ་ས་མ་ཀུ་སུ་མི་ཏཱི་ར་ཤཱི་ནི་ན་མོ་སྟུ་སྟེ་སཝཱཧཱ། འདིས་ཀྱང་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་དེ་བཞིན་གཤེགས་པ་ཐམས་ཅད་ཀྱི་བསྔགས་པ་རྒྱ་མཚོ་རབ་འབྱམས་རྣམས་སངས་རྒྱས་དང ། བྱང་ཆུབ་སེམས་དཔའི་འཁོར་གྱི་དཀྱིལ་འཁོར་ཐམས་ཅད་དུ་བདག་གི་སྨོན་ལམ་གྱི་སྟོབས་ཀྱིས་འབྱུང་བར་གྱུར་ཅིག་ཅེས་བསམས་ལ། དེ་བཞིན་གཤེགས་པ་རྣམས་ལ་དམིགས་ནས་སྔགས་བཟླས་བར་བྱའོ། །དེ་ནས་གཞན་མ་ཡིན་པར་བསྟོད་པའི་དབྱངས་རྣམས་རབ་ཏུ་གནས་པར་
353a
༄#། །འགྱུར་རོ། །དེ་ནས་སྨོན་ལམ་བཏབ་པ་བྱས་ནས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་རྣམ་པ་ཐམས་ཅད་ཀྱིས་རྫོགས་པའི་བྱང་ཆུབ་གྲུབ་པ་ལ་སོགས་པའི་དངོས་གྲུབ་ཐམས་ཅད་ལ་རྗེས་སུ་ཡི་རང་བར་བྱས་ནས་དེ་བཞིན་གཤེགས་པ་ཐམས་ཅད་ལ་མངོན་དུ་ཕྱོགས་པས་ཕྱག་འཚལ་ཏེ།་ཇི་སྲིད་སྐྱོ་བར་མ་གྱུར་གྱི་བར་དུ་སྔགས་བཟླས་པར་བྱའོ། །དེ་ནས་རྒྱ་ཆེ་བའི་ཚུལ་ལ་འཇུག་པའི་མདོ་སྡེ་ཐམས་ཅད་ཀྱི་རྗེས་སུ་འཇུག་པ་སེམས་ལ་བྱས་ལ་སངས་རྒྱས་ཀྱི་སྙིང་པོ་བརྗོད་ཅིང ། ལྷ་ལ་སོགས་པ་ཀུན་ཉོན་ཅིག་ཅེས་བྱ་བའི་དམ་ཚིག་བརྗོད་ཅིང་བསམས་ལ་བསྒོམ་པར་བྱའོ། །སྔ་དྲོའི་ཐུན་ལ་དེ་ལྟར་བྱས་ནས་ཟས་ཟ་བ་ན་སྟོབས་ཆེན་པོ་དང ། སྨན་གྱི་རྒྱལ་པོ་ཆེན་པོར་བྱིན་གྱིས་རློབ་པའི་སྔགས་བཟླས་པར་བྱ་སྟེ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་བྷུ་ཛ་ལི་ཏེ་སཝཱཧཱ། །དེ་ནས་ངལ་སས་ལ་ཕྱི་ནས་གླེགས་བམ་བཀླག་པ་ལ་སོགས་པ་བྱས་ཏེ། སྔ་མ་བཞིན་དུ་ཕྱི་དྲོའི་ཐུན་ལ་ཡང་ལས་རྣམས་བྱས་ནས་བཟླས་པ་བྱའོ། །སྲོད་ཀྱི་དུས་སུ་སྨོན་ལམ་བཏབ་ལ་ཡན་ལག་ཐམས་ཅད་བཏུད་པས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ནས་རྩཝ་བཏིང་བ་ལ་དང་པོར་ཉལ་ལ་གཉིད་
353b
ལོག་པར་བྱའོ། །ཚེས་གཅིག་ནས་བརྩམས་ནས་ཉིན་རེ་ཞིང་ཟླ་བ་གཅིག་གི་བར་དུ་ལས་འདི་ལྟར་བྱ་ཞིང་ཉའི་ནུབ་མོ་དྲིའི་དཀྱིལ་འཁོར་གྱི་སྟེང་དུ་དམ་པའི་ཆོས་ཀྱི་གླེགས་བམ་བཞག་པ་འམ། སྐུ་གདུང་དང་བཅས་པའི་མཆོད་རྟེན་ནམ། བཞུགས་གནས་ཀྱི་མཆོད་རྟེན་ནམ། སྐུ་གཟུགས་ཀྱི་མདུན་དུ་འམ། གཞན་ཡང ། དབེན་པར་སྐྱིལ་མོ་ཀྲུང་བཅས་ལ་སྐྱིལ་མོ་ཀྲུང་མ་བཤིག་པར་དེ་བཞིན་གཤེགས་པ་ལ་དམིགས་ནས་བཟླས་པ་བྱ་སྟེ། ཇི་སྲིད་འོད་ཟེར་བྱུང་ནས་ལུས་ལ་ཕོག་གི་བར་དུ་བྱས་ནས་དེ་ནས་ལུས་འབར་བར་འགྱུར་རོ། །དེའི་རྗེས་ལ་ལུས་འདི་ཡོངས་སུ་གྱུར་ནས་རིག་འཛིན་གྱི་རིགས་རྣམས་ཉེ་བར་ལྷགས་ཏེ། དེ་ལ་དབང་བསྐུར་བས་བསོད་ནམས་ཇི་ལྟ་བ་བཞིན་དུ་བྱང་ཆུབ་སེམས་དཔའི་རིག་འཛིན་གྱི་རིགས་སུ་གྱུར་ནས་སྐལ་པ་ཇི་ལྟ་བ་བཞིན་དུ་རང་གི་གནས་ཐོབ་པར་འགྱུར་རོ། །དེར་ཡང་ཤེས་རབ་དང ། ཐབས་དང་ལྡན་པས་ཕ་རོལ་ཏུ་ཕྱིན་པ་ལ་མངོན་པར་སྦྱོར་བ་ཡང་ཐོབ་པར་འགྱུར་རོ། །རྣམ་པར་རོལ་པ་སྣ་ཚོགས་པས་རྗེས་སུ་འཇུག་པར་ཡང་འགྱུར་རོ། །དེ་བཞིན་གཤེགས་པ་རྣམས་ལ་མཆོད་པར་ཡང་འགྱུར་རོ། །བྱང་ཆུབ་སེམས་དཔའི་དགེ་འདུན་དང་ནམ་ཡང་འབྲལ་བར་མི་འགྱུར་རོ། །ཐབས་ལ་མཁས་པས་འདོད་པ་ལས་
354a
༄#། །ཡོངས་སུ་སྤྱད་ཀྱང་ཉམས་པར་མི་འགྱུར་རོ། །ལུས་དེ་ཉིད་ཀྱིས་ས་ནོན་པར་འགྱུར་ཞིང་བསོད་ནམས་ཇི་ལྟ་བ་བཞིན་དུ་དེ་བཞིན་གཤེགས་པའི་འཁོར་གྱི་དཀྱིལ་འཁོར་དུ་ཉེ་བར་འགྲོ་བ་དང ། རྗེས་སུ་སྤྱོད་པ་ཡང་མཐར་གྱིས་སོགས་ཤིང་སོ་སོར་ཐོབ་པར་འགྱུར་རོ། །གལ་ཏེ་རིག་པ་འཛིན་པ་ཐོབ་པར་མ་གྱུར་ན་ཡང་དེ་བཞིན་གཤེགས་པའི་སྐུ་མཐོང་བ་འམ། འོད་ཀྱིས་སྣང་བར་བྱས་པ་འམ། གསུང་ཐོས་པར་འགྱུར་ཞིང་དེའི་བསམ་པ་རྣམ་པར་དག་པ་ཡང་སྐྱེ་བར་འགྱུར་རོ། །གཟུངས་ཀྱང་རབ་ཏུ་ཐོབ་པར་འགྱུར་རོ། །གཞན་དག་གིས་ཀྱང་བསྒྲུབ་པར་བྱ་སྟེ། རི་དང ། ཆུ་ཀླུང་དང ། མཚེའུ་དང ། ཆུ་གླིང་དང ། ཁང་ཕུག་དང ། གཙུག་ལག་ཁང་གི་གནས་འདི་ལྟ་བུ་དབེན་པ་རྣམས་སུ་སྐུ་གདུང་དང་བཅས་པའི་མཆོད་རྟེན་ནམ། སྐུ་གཟུགས་སམ། རས་རིས་ལ་ཐ་ན། གཙུག་ལག་ཁང་དབེན་པར་འདུ་འཛི་སྤངས་ལ་དམ་པའི་ཆོས་ལ་བླ་མར་བྱེད་པས་འཁོར་ལོ་དང ། རྡོ་རྗེ་དང ། རལ་གྲི་ལ་སོགས་པའི་ཁྱད་པར་རང་གིས་བླངས་ལ་མཚན་རངས་པ་གཅིག་སྐྱིལ་ཀྲུང་མ་བཤིག་པ་འམ། ཙོག་ཙོག་པོར་རྩཝ་བཏིང་བ་ལ་ཉེ་བར་འདུག་ལ་ཇི་སྲིད་འབར་བར་གྱུར་གྱི་བར་དུ་བཟླས་པར་བྱའོ། །དེ་བཞིན་
354b
དུ་ལྡོང་རོས་ལ་སོགས་པའི་རྫས་རྣམས་དྲིའི་དཀྱིལ་འཁོར་རམ། ལོ་མའི་སྣོད་དུ་བཞག་ནས་བསྒྲུབ་པར་བྱའོ། །འདི་ནི་སྦྱོར་བ་དང་ལྡན་པའི་བྱང་ཆུབ་སེམས་དཔའ་ཐབས་ལ་མཁས་པ་རྣམས་ཀྱི་རབ་ཏུ་མི་དམིགས་པའི་སྒྲུབ་པའི་ཐབས་སོ། །དབེན་པར་མཆོད་རྟེན་ལ་སོགས་པའི་མདུན་དུ་དེ་བཞིན་གཤེགས་པ་རྗེས་སུ་དྲན་པ་ལ་གོམས་པར་བྱས་ནས་ཇི་སྲིད་མཚན་མ་བྱུང་གི་བར་དུ་བཟླས་པ་བྱའོ། །ཟླ་བ་ཉ་བ་ལ་མཚན་རངས་སྐྱིལ་མོ་ཀྲུང་བཅས་ནས་བཟླས་པ་བྱའོ། །གཉིད་སྤངས་ནས་ཉིན་ཞག་གཅིག་ཏུ་དེ་བཞིན་དུ་འཁོར་ལོ་ལ་སོགས་པའི་རྫས་རྣམས་ཡོངས་སུ་བཟུང་ནས་བསྒྲུབས་ན་ཕྱིར་ལྡོག་པ་མེད་པའི་རིག་པ་འཛིན་པར་འགྱུར་རོ། །འདི་གཟི་བརྗིད་གང་དང་ཡང་མཉམ་པ་མེད་པར་འགྱུར་རོ། །བསོད་ནམས་དང་མི་ལྡན་པས་ཀྱང་ཚེ་འདི་ཉིད་ལ་ངེས་པར་འགྲུབ་པར་འགྱུར་རོ། །རས་རིས་མེད་ཀྱང་རུང ། མཆོད་པ་མེད་ཀྱང་རུང ། ངེས་པར་འགྲུབ་པར་འགྱུར་རོ། །དེ་ནས་རས་རིས་བསྒྲུབ་པར་འདོད་ན་རས་རིས་ལ་དེ་བཞིན་གཤེགས་པའི་གཟུགས་ནི་པདྨ་ལ་བཞུགས་པའོ། །གཡས་སུ་ནི་འཕགས་པ་རྡོ་རྗེ་འཛིན་པའོ། ། གཡོན་དུ་ནི་ནམ་མཁའི་སྤྱན་ཏེ། འོད་ཟེར་སྣ་ཚོགས་ཉེ་བར་འཕྲོ་བ་ཐལ་མོ་སྦྱར་ནས་འདུག་པའོ། །དེ་དག་ལ་རྡོ་རྗེ་འཛིན་ནི་ཨུཏྤལ་སྔོན་པོའི་མདོག་ཅན་ནོ། །ནམ་
355a
༄#། །མཁའི་སྤྱན་ནི་སྔོ་བསངས་སོ། །སྒྲུབ་པ་པོ་ནི་འོག་ཏུ་ལྷ་མོ་ལ་མངོན་དུ་ཕྱོགས་པར་བྱའོ། །རས་རིས་འདི་ལ་ཡང་ཆོ་ག་སྔ་མ་ཉིད་ཀྱིས་ཟླ་བ་ཉའི་བར་དུ་ཟླ་བ་གཅིག་གིས་བསྒྲུབ་པར་བྱའོ། ། པ་ར་ཙི་ཏ་སྔོན་བོའི་སྦྱིན་སྲེག་གིས་རྒྱལ་པོ་དགུག་པར་བྱ་སྟེ། རྟོག་བ་ཐམས་ཅད་ཀྱི་ཆོ་གས་སྦྱར་ན་ཐམས་ཅད་འགྲུབ་པར་འགྱུར་རོ། །རས་རིས་གཉིས་པ་ནི་ལྷ་མོ་གཅིག་པུ་གནས་པ། གསེར་གྱི་མདོག་ཅན། ཟར་མའི་མེ་ཏོག་ལྟ་བུའི་འོད་འབར་བ། པདྨ་ལ་རབ་ཏུ་གནས་པ་དང ། རལ་པ་དང་བཅས་པའི་སྒྲུབ་པ་པོ་བྲི་བར་བྱའོ། །དེ་དག་ལ་ཡང་ཆོ་ག་སྔ་མ་ཉིད་ཀྱིས་བྱའོ། །ཇི་ལྟར་འདོད་པའི་རལ་གྲི་དང ། ལྡོང་རོས་ལ་སོགས་པ་ལ་བསྒྲུབ་པར་བྱའོ། ། ཐམས་ཅད་དུ་ཡིད་མི་བདེ་བ་དང་བྲལ་བས་དམ་པའི་ཆོས་ཀྱི་གླེགས་བམ་བཀླག་པར་བྱ་ཞིང་དམིགས་པ་དང་བཅས་པས་སྐྱིལ་མོ་ཀྲུང་མ་བཤིག་པར་ཟླ་བ་ཉ་ལ་བཟླས་པ་བྱས་ན་མཚན་གཅིག་གིས་ཀྱང་འགྲུབ་པར་འགྱུར་རོ། །དབེན་པ་ལ་མངོན་བར་དགའ་བས་དམ་བའི་ཆོས་ཀྱི་གླེགས་བམ་ཀློག་པ་ཉིད་དང ། འདུ་འཛི་མི་བྱེད་པ་ཉིད་དོན་ཡོད་པར་ལས་རྣམས་ངེས་པར་འགྱུར་རོ། །འཕགས་བ་ཀུན་ཏུ་བཟང་པོས་དེ་བཞིན་གཤེགས་བ་རྗེས་སུ་དྲན་ཞིང་གསང་སྔགས་སྨྲས་པ།
355b
ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་ཨསྟ་བ་ར་བྷོ་གི་སཝཱཧཱ། །འདི་བཀླགས་པས་འཕགས་པ་ཀུན་ཏུ་བཟང་པོའི་སྤྱོད་པ་ལས་ཕྱིར་མི་ལྡོག་པར་བྱིན་གྱིས་རློབ་པའི་ཡོན་ཏན་ལ་འཇུག་པ་རབ་ཏུ་འཐོབ་བོ། །དེ་བཞིན་གཤེགས་པར་བྱིན་གྱིས་བརླབས་པར་གཏོགས་པ་འདི་ཡང་ཆོ་ག་ནི་ནམ་མཁའི་སྤྱན་གྱི་ཆོ་ག་ཉིད་ཀྱིས་ངེས་པར་འགྲུབ་པར་འགྱུར་རོ། །རས་རིས་ཀྱི་ཁྱད་པར་ནི་བཅོམ་ལྡན་འདས་ཀྱི་གཡས་སུ་འཕགས་པ་ཀུན་ཏུ་བཟང་པོའོ། །གཡོན་དུ་རྟ་མཆོག་གི་ཤུགས་ཅན་མ་ཞེས་བྱ་བ། པྲི་ཡང་ཀུ་ལྟར་ལྗང་བ། ཐལ་མོ་སྦྱར་བ་བྱས་པ་དང ། འཕགས་པ་རྡོ་རྗེ་འཛིན་ཐལ་མོ་སྦྱར་བའོ། །འཕགས་པ་ཀུན་ཏུ་བཟང་པོའི་འོག་ཏུ་ནི་སྒྲུབ་པ་པོ་བྲི་བར་བྱ་སྟེ། ལྷ་མོ་ལ་མངོན་དུ་ཕྱོགས་པའོ། །རས་རིས་གཉིས་པ་ནི་འཕགས་པ་ཀུན་ཏུ་བཟང་པོ་རིན་པོ་ཆེའི་པདྨ་ལ་བཞུགས་པ། འོད་ཟེར་སྣ་ཚོགས་སུ་སྤྲོ་བ། རལ་པ་ཐུར་དུ་འཁྱིལ་བ། རལ་གྲི་འཛིན་པ། གསེར་གྱི་མདོག་ཅན་དང ། སྒྲུབ་པ་པོའོ། །རས་རིས་འདིའི་ཆོ་ག་ཡང་དེ་དག་ཉིད་ཡིན་ཏེ། རིག་པ་འཛིན་པ་ལས་མི་ལྡོག་ཅིང་མཉམ་པ་མེད་པར་འགྱུར་རོ། །ཀུན་ཏུ་བཟང་པོའི་སྤྱོད་པ་དང ། རིག་པའི་རྒྱལ་པོའི་སྟོབས་མཉམ་པ་མེད་བས་ལུས་དེ་ཉིད་ཀྱིས་མཐར་དགེ་བའི་རྩ་བ་ཉེ་བར་བསགས་པ་ཉིད་ཀྱིས་འཕགས་པ་ཀུན་ཏུ་བཟང་
356a
༄#། །པོ་མཐོང་བར་འགྱུར་ཞིང ། ཡང་ཉམས་པར་ཡང་མི་འགྱུར་རོ། །སྔགས་གཞན་ཡང ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ས་མནྟ་ག་མ་ནཱ་ན། ཨུ་ཛྭ་ལཱ་ཡ་སཝཱཧཱ། །འདིས་ནི་འཕགས་པ་ཀུན་ཏུ་བཟང་པོ་མངོན་དུ་ཕྱོགས་པར་འགྱུར། །སྒྱུ་མ་ལྟ་བུའི་ཏིང་ངེ་འཛིན་མཐོང་བ་ཡང་འགྲུབ་པར་བྱེད་དོ། །རྣམ་པར་སྦྱོང་བར་བྱེད་དོ། །ངེས་པར་རྫོགས་པར་བྱེད་དོ། །རིམ་གྱིས་འདི་ཉིད་ཀྱིས་རིག་པ་འཛིན་པར་ཡང་འགྱུར་རོ། །འདིའི་ཆོ་ག་ཡང་སྔ་མ་རྣམས་ཉིད་ཡིན་ནོ། །གཞན་ཡང ། མཆོད་པ་སྤྲུལ་པའི་རིག་པ་ནི། ན་མཿ ་སརྦ་ཏ་ཐཱ་ག་ཏཱ་ནཱཾ། སརྦ་ཐཱ་ཨུངྒ་ཏེ། སྥ་ར་ཎ་ཧི་མཾ་ག་ག་ན་ཁཾ་སཝཱཧཱ། །ཞེས་བྱ་སྟེ། མཆོད་པ་རྣམ་པར་བསམས་ལ། དེ་མ་ཐག་ཏུ་སྐྱོ་བར་མ་གྱུར་གྱི་བར་དུ་བརྗོད་ན་ངེས་པར་ཚེ་འདི་ཉིད་ལ་འགྲུབ་པར་འགྱུར་རོ། །རིག་པའི་རྒྱལ་པོའི་རྩེ་མོ་དོན་ཡོད་པ་འདི་རྟོག་པའི་ཆོ་ག་ཐམས་ཅད་དང་སྦྱར་བར་བྱའོ། །དེ་བཞིན་དུ་འདི་བསྒྲུབས་ན་དགེ་བའི་རྒྱུན་ལས་ཕྱིར་ལྡོག་པར་མི་འགྱུར་རོ། །བྱང་ཆུབ་སེམས་དཔའ་ཚེ་འདི་ཉིད་ལ་སྣང་བ་རྒྱ་ཆེན་པོ་ཐོབ་པར་འགྲོ་བར་འདོད་པ་དང ། སྨོན་ལམ་ཆེན་པོའི་རྒྱ་མཚོ་མངོན་པར་བསྒྲུབ་པར་འདོད་པས། སངས་རྒྱས་དང ། བྱང་ཆུབ་སེམས་དཔའ་དེ་བཞིན་གཤེགས་པ་ལ་དམིགས་ནས་སྐྱིལ་མོ་ཀྲུང་མ་
356b
བཤིག་པར་མཚན་གཅིག་གིས་དོན་ཡོད་པར་འགྲུབ་པར་འགྱུར་རོ། །འཕགས་པ་འཇམ་དཔལ་གྱིས་དེ་བཞིན་གཤེགས་པ་ལ་གསོལ་བ་བཏབ་ནས་སྔགས་སྨྲས་པ། ན་མཿ ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཧོ་ཧོ་རཾ་ཧེ་རཾ། སུ་ག་ཏཱ་སུ་ག་ཏཱ། བཛྲ་ཤི་ཁ་ར། ན་མོ་སྟུ་ཏེ་ཀུ་མཱ་ར། སྨ་ར་སྨ་ར་སཝཱཧཱ། འདིའི་ཆོ་ག་ཡང་དེ་དག་ཉིད་ཡིན་ནོ། །རས་རིས་མེད་ཀྱང་རུང ། ལྷ་མེད་ཀྱང་རུང་འགྲུབ་པར་འགྱུར་རོ། །རས་རིས་ཀྱི་ཁྱད་པར་ནི་འཕགས་པ་འཇམ་དཔལ་ཅུང་ཟད་གཞོན་ནུ་ལས་འདས་པ་རྒྱན་ཐམས་ཅད་ཀྱིས་འབར་བའོ། །བཅོམ་ལྡན་འདས་ཀྱི་གཡས་སུ་རྡོ་རྗེ་འཛིན་པདྨ་ལ་པུས་མོའི་ལྷ་ང་བཙུགས་པ་བྲི་བར་བྱའོ། །སྒྲུབ་པ་པོ་ནི་ཐལ་མོ་སྦྱར་བའོ། །རས་རིས་གཉིས་པ་ནི་གཅིག་པུ་པདྨ་ལ་གནས་པ། སྒྲུབ་པ་པོ་མདུན་དུ་གནས་པ་ལ་གཟིགས་པ་ལྟ་བུར་བྲིས་ན་གང་འདོད་པ་དེ་སྒྲུབ་པར་བྱེད་དོ། །འཕགས་པ་སྤྱན་རས་གཟིགས་དབང་ཕྱུག་གིས་སྔགས་སྨྲས་པ། ན་མཿ ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་སཽ་མྱ་ར། བཛྲ་ཛྭ་ལ་སམྦྷ་རཱ་ཛཱ་ཡ། ན་མཿ ་སཝཱཧཱ། །རས་རིས་ནི་འཕགས་པ་ཀུན་ཏུ་བཟང་པོ་ལྷའི་གཞལ་ཡས་ཁང་ན་བཞུགས་པའོ། །རྡོ་རྗེ་གཞོན་ནུ་ནག་ཅིང་ལྗང་བ་པདྨ་ལ་བཞུགས་པ་བྲི་བར་བྱ་སྟེ། དེ་བཞིན་གཤེགས་པ་འོད་ཀྱིས་བསྐོར་བའོ། །འཕགས་པ་སྤྱན་རས་གཟིགས་དབང་
357a
༄#། །ཕྱུག་དང ། ཀུན་ཏུ་བཟང་པོའི་གནས་སུ་རྡོ་རྗེ་འཛིན་དང ། གཞོན་ནུའི་སྟེང་དུ་བྲི་བར་བྱ་སྟེ། འདི་ནི་རས་རིས་ཀྱི་ཁྱད་པར་རོ། །འཕགས་པ་རྡོ་རྗེ་འཛིན་གྱིས་རྡོ་རྗེའི་རིགས་ཐམས་ཅད་ལ་རྣམ་པར་གཟིགས་ནས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། སརྦ་བཛྲ་དྷ་རཱ་ཎཱཾ། ཨོཾ་ཙཎྜ་ལཱ་ཙཎྜ་ལཱ། ཙ་ལ་ཙ་ལ། བཛྲ་བཛྲ། ཤཱནྟ་ནཱ་ཤཱནྟ་ནཱ། ཕ་ལ་ན་ཕ་ལ་ན། ཏ་ར་ཏ་ར། མཱ་ར་མཱ་ར། བཛྲ་ད་ལ། སྥོ་ཊ་ལཱ་སྥོ་ཊ་ལཱ། ལི་ཤི་ཁ་ར་ས་མནྟ། བཛྲ་ཎཱི་ཛྭཱ་ལ་ནེ་ཛྭ་ལ་ནེ། ས་མསྠ་ཨ་གྲེ། ཨ་གྲ་ཤ་ས་ཀཱ་ནཱཾ། ར་ཎཱ་ར་ཎཱ། ཧཱུཾ་ཕཊ་བཛྲ་ཨུཏྟ་མེ་སཝཱཧཱ། །འདི་ནི་བཀླགས་པ་ཙམ་གྱིས་ལྷ་དང ། ལྷ་མ་ཡིན་དང ། གནོད་སྦྱིན་ལ་སོགས་པས་འཚེ་བར་མི་འགྱུར་ཞིང ། ལོག་འདྲེན་ལ་སོགས་པ་ཡང་ཉེ་བར་འོང་བར་མི་འགྱུར་རོ། །འདིའི་ཆོ་ག་ཡང་དེ་དག་ཉིད་ཡིན་ནོ། །རྡོ་རྗེའི་རིགས་ཐམས་ཅད་ཀྱི་ཆོ་གས་ཀྱང་དོན་ཡོད་པའི་ལས་རྣམས་ཀྱིས་རིག་པ་འཛིན་པར་འགྱུར་རོ། །རྡོ་རྗེའི་རིགས་ཀྱི་གནས་དེར་ཡང་དེ་བཞིན་གཤེགས་པའི་གཟི་བརྗིད་དང་ལྡན་པས་འདུག་ནས་གཉིད་སྤངས་ཏེ་མཚན་རངས་པ་བཟླས་པ་བྱས་ན་དེའི་རྗེས་ལ་འགྲུབ་པའི་མཚན་མ་འབྱུང་བར་འགྱུར་རོ། །དེ་ནས་ལྡོང་རོས་ལ་སོགས་པ་འམ། རྡོ་རྗེ་དང ། རལ་གྲི་ལ་སོགས་པ་གང་འདོད་པ་གཟུང་ལ་བསྒྲུབ་པར་བྱའོ། །ཟླ་བ་ཉའི་ཐུན་
357b
དང་པོ་ལ་ངེས་པར་འགྲུབ་པར་འགྱུར་རོ། །རིག་པ་འཛིན་པ་ལས་ཀྱང་ཉམས་པར་མི་འགྱུར་རོ། །བྱང་ཆུབ་སེམས་དཔའི་སྤྱོད་པ་ལ་ཡང་འཇུག་པར་འགྱུར་ཞིང་ཉམས་པར་ཡང་མི་འགྱུར་རོ། ། འདི་ཡིད་ལ་གང་འདོད་པའི་ཆོ་གས་བསྒྲུབ་པར་བྱས་ན་ངེས་པར་མྱུར་དུ་འགྲུབ་པར་འགྱུར་རོ། །རས་རིས་ཀྱི་ལས་མེད་ཀྱང་རུང ། ཁྲུས་མེད་ཀྱང་རུང ། མཆོད་པ་མེད་ཀྱང་རུང་སྟེ། བཟླས་པ་ཙམ་གྱིས་དེ་བཞིན་གཤེགས་པའི་སྐུ་མཐོང་བ་ལ་སོགས་པའི་ངོ་མཚར་འབྱུང་བར་འགྱུར་རོ། །རིག་པ་འཛིན་པའི་རིམ་པར་ཕྱེ་བ་འདི་ནི་དོན་ཡོད་པར་གྲུབ་པར་བྱ་བའི་ཕྱིར་དང ། བསྟན་པའི་མཐུ་ཡང་དག་བསྟན་པའི་ཕྱིར་གསུངས་པ་ཡིན་ནོ། །སེམས་ཅན་རྣམས་དད་པ་དང ། སྤྲོ་བ་མཐའ་ཡས་པ་བསྐྱེད་པའི་ཕྱིར་མཚན་གཅིག་ཙམ་ཞིག་ཀྱང་བརྟག་པར་བྱའོ། །གང་དག་གསང་སྔགས་འདི་དག་ཀློག་པ་དེ་དག་ནི་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པའོ། །རྡོ་རྗེ་འཛིན་གྱིས་ཡང་དག་པར་བསྲུངས་པའོ། །ནམ་མཁའི་སྤྱན་གྱི་ཆོ་གས་འདི་དག་ཐམས་ཅད་བསྒྲུབ་པར་བྱའོ། ། གལ་ཏེ་ནུས་པ་ཡོད་ན་བརྩོན་འགྲུས་དང་ལྡན་པས་མཚན་རངས་པར་སྐྱིལ་མོ་ཀྲུང་བཅས་པས་ཡིད་ལ་གང་འདོད་པའི་ཆོ་ག་དང ། འདིས་བསྒྲུབ་པར་བྱའོ། །སྔགས་འདིས་བསྲུང་བར་བྱའོ། ། གང་ཡང་མང་དུ་ནི་གཙུག་ཏོར་དང ། རྨ་བྱ་ཆེན་མོ་དང ། རྡོ་རྗེ་མཆོག་ལ་སོགས་པ་རྣམས་ཀྱིས་སོ། །ན་མ་སྟྲཻ་ཡ་དྷྭི་ཀཱ་ནཱཾ། ཏཱ་ཐཱ་ག་ཏཱ་ནཱཾ། སརྦ་ཏྲཱ་པྲ་ཏི་ཧ་ཏ་བཱཔྟི་དྷརྨ་ཏཱ་བ་ལཱི་ནཱཾ། ཨཾ་ཨ། ས་
358a
༄#། །མ་ས་མ་ས་མནྟ་ཏོ། །ནྣནྟ་ཏོ་བཱཔྟི། ཤཱ་ས་ནི་ཧ་ར་ཧ་ར། སྨ་ར་སྨ་ར་ཎ། བི་ག་ཏ་རཱ་ག་བུདྡྷ་དྷརྨ་ཏི། ས་ར་ས་ར། ས་མ་བ་ལཱ། ཧ་ས་ཧ་ས། ཏྲ་ཡ་ཏྲ་ཡ། ག་ག་ན་མ་ཧཱ་བ་ར་ལཀྵ་ཎེ་ཛྭཱ་ལ་ན་སཱ་ག་རེ་སཝཱཧཱ། །དེ་བཞིན་གཤེགས་པ་ཐམས་ཅད་ཀྱི་སྙིང་པོའོ། །རིག་པ་འཛིན་པའི་རིམ་པར་ཕྱེ་བའོ། །དེ་ནས་རིམ་པར་ཕྱེ་བ་རབ་འབྱམས་ཐམས་ཅད་ཀྱི་ཐུན་མོང་གི་རྟོག་པའི་ཆོ་ག་ཞིབ་མོ་ཐམས་ཅད་བསྟན་པར་བྱའོ། །འདིར་བྱང་ཆུབ་སེམས་དཔའ་སྤྱོད་པའི་རྒྱལ་པོ་གསང་སྔགས་ཀྱི་སྒོར་སྤྱོད་པའི་ཆོ་ག་ནི་རྣམ་པ་གཉིས་ཏེ། ཐབས་དང་བཅས་པ་དང ། ཐབས་དང་བཅས་པ་མ་ཡིན་པའོ། །སྔོན་དུ་བྱ་བའི་བསྙེན་པ་ནི་རྣམ་པ་གཉིས་ཏེ། སྔོན་གྱི་དུས་སུ་གོམས་པ་དང ། རྒྱུན་མ་ཆད་པར་ཟླ་བ་ལ་སོགས་པར་འབུམ་བཟླས་པས་ལྷ་མཐོང་བའམ། ངག་ཐོས་པ་འམ། འོད་ཟེར་ལུས་ལ་ཕོག་པ་འམ། དེ་བཞིན་གཤེགས་པའི་སྐུ་མཐོང་བའོ། །གནས་ནི་རྣམ་པ་གཉིས་ཏེ། རང་བཞིན་གྱིས་དབེན་པའི་རི་ལ་སོགས་པ་དང ། རང་བཞིན་གྱིས་སྟོང་པའི་འདུ་འཛི་དང་བྲལ་བའི་གཙུག་ལག་ཁང་གི་བྲང་ཁང་ལ་སོགས་པའོ། །སྔོན་དུ་འགྲོ་བ་ནི་རྣམ་པ་གཉིས་ཏེ། དུས་གསུམ་དུ་སྡིག་པ་བཤགས་པ་དང ། བསོད་ནམས་དང ། ཡེ་ཤེས་ལ་རྗེས་སུ་ཡི་རང་བའོ། །གོམས་པར་བྱ་བ་ནི་རྣམ་པ་གཉིས་ཏེ། ལེགས་པ་ལ་སྦྱོར་བ་དང ། སངས་རྒྱས་
358b
དང།་བྱང་ཆུབ་སེམས་དཔའ་རྗེས་སུ་དྲན་པ་ལ་སོགས་པའི་སྒོམ་པ་གོམས་པའོ། །གཙང་སྦྲ་ནི་གཉིས་ཏེ། ལྷག་པའི་བསམ་པ་ཕུན་སུམ་ཚོགས་པས་སེམས་ཅན་དད་པ་ཅན་ལ་ཕན་པ་ཡང་དག་པར་སྟོན་པ་དང ། འཁོར་བའི་ཆོས་རྣམས་ལ་མངོན་པར་མི་དགའ་བས་སྡིག་པ་ཀུན་ཏུ་མི་སྤྱོད་པའི་གཙང་སྦྲའོ། །མྱུར་དུ་འགྲུབ་པར་བྱེད་པའི་ཆོས་ནི་གཉིས་ཏེ། སེམས་ཅན་གྱི་ཁམས་མ་ལུས་པ་འཁོར་བ་ལས་རྣམ་པར་གྲོལ་བར་བསྒྲུབ་པ་དང ། བྱང་ཆུབ་ཀྱི་སེམས་བསྐྱེད་པ་ལ་སོགས་པ་ནི་དངོས་གྲུབ་ཐོབ་པར་འགྱུར་རོ་ཞེས་ཡང་དག་པར་བསམས་ནས་བཟླས་པ་བྱ་བའམ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་དམིགས་པས་བཟླས་པ་བྱ་བའོ། །གཉིས་ལ་ནི་དངོས་གྲུབ་རིང་བར་འགྱུར་ཏེ། མ་དད་པ་དང ། བྱང་ཆུབ་ཏུ་སེམས་མ་བསྐྱེད་པ་ལའོ། །སྟོབས་རྣམ་པ་གཉིས་ཀྱིས་སེམས་ཅན་གྱི་ཁམས་དམན་པ་དང ། བར་མ་དང ། མཆོག་རྣམས་ཀྱི་དོན་འབྱུང་བར་འགྱུར་ཏེ། རང་གི་སྨོན་ལམ་དང ། བསོད་ནམས་དང ། ཡེ་ཤེས་ཀྱི་སྟོབས་དང ། སངས་རྒྱས་དང ། བྱང་ཆུབ་སེམས་དཔའ་རྣམས་ཀྱི་བྱིན་གྱིས་བརླབས་ཀྱི་སྟོབས་སོ། །བསྒྲུབ་པར་བྱ་བ་ནི་གཉིས་ཏེ། བདག་གི་དོན་དང ། གཞན་གྱི་དོན་ནོ། །དངོས་གྲུབ་ནི་གཉིས་ཏེ། རིག་འཛིན་ཐོབ་པར་བྱ་བ་ལ་སོགས་པ་དང ། སྤྱོད་པ་ལ་རྗེས་སུ་ཞུགས་པའོ། །འདིར་སྦྱོར་བ་ནི་རྣམ་པ་གཉིས་ཏེ། ཚད་མེད་པའི་
359a
༄#། །སེམས་བསྐྱེད་པའི་སྦྱོར་བ་དང ། སྒྱིད་ལུག་པ་མེད་པའི་སྦྱོར་བའོ། །བྱ་བ་ནི་གཉིས་ཏེ། ཐབས་དང ། ཤེས་རབ་ཀྱི་སྒོར་འཇུག་པའོ། །མི་བྱ་བ་ནི་གཉིས་ཏེ། སོམ་ཉི་དང ། སེམས་ཅན་ལ་ཉེ་བར་འཚེ་བའི་ལས་སོ། །ལུས་འདིའི་ཡོན་ཏན་ནི་གཉིས་ཏེ། དོན་ཡོད་པར་མྱུར་དུ་འགྲུབ་པ་དང ། བགེགས་མེད་པའོ། །འདིར་སྤང་བར་བྱ་བ་ནི་གཉིས་ཏེ། གསང་སྔགས་ལ་སོགས་པ་སྤོང་བ་དང ། མི་གུས་པའོ། །གོམས་པར་བྱ་བ་ནི་གཉིས་ཏེ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་རྗེས་སུ་དྲན་པའི་སྦྱོར་བ་དང ། སེམས་ཅན་གྱི་དོན་བྱ་བའོ། །འདིར་རྨད་དུ་བྱུང་བ་ནི་གཉིས་ཏེ། ཇི་ལྟ་ཇི་ལྟར་སྔགས་རྣམས་བསྒྲུབ་པར་བྱས་པ་དེ་ལྟ་དེ་ལྟར་རྗེས་སུ་མཐུན་པར་འགྱུར་བ་དང ། ཆོ་ག་གང་དང ། གང་གིས་གང་ལ་སྦྱར་བ་དེ་བསྒྲུབས་ན་འགྲུབ་པར་འགྱུར་བའོ། །མི་མཐོང་བའི་ཆོས་ཀྱི་ཡོན་ཏན་ནི་གཉིས་ཏེ། གང་དུ་སྐྱེས་པར་བྱང་ཆུབ་སེམས་དཔའ་དང་འགྲོགས་ཤིང་ཀུན་ནས་ཉོན་མོངས་པ་མེད་པ་དང ། རྒྱ་ཆེ་བ་ལ་འཇུག་པར་འགྱུར་བའོ། །བཟླས་པ་བྱས་ན་གཉིས་ལས་མི་གཡོ་བར་འགྱུར་ཏེ། ཆོས་ཉིད་ལས་བྱུང་བ་དང ། དེ་བཞིན་གཤེགས་པའི་བྱིན་གྱིས་བརླབས་ལས་མི་ཉམས་པའོ། །རས་རིས་ནི་གཉིས་ཏེ། དེ་བཞིན་གཤེགས་པ་དང་བཅས་པ་དང ། རིག་པ་གཅིག་པུ་ཉིད་དོ། །འདིར་
359b
སྤྱོད་པར་མི་བྱ་བའི་དམ་ཚིག་ནི་གཉིས་ཏེ། མྱོས་པར་འགྱུར་བའི་བཏུང་བ་དང ། ཁྲི་ལ་ཉལ་བའོ། །འདིར་མི་བྱ་བ་ནི་གཉིས་ཏེ། གསང་སྔགས་ལ་སེར་སྣ་མི་བྱ་བ་དང ། དོན་ཆུང་ངུའི་ལས་མི་བྱ་བའོ། །འདིར་འབྱུང་བར་མི་འགྱུར་བ་ནི་གཉིས་ཏེ། སྐྱོན་དུ་འགྱུར་བའི་ལས་ཐམས་ཅད་དང ། དོན་མེད་པ་ལ་འདོད་པའོ། །འདིར་ངེས་པ་ནི་གཉིས་ཏེ། རྨད་དུ་བྱུང་བའི་ཆོས་འབྱུང་བ་དང ། དེ་བཞིན་གཤེགས་པའི་རིགས་སུ་འཇུག་པའོ། །འདིར་བྱིན་གྱི་རླབས་འབྱུང་བ་ནི་གཉིས་ཏེ། ཐམས་ཅད་དུ་ལྷག་མ་ལུས་པར་མི་བྱེད་པ་དང ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་དང་འགྲོགས་པར་འདོད་པའོ། །དེ་དག་ལ་སོགས་པ་སྔགས་ཀྱི་སྤྱོད་པ་ལ་ཞུགས་པ་རྣམས་ལ་ཐབས་མང་དུ་འབྱུང་བར་འགྱུར་རོ། །དེ་ནས་སྒྲུབ་པ་པོ་རྣམས་ཀྱི་ཐུན་མོང་གི་སྔོན་དུ་བསྙེན་པའི་ཆོ་ག་བཤད་པར་བྱའོ། །དང་པོ་རེ་ཞིག་སྔགས་གང་ཡང་རུང་བ་བླངས་ནས་བདེན་པའི་བྱིན་གྱི་རླབས་ཀྱིས་གང་ལ་ལྷག་པར་མོས་པ་ཉེ་བར་བཟུང་ལ་སྔ་དྲོའི་ཐུན་ལ་སྐུ་གཟུགས་ཀྱི་མདུན་དུ་འམ། རས་རིས་ཀྱི་མདུན་དུ་འམ། དམ་པའི་ཆོས་ཀྱི་གླགས་བམ་གྱི་མདུན་དུ་མཚན་མ་བཞག་ལ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཡན་ལག་ཐམས་ཅད་ཀྱིས་ཕྱག་བྱས་ལ་འདི་སྐད་ཅེས་བརྗོད་པར་བྱའོ། །བདག་མིང་འདི་ཞེས་བགྱི་བ། སངས་རྒྱས་དང ། བྱང་ཆུབ་སེམས་དཔའ་
360a
༄#། །ཐམས་ཅད་ལ་བདག་ཉིད་འབུལ་གྱི། ཐམས་ཅད་དུ་བདག་རབ་ཏུ་གཟུང་དུ་གསོལ། །ཐུགས་རྗེ་ཆེན་པོ་དང་ལྡན་པའི་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་བདག་ལ་བྱིན་གྱིས་བརླབ་ཏུ་གསོལ་ཞེས་ལན་གསུམ་གྱི་བར་དུ་བརྗོད་པར་བྱའོ། །དེ་ནས་སྡིག་པ་བྱས་པ་བཤགས་པར་བྱ་སྟེ། འདིར་འདོད་ཆགས་དང ། ཞེ་སྡང་དང ། གཏི་མུག་ལས་སྐྱེས་པའི་སྡིག་པ་མ་ལུས་པ་ཐམས་ཅད་བཤགས་པར་བགྱི་སྟེ། ཐུགས་བསྐྱེད་པ་གང་གིས་སངས་རྒྱས་དང ། བྱང་ཆུབ་སེམས་དཔའ་རྣམས་ཀྱིས་བཤགས་པ་དེས་བདག་གིས་ཀྱང་བཤགས་པར་བགྱི་སྟེ། སངས་རྒྱས་བཅོམ་ལྡན་འདས་རྣམས་ཀྱིས་ཇི་ལྟར་མཁྱེན་པ་བཞིན་དུའོ་ཞེས་བྱ་བ་འམ། ཡང་ན་ནུས་པ་ཇི་ལྟ་བའི་བཤགས་པས་བཤགས་པར་བྱའོ། །དེ་ནས་འདི་སྐད་ཀྱང་བརྗོད་པར་བྱའོ། །དུས་གསུམ་གྱི་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཡང་དག་པར་བྱུང་བའི་བསོད་ནམས་དང ། ཡེ་ཤེས་ཀྱི་ཚོགས་ཚད་མེད་པ་མཉམ་པ་ཉིད་ལ་རྗེས་སུ་ཡི་རང་ཏེ། ཆོས་ཀྱི་དབྱིངས་མཐའ་དང ། དབུས་མེད་པའི་རྗེས་སུ་ཡི་རང་བས་རྗེས་སུ་ཡི་རང་སྟེ། ཐམས་ཅད་དུ་ཐམས་ཅད་ཡོངས་སུ་སྐྱོབ་པ་ཉིད་དང ། ལུས་དང ། ངག་དང ། ཡིད་ཀྱིས་ལེགས་པར་སྤྱོད་པ་དུས་གསུམ་དུ་གཏོགས་པའི་སེམས་ཅན་
360b
ཐམས་ཅད་ཀྱི་དགེ་བ་ལ་རྗེས་སུ་ཡི་རང་སྟེ། སངས་རྒྱས་བཅོམ་ལྡན་འདས་རྣམས་ཀྱིས་ཇི་ལྟར་མཁྱེན་པ་དེ་བཞིན་དུ་རྗེས་སུ་ཡི་རང་བ་མཆོག་གིས་རྗེས་སུ་ཡི་རང་སྟེ། སངས་རྒྱས་བཅོམ་ལྡན་འདས་རྣམས་ཇི་ལྟར་མཁྱེན་པས་རྗེས་སུ་ཡི་རང་བར་མཛད་པ་དེ་བཞིན་དུ་རྗེས་སུ་ཡི་རང་ངོ་ཞེས་བརྗོད་པར་བྱ་ཞིང ། ནུས་པ་ཇི་ལྟ་བ་བཞིན་དུ་རྗེས་སུ་ཡི་རང་བར་བྱའོ། །དེ་ནས་མཆོད་པའི་ཉེ་བར་མཁོ་བའི་དངོས་པོ་ཇི་སྙེད་ཡོད་པ། འདི་ལྟ་སྟེ། ཐང་ལས་སྐྱེས་པ་དང ། ཆུ་ལས་སྐྱེས་པའི་རིན་པོ་ཆེའི་རི་ལ་སོགས་པ་དང ། རྒྱ་མཚོའི་རིན་པོ་ཆེ་ལ་སོགས་པ་ཉམས་དགའ་བ། བདག་པོ་མེད་ཅིང་ཡོངས་སུ་བཟུང་བ་མེད་པ། མ་ལུས་པ་དེ་དག་དང ། སེམས་ཅན་གྱི་ཁམས་ན་ཡོད་པ་དེ་དག་དུས་ཐམས་ཅད་དུ་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཡོངས་སུ་བསྔོ་བར་བྱའོ། །ཡོངས་སུ་བསྔོས་ནས་བདག་གི་བསོད་ནམས་ཀྱི་སྟོབས་དང ། དེ་བཞིན་གཤེགས་པ་རྣམས་ཀྱི་བྱིན་གྱི་རླབས་ཀྱིས། མཆོད་པའི་སྤྲིན་རབ་འབྱམས་མཆོག་ཏུ་རྒྱ་ཆེ་བ། ཆོས་ཀྱི་དབྱིངས་རྒྱས་པར་འགེངས་པ་རྣམས་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་གྱི་དཀྱིལ་འཁོར་དུ་རབ་ཏུ་འབྱུང་བར་གྱུར་ཅིག་ཅེས་བརྗོད་ལ། དེ་ལྟ་བུའི་མཆོད་པའི་སྤྲིན་འབྱུང་བར་བྱེད་པའི་རིག་པའི་རྒྱལ་མོ་འདི་ཡང་བརྗོད་པ་བྱ་སྟེ། ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། སརྦ་ཏ་ཐཱ་ག་ཏེ་ཨ་དྷིཥྛི་ཏེ། ག་ག་ན་ཁ་བྷོ་སྥ་ར་ས་མནྟེ་ན་སཝཱཧཱ། ཞེས་
361a
༄#། །ལན་བརྒྱད་ཀྱི་བར་དུ་བརྗོད་པར་བྱའོ། །ལྷག་མ་ཡང་ཇི་ལྟར་ཙམ་འདོད་པ་བརྗོད་པར་བྱའོ། །དེ་ནས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱིས་མཆོད་པ་ཇི་ལྟ་བ་བཞིན་དུ་ཡང་དག་པར་གནས་པར་འགྱུར་ཞིང་བྱིན་གྱིས་རློབ་ལ་མཁྱེན་པར་ཡང་འགྱུར་རོ། །དེ་ནས་བདག་གི་བསོད་ནམས་ཀྱི་སྟོབས་ཀྱི་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་ཡོན་ཏན་བསྔགས་པའི་རྒྱ་མཚོ་གླུ་དབྱངས་མཆོག་རྒྱ་ཆེ་བ་རབ་འབྱམས་རྣམས་དེ་བཞིན་གཤེགས་པར་ཐམས་ཅད་ཀྱི་བྱིན་གྱི་རླབས་ཀྱིས་འབྱུང་བར་གྱུར་ཅིག་ཅེས་བརྗོད་ལ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་ཡོན་ཏན་བསྔགས་པ་དང ། ཆོས་སྒྲོགས་པའི་དབྱངས་འབྱུང་བར་བྱེད་པའི་རིག་པའི་རིག་པའི་རྒྱལ་མོ་ལན་བརྒྱད་ཀྱི་བར་དུ་བརྗོད་པར་བྱའོ། །ན་མཿ སརྦ་བུདྡྷ་བོ་དྷི་ས་ཏྭཱ་ནཱཾ། སརྦ་ཏྲ་སཾ་ཀུ་སུ་མི་ཏ་ཨ་བྷི་ཛྙཱ་ཏ་རཱ་ཤི་ནི། ན་མོ་སྟུ་སྟེ་སཝཱཧཱ། དེ་ལྟར་དོན་ཡོད་པ་འདི་ལ་མངོན་པར་དད་པར་བྱས་ནས་བསྒྲུབས་ན་དེ་བཞིན་དུ་འདིར་འབྱུང་བར་འགྱུར་རོ། །དེ་ནས་བླ་ན་མེད་པའི་བསོད་ནམས་དང ། ཡེ་ཤེས་ཀྱི་ཚོགས་དེ་དག་ཐམས་ཅད་ཡང་དག་པར་རྫོགས་པའི་བྱང་ཆུབ་ཏུ་བསྔོ་བར་བྱའོ། །དེ་ནས་ཚད་མེད་པའི་སེམས་བསྐྱེད་པ་གང་ཡང་རུང་བའི་ལྷག་པའི་བསམ་པས་སེམས་བསྐྱེད་ལ་སྔགས་བཟླས་ཤིང ། དེ་ལྟར་རེ་ཞིག་བདག་གིས་སེམས་བསྐྱེད་པ་དང་པོས་
361b
བདག་གི་སྨོན་ལམ་དང ། བསོད་ནམས་དང ། ཡེ་ཤེས་ཀྱི་སྟོབས་ཀྱིས་འདིར་སེམས་ཅན་གྱི་ཁམས་ཐམས་ཅད་སེམས་བསྐྱེད་པ་གྲུབ་པར་གྱུར་ཅིག་།དེ་བཞིན་གཤེགས་པའི་བྱིན་གྱི་རླབས་ཀྱང་འབྱུང་བར་གྱུར་ཅིག་ཅེས་བྱའོ། །ཡང་ན་བྱང་ཆུབ་སེམས་དཔའི་སྤྱོད་པ་ལ་འཇུག་པ་གྲུབ་པར་གྱུར་ཅིག་།འབྱུང་བར་གྱུར་ཅིག་ཅེས་བརྗོད་དོ། །ཡང་ན་བླ་ན་མེད་པའི་ཡེ་ཤེས་ཀྱི་ཚོགས་རྒྱ་མཚོ་སེམས་ཅན་ཐམས་ཅད་ལ་འབྱུང་བར་གྱུར་ཅིག་ཅེས་བྱ་བའམ། ཡང་ན་དངོས་གྲུབ་གང་སངས་རྒྱས་བཅོམ་ལྡན་འདས་རྣམས་ཀྱིས་མཁྱེན་པ་དེ་བདག་གི་བསོད་ནམས་དང།་ཡེ་ཤེས་ཀྱི་སྟོབས་དང ། དེ་བཞིན་གཤེགས་པ་རྣམས་ཀྱི་བྱིན་གྱི་རླབས་ཀྱིས་སེམས་ཅན་ཐམས་ཅད་ཀྱི་དངོས་གྲུབ་འབྱུང་བར་འགྱུར་ཅིག་ཅེས་བསམས་ལ། སྔགས་ཀྱི་རྒྱལ་པོ་ལན་བརྒྱད་ཀྱི་བར་དུ་བརྗོད་པར་བྱའོ། །ན་མཿ སརྦ་བུདྡྷ་བོ་དྷི་སཏྭཱ་ནཱཾ། ན་མོ་སྟུ་སྟེ་མཧཱ་བཛྲ་སརྦ་སྟཱ་ཧི་ཏཾ་ཀ་ར་ཏིཥྛ་སརྦ་ཏྲ་སརྦ་ཥ་ཊ་དྷརྨ་ཎཱཾ་དྷིཥྛ་ཡ་སཝཱཧཱ། དེའི་རྗེས་ལ་འདིར་སེམས་ཅན་གྱི་ཁམས་རྣམས་ལ་ཇི་ལྟར་བསམས་པ་བཞིན་དུ་སེམས་ཅན་རྣམས་ལ་ཕན་པའི་རྣམ་པ་ཐམས་ཅད་འབྱུང་བར་འགྱུར་རོ། །དེ་ནས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་དམིགས་ཤིང་ཕྱག་བྱས་ལ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་ཡང་དག་པར་རྫོགས་པའི་བྱང་ཆུབ་ལ་སོགས་པའི་དངོས་གྲུབ་ཐམས་ཅད་ལ་རྗེས་སུ་ཡི་རང་བར་དམིགས་ནས་ཇི་སྲིད་སྐྱོ་
362a
༄#། །བར་མ་གྱུར་གྱི་བར་དུ་བཟླ་བར་བྱའོ། །དེ་ནས་གླེགས་བམ་བཀླགས་ལ་ཟས་ལ་སྤྱད་ཅིང་ཟས་ཀྱིས་དུབ་ན་བསྟིས་ནས་སྔ་དྲོའི་ཆོ་ག་དེ་ཉིད་ཀྱིས་ཕྱི་དྲོ་ཡང་བྱའོ། །ཉལ་བ་ན་དང་པོ་ཡན་ལག་ཐམས་ཅད་ཀྱིས་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ནས་ཁྲི་མ་ཡིན་པ་ལ་ཉལ་བར་བྱའོ། །ཆོ་ག་འདི་ཉིད་ཀྱིས་ནུས་པ་ཇི་ལྟ་བ་དང ། སྟོབས་ཇི་ལྟ་བ་བཞིན་ཉིན་རེ་ཞིང་ཡར་ངོའི་ཉའི་ཟླ་བ་གཅིག་གི་བར་དུ་བྱའོ། །དེ་ནས་ཐབས་དང་མི་ལྡན་པའི་ཆོ་ག་ཡང་ཇི་སྐད་གསུངས་པ་བཞིན་ནུས་པ་ཇི་ལྟ་བ་བཞིན་བསྒྲུབ་པར་བྱ་ཡི། དག་གིས་ནུས་པ་མ་ཡིན་ནོ། ཞེས་སྒྱིད་ལུག་པར་མི་བྱ་སྟེ། ལས་ཇི་ལྟ་བ་འབྲས་བུ་ཡང་དེ་ལྟ་བུའི་ཞེས་བྱ་བས་དངོས་གྲུབ་ཀྱི་འབྲས་བུ་འགྲུབ་པར་འགྱུར་རོ། །ཞེས་བསམས་ལ་རི་ལ་སོགས་པའི་གནས་རབ་ཏུ་དབེན་པའམ། གཙུག་ལག་ཁང་ལ་སོགས་པའི་ཁང་པ་སྟོང་པའམ། བླ་གབ་མེད་པར་འདུ་འཛིན་རྣམ་པར་སྤངས་ལ་སེམས་ཅན་ལ་གནོད་པ་མེད་པས་ཆོ་ག་འདི་བཞིན་དུ་བྱའོ། །ཁྲུས་ལ་སོགས་པ་མེད་ཀྱང་རུང ། རས་རིས་མེད་ཀྱང་རུང ། ཆུལ་ཁྲིམས་འཚལ་པ་ཡིན་ཡང་རུང ། དམན་པ་ཡིན་ཡང་རུང ། བསོད་ནམས་དང་མི་ལྡན་ཡང་རུང་སྟེ། གང་ཡང་མང་དུ་སྒྲུབ་པ་ལ་གོམས་པར་བྱའོ། །མུན་པ་ཆེན་པོ་ནས་སྣང་བར་འཇུག་པར་འདོད་པ་དང ། འཁོར་པར་ལྟུང་བ་རྣམས་བྱང་ཆུབ་སེམས་དཔའི་ཐེག་པ་ལ་བསྐྱོན་པར་འདོད་པ་དང ། གང་ཡང་
362b
མང་དུ་འབད་བས་ལོག་པར་ལྟུང་བ་རྣམས་རབ་ཏུ་གཟུང་ཞིང་སྣང་བར་བྱེད་པ་རབ་ཏུ་ཐོབ་པར་འདོད་པས་ཆོ་ག་བཞིན་ཉིན་རེ་ཞིང་ཟླ་བ་གཅིག་གི་བར་དུ་བྱས་ལ། མཐར་ཡར་ངོའི་བཅོ་ལྔ་ལ་ཇི་ལྟར་མངོན་པར་འབྱོར་པའི་མཆོད་པ་བྱས་ནས་མཆོད་རྟེན་དང ། སྐུ་གཟུགས་དང ། རས་རིས་དང ། དམ་པའི་ཆོས་གླེགས་བམ་མམ། གང་ཡང་རུང་བའི་མདུན་དུ་མེ་ཏོག་སིལ་མས་བཀྲམ་པའི་དཀྱིལ་འཁོར་བྱས་ལ། ལོ་མ་བཏིང་བ་ལ་འདུག་སྟེ། བསྲུང་བའི་ཆོ་ག་ལ་སོགས་པ་སྔ་མ་བཞིན་བསམས་ལ་ལན་གསུམ་གྱི་བར་དུ་སྔགས་བརྗོད་པར་བྱའོ། །དེ་ནས་ལྕགས་ཀྱི་འཁོར་ལོ་འམ།་རྡོ་རྗེའམ། རལ་གྲི་འམ། མདུང་ངམ། ལྕགས་ཀྱུ་འམ། ཆུ་གྲི་ཟླ་ཕྱེད་ཀྱི་བར་དུ་བ་ལང་གི་ལྕི་བའི་ནང་དུ་བཅུག་ནས་བཏོན་ལ། ལག་ཏུ་བཟུང་ནས་སྲོད་དང་པོ་ནས་བརྩམས་ནས་མཚན་རངས་པར་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་བྱས་ནས་བསྒྲུབ་པར་བྱའོ། །ཡང་ན་རྡོ་རྗེ་ལས་བྱས་བ་རའི་འོ་མའི་ནང་དུ་བཅུག་པས་སོ། །ཡང་ན་དངུལ་དང ། ཟངས་དང ། གསེར་ལས་བྱས་པ་ཟླ་བ་ཕྱེད་དུ་ཆུའི་ནང་དུ་བཅུག་པའམ། མིག་སྨན་པའི་འོ་མའི་བུམ་པར་གཅུག་པའམ། བསེགས་བའམ། ལྡོང་རོས་དང ། བ་བླ་དང ། གི་ཝང་ངམ། རང་བཞིན་གྱིས་གནས་པ་ལོ་མའམ། གོས་ཀྱི་བར་དུ་ལག་ཏུ་བཟུང་ལ་བསྒྲུབ་བར་བྱའོ། །ཡང་ན་ནོར་བུ་འམ་།ཡང་ན་ཕྲེང་བའམ་།ཡང་ན་ལྷུང་བཟེད་བཀྲུས་པའམ། གོས་སམ། གནས་སམ། གདུགས་སམ། རི་མོ་ལག་ཏུ་བཟུང་བས་སམ། ཏ་ལའི་ལོ་མ་
363a
༄#། །ལས་བྱས་པའི་རལ་གྲི་ལ་སོགས་པ་རིག་པ་འཛིན་པ་འགྲུབ་པའི་རྫས་རྣམས་དང ། མཚན་རང་ས་པར་བསྒྲུབས་ན་ནམ་ཕྱེད་དམ། ཉི་མ་ཤར་བའི་ཚེ་འབར་བར་གྱུར་ནས་གལ་ཏེ་གྲུབ་ན་ངོ་མཚར་ཆེན་པོ་གློ་བུར་དུ་འབྱུང་བར་འགྱུར་ཏེ། ནམ་མཁའ་ལ་མེ་ཏོག་གི་ཆར་འབབ་པ་དང ། སངས་རྒྱས་ཀྱི་ཞིང་རབ་ཏུ་གཡོ་བ་དང ། སྣང་བ་ཆེན་པོ་གློ་བུར་དུ་འབྱུང་བ་དང ། གཞན་ཡང ། ངོ་མཚར་ཆེན་པོ་རྣམ་པ་སྣ་ཚོགས་འབྱུང་བར་འགྱུར་ཞིང ། རིག་པ་འཛིན་པའི་རིགས་ཐམས་ཅད་ཉེ་བར་འདུས་ནས་དེ་ལ་བསོད་ནམས་ཇི་ལྟ་བ་བཞིན་དུ་སྔགས་ཀྱི་མཐུ་ཁྱད་པར་ཅན་གྱིས་དབང་བསྐུར་བར་བྱེད། ཡོངས་སུ་འཛིན་པར་བྱེད་དོ། །དེ་ནས་རིག་པ་འཛིན་པའི་རྒྱལ་པོ་རིག་འཛིན་གྱི་སྡེ་དཔོན་ཚོགས་ན་སྤྱོད་པར་འགྱུར་རོ། །འདི་རང་གི་སྐལ་བ་ཇི་ལྟ་བ་བཞིན་དུ་འཇུག་པར་འགྱུར་ཞིང ། བྱང་ཆུབ་སེམས་དཔའི་རིག་འཛིན་གྱི་སྡེ་པའི་རྒྱལ་པོ་ཉིད་སྡུག་བསྔལ་མེད་པར་འཐོབ་པར་འགྱུར་ཞིང ། དེ་ཉིད་དུ་ས་ལ་བཞུགས་ནས་རྡོ་རྗེ་འཛིན་གྱི་གཙོ་བོ་ཆེན་པོ་ཞེས་བྱ་བའི་འཁོར་ལོས་བསྒྱུར་བ་རབ་འབྱམས་མཐའ་ཡས་པའི་འཕགས་པའི་ཆོས་ཀྱི་སྤྱོད་ཡུལ་འཕྲོག་པ་མེད་པར་སོང་བ། རྣམ་པར་རོལ་པ་མཐའ་ཡས་པས་མཛེས་པ། དེ་བཞིན་གཤེགས་
363b
པའི་རིག་པ་འཛིན་པར་བྱུང་ནས་ཉམས་པར་མི་འགྱུར་བ་ཐོབ་པས་སྲེག་པའི་བསྐལ་པའི་དུས་སུ་ཡང་འཇིག་རྟེན་གྱི་ཁམས་གཞན་དུ་འགྲོ་བར་འགྱུར་ཞིང་བླ་ན་མེད་པའི་བདེ་བའི་བདུད་རྩི་ལས་ཀྱང་མི་ཉམས་ལ། འདོད་པའི་ཡོན་ཏན་ལྔ་ལོངས་སྤྱོད་པ་ལས་མི་ཉམས་ཤིང་བུད་མེད་མང་པོའི་ཚོགས་ཀྱིས་ཡོངས་སུ་བསྐོར་བར་ཡང་འགྱུར་རོ། ། ཤེས་རབ་དང ། ཐབས་སོ་སོ་འཐོབ་ཅིང་སྟོབས་ཆེན་པོ་དང་ལྡན་པར་འགྱུར་ཞིང་སེམས་ཅན་ལ་གནོད་པར་ཡང་མི་བྱེད་དོ། །འཇིག་རྟེན་གྱི་རིག་འཛིན་གྱི་རྒྱལ་པོ་རྣམས་ཀྱང་དེའི་བདེ་བའི་བདུད་རྩིའི་ལོངས་སྤྱོད་མང་པོ་ལ་ལྟོས་ན་ཟད་པ་དང ། དམན་པ་ལྟ་བུ་ཡིན་པས་འཇིག་རྟེན་པའི་རིག་འཛིན་དེ་དག་གི་མཆོག་ཏུ་འགྱུར་ཞིང་སྙིང་རྗེ་བར་སེམས་པ་འགྱུར་རོ། །འདིའི་ཤུགས་ཀྱིས་འགྲོ་བ་ལ་ལྟོས་ན། ལྷའི་འཇིག་རྟེན་པའི་རིག་པ་འཛིན་པ་རྣམས་ཀྱང་རྐང་གིས་འགྲོ་བ་ལྟ་བུར་སེམས་སོ། །གང་འཇིག་རྟེན་པའི་རིགས་འཛིན་གྲུབ་པ་དེ་དང ། འདིའི་ཁྱད་པར་ཡང་རྩཝ་དང ། རི་རབ་ཀྱི་ཁྱད་པར་ལྟ་བུར་འགྱུར་རོ། །འདི་ལྟ་བུའི་ཐབས་དང་ལྡན་པའི་ཆོ་གའོ། །ཐབས་དང་མི་ལྡན་པས་ནི་ཇི་ལྟར་མོས་པ་བཞིན་དུ་དེ་བཞིན་གཤེགས་པའི་སྙིང་པོའི་ཆོ་ག་ཞིབ་མོ་རིམ་པར་ཕྱེ་བ་རབ་འབྱམས་ཀྱི་ཆོ་གའོ། །སྔར་གྱི་རྟོག་པའི་ཆོ་ག་ཐམས་ཅད་ཀྱིས་བསྒྲུབ་པར་བྱ་ཞིང་སྔར་
364a
༄#། །གྱི་རྟོག་པའི་ཆོ་ག་ཐམས་ཅད་ཀྱིས་སྦྱར་བར་བྱའོ། །མངོན་པར་ཤེས་པ་ལྔ་བསྒྲུབ་པའི་ཐབས་ནི་རྣམ་པ་གཉིས་ཏེ། རབ་ཏུ་དབེན་པར་སངས་རྒྱས་དང།་བྱང་ཆུབ་སེམས་དཔའ་ལ་སོགས་པས་དམིགས་པ་རྟག་ཏུ་ཟློས་པ་དང ། ལྷ་མ་ཉེས་པར་བྱེད་པས་མངོན་པར་ཤེས་པ་ལྔ་བསྒྲུབ་པ་སྟེ། ཆོ་གའི་ཐབས་དེ་དག་གིས་རྟག་ཏུ་གོམས་པར་བྱས་ནས་མངོན་པར་ཤེས་པ་ལྔ་ཉེ་བར་འབྱུང་བར་འགྱུར་རོ། །ལས་རྣམ་པར་གཉིས་ཀྱིས་རྫུ་འཕྲུལ་གྱི་རྐང་པ་རྣམས་ཐོབ་པར་འགྱུར་ཏེ།་ལུས་ཡང་བ་དང ། སེམས་ཡང་བ་ཉིད་ལ་གོམས་པར་བྱེད་ཅིང་ཟློས་པ་དང ། དབེན་པར་འདུག་ནས་བཟླས་པ་ལ་གོམས་པར་བྱེད་པའོ། །མི་སྣང་བའི་ཆོ་ག་ནི་གསུམ་སྟེ། ཉིན་ཅིག་ཏུ་སྒྲུབ་པ་འམ། ཉིན་མཚན་གཅིག་སྦྱོར་བས་སྒྲུབ་པ་དང ། དུར་ཁྲོད་དུ་ས་ལ་བྱས་པའི་མཆོད་རྟེན་བྱས་པའི་མདུན་དུ་དཀྱིལ་འཁོར་བྱས་པ་ལ་མེ་ཏོག་སིལ་མས་བཀྲམ་པ་ལ་འདུག་ནས་བ་བླའམ། གི་ཝང་ངམ། ཨ་ཤཝཏྟའི་ལོ་མའམ། བྱང་ཆུབ་ཀྱི་ཤིང་གཞན་ཡང་རུང ། མྱ་ངན་མེད་པ་ལ་སོགས་པ་བཀྲ་ཤིས་ཀྱི་ཤིང་གི་ལོ་མ་བཞག་ནས་སྒྲུབ་པ་པོས་ཐོ་རངས་ཀྱི་དུས་ནས་སྲོད་ཀྱི་བར་དུ་ཉིན་རངས་བསྒྲུབ་པར་བྱའོ། །དེ་ལས་དུ་བྱུང་ན་མི་སྣང་བར་
364b
འགྱུར་རོ། །གལ་ཏེ་ཉི་མ་དེ་ལ་མ་གྲུབ་ན་ཉི་མ་གསུམ་གྱི་བར་དུ་བསྒྲུབ་པར་བྱའོ། །དེ་ལྟ་ན་ཡང་མ་གྲུབ་ན་ཉི་མ་བཞི་པ་ལ་ཉི་མ་རངས་པར་དུར་ཁྲོད་དུ་འཆག་ཅིང་སྒྲུབ་པ་བྱས་ན་ངེས་པར་འགྲུབ་པར་འགྱུར་ཏེ། མི་སྣང་བར་འགྱུར་ཞིང་འདོད་པའི་གཟུགས་ཅན་དུ་འགྱུར་ལ་རི་རབ་ཀྱི་ངོས་ཀྱི་བར་དུ་འགྲོ་བར་འགྱུར་རོ། །ཡང་ན་དེ་ཉིད་དུ་མཆོད་རྟེན་གྱི་མདུན་དུ་ཚེས་བཅུ་གསུམ་གྱི་ཉི་མ་ནུབ་ནས་ཉི་མ་ཤར་གྱི་བར་དུ་མཆོད་པ་བྱས་ན་ཤིང་ལོ་ལ་འདུག་སྟེ། བ་བླ་འམ། གི་ཝང་ལོ་མའི་བར་དུ་བཞག་ནས་ཉི་མ་ནུབ་པའི་དུས་ནས་བརྩམས་ཏེ། མཚན་རངས་པ་བཟླས་ནས་དུ་བ་བྱུང་བས་ཚུད་གསུམ་བྱས་ན་མི་སྣང་བར་འགྱུར་རོ། །ཡང་ན་དུར་ཁྲོད་དེ་ཉིད་དུ་ཁྲག་གིས་ཐིག་ལེར་བྱས་ནས་ལག་ཏུ་རལ་གྲི་ཐོགས་ནས་འདུག་ལ་མཚན་རངས་པ་བཟླས་པ་བྱས་ན་ཉི་མ་ཤར་བའི་དུས་སུ་མི་སྣང་བར་འགྱུར་རོ། །རོ་ལ་རྐང་པས་མནན་ནས་ལག་པར་རལ་གྲི་ཐོགས་ཏེ་ཇི་སྲིད་མི་སྣང་བར་འགྱུར་གྱི་བར་དུ་བཟླས་པ་བྱའོ། །ལག་ཏུ་རལ་གྲི་བཟུང་ནས་ཉི་མ་གང་ཡང་རུང་བ་ལ་རོ་བསྲེགས་པའི་ཐལ་བ་ལ་ཁྲག་གིས་བསངས་བའི་ཡུངས་ཀར་གྱི་སྦྱིན་སྲེག་མཚན་རངས་པ་བྱས་ན་ཐོ་རངས་མི་སྣང་བར་འགྱུར་རོ། །མདོར་ན། རྟོག་པ་ཐམས་ཅད་ཀྱི་ཆོ་ག་གང་ཡང་རུང་བ་དེ་དག་དུར་ཁྲོད་དུ་བྱ་ཞིང་སྦྱར་
365a
༄#། །རོ། །ཡང་ན་ཉི་མ་རངས་པ་རི་ལ་སོགས་པའམ། ཁྱིམ་སྟོང་དང ། ལྷའི་ཁང་པ་དང ། ཤིང་གཅིག་དང ། དགོན་པའི་མཆོད་རྟེན་དང ། མཚོན་མ་གཅིག་པ་དང ། དུར་ཁྲོད་ལ་སོགས་པའི་གནས་སུ་མེ་ཏོག་སིལ་མ་བཀྲམ་པའི་དཀྱིལ་འཁོར་བྱས་པ་ལ། ཤིང་རྟ་དང ། ལྷའི་བཞོན་པ་དང ། སང་གེ་དང ། རྟ་དང།་གླང་པོ་ཆེ་དང ། མ་ཧེ་དང ། གླང་དང ། རི་དྭགས་དང ། རའམ། ལུག་གམ། ཁྱིམ་བྱ་རུང་བྲིས་པའི་མདུན་དུ་མཚན་རངས་པ་མར་དང ། སྦྲང་རྩི་དང།་མིའི་རུས་པ་ཕྱེ་མའི་སྦྱིན་སྲེག་བྱས་ན་ནམ་ཕྱེད་དམ། ཉི་མ་འཆར་ཀར་འཕར་བར་འགྱུར་རོ། །དེ་ནས་གང་དུ་འདོད་པ་འགྲོ་ཞིང་མི་སྣང་བར་ཡང་འགྱུར་རོ། །འདོད་ན་ཡང་སླར་འོང་བར་འགྱུར་ཞིང་ཡང་འགྲོ་བར་ཡང་འགྱུར་རོ། །དེ་ལ་སྦྱོར་བ་འདིས་རིལ་བུ་བསྒྲུབ་པར་བྱ་སྟེ། ཨ་ཏི་པ་ལའི་རྩ་བ་དང ། ཏྲི་བརྞའི་རྩ་བ་དང ། ཏྲི་བརྞའི་རྩ་བ་ལ་གོ་ད་བ་རི་ཞེས་བྱ་བ་དང ། མཧཱ་བེ་གེའི་རྩ་བ་ལ་ཡང་ཏྲཻ་ལ་པརྞེ་ཞེས་ཀྱང་བྱ་བ་དང ། ཤིང་ཆེན་གྱི་རྩ་བ་དང ། ཤུན་པ་དང ། འདི་དག་ཆ་མཉམ་པར་ཕྱེ་མ་ཞིབ་མོར་བྱས་ནས་རང་གི་ཁྲག་དང་རིལ་བུ་གསུམ་བྱས་ནས་ཟངས་ཀྱིས་བཀྲི་བར་བྱའོ། །རིལ་བུ་གཞན་ཡང་མྱ་ངན་མེད་ཀྱི་མེ་ཏོག་དང ། མ་དུ་
365b
ལུང་གའི་རྩ་བ་དང ། ཏ་ར་བ་ར་རྟའི་རྩ་བ་དང ། ཟར་མའི་ཤུན་པ་རྣམས་ཆ་མཉམ་པ་གཅིག་ཏུ་བྱས་ནས་ཕྱེ་མ་ཞིབ་མོར་བྱས་ལ་རང་གི་ཁྲག་དང་རིལ་བུ་སྲན་མ་ཙམ་གསུམ་བྱས་ཏེ་ཟངས་ཀྱིས་དཀྲི་བར་བྱའོ། །རིལ་བུ་གཞན་ཡང་ཏིལ་གྱི་རྩ་བ་དང ། ཏྲ་པུ་ཤའི་ས་བོན་དང ། མ་ལ་ཏའི་རྩ་བ་དང ། ཏ་མ་ལའི་ལོ་མ་རྣམས་ཆ་མཉམ་གཅིག་ཏུ་བྱས་པའི་ཕྱེ་མ་ཞིབ་མོ་དང ། རང་གི་ཁྲག་གིས་རིལ་བུ་གསུམ་བྱས་ལ་ཟངས་ཀྱིས་དཀྲིས་བར་བྱའོ། །རིལ་བུ་གཞན་ཡང་ཡུངས་ཀར་དང ། ཏིལ་དང ། བོང་བ་དང ། ་རུ་རའི་ཤུན་པ་འདི་རྣམས་ཆ་མཉམ་པའི་ཕྱེ་མ་ཞིབ་མོ་སྦྲང་རྩི་དང ། རང་གི་ཁྲག་གིས་སྦྲུས་ནས་རིལ་བུ་གསུམ་བྱས་ལ་ཟངས་ཀྱིས་དཀྲི་བར་བྱའོ། །རིལ་བུ་གཞན་ཡང་ཨ་རུ་ར་དང ། བི་བྷི་ཁའི་འབྲས་བུའི་རྐང་པ་དང ། ནཱ་ག་གེ་སར་དང ། སྦངས་མ་དང ། ཛཱ་ཏིའི་མེ་ཏོག་རྣམས་ཆ་མཉམ་པའི་ཕྱེ་མ་ཞིབ་མོར་བྱས་ལ་རང་གི་ཁྲག་དང ། ཏིལ་མར་བསྲེས་པ་དང ། རིལ་བུ་གསུམ་བྱས་ལ་ཟངས་ཀྱིས་བཏུམ་པར་བྱའོ། །དེ་ནས་རིལ་བུ་དེ་དག་སྒྲུབ་པའི་ཐབས་འབྱུང་བར་འགྱུར་རོ། །སྔགས་གང་ཡང་རུང་བ་སྟོང་ཕྲག་གཅིག་བཟླས་པ་བྱས་ལ་དུར་ཁྲོད་དུ་དཀྱིལ་འཁོར་བྱས་ནས་དབུས་སུ་མཆོད་རྟེན་ནམ། དམ་པའི་ཆོས་ཀྱི་གླེགས་བམ་བཞག་ནས་ཚེས་བཅུ་གསུམ་གྱི་ཉིད་
366a
༄#། །མཚན་རངས་པ་ལོ་འདབ་བཏིང་བ་ལ་མྱུར་བར་འདུག་ལ་ལག་པ་གཡས་པར་རལ་གྲི་ཐོགས་ནས་གཡོན་དུ་རིལ་བུ་གང་ཡང་རུང་པ་བཟུང་ལ་སྲོད་ནས་བརྩམས་ནས་ཇི་སྲིད་དུ་བ་བྱུང་བ་དང ། རབ་ཏུ་གཡོ་བར་འགྱུར་གྱི་བར་དུ་བསྒྲུབ་པ་བྱས་ན་དེ་ནས་རིལ་བུ་གཅིག་ཁར་བཅུག་ན་ཉི་མའི་འོད་ལྟ་བུར་འགྱུར་རོ། །ཁྲུ་གང་ཙམ་གྱི་ས་ལ་མ་རེག་པར་འགྱུར་རོ། །གལ་ཏེ་དེའི་ནུབ་མོ་མ་གྲུབ་ན་སླར་ཡང་དུར་ཁྲོད་དུ་སྲོད་ནས་བརྩམས་ནས་ཇི་སྲིད་ཉི་མ་ཤར་གྱི་བར་དུ་འཆག་ཅིང་བཟླས་པ་བྱའོ། །ཡང་ན་དབང་ཕྱུག་ཆེན་པོ་གྲུབ་པའི་ཁང་པར་མཚན་མའི་སྟེང་དུ་གཞག་ནས་ཁ་བྱང་དུ་བལྟས་ཏེ་འདུག་པས་ལག་ཏུ་རལ་གྲི་ཐོགས་ཏེ། སྲོད་དུས་ནས་བརྩམས་ནས་ཉི་མ་ཤར་གྱི་བར་དེ་བཞིན་དུ་ཁར་བཅུག་ནས་བསྒྲུབས་ན་ཉི་མའི་མདོག་ཏུ་འགྱུར་རོ། །ཡང་ན་དགོན་པའི་མཆོད་རྟེན་ནམ། ཡང་ན་བྱང་ཆུབ་ཀྱི་ཤིང་བདུན་པོ་གང་ཡང་རུང་བའི་རྩར་ཉེ་བར་འདུག་ལ་རིལ་བུ་གང་ཡང་རུང་བ་གསུམ་ལག་ཏུ་བཟུང་ནས་སྔ་མ་བཞིན་དུ་བྱའོ། །ཡང་ན་དབེན་པར་འཕགས་པ་ཕྱག་ན་རྡོ་རྗེའི་ཕྱག་ཏུ་བཞག་ནས་མཆོད་པ་བྱས་ལ་བསྒྲུབ་པར་བྱའོ། །ཡང་ན་ཇི་སྐད་བསྟན་པའི་གནས་སུ་ཟླ་བ་དང ། ཉི་མ་གཟས་ཟིན་པའི་ཚེ་བསྒྲུབ་པར་བྱ་སྟེ་སྔ་མ་བཞིན་ནོ། །དེ་ནས་མིག་སྨན་འབྱུང་བར་འགྱུར་ཏེ། སྤངས་
366b
མ་དང ། མཐིང་ཤུན་དང ། ཟངས་ཕྱེ་མ་རྣམས་ཆ་མཉམ་པར་བྱས་ལ་རང་གི་ཁྲག་དང ། སྦྲང་རྩིས་རིལ་བུ་བྱས་ནས་ཁམ་ཕོར་མ་བསྲེགས་པ་ཁ་སྦྱར་དུ་བཞག་ལ། དུར་ཁྲོད་ལ་སོགས་པའི་གནས་རྣམས་སུ། དེ་བཞིན་དུ་ལག་ཏུ་རལ་གྲི་ཐོགས་ཏེ་རིལ་བུ་བཞིན་དུ་བསྒྲུབ་པར་བྱའོ། །དེ་བཞིན་དུ་བ་བླ་བྱང་ཆུབ་ཀྱི་ཤིང་གི་ལོ་མའི་བར་དུ་བཞག་ནས་ལག་ཏུ་རལ་གྲི་བཟུང་ནས་སྔ་མ་བཞིན་དུ་བསྒྲུབ་བོ། །དགོན་པའི་མཆོད་རྟེན་ནམ། བྱང་ཆུབ་ཀྱི་ཤིང་གང་ཡང་རུང་བའི་རྩ་བ་དང ། དབང་ཕྱུག་ཆེན་པོའི་གནས་སུ་འཕགས་པ་རྡོ་རྗེ་འཛིན་གྱི་ཕྱག་ཏུ་བཞག་ནས་ཚེས་བཅུ་གསུམ་གྱི་ཉིན་ཞག་སྨྱུང་བར་འདུག་ནས་བསྒྲུབ་པའམ། ཟླ་བ་ཉི་མ་གཟས་ཟིན་པའི་ཚེ་སྲོད་ནས་བརྩམས་ནས་བསྒྲུབ་པར་བྱའོ། །གྲུབ་ན་ཐིག་ལེ་བྱས་ན་མི་སྣང་བར་འགྱུར་རོ། །གལ་ཏེ་དེའི་ནུབ་མོ་མ་གྲུབ་ན་དེ་བཞིན་དུ་དེ་ཉིད་དུ་འཆག་ཅིང་ཉི་མ་འཆར་ཀ་ནས་བརྩམས་ནས་སྲོད་ཀྱི་བར་དུ་བསྒྲུབ་པར་བྱའོ། །གྲུབ་པར་གྱུར་ན་བར་གྱི་བསྐལ་པར་གནས་ཤིང་གསེར་གྱི་མདོག་ཅན་འདོད་པའི་གཟུགས་ཅན་དུ་འགྱུར་རོ། །བ་བླ་ལ་ཇི་ལྟ་བ་བཞིན་དུ་གི་ཝང་དང ། ལྡོང་རོས་ལ་སོགས་པ་ལ་ཡང་བརྩོན་འགྲུས་དང་ལྡན་པས་སྔ་མ་བཞིན་དུ་བསྒྲུབ་པར་བྱའོ། །བུད་མེད་ཀྱི་མཚན་མ་གཞན་དུ་གྱུར་པ་དང ། སྔོན་གྱི་རྟེན་གཞན་དུ་གྱུར་པ་གཞོན་ནུ་དང ། གཞོན་ནུ་མའི་སྒྲུབ་པ་
367a
༄#། །འབྱུང་བར་འགྱུར་རོ། །སྔགས་གང་ཡང་རུང་བ་བཟུང་ལ་རི་གསེབ་ཏུ་ཞུགས་ཏེ་འབུམ་བཟླས་ལ། དེ་ནས་གཞོན་ནུ་མ་ལེགས་པར་ཁྲུས་བྱས་ཏེ་རྒྱན་གྱིས་བརྒྱན་པར་བྱས་ཏེ་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་དབུལ་བར་བྱ་ཞིང་ཚོགས་བསགས་པ་དང ། བྱང་ཆུབ་ཀྱི་སེམས་ཡོངས་སུ་གཟུང་བ་བྱས་ལ་སྔ་མ་བཞིན་དུ་མཆོད་རྟེན་དང ། སྐུ་གཟུགས་དང ། རས་རིས་སམ། དམ་པའི་ཆོས་ཀྱི་གླེགས་བམ་གྱི་མདུན་དུ་ཇི་ལྟར་ནུས་པས་མཆོད་པ་བྱས་ལ། འཁོར་ལོ་འམ། རལ་གྲི་འམ། རྡོ་རྗེ་འམ། ལྕགས་ཀྱུ་འམ། དམ་པའི་ཆོས་ཀྱི་གླེགས་བམ་ལག་པ་ལ་བཅིངས་ནས་སམ། རྫས་དེ་དག་ལས་གང་ཡང་རུང་བ་ཉིད་དམ། མེད་པར་ཡང་གཞོན་ནུ་དཀྱིལ་འཁོར་དུ་བཅུག་ཅིང་ཤིང་མངར་པོ་ལ་མེ་སྤར་ལ། ཤིང་དང ། ཚཝ་ཕྱེ་དང་བཅས་པའི་རང་གི་ཁྲག་གིས་བསྒོས་པ་ཉི་མ་ནུབ་ནས་བརྩམས་ནས་འབར་བར་གྱུར་གྱི་བར་དུ་དེ་ལག་པ་ནས་བཟུང་ནས་བསྒྲུབས་ན། དེ་དང་བཅས་པར་ཐོགས་པ་མེད་པའི་རིག་པ་འཛིན་པར་འགྱུར་རོ། །དུར་ཁྲོད་དུ་ལྕགས་ཀྱི་རྡོ་རྗེ་ལག་ཏུ་བཟུང་ནས་སློང་མོ་ལ་སྤྱོད་ཅིང་ཇི་སྲིད་བདག་ཉིད་གནོད་སྦྱིན་དུ་འགྱུར་གྱི་བར་དུ་བཟླས་ན་བདག་ཉིད་ལྕང་ལོ་ཅན་དུ་ཞུགས་པར་མཐོང་བར་འགྱུར་རོ། །དེར་འཕགས་པ་ཕྱག་ན་རྡོ་རྗེའི་རིགས་
367b
སུ་རང་གི་གནས་ཐོབ་པར་འགྱུར་རོ། །བྱོན་ནས་སྡིག་པ་ཆེན་པོ་བྱས་པ་ཡང་ལག་པ་ནས་བཟུང་ནས་ངེས་པར་ལྕང་ལོ་ཅན་དུ་ཁྲིད་པར་བྱེད་དོ། །ཉལ་བའི་ཚེ་རྡོ་རྗེ་དེ་བསྲུང་བ་བྱས་ལ་སྔས་སུ་གཞག་པར་བྱའོ། །ཟས་ཟ་བའི་ཚེ་ཡང་དེ་ལག་ཏུ་བཟུང་ནས་བཟའ་བར་བྱའོ། །ཙནྡན་དམར་པོ་ལས་བྱས་པའི་རྡོ་རྗེ་ལག་ཏུ་ཐོགས་ནས་རྟག་ཏུ་བསོད་སྙོམས་ལ་སྤྱོད་པས་རི་ལ་འཛེགས་ནས་བཟླས་པ་བྱས་ན་ཟླ་བ་ལྔའི་ནང་དུ་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ནང་དུ་སྐལ་བ་ཇི་ལྟ་བ་བཞིན་དུ་གནས་རབ་ཏུ་ཐོབ་པར་འགྱུར་རོ། །རི་ལ་སློང་མོ་སྤྱོད་ཅིང་རལ་གྲི་མ་བོར་བར་རྟག་ཏུ་བཟླས་པ་བྱས་ལ་ཟས་ཟ་ན་བཟུང་ནས་བཟླའོ། །ཉལ་བ་ན་ཡང་སྲུང་བ་བྱས་ཏེ་ཤུབས་སུ་བཅུག་སྟེ་སྔས་སུ་བཞག་ན་ཟླ་བ་གསུམ་གྱི་ནང་དུ་རིག་པ་འཛིན་པར་འགྱུར་རོ། །འཁོར་ལོ་ལ་ཡང་ཆོ་ག་འདི་ཉིད་ཡིན་ནོ། །ལྕགས་སམ། ས་ལས་ལྕགས་ཀྱུ་བྱས་ལ་དུར་ཁྲོད་དུ་མེ་ཏོག་སིལ་མ་བཀྲམ་པའི་དཀྱིལ་འཁོར་བྱས་ལ་དཀྱིལ་འཁོར་གྱི་དབུས་སུ་དུར་ཁྲོད་ཀྱི་ཤིང་ལས་མེ་སྦར་ལ་ལག་པ་གཡས་པར་ལྕགས་ཀྱུ་ཐོགས་ནས་སྐེ་ཚེའི་སྦྱིན་སྲེག་བྱ་སྟེ། དུར་ཁྲོད་ན་གཉུག་མར་གནས་པ་རྣམས་འོང་གི་བར་དུ་བྱའོ། །འོངས་ནས་བདག་གིས་བགྱི་བཅི་མཆིས། བཀའ་སྩོལ་ཅིག་ཅེས་ཟེར་ན། དེ་བཞིན་གྱིས་ཤིག་ཅེས་བརྗོད་དོ། །དེ་ནས་བཟུང་ནས་དྲན་པ་ཙམ་གྱིས་
368a
༄#། །བཀའ་བཞིན་བྱེད་པར་འགྱུར་རོ། །དེ་བཞིན་དུ་ཤིང་ཆེན་པོའི་རྩ་བར་དེ་བཟུང་ནས་སློང་མོ་སྤྱོད་བཞིན་དུ་བཟླས་པ་བྱས་ན་གནོད་སྦྱིན་འོངས་ནས་ཅི་ཞིག་བགྱི་ཞེས་སྨྲ་ཞིང་གང་དོན་དུ་གཉེར་བའི་དོན་དེ་སྒྲུབ་པར་བྱེད་དོ། །མྱ་ངན་མེད་ཀྱི་ཤིང་གི་རྩ་བར་སློང་མོ་སྤྱོད་པས་ལྕགས་ཀྱུ་དེ་ཉིད་བཟུང་ནས་བཟླས་ན་གནོད་སྦྱིན་མོ་འོངས་ནས་ཇི་ལྟར་མངོན་པར་འདོད་པ་བཞིན་དུ་ཉེ་བར་གནས་པར་འགྱུར་རོ། །རི་ལ་འཛེགས་ནས་ལྕགས་ཀྱུ་དེ་བཟུང་ནས་བཟླས་པ་བྱེད་ཅིང་རིག་པ་འཛིན་པ་གྲུབ་པར་བྱེད་པ་རྫས་གང་འདོད་པས་དེ་བཞིན་དུ་བྱས་ན་དེ་དག་གི་རིག་པ་འཛིན་པར་འགྱུར་རོ། །ལྕགས་ཀྱུ་དེ་དང ། ཀླུའི་གནས་ཀྱི་སྟེང་དུ་བཟླས་པ་བྱས་ན། དེའི་རྗེས་ལ་ཀླུ་སྟེང་དུ་ལངས་ནས་གང་སྨྲས་པ་དེ་བྱེད་དོ། །ལྕགས་ཀྱུ་ལ་ཇི་ལྟ་བ་དེ་བཞིན་དུ་ལྕགས་ལས་བྱས་པའི་རལ་གྲི་དང ། འཁོར་ལོ་དང ། རྡོ་རྗེ་སྦྱོར་བས་ཀྱང་སྦྱར་བར་བྱའོ། །དོན་ཡོད་པ་འདིས་འདིར་ནིམ་པ་ལས་བྱས་པའི་རྡོ་རྗེ་ལག་ཏུ་ཐོགས་ནས་པཀྴའི་ཤིང་གི་རྩ་བར་སློང་མོ་སྤྱོད་ཅིང་བཟླས་ན། ལྷ་རྣམས་འོངས་ནས་ཡིད་ལ་གང་འདོད་པའི་དོན་རྗེས་སུ་སྒྲུབ་པར་བྱེད་ཅིང་ཟླ་བ་གཅིག་གི་ནང་དུ་འོང་བར་འགྱུར་རོ། །ཐམས་ཅད་འོངས་བར་མ་གྱུར་པར་དེ་བཞིན་དུ་སྦྱིན་སྲེག་བྱ་སྟེ། གོང་མའི་ཡམ་ཤིང་གིས་མེ་སྦར་
368b
ལ་མར་དང་སྐེ་ཚེ་སྦྱིན་སྲེག་བྱས་ན་ངེས་པར་རིམ་གྱིས་ཟིན་པར་བརྙེས་ཤིང་བརྡུངས་ལ་ཆངས་བུར་བཅངས་པའི་ལུས་ཀྱིས་འོང་བར་འགྱུར་རོ། །ཐམས་ཅད་ཀྱི་ཐུན་མོང་གི་སྦྱིན་སྲེག་ཡིན་ནོ། །འདིར་སྦྱིན་སྲེག་གི་ཆོ་ག་འདི་ཡིན་ཏེ། རྫས་ཀྱི་ཆེད་དུ་ནི་ཤིང་ཆེན་དང ། མ་དུ་ཀ་དང ། ་མྲ་ལ་སོགས་པས་སོ། །དེ་བཞིན་དུ་འབྲས་བུ་དང་བཅས་པའི་ཚེར་མ་ཅན་གྱི་ཤིང་གི་ཡམ་ཤིང་གིས་ཀྱང་སྦྱིན་སྲེག་བྱའོ། །ཞོ་དང ། སྦྲང་རྩི་དང ། སཱ་ལུའི་ཟན་གྱི་ཆང་བུ་འམ། སྦྲང་རྩི་དང ། མར་དང ། འབྲས་སམ། སྦྲང་དང ། མར་ལ་སོགས་པས་སྦྱིན་སྲེག་བྱའོ། །བྱང་ཆུབ་ཀྱི་ཤིང་དྲུང་དུ་མཆོད་རྟེན་དང ། རས་རིས་དང ། སྐུ་གཟུགས་ཀྱི་མདུན་དུ་དབང་དུ་བྱ་བའི་སྦྱིན་སྲེག་གི་ཆོ་ག་ནི་པྲི་ཡང་ཀུའི་སྲེག་རྫས་ལ་སོགས་པ་འམ། མེ་ཏོག་དྲི་ཞིམ་པོའི་ཤིང་ལ་སོགས་པའི་ཡམ་ཤིང་གིས་ཀྱང་དེར་སྦྱིན་སྲེག་བྱའོ། ། ཏི་མུཀྟའི་བསྲེག་རྫས་ནི་ཞོ་ལ་བསྟེགས་པས་སོ། །པྲི་ཡང་ཀུའི་བསྲེག་རྫས་ནི་ཞོ་དང ། མར་ལ་བསྟེགས་པས་སོ། །ཚཝ་དང ། ཏིལ་གྱི་ཆང་བུ་འམ། ཚཝ་དང ། མར་གྱི་ཆང་བུ་འམ། ཚཝ་དང ། ཁྲག་གི་ཆང་བུས་ཀྱང་བྱ་སྟེ། གལ་ཏེ་དབང་དུ་མ་གྱུར་ན་དེ་དག་གིས་སྦྱིན་སྲེག་བྱའོ། །མ་དུ་རི་ཀ་དང ། ཏིལ་བསྲེས་པའི་སྦྱིན་སྲེག་གིས་ནི་དགའ་བ་ཆེན་པོར་བྱེད་པའོ། །སོ་བ་དང ། མར་བསྲེས་པ་དང ། ཚ་
369a
༄#། །བའི་མར་དང་སྦགས་པའི་བོ་སོ་ཆའི་ཚེར་མས་ནི་ཤ་ཟ་ལ་སོགས་པ་གདུག་པ་ཅན་རྣམས་ལའོ། །ཀླུའི་འོ་མ་དང ། སྐེ་ཚེས་ནི་གནོད་སྦྱིན་དགུག་པ་ལ་འོ། །འབྲས་བུ་བསྲེགས་པས་ཀྱང་རུང་ངོ ། །སྐྱེད་མོས་ཚལ་ལ་སོགས་པ་གནས་དབེན་ཞིང་ཉམས་དགའ་བར་མེ་ཏོག་གི་བསྲེག་རྫས་ཀྱིས་ཏེ་འོན་ཀྱང་ཀླུང་གི་རྒྱུན་ལ་དབུལ་བར་བྱའོ། །དེ་ལ་དོན་འདོད་པས་ནི་ཆུ་ཀླུང་གི་ནང་དུ་འདུག་ལ་ཨུཏྤ་ལ་དང ། ཀུ་མུ་ད་དང ། པདྨ་དང ། པུཎྜ་རི་ཀ་དང ། ཀ་ར་བཱི་ར་དང ། ་ཤོ་ཀ་དང ། ཙམ་པ་ཀ་ལ་སོགས་པའི་མེ་ཏོག་གསུམ་ནས་བརྩམས་ནས་ཅི་ཙམ་འབྱོར་པ་ཀླུང་གི་ཆུའི་ནང་དུ་འདུག་ནས་ཉི་མ་གསུམ་ཡན་ཆད་ཇི་ཙམ་འདོད་པར་རང་གི་འབྱོར་བ་དང་མཐུན་པར་རམ། བརྩོན་འགྲུས་དང་རྗེས་སུ་མཐུན་པར་འབྲས་བུ་དོན་ཡོད་པར་འབྱུང་བར་འགྱུར་རོ། །མཆོད་རྟེན་དང ། སྐུ་གཟུགས་དང ། རས་རིས་དང ། དམ་པའི་ཆོས་ཀྱི་གླེགས་བམ་ལ་སོགས་པ་འམ། གཞན་ཡང་རུང་རྫས་ཀྱི་དོན་དུ་མེ་ཏོག་ལ་སོགས་པ་དབུལ་བར་བྱའོ། །དབང་དུ་བྱ་བའི་ཕྱིར་ནི་མ་ད་ཡན་ཏི་ཀ་དྲ་ཛ་ཏི་དང ། མ་ལི་ཀ་དང ། པྲི་ཡང་ཀུ་ལ་སོགས་པའི་ཆུའི་ནང་དུ་འདུག་ནས་བརྒྱ་ཡན་ཆད་ཉི་མ་ལྡ་ཡན་ཆད་བྱ་ཞིང་དབུལ་བར་བྱའོ། །དེ་བཞིན་དུ་མཆོད་རྟེན་དང ། སྐུ་གཟུགས་དང །
369b
རས་རིས་དང ། གླེགས་བམ་ཡང་རུང་ཕུལ་ན་རྒྱལ་པོ་ལ་སོགས་པ་དེས་པར་དབང་དུ་འགྱུར་རོ། །ནད་ཀྱི་དོན་དུ་བྱ་བའི་སྦྱིན་སྲེག་ནི། འདི་ལྟ་སྟེ། སྨན་གྱི་ཤིང་གི་ཡམ་ཤིང་དང།་སྐྱུ་རུར་ལ་སོགས་པ་དང ། འབྲས་བུ་ཁ་བ་དང ། ནིམ་པ་ལ་སོགས་པ་བླ་གབ་མེད་པའི་གནས་སུ་མཆོད་རྟེན་ལ་སོགས་པ་ལ་ཆུའི་མེ་ཏོག་དང ། ལོ་མ་དང ། དགོན་པའི་མེ་ཏོག་དབུལ་བར་བྱའོ། །དེ་བཞིན་དུ་མཆོད་རྟེན་ལ་སོགས་པ་ལ་ཉིན་བདུན་ཡན་ཆད་ཇི་ཙམ་ནུས་པ་བྱས་ན། ངེས་པར་ནད་མེད་པ་དང ། དབང་དུ་བྱ་བ་དང་བཅས་པ་བྱེད་པར་འགྱུར་རོ། །གདོན་ལ་ནི་ཏིལ་མར་དང ། རང་སྐྱུར་ལ་བསྟེགས་པའི་རྒྱལ་པོའི་ཡུངས་ཀར་སྦྱིན་སྲེག་གིས་སོ། །འབྱུང་པོ་དང ། ཤ་ཟ་དང ། སྲིན་པོ་ལ་སོགས་པ་ལ་ཐལ་བ་ལ་སོགས་པས་བྲིས་པས་འབྲོས་པར་འགྱུར་ཞིང ། བརྡེག་པ་དང ། གཅད་པ་དང ། བཅིང་བ་ཡང་མེད་དོ། །བདག་བསྲུང་བ་ལ་ནི་ལན་གསུམ་བརྗོད་པས་སོ། །གཞན་བསྲུང་བ་ལ་ནི་ལན་ལྔ་བྱས་པས་འདུག་པར་འགྱུར་རོ། །གང་དག་ལ་མདུད་པ་བཅིངས་པ་དང ། ཆུ་དང ། ཡུངས་ཀར་དང ། ས་དང ། ཚོན་དང ། ཕྱག་རྒྱས་སམ། ཡིད་ཀྱི་དཀྱིལ་འཁོར་གྱིས་ཀྱང་འཆི་བར་བྱེད་དོ། །ཐལ་མོ་བརྡབས་པ་འམ། མདུད་པ་བཅིངས་པས་སམ། འདོད་པས་ཀྱང་དབང་དུ་བྱེད་ཅིང་འགུགས་སོ། །ཕུར་བུ་དང ། སྔགས་མདུད་དང ། ཆུས་ཀྱང་ཐམས་
370a
༄#། །ཅད་བྱེད་དོ། །མདོར་ན་ཡིད་ལ་བསམས་ནས་བཟླས་པ་བྱས་ན་ཐམས་ཅད་དོན་ཡོད་པར་བྱེད་དོ། །རང་བཞིན་དུ་གནས་པ་ལ་འབེབས་པར་བྱེད་ན། ཙནྡན་དང ། ་ག་རུའི་བདུག་སྤོས་ལ་སོགས་པས་དཀྱིལ་འཁོར་མེ་ཏོག་སིལ་མ་བཀྲམ་པ་བྱས་པ་ལའོ། །གདོན་གྱིས་ཟིན་པ་ལ་འབེབས་པར་བྱེད་ན། ཨུ་ཤིར་དང ། མར་གྱི་བདུག་སྤོས་ཀྱིས་སོ། །བདུག་སྤོས་ཐམས་ཅད་ཀྱང་མར་དང་བཅས་པར་བྱའོ། །དཔལ་པིསྠ་ཀ་ལ་སོགས་པ་ལ་ཡང་སྦྱར་བར་བྱའོ། །མར་དང་བཅས་པས་ཉིན་བཞི་པ་ལ་སོགས་པའི་རིམས་ཞི་བར་བྱེད་དོ། །ཏིལ་མར་དང་བསྲེས་པའི་ཀུན་དུ་རུ་ཀ་ལ་སོགས་པའི་བདུག་སྤོས་ཐམས་ཅད་ཀྱིས་སོ། །ལྕགས་ལས་བྱས་པའི་ཕུར་བུས་གདུག་པ་ཅན་སྲིན་པོ་དང ། ལྷ་མ་ཡིན་ལ་སོགས་པ་ཕུར་བུས་འདེབས་སོ། །གནོད་སྦྱིན་ལ་ནི་འོ་མ་ཅན་གྱི་ཕུར་བུས་སོ། །ཀླུ་ལ་ནི་ནི་མ་པའི་ཤིང་ལས་བྱས་པས་སོ། །རིག་པ་འཛིན་པ་ལ་ནི་ཤྲི་ཁཎྜ་ལས་བྱས་པས་སོ། །ལྷ་ལ་ཙནྡན་དམར་པོ་ལས་བྱས་པའི་ཕུར་བུས་སམ། ཇི་ལྟར་འདོད་པས་ལན་ཉི་ཤུ་རྩ་གཅིག་གི་བར་དུ་བཟླས་ལ་གཟུགས་བརྙན་གྱི་གནས་གང་ཡིན་པ་དེར་གདབ་པར་བྱའོ། །བཏབ་ནས་ཁྲོས་པས་གནས་དེ་ཉིད་དུ་མཚན་མ་ཅུང་ཞིག་བྱུང་བར་གྱུར་གྱི་བར་དུ་བཟླས་པ་བྱ་ཞིང ། སྲེད་པ་མེད་པའི་
370b
དྲག་ཏུ་ཁྲོས་པས་ཕ་རོལ་ཀུན་ཕུར་བུས་གདབ་བོ། །བསྟན་པ་ལ་སྡང་བའི་སེམས་ཅན་དང ། སེམས་ཅན་རྣམས་ལ་སྡང་བ་ཡང་ཕུར་བུས་གདབ་བོ། །དཔལ་ཕུར་བུས་རྒྱལ་པོ་གདུག་པ་ཅན་གྱི་དཔུང་ཕུར་བུས་གདབ་པར་འགྱུར་རོ། །རྒྱལ་པོ་ཕུར་བུས་གདབ་པ་ལ་ནི་ཙམ་པའི་ཤིང་ལས་བྱས་པས་རྒྱལ་པོ་ཕུར་བུས་གདབ་པར་འགྱུར་རོ། །མིའི་རུས་པའི་ཕུར་བུས་ནི་བགེགས་ཕུར་བུས་གདབ་བོ། །རུས་པ་ལས་བྱས་པ་དང ། ལྕགས་ལས་བྱས་པ་དང ། སེང་ལྡེང་ལས་བྱས་པ་དང ། འོད་མ་ལས་བྱས་པས་གདུག་པའི་ཕུར་བུས་ཐམས་ཅད་ལ་སྦྱར་བར་བྱའོ། །ཐ་ན་སྟོང་པར་གདབ་པ་ལྟར་བྱས་པས་ཀྱང་རྡོ་རྗེའི་རང་བཞིན་གྱིས་ཕུར་བུས་བཏབ་པར་འགྱུར་རོ། །བཅིངས་པལ་ནི་རྩཝའི་འདབ་མ་ལ་ལན་གསུམ་བརྗོད་པས་ཀྱང ། བརྒྱ་བྱིན་ཡང་འཆིང་བར་བྱེད་དོ། །བཅད་པས་གྲོལ་བར་འགྱུར་རོ། །གལ་ཏེ་རབ་ཏུ་སྦྱར་ན་ཚངས་པ་ལ་སོགས་པ་རང་ཉིད་ཀྱང་ལག་ན་རྡོ་རྗེ་སྟོབས་པོ་ཆེས་བཅིངས་བར་བསམས་ན་བཅིངས་པར་འགྱུར་རོ། །གྲོལ་བར་གྱུར་ཅིག་ཅེས་བསམས་ན་གྲོལ་བར་འགྱུར་རོ། །དེ་ལྟ་ན་ཡང་འདིར་སེམས་ལ་དབང་བ་ཡང་འགྲུབ་པར་འགྱུར་ཞིང་དམ་ཚིག་ལ་དབང་བར་ཡང་འགྱུར་རོ། །དེ་ལ་འདིར་ཐོགས་པ་མེད་པ་དོན་ཡོད་པའི་འཆིང་བའི་སྦྱོར་བ་ནི་ཡུངས་ཀར་དང་འབྲས་བཏགས་པ་ལ་ཏིག་ཏ་དང ། ཚཝ་བསྲེས་
371a
༄#། །ལ།་ལྕགས་སྒྲོག་གམ། རྡོ་རྗེ་འམ། མདུང་ངམ། རྡོ་རྗེའི་དཀྱིལ་འཁོར་བམ། རྡོ་རྗེ་ཞགས་པའི་ཕྱག་རྒྱ་བྱས་ནས་དུར་ཁྲོད་དུ་སྦྱིན་སྲེག་བྱས་ན་འཆིང་བ་ཆེན་པོས་བཅིང་བར་འགྱུར་རོ། །ཡང་ན་ནིམ་པའི་ལོ་མ་དང ། ནི་པི་ན་ལྷན་ཅིག་བཏགས་ནས་སྦྱིན་སྲེག་བྱས་ན་དེ་བཞིན་དུ་འཆིང་ངོ ། །མོ་ན་སྲན་གྲེའུ་དང ། སྐེ་ཚེ་དང ། སྐྱུ་རུ་ར་དང་ལྷན་ཅིག་བཏགས་ནས་ཕྱག་རྒྱ་བྱས་ལ་དུར་ཁྲོད་དུ་སྦྱིན་སྲེག་བྱས་ན་འཆིང་བར་འགྱུར་རོ། །མངོན་སྤྱོད་ནི་འདི་ལྟར་འབྱུང་སྟེ། དུར་ཁྲོད་ཀྱི་ཤིང་ཏིག་ཏ་དང་བཅས་པ་དང ། ཚཝ་དང་བཅས་པའི་ཡམ་ཤིང་གིས་དུར་ཁྲོད་དམ། ཁང་པ་སྟོང་པ་དང ། སྐྱེད་མོས་ཚལ་རྙིང་པ་དང ། ས་སྒྲེན་གྱི་ཕྱོགས་སུ་ཁྲོས་པས་ནིམ་པ་ལས་རྡོ་རྗེའི་རྣམ་པ་ལྟ་བུར་བྱས་ལ། དེ་ནས་རུས་པའི་ཕྱེ་མར་རང་གི་ཁྲག་དང་བསྒྲེས་པས་སྦྱིན་སྲེག་བྱས་ན་ཉི་མ་དགུས་ངེས་པར་འཆི་བར་འགྱུར་རོ། །ཡང་ན་ཤ་ཆེན་པོ་མར་དང་བཅས་པས་སྦྱིན་སྲེག་བྱའོ། །ཡང་ན་ཉའི་ཞག་དང་བསྒོས་པའི་སྦྱིན་སྲེག་བྱའོ། །ཡང་ན་ཏིལ་མར་ལས་བསྟེགས་བའི་བ་ལང་གི་ཤ་ས་སོ། །ཡང་ན་ཀེ་ཤ་ལི་ཐལ་བ་དང ། རྟའི་ཁྲ་ག་དང་སྐེ་ཚེས་སོ། །ཡང་ན་ཁཝའི་སྒྲོ་ལ་སོགས་པ་ཏིལ་མར་ལ་བ་སྟགས་པའི་སྒྲོ་ཐམས་ཅད་ཀྱིས་སོ། །ཡང་ན་རང་གི་ཁྲག་དང་བསྲེས་པའི་
371b
ཐལ་བས་སོ། །ཡང་ན་ཨརྒའི་འབྲས་བུ་མང་ལ་བསྟེགས་པས་སོ། །ཡང་ན་དུག་དང ། ཁྲག་གིས་སོ། །ཡང་ན་ཚཝ་དང་ཁྲག་གིས་སོ། །ཡང་ན་ཡུངས་ཀར་དང ། ཁྲག་གིས་སོ།། ཡང་ན་བ་ལང་གི་ཤ་དང ། ཚཝ་དང ། ཁྲག་གིས་བསྒོས་པའི་སྦྱིན་སྲེག་ཁྲོ་བ་དང་བཅས་པས་ཉི་མ་དགུས་བྱས་པས་ངེས་པར་འཆི་བར་འགྱུར་རོ། །ཡང་ན་དུར་ཁྲོད་དུ་ཟངས་ལས་བྱས་པ་འམ། ལྕགས་ལས་བྱས་པའི་སྣོད་ཏིལ་མར་གྱིས་བཀང་ནས་བསྒོས་པ་ལ་སྔར་གྱི་རྫས་དེ་དག་ཉིད་དང ། རང་སྐྱུར་ལ་བསྟེགས་པ་འམ། མར་དང ། ཏིལ་མར་དང ། འགྱུར་བྱེད་ལས་བསྟེགས་པ་བཙོ་བར་བྱ་ཞིང་གང་སྔར་གྱི་ཚོས་པ་རྣམས་བསལ་ལ་གཞན་གཙོ་བར་བྱ་སྟེ། བརྒྱ་ཡན་ཆད་ཇི་ཙམ་འདོད་པ་སྦྱིན་སྲེག་བྱའོ། །ཁཝའི་སྒྲོ་དང ། ཐལ་བ་བཙོས་པ་ཁྲག་དང་བསྲེས་པས་སྲེག་བླུགས་བྱའོ། །ཤིན་ཏུ་དྲག་པོའི་སྦྱིན་སྲེག་གི་ཆོ་གའོ། །མར་གྱི་སྲེག་བླུགས་ཀྱིས་ཞི་བར་འགྱུར་རོ། །ཁྲུས་བྱས་པས་སམ། སྐུད་པ་བཅིངས་པས་ཀྱང་ངོ ། །གདུག་པ་ཚར་གཅད་པའི་ལས་འདི་དག་གིས་ངེས་པར་གདུག་པ་ཅན་འཆིང་བར་འགྱུར་རོ། །གང་ཡང་ཀླུ་གདུག་བ་ཅན་ཞི་བར་བྱ་བའི་ཕྱིར་ཀླུའི་གནས་ཀྱི་རྩ་བར་དེ་ལྟར་བྱས་ན་དེ་ཉིད་དུ་ཞུགས་ནས་འཆི་བར་འགྱུར་རོ། །གང་ལྷ་གདུག་བ་ཅན་བསྟན་པ་ལ་གནོད་པ་བྱེད་པ་འམ། སེམས་ཅན་མང་པོ་ལ་གནོད་པ་བྱེད་པ་དང ། རིག་འཛིན་གདུག་པ་ཅན་
372a
༄#། །རྫས་འཕྲོག་པར་བྱེད་པ་འམ། གང་ཡང་གནོད་སྦྱིན་གདུག་པ་ཅན་དང ། གང་ཡང་སྲིན་པོ་གདུག་པ་ཅན་ནམ། རྒྱལ་པོ་འམ། རྒྱལ་པོའི་བློན་ཆེན་པོ་འམ།་རྒྱལ་པོའི་སྐྱེས་བུ་འམ། ཁམས་ཀྱི་རྒྱལ་པོ་འམ། ཕན་པ་མ་ཡིན་པ་བྱེད་པ་དེ་རྣམས་ཞི་བར་བྱ་བའི་ཕྱིར་ཁྲོ་བོ་དང་བཅས་པས་མངོན་སྤྱོད་བྱ་ཞིང ། བསྟན་པ་ལ་ཕན་པར་བྱ་བའི་དོན་དང ། སེམས་ཅན་མང་པོའི་དོན་མཐོང་ན་དོན་ཡོད་པར་གྲུབ་པ་འདིས་སྦྱར་བར་བྱ་སྟེ། དཀྱིལ་འཁོར་གྱི་སྔོན་དུ་བསྟན་པའི་སྔགས་རྣམས་ཀྱིས་ནི་མངོན་སྤྱོད་ཀྱི་ལས་མི་བྱའོ། །དོན་ཆུང་དུ་ལ་ཡང་མི་བྱའོ། །མི་ངས་ལ་ནི་ཞོ་དང ། སྦྲང་རྩི་དང ། མར་ལ་བསྟེགས་པའི་ཤ་ཆེན་དབང་ཕྱུག་ཆེན་པོའི་གནས་སུ་ནིམ་པའི་ཤིང་བཙོས་པའི་སྦྱིན་སྲེག་བྱ་བ་འམ། དེ་བཞིན་དུ་བསྲུང་བའི་ཆོ་ག་བྱས་ནས་ཕུར་བུས་གཟུགས་བརྙན་ལ་གདབ་ཅིང་བདུན་དུ་གནས་ཀྱི་ཟད་བཟའ་སྟེ། དབང་ཕྱུག་ཆེན་པོའི་གཡས་ཕྱོགས་སུ་སྟེང་ནས་ཕུར་བུས་གདབ་ཅིང་བརྒྱ་བཟླས་པར་བྱའོ། །ཡང་ན་ལམ་གྱི་བཞི་མདོར་ལྕགས་ཀྱི་རྡོ་རྗེ་བཟང་ནས་བཟླས་པ་བྱས་ན་མིངས་རབ་ཏུ་ཞི་བར་འགྱུར་རོ། །ཆར་མི་འབབ་པ་ལ་ནི་ཀླུང་གི་རྒྱུན་འབབ་པ་ལ་མེ་ཏོག་གིས་བྱས་ན་ཆར་འབེབས་པར་བྱེད་དོ། །དྲག་བོའི་ལས་རྫོགས་སོ།། །།དམ་ཚིག་གསུམ་བཀོད་པའི་རྟོག་པ་ཆེན་པོའི་
372b
རྒྱལ་པོ་གསང་སྔགས་ཀྱི་སྒོའི་སྤྱོད་པའི་ཚུལ་འདི་ལ་ནི་ཁྲུས་མ་བྱས་ཀྱང་སྐྱོན་ཡོད་པར་མི་འགྱུར་རོ། །ཤ་ཟ་བ་ཡང་དགག་པ་མེད་དོ། །ལ་ཕུག་དང ། ལ་དུ་ལ་སོགས་པ་ལ་སྤྱོད་ཀྱང་སྐྱོན་མེད་དོ། །ལྷག་མ་ཡང་སྐྱོན་མེད་དོ། །འོན་ཀྱང་གང་ཞིག་དད་པ་དང་ལྡན་པ་དང ། བྱང་ཆུབ་སེམས་བསྐྱེད་པ་དང ། སངས་རྒྱད་དང ། བྱང་ཆུབ་སེམས་དཔའ་རྣམས་ལ་ཇོ་བོ་བཞིན་དུ་གུས་པ་དང ། སངས་རྒྱས་ཀྱི་བསྟན་པ་ལ་ཆེད་ཆེར་བྱེད་པ། །འདུ་འཛིན་སྤོང་བ་ལ་བ་དེ་དག་ནི་མྱུར་དུ་འགྲུབ་པར་འགྱུར་རོ། །འདིར་ལོག་འདྲེན་ཉེ་བར་འབྱུང་བར་ཡང་མི་འགྱུར་རོ། །འདི་ལ་བགེགས་འབྱུང་བར་ཡང་མི་འགྱུར་རོ། །འདི་འབད་པ་ཆུང་དུས་དོན་ཡོད་པར་འགྲུབ་པའོ། །འདི་ནི་ལས་ཐོགས་པ་མེད་པའོ། །རྟོག་པ་འདི་ནི་ཆགས་པ་མེད་པའི་སེམས་བསྐྱེད་པ་མངོན་པར་བསྒྲུབ་པས་སྒྲུབ་པའི་ཐབས་ཀྱིས་འདིར་རྗེས་སུ་འཇུག་པར་བྱའོ། །འཇིག་རྟེན་གྱི་ཁམས་ཐམས་ཅད་དུ་སྤྲོ་བར་བྱེད་པའི་སྒྲུབ་པའི་ཐབས་དོན་ཡོད་པ་འདི་གོམས་པར་ཡང་བྱའོ། །སེམས་ཅན་མ་ལུས་པ་ཐམས་ཅད་ཀྱི་དོན་གྱི་དངོས་གྲུབ་འབྱུང་བར་འགྱུར་བ་འདི་ལ་སོམ་ཉི་མེད་པས་སྒྲུབ་པའི་ཐབས་ལ་སྦྱར་བར་བྱའོ། །ལུས་དང ། ངག་དང ། ཡིད་ཀྱིས་འཇིག་རྟེན་གྱི་ཁམས་ཐམས་ཅད་དུ་སྤྲོ་བར་བྱེད་པ་འདིའི་སྦྱོར་བ་ལ་གོམས་པར་བྱའོ། །འདིར་སངས་རྒྱས་
373a
༄#། །དང།་བྱང་ཆུབ་སེམས་དཔའ་ཐམས་ཅད་ཀྱི་རྟེན་ལ་གསོལ་བ་གདབ་པ་དང ། མཁྱེན་པར་བྱ་བ་དང ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་དགོས་པ་སྔགས་འདིས་བསྒྲུབ་པར་བྱའོ། །འདིར་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་བཀའ་བཞིན་བསྒྲུབ་པར་བྱའོ། །དེ་བཞིན་གཤེགས་པ་རྣམས་ཀྱི་ཐད་ནས་ལེགས་སོ་ཞེས་བྱ་བ་དང ། བྱིན་གྱིས་བརླབ་པ་སོ་སོར་ཐོབ་པར་བྱ་བའི་ཕྱིར་སྔགས་བསྒྲུབ་པར་བྱའོ། །མྱུར་དུ་རྟེན་གནས་གྱུར་ནས་བདེ་བའི་བདུད་རྩི་རབ་ཏུ་ཐོབ་པར་བྱ་བའི་ཕྱིར་གང་ཡང་ཆགས་པ་མེད་པའི་བདག་ཉིད་ཅན་གྱི་རྟོག་པའི་རྒྱལ་པོ་འདིའི་སྔགས་ཀྱིས་བསྒྲུབ་པར་བྱའོ། །འདིར་བརྩོན་འགྲུས་ཆེན་པོ་དང་ལྡན་པའི་བྱང་ཆུབ་སེམས་དཔའ་རྣམས་ཀྱིས་གསང་སྔགས་བཟླས་སམ། སེམས་ཅན་གྱི་ཁམས་རྣམས་ཀྱི་དོན་དུ་སྔགས་བཟླས་ན། །སངས་རྒྱས་དང ། བྱང་ཆུབ་སེམས་དཔའ་རྣམས་སེམས་རྒྱ་ཆེན་པོས་མཆོད་པ་ཆེན་པོའི་སྤྲིན་སེམས་ཅན་གྱི་ཁམས་རྣམས་ལ་བདེ་བ་ཡང་དག་པར་སྐྱེད་པས་མངོན་པར་མཆོད་པས་མཆོད་པར་འགྱུར་རོ། ། སྐད་ཅིག་སྐད་ཅིག་ལ་ཁྱད་པར་དུ་འགྲོ་བ་དང ། གོང་ནས་གོང་དུ་འགྲོ་བ་སོ་སོར་ཐོབ་པར་འགྱུར་རོ། །མདོར་བསྡུས་ན་སྔགས་བཟླས་པ་བྱས་པས་སངས་རྒྱས་འབྱུང་བ་
373b
རྣམས་ཀྱིས་བྱིན་གྱིས་རློབ་པར་འགྱུར་རོ། །ཆོས་ཀྱི་འཁོར་ལོ་བསྐོར་བར་ཡང་འགྱུར་རོ། །འདི་ལ་གསང་སྔགས་ཀྱི་སྒོར་ཞུགས་ནས་སྤྱོད་པ་དད་པ་ཅན་བག་ཡོད་པས་སོམ་ཉི་མེད་པར་བྱའོ། །བརྩོན་འགྲུས་དང་བཅས་པའི་སྙིང་རྗེས་སྨོན་ལམ་ཆེན་པོ་མངོན་པར་བསྒྲུབས་པས་འདི་ལ་གུས་པར་བྱས་ནས་གཙང་སྤྲས་གསང་སྔགས་ཀྱི་སྤྱོད་པ་འདི་ཉིད་དང ། བསླབ་པ་འདི་ཉིད་ལ་དམིགས་པ་ཡོངས་སུ་མ་བཏང་བད་དབེན་པའི་གནས་སུ་འདུ་འཛི་དང་བྲལ་བར་བྱས་ལ་སེམས་བསྐྱེད་པ་ཐམས་ཅད་ཚད་མེད་པ་ལ་གོམས་པས་བྱ་བ་དང ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་རབ་ཏུ་དད་པས་དམིགས་པར་རྗེས་སུ་འགྲོ་བ་དང ། སེམས་ཅན་ཐམས་ཅད་ཀྱི་དོན་གྱི་ལས་དང་རབ་ཏུ་ལྡན་པའི་ལུས་དང ། ངག་དང ། ཡིད་ཀྱི་ལས་ཐམས་ཅད་ཡང་དག་པར་རྩོམ་པ་སྟེ། སྔགས་ཀྱི་སྒོའི་སྤྱོད་པ་ལ་ཞུགས་པས་ཆོས་དེ་དག་ལ་སྤྱད་པར་བྱའོ། །དེ་ལ་འདི་དག་ནི་རྟོག་པའི་རྒྱལ་པོ་ཆེན་པོ་འདིར་བར་དུ་གཅོད་པར་འགྱུར་བ་ཡིན་ཏེ། ལེ་ལོ་དང ། འདོད་པ་མེད་པ་དང ། མངོན་པར་མི་སྦྱོར་བ་དང ། འདུ་འཛི་ལ་དགའ་བ་དང ། ཕན་པ་མ་ཡིན་པ་ལ་ཞུགས་པ་དང ། ཡིད་གཉིས་དང ། བདག་གི་བསོད་ནམས་དང་མི་ལྡན་པ་དང་ཚུལ་ཁྲིམས་འཆལ་པ་ཡིན་པ་དང ། དམན་པར་གྱུར་པ་ཡིན་པས་
374a
༄#། །འདི་འགྲུབ་པར་མི་འགྱུར་རོ་ཞེས་ཟེར་ནས་ཡོངས་སུ་སྤོང་བ་དང ། ཀུན་ཏུ་འཚོ་བའི་དྲི་མ་དང ། མཐོང་བའི་ཆོས་འདི་ཉིད་ལ་བདག་གི་དོན་དང ། གཞན་གྱི་དོན་བསམ་གྱིས་མི་ཁྱབ་ཅིང་ཚད་མེད་པ་ལ་སྦྱོར་བའི་འདོད་པ་མེད་པ་དང ། གསང་སྔགས་ལ་བརྟག་པ་མེད་པ་དང ། འཇིག་རྟེན་པའི་སྔགས་ཀྱི་བསྟན་བཅོས་ལ་མངོན་པར་དགའ་བ་དང ། བདག་ཉིད་ལ་ང་རྒྱལ་བྱེད་པ་དང ། གཞན་ལ་མི་བསྔགས་པ་བརྗོད་པ་དང ། མངོན་པར་མི་བརྩོན་བ་སྤོང་བར་མི་བྱེད། ཡོ་བྱད་མང་པོ་ཉེ་བར་སྡུད་པ་དང།་ལུས་དང ། སྲོག་ལ་ཆགས་པ་དང ། དེ་དག་ལ་སོགས་པ་གཞན་ཡང་བར་དུ་གཅོད་པའི་ཆོས་རྣམས་རྟོགས་པར་བྱའོ། །འདི་ལ་སེར་སྣ་ཡང་མི་བྱའོ། །གཞན་དག་སྔགས་ཀྱི་སྤྱོད་པ་ལ་གཞུག་པར་བྱའོ། །བརླབ་པར་བྱ་བ་ཡང་དག་པར་གཟུང་བར་བྱ་སྟེ། དེ་ལྟར་ན་བསྟན་པའི་དོན་བྱས་པ་ཡང་ཡིན་ནོ། །དམ་པའི་ཆོས་འཛིན་པ་ཡང་ཡིན་ནོ། །གཞན་དག་ཀྱང་ཡང་དག་པར་འཛུད་པར་འགྱུར། བསྐུལ་བར་ཡང་འགྱུར་རོ། །དེ་ནི་འདས་པ་དང ། མ་བྱོན་པ་དང ། ད་ལྟར་བྱུང་བའི་དེ་བཞིན་གཤེགས་པ་རྣམས་ཀྱི་དམ་པའི་ཆོས་བཟུང་བར་ཡང་འགྱུར་རོ། །བཀླགས་པ་དང ། བཅངས་བར་ཡང་འགྱུར་རོ། །དེ་ནི་སངས་རྒྱས་ཐམས་ཅད་བཟུང་བས་ཐམས་ཅད་དུ་
374b
མཉམ་པ་མེད་པའི་རིག་པ་འཛིན་པར་འགྱུར་རོ། །སྡང་མིག་བལྟས་པ་ཙམ་གྱིས་ལྟུང་བར་འགྱུར་རོ། །སྦྱིན་སྲེག་གིས་ལོག་འདྲེན་ལ་སོགས་པ་འཆི་བར་འགྱུར་རོ། །རས་རིས་ཀྱི་ཆོ་ག་ནི་ནམ་མཁའི་སྤྱན་གྱི་གནས་སུ་ནི་རྡོ་རྗེའི་མཆོག་ཅེས་བྱ་བ་རིག་པའི་རྒྱལ་མོའི་མཆོག་བྱ་སྟེ། ཀུན་ནས་འབར་བ། གནག་ཅིང་ལྗང་བ། རབ་ཏུ་འབར་བའི་རྡོ་རྗེ་ལག་ན་ཐོགས་པའོ། །འཕགས་པ་རྡོ་རྗེ་འཛིན་ནི་བཅོམ་ལྡན་འདས་ལ་ཐལ་མོ་སྦྱར་བའོ། །རས་རིས་གཞན་ཡང་ཅུང་ཞིག་སྔོ་བ། གཞོན་ནུ་ཁྲོས་པ། རྡོ་རྗེ་འབར་བ་གསོར་བའོ། །ཁྲོ་བ་དང་བཅས་པ། འགྱིང་བ། འགྱིང་བག་གིས་རི་མོ་རྣམས་ཅུང་ཞིག་བསྐུལ་སྐུམ་ཞིང་འདར་བ་བྲི་བར་བྱའོ། །འཕགས་པ་རྡོ་རྗེ་ལྕགས་ཀྱུས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་བཛྲ་ཛྭ་ལ་ཨཾ་གི་མྱ་ཨཱ་ཀཪྵ་ཡ་སཝཱཧཱ། འདིས་ནི་རིག་པ་འཛིན་པར་འགྱུར་ཞིང ། ཐོགས་པ་མེད་པ་དོན་ཡོད་པར་གྲུབ་པ་འདིས་བདེ་སོགས་བཀུག་ནས་ཡོངས་སུ་སྤྱོད་པ་ཡང་སྟོན་པར་བྱེད་དོ། །སྔར་བསྟན་པའི་ཆོ་གས་རེངས་པར་བྱེད་དོ། །རིག་པ་འཛིན་པ་ཐམས་ཅད་དང་མཉམ་པ་མེད་པར་འགྱུར་རོ། །ལྷ་ལ་སོགས་པའི་རིགས་འགུགས་པར་བྱེད་དོ། ། གཡོ་བར་བྱེད། །ཕུར་བུས་འདེབས་པར་བྱེད་དོ། །དེ་ནས་རས་རིས་ཀྱི་ཆོ་ག་ནི་བཅོམ་ལྡན་འདས་ཀྱི་གཡས་ལོགས་སུ་འཕགས་པ་ཕྱག་ན་རྡོ་རྗེ་ལག་ན་རྔ་ཡབ་དང ། རྡོ་རྗེ་ཐོགས་པའོ། །གཡོན་
375a
༄#། །ལོགས་སུ་ནི་ལྷ་མོ་དང་བཅས་པ། གཞོན་ནུའི་གཟུགས་ཅན། རྡོ་རྗེ་གཞོན་ནུ་མ་ཅུང་ཞིག་སྔོ་བསངས་སོ། །རྡོ་རྗེ་འཛིན་གྱི་འོག་ཏུ་ནི་སྒྲུབ་པ་པོ་ལྷ་མོ་ལ་མངོན་དུ་ཕྱོགས་པའོ། །ལྷ་མོའི་འོག་ཏུ་ནི་གཞོན་ནུ་མ་བྲི་བར་བྱའོ། །རས་རིས་གཉིས་པ་ནི་གཞོན་ནུ་མ་ཅུང་ཞིག་སྔོ་བསངས། ལག་ན་རལ་གྲི་ཐོགས་པ། འབར་བའི་ལུས་ཅན་ཞེས་བྱ་བ་རྡོ་རྗེ་གཞོན་ནུ་མ་བྲི་བར་བྱའོ། །དེ་ནས་ཡང་འཕགས་པ་རྡོ་རྗེ་སྡེས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་སཽ་མྱ་བར་བཛྲ་ཡ་ན་མ་སཝཱཧཱ། དེ་བཞིན་དུ་འཕགས་པ་ལག་བཟང་གིས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་བཛྲ་གརྦྷ་ཕཊ་བི་རི་ནི་སཝཱཧཱ། འཕགས་པ་མཐོར་འཕགས་ཀྱིས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱ། ཏཱ་ཐཱ་ག་ཏཱ་ནཱཾ། བཛྲ་བ་ལ་ཡེ་སཝཱཧཱ། ལོག་འདྲེན་ལ་སོགས་པ་འཆིང་བར་བྱེད་དོ། །འཕགས་པ་རྡོ་རྗེ་ལྕགས་སྒྲོག་གིས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་ཨ་ན་ལ་སམྦྷ་བེ་སཝཱཧཱ། དེ་བཞིན་གཤེགས་པ་བྱིན་གྱིས་བརླབས་པའི་རྡོ་རྗེ་ཞེས་བྱའོ། །རྡོ་རྗེ་འཛིན་གྱིས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་སརྦ་ས་ཨུཏྟ་མ་བནྡྷ་བཛྲ་ཤི་ཁ་རེ། ཀ་མ་ལཱ་ཀ་མ་ལཱ། མ་པ་ལཱ་ཨ་དྷིཥྛ་ན་བཛྲ་བཛྲ་ཤི་ཁི་ཤི་ཁི། ན་མོ་ཨ་མ་ལཱ་ནཱ། སཱ་ར་སཱ་རཱ། ཛྭཱ་ལ་ཛྭཱ་ལ། བི་མ་ལེ་སཝཱཧཱ། ཤིན་ཏུ་གནོད་མཛེས་རྡོ་རྗེ་ཞེས་བྱ་བའི་རྡོ་རྗེ་འཛིན་
375b
གྱིས་སྔགས་སྨྲས་པ། ན་མ་སྟྲཻ་ཡ་དྷི་ཀཱ་ནཱཾ། ཏ་ཐཱ་ག་ཏཱ་ནཱཾ། དྷུ་བ་རེ་དྷུ་བ་རེ། ཛྭཱ་ལ་ཛྭཱ་ལ་ཛྭཱ་ལ། བཛྲ་སཱ་ག་རེ་སཝཱཧཱ། རྣམ་པར་སེལ་བ་རྡོ་རྗེ་ཞེས་བྱ་བའི་རྡོ་རྗེ་འཛིན་གྱིས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་ཙ་ར་བ་ན་ཙ་ར་བ་ན། ཧ་ར་ཧ་ར་བི་སྐམྦྷ་ཡ། སཱ་ར་ཨུ་སཱ་ར་ཨུ། གོ་པ་གོ་པ། བཱ་བཱ་ཏྭ་ར་ཏྭ་ར། ཁ་ཧི་ཀྲུ་ར་བཛྲི་ཎི་སཝཱཧཱ། མཉམ་པ་རྡོ་རྗེ་ཞེས་བྱ་བ་རྡོ་རྗེ་འཛིན་གྱིས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཀཱ་རུ་ཎ་ཀཱ་རུ་ཎ། ས་ར་ས་ར། བི་དྷ་མ་ན། ཧྲྀ་ད་ཡ། ས་ཏྭཱཾ་བི་དྷ་ཨུཏྟ་མ། ཛྭ་ལ་ན་ཏྭཱ་སཝཱཧཱ། འཕགས་པ་རྡོ་རྗེ་ཟུག་རྡུས་སྔགས་སྨྲས་པ། ན་མ་སྟྲཻ་ཡ་དྷྭི་ཀཱ་ནཾ། ཏ་ཐཱ་ག་ཏཱ་ནཾ། ཨོཾ་ཀྲོ་དྷ་ཛྭ་ལ་ཨུ་ཏ་ཧ་སི་ནི་སཝཱཧཱ། མཐའ་ཡས་རྡོ་རྗེས་སྔགས་སྨྲས་པ། ན་མཿ ་ས་མནྟ་ནཱཾ། སརྦ་ཏ་ཐཱ་ག་ཏཱ་ནཱཾ། ཨོཾ་ཨསྨཱ་ག་ག་ནེ་སཝཱཧཱ། ཨོཾ་ཨ་ནམ་ལ་ས་མྦྷཱནྟུ་ཏ་རི་ཎི། ན་མཿ ་སརྦ་བུདྡྷ་བོ་དྷི་ས་ཏྭཱ་ནཱཾ། ཨ་ས་མནྟུ་གུ་ཎ་ཨུཏྟ་མདྷེཧི་བི་རཾ། ག་ག་ན་ཨ་ནནྟཱ་ག་ཏི། ཛྭཱ་ལ་ཏ་ཛ་ལ། ས་མ་ཏ་ས་མ་ཏ། བྷི་བཱི་ཏ་ཧྲྀ་དཱ་ཡེ། ཤ་ལྷ་ལཱ་བ་ལེ་བེ། སྥ་ར་ཧེ་སྥ་ར་ཧེ། དྷྲུ་བ་དྷྲུ་བ་སཝཱཧཱ། དེ་བཞིན་གཤེགས་པའི་སྙིང་པོའོ། །ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། མཧཱ་བ་རི་ཙིཏཱ། ཨ་གྲ་ཤི་ཁ་རེ་སཝཱཧཱ། ན་མ་སྟྲཻ་ཡ་དྷྲི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་བྷུ་དྷ་ཀེ་བྷུ་དྷ་བ་ལཱ་ཏི་བ་ལཱ་ནི་སཝཱཧཱ། གཙུག་ཏོར་དང ། རྨ་བྱ་ཆེན་མོའི་ཡིན་ནོ། །ན་མསྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་ཨ་
376a
༄#། །ན་མ་ལ་སཾ་བྷཱནྡུ་ཏ་རི་ཎི། ཨོཾ་བ་ར་བནྡྷུ་དྷུ་སཝཱཧཱ། རྡོ་རྗེ་མེ་དང ། རྡོ་རྗེ་མི་གཡོ་བའི་སྟེ། ཉེ་བར་འཚེ་བ་ཡང་དག་པར་ཟློག་པར་བྱེད་དོ། །ོཾ་བཛྲ་པ་ལ་ཨནྟུ་ཤ་ཏྲི་ཤོ་སརྦ་དཱ་བེ་གི་ན་ཧནྟུ་ན་ཏཱཾ། ཨོཾ་ཨ་ས་དྲྀ་ཤེ་སཝཱཧཱ། དཔེ་མེད་རྡོ་རྗེའི་རིགས་དང ། མི་གཡོ་བ་ཉིད་ཀྱི་ཡིན་ནོ། །ོཾ་ཨ་ས་མས་མ། ཨ་ནནྟ་ཨ་ནནྟུ་ཡ་སཝཱཧཱ། རྡོ་རྗེ་འདོད་པ་མའིའོ། །ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཏ་ཐཱ་ག་ཏ་མཧཱ་བེ་ག་སཾ་བྷ་བེ་སཾ་བྷ་གེ། ན་མོ་སྟུ་ཏེ་སཾ་གྷ་ནི་ལ་སན་ཏི་ས་ར་བྷུ་བེ་སཝཱཧཱ། རྡོ་རྗེ་སྔོ་བསངས་རྩེ་མོ་ཞེས་བྱ་བའོ།། ཨོཾ་ཤི་ཁི་ཤི་ཁི་སཝཱཧཱ། ཤི་ཁེ་རེ་སཝཱཧཱ། སྤྱི་གཙུག་རྣམ་གསུམ་གྱིའོ། །ོཾ་ཧཱུཾ་བནྡྷ་བཛྲ་མཎྜ་ལ་སཝཱཧཱ། ཨོཾ་དྷ་རི་དྷ་རི། དྷ་རེ་དྷ་རེ་དྷ་རེ་ཎ་དུ་ཡེ་ན་མ་ཨ་པྲ་ཏི་ཧ་ཏ་ཨུཥྞཱི་ཥ་ཡ་སཝཱཧཱ།་དྷ་རི་དྷ་རི་དྷ་ན་ཏི་ཡེ་སཝཱཧཱ། གཙུག་ཏོར་སོ་སོ་སོ་སོ་ལ་དུས་གསུམ་གྱི་དེ་བཞིན་གཤེགས་པ་རྣམས་ལ་ཕྱག་འཚལ་ལོ་ཞེས་བྱ་བ་དང ། དུས་གསུམ་གྱི་དེ་བཞིན་གཤེགས་པ་རྣམས་ལ་ཕྱག་འཚལ་ལོ་ཞེས་བྱ་བའི་ཕྱག་འཚལ་བ་ནི་ཐམས་ཅད་དུ་སོ་སོར་བརྗོད་པར་བྱའོ། །ན་མ་སྟྲཻ་ཡ་དྷི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་ཧུ་ལུ་ཧུ་ལུ། ཙཎྜ་ལ་སརྦ་དེ་བ་ནཱ་ག་ཡཪྵཱ་ཎ་ཨཱ་ཀཪྵ་ཡ་སཝཱཧཱ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཧཱུཾ་སྥཱ་ཊ་ཡ་མ་རུ་དྷི་ར། ཨཾ་ག། ཧཱུཾ་ཙཎྜ་ལཱ་མཱ་དྷི་པ་ཏ་ཡེ་ཧཱུཾ་ཕཊ་ཕཊ། བཛྲས་མདྷན་ཧཱ་ར་ག་
376b
ཏཱ།་སརྦ་ཏ་ཐཱ་ག་ཏཱ་ཨ་དྷིཥྛ་ཏཱ་ཡ། ཨ་ལེ་ཧི་མཾ་ཛྭ་ལེ་ཧཱུཾ་ཧ་ན་ཧ་ན། ཊཱ་ཏ་ཨཀཪྵ་དེ་བ་ཨ་ཏི་ནཱཾ། ཏཱ་ར་ས་རུ་དྷི་ར་ཨཿ ་གེར་མཧཱ་ཙཎྜ་ཙ་ལ། ཨོཾ་དྷ་ཤ་དུར་དྷ་མ། ཛྭཱ་ལ་ཛྭཱ་ལ་ན་མཿ ་སཝ་སྟི་སཝཱཧཱ། རྡཽ་རྗེ་འབིགས་པའོ། །ོཾ་བྷུ་ར་ཛྭཱ་ལ་ཨ་གྲ་ཡེ་སཝཱཧཱ། རྡོ་རྗེ་གཟི་བརྗིད་ཀྱི་འོ། །ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨོཾ་ཨ་ལ་ཀན་ཏི་ཏི་ཛ་ནི་སཝཱཧཱ། སྔགས་ཐམས་ཅད་ལ་འདི་བཞིན་དུ་རེ་རེ་ཞིང་ཕྱག་འཚལ་བ་བརྗོད་པར་བྱའོ། །སྔགས་འདི་ཐམས་ཅད་ལ་ཡང་དེ་བཞིན་གཤེགས་པ་རྣམས་ཀྱིས་བྱིན་གྱིས་བརླབས་པ་དང ། དེ་བཞིན་གཤེགས་པ་རྣམས་ཀྱིས་རྗེས་སུ་ཡི་རང་བ་ལ་སོགས་པ་རྒྱས་པར་སྦྱར་ཏེ། བྱང་ཆུབ་སེམས་དཔའ་ཆེན་པོ་རྣམས་ཀྱིས་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་ནས་རིག་པའི་རྒྱལ་མོ་མཆོག་བྱང་ཆུབ་སེམས་དཔའ་སྔགས་ཀྱི་སྒོར་སྤྱོད་པ་ཉིད་ཀྱིས་ངེས་པར་དོན་ཡོད་པར་གྲུབ་པར་རིག་འཛིན་རིམ་པར་ཕྱེ་བ་སྨྲས་པ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཏཾ་ཏཾ་ཏཾ། ན་མ་སྟྲཻ་ཡ་དྷྭི་ཀ་ནཱཾ། ཏ་ཐཱ་ག་ཏཱ་ནཱཾ། ཧཾ་ཧཾ་ཧཾ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། བཾ་བཾ་བཾ། ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱན། ཙཾ་ཙཾ་ཙཾ། དང་པོས་ནི་སངས་རྒྱས་ཀྱི་ཞིང་རྣམས་གཡོ་བར་བྱེད་དོ། །གཉིས་པས་ནི་གཟུགས་རྣམས་སོ། །གསུམ་པས་ནི་འཆིང་བར་བྱེད་དོ། །བཞི་པས་ནི་ཐར་པ་དང ། གཟི་བརྗིད་སྒྲུབ་པར་བྱེད་དོ། །ལྔ་པས་གཅོད་པར་བྱེད་དོ། །དྲུག་པས་ནི་རེངས་པར་
377a
༄#། །བྱེད་དོ། །འདི་དག་ནི་ཕྱག་འཚལ་བ་རེ་རེའོ། །ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱི། ས་མ་བེ་ག་བེ་ཨེ་ལཱ་ཨ་དྷིཥྛ་ནཱཾ། ཨུཏྟ་ར་ག་ག་ནས་མ་ནི་སུསྠི་ཏཱ། ཤྲཱི་ཀ་ར་ཤཱ་པ་ན་ཏོ་ཁེ་ལ་ནཱ་ཏོ་ཤཱ་ནཱ་རཱ་ག་ནི་ཤི་ཤན་ཏུ། ཨ་ནནྟཱ་ཏཱཾ། སཱ་ར་སཱ་ར། ཀ་མཱ་ལ་ཀ་མཱ་ལ། པ་ར་ཤ་ར་ཎ། ན་མོ་སྟུ། སརྦ་ཏྲ་ཤར་ཎཱ། བྷྲ་མ་བྷྲ་མ་སཝཱཧཱ། ན་མཿ ་སརྦ་ཏ་ཐཱ་ག་ཏཱ་ནཱ།་ཨ་ནནྟ་ཡ་སཝཱཧཱ། རྡོ་རྗེ་གདན་གྱིའོ། །ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། སརྦ་བཛྲ་དྷ་ར་ཎཱཾ། བྫྲེ་ནི་ལེ་ནི་ལེ་གྷ་ཧཱུཾ་སྥ་ཊ་ཧཱུཾ། རྡོ་རྗེ་དཀྱིལ་འཁོར་ཞེས་བྱའོ། །དེ་ནས་རྡོ་རྗེ་གཟི་བརྗིད་ཅེས་བྱ་བའི་ཏིང་ངེ་འཛིན་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་ནས་མགྲིན་གཅིག་ཏུ་རིག་པ་འཛིན་པའི་རིམ་པར་ཕྱེ་བ་འདིར་ངོ་མཚར་དུ་གྱུར་པའི་ཆོས་རྡོ་རྗེ་འདི་སྨྲས་སོ། །ན་མ་སྟྲཻ་ཡ་དྷྭི་ཀཱ་ནཱཾ། ཏ་ཐཱ་ག་ཏཱ་ནཱཾ། ཨ་མ་ལཱ་བེ་ག་སཾ་བྷ་བ་ཨ་དྷིཥྛ་ན། བཛྲ་བ་ལ་བི་ག་ས་མནྟ་ག་མི། བྷྲ་མི་བྷྲ་མཾ། བྷི་དྷ་ར་ཎ་བི་དྷ་ར་ཎ། ན་མོ་སྟུ་ཏ་ཛྭཱ་ལཱན་ལཱ་པི་མ་ལ་ལོ་ཙ་ན། སརྦ་ཏ་པྲས་ར་ཎ་བི་ས་ར་ཎ་བ་ར་པྲ་བ་ལ་དྲུ་བར་ཤ་ར་ཎ་ཧཱུཾ་སཝཱཧཱ། ད་ལ་འདི་ནི་དེ་བཞིན་གཤེགས་པའི་བསྟན་པ་སྲུང་བར་བྱེད་པ་རྡོ་རྗེ་རྒྱལ་པོའོ། །དེ་བཞིན་གཤེགས་པའི་སྤྱན་གྱི་ཆོ་གས་རྡོ་རྗེ་སྒྲུབ་ན་རིག་པ་འཛིན་པར་འགྱུར་རོ། །བཀྲགས་པ་ཙམ་གྱིས་ལག་པའི་རྡོ་རྗེ་མི་སྣང་བར་འགྱུར་རོ། །རི་ལ་འདུག་ནས་སྔར་བསྟན་པའི་
377b
ཆོ་གས་ཇི་སྲིད་མཚན་མ་བྱུང་གི་བར་དུ་བཟླས་པ་བྱས་ན། དེ་ནས་ཟླ་བ་ཉ་ལ་སྐྱིལ་མོ་ཀྲུང་བཅས་ནས་མཚན་རངས་པ་བཟླས་པ་བྱས་ན་འབར་བར་འགྱུར་ཞིང་འཇིག་རྟེན་གྱི་ཁམས་ཐམས་ཅད་གཡོས་པར་གྱུར་ནས་རིག་པའི་རྒྱལ་པོ་རྡོ་རྗེ་འཆང་དུ་འགྱུར་རོ། །གསང་སྔགས་འདི་དག་ཐམས་ཅད་ནམ་མཁའི་སྤྱན་གྱི་ཆོགས་དེ་བཞིན་གཤེགས་པ་ཐམས་ཅད་ལ་རྡོ་རྗེ་འཆང་གིས་གསོལ་བ་བཏབ་ཅིང་ཞུས་པ་སྟེ། རིག་པའི་མཆོག་གི་རྒྱལ་པོ་འདི་ནི་མཐུ་མཚུངས་པ་མེད་པའོ། །དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་ཀྱི་བྱིན་གྱིས་བརླབས་པའོ། །བྱང་ཆུབ་སེམས་དཔའ་ཐམས་ཅད་ཀྱིས་བསྔགས་པ་སྒྲུབ་པ་ངེས་པ་མེད་པའོ། །སྔགས་དང ། ཕྱག་རྒྱ་དང ། སྤྱོད་པ་ཐམས་ཅད་ཀྱི་སྙིང་པོ་བསྡུས་པ་རིག་པ་འཛིན་པའི་རིམ་པར་ཕྱེ་བ་འདི་ལྷ་དང ། ཀླུ་དང ། གནོད་སྦྱིན་ལ་སོགས་པ་ཡོངས་སུ་འཛིན་ཅིང་དེ་བཞིན་གཤེགས་པའི་མཐུ་ཡང་དག་པར་སྟོན་པར་བྱེད་པ། མཐོང་བའི་ཆོས་འདི་ཉིད་ལ་རྨད་དུ་བྱུང་བའི་མཐུ་མཐོང་བར་འདོད་པས་སྔགས་འདི་དག་ལས་གང་ཡང་རུང་བ་བཟུང་ནས་བསྒྲུབ་པར་བྱའོ། །འདི་ལ་རས་རིས་མེད་ཀྱང་རུང ། མ་སྒྲུབས་ཀྱང་རུང།་མཆོད་པ་མེད་ཀྱང་རུང ། ཁྲུས་མེད་ཀྱང་རུང ། ཤ་ལ་སོགས་པ་མ་སྤངས་ཀྱང་རུང་སྟེ། རིག་པ་འཛིན་པའི་རིམ་པར་ཕྱེ་བའི་སྒྲུབ་པ་འདིར་སངས་རྒྱས་དང ། བྱང་ཆུབ་སེམས་
378a
༄#། །དཔའ་ཐམས་ཅད་ལ་རབ་ཏུ་དང་བ་བསྐྱེད་ནས་བྱང་ཆུབ་ཀྱི་སེམས་ཀྱིས་ཡོངས་སུ་བཟུང་བ་དེའི་ངེས་པར་འགྲུབ་པར་འགྱུར་རོ། །འདིར་འདིའི་དམ་ཚིག་ནི་འདི་ཡིན་ཏེ། སེམས་ཅན་ཐམས་ཅད་ལ་སྙིང་རྗེ་བསྐྱེད་ནས་བྱང་ཆུབ་ཀྱི་སེམས་ཡོངས་སུ་བཟུང་ནས་དེ་བཞིན་གཤེགས་པའི་སྙིང་པོའི་མཆོད་རྟེན་གྱི་དྲུང་དུ་སྐྱིལ་མོ་ཀྲུང་བཅས་པས་འདུག་ལ། བརྒྱ་རྩ་བརྒྱད་བཟླས་བརྗོད་བྱས་ལ་དུས་ཐམས་ཅད་དུ་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་བདག་ཉིད་དབུལ་བར་བྱའོ། །ཡན་ལག་ཐམས་ཅད་ས་ལ་ཕབ་ལ། འདི་སྐད་དུ། སངས་རྒྱས་དང ། བྱང་ཆུབ་སེམས་དཔའ་ཐུགས་རྗེ་ཆེན་པོ་དང་ལྡན་པ་ཐམས་ཅད་ཀྱིས་སྡུག་བསྔལ་བར་གྱུར་པ་བདག་ཡོངས་སུ་གཟུང་དུ་གསོལ། བདག་འཁྱིན་གྱིས་བརླབ་ཏུ་གསོལ་ཞེས་བྱ་བའི་ངག་ཀྱང་བརྗོད་པར་བྱའོ། །དེ་ནས་སྤྱི་བོར་ཐལ་མོ་སྦྱར་བའི་ཕྱག་རྒྱ་བཅིངས་ལ། །ན་མཿ ་སརྦ་ཏ་ཐཱ་ག་ཏཱ་ནཱཾ། ག་ག་ནེ་ག་ག་ནེ་སྔགས་དང ། ཕྱག་རྒྱ་འདི་དག་གིས་རིག་པ་འཛིན་པའི་དམ་ཚིག་ལ་གནས་པར་འགྱུར་རོ། །དམ་ཚིག་འདི་དག་གང་ཡང་རུང་བ་མ་ཉམས་པར་བྱའོ། །ཆོ་ག་འདི་དག་གིས་རིག་པ་འཛིན་པར་འགྱུར་ཞིང་ཆོ་ག་འདི་ཉིད་ཀྱིས་དཀྱིལ་འཁོར་ཐམས་ཅད་མཐོང་བར་འགྱུར་རོ། །དེ་ལ་འདི་དག་ནི་སྤང་བར་བྱ་བ་སྟེ། སེམས་ཅན་འདུལ་བར་བྱེད་པ་ལ་གནོད་པར་བྱེད་པ་དང ། སྐྱོན་ཐོགས་
378b
པར་འགྱུར་བའི་ལས་བྱེད་པ་དང ། བསྟན་པ་ལ་གནོད་པ་སྒྲུབ་པར་བྱེད་པ་དང ། དམ་པའི་ཆོས་སྤོང་བར་བྱེད་པ་དང ། ཚུལ་ཁྲིམས་དང་ལྡན་པའི་ཁྱིམ་པ་དང ། རབ་ཏུ་བྱུང་བ་ལ་མངོན་སྤྱོད་ཀྱི་ལས་བྱེད་བ་དང ། མི་སྨྲ་བའི་སྦྱོར་བས་ཕྱག་རྒྱ་སྦྱོར་བར་བྱེད་པ་དང ། གཞན་བསོད་ནམས་མ་ཡིན་པ་ལ་སྦྱར་བར་མི་བྱ་བར་གསོལ་བ་གདབ་པར་བྱའོ། །རིག་པ་འཛིན་པའི་རིམ་པར་ཕྱེ་བ་འདིར་འདི་དག་དམ་ཚིག་ཡང་དག་པར་བསྲུངས་བར་འགྱུར་ཞིང་ད་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱི་སྟོབས་དང ། སྔགས་ཀྱི་སྦྱོར་བས་བྱང་ཆུབ་སེམས་དཔའི་སྤྱོད་པའི་སྒོར་འཇུག་པ་དོན་ཡོད་པར་གྲུབ་པ། འཇིག་རྟེན་ལས་འདས་པའི་ལམ་འདྲེན་པར་བྱེད་པའོ། །རྡོ་རྗེ་འཆང་གིས་གསོལ་བ་བཏབ་པ་རྡོ་རྗེའི་རིགས་ཀྱི་རྟོག་པའི་སྙིང་པོར་འགྱུར་བའོ། །དད་པ་ཅན་བརྩོན་འགྲུས་དང་ལྡན་པས་ངེས་པར་འགྲུབ་པར་འགྱུར་རོ། །ཚེ་འདི་ཉིད་ལ་ཁྱད་པར་ཐོབ་པར་འདོད་པ་དང ། བྱང་ཆུབ་སེམས་ད་བའི་སྐུ་ཐོབ་པར་འདོད་པ་དང ། བྱང་ཆུབ་སེམས་དཔའི་སྐུ་ངེས་པར་བསྒྲུབ་པར་འདོད་པས་དབེན་ཞིང་སྟོང་པའི་གནས་སུ་སངས་རྒྱས་དང ། བྱང་ཆུབ་སེམས་དཔའ་རྣམས་ལ་དམིགས་པའི་སྦྱོར་བ་བྱས་ནས་སྔགས་གང་ཡང་རུང་བ་བཟླས་པ་བྱའོ། །དབེན་པར་དམ་པའི་ཆོས་གདོན་པ་དང ། སེམས་པ་ཡང་རུང ། ནུས་པ་ཇི་ལྟ་བ་བཞིན་ཕྱག་འཚལ་བ་ཡང་བྱས་ལ་མཆོད་རྟེན་ནམ། སྐུ་གཟུགས་ཀྱི་མདུན་དུ་རི་དང ། ཆུ་ཀླུང་དང །
379a
༄#། །མཚོ་དང ། གླིང་དང ། ཀུན་དགའ་ར་བ་དང ། ཉེ་བའི་ཚལ་ལ་སོགས་པ་རྣམས་སུ་འམ། གཙུག་ལག་ཁང་གི་གནས་དང ། སྐུ་གདུང་དང་བཅས་པའི་སའམ། ལམ་གྱི་མདོ་འམ།་ཐ་ན་གཙུག་ལག་ཁང་གི་བྲང་ཁང་དུའང་རུང ། དམ་པའི་ཆོས་ཀྱི་གླེགས་བམ་གྱི་མདུན་དུ་འམ། སངས་རྒྱས་ལ་དམིགས་པས་འདུ་འཛི་སྤངས་ལ་སྙོམས་ལས་དང་བྲལ་བས་དམ་པའི་ཆོས་ལ་བླ་མར་བྱེད་པས་བསྒྲུབ་པ་བྱས་ན་མཚན་གཅིག་གིས་རིག་པ་འཛིན་པར་འགྱུར་རོ། །བཅོ་ལྔ་པ་ལ་སྐྱིལ་མོ་ཀྲུང་མ་བཤིག་པར་མངོན་པར་བསྔགས་ཤིང་ལེགས་སོ་ཞེས་བྱ་བ་ཡང་གསོལ་བར་མཛད་དོ། །ཁ་ཅིག་གིས་ནི་མཐོང་བ་ཡང་གསོལ་བར་མཛད་དོ། །ཁ་ཅིག་གིས་ནི་དགེ་བའི་རྩ་བ་ཚད་མེད་པ་འཕེལ་བར་བྱེད་ཅིང་འབེབས་པར་ཡང་བྱེད་དོ། །བྱིན་གྱིས་རློབ་པར་འགྱུར། བྱིན་གྱིས་རློབ་པར་མཛད་པར་འགྱུར། ཚད་མེད་པའི་ཡོན་ཏན་ཉིད་ལ་ཡང་རབ་ཏུ་འཇོག་པར་འགྱུར་རོ། །དེ་བཞིན་དུ་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་མཐའ་ཡས་ཤིང་མཐོང་བ་མེད་པའི་ཆོས་རྣམས་ཀྱིས་ཡོན་ཏན་རྣམས་ཀྱང་རབ་ཏུ་ཐོབ་པར་འགྱུར་རོ། །མཐུ་ཆེན་པོ་ཡང་རབ་ཏུ་ཐོབ་པར་འགྱུར་རོ། །དེ་ལྟར་འདི་ནི་དེའི་འཇིག་རྟེན་གྱི་ཆོས་ཀྱི་ཐ་མ་ཡིན་ནོ་ཞེས་བྱའོ། །དེ་ལྟར་ན་ཡང་སྔགས་ཀྱི་སྤྱོད་པ་མཐའ་དང ། དབུས་མེད་པར་རབ་འབྱམས་རྒྱ་ཆེ་བ། དེ་བཞིན་གཤེགས་པ་དཔག་ཏུ་མེད་ཅིང་ཚད་
379b
མེད་པས་མདོ་སྡེའི་དབང་པོའི་རྒྱལ་པོ་ཆོག་པ་མེད་པ་དམ་ཚིག་ཆེན་པོ་གསུམ་གྱི་རྡོ་རྗེ་ཞེས་བྱ་བ། དེ་བཞིན་གཤེགས་པའི་ཐུགས་གསང་བའི་དཀྱིལ་འཁོར་དམ་ཚིག་གསུམ་རྡོ་རྗེའི་སྒོ་ཉིད་ཀྱི་སྙིང་པོ་བསྡུས་པ་རྟོག་པ་ཆེན་པོ་ཞེས་བྱ་བ་གསང་བ་པའི་བདག་པོ་གང་ཡིན་པས་རྡོ་རྗེ་འཆང་ལས་གསང་བའི་སྙིང་པོ་ཡང་དག་པར་གཟུང་བ་ཉིད་ནི། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་དཀོར་གྱི་སྙིང་པོ་འདི་སེམས་ཅན་གྱི་ཁམས་མ་ལུས་པ་ཡང་དག་པར་སྦྱང་བའི་ཕྱིར་དང ། བསྟན་པ་བསྲུང་བའི་ཕྱིར་ཏེ། འདི་གཉིས་ནི་སྔགས་དང ། ཕྱག་རྒྱ་ལ་སྤྱོད་པ་རྣམས་ལ་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་བཀའ་བཞིན་བྱེད་པའོ། །དེ་བཞིན་གཤེགས་པའི་ནོར་བུ་ཆེན་པོའི་རྒྱལ་མཚོའི་མཆོད་པའི་མཆོག་བཀའ་བཞིན་བྱེད་པ་ཞེས་གསུངས་སོ། །སྔགས་དང ། ཕྱག་རྒྱ་སྤྱོད་པ་ཞེས་ཀྱང་གསུངས་སོ། །གཡོ་བ་མེད་པའི་ནོར་བུ་ཞེས་ཀྱང་གསུངས་སོ། །ཡོན་ཏན་མཐའ་ཡས་པས་ཞེས་ཀྱང་གསུངས་སོ། །དམ་ཚིག་སྲུང་བ་པོ་ཞེས་ཀྱང་གསུངས་སོ། །བསམ་གྱིས་མི་ཁྱབ་པའི་སྨོན་ལམ་འཛིན་པ་པོ་ཞེས་ཀྱང་གསུངས་སོ། །བསྟན་པ་སྲུང་བ་པོ་ཞེས་ཀྱང་གསུངས་སོ། །སྟོབས་ཆེན་པོ་ཞེས་ཀྱང་གསུངས་སོ། །དོན་ཡོད་པ་འདི་ལ་སོམ་ཉི་དང་བྲལ་པས་བསམ་གྱིས་མི་ཁྱབ་པའི་དངོས་གྲུབ་སྒྲུབ་པ་ལ་དད་པས་ནན་ཏན་དུ་བྱའོ། །འདིར་དེ་ལྟ་བུའི་བསྟོད་པ་རྨད་དུ་བྱུང་བ་གང་བདག་གིས་སྔོན་དབྱངས་སུ་
380a
༄#། །བླངས་པ་དེ་དབྱངས་སུ་བརྗོད་པས་དེ་དང་མཐུན་པའི་དངོས་གྲུབ་རྗེས་སུ་ཐོབ་པར་འགྱུར་རོ། །ན་མ་སྟྲཻ་ཡ་དྷྭི་ཀཱ་ནཱཾ། མཧཱ་ཀྲྀ་པེ་བྷྱཿ ་ཨ་ས་མ་ཨ་ཙ་ལཱ། ས་མ་ཏཱ་སཱ་ར། དྷརྨ་ཀཱ་རུ་ཎ་ཨཏམ་ག་ཛ་གཱ་ཏཱི་དུཿ ་ཁ་ཧཱ་རི་ཎཱ། ཨ་སི་མནྡྷ། སརྦ་གུ་ཎཱ་སིདྡྷི་དྷ་ཡི་ནོ། ས་མ་ལཱ་ཨ་ཙ་ལཱ། ས་མ་བ་ར་ཨ་གྲ། དྷརྨ་ཎི་ག་ག་ན་ས་མོ་པ་མ་ག་ཏ་ན་བིརྱ་ཏེ། གུ་ཎ་ལ་ཤ་རེ་ཎ་ཏུ་ཀ་ཏ་ཀེ་བྱ། ཤི་མེ་སཱ་དྷ་སརྦ་དྷཱ་ཏུ་བ་ར། སིདྡྷི་ད་ཡ་ཥྚི་བི་ག་ཏོ། ཨུ་པཱ་མེ་ཥུ། ཨ་ས་མནྟ། སིདྡྷི་ཤུ་ས་ཏ་ཏཱ། ཨ་མ་ལཱ་ཀཱ་རུ་ཎ་བེ་གཏོ་ཨཏྛི་ཎི་པྲ་ཎི་དྷ་ནཱ་སིདྡྷི་ར་ནི་རོ་དྷ་དྷརྨ་ཏཱ། ཛ་ག་ཏོ་ཨརྠཱ་སཱ་དྷ་ན་པ་ར། ཨ་ས་མནྟཱི་ནི། ཤཏ་ཏཱཾ་བི་རོ་ཙི་ཏ་མཧཱ་ཀྲཱྀ་པ་ཨཱཏམ་ནཾ། ན་ནི་རོ་དྷ་ཏྭཱཾ་ཀ་རུ་ཎཱ་ཙཱ་ར་ཀཱ། ཨ་ཙ་ལ་པྲ་ཛ་ཏེ་ཏྲི་ལོ་ཀི། དྷ་ར་སིདྡྷི་དྷ་ཡི་ཀ་། མཱི་ཏ་ཨ་མཱི་ཏེ་ཥུ་སུ་ས་མ་པཱ་ཏི་ཏཱཾ། ག་ཏི་ཤཝ་བི། ཨ་ཧོ་སུ་དྷརྨ་ཏཱ། ཏྲི་ས་མ་ཡེ་ཨ་གྲ། སིདྡྷི་བ་ར་དྷ་ན་ཏེ། མེ་བ་ར་དྷ། ན་ཏ་ཨ་གྲ་ཏི་ཏི་ཏི་ཏི་ཏཾ། སཱ་དྷ་ས་ཀ་ལཱ་ཏྲི་ལོ་ཀི་བར་དྷ་ཨ་གྲ། ས་དྷ་ནཱ་ནཱ་ཨརྠཱ། སྟྲཻ་ཡ་དྷྭི་ཀཱ་ཏཱི་ཀཱ། ཨཱ་ནཱ་བྲི་ཏཱ། ནཱ་མཿ ་ས་མནྟ་བཛྲཱ་ཎཱཾ། ཨ་མོ་གྷ་ཨེ་ཧི། ཨ་པྲ་ཏི་ཧཱ་ཏ། ཨེ་ཧི་ཨ་ཙ་ལཱ། ཙེ་ཊཱ་ཨ་ནན་ཏཱ་ཀཱ་ཎ་ཏིཥྛ། ཙ་རུ་ཙ་རུ། ཏ་ཊི་ཏ་ཊི། ཏཱ་ཊ་ཏཱ་ཊ། བིགྷྞ་གྷ་ཏ་ཡ། མཱ་ར་ཡ་ཁཱ་ད་ཡ། སྥོ་ཊ་ཡ། ཤ་ཏཱ་ཏཱཾ་ཙེ་མེ། ཨ་ནུ་བནྡྷ་ཨཱ་ཛྙཱ་ཀུ་རུ།་ཨ་ས་ཧདྷ་ན་ཨ་གྲ། ཀ་ཊཱ་ཀ་ཊཱ། ཧེ་ཧཾ། ཨ་ཏི་བཱ་ལཱ། ཨེ་ཧོ་མཧཱ་གུ་ཎ་བི་ཥ་ཎཱ། ན་ཊཱ་ན་ཊཱ། ཨཱ་བི་ཤ་ཨཱི་བི་ཤ། ཨ་ཙ་ལ་ཙེ་ཊ་སརྦ་ཏྲ་ཨ་ནུཏ་ཏཱ་ར་ཨེ་ཀ་ཙ་ཏཱ་ཊ་ཏཱ་ཊ། ད་མཱ་ད་མཱ།
380b
ཕཊ་ཕཊ་སཝཱཧཱ། ཁོལ་པོ་མི་གཡོ་བའི་སྙིང་པོའོ། །དམ་ཚིག་གསུམ་བཀོད་པའི་རྒྱལ་པོ་ཆེན་པོ་ལས། ཐུན་མོང་གི་ཆོ་ག་རྫོགས་སོ།། །།དམ་ཚིག་གསུམ་བཀོད་པའི་རྒྱལ་པོའི་རྒྱུད་རྟོག། པའི་རྒྱལ་པོ་ཆེན་པོ་ལས། ཐུན་མོང་གི་ཆོ་ག་རྫོགས་སོ།། །།རྒྱ་གར་གྱི་མཁན་པོ་ཀྲྀཥྞ་པཎྜི་ཏ་དང ། ལོ་ཙྪ་བ་དགེ་སློང་ཚུལ་ཁྲིམས་རྒྱལ་བས་བསྒྱུར་ཅིང་ཞུས་ཏེ་གཏན་ལ་ཕབ་པའོ།།་