།།རྒྱ་གར་སྐད་དུ། བཛྲ་བྷཱུ་མི་ཏྲི་ཙ་ར་ཎི་རཱ་ཛཱ་ཀ་ཝ་ནཱ་མ།་བོད་སྐད་དུ། རྡོ་རྗེ་ས་གསུམ་དུ་རྒྱུ་བ་ཞེས་བྱ་བའི་རྟོག་པའི་རྒྱལ་པོ། དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །དེ་ནས་གསང་བའི་དབང་ཕྱུག་པོ། །ཤཱ་ཀ་ཐུབ་ཀྱིས་ནི་རིགས་ཁྲོ་བོ། །ཕྱིས་ཀྱི་རྟོག་པ་ལས་རྒྱལ་བྱེད། །རྟོག་པའི་བླ་མ་འདི་མཆོག་བཤད། །ལྷ་དང་སྔགས་དང་སྦྱོར་བ་ཡིས། །རྟོག་པས་རྟོག་པ་འཇོམས་པའི་ལམ། ། རྟོག་པ་མེད་པའི་རིག་པ་ཡིས། །ཁྲོ་བོའི་དབང་ཕྱུག་ཞི་བ་བརྙེས། །དང་པོ་ཕྱག་འཚལ་དེ་འོག་ཏུ། །བཞི་པ་ཡི་ནི་ལྔ་པ་ལ། །དབྱངས་ཡིག་གསུམ་པས་མཛེས་པར་བྱས།། 258b དྲུག་པའི་གསུམ་པ་བླངས་བྱས་ལ། །འོག་ཏུ་དབྱངས་ཀྱི་གཉིས་པས་བརྒྱན། །དེ་ལ་ཟླ་ཕྱེད་དང་ཐིག་ལེ། །ལྔ་པའི་བཞི་པ་ཉིད་དང་ནི། །དྲུག་པའི་གཉིས་པར་ཉིད་དང་ཡང ། བཞི་པའི་བཞི་པ་ཡང་དེ་བཞིན། །ཡང་ནི་མེ་ཡི་ས་བོན་དང ། །ལྔ་པ་ཡི་ནི་གསུམ་པ་དང ། །གཉིས་པ་ཡི་ནི་གསུམ་པ་ཡི། །འོག་ཏུ་མེ་ཡི་ས་བོན་ནོ། །ལྔ་པའི་དང་པོ་ཉིད་དང་ཡང། །གསུམ་པའི་སྡེ་པ་ལྔ་པ་ལ། །དབྱངས་ཡིག་གསུམ་པས་བརྒྱན་པ་དང ། །དེ་ནས་རྡོ་རྗེ་སེམས་དཔའ་དང ། །ལག་ན་རྡོ་རྗེའི་སྙིང་པོའོ། །ལྔ་པ་ཡི་ནི་གཉིས་པ་ལ། ། གསུམ་པའི་དང་པོ་མཐར་གཞག་པ། །འདི་རྣམས་རིག་སྔགས་དབང་བྱེད་པ། །གངྒཱ་ཀླུང་བཅུའི་བྱེ་སྙེད་ཀྱི། །སངས་རྒྱས་ཁྲོ་བོ་བྱང་ཆུབ་སེམས། །འབྱུང་པོར་བཅས་པ་འགུགས་མཛད་དོ། །རིག་སྔགས་རྣམས་ནི་ལྷ་ཉིད་དེ། །སྟོང་དང་སྙིང་རྗེ་འདྲེས་པ་ཡི། །ལྷ་འདི་སྙིང་གའི་སྦྱོར་བ་རུ། །ལེགས་པར་བཞག་པ་བསམ་པར་བྱ། །ལུགས་སུ་བྱུང་དང་བཟློག་པ་ཡི། །སྔགས་འདི་བཟླས་དང་བྲི་བར་བྱ། །ོཾ་ནཱི་ལཱཾ་བ་ར་དྷ་ར་བཛྲ་པཱ་ཎི་ཧཱུཾ་ཕཊ། ཕཊ་ཧཱུཾ་ཎི་པཱ་ཛྲ་བ་ར་དྷ་ར་བ་ལཱཾ་ནཱི་ཨོཾ། རིག་སྔགས་འབུམ་ཕྲག་བཟླས་པ་དང ། །ཡི་གེ་རེ་ལ་འབུམ་ཕྲག་དང ། །དེ་ལས་ལྷག་པའི་སྤྱོར་བ་ཡིས། །སྒྲུབ་པ་པོ་ཡི་བསམ་པ་ནི། །ཞི་དང་རྒྱས་དང་དབང་དགུག་དང ། །བསྐྲད་དང་དབྱེ་རེངས་བསད་ 259a ༄#། །པ་དང ། །ལས་ནི་གང་གང་འདོད་པ་དེས། །སྙིང་གར་སྦྱོར་བ་རིམ་བཞིན་བསྒྲུབ། །ལུས་གཙང་སྙིང་རྗེར་ལྡན་པ་ཡིས། །རང་ལུས་ལྷ་དང་བླ་མ་ལ། ། ཕྱག་སོགས་བྱ་བ་སྔོན་འགྲོ་བས། །རིག་པའི་ཁྲོ་བོ་བསྒོམ་པར་བྱ། །དང་པོ་སྟོང་ཉིད་རྣམ་བསམས་ལ། །ལུས་ཅན་རྣམས་ཀྱི་དྲི་མ་བཀྲུ། །རང་གི་སྙིང་གར་དབྱངས་ཡིག་ནི། ། དང་པོ་ལས་བྱུང་ཟླ་བ་ལ། །ཧཱུཾ་ཡིག་སྔོན་པོ་རྣམ་པར་བསྒོམ། །རང་གི་འདུས་འདྲའི་འོད་འཕྲོས་ནས། །སེམས་ཅན་དྲི་མ་རྣམ་བསལ་ཏེ། །སྐུར་གྱུར་སྙིང་པོ་བསྡུ་བར་བྱ། ། ཧཱུཾ་ཡང་རྡོ་རྗེ་སྔོན་པོར་གྱུར། །སྔོན་བཞིན་སྤྲོ་དང་བསྡུ་བྱས་ལ། །སྐུ་མདོག་སྔོན་པོ་ཆེར་འབར་བ། །རབ་ཏུ་དྲེགས་པས་ཁྲོས་པའོ། །རི་བོང་འཛིན་པའི་སྟེང་དུ་ནི། །བདེ་བར་གཡོན་བརྐྱང་གར་གྱིས་བཞུགས། །བརྒྱད་གཉིས་ལོན་པའི་ཉམས་ཚུལ་ཅན། །དྲག་ཅིང་ཁྲོས་པའི་རོ་དང་ལྡན། །བྲང་འགྲོ་བརྒྱད་པོས་སྐུ་ལ་བརྒྱན། །ཞལ་གཅིག་པ་ལ་ཕྱག་གཉིས་པ། རང་གིས་རྡོ་རྗེ་བསྣམས་པ་ནི། །བསྣུན་པའི་ཚུལ་དུ་འཛིན་པ་དང ། །གཡོན་པ་བསྡིགས་པའི་མཛུབ་མོ་ཅན། །ན་བཟའ་སྔོན་པོ་ཤམ་ཐབས་འཛིན། ། སྤྱན་མིག་དམར་ཞིང་མཆེ་བ་གཙིགས། །དབུ་སྐྲ་ཉི་མའི་འོད་འདྲ་བ། །སྟེང་དུ་བཅིངས་དབུས་ཅོད་པན་ལྡན། །ཞལ་ནས་ཧ་ཧའི་གད་རྒྱངས་ལྡན། །ཁྲོ་བོའི་བདག་པོ་ 259b འཇིགས་པར་བྱེད། །ལོག་འདྲེན་ལ་སོགས་འཇོམས་མཛད་པ། །དེ་འདྲར་བདག་ཉིད་རབ་བསྒོམས་ལ། །དེ་ནས་བདག་ཉིད་སྙོམས་འཇུག་པ། །དེ་ཡི་སྙིང་གར་ཉི་མ་ལ། །རང་གི་ཆོས་ཀྱི་ཡི་གེ་ལས། །ཁྲོས་པས་ཡང་ཡང་སྤྲོས་མཛད་ཅིང ། །དེ་དང་ལྷན་ཅིག་བསྒོ་བར་བྱ། །སྔགས་དང་ཕྱག་རྒྱ་བཅས་པ་ཡིས། །དེ་བཞིན་དུ་ཡང་དབང་བླང་ཞིང ། །རྡོ་རྗེ་ཧཱུཾ་མཛད་ཏིང་འཛིན་གནས། །གདུག་པའི་སེམས་ཅན་འཛིན་བྱེད་ཅིང ། །འོད་ཟེར་འབྱུང་བ་སྣ་ཚོགས་ཀྱིས། །རིམས་དང་གདོན་དང་དུག་སོགས་བཟའ། །རྡོ་རྗེ་འོག་ཏུ་རྒྱུ་བ་ལས།་རྟོག་པ་དང་པོའོ།། །།དེ་ནས་སྤྱན་སོགས་སྐྱེ་མཆེད་ལ། །ཧཱུཾ་བྱུང་ཁྲོ་བོ་བསྒོམ་པར་བྱ། །སྐུ་སོགས་གསུམ་ལ་རྡོ་རྗེ་གསུམ། །བསྒོམ་པ་འདི་ནི་དབང་བྱེད་པའོ། །དང་པོ་ཞི་བས་ཞི་བར་བྱ། །ཀླུ་ལ་སོགས་པའི་གཟུགས་བྱས་ལ། །རང་སྙིང་འོད་ཀྱིས་བཀུག་ལ་བསྟིམ། །མཆོད་སྦྱིན་བྱ་བ་སྙིང་རྗེས་སྦྱིན། །འཇོག་པོ་དང་ནི་རིགས་ལྡན་དང ། །མཐའ་ཡས་ནོར་རྒྱས་པདྨ་དང ། །པད་ཆེན་དུང་སྐྱོང་སྟོབས་ཀྱི་རྒྱུ། །དུག་རྣམས་སྙིང་རྗེའི་སྦྱོར་བས་སྦྱངས། །ནག་པོ་དཀར་པོ་སྔོན་པོ་དང ། །རང་གི་གནས་སུ་སྦྱར་བར་བྱ། །ཡང་ན་ཞི་བའི་ཐབ་ཁུང་དུ། །ཀླུ་ཡི་སྡིག་པ་ཞི་བར་བྱ། །ཤིན་ཏུ་གནག་པའི་རིགས་དེ་ལ། །མངར་གསུམ་ཆུ་ཡིས་གསོ་བར་བྱ། །གང་ཞིག་སྡིག་ 260a ༄#། །ཅན་ཞི་མི་འདུལ། །གཉིས་ཀྱི་སྦྱོར་བས་རྒྱུན་གཅོད་བྱ། །ཁྲག་དང་དུག་སོགས་རྫས་དག་ལ། །རིག་པ་བཟློག་པས་བསྒྲུབས་ནས་ནི། །ཤིན་ཏུ་ཁྲོས་པའི་ཁྲོ་བོ་ཡིས། །དགུག་དང་གཞུག་དང་མྱོས་བསད་དང ། །ཆོ་གས་གདུག་པ་དབང་བྱས་ལ། །བསྲེག་པ་ལ་སོགས་ལས་བྱའོ། །བརྒྱད་དང་བཅུ་བཞིའི་དུས་ཀྱི་ཚེ། །སྐྱ་རེངས་ཤར་དང་དམར་རེངས་ཆ། །ཉིན་མཚན་ཟད་པའི་དུས་ཀྱི་ཚེ། །སྐྲ་བཀྲོལ་བཅུད་འཛག་གཅེར་བུ་ནི། །བྱོལ་སོང་གནས་སུ་ཁྲག་སྐྱུག་གོ་།ལུས་དབུས་མེ་འབར་བསྒྲུབ་བྱ་དེ། །ཁྲོ་བོའི་སྤུ་ཡི་བུ་ག་ལས། །སྤྲོས་པའི་ཁྲོ་བོ་ཁྲོས་པ་དང ། །མངག་གཞུག་རྣམས་ཀྱིས་དྲངས་བྱས་ནས། །རྟོག་པས་རྟོག་པ་བཟའ་བར་བྱ། །སྔར་ནི་རྡོ་རྗེས་འོག་ལས།། གདུག་པ་འདིར་ནི་བཟའ་བར་བྱ། །མང་དུ་སྨྲས་པས་ཅི་ཞིག་དགོས། །མ་བཅོས་པ་ཡི་སེམས་ཅན་ལ། །སྙིང་རྗེའི་ཡིད་ཅན་རྡོ་རྗེ་སེམས། །ཏིལ་སོགས་རྫས་དང་སྔགས་སྦྱོར་གྱིས། །སྡིག་པ་ཞི་བྱེད་སྦྱིན་སྲེག་བྱ། །རིག་པའི་བློ་ཅན་ཀུན་བཟང་གིས། །ཞོ་ལ་བསྲེག་བྱ་རྒྱས་པའོ། །མི་རྟག་གྱུར་པའི་གདུལ་བྱ་ལ། །འདོད་ཆགས་ཡིད་ཅན་བ་དེ་ཆེན་གྱིས། །བདག་ཉིད་དགོས་པ་བརྟན་བྱའི་ཕྱིར། །ུཏྤལ་དམར་སོགས་ཀྱིས་སྒྲུབ་པའོ། །འདིར་ནི་མ་རུངས་སྡིག་བ་བྱེད། །གཙོར་ནི་སྦྱངས་ཕྱིར་ཁྲོ་སེམས་ཀྱིས། ། 260b མངོན་སྤྱོད་ལས་ནི་རྒྱུད་ཀུན་ལས། །བཤད་པ་ཐམས་ཅད་འདིར་བྱའོ། །རིག་སྔགས་སྙིང་རྗེའི་ཤུགས་ཀྱིས་འགྲོ། ལས་ངན་རྒྱུན་གཅོད་བཅོས་མ་ཡིན། །ལས་ངན་དག་པའི་རང་བཞིན་དུ། །ཁྲོས་པས་དམིགས་པར་མི་འགྱུར་ཏེ། །སྦྱོར་བ་རྣམས་ནི་བཅོས་མར་འགྱུར། །བྱང་ཆུབ་བཅོས་མེད་འབང་སྤངས་པའོ། །རྡོ་རྗེ་ས་འོག་ཏུ་རྒྱུ་བ་ལས། རྟོག་པ་གཉིས་པའོ།། །།དེ་ནས་ཁམས་གསུམ་རྣམ་རྒྱལ་པོ། །སྔར་ནི་སྤྲུལ་པ་བཅུ་དྲུག་པོས། །རྟོག་པ་བཅུ་ཕྲག་དང་བཞི་ཡང ། །གཉིས་ཀྱིས་རིག་པ་འཇོམས་བྱེད་འདིར། ། སྤྲུལ་པ་བརྒྱད་དུ་བསྡུས་པ་དང ། །བདག་ཉིད་གཅིག་པུ་བསྒོམ་པའང་གསུངས། །ནམ་མཁའི་ཁམས་སུ་འབྱུང་བཞི་བསམ། །རི་རབ་ལྷུན་པོ་ཧྲཱི་ཡིག་ལས། །པདྨ་འདབ་གྲངས་ལྟེ་བ་ལ། །བླ་བའི་དཀྱིལ་འཁོར་རྫོགས་པའོ། །ཧཱུཾ་ལས་བྱུང་བའི་ཁྲོ་བོ་ནི། །ཞལ་གཅིག་ཕྱག་བཞིན་བཟའ་སྔོ། །རྡོ་རྗེ་དྲིལ་བུ་མདའ་གཞུ་འགེངས། །སྦྲུལ་དང་མི་སྡུག་མགོས་བརྒྱན་ཅིང ། །སྟག་ལྤགས་སྨེད་དཀྲིས་འཇིགས་སེལ་བ། །ཁྲོ་བོ་རྣམ་རྒྱལ་བསྒོམ་པར་བྱ། །ཐུགས་ཀའི་ཧཱུཾ་གི་སྦྱོར་བ་ཡིས། །ཤར་ལ་སོགས་པའི་ཕྱོགས་མཚམས་སུ། ། འཇིག་རྟེན་གསུམ་སྣང་རྡོ་རྗེ་དང ། །འཇིག་རྟེན་གསུམ་འདུལ་རིན་ཆེན་དང ། །འཇིག་རྟེན་གསུམ་འཆིང་པདྨ་དང ། །འཇིག་རྟེན་གསུམ་འཇིགས་ལས་ཉིད་དག་།གཡས་རྣམས་ 261a ༄#། །རང་མིང་མཚན་མ་ལ། །གཡོན་རྣམས་གདུག་པ་བསྡིགས་པའོ། །བདུད་རྩི་འཁྱིལ་དང་དབྱུག་སྔོན་དང ། །མི་གཡོ་བ་དང་རྟ་མགྲིན་ཁྲོ། །རྡོ་རྗེ་དང་ནི་དབྱུག་པ་དང ། །རལ་གྲི་པདྨ་གཡས་རྣམས་སོ། །གཡོན་པ་གདུག་པ་བསྡིགས་པའོ། །བརྒྱད་ཀྱི་དབུས་ན་ཁྲོ་བོ་བདག། འཇིག་རྟེན་གསུམ་གྱི་འཁྲུལ་པ་སྦྱོང ། །དབྱུག་པ་ནག་སོགས་ཕོ་ཉ་བཞི། །སྐུ་མདོག་མཚན་མས་བརྒྱན་པ་ཁྲོས། །ལྕགས་ཀྱུ་ལ་སོགས་སྒོར་གནས་པ། །ཁྲོ་བོའི་འཁོར་ལོ་འཇིགས་སེལ་བསྒོམ། །གཙོ་བཅས་རིག་པའི་ཁྲོ་བོ་ཀུན། །སྒྱུ་མའི་ཕྲེང་བས་དོ་ཤལ་བྱས། །གོས་སྔོན་ཅན་ལ་སྟག་ལྤགས་དཀྲིས། །གདུག་པ་སེལ་བའི་ལམ་དུ་བསྒོམ། །དེ་ནས་ཁམས་གསུམ་རྣམ་རྒྱལ་གཙོ། །ཁྲོ་བོའི་མཚན་ཉིད་སྔགས་བཅས་བཤད། །དཀོན་མཆོག་གསུམ་ལ་ཕྱག་འཚལ་ལོ། །གནོད་སྦྱིན་གྱི་སྡེ་དཔོན་ཆེན་པོ་ལག་ན་རྡོ་རྗེ་གོས་སྔོན་པོ་ཅན། སངས་རྒྱས་གངྒཱའི་ཀླུང་གི་བྱེ་མ་སྙེད་ཀྱིས་རྗེས་སུ་གནང་བ། མཆེ་བ་གཙིགས་པ་དང་འཚམ་པ། མིག་མེ་མདག་གི་ཕུང་པོ་འདྲ་བ། དབུགས་མེ་ལྕེ་ལྟར་འབར་བ། འཇིགས་པའི་ང་རོ་ཅན། ལག་པ་དང ། རྐང་པ་ཀླུ་ནོར་རྒྱས་ཀྱི་བུས་བརྒྱན་པ། ཀླུ་ནག་པོ་སེར་ལ་ཁར་ཐོགས་པ། ཀླུ་དགའ་བོ་དང ། ཉེ་དགའ་བོ་འབར་བས་རྣ་ཆ་བྱས་པ། སྦྲུལ་ 261b འབར་བ་རིན་པོ་ཆེའི་ཅོད་པན་ཐོགས་པ། སྦྲུལ་གདུག་པ་འབར་བ་ཟ་བ། བཞིན་རྒྱས་པ། སྨིན་མ་དང ། ཁྲོ་གཉེར་དཔྲལ་བར་བསྡུས་པ། ཡ་སོས་མ་མཆུ་མནན་པ། གཤིན་རྗེའི་ཆ་བྱད་ཅན། ལྕེ་གློག་ལྟར་འགྱུ་བ། གསུས་པོ་ཆེ་སྦྲུལ་ཟ་བ། ལག་པ་བརྡབས་པའི་སྒྲས་འཇིགས་པར་བྱེད་པ། ཀླུའི་རྒྱལ་པོ་འདབ་བཟང་སྐ་རགས་སུ་བཅིངས་པ། ཨ་ལ་ལ་ཞེས་སྒྲོགས་པར་བྱེད་པ། རྒྱ་མཚོའི་ཟབས་སུ་དཔག་ཚད་བརྒྱད་ཁྲི་བཞི་སྟོང་ཡོད་པ་རྐང་པའི་པུས་མོར་ཕྱིན་པ། དབང་པོ་དང ། ཉི་མ་ཕྲག་པ་ལ་ཁུར་པ། ཀླུ་ཐམས་ཅད་རླག་པར་བྱེད་པ། གད་རྒྱངས་ཆེན་པོ་རྒོད་པས་ཀུན་ཏུ་འཁྲུག་པར་བྱེད་པ། གཤིན་རྗེའི་གཟུགས་ཅན་ཁམས་གསུམ་པ་འཇིགས་པར་བྱེད་པ། ཀླུ་ཐམས་ཅད་རླག་པར་བྱེད་པ་ལ་ཕྱག་འཚལ་ལོ། །དེ་ནས་སངས་རྒྱས་བཅོམ་ལྡན་འདས་གངྒཱའི་ཀླུང་གི་བྱེ་མ་སྙེད་ཀྱིས་གསུངས་པའི་རིག་སྔགས་འདི་བརྗོད་པར་བྱའོ། །ཏདྱ་ཐཱ། བྷོ་བྷོ་པཾ་ནཱ་ག་ཨ་དྷི་པ་ཏ་ཡེ། ཨི་དན་ནཱི་ལཱཾ་བ་ར་དྷ་ར་ཤ་རི་རཾ། བཛྲ་པཱ་ཎི་ཧྲྀ་ད་ཡཾ་ཡཿ ་ས་མཱ་ཏི་ཀྲ་མ་ཐ་མཱ་ཀུ་ལོ་ཏ་སཱ་ད་ན། བྷ་བིཥྱ་ཏི། ཏདྱ་ཐ། བུདྡྷ་བུདྡྷ་།བི་བུདྡྷ་བི་བུདྡྷ། མ་ཧཱི་པྲཱཔྟ་ཧ་ར་ཧ་ར་ནཱ་ག་ནཱཾ་ཙྪིནྡ་ཙྪིནྡ། ནཱ་ག་ཧྲྀ་ད་ཡཱ་ནི། བྷིནྡྷ་བྷིནྡྷ་ནཱ་ག་མརྨཱ་ཎི། བི་ཥིརྱནྟུ་ནཱ་ག་ཤ་རཱི་རཱ་ཎི། བི་སྥོཊ། ནཱ་ག་ན་ཡ་ནཾ་ནཱི་ཧཱུཾ་ཧཱུཾ་ཕཊ། ཏདྱ་ཐཱ། ནཱ་ག་བི་དཱ་ར་ཎཱ་ཡ་ཧཱུཾ་ཕཊ། 262a ༄#། །ནཱ་གོཏ་སཱ་ད་ནཱ་ཡ་ཧཱུཾ་ཕཊ། ནཱི་ལཾ་བ་ས་ནཱ་ཡ་ཧཱུཾ་ཕཊ། ཨ་བྲ་ཏི་ཧ་ཏ་བ་ལ་པར་ཀྲ་མཱ་ཡ་ཧཱུཾ་ཕཊ། ཀྲྀ་ཏནྟཱ་ཡ་ཧཱུཾ་ཕཊ། ཀྲི་ཏཱནྟ་རཱུ་བཱ་ཡ་ཕཊ། རོ་ཥ་ནཱ་ཡ་ཧཱུཾ་ཕཊ།་ཏྲཱ་ས་ནཱ་ཡ་ཧཱུཾ་ཕཊ། ཀུཾ་བྷཱཎྜ་ཨུཏ་སཱ་ད་ནཱ་ཡ་ཧཱུཾ་ཕཊ། ཕྲེ་ཏ་བི་ཤཱ་ཅེ་བི་ནཱ་ཤ་ཀ་རཱ་ཡ་ཧཱུཾ་ཕཊ། ཡཀྵ་ཨ་པསྨཱ་ར་བི་ནཱ་ཤ་ཀ་རཱ་ཡ་ཧཱུཾ་ཕཊ། ཧ་ས་ཧ་ས། དྷ་ར་དྷ་ར། མཱ་ར་ཡ་མཱ་ར་ཡ། ནཱ་ཤ་ཡ་ནཱ་ཤ་ཡ། སརྦ་བིགྷྣཱན་བི་ནཱ་ཤ་ཀ་རཱ་ཡ་ཧཱུཾ་ཕཊ། སརྦ་ཤ་ཏྲཱུཾ་སཾ་བརྟ་བི་ནཱ་ཤ་ཀ་རཱ་ཡ་ཧཱུཾ་ཕཊ། ཨོཾ་ནཱི་ལཾ་བ་ར་དྷ་ར་བཛྲ་པཱ་ཎི་རཱཛྙཱ་པ་ཡ་ཏི་སཝཱཧཱ། དེའི་ཆོག་ལ་གནོད་སྦྱིན་གྱིས་ཟིན་པ་ལ་ཆུ་ལ་སྔགས་ཀྱིས་བཏབ་ཏེ་གཏོར་ན་བཏང་བར་འགྱུར་རོ། །ཀླུ་བཟློག་པར་འདོད་ན་སྨྱུག་ཤད་ཀྱི་ལྕུག་མ་འམ། བལ་པོ་སེའུ་འི་ལྕུག་མས་བྱའོ། །ཡི་དྭགས་དང ། བརྗེད་བྱེད་རྣམས་ལ་ནི་སྐུད་པ་སྔོན་པོས་བྱའོ། །རིམས་ནད་མེད་པར་བྱ་བ་དང ། ཡི་གེ་འཆུས་པ་ལ་ནི་སྐུད་བ་སྔོན་པོས་བྱའོ། །ནོར་འདོད་ན་ཞག་གཅིག་སྨྱུང་བར་གནས་ཏེ་བོག་གིས་བདུག་ན་རྨི་ལམ་དུ་དགེ་བ་དང ། མི་དགེ་བའི་དོན་ཐམས་ཅད་སྟོན་པར་འགྱུར་ལ་གསེར་གྱི་དོང་ཙེ་བདུན་སྟོང་སྟེར་བར་འགྱུར་རོ། །རྒྱས་བཏབ་པ་དགྲོལ་བར་འདོད་ན་ཐལ་བས་བྱའོ། །སྒོ་ལྕགས་དབྱེ་བར་འདོད་ན་ཡུངས་ཀར་གྱིས་བྱའོ། །འཇིགས་པ་ཐམས་ཅད་བསྲུང་བ་ལ་ནི་མར་རྙིང་པའམ་ 262b ཐལ་བའམ། ཡུངས་ཀར་གྱིས་བྱའོ། །ནད་ཀྱིས་འཇིགས་པ་ཐམས་ཅད་ལ་ནི་སྐུད་པ་སྔོན་པོ་ལ་བསྲུང་བའི་མདུད་པ་བྱས་ཏ་མགུལ་དུ་བཏགས་ན་བསྲུང་བའི་མཆོག་ཏུ་འགྱུར་རོ། །བྱིས་པ་གདོན་གྱིས་ཉེན་པ་ལ་ནི་ཚོན་སྣ་ལྔའི་སྐུད་པ་མགུལ་དུ་བཏགས་ན་བསྲུང་བའི་མཆོག་ཏུ་འགྱུར་རོ། །ཆོམ་རྐུན་བཟློག་པར་འདོད་ན་སས་བྱའོ། །དུག་ལ་ནི་རྩ་ཀུ་ཤས་བྱ་བ་པར་བྱའོ། །བདག་བསྲུང་བ་ལ་ནི་ཡིད་ཀྱིས་སམ། ཆུས་བྱའོ། །གཞན་བསྲུང་བ་ལ་ནི་སྐུད་པ་སྔོན་པོས་བྱའོ། །ལས་དེ་དག་ཐམས་ཅད་ལ་སྔགས་བརྗོད་པ་ནི་ལན་གསུམ་མམ།་བདུན་ནམ། བཅུ་བཞི་འམ། ཉི་ཤུ་རྩ་གཅིག་གམ། བརྒྱ་རྩ་བརྒྱད་བརྗོད་པར་བྱའོ། །དེ་ལྟར་བྱས་ན་འགྲུབ་པར་འགྱུར་རོ། །རྡོ་རྗེ་ས་འོག་ཏུ་རྒྱུ་བ་ལས། རྟོག་པ་གསུམ་པའོ།། །།རྟོག་པ་འདི་དག་དབང་བྱེད་པ། །ལག་ན་རྡོ་རྗེ་ཁྲོས་པ་ལས། །བདུད་རྩི་འཁྱིལ་བའི་རྣལ་འབྱོར་གྱིས། །བྲན་གཡོག་རྣམས་ནི་བསྐུལ་བར་བྱ། ། ོཾ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུཾ་ཕཊ། །འདི་ནི་བཀའ་ཙམ་ངེས་བསྒྲག་ཅིང ། །བཻ་ཡིག་སུམ་ཅུ་རྩ་གཉིས་བརྗོད། །སྙིང་གའི་འོད་ཀྱིས་དབང་བྱ་ཞིང ། །གུ་གུལ་དུད་པས་བྲོད་བྱས་ལ། །གསེར་སྣ་ཆེན་པོ་སེངྒེ་ལ་ཞོན་པ་དང ། རྨུགས་འཛིན་དང ། གང་བ་བཟང་དང ། ནོར་བུ་བཟང་དང ། ཀུ་བེ་ར་དང ། ཡང་དག་ཤེས་དང ། འབྲོག་གནས་དང ། ལྔས་ 263a ༄#། །རྩེན་དང ། པི་ཙི་ཀུཎྜ་ལི་རྣམས་ལ་མཁོ་བ་སྦྱིན་པར་བྱའོ། །འདི་རྣམས་རྟ་ལ་ཆིབས་པ་ལ། །འོད་དང་ལྡན་ཞིང་མེ་ལོང་ཅན། །རས་དཀར་གཙོང་\?\་མས་གསལ་བྱས་ལ། །གསལ་སྣང་ཀུན་ནི་བྲི་བར་བྱ། །ཡང་ན་ཀུན་ཀྱང་སྤྲུལ་ནག་ཆིབས། །འཇིགས་པའི་མཚོན་ཆ་ཕྱག་ན་བྶྣམྶཿ ་བསྐུལ་བ་དག་པར་དབང་བྱས་ན། །མངོན་སྤྱོད་ལས་ཀུན་བྱེད་པར་འགྱུར། །དྲག་པོ་དགུ་དང་ཉི་ཤུ་བརྒྱད། །ས་གསུམ་ཁྱབ་པ་སྤྲོས་ནས་ནི། །སྔགས་གྲུབ་སྟོབས་ཀྱིས་བདག་བྲན་བྱེད། །དུས་ཚོད་དུས་ལ་མཆོད་པ་བྱེད། །དེ་ནས་དབུལ་བས་འཇིགས་པ་ལ། །རྨུགས་འཛིན་བསྒྲུབ་པ་ཡིད་འོང་བཤད། །ཀུན་ཀྱང་གཏེར་རྣམས་མནན་པ་ལ། །རིན་ཆེན་འབར་བས་ཁྱིམ་འགེངས་པ། །སྐྱོར་གང་རྡོ་རྗེ་ཆུས་འགྲུབ་འགྱུར། །པདྨ་ཟླ་དང་གཏེར་ཆེན་ལ། །ཛཾ་ལས་བྱུང་བའི་གནོད་སྦྱིན་དགུ། བཀུག་ལ་རང་རང་གསང་སྔགས་ཀྱིས།། ཆུ་དང་བཅས་པའི་མཆོད་སྦྱིན་འབུལ། །འདི་ནི་སྔགས་ཀྱི་རྐང་པ་རྣམས་སོ། །ོཾ་བཻ་ཤྲ་བ་ཎཱ་ཡ་སཝཱཧཱ། ཨོཾ་ཛམྦྷ་ལཱ་ཡ་སཝཱཧཱ། ཨོཾ་པཱུརྞ་བྷ་དྲ་ཡ་སཝཱཧཱ། ཨོཾ་མ་ཎི་བྷ་དྲཱ་ཡ་སཝཱཧཱ། ཨོཾ་ཀུ་བེ་རཱ་ཡ་སཝཱཧཱ། ཨོཾ་སཾ་པྲ་ཛྙཱ་ནཱ་ཡ་སཝཱཧཱ། ཨོཾ་གུ་ཧྱ་སྠའ་ནཱ་ཡ་སཝཱཧཱ། ཨོཾ་པཱཉྩི་ཀཱ་ཡ་སཝཱཧཱ། ཨོཾ་བི་ཙི་ཀུཎྜ་ལཱི་ཡེ་སཝཱཧཱ། དེ་ནས་ཡང་དག་སྤྱོད་པའི་ 263b མཆོག་།ལྷ་ཡི་བརྟུལ་ཞུགས་དག་པ་བཤད། །དུས་རྣམས་ཀུན་ཏུ་དར་རས་གཙང་མའི་གོས་སྔོན་བྱིན་གྱིས་བརླབ་བྱ་ཞིང ། །བྲམ་ཟེའི་རིགས་ལྟར་དྲི་ཅན་ཟས་དང་འགྲོ་མགྱོགས་ཤ་ལས་རིང་དུ་འདུག་།སྨྱུང་བར་གནས་ཤིང་ཆུས་བཀྲུས་དཀར་གསུམ་གཙང་མའི་ཟས་ཟ་ཞིང ། །ངག་གི་རླུང་བསྔམས་དད་དང་སྙིང་རྗེས་ཡིད་བརླན་རྟག་ཏུ་བརྩོན་པར་འཇུག་།བསམ་གཏན་ཁང་པ་མདོག་ནི་སྔོ་བསྒྱུར་བ་ལྕི་དྲི་ཞིམ་ཆུ་ཡིས་བྱུགས། །དཀར་དང་སྔོ་བའི་མེ་ཏོག་བཀྲམ་ལ་སྐུ་གདུང་བླ་མ་མདུན་བཞག་ལ། །ཆོ་རིགས་བཙུན་པའི་སྒྲུབ་པ་པོས་ནི་གོས་དཀར་བགོས་ལ་ཀུ་ཤའི་སྟན་ལ་འདུག། སྙིང་རྗེས་ཁྲོས་པའི་རིག་སྔགས་དམ་པ་དག་ཅིང་མཛེས་པར་བཟླས་པ་བྱ། །རུ་རཀྴ་ཡི་བགྲང་ཕྲེང་བརྒྱ་ཕྱེད་བྱིན་གྱིས་བརླགས་ལ་ལག་གཡས་གཟུང ། །ཕྲེང་བའི་རིལ་བུ་རེ་དང་ལྷ་རེ་སྔགས་རེ་བཅས་ནས་སྙིང་གར་བཟུང ། །རྣལ་འབྱོར་འདི་རྣམས་སྤྱད་ཅིང་འགྲོ་ལ་འཇུངས་པའི་སེམས་ལྡན་པས། །བདག་དང་གཞན་ལ་ཕན་ཕྱིར་རྟོག་པ་བཤད་པ་བྱས་པ་ཡིན། །རྡོ་རྗེ་ས་འོག་ཏུ་རྒྱུ་བ་ལས། རྟོག་པ་བཞི་པའོ།། །།དབྱར་ཁ་སྐྱེས་པའི་རྩཝ་དང་ནགས་ཚལ་ལས་བྱུང་མེ་མཆེད་ལྟར། །རླུང་གིས་གྲོགས་བྱས་བསྲེགས་ནས་ཐལ་བའི་ལྷག་མའང་མ་ལུས་བཞིན། །བསྐལ་པ་དཔག་མེད་སྐྱེས་པའི་ 264a ༄#། །རྟོག་པའི་དྲི་མའི་རྨ་རྣམས་ལ། །བསྲུང་བ་དད་དང་བརྩོན་འགྲུས་སྔགས་བཟླས་སེམས་དམ་མེ་ཡིས་བསྲེག། ཉི་མའི་སྙིང་པོ་འཛམ་བུའི་གླིང་གི་དབུས་སུ་རིགས་བཟུང་སྟེ། །སྐྱེས་པ་དང་ནི་བུད་མེད་དབང་པོ་སྐྱོན་མེད་ཚུལ་ཁྲིམས་ཅན། །སྐྱེ་བ་སྔ་མའི་ལམ་ཤུགས་དག་དང་བླ་མའི་ལུང་ཐོབ་པ། །དད་དང་སྙིང་རྗེའི་སེམས་ཅན་གཏོང་བའི་བློ་དང་ལྡན་པ་དེས། །རིག་པའི་ཁྲོ་བོ་བསྒོམ་དང་དེ་རྗེས་དེ་ནི་བཟླས་འབད་ན། །བསྟོད་དང་མཆོད་མཉེས་བྲན་གཡོག་ལྷ་མིན་གསང་བ་བརྙས་མེད་ཅིང ། །ཆུ་ཡི་མཆོད་སྦྱིན་འཁོར་ལོ་དག་དང་གཏོར་མ་ལ་བརྩོན་ཞིང ། །སྦྱིན་སྲེག་རྣམས་ཀྱིས་ལྷ་དང་བྲན་གཡོག་མཉེས་བྱས་ན། །རིང་པོར་མི་ཐོགས་སྒྲུབ་པ་པོ་དེས་རྟགས་དང་ཕྱག་རྒྱ་འབྱིན་པར་འགྱུར། །འདིར་ནི་མང་དུ་སྨྲ་མི་དགོས། །སྔར་ནི་རྡོ་རྗེ་ས་འོག་ཏུ། །བཤད་པའི་མཚན་མ་སྟེར་བར་འགྱུར། །ཟངས་ལྕགས་བླ་མའི་གནང་བྱའོ། །ལུས་སོགས་རིག་པའི་དབང་བསྐུར་ནས། །མེ་དང་རླུང་སོགས་འབྱུང་བ་དང ། །ནད་དང་གདོན་དང་བྱད་རྣམས་དང ། །བདུད་ཀྱིས་ཀླགས་ནི་རྙེད་མི་འགྱུར།། མེ་ལྕེ་ཕྲེང་བའི་རྟོག་པ་ལས། །བཤད་པའི་འཆི་བའི་སྦྱོར་བྱུང་ན། །སེར་སྣ་འདི་ནི་ཕ་རོལ་འཕང ། །སྨོན་ལམ་ལམ་སྣ་ལ་བརྟེན་ནས། །འདི་འོག་བྱང་ཆུབ་སེམས་ 264b དཔའ་ནི། །འགྲོ་བ་སྨིན་པའི་བླ་མར་འགྱུར། །ཡང་ན་སྲིད་པ་བར་མ་དོར། །སྔགས་ཀྱི་རྣམ་ཤེས་གཟི་བསྐྱེད་ནས། །འགྲོ་ཕན་རིག་པ་འཛིན་གྱུར་ནས། །དེ་ཡི་འོག་ཏུ་སེམས་དཔའ་འོ། །ཐ་མའང་ལམ་ལ་བརྟེན་ནས་ནི། །རང་འདོད་དམ་པའི་ལུས་རྙེད་ནས། །སྔ་མ་ལམ་སེལ་དེ་འོག་ཏུ། །དངོས་གྲུབ་ལ་ནི་རྣམ་པར་གནས། །ལྷ་དང་སྔགས་སོགས་རྟོགས་པ་དེས། །རྟོག་པ་དམན་པ་མནན་པ་ཡིན། །ནམ་མཁའ་ལྟ་བུར་རྟོག་མེད་ལ། །འཇིག་རྟེན་ངོར་ནི་རྟོག་པས་སྤྲུལ། །གདུལ་བྱ་སྡང་སོགས་སེམས་འཁྲུགས་ལ། །ང་ནི་སྙིང་རྗེས་སྡང་བར་མཛད། །ཁྲོ་སོགས་བསལ་དུ་མེད་གྱུར་ན། །ཁྲོ་བོར་ད་ནི་ཅི་ཕྱིར་འགྱུར། །དང་པོ་རྣལ་འབྱོར་འཚེ་བ་བཅོམ། །དེ་ཕྱིར་རིག་སྔགས་སྦྱོར་བ་རྣམས།། རྒྱུད་ཀུན་དུ་ནི་གསུངས་པ་ཡིན། །འཚེ་བ་བཅོམ་ནས་དག་པ་ནི། །སེམས་དག་པ་ནི་བདེ་བ་ཡིན། །གདུག་པའི་སྦྱོར་བ་ཕྲོགས་པས་ན། །བདེ་བར་བྱང་ཆུབ་ལམ་བརྟེན་ལ། །རྡོ་རྗེ་སྐུ་ཉིད་འགྱུར་མེད་ལ། །བདག་གི་རིག་པའི་ཡེ་ཤེས་དེ། །ལུས་ཅན་དེ་ཡི་འབྲས་བུ་འོ། །ཇི་ལྟར་ཤེལ་ནི་ཛམྦུ་ཀའི། །མེ་ཏོག་གིས་ནི་གཞན་དུ་སྣང ། །དེ་བཞིན་རྟོག་མེད་རིག་པ་ཡང ། །ཁྲོ་བོའི་དབང་ཕྱུག་འདིར་སྣང་ནས། །ཇི་ལྟར་འདུལ་གྱུར་སྤྲུལ་པ་ཡིས། །རྒྱུན་མི་འཆད་པར་ཁྲོ་བོར་སྣང ། །སྙིང་རྗེ་མེད་ན་འབྲས་བུ་ཉམས། །འགྲོ་ལ་ཕན་བཏགས་ 265a ༄#། །གནོད་བསལ་ན། །རང་སེམས་དག་པས་འབྲས་བུ་འགྲུབ། །རྒྱུ་དང་འབྲས་བུའི་སྒྲིབ་པ་རྣམས། །བྱང་ཆུབ་སེམས་ཀྱིས་རིང་དུ་སྤང ། །འདིར་ནི་འཁོར་བ་འཇིག་པར་ངེས། །བརྟན་དང་གཡོ་བའི་སྒྲིབ་པ་རྣམས། །བློ་མཉམ་དུས་ན་གཉེན་པོ་དང ། །མི་མཐུན་ནམ་མཁའ་ལྟར་ཡངས་པ། །ལྷུན་གྱིས་འགྲུབ་འབྲས་ཕྱི་མ་ཡིན། །ཇི་སྲིང་རྟོག་པའི་དྲི་མ་ཡོད། །དེ་སྲིད་འབད་དེ་རིག་པ་བསྒོམ། །སེམས་སྦྱོང་སྔ་མ་རིག་པ་ཡིས། །རྒྱུད་ཉིད་དུ་ནི་འདོད་པ་ཡིན། །གང་ལ་སེམས་ནི་དྲི་མེད་པ། །རྟོག་པའི་དྲི་མས་ནག་པོར་བྱས། །དེ་ལ་སྤང་བའི་བློ་མེད་པ། །རྟོག་པའི་བློ་ཅན་འཁོར་བ་ཡིན། །དེ་ཕྱིར་ཤཱཀྱཱི་རིགས་ཅན་རྣམས་ས་འོག་ཏུ་རྒྱུ་བའི་ཀླུའི་རྟོག་པ་ལ་སོགས་པ་ཚར་གཅོད་བའི་ཕྱིར་སྦྱོར་བ་རྣམས་ལ་གུས་པར་བྱའོ། །རྡོ་རྗེ་ས་གསུམ་དུ་རྒྱུ་བ་ལས། རྟོག་པ་ལྔ་པ་རྫོགས་སོ།། །།དབང་ཕྱུག་དམ་པའི་མངའ་བདག་ཁྲི་སྲོང་ལྡེ་བཙན་གྱི་བཀའ་ཁྲིམས་སུ། དཔལ་དཔེ་མེད་ལྷུན་གྱིས་གྲུབ་པའི་གཙུག་ལག་ཁང་དུ་རྒྱ་གར་གྱི་མཁན་པོ་ཀུ་མ་ར་བཛྲ་དང ། ར་བྱིད་ལོ་ཙྪ་བས་བསྒྱུར་བའོ།། །། |