rKTs


H462

(e-text produced by ACIP)

see text in transliteration
176b
རྒྱ་གར་སྐད་དུ། མ་ཧཱ་བཻ་རོ་ཙ་ན་ཨ་བྷི་སཾ་བོ་དྷི་བི་ཀུརྦ་ཏི་ཨ་དྷིཥྛཱ་ན་བཻ་པུ་ལྱ་སཱུ་ཏྲ་ཨིནྡྲ་རཱ་ཛ་ནཱ་མ་དྷརྨ་པརྱཱ་ཡ། བོད་སྐད་དུ། རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ཤིན་ཏུ་རྒྱས་པ་མདོ་སྡེའི་དབང་པོའི་རྒྱལ་པོ་ཞེས་བྱ་བའི་ཆོས་ཀྱི་རྣམ་གྲངས། བམ་པོ་དང་པོ། བཅོམ་ལྡན་འདས་ངག་གི་དབང་ཕྱུག་ལ་ཕྱག་འཚལ་ལོ། །འདི་སྐད་བདག་གི་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་བྱིན་གྱིས་རློབ་པ། རྡོ་རྗེ་ཆེན་པོ་རྒྱ་ཆེ་བ། ཆོས་ཀྱི་དབྱིངས་ཀྱི་ཕོ་བྲང་རྡོ་རྗེ་འཛིན་ཐམས་ཅད་འདུ་བ། དེ་བཞིན་གཤེགས་པ་མོས་པས་རྣམ་པར་རོལ་པ། མཐའ་དང་དབུས་མེད་ཅིང་རྩེ་མོ་མཐོ་བ། རིན་པོ་ཆེའི་རྒྱལ་པོས་ཤིན་ཏུ་ལེགས་པར་བརྒྱན་པ་འབྱུང་བའི་ཁང་བཟང་ཆེན་པོ་རིན་པོ་ཆེའི་རྒྱལ་པོའི་ནང་ན་བྱང་ཆུབ་སེམས་དཔའི་ལུས་ཀྱི་སེངྒེའི་ཁྲི་ལ་བཞུགས་ཏེ། འདི་ལྟ་སྟེ། རྡོ་རྗེ་འཛིན་ནམ་མཁའ་དྲི་མ་མེད་པ་དང ། ནམ་མཁའ་ལ་རྣམ་པར་\?\་འགྲོ་བ་དང ། ནམ་མཁའ་འབྱུང་བ་དང ། གོས་སྣ་ཚོགས་གྱོན་པ་དང ། སྣ་ཚོགས་སུ་རྒྱུ་བ་དང ། ཆོས་ཐམས་ཅད་མཉམ་པ་ཉིད་ལ་གནས་པ་དང ། སེམས་ཅན་གྱི་
177a
༄#། །གྱི་ཁམས་མཐའ་ཡས་པ་ཡོངས་སུ་སྐྱོབ་པའི་རྡོ་རྗེ་དང ། སྲེད་མེད་ཀྱི་བུའི་སྟོབས་ཅན་དང ། སྲེད་མེད་ཀྱི་བུ་ཆེན་པོའི་སྟོབས་ཅན་དང ། རྡོ་རྗེ་བཟང་དང ། རྡོ་རྗེ་མཆོག་གི་ཤུགས་ཅན་དང ། དྲི་མ་མེད་པའི་རྡོ་རྗེ་དང ། རྡོ་རྗེ་མཆོག་འཆང་དང ། དེ་བཞིན་གཤེགས་པའི་གོ་ཆ་དང ། དེ་བཞིན་གཤེགས་པའི་གོ་འཕང་དུ་འབྱུང་བ་དང ། སྤྲོས་པ་མེད་པ་ལ་གནས་པ་དང ། དེ་བཞིན་གཤེགས་པའི་སྟོབས་བཅུ་ལས་ངེས་པར་སྐྱེས་པ་དང ། དྲི་མ་མེད་པའི་མིག་དང ། གསང་བ་བའི་བདག་པོ་ཕྱག་ན་རྡོ་རྗེ་དང ། དེ་དག་ལ་སོགས་ཏེ་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་རྡོ་རྗེ་འཛིན་རྣམས་དང་ཐབས་ཅིག་ཏུ་བཞུགས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་དང ། བྱམས་པ་དང ། འཇམ་དཔལ་དང ། སྒྲིབ་པ་ཐམས་ཅད་རྣམ་པར་སེལ་བ་ལ་སོགས་པ་དག་གིས་ཀྱང་བསྐོར་ཅིང་མདུན་གྱིས་བལྟས་པ་ལ་འདི་ལྟ་སྟེ། དེ་བཞིན་གཤེགས་པའི་ཉི་མ་དུས་གསུམ་ལས་འདས་པར་བྱིན་གྱིས་བརླབས་ནས་སྐུ་དང་གསུང་དང་ཐུགས་མཉམ་པ་ཉིད་ཀྱི་གཞི་ཞེས་བྱ་བའི་ཆོས་ཀྱི་སྒོའི་ཆོས་སྟོན་ཏོ། །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོ་ལ་སོགས་པ་དེ་དག་དང ། གསང་བ་པའི་བདག་པོ་ལ་སོགས་པ་རྡོ་རྗེ་འཛིན་དེ་དག་བཅོམ་
177b
ལྡན་འདས་རྣམ་པར་སྣང་མཛད་ཀྱི་བྱིན་གྱི་རླབས་ཀྱིས་སྐུ་མཉམ་པ་ཉིད་བཀོད་པ་མི་ཟད་པའི་མཛོད་རྣམ་པར་བསྒྱིངས་པ་ལ་ཞུགས་སོ། །དེ་བཞིན་དུ་གསུང་དང་ཐུགས་མཉམ་པ་ཉིད་བཀོད་པ་མི་ཟད་པའི་མཛོད་རྣམ་པར་བསྒྱིངས་པ་ལ་ཞུགས་ཏེ། འོན་ཀྱང་བཅོམ་ལྡན་འདས་རྣམ་པར་སྣང་མཛད་ཀྱི་སྐུའམ། གསུང་ངམ། ཐུགས་ལ་ནི། འཇུག་པའམ་ལྡོག་པ་མི་དམིགས་སོ། །ཐམས་ཅད་དུ་ཡང་བཅོམ་ལྡན་འདས་རྣམ་པར་སྣང་མཛད་ཀྱི་སྐུའི་འཕྲིན་ལས་ཐམས་ཅད་དང ། གསུང་གི་འཕྲིན་ལས་ཐམས་ཅད་དང ། ཐུགས་ཀྱི་འཕྲིན་ལས་ཐམས་ཅད་སེམས་ཅན་གྱི་ཁམས་ཐམས་ཅད་ལ་ཀུན་ཏུ་གསང་སྔགས་ཀྱི་ཚུལ་གྱི་ཚིག་འདི་དག་གིས་ཆོས་བསྟན་པ་མཐོང་བ་ནི། འདི་ལྟ་སྟེ། སེམས་ཅན་ལས་ཀྱི་ཚེ་རྣམ་པར་བསྐྱེད་པ་རྣམས་སེམས་དང་པོ་བསྐྱེད་པ་ནས་བཟུང་སྟེ་ས་བཅུ་པའི་བར་ལ་གནས་པ་འདི་ཉིད་ལ་ཡོངས་སུ་རྫོགས་པར་བྱ་བ་དང ། ལས་ཀྱི་ཚེ་བཀག་པ་རྣམས་ཀྱང་སྲིད་པའི་མྱུ་གུ་མངོན་པར་འགྲུབ་པར་བྱ་བའི་ཕྱིར་རྡོ་རྗེ་འཛིན་པའི་ལུས་དང་འདྲ་བ་དང ། བྱང་ཆུབ་སེམས་དཔའ་ཀུན་ཏུ་བཟང་པོ་དང ། ཕྱག་ན་པདྨའི་ལུས་འདྲ་བ་ཕྱོགས་བཅུ་ན་གསང་སྔགས་ཀྱི་ཚུལ་གྱི་ཚིག་རྣམ་པར་དག་པའི་ཚིག་དག་གིས་ཆོས་སྟོན་པ་དག་ཀྱང་མཐོང་ངོ ། །དེ་ནས་ཡང་བཅོམ་ལྡན་འདས་ལ་གསང་བ་པའི་བདག་པོ་ཕྱག་ན་
178a
༄#། །རྡོ་རྗེ་འཁོར་འདུས་པ་དེ་ཉིད་ན་འདུག་པ་དེས་འདི་སྐད་ཅེས་གསོལ་ཏོ། །བཅོམ་ལྡན་འདས། ཇི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་ཐམས་ཅད་མཁྱེན་པའི་ཡེ་ཤེས་བརྙེས་ནས་ཐམས་ཅད་མཁྱེན་པའི་ཡེ་ཤེས་དེ་སེམས་ཅན་རྣམས་ལ་རྣམ་པར་ཕྱེ་སྟེ་ཚུལ་སྣ་ཚོགས་དང་བསམ་པ་སྣ་ཚོགས་དང ། ཐབས་སྣ་ཚོགས་དག་གིས་སྟོན་ཅིང ། ཁ་ཅིག་ལ་ནི། ཉན་ཐོས་ཀྱི་ཐེག་པའི་ཚུལ། ཁ་ཅིག་ལ་ནི། སངས་རྒྱས་ཀྱི་ཐེག་པའི་ཚུལ། ཁ་ཅིག་ལ་ནི། ཐེག་པ་ཆེན་པོའི་ཚུལ། ཁ་ཅིག་ལ་ནི། མངོན་པར་ཤེས་པ་ལྔའི་ཚུལ། ཁ་ཅིག་ལ་ནི། ལྷར་སྐྱེ་བར་བྱ་བ་དང ། ཁ་ཅིག་ལ་ནི། མིར་སྐྱེ་བར་བྱ་བ་ནས་ལྟོ་འཕྱེ་ཆེན་པོ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅིར་སྐྱེ་བར་བྱ་བའི་བར་དུ་ཆོས་སྟོན་པ་ལགས། དེ་ལ་སེམས་ཅན་ལ་ལ་སངས་རྒྱས་ཀྱི་འདུལ་བར་བྱ་བ་དག་གིས་ནི། རང་སངས་རྒྱས་ཀྱིས་གཟུགས་སུ་མཐོང ། ལ་ལས་ནི། ཉན་ཐོས་ཀྱི་གཟུགས་སུ། ལ་ལས་ནི། སངས་རྒྱས་ཀྱི་གཟུགས་སུ། ལ་ལས་ནི། བྱང་ཆུབ་སེམས་དཔའི་གཟུགས་སུ། ལ་ལས་ནི། དབང་ཕྱུག་ཆེན་པོའི་གཟུགས་སུ། ལ་ལས་ནི། ཚངས་པའི་གཟུགས་སུ། ལ་ལས་ནི། སྲེད་མེད་ཀྱི་བུའི་གཟུགས་
178b
སུ།་ལ་ལས་ནི། རྣམ་ཐོས་ཀྱི་བུའི་གཟུགས་ནས། ལ་ལས་ནི། ལྟོ་འཕྱེ་ཆེན་པོ་དང ། མི་དང ། མི་མ་ཡིན་པའི་བར་དུ་མཐོང་སྟེ། རང་རང་གི་ཚིག་བརྗོད་པའི་ཚུལ་དག་དང ། སྤྱོད་ལམ་སྣ་ཚོགས་སུ་མཐོང་ལ། ཐམས་ཅད་མཁྱེན་པའི་ཡེ་ཤེས་དེ་ཡང་འདི་ལྟར་དེ་བཞིན་གཤེགས་པའི་རྣམ་པར་གྲོལ་བའི་རོར་རོ་གཅིག་པ་ལགས་སོ། །བཅོམ་ལྡན་འདས། འདི་ལྟ་སྟེ། དཔེར་བགྱི་ན། ནམ་མཁའི་ཁམས་ནི། རྟོག་པ་དང ། རྣམ་པར་རྟོག་པ་ཐམས་ཅད་བྲལ་བ་སྟེ། མི་རྟོག་པ། རྣམ་པར་མི་རྟོག་པ་ལགས་སོ། ། བཅོམ་ལྡན་འདས། དེ་བཞིན་དུ་ཐམས་ཅད་མཁྱེན་པའི་ཡེ་ཤེས་ཀྱང་རྟོག་པ་ཐམས་ཅད་དང་བྲལ་བ་སྟེ། མི་རྟོག། རྣམ་པར་མི་རྟོག་པ་ལགས་སོ། །བཅོམ་ལྡན་འདས། འདི་ལྟ་སྟེ། དཔེར་བགྱི་ན། ས་ཆེན་པོ་འདི་ནི། སེམས་ཅན་ཐམས་ཅད་ཀྱི་གསོས་སུ་གྱུར་པ་ལགས་སོ། །བཅོམ་ལྡན་འདས། དེ་བཞིན་དུ་ཐམས་ཅད་མཁྱེན་པའི་ཡེ་ཤེས་ཀྱང་ལྷ་དང ། མི་དང ། ལྷ་མ་ཡིན་དུ་བཅས་པའི་འཇིག་རྟེན་གྱི་གསོས་སུ་གྱུར་པ་ལགས་སོ། །བཅོམ་ལྡན་འདས། འདི་ལྟ་སྟེ། དཔེར་བགྱི་ན། མེའི་ཁམས་ནི།་བུད་ཤིང་ཐམས་ཅད་སྲེག་པས་ནམ་ཡང་ཡོངས་སུ་བས་པར་མི་འགྱུར་ལགས་སོ། །དེ་བཞིན་དུ་ཐམས་ཅད་མཁྱེན་པའི་ཡེ་ཤེས་ཀྱང་མི་ཤེས་པའི་བུད་ཤིང་ཐམས་
179a
༄#། །ཅད་སྲེག་པས་ནམ་ཡང་ཡོངས་སུ་བས་པར་མི་འགྱུར་ལགས་སོ། །བཅོམ་ལྡན་འདས། འདི་ལྟ་སྟེ། དཔེར་བགྱི་ན། རླུང་གི་ཁམས་ནི། རྡུལ་ཐམས་ཅད་སེལ་བར་བགྱིད་པ་ལགས་སོ། །བཅོམ་ལྡན་འདས། དེ་བཞིན་དུ་ཐམས་ཅད་མཁྱེན་པའི་ཡེ་ཤེས་ཀྱང་མི་ཤེས་པའི་རྡུལ་ཐམས་ཅད་སེལ་བར་བགྱིད་པ་ལགས་སོ།། བཅོམ་ལྡན་འདས། འདི་ལྟ་སྟེ། དཔེར་བགྱི་ན། ཆུའི་ཁམས་ནི། སེམས་ཅན་ཐམས་ཅད་ཀྱི་ལུས་སིམ་པར་བགྱིད་པ་ལགས་སོ། །དེ་བཞིན་དུ་ཐམས་ཅད་མཁྱེན་པའི་ཡེ་ཤེས་ཀྱང་ལྷ་དང་བཅས་པའི་འཇིག་རྟེན་རབ་ཏུ་སིམ་པར་བགྱིད་པ་ལགས་ན། བཅོམ་ལྡན་འདས། ཡེ་ཤེས་འདིའི་རྒྱུ་ནི། གང་ལགས། རྩ་བ་ནི། གང་ལགས། མཐར་ཐུག་པ་ནི། གང་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་རྣམ་པར་སྣང་མཛད་ཀྱིས་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ། ལེགས་སོ་ལེགས་སོ། །ལག་ན་རྡོ་རྗེ། གང་ཁྱོད་ང་ལ་དོན་འདི་འདྲི་བ་ནི། ཡང་ལེགས་སོ། །དེའི་ཕྱིར་ཉོན་ལ་ལེགས་པར་རབ་ཏུ་ཡིད་ལ་ཟུངས་ཤིག་དང ། ངས་ཁྱོད་ལ་བཤད་དོ། །རྒྱུ་ནི། བྱང་ཆུབ་ཀྱི་སེམས་སོ། །རྩ་བ་ནི། སྙིང་རྗེ་ཆེན་པོའོ། །མཐར་ཐུག་པ་ནི། ཐབས་སོ། །གསང་པ་པའི་བདག་པོ། དེ་ལ་བྱང་ཆུབ་གང་ཞེ་ན། །རང་
179b
གི་སེམས་ཡང་དག་པ་ཇི་ལྟ་བ་བཞིན་ཡོངས་སུ་ཤེས་པ་སྟེ། དེ་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་བོ། །གསང་བ་པའི་བདག་པོ། དེ་ལ་ནི། ཆོས་རྡུལ་ཙམ་ཡང་མེད་ཅིང་མི་དམིགས་སོ། །དེ་ཅིའི་ཕྱིར་ཞེ་ན། བྱང་ཆུབ་དེ་ནི། ནམ་མཁའི་མཚན་ཉིད་དེ། དེ་ལ་བྱང་ཆུབ་པར་བྱེད་པ་ཡང་མེད་ལ། བྱང་ཆུབ་པར་བྱ་བ་ཡང་འགའ་ཡང་མེད་དོ། །དེ་ཅིའི་ཕྱིར་ཞེ་ན། བྱང་ཆུབ་ལ་མཚན་ཉིད་མེད་པའི་ཕྱིར་ཏེ། གསང་བ་པའི་བདག་པོ། ཆོས་ཐམས་ཅད་ཀྱང་མཚན་ཉིད་མེད་པ་ནི། འདི་ལྟ་སྟེ། ནམ་མཁའི་མཚན་ཉིད་དོ། །དེ་ནས་ཡང་བཅོམ་ལྡན་འདས་ལ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས། ཐམས་ཅད་མཁྱེན་པ་ཉིད་ནི། གང་ནས་ཡོངས་སུ་བཙལ་བར་བགྱི། གང་གིས་ནི།་བྱང་ཆུབ་མངོན་པར་རྫོགས་པར་འཚང་རྒྱ་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། གསང་བ་པའི་བདག་པོ། བྱང་ཆུབ་དང ། ཐམས་ཅད་མཁྱེན་པ་ཉིད་ནི། རང་གི་སེམས་ལས་ཡོངས་སུ་བཙལ་བར་བྱའོ། །དེ་ཅིའི་ཕྱིར་ཞེ་ན། སེམས་དེ་ནི། རང་བཞིན་གྱིས་ཡོངས་སུ་དག་པ་ཡིན་ཏེ། དེ་ནི། ནང་ན་ཡང་མེད། ཕྱི་རོལ་ན་ཡང་མེད། གཉི་གའི་བར་ན་ཡང་མི་དམིགས་སོ། །གསང་བ་པའི་བདག་པོ། སེམས་དེ་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་མ་གཟིགས། མི་
180a
༄#། །གཟིགས། གཟིགས་པར་མི་འགྱུར་ཏེ། སྔོན་པོར་མ་ཡིན། སེར་པོར་མ་ཡིན། དམར་པོར་མ་ཡིན། དཀར་པོར་མ་ཡིན། ཁ་དོག་ལེ་བརྒན་དུ་མ་ཡིན། ཤེལ་གྱི་ཁ་དོག་ཏུ་མ་ཡིན། ཐུང་ངུར་མ་ཡིན། རིང་པོར་མ་ཡིན། ཟླུམ་པོར་མ་ཡིན། གྲུ་བཞིར་མ་ཡིན། སྣང་བར་མ་ཡིན། མུན་པར་མ་ཡིན། སྐྱེས་པར་མ་ཡིན། བུད་མེད་དུ་མ་ཡིན། མ་ནིང་དུ་མ་ཡིན་ནོ། །གསང་བ་པའི་བདག་པོ། སེམས་དེ་ནི། འདོད་པའི་ཁམས་ཀྱི་རང་བཞིན་མ་ཡིན། གཟུགས་ཀྱི་ཁམས་ཀྱི་རང་བཞིན་མ་ཡིན། གཟུགས་མེད་པའི་ཁམས་ཀྱི་རང་བཞིན་མ་ཡིན་ནོ། །ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་དང ། མི་དང ། མི་མ་ཡིན་པའི་འགྲོ་བ་སེམས་ཅན་རིས་མཐུན་པའི་རང་བཞིན་མ་ཡིན་ནོ། །གསང་བ་པའི་བདག་པོ། སེམས་དེ་ནི། མིག་ལ་མི་གནས། རྣ་བ་ལ་མི་གནས། སྣ་ལ་མ་ཡིན།་ལྕེ་ལ་མ་ཡིན། ལུས་ལ་མ་ཡིན། ཡིད་ལ་མི་གནས་སོ། །དེ་ཅིའི་ཕྱིར་ཞེ་ན། སེམས་དེ་ནི། ནམ་མཁའི་མཚན་ཉིད་དོ། །དེའི་ཕྱིར་རྟོག་པ་དང ། རྣམ་པར་རྟོག་པ་ཐམས་ཅད་དང་བྲལ་བའོ། །དེ་ཅིའི་ཕྱིར་ཞེ་ན། ནམ་མཁའི་རང་བཞིན་གང་ཡིན་པ་དེ་ནི། སེམས་ཀྱི་རང་བཞིན་ནོ། །སེམས་ཀྱི་རང་བཞིན་གང་ཡིན་པ་དེ་ནི། བྱང་ཆུབ་ཀྱི་རང་བཞིན་
180b
ཏེ།་གསང་བ་པའི་བདག་པོ། དེ་ལྟར་ན། སེམས་དང ། ནམ་མཁའི་དབྱིངས་དང ། བྱང་ཆུབ་འདི་ནི། གཉིས་སུ་མེད་དེ། གཉིས་སུ་བྱར་མེད་དོ། །དེ་ཡང་སྙིང་རྗེའི་རྩ་བ་ཅན་ཐབས་ཀྱི་ཕ་རོལ་ཏུ་ཕྱིན་པས་ཡོངས་སུ་བཟུང་བ་སྟེ། གསང་བ་པའི་བདག་པོ། དེ་བས་ན་རྣམ་གྲངས་འདིས་ཀྱང་འདི་ལྟར་ང་བྱང་ཆུབ་སེམས་དཔའི་འཁོར་གྱི་ནང་དུ་ཆོས་གང་དང་གང་སྟོན་པ་དེ་ཐམས་ཅད་ནི།་བྱང་ཆུབ་ཀྱི་སེམས་ཡོངས་སུ་དག་པར་བྱ་བ་དང ། སེམས་ཡོངས་སུ་ཤེས་པར་བྱ་བའི་ཕྱིར་ཡིན་པར་རིག་པར་བྱའོ། །གསང་བ་པའི་བདག་པོ། དེ་ལྟ་བས་ན། རིགས་ཀྱི་བུའམ། རིགས་ཀྱི་བུ་མོ་བྱང་ཆུབ་ཡོངས་སུ་ཤེས་པར་འདོད་པས་རང་གི་སེམས་ཉིད་ཡོངས་སུ་ཤེས་པར་བྱའོ། །གསང་བ་པའི་བདག་པོ། ཇི་ལྟར་རང་གི་སེམས་ཡོངས་སུ་ཤེས་པར་བྱ་ཞེ་ན། འདི་ལྟ་སྟེ། རྣམ་པར་རམ། ཁ་དོག་ཏུའམ། དབྱིབས་སུའམ། ཡུལ་དུའམ། གཟུགས་སུའམ། ཚོར་བར་རམ། འདུ་ཤེས་སུའམ། འདུ་བྱེད་དུའམ། རྣམ་པར་ཤེས་པར་རམ། བདག་ཏུའུམ།་བདག་གིར་རམ། གཟུང་བར་རམ། འཛིན་པར་རམ། དག་པར་རམ། མ་དག་པར་རམ། ཁམས་སུའམ། སྐྱེ་མཆེད་དུའམ། རྣམ་པ་ཐམས་ཅད་ཀྱི་བར་དུ་ཡོངས་སུ་བཙལ་ཀྱང་མི་དམིགས་པ་ཡིན་ནོ། །གསང་བ་པའི་བདག་པོ། འདི་ནི། བྱང་ཆུབ་སེམས་དཔའི་སེམས་རྣམ་པར་དག་པའི་སྒོ་ཞེས་བྱ་བ་ཆོས་སྣང་བའི་སྒོ་ཆོས་སྣང་
181a
༄#། །བའི་ཚུལ་དང་པོ་སྟེ། གང་ལ་གནས་ན། བྱང་ཆུབ་སེམས་དཔའ་རྣམས་ཚེགས་ཆུང་ངུས་སྒྲིབ་པ་ཐམས་ཅད་སྤོང་བའི་ཏིང་འཛིན་ཐོབ་ཅིང ། དེ་ཐོབ་པས་བྱང་ཆུབ་སེམས་དཔའ་རྣམས་སངས་རྒྱས་ཐམས་ཅད་དང་ལྷན་ཅིག་འགྲོགས་པ་ཐོབ་པར་འགྱུར། མངོན་པར་ཤེས་པ་ལྔ་དག་ཀྱང་ཐོབ་པར་འགྱུར། སྐད་དང ། སྒྲ་དང ། དབྱངས་མཐའ་ཡས་པའི་གཟུངས་ཀྱང་ཐོབ་པར་འགྱུར། སེམས་ཅན་གྱི་བསམ་པ་རྗེས་སུ་ཤེས་པ་དང ། དེ་བཞིན་གཤེགས་པ་ཐམས་ཅད་ཀྱིས་བྱིན་བརླབས་ཤིང་འཁོར་བ་ན་ཡོངས་སུ་མི་ཉམས་པའི་ཆོས་ཅན་དུ་འགྱུར། སེམས་ཅན་གྱི་དོན་བྱ་བ་དག་ལ་ཡོངས་སུ་མི་སྐྱོ་བར་འགྱུར། འདུས་མ་བྱས་ཀྱི་ཚུལ་ཁྲིམས་ལ་རབ་ཏུ་གནས་པ་དང ། ལོག་པར་ལྟ་བ་རྣམ་པར་སྤངས་པ་དང ། ཡང་དག་པར་ལྟ་བ་རྟོགས་པར་ཁོང་དུ་ཆུད་པར་འགྱུར་བ་ཡིན་ནོ། །གསང་བ་པའི་བདག་པོ། གཞན་ཡང་སྒྲིབ་པ་ཐམས་ཅད་སྤོང་བའི་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི། མོས་པའི་སྟོབས་བསྐྱེད་པས་ཚེགས་ཆུང་ངུས་སངས་རྒྱས་ཀྱི་ཆོས་ཐམས་ཅད་ཡོངས་སུ་རྫོགས་པར་བྱེད་དེ། གསང་བ་པའི་བདག་པོ། མདོར་ན་རིགས་ཀྱི་བུའམ། རིགས་ཀྱི་བུ་མོ་དེ་ནི། ཡོན་ཏན་དཔག་ཏུ་མེད་པ་དང་ལྡན་པར་འགྱུར་རོ། །དེ་ནས་ཡང་
181b
བཅོམ་ལྡན་འདས་ལ་ཕྱག་ན་རྡོ་རྗེས་ཡོངས་སུ་ཞུས་པ། བཅོམ་ལྡན་འདས། ཇི་ལྟར་བྱང་ཆུབ་ཏུ་སེམས་བསྐྱེད་པ་ཞེས་བགྱི་བ་ལགས། བྱང་ཆུབ་འབྱུང་བའི་སེམས་བསྐྱེད་པའི། །མཚན་ཉིད་ཇི་ལྟར་འཚལ་བར་བགྱི། །སེམས་མཁྱེན་པ་ནི་རྣམས་ཀྱི་མཆོག་།དཔའ་ཆེན་ཡེ་ཤེས་ལས་བྱུང་བ། །ཇི་སྙེད་ཅིག་ལས་འདས་ནས་ནི། །སྐྱེ་བར་འགྱུར་བ་བསྟན་དུ་གསོལ། །མགོན་པོ་སེམས་ཀྱི་མཚན་ཉིད་དང ། །དུས་ཀྱང་རྒྱ་ཆེར་བསྟན་དུ་གསོལ། །དེ་དག་བསོད་ནམས་ཅི་འདྲ་དང ། །སྤྱོད་པ་ཅི་འདྲར་འགྱུར་བ་དང ། །སེམས་ལ་སེམས་ཀྱི་ཁྱད་པར་ཡང ། །ཐུབ་པ་ཆེན་པོས་བསྟན་དུ་གསོལ། །དེ་སྐད་གསོལ་ནས་དེ་ཡི་ཚེ། །བཅོམ་ལྡན་རྣམ་པར་སྣང་མཛད་ཀྱིས། །ཕྱག་ན་རྡོ་རྗེ་ཆེར་འབྱུང་ལ། །ལེགས་སོ་བུ་ཞེས་འདི་སྐད་གསུངས། །ཐེག་པ་ཆེན་པོའི་གོ་འཕང་མཆོག་།སེམས་ཀྱི་རྒྱུད་ཀྱི་མཚན་ཉིད་ནི། །རྫོགས་སངས་རྒྱས་ཀྱི་གསང་བའི་མཆོག། རྟོག་གེ་ཀུན་གྱིས་མི་ཤེས་པ།། ཐམས་ཅད་ཁྱོད་ལ་བཤད་པར་བྱ། །ཡིད་གཅིག་བསྡུས་ལ་ཉན་པར་གྱིས། །སེམས་ནི་བརྒྱ་རྩ་དྲུག་ཅུ་ལས། །འདས་ནས་བྱང་ཆུབ་ཉིད་ཀྱི་ཕྱིར། །བསོད་ནམས་ཆེས་འབྱུང་སྙིང་པོ་སྟེ། །བྱང་ཆུབ་འབྱུང་བ་སྐྱེ་བར་འགྱུར། །ནམ་མཁའ་ལྟ་བུར་དཔག་མེད་ཅིང ། །གོས་པ་མེད་དེ་ཇི་བཞིན་གནས། །ཆོས་ཀུན་གྱིས་ནི་མི་བསྒུལ་ཏེ། །གཟོད་ནས་ཞི་ཞིང་
182a
༄#། །མཚན་ཉིད་མེད། །དཔག་མེད་ཡེ་ཤེས་ཀྱིས་བསྒྲུབས་པ། །ཡང་དག་རྫོགས་སངས་རྒྱས་སྟོན་པ། །མཆོད་དང་སྤྱོད་པས་བསྒྲུབས་པའི་ཕྱིར། །བྱང་ཆུབ་ཕྱིར་ནི་དང་པོར་འདོད།། གསང་བ་པའི་བདག་པོ། དེ་ལ་འཁོར་བ་ཐོག་མ་མེད་པ་ནས་བྱིས་པ་སོ་སོའི་སྐྱེ་བོ་རྣམས་ངར་འཛིན་པ་དང ། ང་ཡིར་འཛིན་པ་ལ་མངོན་པར་ཞེན་པས་བདག་གི་ཁྱད་པར་གྲངས་མེད་པར་རབ་ཏུ་བརྟགས་ཏེ། གསང་བ་པའི་བདག་པོ། དེ་ལ་བདག་གི་ངོ་བོ་ཉིད་ལ་མ་དཔྱད་པར་བདག་གོ། ཞེས་ངར་འཛིན་པ་ཀུན་ནས་སློང་ངོ ། །གཞན་དག་ནི། དུས་ལས་བྱུང་བ་དང ། འཛིན་པ་པོས་སྤྲུལ་པ་དང ། ངེས་པར་བྱུང་བ་དང ། འདི་ལྟ་སྟེ་དབང་ཕྱུག་དང ། འབྱིན་པ་པོ་དང ། དུས་དང ། གཙོ་བོ་དང ། བྱེད་པ་པོ་དང ། བྱེད་པ་པོ་མ་ཡིན་པ་དང ། རྣལ་འབྱོར་དང ། ཚད་མ་དང ། དག་པ་དང ། མ་དག་པ་དང ། ནང་གི་བདག་དང ། སྐྱེས་བུ་དང ། ཁྱབ་བདག་དང ། སྲོག་དང ། གང་ཟག་དང ། རྣམ་པར་ཤེས་པ་དང ། ཀུན་གཞི་དང ། ཤེས་པ་པོ་དང ། མཐོང་བ་པོ་དང ། གཟུང་བ་དང ། འཛིན་པ་དང ། ཤེས་པ་དང ། ཤེས་བྱ་དང ། ཤེས་པར་བྱ་བ་དང ། ཤེད་ལས་སྐྱེས་པ་དང ། ཤེད་བུ་དང ། བརྗོད་པར་བྱ་བ་དང ། བརྗོད་པར་བྱ་བ་མ་ཡིན་པར་རྟོག་སྟེ།་གསང་བ་པའི་བདག་པོ། བདག་གི་ཁྱད་པར་འདི་ལྟ་བུ་ལ་སོགས་པ་རྣལ་འབྱོར་འདོད་པའི་རྣལ་འབྱོར་པ་དག་གིས་ཐར་པ་འདོད་པས་སྔོན་བརྟགས་པ་ཡིན་ནོ། །གསང་བ་པའི་བདག་
182b
པོ།་གཞན་ཡང་བྱིས་པ་སོ་སོའི་སྐྱེ་བོ་ཕྱུགས་དང་མཚུངས་པ་རྣམས་ལས། བརྒྱ་ལམ་ན་རེས་འགའ་ཞིག་ཆོས་ཀྱི་འདུ་ཤེས་འབྱུང་བ་ནི། འདི་ལྟ་སྟེ། སྨྱུང་བར་གནས་པ་ལ་གནས་པར་བྱའོ། །ཞེས་དེ་ཙམ་ཞིག་སེམས་ལ་བྱས་ཏེ་མགུ་བ་བསྐྱེད་ནས་ཕྱི་ཕྱིར་ཞིང་དེ་ཉིད་ལ་གོམས་པར་བྱེད་དེ། གསང་བ་པའི་བདག་པོ། །དེ་ནི། དགེ་བའི་ལས་སྐྱེ་བའི་ས་བོན་ལྟ་བུ་སྟེ། སེམས་དང་པོའོ། །དེ་རྒྱུ་དེ་ཉིད་ཀྱིས་མཚན་མ་དང་བཅས་པའི་ཉི་མ་དེ་དག་ལ་ཕ་མ་དང ། བུ་དང ། བུ་མོ་དང ། མཛའ་བཤེས་དང ། ཉེ་དུ་དག་ལ་སྦྱིན་པ་སྦྱིན་པར་བྱེད་དེ། འདི་ནི། མྱུ་གུ་ལྟ་བུ་སྟེ།་གཉིས་པའོ། །གཞན་ཡང་སྦྱིན་པ་དེ་ཉིད་མི་ཤེས་པ་དག་ལ་ཡང་སྦྱིན་པར་བྱེད་དེ། འདི་ནི། སྡོང་བུ་ལྟ་བུ་སྟེ། གསུམ་པའོ། །གཞན་ཡང་སྦྱིན་པ་དེ་ཉིད་སྣོད་དུ་རུང་བ་ཡོངས་སུ་ཚོལ་ཞིང་སྦྱིན་པར་བྱེད་དེ། འདི་ནི། ལོ་མ་ལྟ་བུ་སྟེ། བཞི་པའོ། །གཞན་ཡང་སྦྱིན་པ་དེ་ཉིད་བླ་མའམ། རོལ་མོ་མཁན་དག་ལ་དགའ་བཞིན་དུ་སྦྱིན་པར་བྱེད་དེ། འདི་ནི། མེ་ཏོག་ལྟ་བུ་སྟེ། ལྔ་པའོ། །གཞན་ཡང་སྦྱིན་པ་དེ་ཉིད་ཡིད་དགའ་བ་དག་ལ་སྦྱིན་པར་བྱེད་དེ། འདི་ནི། འབྲས་བུ་ལྟ་བུ་སྟེ། དྲུག་པའོ། །གསང་བ་པའི་བདག་པོ། གཞན་ཡང་མཐོ་རིས་སུ་སྐྱེ་བར་བྱ་བའི་ཕྱིར་ཚུལ་ཁྲིམས་སྲུང་སྟེ། འདི་ནི། གསོས་སུ་གྱུར་པ་ལྟ་བུ་སྟེ། བདུན་པའོ། །གསང་བ་པའི་བདག་པོ། །གཞན་ཡང་སེམས་དེ་ལྟ་བུ་ཉིད་ཀྱིས་འཁོར་པར་རྒྱུ་བ་ན་དགེ་བའི་བཤེས་གཉེན་ལ་ལ་
183a
༄#། །ཞིག་ལས་ཚིག་འདི་སྐད་ཐོས་ཏེ། ལྷ་འདི་དག་ནི་ལྷ་ཆེན་ཏེ། །ཐམས་ཅད་ལ་ནི་བདེ་བ་སྟེར། །དེ་ལ་ཁྱོད་ཀྱིས་གུས་མཆོད་དང ། །ཐམས་ཅད་འབྱོར་པ་ཉིད་དུ་འགྱུར། །དེ་དག་ཀྱང་ནི་འདི་ལྟ་སྟེ། །དབང་ཕྱུག་དང་ནི་ཚངས་པ་དང ། །དེ་བཞིན་ཁྱབ་འཇུག་བདེ་བྱེད་དང ། །དྲག་པོ་སྐེམ་བྱེད་དེ་བཞིན་དུ། །ཉི་མ་ཟླ་བ་ཆུ་ལྷ་ཉིད། །ལུས་ངན་ནོར་སྦྱིན་བརྒྱ་བྱིན་དང ། །མིག་མི་བཟང་དང་སྣ་ཚོགས་འབྱུང ། །གཤིན་རྗེ་དུས་མཚན་མྱ་ངན་འདས། །འཇིག་རྟེན་གཙོ་ཞེས་བྱ་བ་དང ། །མེ་དང་རྣམ་པར་འདུད་པའི་བུ། །དེ་བཞིན་ལྷ་མོ་དཀའ་ཐུབ་ཟློག། པདྨ་དང་ནི་འཇོག་པོ་ཀླུ། །ནོར་ལྡན་དང་ནི་དུང་ཞེས་བྱ། །ཀརྐོ་ཊ་ཀ་པདྨ་ཆེ། །རིགས་ཅན་དང་ནི་གདེངས་ཀ་མང ། །རྟག་ཏུ་མཐའ་ཡས་ཐོག་མའི་ལྷ། །དེ་བཞིན་ལྷ་དང་དྲང་སྲོང་མཆོག་།རིག་བྱེད་རིག་བྱེད་སྐྱེས་བུ་ཡིན། །མཁས་པས་མཆོད་པ་གྱིས་ཤིག་ཅེས། །དེ་ལས་དེ་འདྲའི་ཚིག་ཐོས་ནས། །ཡིད་ནི་ཡང་དག་མགུ་གྱུར་ཏེ། །དེ་ཚེ་རབ་ཏུ་གུས་ལྡན་པས། །དེ་དག་ལ་ནི་ནན་ཏན་བྱེད། །གསང་བ་པའི་བདག་པོ། འདི་ནི། བྱིས་པ་སོ་སོའི་སྐྱེ་བོ་འཁོར་བ་ན་ཀུན་ཏུ་འཁྱམས་པ་རྣམས་ཀྱི་དབུགས་འབྱིན་པའི་མཆོག་ཡིན་ཏེ།་འདི་ནི། སྟོབས་སུ་གྱུར་པ་སྟེ། སེམས་བརྒྱད་པར་རྒྱལ་བ་རྣམས་ཀྱིས་བཤད་དོ། །གསང་བ་པའི་བདག་པོ། གཞན་ཡང་ཁྱད་པར་རྟོགས་པ་ཇི་སྐད་དུ་ཡོངས་སུ་བསྒྲགས་
183b
པའི་ཁྱད་པར་དེ་དང་དེ་དག་ལ་ཁྱད་པར་དུ་གནས་པ་རྣམས་ལ་འབའ་ཞིག་པ་ཉིད་ཀྱི་དོན་དུ་བློ་སྐྱེ་ཞིང ། དེ་ཡང་ཡོད་དོ། །ཞེས་སྟོང་པ་ཉིད་ཁོ་ན་ལ་དངོས་པོར་སེམས་ཏེ། གསང་བ་པའི་བདག་པོ། དེ་དག་གིས་ནི། སྟོང་པ་ཉིད་རབ་ཏུ་མི་ཤེས་སོ། །སྟོང་པ་ཉིད་ནི། དངོས་པོ་ཡང་མ་ཡིན། དངོས་པ་མེད་པ་ཡང་མ་ཡིན། ཡོད་པ་ཡང་མ་ཡིན། གཉིས་ཀ་ཡང་མ་ཡིན་ཏེ། དེ་ལ་རྟོག་པའམ་མི་རྟོག་པ་ཡང་མེད་ན། དེ་ལ་ཇི་ལྟར་སྟོང་པ་ཞེས་བརྟག་པར་བྱ། གང་དག་སྟོང་ཉིད་མི་ཤེས་པ། །དེ་དག་མྱ་ངན་འདས་མི་ཤེས། །དེ་ཕྱིར་དངོས་དང་དངོས་མེད་པ། །འཇིག་པས་སྟོང་ཉིད་ཤེས་པར་བྱ། །དེ་ནས་ཡང་བཅོམ་ལྡན་འདས་ལ་ཕྱག་ན་རྡོ་རྗེས་གསོལ་བ་བཏབ་པ། བཅོམ་ལྡན་འདས། སེམས་ཀྱི་ཁྱད་པར་དེ་དག་བཤད་དུ་གསོལ། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། སེམས་ཀྱི་ཁྱད་པར་གྱི་མཚན་ཉིད་ཉོན་ཅིག་།གསང་བ་པའི་བདག་པོ། དེ་ལ་སེམས་ནི། འདོད་ཆགས་ཀྱི་སེམས་དང ། འདོད་ཆགས་དང་བྲལ་བའི་སེམས་དང ། ཞེ་སྡང་གི་སེམས་དང ། བྱམས་པའི་སེམས་དང ། གཏི་མུག་གི་སེམས་དང ། ཤེས་རབ་ཀྱི་སེམས་དང ། གཏན་ལ་ཕབ་པའི་སེམས་དང ། ཐེ་ཚོམ་གྱི་སེམས་དང ། མུན་པར་གྱུར་པའི་སེམས་དང ། སྣང་བར་གྱུར་བའི་སེམས་དང ། སྡུད་པའི་སེམས་དང ། འཐབ་པའི་སེམས་དང །
184a
༄#། །རྩོད་པའི་སེམས་དང ། མི་རྩོད་པའི་སེམས་དང ། ལྷའི་སེམས་དང ། ལྷ་མ་ཡིན་གྱི་སེམས་དང ། ཀླུའི་སེམས་དང ། མིའི་སེམས་དང ། བུད་མེད་ཀྱི་སེམས་དང ། དབང་ཕྱུག་གི་སེམས་དང ། ཚོར་བའི་སེམས་དང ། ཞིང་པའི་སེམས་དང ། ཆུ་བོའི་སེམས་དང ། ལྟེང་ཀའི་སེམས་དང ། ཁྲོན་པའི་སེམས་དང ། ཀུན་ཏུ་སྲུང་བའི་སེམས་དང ། སེར་སྣའི་སེམས་དང ། ཁྱིའི་སེམས་དང ། བྱི་ལའི་སེམས་དང ། ནམ་མཁའ་ལྡིང་གི་སེམས་དང ། བྱི་བའི་སེམས་དང ། ཀླུའི་སེམས་དང ། གར་གྱི་སེམས་དང ། སིལ་སྙན་གྱི་སེམས་དང ། ཁྱིམ་གྱི་སེམས་དང ། སེངྒེའི་སེམས་དང ། འུག་པའི་སེམས་དང ། བྱ་རོག་གི་སེམས་དང ། སྲིན་པོའི་སེམས་དང ། ཚེར་མའི་སེམས་དང ། ས་འོག་གི་སེམས་དང ། རླུང་གི་སེམས་དང ། ཆུའི་སེམས་དང ། མེའི་སེམས་དང ། འདམ་གྱི་སེམས་དང ། རྙོག་པའི་སེམས་དང ། ཚོན་རྩིའི་སེམས་དང ། ཤིང་ལེབ་ཀྱི་སེམས་དང ། ནོར་པའི་སེམས་དང ། དུག་གི་སེམས་དང ། ཞགས་པའི་སེམས་དང ། ལྕགས་སྒྲོག་གི་སེམས་དང ། སྤྲིན་གྱི་སེམས་དང ། ཞིང་གི་སེམས་དང ། ལན་ཚཝའི་སེམས་དང ། སྤུ་གྲིའི་སེམས་དང ། རི་རབ་ལྟ་བུའི་སེམས་དང ། རྒྱ་མཚོ་ལྟ་བུའི་སེམས་དང ། ཕུག་ལྟ་བུའི་སེམས་དང ། སྐྱེ་བར་འགྱུར་བའི་སེམས་སོ། །གསང་བ་པའི་བདག་པོ། དེ་ལ་འདོད་ཆགས་ཀྱི་སེམས་གང་ཞེ་ན། ཆགས་པ་
184b
ཅན་ཆོས་ཀུན་ཏུ་སྟེན་པའོ། །འདོད་ཆགས་དང་བྲལ་བའི་སེམས་གང་ཞེ་ན། འདོད་ཆགས་དང་བྲལ་བའི་ཆོས་ཀུན་ཏུ་སྟེན་པའོ། །ཞེ་སྡང་གི་སེམས་གང་ཞེ་ན། སྡང་བས་ཆོས་ཀུན་ཏུ་སྟེན་པའོ། །བྱམས་པའི་སེམས་གང་ཞེ་ན། བྱམས་པ་དང་ལྡན་པས་ཆོས་ཀུན་ཏུ་སྟེན་པའོ། །གཏི་མུག་གི་སེམས་གང་ཞེ་ན། གང་མི་སྤྱོད་པར་ཆོས་སྟེན་པའོ། །ཤེས་རབ་ཀྱི་སེམས་གང་ཞེ་ན།་ཁྱད་པར་ལས་ཁྱད་པར་གཞན་རྟོགས་པར་བྱས་ཏེ་ཆོས་སྟེན་པའོ། །གཏན་ལ་བབ་པའི་སེམས་གང་ཞེ་ན། བཀའ་དང་བླ་མའི་ཚིག་བཞིན་བྱེད་པའོ། །ཐེ་ཚོམ་གྱི་སེམས་གང་ཞེ་ན། ཇི་ལྟར་ཡོངས་སུ་བཟུང་བ་ངེས་པ་དག་ལ་སོམ་ཉི་སྟེན་པ་ཉིད་དོ། །མུན་པར་གྱུར་པའི་སེམས་གང་ཞེ་ན། སོམ་ཉི་མེད་པ་ལ་སོམ་ཉིར་ཤེས་པའོ། །སྣང་བར་གྱུར་པའི་སེམས་གང་ཞེ་ན། སོམ་ཉི་མེད་པ་ལ་སོམ་ཉི་མེད་པར་སྟེན་པའོ། །སྡུད་པའི་སེམས་གང་ཞེ་ན། དུ་མ་གཅིག་ཏུ་བྱེད་པའོ། །འཐབ་པའི་སེམས་གང་ཞེ་ན། ཕན་ཚུན་རྩོད་པ་ཉིད་དོ། །རྩོད་པའི་སེམས་གང་ཞེ་ན། གང་དག་བདག་ཉིད་དང་བདག་ཉིད་དུ་རྩོད་པའོ། །མི་རྩོད་པའི་སེམས་གང་ཞེ་ན། མཉམ་པས་མཚུངས་པར་ལྟ་བའོ། །ལྷའི་སེམས་གང་ཞེ་ན། ཡིད་ཀྱིས་བདག་ཉིད་ལ་རློམ་སེམས་སུ་བྱེད་པའོ།། ལྷ་མ་ཡིན་གྱི་སེམས་གང་ཞེ་ན། གང་འཁོར་བ་ཉིད་ལ་སྨོད་པའོ། །ཀླུའི་སེམས་གང་ཞེ་ན། གང་ལོངས་སྤྱོད་ཆེན་པོ་ཉིད་དུ་བྱ་བའི་ཕྱིར་སེམས་པའོ། །མིའི་སེམས་གང་ཞེ་ན། དེ་ཉིད་
185a
༄#། །ཀྱི་དོན་དུ་སེམས་པའོ། །བུད་མེད་ཀྱི་སེམས་གང་ཞེ་ན། འདོད་པ་ཁོ་ནའི་ཕྱིར་ཆོས་སྟེན་པའོ། །དབང་ཕྱུག་གི་སེམས་གང་ཞེ་ན། གང་བདག་གིས་ཐམས་ཅད་བསམ་མོ་སྙམ་དུ་རློམ་སེམས་སུ་བྱེད་པའོ། །ཚོང་པའི་སེམས་གང་ཞེ་ན། གང་བསྡུ་བ་བྱས་ཏེ་རྣམ་པར་སྤེལ་ནས་ཕྱིས་སྟེན་པའོ། །ཞིང་པའི་སེམས་གང་ཞེ་ན། གང་ཐོས་པ་རྣམ་པ་དུ་མ་ཚོལ་ཞིང་ཕྱིས་སྟེན་པའོ། །ཆུ་བོའི་སེམས་གང་ཞེ་ན། གང་མཐའ་གཉིས་ལ་ལྟོས་ཤིང་སྟེན་པའོ། །ལྟེང་ཀའི་སེམས་གང་ཞེ་ན། གང་སྲེད་པས་སྟེན་པའོ། །ཁྲོན་པའི་སེམས་གང་ཞེ་ན། གང་མི་ཟབ་པ་ལ་ཟབ་པར་སེམས་པའོ། །ཀུན་ཏུ་སྲུང་བའི་སེམས་གང་ཞེ་ན། འདི་ཉིད་བདེན་གྱི་གཞན་གཏི་མུག་གོ་སྙམ་དུ་སེམས་པའོ། །སེར་སྣའི་སེམས་གང་ཞེ་ན། བདག་ཉིད་སྟེན་ཅིང་གཞན་ལ་མི་སྟེར་བའོ། །བྱི་ལའི་སེམས་གང་ཞེ་ན། གང་མཆོད་པ་ལ་ལྟོས་ཏེ་སྟེན་པའོ། །ཁྱིའི་སེམས་སེམས་གང་ཞེ་ན། གང་ཆུས་ངུས་ཀྱང་མགུ་བར་འགྱུར་བའོ། །ནམ་མཁའ་ལྡིང་གི་སེམས་གང་ཞེ་ན། གང་ཕྱོགས་འཛིན་པས་ཆོས་ལ་སྟེན་པའོ། །བྱི་བའི་སེམས་གང་ཞེ་ན། བཅིངས་པ་ཐམས་ཅད་གཅད་པའི་ཕྱིར་སེམས་པའོ། །གླུའི་སེམས་གང་ཞེ་ན། བདག་གི་དབྱངས་སྒྲ་སྣ་ཚོགས་ཀྱི་གླུས་སེམས་ཅན་རྣམས་གཟུང་བར་བྱའོ། །སྙམ་པའོ། །གར་གྱི་སེམས་གང་ཞེ་ན། བདག་གིས་རྫུ་འཕྲུལ་སྣ་
185b
ཚོགས་ཀྱིས་གཞན་དག་ཡང་དག་པར་འཛིན་དུ་གཞུག་གོ་སྙམ་དུ་སེམས་པའོ། །སིལ་སྙན་གྱི་སེམས་གང་ཞེ་ན། བདག་གིས་ཆོས་ཀྱི་རྔ་བརྡུང་ངོ་སྙམ་པའོ། །ཁྱིམ་གྱི་སེམས་གང་ཞེ་ན།་བདག་གི་ལུས་ཀུན་ཏུ་བསྲུང་བའི་ཕྱིར་སྟེན་པའོ། །སེངྒེའི་སེམས་གང་ཞེ་ན། གང་ཐམས་ཅད་ཟིལ་གྱིས་གནོན་པ་སྟེན་པའོ། །འུག་པའི་སེམས་གང་ཞེ་ན། གང་མཚན་མོ་སེམས་པའོ། །བྱ་རོག་གི་སེམས་གང་ཞེ་ན། ཐམས་ཅད་དུ་སྐྲག་པར་སེམས་པའོ། །སྲིན་པོའི་སེམས་གང་ཞེ་ན། དགེ་བས་མི་དགེ་བ་རྣམས་སྒྲུབ་པའོ། །ཚེར་མའི་སེམས་གང་ཞེ་ན།་གང་ཐམས་ཅད་དུ་འགྱོད་པ་སེམས་པའོ། །ས་འོག་གི་སེམས་གང་ཞེ་ན། གང་ས་འོག་གི་དོན་དུ་སེམས་པའོ། །རླུང་གི་སེམས་གང་ཞེ་ན། གང་ཐམས་ཅད་དུ་ཐམས་ཅད་སྒྲུབ་པའོ། །ཆུའི་སེམས་གང་ཞེ་ན། གང་མི་དགེ་བ་ཐམས་ཅད་བཀྲུ་བའི་ཕྱིར་སྟེན་པའོ། །མེའི་སེམས་གང་ཞེ་ན། གང་དཀའ་ཐུབ་ཉིད་ཀྱིས་གདུང་བར་བྱེད་པའོ། །འདམ་གྱི་སེམས་གང་ཞེ་ན།་གང་བདག་གི་ཉེས་པས་གཞན་ལ་སྐུད་པའོ། །རྙོག་པའི་སེམས་གང་ཞེ་ན། གང་ཕ་རོལ་གྱི་ཉེས་པ་འཛིན་པས་སེམས་ལ་རྙོག་པ་སྐྱེད་པའོ། །ཚོན་རྩིའི་སེམས་གང་ཞེ་ན། གང་དེ་ལ་ཆགས་པ་ཉིད་དུ་སྟེན་པའོ། །ཤིང་ལེབ་ཀྱི་སེམས་གང་ཞེ་ན། གང་དགེ་བ་གཞན་སྤོང་བས་སྟེན་པའོ། །ནོར་པའི་སེམས་གང་ཞེ་ན། གཞན་བཟུང་ཞིང་གཞན་ཁོ་ནར་སེམས་པའོ། །
186a
༄#། །དུག་གི་སེམས་གང་ཞེ་ན། གང་ཤིན་ཏུ་དངོས་པོ་མེད་བ་ཉིད་སེམས་པའོ། །ཞགས་པའི་སེམས་གང་ཞེ་ན། གང་ཐམས་ཅད་དུ་བདག་ཉིད་བཅིངས་ཤིང་འདུག་པའོ། །ལྕགས་སྒྲོག་གི་སེམས་གང་ཞེ་ན། གང་རྐང་པ་གཉིས་ལ་འདུག་སྟེ་སེམས་པའོ། །སྤྲིན་གྱི་སེམས་གང་ཞེ་ན། གང་ཆུ་དག་ལ་སེམས་པའོ། །ཞིང་གི་སེམས་གང་ཞེ་ན། རང་གི་ལུས་ཉིད་ཡོངས་སུ་སྦྱོང་བར་བྱེད་པའོ། །ལན་ཚཝའི་སེམས་གང་ཞེ་ན། གང་ཞིག་གང་གིས་སེམས་པར་བྱེད་པ་དེ་ལ་ཡང་སེམས་པའོ། །སྤུ་གྲིའི་སེམས་གང་ཞེ་ན། གང་རབ་ཏུ་བྱུང་བ་ཙམ་ལ་སྟེན་པའོ། །རི་རབ་ལྟ་བུའི་སེམས་གང་ཞེ་ན། གང་མཐོ་བར་གྱུར་ནས་སེམས་པའོ། །རྒྱ་མཚོ་ལྟ་བུའི་སེམས་གང་ཞེ་ན། གང་རང་གི་ལུས་ཉིད་ལ་མཆོག་ཏུ་འཛིན་ཅིང་འདུག་པའོ། །ཕུག་ལྟ་བུའི་སེམས་གང་ཞེ་ན། གང་སྔར་ངེས་པར་གྱུར་ལ་ཕྱིས་དེ་ཉིད་ཀྱི་འགྱུར་བ་སྟེན་པའོ། །དེ་ལ་སྐྱེ་བར་འགྱུར་བའི་སེམས་གང་ཞེ་ན། གང་གི་སེམས་འདུ་བྱེད་གང་ཁོ་ན་དང་སྐྱེས་པ་དེ་ཁོ་ན་དང་ལྷན་ཅིག་ཏུ་འགྲོ་བའོ། །གསང་བ་པའི་བདག་པོ། དེ་ལྟར་ན་གཅིག་གཉིས། གསུམ། བཞི། ལྔ་གཉིས་སུ་བསྒྱུར་བ་བྱས་ན་འཇིག་རྟེན་པའི་སེམས་བརྒྱ་དྲུག་ཅུ་བསྐལ་པ་གསུམ་གྱིས་འདས་ནས་འཇིག་རྟེན་ལས་འདས་པའི་སེམས་སྐྱེ་སྟེ། འདི་ལྟ་སྟེ། འདི་ནི་ཕུང་པོ་ཙམ་ཉིད་དེ། །བདག་ནི་ནམ་ཡང་ཡོད་མ་ཡིན། །
186b
དབང་པོ་གྲོང་ཁྱེར་ཁམས་རྣམས་ཀྱིས། །འཇིག་རྟེན་དོན་མེད་རྣམ་པར་ཉམས། །ཡན་ལག་བཅུ་གཉིས་རྟེན་འབྲེལ་འདི། །ཉོན་མོངས་ལས་ཀྱིས་ཀུན་ནས་བསླང ། །མ་རིག་ས་བོན་ལས་བྱུང་བ། །བྱེད་པོ་ལ་སོགས་རྣམ་པར་སྤངས། །དེ་ལྟར་ཞི་ཞིང་ཤིན་ཏུ་ཟབ། །རྟོག་གེ་ཀུན་གྱིས་ཤེས་པར་དཀའ། །ཉེས་པ་ཐམས་ཅད་རྣམ་སྤངས་པ། །སངས་རྒྱས་རྣམས་ཀྱིས་མངོན་བསྟན་པའོ། །གསང་བ་པའི་བདག་པོ། དེ་ལ་འཇིག་རྟེན་ལས་འདས་པའི་སེམས་ལ་གནས་པ་རྣམས་ལ་ཡང་ཕུང་པོ་དག་ལ་ཡོད་དོ་སྙམ་པའི་བློ་ཉེ་བར་སྐྱེའོ། །ནམ་ཕུང་པོ་དག་ལ་འདོད་ཆགས་དང་བྲལ་བ་བསྐྱེད་པ་དེའི་ཚེ་ལྦུ་བ་དང ། ཆུའི་ཆུ་བུར་དང ། སྒྱུ་མ་དང ། སྨིག་རྒྱུ་དང་མཚུངས་པར་འཇིག་པས་རྣམ་པར་གྲོལ་བར་འགྱུར་ཏེ། འདི་ལྟ་སྟེ། ཕུང་པོ་དང ། ཁམས་དང ། སྐྱེ་མཆེད་དང ། གཟུང་བ་དང ། འཛིན་པ་རྣམ་པར་སྤངས་པ། ཆོས་ཉིད་ཀྱི་རང་གི་ངོ་བོར་ཞི་བའི་དབྱིངས་རྟོགས་པར་འགྱུར་རོ། །གསང་བའི་བདག་པོ། འཇིག་རྟེན་ལས་འདས་པའི་སེམས་ཕྱིན་ཅི་ལོག་དང ། ཕྱིན་ཅི་མ་ལོག་པའི་སེམས་ཀྱི་ཁྱད་པར་བརྒྱད་དང་འབྲེལ་བ། ལས་དང་ཉོན་མོངས་པའི་དྲ་བ་དང་བྲལ་བ་འདི་ནི། རྣལ་འབྱོར་པ་དག་བསྐལ་པ་གཅིག་གིས་འདའ་བར་བྱེད་དོ། །གསང་བ་པའི་བདག་པོ། གཞན་ཡང་ཐེག་པ་ཆེན་པོས་བགྲོད་པ་གཞན་གྱི་དྲིང་མི་འཇོག་པ་རྣམས་ལ་ཆོས་ལ་བདག་མེད་པའི་སེམས་སྐྱེའོ། །དེ་ཅིའི་ཕྱིར་ཞེ་ན། འདི་ལྟར་
187a
༄#། །དེ་དག་སྔོན་སྤྱད་པ་སྤྱོད་ཅིང་ཕུང་པོའི་གནས་རྣམ་པར་འཇིག་པ་ན་ངོ་བོ་ཉིད་ཡོངས་སུ་ཤེས་པའི་ཕྱིར་སྒྱུ་མ་དང ། སྨིག་རྒྱུ་དང ། གཟུགས་བརྙན་དང ། བྲག་ཅ་དང ། མགལ་མེའི་འཁོར་ལོ་དང ། དྲི་ཟའི་གྲོང་ཁྱེར་ལྟ་བུའི་འདུ་ཤེས་སྐྱེས་སོ། །གསང་བ་པའི་བདག་པོ། དེའི་ཕྱིར་དེ་དག་གི་སེམས་ཀྱི་དབང་དུ་བྱས་པས་ཆོས་ལ་བདག་མེད་པ་ཉིད་ཀྱང་སྤང་བར་བྱ་སྟེ། རང་གི་སེམས་ནི། གཟོད་མ་ནས་མ་སྐྱེས་པའོ། །དེ་ཅིའི་ཕྱིར་ཞེ་ན། གསང་བ་པའི་བདག་པོ། ངོ་བོ་ཉིད་ཡོངས་སུ་ཤེས་པའི་ཕྱིར་སེམས་ལ་སྔན་གྱི་མཐའ་དང ། ཕྱི་མའི་མཐར་མི་དམིགས་ཏེ། རྣལ་འབྱོར་པ་དག་འདི་ཡང་བསྐལ་པ་གཉིས་ཀྱིས་འདའ་བར་བྱེད་དོ། །གསང་བ་པའི་བདག་པོ། གཞན་ཡང་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་བསྐལ་པ་བྱེ་བ་ཁྲག་ཁྲིག་བརྒྱ་སྟོང་དཔག་ཏུ་མེད་པར་བསོད་ནམས་དང་ཡེ་ཤེས་ཀྱིས་ཚོགས་དཔག་ཏུ་མེད་པ་བསགས་པ་རྣམས་ལ་ཤེས་རབ་དང་ཐབས་དཔག་ཏུ་མེད་པ་ཡོངས་སུ་བཟུང་བ། ལྷ་དང་ལྷ་མ་ཡིན་དུ་བཅས་པའི་འཇིག་རྟེན་གྱིས་ཕྱག་བྱས་པ། ཉན་ཐོས་དང ། རང་སངས་རྒྱས་ཐམས་ཅད་ཀྱི་ས་ལས་ཡང་དག་པར་འདས་པ། བརྒྱ་བྱིན་དང ། ཚངས་པའི་དབང་པོ་དང ། ཉེ་དབང་ལ་སོགས་པས་ཕྱག་བྱས་པ། འདི་ལྟ་སྟེ། སྟོང་པ་ཉིད་ཀྱི་ངོ་བོ་ཉིད་རྫས་མེད་པ།
187b
མཚན་ཉིད་མེད་པ། མཚན་མ་མེད་པ། སྤྲོས་པ་ཐམས་ཅད་ལས་འདས་པ། ནམ་མཁའ་ལྟར་དཔག་ཏུ་མེད་པ། ཆོས་ཐམས་ཅད་ཀྱི་གོ་སྐབས་སུ་གྱུར་པ། འདུས་བྱས་དང་འདུས་མ་བྱས་ཀྱི་ཁམས་དང་བྲལ་བ། ལས་དང་བྱ་བ་མེད་པ། མིག་དང ། རྣ་བ་དང ། སྣ་དང ། ལྕེ་དང ། ལུས་དང ། ཡིད་དང་བྲལ་བ་ཤིན་ཏུ་ངོ་བོ་ཉིད་མེད་པའི་སེམས་སྐྱེ་སྟེ། གསང་བ་པའི་བདག་པོ། འདི་ནི། བྱང་ཆུབ་ཀྱི་སེམས་དང་པོ་ཞེས་རྒྱལ་བ་རྣམས་ཀྱིས་གསུངས་སོ། །དེ་དག་ཉོན་མོངས་ལས་ལས་གྲོལ། །ལས་དང་ཉོན་མོངས་ལྡན་པའང་ཡིན། །དེ་དག་འཇིག་རྟེན་སྦྱིན་གནས་ཏེ། །དེ་དག་རྟག་མཆོད་རི་མོར་བྱ། །གསང་བ་པའི་བདག་པོ་གཞན་ཡང ། མོས་པ་ཡིས་ནི་སྤྱོད་པའི་ས། །སེམས་གསུམ་རྣམ་པར་སྒོམ་པ་སྟེ། །ཕ་རོལ་ཕྱིན་རྣམས་སྤྱོད་པ་དང ། །བསྡུ་བ་དག་ནི་བཞི་པོ་ཡིས། །མོས་པ་ཡིས་ནི་མཚུངས་པ་མེད། །དཔག་ཏུ་མེད་ཅིང་བསམ་མི་ཁྱབ། །དཔག་མེད་ཡེ་ཤེས་འབྱུང་བ་ནི། །སེམས་བཅུ་དག་གིས་ཐོབ་པར་འགྱུར། །ངས་གང་ཅུང་ཟད་བརྗོད་པ་ནི། །ཐམས་ཅད་འདི་ཡིས་ཐོབ་པར་འགྱུར། །དེ་ཕྱིར་ཐམས་ཅད་མཁྱེན་པ་ཡིས། །མོས་པ་ཞེས་ནི་བྱ་བར་བཤད། །བློ་ལྡན་བསྐལ་པ་གཅིག་གིས་ནི། །ས་ལས་ཡང་དག་འདའ་བར་འགྱུར། །འདི་ཡི་ཡང་ནི་བཞི་ཆ་ཡིས། །མོས་པ་ལས་ཀྱང་འདའ་བར་འགྱུར། །དེ་ནས་བཅོམ་ལྡན་འདས་ལ་ཕྱག་ན་རྡོ་རྗེས་འདི་སྐད་ཅེས་
188a
༄#། །གསོལ་ཏོ། །མགོན་པོ་ཁྱབ་བདག་ཁྱོད་ཀྱིས་ནི། །སེམས་ཀྱི་མཚན་ཉིད་བསྟན་ལགས་ན། །དབུགས་འབྱིན་རྣམ་པ་དུ་ཐོབ་ནས། །མཆོག་སྐྱེས་དེ་དག་དབུགས་ཕྱིན་འགྱུར། །དེ་སྐད་གསོལ་ནས་བཅོམ་ལྡན་འདས། །རྣམ་པར་སྣང་མཛད་ཆེན་པོ་ཡིས། །དེ་ཚེ་ཕྱག་ན་རྡོ་རྗེ་ལ། །ཡིད་བསྡུས་འདི་ནི་ཉོན་ཞེས་གསུངས། །གསང་བ་བའི་བདག་པོ། དེ་ལ་ནམ་བྱིས་པ་སོ་སོའི་སྐྱེ་བོ་དག་མི་དགེ་བའི་ལས་སྤངས་ཏེ་དགེ་བའི་ལས་བྱེད་པ་དེའི་ཚེ་དགེ་བས་དབུགས་ཕྱིན་པ་ཡིན་ནོ། །ནམ་བདག་གི་དེ་ཁོ་ན་ཉིད་ཡང་དག་བ་ཇི་ལྟ་བ་བཞིན་དུ་རབ་ཏུ་ཤེས་པ་དེའི་ཚེ་བདག་ལ་བརྟེན་ནས་དབུགས་ཕྱིན་པ་ཡིན་ནོ། །ནམ་ཕུང་པོ་ཡོངས་སུ་བཟུང་བ་བྱས་ཏེ་རང་གི་ངོ་བོ་ཉིད་ལ་རྣམ་པར་དཔྱད་ནས་བདག་ལ་བརྟེན་པ་ཡོངས་སུ་གཏོང་བ་དེའི་ཚེ་བདག་མེད་པས་དབུགས་ཕྱིན་པ་ཡིན་ནོ། །ནམ་ཕུང་པོ་རྣམས་སྤངས་ནས་ཆོས་ཀྱི་དམིགས་པ་ལ་གནས་པ་དེའི་ཚེ་ཆོས་ཀྱིས་དབུགས་ཕྱིན་པ་ཡིན་ནོ། །ནམ་ཆོས་རྣམས་སྤངས་ནས་མི་སྐྱེ་བ་ལ་གནས་པ་དེའི་ཚེ་ཆོས་ལ་བདག་མེད་པས་དབུགས་ཕྱིན་པ་ཡིན་ནོ། །ནམ་ཕུང་པོ་དང ། ཁམས་དང ། སྐྱེ་མཆེད་ཐམས་ཅད་དང ། གཟུང་བ་དང ། འཛིན་པ་དང ། བདག་དང ། སྲོག་ལ་སོགས་པ་དང ། ཆོས་དང་མི་སྐྱེ་བ་དག་ཀྱང་སྟོང་པ་ཉིད་ཀྱི་ངོ་བོ་ཉིད་དུ་ཡང་ངོ་བོ་ཉིད་མེད་དོ། །ཞེས་སྟོང་བའི་ཡེ་ཤེས་སྐྱེས་པ་དེའི་ཚེ་
188b
ཆོས་ཐམས་ཅད་ཀྱི་ངོ་བོ་ཉིད་མཉམ་པ་ཉིད་ཀྱིས་དབུགས་ཕྱིན་པ་ཡིན་ནོ། །གསང་བ་པའི་བདག་པོ། དེའི་ཆེ་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་བཞི་བཅུས་རྟེན་ཅིང་འབྲེལ་པར་འབྱུང་བ་རྣམས་བསྒོམས་ཏེ་གསང་སྔགས་ཀྱི་ཚུལ་རྟོགས་པར་ཁོང་དུ་ཆུད་པར་འགྱུར་རོ། །བཅུ་གང་ཞེ་ན། འདི་ལྟ་སྟེ། སྒྱུ་མ་དང ། སྨིག་རྒྱུ་དང ། རྨི་ལམ་དང ། གཟུགས་བརྙན་དང ། དྲི་ཟའི་གྲོང་ཁྱེར་དང ། བྲག་ཅ་དང ། ཆུ་ཟླ་དང ། ཆུའི་ཆུ་བུར་དང ། འཁྲུལ་པ་དང ། མགལ་མེའི་འཁོར་ལོ་ལྟ་བུར་རྣམ་པར་སྒོམ་མོ། །གསང་བ་པའི་བདག་པོ། དེ་ལ་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པས་འདི་ལྟར་སོ་སོར་བརྟག་པར་བྱ་སྟེ། དེ་ལ་སྒྱུ་མ་གང་ཞེ་ན། འདི་ལྟ་སྟེ། སྨན་དང་སྔགས་ཀྱི་སྦྱོར་བ་བྱེད་པ་དག་གི་སྦྱོར་བ་ལས་དངོས་པོ་རྣམ་པ་ཐ་དད་པ་སྣ་ཚོགས་མིག་དང་ཡིད་འཕྲོག་པ་སྔོན་མ་མཐོང་བ་དག་ཀྱང་སྟོན་ཏེ། དེ་དག་ནི། ཕན་ཚུན་ཕྱོགས་བཅུར་འགྲོ་བ་དང ། འོང་བ་མེད་དོ། །དེ་ཅིའི་ཕྱིར་ཞེ་ན། སྒྱུ་མ་ནི། རང་བཞིན་གྱིས་སྟོང་པའི་ཕྱིར་ཏེ། དེ་བཞིན་དུ་གསང་སྔགས་སྦྱོར་བ་བྱེད་པ་དག་གི་སྦྱོར་བ་ལས་ཐམས་ཅད་འབྱུང་ངོ ། །གསང་བ་པའི་བདག་པོ། གཞན་ཡང་སྨིག་རྒྱུ་ནི། རང་བཞིན་གྱིས་སྟོང་པ་སྟེ། དེ་ཡང་འདུ་ཤེས་ཀྱིས་ཐ་སྙད་དུ་འདོགས་ཤིང ། ཐ་སྙད་ཀྱང་སྒྲུབ་པར་བྱེད་དོ། །དེ་བཞིན་དུ་འདུ་ཤེས་འདི་ཡང་གསང་སྔགས་སོ། །ཞེས་ཐ་
189a
༄#། །སྙད་དུ་འདོགས་ཤིང་ཐ་སྙད་ཀྱང་སྒྲུབ་པར་བྱེད་དོ། །གསང་བ་པའི་བདག་པོ། གཞན་ཡང་རྨི་ལམ་ན་བདག་ཉིད་ཉིན་གཅིག་དང ། ཐང་ཅིག་དང ། སྐད་ཅིག་དང ། ཡུད་ཙམ་དང ། ལོ་ལ་སོགས་པར་འདུག་ཅིང་བདེ་བ་དང ། སྡུག་བསྔལ་རྣམ་པ་མང་པོ་མྱོང་བར་མཐོང་ལ། སད་ན་ཅི་ཡང་མི་མཐོང་བ་དེ་བཞིན་དུ་གསང་སྔགས་ཀྱི་ཚུལ་འདིའང་རྨི་ལམ་ལྟ་བུར་ཁོང་དུ་ཆུད་པར་བྱའོ། །གསང་བ་པའི་བདག་པོ། གཞན་ཡང་གསང་སྔགས་ཀྱི་དངོས་གྲུབ་འབྱུང་བ་ནི། གཟུགས་བརྙན་ལྟ་བུར་རིག་པར་བྱ་སྟེ། དཔེར་ན་གདོང་དང་མེ་ལོང་ལ་བརྟེན་ནས་བཞིན་གྱི་གཟུགས་བརྙན་འབྱུང་བ་ལྟར་གསང་སྔགས་ཀྱི་དངོས་གྲུབ་ཀྱང་དེ་དང་འདྲ་བར་རིག་པར་བྱའོ། །གསང་བ་པའི་བདག་པོ། གཞན་ཡང་གྲུབ་པའི་གནས་ནི། དྲི་ཟའི་གྲོང་ཁྱེར་ལྟ་བུར་བལྟའོ། །གསང་བ་པའི་བདག་པོ། གཞན་ཡང་གསང་སྔགས་ཀྱི་སྒྲ་ནི། བྲག་ཅ་ལྟ་བུར་རིག་པར་བྱ་སྟེ། དཔེར་ན་སྒྲ་ལ་བརྟེན་ནས་བྲག་ཅ་འབྱུང་བ་ལྟར་གསང་སྔགས་ཀྱི་ཚུལ་འདི་ཡང་དེ་དང་འདྲ་བར་རིག་པར་བྱའོ། །གསང་བ་པའི་བདག་པོ། གཞན་ཡང་ཟླ་བ་ཤར་བ་ན་ཆུའི་ནང་དུ་གཟུགས་བརྙན་མཐོང་ནས་ཆུ་ཟླ་ཞེས་བརྗོད་པ་དེ་བཞིན་དུ་སྔགས་པ་དེ་ཉིད་ཆུ་ཟླ་བཞིན་དུ་རིག་སྔགས་འཆང་ཞེས་བརྗོད་དོ། །གསང་བ་པའི་བདག་པོ། གཞན་ཡང་ཇི་ལྟར་ཆར་པ་བབ་པ་ནི། ཆུའི་ཆུ་བུར་རྣམས་
189b
འབྱུང་བ་དེ་བཞིན་དུ་གསང་སྔགས་གྲུབ་པའི་སྤྲུབ་པ་རྣམ་པ་སྣ་ཚོགས་འདོད་དོ། །གསང་བ་པའི་བདག་པོ། གཞན་ཡང ། སེམས་ཅན་མེད་ཅིང་སྲོག་དང་ནི། །བྱེད་པ་པོ་ཡང་མེད་པ་སྟེ། ། དངོས་པོ་ཐམས་ཅད་སྟོང་པ་ལ། །འཁྲུལ་པ་ཁོ་ན་སྣང་བར་ཟད། །གསང་བ་པའི་བདག་པོ། གཞན་ཡང ། ཇི་ལྟར་འགའ་ཞིག་བདག་ཉིད་ཀྱི། །ལག་ན་མགལ་མེ་ཐོགས་ནས་ནི། །བསྐོར་ན་འཁོར་ལོ་ལྟར་སྣང་བ། །དེ་བཞིན་སྟོང་པ་དག་ལས་བྱུང ། །གསང་བ་པའི་བདག་པོ། འདི་ནི། ཐེག་པ་ཆེན་པོའི་གཞི། མི་མཉམ་པ་དང་མཉམ་པའི་གཞི། ངེས་པའི་གཞི། ཡང་དག་པར་རྫོགས་པར་སངས་རྒྱས་པའི་གཞི། མཐར་གྱིས་ཐེག་པ་ཆེན་པོ་ལ་འཇུག་པའི་གཞི་སྟེ། ཡེ་ཤེས་སྣ་ཚོགས་ཆེར་འབྱུང་བ། །ནོར་གྱི་དབྱིག་འདི་ཤེས་ན་ནི། །ཀུན་གྱི་སེམས་ཀྱི་བྱེ་བྲག་ཀྱང ། །ཇི་བཞིན་ཡང་དག་རབ་ཏུ་ཤེས། །བཅོམ་ལྡན་འདས་རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། སེམས་ཀྱི་ཁྱད་པར་རིམ་པར་ཕྱེ་བའོ།། །།དེ་ནས་ཡང་བཅོམ་ལྡན་འདས་ལ་གསང་བ་པའི་བདག་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་ཉིད་ཀྱིས་མངོན་པར་རྫོགས་པར་སངས་རྒྱས་པའི་ཆོས་ཀྱི་དབྱིངས་བསམ་གྱིས་མི་ཁྱབ་པ། སེམས་ཅན་གྱི་ས་ལས་ཡང་དག་པར་འདས་པ། བཅོམ་ལྡན་འདས་ཀྱིས་ཐབས་དང་ཚུལ་སྣ་ཚོགས་
190a
༄#། །དག་གིས་བསམ་པ་དང་མོས་པ་ཇི་ལྟ་བ་བཞིན་དུ་སེམས་ཅན་རྣམས་ལ་བསྟན་པ་ངོ་མཚར་ལགས་སོ། །བཅོམ་ལྡན་འདས། ཡང་གསང་སྔགས་སྤྱོད་པའི་ཚུལ་སྙིང་རྗེ་ཆེན་པོའི་སྙིང་པོ་འབྱུང་བ་དཀྱིལ་འཁོར་གྱི་རྒྱལ་པོ་ཆེན་པོ་ཡོངས་སུ་རྫོགས་པར་བགྱི་བའི་སླད་དུ་བཤད་དུ་གསོལ། དེ་ནི། མ་འོངས་པའི་དུས་ན་སེམས་ཅན་མང་པོ་དག་གི་དོན་དང ། ཕན་པ་དང་བདེ་བར་འགྱུར་ལགས་སོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་གཟིགས་ནས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ། དཀྱིལ་འཁོར་སྤྱོད་པའི་ཚུལ་བསམ་པའི་ཆོས་ཀྱི་རྣམ་གྲངས་ཐམས་ཅད་མཁྱེན་པའི་ཡེ་ཤེས་ཡོངས་སུ་རྫོགས་པར་བྱེད་པ་ཉོན་ཅིག་།དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་ཆོས་ཀྱི་དབྱིངས་ཀྱི་དགོངས་པ་མ་རྫོགས་ཤིང་སེམས་ཅན་གྱི་ཁམས་མ་ལུས་པ་བསྒྲལ་བར་དམ་བཅའ་བར་མཛད་པས། དེ་བཞིན་གཤེགས་པ་ཐམས་ཅད་དང་ཐབས་ཅིག་ཏུ་ཡང་དག་པར་མོལ་ནས་སྙིང་རྗེ་ཆེན་པོའི་སྙིང་པོ་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ་སྐུའི་ཡན་ལག་ཐམས་ཅད་ནས་དེ་བཞིན་གཤེགས་པའི་སྐུས་སེམས་དང་པོ་བསྐྱེད་པ་
190b
ནས་\?\་བཟུང་སྟེ་ས་བཅུའི་བར་དུ་སེམས་ཅན་ལ་ཕན་པའི་དོན་མཛད་པ་རྣམས་བྱུང་ངོ ། །བྱུང་ནས་ཀྱང་ཕྱོགས་བཅུ་ཀུན་ཏུ་བསྐོར་ཏེ་སླར་ལོག་ནས་བཅོམ་ལྡན་འདས་ཀྱི་སྐུའི་ནང་རང་གི་གནས་རྣམས་སུ་ཞུགས་སོ། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ། དཀྱིལ་འཁོར་རྣམ་པར་དགོད་པ་ཉོན་ཅིག་།རེ་ཞིག་དང་པོར་སློབ་དཔོན་ཡིད་བྱང་ཆུབ་ཀྱི་སེམས་ལ་ཞུགས་པ། ཤེས་རབ་དང་ལྡན་པ། བརྟན་པ། སྙིང་རྗེ་ཅན། སྒྱུ་རྩལ་དག་ལ་མཁས་པ། ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་ལ་རྟག་ཏུ་མཁས་པ། ཐེག་པ་གསུམ་གྱི་ཁྱད་པར་ཤེས་པ། གསང་སྔགས་ཀྱི་དེ་ཁོ་ན་ཉིད་ཀྱི་དོན་ལ་མཁས་པ། བསམ་པ་ཤེས་པ། སངས་རྒྱས་དང་བྱང་ཆུབ་སེམས་དཔའ་རྣམས་ལ་དད་པ། དཀྱིལ་འཁོར་བྲི་བའི་ལས་བྱེད་པར་གནང་ཞིང་དབང་བསྐུར་བ། རིགས་བཙུན་གསང་སྔགས་སྤྱོད་པ་ལ། མངོན་པར་བརྩོན་ཞིང་གཏན་ལ་བབ། །སྦྱོར་ལ་མཁས་ཤིང་ཟུངས་ཐུབ་ལ། །བྱང་ཆུབ་སེམས་ལ་རྣམ་པར་གནས། །གསང་བ་པའི་བདག་པོ། སློབ་དཔོན་དེ་ལྟ་བུ་ནི། རྒྱལ་བའི་སྲས་ཡིན་ཏེ། སངས་རྒྱས་དང ། བྱང་ཆུབ་སེམས་དཔའ་རྣམས་ཀྱིས་རབ་ཏུ་བསྔགས་སོ། །གསང་བ་པའི་བདག་པོ། དེ་ལ་སློབ་དཔོན་ལ་གཞན་གྱིས་གསོལ་བ་བཏབ་ཀྱང་རུང ། ཡང་ན་བདག་གིས་སེམས་ཅན་དག་།སྣོད་དུ་རུང་ཞིང་ཉེས་བྲལ་
191a
༄#། །བ། །མོས་མང་བརྟན་ལ་དད་པ་ཅན། །གཞན་ལ་ཕན་དགའ་མཐོང་ནས་ནི། །དེ་ལྟ་བུ་ཡི་སློབ་མ་དེ། །ཤེས་ནས་སློབ་དཔོན་བདག་ཉིད་ཀྱིས། །མ་གསོལ་བར་ནི་དེ་བོས་ཏེ། །ཕན་འདོད་ཕྱིར་ནི་འདི་སྐད་བྱ། །ཁྱོད་ནི་ཚུལ་ཆེན་སྣོད་ཡིན་གྱི། །བུ་ཚུར་ཐེག་པ་ཆེན་པོ་ཡི། །གསང་སྔགས་སྤྱོད་ཚུལ་ཆོ་ག་ནི། །ཁྱོད་ལ་ཡང་དག་བསྟན་པར་བྱ། ། རྫོགས་པའི་སངས་རྒྱས་གང་འདས་དང ། །དེ་བཞིན་གང་དག་མ་བྱོན་དང ། །ད་ལྟར་བྱུང་བའི་མགོན་པོ་རྣམས། །འགྲོ་ལ་ཕན་ཕྱིར་བཞུགས་པ་དག་།དེ་དག་ཀུན་གྱིས་གསང་སྔགས་ཀྱི། །ཆོ་ག་མཆོག་བཟང་འདི་མཁྱེན་ནས། །དཔའ་བོས་བྱང་ཆུབ་ཤིང་དྲུང་དུ། །ཐམས་ཅད་མཁྱེན་པ་མཚན་མེད་བརྙེས། །གསང་སྔགས་སྦྱོར་བ་མཉམ་མེད་དེ། །ཤཱཀྱ་སེངྒེ་སྐྱོབ་པ་ཡིས། །བདུད་སྡེ་ཤིན་ཏུ་མི་བཟད་པ། །དཔུང་ཆེན་དག་ཀྱང་དེ་ཡིས་བཅོམ། །དེ་བས་ཀུན་མཁྱེན་ཐོབ་བྱའི་ཕྱིར། །བུ་ཡིས་བློ་གྲོས་འདི་གྱིས་ཤིག་།སྙིང་རྗེར་གྱུར་པའི་ཡིད་ཀྱིས་ནི། ། དེ་ལྟར་ལན་མང་གཟེངས་བསྟོད་དེ། །སློབ་མ་དེ་བསྟན་ཤེས་ནས་ནི། །ས་གཞི་ལེགས་པར་ཡོངས་བརྟག་བྱ། །མེ་ཏོག་འབྲས་བུར་ལྡན་པའི་རི། །གཙང་ཞིང་ཡིད་འོང་ཆུ་ཡི་གནས། ། དེ་དག་དཀྱིལ་འཁོར་བྲི་བ་ཡི། །ལས་ལ་སངས་རྒྱས་ཀུན་གྱིས་བསྔགས། །གང་འབབ་ཆུ་ནི་མང་པོ་དག་།ངང་པ་བཞད་ཀྱིས་བརྒྱན་ཡོད་པ། །དེར་ནི་སྔགས་པ་བློ་ཅན་གྱིས། །སྙིང་རྗེ་
191b
འབྱུང་བའི་དཀྱིལ་འཁོར་བྲི། །སངས་རྒྱས་རྣམས་དང་རང་མགོན་དང ། །དེ་བཞིན་རྒྱལ་བའི་ཉན་ཐོས་ཀྱིས། །ས་ཕྱོགས་གང་དག་བསྙེན་པ་ནི། །དེ་དག་ཐུབ་པས་རྟག་ཏུ་བསྔགས། །ཕྱོགས་གཞན་རྣམ་པ་སྣ་ཚོགས་པ། །ལྷ་ཁང་ཀུན་དགའ་བཟང་པོ་དང ། །ཁྱིམ་དང་ཡང་ཐོག་ཉམས་དགའ་དང ། །མཚེའུ་དང་སྐྱེད་མོས་ཚལ་མཛེས་དང ། །མཆོད་རྟེན་གྲ་གང་བ་ལང་ལྷས། །འབབ་ཆུ་འདུས་པའི་མདོ་དག་དང ། །ལྷ་ཡི་གནས་རྣམས་ཐམས་ཅད་དང ། །དེ་བཞིན་ཁང་པ་སྟོང་པ་ཡང ། །སློབ་མ་དག་ལ་ཕན་འདོད་ཕྱིར། །ནན་ཏན་དུ་ནི་དཀྱིལ་འཁོར་བྲི། །ཡང་ན་ཡིད་དུ་འོང་བའི་ས། །གང་ཡང་རུང་བར་གྲི་བར་བྱ། །གསང་བའི་བདག་པོ། དེ་ལ་ས་གཞི་ཡོངས་སུ་སྤྱད་པར་བྱ་བ་ནི། རྡོ་དང ། བོང་བ་དང ། གྱོ་མོ་དང ། གསེག་མ་མེད་ཅིང ། སྐྲ་དང ། ཕུབ་མ་དང ། སོལ་བ་དང ། ཐལ་བ་དང ། ཚེར་མ་དང ། རུས་པ་དང ། སྡོང་དུམ་དང ། ཟུག་རྡུ་བསལ་བ། གྲོག་སྦུར་དང ། སྲིན་བུ་དང ། སྲོག་ཆགས་མེད་ཅིང་ཉེས་པ་ཐམས་ཅད་སྤངས་པའི་གནས་ནི། ལྷ་རྣམས་ལ་རབ་ཏུ་ཤིས་པའོ། །དེ་ལ་ཚེས་གྲངས་དང ། རྒྱུ་སྐར་དང ། གཟའ་དང ། བྱེད་པ་དང ། ཡུད་ཙམ་བཟང་པོ་མཚན་མ་དང་ལྡན་པའི་ཉི་མ་ལ་སྔ་དྲོའི་དུས་ཀྱི་ཚེ་ལྟས་བཟང་པོས་མཚོན་པ་ལ་དེ་བཞིན་གཤེགས་པ་ཐམས་ཅད་ལ་ཕྱག་བྱས་ཏེ་སའི་ལྷ་མོ་སྦྲན་པའི་ཚིགས་སུ་བཅད་པ་གཉིས་བསྒྲག་པར་བྱའོ། །སངས་རྒྱས་སྐྱོབ་པ་ཐམས་ཅད་ཀྱི། །སྤྱོད་
192a
༄#། །པའི་ཚུལ་གྱི་ཁྱད་པར་དང ། །ས་དང་ཕ་རོལ་ཕྱིན་དག་ལ། །ལྷ་མོ་ཁྱོད་ནི་དབང་དུ་གྱུར། །ཤཱཀྱ་སེངྒེ་སྐྱོབ་པ་ཡིས། །ཇི་ལྟར་བདུད་ཀྱི་སྡེ་བཅོམ་པ། །དེ་བཞིན་བདག་གི་བདུད་ལས་ནི། །རྒྱལ་བར་བྱས་ཏེ་དཀྱིལ་འཁོར་བྲི། །ས་ལ་ལག་པས་རེག་བྱས་ཤིང ། །དེ་ལྟར་ལན་མང་སྦྲན་ནས་ནི། །པུས་མོ་གཉིས་ནི་སར་བཙུགས་ནས། །མེ་ཏོག་སྤོས་ཀྱི་མཆོད་པ་བྱ། །མཆོད་ནས་སྔགས་པས་དེ་ནས་ནི། །དེ་བཞིན་གཤེགས་ལ་ཕྱག་འཚལ་ཏེ། །དེ་ནས་ཆོག་འདི་དག་གིས། །མཁས་པས་ས་གཞི་སྦྱང་བར་བྱ། །དེ་ནས་ཕྱག་ན་རྡོ་རྗེས་བཅོམ་ལྡན་འདས་ཀྱི་ཞབས་ལ་གཏུགས་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །སངས་རྒྱས་མཚན་མ་མི་མངའ་སྟེ། །ཆོས་ཀྱི་སྐུ་ལ་རྣམ་པར་བཞུགས། །མཚན་མེད་འདུས་མ་བྱས་པ་ཡི། །མཚུངས་པ་མེད་པའི་ཆོས་སྟོན་ན། །དཔའ་བོ་ཆེན་པོ་ཅི་སླད་དུ། །མཚན་མར་བཅས་པའི་ཆོ་ག་འདི། །གསང་སྔགས་སྤྱད་ལ་བསྟན་པར་མཛད། །འདི་ནི་ཆོས་ཉིད་ཚུལ་མ་ལགས། །དེ་སྐད་གསོལ་ནས་བཅོམ་ལྡན་འདས། །རྣམ་པར་སྣང་མཛད་ཆེན་པོ་ཡིས། །དེ་ཆེ་ཕྱག་ན་རྡོ་རྗེ་ལ། །ཆོས་ཀྱི་མཚན་ཉིད་འདི་ཉོན་གསུངས། །ཆོས་ནི་རྟོག་དང་བྲལ་བ་སྟེ། །ཀུན་རྟོག་ཐམས་ཅད་སྤངས་པ་ཡིན། །དེ་ལ་སེམས་དང་སེམས་བྱུང་གི་།རྟོག་པ་རབ་ཏུ་སྤོང་བར་འགྱུར། །ང་ཡིས་ཆོས་
192b
མངོན་སངས་རྒྱས་པ། །དེ་ནི་མཁའ་ལས་བྱུང་བ་སྟེ། །ལོག་པར་རྟོག་པའི་སྤྱོད་ཡུལ་བ། །བྱིས་པ་རྣམས་ཀྱིས་མི་ཤེས་སོ། །ཡུལ་དུས་མཚན་མ་ལ་སོགས་པ། །མུན་གྱིས་བསྒྲིབས་པ་རྣམས་འདོད་དེ། །དེ་དག་གཟུང་བར་བྱ་བའི་ཕྱིར། །ཆོ་ག་འདི་ཡང་བརྗོད་པ་ཡིན། །ཡུལ་མེད་དུས་ཀྱང་མེད་པ་སྟེ། །བྱ་བ་མེད་ཅིང་བྱེད་པ་ཡང ། །ཆོས་རྣམས་ཀུན་ལ་ཡོང་མེད་དེ། ། ཆོས་རྣམས་ཉི་ཚེ་འབའ་ཞིག་གོ་།གསང་བའི་བདག་པོ་འོན་ཀྱང་ནི། །སེམས་ཅན་དག་ནི་བློ་ཞན་ཅིང ། །བྱ་བ་ཙམ་གྱིས་རྨོངས་པ་དག་།དངོས་པོའི་དོན་ལ་ཆགས་པ་རྣམས། །མ་འོངས་དུས་ན་འབྱུང་བར་འགྱུར། །འདི་ལྟའི་ཚུལ་ནི་མི་ཤེས་པས། །ཡུལ་དང་དུས་དང་བྱ་བ་ལས། །དགེ་དང་མི་དགེའི་མཚན་མ་ཡིས། །རྨོངས་པ་འབྲས་བུ་འདོད་བྱེད་དེ། །སེམས་དཔའ་ཆེན་པོ་དེ་དག་ཕྱིར། །ཆོ་ག་འདི་ནི་བརྗོད་པ་ཡིན། །གསང་བ་པའི་བདག་པོ། དེ་ལ་ཇི་སྐད་བསྟན་པའི་གནས་གང་ཡང་རུང་བར་ས་གཞི་རབ་ཏུ་འཐས་པར་བཅགས་ཏེ། བའི་ལྕི་བ་ས་ལ་མ་ལྷུང་བ་དང ། བའི་གཅིན་དུ་བསྲེས་པས་བྱུག་གོ་།དེ་ནས་སྔགས་འདིས་བསང་གཏོར་བྱས་ཏེ་བསྔགས་སོ། །ན་མཿ ་སནྟ་བུདྡྷཱ་ནཱཾ། ཨ་པྲ་ཏི་ས་མེ། ག་ག་ན། ས་མ་ཏཱ་ནུ་ག་ཏེ། པྲ་ཀྲྀ་ཏི། བི་ཤུདྡྷེ། དྷརྨ་དྷཱ་ཏུ་བི་ཤོ་དྷ་ནེ་སཝཱཧཱ། དེ་ཡི་འོག་ཏུ་སྔགས་པ་ནི། །ལངས་ནས་དེ་ཡི་དབུས་སུ་པ། །པདྨ་དཀར་པོའི་སྟན་ལ་བཞུགས། །ཐོར་ཚུགས་དང་ནི་དབུ་རྒྱན་འཆང ། །འོད་ཟེར་ཁ་དོག་སྣ་ཚོགས་པས། །
193a
༄#། །ཀུན་ནས་ཡོངས་སུ་བསྐོར་བར་བསམ། །དེ་ནས་རྫོགས་པའི་སངས་རྒྱས་བཞི། །བློ་དང་ལྡན་པས་ཕྱོགས་སུ་བསམ། །དེ་བཞིན་གཤེགས་པ་རིན་ཆེན་ཏོག ། ཉི་མ་འཆར་ཀ་ལྟ་བུར་བསམ། །ལྷོ་རུ་རྒྱལ་བ་དཔའ་བོ་ནི། །མེ་ཏོག་ཀུན་རྒྱས་ཞེས་བྱ་བ། །གསེར་གྱི་ཁ་དོག་འབར་དང་བཅས། །ཉེས་པ་བཅོམ་པ་ཏིང་འཛིན་གནས། །བྱང་ཕྱོགས་སུ་ནི་མི་འཁྲུགས་པ། །ནང་དང་བྲལ་བ་ཏིང་འཛིན་གནས། །ནུབ་ཕྱོགས་འོད་དཔག་མེད་པ་སྟེ། །རྒྱལ་བ་ལྔ་པོ་འདི་རྣམས་ནི། །བསམས་ཏེ་དེ་ནས་སྔགས་པ་ཡིས། །རྒྱལ་བའི་གནས་དབུས་འདུག་ནས་ནི། །མི་གཡོ་བདག་ཉིད་ཆེན་པོའམ། །ཡང་ན་འཇིག་རྟེན་གསུམ་རྒྱལ་གྱི། །གསང་སྔགས་དོན་ཀུན་སྒྲུབ་པ་ཡིས། །ས་ནི་ཡོངས་སུ་གཟུང་བར་བྱ། ། དབུས་ཀྱི་དཀྱིལ་འཁོར་བཟང་པོ་དག་།ཙནྡན་དག་གིས་བྱ་བ་ནི། །དང་པོར་གཅིག་ནི་ང་ཡི་ཡིན། །གཉིས་པ་སྐྱོབ་པ་ཐམས་ཅད་ཀྱིའོ། །གསུམ་པ་དེ་དང་མཉམ་བྱ་བ། །ཐེ་ཚོམ་མེད་པར་ཡུམ་གྱི་ཡིན། །བཞི་པ་ལག་ན་པདྨ་སྟེ། །ལྔ་པ་ལག་ན་རྡོ་རྗེའི་ཕྱིར། །དྲུག་པ་མི་གཡོ་མགོན་པོ་སྟེ། །མ་ཟད་འོག་ཏུ་ལེགས་བར་བྱ། །དེ་བཞིན་གཤེགས་རྣམས་རྗེས་དྲན་ནས། །མེ་ཏོག་སྤོས་ལ་སོགས་ཕུལ་ཏེ། །མཉམ་པར་བཞག་ནས་གུས་པ་རུ། །ཚིག་ཏུ་འདི་སྐད་སྨྲ་བར་བྱ། །མགོན་པོ་ཐུགས་རྗེའི་བདག་ཉིད་ཅན། །ཐམས་ཅད་བདག་ལ་
193b
དགོངས་སུ་གསོལ། །སྲས་བཅས་སང་གི་གདུགས་འདས་ནས། །ས་གཞི་ཡོངས་སུ་གཟུང་བ་མཛོད། །དེ་སྐད་ཀྱི་ནི་ཚིག་སྨྲས་ནས། །གསང་སྔགས་འདི་ནི་བརྗོད་པར་བྱ། །ན་མཿ ་ས་མནྟ་བུདྡྷ་ནཱཾ། སརྦ་ཏ་ཐཱ་ག་ཏཱ་དྷི་ཥྛཱ་ནཱ་དྷིཥྛེ་ཏེ། ཨ་ཙ་ལེ། བི་མ་ལེ་སྨ་ར་ཎེ། པྲ་ཀྲྀ་ཏེ་པ་རི་ཤུདྡྷེ་སཝཱཧཱ། དེ་ནས་སྔགས་པ་ལངས་ནས་སུ། །སྙིང་རྗེར་གྱུར་པའི་ཡིད་ཀྱིས་ནི། །ནུབ་ཀྱི་ཕྱོགས་སུ་གནས་ནས་སུ། ། ནང་གི་བདག་ཉིད་རྣམ་དག་པས། །བྱང་ཆུབ་སེམས་ནི་སེམས་བྱེད་ཅིང ། །དེ་ཉིད་དུ་ནི་ཉལ་བར་བྱེད། །དེ་ནས་སྔགས་པས་རྨི་ལམ་བལྟ། །བྱང་ཆུབ་སེམས་དཔའ་གྲགས་ཆེན་ནམ། །ཡང་ན་སངས་རྒྱས་བཅོམ་ལྡན་འདས། །སེམས་ཅན་རྣམས་ལ་ཕན་པའི་ཕྱིར། །དཀྱིལ་འཁོར་བྲི་བའི་ལས་རྣམས་ལ། །བདག་ཉིད་ཀུན་རྩོལ་འབད་པའམ། །བདག་ཉིད་ལ་ནི་འདི་སྐད་དུ། །སེམས་ཅན་ཆེན་པོ་བུ་ཁྱོད་ལེགས། །དཀྱིལ་འཁོར་མྱུར་དུ་བྲིས་ཤིག་ཅེས། །སྤྲོ་བ་བསྐྱེད་པ་མཐོང་བའང་རུང ། །དེ་ནས་དེ་ཡི་ཕྱི་དེ་ཉིན། །སློབ་མ་དད་ཅིང་རིགས་བཙུན་པ། །དེ་བཞིན་དཀོན་མཆོག་གསུམ་ལ་དད། །ཟབ་མོ་ཡི་ནི་བློ་དང་ལྡན། །སྤྲོ་བ་ཆེ་ཞིང་ཚུལ་ཁྲིམས་ལྡན། །བཟོད་དང་ལྡན་ཞིང་སེར་སྣ་མེད། །དཔའ་ལ་ཡི་དམ་བརྟན་པ་ནི། །བཅུའམ་བརྒྱད་དམ་བདུན་ནམ་ལྔ། །གཅིག་གཉིས་བཞི་ལས་ལྷག་ཀྱང་རུང ། །དཔྱད་མི་དགོས་པར་གཟུང་བར་བྱ། །དེ་ནས་ཡང་བཅོམ་ལྡན་འདས་ལ་ཕྱག་ན་རྡོ་རྗེས་ཞུས་པ། བཅོམ་ལྡན་འདས། དཀྱིལ་འཁོར་འདིའི་མིང་ཅི་ལགས།།
194a
༄#། །ཅིའི་སླད་དུ་དཀྱིལ་འཁོར་ཞེས་བགྱི། བཅོམ་ལྡན་འདས་ཀྱིས་བཀའ་སྩལ་པ། གསང་བ་པའི་བདག་པོ། དཀྱིལ་འཁོར་འདི་ནི། སངས་རྒྱས་འབྱུང་བ་སྟེ། དཀྱིལ་ནི།་སྙིང་པོ་ཞེས་བྱའོ། །འཁོར་ནི། རྫོགས་པ་ཞེས་བྱ་སྟེ། དེའི་གོང་ན་སྙིང་པོར་གྱུར་པ་གཞན་མེད་པས་ན། དཀྱིལ་འཁོར་ཞེས་བྱའོ། །གསང་བ་པའི་བདག་པོ། འོན་ཀྱང་དཀྱིལ་འཁོར་རྒྱས་པ་འདི་ནི། སེམས་ཅན་གྱི་ཁམས་མ་ངེས་པ་ཡོངས་སུ་བསྐྱབ་པའི་ཕྱིར་སྙིང་རྗེ་ཆེན་པོ་འབྱུང་བ་ཞེས་བྱ་སྟེ། དེར་ནི། དེ་བཞིན་གཤེགས་པ་རྣམས་ཀྱིས་བསྐལ་པ་གྲངས་མེད་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་བསྒྲུབས་པ་བྱིན་གྱིས་བརླབས་སོ། །གསང་བ་པའི་བདག་པོ། དེ་ལྟ་བས་ན། རྣམ་གྲངས་འདིས་ཀྱང་ཁྱོད་ཀྱིས་འདི་ལྟར་དེ་བཞིན་གཤེགས་པ་རྣམས་ནི། སེམས་ཅན་གཅིག་ཕྱིར་བྱང་ཆུབ་མངོན་པར་རྫོགས་པར་འཚང་རྒྱ་བ་མ་ཡིན། གཉིས་ཀྱི་ཕྱིར་མ་ཡིན། གསུམ་གྱི་ཕྱིར་མ་ཡིན། འོན་ཀྱང་ཐུགས་རྗེ་ཆེན་པོའི་དབང་དུ་གྱུར་པ་དག་སེམས་ཅན་གྱི་ཁམས་མ་ལུས་པ་ཡོངས་སུ་བསྐྱབ་པའི་ཕྱིར་བྱང་ཆུབ་མངོན་པར་རྫོགས་པར་འཚང་རྒྱ་སྟེ། དེ་དག་གིས་སེམས་ཅན་གྱི་ཁམས་རྣམ་པ་དུ་མ་ལ་བསམ་པ་ཇི་ལྟ་བ་བཞིན་དུ་སེམས་ཅན་རྣམས་ལ་ཆོས་འཆད་པར་རིག་པར་བྱའོ། །གསང་བ་བའི་བདག་པོ། ཐེག་པ་ཆེན་པོ་ལ་གོམས་པར་མ་བྱས་པ་རྣམས་ནི། གསང་
194b
སྔགས་སྤྱོད་པའི་ཚུལ་མཐོང་ངམ་ཐོས་ན། སེམས་ལ་དགའ་བའམ། དང་བ་ཅུང་ཟད་ཀྱང་ཡང་དག་པར་མི་སྐྱེའོ། །གསང་བ་པའི་བདག་པོ། གང་དག་གིས་སྔོན་ཐེག་པ་ཆེན་པོ་གསང་སྔགས་སྤྱད་པའི་ཚུལ་སྒོ་མཐའ་ཡས་སྒྲུབ་པ་ལ་གོམས་པར་བྱས་པ་དེ་དག་ནི། རྡོ་རྗེ་སེམས་དཔའ་ཡིན་ཏེ། དེ་རྣམས་ཉིད་ཀྱི་དོན་གྱི་ཕྱིར་གྲངས་ཀྱི་ཚད་འདི་བྱས་སོ། །འོན་ཀྱང་སློབ་དཔོན་སྙིང་རྗེ་ཆེན་པོ་དང་ལྡན་པས་སེམས་ཅན་གྱི་ཁམས་མ་ལུས་པ་བསྒྲལ་བར་ཡི་དམ་བཅའ་བ་ཁོ་ནར་བྱ་སྟེ། དེས་བྱང་ཆུབ་ཀྱི་སེམས་ཀྱི་རྒྱུར་འགྱུར་བར་བྱ་བའི་ཕྱིར་སེམས་ཅན་ཚད་མེད་པ་རྣམས་ཡོངས་སུ་གཟུང་བར་བྱའོ། །དེ་ནས་དེ་དག་བོས་ལ་གསུམ་ལ་སྐྱབས་སུ་གཏང་བར་ཡང་བྱའོ། །སྡིག་པ་མི་བྱ་བའི་ལས་རྣམས་ཀྱང་བསྒོ་བར་བྱའོ། །དེ་ནས་དེ་དག་ལ་སྤོས་དང ། མེ་ཏོག་ལ་སོགས་པ་སྦྱིན་ནོ། །དེ་དག་དུས་གསུམ་དུ་སྒྲིབ་པ་མེད་པའི་ཡེ་ཤེས་ཀྱི་སྡོམ་པ་ཡང་འཛིན་དུ་གཞུག་གོ། འཛིན་དུ་བཅུག་ནས་སྔགས་པ་ཡིས། །དེ་ནས་སོ་ཤིང་དག་ཀྱང་སྦྱིན། །རྩེ་གཅིག་མཉམ་པར་བཞག་པ་དག་།ཤར་རམ་བྱང་དུ་ཁ་བསྟན་ཏེ། །ུ་དུམ་བ་ར་ཨ་ཤཝཏྠ། །ཤིན་ཏུ་བཟང་པོ་བསྲུངས་བྱས་ཤིང ། །མེ་ཏོག་དྲིལ་སོགས་བསྐུས་པའི། །སོ་ཤིང་དག་ནི་འཆར་གཞུག་གོ་།སེམས་ཅན་སྣོད་རུང་སྣོད་མི་རུང ། །བོར་བ་ཉིད་ལས་བརྟག་པར་བྱ། །དེ་ནས་ལག་པ་གཡོན་པ་ལ། །སྐུད་པ་མདུད་པ་གསུམ་ལྡན་པ། །བདག་ཉིད་མཉམ་པར་བཞག་པ་ཡིས། །
195a
༄#། །ལེགས་པ་རུ་ནི་བཅིང་བར་བྱ། །དེ་ལྟར་ཡོངས་སུ་བཟུང་ལྡན་པའི། །སློབ་མ་ཉེས་པ་མེད་རྣམས་ལ། །བསམ་པ་བརྟན་པར་བྱ་བའི་ཕྱིར། །འདི་ལྟར་སྤྲོ་བ་བསྐྱེད་པར་བྱ། །བདག་ཉིད་ཆེན་པོ་ཁྱེད་རྣམས་ཀྱིས། །རྙེད་པ་མཉམ་མེད་དེ་རིང་རྙེད། །གང་ཕྱིར་རྒྱལ་བ་སྲས་བཅས་པ། །བདག་ཉིད་ཆེན་པོ་ཀུན་གྱིས་ནི། །བསྟན་པ་འདི་ལ་ཁྱེད་རྣམས་ཀུན། །ཡོངས་སུ་བཟུང་སྟེ་སྐྱེ་བཞིན་པ། །དེ་ཕྱིར་ཁྱེད་རྣམས་ཐེག་ཆེན་ལ། །སང་ནི་རབ་ཏུ་སྐྱེ་བར་འགྱུར། །གལ་ཏེ་རྨི་ལམ་དག་ཏུ་ནི། །གཙུག་ལག་ཁང་དང་ཀུན་དགའ་བཟང ། །ཁང་པ་བཟང་པོ་སྣ་ཚོགས་དང ། །དེ་བཞིན་དུ་ནི་ཡང་ཐོག་དང ། །རལ་གྲི་ཡིད་བཞིན་ནོར་བུ་དང ། །གདུགས་དང་མེ་ཏོག་སྣ་ཚོགས་དང ། །བུད་མེད་བཟང་མོ་གོས་དཀར་ཅན། །སྡུག་པའི་གཉེན་དང་བུ་དག་དང ། །གླེགས་བམ་དེ་བཞིན་བྲམ་ཟེ་དང ། །སངས་རྒྱས་དང་ནི་རང་སངས་རྒྱས། །དེ་བཞིན་རྒྱལ་བའི་ཉན་ཐོས་དང ། ། བྱང་ཆུབ་སེམས་དཔའ་བདག་ཉིད་ཆེ། །གལ་ཏེ་འབྲས་བུ་ཐོབ་པ་དང ། །མཚོ་དང་རྒྱ་མཚོ་ལས་རྒལ་མཐོང ། །དེ་བཞིན་དུ་ནི་ནམ་མཁའ་ལས། །བཀྲ་ཤིས་ཡིད་དུ་འོང་བའི་ཚིག་།འདོད་པའི་འབྲས་བུ་འབྱུང་བ་གྲག་།དེ་ལ་སོགས་པའི་རྨི་ལམ་ནི། །བཟང་པོ་ཞེས་ནི་བྱ་བར་བརྟག་།མཁས་པས་དེ་ལས་ལྡོག་པ་ཡིས། །རྨི་ལམ་ངན་པར་ཤེས་
195b
པར་བྱ། །བརྟུལ་ཞུགས་བཟང་པོ་ཁྱེད་རྣམས་ཀྱིས། །ནང་པར་ཐམས་ཅད་ང་ལ་ཟློས། །སློབ་མ་དེ་དག་རྣམས་ལ་ནི། །དེ་སྐད་བསྒོ་ནས་ཆོས་ཀྱང་བཤད། །ཐེག་པ་ཆེན་པོ་ཆེར་འབྱུང་བའི།། ལམ་མཆོག་འད་ནི་དཔལ་དང་ལྡན། །ཁྱེད་རྣམས་དེར་ནི་དོང་བས་ན། །རང་བྱུང་སྐལ་པ་ཆེན་པོ་པ། །འཇིག་རྟེན་ཐམས་ཅད་མཁྱེན་པ་ཡི། །དེ་བཞིན་གཤེགས་པ་རྣམས་སུ་འགྱུར། །ཡོད་དང་མེད་ལས་རྣམ་པར་འདས། །ནམ་མཁའ་བཞིན་དུ་དྲི་མ་མེད། །ཟབ་མོ་རྟོག་གི་ཐམས་ཅད་ཀྱིས། །རབ་ཏུ་མི་རྟོགས་གནས་མེད་པ། །སྤྲོས་པ་ཀུན་དང་བྲལ་བ་སྟེ། །སྤྲོས་པ་རྣམས་ཀྱིས་རྣམ་པར་སྤྲོས། །ལས་དང་བྱ་བ་ལ་སོགས་བྲལ། །བདེན་པ་གཉིས་ལ་གནས་པ་ཡིས། །ཐེག་པ་རབ་ཀྱི་མཆོག་འདི་ནི། །ཚུལ་ལ་གནས་ན་ཐོབ་པར་འགྱུར། །དེ་ནས་བཅོམ་ལྡན་འདས་ལ་རྡོ་རྗེ་འཛིན་སྤྲོས་པ་མེད་པར་རྣམ་པར་གནས་པས་འདི་སྐད་ཅེས་གསོལ་ཏོ། །བཅོམ་ལྡན་འདས། དུས་གསུམ་དུ་སྒྲིབ་པ་མ་མཆིས་པའི་ཡེ་ཤེས་ཀྱི་སྡོམ་པ་གང་ལ་བྱང་ཆུབ་སེམས་དཔའ་རྣམས་གནས་ན། སངས་རྒྱས་དང ། བྱང་ཆུབ་སེམས་དཔའ་རྣམས་བྨྙེས་པར་འགྱུར་བ་བཤད་དུ་གསོལ། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་རྡོ་རྗེ་འཛིན་སྤྲོས་པ་མེད་པར་གནས་པ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། ལུས་དང ། ངག་དང ། ཡིད་གཅིག་ཏུ་འཇུག་ཅིང་ཆོས་ཐམས་ཅད་ལ་རྩོམ་པ་མེད་ཅིང་བྱ་བ་མེད་པའི་སྡོམ་པ་གང་
196a
༄#། །ཡིན་པ་དེ་རིགས་ཀྱི་བུ་ཉོན་ཅིག་།དེ་ཡང་གང་ཞེ་ན། སངས་རྒྱས་དང་བྱང་ཆུབ་སེམས་དཔའ་རྣམས་ལ་བདག་གི་ལུས་ཡོངས་སུ་གཏོང་བ་གང་ཡིན་པའོ། །དེ་ཅིའི་ཕྱིར་ཞེ་ན།་གང་གིས་བདག་གིས་ལུས་ཡོངས་སུ་བཏང་བ་དེས་ནི། དངོས་པོ་གསུམ་ཡོངས་སུ་བཏང་བ་ཡིན་ཏེ། དངོས་པོ་གསུམ་ཡོངས་སུ་བཏང་བ་དེ་ཡང་གང་ཡིན་ཞེ་ན། འདི་ལྟ་སྟེ། ལུས་དང ། ངག་དང ། ཡིད་དོ། །རིགས་ཀྱི་བུ། དེ་ལྟ་བས་ན་བྱང་ཆུབ་སེམས་དཔའ་ལུས་དང ། ངག་དང ། ཡིད་གསུམ་གྱི་སྡོམ་པས་བསྡམ་པར་བྱའོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་རྣམས་ནི། ལུས་དང ། ངག་དང ། ཡིད་གསུམ་ཡོངས་སུ་མ་བཏང་བར་བསླབ་པ་འཛིན་པར་མི་བྱེད་དོ། །དེ་ནས་ཕྱི་དེ་ཉིན་པར་བཅོམ་ལྡན་འདས་རྣམ་པར་སྣང་མཛད་ལ་ཕྱག་བྱས་ཏེ་བདག་ཉིད་རྡོ་རྗེ་སེམས་དཔར་བྱིན་གྱིས་བརླབས་ལ་བུམ་པ་སྤོས་ཆུས་བཀང་བ་ལ་འཇིག་རྟེན་གསུམ་ལས་རྣམ་པར་རྒྱལ་བས་མངོན་པར་བསྔགས་ཏེ་སྒོ་དང་པོར་བཞག་ལ། མཁས་པས་སྐྱེ་བོ་ཀུན་ལ་དེས་བསང་གཏོར་བྱའོ། །དེ་ནས་སེམས་སྦྱང་བའི་ཕྱིར་སྤོས་ཆུ་གཙང་མ་བླུད་དོ། །དེ་ནས་བཅོམ་ལྡན་འདས་ལ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །དཀྱིལ་འཁོར་གྱི་ནི་སློབ་དཔོན་དག་།གསང་སྔགས་སྒྲུབ་ལ་འབད་པ་ན། །གང་གིས་དུས་སུ་དཀྱིལ་འཁོར་དག་།སེམས་དཔའ་ཆེན་པོ་བྱིན་རློབ་པའི། །དུས་དང་ཆོད་ནི་ཀུན་མཁྱེན་པ། །སྨྲ་བའི་མཆོག་གིས་
196b
བཀའ་སྩོལ་ཅིག་།དེ་སྐད་གསོལ་ནས་བཅོམ་ལྡན་གྱིས། །རྡོ་རྗེ་འཛིན་ལ་བཀའ་སྩལ་པ། །དཀྱིལ་འཁོར་དོན་དུ་གཉེར་བ་ལ། །རྟག་ཏུ་མཚན་མོ་བྲི་བར་བྱ།། །།བམ་པོ་གཉིས་པ་ལག་ན་རྡོ་རྗེ་དེ་ནས་སློབ་དཔོན་གྱིས་སངས་རྒྱས་ཐམས་ཅད་ལ་ཕྱག་བྱས་ལ་མཚོན་སྣ་ལྔའི་སྲད་བུ་ཐོགས་ཏེ་བདག་ཉིད་བཅོམ་ལྡན་འདས་རྣམ་པར་སྣང་མཛད་དུ་བྱིན་གྱིས་བརླབས་ལ།་ཤར་དུ་སྲད་བུ་བྲི་བ་ནི། །ལྟེ་བའི་ཐད་ཀར་བཟུང་ནས་ནི། །བར་སྣང་ལ་ནི་གཟུང་བར་བྱ། །དེ་ནས་ལྷོ་ཕྱོགས་སོང་ནས་སུ། །བྱང་ཕྱོགས་སུ་ནི་བྲི་བར་བྱ། །དེ་ནས་སྲད་བུ་གཉིས་པ་ནི། ། རང་གིས་བླངས་ནས་དེ་ཉིད་དུ། །དེ་བཞིན་གཤེགས་པ་རྗེས་དྲན་ཞིང ། །ཤར་ཕྱོགས་བལྟས་ཏེ་བྲི་བར་བྱ། །དེ་ནས་ལྷོ་ཕྱོགས་སོང་ནས་ནི། །བྱང་ཕྱོགས་སུ་ནི་བྲི་བར་བྱ། །བློ་ལྡན་དེ་ནས་སླར་ལོག་ནས། །བདེན་བྲལ་ཕྱོགས་སུ་གནས་ནས་ནི། །བྱང་ཕྱོགས་སུ་ནི་བྲི་བར་བྱ། །དེ་ནས་གཡས་སུ་བསྒྱུར་བར་བྱ། །བསྒྱུར་ཏེ་དེ་རུ་འདུག་ནས་སུ། །ལྷོ་ཕྱོགས་སུ་ནི་བྲི་བར་བྱ། །དེ་ནས་གནས་ཏེ་བཏང་ནས་སུ། །མེ་ཡི་ཕྱོགས་སུ་གནས་ནས་ནི། །སྔགས་པས་གསང་སྔགས་ཆོ་གར་གནས། །ཤར་དུ་སྲད་བུ་བྲི་བར་བྱ། །དེ་ནས་དེ་བཞིན་དབང་ལྡན་ཕྱོགས། །སོང་ནས་ནུབ་ཏུ་ཁ་བལྟས་ཏེ། །རླུང་གི་ཕྱོགས་ཀྱི་བར་དུ་ནི། །བྱང་ཕྱོགས་སུ་ནི་བྲི་བར་བྱ། །སྔགས་པ་ཡིས་ནི་དེ་ལྟ་བུར། །ཀུན་ནས་གྲུ་བཞི་ལྷམ་པར་བྱ། །དེ་ནས་དབུས་སུ་ཞུགས་ནས་སུ། །དེ་ལ་ཆ་ནི་
197a
༄#། །གསུམ་དུ་བརྟག་།ས་རྣམས་ཐམས་ཅད་ཀུན་ཏུ་ཡང ། །ཆ་གསུམ་དག་ཏུ་བརྟགས་ན་ནི། །ཆ་རྣམས་ཀྱང་ནི་རེ་རེ་ལ། །ཆ་གསུམ་དུ་ནི་རབ་ཏུ་བརྟག་།ཆ་གཅིག་གིས་ནི་བསྐོར་བ་ཡི། །འཁོར་བར་བྱས་ཏེ་ལྷག་མ་ཡི། །ཆ་གཉིས་པོ་ནི་ལྷ་ཉིད་ཀྱི། །གནས་སུ་ངེས་པར་བྱ་བ་ཡིན། །བློ་དང་ལྡན་པས་ཕྱོགས་བཞི་རུ། །སོ་སོའི་ཕྱོགས་ཆར་སྒོ་ཁྱུད་ནི། །སྡོམ་བརྩོན་ཅན་གྱིས་ནན་ཏན་དུ། །ལྷ་རྣམས་གཙོ་བོའི་གནས་སུ་བྱ། །དེ་ལྟར་རིམ་པར་ལེགས་ཕྱེ་བ། །འདི་དག་ཐམས་ཅད་བྱས་ནས་ནི། །དབུས་སུ་པདྨ་དཀར་པོ་མཆོག་།དེ་ནི་སྙིང་པོ་ཞེས་སུ་བསྒྲགས། །དཀྱིལ་འཁོར་སྙིང་པོ་འབྱུང་བ་ཀུན། །དེས་ནི་སྙིང་པོ་ཅན་དུ་བྱས། །དེ་ཡི་ཚད་ཀྱང་སོར་བཅུ་དྲུག་།ཡན་ཆད་དུ་ནི་བཤད་པ་ཡིན། །འདབ་མ་བརྒྱད་པ་ལེགས་པར་རྫོགས། །ཟེ་བར་ལྡན་པ་ཤིན་ཏུ་བཟང ། །འདབ་མའི་བར་ནི་ཐམས་ཅད་དུ། །ཀུན་ནས་རྡོ་རྗེ་བྲི་བར་བྱ། །དེ་ཡི་སྙིང་པོའི་དབུས་སུ་ནི། །རྒྱལ་མཆོག་གཙོ་བོ་གསེར་གྱི་མདོག། འབར་བཅས་ཐོར་ཚུགས་དབུ་རྒྱན་ཅན། །འོད་ཟེར་དག་གིས་ཀུན་ནས་བསྐོར། །མགོན་པོ་ནད་དང་བྲལ་བ་ནི། །ཏིང་ངེ་འཛིན་དུ་གནས་པར་བྲི། །དེ་ཡི་ཤར་དུ་བློ་ལྡན་གྱིས། །སངས་རྒྱས་རྣམས་ཀྱི་ཕྱག་རྒྱ་ནི། །གྲུ་གསུམ་ཐམས་ཅད་ཐལ་དཀར་ཉིད། །པདྨའི་སྟེང་གནས་འཁོར་ཡུག་ཏུ། །འོད་ཟེར་དཀར་པོས་ཡོངས་བསྐོར་བ། །རབ་ཏུ་བསྒྲིམས་ཏེ་བྲི་བར་བྱ། །
197b
\?\་ཡི་བྱང་དུ་མཁས་རྣམས་ཀྱིས། །སྐྱོབ་པ་དག་ནི་ཀུན་གྱི་ཡུམ། །གསེར་གྱི་མདོག་ཅན་འབར་དང་བཅས། །ན་བཟའ་དག་ནི་དཀར་པོ་མནབས། །ཀུན་ཏུ་རྣམ་པར་སྣང་མཛད་པ། ། ཏིང་ངེ་འཛིན་དུ་གནས་པར་བྲི། །མགོན་པོ་དེ་ཡི་བྱང་ཕྱོགས་སུ། །སྤྱན་རས་གཟིགས་དབང་དཔའ་བོ་ནི། །པདྨ་དཀར་པོའི་སྟན་ལ་འདུག་།དུང་དང་ཀུན་ད་ཟླ་བ་འདྲ། །དབུ་ལ་འོད་དཔག་མེད་བཞུགས་པ། །བཞིན་ནི་བག་ཙམ་འཛུམ་པར་བྲི། །དེ་ཡི་གཡས་སུ་ལྷ་མོ་ནི། །སྒྲོལ་མ་གྲགས་པ་ཆེན་མོ་དེ། །དགེ་ཞིང་འཇིགས་པ་སེལ་བ་སྟེ། །སྔོ་བསངས་མོ་ལ་སྣ་ཚོགས་གཟུགས། །བུད་མེད་དར་ལ་བབ་པའི་ཚད། །ཐལ་སྦྱར་མེ་ཏོག་ཨུཏྤལ་ཐོགས། །འོད་ཟེར་དག་གིས་ཀུན་བསྐོར་ཅིང ། །གོས་ནི་དཀར་པོ་གྱོན་པར་བྲི། །གཡོན་དུ་ལྷ་མོ་ཁྲོ་གཉེར་ཅན། །སྔགས་དེའི་ཕྲེང་བ་ལག་ན་འཆང ། །མིག་གསུམ་པ་ལ་ཐོར་ཚུགས་ཅན། །ཁ་དོག་མདོག་ནི་དཀར་མོ་ལ། །འོད་ཟེར་དཀར་པོ་སེར་པོ་དང ། །དམར་པོ་རྣམས་ཀྱིས་བསྐོར་བར་བྲི། །ཁྲོ་གཉེར་ཅན་དང་ཉེ་བར་ནི། །མཐུ་ཆེན་ལག་ན་པདྨ་ཐོགས། །བརྩེ་བ་ཆེན་པོ་གོས་དཀར་གྱོན། །འོད་ཟེར་དག་གིས་བསྐོར་བ་ཡིས། །དཔའ་བོ་ཡང་དག་བྲི་བར་བྱ། །དེ་ཡི་པདྨ་ཁ་མ་བྱེ། །དེ་ཡི་དྲུང་དུ་བློ་ཅན་གྱིས། །རིག་སྔགས་ལྷ་མོ་གྲགས་ལྡན་མ། །གསེར་གྱི་ཁ་དོག་ལྟ་བུ་ཅན། །རྒྱན་རྣམས་ཀུན་གྱིས་བརྒྱན་པ་སྟེ། །ལག་པ་གཡོན་པས་བྲི་ཡང་ཀུའི། །
198a
༄#། །སྙེ་མ་ཡིད་འོང་འཛིན་པར་བྲི། །སྒྲོལ་མ་ཡི་ནི་ཉེ་འཁོར་དུ། །བློ་དང་ལྡན་པས་གོས་དཀར་མོ། །ཐོར་ཚུགས་ཅན་ལ་གསོད་དཀར་གྱོན། །ལག་ན་པདྨ་ཐོགས་པར་བྲི། །དེ་ཡི་འོག་ཏུ་སྔགས་པ་ཡིས། །རིག་སྔགས་རྒྱལ་པོ་སྟོབས་པོ་ཆེ། །ཁ་དོག་ཉི་མ་འཆར་ཀ་བཞིན། །པདྨ་དཀར་པོས་རྣམ་པར་བརྒྱན། །འབར་བའི་ཕྲེང་ཅན་མི་བཟད་ཅིང ། །སྤུ་དག་སེངྒེ་ལྟར་འདུག་པ། །སྤྱན་རས་གཟིགས་དབང་བློ་ལྡན་གྱི། །རྟ་མགྲིན་ཅན་ཞེས་གྲགས་པ་བྲི། །སངས་རྒྱས་རྣམས་ཀྱི་ལྷོ་ཕྱོགས་སུ། །བྱང་ཆུབ་སེམས་དཔའ་སྐྱོབ་རྣམས་ཀྱི། །ཕྱག་རྒྱ་ཡིད་བཞིན་ནོར་བུ་ཞེས། །གྲགས་པ་སྐལ་བ་ཆེན་པོ་ཅན། །རེ་བ་ཐམས་ཅད་རྫོགས་བྱེད་པ། །པདྨ་དཀར་ལ་འདུག་པར་བྲི། །མགོན་པོ་རྣམ་སྣང་མཛད་ཆེན་གྱི། །ལྷོ་ཡི་ཕྱོགས་སུ་རྡོ་རྗེ་འཛིན། །རེ་བ་ཐམས་ཅད་སྐོང་བྱེད་པ། །མདོག་ནི་པྲི་ཡང་ཀུ་ལྟ་བུར། །ལྗང་སེར་རམ་ནི་མརྒད་ལྟར། །སྔོ་བསངས་མགོན་པོ་དབུ་རྒྱན་ཅན། །སེམས་དཔའ་ཆེན་པོ་རྒྱན་ཀུན་གྱིས། །རྣམ་པར་བརྒྱན་ཅིང་མཐའ་ཡས་པར། །འཇུག་པ་རྒྱ་ཆེན་རྡོ་རྗེ་བཅས། །འོད་ཟེར་དག་གིས་བསྐོར་བར་བྲི། །དེ་ཡི་གཡས་སུ་ལྷ་མོའི་མིང ། །མཱ་མ་ཀཱི་ཞེས་བྱ་བ་དེ། །རྡོ་རྗེའི་རྒྱན་གྱིས་བརྒྱན་པ་སྟེ། །ལག་ན་རྡོ་རྗེ་ཐོགས་པར་བྲི། །དེ་ཡི་འོག་ཏུ་ལྷ་མོ་བྲི། །རྡོ་རྗེའི་རྩེ་མོ་སྟོབས་ཆེན་ཏེ། །ཕོ་ཉ་རྣམས་ཀྱིས་ཡོངས་
198b
བསྐོར་ཅིང ། །བཞིན་ནི་བག་ཙམ་འཛུམ་པར་བྲི། །གཡོན་རོལ་དུ་ནི་སྔགས་པ་ཡིས། །རྡོ་རྗེ་ལུ་གུ་རྒྱུད་ཅེས་པ། །ལག་ན་རྡོ་རྗེ་ལུ་གུ་རྒྱུད། །རང་གི་ཕོ་ཉ་རྣམས་ཀྱིས་བསྐོར། །པྲི་ཡང་ཀུ་ལྟར་ལྗང་སེར་མདོག་།རྡོ་རྗེའི་མཚན་མས་ལེགས་མཚན་བྲི། །ལག་ན་རྡོ་རྗེའི་འོག་ལོགས་སུ། །ཁྲོ་ཟླ་གཙོ་བོ་ཞེས་བྱ་བ། །བགེགས་ཆེན་དགྲ་ནི་ཞི་བྱེད་པ། །ཁྲོ་བོ་འཇིག་རྟེན་གསུམ་དུ་གྲགས། །མིག་གསུམ་མཆེ་བ་བཞི་པ་སྟེ། །ཁ་དོག་དབྱར་གྱི་ཆར་སྤྲིན་འདྲ། །རབ་ཏུ་རྒོད་པའི་སྒྲ་ཡང་འབྱིན། །རྡོ་རྗེའི་རྒྱན་གྱིས་རྣམ་པར་བརྒྱན། །འཁོར་ནི་མཐའ་ཡས་ཁྲོ་བོ་ཡིས། །དབང་ཕྱུག་རྣམས་ཀྱིས་ཡོངས་བསྐོར་བ། །ལག་པ་སྟོང་ཕྲག་བརྒྱ་དག་ནི། །མཚོན་ཆ་སྣ་ཚོགས་ཐོགས་ཤིང་གདེངས། །ཁྲོ་བོ་ཆེན་པོ་འདི་འདྲ་པ། །པདྨའི་སྟེང་ན་འདུག་པར་བྲི། །དེ་ཡི་ནུབ་ཏུ་སོང་ནས་ནི། །རྡོ་རྗེ་འཛིན་པ་མང་པོ་བྲི། །ལག་ན་མཚོན་ཆ་སྣ་ཚོགས་ཐོགས། །ཁ་དོག་སྣ་ཚོགས་སྟོབས་པོ་ཆེ། །འོད་ཟེར་དག་གིས་ཡོངས་བསྐོར་བ། །སེམས་ཅན་ཀུན་དོན་བྱེད་པ་བྲི། །གསང་སྔགས་མགོན་པོའི་འོག་ལོགས་སུ། །བདེན་བྲལ་གྱི་ནི་ཕྱོགས་ཀྱི་ཆར། །མི་གཡོ་ཞེས་བྱ་ལག་ན་ནི། །རལ་གྲི་ཞགས་པ་ལེགས་པར་ཐོགས། །ཟུར་ཕུད་སྤྱི་བོ་གཡོན་དུ་འཕྱང ། །རབ་ཏུ་བརྒྱན་ཅིང་མིག་གཅིག་ཡོ། །རང་གི་འོད་ཀྱི་ནང་ན་གནས། །ཁྲོ་དང་བཅས་པ་བྲག་ལ་འདུག་།བཞིན་ནི་ཁྲོ་གཉེར་རབ་ཏུ་བསྙེར། །བྱིས་པའི་གཟུགས་ཅན་མཁྲང་བག་ཅན། །བྲིས་ནས་བློ་ལྡན་རླུང་ཕྱོགས་སུ། །སོང་ནས་
199a
༄#། །བཅོམ་ལྡན་འདས་ཀྱི་ནི། །ཁྲོ་བོ་འཇིག་རྟེན་གསུམ་ལས་རྒྱལ། །འབར་བའི་ཕྲང་ཅན་མི་བཟད་པ། །ལག་ན་རྡོ་རྗེ་རྩེ་ཕྲན་རྒྱལ། །བཀའ་ལུང་ནོད་པ་ལྟར་འདུག་ཅིང ། །ཟད་པའི་དུས་དང་འདྲར་གནས་པ། །ནན་ཏན་ཉིད་དུ་བྲི་བར་བྱ། །དེ་ལྟར་ནང་དུ་བྲི་བ་ནི། །རྒྱན་དང་བཅས་པར་བཤད་པ་ཡི། །དེ་ནས་སྔགས་པ་ཕྱིར་བྱུང་ནས། །ངེས་པར་གཉིས་པའི་ཆ་དག་ལ། །ཤར་གྱི་ཕྱོགས་ཀྱི་ནང་དུ་ནི། །ཆ་ནི་གཉིས་སུ་ཕྱེ་བ་ལ། །སྒོ་ཁྱུད་ཀྱི་ན་ནིང་རོལ་དུ། །སྔགས་པས་རྒྱལ་བ་ཤཱཀྱ་ཐུབ། །གསེར་གྱི་ཁ་དོག་འབར་དང་བཅས། །མཚན་མཆོག་སུམ་ཅུ་རྩ་གཉིས་ལྡན། །མགོན་པོ་ན་བཟའ་དུར་སྨྲིག་མནབས། །ཁྱབ་བདག་བསྟན་པའི་དོན་མཛད་པ། །པདྨ་དཀར་པོའི་སྟན་ལ་བཞུགས། །ཆོས་འཆད་ཚུལ་དུ་བཞུགས་པར་བྲི། །དེ་ཡི་གཡས་སུ་ལྷ་མོ་ནི། །སངས་རྒྱས་སྤྱན་ཞེས་བྱ་བ་སྟེ། །ལྷ་མོ་ཅུང་ཟད་འཛུམ་པའི་ཞལ། །འོད་ཀྱི་དཀྱིལ་འཁོར་འདོམ་གང་བ། །མཚུངས་མེད་སྐུ་ནི་རབ་ཏུ་དྭངས། །དེ་ནི་ཤཱཀྱ་ཐུབ་པའི་ཡུམ། །དེ་ཡི་གཡས་སུ་ལྷ་མོ་ནི། །རིགས་སྔགས་མཛོད་སྤུ་ཞེས་གྲགས་པ། །པདྨའི་སྟེང་ན་འདུག་པ་སྟེ། །དུང་ཟླ་ཀུན་ད་ལྟ་བུའི་མདོག ། ལག་ན་ཡིད་བཞིན་ནོར་བུ་ཐོགས། །རེ་བ་ཀུན་རྫོགས་བྱེད་པ་བྲི། །དེ་ནས་སྔགས་པས་གཡོན་རོལ་ཏུ། །ཤཱཀྱ་སེངྒེ་སྐྱོབ་པ་ཡི། །གཙུག་ཏོར་གཟི་ཅན་བརྩོན་འགྲུས་ཆེ། །གདུགས་
199b
དཀར་བོ་དང་རྒྱལ་བའི་གཙུག་།གཙུག་ཏོར་རྣམ་པར་རྒྱལ་ཉིད་དང ། །གཟི་བརྗིད་ཕུང་པོ་སྐལ་ཆེན་དང ། །རྣམ་པར་འཐོར་ཞེས་རྣམ་གྲགས་པ། །ལྔ་པོ་ཡང་དག་བྲི་བར་བྱ། །ཤཱཀྱ་ཐུབ་ནི་མཐུ་ཆེན་གྱི། །གཙུག་ཏོར་ལྔ་པོ་འདི་དག་ནི། །གནས་རྣམས་ལྔ་རྣམས་ཉིད་དུ་ནི། །རབ་ཏུ་བསྒྲིམས་ཏེ་བྲི་བར་བྱ། །དེ་ཡི་བྱང་དུ་སོང་ནས་སུ། །གནས་གཙང་རྣམས་ནི་བྲི་བར་བྱ། ། དབང་ཕྱུག་ཀུན་ཏུ་མེ་ཏོག་དང ། །འོད་ཀྱི་ཕྲེང་བ་ཉིད་དང་ནི། །ཡིད་མགྱོགས་དང་ནི་རྣམ་གྲངས་ཏེ། །དེ་དག་ཐམས་ཅད་ལེགས་པར་བྲི། །མཛོད་སྤུ་ཡི་ནི་གཡས་ལོགས་སུ། །གཙུག་ཏོར་ཆེན་པོ་ཆེར་འབྱུང་དང ། །དེ་བཞིན་གྱེན་དུ་འབྱུང་ཉིད་དང ། །སྒྲ་དབྱངས་མཐའ་ཡས་པ་ཡང་སྟེ། །གཙུག་ཏོར་གསུམ་པོ་ཁོ་ན་ནི། །བསྒྲིམས་ཏེ་ཡང་དག་བྲི་བར་བྱ། །གཙུག་ཏོར་ལྔ་པོ་སྟོབས་ཅན་རྣམས། །དཀར་པོ་སེར་སྐྱ་སེར་པོར་བྱ། །མཐུ་ཆེན་གཙུག་ཏོར་ལྔ་པོ་ཡི། །གསུམ་པོ་གཞན་ནི་དཀར་པོ་དང ། །སེར་པོ་དང་ནི་དམར་པོར་བྱ། །ཀུན་ཀྱང་འོད་ཟེར་མང་པོ་ཅན། ། རྒྱན་རྣམས་ཀུན་གྱིས་བརྒྱན་པ་ཡིན། །དེ་དག་སྨོན་ལམ་སྟོབས་ཆེན་དེ། །རེ་བ་ཐམས་ཅད་རྫོགས་བྱེད་པའོ། །དེ་ནས་སྔགས་པས་མེ་ཕྱོགས་སུ། །མེ་ནི་དྲང་སྲོང་ཆེ་རྣམས་དང ། །བཅས་ཤིང་མེ་ཡི་ནང་ན་འདུག་།ཐལ་བའི་སོལ་རིས་གསུམ་གྱིས་མཆན། །དཔའ་བོ་ཐམས་ཅད་རབ་ཏུ་དམར། །སྙིང་ག་སུམ་མདོ་རིས་མཚན་ཅིང ། །མེ་ལྕེ་འབར་བའི་དབུས་ན་འདུག་།བགྲང་ཕྲེང་
200a
༄#། །གུནྡྷེ་ཐོགས་པར་བྲི། །དེ་ནས་ལྷོ་ཡི་ཕྱོགས་ཀྱི་ཆར། །གཤིན་རྗེ་གཙོ་བོ་ལག་པ་ན། །དབྱུག་པ་ཐོགས་ཤིང་མ་ཧེ་ཞོན། །ཁ་དོག་དབྱར་གྱི་ཆར་སྤྲིན་འདྲ། །མ་མོ་རྣམས་དང་དུས་མཚན་དང ། །འཆི་བདག་རྣམས་ཀྱིས་བསྐོར་བར་བྲི། །བདེན་བྲལ་ཕྱོགས་སུ་བདེན་བྲལ་ནི། །ལག་ན་རལ་གྲི་འཛིན་པ་བྲི། །དེ་ནས་ཀྱང་ནི་བློ་ལྡན་པ། །མྱུར་དུ་བྱང་གི་ཕྱོགས་སོང་སྟེ། །ལྷ་ཡི་རྒྱལ་པོ་རི་རབ་ལ། །འདུག་ཅིང་ལྷ་རྣམས་ཀྱིས་བསྐོར་བ། །ལག་ན་རྡོ་རྗེ་ཅོད་པན་ཅན། །རྒྱན་རྣམས་ཀུན་གྱིས་བརྒྱན་པར་བྲི། །དེ་ནས་ཡི་ཤར་དུ་ནི། །ཆུ་ལྷ་ལག་ན་ཞགས་ཐོགས་བྲི། །དེ་ཡི་ཡང་ནི་ཤར་ཕྱོགས་སུ། །ཉི་མ་ཤིང་རྟའི་སྟེང་འདུག་བྲི། །དེ་ཡི་གཡས་དང་གཡོན་དུ་ནི། །རྒྱལ་དང་རྣམ་པར་རྒྱལ་བ་བྲི། །དེ་ཡི་གཡས་སུ་ཚངས་པ་ནི། །གདོང་བཞི་པ་ལ་ཐོར་ཚུགས་ཅན། །ོཾ་ཞེས་བྱ་བ་ལྷུར་ལེན་པ། །ངང་པ་པདྨའི་སྟན་འདུག་བྲི། །དེ་ཡི་ནུབ་ཏུ་བྲི་བ་ནི། །ས་ཡི་ལྷ་དང་དབྱངས་ཅན་དང ། །ཁྱབ་འཇུག་སྐེམ་བྱེད་དེ་བཞིན་རླུང ། །བདེ་བྱེད་དེ་བཞིན་ཟླ་བ་སྟེ། །ནུབ་ཀྱི་ཕྱོགས་སུ་གནས་ནས་ནི། །རབ་ཏུ་ནན་ཏན་བྱ་སྟེ་བྲི། །བྲིས་ནས་སྔགས་པས་དེ་ནས་ནི། །ཡིད་ལ་འཁྲུལ་པ་མེད་པ་རུ། །གསང་སྔགས་མགོན་པོའི་འོག་ལོགས་སུ། །ཁྲོ་ཆེན་གཞན་གྱིས་མི་ཐུབ་ཅེས། །བྱ་བ་ཉིད་དང་ལྷ་མོ་ནི། །གཞན་གྱིས་མི་ཐུབ་མ་དང་ནི། །ས་བདག་ལག་ན་བུམ་པ་ཐོགས། །གུས་པར་ཡང་
200b
དག་གནས་པར་བྲི། །ཀླུ་ཆེན་དགའ་བོ་བསྙེན་དགའ་དག་།ཤཱཀྱ་སེངྒེ་སྐྱོབ་པ་ཡི། །སྒོ་དྲུང་གཉིས་སུ་མངོན་ཕྱོགས་པར། །རབ་ཏུ་བསྒྲིམས་ཏེ་བྲི་བར་བྱ། །གཞན་ཡང་ཤཱཀྱ་ཐུབ་པ་ཡིས། །རྒྱུད་རྣམས་ཀུན་ལས་དཀྱིལ་འཁོར་དུ། །སྔགས་དང་ཕྱག་རྒྱས་གང་བཤད་པ། །དེ་དག་ཀྱང་ནི་མཁས་པས་བྲི། །སྔགས་པ་དེ་ནས་ཕྱིར་བྱུང་ནས། །ཆ་གསུམ་པ་ནི་ངེས་པ་ལ། །རྡོ་རྗེ་དམ་པ་སྦྱིན་པ་ནི། །གུར་གུམ་ལྟ་བུའི་མདོག་ཅན་དེ། །སྤྱི་བོར་ཟུར་ཕུད་ལྔ་དང་ལྡན། །བྱིས་པ་གཞོན་ནུའི་གཟུགས་ཅན་ལ། །ུཏྤལ་སྔོན་པོ་རྡོ་རྗེ་ཅན། །ལག་པ་གཡོན་ན་ཐོགས་པ་སྟེ། །པདྨ་དཀར་པོའི་སྟན་ལ་འདུག་།རབ་ཏུ་འཛུམ་པ་བཞིན་དུ་གནས། །འོད་ཟེར་མཚན་ཉིད་བཟང་པོ་ཡིས། །ཀུན་ཏུ་འཁོར་བར་སྔགས་པས་བྲི། །དེ་ཡི་བྱང་དུ་གཞོན་ནུ་ནི། །དྲ་བའི་འོད་ཅན་ལག་པ་ན། །རིན་ཆེན་དྲ་བ་ཐོགས་པ་སྟེ། །སྣ་ཚོགས་པ་ཡི་རྒྱན་གྱིས་བརྒྱན། །པདྨ་དམར་པོའི་སྟན་ལ་འདུག་།རྒྱལ་བའི་སྲས་ལ་ལྟ་བར་བྲི། ། རྡོ་རྗེ་དམ་པ་སྦྱིན་པ་ཡི། །གཡོན་དུ་ཕོ་ཉ་མོ་ལྔ་བྲི། །སྐྲ་ཅན་དང་ནི་ཉེ་སྐྲ་ཅན། །སྣ་ཚོགས་མ་དང་ནོར་ཅན་མ། །དེ་བཞིན་འགུགས་མ་ཞེས་བྱ་བ། །འདི་དག་བློ་ལྡན་ཕོ་ཉ་མོ། །དེ་དག་གི་ནི་ཕ་ཟད་དུ། །ཕྱག་བརྙན་མ་ནི་ལྔ་རྣམས་དང ། །གཞོན་ནུ་དྲ་བའི་འོད་ཅན་གྱི། །འཁོར་གཉིས་པོ་ཡང་བྲི་བར་བྱ། །དེ་ནས་སྔགས་པས་ལྷོ་ཕྱོགས་སུ། །བྱང་ཆུབ་སེམས་དཔའ་གྲགས་ཆེན་པོ། །
201a
༄#། །སྒྲིབ་པ་ཐམས་ཅད་རྣམ་སེལ་གཙོ། །ཡིད་བཞིན་ནོར་བུ་ཐོགས་པར་བྲི། །དེ་ཡི་ཆ་གཉིས་བོར་ནས་ནི། །དཔའ་བོ་ངོ་མཚར་ཅན་དང་ནི། །སེམས་ཅན་ཀུན་ལ་མི་འཇིགས་སྦྱིན། །དན་སོང་ཐམས་ཅད་སྤོང་བ་དང ། །དེ་བཞིན་སྐྱོང་སེམས་བློ་གྲོས་དང ། །བློ་ཅན་སྙིང་རྗེས་གདུངས་པ་དང ། །བྱམས་པ་སྔོན་དུ་འབྱུང་བ་དང ། །གདུང་བ་ཐམས་ཅད་ཞི་བྱེད་དང ། ། དེ་བཞིན་བློ་གྲོས་བསམ་ཡས་ཏེ། །མཁས་པ་བརྒྱད་པོ་བྲི་བར་བྱ། །བྱང་གི་ཕྱོགས་སུ་སོང་ནས་ནི། །ས་ཡི་སྙིང་པོ་འབར་དང་བཅས། །བཟོད་དང་དེས་པ་ཕུན་ཚོགས་བྲི། །དེ་ཡི་སྟན་ནི་མཁས་པ་ཡིས། །འབྱུང་ཁུངས་ཀུན་དང་ལྡན་པ་ཡིས། །རིན་ཆེན་ཀུན་གྱིས་ཉེར་བརྒྱན་པ། །དེ་ཡི་སྟེང་ན་རིན་ཆེན་བཞིའི། །པདྨ་ཡང་དག་གནས་པ་ཡི། །ཡིད་དུ་འོང་བ་བསམ་བྱ་སྟེ། །བྱང་ཆུབ་སེམས་དཔའ་གྲགས་ཆེན་པོ། །དེ་ཡི་སྟེང་ན་འདུག་པར་བྲི། །དེ་ཡི་འཁོར་ནི་ཡོན་ཏན་སྒོ། །མཐའ་ཡས་ཤིན་ཏུ་གྲངས་མེད་དོ། །དེ་ཡི་ནང་ན་བྱང་ཆུབ་སེམས། །རིན་ཆེན་འབྱུང་གནས་རིན་ཆེན་ལག་།ས་འཛིན་ཉིད་དང་ལག་དང་ནི། །རིན་ཆེན་ཕྱག་རྒྱ་ཅན་དང་ནི། །ལྷག་པའི་བསམ་པ་བརྟན་པ་ཉིད། །གྲགས་ཆེན་འདི་དག་བྲི་བར་བྱ། །དེ་བཞིན་སྔགས་པས་ནུབ་ཕྱོགས་སུ། དཔའ་བོ་ནམ་མཁའི་སྙིང་པོ་ནི། །གཟི་བརྗིད་ཆེན་པོ་གོས་དཀར་གྱོན། །ལག་ན་རལ་གྲི་ཐོགས་བསམ་སྟེ། །རྒྱལ་སྲས་པདྨའི་སྟན་སྟེང་ན། །ལེགས་པར་འདུག་པ་བྲི་བར་བྱ། །བདག་ཉིད་
201b
ཆེན་པོ་དེ་འཁོར་དུ། །གྲགས་པ་དག་ཀྱང་བྲི་བར་བྱ། །དེ་འཁོར་དཔའ་བོ་ཆེན་པོ་ནི། །ནམ་མཁའ་དྲི་མེད་བློ་གྲོས་མཁའ། །བློ་གྲོས་རྣམ་དག་ཉིད་དང་ནི། །སྤྱོད་པ་ཡི་ནི་བློ་གྲོས་དང ། །བློ་བརྟན་པ་ཞེས་བྱ་བ་སྟེ། །དེ་དག་རབ་ཏུ་བསྒྲིམས་བྲི་ཞིང ། །རྟག་ཏུ་དཔའ་བོ་འདི་རྣམས་དང ། །ལྷན་ཅིག་གོ་རིམ་བཞིན་དུ་བསམ། །དེ་ནས་གསང་བ་པའི་བདག་པོ་ལག་ན་རྡོ་རྗེས་ཐམས་ཅད་དང་ལྡན་པའི་འཁོར་རྣམས་ལ་བལྟས་ནས་བཅོམ་ལྡན་འདས་རྣམ་པར་སྣང་མཛད་ལ་རིང་ཞིག་ཏུ་མིག་མི་འཛུམ་པར་བལྟས་ཏེ་ཆེད་དུ་གླེང་བ་འདི་གླེང་ཞིང་ཚིག་ཏུ་སྨྲས་པ། འཇིག་རྟེན་དུ་ནི་ཀུན་མཁྱེན་རྣམས། །ུ་དུམ་བཱ་རའི་མེ་ཏོག་བཞིན། །བརྒྱ་ལམ་ན་ནི་རེས་འགའ་ཞིག་།འབྱུང་འགྱུར་ཡང་ནི་མི་འབྱུང་ངོ ། །གསང་སྔགས་སྤྱོད་པའི་ཚུལ་འབྱུང་བ། །དེ་བས་ཀྱང་ནི་དཀོན་པ་སྟེ། །བསྐལ་པ་བྱེ་བ་དུ་མ་རུ། །སྡིག་པ་བགྱིད་པར་གྱུར་པ་གང ། །དེ་ཀུན་དཀྱིལ་འཁོར་འདི་འདྲ་བ། །མཐོང་བས་བྱང་བར་འགྱུར་ལགས་ན། །གྲགས་པ་མཐའ་ཡས་སྔགས་སྤྱད་པའི། །ཚུལ་ལ་གནས་ན་སྨོས་ཅི་དགོས། །སྐྱོབ་པའི་གསང་སྔགས་བཟླས་ན་ནི། །གོ་འཕང་བླ་ན་མེད་པར་འགྱུར། །གང་དག་སྤྱད་པ་མཆོག་འདི་ལ། །བློ་གྲོས་ཤིན་ཏུ་མི་གཡོ་བ། །དེ་དག་གིས་ནི་ངན་འགྲོའི་རྒྱུན། །སྡུག་བསྔལ་ཀུན་འབྱུང་རབ་ཏུ་བཅད། །དེའི་ཚེ་ཐམས་ཅད་དང་ལྡན་པའི་འཁོར་དེ་དག་དང ། རྡོ་རྗེ་འཇིན་དེ་དག་གིས་མགྲིན་གཅིག་ཏུ་མཐུན་པར་ཚིག་སྨྲས་པ། གསང་སྔགས་སྤྱོད་
202a
༄#། །པའི་དབང་གྱུར་པ། །དཔའ་བོ་ཆེན་པོ་ལེགས་སོ་ལེགས། །ཁྱོད་ཀྱི་ཡིད་ལ་གང་བསམ་པ། །མཉམ་མེད་ཐམས་ཅད་མཁྱེན་ལ་ཞུས། །སྔགས་རྒྱུད་རྟོགས་པར་ཤེས་བ་ཡི། །བྱང་ཆུབ་སེམས་དཔའ་གཞན་རྣམས་དང ། །སྔགས་སྤྱད་འབྲས་བུ་ལ་གནས་པ། །བདག་ཅག་ཐམས་ཅད་དབང་དུ་གྱུར། །དེ་ནས་ཡང་བཅོམ་ལྡན་འདས་ལ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །ཚོན་ཞེས་བགྱི་བ་དེ་གང་ལགས། །ཅི་སླད་འདིར་ནི་ཚོན་ཞེས་བགྱི། །ཚོན་ནི་ཇི་ལྟར་དགྱེ་བར་བགྱི། །གང་ཞིག་ཐོག་མར་གཏང་བར་བགྱི།། རྟ་བབས་རྣམས་དང་དེ་བཞིན་དུ། །སྒོ་ཁྱུད་རྣམས་ཀྱི་ཚད་དང་ནི། །སྒོ་ཡི་ཚད་ཀྱང་ཅི་འདྲར་བགྱི། །མགོན་པོ་ཡིས་ནི་བཤད་དུ་གསོལ། །ལྷ་བཤོས་མེ་ཏོག་བདུག་སྤོས་དང ། །བུམ་པ་རྣམས་ཀྱང་རྒྱས་པར་གསུངས། །སློབ་མ་ཇི་ལྟར་གཟུད་པ་དང ། །དེ་ནི་ཇི་ལྟར་དབང་བསྐུར་དང ། །བླ་མ་ལ་ནི་ཡོན་འབུལ་དང ། །སྦྱིན་སྲེག་གནས་ཀྱང་བདག་ལ་གསུངས། །གསང་སྔགས་མཚན་ཉིད་ཅི་འདྲ་ལགས། །ཏིང་ངེ་འཛིན་དུ་བཞེད་པ་གང ། །དེ་སྐད་གསོལ་ནས་བཅོམ་ལྡན་འདས། །ཆོས་ཀུན་དབང་ཕྱུག་ཐུབ་པ་ཡིས། །རྡོ་རྗེ་འཛིན་ལ་འདི་སྐད་གསུངས། ། ཡིད་གཅིག་ཏུ་ནི་ཚུར་ཉོན་ཅིག་།ཐེག་ཆེན་འབྲས་བུ་འབྱུང་བ་ཡི། །གསང་སྔགས་སྤྱོད་པའི་ཚུལ་གྱི་མཆོག་།སེམས་དཔའ་ཆེན་པོ་ཁྱོད་ཀྱིས་ནི། །གང་དག་དྲིས་པ་བཤད་པར་བྱ།
202b
སེམས་ཅན་ཁམས་ནི་ཞེན་བྱེད་ཅིང ། །འདི་ནི་ཆོས་དབྱིངས་རོ་ཡིན་པར། །སངས་རྒྱས་རྣམས་ཀྱིས་སྔོན་གསུངས་ཏེ། །དེ་ཕྱིར་འདི་ནི་ཚོན་ཞེས་བྱ། །ཚོན་ནི་ནང་ནས་དགྱེ་བར་བྱ། །ཕྱི་རོལ་ནས་ནི་ཚོན་མི་དགྱེ། །དཀར་པོ་ཐོག་མར་གཏང་བར་བྱ། །དེ་ཡི་འོག་ཏུ་དམར་པོ་སྟེ། །དེ་ནས་སེར་པོ་གཏང་བར་བྱ། །དེ་ཡི་འོག་ཏུ་ལྗང་གུ་གཏང ། །ཀུན་གྱི་ནང་རོལ་ནག་པོ་སྟེ། །ཚོན་གྱི་ཆོ་ག་དེ་ལྟར་བཤད། །རྟ་བབས་རྣམས་ཀྱི་ཚད་ཀྱང་ནི། །དཀྱིལ་འཁོར་དབུ་མ་དང་མཉམ་མོ། །སྒོ་ཁྱུད་དག་ཀྱང་དེ་དང་མཉམ། །པདྨ་སོར་བཅུ་དྲུག་ཏུ་བཤད། །དང་པོའི་སྒོ་ནི་སྙིང་པོ་ཡི། །དཀྱིལ་འཁོར་དང་ནི་མཉམ་ཞེས་བྱ། །འཇིགས་མེད་དག་གིས་རིམ་གྱིས་ནི། །བསྐྱེད་དེ་དེ་བས་ལྷག་ཤེས་བྱ། །སྒོ་རྣམས་ཀྱི་ནི་བར་བར་དུ། །སྒོ་སྲུང་རྣམས་ནི་གཞག་པར་བྱ། །ཏིང་ངེ་འཛིན་ནི་མདོར་ན་སེམས། །ཡང་དག་མགུ་བ་ཡིན་པར་བཤད། །སེམས་དཔའ་ཆེན་པོ་ཁྱད་པར་ནི། །ཡིད་གཅིག་བསྡུས་ལ་མཉན་པར་གྱིས། །སངས་རྒྱས་ཀུན་གྱི་ཏིང་འཛིན་ནི། །སྟོང་པ་ཉིད་ཅེས་རྒྱལ་བས་གསུངས། །དེ་ནས་སེམས་ཡོངས་ཤེས་པ་ལ། །ཐོབ་པར་འགྱུར་གྱི་གཞན་ལས་མིན། །དེ་དག་ཉིད་ནི་སྤངས་པ་སྟེ། །རྫོགས་སངས་རྒྱས་ཀྱི་ཡིན་པར་འདོད། །སྟོང་པ་ཆེན་པོ་ཞེས་བྱ་སྟེ། །ཀུན་མཁྱེན་ཡེ་ཤེས་རྫོགས་བྱེད་པའོ། །དེ་བས་རྣམ་པ་ཐམས་ཅད་དུ། །སྟོང་ཉིད་རྟག་ཏུ་དྲན་པར་བྱ། །དེ་ནས་བཅོམ་ལྡན་འདས་རྣམ་པར་སྣང་མཛད་སངས་རྒྱས་ཐམས་ཅད་དང་ཐབས་ཅིག་ཏུ་ཡང་དག་པར་མོལ་ནས་ཉན་ཐོས་
203a
༄#། །དང་རང་སངས་རྒྱས་རྣམས་དང ། བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་སོ་སོའི་ཚུལ་གསུངས་སོ། །དེའི་ཚེ་ཡང་སངས་རྒྱས་ཐམས་ཅད་དང་རྒྱུད་གཅིག་པའི་སྟོབས་ཀྱི་ཤུགས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་བཀའ་སྩལ་པ། བྱང་ཆུབ་སྙིང་པོར་འདུག་ནས་སུ། ། བདུད་ནི་རྣམ་པ་བཞི་བཅོམ་པས། །དེ་ནས་དཔའ་བོ་ཆེན་པོ་ཞེས། །ཚངས་པ་ལ་སོགས་ལྷ་ཚོགས་རྣམས། །འཇིགས་པ་ཐམས་ཅད་མེད་པའི་སྒྲ། །དགའ་བཞིན་དུ་ནི་སྒྲོག་པར་བྱེད། ། དེ་ཕྱིན་ཆད་ནི་ང་དགའ་བོ། །དཔའ་བོ་ཆེན་པོ་ཞེས་སུ་གྲགས། །སྐྱེ་བ་མེད་པར་ངས་རྟོགས་པ། །ཚིག་གི་སྤྱོད་ཡུལ་རྣམ་སྤངས་ཤིང ། །ཉེས་པ་ཐམས་ཅད་མེད་པ་སྟེ། །རྒྱུ་དང་རྐྱེན་དང་བྲལ་བ་ཡིན། ། སྟོང་པའི་ཡེ་ཤེས་མཁའ་འདྲ་བ། །མུན་པ་ཀུན་དང་བྲལ་གྱུར་ཅིང ། །ཤིན་ཏུ་དྲི་མེད་དེ་ཁོ་ན། །ཇི་ལྟར་འབྱུང་བ་ང་ལས་བྱུང ། །ཀུན་མཁྱེན་ཙམ་གྱི་ཚུལ་དུ་གནས། །ཀུན་མཁྱེན་སངས་རྒྱས་མཚན་ཉིད་དོ། །ང་ཡི་དེ་ཉིད་དམ་པ་འདི། །འཇིག་རྟེན་སྣང་བར་བྱེད་པ་སྟེ། །བྱིན་གྱི་རླབས་ཀྱི་སྟོབས་ཀྱིས་ནི། །ཡིག་འབྲུ་རྣམས་སུ་བསྟན་ནས་སུ། །སེམས་ཅན་རྣམས་ལ་སྙིང་བརྩེའི་ཕྱིར། ། ངས་ནི་ཐམས་ཅད་རབ་ཏུ་བཤད། །དེ་ནས་དཔལ་ལྡན་རྡོ་རྗེ་འཛིན། །ངོ་མཚར་གྱུར་ནས་མིག་གདངས་ཏེ། །ཐམས་ཅད་མཁྱེན་ལ་མགོ་བོ་ཡིས། །ཕྱག་འཚལ་ནས་ནི་ཚིག་འདི་སྨྲས། །སངས་
203b
རྒྱས་ཀུན་གྱི་ཐབས་དང་ནི། །ཤེས་རབ་བསམ་ཡས་ངོ་མཚར་ཆེ། །སྤྲོས་པ་ཀུན་དང་བྲལ་བ་ཡིས། །ཆོས་རྟོགས་ནས་ནི་རང་བྱུང་རྣམས། །འཇིག་རྟེན་ཀུན་གྱི་རེ་བ་ཀུན། །ཡོངས་སུ་རྫོགས་པར་བྱེད་པ་སྟེ། །གསང་སྔགས་མཚན་ཉིད་དེ་ལྟ་བུ། །བདེན་པ་གཉིས་ལ་ལེགས་གནས་པ། །སེམས་ཅན་ཀུན་གྱིས་ཤེས་ན་ནི། །འཇིག་རྟེན་གྱི་ནི་མཆོད་གནས་འགྱུར། །དེ་ནས་གསང་བ་པའི་བདག་པོ་ཕྱག་ན་རྡོ་རྗེས་ཚིགས་སུ་བཅད་པ་དེ་དག་གསོལ་ནས་བཅོམ་ལྡན་འདས་རྣམ་པར་སྣང་མཛད་ལ་མིག་མི་འཛུམ་པའི་ལྟ་བས་བལྟས་ནས་ཅད་མི་སྨྲ་བར་འདུག་གོ་།དེ་ནས་བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། གཞན་ཡང་བྱང་ཆུབ་སེམས་དཔའ་སྐྱེ་བ་གཅིག་གིས་ཐོགས་པ་སངས་རྒྱས་ཀྱི་ས་ལ་གནས་པ་རྣམས་ཀྱི་ཏིང་ངེ་འཛིན་གྱི་ཚུལ་ནི། དོགས་པ་དང་ནི་བྲལ་བ་རུ། །འཇིག་རྟེན་མཚན་ཉིད་ཤེས་ནས་ནི། །དགོས་པའི་ས་ལ་གནས་དེ་རྣམས། །སངས་རྒྱས་ས་ལ་གནས་པ་ཡིན། ། གསང་བ་པའི་བདག་པོ། གཞན་ཡང་བྱང་ཆུབ་སེམས་དཔའ་ས་བརྒྱད་པའི་དབང་ཕྱུག་རྣམས་ཀྱི་ཏིང་ངེ་འཛིན་གྱི་ཚུལ་ནི། ཆོས་རྣམས་ཐམས་ཅད་མི་དམིགས་ཤིང ། །སྲིད་དང་སྐྱེ་བ་རྣམ་སླངས་པའི། །འཇིག་རྟེན་སྒྱུ་མ་ལྟར་ཤེས་ནས། །འཇིག་རྟེན་འཇིག་རྟེན་དབང་དུ་འདོད། །གསང་བ་པའི་བདག་པོ། གཞན་ཡང་ཉན་ཐོས་དམིགས་པ་དང་བཅས་པའི་ས་ལ་གནས་པ་རྣམས་
204a
༄#། །སྐྱེ་བ་དང ། འཇིག་པར་རྟོགས་ནས་མཐའ་གཉིས་བཤིག་པས་རྒྱུ་མི་དམིགས་པའི་ཕྱིར་ཤིན་ཏུ་དངོས་པོ་མེད་པའི་ཡེ་ཤེས་མི་སྤྱོད་དེ། འདི་ནི། ཉན་ཐོས་རྣམས་ཀྱི་ཏིང་འཛིན་གྱི་ཚུལ། གསང་བ་པའི་བདག་པོ། རང་སངས་རྒྱས་རྒྱུ་དང་འབྲས་བུ་རྣམ་པར་བཤིག་ནས་བརྗོད་དུ་མེད་པའི་ཆོས་ཀྱི་ཚུལ་ལ་གནས་པ་རྣམས་ནི། ཆོས་ཐམས་ཅད་བརྗོད་དུ་མེད་དོ་སྙམ་པའི་ཡེ་ཤེས་འཇུག་སྟེ། དག་ཤིན་ཏུ་འགོག་པའི་ཏིང་ངེ་འཛིན་ལ་ཡང་དག་པར་རེག་པར་བྱེད་པ་འདི་ནི། རང་སངས་རྒྱས་རྣམས་ཀྱི་ཏིང་ངེ་འཛིན་གྱི་ཚུལ་ལོ། །གསང་བ་པའི་བདག་པོ།་གཞན་ཡང་འཇིག་རྟེན་པ་རྣམས་རྒྱུ་ལས་འབྲས་བུ་དང ། ལས་ལས་འབྱུང་བའམ་ལྡོག་པར་རྟོག་ཅིང ། །གཞན་གྱི་དབང་གིས་སྟོང་པ་ཉིད་ཀྱི་ཏིང་ངེ་འཛིན་ཀུན་ཏུ་སྐྱེ་བར་འགྱུར་ཏེ།་འདི་ནི། འཇིག་རྟེན་པ་རྣམས་ཀྱི་ཏིང་ངེ་འཛིན་གྱི་ཚུལ་ལོ། །གསང་བ་པའི་བདག་པོ། འདི་ནི་ཏིང་ངེ་འཛིན་གྱི་ཚུལ། །ཡིན་ཏེ་དེ་ལ་གནས་པ་ཡི། །སངས་རྒྱས་དང་ནི་རང་སངས་རྒྱས། ། བྱང་ཆུབ་སེམས་དཔའ་སྐྱོབ་རྣམས་དང ། །ཉན་ཐོས་དེས་པ་སྡིག་བཅོམ་པར། །གྲགས་པ་གང་དག་ཡིན་པ་དང ། །འཇིག་རྟེན་པ་ཡི་ལྷ་གང་ཡིན། །གསང་སྔགས་སྤྱད་པའི་ཆོ་གའི་ཚུལ།། སེམས་ཅན་རྣམས་ལ་ཕན་འདོད་པས། །དཔའ་བོ་དེ་ཚེ་འཆད་པར་བྱེད། །དེ་ནས་ཡང་བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་
204b
པོ།་གསང་སྔགས་རྣམས་ཀྱི་མཚན་ཉིད་ཉོན་ཅིག་།བཅོམ་ལྡན་འདས། དེ་ལྟར་འཚལ་ལོ། །ཞེས་གསོལ་ནས་བཅོམ་ལྡན་འདས་ལ་ཉན་པ་དང ། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། དེ་ལ། རྫོགས་སངས་རྒྱས་ཀྱི་གསང་སྔགས་ནི། །ཚིག་དང་མིང་དང་བརྡ་ཡིས་མཚན། །ཚིག་དེ་དབང་དུ་གྱུར་པས་ན། །གསང་སྔགས་དོན་རྣམས་ཐམས་ཅད་སྒྲུབ། །ཁ་ཅིག་སྐུལ་བའི་ཚིག་དང་ལྡན། །ཁ་ཅིག་རང་མིང་ཐོག་མར་སྨོས། །ཧཱུཾ་དང་ཕཊ་དང་ལྡན་པ་ནི། །གཙུག་ཏོར་རྣམས་ཀྱི་ཡིན་པར་བསྒྲགས། །ཟུངས་ཟོ་ཆོམས་ཤིག་ཅེས་པ་དང ། །སྣུན་སོང་དྲོལ་ཅིག་ཟེར་བ་ནི། །ཕྱག་བརྙན་རྣམས་དང་ཁྲོ་བོ་ཡི། །གསང་སྔགས་ཡིན་པར་འདྲེན་པས་གསུངས། །ན་མཿ ་སཝཱཧཱ། ལ་སོགས་ལྡན། །ཏིང་ངེ་འཛིན་ནི་རྟོགས་པས་མཚན། །ཞ་བིའི་ཡི་གེ་རྣམ་པར་དག་།རེ་བ་ཐམས་ཅད་རྫོགས་བྱེད་པའི། །གསང་སྔགས་སངས་རྒྱས་ཐམས་ཅད་དང ། །བྱང་ཆུབ་སེམས་དཔའ་སྐྱོབ་པའི་ཡིན། །ཉན་ཐོས་རྣམས་ཀྱི་གསང་སྔགས་ནི། །གཅིག་པུ་གཞི་ནི་གཅིག་ལ་གནས། །རང་སངས་རྒྱས་ཀྱིའང་དེ་བཞིན་ཏེ། །ཁྱད་པར་དག་ནི་བཤད་བྱ་ནི། །ཏིང་ངེ་འཛིན་གྱི་ཁྱད་པར་ལས། །ལས་ཚེ་རྣམ་པར་སྦྱོང་ཞེས་བྱ། །གསང་བ་པའི་བདག་པོ། གཞན་ཡང་གསང་སྔགས་རྣམས་ཀྱི་མཚན་ཉིད་ནི། སངས་རྒྱས་རྣམས་ཀྱིས་མ་བྱས། བྱེད་དུ་མ་བཅུག་།རྗེས་སུ་ཡི་རང་བ་མ་ཡིན་ནོ། །དེ་ཅིའི་ཕྱིར་ཞེ་ན། འདི་ནི། ཆོས་
205a
༄#། །རྣམས་ཀྱི་ཆོས་ཉིད་དོ། །དེ་ལྟར་དེ་བཞིན་གཤེགས་པ་རྣམས་བྱུང་ཡང་རུང ། མ་བྱུང་ཡང་རུང ། ཆོས་རྣམས་ཀྱི་ཆོས་ཉིད་དེ་ནི། ཡེ་ནས་གནས་པ་སྟེ། དེ་ཡང་འདི་ལྟར་གསང་སྔགས་རྣམས་ཀྱི་གསང་སྔགས་ཀྱི་ཆོས་ཉིད་དོ། །གསང་བ་པའི་བདག་པོ། དེ་ལ་གང་གི་ཚེ་ཡང་དག་པར་རྫོགས་པའི་སངས་རྒྱས་ཐམས་ཅད་མཁྱེན་པ། ཐམས་ཅད་གཟིགས་པ་འཇིག་རྟེན་དུ་བྱང་བ་དེའི་ཚེ་ཆོས་ཉིད་དེ་ཚུལ་སྣ་ཚོག་དང ། དགོངས་པ་སྣ་ཚོགས་ཀྱིས་སེམས་ཅན་བསམ་པ་སྣ་ཚོགས་པ་རྣམས་ལ་ཚིག་སྣ་ཚོག་སྡང ། ཡིག་འབྲུ་སྣ་ཚོགས་དང ། ཡུལ་གྱི་ངེས་པའི་ཚིག་ཏུ་བརྗོད་པ་སྣ་ཚོགས་དང ། དབྱངས་སྣ་ཚོགས་སུ་གོ་བ་རྣམས་སུ་བྱིན་གྱིས་བརླབས་ཏེ་གསང་སྔགས་ཀྱིས་ཚུལ་འཆད་དོ། །ཇི་ལྟར་ན་དེ་བཞིན་གཤེགས་པ་རྣམས་གསང་སྔགས་ཀྱི་ཚུལ་ཡིག་འབྲུ་དག་ཏུ་བྱིན་གྱིས་རློབ་ཅེ་ན། གསང་བ་པའི་བདག་པོ། དེ་ལ་དེ་བཞིན་གཤེགས་པ་རྣམས་ཀྱིས་བསྐལ་པ་བྱེ་བ་ཁྲག་ཁྲིག་བརྒྱ་སྟོང་དུ་མར་ཡང་དག་པར་བསྒྲུབས་པའི་བདེན་པའི་ཚིག་གང་ཡིན་པ་དང ། འཕགས་པའི་བདེན་པ་བཞི་དང ། དྲན་པ་ཉེ་བར་གཞག་པ་བཞི་དང ། རྫུ་འཕྲུལ་གྱི་རྐང་པ་བཞི་དང ། དེ་བཞིན་གཤེགས་པའི་སྟོབས་བཅུ་དང ། ཕ་རོལ་ཏུ་ཕྱིན་པ་དྲུག་དང ། བྱང་ཆུབ་ཀྱི་ཡན་ལག་རིན་པོ་ཆེ་བདུན་དང ། ཚངས་པའི་གནས་པ་བཞི་དང ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་གང་དག་
205b
ཡིན་པ་དང ། གསང་བ་པའི་བདག་པོ། མདོར་ན་དེ་བཞིན་གཤེགས་པ་རྣམས་ཀྱི་ཐམས་ཅད་མཁྱེན་པའི་ཡེ་ཤེས་གང་ཡིན་པ་དེ་ཐམས་ཅད་དེ་བཞིན་གཤེགས་པ་རྣམས་ཉིད་ཀྱི་བསོད་ནམས་དང ། ཡེ་ཤེས་ཀྱི་སྟོབས་དང ། སྣོང་གྱི་སྨོན་ལམ་མཁྱེན་པའི་སྟོབས་དང ། ཆོས་ཀྱི་དབྱིངས་ཀྱི་བྱིན་གྱི་རླབས་ཀྱི་སྟོབས་ཀྱིས་བྱིན་གྱིས་བརླབས་ནས་སེམས་ཅན་རྣམས་ལ་སྐལ་པ་ཇི་ལྟ་བ་བཞིན་དུ་གསང་སྔགས་ཀྱི་ཆོ་ག་ཡང་དག་པར་རབ་ཏུ་སྟོན་ཏོ། །གསང་སྔགས་ཀྱི་ཆོ་ག་དེ་ཡང་གང་ཞེ་ན། གཟོད་མ་ནས་མ་སྐྱེས་པའི་ཕྱིར་ཨ་ནི། ཆོས་ཐམས་ཅད་ཀྱི་སྒོ་འོ། །དགོངས་པ་དང་བྲལ་བའི་ཕྱིར་ཀ་ནི། ཆོས་ཐམས་ཅད་ཀྱི་སྒོ་འོ། །ནམ་མཁའ་དང་འདྲ་བར་དམིགས་སུ་མེད་པའི་ཕྱིར་ཁ་ནི། ཆོས་ཐམས་ཅད་ཀྱི་སྒོ་འོ། །འཆི་འཕོ་ཐམས་ཅད་དམིགས་སུ་མེད་པའི་ཕྱིར་ག་ནི། ཆོས་ཐམས་ཅད་ཀྱིས་གོ་འོ། །གཅིག་ཏུ་འཕུངས་པ་དམིགས་སུ་མེད་པའི་ཕྱིར་གྷ་ནི། ཆོས་ཐམས་ཅད་ཀྱི་སྒོ་འོ། །འཆི་འཕོ་ཐམས་ཅད་དང་བྲལ་བའི་ཕྱིར་ཙ་ནི། ཆོས་ཐམས་ཅད་ཀྱི་སྒོ་འོ། །གྲིབ་མ་ཐམས་ཅད་དང་མཚུངས་པའི་ཕྱིར་ཚ་ནི། ཆོས་ཐམས་ཅད་ཀྱི་སྒོ་འོ། །སྐྱེ་བ་དམིགས་སུ་མེད་པའི་ཕྱིར་ཛ་ནི། ཆོས་ཐམས་ཅད་ཀྱི་སྒོ་འོ། །དྲི་མ་དམིགས་སུ་མེད་བའི་ཕྱིར་ག་ནི། ཆོས་ཐམས་ཅད་ཀྱི་སྒོ་འོ། །ང་རྒྱལ་དམིགས་སུ་མེད་པའི་ཕྱིར་ཊ་ནི། ཆོས་ཐམས་ཅད་ཀྱི་སྒོ་འོ། །བསྐྱེད་པ་དམིགས་སུ་མེད་པའི་ཋ་ནི། ཆོས་ཐམས་ཅད་ཀྱི་སྒོ་འོ། །འཁྲུག་པ་
206a
༄#། །དམིགས་སུ་མེད་པའི་ཕྱིར་ཌ་ནི། ཆོས་ཐམས་ཅད་ཀྱི་སྒོའོ། །སླུ་བ་དང་ཡོངས་སུ་བྲལ་བའི་ཕྱིར་ཌྷ་ནི། ཆོས་ཐམས་ཅད་ཀྱི་སྒོའོ། །དེ་བཞིན་ཉིད་དམིགས་སུ་མེད་པའི་ཕྱིར་ཏ་ནི། ཆོས་ཐམས་ཅད་ཀྱི་སྒོའོ། །གནས་དམིགས་སུ་མེད་པའི་ཕྱིར་ཐ་ནི། ཆོས་ཐམས་ཅད་ཀྱི་སྒོའོ། །འདུལ་བ་དམིགས་སུ་མེད་པའི་ཕྱིར་ད་ནི། ཆོས་ཐམས་ཅད་ཀྱི་སྒོའོ། །ཁམས་དམིགས་སུ་མེད་པའི་ཕྱིར་དྷ་ནི། ཆོས་ཐམས་ཅད་ཀྱི་སྒོའོ། །དོན་དམ་པའི་བདེན་པ་དམིགས་སུ་མེད་པའི་ཕྱིར་པ་ནི། ཆོས་ཐམས་ཅད་ཀྱི་སྒོའོ། །དབུ་བ་འདྲ་བར་སྙིང་པོ་མེད་པའི་ཕྱིར་ཕ་ནི། ཆོས་ཐམས་ཅད་ཀྱི་སྒོའོ། །ངག་གི་ལམ་དང་བྲལ་བའི་ཕྱིར་བ་ནི། །ཆོས་ཐམས་ཅད་ཀྱི་སྒོའོ། །སྲིད་པ་ཐམས་ཅད་དམིགས་སུ་མེད་པའི་ཕྱིར་བྷ་ནི། ཆོས་ཐམས་ཅད་ཀྱི་སྒོའོ། །འཆི་བ་དམིགས་སུ་མེད་པའི་ཕྱིར་མ་ནི། ཆོས་ཐམས་ཅད་ཀྱི་སྒོའོ། །ཐེག་པ་ཆེན་པོ་ཐམས་ཅད་དམིགས་སུ་མེད་པའི་ཕྱིར་ཡ་ནི། ཆོས་ཐམས་ཅད་ཀྱི་སྒོའོ། །རྡུལ་ཐམས་ཅད་དང་བྲལ་བའི་ཕྱིར་ར་ནི། ཆོས་ཐམས་ཅད་ཀྱི་སྒོའོ། །མཚན་ཉིད་དམིགས་སུ་མེད་པའི་ཕྱིར་ལ་ནི། ཆོས་ཐམས་ཅད་ཀྱི་སྒོའོ། །རང་བཞིན་གྱིས་ཞི་བའི་ཕྱིར་ཤ་ནི། ཆོས་ཐམས་ཅད་ཀྱི་སྒོའོ། །རང་བཞིན་གྱིས་བེམ་པོའི་ཕྱིར་ཥ་ནི། ཆོས་ཐམས་ཅད་ཀྱི་སྒོའོ། །བདེན་པ་ཐམས་ཅད་དམིགས་སུ་མེད་པའི་ཕྱིར་ས་ནི། ཆོས་ཐམས་ཅད་ཀྱི་སྒོའོ། །རྒྱུད་དམིགས་སུ་མེད་
206b
པའི་ཕྱིར་ཧ་ནི། ཆོས་ཐམས་ཅད་ཀྱི་སྒོའོ། །གསང་བ་པའི་བདག་པོ། ང་དང ། ཉ་དང ། ཎ་དང ། ན་དང ། མ་ནི་ཏིང་ངེ་འཛིན་ཐམས་ཅད་ལ་དབང་སྒྱུར་བསྟེ། མཐུ་ཐམས་ཅད་དང་ལྡན་པ་རབ་ཏུ་མྱུར་བར་དགོས་པའི་དོན་རབ་ཏུ་སྒྲུབ་པར་བྱེད་པ་ཡིན་ནོ། །གསང་བ་པའི་བདག་པོ། གསང་སྔགས་ཀྱི་ཚུལ་ཏིང་ངེ་འཛིན་གྱི་སྒོ་འདི་ནི། རེ་བ་ཐམས་ཅད་ཡོངས་སུ་རྫོགས་པར་བྱེད་པ། དེ་བཞིན་གཤེགས་པ་ཐམས་ཅད་ཀྱི་རྣམ་པར་སྨིན་པའི་འབྲས་བུ་བསམ་གྱིས་མི་ཁྱབ་པ། རྣམ་པ་ཐམས་ཅད་ཀྱི་མཆོག་དང་ལྡན་པ། གསང་སྔགས་ཀྱི་དེ་ཁོ་ན་ཉིད་ཀྱི་དོན་ངེས་པ། དུས་གསུམ་ལས་ཤིན་ཏུ་འདས་པ། ནམ་མཁའ་ལྟར་དྲི་མ་མེད་པ་སྟེ། བསམ་ཡས་སེམས་ཀྱི་ས་ལ་གནས། །ལས་དང་བྱ་བ་དག་ལས་བྱུང ། །སྤྱད་པའི་ས་ནི་རྗེས་ཐོབ་ནས། །བསམ་ཡས་འབྲས་བུ་སྨིན་པར་བྱེད། ། འདི་ནི་དེ་ཉིད་དམ་པ་སྟེ། །སངས་རྒྱས་ཀུན་གྱིས་རབ་ཏུ་བསྟན། །གསང་སྔགས་ཆོ་ག་འདི་ཤེས་ན། །སྔགས་པས་དངོས་གྲུབ་ཐོབ་པར་འགྱུར། །སྒྲ་ཞེས་བྱ་བ་དེ་ཉིད་མཆོག་།གསང་སྔགས་རྣམས་ཀྱི་གསང་སྔགས་མཚན། །སྔགས་པས་ཡིད་ལ་སེམས་ན་ནི། །འཆི་འཕོ་མེད་པའི་གནས་འཐོབ་བོ། །དེ་ནས་ཡང་བཅོམ་ལྡན་འདས་ལ་གསང་བ་པའི་བདག་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་གསང་སྔགས་ཀྱི་མཚན་ཉིད་ཀྱི་ཚུལ་བསམ་གྱིས་མི་ཁྱབ་པའི་ཆོས་ཀྱི་རྣམ་གྲངས་བསྟན་པ་བཅོམ་ལྡན་འདས། ངོ་མཚར་ལགས་སོ། །དེ་ནི། ཉན་ཐོས་
207a
༄#། །དང་རང་སངས་རྒྱས་ཐམས་ཅད་དང་ཐུན་མོང་མ་ལགས་ཏེ། བཅོམ་ལྡན་འདས། གང་དག་གསང་སྔགས་ཀྱི་ཚུལ་འདི་ལ་དད་པའི་སེམས་ཅན་དེ་དག་ཀྱང་ཐུན་མོང་མ་ལགས་པའི་ཡོན་ཏན་དང་ལྡན་པར་འགྱུར་རོ། །བཅོམ་ལྡན་འདས། གཞན་ཡང་དཀྱིལ་འཁོར་གྱི་ཡོ་བྱད་ཀྱི་ཆོ་ག་བཤད་དུ་གསོལ། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །དེ་ནས་སྔགས་པ་དེ་ཡིས་སུ། །མེ་ཏོག་སེར་པོ་དཀར་པོ་དམར། །ཡིད་དུ་འོང་བས་ནན་ཏན་དུ། །ལྷ་རྣམས་ལ་ནི་མཆོད་པ་བྱས། །པདྨ་ཡང་ན་ཨུཏྤ་ལ། །ནཱ་ག་གེ་སར་བུན་ག་།ཙམ་པ་ཨ་ཤོ་ཏི་ལ་ཀ་།པ་ཏ་ལ་དང་ས་ལའང་རུང ། །དེ་ལ་སོགས་པའི་མེ་ཏོག་རྣམས། །ཡིད་དུ་འོང་ཞིང་བལྟ་ན་སྡུག་།བཀྲ་ཤིས་པ་ལ་སྔགས་པ་ཡིས། །མཁས་པས་ནན་ཏན་མཆོད་པ་བྱ། །ཙནྡན་ཏ་དཀར་སྤྲི་ཀ་དང ། །གུར་གུམ་དང་ནི་རུ་རྟའང་རུང ། །སྤོས་མཆོག་རབ་ཏུ་བཟང་པོ་ནི། །སྣ་ཚོགས་ཡིད་དུ་འོང་བ་དབུལ། ། ག་རུའམ་སྒྲོན་ཤིང་ངམ། །ག་བུར་དང་ནི་ཙནྡན་དང ། །སཱ་ལའི་ཐང་ཆུ་བཀྲ་ཤིས་པའམ། །ཤྲི་ར་བི་ས་ཀ་ཡང་རུང ། །གཞན་ཡང་བདུག་སྤོས་སྣ་ཚོགས་པ། །བཀྲ་ཤིས་འཇིག་རྟེན་རྣམ་པར་གྲགས། །ཡིད་འོང་སྔགས་པས་ཆོ་ག་བཞིན། །ལྷ་རྣམས་ལ་ནི་དབུལ་བར་བྱ། །དེ་ནས་གཞན་ཡང་སེམས་དཔའ་ཆེ། །ལྷ་བཤེས་ལས་ཀྱི་ཆོ་
207b
ག་ཉོན། །འོ་ཐུག་འབྲས་ཚན་ཞོར་སྦྱར་དང ། །ལ་དུ་དང་ནི་ཁུར་སྐྱ་དང ། །གོར་བྷོད་ཀ་ར་ཡིད་འོང་དང ། །ཁཎྜཱའི་བཅའ་བ་བཟང་པོ་དང ། །པུ་རི་ཀ་དང་ཀ་རི་ཀ་།དེ་བཞིན་མ་ཐུ་ཤི་ར་དང ། །ཕེ་ན་ཨ་ཤོག་བར་ཏི་དང ། །པར་པ་ཧ་ཡང་དབུལ་བར་བྱ། །དེ་ལ་སོགས་པའི་བཟའ་བ་དང ། །ཤིང་ཏོག་རྣམས་ནི་སྣ་ཚོགས་དང ། །ཧཝགས་དང་ལི་ཁ་ར་རྣམས་དང ། །བུ་རམ་སྦྲང་རྩི་མར་དག་དག་དང ། །བཏུང་བ་རྣམ་པ་སྣ་ཚོགས་དང ། །ཞོ་དང་འོ་མ་རྒྱས་པར་དབུལ། །མར་མེ་རྣམ་པ་སྣ་ཚོགས་པ། །གཙང་ཞིང་ཤིན་ཏུ་བཟང་པོ་ཡི། །འབྲུ་མར་རབ་ཏུ་དྲི་ཞིམ་པས། །རབ་ཏུ་བཀང་སྟེ་དབུལ་བར་བྱ། །ཕྱོགས་སུ་གདུགས་དང་བ་དན་རྣམས། །ཁ་དོག་སྣ་ཚོགས་རབ་ཏུ་བསྒྲགས། །རྟ་བབས་བཟང་པོ་རྣམས་ཀྱང་ནི། །དྲིལ་བུ་དང་བཅས་རབ་ཏུ་དབུལ། །ཡང་ན་ཡིད་ཀྱི་མཆོད་པ་ནི། །ཐམས་ཅད་ནན་ཏན་བསྐྱེད་དེ་བྱ། །དེ་ནས་བུམ་པ་བརྒྱད་དམ་ནི། །བཅུ་དྲུག་རྒྱས་པར་བླངས་ནས་སུ། །སྨན་དང་རིན་ཆེན་ཐམས་ཅད་བླུགས། །སྤོས་ཀྱི་ཆུས་ནི་རབ་ཏུ་བཀང ། །ལྡུམ་བུ་དག་གིས་ཁ་བརྒྱན་ཏེ། །དེ་བཞིན་འབྲས་བུས་ཁ་ཡང་དགང ། །མེ་ཏོག་སྤོས་ལ་སོགས་པས་བརྒྱན། །ཤིན་ཏུ་བཟང་པོ་སྲུང་བ་བྱས། །མགྲིན་པ་རས་ཀྱིས་བཅིངས་པ་རྣམས། །མཁས་པས་རྣམ་པར་དགོད་པར་བྱ། །ལྷ་ཡི་གཙོ་བོ་རྣམས་ལ་ནི། །རས་ནི་ཟུང་རེ་ཟུང་རེ་དབུལ། །སེམས་དཔའ་ཆེན་པོ་ཕལ་པ་རྣམས་ལ། །ཡ་རེ་དབུལ་བར་རབ་ཏུ་བསྒྲགས། །མཆོད་པ་དེ་ལྟར་བྱས་
208a
༄#། །ནས་ནི། །སློབ་མ་དཀྱིལ་འཁོར་དྲུང་བཀུག་སྟེ། །སྔགས་པས་ཆུ་ཡིས་བསང་གཏོར་བྱ། །དྲི་དང་མེ་ཏོག་སྦྱིན་པར་བྱ། །དེ་བཞིན་གཤེགས་པ་དྲན་བྱས་ནས། །བྱང་ཆུབ་སེམས་ཀྱང་འཛིན་དུ་གཞུག་།དེ་ནས་རྒྱལ་བའི་རིགས་དགེ་ལ། །ཐམས་ཅད་རབ་ཏུ་སྐྱེ་བར་འགྱུར། །ཆོས་ཀྱི་དབྱིངས་ལས་བྱུང་བ་ཡི། །ཕྱག་རྒྱ་དེ་དག་རྣམས་ལ་བཅིང ། །ཆོས་ཀྱི་འཁོར་ལོ་འང་བཅིངས་ནས་ནི། །རྡོ་རྗེ་སེམས་དབས་བྱིན་གྱིས་བརླབས། །དེ་ནས་སངས་རྒྱས་ཀུན་གྱི་ནི། །དམ་ཚིག་སྡོམ་བརྩོན་ཅན་གྱིས་བཅིངས། །དེ་ཚེ་སྔགས་ཀྱི་ཆོ་ག་བཞིན། ། རས་ལ་ལན་གསུམ་གདབ་པར་བྱ། །སྙིང་རྗེར་གྱུར་པའི་ཡིད་ཀྱིས་སུ། །དེ་དག་གི་ནི་གདོང་ཡང་དག་།དམ་ཚིག་ལན་གསུམ་བཟླས་ནས་ནི། །སྤྱི་བོར་ཡི་གེ་ར་ཞེས་པ། །ཀླད་ཀྱི་གོར་བཅས་བརྗིད་དང་ལྡན། །འབར་བའི་ཕྲེང་བ་རྣམ་པར་འཕྲོ། །ཟླ་བ་འཆར་ཀ་ལྟ་བུ་ཡི། །ཁ་དོག་དཀར་པོ་གཞག་པར་བྱ། །སྐྱོབ་པ་ཀུན་གྱི་སྤྱན་སྔར་ནི། །དེ་ནས་མེ་ཏོག་འདོར་དུ་གཞུག་།མེ་ཏོག་གང་ལ་བབ་དེ་ནི། །སྔགས་པས་དེ་ལ་སྦྱིན་པར་བྱ། །དཀྱིལ་འཁོར་དང་པོའི་སྒོ་ཡི་དྲུང ། །སྒོ་ཁྱུད་ཀྱི་ནི་དབུས་ཀྱི་ཆ། །དཀྱིལ་འཁོར་གྱི་ན་སྒོ་གཉིས་ཀྱི། །བར་དུ་སློབ་མ་གཟུང་བར་བྱ། །དེར་གནས་པ་ལ་ཆོ་ག་ཀུན། །རིམ་པ་བཞིན་དུ་ལེགས་པར་བྱ། །སློབ་མ་སྡིག་དང་བྲལ་བ་ཀུན། །དེ་ལྟར་ལེགས་པར་བཅུག་ནས་ནི། །དེ་དག་ཞི་བར་བྱང་བའི་ཕྱིར། །སྦྱིན་སྲེག་ཆོ་ག་བཞིན་དུ་བྱ། །སྙིང་
208b
པོའི་དཀྱིལ་འཁོར་གྱི་ནི་མདུན། །དཀྱིལ་འཁོར་གཉིས་པའི་རྒྱབ་རོལ་གྱི། །དཀྱིལ་འཁོར་གྱི་ནི་དབུས་ཀྱི་ཆར། །མ་ཡེངས་པ་ཡི་སེམས་ཀྱིས་བྱ། །མེ་ཐབ་ཁྲུ་གང་ཙམ་གྱི་ནི། །ཚད་དུ་རབ་ཏུ་བསྒྲགས་པ་ཡིན། །ཁ་རན་སོར་བཞིའི་ཚད་དུ་བྱ། །དབུས་སུ་རྡོ་རྗེ་རབ་ཏུ་བརྟག་།དེ་ནས་སྔགས་པའི་གཡས་ལོགས་སུ། །སྦྱིན་སྲེག་གི་ནི་ཡོ་བྱད་གཞག་།གཡོན་གྱི་ཕྱོགས་སུ་སློབ་མ་རྣམས། །ཙོག་ཙོག་པོར་ནི་འཁོར་དུ་གཞུག་།སྔོམ་བརྩོན་བདག་ཉིད་ས་སྟེང་དུ། །ཀུ་ཤ་བཏིང་བའི་སྟན་ལ་འདུག་།ཡང་ན་ཚོན་རྩི་དཀར་པོ་མཆོག་།རབ་ཏུ་བཟང་པོ་བླངས་ནས་སུ། །དེ་ཡིས་མི་ཡི་གནས་རྣམས་ཀུན། །སྔགས་པས་མདོ་རུ་བྲི་བར་བྱ། །ཀུ་ཤ་དག་གིས་གཡས་ཕྱོགས་ནས། །ཐམས་ཅད་ཁོར་ཡུག་དགམ་པ་ནི། །མང་པོས་བསྐོར་བའི་ཚུལ་དུ་དགྲམ། །སྤོས་ཀྱི་ཆུ་ཡིས་བསང་གཏོར་བྱ། །དེ་ནས་སེམས་ཅན་ཕན་བྱེད་པའི། །མེ་ནི་ཐབ་ཁུང་ནང་བསམས་ནས། །བརྟུལ་ཞུགས་བཟང་པོས་དགང་ལུགས་མཆོག་།གསང་སྔགས་འདི་ཡིས་སྦྱིན་པར་བྱ། །ན་མཿ ་ས་མནྟ་བུདྡྷ་ནཱཾ། ཨགྣ་ཡེ་སཝཱཧཱ། དེ་ནས་སློབ་མ་རེ་རེ་ནས། །མཁས་པའི་ལག་པ་གཡོན་པ་ཡིས། །གཡས་པའི་མཐེ་བོང་བཟུང་ནས་སུ། །མཉམ་པར་གཞག་པས་སྦྱིན་སྲེག་བྱ། །ཡིད་ནི་མཉམ་པར་བཞག་ནས་སུ། །སྲེག་བླུགས་རེ་རེ་ལས་ཀྱང་ནི། །གསང་སྔགས་ཆོ་ག་བཞིན་ཟློས་ཤིང ། །ཉི་ཤུ་རྩ་གཅིག་སྦྱིན་སྲེག་བྱ། །ན་མཿ ས་མནྟ་བུདྡྷ་ནཱཾ། ཨོཾ་མཧཱ་ཤཱིནྟ་ག་ཏཱ་ཤནྟི་ཀ་ར་པྲ་ཤ་མ་
209a
༄#། །དྷརྨ་ནིར་ཛཱ་ཏ། ཨ་བྷཱ་བ་སཝ་བྷཱ་བ་དྷརྨ་ས་མ་ཏཱ་པྲཱཔྟེ་སཝཱཧཱ། སྦྱིན་སྲེག་རྗེས་ལ་སྔགས་པ་ཡིས། །སློབ་མ་རྣམས་ལ་ཡོན་བསླང་བ། །གསེར་དང་དངུལ་དང་རིན་ཆེན་དང ། །རྟ་དང་དེ་བཞིན་གླང་པོ་དང ། །རྔ་མ་པ་དང་མ་ཧེ་གོས། །གཞན་ཡང་དངོས་པོ་ཅི་ཡང་རུང ། །དེ་ཚེ་སློབ་མས་གུས་པར་ནི། །དད་པ་རབ་ཏུ་ལྡན་པ་ཡིས། །སེམས་ལ་དགའ་བ་བསྐྱེད་ནས་སུ། །བླ་མ་ལ་ནི་ཡོན་དབུལ་ལོ། །ཡང་ན་ཅི་ནས་བླ་མ་དེ། །རབ་ཏུ་མགུ་བར་འགྱུར་བར་བྱ། །དེ་ལྟར་བྱས་ནས་བདག་བསྲུངས་ཏེ། །སློབ་མ་དེ་བོས་བསྒོ་བ་ནི། །འདི་ནི་བསོད་ནམས་ཞིང་ཡིན་ཞེས། །སེམས་ཅན་ཀུན་གྱི་དོན་གྱི་ཕྱིར། །སྐྱོབ་པ་རྣམས་ནི་ཀུན་གྱིས་གསུངས། །རྣམ་དག་ཡོན་ཏན་རྒྱས་པ་ཡི། །དགེ་འདུན་ལ་ནི་ཀུན་གྱིས་བྱིན། །དགེ་འདུན་ལ་ཕུལ་འབྲས་བུ་ཆེ། །སྐྱེས་བུ་མཁས་པ་གང་དག་གིས། །དགེ་འདུན་ལ་ནི་ཡོན་ཕུལ་ན། །ལོངས་སྤྱོད་ཆེན་པོ་མི་ཟད་པ། །འཇིག་རྟེན་པ་ལ་སྐྱེ་པར་འགྱུར། །དེ་བས་ཐམས་ཅད་མཐུན་པར་ནི།། སེམས་དཔའ་དགའ་བ་བསྐྱེད་ནས་སུ། །སངས་རྒྱས་བསྔགས་པའི་དགེ་འདུན་ལ། །ཅི་ནུས་པར་ནི་མཆོད་སྟོན་བྱ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་བཀའ་སྩལ་པ། སེམས་དཔའ་ཆེན་པོ་དབང་བསྐུར་བ། །སྔོན་གྱི་སངས་རྒྱས་ཀྱིས་བཤད་པ། །རྒྱས་པ་རུ་ནི་བཤད་པར་བྱའི། །ཡིད་གཅིག་
209b
བསྡུས་ཏེ་ལེགས་པར་ཉོན། །གསང་བ་པའི་བདག་པོ། དེ་ལ་སློབ་དཔོན་གྱིས་རྩ་བའི་དཀྱིལ་འཁོར་གྱི་མདུན་དུ་བར་ཁྲུ་དོ་བོར་ནས་ཕྱི་རོལ་གྱིས་ལ་དཀྱིལ་འཁོར་གཉིས་པ་གྲུ་བཞི་བ་ལ་སྒོ་གཅིག་པ་བྲི་བར་བྱའོ། །གྲཝ་བཞིར་རྡོ་རྗེ་འཛིན་པ་བཞི་དགོད་དེ། བཞི་གང་ཞེ་ན། འདི་ལྟ་སྟེ། སྤྲོས་པ་མེད་པར་གནས་པ་དང ། ནམ་མཁའ་དྲི་མ་མེད་པ་དང ། དྲི་མ་མེད་པའི་མིག་དང ། གོས་སྣ་ཚོགས་གྱོན་པ་རྣམས་སོ། །དབུས་སུ་པདྨ་ཆེན་པོ་འདབ་མ་བརྒྱད་པ་ཟེ་བ་དང་བཅས་པ་བཞག་སྟེ་འདབ་མ་བཞི་ལ་བྱང་ཆུབ་སེམས་དཔའ་གྲོགས་སུ་གྱུར་པ། སྔོན་གྱི་སྨོན་ལམ་གྱི་མཐུ་ཅན་དུ་གྱུར་པ་བཞི་བྲི་བར་བྱ་སྟེ། འདི་ལྟ་སྟེ། གཟུངས་ཀྱི་དབང་ཕྱུག་རྒྱལ་པོ་དང ། དྲན་པ་དང་ཤེས་བཞིན་ཅན་དང ། ཕན་པའི་ལྷག་པའི་བསམ་པ་ཅན་དང ། སྙིང་རྗེ་ཅན་ནོ། །འདབ་མ་གཞན་རྣམས་ལ་ནི། ཕྱག་བརྙན་བཞི་བྲི་སྟེ། བཞི་གང་ཞེ་ན། འདི་ལྟ་སྟེ། སེམས་ཀྱི་ཁྱད་པར་ལ་སྤྱོད་པ་དང ། འདོད་པ་ཡོངས་སུ་རྫོགས་བྱེད་དང ། མ་ཆགས་པ་དང ། རྣམ་པར་གྲོལ་བའོ། །དབུས་སུ་ནི། ཆོས་ཀྱི་དབྱིངས་བསམ་གྱིས་མི་ཁྱབ་པའི་གཟུགས་གཞག་གོ་།དེ་ནས་རིན་པོ་ཆེའི་བུམ་པ་བཞི་རིན་པོ་ཆེ་དང་སྨན་ཐམས་ཅད་བླུགས་པ། ཀུན་ཏུ་བཟང་པོ་དང ། བྱམས་པ་དང ། སྒྲིབ་པ་ཐམས་ཅད་རྣམ་པར་སེལ་བ་དང ། ངན་སོང་ཐམས་ཅད་བོང་བ་རྣམས་ཀྱིས་བྱིན་གྱིས་བརླབས་པས་སྤྱི་བོ་ནས་དབང་བསྐུར་རོ། །པདྨ་འདབ་མ་དེ་ལ་ནི། །སྔགས་པ་བདག་གིས་དེ་བཞག་ནས། །སྤོས་
210a
༄#། །དང་མེ་ཏོག་གིས་མཆོད་དེ། །མར་མེ་མཆོད་ཡོན་སྦྱིན་པར་བྱ། །གདུགས་དང་རྒྱལ་མཚན་བ་དན་དང ། །རྔ་སྒྲ་ཡིད་དུ་འོང་བ་དང ། །བཀྲ་ཤིས་རྒྱ་ཆེན་སྙན་པོ་ཡིས། །ཚིག་གིས་ལེགས་པར་མངོན་དགར་བྱ། །སྐྱོབ་པ་རྣམས་ཀྱི་སྤྱན་སྔ་རུ། །དེ་ནི་བསྒྲིམས་ཏེ་དབང་བསྐུར་རོ། །སྤོས་དང་མེ་ཏོག་བཟང་པོ་ཡིས། །དེ་ལ་ཡང་ནི་མཆོད་པ་བྱ། ། དེ་ནས་གསེར་གྱི་ཐུར་མ་ནི། །ཐོགས་ཏེ་མདུན་དུ་འདུག་ནས་སུ། །སློབ་མའི་སྙིང་ལ་དབབ་པའི་ཚིག་།འདི་སྐད་ཅེས་ནི་སྨྲ་བར་བྱ། །སྔོན་གྱི་མིག་མཁན་རྒྱལ་པོ་ཡིས། །འཇིག་རྟེན་ལིང་ཏོག་བསལ་བ་བཞིན། །བུ་ཁྱོད་ཀྱི་ནི་མི་ཤེས་པའི། །ལིང་ཏོག་རྒྱལ་བ་རྣམས་ཀྱིས་བསལ། །དེ་ནས་མེ་ལོང་བླངས་ནས་སུ། །ཆོས་ཀྱི་མཚན་ཉིད་བཤད་པར་བྱ། །ཆོས་རྣམས་གཟུགས་བརྙན་ལྟ་བུ་སྟེ། །དྭངས་ཤིང་དག་ལ་རྙོག་པ་མེད། །གཟུང་དུ་མེད་ཅིང་བརྗོད་དུ་མེད། །རྒྱུ་དང་ལས་ལས་བྱུང་བ་སྟེ། །ངོ་བོ་ཉིད་མེད་གནས་མེད་པ། །དེ་ལྟར་ཆོས་འདི་ཤེས་ནས་སུ། །སེམས་ཅན་དོན་ནི་མཉམ་མེད་བྱོས། །འོན་ཀྱང་སངས་རྒྱས་སྲས་སུ་སྐྱེས། །དེ་ནས་རྐང་པའི་བར་འོག་ཏུ། །ཆོས་ཀྱི་འཁོར་ལོ་གཞག་པར་བྱ། །དེ་ནས་ལག་པ་གཡས་པར་ཡང ། །ཤིན་ཏུ་བཟང་པོའི་དུང་བྱིན་ཏེ། །ཆོས་ཀྱི་དུང་ནི་བླ་མེད་པ། །ཀུན་ཏུ་རྒྱས་པར་བུས་ནས་སུ། །དེ་རིང་ཕྱིན་ཆད་འཇིག་རྟེན་ལ། །སྐྱོབ་པ་རྣམས་ཀྱི་འཁོར་ལོ་བསྐོར། །སོམ་ཉི་ཡིད་གཉིས་མི་བྱ་
210b
ཞིང ། །དོགས་པ་མེད་པའི་སེམས་ཀྱིས་ཁྱོད། །གསང་སྔགས་སྤྱད་པའི་ཚུལ་གྱི་མཆོག་།འཇིག་རྟེན་འདི་ལ་རབ་ཏུ་ཤོད། །དེ་ལྟར་བྱས་ན་སངས་རྒྱས་ལ། །ཕན་ཐོགས་བྱས་པ་གཟོ་ཞེས་བྱ། །རྡོ་རྗེ་འཛིན་པ་དེ་ཀུན་ཡང ། །ཁྱོད་ལ་རྣམ་པ་ཀུན་ཏུ་སྲུང ། །དེ་ནས་སློབ་མ་དེ་བསླང་ལ། །སྔགས་པ་སྙིང་རྗེར་ལྡན་གྱུར་པའི། །ཡིད་ཀྱིས་ནང་དུ་བཅུག་ནས་ནི། །དེ་ལ་དམ་ཚིག་བསྟན་པར་བྱ། །དེ་རིང་ཕྱིན་ཆད་བུ་ཁྱོད་ཀྱིས། །དམ་པའི་ཆོས་དང་བྱང་ཆུབ་སེམས། །སྲོག་གི་ཕྱིར་ཡང་དེ་ཕྱིན་ཆད། །ཡོངས་སུ་གཏང་བར་མི་བྱ་འོ། །ཁྱོད་ཀྱིས་སེར་སྣ་དང་ནི་གང ། །སེམས་ཅན་གནོད་པ་མི་བྱ་འོ། །དམ་ཚིག་འདི་དག་སངས་རྒྱས་ཀྱིས། །བརྟུལ་ཞུགས་བཟང་པོ་ཁྱོད་ལ་བཤད། །ཇི་ལྟར་རང་གི་སྲོག་སྲུང་བ། །དེ་ལྟར་ཁྱོད་ཀྱིས་འདི་དག་སྲུངས། །སློབ་མས་བླ་མའི་རྐང་པ་ལ། །དད་ཅིང་གུས་པར་ཕྱག་བྱས་ནས། །ཤིན་ཏུ་ངེས་པའི་ཡིད་ཀྱིས་ནི། །དེ་དག་ཐམས་ཅད་ཁས་བླང་ངོ ། །དེ་ནས་བཅོམ་ལྡན་འདས་ལ་གསང་བ་པའི་བདག་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས། རིགས་ཀྱི་བུ་འམ་རིགས་ཀྱི་བུ་མོ་གང་སྙིང་རྗེ་ཆེན་པོའི་སྙིང་པོ་འབྱུང་བའི་དཀྱིལ་འཁོར་གྱི་རྒྱལ་པོ་ཆེན་པོ་འདིའི་དམ་ཚིག་ལ་ཞུགས་པར་གྱུར་པ་དེའི་བསོད་ནམས་ཇི་ཙམ་ཞིག་མངོན་པར་འདུས་བགྱིས་པར་རིག་པར་བགྱི། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་
211a
༄#། །འདི་སྐད་ཅེས་བཀའ་སྩལ་ཏོ། །སེམས་དང་པོ་བསྐྱེད་པ་ནས་ཉེ་བར་བཟུང་སྟེ་དེ་བཞིན་གཤེགས་པ་ལས་བྱུང་བའི་བསོད་ནམས་མངོན་པར་འདུས་བྱས་པ་ཇི་ཙམ་དེ་རིགས་ཀྱི་བུའམ་རིགས་ཀྱི་བུ་མོ་དེ་དག་གིས་བསོད་ནམས་མངོན་པར་འདུས་བྱས་པ་ཡང་དེ་ཙམ་དུ་རིག་པར་བྱའོ། །གསང་བ་པའི་བདག་པོ། རྣམ་གྲངས་འདིས་ཀྱང་ཁྱོད་ཀྱིས་འདི་ལྟར་རིག་པར་བྱ་སྟེ། རིགས་ཀྱི་བུ་དང ། རིགས་ཀྱི་བུ་མོ་དེ་དག་ནི། དེ་བཞིན་གཤེགས་པའི་ཞལ་དང་ཐུགས་ལས་སྐྱེས་པའི་སྲས་ཡིན་པར་རིག་པར་བྱ་འོ། །རིགས་ཀྱི་བུ་དང ། རིགས་ཀྱི་བུ་མོ་དེ་དག་ཕྱོགས་གང་ན་གནས་པ་དེར་དེ་བཞིན་གཤེགས་པ་དེས་ཆེན་པོ་དགོངས་མི་དགོས་པར་འགྱུར་རོ། །གསང་བ་པའི་བདག་པོ། དེ་ལྟ་བས་ན། དེ་བཞིན་གཤེགས་པ་ལ་མཆོད་པར་འདོད་པའི་རིགས་ཀྱི་བུ་དང ། རིགས་ཀྱི་བུ་མོ་རྣམས་ཀྱིས་དེ་དག་ལ་མཆོད་པར་བྱ་འོ། །དེ་བཞིན་གཤེགས་པ་ལ་བལྟ་བར་འདོད་པ་རྣམས་ཀྱིས་དེ་དག་ལ་བལྟ་བར་བྱ་འོ། །དེ་ནས་ཕྱག་ན་རྡོ་རྗེ་ལ་སོགས་པ་རྡོ་རྗེ་འཛིན་དེ་དག་དང ། ཀུན་ཏུ་བཟང་པོ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་རྣམས་ཀྱིས་མགྲིན་གཅིག་ཏུ་ཚིག་སྨྲས་པ། བཅོམ་ལྡན་འདས། དེང་སླན་ཆད་རིགས་ཀྱི་བུ་དང ། རིགས་ཀྱི་བུ་མོ་དེ་རྣམས་ལ་རིམ་གྲོར་བགྱི་ཞིང་མཆོད་པར་བགྱི་འོ། །བཅོམ་ལྡན་འདས། དེ་ཅིའི་སླད་དུ་ཞེ་ན།
211b
རིགས་ཀྱི་བུ་དང ། རིགས་ཀྱི་བུ་མོ་དེ་དག་ཉིད་སངས་རྒྱས་བཅོམ་ལྡན་འདས་རྣམས་སུ་བལྟ་བར་བགྱི་བ་ལགས་སོ། །དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་ཐམས་ཅད་དང་ལྡན་པའི་འཁོར་དེ་དག་ལ་གཟིགས་ནས་གསང་བ་པའི་བདག་པོ་ཕྱག་ན་རྡོ་རྗེ་དང ། རྡོ་རྗེ་འཛིན་དེ་རྣམས་དང ། ཐམས་ཅད་དང་ལྡན་པའི་འཁོར་རྣམས་ལ་བཀའ་སྩལ་པ། རིགས་ཀྱི་བུ་དག་།དེ་བཞིན་གཤེགས་པ་རྣམས་ཀྱི་གསང་སྔགས་ཀྱི་ཚིག་\?\་གསུམ་གྱི་འཁོར་ལོའི་དཀྱིལ་འཁོར་མཐའ་ཡས་པར་འཇུག་པ། རྒྱ་ཆེན་པོ་ལས་བྱུང་བ་སྣ་ཚོགས་ཀྱི་གཟུགས་ཀྱི་ནོར་བུ་དང་འདྲ་བ།་རེ་བ་ཐམས་ཅད་ཡོངས་སུ་རྫོགས་པར་བྱེད་པ། བསོད་ནམས་ཀྱི་ཚོགས་དཔག་ཏུ་མེད་པ་བསགས་པ། ཐོགས་པ་མེད་པའི་རྟོགས་པ་ལ་གནས་པ། དུས་གསུམ་དུ་ཆགས་པ་མེད་པའི་སྟོབས་དང་ལྡན་པའི་གསང་སྔགས་ཀྱི་ཚིག་འདི་དག་ཡོད་དོ། །དེ་སྐད་ཅེས་བཀའ་སྩལ་པ་དང ། གསང་བ་པའི་བདག་པོ་ཕྱག་ན་རྡོ་རྗེ་དང ། རྡོ་རྗེ་འཛིན་དེ་རྣམས་དང ། ཐམས་ཅད་དང་ལྡན་པའི་འཁོར་དེ་དག་གིས་མགྲིན་གཅིག་ཏུ་ཚིག་ཏུ་སྨྲས་པ། བཅོམ་ལྡན་འདས། དེའི་དུས་ལ་བབ་བོ། །བདེ་བར་གཤེགས་པ། དེའི་ཚོད་ལ་བབ་བོ། །དེ་ནས་བཅོམ་ལྡན་འདས་ཀྱིས་དེའི་ཚེ་ལྗགས་ཀྱི་དབང་པོ་འདོད་པ་ཐམས་ཅད་ཡོངས་སུ་རྫོགས་པར་རྣམ་པར་སྤྲུལ་བས་ཐམས་ཅད་དང་ལྡན་པའི་སངས་རྒྱས་ཀྱི་ཞིང་ཀུན་ཏུ་གཡོགས་ནས་ཆོས་ཀྱི་རྒྱལ་མཚན་གྱི་ཏོག་
212a
༄#། །རྒྱ་ཆེན་པོ་ཡོངས་སུ་དག་པའི་རྩེ་མོ་ལ་ལྟ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ་དེ་ནས་འདི་ལྟར་དེ་བཞིན་གཤེགས་པ་ཐམས་ཅད་ཀྱིས་ཆོས་ཀྱི་དབྱིངས་ཁྱབ་པ། སེམས་ཅན་གྱི་ཁམས་མ་ལུས་པ་རྣམས་ཡོངས་སུ་སྐྱོབ་པའི་སྒྲ་འབྱིན་པ། རིག་སྔགས་ཀྱི་རྒྱལ་མོ་སྟོབས་ཆེན་པོ་སྲུང་བ་ཆེན་མོ་འདི་གསུངས་སོ། །ན་མཿ ་སརྦྦ་ཏ་ཐཱ་ག་ཏེ་བྷྱཿ ་སརྦྦ་བྷ་ཡ་བི་ག་ཏེ་བྷྱོ་བི་ཤཝ་མུ་ཁེ་བྷྱཿ ་སརྦྦ་ཐཱ་ཁཾ་རཀྵ་མ་ཧཱ་བ་ལེ་སརྦྦ་ཐཱ་ག་ཏེ་པུ་ཎྱ་ནི་རྫ་ཏེ། ཧཱུཾ་ཧཱུཾ་ཏྲ་ཏ་ཏྲ་ཏ་ཨ་པྲ་ཏི་ཧ་ཏེ་སཝཱ་ཧཱ། སངས་རྒྱས་མཁས་པ་ཐམས་ཅད་ཀྱིས། །རིག་སྔགས་འདི་གསུངས་མོད་ལ་ནི། །དེ་ཚེ་སངས་རྒྱས་ཞིང་འདི་དག་།རྣམ་པ་དྲུག་ཏུ་གཡོས་པར་གྱུར། །བྱང་ཆུབ་སེམས་དཔའ་དེ་ཀུན་གྱིས། །ངོ་མཚར་གྱུར་པའི་མིག་གདངས་ནས། །སངས་རྒྱས་ཀུན་གྱི་སྤྱན་སྔར་ནི། །ཡིད་དུ་འོང་བའི་ཚིག་སྨྲས་པ། །ེ་མ་འོ་སངས་རྒྱས་ཐམས་ཅད་ཀྱིས། །སྲུང་བ་རབ་ཏུ་སྟོབས་ཆེན་འདི། །སེམས་ཅན་ཐམས་ཅད་བསྲུང་བ་དང ། །བསྐྱབ་ཅིང་སྦ་བའི་ཕྱིར་གསུངས་ཏེ། །གང་གིས་སྙིང་ལ་སྲུང་གནས་པ། །དེ་དག་ལ་ནི་འཇིགས་པ་མེད། །གསང་སྔགས་མཐུ་ཆེན་དྲན་བྱས་ན། །བགེགས་དང་ལོག་འདྲེན་ཐམས་ཅད་དང ། །སྲིན་པོ་འཇིགས་པའི་གཟུགས་ཅན་ནི། །དེ་དག་ཐམས་ཅད་འཇིགས་པར་འགྱུར། །དེ་ནས་ཡང་བཅོམ་
212b
ལྡན་འདས་ཀྱི་དབྱིངས་རྒྱ་ཆེན་པོར་བྱིན་གྱིས་བརླབས་ནས་དེའི་ཚེ་ཆོས་ཀྱི་དབྱིངས་ཀྱི་མཛོད་ཀྱི་སྙིང་བོ་ཅན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་ཏིང་ངེ་འཛིན་ལ་སྙོམས་པར་ཞུགས་མ་ཐག་ཏུ་དམ་ཚིག་ལ་འཇུག་པའི་རིག་སྔགས་འདི་བྱུང་ངོ ། །ན་མཿ ་ས་མནྟ་བུདྡྷཱ་ནཱཾ། ཨ་ས་མེ། ཏྲི་ས་མེ། ས་མ་ཡེ་སཝཱཧཱ། དེ་ནས་དེ་མ་ཐག་ཏུ་སངས་རྒྱས་ཀྱི་ཞིང་ཐམས་ཅད་དང ། བྱང་ཆུབ་སེམས་དཔའི་འཁོར་གྱི་དཀྱིལ་འཁོར་ཐམས་ཅད་དུ་དམ་ཚིག་ལ་འཇུག་པའི་རིག་སྔགས་ཀྱི་སྒྲ་གང་ཞིག་ཐོས་ན། མཁས་པ་རྣམས་ཆོས་ཐམས་ཅད་ལས་འདའ་བར་མི་འགྱུར་བའི་སྒྲ་གྲགས་པར་གྱུར་ཏོ། །དེ་ནས་ཡང་བཅོམ་ལྡན་འདས་ཀྱིས་ཆོས་ཀྱི་དབྱིངས་ཀུན་ཏུ་འབྱུང་བའི་གསང་སྔགས་གསུངས་པ། ན་མཿ ་ས་མནྟ་བུདྡྷཱ་ནཱཾ། དྷརྨ་དྷཱ་ཏུ་སཝཱ་བྷཱ་བ་ཨཱཏྨ་ཀོཉྷཾ། ཆོས་ཀྱི་དབྱིངས་སུ་བྱིན་གྱིས་བརླབ་པ་འོ། །ན་མཿ ་ས་མནྟ་བཛྲཱ་ནཱཾ། བཛྲ་ཨཱཏྨ་ཀོཉྷཾ། རྡོ་རྗེ་སེམས་དཔར་བྱིན་གྱིས་བརླབ་པའོ། །ན་མཿ ་ས་མནྟ་བཛྲཱ་ནཱཾ། བཛྲ་ཀ་བ་ཙ་ཧཱུཾ། རྡོ་རྗེ་གོ་ཆ་འོ། །ན་མཿ ་ས་མནྟ་བུདྡྷཱ་ནཱཾ། ཏ་ཐཱ་ག་ཏ་ཙཀྵུ་རྦྷྱ་ཨ་བ་ལོ་ཀ་ཡ་སཝཱ་ཧཱ། དེ་བཞིན་གཤེགས་པའི་སྤྱན་ནོ། །ན་མཿ ་ས་མནྟ་བུདྡྷཱ་ནཱཾ། བི་ཤུདྡྷ་གནྡྷོ་ད་བྷ་བ་སཝཱཧཱ། བྱུག་སྤོས་ཀྱི་སྔགས་སོ། །ན་མཿ ་ས་མནྟ་བུདྡྷཱ་ནཱཾ། མ་ཧཱ་མེ་ཏྲི་བྱུང་ག་ཏ་སཝཱཧཱ། མེ་ཏོག་གི་སྔགས་སོ། །ན་མཿ ་ས་མནྟ་བུདྡྷཱ་ནཱཾ། དྷརྨ་དྷཱ་ཏུ་ཨ་ནུ་ག་ཏ་སཝཱ་ཧཱ། བདུག་སྤོས་ཀྱི་སྔགས་སོ། །ན་མཿ ་ས་མནྟ་བུདྡྷཱ་ནཱཾ། སརྦ་ཏ་ཐཱ་ག་ཏ་ར་ཙི་སྥ་ར་ཎ་ཨ་པ་བྷཱ་ས་ག་ག་ནོ་ཏྟ་རེ་བྷྱཿ ་
213a
༄#། །སཝཱ་ཧཱ།་མར་མེའི་སྔགས་སོ། །ན་མཿ ་ས་མནྟ་བུདྡྷཱ་ནཱཾ། ག་ག་ན་ས་མ་ས་མ་སཝཱཧཱ། མཆོད་ཡོན་གྱི་སྔགས་སོ། །ན་མཿ ་ས་མནྟ་བུདྡྷཱ་ནཱཾ། ག་ག་ན་ནནྡྷ་སྥ་ར་ཎ། བི་ཤུདྡྷ་དྷ་རྨ་ནི་ར་ཛ་ཏ་སཝཱཧཱ། གཙུག་ཏོར་གྱི་སྔགས་སོ། །ན་མཿ ་ས་མནྟ་བུདྡྷཱ་ནཱཾ། པྲ་ཙཎྜ་བཛྲ་ཛྭ་ལ་བི་སྤུ་ར་ཧཱུཾ། དེ་བཞིན་གཤེགས་པའི་གོ་ཆའོ། །ན་མཿ ་ས་མནྟ་བུདྡྷཱ་ནཱཾ། ཛྭཱ་ལ་མ་ལི་ན་ཏ་ཐཱ་ག་ཏ་ར་ཙི་སཝཱཧཱ། ཀུན་ཏུ་འབར་བའོ། །ན་མཿ སམྣྟ་བུདྡྷ་ནཱཾ། མ་ཧཱ་ཏ་ཐཱ་ག་ཏ་ཛི་ཧཱ་སད་སྱ་དྷརྨ་བྲ་ཏིཥྛི་ཏ་སཝཱཧཱ། དེ་བཞིན་གཤེགས་པའི་ལྗགས་ཀྱིའོ། །དཀྱིལ་འཁོར་དུ་དགོང་པའི་གསང་སྔགས་ཀྱི་མཛོད་དོ།། །།བམ་པོ་གསུམ་པ། དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ལ་ཕྱག་ན་རྡོ་རྗེས་ཞུས་པ། བཅོམ་ལྡན་འདས། ཇི་ལྟར་ན། དཀྱིལ་འཁོར་འདྲི་བའི་ཚེ་ན་ནི། །བགེགས་རྣམས་ཞི་བར་འགྱུར་བ་ལགས། །གསང་སྔགས་སྒྲུབ་པའི་ཚེ་ན་ཡང ། །ལོག་འདྲེན་རྣམས་ནི་མ་མཆིས་འགྱུར། །གསང་སྔགས་རྣམས་ཀྱང་ཇི་ལྟར་སྒྲུབ། །དེ་ཡི་འབྲས་བུ་ཅི་འདྲར་འགྱུར། །དེ་སྐད་གསོལ་ནས་དེ་ཡི་ཚེ། །བཅོམ་ལྡན་རྣམ་སྣང་མཛད་ཆེན་གྱིས། །འདི་སྐད་ཅེས་ནི་བཀའ་སྩལ་པ། །སེམས་དཔའ་ཆེན་པོ་ལེགས་སོ་ལེགས། །ཁྱོད་ཀྱིས་ཡོངས་སུ་དྲིས་པ་གང ། །ཐམས་ཅད་ཁྱོད་ལ་བསྟན་པར་བྱ། །སྔོན་ཆད་སེར་སྣ་བསྟེན་པའི་ཕྱིར། །བགེགས་ནི་རང་གི་སེམས་ལས་བྱུང ། །དེ་ཡི་རྒྱུ་ནི་གཞིག་
213b
པའི་ཕྱིར། །གང་དུ་སེམས་དང་སེམས་བྱུང་བའི། །རྟོག་པ་ཐམས་ཅད་སྤོང་བ་དང ། །རྣམ་པར་རྟོག་པ་ལས་བྱུང་བའི། །སྤྲོས་པ་ཐམས་ཅད་འགག་འགྱུར་བའི། །བྱང་ཆུབ་སེམས་ཞེས་བཤད་བ་ཡིན། །སྔགས་པས་བྱང་ཆུབ་སེམས་དྲན་ཞིང ། །མི་གཡོ་བ་ནི་ཡིད་ལ་བཟླས། །དེ་ཡི་ཕྱག་རྒྱ་བཅིངས་ན་ནི། །བགེགས་རྣམས་ཐམས་ཅད་འཇིག་པར་འགྱུར། །གསང་བ་པའི་བདག་པོ། དེ་ལ་རླུང་བཅིང་བ་འདི་ཉོན་ཅིག་། ཞེས་བྱ་བར་བདག་བསྒྱུར་ཏེ། །ཧཾ་ཞེས་བྱ་བ་ཡིད་ལ་བཟླས། །རླུང་གི་ཕྱོགས་སུ་གནས་ནས་ནི། །ས་ལ་སྤོས་ཀྱི་ཐིག་ལེ་དག་།བདུན་ཉིད་ལེགས་པར་བྱས་ནས་སུ། །ཁམ་ཕོར་གྱིས་ནི་དགབ་པར་བྱ། །ཁམ་ཕོར་རི་རབ་ཆེན་པོ་རུ། །ཡང་དང་ཡང་དུ་བསམ་པར་བྱ། །དེ་ཡི་སྟེང་དུ་ཨ་ཞེས་པ། །ཀླད་ཀོར་བཅས་པ་རྒྱས་པར་བསམ། །རླུང་བཅིང་ཆེན་པོ་དེ་ལྟ་བུ།། སྔོན་གྱི་རྒྱལ་བ་རྣམས་ཀྱིས་བཤད། །སེམས་དཔའ་ཆེན་པོ་ཆུ་ཡི་ཡང ། །ཡིད་གཅིག་བསྡུས་ཏེ་མཉམ་པར་གྱིས། །སྔགས་པས་ར་ཞེས་བྱ་བ་ནི། །ཐམས་ཅད་དམར་པོ་སྟོབས་ཆེན་བསམ།། འབར་བའི་ཕྲེང་ཅན་མི་ཟད་པ། །ཁྲོ་བོ་ལག་ན་རལ་གྲི་ཐོགས། །ས་ལ་སྤྲིན་གྱི་གཟུགས་བྲིས་ནས། །རལ་གྲི་ཕྱག་རྒྱས་དབབ་པར་བྱ། །ཕྱོགས་ཀུན་ནས་ནི་ལངས་པའི་སྤྲིན། །དེ་མ་ཐག་ཏུ་འཇིག་པར་འགྱུར། །ཡང་ན་སྔགས་པ་མི་གཡེང་བས། །དེ་དག་ཕུར་བུས་གདབ་བྱ་སྟེ། །མཁས་པ་རྡོ་རྗེར་གྱུར་ནས་སུ། །ཐམས་ཅད་རྡོ་རྗེ་ཕུར་བུས་གདབ། །ཡང་ན་བགེགས་རྣམས་
214a
༄#། །ཐམས་ཅད་ནི། །ཞི་བར་བྱ་བ་ཡང་བཤད་དེ། །སྔགས་པ་དཀྱིལ་འཁོར་དབུས་གནས་ནས། །མི་གཡོ་སྟོབས་ཆེན་གསང་སྔགས་ནི། །ཤིན་ཏུ་མི་ཟད་བདག་ཉིད་ཀྱི། །དཀྱིལ་འཁོར་དག་ལ་གནས་པར་བསམ། །དེ་ཡི་གཟུགས་བརྙན་བྱས་ནས་ནི། །རྐང་པ་གཡོན་པས་སྤྱི་བོར་གཟེར། །འོན་ཏང་དེ་ནི་ཞིར་འགྱུར་བའམ། །དོགས་པ་མེད་པར་འཆི་བར་འགྱུར། །དེ་ཡི་གཟུགས་བརྙན་བྱས་ནས་སུ། །སྐེ་ཚེ་དུག་ཁྲག་བསྲེས་པ་ཡིས། །བྱུགས་ནས་སྔགས་པས་བསྐམས་ན་ནི། །གདོན་དེ་མྱུར་དུ་ཚིག་པར་འགྱུར། །དེ་ནི་མེ་ལ་བསྐམས་པ་དང ། །དུག་གིས་བསྐུས་ན་ངེས་པར་ནི། །ཚངས་པའམ་འོན་ཏེ་བརྒྱ་བྱིན་ཡང ། །དེ་ཡི་མོད་ལ་མྱུར་དུ་འཚིག་།དེ་ནས་ཡང་བཅོམ་ལྡན་འདས་ལ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་གསུངས་པའི་དོན་བདག་གིས་འཚལ་བ་ལྟར་ན། བདག་གིས་འདི་ལྟར་མཇལ་ཏོ། །བཅོམ་ལྡན་འདས། རང་གི་དཀྱིལ་འཁོར་གྱི་གནས་ལ་གནས་ན། ལྷ་རྣམས་བྱིན་གྱིས་རློབ་པར་བགྱིད་དོ། །དེ་ཉིད་དུ་གནས་ན། དེ་བཞིན་གཤེགས་པའི་བཀའ་ལས་ཀྱང་འགལ་བར་མི་བགྱིད་དོ། །དེ་ཅིའི་སླད་དུ་ཞེ་ན། བཅོམ་ལྡན་འདས་འདི་ལྟར་རང་གི་རིགས་ལ་གནས་པ་དེ་ནི། གསང་སྔགས་ཐམས་ཅད་ཀྱི་དམ་ཚིག་ལགས་སོ། །བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་
214b
པ་རྣམས་ཀྱིས་ཀྱང་རང་གི་གནས་ལ་གནས་ནས་དོན་ཐམས་ཅད་བསྒྲུབ་པར་བྱའོ། །བཅོམ་ལྡན་འདས་ཀྱིས་བཀའ་སྩལ་པ། གསང་བ་པའི་བདག་པོ། དེ་དེ་བཞིན་ཏེ། ཇི་སྐད་སྨྲས་པ་དེ་དེ་བཞིན་ནོ། །གསང་བ་པའི་བདག་པོ། གཞན་ཡང ། གང་གི་ཁ་དོག་གང་གསུངས་པ། །དེ་ཉིད་དེ་ཡི་དཀྱིལ་འཁོར་ཏེ། །ལྷ་ཡི་གཟུགས་ནི་དེ་ལྟ་བུར། །སྔོན་གྱི་སངས་རྒྱས་རྣམས་ཀྱིས་བསྟན། ། དེ་ལ་གསང་བ་པའི་བདག་པོ། མ་འོངས་པའི་དུས་ན་སེམས་ཅན་བློ་ཞན་པ་མ་དད་པ་གང་བསྟན་པ་འདི་ལ་དད་པར་མི་འགྱུར་ཞིང་ཡིད་གཉིས་དང་སོ་མ་ཉི་མང་བ། ཐོས་པ་ཙམ་སྙིང་པོར་འཛིན་པ། སྒྲུབ་པ་ལ་མི་ཕྱོགས་པ་དག་འབྱུང་བར་འགྱུར་ཏེ། དེ་དག་ནི། བདག་ཉིད་ཀྱང་མ་རུང་ལ་གཞན་ཡང་ཕུང་བར་བྱེད་པ་ཡིན་ནོ། །འདི་སྐད་དུ་འདི་ནི། ཕྱི་རོལ་པ་རྣམས་ལ་ཡོད་དེ། སངས་རྒྱས་ཀྱིས་གསུངས་པ་ནི། མ་ཡིན་ནོ། །ཞེས་སྨྲ་བར་འགྱུར་གྱི། མི་བླུན་པོ་དེ་དག་གིས་འདི་ལྟར་བཅོམ་ལྡན་འདས་ཐམས་ཅད་མཁྱེན་པ། ཆོས་ཐམས་ཅད་ལ་མངའ་བརྙེས་པ། སེམས་ཅན་གྱི་དོན་རྟོགས་པར་ཐུགས་སུ་ཆུད་པ་དེས་སྔོན་སེམས་ཅན་རྣམས་ལ་ཕན་པར་བཞེད་ནས་འདི་དག་ཐམས་ཅད་བཤད་དོ། །ཞེས་བྱ་བར་ནི་མི་ཤེས་སོ། །ཆོས་རྣམས་ཀྱི་ནི་ཆོས་ཀྱི་མཚན། ། བླུན་པོ་དེས་ནི་དེ་མི་ཤེས། །ཆོས་རྣམས་ཀུན་གྱི་མཚན་ཉིད་ནི། །སྟོང་པ་ཉིད་དུ་ཡང་དག་གསུངས། །སྔགས་པ་རྟག་ཏུ་དེར་གནས་ནས། །རབ་ཏུ་ངེས་པར་ལས་བྱའོ། །བགེགས་ཞི་བར་
215a
༄#། །བྱ་བའི་རིམ་པར་ཕྱེ་བ་རྒྱས་བ་འོ། །དེ་ནས་ཕྱག་ན་རྡོ་རྗེ་ལ་སོགས་པ་རྡོ་རྗེ་འཛིན་པ་དེ་དག་དང ། ཀུན་ཏུ་བཟང་པོ་ལ་སོགས་པ་བྱང་ཆུབ་སེམས་དཔའ་དེ་རྣམས་ཀྱིས་བཅོམ་ལྡན་འདས་རྣམ་པར་སྣང་མཛད་ལ་ཕྱག་འཚལ་ནས་སྙིང་རྗེ་ཆེན་པོ་འབྱུང་བའི་དཀྱིལ་འཁོར་ཆེན་པོ་འདིར་ཆོས་ཀྱི་དབྱིངས་རྣམ་པར་དག་པའི་སྒོ་ཇི་ལྟར་རྟོགས་པ་རང་རང་གི་ཚིག་ཏུ་བརྗོད་པའི་ཚིག་གིས་གསང་སྔགས་རྣམས་སྨྲ་བར་འདོད་ནས་བཅོམ་ལྡན་འདས་ལ་གསོལ་བ་བཏབ་བོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་བྱང་ཆུབ་སེམས་དཔའ་དེ་དག་དང ། རྡོ་རྗེ་འཛིན་དེ་དག་ལ་མི་ཉམས་པའི་ཆོས་ཉིད་དུ་བྱིན་གྱིས་བརླབས་ནས་བཀའ་སྩལ་པ། རིགས་ཀྱི་བུ་དག་།ཆོས་ཀྱི་དབྱིངས་ཇི་ལྟར་རྟོགས་པ་བཞིན་སེམས་ཅན་གྱི་ཁམས་རྣམ་པར་སྦྱོང་བའི་གསང་སྔགས་ཀྱི་ཚིག་རྣམས་སྨྲོས་ཤིག་།དེ་ནས་དེའི་ཚེ་བྱང་ཆུབ་སེམས་དཔའ་ཀུན་ཏུ་བཟང་པོས་སངས་རྒྱས་ཀྱི་རྒྱན་གྱི་ཡུལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་སྟོབས་ཐོགས་པ་མེད་པའི་གསང་སྔགས་སྨྲས་པ། ན་མཿ ་ས་མནྟ་བུདྡྷཱ་ནཱཾ། ས་མནྟཱ་ནུ་ག་ཏི་བ་ར་ཛ་དྷ་རྨ་ནི་ར་ཛ་ཏཱ་མ་ཧཱ་མ་ཧཱ་སཝཱ་ཧཱ། ཀུན་ཏུ་བཟང་པོའི་འོ། །དེ་ནས་བྱང་ཆུབ་སེམས་དཔའ་བྱམས་པས་བྱམས་པ་ཆེན་པོ་ཀུན་ཏུ་མངོན་པར་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་
215b
གི་སྙིང་པོ་སྨྲས་པ། ན་མཿ ་ས་མནྟ་བུདྡྷཱ་ནཱཾ། ཨ་ཛི་ཏ་ན་ཛ་ཡ། སརྦྦ་ས་ཏྭ་ཡ་ཤ་ཡཱ་ནུ་ག་ཏ་སཝཱཧཱ། བྱམས་པའི་འོ། །དེ་ནས་བྱང་ཆུབ་སེམས་དཔའ་ནམ་མཁའི་སྙིང་པོ་རྣམ་པར་དག་པའི་ཡུལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་གསང་སྔགས་སྨྲས་པ། ན་མཿ ་ས་མནྟ་བུདྡྷཱ་ནཱཾ། ཨཱ་ཀ་ཤ་ས་མ་ཏཱ་ནུ་ག་ཏ་བི་ཙིཏྟྭཾ་བ་ར་དྷ་ར་སཝཱཧཱ། ནམ་མཁའི་སྙིང་པོའི་འོ། །དེ་ནས་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་སྙིང་རྗེ་ཆེན་པོའི་སྟོབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་གསང་སྔགས་སྨྲས་པ། ན་མཿ ་ས་མནྟ་བུདྡྷཱ་ནཱཾ། ཨཱ་སཱད་ཏ་ཧྲྀ་ཏ། ཨ་བྱུད་ག་ཏ། ཏྲཱཾ་ཏྲཱཾ་རཾ་རཾ་སཝཱཧཱ། སྒྲིབ་པ་ཐམས་ཅད་རྣམ་པར་སེལ་བའི་འོ། །དེ་ནས་བྱང་ཆུབ་སེམས་དཔའ་ཀུན་ཏུ་སྦྱན་རས་གཟིགས་དབང་ཕྱུག་ཀུན་ཏུ་སྦྱན་རས་གཟིགས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་སྙིང་པོ་འཁོར་དང་བཅས་པ་སྨྲས་པ། ན་མཿ ་ས་མནྟ་བུདྡྷཱ་ནཱཾ། སརྦྦ་ཏ་ཐཱ་ག་ཏ་ཨ་བ་ལོ་ཀི་ཏ་ཀ་རུ་ཎཱ་མཱ་ཡཱ་ར་ར་ར་ཧཱུཾ་ཛཿ ་སཝཱཧཱ། སྤྱན་རས་གཟིགས་དབང་ཕྱུག་གི་འོ། །ན་མཿ ་ས་མནྟ་བུདྡྷཱ་ནཱཾ། ཛི་ཛཾ་ས་སཝཱཧཱ། མཐུ་ཆེན་ཐོབ་པའི་འོ། །ན་མཿ ་ས་མནྟ་བུདྡྷཱ་ནཱཾ། ཀུ་རུ་ཎོད་བྷ་བེ་ཏཱ་རེ་ཏཱ་ར་ཎི་སཝཱཧཱ། ལྷ་མོ་སྒྲོལ་མའི་འོ། །ན་མཿ ་ས་མནྟ་བུ་དྡྷཱ་ནཱཾ། སརྦྦ་བྷ་ཡ་ཏྭཱ་ས་ནི་ཧཱུཾ་སྥོ་ཊ་ཡ་སཝཱཧཱ། ཁྲོ་གཉེར་ཅན་མའི་འོ། །ན་མཿ ་ས་མནྟ་བུདྡྷཱ་ནཱཾ། ཏ་ཐཱ་ག་ཏ་བི་ཤ་ཡ་སཾ་བྷ་པེ། པདྨ་མཱ་ལི་ནི་སཝཱ་ཧཱ། གོས་དཀར་ཅན་གྱི་འོ། །ན་མཿ ་ས་མནྟ་
216a
༄#། །བུདྡྷཱ་ནཱཾ། ཧཱུཾ་ཁ་ད་བནྡྷ་སྥོ་ཊ་ཡ་སཝཱཧཱ། རྟ་མགྲིན་གྱིའོ། །དེ་ནས་བྱང་ཆུབ་སེམས་དཔའ་སའི་སྙིང་པོ་རྡོ་རྗེ་མི་ཤིགས་པ་རྟོག་པའི་ཡུལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་གསང་སྔགས་སྨྲས་པ། ན་མཿ ་ས་མནྟ་བུདྡྷཱ་ནཱཾ། ཧ་ཧ་ཧ་སུ་ཏཱ་ནུ་སཝཱཧཱ། སའི་སྙིང་པོའི་འོ། །དེ་ནས་བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་སངས་རྒྱས་ཀྱི་བྱིན་གྱི་རླབས་རྣམ་པར་འཕྲུལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་སྙིང་པོ་སྨྲས་པ། ན་མཿ ་ས་མནྟ་བུདྡྷཱ་ནཱཾ། ཧེ་ཧེ་ཧེ། ཀུ་མཱ་ར་ཀ། པི་མུཀྟི། ས་ཐི་རྠ་ཏི། སྨ་ར་སྨ་ར། པྲ་ཏི་ཧ་ན་སཝཱཧཱ། འཇམ་དཔལ་གྱིའོ། །དེ་ནས་གསང་བ་པའི་བདག་པོ་ཕྱག་ན་རྡོ་རྗེ་མི་ཕམ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་སྙིང་པོ་འཁོར་དང་བཅས་པ་སྨྲས་པ། ན་མཿ ས་མནྟ་བཛྲ་ཎཱན། ཙཎྜ་མ་ཧཱ་རོ་ཥ་ཎ་ཧཱུཾ། ཕྱག་ན་རྡོ་རྗེའི་འོ། །ན་མཿ ས་མནྟ་བཛྲ་ཎཱ་ན། ཏྲི་ཊ་ཏྲི་ཊ། ཛ་ཡ་ན་ཏི་སཝཱཧཱ། མཱ་མ་ཀཱིའི་འོ། །ན་མཿ ས་མནྟ་བུདྡྷཱ་ནཱཾ། ཧཱུཾ་བནྡྷ་ཡ་བནྡྷ་ཡ། མོ་ཊ་ཡ་མོ་ཊ་ཡ། བཛྲོད་བྷ་བེ་སརྦ་ཏྲ་ཨ་པྲ་ཏི་ཧ་ཏེ་སཝཱ་ཧཱ། རྡོ་རྗེ་ལུ་གུ་རྒྱུད་ཀྱིའོ། །ན་མཿ ས་མནྟ་བཛྲཱ་ཎཱན། ཧི་ཧཱུཾ་ཕཊ་སཝཱཧཱ། ཁྲོ་ཟླ་གཙོ་བོའི་འོ། །ན་མཿ ས་མནྟ་བཛྲཱི་ཎཱན། སརྦྦ་དྷ་རྨ་ནིར་བྷེ་ད་ནི། བཛྲ་སུ་ཙི་བ་ར་དེ་སཝཱཧཱ། རྡོ་རྗེ་རྩེ་མོའི་འོ། །ན་མཿ ས་མནྟ་བཛྲཱ་ཎཱ་ན། ཧཱུཾ་ཧཱུཾ་ཧཱུཾ། ཕཊ་ཕཊ། ཛཾ་ཛཾ་སཝཱ་ཧཱ། རྡོ་རྗེ་འཛིན་
216b
པ་ཀུན་གྱིའོ། །ན་མཿ ས་མནྟ་པཛྲཱ་ཎཱ་ན། ཧེ་ཧེ་ཀིཉྩི་ར་ཡཱ་སི་གྲྀཧྣ་གྲྀཧྣ། ཁཱ་ད་ཁཱ་ད། པ་རི་བཱུ་ར་ཡ་ས་པྲ་ཏི་ཛྙཱ་ན་སཝཱ་ཧཱ། ཕྱག་བརྙན་ཐམས་ཅད་ཀྱིའོ། །དེ་ནས་དེའི་ཚེ་བཅོམ་ལྡན་འདས་ཤཱཀྱ་ཐུབ་པས་རིན་པོ་ཆེའི་འབྱུང་གནས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཉིད་ཀྱི་སྙིང་པོ་འཁོར་དང་བཅས་པ་གསུངས་པ། ན་མཿ ས་མནྟ་བུདྡྷ་ནཱཾ། སརྦྦ་ཀླེ་ཤ་ནི་ཤུདྡྷཱ་ན་སརྦྦ་དྷརྨ་བ་ཤི་པྲཱ་པྟ་ག་ག་ན། ས་མ་ས་མ་སཝཱ་ཧཱ། ཤཱཀྱ་ཐུབ་པའི་འོ། །ན་མཿ ས་མནྟ་བུདྡྷཱ་ནཱཾ། བ་ར་དེ་བར་པྲཱ་པྟེ་ཧཱུཾ། མཛོད་སྤུའི་འོ། །ན་མཿ ས་མནྟ་བུདྡྷཱ་ནཱཾ། བཾ་བཾ་ཧཱུཾ་ཧཱུཾ་ཕཊ་སཝཱཧཱ། གཙུག་ཏོར་ཐམས་ཅད་ཀྱིའོ། །ན་མཿ ས་མནྟ་བུདྡྷཱ་ནཱཾ། དྷྲིཾ་དྷྲིཾ། རིཾ་རིཾ། ཛྲི་ཛྲི་སཝཱ་ཧཱ། ཁྲོ་བོ་གཞན་གྱིས་མི་ཐུབ་པ་ཅེས་བྱ་བའི་འོ། །ན་མཿ ས་མནྟ་བུདྡྷཱ་ནཱཾ། ཨ་པ་རི་ཛ་ཏ། ཛ་ལ་ན་ཏི། ཛྷ་ཊི་ཏེ་སཝཱཧཱ། གཞན་གྱིས་མི་ཐུབ་མའི་འོ། །ན་མཿ ས་མནྟ་བུདྡྷཱ་ནཱཾ། པྲི་ཐེ་བྱེ་སཝཱཧཱ། སའིའོ། །ན་མཿ ས་མནྟ་བུདྡྷཱ་ནཱཾ། བིཥྞ་བེ་སཝཱཧཱ། ཁྱབ་འཇུག་གིའོ། །ན་མཿ ་ས་མནྟ་བུདྡྷཱ་ནཱཾ། རུ་དྲཱ་ཡ་སཝཱ་ཧཱ། དྲག་པོའིའོ། །ན་མཿ ་ས་མནྟ་བུདྡྷཱ་ནཱཾ།་བཱ་ཡ་བེ་སཝཱཧཱ། རླུང་ལྷའི་འོ། །ན་མཿ ས་མནྟ་བུདྡྷཱ་ནཱཾ། སཝཱ་ར་སཝཱ་ཏྱཻ་སཝཱཧཱ། དབྱངས་ཅན་གྱིའོ། །ན་མཿ ་ས་མནྟ་བུདྡྷཱ་ནཱཾ། རཀྟ་སཱ་དྷི་པ་ཏ་ཡེ་སཝཱཧཱ། བདེན་བྲལ་གྱིའོ། །ན་མཿ ་ས་མནྟ་བུདྡྷཱ་ནཱཾ། བཻ་བ་ས་ཏྭཱ་ཡ་སཝཱཧཱ། གཤིན་རྗེའོ། །ན་མཿ ་ས་མནྟ་བུདྡྷཱ་ཎཱཾ། མྲྀ་ཏ་ཡེ་སཝཱཧཱ། འཆི་བདག་གིའོ། །ན་མཿ ས་མནྟ་བུདྡྷཱ་ནཱཾ། ཀཱ་ལ་རཱ་ཏྲི་ཡེ་སཝཱ་ཧཱ། དུས་མཚན་གྱིའོ། །ན་མཿ ས་མནྟ་བུདྡྷཱ་ནཱཾ། མཱ་ཧྲི་
217a
༄#། །བྷྱཿ སཝཱཧཱ། མ་མོ་རྣམས་ཀྱིའོ། །ན་མཿ ས་མནྟ་བུདྡྷཱ་ནཱཾ། ཤ་ཀཱ་ཡ་སཝཱཧཱ། བརྒྱ་བྱིན་གྱིའོ། །ན་མཿ ་ས་མནྟ་བུདྡྷཱ་ནཱཾ། ཨ་པཾ་པ་ཏ་ཡ་སཝཱཧཱ། ཆུ་ལྷའི་འོ། །ན་མཿ ་ས་མནྟ་བུདྡྷཱ་ནཱཾ། ཨ་ད་ཏྱེའོ་ཡ་སཝཱཧཱ། ཉི་མའི་འོ། །ན་མཿ ་ས་མནྟ་བུདྡྷཱ་ནཱཾ། པྲ་ཛཱ་པ་ཏ་ཡེ་སཝཱཧཱ། ཚངས་པའི་འོ། །ན་མཿ ་ས་མནྟ་བུདྡྷཱ་ནཱཾ། ཙནྡྲ་ཡ་སཝཱ་ཧཱ། ཟླ་བའི་འོ། །ན་མཿ ས་མནྟ་བུདྡྷཱ་ནཱཾ།་མེ་གྷ་ཤ་ནི་ཡེ་སཝཱ་ཧཱ། དགའ་བོ་དང ། བསྙེན་དགའ་བོའི་འོ། །དེ་ནས་ཡང་བཅོམ་ལྡན་འདས་རྣམ་པར་སྣང་མཛད་བསྟན་པ་དོན་ཡོད་པར་གྲུབ་པར་བཞེད་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཡུམ་རིག་སྔགས་ཀྱི་རྒྱལ་མོ་གསུངས་པ། ན་མཿ ས་མནྟ་བུདྡྷཱ་ནཱཾ། ག་ག་ན་བར་ལ་ཀྵ་ཎེ་ག་ག་ན་ས་མ་ས་རྦྦོད་ག་ཏ་ཏི་ས་ར་སཾ་བྷ་བེ་ཛ་ལ་ན་མོ་ཨ་མོ་གྷ་ནཱན་སཝཱ་ཧཱ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཡུམ་ནམ་མཁའི་སྤྱན་གྱིའོ། །དེ་ནས་བཅོམ་ལྡན་འདས་རྣམ་པར་སྣང་མཛད་བགེགས་ཐམས་ཅད་ཞི་བར་བྱ་བའི་ཕྱིར་གཟི་བརྗིད་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བགེགས་ཆེན་པོ་འཇོམས་པའི་གསང་སྔགས་འདི་གསུངས་སོ། །ན་མཿ ས་མནྟ་བཛྲཱ་ཎཱ་ན། ཙཎྜ་མ་ཧཱ་རོ་ཥ་ན་སྥོ་ཊ་ཡ་ཧཱུཾ། ཏྭ་ག་ཧ་མཱ། འཕགས་པ་མི་གཡོ་བའི་འོ། །ན་མཿ ས་མནྟ་བཛྲཱ་ཎཱ་ན། ཧ་ཧ་ཧ། བི་སྨ་ཡེ། སརྦྦ་ཏ་ཐཱ་ག་ཏེ་བི་ཥ་ཡ་སཾ་བྷ་ཡ་ཏྲེ་ལོ་ཀྱ་བི་ཛ་ཡ་ཧཱུཾ་ཛཿ ་སཝཱ་ཧཱ། ཁམས་གསུམ་
217b
རྣམ་པར་རྒྱལ་བའི་འོ། །ན་མཿ ས་མནྟ་བུདྡྷཱ་ནཱཾ། ཧེ་ཏུ་པྲ་ཏྱ་ཡ་བི་ག་ཏེ་དྷཱ་རྨ་ནི་རཱ་ཛ་ཏ་ཧཱུཾ། ཉན་ཐོས་རྣམས་ཀྱིའོ། །ན་མཿ ས་མནྟ་བུདྡྷཱ་ནཱཾ། རང་སངས་རྒྱས་རྣམས་ཀྱི་འོ། །ན་མཿ ས་མནྟ་བུདྡྷཱ་ནཱཾ།་སརྦྦ་བུདྡྷཱ་བོ་དྷ་སི་ཏྭ་ཧྲྀ་ད་ཡཱ་ན་བེ་ཤ་ནི་ན་མཿ སརྦ་བིདྱཱ་སཝཱཧཱ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྤྱིའི་སྙིང་པོའོ། །ན་མཿ ས་མནྟ་བུདྡྷཱ་ནཱཾ། ལོ་ཀ་ལོ་ཀ་ཀ་རཱ་ཡ། སརྦྦ་དེ་བ།་ནཱ་ག། ཡཀྵ། གནྡྷ་རྦ། ཨ་སུ་ར། ག་རུ་ཌ། ཀིན་ན་ར། མ་ཧོ་ར་ག་ཧྲྀ་ད་ཡཱ་ན། ནྱ་ཀ་རི་ཥ་ཡ་བི་ཙི་ཏྲ་ག་ཏི་སཝཱ་ཧཱ། ལྷ་ལ་སོགས་པ་སྤྱིའི་སྙིང་པོ་འོ། །ན་མཿ ས་མནྟ་བུདྡྷཱ་ནཱཾ། སརྦྦ་ཐཱ། བཱི་མ་ཏི། བཾ་ཀི་ར་ཎ། དྷརྨ་དྷཱ་ཏུ་ནིར་ཛཱ་ཏ་སཾ་སཾ་ཧ་སཝཱཧཱ། བྱང་ཆུབ་སེམས་དཔའ་ཐམས་ཅད་ཀྱིའོ། །ན་མཿ ་ས་མནྟ་བུདྡྷ་ནཱཾ། དུརྡནྟ་མ་ཧཱ་རོ་ཥ་ཎཱ་ཁཱ་ཌ་ཡ་ས་རྦཱན་ཏ་ཐཱ་ག་ཨཱ་ཛྙྭཱཾ་ཀུ་རུ་སཝཱཧཱ། སྒོ་སྲུང་གདུལ་དཀའ་བ་ཞེས་བྱ་བའི་འོ། །ན་མཿ ས་མནྟ་བུདྡྷཱ་ནཱཾ། ཧེ་མ་ཧཱ་བྲ་ཙཎྜ་ཨ་བྷི་མུ་ཁ་གྲྀཧྞ་ཁཱ་ད་ཡ། ཀཉྩི་རཱ་ཡ་ས་ས་མ་ཡ་མ་ནུ་སྨ་ར་སཝཱཧཱ། སྒོ་སྲུང་མངོན་དུ་ཕྱོགས་པ་ཞེས་བྱ་བའི་འོ། །ན་མཿ ་ས་མནྟ་བུདྡྷཱ་ནཱཾ། སརྦྦ་ཏྲ་ཨ་ནུ་ག་ཏེ། བནྡྷ་སི་མཾ། མ་ཧཱ་ས་མ་ཡ་ནིར་ཛ་ཏེ་སྨ་ར་ཎེ། ཨ་པྲ་ཏི་ཧ་ཏེ། དྷ་ཀ་དྷ་ཀ། ཙ་ར་ཙ་ར། བནྡྷ་བནྡྷ། ད་ཤ་དི་ཤན་སརྦྦ་ཏ་ཐཱ་ག་ཏ། ཨ་ནུ་ག་ཏེ། པྲ་བརྟ་དྷརྨ་ལཾ་དྷ་བི་ཛ་ཡེ་བྷ་ག་བ་ཏི་བི་ཀུ་རི་བི་ཀུ་ལེ་ལེ་ལུ་བུ་བྲི་སཝཱ་ཧཱ། མཚམས་ཆེན་པོ་གཅོད་པའི་འོ། །ན་མཿ ས་མནྟ་བུདྡྷ་ནཱཾ། ཨ། བྱང་ཆུབ་ཀྱིའོ། །ཱ། སྤྱོད་པའི་འོ། །ོཾ། རྫོགས་པར་སངས་རྒྱས་པའི་འོ། །།
218a
༄#། །མྱ་ངན་ལས་འདས་པའི་འོ། །ན་མཿ ས་མནྟ་བཛྲཱ་ཎཱ་ན། ཧཱ། འཇིག་རྟེན་གསུམ་ལས་རྣམ་རྒྱལ་བའི་འོ། །ན་མཿ ས་མནྟ་བཛྲཱ་ཎཱ་ན། ཧཱཾ། འཕགས་པ་མི་གཡོ་མགོན་གྱི་འོ། །ན་མཿ ས་མནྟ་བུདྡྷཱ་ནཱཾ། ཨ། སྒྲིབ་པ་ཐམས་ཅད་རྣམ་པར་སེལ་བའི་འོ། །ན་མཿ ས་མནྟ་བུདྡྷཱ་ནཱཾ། ས། སྤྱན་རས་གཟིགས་དབང་ཕྱུག་གིའོ། །ན་མཿ ས་མནྟ་བུདྡྷཱ་ནཱཾ། པ།་ཕྱག་ན་རྡོ་རྗེའི་འོ། །ན་མཿ ས་མནྟ་བུདྡྷཱ་ནཱཾ། མཾ། འཇམ་དཔལ་གྱིའོ། །ན་མཿ ས་མནྟ་བུདྡྷཱ་ནཱཾ། ག། ནམ་མཁའི་སྦྱན་གྱིའོ། །ན་མཿ ་ས་མནྟ་བུདྡྷཱ་ནཱཾ། རམ། ཆོས་ཀྱི་དབྱིངས་ཀྱིའོ། །ན་མཿ ས་མནྟ་བུདྡྷཱ་ནཱཾ། ཁཾ། དཔའ་བོ་ཆེན་པོའི་འོ། །ན་མཿ ་ས་མནྟ་བུདྡྷཱ་ནཱཾ། ཛཾ། ཆུའི་དབང་པོའི་འོ། །ན་མཿ ས་མནྟ་བུདྡྷཱ་ནཱཾ། ཏཾ། ལྷ་མོ་སྒྲོལ་མའི་འོ། །ན་མཿ ས་མནྟ་བུདྡྷཱ་ནཱཾ། ཧྲཱིཿ ་ཁྲོ་ཉེར་ཅན་མའི་འོ། །ན་མཿ ས་མནྟ་བུདྡྷཱ་ནཱཾ། པཾ། གོས་དཀར་ཅན་གྱི་འོ། །ན་མཿ ས་མནྟ་བུདྡྷཱ་ནཱཾ། སཾ། མཐུ་ཆེན་ཐོབ་པའི་འོ། །ན་མཿ ས་མནྟ་བུདྡྷཱ་ནཱཾ། ཧཱུཾ། རྟ་མགྲིན་གྱི་འོ། །ན་མཿ ས་མནྟ་བུདྡྷཱ་ནཱཾ། ཡཾ།་གྲགས་འཛིན་མའི་འོ། །ན་མཿ ས་མནྟ་བུདྡྷཱ་ནཱཾ། སཾ། ཕྱག་ན་རིན་ཆེན་གྱི་འོ། །ན་མཿ ས་མནྟ་བུདྡྷཱ་ནཱཾ། དྲ་བའི་འོད་ཀྱི་འོ། །ན་མཿ ས་མནྟ་བུདྡྷཱ་ནཱཾ། བྷ། ཤཱཀྱ་ཐུབ་པའི་འོ། །ནཱ་མཿ ་ས་མནྟ་བུདྡྷཱ་ནཱཾ། ཧཱཾ་ཊྱཾ་རུཾ། གཙུག་ཏོར་གསུམ་གྱི་འོ། །ན་མཿ ས་མནྟ་བུདྡྷཱ་ནཱཾ། ལཾ། གདུགས་དཀར་པོའི་འོ། །ན་མཿ ས་མནྟ་བུདྡྷཱ་ནཱཾ། ཤཾ། གཙུག་ཏོར་རྒྱལ་བའི་འོ། །ན་མཿ ་ས་མནྟ་
218b
བུདྡྷཱ་ནཱཾ། སཾ། གཙུག་ཏོར་རྣམ་པར་རྒྱལ་བའི་འོ། །ན་མཿ ས་མནྟ་བུདྡྷཱ་ནཱཾ། ཏྲིཾ། གཟི་བརྗིད་ཕུང་པོའི་འོ། །ན་མཿ ས་མནྟ་བུདྡྷཱ་ནཱཾ། ཧཱུཾ། རྣམ་པར་འཐོར་བའི་འོ། །ན་མཿ ས་མནྟ་བུདྡྷཱ་ནཱཾ། ཧཱུཾ།་གཞན་གྱིས་མི་ཐུབ་པའི་འོ། །ན་མཿ ་ས་མནྟ་བུདྡྷཱ་ནཱཾ། བཱི། སའི་འོ། །ན་མཿ ས་མནྟ་བུདྡྷཱ་ནཱཾ། ཀི་ལི། སྐྲ་ཅན་མའི་འོ། །ན་མཿ ་ས་མནྟ་བུདྡྷཱ་ནཱཾ། དི་ལི། ཉེ་སྐྲ་ཅན་མའི་འོ། ། ན་མཿ ་ས་མནྟ་བུདྡྷཱ་ནཱཾ། མི་ལི། སྣ་ཚོགས་མའིའོ། །ན་མཿ ་ས་མནྟ་བུདྡྷཱ་ནཱཾ། ཧི་ལི། ནོར་ལྡན་མའི་འོ། །ན་མཿ ་ས་མནྟ་བུདྡྷཱ་ནཱཾ། ཧཱ་ས་ནཱ་ན། དོ་མཚར་ཅན་གྱི་འོ། །ན་མཿ ས་མནྟ་བུདྡྷཱ་ནཱ་ན། ར་ས་ནཱ་ན། སེམས་ཅན་ཐམས་ཅད་ལ་མི་འཇིགས་པ་སྦྱིན་པའི་འོ། །ན་མཿ ས་མནྟ་བུདྡྷཱ་ནཱ་ན། དྷཱཾ་ས་ནཱ་ན། ངན་སོང་ཐམས་ཅད་སྦྱོང་བའི་འོ། །ན་མཿ ས་མནྟ་བུདྡྷཱ་ནཱ་ན། བི་ཧ་ས་ནཱ་ན། ཡོངས་སུ་སྐྱོང་སེམས་བློ་གྲོས་ཀྱི་འོ། །ན་མཿ ས་མནྟ་བུདྡྷཱ་ནཱ་ན། ཥཾ། བྱམས་པ་ཆེན་པོ་མངོན་པར་འབྱུང་བའི་འོ། །ན་མཿ ས་མནྟ་བུདྡྷཱ་ནཱ་ན། ཡཾ། སྙིང་རྗེས་གདུངས་པའི་འོ། །ན་མཿ ས་མནྟ་བུདྡྷཱ་ནཱ་ན། ཨི། གདུངས་པ་ཐམས་ཅད་ཞི་བར་བྱེད་པའི་འོ། །ན་མཿ ས་མནྟ་བུདྡྷཱ་ནཱན། ཨཾ། བསམ་གྱིས་མི་ཁྱབ་པའི་བློ་གྲོས་ཅན་གྱིའོ། །ན་མཿ ས་མནྟ་བུདྡྷཱ་ནཱ།་ཏྲཾ། རིན་ཆེན་འབྱུང་གནས་ཀྱི་འོ། །ན་མཿ ས་མནྟ་བུདྡྷཱ་ནཱ་ན། ཥཾ། ཕྱག་ན་རིན་ཆེན་གྱི་འོ། །ན་མཿ ས་མནྟ་བུདྡྷཱ་ནཱ་ན། ཊཾ། ས་འཛིན་གྱི་འོ། །ན་མཿ ས་མནྟ་བུདྡྷཱ་ནཱ་ན། ཨཾ། གཟུངས་
219a
༄#། །ཐོབ་པའི་འོ། །ན་མཿ ས་མནྟ་བུདྡྷཱ་ནཱན། ཌྷཾ། ཕྱག་ན་རིན་ཆེན་ཕྱག་རྒྱའི་འོ། །ན་མཿ ས་མནྟ་བུདྡྷཱ་ནཱན། ཎཾ། བསམ་པ་བརྟན་པོའི་འོ། །ན་མཿ ས་མནྟ་བུདྡྷཱ་ནཱན། ཧཾ། ནམ་མཁའ་དྲི་མ་མེད་པའི་འོ། །ན་མཿ ས་མནྟ་བུདྡྷཱ་ནཱན། རཾ། ནམ་མཁའི་བློ་གྲོས་ཀྱི་འོ། །ན་མཿ ས་མནྟ་བུདྡྷཱ་ནཱ་ན། ག་ཏཾ། བློ་གྲོས་རྣམ་པར་དག་པའི་འོ། །ན་མཿ ས་མནྟ་བུདྡྷཱ་ནཱ་ན། དྷཱིཾ། སྤྱོད་པའི་བློ་གྲོས་ཀྱིའོ། །ན་མཿ ས་མནྟ་བུདྡྷཱ་ནཱན། ཧཱུཾ། བརྟན་པའི་བློ་གྲོས་ཀྱི་འོ། །ན་མཿ ས་མནྟ་བུདྡྷཱ་ནཱན། དྷྲཱིཾ་ཤྲིཾ་ཧཾ་བྲཾ། ཕྱག་བརྙན་རྣམས་ཀྱི་འོ། །ན་མཿ ས་མནྟ་བུདྡྷཱ་ནཱན། ཀྵ་ད་ཧ་ར་ཡཾ་ཀཾ། བྱང་ཆུབ་སེམས་དཔའ་ཇི་སྐད་གསུངས་པ་རྣམས་ཀྱི་འོ། །ན་མཿ ས་མནྟ་བུདྡྷཱ་ནཱན། ན་མོ་མཱ་ཡེ་དྷ་རྨ་སཾ་བྷ་བེ་བི་བྷ་བེ་ཀ་ཊྷ་ནེ་སཾ་ས་ནེ། གནས་གཙང་མ་པ་རྣམས་ཀྱི་འོ། །ན་མཿ ས་མནྟ་བུདྡྷཱ་ནཱན། ཀྲཾ་ཀེ་རི། སྲིན་པོ་རྣམས་ཀྱི་འོ། །ན་མཿ ས་མནྟ་བུདྡྷཱ་ནཱན། ཧྲཱིཿ ་ཧ། མཁའ་འགྲོ་མ་རྣམས་ཀྱི་འོ། །ན་མཿ ས་མནྟ་བུདྡྷཱ་ནཱན། ཡཀྵ་བཱིརྱ་དྷ་ར།་གནོད་སྦྱིན་རྣམས་ཀྱི་འོ། །ན་མཿ ་ས་མནྟ་བུདྡྷཱ་ནཱན། མི་ཙི་མི་ཙི། ཤ་ཟ་མོ་རྣམས་ཀྱི་འོ། །ན་མཿ ས་མནྟ་བུདྡྷཱ་ནཱན། གུཾ་གུཾ། ཨིཾ་ཨིཾ། འབྱུང་པོ་རྣམས་ཀྱིའོ། །ན་མཿ ས་མནྟ་བུདྡྷཱ་ནཱན། ར་ཊཾ་ར་ཊཾ། བྲཾ་ཊཾ་བྲཾ་ཊཾ། ལྷ་མ་ཡིན་རྣམས་ཀྱི་འོ། །ན་མཿ ས་མནྟ་བུདྡྷཱ་ནཱན། ག་ར་ལཾ་པི་ར་ལཾ། ལྟོ་འཕྱེ་ཆེན་པོ་རྣམས་ཀྱི་འོ། །ན་མཿ ས་མནྟ་བུདྡྷཱ་ནཱན། ཧ་ས་ནཱན་
219b
བཱི་ཨ་ས་ནཱན། མི་འམ་ཅི་རྣམས་ཀྱི་འོ། །ན་མཿ ས་མནྟ་བུདྡྷཱ་ནཱན། ཨ་ཏ་ཙི་ལཱ་རཾ་མ་ནོ་མེ། མི་རྣམས་ཀྱི་འོ། །གསང་བ་པའི་བདག་པོ། དེས་དེ་ལ་སོགས་པ་ཐམས་ཅད་ཀྱི་གསང་སྔགས་ངས་བཤད་དེ། དེ་ལ་གསང་སྔགས་ཐམས་ཅད་ཀྱི། །སྙིང་པོ་དེས་པས་མཉན་པར་གྱིས། ། ཞེས་བྱ་བ་སྔགས་ཀུན་གྱི། །སྙིང་པོ་ཡིན་པར་ཡང་དག་བཤད། །དེ་ལ་གསང་སྔགས་ཀུན་གནས་ཏེ། །དེ་ལྟར་སྔགས་རྣམས་རྣམ་པར་ངེས། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། སྤྱིའི་གསང་སྔགས་ཀྱི་མཛོད་རིམ་པར་ཕྱེ་བ་རྒྱས་པའོ།། །།དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ། གསང་སྔགས་ཇི་ལྟར་བསྒྲུབ་པ་དང ། །བསྒྲུབས་པའི་འབྲས་བུ་གང་ཡིན་ཉོན། །ཡི་གེ་དང་ནི་ཡི་གེར་སྦྱར། །དེ་བཞིན་གཞི་ལས་གཞིར་གྱུར་པ། །ཤིན་ཏུ་བསྡམས་པས་ཡིད་ལ་ནི། །བཟླས་བརྗོད་འབུམ་ཕྲག་གཅིག་བྱ་འོ། །ཡི་གེ་བྱང་ཆུབ་སེམས་ཡིན་ཏེ། །གཉིས་པ་སྒྲ་ཞེས་བྱ་བ་ཡི། །བཞི་ནི་རང་གི་ལྷར་བཞག་པ། །རང་གི་ལུས་ཀྱི་གནས་ལ་བྱ། །གཞི་གཉིས་པ་ནི་རྫོགས་སངས་རྒྱས། །རྐང་གཉིས་མཆོག་ཏུ་ཤེས་པར་བྱ། །ཟླ་བའི་དཀྱིལ་འཁོར་རྣམ་དག་པ། །སྔགས་པས་དེ་ལ་གནས་པར་བསམ། །ཡི་གེ་རྣམས་ནི་གོ་རིམ་བཞིན། །དེ་ཡི་དབུས་སུ་
220a
༄#། །ལེགས་པར་དགོད། །སླར་སྡུད་པ་ཡི་ཚིག་གིས་ནོན། །སྲོག་དང་རྩོལ་བ་རྣམ་པར་སྦྱངས། །སྲོག་ཅེས་བྱ་བ་རླུང་དུ་བཤད། །རྩོལ་བ་དྲན་པ་ཞེས་བྱ་སྟེ། །དེ་གཉིས་བསྔམས་པ་བྱས་ནས་སུ། །སྔོན་དུ་བསྙེན་པ་ལེགས་པར་བྱ། །དེ་ནས་སྔགས་པ་ཟླ་གཅིག་ཏུ། །ཤིན་ཏུ་བསྔམས་ཏེ་བཟླས་པ་བྱས། །གསང་སྔགས་སྔོན་དུ་སྤྱད་པ་ནི། །གཞི་གཅིག་ནས་ནི་གཅིག་ཏུ་འཇུག་།གྲགས་ཆེན་སངས་རྒྱས་ཐམས་ཅད་ཀྱི། །སྔར་སྤྱད་པ་ཞེས་བཤད་པ་ཡིན། །དེ་ཕྱིན་ཆད་ནི་གང་ཅུང་ཟད། །མེ་ཏོག་སྤོས་ལ་སོགས་དབུལ་ཞིང ། །སངས་རྒྱས་ཉིད་དུ་འགྱུར་བྱའི་ཕྱིར། །དེ་ཚེ་བྱང་ཆུབ་ཏུ་ཡང་བསྔོ། །སྔགས་པས་འཇིགས་མེད་དེ་ལྟ་བུར། །ཟླ་གཉིས་པ་ལ་བཟླས་བརྗོད་བྱ། །དེ་ནས་ཟླ་བ་ཉ་བའི་ཚེ། །མི་དེ་སྒྲུབ་ལ་འཇུག་པར་བྱ། །རི་རྩེ་དང་ནི་བ་ལང་ལྷས། །དེ་བཞིན་འབབ་ཆུའི་མདོ་དག་དང ། །ལམ་གྱི་བཞི་མདོ་མཚན་གཅིག་དང ། །མ་མོའི་གནས་སམ་ཞི་གནས་སུ། །དཀྱིལ་འཁོར་ནན་ཏན་བྲི་བར་བྱ། །ཐམས་ཅད་རྡོ་རྗེའི་ཁང་པར་བྱས། །དེས་ནི་དེར་གནས་བསྲུངས་བྱས་ནས། །སྒྲུབ་པ་ལ་ནི་ནན་ཏན་བྱ། །དེར་ནི་མཚན་མོ་ནམ་ཕྱེད་དམ། །ཡང་ན་ཉི་མ་འཆར་བའི་ཚེ། །འདི་ལྟའི་ལྟས་རྣམས་འབྱུང་འགྱུར་ཏེ། །བློ་དང་ལྡན་པས་དེ་ཤེས་བྱ། །ཧཱུཾ་ཞེས་པ་དང་རྔ་སྒྲ་དང ། །དེ་བཞིན་ས་ནི་གཡོ་བ་དང ། །ཡིད་དུ་འོང་བའི་ཚིག་ཀྱང་རུང ། །དེ་ནི་ནམ་མཁའ་
220b
ལས་གྲགས་ནས། །མཚན་མ་དག་ནི་དེ་རྣམས་ཀྱིས། །ཡིད་བཞིན་རྗེས་གྲུབ་ཤེས་བྱ་སྟེ། །སངས་རྒྱས་རྐང་གཉིས་མཆོག་རྣམས་ཀྱིས། །དེ་ཡི་འབྲས་བུར་ཡང་དག་བཤད། །དེ་ལྟར་སྔགས་ཀྱི་ཚུལ་གནས་པ། །དེ་ནི་ངེས་པར་སངས་རྒྱས་འགྱུར། །དེ་བས་རྣམ་པ་ཐམས་ཅད་དུ། །སྔགས་ཉིད་རྟག་ཏུ་དྲན་པར་བྱ། །སྔོན་གྱི་སངས་རྒྱས་ཐམས་ཅད་ཀྱིས། །དེ་ནི་དྲན་པར་བྱ་བའང་བཤད། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། འཇིག་རྟེན་པའི་དངོས་གྲུབ་སྒྲུབ་པའི་རིམ་པར་ཕྱེ་བའོ།། །། དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་ཐམས་ཅད་དང་ལྡན་པའི་འཁོར་འདུས་པ་ལ་གཟིགས་ནས་རེ་བ་ཐམས་ཅད་ཡོངས་སུ་རྫོགས་པར་བྱེད་པ། དུས་གསུམ་མཐའ་ཡས་པའི་སྒོ་ངེས་པའི་ཡེ་ཤེས་ཡོངས་སུ་རྫོགས་པར་བྱེད་པའི་ཆོས་ཀྱི་ཚིག་རྣམས་གསུངས་སོ། །མཁའ་ལྟར་དྲི་མེད་ངོ་བོ་ཉིད་མེད་པ། །རྣམ་མང་ཡེ་ཤེས་སྣ་ཚོགས་སྦྱིན་པར་བྱེད། །ངོ་བོ་ཉིད་ཀྱིས་རྟག་ཏུ་སྟོང་པ་ཉིད། །རྐྱེན་ལ་རག་ལས་ཟབ་ཅིང་བལྟ་བར་དཀའ། །ཁྱད་པར་འགྲོ་བ་རྣམས་ལ་རྟག་པ་རུ། །རྣམ་པར་བསམ་པའི་འབྲས་བུ་མཆོག་སྦྱིན་བྱེད། །ཇི་ལྟར་ནམ་མཁའ་ཆགས་མེད་སྤྱོད་ཡུལ་ཅན། །འགྲོ་བ་ཀུན་གྱི་གནས་སུ་གྱུར་པ་ལྟར། །དེ་བཞིན་རྣམ་པར་དག་པའི་ཆོས་ཉིད་འདི། །སྲིད་གསུམ་མ་ལུས་འབྱོར་པར་འབྱུང་བར་བྱེད། །མཆོག་སྐྱེས་མཁས་
221a
༄#། །པ་གང་ཞིག་འདིར་སྤྱོད་ན། །རྒྱལ་བ་ཀུན་དང་སྤྱོད་ཡུལ་གཅིག་པར་འགྱུར། །རྒྱལ་བས་ཇི་སྐད་གསུངས་པའི་ཆོས་ཉིད་ནི། །ཤིན་ཏུ་རྣམ་དག་ཐམས་ཅད་སྣང་བྱེད་པ། །དེ་ལས་གོ་འཕང་རྙེད་དཀའ་གཞན་མེད་དོ། །ཡངས་པའི་ཆོས་ན་ཟིབ་ལ་འགྲིབ་མེད་ཅིང ། །མཉམ་མེད་འཇིག་རྟེན་ཕན་བྱེད་དེ་ལ་ནི། །རྣམ་རྟོག་རྣམ་པར་སྤངས་ཏེ་སྤྱད་པར་གྱིས། །དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོས་ཚིགས་སུ་བཅད་པ་དེ་དག་གསུངས་ནས་ཐམས་ཅད་དང་ལྡན་པའི་འཁོར་ཚོགས་པ་ལ་གཟིགས་ནས་ཕྱག་ན་རྡོ་རྗེ་ལ་སོགས་པ་རྡོ་རྗེ་འཛིན་རྣམས་ལ་བཀའ་སྩལ་པ། རིགས་ཀྱི་བུ་དག། གང་གིས་ན་སེམས་ཅན་རྣམས་མཐོང་བའི་ཆོས་ཁོ་ན་ལ་དགའ་བ་དང་མགུ་བ་ཐོབ་ནས་བདེ་བ་ལ་རེག་པར་འགྱུར་བ།་རང་རང་གི་ཆོས་ཀྱི་དབྱིངས་ཀྱི་མཐུ་རླབས་སུ་གྱུར་པ། དངོས་གྲུབ་སྒྲུབ་པའི་ཚིག་རྣམས་སྟོན་ཅིག་།དེ་སྐད་ཅེས་བཀའ་སྩལ་པ་དང ། རྡོ་རྗེ་འཛིན་རྣམས་ཀྱིས་བཅོམ་ལྡན་འདས་རྣམ་པར་སྣང་མཛད་ལ་ཕྱག་འཚལ་ནས་ཆོས་ཀྱི་རྗེས་བཀའ་ཇི་སྐད་སྩལ་པ་བཞིན་འཚལ་ལོ། །ཞེས་གསོལ་ཏེ་བཅོམ་ལྡན་འདས་ཉིད་ལ་གསོལ་བ་བཏབ་པ། བདག་ཅག་ལ་ཐུགས་བརྩེ་བའི་སླད་དུ་དངོས་གྲུབ་སྒྲུབ་པའི་ཚིག་རྣམས་བཅོམ་ལྡན་འདས་ཉིད་ཀྱིས་བསྟན་དུ་གསོལ། དེ་ཅིའི་སླད་དུ་ཞེ་ན། བཅོམ་ལྡན་འདས། གང་བདག་ཅག་རང་གིས་རྟོགས་པ་བཅོམ་
221b
ལྡན་འདས་ཀྱི་སྤྱན་སྔར་བཤད་པ་དེ་ནི། རབ་ཏུ་དཀའ་བ་ལགས་སོ། །དེ་ལྟ་ལགས་པས་མ་འོངས་པའི་འགྲོ་བ་རྣམས་ཀྱི་དོན་དང ། ཕན་པ་དང་བདེ་བའི་སླད་དུ་བཅོམ་ལྡན་འདས་ཉིད་ཀྱིས་ལེགས་པར་རབ་ཏུ་བཤད་དུ་གསོལ། དེ་སྐད་ཅེས་གསོལ་པ་དང ། བཅོམ་ལྡན་འདས་རྣམ་པར་སྣང་མཛད་ཀྱིས་རྡོ་རྗེ་འཛིན་དེ་དག་ཐམས་ཅད་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དག་།ལེགས་སོ་ལེགས་སོ། །དེ་བཞིན་གཤེགས་པས་བསྟན་པའི་ཆོས་འདུལ་བ་འདི་ལ་ཕན་ཡོན་ཆེ་བའི་ཆོས་གཅིག་ཡོད་པ་ནི། འདི་ལྟ་སྟེ། ངོ་ཚ་ཤེས་པའོ། །ངོ་ཚ་ཤེས་པ་དང་ལྡན་པའི་རིགས་ཀྱི་བུ་དང ། རིགས་ཀྱི་བུ་མོ་ནི། མཐོང་བའི་ཆོས་འདི་ལ་ཆོས་གཉིས་རབ་ཏུ་མྱུར་བར་འབྱུང་སྟེ། གཉིས་གང་ཞེ་ན། མི་བྱ་བའི་ལས་མི་བྱེད་པ་དང ། དམ་པ་རྣམས་ཀྱིས་བསྔགས་པའོ། །ཡང་གཉིས་ཏེ། ཁོང་དུ་མ་ཆུད་པ་ཁོང་དུ་ཆུད་པ་དང ། སངས་རྒྱས་དང་བྱང་ཆུབ་སེམས་དཔའ་རྣམས་དང་ལྷན་ཅིག་འགྲོགས་པ་ཐོབ་པར་འགྱུར་བའོ། །ཡང་གཉིས་ཏེ།་ཚུལ་ཁྲིམས་ལ་རབ་ཏུ་གནས་པར་འགྱུར་བ་དང ། ལྷ་དང་མི་རྣམས་སུ་སྐྱེ་བ་ཐོབ་པར་འགྱུར་བའོ། །དེ་ལྟ་བས་ན། ལེགས་པར་རབ་ཏུ་ཡིད་ལ་ཟུངས་ཤིག་དང ། འདི་ལྟ་སྟེ། སྒྲུབ་པར་སྦྱོར་བའི་ཚིག་གང་རྣམས་ཀྱི་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་གསང་སྔགས་རྣམས་ལས་མྱུར་དུ་གསང་སྔགས་ཀྱི་དངོས་གྲུབ་
222a
༄#། །ཐོབ་པར་འགྱུར་བའི་གསང་སྔགས་སྒྲུབ་པ་འགྲུབ་པར་སྦྱོར་བའི་ཚིག་རྣམས་བཤད་དོ། །དེ་ལ་རེ་ཞིག་དང་པོར་དཀྱིལ་འཁོར་མཐོང་བ། བླ་མས་གསང་སྔགས་སྒྲུབ་པར་གནང་བ། བྱང་ཆུབ་ཏུ་སེམས་བསྐྱེད་པ། དད་པ་ཅན། སེར་སྣ་མེད་པ། སྙིང་རྗེ་ཅན། དུལ་བ། རྟེན་ཅིང་འབྲེལ་པར་འབྱུང་བ་རྣམ་པར་དབྱེ་བ་ལ་མཁས་པ། སྔོམ་བ་གཟུང་བ། རང་གི་བསླབ་པ་ལ་གནས་པ། །ཐབས་ལ་མཁས་ཤིང་རབ་ཏུ་བརྟན། །དུས་དང་དུས་མ་ཡིན་པའང་ཤེས། །འཇིགས་པ་མེད་ཅིང་མཁས་ལ་གཏོང ། །བཟོད་དང་ལྡན་ཞིང་བྱམས་པའི་ཡིད། །གསང་སྔགས་སྤྱོད་ལ་རབ་ཏུ་བརྩོན། །གསང་སྔགས་དེ་ཉིད་དོན་ལ་མཁས། །བསམ་གཏན་བྱེད་ལ་དགའ་བ་ཡི། །སྒྲུབ་པ་པོ་ནི་སྒྲུབ་ལ་ཤིས། །གསང་བ་པའི་བདག་པོ། དེ་ལ་འདོད་པའི་ཁམས་ཀྱི་དབང་ཕྱུག་ལ་མྱོས་པར་བྱེད་པ་ཞེས་བྱ་བའི་རིག་སྔགས་ཡོད་དོ། །དེས་འདོད་པ་ན་སྤྱོད་པའི་ལྷའི་བུ་ཐམས་ཅད་མྱོས་པས་བརྒྱལ་བར་བྱེད་ཅིང་མེ་ཏོག་མང་པོ་སྣ་ཚོགས་དང་ལྡན་པའི་ས་ཕྱོགས་ཉམས་དགའ་བ་རྣམས་ཀྱང་སྟོན་ལ། ཡོངས་སུ་སྤྱད་པ་དང་ཉེ་བར་སྤྱད་པ་རྣམ་པ་ཐ་དད་པ་སྣ་ཚོགས་ཀྱང་མངོན་པར་སྤྲུལ་ནས་གཞན་འཕྲུལ་དབང་བྱེད་ཀྱི་ལྷ་རྣམས་ལ་ཡང་སྦྱིན་ལ་བདག་ཉིད་ཀྱང་ཡོངས་སུ་སྤྱོད་དོ། །འདི་ལྟ་སྟེ། ལྷའི་བུ་དབང་ཕྱུག་ཆེན་པོ་ལ་ཡིད་མགྱོགས་ཞེས་བྱ་བའི་རིག་སྔགས་ཡོད་དེ། དེས་
222b
སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་སེམས་ཅན་གྱི་དགོས་པ་བྱེད་ཅིང ། ཉེ་བར་སྤྱད་པ་དང་ཡོངས་སུ་སྤྱད་པ་ཐམས་ཅད་ཀྱང་མངོན་པར་སྤྲུལ་ནས་གནས་གཙང་མའི་རིགས་ཀྱི་ལྷའི་བུ་རྣམས་ལ་ཡང་སྦྱིན་ལ། བདག་ཉིད་ཀྱང་ཀུན་ཏུ་སྤྱོད་དོ། །འདི་ལྟ་སྟེ། དཔེར་ན། མིག་འཕྲུལ་མཁན་ནི། གསང་སྔགས་རྣམས་ཀྱིས་ཀུན་དགའི་ར་བ་དང ། མཚོ་དང ། འབབ་ཆུ་དང ། མི་ལ་སོགས་པ་རྣམ་པ་ཐ་དད་པ་སྣ་ཚོགས་སྟོན་ཏོ། །འདི་ལྟ་སྟེ། དཔེར་ན། ལྷ་མ་ཡིན་རྣམས་ནི། གསང་སྔགས་ཀྱིས་སྒྱུ་མ་རྣམས་སྟོན་ཏོ། །འདི་ལྟ་སྟེ། དཔེར་ན། གསང་སྔགས་དག་གིས་ནི། དུག་དང་རིམས་ལ་སོགས་པ་མེད་པར་འགྱུར་རོ། །འདི་ལྟ་སྟེ། མ་མོ་ཞེས་བྱ་བའི་ལྷ་མོ་རྣམས་ནི། གསང་སྔགས་ཀྱིས་སེམས་ཅན་རྣམས་ལ་ནད་འགོ་བ་གཏོང་ངོ ། །འདི་ལྟ་སྟེ། དཔེར་ན། གསང་སྔགས་ཀྱིས་ནི། མེའི་ཚ་བ་མེད་པར་བྱས་ནས་གྲང་བ་བྱེད་པར་འགྱུར་རོ། །རིགས་ཀྱི་བུ་དག་།དཔེའི་ཚིག་འདི་རྣམས་ཀྱིས་གསང་སྔགས་ཀྱི་མཐུ་ལ་མངོན་པར་དད་པར་བྱའོ། །གསང་སྔགས་ཀྱི་མཐུ་དེ་ཡང་གསང་སྔགས་རྣམས་ལས་བྱུང་བ་ཡང་མ་ཡིན། རྫས་ལས་འཇུག་པ་ཡང་མ་ཡིན། སྦྱོར་བ་པོས་ལས་དམིགས་པ་ཡང་མ་ཡིན་མོད་ཀྱི། རིགས་ཀྱི་བུ་དག་།འོན་ཀྱང་གསང་སྔགས་ཀྱི་བྱིན་གྱི་རླབས་ཀྱིས་ཆོས་ཉིད་འབྱུང་བ་ལས་འདའ་བར་ཡང་མི་འགྱུར་ཏེ། དུས་གསུམ་ལས་འདས་པའི་ཕྱིར་དང ། རྟེན་ཅིང་འབྲེལ་པར་འབྱུང་བ་ཟབ་མོ་བསམ་གྱིས་མི་ཁྱབ་པ་ལས་
223a
༄#། །མངོན་པར་གྲུབ་པའི་ཕྱིར་རོ། །རིགས་ཀྱི་བུ་དག་།དེ་ལྟ་བས་ན། ཆོས་ཉིད་ཀྱིས་བསམ་གྱིས་མི་ཁྱབ་པའི་ངོ་བོ་ཉིད་རྟོགས་པར་ཁོང་དུ་ཆུད་པས་རྟག་ཏུ་རྒྱུན་མི་འཆད་པར་གསང་སྔགས་ཀྱི་ཚུལ་གྱིས་རྗེས་སུ་འཇུག་པར་བྱའོ། །དེ་ནས་ཡང་བཅོམ་ལྡན་འདས་དུས་གསུམ་དུ་ཆགས་པ་མེད་པའི་སྟོབས་ཀྱི་གཞི་བྱིན་གྱིས་རློབ་པ། དེ་བཞིན་གཤེགས་པའི་གནས་བསམ་གྱིས་མི་ཁྱབ་པའི་རྒྱན་རྣམ་པར་དག་པའི་སྙིང་པོ་ཅན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ་དེ་ནས་ཆོས་ཀྱི་དབྱིངས་མ་ལུས་པ་ཇི་སྙེད་ཡོད་པ་དེ་དག་རྣམ་པར་རིག་པར་བྱེད་པའི་སྒྲ་རྣམས་ལས་ཆོས་ཀྱི་དབྱིངས་ཀྱི་གནས་ཀྱི་སྟོབས། མི་མཉམ་པ་དང་མཉམ་པའི་སྟོབས། ཡང་དག་པར་རྫོགས་པའི་སངས་རྒྱས་ཀྱི་མོས་པ་ལས་བྱུང་བ། གནས་སྐབས་གཞི་དབྱངས་གཅིག་ལས་བྱུང་བས་ཆོས་ཀྱི་དབྱིངས་ཐམས་ཅད་ཁྱབ་པར་བྱས་ཏེ་ནམ་མཁའ་དང་མཉམ་པར་གྱུར་ནས་བྱུང་བ། ན་མཿ ་སརྦྦ་ཏ་ཐཱ་ག་ཏེ་བྷྱོ་བི་ཤཝ་མུ་ཁེ་བྷྱཿ ་སརྦ་ཐཱ། ཨ་ཨཱ་ཨཾ་ཨཿ ། ཡང་དག་པར་རྫོགས་པའི་སངས་རྒྱས་ཀྱི་སྙིང་པོ་དེ་དག་བྱུང་མ་ཐག་ཏུ་དེ་ནས་ཡང་ཆོས་ཀྱི་དབྱིངས་ཐམས་ཅད་ངེས་པར་སྒྲོག་པའི་སྒོ་དག་ནས་ཡང་དག་པར་རྫོགས་པའི་སངས་རྒྱས་ཀྱི་སྙིང་པོ་ཚིག་གིས་མཚན་པ་རྣམ་པར་རིག་པའི་དབྱངས་ཀྱི་སྒྲ་
223b
གཅིག་ནས་གཅིག་ཏུ་མངོན་པར་གྲག་གོ་།བྱང་ཆུབ་སེམས་དཔས་དེ་ཐོས་ནས་ངོ་མཚར་དུ་གྱུར་པའི་མིག་ཕྱེ་སྟེ། ཀུན་མཁྱེན་སྙུན་དང་བྲལ་བ་ལ། །ཚིག་སྙན་འདི་སྐད་ཅེས་གསོལ་ཏོ། ། ེ་མའོ་གསང་སྔགས་སྤྱད་པ་ལས། །སངས་རྒྱས་རྐང་གཉིས་མཆོག་རྣམས་ཀྱིས། །གང་གིས་འདི་ཀུན་ཁྱབ་པ་ཡི། །ཡེ་ཤེས་ཡངས་པ་ཆེན་པོ་འབྱུང ། །དེ་བས་རྣམ་པ་ཐམས་ཅད་དུ།། སངས་རྒྱས་བསྔགས་པའི་སྙིང་པོ་ལ། །ནང་གི་བདག་ཉིད་རྣམ་དག་པས། །རྟག་ཏུ་མངོན་པར་བརྩོན་པར་བྱ། །དེ་ནས་ཡང་དག་པར་རྫོགས་པའི་སངས་རྒྱས་ཀྱི་སྙིང་པོ་འདི་རྣམས་ཀྱི་སྒྲུབ་པ་འབྱུང་སྟེ། སྐྱེད་མོས་ཚལ་ལམ། གཙུག་ལག་ཁང་མམ། ཕུག་གམ། ཡིད་གང་དུ་དབེན་པ་དེར་བྱང་ཆུབ་ཀྱི་སེམས་སྒོམ་ཞིང་མཚན་མམ་བྱུང་གི་བར་དེ་སྲིད་དུ་འདུག་པར་བྱའོ། །དེ་ནས་སྙིང་པོ་དེ་དག་ལས་གང་ཡང་རུང་བ་གཅིག་བཟུང་སྟེ་ཐེ་ཚོམ་མེད་པར་གྱུར་གྱི་བར་དུ་གཞི་བསྒྲུབ་པར་བྱའོ། །དེ་ནས་སྙིང་གར་བཞག་ནས་ཡིད་བསྒྲུབ་པར་བྱ་སྟེ། ཤིན་ཏུ་རྣམ་པར་དག་པ། དྲི་མ་མེད་པ། བརྟན་པ། རབ་ཏུ་མི་གཡོ་བ། རྣམ་པར་མི་རྟོག་པ་མེ་ལོང་ལྟ་བུ། རབ་ཏུ་ཕྲ་བ་ལ་མངོན་དུ་བལྟ་ཞིང་རྟག་ཏུ་གོམས་པའི་སྦྱོར་བས་རང་གི་ལུས་རང་གི་ལྷའི་ལུས་སུ་མཐོང་གི་བར་དུ་བྱ་འོ། །གཞི་གཉིས་པ་ནི། ཡང་དག་པར་རྫོགས་པའི་སངས་རྒྱས་མེ་ལོང་གི་དཀྱིལ་འཁོར་དེ་ཉིད་ཀྱི་ནང་ན་པདྨའི་རྒྱལ་པོ་ཆེན་པོ་ལ་བཞུགས་པ། ཕུག་ན་བཞུགས་པ་ལྟ་བུའི་ཏིང་ངེ་འཛིན་ལ་
224a
༄#། །སྙོམས་པར་ཞུགས་པ། ཐོར་ཚུགས་དང་དབུ་རྒྱན་ཅན། འོད་ཟེར་མཐའ་ཡས་པས་བསྐོར་བ། རྟོག་པ་དང་རྣམ་པར་རྟོག་པ་ཐམས་ཅད་དང་བྲལ་བ། ནམ་མཁའ་བཞིན་གཟོད་མ་ནས་ཞི་བ་སྟེ། དེ་ལ་སྒྲ་གནས་པར་བསམ་ཞིང ། མཉམ་པར་བཞག་པས་བཟླས་བརྗོད་བྱ། །དེ་ནས་སྔོན་དུ་བསྙེན་པ་ནི། །འབུམ་ཕྲག་གཅིག་ཏུ་བྱ་བར་བཤད།། དེ་ནས་ཟླ་བ་གཉིས་པ་ལ། །མེ་ཏོག་དྲི་ལ་སོགས་པ་དབུལ། །སེམས་ཅན་རྣམས་ལ་རྣམ་མང་པོའི། །ཕན་པ་ཉེ་བར་སྒྲུབ་བྱེད་ཅིང ། །རྙེད་དང་མ་རྙེད་རྣམ་སྤངས་ཏེ། །ཟླ་བ་གཞན་ལ་བཟླས་བརྗོད་བྱ། །དེ་ལ་དེ་རུ་སྦྱོར་བ་འདི། །མཉམ་པར་བཞག་པས་བསམ་པར་བྱ། །བདག་གི་བསོད་ནམས་མཐུ་ཡིས་ནི། །སེམས་ཅན་ཐམས་ཅད་བདེ་གྱུར་ཅིག་།ཐམས་ཅད་ནད་ཀྱང་མེད་པར་ཤོག་།ཡང་ན་དེ་བཞིན་གཤེགས་བསྔགས་པའི། །འདོད་པ་ཕུན་སུམ་ཚོགས་གྱུར་ཅིག་།ཡང་ན་སེམས་ཅན་ཐམས་ཅད་ཀྱང ། །རེ་བ་ཐམས་ཅད་ཡོངས་རྫོགས་པ། །སྒྲིབ་པ་མེད་པའི་ཚུལ་གྱིས་སུ། །མ་ཐོགས་པར་ནི་གྲུབ་པར་ཤོག་།དུང་འགྲོ་གཅིག་ལ་གཅིག་ཟ་བའི། །སྡུག་བསྔལ་ནམ་ཡང་འབྱུང་མ་གྱུར། །ཡི་དྭགས་རྣམས་ལ་ཟས་སྐོམ་སོགས། །ཐོགས་པ་མེད་པར་འབྱུང་བར་ཤོག་།སེམས་ཅན་དམྱལ་བའི་སྡུག་བསྔལ་གང ། །མི་བཟད་རྣམ་པ་སྣ་ཚོགས་པ། །བདག་གི་བསོད་ནམས་མཐུ་ཡིས་
224b
ནི། །དེ་དག་མྱུར་དུ་ཞི་བར་གྱུར། །སེམས་ཅན་སྡུག་བསྔལ་ཐམས་ཅད་ལ། །སྙིང་རྗེ་ཆེན་པོ་བསྐྱེད་ནས་ནི། །བསྒྲུབ་པ་དེ་དང་གཞན་དག་ཀྱང ། །དེས་ནི་ཡང་དང་ཡང་དུ་བསམ། །ཇི་ལྟར་བསམ་པ་འགྲུབ་བྱའི་ཕྱིར། །བྱིན་གྱི་རླབས་ཀྱི་གནས་གསུམ་གྱིས། །དེ་དག་ཐམས་ཅད་བྱིན་བརླབ་ཅིང ། །ཡིད་ལ་སྔགས་ཀྱང་བཟླས་བརྗོད་བྱ། །བདག་གི་བསོད་ནམས་སྟོབས་དང་ནི། །དེ་བཞིན་གཤེགས་པའི་བྱིན་སྟོབས་དང ། །ཆོས་ཀྱི་དབྱིངས་ཀྱི་སྟོབས་ཀྱིས་སུ། །སེམས་ཅན་རྣམས་ལ་ཕན་འདོད་པས། །དོན་རྣམས་གང་དག་བསམ་པ་ཀུན། །སེམས་ཅན་ཁམས་ནི་མ་ལུས་འདིར། ། དེ་དག་ཐམས་ཅད་ཅི་རིགས་པར། །ཐོགས་པ་མེད་པར་འབྱུང་གྱུར་ཅིག་།དེ་ནས་བཅོམ་ལྡན་འདས་ཀྱིས་དེའི་ཚེ་རིག་སྔགས་ཀྱི་རྒྱལ་མོ་སྟོབས་ནམ་མཁའ་དང་འདྲ་བ་ནམ་མཁའི་མཛོད་འབྱུང་བ་གསུངས་སོ། །ན་མཿ ་སརྦ་ཏ་ཐཱ་ག་ཏེ་བྷྱོ་བི་ཤཝ་མུ་ཁེ་བྷྱཿ སརྦ་ཏད་ཁཾ་ཨུཏྒལ་\?\་ཏེ་སྥ་ར་ཎ་ཧི་མཾ་ག་ག་ན་ཁཾ་སཝཱཧཱ། འདིར་ལན་གསུམ་བཟླས་ན། ཇི་ལྟར་བསམ་པའི་དོན་ཐམས་ཅད་ཐོགས་པ་མེད་པར་འབྱུང་བར་འགྱུར་རོ། །དེ་ནས་ཟླ་བ་ཉ་བའི་ཚེ། །མི་དེ་སྒྲུབ་ལ་འཇུག་པར་བྱ། །རི་རྩེ་དང་ནི་བ་ལང་ལྷས། །ཆུ་མདོ་འམ་ཡང་ན་དུར་ཁྲོད་དམ། །ལམ་གྱི་གཞི་མདོའམ་ཤིང་གཅིག་དྲུང ། །མ་མོའི་གནས་སམ་ཞིག་གནས་སུ། །བགེགས་རྣམས་ཐམས་ཅད་མྱོས་འགྱུར་བའི། །དཀྱིལ་འཁོར་ངེས་པས་མཉན་པར་གྱིས། །ཀུན་ཏུ་གྲུ་
225a
༄#། །བཞི་ལྷམ་པ་སྟེ། །སྒོ་གཅིག་པ་ལ་མུ་རན་ཅན། །ཐམས་ཅད་ཁ་དོག་སེར་བོ་ལ། །རྡོ་རྗེ་དཀྱིལ་འཁོར་མཆོག་བྲིས་ནས། །རྡོ་རྗེ་སྦྲེལ་བའི་ཚུལ་གྱིས་སུ།། རྡོ་རྗེས་ཕན་ཚུན་འབྲེལ་བར་བྱ། །སྒོར་ནི་སྒོ་སྲུང་གཉིས་བྲི་བ། །གདུལ་དཀའ་དང་ནི་མངོན་ཕྱོགས་གཉིས། །མིག་དམར་ཁྲོ་དང་བཅས་པ་ལ། །ཁྲོས་ཤིང་སྡིགས་པར་བྱེད་བ་བྲི། ། མདུང་རྩེ་གསུམ་པ་གྲ་རྣམས་སུ། །ནན་ཏན་དུ་ནི་བྲི་བར་བྱ། །དབུས་སུ་རྡོ་རྗེའི་གདན་ཡིད་འོང ། །ཁ་ནི་ཀུན་ཏུ་བལྟ་བ་བྲི། །དེའི་སྟེང་པདྨ་ཆེན་པོ་ནི། །འདབ་མ་བརྒྱད་པ་ཟ་བར་བཅས།། རྒྱལ་བ་ཀུན་ལ་ཕྱག་བྱས་ནས། །སྨོན་ལམ་ཉེ་བར་སྒྲུབ་བྱེད་ཅིང ། །ཕྱག་ན་རྡོ་རྗེ་བློ་ཅན་གྱིས། །རྡོ་རྗེའི་ཕྱག་རྒྱ་བཅིངས་ནས་སུ། །དེ་ནས་བསྲུངས་བྱས་དེར་འདུག་སྟེ། །སྦྱང་བའི་རྫས་ནི་བླངས་ནས་སུ། །ནང་གི་བདག་ཉིད་རྣམ་དག་པས། །མཚན་གཅིག་ཐལ་བྱུང་བཟླས་བརྗོད་བྱ། །དེར་ནི་ནམ་གྱི་ཕྱེད་དུས་སམ། །ཡང་ན་ཉི་མ་འཆར་བའི་ཚེ། །རྫས་དེ་ཡོངས་སུ་འགྱུར་བ་ནི། །འབར་ཕྲེང་ཅན་གྱིས་གཟི་བརྗིད་བཞིན། །སྔགས་པ་རང་གིས་དེ་བླངས་ན། །ནམ་མཁའ་ལ་ནི་འགྲོ་བར་འགྱུར། །བསྐལ་པར་གནས་ཤིང་གཟི་བརྗིད་ཆེ། །རྒྱལ་སྲས་དེ་ནི་འདོད་ན་འཆི། །འཇིག་རྟེན་ཁམས་ནི་གཞན་དུ་འང་འགྲོ། །གཙོ་བོ་སྣ་ཚོགས་གཟུགས་འཆང་བ། །རྫས་ལས་བྱུང་བའི་སྔགས་བསྒྲུབས་པས། །དཔལ་ལྡན་མཆོད་པར་རབ་ཏུ་
225b
བྱེད། །འདི་ནི་ཉམས་པར་མི་འགྱུར་བའི། །རྫས་ཀྱི་དངོས་གྲུབ་ཡིན་པར་བཤད། །གསང་བ་པའི་བདག་པོ། དེ་ལ་བརྟག་པ་འདི་རྒྱུ་མཚན་དུ་མཛད་ནས་འཇིག་རྟེན་གྱི་ཁམས་ཐམས་ཅད་ན་བཞུགས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐམས་ཅད་ཀྱི་ཕ་རོལ་ཏུ་ཕྱིན་པ་རྟོགས་པར་ཐུགས་སུ་ཆུད་པ་རྣམས་ཀྱིས་རྟག་པ་དེ་ཉིད་རང་བཞིན་གྱིས་སྟོང་པར་མཁྱེན་ཀྱང་ཐབས་ཀྱི་ཕ་རོལ་ཏུ་ཕྱིན་པའི་སྟོབས་ཀྱིས་འདུས་མ་བྱས་པ་གདགས་པར་བརྟགས་ཏེ། ཡོངས་སུ་བསྒྱུར་བའི་ཚུལ་དུ་མཐོང་བའི་ཆོས་ལ་བདེ་བར་གནས་པར་བྱ་བའི་ཕྱིར་ཆོས་ཀྱི་དབྱིངས་ཀྱི་མཐུ་རླབས་པོ་ཆེ་སེམས་ཅན་རྣམས་ལ་ངེས་པར་སྟོན་ཏོ། །དེས་དེ་རྣམས་ཡིད་རབ་ཏུ་དགའ་ཞིང་ཚེ་རིང་པོ་ཡང་རབ་ཏུ་ཐོབ་ནས་འདོད་པའི་ཡོན་ཏན་ལྔ་དག་གི་རྩེ་དགའ་ཡོངས་སུ་སྤྱོད་ལ། སངས་རྒྱས་བཅོམ་ལྡན་འདས་རྣམས་ལ་མཆོད་པ་བྱེད་ཅིང་འཇིག་རྟེན་ཐམས་ཅད་དང་མི་མཐུན་པའི་ལམ་འདི་འགྲུབ་པར་འགྱུར་རོ། །དེ་བཞིན་གཤེགས་དང་བྱང་ཆུབ་སེམས་དཔའ་རྣམས་ཀྱིས་ཀྱང་དོན་གྱི་དབང་འདི་གཟིགས་ནས་གསང་སྔགས་སྤྱད་པའི་ཚུལ་གྱི་ཆོ་ག་ཐུགས་དགྱེས་བཞིན་དུ་འཆད་དོ། །དེ་ཅིའི་ཕྱིར་ཞེ་ན། གང་བསྐལ་པ་དུ་མར་རྩོལ་ཞིང་འབད་དེ་བྱ་དཀའ་བ་རྣམས་བརྩམས་ཀྱང་ཐོབ་བར་མི་འགྱུར་བ་དེ་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་
226a
༄#། །ཆུབ་སེམས་དཔའི་སྤྱད་པ་སྤྱོད་པ་རྣམས་ཀྱིས་ཚེ་འདི་གཅིག་ཁོ་ན་ལ་ཐོབ་པར་འགྱུར་རོ། །གསང་བ་པའི་བདག་པོ། གཞན་ཡང་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་བས་དེ་བཞིན་དུ་རྒྱལ་མཚན་ནམ། རལ་གྲི་འམ། གདུགས་སམ། མཆིལ་ལྷམ་མམ། ཡིད་བཞིན་གྱི་ནོར་བུ་འམ། ལིག་བུ་མིག་གམ། གི་ཝང་བླངས་ཏེ་བཟླས་བརྗོད་སུམ་འབུམ་བྱས་ལ་དེ་ལྟར་བསྒྲུབས་ན། དེ་བཞིན་དུ་འགྲུབ་པར་འགྱུར་རོ། །གསང་བ་པའི་བདག་པོ། གཞན་ཡང་རིགས་ཀྱི་བུ་འམ། རིགས་ཀྱི་བུ་མོ་ཐབས་དང་ལྡན་པས་ཡིད་ལ་འདོད་པའི་དངོས་པོ་རྣམས་བསྒྲུབས་ན། དེ་དག་རང་གི་སེམས་ཀྱི་དབང་ཙམ་ཁོ་ནས་ཡོངས་སུ་འགྲུབ་པར་འགྱུར་རོ། །གསང་བ་པའི་བདག་པོ། གང་དག་རྒྱུ་ལས་འབྲས་བུ་མངོན་པར་འདོད་པའི་མི་བླུན་པོ་དེ་དག་ནི། གསང་བ་པའི་བདག་པོ། གསང་སྔགས་རྣམས་ཀྱི་མཚན་ཉིད་རབ་ཏུ་མི་ཤེས་པ་ཡིན་ནོ། །དེ་ཅིའི་ཕྱིར་ཞེ་ན། རྒྱུ་ནི་བྱེད་པར་མ་གསུངས་ཏེ། འབྲས་བུ་འང་དེ་ལ་ཡོད་མ་ཡིན། །རྒྱུ་ནི་རྒྱུ་ཡིས་སྟོང་པས་ན། །དེ་ནི་ཇི་ལྟར་རྒྱུར་ཡང་འགྱུར། །དེ་བས་གསང་སྔགས་འབྲས་བུ་ནི། །རྒྱུ་དང་ལས་བྲལ་ཤེས་པར་བྱ། །གང་ཚེ་མཚན་མ་མེད་པ་ཡི། །ཏིང་འཛིན་ཇི་ལྟ་བཞིན་རེག་པ། །དེ་ཚེ་སྔགས་པས་དངོས་གྲུབ་ནི། །ཡིད་ལས་ཡང་དག་འབྱུང་བ་ཐོབ། །དེ་ནས་ཡང་བཅོམ་ལྡན་འདས་
226b
ལ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་ཀྱི་གཞི་རྣམས་དངོས་གྲུབ་ཏུ་སྒྲུབ་པའི་ཚིག་གང་གིས་རིགས་ཀྱི་བུ་དང ། རིགས་ཀྱི་བུ་མོ་རྣམས་མཐོང་བའི་ཆོས་ཉིད་ལ་རབ་ཏུ་དགའ་ཞིང་བདེ་བ་ལ་རེག་པར་གནས་ལ་ཆོས་ཀྱི་དབྱིངས་ལས་ཀྱང་འགལ་བར་མི་འགྱུར་བ་དེ་ཡང་བཤད་དུ་གསོལ། བཅོམ་ལྡན་འདས། དེ་ཅིའི་སླད་དུ་ཞེ་ན། ཆོས་ཀྱི་དབྱིངས་ནི། བསམ་གྱིས་མི་ཁྱབ་པའི་དབྱིངས་ལགས་ཏེ། དེ་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་བསྟན་ཏོ། །བཅོམ་ལྡན་འདས། དེ་ལྟ་ལགས་པས་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པས་ན། ཆོས་ཀྱི་དབྱིངས་དབྱེར་མེད་པ་རྟོགས་པར་ཁོང་དུ་ཆུད་པར་བགྱི་འཚལ་ལོ། །དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་ཕྱག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ། ལེགས་སོ་ལེགས་སོ། །གསང་བ་པའི་བདག་པོ། གང་ཁྱོད་དེ་བཞིན་གཤེགས་པ་ལ་དོན་འདི་ཡོངས་སུ་དྲི་བར་སེམས་པ་ད་ནི་ཡང་ལེགས་སོ། །དེའི་ཕྱིར་ཉོན་ལ་ལེགས་པར་རབ་ཏུ་ཡིད་ལ་ཟུངས་ཤིག་དང་ངས་ཁྱོད་ལ་བཤད་དོ། །བཅོམ་ལྡན་འདས། ལེགས་སོ། །ཞེས་གསོལ་ནས་གསང་བ་པའི་བདག་པོ་ཕྱག་ན་རྡོ་རྗེས་བཅོམ་ལྡན་འདས་ལ་མཉན་པ་དང ། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་
227a
༄#། །ཏོ། །གསང་བ་པའི་བདག་པོ། དེ་ལ་ཨ་ཞེས་བྱ་བའི་སྒྲུབ་པ་བྱུང་སྟེ། གཙུག་ལག་ཁང་དམ། ཕུག་གམ། གནས་གང་ཡང་རུང་སྟེ། ཡན་ལག་ཐམས་ཅད་ཨ་ཞེས་བྱ་བ་བཞག་ལ་བཟླས་བརྗོད་སུམ་འབུམ་བྱ་འོ། །དེ་ནས་ཟླ་བ་ཉ་བའི་ཚེ་ཅི་འབྱོར་པས་མཆོད་པ་བྱས་ལ། ཇི་སྲིད་དུ་བྱང་ཆུབ་སེམས་དཔའ་ཀུན་ཏུ་བཟང་པོ་འམ། འཇམ་དཔལ་ལམ། རྡོ་རྗེ་འཛིན་ཆེན་པོ་གང་ཡང་རུང་བ་ཞིག་འོང་སྟེ་མགོ་ལ་ཉུག་གམ། ལེགས་སོ་ཞེས་ཟེར་གྱི་བར་དུ་བཟླས་བརྗོད་བྱའོ། །དེ་ནས་ཕྱག་བྱས་ཏེ་མཆོད་ཡོན་ཕུལ་ན། བྱང་ཆུབ་ཀྱི་སེམས་མི་བརྗེད་པའི་ཏིང་ངེ་འཛིན་ཐོབ་པར་འགྱུར་རོ། །དེ་བཞིན་དུ་སེམས་ཡང་བ་དང ། ལུས་ཡང་བར་གོམས་པར་བྱ་ཞིང་བཟླས་བརྗོད་བྱས་ན། དེའི་ལུས་རྣམ་པར་དག་པ་དང ། སེམས་རྣམ་པར་དག་པར་འགྱུར་རོ། ། ཞེས་བྱ་བ་རྣམ་པར་བཞག་སྟེ་བཟླས་བརྗོད་བྱས་ན། རྣ་བ་རྣམ་པར་དག་པར་འགྱུར་རོ། །འོན་ཏེ་སྲོག་གཟུང་བར་འདོད་ན། ཨ་ཞེས་བྱ་བ་སྲོག་དང་ལྷན་ཅིག་ཏུ་བྱས་ལ་དུས་གསུམ་དུ་བསམ་པ་བྱས་ན། ཡུན་རིང་དུ་གནས་པར་འགྱུར་རོ། །དེ་ཉིད་ཀྱི་སྟེང་དུ་ཀླད་ཀོར་བཞག་ན། གནས་པ་དང ། འགྲོ་བའི་དུག་ཐམས་ཅད་འབྱིན་ཏོ། །དེ་ནས་གཟི་ཅན་དབང་དུ་བྱ་བར་འདོད་ན། ཨ་ཞེས་བྱ་བ་བདག་ཏུ་བྱས། །པ་ལས་དེ་བཞིན་མི་དབང་པོ། །གཅིག་ལ་པདྨ་གཞག་པར་བྱ། །གཞན་ལ་
227b
ཡང་ནི་དུང་བཞག་སྟེ། །གཅིག་ལ་གཅིག་ནི་གདོང་བལྟས་ན། །དེ་ཡི་མོད་ལ་དབང་དུ་འགྱུར། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་ཐམས་ཅད་དང་ལྡན་པའི་འཁོར་འདུས་པ་ལ་གཟིགས་ནས་གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ། དེ་བཞིན་གཤེགས་པ་རྣམས་ཀྱི་ཐུགས་ལས་བྱུང་བ་ཞེས་བྱ་བ་ལས་དང་བྱ་བས་རྣམ་པར་རོལ་པ།་སྤྱོད་པའི་རོལ་མོ་རིམ་པར་ཕྱེ་བ་རྒྱས་པ། ཁམས་བཞི་ཡང་དག་པར་བསྡུ་བར་བསྡུས་པ། སེམས་ཀྱི་རྒྱལ་པོ་ལ་གནས་པ། ནམ་མཁའ་ལྟར་ཀུན་ཏུ་ཁྱབ་པ། མཐོང་བ་དང་མ་མཐོང་བའི་འབྲས་བུ་མང་བ། ཉན་ཐོས་དང ། རང་སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ཀྱི་མངོན་སུམ་པ། གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་ཀྱི་རེ་བ་ཐམས་ཅད་ཡོངས་སུ་རྫོགས་བར་བྱེད་པ། ལས་སྣ་ཚོགས་དང་ལྡན་པ། སེམས་ཅན་ཐམས་ཅད་ལ་ཕན་འདོགས་པ་ཡོད་ཀྱི། དེ་ཉོན་ལ་ལེགས་པར་རབ་ཏུ་ཡིད་ལ་ཟུངས་ཤིག་དང་ངས་ཁྱོད་ལ་བཤད་དོ། །ལག་ན་རྡོ་རྗེ། དེ་ལ་སྤྱོད་པའི་རོལ་མོ་ལས་དང་བྱ་བ་མངོན་པར་འགྲུབ་པའི་འབྲས་བུ་ཕལ་ཆེ་བ་ལུས་ཅན་ཀུན་གྱི་མངོན་སུམ་པ་གང་ཞེ་ན། ཆོ་ག་ཤེས་པས་ཐོག་མར་ནི། །བདག་གི་དེ་ཉིད་རིམ་བཞིན་བྱ། །སྔགས་པ་སྔ་མ་བཞིན་འདུག་ལ། །དེ་བཞིན་གཤེགས་པ་དྲན་བྱས་ཏེ། །བདག་ཉིད་ཨ་ཞེས་བྱ་བ་ནི། །ཀླད་ཀོར་བཅས་དང་རྒྱས་བྱས་
228a
༄#། །པ། །ཐམས་ཅད་ཤིན་ཏུ་སེར་ཞིང་བཟང ། །གྲུ་བཞི་རྡོ་རྗེས་མཚན་བྱས་ཏེ། །སྔགས་པས་དེར་གནས་རྫོགས་པ་ཡི། །སངས་རྒྱས་ཀུན་གྱི་གཙོ་བོ་བསམ། །འདི་ནི་སངས་རྒྱས་ཐམས་ཅད་ཀྱིས། །བདག་གི་དེ་ཉིད་ཡིན་པར་གསུངས། །ནམ་ཞིག་སྔགས་པས་བདག་གིས་ནི། །དེ་ཉིད་དོགས་པ་མེད་འགྱུར་བ། །དེ་ཚེ་འཇིག་རྟེན་ཐམས་ཅད་ལ། ། ཕན་པ་བྱེད་པ་ཉིད་དུ་འགྱུར། །ངོ་མཚར་སྣ་ཚོགས་ངག་དང་ལྡན། །མིག་འཕྲུལ་ཅན་གྱི་གནས་ལ་འདུག་།སྔགས་པ་ནམ་ཞིག་མཉམ་བཞག་ན། །སྲིད་པ་རབ་ཏུ་དོགས་པ་ན།། ཐོག་མེད་དུས་ནས་མི་ཤེས་པས། །བསགས་བའི་ལས་དེ་ཀུན་ཟད་འགྱུར། །བླ་ན་མེད་པའི་བྱང་ཆུབ་སེམས། །སེམས་དེ་ནམ་ཞིག་སྒོམ་བྱེད་པ། །དེའི་ཚེའང་སྔགས་པ་རྣལ་འབྱོར་པ། །ཆུ་ཡིས་པདྨ་ལྟ་བུར་ནི། །དགེ་དང་མི་དགེ་འབྲས་འབྱུང་བའི། །ལས་ཀྱི་རྟོག་པས་མི་གོས་ན། །འདི་བདག་ཉིད་ནི་རྒྱལ་མཆོག་ཏུ། །བསྒྱུར་ན་སྨོས་ཀྱང་ཅི་ཞིག་དགོས།། བམ་པོ་བཞི་པ། །དེ་ནས་བཅོམ་ལྡན་འདས་རྣམ་པར་སྣང་མཛད་བདུད་བཞི་ལས་རྒྱལ་བ་རྡོ་རྗེ་རྣམ་པར་རོལ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རྡོ་རྗེའི་ཡི་གེའི་ཚིག་བདུད་བཞི་ལས་རྒྱལ་བར་བྱེད་པ། རྒྱུད་དྲུག་ལས་རྣམ་པར་གྲོལ་བར་བྱེད་པ། ཐམས་ཅད་མཁྱེན་པའི་ཡེ་ཤེས་ཡོངས་སུ་རྫོགས་པར་བྱེད་པ་འདི་རྣམས་གསུངས་སོ། །ན་མཿ ་ས་
228b
མནྟ་བུདྡྷཱ་ནཱ་ན། ཨཱ་བཱི་ར་ཧཱུཾ་ཁཾ། དེ་ནས་ཡང་དག་གསང་བ་པའི་བདག་པོ་ཕྱག་ན་རྡོ་རྗེ་དང ། རྡོ་རྗེ་འཛིན་དེ་དག་དང ། བྱང་ཆུབ་སེམས་དཔའ་ཀུན་ཏུ་བཟང་པོ་ལ་སོགས་པ་དེ་དག་དང ། ཐམས་ཅད་དང་ལྡན་པའི་འཁོར་འདུས་པ་དེ་དག་ཐམས་ཅད་ངོ་མཚར་དུ་གྱུར་ནས་མིག་མི་འཛུམ་པར་ཐམས་ཅད་མཁྱེན་པ་ལ་སྤྱི་བོས་ཕྱག་འཚལ་ཏེ་ཚིག་འདི་སྐད་ཅེས་བརྗོད་དོ། །བྱང་ཆུབ་སེམས་དཔའ་སྐྱོབ་རྣམས་དང ། །སངས་རྒྱས་ཀུན་གྱི་ནོར་གྱི་དབྱིག་།འདིས་ནི་གང་དག་སངས་རྒྱས་དང ། །བྱང་ཆུབ་སེམས་དཔའ་སྐྱོབ་རྣམས་དང ། །རང་སངས་རྒྱས་དང་ཉན་ཐོས་པ། །མཁས་པ་དེ་དག་འཇིག་རྟེན་འདིར། །སངས་རྒྱས་ཡེ་ཤེས་བླ་མེད་པ། །དཔེ་མེད་ཡེ་ཤེས་ཐོབ་ནས་སུ། །རྫུ་འཕྲུལ་སྣ་ཚོགས་རྣམ་འཕྲུལ་པས། །ས་སྟེང་ཀུན་ཏུ་རྣམ་པར་སྤྱོད། །དེ་བས་འདི་དག་སོ་སོ་ཡི། །ཆོ་ག་རྒྱས་པ་དག་དང་ལས། །སྣ་ཚོགས་དགོད་པ་ཐམས་ཅད་ཀྱང ། །བསྟན་པ་འདི་ལ་བཤད་དུ་གསོལ། །དེས་ནི་གསང་སྔགས་སྤྱོད་པ་ཡི། །ཐེག་ཆེན་བླ་ན་མེད་པ་ལ། །སེམས་ཅན་རྣམས་ནི་དགའ་བཞིན་དུ། །མཐོང་བའི་ཆོས་ལ་གནས་པར་འགྱུར། །དེ་སྐད་གསོལ་ནས་བཅོམ་ལྡན་གྱིས། །འཇམ་པའི་གསུང་གིས་བཀའ་སྩལ་པ། །ཁྱེད་རྣམས་མཐུན་པར་རྩེ་གཅིག་ཏུ། །མཉམ་པར་ཞོག་ལ་འདི་ཉོན་ཅིག་།དེའི་ཆོས་གཞི་རྡོ་རྗེ་ཆེན་པོར་བྱིན་གྱིས་བརླབས་ཏེ་ཉིད་ཀྱི་སྐུ་ལས་བྱང་ཆུབ་ཀྱི་སྙིང་པོ་ཅན་ཉེ་བར་བསྟན་པར་
229a
༄#། །བཞེད་ནས་གསུངས་པ། ཨ་ནི་མཆོག་ཏུ་ཤེས་བྱ་བ། །དབང་ཆེན་དཀྱིལ་འཁོར་ལྡན་པ་སྟེ། །ཕྱི་རོལ་དང་ནི་ནང་དུ་ཡང ། །རྡོ་རྗེ་དཀྱིལ་འཁོར་ཤེས་པར་བྱ། །དེར་འདུག་ནས་ནི་ཐམས་ཅད་བསམ། །རྣལ་འབྱོར་གནས་ཤེས་བཤད་པ་ཡིན། ། ནི་སྲོག་གི་དམ་པ་སྟེ། །འགུགས་པར་བྱེད་པའི་མཆོག་ཏུ་བཤད། །ནམ་ཞིག་ཀླད་ཀོར་གྱིས་མནན་ན།། ལུས་ཅན་ཀུན་གྱི་སེལ་བར་འགྱུར། །སྔགས་པས་ནམ་ཞིག་ཟླ་གཅིག་ཏུ། །རྡོ་རྗེ་ཅན་གྱིས་རྒྱ་བཅིངས་ནས། །དུས་གསུམ་བཟླས་བརྗོད་བྱས་ན་ནི། །མི་ཤེས་གྲོང་ཁྱེར་འཇོམས་པར་འགྱུར། །ལྷ་དང་ལྷ་མིན་རྣམས་ཀྱིས་ཀྱང ། །མི་ཕྱེད་ཤིན་ཏུ་བརྟན་པར་འགྱུར། །བདག་གི་རྙེད་པ་གྲུབ་བྱའི་ཕྱིར། །རྒྱས་པའི་ལས་ནི་གང་ཅུང་ཟད། །དེ་ཀུན་རྟག་ཏུ་སྔགས་པ་ཡིས། ། དཀྱིལ་འཁོར་གྱི་ནི་དབུས་སུ་བྱ། །གསེར་གྱི་ཁ་དོག་འབར་དང་བཅས། །ཐོར་ཚུགས་དབུ་བརྒྱན་འཆང་བ་ཡི། །རྫོགས་པའི་སངས་རྒྱས་ཏིང་འཛིན་བཞུགས། །དབང་ཆེན་གྱི་ནི་གཞི་ཞེས་བྱ། །རྡོ་རྗེ་པདྨ་རལ་གྲི་དང ། །དེ་བཞིན་དང་པར་བཤད་པ་དང ། །གསེར་དག་དང་ནི་ས་དག་དང ། །ཡང་ན་ཡིད་བཞིན་ནོར་བུའང་རུང ། །དེ་ལ་སོགས་པའི་རྫས་རྣམས་ནི། །དབང་ཆེན་དུ་ནི་བསྒོམས་ཏེ་བསྒྲུབ། །མནན་པ་དག་ཀྱང་བཤད་པར་བྱའི། །འདི་ནི་ཁྱེད་ཀྱིས་མཉམ་བཞག་ཉོན། །སྔགས་པས་མདོར་ན་རི་རབ་ནི། །རྩེ་མོ་བརྒྱད་པ་བསམ་པར་བྱ། །དེ་ཡི་སྟེང་དུ་
229b
པདྨ་གཞག་།དེ་ཡི་རྗེས་ལ་རྡོ་རྗེའོ། །དེའི་སྟེང་རྣལ་འབྱོར་པ་ཡིས་ནི། །ཡི་གེ་དམ་པ་གཙོ་བོ་སྟེ། །དེ་ཡིས་སྤྱི་བོར་མནན་ན་ནི། །དེ་ནི་མི་གཡོ་གནས་པར་འགྱུར། །སྨན་ལ་ཡང་ནི་ལན་བརྒྱ་རུ། །བཟླས་བརྗོད་བྱས་ཏེ་མིས་འཐུངས་ན། །སྔོན་གྱི་ལས་ལས་བྱུང་བ་ཡི། །དེ་ཡི་ནད་རྣམས་འབྱང་བར་འགྱུར། །དེ་ནས་གཞན་ཡང་དེས་པ་ཡིས། །བ་ཞེས་བྱ་བ་དམ་པ་ཉོན། །གངས་དང་འོ་མ་དུང་འདྲ་བ། །ལྟེ་བའི་དབུས་ནས་བྱུང་བ་སྟེ། །པདྨ་དཀར་པོར་འདབ་མ་ནི། །དེ་ཡི་དབུས་ན་རབ་ཏུ་གནས། །མགོན་པོ་དམ་པ་རབ་ཏུ་ཞི། །སྟོན་ཀའི་ཟླ་བའི་འོད་དང་འདྲ། །དེ་ཡི་དཀྱིལ་འཁོར་ངོ་མཚར་ཅན། །རྫོགས་པའི་སངས་རྒྱས་རྣམས་ཀྱིས་བཤད། །ཀུན་ཏུ་དཀར་པོར་བསམ་པར་བྱ། །ཁྱུད་ཁོར་རིམ་པ་དགུས་ཀྱང་བསྐོར། །གདུང་པ་ཐམས་ཅད་ཞི་བྱེད་པ། །སྨུག་ཟིལ་འདུས་པའི་ནང་ན་གནས། །འོ་མ་མུ་ཏིག་ཕྲེང་དཀར་དང ། །ཤེལ་དང་ཟླ་བའི་འོད་འདྲ་བའི། །ཆུ་རྒྱུན་རྣམས་ཀྱིས་འཁོར་ཡུག་ཏུ། །ཀུན་ནས་རབ་ཏུ་འབར་བ་བཞིན། །སྔགས་པས་ཡིད་ལ་བསམས་ན་ནི།། གདུང་བ་ཀུན་ལས་ཐར་བར་འགྱུར། །མཉམ་པར་བཞག་པས་དངོས་འདི་རྣམས། །དཀྱིལ་འཁོར་འདིར་ནི་བསྒྲུབ་པར་བྱ། །མར་གསར་འོ་མ་མུ་ཏིག་ཕྲེང ། །དེ་བཞིན་ཁྱུ་མཆོག་ཤེལ་ཀྱང་རུང ། །འོ་མ་འམ་ཡང་ན་ཆུ་ཡང་རུང ། །དེ་ལ་སོགས་པའི་རྫས་རྣམས་ནི། །དངོས་གྲུབ་སྣ་ཚོགས་གྲུབ་ཕྱིར་བསྒྲུབ། །ཚེ་ནི་རིང་བར་འགྱུར་བ་དང ། །གཟུགས་ནི་ངོ་མཚར་ཆེར་འགྱུར་
230a
༄#། །དང ། །ནད་རྣམས་ཀུན་ལས་ཐར་པ་དང ། །སྐལ་བ་བཟང་པོ་མཆོག་འགྱུར་དང ། །ཡིད་རྣོ་འཛིན་པར་ནུས་པ་དང ། །ཤེས་རབ་ཤིན་ཏུ་དྲི་མེད་དང ། །སྒྲུབ་པའི་རྫས་ནི་འདི་རྣམས་ཀྱིས། །དེ་དག་ཐམས་ཅད་མྱུར་དུ་འགྲུབ། །དཀྱིལ་འཁོར་དཔལ་དང་ལྡན་པ་འདིས། །ཞི་བར་བྱེད་པར་བཤད་པ་ཡིན། །ཀླད་ཀྱི་འཁོར་དང་བཅས་བྱས་ན། ། སེལ་བར་བྱེད་པའི་མཆོག་ཏུ་འགྱུར། །ར་ཞེས་བྱ་བ་ཡང་དག་མཆོག་།འོད་ཅན་རྣམས་ཀྱི་འོད་ཅེས་བྱ། །དེས་ནི་ལས་རྣམས་གང་ཅུང་ཟད། །མཚམས་མེད་ལྔ་ལས་བྱུང་བ་ཡང ། ། རྣལ་འབྱོར་ཤིན་ཏུ་མཉམ་བཞག་ནས། །བསམས་ན་དེ་ཀུན་ཟད་པར་འགྱུར། །ཡིད་འོང་ཐམས་ཅད་རབ་ཏུ་དམར། །གྲུ་གསུམ་པ་ཡི་ཚུལ་དུ་གནས། །ཞི་བ་འབར་བའི་ཕྲེང་བས་འཁྲིགས། །སུམ་མདོའི་རིས་མཚན་སྙིང་གར་གཞག་།རྣལ་འབྱོར་པ་ནི་དེར་འདུག་ནས། །ར་ནི་ཀླད་ཀོར་བཅས་པར་བསམ། །མི་འཇིགས་པས་ནི་ཅི་རིགས་པར། །དངོས་པོ་འདི་དག་དེས་བསྒྲུབ་བོ། །ཉི་མ་དང་ནི་གཟའ་ཀུན་དང ། །དེ་བཞིན་བསྒྲིམས་ཏེ་མེ་དང་ནི། །དབང་དུ་བྱ་བའི་རྫས་རྣམས་དང ། །ཡང་ན་འཁོན་པར་འགྱུར་བ་དང ། །བསྐམ་པ་དང་ནི་གསད་པ་དང ། །དེ་བཞིན་དགར་དང་གནོད་པ་དག་།མེ་དང་ལྷན་ཅིག་འདི་སྦྱར་ན། །དེ་དག་ཐམས་ཅད་བྱེད་པར་འགྱུར། །ཧ་ཞེས་བྱ་བ་དམ་པ་མཆོག་།རླུང་ནི་ཐམས་ཅད་ཡང་དག་
230b
འབྱུང ། །རྒྱུ་དང་ལས་དང་འབྲས་བུ་དང ། །གང་གིས་ས་བོན་རྣམས་སྐྱེ་བ། །འདི་ནི་ཀླད་ཀོར་བཅས་སྦྱར་ན། །དེ་དག་ཐམས་ཅད་འཇིག་པར་བྱེད། །དེ་ཡི་གཟུགས་ཀྱང་བཤད་པ་ནི། །ཁ་དོག་ནག་ལ་འོད་པོ་ཆེ། །མི་བཟད་འབར་བའི་ཕྲེང་བས་འཁྲིགས། །ཀུན་ཏུ་ཡང་ནི་རྣམ་པར་འཕྲོ། །མཁས་པས་སྨིན་མའི་མཚམས་སུ་ནི། །དཀྱིལ་འཁོར་ལ་ནི་གནས་པར་བསམ། །དེ་ནི་མཐིང་ག་ཟླ་གམ་འདྲ། །རྟོག་དང་བཅས་པར་བ་དན་གཡོ། །ཡི་གེ་རབ་ཏུ་མི་འགྱུར་བ། །སྔགས་པས་དེར་གནས་བསམ་པར་བྱ། །དཀྱིལ་འཁོར་དེ་ཡི་དབུས་སུ་ནི། །གང་གིས་མཐོང་བ་ཁོ་ན་ལ། །སེམས་ཅན་རྣམས་ཀྱི་དོན་བྱེད་པའི། །དངོས་གྲུབ་རྣམས་ནི་དེ་ཚེ་བསྒྲུབ། །མཁའ་ལ་འགྲོ་བ་ཉིད་དང་ནི། །ཡང་ན་རྫུ་འཕྲུལ་རྐང་པ་དང ། །ལྷ་ཡི་མིག་དང་རྣ་བ་དང ། ། སྔགས་པས་དེ་བཞིན་འཐོབ་པ་དང ། །མི་སྣང་བ་ལ་སོགས་ཀུན་དང ། །དབྱེ་བ་དག་ཀྱང་གང་གསུངས་པ། །སྔགས་པར་མཉམ་པར་བཞག་པ་ཡིས། །དཀྱིལ་འཁོར་གནས་ན་དེ་ཀུན་བྱེད། །འདི་ནི་སྙིང་པོ་བྱང་ཆུབ་འདིར། །བྱང་ཆུབ་སེམས་དཔའ་གྲགས་ཆེན་རྣམས། །རྒྱུ་ཀུན་དམིགས་སུ་མེད་སྒོ་ནས། །བདུད་ལས་རྣམ་པར་རྒྱལ་བར་བྱེད། །རྒྱུ་མེད་པས་ན་འབྲས་བུའང་མེད། །ལས་ཀྱང་ཡོད་པ་མ་ཡིན་ཏེ། །དངོས་པོ་དེ་གསུམ་མེད་པས་ན། །སྟོང་པའི་ཡེ་ཤེས་ཐོབ་པར་འགྱུར། །རྫོགས་པའི་སངས་རྒྱས་མཐུ་ཆེན་གྱིས། །དེའི་གཟུགས་ཡང་དག་
231a
༄#། །བཤད་པ་ནི། །ཀླད་ཀོར་བཅས་པར་ལྡན་པ་སྟེ། །ཁམས་ནི་སྟོང་པའི་མཆོག་ཅེས་བྱ། །རལ་གྲི་ཕྱག་རྒྱར་ལྡན་པ་ཡིས། །བསྒྲུབ་པར་བྱ་བ་ངེས་པར་བསྒྲུབ། ། རལ་གྲི་ཞགས་པ་འཁོར་ལོ་དང ། །ལྕགས་མདའ་དེ་བཞིན་ཐོ་བ་སྟེ། །རྫས་དེ་རྣམས་དང་ལྡན་ན་ནི། །གོ་འཕང་དམ་པ་སྒྲུབ་པར་བྱེད། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ། ནམ་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པས་བདག་ཉིད་ཨ་ཞེས་བྱ་བའི་རང་གི་ངོ་བོར་བསྒྱུར་ནས་ཕྱི་དང་ནང་དུ་བཅས་པའི་དངོས་པོ་ཐམས་ཅད་ལ་མི་ལྟ་བར་གྱུར་ཅིང ། བོང་བ་དང ། རྔོ་བ་དང ། གསེར་དུ་མཚུངས་པ་ལ་འདོད་ཆགས་དང་ཞེ་སྡང་ལ་སོགས་པའི་ཉེས་པ་རྣམས་དང ། སྡིག་པའི་ལས་རྣམ་པར་སྤངས་པ། དེ་ཚེ་དེ་ནི་དག་འགྱུར་བ། །ཐུབ་པ་རྫོགས་པའི་སངས་རྒྱས་བཞིན། །དེས་ན་ལས་རྣམས་ཐམས་ཅད་ནུས། །ཉེས་པ་ཐམས་ཅད་རྣམ་པར་སྤངས། །དེ་ནས་གཞན་སྔགས་རྣལ་འབྱོར་ལ། །གཞོལ་ཞིང་ཆོ་ག་ཤེས་པ་ཡིས། །སེམས་ཅན་རྣམས་ལ་ཕན་འདོད་པས། །བ་ཞེས་བྱ་བའི་ལས་བྱའོ། །སྙིང་རྗེ་ལས་བྱུང་སེམས་ཀྱིས་ནི། །འཇིག་རྟེན་སྡུག་བསྔལ་ལ་དམིགས་ནས། །མགོན་པོ་
231b
དེ་ཡིས་བདག་ཉིད་ཀྱི། །ལུས་ནི་ཐམས་ཅད་ཉིད་དུ་ཡང ། །གངས་དང་བ་ཡི་འོ་མ་ལྟར། །དཀར་བའི་རྒྱུན་གྱིས་ཡོངས་སུ་དགང ། །དེ་ཚེ་ངེས་པ་བསྐྱེད་ནས་སུ། །ཡན་ལག་རྣམས་ནི་ཐམས་ཅད་ཀྱི། །བ་སྤུའི་བུ་ག་ཀུན་ནས་ཀྱང ། ཤིན་ཏུ་དྲི་མེད་ཆུ་རྒྱུན་འབྱུང ། །ཆུ་ཡིས་ས་ནི་མ་ལུས་པ། །འདི་དག་ཡོངས་སུ་དགང་བར་བྱ། །གང་གིས་ཆུ་དེ་འཐུངས་པ་ཡང ། །ལག་པས་ཀྱང་ནི་རེག་ཀྱང་རུང ། །དེ་ཀུན་ངེས་པར་བྱང་ཆུབ་ཏུ། །འགྱུར་ཏེ་འདི་ལ་དོགས་པ་མེད། །ཡན་ལག་ཀུན་ཏུ་ར་ཞེས་པ། །འབར་བའི་ཕྲེང་བ་ཞི་བས་འཁྲིགས། །ཀུན་ཏུ་རྣམ་པར་འཕྲོ་བ་ནི། ། ཤིན་ཏུ་མཉམ་པར་བཞག་པས་བསམ། །དེ་ཚེ་རྣལ་འབྱོར་པ་ཡིས་ཕྱིར། །འབར་བ་ཀུན་ཏུ་སྣང་བྱེད་པ། །བཏང་ན་ར་ཡིས་རྣམ་སྤྲུལ་པས། །སྔགས་པ་འདོད་པ་བཞིན་དུ་བྱེད། །ར་ཞེས་བྱ་བ་རོ་སྟོད་དུ། །བ་ཞེས་བྱ་བ་ལྟེ་བ་ཁུང ། །འབར་བ་དང་ནི་ཆུ་འབབ་པ། །དེ་ཚེ་གཅིག་ཅར་སྟོན་པར་འགྱུར། །དམྱལ་བ་གྲང་བའི་སྡུག་བསྔལ་རྣམས། །རས་ནི་ཤིན་ཏུ་ཞི་བར་བྱེད།། སྔགས་པ་སྔགས་ཀྱི་ཚུལ་གནས་པས། །བས་ཀྱང་ཚ་ལ་སོགས་པ་བཞི། །ཧ་ཞེས་བྱ་བ་བ་དན་བཅས། །ར་ཞེས་བྱ་བའི་འོག་ཏུ་གཞག་།སྡིག་དང་ལྡན་པའི་མི་རྣམས་ཀྱང ། །དེ་ཡིས་ལས་རྣམས་མྱུར་དུ་སྒྲུབ། །སྔགས་པ་དབང་ཆེན་ལ་འདུག་ནས། །ཆུ་ཡི་ལས་ནི་བརྩམས་པར་བྱ། །སེལ་བ་ལ་སོགས་ཐམས་ཅད་ཀྱང ། །བྱེད་འགྱུར་འདི་ལ་ཐེ་ཚོམ་མེད། །རླུང་ནི་ཀུན་ཏུ་འགྲོ་
232a
༄#། །བར་གསུངས། །ཐམས་ཅད་འཇིག་པར་བྱེད་པའང་དེ། །རྣམ་པ་སྣ་ཚོགས་ཐ་དད་པའི། །ལས་རྣམས་དབྱེ་བ་ལས་བྱུང་བ། །གཟུགས་ཀྱི་དཀྱིལ་འཁོར་དབུས་སུ་ནི། །ཆོ་ག་འདི་ཡིས་རབ་ཏུ་བྱ། །ཡིད་ཡོངས་སུ་སྦྱོང་ཞིང་བཟླས་བརྗོད་བྱས་ན། ཡིད་རྣམ་པར་དག་པར་འགྱུར་རོ། །ལུས་ཡང་བར་གོམས་པར་བྱེད་ཅིང་འཆག་བཞིན་དུ་བཟླས་བརྗོད་བྱེད་ན། རྫུ་འཕྲུལ་གྱི་རྐང་པ་ཐོབ་པར་འགྱུར་རོ། །ཙོག་པུར་འདུག་ལ་ཨ་ཞེས་བྱ་བ་རྣ་བར་བཞག་སྟེ་ཟླ་བ་གཅིག་ཏུ་བཟླས་ན། ལྷའི་རྣ་བ་ཐོབ་པར་འགྱུར་རོ། །གསང་བ་པའི་བདག་པོ། དངོས་གྲུབ་ཀྱི་གོ་འཕང་དེ་ལྟ་བུ་ལ་སོགས་པ་དག་ནི། ཡིད་ལས་བྱུང་བ་ཡིན་ནོ། །གསང་བ་པའི་བདག་པོ། རྣམ་པར་བསམ་པ་ཙམ་ཁོ་ནས་དངོས་པོ་གཟུགས་ཅན་མ་ཡིན་པ་རྣམས་ཀྱི་འདུ་བྱེད་རྣམ་པ་ཐ་དད་པ་སྣ་ཚོགས་རྣམས་ལས་ཐམས་ཅད་པའི་ས་བོན་གྱི་བྱ་བ་ཚིག་ཏུ་བརྗོད་པ་ཙམ་ལས་འབྱུང་བ་ལ་ལྟོས། གསང་བ་པའི་བདག་པོ།་གཞན་ཡང་དེ་བཞིན་གཤེགས་པ་ནི། ཐམས་ཅད་དང་རྗེས་སུ་མཐུན་པ་སེམས་ཅན་ཐམས་ཅད་ཀྱི་བསམ་པ་དང་མཐུན་པ། སེམས་ཅན་ཐམས་ཅད་ལ་ཡང་དག་པར་མགུ་བར་མཛད་པ་སྟེ། བྱང་ཆུབ་སེམས་དཔའ་ལས་ཐམས་ཅད་དང ། གསང་སྔགས་སྤྱད་པ་སྤྱོད་པ་རྣམས་ཀྱི་མདུན་ན་གཟུགས་བརྙན་ལྟ་བུར་བཞུགས་སོ། །དེ་བཞིན་གཤེགས་པ་དེ་ནི།
232b
རྣམ་པར་མི་རྟོག་ཅིང་ཡིད་ཀྱི་སྤྱོད་ཡུལ་ལས་ཡང་དག་པར་འདས་པ། དུས་དང ། ཡུལ་དང ། བྱ་བ་དང ། ལས་དང ། ཆོས་དང ། ཆོས་མ་ཡིན་པ་རྣམས་སྤངས་ཀྱང ། གསང་སྔགས་སྤྱོད་པ་ལས་བྱུང་བའི། །ཐམས་ཅད་མཁྱེན་པའི་གོ་འཕང་སྩོལ། །དེ་བས་ཀུན་མཁྱེན་དངོས་གྲུབ་དང ། །གོ་འཕང་མཆོག་ཀྱང་བསྒྲུབ་པར་བྱ། །དེ་ནས་དཔལ་ལྡན་རྡོ་རྗེ་འཛིན། །ངོ་མཚར་གྱུར་ནས་མིག་བགྲད་དེ། །དེ་ཚེ་རྡོ་རྗེ་འོད་ཟེར་ནི། །མེ་སྟག་འཕྲོ་བ་འདྲ་གསོར་ཞིང ། །སངས་རྒྱས་ཞིང་ནི་འདི་ཐམས་ཅད། །ཀུན་ཏུ་སྣང་བར་བྱས་ནས་སུ། །ཆོས་ཀུན་དབང་ཕྱུག་ཐུབ་པ་ལ། །ཚིག་སྙན་འདི་སྐད་ཅེས་གསོལ་ཏོ། །སྔགས་ཀྱི་འཇུག་པ་བཤད་ལགས་ན། །འཇུག་པ་དེ་ཡང་མ་རྟོགས་ན། །གསང་སྔགས་གང་ནས་འོང་བ་དང ། །གང་དུ་འགྲོ་བ་གཙོ་ཁྱོད་ཀྱིས། །དེ་ཀུན་བདག་ལ་བཤད་དུ་གསོལ། །གོ་འཕང་དམ་པ་ཁྱོད་ལས་མེད། །ཁྱོད་ནི་ཇི་ལྟར་ཆུ་རྣམས་ཀྱང ། །རྒྱ་མཚོ་བཞིན་དུ་ཆོས་ཀུན་གནས། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །སེམས་དཔའ་ཆེན་པོ་དཀྱིལ་འཁོར་གྱི། །གནས་ནི་ཡིད་ཅེས་བཤད་པ་ཡིན། །སྙིང་ནི་གསང་སྔགས་གནས་ཡིན་པར། །ཤེས་ན་འབྲས་བུ་ཐོབ་པར་འགྱུར། །དཀར་པོ་སེར་པོ་དམར་པོ་གང ། །ཡིད་ཀྱིས་སེམས་པར་བྱེད་པ་སྟེ། །དེ་ལ་ཡོངས་སུ་གཅོད་པ་གང ། །དེ་ནི་སེམས་ཀྱིས་བྱེད་པ་ཡིན། །
233a
༄#། །སེམས་ནི་མགུ་ནས་ངེས་གྱུར་པ། །དེ་ནི་སྙིང་ཞེས་བཤད་པ་ཡིན། །དེར་གནས་པ་ཡི་གསང་སྔགས་རྣམས། །འབྲས་བུ་རྒྱ་ཆེན་སྟེར་བར་འགྱུར། །དེ་རུ་པདྨ་བསམ་པ་ནི། །འདབ་མ་བརྒྱད་པར་ཟེ་བར་བཅས། ། ཞེས་བྱ་བ་འབར་ཕྲེང་འཁྲིགས། །བཟང་པོ་དེ་རུ་གནས་པ་ནི། །ཞི་བ་ཀུན་ཏུ་རྣམ་པར་གཡོ། །གཙོ་བོ་སྣ་ཚོགས་གཟུགས་མངའ་བ། ། གློག་སྟོང་དག་ནི་འཁྱུག་པ་བཞིན། །སྣང་བ་ཀུན་ཏུ་སྟོན་པ་ནི། །མེ་ལོང་ཕུག་ན་གནས་པ་བཞིན། །ཆུ་ཡི་ཟླ་བའི་རྣམ་པ་བཞིན། །ཐམས་ཅད་ན་ཡང་མདུན་ན་གནས། །སྔགས་པ་གསང་སྔགས་གནས་འདུག་པས། །ཡིད་ནི་དེ་ལྟར་ཤེས་ནས་སུ། །དེ་ནས་སྔགས་པས་སྟོང་དུ་ཡང ། །ཀླད་པའི་རྒྱས་ཀྱི་དབུས་སུ་ནི། །ཀླད་ཀོར་བཅས་པའི་མཚན་མ་ཅན། །ཾ་ཞེས་བྱ་བ་དེར་བསམས་ཏེ། །ཤེལ་དང་ཟླ་བ་གངས་འདྲ་བ། །དྲི་མེད་དག་པ་མཐོང་བ་ནི། །ཞི་བ་ཆོས་ཀྱི་རང་བཞིན་སྐུ། །ཐམས་ཅད་ཀྱི་ནི་གཞི་ཞེས་བྱ། །དེ་ལས་གསང་སྔགས་དངོས་གྲུབ་ནི། །སྣ་ཚོགས་གཟུགས་ཅན་ཐོབ་པར་འགྱུར། །དེ་བཞིན་གཤེགས་པའི་གནས་མཐོང་ན། །མཐོ་རིས་དང་ནི་བྱང་གྲོལ་ཐོག་།ར་ཞེས་བྱ་བ་མར་མེ་བཞིན། །འབར་བ་མིག་ཏུ་བཞག་ནས་སུ། །མགྲིན་པ་ཅུང་ཟད་དགུ་བོར་བྱས། །ལྕེ་ཡང་རྐན་ལ་སྦྱར་ནས་ནི། །སྙིང་གའི་གནས་སུ་རྣམ་བལྟ་ཞིང ། །མཉམ་པར་བཞག་སྟེ་ཡིད་ལ་བལྟ། །དྲི་མེད་ཤིན་ཏུ་རྣམ་དག་པ། །རྟག་
233b
ཏུ་མེ་ལོང་བཞིན་དུ་གནས། །དེ་ཉིད་ཡིད་ཀྱི་ཡང་དག་པར། །སྔོན་གྱི་རྒྱལ་བ་རྣམས་ཀྱིས་གསུངས། །ཡིད་ཀྱིས་སྣང་བྱས་ལམ་ལ་ནི། །རྣམ་པར་ཤེས་པ་སྣང་བར་འགྱུར། །དེ་ནས་སྔགས་པས་རྫོགས་སངས་རྒྱས། །རྐང་གཉིས་གཙོ་བོ་མཐོང་བར་འགྱུར། །དེ་མཐོང་སྔགས་པས་དངོས་གྲུབ་ནི། །རབ་ཏུ་རྟག་པ་ཐོབ་པར་འགྱུར། །དེ་ནས་གོང་དུ་བསྒྱུར་ནས་སུ། །ཡི་གེ་ཡོངས་སུ་བསམ་པ་ནི། །ལ་ཞེས་བྱ་བ་ཀླད་ཀོར་བཅས། །མིག་གི་གནས་སུ་བསམ་པར་བྱ། །འདི་ཀུན་སྟོང་པར་མཐོང་ན་ནི། །གོ་འཕང་མི་ཉམས་ཐོབ་པར་འགྱུར། །ཡེ་ཤེས་རླབས་པོ་ཆེ་འམ་ནི། ། ཡང་ན་མངོན་ཤེས་ལྔ་པོ་དང ། །རིག་སྔགས་འཆང་འགྱུར་དངོས་གྲུབ་དང ། །ཚེ་རིང་གཞོན་ནུར་འགྱུར་བ་གང ། །གལ་ཏེ་ཐོབ་པར་འདོད་ན་ནི། །ཇི་སྲིད་འདི་ནི་མ་བསྙེན་པར། །དེ་སྲིད་ཐོབ་པར་མི་འགྱུར་རོ། །གསང་སྔགས་ཡེ་ཤེས་ལས་བྱུང་བ། །འདི་ནི་དེ་ཉིད་ཡེ་ཤེས་མཆོག་།བྱང་ཆུབ་སེམས་དཔའ་སྐྱོབ་པ་དང ། །སངས་རྒྱས་ཀུན་གྱི་ནོར་གྱི་དབྱིག་།སངས་རྒྱས་བྱང་ཆུབ་སེམས་དཔའ་དང ། །ཉན་ཐོས་ངེས་པ་དག་དང་ནི། །སངས་རྒྱས་ཡེ་ཤེས་མཆོག་གྱུར་པ། །ཡེ་ཤེས་དཔེ་མེད་ཐོབ་ནས་སུ། །དེ་ཡི་ས་སྟེང་ཐམས་ཅད་དུ། །གནས་ཤིང་དེ་ནི་གཏམ་ཡང་ཟེར། །རྣམ་པར་སྣང་མཛད་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། དངོས་གྲུབ་སྒྲུབ་པའི་དེ་ཁོ་ན་ཉིད་རིམ་པར་ཕྱེ་བ་རྒྱས་པའོ།། །།དེ་ནས་ཡང་བཅོམ་ལྡན་
234a
༄#། །འདས་ལ་གསང་བ་པའི་བདག་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས། ལྷའི་གཟུགས་གང་གིས་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་ལྷའི་གཟུགས་ལ་དམིགས་ནས་བདག་ཉིད་རང་གི་ལྷའི་གཟུགས་སུ་བསྒྱུར་ནས་ཐེ་ཚོམ་མ་མཆིས་པར་དངོས་གྲུབ་ཐོབ་པར་འགྱུར་བའི་ལྷའི་གཟུགས་བྱིན་གྱིས་རློབ་པ་བཤད་དུ་གསོལ། དེ་སྐད་ཅེས་གསོལ་པ་དང ། བཅོམ་ལྡན་འདས་རྣམ་པར་སྣང་མཛད་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། གང་ཁྱོད་ང་ལ་དོན་འདི་ཡོངས་སུ་འདྲི་བ་ནི། ལེགས་སོ་ལེགས་སོ། །དེའི་ཕྱིར་ཉོན་ལ་ལེགས་པར་རབ་ཏུ་ཡིད་ལ་ཟུངས་ཤིག་དང་ངས་ཁྱོད་ལ་བཤད་དོ། །བཅོམ་ལྡན་འདས། དེ་ལྟར་འཚལ་ལོ། །ཞེས་གསོལ་ནས་གསང་བ་པའི་བདག་པོ་ཕྱག་ན་རྡོ་རྗེས་བཅོམ་ལྡན་འདས་ལ་ཉན་པ་དང ། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། དེ་ལ་ལྷའི་གཟུགས་ནི། རྣམ་པ་གསུམ་སྟེ། ཡི་གེ་དང ། ཕྱག་རྒྱ་དང ། གཟུགས་སོ། །དེ་ལ་ཡི་གེ་ཡང་རྣམ་པ་གཉིས་ཏེ། སྒྲ་དང ། བྱང་ཆུབ་ཀྱི་སེམས་སོ། །ཕྱག་རྒྱའི་གཟུགས་ལའང་རྣམ་པ་གཉིས་ཏེ། གཟུགས་དང་བཅས་པ་དང ། གཟུགས་དང་བཅས་པ་མ་ཡིན་པའོ། །གསང་བ་པའི་
234b
བདག་པོ། ལྷའི་གཟུགས་ཀྱང་རྣམ་པ་གཉིས་ཏེ། ཡོངས་སུ་དག་པ་དང ། ཡོངས་སུ་དག་པའོ། །དེ་ལ་ཡོངས་སུ་དག་པ་ནི། རྟོག་པའི་ངོ་བོ་སྟེ། མཚན་མ་ཐམས་ཅད་དང་བྲལ་བའོ། །ཡོངས་སུ་མ་དག་པ་ནི། མཚན་མ་དང་བཅས་པའི་གཟུགས་ཏེ། ཁ་དོག་དང ། དབྱིབས་སོ། །དེ་ལ་ལྷའི་གཟུགས་རྣམ་པ་གཉིས་ཀྱིས་དགོས་པ་རྣམ་པ་གཉིས་འགྲུབ་པར་འགྱུར་ཏེ། མཚན་མ་དང་བཅས་པས་ནི། མཚན་མ་དང་བཅས་པའོ། །མཚན་མ་མེད་པས་ནི། མཚན་མ་དང་བཅས་པའི་དངོས་གྲུབ་ཀྱང་འགྲུབ་པར་འགྱུར་རོ། །མཚན་མར་བཅས་པས་མཚན་བཅས་ཀྱི། ། དངོས་གྲུབ་རྒྱལ་བ་དམ་པ་བཞེད། །མཚན་མ་མེད་ལ་གནས་པས་ནི། །མཚན་མ་ཅན་ཡང་སྒྲུབ་ཏུ་རུང ། །དེ་བས་རྣམ་པ་ཐམས་ཅད་དུ། །མཚན་མ་མེད་པ་བསྟེན་པར་བྱ། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། ལྷའི་ཏིང་ངེ་འཛིན་གཏན་ལ་དབབ་པ་རིམ་པར་ཕྱེ་བའོ།། །།དེ་ནས་ཡང་བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ། དེ་ལ་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྦྱད་པ་སྦྱོད་པ་མཚན་མ་མེད་པའི་ཏིང་ངེ་འཛིན་སྒྲུབ་པར་འདོད་པས་འདི་ལྟར་བསམ་པར་བྱའོ། །མཚན་མ་རྣམས་གང་ནས་བྱུང ། ཅི་བདག་གི་ལུས་སམ། བདག་གི་སེམས་སམ། བདག་གི་ཡིད་ལས་བྱུང ། དེ་ལ་
235a
༄#། །ལུས་ནི།་ལས་ལས་སྐྱེས་པ་སྟེ། རྩཝ་དང་ཤིང་དང་བོང་བ་ལྟ་བུ་ངོ་བོ་ཉིད་ཀྱིས་བྱ་བ་མེད་པ། བླུན་པའམ། ཕྱི་རོལ་གྱི་རྣམ་པ་ལྟ་བུ་ལ་བཟོས་བྱས་པའི་གཟུགས་ལྟ་བུར་བརྟག་པར་བྱའོ། །འདི་ལྟར་བཟོས་བྱས་པའི་གཟུགས་དེ་ལ་མི་ཞིག་གིས་ཁྲོས་ཏེ་མེའམ། དུག་གམ། མཚོན་ཏམ། ཆུའམ། རྡོ་རྗེས་བཤིག་གམ། བསྲེགས་སམ། བཅད་ཀྱང་མི་དགའ་བ་ཅུང་ཟད་ཀྱང་མེད་ལ། བཟའ་བའམ། བཏུང་བའམ། བཀྲུ་བའམ། བྱུག་པའི་སྤོས་སམ། ཕྲེང་བའམ། གོས་སམ། ཙནྡན་ནམ། ག་པུར་ལ་སོགས་པ་ལྷ་དང་མིའི་ཡོ་བྱད་རྣམ་པ་སྣ་ཚོགས་ཀྱིས་མཆོད་ཀྱང་མི་དེ་ལ་དགའ་བར་འགྱུར་བ་ཡང་མེད་དོ། །དེ་ཅིའི་ཕྱིར་ཞེ་ན། གང་ངོ་བོ་ཉིད་ཀྱིས་སྟོང་པའི་གཟུགས་དེ་ལ་རང་གི་ང་རྒྱལ་ཀུན་ནས་བསླང་པའི་ཕྱིན་ཅི་ལོག་གིས་ཡང་དག་པ་མ་ཡིན་པའི་རྟོག་པ་ལས་བྱུང་བའི་མཆོད་པའམ། གནོད་པར་བྱེད་པའི་མིང་གང་ཡིན་པ་དེ་ནི། བྱིས་པའི་རང་བཞིན་ཅན་ཡིན་ནོ། ། གསང་བ་པའི་བདག་པོ། དེ་ལྟར་ལུས་ལ་ལུས་ཀྱི་རྗེས་སུ་སོང་བའི་དྲན་པ་ངོ་བོ་ཉིད་ཀྱིས་སྟོང་པ་བསྒོམ་པར་བྱའོ། །གསང་བ་པའི་བདག་པོ། གཞན་ཡང་སེམས་ནི། ངོ་བོ་ཉིད་མེད་པ། མཚན་མ་ཐམས་ཅད་དང་བྲལ་བ། ངོ་བོ་ཉིད་ཀྱིས་སྟོང་པར་བསམ་པར་བྱའོ། །གསང་བ་པའི་བདག་པོ། སེམས་ལ་ནི། དུས་གསུམ་མེད་དོ། །དུས་གསུམ་དང་བྲལ་བ་གང་ཡིན་པ་དེ་
235b
ནི། ངོ་བོ་ཉིད་ཀྱིས་མཚན་མ་དང་བྲལ་བའོ་སྙམ་དུ་བསམ་པར་བྱའོ། །གསང་བ་པའི་བདག་པོ། གཞན་ཡང་བྱིས་པ་སོ་སོའི་སྐྱེ་བོ་རྣམས་ཡིད་མཚན་མ་དང་བཅས་པར་རྟོག་སྟེ། འདི་ནི། ཡང་དག་པ་མ་ཡིན་པའི་ཀུན་ཏུ་རྟོག་པའི་ཚིག་བླ་དྭགས་སོ། །ཡང་དག་པ་མ་ཡིན་པ་གང་ཡིན་པ་དེ་ནི། མ་སྐྱེས་པའོ། །ཞེས་བྱ་བར་ནི་རབ་ཏུ་མི་ཤེས་སོ། །གསང་བ་པའི་བདག་པོ། བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པས་དེ་ལྟར་བསམས་ན། མཚན་མ་མེད་པའི་ཏིང་ངེ་འཛིན་ཐོབ་པར་འགྱུར་རོ། །གསང་བ་པའི་བདག་པོ། ནམ་མཚན་མ་མེད་པའི་ཏིང་ངེ་འཛིན་ལ་གནས་པར་གྱུར་པ་དེའི་ཚེ་དེ་ལ་དེ་བཞིན་གཤེགས་པས་གསུངས་པའི་གསང་སྔགས་རྣམས་མངོན་དུ་ཕྱོགས་ཤིང་གཞོལ་བར་འགྱུར་རོ། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། མཚན་མ་མེད་པའི་ཏིང་ངེ་འཛིན་རིམ་པར་ཕྱེ་བའོ།། །།གསང་བ་པའི་བདག་པོ། གཞན་ཡང་བཟླས་བརྗོད་གསང་བ་བཤད་པར་བྱའོ། །གཅིག་པུས་གཅིག་གམ་གཅིག་གིས་གཅིག་།ཡིད་ཀྱིས་བཟླས་བརྗོད་བྱ་བའམ། །ཡང་ན་ཤུ་བ་བུ་རྣམ་གཉིས་པའོ། །རྣལ་འབྱོར་མཆོག་གིས་བརྟག་པར་བྱ། །སྔགས་པ་ཡན་ལག་ཉམས་སྦྱར་བར། །བཟླས་བརྗོད་གཞན་དུ་མི་བྱ་འོ། །ཕྱི་དང་ནང་གི་སྦྱོར་བ་ཡིས། །ཡན་ལག་བཞི་པ་ངས་བཤད་པ། །དེ་ཡང་འཇིག་རྟེན་
236a
༄#། །པ་ཡི་སྟེ། །དམིགས་པ་ཅན་ནི་བླ་མེད་པ། །སླར་སྡུད་པ་ཡི་ཚིག་གིས་ནོན། །ལྷ་ཡི་རྗེས་སུ་སོང་བའི་ཡིད། །བཤུབས་ཏེ་བཟླས་བརྗོད་བྱེད་པའི་མཆོག ། དམིགས་པ་ཅན་ལ་བསྟན་པ་ཡིན། །ཡིད་ཀྱི་འཇིག་རྟེན་འདས་ཤེས་བྱ། །སླར་སྡུད་ལ་སོགས་རྣམ་པར་སྤངས། །ལྷ་དང་གཅིག་ཏུ་བྱེད་པ་དང ། །ཐ་དད་མ་ཡིན་འཛིན་པ་ཡིས། །ཡིད་ཀྱིས་རང་བཞིན་དབྱེར་མེད་བྱ། །གཞན་དུ་བྱ་བ་མ་ཡིན་ནོ། །གསང་སྔགས་གྲངས་ནི་སུམ་འབུམ་དུ། །ཕལ་ཆེར་ངས་ནི་བཤད་པ་དག་།ལུས་ཅན་སྡིག་དང་བྲལ་བ་ཡི། །སྔགས་པ་རྣམ་པར་དག་པ་ལ། །བཟླས་བརྗོད་གྲངས་འདི་བསྟན་པ་སྟེ། །གཞན་དུ་བྱ་བ་མ་ཡིན་ནོ། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། འཇིག་རྟེན་པ་དང་འཇིག་རྟེན་ལས་འདས་པའི་བཟླས་བརྗོད་ཀྱི་དེ་ཁོ་ན་ཉིད་རིམ་པར་ཕྱེ་བའོ།། །།དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་ཐམས་ཅད་དང་ལྡན་པའི་འཁོར་འདུས་པ་ལ་གཟིགས་ནས་བྱམས་པ་དང་སྙིང་རྗེ་ཆེན་པོའི་སྤྱན་གཉིས་ཀྱིས་ཀྱང་སེམས་ཅན་གྱི་ཁམས་ཐམས་ཅད་ལ་གཟིགས་ཏེ་བདུད་རྩི་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ་ཡན་ལག་ཐམས་ཅད་ནས་དུས་གསུམ་དུ་མ་ཆགས་པའི་སྟོབས་ཅན་ཞེས་
236b
བྱ་བའི་རིག་སྔགས་ཀྱི་རྒྱལ་མོ་བྱུང་ངོ ། །ཏདྱ་ཐཱ། ག་ག་ན་ས་མེ། ཨ་པྲ་ཏི་ས་མེ། སརྦ་ཏ་ཐཱ་ག་ཏ་ས་མ་ཏཱ་ན་ག་ག་ཏེ་ག་ག་ན་པ་ར་ལ་ཀྵ་ཎ་སཝཱཧཱ། རིགས་ཀྱི་བུ་རིག་སྔགས་ཀྱི་རྒྱལ་མོ་འདི་ནི། དེ་བཞིན་གཤེགས་པ་ཐམས་ཅད་ཀྱི་སྐུ་དང་གཉིས་སུ་མེད་པའི་སྤྱོད་ཡུལ་ཅན་ཏེ། འདི་ཡིས་བྱིན་རླབས་སངས་རྒྱས་དང ། །བྱང་ཆུབ་སེམས་དཔའ་གྲགས་ཆེན་རྣམས། །གང་དུ་སྡུག་བསྔལ་འགག་འགྱུར་བའི། །ཆོས་ཉིད་ཆགས་མེད་འགྲུབ་པར་འགྱུར། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་རྗེས་སུ་དགོངས་ནས་བདག་ཉིད་དང ། ཕྱག་ན་རྡོ་རྗེ་གཉིས་ཀ་གཟོད་མ་ནས་མ་སྐྱེས་པ་ཉིད་དུ་བྱིན་གྱིས་བརླབས་ཏེ་ཕྱག་ན་རྡོ་རྗེ་ལ་སགས་པ་རྡོ་རྗེ་འཛིན་རྣམས་ལ་བཀའ་སྩལ་པ། རིགས་ཀྱི་བུ་དག་།བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་ལ་སངས་རྒྱས་ཀྱི་མཛད་པ་སོ་སོར་ཉེ་བར་གནས་པ་ཡི་གེའི་འཁོར་ལོ་བསྐོར་བ་ཞེས་བྱ་བའི་དཀྱིལ་འཁོར་སྤྱད་པ་རིམ་པར་ཕྱེ་བ་རྒྱས་པ་ཉོན་ཅིག་།དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ལ་ཕྱག་ན་རྡོ་རྗེས་ཕྱག་འཚལ་ཏེ། རྡོ་རྗེ་པདྨའི་སྟན་དེ་ལས་རྡོ་རྗེ་འབབ་པའི་ཚུལ་གྱིས་བབས་ནས་བཅོམ་ལྡན་འདས་ལན་\?\་པར་བསྟོད་པ། ཕྱག་འཚལ་བྱང་ཆུབ་སེམས་ཁྱོད་ལ། །ཕྱག་འཚལ་བྱང་ཆུབ་འབྱུང་ཁྱོད་ལ། །སྤྱོད་གཟུགས་ཁྱོད་དང་ས་དང་ནི། །ཕ་རོལ་
237a
༄#། །ཕྱིན་ལ་ཕྱག་འཚལ་ལོ། །ཕྱག་འཚལ་ཐོག་མར་བྱེད་ཁྱོད་ལ། །སྟོང་པ་ཉིད་ལ་འདུད་ཕྱག་འཚལ། །བཅོམ་ལྡན་འདས་ལ་གསང་བ་པའི་བདག་པོ་ཕྱག་ན་རྡོ་རྗེས་དེ་སྐད་ཅེས་མངོན་པར་བསྟོད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ཆོས་ཀྱི་རྗེ་བདག་ཅག་ལ་ཐུགས་བརྩེ་བའི་སླད་དུ་གང་དག་དང་ལྡན་ན། བདག་ཅག་རྣམས་སེམས་ཅན་གྱི་དོན་བགྱིད་པར་འགྱུར་བ་དང ། གསང་སྔགས་སྤྱད་པ་ཇི་སྐད་གསུངས་པ་བཞིན་ཡོངས་སུ་རྫོགས་པར་འགྱུར་བ་བཤད་དུ་གསོལ། དེ་སྐད་ཅེས་གསོལ་པ་དང ། བཅོམ་ལྡན་འདས་རྣམ་པར་སྣང་མཛད་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ང་ནི་འཇིག་རྟེན་དང་པོ་ཡི། །འཇིག་རྟེན་མགོན་ཞེས་བསྒྲགས་པ་ཡིན། །བླ་མེད་གཟོད་ནས་ཞི་བ་ནི། །མཉམ་པ་མེད་པའི་ཆོས་བཤད་དོ། །དེ་ནས་བཅོམ་ལྡན་འདས་ཀྱིས་ཚིགས་སུ་བཅད་པ་དེ་དག་གསུངས་ནས་བྱིན་གྱིས་རླབས་གང་གིས་བྱིན་གྱིས་བརླབས་ན། །བྱང་ཆུབ་སེམས་དཔའ་དེ་རྣམས་དང ། རྡོ་རྗེ་འཛིན་དེ་རྣམས་ཀྱིས་བཅོམ་ལྡན་འདས་བྱང་ཆུབ་ཀྱི་སྙིང་པོ་མཆོག་དམ་པ་ལ་བཞུགས་པ། ནམ་མཁའ་བཞིན་དུ་སྤྲོས་པ་མེད་པ་སྤྱོད་པ་ལ་གཉིས་སུ་མེད་པའི་རྣལ་འབྱོར་གྱི་མཚན་ཉིད་ལས་ཀྱི་རྣམ་པར་སྨིན་པ་བཞིན་དུ་མཐོང་བར་འགྱུར་བ་དེ་ལྟ་བུའི་བྱིན་གྱིས་བརླབ་པ་མཛད་དོ། །དེའི་ཚེ་བཅོམ་ལྡན་
237b
འདས་ཀྱི་ཡན་ལག་དང ། དེ་བཞིན་གཤེགས་པའི་སྐུ་ཐམས་ཅད་ནས་འཇིག་རྟེན་པ་དང ། འཇིག་རྟེན་ལས་འདས་པ་རྣམས་དང ། ཉན་ཐོས་དང ། རང་སངས་རྒྱས་དང ། བསམ་པ་དང ། བསམ་གཏན་དུ་བྱ་བ་དང ། དངོས་གྲུབ་སྒྲུབ་པར་མངོན་པར་བརྩོན་པ་ཐམས་ཅད་ཀྱི་འཚོ་བར་གྱུར་པ། སྲོག་དང་འདྲ་བ། ཡི་གེ་ཐམས་ཅད་ཀྱི་གཙོ་བོར་གྱུར་པ། སྐྱབས་སུ་གྱུར་པ། དཔུང་གཉེན་དུ་གྱུར་པ་འདི་ཕྱུང་ངོ ། །ན་མཿ ས་མནྟ་བུདྡྷཱ་ནཱན། ཨ། རིགས་ཀྱི་བུ་དག་།འདི་ནི། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པ། བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་ལ་སངས་རྒྱས་ཀྱི་མཛད་པ་སོ་སོར་ཉེ་བར་གནས་པ་ཡིན་ཏེ། ཆོས་ཐམས་ཅད་ནི། ཨ་ཞེས་བྱ་བའི་སྒོ་ནས་འཇུག་གོ། །གསང་བ་པའི་བདག་པོ། དེ་ལྟ་བས་ན། བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་དེ་བཞིན་གཤེགས་པ་རྣམས་མཐོང་བར་འདོད་པ་དང ། མཆོད་པར་འདོད་པ། བྱང་ཆུབ་ཀྱི་སེམས་མངོན་དུ་བྱ་བར་འདོད་པ། བྱང་ཆུབ་སེམས་དཔའ་རྣམས་དང་འགྲོགས་པར་འདོད་པ། སེམས་ཅན་རྣམས་ཀྱི་དོན་བྱ་བར་འདོད་པ། དངོས་གྲུབ་མངོན་པར་འདོད་པ།་རྣམ་པ་ཐམས་ཅད་དུ་ཐམས་ཅད་མཁྱེན་པ་ཉིད་ཐོབ་པར་འདོད་པས་དེ་བཞིན་གཤེགས་པ་རྣམས་ཀྱི་སྙིང་པོ་འདི་ལ་བརྩོན་པར་བྱའོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་
238a
༄#། །སྙིང་རྗེ་ཆེན་པོའི་སྙིང་པོ་འབྱུང་བའི་དཀྱིལ་འཁོར་གྱི་རྒྱལ་པོ་འདིའི་ཆོ་ག་དགོད་པ་དང ། ལྷའི་གནས་གཏན་ལ་དབབ་པ་དང ། ཏིང་ངེ་འཛིན་རྣམ་པར་སྤྲུལ་པ་དང ། གསང་སྔགས་སྤྱད་པ་དང ། བསམ་པར་བྱ་བ་གསུངས་པ། དེ་ལ་སློབ་དཔོན་གྱིས་ཐམས་ཅད་མཁྱེན་པ་ཉིད་ཀྱི་སྒོ་ཨ་ཞེས་བྱ་བ་ལ་གནས་ཏེ་སྲད་བུ་བླངས་ལ་སངས་རྒྱས་ཐམས་ཅད་ལ་ཕྱག་འཚལ་ནས་སྲད་བུ་ཤར་ཕྱོགས་ལོགས་སུ་བྲེས་ཏེ་གཡས་སུ་བསྐོར་ལ། བྱང་ཕྱོགས་སུ་ཁ་བལྟས་ནས་སྲད་བུ་བྲེས་ཏེ་ནུབ་ཕྱོགས་སུ་ཁ་བལྟས་ལ་བསྒྱུར་ཏེ་ཐིག་གདབ་བོ། །དེ་ནས་བདག་ཉིད་རྡོ་རྗེ་སེམས་དཔའ་ལག་ན་རྡོ་རྗེར་དེའི་ཕྱག་རྒྱའམ། ཡི་གེ་བ་ཞེས་བྱ་བས་བྱིན་གྱིས་བརླབས་ཏེ་ནང་དུ་ཞུགས་ལ་སྙིང་པོའི་དཀྱིལ་འཁོར་བྲི་བར་བྱའོ། །དེ་བཞིན་དུ་དཀྱིལ་འཁོར་གཉིས་པ་ལ་ཡང་འདི་ལྟར་བདག་ཉིད་གཟོད་མ་ནས་ཞི་བ། གཉིས་སུ་མེད་པའི་རྣལ་འབྱོར་གྱི་གཟུགས། དེ་བཞིན་གཤེགས་པའི་གཟུགས་སྙིང་པོ་ཉིད་ཀྱི་རང་གི་ངོ་བོར་བྱིན་གྱིས་བརླབས་ལ། དེ་ནས་དེ་བཞིན་གཤེགས་པའི་གནས་པ་མངོན་དུ་བྱེད་ཅིང་སྲད་བུ་བྲེས་ལ་ཕྱི་རོལ་གྱི་དཀྱིལ་འཁོར་དེ་ལས་སུམ་གཉིས་ལྷའི་གནས་སུ་བཞག་སྟེ་སུམ་ཆ་འཁོར་སར་བྱའོ། །དཀྱིལ་འཁོར་ལྷག་མ་གཉིས་ཀྱང་དེ་བཞིན་དུ་རྣམ་པར་ཕྱེ་ལ་ལྷའི་གནས་བཤམས་པར་བྱའོ། །དེ་ནས་ཡང་བདག་ཉིད་བཅོམ་
238b
ལྡན་འདས་རྣམ་པར་སྣང་མཛད་དུ་དེའི་ཕྱག་རྒྱས་བྱིན་གྱིས་བརླབས་ལ་ཆོས་ཀྱི་དབྱིངས་རྒྱ་ཆེན་པོར་བྱིན་གྱིས་བརླབས་ཏེ་ཐོག་མར་ཚོན་རྩི་དཀར་པོ་བླངས་ལ་འདི་ལྟར་བྱིན་གྱིས་བརླབ་པར་བྱའོ། །འདི་ནི་ཆོས་དབྱིངས་དག་པ་སྟེ། །སེམས་ཅན་ཁམས་ནི་རྣམ་སྦྱོང་བ། །འདིར་ནི་བདག་ཉིད་དེ་བཞིན་གཤེགས། །ཉེས་པ་ཐམས་ཅད་རྣམ་པར་སྤངས། །དེ་ལྟར་བློ་ཅན་གྱིས་བསམས་ནས། །དེར་ནི་ར་ཞེས་བྱ་བ་ཡང ། །ཞི་བ་འབར་བའི་ཕྲེང་ཅན་མདོག་།དུང་ཟླ་ཀུན་ད་འདྲ་བ་བསམ། །དེ་ནས་ཚོན་རྩི་གཉིས་པ་ནི། །དམར་པོ་བླངས་ནས་ནན་ཏན་དུ། ། ཡི་གེ་ཨ་ཞེས་བྱ་བ་ནི། །འབར་བ་ཀླད་ཀོར་བཅས་པར་བསམ། །རྒྱལ་བ་ཐུབ་དཀའ་དམ་པ་སྟེ། །ཉི་མ་དང་པོ་འཆར་བ་བཞིན། །དེ་ནས་སྔགས་པས་ཚོན་གསུམ་པ། །ཁ་དོག་སེར་པོ་བླང་བར་བྱ། །མཁས་པས་དེ་ནས་ཀ་ཞེས་པ། །དེ་ཚེ་ཆོ་ག་བཞིན་དུ་བསམ། །དེ་བཞིན་གསེར་འོད་ཐུབ་པ་ནི། །གསེར་གྱི་ཁ་དོག་འབར་དང་བཅས། །ཏིང་འཛིན་གནས་ཤིང་སྡིག་བཅོམ་པ། །ཀུན་ཏུ་རྣམ་པར་སྣང་བ་ཡིན། །དེ་ནས་མྲྒད་འདྲ་བ་ཡི། །ཚོན་རྩི་འཁོར་བ་ལས་སྒྲོལ་བ། །བ་ཞེས་བྱ་བ་དེ་རུ་གཞག་།བྱང་ཆུབ་སྙིང་པོའི་ཐུབ་ཆེན་དེ། །དཔའ་བོ་ཁ་དོག་ལྗང་འདྲ་བ། །ཀུན་ཏུ་འཇིགས་པ་མེད་པར་བྱེད། །དེ་ནས་ཚོན་རྩི་ནག་པོ་དེ། །མཁས་པ་ཡིས་ནི་བླངས་ནས་སུ། །དེར་ནི་ཧ་ཞེས་བྱ་བ་བསམ། །འབར་བའི་ཕྲེང་བ་རྣམ་པར་འཕྲོ། །དུས་
239a
༄#། །མཐའི་མེ་ལྟར་མི་བཟད་པ། །ལག་ན་རྡོ་རྗེ་རྩེ་ཕྲན་བརྒྱན། །བདུད་སྡེ་སྡང་བ་ཐམས་ཅད་ལ། །རྣམ་པ་ཀུན་ཏུ་སྡིགས་པར་བྱེད། །དེ་ནས་བཅོམ་ལྡན་འདས་རྣམ་པར་སྣང་མཛད་དེའི་ཏིང་ངེ་འཛིན་དེ་ལས་བཞེངས་ནས་མཐའ་ཡས་པར་རྣམ་པར་རྒྱལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ་ཐམས་ཅད་དུ་ཐོགས་པ་མེད་པའི་སྟོབས་ཞེས་བྱ་བའི་རིག་སྔགས་ཀྱི་རྒྱལ་མོ་དེ་བཞིན་གཤེགས་པ་ཐམས་ཅད་ཀྱི་ཡུལ་ལས་བྱུང་བ་འདི་བྱུང་ངོ ། ། ན་མཿ སརྦྦ་ཏ་ཐཱ་ག་ཏེ་བྷྱེཿ ། སརྦྦ་མུ་ཥེ་བྷྱཿ ། ཨ་ས་མེ་པ་ར་མེ། ཨ་ཙ་ལེ། ག་ག་ནེ། སྨར་ཎེ། སརྦྦ་ཏྲཱ་ནུ་ག་ཏེ་སཝཱཧཱ། དེ་ནས་ཚོན་གྱི་ཆོ་ག་བྱིན་གྱིས་བརླབས་ནས་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པ་བཀླགས་སམ་ཕྱག་བྱས་ཏེ་རིག་སྔགས་ཀྱི་རྒྱལ་མོ་འདི་ལན་བརྒྱད་དུ་བཟླས་བརྗོད་བྱའོ། །དེ་ནས་ལངས་ཏེ་དཀྱིལ་འཁོར་བསྐོར་ལ་ནང་དུ་ཞུགས་ནས་བྱམས་པ་ཆེན་པོ་དང ། སྙིང་རྗེ་ཆེན་པོའི་སྟོབས་ཀྱིས་སྒྲུབ་པ་པོ་ལ་དམིགས་ཏེ། བདག་ཉིད་བ་ཞེས་བྱ་བས་ལས་ཀྱི་རྡོ་རྗེ་སེམས་དཔར་བྱིན་གྱིས་བརླབས་ལ་རྡོ་རྗེ་དམ་པ་སྦྱིན་པ་དང་ལྷན་ཅིག་ཏུ་སྙིང་རྗེ་ཆེན་པོའི་སྙིང་པོ་འབྱུང་བ་འདིའི་དཀྱིལ་འཁོར་བྲི་བར་བྱའོ། །དེ་ལ་ནང་གི་དཀྱིལ་འཁོར་གཏན་ལ་དབབ་པ་ནི། འདི་ཡིན་ཏེ། དབུས་སུ་བཅོམ་
239b
ལྡན་འདས་རྣམ་པར་སྣང་མཛད་ཆེན་པོ་པདྨ་དཀར་པོ་ལ་བཞུགས་པ། དབུ་ཐོར་ཚུགས་དང་དབུ་རྒྱན་ཅན། དར་རམ་རས་ཀྱི་སྨད་གཡོགས་དང ། དར་ལའི་སྟོད་གཡོགས་མནབས་པ། གསེར་གྱི་ཁ་དོག་ལྟ་བུ་འབར་བའི་ཕྲེང་བས་འཁྲིགས་པ། ཕྱག་རྒྱའམ། གཟུགས་སམ། ཡི་གེའི་འབྲུར་བྲིའོ། །། ཤར་ཕྱོགས་སུ་སངས་རྒྱས་ཐམས་ཅད་ཀྱི་ཆོས་སྐུའི་ངོ་བོ་ཨ་ཞེས་བྱ་བ་ཀླད་ཀོར་དང་བཅས་པའོ། །ཾ། དབང་ལྡན་གྱི་ཕྱོགས་སུ་སངས་རྒྱས་ཐམས་ཅད་ཀྱི་ཡུམ་བཅོམ་ལྡན་འདས་མ་ནམ་མཁའི་སྤྱན་བྲིའོ། །ཡང་ན་ཡི་གེ་ག་ཞེས་བྱ་བ་བྲིའོ། །ག་།མེའི་ཕྱོགས་སུ་བྱང་ཆུབ་སེམས་དཔའ་ཐམས་ཅད་ཀྱི་ཕྱག་རྒྱ་ཡིད་བཞིན་གྱི་ནོར་བུའམ་ཡི་གེ་ཀ་ཞེས་བྱ་བ་བྲིའོ། །ཀ། བྱང་ཕྱོགས་སུ་ལག་ན་པདྨ་འཁོར་བྱང་ཆུབ་སེམས་དཔའ་སྐྱེ་བ་གཅིག་གིས་ཐོགས་པ་དག་དང་ལྷན་ཅིག་ཏུ་པདྨའི་ཕྱག་རྒྱའམ་ཡི་གེ་ས་ཞེས་བྱ་བ་བྲིའོ། །ས། ལྷོ་ཕྱོགས་སུ་ཆ་གསུམ་བོར་ཏེ་གསང་བ་པའི་བདག་པོ་ལག་ན་རྡོ་རྗེ་འཁོར་དང་བཅས་པ་རྡོ་རྗེའི་ཕྱག་རྒྱ་འམ་ཡི་གེ་བ་ཞེས་བྱ་བ་བྲིའོ། །དེའི་ཆ་གསུམ་བོར་བ་ལ་རྡོ་རྗེ་འཆང་ཐམས་ཅད་ཀྱི་ཕྱག་རྒྱའམ་ཡི་གེར་བྲིའོ། །དེ་ལ་ཡི་གེའི་འབྲུ་ནི། ཧཱུཾ། དེ་ནས་བདེན་བྲལ་གྱི་ཕྱོགས་སུ་བཅོམ་ལྡན་འདས་རྣམ་པར་སྣང་མཛད་ཀྱི་འོག་ལོགས་སུ་མི་གཡོ་བ་ཕ་བོང་གི་སྟེང་ན་འདུག་པ། ལག་ན་རལ་གྲི་དང་ཞགས་པ་ཐོགས་པ། འབར་བའི་ཕྲེང་བ་འཁྲིགས་པ། བགེགས་
240a
༄#། །ཐམས་ཅད་སྡིགས་པ་དེའི་ཕྱག་རྒྱའམ་ཡི་གེར་བྲིའོ། །དེའི་ཡི་གེའི་འབྲུ་ནི། ཧཾ། རླུང་གི་ཕྱོགས་སུ་འཇིག་རྟེན་གསུམ་ལས་རྣམ་པར་རྒྱལ་བ་ཞེས་བྱ་བ་བགེགས་ཆེན་པོ་འཇོམས་པ། གྱེན་དུ་འབར་བའི་ཕྲེང་བ་ཅན། རབ་ཏུ་འཇིགས་པ་ཆེན་པོའི་དུས་ཀྱི་མེའི་གཟུགས་འདྲ་བ། འཇིགས་པ་ཡང་འཇིགས་པར་བྱེད་པ། ལག་ན་རྡོ་རྗེའི་འོད་འཕྲོ་བ་ཅན་ཐོགས་བ་དེའི་ཕྱག་རྒྱའམ་ཡི་གེར་བྲིའོ། །དེ་ལ་ཡི་གེའི་འབྲུ་ནི། འདི་འོ། །ཧ། དེ་ནས་ཕྱོགས་བཞིར་སྲུང་བ་ཆེན་པོ་བཞི་དགོད་དོ། །དེ་ལ་ཤར་ཕྱོགས་སུ་མི་འཇིགས་པ་ཞེས་བྱ་བའི་སྲུང་བ་ཆེན་མོ་གསེར་གྱི་ཁ་དོག་འདྲ་བ། གོས་དཀར་པོ་གྱོན་པ། ཡིད་ཙམ་ཁྲོ་བའི་གདོང ། ལག་ན་དབྱུག་པ་ཐོགས་པ་དེའི་ཕྱག་རྒྱའམ་ཡི་གེར་བྲིའོ། །དེ་ལ་ཡི་གེའི་འབྲུ་ནི། འདིའོ། །ཙ། བྱང་ཕྱོགས་སུ་འཇིགས་པ་ཐམས་ཅད་མེད་པར་བྱེད་པ་ཞེས་བྱ་བའི་སྲུང་བ་ཁ་དོག་དཀར་མོ། ལག་ན་རལ་གྲི་ཐོགས་ཤིང་གོས་དཀར་པོ་གྱོན་པ་འབར་བ་དང་བཅས་པ། འཇིགས་པ་ཐམས་ཅད་མེད་པར་བྱེད་པ་དེའི་ཕྱག་རྒྱའམ་ཡི་གེར་བྲིའོ། །དེ་ལ་ཡི་གེའི་འབྲུ་ནི། འདི་འོ། །པ། ནུབ་ཕྱོགས་སུ་གདུལ་དཀའ་ཞེས་བྱ་བའི་སྲུང་བ་ཨ་ཤོ་ཀ་དམར་པོའི་མདོག་འདྲ་བ། གོས་དམར་པོ་གྱོན་པ། བཞིན་འཛུམ་པ། ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་ལྟ་བ་དེའི་ཕྱག་རྒྱའམ་ཡི་གེར་བྲིའོ།།
240b
དེ་ལ་ཡི་གེའི་འབྲུ་ནི་འདིའོ། །ས། ལྷོ་ཕྱོགས་སུ་མ་ཐུལ་བ་རྡོ་རྗེས་འདུལ་བ་ཞེས་བྱ་བའི་སྲུང་བ་ཆེན་མོ་ཁ་དོག་ནག་མོ། བཞིན་ཁྲོ་གཉེར་བསྙེར་བ། སྨད་གཡོགས་ནག་མོ་གྱོན་པ། ཐོར་ཚུགས་དང་ཅོད་པན་ཅན། ཐམས་ཅད་དང་ལྡན་པའི་འཇིག་རྟེན་གྱི་ཁམས་རང་གི་འབར་བས་མངོན་པར་སྣང་བར་བྱེད་བ། ལག་ན་དབྱུག་པ་ཐོགས་པ། བགེགས་ཆེན་པོ་མེད་པར་བྱེད་པ་དེའི་ཕྱག་རྒྱའམ་ཡི་གེར་བྲིའོ། །དེ་ལ་དེའི་ཡི་གེའི་འབྲུ་ནི། འདིའོ། །ཀྵ། དེ་དག་ཐམས་ཅད་ཀྱང་འཁོར་དང་བཅས་པ་ཕྱག་བརྙན་དང་བཅས་པར་པདྨ་དཀར་པོ་ལ་འདུག་པར་བྲིའོ། །དེ་ལྟར་བློ་ཅན་གྱི་བཀོད་ནས། །སྔགས་པ་སྔགས་ལ་གཞོལ་བ་ཡིས། །ཆོ་ག་བཞིན་དུ་ཕྱིར་བྱུང་ནས། །གཉིས་པའི་ཆ་ནི་ངེས་པ་ལ། །ཤཱཀྱའི་རིགས་ནི་དགའ་བྱེད་པ། །ཐུབ་པའི་རྒྱལ་པོ་བྲི་བར་བྱ། །མགོན་པོ་ན་བཟའ་ངུར་སྨྲིག་མནབས། །མཚན་མཆོག་སུམ་ཅུ་རྩ་གཉིས་ལྡན། །བསྟན་པ་ཡི་ནི་དོན་མཛད་ལྷ། །སེམས་ཅན་ཀུན་ལ་མི་འཇིགས་སྦྱིན། །སྔགས་པས་ཕྱག་རྒྱ་དགོད་པ་ནི། ལྷུང་བཟེད་ཆོས་གོས་ལ་སོགས་པའམ། །ཡང་ན་མཁས་པས་ཡི་གེར་གཞག་།དེའི་ཆོ་ག་དམ་པ་འདིའོ། །བྷ། དེ་ནས་ཕྱི་རོལ་གྱི་དཀྱིལ་འཁོར་དུ་བདག་ཉིད་ཆོས་ཀྱི་དབྱིངས་ཀྱི་ངོ་བོ་ཉིད་དུ་བྱིན་གྱིས་བརླབས་ལ། བྱང་ཆུབ་ཀྱི་སེམས་སུ་གྱུར་པའི་ཡིད་ཀྱིས་ཆ་གསུམ་པོར་ཏེ། བཅོམ་ལྡན་འདས་རྣམ་པར་སྣང་མཛད་ལན་གསུམ་རྗེས་སུ་དྲན་པར་
241a
༄#། །བྱས་ནས་ཚོན་དེ་ཉིད་བླངས་ཏེ་ཤར་ཕྱོགས་ཀྱི་ཆ་གསུམ་པར་རྡོ་རྗེ་དམ་པ་སྦྱིན་པ་གཞོན་ནུའི་གཟུགས་ཅན། ལག་པ་གཡོན་པ་ན་ཨུཏྤལ་མཐིང་གའི་སྟེང་ན་རྡོ་རྗེ་ཅན་ཐོགས་པ། རྒྱན་ཐམས་ཅད་ཀྱིས་བརྒྱན་པ། དར་རམ་རས་ཀྱི་སྨད་གཡོགས་གྱོན་པ། དར་ལའི་སྟོད་གཡོགས་ཅན། ཁ་དོག་གུར་གུམ་ལྟ་བུ། སྤྱི་བོ་ཟུར་ཕུད་ལྔ་པ་དེའི་ཕྱག་རྒྱའམ་ཡི་གེར་བྲིའོ། །དེའི་སྔགས་ནི། འདིའོ། །ན་མཿ ས་མནྟ་བུདྡྷ་ནཱཾ། མཾ། དེའི་གཡས་ཕྱོགས་སུ་དྲ་བ་ཅན་གྱི་འོད་གཞོན་ནུའི་གཟུགས་ཅན། རྣམ་པ་ཐམས་ཅད་ཀྱི་མཆོག་དང་ལྡན་པ། ལག་ན་རིན་པོ་ཆེའི་དྲ་བའམ་ལྕགས་ཀྱུ་ཐོགས་པ་ཕྱག་རྒྱའམ་ཡི་གེའི་འབྲུར་བྲིའོ། །དེ་ལ་ཡི་གེའི་འབྲུ་ནི། འདིའོ། །ཚ། དེ་ནས་ལྷོ་ཕྱོགས་སུ་བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བ་ཞེས་བྱ་བ་གསེར་གྱི་ཁ་དོག་འདྲ་བ། ཐོར་ཚུགས་དང་ཅོད་པན་ཅན། ལག་ན་ཡིད་བཞིན་གྱི་ནོར་བུ་ཐོགས་པ་དེའི་ཕྱག་རྒྱའམ་ཡི་གེར་བྲིའོ། །རེ་ལ་ཡི་གེ་ནི། འདིའོ། །ཱ། བྱང་ཕྱོགས་སུ་བྱང་ཆུབ་སེམས་དཔའ་སའི་སྙིང་པོ་ཞེས་བྱ་བ་ཁ་དོག་ལྗང་གུ་།ལག་ན་པདྨ་ཐོགས་པ། རྒྱན་ཐམས་ཅད་ཀྱིས་བརྒྱན་པ་དེའི་ཕྱག་རྒྱའམ་ཡི་གེར་བྲིའོ། །དེ་ལ་ཡི་གེ་ནི། འདིའོ། །ི། ནུབ་ཕྱོགས་སུ་བྱང་ཆུབ་སེམས་དཔའ་ནམ་མཁའི་སྙིང་པོ་ཞེས་བྱ་བ་རྣམ་པ་ཐམས་ཅད་ཀྱི་མཆོག་དང་ལྡན་པ། གོས་དཀར་པོ་གྱོན་པ། འབར་
241b
བ་དང་བཅས་པ། ལག་ན་རལ་གྲི་ཐོགས་པ་དེའི་ཕྱག་རྒྱའམ་ཡི་གེར་བྲིའོ། །དེ་ལ་ཡི་གེ་ནི། འདིའོ། །ཱི། ཆོས་ཀྱི་དབྱིངས་ལ་གཞོལ་བ་ཡི། །སྔགས་བ་དེ་ནས་འདུག་ནས་སུ། །ཆོས་ཀྱི་དབྱིངས་སུ་རང་བཞིན་གྱི། །བྱང་ཆུབ་སེམས་སུ་གྱུར་པའི་ཡིད། །ཤར་ཕྱོགས་ཁ་བལྟས་གནས་ནས་ནི། །རྡོ་རྗེ་ཅན་གྱི་རྒྱ་བཅིངས་ནས། །དེ་ནས་ལས་ཀྱི་རྡོ་རྗེར་གྱུར། །ནན་ཏན་དུ་ནི་མཆོད་པ་བྱ། །ཀུན་ཏུ་ཁྱབ་པའི་ཡིད་ཀྱིས་སུ། །སངས་རྒྱས་སྐྱོབ་པ་ཐམས་ཅད་ཀྱི། །དམ་ཚིག་ཅེས་བྱའི་རྒྱ་བསྟན་ནས། །གསང་སྔགས་ལན་གསུམ་བཟླ་བར་བྱ། །སློབ་མ་གཙང་མ་ཆོག་བཞིན། །བོས་ཏེ་དཀྱིལ་འཁོར་མདུན་དུ་ནི། །དེ་དག་གསུམ་ལ་སྐྱབས་སུ་གཏང ། །དེ་ནས་བྱང་ཆུབ་སེམས་ཀྱང་བསྐྱེད། །ཆོས་ཀྱི་དབྱིངས་ཀྱི་རང་བཞིན་གྱི། །ཕྱག་རྒྱ་དེ་དག་ཀུན་ལ་བཅིང་དེ་ནས་ཆོས་ཀྱི་འཁོར་ལོའི་བཅིང ། །ཡིད་ཀྱིས་དེ་ཡི་གཟུགས་བསྒྱུར་ཏེ། །རས་ཀྱིས་གདོང་བ་བཀབ་ནས་ནི། །སྙིང་རྗེར་གྱུར་པའི་ཡིད་ཀྱིས་སུ། །བྱང་ཆུབ་ཚོགས་ནི་རྫོགས་བྱའི་ཕྱིར། ། ལག་བ་སྟོང་བར་མི་བྱ་འོ། །དམ་ཚིག་གི་ནི་གསང་སྔགས་འདི། །དེ་དག་ཀུན་གྱི་རྣ་བར་བསྒྲག་།སངས་རྒྱས་རྣམས་ཀྱི་དམ་ཚིག་ནི། །དེ་ནས་དེ་ལ་བདག་གིས་བཅིང ། །བྱང་ཆུབ་སེམས་གྱུར་ཡིད་ཀྱིས་སུ། །དེ་ནས་མེ་ཏོག་འདོར་དུ་གཞུག་།མེ་ཏོག་གང་དུ་བབ་གྱུར་པ། །དེ་ནི་སྔགས་པས་དེ་ལ་སྦྱིན། །ལུས་ཅན་ཀུན་ལ་དམ་ཚིག་ཕྱིར། །ཆོ་ག་དེ་ལྟར་རབ་ཏུ་བྱ། །
242a
༄#། །དེ་ནས་དཔལ་ལྡན་རྡོ་རྗེ་འཛིན། །གཙོ་བོ་དེ་ལ་ཡང་ཞུས་པ། །མགོན་པོ་སྨྲ་བའི་མཆོག་གྱུར་པས། །དབང་བསྐུར་བ་ཡི་ཆོ་ག་གསུངས། །དེ་སྐད་གསོལ་ནས་བཅོམ་ལྡན་འདས། །ཆོས་ཀྱི་དབྱིངས་ལ་གཞོལ་བ་ཡིས། །རྡོ་རྗེ་འཛིན་ལ་འདི་སྐད་གསུངས། །ཆོས་རྣམས་ཀུན་ལ་དབང་བའི་ཕྱིར། །ཆོ་གའི་མཆོག་ནི་ངས་བཤད་ཀྱི། །ཡིད་གཅིག་བསྡུས་ཏེ་ཆོ་ག་ཉོན། །གསང་བ་བའི་བདག་པོ། དེ་ལ་སློབ་དཔོན་གྱི་བདག་ཉིད་དེ་བཞིན་གཤེགས་པའི་གཟུགས་སུ་དེའི་སྔགས་སམ་ཕྱག་རྒྱས་བྱིན་གྱིས་བརླབ་བོ། །དེ་ནས་སློབ་མ་རྣམས་བོས་ལ་ཆོས་ཀྱི་དབྱིངས་ཀྱི་ངོ་བོ་ཉིད་ཀྱི་པདྨའི་རྒྱལ་པོ་ཆེན་པོ་ལ་བཞག་སྟེ་ཡན་ལག་ཀུན་འབྱུང་བའི་ཕྱག་རྒྱ་བཅིངས་ལ་བྱང་ཆུབ་སེམས་དཔའ་ཆེན་པོ་བཞིས་བྱིན་གྱིས་བརླབས་པ།་རིན་པོ་ཆེ་སྣ་བཞིའི་བུམ་པའི་ཆུས་སྤྱི་བོ་ནས་དབང་བསྐུར་བར་བྱའོ། ། ནི་ཀླད་ཀོར་བཅས་པ་རུ། །མཁས་པས་སྤྱི་བོར་བཞག་ནས་ནི། ། ཞེས་བྱ་བ་སྙིང་གར་གཞག། ར་ཞེས་བྱ་བ་བྲང་དུ་གཞག་།ཡང་ན་ཨ་ནི་ཀུན་ཏུ་གཞག་།གསེར་གྱི་ཁ་དོག་འབར་དང་བཅས། །ཐོར་ཚུགས་དང་ནི་དབུ་རྒྱན་ཅན། །པདྨ་དཀར་པོའི་གདན་ལ་བཞུགས། །རྒྱལ་པའི་མཆོག་གི་ཏིང་འཛིན་གནས། །ཡི་གེའི་འཁོར་ལོ་རིམ་པར་ཕྱེ་བ་རྒྱས་པའོ།། །།དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་ཐམས་ཅད་དང་ལྡན་པའི་
242b
འཁོར་འདུས་པ་ལ་གཟིགས་ནས་བྱང་ཆུབ་སེམས་དཔའ་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། དེ་བཞིན་གཤེགས་པ་རྣམས་ལ་དེ་བཞིན་གཤེགས་པའི་རྒྱན་དུ་གྱུར་པ། ཆོས་ཀྱི་དབྱིངས་རྟོགས་པའི་མཚན་མར་གྱུར་པའི་ཕྱག་རྒྱ་རིམ་པར་ཕྱེ་བ་རྒྱས་པ་གང་གིས་བརྒྱན་ན། བྱང་ཆུབ་སེམས་དཔའ་རྣམས་འཁོར་བ་ན་འཁོར་བའི་ཚེ་འགྲོ་བ་ཐམས་ཅད་དུ་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཆེན་པོའི་མཚན་མས་བཏབ་པས་ལྷ་དང ། ཀླུ་དང ། གནོད་སྦྱིན་དང ། དྲི་ཟ་དང ། ལྷ་མ་ཡིན་དང ། ནམ་མཁའ་ལྡིང་དང ། མིའམ་ཅི་དང ། ལྟོ་འཕྱེ་ཆེན་པོ་དང ། མི་དང ། མི་མ་ཡིན་པ་རྣམས་འབྱོལ་བར་འགྱུར་ཞིང་དེ་རྣམས་ཀྱང་དེ་དག་གི་ངག་ཉན་པར་འགྱུར་པ་ཡོད་ཀྱི།་དེ་ཉོན་ལ་ལེགས་པར་རབ་ཏུ་ཡིད་ལ་ཟུངས་ཤིག་དང་ངས་ཁྱོད་ལ་བཤད་དོ། །དེ་སྐད་ཅེས་བཀའ་སྩལ་བ་དང ། བཅོམ་ལྡན་འདས་ལ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། ། བཅོམ་ལྡན་འདས། དེའི་དུས་ལ་བབ་བོ། །བདེ་\?\་བར་གཤེགས་པ། དེའི་ཚོད་ལ་བབ་བོ། །དེ་ནས་བཅོམ་ལྡན་འདས་ཀྱིས་དེའི་ཚེ་སྟོབས་ཐོགས་པ་མེད་པའི་གནས་བྱིན་གྱིས་རློབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ་རིག་སྔགས་ཀྱི་རྒྱལ་མོ་ཐམས་ཅད་དུ་ཐོགས་པ་མེད་པའི་སྟོབས་ཅན། །མི་མཉམ་པ་དང་
243a
༄#། །མཉམ་པའི་སྟོབས་ཅན། དམ་ཚིག་ལ་འཇུག་པར་བྱེད་པ་སྟོབས་གསུམ་དང་ལྡན་པ་བྱུང་ངོ ། །ན་མཿ ས་མནྟ་བུདྡྷཱ་ནཱཾ། ཨ་ས་མཻ་ཏྲི་ས་མེ། ས་མ་ཡ་སཝཱཧཱ། གསང་བ་པའི་བདག་པོས་རིག་སྔགས་ཀྱི་རྒྱལ་མོ་འདི་ནི། དེ་བཞིན་གཤེགས་པ་ཐམས་ཅད་ཀྱིས་ཡང་དག་པར་སྟོན་པར་བྱེད་པ། ཆོས་གསུམ་གྱི་ལམ་གྱི་མཚམས་ལས་མི་འདའ་བར་བྱེད་པ།་ས་དང་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་དེ་ཡིན་ཏེ། དེའི་ཕྱག་རྒྱ་ནི། འདི་ཡིན་ནོ། །ལག་པ་གཉིས་ཐལ་མོ་ཁོང་སྟོང་དུ་སྦྱར་ལ་མཐེ་བོང་གཉིས་བསྒྲེང་ངོ ། །རྒྱ་འདི་ཕྱག་རྒྱ་ཆེན་པོ་སྟེ། །སངས་རྒྱས་སྐྱོབ་པ་ཀུན་གྱི་ཡིན། །སངས་རྒྱས་ཀུན་གྱི་དམ་ཚིག་ནི། །ཕྱག་རྒྱ་འདི་ལ་རབ་ཏུ་གནས། །ལག་པ་དག་ནི་གཉིས་ཀ་ཡང ། །བློ་དང་ལྡན་པས་ཁུ་ཚུར་བཅངས། །མཐེ་བོ་གཉིས་ནི་ནང་དུ་གཞུག་།མཛུབ་མོ་གཉིས་ནི་བསྒྲེང་བར་བྱ། །རྒྱ་འདི་ཕྱག་རྒྱ་ཆེན་པོ་སྟེ། །ཆོས་དབྱིངས་རྣམ་པར་སྤྱོད་པའོ། །གསང་སྔགས་ནི། ན་མཿ ས་མནྟ་བུདྡྷཱ་ནཱན། དྷརྨྨ་དྷཱ་ཏུ་སཝ་བྷཱ་བ་ཨཱཏྨ་ཀོཉཧཾ། དེ་བཞིན་དུ་ལག་པ་གཉིས་ཀྱི་སོར་མོ་ཐམས་ཅད་ལྡོག་སྟེ་བསྣོལ་ལ་མཐེ་བོང་གཉིས་སྤྲད་དོ། །ཕྱག་རྒྱ་དཔལ་དང་ལྡན་པ་འདི། །ཆོས་ཀྱི་འཁོར་ལོ་ཞེས་སུ་བསྒྲགས། །འཇིག་རྟེན་མགོན་པོ་སྐྱོབ་རྣམས་ཀྱི། །འཁོར་ལོ་རབ་ཏུ་འདི་བསྐོར་རོ། །གསང་སྔགས་ནི། ན་མཿ ས་མནྟ་བཛྲཱ་ཎཱཾ། བཛྲ་ཨཱཏྨ་ཀོཉཧཾ། དེ་བཞིན་དུ་
243b
ལག་པ་གཉིས་ཕྱག་འཚལ་བའི་ཐལ་མོ་སྦྱར་ལ། མཛུབ་མོ་གཉིས་མཐེ་བོང་གཉིས་ཀྱི་སྟེང་དུ་བཞག་སྟེ་རལ་གྲི་ལྟ་བུར་བྱའོ། །སངས་རྒྱས་སྐྱོབ་པ་ཐམས་ཅད་ཀྱི། །ཕྱག་རྒྱ་ཆེན་པོ་རལ་གྲིའི་རྒྱ། །འདིས་ནི་ལྷན་ཅིག་སྐྱེས་པ་ཡི། །འཇིག་ཚོགས་ལྟ་བ་གཙོད་པར་བྱེད། །གསང་སྔགས་ནི། ན་མཿ ས་མནྟ་བུདྡྷཱ་ཎཱཾ། མཧཱ་ཁཌྒ་བི་ར་ཛ་དྷརྨྨ་སནྡྷ་རི་ཤ་ཀ་ས་ཧ་ཛ་སད་ཀ་ཡ་དྷརྀཥྚི་ཙྪེ་ད་ཀ་ཏ་ཐཱ་ག་ཏཱ་དྷི་མུཀྟི་ནིར་ཛ་ཏ་བི་རཱ་ག་དྷརྨྨ་ནིར་ཛ་ཏ་ཧཱུཾ། དེ་བཞིན་དུ་ལག་པ་གཉིས་ཐལ་མོ་ཁོང་སྟོང་དུ་སྦྱར་ཏེ་མཛུབ་མོ་གཉིས་ཀྱིས་མཐེ་བོང་དཀྲིས་ལ་དུང་ལྟ་བུར་བྱའོ། །ཕྱག་རྒྱ་དཔལ་ལྡན་དམ་པ་འདི། །ཆོས་ཀྱི་དུང་ཞེས་རྣམ་པར་བསྒྲགས། །འདིས་ནི་འཇིག་རྟེན་འདི་དག་ན། །སངས་རྒྱས་བྱང་ཆུབ་སེམས་དཔའ་རྣམས། །ཞི་བ་མྱ་ངན་འདས་འགྲོ་བ། །རྡུལ་དང་བྲལ་བའི་ཆོས་འཆད་དོ། །གསང་སྔགས་ནི། ན་མཿ ས་མནྟ་བུདྡྷཱ་ཎཱཾ། སརྦྦ་ཐཱ་ཨོཾ། དེ་བཞིན་དུ་ལག་པ་གཉིས་ཀྱི་སོར་མོ་ཀུན་ཐལ་མོ་སྦྱར་བ་ལས་བརྐྱངས་སྟེ་དྲིལ་བུ་ལྟར་བྱས་ལ་མཐེ་བོང་གཉིས་དང་མཐེའུ་ཆུང་གཉིས་རྩེ་གཅིག་ཏུ་སྤྲང་དེ་མཛུབ་མོ་གཉིས་དང་གུང་མོ་གཉིས་སྤྲད་དོ། །པདྨ་དམ་པ་དཔལ་ལྡན་འདི། །སངས་རྒྱས་སྐྱོབ་པ་ཐམས་ཅད་ཀྱི། །མི་ཤིགས་རྡོ་རྗེའི་གདན་ཡིན་ཏེ། །དེར་ནི་འདྲེན་པ་འཚང་རྒྱ་ཞིང ། །རྒྱལ་བ་སྲས་རྣམས་ཐམས་ཅད་ནི། །འདི་ལས་སྐྱེ་དང་བྱང་ཆུབ་འགྱུར། །གསང་སྔགས་ནི། ན་མཿ ས་མནྟ་བུདྡྷཱ་ནཱཾ། ཨ། དེ་བཞིན་དུ་ལག་པ་གཉིས་
244a
༄#། །ཁུ་ཚུར་བཅངས་ལ་གུང་མོ་གཉིས་གཤིབས་ཏེ་བསྒྲེངས་ལ་མཛུབ་མོ་གཉིས་བཀུག་སྟེ་ངོས་གཉིས་སུ་བཞག་ལ་རྡོ་རྗེ་ལྟར་བྱ། མཐེ་བོང་གཉིས་དང་མཐེའུ་ཆུང་གཉིས་བསྒྲེངས་ཏེ་བཞག་།སྲིན་ལག་གཉིས་ལག་པའི་ནང་དུ་གཞག་གོ། །ཕྱག་རྒྱ་ཆེན་པོ་རྡོ་རྗེའི་རྒྱ། །མི་ཤེས་གྲོང་ཁྱེར་འཇིག་པ་སྟེ། །སངས་རྒྱས་རྣམས་ཀྱི་ཡེ་ཤེས་འདི། ། ཉིད་ཀྱིས་བྱིན་གྱིས་བརླབས་ཏེ་བསྟན། །གསང་སྔགས་ནི། ན་མཿ ས་མནྟ་བཛྲཱ་ཎཱཾ་ཧཱུཾ། དེ་བཞིན་དུ་ལག་པ་གཉིས་ཁུ་ཚུར་བཅངས་ལ་གུང་མོ་གཤིབས་ཏེ་བསྒྲེང ། མཛུབ་མོ་གཉིས་ངོས་ནས་བཀུག་སྟེ་སྦྱར་རོ། །གཙུག་ཏོར་ཕྱག་རྒྱ་རྒྱ་ཆེན་ཏེ། །གཙུག་ཏོར་ཞེས་ནི་བསྒྲགས་པ་ཡིན། །འདི་ནི་བཅིངས་པ་ཙམ་གྱིས་ཀྱང ། །རྒྱལ་བ་མཆོག་ཏུ་འགྱུར་བ་ཡིན། །འདིའི་སྔགས་ནི། ན་མཿ ས་མནྟ་བུདྡྷཱ་ནཱཾ། ཧཱུཾ་ཧཱུཾ། ལག་པ་གཡས་པར་ཁུ་ཚུར་བཅངས་པ་སྨིན་མཚམས་སུ་གཞག་གོ་།རྒྱལ་བ་དམ་པས་ཕྱག་རྒྱ་འདི། །མཛོད་སྤུ་ཞེས་ནི་རབ་ཏུ་བསྒྲགས། །འདི་ནི་བཅིངས་པ་ཙམ་གྱིས་སུ། །རྒྱལ་བ་མཆོག་ཏུ་འགྱུར་བ་ཡིན། །འདིའི་སྔགས་ནི། ན་མཿ ས་མནྟ་བུདྡྷཱ་ནཱཾ། ཨ་ཧཾ་ཛཿ བློ་ལྡན་རྣལ་འབྱོར་ཚུལ་གནས་ཏེ། །ལག་གཉིས་ལྟེ་བའི་ཐད་ཀར་ནི། །ལྷུང་བཟེད་འཛིན་བའི་ཚུལ་དུ་བྱ། །ལྷུང་བཟེད་ཕྱག་རྒྱ་ཞེས་སུ་བསྒྲགས། །རྒྱ་འདི་ཤཱཀྱ་ཐུབ་པའི་སྟེ། །ལྷུང་བཟེད་ཆེན་པོ་ཞེས་བྱའོ། །འདིའི་སྔགས་ནི།
244b
ན་མཿ ་ས་མནྟ་བུདྡྷཱ་ནཱཾ། བྷ། དེ་བཞིན་དུ་ལག་པ་གཡས་པ་གྱེན་དུ་བསྒྲེངས་ལ་མི་འཇིགས་པ་སྦྱིན་པ་ལྟ་བུར་བྱའོ། །སེམས་ཅན་ཀུན་ལ་མི་འཇིགས་པ། །དེ་ཡིས་རབ་ཏུ་སྦྱིན་པར་འགྱུར། ། གང་གིས་རྒྱ་ཆེན་དེ་བཅིངས་ན། །མི་འཇིགས་ཕྱག་རྒྱ་ཞེས་བསྒྲགས་སོ། །འདིའི་སྔགས་ནི། ན་མཿ ས་མནྟ་བུདྡྷཱ་ནཱཾ། སརྦྦ་ཐཱ་ཛི་ན་ཛི་ན་བྷི་ཀཱ་ཡནཱ་ཤཱན་སཝཱཧཱ། དེ་བཞིན་དུ་ལག་པ་གཡས་པ་སྨད་དེ་དམ་པ་སྦྱིན་པ་ལྟར་བྱའོ། །འདི་ནི་དམ་པ་སྦྱིན་རྒྱ་ཞེས། །འཇིག་རྟེན་མགོན་པོ་རྣམས་ཀྱིས་བསྒྲགས། །འདི་ནི་བཅིངས་པ་ཙམ་གྱིས་སུ། །རྒྱལ་མཆོག་དམ་པ་སྩལ་བར་འགྱུར། །འདིའི་གསང་སྔགས་ནི། ན་མཿ ས་མནྟ་བུདྡྷཱ་ནཱཾ། བ་ར་ད་བཛྲ་ཨཱཏྨ་ཀོཉཧཾ་སཝཱཧཱ། ལག་པ་གཡས་བ་ཁུ་ཚུར་བཅངས་ཏེ་མཛུབ་མོ་བརྐྱངས་ལ་དཔྲལ་བར་ཁྲོ་གཉེར་ལྟ་བུར་བྱའོ། །ཕྱག་རྒྱ་ཆེན་པོ་རྒྱ་ཆེན་འདི། སངས་རྒྱས་སྐྱོབ་པ་ཐམས་ཅད་ཀྱི། །བདུད་ནི་རྣམ་པར་བསྡིགས་ཞེས་བྱ། །ཕུང་བྱེད་ཐམས་ཅད་འཇིགས་པར་བྱེད། །འདི་ནི་བཅིངས་པ་ཙམ་གྱིས་སུ། །བདུད་སྡེ་ཤིན་ཏུ་མི་ཟད་དང ། །བགེགས་དང་ལོག་འདྲེན་གཞན་དག་ཀྱང ། །ཐེ་ཚོམ་མེད་པར་རབ་ཏུ་འབྱེར། །འདིའི་གསང་སྔགས་ནི། ན་མཿ ་ས་མནྟ་བུདྡྷཱ་ནཱཾ། མ་ཧཱ་བ་ལ་བ་ཏི་ད་ཤ་བ་ལ་ཏེ་ཛོད་བྷ་བེ་མ་ཧཱ་མཻ་ཏྲྱ་བྷྱུད་ག་ཏེ་སཝཱཧཱ། དེ་བཞིན་དུ་ལག་པ་གཡས་པ་ཁུ་ཚུར་བཅངས་ལ་གུང་མོ་གཉིས་དང་སྲིན་ལག་གཉིས་བརྐྱངས་ཏེ་མཐེ་བོའི་དྲུང་དུ་གཞག་གོ་།འདི་ནི་སངས་རྒྱས་མགོན་རྣམས་ཀྱིས། །ཐུགས་རྗེ་ལས་བྱུང་སྤྱན་ཡིན་ཏེ། །
245a
༄#། །མིག་གི་སྟེང་དུ་མཁས་པས་གཞག་།དེ་ལས་སངས་རྒྱས་སྤྱན་དུ་འགྱུར། །འདིའི་གསང་སྔགས་ནི། ན་མཿ ས་མནྟ་བུདྡྷཱ་ནཱཾ། ག་ག་ན་བ་ར་ལ་ཀྵ་ཎ་ཀ་རུ་ཎ་མཱ་ཡ་ཏ་ཐཱ་ག་ཏ་ཙཀྵུཿ སཝཱཧཱ། དེ་བཞིན་དུ་ལག་པ་གཉིས་གཅིག་ཏུ་སྦྱར་ལ་སོར་མོ་རྣམས་ཕན་ཚུན་བསྣོལ་བའི་ཁུར་ཚུར་བཅངས་ཏེ། མཛུབ་མོ་གཉིས་བསྒྲེངས་ལ་བཀུག་སྟེ་སྤྲད་ལ་ཟླུམ་པོར་བྱ། འདི་ནི་ཞགས་པ་མཆོག་ཅེས་གྲགས། །སྡང་བ་ཐམས་ཅད་འཇིགས་པར་བྱེད། །སྔགས་པས་འདི་བཅིངས་དེ་ཡི་ཚེ། །རྟག་ཏུ་སྡང་བ་བཅིངས་པར་འགྱུར། །འདིའི་གསང་སྔགས་ནི། ན་མཿ ས་མནྟ་བུདྡྷཱ་ནཱཾ། ཧེ་ཧེ་མཧཱ་པཱ་ཤ་པྲ་ས་རོ་དྷཱ་རྱ་སཏྭ་དྷཱ་ཏུ་བི་མོ་ཙ་ཀ་།ཏ་ཐཱ་ག་ཏ་ཨ་དྷི་མུཀྟི་ནིར་ཛ་ཏྭ་སཝཱཧཱ། དེ་བཞིན་དུ་ལག་པ་གཉིས་གཅིག་ཏུ་སྦྱར་ཏེ་ཁུ་ཚུར་བཅངས་ལ་མཛུབ་མོ་བསྒྲེངས་ཏེ་ཚིགས་གསུམ་པ་བཀུག་ལ། ལྷག་མ་རྣམས་གདུ་བུའི་ཚུལ་དུ་གནས་པར་བྱ་འོ། །སངས་རྒྱས་སྐྱོབ་པ་ཐམས་ཅད་ཀྱི། །ལྕགས་ཀྱུ་ཞེས་ནི་འདི་བཤད་དེ། །བྱང་ཆུབ་སེམས་དཔའ་བདག་ཉིད་ཆེ། །ས་བཅུ་དག་ལ་གནས་པ་དག་།སྡང་བར་སེམས་པ་གཞན་དག་ཀྱང ། །ཐམས་ཅད་རབ་ཏུ་འགུགས་པར་བྱེད། །འདིའི་གསང་སྔགས་ནི། ན་མཿ ་ས་མནྟ་བུདྡྷཱ་ནཱཾ། སརྦ་ཐཱ། ཨ་པྲ་ཏི་ཧ་ཏ་ཏ་ཏ་ཐཱ་ག་ཏ། ཨཾ་ཀུ་ཤ་བོདྷེ་ཙྪེ་རྱ་བརི་པཱུ་ར་ག་སཝཱཧཱ། ལྕགས་ཀྱུའི་ཕྱག་རྒྱ་ལས་གུང་མོ་གཉིས་བཀུག་སྟེ་དེ་ཉིད་དུ་སྦྱར་རོ། །འདི་ནི། དེ་བཞིན་
245b
གཤེགས་པའི་ཐུགས་ཀྱི་ཕྱག་རྒྱ་སྟེ། གསང་སྔགས་ལ། ན་མཿ ་ས་མནྟ་བུདྡྷཱ་ནཱཾ། ཛྙཱ་ནོད་བྷ་བ་སཝཱཧཱ། ཕྱག་རྒྱ་དེ་ཉིད་ལས་སྲིན་ལག་གཉིས་བསྒྲེངས་ལ་ལྷག་མ་རྣམས་དེ་བཞིན་དུ་གཞག་གོ་།དེ་བཞིན་གཤེགས་པའི་ལྟེ་བའི་ཕྱག་རྒྱ་སྟེ། གསང་སྔགས་ལ། ན་མཿ ་ས་མནྟ་བུདྡྷཱ་ནཱཾ། ཨ་མྲྀ་ཏོད་བྷ་བ་སཝཱཧཱ། ཕྱག་རྒྱ་དེ་ཉིད་ལས་མཐེའུ་ཆུང་གཉིས་ཀྱང་བསྒྲེངས་ལ་ལྷག་མ་རྣམས་དེ་བཞིན་དུ་གཞག་གོ་།རྐེད་པའི་ཕྱག་རྒྱ་སྟེ། གསང་སྔགས་ལ། ན་མཿ ་ས་མནྟ་བུདྡྷཱ་ནཱཾ། ཏ་ཐཱ་ག་ཏི་སཾ་བྷ་བ་སཝཱཧཱ། དེ་བཞིན་དུ་ལག་པ་གཉིས་ཁོང་སྟོང་དུ་སྦྱར་ལ་མཛུབ་མོ་གཉིས་བཀུག་སྟེ་ནང་དུ་གཞུག་།སྲིན་ལག་གཉིས་ཀྱང་དེ་བཞིན་དུ་བྱ། །མཐེ་བོང་དང་མཐེའུ་ཆུང་གཉིས་ཅུང་ཟད་བཀུག་།གུང་མོ་གཉིས་གཤིབས་ཏེ་བསྒྲེང་ངོ ། །འདི་ནི། དེ་བཞིན་གཤེགས་པའི་མཛོད་ཀྱི་ཕྱག་རྒྱ་སྟེ། འདིའི་གསང་སྔགས་ནི། ན་མཿ ས་མནྟ་བུདྡྷཱ་ནཱཾ། རཾ་རཾ་རཾ་སཝཱཧཱ། ཕྱག་རྒྱ་དེ་ཉིད་ལས་སྲིན་ལག་གཉིས་ཕྱུང་ལ་བསྒྲེངས་ཏེ་གཞག་གོ་།མཚམས་ཆེན་པོ་གཅད་པའི་ཕྱག་རྒྱ་སྟེ། འདིའི་གསང་སྔགས་ནི། ན་མཿ ས་མནྟ་བུདྡྷཱ་ནཱཾ། བེ་ལུ་པུ་རི། བི་ཀུ་རི་བི་ཀུ་ལེ་སཝཱཧཱ། མཚམས་ཆེན་པོ་གཅད་པ་འོ། །དེ་ཉིད་ལས་གུང་མོ་གཉིས་བཀུག་ལ་མཐེ་བོང་གཉིས་བསྒྲེང་ངོ ། །སྲུང་བ་ཆེན་མོའི་ཕྱག་རྒྱ་སྟེ། །གསང་སྔགས་ལ། ན་མཿ ་ས་མནྟ་བུདྡྷཱ་ནཱཾ། ཏ་ཐཱ་ག་ཏེ་བྷྱོ་སརྦྦ་བྷ་ཡ་བི་ག་ཏེ་བྷྱོ་བྲི་ཤཝ་མུ་ཁེ་བྷྱཿ ། སརྦྦ་ཐཱ་ཧཾ་ཁཾ་རཀྵ་
246a
༄#། །མ་ཧཱ་བ་ལེ་སརྦ་ཏ་ཐཱ་ག་ཏ་པུཎྱ་ནིར་ཛ་ཏི་ཧཱུཾ་ཧཱུཾ་ཏྲ་ཊ་ཏྲ་ཊ། ཨ་པྲ་ཏི་ཧ་ཏེ་སཝཱཧཱ། མི་བཟོད་པ་ཞེས་བྱ་བ་སྲུང་བ་ཆེན་མོའོ། །དེ་བཞིན་དུ་མཛུབ་མོ་གཉིས་བརྐྱངས་ལ་མཐེ་བོང་གཉིས་ནང་དུ་གཞུག་གོ། །ཀུན་ཏུ་འབར་བ་ཞེས་བྱ་བའི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཛྭ་ལ་མཱ་ལི་ནི་ཏ་ཐཱ་ག་ཏ་ཨརྩི་སཝཱཧཱ། ཀུན་ཏུ་འབར་བའོ། །དེ་བཞིན་དུ་ལག་པ་གཉིས་ཐལ་མོ་ཁོང་སྟོང་དུ་སྦྱར་ལ་མཛུབ་མོ་གཉིས་ཀྱིས་ངོས་ནས་དཀྲིའོ། །འདི་ནི། དེ་བཞིན་གཤེགས་པའི་གོ་ཆའི་ཕྱག་རྒྱ་སྟེ། གསང་སྔགས་ལ།་ན་མཿ ་ས་མནྟ་བུདྡྷཱ་ནཱཾ། པྲ་ཙཎྜ་བཛྲ་ཛ་ཡ་བི་སྥུ་ར་ཧཱུཾ། དེ་བཞིན་གཤེགས་པའི་ཆོ་གའོ། །ཕྱག་རྒྱ་དེ་ཉིད་ལས་མཛུབ་མོ་གཉིས་དང ། མཐེ་བོང་གཉིས་གཅིག་ཏུ་སྦྱར་རོ། ། དེ་བཞིན་གཤེགས་པའི་ལྗགས་ཀྱི་ཕྱག་རྒྱ་སྟེ། གསང་སྔགས་ལ། ན་མཿ ་ས་མནྟ་བུདྡྷཱ་ནཱཾ། ཏ་ཐཱ་ག་ཏ་ཛི་ཧཝཱ་སིདྡྷི་དྷརྨྨ་པྲ་ཏིཥྛི་ཏེ་སཝཱཧཱ། དེ་བཞིན་གཤེགས་པའི་ལྗགས་སོ། ། ཕྱག་རྒྱ་དེ་ཉིད་ལ་མཛུབ་མོ་གཉིས་དང ། སྲིན་ལག་གཉིས་བཀུག་ལ་ནང་དུ་སྦྱར། མཐེ་བོང་གཉིས་བསྒྲེངས་ལ་ཅུང་ཟད་བཀུག་སྟེ་རྩེ་མོ་གུང་མོ་ལ་ཕྱོགས་པར་བྱ། །མཐེའུ་ཆུང་གཉིས་བརྐྱངས་ལ་མཐེ་བོང་གཉིས་ནི། །སྔ་མ་བཞིན་ནོ། །འདི་ནི། དེ་བཞིན་གཤེགས་པའི་ཞལ་ཆེན་པོའི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཏ་ཐཱ་གཱ་ཏ་མཧཱ་
246b
བཱཀྟྲེ་བི་ཛྙཱ་ན་མ་ཧོ་ད་ཡ་སཝཱཧཱ། དེ་བཞིན་གཤེགས་པའི་ཞལ་ལོ། །ཕྱག་རྒྱ་དེ་ཉིད་ལས་མཛུབ་མོ་གཉིས་བཀྲོལ་ལ་ནང་དུ་བཅུག་སྟེ་དགུ་བོར་བྱས་ལ་གཏོད་དེ་གཟུང་ངོ ། །དེ་བཞིན་གཤེགས་པའི་མཆེ་བའི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཏ་ཐཱ་ག་ཏ་མཧཱ་དཾ་ཥྚཱ་ས་ར་ས་ར་གྲ་ས་མ་པྲ་བྷ་ཀ་སརྦྦ་ཏ་ཐཱ་ག་ཏ་བི་ཥ་ཡ་སཾ་བྷ་བ་སཝཱཧཱ། དེ་བཞིན་གཤེགས་པའི་མཆེ་བའོ། །ཕྱག་རྒྱ་དེ་ཉིད་ལས་མཛུབ་མོ་གཉིས་བསྒྲེངས་ཏེ་བཟུང་ལ་ཚིགས་གསུམ་པ་དགུག་གོ་།དེ་བཞིན་གཤེགས་པའི་སོ་སོ་ཡང་དག་པར་རིག་པའི་ཕྱག་རྒྱ་སྟེ། གསང་སྔགས་ལ། ན་མཿ ་ས་མནྟ་བུདྡྷཱ་ནཱཾ། ཨ་ཙིནྟྱ་ཨད་བྷུ་ཏ་རཱུ་པ་པཱ་པ་ག་སཾ་པྲ་ཏི་བིདྱཱ་བི་ཤུདྡྷཱ་ས་ར་སཝཱཧཱ། དེ་བཞིན་གཤེགས་པའི་སོ་སོ་ཡང་དག་པར་རིག་པའོ། །དེ་བཞིན་དུ་ལག་པ་གཉིས་གཅིག་ཏུ་ཐལ་མོ་ཁོང་སྟོང་དུ་སྦྱར་ཏེ་མཐེ་བོང་གཉིས་དང་མཐེ་ཆུང་གཉིས་ནང་དུ་བཅུག་ལ་གཅིག་ཏུ་སྤྲད་དོ། །འདི་ནི། སྟོབས་བཅུའི་ཕྱག་རྒྱ་སྟེ། གསང་སྔགས་ལ། ན་མཿ ་ས་མནྟ་བུདྡྷཱ་ནཱཾ། ད་ཤ་བ་ལ་ག་དྷ་ར་ཧཱུཾ་སཾ་ཛཾ་སཝཱཧཱ། སྟོབས་བཅུའི་ཕྱག་རྒྱ་དང་སྔགས་སོ། །ཕྱག་རྒྱ་དེ་ཉིད་ལས་མཐེ་བོང་གཉིས་ཀྱི་རྩེ་མོར་མཛུབ་མོ་གཉིས་བཀུག་སྟེ་སྦྱར་རོ། །དྲན་པ་ཉེ་བར་གཞག་པའི་ཕྱག་རྒྱ་སྟེ། གསང་སྔགས་ལ། །ན་མཿ ས་མནྟ་བུདྡྷཱ་ནཱཾ། ཏ་ཐཱ་ག་ཏ་སྨྲྀ་ཏི་སཏྭ་ཏི་ཏ་ཨ་བྷཱུ་ག་ག་ན་ས་མ་ས་མ་སཝཱཧཱ། དྲན་པ་ཉེ་བར་གཞག་པའི་ཕྱག་རྒྱ་དང་གསང་སྔགས་སོ། །
247a
༄#། །ཕྱག་རྒྱ་དེ་ཉིད་ལས་སྲིན་ལག་གཉིས་མཐེ་བོའི་སྟེང་དུ་གཟུང་ངོ ། །གསང་སྔགས་ལ། ན་མཿ ས་མནྟ་བུདྡྷཱ་ནཱཾ། སརྦྦ་དྷརྨྨ་ས་མ་ཏཱ་པྲཱ་པྟ་ཏ་ཐཱ་ག་ཏ་ཨ་ནུ་ག་ཏ་སཝཱཧཱ། ཆོས་ཐམས་ཅད་མཉམ་པ་ཉིད་དུ་རྟོགས་པར་བྱེད་པའི་ཕྱག་རྒྱ་དང་གསང་སྔགས་སོ། །དེ་བཞིན་དུ་ལག་པ་གཉིས་གཅིག་ཏུ་སྦྱར་ཏེ་མཛུབ་མོ་གཉིས་ཀྱི་གུང་མོ་གཉིས་དཀྲིས་ལ་ལྷག་མ་རྣམས་ནི། དེ་བཞིན་དུ་གཞག་གོ་།ཀུན་ཏུ་བཟང་པོའི་ཡིད་བཞིན་གྱི་ནོར་བུའི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ས་མནྟ་ནུ་ག་ཏ་བི་རཱ་ཛེ་དྷཱརྨ་ནིར་ཛ་ཏ་མ་ཧཱ་མ་ཧཱ་སཝཱཧཱ། ཡིད་བཞིན་གྱི་ནོར་བུའི་གསང་སྔགས་སོ། །ཕྱག་རྒྱ་དེ་ཉིད་ལས་མཛུབ་མོ་གཉིས་གུང་མོ་གཉིས་ཀྱི་ནང་དུ་བཀུག་ལ་གཞག་།ལྷག་མ་རྣམས་ནི། སྔ་མ་བཞིན་ནོ། །འདིའི་གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཨ་ཛི་ཏཉྫ་ཡ་སརྦྦ་སཏྭཱ་ཤ་ཡཱ་ནུ་ག་ཏ་སཝཱཧཱ། བྱམས་པའི་ཕྱག་རྒྱ་དང་གསང་སྔགས་སོ། །ཕྱག་རྒྱ་དེ་ཉིད་ལས་མཐེ་བོང་གཉིས་ནང་དུ་གཞུག་གོ་།གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཨཱ་ཀཱ་ཤ་ས་མ་ཏཱ་ནུ་ག་ཏ་བི་ཙི་ཏྲཾ་བར་དྷ་ར་སཝཱཧཱ། ནམ་མཁའི་སྙིང་པོའི་ཕྱག་རྒྱ་དང་གསང་སྔགས་སོ།། ཕྱག་རྒྱ་དེ་ཉིད་ལས་སྲིན་ལག་གཉིས་དང་མཐེའུ་ཆུང་གཉིས་ནང་དུ་བཅུག་ལ། མཛུབ་མོ་གཉིས་གུང་མོ་གཉིས་དང་ལྷན་ཅིག་ཏུ་སྦྱར་རོ། །གསང་སྔགས་ལ། ན་མཿ ས་མནྟ་བུདྡྷ་
247b
ནཱཾ།་ཨཏ་སཏྭ་ཧི་ཏ་ཨ་བྷྱུད་ག་ཏ་ཏྲཾ་ཏྲཾ་རཾ་རཾ་སཝཱཧཱ། སྒྲིབ་པ་ཐམས་ཅད་རྣམ་པར་སེལ་བའི་ཕྱག་རྒྱ་དང་གསང་སྔགས་སོ།། །།བམ་པོ་ལྔ་པ། དེ་བཞིན་དུ་ལག་པ་གཉིས་གཅིག་ཏུ་སྦྱར་ལ་སོར་མོ་ཐམས་ཅད་དྲིལ་བུ་འདྲ་བར་ཁ་དབྱེ། མཐེ་བོང་གཉིས་དང་མཐེའུ་ཆུང་གཉིས་གཅིག་ཏུ་སྦྱར། ལྷག་མ་རྣམས་ནི། པདྨ་ལྟ་བུར་བྱའོ། །གསང་སྔགས་ལ། ན་མཿ ་ས་མནྟ་བུདྡྷཱ་ནཱཾ། སརྦྦ་ཏ་ཐཱ་ག་ཏ་ཨ་བ་ལོ་ཀི་ཏེ་ཀ་རུ་ཎཱ་མཱ་ཡ་ར་ར་ར་ཧཱུཾ་ཛཿ སཝཱཧཱ། སྤྱན་རས་གཟིགས་དབང་ཕྱུག་གི་པདྨའི་ཕྱག་རྒྱ་དང་གསང་སྔགས་སོ། །དེ་བཞིན་དུ་ལག་པ་གཉིས་ཐལ་མོ་ཁོང་སྟོང་དུ་སྦྱར་ལ། པདྨ་ཁ་མ་ཕྱེ་བ་ལྟ་བུར་བྱའོ། །པདྨའི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཛཾ་ཛཾ་ས་སཝཱཧཱ། མཐུ་ཆེན་པོ་ཐོབ་པའི་པདྨའི་ཕྱག་རྒྱ་དང་གསང་སྔགས་སོ། །དེ་བཞིན་དུ་ལག་པ་གཉིས་ཁུ་ཚུར་བཅངས་ལ་མཛུབ་མོ་གཉིས་རྩེ་མོ་ཅན་དུ་བསྒྲེངས་ཏེ། མཐེ་བོང་གཉིས་ཀྱང་དེའི་དྲུང་དུ་གཞག་གོ་།གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཏཱ་རེ་ཏཱ་རེ་ཎི་ཀ་རུ་ཎོད་བྷ་བེ་སཝཱཧཱ། ལྷ་མོ་སྒྲོལ་མའི་འོ། །ཕྱག་རྒྱ་དེ་ཉིད་ལས་མཛུབ་མོ་གཉིས་གཅུས་ཏེ་བསྒྲེང ། ལྷག་མ་རྣམས་ནི། སྔ་མ་བཞིན་ནོ། །གསང་སྔགས་ལ། ན་མཿ ་ས་མནྟ་བུདྡྷཱ་ནཱཾ། སརྦྦ་བྷ་བ་སན་ཏྲཱ་ས་ནི་ཧཱུཾ་སྥོ་ཊ་ཡ་སཝཱཧཱ། ཁྲོ་གཉེར་མའི་འོ། །དེ་བཞིན་དུ་ལག་པ་གཉིས་ཐལ་མོ་ཁོང་སྟོང་དུ་སྦྱར་ལ་སྲིན་ལག་གཉིས་དང་མཐེ་བོང་གཉིས་ནང་དུ་གཞུག་
248a
༄#། །གོ་།གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཏ་ཐཱ་ག་ཏ་བི་ཥ་ཡ་སཾ་བྷ་བ་པདྨ་མཱ་ལི་ནི་སཝཱཧཱ། གོས་དཀར་ཅན་གྱིའོ། །ཕྱག་རྒྱ་དེ་ཉིད་ལས་མཐེ་བོང་གཉིས་གྱེན་དུ་བསྒྲེངས་ལ་མཛུབ་མོ་གཉིས་ཀྱི་རྩེ་མོ་དེའི་དྲུང་དུ་པར་ནས་གང་ཙམ་གྱིས་ཆོད་པར་གཞག་གོ་།གསང་སྔགས་ལ། ན་མཿ ས་མནྟ་བུདྡྷཱ་ནཱཾ་ཁཱ་ད་བྷཉྫ་སྥོ་ཊ་ཡ་སཝཱཧཱ། རྟ་མགྲིན་གྱི་ཕྱག་རྒྱ་དང་གསང་སྔགས་སོ། །ཕྱག་རྒྱ་དེ་ཉིད་ལས་སྲིན་ལག་གཉིས་དང་མཐེའུ་ཆུང་གཉིས་ཀྱང་གྱེན་དུ་བསྒྲེངས་ལ་ལྷག་མ་རྣམས་དེ་བཞིན་དུ་ཁུ་ཚུར་བཅངས་པའི་ཚུལ་དུ་གཞག་གོ་།དེའི་གསང་སྔགས་ནི། ན་མཿ ས་མནྟ་བུདྡྷཱ་ནཱཾ། ཧ་ཧ་ཧ་སུ་ན་ཏ་ནུ་སཝཱཧཱ། སའི་སྙིང་པོའི་ཕྱག་རྒྱ་དང་གསང་སྔགས་སོ། །དེ་བཞིན་དུ་ལག་པ་གཉིས་ཐལ་མོ་ཁོང་སྟོང་དུ་སྦྱར་ལ་གུང་མོ་གཉིས་ཀྱིས་སྲིན་ལག་གཉིས་དཀྲིས་ཏེ་མཛུབ་མོ་གཉིས་ཀྱང་མཐེ་བོང་གཉིས་ཀྱི་སྟེང་དུ་བཀུག་སྟེ་བཞག་།ལྷག་མ་རྣམས་ནི། སྔ་མ་བཞིན་ནོ། །གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཧེ་ཧེ་ཀུ་མཱ་ར་ཀ་བི་མུཀྟི་བ་ཐེ་སྟི་ཥྛ་ཏ། སྨ་ར་སྨ་ར་པྲ་ཏི་ཛྙཱ་ན་སཝཱཧཱ། འཇམ་དཔལ་གྱི་ཕྱག་རྒྱ་དང་གསང་སྔགས་སོ། །ལག་པ་གཡོན་པ་ཁུ་ཚུར་བཅངས་ཏེ་མཛུབ་མོ་དགུག་གོ། དྲ་བའི་འོད་ཀྱི་ལྕགས་ཀྱུའི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཧེ་ཧེ་ཀུ་མཱ་ར་ཡ་ག་ཏ་སཝ་བྷཱ་བ་སྠི་ཏ་སཝཱཧཱ། དྲ་བའི་འོད་ཀྱི་ཕྱག་རྒྱ་དང་གསང་སྔགས་སོ། །ཕྱག་རྒྱ་དེ་
248b
ཉིད་ལས་སོར་མོ་ཐམས་ཅད་དགུ་བོར་བྱའོ། །གཞོན་ནུ་དྲི་མ་མེད་པའི་འོད་ཀྱི་ཨུཏྤ་ལའི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཧེ་ཧེ་ཀུ་མཱ་ར་བི་ཙི་ཏྲ་ག་ཏི་ཀུ་མཱ་ར། པྲ་ཏི་ཛྙཱ་ན་མ་ནུ་སྨ་ར་སཝཱཧཱ། དྲི་མ་མེད་པའི་འོད་ཀྱི་ཕྱག་རྒྱ་དང་གསང་སྔགས་སོ། །དེ་བཞིན་དུ་ལག་པ་གཡས་པ་ཁུ་ཚུར་བཅངས་ལ་མཛུབ་མོ་དང་གུང་མོ་གཉིས་གཤིབས་ཏེ་གྱེན་དུ་བསྒྲེང་ངོ ། །སྐྲ་ཅན་གྱི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཧེ་ཧེ་ཀུ་མཱ་རི་ཀླེ་ཤ་ཙྪེ་ད་ཡ་ཨ་ཛྙཱ་ནཱཾ། སྨ་ར་པྲ་ཏི་ཛྙཱ་ན་སཝཱཧཱ། སྐྲ་ཅན་གྱི་ཕྱག་རྒྱ་དང་གསང་སྔགས་སོ། །དེ་བཞིན་དུ་ལག་པ་གཡས་པ་ཁུ་ཚུར་བཅངས་ལ་གུང་མོ་གྱེན་དུ་བསྒྲེངས་ཏེ་མདུད་རྩེ་གསུམ་ལྟ་བུར་བྱ། ཉེ་བའི་སྐྲ་ཅན་གྱི་མདུང་རྩེའི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། བནྡྷ་ཡ་ཨཛྙཱ་ཏེ་ཀུ་མ་རི་ཀེ་སཝཱཧཱ།་ཉེ་བའི་སྐྲ་ཅན་གྱི་མདུང་རྩེའི་ཕྱག་རྒྱ་དང ། གསང་སྔགས་སོ། །ལག་པ་གཉིས་ཁུ་ཚུར་བཅངས་ཏེ་གུང་མོ་གཉིས་བརྐྱངས་ལ་མཛུབ་མོ་གཉིས་ངོས་སུ་སྦྱར། སྣ་ཚོགས་མའི་དབྱུག་པའི་ཕྱག་རྒྱ་སྟེ་གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཧེ་ཀུ་མཱ་རི་ཀེ་ཨཱཛྙཱ་ནཱ་པུ་ར་བི་དྷཱ་ན་ས་ནི་སཝཱཧཱ། དེ་བཞིན་དུ་ལག་པ་གཡོན་པ་ཁུ་ཚུར་བཅངས་ལ་སྲིན་ལག་དང་མཐེའུ་ཆུང་གཉིས་བསྒྲེང་ངོ ། །ནོར་ཅན་གྱི་རྒྱལ་མཚན་གྱི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཧེ་སྥུ་ར་ཛྙཱ་ན་ཀེ་ཏུ་སཝཱཧཱ། ནོར་ཅན་གྱི་རྒྱལ་མཚན་གྱི་ཕྱག་རྒྱ་དང་གསང་སྔགས་སོ། །ལག་པ་
249a
༄#། །གཡས་པ་ཁུ་ཚུར་བཅངས་ལ་མཛུབ་མོ་བསྒྲེང་སྟེ་རྩེ་མོ་དགུག་གོ་།འགུགས་མའི་ལྕགས་ཀྱུའི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཨཱ་ཀཪྵ་ཡ་སརྦྦ་ན་ཀུ་མཱ་ར་སྱ་སཝཱཧཱ། འགུགས་མའི་ལྕགས་ཀྱུའི་ཕྱག་རྒྱ་དང་གསང་སྔགས་སོ། །དེ་བཞིན་དུ་ལག་པ་གཉིས་ཁུ་ཚུར་བཅངས་ལ་མཛུབ་མོ་གཉིས་བསྒྲེངས་ཏེ་ཚིགས་གསུམ་པ་དགུག་གོ་།གསང་སྔགས་ལ། ན་མཿ ་ས་མནྟ་བུདྡྷཱ་ནཱཾ། ཨ་བི་སྨ་ཡ་ནི་ཡེ་སཝཱཧཱ། ཕྱག་བརྙན་མ་རྣམས་ཀྱི་ཕྱག་རྒྱ་དང་གསང་སྔགས་སོ། །དེ་བཞིན་དུ་ལག་པ་གཡས་པ་ཁུ་ཚུར་བཅངས་ཏེ་གུང་མོ་བསྒྲེངས་ལ་ཚིགས་གསུམ་པ་དགུག་གོ་།ངོ་མཚར་ཅན་གྱི་རྡོ་རྗེའི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། བི་མ་ཏིཙྪ་ད་ཀ་སཝཱཧཱ། ངོ་མཚར་ཅན་གྱི་རྡོ་རྗེའི་ཕྱག་རྒྱ་དང་གསང་སྔགས་སོ། །དེ་བཞིན་དུ་ལག་པ་གཡས་པའི་དཔུང་པ་བསྟོད་ལ་ལག་པ་མི་འཇིགས་པ་སྦྱིན་པ་ལྟ་བུར་བྱ། །མི་འཇིགས་པ་སྦྱིན་པའི་ཕྱག་རྒྱ་སྟེ། གསང་སྔགས་ལ།་ན་མཿ ས་མནྟ་བུདྡྷཱ་ནཱཾ། ཨ་བྷ་ཡནད་ཏ་སཝཱཧཱ། མི་འཇིགས་པ་སྦྱིན་པའི་ཕྱག་རྒྱ་དང་གསང་སྔགས་སོ། །ལག་པ་དེ་ཉིད་མས་ཡར་གྱེན་དུ་འདྲེན་པའི་ཚུལ་དུ་བྱ་འོ། །ངན་སོང་སྤོང་བའི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཨ་བྷྱུད་དྷ་ར་སཏྭ་དྷ་ཏུ་ན་སཝཱཧཱ། ངན་སོང་སྤོང་བའི་ཕྱག་རྒྱ་དང་གསང་སྔགས་སོ། །ལག་པ་དེ་ཉིད་བྲང་དུ་གཞག་
249b
གོ་།ཡོངས་སུ་སྐྱོང་སེམས་བློ་གྲོས་ཀྱི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཧེ་མཧཱ་མཧཱ་སྨ་ར་པྲ་ཏི་ཛྙཱ་ན་སཝཱཧཱ། ཡོངས་སུ་སྐྱོང་སེམས་བློ་གྲོས་ཀྱི་ཕྱག་རྒྱ་དང་གསང་སྔགས་སོ། །ལག་པ་དེ་ཉིད་མེ་ཏོག་འཛིན་པའི་ཚུལ་དུ་བྱའོ། །གསང་སྔགས་ལ། ན་མཿ ས་མནྟ་བུདྡྷཱ་ནཱཾ། སཏྭེ་བཛྲོད་བྷ་བ་སཝཱཧཱ། བྱམས་པ་འབྱུང་བའི་ཕྱག་རྒྱ་དང་གསང་སྔགས་སོ། ། ལག་པ་དེ་ཉིད་སྙིང་གར་བཞག་ལ་གུང་མོ་ནང་དུ་དགུག་གོ་།གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཀ་རུ་ཎོད་བྷ་བ་སཝཱཧཱ། སྙིང་རྗེས་བརྙན་པའི་ཕྱག་རྒྱ་དང་གསང་སྔགས་སོ། །དེ་བཞིན་དུ་ལག་པ་གཡས་པ་མཆོག་སྦྱིན་པའི་ཚུལ་དུ་བྱ་འོ། །གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཧེ་ཧེ་བར་ད་པ་ར་པྲཱཔྟ་སཝཱཧཱ། གདུང་བ་ཐམས་ཅད་ཞི་བར་བྱེད་པའི་འོ། །ལག་པ་དེ་ཉིད་ཡིད་བཞིན་གྱི་ནོར་བུ་འཛིན་པའི་ཚུལ་དུ་བྱའོ། །གསང་སྔགས་ལ། ན་མཿ ་ས་མནྟ་བུདྡྷཱ་ནཱཾ། སརྦྦཱ་ཤཱ་པ་རི་པཱུ་ར་ཀ་སཝཱཧཱ། བློ་གྲོས་བསམ་གྱིས་མི་ཁྱབ་པ་དང་ལྡན་པའི་ཕྱག་རྒྱ་དང་གསང་སྔགས་སོ། །དེ་བཞིན་དུ་ལག་པ་གཉིས་ཁུ་ཚུར་བཅངས་ལ་གུང་མོའི་སོར་མོ་གཉིས་ཕྱུང་སྟེ་བརྐྱང་ངོ ། །སའི་སྙིང་པོའི་མེ་ཏོག་གི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཧ་ཧ་ཧ་བིསྨ་ཡེ་སཝཱཧཱ། སའི་སྙིང་པོའི་ཕྱག་རྒྱ་དང་གསང་སྔགས་སོ། །ལག་པ་གཡས་པ་ཁུ་ཚུར་བཅངས་ལ་སོར་མོ་གསུམ་བརྐྱང་ངོ ། །རིན་ཆེན་འབྱུང་ལྡན་
250a
༄#། །གྱི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཧེ་ཧེ་མ་ཧཱ་མ་ཧཱ་སཝཱཧཱ། རིན་ཆེན་འབྱུང་ལྡན་གྱི་ཕྱག་རྒྱ་དང་གསང་སྔགས་སོ། །ལག་པ་དེ་ཉིད་ལས་སྲིན་ལག་བརྐྱངས་ཏེ་གྱེན་དུ་བསྒྲེང་ངོ ། །གསང་སྔགས་ལ། ན་མཿ ས་མནྟ་བུདྡྷཱ་ནཱཾ། རཏྣོད་བྷ་བ་སཝཱཧཱ། ཕྱག་ན་རིན་ཆེན་གྱི་ཕྱག་རྒྱ་དང་གསང་སྔགས་སོ། །དེ་བཞིན་དུ་ལག་པ་གཉིས་བསྣོལ་ཏེ་རྒྱབ་སྦྱར་ལ་གཡོན་པའི་མཐེའུ་ཆུང་གིས་གཡས་པའི་མཐེའུ་ཆུང་འཁྱུད་དེ། དེ་བཞིན་དུ་ལག་པ་གཡས་པས་ཀྱང་གཡོན་པ་འཁྱུད་ལ་ལྷག་མ་རྣམས་རྡོ་རྗེ་ལྟ་བུར་བྱའོ། །ས་འཛིན་གྱི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། དྷ་ར་ཎི་པྲཱཔྟ་སཝཱཧཱ། ས་འཛིན་གྱི་ཕྱག་རྒྱ་དང་གསང་སྔགས་སོ། །ཕྱག་ན་རིན་ཆེན་གྱི་ཕྱག་རྒྱ་ནི། རྡོ་རྗེ་རྩེ་ལྔ་པ་སྟེ། སྔ་མ་བཞིན་ནོ། །གསང་སྔགས་ལ། ན་མཿ ས་མནྟ་བུདྡྷཱ་ནཱཾ། རཏྣ་ནིར་ཛ་ཏེ་སཝཱཧཱ། ཕྱག་ན་རིན་ཆེན་གྱི་ཕྱག་རྒྱ་དང་གསང་སྔགས་སོ། །ཕྱག་རྒྱ་དེ་ཉིད་ལས་སོར་མོ་རྣམས་དགོད་པར་བྱའོ། །བསམ་པ་བརྟན་པའི་ཕྱག་རྒྱ་སྟེ། གསང་སྔགས་ལ། ན་མཿ ་ས་མནྟ་བུདྡྷཱ་ནཱཾ། བཛྲ་སཾ་བྷ་བ་སཝཱཧཱ། བསམ་པ་བརྟན་པའི་ཕྱག་རྒྱ་དང ། གསང་སྔགས་སོ། །ལག་པ་གཉིས་དེ་བཞིན་དུ་བྱ་བ་ནི། ནམ་མཁའ་སྙིང་པོའི་རལ་གྲིའི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ག་ག་ན་ནཱནྟ་ཙ་ར་སཝཱཧཱ། འཕགས་པ་ནམ་མཁའི་
250b
སྙིང་པོའི་ཕྱག་རྒྱ་དང་གསང་སྔགས་སོ། །འཁོར་ལོའི་ཕྱག་རྒྱ་སྔ་མ་བཞིན་དུ་བྱས་པ་ནི། ནམ་མཁའི་བློ་གྲོས་ཀྱི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཙཀྲ་བརྟི་སཝཱཧཱ། ནམ་མཁའི་བློ་གྲོས་ཀྱི་ཕྱག་རྒྱ་དང ། གསང་སྔགས་སོ། །དུང་གི་ཕྱག་རྒྱ་སྔ་མ་བཞིན་དུ་བྱས་པ་ནི། རྣམ་པར་དག་པའི་བློ་གྲོས་ཀྱི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། དྷརྨྨ་སཾ་བྷ་བ་སཝཱཧཱ། རྣམ་པར་དག་པའི་བློ་གྲོས་ཀྱི་ཕྱག་རྒྱ་དང་གསང་སྔགས་སོ། །པདྨའི་ཕྱག་རྒྱ་སྔ་མ་བཞིན་དུ་བྱས་པ་ནི། །སྤྱོད་པའི་བློ་གྲོས་ཀྱི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། པདྨ་མཱ་ལཱ་ཡ་སཝཱཧཱ། སྤྱོད་པའི་བློ་གྲོས་ཀྱི་ཕྱག་རྒྱ་དང་གསང་སྔགས་སོ། །ུཏྤ་ལའི་ཕྱག་རྒྱ་སྔ་མ་བཞིན་ལས་ཁ་མ་བྱེ་བར་བྱས་པ་ནི། ནམ་མཁའ་དྲི་མ་མེད་པའི་ཕྱག་རྒྱ་སྟེ། གསང་སྔགས་ལ།་ན་མཿ ས་མནྟ་བུདྡྷཱ་ནཱཾ། ཛྙཱ་ནོད་བྷ་བ་སཝཱཧཱ། ནམ་མཁའ་དྲི་མ་མེད་པའི་ཕྱག་རྒྱ་དང་གསང་སྔགས་སོ། །རྡོ་རྗེ་སྣ་མ་བཞིན་དུ་བྱས་པ་ནི། །བརྟན་པའི་བློ་གྲོས་ཀྱི་ཕྱག་རྒྱ་སྟེ། གསང་སྔགས་ལ། མཿ ་ས་མནྟ་བུདྡྷཱ་ནཱཾ། བཛྲ་ཀཱ་ར་སཝཱཧཱ། བརྟན་པའི་བློ་གྲོས་ཀྱི་ཕྱག་རྒྱ་དང་གསང་སྔགས་སོ། །དེ་བཞིན་དུ་ལག་པ་གཉིས་གཅིག་ཏུ་སྦྱར་ཏེ་སྲིན་ལག་གཉིས་ནང་དུ་བཅུག་ལ་གུང་མོ་དང ། མཐེ་བོང་གཉིས་དང ། མཐེའུ་ཆུང་གཉིས་བསྒྲེང་སྟེ་མཛུབ་མོ་གཉིས་གུང་མོའི་ངོས་སུ་བཀུག་ལ་བར་ནས་གང་ཙམ་གྱིས་མ་རེག་པར་གཞག་གོ་།ཕྱག་ན་རྡོ་རྗེའི་ཕྱག་རྒྱ་སྟེ། རྡོ་རྗེའོ། །གསང་སྔགས་ལ།
251a
༄#། །ན་མཿ ས་མནྟ་བུདྡྷཱ་ནཱཾ། ཙཎྜ་མ་ཧཱ་རོ་ཥ་ན་ཧཱུཾ། རྡོ་རྗེ་འཛིན་གྱིའོ། །ཕྱག་རྒྱ་དེ་ཉིད་ལས་མཐེ་བོ་གཉིས་དང་མཐེའུ་ཆུང་གཉིས་ནང་དུ་གཞུག་གོ་།མཱ་མ་ཀཱིའི་ཕྱག་རྒྱ་སྟེ།་གསང་སྔགས་ལ། ན་མཿ ས་མནྟ་བཛྲཱ་ཎཱཾ། ཊི་ཊ་ཊི་ཊ་ཛ་ཡནྟི་སཝཱཧཱ། མཱ་མ་ཀཱིའི་འོ། །དེ་བཞིན་དུ་ལག་པ་གཉིས་རྒྱབ་སྤྲད་ལ་སོར་མོ་རྣམས་ཕན་ཚུན་བསྣོལ་ཏེ་གཅུས་ལ་བསྡམས་ཏེ་གཡོན་པའི་མཐེ་བོས་གཡས་པའི་མཐེ་བོང་མནན་ལ་བསྡམ་མོ། །རྡོ་རྗེ་ལུ་གུ་རྒྱུད་ཀྱི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བཛྲཱ་ཎཱི། ཧཱུཾ་བནྡྷ་བནྡྷ། མོ་ཊ་ཡ་མོ་ཊ་ཡ། བཛྲོད་བྷ་བེ། སརྦ་ཏྲཱ་པྲ་ཏི་ཧ་ཏེ་སཝཱཧཱ། རྡོ་རྗེ་ལུ་གུ་རྒྱུད་ཀྱི་ཕྱག་རྒྱ་དང་གསང་སྔགས་སོ། །རྡོ་རྗེའི་ཕྱག་རྒྱ་དེ་ཉིད་ལས་མཐེ་བོང་གཉིས་ཅུང་ཟད་བཀུག་ལ་མཛུབ་མོ་གཉིས་ཀྱང་དེ་ལ་ཕྱོགས་པར་བྱའོ། །རྡོ་རྗེ་ཁྲོ་ཟླ་གཙོ་བོའི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བཛྲཱ་ཎཱཾ། ཧཱུཾ་ཧཱུཾ་ཕཊ་སཝཱ་ཧཱ། ཁྲོ་ཟླ་གཙོ་བོའི་འོ། །དེ་བཞིན་དུ་ལག་པ་གཉིས་ཁུ་ཚུར་བཅངས་ལ་མཛུབ་མོ་གཉིས་གཤིབས་ཏེ་བསྒྲེང་ངོ ། །རྡོ་རྗེ་རྩེ་མོའི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བཛྲཱ་ཎཱཾ། སརྦྦ་དྷརྨྨ་ནིར་བེ་དི་ན་བཛྲ་སུ་ཙི་བ་ར་དེ་སཝཱཧཱ། རྡོ་རྗེ་རྩེ་མོའི་འོ། །དེ་བཞིན་དུ་ལག་པ་གཉིས་ཁུ་ཚུར་བཅངས་ལ་སྙིང་གར་བཞག་།རྡོ་རྗེ་ཁུ་ཚུར་གྱི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བཛྲཱ་ཎཱཾ། སྥོ་ཊ་ཡ་བཛྲ་སཾ་བྷ་བེ་སཝཱཧཱ། རྡོ་རྗེ་ཁུ་ཚུར་གྱིའོ། །ལག་པ་
251b
གཡོན་པ་ཁུ་ཚུར་བཅངས་ཏེ་གྱེན་དུ་བསྒྲེང་ལ། ལག་པ་གཡས་པ་ཁུ་ཚུར་བཅངས་པའི་མཛུབ་མོ་གྱེན་དུ་བསྒྲེང་སྟེ་ཁྲོས་པ་བཞིན་དུ་སྡིགས་པར་བྱ་བ་ནི། གདུལ་དཀའི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བཛྲཱ་ཎཱཾ། དུར་དནྟ་ཥ་མ་ཧཱ་རོ་ཥ་ཎ་ཁཱ་ད་ཡ་སརྦྦ་ན་ཀུ་རུ་ཏ་ཐཱ་ག་ཏ་ཨཱ་ཛྙཱ་ན་སཝཱཧཱ། གདུལ་དཀའི་འོ། །ལག་པ་གཡས་པ་ཁུ་ཚུར་བཅངས་ལ་བརྡབ་པའི་ཐབས་སུ་བྱའོ། །མངོན་ཕྱོགས་ཀྱི་ཐོ་བའི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བཛྲཱ་ཎཱཾ། ཧེ་ཨ་བྷི་མུ་ཁ་མཧཱ་ཙཎྜ་གྲྀཧྞ་ཁཱ་ད་ཡ་ཀིན་ཙི་ར་ཡ་སི་ས་མ་ཡ་མ་ནུ་སྨ་ར་སཝཱཧཱ། མངོན་ཕྱོགས་ཀྱིའོ། །སྔ་མ་བཞིན་དུ་ལྷུང་བཟེད་འཛིན་པའི་ཚུལ་དུ་བྱས་པ་ནི། ཤཱཀྱ་ཐུབ་པའི་ལྷུང་བཟེད་ཀྱི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། སརྦྦ་ཀླེ་ཤ་ནི་སུ་ད་ན་སརྦྦ་དྷརྨྨ་བ་ཤཱི་ཏ་པྲཱཔྟ་ག་ག་ན་ས་མ་སཝཱཧཱ། ཤཱཀྱ་ཐུབ་པའི་འོ། །མཛོད་སྤུའི་ཕྱག་རྒྱ་ནི། སྔ་མ་བཞིན་དུའོ། །ལག་པ་གཡས་པའི་སོར་མོའི་རྩེ་མོ་ཀུན་སྦྱར་ཏེ་སྤྱི་བོའི་སྟེང་དུ་གཞག་གོ་།གཙུག་ཏོར་ཐམས་ཅད་ཀྱི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། བཾ་བཾ་ཧཱུཾ་ཧཱུཾ་ཕཊ་སཝཱཧཱ། གཙུག་ཏོར་ཐམས་ཅད་ཀྱི་ཕྱག་རྒྱ་དང་གསང་སྔགས་སོ། །ལག་པ་གཡོན་པའི་ཁུ་ཚུར་བཅངས་པ་ལ་གུང་མོ་དང་མཛུབ་མོ་གཉིས་བསྐྱང་སྟེ་སྲིན་ལག་དང་མཐེའུ་ཆུང་གི་རྩེ་མོར་མཐེ་བོ་བཞག་ལ། གཡས་པའི་མཛུབ་མོ་དང་གུང་མོ་གཉིས་གཡོན་པའི་མཐིལ་དུ་
252a
༄#། །གཞུག་།མཐེ་བོང་གཉིས་ཀྱང་སྔ་མ་བཞིན་དུ་བྱའོ། །མི་གཡོ་མགོན་གྱི་ཕྱག་རྒྱ་རལ་གྲི་ཤུབས་སུ་བཅུག་པའོ། །འཇིག་རྟེན་གསུམ་ལས་རྣམ་པར་རྒྱལ་བའི་ནི། རྡོ་རྗེ་སྟེ།་སྔ་མ་བཞིན་ནོ། །དེ་བཞིན་དུ་ལག་པ་གཉིས་གཅིག་ཏུ་སྦྱར་ལ་སྲིན་ལག་དང་མཐེའུ་ཆུང་གཉིས་ནང་དུ་བཅུག་སྟེ་གུང་མོ་གཉིས་གཤིབས་ཏེ་བསྒྲེང་ལ། མཛུབ་མོ་གཉིས་བཀུག་སྟེ་གུང་མོའི་ཚིགས་གསུམ་པར་བཞག་།མཐེ་བོང་གཉིས་མིག་ལྟ་བུར་བྱ། སངས་རྒྱས་དང་བྱང་ཆུབ་སེམས་དཔའི་ཡུམ་གྱི་ཕྱག་རྒྱ་སྟེ། གཙུག་ཏོར་རོ། །ལག་པ་གཡོན་པ་བརྐྱང་ལ་ཁ་ཕུབ་སྟེ་ལག་པ་གཡས་པ་ཁུ་ཚུར་བཅངས་ལ་མཛུབ་མོས་གདུགས་ལྟ་བུར་གཟུང་ངོ ། །གདུགས་དཀར་པོའི་ཕྱག་རྒྱ་སྟེ། གདུགས་སོ། །ཁཾ། གཙུག་ཏོར་རྒྱལ་བའི་ནི། རལ་གྲི་སྟེ། སྔ་མ་བཞིན་ནོ། །ཤཾ། རྣམ་པར་རྒྱལ་བའི་ནི། འཁོར་ལོ་སྟེ། སྔ་མ་བཞིན་ནོ། །སིཾ། རྣམ་པར་འཐོར་བའི་ནི། ལྕགས་ཀྱུ་སྟེ། ལག་པ་གཡས་པ་ཁུ་ཚུར་བཅངས་ལ་མཛུབ་མོ་བཀུག་སྟེ་གཞག་གོ་།ཧཱུཾ།་གཟི་བརྗིད་ཕུང་པོའི་ནི། གཙུག་ཏོར་ཏེ། སྔ་མ་བཞིན་ནོ། །ཏྲཱིཾ། ཆེར་བྱུང་བ་ཡི་ཕྱག་རྒྱ་ནི། །རྡོ་རྗེ་ཕྱག་རྒྱ་ཞེས་སུ་གྲགས། །ུཾ། གྱེན་དུ་འབྱུང་བའི་ཕྱག་རྒྱ་ནི། །པདྨ་བཟང་པོ་སྔ་མ་བཞིན། །ཏུཾ། མཐའ་ཡས་པ་ཡི་དབྱངས་སྒྲ་ནི། །དུང་ཡིན་པར་ནི་ངས་བཤད་དོ། །རུཾ། ལག་པ་གཡས་པ་ཁུ་ཚུར་བཅངས་ལ་སྨིན་མཚམས་སུ་བཞག་པ་ནི། མཛོད་སྤུའི་ཕྱག་རྒྱ་
252b
ཡིད་བཞིན་གྱི་ནོར་བུའོ། །སྤྱན་གྱི་ནི། གཙུག་ཏོར་སྔ་མ་བཞིན་ཏེ། བྱེ་བྲག་ཏུ་རྡོ་རྗེས་མཚན་པའོ། །ག། ལག་པ་གཡས་པ་པདྨ་འཛིན་པའི་ཐབས་སུ་སྙིང་གར་བཞག་ལ་ལག་པ་གཡོན་པ་\?\་མོ་བསྣུན་པའི་ཐབས་སུ་བརྐྱང་བ་ནི། གཞན་གྱིས་མི་ཐུབ་པའི་ཕྱག་རྒྱའོ། །གསང་སྔགས་ནི། དྷིཾ་དྷིཾ་རིཾ་རིཾ་ཛི་རི་ཛི་རི། ལག་པ་གཉིས་ཁུ་ཚུར་བཅངས་ལ་མཐེ་བོང་གཉིས་གྱེན་དུ་བསྒྲེང་བ་ལས་དགུག་གོ་།གཞན་གྱིས་མི་ཐུབ་པ་ཞེས་བྱ་བའི་ཁའི་ཕྱག་རྒྱའོ། ། པ་ར་ཛི་ཏ་ཛ་ཡནྟི་ཊི་ཏེ་སཝཱཧཱ། ལག་པ་གཡས་པ་འགྲམ་པར་བསྟན་པ་ནི། དབང་ཕྱུག་གི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་དང་གུང་མོ་གཉིས་གཅུས་པ་ལྟ་བུར་གཟུང་ངོ ། །ཀུན་ཏུ་མེ་ཏོག་གི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེ་བོང་གཉིས་ནང་དུ་གཞུག་གོ། འོད་ཀྱི་ཕྲེང་བ་ཅན་གྱི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེ་བོང་ནང་དུ་གཞུག་གོ་།འོད་ཀྱི་ཕྲེང་བ་ཅན་གྱི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་དང་མཐེ་བོ་གཉིས་མེ་ཏོག་འཛིན་པ་ལྟ་བུར་བྱའོ། །ཡིད་མགྱོགས་ཀྱི་ཕྱག་རྒྱའོ།། ལག་པ་གཡས་པའི་སྲིན་ལག་གི་སྟེང་དུ་མཐེ་བོང་བཞག་ལ། མཛུབ་མོ་དང ། གུང་མོ་དང ། མཐེའུ་ཆུང་གསུམ་བརྐྱང་སྟེ་རྣམ་བའི་སྟེང་དུ་གཞག་གོ་།ལག་པ་གཡོན་པ་ཡང་དེ་བཞིན་དུ་བྱའོ།། སྒྲ་རྣམ་པར་སྒྲོག་པའི་ཕྱག་རྒྱའོ། །ལག་པ་གཉིས་གཅིག་ཏུ་སྦྱར་ལ་མཐེ་བོང་གཉིས་རྩེ་སྤྲད་དེ་ཟླུམ་པོར་བྱའོ། །སོར་མོ་ལྷག་མ་རྣམས་ཀྱི་རྩེ་མོ་དགུག་པ་ནི། བུམ་པའི་ཕྱག་རྒྱའོ། །དེ་བཞིན་དུ་
253a
༄#། །ལག་པ་གཡས་པ་མི་འཇིགས་པ་སྦྱིན་པའི་ཚུལ་དུ་བྱས་ལ་མཐེ་བོང་ནང་དུ་བཞག་པ་ནི། མི་གཉེར་བའི་ཕྱག་རྒྱའོ། །ལག་པ་དེ་ཉིད་མི་འཇིགས་པ་སྦྱིན་པ་ལྟ་བུར་བྱས་ལ་མཐེ་བོ་མཐེ་ཆུང་གི་ཚིགས་གཉིས་པར་གཞག་གོ། དྲང་སྲོང་རྣམས་ཀྱི་སྤྱིའི་ཕྱག་རྒྱ་སྟེ། གོ་རིམ་ནི། ཇི་ལྟར་རིགས་པར་བྱའོ། །དེ་བཞིན་དུ་ལག་པ་གཉིས་གཅིག་ཏུ་སྦྱར་ལ་མཛུབ་མོ་དང་མཐེའུ་ཆུང་གཉིས་ནང་དུ་བཅུག་སྟེ་ལྷག་མ་རྣམས་གཅིག་ཏུ་བསྡུས་ལ་བསྟོད་དེ་བཟུང་བ་ནི། གཤིན་རྗེའི་བེ་ཅོན་གྱི་ཕྱག་རྒྱའོ། །ལག་པ་གཡས་པ་ཁ་ཕུབ་སྟེ་དྲིལ་བུ་འདྲ་བར་བྱས་པ་ནི། འཆི་བདག་གི་ཕྱག་རྒྱ་སྟེ། དྲིལ་བུའོ། །དེ་བཞིན་དུ་ལག་པ་གཡོན་པ་ཁུ་ཚུར་བཅངས་ལ་མཛུབ་མོ་དང་གུང་མོ་གཉིས་བསྒྲེང་བ་ནི། དུས་མཚན་མོའི་ཕྱག་རྒྱའོ། ། ཕྱག་རྒྱ་དེ་ཉིད་ལས་གུང་མོ་གྱེན་དུ་བསྒྲེང་བ་ནི། དྲག་མོའི་ཕྱག་རྒྱ་སྟེ། ཏྲི་ཤཱུ་ལའོ། །ཕྱག་རྒྱ་དེ་ཉིད་ལས་པདྨ་འཛིན་པའི་ཚུལ་དུ་བྱས་པ་ནི། ཚངས་པའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་གུང་མོའི་རྒྱབ་ཀྱི་ཚིགས་གསུམ་པར་སྤྲད་པ་ནི། གཞོན་ནུ་མའི་མདུང་ཐུང་གི་ཕྱག་རྒྱའོ། །ཕྱག་རྒྱ་དེ་ཉིད་ལས་མཛུབ་མོ་མཐེ་བོའི་རྩེ་མོར་གཞག་གོ་།ཁྱབ་འཇུག་མའི་འཁོར་ལོའི་ཕྱག་རྒྱའོ། །ཕྱག་རྒྱ་དེ་ཉིད་ལས་མཐེ་བོ་གྱེན་དུ་བསྒྲེང་ངོ ། །ཕག་མོའི་ཕྱག་རྒྱ་སྟེ། ཐོ་བའོ། །ཕྱག་རྒྱ་དེ་ཉིད་ལས་ལག་པ་སྣོད་ལྟ་བུར་བྱའོ། །ཙ་མུཎྜིའི་ཕྱག་རྒྱ་སྟེ། ཐོད་པའོ། །བདེན་བྲལ་གྱི་
253b
ཕྱག་རྒྱ་རལ་གྲི་ནི། སྔ་མ་བཞིན་ནོ། །ཁྱབ་འཇུག་གི་ཕྱག་རྒྱ་འཁོར་ལོ་ཡང་སྔ་མ་བཞིན་ནོ། །དེ་བཞིན་དུ་ལག་པ་གཉིས་གཡོན་ཕྱོགས་ནས་བསྟོད་དེ་བསྐོར་བ་ནི། དགའ་བོ་དང་ཉེ་དགའ་བོའི་སྤྲིན་གྱི་ཕྱག་རྒྱའོ། །ཕྱག་རྒྱ་དེ་ཉིད་ལས་སོར་མོ་གསུམ་གྱེན་དུ་བསྒྲེང་བ་ནི། བདེ་བྱེད་ཀྱི་མདུང་རྩེ་གསུམ་པའི་ཕྱག་རྒྱའོ། །ཕྱག་རྒྱ་དེ་ཉིད་ལས་སོར་མོ་དེ་དག་དྲང་པོར་བྱས་པ་ནི། ཨུ་མ་པ་ཏི་སྱའི་ཕྱག་རྒྱའོ། །ཟླ་བའི་ཕྱག་རྒྱ་ནི། པདྨ་སྔ་མ་བཞིན་ཏེ། ཁྱད་པར་དུ་དཀར་པོར་བྱའོ། །ལག་པ་དེ་ཉིད་གཉིས་ཀ་གཤིབས་ཏེ་བཀན་ལ་མཛུབ་མོ་དང་སྲིན་ལག་གཉིས་ངོས་སུ་དགུག་གོ་།ཉི་མའི་ཕྱག་རྒྱ་སྟེ།་ཤིང་རྟའོ། །ལག་པ་དེ་གཉིས་ཀ་གཅིག་ཏུ་ཐལ་མོ་སྦྱར་ལ་གུང་མོ་དང་སྲིན་ལག་གཉིས་གཞུ་འདྲ་བར་བྱའོ། །རྒྱལ་པ་དང་རྣམ་པར་རྒྱལ་བའི་ཕྱག་རྒྱའོ། །བ་དན་གྱི་ཕྱག་རྒྱ་ནི། སྔ་མ་བཞིན་ཏེ། རླུང་གིའོ། །དེ་བཞིན་དུ་ལག་པ་གཡོན་པ་ལྟེ་བའི་ཕྱོགས་སུ་བཀན་ལ་སོར་མོ་གཉིས་བསྒྲེང་སྟེ་གཟུང་ངོ ། །ལག་པ་གཡས་པ་དེ་ལ་ཕྱོགས་པར་བྱས་ཏེ་པི་ཝང་ལེན་པ་ལྟ་བུར་བྱས་པ་ནི།་དབྱངས་ཅན་གྱི་ཕྱག་རྒྱ་སྟེ། པི་ཝང་ངོ ། །ཆུ་ལྷའི་ཕྱག་རྒྱ་ནི། །ཞགས་པ་སྟེ། སྔ་མ་བཞིན་ནོ། །དབྱངས་ཅན་གྱི་ཕྱག་རྒྱ་དེ་ཉིད་ལས་མཛུབ་མོ་དགུག་གོ་།ལྷ་མ་ཡིན་རྣམས་ཀྱི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ག་ར་ལ་ཡཾ་སཝཱཧཱ། ཕྱག་རྒྱ་དེ་ཉིད་ལས་སྲིན་ལག་བརྐྱང་ངོ ། །དྲི་ཟའི་ཕྱག་རྒྱ་སྟེ། གསང་སྔགས་ལ། བི་ཤུདྡྷཱ་སཝ་ར་བ་ཧི་ན་སཝཱཧཱ། ཕྱག་རྒྱ་དེ་ཉིད་ལས་མཛུབ་
254a
༄#། །མོ་དགུག་གོ་།གནོད་སྦྱིན་ཐམས་ཅད་ཀྱི་ཕྱག་རྒྱ་སྟེ། གསང་སྔགས་ལ། ཡཀྵ་ཤཝ་ར་སཝཱཧཱ། ཕྱག་རྒྱ་དེ་ཉིད་ལས་མཐེ་བོ་དང་མཐེའུ་ཆུང་གཉིས་རྩེ་སྦྱར་རོ། ། གནོད་སྦྱིན་རྣམས་ཀྱི་ཕྱག་རྒྱ་སྟེ། གསང་སྔགས་ལ། ཡཀྵ་བིདྱཱ་དྷཱ་རི་སཝཱཧཱ། ཕྱག་རྒྱ་དེ་ཉིད་ལས་གུང་མོ་བརྐྱང་ངོ ། །ཤ་ཟ་རྣམས་ཀྱི་ཕྱག་རྒྱ་སྟེ། གསང་སྔགས་ལ། བི་ཤཱ་རྩེ་ག་ཏི་སཝཱཧཱ། གུང་མོ་དེ་ཉིད་བཀུག་ལ་གཟུང་ངོ ། །ཤ་ཟ་མོ་རྣམས་ཀྱི་ཕྱག་རྒྱ་སྟེ། གསང་སྔགས་ལ། མི་ཙི་མི་ཙི་སཝཱཧཱ། དེ་བཞིན་དུ་ལག་པ་གཉིས་གཅིག་ཏུ་སྦྱར་ལ་མཐེ་བོང་གཉིས་གྱེན་དུ་སྒྲེང་སྟེ་གཟུང་ངོ ། །གཟའ་ཐམས་ཅད་ཀྱི་ཕྱག་རྒྱ་སྟེ་གསང་སྔགས་ལ། ན་མཿ ས་མནྟ་བུདྡྷཱ་ནཱཾ། གྲ་ཧེ་ཤཝ་རྱ་པྲཱ་པྟ་ཛྱོ་ཏིརྨ་ཡ་སཝཱཧཱ། ཕྱག་རྒྱ་དེ་ཉིད་ལས་གུང་མོ་དང་མཐེ་བོང་གཉིས་ལྡོག་སྟེ་སྦྱར་རོ། །རྒྱུ་སྐར་ཐམས་ཅད་ཀྱི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ནཀྵ་ཏྲ་ནི་ར་ན་ད་ན་ཡེ་སཝཱཧཱ། ཕྱག་རྒྱ་དེ་ཉིད་ལས་སྲིན་ལག་གཉིས་བཀུག་སྟེ་ལག་པའི་མཐིལ་དུ་གཞག་གོ་།གསང་སྔགས་ལ། ན་མཿ ས་མནྟ་བུདྡྷཱ་ནཱཾ། རཱཀྵ་སིདྡྷཱི་པ་ཏ་ཡེ་སཝཱཧཱ། སྲིན་པོ་རྣམས་ཀྱི་ཕྱག་རྒྱ་དང་གསང་སྔགས་སོ། །ལག་པ་གཡས་པ་ཁར་བཞག་སྟེ་ལྕེ་ལ་རེག་པར་བྱའོ། །མཁའ་འགྲོ་མ་རྣམས་ཀྱི་ཕྱག་རྒྱ་སྟེ། གསང་སྔགས་ལ། ན་མཿ ས་མནྟ་བུདྡྷཱ་ནཱཾ། ཧཱིཿ ཧ། གསང་བ་པའི་བདག་པོ། དེ་ལྟ་བུ་ལ་སོགས་པ་ནི།
254b
དེ་བཞིན་གཤེགས་པ་རྣམས་ཀྱི་དེ་བཞིན་གཤེགས་པའི་མོས་པ་ལས་བྱུང་བ། བྱང་ཆུབ་སེམས་དཔའི་མཚན་མར་གྱུར་པའི་ཕྱག་རྒྱ་རབ་འབྱམས་རྣམས་ཏེ། གསང་བ་པའི་བདག་པོ། འོན་ཀྱང་ཇི་ཙམ་དུ་ཡན་ལག་བསྐྱོད་པ་དེ་དག་ཀུན་ཕྱག་རྒྱ་རྒྱས་པར་རིག་པར་བྱའོ། །ཇི་ཙམ་དུ་ལྕེ་བསྐྱོད་པ་དེ་ཙམ་དུ་དེ་དག་ཀུན་ཀྱང་གསང་སྔགས་བསྟན་པར་རིག་པར་བྱའོ། །གསང་བ་པའི་བདག་པོ། དེ་ལྟ་བས་ན། བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་ཀྱིས་བྱང་ཆུབ་ཀྱི་སེམས་དང་ལྡན་པའི་ཡིད་ཀྱིས་དེ་བཞིན་གཤེགས་པའི་ས་ལ་གནས་ཏེ་དཀྱིལ་འཁོར་བྲི་བར་བྱའོ། །གཞན་དུ་བྱས་ན། སངས་རྒྱས་དང ། བྱང་ཆུབ་སེམས་དཔའ་རྣམས་དང ། བྱང་ཆུབ་ཀྱང་བསླུས་པར་འགྱུར་ཏེ། དམ་ཚིག་ལས་འདས་པས་ངེས་པར་ངན་སོང་དུ་འགྲོ་བར་འགྱུར་རོ། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། ཕྱག་རྒྱ་རིམ་པར་ཕྱེ་བ་རྒྱས་པའོ།། །།དེ་ནས་བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ། ཐམས་ཅད་དུ་འཇུག་པའི་ཆོས་ཀྱི་སྒོའི་ཆོས་ཀྱི་རྣམ་གྲངས་ཉོན་ཅིག་།གསང་བ་པའི་བདག་པོ། །དེ་ལ་བྱང་ཆུབ་སེམས་དཔས་ཨ་ཞེས་བྱ་བ་ལ་གནས་ཏེ་དགོས་པ་ཐམས་ཅད་བསྒྲུབ་པར་བྱའོ། །ན་མཿ ས་མནྟ་བུདྡྷཱ་ནཱཾ། ཨ།
255a
༄#། །ན་མཿ ས་མནྟ་བུདྡྷཱ་ནཱཾ། ས། ན་མཿ ས་མནྟ་བཛྲཱ་ཎཱཾ། བ། ཀ་ཁ་ག་གྷ། ཙ་ཚ་ཛ་ཛྷ། ཊ་ཋ་ཌ་ཌྷ། ཏ་ཐ་ད་དྷ། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ། ང་ཉ་ཎ་ན། ན་མཿ ་ས་མནྟ་བུདྡྷཱ་ནཱཾ། ཨ། ན་མཿ ས་མནྟ་བུདྡྷཱ་ནཱཾ། སཱ། ན་མཿ ས་མནྟ་བཛྲ་ནཱཾ། བཱ། ཀཱ་ཁཱ་གཱ་གྷཱ། ཙཱ་ཚཱ་ཛཱ་ཛྷཱ། ཊཱ་ཋཱ་ཌཱ་ཌྷཱ། ཏཱ་ཐཱ་དཱ་དྷཱ། པཱ་ཕཱ་བཱ་བྷཱ་མཱ། ཡཱ་རཱ་ལཱ་ཝ། ཤཱ་ཥཱ་སཝཱཧཱ། དཱ་ཉཱ་ཎཱ་ནཱ། ན་མཿ ས་མནྟ་བུདྡྷཱ་ནཱཾ། ཨཾ། ན་མཿ ས་མནྟ་བུདྡྷཱ་ནཱཾ། སཾ། ན་མཿ ས་མནྟ་བཛྲ་ཎཱཾ། བཾ། ཀཾ་ཁཾ་གཾ་གྷཾ། ཙཾ་ཚཾ་ཛཾ་ཛྷཾ། ཊཾ་ཋཾ་ཊཾ་ཌྷཾ། ཏཾ་ཐཾ་དཾ་དྷཾ། པཾ་ཕཾ་བཾ་བྷཾ་མཾ། ཡཾ་རཾ་ལཾ་ཝཾ། ཤཾ་ཥཾ་སཾ་ཧཾ། ངཾ་ཉཾ་ཎཾ་ནཾ། ན་མཿ ས་མནྟ་བུདྡྷཱ་ནཱཾ། ཨཿ ། ན་མཿ ས་མནྟ་བུདྡྷཱ་ནཱཾ། སཿ ། ན་མཿ ས་མནྟ་བཛྲཱ་ཎཱཾ། བཿ ཀ་ཁ་ག་གྷ། ཙ་ཚ་ཛ་ཛྷ། ཊ་ཋ་ཌ་ཌྷ། ཏ་ཐ་ད་དྷ། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ། ང་ཉ་ཎ་ན། ཨི་ཨི། ཨུ་ཨཱུ། ཨེ་ཨཻ། ཨོ་ཨཽ། གསང་བ་པའི་བདག་པོ། དེ་ལྟར་ན། འདི་ནི། ཡི་གེའི་ཚུལ་ལ་མཁས་པའི་ཆོས་ཀྱི་རྣམ་གྲངས་ཏེ། གསང་སྔགས་ཀྱི་ཚུལ་ལ་རྣམ་པར་དག་པ་གནས་པའི་ཆོ་ག་།ལྷ་ཡོངས་སུ་བཟུང་བའི་ཆོ་ག་།དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་ཀྱིས་བྱིན་དུ་བརླབས་པ། ཡང་དག་པར་རྫོགས་པའི་སངས་རྒྱས་ཀྱི་ཚུལ་ལ་མཁས་པ། བྱང་ཆུབ་སེམས་དཔའི་སྤྱོད་པ་སྤྱོད་པའི་རོལ་མོ་སྟེ། འདས་པ་དང ། ད་ལྟར་དང ། མ་འོངས་པའི་སངས་རྒྱས་བཅོམ་ལྡན་འདས་རྣམས་ཀྱིས་ཀྱང་བཤད་འཆད་འཆད་པར་འགྱུར་རོ། །གསང་
255b
བ་པའི་བདག་པོ། ངས་ནི། སངས་རྒྱས་ཀྱི་ཞིང་རབ་འབྱམས་གང་དག་ན་དེ་བཞིན་གཤེགས་པ་ཐམས་ཅད་དུ་འཇུག་པའི་སྒོ་ཆོས་ཀྱི་རྣམ་གྲངས་འདི་མི་འཆད་པ་མ་མཐོང ། གསང་བ་པའི་བདག་པོ། དེ་ལྟ་བས་ན། བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པས་གསང་སྔགས་ཀྱི་ཆོ་ག་ཤེས་པར་འདོད་ན། ཐམས་ཅད་དུ་འཇུག་པའི་སྒོ་ཆོས་ཀྱི་རྣམ་གྲངས་ལ་མངོན་པར་བརྩོན་པར་བྱའོ། །ཀ་དང ། ཙ་དང ། ཊ་དང ། ཏ་དང ། པ་རྣམས་ཐོག་མ་དང ། ཐ་མ་དང ། དབུས་དང་ལྡན་ན། ཏིང་ངེ་འཛིན་གྱི་ཚོགས་ལ་འཇུག་པས་བྱང་ཆུབ་དང ། སྤྱོད་པ་དང ། ཡང་དག་པར་རྫོགས་པའི་སངས་རྒྱས་དང ། མྱ་ངན་ལས་འདས་པ་དང་བཅས་པ་ཐོབ་པར་བྱེད་དོ། །དེ་བས་ན། གསང་སྔགས་ཀྱི་ཆོ་ག་ལ་དང་པོ་ལ་སོགས་པའི་ཐ་སྙད་དང་ལྡན་པར་འགྱུར་བདེ་དག་ཉིད་ཐོག་མ་དང ། ཐ་མ་དང ། དབུས་དང་ལྷན་ཅིག་ཏུ་གྱུར་པར་ཤེས་པར་བྱ་སྟེ། གསང་སྔགས་ཀྱི་ཚིག་རེ་རེ་ལ་ཇི་ལྟར་འདོད་པར་ངེས་པར་སྦྱར་བར་བྱའོ། །བློ་ཡིས་རྣམ་པར་རྟོགས་ན་ནི། །དེ་དག་བླ་མེད་གནས་མཆོག་སྟེར། །དེ་ལྟར་འདི་ནི། འཁོར་ལོ་གཅིག་སྟེ། འཁོར་ལོ་བཞིན་དུ་ཡོངས་སུ་འཁོར་བ་ནི། ཡི་གེའི་འཁོར་ལོའོ། །སྔགས་པས་ཡི་གེའི་འཁྲོ་ལོ་དེ་ཤེས་ན། རྟག་ཏུ་ཇི་ལྟར་བཅོམ་ལྡན་འདས་རྣམ་པར་སྣང་མཛད་འཁོར་ལོ་བསྐོར་བ་བཞིན་དུ་རྣམ་པར་མཛེས་པར་འགྱུར་རོ། །རྣམ་པ་ཐམས་ཅད་
256a
༄#། །ཅད་དུ་འཇུག་པའི་སྒོ་ཆོས་ཀྱི་ཡི་གེའི་ཚུལ་རིམ་པར་ཕྱེ་བའོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པའི་སྤྱན་གྱིས་སེམས་ཅན་གྱི་ཁམས་ཐམས་ཅད་ལ་གཟིགས་ནས་ཆོས་ཀྱི་དབྱིངས་མི་ཟད་པའི་བཀོད་པ་བསྟན་པ་དང ། གསང་སྔགས་ཀྱི་སྤྱོད་པ་མངོན་པར་སྒྲུབ་པ་འདི་ཉིད་ཀྱིས་སེམས་ཅན་གྱི་ཁམས་མ་ལུས་པ་གདོན་པར་ཐུགས་དམ་བཅས་པ་ཡོངས་སུ་རྫོགས་པར་བྱ་བའི་ཕྱིར་ཆོས་ཀྱི་དབྱིངས་ཀྱི་མཛོད་ཀྱི་མཐུ་རླབས་དེ་བཞིན་གཤེགས་པའི་མཉམ་པ་ཉིད་བཀོད་པའི་སྙིང་པོ་ཅན་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ་དེ་ནས་དེ་ཉིད་ཀྱི་ཚེ་སེམས་ཅན་གྱི་ཁམས་མ་ལུས་པ་ངེས་པར་འབྱུང་བར་བྱེད་པའི་སྒོ་བ་སྤུའི་བུ་ག་ཐམས་ཅད་ནས་བསམ་པ་ཇི་ལྟ་བ་བཞིན་དུ་ལས་དང ། ཚེ་དང ། རྣམ་པར་སྨིན་པའི་འབྲས་བུ་ཟ་བ་དང ། ཟར་འཇུག་པའི་གཟུགས་དང ། ཁ་དོག་དང།་དབྱིབས་དང ། ང་རོ་དང ། འགྲོ་བ་དང ། སྤྱོད་པ་དང ། ངེས་པའི་ཚིག་བརྗོད་པ་སེམས་ཅན་ཐམས་ཅད་སོ་སོ་སོ་སོར་ཡང་དག་པར་མགུ་བར་བྱེད་པ་ཆོས་ཀྱི་དབྱིངས་ཀྱིས་རྣམ་པར་བསྐྱེད་པའི་སྐུ་རྣམས་བྱུང་བར་གྱུར་ཏོ། །བྱུང་ནས་ཀྱང་ནམ་མཁའ་དང་མཉམ་པའི་འཇིག་རྟེན་གྱི་ཁམས་རབ་འབྱམས་རྣམས་སུ་སྒྲ་དབྱངས་གཅིག་གིས་ཆོས་ཀྱི་དབྱིངས་ཁྱབ་
256b
པར་རྣམ་པར་རིག་པར་བྱེད་པ། དེ་བཞིན་གཤེགས་པ་འབྱུང་བར་འགྱུར་པའི་ཚིགས་སུ་བཅད་པ་འདི་སྒྲོག་པར་གྱུར་ཏོ། །ཆོས་ཀྱི་མཚན་ཉིད་གང་ལས་ནི། །ཆོས་རྣམས་དག་ནི་ཐམས་ཅད་དང། །སངས་རྒྱས་རྣམས་དང་ཉན་ཐོས་དང ། །རང་རྒྱལ་སྐྱོབ་པ་རྣམས་དང་ནི། །བྱང་ཆུབ་སེམས་དཔའ་དཔའ་བོ་དང ། །དེ་བཞིན་རྒྱལ་བ་མཆོག་རྣམས་དང ། །སེམས་ཅན་སྣོད་ཀྱི་འཇིག་རྟེན་དག་།བཏགས་པ་རིམ་པ་བཞིན་འབྱུང་ཞིང ། །ཆོས་རྣམས་སྐྱེ་དང་གནས་པ་དག་།གང་ལས་རྟག་ཏུ་འབྱུང་འགྱུར་བ། །ཤེས་རབ་ཐབས་དང་ལྡན་གྱུར་ཅིང ། །ཡིད་གཉིས་སོམ་ཉི་དང་བྲལ་བ། །རྫོགས་པའི་སངས་རྒྱས་ཀྱི་ས་བཤད་པའི། །ལམ་འདི་ཁྱོད་ཀྱིས་སྒོམ་པར་གྱིས། །དེ་ནས་དེ་བཞིན་གཤེགས་པའི་སྐུ་ཆོས་ཀྱི་དབྱིངས་ལས་བྱུང་བ་དེ་དག་གིས་ཆོས་ཀྱི་དབྱིངས་ཐམས་ཅད་རང་གི་སྐུ་རྣམ་པར་རིག་པར་བྱེད་པ་སྤྲུལ་པའི་སྤྲིན་གྱིས་ཡོངས་སུ་བཀང་ནས་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ཀྱི་དབང་ཙམ་གྱིས་བ་སྤུའི་བུ་ག་ཐམས་ཅད་ནས་སངས་རྒྱས་འབྱུང་བ་གཅིག་ནས་གཅིག་ཏུ་བརྒྱུད་ནས་བྱིན་གྱིས་བརླབས་ཏེ་རང་རང་གི་ཆོས་ཀྱི་དབྱིངས་ཀྱི་གནས་སུ་ཞུགས་པར་གྱུར་ཏོ། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ། གསང་བའི་དཀྱིལ་འཁོར་རྣམ་པར་དགོད་པ། ལྷ་རྣམས་ཀྱི་གནས་ཡང་དག་པར་གནས་པར་བསམ་པ་
257a
༄#། །ས་བོན་དང་བཅས་པས་མཚན་པ་ཡོད་ཀྱི། དེ་ཉོན་ལ་ལེགས་པར་རབ་ཏུ་ཡིད་ལ་ཟུངས་ཤིག་དང ། ངས་ཁྱོད་ལ་བཤད་དོ། །དེ་སྐད་ཅེས་བཀའ་སྩལ་པ་དང།་གསང་བ་པའི་བདག་པོ་ཕྱག་ན་རྡོ་རྗེ་བཅོམ་ལྡན་འདས་ལ་ཉན་ཏོ། །བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །དང་པོར་སྔགས་པས་དཀྱིལ་འཁོར་དེ། །རང་གི་ལུས་ལ་དགོད་བྱས་ཏེ། །རྐང་པ་ནས་ནི་ཆུ་སོ་ལ། །ཐུག་གི་བར་དུ་ས་ཡིར་བསམ། །དེ་ནས་གོང་དུ་སྙིང་གའི་བར། །སྡོམ་བརྩོན་ཅན་གྱི་ཆུ་ཡིར་བསམ། །ཆུ་ཡི་ཡན་ཆད་མེ་ཡི་སྟེ། ། མ་ཡི་ཡན་ཆད་རླུང་ཡིན་ནོ། །བསམས་ནས་དེ་ནས་མཁས་པ་ཡིས། །ས་ལ་གཟུགས་བརྙན་གཞག་པར་བྱ། །དེ་ནས་ཕྱག་ན་རྡོ་རྗེས་བཅོམ་ལྡན་འདས་རྣམ་པར་སྣང་མཛད་ཀྱི་སྐུ་དང།་གསུང་དང ། ཐུགས་ཀྱི་ས་ལ་བཞུགས་ནས་ཆོས་མཉམ་པ་ཉིད་ལ་བལྟས་ཏེ་མ་འོངས་པའི་སྐྱེ་བོ་རྣམས་ལ་བརྟགས་ནས་རིག་སྔགས་ཀྱི་རྒྱལ་པོ་ཐེ་ཚོམ་ཐམས་ཅད་གཅོད་པར་བྱེད་པ་འདི་སྨྲས་སོ། །ན་མཿ ས་མནྟ་བུདྡྷཱ་ནཱཾ། ཨ་ས་མ་བ་ཏི་དྷརྨ་དྷྭ་ཏུ་ཀཱརྱ་ག་ཏིཾ་ག་ཏཱ་ནཱཾ། སརྦ་ཐཱ། ཨཾ་ཁཾ་ཨཾ་ཨ། སཾ་ས། ཧཾ་ཧ། རཾ་ར་བཾ་བ་སཝཱཧཱ། ཧཱུཾ་མ་ཧཱ་སཝཱཧཱ། རཾ་ར་སཝཱཧཱ། གསང་བ་པའི་བདག་པོ་ཕྱག་ན་རྡོ་རྗེས་གསང་སྔགས་ཀྱི་རྒྱལ་པོ་ཆེན་པོ་འདི་སྨྲས་མ་ཐག་ཏུ་དེ་ནས་ཕྱོགས་བཅུའི་འཇིག་རྟེན་གྱི་ཁམས་ན་བཞུགས་པའི་དེ་བཞིན་གཤེགས་པ་ཐམས་
257b
ཅད་ཀྱི་ཕྱག་གཡས་པ་བརྐྱང་སྟེ་ཕྱག་ན་རྡོ་རྗེའི་སྦྱི་བོར་བཞག་ནས་ལེགས་སོ་ཞེས་བྱ་བ་བྱིན་ཏེ་འདི་སྐད་ཅེས་གསུངས་སོ། །རིགས་ཀྱི་བུ། གང་ཁྱོད་ཀྱིས་བཅོམ་ལྡན་འདས་རྣམ་པར་སྣང་མཛད་ཀྱི་སྐུ་དང ། གསུང་དང ། ཐུགས་ཀྱིས་ལ་བཞུགས་ནས་ཐམས་ཅད་དུ་གསང་སྔགས་ཀྱི་ཚུལ་ལ་མཉམ་པ་ཉིད་དུ་གནས་པའི་བྱང་ཆུབ་སེམས་དཔའ་རྣམས་ལ་སྣང་བར་བྱ་བར་འདོད་པའི་ཕྱིར་གསང་སྔགས་ཀྱི་རྒྱལ་པོ་འདི་སྨྲས་པ་ལེགས་སོ་ལེགས་སོ། །དེ་ཅིའི་ཕྱིར་ཞེ་ན། བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱང་ཆུབ་ཀྱི་སྙིང་པོ་ལ་བཞུགས་ཏེ་ཚིག་བཅུ་གཉིས་པོ་འདི་དག་གིས་ཆོས་ཀྱི་དབྱིངས་རྣམ་པར་སྤྱད་ཅིང་བདུད་བཞི་ཕམ་པར་བྱས་ནས་ཆོས་ཀྱི་དབྱིངས་ལས་བྱུང་བ་འདི་དག་གནས་གསུམ་ནས་བྱུང་སྟེ་བདུད་སྡིག་ཅན་རྣམས་བཏུལ་བར་གྱུར་ཏེ། །དེ་ནས་བཅོམ་ལྡན་འདས་ཀྱི་སྐུ་དང ། གསུང་དང ། ཐུགས་མཉམ་པ་ཉིད་བརྙེས་ནས་ནམ་མཁའ་ཚད་མེད་པའི་ཕྱིར་སྐུ་ཚད་མེད་པ་བརྙེས་པར་གྱུར། །དེ་བཞིན་དུ་གསུང་དང་ཐུགས་ཚད་མེད་པ་ཡང་བརྙེས་པར་གྱུར་ཏོ། །དེ་ལྟར་ཡེ་ཤེས་ཚད་མེད་པ་དང་ལྡན་ཞིང་ཆོས་ཐམས་ཅད་ལ་དབང་ཐོབ་པས་འདི་ལྟར་གསང་སྔགས་ཀྱི་རྒྱལ་པོ་ཚིག་བཅུ་གཉིས་པོ་འདི་དག་ཉིད་ལས་བརྩམས་ཏེ་ཆོས་འཆད་དོ། །རིགས་ཀྱི་བུ། ཁྱོད་ཀྱང་བཅོམ་ལྡན་འདས་རྣམ་པར་སྣང་
258a
༄#། །མཛད་ཀྱི་སྐུ་དང ། གསུང་དང ། ཐུགས་མཉམ་པ་ཉིད་ལ་བཞུགས་པས་ན། རྫོགས་པའི་སངས་རྒྱས་བཞིན་དུ་སྣང་ངོ ། །ཐམས་ཅད་མཁྱེན་པ་རྫོགས་སངས་རྒྱས། །བཅོམ་ལྡན་རྣམ་པར་སྣང་མཛད་ལ། །སྔགས་སྦྱང་ཚིག་མཆོག་ཞུས་ཤིག་དང ། །ཆོ་ག་རྒྱས་པར་བཀའ་སྩལ་ཏོ། །ངེད་ཀྱང་སྔོན་ནི་འདི་རྣམས་ཀྱིས། །བླ་མེད་བྱང་ཆུབ་རྟོགས་ནས་སུ། །མྱ་ངན་འདས་ལམ་འགྲོ་བ་ཡི། །མཉམ་པ་མེད་པའི་ཆོས་བཤད་པ། །འཇིག་རྟེན་ཁམས་ན་བཞུགས་པ་ཡི། །རྫོགས་སངས་རྒྱས་རྣམས་དབང་དུ་གྱུར། །དེ་ནས་དཔལ་ལྡན་རྡོ་རྗེ་འཛིན། །བསམ་པ་མཆོག་རབ་མགུ་གྱུར་པ། །རྫོགས་སངས་རྒྱས་ཀྱིས་བྱིན་བརླབས་པས། །འདི་སྐད་ཅེས་ནི་ཚིག་ཏུ་སྨྲས། །ཆོས་འདི་རྣམས་ནི་མཚན་ཉིད་མེད། །ངོ་བོ་ཉིད་མེད་གནས་མེད་པ། །ལས་དང་ཚེ་ལས་རྣམ་པར་གྲོལ། །རྫོགས་པའི་སངས་རྒྱས་འདྲ་བར་འདོད། །ཐུགས་རྗེས་མངའི་ན་མཛད་པ་ཡི། །མགོན་པོ་རྣམས་ཀྱི་ཐབས་ཀྱིས་ནི། །རྣམ་པར་སྤྲུལ་ནས་ཆོས་ཀྱི་ནི། །མཚན་ཉིད་འདི་དག་རྟོགས་པར་འགྱུར། །དེ་ནས་གསང་བ་པའི་བདག་པོ་ཕྱག་ན་རྡོ་རྗེས་ཆེད་དུ་བརྗོད་པའི་ཚིགས་སུ་བཅད་པ་དེ་སྨྲས་ནས་མ་འོངས་པའི་དུས་ཀྱི་འགྲོ་བ་རྣམས་ལ་བལྟས་ཏེ་སྙིང་རྗེ་ཆེན་པོའི་སྙིང་པོ་འབྱུང་བའི་དཀྱིལ་འཁོར་ཆེན་པོ་འདིའི་ཐེ་ཚོམ་གཅད་པའི་ཕྱིར་བཅོམ་ལྡན་འདས་རྣམ་
258b
པར་སྣང་མཛད་ལ་ཞུས་པ། སེམས་ཅན་ཀུན་གྱི་དོན་གྱི་ཕྱིར། །ཀུན་མཁྱེན་སྙུན་དང་བྲལ་བ་པོ། །ཐེ་ཚོམ་ཐམས་ཅད་གཅོད་མཛད་པ། །འདྲེན་པ་ཁྱོད་ལ་ཞུ་བ་ནི། །དཀྱིལ་འཁོར་གྱི་ནི་སྔོན་རོལ་དུ། །ཅི་ཞིག་བགྱི་བ་འདྲེན་པས་གསུངས། །ཐུབ་པ་ཆེན་པོ་སློབ་དཔོན་དང ། །སློབ་མའང་རྣམ་པ་དུ་རུ་བཤད། །ས་གཞི་ཇི་འདྲར་འཚལ་བར་བགྱི། །དེ་ཡང་ཇི་ལྟར་སྦྱང་བར་བགྱི། །ཇི་ལྟར་ས་ནི་དག་པར་འགྱུར། །ཇི་ལྟར་དེ་ནི་བརྟན་པ་ལགས། །སློབ་མའི་དགོས་པ་གང་གིས་བགྱི། །སྦྱང་བའང་འདྲེན་པས་བཀའ་སྩོལ་ཅིག་།དག་པའི་མཚན་མ་ཅི་འདྲ་དང། །གང་གིས་དེ་དག་བསྲུང་བར་བགྱི། །ས་ནི་གང་གིས་བྱིན་གྱིས་བརླབ། །དེར་ནི་དང་པོར་གང་གིས་བརྟག་།ས་ཡི་ཆ་ལས་ཐིག་གདབ་པའི། །སྲད་བུ་རྣམ་དུ་འཚལ་བར་བགྱི། །མཆོད་པ་རྣམ་པ་དུ་འཚལ་བགྱི། །མེ་ཏོག་བདུག་སྤོས་ཅི་འདྲ་དང ། །མེ་ཏོག་དང་ནི་བདུག་སྤོས་དག་།ཇི་ལྟར་དབུལ་བ་འདྲེན་པས་གསུངས། །ལྷ་བཤོས་སྦྱིན་སྲེག་ལས་རྣམས་ཀྱང ། །གང་དག་ལ་ནི་ཇི་ལྟར་བགྱི། །ལྷ་རྣམས་ཀྱི་ནི་གདན་དག་ཀྱང ། །གང་ལ་གང་གིས་བགྱི་བ་གསུངས། །ཁ་དོག་དབྱིབས་དང་གཟུགས་རྣམས་ཀྱང ། །གོ་རིམ་བཞིན་དུ་མགོན་པོས་གསུངས། ། ལྷ་རྣམས་དང་ནི་ཕྱག་རྒྱ་དང ། །གདན་གྱི་ཚད་ཀྱང་བཤད་དུ་གསོལ། །ཕྱག་རྒྱ་རྣམས་ནི་གང་ནས་བྱུང ། །ཅི་ཕྱིར་ཕྱག་རྒྱ་ཞེས་ཀྱང་བགྱི། །དབང་བསྐུར་རྣམ་པ་དུར་འཚལ་བགྱི། །དམ་
259a
༄#། །ཚིག་རྣམ་པ་དུ་ཞིག་མཆིས། །སྔགས་སྤྱད་པ་ལ་བརྩོན་པ་ཡི། །སྔགས་པ་བྱང་ཆུབ་སེམས་དཔའ་དང ། །ཐམས་ཅད་མཁྱེན་པར་ཇི་ལྟར་འགྱུར། །ཇི་ལྟར་བདེན་པ་མཐོང་བར་འགྱུར། །དངོས་གྲུབ་རྣམ་པ་དུར་འཚལ་བགྱི། །གྲུབ་པའི་དུས་ཀྱང་བཀའ་སྩོལ་ཅིག་།གྲུབ་ནས་ནམ་མཁར་འགྲོ་བ་དང ། །ཇི་ལྟར་མི་སྣང་འགྱུར་བ་དང ། །གཙོ་བོ་ལུས་འདི་མ་བོར་བར། །ཇི་ལྟར་ལྷ་ཡི་ལུས་ཐོབ་འགྱུར། །སྤྲུལ་པ་རྣམས་ནི་སྣ་ཚོགས་ལ། །དེ་ལ་གང་ནས་འབྱུང་བར་འགྱུར། །ཉི་ཟླ་མེ་དང་ཕྱོགས་རྣམས་དང ། །རྒྱུ་སྐར་གཟའ་དང་སྐར་མ་དང ། །ཡུད་ཙམ་དང་ནི་ཐང་གཅིག་དང ། །རྒ་དང་འཆི་དང་རྒུད་པ་དང ། །ལྟས་ངན་དག་ནི་ཐམས་ཅད་ཀྱང ། །དེ་ལ་ཇི་ལྟར་འབྱུང་མི་འགྱུར། །རྐང་གཉིས་གཙོ་བོ་སངས་རྒྱས་དང ། །སྔགས་པ་ཇི་ལྟར་འབྲལ་མི་འགྱུར། །སྦྱིན་སྲེག་ལས་དང་མེ་དག་དང ། །ཚིམ་པར་བགྱི་བ་དུར་འཚལ་བགྱི། །ལྷ་རྣམས་ཀྱང་ནི་སོ་སོ་ཡི། །ངོ་བོ་ཉིད་ནི་འདྲེན་པས་གསུངས། །འཇིག་རྟེན་པ་ཡི་སྔགས་རྣམས་དང ། །དེ་བཞིན་འཇིག་རྟེན་འདས་པ་ཡི། །ཚད་དང་འབྲས་བུ་གྲངས་རྣམས་དང ། །ཏིང་ངེ་འཛིན་གྱི་ཁྱད་པར་དང་།། ལས་ཀྱི་རྣམ་པ་གང་དུ་སྨིན། །ཇི་ལྟར་རྣམ་པར་སྨིན་མི་འགྱུར། །སྔགས་པ་རྣམས་ནི་ནམ་ཞིག་ན། །ལས་དང་ཚེ་ལས་རྣམ་གྲོལ་འགྱུར། །དེ་ནས་ཀུན་མཁྱེན་རྫོགས་སངས་
259b
རྒྱས། །བཅོམ་ལྡན་སྙུན་དང་བྲལ་བ་ཡིས། །རྡོ་རྗེ་འཛིན་ལ་འདི་སྐད་གསུངས། །སྙིང་རྗེ་ཆེན་པོའི་རྩ་ལས་བྱུང ། །གསང་བའི་དཀྱིལ་འཁོར་རྣམ་དགོད་པ། །ལྷ་རྣམས་ཀྱི་ནི་གནས་ངེས་པ། །ཐེག་པ་ཆེན་པོའི་གོ་འཕང་མཆོག་།རྫོགས་སངས་རྒྱས་ཀྱི་རབ་གསང་བ། །དཔའ་བོ་ཆེར་འབྱུང་ཁྱོད་ཀྱིས་གང ། །ཡོངས་སུ་དྲིས་པ་དེ་ལེགས་སོ། །ལག་ན་རྡོ་རྗེ་སྟོབས་ཆེན་ལ། །མདོར་ནི་བསྡུས་ནས་བཤད་པར་བྱ། །དཀྱིལ་འཁོར་གྱི་ནི་སྔོན་རོལ་དུ། །བྱ་བ་རྣམས་ནི་ངེས་པས་ཉོན། །སོ་སོའི་ལས་རྣམས་འདོད་པ་ཡིས། །ཚུལ་ཤེས་པས་ན་ཅི་རིགས་པར། །རང་གི་ཏིང་འཛིན་ལ་གནས་ཏེ། །རིག་སྔགས་རྒྱལ་པོ་སྟོབས་པོ་ཆེ། །ཡན་ལག་བཅུ་གཉིས་ཚིག་འབྱུང་བ། །གོ་རིམ་བཞིན་དུ་བཟླས་བརྗོད་བྱ། །གསང་སྔགས་ཕྱག་རྒྱ་རྟོགས་ཤེས་པའི། །སློབ་དཔོན་རྣམ་པ་གཉིས་ཞེས་བྱ། །ཟབ་དང་མི་ཟབ་བྱེ་བྲག་ལས། །དེ་ཡི་མཚན་ཉིད་ཤེས་པར་བྱ། །ཟབ་མོ་རྒྱ་ཆེར་ཤེས་པར་བྱ། །ལུས་ཅན་རྣམས་ནི་ཡིད་མི་རྟོན། ། སངས་རྒྱས་རྣམས་ཀྱི་སྲས་མཆོག་སྟེ། །མཐོང་བའི་ཆོས་ནི་རྣམ་པར་སྤངས། །གཉིས་པ་མཐོང་བའི་ཆོས་རྣམས་ཀྱིས། །མྱོས་པར་གྱུར་པ་དམིགས་པ་ཅན། །སངས་རྒྱས་རྐང་གཉིས་མཆོག་རྣམས་ཀྱིས། །འཇིག་རྟེན་པ་ཡི་དཀྱིལ་འཁོར་ཀུན། །དེ་ཡིས་བྲི་བར་བྱ་བའི་ཕྱིར། །རྗེས་སུ་གནང་ཞིང་དབང་ཡང་བསྐུར། །དུས་དང་དུས་མིན་བྱེ་བྲག་ལས། །སློབ་མ་རྣམ་བཞིར་ཤེས་བྱ་
260a
༄#། །སྟེ། །གཅིག་ནི་དེ་ཡི་མོད་ལ་སྒྲུབ། །གཉིས་སུ་སྒྲུབ་དང་གཉི་གར་མིན། །མཚན་ཉིད་ཐམས་ཅད་རྫོགས་པ་ཡིས། །སློབ་མ་དེ་ནི་རྒྱལ་བའི་མཆོག་།ས་ནི་དང་པོར་ཤེས་པར་བྱ། །སེམས་ཀྱི་སར་ནི་བཤད་པ་ཡིན། །སྦྱང་བ་སྔར་ནི་བསྟན་པ་སྟེ། །དེ་ཡིས་དེ་ནི་ཡོངས་སུ་སྦྱང ། །ནམ་ཞིག་ཉེས་དང་བྲལ་བ་ན། །སེམས་ཀྱིས་ས་ནི་མི་འཇིགས་པ། །དེ་ཚེ་དེ་ནི་དག་པ་སྟེ། །ཉེས་པ་ཐམས་ཅད་རྣམ་པར་སྤངས། །མངོན་པར་བྱང་ཆུབ་མཐོང་བས་ན། །དེ་ལྟར་དེ་ནི་བརྟན་ཞེས་བྱ། །དེ་ལས་གཞན་དུས་སྦྱོང་བ། །དེ་ནི་དག་པར་མི་འགྱུར་རོ། །སྔགས་པ་རྟོག་ལ་གནས་ནས་སུ། །གང་ཞིག་ས་སྤྱོད་བྱེད་པ་ནི། །བྱང་ཆུབ་སེམས་ནི་རྣམ་སྤངས་པ། །གསང་བའི་བདག་པོ་དེ་མི་འདག་།དེ་བས་རྟོག་པ་རྣམ་སྤངས་ནས། །ས་ཀུན་རྣམ་པར་སྦྱང་བར་བྱ། །ང་ཡིས་དཀྱིལ་འཁོར་རྣམས་ཀྱི་ནི། །ཆོ་ག་རྒྱས་པར་གང་བསྟན་པ། །དེ་དག་ཐོག་མར་བསྟན་པ་ནི། །རྨོངས་པ་རྣམས་ཀྱིས་མི་ཤེས་ཏེ། །རྟོག་པ་སྡུག་བསྔལ་རྒྱུར་འགྱུར་བ། །ཇི་སྲིད་མ་སྤངས་བར་དུ་ནི། །འཇིག་རྟེན་འདི་ནས་སངས་རྒྱས་མིན། །ཀུན་མཁྱེན་ཅེས་ཀྱང་མི་བྱའོ། །སློབ་མ་རྣམས་ལ་ནན་ཏན་དུ།། བྱང་ཆུབ་སེམས་ཀྱི་སྦྱང་བར་བྱ། །སྲུང་བ་མི་གཡོ་མགོན་པོའམ། །ཁམས་གསུམ་རྣམ་པར་རྒྱལ་བས་བྱ། །སློབ་མ་ནམ་ཞིག་དམིགས་པ་ཡིས། །ནམ་ཡང་གཡོས་པར་མི་འགྱུར་བ།།
260b
དེ་ཚེ་དྲི་མེད་ནམ་མཁའ་བཞིན། །ཡང་དག་པར་ནི་དག་པར་འགྱུར། །ས་བྱིན་བརླབ་པ་དང་པོ་ནི། །རྫོགས་སངས་རྒྱས་ཀྱིས་བྱ་བར་བཤད། །གཉིས་པ་སེམས་ཀྱི་དབང་གིས་ཏེ། །འདིར་ནི་གཞན་དུ་མི་བྱའོ། །སྲད་བུ་རྣམ་པ་བཞིར་བཤད་དེ། །དཀར་པོ་སེར་པོ་དམར་པོ་དང ། །ནག་པོ་ཞེས་ནི་བྱ་བར་བརྗོད། །ལྔ་པ་ནམ་མཁའ་ལྟ་བུར་བཤད། །བར་སྣང་ལ་ནི་བཟུང་ནས་སུ། །དེར་ནི་དཀྱིལ་འཁོར་བརྟག་པར་བྱ། །སྲད་བུ་དག་ནི་གཉིས་པ་ཡིས། །ས་ལ་དཀྱིལ་འཁོར་དགོད་པར་བྱ། །སངས་རྒྱས་རྣམས་ནི་ཐམས་ཅད་དང ། །དེའི་སྲས་བློ་ཅན་རྣམས་ཀྱི་གདན། །པདྨ་ཡིད་ལས་བྱུང་བའི་མཆོག་།བཀྲ་ཤིས་འཇིག་རྟེན་རྣམས་ཀྱིས་བསྔགས། །རང་རྒྱལ་དང་ནི་དགྲ་བཅོམ་པ། །ཕྱོགས་གཅིག་ཤེས་པར་གང་གྲགས་པ། །དེ་དག་སྟན་དུ་ཤེས་བྱ་བ། །པདྨ་ལས་བྱུང་འདབ་མའོ། ། འཇིག་རྟེན་གྱི་ནི་ལྷ་རྣམས་གང ། །ཚངས་ལ་སོགས་པ་འཇིག་རྟེན་གྲགས། །དེ་དག་སྟན་ནི་པདྨ་དམར། །རྒྱལ་པོ་རྣམས་ཀྱིས་བསྔགས་པའོ། །ཕལ་པ་རྣམས་ནི་ཅི་རིགས་པར། །ས་ཡི་བྱེ་བྲག་དག་ལས་བསམ། །མཆོད་པ་རྣམ་བཞིར་ཤེས་བྱ་སྟེ། །ཕྱག་འཚལ་ཐལ་མོ་སྦྱར་བ་དང ། །དེ་བཞིན་བྱམས་དང་སྙིང་རྗེ་དང ། །མེ་ཏོག་བདུག་སྤོས་འཇིག་རྟེན་པའི། །སོར་མོ་ལས་བྱུང་མེ་ཏོག་རྣམས། །སྐྱོབ་པ་ཀུན་ལ་དབུལ་བར་བྱ། །ཡན་ལག་ཀུན་འབྱུང་ཕྱག་རྒྱ་ནི། །བཅིངས་ནས་བྱང་ཆུབ་སེམས་བསྒོམས་ཏེ། །སོར་མོ་མགོན་པོ་ཐམས་ཅད་དང ། །དེའི་སྲས་
261a
༄#། །རྣམས་ལ་ནན་ཏན་བྱའོ། །འདི་ནི་སྐྱོན་མེད་མེ་ཏོག་སྟེ། །རབ་ཏུ་བསུང་ཞིམ་རྣམ་པར་མཛེས། །ཆོས་ཀྱི་དབྱིངས་ཀྱི་ལྗོན་ཤིང་རྣམས། །རྒྱལ་བ་མཆོད་པའི་ཕྱིར་བྱུང་བ། །ཏིང་འཛིན་དབང་གིས་བསྒྱུར་བ་ཡི། །སྔགས་ཀྱིས་དེ་དག་བྱིན་བརླབས་ན། །ཆོས་ཀྱི་དབྱིངས་ལས་བྱུང་བ་ཡི། །སྤྲིན་མང་རྒྱ་ཆེར་དམ་པ་རྣམས། །སངས་རྒྱས་རྣམས་ཀྱི་སྤྱན་སྔར་ནི། །དེ་ཚེ་རྟག་ཏུ་ཆར་བཞིན་འབབ། །ལྷ་རྣམས་ཕལ་པ་གཞན་ལ་ནི། །མེ་ཏོག་འདི་རྣམས་བསྒྲགས་པ་སྟེ། །རང་གི་སྔགས་རྒྱུད་རྒྱས་ཤེས་པས། །ཇི་ལྟར་རིགས་པར་དབུལ་བར་བྱ། ། དེ་བཞིན་མེ་ཏོག་བདུག་སྤོས་རྣམས། །ཇི་ལྟར་རིག་པར་རྣམ་པར་བསམ། །མཐེ་བོ་སྲིན་ལག་སྦྱར་བ་ནི། །བཀྲ་ཤིས་པ་ཞེས་བཤད་པ་སྟེ། །དེ་ཡིས་མེ་ཏོག་དེ་བླངས་ནས། །རང་གི་སྙིང་གའི་ཕྱོགས་ནས་དབུལ། །འཇིག་རྟེན་པ་ཡི་ལྷ་རྣམས་ལ། །ལྟེ་བའི་ཐད་ག་ནས་ཞེས་བྱ། །བདུག་སྤོས་རྡོ་རྗེའི་ཁུ་ཚུར་རམ། །ཡང་ན་པདྨའི་ཕྲེང་བ་ཡིས། །བར་སྣང་ལ་ནི་བཟུང་ནས་སུ། །འཇིག་རྟེན་མགོན་སྐྱོབ་རྣམས་ལ་དབུལ། །དེ་ལས་གཞན་པའི་འཇིག་རྟེན་པའི། །ལྷ་རྣམས་ལ་ནི་གོ་རིམ་བཞིན། །ཕྱི་དང་ནང་གི་བྱེ་བྲག་གིས། །སྦྱིན་སྲེག་རྣམ་པ་གཉིས་ཞེས་བྱ། །ལས་དང་ཚེ་ལས་རྣམ་པར་གྲོལ། །སླར་ཡང་ས་བོན་འབྱུང་བ་སྟེ། །ལས་འདོད་པ་ཡིས་སྦྱིན་སྲེག་བྱ། །ནང་གི་སྦྱིན་སྲེག་ཅེས་སུ་བཤད། །ཕྱི་རོལ་གྱི་ནི་གསུམ་ལྡན་ཞིང ། །གནས་
261b
གསུམ་དང་ནི་གསུམ་ལ་གནས། །ལས་གསུམ་གྱི་ནི་ལས་གྲུབ་པ། །འཇིག་རྟེན་པ་ཡི་སྦྱིན་སྲེག་མཆོག་།སྦྱིན་སྲེག་ལས་ནི་མི་ཤེས་པས། །གང་དག་གཞན་དུ་བྱེད་པ་ནི། །སྔགས་ཀྱི་ཤེས་ལ་སྤངས་པ་སྟེ། །གླེན་དེས་འབྲས་བུ་མི་ཐོབ་བོ། །དེ་བཞིན་གཤེགས་པས་གསང་སྔགས་དང ། །དེ་བཞིན་རྫོགས་སངས་རྒྱས་ཀྱིས་གསུངས། །དཀར་དང་སེར་དུ་ཤེས་པར་བྱ། །ཕྱག་ན་རྡོ་རྗེ་ཐམས་ཅད་པ། །འཇིག་རྟེན་དབང་ཕྱུག་གསང་སྔགས་ནི། །ལས་ཀྱི་བྱེ་བྲག་དག་ལས་དཀར། །ཀུན་ཏུ་གྲུ་བཞི་ལྷམ་པ་དང ། །གོ་རིམ་བཞིན་དུ་ཟླུམ་པོ་དང ། །གྲུ་གསུམ་དང་ནི་ཟླ་ག་མ་འདྲ། །དབྱིབས་ནི་ལེགས་པར་བཤད་པ་ཡིན། །གཟུགས་ནི་གཉིས་སུ་ཤེས་བྱ་བ། །བུད་མེད་དང་ནི་སྐྱེས་པ་ཉིད། །ཡང་ན་ཀུན་ཏུ་ཐམས་ཅད་ཀྱི། །ཁ་དོག་དབྱིབས་དང་གཟུགས་རྣམས་ཏེ། །བསམ་ཡས་ཡེ་ཤེས་ལས་བྱུང་བས། །དེ་བས་དེ་རྣམས་བསམ་ཡས་ཏེ། །ཡེ་ཤེས་མཁྱེན་གྱི་ཡེ་ཤེས་ནི། །སེམས་ཅན་དོན་ཕྱིར་ཐ་དད་གྱུར། །ཡིད་ཀྱི་རྒྱ་ནི་ཇི་ཙམ་པ། །བསྟན་དང་ཕྱག་རྒྱ་དག་དང་ནི། །ལྷ་ཡི་ཚད་ཀྱང་གོ་རིམ་བཞིན། །དེ་ཙམ་དུ་ནི་ཤེས་པར་བྱ། །སངས་རྒྱས་གང་ནས་བྱུང་བ་ནས། །ཕྱག་རྒྱ་རྣམས་ཀྱང་དེ་ནས་བྱུང ། །ཆོས་ལས་བྱུང་བའི་སློབ་མ་རྣམས། །ཆོས་ཀྱི་ཕྱག་རྒྱས་གདབ་པར་བྱ། །དེ་བས་མདོར་ན་ཆོས་ཀྱི་དབྱིངས། །མཚན་མ་ཕྱག་རྒྱ་ཡིན་པར་བཤད། །དབང་བསྐུར་གསུམ་དུ་ཤེས་བྱ་སྟེ། །དེ་བས་ནན་ཏན་ཉན་པར་གྱིས། །ཕྱག་རྒྱས་གང་ཞིག་དབང་བསྐུར་བ། །ལས་དང་བྱ་བ་
262a
༄#། །སྤངས་པ་སྟེ། །སྐྱོབ་པ་རྣམས་ཀྱི་དབང་བསྐུར་པ། །དེ་ནི་མཆོག་སྟེ་དང་པོ་ཡིན། །གཉིས་པ་ལས་དང་བྱ་བ་ཡིས། །ཀུན་ནས་བསླང་བར་ཡང་དག་བཤད། ། གསུམ་པ་ཡིད་ཀྱིས་ཤེས་བྱ་སྟེ། །ཡུལ་དང་དུས་ནི་སྤངས་པའོ། །བླ་མ་ལེགས་པར་མགུ་བྱས་ནས། །ཕན་པར་བྱེད་པས་གང་སྨྲས་པའི། །དབང་བསྐུར་འདི་ནི་མཆོག་ཡིན་པར། ། རྫོགས་པའི་སངས་རྒྱས་རྣམས་ཀྱིས་བསྒྲགས། །སངས་རྒྱས་རྣམས་ཀྱིས་མདོར་ན་ནི། །དམ་ཚིག་ཅན་རྣམས་ལྔར་བཤད་དེ། །དཀྱིལ་འཁོར་འདི་ནི་མཐོང་བ་ལས། །དམ་ཚིག་ཤེས་པ་གཅིག་ཅེས་བྱ། །དེ་ལ་ཕྱག་རྒྱ་མི་བསྟན་ཅིང ། །སྔགས་ཀྱང་སྦྱིན་པར་མི་བྱའོ། །བྱང་ཆུབ་སེམས་ཀྱི་བྱེ་བྲག་ལས། །སྔགས་དང་ཕྱག་རྒྱ་ཡོངས་སུ་གཟུང ། །དཀྱིལ་འཁོར་མཐོང་ཞེས་བྱ་བ་འདི། །དམ་ཚིག་ཅན་གཉིས་ཤེས་པར་བྱ། །དཀྱིལ་འཁོར་དང་ནི་ཕྱག་རྒྱ་མཐོང ། །ལས་དང་བྱ་བ་ལ་ཡང་སྦྱར། །བླ་མས་ལུང་ནི་མ་བྱིན་པ། །དེ་ཡང་དམ་ཚིག་ཤེས་པར་བཤད། །ཕྱག་རྒྱ་དཀྱིལ་འཁོར་བྲི་བ་རྣམས། །དེ་ཚེ་ཆོ་ག་བཞིན་དུ་བསྟན། །གསང་བའི་ཡེ་ཤེས་འབྱུང་བ་ཡི། །དབང་བསྐུར་མེད་པའི་སྔགས་པའང་ཡིན། ། གསང་བའི་དཀྱིལ་འཁོར་དབུས་སུ་ནི། །སྔགས་པ་ཆོ་གས་དབང་བསྐུར་བ། །དམ་ཚིག་ཤེས་པ་ལྔར་ཤེས་བྱ། །དམ་ཚིག་ཅན་ཞེས་གཞན་མི་བྱ། །བརྟུལ་ཞུགས་བཟང་པོ་བྱང་
262b
ཆུབ་ཕྱིར། །གང་ཞིག་སེམས་ནི་སྒོམ་པ་ན། །སྔགས་པ་གནས་གསུམ་མི་དམིགས་པ། །དེ་ནི་བྱང་ཆུབ་སེམས་དཔའ་ཡིན། །ཐབས་ཀྱི་སྙིང་སྟོབས་བསྐྱེད་ནས་སུ། །སེམས་ཅན་དོན་ལ་སྦྱོར་པ་ན། །དམིགས་སུ་མེད་པའི་སྤྱོད་འཐོབ་པ། །རྒྱལ་བའི་མཆོག་ཏུ་ཤེས་པར་བྱ། །ཐོག་མ་ནས་ནི་ཞི་བའི་ཆོས། ངོ་བོ་ཉིད་ནི་མེད་པ་ལ། །གང་གི་སེམས་ནི་རི་རབ་བཞིན། གནས་པ་དེ་ནི་བདེན་པ་མཐོང ། །འདི་བདེན་འདི་ནི་ཡང་དག་པ། །དེ་བཞིན་དུ་ནི་མི་སླུ་བ། །ཇི་ལྟར་སངས་རྒྱས་བདེན་གཟིགས་པ། །དེ་བཞིན་སྔོན་ནི་ངས་མཐོང་བའི། །བྱང་ཆུབ་སེམས་ཐོབ་གང་ཡིན་དེ། །དངོས་གྲུབ་དེ་ལས་གཞན་ཅི་དགོས། །དེ་ལས་གཞན་དུའང་དངོས་གྲུབ་ནི། །རྣམ་པ་དག་ནི་སྔར་འདོད་དེ། །སྤྱོད་པའི་རྗེས་སུ་འཇུག་པ་དང ། །དེ་བཞིན་ས་ནི་གནོན་པ་དང ། འཇིག་རྟེན་མངོན་ཤེས་ལྔར་འདོད་དང ། །སངས་རྒྱས་ཉིད་དང་གང་གཞན་ནོ། །རྒྱུད་ལས་རྒྱུད་དུ་གྱུར་པ་ཡི། །ལས་ནི་ཇི་སྲིད་མཉམས་ཤིང ། །རྣམ་སྨིན་རྣམ་པར་མ་སྨིན་ཏེ། །དངོས་གྲུབ་དག་གི་དུས་སུ་འདོད། །མདོར་ན་གང་ཚེ་དུས་གཅིག་ཏུ། །ལས་དང་སྐྱེ་བ་འཕངས་གྱུར་པ། །དེ་ཚེའང་སྔགས་པས་དངོས་གྲུབ་ནི། །ཡིད་ལས་ཡང་དག་བྱུང་བ་འཐོབ། །བམ་པོ་དྲུག་པ། གྲུབ་ནས་མཁའ་ལ་འགྲོ་བ་ནི། །ཇི་ལྟར་སྒྱུ་མ་འཇིགས་མེད་བཞིན། །སྔགས་ཀྱི་དྲངས་རྨོངས་བྱེད་པ། །ཇི་ལྟར་མིག་འཕྲུལ་ཆེན་པོ་བཞིན། །གང་ལ་ལུས་དང་དགྲ་མེད་པ། །དྲི་ཟའི་གྲོང་ཁྱེར་
263a
༄#། །ཇི་བཞིན་ཏེ། །དེ་བཞིན་མི་སྣང་འགྱུར་ཞེས་བྱ། །དེ་ནི་དེ་ན་གནས་པ་ཡིན། །ཇི་ལྟར་ཉལ་བའི་རྨི་ལམ་ན། །སུམ་ཅུ་རྩ་གསུམ་གནས་སུ་ཕྱིན། །ལུས་ཀྱང་སྤངས་པ་མ་ཡིན་ལ། །དེ་ཉིད་ཀྱིས་ཀྱང་དེ་མ་སོང ། །དེ་བཞིན་རྣལ་འབྱོར་ཉིད་ཀྱིས་ཀྱང ། །སྔགས་པ་སྔགས་ལ་གནས་པ་དག་།བསོད་ནམས་བྱ་བའི་ལས་རྣམས་ཀྱིས། །འཇའ་དང་འདྲ་བའི་ལུས་ཀྱང་འཐོབ། །ལུས་དང་ངག་ཡིད་ལས་བྱུང་བའི། །གསང་སྔགས་ཡིད་བཞིན་ནོར་བུ་འདྲ། །དེ་ལས་རྣམ་པར་བསམས་པའི་དོན། །མ་བརྟགས་པར་ཡང་འབྱུང་བར་འགྱུར། །ཇི་ལྟར་ནམ་མཁའི་ཕྱོགས་རྣམས་སུ། །འདུས་བྱས་སྤྱོད་ཡུལ་ཐམས་ཅད་ཀྱིས། །མི་གོས་དེ་བཞིན་སྔགས་པ་ཡང ། །རྟོག་པའི་སྤྱོད་ཡུལ་ཀུན་གྱིས་སོ། །འདི་ཀུན་འདུ་ཤེས་ཙམ་དུ་ནི། །ནམ་ཞིག་དེ་ལྟར་བསྒོམས་གྱུར་ཅིང ། །རྣམ་པར་བསྒོམས་ན་སྔགས་པ་དེ། །རྫོགས་སངས་རྒྱས་དང་ལྷན་ཅིག་དགའ། །སངས་རྒྱས་རྐང་གཉིས་གཙོ་བོ་ཡིས། །སྦྱིན་སྲེག་གཉིས་སུ་བཤད་པ་ནི། །ཕྱི་རོལ་གྱི་དང་ནང་གི་སྟེ། །དེ་ཡང་ཚིམ་པར་བྱ་དང་བཅས། །ལྷ་རྣམས་ཀྱང་ནི་སོ་སོ་ཡི། །རང་བཞིན་ཡོངས་སུ་མཁྱེན་ནས་སུ། །འཇིག་རྟེན་པ་ཡི་སྔགས་རྣམས་ཀྱིས། །ཚད་དག་ལེགས་པར་གསུམ་པ་ནི། །དབང་ཕྱུག་ལ་སོགས་མཐུ་ཆེན་རྣམས། །བཀུར་བའི་ལྷ་རྣམས་གང་ཡིན་པ། །དེ་དག་གིས་ནི་གང་བྱས་པའི། །
263b
སྔགས་དང་ཕྱག་རྒྱ་སྟོབས་ཆེན་རྣམས། །འབྲས་བུ་ཕལ་ཆེར་འཕྲལ་དུ་སྟེར། །ཚད་ནི་བཤད་པ་དེ་ཡིན་ནོ། །འོན་ཀྱང་སྐྱེ་དང་འཇིག་པ་ཡི། །ཆོས་ཅན་དེ་དག་བརྟན་པ་མེད། །འཇིག་རྟེན་འདས་པའི་སྔགས་རྣམས་ནི། །ཐོག་མའི་བྱེད་པ་མེད་པའོ། །ལས་དང་སྐྱེ་བ་ཀུན་བཅད་པ། །ཉེས་པ་གསུམ་བྲལ་རྒྱལ་བ་དང ། །རང་རྒྱལ་བསེ་རུ་ལྟ་བུ་དང ། །དེ་བཞིན་རྒྱལ་བའི་ཉན་ཐོས་དང ། །བྱང་ཆུབ་སེམས་དཔའ་རྣམས་ཀྱིས་ཀྱང ། །གསང་སྔགས་ཚད་ནི་སྔོན་བཤད་པ། །དུས་གསུམ་ལས་ནི་ཤིན་ཏུ་འདས། །རྟེན་ཅིང་འབྲེལ་པ་ལས་བྱུང་བ། །མཐོང་དང་མ་མཐོང་འབྲས་བུའི་ཚད། །ངག་ཡིད་ལུས་ལས་བྱུང་བའོ། །འཇིག་རྟེན་པ་ཡི་འབྲས་བུའི་ཚད། །བསྐལ་པ་གཅིག་ཏུ་བཤད་པ་ཡིན། །ཡང་དག་རྫོགས་པའི་སངས་རྒྱས་ཀྱི། །གསང་སྔགས་འབྲས་བུ་བསྐལ་པ་འདས། །སངས་རྒྱས་དྲང་སྲོང་ཆེན་པོ་དང ། །རྒྱལ་སྲས་རྣམས་ཀྱི་ཏིང་འཛིན་ནི། །མཚན་མ་མེད་ཅིང་དག་པའོ། །འཇིག་རྟེན་པ་ཡི་མཚན་མར་བཅས། །རྣམ་པར་སྨིན་པ་འདི་ཉིད་ལ། །ལས་ཀྱི་འབྲས་བུ་སྨིན་འགྱུར་བ། །ནམ་ཞིག་དངོས་གྲུབ་ཐོབ་པ་ན། །དེ་ཚེ་ལས་ཀྱང་ལྡོག་པར་འགྱུར། །སེམས་ནི་ངོ་བོ་ཉིད་མེད་ཕྱིར། །རྒྱུད་དང་འབྲས་བུ་རྣམ་སྤངས་ཤིང ། །ཡང་དང་ཚེ་ལས་རྣམ་གྲོལ་ན། །ནམ་མཁའ་ལྟ་བུར་འགྱུར་བ་ཡིན། །གསང་བ་པའི་བདག་པོ། གཞན་ཡང་ཕྱག་རྒྱའི་གཟུགས་སུ་དགོད་པ་རིམ་པར་ཕྱེ་བ། ལྷ་རྣམས་
264a
༄#། །གནས་པར་བྱིན་གྱིས་རློབ་པ། ཏིང་ངེ་འཛིན་ལྔ་རྟོགས་པ། བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་ཆོས་ཀྱི་དབྱིངས་རྟོགས་པའི་སྤྱོད་ཡུལ་དུ་གྱུར་པ། སེམས་ཅན་གྱི་ཁམས་མ་ལུས་པར་བསྒྲལ་བར་ཡི་དམ་བཅས་པ་རྣམས་ཀྱི་དོན་དང་ཕན་པ་དང་བདེ་བའི་ཕྱིར་སྔོན་གྱི་སངས་རྒྱས་རྣམས་ཀྱིས་མངོན་པར་རྫོགས་པར་སངས་རྒྱས་པ་དེ་ཉོན་ལ་ལེགས་པར་རབ་ཏུ་ཡིད་ལ་ཟུངས་ཤིག་དང་ངས་ཁྱོད་ལ་བཤད་དོ། །བཅོམ་ལྡན་འདས། དེ་ལྟར་འཚལ་ལོ། །ཞེས་གསོལ་ནས་ཕྱག་ན་རྡོ་རྗེས་བཅོམ་ལྡན་འདས་ལ་ཉན་པ་དང ། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། དང་པོར་ཡང་དག་པར་རྫོགས་པའི་སངས་རྒྱས་ཀྱི་དཀྱིལ་འཁོར་དགོད་པ་རིམ་པར་ཕྱེ་བ་གང་ལས་འཇིག་རྟེན་པ་དང ། འཇིག་རྟེན་ལས་འདས་པའི་དཀྱིལ་འཁོར་གྲངས་མེད་པ་བྱུང་བ། གསང་བ་བས་ཀྱང་ཆེས་གསང་བ། སྙིང་རྗེ་ཆེན་པོའི་སྙིང་པོ་འབྱུང་བ་ཞེས་བྱ་བ་ཡོད་ཀྱི་དེ་བྲི་བའི་ཆོ་ག་ཉོན་ཅིག་།ཀུན་ཏུ་གྲུ་བཞི་ལྷམ་པ་ལ། །སྒོ་གཅིག་པ་ནི་སྟེགས་བུར་བཅས། །བཟང་པོ་རྡོ་རྗེ་རྣམས་ཀྱིས་མཚན། ། དབུས་སུ་རྡོ་རྗེ་རྩེ་བརྒྱ་པ། །དེ་སྟེང་པདྨ་བྲི་བ་ནི། །ས་བོན་དང་བཅས་རྒྱས་པར་བྱས། །དེ་ཡི་སྟེང་དུའང་པདྨ་ཆེ། །ཕྱག་རྒྱ་ཀླད་ཀོར་གྱིས་མཛེས་བྱས། །འདབ་མ་བརྒྱད་རྣམས་ལེགས་པར་
264b
རྫོགས། །ཟེ་བར་བཅས་པ་ཤིན་ཏུ་བཟང ། །འདབ་མ་རྣམས་ནི་ཐམས་ཅད་ལ། །ཡན་ལག་བཅུ་གཉིས་ཚིག་བཀོད་པ། །དེ་རྣམས་དབུས་ན་མགོན་བཞུགས་པ། །རྫོགས་པའི་སངས་རྒྱས་རྐང་གཉིས་གཙོ། །དཀྱིལ་འཁོར་བརྒྱད་ཀྱི་འཁོར་རྣམས་ཀྱིས། །ཁོ་ར་ཁོར་ཡུག་ཡོངས་སུ་བསྐོར། །སྙིང་རྗེ་ལས་བྱུང་དཀྱིལ་འཁོར་འདི། མཆོག་ཏུ་ཤེས་པར་བྱ་བ་སྟེ། །ལུང་བཞིན་དཀྱིལ་འཁོར་རྣམས་དང་ནི། །ལས་དང་ལུས་དང་དངོས་གྲུབ་དང ། །དགོད་པ་རྣམས་ཀྱང་དེས་པ་ཡིས། །འདི་ལས་འབྱུང་བར་ཤེས་པར་བྱ། །གསང་བ་བའི་བདག་པོ། གཞན་ཡང་དེ་བཞིན་གཤེགས་པ་རྣམས་ཀྱི་དཀྱིལ་འཁོར་ནི། ཟླ་བའི་དཀྱིལ་འཁོར་འདྲ་ཞིང་མདོག་།དུང་ལྟ་བུ་ཡི་དབུས་ན་ནི། །སངས་རྒྱས་ཀུན་གྱི་གྲུ་གསུམ་པ། །པདྨ་དཀར་པོའི་སྟེང་ན་གནས། །ཀླད་ཀོར་བཅས་པའི་མཚན་གྱིས་བཏབ། །རྡོ་རྗེའི་མཚན་མས་མཚན་པ་སྟེ། །དབྱད་མི་དགོས་པས་ཀུན་ནས་ནི། །འོད་ཟེར་དག་ནི་གཉིས་བྱས་པ། །གསང་སྔགས་མགོན་ལས་བྱུང་ནས་སུ། །དེ་ནི་ཕྱོགས་བཅུ་རྣམས་སུ་སོང ། །གསང་བ་པའི་བདག་པོ། གཞན་ཡང ། སྤྱན་རས་གཟིགས་དབང་དཀྱིལ་འཁོར་ནི། །ངེས་པས་ནན་ཏན་མཉན་པར་གྱིས། །ཀུན་ཏུ་གྲུ་བཞི་ལྷམ་པ་ལ། །དབུས་སུའང་དུང་འདྲ་གཞག་པར་བྱ། །དེ་ཡི་སྟེང་དུའང་པདྨ་ན། །ས་བོན་བཅས་བྱས་རྒྱས་པར་བྲི། །དེ་ཡི་སྟེང་དུའང་རྡོ་རྗེ་ཆེ། །རྡོ་རྗེ་ལས་ཀྱང་པདྨ་ཆེ། །ཐམས་ཅད་
265a
༄#། །ས་བོན་རྣམས་ཀྱིས་མཚན། །རང་གི་ས་བོན་ལེགས་པར་སྦྱར། །སྒྲོལ་མ་དང་ནི་ཁྲོ་གཉེར་ཅན། །དེ་བཞིན་གོས་དཀར་ཅན་དང་ནི། །རིག་སྔགས་ལོངས་སྤྱོད་ཅན་མ་དང ། །མཐུ་ཆེན་ཐོབ་པའང་ནན་ཏན་བྱ། །དཔལ་རྣམས་ཀུན་དང་ཕྱག་བརྙན་མ། །དཀྱིལ་འཁོར་འདི་ཡི་དབུས་སུ་ནི། །ཕྱག་རྒྱའི་མཚན་མ་དབང་ཐོབ་རྣམས། །ཁྱད་པར་དུ་ནི་བྲི་བར་བྱ། །རྟ་མགྲིན་ཅན་གྱི་བྱ་བ་ནི། །གྲུ་གསུམ་ཚུལ་དུ་འདུག་པ་སྟེ། །དཀྱིལ་འཁོར་མཚན་མ་བཟང་པོ་ས་བཏབ། །ཉི་མ་འཆར་བའི་ཁ་དོག་འདྲ། །རིག་སྔགས་རྒྱལ་དང་བཅས་པར་ནི། །མཁས་པས་རྣམ་པར་དགོད་པར་བྱ། །གསང་བ་པའི་བདག་པོ། གཞན་ཡང་ཁྱོད་ཉིད་ཀྱི་དཀྱིལ་འཁོར་མདོར་བཤད་པར་བྱའོ། །ཀུན་ཏུ་གྲུ་བཞི་ལྷམ་པ་ལ། །རྡོ་རྗེའི་མཚན་མ་རྣམས་ཀྱིས་མཚན། །ཐམས་ཅད་སེར་པོ་ཡིད་དུ་འོང ། །དབུས་ན་པདྨ་རབ་ཏུ་གནས། །དེ་ཡི་དབུས་སུ་བྱ་བ་ནི། །བུམ་པ་ཟླ་བའི་འོད་འདྲ་བ། །འདི་ནི་མཚན་མ་རྣམས་ཀྱིས་མཚན། །ཀླད་ཀོར་གྱིས་ཀྱང་རྣམ་པར་བརྒྱན། །དེ་ཡི་སྟེང་དུའང་རླུང་ཆེན་ནི། །དབྱར་གྱི་ཆར་སྤྲིན་འདྲ་བའི་མདོག་།བ་དན་གཡོ་བར་སྔགས་པར་བྱ། །ཀླད་ཀོར་གྱིས་ཀྱང་རྣམ་པར་བརྒྱན། །དེ་ཡི་སྟེང་དུ་འང་གྲུ་གསུམ་པ། །རབ་ཏུ་འཇིགས་པའི་གཟུགས་ཅན་དེ། །འཇིགས་པར་བྱེད་པའི་མེ་འདྲ་བ། །སུམ་མདོ་རིས་མཚན་མཚན་གྱིས་བཏབ། །འབར་ཕྲེང་འཁྲིགས་
265b
པ་འཇིགས་འཇིགས་ལྟ། །ཉི་མ་འཆར་བའི་གཟུགས་འདྲ་བའོ། །དེ་ཡི་དབུས་སུ་པདྨ་ཆེ། །དུས་མཐའི་མེ་འོད་འདྲ་བའོ། །པདྨའི་སྟེང་དུ་རྡོ་རྗེ་ནི། །འབར་བའི་ཕྲེང་བ་འཕྲོ་བ་ཅན། །ཧཱུཾ་ཞེས་བྱ་བའི་སྒྲ་དང་ལྡན། །དམ་པ་ས་བོན་རྣམས་ཀྱིས་མཚན། །དཔའ་བོ་ཁྱོད་ཀྱི་དཀྱིལ་འཁོར་འདི། །རྒྱལ་བའི་གཙོ་བོ་རྣམས་ཀྱིས་གསུངས། །མཱ་མ་ཀཱི་ནི་ལུ་གུ་རྒྱུད། །དེ་བཞིན་རྡོ་རྗེ་རིགས་ལས་བྱུང ། །རྡོ་རྗེ་ལྕགས་ཀྱུ་རྡོ་རྗེ་རྩེ། །རིག་སྔགས་རྒྱལ་མོ་མཐུ་ཆེན་དག་།དཀྱིལ་འཁོར་ཆེན་པོའི་ནང་དུ་ནི། །ཀུན་ཀྱང་ཁོངས་སུ་ཆུད་པར་བྱ། །ལས་རྣམས་ཤིན་ཏུ་འགྲུབ་བྱའི་ཕྱིར། །ཕྱག་རྒྱ་དཀྱིལ་འཁོར་ས་བོན་དང ། །ཁ་དོག་ཁྱད་པར་གོ་རིམ་བཞིན། །དེ་དག་ཇི་ལྟར་རིགས་པར་བྱའོ། །དེ་ནས་གཞན་ཡང་རྡོ་རྗེ་འཛིན། །ཆེན་པོ་གཙོར་བཤད་འདི་རྣམས་ཏེ། །ནམ་མཁའ་དྲི་མེད་རྡོ་རྗེ་འཁོར། །རྡོ་རྗེ་མཆེ་བ་དེས་པ་དང ། །རྣམ་པར་གྲགས་པ་སྐལ་ཆེན་དག་།རྡོ་རྗེ་མགོན་པོ་མཆོག་འཛིན་དང ། །རྡོ་རྗེ་ཞི་བ་རྡོ་རྗེ་ཆེ། །རྡོ་རྗེ་མཐིང་ག་དེ་བཞིན་གཞན།། རྡོ་རྗེ་པདྨ་ཡངས་པའི་མིག་།རྡོ་རྗེ་བཟང་པོ་རྡོ་རྗེ་ཉིད། །སྤྲོས་པ་མེད་པར་གནས་པ་དང ། །ནམ་མཁའ་མཐའ་ཡས་འགྲོ་བའོ། །དེ་རྣམས་དཀྱིལ་འཁོར་བཤད་པ་ནི། །དཀར་པོ་སེར་པོ་དམར་པོ་དང ། །ནག་པོ་ཡིན་པར་ཡང་དག་བསྒྲགས། །དེ་ནས་གཞན་ཡང་ཕྱག་རྒྱའི་གཟུགས། །རྩེ་གསུམ་པ་དང་རྩེ་གཅིག་དང ། །གཞན་ཡང་གཉིས་དང་གཉིས་མ་ཡིན། །ཕྲེང་བ་
266a
༄#། །ལྟ་བུ་དེ་བཞིན་གཞན། །ཁ་དོག་བྱེ་བྲག་ལས་ཤེས་བྱ། །འདི་རྣམས་ཀུན་ཀྱང་མཐུ་ཆེན་ཏེ། །རྣམ་པར་རྒྱལ་དང་ལྡན་པའོ། །མི་གཡོ་མགོན་གྱི་དཀྱིལ་འཁོར་ནི། །རླུང་དང་མེ་ཡི་ཡིན་པར་འདོད། །ང་ཡི་དྲུང་ནི་འོག་ལོགས་སུ། །བདེན་བྲལ་གྱི་ནི་ཕྱོགས་ཆར་བྲི། །རང་གི་ས་བོན་མཚན་མར་ལྡན། །རལ་གྲི་ཕྱག་རྒྱ་ལེགས་པར་སྦྱར། ། ཡང་ན་ཞགས་པ་བྱ་ཡང་རུང ། །བློ་ལྡན་དེ་ཡིས་བྲི་བར་བྱ། །འཇིག་རྟེན་གསུམ་ལས་རྣམ་རྒྱལ་གྱིའང ། །བྱེ་བྲག་ཏུ་ནི་རླུང་གི་དབུས། །རྡོ་རྗེ་ཅན་གྱི་མཚན་དང་མཚན། །གནས་གསུམ་དག་ལ་འདུག་པའོ། །གསང་བ་པའི་བདག་པོ། །གཞན་ཡང་བྱང་ཆུབ་སེམས་དཔའ་རྣམས་ཀྱི་ཡུམ་གྱི་གཟུགས་ཀྱི་དཀྱིལ་འཁོར་དགོད་པ་འབྱུང་སྟེ། དེ་ལ་རེ་ཞིག་དཀྱིལ་འཁོར་ནི། །གསེར་གྱི་ཁ་དོག་གྲུ་བཞི་པ། །རྡོ་རྗེའི་མཚན་མས་མཚན་པ་སྟེ། །འདི་ནི་དཀྱིལ་འཁོར་དམ་པ་ཡིན། །དེ་ནས་གཞན་ཡང་ལྷ་མོའི་གཟུགས། །དེ་ཡི་དབུས་སུ་པདྨ་ཆེ། །ཐམས་ཅད་སེར་པོ་འབར་དང་བཅས། །དེ་ཡང་གཙུག་ཏོར་བཞག་པ་ནི། །ཆ་གསུམ་ལ་ནི་གནས་པར་བྱ། །དབུས་མའི་ཆ་ནི་བོར་ནས་ནི། །དེར་ཡང་སྤྱན་ནི་བྲི་བར་བྱ། །རང་གི་འོད་འབར་དབུས་ན་གནས། །མདོར་ནི་ས་བོན་ལྡན་པར་བྱ། །བྱང་ཆུབ་སེམས་དཔའ་ཐམས་ཅད་ཀྱི། །ཡིད་བཞིན་ནོར་བུ་རྒྱལ་བས་གསུངས། །དེ་ཡི་དཀྱིལ་འཁོར་བཤད་པ་ནི། །ཆུ་ཡི་ཡིན་ཏེ་
266b
ཐམས་ཅད་སྒྲོ། །ཤིན་ཏུ་དྲི་མེད་རབ་ཏུ་ཞི། །རེ་བ་ཐམས་ཅད་རྫོགས་བྱེད་པའོ། །དེ་ནས་ཤཱཀྱ་སེངྒེ་ཡང ། །ངེས་པས་དཀྱིལ་འཁོར་མཉན་པར་གྱིས། །དེར་ནི་དབང་ཆེན་ཞེས་བྱ་བ།། ཁ་དོག་སེར་པོས་ཉེ་བར་བརྒྱན། །ཀུན་ཏུ་གྲུ་བཞི་ལྷམ་པ་ལ། །དབུས་སུ་རྡོ་རྗེ་སྔ་མ་བཞིན། །དེ་ཡི་སྟེང་དུ་པདྨ་ནི། །ཀུན་ཏུ་ཁ་དོག་སེར་པོ་གཞག་།དེ་སྟེང་ལྷུང་བཟེད་ཆེན་པོ་སྟེ། །རྡོ་རྗེས་མཚན་པ་འབར་དང་བཅས། །ཡང་ན་ཆོས་གོས་འཁར་བསིལ་དག་།གོ་རིམ་བཞིན་དུ་གཞག་པར་བྱ། །གཙུག་ཏོར་ལྔ་པོ་གང་བསྒྲགས་པ། །དེ་རྣམས་ཕྱག་རྒྱ་ཞེས་བྱ་བ། །གདུགས་དཀར་པོའི་ནི་གདུགས་སུ་བྱ། །རྒྱལ་བའི་གཙུག་ཏོར་བློ་ལྡན་པ། །མཚན་མ་རལ་གྲིར་བཞག་པ་ནི། །འོད་ཟེར་རྣམས་ནི་འཕྲོ་བར་བྱ། །རྣམ་པར་རྒྱལ་བའི་འཁོར་ལོ་ཡིན། །རྣམ་པར་འཐོར་བའི་ལྕགས་ཀྱུར་འདོད། །གཟི་བརྗིད་ཕུང་བསྐོལ་ཆེན་གྱི། །གཙུག་ཏོར་བཟང་པོ་ཡིན་པར་འདོད། །ཆེར་འབྱུང་བ་ནི་རྡོ་རྗེ་ཡིན། །མངོན་པར་འབྱུང་བའི་པདྨར་འདོད། །དུང་ནི་མཐའ་ཡས་སྒྲ་དབྱངས་ཀྱི། །ཁ་དོག་བྱེ་བྲག་ལས་ཤེས་བྱ། །མཛོད་སྤུའི་ཡིད་བཞིན་ནོར་བུ་ཡིན། །སྤྱན་གྱི་ཡང་ནི་འདི་ཉོན་ཅིག་།གཙུག་ཏོར་ཐམས་ཅད་སེར་པོ་སྟེ། །རྡོ་རྗེའི་མཚན་མས་མཚན་པར་བྱ། །གཞན་གྱིས་མི་ཐུབ་མ་ཡི་ནི། །ལག་པ་ངོ་མཚར་པདྨ་ཅན། །གཞན་གྱིས་མི་ཐུབ་ཅེས་བྱ་བའི། །ཁ་ཆེ་པདྨ་ནག་ལ་གནས། །གཙང་མར་གནས་པ་གང་གྲགས་པ། །གཙང་མར་རྟོགས་པའི་སྤྱོད་ཡུལ་ཅན། །
267a
༄#། །དེ་དག་གི་ནི་ཕྱག་རྒྱ་ཡི། །མཚན་ཉིད་དགོད་པ་ངེས་པ་ཉོན། །སེམས་དཔའི་ལག་དང་དགེ་བའི་ལག་།འཛུམ་པའི་ལག་ཀྱང་དེ་བཞིན་གཞན། །ལག་ན་མེ་ཏོག་ནམ་མཁའི་ལག་།ཆོ་ག་རྒྱས་པར་བྲི་བར་བྱ། །ས་ཡི་ལྷ་མོའི་བུམ་པ་སྟེ། །ཆུ་ཡི་དཀྱིལ་འཁོར་རྡོ་རྗེས་མཚན། །གཉེར་བའི་ལག་པ་མེ་ཡི་སྟེ། །དྲང་སྲོང་རྣམས་དང་བཅས་པར་བྲི། །འོད་སྲུང་དང་ནི་གོའུ་ཏམ། །མྲྒད་ད་དང་གརྒ་དང ། །བ་སི་སྟ་དང་ཨང་གི་རས། །མེ་ཡི་གནས་ཀྱི་ནང་ན་འཁོད། །རིག་བྱེད་ལག་པར་ནན་ཏན་དུ། །དེ་དག་གོ་རིམ་བཞིན་དུ་བྲི། །གཤིན་རྗེའི་བེ་ཅོན་བྲི་བ་ནི། །རླུང་གི་དཀྱིལ་འཁོར་ནང་ན་འདུག་།འཆི་བདག་གི་ནི་དྲིལ་བུ་ཡིན། །དུས་མཚན་ཕྱག་རྒྱ་བ་དན་ནོ། །དྲག་པོའི་ཆུང་མའི་མདུང་རྩེ་གསུམ། །ཚངས་པའི་ཆུང་མའི་པདྨ་དྲན། །གཞོན་ནུའི་ཆུང་མའི་མདུང་ཐུང་ཡིན། །ཁྱབ་འཇུག་ཆུང་མའི་འཁོར་ལོ་ཉིད། །གཤིན་རྗེའི་ཆུང་མའི་ཐོ་བར་ཤེས། ། འཇིགས་བྱེད་ཆུང་མའི་མི་ཐོད་ཡིན། །དེ་དག་རླུང་གི་དཀྱིལ་འཁོར་གྱི། །ནང་དུ་ཆུད་པར་བྱ་བ་ནི། །བྱ་རོག་བྱ་རྒོད་དེ་བཞིན་ཁྱི། །ཝ་རྣམས་ཀྱིས་ཀྱང་ཡོངས་བསྐོར་བར། ། ལས་རྣམས་གྲུབ་པར་འདོད་པ་ཡིས། །ཇི་ལྟར་རིགས་པར་བྲི་བར་བྱ། །བདེན་བྲལ་གྱི་ན་རིལ་གྲིར་བྲི། །ཁྱབ་འཇུག་གི་ནི་འཁོར་ལོར་བྱ། །སྐེམ་བྱེད་ཀྱི་ནི་མདུང་ཐུང་ཡིན། །དགའ་བོ་
267b
\?\་དགའ་གཉིས་ཀྱི་སྤྲིན། །གཉིས་ཀའི་གློག་དང་བཅས་པར་ཏེ། །གཟུགས་ནི་མདོག་སྔོ་ཆུ་དང་བཅས། །ཤཱཀྱ་སེངྒེའི་དཀྱིལ་འཁོར་གྱི། །སྒོ་ཡི་ཕྱོགས་ནི་གཉིས་སུ་དགོད། ། བདེ་བྱེད་ཀྱི་ནི་མདུང་རྩེ་གསུམ། །དཀའ་ཟློག་རྩེ་གསུམ་གདེངས་པར་བཤད། །བུམ་པ་དཀར་པོ་པདྨར་བཅས། །ཟླ་བའི་ཕྱག་རྒྱ་ཡིན་པར་དྲན། །ཉི་མའི་དབང་ཆེན་དཀྱིལ་འཁོར་ལ། །གནས་པའི་ཤིང་རྟ་ཡིན་ཞེས་བྱ། །རྒྱལ་དང་རྣམ་པར་རྒྱལ་བ་ཡི། །དབང་ཆེན་མཚན་མའི་གཞུ་ཅན་ནོ། །རླུང་གི་ཕྱོགས་སུ་རླུང་རྣམས་ཀྱིས། །བ་དན་ཕྱག་རྒྱ་བྲི་བར་བྱ། །དབྱངས་ཅན་གྱི་ནི་པི་ཝང་ཡིན། །ཆུ་ཡི་ཞགས་པ་འཛིན་པར་བྲི། །བདག་ཉིད་ཆེན་པོ་དེའི་དཀྱིལ་འཁོར། །ཆུ་ཡི་ཡིན་པར་ཤེས་པར་བྱ། །ས་བོན་རྣམས་ཀྱིས་བཏབ་པ་དང ། །མཚན་མ་རྣམས་ཀྱིས་མཚན་པར་བྱའོ། །ཤཱཀྱ་ཏོག་གི་དཀྱིལ་འཁོར་དུ། །དེ་ལ་སོགས་པའི་མཚན་རྣམས་ཀྱིས། །དཀྱིལ་འཁོར་རྣམས་ནི་གོ་རིམ་བཞིན། །ས་བོན་རྣམས་དང་བཅས་པར་བྱ། །གཞན་ཡང་མཆོག་སྦྱིན་རྡོ་རྗེ་ཡི། །དཀྱིལ་འཁོར་ནན་ཏན་མཉན་པར་གྱིས། །ཀུན་ཏུ་གྲུ་བཞི་ལྷམ་པ་ལ། །རྡོ་རྗེའི་མཚན་མས་མཚན་པ་སྟེ། །དེ་ཡི་དབུས་སུ་བྱ་བ་ནི། །དཀྱིལ་འཁོར་མེ་ལས་བྱུང་བའོ། །དེ་དབུས་ཕྱག་རྒྱ་གཞག་པ་ནི། །ུཏྤལ་ཞེས་བྱ་གཟུགས་བཟང་བ། །འཇམ་
268a
༄#། །དབྱངས་བློ་དང་ལྡན་པ་ཡི། །རང་གི་སྔགས་ཀྱིས་གཟི་བསྐྱེད་པའོ། །དེ་ཡི་གནས་ནི་ཆོ་ག་བཞིན། །རང་གི་ས་བོན་ཉིད་ཀྱིས་བཏབ། །ཐ་མ་ཁོ་ར་ཁོར་ཡུག་ཏུ། །ུཏྤལ་རྣམས་ཀྱིས་ཁེབས་པར་བྱ། །དེ་ཡི་དབུས་སུ་བྲི་བ་ནི། །དཔའ་བོ་འདི་རྣམས་གོ་རིམ་བཞིན། །དེ་ལ་དྲ་བ་ཅན་གྱི་འོད་ཀྱི་ཕྱག་རྒྱ་ནི། ལྕགས་ཀྱུའོ། ། གཞོན་ནུ་རིན་ཆེན་ཅོད་པན་གྱི་ནི། རིན་པོ་ཆེའོ། །གཞོན་ནུ་དྲི་མེད་འོད་ཀྱི་ནི། ཨུཏྤ་ལ་ཁ་མ་ཕྱེ་བར་བྱའོ། །འཇམ་དབྱངས་བློ་དང་ལྡན་པ་ཡི། །མངག་གཞུག་མར་ནི་གང་གྲགས་པ། །དེ་རྣམས་ཀྱི་ནི་འཇིགས་མེད་པས། །ཇི་ལྟར་རིགས་པར་ཤེས་བྱ་བ། །སྐྲ་ཅན་གྱི་ནི་ཕྱག་རྒྱ་ནི། །རལ་གྲི་ཡིན་པར་ཤེས་པར་བྱ། །ཉེ་སྐྲ་ཅན་གྱི་མདུང་རྩེ་གསུམ། །སྣ་ཚོགས་མའི་ནི་དབྱུག་པར་བཤད། །ནོར་ལྡན་མའི་ནི་རྒྱལ་མཚན་གསུངས། །འགུགས་མ་ཡི་ནི་ལྕགས་ཀྱུ་ཡིན། །དེ་དག་ཐམས་ཅད་ཨུཏྤ་ལའོ། །མཚན་མ་དག་གིས་མཚན་པར་བྱ། །ཇི་སྐད་གསུངས་པའི་ཕྱག་བརྙན་མ། །དེ་དག་ཕྱག་རྒྱ་གང་གི་ནི། །ལྷོ་ཡི་ཕྱོགས་སུ་ནན་ཏན་དུ། །སྒྲིབ་པ་རྣམ་སེལ་བརྩོན་འགྲུས་ཆེ། །ཕྱག་རྒྱ་ལེགས་པར་བྲི་བ་ནི། །ཡིད་བཞིན་ནོར་བུ་ཞེས་བྱ་བ། །མེ་ཡི་དཀྱིལ་འཁོར་ནང་ན་འདུག་།འཁོར་དང་བཅས་པ་གོ་རིམ་བཞིན། །
268b
འཁོར་རྣམས་ཀྱི་ནི་རྒྱས་པ་རུ། །ཕྱག་རྒྱ་འདི་རྣམས་ཤེས་པ་རུ། །ངོ་མཚར་ཅན་གྱི་ཕྱག་རྒྱ་ནི། །བུམ་པའི་སྟེང་ན་རྡོ་རྗེ་རྩེ་གཅིག་པའོ། །མི་འཇིགས་པ་སྦྱིན་པའི་ནི། །མི་འཇིགས་པ་སྦྱིན་པའི་ལག་པའོ། །ངན་སོང་ཐམས་ཅད་སྤོང་བའི་ནི། ལག་པ་མས་ཡར་གྱེན་དུ་འདྲེན་པ་ལྟ་བུར་བྱས་པའོ། །སྐྱོང་སེམས་བློ་གྲོས་ཀྱི་ནི། །སྙིང་རྗེའི་ལག་པ་བྲང་དུ་བཞག་པའོ། །བྱམས་པ་ཆེན་པོ་གྱེན་དུ་འབྱུང་བའི་ནི། མེ་ཏོག་འཛིན་པའི་ལག་པའོ། །བློ་ཅན་སྙིང་རྗེས་གདུངས་པའི་ནི། ལག་པ་སྙིང་གར་བཞགས་ལ་གུང་མོ་ནང་དུ་བཀུག་པའོ། །གདུང་བ་ཐམས་ཅད་ཞི་བར་བྱེད་པའི་ནི། ལག་པ་མཆོག་སྦྱིན་པའི་སོར་མོ་རྣམས་ལས་ཆུའི་རྒྱུན་འཛག་པའོ། །བློ་གྲོས་བསམ་གྱིས་མི་ཁྱབ་པ་དང་ལྡན་པའི་ནི། ལག་པར་ཡིད་བཞིན་ནོར་བུ་ཐོགས་པའོ། །དེ་དག་ཐམས་ཅད་ཀྱང་པདྨ་ལ་གནས་ཤིང་དཀྱིལ་འཁོར་གྱི་ནང་དུ་ཆུད་པར་བྱའོ། །བྱང་ཕྱོགས་སུ་སའི་སྙིང་པོའི་ཕྱག་རྒྱ་ནི། དབང་ཆེན་དཀྱིལ་འཁོར་ནང་གནས་པ། །སྟན་ནི་སྔ་མ་བཞིན་དུ་བཞག་།དེའི་སྟེང་པདྨ་ཆེན་པོ་སྟེ། །ཁ་དོག་ཀུན་ལྡན་འབར་བར་བཅས། །དེའི་སྟེང་བ་དན་ཆེན་པོ་སྟེ། །རྩེ་ལ་རིན་ཆེན་ཆེན་པོ་གཞག་།དེ་ནི་གཟུགས་ཀྱི་མཆོག་ཡིན་ཏེ། །ཕྱག་རྒྱའི་གཟུགས་སུ་འདིར་བཤད་དོ། །དེ་ཡི་འཁོར་ནི་གྲངས་མེད་པ། །གཙོ་བོ་ཡོན་ཏན་མཐའ་ཡས་ཏེ། །དེ་ལ་དེ་
269a
༄#། །རྣམས་ཕྱག་རྒྱ་ཡང ། །ནན་ཏན་བསྐྱེད་དེ་བྲི་བ་ནི། །རིན་ཆེན་འབྱུང་གནས་ཀྱི་ཕྱག་རྒྱ་ནི། རྡོ་རྗེ་རྩེ་གསུམ་པ་རིན་པོ་ཆེའི་སྟེང་ན་འདུག་པའོ། །རིན་ཆེན་ལག་གི་ནི། །རྡོ་རྗེ་རྩེ་གཅིག་པ་རིན་པོ་ཆེའི་སྟེང་ན་འདུག་པའོ། །ས་འཛིན་གྱི་ནི། རྡོ་རྗེ་ཁ་གཉིས་པ་རིན་པོ་ཆེའི་སྟེང་ན་འདུག་པའོ། །ཕྱག་ན་རིན་ཆེན་གྱི་ཕྱག་རྒྱ་ནི། རྡོ་རྗེ་རྩེ་ལྔ་པ་རིན་པོ་ཆེའི་སྟེང་ན་འདུག་པའོ། །བསམ་པ་བརྟན་པའི་ནི། རྡོ་རྗེ་རྒྱ་གྲམ་རིན་པོ་ཆེའི་སྟེང་ན་འདུག་པ་སྟེ། ཕྱག་རྒྱ་ཐམས་ཅད་ཀྱང་དཀྱིལ་འཁོར་གྱི་ནང་དུ་ཆུད་པར་བྱའོ། །ནུབ་ཕྱོགས་སུ་ནམ་མཁའི་སྙིང་པོའི་ཕྱག་རྒྱ་ནི། ཆུ་ཡི་དཀྱིལ་འཁོར་ཡིད་འོང་བར། །པདྨ་དཀར་པོའི་སྟན་ཆེན་ལ། །དེའི་དབུས་རལ་གྲི་བཞག་པ་ནི། །སོ་ནི་ཤིན་ཏུ་རྣོ་བའི་མཆོག་།རང་གི་ས་བོན་རྣམས་ཀྱིས་བཏབ། །མཁས་པས་དེར་ནི་གཞག་པར་བྱ། །དེ་ཡི་འཁོར་རྣམས་བྲི་བ་ནི། །ཕྱག་རྒྱའི་གཟུགས་རྣམས་གོ་རིམ་བཞིན། །དེ་ལ་ནམ་མཁའ་དྲི་མེད་ཀྱི་ཕྱག་རྒྱ་ནི། རླུང་གི་དཀྱིལ་འཁོར་གྱི་དབུས་སུ་འཁོར་ལོའི་མཚན་མ་དང་བཅས་པའོ། །ནམ་མཁའ་བློ་གྲོས་ཀྱི་ཕྱག་རྒྱ་ནི། རླུང་གི་དཀྱིལ་འཁོར་གྱི་དབུས་ན་དུང་ངོ ། །རྣམ་པར་དག་པའི་བློ་གྲོས་ཀྱི་ཕྱག་རྒྱ་ནི། པདྨ་དཀར་པོ་རླུང་གི་དཀྱིལ་འཁོར་གྱི་དབུས་ན་འདུག་པའོ། །སྤྱོད་པའི་བློ་གྲོས་ཀྱི་ཕྱག་རྒྱ་ནི། རླུང་གི་དཀྱིལ་འཁོར་གྱི་དབུས་
269b
ན་དུང་གི་སྟེང་དུ་ཨུཏྤ་ལ་བཞག་པའོ། །བློ་བརྟན་གྱི་ཕྱག་རྒྱ་ཡང་རླུང་གི་དཀྱིལ་འཁོར་གྱི་དབུས་ན་རྡོ་རྗེ་པདྨའི་སྟེང་ན་འདུག་པའོ། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། །གསང་བའི་དཀྱིལ་འཁོར་རིམ་པར་ཕྱེ་བ་རྒྱས་པའོ།། །།དེ་ནས་ཡང་བཅོམ་ལྡན་འདས་ཀྱིས་གསང་བའི་དཀྱིལ་འཁོར་དུ་འཇུག་པའི་ཆོ་ག་གསུངས་པ། ཀུན་ཏུ་བརླབས་པའི་སྔགས་པ་ནི། །གསང་བའི་དཀྱིལ་འཁོར་ལ་མཁས་པས། ། དེ་ཚེ་སློབ་མའི་སྡིག་པ་ཀུན། །ཆོ་ག་བཞིན་དུ་བསྲེག་པར་བྱ། །ཅི་ནས་སླར་ཡང་མི་སྐྱེ་བར། །དེ་ཡི་འཚོ་བའང་བསྲེག་པར་བྱ། །བསྲེགས་ཏེ་ཐལ་བར་གྱུར་ནས་ཀྱང། །དེ་ནི་སླར་ཡང་གསོ་བར་བྱ། །ཡི་གེ་ཡིས་ནི་མི་འགྱུར་བསྲེག་།འཚོ་བས་སླར་ཡང་གསོ་བར་བྱ། །འཚོ་བས་ཐམས་ཅད་གསོས་ནས་ནི། །ཀུན་ཏུ་དག་ཅིང་དྲི་མ་མེད། །ཡན་ལག་བཅུ་གཉིས་ཚིག་རྣམས་ནི། །དེ་ཡི་མོད་ལ་དགོད་པར་བྱ། །བྱང་ཆུབ་སེམས་དཔའ་སྐྱོབ་པ་རྣམས། །སངས་རྒྱས་རྣམས་ཀྱི་དམ་ཚིག་འདི། །སངས་རྒྱས་རྣམས་དང་ཉན་ཐོས་དང ། །འཇིག་རྟེན་རྣམས་ཀྱིས་བཀུར་བ་ཡིན། །གསང་བའི་དཀྱིལ་འཁོར་དབུས་གནས་པའི། །དམ་ཚིག་འདི་ནི་
270a
༄#། །སུས་རིག་པ། །རྒྱུད་རྣམས་ཀུན་ཏུ་ཞུགས་པ་དང ། །དཀྱིལ་འཁོར་ཀུན་ལ་དབང་བ་ཡིན། །སྔགས་འཆང་དེ་ནི་ང་དང་འདྲ། །དམ་ཚིག་ཅེས་ནི་གཞན་མི་བྱ། །གསང་བའི་དཀྱིལ་འཁོར་དུ་འཇུག་པ་རིམ་པར་ཕྱེ་བའོ།། །།དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་ཐམས་ཅད་དང་ལྡན་པའི་འཁོར་གྱི་དཀྱིལ་འཁོར་ལ་གཟིགས་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་བཀའ་སྩལ་བ། གསང་བ་པའི་བདག་པོ། བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་ཆོ་ག་གང་དག་གིས་བདག་ཉིད་ལྷའི་གཟུགས་སུ་བརྟན་པར་གྱུར་པར་ཤེས་པ་དང ། ཤེས་རབ་ཀྱང་རང་གི་ལྷའི་ཚུལ་དུ་གནས་ནས་དངོས་གྲུབ་ཐོབ་པར་འགྱུར་བ་གསང་བའི་ཕྱག་རྒྱ་བརྒྱད་པོ་གསང་བ་དང་བཅས་པ། ལྷའི་གནས་བྱིན་གྱིས་རློབ་པར་འགྱུར་བ། རང་གི་གསང་སྔགས་ཀྱིས་མཚན་པ། དཀྱིལ་འཁོར་དང་ལྡན་པ་རང་གི་ལྷའི་རྣལ་འབྱོར་དུ་བྱ་བ་ཡོད་དེ། ཕྱག་རྒྱ་བརྒྱད་པོ་དེ་ཡང་གང་ཞེ་ན། །ལག་པ་གཉིས་ཁོང་སྟོང་དུ་སྦྱར་ལ་མཐེའུ་ཆུང་གཉིས་དང་མཛུབ་མོ་གཉིས་འབར་བ་ལྟ་བུར་འགྱེད་དོ། །བཅོམ་ལྡན་འདས་ཉིད་ཀྱི་གཟི་བརྗིད་འབྱུང་བའི་ཕྱག་རྒྱ་སྟེ། དེའི་དཀྱིལ་འཁོར་ནི། གྲུ་
270b
གསུམ་པ་སུམ་མདོའི་རིས་མཚན་ཅན་འབར་བ་དང་བཅས་པའོ། །གསང་སྔགས་ནི། ན་མཿ ས་མནྟ་བུདྡྷཱ་ནཱཾ། ར་ར་སཝཱཧཱ། ཕྱག་རྒྱ་དེ་ཉིད་ལས་མཛུབ་མོ་གཉིས་བཀུག་སྟེ་མཐེ་བོའི་སྟེང་དུ་བ་དན་ལྟ་བུར་གཟུང་ངོ ། །བཅོམ་ལྡན་འདས་ཉིད་ཀྱི་རྡོ་རྗེ་མི་ཤིགས་པའི་ཕྱག་རྒྱ་སྟེ། དཀྱིལ་འཁོར་ནི། ཡི་གེ་འབར་བ་འདྲ་བ་རྡོ་རྗེ་འབར་བ་དང་བཅས་པའོ། ། གསང་སྔགས་ནི། ན་མཿ ་ས་མནྟ་བུདྡྷཱ་ནཱཾ། བཾ་བ་སཝཱཧཱ། ཕྱག་རྒྱ་དེ་ཉིད་ལས་གུང་མོ་དང་སྲིན་ལག་གཉིས་བརྐྱང་ལ་ལྷག་མ་རྣམས་སྔ་མ་བཞིན་དུ་གཞག་གོ། པདྨའི་སྦུབས་ཀྱི་ཕྱག་རྒྱ་སྟེ། དཀྱིལ་འཁོར་ནི། ཟླ་བའི་དཀྱིལ་འཁོར་འདྲ་བ་པདྨའི་མཚན་མས་མཚན་པ་ཅན་ནོ། །གསང་སྔགས་ནི། ན་མཿ ས་མནྟ་བུདྡྷཱ་ནཱཾ། སཾ་ས་སཝཱཧཱ། ཕྱག་རྒྱ་དེ་ཉིད་ལས་མཐེའུ་ཆུང་གཉིས་འོག་ཏུ་གཞུག་གོ་།སངས་རྒྱས་ཀྱི་གསུང་དབྱངས་བཀོད་པའི་རྒྱན་གྱི་ཕྱག་རྒྱ་སྟེ། དཀྱིལ་འཁོར་ནི། ཟླ་བ་ཁམ་པ་ལྟ་བུ་བ་དན་དང་བཅས་པ་ཀླད་ཀོར་ཧཾ་གཉིས་པས་མཚན་པའོ། །གསང་སྔགས་ནི། ན་མཿ ་ས་མནྟ་བུདྡྷཱ་ནཱཾ། ཧཾ་ཧ་སཝཱཧཱ། དེ་བཞིན་དུ་ལག་པ་གཉིས་ཐལ་མོ་ཁོང་སྟོང་དུ་སྦྱར་ལ་མཐེ་བོང་གཉིས་སོ་སོར་ཕྱེ་སྟེ་ལྷག་མ་རྣམས་ཅུང་ཟད་ཙམ་སྙིམ་པ་ལྟ་བུར་བྱའོ། །འདི་ནི། བཅོམ་ལྡན་འདས་ཀྱི་ཡན་ལག་ཐམས་ཅད་འབྱུང་བའི་ཕྱག་རྒྱ་སྟེ། དཀྱིལ་འཁོར་ནི། བུམ་པ་ཟླ་བ་དང་འདྲ་བ་རྡོ་རྗེས་མཚན་
271a
༄#། །པའོ། །གསང་སྔགས་ནི། ན་མཿ ས་མནྟ་བུདྡྷཱ་ནཱཾ། ཨཾ་ཨ་སཝཱཧཱ། ཕྱག་རྒྱ་དེ་ཉིད་ལས་གུང་མོ་གཉིས་བཀུག་ལ་ལྷག་མ་རྣམས་དེ་བཞིན་དུ་གཞག་གོ། འདི་ནི།་བཅོམ་ལྡན་འདས་ཀྱི་གཟུངས་ཀྱི་ཕྱག་རྒྱ་སྟེ། དེའི་དཀྱིལ་འཁོར་ནི། འཇའ་འདྲ་བ། མཚན་མ་ཐམས་ཅད་དང་ལྡན་པ། རྡོ་རྗེའི་བ་དན་འཕྱར་བའོ། །གསང་སྔགས་ནི། ན་མཿ ས་མནྟ་བུདྡྷཱ་ནཱཾ། བུདྡྷ་དྷ་རཱ་ཎི་སྨྲྀ་ཏི་བ་ལ་དྷ་ར་ཎཱི་ཀ་རི་དྷ་ར་དྷ་ར། དྷཱ་ར་ཡ་དྷཱ་ར་ཡ། སརྦཾ་བྷ་ག་བ་ཏེ། ཨ་ཀཱ་རཱ་བཱ་ཏི་ཨ་ས་མེ་སཝཱཧཱ། ཕྱག་རྒྱ་དེ་ཉིད་ལས་གུང་མོ་གཉིས་ཕྱུང་སྟེ་མཐེའུ་ཆུང་གཉིས་གུང་མོ་གཉིས་ཀྱིས་བཀུག་ལ་སྤྱི་བོར་སྦྱར་རོ། །འདི་ནི། བཅོམ་ལྡན་འདས་ཀྱི་ཆོས་གནས་པའི་ཕྱག་རྒྱ་སྟེ། དཀྱིལ་འཁོར་ནི། ནམ་མཁའི་ཁ་དོག་ཐམས་ཅད་དང་ལྡན་པ་ཀླད་ཀོར་གཉིས་ཀྱིས་མཚན་པའོ། །གསང་སྔགས་ནི། ན་མཿ ས་མནྟ་བུདྡྷཱ་ནཱཾ། ཨ་བེ་ད་བི་དི་ཨ་སཝཱཧཱ།་ཕྱག་རྒྱ་དེ་ཉིད་ལས་གུང་མོ་གཉིས་ཕན་ཚུན་བསྣོལ་མར་གཟུང་ངོ ། །འདི་ནི། བཅོམ་ལྡན་འདས་ཀྱི་རྣལ་འབྱོར་འཛིན་པའི་ཕྱག་རྒྱ་སྟེ། དེའི་དཀྱིལ་འཁོར་ནི། ནམ་མཁའ་སྟེ། ཁྱད་པར་དུ་སྔོ་ལ་ཀླད་ཀོར་ཅན་སྙེམས་པ་དང་བཅས་པའོ། །གསང་སྔགས་ནི། ན་མཿ ས་མནྟ་བུདྡྷཱ་ནཱཾ། མ་ཧཱ་ཡོ་ག་ཡོ་ག་ནི་ཡོ་ག་ཤཝ་ར། ཁ་ཛི་རི་ཀེ་
271b
སཝཱཧཱ། གསང་བ་པའི་བདག་པོ། འདི་དག་ནི། གསང་བའི་ཕྱག་རྒྱ་སྟེ། དེ་བཞིན་གཤེགས་པ་རྣམས་ཀྱི་རབ་ཏུ་གསང་བ་ཡིན་གྱི། དབང་བསྐུར་བ་དང ། ཆོ་རིགས་བཙུན་པ་དང ། སྤྲོ་བ་ཅན་དང ། ཡི་དམ་ལ་བརྟན་པ་དང ། བླ་མ་ལ་གུས་པ་དང ། བྱས་པ་གཟོ་བ་དང ། གཙང་སྦྲ་ཆེ་བ་དང ། བདག་གི་ལུས་དང་སྲོག་ལ་ཡང་མི་ལྟ་བ་མ་གཏོགས་པ་གཞན་སུ་ལ་ཡང་མ་སྦྱིན་ཅིག་།རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས་།གསང་བའི་ཕྱག་རྒྱ་བརྒྱད་པ་རིམ་པར་ཕྱེ་བའོ།། །།དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ་དེའི་ཚེ་མ་འོངས་པའི་འགྲོ་བ་རྣམས་ལ་གཟིགས་ནས་ཐམས་ཅད་ཀྱི་རྗེས་སུ་འཇུག་པ་ཞེས་བྱ་བའི་ཏིང་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ་དེ་ནས་འདི་ལྟར་སངས་རྒྱས་ཀྱི་ཞིང་འདི་ལག་མཐིལ་བཞིན་དུ་མཉམ་པར་གནས་ཤིང་སྒོ་ཁྱུད་དང ། རྟ་བབས་རིན་པོ་ཆེ་སྣ་ལྔ་ལས་རབ་ཏུ་རྣམ་པར་སྤྲས་པས་བརྒྱན་པ། བ་དན་ཁ་དོག་དུ་མ་དང་ལྡན་པ་བསྒྲེང་བས་རྒྱ་ཆེ་བ། རིན་པོ་ཆེ་ཆེན་པོའི་བླ་རེ་བྲེས་པ། རིན་པོ་ཆེའི་དྲིལ་བུ་དང ། རྔ་མ་དཀར་པོ་དང ། དར་དང་གོས་མང་པས་དཔྱངས་པ། རིན་
272a
༄#། །པོ་ཆེའི་ཀ་བ་ཕྱོགས་བརྒྱད་དུ་བཙུགས་པ། པདྨའི་མཚེའུ་ཆུ་དྲི་ཞིམ་པོ་ཡན་ལག་བརྒྱད་དང་ལྡན་པས་ཡོངས་སུ་གང་བ་དང ། ངང་པ་དང ། དུར་པ་དང ། བཞད་ཀྱི་སྒྲ་གྲག་པ། དུས་ཐམས་ཅད་པའི་མེ་ཏོག་སྣ་ཚོགས་ཀྱི་ཤིང་ལྗོན་པས་ཕྱོགས་བརྒྱད་དུ་བརྒྱན་པ། རིན་པོ་ཆེ་སྣ་ལྔའི་ཕྲེང་བ་དང་སྲད་བུས་ལེགས་པར་བསྐོར་བ། ས་གཞི་ཀ་ཙ་རིན་\?\་ད་འཇམ་པོ་ལྟར་རེག་ན་བདེ་ཞིང་རབ་ཏུ་འཇམ་པ། རྔ་སྒྲ་དང་སིལ་སྙན་གྱི་སྒྲ་ཡིད་དུ་འོང་ཞིང་སྙན་པ་རྣམ་པ་དུ་མ་གྲག་པ། བྱང་ཆུབ་སེམས་དཔའ་མང་པོའི་བསོད་ནམས་ཀྱིས་བསགས་པའི་སྟན་དང ། ཁང་པ་དང ། གཞལ་མེད་ཁང་ཡིད་ལས་བྱུང་བ་དང་ལྡན་པར་གྱུར་ཏོ། །པདྨའི་རྒྱལ་པོ་ཆེན་པོ་དེ་བཞིན་གཤེགས་པའི་མོས་པ་ལས་བྱུང་བ་ཆོས་ཀྱི་དབྱིངས་རྟོགས་པའི་མཚན་མས་མཚན་པ་ཡང་བྱང་བར་གྱུར་ཏོ། །དེའི་དབུས་ན་དེ་བཞིན་གཤེགས་པའི་སྐུ་ཆོས་ཀྱི་དབྱིངས་ལ་གཞོལ་བ། སེམས་ཅན་གྱི་ཁམས་བསམ་པ་དང་མོས་པ་ཇི་ལྟ་བ་བཞིན་དུ་མགུ་བར་མཛད་པ་བཞུགས་ཏེ། དེ་བཞིན་གཤེགས་པ་དེའི་ཡན་ལག་ཐམས་ཅད་ནས་སྐུ་ཅིས་ཀྱང་མི་ཚིགས་པའི་སྟོབས་དང་ལྡན་པ། སྟོབས་བཅུ་ལ་མོས་པ་ལས་བྱུང་བ། ཁ་དོག་དང་དབྱིབས་རྣམ་པ་དུ་མས་བདག་གི་སྐུ་བརྒྱན་
272b
པ།་བསྐལ་པ་བྱེ་བ་ཁྲག་ཁྲིག་བརྒྱ་སྟོང་དུ་མར་སྦྱིན་པ་དང ། ཚུལ་ཁྲིམས་དང ། བཟོད་པ་དང ། བཙོན་འགྲུས་དང ། བསམ་གཏན་དང ། ཤེས་རབ་ཀྱི་ཕ་རོལ་ཏུ་ཕྱིན་པའི་བསོད་ནམས་ཀྱིས་རྣམ་པར་བསྐྱེད་པ་དག་བྱུང་བར་གྱུར་ཏོ། །དེ་དག་བྱུང་ནས་ཐམས་ཅད་དང་ལྡན་པའི་འཇིག་རྟེན་གྱི་ཁམས་རྣམས་སུ་སྒྲ་མངོན་པར་གོ་བར་མཛད་ཅིང་ཆེད་དུ་གླེང་བ་འདི་གླེངས་སོ། །ེ་མའོ་སངས་རྒྱས་ཐམས་ཅད་ཀྱི། །ཤེས་རབ་ཐབས་ནི་བསམ་མི་ཁྱབ། །གནས་མེད་པ་ནི་རྟོགས་གྱུར་ནས། །གནས་དང་བཅས་པའི་ཆོས་ཀྱང་འཆད། །གང་དག་གིས་ནི་ཆོས་རྣམས་ཀྱི། །ཆོས་ཀྱི་མཚན་ཉིད་རྙེད་མེད་པ། །ཤེས་པ་དེས་ནི་འདྲེན་ཀུན་གྱིས། །གང་བརྙེས་རྙེད་པ་ཐོབ་པར་འགྱུར། །དེ་དག་གིས་ཆེད་དུ་གླེང་བ་ཆེད་དུ་གླེངས་ནས་དེ་དག་སླར་ཡང་དེ་བཞིན་གཤེགས་པའི་ཆོས་ཀྱི་སྐུ་བསམ་གྱིས་མི་ཁྱབ་པ་ལ་ཞུགས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་བཀའ་སྩལ་པ། རིགས་ཀྱི་བུ། ནང་གི་དཀྱིལ་འཁོར་ཉོན་ཅིག་།གསང་བ་པའི་བདག་པོ། ལུས་ཀྱི་ས་གཞི་གང་ཡིན་པ་དེ་ཆོས་ཀྱི་དབྱིངས་ཀྱི་རང་བཞིན་གྱི་སྔགས་དང་ཕྱག་རྒྱས་བྱིན་གྱི་རླབས་ཀྱིས་བྱིན་དུ་བརླབ་པར་བྱ་སྟེ། རང་བཞིན་གྱིས་རྣམ་པར་དག་པའི་ཕྱིར་རོ། །དེ་ནས་བདག་ལས་ཀྱི་རྡོ་རྗེ་སེམས་དཔར་བྱིན་གྱིས་བརླབས་ཏེ་རྡུལ་ཐམས་ཅད་དང་
273a
༄#། །བྲལ་བ།་བདག་དང ། སེམས་ཅན་དང ། སྲོག་དང ། གསོ་བ་དང ། ཤེད་ཅན་དང ། ཤེད་ལས་སྐྱེད་པ་དང ། བྱེད་པ་པོ་ལ་སོགས་པའི་ཟུག་རྡུའི་སྐྱོན་དང་བྲལ་བ་ལ་གྲུ་བཞི་ལ་སྒོ་བཞི་དང་ལྡན་པ། ནུབ་ཕྱོགས་ཀྱི་སྒོ་རྟག་ཏུ་ཕྱེ་བ། སྒོ་ཁྱུད་དང་སྟེགས་བུས་བརྒྱན་པའི་དབུས་ན་པདྨའི་རྒྱལ་པོ་ཆེན་པོ་ཡིད་ལས་བྱུང་བ། འདབ་མ་བརྒྱད་པ་སྡོང་བུ་དང་བཅས་པ། ཟེ་བ་རྒྱས་ཤིང་ཤིན་ཏུ་མཛེས་པར་འབྱུང་བ་དེའི་དབུས་ན་ཡང་དེ་བཞིན་གཤེགས་པའི་སྐུ་དང ། གསུང་དང ། ཐུགས་འཇིག་རྟེན་ཐམས་ཅད་ལས་འདས་པ། སེམས་ཀྱི་ས་ལས་ཡང་དག་པར་འདས་པ། སེམས་ཀྱི་ས་རྗེས་སུ་ཐོབ་པ། འདོད་པའི་འབྲས་བུ་ཁྱད་པར་ཅན་སྩོལ་བར་བསམ་མོ། །དེའི་ཤར་ཕྱོགས་སུ་དེ་བཞིན་གཤེགས་པ་རིན་པོ་ཆེའི་ཏོག་གོ་།ལྷོའི་ཕྱོགས་སུ་དེ་བཞིན་གཤེགས་པ་མེ་ཏོག་ཀུན་ཏུ་རྒྱས་པའི་རྒྱལ་པོའི་དབང་པོའོ། །བྱང་ཕྱོགས་སུ་དེ་བཞིན་གཤེགས་པ་རྔ་དབྱངས་ཅན་ནོ། །ནུབ་ཕྱོགས་སུ་དེ་བཞིན་གཤེགས་པ་འོད་དཔག་ཏུ་མེད་པའོ། །ཤར་ལྷོའི་མཚམས་སུ་བྱང་ཆུབ་སེམས་དཔའ་ཀུན་ཏུ་བཟང་པོའོ། །བྱང་ཤར་གྱི་མཚམས་སུ་སྤྱན་རས་གཟིགས་ཀྱི་དབང་ཕྱུག་གོ་།ལྷོ་ནུབ་ཀྱི་མཚམས་སུ་འཇམ་དཔལ་གཞོན་ནུར་གྱུར་པའོ། །ནུབ་བྱང་གི་མཚམས་སུ་བྱམས་པའོ། །ཟེ་བ་ཀུན་ལ་ནི། བྱང་ཆུབ་
273b
སེམས་དཔའི་ཡུམ་དང ། ཕ་རོལ་ཏུ་ཕྱིན་པ་དྲུག་དང ། ཏིང་ངེ་འཛིན་རྣམས་བྲིའོ། །དེའི་འོག་ཏུ་རིག་སྔགས་དང་ཁྲོ་བོའི་ཚོགས་རྣམས་བྲིའོ། །སྡོང་བུ་ལ་ནི། ཕྱག་ན་རྡོ་རྗེའོ། །ལྷག་མ་རྣམས་ནི། རྒྱ་མཚོ་ཆེན་པོའོ། །མར་མེ་མེ་ཏོག་བདུག་སྤོས་དང ། །བཤོས་དང་བདུག་པ་ཡིད་ལས་བྱུང ། །ལུས་ཅན་རྣམས་ཀྱི་དམ་ཚིག་ཕྱིར། །ཐམས་ཅད་སྔགས་པས་བསམ་པར་བྱ། །འོག་གི་ས་གཞི་ཐམས་ཅད་ལ། །ལྷ་ལ་སོགས་པ་གྲངས་མེད་པའང ། །བདག་ཉིད་ཆེན་པོའི་དཀྱིལ་འཁོར་འདིར། །སྔགས་པས་ནན་ཏན་བསྐྱེད་དེ་བྲི། །རང་གི་ལུས་ནི་བདག་ཉིད་ཀྱིས། །ར་ཞེས་བྱ་བས་རྣམ་སྦྱངས་ནས། །སྔགས་པ་རྣལ་འབྱོར་སྟན་ལ་འདུག་།དེ་བཞིན་གཤེགས་པ་རྗེས་དྲན་ཞིང ། །སློབ་མ་རྣམས་ཀྱི་སྤྱི་བོར་ནི། །ཀླད་ཀོར་བཅས་པའི་ཨ་བཞག་སྟེ། །འཇིགས་པ་མེད་པའི་བདག་ལུས་ལ། །དེ་ནས་མེ་ཏོག་འདོར་དུ་གཞུག་།བརྟགས་ནས་དེ་ལ་བསྟན་པར་བྱ། །ཡང་ན་དེ་ལ་རིག་སྔགས་སྦྱིན། ། ལུས་ཅན་རྣམས་ཀྱི་དམ་ཚིག་ཕྱིར། །འདི་ནི་དཀྱིལ་འཁོར་གཙོ་བོར་འདོད། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། གསང་བའི་དཀྱིལ་འཁོར་དུ་གཟུད་པ་ལ་འཇུག་པའི་རིམ་པར་ཕྱེ་བ་རྒྱས་པའོ།། །།དེ་ནས་བཅོམ་ལྡན་འདས་རྣམ་པར་སྣང་
274a
༄#། །མཛད་ལ་ཕྱག་ན་རྡོ་རྗེས་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་ཀྱི་དོན་དུ་ཚིགས་སུ་བཅད་པའི་དབྱངས་ཀྱིས་རིག་སྔགས་ཀྱི་བརྟུལ་ཞུགས་ཞུས་པ། ཇི་ལྟར་བརྟུལ་ཞུགས་སྤྱད་པ་ལགས། །ཚུལ་ཁྲིམས་ལ་གནས་ཇི་ལྟ་བུ། །གང་ན་ཇི་ལྟར་གནས་ཀྱང་རུང ། །མ་ཆགས་པར་ནི་ཇི་ལྟར་སྤྱོད། །དུས་ནི་ཇི་སྲིད་ལོན་གྱུར་ན། །བརྟུལ་ཞུགས་ཡོངས་སུ་རྫོགས་པར་འགྱུར། །དེ་མཐུ་ཅི་ལགས་འཚལ་བར་བགྱི། །གནས་ནི་གང་དུ་བགྱི་བ་ལགས། །དུས་དང་ཡུལ་དང་བྱ་བ་ལས། །ཆོས་དང་ཆོས་མིན་རྣམ་པར་སྤངས། །དེ་ནི་ཇི་ལྟར་མྱུར་དུ་འགྱུར། །ཚད་ཀྱང་འདྲེན་པས་བཀའ་སྩོལ་ཅིག་།གང་གིས་དངོས་གྲུབ་ཐོབ་འགྱུར་བ། །སངས་རྒྱས་རྣམས་ཀྱིས་སྔོན་བསྟན་པ། །མ་འོངས་འགྲོ་བའི་དོན་གྱི་ཕྱིར། །རྫོགས་པའི་སངས་རྒྱས་རྐང་གཉིས་གཙོ། །ཐམས་ཅད་མཁྱེན་ལ་བདག་ཞུ་བ། །རྒྱལ་བའི་གཙོ་བོ་དབང་དུ་བཞུགས། །དེ་སྐད་གསོལ་ནས་གསུངས་སོ། །ལག་ན་རྡོ་རྗེ་མཐུ་བོ་ཆེ། །སེམས་དཔའ་ཆེན་པོ་རྣམས་ལ་བརྩེ་བའི་ཕྱིར། །འདི་སྐད་ཀྱི་ནི་ཚིག་གསུངས་སོ། །ལག་ན་རྡོ་རྗེ་མཐུ་བོ་ཆེ། །སེམས་དཔའ་ཆེན་པོ་དཔའ་བོ་ལེགས། །སྔོན་གྱི་སངས་རྒྱས་ཀྱིས་གསུངས་པའི། ། བརྟུལ་ཞུགས་དམ་པ་བསྟན་པར་བྱའོ། །འཇིག་རྟེན་ལ་ནི་ཕན་བྱེད་པའོ། །དངོས་གྲུབ་གང་གིས་འཐོབ་འགྱུར་བ། །རིག་པའི་བརྟུལ་ཞུགས་ལས་བྱུང་བའི། །བརྟུལ་ཞུགས་སངས་རྒྱས་
274b
བཞིན་དུ་གནས། །བདག་གིས་དེ་ཉིད་བསྐྱེད་ནས་ནི། །རྟག་ཏུ་ཐེ་ཚོམ་མེད་པའི་ཡིད། །གང་ཚེ་རྟག་ཏུ་མཉམ་བཞག་པ། །དེ་ཚེ་བརྟུལ་ཞུགས་སྤྱོད་པ་ཡིན། །བྱང་ཆུབ་སེམས་དང་ཆོས་རྣམས་དང ། །བསླག་དང་ལས་དང་འབྲས་བུ་གང ། །མཚན་ཉིད་གཅིག་ཏུ་ལྡན་གྱུར་ཅིང ། །ལས་དང་བྱ་བ་རྣམ་སྤངས་པའི། །ཚུལ་ཁྲིམས་སངས་རྒྱས་བཞིན་ཤེས་བྱ། །ཚུལ་ཁྲིམས་ལྡན་ཞེས་གཞན་མི་བྱ། །ཆོས་རྣམས་ཀུན་ལ་དབང་ཐོབ་ཅིང ། །སེམས་ཅན་དོན་རྟོགས་ཁོང་དུ་ཆུད། །གསེར་དང་བོང་རྡོ་མཉམ་གྱུར་ན། །དེ་ནི་མྱུར་དུ་མ་ཆགས་སྤྱོད། །གསང་སྔགས་ཀྱི་ནི་གྲངས་དག་ལས། །འབུམ་གྲངས་ཇི་སྙེད་བསྟན། གྱུར་པ། །དུས་ནི་དེ་སྲིད་ལོན་གྱུར་ན། །བརྟུལ་ཞུགས་ཡོངས་སུ་རྫོགས་པར་འགྱུར། །དབང་ཆེན་གྱི་ནི་དངོས་པོ་ཡིས། །དབང་ཆེན་དཀྱིལ་འཁོར་ལ་གནས་ཏེ། །རྡོ་རྗེ་ཅན་གྱི་རྒྱ་བཅིངས་ལ། །ཟས་སུ་རྟག་པར་འོ་མ་འཐུང ། །སྲོག་དང་རྩོལ་བ་རབ་བསྡམས་ནས། །སྔགས་པས་ཟླ་བ་གཅིག་ཏུ་བཟླས། །དེ་ནས་ཟླ་བ་གཉིས་པ་ལ། །ཆུ་ཡི་དཀྱིལ་འཁོར་དང་ལྡན་པར། །པདྨའི་ཕྱག་རྒྱ་བཅིངས་ནས་སུ། །དེ་ཆེ་ཟས་སུ་ཆུ་འཐུང་ངོ ། །དེ་ནས་ཟླ་བ་གསུམ་པ་ལ། །མེ་ཡི་ངོས་ལ་གཞོལ་བྱས་ཏེ། །མ་བསླངས་པ་ཡི་ཟས་ཟ་ཞིང ། །རལ་གྲི་ཕྱག་རྒྱ་དང་ལྡན་པས། །ལུས་དང་ངག་ཡིད་ལས་བྱུང་བའི། །སྡིག་པ་ཐམས་ཅད་བསྲེག་པར་བྱ། །བཞི་ལ་རླུང་དང་ལྡན་བྱས་ཏེ། །ཟས་སུ་རྟག་ཏུ་རླུང་བཟའ་འོ། །དེ་ནས་འཁོར་ལོའི་རྒྱས་བཅིངས་ལ། །མཉམ་པར་བཞག་སྟེ་གསང་སྔགས་བཟླས། །དབང་ཆེན་དང་ནི་
275a
༄#། །ཆུའི་ངོས་ལ། །རྣལ་འབྱོར་གཞོལ་པ་འདུག་ནས་སུ། །ཟླ་བ་ཡར་གྱི་ངོ་ལ་ནི། །དེ་ནས་ཟླ་བ་ལྔ་པ་ལ། །རྙེད་དང་མ་རྙེད་རྣམ་སྤངས་ཏེ། །སྔགས་པ་ཀུན་ཏུ་ཆགས་མེད་ན། །རྫོགས་པའི་སངས་རྒྱས་བཞིན་དུ་འགྱུར། །རླུང་དང་མེར་ནི་ལྡན་བྱས་ནས། །ཉེས་པ་ཀུན་དང་རྣམ་བྲལ་ཞིང ། །རྙེད་དང་མ་རྙེད་སྤངས་ཏེ། །ཟླ་བ་གཞན་ལ་བཟླས་བརྗོད་བྱ། །བརྒྱ་བྱིན་ཚངས་ལ་སོགས་པའི་ལྷ། །ཤ་ཟ་ལྟོ་འཕྱེ་སྲིན་པོ་རྣམས། །རྒྱང་རིང་ནས་ནི་ཕྱག་འཚལ་ཞིང ། །ཐམས་ཅད་སྲུང་བའང་བྱེད་པར་འགྱུར། །དེ་དག་ཐམས་ཅད་བཀའ་ཉན་ཅིང ། །དེ་ཡི་བཀའ་བཞིན་བྱེད་པར་འགྱུར། །སྨན་དང་མི་དང་ལྷ་རྣམས་དང ། །རིག་སྔགས་རྣམས་དང་གསང་སྔགས་ཀུན། །ཅི་དག་བགྱི་ཞེས་ཚིག་སྨྲ་ཞིང ། །དེ་ཡི་དྲུང་ན་འཁོད་པར་འགྱུར། བགེགས་དང་ལོག་འདྲེན་མ་རུངས་དང ། །སྲིན་པོ་དང་ནི་མ་མོ་རྣམས། །གསང་སྔགས་འཛིན་པ་མཐོང་བའི་ཚེ། །རྒྱང་རིང་ནས་ནི་ཕྱག་འཚལ་འགྱུར། །རིག་པའི་བརྟུལ་ཞུགས་ལ་གནས་པའི།། སྔགས་ཤེས་གང་ན་འདུག་པ་ཡི། །གནས་དེ་རབ་ཏུ་འཇིགས་པ་ཡི། །མེ་ལྟར་འབར་ཞིང་འཇིགས་པར་འགྱུར། །དབང་ཕྱུག་གོ་འཕང་ཐམས་ཅད་འཐོབ། །དས་པ་རྫོགས་པའི་སངས་རྒྱས་བཞིན། །དཔལ་ལྡན་གདུལ་དཀའ་འདུལ་བ་པོ། །རྡོ་རྗེ་འཛིན་ཆེན་དཀའ་ཐུབ་ཅན། །སེམས་ཅན་ཀུན་ལ་ཕན་བྱེད་པ། །སྙིང་རྗེ་འཇིག་རྟེན་དབང་པོ་བཞིན། །ཟླ་བ་དྲུག་རྣམས་འདས་གྱུར་ན། །
275b
འདོད་པའི་དངོས་གྲུབ་འབྲས་བུ་འཐོབ། །བདག་ཉིད་དང་ནི་གཞན་ལ་ཡང ། །རྟག་པར་རྗེས་སུ་ཕན་པར་བྱེད། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། །རིག་སྔགས་ཀྱི་བརྟུལ་ཞུགས་རིམ་པར་ཕྱེ་བ་རྒྱས་པའོ།། །།དེ་ནས་ཡང་བཅོམ་ལྡན་འདས་ལ་ཕྱག་ན་རྡོ་རྗེས་ཡང་གསང་སྔགས་རྣམས་དང ། དཀྱིལ་འཁོར་རྣམས་ཀྱི་སྙིང་པོ་ཞུས་པ། གསང་སྔགས་ཀུན་གྱི་སྙིང་པོ་གང ། །ཅི་ཞིག་འཚལ་ནས་སློབ་དཔོན་འགྱུར། །དེ་སྐད་གསོལ་ནས་བཅོམ་ལྡན་འདས། །དེ་ཚེ་རྣམ་སྣང་མཛད་ཆེན་གྱིས། །རྡོ་རྗེ་འཛིན་ལ་བཀའ་སྩལ་པ། །སེམས་དཔའ་ཆེན་པོ་ལེགས་སོ་ལེགས། །ཡེ་ཤེས་གསང་བས་ཆེས་གསང་ཞིང ། །གསང་སྔགས་ཡེ་ཤེས་ཆེར་འབྱུང་བ། །བུ་ཁྱོད་ལ་ནི་བཤད་པར་བྱའི། །མ་ཡེངས་ཡིད་ཀྱིས་མཉན་པར་གྱིས། ། ནི་གསང་སྔགས་ཐམས་ཅད་ཀྱི། །སྙིང་པོ་ཡིན་པར་ཡང་དག་བཤད། །འདི་ལས་བྱུང་བའི་གསང་སྔགས་ནི། །གྲངས་མེད་པར་ནི་འབྱུང་བར་འགྱུར། །སྤྲོས་པ་ཐམས་ཅད་ཞི་བ་ཡི། །ཡེ་ཤེས་མཐའ་དག་སྐྱེ་བར་འགྱུར། །གསང་བ་པའི་བདག་པོ། ཇི་ལྟར་ན་ཨ་ཞེས་བྱ་བ་གསང་སྔགས་ཐམས་ཅད་ཀྱི་སྙིང་པོ་ཡིན་ཞེ་ན། རྫོགས་པའི་སངས་རྒྱས་རྐང་གཉིས་གཙོས། ། ནི་གཙོ་བོ་ཡིན་པར་གསུངས། །དེ་བས་འདི་ཀུན་ཐམས་ཅད་དེ། །ཡན་ལག་ཀུན་ལ་རྣམ་པར་གནས། །ཡན་ལག་རྣམས་ཀྱང་ཅི་རིགས་པར། །རྟག་པར་ཀུན་ཏུ་རིག་པར་གྱིས། །ཡི་གེ་རྣམ་
276a
༄#། །ཀྱིས་ཐམས་ཅད་ཁྱབ། །ཡི་གེ་རྣམས་ཀྱང་དེ་ཡིས་ཁྱབ། །ཡི་གེ་རྣམས་ལས་སྒྲ་འབྱུང་བ། །ཆ་དང་ཆ་ལས་བྱུང་བའོ། །དེ་བས་འདི་ཀུན་ཐམས་ཅད་དེ། །ལུས་ནི་སྣ་ཚོགས་ལས་བྱུང་བའོ། །དེ་ཡི་དགོད་པ་ཡང་དག་བསྟན། །སྙིང་པོ་དག་ནི་དེས་པས་ཉོན། །སྙིང་གར་སྙིང་པོ་བཞག་ནས་ནི། །ཡན་ལག་རྣམས་ལ་ཡན་ལག་འགོང ། །བློ་ལྡན་རྣལ་འབྱོར་སྟན་འདུག་སྟེ། །བདག་ལུས་རྫོགས་སངས་རྒྱས་ཀྱི་སྐུར། །བྱས་ནས་དེ་བཞིན་གཤེགས་པ་རྣམས། །དྲན་པར་བྱས་ཏེ་འདི་ཀུན་བྱས། །གང་གིས་ཡེ་ཤེས་རྒྱ་ཆེན་དེའི། །ཆོ་ག་བཞིན་དུ་ཤེས་གྱུར་ན། །དེ་ཚེ་སངས་རྒྱས་མཐུ་ཆེན་གྱིས། །དེ་ནི་སློབ་དཔོན་ཡིན་པར་བཤད། །དེ་བས་དེ་ཉིད་དེ་བཞིན་གཤེགས། །དེ་ཉིད་རྫོགས་སངས་རྒྱས་ཞེས་བྱ། །སངས་རྒྱས་བྱང་ཆུབ་སེམས་དཔའ་དང ། །ཚངས་དང་ཁྱབ་འཇུག་དབང་ཕྱུག་ཆེ། །ཉི་མ་ཟླ་བ་ཆུ་ལྷ་དང ། །བརྒྱ་བྱིན་ཉིད་དང་སྐྱེ་རྒུའི་བདག་།དུས་དང་གཤིན་རྗེའང་དེ་ཉིད་དེ། །ས་ཡི་ལྷ་དང་དབྱངས་ཅན་དེ། །བྲམ་ཟེ་དང་ནི་ཁྲུས་བྱེད་ཉིད། ། ཚངས་པར་སྤྱོད་པ་ཞེས་ཀྱང་བྱ། །དགེ་སློང་དཔལ་ལྡན་ཟག་པ་ཟད། །གསང་བ་ཐམས་ཅད་འཛིན་པ་པོ། །ཐམས་ཅད་མཁྱེན་དང་ཐམས་ཅད་གཟིགས། །ཆོས་ཀུན་དབང་ཕྱུག་གཙོ་བོ་སྟེ། ། གང་ཞིག་བྱང་ཆུབ་སེམས་བརྟན་ཅིང ། །སྒྲ་ཤེས་པ་ནི་ལྷུར་ལེན་གང ། །ཆོས་རྣམས་ཀུན་ལ་མ་ཆགས་པ། །རྣམ་པ་ཀུན་ཏུ་ཀུན་ཤེས་བྱ། །ཡི་གེའི་འཁོར་ལོ་ཐམས་ཅད་ནི། །གང་གི་ལུས་
276b
ལ་རྣམ་གནས་པ། །དེ་ནི་སྔགས་པ་གསང་སྔགས་འཆང ། །དཔལ་ལྡན་སྔགས་རྒྱལ་རྡོ་རྗེ་འཛིན། །སྨིན་མཚམས་དབུས་སུ་ཡི་གེ་ཧཱུཾ། །རྡོ་རྗེ་ཅན་གྱི་གཞི་ཡིན་ནོ། །བྲང་དུ་ཡི་གེ་ས་ཞེས་བྱ། །ཕྱག་ན་པདྨའི་གཞི་ཞེས་བྱ། །ང་ནི་སྙིང་གའི་གནས་བཞག་པ། །ཀུན་གྱི་རྗེ་སྟེ་དབང་ཕྱུག་ཡིན། །རྒྱུ་དང་མི་རྒྱུ་སྣ་ཚོགས་པ། །མཐའ་དག་ངས་ནི་རབ་ཏུ་ཁྱབ། ། ཞེས་བྱ་བ་སྲོག་གི་མཆོག་།བ་ཞེས་བྱ་བ་ཚིག་ཏུ་བཤད། །ར་ཞེས་བྱ་བ་མེ་ཞེས་བརྗོད། །ཧཱུཾ་ཞེས་བྱ་བ་ཁྲོ་བོར་བཤད། །ཁ་ནི་ནམ་མཁར་ཤེས་པར་བྱ། །ཀླད་ཀོར་སྟེར་བའི་མཆོག་ཅེས་བྱ། །གང་ཤེས་སློབ་དཔོན་ཞེས་བྱ་བ། །འདི་ནི་ཡང་དག་དམ་པ་ཡིན། །དེ་བས་རྣམ་པ་ཐམས་ཅད་དུ། །རྫོགས་སངས་རྒྱས་སྔགས་ཤེས་འདི་ལ། །རྟག་ཏུ་བརྩོན་པར་བྱས་ན་ནི། །འཆི་འཕོ་མེད་པའི་གོ་འཕང་འཐོབ། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། སློབ་དཔོན་གྱི་དེ་ཁོ་ན་ཉིད་ཅེས་པ་རིམ་པར་ཕྱེ་བའོ།། །། ཡི་གེ་ཇི་ལྟར་དགོད་པ་དང ། །རྫོགས་སངས་རྒྱས་ཀྱིས་ལེགས་བསྟན་པ། །དེ་བས་ཀུན་ཏུ་མཉན་པར་གྱིས། །ཀ་ནི་ལྐོག་མར་ཤེས་པར་བྱ། །ཁ་ནི་རྐན་ལ་གཞག་པར་བྱ། །ག་ནི་མགྲིན་པར་ཤེས་པར་བྱ། །གྷ་ནི་མགུལ་བའི་གནས་སུ་གཞག་།ཙ་ནི་ལྕེ་ལ་གཞག་པར་བྱ། །ཚ་ནི་ལྕེ་ཡི་དབུས་སུ་གཞག་།ཛ་ནི་ལྕེ་ཡི་རྩེ་མོ་ལ། །ཞ་ནི་ལྕེ་ཡི་རྩ་བ་ལ། །ཊ་ནི་བྱིན་པར་ཤེས་པར་བྱ།།
277a
༄#། །ཋ་ནི་བྲལ་ལ་གཞག་པར་བྱ། །ཌ་ནི་རྐེད་པར་ཤེས་པར་བཤད། །ཌྷ་ནི་རྐང་པ་གཉིས་ལ་གཞག་།ཏ་ནི་ཆུ་སོར་གཞག་ཕར་བྱ། །ཐ་ནི་ལྟོ་བར་ཤེས་པར་བྱ། །ད་ནི་མཆན་ཁུང་གཉིས་སུ་གཞག་།བྷ་ནི་རྩིབས་ལོགས་གཉིས་སུ་གཞག་།པ་ནི་རྒྱབ་ཏུ་ཤེས་པར་བྱ། །ཕ་ནི་བྲང་དུ་ཤེས་པར་བྱ། །བ་ནི་དཔུང་མགོ་གཉིས་སུ་གཞག་བྷ་ནི་ལག་པ་གཉིས་ལའོ། །མ་ནི་ཡིད་ཀྱི་གནས་སུ་སྟེ། །དེ་ཚེ་ཚུལ་བཞིན་ཤེས་པར་བྱ། །ཡ་ནི་ཕོ་མཚན་ཡིན་ཞེས་གསུངས། །རེ་ནི་ནམ་ཚོང་ཡིན་པར་བཤད། །ལ་ནི་རྒྱ་ཆེན་ཤེས་བྱ་བ། །སྐྱོབ་པ་དེ་ཡི་དཔྲལ་བ་ཡིན། །ི་ཨཱི་མིག་གཉིས་ཡིན་ཤེས་བྱ། །ུ་ཨཱུ་མཆུ་གཉིས་ཡིན་པར་བཤད། །ེ་ཨེ་རྣ་བ་གཉིས་ཤེས་བྱ། །ོ་ཨཽ་འགྲམ་པ་གཉིས་སུ་འདོད། །ཾ་ནཾ་རྫོགས་སངས་རྒྱས་པའི་གནས། །ཱཿ ནི་མྱ་ངན་འདས་པ་ཡིན། །ཆོ་ག་བཞིན་དུ་ཀུན་ཤེས་ནས། །བརྟུལ་ཞུགས་མཆོག་གིས་སངས་རྒྱས་བྱོས། །ཐམས་ཅད་མཁྱེན་པའི་ནོར་གྱི་དབྱིག་།གང་གི་སྙིང་ལ་རྟག་གནས་པ། །འཇིག་རྟེན་ན་ནི་དེ་ཀུན་ཤེས། །དེས་བས་ཐམས་ཅད་མཁྱེན་པ་བཞིན། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། ཡི་གེ་དགོད་པ་རིམ་པར་ཕྱེ་བ་རྒྱས་པའོ།། །།དེ་ནས་གཞན་ཡང་བཅོམ་ལྡན་འདས་ལ་གསང་བ་པའི་
277b
བདག་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་བསླབ་པའི་གཞི་ཐབས་དང་ཤེས་རབ་ཀྱིས་ཡོངས་སུ་ཟིན་པ་གང་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཐེ་ཚོམ་དང་ཡིད་གཉིས་མ་མཆིས་ཤིང་འཁོར་བ་ན་འཁོར་བའི་ཚེ་ཉམས་པར་མི་འགྱུར་བ་དག་བཤད་དུ་གསོལ།་དེ་སྐད་ཅེས་གསོལ་པ་དང ། བཅོམ་ལྡན་འདས་རྣམ་པར་སྣང་མཛད་ཀྱིས་དེ་བཞིན་གཤེགས་པའི་སྤྱན་གྱིས་ཆོས་ཀྱི་དབྱིངས་ཐམས་ཅད་ལ་གཟིགས་ནས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། བྱང་ཆུབ་སེམས་དཔའི་སྤྱད་པའི་ཚུལ་ལ་མཁས་པ་བསྟན་པ་གང་ལ་གནས་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཐེག་པ་ཆེན་པོ་རྟོགས་པར་ཁོང་དུ་ཆུད་པར་འགྱུར་བ་དེ་ཉོན་ཅིག་།གསང་བ་པའི་བདག་པོ། དེ་ལ་བྱང་ཆུབ་སེམས་དཔའ་སྲོག་གཅོད་པ་དང ། མ་བྱིན་པར་ལེན་པ་དང ། འདོད་པས་ལོག་པར་གཡེམ་པ་ལས་སླར་ལྡོག་པར་བྱའོ། །བརྫུན་དུ་སྨྲ་བ་དང ། ངག་རྩུབ་པོ་དང ། ཕྲ་མ་ཟེར་བ་དང ། ཚིག་ཁྱལ་པ་སྨྲ་བ་ལས་སླར་ལྡོག་པར་བྱའོ། །བརྣབ་སེམས་དང ། གནོད་སེམས་དང ། ལོག་པར་ལྟ་བ་ལས་སླར་ལྡོག་པར་བྱའོ། །གསང་བ་པའི་བདག་པོ། གང་ལ་བསླབས་ན། སངས་རྒྱས་བཅོམ་ལྡན་
278a
༄#། །འདས་རྣམས་དང ། བྱང་ཆུབ་སེམས་དཔའ་རྣམས་དང་སྤྱོད་པ་མཚུངས་པར་བསླབ་པར་འགྱུར་བ་བྱང་ཆུབ་སེམས་དཔའི་བསླབ་པ་ནི། འདི་དག་ཡིན་ནོ། །དེ་ནས་ཡང་བཅོམ་ལྡན་འདས་ལ་གསང་བ་པའི་བདག་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་ཉན་ཐོས་ཀྱི་ཐེག་པ་ལ་ཡང་དགེ་བ་བཅུའི་ལས་ཀྱི་ལམ་འདི་རྣམས་བཤད། བཅོམ་ལྡན་འདས། འཇིག་རྟེན་པ་མུ་སྟེགས་བྱེད་རྣམས་ཀྱང་དགེ་བ་བཅུའི་ལས་ཀྱི་ལམ་འདི་རྣམས་ཡང་དག་པར་བླངས་ཏེ་འདུག་ན། བཅོམ་ལྡན་འདས། འདི་ལ་ཁྱད་པར་ནི་ཅི་ཞིག་མཆིས། ཐ་དད་དུ་བགྱི་བ་ནི་ཅི་ཞིག་མཆིས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། ལེགས་སོ་ལེགས་སོ། །གསང་བ་པའི་བདག་པོ། ཁྱོད་ཀྱིས་གང་དེ་བཞིན་གཤེགས་པ་ལ་དོན་འདི་ཞུས་པ་ནི། གསང་བ་པའི་བདག་པོ། ཁྱོད་ཡང་ལེགས་སོ། །གསང་བ་པའི་བདག་པོ། དེའི་ཕྱིར་རབ་ཏུ་རྣམ་པར་དབྱེ་བའི་ཚུལ་དང་ཚུལ་གཅིག་ཏུ་བསྟན་པའི་ཆོས་ཀྱི་རྣམ་གྲངས་བསྟན་གྱི། ཉོན་ཅིག་།གསང་བ་པའི་བདག་པོ། དེ་ལ་ངས་གང་ཉན་ཐོས་རྣམས་ལ་བསླབ་པ་བསྟན་པ་གང་ཡིན་པ་དེ་ནི། ཐབས་དང་ཤེས་རབ་ཏུ་མི་ལྡན་པ་བཀའ་གྲུབ་པར་བྱེད་པ་ཕྱོགས་
278b
གཅིག་ཤེས་པ་རྟོགས་པ་སྟེ། དེ་བས་ན། དེ་དག་དང་དགེ་བ་བཅུའི་ལས་ཀྱི་ལམ་དེ་དག་མཚུངས་པར་མི་འགྱུར་རོ། །འཇིག་རྟེན་པ་རྣམས་ནི། བདག་གི་དངོས་པོ་ལ་མངོན་པར་ཞེན་པ་དང ། གཞན་གྱི་རྐྱེན་གྱིས་འཇུག་གོ་།ཐེག་པ་ཆེན་པོས་འགྲོ་བའི་བྱང་ཆུབ་སེམས་དཔའ་རྣམས་ནི། ཆོས་ཐམས་ཅད་ཀྱི་མཉམ་པ་ཉིད་ལ་འཇུག་པར་བྱ་བའི་ཕྱིར་གཞན་གྱི་དྲིང་མི་འཇོག་ཅིང་ཐབས་དང་ཤེས་རབ་ཀྱིས་ཡོངས་སུ་ཟིན་པར་བདག་དང་གཞན་དང་གཉི་གའི་དོན་བྱེད་པ་ལ་འཇུག་གོ་།དེ་བས་ན་གསང་བ་པའི་བདག་པོ། བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་དང་ཐབས་ཀྱིས་ཡོངས་སུ་ཟིན་པར་ཆོས་ཐམས་ཅད་ལ་འཇུག་པའི་ཕྱིར་བརྩོན་པར་བྱའོ། །དེ་ནས་བཅོམ་ལྡན་འདས་ཀྱིས་བྱམས་པ་ཆེན་པོ་དང ། ཐུགས་རྗེ་ཆེན་པོའི་སྤྱན་གྱིས་སེམས་ཅན་གྱི་ཁམས་རྣམས་ལ་གཟིགས་ནས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་བཀའ་སྩལ་པ། དེ་ལ་བྱང་ཆུབ་སེམས་དཔས་ཆེད་དུ་བསམས་ཏེ་སྲོག་གཅོད་པ་ལས་སླར་ལྡོག་པར་བྱའོ། །དབྱུག་པ་སྤངས་ཞིང་འཁོན་དུ་འཛིན་པ་སྤང་བར་བྱའོ། །དེས་བདག་ལ་ཇི་ལྟ་བ་བཞིན་དུ་གཞན་གྱི་སྲོག་ཀྱང་བསྲུང་བར་བྱའོ། ། གཞན་དུན་གང་ཟག་དེ་ལྟ་བུ་དང ། དངོས་པོ་དེ་ལྟ་བུ་ལ་བདག་གིས་སྡིག་པ་ཁས་བླངས་ལ་ལས་དེ་བྱ་བ་ནི། མ་གཏོགས་ཏེ། དེ་ཡང་འཁོན་དུ་འཛིན་པ་མེད་ཅིང་སྙིང་རྗེར་གྱུར་པའི་
279a
༄#། །ཡིད་ཀྱིས་བྱའོ། །མ་བྱིན་པར་ལེན་པ་ལས་སླར་ལྡོག་པར་བྱ་སྟེ། དེས་གཞན་གྱིས་ཡོངས་སུ་བཟུང་བའི་ལོངས་སྤྱོད་ལ་ཆགས་པ་བསྐྱེད་པར་ཡང་མི་བྱ་ན།་གཞན་གྱི་ལོངས་སྤྱོད་ལ་མ་བྱིན་པར་ལེན་པ་ལྟ་སྨོས་ཀྱང་ཅི་དགོས། གཞན་དུ་ན་སེམས་ཅན་གང་དག་སེར་སྣ་ཅན་འཇུངས་པ། སྦྱིན་པ་མི་བྱེད་ཅིང་བསོད་ནམས་མི་བྱེད་པ་དེ་དག་མཐོང་ན། གང་ཟག་དེ་ལྟ་བུ་དག་ལ་སེར་སྣ་སྤངས་པའི་ཕྱིར་བྱ་བ་ནི། མ་གཏོགས་ཏེ། བདག་གིས་ཀྱང་དེ་ལ་ཆགས་པའི་སེམས་མེད་པར་དེའི་ཆེད་དུ་སྦྱིན་པ་སྦྱིན་པར་བྱའོ། །དུས་དུས་སུ་སྦྱིན་པའི་བསྔགས་པ་བརྗོད་པར་བྱའོ། །གལ་ཏེ་བྱང་ཆུབ་སེམས་དཔའ་དེ་ལ་ཆགས་པའམ་འདོད་པའི་སེམས་བསྐྱེད་པར་གྱུར་ན། གསང་བ་པའི་བདག་པོ། དེ་ལ་བྱང་ཆུབ་སེམས་དཔའ་བྱང་ཆུབ་ཀྱི་ཡན་ལག་ལས་ཉམས་པས་ཆོས་འདུལ་བ་ལས་བཅོས་སུ་མེད་པའི་ལྟུང་བར་འགྱུར་བར་རིག་པར་བྱའོ། །འདོད་པས་ལོག་པར་གཡེམ་པ་ལས་སླར་ལྡོག་པར་བྱ་སྟེ། དེས་གཞན་གྱིས་ཡོངས་སུ་བཟུང་བའི་ཆུང་མ་དང ། རིགས་དང ། མཚན་མ་དང ། ཆོས་ཀྱིས་བསྲུངས་པ་རྣམས་ལ་ཆགས་སེམས་ཀྱང་བསྐྱེད་པར་མི་བྱ་ན། ཡན་ལག་མ་ཡིན་པར་སྤྱོད་པའམ། དབང་པོ་གཉིས་སྤྲོད་པ་ལྟ་སྨོས་ཀྱང་ཅི་དགོས། གཞན་དུ་ན་དངོས་པོ་དེ་ལྟ་བུ་དག་ལ་བྱ་བ་ནི། མ་
279b
གཏོགས་སོ། །བརྫུན་དུ་སྨྲ་བ་ལས་སླར་ལྡོག་པར་བྱ་སྟེ། དེས་ཆེད་དུ་བསམས་ཏེ་གང་གིས་སངས་རྒྱས་ཀྱི་བྱང་ཆུབ་བསླུས་པར་འགྱུར་བའི་ཚིག་སྲོག་གི་ཕྱིར་ཡང་སྨྲ་བར་མི་བྱའོ། །འདི་ལྟར་སངས་རྒྱས་ཀྱི་བྱང་ཆུབ་ལས་འདའ་བར་འགྱུར་བ་དེ་ནི། གསང་བ་པའི་བདག་པོ། བྱང་ཆུབ་སེམས་དཔའ་ཐེག་པ་ཆེན་པོ་ལ་གནས་པའི་རྫུན་ཆེན་པོ་ཡིན་ནོ། །གསང་བ་པའི་བདག་པོ། རྣམ་གྲངས་དེས་ཀྱང་ཁྱོད་ཀྱིས་འདི་ལྟར་བདེན་པའི་ཚིག་ཡོངས་སུ་མི་གཏང་བར་རིག་པར་བྱའོ། །གསང་བ་པའི་བདག་པོ། གཞན་ཡང་ཚིག་རྩུབ་མོ་ལས་སླར་ལྡོག་པར་བྱ་སྟེ། དེས་སེམས་ཅན་རྣམས་ལ་མཉན་པ་དང ། འཇམ་པ་དང ། ཡིད་ལ་འབབ་པའི་ཚིག་དེ་ལྟ་བུའི་ཚིག་སྨྲ་བར་བྱའོ། །དེ་ཅིའི་ཕྱིར་ཞེ་ན། གསང་བ་པའི་བདག་པོ། འདི་ལྟ་སྟེ། བྱང་ཆུབ་སེམས་དཔའ་སེམས་ཅན་ཐམས་ཅད་ཀྱི་དོན་བྱ་བའི་ཐོག་མར་འགྲོ་བ་ནི། ཚིག་འཇམ་པ་ཡིན་པའི་ཕྱིར་རོ། །གཞན་དུ་ན་སེམས་ཅན་འགྲོ་བ་མི་བཟད་པའི་རྒྱུ་ཅན་རྣམས་ལ་གནས་དེ་དང་དེ་དག་ཏུ་བྱང་ཆུབ་སེམས་དཔའི་ཚིག་རྩུབ་པོར་སྨྲ་བ་ནི། མ་གཏོགས་སོ། །གསང་བ་པའི་བདག་པོ། གཞན་ཡང་ཕྲ་མར་སྨྲ་བ་ལས་སླར་ལྡོག་པར་བྱ་སྟེ། དེས་ན་ཅི་ནས་ཀྱང་དབེན་དུ་མི་འགྱུར་བ་དང ། གནོད་པར་མི་འགྱུར་བ་དེ་ལྟར་བསྒྲུབ་པར་བྱའོ། །བྱང་ཆུབ་སེམས་དཔའ་རྣམས་ནི། སེམས་ཅན་དབྱེ་བ་ལ་ཞུགས་པ་མ་ཡིན་ནོ། །གཞན་དུ་ན་སེམས་ཅན་རྣམས་ལ་ལྟ་བའི་གནས་དེ་ལྟ་བུ་
280a
༄#། །དག་ཏུ་བྱིང་བར་གྱུར་པ་མཐོང་ན་ཅི་ནས་ཀྱང་སེམས་ཅན་དེ་དག་འདི་ལྟར་ཐམས་ཅད་མཁྱེན་པའི་ཚུལ་གཅིག་པ་འདི་ལ་རབ་ཏུ་གནས་པར་འགྱུར་བ་དེ་ལྟ་བུའི་རྣམ་པས་རབ་ཏུ་འབྱེད་པར་བྱེད་པ་ནི། མ་གཏོགས་སོ། །གསང་བ་པའི་བདག་པོ། གཞན་ཡང་བྱང་ཆུབ་སེམས་དཔས་ཚིག་ཁྱལ་པར་སྨྲ་བ་ལས་སླར་ལྡོག་པར་བྱ་སྟེ། དེས་ཡུལ་དང ། དུས་དང ། དོན་དང་ལྡན་པ། དོན་གྱི་རྗེས་སུ་འཇུག་པ། སེམས་ཅན་ཐམས་ཅད་ཀྱི་ཡིད་དུ་འོང་བ། རྣ་བའི་ལམ་རྣམ་པར་སྤྱོད་པ་དེ་ལྟ་བུའི་ཚིག་སྨྲ་བར་བྱའོ། །དེ་ཅིའི་ཕྱིར་ཞེ་ན།་བྱང་ཆུབ་སེམས་དཔའ་ནི། ཚིག་སྣ་ཚོགས་དང་ལྡན་པ་ཡིན་ནོ། །གཞན་དུ་ན་བྱང་ཆུབ་སེམས་དཔས་སྒྲུང་གི་གཏམ་གླེང་བ་སྔོན་དུ་བྱས་ཏེ། སེམས་ཅན་རྣམས་མགུ་བར་བྱས་ནས་སངས་རྒྱས་ཀྱི་ཆོས་ལ་རབ་ཏུ་དགོད་པར་འདོད་པས་དོན་དང་མི་ལྡན་པའི་ཚིག་ཀྱང་སྨྲ་བར་བྱ་བ་ནི། མ་གཏོགས་ཏེ། དེ་ལྟར་ན་བྱང་ཆུབ་སེམས་དཔས་འཁོར་བ་ན་རྒྱུ་ཡང་བར་དུ་གཅོད་པ་མེད་པར་འགྱུར་རོ། །གསང་བ་པའི་བདག་པོ། གཞན་ཡང་བྱང་ཆུབ་སེམས་དཔས་བརྣབ་སེམས་ལས་སླར་ལྡོག་པར་བྱ་སྟེ། དེས་གཞན་གྱི་ལོངས་སྤྱོད་དང་གཞན་གྱི་ནོར་ལ་ཆགས་པའི་སེམས་ཀྱང་བསྐྱེད་པར་མི་བྱའོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ནི། སེམས་ཞུམ་པ་མ་ཡིན་ནོ། །གལ་ཏེ་བྱང་ཆུབ་སེམས་དཔའ་བདག་ལ་སེམས་
280b
ཆགས་པར་གྱུར་ན། ཐམས་ཅད་མཁྱེན་པ་ཉིད་ཀྱི་སྒོའི་ཕྱོགས་གཅིག་ལས་ཉམས་པར་འགྱུར་རོ། །གསང་བ་པའི་བདག་པོ། བྱང་ཆུབ་སེམས་དཔས་རབ་ཏུ་དགའ་བ་སྐྱེད་ཅིང་དེས་འདི་ལྟར་བསམ་པར་བྱའོ། །གང་དག་གིས་བྱ་དགོས་བ་དེ་དག་གིས་རབ་ཏུ་འབྱོར་པར་གྱུར་པ་དེ་ལེགས་སོ་སྙམ་ནས་སེམས་ཅན་དེ་དག་གིས་ལོངས་སྤྱོད་དེ་དག་ཆུད་མི་ཟ་བ་ལ་ཡང་དང་ཡང་དུ་དགའ་བ་བསྐྱེད་པར་བྱའོ། །གསང་བ་པའི་བདག་པོ། གཞན་ཡང་གནོད་སེམས་ལས་སླར་ལྡོག་པར་བྱ་སྟེ། དེས་ཐམས་ཅད་དུ་བཟོད་པ་མང་བ་དང ། བྱམས་པ་དང ། ཁོང་ཁྲོ་བ་མེད་ཅིང་སེམས་སྙོམས་པར་བྱའོ། །དེས་མཛའ་བོ་ལ་ཇི་ལྟ་བ་བཞིན་དུ་དགྲ་ལའང་དེ་བཞིན་དུ་བྱའོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ནི། ཡིད་ཀྱིས་གནས་ངན་ལེན་དང་ལྡན་པ་མ་ཡིན་གྱི།་བྱང་ཆུབ་སེམས་དཔའ་ནི། རང་བཞིན་གྱི་བསམ་པ་ཡོངས་སུ་དག་པ་ཡིན་ནོ། །གསང་བ་པའི་བདག་པོ། དེ་ལྟ་བས་ན། བྱང་ཆུབ་སེམས་དཔས་གནོད་སེམས་དང་བྲལ་བར་བྱའོ།། གསང་བ་པའི་བདག་པོ། གཞན་ཡང་བྱང་ཆུབ་སེམས་དཔས་ལོག་པར་ལྟ་བ་མེད་པར་བྱ་སྟེ། དེས་ཡང་དག་པར་ལྟ་བ་དང ། འཇིག་རྟེན་ཕ་རོལ་ལ་འཇིགས་པར་ལྟ་བ་དང ། གཡོ་མེད་པ་དང།་གྱ་གྱུ་མེད་པ་དང ། སྒྱུ་མེད་པ་དང ། དྲང་བ་དང ། སངས་རྒྱས་དང ། ཆོས་དང ། དགེ་འདུན་ལ་བསམ་པ་ངེས་པར་བྱའོ། །དེ་ཅིའི་ཕྱིར་ཞེ་ན། གསང་བ་པའི་བདག་པོ། ལོག་པར་ལྟ་བ་ནི།
281a
༄#། །བྱང་ཆུབ་སེམས་དཔའི་ཁ་ན་མ་ཐོ་བ་ཆེན་པོ་སྟེ། དགེ་བའི་རྩ་བ་ཐམས་ཅད་གཅོད་པར་འགྱུར་བའོ། །འདི་ནི། མི་དགེ་བའི་རྩ་བ་ཐམས་ཅད་ཀྱི་ཕྱི་མའོ། ། གསང་བ་པའི་བདག་པོ། དེ་ལྟ་བས་ན། ཐ་ན་བཞང་གང་ཙམ་དུ་ཡང་ལོག་པར་ལྟ་བ་བསྐྱེད་པར་མི་བྱའོ། །དེ་ནས་ཡང་བཅོམ་ལྡན་འདས་ལ་གསང་བ་པའི་བདག་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་རྣམས་ལ་དགེ་བ་བཅུའི་ལས་ཀྱི་ལམ་འདི་རྣམས་ཀྱི་སྡོམ་པ་ཉམས་པ་དང ། ཤིན་ཏུ་རྩ་བ་ནས་ཆད་པར་མི་འགྱུར་བ་དང ། བཅོམ་ལྡན་འདས། བྱང་ཆུབ་སེམས་དཔའ་རྒྱལ་སྲིད་ཀྱི་དབང་ཕྱུག་དང ། ཁྱིམ་དང ། ཆུང་མ་དང ། བུ་དང ། བུ་མོ་དང ། ཉེ་དུ་དང ། སྣག་གི་གཉེན་མཚམས་ཀྱིས་ཡོངས་སུ་བསྐོར་ཅིང་ལྷ་དང་མིའི་བདེ་བ་མྱོང་པར་བགྱིད་ཀྱང་ཇི་ལྟར་ལྟུང་བར་མི་འགྱུར་བ་བཤད་དུ་གསོལ། དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། ལེགས་སོ་ལེགས་སོ། །གསང་བ་པའི་བདག་པོ། དེའི་ཕྱིར་ཉོན་ལ་ལེགས་པར་རབ་ཏུ་ཡིད་ལ་ཟུངས་ཤིག་དང ། བྱང་ཆུབ་སེམས་དཔའ་རྣམས་ཀྱི་འདུལ་བའི་ལྟུང་བ་རྣམ་པར་ངེས་པ་ལ་མཁས་པར་བཤད་དོ། །གསང་བ་པའི་བདག་པོ། དེ་ལ་བྱང་ཆུབ་སེམས་
281b
དཔའ་ནི། རྣམ་པ་གཉིས་ཏེ། གཉིས་གང་ཞེ་ན། འདི་ལྟར་ཁྱིམ་པ་དང ། རབ་ཏུ་བྱུང་བའོ། །དེ་ལ་བྱང་ཆུབ་སེམས་དཔའ་ཁྱིམ་པ་ནི། ཁྱིམ་ན་གནས་ཤིང་བསླབ་པའི་གཞི་ལྔ་བཟུང་སྟེ་ཐབས་དང་ཚུལ་སྣ་ཚོགས་ཀྱིས་རྒྱལ་སྲིད་ལ་དབང་བྱེད་དོ། །གསང་བ་པའི་བདག་པོ། དེ་ལ་བྱང་ཆུབ་སེམས་དཔའ་ཡུལ་དང་དུས་ཀྱི་དབང་གིས་ཐམས་ཅད་མཁྱེན་པ་ཉིད་ཐོབ་པར་འདོད་པ་ནི།་འདི་ལྟར་ཐབས་ཀྱིས་ཡོངས་སུ་ཟིན་པར་གླུ་དང ། རོལ་མོ་དང ། མིག་འཕྲུལ་ལ་སོགས་པ་བཟོའི་གནས་རྣམ་པ་སྣ་ཚོགས་སྟོན་ཅིང་ཐབས་དང་ཚུལ་དེ་དང་དེ་དག་གིས་བསྡུ་བའི་དངོས་པོ་བཞིས་སེམས་ཅན་རྣམས་ཡོངས་སུ་སྡུད་དེ། དེ་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདོད་པའི་ཕྱིར་རོ། །དེ་ལ་སྲོག་གཅོད་པ་དང ། མ་བྱིན་པར་ལེན་པ་དང ། འདོད་པས་ལོག་པར་གཡེམ་པ་དང ། བརྫུན་དུ་སྨྲ་བ་དང ། ལོག་པར་ལྟ་བ་རབ་ཏུ་སྤངས་པ་ཡིན་ཏེ། བྱང་ཆུབ་སེམས་དཔའ་ཁྱིམ་པས་བསླབ་པའི་གཞི་དེ་ལྔ་བཟུང་ནས་བསླབ་པ་ཇི་སྐད་བསྟན་པ་རྣམས་ལ་སློབ་ཅིང་དད་པས་སྔོན་གྱི་དེ་བཞིན་གཤེགས་པ་རྣམས་ཀྱི་རྗེས་སུ་བསླབ་པར་བྱའོ། །འདུས་མ་བྱས་ཀྱི་ཚུལ་ཁྲིམས་ཀྱི་ཕུང་པོ་བླ་ན་མེད་པ་དེ་བཞིན་གཤེགས་པས་བསྔགས་པ་ལ་གནས་ཏེ། འདུས་བྱས་ཀྱི་ཚུལ་ཁྲིམས་ལ་ཐབས་དང་ཤེས་རབ་ཀྱིས་ཡོངས་སུ་ཟིན་པར་སྤྱོད་ཅིང་ལྟུང་བའི་རྩ་བ་བཞི་ནི། སྲོག་གི་ཕྱིར་ཡང་ཡོངས་སུ་ཉམས་པར་མི་བྱའོ། །བཞི་གང་ཞེ་ན།
282a
༄#། །འདི་ལྟ་སྟེ། དམ་པའི་ཆོས་སྤོང་བ་དང ། བྱང་ཆུབ་ཀྱི་སེམས་གཏོང་བ་དང ། སེར་སྣ་བྱེད་པ་དང ། སེམས་ཅན་ལ་གནོད་པར་བྱེད་པའོ། །དེ་ཅིའི་ཕྱིར་ཞེ་ན།་འདི་དག་ནི། ཐབས་དང ། ཤེས་རབ་ཏུ་མི་ལྡན་པ་རང་བཞིན་གྱིས་ཉོན་མོངས་པ་ཅན་ཏེ། སླར་གསོར་མི་རུང་བའོ། །དེ་ཅིའི་ཕྱིར་ཞེ་ན། གང་དག་འདས་པའི་སངས་རྒྱས་དང ། །དེ་བཞིན་གང་དག་མ་བྱོན་དང ། །གང་ཡང་ད་ལྟའི་མགོན་པོ་རྣམས། །ཐབས་དང་ཤེས་རབ་ལྡན་པ་ལ། །བསླབས་ནས་བླ་མེད་བྱང་ཆུབ་ནི། །འདུས་མ་བྱས་པ་དེས་འཐོབ་བོ། །ཐབས་དང་མི་ལྡན་ཡེ་ཤེས་དང ། །བསླབ་པ་དག་ཀྱང་བཤད་པ་ནི། །དཔའ་བོ་ཆེན་པོ་ཉན་ཐོས་རྣམས། །དེ་ལ་གཟུད་པའི་ཕྱིར་བཤད་དོ། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པའི་བྱིན་གྱིས་རློབ་པ་ལས། བྱང་ཆུབ་སེམས་དཔའི་བསླབ་པ་ཐམས་ཅད་དང་ལྡན་པ་རིམ་པར་ཕྱེ་བའོ།། །།བམ་པོ་བདུན་པ། དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་ཐམས་ཅད་དང་ལྡན་པའི་འཁོར་འདུས་པ་ལ་གཟིགས་ཏེ་བསྟན་པ་དོན་ཡོད་པར་གྲུབ་པར་བཞེད་ནས་གསང་སྔགས་ཐམས་ཅད་ཀྱི་དབང་ཕྱུག་།གསང་སྔགས་ཀྱི་རྒྱལ་པོ། གསང་སྔགས་ཐམས་ཅད་ཀྱི་མགོན་པོ་གཟི་བརྗིད་ཆེན་པོ། དམ་ཚིག་གསུམ་ལ་གནས་པ། ལམ་གསུམ་
282b
ཡོངས་སུ་རྫོགས་པར་བྱེད་པ་བཤད་པའི་ཕྱིར། ཕྱག་ན་རྡོ་རྗེ་སྟོབས་ཆེན་ལ། །འཇམ་པའི་གསུང་གིས་བཀའ་སྩལ་པ། །གསང་སྔགས་རྣམས་ཀྱི་གསང་སྔགས་མགོན། །དཔའ་བོས་མ་ཡེངས་ཡིད་ཀྱིས་ཉོན། །དེའི་ཚེ་ཡེ་ཤེས་དམ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཡེ་ཤེས་སྣ་ཚོགས་འབྱུང་བའི་འོད་ཟེར་བརྒྱ་འཕྲོ་བའི་གསང་སྔགས་འདི་གསུངས་སོ།། ན་མཿ ་ས་མནྟ་བུདྡྷཱ་ནཱཾ། ཨཾ། ལག་ན་རྡོ་རྗེ། འདི་ནི་གསང་སྔགས་ཐམས་ཅད་ཀྱིས། །མགོན་པོ་གཟི་བརྗིད་ཆེན་པོ་སྟེ། འདི་ནི་བདག་ཉིད་རྫོགས་སངས་རྒྱས། །ཆོས་ཀུན་དབང་ཕྱུག་ཐུབ་པ་ཡིན། །མི་ཤེས་མུན་ནག་ཀུན་འཇོམས་པ། །ཉི་མ་ཤར་བ་བཞིན་དུ་སྣང ། །ཐུབ་པ་ཆེན་པོ་བདག་ཉིད་ཀྱིས། །འདི་ལྟ་བུར་ནི་བྱིན་བརླབས་ཏེ། །སེམས་ཅན་རྣམས་ལ་ཕན་བཞེད་ཕྱིར། །སྤྲུལ་པ་རྣམས་ནི་སྤྲུལ་པར་མཛད། །འདི་ནི་སེམས་ཅན་རྣམས་དག་གི་།སེམས་ཅན་འབྱུང་བ་ཇི་སྙེད་པ། །དེ་སྙེད་ཀྱི་ནི་སྤྲུལ་པ་ཡི། །གོ་འཕང་དམ་པ་མཛད་པར་འགྱུར། །དེ་བས་རྣམ་པ་ཐམས་ཅད་དུ། །རྫོགས་སངས་རྒྱས་ཀྱི་ཐབས་འདོད་པས། །ནང་གི་བདག་ཉིད་རྣམ་དག་པས། །རྟག་ཏུ་མངོན་པར་བརྩོན་པར་བྱ། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། ཡི་གེ་བརྒྱ་འབྱུང་བ་བསྟན་པ་རིམ་པར་ཕྱེ་བ་རྒྱས་པའོ།། །།དེ་ནས་ཡང་བཅོམ་ལྡན་
283a
༄#། །འདས་རྣམ་པར་སྣང་མཛད་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ། སངས་རྒྱས་བཅོམ་ལྡན་འདས་རྣམས་གང་གི་ཚེ་ཡེ་ཤེས་ཆེན་པོ་མངོན་པར་ཤེས་པ་དབང་བསྐུར་བ་དང་ལྡན་པའི་ས་ཐོབ་པར་གྱུར་པ་དེའི་ཚེ་སངས་རྒྱས་བཅོམ་ལྡན་འདས་དེ་དག་བདག་ཉིད་དམ་ཚིག་གསུམ་གྱི་ལམ་ལ་གནས་པར་གཟིགས་སོ། །གསང་པ་པའི་བདག་པོ། དེའི་ཚེ་ཡང་བཅོམ་ལྡན་འདས་དེ་ཡེ་ཤེས་ཆེན་པོ་མངོན་པར་ཤེས་པ་དབང་བསྐུར་བ་དང་ལྡན་པ་གཟུངས་ཀྱི་ཚུལ་དུ་སངས་རྒྱས་ཀྱི་མཛད་པ་ཉེ་བར་སྟོན་ཏོ། །དེ་ཉིད་ཀྱི་ཚེ་སངས་རྒྱས་བཅོམ་ལྡན་འདས་དེ་དག་སེམས་ཅན་ཐམས་ཅད་ལ་སངས་རྒྱས་ཀྱི་མཛད་པས་དམ་ཚིག་གསུམ་གྱི་ལམ་སྟོན་པ་ཉེ་བར་གནས་པར་འགྱུར་རོ། །གསང་བ་པའི་བདག་པོ། ངའི་གསུང་གི་འཁོར་ལོའི་དཀྱིལ་འཁོར་སྤྲུལ་པ་རྒྱ་ཆེན་པོ་འཇིག་རྟེན་གྱི་ཁམས་མཐའ་ཡས་པར་ཁྱབ་པ་རྣམ་པར་དག་པའི་སྒོ་སེམས་ཅན་ཐམས་ཅད་ཀྱི་རེ་བ་ཇི་ལྟ་བ་བཞིན་དུ་མགུ་བར་བྱེད་པ། ཆོས་ཀྱི་དབྱིངས་སོ་སོར་རྣམ་པར་རིག་པར་བྱེད་པའི་སྒོ་ནི། ད་ལྟ་འདི་ལྟར་བཅོམ་ལྡན་འདས་ཤཱཀྱ་ཐུབ་པ་འཇིག་རྟེན་གྱི་ཁམས་ནམ་མཁའི་ཁམས་ཀྱིས་ཀླས་པ་མ་ལུས་པར་སངས་རྒྱས་ཀྱི་བྱ་བ་བྱེད་པ་ལ་ཞུགས་ཀྱང་གསང་བ་པའི་བདག་པོ། དེ་ལ་སེམས་ཅན་རྣམས་ཀྱིས་
283b
འདི་ནི།་བཅོམ་ལྡན་འདས་ཀྱི་གསུང་གི་འཁོར་ལོའི་དཀྱིལ་འཁོར་འབྱུང་བ་སྟེ། སངས་རྒྱས་ཀྱི་གསུང་རྣམ་པར་བཀོད་པའི་རྒྱན་གྱི་སྙིང་པོ་འབྱུང་བའི་སངས་རྒྱས་ཀྱི་སྐུ་སེམས་ཅན་རེ་བ་ཇི་ལྟ་བ་བཞིན་དུ་མགུ་བར་མཛད་པ་བྱུང་བ་ཡིན་ནོ། །ཞེས་བྱ་བར་རབ་ཏུ་མི་ཤེས་པ་ལ་ལྟོས། འོན་ཀྱང་བྱང་ཆུབ་སེམས་དཔའ་འཇིག་རྟེན་གྱི་ཁམས་མཐའ་ཡས་པ་རྒྱ་མཚོ་སྙེད་ཀྱི་སྒོར་ཆོས་ཀྱི་དབྱིངས་མངོན་པར་རྫོགས་པར་བྱང་ཆུབ་པར་བྱ་བ་ལ་བརྩོན་པ། བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་ལས་བྱུང་བ་རྣམས་འཇིག་རྟེན་གྱི་ཁམས་ཀྱི་རིས་རྒྱ་མཚོ་མེ་ཏོག་གི་གཞིའི་སྙིང་པོའི་རྒྱན་ཅན་འདིར་ངས་ཡོངས་སུ་བཟུང་བས་བསམ་པ་སྣ་ཚོགས་པ་རྣམ་པར་དག་པའི་སྒོ་རྣམས་ཀྱིས་སངས་རྒྱས་ཀྱི་ཞིང་རྣམས་ནི། ཡོངས་སུ་སྦྱོང ། བྱང་ཆུབ་ཀྱི་སྙིང་པོ་ནི། མངོན་པར་སྒྲུབ། བྱང་ཆུབ་ཏུ་ནི། མངོན་པར་རྫོགས་པར་འཚང་རྒྱ། ཆོས་ཀྱི་འཁོར་ལོ་ནི། བསྐོར། སངས་རྒྱས་ཀྱི་མཛད་པ་ནི། བྱིན་གྱིས་རློབ་ཅིང ། དེའི་གོང་དུ་ཡང་དག་པར་རྫོགས་པའི་སངས་རྒྱས་ཀྱི་གོ་འཕང་འདོད་པས་སེམས་ཚད་མེད་པའི་ཕྱིར་ལུས་ཚད་མེད། ལུས་ཚད་མེད་པའི་ཕྱིར་ཡེ་ཤེས་ཚད་མེད། ཡེ་ཤེས་ཚད་མེད་པའི་ཕྱིར་སེམས་ཅན་ཚད་མེད། སེམས་ཅན་ཚད་མེད་པའི་ཕྱིར་ནམ་མཁའི་ཁམས་ཚད་མེད་པ་རབ་ཏུ་འཐོབ་བོ། །གསང་བ་པའི་བདག་པོ། དེ་ལྟར་ན་སེམས་ཅན་ཚད་མེད་པས་ཚད་མེད་པ་བཞི་
284a
༄#། །རབ་ཏུ་ཐོབ་པར་འགྱུར་རོ། །ཐོབ་ནས་ཀྱང་སྟོབས་བཅུའི་སྟོབས་དང་ལྡན་པ། བདུད་བཞི་ལས་རྒྱལ་བ། ཁྱུ་མཆོག་དང་སེངྒེའི་སྒྲ་སྒྲོག་པ་ཡང་དག་པར་རྫོགས་པའི་སངས་རྒྱས་སུ་འགྱུར་རོ། །རྫོགས་སངས་རྒྱས་ཀྱིས་གསུངས་པ་ཡི། །སྙིང་པོ་སྒོ་བརྒྱ་འདི་བཟླས་ནས། །གོ་འཕང་དམ་པ་འདི་དག་ཀུན། །དཔའ་བོ་དེ་དག་རྣམས་ཀྱིས་རྟོགས། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། འབྲས་བུའི་སྦྱོར་བ་བསྟན་པ་རིམ་པར་ཕྱེ་བའོ།། །།དེ་ནས་ཡང་བཅོམ་ལྡན་འདས་ལ་གསང་བ་པའི་བདག་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །སངས་རྣམས་ཀྱི་ནི་སྔགས་འབྱུང་བའི། །སྔགས་ཀྱི་མགོན་པོ་འདི་བཤད་པ། ། ངོ་མཚར་ཆེའི་བཅོམ་ལྡན་འདས། །ཐུབ་པ་ཆེན་པོ་གནས་གང་དུ། །གང་གིས་ཇི་ལྟར་འཚལ་བར་བགྱི། །དེ་ལ་སྔགས་རྣམས་འབྱུང་བ་ནི། །གང་གིས་ཇི་ལྟར་བདག་ལ་གསུངས། ། མགོན་པོ་སྨྲ་བ་རྣམས་ཀྱི་མཆོག་།འདི་ཀུན་བདག་ལ་བཤད་དུ་གསོལ། །དེ་སྐད་གསོལ་ནས་བཅོམ་ལྡན་འདས། །ཆོས་ཀྱི་དབང་ཕྱུག་ཐུབ་པ་ཆེ། །ཀུན་མཁྱེན་བཅོམ་ལྡན་སྣང་མཛད་ཀྱིས། །དེ་ཚེ་འཇིག་རྟེན་ཁམས་ཀུན་ཏུ། །ཡོངས་སུ་ཁྱབ་པར་གྱུར་པའི་ཚིག་།འཇམ་པའི་གསུང་གིས་བཀའ་སྩལ་པ། །ལག་ན་རྡོ་རྗེ་མཐུ་བོ་ཆེ། །སེམས་དཔའ་ཆེན་པོ་ལེགས་སོ་
284b
ལེགས། །སངས་རྒྱས་རྣམས་ཀྱི་གསང་བའི་མཆོག་།ངོ་མཚར་ཆེན་པོ་རབ་ཏུ་གསང ། །རྟོག་གེ་ཀུན་གྱིས་མི་ཤེས་པ། །ཐམས་ཅད་ཁྱོད་ལ་བཤད་པར་བྱ། །གང་དག་ཐེག་ཆེན་དཀྱིལ་འཁོར་འདི། །སྙིང་རྗེ་འབྱུང་བར་དབང་བསྐུར་ཅིང ། །གང་དག་དྲང་ཞིང་མཉེན་པ་དང ། །རྟག་ཏུ་སྙིང་རྗེ་གང་ཆེ་དང ། །གང་དག་ནམ་ཡང་བྱང་ཆུབ་ལ། །དམིགས་པ་ཅན་དུ་མི་ལྟ་བ། །དེ་དག་རྣམས་ཀྱི་སྙིང་པོ་ནི། །བདག་ཉིད་ཆེན་པོ་ཤེས་པར་འགྱུར། །འདྲེན་པ་གང་ན་བཞུགས་པ་ཡི། །དེ་ཡི་གནས་ནི་སྙིང་ག་སྟེ། །པདྨ་ཡིད་ལས་བྱུང་བ་ནི། །འདབ་མ་བརྒྱད་པ་རབ་མཛེས་ལ།། དཀྱིལ་འཁོར་ཟླ་བ་ལྟ་བུ་ནི། །དྲི་མེད་མེ་ལོང་འདྲ་བ་ལ། །དེ་ལ་གསང་སྔགས་མགོན་པོ་ནི། །མཐུ་ཆེན་རྟག་ཏུ་གནས་པ་བཞུགས། །གསེར་གྱི་ཁ་དོག་འབར་དང་བཅས། །སྡིག་དང་བྲལ་བའི་ཏིང་འཛིན་གནས། །ཉི་མ་བཞིན་དུ་བརྟག་པར་དཀའ། །དེ་ཡིས་འགྲོ་བ་འདི་དག་ཀུན། །ཕྱི་རོལ་དང་ནི་ནང་དུ་ཡང ། །ཀུན་ཏུ་ཁྱབ་པར་བྱིན་གྱིས་བརླབས། །མེ་ལོང་ཡིད་དུ་ཤེས་པར་བྱོས། །ཤེས་རབ་མིག་ཀྱང་དེ་ཉིད་དེ། །སྔགས་པ་ཤེས་རབ་མིག་གིས་སུ། །མེ་ལོང་ལ་ནི་རྣམ་བལྟས་ན། །དེ་ནི་རང་གཟུགས་རྫོགས་སངས་རྒྱས། །མཚན་ཉིད་རབ་ཏུ་ཞི་བར་མཐོང ། །དེ་ཚེ་ལུས་ལ་ལུས་ཀྱི་གཟུགས། །ཡིད་ལ་ཡིད་ལས་བྱུང་བ་ནི། །དག་ཅིང་རྣམ་པར་མཛེས་པ་དག་།བདག་གི་ལས་ཀྱིས་བྱུང་བར་གྱུར། །དེ་ནས་དེ་ཡི་འོད་ཟེར་ནི། །གང་གིས་
285a
༄#། །སྔགས་པ་སངས་རྒྱས་ཀྱིས། །སྤྱོད་པ་ཐམས་ཅད་རབ་བྱེད་པ། །ཀུན་ནས་རྣམ་པར་སྣང་བར་འགྱུར། །དེ་བཞིན་བདག་ཉིད་དག་པ་ཡིས། །བལྟས་པའམ་ནི་སྨྲས་པས་ཀྱང ། །ཡིད་ལ་བསམ་པའི་དགོས་པ་ནི། །ཐམས་ཅད་བྱེད་པར་འགྱུར་བ་ཉིད། །གསང་བ་པའི་བདག་པོ། །གཞན་ཡང་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པས་འདི་ལྟར་ལུས་ལ་ལུས་ཀྱི་གཟུགས་བསྐྱེད་པར་བྱའོ། །ཡང་དག་པར་རྫོགས་པའི་སངས་རྒྱས་ལས་ལྷག་པ་ནི། གང་ཡང་མེད་དེ།་ཇི་ལྟར་བདག་གི་མིག་དང ། རྣ་བ་དང ། སྣ་དང ། ལྕེ་དང ། ལུས་དང ། ཡིད་ལ་སོགས་པ་འབྱུང་བ་ཆེན་པོ་བཞིའི་ནང་དུ་གཏོགས་པ་ཡིན་ལ། དེ་དག་ཀྱང་ངོ་བོ་ཉིད་སྟོང་པ།་མིང་ཙམ་གྱིས་བསྡུས་པ། ནམ་མཁའ་དང་མཚུངས་ཤིང་འདྲ་བ། གཟུང་དུ་མེད་པ། རྒྱུ་དང་ལས་ལས་བྱུང་བ་སྟེ། གཟུགས་བརྙན་དང་འདྲ་བ་དེ་བཞིན་དུ་དེ་བཞིན་གཤེགས་པ་རྣམས་ཀྱིས་མངོན་པར་རྫོགས་པར་སངས་རྒྱས་སོ། །དེ་དག་ཀྱང་ཕན་ཚུན་རྟེན་ཅིང་འབྲེལ་པར་འབྱུང་བའི་རྒྱུན་མ་ཆད་པར་འབྲེལ་པ་སྟེ། གང་ལ་བརྟེན་ནས་སྐྱེས་པ་དེ་ནི། གཟུགས་བརྙན་དང་འདྲ་བར་འབྱུང་ངོ ། །དེ་ལྟ་བས་ན། ཕན་ཚུན་རྟེན་ཅིང་འབྲེལ་པར་འབྱུང་བའི་ཕྱིར་ལྷ་གང་ཡིན་པ་དེ་བདག་ཡིན། བདག་གང་ཡིན་པ་དེ་ནི། ལྷ་ཡིན་
285b
ནོ། །ཞེས་དེ་ལྟར་ལུས་ཀྱི་གཟུགས་ལྷའི་སྐུར་བསྐྱེད་པར་བྱའོ། །གསང་བ་པའི་བདག་པོ། ཆོས་ལ་བརྟེན་ནས་རྟོགས་པ་འབྱུང ། རྟོགས་པ་ལ་བརྟེན་ནས་ཀྱང་ཆོས་འབྱུང་བ་ལ་ལྟོས། དེ་གཉིས་ཀྱང་རང་བཞིན་གྱིས་སྟོང་པའི་ཕྱིར་ཕན་ཚུན་བྱེད་པ་པོ་དང ། ལས་སུ་རྣམ་པར་འཇོག་པར་ཡང་མི་བྱེད་དོ། །གསང་བ་པའི་བདག་པོ། ཇི་ལྟར་ན་ཡིད་ལ་ཡིད་ལས་བྱུང་བའི་གཟུགས་བསྐྱེད་པར་བྱ་ཞེ་ན། གསང་བ་པའི་བདག་པོ། འདི་ལྟ་སྟེ། དཀར་པོའམ། སེར་པོའམ། དམར་པོ་ཡིད་ལ་བྱས་ན། ཡིད་དེའི་རྣམ་པ་ལ་ཞེན་པར་གྱུར་ཏེ། དེས་ན་དེ་ལྟ་བུའི་དགོས་པ་ཡང་དེ་ལྟ་བུ་ཁོ་ན་མངོན་པར་སྒྲུབ་པར་བྱེད་དོ། །གསང་བ་པའི་བདག་པོ། འདི་ལྟ་སྟེ། ཡིད་ལ་དཀྱིལ་འཁོར་བསམས་ནས་སུ། །རིམས་ནད་ཅན་ལ་བཞག་ན་ནི། ། དེ་ཡི་མོད་ལ་སྐྱེ་བོ་ནི། །རིམས་ལས་ཐར་འགྱུར་དགོས་པ་མེད། །ཡིད་མེད་པར་ཡང་དཀྱིལ་འཁོར་ཡོད་པ་མ་ཡིན་ལ། དཀྱིལ་འཁོར་མེད་པར་ཡང་ཡིད་ཡོད་པ་མ་ཡིན་ནོ། །དེ་ཅིའི་ཕྱིར་ཞེ་ན། དཀྱིལ་འཁོར་དང་མཚན་ཉིད་གཅིག་པའི་ཕྱིར་རོ། །གསང་བ་པའི་བདག་པོ། འདི་ལྟ་སྟེ། སྒྱུ་མ་མཁན་གྱིས་སྒྱུ་མའི་མི་གཞན་ཞིག་སྤྲུལ་ན། གསང་བ་པའི་བདག་པོ། དེ་ཇི་སྙམ་དུ་སེམས། དེ་ལ་ཁྱད་པར་ཅི་ཞིག་ཡོད། །དེ་སྐད་ཅེས་བཀའ་སྩལ་པ་དང ། བཅོམ་ལྡན་འདས་ལ་གསང་བ་པའི་བདག་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །མི་དེ་གཉིས་
286a
༄#། །ག་ལ་ཡང་ཁྱད་པར་མ་མཆིས་སོ། །བཅོམ་ལྡན་འདས། དེ་ཅིའི་སླད་དུ་ཞེ་ན། མི་དེ་གཉི་ག་ཡང་ཡང་དག་པ་མ་ཡིན་པ་ལས་བྱུང་བ་དང ། སྒྱུ་མ་ཡང་རང་བཞིན་གྱིས་སྟོང་པའི་སླད་དུའོ། །གསང་བ་པའི་བདག་པོ། །དེ་བཞིན་དུ་ཡིད་ལས་བྱུང་བའི་དངོས་པོ་དང ། ཡིད་གང་ཡིན་པ་དེ་གཉི་ག་ཡང་རྣམ་པར་བརྟགས་པ་ཡིན་པའི་ཕྱིར་ངོ་བོ་ཉིད་ཀྱིས་སྟོང་པའོ། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། ཡི་གེ་བརྒྱ་བ་རྣམ་པར་དགོད་པ་སྒྲུབ་པ་རིམ་པར་ཕྱེ་བའོ།། །།དེ་ནས་ཡང་བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་བ། གསང་བ་པའི་བདག་པོ། གསང་སྔགས་ཀྱི་མགོན་པོའི་སྐུ་དང་ལུས་སུ་དབྱེར་མེད་པ་ཉོན་ཅིག་།ཡིད་ལས་གྱུར་པ་ལས་བྱུང་ཞིང ། །ཡིད་ཀྱང་ཤིན་ཏུ་རྣམ་སྦྱངས་ནས། །མགོན་པོ་དེ་ན་བཞུགས་པ་ལས། །འོད་ཟེར་སྐུ་ལས་བྱུང་བ་རྣམས། །ཡན་ལག་གང་ནི་ཡན་ལག་ནས། །རྟག་པར་ཀུན་ཏུ་རྣམ་པར་འཕྲོ། །ཚུལ་འདི་དག་ནི་མ་ཤེས་པས། །རྨོངས་པ་རྣམས་ཀྱིས་ཡོངས་མི་ཤེས། །ལུས་ཀྱི་བྱེ་བྲག་ཇི་སྙེད་པ། །བརྗོད་པ་ལས་ནི་མང་དུ་གྱུར། །དེ་བཞིན་སྔགས་ཀྱི་མགོན་པོ་ཡི། །བྱེ་བྲག་དག་ཀྱང་གྲངས་མེད་གསུངས། །ཇི་ལྟར་ཡིད་བཞིན་ནོར་བུ་ནི། །དཔལ་ལྡན་འདོད་པའི་དོན་
286b
སྒྲུབ་པ། །དེ་བཞིན་འཇིག་རྟེན་སྒྲོན་མ་ཡི། །སྐུ་ཡང་དོན་རྣམས་ཐམས་ཅད་སྒྲུབ། །གསང་བ་པའི་བདག་པོ། །ཆོས་ཀྱི་དབྱིངས་རྣམ་པར་མི་རྟོག་པ་ཇི་ལྟར་དགོས་པ་ཐམས་ཅད་མངོན་པར་སྒྲུབ་ཅེ་ན། གསང་བ་པའི་བདག་པོ། འདི་ལྟ་སྟེ། དཔེར་ན། ནམ་མཁའི་ཁམས་ནི། སེམས་ཅན་ཡང་མ་ཡིན། སྲོག་ཀྱང་མ་ཡིན། ཤེད་ལས་སྐྱེས་པ་ཡང་མ་ཡིན། བྱེད་པ་པོ་ཡང་མ་ཡིན། ཚོར་བ་པོ་ཡང་མ་ཡིན། གཟུང་བ་པོ་ཡང་མ་ཡིན། འཛིན་པ་ཡང་མ་ཡིན་ཞིང་རྟོག་པ་དང་རྣམ་པར་རྟོག་པ་ཐམས་ཅད་དང་བྲལ་མོད་ཀྱི། འོན་ཀྱང་སེམས་ཅན་གྱི་ཁམས་མ་ལུས་པ་རྣམས་འགྲོ་བ་དང་འོང་བ་ལ་སོགས་པ་ཐམས་ཅད་བྱེད་དེ། འདི་ལ་ནི་མི་རྟོག་པ་མེད་དོ། །དེ་བཞིན་རྣམ་པར་མི་རྟོག་པའི། །ཐམས་ཅད་མཁྱེན་པའི་གནས་མེད་འདི། །འགྲོ་བ་རྣམས་ཀྱི་ཕྱི་དང་ནང ། །ཐམས་ཅད་ངེས་པ་ཉིད་དུ་སྒྲུབ། །དེ་ནས་ཡང་བཅོམ་ལྡན་འདས་ཀྱིས་སེམས་ཅན་གྱི་ཁམས་མ་ལུས་པ་རྣམ་པར་སྦྱོང་བའི་ཚིག་རྣམས་ཀྱིས་ཏིང་ངེ་འཛིན་སྒྲུབ་པའི་ཚིག་།བསམ་གྱིས་མི་ཁྱབ་པའི་ཚིག་།ཡོངས་སུ་གྱུར་པའི་སྒོའི་ཚིག་གསུངས་པ། གང་གི་ཚེ་ན་ཐོག་མ་ནས། །ཅུང་ཟད་སྐྱེ་བའམ་འཇིག་མེད་པ། །དེ་ཚེ་རྣལ་འབྱོར་ཅན་དག་གི་།སྟོང་པའི་ཡེ་ཤེས་ཇི་ལྟར་སྐྱེ། །གང་ཚེ་ཆོས་ཞེས་བྱ་བ་དེ། །ངོ་བོ་ཉིད་ཀྱིས་མི་རྙེད་པ། །དེ་ཚེ་ནམ་མཁའ་འདྲ་བའི་སེམས། །བྱང་ཆུབ་འབྱུང་བ་སྐྱེ་བར་འགྱུར། །དེ་ཚེ་འཇིག་རྟེན་ཀུན་མཐུན་པའི། །
287a
༄#། །སྙིང་རྗེ་དག་ཀྱང་སྐྱེ་བར་འགྱུར་རོ། །མིང་ཙམ་གྱི་ནི་ཚུལ་དུ་གནས། །སངས་རྒྱས་མིང་དུ་འདི་བརྗོད་དོ། །དེ་ཚེ་སྟོང་དང་མི་སྟོང་ཞེས། །ཡང་དག་ཏུ་ནི་མིང་དུ་འདོགས།། དེ་ལ་གཅིག་གཉིས་གསུམ་ལ་སོགས། །གྲངས་ཀྱི་དབྱེ་བའང་འབྱུང་བར་འགྱུར། །དེ་ལྟར་དཔའ་བོ་སྟོང་པ་དེ། །རང་བྱུང་རྣམས་ཀྱི་བྱིན་རླབས་ལས། ། ལ་སོགས་པ་རིམ་བཞིན་འཕེལ། ། བ་ཀ་ཁ་ག་གྷ། ཙ་ཚ་ཛ་ཛྷ། ཊ་ཋ་ཌ་ཌྷ། ཏ་ཐ་ད་དྷ། པ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ། ང་ཉ་ཎ་ན་རྣམས་ནི། གསང་བ་པའི་བདག་པོ། ཨ་ཞེས་བྱ་བའི་མཚན་མས་བྱིན་གྱིས་བརླབས་པའི་སྟོང་པ་ཉིད་ཀྱི་མཐུ་རླབས་ཏིང་ངེ་འཛིན་གྱི་ཚུལ་སྒྲུབ་པ་ལ་ལྟོས། གསང་བ་པའི་བདག་པོ། ཨ་ཞེས་བྱ་བ་ཉིད་རྣམ་པ་སྣ་ཚོགས་སུ་བཀོད་པའི་བདག་ཉིད་དུ་གནས་སོ། །དེ་ཡང་ཆོས་ཐམས་ཅད་མ་སྐྱེས་པའོ། །ཞེས་རང་གི་ངོ་བོ་ཉིད་མངོན་པར་སྟོན་ཏོ། །ཁ་ཅིག་ཏུ་ནི། བརྗོད་དུ་མེད་པའི་དོན་དུ་བའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་དགོས་པ་དང་བྲལ་བའི་དོན་དུ་ཀའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་ནམ་མཁའ་དང་འདྲའོ། །ཞེས་ཁའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་འགྲོ་བ་མེད་པར་གའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་གཅིག་ཏུ་འཕུངས་པ་མེད་པར་གྷའི་
287b
གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་འཆི་འཕོ་མེད་པའོ་ཞེས་ཙའི་གཟུགས་ཀྱིས་སྟོན་ཏོ། ཁ་ཅིག་ཏུ་ནི། ཆོས་ཐམས་ཅད་སྟོན་ཀའི་སྤྲིན་དང་འདྲའོ། །ཞེས་ཚའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་སྐྱེ་བ་མེད་པར་ ཛའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་རྙོག་པ་དང་བྲལ་བའོ། །ཞེས་ཛྷའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་ང་རྒྱལ་དང་བྲལ་བའོ། །ཞེས་ཊའི་གཟུགས་ཀྱིས་སྟོན་པའོ། །ཁ་ཅིག་ཏུ་ནི། ཆོས་ཐམས་ཅད་བསྐྱེད་པ་དང་བྲལ་བའོ། །ཞེས་ཋའི་གཟུགས་ཀྱིས་སྟོན་ཏོ། ། ཁ་ཅིག་ཏུ་ནི། ཆོས་ཐམས་ཅད་འཁྲུག་པ་དང་བྲལ་བའོ། །ཞེས་ཌའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་སླུ་བ་དང་བྲལ་བའོ། །ཞེས་ཌྷའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་དེ་བཞིན་ཉིད་དང་བྲལ་བའོ། །ཞེས་ཏའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་གནས་པ་དང་བྲལ་བའོ། །ཞེས་ཐའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་སྦྱིན་པ་དང་བྲལ་བའོ། །ཞེས་དའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་ཁམས་དམིགས་སུ་མེད་པའོ། །ཞེས་དྷའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་ལ་དོན་དམ་པའི་བདེན་པ་དམིགས་སུ་མེད་པའོ་ཞེས་པའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་དབུ་པ་ལྟར་སྙིང་པོ་མེད་པའོ། །ཞེས་ཕའི་གཟུགས་ཀྱིས་
288a
༄#། །སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་ལ་སྤིད་པ་དམིགས་སུ་མེད་དོ། །ཞེས་བྷའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་ལ་འཆི་བ་དམིགས་སུ་མེད་དོ། །ཞེས་མའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་ལ་ཐེག་པ་དམིགས་སུ་མེད་པའོ། །ཞེས་ཡའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་རྡུལ་དང་བྲལ་བའོ། །ཞེས་རའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་མཚན་ཉིད་དམིགས་སུ་མེད་དོ། །ཞེས་ལའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་ཞི་བ་དང་བྲལ་བའོ། །ཞེས་ཤའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་རང་བཞིན་གྱིས་བེམ་པོའོ། །ཞེས་ཥའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི།་ཆོས་ཐམས་ཅད་ལ་བདེན་པ་དམིགས་སུ་མེད་དོ། །ཞེས་སའི་གཟུགས་ཀྱིས་སྟོན་ཏོ། །ཁ་ཅིག་ཏུ་ནི། ཆོས་ཐམས་ཅད་རྒྱུ་དང་བྲལ་བའོ། །ཞེས་ཧའི་གཟུགས་ཀྱིས་སྟོན་ཏོ། ། གསང་བ་པའི་བདག་པོ། དེ་ལྟར་ན་ཏིང་ངེ་འཛིན་སྒྲུབ་པའི་སྒོ་རེ་རོ་ལ་ཡང་ཏིང་ངེ་འཛིན་སྒྲུབ་པའི་སྒོ་སུམ་ཅུ་རྩ་གཉིས་སུ་རིག་པར་བྱའོ། །གསང་བ་པའི་བདག་པོ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་གང་ཡིན་པ་དེ་དག་ཀྱང་འདི་དག་ཉིད་ལས་བྱུང་བ་ལ་ལྟོས། ང་དང ། ཉ་དང ། ཎ་དང ། ན་རྣམས་ནི། ཏིང་ངེ་འཛིན་ཐམས་ཅད་ལ་དབང་བྱེད་པ་སྟེ། དེ་རྣམས་ལས་ཡང་དག་པར་
288b
རྫོགས་པའི་སངས་རྒྱས་ཀྱི་དཔེ་བྱད་བཟང་པོ་རྣམས་ཀྱང་མངོན་པར་འགྲུབ་པར་བལྟའོ། །གསང་བ་པའི་བདག་པོ། །དེ་ལྟ་བས་ན། བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པས་འདི་ལྟར་སངས་རྒྱས་ཀྱི་དགོངས་པ་མཐར་ཕྱིན་པ་སེམས་བཅུ་རྣམ་པ་བཅུར་བསྒྱུར་བའི་ཚད་ལས་ཡི་གེ་བརྒྱ་འབྱུང་བའི་དམ་ཚིག་བསྟན་པར་ཤེས་པར་བྱའོ། །རྫོགས་སངས་རྒྱས་ཀྱིས་འདི་དག་ཀུན། །ཆུབ་པར་བྱས་ཤིང་རྒྱས་པར་བྱས། །ལའང་ཐམས་ཅད་ཡོད་པས་ན། །ང་ནི་རྒྱལ་མཆོག་ཀུན་སངས་རྒྱས། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། བདག་ཉིད་སྒྲུབ་པའི་རིམ་པར་ཕྱེ་བའོ།། །།གསང་བ་པའི་བདག་པོ། གཞན་ཡང་འདི་དག་ཐམས་ཅད་ནི། ཏིང་ངེ་འཛིན་གྱི་ཚུལ་སྒྲུབ་པའི་ཚིག་རྣམས་ཏེ། སྟོང་པ་ཉིད་འདིས་བྱིན་གྱིས་བརླབས་ན། ཆོས་ཐམས་ཅད་ལ་དབང་མཛད་པ་རྫོགས་པའི་སངས་རྒྱས་ཇི་ལྟ་བ་བཞིན་དུ་འགྱུར་རོ། །དེ་བས་ཡི་གེ་ལྷ་ཡིན་ཏེ། ། ཞེས་བྱ་བ་གོ་འཕང་མཆོག་།ཡི་གེ་རྣམས་ཀྱིས་ཡོངས་བསྐོར་ཅིང ། །ཐམས་ཅད་དུ་ཡང་རྣམ་པར་སྣང ། །ལྷ་དེ་མཚན་ཉིད་མེད་པ་སྟེ། །མཚན་གཞི་མཚན་ཉིད་སྤངས་པ་དང ། །མཚན་ཉིད་མེད་པའི་ལྷ་ལས་ནི། །མཚན་ཉིད་འདི་དག་བྱུང་བར་གྱུར། །སྒྲ་ལས་སུ་ནི་ཡི་གེ་འབྱུང ། །ཡི་གེ་ལས་ནི་གསང་སྔགས་འབྱུང ། །སྔགས་ལས་འབྲས་བུ་འབྱུང་བར་ཡང ། །སྐྱོབ་པ་རྣམས་ནི་ཀུན་
289a
༄#། །གྱིས་གསུངས། །སྒྲ་ནི་སྟོང་པར་ཤེས་བྱ་སྟེ། །དེས་ནི་འདི་ཀུན་སྟོང་པ་ཡིན། །མི་རྟོག་བཞིན་དུ་ཇི་ལྟ་བར། །དེས་ནི་འདི་ཀུན་སྟོང་པར་བྱ། །སྟོང་མིན་སྒྲ་ཡང་ཡོད་མ་ཡིན། །སྦྱོར་བ་དག་ཀྱང་ཀུན་ཏུ་བསྟན། །སྒྲ་དེ་རྟོགས་པར་གྱུར་པ་ནི། ལྷ་ཡི་གནས་དང་ཏིང་ངེ་འཛིན། །ཡི་གེ་དགོད་པར་སྦྱར་བ་དང ། །ཡི་གེ་རྣམས་ཀྱིས་ཀུན་བསྟན་པས། ། གསང་སྔགས་མང་པོ་ཞེས་བྱ་བར། །ཐ་སྙད་གདངས་པའི་གནས་སུ་འགྱུར། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། ཡི་གེ་བརྒྱ་པའི་སྔགས་ཀྱི་ཆོ་ག་རིམ་པར་ཕྱེ་བའོ།། །།ཇི་ལྟར་ནམ་མཁའི་ཕྱོགས་རྣམས་ན། །ཀུན་ལ་རྟག་པར་མི་གནས་པ། །དེ་བཞིན་ཆོས་རྣམས་ཐམས་ཅད་ལ། ། གསང་སྔགས་མགོན་པོ་མི་གནས་སོ། །ཇི་ལྟར་དངོས་རྣམས་ནམ་མཁའ་ལ། །གནས་ཤིང་རྟག་ཏུ་རྣམ་སྣང་ཡང ། །དེ་ནི་གནས་སུ་མི་འགྱུར་བ། །གསང་སྔགས་མགོན་པོའང་དེ་བཞིན་ནོ། །ནམ་མཁའ་དུས་གསུམ་ལ་སོགས་དང ། །ཇི་ལྟར་བྲལ་བར་འདོད་པ་བཞིན། །དེ་ལྟར་གསང་སྔགས་མགོན་པོ་ཡང ། །དུས་གསུམ་མེད་ཀྱང་རྣམ་པར་སྣང ། །མིང་ཙམ་དུ་ནི་གདགས་པའི་གནས། །བྱེད་པ་པོ་ལ་སོགས་དང་བྲལ། །ནམ་མཁའ་ལ་ནི་ཐ་སྙད་དུ། །མཁས་པ་རྣམས་ནི་འདོགས་པར་བྱེད། །མིང་མ་གཏོགས་པར་ཅུང་ཟད་ཀྱང ། །ཡོད་པ་མ་ཡིན་ནམ་མཁའ་
289b
བཞིན། །དེ་བཞིན་གསང་སྔགས་དབང་ཕྱུག་ཀྱང ། །ཐ་སྙད་ཙམ་དུ་སྣང་བར་ཟད། །མེ་དང་ཆུ་དང་རླུང་མ་ཡིན། །ས་དང་ཉི་མའང་མ་ཡིན་ཞིང ། །ཟླ་བ་ལ་སོགས་གཟའ་ཀུན་མིན། །ཉིན་པར་དང་ནི་མཚན་མོའང་མིན། །སྐྱེ་བ་དང་ནི་རྒ་བའང་མིན། །འཆི་བ་དང་ནི་རྒུད་པའང་མིན། །སྐད་ཅིག་མ་ཡིན་ཡུད་ཙམ་མིན། །ལོ་ལ་སོགས་པའང་མ་ཡིན་ཞིང ། །འཇིག་པ་དང་ནི་ཆགས་པའང་མིན། །བསྐལ་པའི་གྲངས་ཀྱང་ཡོད་མ་ཡིན། །དགེ་དང་མི་དགེ་ལས་བྱུང་བའི། །འབྲས་བུའང་ཡོད་པ་མ་ཡིན་ནོ། །ཀུན་མཁྱེན་གོ་འཕང་འདོད་པ་ཡིས། །རྟོག་པ་རྣམ་པ་སྣ་ཚོགས་པ། ། དེ་ཀུན་གང་ལ་མེད་གྱུར་པ། །དེ་ལ་རྟག་ཏུ་བརྩོན་པར་བྱ། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། རྫོགས་པར་བྱང་ཆུབ་པའི་ངོ་བོ་ཉིད་བསྟན་པའི་རིམ་པར་ཕྱེ་བའོ།། །།དེ་ནས་ཡང་བཅོམ་ལྡན་འདས་ལ་གསང་བ་པའི་བདག་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས། དམ་ཚིག་གསུམ་ཞེས་བགྱི་བ་དེ་ཆོས་གང་གི་ཚིག་བླ་དྭགས་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་རྣམ་པར་སྣང་མཛད་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། ཁྱོད་ཀྱིས་ང་ལ་གང་ཞུས་པ་དེ་ལེགས་སོ་ལེགས་སོ། །དེའི་ཕྱིར་ཉོན་ལ་ལེགས་པར་རབ་ཏུ་ཡིད་ལ་ཟུངས་ཤིག་དང་ངས་ཁྱོད་ལ་བཤད་དོ། །བཅོམ་
290a
༄#། །ལྡན་འདས། དེ་ལྟར་འཚལ་ལོ། །ཞེས་གསོལ་ནས་གསང་བ་པའི་བདག་པོ་ཕྱག་ན་རྡོ་རྗེས་བཅོམ་ལྡན་འདས་ལ་ཉན་པ་དང ། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །ཆོས་ཀྱི་ཁྱད་པར་གང་ལས་ཆོས་ཀྱི་ཁྱད་པར་རྣམ་པ་གསུམ་སྒྲིབ་པ་མེད་པའི་ཚུལ་གྱིས་འབྱུང་བར་འགྱུར་བ་དེ་ནི། དམ་ཚིག་གསུམ་སྟེ། ཆོས་ཀྱི་ཁྱད་པར་དེ་ཡང་གང་ཞེ་ན། ཆོས་ཞེས་བྱ་བ་ནི། དང་པོའི་སེམས་ཏེ། རྣམ་པར་བསྒོམས་པའི་རང་བཞིན་དང ། དེའི་རྗེས་ལ་བྱུང་བའི་ཤེས་རབ་དང ། དེས་ཀྱང་ཡང་དག་པར་ཇི་ལྟ་བ་བཞིན་དུ་ཡོངས་སུ་ཤེས་ནས་རྟོགས་པའི་དྲ་མ་ལུས་པ་དང་བྲལ་བའི་སེམས་བསྐྱེད་པ་ནི། བྱང་ཆུབ་ཀྱི་མཚན་ཉིད་དོ། །གཉིས་པ་ནི། རྣམ་པར་མི་རྟོག་པ་སྟེ། རྫོགས་པའི་སངས་རྒྱས་ཀྱི་གོ་འཕང་ངོ ། །གསང་བ་པའི་བདག་པོ། ཡང་དག་པ་ཇི་ལྟ་བ་བཞིན་དུ་མཐོང་ནས་ཀྱང་སེམས་ཅན་གྱི་ཁམས་མ་ལུས་པ་ལ་བལྟས་ནས་སྙིང་རྗེའི་དབང་དུ་གྱུར་པས་དམིགས་སུ་མེད་པ་དེ་ཉིད་འདི་ལྟ་སྟེ། སྤྲོས་པ་ཐམས་ཅད་དང་བྲལ་བ་མཚན་ཉིད་མེད་པའི་བྱང་ཆུབ་ལ་སེམས་ཅན་རྣམས་རབ་ཏུ་དགོད་པར་བྱའོ་སྙམ་པའི་བྱང་ཆུབ་ཀྱི་སེམས་སྐྱེ་བ་དེ་ནི། དམ་ཚིག་དེ་གསུམ་མོ། །གསང་བ་པའི་བདག་པོ། གཞན་ཡང་དམ་ཚིག་གསུམ་གང་ཞེ་ན། དང་པོའི་སེམས་ནི་སངས་རྒྱས་ཏེ། །གཉིས་པ་ཡང་ནི་ཆོས་ཞེས་བྱ། །དེ་དང་ལྷན་ཅིག་བྱུང་བའི་སེམས། །དགེ་འདུན་ཞེས་
290b
ནི་བཤད་པ་ཡིན། །དཔའ་བོ་དམ་ཚིག་དེ་གསུམ་ནི། །འདྲེན་པ་རྣམས་ཀྱིས་ཁྱོད་ལ་བཤད། །དེ་ཚེ་སྣ་ཚོགས་ཚུལ་གྱི་སོགས། །དཔའ་བོ་སེམས་ཅན་ཕན་འདོད་པས། །དམ་ཚིག་གསུམ་པོ་འདི་དག་ལ། །གནས་ནས་བྱང་ཆུབ་སྤྱད་པ་སྤྱོད། །གསང་བ་པའི་བདག་པོ། །གང་གི་ཚེ་སྐུ་གསུམ་ལ་མངའ་མཛད་པ་དེ་དག་རྫོགས་པར་སངས་རྒྱས་པར་གྱུར་པ་དེའི་ཚེ་ཡང་དག་པར་རྫོགས་པའི་སངས་རྒྱས་དེ་དག་འདི་ལྟར་དང་པོར་སྤྲུལ་པའི་སྐུ་གཅིག་པུར་བྱིན་གྱིས་བརླབས་ནས་བསྟན་པ་གཞག་པ་མཛད་དོ། །གསང་བ་པའི་བདག་པོ། གཞན་ཡང་སྐུ་གཅིག་པུ་དེ་ཉིད་རྣམ་པ་གསུམ་དུ་འཇོག་པ་ནི། འདི་ལྟར་སངས་རྒྱས་དང ། ཆོས་དང ། དགེ་འདུན་ནོ། །གསང་བ་པའི་བདག་པོ། གཞན་ཡང་དེ་ཉིད་ཐེག་པ་གསུམ་དུ་འཇོག་པས་སྟོན་ཏོ། །དེའི་ཚེ་སངས་རྒྱས་ཀྱི་བྱ་བ་མཐའ་དག་བྱས་ནས་ཡོངས་སུ་མྱ་ངན་ལས་འདས་པ་སྟོན་ཅིང་སེམས་ཅན་རྣམས་ཡོངས་སུ་སྨིན་པར་མཛད་དོ། །གསང་བ་པའི་བདག་པོ། མི་དད་པ་དང ། ལེ་ལོ་ཅན་དང ། འདུ་འཛི་ཅན་དང ། སྔགས་ལ་ཡིད་མི་ཆེས་པ་དང ། ཡི་ཆད་མང་པོ་ལ་སོགས་པ་མ་གཏོགས་པར་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྦྱང་པ་སྤྱོད་པ་གང་དག་དམ་ཚིག་གསུམ་པོ་ཡོངས་སུ་ཤེས་པ་དང་ལྡན་པ། གསང་སྔགས་ཀྱི་ཆོ་ག་སྒྲུབ་པ་དེ་དག་ལ་རྟོག་པ་ལས་བྱུང་བའི་བགེགས་མེད་པ་ལ་ལྟོས། ཆང་བཏུང་བ་དང་ཁྲི་ལ་ཉལ་བ་གཉིས་ནི། མི་བྱའོ། །
291a
༄#། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། དམ་ཚིག་གསུམ་སྤྱད་པ་རིམ་པར་ཕྱེ་བའོ།། །། ཇི་ལྟར་དེ་བཞིན་གཤེགས་པ་ལགས། །ཇི་ལྟར་རྒྱལ་བ་མཆོག་ཏུ་འགྱུར། །ཇི་ལྟར་བྱང་ཆུབ་སེམས་དཔའ་ལགས། །ཇི་ལྟར་སངས་རྒྱས་ཞེས་ན་བགྱི། །ཐུབ་ཆེན་མགོན་པོས་བདག་གིས་ནི། །ཐེ་ཚོམ་འདི་དག་བསལ་དུ་གསོལ། །བྱང་ཆུབ་སེམས་དཔའ་གྲགས་ཆེན་རྣམས། །ཐེ་ཚོམ་ཡིད་གཉིས་བསལ་ནས་སུ། །སྤྱོད་པའི་རྒྱལ་པོ་བླ་མེད་པ། །ཐེག་ཆེན་ལ་ནི་སྤྱོད་པར་འགྱུར། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་ཐམས་ཅད་དང་ལྡན་པའི་འཁོར་འདུས་པ་ལ་གཟིགས་ནས་གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ། གང་ཁྱོད་ངལ་ཞུ་བ་ལེགས་སོ་ལེགས་སོ། །དེའི་ཕྱིར་ཐེག་པ་ཆེན་པོའི་ཚུལ་བཤད་ཀྱི། ཉོན་ཅིག། བྱང་ཆུབ་ནམ་མཁའི་མཚན་ཉིད་དེ། །ཀུན་ཏུ་རྟོག་པ་ཐམས་ཅད་སྤངས། །གང་ཞིག་དེ་རྟོགས་འདོད་པ་དེ། །བྱང་ཆུབ་སེམས་དཔའ་ཞེས་བྱའོ། །གང་གིས་ས་བཅུ་བསྒྲུབས་ནས་ནི། །དབང་བཅུ་ལེགས་རྟོགས་ཁོང་དུ་ཆུད། །སྟོང་པ་སྒྱུ་མ་འདྲ་བའི་ཆོས། །རྣམ་པ་ཐམས་ཅད་མཁྱེན་ཅིང་འདིར། །འཇིག་རྟེན་ཀུན་གྱི་ཚུལ་མཁྱེན་པ། །སངས་རྒྱས་ཞེས་ནི་བྱ་བ་ཡིན། །ཆོས་ནི་ནམ་མཁའི་མཚན་ཉིད་དེ། །གཉིས་སུ་མེད་ཅིང་མཚན་
291b
ཉིད་གཅིག་།སྟོབས་བཅུས་རྫོགས་པར་སངས་རྒྱས་པ། །དེ་ནི་རྫོགས་སངས་རྒྱས་ཞེས་བྱ། །འདུ་ཤེས་ཙམ་ཡང་སྤངས་པའི་ཕྱིར། །ཡེ་ཤེས་རང་རིག་བྱ་བ་ནི། །དེ་ནི་དེ་བཞིན་གཤེགས་པས་བཤད། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། དེ་བཞིན་གཤེགས་པ་བསྟན་པ་རིམ་པར་ཕྱེ་བའོ། །ལག་ན་རྡོ་རྗེ། གཞན་ཡང་དུས་གཅིག་གི་ཆེན་ང་བྱང་ཆུབ་སེམས་དཔར་གྱུར་ཏེ། བྱང་ཆུབ་སེམས་དཔའི་སྤྱད་པ་སྤྱོད་ཅིང་ཚངས་པའི་འཇིག་རྟེན་ན་འདུག་པ་ན་ཚངས་པས་ང་ལ། ཀྱེ་ཚངས་པ་ཆེན་པོ། མེ་ལ་རྣམ་པ་དུ་ཡོད་པར་ཤེས་པར་བྱ་ཞེས་དྲིས་པ་དང ། ངས་དེ་ལ་འདི་སྐད་ཅེས་སྨྲས་སོ། །མེ་ང་རྒྱལ་ཅན་གང་ཡིན་པ་དེ་ནི། རང་བྱུང་བའོ། །དེའི་འོག་ཏུ་ཚངས་པའི་བུ་སྟེ། དེ་ལས་སྐྱེས་པ་ཡིན་ནོ། །འཇིག་རྟེན་པའི་མེ་པ་བ་ཀ་།ཚངས་པའི་བུ་ནི་དང་པོ་ཡིན། །དེའི་བུ་ཚངས་པའི་ཟས་དེ་ཡང ། །བྷ་ར་ཏ་ཞེས་བྱ་བར་བཤད། །དེའི་བུ་བཻ་ཤཝ་ན་ར་ད། །ཧ་བ་ན་དང་སྲོག་བྱ་ལེན། །ངོས་བསྲུངས་ཨ་ཏང་བ་ན་ཡི། །བུ་ཡིན་པར་ནི་རྒྱ་མཚོར་གྲགས། །རླུང་ཞེས་བྱ་བའི་མི་དེ་ནི། །མངལ་དུ་འདུག་པའི་ཆོ་གར་བཤད། །དེ་ནས་མི་ཁྲུས་བྱ་བ་ལ། །དེ་བཞིན་པ་བ་ནར་ཤེས། །བཀྲ་ཤིས་ཞེས་བྱ་མཚམས་ཀྱི་མཐར། །བཅས་པའི་ལས་ལ་པྲ་གལྡྷའོ། །མིང་འདོགས་མེ་ནི་བར་ཊྷི་བ། །དེ་བཞིན་རྐན་དབབ་པ་ལ་
292a
༄#། །གཙང ། །ཤད་བི་ཞེས་བྱ་གཙུག་ཕུད་ལ། །བརྟུལ་ཞུགས་སྦྱིན་ལ་ཀུན་འབྱུང་ངོ ། །ཉི་མ་ཞེས་བྱ་ཕྱུག་སྦྱིན་ལའོ། །བག་མ་ལེན་ལ་སྦྱོར་བྱེད་བཤད། ། ངེ་ཡིས་ནི་ཁྱིམ་ཁ་བསྲོ། །ཉེ་བར་དབུལ་ལ་མེ་ཉིད་དོ། །པ་བ་ཀ་ཞེས་བྱ་བའི་མེ། །སྣ་ཚོགས་ལྷ་ལ་སྦྱར་བར་བཤད། །ཁྱིམ་བདག་ལ་ནི་ཚངས་པའི་མེ། །དེ་བཞིན་ནོར་འབུལ་བ་ལ་ཞི། །དེ་བཞིན་ཕྱུགས་ནི་བཅིངས་པ་ལ། ། བི་ནི་ཀ་ཞེས་བྱའི་མེ། །ལྟུང་བ་ལ་ནི་བི་ཙི་ཙི། །བཙོས་སྦྱན་ནི་ལ་ནི་སཝཱ་ཧ་ས། །དུས་ཀྱི་མཚམས་ལ་ཧ་བིར་ཞེས། །དེ་བཞིན་ཟླ་བ་གནས་ལ་གཏེར། །མི་ཊ་ཞེས་བྱ་དགང་བླུགས་ལ། །ཞི་ལ་ད་རུ་ནར་འདོད་དོ། །བྱས་མཐའི་མེ་ནི་གཤིན་རྗེའོ། །དེ་བཞིན་རྒྱས་ལ་སྟོབས་སྦྱིན་པའོ། །དྲག་ཤུལ་སྤྱད་པ་ཐམས་ཅད་ལ། །ཁྲོ་བོའི་མེ་ནི་རབ་ཏུ་བསྒྲགས། །འདོད་ལས་སྐྱེས་ཞེས་བྱ་བའི་མེ། །དེ་ནི་དབང་གི་དོན་དུ་བཤད། །ནགས་ཚལ་སྲེག་པ་ཕོ་ཉའི་མེ། །ཁོང་བའི་མེ་ནི་ཛ་ཐ་ར། །བཟའ་བར་བྱ་བ་ཤ་ཟར་བཤད། །རྒོད་མའི་ཁ་ནི་རྒྱ་མཚོ་ནའོ། །ཟད་ཚེ་འཇིག་པ་ཞེས་བྱ་སྟེ། །དུས་མཐའི་མེར་ནི་ཡང་དག་བསྒྲགས། །འདི་ནི་མེ་རྣམས་མདོར་བསྡུས་ནས། །དེས་པ་ཁྱོད་ལ་བཤད་པས་ཏེ། །རིག་བྱེད་ཐོས་པ་སྤྱོད་རྣམས་ཀྱིས། །ཚངས་པའི་བུ་དག་བརྗོད་པ་ཡིན། །བཞི་བཅུ་རྩ་བཞི་འདི་དག་ནི། །དེ་ཡི་ཚེ་ན་ངས་བསྟན་ཏོ། །གསང་བ་པའི་བདག་པོ། དེ་ལ། མེ་རྣམས་རང་བཞིན་མི་ཤེས་པར་
292b
གང་དག་སྦྱིན་སྲེག་བྱེད་པ་དེ། །སྦྱིན་སྲེག་མ་ཡིན་ལེགས་བྱས་མིན། །ལས་ཀྱི་འབྲས་བུའང་ཡོད་མི་འགྱུར། །ངས་བྱང་ཆུབ་མངོན་པར་རྫོགས་པར་སངས་རྒྱས་ནས་ནི། མེ་རྣམ་པ་བཅུ་གཉིས་བསྟན་ཏེ། དེ་དག་ཀྱང་གང་ཞེ་ན། ཡེ་ཤེས་མེ་ནི་དང་པོ་སྟེ། །དེ་ནི་དབང་ཆེན་ཞེས་སུ་བསྒྲགས། །ཁ་དོག་སེར་པོའི་མདོག་ཅན་ལ། །མདོག་དང་རྒྱས་དང་སྟོབས་རབ་སྟེར། །འབར་བའི་ཕྲེང་ཅན་ཏིང་འཛིན་གནས། །ཡེ་ཤེས་རྫོགས་བྱེད་ཡིན་ཞེས་བྱ། །གཉིས་པ་འཛིན་བྱེད་ཅེས་བྱ་སྟེ། །སྟོན་ཀའི་ཟླ་བའི་འོད་དང་འདྲ། །དཔལ་ལྡན་གོས་ནི་དཀར་པོ་དགོས། །བགྲང་ཕྲེང་རིལ་བའི་སྤྱིའུ་བླུགས་ཐོགས། །གསུམ་པ་རླུང་ཞེས་བྱ་བ་སྟེ། །མདོག་ནི་གནག་ལ་རྩུབ་པའོ། །བཞི་པ་དམར་པོ་ཞེས་བྱ་སྟེ། །ནུབ་ཀའི་མཚམས་ཀྱི་དམར་ཐག་འདྲ། །ལྔ་པ་མྲྀ་ཌ་ཞེས་བྱ་བ། །སྤུན་ལ་ཁ་དོག་ཁམ་པ་སྟེ། ། མགྲིན་པ་རིང་ཞིང་གཟི་བརྗིད་ཆེ། །ཀུན་ལ་ཕན་ནི་འདོགས་པར་བཤད། །དྲུག་པ་ཁྲོ་བོ་ཞེས་བྱ་བ། །མིག་ཡོན་དུད་པའི་ཁ་དོག་འདྲ། །གྱེན་དུ་སྐྲ་བརྫེས་སྒྲ་ཆེན་འབྱིན། །མཆེ་བ་བཞི་པ་སྟོབས་པོ་ཆེ། །བདུན་པ་ལྟོ་བ་ཞེས་བྱ་སྟེ། །རྣོ་ལ་ཁ་དོག་ཀུན་དང་ལྡན། །བརྒྱད་པ་ཟད་པ་ཞེས་བྱ་བ། །གློག་གི་འོད་ཟེར་འགྱུར་བ་འདར། །དགུ་བ་ཡིད་ལས་སྐྱེས་ཞེས་བྱ། །སྣ་ཚོགས་གཟུགས་ཅན་སྟོབས་པོ་ཆེ། །བཅུ་པ་འཇིག་རྟེན་འཛིན་པ་ཡིན། །ཤ་ཟའི་མེ་ནི་དེ་ལས་གཞན། །རྨུགས་བྱེད་ཅེས་པ་བཅུ་གཉིས་ཏེ། །སེམས་ཅན་ཐམས་ཅད་རྨུགས་བྱེད་པའོ། །གསང་བ་པའི་བདག་པོ་
293a
༄#། །དེ་ལྟར།་མེ་ཡི་གཟུགས་ནི་བྱིན་བརླབས་ཏེ། །བདག་གི་རང་གི་གཟུགས་དང་ནི། །རྫས་ཀྱང་དེ་ཡི་ངོ་བོར་བྱ། །འདི་ནི་ཕྱི་ཡི་སྦྱིན་སྲེག་སྟེ། །དངོས་གྲུབ་འདོད་པས་སྦྱིན་སྲེག་བྱ། །གསང་བ་པའི་བདག་པོ། ནང་གི་རང་བཞིན་གཅིག་པ་སྟེ། གནས་གསུམ་གཅིག་ཏུ་བྱ་བའི་ཚུལ་གྱིས་གསུམ་དང་ལྡན་པ་ནི། ནང་གིས་བྱིན་སྲེག་ཡིན་ནོ། །གསང་བ་པའི་བདག་པོ། བྱམས་པ་ཆེན་པོ་དང ། སྙིང་རྗེ་ཆེན་པོ་དང་ལྡན་པ་ནི། ཞི་བའོ། །དགའ་བ་དང་ལྡན་པ་ནི། རྒྱས་པའོ། །ཁྲོ་བོའི་མེས་ནི། དྲག་ཤུལ་སྤྱད་པར་བྱ་སྟེ། ཁྲོ་བོ་ཉིད་བརྩན་པར་བྱས་ལ། ཊ་དང་ཕའི་བར་དུ་མིང་བཅུག་སྟེ་གཟུགས་བརྙན་ཡང་ཁྲོ་བོའི་དཀྱིལ་འཁོར་དུ་བཞག་ལ་ཁྲོ་བོ་ཐུལ་བས་བྱའོ། །དབུས་སུ་ནི་རླུང་གི་མེ་གཞག་གོ། གསང་བ་པའི་བདག་པོ།་དེ་ལྟར་ཇི་སྐད་བསྒྲགས་པའི་གནས་དེ་དང་དེ་དག་ཏུ་ཇི་ལྟར་རིགས་པ་དང་ཇི་ལྟར་ལྡན་པར་སྦྱིན་སྲེག་བྱའོ། །དེ་ནས་ཡང་བཅོམ་ལྡན་འདས་ལ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས། མེ་ཡི་ཐབ་ཁུང་ཇི་ལྟར་བགྱི། །བསང་གཏོར་དག་ཀྱང་ཇི་ལྟར་བགྱི། །ཀུ་ཤའི་རྩཝ་ཡང་ཇི་ལྟར་དགྲམ། །ཇི་ལྟར་བསམ་པ་བདག་ལ་གསུངས། །དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། དེ་ལ་མེ་ཡི་ཐབ་ཁུང་ནི། །ཀུན་ཏུ་ཁྲུ་
293b
གང་ཙམ་གྱི་ཚད། །ཁ་ཁྱེར་སོར་བཞིའི་ཚད་དུ་བྱ། །རྡོ་རྗེའི་མཚན་མ་དག་གིས་མཚན། །ཐབ་ཁུང་གི་ནི་གཡས་ཕྱོགས་ནས། །ཀུ་ཤའི་རྩ་ནི་རློན་པ་དགྲམ། །རྩེ་མོ་དག་ཀྱང་རྩ་བས་དཀྲི། ། རྩ་བདག་ཀྱང་རྩེ་མོས་དཀྲི། །འདིར་ནི་བསང་གཏོར་གཡས་ཕྱོགས་ནས། །ཀུ་ཤ་བསྐོར་བ་བཞིན་དུ་བྱ། །བྱུག་སྤོས་མེ་ཏོག་བདུག་སྤོས་དག་།མྲྀ་ཊའི་མི་ལ་དབུལ་བར་བྱ། །ཞུགས་ཐབ་དང་ནི་མྲྀ་ཌའི་མེ། །མེ་ཏོག་གཅིག་གིས་རང་གི་གཟུགས། །སྔགས་པ་སྡོམ་བརྩོན་ཅན་གྱིས་གཞག། བསང་གཏོར་དག་ཀྱང་དེ་ནས་བྱ། །དགང་བླུགས་རང་གི་གསང་སྔགས་ཀྱིས། །མཁས་པས་དེ་ལ་དབུལ་བར་བྱ། །དེ་ནས་ཞི་བའི་སྦྱིན་སྲེག་གམ། །ཡང་ན་རྒྱས་པའི་སྦྱིན་སྲེག་བྱ། །འཇིག་རྟེན་པ་ཡི་སྦྱིན་སྲེག་ནི། །ཕྱི་རོལ་པ་ཞེས་གསུངས་པ་ཡིན། ། གཞན་ཡང་ནང་གི་སྦྱིན་སྲེག་ནི། །ལས་དང་ཚེ་དག་བཀག་པ་སྟེ། །དེ་ནི་ཡིད་ཀྱིས་ཤེས་པར་བྱ། །གཟུགས་དང་སྒྲ་ལ་སོགས་པ་སྤངས། །མིག་དང ། རྣ་བ་དང ། སྣ་དང ། ལྕེ་དང ། ལུས་རྣམས་ནི། ཡིད་ལས་སྐྱེས་པ་སེམས་ཀྱི་རྒྱལ་པོ་ལ་གནས་པ་སྟེ། ཀུན་ཏུ་རྟོག་པས་བསྐྱེད་པ་འདི་དག་དང ། བྱང་ཆུབ་ཀྱི་སེམས་དང ། ཡུལ་དང ། མིག་ལ་སོགས་པ་དང ། རླུང་གི་མེ་ཡང་འཕྲོ་བ་མེད་པའི་ཤེས་རབ་ཀྱིས་བཀག་སྟེ། ཡིད་ཀྱི་མེ་ལ་སྦྱིན་སྲེག་བྱའོ། །དེ་ནི་ནང་གི་སྦྱིན་སྲེག་ཅེས། །ངེས་པ་ཁྱོད་ལ་བསྟན་པ་ཡིན། །དེ་ནས་བཅོམ་ལྡན་འདས་ཀྱིས་ཐམས་ཅད་དང་ལྡན་པའི་འཁོར་
294a
༄#། །འདུས་པ་ལ་བཀའ་སྩལ་པ། ཁྱེད་རྣམས་ཀྱི་ནི་ཆོས་ཀྱི་རྣམ་གྲངས་འདི་ལ་བག་ཡོད་པར་གནས་པས་སྤྱད་པར་བྱའོ། །ང་ཡི་སྲས་རྣམས་མ་གཏོགས་པར། ། གཞན་སུ་ལ་ཡང་མ་སྦྱིན་ཅིག་།དེ་དག་མཚན་ཉིད་བཤད་པར་བྱ། །ཐམས་ཅད་ཀྱིས་ཀྱང་མཉན་པར་གྱིས། །ཉི་མའི་རིགས་ལས་སྐྱེས་པ་དང ། །ང་རྒྱལ་ཅན་ལ་བློ་ཡང་ཞིབ། ། བྱས་པ་གཟོ་ཞིང་ཆོས་ཀྱང་འདོད། །ཆོག་ཀྱང་ཤེས་ཤིང་ཆོས་ལ་འབད། །ཁ་དོག་དག་ཀྱང་སྔོ་བསངས་ལ། །བཞིན་ཡང་ཤིན་ཏུ་བཟང་བ་དང ། །སྣ་དབྱིབས་མཐོ་ལ་རྩེ་མོ་རྣོ། ། མགོ་དང་དཔྲལ་བ་དབྱེས་ཆེ་བ། །དེ་ཀུན་ང་ཡི་སྲས་ཡིན་ཏེ། །བསྟན་པའི་དོན་ལ་སེམས་པ་ཡིན། །དེ་དག་ལ་ནི་ནན་ཏན་དུ། །འདི་ནི་རྟག་ཏུ་སྦྱིན་པར་བྱའོ། །དེ་ནས་དེ་དག་ཐམས་ཅད་ཡིད་རབ་ཏུ་དགའ་ནས་སྟོན་པས་བཀའ་སྩལ་པ་བཞིན་དུ་བགྱིའོ། །ཞེས་གསོལ་ཏོ། །དེ་ནས་དེའི་ཚེ་ཐམས་ཅད་ཀྱིས་དེ་བཞིན་གཤེགས་པ་ལ་ཕྱག་འཚལ་ཏེ། མཆོད་པ་དག་ཀྱང་ལེགས་བྱས་ནས། །སྤྱན་སྔར་འཁོད་ནས་ཐལ་སྦྱར་ཏེ། །འདི་སྐད་ཅེས་ནི་ཚིག་ཏུ་སྨྲས། །ཆོས་ཀྱི་ཚུལ་འདི་འཇིག་རྟེན་ན། །ཇི་ལྟར་ཡུན་རིང་ཀུན་གནས་པར། །མགོན་པོ་བྱིན་གྱི་བརླབ་ཀྱི་ཚིག་།བསྟན་པ་འདི་ལ་བཤད་དུ་གསོལ། །དེ་ནས་བཅོམ་ལྡན་འདས་ཀྱིས་དེའི་ཚེ་ཆོས་ཀྱི་རྣམ་གྲངས་འདི་ལ་བྱིན་གྱིས་བརླབས་པའི་ཚིག་གསུངས་པ། ན་མཿ ་
294b
ས་མནྟ་བུདྡྷཱ་ནཱཾ། སརྦྦ། ཤིཾ་ཤིཾ། ཏྲཾ་ཏྲཾ། གུཾ་གུཾ། དྷ་རཾ་དྷ་རཾ། སྠཱ་པ་ལ། བུདྡྷ་སཏྱ་བཱཀ། དྷརྨ། སཏྱ་བཱཀ། སངྒ་སཏྱ་བཱཀ། ཧཱུཾ་ཧཱུཾ་པེད་བི་དི་སཝཱཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང ། རྡོ་རྗེ་འཛིན་དེ་དག་དང ། བྱང་ཆུབ་སེམས་དཔའ་ཀུན་ཏུ་བཟང་པོ་ལ་སོགས་པ་དེ་དག་ཡི་རང་ནས་བཅོམ་ལྡན་འདས་ཀྱིས་གསུངས་པ་ལས་མངོན་པར་བསྟོད་དོ། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ཤིན་ཏུ་རྒྱས་པ་ཆེན་པོ་མདོ་སྡེའི་དབང་པོའི་རྒྱལ་པོ་ལས། གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པའི་ཆོ་ག་ཇི་སྙེད་པར་རིམ་པར་ཕྱེ་བ་ཉི་ཤུ་རྩ་ལྔ་པ་རྫོགས་སོ།། །།དེ་ནས་གསང་བ་པའི་བདག་པོ་ཕྱག་ན་རྡོ་རྗེས་འདི་སྐད་ཅེས་སྨྲས་སོ། །གང་དག་འདི་ལྟར་སྒྲུབ་པ་ལྷུར་ལེན་པ་དེ་དག་ལ་ཕན་པ་དང་བདེ་བར་བྱ་བའི་ཕྱིར་བསྟན་པ་འདི་ལ་དེ་དག་བཅིངས་པ་བདག་གིས་བཤད་ཀྱི། ཡིད་གཅིག་ཏུ་བསྡུས་ལ་ཉོན་ཅིག་།རྐང་པ་གཡོན་པ་བཏེགས་ནས་ནི། །གཡས་པ་དང་པོར་ལེགས་པར་གཟུགས། །མིག་ནི་རྐེད་པའི་ཕྱོགས་སུ་བལྟ། །ལག་པ་གཉིས་ཀ་གདེགས་པར་བྱ། །གཡས་བརྐྱངས་གདེངས་ཀའི་ཚུལ་དུ་གནས། །འཁོར་ལོ་ཡང་དག་ལྡན་པ་བཅིངས། །འཁོར་ལོའི་ཕྱག་རྒྱ་རབ་སྦྱར་བས། །ཕྱོགས་ཀུན་དུ་ནི་གཞོམ་པར་བྱ། །ཕྱག་རྒྱ་སྟོབས་ཆེན་མཐོང་ནས་ནི། །རྡོ་རྗེ་འཛིན་པ་བདག་
295a
༄#། །ཉིད་དམ། །གང་དག་འཇིག་རྟེན་པ་ཡང་རུང ། །དེ་དག་ཐམས་ཅད་འཇིག་པར་འགྱུར། །རྐང་པ་གཉིས་ནི་མཉམ་བཞག་ནས། །ཧཱུཾ་ཞེས་བྱ་བ་འབྲུག་སྐད་སྒྲོགས། རྔམ་ཞིང་སོས་ནི་མ་མཆུ་མནན། །ཁྲོ་དང་བཅས་པས་མགོ་བསྟོད་དེ། །བསྡིགས་ན་ཆོམ་པར་འགྱུར་བ་ཡིན། །རྐང་པ་གཉིས་ནི་རྟིང་སྤྲད་ནས། །མདུང་གི་ཕྱག་རྒྱས་དེ་དག་ཀུན། །བཅོམ་ན་མོད་ལ་ཐལ་བར་འགྱུར། །གོམས་གཅིག་མྱུར་དུ་བོར་ནས་ནི། །རྐང་པ་བཏེགས་ཏེ་ལུས་བསྒྱུར་ནས། །གཞུ་ཡི་ཚུལ་གྱིས་སྟེང་ཀུན། །ཀུན་ནས་གཞོམ་པར་བྱས་ནས་ནི། །ལྷ་དང་ལྷ་མིན་གནོད་སྦྱིན་རྣམས། །གང་དག་ས་སྟེང་གནས་པ་འདིར། །གང་ཚེ་སྔགས་པ་འདིར་གནས་ན། །བགེགས་ནི་རྟག་ཏུ་མེད་པར་བྱེད། །རྐང་པ་གཡོན་པ་བརྐྱངས་ནས་ནི། །ལག་གཉིས་པདྨ་ལྟར་སྦྱར་ཏེ། །སྔགས་པ་འབར་བས་ཀླད་ལ་བསྐོར། །རྐང་པས་སེངྒེའི་སྟབས་བཞིན་འདོར། །ཁྲོ་དང་བཅས་པས་བགེགས་བཅོམ་ན། །གལ་ཏེ་སངས་རྒྱས་ཀྱིས་བྱས་ཀྱང ། ། བགེགས་ཏེ་ཐལ་བར་བརླག་པའམ། །ཐེ་ཚོམ་མེད་པར་འཆི་བར་འགྱུར། །མཁས་པས་རྒྱུད་རྣམས་ཐམས་ཅད་ལས། །དངོས་གྲུབ་ཇི་སྙེད་གསུངས་པ་རྣམས། །དེ་དག་ཐམས་ཅད་མདོར་བསྡུ་ན། །རྣམ་པ་བཞིར་ནི་མ་ལུས་འདུས། །ལས་ཀྱི་དང་པོ་ཞི་བ་སྟེ། །དེ་བཞིན་གཞན་ཡང་རྒྱས་པ་དང ། །དབང་དང་དྲག་ཤུལ་སྤྱོད་པའི་ལས། །རྣམ་པ་འདི་བཞིར་རབ་ཏུ་བསྒྲགས།།
295b
དེ་ལ་ཐར་པ་ལ་སོགས་པའི་དངོས་གྲུབ་དང ། གདོན་ལ་སོགས་པའི་གནོད་པ་ཞི་བར་བྱ་བ་དང ། ཚེ་རིང་བར་བྱ་བ་ནི། ཞི་བའོ། །ཡིད་བཞིན་གྱི་ནོར་བུ་དང ། རལ་གྲིའི་རིག་སྔགས་འཆང་དང ། ། འཁོར་ལོས་བསྒྱུར་བའི་རྒྱལ་སྲིད་ལ་སོག་པ་དང་ནོར་སྒྲུབ་པ་གང་ཡང་རུང་སྟེ། དེ་དག་ཐམས་ཅད་ནི། རྒྱས་པའོ། །ཞེས་གསང་སྔགས་ལ་མཁས་པ་རྣམས་སྨྲའོ། །སྐྱེས་བུ་དང ། བུད་མེད་དང ། ཁྱེའུ་དང ། བུ་མོ་དང ། རྒྱལ་པོ་དང ། བློན་པོ་ལ་སོགས་པ་དང ། ལྷ་དང ། ཀླུ་དང ། གནོད་སྦྱིན་དང ། གནོད་སྦྱིན་མོ་དང ། ལྷ་མ་ཡིན་མོ་དང ། ཤ་ཟ་མོ་ལ་སོགས་པ་དབང་དུ་བྱ་ཞིང་དགུག་པ་ནི། དབང་དུ་བྱ་བའོ། །ཞེས་རིག་སྔགས་འཆང་རྣམས་སྨྲའོ། །བཅིང་བར་བྱ་བ་དང ། གནོད་པར་བྱ་བ་དང ། ཡན་ལག་གཅད་པ་དང ། དགར་བ་དང ། སྡང་བར་བྱ་བ་དང ། གསད་པ་དང ། བསྐམ་པ་ལ་སོགས་པ་མདོར་ན་སེམས་ཅན་རྣམས་ཀྱི་ལུས་ལ་གནོད་པར་བྱ་བ་གང་ཡང་རུང་སྟེ། དེ་དག་ཐམས་ཅད་ནི། དྲག་ཤུལ་སྤྱོད་པ་ཡིན་ནོ། །ཞེས་རིག་སྔགས་འཆང་རྣམས་སྨྲའོ། །སྦྱིན་སྲེག་ཚིམ་བྱེད་ལས་རྣམས་ཀྱིས། །གསང་སྔགས་དངོས་གྲུབ་མྱུར་དུ་སྟེར། །ལྷ་རྣམས་ཐམས་ཅད་བྱིན་རློབ་ཅིང ། །དངོས་གྲུབ་མཆོག་ཀྱང་སྟེར་བར་འགྱུར། །ཉུང་ངམ་མ་འབྱོར་ཆོ་ག་ཉམས། །ཡི་གེ་གུག་སྐྱེད་ལྷག་མ་ཆད། །མནན་ཏམ་བགེགས་ཀྱིས་བརླམས་ཀྱང་རུང ། །དེ་དག་ཐམས་ཅད་སྦྱོར་བར་བྱེད། །སྦྱིན་སྲེག་མེད་པར་
296a
༄#། །ལས་རྣམས་ལས། །དངོས་གྲུབ་ཐོབ་པར་ཡོང་མི་འགྱུར། །སྦྱིན་སྲེག་ལས་རྣམས་ངེས་པ་ནི། །དེ་བས་ནན་ཏན་བསྐྱེད་དེ་བྱ། །ཞི་བ་དང ། རྒྱས་པ་དང ། དབང་དུ་བྱ་བ་དང ། དྲག་ཤུལ་སྤྱོད་པའི་བྱེ་བྲག་ལས་སྦྱིན་སྲེག་གི་བྱེ་བྲག་དབྱེ་བར་བྱའོ། །དེ་ལ་རེ་ཞིག་ཞི་བའི་ལས་ཀྱི་སྦྱིན་སྲེག་ངེས་པ་ནི། གྲོང་གི་བྱང་ཕྱོགས་སུ་རྒྱང་གྲགས་གཅིག་ཙམ་དུ་སོང་ལ་ས་གཞི་ལེགས་པར་བརྟག་པར་བྱ་སྟེ། ཆུ་བོ་གངྒཱའི་ངོགས་སམ། པདྨའི་མཚོ་འགྲམ་མམ། འབབ་ཆུའི་འགྲམ་མམ། མཚོའི་གླིང་དུ་ཡང་རུང་སྟེ། ས་གཞི་ཁ་དོག་དཀར་པོ་ལ་བདག་ཉིད་རྡོ་རྗེ་སེམས་དཔར་བྱིན་གྱིས་བརླབས་ཏེ་ས་ལ་བསྐུལ་བ་དང ། སྦྱང་བ་ལ་སོགས་པ་བྱས་ཏེ་ཡར་གྱི་ངོའི་ཚེས་ལྔའམ། བཞིའམ། བཅུའམ། ཟླ་བ་ཉ་ལ་དཀྱིལ་འཁོར་བརྩམ་པ་འདི་ལྟར་བྱའོ། །སྐར་མ་ཁྲུམས་སྨད་དང ། གྲེ་དང ། སྐག་དང ། མཆུ་ནི། ཞི་བའི་སྐར་མ་ཡིན་ནོ། །གཟའ་ཟླ་བ་དང ། པ་བ་སངས་དབང་བ་ལ་དང་པོར་ལས་བརྩམ་པར་བྱའོ། །དེ་ནས་བདག་ཉིད་སྤྱན་རས་གཟིགས་དབང་ཕྱུག་གི་སྐུར་བསྒྱུར་ལ། བཅོམ་ལྡན་འདས་རྣམ་པར་སྣང་མཛད་རལ་གྲིའི་ཕྱག་རྒྱའམ། ཡི་གེ་ཨའི་འབྲུར་པདྨ་ལ་གཞག་གོ། ཨ།་དེ་ནས་བྱང་ཕྱོགས་སུ་སངས་རྒྱས་རྣམས་ཀྱི་ཕྱག་རྒྱ་གྲུ་གསུམ་པའམ། ཡིག་འབྲུ་པདྨའི་སྟེང་དུ་གཞག་གོ། ཨཾ། སངས་རྒྱས་རྣམས་ཀྱི་ནུབ་ཕྱོགས་སུ་ནམ་མཁའི་སྙིང་
296b
པོ་རལ་གྲིའི་ཕྱག་རྒྱའམ། ཡི་གེའི་འབྲུར་གཞག་གོ་།ཱི། ནམ་མཁའི་སྙིང་པོའི་ནུབ་ཕྱོགས་སུ་འཇམ་དཔལ་ཏེ། དེ་ཡང་ཨུཏྤ་ལའི་ཕྱག་རྒྱའམ། ཡི་གེ་འབྲུར་གཞག་གོ་།མཱཾ། དེའི་ནུབ་ཕྱོགས་སུ་ནམ་མཁའི་སྤྱན་ཕྱག་རྒྱའམ། ཡིག་འབྲུར་གཞག་གོ་།གཱ། སངས་རྒྱས་རྣམས་ཀྱི་ཤར་ཕྱོགས་སུ་ཤཱཀྱ་ཐུབ་པ་ལྷུང་བཟེད་ཀྱི་ཕྱག་རྒྱའམ། ཡིག་འབྲུར་གཞག་གོ། བྷཱ། དེའི་དྲུང་དུ་མཛོད་སྤུ་ཡིད་བཞིན་གྱི་ནོར་བུའི་ཕྱག་རྒྱའམ། ཡིག་འབྲུར་གཞག་གོ། བྷྲུ་།དེ་ནས་བྱང་ཆུབ་སེམས་དཔའ་རྣམས་ཡིད་བཞིན་གྱི་ནོར་བུའི་ཕྱག་རྒྱ་ཡི་གེའི་འབྲུ་དང་བཅས་པར་བྲི་སྟེ། དེ་ལ་འདི་ནི། ཡི་གེའི་འབྲུའོ། །ཀ་།དེ་ནས་རྣམ་པར་སྣང་མཛད་ཆེན་པོའི་གཡས་ལོགས་སུ་སྤྱན་རས་གཟིགས་ཀྱི་དབང་ཕྱུག་པདྨའི་ཕྱག་རྒྱའམ། ཡིག་འབྲུར་གཞག་གོ། ས།་སྤྱན་རས་གཟིགས་དབང་ཕྱུག་གི་གཡོན་ལོགས་སུ་མཐུ་ཆེན་པོ་ཐོབ་པ་པདྨའི་ཕྱག་རྒྱའམ། ཡི་གེ་འབྲུར་གཞག་གོ་།མ། མཐུ་ཆེན་པོ་ཐོབ་པའི་དྲུང་དུ་ཁྲོ་གཉེར་ཅན་ཀུན་དའི་ཕྱག་རྒྱའམ།་ཡི་གེའི་འབྲུར་གཞག་གོ་།བྷརཱྀ། པདྨ་འཛིན་གྱི་གཡས་ལོགས་སུ་ལྷ་མོ་སྒྲོལ་མ་ཨུཏྤ་ལའི་ཕྱག་རྒྱའམ། ཡི་གེའི་འབྲུར་གཞག་གོ་།ཏཱཾ། དེའི་དྲུང་དུ་གོས་དཀར་ཅན་པདྨའི་ཕྱག་རྒྱའམ།་ཡི་གེའི་འབྲུར་གཞག་གོ་།པཾ། བཅོམ་ལྡན་འདས་ཀྱི་གཡོན་ལོགས་སུ་རྡོ་རྗེ་འཛིན་རྡོ་རྗེའི་ཕྱག་རྒྱའམ། ཡི་གེའི་འབྲུར་པདྨའི་སྟེང་དུ་གཞག་གོ་།བཾ། དེའི་གཡས་ལོགས་སུ་
297a
༄#། །མཱ་མ་ཀཱི་རྡོ་རྗེའི་ཕྱག་རྒྱའམ། ཡི་གེའི་འབྲུར་གཞག་གོ་།མཱ། དེའི་དྲུང་དུ་རིག་པའི་རྒྱལ་པོ་གནོད་མཛེས་རྡོ་རྗེའི་ཕྱག་རྒྱའམ། ཡི་གེའི་འབྲུར་གཞག་གོ། སཾ། རྡོ་རྗེ་འཛིན་གྱི་གཡོན་ལོགས་སུ་བདུད་རྩི་ཐབ་སྦྱོར་རྡོ་རྗེའི་ཕྱག་རྒྱའམ། ཡི་གེའི་འབྲུར་གཞག་གོ་།མྲྀ་།དེའི་དྲུང་དུ་རྡོ་རྗེ་འཛིན་ཐམས་ཅད་རྡོ་རྗེའི་ཕྱག་རྒྱའམ། ཡི་གེའི་འབྲུར་གཞག་གོ་།ཧཱུཾ། བཅོམ་ལྡན་འདས་ཀྱི་འོག་ལོགས་མེའི་ཕྱོགས་སུ་མི་གཡོ་བ་རལ་གྲིའི་ཕྱག་རྒྱའམ། ཡི་གེའི་འབྲུར་གཞག་གོ་།ཧཱུཾ། བཅོམ་ལྡན་འདས་ཀྱི་འོག་ལོགས་བདེན་བྲལ་གྱི་ཕྱོགས་སུ་འཇིག་རྟེན་གསུམ་ལས་རྣམ་པར་རྒྱལ་བ་རྡོ་རྗེ་བེ་ཅོན་གྱི་ཕྱག་རྒྱའམ། ཡི་གེའི་འབྲུར་གཞག་གོ་།ཧཱ། སྒོ་དྲུང་གཉིས་སུ་ཀླུའི་རྒྱལ་པོ་དགའ་བོ་དང་བསྙེན་དགའ་བོ་གཉིས་དགའ་བོ་དང་བསྙེན་དགའ་བོ་ཞེས་པའི་མིང་དུ་གཞག་གོ་།སྒོ་ཁྱུད་རྣམས་ཀྱི་ནང་དུ་སྲུང་བ་བཞི་དགོད། ཤར་ཕྱོགས་སུ་རལ་གྲི་དང་ཡི་གེའི་འབྲུའོ། །ཙ། བྱང་ཕྱོགས་སུ་རལ་གྲི་དང་ཡི་གེའི་འབྲུའོ། །པ། ནུབ་ཕྱོགས་སུ་བེ་ཅོན་དང་ཡི་གེའི་འབྲུའོ། །ས། ལྷོ་ཕྱོགས་སུ་བེ་ཅོན་དང་ཡི་གེའི་འབྲུའོ། །ཀྵ། དེ་ནས་ཕྱི་རོལ་གྱི་རི་མོའི་ནང་ལོགས་སུ་གནས་ཀྱི་དཀྱིལ་འཁོར་ཆུང་ངུ་ལ་གནས་གཙང་མ་ལྔ་རྣམས་བྲི་བ་ནི། དཀྱིལ་འཁོར་དང་པོ་ལ་སཾ་སཾ་སཝཱཧཱ་ཞེས་བྱའོ། །གཉིས་པ་ལ་མ་ནོ་མ་ཡ་ཞེས་བྱའོ། །གསུམ་པ་ལ་དྷརྨ་སཾ་བྷ་བ་ཞེས་བྱའོ། །
297b
བཞི་པ་ལ་བི་བྷ་བ་ཞེས་བྱའོ། །ལྔ་པ་ལ་ཀ་ཐ་ན་ན་ཞེས་བྱའོ། །ཡང་ན་གནས་ཀྱི་དཀྱིལ་འཁོར་ཆུང་ངུ་ལ་སཾ་སཾ་སཝཱཧཱ། ཞེས་བྱ་བ་གཞག་ཏུ་རུང་ངོ ། །བདག་གི་ལྷ་ནི། རིགས་གང་དུ་གཏོགས་པ་དེའི་རིགས་ཀྱི་བདག་པོའི་གནས་སུ་བདག་གི་ཕྱག་རྒྱའམ། ཡི་གེའི་འབྲུར་གཞག་པར་བྱའོ། །དེ་ནས་ཕྱི་རོལ་གྱི་རི་མོའི་ནང་ཐོག་ཐག་ཏུ་པདྨ་བྲིའོ། །དེ་ནས་དཀྱིལ་འཁོར་གྱི་སྒོའི་གཡས་རོལ་འཁོར་སའི་ནང་རོལ་དུ་མེའི་ཐབ་ཁུང་བྱ་བ་ནི། ཁོ་ར་ཁོར་ཡུག་ཟླུམ་པོ་ལ། །ཁྲུ་གང་ཙམ་གྱི་ཚད་དུ་བྱ། །ཟབས་སུ་སོར་ནི་བཅུ་གཉིས་ཚད། །དེ་ཡི་སྟེང་དུ་ཁ་རན་ནི།། ཀུན་ཏུ་སོར་བཞིའི་ཚད་དུ་བྱ། །དེ་ཡི་ཞབས་ཀྱི་དབུས་སུ་ནི། །འཁོར་ལོ་འཕང་དུ་སོར་གཅིག་བྱ། །དེ་ནས་འདུག་ལ་དམ་ཚིག་གི་ཕྱག་རྒྱ་བཅིངས་ཏེ་དམ་ཚིག་གི་གསང་སྔགས་བརྗོད་ལ་ཡི་གེ་ས་དང་པདྨའི་ཕྱག་རྒྱས་བདག་ཉིད་སྤྱན་རས་གཟིགས་དབང་ཕྱུག་ཏུ་བྱིན་གྱིས་བརླབས་ཏེ་ཡི་གེ་ཨ་རང་གི་དཀྱིལ་འཁོར་ན་གནས་པ་ལས་རྣམ་པར་སྣང་མཛད་ཆེན་པོའི་སྐུ་ཇི་ལྟ་བ་བཞིན་དུ་གྱུར་པར་བསམས་ལ་ཉིད་ཀྱི་ཕྱག་རྒྱ་ཡང་བསྟན་པར་བྱའོ། །དེ་ནས་རལ་གྲིའི་ཕྱག་རྒྱ་བཅིངས་ལ་ཡི་གེ་ཨ་ལས་བདག་ཉིད་རྣམ་པར་སྣང་མཛད་ཆེན་པོའི་སྐུར་བྱིན་གྱིས་བརླབས་ཏེ་དཀྱིལ་འཁོར་གྱི་ཡི་གེ་ཐམས་ཅད་སོ་སོའི་ལྷའི་གཟུགས་སུ་གྱུར་པར་བསམས་ལ་སོ་སོའི་ཕྱག་རྒྱ་རྣམས་ཀྱང་བསྟན་ཏོ། །དེ་ནས་འཕགས་པ་
298a
༄#། །མི་གཡོ་བའི་སྔགས་ཟློས་ཤིང་ལས་ཀྱི་རྡོ་རྗེས་བཅིངས་ལ། ལྷ་རྣམས་སོ་སོའི་དཀྱིལ་འཁོར་ན་ཇི་སྙེད་བཞུགས་པ་ལ་བྱུག་སྤོས་དང ། མེ་ཏོག་ལ་སོགས་པ་དབུལ་ལོ། །ཡི་གེ་རས་ཀྱང་རྡུལ་དང་བྲལ་བའོ་སྙམ་པའི་ཏིང་ངེ་འཛིན་མངོན་དུ་བྱས་ལ། བྱུག་སྤོས་དང ། མེ་ཏོག་ལ་སོགས་པ་སོ་སོའི་གསང་སྔགས་རྣམས་ཀྱིས་མངོན་པར་བསྔགས་ཏེ། བྱུག་སྤོས་ལ་སོགས་པ་ལ་སོ་སོའི་སྙིང་པོའི་གསང་སྔགས་ཀྱིས་ཀྱང་མངོན་པར་བསྔགས་ལ་དབུལ་ལོ། །བྱུག་སྤོས་འདི་བཞེས་ཏེ་བདག་ལ་ཐུགས་དཔག་མཛོད་ཅིག་ཅེས་སོ་སོར་བསྐུལ་བར་ཡང་བྱའོ། །དེ་བཞིན་དུ་ཐམས་ཅད་ལ་སྦྱར་རོ། །ན་མཿ ས་མནྟ་བུདྡྷཱ་ནཱཾ། ཏྲཊ་ཨ་མོ་གྷ་ཙཎྜ་མ་ཧཱ་རོ་ཥ་ཎ་སྥོ་ཊ་ཡ་ཧཱུཾ་ཏྲ་ཊ་ཧཾ་མ། འཕགས་པ་མི་གཡོ་བའི་སྔགས་སོ། །ན་མཿ ས་མནྟ་བུདྡྷཱ་ནཱཾ། བི་ཤུདྡྷེ་གནྡྷོད་བྷ་བ་སཝཱཧཱ། བྱུག་སྤོས་ཀྱི་གསང་སྔགས་སོ། །ན་མཿ ས་མནྟ་བུདྡྷཱ་ནཱཾ། མཧཱ་མཻ་ཏྲི་བུདྡྷ་ག་ཏེ་སཝཱཧཱ། མེ་ཏོག་གི་གསང་སྔགས་སོ། །ན་མཿ ས་མནྟ་བུདྡྷ་ནཱཾ་དྷརྨ་དྷཱ་ཏྭ་ནུ་ག་ཏེ་སཝཱཧཱ། བདུག་སྤོས་ཀྱི་གསང་སྔགས་སོ། །ན་མཿ ས་མནྟ་བུདྡྷཱ་ནཱཾ། ཏ་ཐཱ་ག་ཏ་ཙི་སྥ་ར་ཎ་ཨ་བ་བྷཱ་ས་ག་ག་ནོ་དྡྷཱརྱ་སཝཱཧཱ། མར་མེའི་གསང་སྔགས་སོ། །ན་མཿ ས་མནྟ་བུདྡྷཱ་ནཱཾ། ཏྲེ་ཡ་དྷི་ཀ་ནཱཾ། ཨ་ར་ར། པ་ར་ར། པ་ལི་དེ་བ་ལིནད་དཱ་ཧི་སཝཱཧཱ། བཤོས་ཀྱི་གསང་སྔགས་སོ། །ན་མཿ ས་མནྟ་བུདྡྷ་ནཱཾ། ག་གནས་མ་ས་མ་ས་སཝཱཧཱ། མཆོད་ཡོན་གྱི་གསང་སྔགས་སོ། །
298b
ཐོག་མ་དང་ཐ་མར་ཡང་སྦྱར་རོ། །སྙིང་པོའི་གསང་སྔགས་བརྗོད་པའི་ཆོ་ག་ནི། ཨོཾ་བྷ་ག་བཱན་བཻ་རོ་ཙ་ན། ཨི་དཾ་གྷཾ་དྷི། པྲ་ཏི་གྲི་ཧྱ། ཨི་དཾ་མེ་ཀཱརྱཾ་ཀུ་རུ་སཝཱཧཱ། དེ་བཞིན་དུ་ཐམས་ཅད་ལ་ཡང་སྦྱར་བར་བྱའོ། །ཞི་བའི་ཆོ་ག་ནི། ཙནྡན་དཀར་པོ་ག་པུར་དང་སྦྱར་ལ་དབུལ། མ་འབྱོར་ན་མཁས་པས་པུ་ཤེལ་ཙི་འབུལ་ལོ། །དེ་བཞིན་དུ་མེ་ཏོག་པདྨ་དཀར་པོ་དང ། སྣ་མའི་མེ་ཏོག་དང ། མེ་ཏོག་མ་ལི་ཀ་དང ། མེ་ཏོག་ཡུ་ཀ་ཏི་ཀ་ལ་སོགས་པ་མེ་ཏོག་དཀར་པོ་དྲི་ཞིམ་པ་བཀྲ་ཤིས་པ་གང་ཡིན་པ་དེ་དག་དབུལ་ལོ། །ཞི་བའི་ཆོ་ག་ལ། བདུག་སྤོས་ནི། ག་བུར་དང ། ཙནྡན་ནམ། ཡང་ན་ཤི་བ་ས་ཀ་དབུལ་ལོ། །བཤོས་ཀྱང་ཞོ་དང་འབྲས་ཆན་ལ་སོགས་པ་དཀར་པོ་དབུལ་ལོ། །མར་མེ་ཡང་མར་གྱི་མར་མེ་སྣོད་དཀར་པོའི་ནང་དུ་བླུགས་ཏེ་དབུལ་ལོ། །དུང་ལ་སོགས་པ་སྣོད་དཀར་པོའི་ནང་དུ་ཙནྡན་དང ། ག་པུར་དང ། མེ་ཏོག་དཀར་པོ་སྦྱར་བའི་ཆུ་བླུགས་པའི་མཆོད་ཡོན་དབུལ་ལོ། །དེ་ལྟར་ཇི་སྐད་བཤད་པའི་མཆོད་པ་བྱས་ནས་དེ་ནས་ཕྱིར་བྱུང་སྟེ་བདག་ཉིད་སྤྱན་རས་གཟིགས་ཀྱི་དབང་ཕྱུག་ཏུ་བྱིན་གྱིས་བརླབས་ལ་ཕྱི་རོལ་ཏུ་ཕྱོགས་ཀྱི་གཏོར་མ་སྦྱིན་པ་ནི། འབྲས་ཡོས་དང ། ཏིལ་དང ། ཆུ་དང ། འབྲས་ཆན་དང ། མེ་ཏོག་དང ། སྲན་ཆན་དང ། ཀྲྀ་ས་རར་བཅས་པ་མང་ལ་སྣུམ་བག་ཅན་དེ་ལྟ་བུའི་གཏོར་མ་སློབ་དཔོན་གྱིས་ལག་པས་བླངས་ཏེ་དགའ་བཞིན་དུ་ཕྱོགས་ཐམས་ཅད་དུ་
299a
༄#། །གཏོར་ཞིང་བདུག་སྤོས་དང་མཆོད་ཡོན་ཡང་དབུལ་ལོ། །ཐོག་མར་དབང་ལྡན་ཕྱོགས་སུ་ནི། །གཞུ་ཅན་ཚོགས་དང་བཅས་ལ་དབུལ། །དེ་ནས་དབང་པོའི་ཕྱོགས་སུ་ཡང ། །མཁས་པས་དབང་པོ་ཉིད་ལ་དབུལ། །དེ་ནས་སྔགས་པ་མི་འཇིགས་པས། །མེ་ཡི་ཕྱོགས་སུ་དབུལ་བར་བྱ། །དེ་ནས་གཤིན་རྗེའི་ཕྱོགས་སུ་ཡང ། །དབུལ་བར་སྔགས་ལ་མཁས་པས་བཤད། །བདེན་བྲལ་ཕྱོགས་སུ་བདེན་བྲལ་ནི། །ཚོགས་དང་བཅས་ལ་དབུལ་བར་བྱ། །ཆུ་ལྷའི་ཕྱོགས་སུ་ཀླུ་རྣམས་ལ། །འཇིགས་བྱེད་གསང་སྔགས་ཟློས་ཤིང་དབུལ། ། བདག་དང་བཅས་པ་ཕུལ་ནས་སུ། །རླུང་གི་ཕྱོགས་སུ་འགྲོ་བར་བྱ། །སྔགས་ལ་མཁས་པས་དེར་སོང་ནས། །རླུང་ལྷ་ཚོགས་དང་བཅས་པ་ལ། །རང་གི་མིང་ནས་སྨོས་ནས་སུ། །རང་གི་སྔགས་ཀྱིས་གཏོར་མ་དབུལ། །བྱང་གི་ཕྱོགས་སུ་སོང་ནས་སུ། །ཡིད་ནི་རབ་ཏུ་དང་བྱས་ཏེ། །བདག་གི་དངོས་གྲུབ་ཐོབ་འདོད་པས། །གནོད་སྦྱིན་རྣམས་ལ་གཏོར་མ་དབུལ། །སྲིན་པོ་རྣམས་དང་ཤ་ཟ་དང ། འབྱུང་པོ་ཤ་རྗེན་ཅན་རྣམས་དང ། །སེམས་ཅན་རྣམ་པ་སྣ་ཚོགས་ལ། །མཁས་པས་གཏོར་མ་ཕྱོགས་སུ་གཏོར། །ས་ཕྱོགས་དེ་ཡི་སེམས་ཅན་ནི། །ཤིང་དང་གེལ་པ་ལ་གནས་པ། །བློ་ལ་གང་དང་གང་དྲན་པ། །དེ་དང་དེ་ལ་གཏོར་མ་སྦྱིན། །ཕྱོགས་ཀྱི་གཏོར་མའི་སྔགས་རྣམས་ནི། །དབང་ལྡན་གྱི་ཕྱོགས་སུ་རུ་དྲཱ་ཡ་སཝཱཧཱ། དབང་པོའི་ཕྱོགས་སུ་ཤ་
299b
ཀྲཱ་ཡ་སཝཱཧཱ། མེ་ཡི་ཕྱོགས་སུ་ཨགྣ་ཡེ་སཝཱཧཱ། གཤིན་རྗེའི་ཕྱོགས་སུ་བཻ་བ་སཝཱཧཱ། བདེན་བྲལ་གྱི་ཕྱོགས་སུ་རཀྵ་ས་ཨ་དྷི་པ་ཏ་ཡེ་སཝཱཧཱ། ཆུ་ལྷའི་ཕྱོགས་སུ་མེ་གྷ་ཤ་ནཱི་ཡེ་སཝཱཧཱ། རླུང་གི་ཕྱོགས་སུ་བཱ་ཡ་བེ་སཝཱཧཱ། ཀུ་བེ་རའི་ཕྱོགས་སུ་ཡཀྵ་བིདྱཱ་དྷ་རི་སཝཱཧཱ། ཀྲཾ་ཀི་རེ་སཝཱཧཱ། སྲིན་པོ་རྣམས་ཀྱིའོ། །མི་ཙི་མི་ཙི་སཝཱཧཱ། ཤ་ཟ་རྣམས་ཀྱིའོ། །གུ་ཨི་གུ་ཨི་སཝཱཧཱ། འབྱུང་པོ་རྣམས་ཀྱིའོ། །དེ་ལྟར་ཀུན་ཏུ་གཏོར་མ་གཏོར་ལ་ལག་པ་བཀྲུས་ཏེ་ཉེ་རེག་བྱས་ལ་དེ་ནས་ནང་དུ་ཞུགས་ཏེ་སངས་རྒྱས་ཐམས་ཅད་ལ་ཕྱག་འཚལ་ལ་བསྲེག་པར་བྱ་བའི་རྫས་གང་ཡང་རུང་སྟེ་ཅུང་ཟད་ཅི་ཡོད་པ་དེ་དག་ཐམས་ཅད་འཕགས་པ་མི་གཡོ་བས་བསངས་ཏེ་གཡས་རོལ་དུ་གཞག་གོ་།གཡོན་རོལ་དུ་ནི། མཆོད་ཡོན་གྱི་སྣོད་གཉིས་རྩཝ་ཀུ་ཤ་དང་སྤོས་ཆུས་སྦྱར་བ་བླུགས་ཏེ་བཞག་ལ་གཅིག་ནི། འཕགས་པ་མི་གཡོ་བས་བཟླས་སོ། །གཅིག་ནི། རྡོ་རྗེ་མཆོག་གིས་བཟླས་སོ། །ཞུགས་ཐབ་ཀྱི་ཁོ་ར་ཁོར་ཡུག་ཏུ་རྩཝ་ཀུ་ཤ་བསྐོར་བའི་ཐབས་སུ་དགྲམ་མོ། ། བདག་རང་གར་འདུག་པའི་གཞིར་ཡང་རྩཝ་ཀུ་ཤ་བསྐོར་བའི་ཐབས་སུ་གདིང་ངོ ། །ཤིང་ཨུ་དུམ་ཝ་ར་དང ། ་ཤཝཏྠའི་དགང་གཟར་དང ། བླུགས་གཟར་དང ། མར་བཞུས་པ་ཡང་མདུན་དུ་གཞག་གོ་།དེ་ནས་མེའི་ཐབ་ཁུང་ཙནྡན་གྱིས་བསྐུས་ཏེ་མེ་ཏོག་དཀར་པོ་དྲི་ཞིམ་པོའི་སིལ་མ་ཡང་བཀྲམ་ལ་བྲམ་ཟེའི་ཁྱིམ་ནས་མེ་བླངས་ལ་ཁྲོ་བོའི་རྒྱལ་པོས་བསང་གཏོར་
300a
༄#། །བྱས་ཏེ་ཤིང་བླག་ཤ་དང ། ུ་དུམ་བ་རའི་བུད་ཤིང་ལ་རླུང་གཡབ་ཀྱིས་མེ་སྦར་རོ། །དེར་ཁ་བྱང་ཕྱོགས་སུ་བལྟས་ཏེ་འདུག་ལ་ལག་པ་གཉིས་བྱུག་སྤོས་ཀྱིས་བསྐུས་ཏེ་དམ་ཚིག་གི་ཕྱག་རྒྱ་ལ་སོགས་པ་བཅིངས་ལ་བདག་ཉིད་རྣམ་པར་སྣང་མཛད་ཆེན་པོའི་སྐུ་ཆུའི་དཀྱིལ་འཁོར་ལ་གནས་པ་ཇི་ལྟ་བ་བཞིན་དུ་ཕྱག་རྒྱ་དང ། གསང་སྔགས་ཀྱིས་བྱིན་གྱིས་བརླབ་བོ། །དེ་ནས་ཐབ་ཁུང་གི་ཞབས་སུ་ཆུའི་དཀྱིལ་འཁོར་བསམས་ལ། ཆུའི་དབུས་སུ་ཡི་གེ་སྔ་མ་བཞིན་དུ་བཞག་པ་ལས་མེའི་གཟུགས་སུ་གྱུར་པ་དུང་དང ། མེ་ཏོག་ཀུན་ད་དང ། ཟླ་བའི་མདོག་དང་འདྲ་བ། ཐོར་ཚུགས་ཅན། མིག་གསུམ་པ། ལག་པ་བཞི་པ། ལག་ན་བགྲང་ཕྲེང་དང ། གུནྡྷི་དང ། བེ་ཅོན་ཐོགས་ཤིང་མི་འཇིགས་པ་སྦྱིན་བ།་གོས་དཀར་པོ་བགོས་པ། སྲད་བུ་དཀར་པོ་སེ་རལ་ཁར་ཐོགས་པ། སྙིང་གའི་སུམ་མདོའི་རིས་མཚན་ཅན། ཡི་གེ་རས་མཚན་པ། མེ་ལྕེ་དཀར་པོ་འཕྲོ་བ། ཡེ་ཤེས་ཀྱི་རང་བཞིན་ཅན། དེ་ལྟ་བུའི་མེ་ལྷ་བསམས་ལ། འཕགས་པ་མི་གཡོ་བས་བསྔགས་པའི་ཆུ་སྔར་བཤམས་པས་མེ་ལ་བསྐོར་བའི་ཐབས་སུ་བསང་གཏོར་བྱའོ། །རྡོ་རྗེ་མཆོག་སྦྱིན་གྱིས་ཀྱང་ལན་གསུམ་དུ་བྱའོ། །ན་མཿ ས་མནྟ་བུདྡྷ་ནཱཾ་མཾ་སཝཱཧཱ། རྡོ་རྗེ་མཆོག་སྦྱིན་གྱིའོ། །དེ་ནས་མེ་ལ་རང་གི་གསང་སྔགས་ཀྱི་བྱུག་སྤོས་དང ། མེ་ཏོག་ལ་སོགས་པ་དབུལ་ལོ། །དེ་
300b
ནས་མངར་གསུམ་ལས་སྲེག་བླུགས་གསུམ་བྱིན་ཏེ་དགང་གཟར་ཆང་བས་བཟུང་ལ་མར་གྱི་དགང་བླུགས་གསུམ་སྦྱིན་ནོ། །དེ་ནས་ཤིང་ཨུ་དུམ་བ་རའམ། ཨ་ཤཝཏྠའི་རྩེ་མོའི་ཡམ་ཤིང་རྩེ་གཉིས་མར་ལ་སྨྱུགས་པ་བདུན་བསྲེག་གོ་།དེ་ནས་ཡང་མར་གྱི་གང་བླུགས་གསུམ་བྱིན་ལ་བསང་གཏོར་ཡང་སྔ་མ་བཞིན་དུ་བྱའོ། །ན་མཿ ས་མནྟ་བུད་དྷཱ་ནཾ། ཨོཾ་བར་དཱ་ག་ན་ཡེ་ཤཱནྟིཾ་ཀུ་རུ་སཝཱཧཱ། དེ་བཞིན་དུ་ལྷ་ཐམས་ཅད་ལ་ཡང་སོ་སོར་སྦྱིན་སྲེག་བྱས་ལ་བསང་གཏོར་བྱའོ། །ན་མཿ ས་མནྟ་བུདྡྷཱ་ནཱཾ། ཧཱུཾ་ཨ་མཧཱ་ཤཱནྟི་ག་ཏ། ཤཱནྟི་ཀ་ར་པྲ་ཤཱ་མ་དྷརྨ་ནིར་ཛ་ཏ། ཨ་བྷཱ་བ་སཝ་བྷཱ་བ་དྷརྨ་ས་མནྟ་པྲཱབྷ། ཨ་མུ་ག་སྱ་སཝསྟི་ཤཱནྟིཾ་བཾ་ཀུ་རུ་སཝཱཧཱ། ཞི་བའི་གསང་སྔགས་སོ། །དེ་ནས་སངས་རྒྱས་ཐམས་ཅད་དྲན་པར་བྱས་ལ་བདག་ཉིད་ཀྱིས་ནང་རྣམ་པར་དག་པས་ཇི་ལྟ་བ་བཞིན་དུ་བྱང་ཆུབ་ཀྱི་སེམས་བསྒོམ་མོ། །དེ་ནས་ཟླ་བའི་དཀྱིལ་འཁོར་ལ་རང་གི་རིག་སྔགས་བཞག་སྟེ་རང་གི་ལྷའི་ཕྱག་རྒྱ་བཅིངས་ལ་རང་གི་ལྷའི་གཟུགས་སུ་བསྒོམ་མོ། །དེ་ནས་ཡང་སྔ་མ་བཞིན་དུ་དགང་བླུགས་གསུམ་ལ་སོགས་པ་ཕུལ་ཏེ་བསྐོར་བའི་ཐབས་སུ་བསང་གཏོར་ཡང་བྱས་ལ་བདག་གི་རྒྱུད་ལས་བྱུང་བའི་རྫས་རྣམས་ཇི་སྲིད་མི་སྐྱོ་བའི་བར་དུ་སྦྱིན་སྲེག་བྱའོ། །སྐྱོ་བར་གྱུར་ན་རྫོགས་པའི་སངས་རྒྱས་ཀྱི་སྐུར་བལྟས་ཏེ་ཡང་བྱང་ཆུབ་ཀྱི་སེམས་བསྒོམ་མོ། །དེ་ནས་མཆོད་ཡོན་ཕུལ་ལ་ལྷ་རྣམས་ལ་ཕྱག་བྱས་
301a
༄#། །ཏེ་སླར་གཤེགས་སུ་གསོལ་ལོ། །ལྷ་རྣམས་སླར་གཤེགས་སུ་གསོལ་ནས་ཕྱག་རྒྱའི་ཚོགས་རྣམས་གོས་གསར་པས་གཡོགས་ལ་ཕྱི་དེ་ཉིན་ཡང་སྔ་མ་བཞིན་དུ་ལྷ་རྣམས་སོ་སོའི་དཀྱིལ་འཁོར་ལ་གནས་པར་བསམས་ཏེ་ཆོ་གའི་རིམ་པ་དེ་ཉིད་ནམ་ཞི་བར་གྱུར་གྱི་བར་དུ་བྱའོ། །གང་ཞིག་ཆོ་ག་འདི་ཡིས་སུ། །ཆོ་ག་ཤེས་པའི་སྔགས་བསྒྲུབས་པས། །ལེ་ལོ་མེད་པར་ཞི་བྱས་ན། །ཞི་བ་མྱུར་དུ་ཐོབ་པར་འགྱུར། །ཟླ་བ་ཕྱེད་ཀྱི་ཁམས་རིས་གཅིག་།ངེས་པ་ཉིད་དུ་ཞི་བར་འགྱུར། །རྒྱལ་པོ་ལ་ནི་ཞག་བཅུ་གཉིས། །ཡུལ་ཕྱོགས་སུ་ནི་ཞག་བཅུས་སོ། །དེ་ལ་ཞི་བའི་ཆོ་གའི་ལས་བྱེད་པས་ཆོ་ག་འདི་ལྟར་སྤྱད་པར་བྱའོ། །གོས་དཀར་བགོས་ཤིང་གཙང་ལ་ཞི། །བྱང་ཆུབ་སེམས་ལ་རབ་ཏུ་གཞོལ། །ཀུ་ཤ་བཏིང་བའི་སྟན་ལ་ཉལ། །དེ་ལས་བྱས་པའི་གསང་བྱེད་ཐོགས། །ནས་བཙོས་པའང་འོ་མ་འཐུང ། །ཡིད་ཀྱིས་སྦྱིན་སྲེག་བྱེད་ལ་འཇུག་།དུས་གསུམ་སྦྱིན་སྲེག་བཟླས་བརྗོད་ཀྱིས། །ཞི་བའི་ཆོ་ག་སྤྱད་པར་བྱའོ། །ཞལ་བསིལ་རྡོ་རྗེ་མཆོག་སྦྱིན་གྱིས། །བསང་གཏོར་མི་གཡོ་མགོན་གྱིས་སོ། །འདི་ནི་རེ་ཞིག་མདོར་བསྡུས་ན། །སྦྱིན་སྲེག་ཆོ་གར་བསྒྲགས་པ་ཡིན། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་བ་རྣམ་པར་སྤྲུལ་པ་བྱིན་གྱིས་རློབ་པ་ལས། ཞི་བའི་སྦྱིན་སྲེག་གི་ཆོ་ག་རིམ་པར་ཕྱེ་བའོ། །སྐལ་པ་ཆེན་
301b
པོ་དེ་ནས་གཞན། །ཤིན་ཏུ་རྒྱས་བྱེད་སྦྱིན་སྲེག་ཀྱང ། །མ་ཡེངས་ཡིད་ཀྱིས་མཉན་པར་གྱིས། །སྔོན་གྱི་སྔགས་ལ་མཁས་པ་ཡིས། །སེམས་ཅན་རྣམས་ལ་བརྩེ་བའི་ཕྱིར། །ཕན་པར་འདོད་པས་བཤད་པར་བྱ། །དེ་བས་རྣམ་པ་ཐམས་ཅད་དུ། །རྒྱས་པའི་ཆོ་ག་སྤྱད་པར་བྱ། །གྲོང་ངམ་ཡང་ན་ལྗོངས་དག་གི། ཤར་གྱི་ཕྱོགས་སུ་གནས་བཅས་ནས། །སྔ་མ་བཞིན་དུ་ངེས་པ་ཡི། །ས་གཞི་ལེགས་པར་བརྟག་པར་བྱ། །རི་ཡི་རྩེའམ་ཕྱུགས་ལྷས་སམ། །མཆོད་རྟེན་རིང་བསྲེལ་ཅན་དག་ཏུ། །རྒྱས་པའི་ལས་ནི་སྒྲུབ་བྱེད་པའི། །དཀྱིལ་འཁོར་ཤེས་རབ་ཅན་གྱིས་བྲི། །མཁས་པས་ལས་ཀྱི་ཆོ་ག་ཡིས། །ས་ནི་ལེགས་པར་བརྐོས་ནས་སུ། །དབུས་སུ་རིན་ཆེན་བཞག་པ་ནི། །སྨན་དང་འབྲུ་རྣམས་བཅས་པའོ། །དེར་ཡང་ས་ནི་སེར་པོ་ཡིས། །ས་གཞི་ལེགས་པར་དགང་བར་བྱ། །མཉམ་ཞིང་ལེགས་པར་བཅགས་ནས་སུ། །དེ་ཡི་འོག་ཏུ་དཀྱིལ་འཁོར་བྲི། །འདིར་ཡང་སྔགས་པ་མཁས་པས་རྡོ་རྗེ་མཆོག་སྦྱིན་རང་གི་དཀྱིལ་འཁོར་ལ་གནས་པས་དེའི་གསང་སྔགས་དང་ཕྱག་རྒྱས་བདག་བྱིན་གྱིས་བརླབས་ལ་འཕགས་པ་མི་གཡོ་བས་མཚམས་གཅད་པ་དང ། ཡོངས་སུ་གཟུང་བར་བྱའོ། །ཟླ་བ་ཡར་ངོའི་ཚེས་གསུམ་མམ།་ལྔའམ། བདུན་ནམ། ཡང་ན་ཟླ་བ་ཉ་ལ་ཡང་རུང་སྟེ། གཟའ་བ་བཟང་པོ་གཟའ་ལྷག་གམ། ཕུར་བུའམ། རྒྱུ་སྐར་གྲོ་ཞིན་དང ། མོན་གྲུ་དང ། སྣརོན་དང ། སྣར་མ་ལ་
302a
༄#། །བདག་ཉིད་རྣམ་པར་སྣང་མཛད་ཆེན་པོར་བྱིན་གྱིས་བརླབས་ཏེ་སྲད་བུ་སེར་པོ་བླངས་ལ་གྲངས་དང་ཚད་སྔར་བསྟན་པ་བཞིན་དུ་དཀྱིལ་འཁོར་གྱི་ཐིག་གདབ་བོ། །དེ་ནས་དཀྱིལ་འཁོར་བསྐོར་ཏེ་ནང་དུ་ཞུགས་ལ་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པ་བཀླགས་ལ་ཕྱག་བྱས་ཏེ། ཡང་རྣམ་པར་སྣང་མཛད་དུ་བདག་བྱིན་གྱིས་བརླབས་ཏེ་ཚོན་རྩི་སེར་པོ་བླངས་ལ། དེར་ནི་ཡི་གེ་ཀ་བཞག་པ། །དེ་ཚེ་ཐུབ་པ་གསེར་ཐུབ་ནི། །གསེར་གྱི་ཁ་དོག་འབར་དང་བཅས། །ཏིང་འཛིན་གནས་ཤིང་སྡིག་བཅོམ་པའོ། །དེ་ནས་དཀྱིལ་འཁོར་གྲུ་བཞི་རྟ་བབས་ཅན་དུ་བྲིལ་ནུབ་ཕྱོགས་ཀྱི་སྒོ་རྟག་ཏུ་དབྱེའོ། །ཕྱི་རོལ་ཏུ་རི་མོ་གྲུ་བཞི་པ་གསུམ་གྱིས་བསྐོར་ལ་དཀྱིལ་འཁོར་དུ་ལྷ་རྣམས་དགོད་པ་སྔ་མ་བཞིན་དུ་བྱའོ། །དེ་ལ་ཁྱད་པར་ནི། འདི་ཡོད་དོ། །འཕགས་པ་ནམ་མཁའི་སྙིང་པོའི་གནས་སུ་ཀུན་ཏུ་བཟང་པོ་རིན་པོ་ཆེའི་རྒྱལ་མཚན་གྱི་ཕྱག་རྒྱ་ཡི་གེ་ས་དང་བཅས་པར་གཞག་གོ་།ས། མཛོད་སྤུའི་གནས་སུ་ནི། འཕགས་པ་ཛམྦྷ་ལ་ཤིང་ཏོག་པའི་ཛ་པུ་རིའི་ཕྱག་རྒྱ་དང ། ཡི་གེ་ཛ་བདུད་རྩིའི་མཚན་ཉིད་ཅན་དང་བཅས་པར་གཞག་གོ། ཛཾ།་འཕགས་མ་ཁྲོ་གཉེར་ཅན་གྱི་གནས་སུ་གྲགས་ལྡན་མ་མེ་ཏོག་པྲི་ཡང་ཀུའི་ཕྱག་རྒྱ་ཡི་གེ་ཡ་དང་བཅས་པར་གཞག་གོ་།ཡ། འཕགས་མ་གོས་དཀར་མོ་ཅན་གྱི་གནས་སུ་
302b
ནི།་དཔལ་ཆེན་མོ་འཕགས་མ་དཀར་མོ་ཞེས་བྱ་བ་པདྨའི་ཕྱག་རྒྱ་དང་ཡི་གེའི་འབྲུར་གཞག་གོ་།ཤྲིའི། འཕགས་པ་གནོད་མཛེས་ཀྱི་གནས་སུ་ནི། དཔུང་བཟང་རྡོ་རྗེའི་ཕྱག་རྒྱ་དང་ཡི་གེའི་འབྲུར་གཞག་གོ་།ཧཱུཾ། བདུད་རྩིའི་ཐབ་སྦྱོར་གནས་སུ་ནི། རྡོ་རྗེའི་སྡེ་སྟེ། རྡོ་རྗེའི་ཕྱག་རྒྱ་དང་ཡི་གེའི་འབྲུར་གཞག་གོ་།ས། གནས་གཙང་མ་བ་རྣམས་ཀྱིས་གནས་སུ་ནི། བརྒྱ་བྱིན་དང་འཇིག་རྟེན་སྐྱོང་བ་བཞི་དགོད་དོ། །དེ་ནས་ཕྱི་རོལ་གྱི་མ་མོ་གཉིས་ཀྱི་ནང་ལོགས་ཁོ་ར་ཁོར་ཡུག་དང་གྲ་ཐམས་ཅད་དུ་རྡོ་རྗེ་བྲིའོ། །དེ་ནས་དཀྱིལ་འཁོར་གྱི་གཡས་ལོགས་འཁོར་སའི་ནང་དུ་མེའི་ཐབ་ཁུང་བྱ་བ་ནི། གྲུ་བཞི་ལྷམ་པ་ཁ་རན་ཅན། །རྒྱར་ནི་ཁྲུ་དོའི་ཚད་དུ་བྱ། །རྡོ་རྗེའི་མཚན་མ་རྣམས་ཀྱིས་བསྐོར། །ཟབས་སུ་ཁྲུ་གང་ཙམ་གྱི་ཚད། །ཁ་རན་མཐོ་གང་ཚད་དུ་བྱ། །འཇིམ་པ་སེར་པོའི་སྐྱང་ནུལ་བསྐུ། །པདྨའི་ཕྱག་རྒྱ་མཛུབ་གང་བ། །འཕང་དུ་སོར་བཞིའི་ཚད་དུ་བྱ། །དུས་གསུམ་དུ་བ་ལང་གི་ལྕི་བ་ས་ལ་མ་ལྷུང་བས་བསྐུའོ། །དེ་ནས་སྔ་མ་བཞིན་དུ་དཀྱིལ་འཁོར་གྱི་བདག་པོའི་ལྷ་ལ་སོགས་པ་རྣམ་པ་དང་མཚན་མ་ཇི་ལྟ་བ་བཞིན་དུ་བསམས་ཏེ་བྱུག་སྤོས་དང་མེ་ཏོག་ལ་སོགས་པས་མཆོད་པ་བྱའོ། །དེ་ལ་ཁྱད་པར་ནི། འདི་ཡོད་དེ། གང་གི་ཚེ་བཅོམ་ལྡན་འདས་རྣམ་པར་སྣང་མཛད་གནས་སུ་བཞུགས་སུ་གསོལ་པ་དང ། བྱུག་སྤོས་དང ། མེ་ཏོག་ལ་སོགས་པས་མཆོད་པ་དེའི་ཚེ་བདག་ཉིད་རྡོ་རྗེ་མཆོག་
303a
༄#། །སྦྱིན་དུ་བྱིན་གྱིས་བརླབས་ཏེ་བྱའོ། །འདིར་བྱུག་སྤོས་དང་མེ་ཏོག་ལ་སོགས་པའི་ཁྱད་པར་བཤད་པར་བྱ་སྟེ། གུར་གུམ་ག་པུར་བསྲེས་པ་ནི། །རྒྱས་པ་དག་ལ་བྱུག་སྤོས་མཆོག་།དྲི་ཞིམ་ཁ་དོག་སེར་པོ་དང ། །དེ་མ་རྙེད་ན་སྦྱར་བར་བྱ། །མེ་ཏོག་ཙམ་པ་རབ་ཏུ་བཟང ། །ཡུ་ཏི་སྣ་མ་སེར་པོ་དང ། །དེ་ལས་གཞན་པའང་དྲི་ཞིམ་པ། །སེར་པོ་དག་ནི་དབུལ་བར་བྱ། །གུར་གུམ་ཨ་ག་རུ་དང་སྦྱར། །ཤ་ཁ་ར་དང་སྦྱར་བ་དག་།རྒྱས་པའི་ལས་རྣམས་འགྲུབ་པའི་ཕྱིར། །བདུག་སྤོས་མཁས་པས་དབུལ་བར་བྱ། །གུ་གུལ་དང་ནི་ཙནྡན་ཡང ། ། མར་དང་སྦྱར་བ་བདུག་སྤོས་མཆོག་།གནྡྷ་ར་ས་གུར་གུམ་བསྲེས། །བདུག་སྤོས་སྔགས་ལ་མཁས་པས་དབུལ། །མར་མེ་སྣོད་ནི་གསེར་གྱི་བཟང ། །ཡང་ན་ཁམ་པ་སེར་པོའང་རུང་།། མཁས་པས་རས་ནི་སེར་པོ་ཡི། །མེ་མར་སྙིང་པོ་སེར་པོ་དབུལ། །སྤོས་ཀྱི་འབྲུ་མར་བཟང་པོ་ཡིས། །དེ་ཡི་སྣུམ་ནི་དྲི་ཞིམ་བྱ། །ཡང་ན་ཏིལ་གྱི་འབྲུ་མར་གྱིས། །མར་མེ་གཙང་མ་དབུལ་བར་བྱ། །འབྲས་ཆན་སེར་པོ་སྲན་ཚོད་ཙམ། །མར་དང་བཅས་པ་ཤིན་ཏུ་བཟང ། །ཚོད་མ་རྣམས་ཀྱང་སེར་པོར་བྱ། །ཤིང་ཏོག་བག་ཚོས་དེ་བཞིན་ནོ། །སྤོས་ཆུ་མེ་ཏོག་སེར་པོ་དང ། །དེ་བཞིན་འབྲས་དང་དུར་བའི་རྩཝ། །སྣོད་ཀྱང་སེར་པོར་བླུགས་པ་དག་།རྒྱས་པ་ལ་ནི་མཆོད་ཡོན་ཤིས། །དེ་ལྟར་མཆོད་པ་ཇི་ལྟ་བ་བཞིན་དུ་བྱས་ཏེ། དེ་ནས་རྡོ་རྗེ་མཆོག་སྦྱིན་དུ་བདག་
303b
བྱིན་གྱིས་བརླབས་ལ་ཕྱི་རོལ་ཏུ་བྱུང་སྟེ་ཕྱོགས་ཀྱི་གཏོར་མ་སྦྱིན་ནོ། །དེ་ནས་ཉེ་རེག་བྱས་ཏེ་ནང་དུ་ཞུགས་ལ་སངས་རྒྱས་ཐམས་ཅད་ལ་ཕྱག་བྱས་ཏེ་མེའི་ཐབ་ཁུང་གི་དྲུང་དུ་བསྲེག་པར་བྱ་བ་ལ་སོགས་པ་སྔགས་ཀྱི་གསང་བ་རྣམས་སྔ་མ་བཞིན་དུ་བཞག་ལས་ལ་རྩཝ་ཀུ་ཤ་བཏིང་བའི་སྟེང་དུ་པདྨའི་སྐྱིལ་མོ་ཀྲུང་བཅས་ཏེ་འདུག་ལ་བདག་ཉིད་རྣམ་པར་སྣང་མཛད་ཆེན་པོའི་སྐུར་བསམས་ཏེ་ཁང་པའི་ནང་བྱུག་སྤོས་སེར་པོས་ཞུགས་ཐབས་བསྐུས་ཏེ་མེ་ཏོག་སེར་པོའི་སིལ་མ་ཡང་བཀྲམ་ལ་རྩཝ་ཀུ་ཤ་བཏིང་སྟེ་རྒྱལ་རིགས་ཀྱི་ཁྱིམ་མམ། རྒྱལ་པོའི་ཕོ་བྲང་ནས་མེ་བླངས་ལ་བསང་གཏོར་བྱས་ཏེ་ཤིང་བླག་ཤ་དང ། ུ་དུམ་པ་རས་མེ་སྦར་ལ་དེ་ནས་མེའི་ཐབ་ཁུང་གི་ཞབས་སུ་དབང་ཆེན་གྱི་དཀྱིལ་འཁོར་བསམས་ཏེ། དེར་ཡི་གེ་ཡ་ཀླད་ཀོར་དང་བཅས་པར་པདྨ་ལ་གནས་པ་བསམ་མོ། །ཡཾ། ཡི་གེ་ར་ལས་ཐབ་ཁུང་གི་ནང་ནས་མེ་བྱུང་བར་བསམ་པ་ནི། གསེར་གྱི་ཁ་དོག་ལྟ་བུའི་ཐོར་ཚུགས་ཅན། མིག་གསུམ་པ།་གདོང་བཞི་པ། ལག་ན་བགྲང་ཕྲེང་དང ། གུནྡྷ་ཐོགས་ཤིང་མཆོག་སྦྱིན་པ། གོས་སེར་པོ་བགོས་པ། སྲད་བུ་སེར་པོ་སེ་རལ་ཁར་ཐོགས་པ། སོར་རིས་གསུམ་གྱིས་བྱུགས་པ།་སུམ་མདོའི་རིས་མཚན་ཅན། ཡི་གེ་རས་མཚན་པ། གསེར་གྱི་ཁ་དོག་འདྲ་བ། མེ་ལྕེ་འབར་བ་ཀུན་ཏུ་འཕྲོ་བ། མཐུ་ཆེན་པོ་དང་ལྡན་པ། གསང་སྔགས་ཀྱི་རྒྱལ་པོའི་འོད་
304a
༄#། །ཟེར་ལས་བྱུང་བ་དེ་ལྟ་བུའི་མེ་བསམས་ཏེ། དེ་ནས་བསང་གཏོར་བྱ་བ་དང ། ཁ་བཀྲུ་བ་དང ། མཆོད་ཡོན་དབུལ་བ་བྱས་ལ་བྱུག་སྤོས་དང ། མེ་ཏོག་ལ་སོགས་པ་རང་གི་སྔགས་ཀྱིས་སྦྱིན་ནོ། །ན་མཿ ས་མནྟ་བུདྡྷཱ་ནཱཾ། ཨགྣེ་ཡེ་སཝཱཧཱ། དེ་ནས་འོ་ཐུག་སྤྲད་རྩེ་དང་མར་ལ་སོགས་པར་སྦྱར་བའམ། ཏིལ་ནག་པོ་མར་དང་སྦྱར་བའི་སྲེག་བླུགས་གསུམ་བྱིན་ཏེ། དེ་ནས་ཤིང་བིལ་བའི་དགང་གཟར་དང་བླུགས་གཟར་གྱིས་མར་གྱི་དགང་བླུགས་བདུན་སྦྱིན་ནོ། །དེ་ནས་ཤིང་བླག་ཤའམ། ཨུ་དུམ་བ་རའི་དབུས་ཀྱི་ཆ་ལས་བྱུང་བའི་ཡཾ་སྲེག་ཤིང་སྦོམས་སུ་ཆང་བ་གང་ལ་སྲིད་དུ་ཁྲུ་གང་བ་མར་ལ་མྱུགས་པའི་སྦྱིན་སྲེག་གསུམ་བྱིན་ལ། ཡང་དགང་བླུགས་གསུམ་སྦྱིན་ནོ། །དེ་ནས་སྔ་མ་བཞིན་དུ་ལྷའི་གཟུགས་རྣམས་བསམས་ཏེ་སྙིང་པོ་དེ་དང་དེས་སྲེག་བླུགས་གསུམ་དབུལ་ལོ། །དེ་ནས་སངས་རྒྱས་ཐམས་ཅད་བསམས་ཏེ་བྱང་ཆུབ་ཀྱི་སེམས་བསྒོམས་ལ་བདག་གི་ལྷའི་གཟུགས་སུ་བསམས་ཏེ་སྔ་མ་བཞིན་དུ་སྲེག་བླུགས་གསུམ་ཕུལ་ནས་བདག་གི་དངོས་གྲུབ་སྒྲུབ་པ་ལས་བཤད་པའི་རྫས་ལས་སྦྱིན་སྲེག་བྱའོ། །ཐོག་མར་ཨོཾ་ཞེས་བརྗོད་ལ་མཇུག་ཏུ་གྲགས་པ་དང ། དཔལ་དང ། ལོངས་སྤྱོད་དང ། དགེ་བ་དང ། ནོར་ལ་སཝཱཧཱ་ཞེས་བྱ་བ་སྦྱར་རོ། །ཡང་ན་བདག་གིས་ཇི་ལྟར་བསམ་པའི་དངོས་གྲུབ་ཀྱི་རྫས་ལ་སཝཱཧཱ་ཞེས་
304b
བྱ་ཞིང་བསྲེག་བླུགས་དབུལ་ལོ། །དེ་ལྟར་དེ་ཇི་ལྟ་བ་བཞིན་དུ་སྦྱིན་སྲེག་བྱས་ནས་བྱང་ཆུབ་ཀྱི་སེམས་ལ་སོགས་པའི་རིམ་པ་དེ་ཉིད་སྔ་མ་བཞིན་དུ་བྱའོ། །འདིར་ཡང་སྒྲུབ་པ་པོས་ཆོ་ག་སྤྱད་པ་ནི། གོས་ནི་སེར་པོ་བགོ་བར་བྱ། །གཙང་བྱེད་སེར་པོ་གཙང་མ་ཐོགས། །སེམས་ནི་བརྟན་ཞིང་མཐུ་ཡང་ཆེ། །ཤིན་ཏུ་མི་སྨྲ་སེར་སྣ་མེད། །བྱང་ཆུབ་སེམས་ལ་རྟག་ཏུ་དགའ། །དུས་གསུམ་ཆོ་ག་ཐོག་མར་བྱེད། །ནས་ཆན་བཙོས་པའོ་མ་འཐུང ། །རྒྱས་པའི་ལས་ནི་བརྩམ་པར་བྱ། །གང་གིས་དེ་ལྟར་རྒྱས་པ་ཡི། །ལས་ནི་ལེགས་པར་བརྩམས་པ་ནི། །དེ་ཡིས་ཡིད་ལ་གང་བསམས་པའི། །རྒྱས་པ་མྱུར་དུ་འགྲུབ་པར་འགྱུར། །རལ་གྲི་འཁོར་ལོ་རྡོ་རྗེ་དང ། །ལྡོང་རོས་མིག་བསྐུ་གི་ཝང་དང ། །ཡིད་བཞིན་ནོར་བུ་བུམ་པ་གོས། །ནོར་གྱི་ཆར་འབབ་ལྷམ་དག་དང ། །གདུགས་དང་ཤིང་རྟ་བོ་ཞན་པ་དང ། །དེ་བཞིན་ཁང་པ་བརྩེགས་པ་དང ། །པདྨ་བུམ་པ་མདུང་རྩེ་གསུམ། །བགྲང་ཕྲེང་བེ་ཅོན་གུནྡྷེ་དང ། །པི་ཝང་མདུང་ཐུང་མདའ་ཡང་རུང ། །ལྷུང་བཟེད་དང་ནི་གསེག་ཤང་དང ། །ཡང་ན་རྫས་ནི་གང་འདོད་པ། །དཀྱིལ་འཁོར་འདིར་ནི་བསྒྲུབ་པར་བྱ། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པའི་བྱིན་གྱིས་རློབ་པ་ལས། རྒྱས་པའི་ལས་ཀྱི་སྦྱིན་སྲེག་གི་ཆོ་ག་རིམ་པར་ཕྱེ་བའོ།། །།དེ་ནས་གཞན་ཡང་སྦྱིན་སྲེག་འདི། །དབང་གི་ལས་ནི་རབ་སྒྲུབ་པ། །འཇིག་རྟེན་སྒྲོན་མ་མཛད་པ་ཡིས།།
305a
༄#། །བརྩེ་བར་གྱུར་པའི་ཐུགས་ཀྱིས་གསུངས། །དེ་ནི་མ་ལུས་བཤད་པར་བྱའི། །འབྱོར་བར་འདོད་པས་ང་ལ་ཉོན། །ཐོག་མར་ས་གཞི་བརྟག་པ་ནི། །གྲོང་ངམ་ཡང་ན་ལྗོངས་དག་གི་།མེ་ཡི་ཕྱོགས་སུ་གནས་བཅས་ཏེ། །འགྲོ་བ་མེད་པའི་ཁང་སྟོང་ངམ། །ཤིང་གཅིག་དྲུང་ངམ་དུར་ཁྲོད་དམ། །ཡང་ན་བདེ་བྱེད་གནས་སུའམ། །མ་མོའི་གནས་སམ་ཕུག་ཀྱང་རུང ། །སྔགས་པས་དཀྱིལ་འཁོར་བྲི་བ་ནི། །མར་གྱི་ངོ་ཡི་ཚེས་དགུ་ལ། །དབང་གི་ལས་ནི་བརྩམ་པར་བྱ། །གཟའ་ནི་ཉི་མའམ་མིག་དམར་ལ། །སྒྱུ་སྐར་རྒྱལ་དང་སྨིན་དྲུག་དང ། །མཆུ་དང་ས་ག་དག་ལ་ནི། །མཁས་པས་དཀྱིལ་འཁོར་བྲི་བར་བྱ། །དེ་ལ་དང་པོར་སྔགས་པས་བདག་ཕྱག་ན་རྡོ་རྗེར་བྱིན་གྱིས་བརླབས་ལ་ས་ཁ་དོག་དམར་པོ་ལ་སྦྱང་བ་དང ། ཡོངས་སུ་གཟུང་བ་ལ་སོགས་པ་བྱས་ཏེ། དེ་ནས་བདག་ཉིད་རྣམ་པར་སྣང་མཛད་ཆེན་པོར་བྱིན་གྱིས་བརླབས་ལ། འཕགས་པ་མི་གཡོ་བས་བཟླས་པའི་སྲད་བུ་ལེ་བརྒན་དུ་བཙོས་པ་བླངས་ཏེ་དཀྱིལ་འཁོར་གྱི་ཐིག་གདབ་པ་ནི། གྲུ་གསུམ་པ་ལ་སྒོ་ཤར་ཕྱོགས་སུ་གཏོད་པ། སྒོ་ཁྱུད་དང ། རྟ་བབས་དང ། མུ་རན་གྱི་ཆ་ལེགས་པར་ཕྱེ་སྟེ། དེ་ནས་ཚོན་རྩི་བླང་བ་ནི། །དམར་པོ་ཤིན་ཏུ་བཟང་པོ་ལ། །ཡི་གེ་འབར་བ་གཞག་པ་ནི། །ར་ཡི་ཡི་གེ་ཀླད་དང་བཅས། །ཉི་མ་འཆར་བ་འདྲ་བ་སྟེ། །ཤིན་ཏུ་གདུལ་དགའ་རྒྱལ་བའི་མཆོག་
305b
དེ་ལྟར་ཚོན་རྩི་བྱིན་བརླབས་ལ། །སངས་རྒྱས་ཐམས་ཅད་དྲན་བྱས་ཏེ། །དཀྱིལ་འཁོར་ཀུན་ཏུ་བྲི་བར་ནི། །གྲུ་གསུམ་ཡང་ན་གྲུ་ལྔའམ། །ཡང་ན་བདུན་ནམ་དགུ་ཡང་རུང ། །གསང་སྔགས་དངོས་གྲུབ་རྗེས་མཐུན་པར། །རྣམ་པ་གསུམ་དུ་དབྱེ་བར་བྱ། །ལྷ་རྣམས་དགོད་པ་སྔ་མ་བཞིན། །མཁས་པས་རིགས་ཀྱི་བདག་པོས་བྱས། །ལྷག་མ་རྣམས་ནི་ཅི་རིགས་པར། །མཁས་པ་ཡིས་ནི་དགོད་པར་བྱ། །དེ་ལ་ནམ་མཁའི་སྙིང་པོས་གནས་སུ་སྐྲ་ཅན་དང་ཉེ་སྐྲ་ཅན་གཉིས་བེ་ཅོན་དང་ཞགས་པའི་ཕྱག་རྒྱར་གཞག་གོ་།གནོད་མཛེས་ཀྱི་གནས་སུ་ནི་རྡོ་རྗེ་ལྕགས་ཀྱུ་མདའི་ཕྱག་རྒྱར་གཞག་གོ་།སྤྱི་བོ་སྐྱེས་ཀྱང་མདའི་ཕྱག་རྒྱར་གཞག་གོ་།ཕྱི་རོལ་ཏུ་ནི་ཕྱག་བརྙན་མ་གཞི་ཞགས་པའི་ཕྱག་རྒྱར་བྲིའོ། །དེ་ནས་སྔ་མ་བཞིན་དུ་ཆོ་ག་ཐམས་ཅད་བྱའོ། །བྱུག་སྤོས་དང་མེ་ཏོག་ལ་སོགས་པ་ཡང་དམར་པོ་དབུལ་ལོ། །མེའི་ཐབས་ཁུང་ཡང་སྔ་མའི་གནས་སུ་བྱ་སྟེ། སྲིད་དུ་སོར་ཉི་ཤུའི་ཚད་ལ། ཁ་རན་སོར་གཉིས་པ་ཁ་ཕར་བལྟ་བར་བྱའོ། །ཟབས་སུ་མཐོ་ཆུང་ངུ་གང་ལ་དབུས་སུ་རྡོ་རྗེ་སོར་བརྒྱད་པས་དམར་པོས་བསྐུས་པ་བྱའོ། །མེའི་ཐབ་ཁུང་དེ་ནི་གྲུ་གསུམ་ལ་ཟུར་གསུམ་དུ་བྱའོ། །དེ་ནས་བདག་ཕྱག་ན་རྡོ་རྗེར་བྱིན་གྱིས་བརླབས་ལ་ཕྱི་རོལ་ཏུ་གཏོར་མ་སྦྱིན་ནོ། །དེ་ནས་བཙོ་བླག་མཁན་གྱི་ཁྱིམ་ནས་མེ་བླངས་ལ་སྔ་མ་བཞིན་དུ་བསང་གཏོར་བྱ་སྟེ། སེང་ལྡེང་ཤིང་ངམ། ཨ་ཤོ་ཀའམ། ཤིང་ཀཱ་ར་བཱི་རའི་མེ་བུས་ལ་དེ་བཞིན་དུ་
306a
༄#། །བདག་ཉིད་རྣམ་པར་སྣང་མཛད་དུ་བྱིན་གྱིས་བརླབས་ཏེ་མེའི་ཐབ་ཁུང་གི་ཞབས་སུ་མེའི་དཀྱིལ་འཁོར་བསམས་ལ་ཡི་གེར་གཞག་གོ་།ཡི་གེར་དེ་ཡང་འབར་བའི་ཕྲེང་བ་འཕྲོ་བ་ལས་མེའི་གཟུགས་སུ་གྱུར་པར་བསམས་པ་ནི། ཉི་མ་འཆར་བ་འདྲ་བ། གདུལ་དཀའ་བ། མིག་གསུམ་པ། ཐོར་ཚུགས་ཅན། དབུ་སྐྲ་ཁམ་པ། ལག་པ་བཞི་པ།་ལག་ན་བེ་ཅོན་དང ། ཞགས་པ་དང ། བགྲང་ཕྲེང ། གུནྡྷེ་ཐོགས་པ། གོས་དམར་པོ་གྱོན་ཞིང་སྲད་བུ་དམར་པོ་སེ་རལ་ཁར་ཐོགས་པ། ཡི་གེ་རས་མཚན་པ། མེ་ལྕེ་འབར་བ་དམར་པོའི་འོད་འཕྲོ་བ་དེ་ལྟ་བུའི་མེ་བསམས་ཏེ་བསང་གཏོར་བྱས་ལ་མཆོད་ཡོན་ཕུལ་ཏེ་རང་གི་གསང་སྔགས་ཀྱིས་བྱུག་སྤོས་དང་མེ་ཏོག་ལ་སོགས་པ་སྦྱིན་ལ། དེ་ནས་ཤིང་ཀཱ་ར་བཱི་རའི་ཡམ་སྲེག་ཤིང་ཡུངས་མར་དང་ཙནྡན་དམར་པོ་ལ་མྱུགས་པའི་སྦྱིན་སྲེག་བདུན་སྦྱིན་ནོ། །དེ་ནས་དཀྱིལ་འཁོར་དུ་བཀོད་པའི་ལྷ་རྣམས་ལ་སྲེག་བླུགས་བདུན་ཕུལ་ཏེ་སྔ་མ་བཞིན་དུ་བདག་གི་ལྷའི་གཟུགས་བསམས་ལ་གཞག་སྟེ། དེ་བཞིན་དུ་སྲེག་བླུགས་ཕུལ་ལ་ཆོ་ག་ལས་བྱུང་བའི་རྫས་རྣམས་སྦྱིན་སྲེག་བྱའོ། །མཇུག་ཏུའང་བྱང་ཆུབ་ཀྱི་སེམས་སྒོམ་པ་ལ་སོགས་པའི་ཆོ་ག་དེ་བཞིན་དུ་བྱའོ། །ཆོ་ག་འདི་ཡང་དཀྱིལ་འཁོར་གྱི་ཡོ་བྱད་ཐམས་ཅད་ཁ་དོག་དམར་པོར་བྱའོ། །མེའི་གནས་ཀྱང་དུས་གསུམ་དུ་ཙནྡན་
306b
དམར་པོས་བྱུག་ཅིང་མེ་ཏོག་དམར་པོའི་སིལ་མ་དགྲམ་མོ། །དཔལ་ལྡན་གོས་ནི་དམར་པོ་བགོས། །བྱུག་སྤོས་ཕྲེང་བ་དམར་པོས་བརྒྱན། །སྲད་བུ་དམར་པོའི་སེ་རལ་ཐོགས། །བྱང་ཆུབ་སེམས་ཀྱི་བྱེ་བྲག་ཤེས། །ཟས་སུ་སྲན་ཆུང་ཅི་ཚེ་ཟ། །ཡང་ན་ཟས་སུ་ཤིང་ཏོག་ཟ། །དགའ་ཞིང་འཛུམ་ཚུལ་མི་སྨྲ་ཐུབ། །སེམས་དང་སེམས་ནི་རྗེས་སུ་སྦྱོར། །རྟག་ཏུ་བཟླས་དང་སྦྱིན་སྲེག་བྱེད། །ལྷ་ཡི་གཟུགས་ནི་སེམས་པ་ཡི། །མི་ཡིས་དབང་དུ་བྱ་བ་ཡི། །དངོས་གྲུབ་མ་ལུས་བརྩམ་པར་བྱ། །གང་ཞིག་ཆོ་ག་འདི་ཡིས་སུ། །ཆོ་ག་ཤེས་པས་ལས་བརྩམས་ན། །གཟི་བརྗིད་ཅན་ནམ་དེ་ཡི་བུ། །ཟླ་བ་གཅིག་གིས་དབང་དུ་འགྱུར། །སྦྱིན་སྲེག་ཟླ་བ་གཉིས་བྱས་ན། །ཕྱག་བརྙན་ཕོ་མོས་གནོད་སྦྱིན་མ། །དེ་བཞིན་ས་འོག་བུ་མོ་དག་།སྔགས་པས་མྱུར་དུ་ཁུགས་པར་འགྱུར། །འདི་ནི་རེ་ཞིག་མདོར་བསྡུས་ཏེ། །དབང་གི་སྦྱིན་སྲེག་བསྒྲགས་པ་ཡིན། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པའི་བྱིན་གྱིས་རློབ་པ་ལས། དབང་དུ་བྱ་བའི་སྦྱིན་སྲེག་རིམ་པར་ཕྱེ་བའོ།། །།ད་ནི་དྲག་ཤུལ་སྤྱོད་པ་ཡི། །ཆོ་ག་མ་ལུས་བཤད་པར་བྱ། །གནོད་སྦྱིན་ལྟོ་འཕྱེ་ཡི་དྭགས་གཏུམ། །ལྷ་མིན་དྲི་ཟ་མིའམ་ཅི། །སེམས་ཅན་རྣམས་ལ་གནོད་བྱེད་དང ། །དེ་བཞིན་བགེགས་དང་ལོག་འདྲེན་དང ། །འབྱུང་པོ་མ་མོ་སྲིན་པོ་དང ། །མཁའ་འགྲོ་དང་ནི་ལུས་སྲུལ་
307a
༄#། །དང ། །མི་ཡང་རྒྱགས་དྲེགས་མཐུ་ལྡན་ཞིང ། །དྲག་པོའི་ལས་བྱེད་སྡང་བའང་རུང ། །དེ་དག་གདུལ་ཕྱིར་སྔགས་ཤེས་པས། །དྲག་ཤུལ་ལས་ནི་བརྩམ་པར་བྱ། །ཉེས་པ་ཆུང་ངུ་དག་ལ་ནི། །དྲག་པོའི་ཆོ་ག་མི་བརྩམ་མོ། །གྲོང་གི་ལྷོ་ཡི་ཕྱོགས་སུ་ནི། །བརྟུལ་བས་ས་གཞི་ནག་པོ་ལ། །དུར་ཁྲོད་དབེན་པའམ་དགོན་པའམ། །སྐྱེད་མོས་ཚལ་རྙིང་ཞི་གནས་སུ། །མར་གྱི་ངོ་ཡི་ཚེས་བརྒྱད་དམ། །ཡང་ན་ཚེས་ནི་བཅུ་བཞི་ལ། །གཟའ་ནི་སྤེན་པ་མིག་དམར་དང ། །རྒྱུ་སྐར་རླུང་ལས་བྱུང་བ་དང ། །མེ་བཞི་དང་ནི་ནག་པ་དང་།། ཐ་སྐར་དང་ནི་དེ་བཞིན་དབོ། །ནབ་སོ་དང་ནི་ས་རི་དང ། །རྒྱུ་སྐར་དེ་དག་དྲག་པོ་སྟེ། །དེ་དག་གང་ཡང་རུང་བ་ལ། །སྔགས་པ་ཁྲོས་པ་གཤིན་རྗེའི་བཞིན། །དཀྱིལ་འཁོར་འཇིགས་པ་བྲི་བ་ནི། །དགྲ་ཡི་སྲོག་ནི་གཅོད་བྱེད་པའི། །སྔགས་པ་བདག་ཉིད་རང་གི་རྒྱས། །རྡོ་རྗེ་སེམས་དཔར་བྱིན་བརླབས་ཏེ། །སྔགས་ལ་འཇིགས་པ་མེད་པ་ཡིས། །ས་གཞི་སྔ་མ་བཞིན་དུ་སྦྱང ། །དེ་ནས་མི་གཡོ་མཐུ་ཆེན་གྱིས། །ཡོངས་སུ་བཟུང་ལ་སོགས་བྱས་ནས། །རང་གི་ཡི་གེ་ཕྱག་རྒྱ་ཡིས། །དེ་ནས་རྣམ་སྣང་མཛད་དུ་བྱ། །བུ་མོ་གཞོན་ནུས་བཀལ་བ་ཡི། །སྲད་བུ་སྔོན་པོ་དེར་བླངས་ནས། །དཀྱིལ་འཁོར་ནན་ཏན་ཐིག་གདབ་པ། །གྲུ་གསུམ་ཕྱི་རོལ་ཟླུམ་པོར་བྱ། །ཁྲུ་བཞི་ཁྲུ་ལྔ་ཁྲུ་བརྒྱད་དམ། །དེ་བཞིན་བཅུ་གཉིས་
307b
བཅུ་དྲུག་ཁྲུ། །ཇི་ལྟར་ལས་ཀྱི་རྗེས་མཐུན་པར། །མཁས་པས་ཚད་ནི་བརྟག་པར་བྱ། །དེ་ནས་དུར་ཁྲོད་ཐལ་བའམ། །མཁས་པས་ཚོན་རྩི་ནག་པོ་ལ། །ཡི་གེ་ཧ་ནི་དེར་གཞག་ལ།། མེ་ལྕེ་འབར་བའི་ཕྲེང་བ་འཕྲོ། །དུས་མཐའི་མེ་ལྟར་འཇིགས་པའི་གཟུགས། །དབྱར་གྱི་ཆར་སྤྲིན་འདྲ་བའི་མདོག་།ཁ་ནི་མཆེ་བ་གཙིགས་པ་ལ། །ལག་ན་རྡོ་རྗེ་ཅོད་པན་ཅན། །བདུད་ཀྱི་སྡེ་ནི་ཐམས་ཅད་དང ། །སྡང་བ་ཐམས་ཅད་བསྡིགས་བྱེད་པ། །ཚོན་ལ་མཁས་པས་ཚོན་དེ་ལ། །དེ་འདྲའི་ཡི་གེ་བཞག་ནས་ནི། །ཤེས་རབ་ཅན་གྱིས་དཀྱིལ་འཁོར་བྲི། །བ་དན་མང་པོའི་མཚན་མས་མཚན། །རྟ་བབས་དང་ནི་སྒོ་ཁྱུད་བཅས། །སྒོ་ཡི་ཆ་ནི་ལེགས་པར་ཕྱེ། །ལྷ་ཡི་གཙོ་བོར་བཞག་པ་ནི། །སྔ་མ་བཞིན་དུ་བརྟག་པར་བྱ། །བྱང་ཕྱོགས་སྒོ་ནི་ཕྱེ་ནས་སུ། །ལྷག་མའི་སྒོ་རྣམས་གཅད་པར་བྱ། །དེ་ལ་འཕགས་པ་ནམ་མཁའི་སྙིང་པོའི་གནས་སུ་ཁྲོ་བོའི་རྒྱལ་བ་གཤིན་རྗེའི་གཤེད་གསལ་ཤིང་གི་ཕྱག་རྒྱར་བྲིའོ། ། མཛོད་སྤུའི་གནས་སུ་ཁྲོ་བོའི་རྒྱལ་པོ་འཕགས་པ་གཞན་གྱིས་མི་ཐུབ་པ་ཞེས་བྱ་བ་རྡོ་རྗེ་དང་དགྲ་སྟའི་ཕྱག་རྒྱར་བྲིའོ། །མཐུ་ཆེན་ཐོབ་དང ། འཕགས་མ་ཁྲོ་གཉེར་ཅན་དང ། འཕགས་མ་སྒྲོལ་མའི་གནས་རྣམས་སུ་དོན་ཡོད་ཞགས་པ་དང ། རལ་པ་གཅིག་མ་དང ། རྟ་མགྲིན་རྣམས་ཞགས་པ་དང ། དགྲ་སྟ་དང ། རྡོ་རྗེ་བེ་ཅོན་གྱི་ཕྱག་རྒྱ་
308a
༄#། །རྣམས་སུ་གོ་རིམ་བཞིན་དུ་གཞག་པར་བྱའོ། །གནོད་མཛེས་ཀྱི་གནས་སུ་ཁྲོ་ཟླ་གཙོ་བོའི་རྡོ་རྗེའི་ཕྱག་རྒྱར་གཞག་གོ་།འཕགས་པ་མི་གཡོ་བ་ཡང་བེ་ཅོན་གྱི་ཕྱག་རྒྱར་གཞག་གོ་།སྒོ་དྲུང་དུ་ནི། གདུལ་དཀའ་བ་དང ། མངོན་དུ་ཕྱོགས་པ་གཉིས་བེ་ཅོན་གྱི་ཕྱག་རྒྱར་གཞག་གོ་།གནས་གཙང་མ་བ་རྣམས་ཀྱི་གནས་སུ་གཤིན་རྗེའི་འཆི་བདག་དང ། དུས་མཚན་མོ་དང་ལྷན་ཅིག་ཏུ་གཞག་གོ་།བདེན་བྲལ་ཡང་རལ་གྲིའི་ཕྱག་རྒྱར་གཞག་གོ་།འཁོར་སའི་དབུས་སུ་མེའི་ཐབ་ཁུང་སྒོ་ལ་ཕྱོགས་པར་བྱའོ། །དཀྱིལ་འཁོར་གྱི་ཕྱི་རོལ་ཁོར་ཁོར་ཡུག་ཏུ་བ་དན་རྣམས་བྲིའོ། །མེའི་ཐབ་ཁུང་ནི། དབང་གི་ལས་ཀྱི་མེའི་ཐབ་ཁུང་བཞིན་དུ་བྱ་སྟེ། བྱེ་བྲག་ཏུ་ནི་ཕྱི་རོལ་གྱི་མུ་རན་ཟླུམ་པོར་བྱས་ལ་བ་དན་མང་པོས་མཚན་པར་བྱའོ། །དཀྱིལ་འཁོར་གྱི་ལྷ་རྣམས་སྔ་མ་བཞིན་དུ་སོ་སོའི་གཟུགས་བསམས་ཏེ་མཆོད་པའི་ཆོ་ག་བྱའོ། །དེ་ནས་ལྷ་རྣམས་ཇི་ལྟ་བ་བཞིན་དུ་མཆོད་ནས་དེ་ནས་བདག་ཕྱག་ན་རྡོ་རྗེར་བྱིན་གྱིས་བརླབས་ལ་ཕྱི་རོལ་ཏུ་ཕྱོགས་ཀྱི་གཏོར་མ་སྔ་མ་བཞིན་དུ་སྦྱིན་ནོ། །དེ་ལ་བྱུག་སྤོས་ལ་སོགས་པའི་ཁྱད་པར་ནི། ཙནྡན་དམར་པོ་དང ། དུ་རུ་སྐ་དང་
308b
སོལ་བ་བསྲེས་པའི་བྱུག་སྤོས་ནག་པོར་དབུལ་ལོ། །མེ་ཏོག་ཨུཏྤ་ལ་མཐིང་ག་དང ། ་བ་རཱ་ཛི་ཏ་མཐིང་གའམ། གཞན་ཡང་མེ་ཏོག་སྔོན་པོ་རྣམས་དབུལ་ལོ། །བདུག་སྤོས་ནི། སྲ་རྩི་བོག་བུ་རམ་དང་སྦྱར་བ་དབུལ་ལོ། །མར་མེ་ནི། ཡུངས་ཀར་མར་ཚ་བ་སྙིང་པོ་སྔོན་པོ་ཅན་མར་མེའི་སྣོད་ནག་པོའི་ནང་དུ་དབུལ་ལོ། །བཤོས་ནི་།ཀྲི་ས་ར་དང ། གཞན་ཡང་ཚ་བ་དང ། ཁ་བ་ལ་སོགས་པའི་བཟའ་བ་དང ། ཚོད་མ་ཁ་དོག་ནག་པོ་རྣམས་དབུལ་ལོ། །སྲན་ཆན་དང ། ཀྲི་སར་དང ། ཤ་དང ། ཉ་ཤ་བཙོས་པ་དང ། རྗེན་པ་རྣམས་ཕྱོགས་ཀྱི་གཏོར་མར་སྦྱིན་ནོ། །གཏོར་མའི་ཆོ་ག་ཇི་ལྟ་བ་བཞིན་དུ་བྱས་ནས་གདོལ་པའི་ཁྱིམ་མམ། དུར་ཁྲོད་ནས་མེ་བླངས་ཏེ་ཁྲོ་བོའི་རྒྱལ་པོས་བསང་གཏོར་བྱས་ལ་དུར་ཁྲོད་ཀྱི་ཤིང་ངམ་ཤིང་བལ་ཏ་ཀའམ། བ་རུ་རའི་ཤིང་གིས་མེ་བུས་ལ་རྣམ་པར་སྣང་མཇེད་ཆེན་པོར་བདག་བྱིན་གྱིས་བརླབས་ཏེ་མེའི་ཐབ་ཁུང་གི་ཞབས་སུ་རླུང་གི་དཀྱིལ་འཁོར་བསམས་ལ་དེར་ཡི་གེ་ཧཱུཾ་གཞག་གོ་།ཡི་གེ་ཧཱུཾ་དེ་ལས་མེའི་གཟུགས་སུ་གྱུར་པར་བསམས་པ་ནི། ཁ་དོག་ནག་པོ་ཤིན་ཏུ་མི་བཟད་པ། མིག་གསུམ་པ། གདོང་བཞི་པ། མི་གཡོ་བ་དུད་ཁའོ། །བལྟ་དཀའ་བ་ཁམ་པ་ཐོར་ཚུགས་དུད་ཀ་ཅན། ཆར་སྤྲིན་སྔོན་པོ་ལྟ་བུའི་མདངས་ཅན། གསུས་པོ་ཆེ་གོས་སྔོན་པོ་གྱོན་པ། སྲད་བུ་སྔོན་པོའི་སེ་རལ་ཁར་ཐོགས་པ། ཁ་ནས་
309a
༄#། །མཆེ་བ་བཞི་གཙིགས་པ། ཁྲོ་བ་དང་བཅས་ཤིང་ཁ་གདངས་པ། ལག་ན་རལ་གྲི་དང ། ཞགས་པ་དང ། བེ་ཅོན་དང ། གུནྡྷེ་ཐོགས་པ། སྙིང་ག་ན་སུམ་མདོའི་རིས་མཚན་ཅན། ཡི་གེ་རས་མཚན་པ། གདོང་ཁྲོ་གཉེར་བསྙེར་བ་དང ། ཧཱུཾ་དང་བཅས་པ་འབར་བ་ནག་ཅིང་རྩུབ་པ་དང ། ཟངས་ལྟ་བུའི་འོད་འཕྲོ་བའི་འཕྲེང་བ་ཅན། འཇིགས་པའི་དུས་མངོན་དུ་བྱུང་བ་བཞིན་དུ་འདུག་པ་དེ་ལྟ་བུའི་མེ་བསམས་ནས་བསང་གཏོར་བྱས་ཏེ་བྱུག་སྤོས་ལ་སོགས་པ་རང་གི་རིག་སྔགས་ཀྱིས་དབུལ་ལོ། །ོཾ་ཨགྣེ་ཡེ་ཛཱ་ཧི་ཏྲ་ཏྲ་ཧཱུཾ་ཕཊ། དེ་ནས་ཡུངས་མར་ཚ་བ་དང་སྦྱར་བའི་ཀྲི་ས་རའི་སྲེག་བླུགས་གསུམ་བྱིན་ལ་དུག་དང ། ཁྲག་དང ། སྐེ་ཚེའི་སྲེག་བླུགས་བདུན་སྦྱིན་ནོ། །ཡང་ན་ཤིང་བ་ལ་ཏ་ཀ་དང ། བ་རུ་རའི་ཤིང་གི་ཡམ་ཤིང་རྩེ་མོ་རྣོན་པོར་གཞོགས་པ་ཡུངས་མར་ཚ་བ་དང ། སྐེ་ཚེས་བྱུགས་པ་སྦྱིན་ནོ། །དེ་ནས་དཀྱིལ་འཁོར་གྱི་བདག་པོ་ལ་སོགས་པའི་ལྷ་རྣམས་སྔ་མ་བཞིན་དུ་བསམས་ཏེ་རྫས་དེ་དག་ཉིད་ལས་རང་གི་རིག་པས་སྲེག་བླུགས་དབུལ་ལོ། །དེ་ནས་རང་གི་ལྷ་རྣམས་སྔ་མ་བཞིན་དུ་བསམས་ཏེ་བཞག་ལ། རང་གི་རིག་པ་ལས་བྱུང་བའི་རྫས་ཇི་ལྟ་བ་བཞིན་དུ་མཛུབ་མོ་དང་མཐེ་བོས་བཟུང་སྟེ་ཁྲོ་བོ་དང་བཅས་པར་གསང་སྔགས་ཟློས་ཤིང་ཕཌ་དང་བཅས་པར་ཇི་སྲིད་འདོད་པ་དེ་སྲིད་དུ་སྲེག་བླུགས་
309b
དབུལ་ལོ། །དེ་ནས་སྔ་མ་བཞིན་དུ་བྱང་ཆུབ་ཀྱི་སེམས་སྒོམ་པ་ལ་སོགས་པས་ངལ་བསོ་བར་བྱའོ། །སྔགས་པ་གང་ཞིག་འདི་ལྟ་བུའི། །རབ་ཏུ་དྲག་པོའི་ལས་བྱེད་པ། །དེ་ནི་སུམ་ཅུ་རྩ་གསུམ་གྱི། །གནས་ཀྱང་རྩཝ་མཆོག་བཞིན་དུ་སྲེག་།འདིར་ཡང་ཆོ་ག་འདི་ལྟར་བྱའོ། །དཔལ་ལྡན་གོས་ནི་སྔོན་པོ་བགོས། །བྱུག་སྤོས་ཕྲེང་བ་སྔོན་པོས་བརྒྱན། །སྲད་བུ་སྔོན་པོའི་སེ་རལ་ཐོགས། །བྱང་ཆུབ་སེམས་ལ་རབ་ཏུ་གཞོལ། །ཚ་དང་ཁ་དང་བསྐ་བ་དང ། །ཀྲི་ས་ར་ཡི་ཁ་ཟས་ཟ། །ལྷ་རྣམས་དགོད་པའི་དོན་ལ་མཁས། །གཙང་ཞིང་མཆོག་ཏུ་ཚུལ་ཁྲིམས་ལྡན། །སྤྲོ་བ་ཆེ་ཞིང་དཔའ་སྙིང་ཅན། །ཁྲོས་པ་འཇིག་རྟེན་མཐར་བྱེད་བཞིན། །ལྷོ་ཕྱོགས་ཁ་བལྟས་མི་སྨྲ་ཞིང ། །འདུག་པའི་ཐབས་ནི་ཙོག་པུར་འདུག་།སྦྱིན་སྲེག་བཟླས་ལ་རྟག་ཏུ་འབད། །སྲུང་དང་བསྐྱབ་པ་དག་ལ་མཁས། །མཚན་མོ་སྦྱིན་སྲེག་བྱེད་པ་ཡིས། །དྲག་ཤུལ་སྤྱོད་པ་བརྩམ་པར་བྱ། །རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བྱིན་གྱིས་རློབ་པ་ལས། དྲག་ཤུལ་སྤྱད་པའི་སྦྱིན་སྲེག་གི་ཆོ་ག་རིམ་པར་ཕྱེ་བའོ།། །།དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱི་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་ལ་སྟོང་པ་ཉིད་གཉིས་སུ་མེད་པའི་སྤྱོད་ཡུལ་རྟེན་ཅིང་འབྲེལ་ཏེ་འབྱུང་བའི་སྙིང་པོ་
310a
༄#། །རྣམ་པར་མི་རྟོག་པའི་ཡེ་ཤེས་འཐོབ་པའི་རྒྱུ་སྤྲོས་པ་ཐམས་ཅད་དང་བྲལ་པ། གསལ་ཞིང་དག་པ། ཡིད་ཀྱིས་བསྒྲུབས་པ། ཡོངས་སུ་རྫོགས་པར་བྱེད་པ། ཆོས་ཀྱི་དབྱིངས་ཀྱི་ངོ་བོ་ཉིད་ཀྱི་ཆོས་བཤད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་སྤྱན་རས་གཟིགས་ཀྱི་དབང་ཕྱུག་དེའི་ཚེ་ཐམས་ཅད་མཁྱེན་པའི་ཡེ་ཤེས་ཀྱི་ཏིང་ངེ་འཛིན་ལ་སྙོམས་པར་ཞུགས་ནས་གསང་བ་པའི་བདག་པོ་ཕྱག་ན་རྡོ་རྗེ་ལ་སྨྲས་པ། གསང་བ་པའི་བདག་པོ། ཐམས་ཅད་མཁྱེན་པའི་ཡེ་ཤེས་ཀྱི་སྤྱོད་ཡུལ་སྟོང་པ་ཉིད་ཀྱི་རྗེས་སུ་ཞུགས་པ། གསང་སྔགས་ཐམས་ཅད་ཀྱི་དངོས་གྲུབ་སྩོལ་བ། གནས་མེད་པ།་མཚན་ཉིད་མེད་པ། ངོ་བོ་ཉིད་མེད་པ། མཚན་གྱི་གཞི་དང་མཚན་ཉིད་ལས་འདས་པ། ཐེག་པ་ཆེན་པོ་ཐོབ་པར་བྱེད་པ། བདུད་རྩི་སྦྱིན་པ་དེ་སྔགས་ཀྱི་ཚུལ་ལ་རྣམ་པར་གནས་པའི་རྗེས་སུ་ཞུགས་པ་རྣམས་ཀྱིས་ཇི་ལྟར་ཐོབ་པར་འགྱུར། དེ་སྐད་ཅེས་སྨྲས་པ་དང ། གསང་བ་པའི་བདག་པོ་ཕྱག་ན་རྡོ་རྗེ། དེ་བཞིན་གཤེགས་པ་ཐམས་ཅད་ཀྱི་གསང་བ་སྟོན་པས་བཅོམ་ལྡན་འདས་རྣམ་པར་སྣང་མཛད་ཀྱི་ཞལ་དུ་བལྟས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས།
310b
སེམས་ཅན་ཐམས་ཅད་ཀྱི་སེམས་ཀྱི་རྒྱུད་ལ་ལྟ་བ་སྙིང་རྗེ་ཆེན་པོ་བྱང་ཆུབ་སེམས་དཔའ་སྤྱན་རས་གཟིགས་ཀྱི་དབང་ཕྱུག་དེ་བདག་ལ་འདྲི་ཞིང་མཆིས་ན། བཅོམ་ལྡན་འདས།་འགྲོ་བ་ལ་ཕན་པར་བྱེད་པ། ཐེག་པ་ཆེན་པོ་ཐོབ་པར་བྱེད་པ། མཚན་ཉིད་མེད་ཅིང་གཉིས་སུ་མེད་པའི་སྤྱོད་ཡུལ། གསང་སྔགས་ཐམས་ཅད་ཀྱི་ཚུལ་གྱི་དངོས་གྲུབ་སྩོལ་བ། རྟེན་ཅིང་འབྲེལ་པར་འབྱུང་བའི་སྙིང་པོའི་ངོ་བོ་ཉིད། ཆོས་ཀྱི་དབྱིངས་ཀྱི་རྗེས་སུ་ཞུགས་པ། ཕྱོགས་བཅུའི་འཇིག་རྟེན་གྱི་ཁམས་འབྱུང་བར་བྱེད་པ།་སྟོང་པ་ཉིད་ཀྱི་ངོ་བོ་ཉིད་ཀྱི་སྤྱོད་ཡུལ་གྱི་ཆོས་བཤད་དུ་གསོལ། དེ་སྐད་ཅེས་གསོལ་པ་དང ། བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐེག་པ་གསུམ་ཡོངས་སུ་རྫོགས་པར་མཛད་པ། ཐམས་ཅད་མཁྱེན་པའི་ཡེ་ཤེས་ཐོབ་པར་མཛད་པ། རྣམ་པར་རྟོག་པ་ཐམས་ཅད་ཀྱི་རྒྱ་མཚོ་ལས་སྒྲོལ་བ། སེམས་ཅན་ཐམས་ཅད་ལ་དགོངས་པ། གསང་སྔགས་ཐམས་ཅད་ཀྱི་དངོས་གྲུབ་སྩོལ་བ། བགེགས་ཐམས་ཅད་སྐྲག་པར་མཛད་པ། འབྱུང་པོ་ཐམས་ཅད་འགུགས་པ། བྱང་ཆུབ་སེམས་དཔའ་ཐམས་ཅད་ཀྱི་སྙིང་པོ་བསམ་གྱིས་མི་ཁྱབ་པ། གཟུགས་མེད་པ། སྒྲ་མེད་པ། དྲི་མེད་པ། རོ་
311a
༄#། །མེད་པ།་རེག་མེད་པ། གནས་མེད་པ། ཡིད་མེད་པ། རྣམ་པར་ཤེས་པ་མེད་པ། ཡི་གེ་མེད་པ། སྤྱོད་ཡུལ་མེད་པ། བརྗོད་དུ་མེད་པ། སྦྲོས་པ་མེད་པ། མ་འདྲེས་པས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ཆོས་གང་རྒྱུ་ལས་བྱུང་བ་རྣམས། །དེའི་རྒྱུའང་དེ་བཞིན་གཤེགས་པས་གསུངས། །དེ་རྣམས་ཀྱི་ནི་འགོག་པའང་གསུངས། །དེ་སྐད་གསུངས་པ་དགེ་སྦྱོང་མཆོག་།གཞན་དབང་ཡོད་པ་མ་ཡིན་ཞིང ། །ཡོངས་སུ་གྲུབ་པའང་གཞན་ཡིན་ནོ། །གཉིས་པོའང་ཡོད་པ་མ་ཡིན་ཏེ། །རྣམ་ཤེས་བརྒྱད་པོ་དེ་ཉིད་མཚན། །དེ་ནས་འཁོར་མང་པོ་འདུས་པ་དེ་རྣམས་སོ་སོའི་ཡེ་ཤེས་མངོན་པར་འདུས་བྱས་པའི་རྫུ་འཕྲུལ་གྱི་མཐུས་བསམ་པ་ཐ་དད་པ་དང ། བློ་གྲོས་ཐ་དད་པས་ཚིགས་སུ་བཅད་པ་གཉིས་གསུངས་པའི་དོན་ཇི་ལྟར་རྗེས་སུ་མཐུན་པར་ཁོང་དུ་ཆུད་ནས་བྱང་ཆུབ་སེམས་དཔའ་དེ་རྣམས་ཀྱིས་བཅོམ་ལྡན་འདས། ལེགས་སོ་ལེགས་སོ་ཞེས་གསོལ་ནས་ལེགས་པར་ཕུལ་ལོ། །གསང་སྔགས་ཚུལ་ལ་ལེགས་གནས་པ། །རྫོགས་སངས་རྒྱས་ཀྱིས་བསྔགས་པ་ཡིས། །ཡང་དག་ཉིད་ནི་སྒོམ་བྱེད་དོ། །དེ་དག་སངས་རྒྱས་ཉིད་དུ་འགྱུར། །དེ་ནས་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་
311b
པོ་འཕགས་པ་སྦྱན་རས་གཟིགས་དབང་ཕྱུག་བཅོམ་ལྡན་འདས་རྣམ་པར་སྣང་མཛད་ཀྱི་བྱིན་གྱིས་བརླབས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །རྣམ་པར་རྟོག་པ་ལས་འདས་པའི། །མ་འདྲེས་སེམས་ནི་ཉིད་ཀྱིས་ཀྱང ། །བཟླས་པས་དངོས་གྲུབ་ཐོབ་འགྱུར་ན། །ཆོས་ཀྱི་འདུས་བྱས་ཅི་ཞིག་སྨོས། །རྟ་དང་འདྲ་བའི་སེམས་དེ་ནི། །མཉམ་པར་བཞག་པས་བཏུལ་ནས་སུ། །བྱམས་དང་སྙིང་རྗེ་བརྟན་བྱས་ན། །དངོས་གྲུབ་བརྟན་པ་འཕྲལ་དུ་འཐོབ། །ནམ་ཞིག་ཆོས་རྣམས་མ་སྐྱེས་པ། །དེ་ཡི་ས་བོན་ཨ་ཡི་མཆོག་།རྒྱལ་བ་དམ་པ་རྣམས་ཀྱིས་གསུངས། །ོཾ་ནི་སྟོང་པ་ཉིད་ཅེས་བྱ། །ཡི་གེའི་ཕྱི་མོ་ཕྱི་མོ་ཀུན། །དེ་བཞིན་འདྲེན་པ་གཉིས་དང་ལྡན། །མི་འགྱུར་ཡི་གེ་དང་ཡང་ལྡན། །དེ་བས་བསམ་པར་བྱ་བ་ཡིན། ། དང་ཨུ་ཞེས་པ་དང་ནི། །རྀ་དང་རཱྀ་དང་ཨོཾ་དུ་ལྡན། ། དང་ལྡན་པ་སྣང་བའི་མཆོག་།འདི་ལས་ཐར་པ་འཐོབ་ཅེས་གསུངས། །ཀ་ཡི་རིས་དང་ཙ་ཡི་རིས། །ཊ་ཡི་རིས་ཀྱང་དེ་བཞིན་གཞན། །ཏ་ཡི་རིས་དང་པ་ཡི་རིས། །མ་དང་ལྡན་པ་ལྔ་པའོ། །ཡ་ར་ལ་ཝ་ཤ་ལ་སོགས། །ཐམས་ཅད་རྒྱལ་མཆོག་ཡོངས་སུ་རྫོགས། །དེ་དག་རྒྱ་ཆེན་དོན་གྱི་མཆོག་།རྣམ་པ་མང་པོའི་དོན་རྣམས་བྱེད། ། ནི་བྱང་ཆུབ་ཐོབ་པར་བྱེད། །ནི་ནི་དེ་བཞིན་དགུག་པར་
312a
༄#། །བྱེད། །ུ་ནི་གསོད་པ་འགྲུབ་པར་བྱེད། །རི་ནི་དབང་གི་ལས་བྱེད་པའོ། །ོ་ནི་སྲིན་པོ་གསོད་པར་བྱེད། །བི་ནི་འཆི་བ་ཡིན་པར་འདོད། །ོཾ་ནི་ཀླུ་ཡི་སྙིང་པོ་ཡིན། །ཀུན་ཀྱང་གཞན་ན་ལྡན་ན་མཆོག་།ཡི་གེ་མཐུ་ཅན་ཐམས་ཅད་ནི། །ར་དང་ཀླད་ཀོར་བཅས་གྱུར་ཅིང ། །ཆོས་ཀྱི་དབྱིངས་དང་རྟག་ལྡན་པར། །བསམ་གཏན་བཟླས་བྱས་དངོས་གྲུབ་འཐོབ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྦྱན་རས་གཟིགས་དབང་ཕྱུག་ལ་སེམས་དཔའ་ཆེན་པོ། །ལེགས་སོ་ལེགས་སོ། །ས་བཅུ་རྟོགས་པར་ཁོང་དུ་ཆུད། །བདེ་གཤེགས་ཡང་དག་མི་ཟད་པ། །དེ་ཉིད་ཐམས་ཅད་ཁྱོད་ཀྱིས་བཤད། །ལག་ན་རྡོ་རྗེས་སྨྲས་པ་ཡི། །རབ་ཏུ་གསང་བ་ཁྱོད་ཀྱིས་རྟོགས། །ཞེས་ལེགས་སོ་ཞེས་བྱ་བ་བྱིན་ནོ། །དེ་ནས་བཅོམ་ལྡན་འདས་ལ་གསང་བ་པའི་བདག་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །དཔའ་བོ་ཆོས་དབྱིངས་རང་བཞིན་ནི། །འཁོར་ལོས་བསྒྱུར་བ་རྒྱལ་བ་མཆོག་།འཇིག་རྟེན་དཔའ་བོའི་ཕྱག་རྒྱ་དང ། ། མི་སྐྱེ་བ་ཡི་ཡི་གེ་ཡིས། །དེ་བཞིན་བདག་ཉིད་བསམས་ནས་སུ། །བྱང་ཆུབ་སེམས་ཀྱིས་ཤིན་ཏུ་བསྡམས། །སྟོང་པ་གཉིས་སུ་མེད་སྦྱོར་བས། །ལས་རྣམས་ཐམས་ཅད་
312b
བསྒྲུབ་པར་བྱ། །ཆོས་དབྱིངས་རྣམ་པར་དག་པའི་བདག་།ས་བོན་ཡི་གེ་དང་ལྡན་པར། །དད་ཅིང་བཟླས་བརྗོད་མཉམ་བཞག་པས། །བསམས་ན་དངོས་གྲུབ་ཐོབ་པར་འགྱུར། །ཁྲུས་དང་བཤགས་ལ་སོགས་པ་དང ། །རབ་ཏུ་དབེན་ལ་སོགས་པ་དང ། །ཕྱག་རྒྱ་བགྲང་ཕྲེང་སེམས་པ་ཡི། །ཟློས་པའི་དངོས་གྲུབ་བརྟན་པ་འཐོབ། །ཆོས་ཀྱི་དབྱིངས་དང་ལྡན་འགྱུར་བར། །སྔགས་འདི་རྣམས་ཀྱིས་བསྒྲུབས་ན་ནི། །འགྲོ་དང་མི་འགྲོའི་ཁམས་གསུམ་ན། །འགྲུབ་པར་མི་འགྱུར་དངོས་དེ་མེད། །གསང་བ་པའི་བདག་པོ། རང་གི་དཀྱིལ་འཁོར་ལ་གནས་པའི་བཟླས་བརྗོད་བྱས་ལ་དབང་བསྐུར་བའི་ཆོ་ག་འདི་ལ་འཁོར་ལོས་སྒྱུར་བ་བཞག་པར་བཤད་དོ། །རྣམ་པར་སྣང་མཛད་ཆེན་པོ་མངོན་པར་རྫོགས་པ་བྱང་ཆུབ་པ་རྣམ་པར་སྦྲུལ་པ་བྱིན་གྱིས་རློབ་པ་ལས། སྒོམ་པའི་ཡི་གེ་དགོད་པ་དབང་བསྐུར་བ་རིམ་པར་ཕྱེ་བའོ།། །།དེ་ནས་ཡང་བཅོམ་ལྡན་འདས་ལ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས། ཆོས་ཀྱི་དབྱིངས་བསམ་གྱིས་མི་ཁྱབ་པ་སེམས་ཀྱིས་ལས་འདས་པ་ཉིད་ཀྱིས་མངོན་པར་སངས་རྒྱས་པ་དེ་བྱང་ཆུབ་སེམས་དཔའ་རྣམས་ལ་ཐབས་སྣ་ཚོགས་ཀྱིས་བསམ་པ་དང་མོས་པ་ཇི་ལྟ་བ་བཞིན་དུ་བཤད་ལགས་ཀྱི། ཡང་བཤད་དུ་གསོལ། དེ་ལ་ཐོག་མར་ཆོ་ག་འདིས་སྡིག་པ་སོ་སོར་བཤགས་
313a
༄#། །པར་བྱའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་དུས་འདི་ནས་བཟུང་སྟེ་ནམ་བྱང་ཆུབ་ཀྱི་སྙིང་པོ་ལ་མཆིས་ཀྱི་བར་དུ་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བས་སྐྱེ་བ་ཐོག་མ་མ་མཆིས་པ་ནས་འཁོར་བ་ན་འཁོར་བའི་ཚེ་བདག་གི་སྡིག་པ་མི་དགེ་བའི་ལས་བགྱིས་པ་དང ། བགྱིད་དུ་སྩལ་པ་དང ། བགྱིད་པ་ལ་རྗེས་སུ་ཡི་རང་བ་དེ་དག་ཐམས་ཅད་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྦྱན་སྔར་སོ་སོར་བཤགས་སོ། །དེ་ལྟར་ལན་གཉིས་ལན་གསུམ་དུ་བྱའོ། །དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྤྱན་སྔར་གསུམ་ལ་སྐྱབས་སུ་འགྲོ་བ་གཟུང་བར་བྱའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ་ནམ་བྱང་ཆུབ་ཀྱི་སྙིང་པོ་ལ་མཆིས་ཀྱི་བར་དུ་སངས་རྒྱས་བཅོམ་ལྡན་འདས་ལ་སྐྱབས་སུ་མཆིའོ། །དེ་བཞིན་གཤེགས་པའི་ཆོས་ཀྱི་སྐུ་ཞི་བ་བླ་ན་མེད་པ་སོ་སོར་རང་གིས་རིག་པ་ལ་སྐྱབས་སུ་མཆིའོ། །ཕྱོགས་བཞིའི་བྱང་ཆུབ་སེམས་དཔའ་ཆེན་པོ་འཕགས་པ་ཕྱིར་མི་ལྡོག་པའི་དགེ་འདུན་ལ་སྐྱབས་སུ་མཆིའོ། །དེ་ལྟར་ལན་གཉིས་དེ་ལྟར་ལན་གསུམ་དུ་བྱའོ། །དེ་ནས་བདག་གི་
313b
ལུས་དབུལ་བ་ནི། སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ་ནམ་བྱང་ཆུབ་ཀྱི་སྙིང་པོ་ལ་མཆིས་ཀྱི་བར་དུ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་བདག་ཉིད་དུས་ཐམས་ཅད་དུ་ཡོང་ཡེ་དབུལ་གྱི། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བདག་ལ་ཐུགས་བརྩེ་བའི་སླད་དུ་བདག་བཞེས་སུ་གསོལ། དེ་ལྟར་ལན་གཉིས་དེ་ལྟར་ལན་གསུམ་དུ་བྱའོ། །དེ་ནས་དམ་ཚིག་གི་ཕྱག་རྒྱ་བཅིངས་ལ་གསང་སྔགས་བརྗོད་པར་བྱའོ། །ན་མཿ ་ས་མནྟ་བུདྡྷཱ་ནཱཾ། ཨ་ས་མེ་ཏྲི་ས་མ་ཡེ་སཝཱཧཱ། དེ་ནས་ཆོས་ཀྱི་དབྱིངས་སུ་བྱིན་གྱིས་བརླབ་བོ། །ན་མཿ ་ས་མནྟ་བུདྡྷཱ་ནཱཾ། དྷ་རྨ་དྷཱ་ཏུ་སཝ་བྷ་བ་ཨཱཏྨ་ཀོཉྷཾ།་དེ་ནས་རྡོ་རྗེ་སེམས་དཔར་བྱིན་གྱིས་བརླབ་བོ། །ན་མཿ ་ས་མནྟ་བུདྡྷཱ་ནཱཾ། བཛྲ་ཨཱཏྨ་ཀོཉཧཾ། དེ་ནས་བྱང་ཆུབ་ཀྱི་སེམས་བསྐྱེད་པར་བྱའོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་བདག་ལ་དགོངས་སུ་གསོལ། །བདག་མིང་འདི་ཞེས་བགྱི་བ་དུས་འདི་ནས་བཟུང་སྟེ་ནམ་བྱང་ཆུབ་ཀྱི་སྙིང་པོ་ལ་མཆིས་ཀྱི་བར་དུ་དངོས་པོ་ཐམས་ཅད་དང་བྲལ་བ་ཕུང་པོ་དང ། ཁམས་དང ། སྐྱེ་མཆེད་དང ། གཟུང་བ་དང ། འཛིན་པ་རྣམ་པར་སྤངས་པ། ཆོས་བདག་མེད་པ་མཉམ་པའི་ཕྱིར་རང་གི་སེམས་ཐོག་མ་ནས་མ་སྐྱེས་
314a
༄#། །པ།་སྟོང་པ་ཉིད་ཀྱི་ངོ་བོ་ཉིད་དུ་ཇི་ལྟར་སངས་རྒྱས་བཅོམ་ལྡན་འདས་རྣམས་དང ། བྱང་ཆུབ་སེམས་དཔའ་དེ་རྣམས་ཀྱིས་བྱང་ཆུབ་ཏུ་སེམས་བསྐྱེད་པ་དེ་བཞིན་དུ་བདག་གིས་ཀྱང་སེམས་བསྐྱེད་དོ། །དེ་ལྟར་ལན་གཉིས་དེ་ལྟར་ལན་གསུམ་དུ་བྱའོ། །དེ་ནས་གང་བའི་ཕྱག་རྒྱ་སྤྱི་བོར་བཅིངས་ལ་དེ་བཞིན་གཤེགས་པའི་འཁོར་ཐམས་ཅད་དུ་སྤོས་དང་མེ་ཏོག་ལ་སོགས་པའི་སྦྲིན་བསམས་ཏེ་རིག་སྔགས་ཀྱི་རྒྱལ་མོ་འདི་ལན་གསུམ་བརྗོད་པར་བྱའོ། །ན་མཿ ་ས་མནྟ་བུདྡྷཱ་ནཱཾ། ཨ་བྷི་སྨ་ར་ཡེ་སྔ་ར་ཎ་ཧི་མཱཾ་ག་ག་ན་ཁཾ། དྷ་རྨཱ་དྷཱ་ཏུ་ཨཱ་ཀཱ་ཤ་ས་མ་ཏཱ་ཡ། སརྦ་ཏ་ཐཱ་ག་ཏ་པ་རི་ཤོ་དྷ་ན་མཎྜཱ་ལ། མ་མ་པྲ་ཎི་དྷི་པུ་ནྱ་ཛྙཱ་ན་པ་ལེ་ན། སརྦ་ཏ་ཐཱ་ག་ཏ་བ་ལ་ན། དྷརྨ་དྷཱ་ཏུ་ཨ་དྷིཥྛཱ་ན་བ་ལེ་ན་ཙ་སཝཱ་ཧཱ། གང་པའི་ཕྱག་རྒྱ་ནི། སྦྱི་བོར་པདྨ་ཁ་བྱེ་བ་འདྲ་བར་བྱ་བ་གང་ཡིན་པ་དེ་ནི། གང་བའི་ཕྱག་རྒྱའི་མཚན་ཉིད་ཡིན་ནོ། །བཟླས་བརྗོད་ཀྱི་ཆོ་ག་རིམ་པར་ཕྱེ་པའོ།། །།དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་ཆོས་ཀྱི་དབྱིངས་བསམ་གྱིས་མི་ཁྱད་པ་རྣམ་པར་རོལ་པ་བསྟན་ནས་ཡང་ཡུལ་བསམ་གྱིས་མི་ཁྱབ་པ་བསྟན་པར་བཞེད་པས་དབུའི་གཙུག་ནས་ཆོས་ཀྱི་མཛོད་ཅེས་བྱ་བ་སེམས་ཅན་གྱི་ཁམས་མཐའ་ཡས་པའི་སེམས་ཐིབས་པོ་སྣང་བར་བྱེད་པའི་འོད་ཟེར་གྱི་དྲ་བ་བྱུང་ངོ་།།
314b
དེ་ནས་འོད་ཟེར་ཆེན་པོའི་དྲ་བ་བཀོད་པ་དེ། དེ་བཞིན་གཤེགས་པའི་བྱིན་གྱིས་བརླབས་པ་རྒྱ་ཆེན་པོ་རྣམ་པར་རོལ་པས་ནམ་མཁའི་དབྱིངས་རྒྱ་ཆེན་པོ་ཆོས་ཀྱི་དབྱིངས་ཀྱི་ཕོ་བྲང་ན་བཞུགས་པའི་དེ་བཞིན་གཤེགས་པ་རྣམས་ལ་བསྐོར་བ་བྱས་ནས་སེམས་ཅན་ཐམས་ཅད་ཀྱི་འཁོར་གྱི་དཀྱིལ་འཁོར་ཐམས་ཅད་དུ་སྣང་བར་བྱས་ཏེ། སེམས་ཅན་གྱི་ཁམས་མ་ལུས་པ་ཡོངས་སུ་བསྐྱབས་པ་ལ་སྦྱར་ནས་སེམས་ཅན་དམྱལ་བ་དང་དུད་འགྲོ་དང་ཡི་དྭགས་ཀྱི་འགྲོ་བར་སྐྱེས་པ་རྣམས་ཀྱང་ཚིམ་པར་བྱས་ཏེ་ལྷ་དང་མིའི་གནས་རྣམས་ཀྱང་དེ་བཞིན་གཤེགས་པའི་སྙིང་པོ་སྟུག་པོ་བཀོད་པའི་ཁོངས་སུ་གཏོགས་པར་བྱིན་གྱིས་བརླབས་ནས་ཆོས་ཀྱི་དབྱིངས་བསམ་གྱིས་མི་ཁྱབ་པ་ཡང་དེ་བཞིན་གཤེགས་པའི་བསོད་ནམས་ཀྱི་སྟོབས་བསམ་གྱིས་མི་ཁྱབ་པའི་བྱིན་གྱི་རླབས་པ་རྒྱུ་མཐུན་པས་བྱིན་དུ་བརླབས་སོ། །ཆོས་ཀྱི་དབྱིངས་ཀྱི་དགོས་པ་མ་རྫོགས་པས་སྙིང་རྗེ་ཆེན་པོའི་སྙིང་པོ་འབྱུང་བའི་མཛོད་ཅེས་བྱ་བ་སེམས་ཅན་གྱི་ཁམས་མ་ངེས་པ་ཡོངས་སུ་སྐྱོབ་པའི་སྙིང་པོ་དཀྱིལ་འཁོར་གྱི་རྒྱལ་པོ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་ནས་ཀྱང་ཕྱག་ན་རྡོ་རྗེ་ལ་སོགས་པ་རྡོ་རྗེ་འཛིན་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་དང་མཉམ་པ་སྙེད་ལ་བཀའ་སྩལ་པ། རིགས་ཀྱི་
315a
༄#། །བུ་དག་།སེམས་ཅན་གྱི་ཁམས་མ་ངེས་པ་ཡོངས་སུ་སྐྱོབ་པའི་སྙིང་པོའི་རྒྱལ་པོ་དེ་བཞིན་གཤེགས་པ་ཐམས་ཅད་འབྱུང་བ་ཞེས་བྱ་བའི་དཀྱིལ་འཁོར་རྒྱས་པ་གང་ལ་བརྟེན་ན། བྱང་ཆུབ་སེམས་དཔའ་རྣམས་ཚེགས་ཆུང་དུས་དེ་བཞིན་གཤེགས་པའི་ས་ཐོབ་པར་གྱུར་ཅིང་ཆོས་ཀྱི་དབྱིངས་བསམ་གྱིས་མི་ཁྱབ་པ་ཡང་མངོན་སུམ་དུ་བྱེད་པར་འགྱུར་བ་ཡོད་དོ། །དེ་སྐད་ཅེས་བཀའ་སྩལ་པ་དང ། ཕྱག་ན་རྡོ་རྗེ་ལ་སོགས་པ་རྡོ་རྗེ་འཛིན་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་དང་མཉམ་པ་དེ་དག་གིས་མགྲིན་གཅིག་ཏུ་ཚིག་སྨྲས་པ། བཅོམ་ལྡན་འདས། གང་བཅོམ་ལྡན་འདས་ཀྱིས་བདག་ཅག་ལ་ཐུགས་བརྩེ་བའི་སླད་དུ་དཀྱིལ་འཁོར་ཆེན་པོ་བཀོད་པའི་བྱིན་གྱིས་བརླབས་པ་བཤད་པ་དེའི་དུས་ལ་བབ་ཅིང་བདེ་བར་གཤེགས་པ་དེའི་ཚོད་ལ་བབ་སྟེ་ལེགས་སོ། །བཅོམ་ལྡན་འདས་ཆོས་ཀྱི་རྗེ། ཆོས་ཀྱི་དབང་ཕྱུག་།ཆོས་ཀྱི་བདག་པོ་ཐར་བྱེད་པ་དང་བྲལ་བ། ཡེ་ཤེས་ཆེན་པོ་མངའ་བ། སྟོན་པ་ས་བཅུའི་དབང་ཕྱུག་གཅིག་པུ། དོན་གྲུབ་པ། ཚིག་གྲུབ་པ། སྲིད་པའི་མཐའ་ལས་རྒལ་པ། དེ་ཁོ་ན་ཉིད་མཁྱེན་པ། སྨན་པའི་རྒྱལ་པོ་ཆེན་པོ། །འགག་པ་མེད་པ། ཆད་པ་མེད་པ། མཐའ་གཉིས་རྣམ་པར་སྤངས་པ། དེ་བཞིན་ཉིད་དང་ཡང་དག་པའི་
315b
མཐའ་སྤྲོས་པ་མེད་བརྟོགས་པར་ཁོང་དུ་ཆུད་པ། སྐྱོང་བ་གནས་གསུམ་དུ་གྱུར་པ། གླིང་དུ་གྱུར་པ། མྱ་ངན་ལས་འདས་པ། ཞི་བར་གྱུར་པ། གྲོལ་བ་ཐར་པ། རིམས་ནད་མེད་པ།་རྡུལ་དང་བྲལ་བ། རྙོག་པ་དང་བྲལ་བ། སྨྲ་བ་དང་ཀུན་ཏུ་སྨྲ་བ་མེད་པ། དངོས་པོ་ཐམས་ཅད་རྣམ་པར་འཛིན་པར་མཛད་པ་བཤད་དུ་གསོལ། འདི་ལྟར་རྡོ་རྗེ་འཛིན་དེ་དག་ཐམས་ཅད་རྟག་ཏུ་ཡིད་ལ་རབ་ཏུ་དགའ་བར་གྱུར་པས་མཚན་ལེགས་པར་བསྒྲགས་པ་བྱས་ནས་རྣམ་པར་འདྲེན་པ་ལ་གསོལ་བ་བཏབ་བོ། །དེ་དག་གིས་གསོལ་བ་བཏབ་པ་མཁྱེན་ནས་དཔའ་བོ་ཆེན་པོ། །ཐམས་ཅད་མཁྱེན་པ། རིམས་ནད་དང་བྲལ་བས་སྙིང་རྗེ་ཆེན་པོའི་འབྱུང་པའི་དཀྱིལ་འཁོར་ཡང་བཤད་པར་བྱའོ། །ཞེས་བཀའ་སྩལ་ཏོ། །དེ་ནས་གསང་བ་པའི་བདག་པོ་ཕྱག་ན་རྡོ་རྗེས་བཅོམ་ལྡན་འདས་ཀྱི་ཞབས་གཉིས་ལ་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། དཀྱིལ་འཁོར་འདིའི་མིང་ཅི་ལགས། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་དཀྱིལ་འཁོར་འདིའི་མིང་ནི། སངས་རྒྱས་མེད་པའི་འཇིག་རྟེན་གྱི་ཁམས་སུ་སངས་རྒྱས་འབྱུང་བ་སྟོན་པའོ། །དེ་ནས་ཡང་གསང་བ་པའི་བདག་པོ་ཕྱག་ན་རྡོ་རྗེས་
316a
༄#། །བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནམ་མཁའི་དབྱིངས་ཁྱབ་པར་གནས་སོ། །ཞེས་མ་གསུངས་སམ། ནམ་མཁའ་ལ་ནི། སྐྱེ་བའང་མ་མཆིས། འགག་པའང་མ་མཆིས་སོ། ། བཅོམ་ལྡན་འདས། དེ་བཞིན་དུ་དེ་བཞིན་གཤེགས་པ་རྣམས་ལ་ཡང་སྐྱེ་བ་ཡང་མ་མཆིས། འགག་པ་ཡང་མ་མཆིས་ན། བཅོམ་ལྡན་འདས། དེ་ཅིའི་སླད་དུ་འདི་ནི།་སངས་རྒྱས་མེད་པའི་འཇིག་རྟེན་གྱི་ཁམས་རྣམས་སུ་སངས་རྒྱས་འབྱུང་བའོ། །ཞེས་གསུངས་སོ། །བཅོམ་ལྡན་འདས་ཀྱིས་བཀའ་སྩལ་པ། གསང་བ་པའི་བདག་པོ། གང་གི་ཚེ་སྦྲུལ་པའི་སངས་རྒྱས་ཡོངས་སུ་མྱ་ངན་ལས་འདས་པ་དེའི་ཚེ་འཇིག་རྟེན་གྱི་ཁམས་དེ་དག་ཏུ་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་དཀྱིལ་འཁོར་ཆེན་པོ་བཀོད་པ་བྱིན་གྱིས་བརླབས་པས་སེམས་ཅན་རྣམས་ཡོངས་སུ་སྨིན་པར་བྱེད་དོ། །དེ་སྐད་ཅེས་བཀའ་སྩལ་པ་དང ། གསང་བ་པའི་བདག་པོ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ངོ་མཚར་ཆེའོ། །གང་ན་སེམས་ཅན་
316b
འདོད་ཆགས་དང ། ཞེ་སྡང་དང ། གཏི་མུག་དང ། གཡོ་དང ། སྒྱུ་དང ། ཐེ་ཚོམ་གྱི་བསམ་པ་ཅན། མོས་པ་ཐ་དད་པ་རྣམས་ཀྱི་བསམ་པ་ཇི་ལྟ་བ་བཞིན་དུ་ཡོངས་སུ་རྫོགས་པར་བགྱིད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ནི། བཅོམ་ལྡན་འདས་ཤིན་ཏུ་དཀའ་བ་བགྱིད་པར་རིག་པར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ།་ལག་ན་རྡོ་རྗེ། རིགས་ཀྱི་བུ་དེ་དག་ནི། སངས་རྒྱས་གཅིག་ལ་བསྙེན་བཀུར་བྱས་པ་མ་ཡིན་གྱི། རིགས་ཀྱི་བུ་དེ་དག་གིས་ནི། སངས་རྒྱས་མང་པོ་ལ་དགེ་བའི་རྩ་བ་བསྐྲུན་པར་རིག་པར་བྱའོ། །ཆོས་སྣང་བའི་སྒོའི་ཚུལ་གསུམ་ལས་ཀྱང་འབྱུང་སྟེ། གསུམ་གང་ཞེ་ན། འདི་ལྟ་སྟེ། སྙིང་རྗེའི་ཚུལ་གྱི་སྒོ་སྣང་བའི་ཚུལ་དང ། ཆོས་ཟབ་མོའི་ཚུལ་གྱི་སྒོའི་སྣང་བའི་ཚུལ་དང ། དེ་བཞིན་གཤེགས་པ་ལ་མཆོད་པ་དང་བཀུར་སྟི་བྱེད་པའི་ཚུལ་གྱི་སྒོ་འདི་གསུམ་དང་ལྡན་པར་རིག་པར་བྱའོ། །དེ་ནས་ཡང་བཅོམ་ལྡན་འདས་ཀྱིས་བྱམས་པ་ཆེན་པོ་དང་ཐུགས་རྗེ་ཆེན་པོའི་སྤྱན་གཉིས་ཀྱིས་ཆོས་ཀྱི་དབྱིངས་ཀྱི་ཕོ་བྲང་ཆེན་པོ་ན་གནས་པའི་བྱང་ཆུབ་སེམས་དཔའ་རྣམས་ལ་གཟིགས་ནས་གསང་བ་པའི་བདག་པོ་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ། སློབ་དཔོན་གྱི་མཚན་ཉིད་ཉོན་ཅིག་།དེ་ལ་རེ་ཞིག་སློབ་དཔོན་བྱང་ཆུབ་ཏུ་སེམས་བསྐྱེད་པ།
317a
༄#། །བྱང་ཆུབ་སེམས་དཔའི་བསླབ་པ་ལ་སྤྱོད་པ། བྱང་ཆུབ་སེམས་དཔའི་སྡོམ་པས་བསྡམས་པ། སྙིང་རྗེ་ཅན། དད་པ་ཆེ་བ། ཆོས་ཟབ་མོ་ལ་གནས་པ། ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་ལ་མཁས་པ། སྒྱུ་རྩལ་རྣམས་ལ་མཁས་ཤིང་ནུས་པ། གཙང་ཞིང་བག་ཡོད་པ། གསང་སྔགས་སྤྱད་པ་དང་ཕྱག་རྒྱ་དང་དཀྱིལ་འཁོར་གྱི་ལས་རྣམས་བསླབས་པ། དཀྱིལ་འཁོར་བྲི་བའི་ལས་བྱ་བ་ལ་བླ་མ་ལས་ལུང་ཐོབ་པ། སངས་རྒྱས་ཆོས་དང་དགེ་འདུན་ལ། །གང་ཞིག་ཡིད་གཉིས་མེད་གྱུར་ཅིང ། །སེམས་ཅན་ཁམས་ནི་མ་ལུས་པ། །ཡོངས་སུ་བསྐྱབ་པའི་ཕྱིར་བརྩོན་པ། །མཁས་པ་དེས་ནི་སངས་རྒྱས་ཀྱི། །དཀྱིལ་འཁོར་དག་ནི་བྲི་བར་རིགས། །མཚན་རྣམས་ཐམས་ཅད་ཡོངས་རྫོགས་བརྟན། །ཤེས་རབ་རྣོ་ལ་དཔའ་སྙིང་ཅན། །བདག་གམ་སློབ་མ་རྣམས་ཀྱིའང་རུང ། །བགེགས་ནི་ཞི་བར་བྱེད་པར་ནུས། །ཡང་དག་བདེན་པའི་དོན་རྟོགས་ལ། །གང་གིས་མོས་པ་རྒྱ་ཆེ་ཞིང ། །བཟོད་དང་ལྡན་ལ་ང་རྒྱལ་མེད། །རླབས་པོ་ཆེ་ཡི་ལས་བྱེད་ཅིང ། །དེ་ནི་རླབས་པོ་ཆེ་ལ་དད། །བྱང་ཆུབ་སེམས་དཔའ་སྐྱོབ་པ་དང ། །སངས་རྒྱས་རྣམས་ཀྱི་སྨོན་ལམ་དག་།ཐོས་ནས་ཕྱི་ཕྱིར་དགའ་བ་དང ། །རྟག་ཏུ་མགུ་བར་འགྱུར་བ་དང ། །གསང་སྔགས་སྤྱོད་ལ་བརྩོན་པ་དང ། །བཟླས་བརྗོད་བྱེད་ལ་གང་འབད་དང་།།
317b
གཅམ་སྒྱུ་ཐམས་ཅད་མི་སེམས་ལ། །འཇིག་རྟེན་ཆོས་ལ་མི་ལྟ་ཞིང ། །སྔགས་ལ་གཞོལ་པའི་སྔགས་པ་ནི། །ཡོན་ཏན་དེ་ལ་སོགས་ལྡན་ན། །སློབ་དཔོན་སྟོན་པས་བཀུར་བ་ཡིན།། ཡང་ན་ཆོས་རྣམས་ཐམས་ཅད་ནི། །རྣམ་པར་དབེན་ལ་གང་གནས་པ། །དེར་ཡང་སངས་རྒྱས་ཐམས་ཅད་ཀྱི། །སངས་རྒྱས་འབྱུང་བ་སྟོན་པར་འོས། །ཡང་ན་རྫོགས་པའི་སངས་རྒྱས་ཀྱིས། །སྔགས་པའི་དམ་ཚིག་གསུམ་ཤེས་པས། །ཉེས་པ་ཐམས་ཅད་རྣམ་སྤངས་པ། །དེ་ལ་གནས་པའི་སྔགས་པ་ནི། །ཡོན་ཏན་ཀུན་དང་མི་ལྡན་ཡང ། །དེ་ལ་དཀྱིལ་འཁོར་འབྲི་བར་འོས། །དེ་ལྟར་ཡོན་ཏན་ཀུན་ལྡན་ན། །འཇིག་རྟེན་པ་ཡི་དཀྱིལ་འཁོར་དང ། །འཇིག་རྟེན་འདས་པ་ཐམས་ཅད་ཀྱང ། །ལས་ཀྱི་ཆོ་ག་མཐོང་བས་བྱ། །དེ་ལ་སློབ་དཔོན་ལ་གཞན་གྱིས་བསྐུལ་ན་སློབ་མ་དོན་དུ་གཉེར་བ་ཤེས་ཤིང་དེ་ལ་དད་པར་ཤེས་ན། དེ་ལྟར་ཤེས་ན་སློབ་དཔོན་དེས། །ས་གཞི་ལེགས་པར་བརྟག་པར་བྱ། །མཚོ་དང་ཀུན་དགའ་སྐྱེད་མོས་ཚལ། །རྫིང་བུ་རྣམས་ཀྱིས་ཀུན་བརྒྱན་པའམ། །འབྲས་བུ་མེ་ཏོག་དང་ལྡན་པའི། །ལྗོན་ཤིང་སྡོང་བུ་དེ་བཞིན་ཏེ། །གྲེལ་བ་དམ་པ་ཉམས་དགའ་བ། །འབྲས་བུ་མེ་ཏོག་ལྡན་པ་དང ། ། དང་མོ་ཁྲུང་ཁྲུང་རྨ་བྱ་དང ། །ས་ར་ནེ་ཙོ་ཤ་རི་རྣམས། །གང་གི་ཡུལ་ན་ཡོད་པ་ཡི། །ཡུལ་དེར་ནན་ཏན་བསྐྱེད་དེ་བསྙེན། །མེ་ཏོག་འབྲས་བུ་ལྡན་རི་དང ། །གནས་ཤིང་ཡིད་འོང་
318a
༄#། །ཆུ་ཡི་གནས། །འབབ་ཆུའི་ཆུ་ནི་ཞིམ་པ་དང ། །ཆུ་གླིང་གཡས་ནས་འཁོར་བ་ཅན། །དེར་ནི་སྔགས་པ་བློ་ལྡན་གྱིས། །དཀྱིལ་འཁོར་ལོངས་སྤྱོད་འཕེལ་བར་བྲི། །ཡུལ་ནི་ཤིན་ཏུ་སྨུམ་པ་དང ། །གཙུག་ལག་ཁང་དང་ཁང་པ་དང ། །ལྷ་ཡི་གནས་དང་ཕྱུགས་ལྷས་དང ། །ཤིང་གཅིག་ལམ་གྱི་བཞི་མདོར་ཡང ། །ཞི་བའི་ལས་ལ་ཞི་བ་ཡི། །དཀྱིལ་འཁོར་ཤེས་རབ་ཅན་གྱིས་བྲི། །ཁང་པ་སྟོང་པའམ་དུར་ཁྲོད་དམ། །སྣུམ་མེད་རྩུབ་པའི་ལས་ཅན་དང ། ངན་ཅིང་གཏུམ་ལ་འཇིགས་པ་ཅན། །དེ་བཞིན་ཐིབས་པོ་འཇིགས་འཇིགས་ལྟ། །དེ་ལ་སོགས་པའི་གནས་རྣམས་སུ། །དྲག་པོའི་ལས་ཀྱི་དཀྱིལ་འཁོར་བྲི། །དྲག་པོར་དྲག་པོའི་ལས་རྣམས་བྱ། །ཞི་བར་ཞི་བའི་ལས་བྱའོ། །རྒྱས་པར་རྒྱས་པ་ཉིད་ཡིན་ཏེ། །ཆོ་ག་དེ་ནི་རྒྱས་པ་ལའོ། །ཡང་ན་ཡིད་ནི་གང་དག་ཏུ། །ངེས་པར་དགའ་བ་སྐྱེ་འགྱུར་བ། །ཡུལ་དེར་དཀྱིལ་འཁོར་བྲི་བ་ཡིས། ། ལས་ནི་ལེགས་པར་བྱ་བར་འོས། །གང་གི་སེམས་ནི་རྣམ་དག་ཅིང ། །ཐེ་ཚོམ་ལ་སོགས་རྣམ་སྤངས་པ། །དེ་ལ་ལས་རྣམས་ཐམས་ཅད་ནི། །འགྲུབ་པར་འགྱུར་བ་དོགས་པ་མེད། །རྣམ་པར་རྟོག་པ་སྤངས་པ་ཡི། །རྣམ་པར་མི་རྟོག་བྱང་ཆུབ་ཡིན། །དེ་ཡང་རྣམ་རྟོག་སྤངས་པ་ཡིས། །ཐོབ་པར་འགྱུར་གྱི་གཞན་གྱིས་མིན། །དེ་བས་རྣམ་པ་
318b
ཐམས་ཅད་དུ། །བློ་ལྡན་ཡིད་གཉིས་སྤངས་ནས་སུ། །འཇིག་རྟེན་ཀུན་ལ་ཕན་འདོད་པས། །ཤེས་རབ་ཅན་གྱིས་དཀྱིལ་འཁོར་བྲི། །ཡུལ་མེད་དུས་ཀྱང་ཡོད་མ་ཡིན། །བྱ་བ་མེད་ཅིང་བྱེད་པའང་མེད། །ཆོས་རྣམས་དག་ནི་ཐམས་ཅད་ལ། །ཆོས་ཉིད་འབའ་ཞིག་ཡོད་མ་ཡིན། །བྱིས་པ་མི་ཤེས་པས་བསྒྲིབས་པ། །རྒྱུ་དང་རྐྱེན་གྱིས་བརྒྱལ་བས་ན། །སྟོང་པའི་ཆོས་ནི་མ་རྟོགས་པས། །རྟག་ཏུ་བདུད་ཀྱི་དབང་དུ་འགྱུར། །དེ་ལྟར་ཡེ་ཤེས་དབང་གྱུར་པ། །སྟོན་པ་སྦྲོས་པ་མེད་རྟོགས་པས། །རྣམ་རྟོག་ཐམས་ཅད་སྤངས་པ་ཡི། །མཉམ་པ་མེད་པའི་ཆོས་བཤད་དོ། །དེ་ནས་ཡང་བཅོམ་ལྡན་འདས་རྣམ་པར་སྣང་མཛད་སངས་རྒྱས་ཐམས་ཅད་ཀྱི་རྒྱན་བཀོད་པའི་རྒྱལ་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་པ་དང་སྨིན་མཚམས་ནས་སངས་རྒྱས་ཀྱི་ཞིང་ཐམས་ཅད་ཀྱི་རྒྱན་ཅེས་བྱ་བའི་འོད་ཟེར་བྱུང་ངོ ། །བྱུང་ནས་ཀྱང་ཀུན་ཏུ་སྣང་བར་གྱུར་ཏོ། །སངས་རྒྱས་ཀྱི་ཞིང་འདི་སྣང་བར་བྱས་ནས་ཀྱང་གང་གི་རྣམ་པ་དང་ཡོན་ཏན་གྱི་མཐའ་བསྐལ་པ་བྱེ་བ་ཁྲག་ཁྲིག་བརྒྱ་སྟོང་དུ་ཡང་རྟོགས་པར་མི་ནུས་པ་ལྷའི་སྒོ་ཁྱུད་ཀྱིས་རབ་ཏུ་བརྒྱན་པ། དེ་བཞིན་གཤེགས་པའི་རྣམ་པར་སྨིན་པ་ལས་གྱུར་པ། མེ་ཏོག་གི་གཞིའི་སྙིང་པོ་བཀོད་པའི་རྒྱན་འདི་ཐམས་ཅད་ལག་མཐིལ་བཞིན་དུ་མཉམ་
319a
༄#། །པར་གྱུར་ཏོ། །དེ་ལྟར་དེ་བཞིན་གཤེགས་པའི་བཀོད་པ་བསམ་གྱིས་མི་ཁྱབ་པ་བྱིན་གྱིས་བརླབས་ནས་འོད་ཟེར་དེ་དག་གསང་བ་པའི་བདག་པོ་ཕྱག་ན་རྡོ་རྗེའི་སྦྱི་བོར་མི་སྣང་བར་གྱུར་ཏོ། །འོད་ཟེར་དེ་དག་མི་སྣང་བར་གྱུར་མ་ཐག་ཏུ་ཕྱག་ན་རྡོ་རྗེས་བཅོམ་ལྡན་འདས་ཀྱི་ཞབས་གཉིས་ལ་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། དཀྱིལ་འཁོར་ཆེན་པོ་བཀོད་པའི་བྱིན་གྱིས་རློབ་པ་བཤད་དུ་གསོལ། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ། དཀྱིལ་འཁོར་ཆེན་པོ་བཀོད་པ་བྱིན་གྱིས་རློབ་པ་ཉོན་ཅིག་།བཅོམ་ལྡན་འདས།་དེ་ལྟར་བགྱིའོ། །ཞེས་ནས་ཕྱག་ན་རྡོ་རྗེ་བཅོམ་ལྡན་འདས་ལ་སླར་མཉམ་པ་དང ། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །ལག་ན་རྡོ་རྗེ། དེ་ལ་ཇི་སྐད་དུ་བསྒྲགས་པའི་གནས་རྣམས་སུ་དཀྱིལ་འཁོར་གྱི་ཚད་ཁྲུ་གང་ཡན་ཆད་དཔག་ཚད་གཅིག་མན་ཆད་དུ་བྱའོ། །དཔག་ཚད་གཅིག་པས་ལྷག་པར་ནི། མི་བྱའོ།། དེ་ལ་ས་གཞི་མཉམ་ལ་འཇམ། །བྱུག་སྤོས་དག་གིས་ལེགས་པར་བསྐུས། །ཡང་ན་འཇིམ་པ་གཙང་མ་ཡིས། །སྔགས་པས་ནན་ཏན་བསྐུ་བར་བྱ། །དེ་ནས་ཕུར་བུ་
319b
སོར་བརྒྱད་པ་ལ་ལས་ཐམས་ཅད་བྱེད་པའི་གསང་སྔགས་ཀྱིས་བརྒྱ་རྩ་བརྒྱད་དུ་བཏབ་སྟེ་གྲ་བཞིར་མཉམ་པར་བཏབ་ན། དཀྱིལ་འཁོར་ཀུན་ཏུ་ཅིས་ཀྱང་མི་ཚུགས་པར་བྱིན་གྱིས་བརླབས་པར་འགྱུར་རོ། །ན་མཿ ་ས་མནྟ་བཛྲཱ་ཎཱཾ་ཧཾ་ཀོ་ཊ་ཡ་ས་མེ་མ་ཧཱ་ཙཎྜ་ལི་ཧཱུཾ་ཕཊ། དེ་ནས་སྟ་གོན་དུ་གནས་པ་བྱས་ལ་ཕྱི་དེ་ཉིན་དཀྱིལ་འཁོར་གྱི་ཡོ་བྱད་རྣམས་བསགས་ལ་ལས་ཐམས་ཅད་བྱེད་པའི་གསང་སྔགས་སམ། འཕགས་པ་མོ་གཡོ་བས་སྲུང་བ་བྱས་ཏེ་དཀྱིལ་འཁོར་གྱི་བྱང་ཕྱོགས་སུ་གཞག་གོ་།ཡང་ན་བདག་གིས་བྱིན་གྱིས་བརླབས་ལ་གཞག་གོ་།དེ་ནས་ཕྱི་དེ་ཉིན་སློབ་མ་དད་པ་ཆེ་བ། གཙང་སྦྲ་ཆེ་བ། ཆོས་ལ་འབད་པ། ཆོ་རིགས་བཙུན་པ། མོས་པ་རྒྱ་ཆེ་བ། གཅིག་གམ་གཉིས་སམ་གསུམ་མམ།་ཇི་སྙེད་འདོད་པ་རྣམས་གཟུང་ངོ ། །ལས་ཐམས་ཅད་བྱེད་པའམ། འཕགས་པ་མི་གཡོ་བའམ། མི་བཟོད་པའི་གསང་སྔགས་ཀྱིས་བུ་མོས་བཀལ་བའི་སྐུད་པའམ་སྐུད་པ་གཞན་ལ་བཏབ་པ་དང ། ཡང་ན་རྩ་ཀུ་ཤ་ལ་མདུད་པ་གསུམ་བོར་པ་ཡང་རུང་སྟེ། དེ་ནས་སྔགས་ཀྱིས་བསྔགས་པ་ནི། །བརྒྱ་འམ་ཡང་ན་ལྷག་ཀྱང་རུང ། །སློབ་མ་རྣམས་ཀྱིས་ལས་འགྲུབ་ཕྱིར། །དབུང་བ་གཡོན་ལ་བཅིང་བར་བྱ། །ུ་དུམ་བ་རའི་སོ་ཤིང་ནི། །མེ་ཏོག་དྲི་ལ་སོགས་པས་བསྐུས། །ཤིན་ཏུ་བཟང་པོས་སྲུང་བ་བྱ། །སོར་བརྒྱད་པ་ལ་རྩེ་གཅིག་གཤིབས།།
320a
༄#། །དགེ་བ་ཡིད་དུ་འོང་བ་དག་།དེ་ནས་མཁས་པས་སྦྱིན་པར་བྱ། །ཤར་རམ་བྱང་དུ་ཁ་བལྟས་ཏེ། །སོ་ཤིང་དག་ནི་བཅའ་བར་བྱ། །དེ་ནས་བློ་ལྡན་མི་ལྟོས་ཤིང ། ། དཔྱད་པ་མེད་པར་དོར་བར་བྱ། །གང་དུ་ལྟུང་བར་གྱུར་པ་ལས། །དེ་བཞིན་དེར་ནི་གྲུབ་པར་འགྱུར། །ཤེས་རབ་ཕ་རོལ་ཕྱིན་ལ་སོགས། །མདོ་སྡེའི་ཆོས་ནི་མཉན་དུ་གཞུག་།སློབ་མ་སྐྱོ་བར་བྱ་བའི་ཕྱིར། །ཆོས་ཀྱི་གཏམ་ནི་བཟང་པོ་བྱ། །གལ་ཏེ་རྨི་ལམ་བཟང་པོའམ། །ངན་པ་དག་ནི་མཐོང་གྱུར་ན། །བདག་གི་སྐལ་པ་བརྟག་པའི་ཕྱིར། །བླ་མ་ལ་ནི་དེ་དག་བསྙད། །མཆོད་རྟེན་ཀུན་དགའ་གཙུག་ལག་ཁང ། །གླེགས་བམ་དང་ནི་ལྷ་རྣམས་དང ། །ཡིད་བཞིན་ནོར་བུ་རིན་ཆེན་གོས། །ཡང་ན་མེ་ཏོག་འབྲས་བུ་རྙེད། །རལ་གྲི་འཁོར་ལོ་བི་ཝང་དང ། །གྲུབ་པའི་རྫས་ནི་སྣ་ཚོགས་རྣམས། །གང་གིས་རྨི་ལམ་ཐོབ་གྱུར་ན། །དེ་ཡིས་དངོས་གྲུབ་ཡིད་བཞིན་འགྱུར། །ཉི་ཟླ་མེ་དང་ཚོད་དག་གམ། །དེ་བཞིན་རྒྱ་མཚོ་རྒལ་བ་དང ། །གླང་པོ་ཆེ་དང་རྟ་ཡང་རུང ། །དེ་ནི་དངོས་གྲུབ་ཐོབ་མི་དཀའ། །དེ་ལ་སོགས་པའི་རྨི་ལམ་ནི། །བཟང་པོས་དངོས་གྲུབ་དམ་པ་བརྟག་།རྨི་ལམ་ངན་པ་མི་བཟད་པ། །འཇིགས་པ་མཐོང་ན་མི་འགྲུབ་བོ། །བོང་བུ་རྔ་མོ་ཁྱི་དང་བྱ། །སྟག་དང་བྱི་ལ་ཝ་རྣམས་དང ། །མི་ནི་འབྲུ་མར་ལུས་བསྐུས་དང ། །གཅེར་བུ་རྩུབ་ལ་མི་སྡུག་པ། །དེ་ལ་སོགས་པའི་རྨི་ངན་
320b
རྣམས། །བློ་དང་ལྡན་པས་སྤང་བར་བྱ། །ཡང་ན་དངོས་རྣམས་རྨི་ལམ་དང ། །དྲི་ཟའི་གྲོང་ཁྱེར་བཞིན་ཤེས་ནས། །བློ་དང་ལྡན་པས་རྨི་ལམ་རྣམས། །སྙིང་པོ་མེད་པར་བཤད་པར་བྱ། །དེ་ནས་བཅོམ་ལྡན་འདས་ལ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་འདི་ལྟ་བུའི་ཆོས་རྣམས་ལ་དང་པོ་ནས་བློ་བརྟན་པར་འགྱུར་པ་འདིའི་རྒྱུ་ནི། གང་ལགས། རྐྱེན་ནི། གང་ལགས། བཅོམ་ལྡན་འདས་ཀྱིས་བཀའ་སྩལ་པ། འདི་ལྟར་རིགས་ཀྱི་བུ་དེ་དག་ནི། སྙིང་རྗེ་ཆེན་པོ་དང་ལྡན་པས་ཆོས་ཐམས་ཅད་ཤིན་ཏུ་མྱ་ངན་འདས་པར་མཐོང་ཞིང་སོ་སོའི་སྐྱེ་བོའི་ཚོགས་རྣམས་ཀྱི་མཚན་ཉིད་ཀྱང་ཕྱིན་ཅི་ལོག་ཏུ་ཤེས་ནས་མཚན་ཉིད་དང་བྲལ་བ་ཞིག་ཏུ་ཤེས་ཏེ། དེ་བས་ན་དེ་དག་ཆོས་ཐམས་ཅད་ལ་བློ་བརྟན་ཞིང་ངེས་པར་གྱུར་ཏོ། །དེ་ནས་ཡང་བཅོམ་ལྡན་འདས་ཀྱིས་ཆོས་ཀྱི་དབྱིངས་བསམ་གྱིས་མི་ཁྱབ་བ་རྒྱ་ཆེན་པོར་བྱིན་གྱིས་བརླབས་ནས་གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ། དཀྱིལ་འཁོར་ཆེན་པོ་བཀོད་པའི་བྱིན་གྱིས་བརླབས་པ་ཉོན་ཅིག་།དེ་ལ་དང་པོར་སློབ་དཔོན་གྱིས་གཙང་སྦྲ་བྱས་ཏེ་བདེན་བྲལ་གྱི་ཕྱོགས་སུ་གནས་ལ་དཀྱིལ་འཁོར་གྱི་ས་ལ་རྣམ་པར་དབྱེ་བར་བྱའོ། །སངས་རྒྱས་དང་བྱང་ཆུབ་སེམས་དཔའ་
321a
༄#། །ཐམས་ཅད་ལ་ཕྱག་བྱས་ཏེ་ཆོས་ཀྱི་དབྱིངས་རྣམ་པར་དག་པ་ཡང་དྲན་པར་བྱས་ཏེ་མཐའ་ཡས་པ། རྒྱ་ཆེ་བ། རབ་འབྱམས་བཀོད་པའི་བྱིན་གྱིས་བརླབས་ལ་བལྟའོ། །བལྟས་ནས་ཀྱང་བདག་རྡོ་རྗེ་སེམས་དཔར་བྱིན་གྱིས་བརླབས་ལ། ཚོན་སྣ་ལྔ་ཡི་སྲད་བུའམ། །ཡང་ན་མཁས་བས་བློས་ཀྱང་རུང ། །ལྷ་ཡི་གནས་རྣམས་ངེས་པ་ནི། ། ཤེས་རབ་ཅན་གྱིས་རྣམ་པར་དབྱེ། །ཀུན་ཏུ་གྲུ་བཞི་ལྷམ་པ་ལ། །སྒོ་བཞི་རྟ་བབས་དང་ཡང་བཅས། །སྒོ་ཁྱུད་རབ་འབྱམས་རྒྱ་ཆེ་ལྡན། །རྣམ་པར་དག་པ་སེམས་ཀྱིས་བྲིས། །རིན་ཆེན་ལྔ་ཡི་ཕྱེ་མ་འམ། །ཡང་ན་སཱ་ལུའི་ཕྱེ་མའང་རུང ། །ཡང་ན་སྤོས་སམ་ཐལ་བས་ཀྱང ། །དཀྱིལ་འཁོར་སྔགས་པས་བྲི་བར་བྱ། །གྲུ་བཞི་པ་ལ་སྒོ་བཞི་པ། །ནུབ་ཀྱི་སྒོ་ནི་དབྱེ་བར་བྱ། །དེ་ནས་རིག་སྔགས་རྒྱལ་མོ་ནི། །མི་བཟད་སྲུང་བ་ཆེན་མོ་འམ། །ཡང་ན་མི་གཡོ་དྲན་པར་བྱ། །རྫོགས་པའི་སངས་རྒྱས་དྲན་བྱས་ནས། །བདེན་བྲལ་གྱི་ནི་ཕྱོགས་སུ་འགྲོ། །དེ་ནས་སྲད་བུ་བྲེས་ནས་སུ། །བསྐོར་བ་བྱས་ཏེ་སླར་ལོག་ན། །དེ་ནས་བློ་དང་ལྡན་པ་ནི། །བྱང་དང་ནུབ་ཀྱི་ཕྱོགས་སུ་འགྲོ། །དེར་ཡང་ཤར་དུ་ཁ་བལྟས་ནས། །ཤར་གྱི་ཕྱོགས་སུ་སྲད་བུ་བྲེས། །དེ་ལྟར་སྲད་བུའི་ཚུལ་ཤེས་པས། །རྟག་པར་ཐོག་མ་ཉིད་དུ་བྱ། །དེ་ནས་དབུས་སུ་འདུག་ནས་ནི། །མགོན་པོ་ངན་སོང་ཀུན་སྤོང་དང ། །མི་མཆོག་
321b
འོད་དཔག་མེད་པ་དང ། །དེ་བཞིན་སྒྲིབ་པ་ཀུན་སེལ་དང ། །ཐུབ་པ་མེ་ཏོག་ཀུན་རྒྱས་དང ། །རྒྱལ་བ་རྣམ་པར་སྣང་མཛད་དང ། །ཐུབ་ཆེན་བདུད་ལས་རྒྱལ་བ་དང ། །དེ་བཞིན་མི་འཁྲུགས་ཞེས་བྱ་དང ། །སངས་རྒྱས་རྔ་ཡི་སྒྲ་དབྱངས་ཅན། །དེ་བཞིན་གཤེགས་པ་རྗེས་དྲན་ནས། །དེར་ཡང་དཀའ་ཐུབ་ཅན་གྱིས་ནི། །ནན་ཏན་བསྐྱེད་དེ་ཆ་གསུམ་བརྟག་།དེ་ལྟར་ལས་ལ་མཁས་པ་ཡིས། །ས་ནི་ལེགས་པར་བརྟགས་ནས་སུ། །བྱང་ཆུབ་སེམས་དཔའ་བློ་ཅན་དང ། །སངས་རྒྱས་རྣམས་ཀྱི་ཡུམ་ཡང་བཀླག་།ཡང་ན་ཟབ་མོའི་མདོ་སྡེ་གཞན། །ས་རྣམས་གཏན་ལ་འབེབས་པ་བཀླག་།བཀླགས་ནས་བློ་དང་ལྡན་པ་ཡིས། །ཀུན་ཏུ་བདུག་སྤོས་བསྐོར་ནས་སུ། །རྒྱལ་བ་མཆོག་གི་སྲས་རྣམས་དང ། །སངས་རྒྱས་རྣམས་ལ་ཕྱག་བྱས་ནས། །སངས་རྒྱས་རྣམས་ཀྱི་སྐུ་གཟུགས་སམ། །ཕྱག་རྒྱ་མཁས་པས་བྲི་བར་བྱ། །ཡང་ན་གཞན་ནི་གང་ཡང་རུང ། །དེ་དག་ཐམས་ཅད་བྲི་བར་བྱ། །དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ། སྦྱོར་བ་གང་དང་ལྡན་ན། བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་ཚེགས་ཆུང་ངུས་སེམས་ཅན་གྱི་ཁམས་མཐའ་ཡས་པ་ཡང་སྲིད་པའི་རྒྱ་མཚོ་ལས་སྒྲོལ་བར་འགྱུར་བ་ཆོས་ཀྱི་དབྱིངས་བསམ་གྱིས་མི་ཁྱབ་པའི་ཚུལ་སྒྲུབ་པའི་སྦྱོར་བ་ཡོད་དོ། །དེ་སྐད་ཅེས་བཀའ་
322a
༄#། །སྩལ་པ་དང ། ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། སྒྲུབ་པའི་ཚིག་གང་དང་ལྡན་ན། བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་ཆོ་ག་ཐམས་ཅད་ཡོངས་སུ་རྫོགས་པར་བགྱིད་ཅིང་དེ་བཞིན་གཤེགས་པ་རྣམས་ཀྱང་མཉེས་པར་བགྱིད་བའི་སྒྲུབ་པའི་ཚིག་དེ་དག་བཤད་དུ་གསོལ། དེ་སྐད་ཅེས་གསོལ་བ་དང ། བཅོམ་ལྡན་འདས་རྣམ་པར་སྣང་མཛད་ཀྱིས་ཆོས་ཀྱི་དབྱིངས་ཀྱི་ཚུལ་རྒྱ་ཆེན་པོ་བྱིན་གྱི་རླབས་སྒྲུབ་པའི་གཞི་རྒྱ་ཆེན་པོས་བྱིན་དུ་བརླབས་ནས་སྦྱོར་བ་བཟང་པོ་བཤད་དོ། །གསང་བ་བའི་བདག་པོ། །དེ་ལ་འཁོར་ལོས་བསྒྱུར་བའི་དཀྱིལ་འཁོར་གྱི་ཚད་དཔག་ཚད་གཅིག་ཙམ་བྲི་བར་བྱ་སྟེ། གནས་ཙནྡན་བཟང་པོ་སྦྲུལ་གྱི་སྙིང་པོ་དམ་པ་ལས་བྱས་པའི་ཁང་པ་དྲིལ་བུ་དང་རིན་པོ་ཆེའི་བླ་རེ་ཆེན་པོ་བྲེས་པ། ལྷའི་ཨ་ག་རུའི་བདུག་སྤོས་ཀྱིས་བདུགས་པ།་ཛམྦུ་ནཱ་དའི་གསེར་གྱི་སྲད་བུས་བསྐོར་བ། རིན་པོ་ཆེ་སྣ་ཚོགས་ཀྱི་དྲིལ་བུ་གཡེར་ཁའི་དྲ་བས་སྟེང་བརྒྱན་པ། རྔ་སྒྲ་སྙན་པ་སྣ་ཚོགས་ཀྱི་སྒྲ་གྲགས་པ། ཕྱོགས་བཞིན་རྟ་བབས་བཟང་པོ་མུ་ཏིག་གི་ཕྲེང་བ་བཏགས་པ། ཚོན་སྣ་ཚོགས་ཀྱི་རས་བཏིང་བ། བཀོད་པ་དང་རྒྱན་སྣ་ཚོགས་ཀྱིས་སྤྲས་པ། རིན་པོ་ཆེའི་སྒྲོན་མ་སྣ་ཚོགས་ཀྱིས་ཀྱང་རྣམ་པར་
322b
གསལ་བར་བྱའོ། །དེ་ནས་དེ་བཞིན་གཤེགས་པ་འདུས་པའི་ནང་ན་འདུག་བཞིན་དུ་བདག་ཉིད་ཆོས་ཀྱི་དབྱིངས་རྣམ་པར་དག་པའམ། དེའི་རྣམ་པ་ལ་དམིགས་པར་བྱིན་གྱིས་བརླབས་ལ། དེའི་ཆོས་འབྱུང་བའི་ཕྱག་རྒྱའམ་དམ་ཚིག་གི་ཕྱག་རྒྱ་བཅིངས་ཏེ། སྟོང་པའི་ངོ་བོ་ཉིད་ཀྱི་རྗེས་སུ་སོང་བ་རྣམས་སངས་རྒྱས་དང་བྱང་ཆུབ་སེམས་དཔའི་སྡོམ་པ་དང་བྱང་ཆུབ་ཀྱི་སེམས་འཛིན་དུ་གཞུག་གོ་།དེ་ནས་བླ་ན་མེད་པའི་ཡེ་ཤེས་ཀྱི་མིག་རྣམ་པར་དག་པར་བྱ་བའི་ཕྱིར་དམ་ཚིག་བསྟན་པར་བྱའོ། །དེ་ལ་ནང་གི་དཀྱིལ་འཁོར་གྱི་ཕྱག་རྒྱ་ནི། འདི་རྣམས་ཡིན་ནོ། །ཤར་ཕྱོགས་སུ་སངས་རྒྱས་ཐམས་ཅད་ཀྱི་ཕྱག་རྒྱ་གྲུ་གསུམ་པ་པདྨའི་སྟེང་ན་འདུག་པར་བྲིའོ། །དེའི་གསང་སྔགས་ནི། འདིའོ། །ན་མཿ ་ས་མནྟ་བུདྡྷཱ་བོ་དྷི་སཏྭཱ་ནཱཾ། ཨ་སརྦ་ཏྲ་ཎ་ཀི་སཝཱཧཱ། བཅོམ་ལྡན་འདས་ཀྱི་གཡས་ལོགས་སུ་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཕྱག་རྒྱ་ཡིད་བཞིན་གྱི་ནོར་བུའི་རྒྱལ་མཚན་བྲིའོ། །དེའི་གསང་སྔགས་ནི། ན་མཿ ས་མནྟ་བུདྡྷ་བོ་དྷི་སཏྭཱ་ནཱཾ། ས་མནྟ་ཨ་མྲྀ་ཏེ་ཛྭ་ལ་སཝཱཧཱ། དེའི་འོག་ཏུ་ཀུན་ཏུ་བཟང་པོའི་ཕྱག་རྒྱ་རལ་གྲི་དང་གནས་ཀྱི་དཀྱིལ་འཁོར་ཆུང་ངུ་བྲིའོ། །གསང་སྔགས་ནི། ན་མཿ ་ས་མནྟ་བུདྡྷཱ་བོ་དྷི་སཏྭཱ་ནཱཾ། བཛྲ་རཱ་ཛ་མཱ་ལ་སཝཱཧཱ། སངས་རྒྱས་ཐམས་ཅད་ཀྱི་ཕྱག་རྒྱའི་གཡོན་ལོགས་སུ་ཆོས་ཀྱི་འཁོར་ལོའི་ཕྱག་རྒྱ་བྲིའོ། །དེའི་འོག་ཏུ་བཅོམ་ལྡན་འདས་
323a
༄#། །ཤཱཀྱ་ཐུབ་པའི་ཕྱག་རྒྱ་ལྷུང་བཟེད་དང་ཆོས་གོས་བྲིའོ། །བཅོམ་ལྡན་འདས་ཀྱི་གཡས་ལོགས་སུ་ནམ་མཁའི་སྤྱན་གྱི་ཕྱག་རྒྱ་སྤྱན་གྱི་གཙུག་ཏོར་འདྲ་བ་པདྨའི་སྟེང་ན་འདུག་པར་བྲིའོ། །བཅོམ་ལྡན་འདས་མའི་འོག་ལོགས་སུ་རྡོ་རྗེ་མཆོག་སྦྱིན་གྱི་ཕྱག་རྒྱ་ཨུཏྤ་ལའི་སྟེང་དུ་རྡོ་རྗེ་བཞག་པ་བྲིའོ། །འཕགས་པ་ཀུན་ཏུ་བཟང་པོའི་བྱང་ཕྱོགས་སུ་བྱམས་པའི་ཕྱག་རྒྱ་གུནྡྷེ་བྲིའོ། །བཅོམ་ལྡན་འདས་ཀྱི་ནུབ་ཕྱོགས་སུ་སྤྱན་རས་གཟིགས་དབང་ཕྱུག་གི་ཕྱག་རྒྱ་པདྨ་བྲིའོ། །བཅོམ་ལྡན་འདས་ཀྱི་བྱང་ཕྱོགས་སུ་མཐའ་ཡས་པར་འཕྲོ་བ་རྒྱ་ཆེན་པོ་མི་གཡོ་བ་རྒྱལ་པོའི་ཕྱག་རྒྱ་བྲིའོ། །བྱང་ཆུབ་སེམས་དཔའ་རྣམས་ཀྱི་ལྷོ་ཕྱོགས་སུ་རྡོ་རྗེ་འཛིན་ཐམས་ཅད་ཀྱི་ཕྱག་རྒྱ་བྲིའོ། །དེ་ནས་ཕྱི་རོལ་གྱི་དཀྱིལ་འཁོར་ཆ་གསུམ་དུ་བྱས་པ་ལ་འཁོར་སའི་སྣམ་བུ་བོར་ཏེ་ཤར་ཕྱོགས་སུ་ཕོ་ཉའི་ཚོགས་ཐམས་ཅད་ཀྱི་ཕྱག་རྒྱ་བྲིའོ། །དེ་དག་གི་ཤར་ལྷོའི་མཚམས་སུ་ཕོ་ཉ་མོ་ཐམས་ཅད་ཀྱི་ཕྱག་རྒྱ་བྲི་སྟེ། ཕོ་ཉ་མོ་རྣམས་ཀྱི་ཕྱག་རྒྱ་ནི། ལྕགས་ཀྱུའོ། །ཚོགས་རྣམས་ཀྱི་ཕྱག་རྒྱ་ནི། ཞགས་པའོ། །ལྷོ་དང་བྱང་གི་ངོས་གཉིས་སུ་བྲན་ཕོ་དང ། བྲན་མོ་རྣམས་ཀྱི་ཕྱག་རྒྱ་བྲི་སྟེ། དེ་ལ་བྲན་ཕོ་རྣམས་ཀྱི་ཕྱག་རྒྱ་ནི། རལ་གྲིའོ། །བྲན་མོ་རྣམས་ཀྱི་ཕྱག་རྒྱ་ནི། ཁངྒ་རི་དང་རྡོ་རྗེའི་ཁབ་བྲིའོ། །དེ་ནས་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་
323b
ཕྱིན་པ་བཀླག་གོ་།བཀླགས་ནས་ལངས་ལ་དཀྱིལ་འཁོར་བསྐོར་བར་བྱས་ཏེ་སངས་རྒྱས་བཅོམ་ལྡན་འདས་རྣམས་ལ་ཕྱག་ཀྱང་བྱས་ལ་སློབ་མ་བྱང་ཆུབ་ཏུ་སེམས་བསྐྱེད་པ། གཅེང་སྦྲ་ཅན།་ཡི་དམ་ལ་བརྟན་པ། སྡོམ་པ་བཟུང་བ། འགྲོ་བ་ཐམས་ཅད་ཡོངས་སུ་བསྐྱབ་པའི་བསམ་པ་ཅན། སྙིང་རྗེ་ཆེ་བ། གདོང་རས་ཀྱིས་གཡོགས་པ་ལག་པ་མི་གཏོང་བ་དེ་ལ་སེམས་རྩེ་གཅིག་ཏུ་དམིགས་པ་རྣམས་དཀྱིལ་འཁོར་བསྐོར་བར་བྱས་ཏེ་དཀྱིལ་འཁོར་གཉིས་པའི་སྒོ་ཁར་འགྲེང་ལ་གང་བའི་ཕྱག་རྒྱའམ། ཆོས་འབྱུང་བའི་ཕྱག་རྒྱའམ། དམ་ཚིག་གི་ཕྱག་རྒྱ་བཅིངས་ཏེ་དམ་ཚིག་བརྗོད་ལ་དཀྱིལ་འཁོར་དུ་གཟུད་དོ། །དེ་ནས་མེ་ཏོག་འདོར་དུ་གཞུག་གོ་།མེ་ཏོག་གར་བབས་པ་དེའི་ལྷ་ཡིན་ནོ། །དེ་ལྟར་དམ་ཚིག་བརྟན་བར་བྱས་ཏེ་སློབ་དཔོན་ལ་སྟོན་པའི་འདུ་ཤེས་བསྐྱེད་དོ། །སློབ་དཔོན་གྱིས་ཀྱང་བུའི་འདུ་ཤེས་བསྐྱེད་པར་བྱའོ། །དེ་ནས་སེམས་ཀྱི་རྒྱུད་རབ་དང་འབྲིང་དང་ཐ་མ་ལ་བལྟས་ནས་གསང་སྔགས་སྤྱད་པ་ལ་འཇུག་པའི་རྣལ་འབྱོར་གྱི་ཆོ་ག་སྦྱིན་ནོ། །དེ་ལྟར་བྱས་ན། དཀྱིལ་འཁོར་ཆེན་པོ་བཀོད་པ་འདིར་དམ་ཚིག་མཐོང་བར་འགྱུར་རོ། །འཇིག་རྟེན་དང་འཇིག་རྟེན་ལས་འདས་པའི་དཀྱིལ་འཁོར་ཐམས་ཅད་དུ་ཞུགས་ཀྱང་རུང་མ་ཞུགས་ཀྱང་རུང་སྟེ་དམ་ཚིག་ཏུ་ཞུགས་པར་འགྱུར་རོ། །དེ་ལྟར་དཀྱིལ་འཁོར་ཆེན་པོར་བྱིན་གྱིས་བརླབས་ཤིང་
324a
༄#། །སྡིག་པ་ཐམས་ཅད་དང་བྲལ་བ། དེ་བཞིན་གཤེགས་པའི་རིགས་ལས་བྱུང་བ། སེམས་ཅན་གྱི་ཁམས་མཐའ་ཡས་པ་ཡོངས་སུ་བསྐྱབ་པ་ཡིད་ལ་བྱེད་པ་དེས་གསང་སྔགས་སྤྱད་པའི་རྣལ་འབྱོར་གྱི་ཆོ་ག་རྗེས་སུ་དྲན་པར་བྱའོ། །དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་ཆོས་ཀྱི་དབྱིངས་ཀྱི་གནས་ན་འཁོད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་བྱམས་པ་ཆེན་པོ་དང་ཐུགས་རྗེ་ཆེན་པོའི་སྤྱན་གཉིས་ཀྱིས་གཟིགས་ནས་ཞལ་ཅུང་ཟད་འཛུམ་ཞིང་དེ་བཞིན་གཤེགས་པའི་སོ་སོ་ཡང་དག་པར་རིག་པ་ལ་འཇུག་པའི་ཚུལ་གྱིས་བླ་ན་མེད་པའི་ཆོས་ཀྱི་དབྱིངས་ཤིན་ཏུ་རྣམ་པར་དག་པ་བསྟན་པར་བཞེད་པས་གཙུག་ཏོར་ཆེན་པོའི་དཀྱིལ་ནས་སྲིད་པའི་རྒྱ་མཚོ་ཐམས་ཅད་ལས་བསྒྲལ་བར་ཡི་དམ་བཅས་པ་ཞེས་བྱ་བའི་བཞད་པ་ཆེན་པོ་མཛད་དོ། །ཐམས་ཅད་དུའང་དེ་བཞིན་གཤེགས་པ་ཐམས་ཅད་ཀྱི་ཡུལ་འབྱུང་བ་ཞེས་བྱ་བའི་འོད་ཟེར་བྱུང་ངོ ། །འོད་ཟེར་དེ་བྱུང་ནས་ཀྱང་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ནམ་མཁའི་དབྱིངས་ཀྱིས་ཀླས་པ་ན་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་ན་འཁོད་པའི་བྱང་ཆུབ་སེམས་དཔའ་ཐམས་ཅད་ནི། སྣང་བར་བྱས། ཆོས་ཀྱི་དབྱིངས་བསམ་གྱིས་མི་ཁྱབ་པ་ལ་འཇུག་པའི་ཡུལ་ནི། བསྟན། སེམས་
324b
ཅན་ཐམས་ཅད་ཀྱི་སེམས་ཀྱི་སྤྱོད་པ་རྣམས་ལ་ནི། བལྟས། ཆོས་ཀྱི་དབྱིངས་རྣམ་པར་དག་པ་མཐའ་ཡས་པ་ནི། དམིགས་པར་བྱས། ནམ་མཁའ་དང་མཉམ་པར་གྱུར་པའི་ཆོས་མཉམ་པ་ཉིད་རྣམ་པར་བསྟན་པ། ཆོས་ཀྱི་དབྱིངས་ཀྱིས་རྣམ་པར་རོལ་པའི་སོགས་རྣམ་པར་རོལ་ནས་དེ་བཞིན་གཤེགས་པའི་དགེ་བའི་རྩ་བ་རྣམ་པར་སྨིན་པ་བསམ་གྱིས་མི་ཁྱབ་པ་ལས་མངོན་པར་གྲུབ་པ། དེ་བཞིན་གཤེགས་པའི་དགོངས་པ་ལས་མངོན་པར་གྲུབ་པ། མོས་པའི་རླུང་གི་དཀྱིལ་འཁོར་གྱིས་སངས་རྒྱས་ཀྱི་ཞིང་བཀོད་པ་རྣམ་པ་བཅུས་རབ་ཏུ་བརྒྱན་ནས་ནམ་མཁའི་ངོས་ལ་བཀོད་པ་ཆེན་པོའི་དཀྱིལ་འཁོར་གྱི་བྱིན་གྱི་རླབས་བཤམ་པར་བྱས་ཏེ་གནས་པར་གྱུར་ཏོ། །འོད་ཟེར་ཆེན་པོ་དེ་དག་དེ་ལྟར་གནས་པར་གྱུར་མ་ཐག་ཏུ་གསང་བ་པའི་བདག་པོ་ཕྱག་ན་རྡོ་རྗེའི་སེམས་ལ་སེམས་ཀྱི་རྟོག་པ་འདི་ལྟ་བུ་བྱུང་བར་གྱུར་ཏོ། །དེ་བཞིན་གཤེགས་པའི་དགོངས་པ་ལས་བྱུང་བའི་འོད་ཟེར་རྣམ་པར་བཀོད་པ་སྣང་བ་སྔོན་མ་བྱུང་བ་འདི་དག་བཀོད་པ་རྣམ་པ་སྣ་ཚོགས་ཀྱིས་ནམ་མཁའི་ངོས་ནི། ཁེབས་པར་བྱས། །དེ་བཞིན་གཤེགས་པའི་རྣམ་པར་རོལ་པ་ཆེན་པོ་རྣམས་ནི། བསྟན་ནས་དེ་བཞིན་གཤེགས་པའི་ཞལ་དུ་མི་སྣང་བར་གྱུར་པ་ནི། ངོ་མཚར་ཆེའོ། །དེ་བས་ན་ངེས་པར་དེང་བཅོམ་ལྡན་འདས་སོ་སོ་ཡང་དག་པར་རིག་པ་ཆེན་པོ་མངོན་པར་སྒྲུབ་པའི་ནུབ་རྣམ་པར་དག་པས་མཉམ་
325a
༄#། །པ་ཉིད་ལ་འཇུག་པ་རྣམ་པར་དག་པའི་གཞི་དེ་བཞིན་གཤེགས་པ་ཐམས་ཅད་རྣམ་པར་རོལ་པའི་ཆོས་ཀྱི་རྣམ་གྲངས་བཤད་པར་བཞེད་དོ། །དེའི་ཕྱིར་བཅོམ་ལྡན་འདས་ལ་བདག་ཞུའོ་སྙམ་མོ། །དེ་ནས་ཕྱག་ན་རྡོ་རྗེས་བཅོམ་ལྡན་འདས་ཀྱི་ཞབས་གཉིས་ལ་ཕྱག་འཚལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བཅོམ་ལྡན་འདས་ཀྱིས་དང་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཐུགས་བསྐྱེད་པ་ནས་བཅོམ་ལྡན་འདས་མངོན་པར་རྫོགས་པར་སངས་རྒྱས་ཀྱི་བར་དུ་བདག་རྟག་ཏུ་ཞམ་འབྲིང་ན་མཆིས་མཆིས་ན། བཅོམ་ལྡན་འདས་ཀྱིས་འདི་ལྟར་བཞད་པ་ཆེན་པོ་སྔར་མཛད་ནས་དབུའི་གཙུག་ཏོར་གྱི་དཀྱིལ་ནས་འོད་ཟེར་ངོ་མཚར་དུ་གྱུར་པ་བདག་གིས་སྔོན་མ་མཐོང་བ་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་སྙེད་བྱུང་ནས་འོད་ཟེར་དེ་རྣམས་ཀྱིས་ཀྱང་འཇིག་རྟེན་གྱི་ཁམས་ནམ་མཁའི་དབྱིངས་ཀྱིས་མཐས་ཀླས་པ་སྣང་བར་བགྱིས་པ་ངོ་མཚར་ཆེའོ། །དེ་ལ་བདག་ཉིད་འདི་སྙམ་དུ་གྱུར་ཏེ། དེང་བཅོམ་ལྡན་འདས་བདག་ཅག་ལ་སོ་སོ་ཡང་དག་པར་རིག་པ་ཆེན་པོ་ལ་འཇུག་པའི་ཚུལ་སྒྲུབ་པ་རྣམ་པར་དག་པའི་གཞི་ཆོས་ཀྱི་རྣམ་གྲངས་དེ་བཞིན་གཤེགས་པ་ཐམས་ཅད་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བཤད་པར་བཞེད་པ་ནི། བདག་ཅག་གིས་
325b
རྙེད་པ་ལེགས་པར་རྙེད་དོ་སྙམ་མོ། །བཅོམ་ལྡན་འདས། དེ་བས་ན། བདག་ལག་ལ་ཐུགས་བརྩེ་བའི་སླད་དུ་སོ་སོ་ཡང་དག་པར་རིག་པ་ཆེན་པོ་ལ་འཇུག་པའི་ཚུལ་སྒྲུབ་པ་རྣམ་པར་དག་པའི་གཞི་དེ་བཞིན་གཤེགས་པ་ཐམས་ཅད་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པའི་ཆོས་ཀྱི་རྣམ་གྲངས་བཤད་ན། དེ་ནི། དུས་སླད་མའི་འགྲོ་བ་རྣམས་ལ་སྣང་བ་བགྱིས་པར་འགྱུར་ཏེ་ལེགས་ཀྱི། བཤད་དུ་གསོལ། དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། ། གསང་བ་པའི་བདག་པོ། ལེགས་སོ་ལེགས་སོ། །ཁྱོད་དོན་འདི་འདྲི་བར་སེམས་པ་དེ་ཡང་ལེགས་སོ། །གསང་བ་པའི་བདག་པོ། དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་ངས་ཁྱོད་ལ་དེ་བཞིན་གཤེགས་པ་ཐམས་ཅད་ཀྱི་སོ་སོ་ཡང་དག་པར་རིག་པ་ལ་འཇུག་པ་སྒྲུབ་པའི་ཚུལ་རྣམ་པར་དག་པས་མཉམ་པ་ཉིད་ལ་འཇུག་པ་རྣམ་པར་དག་པའི་གཞི་ཆོས་ཀྱི་རྣམ་གྲངས་དེ་བཞིན་གཤེགས་པ་ཐམས་ཅད་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པ་བཤད་པར་བྱའོ། །བཅོམ་ལྡན་འདས། དེ་ལྟར་བགྱིའོ། །ཞེས་གསོལ་ནས་གསང་བ་པའི་བདག་པོ་ཕྱག་ན་རྡོ་རྗེ་བཅོམ་ལྡན་འདས་ལ་ཉན་པ་དང ། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། སྟོང་པ་ཉིད་ཀྱི་
326a
༄#། །གཞི་ནི། མངོན་པར་རྫོགས་པར་བྱང་ཆུབ་པའི་གཞིའོ། །ནམ་མཁའ་དང་མཉམ་པའི་གཞི་ནི། མངོན་པར་རྫོགས་པར་བྱང་ཆུབ་པའི་གཞིའོ། །མཚན་ཉིད་མེད་པའི་གཞི་ནི། མངོན་པར་རྫོགས་པར་བྱང་ཆུབ་པའི་གཞིའོ། །དེ་བཞིན་གཤེགས་པའི་གཞི་ནི། མངོན་པར་རྫོགས་པར་བྱང་ཆུབ་པའི་གཞིའོ། །དེ་ལྟར་མངོན་པར་བྱང་ཆུབ་པའི་གཞི་འདི་དག་བྱང་ཆུབ་སེམས་དཔས་བསྒོམ་པར་བྱའོ། །གསང་བ་པའི་བདག་པོ། འདི་ནི། དེ་བཞིན་གཤེགས་པ་ཐམས་ཅད་ཀྱི་སོ་སོ་ཡང་དག་པར་རིག་པ་ལ་འཇུག་པ་སྒྲུབ་པའི་ཚུལ་རྣམ་པར་དག་པས་མཉམ་པ་ཉིད་ལ་འཇུག་པའི་གཞི་ཆོས་ཀྱི་རྣམ་གྲངས་ཡིན་ནོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་ཆོས་ཀྱི་དབྱིངས་རྒྱ་ཆེན་པོ་རབ་འབྱམས་མཐའ་ཡས་པ་བྱིན་གྱིས་བརླབས་ནས་ནམ་མཁའ་དྲི་མ་མེད་པའི་རྒྱལ་པོ་རྣམ་པར་སྨིན་པ་ནམ་མཁའ་ལྟར་རྒྱ་ཆེ་ཞིང་མཐའ་ཡས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཡུལ་སྣང་བ་ཡུལ་བསམ་གྱིས་མི་ཁྱབ་པ་རབ་འབྱམས་སྟོན་པ་ཞེས་བྱ་བའི་འོད་ཟེར་ཆེན་པོ་དབུའི་གཙུག་ནས་བྱུང་ངོ ། །བྱུང་ནས་ཀྱང་དེ་བཞིན་གཤེགས་པ་ཐམས་ཅད་དང་རྗེས་སུ་མཐུན་པར་བསྟན་ཏེ། བཅོམ་ལྡན་འདས་རྣམ་པར་
326b
མཇད་ལ་བསྐོར་བ་ལན་བརྒྱ་སྟོང་དུ་མ་བྱས་ནས་འཇིག་རྟེན་གྱི་ཁམས་རྣམ་པ་བཅུར་སྣང་བ་ཆེན་པོས་གསལ་བར་བྱས་ཏེ་སྟེང་གི་ནམ་མཁའ་ལ་གནས་ནས་དམ་ཚིག་ཆེན་པོ་གསུམ་གྱིས་སྣང་བས་འཇིག་རྟེན་གྱི་ཁམས་ནམ་མཁའི་དབྱིངས་ཀྱི་མཐས་ཀླས་པ་སྣང་བར་བྱས་ནས་སེམས་ཅན་གྱི་ཁམས་རྣམས་ལ་དམ་ཚིག་ཆེན་པོ་གསུམ་གྱི་མྱུ་གུ་སྐྱེ་བར་བྱིན་གྱིས་བརླབས་ཏེ་འོད་ཟེར་དེ་དག་ནམ་མཁའ་ལ་ལྷགས་ནས་ཕྱག་ན་རྡོ་རྗེའི་སྤྱི་བོར་ལྷུང་ངོ ། །འོད་ཟེར་དེ་དག་ཕྱག་ན་རྡོ་རྗེའི་སྤྱི་བོར་ལྷུང་མ་ཐག་ཏུ་དེ་ནས་དེའི་མོད་ལ་གསང་བ་པའི་བདག་པོ་ཕྱག་ན་རྡོ་རྗེས་དེ་བཞིན་གཤེགས་པའི་ཡུལ་འབྱུང་བ་ཞེས་བྱ་བའི་ཏིང་ངེ་འཛིན་ཆེན་པོ་ཐོབ་པར་གྱུར་ཏེ། དེ་ཐོབ་པས་དེ་བཞིན་གཤེགས་པའི་ས་ལ་གཉིས་སུ་མེད་པར་གནས་པར་གྱུར་ཏོ། །དེ་ནས་གསང་བ་པའི་བདག་པོ་ཕྱག་ན་རྡོ་རྗེ་དེ་བཞིན་གཤེགས་པའི་ཡེ་ཤེས་ཀྱི་དགའ་བས་སྙིང་ཚིམ་པར་གྱུར་ནས་མིག་གཉིས་མི་འཛུམ་པར་བཅོམ་ལྡན་འདས་རྣམ་པར་སྣང་མཛད་ལ་ཡུད་ཙམ་ཞིག་བལྟས་ཏེ་བཞིན་ཅུང་ཟད་འཛུམ་ཞིང་བཅོམ་ལྡན་འདས་ལ་ཡིད་ཀྱིས་ཞུས་པ། ཇི་ལྟར་དེ་བཞིན་གཤེགས་པ་ལགས། །ཇི་ལྟར་རྒྱལ་བ་དམ་པ་ལགས། །ཇི་ལྟར་བྱང་ཆུབ་སེམས་དཔའ་ལགས། །ཇི་ལྟར་སངས་རྒྱས་ཞེས་ཀྱང་བགྱི། །མགོན་པོ་བདག་གི་ཐེ་ཚོམ་འདི། །ཐུབ་པ་ཆེན་པོས་བསལ་དུ་གསོལ། །བྱང་ཆུབ་སེམས་དཔའ་གྲགས་ཆེན་རྣམས། །ཐེ་ཚོམ་ཡིད་
327a
༄#། །གཉིས་སྤངས་ནས་སུ། །སྤྱད་པའི་རྒྱལ་པོ་ཐེག་ཆེན་ལ། །རྒྱལ་བའི་སྲས་ནི་སྤྱོད་པར་འགྱུར། །དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། ཁྱོད་དོན་འདི་ལྟ་བུ་འདྲི་བ་དེ་ལེགས་སོ་ལེགས་སོ། །གསང་བ་པའི་བདག་པོ། ཆོས་ཀྱི་ཚུལ་སྒྲུབ་པའི་གཞི་འདི་ལྟ་བུ་འདི་ཐོས་ནས་སྐྲག་པར་མི་འགྱུར། ཀུན་ཏུ་སྐྲག་པར་མི་འགྱུར་བའི་སེམས་ཅན་དེ་དག་ནི། དཀོན་ནོ། །གསང་བ་པའི་བདག་པོ། རིགས་ཀྱི་བུ་དེ་དག་ནི། སངས་རྒྱས་གཅིག་ལ་བསྙེན་བཀུར་བྱས་པ་མ་ཡིན་གྱི། སངས་རྒྱས་བརྒྱ་སྟོང་ཕྲག་དུ་མ་ལ་དགེ་བའི་རྩ་བ་བསྐྲུན་པ་ཡིན་པར་རིག་པར་བྱའོ། །གསང་བ་པའི་བདག་པོ། དེ་ལྟ་བས་ན།་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པས་ཐོག་མ་ཉིད་དུ་ཐེག་པ་ཆེན་པོ་རྟོགས་པར་ཁོང་དུ་ཆུད་པར་བྱའོ། །དེ་ཅིའི་ཕྱིར་ཞེ་ན། གསང་བ་པའི་བདག་པོ། ཐེག་པ་ཆེན་པོ་རྟོགས་པར་ཁོང་དུ་ཆུད་པའི་བྱང་ཆུབ་སེམས་དཔའ་ནི། ཚེགས་ཆུང་ངུས་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱོད་པ་སྒྲུབ་པར་འགྱུར་རོ། །འདི་ལྟར་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་འདི་ནི། མངོན་པར་ཤེས་པ་ཆེན་པོ་ཡོངས་སུ་སྦྱོང་བ་ཡིན་ནོ། །དེ་ནས་ཡང་བཅོམ་
327b
ལྡན་འདས་རྣམ་པར་སྣང་མཛད་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ། དེའི་ཕྱིར་རབ་ཏུ་ལེགས་པར་ཉོན་ལ་ཡིད་ལ་ཟུངས་ཤིག་དང་ངས་ཁྱོད་ལ་བཤད་པར་བྱའོ། །དེ་སྐད་ཅེས་བཀའ་སྩལ་པ་དང ། གསང་བ་པའི་བདག་པོ་ཕྱག་ན་རྡོ་རྗེ་བཅོམ་ལྡན་འདས་ལ་ཉན་ཏོ། །དེ་ལ་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ཆོས་རྣམས་ནམ་མཁའི་མཚན་ཉིད་དེ། །གཉིས་སུ་མེད་ཅིང་མཚན་ཉིད་གཅིག་།གནས་ནི་རྣམ་པ་བཅུས་རྟོགས་པ། །དེ་ནི་རྫོགས་སངས་རྒྱས་ཞེས་བྱ། །འདུ་ཤེས་ཙམ་ཡང་སྤངས་གྱུར་ཅིང ། །རང་བཞིན་ཉིད་ཀྱང་བསྟན་དུ་མེད། །ཡེ་ཤེས་ཀྱིས་ནི་རང་རིག་པ། །དེ་ནི་དེ་བཞིན་གཤེགས་ཞེས་གསུངས། །བྱང་ཆུབ་ནམ་མཁའི་མཚན་ཉིད་དེ། །རྟོག་པ་ཐམས་ཅད་རྣམ་པར་སྤངས།། གང་ཞིག་དེ་ནི་རྟོགས་འདོད་པ། །དེ་ནི་བྱང་ཆུབ་སེམས་དཔའ་ཡིན། །ས་བཅུ་ཡོངས་སུ་རྫོགས་བྱས་ནས། །དབང་རྣམས་རྟོགས་པར་ཁོང་དུ་ཆུད། །ཆོས་རྣམས་སྟོང་པ་སྒྱུ་མ་བཞིན། །གང་གིས་འདིར་ནི་ཀུན་རྟོགས་ཤིང ། །འཇིག་རྟེན་གྱི་ནི་རྒྱུད་ཤེས་པ། །སངས་རྒྱས་ཞེས་ནི་དེ་ལ་བྱ། །གསང་བ་པའི་བདག་པོ། དེ་ལྟར་བྱང་ཆུབ་སེམས་དཔའི་སེམས་ཀྱི་གནས་སྐབས་རྣམ་པར་གཞག་པ་ནི། དེ་དག་ཡིན་ནོ། །གསང་བ་པའི་བདག་པོ། རྣམ་གྲངས་དེས་ཀྱང་འདི་ལྟར་བྱང་ཆུབ་སེམས་དཔའ་རྣམས་ཀྱིས་རང་གི་སེམས་རྣམ་པར་གཞག་པ་སྒྲུབ་པ་ནི། མེད་པར་
328a
༄#། །རིག་པར་བྱའོ། །དེ་ནས་གསང་བ་པའི་བདག་པོ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ཐེག་པ་ཆེན་པོ་མངོན་པར་རྟོགས་པའི་ཆོས་ཀྱི་རྣམ་གྲངས་ལེགས་པར་བཤད་པ་ནི། བཅོམ་ལྡན་འདས། ངོ་མཚར་ལགས་སོ། །བདེ་བར་གཤེགས་པ། ཤིན་ཏུ་ངོ་མཚར་ལགས་སོ། །བཅོམ་ལྡན་འདས། རིགས་ཀྱི་བུ་དེ་དག་འགྲོ་བ་ལྔའི་འཁོར་བ་ན་འཁོར་བའི་ཚེ་ངན་འགྲོ་ངན་སོང་གི་འཇིགས་པའམ། བདུད་ཀྱི་ལས་ཀྱི་འཇིགས་པའམ། མི་ཁོམ་པར་སྐྱེ་བའི་འཇིགས་པ་མ་མཆིས་པར་བདག་སྨྲའོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ཆེན་པོ་ཐེག་པ་ཆེན་པོའི་མངོན་པར་རྟོགས་པ་ལ་གནས་པ་ནི། འཇིག་རྟེན་དང་ལྷན་ཅིག་ཏུ་གནས་ཀྱང་འཇིག་རྟེན་ལས་འདས་པའི་ལམ་མི་གཏོང་ཞིང་སེམས་ཅན་ཡོངས་སུ་སྨིན་པར་བྱ་བའི་ཕྱིར་ཐབས་ཀྱིས་འཇིག་རྟེན་གྱི་བྱ་བ་ཐམས་ཅད་ཀྱང་སྟོན་ཏོ། །ཐེག་པ་ཆེན་པོ་མངོན་པར་རྟོགས་པ་ལས་ཡོངས་སུ་ཉམས་པར་ཡང་མི་འགྱུར་རོ། །དེ་ནས་ཡང་གསང་བ་པའི་བདག་པོ་ལག་ན་རྡོ་རྗེས་བཅོམ་ལྡན་འདས་ལ་གསོལ་བ་བཏབ་པ། བཅོམ་ལྡན་འདས། གསང་བ་ཆེན་པོ་སྙིང་པོའི་དཀྱིལ་འཁོར་བཤད་དུ་གསོལ། དེ་ནི་སྐྱེ་བོ་མང་
328b
པོ་ལ་ཕན་པ་དང་བདེ་བར་འགྱུར་ལགས་སོ། །དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུངས་ཤིག་དང་ངས་ཁྱོད་ལ་གསང་བའི་སྙིང་པོའི་དཀྱིལ་འཁོར་བཤད་པར་བྱའོ། །དེ་ཡང་རེ་ཞིག་སློབ་དཔོན་དམ་ཚིག་གསུམ་རྣམ་པར་དབྱེ་བ་ལ་མཁས་ཤིང་བདག་ཀྱང་དམ་ཚིག་གསུམ་ལ་གནས་པ་ཡིན་ནོ། །གསང་བ་པའི་བདག་པོ། དེ་ལ་དམ་ཚིག་གསུམ་པོ་དེ་གང་ཞེ་ན། ཆོས་ཀྱི་ཁྱད་པར་གསུམ་སྟེ། ཆོས་ཀྱི་ཁྱད་པར་གད་བ་དུས་གསུམ་དུ་གཏོགས་པའི་དུས་ན་སྒྲིབ་པ་མེད་པའི་ཚུལ་གྱིས་འཇུག་པ་དེ་ནི། དམ་ཚིག་གསུམ་ཞེས་བྱའོ། །གསང་བ་པའི་བདག་པོ། །ཆོས་ཀྱི་ཁྱད་པར་དེ་ཡང་གང་ཞེ་ན། གསང་བ་པའི་བདག་པོ། སེམས་ནི། ཆོས་ཀྱི་ཁྱད་པར་སྟེ། གསང་བ་པའི་བདག་པོ། དེ་ལ་སེམས་ཀྱི་རྣམ་པར་རྟོག་པ་ཐམས་ཅད་མེད་པ་ཡོངས་སུ་ཤེས་པ་གང་ཡིན་པ་དེ་ནི། རྫོགས་པའི་སངས་རྒྱས་མཐོང་བའོ། །འདི་ལ་ཆོས་ཀྱི་དབྱིངས་རྟོགས་པའི་རང་རིག་པའི་རྣམ་པ་གང་ཡིན་པ་དེ་ནི། དེ་བཞིན་གཤེགས་པའི་མཚན་ཉིད་ཡིན་ནོ། །གང་ལུས་དང་ངག་དང་ཡིད་འཇུག་པ་དེ་ནི། རྫོགས་པའི་མཚན་ཉིད་ཡིན་ནོ། །གསང་བ་པའི་བདག་པོ། འདི་ནི། དམ་ཚིག་གསུམ་ཡིན་ཏེ། ཉན་ཐོས་དང་རང་སངས་རྒྱས་ཐམས་ཅད་ཀྱིས་ཀྱང་
329a
༄#། །མ་རྟོགས་ན། མུ་སྟེགས་ཅན་གཞན་དག་གིས་ལྟ་ཅི་སྨོས། དེ་ནས་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། །བྱིས་པ་མི་ཤེས་པས་བསྒྲིངས་པ། །ཚུལ་འདི་ཤེས་པར་མ་གྱུར་རྣམས། །སངས་རྒྱས་གཞན་དུ་ཚོལ་བར་བྱེད། །འདི་ན་གནས་པར་ཡོངས་མ་རྟོགས། །འཇིག་རྟེན་ཁམས་གཞན་གང་ནས་ཀྱང ། །སངས་རྒྱས་རྙེད་པར་ཡོང་མི་འགྱུར། །སེམས་ཉིད་རྫོགས་པའི་སངས་རྒྱས་ཏེ། །སངས་རྒྱས་གཞན་དུ་མ་བསྟན་ཏོ། །དེ་ལྟ་བས་ན་རྣལ་འབྱོར་པས། །རྟག་ཏུ་ཡིད་གཉིས་སྤངས་ནས་ནི། །སེམས་ཀྱི་ཁྱད་པར་རྣམ་གསུམ་བརྟག་།དེ་ནས་དམ་ཚིག་གསུམ་ཤེས་འགྱུར། །དེ་ནས་ཡང་བཅོམ་ལྡན་འདས་ཀྱིས་ཚིགས་སུ་བཅད་པ་དེ་དག་གསུངས་ནས་གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ། དེ་ལ་སློབ་དཔོན་དམ་ཚིག་གསུམ་ཤེས་པར་བྱ་བ་ལ་མཁས་པས་བདག་ཉིད་ཆོས་ཀྱི་དབྱིངས་སུ་མོས་པར་བྱས་ལ་དེ་ལ་དམིགས་པའི་སྤྱོད་པས་ས་གཞི་རྣམ་པར་སྦྱང་བར་བྱའོ། །དེ་ལྟར་དེས་ས་གཞི་རྣམས་སྦྱངས་ནས་ནམ་མཁའི་དབྱིངས་ལྟ་བུ་ལ་ཡང་དག་པར་གཞོལ་བས་བདག་ནི། ཆོས་ཀྱི་དབྱིངས་སྒྲིབ་པ་མེད་པའི་ཡེ་ཤེས་ཀྱི་ཡུལ་ཡིན་ནོ་སྙམ་དུ་བདག་ཉིད་རྣམ་པར་སྣང་མཛད་དུ་བྱིན་གྱིས་བརླབ་བོ། །དེ་ལྟར་བདག་ཉིད་བྱིན་
329b
གྱིས་བརླབས་ལ་ཆོས་ཀྱི་དབྱིངས་རྣམ་པར་ངག་པའི་ཕྱིར་གཉིས་སུ་མེད་པའི་སྦྱོར་བས་བདག་གི་ལུས་དཀྱིལ་འཁོར་ཡིན་པའམ་དཀྱིལ་འཁོར་བདག་གི་ལུས་ཡིན་པར་བྱིན་གྱིས་བརླབས་ཏེ། རང་གི་སེམས་ཀྱིས་བྱས་པའི་ཚོན་སྣ་ལྔའི་ཕྱེ་མ་དང ། གཞན་ཡང་རུང་སྟེ་ཆོ་ག་སྔ་མས་རྣམ་པར་དབྱེ་བར་བྱའོ། །གསང་བ་པའི་བདག་པོ། དེ་ནས་སེམས་ཅན་སྡུག་བསྔལ་བ་རྣམས་ཡོངས་སུ་བསྐྱབ་པའི་ཕྱིར་གསང་བའི་སྙིང་པོའི་དམ་ཚིག་ལ་འཇུག་པའི་ཆོ་ག་བྱའོ། །དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་བྱིན་གྱི་རླབས་པ་གང་གིས་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་ཀྱིས་དེ་བཞིན་གཤེགས་པའི་ཡེ་ཤེས་ཀྱང་ཚེ་འདི་ཉིད་གཅིག་པུས་ཐོབ་པར་འགྱུར་བ་དེ་ལྟ་བུའི་ཆོས་ཀྱི་བྱིན་གྱིས་བརླབ་པ་མཛད་དོ། །དེ་ནས་བཅོམ་ལྡན་འདས་ཀྱིས་བྱམས་པ་ཆེན་པོ་དང་ཐུགས་རྗེ་ཆེན་པོའི་སྤྱན་གཉིས་ཀྱིས་སེམས་ཅན་གྱི་ཁམས་ལ་གཟིགས་ནས་གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ། བྱིན་གྱིས་བརླབས་བསྒྲུབ་པའི་གཞི་གང་དག་གིས་དེ་བཞིན་གཤེགས་པ་རྣམས་ཐམས་ཅད་མཁྱེན་པའི་ཡེ་ཤེས་ཐོབ་པར་དཀའ་བ་ཡང་བསོད་ནམས་མ་བྱས་པའི་སེམས་ཅན་རྣམས་ཀྱི་ཕ་རོལ་གྱི་རྒྱུད་ལ་ཡང་རབ་ཏུ་འཇོག་པར་འགྱུར་བ་ཆོས་ཀྱི་
330a
༄#། །དབྱིངས་ཀྱི་བྱིན་གྱི་བརླབ་ཀྱི་གཞི་ཉོན་ཅིག་།བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང ། ཕྱག་ན་རྡོ་རྗེས་ཐལ་མོ་སྦྱར་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། སངས་རྒྱས་བཅོམ་ལྡན་འདས་སྟོབས་བཅུའི་སྟོབས་དང་ལྡན་པ། མི་འཇིགས་པ་བཞིའི་ཁྱུ་མཆོག་།སེངྒེའི་སྒྲ་སྒྲོག་པ་རྣམས་ཀྱི་ཡེ་ཤེས་ལ་མངའ་བ་ངོ་མཚར་ཏོ། །བཅོམ་ལྡན་འདས། རིགས་ཀྱི་བུའམ། རིགས་ཀྱི་བུ་མོ་མཁས་པའི་རང་བཞིན་ཅན་སུ་ཞིག་ཐམས་ཅད་མཁྱེན་པའི་ཡེ་ཤེས་འདི་འདྲ་བའི་དོན་དུ་ནམ་མཁའི་དབྱིངས་ཀྱི་མཐས་ཀླས་པའི་བསྐལ་པར་ཡང་སེམས་ཅན་དམྱལ་བའི་སྡུག་བསྔལ་མི་བཟད་པ་ཡང་བཟོད་པར་མི་བགྱིད། བཅོམ་ལྡན་འདས། དེ་ལྟ་བས་ན། རིགས་ཀྱི་བུ་མཁས་པ་འདི་ལ་སློབ་པར་འཚལ་བས་དེ་བཞིན་གཤེགས་པའི་རྗེས་སུ་བསླབ་པར་བགྱིའོ། །བཅོམ་ལྡན་འདས། དེ་ལྟ་བས་ན། ལེགས་ལགས་ཀྱི། བདག་ཅག་ལ་ཐུགས་བརྩེ་བའི་སླད་དུ་ཆོས་ཀྱི་དབྱིངས་ཀྱི་བྱིན་གྱིས་བརླབ་ཀྱི་གཞི་དེ་དག་བཤད་དུ་གསོལ། དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། ནམ་མཁའི་མཚན་ཉིད་དང་མཚུངས་པའི་ཕྱིར་ཆོས་ཐམས་ཅད་ནི། མཚན་ཉིད་གཅིག་པའོ། །ཆོས་
330b
ཀྱི་དབྱིངས་དམིགས་སུ་མེད་པའི་ཕྱིར་ཆོས་ཐམས་ཅད་ནི། སྟོང་པ་ཉིད་ཀྱི་བྱིན་གྱིས་བརླབས་ཀྱི་མཚན་ཉིད་དོ། །གསང་བ་པའི་བདག་པོ། གང་དག་ངས་སྔོན་བྱང་ཆུབ་སེམས་དཔའི་སྤྱད་བ་སྤྱོད་པ་ན་བྱང་ཆུབ་ཀྱི་སྙིང་པོ་ལ་འདུག་གི་བར་དུ་བསྒོམས་ཤིང་ལན་མང་དུ་བྱས་པའི་ཆོས་ཀྱི་དབྱིངས་ཀྱི་བྱིན་གྱིས་བརླབ་ཀྱི་གཞི་ཡིན་ཏེ། གསང་བ་པའི་བདག་པོ། དེ་ལྟ་བས་ན།་དེ་བཞིན་གཤེགས་པ་རྣམས་ཀྱི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི། དེ་ཡིན་ནོ། །རིགས་ཀྱི་བུ། ང་བྱང་ཆུབ་ཀྱི་སྙིང་པོ་ལ་འདུག་པ་ན་ཡང་འདི་དག་སེམས་སེམས་པ་ལས་རྣམ་པར་རྟོག་པ་ཐམས་ཅད་སྤངས་པ་ཞེས་བྱ་བ་ཤེས་རབ་ཀྱི་ཕ་རོལ་ཏུ་ཕྱིན་པའི་སྒོ་ཐོབ་པར་གྱུར་ཏོ། །སྒྲ་དབྱངས་མཐའ་ཡས་པ་སྒྲོག་པ་ཞེས་བྱ་བའི་གཟུངས་ཀྱི་སྒོ་དང ། བདུད་བཞི་ཕམ་པར་བྱེད་པའི་དབྱངས་ཞེས་བྱ་བའི་རིག་སྔགས་ཀྱི་རྒྱལ་མོ་གནས་མེད་པ། ནམ་མཁའ་སྤྱོད་ཡུལ། མཚན་ཉིད་མེད་པ། འགྲོ་བ་པོ་མེད་པ། བྱེད་པ་པོ་དང་ཚོར་བ་པོ་མེད་པ། འཇིག་རྟེན་གྱི་འགྲོ་བ་ཐམས་ཅད་ལས་འདས་པ་ཡང་ཐོབ་པར་གྱུར་ཏོ། །གསང་བ་པའི་བདག་པོ། དེ་ལ་རིག་སྔགས་ཀྱི་རྒྱལ་མོ་ཆེན་མོ་མཐའ་ཡས་ཤིང་རབ་འབྱམས་རྒྱ་ཆེ་བ་བསྟན་པར་བྱ་བ་དེ་དག་གང་ཞེ་ན། ན་མསྟྲཻ་ཡ་དྷྭི་ཀཱ་ནཱཾ་བུདྡྷཱ་ག་ཏེ་པ་ཏིཥྛི་ཏེ་བྷྱོ། ཨ་པྲ་ཏི་ཧ་ཏ་ཤཱ་ས་ནེ་བྷྱཿ ། མ་ཧཱ་ཀྲྀ་དེ་བྷྱཿ ། ག་ག་ན་ཨ་མ་ལ་རཱུ་པ་དྷཱ་ར་ཎི་ཏ་ཐཱ་རཱུ་པ་བི་བྷ་བ་བི་
331a
༄#། །བྷ་རྗེ་ན།་པ་ར་རཱུ་པ་དྷ་རེ་མ་ཧཱ་ཀྲྀ་པེ་བི་མ་ལེ། སརྦ་ག་ཏེ་བི་ཤོ་དྷ་ནི། དེ་ལ་འདི་ནི། རྡོ་རྗེའི་ཚིག་མཉམ་པ་མེད་པ་ཡིན་ནོ། ། མ་ཧཱ་བིསྨ་ཡེ་ཧཱུཾ་ཁཾ། ཕྱག་ན་རྡོ་རྗེ།་འདི་ནི། ནམ་མཁའ་ལྟར་དྲི་མ་མེད་པ་ཞེས་བྱ་བའི་རིག་སྔགས་ཀྱི་རྒྱལ་མོ་སྟེ། དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་ཀྱིས་བྱིན་གྱིས་རློབ་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་ཡུམ་ཡིན་ནོ། །རིགས་ཀྱི་བུ། དེ་བཞིན་གཤེགས་པ་རྣམས་གང་ན་རིག་སྔགས་ཀྱི་རྒྱལ་མོ་འདི་མི་འཆད་ཅིང་མི་བརྗོད་པའི་སངས་རྒྱས་ཀྱི་ཞིང་དེ་ངས་མ་མཐོང་ངོ ། །གསང་བ་བའི་བདག་པོ། རྣམ་གྲངས་དེས་ཀྱང་འདི་ལྟར་གསང་བའི་སྙིང་པོའི་དཀྱིལ་འཁོར་དང ། ཕྱག་རྒྱ་དང ། དམ་ཚིག་འདི་ལ་འཇུག་པར་འདོད་པའི་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པས་རྒྱལ་པོ་འདི་ལ་མངོན་པར་བརྩོན་པར་བྱའོ། །དེ་ནས་གསང་བ་པའི་བདག་པོ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་གསང་སྔགས་ཀྱི་རང་བཞིན་ཇི་ལྟར་སྟོན། ཆོས་ཐམས་ཅད་ལ་ཐོབ་པའི་བར་དུ་ཇི་ལྟར་འགྱུར། དེ་སྐད་ཅེས་གསོལ་བ་དང ། བཅོམ་ལྡན་འདས་ཀྱིས་གསང་བ་པའི་བདག་པོ་
331b
ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། འདི་ལ་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པས་སློབ་དཔོན་ལ་དབང་ནོད་པར་བྱའོ། །འདི་སྙམ་དུ་སློབ་དཔོན་འདི་ནི། བདག་གི་སྟོན་པ་སྟེ། བླ་ན་མེད་པ་ཡང་དག་པར་རྫོགས་པའི་སངས་རྒྱས་དང་བྱང་ཆུབ་ལ་བསྐུལ་བའོ། །དེ་ནས་ཐལ་མོ་སྦྱར་ཏེ་ཉེ་བར་སོང་ལ་གསོལ་བ་གདབ་བོ། །སློབ་དཔོན་གྱིས་ཀྱང་དེ་དོན་དུ་གཉེར་བར་ཤེས་ནས་སྙིང་རྗེ་ཆེན་པོ་མངོན་དུ་བྱས་ཏེ་ཚིག་འདི་སྐད་ཅེས་སྨྲ་བར་བྱའོ། །རིགས་ཀྱི་བུ།་ལོངས། དེ་བཞིན་གཤེགས་པའི་སྤྱན་བླ་ན་མེད་པ་དེ་ཁྱོད་ལ་བསྟན་པར་བྱའོ། །དེ་ནས་ས་གཞི་ཡིད་དུ་འོང་བ་བརྟགས་ལ་ཆོ་ག་སྔ་མས་ས་གཞི་སྦྱངས་ཏེ་དཀྱིལ་འཁོར་གྲུ་བཞི་པ་སྒོ་གཅིག་པ། ལྷ་རྣམ་པར་དབྱེ་བའི་གནས་ལེགས་པར་བརྟགས་པ། མཆོད་པའི་གནས་རྣམ་པ་སྣ་ཚོགས་བཀོད་པ་བསྒྲུབས་པ། སྤོས་ཆུ་དྲི་ཞིམ་པོས་བཀང་བའི་བུམ་པ་དབུས་སུ་བཞག་པ་བྲིས་ལ་སློབ་མ་པདྨའི་སྟེང་ན་འདུག་པ། རང་གི་ལྷའི་གཟུགས་བདག་ཡིན་པར་དམིགས་པ་ལ་གནས་པ། ཡིད་བྱང་ཆུབ་ཀྱི་སེམས་སུ་གྱུར་པ། འགྲོ་བ་མཐའ་དག་ཡོངས་སུ་བསྐྱབ་པའི་བསམ་པ་ཅན། དེ་བཞིན་གཤེགས་པའི་རིགས་སུ་འགྱུར་བར་འདོད་པ་དག་བུམ་པ་དེས་སྤྱི་བོ་ནས་དབང་བསྐུར་རོ། །འདི་སྐད་དུ་རིགས་ཀྱི་བུ་
332a
༄#། །ཁྱོད་དེ་བཞིན་གཤེགས་པའི་རིགས་སུ་སྐྱེས་སོ། །དེ་བཞིན་གཤེགས་པའི་སྤྱན་ཕྱེའོ། །ཞེས་སྨྲ་བར་བྱའོ། །གསང་བ་པའི་བདག་བོ། དེ་ལ་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའ་སྤྱད་པ་སྤྱོད་པ་རྣམས་ཀྱི་ལྷའི་གཟུགས་ནི། དེ་བཞིན་གཤེགས་པའི་སྐུ་ཇི་སྙེད་པའམ་སེམས་དཔའ་མཐའ་ཡས་པ་ཐམས་ཅད་ཀྱི་ཆ་ལུགས་ཀྱི་བྱེ་བྲག་ཀྱང་རུང་སྟེ་གསང་སྔགས་དང་ཕྱག་རྒྱས་བྱིན་གྱིས་བརླབས་པ་ལས་འགྱུར་བར་རིག་པར་བྱའོ། །གསང་བ་པའི་བདག་པོ། གསང་སྔགས་དང་ཕྱག་རྒྱས་བྱིན་གྱིས་བརླབས་པ་ཡང་ཅི་ལྟ་བུ་ཡིན་ཞེ་ན། གསང་བ་པའི་བདག་པོ། དེ་ལ་དབང་བསྐུར་བའི་ཚེ་སློབ་དཔོན་གྱིས་པདྨའི་ཕྱག་རྒྱས་གྔན་\?\་བཀྲ་ཞིང་བརྟན་པ་བསམ་གྱིས་མི་ཁྱབ་པ། རྡོ་རྗེ་ལྟར་མི་ཤིགས་པ། ཡོངས་སུ་བརྟག་པ་ནི། གསེར་རམ། ཟངས་སམ། འཇིམ་པ་ལས་བྱས་པའམ། རི་མོར་བྲིས་པ་བཞག་སྟེ་བྱའོ། །དེའི་སྟེང་དུ་འདུག་པ་ལ་ཆོས་ཐམས་ཅད་ལ་དབང་ཐོབ་པར་བྱ་བའི་ཕྱིར་སྤོས་ཆུ་དྲི་ཞིམ་པོས་བཀང་བའི་བུམ་པས་སྤྱི་བོ་ནས་དབང་བསྐུར་བར་བྱའོ། །སློབ་དཔོན་བདག་ཉིད་ཀྱང་ཇི་ལྟར་རྗེས་སུ་མཐུན་པར་མོས་པར་བྱ་བའམ། དེའི་ཕྱག་རྒྱས་རྗེས་སུ་མཐུན་པའི་བྱ་བ་བྱའོ། །ཆོས་ཀྱི་དུང་གི་ཕྱག་རྒྱ་དང ། གསང་སྔགས་ཀྱིས་ཀྱང་དེ་བཞིན་གཤེགས་པའི་གསུང་གི་འཁོར་ལོའི་
332b
དཀྱིལ་འཁོར་བྱིན་གྱིས་བརླབ་པར་བྱའོ། །རལ་གྲིའི་ཕྱག་རྒྱ་དང་གསང་སྔགས་ཀྱིས་ནི། འཇིག་ཚོགས་ལ་ལྟ་བ་མཐའ་དག་གཞོམ་པར་བྱིན་གྱིས་བརླབ་པར་བྱའོ། །དེ་བཞིན་གཤེགས་པའི་ཆོས་ཀྱི་འཁོར་ལོའི་ཕྱག་རྒྱ་དང་གསང་སྔགས་ཀྱིས་ནི། དེ་བཞིན་གཤེགས་པའི་ཆོས་ཀྱི་འཁོར་ལོ་བྱིན་གྱིས་བརླབ་པར་བྱའོ། །རྡོ་རྗེའི་ཕྱག་རྒྱ་དང་གསང་སྔགས་ཀྱིས་ནི།་མི་ཤེས་པའི་གྲོང་ཁྱེར་གཞིག་པར་བྱིན་གྱིས་བརླབ་པར་བྱའོ། །གཙུག་ཏོར་གྱི་ཕྱག་རྒྱ་དང་གསང་སྔགས་ཀྱིས་ནི། གཙུག་ཏོར་བལྟར་མི་མཐོང་བ་བྱིན་གྱིས་བརླབ་པར་བྱའོ། །མཛོད་སྤུའི་ཕྱག་རྒྱ་དང་གསང་སྔགས་ཀྱིས་ནི། །མཛོད་སྤུ་དང་ལྡན་པར་བྱིན་གྱིས་བརླབ་པར་བྱའོ། །ཡན་ལག་ཐམས་ཅད་འབྱུང་བའི་ཕྱག་རྒྱ་དང་གསང་སྔགས་ཀྱིས་ནི།་ཡན་ལག་ཐམས་ཅད་བྱིན་གྱིས་བརླབ་པར་བྱའོ། །གསང་བ་པའི་བདག་པོ། དེ་ལ་པདྨའི་ཕྱག་རྒྱ་འབྱུང་སྟེ། ལག་པ་གཉིས་གཅིག་ཏུ་སྦྱར་ལ་འཁྲིག་མ་ནས་བརྐྱང་སྟེ་སོར་མོ་ཐམས་ཅད་གོ་མཉམ་པར་བརྐྱང་ངོ ། །ཕྱག་རྒྱ་འདི་ནི། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གདན་ཡིན་ཏེ། དམ་པ་མཐུ་ཆེན་པོའོ། །གསང་སྔགས་འདི་ནི། ངོ་མཚར་ཆེ་བ་ཐམས་ཅད་ཀྱི་སྒོ་སྟེ། ན་མཿ ས་མནྟ་བུདྡྷཱ་ནཱཾ། ག་ག་ནཱ་མ་ལ་པྲ་བྷཱ་བཛྲ་བྷྱེད་ཏྱ་ནཱ་མ་ཧཱ་ཀྲྀ་པཱཏྨ་ཀ། དེ་ལ་འདི་དག་ནི། རྡོ་རྗེའི་ཚིག་མཉམ་པ་མེད་པའོ། ། ཏི་བསྨི་ཡ་མཧཱ་ཀྲྀ་པཱཏྨ་
333a
༄#། །ཛཿ ཧཱུཾ། ལག་པ་གཉིས་བསྣོལ་ཏེ་རྒྱབ་སྦྱར་ལ་སོར་མོ་རྣམས་ཕན་ཚུན་བླས་པའི་ཚུལ་དུ་བསྣོལ་ཏེ་གཡོན་པའི་མཐེ་བོང་རྒྱབ་ཏུ་ལྡོག་ལ་གཡས་པའི་མཐེ་བོས་སེན་མོ་ལ་སྦྱར་རོ། །རྒྱ་འདི་ཕྱག་རྒྱ་ཆེན་པོ་སྟེ། །ཚོ་ཀྱི་འཁོར་ལོ་ཞེས་སུ་བསྒྲགས། །འཇིག་རྟེན་མགོན་པོ་སྐྱོབ་རྣམས་ཀྱིས། །འཁོར་ལོ་དམ་པ་འདི་བསྐོར་རོ། །ན་མཿ ་ས་མནྟ་བུདྡྷ་ནཱཾ། ཏ་ཐཱ་གཏ་ཏ་ཨ་མྲྀ་ཏེ་བི་ཛ་ཡ་ཝ་རྞ་སརྦ་ཛ་ཡ་ག་ཐ་དྷ་ར་ཐ་ཀཱ་རི་མ་ཧཱ་ཀྲྀ་བེ་ཧཱུཾ་ཧཾ་ཏྲ་ཧཾ་མ་ཧཱ་ད་བྷུ་ཏེ་ཧཱུཾ། གསང་བའི་ཕྱག་རྒྱ་ལས་མཐེ་བོང་གཉིས་ལག་མཐིལ་དུ་བཅུག་ལ་མཛུབ་མོ་གཉིས་ཀྱིས་རྩ་བ་དཀྲིས་ཏེ་ལྷག་མ་རྣམས་ནི་བཞག་ལ་བསྒྲེང་ངོ ། །འཇིག་རྟེན་མགོན་པོ་སྐྱོབ་རྣམས་ཀྱིས། །ཕྱག་རྒྱ་སེམས་ཅན་ཐམས་ཅད་ཀྱི། །དོན་རྣམས་རྟག་ཏུ་མྱུར་བྱེད་འདི། །ཆོས་ཀྱི་དུང་ཞེས་རྣམ་པར་བསྒྲགས། །ན་མཿ ས་མནྟ་བུདྡྷཱ་ནཱཾ། ཏྲྱད་དྷྭ་བྷ་ག་ཝ་ཏི་པྲ་ཏིཥྛི་ཏེ། ཨ་ནནྟ་རུ་ས་ར་བི་ནིར་གྷོ་ཥཾ། སརྦ་ཏ་ཐཱ་ག་ཏཱ་བཱཀ་པྲ་ས་ར་བིསྨ་ཡ་ཀ་དྷ་ར་མ་ཧཱ་དྷ་ར་མ་ཧཱ་དྷ་ར་མ་ཥ་ཀ་སརྦ་སཏྭ་སནྟོ་ཤཱ་ནཱ་རཱ་མ་ཧཱ་མ་ཧཱ་ཧཱུཾ། གང་བའི་ཕྱག་རྒྱ་དེ་ཉིད་ལས་མཛུབ་མོ་གཉིས་བཀུག་སྟེ་མཐེ་བོའི་སེན་མོའི་སྟེང་དུ་རལ་གྲིའི་ཚུལ་དུ་གཟུང་ངོ ། །ཕྱག་རྒྱ་རབ་ཏུ་མཐུ་ཆེན་འདི། །རལ་གྲིའི་ཕྱག་རྒྱར་རྣམ་པར་གྲགས། །སེམས་ཅན་ཀུན་གྱི་འཇིག་ཚོགས་ལྟ། །ལྷན་ཅིག་སྐྱེས་པའང་གཅོད་པ་ཡིན། །ན་མཿ ས་མནྟ་
333b
བུདྡྷཱ་ནཱཾ། ཨ་མ་ཧཱ་ཁངྒ་པྲ་ཛྙཱ་ཏེ་ཛི་ཏ་ས་ད་ཀཱ་ཡ་དྲྀཥྚི་ཙྪིནྡ་ན་ཀཱ་ར། ཏ་ཐཱ་ག་ཏ་ཨ་དྷི་མུཀྟི་ནི་ར་ཛ་ཏ་བི་དྷུ་ཏ་སཾ་ཀལྤ་མ་ཧཱ་མ་ཧཱ་ཧཱུཾ་ཛཿ ། ཕྱག་རྒྱ་དེ་ཉིད་ལས་མཛུབ་མོ་གཉིས་ཕྱི་རོལ་དུ་བརྐྱང་སྟེ་གུང་མོ་གཉིས་ཀྱི་ཚིགས་གསུམ་བར་ནས་གང་ཙམ་གྱིས་མ་རེག་པར་བཟུང་ལ་རྡོ་རྗེ་ལྟ་བུར་བྱས་ཏེ་མཐེ་བོང་དང་སྲིན་ལག་དང་མཐེ་ཆུང་རྣམས་ནང་དུ་གཞུག་གོ་།སངས་རྒྱས་འཇིག་རྟེན་མགོན་པོ་ཡིས། །ཕྱག་རྒྱ་རབ་ཏུ་བསྒྲགས་པ་འདི། །མི་ཤེས་གྲོང་ཁྱེར་འཇིག་པ་ཡི། །རྡོ་རྗེའི་ཕྱག་རྒྱར་རྣམ་པར་གྲགས། །དེའི་གསང་སྔགས་ནི། ན་མཿ ས་མནྟ་བུདྡྷཱ་ནཱཾ། མ་ཧཱ་བིསྨ་ཡ་ཏེ་ཛོད་བྷ་བ་མ་ཧཱ་ཙཎྜ་དུར་ད་ན་ཏཱ་ཏྲ་བྷཉྫ་ཏཱ། རྡོ་རྗེའི་ཕྱག་རྒྱ་དེ་ཉིད་ལས་མཛུབ་མོ་གཉིས་གུང་མོ་གཉིས་ཀྱི་ངོས་སུ་གཙུག་ཏོར་ལྟ་བུར་གཟུད་དོ། །འདི་ནི་གཙུག་ཏོར་ཕྱག་རྒྱ་སྟེ། །འཇིག་རྟེན་མགོན་པོ་སྐྱོབ་པ་ཡིན། །གང་གིས་ཕྱག་རྒྱ་འདི་བཅིངས་པ། །དེ་ལ་འདི་ནི་གཙུག་ཏོར་འགྱུར། །དེ་ཡི་གསང་སྔགས་ནི། ན་མཿ ས་མནྟ་བུདྡྷཱ་ནཱཾ། སརྦ་བྷ་ཏྲ་ཨ་པྲ་ཏི་ཧ་ཏ་བྷ་བ་ཏི་དྷརྨཱ་ཧཱ་པ་ལཾ་ནཱཾ། སརྦ་ཏ་ཐཱ་ག་ཏ་ནོ་དུ་དྷ་རྱ་བྷ་ཤ་ཡ། མ་ཧཱ་བུདྡྷཱ་སརྦ་ཏ་ཐཱ་ག་ཏ་ཨ་དྷིཥྛ་ན་ཨ་དྷིཥྛི་ཏེ་སྤུ་ར་མཧཱ་མ་ཧོཥྞཱི་ཥ་སཝཱཧཱ། ལག་པ་གཡས་པ་ཁུ་ཚུར་བཅངས་ལ་སྨིན་མཚམས་སུ་གཟུད་དོ། །རྒྱ་འདི་རྒྱལ་བ་མཆོག་རྣམས་ཀྱི། །མཛོད་སྤུར་རྟག་ཏུ་རྣམ་པར་བསྒྲགས། །དེའི་གསང་སྔགས་ནི། ན་མཿ ས་མནྟོ་བུདྡྷཱ་ནཱཾ། ཨ་ཤི་ཁེན་དུ་བ་མ་པྲ་བྷ་སརྦ་སཏྭ་ཀཱེ་ཤ་སནྟ་པ་
334a
༄#། །བྲ་ཤཱ་མ་ན་ག་ར་མ་ཧཱ་ཏི་དྷཱ་ར། སརྦ་ཏ་ཐཱ་གཏ་ཏ་ཨ་ལཾ་ཀ་ར་མ་ཧཱ་པུ་རུ་ཥ་རཱུ་པ་དྷ་ར་ཀ་ཀོ་ཏི་ག་ཏ་སཝཱཧཱ། གསང་བ་པའི་བདག་པོ། བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་སངས་རྒྱས་ཀྱི་བྱ་བ་ལ་ཉེ་བར་གནས་པ་དེ་གང་ཡིན་པ་དེ་དག་ནི། གསང་སྔགས་དང་ཕྱག་རྒྱ་འདི་དག་ཡིན་ནོ། ། གསང་བ་པའི་བདག་པོ། དེ་ལྟ་བས་ན། བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའ་སྔགས་དང་ཕྱག་རྒྱ་འདི་དག་གིས་བྱིན་གྱིས་བརླབས་པ་རྣམས་ནི།་ཡིད་བཞིན་གྱི་ནོར་བུ་གཟུགས་སྣ་ཚོགས་པ་དང་འདྲ་བའི་ལུས་རྣམས་ཀྱིས་སེམས་ཅན་གྱི་ཁམས་རྣམས་སེམས་ཅན་གདུལ་བའི་དབང་གིས་ཇི་ལྟར་རྗེས་སུ་མཐུན་པའི་ལུས་རྣམས་སྟོན་ཏོ། །དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ། གསང་བའི་སྙིང་པོའི་དཀྱིལ་འཁོར་ལ་སྡོམ་པ་གང་དང་ལྡན་ན། བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སམས་དཔའི་སྤྱད་པ་སྤྱོད་པ་རྣམས་ལུས་དང་ངག་དང་ཡིད་བསྡམས་ཤིང་སྤྱོད་པར་འགྱུར་པའི་སྡོམ་པ་དང ། བྱང་ཆུབ་ཀྱི་སེམས་ཡོད་དོ། །གསང་བ་པའི་བདག་པོ། དེ་ལ་སྡོམ་པ་གང་ཞེ་ན། བསྡམ་པ་ནི། སྡོམ་པ་སྟེ། ལུས་དང ། ངག་དང །
334b
ཡིད་རྣམས་བསྡུས་ཤིང་ཡོངས་སུ་བསྡུས་པ་ཕྱི་དང་ནང་གི་སྡུག་བསྔལ་སེལ་བར་འགྱུར་བ་དེ་ནི། སྡོམ་པ་ཡིན་ནོ། །དེ་སྐད་ཅེས་བཀའ་སྩལ་པ་དང ། ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་སྔོམ་པ་ཇི་ལྟར་གཟུང་བར་བགྱི། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། འདི་ལ་སློབ་དཔོན་གྱིས་ལྷ་སྤྱན་དྲང་པ་བྱས་ལ་བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པ་བཀླགས་ཏེ་དཀྱིལ་འཁོར་ལ་ཕྱོགས་ཏེ་དེར་འདུག་ལ་སློབ་མ་རྣམས་ལ་བོས་ཏེ་དཱི་སྐད་དུ། བུ་དུས་གསུམ་དུ་སྒྲིབ་པ་མེད་པར་གནས་པ་དམ་ཚིག་ཆེན་པོ་ལ་འཇུག་པའི་སྡོམ་པ་ནོས་ཤིག་ཅེས་བསྒོ་བར་བྱའོ། །དེས་ཀྱང་ཐལ་མོ་སྦྱར་བུས་མོ་བཙུགས་ཏེ་འདི་སྐད་དུ། སློབ་དཔོན་དགོངས་སུ་གསོལ། བདག་མིང་འདི་ཞེས་བགྱི་བ་དེ་དག་གི་དུས་འདི་ནས་བཟུང་སྟེ་བྱང་ཆུབ་ཀྱི་སྙིང་པོ་ལ་མཆིས་ཀྱི་བར་དུ་སློབ་དཔོན་གྱིས་བདག་ལ་དམ་ཚིག་ཆེན་པོ་ལ་འཇུག་པའི་སྡོམ་པ་བདག་ལ་སྩལ་དུ་གསོལ།་སྟོན་པའི་བཀའ་སྤྱི་བོས་ནོད་པར་འཚལ་ལོ། །ཞེས་སྨྲ་བར་བྱའོ། །དེ་ནས་སློབ་དཔོན་གྱིས་ཀྱང་འདི་སྐད་ཅེས་རིགས་ཀྱི་བུ་དགོངས་ཤིག་།བླ་ན་མེད་པར་ཡང་དག་པར་རྫོགས་
335a
༄#། །པའི་བྱང་ཆུབ་འདོད་པ་ཁྱོད་ཀྱིས་བྱང་ཆུབ་ཀྱི་སྙིང་པོ་ལ་འདུག་གི་བར་དུ་ལྷག་པའི་བསམ་པས་བདག་གི་ལུས་སངས་རྒྱས་དང་བྱང་ཆུབ་སེམས་དཔའ་རྣམས་ལ་དབུལ་བར་བྱའོ། །གསང་བ་པའི་བདག་པོ། འདི་ནི། དམ་ཚིག་ཆེན་པོ་ལ་འཇུག་པ་ཞེས་བྱ་བའི་སྡོམ་པ་ཡིན་ཏེ། སྡོམ་པ་འདི་ལ་གནས་པའི་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་ནི། ཚུལ་ཁྲིམས་བླ་ན་མེད་པ་ལ་རབ་ཏུ་གནས་པ་ཡིན་ནོ། །གསང་བ་པའི་བདག་པོ། དེ་ལྟ་བས་ན། གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པའི་སྒོ་འདི་ལ་སློབ་པར་འདོད་པའི་བྱང་ཆུབ་སེམས་དཔའ་དམ་ཚིག་ཆེན་པོ་ལ་འཇུག་པ་འདི་ལ་མངོན་པར་བརྩོན་པར་བྱའོ། ། གསང་བ་པའི་བདག་པོ། བྱང་ཆུབ་སེམས་དཔའ་སེམས་གང་དང་ལྡན་ན། དེ་བཞིན་གཤེགས་པའི་རིགས་སུ་སྐྱེས་ཤིང་འདས་པ་དང ། མ་བྱོན་པ་དང ། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་རབ་ཏུ་གནས་པར་འགྱུར་བའི་བྱང་ཆུབ་ཀྱི་སེམས་དེ་ཡང་ཉོན་ཅིག་།དེ་ནས་བཅོམ་ལྡན་འདས་ལ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་ལ་ཐུགས་བརྩེ་བའི་སླད་དུ་བྱང་ཆུབ་ཀྱི་སེམས་དེ་བཤད་དུ་གསོལ། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱི་གསང་བ་པའི་བདག་
335b
པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །གསང་བ་པའི་བདག་པོ། དེ་ལ་བྱང་ཆུབ་གང་ཞེ་ན། བྱང་ཆུབ་ནི། ནམ་མཁའི་མཚན་ཉིད་དོ། །ནམ་མཁའ་ལ་ཡང་གཟུགས་མེད། བསྟན་དུ་མེད། གཟུང་དུ་མེད་པའོ། །བྱང་ཆུབ་ཀྱི་མཚན་ཉིད་གང་ཡིན་པ་སེམས་ཀྱི་མཚན་ཉིད་ཀྱང་དེ་ཡིན་ནོ། །གསང་བ་པའི་བདག་པོ། དེ་ལྟ་བས་ན། སེམས་དང་ནམ་མཁའ་དང་བྱང་ཆུབ་འདི་དག་ནི། གཉིས་སུ་མེད་དོ། །དེ་ལ་ཆོས་རྣམས་མཉམ་པ་ཉིད་དུ་རྟོགས་པ་ཆོས་ཀྱི་དབྱིངས་ཁོང་དུ་ཆུད་པ་གང་ཡིན་པ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡིན་ནོ། །དེ་ལ་མི་སྐྱེ་བའི་ཚུལ་དང ། མི་དམིགས་པའི་ཚུལ་གྱིས་སེམས་སྐྱེ་བ་གང་ཡིན་པ་དེ་ནི། གསང་བ་པའི་བདག་པོ། བྱང་ཆུབ་སེམས་ཞེས་བྱའོ། །གསང་བ་པའི་བདག་པོ། གཞན་ཡང་བྱང་ཆུབ་སེམས་དཔའ་གནས་ཀྱི་གཞི་ལྔས་བྱང་ཆུབ་མངོན་པར་རྟོགས་པར་འགྱུར་ཏེ། ལྔ་གང་ཞེ་ན། གསང་བ་པའི་བདག་པོ། འདི་ལ་བྱང་ཆུབ་སེམས་དཔའ་རྣམས་དངོས་པོ་ཐམས་ཅད་དང་བྲལ་བར་མངོན་པར་རྟོགས་པར་འགྱུར་རོ། །ཁ་ཅིག་ནི། ཕུང་པོ་དང ། ཁམས་དང ། སྐྱེ་མཆེད་དང ། གཟུང་བ་དང ། འཛིན་པ་རྣམ་པར་སྤངས་པ་སྟོང་པ་སྒྱུ་མ་ལྟ་བུར་མངོན་པར་རྟོགས་པར་འགྱུར་རོ། །ཁ་ཅིག་ནི། ཆོས་ལ་དམིགས་པས་སོ། །གསང་བ་པའི་བདག་པོ། འོན་ཀྱང་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་
336a
༄#། །སེམས་དཔའི་སྤྱད་པ་སྤྱོད་པས་འདི་ལྟར་དངོས་པོ་ཐམས་ཅད་དང་བྲལ་བ་ཕུང་པོ་དང ། ཁམས་དང ། སྐྱེ་མཆེད་དང ། གཟུང་བ་དང ། འཛིན་པ་རྣམ་པར་སྤངས་པ། ཆོས་བདག་མེད་པ་མཉམ་པ་ཉིད་ཀྱི་རང་གི་སེམས་ཐོག་མ་ནས་མ་སྐྱེས་པ་སྟོང་བ་ཉིད་ཀྱི་ངོ་བོ་ཉིད་དུ་རྟོགས་པར་བྱའོ། །གསང་བ་པའི་བདག་པོ། དེ་ལ་དངོས་པོ་ཐམས་ཅད་དང་བྲལ་བ་ཞེས་བྱ་བ་འདི་ནི། དེ་བཞིན་གཤེགས་པ་འདི་ལ་བདག་གམ། སེམས་ཅན་ནམ། སྐྱེ་བའི་ཤད་ལས་སྐྱེས་པ་ཡོད་པ་མ་ཡིན་གྱི། ཕུང་པོ་དང ། ཁམས་དང ། སྐྱེ་མཆེད་ཙམ་དུ་ཟད་དོ། །ཞེས་འཇིག་རྟེན་པའི་ལམ་ཡོངས་སུ་སྤངས་པར་བསྟན་པ་ཡིན་ནོ། །ཕུང་པོ་དང ། ཁམས་དང ། སྐྱེ་མཆེད་དང ། གཟུང་བ་དང ། འཛིན་པ་རྣམ་པར་སྤངས་པ་ཞེས་བྱ་བ་ནི། ཉན་ཐོས་ཀྱི་ལམ་མངོན་པར་རྟོགས་པ་ཡོངས་སུ་ཤེས་པའི་སྒོ་ནས་བྱང་ཆུབ་སེམས་དཔའ་རྣམས་ཀྱི་ཐེག་པ་ཆེན་པོ་མངོན་པར་རྟོགས་པ་རྣམ་པར་གཞག་པ་ཡིན་ནོ། །ཆོས་བདག་མེད་པ་མཉམ་པ་ཉིད་ཀྱིས་ནི། བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་རང་གི་སེམས་ཐོག་མ་ནས་མ་སྐྱེས་པར་མཐོང་ཞིང་སྟོང་པ་ཉིད་ཀྱི་ངོ་བོ་ཉིད་རྫས་མེད་པ་མཚན་ཉིད་མེད་པར་མངོན་པར་རྟོགས་པར་འགྱུར་རོ། །གསང་བ་པའི་བདག་པོ། འདི་ལྟ་བས་ན། བྱང་
336b
ཆུབ་སེམས་དཔའ་གནས་མེད་པ་སྒྲིབ་པ་མེད་པ་སྤྲོས་པ་ཐམས་ཅད་དང་བྲལ་བའི་སེམས་བསྐྱེད་བར་བྱའོ། །གསང་བ་པའི་བདག་པོ། རྣམ་གྲངས་འདིས་ཀྱང་འདི་ལྟར་ཐེག་པ་ཆེན་པོ་ལ་ཡང་དག་པར་གནས་པའི་བྱང་ཆུབ་སེམས་དཔའ་རྣམས་ལ་གསང་སྔགས་སྤྱོད་པའི་ཚུལ་སྒྲུབ་པ་རྣམ་པར་ཐར་པའི་སྒོ་མ་གཏོགས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཕན་འདོགས་པ་མེད་པར་རིག་པར་བྱའོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་རྣམས་བསྐལ་པ་དུ་མར་འབད་ཅིང་བརྩལ་ཏེ་གཏང་དཀའ་བ་རྣམས་ཀྱང་བྱས་པས་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཏེ། བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་ཀྱི་ཚེ་འདི་ཉིད་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་ཡང་དེ་ཅིའི་ཕྱིར་ཞེ་ན། གསང་བ་པའི་བདག་པོ། ཚེ་ཞེས་བྱ་བ་དེ་ནི། དེ་བཞིན་གཤེགས་པས་སྐྱེ་བ་ལ་འདུ་ཤེས་སུ་བྱ་བར་ཟད་དེ། བྱང་ཆུབ་སེམས་དཔའ་དེ་རྣམས་ཀྱིས་འདུ་ཤེས་དེ་ཡང་ཆོས་ཐམས་ཅད་གྱི་ངོ་བོ་ཉིད་ཁོང་དུ་ཆུད་པའི་ཏིང་ངེ་འཛིན་ཐོབ་པའི་སྔོན་རོལ་ཉིད་དུ་འགགས་པའི་ཕྱིར་རོ། །དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་གསང་བ་པའི་བདག་པོ་ཕྱག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ། དཀྱིལ་འཁོར་དང་ཕྱག་
337a
༄#། །རྒྱའི་དམ་ཚིག་འདི་ལ་འཇུག་པར་འདོད་པའི་བྱང་ཆུབ་སེམས་དཔའ་ཆོས་འདི་ལྔ་ནི། རྒྱང་རིང་དུ་སྤང་བར་བྱའོ། །ལྔ་གང་ཞེ་ན། སེར་སྣ་དང ། སེམས་ཅན་ལ་གནོད་པ་དང ། ཐེ་ཚོམ་དང ། ལེ་ལོ་དང ། གསང་སྔགས་ལ་སོགས་པ་ལ་མ་གུས་པ་སྟེ། གསང་བ་པའི་བདག་པོ། ཆོས་འདི་ལྔ་ནི། བྱང་ཆུབ་སེམས་དཔའ་ཚེ་འདི་ཉིད་ལ་འཇིག་རྟེན་ལས་འདས་པའི་ལམ་ལ་འཇུག་པར་འདོད་པ་རྣམས་ཀྱིས་རྒྱང་རིང་དུ་སྤང་པར་བྱའོ། །གསང་བ་པའི་བདག་པོ། ཆོས་འདི་རྣམས་ལ་གནས་པའི་བྱང་ཆུབ་སེམས་དཔའ་དེ་ལ་བྱང་ཆུབ་ཀྱི་སྤྱད་པ་ཅུང་ཟད་ཀྱང་ཡོངས་སུ་རྫོགས་པར་ང་མི་སྨྲའོ། །གསང་བ་པའི་བདག་པོ། དེ་ཅིའི་ཕྱིར་ཞེ་ན། ཆོས་འདི་རྣམས་ནི། བྱང་ཆུབ་སེམས་དཔའ་རྣམས་ཀྱི་བྱང་ཆུབ་ཀྱི་སེམས་ཀྱི་བར་དུ་གཅོད་པ་ཆེན་པོའོ། །དེ་ནས་གསང་བ་པའི་བདག་པོ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། རིགས་ཀྱི་བུའམ་རིགས་ཀྱི་བུ་མོ་གང་གསང་བའི་སྙིང་པོ་འདིའི་དམ་ཚིག་ལ་གནས་པར་གྱུར་པ་དེའི་བསོད་ནམས་ཅི་ཞིག་འཕེལ་བར་འགྱུར། དེ་སྐད་ཅེས་གསོལ་པ་དང ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་འདི་སྐད་ཅེས་བཀར་སྩལ་ཏོ། །གསང་བ་པའི་བདག་པོ། ནམ་མཁའི་དབྱིངས་ཀྱི་མཐའ་ནི། རྟོགས་པར་ནུས་སམ། གསོལ་པ། བཅོམ་
337b
ལྡན་འདས། ནམ་མཁའི་དབྱིངས་ཀྱི་ཚད་མ་མཆིས་པས་དེའི་ཚད་གཟུང་བར་མི་ནུས་སོ། །བཅོམ་ལྡན་འདས་ཀྱིས་བཀའ་སྩལ་པ། ནམ་མཁའི་དབྱིངས་ཀྱི་མཐའ་ནི། རྟོགས་པར་ནུས་ཀྱང་སྲིད་ཀྱི། གསང་བའི་སྙིང་པོའི་དཀྱིལ་འཁོར་དུ་དམ་ཚིག་མཐོང་བའི་རིགས་ཀྱི་བུའམ་རིགས་ཀྱི་བུ་མོ་བསོད་ནམས་མངོན་པར་འདུ་བྱས་པ་གང་ཡིན་པའི་བསོད་ནམས་དེའི་ཚད་ནི། རྟོགས་པར་མི་ནུས་སོ། །དེ་ཅིའི་ཕྱིར་ཞེ་ན། གསང་བ་པའི་བདག་པོ། དཀྱིལ་འཁོར་འདི་ནི། སངས་རྒྱས་འབྱུང་བ་མཐོང་བའོ། །གསང་བ་པའི་བདག་པོ། དཀྱིལ་འཁོར་ཞེས་བྱ་བ་ནི། སྙིང་པོ་གཙོ་བོ་ཐམས་ཅད་ཀྱི་མཐར་ཕྱིན་པ་སྟེ། དེའི་གོང་ན་དེ་བཞིན་གཤེགས་པའི་སྙིང་པོ་མེད་དོ། །དགེ་བའི་རྩ་བ་ཐམས་ཅད་ཀྱི་སྙིང་པོར་གྱུར་པ། གནས་སུ་གྱུར་པ།་སྐྱབས་སུ་གྱུར་པའོ། །གསང་བ་པའི་བདག་པོ། དེ་བས་ན། རིགས་ཀྱི་བུའམ་རིགས་ཀྱི་བུ་མོ་དཀྱིལ་འཁོར་དང་ཕྱག་རྒྱ་དང་དམ་ཚིག་འདི་ལ་འཇུག་པར་འདོད་པས་དཀྱིལ་འཁོར་དང་ཕྱག་རྒྱ་དང་དམ་ཚིག་ལ་འཇུག་པ་ཐོབ་པར་འགྱུར། གང་དག་དང་འཇིག་རྟེན་གྱི་ཁམས་མེ་མ་མུར་གྱིས་ཡོངས་སུ་གང་བ་ལ་ཡང་རྐང་པ་གཉིས་ཀྱིས་འབོགས་ཏེ་འགྲོ་བར་བྱའོ།། བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་དེ་རྣམས་ལ་ཡང་རིགས་ཀྱི་བུའམ་རིགས་ཀྱི་བུ་མོ་དེ་དག་གིས་དགེ་བའི་བཤེས་གཉེན་གྱི་
338a
༄#། །འདུ་ཤེས་དང ། ཕའི་འདུ་ཤེས་དང ། མའི་འདུ་ཤེས་བསྐྱེད་པར་བྱའོ། །གསང་བ་པའི་བདག་པོ། གང་ལ་བརྟེན་ནས་སེམས་ཅན་དམྱལ་བ་རྒྱུན་ཆད་པར་འགྱུར་ཞིང་དུད་འགྲོའི་སྐྱེ་གནས་སུ་འགྲོ་བ་དང ། གཤིན་རྗེའི་འཇིག་རྟེན་པའི་ཕུང་པོ་མེད་པར་འགྱུར་བའི་བྱང་ཆུབ་སེམས་དཔའ་གསང་སྔགས་ཀྱི་སྒོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་དེ་དག་ལ་ཇི་ལྟར་ལན་ལྡོན་པར་འགྱུར། བྱང་ཆུབ་སེམས་དཔའ་དེ་དག་མི་མཉམ་པ་དང་མཉམ་པ་ལ་གནས་པ། དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་ཀྱིས་བྱིན་གྱིས་བརླབས་པ། ནམ་མཁའ་ལྟར་གནས་པ་མེད་པའི་སྤྱོད་ཡུལ་ཅན་དུ་རིག་པར་བྱའོ། །གསང་བ་པའི་བདག་པོ། ངས་ཁྱོད་ལ་བསྒོ་བར་བྱའོ། །ཤེས་པར་བྱའོ། །མ་འོངས་པའི་དུས་ན་མི་བླུན་བོ་དམིགས་པ་ཅན་ལ་ལྟ་བ། འཇིག་ཚོགས་ལ་ལྟ་བ། མངོན་པར་ཞེན་པ། བློ་ཕྱིན་ཅི་ལོག་ཏུ་གྱུར་པ། བདག་གི་སེམས་ཀྱི་གནས་གཏན་ལ་མ་ཕེབས་པ་རྣམས་རྣམ་པར་འཁྲུལ་ནས་འདི་སྐད་དུ་འདི་ནི། སངས་རྒྱས་ཀྱིས་གསུངས་པ་མ་ཡིན་གྱི། འདི་དག་ནི། རང་བཟོ་ཅན་གྱིས་རང་བཟོར་བྱས་པ་ཡིན་ནོ། ། ཞེས་ཟེར་བ་དག་འབྱུང་བར་འགྱུར་རོ། །གསང་བ་པའི་བདག་པོ། མི་བླུན་པོ་དེ་དག་ནི། འགྲོ་བ་གཉིས་སུ་འགྲོ་བར་རིག་པར་བྱ་སྟེ། གཉིས་གང་ཞེ་ན། འདི་ལྟ་སྟེ། སེམས་
338b
ཅན་དམྱལ་བ་དང ། དུད་འགྲོའོ། །གསང་བ་པའི་བདག་པོ། དེ་དག་ལ་ནི། དགེ་བའི་རྩ་བའི་རྒྱུ་ཅུང་ཟད་ཀྱང་ཡོད་པར་ང་མི་སྨྲའོ། །དེ་ཅིའི་ཕྱིར་ཞེ་ན། དེ་དག་ནི། རྩ་བ་ཆད་པར་བྱེད་པ་ལ་ཞུགས་ཏེ་སངས་རྒྱས་ཀྱི་བྱང་ཆུབ་ལ་བར་དུ་གཅོད་པར་བྱེད་པ། བདུད་ཀྱིས་ཟིལ་གྱིས་ནོན་པ། ཤེས་རབ་འཆལ་བའི་རང་བཞིན་ཅན། ཐེག་པ་ཆེན་པོ་ལ་གོམས་པར་མ་བྱས་པ། ཉན་ཐོས་ཀྱི་ཐེག་པ་ལ་སྙིང་པོར་འདུ་ཤེས་པ་རྣམས་འབྱུང་བར་འགྱུར་རོ། །རིགས་ཀྱི་བུའམ་རིགས་ཀྱི་བུ་མོ་གང་དག་ཆོས་ཀྱི་རྣམ་གྲངས་འདི་ལ་མངོན་པར་བརྩོན་པར་གྱུར་པ་དེ་དག་ལ་ཚུལ་ཁྲིམས་འཆལ་བ་སྡིག་པའི་ཆོས་སྤྱོད་པ་དེ་དག་ལ་སངས་རྒྱས་ཀྱི་བྱང་ཆུབ་ག་ལ་ཡོད་ཅེས་སྨྲ་བར་འགྱུར་ཏེ། མི་བླུན་པོ་དེ་དག་འདི་ལྟར་བཅོམ་ལྡན་འདས་ཐམས་ཅད་མཁྱེན་པ་དེས་སེམས་ཅན་རྣམས་ལ་ཕན་གདགས་པའི་ཕྱིར་འདི་དག་ཐམས་ཅད་གསུངས་སོ། །དེ་དག་ལ་ལྟ་བའི་སེམས་བསྐྱེད་པས་སྡུག་བསྔལ་གྱི་སྐལ་པ་ཅན་དུ་འགྱུར་རོ། །དེ་ཅིའི་ཕྱིར་ཞེ་ན།་དེ་དག་ནི། དེ་བཞིན་གཤེགས་པའི་གསང་བ་འཛིན་པ་ལྷ་དང་བཅས་པའི་འཇིག་རྟེན་གྱིས་ཕྱག་བྱ་བར་འོས་པ་ཡིན་པར་རིག་པར་བྱའོ། །དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་ཕྱག་ན་རྡོ་རྗེ་ལ་སོགས་པ་རྡོ་རྗེ་འཛིན་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་སྙེད་ལ་བཀའ་སྩལ་བ། རིགས་ཀྱི་བུ་དེ་རྣམས་བསྲུང་བ་དང་བསྐྱབ་པ་དང་སྦ་བའི་
339a
༄#། །ཕྱིར་རིགས་ཀྱི་བུ་ཁྱོད་ཀྱི་ལག་ཏུ་གཏད་ཀྱི། རིགས་ཀྱི་བུ་དེ་རྣམས་རྟག་ཏུ་རྒྱུན་མི་འཆད་པར་སྲུང་བར་གྱིས་ཤིག་།ཡོངས་སུ་བསྐྱབ་པར་གྱིས་ཤིག་།གནོད་པ་ལས་བཟློག་པར་གྱིས་ཤིག་།དེ་སྐད་ཅེས་བཀའ་སྩལ་པ་དང ། ཕྱག་ན་རྡོ་རྗེ་ལ་སོགས་པ་རྡོ་རྗེ་འཛིན་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་སྙེད་པ་དེ་དག་གིས་མགྲིན་གཅིག་ཏུ་ཚིག་འདི་སྐད་ཅེས་སྨྲས་སོ། །བཅོམ་ལྡན་འདས། དེ་བཞིན་གཤེགས་པ་ཆོས་ཀྱི་རྗེས་ཇི་སྐད་བཀའ་སྩལ་པ་དེ་བཞིན་དུ་ཐམས་ཅད་བགྱིའོ། །རིགས་ཀྱི་བུ་དེ་དག་ནམ་བྱང་ཆུབ་ཀྱི་སྙིང་པོ་ལ་མཆིས་ཀྱི་བར་དུ་བསྲུང་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དག་།ལེགས་སོ་ལེགས་སོ། །ཁྱོད་ཀྱིས་ཅི་ནས་ཀྱང་སྟོན་པའི་བསྟན་པ་འཇིག་པར་མི་འགྱུར་བ་དེ་ལྟར་གྱིས་ཤིག་།དེ་ནས་གསང་བ་པའི་བདག་པོ་ཕྱག་ན་རྡོ་རྗེས་རྡོ་རྗེ་འཛིན་དེ་དག་ཐམས་ཅད་ལ་སྨྲས་པ། གྲོགས་པོ་དག་།དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་བྱ་དཀའ་བ་བརྒྱ་སྟོང་དུ་མར་བསྒྲུབས་པ་དེ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་ཡིན་ཏེ། དེ་བས་ན་ཁྱེད་ཐམས་ཅད་ཀྱིས་ནན་ཏན་བསྐྱེད་ལ་དེ་དག་སྲུང་བར་གྱིས་ཤིག་།དེ་ཅིའི་ཕྱིར་ཞེ་ན། འདིས་ནི། བདག་ཅག་དེ་བཞིན་གཤེགས་པའི་བཀའ་བཞིན་བྱེད་པའོ། །ཞེས་བྱ་བར་
339b
འགྱུར་རོ། །དེ་བཞིན་གཤེགས་པའི་བསྟན་པ་སྲུང་བའོ་ཞེས་བྱ་བར་འགྱུར་རོ། །མི་མཉམ་པ་དང་མཉམ་པའོ་ཞེས་བྱ་བར་འགྱུར་རོ། །སྟོབས་བཅུ་འཛིན་པའོ་ཞེས་བྱ་བར་འགྱུར་རོ། །དེ་བས་ན་ཆོས་ཀྱི་རྣམ་གྲངས་འདི་བསྲུང་བ་དང ། བསྐྱབ་པ་དང་སྦ་བའི་ཕྱིར་བདག་ཅག་རྣམས་ཀྱིས་རྟག་ཏུ་བརྩོན་པར་བྱའོ། །རིགས་ཀྱི་བུ་དེ་དག་ཀྱང་བསྲུང་བ་དང ། བསྐྱབ་པའི་དང།་སྦ་པའི་ཕྱིར་བརྩོན་པར་བྱའོ། །དེ་སྐད་ཅེས་སྨྲས་པ་དང ། རྡོ་རྗེ་འཛིན་པ་དེ་དག་གིས་མགྲིན་གཅིག་ཏུ་སྨྲས་པ། བདག་གིས་ཅི་ནས་ཀྱང་སྟོན་པའི་བསྟན་པ་ཡུན་རིང་དུ་གནས་པར་འགྱུར་བ་དང ། འཇིག་པར་མི་འགྱུར་བ་བྱ་བ་འདི་ནི། ངེས་པར་བྱ་དགོས་སོ། །ཞེས་སྨྲས་སོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་མ་འོངས་པའི་འགྲོ་བ་ལ་གཟིགས་ནས་ཆོས་ཀྱི་རྣམ་གྲངས་འདི་ཡུན་རིང་དུ་གནས་པར་བྱ་བའི་ཕྱིར་ཐུགས་རྗེ་ཆེན་པོ་ཐོག་མར་བྱས་ནས་གསང་སྔགས་ཀྱི་ཚིག་འདི་དག་གསུངས་སོ། །ན་མ་སྟྲཻ་ཡ་དྷི་ཀཱ་ནཱཾ། སརྦ་ཏ་ཐཱ་ག་ཏ་ནཱཾ།་སརྦ་ཏ་ཐཱ་ག་ཏ་ས་མ་ཏཱ་ག་ཏི་ག་ཏེ། ཨེ་ཀ་དྷརྨཱ་སམྦྷ་སརྦ་ས་ར་ཎི་བི་ཙི་ཏྲ་རཱུ་པ་དྷ་ར་ཎི། སརྦྦ་ས་ཏ་ཏྲ་ཨ་བྷི་པྲ་ཡ་བ་རི་པཱུ་ར་ཎི། སརྦྦ་བོ་དྷི་ས་ཏ་ཏྲ་ག་ཏཱ་མ་ན་སེ། ཏྲ་ཧི་མཾ་སརྦྦ་དྷརྨ་ས་མ།་མ་ཧཱ་མ་ཧཱི་བཻ་རོ་ཙ་ན་གརྦྷ་སཾ་བུདྡྷཱ། སརྦྦ་ཏ་ཐཱ་ག་ཏ། ཨ་དྷིཥྛི་ཏེ་ཏྲ་ཧི་ཏེ་བྷ་ག་ཝ་ཏི་ཧཱུཾ། དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱིས་རྗེས་སུ་གནང་བ་བཅོམ་
340a
༄#། །ལྡན་འདས་རྣམ་པར་སྣང་མཛད་ཀྱི་བྱིན་གྱི་རླབས་ཀྱིས་སྙིང་རྗེ་ཆེན་པོ་མངོན་དུ་བྱས་ཏེ་འདི་ཉིད་ཀྱི་རྒྱུད་ཕྱི་མ་སྨྲས་པ། དང་པོ་སློབ་དཔོན་གཙང་སྦྲ་བྱས་ཏེ་ཆོས་ཀྱི་དབྱིངས་སུ་གྱུར་པའི་ཡིད་ཀྱིས་བདག་རྣམ་པར་སྣང་མཛད་དུ་ཕྱག་རྒྱ་དང་གསང་སྔགས་ཀྱིས་བསྒྱུར་ཏེ་དཀྱིལ་འཁོར་བྲིའོ། །སྔགས་པ་གསང་སྔགས་ཆོ་ག་ལ། །རྟག་པར་ཆོ་ག་སྔ་མ་ཡིས། །ཕྱེ་མ་དཀར་པོ་བླངས་ནས་སུ། །སྙིང་རྗེར་གྱུར་པའི་ཡིད་ཀྱིས་ནི། །རྟག་ཏུ་མི་གཡོ་དྲན་བྱས་ཏེ། །དང་པོར་ཚོན་རྩི་དགྱེ་བར་བྱ། །དེ་ནས་ཚོན་རྩི་གཉིས་པ་ནི། །དམར་པོར་བླངས་ནས་དགྱེ་བར་བྱ། །ཚོན་རྩི་གསུམ་པ་སེར་པོ་ཡང ། །ཤིན་ཏུ་ངེས་པར་དགྱེ་བར་བྱ། །དེ་ནས་མྲྒད་འདྲ་བར་དགྱེ། །དེ་ནས་ཨནད་རྙིལ་འདྲ་དགྱེ། །གང་གིས་ཁ་དོག་ཅི་འདྲར་གསུངས། །དེ་ཡི་དཀྱིལ་འཁོར་དེ་ཉིད་དོ། །ལྷ་ཡི་ཁ་དོག་དེ་བཞིན་ཏེ། །ཞི་དང་རྒྱས་དང་དྲག་སྤྱོད་པ། །དེ་ཡི་གསང་སྔགས་དེ་ཉིད་འདོད། །དེ་ནི་གསང་བ་བསྟན་པ་ཡིན། །དེ་བཞིན་གཤེགས་པའི་གསང་བ་གང ། །དེ་དག་དབང་ཆེན་ཡིན་པར་བསྔགས། །ཕྱག་ན་པདྨའི་ཆུ་ཡི་ཡིན། །རྡོ་རྗེ་ཅན་གྱི་རླུང་གི་ཡིན། །ཕོ་ཉ་ལ་སོགས་བྲན་རྣམས་དང ། །ཁྲོ་བོའི་མིང་དུ་གང་གཏོགས་པ། །ཀུན་ཏུ་ཐོགས་མེད་གང་གཏོགས་པ། །ཀུན་ཏུ་ཐོགས་མེད་སྤྱོད་པ་རྣམས། །ཀུན་གྱི་དཀྱིལ་འཁོར་མེ་དང་རླུང ། །ཡང་ན་འདི་དག་ཐམས་ཅད་ཀྱང ། །ནུས་པའི་མཐུ་ནི་ཀུན་དང་ལྡན། །སྟོང་པ་ཉིད་ཀྱི་བདུད་རྩི་ངོམས།།
340b
སྙིང་རྗེ་མིག་གི་དྲི་མ་མེད། །བྱམས་པའི་གོ་ཆ་ལེགས་པར་བགོས། །དགའ་བ་དྲི་མ་མེད་རྩལ་བྲལ། །སྲིད་པའི་རྒྱ་མཚོར་བྱིང་བ་ཡི། །སེམས་ཅན་འདེན་པར་རབ་ཏུ་བརྩོན། །འཁོར་བ་ན་ཡང་མི་གནས་ཤིང ། །མྱ་ངན་འདས་པའང་གནས་མ་ཡིན། །ཡང་དག་མཐའ་ལ་ངེས་བྱས་ཤིང ། །སེམས་ཅན་རྣམས་ཀྱི་དོན་བྱེད་པའོ། །དེ་ནས་གསང་བ་བའི་བདག་པོ་ཕྱག་ན་རྡོ་རྗེས་ཐམས་ཅད་དང་ལྡན་པའི་འཁོར་ལ་བལྟས་ནས་ཚིག་སྨྲས་པ། ཐམས་ཅད་མཁྱེན་པ་སྡིག་བྲལ་བ། །སྟོན་པ་བཅོམ་པར་ལྡན་པ་འདིས། །བགེགས་རྣམས་འབྱུང་བར་འགྱུར་བའི་གནས། གཏན་ལ་བབ་པར་བཤད་གྱུར་པ། །གྲོགས་པོ་ཀུན་གྱིས་མཉན་པར་གྱིས། །བགེགས་ནི་རྣམ་པ་དུ་མ་སྟེ། །ལྷ་དང་ལྷ་མིན་གནོད་སྦྱིན་མི། །དེ་ལ་བགེགས་ནི་རྣམ་གཉིས་ཏེ། །ཕྱི་དང་ནང་གི་སྤྱོད་ཡུལ་ལོ། །གློ་ལུད་དབུགས་བརྣང་རིམས་དང་སྐྱུག་།སྐྱ་རྦབ་ནད་དང་ཡི་ག་འཆུས། །དེ་ལ་སོགས་པའི་རིམས་ནད་ནི། །གྲང་རླུང་ཚ་བ་ལ་སོགས་ལས། །མི་བཟད་ངོ་བོ་ཅན་འབྱུང་བ། །ནང་གི་ཡིན་པར་ཤེས་པར་བྱ། །ཕྱི་རོལ་གྱི་ནི་བགེགས་ཆེན་རྣམས། །མི་དང་དེ་བཞིན་མི་མིན་ཏེ། །ཡེ་ཤེས་ཚེར་མ་དེ་དག་ནི། །སྤྱོད་པ་རྣམ་པ་སྣ་ཚོགས་ཀྱིས། །འཇིག་རྟེན་གཞིག་པའི་ཕྱིར་འབྱུང་སྟེ། །དཀའ་ཐུབ་གནས་ན་རྨོངས་པར་བྱེད། །ལས་ཀྱི་ཆོ་ག་མཐོང་བ་ཡིས། །དེ་རྣམས་སླར་ནི་བཟློག་པར་བྱ། །ཚ་བར་གྱུར་ནས་འོང་བའི་བགེགས། །བསིལ་བས་ཉེ་བར་
341a
༄#། །ཞི་བར་བྱ། །ཤེས་རབ་ཅན་གྱིས་གཉེན་པོ་ཡིས། །དེ་དག་སོ་སོར་གསོ་བར་བྱ། །ཡང་ན་བགེགས་རྣམས་ཐམས་ཅད་ལ། །སྔགས་པས་ངེས་པར་མཚམས་བཅད་ལ། །བགེགས་རྣམས་ཀུན་ལ་ཡེ་ཤེས་ནི། །ཞི་བར་བྱེད་པའི་མཆོག་ཏུ་བཤད། །འཕགས་པ་རྣམ་པར་སྣང་མཛད་ཆེན་པོ་མངོན་པར་རྫོགས་པར་བྱང་ཆུབ་པར་སྤྲུལ་པ་བྱིན་གྱིས་རློབ་པ་ཐེག་པ་ཆེན་པོ་མདོ་སྡེའི་རྒྱལ་པོ་གསང་བ་མཆོག་གི་རིམ་པར་ཕྱེ་བ་ལས། དེ་བཞིན་གཤེགས་པ་འབྱུང་བ་ཞེས་བྱ་བའི་དཀྱིལ་འཁོར་ཆེན་པོ་བྱིན་གྱིས་རློབ་པ་རྫོགས་སོ།། །། རྒྱ་གར་གྱི་མཁན་པོ་ཤཱི་ལེནྡྲ་པོ་དྷི་དང ། ཞུ་ཆེན་གྱི་ལོ་ཙཱ་བ་བནྡྷེ་དཔལ་བརྩེགས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ།་