rKTs


H447

(e-text produced by ACIP)

see text in transliteration
92b
།།རྒྱ་གར་སྐད་དུ། སརྦ་ཏ་ཐཱ་ག་ཏཏྟྭ་སཾ་གྲ་ཧ་ནཱ་མ་མཧཱ་ཡཱ་ན་སཱུ་ཏྲ། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ། སངས་རྒྱས་དང ། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན།་བཅོམ་ལྡན་འདས་རྣམ་པར་སྣང་མཛད་ཐུགས་རྗེ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་བྱིན་གྱིས་བརླབས་དང ། དམ་ཚིག་གི་ཡེ་ཤེས་རྣམ་པ་སྣ་ཚོགས་ཀྱི་
93a
༄#། །ཁྱད་པར་དང་ལྡན་པ། དེ་བཞིན་གཤེགས་པ་ཐམས་ཅད་ཀྱི་རིན་པོ་ཆེའི་དབུ་རྒྱན་གྱིས་ཁམས་གསུམ་གྱི་ཆོས་ཀྱི་རྒྱལ་པོའི་དབང་བསྐུར་བ་མངའ་བརྙེས་པ། དེ་བཞིན་གཤེགས་པ་ཐམས་ཅད་ཀྱི་ཐམས་ཅད་མཁྱེན་པའི་ཡེ་ཤེས་རྣལ་འབྱོར་ཆེན་པོའི་དབང་ཕྱུག་།དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཐམས་ཅད་མཉམ་པ་ཉིད་ཐུགས་སུ་ཆུད་ཅིང་ཐམས་ཅད་ཀྱི་དགོས་པ་མཛད་པ་ཉིད་ཀྱིས་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་ཐམས་ཅད་ཀྱི་རེ་བ་ཐམས་ཅད་ཡོངས་སུ་སྐོང་བའི་འཕྲིན་ལས་མཛད་པ། ཐུགས་རྗེ་ཆེ་བ་རྣམ་པར་སྣང་མཛད་དུས་གསུམ་དུ་རྟག་པར་བཞུགས་ཤིང་སྐུ་དང ། གསུང་དང ། ཐུགས་ཐམས་ཅད་རྡོ་རྗེ་ལྟ་བུར་གྱུར་པའི་དེ་བཞིན་གཤེགས་པ། དེ་བཞིན་གཤེགས་པ་ཐམས་ཅད་བཞུགས་ཤིང་བསྔགས་བསྟོད་པ། ནོར་བུ་དང ། རིན་པོ་ཆེ་ཆེན་པོས་སྤྲས་པ། ཁ་དོག་སྣ་ཚོགས་ཤིང་དྲིལ་བུ་བཏགས་པ། དར་དང ། འཕན་དང ། མེ་ཏོག་གི་ཕྲེང་བ་དང ། རྔ་མ་དང ། དྲ་བ་དང ། དྲ་བ་ཕྱེད་པ་དང ། ཟླ་བ་རླུང་གིས་བསྐྱོད་པ་རྣམས་ཀྱིས་མཛེས་པར་བྱས་པའི་འོག་མིན་གྱི་ལྷའི་རྒྱལ་པོའི་གནས་ན་བཞུགས་པ། བྱང་ཆུབ་སེམས་དཔའ་བྱེ་བ་ཕྲག་དགུ་བཅུ་རྩ་དགུ་ལ། འདི་ལྟ་སྟེ། བྱང་ཆུབ་སེམས་
93b
དཔའ་སེམས་དཔའ་ཆེན་པོ་ཕྱག་ན་རྡོ་རྗེ་དང ། ཀུན་ཏུ་སྤྱན་རས་གཟིགས་ཀྱི་དབང་པོ་དང ། ནམ་མཁའི་སྙིང་པོ་དང ། རྡོ་རྗེ་ཁུ་ཚུར་དང ། འཇམ་དཔལ་དང ། སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་དང ། ནམ་མཁའི་མཛོད་དང ། བདུད་ཀྱི་སྟོབས་ཐམས་ཅད་རབ་ཏུ་འཇོམས་པ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་བྱེ་བ་ཕྲག་དགུ་བཅུ་རྩ་དགུ་དང ། གངྒཱའི་ཀླུང་གི་བྱེ་མ་སྙེད་ཀྱི་དེ་བཞིན་གཤེགས་པ་རྣམས་དང་ཐབས་གཅིག་ཏུ་བཞུགས་ཏེ། དེའང་འདི་ལྟར་འཛམ་བུའི་གླིང་ན་དེ་བཞིན་གཤེགས་པ་ཚད་མེད་གྲངས་མེད་པ་དེ་དག་གི་སྐུས་ཀྱང་ཏིལ་གྱི་གང་བུ་བཞིན་དུ་གང་བར་སྣང་ངོ ། །དེ་བཞིན་གཤེགས་པའི་སྐུ་རེ་རེ་ལས་ཀྱང་སངས་རྒྱས་ཀྱི་ཞིང་ཚད་མེད་གྲངས་མེད་པ་རྣམས་སྣང་ངོ ། །སངས་རྒྱས་ཀྱི་ཞིང་དེ་དག་ནའང་ཆོས་ཀྱི་ཚུལ་འདི་དག་འཆད་དོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ་ནམ་མཁའི་དབྱིངས་ཐམས་ཅད་བཞིན་དུ་རྟག་པར་བཞུགས་ཤིང་སྐུ་དང ། གསུང་དང ། ཐུགས་རྡོ་རྗེ་ལྟ་བུར་གྱུར་པ། དེ་བཞིན་གཤེགས་པ་ཐམས་ཅད་དང་མཉམ་པ་ཉིད་དུ་འཇུག་པས་རྡོ་རྗེའི་དབྱིངས་ཐམས་ཅད་ཐུགས་སུ་ཆུད་པའི་ཡེ་ཤེས་སེམས་དཔའ། ནམ་མཁའི་དབྱིངས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་རྡོ་རྗེའི་བྱིན་གྱིས་བརླབས་ལས་བྱུང་བའི་ཡེ་ཤེས་
94a
༄#། །ཀྱི་སྙིང་པོ། དེ་བཞིན་གཤེགས་པ་མཐའ་ཡས་བ་ཉིད་ཀྱི་རྡོ་རྗེ་ཆེན་པོའི་ཡེ་ཤེས་རིན་པོ་ཆེའི་དབང་བསྐུར་བའི་རིན་པོ་ཆེ་ཆེན་པོ། ནམ་མཁའི་དབྱིངས་ཐམས་ཅད་དུ་སྤྲོས་པའི་དེ་བཞིན་ཉིད་ཀྱི་ཡེ་ཤེས་མངོན་པར་རྫོགས་པར་བྱང་ཆུབ་པར་གྱུར་ཅིང་དེ་བཞིན་གཤེགས་པ་ཐམས་ཅད་ཀྱིས་ངོ་བོ་ཉིད་དག་པའི་ཕྱིར་ཆོས་ཐམས་ཅད་ཀྱི་རང་བཞིན་དག་པར་ཐུགས་སུ་ཆུད་པ། ནམ་མཁའི་དབྱིངས་ཐམས་ཅད་དུ་ཁྱབ་པའི་གཟུགས་ཐམས་ཅད་དུ་ཡང་དག་པར་སྟོན་པ་མཁྱེན་པས་སེམས་ཅན་གྱི་ཁམས་མ་ལུས་ཤིང་ལུས་པ་མེད་པའི་ཁམས་རྣམས་འདུལ་བར་སྤྱོད་པའི་མཆོག་ཏུ་གྱུར་པ། དེ་བཞིན་གཤེགས་པ་ཐམས་ཅད་ཀྱི་བཀའ་ནོད་ཅིང་དོན་ཡོད་པར་མཛད་པ་ཉིད་ཀྱི་ཐམས་ཅད་དང་མཉམ་པ་མེད་ཅིང་བླ་ན་མེད་པའི་འཕྲིན་ལས་སྣ་ཚོགས་མཛད་པ། དེ་བཞིན་གཤེགས་པ་ཐམས་ཅད་ཀྱིས་བྱང་ཆུབ་ཆེན་པོར་སེམས་བརྟན་པ་དང ། དེ་བཞིན་གཤེགས་པ་ཐམས་ཅད་སྤྱན་དྲང་བའི་དམ་ཚིག་དང ། དེ་བཞིན་གཤེགས་པ་ཐམས་ཅད་མཉེས་པར་བྱ་བའི་ཡེ་ཤེས་ཀྱི་དབང་ཕྱུག་དང ། དེ་བཞིན་གཤེགས་པ་ཐམས་ཅད་ཀྱིས་ལེགས་སོ་ཞེས་བྱ་བ་དང ། དེ་བཞིན་གཤེགས་པ་ཐམས་ཅད་
94b
ཀྱི་རིན་པོ་ཆེའི་དབང་ཆེན་པོ་བསྐུར་བ་དང ། དེ་བཞིན་གཤེགས་པ་ཐམས་ཅད་ཀྱི་ཉི་མའི་འོད་ཀྱི་དཀྱིལ་འཁོར་དང ། དེ་བཞིན་གཤེགས་པ་ཐམས་ཅད་ཀྱི་བསམ་པའི་རྒྱལ་པོ་ཡིད་བཞིན་གྱི་ནོར་བུའི་རྒྱལ་པོ་རིན་པོ་ཆེའི་དཔལ་དང ། དེ་བཞིན་གཤེགས་པ་ཐམས་ཅད་ཀྱི་བཞད་པ་ཆེན་པོ་དང ། དེ་བཞིན་གཤེགས་པ་ཐམས་ཅད་ཀྱི་དག་པའི་ཆོས་ཆེན་པོ་དང ། དེ་བཞིན་གཤེགས་པ་ཐམས་ཅད་ཀྱི་ཤེས་རབ་ཆེན་པོའི་ཡེ་ཤེས་དང ། དེ་བཞིན་གཤེགས་པ་ཐམས་ཅད་ཀྱི་འཁོར་ལོ་དང ། དེ་བཞིན་གཤེགས་པ་ཐམས་ཅད་ཀྱི་དགོངས་པ་འཆད་པ་དང ། དེ་བཞིན་གཤེགས་པ་ཐམས་ཅད་ཀྱི་གདོན་མི་ཟ་བར་ཐམས་ཅད་ཀྱི་དགོངས་པ་མཛད་པ་དང ། དེ་བཞིན་གཤེགས་པ་ཐམས་ཅད་ཀྱི་བརྩོན་འགྲུས་ཆེན་པོའི་གོ་ཆ་ཤིན་ཏུ་བརྟན་པོ་དང ། དེ་བཞིན་གཤེགས་པ་ཐམས་ཅད་ཀྱིས་སྲུང་ཞིང་བསྐྱོབ་པའི་རྡོ་རྗེ་གནོད་སྦྱིན་དང ། དེ་བཞིན་གཤེགས་པ་ཐམས་ཅད་ཀྱི་སྐུ་དང ། གསུང་དང ། ཐུགས་རྡོ་རྗེའི་ཕྱག་རྒྱ་བཅིངས་པའི་ཡེ་ཤེས་རྣམས་སོ། །ཀུན་བཟང་རབ་ཏུ་གདོན་མི་ཟ། །བདུད་དང་རབ་དགྱེས་གཙོ་བོ་དང ། །མཁའ་སྐྱེས་ཤིན་ཏུ་གཟི་ཆེན་དང ། རིན་ཆེན་དཔལ་དང་འཛུམ་པ་ཆེ། །ཀུན་ཏུ་གཟིགས་པའི་དབང་ཆེན་དང ། །འཇམ་དཔལ་དཀྱིལ་
95a
༄#། །འཁོར་ཐམས་ཅད་དང ། །མི་གསུང་བ་དང་ཐམས་ཅད་ལས། །བརྩོན་འགྲུས་མ་རུངས་དམ་དུ་བཟུང ། །རྡོ་རྗེ་ལྕགས་ཀྱུ་མདའ་གཞུ་དང ། །རིན་ཆེན་ཉི་མ་རྒྱལ་མཚན་འཛུམ། །པདྨ་རལ་གྲི་འཁོར་ལོ་གསུང ། །ལས་དང་གོ་ཆ་འཇིགས་བྱེད་བཅས། །ཐོག་མ་ཐ་མ་མེད་ཅིང་ཞི། །མ་རུངས་ཁྲོ་བོ་བཟོད་པ་ཆེ། གནོད་སྦྱིན་སྲིན་པོ་དམ་པ་བརྟན། །གཟི་བྱིན་དཔའ་བོ་ཁྱབ་བདག་ཆེ། །ུ་མཱའི་བདག་པོ་སྐྱེ་དགུའི་མགོན། །གཏོགས་འདོད་རྒྱལ་འདོད་ཐུབ་པ་ཆེ། །འཇིག་རྟེན་སྐྱོང་དང་མཁའ་དང་ས། །འཇིག་རྟེན་གསུམ་དང་ཁམས་གསུམ་དང ། །འབྱུང་ཆེན་སེམས་ཅན་དོན་རབ་མཛད། །ཐམས་ཅད་གུ་ལང་ཚངས་པ་དང ། །འཁོར་དང་མྱ་ངན་འདའ་དང་རྟག་།ཡང་དག་འཚོ་དང་མཆོད་པ་དང ། སངས་རྒྱས་དག་པ་ཐེག་པ་ཆེ། །སྲིད་གསུམ་རྟག་པའང་དེ་བཞིན་ནོ། །འཇིག་རྟེན་གསུམ་རྒྱལ་བདེ་སྤྱོད་དང་།། བདེ་སྤྱོད་མགོན་པོ་རབ་འདུལ་མཛད། །རྡོ་རྗེ་གཅོ་དང་ས་རབ་མཆོག། ཡེ་ཤེས་ཕ་རོལ་ཕྱིན་པའི་ཚུལ། །བྱང་ཆུབ་སེམས་དཔའི་རྣམ་ཐར་དང ། །དེ་བཞིན་གཤེགས་པ་ཀུན་གྱི་སྤྱོད། །སངས་རྒྱས་དོན་དང་སངས་རྒྱས་ཐུགས། །བྱང་ཆུབ་ཀུན་དང་བླ་ན་མེད། །རྣམ་པར་སྣང་མཛད་རྒྱལ་དང་མགོན། །རང་འབྱུང་གཟུགས་དང་དྲན་
95b
པ་དང ། །སེམས་དཔའ་ཆེ་དང་ཕྱག་རྒྱ་ཆེ། །ཏིང་འཛིན་སངས་རྒྱས་འཕྲིན་ལས་མཛད། །ཡང་དག་སངས་རྒྱས་ཀུན་བདག་ཉིད། །སེམས་ཅན་རྟག་དོན་རྟོགས་མཛད་པ། །སྡོང་པོ་ཆེན་པོ་བདེ་བ་ཆེ། །ཐབས་ཆེན་དང་ནི་མཆོག་ཆེན་མཆོག་།ཀུན་གྱི་མཆོག་དང་གནས་དབང་པོ། །བཅོམ་ལྡན་འདས་བྱང་ཆུབ་སེམས་པོའི་ཐུགས། །བྱང་ཆུབ་སེམས་དཔའ་ཆེན་པོ་ཀུན་ཏུ་བཟང་པོ་ནི་དེ་བཞིན་གཤེགས་པ་ཐམས་ཅད་ཀྱི་ཐུགས་ལ་གནས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་སངས་རྒྱས་ཀྱི་ཞིང་འདི། དཔེར་ན། ཏིལ་གྱི་གང་བུ་བཞིན་དུ་ཡོངས་སུ་གང་བར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་འདུས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་དོན་ཐམས་ཅད་གྲུབ་པ་ཞེས་བྱ་བ། བྱང་ཆུབ་ཀྱི་སྙིང་པོ་ལ་བཞུགས་པ་གང་ན་བ་དེར་གཤེགས་ཏེ། བྱང་ཆུབ་སེམས་དཔའ་དེ་ལ་ཆེད་དུ་རྫོགས་པར་ལོངས་སྤྱོད་པའི་སྐུ་བསྟན་ནས་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། ཁྱོད་ཀྱིས་གང་གི་ཕྱིར་དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་མངོན་པར་མ་རྟོགས་པར་དཀའ་བ་སྤྱོད་པ་ཐམས་ཅད་ལ་སྤྲོ་བ་བསྐྱེད་ཅིང་ཇི་ལྟར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་བྱ་སྙམ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་
96a
༄#། །དོན་ཐམས་ཅད་གྲུབ་པ་དེ་བཞིན་གཤེགས་པ་ཐམས་ཅད་ཀྱི་བསྐུལ་བས་མི་གཡོ་བའི་ཏིང་ངེ་འཛིན་དེ་ལས་བཞེངས་ཏེ། དེ་བཞིན་གཤེགས་པ་ཐམས་ཅད་ལ་ཕྱག་བྱས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་རྣམས་ཀྱི་དེ་ཁོ་ན་ཉིད་ནི་ཇི་ལྟ་བུ་ལགས། ཇི་ལྟར་སྒྲུབ་པར་བགྱི་བཀའ་སྩལ་པར་གསོལ། །དེ་སྐད་ཅེས་གསོལ་པ་དང ། དེ་བཞིན་གཤེགས་པ་དེ་དག་ཐམས་ཅད་ཀྱིས་གསུང་གཅིག་ཏུ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ། རང་གི་སེམས་ལ་སོ་སོར་རྟོག་ཅིང་མཉམ་པར་ཞོག་ལ་རང་བཞིན་གྱིས་གྲུབ་པའི་སྔགས་འདི་ཅི་དགར་ཟློས་ཤིང་སྒྲུབ་པར་གྱིས་ཤིག་།ོཾ་ཙིཏྟ་པྲ་ཏི་བེ་དྷཾ་ཀ་རོ་མི། དེ་ནས་བྱང་ཆུབ་སེམས་དཔའ་དོན་ཐམས་ཅད་གྲུབ་པས་དེ་བཞིན་གཤེགས་པ་ཐམས་ཅད་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་དེ་བཞིན་གཤེགས་པ་རྣམས་བདག་གི་སྙིང་ག་ན་ཟླ་བའི་དཀྱིལ་འཁོར་ལྟ་བུར་གདའ་བ་བདག་གིས་རྟོགས་སོ། །དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། རིགས་ཀྱི་བུ། སེམས་འདི་ནི་རང་བཞིན་གྱིས་འོད་གསལ་བས་ན་དེ་ནི་ཇི་ལྟར་སྦྱངས་པ་དེ་ལྟ་བུར་འགྱུར་ཏེ། དཔེར་ན། རས་དཀར་པོ་
96b
ཚོན་གྱིས་བསྒྱུར་བ་བཞིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རང་བཞིན་གྱིས་འོད་གསལ་བའི་སེམས་ཤེས་པ་རྒྱས་པར་བྱ་བའི་ཕྱིར། ཨོཾ་བོ་དྷི་ཙིཏྟ་ཨུཏྤ་ད་ཡཱ་མི། ཞེས་བྱ་བ་རང་བཞིན་གྱིས་གྲུབ་བའི་སྔགས་འདིས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བྱང་ཆུབ་ཀྱི་སེམས་བསྐྱེད་པར་གྱུར་ཏོ། །དེ་ནས་ཡང་བྱང་ཆུབ་སེམས་དཔའ་དེས། དེ་བཞིན་གཤེགས་པ་ཐམས་ཅད་ཀྱི་བཀས་བྱང་ཆུབ་ཀྱི་སེམས་བསྐྱེད་ནས་འདི་སྐད་ཅེས་གསོལ་ཏོ། །ཟླ་བའི་དཀྱིལ་འཁོར་ལྟ་བུར་མཐོང་བ་གང་ལགས་པ་དེ་ནི་ཟླ་བའི་དཀྱིལ་འཁོར་ཉིད་དུ་མཐོང་ངོ ། །དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། དེ་བཞིན་གཤེགས་པ་ཐམས་ཅད་ཀྱི་སྙིང་པོ་སེམས་བསྐྱེད་པ་ཀུན་ཏུ་བཟང་པོ་ཁྱོད་ཀྱིས་མངོན་སུམ་དུ་གྱུར་གྱི། དེ་ལེགས་པར་སྒྲུབས་ཤིག་།དེ་བཞིན་གཤེགས་པ་ཐམས་ཅད་ཀྱི་སེམས་བསྐྱེད་པ་ཀུན་ཏུ་བཟང་པོ་དེ་བརྟན་པར་བྱ་བའི་ཕྱིར་སྔགས་འདིས་རང་གི་སྙིང་གའི་ཟླ་བའི་དཀྱིལ་འཁོར་ལ་རྡོ་རྗེའི་དབྱིབས་སུ་སོམས་ཤིག་།ོཾ་ཏིཥྛ་བཛྲ། བྱང་ཆུབ་སེམས་དཔས་གསོལ་པ། བཅོམ་ལྡན་འདས་དེ་བཞིན་གཤེགས་པ་རྣམས་ཟླ་བའི་དཀྱིལ་འཁོར་གྱི་སྟེང་ན་རྡོ་རྗེ་འདུག་པར་བདག་གིས་མཐོང་ངོ ། །དེ་བཞིན་གཤེགས་པ་
97a
༄#། །ཐམས་ཅད་ཀྱིས་བཀའ་སྩལ་པ། དེ་བཞིན་གཤེགས་པ་ཐམས་ཅད་ཀྱི་ཀུན་ཏུ་བཟང་པོའི་སེམས་རྡོ་རྗེ་དེ་སྔགས་འདིས་བརྟན་པར་གྱིས་ཤིག་།ོཾ་བཛྲ་ཨཱཏྨ་ཀོ་ཉཧཾ། དེ་ནས་ནམ་མཁའི་དབྱིངས་ཐམས་ཅད་དུ་མཉམ་པར་བཞུགས་པའི་དེ་བཞིན་གཤེགས་པ་ཐམས་ཅད་ཀྱི་སྐུ་དང ། གསུང་དང ། ཐུགས་རྡོ་རྗེའི་དབྱིངས་ཇི་སྙེད་པ་དེ་དག་ཐམས་ཅད་དེ་བཞིན་གཤེགས་པ་ཐམས་ཅད་ཀྱི་བྱིན་བརླབས་ཀྱིས་སེམས་དཔའི་རྡོ་རྗེ་དེར་བཞུགས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་དོན་ཐམས་ཅད་གྲུབ་པ་དེ་ལ་རྡོ་རྗེའི་དབྱིངས། རྡོ་རྗེའི་དབྱིངས་ཞེས་བྱ་བའི་མིང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་རྡོ་རྗེ་དབྱིངས་ཀྱིས་དེ་བཞིན་གཤེགས་པ་དེ་དག་ཐམས་ཅད་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་རྣམས་དེ་བཞིན་གཤེགས་པ་ཐམས་ཅད་ཀྱི་སྐུ་ནི་བདག་ལགས་པར་མཐོང་ལགས་སོ། །དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། སེམས་དཔའ་ཆེན་པོ། དེ་ལྟ་བས་ན་སེམས་དཔའི་རྡོ་རྗེ་དེ་རྣམ་བའི་མཆོག་ཐམས་ཅད་དང་ལྡན་པའི་སངས་རྒྱས་ཀྱི་སྐུར་བདག་ཉིད་རང་བཞིན་
97b
ཀྱིས་གྲུབ་པའི་སྔགས་འདིས་ཅི་དགར་ཟློས་ལ་སྒོམས་ཤིག་།ོཾ་ཡ་ཐཱ་སརྦྦ་ཏ་ཐཱ་ག་ཏ་སྟ་ཐཱ་ཨ་ཧཾ། དེ་ནས་དེ་སྐད་ཅེས་བཀའ་སྩལ་པ་དང ། བྱང་ཆུབ་སེམས་དཔའ་ཆེན་པོ་རྡོ་རྗེའི་དབྱིངས་ཀྱིས་བདག་ཉིད་དེ་བཞིན་གཤེགས་པར་མངོན་པར་རྫོགས་པར་སངས་རྒྱས་ནས། དེ་ནས་དེ་བཞིན་གཤེགས་པ་ཐམས་ཅད་ལ་ཕྱག་བྱས་ཏེ་བོས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་བདག་བྱིན་གྱིས་རློབས་ལ་མངོན་པར་བྱང་ཆུབ་པ་དེ་བརྟན་པར་མཛོད་ཅིག་།དེ་ནས་དེ་སྐད་ཅེས་གསོལ་པ་དང ། དེ་བཞིན་གཤེགས་པ་ཐམས་ཅད་དེ་བཞིན་གཤེགས་པ་རྡོ་རྗེ་དབྱིངས་ཀྱི་སེམས་དཔའི་རྡོ་རྗེ་དར་ཞུགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་རྡོ་རྗེ་དབྱིངས་ཀྱིས་སྐད་ཅིག་མ་ད་ཉིད་ཀྱི་ཚེ་ན་དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་ཡེ་ཤེས་མངོན་པར་རྫོགས་པར་སངས་རྒྱས་སོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་རིན་པོ་ཆེ་དབང་བསྐུར་བ་མཉམ་པ་ཉིད་ཀྱི་ཡེ་ཤེས་ཀྱི་ཕྱག་རྒྱ་གསང་བའི་དམ་ཚིག་ཏུ་ཞུགས་སོ། །དེ་བཞིན་གཤེགས་པ་ཐམས་ཅད་ཀྱི་ཆོས་མཉམ་པ་ཉིད་ཀྱི་ཡེ་ཤེས་རྟོགས་པ་རང་བཞིན་གྱིས་དག་གོ་།དེ་བཞིན་གཤེགས་པ་ཐམས་ཅད་ཀྱི་ཐམས་ཅད་མཉམ་པ་ཉིད་རང་
98a
༄#། །བཞིན་གྱིས་འོད་གསལ་ཞིང་ཡེ་ཤེས་ཀྱི་འབྱུང་གནས་སུ་གྱུར་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་གྱུར་ཏོ། །དེ་ནས་ཡང་དེ་བཞིན་གཤེགས་པ་ཐམས་ཅད་ཀྱི་སེམས་དཔའི་རྡོ་རྗེ་དེ་ལས་དེ་བཞིན་གཤེགས་པ་ཐམས་ཅད་བྱུང་ནས་དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་ཡེ་ཤེས་བསྐྱེད། ནམ་མཁའ་ལས་བྱུང་བའི་ནོར་བུ་རིན་པོ་ཆེ་ཆེན་པོའི་དབང་བསྐུར་བས་དབང་བསྐུར་རོ། །ཀུན་ཏུ་སྤྱན་རས་གཟིགས་ཀྱི་དབང་པོའི་ཆོས་ཀྱི་ཡེ་ཤེས་བསྐྱེད། དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཐམས་ཅད་ལ་བཞག་ནས་རི་རབ་ཀྱི་རྩེ་མོ་གང་ན་བ་དང ། ཁང་བུ་བརྩེགས་པ་རྩེ་མོ་རྡོ་རྗེ་ནོར་བུ་དང ། རིན་པོ་ཆེ་ལས་བྱས་བ་གང་ན་བ་དེར་གཤེགས་ཏེ་བྱོན་ནས། དེ་བཞིན་གཤེགས་པ་རྡོ་རྗེ་དབྱིངས་དེ་བཞིན་གཤེགས་པ་ཐམས་ཅད་དུ་བྱིན་གྱིས་བརླབས་ནས་དབྱེར་མེད་པར་གྱུར་ཏེ། དེ་བཞིན་གཤེགས་པ་ཐམས་ཅད་ཀྱི་སེང་གེའི་གདན་ལ་ཞལ་ཀུན་ཏུ་བསྟན་ཏེ་བཞུགས་པར་གྱུར་ཏོ། །དེ་ནས་དེ་བཞིན་གཤེགས་པ་མི་བསྐྱོད་པ་དང ། དེ་བཞིན་གཤེགས་པ་རིན་ཆེན་འབྱུང་ལྡན་དང ། དེ་བཞིན་གཤེགས་པ་སྤྱན་རས་གཟིགས་ཀྱི་དབང་པོའི་རྒྱལ་པོ་དང ། དེ་བཞིན་གཤེགས་པ་གདོན་མི་ཟ་བར་གྲུབ་པ་རྣམས་དེ་བཞིན་གཤེགས་པ་ཐམས་ཅད་དུ་སོ་སོ་ནས་བདག་
98b
ཉིད་ཀྱིས་བྱིན་གྱིས་བརླབས་ཏེ། བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་ཐམས་ཅད་མཉམ་པ་ཉིད་དུ་རབ་ཏུ་རྟོགས་པའི་ཕྱིར། ཕྱོགས་ཐམས་ཅད་མཉམ་པ་ཉིད་དུ་དམིགས་ནས་ཕྱོགས་བཞིར་བཞུགས་སོ། །དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་མངོན་པར་རྫོགས་པར་སངས་རྒྱས་ནས་རིང་པོ་མ་ལོན་པ། དེ་བཞིན་གཤེགས་པ་ཐམས་ཅད་ཀྱི་ཐུགས་ཀུན་ཏུ་བཟང་པོ་ཞེས་བྱ་བ། དེ་བཞིན་གཤེགས་པ་ཐམས་ཅད་ཀྱི་ནམ་མཁའ་ལས་བྱུང་བའི་ནོར་བུ་རིན་པོ་ཆེ་ཆེན་པོའི་དབང་གིས་དབང་བསྐུར་བ། དེ་བཞིན་གཤེགས་པ་ཐམས་ཅད་ཀུན་ཏུ་སྤྱན་རས་གཟིགས་ཀྱིས་དབང་པོའི་ཆོས་ཀྱི་ཡེ་ཤེས་དམ་པའི་ཕ་རོལ་ཏུ་ཕྱིན་པ་བརྙེས་པ། དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཐམས་ཅད་གདོན་མི་ཟ་བར་སྟོན་པ། ཐོགས་པ་མེད་པ། དགོངས་པ་རྫོགས་པ། ཡིད་ཀྱི་བསམ་བའོ་ཅོག་ཡོངས་སུ་རྫོགས་པས་དེ་བཞིན་གཤེགས་པ་ཐམས་ཅད་དུ་བདག་ཉིད་ཀྱིས་བྱིན་གྱིས་བརླབས་ནས། དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་སེམས་དཔའ་ཆེན་པོ་ཀུན་ཏུ་བཟང་པོ་ཞེས་བྱ་བའི་དམ་ཚིག་ལས་བྱུང་བ་སེམས་དཔའི་བྱིན་གྱིས་བརླབས་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་
99a
༄#། །པར་རྟོགས་པ་ཞེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་སཏྭ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་བྱུང་མ་ཐག་པ་འདི་ནི་བཅོམ་ལྡན་འདས་ཀུན་ཏུ་བཟང་པོ་དེ་ཉིད། ཟླ་བའི་དཀྱིལ་འཁོར་དུ་གྱུར་ནས་བྱུང་སྟེ། སེམས་ཅན་ཐམས་ཅད་ཀྱི་བྱང་ཆུབ་ཀྱི་སེམས་ཆེན་པོ་ཡང་དག་པར་སྦྱངས་ནས་དེ་བཞིན་གཤེགས་པ་ཐམས་ཅད་ཀྱི་ཕྱོགས་ཕྱོགས་སུ་འཁོད་དོ། །དེ་ནས་ཟླ་བའི་དཀྱིལ་འཁོར་དེ་དག་ལས་ཀྱང་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྡོ་རྗེ་བྱུང་སྟེ། བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པའི་ཐུགས་སུ་ཞུགས་པར་གྱུར་ཏོ། །རྡོ་རྗེ་སེམས་དཔའི་ཏིང་ངེ་འཛིན་ནི་ཤིན་ཏུ་བརྟན་པ་དང ། དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་གཅིག་ཏུ་འབྲེས་པར་གྱུར་ནས་ནམ་མཁའི་ཁམས་ཐམས་ཅད་དུ་འོད་ཟེར་རྩེ་ལྔ་པའི་ཕྲེང་བས་ཁྱབ་པར་ཞུགས་ཏེ་དེ་བཞིན་གཤེགས་པ་ཐམས་ཅད་ཀྱི་སྐུ་དང ། གསུང་དང ། ཐུགས་རྡོ་རྗེ་ལྟ་བུའི་དབྱིངས་སུ་གྱུར་ནས། དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་བྱུང་སྟེ་ཕྱག་གཉིས་སུ་གནས་སོ། །དེ་ནས་རྡོ་རྗེ་དེ་ལས་རྡོ་རྗེ་དེ་ལྟ་བུའི་འོད་ཟེར་གཟུགས་དང ། ཁ་དོག་སྣ་ཚོགས་པ་འཇིག་རྟེན་གྱི་ཁམས་ཐམས་ཅད་དུ་སྣང་བས་ཁྱབ་པར་བྱེད་པ་རྣམས་བྱུང་
99b
བོ། །རྡོ་རྗེ་ལྟ་བུའི་འོད་ཟེར་དེ་དག་གི་རྩེ་མོ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་སྙེད་ཀྱི་དེ་བཞིན་གཤེགས་པ་རྣམས་ཀྱི་སྐུ་བྱུང་སྟེ། ཆོས་ཀྱི་དབྱིངས་ཀུན་ཏུ་ཁྱབ་པ་ཐམས་ཅད་དང ། ནམ་མཁའི་ཁམས་ཀྱི་མཐས་གཏུགས་པ་ཐམས་ཅད་དང ། འཇིག་རྟེན་གྱི་ཁམས་རབ་འབྱམས་རྒྱ་མཚོའི་སྤྲིན་ཐམས་ཅད་དུ་དེ་བཞིན་གཤེགས་པ་ཐམས་ཅད་དང ། མཉམ་པ་ཉིད་ཀྱི་ཡེ་ཤེས་མངོན་པར་བྱང་ཆུབ་པས་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཀྱི་སེམས་ཆེན་པོ་བསྐྱེད་པ་དང ། ཀུན་ཏུ་བཟང་པོའི་སྤྱོད་པ་སྣ་ཚོགས་གྲུབ་པ་དང ། དེ་བཞིན་གཤེགས་པ་ཐམས་ཅད་ཀྱི་རིགས་མཉེས་བར་མཛད་པ་དང ། བྱང་ཆུབ་ཀྱི་སྙིང་པོ་ཆེན་པོར་གཤེགས་པ་དང ། བདུད་ཐམས་ཅད་འདུལ་བ་དང ། དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་བྱང་ཆུབ་ཆེན་པོར་མངོན་པར་བྱང་ཆུབ་པ་དང ། དམ་པའི་ཆོས་ཀྱི་འཁོར་ལོ་བསྐོར་བ་ནས། ཇི་སྲིད་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་སྐྱོབ་ཅིང་ཐམས་ཅད་ལ་ཕན་པ་དང ། བདེ་བར་མཛད་པ་དང ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་དང།་མངོན་པར་ཤེས་པ་དམ་པའི་དངོས་གྲུབ་བསྒྲུབ་པ་ལ་སོགས་པ་དེ་བཞིན་གཤེགས་པ་ཐམས་ཅད་ཀྱི་རྫུ་འཕྲུལ་དང ། ཆོ་འཕྲུལ་རྣམས་ཀྱི་བར་དུ་བསྟན་ནས། རྡོ་རྗེ་སེམས་
100a
༄#། །དཔའི་ཏིང་ངེ་འཛིན་ནི་ཀུན་ཏུ་བཟང་པོ་ཡིན་པ་དང ། ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ནས་བྱང་ཆུབ་སེམས་དཔའ་ཆེན་པོ་ཀུན་ཏུ་བཟང་པོའི་སྐུར་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས། འདི་སྐད་དུ་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མ་ཧོ་བདག་ནི་རང་བྱུང་བའི། །ཀུན་ཏུ་བཟང་པོ་སེམས་དཔའ་བརྟན། །དེ་ནི་བརྟན་ཕྱིར་ལུས་མིན་ཡང ། །སེམས་དཔའི་ལུས་སུ་གྱུར་པ་ཡིན། །དེ་ནས་བྱང་ཆུབ་སེམས་དཔའ་ཆེན་པོ་ཀུན་ཏུ་བཟང་པོའི་སྐུ་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་སྤྱན་སྔན་ཟླ་བའི་དཀྱིལ་འཁོར་ལ་གནས་ནས་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་དང ། །ཡེ་ཤེས་ཀྱི་དམ་ཚིག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཚུལ་ཁྲིམས་དང ། ཏིང་ངེ་འཛིན་དང ། ཤེས་རབ་དང ། རྣམ་པར་གྲོལ་བ་དང ། རྣམ་པར་གྲོལ་བའི་ཡེ་ཤེས་མཐོང་བ་དང ། ཆོས་ཀྱི་འཁོར་ལོ་བསྐོར་བ་དང ། སེམས་ཅན་གྱི་དོན་བྱ་བ་དང ། ཐབས་ཆེན་པོ་དང ། སྟོབས་དང ། བརྩོན་འགྲུས་དང ། ཡེ་ཤེས་ཆེན་པོའི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་བསྐྱབ་
100b
བ་དང ། ཐམས་ཅད་ཀྱི་དབང་པོར་བྱ་བ་དང ། ཐམས་ཅད་ཀྱི་བདེ་བ་དང ། ཡིད་བདེ་བ་མྱོང་བར་བྱ་བ་ནས། ཇི་སྲིད་དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་ཡེ་ཤེས་དང་མངོན་པར་ཤེས་པ་བླ་ན་མེད་པ་དང ། ཐེག་པ་ཆེན་པོ་མངོན་པར་རྟོགས་པར་གྲུབ་པའི་མཆོག་ཐོབ་པའི་པར་དུ་འབྲས་བུ་དེ་དག་གི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་དེ། དེ་བཞིན་གཤེགས་པ་ཐམས་ཅད་ཀྱི་འཁོར་ལོས་བསྒྱུར་པ་ཉིད་དུ་སངས་རྒྱས་ཐམས་ཅད་ཀྱི་སྐུ་རིན་པོ་ཆེའི་དབུ་རྒྱན་དང ། ཅོད་པན་གྱི་དབང་གིས་དབང་བསྐུར་ནས། དེ་བཞིན་གཤེགས་པ་ཐམས་ཅད་ཀྱི་གྲུབ་པའི་རྡོ་རྗེ་དེ་དེའི་ལག་པར་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས། ལག་ན་རྡོ་རྗེ། ལག་ན་རྡོ་རྗེ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ཕྱག་གཡོན་པ་རྡོ་རྗེ་བསྒྱིངས་པར་བཞུགས་ཏེ། ཕྱག་གཡས་པས་རྡོ་རྗེ་ཐུགས་ཀར་གསོར་ཞིང་འཕེན་པའི་ཚུལ་དུ་འཛིན་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་གྲུབ་པ་ཡི། །རྡོ་རྗེ་བླ་ན་མེད་པ་འདི། །བདག་སྟེ་བདག་གི་ལག་ཏུ་བྱིན།། རྡོ་རྗེ་ལ་ནི་རྡོ་རྗེ་གནས། །དེ་ནས་བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གདོན་མི་ཟ་བའི་རྒྱལ་པོའི་དམ་ཚིག་ལས་བྱུང་བའི་སེམས་དཔའི་བྱིན་གྱིས་
101a
༄#། །བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་སྤྱན་དྲང་བའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་རཱ་ཛ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་བྱུང་མ་ཐག་པ་འདི་ནི་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་དོ། །དེ་བཞིན་གཤེགས་པ་ཐམས་ཅད་ཀྱི་ལྕགས་ཀྱུ་ཆེན་པོར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས། རྡོ་རྗེ་ལྕགས་ཀྱུ་ཆེན་པོའི་དབྱིབས་སུ་གྱུར་ཏེ། བཅོམ་ལྡན་འདས་ཀྱི་ཕྱག་གཉིས་སུ་གནས་སོ། །དེ་ནས་རྡོ་རྗེ་ལྕགས་ཀྱུའི་དབྱིབས་ཆེན་པོ་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་སྟེ། དེ་བཞིན་གཤེགས་པ་ཐམས་ཅད་སྤྱན་དྲང་བ་ལ་སོགས་པ་སངས་རྒྱས་ཐམས་ཅད་ཀྱི་རྫུ་འཕྲུལ་དང ། ཆོ་འཕྲུལ་རྣམས་བྱས་ནས་རྡོ་རྗེ་སེམས་དཔའི་ཏིང་ངེ་འཛིན་ནི་ཤིན་ཏུ་གདོན་ནི་ཟ་བའི་རྒྱལ་པོ་ཡིན་པ་དང ། ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ཏེ། བྱང་ཆུབ་སེམས་དཔའ་ཆེན་པོ་ཤིན་ཏུ་གདོན་མི་ཟ་བའི་ལུས་སུ་གྱུར་ནས། བཅོམ་ལྡན་འདས་
101b
རྣམ་པར་སྣང་མཛད་ཀྱི་ཐུགས་ལ་གནས་ཏེ། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་རྡོ་རྗེ་ལས་བྱུང་བའི། །ལྕགས་ཀྱུ་ངེས་པའི་རྒྱལ་པོ་བདག་།གང་ཕྱིར་ཀུན་ཏུ་སངས་རྒྱས་ཁྱབ། །གྲུབ་ཕྱིར་ཀུན་ནས་སྤྱན་འདྲེན་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཤིན་ཏུ་གདོན་མི་ཟ་བའི་རྒྱལ་པོའི་སྐུ་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ།་དེ་བཞིན་གཤེགས་པ་ཐམས་ཅད་ཀྱི་གཡས་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་སྤྱན་འདྲེན་པའི་དམ་ཚིག་གི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་སྤྱན་འདྲེན་པའི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་ཐམས་ཅད་དགུག་པ་དང ། ཐམས་ཅད་ཀྱི་བདེ་བ་དང ། ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་འདུ་བའི་བྱིན་གྱིས་བརླབས་དམ་པའི་བར་དུ་བསྒྲུབ་པའི་ཕྱིར་རྡོ་རྗེའི་ལྕགས་ཀྱུ་དེ་བྱང་ཆུབ་སེམས་དཔའ་གདོན་མི་ཟ་བའི་རྒྱལ་པོ་དེའི་ལག་པར་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་དགུག་པ་རྡོ་རྗེ་དགུག་པ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་
102a
༄#། །དཔའ་ཆེན་པོ་རྡོ་རྗེ་དགུག་པ། རྡོ་རྗེ་ལྕགས་ཀྱུ་དེས་དེ་བཞིན་གཤེགས་པ་ཐམས་ཅད་སྤྱན་འདྲེན་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་རྡོ་རྗེ་ཡི། །ཡེ་ཤེས་བླ་ན་མེད་པ་འདི། །སངས་རྒྱས་ཀུན་གྱི་དོན་གྲུབ་ཕྱིར། །ཀུན་ནས་སྤྱན་དྲངས་དམ་པའོ། །དེ་ནས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་བདུད་ཅེས་བྱ་བའི་དམ་ཚིག་ལས་བྱུང་བའི་སེམས་དཔའི་བྱིན་གྱིས་བརླབས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་མཉེས་པར་བྱེད་པའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་རཱ་ག་།དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། དེ་བཞིན་གཤེགས་པ་ཐམས་ཅད་ཀྱི་མེ་ཏོག་གི་དམར་གྱུར་ནས་བྱུང་སྟེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས་རྡོ་རྗེའི་མདའ་ཆེན་པོའི་དབྱིབས་སུ་གྱུར་ཏེ། ཕྱག་གཉིས་སུ་གནས་སོ། །དེ་ནས་རྡོ་རྗེ་མ་དའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་སྟེ། དེ་བཞིན་གཤེགས་པ་
102b
ཐམས་ཅད་མཉེས་པར་བྱ་བ་ལ་སོགས་པ་དང ། སངས་རྒྱས་ཐམས་ཅད་ཀྱི་རྫུ་འཕྲུལ་དང་ཆོ་འཕྲུལ་རྣམས་བྱས་ནས་རྡོ་རྗེ་སེམས་དཔའི་ཏིང་ངེ་འཛིན་ཤིན་ཏུ་བདུད་བྱེད་བ་དང ། རབ་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་ཆེན་པོ་བདུད་ཅེས་བྱ་བར་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་བདག་ནི་རང་བཞིན་དག་།རང་བྱུང་བ་དག་དགྱེས་བྱེད་པ། །འདོད་ཆགས་བྲལ་རྣམས་དག་བྱའི་ཕྱིར། །འདོད་ཆགས་ཀྱིས་ནི་འདུལ་བར་བྱེད། །དེ་ནས་བྱང་ཆུབ་སེམས་དཔའ་ཆེན་པོ་བདུད་དེའི་ལུས་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གཡོན་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་མཉེས་པར་བྱེད་པའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་བདུད་རྡོ་རྗེའི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་མགུ་བར་བྱ་བ་དང ། ཐམས་ཅད་ཀྱི་བདེ་བ་དང ། ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་བདུད་ཀྱི་མཆོག་གྲུབ་
103a
༄#། །པ་ཐོང་བའི་བར་དུ་འབྲས་བུ་དེ་དག་གི་ཕྱིར་རྡོ་རྗེའི་མདའ་དེ་བྱང་ཆུབ་སེམས་དཔའ་སེམས་དཔའ་ཆེན་པོ་བདུད་ཅེས་བྱ་བ་དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེའི་གཞུ། རྡོ་རྗེའི་གཞུ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་གཞུ་ཞེས་བྱ་བས་རྡོ་རྗེའི་མདའ་དེས་དེ་བཞིན་གཤེགས་པ་ཐམས་ཅད་ལ་བདུད་བྱེད་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་འདོད་ཆགས་ཀྱི།། ཡེ་ཤེས་འདི་ནི་དྲི་མ་མེད། །འདོད་ཆགས་ཀྱིས་ནི་ཆགས་བྲལ་བཅོམ། །བདེ་བ་ཐམས་ཅད་སྦྱིན་བར་བྱེད། །དེ་ནས་བཅོམ་ལྡན་འདས་ཀྱིས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་དགའ་བའི་རྒྱལ་པོའི་དམ་ཚིག་ལས་བྱུང་བའི་སེམས་དཔའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རབ་ཏུ་དགའ་བའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་སཱ་དྷུ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ་ལེགས་སོ་ཞེས་བྱ་བར་གྱུར་ནས་བཅོམ་ལྡན་འདས་
103b
རྣམ་པར་སྣང་མཛད་ཀྱི་ཐུགས་སུ་ཞུགས་ཏེ། གཅིག་ཏུ་འདྲེས་བར་གྱུར་ནས་རྡོ་རྗེ་དགྱེས་པའི་དབྱིབས་སུ་གྱུར་ཏེ་ཕྱག་གཉིས་སུ་གནས་སོ། །དེ་ནས་རྡོ་རྗེ་དགྱེས་བའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས་དེ་བཞིན་གཤེགས་པ་ཐམས་ཅད་ཀྱིས་ལེགས་སོ་ཞེས་བྱ་བ་ལ་སོགས་པ་དང ། སངས་རྒྱས་ཐམས་ཅད་ཀྱི་རྫུ་འཕྲུལ་དང ། ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་ཤིན་ཏུ་དགའ་བར་བྱེད་པ་ཉིད་དང ། རབ་ཏུ་བརྟན་བའི་ཕྱིར་གཅིག་ཏུ་གྱུར་པར་འདྲེས་པར་གྱུར་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་དགའ་བའི་རྒྱལ་པོའི་ལུས་སུ་གྱུར་ཏེ། བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་ཀྱི་ཐུགས་ལ་གནས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་ཐམས་ཅད་མཁྱེན་ཀུན་གྱི། །ལེགས་སྦྱིན་ནང་ན་བདག་མཆོག་པས། །རྣམ་རྟོག་བྲལ་བ་དེ་དག་གི། །ངེས་པར་དགྱེས་པ་བསྐྱེད་པ་ཡིན། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་དགའ་བའི་རྒྱལ་པོའི་སྐུ་དེ་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་རྒྱབ་ན་ཟླ་བའི་དཀྱིལ་འཁོར་ལ་གནས་ནས། ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་
104a
༄#། །གཤེགས་པ་ཐམས་ཅད་མཉེས་པར་བྱེད་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རབ་ཏུ་དགྱེས་པ་བླ་ན་མེད་པའི་ཡེ་ཤེས་ཀྱི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པའི་སེམས་ཅན་ཐམས་ཅད་མགུ་བར་བྱ་བ་དང ། ཐམས་ཅད་བདེ་བ་དང།་ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་དགྱེས་པའི་རོ་བླ་ན་མེད་པ་གྲུབ་པ་དམ་པ་ཐོབ་པའི་བར་དུ་འབྲས་བུ་དེ་དག་གི་ཕྱིར་རྡོ་རྗེ་དགྱེས་པ་དེ་བྱང་ཆུབ་སེམས་དཔའ་ཆེན་པོ་རབ་ཏུ་དགའ་བའི་རྒྱལ་པོ་དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་དགྱེས་པ། རྡོ་རྗེ་དགྱེས་པ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་དགྱེས་པས་རྡོ་རྗེ་དགྱེས་པའི་དབྱིབས་དེས་དེ་བཞིན་གཤེགས་པ་ཐམས་ཅད་ལ་ལེགས་སོ་ཞེས་བྱ་བས་རབ་ཏུ་དགྱེས་པར་བྱེད་ཅིང ། །ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་ལེགས་སྦྱིན་པ། །འདི་ནི་རབ་ཏུ་འཇུག་བྱེད་པས། །རྡོ་རྗེ་ཐམས་ཅད་དགྱེས་པར་བྱེད། །ལྷ་རྫས་དགྱེས་པ་སྤེལ་བའོ། །བྱང་ཆུབ་ཀྱི་སེམས་ཆེན་པོ་དང ། དེ་བཞིན་གཤེགས་པ་ཐམས་ཅད་སྤྱན་དྲང་བའི་དམ་ཚིག་དང ། དེ་བཞིན་གཤེགས་
104b
བ་ཐམས་ཅད་མཉེས་པར་བྱེད་པའི་ཡེ་ཤེས་དང ། དགྱེས་པ་ཆེན་པོ་དང ། འདི་བཞིན་ནི་དེ་བཞིན་གཤེགས་པ་ཐམས་ཅད་ཀྱི་དམ་ཚིག་ཆེན་པོའི་སེམས་དཔའོ། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོའི་དམ་ཚིག་ལས་བྱུང་བ་རིན་པོ་ཆེའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་རཏྣ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་རྡོ་རྗེ་སེམས་དཔའི་ཏིང་ངེ་འཛིན་ཐམས་ཅད་ནམ་མཁའ་དང་མཉམ་པ་ཉིད་ཀྱི་ཡེ་ཤེས་ཤིན་ཏུ་གཏོགས་པ་ཡིན་པའི་ཕྱིར། བཅོམ་ལྡན་འདས་རྡོ་རྗེ་འཛིན་བ་དེ་ཉིད་དེ་ནམ་མཁའ་ཐམས་ཅད་ཀྱི་འོད་ཟེར་སུ་གྱུར་ནས་བྱུང་ངོ ། །ནམ་མཁའ་ཐམས་ཅད་ཀྱི་འོད་ཟེར་དེ་དག་གིས་འཇིག་རྟེན་གྱི་ཁམས་ཐམས་ཅད་སྣང་བར་བྱས་པས་ཐམས་ཅད་ནམ་མཁའི་དབྱིངས་ལྟ་བུར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་ནམ་མཁའི་དབྱིངས་དེ་དག་ཐམས་ཅད་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ནས། རྡོ་རྗེ་སེམས་དཔའི་ཏིང་ངེ་འཛིན་ཤིན་ཏུ་བསྒོམས་པར་
105a
༄#། །གྱུར་པའི་ཕྱིར། ཡང་ནམ་མཁའི་ཁམས་ཐམས་ཅད་ལས་བྱུང་བའི་འཇིག་རྟེན་གྱི་ཁམས་ཐམས་ཅད་དུ་མཉམ་པར་འཇུག་པའི་ཚད་ཙམ་གྱི་རྡོ་རྗེ་རིན་པོ་ཆེ་ཆེན་པོའི་དབྱིབས་སུ་གྱུར་ནས་དེ་བཞིན་གཤེགས་པའི་ཕྱག་གཉིས་སུ་གནས་སོ། །དེ་ནས་རྡོ་རྗེ་རིན་པོ་ཆེའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས། དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བ་ལ་སོགས་པ་དང ། དེ་བཞིན་གཤེགས་པ་ཐམས་ཅད་ཀྱི་རྫུ་འཕྲུལ་དང ། ཆོ་འཕྲུལ་རྣམས་ཇིག་རྟེན་གྱི་ཁམས་ཐམས་ཅད་དུ་བྱས་ནས་རྡོ་རྗེ་སེམས་དཔའི་ཏིང་ངེ་འཛིན་ནི་ནམ་མཁའི་ཁམས་ཐམས་ཅད་ཀྱི་སྙིང་པོ་ལས་ཤིན་ཏུ་བྱུང་བ་དང ། རབ་ཏུ་བསྟན་པའི་ཕྱིར་གཅིག་ཏུ་འདྲེས་པར་གྱུར་ཏེ། བྱང་ཆུབ་སེམས་དཔའ་ཆེན་པོ་ནམ་མཁའི་སྙིང་པོའི་སྐུར་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་ཆགས་མེད་རྒྱལ་པ་ཡང ། །ཁམས་གསུམ་དབང་པོར་དགོས་པས་ན། །རྡོ་རྗེ་རིན་ཆེན་དམ་པ་ཡི། །དབང་གི་མཆོག་ནི་བདག་ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོའི་ལུས་དེ་བཅོམ་ལྡན་འདས་
105b
ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་སྤྱན་སྔ་ན་ཟླ་བའི་དཀྱིལ་འཁོར་ལ་གནས་ནས་ཡང་དག་པའི་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ནོར་བུ་རིན་པོ་ཆེའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་དགོངས་པ་ཡོངས་སུ་རྫོགས་པར་བྱ་བའི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་བ་མེད་པའི་དོན་ཐམས་ཅད་ཡོངས་སུ་གྲུབ་པར་བྱ་བ་དང ། ཐམས་ཅད་ཀྱི་བདེ་བ་དང ། ཡིད་བདེ་བ་མྱོང་བ་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་དོན་དམ་པ་ཕུན་སུམ་ཚོགས་པ་གྲུབ་པ་ཐོབ་པར་བྱ་བའི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་རྡོ་རྗེ་རིན་པོ་ཆེའི་འཁོར་ལོ་བསྐོར་བར་རྡོ་རྗེ་རིན་པོ་ཆེའི་མྱུ་གུའི་དབང་གིས་དབང་བསྐུར་ནས་ལག་ཏུ་རྡོ་རྗེ་ནོར་བུ་དེ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་སྙིང་པོ་རྡོ་རྗེ་ཞེས་བྱ་བའི་རྡོ་རྗེ་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རྡོ་རྗེའི་ནོར་བུ་དེ་རང་གི་དབང་བསྐུར་བའི་གནས་སུ་འཇོག་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་སེམས་དཔའི་དབྱིབས། །དབང་བསྐུར་དེ་ནི་བདག་ཡིན་ཏེ།།
106a
༄#། །བདག་གི་ལག་ཏུ་བྱིན་བས་ན། རིན་ཆེན་\?\བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་གཟི་བརྗིད་ཆེན་པོ་ཞེས་བྱ་བའི་དམ་ཚིག་ལས་བྱུང་བའི་རིན་པོ་ཆེའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། །དེ་བཞིན་གཤེགས་པ་ཐམས་ཅད་ཀྱི་འོད་ཟེར་གྱི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཏེ་ཛ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་དེ། ཉི་མའི་དཀྱིལ་འཁོར་ཆེན་པོར་གྱུར་ནས་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ། གཅིག་ཏུ་འདྲེས་པར་གྱུར་ནས། རྡོ་རྗེ་ཉི་མའི་དབྱིབས་སུ་གྱུར་ཏེ། བཅོམ་ལྡན་འདས་ཀྱི་ཕྱག་གཉིས་སུ་གནས་སོ། །དེ་ནས་རྡོ་རྗེ་ཉི་མའི་དཀྱིལ་འཁོར་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུ་བྱུང་ནས། དེ་བཞིན་གཤེགས་པ་ཐམས་ཅད་ཀྱི་འོད་ཟེར་འགྱེད་པ་ལ་སོགས་པ་དང ། དེ་བཞིན་གཤེགས་པ་ཐམས་ཅད་ཀྱི་རྫུ་འཕྲུལ་དང ། ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་
106b
ནི་ཤིན་ཏུ་གཟི་བརྗིད་ཆེ་པ་ཉིད་དང ། རབ་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་སེམས་དཔའ་ཆེན་པོ་གཟི་བརྗིད་ཆེན་པོའི་སྐུར་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ཏེ། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སེམས་ཅན་ཁམས་ཀུན་ཏུ། །སྣང་བྱེད་གཟི་བརྗིད་དཔེ་མེད་བདག་།གང་ཕྱིར་སངས་རྒྱས་དག་པ་ཡི། །འདྲེན་པ་རྣམས་དང་སྦྱོར་བར་བྱེད། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དྲི་མ་མེད་པའི་གཟི་བརྗིད་དེའི་ལུས་བཅོམ་ལྡན་འདས་ཀྱི་ཐུགས་ལས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གཡས་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ཏེ། བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་འོད་ཀྱི་དཀྱིལ་འཁོར་གྱི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་འོད་ཟེར་གྱི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱི་གཟི་བརྗིད་མཚུངས་པ་མེད་པ་དང་ཐམས་ཅད་ཀྱི་བདེ་བ་དང ། ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་འོད་འཐོབ་ཅིང་དངོས་གྲུབ་དམ་པའི་བར་དུ་འབྲས་བུ་དེ་དག་གི་ཕྱིར། རྡོ་རྗེ་ཉི་མ་
107a
༄#། །དེ་བྱང་ཆུབ་སེམས་དཔའ་གཟི་བརྗིད་ཆེན་པོ་དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེའི་འོད། རྡོ་རྗེའི་འོད་ཅེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་ཉི་མ་དེས་དེ་བཞིན་གཤེགས་པ་ཐམས་ཅད་ལ་སྣང་བར་བྱེད་ཅིང ། ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་སྣང་བ་འདི། །མི་ཤེས་མུན་ནག་འཇོམས་བྱེད་པ། །ཤིན་ཏུ་ཕྲ་རྡུལ་ཇི་སྙེད་པའི། །ཉི་མའི་འོད་བས་ཤིན་ཏུ་ལྷག་།དེ་ནས་ཡང་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་རིན་པོ་ཆེ་དཔལ་གྱི་དམ་ཚིག་ལས་བྱུང་བ་རིན་པོ་ཆེའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིང་ཤེགས་པ་ཐམས་ཅད་ཀྱི་དགོངས་པ་ཡོངས་སུ་རྫོགས་པར་བྱེད་པའི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཀེ་ཏུ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི།་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ་རྒྱལ་མཚན་ཁ་དོག་དང ། གཟུགས་དང ། རྒྱན་དང ། དབྱིབས་སྣ་ཚོགས་པར་གྱུར་ཏ་བྱུང་ནས། བཅོམ་ལྡན་འདས་རྣམ་པར་
107b
སྣང་མཛད་ཀྱི་ཐུགས་སུ་ཞུགས་ཏེ། གཅིག་ཏུ་འདྲེས་པར་གྱུར་ནས། རྡོ་རྗེ་རྒྱལ་མཚན་གྱི་དབྱིབས་སུ་གྱུར་ནས། ཕྱག་གཉིས་སུ་གནས་སོ། །དེ་ནས་རྡོ་རྗེ་རྒྱལ་མཚན་གྱི་དབྱིབས་དེ་ལས། འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས། དེ་བཞིན་གཤེགས་པ་ཐམས་ཅད་ཀྱི་རིན་པོ་ཆོའི་རྒྱལ་མཚན་སྒྲེང་བ་ལ་སོགས་པ་སངས་རྒྱས་ཐམས་ཅད་ཀྱི་རྫུ་འཕྲུལ་དང ། ཆོ་འཕྲུལ་རྣམས་བྱས་ནས་རྡོ་རྗེ་སེམས་དཔའི་ཏིང་ངེ་འཛིན་ནི་རིན་པོ་ཆེའི་དཔལ་དང ། ཤིན་ཏུ་བརྟན་པ་ཡིན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་རིན་པོ་ཆེའི་དཔལ་གྱི་སྐུར་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་དོན་ཀུན་གྲུབ་པ་དང ། །དགོངས་པ་ཐམས་ཅད་རྫོགས་པ་ཡི། །དོན་རྣམས་ཐམས་ཅད་རྫོགས་བྱེད་པའི། །འདྲ་མེད་དཔལ་ནི་བདག་ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རིན་པོ་ཆེའི་དཔལ་གྱི་སྐུ་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གཡོན་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་
108a
༄#། །པ་ཐམས་ཅད་ཀྱི་རྒྱལ་མཚན་གྱིས་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ནོར་བུ་ཡིད་བཞིན་གྱི་རྒྱལ་པོའི་རྒྱལ་མཚན་སྒྲེང་བའི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱི་རེ་བ་ཐམས་ཅད་ཡོངས་སུ་བཀང་བར་བྱ་བ་དང ། ཐམས་ཅད་ཀྱི་བདབ་དང ། ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་དོན་ཆེན་པོའི་དངོས་གྲུབ་དམ་པ་ཐོབ་པའི་བར་དུ་འབྲས་བུ་དེ་དག་གི་ཕྱིར་རྡོ་རྗེ་རྒྱལ་མཚན་དེ་བྱང་ཆུབ་སེམས་དཔའ་ཆེན་པོ་རིན་པོ་ཆེའི་དཔལ་དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་རྒྱལ་མཚན། །རྡོ་རྗེའི་རྒྱལ་མཚན་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་རྒྱལ་མཚན་གྱིས་རྡོ་རྗེའི་རྒྱལ་མཚན་དེས། དེ་བཞིན་གཤེགས་པ་ཐམས་ཅད་སྦྱིན་པའི་ཕ་རོལ་ཏུ་ཕྱིན་པ་ལ་སྦྱོར་དུ་བཅུག་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་དགོངས་པ་ཀུན། །ཡོངས་སུ་རྫོགས་པར་བྱེད་པ་ཡི། །ཡིད་བཞིན་ནོར་བུའི་རྒྱལ་མཚན་ནི། །སྦྱིན་པའི་ཕ་རོལ་ཕྱིན་པའི་ཚུལ། །དེ་ནས་
108b
ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་པར་དགའ་ཞིང་རབ་ཏུ་མགུ་བའི་དབང་པོའི་དམ་ཚིག་ལས་བྱུང་བ་རིན་པོ་ཆེའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་དགྱེས་པའི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཧཱ་ས། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། དེ་བཞིན་གཤེགས་པ་ཐམས་ཅད་ཀྱི་འཛུམ་པར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ། གཅིག་ཏུ་འདྲེས་པར་གྱུར་ནས། རྡོ་རྗེ་འཛུམ་པའི་དབྱིབས་སུ་གུར་ཏེ། ཕྱག་གཉིས་སུ་གནས་སོ། །དེ་ནས་རྡོ་རྗེ་འཛུམ་པའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས། དེ་བཞིན་གཤེགས་པ་ཐམས་ཅད་ཀྱི་རྨད་དུ་བྱུང་བ་ལ་སོགས་པ་དང ། སངས་རྒྱས་ཐམས་ཅད་ཀྱི་རྫུ་འཕྲུལ་དང ། ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་རྟག་ཏུ་དགའ་ཞིང་རབ་ཏུ་མགུ་བའི་དབང་པོ་ཡིན་པ་དང ། ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ཏེ། བྱང་
109a
༄#། །ཆུབ་སེམས་དཔའ་སེམས་དཔའ་ཆེན་པོ་རྟག་ཏུ་དགའ་ཞིང་རབ་ཏུ་མགུ་བའི་དབང་པོའི་ལུས་སུ་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ཏེ། ཆེད་དུ་བརྗོད་པ་འདི་ཆེད་དུ་བརྗོད་དོ། །རྟག་ཏུ་མཉམ་པར་གཞག་རྣམས་ཀྱིས། །སངས་རྒྱས་དོན་ལ་རབ་སྦྱོར་ཕྱིར། །ེ་མའོ་བདག་ནི་ཀུན་མཆོག་གི་།བཞད་ཆེན་རྨད་དུ་བྱུང་བ་ཡིན། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྟག་པར་དགའ་ཞིང་རབ་ཏུ་མགུ་བའི་དབང་པོའི་ལུས་བཅོམ་ལྡན་འདས་ཀྱི་ཐུགས་ལས་བྱུང་ནས། དེ་བཞིན་གཤེགས་པ་ཐམས་ཅད་ཀྱི་རྒྱབ་ཀྱི་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་རྨད་དུ་བྱུང་བའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རྨད་དུ་བྱུང་བ་བསྐྱེད་པའི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་ཐམས་ཅད་ཀྱི་དབང་པོ་བླ་ན་མེད་པ་བྱ་བ་དང ། ཐམས་ཅད་བདེ་བ་དང ། ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་དབང་པོ་ཡོངས་སུ་སྦྱོང་བའི་ཡ་ཤེས་མངོན་པར་ཐོབ་པའི་
109b
བར་དུ་འབྲས་བུ་དེ་དག་གི་ཕྱིར་བྱང་ཆུབ་སེམས་དཔའ་ཆེན་པོ་རྟག་པར་དགའ་ཞིང་རབ་ཏུ་མགུ་བའི་དབང་པོ་དེའི་ལག་ཏུ་རྡོ་རྗེ་འཛུམ་པ་དེ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དགའ་བ། རྡོ་རྗེ་དགའ་བ་ཞེས་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་དགའ་བས་རྡོ་རྗེ་འཛུམ་པ་དེས་དེ་བཞིན་གཤེགས་པ་ཐམས་ཅད་དགྱེས་པར་བྱེད་ཅིང ། ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི།། རྨད་བྱུང་སྐྱེད་པ་སྟོན་པ་པོ། །དགྱེས་ཆེན་བྱེད་པའི་ཡེ་ཤེས་ཏེ། །གཙུག་ལག་གཞན་གྱིས་ཤེས་མི་ནུས། །དབང་བསྐུར་བ་ཆེན་པོ་དང ། འོད་ཀྱི་དཀྱིལ་འཁོར་འདོམ་གང་བ་དང ། སེམས་དཔའ་ཆེན་པོའི་དོན་དང ། དགྱེས་པ་ཆེན་པོ་དང ། འདི་བཞིན་ནི་དེ་བཞིན་གཤེགས་པ་ཐམས་ཅད་ཀྱི་དབང་ཆེན་པོའི་སེམས་དཔའོ། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་སྤྱན་རས་གཟིགས་ཀྱི་དབང་པོའི་དམ་ཚིག་ལས་བྱུང་བའི་ཆོས་ཀྱི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་དེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་
110a
༄#། །ནས་ཕྱུང་ངོ ། །བཛྲ་དྷརྨ། དེ་ནས་དེ་བཞིན་གཤེགས་པ་ཐམས་ཅད་གྱི་ཐུགས་ལས་བྱུང་མ་ཐག་པ་འདི་ནི། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། རྡོ་རྗེ་སེམས་དཔའི་ཏིང་ངེ་འཛིན་ནི་རང་བཞིན་གྱིས་དག་པའི་ཆོས་མཉམ་པ་ཉིད་ཀྱི་ཡེ་ཤེས་རབ་ཏུ་ཏོགས་\?\་པའི་ཕྱིར་དམ་པའི་ཆོས་ཀྱི་འོད་ཟེར་དུ་གྱུར་ཏེ་བྱུང་ངོ། །དམ་པའི་ཆོས་ཀྱི་འོད་ཟེར་དེ་དག་གིས་འཇིག་རྟེན་གྱི་ཁམས་ཐམས་ཅད་ཀུན་ཏུ་སྣང་བར་བྱས་ནས་ཆོས་ཀྱི་དབྱིངས་ཀྱི་རང་བཞིན་དུ་གྱུར་ཏོ། །ཆོས་ཀྱི་དབྱིངས་དེ་དག་ཐམས་ཅད་ཀྱང་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས། ནམ་མཁའི་ཁམས་ཐམས་ཅད་དང་མཉམ་པར་འཇུག་པའི་ཚད་ཙམ་གྱི་རྡོ་རྗེ་པདྨ་ཆེན་པོའི་དབྱིབས་སུ་གྱུར་ཏེ་ཕྱག་གཉིས་སུ་གནས་སོ། །དེ་ནས་རྡོ་རྗེ་པདྨའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་བའི་དེ་བཞིན་གཤེགས་པའི་སྐུ་རྣམས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་དང ། ཡེ་ཤེས་དང ། མངོན་པར་ཤེས་པ་ལ་སོགས་པ་དང ། སངས་རྒྱས་ཐམས་ཅད་ཀྱི་རྫུ་འཕྲུལ་དང ། ཆོ་འཕྲུལ་རྣམས་འཇིག་རྟེན་གྱི་ཁམས་ཐམས་ཅད་ཁྱབ་པར་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་
110b
ཀུན་ཏུ་སྤྱན་རས་གཟིགས་ཀྱི་དབང་པོ་ཡིན་བ་དང ། ཤིན་ཏུ་བརྟན་པ་ཡིན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་ཆེན་པོ་ཀུན་ཏུ་སྤྱན་རས་གཟིགས་ཀྱི་དབང་པོའི་སྐུར་གྱུར་ཏེ། བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་ཀྱི་ཐུགས་ལ་གནས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་རང་བྱུང་གདོད་ནས་དག་།དམ་པའི་དོན་ནི་བདག་ཡིན་ཏེ། །གང་ཕྱིར་གཟིངས་འདྲའི་ཆོས་རྣམས་ལས། །རྣམ་པར་དག་པ་དམིགས་པར་གྱུར། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་སྤྱན་རས་གཟིགས་ཀྱི་ལུས་དེ་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་སྤྱན་སྔན་ཟླ་བའི་དཀྱིལ་འཁོར་ལ་གནས་ཏེ་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་མཉམ་པ་ཉིད་ཀྱི་ཡེ་ཤེས་དམ་ཚིག་ལས་བྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་རྣམ་པར་སྦྱང་བའི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱི་བདག་དང ། གཞན་རྣམ་པར་དག་པར་བྱ་བ་དང ། ཐམས་ཅད་ཀྱི་བདེ་བ་དང ། ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་
111a
༄#། །པ་ཐམས་ཅད་ཀྱི་ཆོས་ཀྱི་ཡེ་ཤེས་དང ། མངོན་པར་ཤེས་པ་དྲུག་ཐོབ་པར་བྱེད་པའི་བར་དུ་འབྲས་བུ་དེ་དག་གི་ཕྱིར། བྱང་ཆུབ་སེམས་དཔའ་ཆེན་པོ་ཀུན་ཏུ་སྤྱན་རས་གཟིགས་ཀྱི་དབང་པོ་དམ་པའི་ཆོས་ཀྱི་འཁོར་ལོ་བསྐོར་བར་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་སྐུའི་དབང་གིས་དབང་བསྐུར་ནས། དེའི་ལག་ཏུ་རྡོ་རྗེ་པདྨ་དེ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེའི་སྤྱན། རྡོ་རྗེའི་སྤྱན་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་རྡོ་རྗེའི་པདྨ་དེའི་འདབ་མ་ཁ་ཕྱེ་བས། འདོད་ཆགས་རྣམ་པར་དག་ཅིང་མ་ཆགས་པའི་ངོ་བོ་ཉིད་དུ་གཟིགས་པས་གཟིགས་ཤིང ། ཆེད་དུ་བརྗོད་པ་འདི་ཆེད་དུ་བརྗོད་དོ། །སངས་རྒྱས་ཀུན་གྱི་འདོད་ཆགས་ཀྱི། །དེ་ཁོ་ན་ཉིད་རྟོགས་པ་འདི། །བདག་སྟེ་བདག་གི་ལག་ཏུ་བྱིན། །ཆོས་ལ་ཆོས་ནི་གནས་པར་འགྱུར། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གྱི་དམ་ཚིག་ལས་བྱུང་བའི་ཆོས་ཀྱི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཤེས་རབ་དང ། ཡེ་ཤེས་ཆེན་པོའི་དམ་ཚིག་ཅེས་བྱ་བ་དེ་
111b
བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཏཱི་ཀྵྞ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། ཤེས་རབ་དང ། ཡེ་ཤེས་ཀྱི་རལ་གྲི་རྒྱུར་ཏེ། དེ་བྱུང་ནས་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ། གཅིག་ཏུ་འདྲེས་པར་གྱུར་ནས། རྡོ་རྗེ་རལ་གྲིའི་དབྱིབས་སུ་གྱུར་ཏེ་བཅོམ་ལྡན་འདས་ཀྱི་ཕྱག་གཉིས་སུ་གནས་སོ། །དེ་ནས་རྡོ་རྗེ་རལ་གྲིའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་ཤེས་རབ་དང ། ཡེ་ཤེས་ལ་སོགས་པ་དང ། སངས་རྒྱས་ཐམས་ཅད་ཀྱི་རྫུ་འཕྲུལ་དང ། ཆོ་འཕྲུལ་རྣམས་བྱས་ཏེ། རྡོ་རྗེ་སེམས་དཔའི་ཏིང་ངེ་འཛིན་ནི་ཤིན་ཏུ་འཇམ་པའི་དཔལ་ཡིན་པ་དང ། ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུའི་སྐུར་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །འཇམ་དབྱངས་བདག་ནི་ཡིན་པར་དགོངས། །གང་ཕྱིར་ཤེས་རབ་གཟུགས་
112a
༄#། །མེད་ཀྱང ། །དབྱངས་ཉིད་དུ་ནི་དམིགས་པ་ཡིན། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གྱི་སྐུ་དེ་བཅོམ་ལྡན་འདས་ཀྱི་ཐུགས་ལས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གཡས་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཤེས་རབ་དང་ཡེ་ཤེས་ཀྱི་དམ་ཚིག་ལས་བྱུང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས།་དེ་བཞིན་གཤེགས་པ་ཐམས་ཅད་ཀྱི་ཉོན་མོངས་པ་ཐམས་ཅད་བཅད་པའི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱི་སྡུག་བསྔལ་ཐམས་ཅད་བཅད་པ་དང ། ཐམས་ཅད་ཀྱི་བདེ་བ་དང ། ཡིད་བདེ་བ་རྣམས་མྱོང་བར་བྱས་ནས་དེ་བཞིན་གཤེགས་པ་ཐམས་ཅད་ཀྱི་གསུང་གི་རྗེས་སུ་འབྲང་བའི་ཤེས་རབ་དམ་པ་ཡོངས་སུ་རྫོགས་པར་བྱ་བའི་བར་དུ། འབྲས་བུ་དེ་དག་གི་ཕྱིར། རྡོ་རྗེའི་རལ་གྲི་དེ་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེའི་བློ། རྡོ་རྗེའི་བློ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་
112b
སེམས་དཔའ་སེམས་དཔའ་ཆེན་པོ་རྡོ་རྗེའི་བློས་དེ་བཞིན་གཤེགས་པ་ཐམས་ཅད་ལ་རྡོ་རྗེའི་རལ་གྲི་དེས་འདེབས་ཤིང་ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ན་སངས་རྒྱས་ཐམས་ཅད་ཀྱི། །ཤེས་རབ་ཕ་རོལ་ཕྱིན་པའི་ཚུལ། །དགྲ་རྣམས་ཐམས་ཅད་ཚར་གཅོད་ཅིང ། །སྡིག་པ་ཐམས་ཅད་འཇོམ་པའི་མཆོག་།དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བའི་དམ་ཚིག་ལས་བྱུང་བའི་ཆོས་ཀྱི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་འཁོར་ལོའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཧེ་ཏུ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་ལ་སོགས་པའི་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་དུ་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས། རྡོ་རྗེ་འཁོར་ལོའི་དབྱིབས་སུ་གྱུར་ཏེ་བཅོམ་ལྡན་འདས་ཀྱི་ཕྱག་གཉིས་སུ་གནས་པར་གྱུར་ཏོ། །དེ་ནས་རྡོ་
113a
༄#། །རྗེ་འཁོར་ལོའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་ཐམས་ཅད་ཀྱི་སྐུ་རྣམས་བྱུང་ནས། སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་ལ་སོགས་པ་སངས་རྒྱས་ཐམས་ཅད་ཀྱི་རྫུ་འཕྲུལ་དང ། ཆོ་འཕྲུལ་རྣམས་འཇིག་རྟེན་གྱི་ཁམས་ཐམས་ཅད་དུ་བྱས་ཏེ། རྡོ་རྗེ་སེམས་དཔའི་ཏིང་ངེ་འཛིན་ནི་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་ཡིན་པ་དང ། ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་ཞེས་བྱ་བའི་སྐུར་གྱུར་ཏེ་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ཏེ་ཆེད་དུ་བརྗོད་པ་འདི་ཆེད་དུ་བརྗོད་དོ། །རྡོ་རྗེ་དམ་པ་ཆོས་ཅན་གྱི། །ེ་མའོ་རྡོ་རྗེ་འཁོར་ལོ་བདག་།གང་ཕྱིར་སེམས་བསྐྱེད་ཙམ་གྱིས་ཀྱང ། །ཆོས་ཀྱི་འཁོར་ལོ་བསྐོར་བར་འགྱུར། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བའི་སྐུ་དེ་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གཡོན་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་
113b
ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་འཁོར་ལོ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་ཆེན་པོའི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པར་འཇུག་པའི་\?\་ཕྱིར་མི་ལྡོག་པའི་འཁོར་ལོ་དང ། ཐམས་ཅད་ཀྱི་བདེ་བ་དང ། ཡིད་བདེ་བ་མྱོང་བར་བྱ་བ་ནས་དེ་བཞིན་གཤེགས་པ་ཐམས་ཅད་ཀྱིས་དམ་པའི་ཆོས་ཀྱི་འཁོར་ལོ་བསྐོར་བ་དམ་པ་གྲུབ་པའི་བར་དུ་འབྲས་བུ་དེ་དག་གི་ཕྱིར། རྡོ་རྗེ་འཁོར་ལོ་དེ་ནི་བྱང་ཆུབ་སེམས་དཔའ་ཆེན་པོ་སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ་བསྐོར་བ་དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་སྙིང་པོ། རྡོ་རྗེ་སྙིང་པོ་ཞེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་འཁོར་ལོ་དེས་དེ་བཞིན་གཤེགས་པ་ཕྱིར་མི་ལྡོག་པ་ཉིད་དུ་འཇོག་ཅིང ། ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །ཆོས་རྣམས་ཐམས་ཅད་རྣམ་པར་སྦྱོང ། །ཕྱིར་མི་ལྡོག་པའི་འཁོར་ལོ་ཡང ། །བྱང་ཆུབ་སྙིང་པོ་ཡིན་པར་དགོངས། །དེ་ནས་ཡང་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་མི་གསུང་བའི་དམ་ཚིག་ལས་
114a
༄#། །བྱུང་བའི་ཆོས་ཀྱི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་བརྗོད་པའི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་བྷཱ་ཥ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་འདི་ནི། བཅོམ་ལྡན་འདས་ཕྱག་ན་རྡོ་རྗེ་དེ་ཉིད་དེ། དེ་བཞིན་གཤེགས་པ་ཐམས་ཅད་ཀྱི་ཆོས་ཉིད་ཀྱི་ཡི་གེར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས། རྡོ་རྗེ་བརྗོད་པའི་དབྱིབས་སུ་གྱུར་ཏེ་ཕྱག་གཉིས་སུ་གནས་སོ། །དེ་ནས་རྡོ་རྗེ་བརྗོད་པའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས་དེ་བཞིན་གཤེགས་པ་ཐམས་ཅད་ཀྱི་ཆོས་ཉིད་ལ་སོགས་པ་དང ། སངས་རྒྱས་ཐམས་ཅད་ཀྱི་རྫུ་འཕྲུལ་དང ། ཆོ་འཕྲུལ་ལ་སོགས་པ་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་ཤིན་ཏུ་ཚིག་མ་ཡིན་པ་དང ། ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ནས། བྱང་ཆུབ་སེམས་དཔའ་ཆེན་པོ་ཚིག་མ་ཡིན་པའི་སྐུར་གྱུར་ནས་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་
114b
ནས།་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་རང་བྱུང་རྣམས་ཀྱི་གསང ། །ལྡེམ་པོ་དག་ཏུ་བདག་དགོངས་ཏེ། །གང་ཕྱིར་དམ་པའི་ཆོས་འཆད་པ། །ཚིག་ཏུ་སྤྲོས་ལས་རྣམ་པར་བྲལ། །དེ་ནས་བྱང་ཆུབ་སེམས་དཔའ་ཆེན་པོ་ཚིག་མ་ཡིན་པའི་སྐུ་དེ་བཅོམ་ལྡན་འདས་ཀྱི་ཐུགས་ལས་བྱུང་ནས། དེ་བཞིན་གཤེགས་པ་ཐམས་ཅད་ཀྱི་རྒྱབ་ན་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་མི་གསུང་བའི་གསུང་གི་རྡོ་རྗེའི་དམ་ཚིག་ལས་བྱུང་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་གསུང་གི་ཡེ་ཤེས་ཀྱི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱི་ཚིག་གྲུབ་པ་དང ། ཐམས་ཅད་ཀྱི་བདེ་བ་དང ། ཡིད་བདེ་བ་མྱོང་བར་བྱ་བ་ནས་དེ་བཞིན་གཤེགས་པ་ཐམས་ཅད་ཀྱི་གསུང་གི་གསང་བ་ཐོབ་པའི་དངོས་གྲུབ་དམ་པའི་བར་གྱི་ཕྱིར་རྡོ་རྗེ་བརྗོད་པ་དེ་བྱང་ཆུབ་སེམས་དཔའ་སེམས་དཔའ་ཆེན་པོ་ཚིག་མ་ཡིན་པ་དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེའི་ཚིག་།རྡོ་རྗེའི་ཚིག་ཅེས་བྱ་བའི་རྡོ་རྗེ་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེའི་ཚིག་གིས་དེ་
115a
༄#། །བཞིན་གཤེགས་པ་ཐམས་ཅད་ལ་རྡོ་རྗེའི་བརྗོད་པས་ཡང་དག་པར་སྨྲ་ཞིང་ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །རྡོ་རྗེའི་བཟླས་པར་བརྗོད་པ་ཡིན། །དེ་བཞིན་གཤེགས་པ་ཐམས་ཅད་ཀྱི། །སྔགས་ནི་མྱུར་དུ་འགྲུབ་པར་འགྱུར། །རྡོ་རྗེ་ཆོས་ཉིད་ཀྱི་ཡེ་ཤེས། །དེ་བཞིན་གཤེགས་པ་ཐམས་ཅད་ཀྱི་ཤེས་རབ་ཀྱི་ཡེ་ཤེས་དང ། ཆོས་ཀྱི་འཁོར་ལོ་ཆེན་པོ་བསྐོར་བའི་ཡེ་ཤེས་དང ། དེ་བཞིན་གཤེགས་པ་ཐམས་ཅད་ཀྱི་གསུང་གི་སྤྲོས་པ་རྣམ་པར་ལྡོག་པའི་ཡེ་ཤེས་དང་འདི་བཞི་ནི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་སེམས་དཔའོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་སེམས་དཔའ་ཆེན་པོའི་འཕྲིན་ལས་ཐམས་ཅད་པ་ཞེས་བྱ་བའི་དམ་ཚིག་ལས་བྱུང་བ། ལས་ཀྱི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཀྱི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཀརྨ། དེ་ནས་རྡོ་རྗེ་སེམས་དཔའི་ཏིང་ངེ་འཛིན་ལས་ཐམས་ཅད་མཉམ་པ་ཉིད་ཀྱི་ཡེ་ཤེས་ཤིན་ཏུ་རྟོགས་པའི་ཕྱིར། དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་མ་ཐག་པ་
115b
འདི་ནི། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཀྱི་འོད་ཟེར་གྱུར་ཏེ་བྱུང་ནས་དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཀྱི་འོད་ཟེར་དེ་དག་གིས་འཇིག་རྟེན་གྱི་ཁམས་ཐམས་ཅད་སྣང་བར་བྱས་ནས་དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཀྱི་དབྱིབས་ལྟ་བུར་གྱུར་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཀྱི་དབྱིབས་དེ་ཡང་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ། ནམ་མཁའི་དབྱིངས་ཐམས་ཅད་དུ་མཉམ་པར་འཇུག་པའི་ཚད་ཙམ་དུ་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཀྱི་དབྱིབས་དེ་ལས། ལས་ཐམས་ཅད་ཀྱི་རྡོ་རྗེའི་དབྱིབས་སུ་གྱུར་ནས་ཕྱག་གཉིས་སུ་གནས་སོ། །དེ་ནས་རྡོ་རྗེའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་ཐམས་ཅད་ཀྱི་སྐུ་རྣམས་བྱུང་ནས། འཇིག་རྟེན་གྱི་ཁམས་ཐམས་ཅད་དུ་དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ལ་སོགས་པ་དང ། སངས་རྒྱས་ཐམས་ཅད་ཀྱི་རྫུ་འཕྲུལ་དང ། ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་དེ་བཞིན་གཤེགས་པ་ཐམས་ཅད་ཀྱི་འཕྲིན་ནལས་མཐའ་ཡས་པ་ཡིན་པ་དང ། ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ཏེ། བྱང་ཆུབ་སེམས་
116a
༄#། །དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཐམས་ཅད་ཅེས་བྱ་བའི་སྐུར་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་རྣམས་ཀྱི་ངེས། །འཕྲིན་ལས་མང་པོ་ཀུན་བདག་ཡིན། །སངས་རྒྱས་དོན་ནི་ལྷུན་གྲུབ་ཕྱིར། །རྡོ་རྗེ་ལས་ནི་འཇུག་པར་འགྱུར། །དེ་ནས་བྱང་ཆུབ་སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཐམས་ཅད་ཅེས་བྱ་བའི་ལུས་བཅོམ་ལྡན་འདས་ཀྱི་ཐུགས་ལས་བྱུང་ནས། དེ་བཞིན་གཤེགས་པ་ཐམས་ཅད་ཀྱི་སྤྱན་སྔར་ཟླ་བའི་དཀྱིལ་འཁོར་ལ་གནས་ནས། ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གདོན་མི་ཟ་བའི་དམ་ཚིག་ལས་བྱུང་བའི་རྡོ་རྗེའི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་མཆོད་པར་བྱ་བ་ལ་སོགས་པ་གདོན་མི་ཟ་བའི་ཚད་མེད་པ་དང ། ལས་ཀྱི་ཆོ་ག་རྒྱས་པ་ཐམས་ཅད་ཀྱི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཀྱིས་ལས་ཐམས་ཅད་གྲུབ་པ་དང ། ཐམས་ཅད་ཀྱི་བདེ་བ་དང ། ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་
116b
པ་ཐམས་ཅད་ཀྱི་རྡོ་རྗེའི་འཕྲིན་ལས་ཉིད་དང ། ཡེ་ཤེས་དང ། མངོན་པར་ཤེས་པ་དམ་པ་རྣམས་འགྲུབ་པའི་བར་དུ་འབྲས་བུ་དེ་དག་གི་ཕྱིར། བྱང་ཆུབ་སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཐམས་ཅད་ཀྱི་འཁོར་ལོས་བསྒྱུར་བར་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དབང་གིས་དབང་བསྐུར་ནས་དེའི་ལག་ཏུ་ལས་ཀྱི་རྡོ་རྗེ་དེ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་ཐམས་ཅད། རྡོ་རྗེ་ཐམས་ཅད་ཅེས་བྱ་བའི་རྡོ་རྗེའི་མིང་གི་དབང་གིས་དབང་བསྐུར་རོ།། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་ཐམས་ཅད་ཅེས་བྱ་བས་རྡོ་རྗེ་དེ་རང་གི་སྙིང་གར་བཞག་སྟེ། དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ལ་སྦྱོར་ཞིང་ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །ལས་རྣམས་ཐམས་ཅད་བྱེད་པའི་མཆོག་།བདག་སྟེ་བདག་གི་ལག་ཏུ་བྱིན། །སྣ་ཚོགས་ལ་ནི་སྣ་ཚོགས་གཞག་།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་བརྩོན་འགྲུས་ཐུབ་དཀའི་དམ་ཚིག་ལས་བྱུང་བ་ལས་ཐམས་ཅད་ཀྱི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་སྲུང་བའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་
117a
༄#། །ངོ། །བཛྲ་རཀྵ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་ཕྱུང་མ་ཐག་པ་འདི་ནི། བཅོམ་ལྡན་འདས་ཕྱག་ན་རྡོ་རྗེ་དེ་ཉིད་དེ། གོ་ཆ་བརྟན་པར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ། གཅིག་ཏུ་འདྲེས་པར་གྱུར་ནས། རྡོ་རྗེ་གོ་ཆ་ཆེན་པོའི་དབྱིབས་སུ་གྱུར་ཏེ་ཕྱག་གཉིས་སུ་གནས་སོ། །དེ་ནས་རྡོ་རྗེ་གོ་ཆའི་དབྱིབས་དེ་ལས་འཇིག་རྟེན་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུ་བྱུང་སྟེ། དེ་བཞིན་གཤེགས་པ་ཐམས་ཅད་ལ་སྲུང་བའི་གོ་ཆ་རྒྱས་པའི་ལས་ལ་སོགས་པ་དང ། སངས་རྒྱས་ཐམས་ཅད་ཀྱི་རྫུ་འཕྲུལ་དང ། ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་བརྩོན་འགྲུས་དམ་པ་ཐུབ་དཀའ་བ་དང ། ཤིན་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ཏེ། བྱང་ཆུབ་སེམས་དཔའ་ཆེན་པོ་བརྩོན་འགྲུས་ཐུབ་དཀའ་བའི་ལུས་སུ་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ཏེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་བརྩོན་འགྲུས་གོ་ཆ་ནི། །བརྟན་པའི་བདག་ཉིད་རབ་བརྟན་བདག་།དེ་ནི་བརྟན་ཕྱིར་ལུས་མེད་ཀྱང ། །རྡོ་རྗེའི་ལུས་སུ་བྱེད་པ་མཆོག་།དེ་ནས་བྱང་ཆུབ་སེམས་དཔའ་ཆེན་པོ་བརྩོན་
117b
འགྲུས་ཆེན་པོ་\?\་དེའི་ལུས་བཅོམ་ལྡན་འདས་ཀྱི་ཐུགས་ཀ་ནས་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གཡས་ཕྱོགས་ན་ཟླ་བའི་དཀྱིལ་འཁོར་ལ་གནས་པར་\?\་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་བརྟན་བཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས།་དེ་བཞིན་གཤེགས་པ་ཐམས་ཅད་ཀྱི་བརྩོན་འགྲུས་ཀྱི་ཕ་རོལ་ཏུ་ཕྱིན་པའི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་བསྐྱང་པ་དང ། ཐམས་ཅད་ཀྱི་བདེ་བ་དང ། ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་སྐུ་འཐོབ་པའི་མཆོག་འགྲུབ་པར་བྱ་བའི་བར་དུ། དེ་དག་གི་ཕྱིར་རྡོ་རྗེ་གོ་ཆ་དེ་བྱང་ཆུབ་སེམས་དཔའ་ཆེན་པོ་བརྩོན་འགྲུས་ཐུབ་དཀའ་བའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེའི་གྲོགས་པོ། རྡོ་རྗེའི་གྲོགས་པོ་ཞེས་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་གྲོགས་པོས་རྡོ་རྗེ་གོ་ཆ་དེས་དེ་བཞིན་གཤེགས་པ་ཐམས་ཅད་ལ་གོ་ཆ་བསྐོན་ཞིང་ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །བྱམས་པའི་གོ་ཆ་དམ་པ་སྟེ། །བརྩོན་འགྲུས་བརྟན་པས་བསྲུང་བ་ཆེ། །གྲོགས་
118a
༄#། །པོ་ཆེན་པོར་བརྗོད་པ་ཡིན། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་བདུད་ཐམས་ཅད་རབ་ཏུ་འཇོམས་པའི་དམ་ཚིག་ལས་བྱུང་བ། ལས་ཀྱི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཐབས་ཀྱི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཡཀྵ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་ཕྱུང་མ་ཐག་པ་འདི་ནི། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། རྡོ་རྗེ་མཆེ་བའི་མཚོན་ཆ་ཆེན་པོར་གྱུར་ཏེ་བྱུང་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས། རྡོ་རྗེ་མཆེ་བའི་དབྱིབས་སུ་གྱུར་ཏེ་ཕྱག་གཉིས་སུ་གནས་སོ། །དེ་ནས་རྡོ་རྗེ་མཆེ་བའི་དབྱིབས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུ་བྱུང་སྟེ། དེ་བཞིན་གཤེགས་པ་ཐམས་ཅད་ཀྱི་ཁྲོ་བོས་གདུལ་བ་ལ་སོགས་པ་སངས་རྒྱས་ཐམས་ཅད་ཀྱི་རྫུ་འཕྲུལ་དང ། ཆོ་འཕྲུལ་རྣམས་བྱས་ནས་རྡོ་རྗེ་སེམས་དཔའི་ཏིང་ངེ་འཛིན་ནི་བདུད་ཐམས་ཅད་རབ་ཏུ་འཇོམས་པ་ཡིན་པ་དང ། ཤིན་ཏུ་བརྟན་པའི་ཕྱིར་གཅིག་ཏུ་
118b
འདྲེས་པར་གྱུར་ཏེ། བྱང་ཆུབ་སེམས་དཔའ་ཆེན་པོ་བདུད་ཐམས་ཅད་རབ་ཏུ་འཇོམས་པའི་ལུས་སུ་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ལ་གནས་ནས།་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་བདག་ནི་སངས་རྒྱས་རྣམས། །ཐུགས་རྗེ་ཅན་གྱི་ཐབས་ཆེན་ཏེ། །ཞི་ཡང་སེམས་ཅན་དོན་དུ་ནི། །མ་རུངས་པར་ནི་སྟོན་པར་འགྱུར། །དེ་ནས་བྱང་ཆུབ་སེམས་དཔའ་ཆེན་པོ་བདུད་ཐམས་ཅད་རབ་ཏུ་འཇོམས་པའི་ལུས་བཅོམ་ལྡན་འདས་ཀྱི་ཐུགས་ལས་བྱུང་ནས། དེ་བཞིན་གཤེགས་པ་ཐམས་ཅད་ཀྱི་གཡོན་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་རབ་ཏུ་ཁྲོ་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་མ་རུངས་པ་གདུལ་བའི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་འཇིགས་པ་མེད་པར་བྱ་བ་དང ། ཐམས་ཅད་ཀྱི་བདེ་བ་དང ། ཡིད་བདེ་བ་མྱོང་བར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་ཐབས་ཆེན་པོ་དང ། ཡེ་ཤེས་དང ། མངོན་པར་ཤེས་པ་རྣམས་ཐོབ་ཅིང་དམ་པ་འགྲུབ་པའི་བར་དུ་འབྲས་བུ་དེ་དག་གི་ཕྱིར། རྡོ་རྗེ་མཆེ་བའི་མཚོན་ཆ་དེ་བྱང་ཆུབ་སེམས་དཔའ་ཆེན་པོ་བདུད་ཐམས་ཅད་རབ་ཏུ་འཇོམས་པ་
119a
༄#། །དེའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་ཁྲོ་བོ། རྡོ་རྗེ་ཁྲོ་བོ་ཞེས་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་ཁྲོ་བོས་རྡོ་རྗེ་མཆེ་བའི་མཚོན་ཆ་དེ་རང་གི་ཐུགས་ཀར་བཞག་སྟེ། དེ་བཞིན་གཤེགས་པ་ཐམས་ཅད་ལ་བསྔགས་ཤིང་ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །མ་རུངས་ཐམས་ཅད་འདུལ་བའི་མཆོག་།རྡོ་རྗེ་མཆེ་བའི་མཚོན་རྣོན་ཏེ། །ཐབས་དང་སྙིང་རྗེའི་བདག་ཉིད་དོ། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་སེམས་དཔའ་ཆེན་པོ་རྡོ་རྗེ་ཁུ་ཚུར་ཞེས་བྱ་བའི་དམ་ཚིག་ལས་བྱུང་བ་ལས་ཀྱི་བྱིན་གྱིས་བརླབས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་སྐུ་དང ། གསུང་དང ། ཐུགས་རྡོ་རྗེས་བཅིང་བའི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་སནྡྷི། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་ཕྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཐམས་ཅད་བཅིངས་པར་གྱུར་ཏེ་བྱུང་ནས། བཅོམ་ལྡན་འདས་
119b
རྣམ་པར་སྣང་མཛད་ཀྱི་ཐུགས་སུ་ཞུགས་ཏེ་གཅིག་ཏུ་འདྲེས་པར་གྱུར་ནས་རྡོ་རྗེ་བཅིངས་པའི་དབྱིབས་སུ་གྱུར་ཏེ་ཕྱག་གཉིས་སུ་གནས་སོ། །དེ་ནས་རྡོ་རྗེ་བཅིང་བའི་དབྱིངས་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུ་བྱུང་སྟེ། འཇིག་རྟེན་གྱི་ཁམས་ཐམས་ཅད་དུ་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་དང ། ཡེ་ཤེས་ལ་སོགས་པ་དང ། སངས་རྒྱས་ཐམས་ཅད་ཀྱི་རྫུ་འཕྲུལ་དང ། ཆོ་འཕྲུལ་རྣམས་བྱས་ནས། རྡོ་རྗེ་སེམས་དཔའི་ཏིང་ངེ་འཛིན་ནི་དེ་བཞིན་གཤེགས་པ་ཐམས་ཅད་ཀྱི་ཁུ་ཚུར་ཤིན་ཏུ་བཅིངས་པ་དང ། རབ་ཏུ་བརྟན་པའི་ཕྱིར་གཅིག་ཏུ་འདྲེས་པར་གྱུར་ཏེ། བྱང་ཆུབ་སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་ཁུ་ཚུར་ཞེས་བྱ་བའི་སྐུར་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་ཏེ། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་རབ་ཏུ་བརྟན་བཅིངས་པའི། །དམ་ཚིག་བདག་སྟེ་བརྟན་པའི་བདག་།བསམ་པ་ཐམས་ཅད་རབ་གྲུབ་ཕྱིར། །གྲོལ་བ་རྣམས་ཀྱང་འཆིང་བར་བྱེད། །དེ་ནས་བྱང་ཆུབ་སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་ཁུ་ཚུར་གྱི་སྐུ་བཅོམ་ལྡན་འདས་ཀྱི་ཐུགས་ལས་བྱུང་སྟེ་དེ་བཞིན་གཤེགས་པ་ཐམས་ཅད་ཀྱི་རྒྱབ་ན་ཟླ་བའི་དཀྱིལ་འཁོར་ལ་གནས་ནས་
120a
༄#། །ཡང་བཀའ་ནོད་ཅིང་བཞུགས་པར་གྱུར་ཏོ། །དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་བཅིང་བའི་དམ་ཚིག་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ལ་དེ་བཞིན་གཤེགས་པ་ཐམས་ཅད་དང ། ལྷ་རྣམས་ཀྱི་དགོངས་པ་བརྟག་པ་དང ། གྲུབ་པ་ཐམས་ཅད་དང ། ཐམས་ཅད་ཀྱི་བདེ་བ་དང ། ཡིད་བདེ་བ་མྱོང་བར་བྱ་བ་ནས་དེ་བཞིན་གཤེགས་པ་ཐམས་ཅད་ཀྱི་ཐམས་ཅད་མཁྱེན་པའི་ཡེ་ཤེས་དང ། ཕྱག་རྒྱའི་དབང་དམ་པ་འགྲུབ་པའི་བར་དུ་འབྲས་བུ་དེ་དག་གི་ཕྱིར་རྡོ་རྗེ་བཅིང་བ་དེ་བྱང་ཆུབ་སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་ཁུ་ཚུར་ཞེས་བྱ་བའི་ལག་ཏུ་དེ་བཞིན་དུ་བྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་རྡོ་རྗེ་ཁུ་ཚུར། རྡོ་རྗེ་ཁུ་ཚུར་ཞེས་རྡོ་རྗེའི་མིང་གི་དབང་གིས་དབང་བསྐུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་ཁུ་ཚུར་ཞེས་བྱ་བ་དེས་རྡོ་རྗེ་བཅིངས་པ་དེས་དེ་བཞིན་གཤེགས་པ་ཐམས་ཅད་ལ་འཆིང་ཞིང་ཆེད་དུ་བརྗོད་པ་འདི་ཆེད་དུ་བརྗོད་དོ། །འདི་ནི་སངས་རྒྱས་ཐམས་ཅད་ཀྱི། །ཕྱག་རྒྱ་བཅིང་བ་ཆེ་ཞིང་བརྟན། །སངས་རྒྱས་ཀུན་གྱི་མྱུར་དུ་ཕྱིར། །དམ་ཚིག་
120b
བཞིན་དུ་འདའ་བར་དཀའ། །དེ་ནས་དེ་བཞིན་གཤེགས་པ་ཐམས་ཅད་ཀྱི་མཆོད་པའི་ཆོ་ག་རྒྱས་པའི་ལས་དང ། བརྩོན་འགྲུས་ཆེན་པོའི་གོ་ཆ་བརྟན་པ་དང ། དེ་བཞིན་གཤེགས་པ་ཐམས་ཅད་ཀྱི་ཐབས་ཆེན་པོ་དང་ཕྱག་རྒྱ་ཐམས་ཅད་བཅིངས་པའི་ཡེ་ཤེས་དང་འདི་བཞི་ནི་དེ་བཞིན་གཤེགས་པ་ཐམས་ཅད་ཀྱི་འཕྲིན་ལས་ཆེན་པོའི་སེམས་དཔའོ།། །། བམ་པོ་གཉིས་པ། དེ་ནས་དེ་བཞིན་གཤེགས་པ་མི་བསྐྱོད་པ་ཞེས་བྱ་བས་དེ་བཞིན་གཤེགས་པ་བཅོམ་ལྡན་འདས་རྣམ་པར་སྣང་མཛད་ཀྱི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་བསྒྲུབས་ཏེ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ལ་ཕྱག་རྒྱས་བྱིན་གྱིས་བརླབས་པའི་ཕྱིར་རྡོ་རྗེའི་ཕ་རོལ་ཏུ་ཕྱིན་པའི་དམ་ཚིག་ལས་བྱུང་བ་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་ཅེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་འདི་རང་གི་ཐུགས་ཀ་ནས་ཕྱུང་ངོ ། །སཏྭ་བཛྲི། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་ཕྱུང་མ་ཐག་ཏུ། རྡོ་རྗེའི་འོད་ཟེར་དུ་གྱུར་ནས་བྱུང་སྟེ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །འོད་ཟེར་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་
121a
༄#། །པ་རྣམས་ཀྱི་སྐུར་གྱུར་ནས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ཕ་རོལ་ཏུ་ཕྱིན་པའི་ཡེ་ཤེས་རྣམས་ལ་ཕྱག་རྒྱས་བྱིན་གྱིས་བརླབས་ནས་ཡང་གཅིག་ཏུ་འདྲེས་ཏེ། འཇིག་རྟེན་གྱི་ཁམས་ཐམས་ཅད་དང་མཉམ་པའི་ཚད་ཙམ་གྱི་རྡོ་རྗེའི་དབྱིབས་ཆེན་པོར་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་སྤྱན་སྔ་ན་ཟླ་བའི་དཀྱིལ་འཁོར་ལ་གནས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །སེམས་དཔའི་རྡོ་རྗེ་བརྟན་པའི་བདག་།གང་ཕྱིར་བརྟན་པས་ལུས་མེད་ཀྱང ། །རྡོ་རྗེའི་ལུས་སུ་གྱུར་པ་ཡིན། །དེ་ནས་དེ་བཞིན་གཤེགས་པ་རིན་ཆེན་འབྱུང་བ་ཞེས་བྱ་བ་དེ་བཞིན་གཤེགས་པ་བཅོམ་ལྡན་འདས་རྣམ་པར་སྣང་མཛད་ཀྱི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ལ་ཕྱག་རྒྱས་བྱིན་གྱིས་བརླབས་པར་བྱ་བའི་ཕྱིར་རིན་པོ་ཆེའི་ཕ་རོལ་ཏུ་ཕྱིན་པའི་དམ་ཚིག་ལས་བྱུང་བའི་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་རིན་པོ་ཆེའི་དམ་ཚིག་ཅེས་བྱ་བའི་རང་གི་ཕྱག་རྒྱ་འདི་རང་གི་ཐུགས་ཀ་ནས་ཕྱུང་ངོ། །རཏྣ་བཛྲཱི། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ་རིན་པོ་ཆེའི་འོད་ཟེར་དུ་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་
121b
པ་དེ་ཉིད་དོ། །རིན་པོ་ཆེའི་འོད་ཟེར་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ཏེ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་རྣམས་ལ་ཕྱག་རྒྱས་བྱིན་གྱིས་བརླབས་ནས་ཡང་གཅིག་ཏུ་འདྲེས་ནས། འཇིག་རྟེན་གྱི་ཁམས་ཐམས་ཅད་དང་མཉམ་པའི་ཚད་ཙམ་གྱི་རྡོ་རྗེ་རིན་པོ་ཆེ་ཆེན་པོའི་དབྱིབས་སུ་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་གཡས་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ཤིང ། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །རྡོ་རྗེ་རིན་ཆེན་བདག་ཉིད་གྲགས། །གང་ཕྱིར་ཕྱག་རྒྱ་ཐམས་ཅད་ཀྱི། །དབང་གི་ཚུལ་ནི་དམ་པ་ཡིན། །དེ་ནས་བཅོམ་ལྡན་འདས་དེ་བཞིན་གཤེགས་པ་འཇིག་རྟེན་གྱི་དབང་ཕྱུག་གི་རྒྱལ་པོས་དེ་བཞིན་གཤེགས་པ་བཅོམ་ལྡན་འདས་རྣམ་པར་སྣང་མཛད་ཀྱི་དེ་བཞིན་གཤེགས་པ་ཐམས་ཅད་ཀྱི་རྣམ་པ་ཐམས་ཅད་མཁྱེན་པའི་ཡེ་ཤེས་ལ་ཕྱག་རྒྱས་བྱིན་གྱིས་བརླབས་པའི་ཕྱིར་ཆོས་ཀྱི་ཕ་རོལ་ཏུ་ཕྱིན་པའི་དམ་ཚིག་ལས་བྱུང་བ། རྡོ་རྗེའི་བྱིན་གྱིས་བརླབས་ཀྱི་ཏིང་ངེ་འཛིན་ལ་སྙོམས་པར་ཞུགས་ནས། ཆོས་ཀྱི་དམ་ཚིག་ཅེས་བྱ་བ་རང་གི་ཕྱག་རྒྱ་འདི་རང་གི་ཐུགས་ཀ་ནས་ཕྱུང་ངོ ། །དྷརྨྨ་བཛྲཱི། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་
122a
༄#། །ཐག་ཏུ་པདྨའི་འོད་ཟེར་དུ་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །པདྨའི་འོད་ཟེར་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ཏེ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་རྣམས་ལ་ཕྱག་རྒྱས་བྱིན་གྱིས་བརླབས་ནས་ཡང་གཅིག་ཏུ་འདྲེས་ཏེ། འཇིག་རྟེན་གྱི་ཁམས་ཐམས་ཅད་དང་མཉམ་པའི་ཚད་ཙམ་གྱི་རྡོ་རྗེ་པདྨ་ཆེན་པོའི་དབྱིབས་སུ་གྱུར་ནས། བཅོམ་ལྡན་འདས་རྣམ་པར་སྣང་མཛད་ཀྱི་རྒྱབ་ཀྱི་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །ཆོས་ཀྱི་རྡོ་རྗེ་གཙང་མ་དག་།གང་ཕྱིར་རང་བཞིན་རྣམ་དག་པས། །འདོད་ཆགས་ཡིན་ཡང་དྲི་མ་མེད། །དེ་ནས་བཅོམ་ལྡན་འདས་གདོན་མི་ཟ་བར་གྲུབ་པས་དེ་བཞིན་གཤེགས་པ་བཅོམ་ལྡན་འདས་རྣམ་པར་སྣང་མཛད་ཀྱི་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ལ་ཕྱག་རྒྱས་བྱིན་གྱིས་བརླབས་པའི་ཕྱིར་ལས་ཀྱི་ཕ་རོལ་ཏུ་ཕྱིན་པའི་དམ་ཚིག་ལས་བྱུང་བ་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དམ་ཚིག་ཅེས་བྱ་བའི་རང་གི་ཕྱག་རྒྱ་འདི་རང་གི་ཐུགས་ཀ་ནས་ཕྱུང་
122b
ངོ། །ཀརྨྨ་བཛྲཱི། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ་ལས་ཐམས་ཅད་ཀྱི་འོད་ཟེར་དུ་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །ལས་ཐམས་ཅད་ཀྱི་འོད་ཟེར་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས།་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་རྣམས་ལ་ཕྱག་རྒྱས་བྱིན་གྱིས་བརླབས་ཏེ་ཡང་གཅིག་ཏུ་འདྲེས་ནས། འཇིག་རྟེན་གྱི་ཁམས་ཐམས་ཅད་དང་མཉམ་པའི་ཚད་ཙམ་གྱི་ཐམས་ཅད་དུ་རྩེ་མོ་བལྟས་པའི་ལས་ཀྱི་རྡོ་རྗེ་ཆེན་པོའི་དབྱིབས་སུ་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་གཡོན་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །ལས་ཀྱི་རྡོ་རྗེ་མང་པོ་བདག་།གང་ཕྱིར་གཅིག་ཀྱང་སེམས་ཅན་ཁམས། །མ་ལུས་པར་ནི་ལས་བཟང་བྱེད། །དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་དམ་ཚིག་དང་དབང་བསྐུར་བ་ཆེན་པོ་དང་རྡོ་རྗེའི་ཆོས་ཉིད་དང ། མཆོད་པ་ཐམས་ཅད་ནི་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ཕ་རོལ་ཏུ་ཕྱིན་པ་ཆེན་པོ་རྣམས་སོ། །དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་དེ་ནས་དེ་བཞིན་གཤེགས་པ་ཐམས་ཅད་དགྱེས་པའི་མཆོད་པའི་
123a
༄#། །དམ་ཚིག་ལས་བྱུང་བ། རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ལྷ་མོ་ཆེན་མོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ལཱ་སྱེ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ་རྡོ་རྗེའི་ཕྱག་རྒྱར་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །རྡོ་རྗེའི་ཕྱག་རྒྱའི་རྩེ་མོ་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས་ཡང་གཅིག་ཏུ་འདྲེས་ཏེ། ལྷ་མོ་ཆེན་མོ་རྡོ་རྗེ་འཛིན་མའི་ལུས་ཐམས་ཅད་རྡོ་རྗེ་སེམས་དཔའི་བདག་ཉིད་དང་འདྲ་ཞིང་ཁ་དོག་དང ། གཟུགས་དང ། མཚན་དང ། སྤྱོད་ལམ་སྣ་ཚོགས་པ་རྒྱན་ཐམས་ཅད་ཀྱིས་ཀླུབས་པ། དེ་བཞིན་གཤེགས་པའི་རིགས་ཐམས་ཅད་སྡུད་པར་གྱུར་པ་རྡོ་རྗེ་སེམས་དཔའི་ལྷ་མོར་གྱུར་ནས་བཅོམ་ལྡན་འདས་མི་བསྐྱོད་པའི་དཀྱིལ་འཁོར་གྱི་གཡོན་ཕྱོགས་སུ་ཟླ་བའི་དཀྱིལ་འཁོར་ལ་གནས་ཏེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་རང་བྱུང་རྣམས་ཀྱི་ནི། ། མཆོད་པ་བདག་འདྲ་གཞན་མེད་དེ། །གང་ཕྱིར་འདོད་པ་དགའ་མཆོད་པས། །མཆོད་པ་ཐམས་ཅད་བྱས་པར་འགྱུར། །དེ་ནས་ཡང་བཅོམ་ལྡན་འདས་དེ་བཞིན་
123b
གཤེགས་པ་ཐམས་ཅད་ཀྱི་རིན་པོ་ཆེའི་ཕྲེང་བའི་དབང་གི་དམ་ཚིག་ལས་བྱུང་བ། རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ལྷ་མོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་མཱ་ལེ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མཐག་ཏུ་རིན་པོ་ཆེ་ཆེན་པོའི་ཕྱག་རྒྱར་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །རིན་པོ་ཆེ་ཆེན་པོའི་ཕྱག་རྒྱ་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས་ཡང་གཅིག་ཏུ་འདྲེས་ཏེ། །ལྷ་མོ་ཆེན་མོ་རྡོ་རྗེ་ཕྲེང་བར་དེ་བཞིན་དུ་གྱུར་ནས། བཅོམ་ལྡན་འདས་རིན་པོ་ཆེ་འབྱུང་བའི་དཀྱིལ་འཁོར་གྱི་གཡོན་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་རིན་ཆེན་མཆོད་པ་བཞེས། །བདག་དང་འདྲ་བར་གྲགས་པ་མེད། །གང་ཕྱིར་ཁམས་གསུམ་རྒྱལ་མཆོག་ཀྱང ། །རབ་ཏུ་མཆོད་པ་བྱེད་པར་འགྱུར། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གླུའི་མཆོག་གི་དམ་ཚིག་ལས་བྱུང་བ། རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ལྷ་མོ་ཆེན་མོ་འདི་རང་གི་ཐུགས་
124a
༄#། །ཀ་ནས་ཕྱུང་ངོ ། །བཛྲ་གཱི་ཏི། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཕྱག་རྒྱར་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཕྱག་རྒྱ་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས་ཡང་གཅིག་ཏུ་འདྲེས་ཏེ། ལྷ་མོ་ཆེན་མོ་རྡོ་རྗེ་གླུར་གྱུར་ནས། བཅོམ་ལྡན་འདས་འཇིག་རྟེན་དབང་པོའི་རྒྱལ་པོའི་དཀྱིལ་འཁོར་གྱི་གཡོན་ཕྱོགས་ཀྱི་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་བདག་ནི་ཀུན་གཟིགས་པའི། །གླུ་མཆོག་ཚུལ་གྱིས་མཆོད་པ་ཡིན། །གང་ཕྱིར་སྒྲ་སྙན་འདྲ་བ་ཡི། །མཆོད་པ་རྣམས་ཀྱིས་མཉེས་པར་བྱེད། །དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་གར་གྱི་མཆོད་པའི་དམ་ཚིག་ལས་བྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ལྷ་མོ་ཆེན་མོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ནརྀཧི། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་
124b
ཏུ་དེ་བཞིན་གཤེགས་པ་ཐམས་ཅད་ཀྱི་གར་གྱི་མཆོད་པའི་ཆོ་ག་རྒྱས་པར་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དེ་བཞིན་གཤེགས་པ་ཐམས་ཅད་ཀྱི་གར་གྱི་མཆོད་པའི་ཆོ་ག་རྒྱས་པ་དེ་དག་ཐམས་ཅད་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས་ཡང་གཅིག་ཏུ་འདྲེས་ཏེ། རྡོ་རྗེ་ལྷ་མོ་ཆེན་མོ་རྡོ་རྗེ་གར་གྱི་སྐུར་གྱུར་ནས། བཅོམ་ལྡན་འདས་དེ་བཞིན་གཤེགས་པ་གདོན་མི་ཟ་བར་གྲུབ་པའི་དཀྱིལ་འཁོར་གྱི་གཡོན་ཕྱོགས་སུ་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་མཆོད་ཀུན་དོན་མཛད་པའི། །མཆོད་པ་རྒྱ་ཆེན་བདག་ཡིན་ཏེ། །གང་ཕྱིར་རྡོ་རྗེ་གར་ཆོ་གས། །སངས་རྒྱས་མཆོད་པ་རབ་ཏུ་བྱེད། །དེ་བཞིན་གཤེགས་པ་ཐམས་ཅད་ཀྱི་བདེ་བ་དང ། ཡིད་བདེ་བ་བླ་ན་མེད་པའི་དམ་ཚིག་དང ། དེ་བཞིན་གཤེགས་པ་ཐམས་ཅད་ཀྱི་ཕྲེང་བ་དང ། དེ་བཞིན་གཤེགས་པ་ཐམས་ཅད་ཀྱི་གླུ་དང ། དེ་བཞིན་གཤེགས་པ་ཐམས་ཅད་ཀྱི་མཆོད་པའི་ལས་བླ་ན་མེད་པ་རྣམས་ནི་དེ་བཞིན་གཤེགས་པ་ཐམས་ཅད་ཀྱི་གསང་བའི་མཆོད་པའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་མི་བསྐྱོད་པས་དེ་བཞིན་གཤེགས་པ་
125a
༄#། །རྣམ་པར་སྣང་མཛད་ཀྱིས་མཆོད་པའི་ལན་དུ་སླར་མཆོད་པའི་ཕྱིར། དེ་བཞིན་གཤེགས་པ་ཐམས་ཅད་རབ་ཏུ་ཚིམ་པའི་དམ་ཚིག་ལས་བྱུང་བ། རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་གཡོག་མོའི་གཙོ་མོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་དྷུ་པེ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་ཕྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ་བདུག་པའི་མཆོད་པའི་སྤྲིན་གྱི་བཀོད་པ་རྣམ་པ་དུ་མས་རྡོ་རྗེའི་དབྱིངས་ཐམས་ཅད་དུ་ཁྱབ་པར་གྱུར་ནས་ཕྱུང་ངོ ། །བདུག་པའི་མཆོད་པའི་སྤྲིན་རྒྱ་མཚོ་དེ་དག་ལས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་རྣམས་ཀྱི་སྐུར་གྱུར་ནས་བྱུང་སྟེ་ཡང་གཅིག་ཏུ་འདྲེས་ནས། རྡོ་རྗེ་བདུག་པའི་ལྷ་མོའི་ལུས་སུ་གྱུར་ནས། བཅོམ་ལྡན་འདས་ཀྱི་གཡོན་ཕྱོགས་སུ་ཁང་བུ་བརྩེགས་པའི་རྩེ་མོ་རྡོ་རྗེ་དང ། ནོར་བུ་དང ། རིན་པོ་ཆེ་ལས་བྱས་པའི་གྲཝར་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་བདག་ནི་མཆོད་པ་ཆེ། །རབ་ཏུ་སིམ་ལྡན་དགེ་བ་ཡི། །གང་ཕྱིར་སེམས་ཅན་དབབ་ལྡན་པས། །མྱུར་དུ་བྱང་ཆུབ་ཐོབ་པར་འགྱུར། །དེ་ནས་
125b
བཅོམ་ལྡན་འདས་དེ་བཞིན་གཤེགས་པ་རིན་ཆེན་འབྱུང་བས་དེ་བཞིན་གཤེགས་པ་རྣམ་པར་སྣང་མཛད་ཀྱི་མཆོད་པའི་ལན་དུ་སླར་མཆོད་པའི་ཕྱིར་རིན་པོ་ཆེའི་རྒྱན་གྱི་མཆོད་པ་དམ་ཚིག་ལས་བྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་གསོལ་ཀ་མ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་པུཥྤེ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་ཕྱུང་མ་ཐག་པ་འདི་ནི་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། མེ་ཏོག་ཐམས་ཅད་ཀྱི་མཆོད་པ་བཀོད་པས་འཇིག་རྟེན་གྱི་ཁམས་ཐམས་ཅད་དུ་ཁྱབ་པར་བྱེད་པར་གྱུར་ནས་བྱུང་ངོ ། །མེ་ཏོག་ཐམས་ཅད་ཀྱི་མཆོད་པའི་སྤྲིན་གྱི་བཀོད་པ་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས། ཡང་གཅིག་ཏུ་འདྲེས་ཏེ་རྡོ་རྗེའི་མེ་ཏོག་གི་ལྷ་མོའི་སྐུར་གྱུར་ནས། བཅོམ་ལྡན་འདས་ཀྱི་གཡོན་ཕྱོགས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་དང ། ནོར་བུ་དང ། རིན་པོ་ཆེ་ལས་བྱས་པའི་གྲཝ་ན་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་མེ་ཏོག་མཆོད་པ་བདག་།ཐམས་ཅད་ཀྱི་ནི་རྒྱན་བྱེད་དེ། །གང་ཕྱིར་མཆོད་ནས་དེ་བཞིན་གཤེགས། །རིན་ཆེན་ཉིད་དུ་མྱུར་དུ་འགྲུབ། །དེ་ནས་བཅོམ་
126a
༄#། །ལྡན་འདས་དེ་བཞིན་གཤེགས་པ་འཇིག་རྟེན་དབང་པོའི་རྒྱལ་པོས་བཅོམ་ལྡན་འདས་རྣམ་པར་སྣང་མཛད་ཀྱི་མཆོད་པའི་ལན་དུ་སླར་མཆོད་པའི་ཕྱིར།་དེ་བཞིན་གཤེགས་པ་ཐམས་ཅད་ལ་སྣང་བའི་མཆོད་པའི་དམ་ཚིག་ལས་བྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཕོ་ཉ་མོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཨཱ་ལོ་ཀེ་།དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ་ཐམས་ཅད་དུ་སྣང་བའི་མཆོད་པ་ཐམས་ཅད་ཀྱི་བཀོད་པས་ཆོས་ཀྱི་དབྱིངས་ཐམས་ཅད་ཁྱབ་པར་བྱེད་པར་གྱུར་ནས་བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །ཐམས་ཅད་དུ་སྣང་བའི་མཆོད་པའི་བཀོད་པ་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས། ཡང་གཅིག་ཏུ་འདྲེས་ཏེ། ལྷ་མོ་རྡོ་རྗེ་སྣང་བ་ཞེས་བྱ་བའི་སྐུར་གྱུར་ནས། བཅོམ་ལྡན་འདས་ཀྱི་གཡོན་ཕྱོགས་སུ་ཁང་བུ་བརྩེགས་པ་རྩེ་མོ་རྡོ་རྗེ་དང ། ནོར་བུ་དང ། རིན་པོ་ཆེ་ལས་བྱས་པའི་གྲཝ་ན་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་མཆོད་པའི་མར་མེ་ནི། །རྒྱ་ཆེན་དགེ་བ་བདག་ཡིན་ཏེ། །གང་ཕྱིར་སྣང་བཅས་
126b
མྱུར་དུ་ཡང ། །སངས་རྒྱས་ཀུན་གྱི་སྤྱན་ཡང་ཐོབ། །དེ་ནས་བཅོམ་ལྡན་འདས་དེ་བཞིན་གཤེགས་པ་གདོན་མི་ཟ་བར་གྲུབ་པས་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་ཀྱི་མཆོད་པའི་ལན་དུ་སླར་མཆོད་པའི་ཕྱིར། དེ་བཞིན་གཤེགས་པ་ཐམས་ཅད་ཀྱི་དྲིས་མཆོད་པའི་དམ་ཚིག་ལས་བྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་བྲན་མོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་གནྡྷེ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ་དྲི་ཐམས་ཅད་ཀྱི་མཆོད་པ་བཀོད་པས་འཇིག་རྟེན་གྱི་ཁམས་ཐམས་ཅད་ཁྱབ་པར་བྱེད་པར་གྱུར་ནས་བྱུང་སྟེ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དྲི་ཐམས་ཅད་ཀྱི་མཆོད་པའི་བཀོད་པ་དེ་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས་ཡང་གཅིག་ཏུ་འདྲེས་ཏེ། ལྷ་མོ་རྡོ་རྗེ་དྲི་ཞེས་བྱ་བའི་སྐུར་གྱུར་ནས། བཅོམ་ལྡན་འདས་ཀྱི་གཡོན་ཕྱོགས་སུ་ཁང་བུ་བརྩེགས་པ་རྩེ་མོ་རྡོ་རྗེ་དང ། ནོར་བུ་དང ། རིན་པོ་ཆེ་ལས་བྱས་པའི་གྲཝ་ན་ཟླ་བའི་དཀྱིལ་འཁོར་ལ་གནས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་དྲི་ཡི་རང་བཞིན་གྱི། །མཆོད་པའི་ལྷ་རྫས་
127a
༄#། །ཡིད་འོང་བདག་།གང་ཕྱིར་དེ་བཞིན་གཤེགས་པའི་དྲི། །ལུས་རྣམས་ཀུན་ལ་འབྱིན་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་དབབ་པ་དང ། བྱང་ཆུབ་ཆེན་པོའི་ཡན་ལག་བསགས་པ་དང ། དེ་བཞིན་གཤེགས་པ་ཐམས་ཅད་ཀྱི་ཆོས་ཀུན་ཏུ་སྣང་བ་དང ། ཚུལ་ཁྲིམས་དང ། ཏིང་ངེ་འཛིན་དང ། ཤེས་རབ་དང ། རྣམ་པར་གྲོལ་བ་དང ། རྣམ་པར་གྲོལ་བའི་ཡེ་ཤེས་མཐོང་བ་སྟོན་པའི་དྲི་རྣམས་ནི་དེ་བཞིན་གཤེགས་པ་ཐམས་ཅད་ཀྱི་བཀའ་བཞིན་བྱེད་པའོ། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས། ཡང་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་ལྕགས་ཀྱུའི་དམ་ཚིག་ལས་བྱུང་བ་སེམས་དཔའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་ཚོགས་ཐམས་ཅད་ཀྱི་བདག་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཨཾ་ཀུ་ཤ་།དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་ཚོགས་མང་པོ་ཐམས་ཅད་དུ་གྱུར་ནས་བྱུང་སྟེ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་ཚོགས་དེ་དག་ལས་འཇིག་རྟེན་གྱི་
127b
ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས་ཡང་གཅིག་ཏུ་འདྲེས་ཏེ། བྱང་ཆུབ་སེམས་དཔའ་ཆེན་པོ་རྡོ་རྗེ་ལྕགས་ཀྱུ་ཞེས་བྱ་བའི་སྐུར་གྱུར་ནས། བཅོམ་ལྡན་འདས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་དང ། ནོར་བུ་དང ། རིན་པོ་ཆེ་ལས་བྱས་པའི་རྡོ་རྗེ་སྒོ་གང་གི་ནང་ན་ཟླ་བའི་དཀྱིལ་འཁོར་ལ་གནས་ནས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གིས་སྤྱན་འདྲེན་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །ཡང་དག་སྤྱན་འདྲེན་བརྟན་པ་བདག་།གང་ཕྱིར་བདག་གིས་སྤྱན་དྲངས་པས། །དཀྱིལ་འཁོར་ཀུན་ལ་བརྟན་པར་འགྱུར། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་ལ་འཇུག་པ། སེམས་དཔའ་ཆེན་པོའི་དམ་ཚིག་ལས་བྱུང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་འཇུག་པའི་གསོལ་ཀ་པ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་པཱ་ཤ་།དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་དམ་ཚིག་ལ་འཇུག་པའི་ཕྱག་རྒྱའི་ཚོགས་སུ་གྱུར་ནས་བྱུང་སྟེ་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དེ་བཞིན་གཤེགས་པ་ཐམས་ཅད་ཀྱི་དམ་ཚིག་འདྲེན་
128a
༄#། །པའི་ཕྱག་རྒྱ་མང་པོ་དེ་དག་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས་ཡང་གཅིག་ཏུ་འདྲེས་ཏེ། བྱང་ཆུབ་སེམས་དཔའ་ཆེན་པོ་རྡོ་རྗེ་ཞགས་པ་ཞེས་བྱ་བའི་སྐུར་གྱུར་ནས། བཅོམ་ལྡན་འདས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་དང ། ནོར་བུ་དང ། རིན་པོ་ཆེ་ལས་བྱས་པའི་རྡོ་རྗེ་རིན་པོ་ཆེའི་སྒོ་ཁང་གི་ནང་ན་ཟླ་བའི་དཀྱིལ་འཁོར་ལ་གནས་ནས་དེ་བཞིན་གཤེགས་པ་ཐམས་ཅད་འདྲེན་ཅིང་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །རྡོ་རྗེ་ཞགས་པ་དམ་པོ་དག་།རྡུལ་ཕྲན་བཞུགས་པ་ཐམས་ཅད་ཀྱང ། །བདག་གིས་སླར་ཡང་དྲང་བར་བྱ། །དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་ལྕགས་སྒྲོག་སེམས་དཔའ་ཆེན་པོའི་དམ་ཚིག་ལས་བྱུང་བ། སེམས་དཔའ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་དམ་ཚིག་བསྡམས་པ། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཕོ་ཉ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་སྥོ་ཊ།་དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་བསྔམས་པའི་ཕྱག་རྒྱ་མང་པོར་གྱུར་ནས་
128b
བྱུང་སྟེ། བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དེ་བཞིན་གཤེགས་པ་ཐམས་ཅད་ཀྱི་དམ་ཚིག་བསྡམས་པའི་ཕྱག་རྒྱ་མང་པོ་དེ་དག་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་ནས་ཡང་གཅིག་ཏུ་འདྲེས་ཏེ། བྱང་ཆུབ་སེམས་དཔའ་ཆེན་པོ་རྡོ་རྗེ་ལྕགས་སྒྲོག་ཅེས་བྱ་བའི་སྐུར་གྱུར་ནས། བཅོམ་ལྡན་འདས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་དང ། ནོར་བུ་དང ། རིན་པོ་ཆེ་ལས་བྱས་པའི་རྡོ་རྗེ་ཆོས་ཀྱི་སྒོ་ཁང་གི་ནང་ན་ཟླ་བའི་དཀྱིལ་འཁོར་ལ་གནས་ནས་དེ་བཞིན་གཤེགས་པ་ཐམས་ཅད་འཆིང་ཞིང་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །རྡོ་རྗེ་ལྕགས་སྒྲོག་དམ་པོ་བདག་།བཅིང་བ་ཀུན་ལས་གྲོལ་བ་རྣམས། །སེམས་ཅན་དོན་དུ་འཆིང་བར་འདོད། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་དབབ་པ་ཞེས་བྱ་བ་སེམས་དཔའ་ཆེན་པོའི་དམ་ཚིག་ལས་བྱུང་བ།་སེམས་དཔའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཐམས་ཅད་ཀྱི་བྲན་འདི་རང་གི་ཐུགས་ཀ་ནས་ཕྱུང་ངོ ། །བཛྲ་ཨཱ་བེ་ཤ་།དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་འདི་ཕྱུང་མ་ཐག་ཏུ། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་ཚོགས་ཐམས་ཅད་དུ་གྱུར་ནས་བྱུང་སྟེ།
129a
༄#། །བཅོམ་ལྡན་འདས་རྡོ་རྗེ་འཛིན་པ་དེ་ཉིད་དོ། །དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་ཚོགས་ཐམས་ཅད་ལས་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པའི་སྐུ་རྣམས་བྱུང་སྟེ་གཅིག་ཏུ་འདྲེས་ནས། བྱང་ཆུབ་སེམས་དཔའ་ཆེན་པོ་རྡོ་རྗེ་དབབ་པའི་སྐུར་གྱུར་ཏེ་བཅོམ་ལྡན་འདས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་དང ། ནོར་བུ་དང ། རིན་པོ་ཆེ་ལས་བྱས་པའི་རྡོ་རྗེ་ལས་ཀྱི་སྒོ་ཁང་གི་ནང་ན་ཟ་བའི་དཀྱིལ་འཁོར་ལ་གནས་ནས་དེ་བཞིན་གཤེགས་པ་ཐམས་ཅད་འབེབས་ཤིང་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །རྡོ་རྗེ་དབབ་པ་བརྟན་པ་བདག་།ཀུན་གྱི་བདག་ཏུ་གྱུར་ནས་ཀྱང། །བྲན་དུ་ཡང་ནི་གྱུར་པ་ཡིན། །དེ་བཞིན་གཤེགས་པ་ཐམས་ཅད་སྤྱན་དྲང་བ་དང ། གཞུག་པ་དང ། བཅིང་བ་དང ། དབང་དུ་བྱ་བ་རྣམས་ནི་དེ་བཞིན་གཤེགས་པ་ཐམས་ཅད་ཀྱི་བཀའ་བཞིན་བྱེད་པའོ། །དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་བསྡུ་བར་བྱིན་གྱིས་བརླབས་པའི་ཕྱིར། རྡོ་རྗེ་སེ་གོལ་གྱི་མཚན་མ་མཛད་ནས། དེ་བཞིན་གཤེགས་པ་ཐམས་ཅད་བསྡུ་བའི་བྱིན་གྱིས་བརླབས་པ་འདི་གསུངས་སོ། །བཛྲ་ས་མཱ་ཛཿ ། དེ་ནས་སྐད་ཅིག་ཐང་ཅིག་ཡུད་ཙམ་
129b
དེའི་ཚེ་དེ་བཞིན་གཤེགས་པ་ཐམས་ཅད་སེ་གོལ་གྱི་མཚན་མས་བསྐུལ་བ་དང ། འཇིག་རྟེན་གྱི་ཁམས་རབ་འབྱམས་རྒྱ་མཚོའི་སྤྲིན་ཐམས་ཅད་ནས། འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་དེ་བཞིན་གཤེགས་པ་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་མང་པོ་དང་བཅས་ཏེ་འདུས་ནས་ཁང་བུ་བརྩེགས་པའི་རྩེ་མོ་རྡོ་རྗེ་དང ། ནོར་བུ་དང ། རིན་པོ་ཆེ་ལས་བྱས་པ་གང་ན་བ་དང ། །བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་གང་ན་བ་དེར་གཤེགས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ོཾ་སརྦ་ཏ་ཐཱ་ག་ཏ་པཱ་ད་བནད་ནཾ་ཀ་རོ་མི་ཞེས་བརྗོད་དོ། །རང་བཞིན་གྱིས་གྲུབ་པའི་སྔགས་འདི་ཅི་དགའ་བར་ཟློས་ཤིང ། དེ་བཞིན་གཤེགས་པ་ཐམས་ཅད་ཀྱི་ཞབས་ལ་ཕྱག་བྱས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་བྱང་ཆུབ་སེམས་དཔའ་ནི། །ཀུན་ཏུ་བཟང་པོའི་སྤྱོད་པ་མཆོག་།དེ་བཞིན་གཤེགས་པའི་འཁོར་ལོ་ཡི། །དབུས་ན་དེ་བཞིན་གཤེགས་པ་མཛེས། །དེ་ནས་དེ་སྐད་ཅེས་སྨྲས་པ་དང ། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ནས་འདུས་པའི་དེ་བཞིན་གཤེགས་པ་དེ་དག་ཐམས་ཅད་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་ཐམས་ཅད་དང་བཅས་ཏེ། དེ་བཞིན་གཤེགས་པ་དེ་དག་ཐམས་ཅད་ཀྱི་
130a
༄#། །བྱིན་གྱིས་བརླབས་ཀྱིས། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་རང་རང་གི་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་དང་བཅས་ཏེ་བྱུང་ནས། བཅོམ་ལྡན་འདས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་དང ། ནོར་བུ་དང ། རིན་པོ་ཆེ་ལས་བྱས་པའི་ཕྱོགས་ཐམས་ཅད་དུ་དཀྱིལ་འཁོར་དུ་གྱུར་ནས་སྙོམས་པར་ཞུགས་ཏེ། ཞུགས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །རྒྱ་ཆེན་གདོད་ནས་སྐྱེ་བ་མེད། །རྡུལ་ཕྲན་ཐམས་ཅད་ཇི་སྙེད་པའི། །སངས་རྒྱས་རྣམས་ནི་གཅིག་ཏུ་འགྱུར། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་འདུས་ནས་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་བསྐྱབ་པ་དང ། ཐམས་ཅད་ལ་ཕན་པ་དང ། །བདེ་བ་བསྟབས་པ་ནས། དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་ཀྱི་ཡེ་ཤེས་དང ། མངོན་པར་ཤེས་པ་དང ། ཡང་དག་པར་རྫོགས་པའི་བྱང་ཆུབ་དམ་པ་འགྲུབ་པའི་ཕྱིར་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་འདི་བྱིན་གྱིས་བརླབས་པར་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་རང་གི་རྡོ་རྗེ་སེམས་དཔའ་ཐོག་མ་དང ། ཐ་མ་མེད་
130b
རྡོ་རྗེ་འཛིན་པ་ཆེན་པོ་ལ་མིང་བརྒྱ་རྩ་བརྒྱད་པ་འདིས་གསོལ་བ་བཏབ་བོ། །རྡོ་རྗེ་སེམས་དཔའ་སེམས་དཔའ་ཆེ། །རྡོ་རྗེ་དེ་བཞིན་གཤེགས་པ་ཀུན། །རྡོ་རྗེ་དང་པོ་ཀུན་ཏུ་བཟང་།། ཕྱག་འཚལ་ཕྱག་ན་རྡོ་རྗེ་ལའོ། །རྡོ་རྗེ་རྒྱལ་པོ་སངས་རྒྱས་མཆོག་།རྡོ་རྗེ་ལྕགས་ཀྱུ་དེ་བཞིན་གཤེགས། །དོན་ཡོད་རྒྱལ་པོ་རྡོ་རྗེ་མཆོག་།ཕྱག་འཚལ་རྡོ་རྗེ་འགུགས་ཁྱོད་ལ། ། རྡོ་རྗེ་ཆགས་པ་བདེ་ཆེན་པོ། །རྡོ་རྗེ་མདའ་ནི་དབང་བྱེད་པ། །བདུད་ཀྱི་འདོད་པ་རྡོ་རྗེ་ཆེ། །ཕྱག་འཚལ་རྡོ་རྗེ་གཞུ་ཁྱོད་ལའོ། །རྡོ་རྗེ་ལེགས་པ་སེམས་དཔའི་མཆོག་།རྡོ་རྗེ་མགུ་བ་དགའ་བ་ཆེ། །རབ་དགྱེས་རྒྱལ་པོ་རྡོ་རྗེ་མཆོག་།ཕྱག་འཚལ་རྡོ་རྗེ་དགྱེས་ཁྱོད་ལ། །རྡོ་རྗེ་རིན་ཆེན་རྡོ་རྗེ་དོན། །རྡོ་རྗེ་ནམ་མཁའ་ནོར་བུ་ཆེ། །ནམ་མཁའི་སྙིང་པོ་རྡོ་རྗེ་ཕྱུག། ཕྱག་འཚལ་རྡོ་རྗེ་སྙིང་ཁྱོད་ལ། །རྡོ་རྗེ་གཟི་བརྗིད་ཆེར་འབར་བ། །རྡོ་རྗེ་ཉི་མ་རྒྱལ་བའི་འོད། །རྡོ་རྗེའི་འོད་ཟེར་གཟི་བརྗིད་ཆེ། །ཕྱག་འཚལ་རྡོ་རྗེ་འོད་ཁྱོད་ལ། །སེམས་ཅན་དོན་རབ་རྡོ་རྗེ་དཔལ། །རྡོ་རྗེ་རྒྱལ་མཚན་རབ་དགའ་བྱེད། །རྡོ་རྗེ་ཆེན་པོ་རིན་ཆེན་དཔལ། །ཕྱག་འཚལ་རྡོ་རྗེ་དཔལ་ཁྱོད་ལ། །རྡོ་རྗེ་བཞད་མོ་བཞད་པ་ཆེ། །རྡོ་རྗེ་འཛུམ་པ་ངོ་མཚར་ཆེ། །དགའ་ཞིང་རབ་དགའ་རྡོ་རྗེ་སྟོན། །ཕྱག་འཚལ་རྡོ་རྗེ་དགའ་བ་ལ། །རྡོ་རྗེ་ཆོས་རབ་དེ་ཉིད་དོན། །རྡོ་རྗེ་པདྨོ་རབ་དགའ་བྱེད། །འཇིག་རྟེན་དབང་རབ་རྡོ་རྗེའི་སྤྱན། །ཕྱག་འཚལ་རྡོ་རྗེ་
131a
༄#། །སྤྱན་ཁྱོད་ལ། །རྡོ་རྗེ་རྣོ་བ་ཐེག་པ་ཆེ། །རྡོ་རྗེ་རལ་གྲི་མཚོན་ཆེན་པོ། །འཇམ་དཔལ་རྡོ་རྗེ་རབ་ཏུ་ཟབ། །ཕྱག་འཚལ་རྡོ་རྗེ་བློ་ཁྱོད་ལ། །རྡོ་རྗེ་རྒྱུ་དག་སྙིང་པོ་ཆེ། །རྡོ་རྗེ་འཁོར་ལོ་ཚུལ་ཆེན་པོ། །རབ་བསྐོར་རྡོ་རྗེ་ལས་བྱུང་བ། །ཕྱག་འཚལ་རྡོ་རྗེ་སྙིང་པོ་ལ། །རྡོ་རྗེ་གསུང་བ་རང་རིག་མཆོག་།རྡོ་རྗེ་ཟློས་པ་རབ་སྒྲུབ་སྦྱིན། །མི་གསུང་རྡོ་རྗེ་མཆོག་གྲུབ་པ། །ཕྱག་འཚལ་རྡོ་རྗེ་གསུང་ཁྱོད་ལ། །རྡོ་རྗེ་ལས་རབ་རྡོ་རྗེའི་བཀའ། །ལས་ཀྱི་རྡོ་རྗེ་ཀུན་རབ་འགྲོ། །རྡོ་རྗེ་དེས་བ་རྒྱ་ཆེ་བོ། །ཕྱག་འཚལ་རྡོ་རྗེ་ཀུན་ཁྱོད་ལ། །རྡོ་རྗེ་སྲུང་བ་བརྟན་པ་ཆེ། །རྡོ་རྗེ་གོ་ཆ་སྲ་བ་ཆེ། །བརྩོན་འགྲུས་མཆོག་ནི་ཐུབ་པར་དཀའ། །ཕྱག་འཚལ་རྡོ་རྗེ་བརྩོན་འགྲུས་ལ། །རྡོ་རྗེ་གནོད་སྦྱིན་ཐབས་ཆེན་པོ། །རྡོ་རྗེ་མཆེ་བ་འཇིགས་པ་ཆེ། །བདུད་འཇོམས་རྡོ་རྗེ་མི་བཟད་པ། །ཕྱག་འཚལ་རྡོ་རྗེ་དྲག་པོ་ལ། །རྡོ་རྗེ་མཚམས་སྦྱོར་རབ་སྡུད་ཉིད། །རྡོ་རྗེ་འཆིང་བ་གྲོལ་གྲོལ་བྱེད། །རྡོ་རྗེ་ཁུ་ཚུར་དམ་ཚིག་མཆོག་།ཕྱག་འཚལ་རྡོ་རྗེ་ཁུ་ཚུར་ལ། །སུ་ཞིག་མིང་རྣམས་འཆད་པ་ནི། །ཞི་བ་བརྒྱ་པོ་རྩ་བརྒྱད་འདི། །རྡོ་རྗེ་མིང་དབང་བསྐུར་ལ་སོགས། །མཆོག་རྣམས་ཀུན་གྱིས་དེ་དབང་བསྐུར། །གང་ཞིག་ཡོན་ཏན་མིང་རྣམས་ཀྱིས། །རྡོ་རྗེ་འཆང་བ་ཆེན་པོ་ལ། །རྟག་ཏུ་དབྱངས་ཀྱིས་བསྟོད་པ་ནི། །དེ་ཡང་རྡོ་
131b
རྗེ་འཆང་འདྲར་གྱུར། །མིང་བརྒྱ་རྩ་བརྒྱད་འདི་དག་གིས། །བདག་ཅག་གིས་ནི་བསྟོད་པ་ཡིན། །ཐེག་པ་ཆེན་པོ་མངོན་བསྡུས་པའི། །ཚུལ་ཆེན་ཡང་ནི་རྒྱས་པར་མཛོད་མགོན་པོ་ཁྱོད་ལ་གསོལ་བ་ནི། །སངས་རྒྱས་ཀུན་གྱི་འཁོར་ལོ་ཆེ། །དཀྱིལ་འཁོར་ཆེན་པོ་དམ་པ་ཡི། །ཆོ་ག་མཆོག་ནི་བཤད་པར་གསོལ། །དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོས་དེ་བཞིན་གཤེགས་པ་ཐམས་ཅད་ཀྱི་གསོལ་བ་བཏབ་པའི་ཚིག་ཐོས་ནས། དེ་བཞིན་གཤེགས་པ་ཐམས་ཅད་ཀྱི་དམ་ཚིག་འབྱུང་བ་རྡོ་རྗེའི་བྱིན་གྱིས་བརླབས་ཀྱིས་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རྡོ་རྗེ་དབྱིངས་ཞེས་བྱ་བའི་དཀྱིལ་འཁོར་ཆེན་པོ་འདི་བཤད་དོ། །དེ་ནས་ཡང་དག་བཤད་བྱ་བ། ། དཀྱིལ་འཁོར་ཆེན་པོ་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་དབྱིངས་ཞེས་བགྱི་བར་གྲགས། །སེམས་དཔའ་ཆེ་བའི་ཕྱག་རྒྱ་ཆེར། །སྒོམ་ཞིང་བྱིན་གྱིས་རློབ་བགྱིད་ཅིང། །དཀྱིལ་འཁོར་གྱི་ནི་དབུས་ཉིད་དུ། །ཅི་རིགས་པར་ནི་མཆིས་ནས་ཀྱང ། །ཕྱག་རྒྱལ་གནས་དེ་བཞིན་ལངས། །ཀུན་ཏུ་རྣམ་པར་བལྟས་ནས་ནི། །རྡོ་རྗེ་སེམས་དཔའ་ཞེས་བརྗོད་ནས། །བསྒྱིངས་པའི་ཚུལ་གྱིས་ཡོངས་སུ་བསྐོར། །སར་པ་ལེགས་པར་བཀལ་ནས་ཀྱང ། །ཚད་དང་མཐུན་ལ་མཛེས་པ་ཡི། །ཐིག་གིས་མཁས་པས་ཅི་ནུས་ཀྱི། །དཀྱིལ་
132a
༄#། །འཁོར་གྱི་ནི་ཐིག་གདབ་ཅིང ། །གྲུ་བཞིར་བགྱི་ཞིང་སྒོ་བཞི་དང ། །རྟ་བབས་བཞིས་ནི་མཛེས་བགྱིས་ལ། །ཐིག་བཞི་དང་ནི་ལྡན་གྱུར་པ། །དར་དང་མེ་ཏོག་ཕྲེང་བས་བརྒྱན། །གྲཝ་ཡི་ཕྱོགས་ནི་ཐམས་ཅད་དང ། །སྒོ་ཁྱུད་ཀྱི་ནི་མཚམས་རྣམས་སུ། །རྡོ་རྗེ་རིན་ཆེན་སྤྲས་པར་ནི། །དཀྱིལ་འཁོར་ཕྱི་རིམ་ཐིག་གདབ་བོ། ། དེ་ཡི་རིམ་པའི་ནང་ཞུགས་ལ། །འཁོར་ལོ་འདྲ་བར་རྡོ་རྗེ་ཡི། །ཐིག་གིས་ཡོངས་སུ་བསྐོར་བར་བྱ། །ཀ་བ་བརྒྱད་ཀྱིས་མཛེས་བགྱིས་པ། །རྡོ་རྗེ་ཀ་བའི་ནང་ལོགས་སུ། །ཟླ་བའི་དཀྱིལ་འཁོར་ལྔས་བརྒྱན་ལ། །དབུས་ཀྱི་དཀྱིལ་འཁོར་དབུས་སུ་ནི། །སངས་རྒྱས་ཀྱི་ནི་གཟུགས་གཞག་ཅིང ། །སངས་རྒྱས་ཀྱི་ནི་ཕྱོགས་ཀུན་གྱི། །དཀྱིལ་འཁོར་རྣམས་ཀྱི་དབུས་རྣམས་སུ། །རིམ་བཞིན་དུ་ནི་དམ་ཚིག་མཆོག་།བཞི་པོ་ལེགས་པར་བཞག་པར་བྱ། །དཀྱིལ་འཁོར་བཞི་པོ་དེ་དག་ཏུ། །རྡོ་རྗེ་གོམ་པས་སོང་ནས་ནི། །མི་གཡོ་བ་ལ་སོགས་པ་ཡི། །སངས་རྒྱས་བཞི་པོ་ཐམས་ཅད་གཞག་།མི་གཡོ་བ་ཡི་དཀྱིལ་འཁོར་དུ། །རྡོ་རྗེ་འཛིན་སོགས་མཉམ་པར་གཞག་།རིན་ཆེན་འབྱུང་བའི་དཀྱིལ་འཁོར་དུ། །རྡོ་རྗེ་སྙིང་སོགས་རྫོགས་པར་གཞག་།ཚེ་དཔག་མེད་པའི་དཀྱིལ་འཁོར་དུ། །རྡོ་རྗེ་སྤྱན་སོགས་དག་པར་གཞག་།གདོན་མི་ཟ་གྲུབ་དཀྱིལ་
132b
འཁོར་དུ། །རྡོ་རྗེ་རྒྱ་གྲམ་ལ་སོགས་གཞག་།འཁོར་ལོ་ཡི་ནི་གྲཝ་རྣམས་སུ། །རྡོ་རྗེ་ལྷ་མོ་རྣམས་ཀྱང་གཞག་།དཀྱིལ་འཁོར་ཕྱི་རིམ་གྲཝ་རྣམས་སུ། །སངས་རྒྱས་མཆོད་པ་རྣམས་ཀྱང་གཞག་།སྒོ་རྣམས་ཀུན་གྱི་ནང་དུ་ནི། །སྒོ་སྲུང་བཞི་ཡང་གཞག་པར་བགྱི། །དཀྱིལ་འཁོར་ཕྱི་རིམ་ཕྱོགས་སུ་ནི། །སེམས་དཔའ་ཆེན་པོ་རྣམས་ཀྱང་བཞག ། དེ་ནས་རྡོ་རྗེ་སློབ་དཔོན་གྱིས། དམ་ཚིག་མཆོག་གི་ཕྱག་རྒྱ་ནི། །ཆོ་ག་བཞིན་བཅིངས་བཞུགས་ནས་ཀྱང ། །གྷཎྜའི་ཕྱག་རྒྱས་དབབ་པར་བགྱི། །དེ་ལ་ཐམས་ཅད་དབབ་པའི་སྙིང་པོ་ནི་འདི་ལེགས་སོ། །ཿ ། བདག་ལ་བྱིན་གྱིས་བརླབས་ལ་སོགས། །ཇི་ལྟ་བར་ནི་བཀའ་ནོད་དོ། །དེ་ལྟར་བགྱིས་ན་བདག་མིང་བརྗོད། །དེ་ནས་རྡོ་རྗེ་བསྒྲུབ་བགྱི་བ། །རྡོ་རྗེ་སློབ་དཔོན་སེམས་དཔའ་ཡི། །རྡོ་རྗེ་ལྕགས་ཀྱུ་བཅིངས་ནས་ནི། །སེ་གོལ་མང་པོ་བརྡབ་བགྱིས་ལ། །སངས་རྒྱས་ཐམས་ཅད་བསྡུ་བར་བགྱི། །དེ་ཚེ་སངས་རྒྱས་ཐམས་ཅད་ནི། །རྡོ་རྗེ་སེམས་དཔའ་ལ་སོགས་བཅས། །དཀྱིལ་འཁོར་ཐམས་ཅད་གང་བ་རྣམས། །དཀྱིལ་འཁོར་རྣམས་སུ་འདུས་པར་འགྱུར། །དེ་ནས་རྡོ་རྗེ་སེམས་དཔའ་ཡི། །ཕྱག་རྒྱ་ཆེན་པོ་སྒོམ་ཕྱེད་ཅིང ། །མིང་བརྒྱ་རྩ་བརྒྱད་དམ་པ་ནི། །ཅུང་ཟད་རབ་ཏུ་བརྗོད་པར་བགྱི། །དེ་ནས་འདུས་པ་དགྱེས་པས་ན། །དེ་བཞིན་གཤེགས་རྣམས་བརྟན་
133a
༄#། །པར་འགྱུར། །རྡོ་རྗེ་སེམས་དཔའ་རང་གྲུབ་པ། །གྲོགས་པོ་ཉིད་དུ་ཉེ་བར་གནས། །དེ་ནས་སྒོ་རྣམས་ཐམས་ཅད་དུ། །ལྕགས་ཀྱུ་ལ་སོགས་ལས་བགྱིས་ནས། །ལས་ཆེན་མཆོག་གི་ཕྱག་རྒྱ་ཡིས། །དམ་ཚིག་རྣམས་ནི་གཞག་པར་བགྱི། །དམ་ཚིག་མཆོག་གི་ཕྱག་རྒྱ་དང ། །སེམས་དཔའ་རྡོ་རྗེ་ལ་སོགས་པས། །དེ་ལྟར་སེམས་དཔའ་ཆེན་པོ་བསྒྲུབ། །ཛཿ ཧཱུཾ་བཾ་ཧོཿ ཞེས་བརྗོད་ཅིང ། །དེ་ནས་སངས་རྒྱས་ལ་སོགས་པ། །སེམས་དཔའ་ཆེན་པོ་ཀུན་བསྡུ་བར། །སྤྱན་དྲངས་ནས་ནི་རབ་ཏུ་བཅུག ། བཅིངས་ནས་དེ་ཡི་དབང་དུ་གྱུར། །དེ་ནས་བདག་ཉིད་ཆེན་པོ་རྣམས། །གསང་བའི་མཆོད་པས་མཉེས་བགྱིས་ལ། །ཐམས་ཅད་དོན་ཀུན་གྲུབ་པའི་ཕྱིར། །ཐམས་ཅད་མཛོད་ཅེས་གསོལ་བར་བགྱི། །དཀྱིལ་འཁོར་ཐམས་ཅད་དུ་རྡོ་རྗེ་སློབ་དཔོན་གྱིས་དེ་བཞིན་དུ་ལས་བགྱིའོ། །དེ་ནས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་འདིར་ནི་རྡོ་རྗེ་སློབ་མ་དཀྱིལ་འཁོར་དུ་གཞུག་པ་ལ་སོགས་པའི་ཆོ་ག་རྒྱས་པར་མཆིས་སོ། །དེ་ལ་དང་པོར་ནི་གཞུག་པ་ལགས་ཏེ། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་སྐྱབས་པ་དང ། སེམས་ཅན་ཐམས་ཅད་ཀྱི་ཕན་པ་དང ། བདེ་བ་ཐམས་ཅད་དངོས་གྲུབ་མཆོག་གི་རྒྱུ་དང ། འབྲས་བུ་ཉིད་ཀྱི་སླད་དུའོ། །བཅོམ་ལྡན་འདས།
133b
དཀྱིལ་འཁོར་ཆེན་པོ་འདིར་གཞུག་པ་ལ་སྣོད་དུ་གྱུར་པ་དང ། སྣོད་དུ་མ་གྱུར་པ་བརྟག་མི་འཚལ་ལོ། །དེ་ཅིའི་ཕྱིར་ཞེ་ན། བཅོམ་ལྡན་འདས། སེམས་ཅན་ཁ་ཅིག་ནི་སྡིག་པ་ཆེན་པོ་བགྱིད་པ་ཡང་མཆིས་ཏེ། དེ་དག་གིས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་དེར་ཞུགས་ཏེ་མཐོང་ན། ངན་སོང་ཐམས་ཅད་དང་བྲལ་བར་འགྱུར་རོ། །བཅོམ་ལྡན་འདས། ནོར་དང།་ནོར་བུ་དང ། བཟའ་བ་དང ། བཏུང་བ་དང ། འདོད་པའི་ཡོན་ཏན་ཐམས་ཅད་ལ་ཆགས་པ་དང ། དམ་ཚིག་ལ་མི་དགའ་བ་དང ། སྔར་སྤྱད་པ་ལ་སོགས་པ་མི་ནུས་པའི་སེམས་ཅན་དག་ཀྱང་མཆིས་ཏེ། དེ་དག་ཀྱང་དེར་ཇི་ལྟར་འཚལ་བ་བཞིན་དུ་བགྱིད་ཅིང་ཞུགས་པ་རྣམས་ཀྱི་བསམ་པ་ཐམས་ཅད་ཡོངས་སུ་རྫོགས་པར་འགྱུར་རོ། །བཅོམ་ལྡན་འདས། །སེམས་ཅན་ཁ་ཅིག་ནི་གར་དང ། གླུ་དང ། གད་མོ་དང ། རྩེད་མོ་དང ། ཁ་ཟས་དང ། སྤྱོད་པ་ལ་དགའ་བ་རྣམས་དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པའི་ཆོས་ཉིད་ཁོང་དུ་མ་ཆུད་པ་ལ་གཞན་གྱི་རིགས་ཀྱི་དཀྱིལ་འཁོར་དུ་འཇུག་གི། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དཀྱིལ་འཁོར་དུ་རེ་བ་ཐམས་ཅད་ཡོངས་སུ་རྫོགས་པ། ཡང་དག་པར་བསྡུས་པར་གྱུར་པ། བླ་ན་མེད་པའི་དགའ་བ་དང ། མགུ་བ་དང ། རངས་པ་རྣམས་འབྱུང་བར་བྱེད་པ་དེ་ནི་
134a
༄#། །བསླབ་པའི་གཞིས་འཇིགས་ཤིང་སྐྲག་ནས། མི་འཇུག་པ་དག་ཀྱང་མཆིས་ཏེ། དེ་དག་ངན་སོང་གི་དཀྱིལ་འཁོར་གྱི་ལམ་དུ་འཇུག་པར་ཁ་བལྟས་ཤིང་གནས་པ་རྣམས་ཀྱང་དགའ་བ་དང ། མགུ་བའི་དམ་པ་ཐམས་ཅད་འགྲུབ་ཅིང་བདེ་བ་དང ། ཡིད་བདེ་བ་མྱོང་བར་བགྱི་བ་དང ། ངན་སོང་གི་རྒྱུད་ཐམས་ཅད་དུ་འཇུག་པར་ཁ་བལྟས་པའི་ལམ་ལས་བཟློག་པར་བགྱི་བའི་སླད་དུ་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་དེར་འཇུག་ཏུ་རུང་ངོ ། །བཅོམ་ལྡན་འདས། ཆོས་ཅན་གྱི་སེམས་ཅན་དེ་བཞིན་གཤེགས་པ་ཐམས་ཅད་ཀྱི་ཚུལ་ཁྲིམས་དང ། ཏིང་ངེ་འཛིན་དང ། ཤེས་རབ་ཀྱི་དངོས་གྲུབ་དམ་པའི་ཐབས་ཀྱིས་སངས་རྒྱས་རྣམས་ཀྱི་བྱང་ཆུབ་ཚོལ་བ་ན་བསམ་གཏན་དང ། རྣམ་པར་ཐར་པ་དང ། ས་རྣམས་ཀྱིས་འབད་ཅིང་ཉོན་མོངས་པར་གྱུར་པ་དག་ཀྱང་མཆིས་ཏེ། དེ་དག་ཀྱང་རྡོ་རྗེ་དབྱིངས་ཀྱིས་དཀྱིལ་འཁོར་ཆེན་པོ་དེར་ཞུགས་མ་ཐག་ཏུ་དེ་བཞིན་གཤེགས་པ་ཐམས་ཅད་དུ་འགྲུབ་པར་ཡང་རྙེད་པར་དཀའ་བ་མ་ལགས་ན། དངོས་གྲུབ་གཞན་ལྟ་སྨོས་ཀྱང་ཅི་འཚལ། དེ་ལ་དང་པོ་ཁོ་ནར་རེ་ཞིག་དེ་བཞིན་གཤེགས་པ་ཐམས་ཅད་ལ་ཕྱག་བཞི་བགྱིའོ། །དེ་ནི་འདི་ལྟར་ལུས་ཐམས་ཅད་ཀྱིས་རྡོ་རྗེ་ཐལ་མོ་བརྐྱང་སྟེ་ཕྱག་འཚལ་ཞིང་སྔགས་འདི་སྐད་དུ། ཨོཾ་
134b
སརྦྦ་ཏ་ཐཱ་ག་ཏ་ཕཱུ་ཛོ་པསྠ་ནཱ་ཡ་ཨཱཏྨ་ནཾ་ནི་རྱཱ་ཏ་ཡཱ་མི། སརྦྦ་ཏ་ཐཱ་ག་ཏ་བཛྲ་སཏྭ་ཨ་དྷི་ཏིཥྛ་སཝ་མཱཾ་ཞེས་བརྗོད་དོ། །དེ་ནས་དེ་བཞིན་དུ་འདུག་སྟེ། རྡོ་རྗེ་ཐལ་མོ་སྙིང་གར་བཞག་སྟེ། དཔྲལ་བས་ཕྱག་འཚལ་ཞིང་སྔགས་འདི་སྐད་དུ། ཨོཾ་སརྦྦ་ཏ་ཐཱ་ག་ཏ་པཱུ་ཛ་ཨ་བྷི་ཥ་ཀཱ་ཡ་ཨཱཏྨ་ནཾ་ནི་རའྱ་ཏ་ཡཱ་མི། སརྦྦ་ཏ་ཐཱ་ག་ཏ་བཛྲ་རཏྣ་ཨ་བྷིཥི་ལྕ་མཱཾ་ཞེས་བརྗོད་དོ། །དེ་ནས་དེ་བཞིན་དུ་འཇུག་སྟེ་རྡོ་རྗེ་ཐལ་མོ་སྤྱི་བོར་སྦྱར་ཏེ་ཁས་ཕྱག་འཚལ་ཞིང་སྔགས་འདི་སྐད་དུ། ཨོཾ་སརྦྦ་ཏ་ཐཱ་ག་ཏ་པཱུ་ཛ་པྲ་བརྟ་ནཱ་ཡ་ཨཱཏྨ་ནཾ་ནི་རྱཱ་ཏ་ཡཱ་མི། སརྦྦ་ཏ་ཐཱ་ག་ཏ་བཛྲ་དྷརྨྨ་བྲ་བྲྟྟ་ཡ་མཱཾ་ཞེས་བརྗོད་དོ། །དེ་ནས་དེ་བཞིན་དུ་འདུག་སྟེ། རྡོ་རྗེ་ཐལ་མོ་སྤྱི་བོ་ནས་ཕབ་སྟེ་སྙིང་གར་བཞགས་ནས་སྤྱི་བོས་ཕྱག་འཚལ་ཞིང་སྔགས་འདི་སྐད་དུ། ཨོཾ་སརྦྦ་ཏ་ཐཱ་ག་ཏ་པཱུ་ཛ་ཀརྨ་ཎེ་ཨཱཏྨ་ནཾ་ནི་རྱཱ་ཏ་ཡཱ་མི། སརྦྦ་ཏ་ཐཱ་ག་ཏ་བཛྲ་ཀརྨ་ཀུ་རུ་མཱཾ་ཞེས་བརྗོད་དོ། །དེ་ནས་སྟོད་གཡོགས་གོས་དམར་པོ་གྱོན་གདོང་རས་དམར་པོས་དཀྲིས་ནས། སེམས་དཔའ་རྡོ་རྗེ་མའི་ཕྱག་རྒྱ་བཅིངས་ལ་སྙིང་པོ་འདི་བརྗོད་དོ། །ས་མཡ་སྟྭཾ། དེ་ནས་གུང་མོ་གཉིས་ཀྱིས་མེ་ཏོག་གི་ཕྲེང་བ་འཛིན་དུ་བཅུག་ལ་དྲང་ཞིང་སྙིང་པོ་འདི་བརྗོད་དོ། ས་མ་ཡ་ཧཱུཾ། དེ་ནས་བཅུག་མ་ཐག་ཏུ་འདི་སྐད་དུ་བསྒོས་ཤིག་།དེང་ཁྱོད་དེ་བཞིན་གཤེགས་པ་ཐམས་ཅད་ཀྱི་རིགས་སུ་ཞུགས་ཀྱིས། ངས་ཁྱོད་ལ་ཡེ་ཤེས་གང་གིས་དེ་
135a
༄#། །བཞིན་གཤེགས་པ་ཐམས་ཅད་གྲུབ་པ་ཡང་ཐོབ་ན། དངོས་གྲུབ་གཞན་ལྟ་སྨོས་ཀྱང་ཅི་དགོས་ཏེ། དེ་ལྟ་བུའི་རྡོ་རྗེའི་ཡེ་ཤེས་བསྐྱེད་པར་བྱ་ཡི། ། ཁྱོད་ཀྱིས་དཀྱིལ་འཁོར་ཆེན་པོ་མ་མཐོང་བ་རྣམས་ལ་མ་སྨྲ་ཤིག་།དམ་ཚིག་ཉམས་པར་གྱུར་ཏ་རེ། །དེ་ནས་རྡོ་རྗེ་སློབ་དཔོན་གྱིས་སེམས་དཔའི་རྡོ་རྗེའི་ཕྱག་རྒྱ་ཁ་ནང་དུ་བསྟན་པ་དང ། ཕྱིར་བསྟན་པ་བཅིངས་ལ་རྡོ་རྗེ་སློབ་མའི་སྤྱི་བོར་བཞག་སྟེ། འདི་སྐད་དུ་བརྗོད་པར་བྱའོ། །འདི་ནི་ཁྱོད་ཀྱི་རྡོ་རྗེའི་དམ་ཚིག་ཡིན་གྱི། །གལ་ཏེ་འགའ་ཞིག་ལ་སྨྲས་ན། ཀླད་པ་འགས་པར་འགྱུར་རོ། །དེ་ནས་དམ་ཚིག་གི་ཕྱག་རྒྱ་དེ་ཉིད་དང ། མནའི་ཆུའི་སྙིང་པོས་སྔགས་ལ་སློབ་མ་དེ་འཐུང་དུ་གཞུག་གོ། །དེ་ལ་མནའི་སྙིང་པོ་འདི་ཡིན་ཏེ། རྡོ་རྗེ་སེམས་དཔའ་ཉིད་ནི་དེང ། །ཁྱོད་ཀྱི་སྙིང་ལ་ཡང་དག་ཞུགས། །གལ་ཏེ་ཚུལ་དེ་སྨྲ་ན་ནི། །དེ་མ་ཐག་ཏུ་དྲལ་ཏེ་གཤེགས། །ོཾ་བཛྲོ་ད་ཀཋ། དེ་ནས་སློབ་མ་ལ་འདི་སྐད་དུ་བསྒོས་ཤིག་།དེང་ཕྱིན་ཆད་ཁྱོད་ཀྱི་ཕྱག་ན་རྡོ་རྗེ་ང་ཡིན་གྱི། ངས་འདི་བྱོས་ཤིག་ཅེས་བསྒོ་བ་གང་ཡིན་པ་དེ་བྱ་དགོས་སོ། །ཁྱོད་ཀྱིས་ང་ལ་བརྙས་པར་མ་བྱེད་ཅིག་།མི་བདེ་བ་མ་སྤངས་པས་ཁྱོད་དུས་བྱས་ན་དམྱལ་བར་ལྟུང་བར་གྱུར་ཏ་རེ་ཞེས་སྨྲས་ལ། འདི་སྐད་དུ་དེ་བཞིན་གཤེགས་པ་
135b
ཐམས་ཅད་ཀྱི་བྱིན་གྱིས་རློབས་ལ། རྡོ་རྗེ་སེམས་དཔའ་བདག་ལ་འབབ་པར་གྱུར་ཅིག་ཅེས་སྨྲོས་ཤིག་པར་བསྒོའོ། །དེ་ནས་རྡོ་རྗེ་སློབ་དཔོན་གྱིས་མྱུར་དུ་སེམས་དཔའ་རྡོ་རྗེ་མའི་ཕྱག་རྒྱ་བཅིངས་ལ་འདི་སྐད་དུ་བརྗོད་དུ་གཞུག་གོ་།འདི་ནི་རྡོ་རྗེ་དམ་ཚིག་སྟེ། །རྡོ་རྗེ་སེམས་དཔའ་ཡིན་པར་གྲགས། །རྡོ་རྗེ་ཡེ་ཤེས་བླ་མེད་ནི། །དེ་རིང་ཉིད་དུ་འབབ་པར་ཤོག ། ོཾ་བཛྲ་ཨཱ་པེ་ཤ་ཨཿ ། དེ་ནས་ཁྲོ་བོའི་ཕྱག་རྒྱ་བཅིངས་ལ། སེམས་དཔའ་རྡོ་རྗེ་མའི་ཕྱག་རྒྱ་མདུད་ཅིང་དྲངས་ལ། ཐེག་པ་ཆེན་པོ་མངོན་པར་རྟོགས་པའི་རྡོ་རྗེའི་ཚིག་ཅི་དགའ་བར་བརྗོད་དུ་གཞུག་གོ། །དེ་ནས་བབས་ཏེ་བབས་མ་ཐག་ཏུ་ལྷའི་ཡེ་ཤེས་སྐྱེ་བར་འགྱུར་ཏེ། ཡེ་ཤེས་དེས་ཕ་རོལ་གྱི་སེམས་ཤེས་པར་འགྱུར་རོ། །འདས་པ་དང ། མ་འོངས་པ་དང།་ད་ལྟར་བྱུང་བ་རྣམས་ཀྱི་དགོས་པ་ཐམས་ཅད་ཤེས་པར་འགྱུར་རོ། །དེ་བཞིན་གཤེགས་པའི་བསྟན་པ་ཐམས་ཅད་ལ་འདིའི་སེམས་བརྟན་པར་འགྱུར་རོ། །དེའི་སྡུག་བསྔལ་ཐམས་ཅད་ཟད་པར་འགྱུར་རོ། །འཇིགས་པ་ཐམས་ཅད་དང་བྲལ་ནས་གནོད་པ་མེད་པར་འགྱུར་རོ། །སེམས་དཔའ་ཐམས་ཅད་དང ། དེ་བཞིན་གཤེགས་པ་ཐམས་ཅད་ཀྱིས་ཀྱང་བྱིན་གྱིས་བརླབས་པར་འགྱུར་རོ། །དངོས་གྲུབ་ཐམས་ཅད་ནི་འདིའི་མངོན་སུམ་དུ་འགྱུར་རོ། །རྒྱུ་མེད་པར་སྔོན་མ་བྱུང་བའི་དགའ་བ་དང ། མགུ་བ་དང ། རངས་པར་བྱེད་
136a
༄#། །པའི་བདེ་བ་ཐམས་ཅད་འདི་ལ་སྐྱེ་བར་འགྱུར་རོ། །བདེ་བ་དེ་དག་ཁ་ཅིག་གིས་ནི་ཏིང་ངེ་འཛིན་འགྲུབ་པར་འགྱུར་རོ། །ཁ་ཅིག་གིས་ནི་གཟུངས། ཁ་ཅིག་གིས་ནི་རེ་བ་ཐམས་ཅད་ཡོངས་སུ་རྫོགས་པ་ནས། ཁ་ཅིག་གིས་ནི་དེ་བཞིན་གཤེགས་པ་ཐམས་ཅད་འགྲུབ་བའི་བར་དུ་འང་འགྱུར་རོ། །དེ་ནས་ཕྱག་རྒྱ་དེ་བཅིངས་ལ་རང་གི་སྙིང་ཁར་དགྲོལ་ཞིང་སྙིང་པོ་འདིའང་བརྗོད་དུ་གཞུག་གོ། །ཏིཥྛ་བཛྲ་དྲྀ་ཌྷོ་མེ་བྷ་བ། ཤཱ་ཤཝ་ཏོ་མེ་བྷ་བ་ཧྲྀ་ད་ཡ་མེ། ཨ་དྷི་ཏིཥྛ། སརྦ་སིདྡྷི་མྨེ་པྲ་ཡཙྪ་ཧཱུཾ། ཧ་ཧ་ཧ་ཧ་ཧོ། དེ་ནས་མ་ཏོག་གི་ཕྲེང་བ་དེ་དཀྱིལ་འཁོར་ཆེན་པོར་དོར་ཞིང་སྙིང་པོ་འདི་ཆེད་དུ་བརྗོད་དུ་གཞུག་གོ་།པྲ་ཏཱིཙྪ་བཛྲ་ཧོཿ ། དེ་ནས་གང་ལ་བབ་པ་དེ་འདིས་འགྲུབ་བོ། །དེ་ནས་ཕྲེང་བ་འདི་བླངས་ཏེ། སྙིང་པོ་འདིས་དེ་ཉིད་ཀྱི་མགོ་བོར་བཅིངས་ལ་འདི་བརྗོད་དུ་གཞུག་གོ་།ཱོཾ་པྲ་ཏི་གྲིཧྞ་སཝ་མི་མཱཾ་སཏྭ་མ་ཧཱ་བ་ལ། དེ་བཅིངས་པས་སེམས་དཔའ་ཆེན་པོ་དེས་བདག་གིར་བྱས་པར་གྱུར་པས་འདི་མྱུར་དུ་འགྲུབ་པར་འགྱུར་རོ། །དེ་ནས་དེ་ལྟར་བབས་བཞིན་དུ་གདོང་གཡོགས་བཀྲོལ་ཏེ་སྙིང་པོ་འདི་འང་བརྗོད་དུ་གཞུག་གོ།་ཨོཾ་བཛྲ་ས་ཏྭ་ས་ཡནྟེ་ཏྱ་ཙཀྵུ་ར་ག་ཏ་ན་ཏད་པ་ར་ཨུ་ཊ་གྷ་ཊ། ཡ་ཏི་སརྦྦཱ་ཀྵོ་བཛྲ་ཙཀྵུ་ཨ་ནུཏྟ་རཾ་ཧེ་བཛྲ་པཱ་ཤྱ། དེ་ནས་དཀྱིལ་འཁོར་ཆེན་པོ་རིམ་བཞིན་དུ་བསྟན་ཏོ། །
136b
དཀྱིལ་འཁོར་ཆེན་པོ་མཐོང་མ་ཐག་ཏུ་འང་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པར་འགྱུར་རོ། །རྡོ་རྗེ་སེམས་དཔའ་ཡང་འདིའི་སྙིང་ག་ན་གནས་སོ། །དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པའི་ཕྱིར་འོད་ཟེར་སྣ་ཚོགས་པ་ལ་སོགས་པའི་དཀྱིལ་འཁོར་མཐོང་བ་ལ་སོགས་པ་དང ། རྫུ་འཕྲུལ་དང ། ཆོ་འཕྲུལ་རྣམས་ཀྱང་མཐོང་བར་འགྱུར་རོ། །གལ་ཏེ་ན་བཅོམ་ལྡན་འདས་རྡོ་རྗེ་འཛིན་པ་ཆེན་པོ་ཉིད་དམ་དེ་བཞིན་གཤེགས་པའི་སྐུ་ཞིག་སྟོན་པར་འགྱུར་རོ། །དེ་ཕྱིན་ཆད་དོན་ཐམས་ཅད་དང་ཡིད་ཀྱི་འདོད་པའི་དགོས་པ་ཐམས་ཅད་དང ། དངོས་གྲུབ་ཐམས་ཅད་ནས་རྡོ་རྗེ་འཛིན་པ་ཉིད་དམ། དེ་བཞིན་གཤེགས་པ་ཉིད་དུ་འགྲུབ་པར་འགྱུར་རོ། །དེ་ནས་དཀྱིལ་འཁོར་ཆེན་པོ་མཐོང་བའི་འོག་ཏུ་རྡོ་རྗེས་བྱིན་གྱིས་བརླབས་པའི་བུམ་པའི་ནང་གི་དྲིའི་ཆུ་དང ། སྙིང་པོ་འདིས་དབང་བསྐུར་བར་བྱའོ། །ོཾ་བཛྲ་ཨ་བྷི་ཥིཉྩ་མཱི། དེ་ནས་ཕྱག་རྒྱ་དང ། ཕྲེང་བ་གང་ཡང་རུང་བ་ཞིག་བཅིངས་ལོ། །རང་གི་མཚན་མ་ལག་པར་བཞག་ལ་འདི་སྐད་དུ་བརྗོད་པར་བྱའོ། །སངས་རྒྱས་རྣམས་ཀྱིས་རྡོ་རྗེའི་དབང ། །དེ་རིང་ཁྱོད་ལ་བསྐུར་བར་བྱ། །སངས་རྒྱས་ཀུན་གྱིས་རབ་གྲུབ་ཕྱིར། །རྡོ་རྗེ་འདི་ནི་ཁྱོད་ཀྱིས་ལོངས། །ོཾ་བཛྲ་ཨ་དྷི་པ་ཏི་སྟྭཾ་ཨ་བྷི་ཥིཉྩ་མཱི། ཏིཥྛ་བཛྲ་ས་མ་ཡ་སྟྭཾ། །དེ་ནས་སྙིང་པོ་འདི་རྡོ་རྗེ་མིང་གི་དབང་གིས་དབང་
137a
༄#། །བསྐུར་བར་བྱའོ། །ོཾ་བཛྲ་སཏྭ་ཏྭཾ་ཨ་བྷི་ཥིཉྩཱ་མི། བཛྲ་ནཱ་མ་ཨ་བྷི་ཥེ་ཀ་ཏ། ཀྱཻ།་རྡོ་རྗེ་ཞེས་གང་གི་མིང་གང་བརྗོད་པ་དེར་ཀྱེ་ཞེས་བརྗོད་པར་བྱའོ།། དཀྱིལ་འཁོར་ཐམས་ཅད་དུ་འཇུག་པའི་ཆོ་ག་རྒྱས་པའོ། །དེ་ནས་ཅི་ཁྱོད་དོན་འབྱུང་བའི་དངོས་གྲུབ་ཀྱི་ཡེ་ཤེས་དང ། རྫུ་འཕྲུལ་གྱི་དངོས་གྲུབ་འགྲུབ་པའི་ཡེ་ཤེས་དང་རིག་འཛིན་གྱི་དངོས་གྲུབ་འགྲུབ་པའི་ཡེ་ཤེས་ནས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱི་མཆོག་འགྲུབ་པའི་ཡེ་ཤེས་ཀྱི་བར་དུ་གང་འདོད་ཅེས་སྨྲས་ལ། དེ་ནས་གང་གིས་གང་འདོད་པ་དེ་དེ་ལ་བརྗོད་པར་བྱའོ། །དེ་ནས་དོན་ཐམས་ཅད་ཀྱི་དངོས་གྲུབ་འགྲུབ་པའི་ཕྱག་རྒྱའི་ཡེ་ཤེས་བསླབ་པར་བྱ་སྟེ། རྡོ་རྗེའི་དབྱིངས་ནི་གཏེར་གནས་པ། །སྙིང་གར་ཡོངས་སུ་བསྒོམ་པར་བྱ། །བསྒོམས་ནས་ས་ལ་གནས་པ་ཡི། །གཏེར་ནི་དེ་ཡིས་མཐོང་བར་འགྱུར། །རྡོ་རྗེའི་དབྱིབས་ཤིག་བྲིས་ནས་ཀྱང ། །ནམ་མཁའི་ངོས་སུ་བསྒོམ་པར་བྱ། །གང་དུ་ལྟུང་བ་མཐོང་བ་དེར། །གཏེར་ཡོད་པར་ནི་རྣམ་པར་བཤད། །བློ་ལྡན་མི་ཡིས་རྡོ་རྗེའི་དབྱིབས། །ལྕེ་ཡི་སྟེང་དུ་བསྒོམས་ནས་ནི། །འདི་ནི་ཡོད་ཅེས་བདག་ཉིད་ཀྱིས། །བདེན་པ་ཉིད་ཀྱིས་སྨྲ་བར་འགྱུར། །བདག་གི་ལུས་ནི་ཐམས་ཅད་ལ། །རྡོ་རྗེའི་དབྱིབས་སུ་བསྒོམས་ནས་ནི། །བབས་པར་གྱུར་ནས་གར་གནས་
137b
པ། །གཏེར་ནི་དེ་ན་ཡོད་པར་བཤད། །དེ་དག་གི་སྙིང་པོ་ནི་འདི་དག་ཡིན་ནོ། །ོཾ་བཛྲ་ནི་དྷཱི། ཨོཾ་རཏྣ་ནི་དྷཱི། ཨོཾ་དྷརྨྨ་ནི་དྷཱི། ཨོཾ་ཀརྨྨ་ནི་དྷཱི། དེ་ནས་རྡོ་རྗེ་རྫུ་འཕྲུལ་གྱི་དངོས་གྲུབ་འགྲུབ་པའི་ཕྱག་རྒྱའི་ཡེ་ཤེས་བསླབ་པར་བྱ་སྟེ། རྡོ་རྗེ་དབབ་པ་བྱས་ནས་ནི། །ཆུ་ལ་རྡོ་རྗེའི་དབྱིབས་འདྲ་བར། །བསྒོམས་ནས་ཆུ་ཡི་སྟེང་ན་ཕར། །འགྲོ་བའི་དངོས་གྲུབ་མྱུར་དུ་ཐོབ། །དེ་ལྟར་དབབ་པ་བྱས་ནས་ཀྱང ། །གང་གི་གཟུགས་སུ་བདག་གི་ལུས། །བསྒོམས་པར་གྱུར་ན་བདག་ཉིད་ནི། །སངས་རྒྱས་ཀྱི་ནི་སྐུར་ཡང་འགྱུར། །དེ་ལྟར་བདག་ལ་ཕབ་ནས་ཀྱང་།། བདག་ཉིད་ཀྱིས་ནི་ནམ་མཁར་ནི། །བསྒོམས་པར་འགྱུར་ན་ཇི་སྲིད་དུ། །འདོད་པ་དེ་སྲིད་མི་སྣང་འགྱུར། །རྡོ་རྗེ་དབབ་བར་བདག་འགྱུར་ནས། །རྡོ་རྗེ་ཡིན་པར་བདག་བསྒོམས་ན།། གནས་ནས་ཇི་སྲིད་ལྡིང་འདོད་པ། །དེ་སྲིད་མཁའ་ལ་འགྲོ་བར་འགྱུར། །དེ་དག་གི་སྙིང་པོ་ནི་འདི་དག་ཡིན་ནོ། །བཛྲ་ཛྭ་ལ། བཛྲ་རཱུ་པ། བཛྲ་ཨཱ་ཀཱ་ཤ་།བཛྲ་མ་ཧཱཾ། དེ་ནས་རྡོ་རྗེ་རིག་འཛིན་གྱི་དངོས་གྲུབ་འགྲུབ་པར་ཕྱག་རྒྱའི་ཡེ་ཤེས་བསླབ་པར་བྱ་སྟེ། ཟླ་བའི་དབྱིབས་གཅིག་བྲིས་ནས་ནི། །སྟེང་གི་མཁའ་ལ་འཕགས་བྱས་ཏེ། །ལག་པར་རྡོ་རྗེ་བསྒོམས་ནས་ནི། །རྡོ་རྗེའི་རིག་པ་འཛིན་པར་འགྱུར། །ཟླ་བའི་དབྱིབས་སྟེང་འདུག་གནས་ནི། །རྡོ་རྗེ་རིན་ཆེན་རབ་བསྒོམས་ན། །བདག་ཉིད་དག་པ་ཇི་སྲིད་འདོད། །དེ་སྲིད་སྐད་ཅིག་ལྡིང་
138a
༄#། །བར་འགྱུར། །ཟླ་བའི་དབྱིབས་ཀྱི་སྟེང་འདུག་ནས། །རྡོ་རྗེ་པདྨོ་ལག་གནས་པར། །བསྒོམས་ནས་རྡོ་རྗེའི་སྤྱན་གྱིས་ནི། །རིག་འཛིན་གོ་འཕང་སྦྱིན་པར་བྱེད། །ཟླ་བའི་དཀྱིལ་འཁོར་དབུས་གནས་ནས། །ལས་ཀྱི་རྡོ་རྗེ་བསྒོམ་ནས་ནི། །རྡོ་རྗེ་སྣ་ཚོགས་འཛིན་པ་ལས། །རིག་འཛིན་ཀུན་ཏུ་མྱུར་བར་འགྱུར། །དེ་དག་གི་སྙིང་པོ་འདི་དག་ཡིན་ནོ། །བཛྲ་དྷ་ར། རཏྣ་དྷ་ར། དྷརྨྨ་དྷ་ར། ཀརྨྨ་དྷ་ར། དེ་ནས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་དམ་པ་འགྲུབ་པའི་ཕྱག་རྒྱའི་ཡེ་ཤེས་བསླབ་པར་བྱ་སྟེ། རྡོ་རྗེ་ཀུན་གྱི་ཏིང་ངེ་འཛིན། །ནམ་མཁའི་དབྱིབས་སུ་བསམས་ནས་ནི། །རྡོ་རྗེའི་བདག་ཉིད་ཇི་སྲིད་འདོད། །དེ་སྲིད་བར་དུ་ལྡིང་བར་འགྱུར། །ཀུན་ལ་དག་པའི་ཏིང་ངེ་འཛིན། །བསྒོམས་ན་བླ་མེད་དེ་བཞིན་དུ། །ཡེ་ཤེས་བསྒྲུབས་པས་མྱུར་དུ་ནི། །མངོན་ཤེས་ལྔ་ནི་ཐོབ་པར་འགྱུར། །རྡོ་རྗེ་སེམས་དཔའ་འདྲ་བར་ནི།། ནམ་མཁའ་ཐམས་ཅད་དྲན་བྱས་ན། །བདག་ཉིད་དྲན་པ་བརྟན་ལྡན་ཞིང ། །རྡོ་རྗེ་འཛིན་པར་མྱུར་དུ་འགྱུར། །ནམ་མཁའི་དབྱིངས་ནི་ཐམས་ཅད་དུ། །སངས་རྒྱས་གཟུགས་སུ་བསམས་ནས་ནི། །སངས་རྒྱས་ཀུན་གྱི་ཏིང་འཛིན་ལས། །སངས་རྒྱས་ཉིད་དུ་འགྲུབ་པར་འགྱུར། །དེ་དག་གི་སྙིང་པོ་ནི་འདི་དག་ཡིན་ནོ། །བཛྲ་བཛྲ། ཤུདྡྷ་ཤུདྡྷ།
138b
སཏྭ་སཏྭ། བུདྡྷ་བུདྡྷ། ཐམས་ཅད་ཀྱི་དངོས་གྲུབ་ཀྱི་ཡེ་ཤེས་འགྲུབ་པ་རྣམས་སོ། །དེ་ནས་གསང་བ་ཐུབ་པ་ཡིན་པས་དེ་ལ་དང་པོར་མནའི་སྙིང་པོ་བརྗོད་པར་བྱ་སྟེ། ཨོཾ་བཛྲ་སཏྭ་སཱ་ཡནྟྱེ། ཧྲཾ་ད་ཡེ་ས་མ་བསྟི་ཏ་ནི་བཱི་དྱཱ་ཏ་ཏཀྵ་ཎཱཾ། ཡཱ་ཡཱ་ད་ཡ་ཏི་བྲུ་ཡད་ཨི་དཾ་ན་ཡཾ། དེ་ནས། འདི་སྐད་དུ། ཁྱོད་ཀྱིས་མནའི་སྙིང་པོ་འདི་ལས་འདའ་བར་མ་བྱེད་ཅིག་།ཁྱོད་ཀྱིས་གནོད་པ་མ་སྤངས་པས་དུས་མ་ཡིན་པར་འཆི་བར་གྱུར་ཏ་རེ། ལུས་འདི་ཉིད་ཀྱིས་དམྱལ་བར་གྱུར་ཏ་རེ་ཞེས་བསྒོ་བར་བྱའོ། །དེ་ནས་གསང་བའི་ཕྱག་རྒྱའི་ཡེ་ཤེས་བསླབ་པར་བྱའོ། །རྡོ་རྗེ་དབབ་པར་བསྐྱེད་ནས་ནི། །མཉམ་པར་གཞག་པས་རྡོ་རྗེ་ཡི། །ཐལ་མོའི་ངོས་ཀྱིས་དལ་བརྡབས་ན། །རི་བོ་ཡང་ནི་དབང་དུ་འགྱུར། །རྡོ་རྗེ་ཐལ་མོའི་ཕྱག་རྒྱའོ། །རྡོ་རྗེ་དབབ་པའི་ཆོ་ག་ཡིས། །རྡོ་རྗེ་བསྡམས་པའི་ངོས་གཉིས་ནི། །དལ་གྱི་བརྡབ་པར་སྦྱོར་བ་ཡིས། །རི་བོ་ཡང་ནི་ཀུན་ནས་འགུགས། །དེ་བཞིན་དབབ་པའི་ཆོ་ག་ཡིས། ། རྡོ་རྗེ་བསྡམས་པ་བརྐྱང་ནས་ནི། །སོར་མོའི་རྩེ་མོ་མཉམ་བརྡབས་ན། །རིགས་བརྒྱ་ཡུད་ཀྱིས་བརླག་པར་འགྱུར། །ཕྲ་མོ་དབབ་པའི་ཆོ་ག་བྱས། །སོར་མོ་ཐམས་ཅད་མཉམ་གཞག་ཅིང ། །རྡོ་རྗེ་བསྡམས་པ་བཀྲོལ་བ་ནི། །གནོད་པ་ཀུན་ལས་བསལ་བའི་མཆོག་།དེས་ན་དེ་དག་གི་གསང་བ་སྒྲུབ་པ་ཡིན་ཏེ། བུད་མེད་དམ་ནི་སྐྱེས་པ་ཡི། །བུ་གའི་
139a
༄#། །ནང་དུ་འཇུག་པར་བྱ། །ཡིད་ཀྱིས་དེ་ལྟར་ཞུགས་ནས་ཀྱང ། །དེ་ཡི་ལུས་ཀུན་ཁྱབ་པར་བསམ། །དེ་ལ་རྡོ་རྗེ་ཐལ་མོའི་སྙིང་པོ་ནི་འདི་དག་ཡིན་ནོ། །བཛྲ་བཱ་ཤ་།བཛྲ་ཨཱ་བེ་ཤ་།བཛྲ་ཧ་ན། བཛྲ་ཧ་ར། དེ་ནས་སྙིང་པོ་བྱིན་ལ་རང་གི་རིགས་ཀྱི་ལྷའི་ཕྱག་རྒྱ་བཞིའི་ཡེ་ཤེས་བསླབ་པར་བྱའོ། །ཆོ་ག་འདི་སྐད་དུ་བསྒོ་བར་བྱ་སྟེ།་ཁྱོད་ཀྱིས་ཕྱག་རྒྱ་ལ་མི་མཁས་པ་གཞན་སུའང་རུང་བ་ལ་ཕྱག་རྒྱ་གང་ཡང་རུང་བ་བསྟན་པར་མ་བྱེད་ཅིག་།དེ་ཅིའི་ཕྱིར་ཞེ་ན། དེ་ནི་འདི་ལྟར་དཀྱིལ་འཁོར་ཆེན་པོ་མ་མཐོང་བར་གྱུར་པའི་སེམས་ཅན་དེ་དག་གིས་ཕྱག་རྒྱ་བཅིང་བ་བྱས་ན་དེའི་ཚེ་དེ་དག་དེ་ལྟར་འགྲུབ་པར་མི་འགྱུར་རོ། །དེ་ནས་དེ་དག་ཐེ་ཚོམ་དུ་གྱུར་ཏེ། གནོད་པ་མ་སྤངས་པས་མྱུར་བ་ཉིད་དུ་དུས་བྱས་ནས་དམྱལ་བ་ཆེན་པོ་མནར་མེད་པ་ཞེས་བྱ་བར་ལྟུང་བར་འགྱུར་རོ། །ཁྱོད་ཉིད་ཀྱང་ངན་སོང་དུ་ལྷུང་བར་འགྱུར་རོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་སེམས་དཔའ་སྒྲུབ་པའི་ཕྱག་རྒྱ་ཆེན་པོའི་ཡེ་ཤེས་གང་ཡིན་པ་དེ་བཤད་དོ། །སེམས་རྟོགས་པ་ནས་བརྩམས་ནས་ནི། །རྡོ་རྗེ་དབྱིངས་ཞེས་བརྗོད་བྱེད་ཅིང ། །སངས་རྒྱས་གཟུགས་སུ་བདག་བསྒྱུར་ལ། །རྡོ་རྗེ་ཉི་མ་བསྒོམས་པར་བྱའོ། །གྲུབ་མ་ཐག་ཏུ་འདི་ཡིས་ནི། །ཡེ་ཤེས་ཚེ་སྟོབས་ན་ཚོད་དང ། །ཀུན་ཏུ་འགྲོ་བ་ཉིད་
139b
རྣམས་འཐོབ། །སངས་རྒྱས་འགྲུབ་པའང་དཀའ་བ་མིན། །དེ་བཞིན་གཤེགས་པ་ཐམས་ཅད་མངོན་པར་རྫོགས་པར་བྱང་ཆུབ་པའི་ཕྱག་རྒྱའོ། །དེ་ནས་རྡོ་རྗེ་སེམས་དཔའ་ཆེན་པོ་སྒྲུབ་\?\་པའི་ཕྱག་རྒྱ་ཆེན་པོ་བཅིང་བ་ཡིན་ཏེ། སྐུ་གསུང་ཐུགས་ཀྱི་རྡོ་རྗེ་ཡིས། །རྡོ་རྗེ་བསྒྱིངས་པར་སེམས་བསྐྱེད་དོ། །བསྒྱིངས་བཅས་རྡོ་རྗེ་གསོར་བྱེད་ན། །རྡོ་རྗེ་སེམས་དཔར་བདག་ཉིད་འགྱུར། །འདིས་ནི་ཀུན་ཏུ་འགྲོ་བ་དང ། །འདོད་པ་ཀུན་བདག་བདེ་ཆེན་དང ། །རྫུ་འཕྲུལ་ཚེ་སྟོབས་གཟུགས་མཆོག་རྣམས། །རྡོ་རྗེ་སེམས་དཔའ་འདྲ་བར་འགྱུར། །སྐུ་གསུང་ཐུགས་ཀྱི་རྡོ་རྗེ་ཡིས། །ཇི་ལྟར་རི་མོའི་རྗེས་མཐུན་ཞིང ། །མཚན་མའི་ཕྱག་རྒྱ་རྣམ་ལྡན་པར། །སེམས་དཔའ་ཆེན་པོར་བསྒྲུབ་པར་བྱ། །དེ་ནས་འདིར་ནི་རྟོག་ཀུན་གྱི། །སྒྲུབ་པ་དང་ནི་དངོས་གྲུབ་དང ། །གྲུབ་པ་རྣམས་ཀྱི་ལས་ཆེན་རྣམས། །གོ་རིམས་བཞིན་དུ་བཤད་པར་བྱ། །དང་པོ་ཉིན་རེ་དུས་བཞིན་དུ། །རང་ལ་བྱིན་གྱིས་བརླབ་ལ་སོགས། །བྱས་ནས་ཐམས་ཅད་བསྒྲུབ་བྱ་སྟེ། །དེ་ཡི་འོག་ཏུ་ཅི་དགར་བྱ། །དེ་ལ་ཕྱག་རྒྱ་ཆེན་པོར་སྒྲུབ་པའི་ཆོ་ག་རྒྱས་པ་ནི་འདི་ཡིན་ཏེ། །རྡོ་རྗེ་དབབ་པ་བྱས་ནས་ནི། །ཕྱག་རྒྱ་ཆེན་པོ་ཆོ་ག་བཞིན། ། བཅིངས་ནས་དེ་ཡི་མདུན་ཕྱོགས་སུ། །སེམས་དཔའ་ཆེན་པོ་དེ་བསྒོམ་མོ། །ཡེ་ཤེས་སེམས་དཔའ་དེ་མཐོང་ནས། །རང་གི་ལུས་སུ་བསྒོམ་པར་བྱ། །བཀུག་ཅིང་བཅུག་ལ་བཅིང་
140a
༄#། །བ་དང། །དབང་དུ་བྱས་ཏེ་བསྒྲུབ་པར་བྱའོ། །དེ་ལ་དེ་དག་གི་སྙིང་པོ་ནི་འདི་དག་ཡིན་ནོ། །བཛྲ་སཏྭ་ཨཿ ། རྡོ་རྗེ་དབབ་པའི་སྙིང་པོའོ། །བཛྲ་སཏྭ་དྲྀ་ཤྱ་ཧོ། །སེམས་དཔའ་ཆེན་པོ་རྗེས་སུ་དྲན་པར་བྱ་བའི་སྙིང་པོའོ། །ཛཿ ཧཱུཾ་བཾ་ཧོཿ ་སེམས་དཔའ་ཆེན་པོ་སྤྱན་དྲང་བ་དང ། གཞུག་པ་དང ། བཅིང་བ་དང ། དབང་དུ་བྱ་བ་རྣམས་ཀྱི་སྙིང་པོའོ། །ས་མ་ཡ་སྟྭཾ་ཞེས་བརྗོད་པས། །རྒྱབ་ཏུ་ཟླ་བ་གྲུབ་ནས་ནི། །དེར་བདག་སེམས་དཔའི་ལུས་སུ་བསྒོམ། །ས་མ་ཡ་སྟྭཾ་ཨ་ཧཾ་བརྗོད། །སེམས་དཔའ་གང་གི་ཕྱག་རྒྱ་གང ། །དེ་ནི་བདག་ཏུ་བསྒོམས་ནས་ནི། །རྡོ་རྗེའི་བཟླས་པས་བསྒྲུབ་པར་བྱ། །ཕྱག་རྒྱ་ཐམས་ཅད་སྒྲུབ་པའོ། །གཞན་ཡང་སྒྲུབ་པ་ཆེན་པོ་ནི། །ཛཿ ཧཱུཾ་བཾ་ཧོཿ ཞེས་བརྗོད་ལ། ལེགས་པའི་ཆོ་གས་ཡིད་ཀྱིས་ནི། །ལུས་ལ་སངས་རྒྱས་ཀུན་གཞུག་གོ་།དེ་ནས་བླ་མེད་རྡོ་རྗེའི་ལས། །དེ་དག་གི་ནི་ལས་བཤད་དོ། །སངས་རྒྱས་རྗེས་སུ་དྲན་གྲུབ་ན། །སངས་རྒྱས་ཉིད་དུ་མྱུར་དུ་འགྱུར། །སེམས་དཔའི་རྡོ་རྗེ་མ་གྲུབ་ན། །ཕྱག་རྒྱ་ཀུན་གྱི་བདག་པོར་འགྱུར། །རིན་ཆེན་རྡོ་རྗེ་མ་ཕྱག་རྒྱས། །དེ་ནི་རིན་ཆེན་ཀུན་དབང་འགྱུར། །ཆོས་ཀྱི་རྡོ་རྗེ་གྲུབ་ན་ནི། །སངས་རྒྱས་ཆོས་ནི་འཛིན་པར་འགྱུར། །ལས་ཀྱི་རྡོ་རྗེ་མ་ཕྱག་རྒྱས། །རྡོ་རྗེ་ལས་ནི་བྱེད་པར་འགྱུར། །སེམས་དཔའི་ཕྱག་རྒྱ་བཅིངས་པ་ཡིས། །
140b
རྡོ་རྗེ་སེམས་དཔའ་འགྲུབ་པར་འགྱུར། །རྡོ་རྗེ་འདྲེན་པའི་ཆོ་ག་ཡིས། །རྡོ་རྗེ་འཛིན་པ་སྤྱན་འདྲེན་འགྱུར། །རྡོ་རྗེ་འདོད་པའི་ཕྱག་རྒྱ་ཆེས། །སངས་རྒྱས་ཐམས་ཅད་མཉེས་པར་བྱེད། །རྡོ་རྗེ་ལེགས་པའི་ཆོ་ག་ཡིས། །སངས་རྒྱས་ཐམས་ཅད་དགྱེས་པར་བྱེད། །རིན་ཆེན་ཕྱག་རྒྱའི་ཆོ་ག་ཡིས། །སངས་རྒྱས་དབང་བསྐུར་སྦྱིན་པར་བྱེད། །རྡོ་རྗེ་གཟི་བརྗིད་ཆོ་ག་ཡིས། ། རྡོ་རྗེ་གཟི་བརྗིད་མྱུར་དུ་འགྲུབ། །རྡོ་རྗེ་དཔལ་འཛིན་བསྟེན་པ་ཡིས། །རེ་བ་རྣམས་ནི་ཡོངས་སུ་སྐོང ། །རྡོ་རྗེ་བཞད་པའི་ཆོ་ག་ཡི། །སངས་རྒྱས་ཀུན་དང་མཉམ་དུ་བཞད། །རྡོ་རྗེ་ཆོས་ཀྱི་ཆོ་ག་ཡིས། །རྡོ་རྗེ་ཆོས་ནི་འཛིན་པར་འགྱུར། །རྡོ་རྗེ་རྣོན་པེའི་ཆོ་ག་ཡིས། །སངས་རྒྱས་ཀུན་གྱི་ཤེས་རབ་མཆོག་།རྡོ་རྗེ་འཁོར་ལོ་འཛིན་བསྟེན་པས། །ཆོས་ཀྱི་འཁོར་ལོ་བསྐོར་བར་འགྱུར། །རྡོ་རྗེ་གསུང་བའི་ཆོ་ག་ཡིས། །སངས་རྒྱས་གསུང་གི་གྲུབ་པ་ཐོབ། །རྡོ་རྗེ་ལས་མཆོག་བསྒྲུབས་པས་ན། །རྡོ་རྗེའི་ལས་སུ་མྱུར་དུ་འགྲུབ། །རྡོ་རྗེའི་གོ་ཆ་བསྐོར་ནས་ནི། །རྡོ་རྗེའི་སྐུ་ནི་ཐོབ་པར་འགྱུར། །རྡོ་རྗེ་གནོད་སྦྱིན་བསྒྲུབས་ན་ནི། །རྡོ་རྗེ་གནོད་སྦྱིན་མཉམ་པར་འགྱུར། །རྡོ་རྗེ་ཁུ་ཚུར་བཅིངས་པས་ན། །ཕྱག་རྒྱ་ཐམས་ཅད་འགྲུབ་པར་འགྱུར། །རྡོ་རྗེ་འཛིན་མ་གྲུབ་པས་ནི། །རྡོ་རྗེ་ཆེན་པོ་དགའ་བ་ཐོབ། །རྡོ་རྗེ་ཕྲེང་བ་བཅིངས་པས་ན། །སངས་རྒྱས་ཀུན་གྱི་དབང་བསྐུར་འགྱུར། །རྡོ་རྗེ་གླུ་ཡི་ཆོ་ག་
141a
༄#། །ཡིས། །རྡོ་རྗེ་གླུ་ནི་ལེན་པར་འགྱུར། །རྡོ་རྗེའི་གར་གྱི་སྦྱོར་བ་ཡིས། །སངས་རྒྱས་ཀུན་ལ་དེ་མཆོད་དོ། །རྡོ་རྗེ་བདུག་པའི་ཆོ་ག་ཡིས། །འགྲོ་བ་ཐམས་ཅད་ཚིམ་པར་བྱེད། །རྡོ་རྗེའི་མེ་ཏོག་སྦྱོར་བྱེད་པས། །དེས་ནི་འགྲོ་བ་དབང་དུ་བྱེད། །རྡོ་རྗེ་སྣང་བའི་ཕྱག་རྒྱ་ཆེས། །རབ་མཆོག་མིག་ནི་སྦྱིན་པར་བྱེད། །རྡོ་རྗེ་དྲི་ཡི་ཆོ་གས་ནི།། སྡུག་བསྔལ་ཐམས་ཅད་སེལ་བར་བྱེད། །རྡོ་རྗེ་ལྕགས་ཀྱུས་དྲངས་པས་ན། །འདྲེན་པ་ཀུན་གྱི་མཆོག་ཏུ་འགྱུར། །རྡོ་རྗེ་ཞགས་པའི་ཆོ་ག་ནི། །ཐམས་ཅད་རབ་ཏུ་འཇུག་པར་འགྱུར། །རྡོ་རྗེ་ལྕགས་སྒྲོག་སྦྱོར་བས་ནི། །ཐམས་ཅད་བ་ཅིང་བར་ནུས་པར་འགྱུར། །རྡོ་རྗེ་དབབ་པའི་ཆོ་ག་ཡིས། །ཐམས་ཅད་དབབ་པར་རབ་ཏུ་འགྲུབ། །དེ་ནས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་གི་ཕྱག་རྒྱའི་ཡེ་ཤེས་བཤད་དེ། ཐལ་མོ་དམ་དུ་སྦྱར་བ་ལས། །སོར་མོ་ཐམས་ཅད་བསྣོལ་བ་ནི། །རྡོ་རྗེ་ཐལ་མོར་བཀའ་སྩལ་ཏེ། །རབ་ཏུ་བསྡམས་ཕྱིར་རྡོ་རྗེ་བསྡམས། །དམ་ཚིག་ཕྱག་རྒྱ་ཐམས་ཅད་ནི། །རྡོ་རྗེ་བསྡམས་ལས་བྱུང་བས་ན། །དེ་དག་བསྡམས་པ་རྡོ་རྗེ་ཡིས། །བསྡམས་པ་བླ་མེད་བཤད་པར་བྱ། །རྡོ་རྗེ་བསྡམས་པ་དམ་བྱས་ལ། །གུང་མོ་མྱུ་གུ་ལྟར་མཉམ་སྒྲེང ། །གུང་མོ་ནང་དུ་གཤིབས་པ་ནི། །སངས་རྒྱས་གཉིས་པའི་ཡིན་པར་བཤད། །
141b
གུང་མོ་རིན་ཆེན་འདྲ་བ་དང ། །གུང་མོ་པདྨོ་འདྲ་བ་དགུག་།སངས་རྒྱས་ལྔ་པའི་ཕྱག་རྒྱ་ནི། །དེ་བཞིན་མཛུབ་མོ་དགུག་པའོ། །དེ་ནས་དེ་བཞིན་གཤེགས་པ་ཡི། །རིགས་ཀྱི་དམ་ཚིག་འཛིན་པ་ཡི། །ཕྱག་རྒྱ་བཅིངས་དང་དངོས་གྲུབ་དང ། །ལས་རྣམས་ཡང་དག་བཤད་པར་བྱ། །ཟླ་བ་ལྟ་བུའི་ལག་གཉིས་ཀྱིས། །གུང་མོ་བཏང་བར་གྱུར་པ་ཡི། །མཐེ་བོང་མཐེའུ་ཆུང་སོ་སོར་སྒྲེང ། །སེམས་དཔའི་རྡོ་རྗེ་སྒྲེང་རྡོ་རྗེ། །མཛུབ་མོ་ལྕགས་ཀྱུ་མཛུབ་མོ་སྦྱར། །ལེགས་སོ་སྦྱིན་པ་འདྲ་བ་ནི། །རྡོ་རྗེ་སེམས་དཔའ་བཞི་པོ་ཡི། །ཕྱག་རྒྱ་མང་པོའི་དངོས་གྲུབ་དེའོ། །མཐེ་བོང་གཤིབས་ལ་མཛུབ་གཉིས་བཅག་།རྩེ་སྤྲད་རྡོ་རྗེ་རིན་ཆེན་ཡིན། །དེ་ཉིད་གུང་མོ་སྲིན་ལག་དང ། །མཐེའུ་ཆུང་རྣམས་ནི་བསྣོལ་བརྐྱང་བའོ། །དེ་ལས་སྲིན་ལག་མཐེའུ་ཆུང་གཉིས། །མཉམ་པར་གཤིབས་པ་རྒྱལ་མཚན་ནོ། །དེ་ཉིད་ལས་ནི་བསྐོར་ནས་ཀྱང ། །ཁ་ཡི་ཕྱོགས་སུ་བཞག་པའོ། །མཐེ་བོང་གཉིས་ཀ་མཉམ་པར་གཤིབས། །མཛུབ་མོ་གཉིས་ཀ་བཀུག་པ་དང ། །གུང་མོ་སྒྲེང་བའི་རྩེ་མོ་བཀུག་།དེ་ཉིད་རྡོ་རྗེ་རལ་གྲིའོ། །དེ་ལས་སྲིན་ལག་མཐེའུ་ཆུང་གཤིབས། །འཁོར་ལོ་ཡིན་པར་བཤད་པ་ཡིན། །བསྡམས་པས་མཐེ་བོང་གཉིས་བཀྲོལ་བ། །བཀན་ཏེ་ཁ་ཕྱོགས་བཞག་པའོ། །མཐེ་བོང་མཐེའུ་ཆུང་རྩེ་སྤྲད་བཀྱེད། །
142a
༄#། །ལས་ཀྱི་རྡོ་རྗེ་ཡིན་པར་བཤད། །དེ་ལས་མཛུབ་མོ་གཉིས་གཤིབས་པས། །སྙིང་གར་བརྐྱང་སྟེ་བཞག་པའོ། །མཛུབ་མོ་རྩེ་མོ་གཉིས་བཀུག་ལ། །མཐེའུ་ཆུང་གཤིབས་པར་མཆེ་བའོ། །མཐེའུ་ཆུང་གཉིས་པར་མཐེ་བོང་གཉིས། །མཛུབ་མོ་གཉིས་ཀྱིས་བཙིར་བའོ། །སྙིང་གར་མཐེ་བོང་མཉམ་ནས་བཞག། རབ་ཏུ་བརྐྱང་བ་ཕྲེང་བའོ། །ཐལ་མོ་སྦྱར་ཏེ་ཁ་ནས་དབྱུང ། །གར་ལས་ཐལ་སྦྱར་སྤྱི་བོར་བཞག་།རྡོ་རྗེ་བཅིངས་པ་ཐུར་དུ་བླུགས། །རང་གི་ཐལ་སྤྱར་གྱེན་དུ་གཏོར། །མཐེ་བོང་མཉམ་ཏེ་རབ་ཏུ་བསྡམས། །རབ་ཏུ་བརྐྱང་ནས་བྱུག་པའོ། །མཛུབ་མོ་གཅིག་པུ་བཀུག་པ་དང ། །མཐེ་བོང་གཉིས་ནི་མདུད་པ་དོར། །མཐེ་བོང་མཛུབ་མོ་གདུ་བུར་བཅིང ། །རྡོ་རྗེ་བཅིང་བ་མཛུབ་མོ་བསྡམས། །དེ་ནས་འདི་རྣམས་སྒྲུབ་བཤད་དེ། །རྡོ་རྗེ་སྒྲུབ་པ་དམ་པའོ། །རྡོ་རྗེ་སེམས་དཔའི་ཏིང་འཛིན་གྱིས། །རང་གི་ཕྱག་རྒྱ་སྙིང་གར་བཞག་།དེ་ནས་འདི་རྣམས་ལས་བཤད་པ། །རྡོ་རྗེའི་ལས་ནི་བླ་ན་མེད། །རྡོ་རྗེ་དབྱིངས་ལྔའི་ཕྱག་རྒྱ་ནི། །དེ་བཞིན་གཤེགས་རྣམས་འདུས་པ་ཡིན། །དཀྱིལ་འཁོར་སློབ་དཔོན་སློབ་མར་བཅས། །དེ་མ་ཐག་ཏུ་བྱིན་གྱིས་རློབ། ། སེམས་དཔའི་རྡོ་རྗེ་བཅིངས་པ་ནི། །རྡོ་རྗེ་འཛིན་པ་འདྲ་བར་འགྱུར། །རྡོ་རྗེ་ལྕགས་ཀྱུ་བཅིངས་པ་ཡིས། །སངས་རྒྱས་ཐམས་ཅད་ཀུན་ནས་འགུགས། །འདོད་པའི་རྡོ་རྗེའི་སྦྱར་
142b
བས་ནི། །རྫོགས་སངས་རྒྱས་ཀྱང་མཉེས་པར་བྱེད། །རྡོ་རྗེ་དགའ་བས་རྒྱལ་བ་ཀུན། །ལེགས་སོ་བས་ནི་བ་སྟོད་པར་བྱེད། །རིན་ཆེན་རྡོ་རྗེ་བཅིངས་པས་ན། །སངས་རྒྱས་ཀུན་གྱིས་དེ་དབང་བསྐུར། །རྡོ་རྗེ་ཉི་མ་བཅིངས་པས་ན། །སངས་རྒྱས་ཀྱི་ནི་འོད་འདྲར་འགྱུར། །རྡོ་རྗེ་རྒྱལ་མཚན་འཆང་འགྱུར་བས། །རེ་བ་ཀུན་ཡང་རྫོགས་པར་བྱེད། །རྡོ་རྗེ་བཞད་པའི་ཚུལ་གྱིས་ནི། །སངས་རྒྱས་ཀུན་དང་ལྷན་ཅིག་བཞད། །ཆོས་ཀྱི་རྡོ་རྗེ་བཅིངས་པས་ན། །རྡོ་རྗེ་ཆོས་དང་འདྲ་བར་འགྱུར། །རྡོ་རྗེ་རལ་གྲི་ཐོགས་པས་ན། །ཉོན་མོངས་ཐམས་ཅད་དེས་གཅོད་དོ། །རྡོ་རྗེ་འཁོར་ལོ་བརྟན་བྱས་པས། །དཀྱིལ་འཁོར་གྱི་ནི་དབང་པོར་འགྱུར། །རྡོ་རྗེ་སྨྲ་བའི་སྦྱོར་བས་ནི། །རྡོ་རྗེའི་ངག་མཆོག་འགྲུབ་པར་འགྱུར། །ལས་ཀྱི་རྡོ་རྗེ་བཅིངས་པས་ནི། །རྡོ་རྗེའི་ལས་དང་འདྲ་བར་འགྱུར། །རྡོ་རྗེ་གོ་ཆ་བརྟན་བྱས་པས། །ལུས་ནི་རྡོ་རྗེ་འདྲ་བར་འགྱུར། །རྡོ་རྗེ་མཆེ་བའི་མཆོག་ཕྱག་རྒྱས། །མ་རུངས་བདུད་ནི་དེས་འཇོམས་སོ། །རྡོ་རྗེ་ཁུ་ཚུར་དམ་བཅིངས་པས། །ཕྱག་རྒྱ་ཀུན་ཡང་དབང་དུ་འགྱུར། །འཛུམ་པས་ལྷ་ཡི་དགའ་བ་རྣམས། །ཕྲེང་བ་ཡིས་ནི་རྒྱན་གྱི་རྣམས། །གླུ་ཡིས་རྟག་ཏུ་སྐད་གསལ་བ། །གར་གྱིས་མཆོད་པ་བརྙེས་པར་འགྱུར། །བདུག་པས་འཇིག་རྟེན་ཚིམ་པར་བྱེད། །མེ་ཏོག་གིས་ནི་མཛེས་པའི་གཟུགས། །མར་མེས་སྣང་བ་དག་པ་ཉིད། །དྲི་ཡིས་
143a
༄#། །ལྷ་རྫས་དྲི་ཅན་དུའོ། །རྡོ་རྗེ་ལྕགས་ཀྱུས་འགུགས་པ་སྟེ། །རྡོ་རྗེ་ཞགས་པས་འཇུག་པར་བྱེད། །རྡོ་རྗེ་ལྕགས་སྒྲོག་བཅིངས་པ་སྟེ། །རྡོ་རྗེ་དྲིལ་བུས་འབེབས་པའོ། །དེ་ནས་ཆོས་ཀྱི་ཕྱག་རྒྱ་རྣམས་བཤད་དོ། །བཛྲ་ཛྙཱ་ན་སངས་རྒྱས་རྣམས། །རྡོ་རྗེ་དབྱིངས་ནི་བརྟན་པར་བྱེད། །དེ་ནས་གཞན་ཡང་རབ་བཤད་པ། །ཆོས་ཀྱི་ཕྱག་རྒྱ་ཆོ་ག་བཞིན། །ས་མ་ཡ་སྟྭཾ་ཞེས་བརྗོད་ན། །ཕྱག་རྒྱ་ཀུན་གྱི་དབང་པོར་འགྱུར། །ཱ་ན་ཡ་སཝ་ཞེས་བརྗོད་ན། །གདོན་མི་ཟ་བར་སངས་རྒྱས་འགུགས། ། ཧོ་སུ་ཁ་ཞེས་བརྗོད་ན། །སངས་རྒྱས་རྣམས་ཀྱང་མཉེས་པར་འགྱུར། །སཱ་དྷུ་སཱ་དྷུ་ཞེས་སྨྲས་ནས། །ལེགས་པའི་ཚིག་གིས་དེ་དགར་བྱེད། །སུ་མ་ཧཏྟྭཾ་ཞེས་བརྗོད་ན། །སངས་རྒྱས་རྣམས་ཀྱིས་དབང་བསྐུར་ཐོབ། །རཱུ་པ་དྱོ་ཏ་ཞེས་སྨྲས་ན། །ཆོས་ཀྱི་གཟི་བརྗིད་ཉིད་དུ་འགྱུར། །རྠ་པྲཱ་པྟ་ཞེས་སྨྲས་ན། །རེ་བ་རྣམས་ཀྱང་རྫོགས་པར་བྱེད། །ཧ་ཧ་ཧཱུཾ་ཧེ་ཞེས་བགད་ན། །སངས་རྒྱས་བཞད་པ་རྙེད་པར་འགྱུར། །སརྦབ་ཀ་རི་ཞེས་སྨྲས་ན། །མི་བྱ་བ་ཡི་རྣམས་ཀྱང་སྤྱོད། །དུཿ ཁཙྪེ་ད་ཞེས་སྨྲས་ན། །དེས་ནི་སྡུག་བསྔལ་ཐམས་ཅད་གཅོད། །བུདྡྷ་བོ་དྷི་ཞེས་སྨྲས་ན། །དཀྱིལ་འཁོར་ཀུན་གྱི་བདག་པོར་འགྱུར། །པྲ་ཏི་ཤཔྟ་ཅེས་སྨྲས་ན། །སངས་རྒྱས་རྣམས་དང་ལྷན་ཅིག་སྨྲ། །སུ་བྷཱ་ཥི་ཏྭཾ་ཞེས་
143b
སྨྲས་ན། །ཀུན་གྱི་དབང་དང་ལྡན་པར་འགྱུར། །ནིརྦྷ་ཡ་སྟྭཾ་ཞེས་སྨྲས་ན། །དེ་མ་ཐག་ཏུ་འཇིགས་མེད་འགྱུར། །ཤ་ཏྲུཾ་བྷཀྵ་ཞེས་སྨྲས་ན། །དགྲ་རྣམས་ཐམས་ཅད་ཟ་བར་འགྱུར། ། སརྦ་སིདྡྷི་ཞེས་སྨྲས་ན། །ཐམས་ཅད་གྲུབ་པ་ཉིད་དུ་འགྱུར། །མཧཱ་ར་ཏི་ལྷ་ཡི་དགའ། །རུ་པ་ཤོ་བྷེས་གཟུགས་བཟང་ཉིད། །ཤེ་ཏྲ་སཽ་ཁྱ་བདེ་བ་སྦྱིན། །སརྦྦ་པཱུ་ཛ་མཆོད་པར་བྱེད། །པྲཧལཱ་ད་ནི་ཡིད་བདེར་འགྱུར། །ཕ་ལཱ་གཱ་མི་འབྲས་བུ་ཐོབ། །སུ་ཏེ་ཛྭཱ་ཀྲི་གཟི་བརྗིད་ཆེ། །སུ་གནྡྷཱ་རྒི་དྲི་མཆོད་ཅན། །ཱ་ཡ་ཧ་ཛིཿ འྒུགྶ་པར་བྱེད། །ཱ་ཡཱ་ཧྲི་ཧཱུཾ་འཇུག་པར་བྱེད། །ཧེ་སྤོ་ཊ་བཾ་འཆིང་བ་ཆེ། །གྷཎྚ་ཨ་ཨཿ རབ་བསྐྱོད་པའོ། །དེ་ནས་དེ་རྣམས་ཀྱི་ཆོས་ཀྱི་ཕྱག་རྒྱ་སྒྲུབ་པ་དགེ་བ་བཤད་དོ། །ལྕེ་ལ་རྡོ་རྗེ་དགེ་བསྒོམས་ན། །ལས་རྣམས་ཐམས་ཅད་བྱེད་པར་འགྱུར། །དེ་ནས་ལས་ཀྱི་བཅིང་བ་བཤད་དེ། །རྡོ་རྗེ་ཁུ་ཚུར་དམ་བཅིངས་ཏེ། །མཉམ་པར་བཞག་པས་གཉིས་སུ་བྱ། །རྡོ་རྗེའི་ཕྱག་རྒྱ་གཉིས་བཅིངས་ཏེ། །དེ་ནས་བཅིང་བ་རབ་ཏུ་བཤད། །གཡོན་པའི་རྡོ་རྗེ་མཛུབ་མོ་ནི། །གཡས་པའི་ནང་དུ་བསྒྲེང་བར་བྱ། །བྱང་ཆུབ་མཆོག་གི་ཕྱག་རྒྱ་སྟེ། །སངས་རྒྱས་བྱང་ཆུབ་སྦྱིན་བྱེད་པའོ། །མི་གཡོ་བ་ཡིས་ས་རེག་པ། །དེ་བཞིན་རིན་ཆེན་སྦྱིན་པའོ། །ཚེ་དཔག་མེད་པའི་ཏིང་འཛིན་མཆོག་།གདོན་མི་ཟ་བའི་མི་འཇིགས་སྦྱིན།།
144a
༄#། །དེ་ནས་ལས་ཀྱི་ཕྱག་རྒྱ་རྣམས། །མདོར་བསྡུས་རབ་ཏུ་བཤད་པར་བྱ། །རྡོ་རྗེ་སེམས་སོགས་སེམས་དཔའ་རྣམས། །རྡོ་རྗེ་ལས་རྣམས་བྱེད་པ་སྟེ། །བསྒྱིངས་བཅས་གསོར་བ་གཉིས་ཀ་ཡིས། །ལྕགས་ཀྱུ་འཛིན་ལྟར་གནས་པ་དང ། །མདའ་འཕང་བ་ཡི་ཚུལ་གྱིས་ནི། །ལེགས་སོ་ཞེས་པ་སྙིང་གར་གཞག་དབང་བསྐུར་བ་ནི་རྡོ་རྗེ་གཉིས། །སྙིང་གར་ཉི་མ་བརྟན་པར་བྱ། །གཡོན་པ་ལ་ནི་གྲུ་མོ་གཟུགས། །དེ་བཞིན་ཁ་ཕྱོགས་བསྐོར་བར་བྱ། །གཡས་པ་ཡིས་ནི་གཡོན་པ་དབྱེ། །སྙིང་གར་གཡོན་པ་རལ་གྲི་མདུང ། །མགལ་མེའི་འཁོར་ལོ་བསྐོར་བ་དང ། །རྡོ་རྗེ་གཉིས་ཀ་ཁ་ནས་དབྱུང ། །རྡོ་རྗེ་གར་བསྐོར་དཀྲོལ་བ་ཡིས། །ཐལ་མོ་འགྲམ་པ་སྤྱི་བོར་བཞག་།གོ་ཆ་མཐེའུ་ཆུང་མཆེ་བ་དང ། །ཁུ་ཚུར་གཉིས་ནི་མནན་པའོ། །རྡོ་རྗེ་འགྱིང་བའི་ཚུལ་གྱིས་སུ། །བསམ་པ་གཡོན་པས་གདུང་པར་བྱ། །ཕྲེང་བ་བཅིང་དང་ཁ་ནས་དབྱུང ། །རྡོ་རྗེ་གར་ནི་བསྐོར་བ་ཡིན། །རྡོ་རྗེ་ཁུ་ཚུར་ཚུལ་གྱིས་ནི། །བདུག་པ་ལ་སོགས་དེ་བཞིན་སྦྱིན། །སངས་རྒྱས་ཀུན་ལ་མཆོད་པ་ཡི། །ཕྱག་རྒྱའི་མཆོད་པ་བྱེད་པའོ། །མཛུབ་མོ་ལྕགས་ཀྱུ་བཅིང་བ་ནི། །མཐེའུ་ཆུང་ལས་ཏེ་ལྕགས་ཀྱུ་ཆེ། །མཁྲིག་མ་མདུད་པ་མཛུབ་གཉིས་གདུབ། །རྒྱབ་གཉིས་ཀྱང་ནི་
144b
བསྙམས་ཏེ་མནན། །དེ་ནས་འདི་རྣམས་སྒྲུབ་བཤད་པ། །རྡོ་རྗེ་ལས་ནི་བྱེད་དང་མཉམ། །རྡོ་རྗེ་ཀུན་གྱི་རྡོ་རྗེ་ནི། །རང་གི་སྙིང་གར་གོམས་པར་བྱ། །དེ་ནས་འདི་རྣམས་ལས་ཕྱག་རྒྱ། །རྡོ་རྗེའི་ལས་ནི་རྣམ་པ་མང ། །ཡེ་ཤེས་ཁུ་ཚུར་བཅིངས་པས་ནི། །སངས་རྒྱས་ཡེ་ཤེས་འཇུག་པར་འགྱུར། །མི་གཡོ་བ་ཡི་བཅིངས་པས་ནི། །ཡིད་ནི་གཡོ་བ་མེད་པར་འགྱུར།། རིན་ཆེན་འབྱུང་བའི་ཕྱག་རྒྱ་ཡིས། །གཞན་ལ་ཕན་བྱེད་ལྡན་པར་འགྱུར། །དམ་ཆོས་འཁོར་ལོའི་ཕྱག་རྒྱས་ནི། །ཆོས་ཀྱི་འཁོར་ལོ་བསྐོར་བར་འགྱུར། །མི་འཇིགས་མཆོག་གིས་མྱུར་བ་ནི། །སེམས་ཅན་ཀུན་ལ་མི་འཇིགས་སྦྱིན། །རྡོ་རྗེ་འགྱིང་བ་བརྟན་བྱས་ལ། །རྡོ་རྗེ་སེམས་དཔའི་བདེ་བ་རྙེད། །རྡོ་རྗེ་ལྕགས་ཀྱུ་སྐད་ཅིག་ཏུ། །དེ་བཞིན་གཤེགས་པ་ཀུན་ཀྱང་འགུགས། །རྡོ་རྗེ་མདའ་ཡིས་རྡོ་རྗེ་ཡི། །ལྷ་མོ་མཉེས་པར་བདག་ཉིད་བྱེད། །རྡོ་རྗེ་དགའ་བས་རྒྱལ་བ་ཀུན། །ལེགས་སོ་ཞེས་པས་ཚིག་ཀྱང་སྦྱིན། །རྡོ་རྗེ་ཆེན་པོ་ནོར་བུ་སྦྱིན། །སྟོན་པ་རྣམས་ཀྱིས་དེ་དབང་བསྐུར། །རྡོ་རྗེ་ཉི་མ་བཅིངས་པས་ནི། །རྡོ་རྗེ་ཉི་མ་འདྲ་བར་འགྱུར། །རྡོ་རྗེ་རྒྱལ་མཚན་སྒྲེང་བས་ནི། །དེས་ནི་རིན་ཆེན་ཆར་ཡང་འབེབས། །རྡོ་རྗེ་འཛུམ་པ་བཅིངས་པས་ནི། །སངས་རྒྱས་འདྲ་བ་མྱུར་བཞད་འགྱུར། །རྡོ་རྗེ་མེ་ཏོག་བཅིངས་པས་ནི། །རྡོ་རྗེའི་ཆོས་ཉིད་དེ་ཡིས་མཐོང ། །རྡོ་རྗེ་རལ་གྲི་བརྟན་
145a
༄#། །བཅིངས་ན། །དེས་ནི་སྡུག་བསྔལ་ཐམས་ཅད་གཅོད། །རྡོ་རྗེ་འཁོར་ལོ་བཅིངས་པས་ནི། །ཆོས་ཀྱི་འཁོར་ལོ་བསྐོར་བར་འགྱུར། །སངས་རྒྱས་ཀུན་གྱི་ཚིག་རྣམས་ནི། །རྡོ་རྗེའི་བཟླས་པས་འགྲུབ་པར་འགྱུར། །རྡོ་རྗེ་གར་གྱི་མཆོད་པ་ཡིས། །སངས་རྒྱས་ཀྱང་ནི་དབང་དུ་འགྱུར། །རྡོ་རྗེའི་གོ་ཆས་ལུས་བཅིངས་པས།། རྡོ་རྗེ་སྙིང་པོ་ཐོབ་པར་འགྱུར། །རྡོ་རྗེའི་མཆེ་བ་བཅིངས་པས་ནི། །རྡོ་རྗེ་ཉིད་ཀྱང་བདག་གིས་ཆོམས། །རྡོ་རྗེ་ཁུ་ཚུར་ཀུན་འཕྲོག་ཅིང ། །ཕྱག་རྒྱ་གྲུབ་པ་ཀུན་ཏུ་རྙེད། །རྡོ་རྗེ་འཛིན་པས་དགའ་བ་སྦྱིན། །རྡོ་རྗེ་ཕྲེང་བས་གཟུགས་བཟང་བ། །རྡོ་རྗེ་གླུ་ཡིས་གླུ་སྙན་ཅིང ། །རྡོ་རྗེ་གར་གྱིས་དབང་དུ་བྱེད། །བདུག་པ་ཡིས་ནི་ཡིད་ཚིམ་པ། །མ་ཏོག་གིས་ནི་རྒྱན་རྣམས་ཏེ། །མར་མེ་ཡིས་ནི་གཟི་ཆེན་པོ། །རྡོ་རྗེའི་དྲིས་ནི་དྲི་རབ་ལྡན། །རྡོ་རྗེ་ལྕགས་ཀྱུས་འགུགས་པ་སྟེ། །རྡོ་རྗེ་ཞགས་པས་འཇུག་པའོ། །རྡོ་རྗེ་ལྕགས་སྒྲོག་གིས་ནི་བཅིང་།། རྡོ་རྗེ་དྲིལ་བུ་བསྐྱོད་པའོ། །དེ་ནས་ཕྱག་རྒྱ་ཐམས་ཅད་ཀྱི་སྤྱིའི་ཕྱག་རྒྱ་བཅིངས་པའི་ཆོ་ག་རྒྱས་པར་བཤད་དེ། །དེ་ལ་ཐོག་མ་ཉིད་དུ་རྡོ་རྗེ་བཅིང་པའི་སོར་མོ་སྙིང་གར་བརྡབ་པར་བྱ་སྟེ། སྙིང་པོ་ནི་འདི་བརྗོད་དོ། །བཛྲ་བནྡྷ་ཏྲ་ཊ། དེ་ནས་ཕྱག་རྒྱ་བཅིངས་པ་ཀུན་རང་གི་ལུས་དང ། ངག་དང ། སེམས་རྡོ་རྗེའི་དབང་དུ་འགྱུར་རོ། །དེ་ནས་རྡོ་རྗེ་དབབ་
145b
བའི་དམ་ཚིག་གི་ཕྱག་རྒྱ་བཅིངས་ལ་སྙིང་པོ་འདི་བརྗོད་དོ། །། དེ་ནས་ཡང་དག་པར་བབས་ནས་གྲོགས་པོ་ཉིད་དུ་ཉེ་བར་གནས་པར་འགྱུར་རོ། །དེ་ནས་ཕྱག་རྒྱའི་དམ་ཚིག་གི་སེམས་དཔའ་ཆེན་\?\་སུ་དྲན་པར་བྱ་སྟེ་སྙིང་པོ་འདི་བརྗོད་དོ། །མཧཱ་ས་མ་ཡ་སཏྭ་ཧཾ། དེས་ཕྱག་རྒྱ་ཐམས་ཅད་འགྲུབ་སྟེ། །ཕྱག་རྒྱ་ཐམས་ཅད་སྒྲུབ་པའི་ཆོ་ག་རྒྱས་པའོ། །དེ་ནས་སྤྱིའི་སྒྲུབ་པའི་ཆོ་ག་རྒྱས་པ་བཤད། དེ་ལ་ཐོག་མར་རང་གི་ཕྱག་རྒྱ་བཅིངས་ནས་རང་གི་ཕྱག་རྒྱའི་སེམས་དཔར་བདག་གི་སྙིང་པོ་འདིས་བསྒོམ་མོ། །ས་མ་ཡ་ཧཾ།་དེ་ནས་རང་ཕྱག་རྒྱའི་སེམས་དཔར་བདག་བསྒོམས་ནས། སྔགས་འདིས་བྱིན་གྱིས་བརླབ་བོ། །ས་མ་ཡ་སཏྭ་ཨ་དྷི་ཏིཥྛ་སཝ་མཱཾ། དེ་ནས་བསྒྲུབ་པར་བྱའོ། །བསྒྲུབ་པའི་ཆོ་ག་རྒྱས་པའོ། །དེ་ནས་དངོས་གྲུབ་ཀྱི་ཆོ་ག་རྒྱས་པ་བཤད་དེ། དེ་ལ་ཐོག་མར་རེ་ཞིག་ནོར་འགྲུབ་པར་འདོད་ན་སྙིང་པོ་འདི་ཡིན་ནོ། །རྠ་སིདྡྷི། དེའི་ཕྱག་རྒྱ་གྲུབ་ན་ནོར་ཆེན་པོ་སྐྱེ་བར་འགྱུར་རོ། །དེ་ནས་རྡོ་རྗེ་གྲུབ་པར་འདོད་ན་སྙིང་པོ་འདི་ཡིན་ནོ། །བཛྲ་སིདྡྷི། འདིས་ཅི་འདོད་པ་བཞིན་དུ་རྡོ་རྗེ་གྲུབ་པར་འགྱུར་རོ། །དེ་ནས་རིག་འཛིན་གྱི་གྲུབ་པ་འདོད་ན་སྙིང་པོ་འདི་ཡིན་ནོ། །བཛྲ་བིདྱཱ་དྷ་ར་སིདྷི། དེས་ཇི་ལྟར་འདོད་པ་བཞིན་དུ་རིག་འཛིན་འགྲུབ་བོ། །དེ་བཞིན་དུ་དམ་པ་གྲུབ་པར་འདོད་ཡྣ་རང་གི་ཕྱག་རྒྱའི་སྙིང་པོས་བསྒྲུབ་བོ། །དངོས་
146a
༄#། །གྲུབ་ཀྱི་ཆོ་ག་རྒྱས་པའོ། །དེ་ནས་ཕྱག་རྒྱ་ཐམས་ཅད་ཀྱི་སྤྱིའི་རང་གི་ལུས་དང ། ངག་དང ། སེམས་རྡོ་རྗེར་བྱ་བའི་ཕྱིར་ཆོ་ག་རྒྱས་པ་བཤད་དེ། ནམ་ཕྱག་རྒྱའི་བྱིན་གྱིས་བརླབས་ལྷོད་པར་གྱུར་ཏམ། བདག་རང་གཏོང་བར་འདོད་ན་དེ་ནས་སྙིང་པོ་འདི་བརྟན་པར་བྱའོ། །ོཾ་བཛྲ་སཏྭ་ས་མ་ཡ། མ་ནུ་པཱ་ལ་ཡ། བཛྲ་སཏྭ་ཏྭེ་ནོ་པ་ཏིཥྛ་དྲྀ་ཌྷོ་མེ་བྷ་ཝ། སུ་ཏོ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སུ་པོ་ཥྱོ་མེ་བྷ་ཝ། སརྦྦ་སིདྡྷི་མྨེ་པྲ་ཡཙྪ། སརྦྦ་ཀརྨྨ་སུ་ཙ་མེ། ཙིཏྟཾ་ཤྲི་ཡཿ ཀུ་རུ་ཧཱུཾ། ཧ་ཧ་ཧ་ཧ་ཧོཿ བྷ་ག་ཝཱ་ན། སརྦྦ་ཏ་ཐཱ་ག་ཏ་བཛྲ་མཱ་མེ་མུཉྩ་བཛྲི་བྷ་ཝ་མཧཱ་ས་མ་ཡ་སཏྭ་ཨཱཿ ་འདིས་ནི་མཚམས་མེད་པ་བྱས་པ་དང ། དེ་བཞིན་གཤེགས་པ་ཐམས་ཅད་བསླུས་པ་དང ། དམ་པའི་ཆོས་སྨོང་པ་དང ། ཉེས་པ་ཐམས་ཅད་བྱས་པའང་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་སྒྲུབ་པ་པོས་རྡོ་རྗེ་སེམས་དཔའ་བརྟན་པར་གྱུར་པས་ཚེ་འདི་ཉིད་ལ་ཇི་ལྟར་འདོད་པའི་དངོས་གྲུབ་ཐམས་ཅད་དམ། དངོས་གྲུབ་དམ་པ་འམ། རྡོ་རྗེ་དངོས་གྲུབ་བམ། རྡོ་རྗེ་སེམས་དཔའི་དངོས་གྲུབ་བམ། དེ་བཞིན་གཤེགས་པ་ཉིད་ཀྱི་དངོས་གྲུབ་ཀྱི་བར་དུ་མྱུར་དུ་ཐོབ་བོ་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སེམས་དཔས་གསུངས་སོ། །དེ་ནས་ཕྱག་རྒྱ་ཐམས་ཅད་དགྲོལ་བའི་སྤྱིའི་ཆོ་ག་རྒྱས་
146b
པ་བཤད་དོ། །དེ་ལ་ཐོག་མ་ཉིད་དུ་ཕྱག་རྒྱ་ཐམས་ཅད་གང་དང ། གང་ནས་བྱུང་བ་དེ་དང ། དེ་ཉིད་ནས་སྙིང་པོ་འདིས་དགྲོལ་ལོ། །ོཾ་བཛྲ་མུཿ དེ་ནས་སྙིང་ག་ནས་བྱུང་བ་རིན་ཆེན་རྡོ་རྗེའི་ཕྱག་རྒྱ་རང་གི་དབང་བསྐུར་བའི་གནས་ན་གནས་པས་དབང་བསྐུར་ཏེ། མཛུབ་མོ་གཉིས་ཀྱིས་བསྐོར་ཞིང་བཅིངས་ནས། དེ་བཞིན་དུ་གོ་ཆའང་སྙིང་པོ་འདིས་བཅིང་ངོ། །ོཾ་བཛྲ་རཏྣ་ཨ་བྷི་ཥིཉྩ། སརྦྦ་མུ་དྲཱ་མཻ་ཏྲི་དྷཱི་ཀུ་རུ་བ་ར་ཀ་བ་ཙེ་ན་བཾ། དེ་ནས་ཡང་གོ་ཆའི་མཐར་ཕྲེང་བ་བཅིངས་པ་གཏད་ལ། ཐལ་མོ་མཉམ་པར་བརྡབས་ཏེ་སྙིང་པོ་འདིས་མཉེས་པར་བྱའོ། །བཛྲ་ཏུ་ཥྱ་ཧོཿ ། ཆོ་ག་འདིས་ཕྱག་རྒྱ་རྣམས་དགྲོལ་བ་དང ། བཅིངས་པ་དང ། མཉེས་པར་བྱས་ནས་རྡོ་རྗེ་ལྟ་བུར་འགྱུར་རོ། །ཡང་ན་རྡོ་རྗེ་སེམས་དཔས་ཀྱང་བྱའོ། །རྡོ་རྗེ་སེམས་དཔའ་ལན་ཅིག་བཟླས། །ཇི་ལྟར་འདོད་པ་བདག་བདེ་བར། །བཟླས་པ་ཙམ་གྱིས་འགྲུབ་པར་འགྱུར། །ཕྱག་ན་རྡོ་རྗེས་གསུངས་པ་བཞིན། ། ཞེས་བཅོམ་ལྡན་འདས་ཀུན་ཏུ་བཟང་པོས་གསུངས་སོ། །རྡོ་རྗེ་སེམས་སོགས་སེམས་དཔའ་རྣམས། །སྒྲུབ་པ་དང་ནི་ལས་ཀུན་ལ། །འདིར་ནི་ཅི་དགར་བཟླས་ན་ནི། །རྟོག་པ་ཀུན་ལས་དངོས་གྲུབ་ཐོབ། །སྙིང་པོ་ཕྱག་རྒྱ་སྔགས་རིག་རྣམས། །ཇི་ལྟར་འདོད་པའི་ཚུལ་གྱིས་ནི། །རྟོག་པ་ལས་བཤད་རང་བྱས་པའམ། །བསྒྲུབ་པ་འདིར་ནི་ཐམས་ཅད་
147a
༄#། །དོ། །དེ་ནས་གསང་བའི་མཆོད་བརྗོད་ཅིང ། །རྡོ་རྗེའི་བསྟོད་པས་གླུ་བླངས་ཏེ། །གསང་བའི་མཆོད་བ་བཞི་བྱའོ། །ོཾ་རྡོ་རྗེ་སེམས་དཔའ་བསྡུས་པས་ན། །རྡོ་རྗེ་རིན་ཆེན་བླ་ན་མེད། །རྡོ་རྗེ་ཆོས་ནི་གླུར་བླངས་པས། །རྡོ་རྗེ་ལས་ནི་བྱེད་པར་འགྱུར། །དེ་ནས་དབུས་ཀྱི་དཀྱིལ་འཁོར་དུ་རྡོ་རྗེ་བསྟོད་པའི་གླུ་འདི་ཉིད་ཀྱིས་རྡོ་རྗེའི་གར་ལག་པ་གཉིས་གཤིབས་པས་བསང་བ་བྱའོ། །བདུག་པ་ལ་སོགས་པས་མཆོད་པ་བྱ་སྟེ། དེ་ནས་ཕྱི་རོལ་གྱི་དཀྱིལ་འཁོར་དུ་བདུག་པ་ལ་སོགས་པས་མཆོད་པ་བྱས་ལ།་མཆོད་པ་དེ་དག་རང་རང་གི་གནས་སུ་གཞག་གོ་།དེ་ནས་ཐམས་ཅད་ལ་ཅི་ནུས་པར་མཆོད་ཅིག་ཅེས་བསྒོ་ནས་དེ་ནས་དེ་བཞིན་གཤེགས་པ་ཐམས་ཅད་ལ་སྩོལ་སྟེ། ཇི་ལྟར་འདོད་པ་བཞིན་དུ་བདུག་པ་ལ་སོགས་པས་མཆོད་པ་བྱེད་དུ་བཅུག་ལ། ཇི་ལྟར་བཞུགས་པ་རྣམས་ཅི་འབྱོར་པའི་རོ་དང ། ཁ་ཟས་ལ་སོགས་པ་ཐམས་ཅད་དང ། དཀྱིལ་འཁོར་ཆེན་པོར་ཕུལ་བའི་ཡོ་བྱད་ཐམས་ཅད་ཀྱིས་མགུ་བར་བྱ་སྟེ། དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་རྡོ་རྗེ་བརྟུལ་ཞུགས་སྦྱིན་ནོ། །འདི་དེ་སངས་རྒྱས་ཐམས་ཅད་ཉིད། །རྡོ་རྗེ་སེམས་དཔའི་ལག་ན་འདུག་།ཁྱོད་ཀྱིས་ཀྱང་ནི་རྟག་ཏུ་བཅང ། །ཕྱག་ན་རྡོ་རྗེ་བརྟུལ་ཞུགས་བརྟན། །ོཾ་སརྦྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ། ཏིཥྛ་
147b
ེ་ཥ་ཏྭཱཾ་དྷཱ་ར་ཡཱ་མི། བཛྲ་སཏྭ་ཧི་ཧི་ཧི་ཧི་ཧཱུཾ། དེ་ནས་ཐམས་ཅད་དུ་སུ་ལའང་མ་བཟླ་ཞིག་ཅེས་བསྒོ་ལ། མནའི་སྙིང་པོའང་བསྟན་ཏོ། །དེ་ནས་ཇི་ལྟར་ཞུགས་པ་རྣམས་སླར་བགྱེ་སྟེ། དེ་བཞིན་གཤེགས་པ་ཐམས་ཅད་ལ་གསོལ་བ་གདབ་ཅིང་སེམས་དཔའ་རྡོ་རྗེ་མའི་ཕྱག་རྒྱ་བཅིངས་ནས་ཁ་གྱེན་དུ་བསྟན་ཏེ། སྙིང་པོ་འདི་བཟླས་ཤིང་དཀྲོལ་ནས། ཨོཾ།་ཁྱོད་ཀྱིས་སེམས་ཅན་དོན་ཀུན་མཛད། །རྗེས་སུ་མཐུན་པའི་དངོས་གྲུབ་སྩོལ། །སངས་རྒྱས་ཡུལ་དུ་བཞུད་པར་མཛོད། །སླར་ཡང་བྱོན་པར་མཛད་དུ་གསོལ། །བཛྲ་སཏྭ་མུཿ དེ་ལྟར་དཀྱིལ་འཁོར་ཐམས་ཅད་ལའང་བྱའོ། །དམ་ཚིག་མཆོག་གི་ཕྱག་རྒྱ་རྣམས་ཀྱང་དགྲོལ་བར་བྱའོ། །དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པ་རྟོག་པ་ཆེན་པོའི་རྒྱལ་པོ་ལས། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཆོ་ག་རྒྱས་པ་རྫོགས་སོ།། །།བམ་པོ་གསུམ་པ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་གཟུངས་དམ་ཚིག་ལས་བྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙེམས་པར་ཞུགས་ཏེ། སྙོམས་པར་ཞུགས་མ་ཐག་ཏུའང་དེ་ཉིད་ཀྱི་ཚེ་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་རྡོ་རྗེ་འཛིན་བའི་གཟུགས་འཛིན་པ་ཀུན་ཏུ་འབར་བའི་སྙིང་པོ་རྡོ་རྗེ་གཟུངས་ཀྱི་དམ་ཚིག་གི་
148a
༄#། །ཕྱག་རྒྱའི་ལྷ་མོ་རྣམས་སུ་གྱུར་ནས་བྱུང་སྟེ། འཇིག་རྟེན་གྱི་ཁམས་ཐམས་ཅད་ཀྱི་སངས་རྒྱས་ཀུན་གྱི་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་གཟུངས་ཀྱི་ཡེ་ཤེས་བསྒྲུབས་ཏེ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་ཕྱག་རྒྱའི་གཟུགས་སུ་གྱུར་ནས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དབྱིངས་ཀྱི་དཀྱིལ་འཁོར་ཆེན་པོ་བཀོད་པའི་ཚུལ་དུ་ཟླ་བའི་དཀྱིལ་འཁོར་རྣམས་ལ་འཁོད་དེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་གང་ཕྱིར་བྱང་ཆུབ་སེམས། །སེམས་ཅན་ཀུན་ལ་ཕན་བཞེད་པ། །འདུལ་བའི་དབང་གིས་དཔའ་བོ་གང ། །བུད་མེད་གཟུགས་སུའང་མཛད་པར་གྱུར། །དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་ཕྱག་རྒྱའི་དམ་ཚིག་རྡོ་རྗེ་དབྱིངས་ཀྱི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པའི་མཆོག་འདི་གསུངས་སོ། །ོཾ་བཛྲ་དྷཱ་ཏྭཱི་ཤཝ་རི་ཧཱུཾ་བཛྲི་ཎི། དེ་ནས་ཡང་དེ་བཞིན་གཤེགས་པ་མི་གཡོ་བས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སེམས་དཔའི་དམ་ཚིག་གི་ཡེ་ཤེས་ཀྱི་ཕྱག་རྒྱའི་དཀྱིལ་འཁོར་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པའི་མཆོག་འདི་སྨྲས་པ། ཨོཾ་བཛྲ་
148b
བཛྲི་ཎི་ཧཱུཾ། དེ་ནས་དེ་བཞིན་གཤེགས་པ་རིན་ཆེན་འབྱུང་བས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་རིན་པོ་ཆེའི་དམ་ཚིག་གི་ཡེ་ཤེས་ཀྱི་ཕྱག་རྒྱའི་དཀྱིལ་འཁོར་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པའི་མཆོག་འདི་སྨྲས་པ། ཨོཾ་རཏྣ་བཛྲི་ཎི་ཧཱུཾ། དེ་ནས་དེ་བཞིན་གཤེགས་པ་ཚེ་ཚད་མེད་པས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཆོས་ཀྱི་དམ་ཚིག་གི་ཡེ་ཤེས་ཀྱི་ཕྱག་རྒྱའི་དཀྱིལ་འཁོར་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པའི་མཆོག་འདི་སྨྲས་པ། ཨོཾ་དྷརྨྨ་བཛྲི་ཎི་ཧཱུཾ། དེ་ནས་དེ་བཞིན་གཤེགས་པ་གདོན་མི་ཟ་བར་གྲུབ་པས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་ཡེ་ཤེས་ཀྱི་ཕྱག་རྒྱའི་དཀྱིལ་འཁོར་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པའི་མཆོག་འདི་སྨྲས་པ། ཨོཾ་ཀརྨྨ་བཛྲི་ཎི་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་གཟུངས་ཆེན་པོའི་དམ་ཚིག་གི་ཕྱག་རྒྱ་བཞི་པོ་བཤད་དོ། །ོཾ་བཛྲཱ་སཏྭ་གུ་དྱ་ས་མ་ཡེ་སྟྭཾ། ཨོཾ་གུ་ཧྱ་རཏྣ་ཨཾ་ཀུ་ཤེ་ཧཱུཾ། ཨོཾ་གུ་ཧྱ་རཱ་གི་རཱ་གཱ་ཡ་ཧཱུཾ། ཨོཾ་བཛྲ་གུ་ཧྱ་བཛྲ་སཱ་དྷྭི་ཤཝ་རི་ཧཱུཾ། ཀུན་ཏུ་བཟང་མོ་དང ། དེ་བཞིན་གཤེགས་པའི་ལྕགས་ཀྱུ་མ་དང ། དགའ་བ་ལ་ཆགས་མ་
149a
༄#། །དང།་ལེགས་ལྡན་མ་སྟེ། རྡོ་རྗེ་གཟུངས་ཆེན་མོ་རྣམས་སོ། །ོཾ་བཛྲ་གུ་ཧྱ་རཏྣ་ས་མ་ལ་ཧཱུཾ། ཨོཾ་བཛྲ་གུ་ཧྱ་པྲ་བྷེ་ཧཱུཾ། ཨོཾ་བཛྲ་དྷྭ་ཛ་ཨ་གྲ་གུ་ཧྱ་ཧཱུཾ། ཨོཾ་བཛྲ་ཧཱ་ས་བཛྲི་ཧཱུཾ། རིན་པོ་ཆེའི་གཙོ་མོ་དང ། རིན་པོ་ཆེའི་སྒྲོན་མ་དང ། རྒྱལ་མཚན་གྱི་རྩེ་མོའི་དཔུང་རྒྱན་མ་དང ། བཞད་པ་དང་ལྡན་མ་རྣམས་ཏེ། རིན་པོ་ཆེའི་གཟུངས་རྣམས་སོ། །ོཾ་བཛྲ་དྷརྨྨ་གུ་ཧྱ་ས་མ་ཡེ་ཧཱུཾ། ཨོཾ་བཛྲ་ཀོ་ཥ་གུ་ཧྱ་ས་མ་ཡེ་ཧཱུཾ། ཨོཾ་བཛྲ་གུ་ཧྱ་མཎྜ་ལེ་ཧཱུཾ། ཨོཾ་བཛྲ་གུ་ཧྱ་ཝ་ཙ་ས་མ་ཡེ་ཧཱུཾ། རྡོ་རྗེ་པདྨོ་དང ། ཀུན་འཛིན་མ་དང ། འཁོར་ལོ་ཐམས་ཅད་མ་དང ། སྟོང་དུ་ཟློས་མ་སྟེ། ཆོས་ཀྱི་གཟུངས་མ་རྣམས་སོ། །ོཾ་བཛྲ་གུ་ཧྱ་ཀརྨྨ་ས་མ་ཡེ་ཧཱུཾ། ཨོཾ་བཛྲ་གུ་ཧྱ་ཀ་བརྩེ་ཧཱུཾ། ཨོཾ་བཛྲ་གུ་ཧྱ་དཾ་ཥྚཱ་དྷཱ་ར་ཎཱི་ཧཱུཾ། ཨོཾ་བཛྲ་གུ་ཧྱ་མུཥྚི་ཧཱུཾ། དངོས་གྲུབ་ཀུན་གྱི་གཙོ་མོ་དང ། ཐམས་ཅད་སྲུང་བ་མ་དང ། མདངས་སླར་འཕྲོག་མ་དང ། གཟུངས་ཀྱི་ཕྱག་རྒྱ་མ་སྟེ། ཐམས་ཅད་ཀྱི་གཟུངས་རྣམས་སོ། །དེ་ནས་ཡང་ཕྱག་ན་རྡོ་རྗེ་བྱང་ཆུབ་སེམས་དཔའ་ཆེན་པོས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གསང་བའི་དམ་ཚིག་གི་ཕྱག་རྒྱ་བཞི་པོ་རྣམས་བཤད་དོ། །ོཾ་བཛྲ་གུ་ཧྱ་སཏྭ་བཛྲ་ཎི་ཧཱུཾ། ཨོཾ་བཛྲ་གུ་ཧྱ་རཏྣ་བཛྲི་ཎི་ཧཱུཾ། ཨོཾ་བཛྲ་གུ་ཧྱ་དྷརྨྨ་བཛྲི་ཎི་ཧཱུཾ། ཨོཾ་བཛྲ་གུ་ཧྱ་ཀརྨྨ་བཛྲི་ཎི་ཧཱུཾ། རྡོ་རྗེ་ཕ་རོལ་ཏུ་ཕྱིན་པ་དེ་དག་ཉིད་ལ་སོགས་པ་དེ་བཞིན་གཤེགས་པ་ཐམས་
149b
ཅད་ཀྱི་རྡོ་རྗེ་གསང་བའི་དམ་ཚིག་གི་ཕྱག་རྒྱ་རྣམས་ཏེ། རྡོ་རྗེ་དབྱིངས་ཀྱི་དབང་ཕྱུག་མ་དཀྱིལ་འཁོར་ཆེན་པོར་འབར་བ་དང་བཅས་པས་ཟླ་བའི་དཀྱིལ་འཁོར་ལ་འདུག་པར་གཞག་གོ་།དེ་ནས་ཡང་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གསང་བའི་མཆོད་པའི་དམ་ཚིག་གི་ཕྱག་རྒྱ་བཞི་པོ་བཤད་དོ། །ོཾ་བཛྲ་གུ་ཧྱ་ར་ཏི་པཱུ་ཛཱ་ས་མ་ཡེ་སརྦྦ་པཱུ་ཛཱ་པྲ་བརྟྟཾ་ནཱ་ཡ་ཧཱུཾ། ཨོཾ་བཛྲ་གུ་ཧྱ་ཨ་བྷི་ཥེ་ཀ་པཱུ་ཛཱ་ས་མ་ཡེ་སརྦ་པཱུ་ཛཱ་པྲ་བྲྟྟ་ནཱ་ཡ་ཧཱུཾ། ཨོཾ་བཛྲ་གུ་ཧྱ་གཱི་ཏི་པཱུ་ཛཱ་ས་མ་ཡེ་སརྦྦ་པཱུ་ཛཱ་པྲ་བྲྟྟ་ནཱ་ཡ་ཧཱུཾ། ཨོཾ་བཛྲ་གུ་ཧྱ་ནྲི་ཏྱ་པཱུ་ཛཱ་ས་མ་ཡེ་སརྦྦ་པཱུ་ཛཱ་པྲ་བྲྟྟ་ནཱ་ཡ་ཧཱུཾ། རྡོ་རྗེ་འཛིན་མ་ལ་སོགས་པ་དེ་དག་ཉིད་དེ་འབར་བ་དང་བཅས་པ་རང་གི་མཚན་མའི་ཕྱག་རྒྱ་རྣམས་འཁོར་ལོའི་དཀྱིལ་འཁོར་གྱི་གྲཝ་རྣམས་སུ་དགོད་དོ། །དེ་ནས་ཡང་བཅོམ་ལྡན་འདས་ཕྱག་ན་རྡོ་རྗེ་རྡོ་རྗེ་གསང་བ་ཞེས་བྱ་བའི་རྡོ་རྗེའི་དཀྱིལ་འཁོར་ཆེན་པོ་འདི་བཤད་དོ། །དེ་ནས་རབ་ཏུ་བཤད་བྱ་བ། །རྡོ་རྗེ་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་གསང་བ་ཞེས་བཤད་དོ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་བྲི་བར་བྱ། །དཀྱིལ་འཁོར་ཀུན་གྱི་དབུས་སུ་ནི། ། སངས་རྒྱས་ཕྱག་རྒྱ་བྲི་བར་བྱ། །མཆོད་རྟེན་ཁྲི་ལ་ལེགས་འདུག་པ། །རྡོ་རྗེ་དབྱིངས་ཀྱི་དབང་མོར་བཤད། །ཁྲི་ཡི་སྟེང་དུ་རྡོ་རྗེ་བརྩེགས། །རྡོ་རྗེ་སེམས་ཞེས་བཤད་པའོ། །
150a
༄#། །རྡོ་རྗེ་རིན་ཆེན་ཁྲི་ཡི་སྟེ། །རང་གི་དབང་ནི་བསྐུར་བར་བཤད། །རྡོ་རྗེ་པདྨ་ཁྲི་ཡི་སྟེང ། །མཚོན་ཆ་ཞེས་ནི་བྱ་བར་བཤད། །ལས་ཀྱི་རྡོ་རྗེ་ཁྲི་ཡི་སྟེང ། །རྡོ་རྗེ་ཀུན་ཞེས་བྱ་བར་བཤད། །པདྨོའི་སྟེང་དུ་བྲི་བར་ནི། །འོད་ཀྱི་འཁོར་ལོ་བརྟེན་པའོ། །ཁྲི་ཡི་སྟེང་དུ་རྡོ་རྗེ་བྲི། །ལྕགས་ཀྱུ་འགྲེང་བ་གཉིས་དེ་བཞིན། །རྡོ་རྗེ་རྡོ་རྗེ་ལ་སྙེས་པར། །ལེགས་པར་སྦྱིན་པ་གཉིས་དེ་བཞིན། །རིན་ཆན་འོད་ཟེར་འབར་བར་བྱ། །ཉི་མའི་ཕྱག་རྒྱའང་དེ་བཞིན་ནོ། །རྒྱལ་མཚན་རྩེ་མོ་འབར་བར་བཅས། །རྡོ་རྗེ་གཉིས་པར་སོ་ཡི་ཕྲེང ། །རྡོ་རྗེ་དབུས་སུ་པདྨ་བྲི། །རལ་གྲི་འབར་བཅས་དེ་བཞིན་ནོ། །རྡོ་རྗེ་འཁོར་ལོ་རྡོ་རྗེ་རྩིབས། །འབར་བའི་འོད་ཟེར་ཅན་གྱི་ལྕེ། །རྡོ་རྗེ་ཀུན་ཏུ་རྩེ་མོ་དང ། །གོ་ཆ་རྡོ་རྗེ་ཡང་དག་ལྡན། །རྡོ་རྗེ་མཆེ་བ་ཡང་དག་བྲི། །ལག་གཉིས་ཁུ་ཚུར་ཕྱག་རྒྱ་བྱ། །སེམས་མ་རྡོ་རྗེ་ལ་སོགས་ནི། །དབྱིངས་ཀྱི་དཀྱིལ་འཁོར་ཇི་བཞིན་དུ། །མཚན་མའི་ཕྱག་རྒྱ་བྲི་བར་ནི། །རྡོ་རྗེ་འཛིན་སོགས་དཀྱིལ་འཁོར་དུ། །ཕྱི་རོལ་དུ་ཡང་ཅི་རིགས་པར། །རང་གི་མཚན་མ་རྣམས་ཀྱང་བྲི། །བྱམས་པ་ལ་སོགས་རང་གི་མཚན། །ཇི་ལྟར་དགའ་བ་བཞིན་དུ་བྲི། ། དེ་ནས་རྡོ་རྗེ་གསང་བའི་དཀྱིལ་འཁོར་འདིར་འཇུག་པ་ལ་སོགས་པའི་ཆོ་ག་རྒྱས་པ་ཡིན་ཏེ། དེ་ལ་ཐོག་མར་རྡོ་རྗེ་སློབ་དཔོན་གྱི་སེམས་མ་རྡོ་རྗེ་མའི་ཕྱག་རྒྱ་རང་གིས་བཅིངས་
150b
ཏེ།་འཇུག་པར་བྱའོ། །ཞུགས་ནས་ལན་གཅིག་བསྐོར་ཏེ། ཕྱག་རྒྱ་དེ་བཅོམ་ལྡན་འདས་ཕྱག་ན་རྡོ་རྗེ་ལ་ཕུལ་ནས། རང་གི་སྙིང་གར་ཚུལ་བཞིན་དུ་བཀྲོལ་ཏེ། སྒོ་བཞིར་རྡོ་རྗེ་ལྕགས་ཀྱུ་ལ་སོགས་པས་ཇི་ལྟ་བ་བཞིན་དུ་ལས་རྣམས་བྱས་ཏེ་ཕྱིར་བྱུང་ངོ ། །ཕྱིར་བྱུང་ནས་ཀྱང་རྡོ་རྗེ་སློབ་མ་རྣམས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོར་གཟུང་བའི་ཚུལ་དུ་གཟུད་དོ། །དེ་ནས་བཙུད་ནས་དངོས་གྲུབ་གྱི་གསང་བའི་རྡོ་རྗེའི་མཚན་མ་འཆང་བས་གཡོགས་ལ་བྱིན་ཏེ། རྡོ་རྗེ་གསང་བའི་ཕྱག་རྒྱའི་ཡེ་ཤེས་བསླབ་བོ། །དེ་ལ་དང་པོར་རེ་ཞིག་རྡོ་རྗེ་གསང་བའི་ལུས་ཀྱི་ཕྱག་རྒྱའི་ཡེ་ཤེས་བསླབ་བོ། །ཟླ་བའི་དཀྱིལ་འཁོར་དབུས་སུ་ནི། །རྐང་ལག་ཐལ་མོ་སྦྱར་ནས་ཁ། །གླལ་ཅིང་རྡོ་རྗེ་བསྒོམས་བྱས་ན། །རྡོ་རྗེ་མ་ཡང་ཆགས་བར་བྱེད། །དཔུང་པ་བསྐུམ་པའི་ལྕགས་ཀྱུ་དང ། མགོ་ལ་རྡོ་རྗེ་བསྒོམ་པར་བྱ། །ལག་པ་ཡིས་ནི་འབྱེད་བྱེད་ཅིང ། །ལྕགས་ཀྱུ་མ་ཡང་འགུགས་པར་བྱེད། །མདའ་འཕེན་པ་ཡི་ཚུལ་གྱིས་ནི། །གླལ་ཞིང་སྙིང་གར་འཕངས་ནས་ནི། །ཉིད་ཀྱིས་རྡོ་རྗེ་དགའ་མ་ཡང ། །བདུད་ཀྱི་ཚུལ་གྱིས་མཉེས་པར་བྱེད། །བདག་གི་ལུས་ཀྱི་སྙིང་གར་ནི། །རྡོ་རྗེ་གོ་ཆའི་ཚུལ་གྱིས་ནི། ། དཔུང་པ་བསྣོལ་བར་བཅིངས་ནས་ནི། །སངས་རྒྱས་ཉིད་ཀྱང་སྲུང་བར་བྱེད། །དེ་ལ་དེ་དག་གི་སྙིང་པོ་ནི་འདི་རྣམས་གྱི་\?\་།བཛྲ་རཱ་ག་མ་ཧོ། །བཛྲ་ཨཾ་ཀུ་ཤ་ཛཿ ། བཛྲ་མཱ་ར་ཡ་མཱ་ར་ཡ་
151a
༄#། །ཕཊ། བཛྲ་བན་བྷ་རཀྵ་ཧཾ། དེ་ནས་རྡོ་རྗེ་གསང་བའི་བལྟ་བའི་ཕྱག་རྒྱའི་ཡེ་ཤེས་བསླབ་བོ། །རྡོ་རྗེ་བལྟ་བས་ཆགས་པས་ནི། །དགའ་བས་མིག་ནི་རབ་ཏུ་བགྲད། །དེ་ཡིས་བུད་མེད་བལྟས་པས་ན། །རྟག་ཏུ་དབང་དུ་འགྱུར་བ་ཡིན། །རབ་ཏུ་མྱུར་བར་མིག་བསྒུལ་ཞིང ། །མིག་གི་རྫི་མ་འགགས་བྱེད་པ། །ལྟ་བ་གཟི་བཅན་ཡིན་པར་བཤད། །འགྲོ་བ་ཐམས་ཅད་འགུགས་བྱེད་པའོ། །ཁྲོ་གཉེར་གཉེར་མ་རབ་བསྡུས་པ། །ཁྲོ་བོའི་མིག་ནི་བཙུམས་པ་སྟེ། །ཁྲོ་བོའི་བལྟ་བ་བྱས་ནས་ནི། །ཁམས་གསུམ་ཡང་ནི་འཇིགས་པར་བྱེད། །རི་རབ་རི་ཡི་བྲག་འདྲ་བ། །བརྟན་པར་འཛུ་མས་བ་མེད་པའི་མིག་།བྱམས་པའི་བལྟ་བ་ཡིན་པར་བཤད། །ནད་དང་གདོན་དང་དུག་སེལ་ཏོ། །དེ་ནས་འདི་རྣམས་ཀྱི་སྙིང་པོ་ནི་འདི་དག་ཡིན་ནོ། །བཛྲ་དྲྀཥྚི་མ་ཊ་དཱི་པ་ཏ་དྲྀཥྚི་ཨཾ་ཀུ་ཤ་ཛཿ ཀོ་དྷ་དྲྀཥྚི་ཧྲཱིཿ དྲྀ་ཎ ཧ་ཏིཥྠ་ཕཊ། དེ་ནས་རྡོ་རྗེ་གསང་བའི་དམ་ཚིག་གི་ཕྱག་རྒྱའི་ཡེ་ཤེས་བསླབ་བོ། །ཧོ་ཧོ་ཧོ་ཧོ་ཞེས་སྨྲས་ན། །སྒྲ་དང་བྲལ་བས་དེ་མ་ཐག་།སེམས་ཅན་ཀུན་ནི་མགུ་བར་བྱེད། །དེ་ནི་རྡོ་རྗེ་ཚིག་གསལ་བའོ། །ཛྫ་ཛྫ་ཛྫ་ཛྫ་ཞེས་བརྗོད་ན། །ཁྲོ་བོའི་ཚིག་ནི་གསལ་བ་སྟེ། །རྡོ་རྗེ་འཛིན་པ་འདྲ་བ་ཡི། །སྐྱེ་བོ་ཀུན་ཀྱང་འགུགས་པར་བྱེད། །ཧཱུཾ་ཧཱུཾ་ཧཱུཾ་ཧཱུཾ་ཞེས་བརྗོད་ན། །ཚིག་ཏུ་བརྗོད་པ་གསལ་བ་ཡིས། །རི་རབ་དང་ནི་འདྲ་བ་ཡི། །སེམས་
151b
ཅན་ཀུན་ལ་འདུད་བྱེད་དོ། །ཧཾ་ཧཾ་ཧཾ་ཧཾ་ཞེས་སྨྲས་ན། །ཕྲ་བའི་ཚིག་གི་གསོལ་བ་སྟེ། །འཇིག་རྟེན་འདི་ཀུན་སྲུང་བྱེད་པ། །རྡོ་རྗེའི་བདག་ཉིད་རྒྱལ་བའང་སྲུང ། །དེ་ལ་སྙིང་པོ་འདི་རྣམས་ཡིན་ནོ། །བཛྲ་ཧོཿ བཛྲ་ཛཿ བཛྲ་ཧཱུཾ། བཛྲ་ཧཱུཾ། བཛྲ་ཧཾ། དེ་ནས་རྡོ་རྗེ་གསང་བའི་སེམས་ཀྱི་ཕྱག་རྒྱའི་ཡེ་ཤེས་བསླབ་བོ། །རྣམ་པ་ཐམས་ཅད་མཆོག་ལྡན་པའི། །ཕྱག་ན་རྡོ་རྗེ་བདག་ཉིད་ལ། ། བདག་ཉིད་ཀྱིས་ནི་བསྒོམས་བྱས་ན། །སངས་རྒྱས་ཐམས་ཅད་དབང་དུ་བྱེད། །རྣམ་པ་ཐམས་ཅད་མཆོག་ལྡན་པ། །རྡོ་རྗེ་སྙིང་པོ་བདག་ཉིད་ལ། །བདག་ཉིད་ཀྱིས་ནི་བསྒོམས་བྱས་ན། །ཕྱག་ན་རྡོ་རྗེ་འགུགས་པར་བྱེད། །རྣམ་པ་ཐམས་ཅད་མཆོག་ལྡན་པའི། །རྡོ་རྗེའི་སྤྱན་ནི་བདག་ཉིད་ལ། །བདག་ཉིད་ཀྱིས་ནི་བསྒོམས་བྱས་ན། །ཆོས་རྣམས་ཐམས་ཅད་དེས་བཏུད་བྱེད། །རྣམ་པ་ཐམས་ཅད་མཆོག་ལྡན་པའི། །རྡོ་རྗེ་ཐམས་ཅད་བདག་ཉིད་ལ། །བདག་ཉིད་ཀྱིས་ནི་བསྒོམས་བྱས་ན། །རྡོ་རྗེ་ཐམས་ཅད་ངེས་སྲུང་ངོ ། །དེ་ལ་སྙིང་པོ་ནི་འདི་རྣམས་ཡིན་ནོ། །བཛྲ་པཱ་ཎི་སརྦྦ་ཤ་མཱ་ན་ཡ་སརྦ་བུདྡྷ་ཧོ། བཛྲ་གརྦྷྭ་བཛྲ་གཱ་ཎི་ཤཱི་གྷྲཾ་ཨཱ་ཀཪྵ་ཡ་ཧཱུཾ་ཛ།་བཛྲ་ནེ་ཏྲ་སརྦྦ་དྷརྨ་མཱ་ར་ཡ་ཧཱུཾ་ཕཊ། བཛྲ་བི་ཤཝ་རཀྵ་སརྦྦཱ་ན་ཧཱུཾ། དེ་ནས་རྡོ་རྗེ་གསང་བའི་ཕྱག་རྒྱའི་ཡེ་ཤེས་ལ་བསླབ་བོ། །བདག་གི་ལུས་ཀྱི་སྙིང་གར་ནི། །སེམས་དཔའི་རྡོ་རྗེ་བཅིང་བྱས་ལ། །རྡོ་རྗེ་མིག་གིས་བལྟས་ན་ནི། །འགྲོ་བ་ཐམས་ཅད་དབབ་པར་
152a
༄#། །བྱེད། །བདག་གི་ལུས་ཀྱི་སྙིང་གར་ནི། །རིན་ཆེན་རྡོ་རྗེ་བཅིང་བྱས་ལ། །འབར་བའི་མིག་གིས་བལྟས་ན་ནི། །ཐམས་ཅད་དབང་དུ་བྱེད་པར་འགྱུར།། བདག་གི་ལུས་ཀྱི་སྙིང་གར་ནི། །ཆོས་ཀྱི་རྡོ་རྗེ་བཅིང་བྱས་ལ། །ཁྲོ་བོའི་མིག་གིས་བལྟས་ན་ནི། །འགྲོ་བ་ཐམས་ཅད་དེས་སྡུད་བྱེད། །བདག་གི་ལུས་ཀྱི་སྙིང་གར་ནི། །ལས་ཀྱི་རྡོ་རྗེ་བཅིང་བྱས་ལ། །བྱམས་པའི་མིག་གིས་བལྟས་ན་ནི། །འགྲོ་བ་ཐམས་ཅད་སྲུང་བར་བྱེད། །དེ་ནས་རྡོ་རྗེ་གསང་བའི་ཡེ་ཤེས་ཀྱི་ཕྱག་རྒྱ་དེ་དག་གི་སྙིང་པོ་ནི་འདི་དག་ཡིན་ནོ། །བཛྲ་གུ་ཧྱ་ས་མ་ཡ་ཧོཿ ། །བཛྲ་གུ་ཧྱ་ས་མ་ཡ་ཛ།། བཛྲ་གུ་ཧྱ་ས་མ་ཡ་ཧཱུཾ། བཛྲ་གུ་ཧྱ་ས་མ་ཡ་ཧཾ། དེ་ནས་རྡོ་རྗེ་གསང་བའི་ཕྱག་རྒྱ་ཆེན་པོ་བཅིང་བ་ལ་བསླབ་བོ། ། རྡོ་རྗེ་ཐལ་མོ་ལས་བྱུང་བ། །གསང་བ་ཆེན་པོ་རབ་ཏུ་བཤད། །ཕྱག་རྒྱ་ཆེན་པོ་མདོར་བསྡུས་པ། །དེ་དག་གི་ནི་བཅིང་བ་བཤད། །མཐེ་བོང་གཉིས་ནི་བསྣོལ་བྱས་ལ། ། མཛུབ་མོ་རྩེ་མོ་བཀུག་པས་ནི། །གུང་མོ་བསྙམས་པའི་ཚིགས་སུ་སྦྱར། །རྡོ་རྗེ་དབྱིངས་ཀྱི་དབང་མོར་བཤད། །དེ་ཉིད་གུང་མོ་རྡོ་རྗེར་བྱ། །གུང་མོ་གཉིས་ནི་ནོར་བུར་བྱས། །པདྨ་སྲིན་ལག་མཐེ་ཆུང་གུང ། །ལག་པའི་སོར་མོ་རབ་ཏུ་བརྐྱང ། །མཛུབ་མོ་རྡོ་རྗེ་མཛུབ་གཉིས་རྩེ། །དེ་ཉིད་མཐེ་བོང་གཉིས་ཀྱིས་སྤྲས། །ལེགས་པ་སྦྱིན་དང་
152b
མཛུབ་རིན་ཆེན། །མཛུབ་མོ་རིན་ཆེན་ཅན་འོད་བར། །སྲིན་ལག་གཤིབས་ལ་མཐེའུ་རིན་ཆེན། །དེ་ཉིད་ཀྱང་ནི་བསྐོར་བའོ། །ཀུན་གྱི་རྩེ་མོ་རབ་ཏུ་དབྱེ། །མཐེ་བོ་མཐེའུ་ཆུང་རབ་ཏུ་གཞུག་།སོར་མོ་རབ་ཏུ་འཁོར་ལོ་བརྐྱང ། །དེ་ཉིད་ཀྱང་ནི་ཁ་ནས་དབྱུང ། །མཐེ་བོང་བརྐྱང་སྟེ་རྡོ་རྗེ་དགབ། །མཛུབ་མོ་བསྙམས་ནས་ནང་དུ་གཞུག་།མཐེའུ་གཉིས་དབྱེ་བ་དེ་ཉིད་ལས། །དེ་ནས་ནང་དུ་རྡོ་རྗེར་བྱ། །རྡོ་རྗེ་གསང་བའི་ལས་རྣམས་ནི། །རྡོ་རྗེ་བཅིངས་ལས་བྱུང་བ་ཡིན། །ཆོས་ཀྱི་གསང་བའི་མཚན་རྣམས་ནི། །ཐལ་མོ་ནང་དུ་བཀུག་པས་སོ། །ལས་ཀྱི་གསང་བ་ནང་གནས་པའི། །མཚན་མས་ལས་སུ་བསྟན་པའོ། །དེ་ནས་གཞན་ཡང་རབ་བཤད་པ། །ཆོས་ཀྱི་ཕྱག་རྒྱ་མདོར་བསྡུས་པ། །།་ཛྫཿ ་ཧོཿ ་སཿ ་ཨོཾཿ ་ཨཾཿ ཏྲཱཾ།ཧཿ ཧྲཱིཿ དྷ།མཾརཾ།ཀཾ།ཧཱུཾཿ བཾ།གསང་བའི་ཕྱག་རྒྱ་གཉིས་བྱས་ནས། །ལས་ཀྱི་ཕྱག་རྒྱ་རྣམས་སུ་བྱ། །དམ་ཚིག་མཆོག་ནི་ཇི་སྙེད་པ། །གཉིས་སུ་ཕྲལ་ནས་དེ་བཞིན་ནོ། །དེ་ནས་འདི་རྣམས་སྒྲུབ་པ་བཤད། །ས་མ་ཡ་སྟྭཾ་ཞེས་སྨྲས་ཞིང ། །བདག་གིས་བཅིངས་པས་འགྲུབ་པ་ནི། །འདོད་ལ་ཆགས་པ་བདེ་བའི་བདག། འདི་རྣམས་ལྷག་པར་གཅིག་ཀྱང་ནི། །དུས་ཀུན་ཏུ་ནི་བཅིང་མི་བྱ། །གསང་བ་ལམ་ནི་དོན་ཆེན་ལ། །མཁས་པ་ཡིས་ནི་སྦྱར་བར་བྱ། །འདི་རྣམས་ཀུན་ལ་བདག་ཉིད་གནས། །
153a
༄#། །རང་བྱུང་རྣམས་ཀྱི་ལྷ་མོ་བརྟན། །སྒྲུབ་པ་རྣམས་ལ་རབ་ཆགས་ན། །རང་གི་བདག་པེ་བཏང་ང་རེ། །དེ་ནས་ཕྱག་རྒྱ་འདི་རྣམས་ཐམས་ཅད་བཅིང་བ་ལ་སོགས་པའི་ལས་རྣམས་ཡིན་ནོ། །བདག་གམ་འོན་ཏེ་གཞན་ཡང་རུང ། །རྡོ་རྗེ་དབབ་པ་བྱས་ན་ནི། །སྙིང་པོར་བྱ་བ་འདི་ཡིས་ནི། །བཅིང་ངམ་འཆིང་དུ་གཞུག་ཀྱང་རུང ། ། བཛྲ་ཧཱུཾ་བནྡྷ། དེ་ནས་དགྲོལ་བ་ཡིན་ནོ། །མདོར་ན་ཕྱག་རྒྱ་ཐམས་ཅད་ནི། །སྙིང་པོར་བྱ་བ་འདི་ཉིད་ཀྱིས། །གང་དང་གང་ནས་བྱུང་བ་ཡི། །དེ་དང་དེ་ནས་དགྲོལ་བར་བྱ། །ོཾ་བཛྲ་མུཿ ་དེ་ནས་བརྟན་པར་བྱ་བ་ཡིན་ཏེ། །རིན་ཆེན་རྡོ་རྗེ་བརྟན་བྱས་ཏེ། །སྙིང་ག་ནས་ནི་སྦྱི་བོར་དགྲོལ། །མཛུབ་མོ་ཡིས་ནི་གོ་ཆ་བཅིང ། །སྙིང་པོར་བྱ་བ་འདི་ཉིད་དོ། །ོཾ་དྲྀ་ཎ དྷ་བཛྲ་ཀ་བ་ཙ་དྲྀ་ཌྷ། དེ་ནས་བཅིང་བའི་དམ་ཚིག་ཡིན་ནོ། །ཇི་ལྟར་གནས་པ་རྣམས་སུ་དགྲོལ། །གོ་ཆ་ཡིས་ནི་བརྟན་པར་བྱས། །ཐལ་མོ་བརྡབས་པས་ཀུན་སྦྱར་བ། ། སྙིང་པོར་བྱ་བ་འདི་ཉིད་དོ། །ོཾ་གུ་ཧྱ་ས་མ་ཡ་ཏྲ། རྡོ་རྗེ་སེམས་དཔའ་ཅི་དགར་བཟླས། །དཀྱིལ་འཁོར་དང་ནི་ལས་ཀུན་ལ། །དུས་འདི་ཉིད་དུ་སྦྱར་བར་བྱ། །ཐམས་ཅད་གྲུབ་པར་བྱེད་པའི་མཆོག་།དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པའི་རྟོག་པ་ཆེན་པོའི་རྒྱལ་པོ་ལས། །རྡོ་རྗེ་གསང་བའི་ཕྱག་རྒྱའི་དཀྱིལ་
153b
འཁོར་གྱི་ཆོ་ག་རྒྱས་པ་རྫོགས་སོ།། །།དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཕྲ་མོའི་ཡེ་ཤེས་ཀྱི་ཕྱག་རྒྱའི་དམ་ཚིག་གི་དཀྱིལ་འཁོར་བྱིན་གྱིས་བརླབས་པ་ཞས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པའི་མཆོག་འདི་སྨྲས་པ། ཨོཾ་སཱུཀྵྨ་བཛྲ་ཛྙཱ་ན་ས་མ་ཡེ་ཧཱུཾ། དེ་ནས་དེ་བཞིན་གཤེགས་པ་མི་གཡོ་བས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སེམས་དཔའ་ཡེ་ཤེས་ཕྲ་མོའི་དམ་ཚིག་གི་དཀྱིལ་འཁོར་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རང་གི་རིག་པའི་མཆོག་འདི་སྨྲས་པ། ཨོཾ་བཛྲ་སཏྭ་སཱུཀྵྨ་བཛྲ་ཛྙཱ་ན་ས་མ་ཡེ་ཧཱུཾ། དེ་ནས་དེ་བཞིན་གཤེགས་པ་རིན་ཆེན་འབྱུང་བས་དེ་བཞིན་གཤེགས་པ་ཐམས་ཅད་གྱི་རྡོ་རྗེ་རིན་པོ་ཆེའི་ཡེ་ཤེས་ཕྲ་མོའི་དམ་ཚིག་གི་དཀྱིལ་འཁོར་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པའི་མཆོག་འདི་སྨྲས་པ།་ཨོཾ་རཏྣ་སཱུཀྵྨ་བཛྲ་དྙཱ་ས་མ་ཡེ་ཧཱུཾ། དེ་ནས་དེ་བཞིན་གཤེགས་པ་ཚེ་ཚད་མེད་པས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཆོས་ཀྱི་ཡེ་ཤེས་ཕྲ་མོའི་དམ་ཚིག་གི་དཀྱིལ་འཁོར་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པའི་མཆོག་འདི་སྨྲས་པ། ཨོཾ་དྷརྨྨ་སཱུཀྵྨ་བཛྲ་ཛྙཱ་བཛྲ་ཛྙཱ་ན་ས་མ་ཡེ་ཧཱུཾ། དེ་ནས་དེ་བཞིན་ ་
154a
༄#། །པ་གདོན་མི་ཟ་བར་གྲུབ་པས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ལས་ཀྱི་ཡེ་ཤེས་ཕྲ་མོའི་དམ་ཚིག་གི་དཀྱིལ་འཁོར་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པའི་མཆོག་འདི་སྨྲས་པ། ཨོཾ་ཀརྨ་སཱུཀྵྨ་བཛྲ་ཛྙཱ་ན་ས་མ་ཡེ་ཧཱུཾ། དེ་ནས་དེ་བཞིན་གཤེགས་པ་བཅོམ་ལྡན་འདས་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཡེ་ཤེས་ཕྲ་མོའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །བཅོམ་ལྡན་འདས་སྙོམས་པར་ཞུགས་མ་ཐག་ཏུ་དེ་ཉིད་ཀྱི་ཚེ་ན་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་རྡོ་རྗེ་ཡེ་ཤེས་ཕྲ་མོའི་འོད་ཟེར་དེ་རྣམས་བྱུང་ནས་འཇིག་རྟེན་གྱི་ཁམས་ཐམས་ཅད་སྣང་བར་བྱས་ཏེ།་སེམས་ཅན་ཐམས་ཅད་ལ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ཡེ་ཤེས་ཕྲ་མོའི་ཏིང་ངེ་འཛིན་དུ་སྙོམས་པར་ཞུགས་པ་བརྟན་པར་བྱས་ཏེ། ཡང་གཅིག་ཏུ་གྱུར་ནས་ཏིང་ངེ་འཛིན་གྱི་ཡེ་ཤེས་ཀྱི་རྡོ་རྗེའི་སྐུར་དམིགས་ཏེ་གཅིག་ཏུ་འདུས་ནས་དེ་བཞིན་གཤེགས་པའི་ཡེ་ཤེས་སུ་གྱུར་ཏེ། བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་སོ། །དེ་ནས་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་ཐུགས་སུ་ཞུགས་ནས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་
154b
ཕྲ་མོའི་དམ་ཚིག་ཆེན་པོའི་རྡོ་རྗེ་འདི་སྨྲས་པ། སཱུཀྵྨ་བཛྲ། དེ་ནས་དེ་སྨྲས་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་བྱུང་ནས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཕྲ་མོའི་རྡོ་རྗེའི་དབྱིབས་སུ་བདག་ཉིད་བྱིན་གྱིས་བརླབས་ཏེ། དེ་བཞིན་གཤེགས་པ་ཐམས་ཅད་ཀྱི་ཤངས་ཀྱི་རྩེ་མོའི་ཕྱོགས་སུ་གནས་ནས་ཆེན་དུ་བརྗོད་པ་འདི་ཆེད་དུ་བརྗོད་དོ། །ེ་མ་འོ་སངས་རྒྱས་ཐམས་ཅད་ཀྱི། །རྡོ་རྗེ་ཕྲ་མོའི་བདག་སྟེ་ཆེ། །གང་ཕྱིར་ཕྲ་ཡང་ཆེ་བའི་ཕྱིར། །ཁམས་གསུམ་ཡང་ནི་རྒྱས་པར་བྱེད། །དེ་ནས་དེ་སྐད་ཅེས་སྨྲས་པ་དང ། བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་ཤངས་ཀྱི་རྩེ་མོའི་ཕྱོགས་ན་རབ་ཏུ་ཕྲ་བའི་ཡེ་ཤེས་ཀྱི་མཚན་མ་རྒྱས་པར་བྱ་བའི་སྦྱོར་བས་དེ་བཞིན་གཤེགས་པ་ཐམས་ཅད་ཀྱི་སྐུ་ལ་ཁྱབ་པར་བྱས་ནས་ཆོས་ཀྱི་དབྱིངས་ཐམས་ཅད་ཁྱབ་པར་བྱ་བའི་ཚུལ་གྱིས་ནམ་མཁའི་དབྱིངས་ཐམས་ཅད་དུ་རབ་ཏུ་ཕྲ་བའི་རྡོ་རྗེ་ཡེ་ཤེས་ཀྱི་མཚན་མ་རྣམས་ཀྱི་ཁྱབ་པར་བྱས་སོ། །ནམ་མཁའི་དབྱིངས་ཐམས་ཅད་ཁྱབ་པར་བྱས་ནས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྡོ་རྗེའི་དབྱིབས་སུ་བདག་ཉིད་བྱིན་གྱིས་བརླབས་ཏེ་འདུག་གོ་།དེ་ནས་དེ་ཉིད་ཀྱི་ཚེ་ན་དེ་བཞིན་གཤེགས་པ་ཐམས་ཅད་ཀྱིས་
155a
༄#། །དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྡོ་རྗེའི་དབུས་སུ་རྡོ་རྗེའི་ཆོས་ཉིད་དུ་དམིགས་ནས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ཡེ་ཤེས་ཕྲ་མོའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བཞུགས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྡོ་རྗེ་དེ་ལས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱི་ཡེ་ཤེས་ཀྱི་སྙིང་པོ་འདི་ཕྱུང་ངོ ། །བཛྲ་ནཱ་བཱི་ཏ་ཐཱ་ག་ཏ་ཧཱུཾ། དེ་ནས་དེ་ཕྱུང་མ་ཐག་ཏུ་བཅོམ་ལྡན་འདས་ཕྱག་ན་རྡོ་རྗེས་ཡེ་ཤེས་ཕྲ་མོར་འཇུག་པའི་ཚུལ་གྱིས་དེ་བཞིན་གཤེགས་པ་ཐམས་ཅད་ཀྱི་སྐུར་ཞུགས་ནས་ཐུགས་ཀར་རྡོ་རྗེའི་དབྱིབས་སུ་གྱུར་ཏེ་གནས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་སེམས་དཔའི་རྡོ་རྗེ་དེ་ལས་ཡེ་ཤེས་ཆེན་པོ་འདི་བཞི་བྱུང་ངོ ། །བཛྲ་ཨཱཏྨ་ཀ་དྲྀ་ཌྷ་བཛྲ་ཨཾ་ཀུ་ཤ་ཏིཥྛ་ག་བཛྲ་པར་པེ་ཤ་ཧྲྀ་ད་ཡཾ། ཨ་ཧོ་བཛྲ་དུཥྚི། རྡོ་རྗེ་སེམས་དཔའ་ཡེ་ཤེས་ཀྱི་ཕྱག་རྒྱ་དང ། དེ་བཞིན་གཤེགས་པ་ཐམས་ཅད་བསྡུ་བའི་བྱིན་གྱིས་བརླབས་ཀྱི་ཡེ་ཤེས་ཀྱི་ཕྱག་རྒྱ་དང ། དེ་བཞིན་གཤེགས་པ་ཐམས་ཅད་མཉེས་པར་བྱེད་པའི་ཡེ་ཤེས་ཀྱི་ཕྱག་རྒྱ་དང ། དགའ་བ་ཆེན་པོ་ཡེ་ཤེས་ཀྱི་ཕྱག་རྒྱ་སྟེ། དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་ཆེན་པོ་རྣམས་སོ། །དེ་ནས་དེ་བཞིན་
155b
གཤེགས་པ་ཐམས་ཅད་ཀྱི་སྙིང་པོ་ཕྱག་ན་རྡོ་རྗེ་ཡེ་ཤེས་ཕྲ་མོར་འཇུག་པའི་ཆུལ་གྱིས་རང་གི་ཐུགས་སུ་ཞུགས་ཏེ་སྙིང་གའི་རྡོ་རྗེའི་དབྱིབས་སུ་བདག་ཉིད་བྱིན་གྱིས་བརླབས་ཏེ་བཞུགས་སོ། །དེ་ནས་རྡོ་རྗེའི་དབྱིབས་སུ་དེ་ལས་སྙིང་པོ་འདི་བཞི་ཕྱུང་ངོ ། །བཛྲ་རཏྣ་ཨཱཏྨ་ཀ་ཧྲྀ་ད་ཡ། བཛྲ་སཱུརྱ་ཏིཥྛ། བཛྲ་དྷྭ་ཛཱ་གྲ་བཾ་ཧྲྀ་ད་ཡ། བཛྲ་ཧཱུ་ས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དབང་བསྐུར་བའི་ཡེ་ཤེས་ཀྱི་ཕྱག་རྒྱ་དང ། འོད་ཀྱི་དཀྱིལ་འཁོར་ཆེན་པོ་བཀོད་པའི་རྒྱན་ཡེ་ཤེས་ཀྱི་ཕྱག་རྒྱ་དང ། དེ་བཞིན་གཤེགས་པ་ཐམས་ཅད་ཀྱི་རེ་བ་རྫོགས་པར་བྱེད་པའི་ཡེ་ཤེས་ཀྱི་ཕྱག་རྒྱ་དང ། དེ་བཞིན་གཤེགས་པ་ཐམས་ཅད་ཀྱི་བཞད་པ་ཆེན་པོའི་ཡེ་ཤེས་ཀྱི་ཕྱག་རྒྱ་སྟེ། དེ་བཞིན་གཤེགས་པ་ཐམས་ཅད་ཀྱི་རིན་པོ་ཆེའི་ཏིང་ངེ་འཛིན་ཏོ། །དེ་ནས་ཡང་ཕྱག་ན་རྡོ་རྗེས་ཡེ་ཤེས་ཕྲ་མོར་འཇུག་པའི་ཚུལ་གྱིས་རང་གི་སྙིང་ག་རྡོ་རྗེའི་སྙིང་པོར་ཞུགས་ནས་རྡོ་རྗེའི་དབྱིབས་སུ་བདག་བྱིན་གྱིས་བརླབས་ནས་བཞུགས་སོ། ། དེ་ནས་རྡོ་རྗེའི་དབྱིབས་དེ་ལས་སྙིང་པོ་འདི་བཞི་ཕྱུང་ངོ ། །བཛྲ་པདྨ་ཨཏྨ་ཀ་ཧྲྀ་ད་ཡ་བཛྲ་ཀོ་ཥ། ཏིཥྛ་བཛྲ་ཙཀྲ་ཧྲྀ་ད་ཡཾ་པྲ་བེ་ཤ་།བཛྲ་ཛི་ཧཝཱ་གྲ་ཧྲྀ་ད་ཡ། ཆོས་ཐམས་ཅད་མཉམ་པ་ཉིད་ཀྱི་ཡེ་ཤེས་ཀྱི་ཕྱག་རྒྱ་དང ། དེ་བཞིན་གཤེགས་པ་ཐམས་ཅད་ཤེས་རབ་ཀྱི་ཡེ་ཤེས་ཀྱི་ཕྱག་རྒྱ་དང ། འཁོར་ལོ་ཆེན་པོར་འཇུག་པའི་ཡེ་ཤེས་ཀྱི་ཕྱག་རྒྱ་དང ། དེ་བཞིན་
156a
༄#། །གཤེགས་པ་ཐམས་ཅད་ཀྱི་ཆོས་ཀྱི་ཚིག་གི་སྤྲོས་པ་མེད་པའི་ཡེ་ཤེས་ཀྱི་ཕྱག་རྒྱ་སྟེ། །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཏིང་ངེ་འཛིན་ཏོ། །དེ་ནས་ཡང་ཕྱག་ན་རྡོ་རྗེས་རང་གི་སྙིང་པོ་ཐུགས་ཀའི་རྡོ་རྗེ་ལས་བྱུང་ནས་ཡེ་ཤེས་ཕྲ་མོར་འཇུག་པའི་ཚུལ་གྱིས་རྡོ་རྗེའི་ཐུགས་དེར་\?\་ཞུགས་ནས་ཡང་རྡོ་རྗེ་ཤིན་ཏུ་ཕྲ་མོའི་དབྱིབས་སུ་བདག་བྱིན་གྱིས་བརླབས་ཏེ་བཞུགས་སོ། །དེ་ནས་རྡོ་རྗེ་ཕྲ་མོའི་དབྱིབས་དེ་ལས་སྙིང་པོ་འདི་བཞི་ཕྱུང་ངོ ། །སརྦྦ་བཛྲ་ཨཱཏྨ་ཀ་ཧྲྀ་ད་བཛྲ་ཀ་བ་ཙ། ཏིཥྛ་བཛྲ་རཀྵ་ཧྲྀ་ད་ཡ། བཛྲ་མུཥྚི་ཧྲྀ་ད་ཡ། དེ་བཞིན་གཤེགས་པ་ཐམས་ཅད་ཀྱི་ལས་སྣ་ཚོགས་པའི་ཡེ་ཤེས་ཀྱི་ཕྱག་རྒྱ་དང ། ཐུབ་པར་དཀའ་བའི་བརྩོན་འགྲུས་ཀྱི་ཡེ་ཤེས་ཀྱི་ཕྱག་རྒྱ་དང ། བདུད་ཐམས་ཅད་ཀྱི་དཀྱིལ་འཁོར་འཇོམས་པའི་ཡེ་ཤེས་ཀྱི་ཕྱག་རྒྱ་དང ། དེ་བཞིན་གཤེགས་པ་ཐམས་ཅད་ཀྱི་འཆིང་བའི་ཡེ་ཤེས་ཀྱི་ཕྱག་རྒྱ་སྟེ། དེ་བཞིན་གཤེགས་པ་ཐམས་ཅད་ཀྱི་ལས་ཀྱི་ཏིང་ངེ་འཛིན་ཏོ། །དེ་ནས་ཡང་བཅོམ་ལྡན་འདས་ཕྱག་ན་རྡོ་རྗེ་རབ་ཏུ་ཕྲ་བའི་ཡེ་ཤེས་ཀྱི་མཚན་མས་ཁྱབ་པའི་ཚུལ་གྱིས་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བྱུང་སྟེ། བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེའི་སྐུར་གྱུར་ནས། དེ་ནས་ཡང་རྡོ་རྗེ་སེམས་དཔའ་ལ་སོགས་པ་
156b
བྱང་ཆུབ་སེམས་དཔའ་ཆེན་པོ་རྣམས་ཀྱི་སྐུར་གྱུར་ཏེ། རང་རང་གི་མཚན་མ་ཉིད་ཀྱི་ཐུགས་ཀར་བཞག་ནས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོ་བཀོད་པའི་ཚུལ་གྱིས་ཟླ་བའི་དཀྱིལ་འཁོར་ལ་གནས་ནས་རང་རང་གི་སྙིང་བོའི་ཏིང་ངེ་འཛིན་ལ་མཉམ་པར་གཞག་སྟེ་བཞུགས་སོ། །དེ་ནས་ཡང་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་དང ། ཡེ་ཤེས་དང ། མངོན་པར་ཤེས་པ་བསྒྲུབ་པའི་ཕྱིར་རྡོ་རྗེ་ཕྲ་མོའི་ཡེ་ཤེས་ཀྱི་དཀྱིལ་འཁོར་འདི་བཤད་དོ། །དེ་ནས་རབ་བཤད་བྱ་བ། །ཆོས་ཀྱི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་ཕྲ་མོ་ཞེས་བཤད་དོ། །དཀྱིལ་འཁོར་ཆེན་པོའི་ཚུལ་དུ་ནི། །སེམས་དཔའ་ཆེན་པོ་རྣམས་ཀྱང་གཞག་།རྡོ་རྗེ་དབུས་སུ་སངས་རྒྱས་བྲི། ། སངས་རྒྱས་དཀྱིལ་འཁོར་རྣམས་སུ་ཡང ། །སེམས་དཔའ་ཆེན་པོ་རྣམས་བྲི་ཞིང ། །དེ་བཞིན་ཐུགས་ཀར་ཉིད་ཕྱག་རྒྱ། །ཏིང་ངེ་འཛིན་དུ་བཞུགས་པ་དང ། །ཕྱག་གཉིས་རྡོ་རྗེ་བཅིང་བར་བཅིངས། །དེ་ནས་རྡོ་རྗེ་ཕྲ་མོའི་ཆོས་ཀྱི་དཀྱིལ་འཁོར་འདིར་དགུག་པ་ལ་སོགས་པའི་ཆོ་ག་རྒྱས་པ་ཡིན་ཏེ། དཀྱིལ་འཁོར་ཆེན་པོའི་ཚུལ་དུ་བཞུགས་པ་ལ་སོགས་པའི་ཆོ་ག་རྒྱས་པར་བྱས་ནས་ཡེ་ཤེས་ཀྱི་མཚན་མ་ལག་ཏུ་བྱིན་ནས་རང་གི་སེམས་ལས་སུ་རུང་བར་བྱ་བའི་ཕྱིར་ཕྱག་རྒྱ་ཆེན་པོའི་ཡེ་ཤེས་བསླབ་བོ། །ལྕེ་ནི་རྐན་ལ་སྦྱར་བྱ་ཞིང ། །སྣ་ཡི་རྩེ་མོར་
157a
༄#། །བསམ་བྱ་བ། །རྡོ་རྗེ་ཕྲ་མོའི་བདེ་རེག་པས། །སེམས་ནི་མཉམ་པར་བཞག་པར་འགྱུར། །རྡོ་རྗེ་ཕྲ་མོའི་བདེ་རེག་པའི། །མཚན་མ་གལ་ཏེ་བྱུང་བ་ན། །མཆན་མ་དེ་ནི་ཁྱབ་བྱ་བ། །སེམས་དེ་ཀུན་ཏུ་ཁྱབ་པར་བྱ། །ཇི་ཙམ་འདོད་པར་སེམས་ཁྱབ་ནས། །ཁམས་གསུམ་དུ་ཡང་ཁྱབ་པར་འགྱུར། །དེ་ནས་དེ་ཡང་བསྡུ་བ་ནི། །སྣ་ཡི་རྩེ་མོའི་བར་དུ་ཡང ། དེ་དག་ཤིན་ཏུ་མཉམ་པར་གཞག་།གང་ཡང་རུང་སྟེ་བསྒོམ་བྱ་བ། །དེ་དག་ཐམས་ཅད་བརྟན་པར་འགྱུར། །ཏིང་འཛིན་ཡེ་ཤེས་བརྟག་པའོ། །དེ་ནས་དེ་རྣམས་ཀྱི་སྙིང་པོ་འདི་ཡི་ནོ། །སཱུཀྵྨ་བཛྲ་སྥ་ར་ཎ། སཾ་ཧ་ར་ཎ་བཛྲ། བཛྲ་ཧྲྀ་ད་ཏིཥྛ། །སེམས་དཔའ་གང་གི་བྱམས་པ་ནི། །མཉམ་འགྱུར་བརྟན་པ་ཆེན་པོ་ཡིས། །སེམས་ཀྱིས་ཁྱབ་པར་ཚུལ་གྱིས་ནི། །སེམས་ཅན་ཀུན་ལ་དེས་ཁྱབ་བྱ། །བྱམས་པས་ཁྱབ་པའི་ཚུལ་གྱིས་ནི། །སྙིང་རྗེ་ཅན་ནི་གང་ཡིན་པ། །སེམས་ཅན་ཀུན་དོན་ལྡན་པ་ཡིན། །སྒྲུབ་པ་ཡིས་ནི་ཁྱབ་པར་བྱ། །ཀུན་ཀྱང་རང་བཞིན་འོད་གསལ་བ། །གདོད་ནས་དག་པ་ནམ་མཁའ་བཞིན། །ཆོས་སམ་ཡང་ན་ཆོས་མ་ཡིན། །བསམ་པས་ཁྱབ་ཅིང་དགའ་བར་འགྱུར། །གདུལ་དཀའ་བ་དང་མཚུངས་འདྲ་བ། །སངས་རྒྱས་བྱང་ཆུབ་སྣོད་མ་ཡིན། །དེ་དག་རྟོགས་པར་བྱ་བའི་ཕྱིར། །བཏང་སྙོམས་ཆེན་པོ་གོམས་པར་བྱ། །དེའི་སྙིང་པོ་ནི་འདི་རྣམས་ཡིན་ནོ། །མཧཱ་མཻ་ཏྲི་སྥ་ར་ཎ། མཧཱ་ཀ་རུ་ཎ་སྥ་
157b
ར་ཎ། སརྦྦ་བུདྡྷོ་ཕྲ་མོ་ད་སྥ་ར་ཎ། སརྦྦ་ས་ཏྭཾ་སཾ་བོ་དྷ་ཡ། དེ་ནས་དེ་བཞིན་གཤེགས་པ་ཐམས་ཅད་རྗེས་སུ་དྲན་པའི་ཡེ་ཤེས་བསླབ་བོ། །ནམ་མཁའ་འམ་ནི་ཕྱོགས་གཞན་དུ། ། རྡོ་རྗེ་ཕྲ་མོའི་ཚུལ་གྱིས་ནི། །འགྲེང་དམ་ཡང་ན་འདུག་ཀྱང་རུང ། །རྡོ་རྗེའི་དབྱིབས་ནི་གོམས་པར་བྱ། །དེ་བཞིན་དུ་ཡང་གནས་ཀུན་ཏུ། །རྡོ་རྗེ་ཕྲ་མོའི་སྦྱོར་བ་ཡིས། །མཉམ་བར་གཞག་པས་སྙིང་གར་ནི། །རྡོ་རྗེ་བྱང་ཆུབ་སེམས་དཔའ་བསྒོམ། །ཇི་ལྟ་བ་ཡི་རིམ་བཞིན་དུ། །རྡོ་རྗེ་ཕྲ་མོའི་ཚུལ་གྱིས་ནི། །ཕྱག་ན་རྡོ་རྗེ་དབྱིབས་ཆེན་པོ། །གནས་རྣམས་ཀུན་ཏུ་བསྒོམས་པར་བྱ། །རྣམ་པ་ཐམས་ཅད་མཆོག་ལྡན་པའི། །སངས་རྒྱས་སྐུ་ནི་དུས་ཀུན་ཏུ། །ཇི་ལྟ་བ་ཡི་གོ་རིམས་བཞིན། །མཉམ་པར་གཞག་པས་བསྒོམ་པར་བྱ། །དེ་ལ་སྙིང་པོ་ནི་འདི་རྣམས་ཡིན་ནོ། །བཛྲ་མུ་ཁི་བྷ་བ། མཧཱ་བོ་དྷི་སཏྭ་ཨཱ་བེ་ཤ་།བཛྲ་པཱ་ཎི་དྷཱ་ར་ཤ་ཡ་སུ་རུ་བཾ། བུདྡྷ་ཨ་ནུ་སྨྲ་ཏི་ཨ་བེ་ཤ་།རྡོ་རྗེ་ཕྲ་མོའི་ཚུལ་གྱིས་ནི། །གོམས་པར་བྱ་བ་བདག་ཉིད་ཀྱིས། །ཟླ་བའི་དབྱིབས་སུ་བདག་ཉིད་ནི། །བྱང་ཆུབ་སེམས་ཀྱིས་བསྒོམ་པའོ། །ཟླ་བའི་དཀྱིལ་འཁོར་དབུས་སུ་ནི། །བདག་ཉིད་རྡོ་རྗེའི་དབྱིབས་གྱུར་པར། །བདག་ཉིད་ཀྱིས་ནི་བསྒོམ་བྱ་པ། །སེམས་དཔའི་རྡོ་རྗེ་བསྒོམ་པའོ། །རྡོ་རྗེ་ཕྲ་མོའི་ཚུལ་སྦྱར་ལ། །བདག་ཉིད་སྙིང་གར་རྡོ་རྗེ་སེམས། །བདག་ཉིད་ཀྱིས་ནི་བསྒོམ་བྱ་བ། །རྡོ་རྗེ་སེམས་དཔའ་བསྒོམ་པའོ། །རྣམ་
158a
༄#། །པ་ཀུན་གྱི་མཆོག་ལྡན་པ། །སངས་རྒྱས་གཟུགས་སུ་བདག་ཉིད་ནི། །བདག་ཉིད་ཀྱིས་ནི་བསྒོམ་བྱ་བ། །སངས་རྒྱས་བྱང་ཆུབ་བསྒོམ་པའོ། །དེ་ལ་སྙིང་པོ་ནི་འདི་རྣམས་སོ། །ས་མནྟ་བྷ་དྲ་ཨཱ་བེ་ཤ་།བཛྲ་སཏྭ་བཛྲ་ཨཱ་བེ་ཤ་།བཛྲ་སཏྭ་ས་མཱ་དྷི་ཛྙཱ་ན་ཨཱ་བེ་ཤ་།ཏ་ཐཱ་ག་ཏོ་ཧཱུཾ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཆོས་ཉིད་གསལ་བའི་ཕྱག་རྒྱའི་ཡེ་ཤེས་ལ་བསླབ་བོ། །བདག་ནི་དེ་བཞིན་གཤེགས་དང་མཉམ། །རྡོ་རྗེའི་ཚིག་ཏུ་ལན་གཅིག་བརྗོད། །དབང་པོ་གཉིས་ནི་མཉམ་སྦྱར་བས། ། སེམས་ཅན་ཐམས་ཅད་ཆགས་པར་བྱེད། །བདག་ནི་རྡོ་རྗེ་ཆེན་པོར་མཉམ། །རྡོ་རྗེའི་ཚིག་ཏུ་ལན་གཅིག་བརྗོད། །དབང་པོ་གཉིས་ནི་མཉམ་སྦྱར་བས། །གདོན་མི་ཟ་བར་འཇིག་རྟེན་འགུགས། །བདག་ནི་རྡོ་རྗེ་ཆོས་དང་མཉམ། །རྡོ་རྗེའི་ཚིག་ཏུ་ལན་གཅིག་བརྗོད། །དབང་པོ་གཉིས་ནི་མཉམ་སྦྱར་བས། །དེ་ཡིས་འཇིག་རྟེན་ཐམས་ཅད་འཇིག ། བདག་ནི་སྣ་ཚོགས་ལས་དང་མཉམ། །རྡོ་རྗེའི་ཚིག་ཏུ་ལན་གཅིག་བརྗོད། །དབང་པོ་གཉིས་ནི་མཉམ་སྦྱར་བས། །ལས་རྣམས་ཐམས་ཅད་དེས་བསྒྲུབ་བོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་གྱི་ཕྱག་རྒྱའི་ཡེ་ཤེས་ལ་བསླབ་བོ། །རྡོ་རྗེ་ཕྲ་མོའི་ཚུལ་གྱིས་ནི། །
158b
རྡོ་རྗེའི་དབུས་སུ་བསྒོམ་བྱ་བ། །བདག་ཉིད་སངས་རྒྱས་སྐུ་ཉིད་དུ། །དེས་ནི་སངས་རྒྱས་ཉིད་དུ་འགྲུབ། །དེ་ནས་རྡོ་རྗེ་སེམས་དཔའ་ལ་སོགས་བའི་ཏིང་ངེ་འཛིན་གྱི་ཕྱག་རྒྱའི་ཡེ་ཤེས་ལ་བསླབ་བོ། །རྡོ་རྗེ་ཕྲ་མོའི་ཚུལ་སྦྱར་ལ། །སྙིང་གར་རྡོ་རྗེ་ལ་སོགས་འཁོད། །བསྒོམས་ནས་རྡོ་རྗེ་ལ་སོགས་པས། །རང་གི་དངོས་གྲུབ་སྦྱིན་པར་བྱེད། །དེ་ནས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཏིང་ངེ་འཛིན་གྱི་དམ་ཚིག་གི་ཕྱག་རྒྱའི་ཡེ་ཤེས་ལ་བསླབ་བོ། །རྡོ་རྗེ་བཅིངས་ལས་ལེགས་བྱུང་བར། །བཅུ་དྲུག་རྣམས་སུ་བཤད་པ་སྟེ། །ཏིང་ངེ་འཛིན་ནི་དམ་ཚིག་མཆོག་།དེ་རྣམས་ཀྱིས་ནི་བཅིངས་པ་བཤད། །དཀྱིལ་མོ་ཀྲུང་འདུག་གན་རྐྱལ་དུ། །གཡས་གཅུས་དེ་བཞིན་སླར་གཅུས་པ། །སྙིང་གར་གནས་པ་བཞི་པ་སྟེ། །རྡོ་རྗེ་སེམས་སོགས་དཀྱིལ་འཁོར་རོ། །དཔྲལ་བར་གཞག་དང་ལྟག་པ་དང ། །ཕྲག་པ་དང་ནི་དགོད་པར་སྦྱར། །ཁར་བཞག་སྙིང་གར་རལ་གྲི་དང། །སྙིང་གར་རྒྱས་དང་ཁ་ནས་དབྱུང ། །སྦྱི་བོ་ཐོང་ཀ་ཁར་བཞག་པ། །མཛུབ་མོ་གཉིས་བཀུག་མདུན་དེ་བཞིན། །དེ་ནས་གཞན་ཡང་ཆོས་ཀྱི་ཕྱག་རྒྱ་ལ་བསླབ་པར་བྱའོ། །ཊཀྐི།་གྲ་གྲ།་མ་ཊ།་ཨ་གྲཿ ་ཏྲཱཾ་ཏྲཱཾ།་ཨཾ་ཨཾ།བཾ་བཾ།་ཏྲི་ཊ།་ཧྲཱིཿ ཊ། བྷརྀ་ཊ། ཀྲ་ཤ། ཧ་ཧ།་བ་བ། བཾ་བཾ།་ཕཊ།་གྲ་ས། དེ་ནས་ཆོས་ཀྱི་ལས་ཀྱི་མཆོག་།ཕྲ་མོ་འི་རྡོ་རྗེ་
159a
༄#། །ཅན་རྣམས་བསླབ། །ཡེ་ཤེས་ཁུ་ཚུར་དམ་ཚིག་ལས། །གཉིས་སུ་བྱས་ནས་སྦྱར་བར་བྱ། །དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པ་ཆེན་པོའི་རྒྱལ་པོ་རྡོ་རྗེ་ཡེ་ཤེས་ཀྱི་ཆོས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སོ།། །།དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་མཆོག་གི་བླ་ན་མེད་པའི་མཆོད་པ་ཆེན་པོའི་ཆོ་ག་རྒྱས་པས་ཁྱབ་པའི་ལས་ཀྱི་དམ་ཚིག་གི་ཡེ་ཤེས་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། །རང་གི་རིག་པའི་མཆོག་འདི་སྨྲས་པ། །ོཾ་སརྦྦ་ཏ་ཐཱ་ག་ཏ་བཛྲ་དྷཱ་ཏུ་ཨ་ནུཏྟ་ར་པཱུ་ཛ་ཀརྨ་སྥ་ར་ཎ་ས་མ་ཡེ་ཧཱུཾ། དེ་ནས་དེ་བཞིན་གཤེགས་པ་མི་གཡོ་བས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སེམས་དཔའི་མཆོད་པ་བླ་ན་མེད་པའི་ཆོ་ག་རྒྱས་པས་ཁྱབ་པའི་ལས་ཀྱི་དམ་ཚིག་གི་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། །རང་གི་རིག་པའི་མཆོག་འདི་སྨྲས་པ། ཨོཾ་སརྦ་ཏ་ཐཱ་ག་ཏ་བཛྲ་སཏྭ་ཨ་ནུཏྟ་ར་པཱུ་ཛཱ་ཀརྨྨ་སྥ་ར་ཎ་ས་མ་ཡེ་ཧཱུཾ། དེ་ནས་དེ་བཞིན་གཤེགས་པ་རིན་ཆེན་འབྱུང་བས་དེ་བཞིན་གཤེགས་པ་ཐམས་ཅད་རྡོ་རྗེ་རིན་པོ་ཆེའི་མཆོད་པ་བླ་ན་མེད་པའི་ཆོ་ག་རྒྱས་པས་ཁྱབ་
159b
པའི་ལས་ཀྱི་དམ་ཚིག་གི་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རང་གི་རིག་པའི་མཆོག་འདི་སྨྲས་པ། ཨོཾ་སརྦྦ་ཏ་ཐཱ་ག་ཏ་བཛྲ་རཏྣ་ཨ་ནུཏྟ་ར་པཱུ་ཛ་ཀརྨྨ་སྥ་\?\་ར་ཎ་ས་མ་ཡེ་ཧཱུཾ། དེ་ནས་དེ་བཞིན་གཤེགས་པ་ཚེ་ཚད་མེད་པས་དེ་བཞིན་གཤེགས་པ་ཐམས་ཅད་རྡོ་རྗེ་ཆོས་ཀྱི་མཆོད་པ་བླ་ན་མེད་པའི་ཆོ་ག་རྒྱས་པས་ཁྱབ་པའི་\?\་ལས་གྱི་དམ་ཚིག་གི་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། །རང་གི་རིག་པའི་མཆོག་འདི་སྨྲས་པ། །ོཾ་སརྦྦ་ཏ་ཐཱ་ག་ཏ་བཛྲ་དྷརྨྨ་ཨ་ནུཏྟ་ར་པཱུ་ཛཱ་ཀརྨྨ་སྥ་ར་ཎ་ས་མ་ཡེ་ཧཱུཾ། དེ་ནས་དེ་བཞིན་གཤེགས་པ་གདོན་མི་ཟ་བར་གྲུབ་པས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ལས་ཀྱི་མཆོད་པ་བླ་ན་མེད་པའི་ཆོ་ག་རྒྱས་པས་ཁྱབ་པའི་ལས་ཀྱི་དམ་ཚིག་གི་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པའི་མཆོག་འདི་སྨྲས་པ། ཨོཾ་སརྦྦ་ཏ་ཐཱ་ག་ཏ་བཛྲ་ཀརྨྨ་ཨ་ནུཏྟ་ར་པཱུ་ཛཱ་ཀརྨྨ་སྥ་ར་ཎ་མ་ཡེ་ཧཱུཾ། དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་མཆོད་པའི་ཆོ་ག་རྒྱས་པས་ཆོས་ཀྱི་དབྱིངས་ཐམས་ཅད་དུ་ཁྱབ་པའི་ལས་ཀྱི་དམ་ཚིག་གི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྙོམས་
160a
༄#། །པར་ཞུགས་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཐུགས་ལས་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་དེ། དེ་བཞིན་གཤེགས་པ་ཐམས་ཅད་ཀྱི་མཆོད་པའི་ཆོ་ག་རྒྱས་པས་ཆོས་ཀྱི་དབྱིངས་ཐམས་ཅད་དུ་ཁྱབ་པའི་ནམ་མཁའི་དབྱིངས་ཀུན་ཏུ་རྒྱས་པ། རྣམ་པ་སྣ་ཚོགས་པའི་མཆོད་པ་ཐམས་ཅད་ཀྱི་བཀོད་པའི་ཆོ་ག་རྒྱས་པའི་རབ་འབྱམས་སྤྲིན་གྱི་རྒྱ་མཚོའི་ལྷ་མོ་རྣམས་སུ་གྱུར་ཏེ་བྱུང་ནས། འཇིག་རྟེན་གྱི་ཁམས་རབ་འབྱམས་སྤྲིན་གྱི་རྒྱ་མཚོ་རྣམས་སུ་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་དེ་བཞིན་གཤེགས་པ་ཐམས་ཅད་བླ་ན་མེད་པའི་བྱང་ཆུབ་ཀྱི་སེམས་ཆེན་པོ་བསྐྱེད་པ་དང ། དེ་བཞིན་གཤེགས་པ་ཐམས་ཅད་ཀྱི་རིགས་མཉེས་པར་བྱ་བ་དང ། ཀུན་ཏུ་བཟང་པོའི་སྦྱོད་པ་བསྒྲུབ་པ་དང ། བྱང་ཆུབ་ཆེན་པོའི་སྙིང་པོར་ཉེ་བར་འགྲོ་བ་དང ། བདུད་ཐམས་ཅད་འདུལ་བ་དང ། དེ་བཞིན་གཤེགས་པ་ཐམས་ཅད་ཀྱི་མཉམ་པ་ཉིད་མངོན་པར་རྫོགས་པར་བྱང་ཆུབ་པར་བྱ་བ་དང ། དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་ཆེན་པོ་བསྐྱེད་པ་དང ། ཁམས་གསུམ་ཐམས་ཅད་ལས་རྣམ་པར་རྒྱལ་བར་བྱ་བ་དང ། དམ་པའི་ཆོས་ཀྱི་འཁོར་ལོ་བསྐོར་བར་བྱ་བ་དང ། སེམས་ཅན་གྱི་ཁམས་མ་ལུས་ཤིང་ལུས་པ་མེད་
160b
པ་རྣམས་ཀྱི་དོན་བྱ་བ་ལ་སོགས་པ་སངས་རྒྱས་ཀྱི་རྫུ་འཕྲུལ་དང ། ཆོ་འཕྲུལ་ཐམས་ཅད་བསྟན་ནས་བཞུགས་སོ། །མཆོད་པའི་སྤྲིན་རྒྱ་མཚོའི་ལྷ་མོ་དེ་དག་ཀྱང་རང་རང་གི་ཕྱག་རྒྱ་ལག་པ་གཉིས་ཀྱིས་འཛིན་ཅིང་དེ་བཞིན་གཤེགས་པ་ཐམས་ཅད་ལ་ཆོ་ག་བཞིན་དུ་ཡང་དག་པར་མཆོད་དེ། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་ཟླ་པའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་མཆོད་པ་བདག་།མཆོད་པ་ཀུན་ནི་བྱེད་པ་ཡི། །གང་ཕྱིར་སངས་རྒྱས་བྱིན་ཅན་དུ། །སངས་རྒྱས་ཀུན་གྱིས་གྲུབ་པར་མཛད། །དེ་ནས་ཡང་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱིས་མཆོད་པ་ལ་སོགས་པའི་ལས་ཀྱི་ཆོ་ག་རྒྱས་པ་རྡོ་རྗེའི་བྱ་བ་ཞེས་བྱ་བའི་ལས་ཀྱི་དཀྱིལ་འཁོར་འདི་བཤད་དོ། །ོཾ་སརྦྦ་ཏ་ཐཱ་ག་ཏ་སརྦྦ་ཨཱཏྨཱ་ནི་རྱཱ་ཏ་ན་པཱུ་སྥ་ར་ཎ་ཀརྨྨ་བཛྲི་ཎྀ་ཧཱུཾ་ཡཱ། ཨོཾ་སརྦྦ་ཏ་ཐཱ་ག་ཏ་སརྦྦ་ཨཱཏྨཱ་ནི་རྱཱ་ཏ་ན་པཱུ་ཛཱ་སྥ་ར་ཎ་ཀརྨྨ་གྲི་ཛ།། ཨོཾ་སརྦྦ་ཏ་ཐཱ་ག་ཏ་སརྦྦ་ཨཱཏྨ་ནི་རྱཱ་ཏ་ན་ཨ་ནུ་རཱ་ག་པཱུ་ཛཱ་སྥ་ར་ཎ་ཀརྨྨ་བཱ་ཎེ་ཧཱུཾ་ཧོ། ཨོཾ་སརྦྦ་ཏ་ཐཱ་ག་ཏ་སརྦྦ་ཨཱཏྨཱ་ནི་རྱཱ་ཏ་ན་ས་དྷུ་གཱ་ར་པཱུ་ཛཱ་སྥ་ར་ཎ་ཀརྨྨ་ཏུཥྚི་ཨཿ ་དེ་བཞིན་གཤེགས་པ་ཐམས་ཅད་ཀྱི་རབ་ཏུ་དགའ་ཞིང་བད་\?\་མ་དང ། དེ་བཞིན་གཤེགས་པ་ཐམས་ཅད་སྤྱན་འདྲེན་མ་དང ། དེ་བཞིན་གཤེགས་པ་
161a
༄#། །ཐམས་ཅད་མཉེས་པར་བྱེད་པ་མོ་དང ། དེ་བཞིན་གཤེགས་པ་ཐམས་ཅད་དགྱེས་པར་བྱེད་པ་མོ་རྣམས་ནི་དེ་བཞིན་གཤེགས་པ་ཐམས་ཅད་ཀྱི་མཆོད་པ་ཆེན་པོ་རྣམས་སོ། །ོཾ་ན་མཿ ་སརྦ་ཏ་ཐཱ་ག་ཏ་ཀཱ་ཡ་ཨ་བྷི་ཥེ་ཀ་རཏྣེ་བྷྱོ་བཛྲ་མ་ཎི་ཨོཾ། ཨོཾ་ན་མཿ ་སརྦྦ་ཏ་ཐཱ་ག་ཏ་སཱུ་རྱེ་བྷོ་བཛྲ་ཏེ་ཛོ་ནི་ཛྭཱ་ལ་ཧྲཱིཿ ་ཨོཾ་ན་མཿ ་སརྦྦ་ཏ་ཐཱ་ག་ཏ་ཤ་པ་པ་རི་པཱུ་ར་ཎི། ཙིནྟ་མ་ཎི་དྷྭ་ཛ་ཨ་གྲེ་བྷྱོ་བཛྲ་དྷྭ་ཛ་ཨ་གྲི་ཏྲཱཾ། ཨོཾ་ན་མཿ ་སརྦ་ཏ་ཐཱ་ག་ཏ་མཧཱ་པྲཱི་ཏི་པྲ་མོ་དྱ་ཀ་རེ་བྷྱོ་བཛྲ་ཧཱ་སྱེ་ཏ། དབང་མོ་ཆེན་མོ་དང ། སྣང་བ་ཆེན་མོ་དང ། རིན་པོ་ཆེ་ཆེན་པོའི་ཆར་འབེབས་མ་དང ། རབ་ཏུ་དགའ་ཞིང་མགུ་བ་མ་རྣམས་ནི་དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བའི་མཆོད་པའོ། ། ོཾ་སརྦྦ་ཏ་ཐཱ་ག་ཏ་བཛྲ་དྷརྨ་ཏཱ་ས་མཱ་དྷི་བྷི་སྟུ་ནོ་མི་མཧཱ་དྷརྨཱ་གྲི་ཧྲཱིཿ ་ཨོཾ་སརྦྦ་ཏ་ཐཱ་ག་ཏ་པྲཛྙཱ་པཱ་ར་མི་ཏཱ་ནིར་ཧ་རཻཿ ་སྟུ་ནོ་མི་མཧཱ་གཱོ་ ་ནུ་གེ་དྷཾ། ཨོཾ་སརྦྦ་ཏ་ཐཱ་ག་ཏ་ཙཀྲ་ཨཀྵ་རཾ་པ་རི་བྲྟྟཱ་དི་སརྦ་སུ་ཏྲཱཏནན་ཡཻ་སྟུ་ནོ་མི་སརྦ་མཎྜལ་ཧཱུཾ། ཨོཾ་སརྦྦ་ཏ་ཐཱ་ག་ཏ་སནྡྷི་བྷཱ་ཥ་བུདྡྷ་སཾ་གཱི་ཏི་བྷིརྒ་ཡཾ། སྟུ་ནོ་མི་བཛྲ་བཱ་ཙེ་བཾ། ཡེ་ཤེས་ཆེན་མོའི་གླུ་མ་དན། དབྱངས་ཆེན་མོའི་རྗེས་སུ་འབྲང་མ་དང ། དཀྱིལ་འཁོར་ཐམས་ཅད་དུ་འཇུག་མ་དང ། སྔགས་ཀྱི་སྤྱོད་པ་མོ་རྣམས་ནི་དེ་བཞིན་གཤེགས་པ་རྣམས་ཀྱི་ཆོས་ཀྱི་མཆོད་
161b
པའོ། །ོཾ་སརྦ་ཏ་ཐཱ་ག་ཏ་དྷུ་པ་མེ་གྷ་སྔ་ར་ཎ་པཱུ་ཛཱ་ཀརྨེ་ཀ་ར་ཀ་ར། ཨོཾ་སརྦ་ཏ་ཐཱ་ག་ཏ་པུཥྤ་པྲ་ས་ར་སྥ་ར་ཎ་པཱུ་ཛཱ་ཀརྨེ་ཀི་རི་ཀི་རི། ཨོཾ་སརྦ་ཏ་ཐཱ་ག་ཏ་ཨཱ་ལོ་ཀེ་ཛྭ་ལ་སྥ་ར་ཎ་པཱུ་ཛཱ་ཀརྨེ་བྷ་ར་བྷ་ར། ཨོཾ་སརྦ་ཏ་ཐཱ་ག་ཏ་གནྡྷ་ས་མུ་དྲ་སྥ་ར་ཎ་པཱུ་ཛཱ་ཀརྨེ་ཀུ་རུ་ཀུ་རུ། སེམས་ཅན་མ་དང ། བྱང་ཆུབ་ཆེན་མོའི་ཡན་ལག་ལྡན་མ་དང ། མིག་ལྡན་མ་དང ། དྲི་ལྡན་མ་རྣམས་ནི་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་མཆོད་པའོ། །དེ་ནས་འདིར་དེ་བཞིན་གཤེགས་པ་ཐམས་ཅད་མ་ལུས་ཤིང་ལུས་པ་མེད་པ་ཐམས་ཅད་ལ་མཆོད་པ་བྱེད་པའི་ལས་ཀྱི་དཀྱིལ་འཁོར་རྡོ་རྗེ་ཞེས་བྱ་བ་བཤད་དོ། །དེ་ནས་རབ་ཏུ་བཤད་བྱ་བ། །ལས་ཀྱི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་བྱ་བ་ཞེས་ཀྱང་གྲགས། །དཀྱིལ་འཁོར་ཆེན་པོའི་ཚུལ་དུ་ནི། །སངས་རྒྱས་སྐུ་རྣམས་གཞག་པར་བྱ། །རྡོ་རྗེ་སེམས་སོགས་ཚུལ་དུ་ནི། །ལྷ་མོ་ཕྱག་རྒྱ་བཅས་པ་བྲི། །དེ་ནས་ལས་ཀྱི་དཀྱིལ་འཁོར་རྡོ་རྗེ་བྱ་བ་འདིར་གཞུག་པ་ལ་སོགས་པའི་ཆོ་ག་རྒྱས་པ་འདི་བཤད་དོ། །དེ་ལ་དབང་པོར་རྡོ་རྗེ་དབྱིངས་ཀྱི་དཀྱིལ་འཁོར་དུ་འཇུག་པའི་ཚུལ་གྱིས་གཞུག་པར་བྱ་སྟེ། བཅུག་ནས་ཀྱང་འདི་སྐད་དུ། འདི་ནི་དེ་བཞིན་གཤེགས་པ་ཐམས་ཅད་ཀྱི་མཆོད་པའི་དམ་ཚིག་ཡིན་གྱི། མཆོད་པ་བཅུ་
162a
༄#། །དྲུག་པོ་འདི་རྣམས་ཁྱོད་ཀྱིས་ཉིན་རེ་ཞིང་ཅི་ནུས་སུ་གྱིས་ཤིག་ཅེས་བསྒོ་བར་བྱའོ། །དེ་ནས་གདོང་གཡོགས་བཀྲོལ་ཏེ་ལས་ཀྱི་དཀྱིལ་འཁོར་བསྟན་ལ་ཐམས་ཅད་ཀྱི་མཚན་མ་ལག་པ་གཉིས་སུ་སྦྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་ཀྱང་མཆོད་ན་གཞན་གྱིས་ལྟ་སྨོས་ཀྱང་ཅི་དགོས། །དེ་ནས་བྱང་ཆུབ་ཆེན་པོའི་སེམས་བསྒྲུབ་པའི་མཆོད་པའི་ཕྱག་རྒྱའི་ཡེ་ཤེས་ལ་བསླབ་པར་བྱའོ། །བྱང་ཆུབ་སེམས་ནི་བརྟན་བསྐྱེད་པས། །བདག་ནི་སངས་རྒྱས་ཡིན་བསམ་ཞིང། །དགའ་བས་བདག་ནི་མཆོད་བྱེད་ཅིང ། །སངས་རྒྱས་ཀྱི་ནི་བདེ་བའང་འཐོབ། །བྱང་ཆུབ་སེམས་ནི་བརྟན་བསྐྱེད་པས། །བདག་ནི་སངས་རྒྱས་ཡིན་བསམ་ཞིང ། ། ཕྲེང་བ་ལ་སོགས་རབ་མཆོད་པས། །མཆོད་ན་དེ་ནི་དབང་ཡང་བསྐུར། །བྱང་ཆུབ་སེམས་ནི་བརྟན་བསྐྱེད་པས། །བདག་ནི་སངས་རྒྱས་ཡིན་བསམ་ཞིང ། །སྙན་པའི་གླུ་ཡིས་རབ་མཆོད་པས། །མཆོད་ན་བདག་དེ་མགུ་བར་འགྱུར། །བྱང་ཆུབ་སེམས་ནི་བརྟན་བསྐྱེད་པས། །བདག་ནི་སངས་རྒྱས་ཡིན་པས་མ་ཞིང ། །གར་གྱི་མཆོད་པས་བདག་མཆོད་ཅིང ། །སངས་རྒྱས་ཀྱིས་ཀྱང་དེ་མཆོད་འགྱུར། །དེ་ལ་སྙིང་པོ་ནི་འདི་རྣམས་ཡིན་ནོ། །བུདྡྷ་ཨཱཏམ་ཀོཉྷཾ། བུདྡྷ་ཨ་བྷིཥིཉྩ་མི། བུདྡྷ་སྟུ་ཏི་ཀ་རོ་མི།
162b
བུདྡྷ་པཱུ་ཛཱ་ཀ་རོ་ནི། དེ་ནས་སངས་རྒྱས་ཐམས་ཅད་མཆོད་པའི་ཕྱག་རྒྱའི་ཡེ་ཤེས་ལ་བསླབ་པར་བྱའོ། །ལུས་དང་ངག་སེམས་རྡོ་རྗེ་ཡི། །མཆོག་གི་ཚུལ་གྱིས་ཕྱག་འཚལ་ཞིང། །དེ་བཞིན་སངས་རྒྱས་ཀུན་མཆོད་ན། །རྟག་ཏུ་ཕྱག་བྱར་འོས་པར་འགྱུར། །སངས་རྒྱས་ཐམས་ཅད་བསོད་ནམས་ཆེ། །སྐུ་གསུང་ཐུགས་ཀྱི་རྡོ་རྗེ་སྐྱེས། །རྗེས་སུ་ཡི་རང་བས་མཆོད་ན། །མྱུར་དུ་སངས་རྒྱས་འཐོབ་པར་འགྱུར། །ལུས་དང་ངག་སེམས་རྡོ་རྗེ་ཡི། །ལྷ་རྫས་ཀྱི་ནི་བདག་དབུལ་བའི། །མཆོད་པ་ཀུན་གྱིས་སངས་རྒྱས་རྣམས། །མཆོད་ན་དེ་ཡང་མཆོད་པར་འགྱུར། །ལུས་དང་ངག་སེམས་རྡོ་རྗེ་ཡི། །དགེ་བའི་ཚོགས་རྣམས་ཐམས་ཅད་ནི། །ཡོངས་སུ་བསྔོ་བའི་མཆོད་པ་ཡི། །སངས་རྒྱས་ཀུན་དང་མཉམ་པར་འགྱུར། །དེ་ལ་སྙིང་པོ་ནི་འདི་རྣམས་ཡིན་ནོ། །པྲ་ཏཱ་མ་མི་ཨ་ནུ་མོ་དེ་བུདྡྷ་པཱུ་ཛཱ་པ་རི་ནཱ་མ། དེ་ནས་ཆོས་ཀྱི་མཆོད་པའི་ཕྱག་རྒྱའི་ཡེ་ཤེས་ལ་བསླབ་པར་བྱའོ། །ཆོས་རྣམས་རང་བཞིན་འོད་གསལ་བ། །ངོ་བོ་ཉིད་ཀྱིས་གཟོད་ནས་དག་།ཆོས་འདི་དག་གིས་མཆོད་པས་ནི། །དགའ་བའི་བདེ་བ་ཐོབ་པར་འགྱུར། །ཆོས་རྣམས་ཀུན་ནི་འདུས་པ་ཡི། ། ་ཞེས་བྱ་བ་སྒོ་ཞེས་བརྗོད། །ཆོས་ཀྱི་ཕྱག་རྒྱ་འདི་ཡིས་ནི། །དེ་ཡི་སྡུག་བསྔལ་ཐམས་ཅད་གཅོད། །འདིར་ནི་ཆོས་རྣམས་ཐམས་ཅད་ཀྱི། །རྒྱུ་ནི་དེ་བཞིན་གཤེགས་པ་
163a
༄#། །སྟེ། །དམ་ཆོས་འཁོར་ལོའི་མཆོད་པ་ཡིས། །མཆོད་པས་ཆོས་ནི་འཛིན་པར་འགྱུར། །ཆོས་རྣམས་ཐམས་ཅད་རང་བཞིན་གྱིས། །སྒྲ་སྙན་དག་དང་འདྲར་བཤད་དེ། །ཆོས་ཀྱི་མཆོད་པ་འདི་དག་གིས། །མཆོད་ན་སངས་རྒྱས་གསུང་ཡང་འཐོབ། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །སརྦ་ཤུདྡྷ་ས་མནྟ་བྷ་དྲ། དྷརྨ་ཙཀྲ་ནིཥྛ་པཉྩ། དེ་ནས་ཏིང་ངེ་འཛིན་གྱི་མཆོད་པའི་ཕྱག་རྒྱའི་ཡེ་ཤེས་ལ་བསླབ་པར་བྱའོ། །ལུས་དང་ངག་སེམས་རྡོ་རྗེ་ཡི། །རང་གི་རྡུལ་ནི་ཕྲ་མོ་རྣམས། །རྡོ་རྗེ་དབྱིངས་སུ་བསྒོམས་ན་ནི། །རྡོ་རྗེའི་བདག་ཉིད་མྱུར་དུ་ཐོབ། །ལུས་དང་ངག་སེམས་རྡོ་རྗེ་ཡི། །རང་གི་རྡུལ་ནི་ཕྲ་མོ་རྣམས། །སངས་རྒྱས་ཀུན་ཏུ་བསྒོམས་ན་ནི། །ཆོས་ཀྱི་སྐུར་ནི་མྱུར་དུ་འགྲུབ། །ལུས་དང་ངག་སེམས་རྡོ་རྗེ་ཡི། །རང་གི་ལུས་ནི་ཕྲ་མོ་རྣམས། །རྡོ་རྗེ་སེམས་དཔར་བསྒོམས་ན་ནི། །རྡོ་རྗེ་སེམས་དཔར་མཉམ་པར་འགྱུར། །ལུས་དང་ངག་སེམས་རྡོ་རྗེ་ཡིས། །རང་གི་ལུས་ནི་ཕྲ་མོ་རྣམས། །སངས་རྒྱས་ཀྱི་ནི་སྐུར་བསྒོམས་ན། །རྫོགས་པའི་སངས་རྒྱས་ཉིད་དུ་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །བཛྲ་ཀཱ་ཡ། དྷརྨྨ་ཀཱ་ཡ། སཏྭ་ཀཱ་ཡ། བུདྡྷ་ཀཱ་ཡ། དེ་ནས་གསང་བའི་མཆོད་པའི་ཕྱག་རྒྱའི་ཡེ་ཤེས་ལ་བསླབ་པར་བྱ་སྟེ། རང་བྱུང་
163b
ལ་ནི་ལུས་ཀུན་གྱིས། །འཁྱུད་པའི་བདེ་བའི་མཆོད་པ་ནི། །ཕུལ་ན་རྡོ་རྗེ་སེམས་དཔའ་དང ། །འདྲ་བ་དེ་ནི་མྱུར་དུ་འགྱུར། །ཤིན་ཏུ་ཆགས་པའི་སྦྱོར་བ་ཡིས། །དམ་པའི་གཟུང་པའི་བདེ་བ་ནི། །སངས་རྒྱས་རྣམས་ལ་ཕུལ་གྱུར་ན། །རྡོ་རྗེ་རིན་ཆེན་འདྲ་བར་འགྱུར། །ཤིན་ཏུ་དགའ་ཞིང་བདེ་ཆགས་པས། །བརྟན་པར་གྱུར་པའི་མཆོག་བདེ་བ། །སངས་རྒྱས་རྣམས་ལ་ཕུལ་ན་ནི། །རྡོ་རྗེ་ཆོས་དང་འདྲ་བར་འགྱུར། །དབང་པོ་གཉིས་ནི་མཉམ་སྦྱོར་བའི། །ཀུན་ཏུ་སྦྱོར་བའི་བདེ་བ་ནི། །མཆོད་པའི་ཕྱིར་ནི་ཕུལ་བས་ན། །རྡོ་རྗེ་ལས་དང་འདྲ་བར་འགྱུར། །དེ་དག་གི་གསང་བའི་སྙིང་པོ་ནི་འདི་དག་ཡིན་ནོ། །ར་ཏི་བཛྲ། རཱ་ག་བཛྲ། པྲ་ཏེ་བཛྲ། ཀརྨ་བཛྲ། དེ་ནས་དེ་བཞིན་གཤེགས་པ་ཐམས་ཅད་ཀྱི་མཆོད་པའི་ཕྲིན་ལས་ཀྱི་ཕྱག་རྒྱ་ཆེན་པོའི་ཡེ་ཤེས་ལ་བསླབ་པར་བྱ་སྟེ། སྙིང་གར་རྩིབ་ལོགས་རྒྱབ་སྦྱོར་བ། །དཔྲལ་བ་ལ་སོགས་དེ་བཞིན་དུ། །ཁ་དང་རྣ་བ་མགོ་ལྟག་པ། །སྤྱི་བོ་ཕྲག་པ་རྐེང་པར་བཞག་།དེ་ནས་དེ་བཞིན་གཤེགས་པ་ཐམས་ཅད་ཀྱི་མཆོད་པའི་དམ་ཚིག་གི་ཕྱག་རྒྱའི་ཡེ་ཤེས་ལ་བསླབ་པར་བྱའོ། །ཕྱག་རྒྱ་ཆེན་པོའི་ཚུལ་གྱིས་ནི། །རྡོ་རྗེ་བཅིང་བ་དམ་བྱས་ལ། །སྙིང་ག་ལ་སོགས་གནས་ཚུལ་ཏུ། །བཞག་ནས་རྒྱལ་པ་རྣམས་མཆོད་དོ། །དེ་ནས་དེ་བཞིན་གཤེགས་པ་
164a
༄#། །ཐམས་ཅད་ལ་མཆོད་པའི་ཆོས་ཀྱི་ཕྱག་རྒྱའི་ཡེ་ཤེས་ལ་བསླབ་པར་བྱའོ། །ོཾ་ཀྲ་ས་ཡ་སཱ་དྲྀ་རཾ་ཀྲཾ་ཁཾ་ཤཾ་ཧཱུཾ་ཧཱུཾ་ཤ་ནོ་ཤཱི་སཝཱཾ། །ལས་ཀྱི་ཕྱག་རྒྱའི་མདོར་བསྡུས་ན། །ལས་ཀྱི་ཕྱག་རྒྱ་གཉིས་སུ་བྱ། །དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པ་ལས། །རྟོག་པ་ཆེན་པོའི་རྒྱལ་པོ་རྡོ་རྗེ་ལས་ཞེས་བྱ་བའི་དཀྱིལ་འཁོར་གྱི་ཆོ་ག་རྒྱས་པ་རྫོགས་སོ།། །།དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་ནས། དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་རྟོག་པའི་རྒྱལ་པོ་ཆེན་པོའི་ཆོ་ག་རྒྱས་པ་འདིའི་དངོས་གྲུབ་ཐམས་ཅད་བསྡུ་པའི་དོན་དུ། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་སྙིང་པོ་འདི་སྨྲས་པ། ཨོཾ་སརྦ་ཏ་ཐཱ་ག་ཏ་མུཥྚི་བཾ། དེ་ནས་ཡང་དེ་བཞིན་གཤེགས་པ་མི་གཡོ་བས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་ནས་དེ་བཞིན་གཤེགས་པ་ཐམས་ཅད་དུ་རིགས་ཀྱི་དུམ་བུའི་རྒྱལ་པོ་ཆེན་པོ་ཆེན་པོའི་ཆོ་ག་རྒྱས་པ་འདིའི་དངོས་གྲུབ་ཐམས་ཅད་བསྡུ་པའི་ཕྱིར་དེ་བཞིན་
164b
གཤེགས་པ་ཐམས་ཅད་ཀྱི་ཕྱག་རྒྱའི་སྙིང་པོ་འདི་སྨྲས་པ། ཨོཾ་བཛྲ་སྟྭ་མུཥྚི་ཨ། དེ་ནས་དེ་བཞིན་གཤེགས་པ་རིན་ཆེན་འབྱུང་བས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་ནས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དུམ་བུའི་རྒྱལ་པོ་ཆེན་པོའི་ཆོ་ག་རྒྱས་པ་འདིའི་དངོས་གྲུབ་ཐམས་ཅད་བསྡུ་བའི་ཕྱིར་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་སྙིང་པོ་འདི་སྨྲས་པ། ཨོཾ་བཛྲ་རཏྣ་མུཥྚི་ཏྲཱཾ། དེ་ནས་དེ་བཞིན་གཤེགས་པ་ཚེ་ཚད་མེད་པས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་ནས། དེ་བཞིན་གཤེགས་པ་ཐམས་ཅད་ཀྱི་དུམ་བུའི་རྒྱལ་པོ་ཆེན་པོའི་ཆོ་ག་རྒྱས་པ་འདི་དངོས་གྲུབ་ཐམས་ཅད་བསྡུ་བའི་ཕྱིར་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་སྙིང་པོ་འདི་སྨྲས་པ།་ཨོཾ་བཛྲ་དྷརྨ་མུཥྚི་ཁཾ། དེ་ནས་དེ་བཞིན་གཤེགས་པ་གདོན་མི་ཟ་བར་གྲུབ་པས། དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་ནས་དེ་བཞིན་གཤེགས་པ་ཐམས་ཅད་ཀྱི་དུམ་བུའི་རྒྱལ་པོ་ཆེན་པོའི་ཆོ་ག་རྒྱས་པ་འདིའི་དངོས་གྲུབ་ཐམས་ཅད་བསྡུ་བའི་
165a
༄#། །ཕྱིར་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་སྙིང་པོ་འདི་སྨྲས་པ། །ོཾ་བཛྲ་ཀརྨ་མུཥྚི་ཧཾ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེ་རང་གི་བྱིན་གྱིས་བརླབས་ཀྱིས་བཅོམ་ལྡན་འདས་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་ནས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དུམ་བུའི་རྒྱལ་པོ་ཆེན་པོའི་ཆོ་ག་རྒྱས་པ་འདིའི་དངོས་གྲུབ་ཐམས་ཅད་བསྡུ་བའི་ཕྱིར་རྡོ་རྗེའི་དངོས་གྲུབ་ཅེས་བྱ་བ་ཕྱག་རྒྱ་བཞི་པའི་དཀྱིལ་འཁོར་འདི་བཤད་དོ། །དེ་ནས་རབ་ཏུ་བཤད་བྱ་བ། །ཕྱག་རྒྱའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་དངོས་གྲུབ་ཅེས་ཀྱང་གྲགས། །དཀྱིལ་འཁོར་ཆེན་པོའི་ཚུལ་དུ་ནི། །མཁས་པས་རབ་ཏུ་བྲི་བར་བྱ། །ཐོག་མར་སངས་རྒྱས་གཟུགས་བཞག་སྟེ། །དེ་ནས་ཕྱག་རྒྱ་བཞི་ཡང་བྲི། །ཟླ་བའི་དཀྱིལ་འཁོར་དབུས་སུ་ནི། །རྡོ་རྗེའི་ཕྱག་རྒྱ་ལ་སོགས་བྲི། །དེ་ནས་རྡོ་རྗེའི་དངོས་གྲུབ་ཀྱི་ཕྱག་རྒྱའི་དཀྱིལ་འཁོར་འདིར་དགུག་པ་ལ་སོགས་པའི་ཆོ་ག་རྒྱས་པར་བྱས་ནས་དེ་བཞིན་དུ་བཙུད་དེ་འདི་སྐད་དུ་སྨྲ་བར་བྱའོ། །ཁྱོད་ཀྱི་གསང་བའི་ལེའུ་འདི་སུ་ལའང་མ་བསྟན་ཅིག་།དེ་ཅིའི་ཕྱིར་ཞེ་ན། ལོག་པར་ལྟ་བ་དང ། སྡིག་པའི་ལས་བྱེད་
165b
པའི་སེམས་ཅན་རྣམས་ཀྱང་ཡོད་དོ། །བརྩོན་འགྲུས་ཆུང་བ་དང ། སྦྱོར་བ་མེད་པ་དང ། རི་མོ་མི་ཤེས་པའི་སེམས་ཅན་རྣམས་ཀྱང་ཡོད་དེ། དེ་དག་རྡོ་རྗེའི་དབྱིངས་ལ་སོགས་པ་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དཀྱིལ་འཁོར་ཆེན་པོ་རྣམས་སུ་བརྩོན་འགྲུས་ཆུང་བས་མི་འཇུག་སྟེ། དེ་དག་གི་དོན་དུ་རྡོ་རྗེ་དངོས་གྲུབ་ཀྱི་ཕྱག་རྒྱའི་དཀྱིལ་འཁོར་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དཀྱིལ་འཁོར་གྱི་དམ་ཚིག་དུ་གྱུར་པ་འདི་མ་ལུས་ཤིང་ལུས་པ་མེད་པའི་སེམས་ཅན་གྱི་ཁམས་རྣམས་ཡོངས་སུ་བསྐྱབ་པ་དང ། ཕན་པ་དང ། བདེ་བ་དང ། ཡིད་བདེ་བ་ཐམས་ཅད་མྱོང་བར་བྱ་བ་ནས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དམ་པའི་དངོས་གྲུབ་ཀྱི་བར་དུ་བྱིན་གྱིས་བརླབས་སོ། །ཁྱོད་ཀྱིས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་གི་ཕྱག་རྒྱ་གསང་བ་འདི་རྣམས་ལ་ཡིད་མི་ཆེས་ཤིང་མ་དད་པར་མ་བྱེད་ཅིག་།སེམས་ཅན་དམྱལ་བ་དང ། བྱོལ་སོང་དང ། ཡི་དྭགས་ཀྱི་ཁམས་སུ་ལྟུང་བར་འགྱུར་བ་འམ། མི་བདེ་བ་མ་སྤངས་པས་དུས་མ་ཡིན་པར་ཤི་བར་གྱུར་ཏ་རེ་ཞེས་བསྒོ་ལ་གདོང་གཡོགས་བཀྲོལ་ཏེ་དཀྱིལ་འཁོར་བསྟན་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱའི་དམ་ཚིག་འདི་སྨྲོས་ཤིག་།བདག་ཉིད་
166a
༄#། །ཆེན་པོ་གང་གང་གི་།ཕྱག་རྒྱ་གང་དང་གང་བཅིངས་པ། །བཟླས་པའི་སྙིང་པོའི་དོན་ཏུ་ནི། །དེར་ནི་བདག་ཉིད་བསྒོམ་པར་བྱ། །ཡེ་ཤེས་འདི་ཡི་ཚུལ་གྱིས་ནི། །ཕྱག་ན་རྡོ་རྗེས་གསུངས་པ་བཞིན། །བདག་ཉིད་ཆེན་པོ་ཕྱག་རྒྱ་ཀུན། །དེ་དག་ཀུན་གྱིས་འགྲུབ་པར་འགྱུར། །དེ་ནས་ཕྱག་རྒྱ་ཐམས་ཅད་ཀྱི་གསང་བ་བརྗོད་པར་བྱའོ། །རང་གི་དབང་པོ་བཤིགས་ནས་ནི། །རྡོ་རྗེ་བཅིང་བས་གཟུང་བར་བྱ། །དེ་ཡིས་ཕྱག་རྒྱ་གང་རེག་པ། །དེ་མ་ཐག་ཏུ་དེ་དབང་བསྐུར། །དེ་ནས་ཕྱག་རྒྱ་ཐམས་ཅད་ཀྱི་ཆོས་ཉིད་བརྗོད་པར་བྱའོ། །རྡོ་རྗེ་ཕྲ་མོའི་ཚུལ་སྦྱར་ལ། །ཡེ་ཤེས་ཕྱག་རྒྱ་བཅིང་བར་བྱ། །ཆོ་ག་འདི་ཡི་ཚུལ་གྱིས་ནི། །ཡེ་ཤེས་ཕྱག་རྒྱ་དབང་དུ་འགྱུར། །དེ་ནས་ཕྱག་རྒྱ་ཀུན་གྱི་ལས་བརྗོད་པར་བྱའོ། །གླུ་དང་གར་དང་ཟས་དང་བྲོ། །སྤྱོད་པ་ལ་སོགས་བདེ་བ་རྣམས། །སངས་རྒྱས་རྣམས་ལ་ཕུལ་ན་ནི། །ལས་ཀྱི་ཕྱག་རྒྱ་དབང་དུ་འགྱུར། །དེ་ནས་དཀྱིལ་འཁོར་ཐམས་ཅད་དུ་བསྒྲུབ་པའི་གསང་བའི་ཕྱག་རྒྱའི་ཡེ་ཤེས་ལ་བསླབ་པར་བྱའོ། །མཚན་མ་བརྟན་པར་རང་གྱུར་ནས། །དཀར་པོར་གྱུར་བའི་རས་ལ་གནས། །མཚན་མ་མཆོད་རྟེན་བྱིན་བརླབས་ཏེ། །བདག་ཉིད་རྡོ་རྗེ་དབྱིངས་སུ་བསྒོམ། །རྡོ་རྗེ་བཅིངས་པ་དམ་བྱས་ཏེ། །གུང་
166b
མོ་མྱུ་གུ་བཞིན་དུ་གཤིབས། །མཐེའུ་ཆུང་དང་ནི་མཛུབ་རྩེ་བསྒྲེང ། །དམ་ཚིག་མཆོག་གི་དམ་ཚིག་གོ་།རྡོ་རྗེ་ཕྲ་མོའི་ཚུལ་དུ་ནི། །རབ་ཏུ་མཉམ་པར་གཞག་པས་བསྒོམ། །རྡོ་རྗེ་ཕྲ་མོའི་དཀྱིལ་འཁོར་དེ། །ཏིང་འཛིན་དབང་དུ་གྱུར་པའི་ཚུལ། །རྡོ་རྗེའི་ཕྱག་རྒྱ་གཉིས་བཅིངས་ལ། །དེ་གཉིས་རྡོ་རྗེ་དམ་དུ་གཟུང ། །མཛུབ་མོ་མཐེའུ་ཆུང་བསྣོལ་བ་ནི། །རྡོ་རྗེ་དགོས་མཆོག་དཀྱིལ་འཁོར་རོ། །དེ་ནས་སེམས་དཔའ་རྡོ་རྗེ་ལ་སོགས་པའི་ཕྱག་རྒྱ་ཆེན་པོའི་བཅིང་བ་བཞི་ཇི་ལྟ་བ་བཞིན་དུ་བསླབས་ནས་རྡོ་རྗེ་དབྱིབས་ཀྱི་དཀྱིལ་འཁོར་ཆེན་པོའི་ཆོ་ག་རྒྱས་པ་འདི་ཇི་ལྟ་བ་བཞིན་དུ་བྱའོ། །རྡོ་རྗེའི་དངོས་གྲུབ་ཀྱི་ཕྱག་རྒྱ་བཞི་པའི་དཀྱིལ་འཁོར་ཇི་ལྟ་བ་བཞིན་དུ་མི་གཡོ་བའི་དཀྱིལ་འཁོར་ལ་སོགས་པ་དཀྱིལ་འཁོར་ཐམས་ཅད་ཕྱག་རྒྱ་བཞི་བའི་དཀྱིལ་འཁོར་གྱི་ཚུལ་དུ་རང་རང་གི་ཕྱག་རྒྱ་རྣམས་སུ་བྲིས་ན་དངོས་གྲུབ་ཐམས་ཅད་ཀྱང་འགྲུབ་བོ། །དེ་ལྟར་རས་དང ། རྩིག་པ་དང ། ནམ་མཁའ་དང ། གནས་ཐམས་ཅད་དུ་བྲིས་ན་དངོས་གྲུབ་ཐམས་ཅད་འགྲུབ་བོ། །དཀྱིལ་འཁོར་བརྟག་པ་ནས་བརྩམས་ཏེ་ལ་ལ་ནི་དཀྱིལ་འཁོར་དུ་ཞུགས་པ་ཉིད་ཀྱི་ཚེ་ཇི་ལྟར་ཐ་དད་པ་བཞིན་དུ་འགྲུབ། །ལ་ལ་ནི་དེ་ནས་བརྩམས་ནས་ཉིན་ཞག་གཅིག་གིས། །ལ་ལ་ནི་ཉི་མ་བཞིས། །ལ་ལ་ནི་
167a
༄#། །ཞག་བཅུ་དྲུག་གིས། ལ་ལ་ནི་མཚམས་མེད་པ་ལྔ་བྱས་པའང་ཇི་ལྟར་འདོད་པ་བདེ་བླག་ཏུ་དོན་ཐམས་ཅད་བྱེད་ཅིང་ཐམས་ཅད་རྗེས་སུ་དགའ་བ་དང ། རོ་དང ། ཟས་དང ། སྤྱོད་པ་ཐམས་ཅད་ཀྱི་བདེ་བ་རྣམས་མྱོང་བར་བྱེད་བཞིན་དུའང་ལོ་གཅིག་གིས་མཆོག་འགྲུབ་བོ་ཞེས་བཅོམ་ལྡན་འདས་ཀྱིས་གསུངས་སོ། །དེ་ནས་ཡང་བཅོམ་ལྡན་འདས་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་དམ་པའི་དམ་ཚིག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོའི་མངོན་པར་རྟོགས་པ་ཞེས་བྱ་བའི་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་རང་གི་ཐུགས་ཀ་ནས་ཕྱུང་ངོ ། །བཛྲ་སྟྭ། དེ་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་རྣམས་ཡོངས་སུ་བསྐྱབ་པ་དང ། ཕན་པ་དང ། བདེ་བ་དང ། ཡིད་བདེ་བ་ཐམས་ཅད་མྱོང་བར་བྱ་བ་ནས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་དམ་པ་འགྲུབ་པར་བྱ་བའི་བར་དུ། ཐེག་པ་ཆེན་པོ་མངོན་པར་རྟོགས་པའི་དཀྱིལ་འཁོར་འདི་བཤད་དོ། །དེ་ནས་རབ་ཏུ་བཤད་བྱ་བ། །སེམས་
167b
དཔའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་སེམས་དཔའ་ཞེས་ཀྱང་བཤད། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་གྱི་རིམ་ཐིག་གདབ་བོ། །ཟླ་བའི་དཀྱིལ་འཁོར་དབུས་སུ་ནི། །རྡོ་རྗེ་སེམས་དཔའ་གཞག་པར་བྱ། །དེ་ནས་དགུག་པ་དང ། གཞུག་པ་ལ་སོགས་པ་ཇི་ལྟ་བ་བཞིན་དུ་བྱས་ཏེ། དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱི་ཡེ་ཤེས་རྣམས་བསྐྱེད་པར་བྱའོ། །དེ་ལ་ཐོག་མར། འདི་སྐད་དུ། །ཁྱོད་ཀྱིས་དམ་ཚིག་མ་མཐོང་བ་དང ། ཁོད་དུ་མ་ཆུད་པ་སུ་ལའང་གསང་པ་འདི་མ་སྨྲ་ཞིག་།ཁྱོད་ངན་སོང་ཐམས་ཅད་དུ་ལྟུང་བའམ། མི་བདེ་བ་མ་སྤངས་པས་དུས་མ་ཡིན་པར་ཤི་བར་གྱུར་ཏ་རེ་ཞེས་བསྒོ་བར་བྱའོ། །དེ་ནས་རྡོ་རྗེ་སེམས་དཔའི་དངོས་གྲུབ་དམ་པ་བསྒྲུབ་པའི་ཡེ་ཤེས་ལ་བསླབ་པར་བྱའོ། །ཟླ་རྒྱས་དཀྱིལ་འཁོར་ལ་འདུག་སྟེ། །ཕྱག་རྒྱ་ཆེན་པོ་ཡོངས་གཟུང་བས། །བདག་ཉིད་རྡོ་རྗེ་སེམས་དཔར་ནི། །བསྒོམས་ན་མྱུར་དུ་འགྲུབ་པར་འགྱུར། །དེ་ནས་དཀྱིལ་འཁོར་ཐམས་ཅད་ཀྱི། །གསང་བའི་དམ་ཚིག་གི་ཡེ་ཤེས་ལ་བསླབ་པར་བྱའོ། །འདོད་ཆགས་བྲལ་བའི་སྡིག་ལྟ་བུ། །ཁམས་གསུམ་ན་ཡང་གཞན་མེད་དེ། །དེ་བས་འདོད་ལ་ཆགས་བྲལ་བར། །ཁྱོད་ནི་ནམ་ཡང་མ་བྱེད་ཅིག་།མཧཱ་ས་མ་ཡ་ཧ་ན་ཕཊ་ཅེས་མནའི་\?\་སྙིང་པོ་འདི་སྦྱིན་
168a
༄#། །ནོ། །དེ་ལྟར་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་གྱི་ཆོ་ག་རྒྱས་པ་རྣམས་སུ་དམ་ཚིག་གི་སྡོམ་པ་སྦྱིན་པར་བྱའོ། །དེ་ནས་རྡོ་རྗེ་སེམས་དཔའི་ཕྱག་རྒྱ་ཆེན་པོ་ལ་སོགས་པ་བཞི་བཅིང་བ་བསླབ་པར་བྱའོ། །དངོས་གྲུབ་ཀྱང་དེ་བཞིན་ནོ། །རི་མོ་ལ་སོགས་པ་དང ། ལུགས་མའི་སྐུ་གཟུགས་ཐམས་ཅད་ལའང་ཇི་ལྟར་འདོད་པའི་ཆོ་ག་བཞིན་དུ་བྱས་ན་དངོས་གྲུབ་ཐམས་ཅད་དེ་བཞིན་དུ་འགྲུབ་པར་འགྱུར་རོ། །རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཆོ་ག་རྒྱས་པར་བྱས་པ་ཇི་ལྟ་བ་བཞིན་དུ་ཡང་བྱའོ། །དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གཙོ་བོ་བྱང་ཆུབ་སེམས་དཔའ་ཆེན་པོ་རྡོ་རྗེ་སེམས་དཔའ་ཕྱག་ན་རྡོ་རྗེ་ཆེན་པོ་ལ་རྡོ་རྗེ་དགྱེས་པའི་སྙིང་པོ་འདིས་ལེགས་པར་གསོལ་ཏོ། །ོཾ་ལེགས་རྡོ་རྗེ་སེམས་དཔའ་ཁྱོད། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ཁྱོད་ལེགས་པ་སྟེ། །རྡོ་རྗེ་ལས་ནི་ཁྱོད་ལེགས་སོ། །རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང ། །ཐེག་པ་ཆེན་པོ་མངོན་བསྡུས་པའི། །མདོ་སྡེ་འདི་ནི་ལེགས་པར་བཤད། །རྡོ་རྗེ་སེམས་དཔའི་མཚན་གྱིས་ཀྱང ། །དངོས་གྲུབ་ཀུན་གྱི་མཆོག་ཏུ་འགྱུར། །
168b
དག་པར་བྱས་ནས་བསྒྲུབས་ན་ནི། །སངས་རྒྱས་ཉིད་ཀྱང་བདེ་བར་འགྲུབ། །རྡོ་རྗེ་ཆོས་ཀྱི་སྦྱོར་བ་ནི། །འདོད་པ་ཀུན་གྱི་བདེ་བས་བདེ། །ཚེ་འདི་ཉིད་ཀྱིས་འགྲུབ་པས་ན། ། བདེ་བ་མི་ཟད་མེད་མི་འགྱུར། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས། དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པ་ཞེས་བྱ་བའི་རྟོག་པའི་རྒྱལ་པོ་ཆེན་པོ་དུམ་བུ་དང་པོ་རྫོགས་སོ།། །།བམ་པོ་བཞི་པ། དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱང་གཅིག་ཏུ་འདུས་པར་གྱུར་ཏེ། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་འཁོར་ལོ་ཆེན་པོ་བསྐོར་བ་ལ་མཚན་བརྒྱ་རྩ་བརྒྱད་པ་འདིས་གསོལ་བ་བཏབ་བོ། །རྡོ་རྗེ་སེམས་དཔའ་རྡོ་རྗེ་ཆེ། །རྡོ་རྗེ་མགོན་པོ་རབ་བསྒྲུབ་མཛད། །རྡོ་རྗེ་དབང་བསྐུར་རྡོ་རྗེ་འོད། །རྡོ་རྗེ་དཔལ་ཁྱོད་ཕྱག་འཚལ་ལོ། །རྡོ་རྗེ་བཞད་པ་ཆོས། ཆེན་པོ། །རྡོ་རྗེ་རལ་གྲི་མཆོག་ཆེན་པོ། །དཀྱིལ་འཁོར་ཀུན་གྱི་རྒྱལ་པོ་མཆོག་།སྤྲོས་མེད་ཁྱོད་ལ་ཕྱག་འཚལ་ལོ། །རྡོ་རྗེ་ལས་དང་སྲུང་བ་ཆེ། །གནོད་སྦྱིན་གཏུམ་པ་གདོན་ཆེན་པོ། །རྡོ་རྗེ་ཁུ་ཚུར་ཕྱག་རྒྱ་ཆེ། །ཕྱག་རྒྱ་ཀུན་ལ་ཕྱག་འཚལ་ལོ། །བྱང་ཆུབ་སེམས་དང་བྱང་ཆུབ་ཆེ། །སངས་རྒྱས་ཐམས་ཅད་དེ་བཞིན་གཤེགས། །རྡོ་རྗེ་ཡེ་
169a
༄#། །ཤེས་ཡེ་ཤེས་ཆེ། །ཐེག་ཆེན་ཁྱོད་ལ་ཕྱག་འཚལ་ལོ། །དོན་ཀུན་གྱི་ནི་དེ་ཉིད་དོན། །སེམས་ཅན་དོན་ཆེན་ཀུན་རིག་པ། །ཀུན་མཁྱེན་ཀུན་བྱས་ཐམས་ཅད་དེ། །ཀུན་གཟིགས་ཁྱོད་ལ་ཕྱག་འཚལ་ལོ། །རྡོ་རྗེ་བདག་རབ་རྡོ་རྗེ་མཆོག་།རྡོ་རྗེ་བརྩོན་རབ་རྡོ་རྗེ་འཆང ། །དམ་ཚིག་ཆེན་པོ་དེ་ཉིད་དོན། །སེམས་ཆེན་ཁྱོད་ལ་ཕྱག་འཚལ་ལོ། །རྡོ་རྗེ་ལྕགས་ཀྱུ་འདོད་པ་ཆེ། །རབ་ཏུ་དགའ་བ་འོད་ཆེན་པོ། །རྡོ་རྗེ་འོད་དང་འོད་སྣང་བ། །སངས་རྒྱས་འོད་ལ་ཕྱག་འཚལ་ལོ། །རྡོ་རྗེ་རྒྱལ་མཆོག་རྡོ་རྗེ་དྲག་།རིག་མཆོག་མཆོག་དང་མི་ཡི་མཆོག་།རྡོ་རྗེ་དམ་པ་མཆོག་ཆེན་མཆོག་།རིག་མཆོག་ཁྱོད་ལ་ཕྱག་འཚལ་ལོ། །རྡོ་རྗེ་དབྱིངས་དང་གསང་བ་ཆེ། །རྡོ་རྗེ་གསང་བ་རབ་གསང་འཆང ། །རྡོ་རྗེ་ཕྲ་བ་བསམ་གཏན་ཆེ། །རྡོ་རྗེ་དགོས་ལ་ཕྱག་འཚལ་ལོ། །སངས་རྒྱས་མཆོག་སངས་རྡོ་རྗེ་མཆོག་།སངས་རྒྱས་བྱང་ཆུབ་མཁས་པ་ཆེ། །སངས་རྒྱས་ཡེ་ཤེས་སངས་རྒྱས་ཆེ། །སངས་རྒྱས་སངས་རྒྱས་ཁྱོད་ཕྱག་འཚལ། །སངས་རྒྱས་མཆོད་པ་མཆོད་པ་ཆེ། །སེམས་དཔའ་མཆོད་པ་རབ་མཆོད་པ། །ཐབས་ཆེན་དང་ནི་དངོས་གྲུབ་ཆེ། །རྡོ་རྗེ་གྲུབ་ཁྱོད་ཕྱག་འཚལ་ལོ། །དེ་བཞིན་གཤེགས་པའི་སྐུ་ཆེན་པོ། །དེ་བཞིན་གཤེགས་པའི་གསུང་
169b
དབྱངས་ཏེ། །དེ་བཞིན་གཤེགས་པའི་སེམས་ཆེན་པོ། །རྡོ་རྗེ་རྡོ་རྗེ་ཁྱོད་ཕྱག་འཚལ། །སངས་རྒྱས་གཙོ་བོ་རྒྱལ་བཀའ་ཉན། །སངས་རྒྱས་བཤེས་གཉེན་རྒྱལ་མཆོག་སྐྱེས།། རྣམ་པར་སྣང་མཛད་ཆེ་དང་ཁྱབ། །སྟོན་ཞིང་ཁྲོ་ལ་ཕྱག་འཚལ་ལོ། །དེ་བཞིན་གཤེགས་པ་དེ་ཉིད་ཆེ། །ཡང་དག་མཐའ་སྟེ་ཆེ་བའི་ཚུལ། །ཕ་རོལ་ཕྱིན་པ་ཀུན་མཁྱེན་བ། །དོན་དམ་ཁྱོད་ལ་ཕྱག་འཚལ་ལོ། །ཀུན་ཏུ་བཟང་དང་སྤྱོད་པ་མཆོག་།བདུད་དང་བདུད་ནི་རབ་འདུལ་བ། །ཀུན་གྱི་མཆོག་དང་མཉམ་ཉིད་མཁྱེན། །ཀུན་ཏུ་འགྲོ་ཁྱོད་ཕྱག་འཚལ་ལོ། །སངས་རྒྱས་ཧཱུཾ་ཞེས་ཧཱུཾ་ཞེས་པ། །རྡོ་རྗེ་ཧཱུཾ་ཞེས་འདུལ་བ་པོ། །རྡོ་རྗེ་ཐམས་ཅད་རྡོ་རྗེ་མཆོག་།ཕྱག་ན་རྡོ་རྗེ་ཁྱོད་ཕྱག་འཚལ། །ཕྱག་བྱས་མཆོད་ཅིང་བརྗོད་པ་དང ། །རིམ་གྲོར་དེ་བཞིན་གཤེགས་པས་བྱས། །གང་ཕྱིར་རྡོ་རྗེ་སེམས་བརྟན་པས། །རྡོ་རྗེ་སེམས་དཔའ་ཞེས་ཁྱོད་བྱ། །རྫོགས་པའི་བྱང་ཆུབ་ཁྱོད་རག་ལུས། །ཀུན་གཟིགས་ཡབ་ནི་ཁྱོད་ཡིན་ཏེ། །བྱུང་བ་དང་ནི་འབྱུང་འགྱུར་བའི། །དེ་བཞིན་གཤེགས་པ་ཁྱོད་ཀྱིས་བསྒྲུབས། །བསྟོད་པའི་རྒྱལ་པོ་འདི་ཡིས་ནི། །རབ་ཏུ་མོས་པས་བསྟོད་བྱེད་ཅིང ། །གླུ་བླངས་གང་ཞིག་མཆོད་བྱེད་པ། །དེ་ནི་རྡོ་རྗེ་འཛིན་འདྲར་འགྱུར། །སངས་རྒྱས་ཀུན་ལ་མངའ་མཛད་པའི། །མགོན་པོ་ཁྱོད་ལ་གསོལ་
170a
༄#། །བ་ནི། །སེམས་ཅན་ཀུན་དོན་མཛད་པའི་ཕྱིར། །རང་གི་རིགས་ནི་སྐྱེད་པར་མཛོད། །དེ་ནས་དེ་བཞིན་གཤེགས་པ་ཐམས་ཅད་ཀྱི་གཙོ་བོ་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱིས་གསོལ་བའི་ཚིག་ཐོས་ནས། རྡོ་རྗེ་དེ་དག་ཉིད་ཀྱི་སྙིང་གར་བཞག་སྟེ། དེ་བཞིན་གཤེགས་པ་དེ་དག་ཐམས་ཅད་བོས་ནས་འདི་སྐད་གསུངས་སོ། །བཅོམ་ལྡན་འདས། དེ་བཞིན་གཤེགས་པ་ཐམས་ཅད་མ་འཚལ་ཏོ། །དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། ཅིའི་ཕྱིར། རྡོ་རྗེ་འཛིན་པས་སྨྲས་པ། བཅོམ་ལྡན་འདས། དབང་ཕྱུག་ཆེན་པོ་ལ་སོགས་པ་མ་རུངས་པའི་སེམས་ཅན་དག་ཀྱང་མཆིས་ཏེ།་དེ་བཞིན་གཤེགས་པ་ཐམས་ཅད་ཀྱིས་ཀྱང་ཞི་བས་གདུལ་བར་མི་སྦྱོད་པ་དེ་དག་ལ་བདག་གིས་ཇི་ལྟར་སྒྲུབ་པར་བགྱི། །དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཐབས་ཆེན་པོའི་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། སྙོམས་པར་ཞུགས་མ་ཐག་ཏུ་དེའི་ཚེ་དེ་བཞིན་གཤེགས་པ་ཐམས་ཅད་ནམ་མཁའི་དབྱིངས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་
170b
དང་མཉམ་པར་སྤྲོས་པ་ཉིད་ཀྱི། རི་རབ་རིའི་རྩེ་མོ་རྡོ་རྗེ་དང ། ནོར་བུ་དང ། རིན་པོ་ཆེ་ལས་བྱས་པའི་ཁང་བུ་བརྩེགས་པར་ཡང་གཅིག་ཏུ་འདུས་ཏེ། དེ་བཞིན་གཤེགས་པ་ཐམས་ཅད་ཀྱིས་མཉམ་པ་ཉིད་དུ་དམིགས་ནས་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ཀའི་དཔལ་གྱི་བེའུར་ཞུགས་སོ། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་ཐུགས་སུ་བདག་བྱིན་གྱིས་བརླབས་ཏེ། དེ་བཞིན་གཤེགས་པ་ཐམས་ཅད་རྡོ་རྗེ་མཉམ་པ་ཉིད་ཀྱིས་མ་ལུས་ཤིང་ལུས་པ་མེད་པའི་སེམས་ཅན་གྱི་ཁམས་ཡོངས་སུ་བསྐྱབ་པ་དང ། ཕན་པ་དང ། བདེ་བའི་དམ་པ་ཐམས་ཅད་འགྲུབ་པ་དང ། མ་རུངས་པ་ཐམས་ཅད་གདུལ་བའི་ཕྱིར་དེ་བཞིན་གཤེགས་པ་ཐམས་ཅད་ཀྱི་སྙིང་རྗེ་ཆེན་པོའི་ཐབས་ཀྱི་ཏིང་ངེ་འཛིན་གྱི་ཡེ་ཤེས་ལ་དམིགས་ཏེ། དེ་བཞིན་གཤེགས་པ་ཐམས་ཅད་ཀྱི་སྙིང་རྗེ་ཆེན་པོའི་ཐབས་ཁྲོ་པོ་ཆེན་པོའི་དམ་ཚིག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །སྙོམས་པར་ཞུགས་མ་ཐག་ཏུ་དེའི་ཚེ་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་ཕྱུང་ངོ ། །ཧཱུཾ།་དེ་ནས་དེ་
171a
༄#། །ཕྱུང་མ་ཐག་ཏུ་ཕྱག་ན་རྡོ་རྗེའི་ཐུགས་ཀའི་རྡོ་རྗེ་ལས་བཅོམ་ལྡན་འདས་རྡོ་རྗེ་འཛིན་པ་དེ་ཉིད་དེ། ཀུན་ཏུ་འབར་བའི་སྙིང་པོ་ཁྲོ་གཉེར་ཅན། སྨིན་མ་བཅུ་མ་ཞིང་དཔྲལ་བར་གཉེར་བ། །མཆེ་བ་ལྷག་གེར་བྱུང་ཞིང་སོ་གཙིགས་པ། །རྡོ་རྗེ་དང ། ལྕགས་ཀྱུ་དང ། རལ་གྲི་དང ། ཞགས་པ་ལ་སོགས་བ་རྡོ་རྗེ་མེ་ལྕེ་འབར་བའི་མཚོན་ཆ་ལག་ན་ཐོགས་པ། རྣམ་པ་དུ་མའི་ཁ་དོག་དང ། རྒྱན་སྣ་ཚོགས་ཀྱི་ཆ་ལུགས་ཅན་ཕྱག་ན་རྡོ་རྗེའི་སྐུ་བྱུང་ནས། འཇིག་རྟེན་གྱི་ཁམས་ཐམས་ཅད་དུ་ཤིན་ཏུ་མ་རུངས་པ་ཐམས་ཅད་གདུལ་བར་བྱས་ནས་བཅོམ་ལྡན་འདས་རྣམ་པར་སྣང་མཛད་ཀྱི་ཕྱོགས་ཀུན་ཏུ་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་ཟླ་བའི་དཀྱིལ་འཁོར་ལ་འདུག་སྟེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་ཐབས་ཀྱིས་འདུལ་བ་ཡི། །ཐབས་ཆེན་ལྡན་པ་བདག་ཡིན་ཏེ། གང་ཕྱིར་སེམས་ཅན་འདུལ་ཐབས་ཕྱིར། །དྲི་མ་མེད་པའི་ཁྲོ་གཉེན་རབ། །དེ་ནས་དེ་བཅོམ་ལྡན་འདས་དེ་བཞིན་གཤེགས་པ་རྣམ་པར་སྣང་མཛད་དེ་བཞིན་གཤེག་\?\་པ་ཐམས་ཅད་ཀྱི་སྤྲེས་པ་མེད་པའི་ཆོས་ཉིད་ལ་དམིགས་ནས། དེ་བཞིན་གཤེགས་པ་ཐམས་ཅད་ཀྱི་ཁྲོ་བོ་ཆེན་པོ་རྡོ་རྗེའི་དམ་ཚིག་རྡོ་རྗེ་བྱིན་གྱིས་བརླབས་པ་
171b
ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཧཱུཾ་ཞེས་བྱ་བ་དེར་དེ་བཞིན་གཤེགས་པ་ཐམས་ཅད་ཀྱི་སྙིང་པོ་རིག་པའི་མཆོག་འདི་སྨྲས་པ། ཨོཾ་སུཾ་བྷ་ནི་སུཾ་བྷ་ནི་ཧཱུཾ། གྲྀཧྣ་གྲྀཧྣ་ཧཱུཾ། གྲྀཧྣ་པ་ཡ་གྲྀཧྣ་པ་ཡ་ཧཱུཾ། ཨཱ་ན་ཡ་ཧོཿ ། བྷ་ག་ཝཱན་བཛྲ་ཧཱུཾ་ཕཊ། དེ་ནས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་བྱུང་མ་ཐག་ཏུ་བཅོམ་ལྡན་འདས་ཕྱག་ན་རྡོ་རྗེར་གྱུར་ཏེ་བྱུང་ནས་འཇིག་རྟེན་གྱི་ཁམས་རབ་འབྱམས་རྒྱ་མཚོའི་སྤྲིན་ཐམས་ཅད་ན། དེ་བཞིན་གཤེགས་པ་བྱང་ཆུབ་སེམས་དཔའི་འཁོར་གྱི་དཀྱིལ་འཁོར་དང་བཅས་པ་ཐམས་ཅད་ཀྱི་བྱིན་གྱིས་བརླབས་ཏེ། སྤྱན་དྲངས་ནས་རྡོ་རྗེ་དམ་ཚིག་གི་དཀྱིལ་འཁོར་ཆེན་པོར་བཅུག་སྟེ་ངམ་ཚིག་གིས་བཅིངས་ནས། ཡང་གཅིག་ཏུ་འདྲེས་ཏེ་རྡོ་རྗེ་ཁྲོ་བོ་ཆེན་པོའི་ལུས་སུ་གྱུར་ནས་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་ཀར་འདུག་སྟེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་བྱང་ཆུབ་སེམས་འདི་ནི། །ཀུན་ཏུ་བཟང་ཞིང་སྡིག་མེད་དེ། །གང་ཕྱིར་སེམས་ཅན་འདུལ་དོན་དུ། །ཁྲོ་བོ་ཡང་ནི་ཡིད་འོང་འགྱུར། །དེ་ནས་རྡོ་རྗེ་ཁྲོ་བོ་ཆེན་པོའི་སྐུ་དེ་བཅོམ་ལྡན་འདས་ཀྱི་ཐུགས་ཀ་ནས་བབས་ནས་དེ་བཞིན་གཤེགས་པ་ཐམས་ཅད་ཀྱི་སྤྱན་སྔར་ཟླ་བའི་དཀྱིལ་འཁོར་ལ་
172a
༄#། །གནས་ཏེ་ཡང་བཀའ་ནོད་ཅིང་བཞུགས་སོ། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གིས་དགུག་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་ལྕགས་ཀྱུ་ཞེས་བྱ་བ་དེ་བཞིན་གཤེགས་པ་ཐམས་ཅད་ཀྱི་སྙིང་པོ་འདི་ཉིད་ཀྱི་ཐུགས་ཀ་ནས་ཕྱུང་ངོ ། ཧཱུཾ་ཊ་ཀྐི་ཛཿ ། དེ་ནས་དེ་ཕྱུང་མ་ཐག་ཏུ་འཇིག་རྟེན་གྱི་ཁམས་རབ་འབྱམས་སྤྲིན་རྒྱ་མཚོ་ཐམས་ཅད་ན། འཇིག་རྟེན་གསུམ་གྱི་དབང་པོ་དབང་ཕྱུག་ཆེན་པོ་ལ་སོགས་པ་ཇི་སྙེད་པ་དེ་དག་ཐམས་ཅད་འཇིག་རྟེན་ཐམས་ཅད་ན་གནས་པའི་ཚོགས་ཀྱིས་བསྐོར་བ་མ་ལུས་ཤིང་ལུས་པ་མེད་པ་རྣམས། དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་རྡོ་རྗེའི་ལྕགས་ཀྱུས་བཀུག་ནས་རི་རབ་རིའི་གང་ན་བ་དང ། རྩེ་མོ་རྡོ་རྗེ་དང ། ནོར་བུ་དང ། རིན་པོ་ཆེ་ལས་བྱས་པའི་ཁང་བུ་བརྩེགས་པ་གང་ན་བ་དེར་ལྷགས་ནས། བཅོམ་ལྡན་འདས་ཀྱི་ཁང་བུ་བརྩེགས་པ་རྩེ་མོ་རྡོ་རྗེ་དང ། ནོར་བུ་དང ། རིན་པོ་ཆེ་ལས་བྱས་པ་ཐམས་ཅད་དུ་བསྐོར་ནས་འཁོད་པར་གྱུར་ཏོ། །དེ་ནས་ཕྱག་ན་རྡོ་རྗེ་རང་གི་ཐུགས་ཀ་ནས་རྡོ་རྗེ་དེ་བླངས་ཏེ། གསོར་ཞིང་ཐམས་ཅད་དང་ལྡན་པའི་ཁམས་གསུམ་ཇི་སྙེད་པ་ཐམས་ཅད་
172b
ཀྱི་འཇིག་རྟེན་གསུམ་གྱི་འཁོར་ལོ་ལ་བལྟས་ཏེ་འདི་སྐད་ཅེས་བཀའ་སྩལ་ཏོ། །གྲོགས་པོ་རྣམས། དེ་བཞིན་གཤེགས་པ་ཐམས་ཅད་ཀྱི་བསྟན་པ་ལ་ཞུགས་ལ་ངའི་\?\་བཀའ་ཡང་ཉོན་ཅིག་།དེ་ནས་དེ་དག་གིས་འདི་སྐད་ཅེས་གསོལ་ཏོ། །བདག་ཅག་གིས་ཇི་ལྟར་བསྒྲུབ་པར་བགྱི། བཅོམ་ལྡན་འདས་ཕྱག་ན་རྡོ་རྗེས་གསུངས་པ། སངས་རྒྱས་ཆོས་དང་དགེ་འདུན་ལ། །སྐྱབས་སུ་འགྲོ་བར་བསྒྲུབ་པར་བྱོས། །ཀུན་མཁྱེན་ཡེ་ཤེས་ཐོབ་བྱའི་ཕྱིར། །གྲོགས་པོ་རྣམས་ཀྱིས་བསྒྲུབ་པར་བྱོས། །དེ་ནས་འཇིག་རྟེན་གྱི་ཁམས་འདི་ན་འཇིག་རྟེན་གསུམ་པོ་ཐམས་ཅད་ཀྱི་བདག་པོ་ལྷ་ཆེན་པོ་འཇིག་རྟེན་གསུམ་པོ་ཐམས་ཅད་ཀྱི་བདག་པོར་གྱུར་པ་དྲེགས་ཏེ་ཆེར་ཁྲོས་པར་སྟོན་ཅིང་འདི་སྐད་ཅེས་སྨྲས་སོ། །ཀྱེ།་གནོད་སྦྱིན། ང་ནི་འཇིག་རྟེན་གསུམ་པོ་མཐའ་དག་གི་གཙོ་བོ། དབང་ཕྱུག་ཆེན་པོ། བྱེད་པ་པོ། འཇིག་པ་པོ། འབྱུང་པོ་ཐམས་ཅད་ཀྱི་དབང་པོ། ལྷའི་ཡང་ལྷ་ཆེན་པོ་ཡིན་ན། གནོད་སྦྱིན་ཁྱོད་ཀྱི་ངག་ཅིའི་ཕྱིར་ཉན། དེ་ནས་ཡང་ཕྱག་ན་རྡོ་རྗེས་རྡོ་རྗེ་གསོར་ཞིང་བཀའ་སྩལ་པ། ཀྱེ།་སེམས་ཅན་མ་རུངས་པ། དཀྱིལ་འཁོར་དུ་མྱུར་དུ་ཞུགས་ལ་ངའི་དམ་ཚིག་ལ་ཡང་དག་པར་གནས་པར་གྱིས་ཤིག་།དེ་ནས་ལྷའི་ཡང་ལྷ་ཆེན་པོས་བཅོམ་ལྡན་འདས་ལ་འདི་སྐད་ཅེས་
173a
༄#། །གསོལ་ཏོ། །བཅོམ་ལྡན་འདས། འདི་ལྟ་བུའི་སེམས་ཅན་དབང་ཕྱུག་ཆེན་པོ་ལ་དེ་སྐད་ཅེས་བཀའ་སྩོལ་པ་འདི་སུ་ཞིག་།དེ་ནས་བཅོམ་ལྡན་འདས་ཀྱིས་དབང་ཕྱུག་ཆེན་པོ་ལ་སོགས་པ་འཇིག་རྟེན་གསུམ་གྱི་ཚོགས་ཐམས་ཅད་དང་ལྡན་པ་ལ་བོས་ཏེ་འདི་སྐད་ཅེས་གསུངས་སོ། །གྲོགས་པོ་རྣམས། དཀོན་མཆོག་གསུམ་ལ་སྐྱབས་སུ་འགྲོ་བ་དང ། དམ་ཚིག་དང ། སྡོམ་པ་ལ་བསྒྲུབ་པར་གྱིས་ཤིག་།ཕྱག་ན་རྡོ་རྗེ་འདི་གནོད་སྦྱིན་ཁྲོ་བོ་མ་རུངས་པ་གཏུམ་པའི་བྱང་ཆུབ་སེམས་དཔའ་ཆེན་པོ་སྟེ། །རྡོ་རྗེ་འབར་བས་ཁྱེད་ཁམས་གསུམ་པོ་འདི་དག་ཐམས་ཅད་བརླག་པར་བྱས་ཏ་རེ། དེ་ནས་དབང་ཕྱུག་ཆེན་པོ་འཇིག་རྟེན་གསུམ་པོ་མཐའ་དག་གི་དབང་པོར་གྱུར་པ་དང ། རང་གི་ཤེས་པའི་དབང་གིས་འཁོར་མང་པོ་དང་བཅས་པས་བཅོམ་ལྡན་འདས་ཕྱག་ན་རྡོ་རྗེ་ལ་འཇིགས་པར་བསྟན་པའི་ཕྱིར་ཁྲོ་ཞིང་གཏུམ་པ་ཆེན་པོར་རབ་ཏུ་འཇིགས་པའི་གཟུགས་འབར་བ་ཆེན་པོ་གཏོང་ཞིང ། མ་རུངས་པ་ཆེན་པོས་རྟ་སྐད་དུ་དགོད་པ་རྣམས་བསྟན་ནས་འདི་སྐད་ཅེས་སྨྲས་\?\་སོ། །ཀྱེ།་ང་ནི་འཇིག་རྟེན་གསུམ་པོ་མཐའ་དག་གི་བདག་པོ་བས་ན་ཁྱོད་ཀྱིས་ང་ལ་ཅིའི་ཕྱིར་བཀའ་སྩལ། དེ་ནས་ཕྱག་ན་རྡོ་རྗེས་རྡོ་རྗེ་དེ་བསྙེམས་པ་དང་བཅས་
173b
པས་གསོར་ཞིང་འཛུམ་སྟེ་འདི་སྐད་ཅེས་སྨྲས་སོ། །ཀྱཻ།་ལུས་སྲུལ་པོ། མིའི་ཤ་ཟ་བ། ཟས་སུ་རོ་བསྲེགས་པའི་ཐལ་བ་ཟ་ཞིང་ཁ་ཟས་དང ། མལ་དང ། གོས་ཀྱང་དེ་ལས་བྱེད་པ་ངའི་བཀའ་བཞིན་དུ་བྱོས་ཤིག་།དེ་ནས་ལྷ་ཆེན་པོ་དབང་ཕྱུག་ཆེན་པོས་འཇིག་རྟེན་གསུམ་པོ་མཐའ་དག་དང ། ནམ་མཁའི་ཁམས་རྣམས་ཁྲོ་བ་ཁྲོ་བ་ཆེན་པོས་ནོན་པར་བྱིན་གྱིས་བརླབས་ཏེ་འདི་སྐད་ཅེས་སྨྲས་སོ། །ཁྱོད་ཀྱང་ངའི་བཀའ་ཉོན་ལ་དམ་ཚིག་ཀྱང་ལོངས་ཤིག་།དེ་ནས་ཕྱག་ན་རྡོ་རྗེ་ཁྲོ་བོ་ཆེན་པོའི་རྒྱལ་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ལྷ་ཆེན་པོ་ཞེས་བྱ་བའི་ལྷ་འདི་ནི་རང་གིས་འཚལ་བའི་སྟོབས་ཀྱིས་དྲེགས་པ་དང ། དབང་ཕྱུག་ཆེན་པོའི་དབང་གིས་དེ་བཞིན་གཤེགས་པ་ཐམས་ཅད་ཀྱི་བསྟན་པ་ལ་འདུད་པར་མི་བཏུབ་ན། དེ་ལ་ཇི་ལྟར་བགྱི་བའི་རིགས། དེ་ནས་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་ཕྱུང་བའི་རྡོ་རྗེ་ཆེན་པོའི་དམ་ཚིག་དྲན་པར་བྱས་སོ། །ོཾ་ནི་སུཾ་བྷ་བཛྲ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རྡོ་རྗེའི་སྙིང་པོ་འདི་བརྗོད་དོ། །ཧཱུཾ།་དེ་ནས་དེ་བརྗོད་མ་ཐག་ཏུ་ཁམས་གསུམ་པ་ཐམས་ཅད་ནས་འདུས་པའི་ལྷ་ཆེན་པོ་ལ་སོགས་པ་འཇིག་རྟེན་གསུམ་པོའི་དབང་པོ་
174a
༄#། །ཐམས་ཅད་ཁ་བུབ་ཏུ་འགྱེལ་ཏེ། ཉམ་ཐག་པའི་ཚིག་འབྱིན་ཅིང་བཅོམ་ལྡན་འདས་ཕྱག་ན་རྡོ་རྗེ་ལ་སྐྱབས་སུ་དོང་ངོ ། །ལྷ་ཆེན་པོ་ཞེས་བྱ་བའི་ལྷ་དེ་ནི་ས་ལ་འགྱེལ་ཏེ་དྲན་པ་མེད་པར་གྱུར་ནས་ཤིའོ། །དེ་ནས་བཅོམ་ལྡན་འདས་ཀྱིས་མཁྱེན་བཞིན་དུ་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་དེ་སྐད་ཅེས་བཀའ་སྩལ་ཏོ། །ཕྱག་ན་རྡོ་རྗེ། འཇིག་རྟེན་གསུམ་པོའི་འཁོར་ལོ་འདི་ཐམས་ཅད་ལ་སྐྱབས་སྦྱིན་པ་བྱོས་ཏེ་མ་བསད་ཅིག་།དེ་ནས་ཕྱག་ན་རྡོ་རྗེ་ཁྲོ་བོ་ཆེན་པོའི་རྒྱལ་པོས་བཅོམ་ལྡན་འདས་ཀྱིས་བཀའ་སྩལ་པ་ཐོས་ནས་ལྷ་ཐམས་ཅད་བོས་ནས་འདི་སྐད་ཅེས་གསུངས་སོ། །གལ་ཏེ་ཁྱོད་རང་གི་སྲོག་འདོད་ནས་སངས་རྒྱས་དང ། ཆོས་དང ། དགེ་འདུན་ལ་སྐྱབས་སུ་དོང་ལ་དའི་བཀའ་ཡང་ཉོན་ཅིག་།དེ་ནས་དེ་དག་གིས་འདི་སྐད་ཅེས་གསོལ་ཏོ། །སངས་རྒྱས་དང ། ཆོས་དང ། དགེ་འདུན་ཕྱག་རྒྱའི་ཚོགས་དང་བཅས་པ་ལ་སྐྱབས་སུ་མཆིའོ། །ཁྱོད་ཀྱི་བསྟན་པའི་བཀའ་ནི་བདག་ཅག་གིས་མ་འཚལ་ཏོ། །དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པས་དེ་དག་ལ་བོས་ནས་འདི་སྐད་ཅེས་བཀའ་སྩལ་ཏོ། །ཀྱེ།་ལྷ་རྣམས། འདི་ནི་ངེད་དང ། དེ་བཞིན་གཤེགས་པ་ཐམས་ཅད་ཀྱི་བདག་པོ། དེ་བཞིན་གཤེགས་པ་ཐམས་ཅད་ཀྱི་ཡབ།
174b
དེ་བཞིན་གཤེགས་པ་ཐམས་ཅད་ཀྱི་བཀའ་བཞིན་དུ་བྱེད་པ། དེ་བཞིན་གཤེགས་པ་ཐམས་ཅད་ཀྱི་སྲས་ཀྱི་ཐུ་བོ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོ་སྟེ། སེམས་ཅན་ཐམས་ཅད་གདུལ་བའི་དོན་བྱ་བའི་ཕྱིར་ཁྲོ་བོའི་རྒྱལ་པོ་ཆེན་པོར་དབང་བསྐུར་བའོ། །དེ་ཅིའི་ཕྱིར་ཞེ་ན། ཁྱོད་ཀྱི་ནང་ནའང་ལྷ་ཆེན་པོ་ལ་སོགས་པ་མ་རུངས་པའི་སེམས་ཅན་ཡོད་དོ། །དེ་རྣམས་དེ་བཞིན་གཤེགས་པ་ཐམས་ཅད་ཀྱིས་ཀྱང་ཞི་བར་མཛད་པས་སྡིག་པ་ལས་བཟློག་པར་མི་སྤྱོད་པའི་སྡིག་པའི་སེམས་ཅན་དེ་དག་རྣམས་ཚར་གཅོད་པའི་ཕྱིར་བྱིན་གྱིས་བརླབས་སོ། །དེ་བས་ན་ཁྱེད་རྣམས་འདིའི་དམ་ཚིག་ལ་གནས་པར་བྱོས་ཤིག་པར་བཀའ་སྩལ་ཏོ། །དེ་དག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་གི་སྲོག་ཡལ་བ་ལས་བསྐྱབ་ཏུ་གསོལ། བདག་ཅག་ཀྱང་བཀའ་སྩལ་པ་བཞིན་དུ་བགྱིད་ཅིང་མཆིས། བཅོམ་ལྡན་འདས་ཀྱིས་བཀའ་སྩལ་པ། ཀྱེ། གྲོགས་པོ་རྣམས། འདི་ཉིད་ལ་སྐྱབས་སུ་དོང་དང ། དེ་ཉིད་ཀྱིས་ཀུན་ཏུ་སྐྱོབ་ཀྱི་གཞན་གྱིས་ནི་མ་ཡིན་ནོ། །དེ་ནས་ཁམས་གསུམ་ཀུན་ནས་འདུས་པ་སྲིད་པ་གསུམ་གྱི་བདག་པོ་དེ་རྣམས་བཅོམ་ལྡན་འདས་རྡོ་རྗེ་འཛིན་པ་དེ་ག་ལ་བ་དེ་ལོགས་སུ་བལྟས་ནས་ཉམ་ཐག་པ་ཆེན་པོའི་སྒྲ་མགྲིན་གཅིག་ཏུ་ཕྱུང་ནས་འདི་སྐད་
175a
༄#། །ཅེས་གསོལ་ཏོ། །བཅོམ་ལྡན་འདས། འཆི་བའི་སྡུག་བསྔལ་འདི་ལས་ཀུན་ཏུ་བསྐྱབ་པར་གསོལ། །བདེ་བར་གཤེགས་པ། ཀུན་ཏུ་བསྐྱབ་པར་གསོལ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལྷ་ལ་སོགས་པ་དེ་རྣམས་ལ་པོས་ཏེ་འདི་སྐད་ཅེས་བཀའ་སྩལ་ཏོ། །ཀྱེ། མ་རུངས་པ་རྣམས། ངའི་བསྟན་པ་ལ་ཞུགས་ཤིག་།རྡོ་རྗེ་འབར་བ་འདིས་གཅིག་ཏུ་འབར་བར་བྱས་ནས་ཁྱེད་ཐམས་ཅད་ཀྱང་ཐལ་བར་བྱས་ཏ་རེ། དེ་དག་གིས་འདི་སྐད་ཅེས་གསོལ་ཏོ། །ཁྱེད་ནི་བཅོམ་ལྡན་འདས་ཀུན་ཏུ་བཟང་པོ་དེ་བཞིན་གཤེགས་པ་ཐམས་ཅད་ཀྱི་སེམས་བསྐྱེད་པ། ཞི་བ། དུལ་བ། སེམས་ཅན་ཐམས་ཅད་ལ་ཕན་པར་བཞེད་པ། སེམས་ཅན་ཐམས་ཅད་ལ་མི་འཇིགས་པ་སྩོལ་བ་ལགས་ན། ཅིའི་སླད་དུ་བཅོམ་ལྡན་འདས་ཀྱིས་བདག་ཅག་བསྲེགས་པར་འགྱུར། །དེ་ནས་ཕྱག་ན་རྡོ་རྗེ་ཁྲོ་བོའི་རྒྱལ་པོ་ཆེན་པོས་དེ་དག་ལ་འདི་སྐད་ཅེས་བཀའ་སྩལ་ཏོ། །ཀྱེ།་གྲོགས་པོ་དག་།གང་གིས་དེ་བཞིན་གཤེགས་པ་ཐམས་ཅད་ཀྱི་བཀའ་བཞིན་དུ་བྱེད་པ་དེའི་ཕྱིར་ང་ནི་ཀུན་ཏུ་བཟང་པོ་སྟེ། ཁྱེད་ལྟ་བུའི་སེམས་ཅན་མ་རུངས་པའི་དང་ཚུལ་ཅན་སྡིག་པའི་སེམས་རྣམ་པར་སྦྱང་བའི་ཕྱིར་གལ་ཏེ་ངའི་དམ་ཚིག་ལ་མི་གནས་ན་ཆུད་གཟན་པར་བྱའོ། །གསོལ་པ། དེ་བཞིན་དུ་བགྱིའོ།།
175b
དེ་ནས་བྱག་ན་རྡོ་རྗེ་ཁྲོ་བོའི་རྒྱལ་པོ་ཆེན་པོས་དབང་ཕྱུག་ཆེན་པོ་མ་གཏོགས་པའི་ལྷ་དེ་དག་གཞན་དབུགས་དབྱུང་ཞིང་བསླང་བའི་ཕྱིར་དེ་བཞིན་གཤེགས་པ་ཐམས་ཅད་ཀྱི་སྙིང་པོ་རྡོ་རྗེ་བསླང་བ་ཞེས་བྱ་བ་འདི་སྨྲས་སོ། །ོཾ་བཛྲོད་ཏིཥྛ། དེ་ནས་དེ་སྐད་སྨྲས་མ་ཐག་ཏུ་དབང་ཕྱུག་ཆེན་པོ་མ་གཏོགས་པར་ཁམས་གསུམ་པ་འདུས་པ་སྲིད་པ་གསུམ་གྱི་བདག་པོ་འཁོར་དང་བཅས་པ་དེ་དག་ཐམས་ཅད་ཀུན་བརྒྱལ་བ་ལས་སེམས་དབུགས་ཕྱུང་སྟེ། ལྷའི་བདེ་བ་མྱོང་ཞིང་འཇིགས་ཤིང་བག་ཚ་བ་དང ། བ་སྤུ་ལངས་པ་མེད་པར་གྱུར་ནས་བཅོམ་ལྡན་འདས་ཕྱག་ན་རྡོ་རྗེ་ལ་ལྟ་ཞིང་ལངས་སོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཕྱག་ན་རྡོ་རྗེ་ལ་བཀའ་སྩལ་པ། སེམས་དཔའ་ཆེན་པོ། ལྷའི་དབང་པོ་ལྷ་ཆེན་པོ་འདི་མ་བསླང་ན། འདི་སྲོག་དེ་ཆུད་གཟན་པར་གྱུར་ཏེ་ཅི་རུང ། གསོས་ན་ནི་འདི་འང་སྐྱེས་བུ་དམ་པར་འགྱུར་རོ། །དེ་ནས་ཕྱག་ན་རྡོ་རྗེས་དེ་བཞིན་དུ་བྱའོ་སྙམ་ནས་ཤི་བ་གསོ་བའི་སྙིང་པོ་འདི་སྨྲས་སོ། །བཛྲ་ཨཱ་ཡུཿ ། དེ་ནས་འདི་སྨྲས་མ་ཐག་ཏུ་ལྷ་ཆེན་པོ་ལྷའི་བདག་པོ་ཤི་བ་ལས་སོས་ཏེ་ལྡང་འདོད་ན་ཡང་ལྡང་ནི་མ་ནུས་སོ། །དེ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། ཅི་བདག་ཅག་འདི་ལྟ་བུས་འདུལ་ལམ། བཅོམ་ལྡན་འདས་ཀྱིས་བཀའ་སྩལ་པ། ཁྱོད་སྐྱེས་བུ་ཆེན་པོ་འདིའི་བཀའ་
176a
༄#། །ཉན་པར་མི་འཇུག་ན། ཁྱོད་ལ་འདུལ་བ་འདི་ཉིད་ཡིན་གྱི་ང་མ་ཡིན་ནོ། །དབང་ཕྱུག་ཆེན་པོས་གསོལ་པ། ཅི་བཅོམ་ལྡན་འདས། ཁྱོད་ཀྱིས་མ་རུངས་པའི་སེམས་ཅན་དེ་ལས་སྐྱབས་མཛད་པར་མི་སྤྱོད་དམ། བཅོམ་ལྡན་འདས་ཀྱིས་བཀའ་སྩལ་པ། ངས་འདི་ལས་སྐྱབས་མི་ནུས་སོ། །གསོལ་པ། ཅིའི་སླད་དུ། བཀའ་སྩལ་པ།་དེ་བཞིན་གཤེགས་པ་ཐམས་ཅད་ཀྱི་བདག་པོ་ཡིན་པའི་ཕྱིར་རོ། །གསོལ་པ། བཅོམ་ལྡན་འདས། བཅོམ་ལྡན་འདས་ཀྱིས་བཀའ་སྩལ་པའི་དོན་བདག་གིས་མ་འཚལ་ཏོ། །ཅིའི་སླད་དུ་ཞེ་ན། ཁམས་གསུམ་གྱི་བདག་པོ་དེ་བཞིན་གཤེགས་པ་རྣམས་ལས་གཞན་པའི་བདག་པོ་མཆིས་པར་མ་འཚལ་ན་འདི་སུ་ལགས། དེ་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་ཡང་ལྷ་ཆེན་པོ་ལ་བོས་ཏེ་འདི་སྐད་ཅེས་གསུངས་སོ། །ཀྱེ།་མ་རུངས་པའི་སེམས་ཅན། ངའི་བཀའ་མི་ཉན་ཏམ། དེ་ནས་ལྷ་ཆེན་པོས་རྡོ་རྗེ་སེམས་དཔའི་ཚིག་ཐོས་ནས་འཁྲུགས་ཤིང་ཁྲོས་པར་གྱུར་ཏེ། དེ་ལྟར་བསྒྱེལ་བཞིན་དུ་ཡང་འཇིགས་པ་ཆེན་པོའི་གཟུགས་བསྟན་ཏེ། འདི་སྐད་ཅེས་སྨྲས་སོ། །ང་ཤི་བར་བཟོད་ཀྱི་ཁྱོད་ཀྱི་ངག་མི་ཉན་ཏོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེ་རབ་ཏུ་ཁྲོས་པར་སྟོན་ཅིང་རང་གི་རྐང་པའི་མཐིལ་ནས་
176b
རྡོ་རྗེའི་རྗེས་སུ་སྤྱོད་པ་འདི་ཕྱུང་ངོ ། །ོཾ་པ་ཏ་ཀ་རི་ཥ་ན་བཛྲ་ཧཱུཾ། དེ་ནས་བཅོམ་ལྡན་འདས་ཀྱི་ཞབས་ཀྱི་མཐིལ་ནས་ཀུན་ཏུ་འབར་བའི་རྡོ་རྗེའི་སྙིང་པོ། ཁྲོ་གཉེར་བྱས་པ། མཆེ་བ་ལྷག་གེར་ཕྱུང་བ། གདོང་ཆེན་པོ་རྡོ་རྗེའི་རྗེས་སུ་སྤྱོད་པ་བྱུང་ནས་བཅོམ་ལྡན་འདས་ཕྱག་ན་རྡོ་རྗེའི་སྤྱན་སྔར་བཀའ་ཉན་ཅིང་འདུག་པར་གྱུར་ཏོ། །དེ་ནས་ཕྱག་ན་རྡོ་རྗེས་དབང་ཕྱུག་ཆེན་པོ་སྦྱང་བའི་ཕྱིར་འདི་སྐད་ཅེས་གསུངས་སོ། །ོཾ་པ་ཏ་ཀ་རི་ཥ་ཎ་བཛྲ་ཧཱུཾ། ཨོཾ་པ་ཏ་ཀ་རི་ཤ་།སརྦ་བཛྲ་བྷ་ར་ཨ་ནུ་ཙ་ར་ཀ་ཏ་བཛྲ་ཧཱུཾ་ཛཿ ། དེ་ནས་དེ་སྐད་ཅེས་གསུངས་པ་དང ། ལྷ་ཆེན་པོ་དང ། ལྷ་མོ་ཨུ་མར་བཅས་ཏེ་རྐང་པ་གྱེན་ཀར་བསྟན་ནས་གཅེར་བུར་ཕྱུང་སྟེ། སྐྱེ་བོ་ཐམས་ཅད་ཀྱིས་གད་མོས་བཏབ་ཅིང་རྐང་པས་འགུགས་པ་རྡོ་རྗེའི་རྗེས་སུ་སྤྱོད་པས་དེ་བཀུག་སྟེ། བཅོམ་ལྡན་འདས་ཕྱག་ན་རྡོ་རྗེའི་སྤྱན་སྔར་ཞབས་ཀྱི་དྲུང་དུ་གཞག་གོ་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། སེམས་ཅན་མ་རུངས་པ་མཆིས་བྲང་དང་བཅས་པ་འདི་ཇི་ལྟར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཨོཾ་བཛྲ་ཀྲ་མ་ཧོ།། དེ་ནས་དེ་སྐད་\?\་བཀའ་སྩལ་པ་དང ། བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་ལྷ་ཆེན་པོ་ཞབས་གཡོན་པས་མནན། ཞབས་གཡས་པས་ལྷ་མོ་ཨུ་
177a
༄#། །མའི་ནུ་མའི་སྟེང་དུ་མནན་པས་རང་གི་སྙིང་པོ་འདི་སྨྲས་པ། ཨོཾ་བཛྲ་ཨཱ་བེ་ཤ་ཧ་ན་པ་ཏི་ཏྲ་ཊ། དེ་ནས་དེ་སྨྲས་མ་ཐག་ཏུ་ལྷ་ཆེན་པོ་ལ་བབས་ནས་རང་གི་ལག་པ་སྟོང་གིས་རང་གི་གདོང་སྟོང་ལ་འཚོག་གོ་།དེ་ནས་རྡོ་རྗེའི་ནོར་བུ་རིན་པོ་ཆེའི་རྩེ་མོའི་རྡོ་རྗེ་དང ། ནོར་བུ་དང ། རིན་པོ་ཆེ་ལས་བྱས་པའི་ཁང་བུ་བརྩིགས་པའི་ཕྱི་རོལ་ན་སྲིད་པ་གསུམ་པོ་ཐམས་ཅད་ཀྱིས་ངེད་ཀྱི་དབང་པོ་དེ་བདག་ཉིད་ཆེན་པོ་དེས་བཏུལ་ལོ་ཞེས་སྒྲ་ཆེན་པོ་ཕྱུང་ངོ ། །དེ་ནས་བཅོམ་ལྡན་འདས་ཀྱིས་ལྷ་ཆེན་པོ་ལ་ཐུགས་རྗེ་ཆེན་པོ་བསྐྱེད་དེ། སངས་རྒྱས་ཐམས་ཅད་ཀྱི་བྱམས་པའི་སྙིང་པོ་འདི་གསུངས་སོ། །ོཾ་བུདྡྷ་མཻ་ཏྲི་བཛྲ་རཀྵ་ཧཾ། དེ་ནས་དེ་སྐད་ཅེས་གསུངས་མ་ཐག་ཏུ་ལྷ་ཆེན་པོ་ལ་བབས་པའི་སྡུག་བསྔལ་དེ་ཀུན་ཞི་བར་གྱུར་ཏོ། །དེ་ནས་ཡང་ཕྱག་ན་རྡོ་རྗེའི་ཞབས་ཀྱི་མཐིལ་གྱིས་རེག་པས་བདེ་བ་བླ་ན་མེད་པ་འགྲུབ་པའི་དབང་དང ། ཏིང་ངེ་འཛིན་དང ། རྣམ་པར་ཐར་པ་དང ། གཟུངས་དང ། ཡེ་ཤེས་དང ། མངོན་པར་ཤེས་པ་རྣམས་ཐོབ་པ་ནས། དེ་བཞིན་གཤེགས་པ་ཉིད་དུ་འགྲུབ་པའི་བར་དུ་གྱུར་ཏོ། ། དེ་ནས་ལྷ་ཆེན་པོ་བཅོམ་ལྡན་འདས་ཕྱག་ན་རྡོ་རྗེའི་ཞབས་མཐིལ་གྱིས་རེག་པས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་དང ། གཟུངས་དང ། རྣམ་པར་ཐར་
177b
པའི་བདེ་བ་མྱོང་སྟེ། ལྷ་ཆེན་པོའི་ལུས་ཕྱག་ན་རྡོ་རྗེའི་ཞབས་ལ་ཕུལ་ནས། འོག་གི་འཇིག་རྟེན་གྱི་ཁམས་གང་གཱའི་ཀླུང་སུམ་ཅུ་རྩ་གཉིས་ཀྱི་བྱེ་མ་སྙེད་ཀྱི་འཇིག་རྟེན་གྱི་ཁམས་གྱི་རྡུལ་ཕྲ་རབ་སྙེད་ཀྱི་འཇིག་རྟེན་གྱི་ཁམས་འདས་པ་ན་ཐལ་བས་ཁེབས་པ་ཞེས་བྱ་བའི་འཇིག་རྟེན་གྱི་ཁམས་དེར་ཐལ་བའི་དབང་པོའི་དབྱངས་ཞེས་བྱ་བའི་དེ་བཞིན་གཤེགས་པར་སྐྱེས་སོ། །དེ་ནས་ལྷ་ཆེན་པོའི་ལུས་དེ་ལས་ཆེད་དུ་བརྗོད་པ་འདི་ཕྱུང་ངོ ། །ེ་མའོ་སངས་རྒྱས་ཐམས་ཅད་ཀྱི། །སངས་རྒྱས་ཡེ་ཤེས་བླ་ན་མེད། །ཡི་གེའི་ཚོགས་ཀྱིས་མནན་ནས་སུ། །མྱ་ངན་ལས་ནི་འདས་པར་གཞག་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་ལས་གཞན་པ་མཐུ་ཆེན་པོ་ལ་སོགས་པ་འཇིག་རྟེན་གསུམ་གྱི་བདག་པོ་ཐམས་ཅད་ལ་འདི་སྐད་ཅེས་བཀའ་སྩལ་ཏོ། །གྲོགས་པོ་རྣམས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་གི་དཀྱིལ་འཁོར་ཆེན་པོ་འདིར་ཞུགས་ཤིག་།ཞུགས་ནས་ཀྱང་དེ་བཞིན་གཤེགས་པ་ཐམས་ཅད་ཀྱི་དམ་ཚིག་སྲུངས་ཤིག་།དེ་དག་གིས་འདི་སྐད་ཅེས་གསོལ་ཏོ། །བདག་ཅག་ཇི་སྐད་བཀའ་སྩལ་པ་དེ་བཞིན་དུ་བགྱིའོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་སྲིད་པ་གསུམ་འདུས་པ་དེ་རྣམས་བོས་ཏེ་འདི་སྐད་ཅེས་གསུངས་སོ། །གྲོགས་པོ་རྣམས། ཡང་གསུམ་
178a
༄#། །ལ་སྐྱབས་སུ་འདོང་བ་དང ། བསླབ་པ་དང ། དམ་ཚིག་དང ། སྡོམ་པ་གཟུང་ལ་ངའི་དམ་ཚིག་ལ་ཡང་གནས་པར་གྱིས་ཤིག་།དེ་དག་གིས་གསོལ་པ།་དེ་བཞིན་དུ་འཚལ་ན། བདག་ཅག་གིས་བཅོམ་ལྡན་འདས་ཀྱི་བཀའ་དང་དམ་ཚིག་གློ་བར་མ་ཆུད་དོ། །དེ་ནས་ཕྱག་ན་རྡོ་རྗེས་རང་གི་དམ་ཚིག་འདི་བྱིན་ནོ། །བྱང་ཆུབ་སེམས་ནི་རིམས་བཞིན་དུ། །བསྐྱེད་ནས་དེ་ཡི་འོག་ཏུ་ནི། །བྱང་ཆུབ་ཆེན་པོར་ཅི་ནུས་པར། །ཤིན་ཏུ་མཉམ་གཞག་འབད་པར་བྱ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་ལྷ་ལ་སོགས་པ་དེ་རྣམས་འཇུག་བའི་དམ་ཚིག་ཆེན་པོའི་ཕྱག་རྒྱ་བཅིང་བ་ལ་སོགས་པ་བྱས་ནས་དམ་ཚིག་ཆེན་པོའི་ཕྱག་རྒྱའི་སྙིང་པོ་འདིས་འཆིང་དུ་གཞུག་གོ་།ོཾ་བཛྲ་ས་མ་ཡ་གྲྀཧྣ་སྟྭཾ་བྣྡྷ་ས་མ་ཡ། བཛྲ་སཏྭ་ས་མ་ཡ། མ་ནུ་སྨ་ར། སརྦ་ཏ་ཐཱ་ག་ཏ་ས་མ་ཡ་སྟྭཾ། དྲྀ་ཌྷོ་མ་བྷ་བ། སྠི་རོ་མེ་བྷ་བ། ཨཱ་ཧཱ་རྱོ་མེ་བྷ་བ། ཨ་པྲ་ཏི་ཧཱ་རྱོ་མེ་བྷ་བ། སརྦ་ཀརྨ་སུ་ཙ་མེ་ཙིཏྟཾ་ཤྲི་ཡཿ ཀུ་རུ་ཧཱུཾ། ཧ་ཧ་ཧ་ཧ་ཧོཿ ་དེ་ནས་འདི་སྨྲས་མ་ཐག་ཏུ་ཁམས་གསུམ་གྱི་སྲིད་པ་གསུམ་གྱི་སྐྱེ་བོ་འདས་པ་ཐམས་ཅད་རྡོ་རྗེ་ཁྲོ་བོ་ཏི་རིན་ཏི་རིའི་ཕྱག་རྒྱལ་ག་ཏུ་བབས་ནས་དམ་དུ་བཅིང་བར་གྱུར་ཏོ། །དེ་ནས་ཕྱག་ན་རྡོ་རྗེས་ཚུལ་བཞིན་དུ་བཙུད་ནས་དཀྱིལ་འཁོར་ཆེན་པོ་ཐམས་ཅད་གོ་རིམས་བཞིན་དུ་
178b
བསྟན་ཏེ་རྡོ་རྗེ་རིན་པོ་ཆེའི་དབང་བསྐུར་བས་དབང་བསྐུར་ནས་རྡོ་རྗེའི་མཚན་མའང་ལག་ཏུ་བྱིན་ཏེ། རྡོ་རྗེ་མིང་གི་དབང་བསྐུར་བས་དབང་བསྐུར་ནས་དེ་བཞིན་གཤེགས་པ་ཐམས་ཅད་ཀྱི་སེམས་ཅན་གྱི་དོན་ལ་བཀོད་དོ། །དེ་ནས་འཇིག་རྟེན་གསུམ་གྱི་བདག་པོ་ཐམས་ཅད་ཀྱི་མིང་རྣམས་ཡིན་ཏེ། འདི་ལྟ་སྟེ། དབང་ཕྱུག་ཆེན་པོ་ནི་ཁྲོ་བོའི་རྡོ་རྗེའོ། །མཐུ་བོ་ཆེ་ནི་སྒྱུ་མའི་རྡོ་རྗེའོ། །ཀརྞི་ཀ་སྒྲ་གཞོན་ནུ་ནི་རྡོ་རྗེ་དྲིལ་བུའོ། །ཚངས་པ་ནི་ཐུབ་པའི་རྡོ་རྗེའོ། །དབང་པོ་ནི་རྡོ་རྗེའི་མཚོན་ཆ་སྟེ། དེ་ལ་སོགས་པ་ནི་རིག་པའི་རྒྱལ་པོ་རྣམས་སུ་ཞེས་བྱ་བར་དབང་བསྐུར་ཏོ། །དེ་ནས་བར་སྣང་ལ་སྤྱོད་པའི་བདག་པོ་རྣམས་ལ་རྗེས་སུ་བྱིན་པ་ནི་འདི་ལྟ་སྟེ། ཉི་མ་ནི་རྡོ་རྗེ་འཁྱིལ་བའོ། །ཟླ་བ་ནི་རྡོ་རྗེའི་འོད་དོ། །དབྱིག་པ་ཆེན་པོའི་གཙོ་བོ་ནི་རྡོ་རྗེ་དབྱིག་པའོ། །སེར་སྨུག་ནི་རྡོ་རྗེ་སེར་སྨུག་སྟེ། དེ་ལ་སོགས་པ་ནི་རྡོ་རྗེ་ཁྲོ་བོ་ཞེས་བྱ་བར་དབང་བསྐུར་ཏོ། །དེ་ནས་ནམ་མཁའ་ལ་སྤྱོད་པའི་ལྷའི་དབང་པོ་ཐམས་ཅད་ལ་བྱིན་པ་འདི་ལྟ་སྟེ། སྦྲང་རྩིས་མྱོས་པ་ནི་རྡོ་རྗེའི་གླང་པོའི་སྣའོ། །སྦྲང་རྩིར་བྱེད་པ་ནི་རྡོ་རྗེའི་ཕྲེང་བའོ། །རྒྱལ་བ་ནི་རྡོ་རྗེའི་དབང་ངོ ། །རྒྱལ་བར་བྱེད་པོ་ནི་རྣམ་པར་རྒྱལ་བའི་རྡོ་རྗེ་སྟེ། དེ་ལ་སོགས་པ་ནི་ཚོགས་ཀྱི་གཙོ་བོ་ཞེས་བྱ་བར་དབང་བསྐུར་ཏོ། །དེ་ནས་ས་བླའི་དབང་པོ་ཐམས་ཅད་ལ་བྱིན་པ། འདི་ལྟ་སྟེ། མཛོད་སྐྱོང་ནི་རྡོ་རྗེ་ཐོ་བའོ། །མེ་ནི་རྡོ་རྗེའི་
179a
༄#། །མེའོ། །རླུང་ནི་རྡོ་རྗེའི་རླུང་ངོ ། །ཀུ་བེ་ར་ནི་རྡོ་རྗེ་འཇིགས་པའོ། །དེ་ལ་སོགས་པ་ནི་རྡོ་རྗེ་ཕོ་ཉ་ཞེས་བྱ་བར་དབང་བསྐུར་ཏོ། །དེ་ནས་ས་འོག་གི་དབང་པོ་ལྷ་ཐམས་ཅད་ལ་བྱིན་པ་འདི་ལྟ་སྟེ། ཕག་ནི་རྡོ་རྗེ་ལྕགས་ཀྱུའོ། །གཤིན་རྗེ་ནི་རྡོ་རྗེ་དུས་སོ། །གཙུག་ཕུད་ས་ནི་རྡོ་རྗེ་བགེགས་ཀྱི་གཙོ་བ་འོ། །བ་རུ་ཎ་ནི་ཀླུའི་རྡོ་རྗེ་སྟེ། །དེ་ལ་སོགས་པ་ནི་རྡོ་རྗེ་བྲན་ཞེས་བྱ་བར་དབང་བསྐུར་ཏོ། །དེ་ནས་འཇིག་རྟེན་གསུམ་གྱི་བདག་པོའི་ལྷ་མོ་ཐམས་ཅད་རྡོ་རྗེ་རིན་པོ་ཆེའི་དབང་བསྐུར་བས་དབང་བསྐུར་ཏེ། རང་གི་མཚན་མ་རྡོ་རྗེར་བྱིན་གྱིས་བརླབས་ནས་རྡོ་རྗེ་མིང་གི་དབང་བསྐུར་བས་དབང་བསྐུར་ཅིང ། དེ་བཞིན་ག་ཤེག་པ་ཐམས་ཅད་ཀྱི་སེམས་ཅན་གྱི་དོན་ལ་རབ་ཏུ་བཀོད་པ་ལ་འདི་ལྟ་སྟེ། ཨུ་མ་ནི་ཁྲོ་བོ་རྡོ་རྗེ་མའོ། །རུག་མི་ནྱ་ནི་རྡོ་རྗེ་གསེར་རོ། །ཥ་ཥྚ་ནི་རྡོ་རྗེ་གཞོན་ནུ་མའོ། །ཚངས་མ་ནི་རྡོ་རྗེ་ཞི་མའོ། །དབང་མོ་ནི་རྡོ་རྗེ་ཁུ་ཚུར་ཏེ། དེ་ལ་སོགས་པ་ནི་རྡོ་རྗེའི་རྒྱལ་མོར་དབང་བསྐུར་ཏོ། །དེ་ནས་ནམ་མཁའ་ལ་སྤྱོད་པའི་བུད་མེད་ཐམས་ཅད་ལ་བྱིན་པ་ནི། འདི་ལྟ་སྟེ། མི་འཆི་བ་ནི་རྡོ་རྗེ་མི་འཆི་མ་འོ། །རོ་ཧི་ན་ནི་རྡོ་རྗེ་མདངས་མའོ། །དབྱིག་པ་འཛིན་མ་ནི་རྡོ་རྗེ་དབྱིག་མཆོག་མའོ། །སྐྱེ་བ་འཕྲོག་མ་ནི་རྡོ་རྗེ་སྐེད་འཆིངས་མ་སྟེ། དེ་ལ་སོགས་པ་ནི་ཁྲོ་
179b
མོ་ཞེས་བྱ་བར་དབང་བསྐུར་ཏོ། །དེ་ནས་བར་སྣང་ལ་སྤྱོད་པའི་བུད་མེད་ཐམས་ཅད་ལ་བྱིན་པ་ནི། འདི་ལྟ་སྟེ། གསོད་མ་ནི་རྡོ་རྗེ་འཇུ་མའོ། །ཟ་བ་མ་ནི་རྡོ་རྗེ་ཟ་བ་མའོ། །བགོ་བ་ནི་རྡོ་རྗེ་བགོ་བ་མའོ། །དགའ་བ་ནི་རྡོ་རྗེ་དགའ་བ་མའོ། །དེ་ལ་སོགས་པ་ནི་ཚོགས་ཀྱི་གཙོ་མོར་དབང་བསྐུར་ཏོ། །དེ་ནས་ས་ལ་སྤྱོད་པའི་བུད་མེད་ཐམས་ཅད་ལ་བྱིན་པ་ནི། འདི་ལྟ་སྟེ། ཞི་བ་མ་ནི་རྡོ་རྗེ་ཕོ་ཉ་མའོ། །རླུང་ནི་མགྱོགས་མའི་རྡོ་རྗེ་མའོ། །མེ་ནི་རྡོ་རྗེ་འབར་མའོ། །ཀུ་བེ་ར་མ་ནི་རྡོ་རྗེའི་འཁོར་མ་སྟེ། །དེ་ལ་སོགས་པ་ནི་རྡོ་རྗེ་ཕོ་ཉ་མོར་དབང་བསྐུར་ཏོ། །དེ་ནས་ས་འོག་ན་གནས་པའི་བུད་མེད་ཐམས་ཅད་ལ་བྱིན་པ་ནི། འདི་ལྟ་སྟེ། ཕག་མོ་ནི་རྡོ་རྗེ་ཁའོ། །ཙ་མུཎྚི་ནི་རྡོ་རྗེ་དུས་མའོ། །སྣང་ཆེན་མ་ནི་རྡོ་རྗེ་རུལ་པ་མའོ། །བ་རུ་ན་མ་ནི་རྡོ་རྗེ་ཆུ་སྲིན་མ་སྟེ། དེ་ལ་སོགས་པ་ནི་རྡོ་རྗེ་བྲན་མོར་དབང་བསྐུར་ཏོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ཞུགས་པ་དེ་དག་ཐམས་ཅད་སངས་རྒྱས་ཀྱི་ཡེ་ཤེས་རྣམས་བསྐྱེད་ནས་ཕྱག་རྒྱ་བཅིང་བ་ཐམས་ཅད་ལ་བསླབས་ཏེ། རྡོ་རྗེའི་དམ་ཚིག་མནའི་སྙིང་པོ་འདི་བྱིན་ནོ། །རྡོ་རྗེ་འདི་ནི་རྡོ་རྗེ་ཆེ། །སངས་རྒྱས་ཀུན་གྱིས་བྱིན་གྱིས་བརླབས། །དམ་ཚིག་འདི་ལས་འདས་ན་ནི། །རིགས་རྣམས་མྱུར་དུ་ཐལ་བར་བྱེད། །ོཾ་ཧ་ན་ས་མ་ཡ་ཧཱུཾ་ཕཊ། དེ་ནས་སྙིང་པོ་གཟུང་བར་བྱ་བའི་ཕྱག་རྒྱ་འདི་བྱིན་ཏོ། །རྡོ་རྗེ་ཕྱག་རྒྱ་གཉིས་
180a
༄#། །བཅིངས་ཏེ། །མཛུབ་མོ་ལྕགས་ཀྱུར་བཅིངས་ནས་ནི། །གཅུ་ཞིང་ཕྱིར་ཡང་གཅུ་བར་བྱ། །དགོས་པའི་དོན་སེམས་གང་ཡིན་པ། །དེ་ཡི་མདུན་དུ་ཁྱེད་རྣམས་ནི། །དགོས་པར་གྲུབ་ཕྱིར་འདུག་པར་བྱོས། །ཁྱོད་ཀྱི་སྲོག་ནི་མ་རུངས་པར། །དམ་ཚིག་འདིས་ནི་གྱུར་ཏ་རེ། །རྡོ་རྗེ་བཅིང་བ་དམ་བྱས་ཏེ། །མཛུབ་མོ་བཀུག་ནས་རབ་ཏུ་མནན། །མཐེ་བོད་གཉིས་ཀ་མཚམས་སྦྱར་བས། །གུང་མོ་གཉིས་ཀ་རབ་ཏུ་མནན། །རྡོ་རྗེ་རིག་པ་འཛིན་པ་ཡི། །དམ་ཚིག་ཕྱག་རྒྱ་བཅིངས་པ་ལས། །གལ་ཏེ་འགའ་ཡིས་འདས་གྱུར་ན། །དམ་ཚིག་འདིས་ནི་ཁྱོད་གསོད་དོ། །རྡོ་རྗེའི་ཕྱག་རྒྱ་གཉི་ག་ཡི། །མཐེའུ་ཆུང་སོར་མོ་བཅིངས་ནས་ནི། །མཛུབ་མོ་སོར་མོའི་རྒྱབ་ནས་མདུད། །བཟློག་སྟེ་མགོ་བོར་གཞག་པར་བྱ། །བདག་ཉིད་ཆེ་བའི་དམ་ཚིག་སྟེ། །རྡོ་རྗེ་རིག་འཛིན་བཅིངས་ནས་ནི། །ཁྲོས་ཏེ་གང་ལ་བལྟས་ན་ནི། །དེ་ཡི་མདུན་དུ་དེ་བཞིན་འདུག་།རྡོ་རྗེ་བསྡམས་པའི་རྡོ་རྗེ་ཡིས། །བསྲུང་བ་དམ་བཅིངས་མནན་པ་ནི། །དེ་ནི་སྲུང་བའི་དམ་ཚིག་སྟེ། །སེམས་ཅན་ཐམས་ཅད་སྲུང་བའོ། ། གང་ཞིག་གང་ལ་བསྐྱབ་པའི་ཕྱིར། །ཁྲོ་བོར་ལྡན་པས་བཅིངས་ནས་ནི། །སེམས་ཅན་གང་ལ་བསྲུང་བ་ཡི། །དེ་ཡི་རྒྱབ་ཏུ་འདུག་པར་བྱོས། །རྡོ་རྗེའི་ཕྱག་རྒྱ་གཉིས་
180b
བཅིངས་ཏེ། །གཡོན་པའི་རྡོ་རྗེ་མཛུབ་མོ་ལ། །མཐེའུ་ཆུང་གིས་ནི་བསྡམ་བྱས་ཏེ། །གཅུ་ཞིང་སླར་གཅུ་དྲ་བཀྲོལ་ནས། །སྦྱི་བོར་མཉམ་ཞུགས་གང་ཡིན་པའི། །དམ་ཚིག་འདི་ཡང་སྦྱར་བྱས་ན། །ཁྱེད་ཀྱིས་དེ་ཡི་མདུན་དུ་ནི། །དངོས་གྲུབ་ཀུན་གྱི་མཆོག་ཕྱིར་འཁོད། །རྡོ་རྗེ་བཅིང་བ་སྤྲེལ་པ་ནི། །མཛུབ་མོ་གཉིས་ཀ་དམ་པོར་སྦྱར། །མཐེ་བོ་གུང་མོའི་རྩེ་མོ་གཉིས། །རྡོ་རྗེའི་ཕྱག་རྒྱར་བཅིངས་ནས་ཀྱང ། །བཟློག་སྟེ་དཔྲལ་བར་གཞག་པར་བྱ། །གལ་ཏེ་གསོད་པར་འདོད་ན་ནི། །དགུག་པར་བྱ་བ་གང་ཡིན་པ། །དེ་ཡི་མདུན་དུ་རྟག་ཏུ་འདུག་།དེ་ནས་འཇིག་རྟེན་གསུམ་པོ་མཐའ་དག་གི་སྙིང་པོ་འཛིན་པའི་དམ་ཚིག་གི་ཕྱག་རྒྱའི་དམ་ཚིག་འཛིན་པའི་སྙིང་པོ་འདི་ཡིན་ཏེ། ཨོཾ་བ་ལི་ཏོད་བ་ལི་ཏ་བཛྲ་ཨཱ་གཪྵ་ཡ་ཧཱུཾ་ཛ་ཛ། རྡོ་རྗེ་གཅུ་བའི་ཕྱག་རྒྱ་ལྷ་དགུག་པའི་སྙིང་པོའོ། །ོཾ་བཛྲ་ཨ་གྲ་དི་པ་ཡ་ས་མ་ཡེ་ཧཱུཾ། བར་སྣང་ན་སྦྱོད་པ་རྣམས་ཀྱིའོ། །ོཾ་བཛྲ་མཱ་ལ་ཨ་གྲ་བཾ། ཕྲེང་བ་ཅན་རྣམས་གྱིའོ། །ོཾ་བཛྲ་བནྡྷ་ཧཾ། ས་ལ་སྦྱོད་པ་རྣམས་ཀྱིའོ། །ོཾ་བཛྲ་པཱ་ཏཱ་ལ་བྷཉྫ་བྷཉྫ་ཧཱུཾ་ཕཊ། སའི་འོག་ན་གནས་པ་རྣམས་ཀྱིའོ། །ོཾ་ཧེ་རུ་ཀ་བཛྲ་ས་མ་ཡ་སྲྦ་དུཥྜ་ས་མ་ཡ་མུ་དྲའ་བྷཉྫ་ཀ་ཧཱུཾ་ཕཊ། བུད་མེད་ཐམས་ཅད་ཀྱིའོ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་
181a
༄#། །གསོལ་ཏོ། །བཅོམ་ལྡན་འདས། བདག་ནི་དེ་བཞིན་གཤེགས་པ་ཐམས་ཅད་ཀྱིས་མ་རུངས་པ་འདུལ་བ་པོར་དབང་བསྐུར་ན། བཅིངས་པའི་དཀྱིལ་འཁོར་མ་རུངས་པ་དེ་དག་ཐམས་ཅད་ཇི་ལྟར་བསྒྲུབ་པར་བགྱི་བ་ལེགས་པར་བཀའ་སྩལ་བར་གསོལ། དེ་ནས་བཅོམ་ལྡན་འདས་ཀྱིས་དེ་སྐད་གསན་ནས་འདི་སྐད་ཅེས་བཀའ་སྩལ་ཏོ། །ོཾ་བཛྲ་སུཾ་བྷ་ནི་སུཾ་བྷ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་སེམས་ཅན་ཐམས་ཅད་ལ་བསྐྱབ་པའི་ཕྱིར་དཀྱིལ་འཁོར་ཐམས་ཅད་དགུག་པའི་སྙིང་པོ་འདི་གསུངས་སོ། །ོཾ་བཛྲ་ས་མ་ཡ་ཨཱ་ཀཪྵ་ཡ་སརྦ་མཎྜ་ལ་མ་བཛྲ་དྷ་ར་སཏྱ་མཱ་ཏི་ཀྲ་མ་ཧཱུཾ་ཕཊ། རྡོ་རྗེ་ལྕགས་ཀྱུ་གཉིས་བཅིངས་ཏེ། །སྙིང་གར་ཡོངས་སུ་བསྐོར་བར་བྱ། །མཛུབ་གཉིས་ལྕགས་ཀྱུས་ཕྱི་རོལ་གྱི། །དཀྱིལ་འཁོར་དགུག་པ་མཆོག་ཡིན་ནོ། །དེ་ནས་འདི་བཤད་མ་ཐག་ཏུ་དཀྱིལ་འཁོར་ཐམས་ཅད་རི་རབ་རིའི་རྩེ་མོའི་ཕྱི་རོལ་ཀུན་ཏུ་བསྐོར་ཏེ་འཁོད་དོ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་དཀྱིལ་འཁོར་འདུས་པ་དེ་དག་ཐམས་ཅད་ལ་བོས་ཏེ་འདི་སྐད་ཅེས་གསུངས་སོ། །ཀྱེ།་གྲོགས་པོ་དག་།སྲོག་གཅོད་པ་དག་སྤངས་ཤིང་དམ་ཚིག་གཟུང་བ་ལ་བསྒྲུབ་པར་གྱིས་ཤིག་།དེ་ནས་ཕྱི་རོལ་གྱི་དཀྱིལ་
181b
འཁོར་གྱི་དམ་ཚིག་གི་སེམས་ཅན་དེ་དག་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་ཤ་འཚལ་བ་མ་རུངས་པའི་སེམས་ཅན་ལགས་པས་མདངས་འཕྲོག་པ་ལ་སྲོག་ལྟོས་ན། བཅོམ་ལྡན་འདས་བདག་ཅག་ཇི་ལྟར་འཚོ་བར་བགྱི་བ་དེ་བཀའ་སྩོལ་ཅིག་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་མ་རུངས་པའི་རྡོ་རྗེ་ཁྲོ་བོ་འདི་གསུངས་སོ། །ོཾ་དུཥྚ་བཛྲ་ཀྲོ་དྷ་ཧ་ན་ད་ཧ་པ་ཙ་བི་དྷྭ་ན་ས་ཡ་བི་ཀ་རི། སརྦ་དུཥྚ་ས་མ་ཡ་མུ་དྲཱ་མཎྜལ། བྷཉྫ་བྷཉྫ། མརྡྷ་མརྡྷ། ཁཱ་ད་ཁཱ་དས། པ་ར་མནྟ་བཛྲ་ས་མ་ཡ་ཧཱུཾ་ཕཊ། རྡོ་རྗེ་ཁྲོ་མཛུབ་ལེགས་བར་ནཾ། །སེན་མོ་སྤྲད་དེ་དཀྲིས་ནས་ཀྱང ། །རྩེ་མོ་གཉིས་ནི་དམ་སྦྱར་བ། །ཕྱག་རྒྱ་འདི་ནི་མ་རུངས་འཇོམས། །དེ་ནས་འདི་སྨྲས་མ་ཐག་ཏུ་མ་རུངས་པའི་དཀྱིལ་འཁོར་ཐམས་ཅད་གཅིག་ཏུ་འདུས་པ་རྣམ་པ་དུ་མས་གཙེ་ཞིང་དྲལ་བ་དང ། དམ་ཚིག་གི་ཕྱག་རྒྱ་བཅིངས་པའང་དྲལ་ཏོ། ། མ་རུངས་པའི་དམ་ཚིག་གི་སེམས་ཅན་དེ་རྣམས་ཡང་བསྲེག་ཅིང་ཤིན་ཏུ་གཙོས་པས་འོ་དོད་ཆེར་འབོད་ཅིང་ཕོངས་པའི་སྒྲ་ཆེར་ཕྱུང་སྟེ། བཅོམ་ལྡན་འདས་རྡོ་རྗེ་འཛིན་པ་ཆེན་པོ་ག་ལ་བ་དེར་ཐལ་མོ་སྦྱར་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་སྲོག་དང་མི་འབྲལ་བར་སྐྱབས་མཛད་དུ་གསོལ། དེ་ནས་ཕྱག་ན་རྡོ་རྗེས་
182a
༄#། །ཡང་བཅོམ་ལྡན་འདས་ལ་འདི་སྐད་ཅེས་ཏོ། །བཅོམ་ལྡན་འདས་མ་རུངས་པའི་དཀྱིལ་འཁོར་དེ་རྣམས་ཇི་ལྟར་བགྱི་བ་བདག་ལ་བཀའ་སྩལ་དུ་གསོལ། དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཨོཾ་ནི་སུཾ་བྷ་ཧ་ན་ད་ཧ་བ་ཙ་གྲྀཧྞ་བནྡྷ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་རྡོ་རྗེས་ཁྲོ་བོ་མི་བཟད་པ་འདི་གསུངས་སོ། །ོཾ་མཧཱ་བཛྲ་ཁུ་ར་ཀྲོ་དྷ་པ་ཏ་ཡ་སརྦ་དུཥྚ་ལཾ་མནྟ། བི་ནཱ་ཤ་ཡ་སརྦ་དུཥྚ་ས་མ་ཡཾ་བྷི་ག་ཀི་ར་བི་དྷྭ་ན་ས་ཡ་སྥོ་ཊ་ཡ་བྷཉྫ་ཡ་སརྦ་དུཥྟ་ས་མ་ཡ་མུ་དྲཱ་བནྡྷ་གྲྀཧྞ་ཧ་ན་ད་ཧ་པ་ཙ་སརྦ་དུཥྚ་ས་མ་ཡ་ས་ཏྭཾ་བཛྲ་ས་མ་ཡ་ཧཱུཾ་ཕཊ། དེ་ནས་གསུངས་མ་ཐག་ཏུ་མ་རུངས་པའི་དམ་ཚིག་དང ། ཕྱག་རྒྱ་དང ། དཀྱིལ་འཁོར་ཐམས་ཅད་ཀྱང་གཅིག་ཏུ་གྱུར་ནས་རྒྱ་མཚོ་ཆེན་པོར་ལྟུང་ངོ ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་བདག་ལ་མ་རུངས་པ་ཐམས་ཅད་ཐུལ་ཅིག་ཅེས་བཀའ་སྩལ་ན། ཕྲ་མེན་མ་དང ། གདོན་ལ་སོགས་པ་གནོད་པ་དེ་དག་ཐམས་ཅད་ལ་བདག་གིས་ཇི་ལྟར་བགྱི། དེ་ནས་བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། །ོཾ་ཧ་ན་ཧ་ན་བཛྲ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་
182b
ཡང་ཕྲ་མེན་མ་ལ་སོགས་པ་གདོན་མ་རུངས་པ་ཐམས་ཅད་འགུགས་པའི་སྙིང་པོ་འདི་གསུངས་སོ། །ོཾ་བཛྲ་ཨཱ་ཀཪྵ་ཡ་ཤྲཱི་གྷྲཾ་སརྦ་དུཥྚ་གྲ་ཧཾ། བཛྲ་དྷ་ར་ས་ཏྭན་ཧཱུཾ་ཛ། དེ་ནས་དེ་སྨྲས་མ་ཐག་ཏུ་ཕྲ་མེན་མ་ལ་སོགས་པ་གདོན་མ་རུངས་པ་ཐམས་ཅད་རི་རབ་ཀྱི་རྩེ་མོའི་ཕྱི་རོལ་བསྐོར་ཏེ་འཁོད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ཕྲ་མེན་མ་ལ་སོགས་པ་གདོན་མ་རུངས་པ་ཐམས་ཅད་ལ་བོས་ནས་འདི་སྐད་ཅེས་གསུངས་སོ། །ཀྱེ་བཟོད་ལྡན་རྣམས། སྲོག་གཅོད་པ་སྤང་བའི་བསླབ་པ་དང ། དམ་ཚིག་དང ། སྡོམ་པ་གཟུང་བར་བྱོས་ཤིག་།རྡོ་རྗེ་འོད་འཕྲོ་བ་དང ། རབ་ཏུ་འབར་བ་དང ། གཅིག་པུ་འབར་བས་གྱུར་པས་ཁྱོད་ཀྱི་རིགས་རྣམས་མ་ལུས་པར་བསྲེགས་ཏ་རེ། དེ་ནས་ཕྲ་མེན་མ་ལ་སོགས་པའི་གདོན་མ་རུངས་པ་ཐམས་ཅད་བཅོམ་ལྡན་འདས་ག་ལ་བ་དེར་ཐལ་མོ་སྦྱར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་ཤ་འཚལ་བ་ན་ཇི་ལྟར་བགྱི་བ་བཀའ་སྩལ་དུ་གསོལ། དེ་ནས་བཅོམ་ལྡན་འདས་ཀྱིས་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ཕྱག་ན་རྡོ་རྗེ། སེམས་ཅན་འདི་དག་རྣམས་ལ་སྙིང་རྗེ་ཆེན་པོ་བསྐྱེད་ལ་ཐབས་སྦྱིན་བསྒྲུབ་པར་གྱིས་ཤིག། དེ་ནས་ཕྱག་ན་རྡོ་རྗེའི་ཐུགས་རྗེ་ཆེན་པོས་སེམས་ཅན་ཐམས་ཅད་འཆི་བའི་མཚན་མ་
183a
༄#། །ཤེས་པའི་ཡེ་ཤེས་ཀྱི་ཕྱག་རྒྱ་དང ། སྙིང་པོ་འདི་གསུངས་སོ། །ོཾ་བཛྲ་པྲ་ཏི་གྲྀཧྞ་ཧྲྀ་ད་ཡ་མཱ་ཀཪྵ་ཡ། ཡད་ཏྱ་ཡཾ་མ་ཏོ་མཱ་མངྷཱ་ར་དྷེ་ན་མི་ཡ་ཏེ། ཏདྱ་སྱ་ཧྲྀད་ཡ་ནི་སྐྲ་མི་དུ་ས་མ་ཡ་ཧཱུཾ་ཛཿ ། དེ་ནས་དེའི་ཕྱག་རྒྱ་བཅིང་བ་བཤད་དོ། །སྙིང་གར་རྡོ་རྗེ་ལག་ངར་གཉིས། །ཤིན་ཏུ་དམ་པར་བཅིངས་ནས་ནི། །རྡོ་རྗེ་མཛུབ་མོའི་རྩེ་མོ་ཡིས་།རང་གི་མཆན་ཁུང་བྲུད་པར་བྱ། །ཁྱེད་རྣམས་ཀྱིས་ཕྱག་རྒྱ་འདིས་སེམས་ཅན་ཐམས་ཅད་ཀྱི་སྙིང་རུས་ལ་ཟོ་ཞིག་།དེ་ནས་ཕྲ་མེན་མ་ལ་སོགས་པ་མ་རངས་པའི་གདོན་ཐམས་ཅད་དགའ་བའི་སྒྲ་ཕྱུང་ནས་མཆོངས་རྒལ་བྱས་ཏེ་རང་གི་གནས་སུ་དོང་ངོ ། །དེ་ནས་བཅོམ་ལྡན་འདས་ཕྱག་ན་རྡོ་རྗེས། བཅོམ་ལྡན་འདས་ལ་ཡང་འདི་སྐད་ཅེས་གསོལ་ཏོ། །བཅོམ་ལྡན་འདས། །དེ་བཞིན་གཤེགས་པ་ཐམས་ཅད་ཀྱིས་མ་རུངས་པ་འདུལ་བ་ལགས་པར་བདག་ལ་བཀའ་སྩལ་ན། བཅོམ་ལྡན་འདས་རིམས་ལ་སོགས་པའི་ནད་དེ་རྣམས་ལ་ཇི་ལྟར་བགྱི། བདག་ལ་བཀའ་སྩོལ་ཅིག། དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཨོཾ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རིམས་ལ་སོགས་པའི་ནད་དགུག་པའི་ཕྱག་རྒྱ་དང ། སྙིང་པོ་འདི་གསུངས་པ། ཨོཾ་བཛྲ་ས་མ་ཡ་ཨཱ་ན་ཡ་སརྦ་དུ་ཥྚ་ཛྭ་ར་དྷ་ནི་ནཱ་ཤ་ཡ་ཧཱུཾ་ཕཊ། དེ་ནས་འདི་
183b
གསུངས་མ་ཐག་ཏུ་རིམས་ལ་སོགས་པའི་ནད་ཐམས་ཅད་རི་རབ་ཀྱི་རིའི་རྩེ་མོའི་ཕྱི་རོལ་ཏུ་བསྐོར་ཏེ་འཁོད་དོ། །དེ་ནས་ཕྱག་ན་རྡོ་རྗེས་རིམས་ལ་སོགས་པའི་ནད་འདི་རྣམས་ལ་བོས་ཏེ། འདི་སྐད་ཅེས་གསུངས་སོ། །ཀྱེ་བཟོད་ལྡན་རྣམས། །སེམས་ཅན་གསོད་པ་ལས་ལྡོག་པའི་བསླབ་པ་གཟུང་བའི་སྡོམ་པ་ལོངས་ཤིག། དེ་དག་གིས་གསོལ་བ། བཅོམ་ལྡན་འདས། །བདག་ཅག་ནི་སེམས་ཅན་གྱི་མདངས་ཕྲོགས་ཏེ་འཚོ་བར་བགྱིད་ན། དེ་བཅོམ་ལྡན་འདས་བདག་ཅག་ཇི་ལྟར་བགྱི། ལེགས་པར་བཀའ་སྩོལ་ཅིག། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་ལས་རྣམ་པར་དག་པར་འགྱུར་བའི་ཡེ་ཤེས་ཀྱི་ཕྱག་རྒྱའི་སྙིང་པོ་འདི་གསུངས་སོ། །ོཾ་བཛྲ་ཀརྨྨ་བི་ཤོ་དྷ་ཡ་སརྦ་ཨཱ་བ་རཱ་ཎ་ནི་བུདྡྷ་ས་ཏྱེ་ན་ས་མ་ཡ་ཧཱུཾ། དེ་ནས་ཕྱག་རྒྱ་བཅིང་བ་བཤད་དོ། །རྡོ་རྗེ་ཐལ་མོ་དམ་སྤྱར་ཏེ། །མཛུབ་མོ་གཉིས་ཀ་བཀུག་ནས་ཀྱང ། །མཐེ་བོར་མཉམ་ཏེ་སྦྱར་ནས་ནི། །མནན་པ་འདི་ནི་སྡིག་འཕྲོག་པ། །ཕྱག་རྒྱ་འདི་རིམས་ལ་སོགས་པའི་ནད་ཐམས་ཅད་ཀྱི་གང་ལ་བཏབ་པ་ལ། ལས་བྱས་ལ་བསྟན་ན་དེ་ཁྱེད་རྣམས་ཀྱིས་ཐོངས་ཤིག། ཁྱེད་ཅག་སྲོག་དང་བྲལ་ལ་རེ། །དེ་ནས་དེ་རྣམས་དེ་བཞིན་དུ་བགྱིའོ་ཞེས་གསོལ་ཏེ་སླར་དོང་ངོ ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ལ་འདི་སྐད་
184a
༄#། །ཅེས་གསོལ་ཏོ། །བཅོམ་ལྡན་འདས་རྣམས་ཀྱིས་བདག་སྒྲིབ་པ་ཐམས་ཅད་བསལ་བ་དང ། ལས་ཀྱི་སྒྲིབ་པ་ཐམས་ཅད་རྣམ་པར་སྦྱང་བའི་སླད་དུ་ཉིད་ཀྱི་ཐུགས་ཀ་ནས་ཕྱུང་ན་དེ་ལ། བཅོམ་ལྡན་འདས། སེམས་ཅན་དམྱལ་བ་ལ་སོགས་པ་ངན་སོང་དེ་རྣམས་ཐམས་ཅད་ཇི་ལྟར་བགྱི་བ་བདག་ལ་བཀའ་སྩལ་དུ་གསོལ ། བཅོམ་ལྡན་འདས་ཀྱིས་བཀའ་སྩལ་པ། ཨོཾ་ཀྵ་པ་ཡ་བཛྲ་སཝཱཧཱ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དུ་འབོད་ལ་སོགས་པ་ངན་སོང་གི་འགྲོ་བའི་འཁོར་ལོ་ཐམས་ཅད་དགུག་པའི་སྙིང་པོ་འདི་གསུངས་སོ། །ོཾ་སརྦ་ཨ་པ་ཡ་ཨཱ་ཀཪྵ་ཎ་བི་ཤོ་དྷ་ན་བཛྲ་ས་མ་ཡ་ཧཱུཾ་ཕཊ། དེ་ནས་འདི་གསུངས་མ་ཐག་ཏུ་དུ་འབོད་ཆེན་པོ་ལ་སོགས་པ་ངན་སོང་ན་གནས་པ་རྣམས་རི་རབ་ཀྱི་རིའི་རྩེ་མོའི་ཕྱི་རོལ་ཏུ་བསྐོར་ཏེ་འཁོད་དོ། །དེ་ནས་བྱང་ཆུབ་སེམས་ཆེན་པོ་ཕྱག་ན་རྡོ་རྗེས་ངན་སོང་གི་སར་ལྟུང་བའི་སེམས་ཅན་དེ་དག་ཐམས་ཅད་ལ་བོས་ནས་འདི་སྐད་ཅེས་གསུངས་སོ། །ཀྱེ་བཟོད་ལྡན་རྣམས། །དཀོན་མཆོག་གསུམ་ལ་སྐྱབས་སུ་འགྲོ་བ་དང ། དམ་ཚིག་དང ། སྡོམ་པ་དང ། ངན་སོང་ཐམས་ཅད་ལས་ཐར་བའི་ཕྱག་རྒྱ་དང ། །སྙིང་པོ་ཟུངས་ཤིག། དེ་ནས་དེ་དག་གིས་མགྲིན་གཅིག་ཏུ་འདི་སྐད་ཅེས་གསོལ་ཏོ། །བཅོམ་ལྡན་འདས། །བདག་ཅག་སྡུག་
184b
བསྔལ་གྱིས་གཟིར་བ་འདི་ལས་བསྐྱབ་ཏུ་གསོལ། བཅོམ་ལྡན་འདས། བདག་ཅག་རྣམས་སངས་རྒྱས་དང ། ཆོས་དང ། དགེ་འདུན་དང ། ཁྱོད་ལ་སྐྱབས་སུ་མཆིའོ། །དེ་ནས་ཕྱག་ན་རྡོ་རྗེས་ངན་སོང་ཐམས་ཅད་འཇོམས་པ་ཞེས་བྱ་བའི་སྙིང་པོ་འདི་གསུངས་སོ། །ོཾ་བཛྲ་པཱ་ཎི་བི་སྥོ་ཊ་ཡ་སརྦ་ཨ་པ་ཡ་བནྡྷ་ན་ནི་པྲ་མོ་ཀྵ་ཡ། སརྦཱ་བཱ་ཡ་ག་ཏེ་བྷྱཿ ་སརྦ་སཏྭཾ་སརྦ་ཏ་ཐཱ་ག་ཏ་བཛྲ་ས་མ་ཡ་ཏྲཱཊ། དེ་ནས་དེའི་ཕྱག་རྒྱ་བཅིངས་པ་བཤད་དོ། །རྡོ་རྗེ་བཅིང་བ་དམ་བཅས་ཏེ། གུང་མོ་གཉིས་ཀ་སྦྱར་ནས་སུ། །ཐ་མ་བཞི་ནི་རྩེ་མོ་སྦྱར། །སྡིག་པ་འཇོམས་པར་གྲགས་པ་ཡིན། །དེ་ནས་ངན་སོང་གསུམ་གྱི་འཁོར་ལོ་ན་གནས་པའི་སེམས་ཅན་ཐམས་ཅད་ཕྱག་ན་རྡོ་རྗེའི་ཕྱག་རྒྱ་འདི་མཐོང་ནས་ངན་སོང་ཐམས་ཅད་ནས་ཤི་འཕོས་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཞབས་དྲུང་དུ་སྐྱེས་སོ། །ངན་སོང་དེ་རྣམས་ཀྱང་རྒྱ་མཚོ་ཆེན་པོར་བོར་རོ། །དེ་ནས་ཡང་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། །སེམས་ཅན་གྱི་ཁམས་མ་ལུས་ཤིང་ལུས་པ་མེད་པའི་སྐྱབས་དང ། ཕན་པ་དང ། བདེ་བ་ཐམས་ཅད་མྱོང་བར་བགྱི་བ་ནས་དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་ཀྱི་གྲུབ་པ་དམ་པའི་འབྲས་བུའི་ཐོབ་པར་བྱ་བའི་བར་དུ་འཚོལ་ཅིག་པར་བདག་ལ་
185a
༄#། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གྲུབ་པའི་རྡོ་རྗེ་སྩལ་ཏེ། དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་ན། མི་འདི་རྣམས་ཇི་ལྟར་བགྱི་བ་དེ་བཞིན་གཤེགས་པ་ཐམས་ཅད་ཀྱིས་བཀའ་སྩོལ་ཅིག། དེ་བཞིན་གཤེགས་པ་ཐམས་ཅད་ཀྱང་གཅིག་ཏུ་འདུས་ནས་འདི་སྐད་ཅེས་བཀའ་སྩལ་ཏོ། །ོཾ་བཛྲ་པཱ་ཎི་མཧཱ་མཎྜ་ལཾ་པྲ་བེ་ཤ་ཡ་སརྦ་དུཥྚ་རོ་ཏྲནྣི་བ་ར་ཡ་པྲ་བེ་བྱ་པྲ་མ་ཤ་ཡ་ཏྲུ་ར་དྲྀ་ཥྚ་པརྱ་བཾ་མཾ། བི་ཤོ་དྷ་ཡ་ནཱ་ཤ་ཡ་བི་ནཱ་ཤ་ཡ། ཧ་ཧ་ཧ་ཧ་ཧཱུཾ། དེ་ནས་དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པའི་ཚིག་དེ་ཐོས་ནས་སེམས་ཅན་གྱི་ཁམས་མ་ལུས་ཤིང་ལུས་པ་མེད་པར་བསྐྱབ་པ་དང ། ཕན་པ་དང ། བདེ་བ་ཐམས་ཅད་དང ། དངོས་གྲུབ་དམ་པ་ནས་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་དང ། མངོན་པར་ཤེས་པའི་འབྲས་བུ་ཐོབ་པར་བགྱི་བའི་བར་དུ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཆེན་པོའི་དམ་ཚིག་ལས་བྱུང་བ་འཇིག་རྟེན་གསུམ་ལས་རྣམ་པར་རྒྱལ་བ་ཞེས་བྱ་བའི་དཀྱིལ་འཁོར་ཆེན་པོ་འདི་བཤད་དོ། །དེ་ནས་རབ་ཏུ་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །རྡོ་རྗེ་དབྱིངས་དང་འདྲ་བ་ཡི། །དངོས་གྲུབ་ཐམས་ཅད་བྱེད་པའི་མཆོག། འཇིག་རྟེན་གསུམ་ལས་རྒྱལ་ཞེས་བྱ། །རྡོ་རྗེ་དམ་ཚིག་ལས་བྱུང་བ། །སངས་རྒྱས་
185b
བྱང་ཆུབ་འབྱིན་བྱེད་པའི། །མ་རུངས་ཐམས་ཅད་རྣམ་པར་འཇིག། དེ་ལ་སྔགས་འདིས་སྲད་བུ་བྲེ་བར་བྱའོ། །ོཾ་བཛྲ་ས་མ་ཡ་སཱུ་ཏྲཾ། མཱ་ཏྲི་ཀྲ་མ་ཧོ། །གྲུ་བཞིར་བྱ་ཞིང་སྒོ་བཞིར་དོད།། རྟ་བབས་བཞིས་ཀྱང་རབ་ཏུ་བརྒྱན། །སྲད་བུ་བཞི་དང་ལྡན་པ་སྟེ། །དར་དང་ཕྲེང་བས་ཤིན་ཏུ་བརྒྱན། །དཀྱིལ་འཁོར་ཀུན་གྱི་གྲཝ་རྣམས་སུ། །སྒོ་ཁྱུད་གྱི་ནི་མཚམས་རྣམས་སུ། །རྡོ་རྗེ་རིན་ཆེན་བརྒྱན་པར་ནི། །དཀྱིལ་འཁོར་ཕྱི་རིམ་སྲད་བུ་བྲེ། །ཤེས་རབ་ཅན་གྱིས་དེ་ནང་དུ། །རྡོ་རྗེ་རིན་ཆེན་གྱིས་བརྒྱན་ཏེ། །གྲུ་བཞི་པ་ལ་སྒོ་བཞི་པ། །ཀ་བ་བརྒྱད་དང་རྟ་བབས་བཅས། རྡོ་རྗེ་ཀ་བའི་གནས་མཆོག་ཏུ། །དཀྱིལ་འཁོར་ལྔ་ཡིས་བརྒྱན་བྱས་ཏེ། །དེ་ལྟར་དཀྱིལ་འཁོར་སྲད་བུ་བྲེ། །སྲད་བུ་བྲེས་པར་ཚོན་རྩིས་དགང་པ། །དེ་ལ་ཚོན་ལ་བཟླས་པ་ནི་འདིའོ།། ཨོཾ་བཛྲ་ཅི་ཏྭ་ས་མ་ཡ་ཧཱུཾ། དེ་ནས་དབུས་སུ་འདུག་ནས་ནི། །རྡོ་རྗེ་སློབ་དཔོན་མཉམ་གཞག་པས། །རྡོ་རྗེ་སྒོ་ནི་རྣམ་བཞི་པོ། །ཡིད་ཀྱིས་བུ་ནི་དབྱེ་བར་བྱ། །དེ་ལ་སྒོ་རྣམས་དབྱེ་བའི་སྔགས་ནི་འདིའོ། །ོཾ་བཛྲོད་གྷ་ཊ་ཡ་ས་མ་ཡ་པྲ་བེ་ཤ་ཡ་ཧཱུཾ། གསེར་རམ་དངུལ་ལས་བྱས་པའམ། །ས་ཡང་རུང་སྟེ་ལེགས་བྲིས་པའི། །ཕ་གུ་གྲུ་བཞིར་བྱས་པ་ལ། །སངས་རྒྱས་གཟུགས་ནི་གཞག་པར་བྱ། །དེ་ལ་དེ་བཞིན་གཤེགས་པ་ཐམས་ཅད་སྤྱན་དྲང་བའི་སྙིང་པོ་ནི་འདི་ཡིན་ནོ། །ོཾ་བཛྲ་ཛྭ་ལ་ཨགྣི་བྲ་དཱིཔྟ་ཨཱ་ཀཪྵ་ཡ་སརྦ་ཏ་ཐཱ་ག་ཏཱ་ནཱཾ། མཧཱ་བཛྲ་
186a
༄#། །ས་མ་ཡ་ཧཱུཾ་ཛཿ ། སངས་རྒྱས་སྤྱན་སྔར་རྡོ་རྗེ་ནི། །འབར་བས་བསྐོར་བས་གཞག་པར་བྱ། །དེ་བཞིན་རིན་ཆེན་འོད་བསྐོར་བ། །པདྨ་རྡོ་རྗེ་ཀུན་དེ་བཞིན།། དེ་ནས་རྡོ་རྗེ་དམ་ཚིག་གི་ཕྱག་རྒྱ་རྣམས་དགོད་པའི་སྙིང་པོ་འདི་ཡིན་ནོ། །ོཾ་ས་ཏྭ་བཛྲི་ཛྭཱ་ལ་མཱ་ལཱ་ཧཱུཾ་ཕཊ། ཨོཾ་རཏྣ་བཛྲ་ཛྭཱ་ལ་མཱ་ལཱ་ཧཱུཾ་ཏྲཱཾ། ཨོཾ་དྷརྨ་བཛྲི་ཛྭཱ་ལ་མཱ་ལཱ་ཧཱུཾ་ཧྲཱིཿ ་ཨོཾ་ཀརྨ་བཛྲི་ཛྭཱ་ལ་མཱ་ལཱ་ཧཱུཾ་ཨཿ ། རྡོ་རྗེ་ཤུགས་ཀྱིས་བརྒལ་ནས་ནི། །སངས་རྒྱས་སྤྱན་སྔར་དེ་བཞིན་དུ། །ཤེས་པས་ཆོ་ག་བཞིན་བྲི་བ། །རྡོ་རྗེ་ཧཱུཾ་ཞེས་དཀྱིལ་འཁོར་རོ། །དེ་ལ་རྡོ་རྗེ་ཤུགས་ཀྱི་སྙིང་པོ་ནི་འདི་ཡིན་ནོ། །ོཾ་བཛྲ་བེ་གཱ་ཀྲ་མ་ཧཱུཾ། འདི་བཞིན་དུ་རྡོ་རྗེ་དབྱིངས་ཀྱི་དཀྱིལ་འཁོར་ལ་སོགས་པའི་དཀྱིལ་འཁོར་ཐམས་ཅད་ལ་ཡང་སྲད་བུ་ལ་བརྒལ་ཏེ་ཐམས་ཅད་དུ་འགྲོ་བར་བྱའོ། །དེ་ནས་དེའི་ཕྱག་རྒྱ་འདི་བཤད་དོ། །ཡིད་ཀྱིས་རི་མོ་བཏེག་ནས་ནི། །རྡོ་རྗེ་སྲད་བུའམ་གཞན་ཡང་རུང ། །ཕྱིར་ཕྱུང་ནང་དུ་ཞུགས་ཀྱང་ནི། ། དམ་ཚིག་འགལ་བར་དེ་མི་འགྱུར། །དེ་ཡི་དབུས་སུ་སེམས་དཔའ་ཆེ། །ཕྱག་ན་རྡོ་རྗེ་བྲི་བ་ནི། །ུཏྤལ་ཆེ་སྔོ་འཚེར་བའི་མདོག་།རྡོ་རྗེ་ཧཱུཾ་ཞེས་བྱ་བར་འདུས། །མཆེ་བ་ཅུང་ཟད་ཕྱུང་བའི་ཞལ། །ཁྲོ་དང་བཅས་པར་འཛུམ་པའི་ཞལ། །གཡོན་བརྐྱང་ཚུལ་དུ་བཞུགས་པ་སྟེ། །འབར་བའི་ཕྲེང་བས་དཀྲིགས་པའི་འོད། །གཡོན་པའི་ཞབས་
186b
ཀྱི་མཐིལ་གྱིས་ནི། །དབང་ཕྱུག་ཆེན་པོ་མནན་པར་བྱ། །གཡས་པའི་ཞབས་ཀྱིས་ཨུ་མ་ཡི། །ནུ་མའི་སྟེང་དུ་མནན་པར་བྲི། །དེ་ཡི་སྙིང་པོ་ནི་འདི་ཡི་ཡིན་ནོ། །ཧཱུཾ། དེ་ཡི་ཕྱོགས་ནི་ཐམས་ཅད་དུ། །རྡོ་རྗེ་ཁྲོ་བོ་བཞག་པ་ནི། །ཁྲོས་བས་མཆེ་བ་ཕྱུང་བ་ནི། །འབར་བའི་ཕྲེང་བས་དཀྲིགས་པའི་འོད། །དེ་ནས་དེ་དག་གི་སྙིང་པོ་རྣམས་ནི་འདི་རྣམས་ཡིན་ནོ། །ོཾ་བཛྲ་སཏྭ་ཀྲོ་དྷ་ཧཱུཾ་ཕཊ། ཨོཾ་བཛྲ་ཀྲོ་དྷ་ཨཱ་བེ་ཤ་ཡ་ཧཱུཾ་ཕཊ། ཨོཾ་ཀརྨ་ཀྲོ་དྷ་རཱ་ག་ཡ་ཧཱུཾ་ཕཊ། ཨོཾ་བཛྲ་དུཥྚི་ཀྲོ་དྷ་སཱ་དྷཱུ་སཱ་བྷུ་ཧཱུཾ་ཕཊ། དཀྱིལ་འཁོར་དམ་པ་གཉིས་པར་ནི། །རྡོ་རྗེ་ཤུགས་ཀྱིས་བརྒལ་ནས་ཀྱང ། །དེར་ནི་རྡོ་རྗེར་དབང་བསྐུར་བ། རྡོ་རྗེ་ཁྲོ་བོས་བསྐོར་བར་བྲི། །དེ་ནས་དེ་རྣམས་ཀྱི་སྙིང་པོ་འདི་བཤད་དོ། །ཏྲཾ་ཨོཾ་བཛྲི་བྷྲི་ཀུ་ཊཱི་ཀྲོ་དྷ་ཧ་ར་ཧ་ར་ཧཱུཾ་ཕཊ། ཨོཾ་བཛྲ་སཱུརྱ་མྷཱ་ཛྭཱ་ལ་མཱ་ལཱ་ཀྲོ་དྷ་ཛའྭ་ལ་ཡ་སརྦྦཾ་ཧཱུཾ་ཕཊ། ཨོཾ་བཛྲ་ཀྲོ་དྷ་ཀེ་ཏུ་དེ་ཧི་ཧཱུཾ་ཕཊ། ཨོཾ་བཛྲ་ཧཱ་ས་ཀྲོ་དྷ་ཧ་ཧ་ཧ་ཧ་ཧཱུཾ་ཕཊ། དཀྱིལ་འཁོར་དམ་པ་གསུམ་པར་ནི། །རྡོ་རྗེ་ཤུགས་ཀྱིས་བརྒལ་ནས་ཀྱང ། རྡོ་རྗེ་སྡེ་ནི་བྲི་བར་བྱ། །ཁྲོ་བོ་བདག་ཉིད་ཆེན་པོར་བསྐོར། །དེ་ནས་དེ་རྣམས་ཀྱི་སྙིང་པོ་འདི་བཤད་དོ། །ཧྲཱིཿ ་ཨོཾ་བཛྲ་དྷརྨ་ཀྲོ་དྷ་བི་ནཱ་ཤ་ཡ་བི་ཤོ་དྷ་ཡ་ཧཱུཾ་ཕཊ། ཨོཾ་བཛྲ་ཏཱིཀྵྞ་ཀྲོ་དྷ་ཙྪིནྡ་ཙྪིནྡ་ཧཱུཾ་ཕཊ། ཨོཾ་བཛྲ་ཧེ་ཏུ་ཀྲོ་དྷ་པྲ་པེ་ཤ་ཡ་མཎྚ་ལེ་སརྦ་ཧཱུཾ་ཕཊ། ཨོཾ་བཛྲ་ཀྲོདྷ་བྷཱ་ཥེ་བ་ཏ་བ་ཏ་ཧཱུཾ་ཕཊ། དཀྱིལ་འཁོར་དམ་པ་བཞི་པར་ནི། །རྡོ་རྗེ་ཤུགས་ཀྱིས་བརྒལ་ནས་ཀྱང ། །རྡོ་
187a
༄#། །རྗེ་དབབ་པ་བྲི་བྱ་བ། །རྡོ་རྗེ་ཁྲོ་བོའི་ཚོགས་ཀྱིས་བསྐོར། །དེ་ནས་དེ་རྣམས་ཀྱི་སྙིང་པོ་འདི་བཤད་དོ། །ཱཿ ་ཧཱུཾ་བཛྲ་ཀརྨ་ཧཱུཾ་ཕཊ། ཨོཾ་བཛྲ་ཀ་བ་ཙ་ཀྲོ་དྷ་རཀྵ་ཧཱུཾ་ཕཊ། ཨོཾ་བཛྲ་ཡཀྵ་ཀྲོ་དྷ་ཁཱ་ད་ཁཱ་ད་ཧཱུཾ་ཕཊ། ཨོཾ་བཛྲ་ཀྲོ་དྷ་མུཥྚི་སཱ་དྷ་ཡ་ས་མ་ཡ་ཧཱུཾ་ཕཊ། དཀྱིལ་འཁོར་གྱི་ནི་གྲཝ་རྣམས་སུ། །རྡོ་རྗེ་དབྱིངས་ཀྱི་ཚུལ་བཞིན་དུ། །ཇི་ལྟར་གོ་རིམས་བཞིན་དུ་ནི། །གསང་བའི་མཆོད་པ་ཀུན་བྲིའོ། །དེ་ནས་དེ་དག་གི་སྙིང་པོའི་ཕྱག་རྒྱ་འདི་ཡིན་ནོ། །ོཾ་བཛྲ་ལཱ་སྱེ་རཱ་ག་ཡ་ཧཱུཾ་ཕཊ། ཨོཾ་བཛྲ་མཱ་ལེ་ཨ་བྷི་ཥིཉྩ་ཧཱུཾ་ཕཊ། ཨོཾ་བཛྲ་གཱི་ཏེ་གཱ་ཏ་གཱ་ཏ་ཧཱུཾ་ཕཊ། ཨོཾ་བཛྲི་ནརྀ་ཏྱེ་བ་ཤི་ཀུ་རུ་ཧཱུཾ་ཕཊ། དཀྱིལ་འཁོར་དམ་པའི་ཕྱི་རོལ་ཏུ། །རྡོ་རྗེ་ཤུགས་ཀྱིས་བརྒལ་ནས་ཀྱང ། །དེ་ཡི་གྲཝ་རྣམས་ཉིད་དུ་ནི། །མཆོད་པའི་ལྷ་མོ་བཞི་རྣམས་བཞག། དེ་ནས་དེ་རྣམས་ཀྱི་སྙིང་པོ་ནི་འདི་ཡིན་ནོ། །ོཾ་བཛྲ་དྷུ་པེ་པཱུ་ཛཱ་སྥ་ར་ཎ་ས་མ་ཡེ་ཧཱུཾ་ཕཊ། ཨོཾ་བཛྲ་པུཥྤེ་པཱུ་ཛཱ་སྥ་ར་ཎ་ས་མ་ཡེ་ཧཱུཾ་ཕཊ། ཨོཾ་བཛྲ་ཨཱ་ལོ་ཀེ་པཱུ་ཛཱ་སྥ་ར་ཎ་ས་མ་ཡེ་ཧཱུཾ་ཕཊ། ཨོཾ་བཛྲ་གནྡྷེ་པཱུ་ཛཱ་སྥར་ཎ་ས་མ་ཡེ་ཧཱུཾ་ཕཊ། སྒོ་རྣམས་བཞི་ཡི་དབུས་སུ་ནི། །ལྕགས་ཀྱུ་ལ་སོགས་གཞག་པར་བྱ། །དཀྱིལ་འཁོར་ཕྱི་རོལ་གནས་རྣམས་སུ། ། ཕྱི་ཡི་རྡོ་རྗེའི་རིགས་རྣམས་སོ། །དེ་ནས་དེ་དག་གི་སྙིང་པོ་རྣམས་བཤད་དོ། །ོཾ་བཛྲ་ཨངྐུ་ཤ་མཧཱ་ཀྲོ་དྷ་ཨཱ་ཀཪྵ་ཡ་སརྦ་ས་མ་ཡཾ་ཧཱུཾ་ཛཿ ་ཨོཾ་བཛྲ་པཱ་ཤ་མཧཱ་ཀྲོ་དྷ་པྲ་བེ་ཤ་ཡ་སརྦ་
187b
ས་མ་ཡཾ་ཧཱུཾ་ཧཱུཾ། ཨོཾ་བཛྲ་སྥོ་ཊ་མཧཱ་ཀྲོ་དྷ་བནྡྷ་བནྡྷ་སརྦ་ས་མ་ཡཾ་ཧཱུཾ་བཾ། ཨོཾ་བཛྲ་ཨཱ་བེ་ཤ་མཧཱ་ཀྲོ་དྷ་ཨ་བེ་ཤ་ཡ་སརྦ་ས་མ་ཡཾ་ཧཱུཾ་ཨཿ ། དེ་ནས་ཡང་འདིར་འཇིག་རྟེན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོའི་ཆོ་ག་རྒྱས་པར་བཤད་དོ། །དེ་ལ་དང་པོ་ཉིད་དུ་རྡོ་རྗེ་སློབ་དཔོན་བདག་ཉིད་ཀྱིས་རྡོ་རྗེ་ཁྲོ་བོ་ཏི་རིན་ཏི་རིའི་ཕྱག་རྒྱས་བཅིངས་ཏེ་བཞུགས་ཤིང་ཞུགས་ནས་དེ་བཞིན་གཤེགས་པ་ཐམས་ཅད་ལ་གསོལ་བ་བཏབ་སྟེ། བཅོམ་ལྡན་འདས། །བདག་ནི་དེ་བཞིན་གཤེགས་པ་ཐམས་ཅད་ཀྱི་ཁྲོ་བོའི་དབང་དུ་མཆིས་ཏེ་ཚར་བཅད་པར་རིགས་པ་རྣམས་ནི་ཚར་བཅད་དོ། །བསྡུ་བར་རིགས་པ་རྣམས་ནི་བསྡུ་བ་ན་དེ་ནི་ཇི་ལྟར་བགྱི་བ་བཅོམ་ལྡན་འདས་རྣམས་ཀྱིས་བདག་ལ་བཀའ་སྩལ་དུ་གསོལ་ཞེས་བྱས་ནས། རྡོ་རྗེ་ཁྲོ་བོ་ཏི་རིན་ཏི་རིའི་ཕྱག་རྒྱ་རང་གི་སྙིང་གར་ཇི་ལྟ་བ་བཞིན་དུ་བཞག་སྟེ། རྡོ་རྗེ་ལྕགས་ཀྱུ་ལ་སོགས་པས་ལས་བྱས་ནས་ཡང་དམ་ཚིག་གི་ཕྱག་རྒྱ་ཐམས་ཅད་བཅིངས་ཤིག་དང ། དེས་ན་ཐམས་ཅད་བྱོན་པར་འགྱུར་རོ། །དེ་ནས་ཡང་གསང་བའི་མཆོད་པ་བཞི་བྱས་ནས་བདུག་པ་ལ་སོགས་པའང་དེ་བཞིན་ནོ། །དེ་ནས་ཆོ་ག་འདིས་རྡོ་རྗེ་སློབ་མ་ཆུག་ཅིག། རྡོ་རྗེ་སློབ་དཔོན་དེ་རང་གིས་ཁྲོ་བོ་རྡོ་རྗེ་ཏི་རིན་ཏི་རིའི་ཕྱག་རྒྱ་བཅིངས་ཏེ་སློབ་མ་ལའང་སྙིང་པོ་འདི་དག་འཆིང་དུ་ཆུག་ཅིག་།ོཾ་གྲྀཧཎ་བཛྲ་ས་མ་ཡ་ཧཱུཾ་བཾ། དེ་ནས་གོས་སྔོན་
188a
༄#། །པོ་བགོས་ལ་གཙུག་ཏོར་སྔོན་པོས་བཅིངས་ཏེ་དར་སྔོན་པོས་གདོང་དཀྲིས་ལ་སྔགས་འདིས་ཆུག་ཅིག། ཨོཾ་བཛྲ་ས་མ་ཡ་ཡཾ་པྲ་བེ་ཊཱ་མེ། དེ་ནས་བཅུག་སྟེ་རྡོ་རྗེ་དབབ་པའི་དམ་ཚིག་གི་ཕྱག་རྒྱ་དང ། སྙིང་པོ་འདིས་དེ་ལ་དབབ་པར་གྱིས་ཤིག་།ོཾ་བཛྲ་ཨཱ་པེ་ཤ་ཨཱཿ ། དེ་ནས་བབས་ནས་དེ་ལྟར་བབས་པའི་ཕྱིར་དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་སོ། །འདས་པ་དང ། མ་འོངས་པ་དང ། ད་ལྟར་བྱུང་བ་ཐམས་ཅད་ཀྱང་སྐད་ཅིག་གིས་ཤེས་སོ། །གནོད་པའང་མེད་པར་འགྱུར་རོ། ། སེམས་ཅན་ཐམས་ཅད་ཀྱིས་མི་ཚུགས་པར་འགྱུར་རོ། །ཧཱུཾ་ཞེས་བྱ་བས་ཀྱང་སེམས་ཅན་ཐམས་ཅད་ལ་ཚར་བཅད་པ་དང ། ཕན་གདགས་པ་བྱེད་ནུས་པར་འགྱུར་རོ། ། ལག་ན་རྡོ་རྗེ་ཡང་རྟག་ཏུ་དེའི་དགོས་པ་ཐམས་ཅད་སྒྲུབ་བོ། །དེ་ནས་མནའི་སྙིང་པོ་བྱིན་ཅིག། དེ་ནས་གདོང་གཡོགས་པ་དཀྲོལ་ཏེ་དཀྱིལ་འཁོར་ཆེན་པོ་ཇི་ལྟ་བ་བཞིན་དུ་སྟོན་ཅིག་།དཀྱིལ་འཁོར་ཆེན་པོ་མཐོང་བ་ཙམ་གྱིས་སྡིག་པ་ཐམས་ཅད་ལས་གྲོལ་བར་འགྱུར་རོ། །འཇིག་རྟེན་གསུམ་པོ་མཐའ་དག་ལས་རྣམ་པར་རྒྱལ་བར་ནུས་པར་འགྱུར་རོ། །ཧཱུཾ་ཞེས་བྱས་པས་ལྷ་ཆེན་པོ་ལ་སོགས་པ་ལྷ་ཐམས་ཅད་དགུག་པ་དང ། གཞུག་པ་དང ། བཅིང་བ་དང ། དབང་དུ་བྱ་བ་དང ། མནན་པར་ནུས་
188b
པར་འགྱུར་རོ། །དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱིས་ཀྱང་བཅོམ་ལྡན་འདས་བྱང་ཆུབ་སེམས་དཔའ་ཕྱག་ན་རྡོ་རྗེས་རྟག་ཏུ་ཕྱི་བཞིན་འབྲང་ཞིང་རང་གི་དངོས་གྲུབ་སྦྱིན་པར་མཛད་དོ། །དེ་ནས་དེ་ལ་རྡོ་རྗེའི་དབང་བསྐུར་བས་དབང་བསྐུར་ཏོ། །རང་གི་མཚན་མ་རྡོ་རྗེ་རྣོན་པོ་ཇི་ལྟ་བ་བཞིན་དུ་སྔགས་འདིས་ལག་པ་གཉིས་སུ་སྦྱིན་ནོ། །ོཾ་བཛྲ་པཱ་ཎི་བཛྲ་ཀརྨ་ཀ་རོདྦྷ་བ། དེ་ནས་སྔགས་འདིས་རྡོ་རྗེ་མིང་གིས་དབང་བསྐུར་ཏོ། །ོཾ་བཛྲ་ཀྲོ་དྷ་ཏྭཾ་ཨ་བྷི་ཥིཉྩ་མི། བཛྲ་ནཱ་མ་ཨ་བྷི་ཥེ་ཀ་ཏ་ཧེ་བཛྲ་ནཱ་མ། དེ་ནས་གང་ལ་མིང་བཏགས་པ་དེ་ལ་ཀྱེ་ཞེས་བྱ་བའི་སྒྲ་དང་སྦྱར་བར་བྱའོ། །དེ་ནས་ཡེ་ཤེས་རྣམས་བསྐྱེད་དེ། །རྡོ་རྗེ་ཁྲོ་བོ་མཉམ་གཞག་ནས། །འབར་བ་མང་པོའི་འོད་ཅན་གྱི། །རྡོ་རྗེའི་དབྱིབས་ནི་སྙིང་གར་བསམ། ། སྐྱེ་བོ་ཀུན་ལ་འབེབས་པར་བྱེད། །རྡོ་རྗེ་ཁྲོ་བོར་མཉམ་གཞག་ནས། །དཔྲལ་བར་རྡོ་རྗེ་རིན་ཆེན་ཡང ། །དེ་བཞིན་དུ་ནི་བསམས་བྱས་ན། །སེམས་ཅན་ཐམས་ཅད་དབང་དུ་བྱེད། ། རྡོ་རྗེ་ཁྲོ་བོར་མཉམ་གཞག་ནས། །འབར་བའི་ཕྲེང་བ་མང་པོའི་འོད། །རྡོ་རྗེ་པདྨ་མགུལ་དུ་བསམ། །སེམས་ཅན་ཐམས་ཅད་བརླག་པར་བྱེད། །རྡོ་རྗེ་ཁྲོ་བོ་མཉམ་གཞག་ནས།། འབར་བའི་ཕྲེང་བ་མང་པོའི་འོད། །རྡོ་རྗེ་ཐམས་ཅད་སྤྱི་བོར་བཞག་།སྐྱེ་བོ་འདི་དག་ཐམས་ཅད་སྲུང ། །དེ་ནས་ཡེ་ཤེས་ཀྱི་ཕྱག་རྒྱ་འདི་རྣམས་ཀྱི་སྙིང་པོ་ནི་འདི་དག་ཡིན་ནོ། །ཧཱུཾ་སརྦ་
189a
༄#། །བཛྲ་ཀྲོ་དྷ་ཨ་བེ་ཤ་ཨཿ ། ཧོ་རཏྣ་བཛྲ་ཀྲོ་དྷ་བྷ་ཥ་མ་ནཱ་ཡ་ཏྲཾ་ཧཱུཾ། བཛྲ་དྷརྨཱ་ཀྲོ་དྷ་ནཱ་ཤ་ཡ་ཧཱུཾ་ཕཊ། ཧཱུཾ་ཀརྨ་བཛྲ་ཀྲོ་དྷ་རཀྵ། །དེ་ནས་ལྷ་ཐམས་ཅད་དགུག། པའི་ཡེ་ཤེས་ཀྱི་ཕྱག་རྒྱ་བསླབ་བོ། །ཧཱུཾ་ཞེས་བྱ་བ་བཅིངས་ནས་ནི། །ལག་པ་རྡོ་རྗེ་ལྕགས་ཀྱུར་བསམ། །ཁྲོས་ནས་མཛུབ་མོ་བསྐུལ་ནས་ནི། ལྷ་རྣམས་འགུག་པའི་མཆོག་ཏུ་འགྱུར། །རང་གི་རྐང་མཐིལ་དབུས་སུ་ནི། །རྡོ་རྗེ་ལྕགས་ཀྱུ་བྲིས་ནས་སུ། །དེ་ཉིད་ཀྱིས་ནི་རྟག་མནན་ན། །ལྷ་རྣམས་ངེས་པ་ཉིད་དུ་འགུག། །རྡོ་རྗེའི་ལྕགས་ཀྱུ་ཉིད་ཕྱག་རྒྱ།། ལེགས་པར་ཕྱི་སྟེ་བཞག་ནས་སུ། །བསྐུལ་ན་ཨུ་མ་ལ་སོགས་པ། །བུད་མེད་ཐམས་ཅད་འགུགས་པར་འགྱུར། །རྡོ་རྗེ་ལྕགས་ཀྱུ་བཞག་པ་ནི། །མཛུབ་མོ་ཉིད་དུ་དེ་བཞིན་ཏེ།། དེས་མནན་ལྷ་ཡི་གང་ཡིན་པ། །དེ་ནི་འགུགས་པའི་དམ་པའོ། །དེ་དག་གི་སྙིང་པོ་ནི་འདི་ཡིན་ནོ། །ོཾ་བཛྲ་ཀྲོ་དྷ་ཨཱ་ཀཪྵ་ཡ་ཧཱུཾ་ཕཊ། ཨོཾ་བཛྲ་ཀརྨ་ཨཾ་ཀུ་ཤ་ཀྲོ་དྷ་ཨཱ་ཀཪྵ་ཡ་ཧཱུཾ་ཕཊ། ཨོཾ་བཛྲ་ཀྲོ་དྷ་དཎྚ་ཨ་གྲ་ཨཱ་ཀཪྵ་ཡ་ཧཱུཾ་ཕཊ། ཨོཾ་བཛྲ་ཀྲོ་དྷ་སཾ་གྩྪ་ཨཱ་ཀཪྵ་ཡ་མི་ཏེ་བཛྲ་ས་མ་ཡ་མ་ནུ་སྨ་ར་ཧཱུཾ་ཕཊ། དེ་ནས་ཕྱག་རྒྱ་རྣམ་བཞིའི་ཡེ་ཤེས་བསླབ་བོ། །བརྐྱང་ཞིང་བསྐུམ་པས་གནས་ནས་སུ། །རྡོ་རྗེ་དབབ་པའི་ཚུལ་གྱིས་ནི། །ཧཱུཾ་ཙམ་གྱིས་ཀྱང་སྐད་ཅིག་གིས། །སྐྱེ་བོ་ཐམས་ཅད་འབེབས་པར་བྱེད། །རྡོ་རྗེ་དག་ནི་ལེགས་པར་སྨྲས།།
189b
ཧཱུཾ་ཞེས་བྱ་བ་བཞི་ལྡན་པ། །སངས་རྒྱས་ཀུན་གྱི་སྙིང་པོ་ཡིས། །ཐམས་ཅད་ཀྱང་ནི་ངེས་པར་འགུག། རྡོ་རྗེ་ཁྲོ་བོར་མཉམ་གཞག་ནས། རྡོ་རྗེ་ཁྲོ་བོའི་ལྷ་མཆོག་གིས། །སྐྱེ་བོ་ཀུན་གྱི་གསོས་བྱེད་དེ། །རྡོ་རྗེ་ཧཱུཾ་གི་རྣལ་འབྱོར་ཏོ། །ཡིད་ཀྱིས་ལུས་ལ་གོ་བགོ་བ། །བདག་གམ་ཕ་རོལ་རྣམས་ལ་སྟེ། །གོ་ཆ་ཆེན་པོའི་སྦྱོར་བས་ནི། །སྐྱེ་བོ་འདི་དག་ཐམས་ཅད་སྲུང ། །དེ་ནས་དེ་རྣམས་ཀྱི་སྙིང་པོ་ནི་འདི་དག་ཡིན་ནོ། །ོཾ་བཛྲ་ཀྲོ་དྷ་ཀཱ་ཡཱ་བེ་ཤཱ་ཡ་ཧཱུཾ་ཕཊ། ཨོཾ་བཛྲ་བིདྱོཏྟ་མ་མྷཱ་ཀྲོ་དྷ་ཨཱ་ན་ཡ་ཧོ་བྷ་ག་བཱཾ་བཛྲ་ཧཱུཾ་ཕཊ། ཨོཾ་བཛྲ་ཀྲོ་དྷ་ཏིཥྛ་ཧ་ན་ད་ཧ་པ་ཙ་བི་ནཱ་ཤཱ་ཡ་ཧཱུཾ།་ཀ་རེ་ཎ་པཱ་ཏ་ཡ་བཛྲ་ས་མ་ཡ་ཧཱུཾ་ཕཊ། ཨོཾ་མ་ནོ་དྲྀ་ཊྷ་བཛྲ་ཀ་བ་ཙ་ཀྲོ་དྷ་རཀྵ་ཧཱུཾ་ཕཊ། དེ་ནས་སེམས་ཅན་ཐམས་ཅད་རྒྱས་གདབ་པའི་ཕྱག་རྒྱའི་ཡེ་ཤེས་བསླབ་བོ། །རྡོ་རྗེ་ཁྲོ་བོར་མཉམ་གཞག་ནས། །བཛྲ་ཧཱུཾ་ཞེས་བཟླས་པའི་ཕྱག། གང་དང་གང་ལ་ཀུན་ཞུགས་པ། །ཕྱག་རྒྱས་བཏབ་པར་དེ་འགྱུར་རོ། །སྒྲ་ཆེན་དུ་ནི་བརྗོད་བྱ་བ། །ཊིཀྐ་ཧཱུཾ་ཕཊ་ཁྲོས་ནས་སུ། །ལན་གཅིག་གང་ལ་སྨྲས་པ་ནི། །རྡོ་རྗེ་འབར་བས་དེ་མངོན་བཀུག། རྡོ་རྗེ་ཁྲོ་བོའི་ཏིང་འཛིན་ཅིང ། །རྡོ་རྗེ་ལྟབས་བལྟས་པ་ཡི། །སེམས་ཅན་གང་དང་གང་ཡིན་པ། །དེ་ནས་དེ་ནི་དྲན་ཉམས་འགྱུར། །ཡིད་ལ་\?\་ཅེས་བསམས་ནས་སུ། །སྙིང་གར་རྡོ་རྗེ་སྒོམ་པར་བྱེད། །ཧཱུཾ་ཞེས་བྱ་བ་ཉིད་ཀྱིས་ཀུན། །རང་གི་རྒྱས་ནི་བཏབ་པར་དགོངས། །སེམས་ཅན་གང་དང་གང་དག་
190a
༄#། །ལ། །ཡིད་ཀྱི་རྒྱས་ནི་འདེབས་པ་གང ། །ཕྱག་རྒྱ་འདིས་ནི་ཤིན་ཏུ་ཡང ། །ལས་རྣམས་ཐམས་ཅད་བསྒྲུབ་པར་བྱ། །དེ་ནས་དེ་དག་གི་སྙིང་པོ་འདི་དག་གོ་ཊཀྐི་ཧཱུཾ་ཕཊ། ཊཀྐི་ཨ།་ཊཀྐི་ཛ། ཊཀྐི་ཧཾ། ཕྱག་རྒྱ་རེ་རེས་ཀྱང་ལས་བཞི་རྣམས་ལ་ཕྱག་རྒྱའི་སྙིང་པོ་བཞིས་སྦྱར་རོ། །དེ་ནས་གསང་བ་ཁྲོ་བོའི་ཡེ་ཤེས་ཀྱི་ཕྱག་རྒྱའི་བསླབ་བོ།། ཡན་ལག་ཀུན་གྱིས་འཁྱུད་ནས་ནི། །ཧཱུཾ་ཞེས་གང་ལ་སྦྱར་བྱ་བ། །དབང་པོ་གཉིས་ནི་སྤྲད་བྱས་ན། །དེ་ཡི་སྲོག་ནི་མ་རུངས་འགྱུར། །ཧཱུཾ་ཞེས་བྱ་བར་ལྡན་པ་ཡིས། །མཆུ་སྤྲད་སོས་ནི་མཆུ་བཟུང་ནས། །དབང་པོ་གཉིས་ནི་རབ་སྤྲད་པ། །གང་ཡིན་དེ་ནི་མངོན་སུམ་འགྱུར། །ཧཱུཾ་ཞེས་སྦྱོར་བ་གང་ཡིན་པ། །དེ་ནི་བདེ་བ་མྱོང་བར་འགྱུར། །དབང་པོ་གཉིས་ནི་སྤྲད་གྱུར་ན། །གང་ཡིན་དེ་ནི་སྡུག་བསྔལ་འཐོབ། །ཧཱུཾ་ཞེས་བྱ་བ་རབ་སྦྱོར་ཞིང ། །དབང་པོ་གཉིས་ནི་སྤྲད་ནས་ཀྱང ། །ཡན་ལག་ཀུན་གྱིས་བཙིར་གྱུར་ན། །དེ་ཡི་ལུས་ནི་སྲུངས་བར་འགྱུར། །དེ་ནས་དེ་དག་གི་སྙིང་པོ་ནི་འདི་དག་གོ། །ཧཱུཾ་ཨ། ཧཱུཾ་ཛ། ཧཱུཾ་ཧོ། ཧཱུཾ་ཧཾ། ཧཱུཾ་ཏེ། དེ་ནས་འཇིག་རྟེན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོའི་དམ་ཚིག་གི་དེ་ཁོ་ན་ཉིད་ཕྱག་རྒྱའི་ཡེ་ཤེས་བསླབ་བོ། །གང་གིས་སེམས་ཅན་ལ་ཕན་ཕྱིར། །རྡོ་རྗེ་དབྱིངས་ཀྱི་ཚུལ་གྱིས་ནི། །སངས་རྒྱས་རྗེས་སུ་དྲན་བྱས་ན། །དེ་ནི་སངས་རྒྱས་ཐོབ་པར་
190b
འགྱུར། །དབང་ཕྱུག་དང་ནི་ཨུ་མ་ཡང ། །ས་ལ་བྲིས་ཏེ་དེ་ལྟར་མནན། །ཇི་ལྟར་བྲིས་པའི་གོ་རིམས་བཞིན། །ུཏྤལ་ལྟར་སྔོ་འཚེར་བའི་མདོག། སེམས་དཔའི་ཕྱག་རྒྱ་བཅིང་བར་བྱ། ། འདི་ནི་བཅིངས་པ་ཙམ་གྱིས་ཀྱང ། །དེ་ནི་འཇིག་རྟེན་གསུམ་རྒྱལ་བ། །རྡོ་རྗེ་ཧཱུཾ་དང་འདྲ་བ་ཡི། །དངོས་གྲུབ་རྫུ་འཕྲུལ་མྱུར་དུ་འགྲུབ། །ཇི་ལྟར་རི་མོ་བྲི་བཞིན། །འབར་བས་བསྐོར་བའི་དབུས་བཞུགས་པ། །སྐུ་གསུང་ཐུགས་ནི་རྡོ་རྗེ་ཡིས། །སེམས་དཔའི་ཕྱག་རྒྱ་བཅིང་བར་བྱ། །དེ་ནས་དེ་རྣམས་ལས་བཤད་དེ། །རྡོ་རྗེ་ལས་ནི་བླ་ན་མེད། །སངས་རྒྱས་རྗེས་སུ་དྲན་སྒྲུབ་པས། །མྱུར་དུ་སངས་རྒྱས་ཉིད་འཐོབ་བོ། །འཇིག་རྟེན་དག་ལས་རྒྱལ་བཅིངས་ན། །འཇིག་རྟེན་གསུམ་ལས་རྣམ་རྒྱལ་འགྱུར། །རྡོ་རྗེ་ཆེ་དང་ཀུན་ཏུ་འགྲོ། །རྡོ་རྗེ་ཧཱུཾ་ཞེས་བྱ་བ་འདྲ། །རྡོ་རྗེ་དབང་གི་རྒྱལ་པོར་འགྱུར། །ཆོས་བཟང་ལྡན་པས་འཇིག་རྟེན་དབང ། །ལས་ཀྱི་རྡོ་རྗེ་ཁྲོ་བོ་ཆེ། །རྡོ་རྗེ་ལས་ནི་བྱེད་པར་འགྱུར། །སེམས་དཔའ་ཁྲོ་བོ་རབ་ཏུ་བརྟན། །ཁྲོ་བོའི་ལྕགས་ཀྱུ་ཡང་དག་འགུགས། །ཁྲོ་བོ་ཆགས་པས་ཆགས་པར་བྱེད། །ཁྲོ་བོ་ལེགས་པས་དགའ་བ་སྟེ། །ཁྲོ་གཉེར་གྱིས་ཀུན་མ་རུངས་བྱེད། །ཁྲོ་བོ་ཉི་མས་གཟི་བརྗིད་མཆོག་།དཔལ་གྱི་ཁྲོ་བོ་དོན་རྣམས་སྡུད། །ཧ་ཧ་རྒོད་པས་བདུད་དུ་བྱེད། །ཆོས་ཀྱི་ཁྲོ་བོས་ཆོས་རྣམས་སྡུད། །རྡོ་རྗེ་རལ་གྲིས་གཅོད་པར་བྱེད། །རྒྱུ་ཡི་ཁྲོ་བོ་སྡུག་བསྔལ་འཕྲོག། །ཁྲོ་བོ་སྨྲ་བའི་
191a
༄#། །ཚིག་འཕྲོག་གོ། ལས་ཀྱི་ཁྲོ་བོ་ལས་རབ་སྟེ། །སྲུང་བ་ཡིས་ནི་སྲུང་བར་བྱེད། །ཁྲོ་བོ་གནོད་སྦྱིན་དགྲ་ཡང་ཟ། །ཁྲོ་བོའི་ཁུ་ཚུར་དངོས་གྲུབ་སྟེར། །དེ་ནས་རྡོ་རྗེ་དམ་ཚིག་གི་ཕྱག་རྒྱ་བཅིང་བ་བཤད་དོ། །རྡོ་རྗེ་གཉིས་སུ་གྱུར་པ་སྟེ། །དམ་ཚིག་མཆོག་ཏུ་གྲགས་པ་ཡིན། །དེ་དག་བཅིང་བ་བཤད་པར་བྱ། །ཁྲོ་བོ་བཅིང་བ་བླ་ན་མེད། ། ལག་པར་རྡོ་རྗེར་བྱས་ནས་སུ། །མཐེའུ་ཆུང་ལྕགས་ཀྱུར་བཅིང་བར་བྱ། །མཛུབ་མོ་གཉིས་ཀྱིས་བསྡིགས་པ་ནི། །འཇིག་རྟེན་གསུམ་ལས་རྒྱལ་ཞེས་བྱ། །དེ་བཞིན་མཛུབ་མོ་ངོས་སྦྱར་ཏེ། །ནོར་བུ་འདྲ་བར་རབ་ཏུ་དགུག་།གུང་མོ་མཉམ་བསྒྲེང་པདྨར་བྱ། །གུང་མོ་མཛུབ་མོ་གཉིས་ཀས་བསྡིགས། །མཛུབ་མོ་གཉིས་ཀ་རྡོ་རྗེར་བྱ། །གཡས་པ་ལྕགས་ཀྱུས་དགུག་པར་བྱ། །དེ་ཉིད་ཧཱུཾ་ཞེས་བྱ་བས་མདུད། །ལེགས་པ་སྦྱིན་པར་དེ་ཡིན་ཏེ། །མཛུབ་གཉིས་དཔྲལ་བའི་གཉེར་མར་བཞག། སྙིང་གར་མཛུབ་མོས་ཉི་མར་བསྐོར། ། ལག་པ་བརྐྱང་སྟེ་སྤྱི་བོར་བཞག། མཛུབ་མོ་ཁ་ནས་དགོད་ལྟར་བྱ། །མཛུབ་མོ་སེན་མོ་སྦྱར་བ་སྟེ། །གཡས་པས་རལ་གྲི་བཅིངས་པའོ། །གུང་མཛུབ་མཉམ་སྒྲེང་འཁོར་ལོ་ཡི། །ཁ་ཡི་ནང་ནས་དབྱུང་བ་དང ། །མཛུབ་མོ་གུང་མོ་རྡོ་རྗེར་སྦྱར། །མཛུབ་མོ་ཡིས་ནི་མགུལ་བར་བསྐོར། །མཛུབ་མོ་གཉིས་ནི་མཆེ་བ་ཆེ། །མཛུབ་མོ་བཀུག་པས་རྡོ་རྗེར་
191b
བཅིངས། །རྡོ་རྗེ་ལཱ་སྱེ་ལ་སོགས་པ། །སེམས་མའི་ཕྱག་རྒྱ་དེ་ཉིད་ཧཱུཾ། །ཞེས་བྱ་ཆོས་ཀྱི་ཕྱག་རྒྱ་སྟེ། །ཧཱུཾ་ཞེས་བྱ་བར་ལྷན་ཅིག་གོ། དེ་ནས་རྡོ་རྗེ་དམ་ཚིག་གི་ཆོས་ཀྱི་ཕྱག་རྒྱ་རྣམས་བཤད། དོ། །ཧཱུཾ་ནི་སངས་རྒྱས་རྡོ་རྗེ་ཡི། །ཏྲཾ་ནི་རྡོ་རྗེ་སྙིང་པོ་ཡི། །ཧྲཱི་ནི་རྡོ་རྗེ་སྡེ་ཡིའོ། ། ནི་རྡོ་རྗེ་ཐམས་ཅད་ཀྱི། ཧཱུཾ་ཧེ། ཏྲཾ། ཏཾ་ཧི་ཧི་དེ་ཧ། དྷི་ཀ་དྷི་ཧཱུཾ། གྲཝ། ཀྲཾ་བཾ། ཏྲི་ཨ། རྡོ་རྗེ་ཁྲོ་བོ་མང་པོ་ཡི། །ཆོས་ཀྱི་ཕྱག་རྒྱ་རབ་འགྲུབ་པའོ། །དེ་ནས་རྡོ་རྗེ་དམ་ཚིག་གི་ལས་ཀྱི་ཕྱག་རྒྱ་རྣམས་བཤད་དོ། །རྡོ་རྗེ་རིགས་ནི་ཆེན་པོ་ཡི། །ལས་ཀྱི་ཕྱག་རྒྱ་མདོར་བསྡུས་ན། །རྡོ་རྗེ་འགྱིང་ལ་སོགས་ཚུལ་གྱིས། །ཁྲོ་བོའི་ཁུ་ཚུར་གཉིས་སུ་བཤད། །གང་དང་གང་གི་ཕྱག་རྒྱ་རྣམས། །ལས་ཀྱི་ཕྱོགས་ནི་གང་དུ་བྱ། །དེ་དང་དེར་ནི་བསྒྱུར་ནས་ཀྱང ། །ཕྱག་རྒྱ་དེ་ནི་སྦྱར་བར་བྱ། །ཕྱག་རྒྱ་ཐམས་ཅད་ཀྱི་ཆོ་གའོ། །དེ་ནས་འདིར་འཇིག་རྟེན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོ་ཐུན་མོང་བའི་ཕྱག་རྒྱ་བཅིང་བ་བཤད་དོ། །འཇིག་རྟེན་གསུམ་རྒྱལ་ཕྱག་རྒྱ་ནི། །རྡོ་རྗེ་མཛུབ་མོ་དམ་ཚིག་གི། རྡོ་རྗེ་ཧཱུཾ་ཞེས་སྔགས་ཀྱི་སྟེ། །དངོས་གྲུབ་ཐམས་ཅད་ཡུད་ཀྱིས་འཐོབ། །མཐེའུ་ཆུང་གཉིས་ག་ལྕགས་ཀྱུར་བཅིང ། །རྡོ་རྗེ་གཉིས་ག་སྟེང་འོག་ཏུ། །རྡོ་རྗེ་ལྕགས་ཀྱུའི་ཕྱག་རྒྱ་ནི། །སྐད་ཅིག་གིས་ནི་ཐམས་ཅད་འགུགས། །རིག་པ་དམ་པ་ཐམས་ཅད་ཀྱི། །འཇིག་རྟེན་གསུམ་ལས་རྒྱལ་ཞེས་བཤད། །ཐམས་ཅད་ཀྱང་ནི་གནོད་པ་སྟེ། །དེ་བཞིན་
192a
༄#། །ལས་རྣམས་ཐམས་ཅད་བྱེད། །རྡོ་རྗེ་མཛུབ་སོར་གཉིས་ལེགས་པར། །རབ་མཉམ་གཞག་པས་མཉམ་ནས་ནི། །ཤི་བ་ཐམས་ཅད་སློང་བ་སྟེ། །རྡོ་རྗེ་སློང་བ་ཞེས་བྱའོ། །རྡོ་རྗེ་མཛུབ་གཉིས་ལེགས་པར་ནི། །རྡོ་རྗེ་བཅིང་པས་བཅིངས་ནས་སུ། །བསྒྱུར་ཏེ་གཙུག་ཏུ་བཞག་པ་ནི། །ཚེ་དང་ནད་མེད་འཕེལ་བའོ། །རྡོ་རྗེ་བཅིང་བ་དམ་བྱས་ཏེ། །མཐེ་བོ་མཉམ་ནས་ནང་དུ་གཞུག། མཛུབ་མོ་དམ་པོར་བཀུག་ནས་སུ། །གཅུས་པས་ཞབས་སུ་འདུག་པའོ། །འཇིག་རྟེན་གསུམ་རྒྱལ་བཅིངས་ནས་སུ། །གང་གི་གཟུགས་ལ་རྐང་གཡོན་པས། །ལེགས་པར་མནན་པའི་སེམས་ཅན་དེ། །ཟླ་བ་ཕྱེད་ཀྱིས་འགྲུབ་པར་འགྱུར། །རྡོ་རྗེ་ཕྱག་རྒྱ་གཉིས་བཅིངས་ཏེ། །གཅིག་ལ་གཅིག་གིས་བརྡབས་པས་ནི། ། སེམས་ཅན་གང་གི་ལུས་ལ་ནི། །བབས་ནས་དེ་ཡང་རྡོབ་པར་བྱེད། །རྡོ་རྗེ་ཕྱག་རྒྱ་གཉིས་བཅིངས་ཏེ། །བདག་གམ་ཕ་རོལ་གོ་ཆར་བྱ། །མཛུབ་མོ་གཉིས་ཀྱིས་བཅིངས་བྱས་ན། །ངེས་པ་ཉིད་དུ་སྲུང་བར་འགྱུར། །རྡོ་རྗེ་མཐིལ་དུ་བཅིངས་ནས་སུ། །ཡིད་ཀྱིས་ཁྲོས་ནས་དགབ་བྱ་བ། །མཐེ་བོ་རྡོ་རྗེ་དམ་པ་སྟེ། །རྡོ་རྗེ་རིན་ཆེན་འགྲུབ་པར་འགྱུར། ། སེམས་དཔའ་རྡོ་རྗེ་དམ་བྱས་ཏེ། །མཐེ་བོང་གཉིས་ཀས་གུང་མོ་མནན། །མཐེའུ་ཆུང་རྡོ་རྗེ་རྩེ་མོ་ནི། །རྣོན་པོར་དམ་ཚིག་འཛིན་པའོ། །རྡོ་རྗེ་ཕྱག་རྒྱ་གཉིས་བཅིངས་ཏེ། །མཛུབ་
192b
མོ་གཉིས་བཀུག་བཅིངས་ནས་སུ། །གཅུ་ཞིང་ཕྱིར་གཅུ་བྱས་པ་ནི། །ལྷ་འགུགས་པ་ཡི་དམ་པ་ཡིན། །རྡོ་རྗེ་བཅིང་བ་དམ་བྱས་ཏེ། །མཛུབ་མོ་གཉིས་བཀུག་རབ་ཏུ་མནན། །མཐེ་བོང་གཉིས་ཀ་སྦྱར་བ་ཡིས། །དབུས་སུ་བཅིང་བ་བར་སྣང་གིའོ། །རྡོ་རྗེ་ཕྱག་རྒྱ་གཉིས་ཀ་ལས། །མཐེའུ་ཆུང་གཉིས་ཀ་བཅིངས་ནས་ཀྱང ། །རྒྱབ་སྦྱོར་མཛུབ་མོ་གཉིས་སྤྲེལ་ཏོ། །བསྒྱུར་བ་མཁའ་ལ་སྤྱོད་པའོ། །རྡོ་རྗེ་བཅིངས་པ་བསྡམས་ནས་སུ། །རྡོ་རྗེ་སྲུང་བས་བཅིང་བར་བྱ། །འདི་ནི་ས་ཡི་དམ་ཚིག་སྟེ། །ཐམས་ཅད་བྱེད་པས་འདའ་བར་དཀའ། །རྡོ་རྗེའི་ཕྱག་རྒྱ་གཉིས་བཅིངས་ཏེ། །གཡོན་པའི་རྡོ་རྗེ་མཛུབ་མོ་ལ། །མཐེའུ་ཆུང་མདུད་ཅིང་དྲག་ཏུ་གཏོགས། །འདི་ནི་ས་འོག་འགུག་པའོ། །རྡོ་རྗེ་བཅིངས་པས་སྦྲེལ་བ་ནི། །མཛུབ་མོ་གཉིས་ཀ་དམ་པོར་སྟེ། །གུང་མོ་མཐེ་བོ་རྡོ་རྗེར་ནི། །གདུག་པའི་ཕྱག་རྒྱ་འཇོམས་པའོ། །རྡོ་རྗེ་ཕྱག་རྒྱ་གཉིས་བཅིངས་ཏེ། །མཉམ་གཞག་སྟེ་ནི་སྙིང་གར་བཞག། ཁྲོ་བོ་ཁུ་ཚུར་གཙིར་བ་ནི། །ཕྱི་རོལ་དཀྱིལ་འཁོར་འཇིག་པའོ། །གཡོན་པའི་རྡོ་རྗེ་མཛུབ་མོ་ལ། །གཡས་པའི་མཛུབ་མོ་བཀུག་པས་བཟུང ། །རབ་ཏུ་ཁྲོས་ནས་དྲག་གཏོགས་ན། །རི་རབ་ཀྱང་ནི་ལྷུང་བར་བྱེད། །གཡོན་པའི་མཛུབ་མོ་རྡོ་རྗེ་ལ། །གཡས་པའི་མཛུབ་མོ་ལྕགས་ཀྱུས་གཟུང ། །རབ་ཏུ་ཁྲོ་ཞིང་བཀུག་པ་ཡིས། །གདོན་རྣམས་ཀུན་ལ་དབང་དུ་བྱེད། །རྡོ་རྗེ་བཅིང་བ་བྱས་ནས་སུ། །ལག་ངར་སྙིང་
193a
༄#། །གར་ཤིན་ཏུ་བསྡམས། །རྡོ་རྗེ་མཛུབ་མོ་ཉིད་མཆན་ཁུང ། །བྲུད་པ་ཡིས་ནི་སྙིང་འབྱིན་ཏོ། །མཛུབ་མོ་གཉིས་ཀྱི་རྩེ་མོ་ཡིས། །མཐེ་བོང་གཉིས་ཀའི་དྲུང་དུ་ནི། །ཡིད་ཀྱིས་ཁྲོས་ནས་བཙིར་བྱ་བ། །རིམས་ལ་སོགས་འགུགས་དམ་པའོ། །རྡོ་རྗེ་ཐལ་མོ་དམ་སྦྱར་ཏེ། །མཛུབ་མོ་གཉིས་ཀ་བཀུག་ནས་སུ། །མཐེ་བོ་རབ་ཏུ་མཉམ་སྦྱར་བས། ། མནན་པ་དེ་ནི་སྡིག་འཕྲོག་པའོ། །རྡོ་རྗེ་ཕྱག་རྒྱ་གཉིས་ནང་དུ། །མཛུབ་མོ་གཉིས་ནི་སྦས་ནས་ཀྱང ། །ལེགས་པར་གྱེན་དུ་འཕངས་པ་ནི། །ལྷུང་བ་སློང་བའི་དམ་པའོ། །རྡོ་རྗེ་བཅིང་པ་དམ་བྱས་ཏེ། །གུང་མོ་གཉིས་ཀ་ངོས་སྦྱར་ནས། །མཐའ་མ་བཞི་ཡི་ངོས་སྤྲད་པ། །སྐད་ཅིག་ཏུ་ནི་སྡིག་འདྲལ་ཏོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་ཆེན་པོ་སྒྲུབ་པའི་ཕྱག་རྒྱ་བཅིང་བ་བཤད་དོ། །རྡོ་རྗེའི་ཕྱག་རྒྱས་བཟུང་ནས་ནི། །དཀྱིལ་འཁོར་དང་པོ་སྲད་བུས་བྲེ། །སྲད་བུས་བྲེས་ལ་ཕྱི་ནས་ནི། །སྲད་བུ་ཇི་བཞིན་བྲེ་བར་བཤད། རྡོ་རྗེ་ཕྱག་རྒྱ་གཉིས་ཀ་ཡི། །མཛུབ་མོའི་རྩེ་མོ་རབ་སྦྱར་བ། །བྱས་ནས་མཚོན་རྣམས་ཐམས་ཅད་ལ། །འབར་བའི་ལྟ་བས་དགུག་པར་བྱ། །རྡོ་རྗེ་མཛུབ་མོ་ལེགས་པར་ནི། །སྦྱར་ལ་བཀན་ཏེ་བསྡམས་ནས་སུ། །རབ་ཏུ་ཁྲོས་ནས་དབྱེ་བ་ནི། །སྒོ་དབྱེ་བ་ཡི་མཆོག་ཡིན་ནོ། །དེ་ནས་རྡོ་རྗེ་རིགས་ཐམས་ཅད་ཀྱི་ཕྱག་རྒྱ་བསྒྲུབ་པ་བཤད་དོ། །
193b
བརྐྱང་བསྐུམ་གྱིས་ནི་ཚུལ་བྱས་ཏེ། །ཁྲོ་བོ་ཡི་ནི་སྐད་འབྱིན་ཅིང ། །ཁྲོ་ཞིང་ཁྲོ་བོའི་ལྟ་བས་ནི། །ལས་རྣམས་ཐམས་ཅད་བསྒྲུབ་བར་བྱེད། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དམ་ཚིག་གི་རྟོག་པ་ཆེན་པོའི་རྒྱལ་པོ་ལས། འཇིག་རྟེན་ན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོའི་ཆོ་ག་རྒྱས་པ་རྫོགས་སོ།། །།བམ་པོ་ལྔ་པ། དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གཟུངས་ཀྱི་དམ་ཚིག་འབྱུང་བའི་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིགས་པའི་དམ་པ་འདི་གསུངས་སོ། །ོཾ་སརྦ་བཛྲ་ཎི། བཛྲ་མཱ་ཏེ་ཨཱ་ན་ཡ་སརྦ་བཛྲ་ས་ཏྱེ་ན་ཧཱུཾ་ཛཿ ་དེ་ནས་འདི་གསུངས་པ་ཙམ་གྱིས་བཅོམ་ལྡན་འདས་རྡོ་རྗེ་སེམས་དཔའི་ཐུགས་ཀ་ནས་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་ཕྱག་ན་རྡོ་རྗེ་དྲ་བ་བདག་གིས་ལུས་ཀུན་ནས་འབར་བས་བསྐོར་ནས། རྡོ་རྗེ་ཁྲོ་བོ་གསང་བའི་དམ་ཚིག་གི་ཕྱག་རྒྱའི་ལྷ་མོ་རྣམས་སུ་གྱུར་ནས་བྱུང་སྟེ། འཇིག་རྟེན་གྱི་ཁམས་ཐམས་ཅད་དུ་དེ་བཞིན་གཤེགས་པ་ཐམས་ཅད་ཀྱི་དོན་བསྒྲུབས་ནས་བཅོམ་ལྡན་འདས་རྡོ་རྗེ་སེམས་དཔའ་བཙུན་མོ་གསང་བའི་ཕྱིར་སྐུ་དང ། གསུང་དང ། ཐུགས་རྡོ་རྗེའི་ཕྱག་རྒྱའི་གཟུགས་སུ་གྱུར་ནས་བཅོམ་ལྡན་འདས་རྣམ་པར་སྣང་མཛད་ཀྱི་འཇིག་རྟེན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོའི་ཚུལ་གྱིས་ཟླ་བའི་དཀྱིལ་
194a
༄#། །འཁོར་ལ་འདུག་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། གསང་བའི་ཡེ་ཤེས་བླ་ན་མེད། །དེ་བཞིན་གཤེགས་པ་བདེ་བའི་ཕྱིར། །བཙུན་མོ་ཉིད་དུ་གྱུར་པ་ཡིན། །ཧྲཱིཿ ་དེ་ནས་ཡང་ཕྱག་ན་རྡོ་རྗེ་རང་གི་རིགས་ཀྱི་དམ་ཚིག་གི་ཕྱག་རྒྱའི་དཀྱིལ་འཁོར་རྡོ་རྗེ་གསང་བ་ཞེས་བྱ་བ་འདི་གསུངས་སོ། །དེ་ནས་རབ་ཏུ་བཤད་བྱ་བ། །རྡོ་རྗེ་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །ཁྲོ་བོའི་གསང་བ་ཞེས་བཤད་དོ། །དཀྱིལ་འཁོར་ཆེན་པོའི་ཚུལ་དུ་ནི། དཀྱིལ་འཁོར་ཐམས་ཅད་སྲད་བུ་བྲེ། །དཀྱིལ་འཁོར་ལྔ་ཡི་གནས་རྣམས་སུ། །གསང་བའི་ཕྱག་རྒྱ་བཤད་པར་བྱ། །རྡོ་རྗེ་དཀྱིལ་འཁོར་དབུས་སུ་ནི། །སངས་རྒྱས་སྐུ་གཟུགས་བཞག་པར་བྱ། །སངས་རྒྱས་ཁྲོ་བོའི་དམ་ཚིག་ཀྱང ། །ཇི་བཞིན་པར་ནི་མཁས་པས་བྲི། །རྡོ་རྗེ་ཤུགས་ཀྱིས་བརྒལ་ནས་ཀྱང ། །ཕྱག་ན་རྡོ་རྗེའི་དཀྱིལ་འཁོར་དེར། །དབུས་སུ་མདུང་རྩེ་ཞིང་བྲིས་ལ། །རྡོ་རྗེ་རབ་ཏུ་གནས་བྱ་ཞིང ། །འོད་འབར་དབུས་སུ་བྲི་བ་ནི། །དེ་ཡི་གོ་རིམས་ཇི་བཞིན་ཏེ། །རྡོ་རྗེ་རྡོ་རྗེའི་ལྕགས་ཀྱུ་དང ། །མདའ་དང་དགའ་བ་དེ་བཞིན་ནོ། །རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་དམ་པ་གཉིས་པ་ཡང ། །འཁོར་ལོའི་དབུས་ན་གནས་པ་ཡི། །རྡོ་རྗེ་རིན་ཆེན་བྲི་བར་བྱ། །ཁྲོ་གཉེར་དབུས་སུ་རྡོ་རྗེ་བྲི། །
194b
དེ་བཞིན་རྡོ་རྗེ་ཉི་རྒྱལ་མཚན། །དེ་བཞིན་སོ་ཡི་ཕྲེང་བ་དེའི། །ངོས་སུ་རྡོ་རྗེ་བྲི་བར་བྱ། །རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་དམ་པ་གསུམ་པ་ཡང ། །པདྨའི་དབུས་སུ་གནས་པ་ཡི། །རྡོ་རྗེ་པདྨ་ལྷ་རྫས་ཀྱི། །འབར་བའི་དབུས་སུ་པདྨ་བྲི། །རལ་གྲི་འཁོར་ལོ་དེ་བཞིན་ནོ། །རྡོ་རྗེ་ལྕེ་ཡང་ཚུལ་བཞིན་དུ། །རྟག་ཏུ་དེ་ཡི་ཕྱོགས་སུ་གཞག། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་བཞི་པ་དམ་པར་ཡང ། །རྡོ་རྗེ་བསྙལ་ལ་རྡོ་རྗེ་བྲི། །རྡོ་རྗེ་འོད་ནི་ཆེན་པོས་བསྐོར། །དེ་ཡི་ཕྱོགས་ནི་ཐམས་ཅད་དུ། །འབར་བ་ཀུན་གྱིས་དཀྲིགས་པའི་འོད། །རྡོ་རྗེ་ཐམས་ཅད་གོ་ཆའི་མཆོག། རྡོ་རྗེ་མཆེ་བ་ཁུ་ཚུར་མཆོག། གྲཝ་དང་ཕྱི་ཡི་གནས་རྣམས་སུ། །ཚུལ་བཞིན་དུ་ནི་བྲི་བར་བྱ། །དེ་ནས་རབ་ཏུ་བཤད་བྱ་བ། །ཕྱག་རྒྱའི་རིག་པ་མདོར་བསྡུས་ན། ཛྷིཿ ། ཨོཾ་བཛྲ་ཀྲོ་དྷེ་ས་མ་ཡེ་ཛྷིཿ ། ཨོཾ་བཛྲ་ཀྲོ་དྷེ་རོ་ཥ་ཨཾ་ཀུ་ཤ་ཨཱ་ན་ཡ་སརྦྦ་ན་ཛྷིཿ ། ཨོཾ་བཛྲ་རོ་ཥེ་ཀཱ་མ་བཛྲི་ཎི་བ་ཤཾ་མྨེ་ཨཱ་ན་ཡ་ཧི་ཛྷིཿ ། ཨོཾ་བཛྲ་དུཥྚ་ཀྲོ་དྷེ་ཏོ་ཥ་ཡ་སརྦ་ན་ཛྷིཿ ། རྡོ་རྗེ་ཛྷིཿ ། ཞེས་བྱ་བའི་དཀྱིལ་འཁོར་རོ། །ཛིཿ ། ཨོཾ་བཛྲ་བྷྲི་ཀུ་ཊཱི་ཀྲོ་དྷེ་ཧ་ར་སརྦ་ཨརྠ་ན་ཛིཿ ། ཨོཾ་བཛྲ་ཛྭཱ་ལ་མཱ་ལཱ་པྲ་བེ་ཤ་མ་ཧ་ཀྲོ་དྷ་ཨགྣི་ཛྭཱ་ལ་ཡ་སརྦ་ན་ར་བི་རོ་ཥེ་ཛིཿ ། ཨོཾ་བཛྲ་དྷཱ་ཛ་ཨ་གྲེ་ཀེ་ཡཱུ་ར་མཧཱ་ཀྲོ་དྷེ་དེ་ཧི་མེ་སརྦ་ཨརྠན་ཛིཿ ། ཨོཾ་བཛྲ་ཨཊྚ་ཧཱ་ས་ནི་ཧཱ་ས་ཧཱ་ས་ཨཊྚ་ཊྚེ་ཧཱ་སེ་ནཱ་མཱ་ར་ཡ་ཛིཿ ། རྡོ་རྗེ་ཛིཿ ཞེས་བྱ་བའི་དཀྱིལ་འཁོར་རོ། །དིཿ ། ཨོཾ་བཛྲ་ཤུདྷ་ཀྲོ་དྷེ་ཧ་ན་ཧ་ན་མཱ་ར་ཡ་དུཥྚ་
195a
༄#། །ན་དིཿ ། ཨོཾ་བཛྲ་ཏཱི་ཀྵྞ་ཀྲོ་དྷེ་ཙྪིནྡ། ཀོ་དྷེ་ཥེ་ན། སརྦ་ནི་དིཿ ། ཨོཾ་བཛྲ་ཧེ་ཏུ་མཧཱ་ཀྲོ་དྷེ་པྲ་བེ་ཤ་ཙ་ཀྲ། པྲ་བེ་ཤ་ཡ་སརྦ་ན་དིཿ ། ཨོཾ་བཛྲ་ཛི་ཧཱ་མཧཱ་ཀྲོདྷེ་བ་ཤེ་བ་ཙ་མུཉྩ་དིཿ ། རྡོ་རྗེ་དིཿ ་ཞེས་བྱ་བའི་དཀྱིལ་འཁོར་རོ། །ཧཱིཿ ། ཨོཾ་བཛྲ་སརྦ་ན་མུ་ཁཱེ་ཀརྨ་བཛྲ་ཎི་མཧཱ་ཀྲོ་དྷེ་ཀུ་རུ་ཀུ་རུ་སརྦྦ་ན་ཧཱིཿ ། ཨོཾ་བཛྲ་ཀ་བ་ཙ་ཀྲོ་དྷེ་རཀྵ་མ་མ་ཧཱིཿ ། ཨོཾ་བཛྲ་ཙཎྜ་ཀྲོ་དྷེ་མཧཱ་ཡཀྵི་ནི་བཛྲ་དཾཥྚ་ཨ་ཀཱ་ར་ལ་བྷི་ཥ་ནེ་བ་ཡ་ཧཱིཿ ། ཨོཾ་བཛྲ་ཀྲོ་དྷེ་མུཥྚི་བནྡྷ་ཧཱིཿ ། རྡོ་རྗེ་ཧཱིཿ ། ཞེས་བྱ་བའི་དཀྱིལ་འཁོར་རོ། །དེ་ནས་དཀྱིལ་འཁོར་གྱི་གྲཝ་རྣམས་སུ་རྡོ་རྗེ་གར་ལ་སོགས་པའི་གསང་བའི་མཆོད་པའི་རིག་པའི་སྙིང་པོ་རྣམས་གསུངས་པ། ཨོཾ་བཛྲ་ཧཱུཾ་ཁེ། བཛྲ་ཧཱུཾ་གྷུཾ། བཛྲ་ཧཱུཾ་ཏེ། བཛྲ་ཧཱུཾ་ཏྭཱཾ། ཕྱི་རོལ་གྱི་གྲཝ་རྣམས་སུ་དཀྱིལ་འཁོར་མཆོད་པའི་སྙིང་པོ་རྣམས་བརྗོད་པར་བྱའོ། །ོཾ་བཛྲ་ཏྲི་ཏེ། བཛྲ་ཌ་ཌ། བཛྲ་དྷཱ་ཏུ། བཛྲ་ཌཽ་མུ་དྷ། དེ་ནས་སྒོ་བཞིའི་མཆོད་པའི་དཀྱིལ་འཁོར་གྱི་སྙིང་པོ་རྣམས་གསུངས་པ། བཛྲ་ཛཿ ཛཿ ། བཛྲ་ཧཱུཾ་ཧཱུཾ། བཛྲ་བཾ་བཾ། བཛྲ་ཨཿ ཿ ། དེ་ནས་འདིར་རྡོ་རྗེའི་རིགས་ཀྱི་གསང་བའི་དཀྱིལ་འཁོར་དུ་འཇུག་པའི་ཆོ་ག་རྒྱས་པ་འདི་བཤད་དོ། །དེ་ནས་དེ་ལ་ཐོག་མ་ཉིད་དུ་རེ་ཞིག་འཇིག་རྟེན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོར་འཇུག་པའི་ཆོ་ག་བཞིན་དུ་བཅུག་སྟེ། རྡོ་རྗེ་གསང་བའི་རྡོ་རྗེ་རིགས་ཀྱི་དམ་ཚིག་གི་ཕྱག་རྒྱ་དང་འདྲ་བའི་
195b
ཕྱག་རྒྱ་དང ། ལན་གྱི་ཕྱག་རྒྱ་དང ། ཉེ་བའི་ཕྱག་རྒྱ་དང ། ཡེ་ཤེས་ཀྱི་ཕྱག་རྒྱ་རྣམས་ཀྱིས་རྡོ་རྗེ་འཆང་བ་མཆོད་པའི་ཕྱིར་གར་གྱིས་མཆོད་པར་བྱའོ། །དེ་ལ་གར་དང ། ལན་གྱི་གར་དང ། ཉེ་བའི་གར་དང ། ཡེ་ཤེས་ཀྱི་གར་རྣམས་ཀྱིས་མཆོད་པའི་ཕྱག་རྒྱའི་ཡེ་ཤེས་ཀྱི་གར་རྣམས་ནི་འདི་ཡིན་ནོ། །དེ་ལ་དང་པོ་ཉིད་དུ་རྡོ་རྗེ་དབྱིངས་སུ་བསྡུས་པའི་སྙིང་པོས་རྡོ་རྗེ་གླུ་ལེན་ཅིང ། དེ་བཞིན་གཤེགས་པ་ཐམས་ཅད་ལ་བསྟོད་པས་མཆོད་པ་བྱས་ནས། རྡོ་རྗེ་སློབ་དཔོན་གྱིས་སེམས་མ་རྡོ་རྗེའི་ཕྱག་རྒྱ་དྲུག་ཏུ་གཏོགས་པར་བྱའོ། །དེ་ནས་ཇི་སྙེད་ཞུགས་པ་རྣམས་ཕྱག་རྒྱ་རྣམས་ཀྱིས་ཡང་དག་པར་དབབ་པར་བྱའོ། །རྡོ་རྗེ་གར་གྱི་ཚུལ་གྱིས་ནི། །རྡོ་རྗེ་ཁྲོ་བོའི་མཛུབ་མོ་གཉིས། །རྡོ་རྗེ་ཧཱུཾ་མཛད་ཕྱག་རྒྱར་ནི། །སྙིང་གར་ཤིན་ཏུ་བཅིང་པར་བྱ། །དེ་ནས་གར་གྱི་ཆོ་ག་ཡི། །རྡོ་རྗེ་ཁྲོ་བོ་ལྕགས་ཀྱུ་ཡིས། །སངས་རྒྱས་ཐམས་ཅད་སྤྱན་དྲང་ངོ ། །རྡོ་རྗེ་མདའ་ནི་འཕང་བར་བྱ། །རྡོ་རྗེ་མདའ་ནི་འཕངས་ནས་ཀྱང ། །རྡོ་རྗེ་དགའ་བས་བསྒྲུབ་པར་བྱ། །ཕྱག་རྒྱ་ཆོ་ག་བཞིན་བཀྲོལ་ཏེ། །ཐལ་མོ་བརྡབ་ཅིང་བཅིང་བར་བྱ། །མཆོད་པའི་ཆོ་ག་འདི་ཡིས་ནི། །ཕྱག་ན་རྡོ་རྗེ་མཉེས་པར་བྱ། །མཉེས་ནས་དགོས་པ་ཐམས་ཅད་ནི། །འདོད་བཞིན་སྐད་ཅིག་ཉིད་ཀྱིས་འགྲུབ། །དེ་ལ་གར་གྱི་ཕྱག་རྒྱའི་སྙིང་པོ་ནི་འདི་རྣམས་ཡིན་ནོ། །སིདྷྱ་བཛྲ། ཨཱ་ནཱ་ཡ་བཛྲ། རཱ་གཱ་ཡ་བཛྲ། ས་དྷཱུ་བཛྲ། དེའི་འོག་
196a
༄#། །ཏུ་འདྲ་བའི་གར་གྱིས་མཆོད་པ་བྱ་སྟེ། དེ་བཞིན་གར་གྱི་གཡོན་པ་ནི། །ཁུ་ཚུར་གཡས་པས་བཟུང་ནས་ནི། །བསྒྱུར་ཞིང་མཛུབ་མོའི་ངོས་ཀྱིས་ནི། །དཔྲལ་བ་ཉིད་ལ་བཞག་པར་བྱ། །དེ་བཞིན་གར་བྱེད་ཉི་མ་ཡང ། །བསྐོར་ནས་ཡང་དག་དགུག་པར་བྱ། །རྡོ་རྗེ་རྒྱལ་མཚན་བསླང་ནས་ནི། །རྡོ་རྗེ་ཧ་ཧ་ཞེས་དགོད་ཅིང ། །མཆོད་པ་འདི་ཡི་ཆོ་ག་ཡིས། །རྒྱལ་པོ་ལ་སོགས་མི་ཀུན་ཀྱང ། །དབང་དང་རབ་ཀྱི་གཟི་བརྗིད་དང ། །སྦྱིན་དང་དགོད་པས་མཉེས་པར་བྱེད། །དེ་ལ་འདི་རྣམས་ནི་འདྲ་བའི་ཕྱག་རྒྱའི་སྙིང་པོ་ནི་འདི་རྣམས་ཡིན་ནོ། ། ཧི་བཛྲ། ཛྭཱ་ལ་ཡ་བཛྲ། དེ་ཧི་བཛྲ། ཧཱ་ས་ཧཱ་ས་བཛྲ། དེ་བཞིན་གར་ཀྱང་བཀྲོལ་ནས་ནི། །པདྨ་ཁ་འབུས་སྦྱར་བ་ཡི། །མཛུབ་མོའི་རྩེ་མོ་སྙིང་གར་བཞག་།བསམ་པ་གཡོས་པས་འདུད་པར་བྱ། །དེ་བཞིན་གར་བྱེད་རྡོ་རྗེ་ཡི། །རལ་གྲིས་བགེགས་ནི་གཅོད་ལྟར་བྱ། །མགལ་མེའི་འཁོར་ལོ་བསྐོར་བ་ཡིས། །འཁོར་ལོའི་དཀྱིལ་འཁོར་ཚུལ་དུ་བསྐོར། །རྡོ་རྗེའི་ཚིག་ཏུ་གླུ་ལེན་ལྟར། །ཕྱག་ན་རྡོ་རྗེ་མཆོད་པར་བྱ། །མཆོད་པ་འདི་ཡི་ཆོ་ག་ཡིས། །ཐམས་ཅད་མཉེས་པ་ཉིད་དུ་འགྱུར། །དེ་ལ་འདི་རྣམས་ནི་ཉེ་བའི། །ཕྱག་རྒྱའི་སྙིང་པོ་རྣམས་ཡིན་ནོ། །ཀཱ་མ་ཡ་བཛྲ། ཙྪིནྡ་ཡ་བཛྲ། བྲཧྨཱི་ཡ་བཛྲ། བྲུ་ཧི་བཛྲ། རྡོ་རྗེ་ཁྲོ་བོའི་མཛུབ་ཡང་དག། བཀན་ནས་རྩེ་མོ་སྦྱར་ནས་
196b
ཀྱང ། །བསྒྱུར་ཏེ་དེ་ནས་གཙུག་ཏོར་ཏུ། །མཛུབ་མོའི་རྩེ་མོ་གཞུག་པར་བྱ། །རྡོ་རྗེ་ལས་ཀྱི་ཚུལ་གྱིས་ནི། །ལུས་ཀུན་མཆོག་གི་དཀྱིལ་འཁོར་དུ། །གར་གྱི་ཆོ་གས་བརྟན་པར་བྱ། །སྙིང་གར་རབ་ཏུ་གཞག་པར་བྱ། །དེ་བཞིན་གར་གྱི་ཆོ་ག་བཞིན། །རྡོ་རྗེ་སྲུང་བ་བཅིང་བར་བྱ། །རྡོ་རྗེ་མཆེ་བ་བཅིངས་ནས་ནི། །རྡོ་རྗེ་བཅིང་བས་མནན་པར་བྱ། །མཆོད་པ་འདི་ཡི་ཆོ་ག་ཡིས། །ལས་རྣམས་ཀུན་ཀྱང་ནུས་པར་འགྱུར། །མཆོད་པ་རྣམ་བཞི་བྱས་ནས་ནི། །ཆོ་ག་བཞིན་དུ་ཕྱག་རྒྱ་དཀྲོལ། །དེ་དག་གི་སྙིང་པོ་ནི་འདི་རྣམས་ཡིན་ནོ། །ནྲི་ཏྱ་བཛྲ། རཀྵ་བཛྲ། ཁཱ་ད་བཛྲ། བནྡྷ་བཛྲ། དེ་ནས་ཁྲོ་བོ་གསང་བའི་ཕྱག་རྒྱའི་ཡེ་ཤེས་ལ་བསླབ་བོ། །རྡོ་རྗེ་གསང་བའི་ལག་གཉིས་ཀྱིས། །ཁྲོས་པའི་ཡིད་ཀྱིས་དྲག་གཏོགས་བྱ། །སྐྱེ་བོ་གང་གི་མིང་སྨོས་པ། །དེ་ཡི་སྙིང་ནི་འགས་པར་འགྱུར། །མ་མཆུ་སོ་ཡིས་བཟུང་ནས་སུ། །གང་གི་མིང་སྨོས་གཟེར་པ་ནི། །དེ་ཡི་མགོ་ཡང་མྱུར་འགས་ཏེ། །གང་གི་བཀའ་ལས་འདས་པའི་འོ། ། ཁྲོ་བོ་ཆེན་པོ་འདི་ལྟ་བའི། །མིག་ཀྱང་འཛུམས་པར་བྱེད་པ་ནི། །གང་གི་མིང་ནི་སྨོས་བལྟས་པ། །དེ་ཡི་མིག་ནི་རྡོལ་བར་འགྱུར། །རྡོ་རྗེ་ཁྲོ་བོར་མཉམ་གཞག་ལ། །བདག་རང་གི་ནི་སྙིང་གར་ཡང ། །རྡོ་རྗེ་བཅིང་བ་བཅིང་ན་ནི། །དེ་ཡི་སེམས་ནི་འཇིག་པར་བྱེད། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ཧཱུཾ་བཛྲ། སྥོ་ཊ་ཐཿ ། ཧཱུཾ་བཛྲཱ་མུ་ཀ་བཛྲ་ཐཿ ། ཧཱུཾ་བཛྲ་
197a
༄#། །ནི་ཏྲཱ་ཐཿ ། ཧཱུཾ་བཛྲ་མ་ན་ཐཿ ། དེ་ནས་རྡོ་རྗེ་ཆེན་པོའི་རིགས་ཀྱི་གསང་བའི་ཕྱག་རྒྱའི་ཡེ་ཤེས་ལ་བསླབ་བོ། །དེ་ལ་དང་པོར་རེ་ཞིག་ཕྱག་རྒྱ་ཆེན་པོ་འདི་བཅིང་བར་བཤད་དོ། །མཐེའུ་ཆུང་ལྕགས་ཀྱུ་བཅིངས་ནས་ནི། །རྡོ་རྗེ་ཁྲོ་བོར་གཞག་པར་བྱ། །གཡོན་པར་རྩེ་གསུམ་རྒྱབ་ཏུ་ནི། །འཇིག་རྟེན་གསུམ་ལས་རྒྱལ་ཞེས་བཤད། ། གཡོན་བ་མཛུབ་མོ་ཐད་ཀར་བརྐྱང ། །དེ་བཞིན་བཀན་པ་པདྨ་ནི། །དེ་བཞིན་དུ་ཡང་བསྒྱུར་ནས་སྲ། །གཡོན་པའི་རྡོ་རྗེར་གཞག་པར་བྱ། །རྡོ་རྗེ་མཐིལ་དུ་བཅིངས་བྱས་ཏེ། །ཁྲོས་པ་ཡིད་ཀྱིས་དགབ་པ་ནི། །མཐེ་བོ་རྡོ་རྗེ་དམ་པས་སོ། །ཁྲོ་བོ་ཏི་རིན་ཏི་རིར་བཤད། །མཛུབ་མོ་ལྕགས་ཀྱུས་དགུག་པ་ཉིད། །མཛུབ་མོ་ངོས་ནི་སྦྱར་བའོ། །དེ་བཞིན་མཛུབ་གཉིས་ལེགས་སྦྱར་བ། །མཛུབ་མོ་སྤྲད་དེ་དཔྲལ་བར་བཞག་།སྙིང་གར་ཉི་མ་རབ་ཏུ་བརྟན། །མཛུབ་མོ་བསྙམས་ནས་སྤྱི་བོར་གཞག་།བསྒྱུར་ནས་དགོད་པར་གཞག་པར་བྱ། །མཛུབ་བསྙམས་པདྨ་ཁ་འབུས་བཞིན། །གཉིས་ཀ་རལ་གྲི་ཆད་པར་འཛིན། །མཛུབ་མོ་འཁོར་ལོར་བཅིངས་པའོ། །མཛུབ་མོ་བསྙམས་ཏེ་ཁ་ནས་དབྱུང ། །མཛུབ་མོ་ལེགས་པར་བརྐྱང་བ་དང ། །མཛུབ་མོས་མགུལ་དུ་བཅིང་བར་བྱ། །དེ་གཉིས་ཁ་འགྲམ་མཆེ་བར་གཞག། ཁུ་ཚུར་དམ་དུ་བཅིངས་པ་ནི། །ཕྱག་རྒྱ་ཆེན་པོ་ཡིན་
197b
པར་བཤད། །དེ་ནས་རྡོ་རྗེ་རིགས་ཀྱི་གསང་བའི་དམ་ཚིག་གི་ཕྱག་རྒྱ་བཅིང་བ་བཤད་དོ། །གསང་བའི་ཁུ་ཚུར་ལས་བྱུང་བ། །དམ་ཚིག་མཆོག་ཏུ་རབ་ཏུ་གྲགས། །དེ་རྣམས་བཅིང་བ་བཤད་པར་བྱ། །རྡོ་རྗེ་བཅིང་བ་བླ་ན་མེད། །སྙིང་གར་བཞག་ནས་རྩིབ་ལོགས་གཅུ། །མདའ་དྲང་བ་ནི་གཡོན་པ་ནས། །སྙིང་ག་ནས་ནི་དབྱུང་བར་བྱ། །ཁྲོ་གཉེར་དུ་ནི་བསྒྱུར་ནས་ནི། །ཉི་མའི་དཀྱིལ་འཁོར་སྟོན་པ་དང ། །སྤྱི་བོར་ལག་པ་བརྐྱང་བ་དང ། །བསྒྱུར་ནས་དགོད་པར་བཞག་པར་བྱ། །ཁ་ཡི་དབུས་སུ་རབ་བཞག་པ། །མཛུབ་མོ་རལ་གྲིས་འདེབས་པར་བྱ། ། འཁོར་ལོ་བསྐོར་བར་སྟོན་པ་དང ། །ཁ་ནས་རབ་ཏུ་འབྱིན་པ་སྟེ། །སྤྱི་བོ་ལུས་མཆོག་དཀྱིལ་འཁོར་རོ། །དཔུང་པ་སྙིང་ག་རྩི་བ་ལོགས་རྣམས། །རྡོ་རྗེ་བསྲུང་བ་དེ་བཞིན་བྱ། །མཆེ་བའི་གནས་སུ་གཞག་པ་དང ། །ཁུ་ཚུར་དམ་དུ་བསྔམས་པ་འོ། །ཕྱི་རོལ་དཀྱིལ་འཁོར་ཕྱག་རྒྱ་ནི། །མཚན་མའི་གོ་རིམས་བཞིན་དུ་བཅིང ། །དམ་ཚིག་རྡོ་རྗེ་བཅིངས་པ་ལས། །དེ་བཞིན་རྡོ་རྗེ་ཁུ་ཚུར་གཞག་།དེ་ནས་རྡོ་རྗེ་རིགས་ཀྱི་གསང་བའི་ཆོས་ཀྱི་ཕྱག་རྒྱ་རྣམས་བཤད་དོ། །ཕཊཿ ཤཊཿ མཊཿ སཊཿ ་རཊཿ ཧཊཿ དྷིཊཿ ཏཊཿ པཌྚཿ ཏཌྚཿ ཀཊྚཿ དྷཌྚཿ ་ཀུཊིཿ རིཊཿ ཁཊཿ བཊཿ ། དེ་ནས་རྡོ་རྗེ་རིགས་ཀྱི་གསང་བའི་ལས་ཀྱི་རིགས་ཀྱི་ཕྱག་རྒྱ་བཅིང་བ་བཤད་དོ། །མདོར་ན་ལས་ཀྱི་ཕྱག་རྒྱ་ནི། །རྡོ་རྗེ་ཁུ་ཚུར་གཉིས་བྱས་ཏེ། །གནས་
198a
༄#། །གང་ཡིན་པར་གཞག་པར་བྱ། །ཁྲོ་བོའི་ལྟ་བུ་ཁྲོ་དང་ལྡན། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དམ་ཚིག་གི་རྟོག་པ་ཆེན་པོའི་རྒྱལ་པོ་ལས། ཁྲོ་བོ་གསང་པའི་ཕྱག་རྒྱ་ཆེན་པོའི་དཀྱིལ་འཁོར་གྱི་ཆོ་ག་རྒྱས་པ་རྫོགས་སོ།། །།དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་རིགས་ཀྱི་ཏིང་ངེ་འཛིན་གྱི་ཡེ་ཤེས་ཀྱི་ཕྱག་རྒྱའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐཱ་ག་ཏ་སཱུཀྵྨ་བཛྲ་ཀྲོ་དྷ་ཧཱུཾ་ཕཊ། དེ་ནས་ཕྱག་ན་རྡོ་རྗེ་ཁྲོ་བོའི་རྒྱལ་པོ་ཆེན་པོས་འཇིག་རྟེན་གསུམ་ལས་རྣམ་པར་རྒྱལ་བའི་རྡོ་རྗེ་ཕྲ་མོའི་རིག་པ་དམ་པ་འདི་གསུངས་སོ། །ོཾ་སཱུཀྵྨ་བཛྲ་ཀྲོ་དྷ་ཀྲ་མ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་འཇིག་རྟེན་གསུམ་ལས་རྣམ་པར་རྒྱལ་བའི་རྡོ་རྗེ་ཕྲ་མོའི་རིག་པ་དམ་པ་འདི་གསུངས་སོ། །ོཾ་སཱུཀྵྨ་བཛྲ་རཏྣ་ཀྲོ་དྷ་ཀྲ་མ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་འཇིག་རྟེན་གསུམ་ལས་རྣམ་པར་རྒྱལ་བའི་རྡོ་རྗེ་ཕྲ་མོའི་རིག་པ་དམ་པ་འདི་གསུངས་སོ། །ོཾ་བཛྲ་སཱུཀྵྨ་བཛྲ་པདྨ་ཀྲོ་དྷ་ཀྲ་མ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་འཇིག་རྟེན་གསུམ་ལས་རྣམ་པར་རྒྱལ་
198b
བའི་རྡོ་རྗེ་ཕྲ་མོའི་རིག་པ་དམ་པ་འདི་གསུངས་སོ། །ོཾ་སཱུཀྵྨ་བཛྲ་ཀརྨ་ཀྲོ་དྷ་ཀྲ་མ་ཧཱུཾ་ཕཊ། དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིགས་བསྐྱེད་པའི་ཕྱིར་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་འཁོད་དེ། དེ་རྣམས་ཀྱི་རང་གི་སྙིང་པོ་གསུངས་སོ། །ོཾ་སཱུཀྵྨ་བཛྲ་སཏྭ་སུ་ཛྙཱ་ན་ཀྲོ་དྷཱ་ཀྲ་མ་ཧཱུཾ་ཕཊ། ཨོཾ་སཱུ་ཀྵྨ་བཛྲ་ཨཾ་ཀུ་ཤ་ཨཱ་ཀཪྵ་ཡ་མཧཱ་ཀྲོ་དྷཱ་ཡ་ཧཱུཾ་ཕཊ། ཨོཾ་བཛྲ་སཱུ་ཀྵྨ་རཱ་ག་ཀྲོ་དྷཱ་ཨ་ནུ་རཱ་ག་ཡ་ཏི་བི་ཀྲ་མ་ཧཱུཾ་ཕཊ། ཨོཾ་བཛྲ་སཱུ་ཀྵྨ་བཛྲ་པུཥྚིཾ་ཀྲོ་དྷ་ཧཱུཾ་ཕཊ། ཨོཾ་སཱུ་ཀྵྨ་བཛྲ་བྷྲ་ཀུ་ཊཱི་ཀྲོ་དྷ་ཧ་ར་ཧ་ར་ཧཱུཾ་ཕཊ། ཨོཾ་སཱུ་ཀྵྨ་བཛྲ་ཛྭཱ་ལ་མཎྜ་ལ་ཀྲོ་དྷ་སཱུརྱ་ཛྭཱ་ལ་ཧཱུཾ་ཕཊ། ཨོཾ་སཱུཀྵྨ་བཛྲ་ཙཀྲ་ཀྲོ་དྷཱ་སརྦ་ཨརྠ་མཱ་མེ་པྲ་ཡཙྪ་ཤྲཱི་ཀྲ་མ་ཧཱུཾ་ཕཊ། ཨོཾ་བཛྲ་སཱུཀྵྨ་ཧཱ་ས་ཀྲོ་དྷཱ་མཧཱ་ཊྚ་ཊྚ་ཧཱ་ས་ཧ་ཧ་ཧ་ཧ་ཧཱུཾ་ཕཊ། ཨོཾ་སཱུཀྵྨ་བཛྲ་དྷརྨ་བཛྲ་ཀྲོ་དྷཱ་ཡ་ཧཱུཾ་ཕཊ། ཨོཾ་སཱུཀྵྨ་བཛྲ་ཙྪེ་ད་ཀྲོ་དྷཱ་ཙྪིནྡ་བྷིནྡ་ཧཱུཾ་ཕཊ། ཨོཾ་སཱུཀྵྨ་བཛྲ་ཀྲོ་དྷཱ་མཧཱ་ཙཀྲ་ཙྪནྡི་པ་ཏཱ་ཡ་ཤྲཱི་པྲ་བེ་ཤ་ཡ་ཧྲི་ད་ཡཾ་བྷིནྡ་ཧཱུཾ་ཕཊ། ཨོཾ་སཱུཀྵྨ་བཛྲ་ཧཱུཾ་ཀཱ་ར་ཧ་ན་ཏཱ་ཡ་བཱཀ་མ་ཏྲེནྣ་ཧཱུཾ་ཕཊ་ཨོཾ་སཱུཀྵྨ་བཛྲ་ཀརྨ་ཀྲོ་དྷཱ་སརྦ་ཀརྨ་ཀཱ་རོ་དྦྷ་བ་སརྦ་ཀཱ་ར་ཡ་སཱདྷ་ཡ་ཧཱུཾ་ཕཊ། ཨོཾ་བཛྲ་སཱུཀྵྨ་ཀ་པ་ཙ་ཀྲོ་དྷཱ་རཀྵ་རཀྵ་ཧཱུཾ་ཕཊ། ཨོཾ་སཱུཀྵྨ་བཛྲ་ཡཀྵ་ཀྲོ་དྷ་ཧ་ན་བྷ་ཡ་སརྦ་དུཥྚི་ཉྩི་ཏྟ་མཱ་ཏྲེ་བཛྲ་དཥྚ་ཧཱུཾ་ཕཊ། ཨོཾ་སཱུཀྵྨ་བཛྲ་མུཥྚི་ཀྲོ་དྷཱ་བནྡྷ་བནྡྷ་ཧཱུཾ་ཕཊ། དེ་ནས་ཡང་ཕྱག་ན་རྡོ་རྗེས་རྡོ་རྗེ་རྀགས་ཀྱི་ཡེ་ཤེས་ཕྲ་མོའི་དམ་ཚིག་གི་དཀྱིལ་འཁོར་གསུངས་པ། དེ་ནས་རབ་ཏུ་བཤད་བྱ་བ། །
199a
༄#། །ཆོས་ཀྱི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །ཁྲོ་བོའི་ཡེ་ཤེས་ཞེས་ཀྱང་བཤད། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུས་བྲེ། །དེ་ཡི་དབུས་སུ་སངས་རྒྱས་བྲི། །ཡེ་ཤེས་རྡོ་རྗེའི་དབུས་ནའོ། །སངས་རྒྱས་ཀྱི་ནི་ཕྱོགས་ཀུན་ཏུ། །ཕྱག་རྒྱ་དེ་ཉིད་ཀུན་བྲིས་ཤིག། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་བཞི་པོ་རྣམས་སུ་ཡང ། །འཇིག་རྟེན་གསུམ་ལས་རྣམ་རྒྱལ་སོགས། །རིམ་པ་བཞིན་དུ་དགོད་པར་བྱ། །དེ་རྣམས་ཀྱི་ནི་ཕྱོགས་ཀུན་ཏུ། །རྡོ་རྗེ་ཁྲོ་བོའི་ཆོ་ག་བཞིན། །དེ་ནས་འདིར་རྡོ་རྗེ་རིགས་ཀྱི་ཡེ་ཤེས་ཕྲ་མོའི་དཀྱིལ་འཁོར་གྱི་ཆོ་གའི་རིམ་པ་རྒྱས་པར་བཤད་དོ། །དེ་ལ་དང་པོ་ཉིད་དུ་རེ་ཞིག་བཅུག་ནས་བསྒོ་བ་ནི། །དེ་རིང་ཁྱོད་ལ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཁྲོ་བོ་བཅོམ་ལྡན་འདས་ཕྱག་ན་རྡོ་རྗེས་དབང་བསྐུར་གྱིས་དེ་ལ་ལེགས་པར་ནན་ཏན་གྱིས་ཤིག། སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་ཡོངས་སུ་བསྐྱབ་པའི་ཕྱིར་ཉིད་དུ་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་ཕན་པ་དང ། བདེ་བ་དང ། གྲུབ་པ་དམ་པ་ཐོབ་པའི་འབྲས་བུའི་བར་གྱི་ཕྱིར་རྡོ་རྗེ་ཁྲོ་བོས་སེམས་ཅན་ཐམས་ཅད་ཀྱང་ཡང་དག་པར་སྦྱང་བའི་ཕྱིར་བདུད་བྱེད་ན་མ་རུངས་པ་ཐམས་ཅད་ལྟ་ཞིག་སྨོས་ཀྱང་ཅི་དགོས། དེ་སྐད་བསྒོ་
199b
ནས་\?\་གདོང་གཡོགས་བཀྲོལ་ཏེ་དེ་རྣམས་ཀྱི་དཀྱིལ་འཁོར་ཆེན་པོ་ཐམས་ཅད་བསྟན་ནས་རྡོ་རྗེ་ཇི་ལྟ་བ་བཞིན་དུ་ལག་པ་གཉིས་བྱིན་ནོ། །དེ་ནས་རྡོ་རྗེ་ཁྲོ་བོའི་ཡེ་ཤེས་ཕྲ་མོ་རྣམས་སློབས་ཤིག་།རྡོ་རྗེ་ཧཱུཾ་གི་རྣལ་འབྱོར་གྱིས། །རྡོ་རྗེ་ཕྲ་མོའི་བསྟན་བྱས་ལ། །ཧཱུཾ་ཞེས་བྱ་བ་གང་སྦྱར་བ། །དེ་ཡི་སྲོག་ནི་འཇིག་པར་འགྱུར། །རྡོ་རྗེ་ཕྲ་མོ་བསྟན་བྱས་ཏེ། །ཆོ་ག་བཞིན་དུ་མཆེད་པ་ནི། ། ཇི་སྲིད་བར་དུ་མཆེད་པ་དེས། །དེ་སྲིད་ཀྱི་ནི་དགྲ་འདི་འཇིག་།རྡོ་རྗེ་ཧཱུཾ་གི་རྣལ་འབྱོར་གྱིས། །རྡོ་རྗེ་ཕྲ་མོའི་ཚུལ་སྦྱར་བྱས། །ཁྲོ་བོར་ལྡན་པ་ཇི་སྲིད་མཆེད། །དེ་སྙེད་སེམས་ཅན་མ་རུངས་བྱེད། །དེ་ལྟར་དེ་བཞིན་གསོལ་བ་ཡང ། །རྣལ་འབྱོར་ཅན་གྱིས་འདོད་ན་ནི། །མ་ལུས་པ་ནི་ཐམས་ཅད་ཀྱང ། །དེ་དག་ཕྱིར་ཞིང་འཚོ་བར་འགྱུར། །དེ་ལ་དེ་དག་གི་སྙིང་པོ་ནི་འདི་དག་ཡིན་ནོ། །ཧཱུཾ་ཧཱུཾ་ནཱ་ཤ་ཡ་བཛྲ་ཧཱུཾ་བི་ནཱ་ཤ་ཡ་སརྦ་སཱུཀྵྨ་བཛྲ་པྲ་ཏྱ་ནཱ་ཤ་ཡ་ཤཱི་གྷྲཾ་ཧཱུཾ། སེམས་ཅན་གང་གིས་དགྲ་ལ་ནི། །ལྷན་ཅིག་གྱུར་པ་ཆེར་བསྟན་པས། །བྱམས་པ་མཆེད་པའི་རྣལ་འབྱོར་གྱིས། །རྡོ་རྗེ་འཕྲོ་བས་འཇིག་པར་འགྱུར། །རྡོ་རྗེ་འཕྲོ་བའི་རྣལ་འབྱོར་གྱིས། །སྙིང་རྗེ་ཅན་གྱི་སུ་གང་ལ། །སྙིང་རྗེ་རྣལ་འབྱོར་དེ་ཡིས་ནི། །གདུག་པ་ཐམས་ཅད་ངེས་འཇིག་གོ་།ཆོས་སམ་ཡང་ན་ཆོས་མིན་པ། །རང་བཞིན་གྱིས་ནི་འོད་གསལ་བ། །དེ་ལྟར་བསྒོམས་ན་སེམས་ཅན་ལ། །ཧཱུཾ་ཞེས་བྱ་བས་འཇིག་པར་བྱེད། །གདུལ་བར་དཀའ་བའི་
200a
༄#། །སེམས་ཅན་གང ། །སངས་རྒྱས་བྱང་ཆུབ་སྣོད་མིན་པ། །དེ་རྣམས་ཡང་དག་སྦྱང་བའི་ཕྱིར། །ཧཱུཾ་ཞེས་བྱ་བས་འཇིག་པར་བྱེད། །དེ་ལ་དེ་རྣམས་ཀྱི་སྙིང་པོ་ནི་འདི་དག་ཡིན་ནོ། །བྷཻ་ར་བཛྲེ་ཀྲོ་དྷཱ་ཧཱུཾ་ཕཊ། ག་རུ་ཎ་བཛྲ་ཀྲོ་དྷཱ་ཧཱུཾ་ཕཊ། ཧཱུཾ་བིཤུདྡྷ་བཛྲ་ཀྲོ་དྷཱ་ཧཱུཾ་ཕཊ། ཨོཾ་བི་ཤོ་དྷ་ན་བཛྲ་ཀྲོ་དྷཱ་ཧཱུཾ་ཕཊ། རྡོ་རྗེའི་དབྱིབས་ནི་བྲིས་ནས་ཀྱང ། །ཡིད་ཀྱིས་ཀྱང་ནི་གང་སུ་ཡི། །ཁྱིམ་གྱི་དབུས་སུ་ལྷུང་བསམས་ནས། །དེ་ཡི་རིགས་དེ་འཇིག་པར་འགྱུར། །དེ་བཞིན་རྡོ་རྗེ་ཕྲ་ཚུལ་གྱིས། །སྙིང་གར་རྡོ་རྗེ་བསྒོམས་ནས་ཀྱང ། །བྱང་ཆུབ་སེམས་དཔའ་ཆེན་པོའི་གཟུགས། །ལྷུང་ན་རིགས་ནི་འཇིག་པར་འགྱུར། །ཕྱག་ན་རྡོ་རྗེའི་གཟུགས་ཆེན་པོ། །བསྒོམས་ནས་གང་དུ་ལྷུང་བ་དེའི། །སྣང་སྲིད་ཉེས་པ་སྣ་ཚོགས་ཀྱིས། །བཙུན་མོར་བཅས་པ་འཇིག་པར་འགྱུར། །རྣམ་པ་ཀུན་གྱི་མཆོག་ལྡན་པའི། །སངས་རྒྱས་གཟུགས་ནི་བསྒོམས་ནས་ནི། །སྣང་བ་གང་ལ་ལྷུང་བ་ནི། །དེ་ཡི་སྣང་སྲིད་ངེས་པར་འཇིག་།དེ་ལ་དེ་དག་གི་སྙིང་པོ་རྣམས་ནི་འདི་དག་ཡིན་ནོ། །ཧཱུཾ་བཛྲ་པྲ་བ་ཏ། ཧཱུཾ་བོ་དྷི་སཏྭ་པྲ་བ་ཏ། ཧཱུཾ་བཛྲ་དྷ་ར་པྲ་བ་ཏ། ཧཱུཾ་བུ་དྡྷ་པྲ་བ་ཏ། རྡོ་རྗེ་རྩེ་མོར་རབ་སྦྱོར་བས། །ཟླ་བའི་གཟུགས་ལ་བདག་རང་ཉིད། །བསྒོམས་ནས་སུ་ནི་བདག་རང་ཀྱང ། །གང་དུ་ལྷུང་བ་དེར་ལྟུང་འགྱུར། །ཟླ་བ་རྡོ་རྗེ་བདག་རང་གིས། །བསྒོམས་ནས་སུ་ནི་བདག་རང་ཡང ། །རབ་ཏུ་
200b
ཏུ་ཁྲོས་ནས་གར་ལྷུང་བ། །དེ་ཡི་རིགས་ནི་མོད་ལ་ལྟུང ། །བདག་རང་ཕྱག་ན་རྡོ་རྗེར་ནི། །བསྒོམས་ནས་སུ་ནི་བདག་རང་ཡང ། །གང་དུ་ལྟུང་བ་དེ་ཡི་ཡུལ། །རིང་པོར་མི་ཐོགས་འཇིག་པར་འགྱུར། །བདག་རང་སངས་རྒྱས་གཟུགས་ཉིད་དུ། །བསྒོམས་ནས་སུ་ནི་བདག་ཉིད་ཀྱང ། །གང་དུ་ལྟུང་བ་དེ་ཡི་ནི། །སྣང་སྲིད་རིང་པོ་མ་ཐོགས་འཇིག་།དེ་ལ་དེ་དག་གི་སྙིང་པོ་རྣམས་ནི་འདི་དག་ཡིན་ནོ། །པོ་དྷཱ་གྲི་པྲ་བ་ཏ་ཡ་ཧཱུཾ། སཏྭ་བཛྲ་པྲ་བ་ཏ་ཡ་ཧཱུཾ། བཛྲ་སཏྭ་པྲ་བ་ཏ་ཡ་ཧཱུཾ། བུདྡྷ་པྲ་བ་ཏ་ཡ་ཧཱུཾ། དེ་ནས་རྡོ་རྗེ་རིགས་ཀྱི་ཆོས་ཀྱི་གསང་བའི་ཕྱག་རྒྱའི་ཡེ་ཤེས་ལ་བསླབ་བོ། ། རྡོ་རྗེ་ཁྲོ་བོར་སྙོམས་ཞུགས་ལ། །རང་གི་ལུས་ཀྱིས་ཡོངས་བསྐོར་བ། །རྡོ་རྗེ་ཧཱུཾ་བྱས་འཁྱུད་ནས་ནི། །གང་གི་མིང་སྨོས་ཏེ་འཆིའོ། །རྡོ་རྗེ་ཕྲ་མོར་སྙོམས་པར་ཞུགས། སྣ་ནས་ཕྲ་མོ་ཐང་ཅིག་ཏུ། །དབུགས་བཏང་ཧཱུཾ་ཞེས་བྱ་ཚུལ་གྱིས། །འཇིག་རྟེན་གསུམ་ཡང་ལྷུང་བར་འགྱུར། །རྡོ་རྗེ་ཕྲ་མོའི་ཚུལ་སྦྱར་ལ། །ཁྲོས་ནས་རྡོ་རྗེ་ལྟ་བ་ཡི། །བལྟས་པ་ཡིས་ནི་ལྡོངས་པར་འགྱུར། ། ཡང་ན་འཆི་བ་རུ་ནི་འགྱུར། །བུ་ག་ནས་ནི་ཞུགས་ནས་སུ། །ཡིད་ཀྱིས་གང་ཡང་རུད་བ་ཡི། །སྙིང་ནས་དྲངས་པ་དེ་ཡིས་ནི། །རང་ངམ་འདི་ཡི་དབང་དུ་འགྱུར། །དེ་ལ་དེ་དག་གི་སྙིང་པོ་རྣམས་གསུངས་པ། ཧཱུཾ་བཛྲ་བ་ལི་ཏ་ཀྲོ་དྷཱ་མཱ་ར་ཡ་ཧཱུཾ་ཕཊ། ཨོཾ་སཱུཀྵྨ་བཛྲ་ཤཝ་ས་བི་ཤྲ་བ་ཏཱ་ཡ་ཧཱུཾ་ཕཊ། ཨོཾ་བཛྲ་དྲྀ་ཥྚི་བི་ཤ་བི་ཤ་བི་ནཱ་ཤ་ཡ་ཧཱུཾ་ཕཊ། ཧཱུཾ་ཧྲི་ད་ཡཀྵ་ན་ཀྲོདྷཱ་པྲ་བི་ཤཀ་ཡཾ་ཧྲྀ་
201a
༄#། །ད་ཡ་ཙྪིནྡ་བྷིནྡ་ཀ་ཏ་ཀ་ཏ་ཧཱུཾ་ཕཊ། དེ་ནས་རྡོ་རྗེ་རིགས་ཀྱི་ཆོས་ཀྱི་ཕྱག་རྒྱའི་ཡེ་ཤེས་ལ་བསླབ་པོ། །དེ་ལ་རེ་ཞིག་ཕྱག་རྒྱ་ཆེན་པོ་བཅིང་ང་བཤད་དོ། ། རྡོ་རྗེ་ཡེ་ཤེས་སྦྱོར་བ་ཡིས། །འབར་བའི་ཕྲེང་བས་འཁྲིགས་པའི་འོད། །རྡོ་རྗེ་ཁྲོ་བོར་བདག་རང་ཉིད། །བསྒོམས་ན་དེ་མ་ཐག་ཏུ་འགྲུབ། །དེ་ནས་རྡོ་རྗེ་རིགས་ཀྱི་ཆོས་ཀྱི་དམ་ཚིག་གི་ཕྱག་རྒྱའི་ཡེ་ཤེས་ལ་བསླབ་པོ། །ཏིང་འཛིན་ཡེ་ཤེས་དམ་ཚིག་ལས། །ཧཱུཾ་ཞེས་བྱ་དང་ལྡན་གྱུར་པ། །ཅི་རིགས་གནས་སུ་བཞག་ན་ནི། །གྲུབ་པ་ཐམས་ཅད་སྟེར་བའི་མཆོག ། དེ་ནས་རྡོ་རྗེ་རིགས་ཀྱི་ཆོས་ཀྱི་དམ་ཚིག་གི་ཆོས་ཀྱི་ཕྱག་རྒྱའི་ཡེ་ཤེས་ལ་བསླབ་བོ། །ཕཊ། ཤཊ། མཊ། སཊ། རཊ། ཏཊ། ཧཊ། བྲཊ། ཏྲཊ་དཊ། བྷཊ། ཀྲྀཊ། རིཊ། ཁཊ། བཊ། ཞེས་བྱ་བ་ནི་ཆོས་ཀྱི་ཕྱག་རྒྱ་མདོར་བསྡུས་བཤད་པའོ། །དེ་ནས་རྡོ་རྗེ་རིགས་ཀྱི་ཆོས་ཀྱི་དམ་ཚིག་གི་ལས་ཀྱི་ཕྱག་རྒྱའི་ཡེ་ཤེས་ལ་བསླབ་བོ། །ཆོས་ཀྱི་ཁུ་ཚུར་གཉིས་བྱས་ཏེ། །ཇི་ལྟར་རིགས་པའི་གནས་སུ་སྦྱར། །ལས་ཀྱི་ཕྱག་རྒྱ་མདོར་བསྡུས་ན། །ཆོ་ག་བཞིན་དུ་འགྲུབ་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཆེན་པོའི་དམ་ཚིག་གི་རྟོག་པ་ཆེན་པོའི་རྒྱལ་པོ་ལས་རྡོ་རྗེ་རིགས་ཀྱི་ཆོས་ཀྱི་ཡེ་ཤེས་ཀྱི་དམ་ཚིག་གི་དཀྱིལ་འཁོར་གྱི་ཆོ་ག་རྒྱས་པར་བཤད་པ་རྫོགས་སོ།། །།
201b
དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ལས་ཀྱི་དམ་ཚིག་འབྱུང་བའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རང་གི་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐ་ག་ཏ་ཀརྨེ་ཤཝ་ར་ཧཱུཾ། དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིག་པ་དམ་པ་འདི་གསུངས་སོ། ། ོཾ་སརྦ་ཏ་ཐཱ་ག་ཏ་དྷརྨ་དྷཱ་ཏུ་སྥ་ར་ཎ་མཧཱ་པཱུ་ཛཱ་ཀརྨ་བི་དྷི་བིསྟྭ་ར་ས་མ་ཡེ་ཏྲཻ་ལོཀྱ་བི་ཛ་ཡ་ཀི་ར་སརྦ་དུཥྚཾ་ས་མ་ཡ་བཛྲི་ཎི་ཧཱུཾ། དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིགས་པ་དམ་པ་འདི་གསུངས་སོ། །ོཾ་སརྦ་ཏ་ཐའ་ག་ཏ་ཀཱ་ཡ་ཤ་དུ་ས་མ་ཡ་སྥ་ར་ཎ་མྷཱ་པཱུ་ཛཱ་ཀརྨ་བི་དྷི་བསྟི་ར་ས་མ་ཡེ་ཧཱུཾ། དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐཱ་ག་ཏ་དྷརྨ་དྷཱ་ཏུ་སྥ་ར་ཎ་མཧཱ་པཱུ་ཛཱ་ཀརྨ་བི་དྷི་བིསྟཱ་ར་ཎ་ས་མ་ཡེ་ཧཱུཾ། དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐ་ག་ཏ་སརྦ་ཨ་བ་ལོ་ཀ་དྷཱ་ཏུ་མ་བི་མཧཱ་པཱུ་ཛཱ་ཀརྨ་བི་དྷི་བིསྟ་ར་ས་མ་ཡེ་ཧཱུཾ་ཕཊ། དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིག་པ་ཆེན་པོའི་ཆོ་ག་རྒྱས་པའི་ལྷ་མོ་རྣམས་རང་གི་སྙིང་གནས་བསྐྱེད་དེ་འཇིག་རྟེན་གྱི་ཁམས་ཐམས་
202a
༄#། །ཅད་དུ་དེ་བཞིན་གཤེགས་པ་ཐམས་ཅད་སྤྱན་དྲང་བ་དང ། དབང་དུ་བྱ་བ་དང ། མཉེས་པར་བྱ་བ་དང ། ལས་ཐམས་ཅད་གྲུབ་པའི་དགོས་པ་བྱེད་པ་ཉིད་དུ་ཡང་དག་པའི་སྦྱོར་བ་ལ་སོགས་པ་དེ་བཞིན་གཤེགས་པ་ཐམས་ཅད་ཀྱི་རྫུ་འཕྲུལ་དང ། རྣམ་པར་འཕྲུལ་བར་བྱས་ཏེ། སླར་ཡང་བཅོམ་ལྡན་འདས་རྣམ་པར་སྣང་མཛད་ཀྱི་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་ཟླ་བའི་དཀྱིལ་འཁོར་ལ་གནས་ཏེ་འཁོད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས། རྡོ་རྗེ་ལས་ཀྱི་དམ་ཚིག་གི་ཆོ་ག་རྒྱས་པའི་ལས་ཀྱི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །ལས་ཀྱི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །ལས་ཀྱི་རྡོ་རྗེ་ཞེས་བཤད་དོ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུ་བྲེ། །དཀྱིལ་འཁོར་དབུས་ཀྱི་གནས་སུ་ནི། །སངས་རྒྱས་སྐུ་གཟུགས་གཞག་པར་བྱ། །སངས་རྒྱས་ཀུན་གྱི་ཕྱོགས་ཀུན་ཏུ། །དམ་ཚིག་མཆོག་རྣམས་གཞག་པར་བྱའོ། །རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་བཞི་པོ་རྣམས་སུ་ཡང ། །རྡོ་རྗེ་གཙོ་སོགས་བཞི་པོ་རྣམས། །ཇི་ལྟར་རིམ་བཞིན་བཞག་པར་བྱ། །དེ་རྣམས་ཀྱི་ནི་ཕྱོགས་ཀུན་ཏུ། །མཆོད་པ་ཆེན་པོ་རྣམས་བཞག་གོ། དེ་ནས་ལས་ཀྱི་དཀྱིལ་འཁོར་འདིར། །རྡོ་རྗེ་ལས་ཀྱི་ཕྱག་
202b
རྒྱ་བཤད། །ོཾ་བཛྲ་སཏྭ་སིད་དྷི་ཛྙཱ་ན་ཀརྨ་སམ་ཡེ་ཧཱུཾ་ཛ། ཨོཾ་བཛྲ་ཨཱ་ཀ་ཪྵཎ་ཀརྨ་ཛྙཱ་ནའ་ས་མ་ཡེ་ཧཱུཾ་ཛ། ཨོཾ་བཛྲ་ར་ཏི་རཱ་ག་ཀརྨ་ཛྙཱ་ན་ས་མ་ཡེ་ཧཱུཾ་ཛ། ཨོཾ་བཛྲ་ས་དྷུ་ཀརྨ་ཛྙཱ་ན་ས་མ་ཡེ་ཧཱུཾ་ཛ། ཨོཾ་བཛྲ་བྷརྀ་ཀུ་ཊཱི་བ་ཤིཾ་ཀུ་རུ་ཧཱུཾ། ཨོཾ་བཛྲ་སཱུ་རྱ་མཎྜ་ལེ་བ་ཤིཾ་ཀུ་རུ་ཧཱུཾ། ཨོཾ་བཛྲ་དྷྭཻ་ཛཱ་གྲ་ཀཻ་ཡཱུ་རེ་རེ་བ་ཤིཾ་ཀུ་རུ་ཧཱུཾ། ཨོཾ་བཛྲ་ད་ཏ་ཧཱ་ས་བ་ཤིཾ་ཀུ་རུ་ཧཱུཾ། ཨོཾ་བཛྲ་པདྨ་རཱ་ག་རཱ་ག་ཡ་ཧཱུཾ། ཨོཾ་བཛྲ་ཏཱིཀྵྞ་རཱ་གེ་རཱ་ག་ཡ་ཧཱུཾ། ཨོཾ་བཛྲ་མཎྜ་ལེ་རཱ་གེ་རཱ་ག་ཡ་ཧཱུཾ། ཨོཾ་བཛྲ་བཱ་གཱ་རཱ་གེ་རཱ་ག་ཡ་ཧཱུཾ། ཨོཾ་བཛྲ་ཀརྨ་ས་མ་ཡ་ཙ་ཡ་ཧཱུཾ། ཨོཾ་བཛྲ་ཀ་པ་ཙཾ་བདྷརཀྵ ་རཀྵ་ཧཱུཾ། ཨོཾ་བཛྲ་ཡཀྵི་ཎི་མཱ་ར་ཡ་བཛྲ་དཾཥྚཾ་ཡ་བྷིནྡ་བདིནད་ཡ་མུ་ག་སྱ་ཧཱུཾ་ཕཊ། ཨོཾ་བཛྲ་ཀརྨ་མུཥྚི་སིདྡྷི་ཧཱུཾ་ཕཊ། དེ་ནས་ལས་ཀྱི་དཀྱིལ་འཁོར་འདིར་ཆོ་ག་རྒྱས་པ་ཇི་ལྟ་བ་བཞིན་དུ་བྱས་ཏེ། རྡོ་རྗེ་རིགས་ཀྱི་ལས་ཀྱི་ཡེ་ཤེས་རྣམས་བསྐྱེད་དོ། །དེ་ལ་དང་པོ་ཉིད་དུ་ཞི་བ་ལ་སོགས་པའི་ཕྱག་རྒྱའི་ཡེ་ཤེས་ལ་བསླབ་བོ། །ཡམ་ཤིང་མངར་པོ་རྣམས་ཀྱི་མེ། །རབ་སྦར་རྡོ་རྗེ་ཁྲོ་བོ་ཡི། མཉམ་པར་གཞག་པས་སྙོམས་ཞུགས་ལ། །ཏིལ་བསྲེགས་པས་ནི་སྡིག་བསྲེགས་ཤིང ། །ཡམ་ཤིང་དེ་དག་ཉིད་ཀྱིས་ནི། །བྱིན་ཟ་རབ་ཏུ་སྦར་ནས་ཀྱང ། །རྟག་ཏུ་འབྲས་ནི་སྦྱིན་བསྲེགས་ན། །གདོན་མི་ཟ་བར་ཁྱིམ་རྒྱས་འགྱུར། །ཡམ་ཤིང་མངར་བོ་རྣམས་ཀྱིས་ཀྱང ། །མཁས་པས་རབ་ཏུ་མེ་སྦར་ཏེ། །དཱུར་བའི་ཡལ་ག་མར་བཅས་པ། །བསྲེག་པ་བྱས་ན་ཚེ་འཕེལ་
203a
༄#། །ལོ། །ཡ་མ་ཤིང་དེ་དག་ཉིད་ཀྱིས་ནི། །བྱིན་ཟ་རབ་ཏུ་སྤར་བྱས་ལ། །ཀུ་ཤའི་ཡལ་ག་འབྲུ་མར་གྱིས། །བསྲེག་པར་བྱས་ན་ངེས་པར་བསྲུང ། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་སརྦ་པཱ་བཾ་ད་ཧ་ན་བཛྲ་ཡ་སཝཱཧཱ། །ོཾ་བཛྲ་པུཥྚ་ཡེ་སཝཱཧཱ། །ོཾ་བཛྲ་ཨཱ་ཡུ་ཥེ་སཝཱཧཱ། །ོཾ་བཛྲ་ཨཱ་བྲ་ཏི་ཧ་ཏ་བཛྲ་ཡ་སཝཱཧཱ། །ཡམ་ཤིང་ཚ་བས་དང་པོར་ནི། །རྡོ་རྗེ་ཁྲོ་བོའི་ཏིང་འཛིན་གྱིས། མེ་སྤར་ནས་ཀྱང་སེ་བ་ཡི། །ཚེར་མ་ཅན་གྱིས་འགུགས་པར་འགྱུར། །ཡམ་ཤིང་དེ་དག་ཉིད་ཀྱིས་ནི། །ཁྲོ་དང་ལྡན་པས་མེ་སྦར་ན།། མེ་ཏོག་དམར་རམ་འབྲས་བུའང་རུང ། །སྦྱིན་སྲེག་བྱས་ན་སྐྱེ་བོ་རེངས། །རྣལ་འབྱོར་ཅན་གྱིས་ཁྲོས་ནས་ཀྱང ། །ཡམ་ཤིང་དེས་ནི་མེ་སྦར་ཏེ། །ལྕགས་ཀྱི་ཕྱེ་མ་བསྲེགས་ན་ནི།། རྡོ་རྗེ་བཅིངས་པ་ཉིད་དུ་འགྱུར། །ཡམ་ཤིང་དེ་དག་ཉིད་ཀྱིས་ནི། །མཉམ་པར་གཞག་སྟེ་མ་བུས་ལ། །འབྲས་བུ་ཁ་བ་ཁྲོས་བཞིན་བསྲེག་།སྐད་ཅིག་ཏུ་ནི་འཆི་བར་འགྱུར། ། རེ་ཏེ་བ་རུ་པ་མིཾ་དྷི་དྷུ་ལྱ་ག་ནི་ས་མ་ཧྲི་ས། ཛུ་ཧེ་ཏ་རི་ག་ཏ་ཡ་ལཾ་ཀུ་ཏོ་མེ་ཏི་པཱུ་ཏ་པ་ཏ་ཡེ་ཏ། དེ་ལ་དེ་དག་གི་སྙིང་པོ་ནི་འདི་དག་ཡིན་ནོ། །ཧཱུཾ་བཛྲ་ཨཱ་ཀཪྵ་ཡ་སཝཱཧཱ། །ཧཱུཾ་བཛྲ་རཱ་གཱ་ཡ་སཝཱཧཱ། །ཧཱུཾ་བཛྲ་བནྡྷ་ཡ་སཝཱཧཱ། །ཧཱུཾ་བཛྲ་མཱ་ར་ཎ་ཡ་སཝཱཧཱ། །མཁས་པས་ཡམ་ཤིང་སྐྱུར་མོ་ཡིས། །ཁྲོས་ནས་བྱིན་ཟ་སྦར་ནས་ནི། །འབྲས་བུ་ལོ་མ་སྐྱུར་བསྲེགས་
203b
ན། །དབང་དུ་བྱ་བ་དམ་པ་འོ། །ཡམ་ཤིང་དེ་དག་ཉིད་ཀྱིས་ཀྱང ། །མཉམ་པར་གཞག་སྟེ་མེ་སྦར་ལ། །འདོད་པའི་འབྲས་བུ་ཁྲོས་བསྲེགས་ན། །འདོད་པ་བཞིན་གྱི་གཟུགས་རྙེད་དོ། །དེ་འདྲ་བ་ཡི་ཡམ་ཤིང་གིས། །བྱིན་ཟ་རབ་ཏུ་སྦར་ནས་ཀྱང ། །མི་སྣང་མེ་ཏོག་སྡོང་བུ་ཡིས། །བསྲེགས་ན་འདོད་བཞིན་མི་སྣང་འགྱུར། །ཡམ་ཤིང་དེ་དག་ཉིད་ཀྱིས་ནི། །མཉམ་པར་གཞག་པ་མེ་སྤར་ལ། །ནམ་མཁའི་ལྕུག་མའི་མེ་ཏོག་གིས། །སྦྱིན་སྲེག་བྱས་ན་མཁའ་ལ་འགྲོ། དེ་ལ་དེ་དག་གི་སྙིང་པོ་ནི་འདི་དག་ཡིན་ནོ། །ོཾ་བཛྲ་བ་ཤཾ་ཀཱ་ར་ཡ་སཝཱཧཱ། །ོཾ་བཛྲ་ཀརྨ་རཱུ་པ་བཛྲཱ་ཡ་སཝཱཧཱ། །ོཾ་ཨདྱ་ཤྱ་བཛྲ་ཡ་སཝཱཧཱ། །ོཾ་བཛྲ་ཁ་བ་ཙ་རི་ཎི་སཝཱཧཱ། །ཁྲོ་བོར་མཉམ་གཞག་ཡམ་ཤིང་ནི། །ཤིན་ཏུ་ཁ་བས་མེ་སྦར་ལ། །བཛྲི་མེ་ཏོག་བསྲེགས་བྱས་ན།། རྡོ་རྗེ་བཀའ་བཞིན་བྱེད་པར་འགྱུར། །ཡམ་ཤིང་དེ་དག་ཉིད་ཀྱིས་ནི། །ཁྲོ་དང་ལྡན་ལ་མེ་སྦར་ལ། །ལྷ་ཡི་ཕྲེང་བ་གང་བསྲེགས་པ། །དེ་ཡང་བཀའ་བཞིན་ཉན་པར་འགྱུར། །ཁྲོ་བོ་ཉིད་དུ་མཉམ་བཞག་པ། །ཡམ་ཤིང་ངེས་ནི་མེ་སྦར་ཏེ། །ཕྱག་ན་རྡོ་རྗེའི་ཕྲེང་བ་བསྲེག། དེ་ཡང་བཀའ་བཞིན་བྱེད་པར་འགྱུར། །ཡམ་ཤིང་དེ་དག་ཉིད་ཀྱིས་ནི། །རབ་ཏུ་ཁྲོས་ཏེ་མེ་སྦར་ལ། །ཆོས་གོས་བསྲེགས་པས་སངས་རྒྱས་ཀྱང ། །སྐད་ཅིག་ཏུ་ནི་བཀའ་བཞིན་མཛད། །དེ་ལ་དེ་དག་གི་སྙིང་པོ་ནི་འདི་དག་ཡིན་ནོ། །ཧཱུཾ་བཛྲ་བ་ཤཾ་ཀ་རཱ་ཡ་སཝཱཧཱ། །ཧཱུཾ་སོ་རི་བ་
204a
༄#། །ཤཾ་ཀ་རཱ་བཛྲ་ཡ་སཝཱཧཱ། ཧཱུཾ་བཛྲ་པཱ་ཎི་བ་ཤཾ་ཀ་རཱ་ཡ་སཝཱཧཱ། །ཧཱུཾ་བུདྡྷ་བ་ཤཾ་ཀ་རཱ་ཡ་སཝཱཧཱ། །དེ་ནས་གསང་བའི་ལས་ཀྱི་ཕྱག་རྒྱའི་ཡེ་ཤེས་ལ་བསླབ་བོ། །ཡིད་འོད་བུད་མེད་དང་ལྷན་ཅིག་།གནས་ཤིང་བུ་གར་ཨཉྫ་ན། །བཅུག་ནས་བསྐུལ་བ་བྱས་ནས་ཀྱང ། །དེ་ཡིས་མིག་བསྐུས་དབང་དུ་འགྱུར། །ལྡོང་རོས་བུ་གར་བཅུག་ནས་ནི། །རྡོ་རྗེ་བསྡམས་པས་དེ་གཡོགས་ཏེ། །མཚན་མ་རྣམ་པ་བཞི་ཡིས་ནི། །དངོས་གྲུབ་རྣམ་པ་བཞིར་འགྱུར་རོ། །གོ་རོ་ཙ་ན་བུ་གར་བཅུག་།རྡོ་རྗེ་ཁུ་ཚུར་གྱིས་བཙིར་ན། །གཞག་པ་དེ་ནི་འབར་འགྱུར་ན། །རྡོ་རྗེ་འཛིན་དང་འདྲ་བར་འགྱུར། །གུར་གུམ་བུ་གར་བརྒྱ་\?\་ནས་ནི། །བུ་གར་སེམས་དཔའ་རྡོ་རྗེ་ཡིས། །བཀབ་ནས་འབར་བར་གྱུར་ནས་ནི། །རྡོ་རྗེ་འཛིན་དང་འདྲ་བར་འགྱུར། །དེ་ལ་དེ་དག་གི་སྙིང་པོ་ནི་འདི་དག་ཡིན་ནོ། །ོཾ་གུ་ཧྱ་ར་ཏི་བཛྲ་བ་ཤཾ་ཀ་རཾ་སིདྡྷྱ་ཧཱུཾ། ཨོཾ་བཛྲ་གུ་ཧྱ་སིདྡྷྱ་ཧཱུཾ། ཨོཾ་གུ་ཧྱ་བཛྲ་སིདྡྷྱ་ཧཱུཾ། ཨོཾ་བཛྲ་དྷ་ར་གུ་ཧྱ་སིདྡྷྱ་ཧཱུཾ། དེ་ནས་རྡོ་རྗེ་རིགས་ཀྱི་ལས་ཀྱི་ཕྱག་རྒྱ་ཆེན་པོའི་ཡེ་ཤེས་ལ་བསླབ་བོ། །རྡོ་རྗེ་དགོངས་པའི་ཚུལ་གྱིས་ནི། །ཕྱག་རྒྱ་ཆེན་པོ་མདོར་བསྡུ་ན། །རྡོ་རྗེ་ཁུ་ཚུར་ཚུལ་གྱིས་ནི། །རྡོ་རྗེ་ཁྲོ་བོར་མཉམ་པར་བཞག་།ཧཱུཾ་ཞེས་མཛུབ་མོའི་ཚུལ་གྱིས་ནི། །དམ་ཚིག་མཆོག་ནི་འདིར་དེ་བཞིན། །ོཾ་ཞེས་དང་པོ་ཡི་གས་ཨས། །ཆོས་ཀྱི་ཕྱག་རྒྱ་འདིར་དེ་བཞིན། །ལས་ཡི་ཕྱག་རྒྱ་མདོར་
204b
བསྡུན། །ལས་ཀྱི་ཕྱག་རྒྱ་གཉིས་བྱས་ནས། །ཐམས་ཅད་གྲུབ་བྱེད་དག་པ་སྟེ། །རྡོ་རྗེ་ལས་ཀྱི་ཚུལ་གྱིས་སོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དམ་ཚིག་གི་རྟོག་པའི་རྒྱལ་པོ་ཆེན་པོ་ལས། རྡོ་རྗེའི་རིགས་ཀྱི་ལས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སོ།། །།དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་གི་ཕྱག་རྒྱའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐཱ་ག་ཏ་བཛྲ་ས་མ་ཡེ་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རྡོ་རྗེའི་དམ་ཚིག་གི་ཕྱག་རྒྱ་འདི་གསུངས་སོ། །ཧཱུཾ་བཛྲ་མ་ཐ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིན་པོ་ཆེའི་དམ་ཚིག་གི་ཕྱག་རྒྱ་འདི་གསུངས་སོ། །ཧཱུཾ་བྷརྀ་ཀུ་ཊཱི་བཛྲ་ར་ཏ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་ཆོས་ཀྱི་དམ་ཚིག་གི་ཕྱག་རྒྱ་འདི་གསུངས་སོ། །ཧཱུཾ་མཧཱ་པདྨ་བཛྲ་དྲྀ་ཌྷ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་ལས་ཀྱི་དམ་ཚིག་གི་ཕྱག་རྒྱ་འདི་གསུངས་སོ། །ོཾ་བཛྲ་ཀརྨ་ཨ་གྲ་ཀྲི་ཏེ། དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་འཇིག་རྟེན་གསུམ་ལས་རྣམ་པར་རྒྱལ་བའི་ཕྱག་རྒྱ་བཞི་པའི་དཀྱིལ་འཁོར་འདི་བཤད་དོ། །དེ་ནས་རབ་ཏུ་བཤད་བྱ་བ།།
205a
༄#། །ཕྱག་རྒྱའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་ཁྲོ་བོ་ཞེས་བཤད་དོ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུས་བྲེ། །སངས་རྒྱས་ཀྱི་ནི་ཕྱོགས་ཀུན་ཏུ། །འཇིག་རྟེན་གསུམ་ལས་རྒྱལ་ལ་སོགས་བྲི། འཇིག་རྟེན་གསུམ་ལས་རྒྱལ་ལ་སོགས། །སངས་རྒྱས་ཕྱོགས་ཀུན་ཏུ་བྲིའོ། །དེ་ནས་དཀྱིལ་འཁོར་འདིར་དཀྱིལ་འཁོར་ཆེན་པོའི་ཚུལ་དུ་དགུག་པ་ལ་སོགས་པའི་ཆོ་ག་རྒྱས་པར་བྱས་ཏེ་བཅུག་ནས་ཕྱག་རྒྱ་བཞི་པའི་དཀྱིལ་འཁོར་གྱི་གསང་བའི་ཕྱག་རྒྱའི་ཡེ་ཤེས་ལ་བསླབ་པོ། །རང་གིས་ཕྱག་རྒྱ་བཞིའི་དཀྱིལ་འཁོར། །བྲིས་ནས་ཆོས་ཉིད་དག་བརྗོད་ལ། །བུད་མེད་ལྷན་ཅིག་གནས་ནས་ནི། །གྲུབ་པ་ཡང་ནི་ཐོབ་པར་འགྱུར།། རང་གིས་ཕྱག་རྒྱ་བཞིའི་དཀྱིལ་འཁོར། །བྲིས་ནས་ཆོས་ཉིད་དག་བརྗོད་ལ། །ཆགས་པས་བུད་མེད་ལ་བལྟས་ན། །གྲུབ་པ་ཡང་ནི་ཐོབ་པར་འགྱུར། །རང་གིས་ཕྱག་རྒྱ་བཞིའི་དཀྱིལ་འཁོར། །བྲིས་ནས་ཆོས་ཉིད་དག་བརྗོད་ལ། །བུད་མེད་མཛེས་ལ་སྤྲས་པས་འགྲུབ། །རང་གིས་ཕྱག་རྒྱ་བཞིའི་དཀྱིལ་འཁོར། །བྲིས་ནས་ཆོས་ཉིད་དག་བརྗོད་ལ། །ལྷན་ཅིག་འཁྱུད་ན་གྲུབ་ཀུན་འཐོབ། །དེ་ལ་ཆོས་ཉིད་དག་པའི་ཕྱག་རྒྱ་ནི་འདི་དག་ཡིན་ནོ། །ོཾ་སརྦ་ཏ་ཐཱ་ག་ཏ་བི་ཤུདྡྷ་དྷརྨ་ཏེ་ཧོ། །ོཾ་བཛྲ་བི་ཤུདྡྷ་དྲྀཥྚི་ཛ། ཨོཾ་སརྦ་
205b
བི་ཤུདྡྷ་མུ་ཏྲི་ཧཱུཾ། ཨོཾ་སརྦ་བི་ཤུདྡྷ་ཀཱ་ཡ་བཾ་མ་ན་ཀརྨ་བཛྲི་ཧཱུཾ། དེ་ནས་ཕྱག་རྒྱ་བཞི་པའི་དཀྱིལ་འཁོར་གསང་བ་སྤས་པའི་ཕྱག་རྒྱའི་ཡེ་ཤེས་ལ་བསླབ་པོ། །དཀྱིལ་འཁོར་འདིར་ནི་ཞུགས་ནས་ཀྱང ། །འདོད་པའི་ཡོན་ཏན་ལྔ་ཡིས་ནི། །བུད་མེད་མཆོག་ནི་མགུ་བྱས་ནས། །ཤིན་ཏུ་གྲུབ་པ་ཐོབ་པར་འགྱུར། །དེ་ནས་དེའི་སྙིང་པོ་བརྗོད་དོ། །ཧོ་བཛྲ་ཀཱ་མ། །དེ་ནས་ཇི་ལྟ་བ་བཞིན་དུ་རྡོ་རྗེ་མནན་པའི་རྩེ་གསུམ་པའི་ཕྱག་རྒྱ་ལ་སོགས་པ་དམ་ཚིག་གི་ཕྱག་རྒྱ་བཞི་པོ་རྣམས་ཆོ་ག་དང་བཅས་པར་རྒྱས་པར་བསླབ་པར་བྱ་སྟེ། ཕྱག་རྒྱ་བཞི་པའི་ཚུལ་འདིས་རྡོ་རྗེ་སིལ་སྙན་དང ། །རྔ་དང ། བརྡུང་བ་དང ། །བརྡབས་ནས་རྡོ་རྗེ་སེམས་དཔའ་ཡང་བསྡུས་པའི་སྙིང་པོའི་གླུ་བླངས་ཏེ། དེ་ཕུལ་ནས་ཕྱག་རྒྱ་དང ། འདྲ་བའི་ཕྱག་རྒྱ་དང ། ཉེ་བའི་ཕྱག་རྒྱ་དང ། ཡེ་ཤེས་ཀྱི་ཕྱག་རྒྱ་དང ། གར་གྱི་མཆོད་པས་མཆོད་པར་བྱའོ། །དེ་ལ་གར་གྱི་མཆོད་པས་མཆོད་པ་ནི་འདི་ཡིན་ནོ། །རྡོ་རྗེ་གར་གྱི་སྦྱོར་བ་ཡིས། །རྡོ་རྗེ་ཁྲོ་བོའི་མཛུབ་མོ་གཉིས།། རྡོ་རྗེ་ཧཱུཾ་གི་ཕྱག་རྒྱ་ནི། །སྙིང་ག་ཉིད་དུ་བཅིང་བར་བྱ། །དེ་བཞིན་གར་བྱས་གཡོན་པ་ནི། །གཡས་པའི་ཆང་བས་གཟུང་བར་བྱ། །བསྒྱུར་ནས་དཔྲལ་པ་ཉིད་དུ་ནི། །མཛུབ་མོའི་ངོས་ཀྱིས་གཞག་པར་བྱ། །དེ་བཞིན་གར་ཡང་བཀྲོལ་ནས་ནི། །མཉམ་པར་པདྨ་ཁ་འདས་སྤྱར། །མཛུབ་མོ་སྙིང་གར་བཞག་ནས་ནི། །བསམ་པ་གཡོས་པས་འདུད་པར་བྱའོ། །རྡོ་རྗེ་
206a
༄#། །ཁྲོ་བོས་མཛུབ་བསྙམས་ཏེ། །བཀན་ནས་རྩེ་མོ་སྤྲད་བྱ་ཞིང ། །དེ་ལས་བསྒྱུར་ཅིང་གཙུག་ཏོར་དུ། །མཛུབ་མོའི་རྩེ་མོ་སྦྱར་བའོ། །དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རྡོ་རྗེའི་དམ་ཚིག་གི་ཁྲོ་བོའི་དམ་ཚིག་འདི་གསུངས་པ། ཧཱུཾ། དེ་ནས་དེའི་དཀྱིལ་འཁོར་བཤད་པ། དེ་ནས་རབ་ཏུ་བཤད་བྱ་བ། །གསང་བའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་ཧཱུཾ་ཞེས་བྱ་བ་སྟེ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་བྲི་བར་བྱ།། དེ་ཡི་དབུས་སུ་ལེགས་བྲི་བ། །ཟླ་བའི་དཀྱིལ་འཁོར་རྡོ་རྗེ་འཛིན། །རྡོ་རྗེ་ཧཱུཾ་གི་ཕྱག་རྒྱ་ཆེ། །ལག་ན་འཛིན་པ་རྡོ་རྗེར་བཅས། །བརྐྱང་བསྐུམ་ཚུལ་དུ་གནས་པ་དང ། །ཁ་དོག་གཟུགས་ནི་ཇི་བཞིན་བྱ། །དེ་ནས་འདིར་གསང་བའི་ཕྱག་རྒྱའི་དཀྱིལ་འཁོར་གྱི་ཆོ་ག་རྒྱས་པ་ཐམས་ཅད་བྱས་ཏེ། །རྡོ་རྗེ་ཧཱུཾ་ཞེས་བྱ་བ་གསུང་བའི་ཕྱག་རྒྱའི་ཡེ་ཤེས་ལ་བསླབ་བོ། ། དཀྱིལ་འཁོར་འདིར་ནི་ཞུགས་ནས་ཀྱང ། །འཇིག་རྟེན་གསུམ་རྒྱལ་མཛུབ་མོ་ཡིས། །བུ་གར་བཅུ་ག་ནས་བསྒྲུབས་ན་ནི། །ལས་ཀུན་རབ་ཏུ་འགྲུབ་པར་འགྱུར། །དེ་ནས་བསྒྲུབ་པའི་སྙིང་པོ་འདི་བཤད་དོ། །ཧཱུཾ་བཛྲ་ས་མ་ཡ་ཀྲྀཏ། དེ་ནས་རྡོ་རྗེ་ཧཱུཾ་ཞེས་བྱ་བའི་གསང་བའི་ཕྱག་རྒྱའི་ཡེ་ཤེས་ལ་བསླབ་བོ། །དཀྱིལ་འཁོར་ཞུགས་ནས་ལེགས་པར་ནི། །
206b
ཕྱག་རྒྱ་ཆེན་པོ་མཆོག་གནས་པ། །གནས་ནས་རྡོ་རྗེ་ཧཱུཾ་ཞེས་བྱ། །ལས་རྣམས་ཀུན་ནི་བྱེད་པར་འགྱུར། །དེ་ལ་འདི་བསྒྲུབ་པའི་སྙིང་པོ་གསུངས་པ། །ཧཱུཾ་བཛྲ་ས་མ་ཡ་ཧཱུཾ། དེ་ནས་ཕྱག་རྒྱ་བཞི་བཅིང་བ་ཇི་ལྟ་བ་བཞིན་དུ་བསླབས་ཏེ། དེ་བཞིན་དུ་དངོས་གྲུབ་ཏུ་འགྱུར་རོ། །དཀྱིལ་འཁོར་དུ་ཇི་ལྟ་བ་བཞིན་དུ་རས་ལ་སོགས་པ་ལ་བྲི་བ་དང ། ལུགས་མ་ལ་སོགས་པའི་གཟུགས་ཐམས་ཅད་ཀྱི་དངོས་གྲུབ་ནི་ཐུན་མོང་ངོ ། །ཕྱག་རྒྱ་གཅིག་པའི་དཀྱིལ་འཁོར་རོ། །དེ་ནས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ལ་བོས་ནས་འདི་སྐད་ཅེས་གསོལ་ཏོ། །བཅོམ་ལྡན་འདས། དེ་བཞིན་གཤེགས་པ་ཐམས་ཅད་ཀྱིས་བདག་གི་རིགས་འདི་ལ་བྱིན་གྱིས་བརླབ་ཏུ་གསོལ། ཅི་ནས་ཀྱང་སེམས་ཅན་ཐམས་ཅད་ཇི་ལྟར་དགའ་བ་བཞིན་དུ་བགྱིས་ཀྱང་དངོས་གྲུབ་ཐམས་ཅད་ཐོབ་བར་འགྱུར་བར་བགྱི་བའི་སླད་དུའོ། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ཏེ། འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པའི་རྒྱལ་པོ་ལ་བྱིན་གྱིས་བརླབས་པའི་ཕྱིར་འདི་སྐད་ཅེས་བཀའ་སྩལ་ཏོ། །རྡོ་རྗེ་སེམས་དཔའ་ཁྱོད་ལེགས་སོ། །རྡོ་རྗེ་རིན་ཆེན་ཁྱོད་ཀྱང་ལེགས། །རྡོ་རྗེ་ཆོས་ཀྱང་ཁྱོད་ལེགས་སོ། །རྡོ་རྗེ་ལས་ཁྱོད་རབ་ཏུ་ལེགས། །མདོ་སྡེ་འདི་ནི་ལེགས་བཤད་པ། །རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་ཀུན་གསང་བ་སྟེ། །ཐེག་པ་ཆེན་པོ་མངོན་
207a
༄#། །འདུས་པའོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་གི་རྟོག་པའི་རྒྱལ་པོ་ཆེན་པོ་ལས། རྡོ་རྗེ་ཆེན་པོའི་རྟོག་པའི་ཆོ་ག་རྒྱས་པ་རྫོགས་སོ།། །།དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ཏེ་མཁྱེན་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བཀའ་ཉོན་ལ་དབང་ཕྱུག་ཆེན་པོའི་ལུས་འདི་ཁྱོད་ཀྱི་རྐང་པའི་འོག་ནས་བཏང་བར་བྱོས། དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ལ་འདི་སྐད་ཅེས་གསོལ་ཏོ། །བདག་ནི་བཅོམ་ལྡན་འདས་ཀྱིས་མ་རུངས་པ་ཐམས་ཅད་འདུལ་བའི་ཁྲོ་བོར་དབང་བསྐུར་ནས་དེ་བདག་གིས་བསྐུམ་ལགས་ན། ཇི་ལྟར་དེ་བདག་གིས་བཏང་བར་བགྱི། དེ་ནས་དེ་བཞིན་གཤེགས་པ་ཐམས་ཅད་ཀྱིས་འཇིག་རྟེན་གསུམ་པོ་མཐའ་དག་གིས་བདག་པོ་དབང་ཕྱུག་ཆེན་པོའི་ལུས་ཀྱི་སྲོག་གསོ་བའི་ཕྱིར་ཤི་བའི་རྣམ་པར་ཤེས་པ་དགུག་པའི་སྙིང་པོ་འདི་ཉིད་ཀྱི་ཐུགས་ལས་ཕྱུང་ངོ་།། ཨོཾ་བཛྲ་སཏྭ་ཧཱུཾ་ཛ། དེ་ནས་དེའི་ཕྱག་རྒྱ་བཅིང་བ་བཤད་དོ། །གསང་བའི་ལྕགས་ཀྱུ་བསྡམ་བྱ་སྟེ། །ཐ་མ་མཉམ་དུ་བརྐྱང་ནས་ཀྱང ། །ཤི་བའི་མགོ་བོར་བཞག་ན་ནི། །
207b
སྲོག་ནི་ཕྱིར་ཡང་ཐོབ་པར་འགྱུར། །དེ་ནས་དེ་ཐོས་མ་ཐག་ཏུ་བཅོམ་ལྡན་འདས་དེ་བཞིན་གཤེགས་པ་ཐལ་བའི་དབང་པོའི་དབྱངས་ཏེ། ཐལ་བས་ཁེབས་པའི་འཇིག་རྟེན་གྱི་ཁམས་དེ་ནས་སླར་ཕྱིན་ཏེ་དབང་ཕྱུག་གི་ལུས་དེར་ཞུགས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །སངས་རྒྱས་ཡེ་ཤེས་བླ་ན་མེད། །གང་ཕྱིར་ཤི་བའི་ལུས་འདི་ཡང ། །འཚོ་བའི་ཁམས་སུ་གྱུར་བ་ཡིན། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རྐང་པ་འདེགས་པ་ཞེས་བྱ་བའི་སྙིང་པོ་འདི་གསུངས་སོ། །ོཾ་བཛྲ་མུཿ ་།དེ་ནས་དེའི་ཕྱག་རྒྱ་བཅིང་བ་བཤད་དོ། །རྡོ་རྗེ་ཁྲོ་བོ་མཛུབ་ལེགས་པར། །ཟུར་སྤྲད་བསྡམས་ཏེ་བཞག་པ་ནི། །རྡོ་རྗེ་དེ་དག་བསྒྱུར་བྱས་ཤིང ། །འོག་ནས་དེ་དག་འབྱིན་པར་བྱེད། །དེ་ནས་དེ་དག་གསུངས་མ་ཐག་ཏུ་རྡོ་རྗེ་འཛིན་པ་ཆེན་པོ་ཞབས་ཀྱི་འོག་ནས་ལྷ་ཆེན་པོ་ཐར་པ་རང་གིས་ཤེས་པར་གྱུར་ཏོ། །དེ་ནས་དབང་ཕྱུག་ཆེན་པོའི་ལུས་དེ། དེ་བཞིན་གཤེགས་པ་དེས་སོས་པར་བྱིན་གྱིས་བརླབས་ཏེ། འཇིག་རྟེན་གྱི་ཁམས་འདིར་སེམས་ཅན་ཐམས་ཅད་ཀྱི་དོན་དང ། མ་རུངས་པ་ཐམས་ཅད་འདུལ་བའི་ཕྱིར་ཉིད་ཀྱི་རྒྱལ་ཚབ་ཏུ་བཅུག་གོ། དེ་ནས་ཕྱག་ན་རྡོ་རྗེའི་ཞབས་ཀྱི་མཐིལ་དེ་ནས་ཟླ་བའི་ཞབས་ཞེས་བྱ་བ་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཀྱི་སེམས་ཀྱི་ཕྱག་རྒྱ་བྱུང་ངོ ། །ོཾ་
208a
༄#། །ཙནྡྲོ་ཏྲཱ་རེ་ས་མནྟ་བྷ་དྲ་ཀི་ར་ཎི་མཧཱ་བཛྲི་ཎི་ཧཱུཾ། དེ་ནས་དེའི་ཕྱག་རྒྱ་བཅིང་བ་བཤད་དོ། །རྡོ་རྗེ་བཅིང་བ་དམ་བྱས་ཏེ། །མཐེ་བོ་མཐེའུ་ཆུང་མཉམ་པར་ནི།། མཉམ་ནས་ལེགས་པར་བརྐྱང་ན་ནི། །རྡོ་རྗེའི་རི་མོ་ཞེས་ཀྱང་གྲགས། །དེ་ནས་དེ་བྱུང་མ་ཐག་ཏུ་ཞབས་ཀྱི་མཐིལ་དེ་ལས་ཟླ་བའི་བླ་མ་དེ་བཞིན་གཤེགས་པ་དེ་བྱུང་ནས་དབང་ཕྱུག་ཆེན་པོ་དེའི་མགོ་བོ་ལ་ཕྱག་ན་རྡོ་རྗེའི་ཞབས་ཀྱིས་མནན་པའི་རྗེས་སུ་ཟླ་བ་ཕྱེད་པ་གནས་པར་གྱུར་ཏེ་གཡོན་ལོགས་ན་འདུག་གོ་།དེ་ནས་དེ་བཞིན་གཤེགས་པ་ཐམས་ཅད་ཀྱིས་ཕྱག་ན་རྡོ་རྗེའི་གྲོགས་སུ་ལག་ཏུ་རྡོ་རྗེའི་མདུད་རྩེ་བྱིན་ནས་རྡོ་རྗེའི་རིག་པ་དམ་པ། རྡོ་རྗེའི་རིག་པ་དམ་པ་ཞེས་རྡོ་རྗེའི་མིང་གིས་དབང་བསྐུར་བས་དབང་བསྐུར་རོ། །དེ་ནས་རྡོ་རྗེའི་རིག་པ་དམ་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་མདུང་རྩེ་དེས་མགལ་མེའི་འཁོར་ལོ་ལྟར་བསྐོར་ཞིང་གར་གྱི་མཆོད་པས་མཆོད་པ་བྱས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །བྱང་ཆུབ་སེམས་ནི་བླ་ན་མེད། །ཞབས་མཆོག་གིས་ནི་གར་རེག་པ། །སངས་རྒྱས་ཉིད་དུ་གྲུབ་པ་ཐོབ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ཁྲོ་བོའི་ཏིང་ངེ་འཛིན་དེ་ལས་ལངས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་
208b
འདས་\?\་དེ་བཞིན་གཤེགས་པ་ཐམས་ཅད་ཀྱིས་བདག་གི་སུག་པར་རྡོ་རྗེ་སྩལ་ཏེ། ཕྱག་ན་རྡོ་རྗེ་ཉིད་དུ་དབང་བསྐུར་བས་ལྷ་ལ་སོགས་ཏེ་ཕྱི་རོལ་གྱི་རྡོ་རྗེའི་རིགས་དེ་རྣམས་འཇིག་རྟེན་གསུམ་ལས་རྣམ་པར་རྒྱལ་བའི་དཀྱིལ་འཁོར་ཆེན་པོ་འདི་ལ་གནས་པའི་རིམ་པ་བགྱིས་ནས། གང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་སེམས་ཅན་དེ་རྣམས་ཕྱིར་མི་ལྡོག་པར་བགྱིའོ། །དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་འདི་གསུངས་སོ། །ོཾ་བཛྲ་སཏྭ་ཨུཥྞཱི་ཥ་ཧཱུཾ་ཕཊ། དེ་ནས་འདི་བཤད་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་རྣམས་ལས་བཅོམ་ལྡན་འདས་ཕྱག་ན་རྡོ་རྗེའི་ཁ་དོག་དུ་མའི་འོད་ཟེར་དུ་གྱུར་ནས་འཇིག་རྟེན་གྱི་ཁམས་ཐམས་ཅད་དུ་སྣང་བར་བྱས་ནས་ཡང་བཅོམ་ལྡན་འདས་ཕྱག་ན་རྡོ་རྗེའི་གཙུག་གི་མཚམས་སུ་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་གྱི་ཚུལ་དུ་འཕུངས་ནས་འཁོད་དོ། །དེ་ནས་གཟི་བརྗིད་ཀྱི་ཕུང་པོ་དེ་ལས་དེ་བཞིན་གཤེགས་པ་ཐམས་ཅད་ཀྱི་གཙུག་ཏོར་འདི་ཕྱུང་ངོ ། །ོཾ་སརྦ་ཏ་ཐཱ་ག་ཏོཥྞཱི་ཥ་ཨ་ན་ཨ་བ་ལོ་ཀི་ཏེ་མཱུརྡྷ་ནི་ཏེ་ཛོ་རཱ་ཤི། ཨོཾ་ཧཱུཾ་ཛྭ་ལ་ཛྭ་ལ། དྷ་ཀ་དྷ་ཀ། ད་ར་ད་ར། བི་ད་ར་བི་ད་ར། ཙྪིནྡ་ཙྪིནྡ། བྷིནྡ་བྷིནྡ། ཧཱུཾ་ཧཱུཾ་ཕཊ་ཕཊ་སཝཱཧཱ། དེ་ནས་བྱང་ཆུབ་སེམས་
209a
༄#། །དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིག་པ་དམ་པ་འདི་གསུངས་སོ། །ོཾ་ནི་སུཾ་བྷ་བཛྲ་ཧཱུཾ་ཕཊ། དེ་ནས་ཡང་ཕྱག་ན་རྡོ་རྗེ་དེ་ཉིད་ཀྱི་ཐུགས་ལས་སྙིང་པོ་འདི་ཕྱུང་ངོ ། །ོཾ་ཊཀྐི་ཛཿ ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་རཏྣ་ཨུཏྟ་མ་ཛྭཱ་ལ་ཡ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ོཾ་སཝ་བྷཱ་བ་ཤུདྡྷཿ བཛྲ་པདྨ་ཤོ་དྷ་ཡ་སརྦཾ་བི་དྱོ་ཏ་ཏ་མ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་ཀརྨ་ཨུཏྟ་མི་བཛྲ་དྷ་ར་ས་མ་ཡ་མ་ནུ་སྨ་ར་སུམྦྷ་ནི་སུམྦྷ་ཨཱ་ཀཪྵ་ཡ། པྲ་བེ་ཤ་ཡ། ཨཱ་བེ་ཤ་ཡ། བནྡྷ་ཡ། ས་མ་ཡཾ། གྲ་ཧ་ཡ། སརྦ་ཀརྨཱ་ཎི་མེ་ཀུ་རུ་མཧཱ་སཏྭ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་རིག་པའི་དམ་པས་རང་གི་སྙིང་པོ་བཅོམ་ལྡན་འདས་ཕྱག་ན་རྡོ་རྗེའི་ཞབས་ལ་ཕྱག་འཚལ་བའི་ཕྱིར་ཕུལ་བ། ཨོཾ་སུམྦྷ་ནི་སུམྦྷ་བཛྲ་བིདྱོཏྟ་མ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་རྡོ་རྗེ་ཁྲོ་བོའི་རིག་པའི་རྒྱལ་པོས་བཅོམ་ལྡན་འདས་ཀྱི་ཞབས་གཉིས་ལ་ཕྱག་འཚལ་ནས་རང་གི་སྙིང་པོ་འདི་གསུངས་སོ། །ོཾ་བཛྲ་ཤཱུ་ལ། དེ་ནས་རྡོ་རྗེ་སྒྱུ་མའི་རིག་པའི་རྒྱལ་
209b
པོས་\?\་རང་གི་རིག་པའི་སྙིང་པོ་དམ་པ་འདི་གསུངས་སོ། །ོཾ་བཛྲ་ས་མ་ཡ་དྷ་རི་ཥ་ཡ་སརྦཾ་ཧཱུཾ་ཕཊ། དེ་ནས་རྡོ་རྗེ་དྲིལ་བུའི་རིག་པའི་རྒྱལ་པོས་རང་གི་རིག་པ་དམ་པ་འདི་གསུངས་སོ། ། ོཾ་བཛྲ་གྷཎྜ་ར་ཎ་ར་ཎ་ཧཱུཾ་ཕཊ། དེ་ནས་རྡོ་རྗེ་ཐུབ་པས་རང་གི་སྙིང་པོ་ཕུལ་བ། ཨོཾ་བཛྲ་མོ་ན་མཧཱ་པྲཛྙཱ་ཧཱུཾ་ཕཊ། དེ་ནས་རྡོ་རྗེ་མཚོན་ཆས་རང་གི་སྙིང་པོ་འདི་ཕུལ་བ། ཨོཾ་བཛྲ་སྥུ་དྷ་ངཱ་མ་ཀ་ཧཱུཾ་ཕཊ། རིག་པའི་རྒྱལ་པོ་རྣམས་སོ། །དེ་ནས་རྡོ་རྗེ་འཁྱིལ་པ་རྡོ་རྗེ་ཁྲོ་བོས་བཅོམ་ལྡན་འདས་ཕྱག་ན་རྡོ་རྗེ་ལ་རང་གི་སྙིང་པོ་འདི་ཞབས་ལ་ཕྱག་འཚལ་ནས་ཕུལ་ལོ། །ོཾ་བཛྲ་ཀུཎྜ་ལི་མཧཱ་བཛྲ་ཀྲོ་དྷ་གྲྀཧྞ། ཧ་ན་ཧ་ན། ད་ཧ་ད་ཧ། བ་ཙ་བི་དྷྭན་ས་ཡ་བཛྲེ་ཎ་མུ་ད་ནཾ་པ་ལ་ཡ་ཏི་བྷརྀ་ཏ་ས་ཧྲྀ་ད་ཡ་བཛྲ་ཀྲོ་དྷ་ཧཱུཾ་ཕཊ། དེ་ནས་རྡོ་རྗེ་འོད་རྡོ་རྗེ་ཁྲོ་བོས་རང་གི་སྙིང་པོ་འདི་ཕུལ་བ། ཨོཾ་བཛྲ་པྲ་བྷ་མ་ར་ཡ་སྱོ་མ་ཀྲོ་དྷ་ཧཱུཾ་ཕཊ། དེ་ནས་རྡོ་རྗེ་དབྱུག་པ་རྡོ་རྗེ་ཁྲོ་བོས་རང་གི་སྙིང་པོ་འདི་ཕུལ་ལོ། །ོཾ་བཛྲ་དཎྜ་ཡ་སརྦ་དུཥྚཾ་མཧཱ་ཀྲོ་དྷ་ཧཱུཾ་ཕཊ། དེ་ནས་རྡོ་རྗེ་ཁྲོ་བོ་རྡོ་རྗེ་སེར་པོས་རང་གི་སྙིང་པོ་འདི་ཕུལ་ལོ། །ོཾ་བཛྲ་པིངྒ་ལ་བི་ཤ་ཡ་སརྦཱ་དུཥྚཾ་བི་མཧཱ་ཀྲོ་དྷ་ཧཱུཾ་ཕཊ། རྡོ་རྗེ་ཁྲོ་བོ་རྣམས་སོ། །དེ་ནས་རྡོ་རྗེ་གླང་སྣ་ཚོགས་ཀྱི་བདག་པོས་བཅོམ་ལྡན་འདས་ཕྱག་ན་རྡོ་རྗེ་ལ་སྙིང་པོ་འདི་ཕུལ་ལོ། །ོཾ་བཛྲ་ཤོ་དྷ་མཧཱ་ག་ཎ་པ་ཏི་རཀྵ་སརྦ་དུཥྚེ་བྷྱོ། བཛྲ་དྷ་ར་ཨཱ་ཛྙཱ་པ་ཡ་ཧཱུཾ་ཕཊ། དེ་ནས་ཡང་རྡོ་རྗེ་ཕྲེང་བས་རང་གི་སྙིང་
210a
༄#། །པོ་འདི་ཕུལ་ལོ། །ོཾ་མཱ་ལ་ག་ཎ་པ་ཏི་མཱ་ལ་ཡ་ཨཱ་ཀཪྵ་ཡ། པྲ་བེ་ཤ་ཡ་བ་ཤཾ་ཀུ་རུ་མཱ་ར་ཡ་ཧཱུཾ་ཕཊ། དེ་ནས་རྡོ་རྗེ་དབང་གིས་རང་གི་སྙིང་པོ་ཕུལ་བ། ཨོཾ་བཛྲ་བ་ཤི་མཧཱ་ག་ཎ་པ་ཏི་བ་ཤཾ་ཀུ་རུ་ཧཱུཾ་ཕཊ། དེ་ནས་རྣམ་པར་རྒྱལ་བའི་རྡོ་རྗེ་ཚོགས་ཀྱི་བདག་པོས་རང་གི་སྙིང་པོ་འདི་ཕུལ་ལོ། །ོཾ་བཛྲ་བི་ཛ་ཡ་བི་ཛ་ཡ་མཧཱ་ག་ཎ་པ་ཏི་ཧཱུཾ་ཕཊ། ཚོགས་ཀྱི་བདག་པོ་རྣམས་སོ། །དེ་ནས་རྡོ་རྗེ་ཐོ་བ་རྡོ་རྗེ་ཕོ་ཉས་རང་གི་སྙིང་པོ་འདི་ཕྱག་ན་རྡོ་རྗེ་ལ་ཕུལ་ལོ། །ོཾ་བཛྲ་མུ་ས་ལ་ཀུ་རུ་སརྦ་དུཥྚཾ་ཧཱུཾ་ཕཊ། དེ་ནས་རྡོ་རྗེ་རླུང་གི་ཕོ་ཉས་རང་གི་སྙིང་པོ་འདི་ཕུལ་བ། ཨོཾ་བཛྲ་ནཱི་ལ་མཧཱ་བེ་ག་ག་ཎ་པ་ཏི་སརྦ་དུཥྚཾ་ཧཱུཾ་ཕཊ། དེ་ནས་རྡོ་རྗེ་མེའི་ཕོ་ཉས་རང་གི་སྙིང་པོ་འདི་ཕུལ་བ། ཨོཾ་བཛྲ་ཨ་ན་ལ་མཧཱ་དུཥྚ་ཛྭཱ་ལ་ཡ་སརྦ་བྷསྨཱིཾ་ཀུ་རུ་སརྦ་དུཥྚཾ་ཧཱུཾ་ཕཊ། རྡོ་རྗེ་འཇིགས་པའི་ཕོ་ཉ་ཆེན་པོས་རང་གི་སྙིང་པོ་འདི་ཕུལ་བ། ཨོཾ་བཛྲ་བྷཻ་ར་བ་བཛྲེ་ཧཱུཾ་ད་པ་ཤ་ཡ་སརྦཱ་དུཥྚ་ན་མཧཱ་ཡཀྵ་ཧཱུཾ་ཕཊ། ཕོ་ཉ་རྣམས་སོ། །དེ་ནས་རྡོ་རྗེ་ལྕགས་ཀྱུ་རྡོ་རྗེ་བྲན་གྱིས་རང་གི་སྙིང་པོ་འདི་བཅོམ་ལྡན་འདས་ཕྱག་ན་རྡོ་རྗེ་ལ་ཕུལ་ལོ། །ོཾ་བཛྲ་ཨངྐུ་ཤ་ཨཱ་ཀཪྵ་ཡ། སརྦ་མཧཱ་ཙིཏྟ་ཧཱུཾ་ཕཊ། དེ་ནས་རྡོ་རྗེ་དུས་ཀྱིས་རང་གི་སྙིང་པོ་ཕུལ་བ། ཨོཾ་བཛྲ་ཀཱ་ལ་མཧཱ་མྲྀ་ཏྱུ་མུདྷཱ་ད་ཧཱུཾ་ཕཊ། དེ་ནས་རྡོ་རྗེ་དན་ཁྲིད་ཀྱིས་རང་གི་སྙིང་པོ་ཕུལ་བ། ཨོཾ་བཛྲ་བི་ནཱ་ཡ་ཀ་སྱ་བིགྷྣན་ཀུ་རུ་ཧཱུཾ་ཕཊ། དེ་
210b
ནས་རྡོ་རྗེ་ཀླུའི་རྡོ་རྗེས་རང་གི་སྙིང་པོ་འདི་ཕྱག་ན་རྡོ་རྗེའི་ཞབས་ལ་ཕྱག་འཚལ་ནས་ཕུལ་ལོ། །ོཾ་བཛྲ་ནཱ་ག་བཛྲ་ཨཱ་ན་ཡ་སརྦ་ད་ན་དྲ་ནྲེ་ཧི་རྱ་གརྣ་ནེ་མུཀྟ་ཨ་ལངྐཱ་ར་བྷི་ནི་སརྦོ་པ་ཀཱ་ར་ཎ་ནི་བཛྲ་དྷ་ར་ས་མ་ཡ་མ་ནུ་སྨ་ར་ཀ་ཏ། བྷིནྡ་བྷིནྡ་ཧ་ར་ཧ་ར་པྲཱ་ཎཱཾ་མཧཱ་ཙྪེ་ད་ཧཱུཾ་ཕཊ། བྲན་རྣམས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རྡོ་རྗེའི་རིགས་ཐམས་ཅད་འགུགས་པའི་དམ་ཚིག་འདི་གསུངས་སོ། །ོཾ་བཛྲ་ཨངྐུ་ཤ་ཡ་ཛ་ཨཱ་ཀཪྵ་ཡ་ཧཱུཾ་ཕཊ། དེ་ནས་དེ་གཞུག་པའི་དམ་ཚིག་འདི་གསུངས་པ། ཨོཾ་བཛྲ་པཱ་ཤཱ་ཀཌྜྡྱ་ཧཱུཾ། དེ་ནས་ཐམས་ཅད་བཅིང་པ་གསུངས་པ། ཧཱུཾ་བཛྲ་སྥོ་ཊ་བཾ། དེ་ནས་ལས་ཀྱི་སྙིང་པོ་གསུངས་པ། ཨོཾ་བཛྲ་ཀརྨ་ས་མ་ཡ་ཀྲི་ཏ། དེ་ནས་བཅོམ་ལྡན་འདས་ཕྱག་ན་རྡོ་རྗེས་རིགས་ཐམས་ཅད་ཀྱི་དཀྱིལ་འཁོར་ཆེན་པོ་འདི་བཤད་དོ། །དེ་ནས་རབ་ཏུ་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །ཆོས་ཀྱི་འཁོར་ལོ་འདྲ་བར་ནི། །དཀྱིལ་འཁོར་ཐམས་ཅད་སྲད་བུས་བྲེ། །དེ་ལ་འདི་ནི་སྲད་དུ་བྲེ་བའི་སྙིང་པོ་ཡིན་ནོ། །ོཾ་སརྦ་བཛྲ་སཱུ་ཏྲཾ་ཨཱ་ཏྲཾ་ཨཱ་ཀཪྵ་ཡ་སརྦ་མཎྜ་ལ་ཧཱུཾ། དཀྱིལ་འཁོར་གྱི་ནི་དབུས་སུ་ཡང ། །སེང་ལྡེང་ཕུར་བུ་བ་ཏབ་ནས་ནི། །དེ་ནས་སྲད་བུ་ཉིས་རིམ་དུ། །བྱས་ནས་དེ་ཡིས་སྲད་བུ་བྲེ། །དེ་ལ་འདི་ནི་ཕུར་བུའི་སྙིང་པོ་ཡིན་ནོ། །ོཾ་བཛྲ་ཀཱི་ལ་ཡ་ཀཱི་ལ་ཡ། །སརྦ་བིགྷྣཾ་བནྡྷ་ཧཱུཾ་ཕཊ། སྲད་བུ་བཞི་དང་
211a
༄#། །ལྡན་པ་དང ། དཀྱིལ་འཁོར་ཟླུམ་པོ་སྲད་བུ་བྲེ། །དེ་ཡི་ཕྱི་རོལ་བྱུང་ནས་ནི། །ཉིས་འགྱུར་དུ་ནི་དེ་བཞིན་ནོ། །དེ་ཡི་རིམ་པ་གསུམ་དུ་ནི། །ཕྱི་རོལ་དཀྱིལ་འཁོར་སྲད་བུ་བྲེ། །ཕྱོགས་མཚམས་འཁོར་ལོའི་རྩིབས་ཚུལ་དུ། །གྲཝ་ཡི་རི་མོ་སྲད་བུ་བྲེ། །སྲང་བུ་བྲེ་བའི་ཆོ་གའོ། །དེ་ནས་སྲད་བུ་བྲེས་པ་དེར། །དག་པའི་ཚོན་གྱིས་དགང་བར་བྱ། །གཡོན་པ་རྡོ་རྗེ་ཁུ་ཚུར་གྱིས། །ཆོ་ག་བཞིན་དུ་གཟུང་བར་བྱ། །དང་པོ་བྲིས་ནས་ཕྱིས་ཅི་བདེར། །དེ་ལ་འདི་ནི་ཚོན་གྱི་སྙིང་པོའོ། །ོཾ་བཛྲ་རངྒ་ས་མ་ཡ་ཧཱུཾ། དེ་ནས་རྡོ་རྗེ་སློབ་དཔོན་ཡང ། །མཉམ་པར་བཞག་ལ་དབུས་འདུག་ནས། །རྡོ་རྗེ་ཡི་ནི་སྒོ་བཞི་རྣམས། །ཡིད་ཀྱིས་ཀྱང་ནི་དབྱེ་བར་བྱ། །དེ་ལ་སྐོ་དབྱེ་བའི་སྙིང་པོ་ནི་འདིའོ། །ོཾ་བཛྲ་ཨུངྒ་ཊ་ས་མ་ཡ་པྲ་བེ་ཤ་ཡ་ཤཱི་གྷྲཾ་སྨ་ར་བཛྲ་ས་མ་ཡ་ཧཱུཾ་ཕཊ། གསེར་རམ་ཡང་ན་དངུལ་ཡང་རུང ། །ས་ལ་རབ་ཏུ་བྲིས་པའམ། །ཕ་གུ་གྲུ་བཞིའི་སྟེང་དུ་ནི། །སངས་རྒྱས་སྐུ་གཟུགས་གཞག་པར་བྱ། །དེ་ལ་སངས་རྒྱས་ཐམས་ཅད་ཀྱི་སྙིང་པོ་ནི་འདིའོ། །ོཾ་སརྦ་བིད། སངས་རྒྱས་ཀྱི་ནི་ཕྱོགས་ཀུན་དུ། །སེམས་དཔའ་ཆེན་པོ་བཞི་བཞག་གོ། །མདུན་དུ་ཕྱག་ན་རྡོ་རྗེ་ནི། །འཇིག་རྟེན་གསུམ་ལས་རྒྱལ་ཞེས་བྱ། །དེ་ལ་སེམས་དཔའ་ཆེན་པོ་སྙིང་པོ་ནི་འདི་རྣམས་ཡིན་ནོ། །ོཾ་སུམྦྷ་ནི་སུམྦྷ་ཧཱུཾ། གྲྀཧྞ་གྲྀཧྞ་ཧཱུཾ། གྲྀཧྞ་པ་ཡ་གྲྀཧྞ་པ་ཡ་
211b
ཧཱུཾ། ཨཱ་ན་ཡ་ཧོ། བྷ་ག་བཱ་ན་བཛྲ་ཧཱུཾ་ཕཊ། ཨོཾ་བཛྲ་བྷརྀ་ཀུ་ཊཱི་ཀྲོ་དྷ་ཨཱ་ན་ཡ་སརྦཾ་རཏྣ་ཧྲཱིཿ ཧཱུཾ་ཕཊ། ཨོཾ་བཛྲ་དྲྀཥྚི་ཀྲོ་དྷ་དྲྀ་ཥྚ་མཱ་ར་ཡ་ཧཱུཾ་ཕཊ། ཨོཾ་བཛྲ་བི་ཤཝ་ཀྲོ་དྷ་ཀུ་རུ་སརྦ་བི་ཤཝ་རཱུ་པ་ཏ་ཡ་སིདྡྷ་ཡེ་ཧཱུཾ་ཕཊ། འཇུག་གམ་ཕྱིར་ནི་བྱུང་བ་ནི། །སྲད་བུའི་འོག་འཛུལ་ཡིད་བསམས་ནས། །རྡོ་རྗེ་ཤུགས་སུ་བརྗོད་པ་སྟེ། །དེ་ཡིས་རི་མོ་བརྒལ་བར་བྱ། །དེ་ལ་རྡོ་རྗེ་ཤུགས་ཀྱི་སྙིང་པོ་ནི་འདིའོ། །ོཾ་བཛྲ་བཻ་གཱ་ཀྲ་མ་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་དང་པོར་དེ་བཞིན་དུ། །ལྟག་འོག་གོ་རིམས་ཇི་བཞིན་དུ། །རྡོ་རྗེ་སྒྱུ་མ་ལ་སོགས་བྲི། །དེ་ལ་དམ་ཚིག་གི་སྙིང་པོ་ནི་འདི་རྣམས་ཡིན་ནོ། །ོཾ་བཛྲ་ཙཀྲ་ཧཱུཾ། ཨོཾ་བཛྲ་གྷཎྚ་ཧཱུཾ། ཨོཾ་བཛྲ་དཎྜ་ཀ་ཤ་ཧཱུཾ། ཨོཾ་བཛྲ་ཨཱ་ཡུ་དྷ་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་གཉིས་པ་དེ་བཞིན་ཏེ། །རྡོ་རྗེ་འཁྱིལ་བ་ལ་སོགས་པ། །རྡོ་རྗེ་ཁྲོ་བོ་གཞག་པར་བྱ། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་པྲ་ཛྭ་ལི་ཏ་དཱིཔྟ་བཛྲ་ཧཱུཾ། ཨོཾ་བཛྲ་སཽ་མེ་ཧཱུཾ། ཨོཾ་བཛྲ་དཎྜ་ཧཱུཾ། ཨོཾ་བཛྲ་བི་ཀྲྀ་ཏ་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །སྒོ་ནི་བཞི་པོ་རྣམས་སུ་ཡང ། །རྡོ་རྗེ་གླང་སྣ་ལ་སོགས་པ། །ཐམས་ཅད་རིམ་པ་བཞིན་དུ་བྲི། །དེ་དག་གི་དམ་ཚིག་གི་སྙིང་པོ་ནི་འདི་རྣམས་ཡིན་ནོ། །ོཾ་བཛྲ་དྷ་མ་ཧཱུཾ། ཨོཾ་བཛྲ་མཱ་ལ་ཧཱུཾ། ཨོཾ་བཛྲ་ཨརྠ་ཧཱུཾ། ཨོཾ་བཛྲ་ཨ་སི་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་
212a
༄#། །གསུམ་པར་བྲི་བ་ནི། །ལྟག་འོག་རིམ་པ་ཇི་བཞིན་དུ། །རྡོ་རྗེ་ཐོ་བ་ལ་སོགས་པའོ། །དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་བཛྲ་མུ་ས་ལ་ཧཱུཾ། ཨོཾ་བཛྲ་པཱ་ཏ་ཧཱུཾ། ཨོཾ་བཛྲ་ཛྭཱ་ལ་ཧཱུཾ། ཨོཾ་བཛྲ་གྲ་ཧ་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་བཞི་བར་བྲི་བ་ནི། །རྡོ་རྗེ་ལྕགས་ཀྱུ་ལ་སོགས་བྲན། །ལྟག་འོག་རིམ་པ་བཞིན་དུའོ། །དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་བཛྲ་དཾཥྚ་ཧཱུཾ། ཨོཾ་བཛྲ་མཱ་ར་ཎ་ཧཱུཾ། ཨོཾ་བཛྲ་བེ་ག་ཧཱུཾ། ཨོཾ་བཛྲ་ཧ་ར་ཎ་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །ཕྱི་རོལ་དཀྱིལ་འཁོར་གཞག་པ་ནི། །ལྟག་འོག་རིམ་པ་ཇི་བཞིན་དུ། །མ་མོ་ཐམས་ཅད་བྲི་བར་བྱ། །དེ་ནས་རྡོ་རྗེ་སྒོ་བཞིར་ཡང ། །སྒོ་བ་རྣམས་ཀྱང་དེ་བཞིན་ནོ། །དེ་ནས་རབ་ཏུ་བཤད་པ་ནི། །ཆོ་ག་རྒྱས་པ་ཇི་བཞིན་པའོ། །དེ་ནས་འཇིག་རྟེན་གསུམ་པོའི་འཁོར་ལོའི་དཀྱིལ་འཁོར་ཆེན་པོ་འདིར་དགུག་པ་ལ་སོགས་པའི་ལས་ཀུན་བྱས་ཏེ། རྡོ་རྗེ་སློབ་དཔོན་ཉིད་རྡོ་རྗེ་ཁྲོ་བོ་ཏི་རིན་ཏི་རིའི་ཕྱག་རྒྱ་བཅིངས་ཏེ་འདི་སྐད་བསྒོ་ཞིག་།ངས་ཁྱོད་ལ་རྡོ་རྗེ་དམ་ཚིག་གི་ཡེ་ཤེས་བསྐྱེད་པར་བྱ་སྟེ། དེ་ཁྱོད་ཀྱིས་སུ་ལ་ཡང་མ་སྨ་ཤིག། མི་བདེ་བ་མ་སྤངས་པས་ཁྱོད་དུས་བྱས་ཏེ་དམྱལ་བར་ལྷུང་ང་རེ་ཞེས་བསྒོ་སྟེ། མནའི་སྙིང་པོ་འདི་སྦྱིན་ནོ། །རྡོ་རྗེ་ཁྲོ་བོ་ཏི་རིན་ཏི་རིའི་ཕྱག་རྒྱ་ཡང་སྟོན་ཅིག་།གལ་ཏེ་དམ་
212b
ཚིག་ལས་འདས་ན། །རྡོ་རྗེ་ཁྲོ་བོ་ཆེན་པོ་ཡི། །དམ་ཚིག་ཁྱོད་ཀྱི་རིགས་སྲེག་པས། །ཀླད་པ་ནས་ནི་བརྩམས་ནས་ཀྱང ། །ལུས་རྣམས་མ་རུངས་པར་ཡང་བྱེད། །དམ་ཚིག་བཅིང་བའོ། །དེ་ནས་རྡོ་རྗེ་འཆང་བའི་ལས་ཀྱི་ཕྱག་རྒྱའི་སྙིང་པོ་འདིས་བཅིང་ངོ ། །ོཾ་སརྦ་ཏ་ཐཱ་ག་ཏ་བཛྲ་དྷཱ་ར། གྲྀཧྞ་བན་དྷ་ས་མ་ཡ་ཧཱུཾ། དེ་ནས་འདིའི་ཕྱག་རྒྱ་བཅིང་བ་བཤད་དོ། །ལག་གཉིས་ཟླ་འོག་གཉིས་སུ་བཏང ། །མཐེ་བོ་མཐེའུ་ཆུང་སྦྲེལ་བ་དང ། །ལས་ཀྱི་ཕྱག་རྒྱ་དམ་ཚིག་འདི། །རྡོ་རྗེ་བཅིང་བ་ཞེས་ཀྱང་བཤད། །དེ་ནས་རྡོ་རྗེའི་ཆུས་དབང་བསྐུར་ཏེ། །སྙིང་པོ་ནི་འདི་ཡིན་ནོ། །ོཾ་བཛྲ་ཨ་བྷི་ཥེ་ཀ་ཨ་བྷི་ཥིཉྩ་བཛྲ་དྷཱ་ར་ཏ་ས་མ་གྲ་གྲཾ། དེ་ནས་གཡོགས་པས་གདོང་གཡོགས་ཏེ། སྙིང་པོ་འདིས་གཞུག་གོ། །ོཾ་བཛྲ་པྲ་བེ་ཤ་ཡ། བཛྲ་ཨཱ་བེ་ཤ་ཡ། ཨ་དྷི་ཏིཥྛ་བཛྲ་ཧཱུཾ། དེ་ནས་བཅུག་ནས་སྙིང་པོ་འདིས་མེ་ཏོག་གཏོར་རོ། །ོཾ་པྲ་ཏཱིཙྪ་ཨ་དྷི་ཏིཥྛ་བཛྲ་ཧོཿ ། དེ་ནས་དེ་དག་གང་ལྷུང་བ་དེ་འདིས་འགྲུབ་པར་འགྱུར་རོ། །དེ་ནས་གདོང་གཡོགས་པ་བཀྲོལ་ནས་དཀྱིལ་འཁོར་གོ་རིམས་བཞིན་དུ་བསྟན་ཏེ། ལྷ་གང་ཡིན་པ་དེ་ནི་དེ་ལ་མི་བསྟན་ཏོ། །དེ་ཅིའི་ཕྱིར་ཞེ་ན། སེམས་ཅན་ལོག་པར་ལྟ་བ་དག་ཡོད་དེ། གང་དག་ཇི་ལྟར་སངས་རྒྱས་བཅོམ་ལྡན་རྣམས་ཀྱི་ཡེ་ཤེས་གདོན་མི་ཟ་བ་ཇི་ལྟར་དེ་བཞིན་གཤེགས་པ་རྡོ་རྗེ་རིགས་སུ་ཕྱག་ན་རྡོ་རྗེས་དབང་བསྐུར་བ་དེ་བཞིན་
213a
༄#། །གཤེགས་པ་ཉིད་དམ་ཞེས་དད་པར་མི་འགྱུར་རོ་ཞེས་པ་ནི་དམ་ཚིག་གོ། །གཞན་དུ་ན་ལྷ་གང་དག་ལ་དད་པ་དེ་དག་ལ་མནའི་སྙིང་པོ་འདི་བྱིན་ནས་བསྟན་པར་བྱའོ། །དེ་ནས་རྡོ་རྗེའི་རིན་པོ་ཆེའི་མཚན་མའི་ཕྲེང་བས་དབང་བསྐུར་ནས་ལས་ཀྱི་རྡོ་རྗེ་ལག་པ་གཉིས་སུ་བྱིན་ལ། རྡོ་རྗེའི་མིང་བཏགས་ཏེ་ཇི་ལྟར་རྡོ་རྗེ་དམ་ཚིག་གི་དཀྱིལ་འཁོར་ཆེན་པོ་བཞིན་དུ་བྱའོ། །དེ་ནས་ཕྱག་རྒྱ་ཆེན་པོ་བཅིང་བ་ལ་བསླབ་བོ། །རྡོ་རྗེ་བཅིང་བ་དམ་བྱས་ཏེ། །མཐེ་བོང་ནང་དུ་སྦྱར་ནས་ནི། །མཛུབ་མོ་བཀུག་ནས་གཉི་གས་བཀབ། །སེམས་དཔའི་གཙུག་ཏོར་ཞེས་བྱའོ། །རྡོ་རྗེ་བཅིང་བ་བྱས་ནས་ནི། །མཐེ་བོ་གུང་མོ་མཐེའུ་ཆུང་བསྒྲེང ། །གཟི་བརྗིད་ཕུང་པོ་ཞེས་བྱ་སྟེ། །གཟི་བརྗིད་ཆེན་པོའི་བཙུན་པའོ། །རྡོ་རྗེ་ཕྱག་རྒྱ་གཉིས་བཅིངས་ཏེ། །མཐེ་བོ་མཐེའུ་ཆུང་སྦྲེལ་བ་ནི། །དམ་དུ་ལྕགས་ཀྱུ་བཅིངས་པ་སྟེ། །རིག་པ་ཆེན་པོ་དམ་པའི་འོ། །རིག་པ་ཆེན་པོ་དམ་པ་ཡི། །ཕྱག་རྒྱ་བཅིངས་ནས་རབ་བཅིང་བ། །སྙིང་གར་མཐེ་བོའི་ངོས་ཀྱིས་སོ། །སེམས་དཔའ་ཡི་ནི་སྙིང་པོར་བཤད། །དེ་ཉིད་ལས་གུང་མོ་སྲིན་ལག་།སོར་མོ་རབ་ཏུ་བསྡམས་ནས་ནི། །རྡོ་རྗེ་རིན་ཆེན་ཚུལ་དུ་ནི། །བསྒྱུར་ནས་གདོང་དུ་གཞག་པར་བྱ། །དེ་ཉིད་བསྐྱེད་དེ་བཞག་ནས་ནི། །སྙིང་གར་ཡང་ནི་བསྒྱུར་བར་བྱ། །མེ་ཏོག་བཞི་པ་ཞེས་བྱ་སྟེ། །པདྨའི་རིག་པ་དམ་པའོ། །དེ་ཉིད་
213b
སྤྱི་བོ་ནས་བརྩམས་ཏེ། །ལུས་ཀྱི་དཀྱིལ་འཁོར་བསྐོར་བར་བྱ། །སྣ་ཚོགས་རྡོ་རྗེའི་ཕྱག་རྒྱ་འདི། །རྡོ་རྗེ་ལས་ནི་རབ་བསྒྲུབ་པའོ། །སེམས་མའི་རྡོ་རྗེ་དམ་བྱས་ཏེ། །མཐེའུ་ཆུང་རྡོ་རྗེ་བསྒྲེང་བ་ནི།། ཐམས་ཅད་རིག་པའི་སྙིང་པོ་འདི། །ཕྱག་རྒྱ་འདི་ནི་ཐམས་ཅད་སྒྲུབ། །མཐེ་བོ་མཐེའུ་ཆུང་བཅིངས་ནས་ནི། །གཡོན་པའི་སོར་མོ་དབུས་མ་གསུམ། །རྩེ་གསུམ་པ་ནི་དབུས་མའི་རྩེ། །རྡོ་རྗེ་ཕྱག་རྒྱ་གཟུང་བ་སྟེ། །རྡོ་རྗེ་རིག་པ་དམ་པ་འདི། །རྡོ་རྗེ་མདུང་ཞེས་བྱ་བའོ། །དེ་ནས་རབ་ཏུ་བཤད་པ་ནི། །སྒྱུ་མ་རྡོ་རྗེ་ལ་སོགས་བརྟགས། །རྡོ་རྗེ་བཅིང་བ་དམ་བྱས་ཏེ། །གཡོན་བའི་རྡོ་རྗེ་བཅང་བར་བྱ། །རྡོ་རྗེ་ཁུ་ཚུར་ཞེས་བཤད་དེ། །རྡོ་རྗེའི་རིགས་ནི་ཀུན་གྱི་འདིའོ། །རྡོ་རྗེ་དེ་ནི་གཉིས་བྱས་ཏེ། །མཚན་མ་ཀུན་ཀྱང་དེས་བཞག་གོ། །རྡོ་རྗེའི་རིགས་ནི་ཐམས་ཅད་ཀྱི། །ཕྱག་རྒྱ་རྣམས་ཀྱང་འབྱུང་བ་སྟེ། །སོར་བརྐྱང་སྟེང་དུ་གཞག་པ་དང ། །མཛུབ་མོས་མཐེབ་བསྟན་སྦྱར་བ་དང ། །ོཾ་ཞེས་བྱ་བ་སྤྱིར་བཞག་ནས། །རྡོ་རྗེ་སྟེང་དུ་བཞག་པའོ། ། རིག་པའི་རྒྱལ་པོའི་ཕྱག་རྒྱ་ཆེན་པོའི་ཚོགས་རྣམས་སོ། །རབ་ཏུ་བརྐྱང་ནས་ལག་གནས་པ། །ལག་པའི་རྒྱབ་ཏུ་དེ་བཞིན་ཏེ། །ཁུ་ཚུར་བཅངས་བཞག་ལག་ངར་བསྐུམ། །ཁ་ཡི་ཕྱོགས་སུ་བསྐོར་བར་བྱ། །རྡོ་རྗེ་ཁྲོ་བོའི་ཕྱག་རྒྱའི་ཚོགས་སོ། །གཡོན་པའི་མཐེ་བོ་སྟེང་དུ་བཞག་།ཕྲེང་བའི་བཅིང་བའི་ཐབས་སུ་སྦྱར། །ནོར་སྦྱིན་པར་ནི་གཡས་པ་སྟེ། །རལ་གྲིའི་
214a
༄#། །ཕྱག་རྒྱ་ཁུ་ཚུར་མཆོག། འདུས་པའི་དབང་པོའི་ཕྱག་རྒྱ་ཆེན་པོ་འདུས་པའོ། །གཡས་པ་མདུན་ཏུ་གཏུན་རིངས་འཛིན། །ལག་པ་བརྐྱང་པའང་དེ་བཞིན་ཏེ།་གཡས་པའི་འོད་ནི་འབར་བར་བསྟན། །རྡོ་རྗེ་ཁུ་ཚུར་བསྐྱོད་པར་བྱ། །ཕོ་ཉའི་ཕྱག་རྒྱ་ཆེན་པོའི་ཚོགས་སོ། །བསྒྱིངས་བཅས་མཛུབ་མོའི་ཁར་མཆེ་བ། །དབྱུག་པ་བསྣུན་ཅིང་གནས་པ་དང ། །དཔུང་པ་བསྐུམ་ཞིང་དབྱུང་བ་དང ། །གཡས་པ་གཡོན་གྱིས་འདྲེན་པའོ། །བྲན་གྱི་ཕྱག་རྒྱའི་ཚོགས་ཆེན་པོའོ། །དཀྱིལ་འཁོར་ཀུན་ཏུ་བསྟན་པ་ནི། །གཡོན་པའི་རྡོ་རྗེ་གཟུར་ནས་སོ། །དེ་ནས་རབ་ཏུ་བཤད་པ་ནི། །སྒྲུབ་པ་དང་ནི་ལས་ཉིད་དོ། །སེམས་དཔའ་གང་གི་ཕྱག་རྒྱ་གང ། །དེ་ནི་བདག་ཉིད་ཉིད་ཀྱིས་ཀྱང ། །བདག་ཉིད་གོམས་པར་གྱུར་ན་ནི། །ཕྱག་རྒྱ་དམ་པར་འགྲུབ་པར་འགྱུར། །གཙུག་ཏོར་ཆེན་པོ་བསྲུང་བ་ཆེ། །གཟི་བརྗིད་ཕུང་པོ་རབ་གྲུབ་སྟེར། །རྡོ་རྗེ་ཧཱུཾ་ཞེས་བྱ་ཀུན་བྱེད། །སྙིང་གར་གཞག་པ་ཐམས་ཅད་འགུགས། སངས་རྒྱས་ཀྱི་ཕྱག་རྒྱ་རྣམས་སོ། །ཐམས་ཅད་རིག་པ་ཐམས་ཅད་འགྲུབ། །རྡོ་རྗེ་རིག་པ་དམ་པའོ། །རྡོ་རྗེ་མདུང་ནི་ཕྱག་རྒྱ་ཆེ། །གྲུབ་པ་ཆེན་པོ་སྦྱིན་པར་བྱེད། ། སྒྱུ་མའི་རྡོ་རྗེ་རབ་འགྲུབ་སྟེར། །དྲིལ་བུ་ཡིས་ནི་ཡང་དག་འབེབས། །དབྱུག་པའི་ཤིང་གིས་མྱ་ངན་འདའ། །རྡོ་རྗེའི་རྡོ་རྗེ་གསོང་བར་བྱེད། །རིག་པའི་རྒྱལ་པོ་རྣམས་སོ། །འབར་
214b
བའི་མཆོག་ནི་མ་རུངས་འདུལ། །ཞི་བའི་མཆོག་ནི་ཐམས་ཅད་གསོད། །དབྱུག་པའི་མཆོག་ནི་གསོད་པ་སྟེ། །འཇིགས་པའི་མིག་ནི་སྐྲག་པར་བྱེད། །རྡོ་རྗེ་ཁྲོ་བོའི་ཕྱག་རྒྱ་རྣམས་སོ། ། མྱོས་པས་རབ་ཏུ་མྱོས་པར་བྱེད། །ཕྲེང་བ་ཀུན་ནི་བྱེད་པར་བཤད། །འདོད་བྱེད་དགའ་བར་བྱེད་པ་སྟེ། །གསོད་པ་ཐམས་ཅད་གསོད་པའོ། །ཚོགས་ཀྱི་ཕྱག་རྒྱ་རྣམས་སོ། །ཐོ་བ་གདུག་བ་འཇོམས་པ་སྟེ། །རས་ཀྱི་རྒྱུ་རས་དེ་བཞིན་ཏེ། །འབར་བའི་མཆོག་ནི་གདུག་པ་སྲེག། གནོད་སྦྱིན་མ་ནི་གདོན་འབོད་དོ། །ཕོ་ཉའི་ཕྱག་རྒྱ་རྣམས་སོ། །རྡོ་རྗེའི་མཆེ་བ་ཟ་བ་སྟེ། །གསོད་པ་ཐམས་ཅད་གསོད་མའོ། །བགེགས་བྱེད་མ་ནི་རབ་ཏུ་བགེགས། །འཕྲོག་མ་ཡང་ནི་ཐམས་ཅད་འཕྲོག། བྲན་གྱི་ཕྱག་རྒྱ་རྣམས་སོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་ཆེན་པོའི་རྟོག་པའི་རྒྱལ་པོ་ལས། འཇིག་རྟེན་གསུམ་གྱི་འཁོར་ལོའི་དཀྱིལ་འཁོར་ཆེན་པོའི་ཆོ་ག་རྒྱས་པ་རྫོགས་སོ།། །།དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་གཟུངས་ཀྱི་དམ་ཚིག་ལས་བྱུང་བའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རང་གི་རིག་པ་དམ་པ་འདི་གསུངས་སོ། །ོཾ་བཛྲ་བ་སི་ཏྲེ་སཝཱཧཱ། །དེ་ནས་ཡང་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་དྷ་རི་ཧཱུཾ། བཛྲ་བི་ཀྲ་མེ་ཧཱུཾ་ཕཊ། ཡང་བྱང་ཆུབ་
215a
༄#། །སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་རཏྣ་གོ་ཏྲི་སཝཱ་ཧཱ། དེ་ནས་ཡང་བྱང་ཆུབ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་པདྨ་ནེ་ཏྲེ་སཝཱ་ཧཱ། །དེ་ནས་ཡང་བྱང་ཆུབ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་ཀརྨ་ཀ་རེ་སཝཱཧཱ། །དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་རིག་པ་དམ་པས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་ཤཱུ་ལ་གྲེ་སཝཱཧཱ། །དེ་ནས་རྡོ་རྗེ་སྒྱུ་མ་རིག་པའི་རྒྱལ་པོས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་ཙ་ཀྲེ་ཧཱུཾ། རྡོ་རྗེ་དྲིལ་བུས་སྨྲས་པ། ཨོཾ་བཛྲ་གྷཎྚ་ཀེ་ཧཱུཾ། ཐུབ་པའི་རྡོ་རྗེས་སྨྲས་པ། ཨོཾ་བཛྲ་དནྟ་ཀཱཥྛེ་ཧཱུཾ། རྡོ་རྗེ་མཚོན་ཆས་སྨྲས་པ། ཨོཾ་བཛྲེ་ཧཱུཾ། རིག་པའི་རྒྱལ་པོའི་དམ་ཚིག་གི་ཕྱག་རྒྱ་རྣམས་སོ། །དེ་ནས་རྡོ་རྗེ་འཁྱིལ་བ་རྡོ་རྗེ་ཁྲོ་བོས་རང་གི་སྙིང་པོའི་དམ་ཚིག་གི་ཕྱག་རྒྱ་འདི་སྨྲས་སོ། །ོཾ་བཛྲ་ལེ་ཧཱུཾ། དེ་ནས་རྡོ་རྗེ་འོད་ཀྱིས་སྨྲས་པ། ཨོཾ་བཛྲ་སཽ་མེ་ཧཱུཾ། དེ་ནས་རྡོ་རྗེ་དབྱིག་པས་སྨྲས་པ། ཨོཾ་བཛྲ་དཎྜ་ཧཱུཾ། རྡོ་རྗེ་སེར་སྨུག་གིས་སྨྲས་པ། ཨོཾ་བཛྲ་བི་ཥཱ་ཎི་ཧཱུཾ། རྡོ་རྗེ་ཁྲོ་བོའི་དམ་ཚིག་གི་ཕྱག་རྒྱ་རྣམས་སོ། །དེ་ནས་རྡོ་རྗེ་གླང་སྣས་རང་གི་དམ་ཚིག་གི་ཕྱག་རྒྱ་སྨྲས་པ། །ོཾ་བཛྲ་མེ་དེ་ཧཱུཾ། རྡོ་རྗེ་ཕྲེང་བས་སྨྲས་པ། ཨོཾ་
215b
བཛྲ་མཱ་ལེ་ཧཱུཾ། རྡོ་རྗེ་དབང་གིས་སྨྲས་པ། ཨོཾ་བཛྲ་ཨ་བྷི་ཥེ་ཧཱུཾ། རྣམ་པར་རྒྱལ་བའི་རྡོ་རྗེས་སྨྲས་པ། ཨོཾ་བཛྲ་ཨ་པ་རཱ་ཛི་ཏ་ཧཱུཾ། རྡོ་རྗེ་ཚོགས་ཀྱིས་བདག་པོའི་དམ་ཚིག་གི་ཕྱག་རྒྱ་རྣམས་སོ། །དེ་ནས་རྡོ་རྗེ་གཏུན་རིངས་ཀྱིས་རང་གི་དམ་ཚིག་ཕྱག་རྒྱ་རྣམས་སྨྲས་པ། ཨོཾ་བཛྲ་མུ་ས་ལ་གྲ་ཧེ་ཧཱུཾ། དེ་ནས་རྡོ་རྗེ་རླུང་གི་སྨྲས་པ། ཨོཾ་བཛྲ་བཱ་ཏེ་ཧཱུཾ། རྡོ་རྗེ་མེས་སྨྲས་པ། ཨོཾ་བཛྲ་ཛྭ་ལེ་ཧཱུཾ། རྡོ་རྗེ་འཇིགས་པས་སྨྲས་པ། ཨོཾ་བཛྲ་གྲ་ཧེ་ཧཱུཾ། རྡོ་རྗེ་ཕོ་ཉའི་དམ་ཚིག་གི་ཕྱག་རྒྱ་རྣམས་སོ། །དེ་ནས་རྡོ་རྗེ་ལྕགས་ཀྱུས་སྨྲས་པ། ཨོཾ་བཛྲ་དཾཥྚེ་ཧཱུཾ། རྡོ་རྗེ་དུས་ཀྱིས་སྨྲས་པ། ཨོཾ་བཛྲ་བ་ཤེ་ཧཱུཾ། རྡོ་རྗེ་དན་ཁྲིད་ཀྱིས་སྨྲས་པ། ཨོཾ་བཛྲ་བིགྷྣ་ན་ཧཱུཾ། རྡོ་རྗེ་ཀླུས་སྨྲས་པ། ཨོཾ་བཛྲ་ཧ་རི་ཎི་ཧཱུཾ། རྡོ་རྗེ་བྲན་གྱི་དམ་ཚིག་གི་ཕྱག་རྒྱ་རྣམས་སོ། །དེ་ནས་ཡང་ཕྱག་ནི་རྡོ་རྗེས་རྡོ་རྗེའི་རིགས་ཐམས་ཅད་ཀྱི་རྡོ་རྗེའི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །རྡོ་རྗེ་དཀྱིལ་འཁོར་དམ་པ་སྟེ། །གྲཝ་བཞི་པ་ལ་བྱང་ཕྱོགས་སྒོ། །ཕྱི་རོལ་དཀྱིལ་འཁོར་སྲད་བུས་བྲེ། །དེ་ཡི་ནང་དུ་དེར་ཡང་ནི། །དེ་བཞིན་སྒོ་ནི་ཤར་ཕྱོགས་གདོང ། །དེ་ཡི་དབུས་སུ་ཅི་རིགས་པར། །སངས་རྒྱས་གཟུགས་ནི་གཞག་པར་བྱ། །འཇིག་རྟེན་གསུམ་རྒྱལ་ལ་སོགས་པ། །བཞི་པོ་དེ་ཡི་ཕྱོགས་ཀུན་བཞག་།དཀྱིལ་འཁོར་དེ་བཞིན་གཙོ་བོ་ཡང ། །རྡོ་རྗེའི་ཕྱག་རྒྱ་བྲི་བར་བྱ། །དེ་ཡི་ཕྱོགས་རྣམས་ཐམས་ཅད་དུ། །རིགས་ཀྱི་ཕྱག་
216a
༄#། །རྒྱ་བྲི་བར་བྱ། །རྡོ་རྗེ་གླང་སྣ་ལ་སོགས་པ། །བཞི་པོ་རྣམས་ནི་སྒོ་སྲུང་ངོ ། །འཇིགས་མ་དཔལ་དང་སྒྲ་དབང་དང ། །དུར་ག་གཡོན་པའི་གྲཝ་རྣམས་ནས། ཕྱི་ཡི་གྲཝ་རྣམས་ཕྱག་རྒྱ་ནི། །དེ་རྣམས་ཉིད་ནི་བྲི་བར་བྱ། །ཕྱི་ཡི་དཀྱིལ་འཁོར་རྣམས་སུ་ནི། །ལྷ་མོ་རྣམས་ནི་བྲི་བར་བྱ། །དེ་ནས་ཆོ་ག་རྒྱས་པའི་རྣམས། །ཇི་བཞིན་པར་ནི་བཤད་པར་བྱ། །དེ་ནས་རྡོ་རྗེའི་དཀྱིལ་འཁོར་འདིར་ཇི་ལྟར་འདོད་པ་བཞིན་དུ་བྱས་ཏེ་རྡོ་རྗེ་ལྕགས་ཀྱུ་ལ་སོགས་པས་དམ་ཚིག་གི་ལས་བྱས་ནས་རྡོ་རྗེ་འཆང་བའི་ཕྱག་རྒྱའི་ཆོ་ག་བཞིན་དུ་བཅིངས་ལ་ཁྱོད་ཀྱིས་དམ་ཚིག་མ་མཐོང་བ་སུའི་མདུན་དུ་ཡང་དམ་ཚིག་གི་ཕྱག་རྒྱ་དེ་རྣམས་མ་སྨྲ་ཞིག་།གསང་བའི་འཕེལ་བར་མ་བྱེད་ཅིག་ཅེས་བསྒོ་ཞིག་།དེ་ནས་ལས་ཀྱི་རྡོ་རྗེ་དེ་རྡོ་རྗེ་འཆང་བའི་ཕྱག་རྒྱའི་སྟེང་དུ་བཞག་སྟེ་ཆོ་ག་བཞིན་དུ་ཚུག་ཅིག། ཞུགས་ནས་རྡོ་རྗེ་དེ་དེ་བཞིན་དུ་བོར་ཅིག། གང་ལ་བབ་པ་དེ་དེའི་དམ་ཚིག་གི་ཕྱག་རྒྱའི་དབང་དུ་འགྱུར་ཏེ། དེས་ལས་ཐམས་ཅད་བྱེད་དོ། །དེ་ནས་གདོང་གཡོགས་བཀྲོལ་ནས་དཀྱིལ་འཁོར་རིམ་བཞིན་བསྟན་ཏེ། དམ་ཚིག་གི་ཕྱག་རྒྱ་གསང་བ་སྨྲོས་ཤིག། དམ་ཚིག་ཕྱག་རྒྱ་འདི་ཁྱོད་ཀྱི། །རྟག་ཏུ་ལས་ཀུན་བྱེད་པ་སྟེ། །མ་དང་སྲིང་མོ་རྣམས་དང་ནི། །ཆུང་མ་བུ་མོ་འདྲ་བའོ། །དེ་ལ་དེའི་སྙིང་པོ་ནི་འདི་དག་ཡིན་ནོ། །
216b
ོཾ་སརྦ་ག་མ་ནི་སརྦ་བཱཀྟྲེ་སཱ་དྷ་ཡ་གུ་ཧྱ་བཛྲི་ཎི་ཧཱུཾ་ཕཊ། འདི་ལན་ཅིག་བཟླས་པས་བུད་མེད་ཐམས་ཅད་དབང་དུ་བྱས་ཏེ་སྤྱད་ན་ཆོས་མ་ཡིན་པར་མི་འགྱུར་རོ། །ཅི་དགའ་བར་ཐམས་ཅད་སྤྱད་ནས་བསྒྲུབ་པར་བྱ་སྟེ། དེ་ནས་སེམས་ཅན་ཐམས་ཅད་དག་པར་ཕྱག་རྒྱ་ཐམས་ཅད་ཡིད་ཀྱིས་ཤེས་ནས་ལས་དམ་པ་ཐམས་ཅད་ཀྱང་བྱེད་དོ། །ཞེས་བཅོམ་ལྡན་འདས་རྡོ་རྗེ་འཆང་པས་གསུངས་སོ། །དེ་ནས་དམ་ཚིག་གི་ཕྱག་རྒྱ་བསླབ་པར་བྱའོ། །དམ་ཚིག་ཁྲོ་བོ་མཛུབ་བཙུག་དང ། །སྙིང་གར་ཡང་ནི་བསྡམ་པར་བྱ། །ངོས་ཀྱི་མཛོད་སྤུ་ཁ་ནས་དྲང ། །སྤྱི་བོར་བཞག་ནས་གཉིས་སུ་བྱ། །གཡོན་པའི་རྡོ་རྗེ་མཛུབ་མོ་ཡིས། །མདུང་རྩེ་རྩེ་གསུམ་མནན་པར་བྱའོ། །འདི་བཅིངས་པས་ནི་ཡང་དག་པར། །རིག་པ་དམ་པའང་འགྲུབ་པར་འགྱུར། །རྡོ་རྗེའི་རིགས་ནི་ཐམས་ཅད་ཀྱི། །གཡོན་པའི་རྡོ་རྗེ་གཙོ་བོར་འདུས། །དམ་ཚིག་ཆོ་ག་ཇི་བཞིན་པར། །ཕྱག་རྒྱ་བཅིང་བ་བཤད་པར་བྱ། །ཐམས་ཅད་འཁོར་ལོ་མཛུབ་རྩེ་བཅུམ། །དྲིལ་བུ་ཕྱག་རྒྱའང་དེ་བཞིན་ནོ། །དེ་བཞིན་ཨོཾ་གྱི་ཕྱག་རྒྱ་དང ། །སེངྒེའི་རྣ་པར་བྱ་བ་སྟེ། །རིག་པའི་རྒྱལ་པོའི་ཕྱག་རྒྱ་རྣམས་སོ། །འབར་བ་ཀུན་ཏུ་འཛིན་པ་དང ། །འོད་ནི་ཡང་དག་འདུས་པ་ཉིད། །དབྱུག་པའི་ཁུ་ཚུར་འཛིན་པ་དང ། །ཁ་འགྲམ་ཕྱག་རྒྱ་བསྐོར་བའོ། །ཁྲོ་བོའི་དམ་ཚིག་རྣམས་སོ། །གཏུམ་
217a
༄#། །པའི་ཕྱག་རྒྱ་ཕྲེང་བ་དང ། །རྡོ་རྗེ་མནན་ནས་མདུད་པ་ཡིན། །སྤྱི་བོར་བཞག་པ་ཚོགས་ཀྱི་སྟེ། །དཀྱིལ་འཁོར་གྱི་ནི་བསྲུང་བའོ། །ཚོགས་རྣམས་ཀྱི་དམ་ཚིག་གོ། ལག་པ་བསྐུམ་པ་ཁར་བཞག་སྟེ། །རྒྱབ་ཏུ་ཡང་ནི་བསྐོར་པར་བྱ། །འབར་བ་མེ་སྟག་གཏོང་བ་སྟེ། །ཕྱེ་ནས་ཁར་ཡང་གནས་པར་བྱ། །ཕོ་ཉ་མོའི་དམ་ཚིག་རྣམས་སོ། །མཐའ་མ་གཉིས་ནི་ཁར་བཅུག་དང ། །བཙིར་ཅིང་རབ་ཏུ་གནོན་པའོ། །དཔུང་པས་སྣོལ་བས་བསྣོལ་བ་དང ། མྱུར་དུ་འཕྲོག་པའང་དེ་བཞིན་ནོ། །བྲན་མོ་རྣམས་ཀྱི་དམ་ཚིག་གོ། དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དམ་ཚིག་གི་རྟོག་པ་ཆེན་པོའི་རྒྱལ་པོ་ལས། རྡོ་རྗེ་རིགས་ཐམས་ཅད་ཀྱི་རྡོ་རྗེ་གཟུངས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སོ།། །།དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་ལས་བྱུང་བ་རྡོ་རྗེ་དབྱིངས་ཀྱི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རང་གི་རིག་པ་འདི་གསུངས་སོ། །ོཾ་བཛྲ་བིད། དེ་ནས་ཡང་ཕྱག་ན་རྡོ་རྗེས་རང་གི་ཆོས་ཀྱི་དམ་ཚིག་འདི་གསུངས་སོ། །ོཾ་ཧ་ན་ཧ་ན་བཛྲ་ཧཱུཾ་ཕཊ། དེ་ནས་ཡང་རྡོ་རྗེ་སྙིང་པོས་རང་གི་ཆོས་ཀྱི་དམ་ཚིག་འདི་གསུངས་སོ། །ོཾ་ཧ་ར་ཧ་ར་ཧཱུཾ་ཕཊ། དེ་ནས་ཡང་རྡོ་རྗེ་སྤྱན་
217b
གྱིས་རང་གི་ཆོས་ཀྱི་དམ་ཚིག་འདི་གསུངས་སོ། །ོཾ་མ་ར་མ་ར་ཧཱུཾ་ཕཊ། དེ་ནས་ཡང་རྡོ་རྗེ་སྣ་ཚོགས་ཀྱིས་རང་གི་ཆོས་ཀྱི་དམ་ཚིག་འདི་གསུངས་སོ། །ོཾ་ཀུ་རུ་ཀུ་རུ་ཧཱུཾ་ཕཊ། དེ་ནས་རྡོ་རྗེ་རིག་པ་དམ་པས་རང་གི་ཆོས་ཀྱི་དམ་ཚིག་འདི་གསུངས་སོ། །ོཾ་ཧཱུཾ་ཧཱུཾ་ཕཊ། དེ་ནས་རྡོ་རྗེ་སྒྱུ་མས་སྨྲས་པ། ཨོཾ་ཙྪིནྡ་ཙྪིནྡ་ཧཱུཾ་ཕཊ། ཨོཾ་ཨཱ་བི་ཤ་ཨཱ་བི་ཤ་ཧཱུཾ་ཕཊ། ཨོཾ་བྷུར་བྷུ་བ་སཝཿ ཧཱུཾ་ཕཊ། ཨོཾ་བྷིནྡ་བྷིནྡ་ཧཱུཾ་ཕཊ། རིག་པའི་རྒྱལ་པོ་རྣམས་ཀྱིའོ། །ོཾ་ད་མ་ད་མ་ཧཱུཾ་ཕཊ། ཨོཾ་མཱ་ར་ཡ་མཱ་ར་ཡ་ཧཱུཾ་ཕཊ། ཨོཾ་གྷཱ་ཏ་ཡ་གྷཱ་ཏ་ཡ་ཧཱུཾ་ཕཊ། ཨོཾ་བྷ་ཡ་བྷ་ཡ་ཧཱུཾ་ཕཊ། ཁྲོ་བོ་རྣམས་ཀྱིའོ། །ོཾ་དྷ་མ་དྷ་མ་ཧཱུཾ་ཕཊ། ཨོཾ་བན་དྷ་བན་དྷ་ཧཱུཾ་ཕཊ། ཨོཾ་བ་ཤཱཾ་བྷ་བ་ཧཱུཾ་ཕཊ། ཨོཾ་ཛ་ཡ་ཛ་ཡ་ཧཱུཾ་ཕཊ། ཚོགས་རྣམས་ཀྱིའོ། །ོཾ་བྷྱོ་བྷྱོ་ཧཱུཾ་ཕཊ། ཨོཾ་གྷུ་གྷུ་ཧཱུཾ་ཕཊ། ཨོཾ་ཛྭཱ་ལ་ཛྭཱ་ལ་ཧཱུཾ་ཕཊ། ཨོཾ་ཁཱ་ད་ཁཱ་ད་ཧཱུཾ་ཕཊ། ཕོ་ཉ་རྣམས་ཀྱིའོ། །ོཾ་ཁ་ན་ཁ་ན་ཧཱུཾ་ཕཊ། ཨོཾ་མ་ར་མ་ར་ཧཱུཾ་ཕཊ། ཨོཾ་གྲྀཧྞ་གྲྀཧྞ་ཧཱུཾ་ཕཊ། ཨོཾ་པི་བྷ་བི་བྷ་ཧཱུཾ་ཕཊ། བྲན་མོ་རྣམས་ཀྱིའོ།། དེ་ནས་ཡང་ཕྱག་ན་རྡོ་རྗེས་རྡོ་རྗེའི་རིགས་ཐམས་ཅད་ཀྱི་ཆོས་ཀྱི་དམ་ཚིག་གི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །དམ་ཚིག་ཆེན་པོའི་དཀྱིལ་འཁོར་དེ། ། འཇིག་རྟེན་གསུམ་གྱི་འཁོར་ལོ་བཞིན། །དཀྱིལ་འཁོར་ཐམས་ཅད་བྲི་བར་བྱ། །སངས་རྒྱས་རྡོ་རྗེ་འཛིན་ལ་སོགས། །ཐམས་ཅད་སྙོམས་པར་ཞུགས་པའོ། །ཆོས་ཀྱི་དཀྱིལ་
218a
༄#། །འཁོར་ཚུལ་ལྟ་བུ། །སྙིང་གར་མཚན་མ་ཡང་དག་བཞག། དེ་ནས་འདིའི་ཆོས་ཀྱི་དམ་ཚིག་གི་དཀྱིལ་འཁོར་འདིར་ཆོ་ག་བཞིན་དུ་ལས་བྱས་ནས་རྡོ་རྗེ་འཆང་བའི་ཕྱག་རྒྱ་རྡོ་རྗེ་དྲིལ་བུ་བཅངས་པ་བཅིངས་ཏེ་འདི་སྐད་སྨྲོས་ཤིག། ཁྱོད་ཀྱིས་དམ་ཚིག་མ་མཐོང་བ་དང ། ལྷའི་རིགས་མ་མཐོང་བ་སུ་ལ་ཡང་མ་སྨྲ་ཞིག་ཅེས་བསྒོ་ལ་དྲིལ་བུ་དཀྲོལ་དུ་ཆུག་ཅིག། འདི་སྐད་བསྒོས་ནས་ཀྱང་མནའི་སྙིང་པོ་བྱིན་ལ། ཇི་ལྟར་དྲིལ་བུ་འདི་དཀྲོལ་བའི། །དེའི་སྒྲ་ཇི་ལྟར་མི་རྟག་པ། །དེ་བཞིན་ལས་ཀྱི་རྡོ་རྗེ་ཁྱོད། །མི་རྟག་པར་ནི་མ་རུངས་བྱེད། །རྡོ་རྗེ་སློབ་དཔོན་བསྟི་སྟང་མེད། །རྡོ་རྗེ་གྲོགས་དང་མི་མཛའ་དང ། གདུག་ལ་བྱམས་དང་སྐྱོ་བར་ནི། །གལ་ཏེ་ཁྱོད་ཀྱིས་བྱས་ནའོ། ། དེ་ནས་གདོང་གཡོགས་དཀྲོལ་ལ། །དཀྱིལ་འཁོར་བསྟན་ཏེ། ཆོས་ཀྱི་དམ་ཚིག་གི་ཕྱག་རྒྱའི་ཡེ་ཤེས་སློབས་ཤིག། སངས་རྒྱས་རྡོ་རྗེ་འཛིན་ལ་སོགས། །ཆོས་ཀྱི་དཀྱིལ་འཁོར་ཇི་བཞིན་ནོ། །ཐམས་ཅད་མཉམ་པ་ཉིད་བསམ་པ། །རྡོ་རྗེ་རིག་པ་དམ་པ་སྟེ། །འགྲོ་བ་འདི་དག་སྒྱུ་མ་བཞིན། །དེ་བཞིན་སྡུག་བསྔལ་དྲིལ་བུ་འདྲ། །སྡུག་བསྔལ་ཐམས་ཅད་མྱ་ངན་འདའ། །རྡོ་རྗེ་འཇོམས་པ་བླ་ན་མེད། །རིག་པའི་རྒྱལ་པོ་ཏིང་ངེ་འཛིན་རྣམས་སོ། །སེམས་ཅན་གདུལ་ཕྱིར་ཁྲོ་བོའི་མཆོག། ཞི་བ་ཡིས་ནི་ངེས་པར་
218b
གསོད། །དབྱུག་པ་འདྲ་ལ་འཆོག་པར་བྱེད། །ལོག་པར་ལྟ་བ་འཇིགས་པར་བྱེད། །ཁྲོ་བོའི་ཏིང་ངེ་འཛིན་རྣམས་སོ། །ར་རོ་འདྲ་བར་དཔའ་བ་མེད། །ཕྲེང་བ་འདྲ་བར་འཆིང་བ་མེད། ། བུད་མེད་འདོད་པས་འགྲོ་དབང་བྱེད། །བརྟན་པ་ཙམ་གྱིས་གཞན་ཕ་མ་མོ། །ཚོགས་ཀྱི་ཏིང་ངེ་འཛིན་རྣམས་སོ། །འཚོག་པའི་ཆད་པའི་མཆོག་ཡིན་ཏེ། །རེག་པ་རྣམས་ནི་རླུང་གིའོ། ། གཟི་བརྗིད་ཅན་ནི་བྱིན་ཟ་མཆོག། ཟས་རྣམས་ཀྱི་ནང་ཁྲག་དམ་པ། །ཕོ་ཉའི་ཏིང་ངེ་འཛིན་རྣམས་སོ། །མཚེ་བ་དག་པར་ཞུགས་པ་སྟེ། །འཆི་བདག་ཐམས་ཅད་གནས་ན་འདུག ། འཇིགས་ལས་ལྷག་པའི་བགེགས་གཞན་མེད། །ཆུ་ལས་ལྷག་པའི་རོ་གཞན་མེད། །བྲན་གྱི་ཏིང་ངེ་འཛིན་རྣམས་སོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དམ་ཚིག་གི་རྟོག་བའི་རྒྱལ་པོ་ཆེན་པོ་ལས། རྡོ་རྗེའི་རིགས་ཐམས་ཅད་ཀྱི་ཆོས་ཀྱི་དམ་ཚིག་གི་དཀྱིལ་འཁོར་གྱི་ཆོ་ག་རྒྱས་པ་རྫོགས་སོ།། །།དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དམ་ཚིག་ལས་འབྱུང་བ་རྡོ་རྗེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་ཀརྨ་པྲ་བརྟ་ནི་ས་མ་ཡེ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་བི་ལཱ་སེ་པཱུ་ཛཱ་ཡ་
219a
༄#། །ཧཱུཾ། དེ་ནས་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་ཨ་བྷི་ཥེ་ཀ་ཨ་བྷི་ཥིཉྩ་ཧཱུཾ། དེ་ནས་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། ཨོཾ་བཛྲ་གཱི་ཏེ་གཱ་ཧི་ཧཱུཾ། དེ་ནས་བྱང་ཆུབ་སེམས་དཔའ་རྡོ་རྗེ་སྣ་ཚོགས་ཀྱིས་རང་གི་ལས་ཀྱི་རིག་པ་འདི་གསུངས་པ། ཨོཾ་བཛྲ་ནརྀ་ཏྲ་ཎརྀ་ཏྱེ་ཧཱུཾ། དེ་ནས་རྡོ་རྗེ་རིག་པ་དམ་པས་རང་གི་ལས་ཀྱི་དམ་ཚིག་འདི་གསུངས་སོ། །ོཾ་བཛྲ་བིདྱོ་ཏྟ་མ་ནེ་ཏྲ་བི་ཀུ་ར་བ་བི་ཀུ་ར་བ་ཧཱུཾ་ཕཊ། དེ་ནས་རྡོ་རྗེ་ཁྲོ་བོ་རྡོ་རྗེ་མེའི་ལྷ་མོས་རང་གི་ལས་ཀྱི་དམ་ཚིག་འདི་སྨྲས་པ། ཨོཾ་བཛྲ་ཀྲོ་དྷ་བཛྲ་ཨགྣེ་ཛྭ་ལ་ཏྲི་ཤཱུ་ལ་ནིབ་ན་ཧྲྀ་ད་ཡ་བཛྲི་ཎི་ཧཱུཾ་ཕཊ། དེ་ནས་རྡོ་རྗེ་གསེར་ལྷ་ཆེན་མོས་རང་གི་ལས་ཀྱི་དམ་ཚིག་འདི་སྨྲས་སོ། །ོཾ་བཛྲ་ཧེ་མ་ཙྪིནྡ་ཙ་ཀྲེ་ཎ་བཛྲ་ཎི་ཧཱུཾ་ཕཊ། དེ་ནས་རྡོ་རྗེ་གཞོན་ནུ་མས་རང་གི་ལས་ཀྱི་དམ་ཚིག་འདི་སྨྲས་སོ། །ོཾ་བཛྲ་ཀུ་མཱ་རི་ཤཱི་གྷྲཾ་ཨཱ་བེ་ཤ་ཡ་གཎྚཱ་ཤབྡེ་ན་བཛྲ་པཱ་ཎི་པྲི་ཡེ་བཛྲ་ས་མ་ཡེ་མ་ནུ་སྨ་ར་ཎ་ཧཱུཾ་ཕཊ། དེ་ནས་ལྷ་མོ་ཆེན་མོ་རྡོ་རྗེ་ཞི་བས་རང་གི་ལས་ཀྱི་དམ་ཚིག་འདི་སྨྲས་སོ། །ོཾ་བཛྲ་ཤཱནྟི་ཛ་པ་ཛ་པ་ཨ་གྷ་མཱ་ལ་ཡ་སརྦཱ་ན་མཱ་ར་ཡ་ཤཱནྟ་ཏྲི་ཧྱེ་ཧཱུཾ་ཕཊ། དེ་ནས་ལྷ་མོ་ཆེན་མོ་རྡོ་རྗེ་ཁུ་ཚུར་གྱིས་རང་གི་ལས་ཀྱི་དམ་ཚིག་འདི་སྨྲས་སོ། །ོཾ་བཛྲ་མུཥྚི་ཧ་ན་ཧ་ན་བཛྲ་བྷི་ན་དྷ་བྷིན་དྷ་པི་ཊ་ཡ། པི་ཊ་ཡ། སརྦྦ་དུཥྚ་ཧྲྀ་ད་ཡཱ་ནི་ཨོཾ་སུམྦྷ་ནི་སུམྦྷ་ཧཱུཾ་ཧཱུཾ་ཕཊ། རིག་པའི་རྒྱལ་མོ་རྣམས་
219b
ཀྱིའོ། །དེ་ནས་རྡོ་རྗེ་མི་འཆིང་བ་ཁྲོ་བོས་རང་གི་ལས་ཀྱི་དམ་ཚིག་འདི་སྨྲས་སོ། །ོཾ་བཛྲ་ཨ་མྲྀ་ཏེ་སརྦ་དུཥྚ་གྷརྀཧྞ་བནྡྷ་ཧ་ན་སརྦ་བི་དྷཾ་ས་ཡེ། བི་ནཱ་ཤ་ཡཙྪིནྡ་བ་བི་ཀུ་རུ་མུ་ཏྟ་ནི། ཏ་ཡ་བཛྲེ་ཎ་ཡེ་ཀེ་ཙིཏྨ་མ་མུ་ཀ་ར་བི་ན་ཡཱ་ཀ་ཏནྟ་མ་དཱི་པྟ་ཀྲོ་དྷ་བཛྲི་ཧཱུཾ་ཕཊ། དེ་ནས་རྡོ་རྗེ་མདངས་ཅན་གྱིས་རང་གི་ལས་ཀྱི་དམ་ཚིག་འདི་སྨྲས་སོ། །ོཾ་བཛྲ་ཀནྟི་མཱར་ཡ་སཽམེ་རཱུ་པ་པྲ་ཏི་བ་ཏ་ར་གེ་ན་ཤཱི་གྷྲཾ་སྥོ་ཊ་ཡ་བཛྲ་དྷ་ར་ཏྱེ་ན་མཧཱ་ཛྱོ་སྣ་ཀཱ་ར་ལེ་ཤཱི་ཏ་རསྨི་བཛྲི་ཎི་ཧཱུཾ་ཕཊ། དེ་ནས་རྡོ་རྗེ་དབྱུག་པའི་མཆོག་མས་རང་གི་ལས་ཀྱི་སྙིང་པོ་འདི་སྨྲས་པ། ཨོཾ་བཛྲ་དཎྚ་གྲྀ་གྷཱ་ཏ་ཡ་ཧཱུཾ་ཕཊ། དེ་ནས་རྡོ་རྗེ་ཙོང་ཙོང་ཁྲོ་བོ་ཆེན་མོས་རང་གི་ལས་ཀྱི་ད་ཚིག་འདི་སྨྲས་སོ། །ོཾ་བཛྲ་མཱ་ལེ་མེ་ཁ་ལེ་ཁ་ན་ཁ་ན་ཤ་པ་བ་ད་ནི་བ་ཤི་ཀུ་རུ་ཏྲཾ་དཾ་ཥྚེ་མཱ་ར་ཡ་བི་ཤ་ནེ་ཧཱུཾ་ཕཊ། ཁྲོ་བོའི་རིག་པ་རྣམས་སོ། །དེ་ནས་རྡོ་རྗེ་འཇུ་མས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་བ་ལ་ཡེ་མེ་ཙྪིནྡ་སིན་བྷིནྡ་བཛྲི་ཎི་མཱ་ར་ཡ་ཨུ་མོ་ད་ཡ་བི་བ་པི་བ་ཧཱུཾ་ཕཊ། དེ་ནས་རྡོ་རྗེ་ཟས་ཀྱིས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་ཨ་ཤ་ནེ་པ་ཀྲྀ་ཡ་སརྦ་དུཥྚ་བཛྲ་ང་ཤ་ནེ་ཤ་ག་ཏི་དྷཾ་ར་ཎི་མ་ནུ་ཤ་མ་ནུ་ཤ་མ་ན་སེ་ཨ་ཧ་རེ་ཎ་ར་རུ་ཏི་ས་ཤུ་ཏ་ཙི་པྲ་ས་ཡ་མ་ཛ་བ་སཱ་ནུ་ལེ་པ་ན་བི་ལེ་བ་ཏ་གྲ་ཏྲེ། ཨ་ན་ཡ་སརྦ་དནྟྱ་ནྱ་ཡ་ཧི་ར་ཎ་ཡ་ཧི་ར་ཎ་ཡ་སི་བྲྞ་ཨཱ་དི་ནི་གྲ་མ་ཡ་དེ་བ་རཀྵ་ཎི་ཧཱུཾ་ཕཊ། དེ་ནས་རྡོ་རྗེ་བགོ་བས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་བཱ་ས་\?\་
220a
༄#། །ན་ཡ་སརྦ་སྲ་ཨནྣ་བ་ཎ་དི་ནྱུ་བ་ཀ་ར་ཎ་ནི་ཤཱི་གྷྲཱཾ་བ་ཤཱ་ཀུ་རུ་དཱི་པ་དེ་མེ་པྲ་ཡཙྪ་ཨཱ་བི་ཤ་ས་ཏྱཾ་ཀ་ཏ་ཡ་བཛྲ་ཀོ་ཥ་དྷ་ར་ཎི་ཧཱུཾ་ཕཊ། དེ་ནས་རྡོ་རྗེ་དབང་གིས་རང་གི་ལས་ཀྱི་དམ་ཚིག་སྨྲས་སོ། །ོཾ་བཛྲ་བ་ཤི་ཨཱ་ན་ཡ་བ་ཤཱི་ཀུ་རུ་སརྦ་པྲི་ཡ་སརྦ་བུ་རུ་ཥ་ན་ད་སི་ཀུ་རུ་ཀྲུདད་པྲ་སེ་ད་ཡ་སརྦ་བྷྱཿ ་བ་ཧ་ར་བྷྱོ་ཧ་ར་ཡ་བི་ཙ་ར་ཡ་ཀ་རི་བཛྲ་པ་ཏ་ཀདྷཱ་ར་ཎཱི་ཧཱུཾ་ཕཊ། རྡོ་རྗེ་ཚོགས་ཀྱིའོ། །དེ་ནས་རྡོ་རྗེ་ཕོ་ཉ་མོས་རང་གི་ལས་ཀྱི་དམ་ཚིག་སྨྲས་སོ། །ོཾ་བཛྲ་དུ་ཥཊི་ཨཱ་ན་ཡ་སརྦ་མཎྚ་ལ་མ་པྲ་བེ་ཤ་ཡ་ཨཱ་བེ་ཤ་ཡ་བནྡྷ་ཡ་སརྦ་ཀརྨ་ཎ་མེ་ཀུ་རུ་ཤཱི་གྷྲཾ་ཤཱི་གྷྲཾ་ལ་གུ་ལ་གུ་ཏྲ་ས་ཡ་མཱ་ར་ཡ། ད་བྱ་བར་བྷྱོ་དྷ་ར་ཡ་བི་ཛ་ཡཾ་ཀ་རི་བཛྲ་པ་ཏ་ཀ་དྷཱ་ར་ཎཱི་ཧཱུཾ་ཕཊ། དེ་ནས་རྡོ་རྗེ་ཤུགས་ཀྱིས་རང་གི་ལས་ཀྱི་དམ་ཚིག་སྨྲས་པ། ཨོཾ་བེ་གྷ་བཛྲི་ཎ་གྷུ་གྷུ་གྷུ་གྷུ་ཤ་བ་དེ་མཱ་ར་ཡ་བི་གྷི་ར་བི་དྷྭཾ་ས་ཡ་བཛྲ་པཱ་ཤ་དྷཱ་ར་ཎཱི་ཧཱུཾ་ཕཊ། དེ་ནས་རྡོ་རྗེ་འབར་བས་རང་གི་ལས་ཀྱི་དམ་ཚིག་འདི་སྨྲས་པ། ཨོཾ་བཛྲ་ཛྭཱ་ལ་ཡ་ཛྭཱ་ལ་ཡ་སརྦ་བཛྲ་ཛྭཱ་ལ་ཡ་ཛྭཱ་ལ་ཡ་ད་ཧ་ད་ཧ་བྷསྨི་ཀུ་རུ་ཧཱུཾ་ཕཊ། དེ་ནས་རྡོ་རྗེ་འཇིགས་མས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་བི་ག་ཏེ་པྲ་བེ་ཀ་དྲཾ་ཥྚཱ་ཀ་རཱ་ལི་བི་ཤ་ན་བཱ་ཀ་ཏྲ་ཤཱི་གྷྲཾ་ཤཱི་གྷྲཾ་ཨཱ་བ་ཤ་ཡ་བཀྵ་ཡ་རུ་བྷི་རཾ་བི་པ་མཧཱ་ཡཀྵི་ཎི་བཛྲ་པཱ་ཤ་དྷ་ར་ཎི་ཧཱུཾ་ཕཊ། རྡོ་རྗེ་ཕོ་ཉ་མོ་རྣམས་ཀྱིའོ། །དེ་ནས་རྡོ་རྗེའི་བཞིན་རྡོ་རྗེ་བྲན་མོས་རང་གི་ལས་ཀྱི་དམ་ཚིག་སྨྲས་
220b
སོ། །ོཾ་བཛྲ་མུཥྚི་ཨཱ་ན་ཡ་བཛྲ་དཾཥྚི་བ་ཡ་ནི་ཀེ་པ་ཏཱ་ལ་ནི་བ་སེ་ནི་ཁ་ན་ཁ་ན་ཁཱ་ཧི་ཁཱ་ཧི་སརྦ་མུ་ཁེ་པྲ་བེ་ཤ་ཡ་སྥོ་ཊ་ཡ་མཱ་ར་མཱ་ར་ཎི་སརྦ་དུཥྚ་ནཱཾ་བཛྲི་ཎི་ཤི་ཏ་སི་དྷ་རི་ཎཱི་ཧཱུཾ་ཕཊ། དེ་ནས་རྡོ་རྗེ་དུས་མས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་ཀཱ་ལི་མ་ཧཱ་པྲེ་ཏ་རུ་བ་ནི་མ་ནུ་ཥ་མཱཾ་ས་རུ་དྷི་ར་པྲི་ཡེ་ཨེ་ཧྱེ་ཧི་གྲྀཧྞ་གྲྀཧྞ། བྷཀྵ་ཡ་བཛྲ་ཊཱ་ཀི་ནཱི་བཛྲ་ཤྲཾ་ཁ་ལེ་སརྦ་དེ་བ་ག་ཎ་མཱ་ཏྲི་བྷུ་ཏེ་ཧ་ར་ཧ་ར་པྲ་ཎཱཾ། ཨ་མུ་ཀ་སྱ་ཀ་པཱ་ལ་མཱ་ལཱ་ལཾ་ཀྲྀ་ཏ་སརྦ་ཀ་ཡེ་ཀིཙྪི་ར་ཡ་སི་བཛྲ་ཁ་ཊྭཱཾ་ཁ་དྷཱ་རི་ཎཱི་པྲེ་ཏ་མ་ནུ་ཥ་ཤ་རཱི་ར་ཤཱི་གྷྲཾ་ཨཱ་བེ་ཤ་ཡ་པྲ་བེ་ཤ་ཡ་བནྡྷ་ཡ་བ་ཤི་ཀུ་རུ་མཱ་ར་ཡ་བཛྲ་རཀྵ་སི་ཧཱུཾ་ཧཱུཾ་ཧཱུཾ་ཧཱུཾ་ཕཊ། དེ་ནས་རྡོ་རྗེ་བསྐུལ་མས་རང་གི་ལས་ཀྱི་དམ་ཚིག་འདི་སྨྲས་སོ། །ོཾ་བཛྲ་པཱུ་ཏ་མེ་མ་ནུ་ཥ་ཡ་མ་ན་ས་སརྦ་རུ་དྷི་ར་མུ་ཏྲ་པུ་རཱི་ཥ་ཤ་ལི་སྨཱ་ཤཱི་གྷྲཾ་ན་རེ་ཀ་ཏོ་ག་\?\་ཧེ་ར་ཎྱ་ཡཱ་ཧཱི་ཤཱི་གྷྲཾ་ཨི་དམ་མུ་ཀ་སྱ་ཀུ་རུ་བཛྲ་ཤོ་དྷ་ནི་ཀ་དྷཱ་ར་ཎི་སརྦྦ་ཀརྨྨ་ཎི་མེ་ཀུ་རུ་སཝཱཧཱ། ཧཱུཾ། དེ་ནས་རྡོ་རྗེ་མ་ཀ་རས་རང་གི་ལས་ཀྱི་དམ་ཚིག་སྨྲས་པ། ཨོཾ་བཛྲ་མ་ཀ་རེ་གྲ་ས་གྲ་ས་ཤཱི་གྷྲཾ་པྲ་བེ་ཤ་ཡ་པཱ་ཏཱ་ལཾ་བྷཀྵ་ཡ་བཛྲ་མ་ཀ་ར་དྷཱ་ར་ཎཱི་ཧཱུཾ་ཕཊ། རྡོ་རྗེ་བྲན་མོ་རྣམས་ཀྱིའོ། །དེ་ནས་ཕྱག་ན་རྡོ་རྗེས་ཡང་རྡོ་རྗེའི་རིགས་ཐམས་ཅད་ཀྱི་ལས་ཀྱི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །ལས་ཀྱི་དཀྱིལ་འཁོར་དམ་པ་སྟེ། །རྡོ་རྗེའི་དཀྱིལ་འཁོར་ཚུལ་གྱིས་ནི། །དཀྱིལ་འཁོར་ཐམས་ཅད་སྲད་བུས་བྲེ། །དཀྱིལ་འཁོར་
221a
༄#། །མཆོག་ནི་ཐམས་ཅད་དུ། །སངས་རྒྱས་དབུས་ན་བཞུགས་པར་བྱ། །དེ་དག་ཕྱོགས་སུ་རིམ་པར་ཡང ། །སེམས་དཔའ་ཆེན་པོ་རྣམས་བཞག་གོ། དེ་ཡི་དབུས་སུ་ཆུང་མར་བཅས། །རྡོ་རྗེ་རིག་པ་དམ་པ་ཉིད། །རྡོ་རྗེ་ལཱ་སྱེ་ལ་སོགས་གསང ། །གར་གྱི་མཆོད་ལ་སོགས་པས་མཆོད། །དེ་ལ་ལྷ་མོའི་གོ་རིམས་བཞིན། །འཁོར་ལོའི་དཀྱིལ་འཁོར་ཚུལ་བཞིན་དུ། །རང་གི་ཕྱག་རྒྱ་ཕྱག་རྒྱ་འདྲ། །གར་བྱེད་པར་ཡང་བྲི་བར་བྱ། །སངས་རྒྱས་རྡོ་རྗེ་ཅན་མཆོད་ཕྱིར། །རྡོ་རྗེ་གར་གྱི་ཚུལ་གྱིས་སོ། །གྲཝ་དང་སྒོ་ཡི་ཕྱོགས་རྣམས་སུ། །བདུག་པ་ལ་སོགས་རིམ་པ་བཞིན། །དེ་ནས་ལས་ཀྱི་དཀྱིལ་འཁོར་འདིར་དགུག་པ་ལ་སོགས་པའི་ལས་བྱས་ནས་རྡོ་རྗེ་འཆང་བའི་ལས་ཀྱི་དམ་ཚིག་གི་ཕྱག་རྒྱ་ཇི་ལྟ་བ་བཞིན་བཅིངས་ཏེ། འདི་སྐད་སྨྲོས་ཤིག་།ཁྱོད་ཀྱིས་ལྷའི་རིམ་པ་མ་མཐོང་བ་དང ། ལས་མི་ཤེས་པ་སུ་ལ་འང་གསང་བའི་ལས་འདི་མ་སྨྲ་ཞིག། ཁྱོད་དམ་ཚིག་ཉམས་པར་གྱུར་ཏ་རེ་ཞེས་སྨྲོས་ཤིག། རྡོ་རྗེ་སློབ་དཔོན་རང་གི་ལས་ཀྱི་རྡོ་རྗེ་འཛིན་པའི་དམ་ཚིག་གི་ཕྱག་རྒྱ་བཅིངས་ཏེ་ཁྲོ་བོའི་ལྟ་བས་བལྟ་ཞིང་འདི་སྐད་བརྗོད་དོ། །ོཾ་བཛྲ་སཏྭ་རྱ་ཨཱ་བེ་ཤ་ཡ་པྲ་བེ་ཤ་ཡ་ནརྀ་ཏེ་བ་ཡ་སརྦྦ་ཀརྨྨ་སིདྡྷི་མྨེ་པྲ་ཡཙྪ་ཧཱུཾ། ཨཱཿ ཧཱུཾ་ཨ་ལ་ལ་ལ་བཛྲི། དེ་ནས་ཡང་བདག་ལ་བབས་ནས་བདག་ཉིད་ཀྱིས་འཇུག་སྟེ། ཕྱག་རྒྱ་དང་འདྲ་
221b
བའི་ཕྱག་རྒྱ་རྣམས་ཀྱི་གར་གྱི་མཆོད་པས་མཆོད་པར་བྱའོ། །དེ་ཕྱིན་ཆང་ལུས་དང ། ངག་དང ། ལྟ་བ་དང ། ཡིད་དང ། རྡོ་རྗེའི་ཕྱག་རྒྱ་རྣམས་ཀྱི་ལས་ཐམས་ཅད་འདོད་པ་བཞིན་བྱེད་པའོ། །དེ་ནས་གདོང་གཡོགས་པ་བཀྲོལ་ཏེ། གར་གྱི་མཆོད་པའི་ཕྱག་རྒྱའི་ཡེ་ཤེས་སློབས་ཤིག། སངས་རྒྱས་རྡོ་རྗེ་འཛིན་སོགས་ཀྱི། །དམ་ཚིག་མཆོག་ནི་གཉིས་བྱས་ཏེ། །རྡོ་རྗེ་རིག་པ་དམ་པ་ལ། །རྡོ་རྗེ་ལ་སྱེ་ལ་སོགས་མཆོད། །རིག་པ་འདི་རྣམས་ཐམས་ཅད་ཀྱང ། ལྟག་འོག་གོ་རིམས་ཇི་བཞིན་དུ། །གར་གྱི་མཆོད་པའི་ཕྱག་རྒྱ་ཡིས། །ལས་ཀྱི་དཀྱིལ་འཁོར་མཆོད་པར་བྱ། །རྡོ་རྗེ་གར་གྱི་ཚུལ་གྱིས་ནི། །ཕྱག་རྒྱ་ཆེན་པོ་མདོར་བསྡུས་སོ། །དམ་ཚིག་མཆོག་ནི་གཉིས་བྱས་ནས། །ལས་ཀྱི་ཕྱག་རྒྱ་དགྲོལ་བར་བྱ། །གར་གྱི་མཆོད་པ་འདི་ཡིས་ནི། །གཙོ་བོ་ཐམས་ཅད་མཆོད་ན་ནི། །རྡོ་རྗེ་འཛིན་པ་ཆེ་སོགས་ཀྱི། །ལས་གྲུབ་པར་ཡང་ངེས་པར་འགྱུར། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་གི་རྟོག་པ་ཆེན་པོ་ལས། རྡོ་རྗེའི་རིགས་ཐམས་ཅད་ཀྱི་ལས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སོ།། །།དེ་ནས་ཡང་བཅོམ་ལྡན་འདས་ཕྱག་ན་རྡོ་རྗེས་རྡོ་རྗེའི་རིགས་དེ་དག་ཐམས་ཅད་སེམས་ཅན་ཐམས་ཅད་ཀྱི་དོན་དུ་བསྐོས་ནས་ཕྱིར་མི་ལྡོག་པའི་ས་ལ་རབ་ཏུ་བཞག་སྟེ། མཁྱེན་བཞིན་དུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
222a
༄#། །དེ་བཞིན་གཤེགས་པ་ཐམས་ཅད་ཀྱིས་བདག་གསང་བ་ཐམས་ཅད་འཛིན་པར་དབང་བསྐུར་ན་དེ་བཞིན་གཤེགས་པའི་གསང་བ་དེ་གང་ལགས ། བཀའ་སྩོལ་ཅིག། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསང་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་གསང་བ་འདི་གསུངས་སོ། །སེམས་ཅན་རྣམས་ཀྱི་རང་བཞིན་ནི། །ཇི་ལྟ་ཇི་ལྟར་འདུལ་འགྱུར་བ། །དེ་ལྟ་དེ་ལྟར་སེམས་ཅན་དོན། །འདོད་ཆགས་ལ་སོགས་གཙང་བས་བྱ། །དེ་ནས་ཕྱག་ན་རྡོ་རྗེས་རང་གི་རྡོ་རྗེ་གསང་བ་འདི་གསུངས་སོ། །སེམས་ཅན་ཐམས་ཅད་ཕན་ཕྱིར་དང ། །སངས་རྒྱས་རྣམས་ཀྱིས་བསྟན་པའི་ཕྱིར། །སེམས་ཅན་ཐམས་ཅད་བསད་ཀྱང་ནི། །སྡིག་གིས་གོས་པར་མི་འགྱུར་རོ། །དེ་ནས་བྱང་ཆུབ་སེམས་དཔའ་རྡོ་རྗེ་སྙིང་པོས་རང་གི་ནོར་བུ་གསང་བའི་འདི་གསུངས་སོ། །སེམས་ཅན་ཐམས་ཅད་ཕན་ཕྱིར་དང ། །སངས་རྒྱས་དོན་དུ་སྦྱོར་བ་ཡིས། །ཕ་རོལ་ནོར་རྣམས་ཕྲོགས་ཀྱང་ནི། །སྡིག་པས་གོས་པར་མི་འགྱུར་རོ། །དེ་ནས་བྱང་ཆུབ་སེམས་དཔའ་རྡོ་རྗེ་སྤྱན་གྱིས་རང་གི་པདྨའི་གསང་བ་འདི་གསུངས་སོ། །འདོད་ཆགས་འདྲ་བའི་བདེ་བ་མེད། །རྒྱལ་བ་ལ་ནི་དེ་ཕུལ་ལ། །གཞན་གྱི་ཆུང་མ་སེམས་ཅན་ཕྱིར། །བསྟེན་པས་བསོད་ནམས་ཐོབ་པར་འགྱུར། །
222b
དེ་ནས་བྱང་ཆུབ་སེམས་དཔའ་རྡོ་རྗེ་སྣ་ཚོགས་ཀྱིས་རང་གི་ལས་ཀྱི་གསང་བ་འདི་གསུངས་སོ། །སེམས་ཅན་ཐམས་ཅད་ཕན་ཕྱིར་དང ། །སངས་རྒྱས་རྣམས་ཀྱི་བསྟན་པ་ཡི། །ལས་རྣམས་ཐམས་ཅད་བྱས་པ་ཡིས། །བསོད་ནམས་ཤིན་ཏུ་མང་པོ་རྙེད། །དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པས་བཅོམ་ལྡན་འདས་གསང་བ་འཛིན་པའི་རྡོ་རྗེ་འཆང་བ་ལ་ལེགས་སོ་ཞེས་བསྟོད་པ། ལེགས་སོ་རྡོ་རྗེ་སེམས་དཔའ་ཁྱོད། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ཁྱོད་ལེགས་པ་སྟེ། །རྡོ་རྗེ་ལས་ནི་ཁྱོད་ལེགས་སོ། །མདོ་འདི་ལེགས་པར་སྨྲས་བ་སྟེ། །རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང ། །ཐེག་པ་ཆེན་པོ་མངོན་འདུས་པའོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས། དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་དམ་ཚིག་ཅེས་བྱ་བའི་རྟོག་པའི་རྒྱལ་པོ་ཆེན་པོ་རྫོགས་སོ།། །།བམ་པོ་དྲུག་པ། དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ཏེ། བཅོམ་ལྡན་འདས་ཕྱག་ན་རྡོ་རྗེ་དེ་ཉིད་ཀྱིས་ཆོས་ཐམས་ཅད་ཀྱི་བདག་པོ་སྤྱན་རས་གཟིགས་ཀྱི་དབང་པོ་ལ་མཚན་བརྒྱ་རྩ་བརྒྱད་པ་འདིས་གསོལ་བ་བཏབ་པ། །པདྨོའི་སེམས་དཔའ་པདྨོ་ཆེ། །འཇིག་རྟེན་དབང་ཕྱུག་དབང་ཕྱུག་ཆེ། །སྤྱན་རས་གཟིགས་དབང་བསྟན་པའི་མཆོག། རྡོ་རྗེ་ཆོས་ལ་ཕྱག་འཚལ་ལོ། །
223a
༄#། །ཆོས་ཀྱི་རྒྱལ་པོ་དག་པ་ཆེ། །སེམས་དཔའི་རྒྱལ་པོ་བློ་གྲོས་ཆེ། །པདྨའི་བདག་ཉིད་པདྨ་ཆེ། །པདྨའི་མགོན་ཁྱོད་ཕྱག་འཚལ་ལོ། །པདྨ་ལས་བྱུང་པདྨའི་འོད། །པདྨོ་དག་པར་རབ་དགའ་བྱེད། །རྡོ་རྗེ་པདྨ་པད་མཆོག་ལུས། །པདྨ་པདྨ་ཁྱོད་ཕྱག་འཚལ། །སྣ་ཚོགས་ཆེན་པོ་སྣང་བ་ཆེ། །དགོས་པ་ཆེན་པོ་ཆེ་དང་མཚུངས། །བརྟན་པ་ཆེན་པོ་དཔའ་བ་ཆེ། །དཔའ་ཆེན་ཁྱོད་ལ་ཕྱག་འཚལ་ལོ། །སེམས་ཅན་བསམ་པ་ཐེག་པ་ཆེ། །རྣལ་འབྱོར་ཆེན་པོ་མེས་པོ་ཆེ། །བདེ་ཟ་བདེ་བྱེད་དག་པའི་དོན། །སངས་རྒྱས་པདྨ་ཁྱོད་ཕྱག་འཚལ། །ཆོས་དེ་ཉིད་དོན་དམ་པའི་ཆོས། །དག་པའི་ཆོས་ནི་ཆོས་རབ་འཛིན། །ཆོས་ཆེན་ཤིན་ཏུ་ཆོས་མཆོག་པ། །ཆོས་ཀྱི་འཁོར་ལོ་ཁྱོད་ཕྱག་འཚལ། ། སངས་རྒྱས་སེམས་དཔའ་སེམས་མཆོག་གཙོ། །ཆོས་ཀྱི་སེམས་དཔའ་ཆོས་མཆོག་འཛིན། །སེམས་དཔའ་དམ་པ་སེམས་མཆོག་འཛིན། །སེམས་དཔའ་སེམས་དཔའ་ཁྱོད་ཕྱག་འཚལ། །སྤྱན་རས་གཟིགས་དབང་མཚོན་པའི་མཆོག། མགོན་པོ་ཆེན་པོ་རྣམ་གཟིགས་གཙོ། །འཇིག་རྟེན་སྣང་བ་འཇིག་རྟེན་དོན། །འཇིག་རྟེན་མགོན་པོ་ཁྱོད་ཕྱག་འཚལ། །འཇིག་རྟེན་ཡི་གེ་ཡི་གེ་ཆེ། །ཡི་གེ་མཆོག་ནི་ཡི་གེ་འདྲ། །ཡི་གེ་ཡི་གེ་ཐམས་ཅད་གཟིགས། །འཁོར་ལོའི་ཡི་གེ་ཁྱོད་ཕྱག་འཚལ། །ཕྱག་ན་པདྨ་པད་ཆེན་པོ། །
223b
དབུགས་འབྱིན་པ་ནི་སྦྱིན་པ་པོ། །སངས་རྒྱས་ཆོས་ནི་སངས་རྒྱས་ཆེ། །སངས་རྒྱས་བདག་ཉིད་ཁྱོད་ཕྱག་འཚལ། །སངས་རྒྱས་གཟུགས་ནི་གཟུགས་ཆེན་པོ། །རྡོ་རྗེའི་གཟུགས་ནི་གཟུགས་བཟང་ལྡན། །ཆོས་ཀྱི་སྣང་བ་གཟི་བརྗིད་མཆོག། འཇིག་རྟེན་སྣང་ཁྱོད་ཕྱག་འཚལ་ལོ། །པདྨའི་དཔལ་ནི་མགོན་པོ་གཙོ། །ཆོས་དཔལ་མགོན་པོ་མགོན་ལྡན་པ། །ཚངས་པའི་མགོན་པོ་ཚངས་ཆེན་པོ། །ཚངས་སྲས་ཁྱོད་ལ་ཕྱག་འཚལ་ལོ། །སྣང་བའི་སྣང་མཆོག་སྣང་བའི་གཙོ། །སྣང་གསལ་ཤིན་ཏུ་སྣང་བ་པོ། །སྣང་བའི་མགོན་པོ་མགོན་པོ་ཆེ། །སངས་རྒྱས་སྣང་ཁྱོད་ཕྱག་འཚལ་ལོ། །སངས་རྒྱས་དབང་བསྐུར་སངས་རྒྱས་མཆོག། སངས་རྒྱས་སྲས་པོ་མཁས་ཆེན་པོ། །སངས་རྒྱས་དབང་བསྐུར་གཙུག་གི་མཆོག། སངས་རྒྱས་ཁྱོད་ལ་ཕྱག་འཚལ་ལོ། །སངས་རྒྱས་སྤྱན་ནི་སྤྱན་ཆེན་པོ། །ཆོས་སྤྱན་གཟིགས་པ་ཆེན་པོ་ཡིས། །ཏིང་འཛིན་ཡེ་ཤེས་ཐམས་ཅད་པ། །རྡོ་རྗེ་སྤྱན་ཁྱོད་ཕྱག་འཚལ་ལོ། །བདག་ཉིད་ཀུན་གྱི་ཡོན་ཏན་འདི། །ཁྱོད་ནི་མཚན་བརྒྱ་རྩ་བརྒྱད་རྣམས། །བསྟོད་ནས་གོམས་པར་བྱེད་པ་ན། །འཇིག་རྟེན་དབང་པོ་ཐོབ་པར་འགྱུར། །དཔའ་བོ་ཁྱོད་ལ་གསོལ་གདབ་པ། །རང་གི་རིགས་རྣམས་བསྐྱེད་ནས་ཀྱང ། །ཆོས་ཀྱི་འཁོར་ལོ་དམ་པ་ནི། །ཐུབ་པ་ཆེན་པོས་བཤད་པར་གསོལ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་
224a
༄#། །རས་གཟིགས་དབང་པོས་དེ་བཞིན་གཤེགས་པ་ཐམས་ཅད་ཀྱིས་གསོལ་བ་བཏབ་པའི་ཚིག་ཐོས་ནས། །བཅོམ་ལྡན་འདས་ཤཱཀྱ་ཐུབ་པ་དེ་བཞིན་གཤེགས་པ་གལ་བ་དེར་མངོན་དུ་ཕྱོགས་ཏེ། འདུག་ནས་རྡོ་རྗེ་པདྨོ་དེ་རང་གི་ཐུགས་ཀར་བཞག་སྟེ། ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་རབ་ཏུ་དག་པ་ནི། །བདག་གི་རྡོ་རྗེ་པདྨོ་འདི། །ཕ་ཡིན་འདི་ནི་བདག་གི་བུ། །རིགས་འདི་བྱིན་གྱིས་བརླབ་པར་མཛོད། །དེ་ནས་བཅོམ་ལྡན་འདས་རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཆོས་ཀྱི་དམ་ཚིག་ལས་བྱུང་བའི་བྱིན་གྱིས་བརླབས་པའི་པདྨོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་ཅེས་བྱ་བ་དེ་བཞིན་གཤེགས་པ་ཐམས་ཅད་ཀྱི་འདི་རང་གི་ཐུགས་ཀ་ནས་ཕྱུང་ངོ ། །ཧྲཱིཿ དེ་ནས་དེ་བྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་པདྨ་ལྟ་བུའི་འོད་ཟེར་ཁ་དོག་དང ། གཟུགས་དང ། རྟགས་དང ། སྤྱོད་ལམ་དང ། འོད་རྣམ་པ་དུ་མ་བྱུང་སྟེ་འཇིག་རྟེན་གྱི་ཁམས་ཐམས་ཅད་དུ་འདོད་ཆགས་ལ་སོགས་པ་རྣམ་པར་དག་པ་དང ། ཆོས་ཉིད་ཀྱི་ཡེ་ཤེས་ཡང་དག་པར་སྦྱངས་ནས་ཡང་སླར་ལོག་སྟེ། འཕགས་པ་སྤྱན་རས་གཟིགས་ཀྱི་དབང་པོའི་ཐུགས་ཀར་ཞུགས་སོ། །དེ་ནས་བཅོམ་
224b
ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་ཅེས་བྱ་བའི་རང་གི་རིག་པ་དམ་པ་འདི་གསུངས་སོ། །ོཾ་བཛྲ་པདྨོ་ཏྟ་མ་ཧྲཱིཿ ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་བིདྱཱ་ཧཱུཾ་ཕཊ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་རཏྣོཏྟ་མ་ཏྲི། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་དཱི་གསུངས་སོ། ། ོཾ་བཛྲ་བིཏྱོཏྟ་མ་ཧྲཱིཿ ། དེ་ནས་བྱང་ཆུབ་སེམས་དཔའ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་བིདྱོཏྟ་མ་ཨཿ ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོས་གཟུགས་ཐམས་ཅད་སྟོན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། འགྲོ་བ་ཐམས་ཅད་འདུལ་བའི་དམ་ཚིག་ཅེས་བྱ་བའི་རང་གི་སྙིང་པོ་འདི་གསུངས་སོ། །ོཾ་བཛྲ་ཧཱུཾ་ཧྲཱིཿ ཧོ་།དེ་ནས་དེ་སྨྲས་མ་ཐག་ཏུ་འཕགས་པ་སྤྱན་རས་གཟིགས་ཀྱི་དབང་པོའི་ཐུགས་ལས་བཅོམ་ལྡན་འདས་རྡོ་རྗེ་འཛིན་པ་དེ་ཉིད་འཕགས་པ་སྤྱན་རས་གཟིགས་དབང་པོའི་གཟུགས་འཛིན་པ་པདྨ་ལ་བཞུགས་ཏེ། ཕྱག་རྒྱའི་མཚན་མ་པདྨོ་འཛིན་པའི་ཁ་དོག་དང ། གཟུགས་དང ། ཆ་
225a
༄#། །ལུགས་དང ། རྒྱན་སྣ་ཚོགས་པ་དེ་བཞིན་གཤེགས་པ་ལ་སོགས་པ་སེམས་དཔའ་ཐམས་ཅད་ཀྱི་གཟུགས་འཛིན་པ། བྱང་ཆུབ་སེམས་དཔའ་ཆེན་པོའི་ལུས་སུ་གྱུར་ནས་བྱུང་སྟེ། འཇིག་རྟེན་གྱི་ཁམས་ཐམས་ཅད་དུ་སེམས་ཅན་ཐམས་ཅད་ཇི་ལྟར་འདུལ་བར་སོ་སོའི་གཟུགས་སུ་བསྟན་ནས་མ་ལུས་པ་ལུས་མེད་པའི་སེམས་ཅན་གྱི་ཁམས་གདུལ་བར་བྱས་ཏེ། ཡང་སླར་ལོག་ནས་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པའི་ཕྱོགས་ཐམས་ཅད་ཀྱི་ཟླ་བའི་དཀྱིལ་འཁོར་རྣམས་ལ་འཁོད་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སངས་རྒྱས་ཐམས་ཅད་ཀྱི། །ཐབས་ནི་སྙིང་རྗེ་བདག་ཉིད་དེ། །གང་དུ་ཐབས་ཀྱིས་འདུལ་མཛད་ན། །ལྔ་རྣམས་སུ་ཡང་འགྱུར་བ་ཡིན། །དེ་ནས་ཡང་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་དབང་པོས་རང་གི་རིགས་བསྐྱེད་ནས་དེ་བཞིན་གཤེགས་པ་ཐམས་ཅད་ལ་སེམས་ཅན་ཐམས་ཅད་ལ་མི་འཇིགས་པ་སྦྱིན་པ་དང ། དོན་དང ། གྲུབ་པ་དམ་པ་དང ། རྡོ་རྗེ་ཆོས་ཉིད་དང ། ཡེ་ཤེས་དང ། མངོན་པར་ཤེས་པའི་འབྲས་བུའི་རྒྱུ་རྙེད་པའི་ཕྱིར་ཕུལ་ནས་འགྲོ་བ་ཐམས་ཅད་འདུལ་བ་ཞེས་བྱ་བའི་དཀྱིལ་འཁོར་
225b
ཆེན་པོ་འདི་བཤད་དོ། །དེ་ནས་རབ་ཏུ་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །འགྲོ་བ་འདུལ་བ་ཞེས་བྱ་སྟེ། །གྲུ་བཞི་པ་ལ་སྒོ་བཞི་པ། ། རྟ་བབས་བཞིས་ནི་བརྒྱན་པ་དང ། །སྲད་བུ་བཞི་དང་ལྡན་པ་སྟེ། །དར་དང་ཕྲེང་བས་བརྒྱན་པ་དང ། །དཀྱིལ་འཁོར་གྲཝ་ནི་ཐམས་ཅད་དང ། །སྒོ་དང་སྒོ་ཁྱུད་མཚམས་རྣམས་སུ། ། རྡོ་རྗེ་རིན་ཆེན་གྱིས་བརྒྱན་པར། །ཕྱི་རོལ་དཀྱིལ་འཁོར་སྲང་བུ་བྲེ། །དེ་ཡི་ནང་དུ་སྲད་བུ་ནི། །གྲུ་བཞི་པར་ནི་བྲེ་བར་བྱ། །གཉིས་པའི་གྲཝ་ནི་སྒོ་གདོད་ཅིང ། །པདྨ་འདྲ་བར་བྱ་བ་ཡིན།། ཀ་བ་བརྒྱད་ཀྱི་ཚུལ་དུ་ནི། །པདྨ་འདབ་མ་བརྒྱད་པ་བྲི། །དེ་ཡི་གེ་སར་དབུས་སུ་ནི། །སངས་རྒྱས་ཀྱི་ནི་སྐུ་གཟུགས་བཞག། དེ་ལ་སངས་རྒྱས་གཞག་པའི་སྙིང་པོ་ནི་འདི་ཡིན་ནོ། ། བུདྡྷ་ཧཱུཾ། སངས་རྒྱས་ཕྱོགས་ཀུན་བྲི་བ་ནི། །པདྨའི་དབུས་སུ་གནས་པ་ཡི། །རྡོ་རྗེ་རིན་ཆེན་པདྨ་དང ། །སྣ་ཚོགས་པདྨའང་དེ་བཞིན་ནོ། །དེ་ལ་དེ་རྣམས་ཀྱི་སྙིང་པོ་ནི་འདི་ཡིན་ནོ། ། ོཾ་ཧཱུཾ་ཧྲཱིཿ ཀྲྀ། འགྲོ་བ་འདུལ་བའི་དཀྱིལ་འཁོར་དུ། །རྡོ་རྗེ་ཤུགས་ཀྱིས་བརྒལ་ནས་ནི། །དེར་ནི་སྤྱན་རས་གཟིགས་དབང་བྲི། །གཟུགས་རྣམས་ཐམས་ཅད་འབྱིན་པ་སྟེ། །དེ་ཡི་ཕྱོགས་ནི་ཐམས་ཅད་དུ། །རྡོ་རྗེ་འགྱིང་ལ་སོགས་ཚུལ་དུ་སངས་རྒྱས་ལ་སོགས་སེམས་དཔའ་ཆེ། །མཚན་མ་པདྨ་འཆང་བ་བྲི། །དེ་དག་གི་སྙིང་པོ་ནི་འདི་དག་ཡིན་ནོ། །ཱ་
226a
༄#། །ོཾ་ཏ་ཐཱ་ག་ཏ་དྷརྨ་ཧཱུཾ། ཨོཾ་བཛྲ་པདྨ་ཨཾ་ཀུ་ཤ་ཀོ་ཥ་དྷཱ་ར་བཛྲ་སཏྭ་ཧཱུཾ་ཕཊ། ཨོཾ་མཱ་ར་ཡ་མཱ་ར་ཡ་པདྨ་ཀུ་སུ་མ་ཡཱ་ཡུ་དྷ་དྷ་ར་ཨ་མོ་གྷ་ཤ་ར་ཧོ། ཨོཾ་པདྨ་སཾ་བྷ་པདྨ་ཧསྟ་སཱ་དྷུ་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་གཉིས་པ་དེ་བཞིན་ཏེ། །དེ་ཡི་དབུས་སུ་བྲི་བ་ནི། །ཐོར་ཚུགས་དབུས་ནའང་དེ་བཞིན་གཤེགས། །དེ་ཡི་ཕྱོགས་ནི་ཐམས་ཅད་དུ། །ཁྲོ་གཉེར་ལ་སོགས་ཚུལ་དུ་ནི། །མཚན་མར་པདྨ་འཆང་བྲེ་བ། །ལྟག་འོག་གོ་རིམས་ཇི་བཞིན་བྱ། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ཧཱུཾ། ཨོཾ་པདྨ་བྷརྀ་ཀུ་ཊི་ཊི་ཊི་ཏྲ། ཨོཾ་པདྨ་སཱུརྱ་ཛྭཱ་ལ་ཧཱུཾ། ཨོཾ་པདྨ་མ་ཎི་ཀེ་ཏུ་དྷ་ར། ཙནྡྲ་པྲ་ཧ་ད་ལ་ཨ་བ་ལོ་ཀི་ཏེ་ཤཝ་ར་དེ་ཧི་མེ་སརྦྦ་ཨརྟྟ་ན་ཤཱི་གྷྲཾ་ས་མ་ཡ་ཧཱུཾ། ཨོཾ་པདྨ་ཨཊྚ་ཧཱ་ས་ཨེ་ཀ་དཪྴ་མུ་ཀ་ཧ་ཧ་ཧ་ཧ་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་གསུམ་པའང་དེ་བཞིན་ཏེ། །སེམས་དཔའ་ཆེན་པོ་སྙོམས་ཞུགས་པར། །པདྨའི་སྟེང་དུ་བཞུགས་པར་བྲི། །དེ་ཡི་ཕྱོགས་ནི་ཐམས་ཅད་དུ། །ལྟག་འོག་གོ་རིམས་ཇི་བཞིན་བྱ། །པདྨ་ལ་སོགས་ཚུལ་དུ་ནི། །སེམས་དཔའ་ཆེན་པོ་རྣམས་ཀྱང་བཞག། དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ཧྲཱིཿ ་།ོཾ་ཏཱ་རཱ་པདྨ་ཨ་བ་ལོ་ཀ་ཡ་མཱ་མ་ས་མ་ཡ་སཏྭ་ཧཱུཾ། ཨོཾ་པདྨ་ཀུ་མཱ་ར་པདྨ་ཤཀྟི་དྷ་ར་ཁ་ཌ་གེ་ན་ཙྪིནྡ་ཙྪིནྡ་ཧཱུཾ་ཕཊ།
226b
ོཾ་པདྨ་ནཱི་ལ་ཀཎྛ་ཤ་ར་ཀ་ཙ་ཀྲ་ག་ཏ་པདྨ་པཱ་ཎི་བྱ་གྷྲ་ཧ་ཙརྨ་ཎི་བ་ས་ནི་ཀྲྀཥྞ་སརྦ་ཀྲྀ་ཏ་ཡ་ཛྙོ་པ་བཱ་ཏི་ཨ་ཛི་ནརྨྨ་པ་ཙ་ཙནྟོད། དྷ་རི་ཡ་ནཱ་རཱ་ཡ་ཎ་རུ་པ་དྷ་རེ་ཏྲྀ་ནི་མུ་ཁ་ཨཊྚ་ཊྚ་ཧཱ་ས་ན་པྲ་བེ་ཤ་ཡ་ས་མ་ཡ་ན། དེ་ཧི་མེ་སིདྡྷི་ཨ་བ་ལོ་ཀི་ཏེ་ཤཝ་ར་ཧཱུཾ། ཨོཾ་བྲཧྨ་པདྨ་སཾ་བྷ་བ་ཛ་པ་ཛ་པ་པདྨ་པྟ་ཤ་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་བཞི་པའང་དེ་བཞིན་ཏེ། །དེར་ནི་པདྨ་ཞལ་བཞི་པ། །པདྨ་མདུང་རྩེ་ཐོགས་པར་བྲི། །དེ་ཡི་ཕྱོགས་ནི་ཐམས་ཅད་དུ། །རྡོ་རྗེ་གར་ལ་སོགས་ཚུལ་དུ། །མཚན་མ་པདྨ་འཛིན་བྲི་བ། །སེམས་དཔའ་ཆེན་པོའི་ཆོ་ག་བཞིན། ། དེ་རྣམས་ཀྱི་སྙིང་པོ་ནི་འདི་རྣམས་ཡིན་ནོ། །ཧྲིཿ ། ཨོཾ་པདྨ་ན་རྟེ་ཤཝ་ར་ནཱ་ཐ་པཱུ་ཛ་ཡ་སརྦ་ཏ་ཐཱ་ག་ཏ་བཛྲ་ཀརྨ་ས་མ་ཡ་ཨཱཀཪྵ་ཡ་པྲ་པེ་ཤ་ཡ་བནྡྷ་ཡ་ཨཱ་བེ་ཤ་ཡ་སརྦ་ཀརྨ་སིདྡྷི་མེ་པྲ་ཡ་ཙྪ་ཨ་བ་ལོ་ཀི་ཏེ་ཤཝ་རཾ་ཧཱུཾ། ཨོཾ་བ་ཡ་ན་དྷ་ཏ་ད་ཨ་བ་ལོ་ཀི་ཏེ་ཤཝ་ར་རཀྵ་བནྡྷ་ཡ་ཀ་བ་ཙ་ས་མ་ཡེ་ཧཱུཾ། ཨོཾ་མཧཱ་པྲ་ཙཎྜི་བི་ཤཝ་རཱུ་པ་ཙི་ཀ། པདྨ་དཾཥྚ་ཨཱ་ཀ་རཱ་ལ་བི་ཤཝ་ན་བཛྲ་ཧྲི་ད་ཡ་སརྦ་པདྨ་ཡཀྵ་ཁཱ་ད་ཁཱ་ད་དྷིཀྡྷི་ཀྡྷི་ཀྡྷི་ཀེ། ཨོཾ་པདྨ་མུཥྚི་ས་མ་ཡ་སྟྭཾ་བནྡྷ་ཧཱུཾ་ཕཊ། རྡོ་རྗེ་ཤུགས་ཀྱིས་བརྒལ་ནས་ནི། །གྲཝ་རྣམས་ཀུན་ཏུ་བྲི་བ་ནི། །རྡོ་རྗེ་སྒེག་མོ་ལ་སོགས་ཚུལ། །པདྨ་སྒེག་མོ་ལ་སོགས་ལྷ། །དེ་དག་གི་ནི་ཕྱག་རྒྱ་འདི་རྣམས་སོ། །ོཾ་པདྨ་ལཱ་སྱེ་རཱ་ག་ཡ་མཧཱ་དེ་བི་རཱ་ག་མཧཱ་པཱུ་ཛཱ་ས་མ་ཡ་ཧཱུཾ། ཨོཾ་པདྨ་མཱ་ལེ་ཨ་བྷི་ཥིཉྩ། ཨ་བྷི་ཥེ་ཀ་པཱུ་ཛཱ་ས་མ་ཡེ་ཧཱུཾ། ཨོཾ་པདྨ་གཱི་
227a
༄#། །ཏེ་གཱི་ཏེ་པཱུ་ཛཱ་ས་མ་ཡ་ཧཱུཾ། ཨོཾ་པདྨ་ནཻ་ཝ་དྱེ་སརྦ་པཱུ་ཛ་པྲ་བརྟ་ན་ས་མ་ཡེ་ཧཱུཾ། རྡོ་རྗེ་ཤུགས་ཀྱིས་རྒལ་ནས་ནི། །ཕྱི་རོལ་དཀྱིལ་འཁོར་གྲ་རྣམས་སུ། །པདྨའི་མཆོད་པ་ལ་སོགས་བཞི། །མཆོད་པའི་ལྷ་མོ་རྣམས་བྲིའོ། །དེ་ལ་དེ་དག་གི་མཆོད་པའི་ཕྱག་རྒྱ་ནི་འདི་རྣམས་ཡིན་ནོ། །ོཾ་པདྨ་དྷཱུ་པེ་པཱུ་ཛཱ་ས་མ་ཡེ་པྲ་ཧཱ་ད་ཡ་པདྨ་ཀུ་ལ་དེ་ཡི་ཏེ་མཧཱ་ག་ཎི་པདྨ་ར་ཏི་ཧཱུཾ། ཨོཾ་པདྨ་པཱུཥྤེ་པཱུ་ཛཱ་ས་མ་ཡེ་པདྨ་བཱ་སི་ནི་མཧཱ་ཤྲི་ཡེ་པདྨ་ཀུ་ལ་པྲ་ཏི་ཧ་ར་སརྦ་ཨརྠ་སཱ་དྷ་ཡ་ཧཱུཾ། ཨོཾ་པདྨ་དཱི་པ་པཱུ་ཛཱ་ས་མ་ཡེ་པདྨ་ཀུ་ལ་སུནད་རི་མཧཱ་དུ་ཏྱ་ཨཱ་ལོ་ཀ་བཛྲ་པ་ཙི་ན་ཡ་པདྨ་ས་ར་སཝ་ཏེ་ཧཱུཾ། ཨོཾ་པདྨ་གནྡྷ་པཱུ་ཛཱ་ས་མ་ཡེ་མཧཱ་པདྨ་ཀུ་ལ་ཙི་ཏེ་ཀུ་རུ་སརྦ་ཀརྨཱ་ཎི་མེ་པདྨ་སིདྡྷི་ཧཱུཾ། དེ་ནས་པདྨའི་སྒོ་བཞི་པོ། །ཀུན་ཏུ་ཚོགས་སོགས་ཇི་བཞིན་དུ།། ཇི་ལྟ་བ་བཞིན་ལེགས་བྲི་བ། །དེ་དག་སྙིང་པོའི་དོན་གྱིས་ནི། །ཇི་བཞིན་པར་ནི་བྲི་བར་བྱ། །ོཾ་ཧ་ཡ་གྲཱི་བ་མཧཱ་པདྨ་ཨཾ་ཀུ་ཤ་ཡ་ཨཱ་ཀཪྵ་ཡ་ཤཱི་གྷྲཱཾ་སརྦ་པདྨ་ཀུ་ལ་ས་མ་ལ་པདྨ་ཨཾ་ཀུ་ཤ་དྷཱ་ར་ཧཱུཾ་ཛཿ ། ཨོཾ་ཨ་མོ་གྷ་པཱ་ཤ་ཀྲོ་དྷ་ཨཱ་ཀཪྵ་ཡ་པྲ་བེ་ཤ་ཡ་མཧཱ་པ་ཤུ་པ་ཏི་ཡ་མ་བ་རུ་ཎ་ཀུ་བེ་ར་པྲ་ཧྨ་ཤ་དྷཱ་ར་པདྨ་ཀུ་ལ་ས་མ་ཡཱཾ་ཧཱུཾ་ཧཱུཾ། ཨོཾ་པདྨ་སྥོ་ཊ་སྥོ་ཊ་བནྡྷ་སརྦ་པདྨ་ཀུ་ལ་ས་མ་ཡཱཾ་ཤཱི་གྷྲཾ་ཧཱུཾ་བཾ། ཨོཾ་ཥཾ་མུ་ཁ་ས་ན་དྷ་ཀུ་མཱ་ར་བེ་ཤ་དྷ་ར་པདྨ་གྷཎྚེ་ཨཱ་བེ་ཤ་ཡ་སརྦ་པདྨ་ཀུ་ལ་ས་མ་ཡཱཾ་སརྦ་མུ་དྲཾ་བནྡྷ་ཡ་སརྦ་སིདྡྷི་མྨེ་པྲ་ཡ་ཙྪ་པདྨ་ཨཱ་
227b
བེ་ཤ་ཨཿ ཿ ་ཨཿ ་ཨཿ དེ་ནས་འགྲོ་བ་ཐམས་ཅད་འདུལ་བ་ཞེས་བྱ་བའི་པདྨའི་དཀྱིལ་འཁོར་གྱི་ཆོ་ག་རྒྱས་པ་བཤད་དོ། །དེ་ལ་དང་པོ་ཁོ་ནར་པདྨའི་སློབ་དཔོན་ཉིད་རྡོ་རྗེ་པདྨོའི་དམ་ཚིག་གི་ཕྱག་རྒྱ་བཅིངས་ལ་ཇི་ལྟ་བ་བཞིན་དུ་ཞུགས་ཏེ།་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་སྙིང་པོ་འདིས་ལས་རྣམས་བྱའོ། །ོཾ་མཧཱ་པདྨ་སྥོ་ཊ་སྥོ་ཊ་ཨ་དྷི་ཏིཥྛ་ཨ། དེ་ནས་དེ་བཞིན་དུ་བཀའ་མནོས་ནས་དམ་ཚིག་གི་ཕྱག་རྒྱས་བདག་ཉིད་དབང་བསྐུར་ཏེ། པདྨའི་དབྱིབས་བསླབས་ནས་རང་གི་པདྨའི་མིང་བརྗོད་ལ་པདྨ་ལྕགས་ཀྱུ་ལ་སོགས་པས་ལས་རྣམས་བྱའོ། །དེ་ནས་ཆོས་ཀྱི་ཕྱག་རྒྱ་དེ་དག་གིས་སེམས་དཔའ་ཆེན་པོ་རྣམས་བསྒྲུབ་པར་བྱའོ། །དེ་ནས་དངོས་གྲུབ་རྣམས་ཀྱང་དེ་བཞིན་ནོ། །དེ་ནས་པདྨའི་སློབ་མ་རྣམས་གཞུག་པར་བྱ་སྟེ། དེ་ལས་དང་པོར་པདྨའི་སློབ་མ་རྣམས་མནའི་སྙིང་པོ་བྱིན་ལ་འདི་སྐད་དུ་བསྒོ་བར་བྱའོ། །དེང་ནི་ཁྱོད་ཀྱི་སྙིང་ག་ན། །པདྨ་སེམས་དཔའ་ཉིད་བཞུགས་ཏེ། །ཇི་སྟེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །དེ་ནས་ཡང་འདི་སྐད་དུ་བསྒོ་བར་བྱ་སྟེ། གསང་བའི་ཆོ་ག་རྒྱས་པ་འདི་སུ་ལ་ཡང་མ་སྨྲ་ཞིག་།ཁྱོད་ཀྱིས་མི་བདེ་བ་མ་སྤངས་པས་དུས་བྱས་ནས་སེམས་ཅན་དམྱལ་བར་ལྟུང་བར་གྱུར་ཏ་རེ། དེ་ནས་སྙིང་པོ་འདིས་དམ་ཚིག་
228a
༄#། །གི་ཕྱག་རྒྱ་བཅིང་བར་བྱའོ། །ོཾ་བཛྲ་པདྨ་ས་མ་ཡ་སྟཾ། དེ་ནས་གོས་དཀར་པོ་བགོས་ལ་དར་དཀར་པོས་གདོང་གཡོགས་ནས་གཞུག་པར་བྱ་སྟེ།་སྙིང་པོ་ནི་འདི་ཡིན་ནོ། །ོཾ་པདྨ་ས་མ་ཡ་ཧཱུཾ། དེ་ནས་ལས་རྣམས་ཇི་ལྟ་བ་བཞིན་དུ་བྱས་ནས་པདྨའི་དབྱིབས་ལག་ཏུ་སྦྱིན་ནོ། །ོཾ་པདྨ་ཧསྟ་བཛྲ་དྷརྨ་ཧ་ན་པ་ལ་ཡ་ཧེ་ནེ།་དེས་ཀྱང་འདི་སྐད་དུ་པདྨའི་ཆོས་ཉིད་ཇི་ལྟ་བུ་ལགས་ཞེས་དྲི་བར་བྱའོ། །དེ་ལ་ཡང་འདི་སྐད་དུ་བརྗོད་པར་བྱའོ། །ཇི་ལྟར་པདྨ་དཀར་པོ་འདི། །འདོད་པའི་ཉེས་པས་མི་ཆགས་བཞིན། །ཐམས་ཅད་དག་པར་བསྒོམས་ན་ནི། །དེ་བཞིན་སྡིག་པས་ཆགས་མི་འགྱུར། །དེ་ལ་ཆོས་ཉིད་ནི་འདི་ཡིན་ནོ། །དེ་ནས་པདྨའི་རིགས་ཀྱིས་ཕྱག་རྒྱའི་ཡེ་ཤེས་ལ་བསླབ་པར་བྱ་སྟེ། སྙིང་ལ་པདྨ་བྲིས་ནས་ཀྱང ། །པདྨ་བསྒོམས་ན་སྙིང་ག་ཡི། །པདྨ་དཔལ་ཡང་དབང་འགྱུར་ན། །བུད་མེད་ཕལ་ལ་སྨོས་ཅི་དགོས། །དཔྲལ་པར་སངས་རྒྱས་དབྱིབས་བྲིས་ཏེ། །རྟག་ཏུ་བསྒོམ་པ་བྱས་ན་ནི། །བསྒོམ་པ་དེས་ནི་མྱུར་དུ་ཡང ། །དབང་བསྐུར་བ་ཡང་ཐོབ་པར་འགྱུར། །ཁ་ཡི་ནང་དུ་ལྕེ་སྟེང་དུ། །སངས་རྒྱས་དབྱིབས་ནི་རབ་བསྒོམས་ན། །སྒྲ་དབང་ལྷ་མོ་བདག་ཉིད་ཀྱི། །རྟག་ཏུ་ཁ་ན་གནས་པར་འགྱུར། །གཙུག་ཏོར་དབུས་སུ་པདྨ་ནི། །སྙོམས་པར་ཞུགས་ཏེ་བཞག་
228b
ནས་ཀྱང ། །གཙུག་ཏོར་པདྨ་བསྒོམས་ནས་ནི། །མཁའ་ལ་འགྲོ་བའང་དེ་དབང་འགྱུར། །དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་པདྨ་ཤྲེ་ཡཾ་བྷ་ཥ་ཡ་ཧོ། །ོཾ་པདྨ་ཨ་བྷི་ཥེ་ཀ་པྲ་ཡཙྪ་བཾ། ཨོཾ་པདྨ་ས་ར་སྠི་བི་ཤོ་དྷ་ཡ་ཧཱུཾ། ཨོཾ་པདྨ་ཨུ་དྷ་གྲཾ་བ་ཤི་ཀུ་རུ་ཛཿ ། རྩིག་པའམ་ཡང་ན་མཁའ་ལའང་རུང ། །པདྨ་དམ་པ་བསྒོམས་ན་ནི། །འདི་ནི་སེམས་ཅན་ཐམས་ཅད་ཀྱང ། །དབང་དུ་བྱེད་པ་དམ་པའོ། །མཁའ་འམ་ཡང་ན་ཕྱོགས་གཞན་དུ། །པདྨ་དམ་པ་བསྒོམས་ནས་ཀྱང ། །གང་ཚེ་མཐོང་བ་དེ་ཚེ་བླངས། །ཅི་དགའ་བར་ནི་མི་སྣང་འགྱུར། །རྩིག་པའམ་ཡང་ན་ནམ་མཁའ་ལ། པདྨ་རྒྱ་གྲམ་བྲིས་ནས་ནི། །གང་ཚེ་མཐོང་ནས་བླངས་པ་ཡི། །དེ་ཚེ་སྣ་ཚོགས་གཟུགས་དེ་འགྱུར། །མཁའ་འམ་ཡང་ན་ཕྱོགས་གཞན་དུ། །རྡོ་རྗེ་པདྨ་བསྒོམས་ནས་ཀྱང ། །དེ་བླངས་སྐད་ཅིག་ཉིད་ཀྱིས་ནི། །པདྨའི་རིག་པ་འཛིན་པར་འགྱུར། །དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་བཛྲ་ཛ་གད་བ་ཤི་ཛྙཱ་ན་པདྨ་ཨ་བེ་ཤ་ཡ། ཨོཾ་ཛྙཱ་ན་པདྨ་ཏིཥྛ་ཨ་ཤ་ན་བ་ཀུ་རུ་བཾ། ཨོཾ་ས་མཱ་དྷི་བི་ཤཝ་པདྨ་ཏིཥྛ་རཱུ་པཾ་ནེ་དྷ་ར་ཤ་ཡ་བྷ་ག་བཱཾ་བཾ། ཨོཾ་ས་མཱ་དྷི་བཛྲ་པདྨ་ཥྛ་ཨ་དྷི་ཏིཥྛ་ཤཱི་གྷྲཾ་ཧྲི། དཀྱིལ་འཁོར་ལ་སོགས་ཐམས་ཅད་དུ། །སྤྱན་རས་གཟིགས་དབང་བྲིས་ནས་ནི། །དེ་ཡི་མདུན་དུ་རྟ་མགྲིན་གྱི། །ཕྱག་རྒྱ་མཆོག་གིས་འདྲེན་པར་བྱ། །དཀྱིལ་འཁོར་ལ་སོགས་
229a
༄#། །ཐམས་ཅད་དུ། །སྤྱན་རས་གཟིགས་དབང་བྲི་བར་བྱ། །ངེས་པའི་ཞགས་པ་ཕྱག་རྒྱ་ཡིས། །འགྲོ་བ་ཐམས་ཅད་དེས་དབང་བྱེད། །དཀྱིལ་འཁོར་ལ་སོགས་ཐམས་ཅད་དུ། །སྤྱན་རས་གཟིགས་དབང་བྲི་བར་བྱ། །དེ་ཡི་མདུན་དུ་པདྨ་ཡི། །ལྕགས་སྒྲོག་མཆོག་གི་ཕྱག་རྒྱ་བཅིངས། །དཀྱིལ་འཁོར་ལ་སོགས་ཐམས་ཅད་དུ། །སྤྱན་རས་གཟིགས་དབང་བྲི་དེ་ཡི། །མདུན་དུ་པདྨ་དྲིལ་བུ་ཡིས། །ཐམས་ཅད་འབེབས་པའི་དམ་པའོ། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་པདྨ་ཨཱ་ཀཪྵ་ཡ་སརྦ་མཧཱ་སཏྭཾ་ཧཱུཾ་ཛཿ ། ཨོཾ་ཨ་མོ་གྷ་པཱ་ཤ་ཀྲོ་དྷ་ཧཱུཾ་ཧོ་ཧི། ཨོཾ་པདྨ་སྥོ་ཊ་བཾ། ཨོཾ་པདྨ་གྷཎྜ་ཨ་བེ་ཤ་ཡ་སརྦ་ཨཱཿ ་བདག་ཉིད་ཀྱིས་ནི་བདག་ཉིད་ཉིད། །པདྨ་ཞལ་བཞི་སེམས་དཔར་ཡང ། །བསྒོམས་ཏེ་དེ་ནས་གྲུབ་ནས་ནི། །སྐད་ཅིག་གིས་ནི་གཟུགས་མ་འགྱུར། །དེ་ལྟར་བདག་ཉིད་བདག་ཉིད་ཀྱིས། །རྡོ་རྗེ་ཆོས་ཀྱི་ཏིང་འཛིན་གནས། །པདྨ་པདྨ་བསྒོམས་ན་ནི། །ཟད་མི་ཤེས་པའི་གོ་འཕང་འཐོ་བ། །སྤྱན་རས་གཟིགས་དབང་གཙུག་ཏོར་དབུས། །བདག་གིས་སངས་རྒྱས་གཟུགས་སུ་ནི། །བདག་ཉིད་ཀྱིས་ནི་བསྒོམས་གྱུར་ན། །ཚེ་དཔག་མེད་པའང་མཉམ་པར་འགྱུར། །སྣ་ཚོགས་གཟུགས་ཀྱིས་ཏིང་འཛིན་གནས། །སྣ་ཚོགས་གཟུགས་ཀྱི་ཏིང་འཛིན་དུ། །བདག་ཉིད་ཀྱིས་ནི་བསྒོམས་
229b
ན་ནི། །སྤྱན་རས་གཟིགས་དབང་མཉམ་པར་འགྱུར། །དེ་ལ་དེ་དག་གི་སྙིང་པོ་རྣམས་ནི་འདི་ཡིན་ནོ། །པདྨོ་བི་ཤཝ། དྷརྨ་ཀཱ་ཡ་པདྨ། བུདྡྷ་ཨ་བྷི་ཥེ་ཀ་ཨ་བ་ལོ་ཀེ་ཤཝ་ར། དེ་ནས་དཀྱིལ་འཁོར་ཆེན་པོ་ཐམས་ཅད་ཀྱི་ཕྱག་རྒྱའི་ཡེ་ཤེས་ལ་བསླབ་བོ། །དེ་ལ་རེ་ཞིག་དང་པོར་ནི་ཕྱག་རྒྱ་ཆེན་པོའི་ཡེ་ཤེས་ཡིན་ཏེ། ཇི་ལྟར་རི་མོའི་ཚུལ་དུ་ནི། །ཟླ་བའི་དཀྱིལ་འཁོར་དབུས་གནས་ཤིང ། །པདྨ་ལ་གནས་སེམས་དཔར་ནི། །བདག་ཉིད་ཀྱིས་ནི་བདག་ཉིད་བསྒོམ། །དེ་ནས་དེ་དག་གི་ལས་ནི་འདི་དག་ཡིན་ནོ། །སངས་རྒྱས་ཕྱག་རྒྱ་ཆེ་བཅིངས་ན། །ཚེ་དཔག་མེད་དང་མཉམ་པར་འགྱུར། །རྡོ་རྗེ་པདྨ་བཅིངས་ན་ནི། །སྤྱན་རས་གཟིགས་དབང་མཉམ་པར་འགྱུར། །སངས་རྒྱས་དབང་གིས་བཅིངས་ན་ནི། །བདེ་བར་གཤེགས་པས་དེ་དབང་བསྐུར། །པདྨ་པདྨའི་ཏིང་འཛིན་འཐོབ། །སྣ་ཚོགས་ཀྱིས་ནི་སྣ་ཚོགས་མཆོག་།སྣ་ཚོགས་གཟུགས་ཀྱིས་འདུལ་བ་དང ། །སངས་རྒྱས་རིན་ཆེན་དབང་བསྐུར་འགྱུར། །པདྨ་སེམས་དཔའི་ཏིང་འཛིན་གྱིས། །པདྨ་ཁྲོ་བོ་དབང་ཕྱུག་དཔལ། །རྡོ་རྗེ་འཇིག་རྟེན་དབང་ཕྱུག་གིས། །པདྨ་འདོད་པའི་དངོས་གྲུབ་མཆོག་།སངས་རྒྱས་དབང་གིས་སངས་རྒྱས་ཉིད། །རྡོ་རྗེ་པདྨ་གྲུབ་མཆོག་སྦྱིན། །འདོད་པའི་པདྨ་རབ་འདོད་ལྡན། །དགའ་བ་ཡིས་ནི་ལེགས་པ་སྦྱིན། །ཁྲོ་གཉེར་གྱིས་ནི་ཁྲོ་ཞིར་འགྱུར། །པདྨའི་ཉི་མ་གཟི་བརྗིད་མཆོག། པདྨ་ཟླ་བས་མཛེས་པ་ཆེ། །བཞད་པས་རབ་བཞད་གྲུབ་པ་འཐོབ། །
230a
༄#། །གྲོལ་བས་དངོས་གྲུབ་མཆོག་འཐོབ་བོ། །པདྨ་རལ་གྲིས་ལོངས་སྤྱོད་འཐོབ། །མགྲིན་སྔོན་གྱིས་ནི་འགུགས་པ་ཆེ། །གོས་དཀར་གྱིས་ནི་དངོས་གྲུབ་འཐོག། ། པདྨ་གར་དབང་གིས་འགྲུབ་སྟེ། །མི་འཇིགས་རྟག་ཏུ་འཇིགས་པ་མེད། །རབ་གཏུམ་གྱིས་ནི་མ་རུངས་འདུལ། །པདྨའི་ཁུ་ཚུར་རབ་ཏུ་སྒྲུབ། །སྒེག་མོ་དགའ་ཞིང་ཕྲེང་བའི་ནོར། །གླུར་བླངས་གར་བདེ་བདུག་པས་ཚིམ། །མེ་ཏོག་མཛེས་ཤིང་མར་མེ་ལྟ། །དྲིས་ནི་མཆོག་གིས་དྲིར་ཡང་འགྱུར། །རྟ་མགྲིན་གྱིས་ནི་ཡང་དག་འགུགས། །གདོན་མི་ཟ་བར་དབང་དུ་བྱེད། པདྨ་ལྕགས་སྒྲོག་བཅིང་བ་ཆེ། །དྲིལ་བུས་ཀུན་ནས་འབེབས་བྱེད་དོ། །དེ་ནས་པདྨའི་རིགས་ཀྱི་དམ་ཚིག་གི་ཕྱག་རྒྱའི་ཡེ་ཤེས་འདི་ཡིན་ཏེ། །རྡོ་རྗེ་བསྡམས་པ་བཅིངས་ནས་ནི། ། མཐེ་བོ་མཐེའུ་ཆུང་མཉམ་པར་བསྒྲེང ། །ཕྱག་རྒྱ་འདི་ནི་ཆོས་དམ་ཚིག། སངས་རྒྱས་ཆོས་ནི་རབ་ཐོབ་བྱེད། །རྡོ་རྗེ་བསྡམས་པ་བཅིངས་ནས་ནི། །མཛུབ་མོ་གུང་མོ་སྲིན་ལག་མཉམ། །སངས་རྒྱས་རིགས་མཆོག་ཕྱག་རྒྱ་དེ། །སངས་རྒྱས་ཉིད་དུ་འགྲུབ་པར་བྱེད། །རྡོ་རྗེ་བསྡམས་པ་བཅིངས་ནས་ནི། །གུང་མོ་རྡོ་རྗེ་རབ་མཉམ་པ། །འདི་ནི་རྡོ་རྗེ་རིགས་དམ་པའི། །ཕྱག་རྒྱ་ཡིན་ཏེ་རྡོ་རྗེ་འགྲུབ། །དེ་ལས་གུང་མོ་རིན་ཆེན་འདྲ། །རྡོ་རྗེ་རིན་ཆེན་རབ་འགྲུབ་བྱེད། །གུང་མོ་པདྨའི་ཚུལ་དུ་བྱས། །པདྨའི་དངོས་གྲུབ་ཐོབ་པར་བྱེད། །རྡོ་
230b
རྗེ་ཐལ་མོ་བསྡམས་ནས་ནི། །རྡོ་རྗེའི་ལས་ནི་བྱེད་པར་འགྱུར། །ཆོས་ཀྱི་རྡོ་རྗེ་བཅིངས་ན་ནི། །སྐད་ཅིག་གིས་ནི་དམ་ཚིག་འགྲུབ། །རྡོ་རྗེ་བསྡམས་ལས་མཛུབ་མཉམ་པས། །སངས་རྒྱས་དངོས་གྲུབ་ཐོབ་པར་བྱེད། །དེ་ནས་རབ་ཏུ་བཤད་བྱ་བ། །སེམས་དཔའི་ཕྱག་རྒྱ་ཁྱད་པར་དུ། །རྡོ་རྗེ་ཐལ་མོ་བསྡམས་ནས་ཀྱང ། །གུང་མོ་མཉམ་པར་བསྡམས་ནས་ནི། །མཐེ་བོ་མཐེའུ་ཆུང་ཕྱེ་\?\་བ་ནི། སྣ་ཚོགས་པདྨར་བཤད་པ་ཡིན། །དེ་ལས་མཐེ་བོ་གཉིས་བསྣོལ་ཏེ། །མཛུབ་གཉིས་རྩེ་མོ་སྦྲད་ལ་དགུག་།དབུས་ཀྱི་རྡོ་རྗེ་སྤྱི་གཙུག་ཕུད། །གཙུག་ཕུད་སངས་རྒྱས་ཡིན་པར་བཤད། །རྡོ་རྗེ་བསྡམས་པ་དམ་བྱས་ལ། །མཐེ་བོ་མཉམ་ནས་བཏུད་ནས་ནི། །མཛུབ་མོ་གཉིས་ནི་རྩེ་སྤྲད་དགུག། བཀན་ནས་ཏིང་ངེ་འཛིན་དུ་བཅུག། ཐལ་མོ་པདྨོ་མཉམ་སྤྱར་ལ། །མཛུབ་མོ་རྡོ་རྗེར་མཉམ་ནས་ནི། །མཐེ་བོ་ངོས་ལ་སྦྱར་བ་འདི། །ངེས་པའི་དབང་ཕྱུག་ཕྱག་རྒྱའོ། །རྡོ་རྗེ་བསྡམ་པ་བསྔམས་ནས་ནི། །ལེགས་པར་བཀན་ཏེ་བཅིངས་ནས་ཀྱང་།། མཐེ་བོང་གཉིས་ནི་པདྨར་བསྒྲེང ། །སངས་རྒྱས་པདྨ་ཡིན་པར་བཤད། །མཐེ་བོ་གཉིས་ནི་རྡོ་རྗེར་མཉམ། །མཛུབ་མོ་ལྕགས་ཀྱུ་རལ་གྲིར་བྱ། །མཐེའུ་ཆུང་གཉིས་ནི་སོ་སོར་དབྱེ།། གུང་མོ་སྲིན་ཡག་པདྨར་བྱ། །པདྨ་མཉམ་པར་རབ་སྦྱར་ལ། །མཐེ་བོས་མཐེའུ་ཆུང་གཟུང་དགུག་པས། །གཡོན་པའི་མཛུབ་མོ་གཟུང་བ་ནི། །པདྨའི་མདས་ནི་འགུགས་པར་བྱེད།།
231a
༄#། །ཐལ་མོ་མཉམ་པར་སྦྱར་ནས་ནི། །བཀན་ལེགས་ཕྱག་རྒྱ་བཅིངས་ནས་ནི། །ལེགས་སོ་ཞེས་བྱ་སྦྱིན་པར་བྱེད། །པདྨོའི་ལེགས་པ་ཡིན་པར་གྲགས།། ཐལ་མོ་མཉམ་པར་རབ་སྦྱར་ལ། །མཛུབ་མོ་རྩེ་མོ་མཉམ་སྟེ་དགུག་།མཐེའུ་ཆུད་ཕྱེ་ནས་མཛོད་སྤུར་བཞག་།པདྨ་ཁྲོ་གཉེར་ཞེས་བྱའོ། །རྡོ་རྗེ་བསྡམས་པ་དམ་བྱས་ལ། །སོར་མོ་ཐམས་ཅད་དཀྱིལ་འཁོར་དུ། །སྙིང་གར་རབ་ཏུ་བརྐྱང་བ་ནི། །པདྨོའི་ཉི་མ་ཡིན་པར་བཤད། །ཐལ་མོ་རབ་ཏུ་དམ་སྦྱར་ལ། །མཛུབ་གཉིས་རིན་ཆེན་འདྲ་བར་བྱ། །དཔུང་པའི་སྤྱི་བོར་རབ་བརྒྱན་པ། །པདྨ་རིན་ཆེན་རྒྱལ་མཚན་རྩེའོ། །རྡོ་རྗེ་བསྡམས་པ་སྤྱི་བོར་བཞག་།ཁ་དང་བཅས་པར་རབ་བརྐྱང་ནས། །ཉིད་ཀྱི་ཁ་ནས་རྒོད་པ་དང ། །ཁ་ནི་བཅུ་གཅིག་ཉིད་དུ་འགྱུར།། ཏིང་འཛིན་པདྨར་བཅིངས་ནས་ནི། །མཐེ་བོ་གཉིས་ནི་སོ་སོར་འབྱེད། །པདྨ་སྒྲོལ་བའི་ཕྱག་རྒྱ་ལས། །མཛུབ་གཉིས་པདྨའི་ཚུལ་དུ་དགུག་།པདྨ་སྒྲོལ་བའི་ཕྱག་རྒྱ་དེ། །དངོས་གྲུབ་ཐམས་ཅད་གྲུབ་པར་བྱེད། །རལ་གྲིའི་ཚུལ་དུ་བྱས་པ་ནི། །པདྨའི་རལ་གྲིའི་ཕྱག་རྒྱ་ཡིན། །མཐེའུ་ཆུང་པདྨ་ཆེན་པོར་བྱ། །མཐེ་བོ་གཉིས་ནི་དབྱུག་ལྟར་བསྒྲེང ། །མཛུབ་མོ་རྩེ་མོ་དུད་ཆེན་བྱ། ། གུང་མོ་སྲིན་ལག་འཁོར་ལོར་བྱ། །རྡོ་རྗེ་ཐལ་མོར་དམ་བྱས་ལ། །གཡས་པ་ཨོཾ་དུ་ནང་དུ་གཞུག་།གཡོན་པའི་མཛུབ་མཐེབ་བཟླས་པར་བྱ། །སོར་ཀུན་ཆུ་སྐྱེས་ཁ་ཕྱེ་འདྲ། །རྡོ་རྗེ་ཐལ་མོ་
231b
མཉམ་སྦྱར་ལ། །གཡོན་དང་གཡས་ནས་དེ་བཞིན་དུ། །འགྱིང་བཅས་གར་བྱེད་བསྐོར་ནས་ནི། །སྤྱི་བོར་བཞག་པ་པདྨ་ཅན། །རྡོ་རྗེ་ཐལ་མོ་དམ་བྱས་ལ། །རྩེ་མོ་ཐམས་ཅད་ཁ་ཕྱེ་བ། །བསྐོར་ཏེ་པདྨའི་སྙིང་གར་ནི། །བཞག་ནས་བརྟན་པར་བྱེད་པ་པོ། །རྡོ་རྗེ་ཐལ་མོ་དམ་བྱས་ལ། །གསང་བའི་གནོད་སྦྱིན་ཚུལ་དུ་ནི། །ཐལ་མོ་བརྐྱང་སྟེ་བསྐུམས་ནས་ནི། །ཁ་བཞག་པདྨའི་གནོད་སྦྱིན་མི། །རྡོ་རྗེ་ཁུ་ཚུར་བཅིངས་ནས་ཀྱང ། །གུང་མོ་གཉིས་ནི་ཕྱིར་བཀུག་སྟེ། །རང་གི་མཐེ་བོའི་རྒྱབ་མནན་པ། །པདྨའི་ཁུ་ཚུར་ཞེས་ཀྱང་བཤད། །རྡོ་རྗེ་དབྱིངས་ཀྱི་ཚུལ་གྱིས་ནི། །རྡོ་རྗེ་ཐལ་མོ་ལས་བྱུང་བ། །མཆོད་པའི་ལྷ་མོ་ཐམས་ཅད་ཀྱི། །དམ་ཚིག་མཆོག་རྣམས་བཅིང་བའོ། །རྡོ་རྗེ་བསྡམ་པ་དམ་བྱས་ལ། །མཛུབ་མོ་གཉིས་ནི་མཉམ་སྦྱར་ནས། །མཛུབ་མོ་གཉིས་ནི་ཕྱིར་བཀུག་ལ། །རྟ་མགྲིན་གྱི་ནི་ཡིན་པར་བཤད། །པདྨའི་ཐལ་མོ་མཉམ་སྦྱར་ལ། །མཛུབ་གཉིས་མདུད་པར་འདུད་པ་ནི། །ངེས་པར་ཞགས་པའི་ཕྱག་རྒྱ་ཡིན། །མཐེབ་མཛུབ་ལྕགས་སྒྲོ་འདྲ་བར་བྱ། །རྡོ་རྗེ་དབབ་པའི་ཚུལ་གྱིས་ནི། །པདྨའི་ཐལ་མོ་མཉམ་སྦྱར་ལ། །སྲིན་ལག་མཐེའུ་ཆུང་གཉིས་བར་དུ། །མཐེ་བོ་གཉིས་བཅུག་དམ་དུ་བཅིང ། །དེ་ནས་པདྨ་རིགས་ཀྱི་ཆོས་ཀྱི་ཕྱག་རྒྱའི་ཡེ་ཤེས་ནི་འདི་ཡིན་ཏེ། ཧྲཱིཿ གྲྀ་ཀྲི་ཧི། ཤྲི་ཤྀ་དྷི་ཧི། གྲྀ་ཏི་ཀྲྀ་བི་ཁི་མི་ཥྚི་ཨ། པདྨའི་ཁུ་ཚུར་གཉིས་བྱས་ལ། །ལས་ཀྱི་ཕྱག་རྒྱ་བསྒྲུབ་པར་བྱ། །དེ་བཞིན་གཤེགས་པ་
232a
༄#། །ཐམས་ཅད་ཆོས་ཀྱི་དམ་ཚིག་གི་རྟོག་པ་ཆེན་པོའི་རྒྱལ་པོ་ལས། འགྲོ་བ་ཐམས་ཅད་འདུལ་བ་ཞེས་བྱ་བའི་དཀྱིལ་འཁོར་གྱི་ཆོ་ག་རྒྱས་པ་རྫོགས་སོ།། །། དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་གཟུངས་ཀྱི་དམ་ཚིག་འབྱུང་བའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐཱ་ག་ཏ་དྷརྨ་ས་མ་ཡེ་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིག་པ་འབྱུང་བའི་རིག་པ་དམ་པ་འདི་གསུངས་སོ། །ོཾ་བཛྲ་ས་མ་ཡེ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་མ་ཎི་རཏྣ་ས་མ་ཡེ་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ོཾ་པདྨ་ས་མ་ཡེ་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ོཾ་ཀརྨ་ས་མ་ཡེ་ཧཱུཾ། དེ་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་ཀྱི་དབང་པོས་རང་གི་རིགས་ཀྱི་དམ་ཚིག་གི་ཕྱག་རྒྱའི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །ཕྱག་རྒྱའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བ་ལ། །པདྨའི་གསང་བ་ཞེས་བཤད་དོ། །དཀྱིལ་འཁོར་ཆེན་པོའི་
232b
ཚུལ་དུ་ནི། །དཀྱིལ་འཁོར་ཐམས་ཅད་སྲད་བུས་བྲེ། །དེ་དབུས་པདྨའི་སྟེང་དུ་ནི། །རྡོ་རྗེ་དབྱིངས་ཀྱི་དབང་མོ་བྲི། །དེ་ཡི་ཕྱོགས་རྣམས་ཐམས་ཅད་དུ། །དམ་ཚིག་མཆོག་རྣམས་ལྷག་མ་བཞིན། །རང་གི་རིག་པ་རྣམས་ལྡན་པར། །ཆོས་ཀྱི་རྡོ་རྗེ་ལ་སོགས་བྲི། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་སརྦ་ཏ་ཐཱ་ག་ཏ་དྷརྨེ་ཤཝ་རི་ཧཱུཾ། ཨོཾ་དྷ་རྨ་ས་མ་ཡེ་བཛྲ་པདྨ་ནི་ཧཱུཾ། ཨོཾ་བུདྡྷ་ཨ་བྷི་ཥེ་ཀ་ར་རཏྣ་ས་མ་ཡེ་ཧཱུཾ། ཨོཾ་ཏཱ་རཱ་ས་མ་ཡེ་ཧཱུཾ། ཨོཾ་བི་ཤཝ་མུ་ཁེ་ཧཱུཾ། སྣ་ཚོགས་གཟུགས་མཆོག་དཀྱིལ་འཁོར་དུ། །རྡོ་རྗེ་ཤུགས་ཀྱིས་བརྒལ་ནས་ནི། །དེ་ཡི་དབུས་སུ་པདྨ་ཡིས། །བསྐོར་བའི་པདྨའི་བྲི་བར་བྱ། །དེ་ཡི་ཕྱོགས་རྣམས་ཐམས་ཅད་དུ། །པདྨའི་ཕྱག་རྒྱ་གཉིས་གནས་པ། །པདྨའི་མཚན་མ་བྲི་བར་བྱ། །བདེ་གཤེགས་ཉིད་ཀྱི་ཉིད་ཕྱག་རྒྱ། །དེ་ལ་དེ་དག་གི་ཕྱག་རྒྱ་ནི་འདི་རྣམས་ཡིན་ནོ། །ཧྲཱིཿ ོཾ་པདྨ་ཏ་ཐཱ་ག་ཏོ། ཨོཾ་པདྨ་ས་མནྟ་བྷ་དྲེ། པདྨ་བཛྲ་ཨཾ་ཀུ་ཤ་ཀོ་ཥ་དྷཱ་རི་ཎཱི་ཧཱུཾ། ཨོཾ་པདྨ་ར་ཏི། ཨོཾ་པདྨ་དུ་ཥྚི། དེ་བཞིན་དཀྱིལ་འཁོར་གཉིས་པར་ཡང ། ། རྡོ་རྗེ་ཤུགས་ཀྱིས་བརྒལ་ནས་ནི། །གཙུག་ཕུད་ཆུ་སྐྱེས་ཆ་གནས་པའི། །སངས་རྒྱས་དབང་བསྐུར་བྲི་བར་བྱ། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་རིམ་པ་ཇི་བཞིན་དུ། །པདྨའི་མཚན་མར་ལྡན་པ་ཡི། །དམ་ཚིག་མཆོག་རྣམས་བཞག་པར་བྱ། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ཤྲཱིཿ ་ཨོཾ་བྷྲི་ཀུ་ཊཱི་བེ་ཏཱ་ཌི་པདྨེ་ཧཱུཾ། ཨོཾ་པདྨེ་ཛྭཱ་ལེ། ཨོཾ་སཽ་མེ་ནི་པདྨེ་ནི་ཧཱུཾ། ཨོཾ་པདྨ་མཧཱ་སི་
233a
༄#། །ནི་ཨེ་ཀ་ད་ཤ་བཱཀ་ཏྲི་དི་རི་དི་རི་ཨི་ཨཊྚེ། བཊྚེ་ཙ་ལེ་པྲ་ཙ་ལེ་ཀུ་སུ་མ་དྷ་རེ་ཨི་ལེ་པྲ་བེ་ཤ་སིདྡྷི་མེ་པྲ་ཡཙྪ་ཧཱུཾ། དེ་བཞིན་དཀྱིལ་འཁོར་གསུམ་པར་ཡང ། །རྡོ་རྗེ་ཤུགས་ཀྱིས་བརྒལ་ནས་ཀྱང ། །དེ་ཡི་དབུས་སུ་པདྨ་མཛེས། །པདྨའི་ཕྱག་རྒྱ་བཞག་པར་བྱ། །དེ་བཞིན་ཕྱོགས་རྣམས་ཐམས་ཅད་དུ། །ལྟག་འོག་གོ་རིམས་ཇི་བཞིན་པར། །པདྨའི་མཚན་མར་ལྡན་པ་ཡི། །པདྨ་ལ་ནི་གནས་པར་བྲི། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །དྷཱིཿ ཛྷི། ཨོཾ་ཏཱ་རེ་ཏུཏྟཱ་རེ་ཧཱུཾ། ཨོཾ་དྷཱིཿ ཧཱུཾ། ཨོཾ་པདྨ་ཙཀྲ་ཤཾ་ཁ་དྷཱ་ར་ཎི། ནཱི་ལ་ཀཎྛ་སིད་དྷྱ་སིད་དྷྱ་ཧཱུཾ།་ཨོཾ་པཱཎྜ་ར་བཱ་སེ་ན་པདྨ་སཾ་བྷ་བེ་བ་དྷ་བ་དྷ་ཧཱུཾ། དེ་བཞིན་དཀྱིལ་འཁོར་བཞིན་པར་ནི། །རྡོ་རྗེ་ཤུགས་ཀྱིས་བརྒལ་ནས་ཀྱང ། །པདྨའི་དབུས་སུ་པདྨ་ནི། །འབར་བའི་ཕྲེང་བས་བསྐོར་འོད་བྲི། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམས་ཇི་བཞིན་པར། །པདྨའི་དབུས་ན་གནས་པ་ཡི། །པདྨའི་མཚན་མ་ལྡན་པར་བྲི། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །སྟི། ཨོཾ་པདྨ་ནརྀ་ཏྱེ་ཤཝ་རི་པཱུ་ཛ་ཡ་སརྦ་ཏ་ཐཱ་ག་ཏཱ་ནཱཾ་ན་ཏ་ན་ཏ་ཧཱུཾ། ཨོཾ་ཨཱ་བེ་ཤ་ཡ་པདྨ་ཀ་བ་ཙ་བན་དྷ་ར་ཀྲ་མ་ན་ཧཱུཾ། ཧཾ། ཨོཾ་མཧཱ་པྲ་ཙཎྜི་པདྨ་ཡ་ཀྵ་ཎི་བི་ཤཝ་རཱུ་པ་དྷཱ་ར་ཎི་བི་ཤཝ་པ་ཡ་སརྦ་དུཥྚ་ཁཱ་ད་ཁཱ་ད་ཧཱུཾ་ཕཊ། ཨོཾ་པདྨ་མུཥྚི་ཨ་མུ། རྡོ་རྗེ་ཤུགས་ཀྱིས་བརྒལ་ནས་ནི། །སངས་རྒྱས་མཆོད་པ་རྣམས་བྲི་བ། །པདྨ་ལྕགས་ཀྱུ་ལ་སོགས་རྒྱུ། །མདོར་ན་
233b
པདྨའི་མཚན་མ་ཅན། །དེ་ནས་དེ་དག་གི་ཕྱག་རྒྱ་ནི་འདི་རྣམས་སོ། །ོཾ་པདྨ་ར་ཏི་པཱུ་ཛེ་ཧོ། །ོཾ་པདྨ་ཨ་བྷི་ཥེ་ཀེ་པཱུ་ཛེ་ར་ཏི། ཨོཾ་པདྨ་གཱི་ཏེ་པཱུ་ཛེ་གི། ཨོཾ་པདྨ་ནཻ་ཝི་དྱེ་པཱུ་ཛེ་ཧོ། །ོཾ་དྷཱུ་པེ་པདྨ་ནི་ཧཱུཾ། ཨོཾ་པདྨ་པུ་ཥྤ་ཧཱུཾ། ཨོཾ་པདྨ་ཀུ་ལ་སུན་དྷ་རི། དྷརྨ་ཨཱ་ལོ་ཀེ་པཱུ་ཛཱ་ཡ་ཧཱུཾ། ཨོཾ་པདྨ་གན་དྷེ་ཧཱུཾ། མཆོད་པ་རྣམས་སོ། །ོཾ་པདྨ་ཨཾ་ཀུ་ཤ་ཨཱ་ཀཪྵ་ཡ་མཧཱ་པདྨ་ཀུ་ལ་ན། ཧ་ཡ་གྲཱི་བ་ས་མ་ཡེ་ཧཱུཾ་ཛཿ ། ཨོཾ་ཨ་མོ་གྷ་པཱ་ཤ་ཀྲོ་དྷ་ས་མ་ཡེ་པྲ་བེ་ཤ་ཡ་སརྦས་ཏྭ་ས་མ་ཡཾ་ཧཱུཾ། ཨོཾ་པདྨ་ཤཱཾ་ཀ་ལེ་བཾ། ཨོཾ་པདྨ་གནྡྷ་དྷཱ་རི་ཤྲཱི་གྷཾ་ཨཱ་བེ་ཤ་ཡ། ས་མ་ཡཾ་ཤ་ན་མུ་ཀི་ཨ། དེ་ནས་ཕྱག་རྒྱ་འདིའི་དཀྱིལ་འཁོར་འདིར་དགུག་པ་ལ་སོགས་པའི་ཆོ་ག་རྒྱ་པར་བྱས་ནས། པདྨའི་སློབ་མ་རྣམས་ཇི་ལྟ་བ་བཞིན་བཅུད་དོ། །འདི་སྐད་དུ། ཁྱོད་ཀྱིས་གསང་བ་འདི་སུ་ལའང་མ་སྨྲ་ཞིག་།ཁྱོད་སེམས་ཅན་དམྱལ་བར་ལྷུང་བ་རེ། ཚེ་གཅིག་ཏུ་སྡུག་བསྔལ་བར་གྱུར་ཏ་རེ། དེ་ནས་ཕབ་ནས་འདི་སྐད་དུ་ཁྱོད་ཀྱི་མིག་ལམ་དུ་ཅི་ཞིག་སྣང་ཞེས་དྲིས་ནས། །དེས་ཇི་སྐད་དུ་སྨྲས་པ་དེ་བཞིན་དུ་དངོས་གྲུབ་ཏུ་འགྱུར་རོ། །དེས་གལ་ཏེ་ནམ་མཁའི་དཀར་བར་མཐོང་ན་ནི་དེའི་ཚེ་དེའི་དངོས་གྲུབ་དམ་པའི་ཡེ་ཤེས་བསླབ་པར་བྱའོ། །ཡང་ན་སེར་པོ་མཐོང་ན་ནི་དེ་ནོར་འགྲུབ་པའི་ཡེ་ཤེས་བསླབ་པོ། །ཅི་སྟེ་དམར་པོ་མཐོང་ན་ནི་རྗེས་སུ་དགའ་བར་འགྱུར་པའི་ཡེ་ཤེས་བསླབ་བོ། །ཅི་སྟེ་ནག་པོ་མཐོང་ན་ནི་མངོན་སྤྱོད་ཀྱི་ཡེ་ཤེས་བསླབ་བོ། །ཇི་སྟེ་སྣ་ཚོགས་
234a
༄#། །མཐོང་ན་ནི་དངོས་གྲུབ་ཐམས་ཅད་ཀྱི་ཡེ་ཤེས་བསླབ་པར་གོ་བར་ཤེས་ནས་ཇི་ལྟ་བ་བཞིན་དུ་གདོང་གཡོགས་པ་བཀྲོལ་ནས་སྣོད་ཇི་ལྟ་བ་བཞིན་དུ་ཡེ་ཤེས་བསྐྱེད་དོ། ཕྱག་རྒྱའི་ཡེ་ཤེས་བསླབ་པར་བྱའོ། །དེ་ལྟར་རྡོ་རྗེ་དབྱངས་ལ་སོགས་པའི་དཀྱིལ་འཁོར་ཐམས་ཅད་དུ་ཡང་སྣོད་ཇི་ལྟ་བ་བཞིན་དུ་ཕྱག་རྒྱའི་ཡེ་ཤེས་བསླབ་པ་ནི་འདི་བཞིན་དུ་བརྟག་པར་བྱའོ། །དེ་ནས་དངོས་གྲུབ་དམ་པ་སྒྲུབ་པའི་ཡེ་ཤེས་ནི་འདི་ཡིན་ཏེ། སྤྱན་རས་གཟིགས་དབང་སེམས་དཔའ་ཆེ། །སྣ་ཚོགས་གཟུགས་སུ་བདག་ཉིད་ཀྱིས། །བསྒོམས་ན་ཕྱག་རྒྱ་ཆེན་པོ་ཡི། །མཆོག་གི་དངོས་གྲུབ་ཐོབ་པར་འགྱུར། །སངས་རྒྱས་དབང་གིས་དམ་ཚིག་ནི། །མཉམ་པར་གཞག་པས་བརྟན་བྱས་ཏེ། །བདག་ཉིད་ཀྱིས་ནི་བསྒོམས་ན་ནི། །མཆོག་གི་དངོས་གྲུབ་ཐོབ་པར་འགྱུར། །པདྨ་པདྨ་སེམས་དཔའ་ཆེ། །བདག་ཉིད་མཉམ་པར་གཞག་པས་བསྒོམས། །བདག་ཉིད་ཀྱིས་ནི་དམ་པ་ཡི། །དངོས་གྲུབ་ཐོབ་པ་ཉིད་དུ་འགྱུར། །རང་བྱུང་གདོན་མི་ཟ་བ་ཡི། །དབང་ཕྱུག་ལས་ཀྱི་ཕྱག་རྒྱ་ནི། །ཆོ་ག་བཞིན་བསྒྲུབས་མྱུར་བར་ཡང ། །མཆོག་གི་དངོས་གྲུབ་ཐོབ་པར་འགྱུར། །དེ་ནས་དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་པདྨ་སཏྭ་ཧཾ་སིད་དྷྱ་ཧོ། །ོཾ་བུདྡྷ་ཨ་བྷི་ཥེ་ཀ་ཀྲོ་དྷོ་ཧཾ་སིད་དྷྱ་ཧོ། །ོཾ་དྷ་རྨ་ས་མཱ་དྷི་ར་ཧཾ་སིད་དྷྱ་ཧོ། །ོཾ་ཨ་མོ་གྷེ་ཤཝ་རོ་ཧཾ་སིད་དྷྱ་མི། །དེ་ནས་ནོར་སྒྲུབ་པའི་ཡེ་ཤེས་ནི་འདི་ཡིན་ཏེ།
234b
ཁ་ཡི་ནང་དུ་དབྱིག་བཅུ་ག་སྟེ། །སྣ་ཚོགས་དབང་ཕྱུག་ཕྱག་རྒྱ་ཆེ། །བདག་ཉིད་ཉིད་ཀྱིས་བསྒོམས་ན་ནི། །གཅིག་ཏུ་གྱུར་ལས་སྟོང་དུ་འགྱུར། །གསེར་སྲང་བརྒྱར་ཆ་བླངས་ནས་ནི། །དམ་ཚིག་མཆོག་ནི་རབ་བརྟན་པར། །བདག་ཉིད་ཀྱིས་ནི་བསྒོམས་ན་ནི། །གཅིག་ཏུ་གྱུར་ལས་སྟོང་དུ་འགྱུར། །མུ་ཏིག་འབྲུམ་བུ་ཁར་བཅུག་ལ། །བདག་ཉིད་འཇིག་རྟེན་དབང་ཕྱུག་ཏུ། །བདག་ཉིད་ཀྱིས་ནི་བསྒོམས་ན་ནི། །གཅིག་ཏུ་གྱུར་ལས་སྟོང་དུ་འགྱུར། །ལས་ཀྱི་ཕྱག་རྒྱ་ལག་གཉིས་ཀྱིས། །རིན་ཆེན་ཐམས་ཅད་བླངས་ན་ནི། །བདག་ཉིད་ཀྱིས་ནི་བསྒོམས་ན་ཡང ། །གཅིག་ཏུ་གྱུར་ལས་སྟོང་དུ་འགྱུར་དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་པདྨ་མ་ཧཱ་རཏྣ་པྲ་དྷ་ཧཱུཾ་ཛ། ཨོཾ་པདྨ་སུ་བྲྞྞ་པྲ་དྷ་ཧཱུཾ་ཛ། ཨོཾ་པདྨ་མུ་ཀུ་ཊ་པྲ་དྷ་ཧཱུཾ་ཛ། ཨོཾ་པདྨ་མུ་ཀུ་ཊ་པྲ་དྷ་ཧཱུཾ་ཛ། ཨོཾ་པདྨ་སརྦ་རཏྣ་པྲ་དྷ་ཧཱུཾ་ཛ། དེ་ནས་རྗེས་སུ་དགའ་བའི་ཡེ་ཤེས་ནི་འདི་ཡིན་ཏེ། སྣ་ཚོགས་དབང་ཕྱུག་ཕྱག་རྒྱ་ཆེ། །བདག་ཉིད་ཀྱིས་ནི་བསྒོམས་ན་ནི། །པདྨ་བླངས་ཏེ་མདུན་གནས་པ། །གང་ཡིན་དེས་ནི་དེ་མགུར་བྱེད། །དམ་ཚིག་ཆེན་པོའི་ཕྱག་རྒྱ་ཡིས། ། པདྨོ་དམར་པོར་དམ་བཟུང་སྟེ། །བདག་ཉིད་ཀྱིས་ནི་བསྒོམས་ན་ནི། །བུད་མེད་ཐམས་ཅད་དགའ་བར་འགྱུར། །བདག་ཉིད་ཉིད་ཀྱིས་བསྒོམས་ནས་ཀྱང ། །པདྨ་བླངས་ཏེ་ཇི་ལྟ་བ། །རྡོ་རྗེ་ལྟ་བས་དེ་ལྟར་བལྟས། །འཇིག་རྟེན་ཐམས་ཅད་དེས་མགུར་འགྱུར། །ལས་ཀྱི་ཕྱག་རྒྱའི་ཚུལ་གྱིས་ནི། །ཆོ་ག་བཞིན་དུ་པདྨ་གཟུང ། །ལག་པ་གཉིས་ཀྱིས་བསྐོར་ན་ནི། །བུད་མེད་ཐམས་
235a
༄#། །ཅད་དེར་མགུར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་བི་ཤཝེ་ཤཝ་ར་མཧཱ་པདྨ་ཧོ། །ོཾ་པདྨ་ས་མ་ཡ་པདྨ་ཧོ། །ོཾ་ཡོ་ག་པདྨ་ཧོ། །ོཾ་པདྨ་ཀརྨ་ཧོ།། སྣ་ཚོགས་ཡེ་ཤེས་དབང་ཕྱུག་ཆེ། །བདག་ཉིད་མདུན་དུ་པདྨ་གཙང ། །ཕྱག་རྒྱ་པདྨ་དེ་ཉིད་ཀྱིས། །དེ་ཡི་འཆི་བ་སྐད་ཅིག་གོ། པདྨ་བཟུང་ནས་བརྟན་བྱ་བ། །ཆོ་ག་ལེགས་པ་ཇི་བཞིན་དུ།། དམ་ཚིག་དམ་པ་དེ་ཉིད་ཀྱིས། །ནན་ཏན་ཁོ་ནར་གཞིག་པར་བྱེད། །གང་གིས་མིང་སྨོས་འཇིག་པ་ནི། །ཏིང་འཛིན་ཕྱག་རྒྱ་སྦྱར་ནས་སུ། །ཇི་ལྟར་དེ་ལྟར་པདྨ་ཐོགས། །ལས་དེ་ངེས་པར་འགྲུབ་པར་འགྱུར། །གང་གིས་གཞིག་པར་ཁྲོས་ན་ནི། །ལས་ཀྱི་ཕྱག་རྒྱ་སྦྱར་ནས་སུ། །བསྐོར་ཞིང་བརྡབ་པར་བྱས་ན་ནི། །དེ་ཡི་འཚོ་བ་རྡོལ་བར་འགྱུར། །དེ་ལ་དེ་དག་གི་སྙིང་པོ་ནི་འདི་ཡིན་ནོ། །ོཾ་མྷཱ་པདྨ་ཙྪེ་ད་མཱ་ར་ཡ་ཧོ་ཕཊ། ཨོཾ་ས་མ་ཡ་པདྨ་སྥོ་ཊ་ནཱ་ཤ་ཡ་ར་ཏ་ཕཊ། ཨོཾ་དྷ་རྨཱ་པདྨ་ཙྪེ་ད་བི་ནཱ་ཤ་ཡ་པྲ་ཏི་ཡ་ཕཊ། ཨོཾ་ཀ་རྨ་པདྨ་སྥོ་ཊ་ཡ་ཛཱི་བི་ཏ་མ་སྱ་ཀྲྀ་ཏ་ཕཊ། དེ་ནས་ཆོས་ཀྱི་དམ་ཚིག་གསང་བའི་ཕྱག་རྒྱའི་ཡེ་ཤེས་ནི་འདི་ཡིན་ནོ། །བུད་མེད་དུ་ནི་པདྨ་བསམ། །ད་སྟེང་བདག་ཉིད་རྡོ་རྗེར་བསྒྱུར། །པདྨ་པད་མཆོག་རྩེ་བྱེད་ཅིང ། །མཉམ་པར་གཞག་ན་དངོས་གྲུབ་ཐོབ། །བུད་མེད་དུ་ནི་པདྨ་བསམ། །དེ་སྟེང་བདག་ཉིད་སངས་རྒྱས་བསྒྱུར། །རྩེ་ཞིང་དབུ་རྒྱན་སངས་རྒྱས་ནི། །བསྒོམས་ན་དེས་ནི་དེ་འགྲུབ་བོ། །བུད་མེད་
235b
དུ་ནི་པདྨ་བསམ། །དེ་སྟེང་པདྨར་བདག་བསྒྱུར་ཏེ། །རྩེ་ཞིང་པདྨ་པདྨ་མཆོག་།དག་པའི་དངོས་གྲུབ་ཐོབ་པར་འགྱུར། །བུད་མེད་དུ་ནི་པདྨ་བསམ། །དེ་སྟེང་སྣ་ཚོགས་བདག། བསྒྱུར་ཏེ། ། རྩ་ཞིང་སྣ་ཚོགས་པདྨ་མཆོག་།སྣ་ཚོགས་དངོས་གྲུབ་ཐོབ་པར་འགྱུར། །དེ་དག་གི་སྙིང་པོ་ནི་འདི་རྣམས་སོ། །ོཾ་བཛྲ་པདྨ་སཾ་ཡོ་ག་སཱ་དྷ་ཡ་ཧྲིཿ ། ཨོཾ་བུདྡྷ་མ་ཀུ་ཊ་སཾ་ཡོ་ག་སཱ་དྷ་ཡ་ཤྲཱིཿ ། ཨོཾ་པདྨ་པདྨ་སཾ་ཡོ་ག་སཱ་དྷ་ཡ་དྷྀ། ཨོཾ་བི་ཤཝ་པདྨ་སཾ་ཡོ་ག་སཱ་དྷ་ཡ་སྟི། དེ་ནས་པདྨོ་རིགས་ཀྱི་གསང་བའི་ཕྱག་རྒྱ་ཆེན་པོའི་ཡེ་ཤེས་ཇི་ལྟ་བ་བཞིན་དུ་བསླབ་བོ། །སོར་མོ་རྩེ་སྤྲད་པདྨར་བྱ། ། རྡོ་རྗེ་ཁྲོ་བོའི་མཛུབ་གཉིས་སྤྲད། །རྩེ་གཉིས་ནོར་བུའི་པདྨ་ལྟར། །རྡོ་རྗེ་བསྔམས་པའང་དེ་བཞིན་ཏེ། །རྡོ་རྗེ་བཅིང་བ་བསྔམས་ནས་ཀྱང ། །གུང་མོ་གཉིས་ནི་མྱུ་གུར་བསྒྲེང ། །མཛུབ་མོ་སྲིན་ལག་གཉིས་བཀུག་པའི། །ཕྱག་རྒྱ་ཤཱཀྱ་ཐུབ་པའི་བརྟན། །ཆོས་ཀྱི་རྡོ་རྗེ་སྙིང་གར་བཞག། བསྒྱུར་ཏེ་དཔྲལ་བར་བཞག་པ་དང ། །ཏིང་ངེ་འཛིན་ཚུལ་པང་དུ་བཞག་།བསྒྱུར་ནས་སྤྱི་བོར་བཞག་པར་བྱ། །རྡོ་རྗེ་དབྱིངས་ཀྱི་དབང་བཅིངས་ལ། །མཆོད་རྟེན་ ་ཚུལ་དུ་ནི། །གུང་མོ་གཉིས་ནི་བཅིངས་གྱུར་ན། །སངས་རྒྱས་པདྨ་ཡིན་པར་བཤད། །ད་ལས་མཐེ་བོ་རྡོ་རྗེ་དང ། །མཛུབ་གཉིས་རལ་གྲི་ལྕགས་ཀྱུར་བྱ། །པདྨ་རྡོ་རྗེ་འཛིན་པ་དེ། །གསང་བའི་ཕྱག་རྒྱ་ཡིན་པར་བཤད། །དེ་ལས་མཐེ་བོ་བསྣོལ་ནས་ཀྱང ། །མཛུབ་མོས་མཛུབ་མོ་རབ་བཟུང་ལ། །དྲངས་ན་རབ་དགའ་ཡིན་
236a
༄#། །པར་བཤད། །ལེགས་སོ་ཞེས་པའང་དེ་བཞིན་ཏེ། །རྡོ་རྗེ་བསྡམ་པ་དམ་བྱས་ལས། །མཐེ་བོ་གཉིས་མཉམ་བཅུག་ནས་ཀྱང ། །མཛུབ་གཉིས་རྩེ་བཀུག་རྩེ་མོ་ནི། ། དཔྲལ་བཞག་གུང་མོ་པདྨར་བྱ། །དེ་ཉིད་ལས་ནི་སྙིང་གར་ཡང ། །ཉི་མའི་དཀྱིལ་འཁོར་སྟོན་པ་དང ། །དེ་ཉིད་ལས་ནི་རྒྱལ་མཚན་བཅིང ། །ལྟག་པར་རབ་ཏུ་བརྐྱང་པར་བྱ། །རྡོ་རྗེ་བསྡམས་པ་དམ་བྱས་ལ། །མཛུབ་གཉིས་རྩེ་མོ་པདྨར་དགུག་།དེ་བཞིན་པདྨ་རལ་གྲི་སྟེ། །མཛུབ་མོ་པདྨར་བྱས་པས་སྦྱར། །རྡོ་རྗེ་བསྔམ་པ་དམ་བྱས་ལ། །མཐེ་བོ་གཡོན་པ་ནང་དུ་གཞུག། དུང་སྟེ་མཐེ་བོ་མཐོ་བར་བསྒྲེང ། །སོར་མོ་བསྐུམ་བརྐྱད་པད་མཐེའུ་ཆུང ། །དེ་ལས་ཐམས་ཅད་བཅུམ་ནས་ཀྱང ། །མཐེའུ་ཆུང་པདྨ་ལྟ་བུར་བྱ། །མཐེ་བོ་གཡས་ལ་སྦྱར་བ་ཡི། ། མཛུབ་མོར་ནོར་བུ་བགྲང་བར་བྱ། །རྡོ་རྗེ་བསྡམ་པ་དམ་བྱས་ལ། །མཐེའུ་ཆུང་པདྨ་ལྟ་བུར་བྱ། །མཛུབ་མོ་བསྒྲོང་སྟེ་གར་བྱེད་པ། །པདྨ་སྤྱན་གྱི་ཡིན་པར་བཤད། །རྡོ་རྗེ་བསྡམ་པ་དམ་བྱས་ལ། །མཐེའུ་ཆུང་པདྨ་ལྟ་བུར་བྱ། །དམ་དུ་མཛུབ་མོ་གཉིས་བཀུག་སྟེ། །མཐེ་བོ་གཉིས་ནི་གོ་ཆར་བྱ། །དེ་ལས་མཐེ་བ་གཉིས་མཆེ་བར་བྱ། །མཐེ་བ་གཉིས་ནང་དུ་གཞུག་པར་བྱ། །དེ་ནས་རབ་ཏུ་བཤད་བྱ་བ། །དམ་ཚིག་མཆོག་ནི་བླ་མེད་དེ། །རྡོ་རྗེ་ནང་དུ་བསྡམས་ནས་ཀྱང ། །མཛུབ་གཉིས་པདྨ་འདྲ་བྱས་ལ། །མཐེ་བོ་ཕན་ཚུན་བསྣོལ་བ་ནི། །
236b
གསང་བའི་སྣ་ཚོགས་དང་ང་དུ་བཤད། །དེ་བཞིན་རྡོ་རྗེ་བསྡམས་པ་ལས། །མཐེའུ་ཆུད་གུང་མོ་མཉམ་བསྒྲེད་ལ། །མཐེ་བ་མོས་རྡོ་རྗེ་སྤྱར་བ་ནི། །གཙུག་ཕུད་དབུས་ན་དེ་བཞིན་གཤེགས།། དེ་བཞིན་རྡོ་རྗེ་བསྡམས་པ་ལས། །མཐེ་བོ་པདྨ་འདྲར་བྱས་ལ། །ཁ་ནས་དབྱུང་ལྟར་བྱས་ནས་ཀྱང ། །པང་དུ་ཏིང་ངེ་འཛིན་ལྟར་གཞག་།དེ་བཞིན་རྡོ་རྗེ་བསྔམས་པ་ལས། །སོར་མོ་ཀུན་གྱི་ངོས་རྣམས་ནི། །མཉམ་པར་དམ་དུ་བསྔམས་ནས་ཀྱང ། །མཛུབ་གཉིས་རྡོ་རྗེར་མཉམ་པའོ། །དེ་བཞིན་རྡོ་རྗེ་བསྔམས་པ་ལས། །མཛུབ་གཉིས་པདྨ་འདྲར་བྱས་ལ། །མཐེ་བོ་གཉིས་ཀྱང་བསྣོལ་ནས་ནི། །གུང་མོ་གཉིས་ནི་རྩེ་སྦྱར་བཀུག་།དེ་བཞིན་རྡོ་རྗེ་བསྔམས་པ་ལས། །མཐེབ་གཉིས་རྡོ་རྗེར་རབ་སྦྱར་ལ། །མཛུབ་མོ་རལ་གྲི་ལྕགས་ཀྱུར་བྱ། །མཐེའུ་ཆུང་པདྨ་འདྲིར་བྱས་ལ། །དེ་བཞིན་དུ་ནི་བསྒྱུར་ནས་ཀྱང ། །མཛུབ་མོ་གཡོན་པ་བསྒྲེང་བ་ལ། །མཛུབ་མོ་མཐེ་བོ་རྩེ་སྦྱར་བ། །དམ་དུ་བཟུང་སྟེ་དགུག་ལྟར་བྱ། །དེ་ལ་མཛུབ་མོ་གཉིས་བཀུག་ལ། །མཐེ་བོ་གཉིས་ཀྱིས་མནན་པ་ནི། །པདྨ་དགྱེས་པ་བདག་ཉིད་ཆེ། །ལེགས་སོ་ཞེས་བྱ་སྦྱིན་བྱེད་ཀྱི། །དེ་བཞིན་རྡོ་རྗེ་བསྔམས་པ་ལས། །སོར་མོ་ཀུན་གྱི་ངོས་སྦྱར་ལ། །མཐེ་བོ་གཉིས་ཀྱིས་མནན་ནས་ནི། ། མཛུབ་མོ་མཉམ་པར་སྦྱར་བའོ། །དེ་ཉིད་སྙིང་གར་ཉི་མར་བྱ། །སྤྱི་བོར་པདྨ་རྒྱལ་མཚན་བྱ། །ཕབ་སྟ་ཁ་ཡི་འགྲམ་བཞག་པ། །པདྨ་ཆེར་དགོད་དགོད་པ་ཡིན། །རྡོ་རྗེ་ནང་དུ་བསྔམས་
237a
༄#། །བྱས་ལ། །ཆོས་ཀྱི་རྡོ་རྗེ་ཚུལ་གྱིས་ནི། །མཐེའུ་ཆུང་མཐེ་བོ་རབ་བསྙམས་པ། །འདི་ནི་སྒྲོལ་མའི་དམ་ཚིག་ཡིན། །དེ་བཞིན་རྡོ་རྗེ་བསྔམས་པ་ལས། ། མཛུབ་གུང་པདྨ་རལ་གྲིར་བྱ། །དེ་བཞིན་ནང་དུ་འཁོར་ལོར་བྱ། །ཟློས་པ་སྦྱིན་པ་དེ་བཞིན་ནོ། །དེ་བཞིན་རྡོ་རྗེ་བསྔམས་པ་ལས། །མཐེ་བ་མཛུབ་སྤྲད་དེ་གཉིས་སུ་བྱ། །དེ་ནས་སྙིང་གར་སྦྱར་བ་ནི། །གསང་བའི་སྲུང་བ་ཡིན་པར་བཤད། །དེ་བཞིན་རྡོ་རྗེ་བསྔམས་པ་ལས། །མཐེའུ་ཆུང་པདྨ་འདྲར་བྱས་ལ། །མཛུབ་གཉིས་ཤིན་ཏུ་བཀུག་ནས་ཀྱང ། །མཐེབ་གཉིས་ཕྱིར་བསྐྱེད་མཆེ་བ་ཅན། །དེ་ལས་ཁུ་ཚུར་ཚུལ་གྱིས་ནི། །མཐེབ་གཉིས་ངོས་ཀྱིས་བཙིར་བ་ཡི། །པདྨ་གསང་བའི་ཁུ་ཚུར་ཆེ། །དམ་ཚིག་མཆོག་ཏུ་རབ་བརྟག་པའོ། ། པདྨ་ལཱ་སྱེ་ལ་སོགས་པ། །དེ་དག་གཞན་རྣམས་ཀུན་གྱི་ནི། །རྡོ་རྗེ་ནང་དུ་བསྔམས་བྱས་ལ། །དེ་འདྲ་བར་ནི་བཅིང་བར་བྱ། །དེ་ནས་པདྨ་གསང་བའི་ཆོས་ཀྱི་ཕྱག་རྒྱ་ནི་འདི་ཡིན་ཏེ།་ཧཱཿ གྲཱཿ པྲཱཿ ཧྲཱཿ ། ཤཱཿ སཱཿ དྷཱཿ ཧྲཱཿ གཱཿ དྷཱཿ ཀྲཱཿ བཱཿ ། དཱཿ རཱཿ ཥྚཱཿ སཱཿ ། ལས་ཀྱི་ཕྱག་རྒྱ་མདོར་བསྡུ་ན་ཁུ་ཚུར་གཉིས་སུ་བྱའོ། །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་བརྟག་པའི་རྒྱལ་པོ་ཆན་པོ་ལས། །ཆོས་གསང་བའི་ཕྱག་རྒྱའི་དཀྱིལ་འཁོར་གྱི་ཆོ་ག་རྒྱས་པ་རྫོགས་སོ།། །།དེ་ནས་ཡང་བཅོམ་ལྡན་
237b
འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ཡེ་ཤེས་ཀྱི་དམ་ཚིག་འབྱུང་བར་བྱིན་གྱིས་བརླབས་པའི་པདྨ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པ་དམ་པ་འདི་གསུངས་སོ། །ོཾ་དྷ་རྨས་མཱ་དྷི་ཛྙཱ་ནཱ་ཏ་ཐཱ་ག་ཏ་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིགས་ཀྱི་ཆོས་འབྱུང་བའི་རང་གི་རིག་པ་དམ་པ་འདི་གསུངས་སོ། །ོཾ་བཛྲ་དྷ་རྨ་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེད་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་རཏྣ་དྷ་རྨ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ོཾ་དྷ་རྨ་རྨ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ོཾ་ཀ་རྨ་དྷ་རྨ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་ཀུན་ཏུ་སྤྱན་རས་གཟིགས་ཀྱི་དབང་པོས་ཉིད་ཀྱི་ཆོས་ཀྱི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །ཡ་ཤེས་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བར་ནི། །ཆོས་ཀྱི་ཡེ་ཤེས་ཞེས་བརྗོད་དོ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུས་བྲེ། །དེ་ཡི་དབུས་སུ་བྲི་བ་ནི། །ཡེ་ཤེས་རྡོ་རྗེ་དེ་བཞིན་གཤེགས། །དེ་ཡི་ཕྱོགས་རྣམས་ཐམས་ཅད་དུ། །སེམས་དཔའ་ཆེན་རྣམས་ཆོ་ག་བཞིན། །སྣ་ཚོགས་དབང་ཕྱུག་ལ་སོགས་པ། །ཏིང་ངེ་འཛིན་ལ་སྙོམས་ཞུགས་བྲི། །དེ་ལ་དེ་དག་
238a
༄#། །གི་སྙིང་པོ་འདི་རྣམས་སོ། །ོཾ་ཛྙཱ་ན་བུདྡྷ་ཧཱུཾ། ཨོཾ་ཛྙཱ་ན་བི་ཤཝེ་ཤཝ་རེ་ཧཱུཾ། ཨོཾ་ཛྙཱ་ན་བུ་དྡྷ་མུ་ཀུ་ཊ་ཧཱུཾ། ཨོཾ་ཛྙཱ་ན་དྷ་རྨེ་ཤཝ་རེ་ཧཱུཾ། ཨོཾ་ཛྙཱ་ན་ཨ་མོ་གྷེ་ཤཝ་རེ་ཧཱུཾ། ཨོཾ་ཛྙཱ་ན་པདྨ་བུ་དྡྷ་ཧཱུཾ།་ཨོཾ་ཛྙཱ་ན་པདྨ་བྫེ་དྷ་ར་ཧཱུཾ། ཨོཾ་ཛྙཱ་ན་པདྨ་མཱ་ར་ཧཱུཾ། ཨོཾ་ཛྙཱ་ན་པདྨ་དུ་ཥྚིཾ་ཧཱུཾ། ཨོཾ་ཛྙཱ་ན་པདྨ་བྷརྀ་ཀུ་ཊི་ཧཱུཾ། ཨོཾ་ཛྙཱ་ན་པདྨ་སུ་རྱ་ཧཱུཾ། ཨོཾ་ཛྙཱ་ན་པདྨ་ཙནྡྲ་ཧཱུཾ། ཨོཾ་ཛྙཱ་ན་པདྨ་ཧཱཾ་ས་ཧཱུཾ། ཨོཾ་ཛྙཱ་ན་པདྨ་ཏཱ་རཱ་ཧཱུཾ། ཨོཾ་ཛྙཱ་ན་པདྨ་ཀུ་མཱ་ར་ཧཱུཾ། ཨོཾ་ཛྙཱ་ན་པདྨ་ནཱ་རཱ་ཡེ་ཧཱུཾ། ཨོཾ་ཛྙཱ་ན་པདྨ་ཧཱ་སུ་ཧཱུཾ། ཨོཾ་ཛྙཱ་ན་པདྨ་ནརྀ་ཏྱེ་ཤཝ་ར་ཧཱུཾ། ཨོཾ་ཛྙཱ་ན་པདྨ་རཀྵ་ཧཱུཾ། ཨོཾ་ཛྙཱ་ན་པདྨ་ཡ་ཀྵ་ཧཱུཾ། ཨོཾ་ཛྙཱ་ན་པདྨ་མུ་ཥྚི་ཧཱུཾ། ཨོཾ་ཛྙཱ་ན་པདྨ་ལཱ་སྱེ་ཧཱུཾ། ཨོཾ་ཛྙཱ་ན་པདྨ་མཱ་ལེ་ཧཱུཾ། ཨོཾ་ཛྙཱ་ན་པདྨ་ཀཱི་ཏྱེ་ཧཱུཾ། ཨོཾ་ཛྙཱ་ན་པདྨ་ནརྀ་ཏྱེ་ཧཱུཾ། ཨོཾ་ཛྙཱ་ན་པདྨ་དྷཱུ་པེ་ཧཱུཾ། ཨོཾ་ཛྙཱ་ན་པདྨ་པུ་ཥྤེ་ཧཱུཾ། ཨོཾ་ཛྙ་ན་པདྨ་དཱི་པེ་ཧཱུཾ། ཨོཾ་ཛྙཱ་ན་པདྨ་གནྡྷེ་ཧཱུཾ། ཨོཾ་ཛྙཱ་ན་པདྨ་ཨོཾ་ཀུ་ཤ་ཧཱུཾ། ཨོཾ་ཛྙཱ་ན་པདྨ་ཨ་མོ་གྷ་པཱ་ཤ་ཧཱུཾ། ཨོཾ་ཛྙཱ་ན་པདྨ་སྥོ་ཊ་ཧཱུཾ། ཨོཾ་ཛྙཱ་ན་པདྨ་ཨཱ་བེ་ཤ་ཧཱུཾ། དེ་ནས་ཆོས་ཀྱི་དཀྱིལ་འཁོར་འདིར་དགུག་པ་ལ་སོགས་པ་ཆོ་ག་རྒྱས་པར་བྱས་ནས་ཇི་ལྟ་བ་བཞིན་དུ་བཅུག་ནས་འདི་སྐད་དུ་ཁྱོད་ཀྱིས་གཞན་སུ་ལ་ཡང་མ་བརྗོད་ཅིག་།ཁྱོད་སེམས་ཅན་དམྱལ་བར་ལྷུང་ནས་སྡུག་བསྔལ་བར་གྱུར་ཏ་རེ། དེ་ནས་དེའི་ཡེ་ཤེས་བསྐྱེད་པར་བྱ་སྟེ། འཇིག་རྟེན་དབང་ཕྱུག་སྙོམས་ཞུགས་ལ། །སྙིང་གར་པདྨ་བསྒོམས་ནས་ཀྱང ། །པདྨའི་ཏིང་འཛིན་ཐོབ་ན་ནི། །དེ་མ་ཐག་ཏུ་མྱུར་བར་ལྡིང ། །འཇིག་རྟེན་དབང་པོར་སྙོམས་ཞུགས་ལ། །དཔྲལ་བར་པདྨ་བསྒོམ་
238b
བྱས་ཏེ། །གོམས་ནས་ཤིན་ཏུ་བརྟན་གྱུར་ན། །དེ་མ་ཐག་ཏུ་མཁའ་ལ་ལྡིང ། །འཇིག་རྟེན་དབང་གི་ཏིང་འཛིན་གྱིས། །ལྕེ་ལ་པདྨ་བསྒོམས་ནས་ཀྱང ། །གྲུབ་པར་གྱུར་ན་མྱུར་བར་ཡང ། ། ནམ་མཁའ་ལ་ནི་དེ་འགྲོའོ། །འཇིག་རྟེན་དབང་གི་ཏིང་འཛིན་གྱིས། །གཙུག་ཏུ་པདྨ་བསྒོམས་ནས་ཀྱང ། །གྲུབ་པར་གྱུར་ན་མྱུར་དུ་ནི། །སྐད་ཅིག་གིས་ནི་སྟེང་དུ་ལྡིང ། །དེ་དག་གི་སྙིང་པོ་ནི་འདི་རྣམས་སོ། །ོཾ་པདྨ་ཛྙཱ་ན་ཧྲྀ་ད་ཡ་ཨཱ་པེ་ཤ། ཨོཾ་པདྨ་ཛྙཱ་ན་ཨ་བྷི་ཥེ་ཀ་ཨཱ་བེ་ཤ་།ོཾ་པདྨ་ཛྙཱ་ན་བི་དྱོ་ཏྟ་མ་ཨཱ་བེ་ཤ་།ོཾ་པདྨ་ཛྙཱ་ན་ཨུཥྞཱི་ཥ་ཨཱ་བེ་ཤ་།ནམ་མཁའ་འམ་ནི་ཕྱོགས་གཞན་དུ། །པདྨའི་དབྱིབས་ཤིག་བསྒོམས་ནས་ཀྱང ། །ཆོ་ག་འདི་ནི་གྲུབ་འགྱུར་ན། །སྐད་ཅིག་གིས་ནི་མི་སྣང་འགྱུར། །ནམ་མཁའ་འམ་ནི་ཕྱོགས་གཞན་དུ། །པདྨའི་དབྱིབས་ཤིག་བསྒོམས་ནས་ཀྱང། །དེ་ཡི་སྟེང་དུ་བདག་འདུག་པར། །སྒོམས་པར་གྱུར་ན་མི་སྣང་འགྱུར། །ནམ་མཁའ་འམ་ནི་ཕྱོགས་གཞན་དུ། །པདྨའི་དབྱིབས་ཤིག་བསྒོམས་བྱས་ལ། །གང་ཚེ་མཐོང་བ་དེ་ཚེ་བླངས། ། མི་སྣང་བར་ནི་མྱུར་དུ་འགྱུར། །ནམ་མཁའ་འམ་ནི་ཕྱོགས་གཞན་དུ། །པདྨའི་དབྱིབས་ནི་བསྒོམས་བྱས་ལ། །མཐོང་བའི་པདྨ་དེ་ཟོས་ན། །དེ་མ་ཐག་ཏུ་མི་སྣང་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་པདྨ་ཨ་ཀ་ཪྵ། ཨོཾ་པདྨར་ཐ། ཨོཾ་པདྨ་ཛྙཱ་ན་གྲ་ཧཱ་ན། ཨོཾ་པདྨ་ར་ས་ཡ་ན་ཧཱུཾ་ཕཊ། ཕྱག་རྒྱ་ཆེ་བཅིངས་པདྨ་ནི། །ཁ་དོག་དབྱིབས་རྣམས་སྣ་ཚོགས་པའི། །
239a
༄#། །དབྱིབས་དེ་ལག་པས་བཟུང་ན་ནི། །གཟུགས་རྣམས་ཐམས་ཅད་འཆང་བར་འགྱུར། །པདྨའི་ཁ་དོག་དབྱིབས་རྣམས་ནི། །སྣ་ཚོགས་པདྨའི་དབྱིབས་བྲིས་ལ་དེ་ཉིད་བསྒོམ་པ་བྱས་ན་ནི། །གཟུངས་མང་འཆང་བར་དེ་འགྱུར་རོ། །ནམ་མཁའ་འམ་ནི་ཕྱོགས་གཞན་དུ། །པདྨའི་ཁ་དོག་དབྱིབས་རྣམས་ནི། །སྣ་ཚོགས་དབྱིབས་སུ་བསྒོམས་ན་ཡང ། ། སྒྲ་ཡི་གཟུགས་སུ་དེ་འགྱུར་རོ། །པདྨའི་ཁ་དོག་དབྱིབས་རྣམས་ནི། །སྣ་ཚོགས་དབྱིབས་སུ་བྱས་ནས་ཀྱང ། །དེ་ལ་ཞོན་ནས་མཁའ་འགྲོ་ཞིང ། །ཅི་དགའ་གཟུགས་སུ་ངེས་པར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་པདྨ་དྷ་རི་བི་ཤཱ་རཱུ་པ་པྲ་བརྟ་ཡ་ཨཱ་བེ་ཤ་།ོཾ་བི་ཤཝ་པདྨ་པྲ་བརྟ་ཡ་མཱཾ། ཨོཾ་ས་མཱ་དྷི་བི་ཤཝ་པདྨ་ཨཱ་བེ་ཤ་།ོཾ་བི་ཤཝ་པདྨ་མ་ནོ་ཏ་ཀྵི་པ་ཨཱ་ཀཱ་ཤ་བི་ཤཝ་རཱུ་པཾ་ཨ་དྷི་ཏི་ཥཱ་མཱཾ། གང་ཡང་རུང་བའི་ཕྱག་རྒྱ་ཆེ། །ཏིང་ངེ་འཛིན་གྱིས་ལེགས་བཅིངས་ལ། །པདྨ་བླངས་ཏེརབ་བྱིན་ན། །གདོན་མི་ཟ་བར་དབང་དུ་འགྱུར། །གང་ཡང་རུང་བའི་དམ་ཚིག་གི་།ཕྱག་རྒྱ་ཞེས་བྱ་བཅིངས་ན་ནི། །དེ་ནི་པདྨ་བླངས་ནས་ཀྱང ། །བྱིན་པར་གྱུར་ན་དབང་དུ་འགྱུར། །ཏིང་ངེ་འཛིན་སྐྱེས་དགེ་བ་ཡི། །ཕྱག་རྒྱ་གང་ཡང་རུང་བཅིངས་ལ། །ཡེ་ཤེས་པདྨ་གང་བྱིན་པ། །དེ་ནི་དེ་ཡིས་མྱུར་དབང་འགྱུར། །གང་ཡང་རུང་བའི་དམ་ཚིག་ལྡན། །ལས་ཀྱི་ཕྱག་རྒྱ་བཅིངས་ནས་ནི། །པདྨ་བྱིན་པ་གང་ཡིན་པ། །དེ་མ་ཐག་ཏུ་དེ་དབང་འགྱུར། །དེ་ལ་དེ་དག་
239b
གི་སྙིང་པོ་ནའི་དི་རྣམས་སོ། །ོ་མཧཱ་ཛྙཱ་ན་པདྨ་ཧོ། །ོཾ་ས་མ་ཡ་པདྨ་ཧོ། །ོཾ་ཛྙཱ་ན་པདྨ་ཧོ། །ོཾ་ཀརྨ་པདྨ་ཧོ། །དེ་ནས་ཡེ་ཤེས་ཀྱི་དཀྱིལ་འཁོར་གྱི་ཕྱག་རྒྱ་ཆེན་པོའི་ཡེ་ཤེས་ལ་བསླབ་པོ། །ཆོས་ཀྱི་དཀྱིལ་འཁོར་ཚུལ་དུ་ནི། །ཕྱག་རྒྱ་ཆེན་པོ་བསྒྲུབ་པར་བྱ། །དེ་ནས་རབ་ཏུ་བཤད་བྱ་བ། །དམ་ཚིག་མཆོག་ནི་བསྒྲུབ་བྱ་སྟེ། །ཆོས་ཀྱི་དཀྱིལ་འཁོར་ཚུལ་དུ་ནི། །པདྨའི་པདྨ་བཞག་པར་བྱ། །ཆོས་ཀྱི་ཁུ་ཚུར་བརྟན་བྱས་ལ། །ལས་ཀྱི་ཕྱག་རྒྱ་གཉིས་སུ་བྱ། །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་བརྟག་པའི་རྒྱལ་པོ་ཆེན་པོ་ལས། ཡེ་ཤེས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སོ།། །།དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་ལས་ཀྱི་དམ་ཚིག་འབྱུང་བར་བྱིན་གྱིས་བརླབས་པའི་པདྨ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐཱ་ག་ཏ་ཀ་རྨ་ཀྲྀ་ཧཱུཾ། དེ་ནས་ཕྱག་ན་རྡོ་རྗེས་རང་གི་ ་ཀྱི་ལས་འབྱུང་བ་རང་གི་རིག་པ་དམ་པ་འདི་གསུངས་སོ། །ོཾ་ཧཱུཾ་དྷི། དེ་ནས་བྱང་ཆུབ་སེམས་དཔའ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་རཏྣ་ཀརྨས་མ་ཡེ་ཧཱུཾ། དེ་ནས་བྱང་ཆུབ་སེམས་དཔའ་རྡོ་རྗེ་ཅན་གྱིས་རང་གི་རིག་པ་དམ་པ་འདི་གསུངས་སོ། །ོཾ་པདྨ་ཀ་རྨེ་ཧཱུཾ། དེ་ནས་བྱང་ཆུབ་སེམས་དཔའ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །
240a
༄#། །ོཾ་བི་ཤཝ་ཀ་རྨེ་ཧཱུཾ། དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་ཀྱི་དབང་པོས་ཉིད་ཀྱི་ལས་ཀྱི་དཀྱིལ་འཁོར་འདི་བཤད་དོ། །དེ་ནས་རབ་ཏུ་བཤད་བྱ་བ། །ལས་ཀྱི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བ་ནི། །པདྨའི་ལས་ཞེས་བྱ་བ་སྟེ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུས་བྲེ། །སངས་རྒྱས་ཕྱོགས་ཀུན་པདྨ་ཡི། །མཚན་མ་འཛིན་པར་ཐམས་ཅད་བྲི། །དེ་ལ་དེ་དག་གི་རིག་པའི་སྙིང་པོ་ནི་འདི་རྣམས་སོ། །ོཾ་བུ་རི་ཎི་ཧཱུཾ། བི་ཤཝ་ཀ་རྨེ་ཤཝ་རི་ཧཱུཾ། ཨོཾ་ཏ་ཐཱ་གཏེ་ཤཝ་ར་ཨ་བི་ཥེ་ཀ་ཀ་རྨ་བི་དྱ་ཧཱུཾ། ཨོཾ་དྷ་རྨ་ཀ་རྨེ་ཤཝ་ར་ཛྙཱ་ན་པཱུ་ཛཱ་ས་མ་ཡེ་ཧཱུཾ། ཨོཾ་ཨ་མོ་གྷ་ཀརྨེ་ཤཝ་རི་ཧཱུཾ། ཨོཾ་པདྨ་ཀརྨ་བུ་དྡྷེ་ཧཱུཾ། ཨོཾ་པདྨ་ཀརྨ་བྫྲི་ཎི་ཧཱུཾ། ཨོཾ་པདྨ་ཀརྨི་ཎི་མཱ་ར་ཎ་པཱུ་ཛ་ཀརྨ་ས་མ་ཡེ་ཧཱུཾ། ཨོཾ་པདྨ་ཀ་རྨ་དུ་ཥྚི་ཧཱུཾ། ཨོཾ་པདྨ་ཀ་རྨ་བྷྀ་ཀུ་ཊཱི་ཧཱུཾ་ཏྲ། ཨོཾ་པདྨ་ཀ་རྨ་སཱུ་རྱེ་ཧཱུཾ། ཨོཾ་པདྨ་ཀ་རྨ་དྷྭ་དེ་ཧཱུཾ། ཨོཾ་པདྨ་ཀ་རྨ་ཧཱ་ས་ཧཱུཾ། ཨོཾ་པདྨ་ཀ་རྨ་ཏཱ་རེ་ཧཱུཾ། ཨོཾ་པདྨ་ཀ་རྨ་ཀུ་མཱ་རི་ཧཱུཾ། ཨོཾ་པདྨ་ཀ་རྨ་ནཱ་རཱ་ཡ་ནི་ཧཱུཾ། ཨོཾ་པདྨ་ཀ་རྨ་བྲ་ཧྨི་ཧཱུཾ། ཨོཾ་པདྨ་ཀ་རྨ་ན་ཏེ་ཤཝ་རེ་ཧཱུཾ། ཨོཾ་པདྨ་ར་ཀ་རཀྵ་ཀ་རྨ་ས་མ་ཡེ་ཧཱུཾ། ཨོཾ་མ་ཧཱ་པྲ་ཙཎྜ་གཱི་ཏི་ནི་པདྨ་དཾ་ཥྚཱ་ཀ་རྨ་ཀ་རི་ཧཱུཾ། ཨོཾ་པདྨ་ཀ་རྨ་མུ་ཥྚི་ག་ཏཱ་ཡ་ཧཱུཾ། ཨོཾ་ར་ཏི་པཱུ་ཛེ་ཧཱུཾ་ཛཿ ། ཨོཾ་ཨ་བྷི་ཥ་ཀ་པཱུ་ཛེ་ཧཱུཾ་ཛ། ཨོཾ་གཱི་ཏེ་པཱུ་ཛེ་ཧཱུཾ་དྷ། ཨོཾ་ནཻ་ཝི་དྱེ་པཱུ་ཛ་ཧཱུཾ་བཾ། ཨོཾ་དྷུ་པེ་པཱུ་ཛེ་ཧཱུཾ་ཨཿ ། ཨོཾ་པུ་ཥྤ་པཱུ་ཛེ་ཧཱུཾ་ཏྲཾ། ཨོཾ་ཨཱ་ལོ་ཀེ་པཱུ་ཛེ་ཧཱུཾ་དྷིཿ ། ཨོཾ་
240b
གནྡྷེ་པཱུ་ཛ་ཧཱུཾ་བཾ། ཨོཾ་ཧ་ཡ་གྲཱི་བ་ཨ་ན་ཡ་ཧཱུཾ་ཛ། ཨོཾ་ཨ་མོ་གྷ་པཱ་ཤ་ཀྲོ་དྷ་པཱི་ཌཱ་ཡ་ཧཱུཾ་ཕཊ། ཨོཾ་པདྨ་ཤཱ་ཀ་ལ་བན་དྷེ་ཧཱུཾ་ཕཊ། ཨོཾ་པདྨ་གནྡྷེ་ཨཱ་བེ་ཤ་ཡེ་ཧཱུཾ་ཕཊ། དེ་ནས་ལས་ཀྱི་དཀྱིལ་འཁོར་འདིར་དགུག་པ་ལ་སོགས་པའི་ཆོ་ག་རྒྱས་པར་བྱས་ནས་ཇི་ལྟ་བ་བཞིན་དུ་བཅུག་སྟེ། འདི་སྐད་དུ། རིགས་ཀྱི་བུ་།ཁྱོད་ཀྱིས་ཚུལ་འདི་སུ་ལ་ཡང་མ་སྨྲ་ཞིག་།སེམས་ཅན་དམྱལ་བར་ལྟུང་བར་གྱུར་ཏ་རེ་ཞེས་བསྒོས་ཤིག་།དེ་ནས་ཡེ་ཤེས་བསྐྱེད་པར་བྱའོ། །དེ་ནས་སྡིག་པ་བཤགས་པའི་ཡེ་ཤེས་ལ་བསླབ་པར་བྱ་སྟེ། འཇིག་རྟེན་དབང་ཕྱུག་ཕྱག་རྒྱ་ཆེར། །ཤིན་ཏུ་མཉམ་གཞག་བསྒོམས་ནས་ཀྱང ། །སྡིག་རྣམས་བཤགས་པས་མྱུར་བར་ནི། །སྡིག་པ་ཀུན་ལས་དེ་འདག་འགྱུར། །འཇིག་རྟེན་དབང་གིས་ཏིང་འཛིན་གྱིས། །དམ་ཚིག་གི་ནི་མཆོག་བཅིངས་ཏེ། །སྡིག་པ་ཐམས་ཅད་བཤད་ན་ནི། །མཚམས་མེད་ལྔ་ལས་འབྱང་བར་འགྱུར། །འཇིག་རྟེན་དབང་ཕྱུག་ཅིང་འཛིན་དུ། །ཤིན་ཏུ་མཉམ་པར་གཞན་བསྒོམས་ལ། །སྡིག་པ་ཐམས་ཅད་བཤགས་ན་ནི། །སྡིག་པ་ཀུན་ཡང་རབ་ཏུ་འཇོམས། །མདོར་ན་གང་ཡང་རུང་ ་ཡི། །ལས་ཀྱི་ཕྱག་རྒྱ་ལེགས་བཅིངས་ལ། །ལས་རྣམས་ཐམས་ཅད་བཤགས་ན་ནི། །ལས་རྣམས་ཀུན་ལས་རྣམ་པར་འདག། །དེ་ལ་དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་སརྦ་རྦ་པཱ་པཾ་སཾ་ཤོ་དྷ་ན་མཧཱ་པདྨ། ཨོཾ་སརྦ་ཨཱ་ནན་ཏྱ་ཤཝ་དྷ་ན་ས་མ་ཡ་པདྨ། ཨོཾ་སརྦ་པཱ་པཾ་པྲ་ཎ་ཤ་ཎ་དྷ་རྨ་པདྨ། ཨོཾ་སརྦ་པདྨ་ཨ་
241a
༄#། །བ་ར་ཎ་བི་ཤོ་དྷ་ཀ་ཀརྨ་པདྨ། དེ་ནས་སྒྲིབ་པ་ཐམས་ཅད་ཡོངས་སུ་ཟད་པར་འགྱུར་བའི་ཡེ་ཤེས་ལ་བསླབ་བོ། །འཇིག་རྟེན་དབང་གི་ཕྱག་རྒྱ་ཆེར། །ཤིན་ཏུ་མཉམ་གཞག་བསྒོམས་བྱས་ལ། །ཤུད་དྷྱ་ཤུད་དྷྱ་ཞེས་བརྗོད་ན། །ལས་རྣམས་ཀུན་ལས་དག་པར་འགྱུར། །འཇིག་རྟེན་དབང་གི་ཏིང་འཛིན་གྱིས། །ལས་ཀྱི་དམ་ཚིག་བཅིངས་ན་ནི། །བུད་དྷྱ་བུད་དྷྱ་ཞེས་བརྗོད་ན། །ལས་རྣམས་ཀུན་ལས་དག་པར་འགྱུར། །འཇིག་རྟེན་དབང་པོར་སྙོམས་ཞུགས་ལ། །ཆོས་ཀྱི་ཕྱག་རྒྱར་བསྒོམས་ནས་ནི། །དྷི་དྷི་དྷི་དྷི་ཞེས་བརྗོད་ན། །ལས་རྣམས་ཀུན་ལས་དག་པར་འགྱུར། །འཇིག་རྟེན་དབང་པོའི་ཏིང་འཛིན་གྱིས། །ལས་ཀྱི་ཕྱག་རྒྱ་བཅིངས་ནས་ཀྱང ། །ཧཱི་ཧཱི་ཧཱི་ཧཱི་ཞེས་བརྗོད་ན། །ལས་རྣམས་ཀུན་ལས་དག་པར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་པཱ་པཾ་ཀྵ་ཡ་པདྨ། ཨོཾ་ཨཱ་བ་ར་ཎ་ཀྵ་ཡ་པདྨ། ཨོཾ་ཀརྨ་ཀྵ་ཡ་པདྨ། དེ་ནས་དེ་བཞིན་གཤེགས་པ་ཐམས་ཅད་ལ་མཆོད་པའི་ཡེ་ཤེས་ལ་བསླབ་བོ། །འཇིག་རྟེན་དབང་གི་ཕྱག་རྒྱ་ཆེར། །རབ་ཏུ་མཉམ་པར་གཞག་བཅིངས་ལ། །ོཾ་ཨོཾ་ཨོཾ་ཨོཾ་ཞེས་བརྗོད་ན། །མཆོད་པ་ཐམས་ཅད་རབ་ཏུ་བྱེད། །འཇིག་རྟེན་དབང་པོའི་ཏིང་འཛིན་གྱིས། །དམ་ཚིག་མཆོག་ནི་བཅིངས་ནས་ཀྱང ། །བྷུ་བྷུ་བྷུ་བྷུ་ཞེས་བརྗོད་ན། །སངས་རྒྱས་ཐམས་ཅད་དེ་མཆོད་འགྱུར། །འཇིག་རྟེན་དབང་པོས་སྙོམས་ཞུགས་ལ། །
241b
ཆོས་ཀྱི་པདྨ་བསྒོམས་ནས་ཀྱང ། །ཧེ་ཧེ་ཧེ་ཧེ་ཞེས་བརྗོད་ན། །སངས་རྒྱས་ཐམས་ཅད་ངེས་མཆོད་འགྱུར། །པདྨའི་ལས་ཀྱི་ཕྱག་རྒྱ་ནི། །ཤིན་ཏུ་མཉམ་པར་བཞག་བཅིངས་ལ། །དྷེ་དྷེ་དྷེ་དྷེ་ཞེས་བརྗོད་ན། །སངས་རྒྱས་ཐམས་ཅད་དེས་མཆོད་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་ཀཱ་ར་པདྨ། ཨོཾ་བྷཱུ་ཀཱ་ར་པདྨ། ཨོཾ་ཧེ་ཀ་ར་པདྨ། ཨོཾ་དྷེ་ཀཱ་ར་པདྨ། ཨོཾ་ནི་ཝ་ར་ཎ་ཀྵ་ཡ་པདྨ། དེ་ནས་དངོས་གྲུབ་ཀྱི་ཡེ་ཤེས་ལ་བསླབ་བོ། །འཇིག་རྟེན་དབང་པོ་ཕྱག་རྒྱ་ཆེར། །མཉམ་པར་གཞག་པས་བཅིངས་ནས་ཀྱང ། །ཧྲཱི་ཧྲཱི་ཧྲཱི་ཧྲཱི་ཞེས་བརྗོད་ན། །འཇིག་རྟེན་དབང་པོར་གྲུབ་པར་འགྱུར། །འཇིག་རྟེན་དབང་པོའི་ཏིང་འཛིན་གྱིས། །དམ་ཚིག་ཅེས་བྱ་བཅིངས་ནས་ཀྱང ། །ཤྲཱི་ཤྲཱི་ཤྲཱི་ཤྲཱི་ཞེས་བརྗོད་ན། །དངོས་གྲུབ་དམ་པ་འཐོབ་པར་འགྱུར། །འཇིག་རྟེན་དབང་པོའི་མཉམ་གཞག་པར། །མཉམ་པར་གཞག་པས་བསྒོམས་ནས་ཀྱང ། །དྷིག་དྷིག་དྷིག་དྷིག་ཞེས་བརྗོད་ན། །པདྨ་ཁྲོ་བོར་འགྲུབ་པར་འགྱུར། །པདྨ་ཆེན་པོ་དགེ་བ་ཡི། །ལས་ཀྱི་ཕྱག་རྒྱ་བཅིངས་ནས་ཀྱང ། །སྶི་སྶི་སྶི་སྶི་ཞེས་བརྗོད་ན། །དངོས་གྲུབ་ཐམས་ཅད་འཐོབ་པར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་ཧྲཱིཿ ་སིད་དྷྱ། ཨོཾ་ཤྲཱི་སིད་དྷྱ། ཨོཾ་དྷཱྀཀ་སིད་\?\་དྷྱ།་ཨོཾ་སི་སིད་དྷྱ། དེ་ནས་ལས་གསང་བའི་ཕྱག་རྒྱའི་ཡེ་ཤེས་ནི་འདི་ཡིན་ཏེ། འཇིག་རྟེན་དབང་པོར་སྙོམས་ཞུགས་ལ། །བུད་མེད་ཀུན་དང་རྩེ་བྱེད་ཅིང ། ། ཧོ་སུ་ཁ་ཞེས་བརྗོད་ན་\?\་
242a
༄#། །སངས་རྒྱས་ཐམས་ཅད་དེས་མཆོད་འགྱུར། །འཇིག་རྟེན་དབང་པོར་སྙོམས་ཞུགས་ལ། །བུད་མེད་ཀུན་དང་རྩེ་བྱེད་ཅིང ། །པྲི་ཡ་པྲི་ཡ་ཞེས་བརྗོད་ན། །སངས་རྒྱས་བཅོམ་ལྡན་འདས་དགྱེས་སོ། །འཇིག་རྟེན་དབང་པོར་སྙོམས་ཞུགས་ལ། །བུད་མེད་ཀུན་དང་རྩེ་བྱེད་ཅིང ། ། ཧོ་ར་ཏི་ཞེས་བརྗོད་ན། །དེ་ནི་རྟག་ཏུ་དགའ་བར་འགྱུར། །འཇིག་རྟེན་དབང་པོར་སྙོམས་ཞུགས་ལ། །བུད་མེད་ཀུན་དང་རྩེ་བྱེད་ཅིང ། །སུ་ཁ་སུ་ཁ་ཞེས་བརྗོད་ན། །དེ་ཡི་བདེ་བ་ཉམས་མི་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་སརྦ་བུདྡྷ་བཱུ་ཛ་པྲ་\?\་བརྟན་པདྨ། ཨོཾ་པྲཱི་ཏི་ཀཱ་ར་པདྨ། ཨོཾ་ར་ཏི་པྲ་བརྟན་པདྨ། ཨོཾ་མཧཱ་སུ་ཁ་པདྨ་དྲྀ་ཌྷ་ཧཱུཾ། དེ་ནས་ལས་ཀྱི་ཕྱག་རྒྱ་ཆེན་པོ་ཇི་ལྟ་བ་བཞིན་དུ་བསླབ་པར་བྱ་སྟེ། དེ་ནས་པདྨ་ཐལ་སྦྱར་ཏེ།། དམ་ཚིག་ཕྱག་རྒྱ་རྡོ་རྗེ་དགོངས། །ལས་ཀྱི་དཀྱིལ་འཁོར་ཚུལ་གྱིས་ནི། །གནས་རྣམས་ཀུན་ཏུ་བཞག་པར་བྱ། །དེ་ནས་པདྨ་རིགས་ཀྱི་ཆོས་ཀྱི་ཕྱག་རྒྱ་ནི་དྲ་ཞེས་བྱ་བ་བརྗོད་པར་བྱ།། ལས་ཀྱི་ཕྱག་རྒྱ་དེས་བསྒྲུབ་བོ། །དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་བརྟག་པའི་རྒྱལ་པོ་ཆེན་པོ་ལས་ལས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སོ།། །། དེ་ནས་ཡང་བཅོམ་ལྡན་འདས་ཀྱིས་རྡོ་རྗེ་ཆོས་ཀྱི་དམ་ཚིག་གི་ཕྱག་རྒྱ་བྱིན་གྱིས་བརླབས་པ་ཞེས་བྱ་བའི་ཏིང་འཛིན་ལ་སྙོམས་པར་ཞུགས་ནས་ཕྱག་རྒྱའི་སྙིང་པོ་འདི་གསུངས་སོ།།
242b
ོཾ་བཛྲི་དྷརྨ་པདྨ་ཧཱུཾ། དེ་ནས་ཕྱག་ན་རྡོ་རྗེས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་ཛྷི། དེ་ནས་བྱང་ཆུབ་སེམས་དཔའ་རྡོ་རྗེ་སྙིང་བོས་རང་གི་ཕྱག་རྒྱ་འདི་གསུངས་སོ། །ོཾ་བཛྲ་རཏྣ་མུ་ཀུ་ཊི་ཧཱུཾ། དེ་ནས་བྱང་ཆུབ་སེམས་དཔའ་རྡོ་རྗེ་སྤྱན་གྱིས་རང་གི་ཕྱག་རྒྱ་འདི་གསུངས་སོ། །ོཾ་དྷརྨ་པདྨ་དྷི། དེ་ནས་བྱང་ཆུབ་སེམས་དཔའ་རྡོ་རྗེ་སྣ་ཚོགས་ཀྱིས་རང་གི་ཕྱག་རྒྱ་འདི་གསུངས་སོ། །ོཾ་སརྦ་མུ་ཁེ་ཧཱུཾ།་དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་དབང་པོས་ཕྱག་རྒྱ་བཞི་པའི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །ཕྱག་རྒྱ་བཞི་མཆོག་དཀྱིལ་འཁོར་སྟེ། །རྡོ་རྗེ་དབྱིངས་དང་འདྲ་བ་དང ། །དཀྱིལ་འཁོར་ཆེན་པོར་འདྲ་བར་བྱ། །ཕྱག་རྒྱའི་དཀྱིལ་འཁོར་དབུས་སུ་ནི། །སངས་རྒྱས་གཟུགས་ནི་བཞག་པར་བྱ། །དེ་ཡི་ཕྱོགས་རྣམས་ཐམས་ཅད་དུ། །རྡོ་རྗེ་པདྨ་ལ་སོགས་བྲི། །དེ་ནས་དཀྱིལ་འཁོར་འདིར་དགུག་པ་ལ་སོགས་པའི་ཆོག་རྒྱས་པར་བྱས་ནས། ཇི་ལྟ་བ་བཞིན་དུ་བཅུག་སྟེ། འདི་སྐད་དུ། འདི་ཁྱོད་ཀྱིས་སུ་ལ་ཡང་མ་བརྗོད་ཅིག་།ཁྱོད་རྟག་ཏུ་སྡུག་བསྔལ་བར་འགྱུར་པ་དང ། མི་བདེ་བ་མ་སྦངས་བས་དུས་བྱས་ནས་སེམས་ཅན་དམྱལ་བར་ལྷུང་ང་རེ་ཞེས་བསྒོ་ཞིག་།དེ་ནས་དེ་ཡི་ཡེ་ཤེས་བསྐྱེད་པར་བྱ་སྟེ།་ལག་པས་པདྨ་བཟུང་ནས་ཀྱང ། །བསྒྲིམས་ཏེ་ལེགས་པར་བསྡམས་པར་བྱ། །དྲི་དེ་སངས་རྒྱས་རྣམས་མཆོད་ན། །མྱུར་དུ་དངོས་གྲུབ་ཐོབ་པར་འགྱུར། །མཉམ་པར་གཞག་པས་གཙུག་ཕུད་
243a
༄#། །དབུས། །སངས་རྒྱས་གཟུགས་ནི་རབ་གཞག་ལ། །འགྲོ་ཞིང་རྡོ་རྗེ་འགྱིང་བསྟན་ན། །འཇིག་རྟེན་ཐམས་ཅད་དབང་དུ་བྱེད། །པདྨ་པདྨ་ཆེན་པོའི་གཟུགས།། ཏིང་ངེ་འཛིན་འདུག་ཇི་ལྟ་བཞིན། །ཡིད་ཀྱིས་སུ་ནི་དེ་བསད་དོ། །གང་དུ་ཕོག་པར་དེ་རྒྱས་པའི། །ས་སོགས་པ་ཡི་ལས་བྱེད་དོ། །པདྨ་པདྨ་ཆེན་པོའི་གཟུགས། །པདྨ་རྒྱ་གྲམ་ཉིད་དུ་ནི། །བྱས་ཏེ་ལག་པས་བཟུང་ནས་ཀྱང ། །བསྐོར་ནས་དབབ་ལ་སོགས་དེ་བྱེད། །དེ་ནས་དེ་དག་གི་སྙིང་པོ་ནི་འདི་རྣམས་སོ། །ོཾ་བཛྲ་རཏྣ་ཧཱུཾ། ཨོཾ་སརྦྦ་ཏ་ཐཱ་ག་ཏ་ཨཱ་ཤ་པ་རི་པཱུ་ར་ཎ་མཧཱ་རཏྣ་ཧཱུཾ། ཨོཾ་བཛྲ་ཧཱུཾ་ཏྲ། ཨོཾ་གནྡྷེ་པཱུ་ཛཱ་གྲི་སཱ་དྷ་ཡ་ཧྲཱིཿ ོཾ་པདྨ་མུ་ཀུ་ཊ་ཏ་ཐཱ་ག་ཏ་བ་ཤཾ་ཀུ་རུ་སརྦཱ་ན་ལོ་ཀེ་ཤཝ་ར་ཨ་བྷི་ཥེ་ཀ་ས་མ་ཡ་ཧོ། །ོཾ་པདྨ་པདྨ་མཱ་ར་ཡ་སརྦ་པྲ་ཏྱ་རྠི་ཀ་ན་ས་མཱ་དྷི་ཛྙཱ་ན་དྷརྀ་ཀ་།ོཾ་བི་ཤཝ་པདྨ་སརྦ་ཀརྨ་ཀཱ་རོ་བྷཱ་བ་ལ་ལི་ལུ་ལ་ལ་ལི་ཧཱུཾ་ཕཊ། དེ་ནས་ཕྱག་རྒྱ་གསང་བའི་ཡེ་ཤེས་ལ་བསླབ་བོ། །ཆགས་ནས་དགོས་པ་ཐམས་ཅད་ནི། ། བསྒྲུབ་པར་བྱ་སྟེ་དམ་ཚིག་འདི། །བསྒྲུབ་པར་དཀའ་བའི་ཕྱག་རྒྱ་ཡང ། །རྣལ་འབྱོར་གྱིས་ནི་མྱུར་དུ་འགྲུབ། །དེ་ལ་འདིའི་དམ་ཚིག་གི་སྙིང་པོ་ནི་འདི་རྣམས་ཡིན་ནོ། །ོཾ་སཱ་དྷ་ཡ་པདྨ་རཱ་གས་མ་ཡ་ཨ། དེ་ནས་ཕྱག་རྒྱ་ཆེན་པོ་ལ་སོགས་པ་ཕྱག་རྒྱ་ཆེན་པོ་ཐམས་ཅད་བསླབ་པར་བྱའོ། །ཕྱག་རྒྱ་བཞི་པའི་དཀྱིལ་འཁོར་གྱི་ཆོ་ག་རྒྱས་པ་རྫོགས་སོ།། །།
243b
དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་ཀྱི་དབང་པོས་འགྲོ་བ་ཐམས་ཅད་འདུལ་བ་ཞེས་བྱ་བའི་སྙིང་པོ་འདི་གསུངས་སོ། །ོཾ་སརྦཱ་ཛ་ག་ཏཱི་ནཱ་ཡ་མཧཱ་སཏྭ་ཨ། ཨཱ་གཙྪ་ཤཱི་གྷྲཾ་བི་ཤཝ་རཱུ་པཾ་སན་དྷཱ་རཱ་ཡ་མ་མེ་ཙ་སརྦ་སིད་དྷཱ་ཡ་པྲ་ཡཙྪ་ཧྲཱིཿ ། དེ་ནས་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་ཀྱི་དབང་པོས་འགྲོ་བ་ཐམས་ཅད་འདུལ་བ་ཞེས་བྱ་བའི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །འགྲོ་བ་འདུལ་བའི་དཀྱིལ་འཁོར་ཏེ། །དཀྱིལ་འཁོར་ཆེན་པོའི་ཚུལ་དུ་ནི། །ཕྱི་ཡི་དཀྱིལ་འཁོར་བྲི་བར་བྱ། །དེ་ཡི་ནང་དུ་པདྨ་ཡང ། །དེ་བཞིན་དུ་ནི་བྲི་བར་བྱ། །དེར་ནི་འདབ་མ་ཀུན་ཁྱབ་པའི། །སྣ་ཚོགས་གཟུགས་ནི་བྲི་བར་བྱ། །དེ་ནས་དཀྱིལ་འཁོར་འདིར་ཆོ་ག་རྒྱས་པ་ཇི་ལྟ་བ་བཞིན་དུ་བཅུད་ནས།་དེ་བཞིན་དུ་བསྒོ་ཏེ་འགྲོ་བ་ཐམས་ཅད་འདུལ་བའི་ཡེ་ཤེས་ལ་བསླབ་བོ། །འགྲོ་བ་འདུལ་བ་ཞེས་བྱ་བའི། །དཀྱིལ་འཁོར་ལེགས་པར་བྲིས་ནས་ཀྱང ། །ཕྱག་རྒྱ་ཆེན་པོ་བསྒོམས་ན་ནི། ། སྣ་ཚོགས་འཆད་དང་འདྲ་བར་འགྱུར། །དེ་ནས་འགྲོ་བ་འདུལ་བའི་གསང་བའི་ཕྱག་རྒྱའི་ཡེ་ཤེས་ལ་བསླབ་བོ། །སྣ་ཚོགས་གཟུགས་ཀྱི་ཏིང་འཛིན་དུ། །མཉམ་པར་གཞག་པས་བསྒོམས་ནས་ཀྱང ། །དབང་པོ་གཉིས་ནི་སྦྱར་བར་བྱ། །དཀྱིལ་འཁོར་དེ་ནི་དེ་གྲུབ་བོ། །དེ་ནས་ཕྱག་རྒྱ་ཆེན་པོ་ལ་སོགས་པ། ཕྱག་རྒྱ་བཅིང་བ་རྣམས་བསླབ་པར་བྱའོ། །དངོས་གྲུབ་རྣམས་ཀྱང་
244a
༄#། །དེ་བཞིན་ནོ། །དེ་བཞིན་དུ་རས་ལ་སོགས་བ་ལའང་བྱའོ། །ཕྱག་རྒྱ་གཞན་རྣམས་དཀྱིལ་འཁོར་གཅིག་པའི་དཀྱིལ་འཁོར་གྱི་ཚུལ་དུ་ཕྱག་རྒྱ་ལ་སོགས་པའང་དེ་བཞིན་དུ་འགྲུབ་པར་འགྱུར་རོ། །དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་དུ་འདུས་ནས་བྱང་ཆུབ་སེམས་དཔའ་སྤྱན་རས་གཟིགས་ཀྱི་དབང་པོ་ལ་ལེགས་སོ་ཞེས་བྱ་བ་བྱིན་པ། དེ་བཞིན་གཤེགས་པ་ཀུན་གྱི་གསང ། །ཐེག་པ་ཆེན་པོ་མངོན་འདུས་བ། །རྡོ་རྗེ་ཐེག་པ་བླ་མེད་ཀྱི། །མདོ་སྡེ་འདི་ནི་ལེགས་བཤད་བ། །རྡོ་རྗེ་སེམས་དཔའ་ཁྱོད་ལེགས་སོ། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ལས་ནི་ཁྱོད་ལེགས་སོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་ལས་རྟོག་པའི་རྒྱལ་པོ་ཆེན་པོ་དུམ་བུ་གསུམ་པ་རྫོགས་སོ།། །།བམ་པོ་བདུན་པ། །དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་\?\་དེ་བཞིན་གཤེགས་པ་ཐམས་ཅད་དབང་བསྐུར་བའི་རིན་པོ་ཆེ་རྡོ་རྗེ་འཛིན་པ་དེ་ཉིད་དེ། བྱང་ཆུབ་སེམས་དཔའ་ཆེན་པོ་འཕགས་པ་ནམ་མཁའི་སྙིང་པོ་ལ་མིང་བརྒྱ་རྩ་བརྒྱད་པ་\?\་གསོལ་བ་བཏབ་བོ། །ནམ་མཁའི་སྙིང་པོ་སེམས་ཅན་དོན། །སེམས་དཔའ་ཆེན་པོ་གཟི་ཆེན་པོ། །རིན་ཆེན་ཆེ་བའི་རིན་ཆེན་མཆོག་།རྡོ་རྗེ་རིན་ཆེན་ཁྱོད་ཕྱག་འཚལ། །དབང་
244b
བསྐུར་རིན་ཆེན་ཆེན་པོ་ནི། །དག་པ་ཆེ་ཞིང་དགེ་བ་ཆེ། །སངས་རྒྱས་རིན་ཆེན་རྣམ་དག་སྐུ། །རིན་ཆེན་རིན་ཆེན་ཁྱོད་ཕྱག་འཚལ། །ནམ་མཁའ་ནམ་མཁའ་ལས་བྱུང་བ། །ནམ་མཁའ་ཀུན་གྱི་འོད་ཆེ་བ། །ནམ་མཁའི་དབྱིངས་ཀྱི་ཕྱོགས་ཀུན་གྱི། །རེ་ཀུན་མཆོག་ནི་ཁྱོད་ཕྱག་འཚལ། །རིན་ཆེན་མཛོད་སྤུ་རིན་ཆེན་འབྱུང ། །སངས་རྒྱས་མཛོད་སྤུ་དེ་བཞིན་གཤེགས། ། རིན་ཆེན་ཐམས་ཅད་རབ་ཀུན་མཆོག་།རིན་ཆེན་དགོས་པ་ཁྱོད་ཕྱག་འཚལ། །རིན་ཆེན་རིན་མཆོག་གཙོ་རིན་དྲག་།དེ་བཞིན་གཤེགས་བ་ཀུན་རིན་ཆེན། །རིན་ཆེན་དམ་པ་ནམ་མཁའ་ཆེ། ། མཁའ་མཉམ་ཁྱོད་ལ་ཕྱག་འཚལ་ལོ། །རྒྱན་ཡིན་པས་ནི་མཛེས་པ་ཆེ། །མཛེས་པར་སྣང་ཞིང་རབ་མཛེས་མཛད། །དོན་ཀུན་དག་ཅིང་དག་པའི་དོན། །སྦྱིན་སྤྱོད་ཁྱོད་ལ་ཕྱག་འཚལ་ལོ། །ཆོས་རིན་ཆེན་ནི་རྣམ་དག་མཆོག་།དགེ་འདུན་རིན་ཆེན་དེ་བཞིན་གཤེགས། །དབང་བསྐུར་ཆེན་པོ་འཇིག་རྟེན་དོན། །དོན་སྦྱིན་ཁྱོད་ལ་ཕྱག་འཚལ་ལོ། །སྦྱིན་པ་རབ་སྦྱིན་སྦྱིན་པའི་མཆོག་།གཏོང་ཞིང་གཏོང་མཆོག་སྦྱིན་མཛད་པ། །སེམས་ཅན་ཀུན་དོན་དེ་ཉིད་དོན། །དོན་ཆེན་དོན་ནི་ཁྱོད་ཕྱག་འཚལ། །བསམ་པའི་རྒྱལ་པོ་གཟི་བརྗིད་ཆེ། །སྦྱིན་པའི་ཕ་རོལ་ཕྱིན་པའི་ཚུལ། །དེ་བཞིན་གཤེགས་པ་སེམས་དཔའ་ཆེ། །སངས་རྒྱས་ཀུན་ཏེ་ཁྱོད་ཕྱག་འཚལ། །དེ་བཞིན་གཤེགས་པ་རིན་ཆེན་ཆེ། །དེ་བཞིན་གཤེགས་པ་འོད་ཆེ་སྟེ། །དེ་བཞིན་གཤེགས་པ་དཔལ་ཆེན་པོ། །བཞད་ཆེན་
245a
༄#། །ཁྱོད་ལ་ཕྱག་འཚལ་ལོ། །དེ་བཞིན་གཤེགས་པ་དབང་གི་མཆོག་།དབང་ཆེན་ཁྱབ་པ་ཆེན་པོ་སྟེ། །འཇིག་རྟེན་གཙོ་བོ་འཇིག་རྟེན་མཆོག་།འཇིག་རྟེན་ཉིད་ཁྱོད་ཕྱག་འཚལ། །རིན་ཆེན་ཕུལ་ཏེ་རབ་ཀྱི་མཆོག་།རིན་ཆེན་རྒྱན་ཏེ་རིན་ཆེན་མཛོད། །རིན་ཆེན་སྣང་བས་སྣང་བ་ཆེ། །རིན་ཆེན་གྲགས་པ་ཁྱོད་ཕྱག་འཚལ། །རིན་ཆེན་ཕུང་པོ་རིན་ཆེན་དོན། །ནོར་བུ་རྡོ་རྗེ་ནོར་ཡོན་ཏན། །རིན་ཆེན་འབྱུང་བ་སྐུ་རབ་འབར། །རིན་ཆེན་སྐུ་སྟེ་ཁྱོད་ཕྱག་འཚལ། །ཆེ་ཉིད་ཤིང་སྟེ་རིན་ཆེན་དབང ། །རེ་བ་ཐམས་ཅད་སྐོང་མཛད་པ། ། བསམ་པ་ཐམས་ཅད་ལེགས་པར་མཉེས། །རིན་ཆེན་ཕུང་པོ་ཁྱོད་ཕྱག་འཚལ། །སྲིད་རྩེ་ཁྱབ་པར་བདག་ཉིད་ཀུན། །མཆོག་རབ་སྦྱིན་ཞིང་མཆོག་ཆེ་བ། །ཕུན་སུམ་ཐམས་ཅད་འབྱོར་པའོ། །རྡོ་རྗེ་སྙིང་པོ་བདག་ཕྱག་འཚལ། །མིང་བརྒྱ་རྩ་བརྒྱད་ཞི་བ་འདི། །སུ་ཡང་རུང་བ་འཆང་བྱེད་ན། །སངས་རྒྱས་ཀུན་གྱིས་དབང་བསྐུར་བ། །སྐད་ཅིག་ཏུ་ནི་སྡིག་མེད་འཐོབ། ། རིན་ཆེན་ཁྱོད་ལ་གསོལ་བ་ནི། །ནོར་འདུས་པ་ནི་བཤད་པར་མཛོད། །སངས་རྒྱས་ཀུན་གྱི་དབང་གི་མཆོག་།དེས་པའི་རིགས་ནི་བསྐྱེད་པར་མཛོད། །ད་ནས་བྱང་ཆུབ་སེམས་དཔའ་ནམ་མཁའི་སྙིང་པོས་དེ་བཞིན་གཤེགས་པ་ཐམས་ཅད་ཀྱི་བཀའ་འདི་ཐོས་ནས་དེ་བཞིན་གཤེགས་པ་ཐམས་ཅད་ཀྱི་དབང་གི་དམ་ཚིག་ཅེས་བྱ་བ་རང་གི་སྙིང་པོ་འདི་གསུངས་སོ། །ོཾ་
245b
བཛྲ་རཏྣ་ཧཱུཾ། དེ་བཞིན་གཤེགས་པ་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་ནོར་བུའི་དམ་ཚིག་ཅེས་བྱ་བའི་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐཱ་ག་ཏ་ཨཱ་ཤ་པ་རི་པཱུ་ར་ཎ་མཧཱ་རཏྣ་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིགས་འབྱུང་བའི་རིག་པ་དམ་པ་འདི་གསུངས་སོ། །ོཾ་བཛྲ་ཧཱུཾ་ཏྲ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་མ་ཎི་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིགས་འབྱུང་བའི་རིག་པ་དམ་པ་འདི་གསུངས་སོ། ། ོཾ་པདྨ་ཧྲཱིཿ ། དེ་ནས་བྱང་ཆུབ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ོཾ་བི་ཤཝ་རཏྣ་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་འཕགས་པ་ནམ་མཁའི་སྙིང་པོས་དེ་བཞིན་གཤེགས་པ་ཐམས་ཅད་ཀྱི་དབང་གི་རིན་པོ་ཆེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་སྙོམས་པར་ཞུགས་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་ཐུགས་ཀ་ནས་རྡོ་རྗེ་ནོར་བུ་རིན་པོ་ཆེ་ལྟ་བུ་འོད་ཟེར་རྣམས་བྱུང་ནས་དེ་དག་གིས་འཇིག་རྟེན་གྱི་ཁམས་ཐམས་ཅད་སྣང་བར་བྱས་ཏེ། སེམས་ཅན་ཐམས་ཅད་དེ་བཞིན་གཤེགས་པ་ཐམས་ཅད་ཀྱི་དབང་གིས་དབང་བསྐུར་ནས་ཡང་གཅིག་ཏུ་གྱུར་ཏེ་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་ནམ་མཁའི་སྙིང་པོའི་ཐུགས་ཀར་ཞུགས་སོ། །དེ་ནས་ནམ་མཁའི་
246a
༄#། །སྙིང་པོའི་ཐུགས་ལས་བཅོམ་ལྡན་འདས་ཕྱག་ན་རྡོ་རྗེ་དེ་ཉིད་ཀུན་ནས་འོད་ཟེར་འབར་བའི་སྙིང་པོ་རྡོ་རྗེ་དང ། ནོར་བུ་དང ། རིན་པོ་ཆེ་སྣ་ཚོགས་ཀྱི་དབང་བསྐུར་ལ་སོགས་པའི་བཀོད་པ་དང ། རྒྱན་གྱིས་བརྒྱན་པའི་སྐུ་རྡོ་རྗེའི་ནོར་བུའི་རིན་པོ་ཆེའི་ཕྱག་རྒྱའི་མཚན་མ་ཕྱག་ན་བསྣམས་པའི་བྱང་ཆུབ་སེམས་དབའ་ཆེན་པོའི་སྐུ་རྣམས་སུ་གྱུར་ཏེ་བྱུང་ནས་འཇིག་རྟེན་གྱི་ཁམས་ཐམས་ཅད་དུ་རིན་པོ་ཆེ་ཆེན་པོའི་ཆར་འབབ་པ་ལ་སོགས་པ་ནོར་བསྐྱེད་པ་རྣམས་ཀྱིས་སེམས་ཅན་རྣམས་མགུ་བར་བྱས་ནས་ཡང་སླར་བྱོན་ནས། བཅོམ་ལྡན་འདས་རྣམ་པར་སྣང་མཛད་ཀྱི་ཕྱོགས་ཐམས་ཅད་དུ་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་ཟླ་བའི་དཀྱིལ་འཁོར་ལ་གནས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ།། ཨེ་མའོ་སངས་རྒྱས་ཐམས་ཅད་ཀྱི། །རིན་ཆེན་ཐམས་ཅད་བསྡུས་པ་ནི། །རྡོ་རྗེ་རིན་ཆེན་རིགས་ཉིད་དུ། །འགྲོ་བའི་དོན་དུ་འདི་གྱུར་ཏོ། །དེ་ནས་བྱང་ཆུབ་སེམས་དཔའ་ཆེན་པོ་ནམ་མཁའི་སྙིང་པོས་རང་གི་རིགས་བསྐྱེད་ནས་དེ་བཞིན་གཤེགས་པ་ཐམས་ཅད་བསམ་པ་ཐམས་ཅད་ཡོངས་སུ་རྫོགས་པར་བྱེད་པ་འདི་ཕུལ་ཏེ་དོན་ཐམས་ཅད་གྲུབ་པ་ཞེས་བྱ་བའི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །རྡོ་རྗེ་དབྱིངས་དང་འདྲ་བ་ལ། །ཐམས་ཅད་གྲུབ་པ་ཞེས་བཤད་པ། །གྲུ་བཞི་པ་ལ་སྒོ་བཞི་པ། །
246b
རྟ་བབས་བཞིས་ནི་བརྒྱན་བ་སྟེ། །སྲད་བུ་བཞི་དང་ལྡན་པ་ལ། །དར་དང་ཕྲེང་བ་ལྔ་ལྡིས་བརྒྱན། །དཀྱིལ་འཁོར་ཆེན་པོ་གྲཝ་རྣམས་དང ། །སྒོ་ཁྱུད་ཀྱི་ནི་ནང་རྣམས་སུ། །རྡོ་རྗེ་རིན་ཆེན་སྤྲས་པར་ནི། ། ཕྱི་ཡི་དཀྱིལ་འཁོར་སྲད་བུས་བྲེ། །དེ་ཡི་ནང་དུ་རྡོ་རྗེ་ཡི། །རིན་ཆེན་ལས་བྱུང་གནས་བྱ་ཞིང ། །ཀ་བ་བརྒྱད་ཀྱི་ཚུལ་དུ་ནི། །རིན་ཆེན་སྣ་ཚོགས་འོད་འབར་བའི། །དཀྱིལ་འཁོར་ལྔར་ནི་བརྒྱན་གྱུར་བར། །དེར་ནི་སྲད་བུ་བྲེ་བར་བྱ། །རང་གི་ཕྱག་རྒྱས་བསྐོར་བ་ཡི། །དེར་ནི་སངས་རྒྱས་བཞག་པར་བྱ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་བུདྡྷ་རཏྣ་ཧཱུཾ། ཨོཾ་བཛྲ་མ་ཎི་ཧཱུཾ། ཨོཾ་བཛྲ་རཏྣ་ཨཾ་ཀུ་རུ་ཧཱུཾ། ཨོཾ་བཛྲ་རཏྣ་པདྨ་ཧཱུཾ། ཨོཾ་བཛྲ་རཏྣ་པཪྵ་ཧཱུཾ། རེ་བ་ཀུན་གྲུབ་དཀྱིལ་འཁོར་དུ། །རྡོ་རྗེ་ཤུགས་ཀྱིས་བརྒལ་ནས་ཀྱང ། །རྡོ་རྗེ་སྙིང་པོ་དེར་གནས་ཤིང ། །རིན་ཆེན་མཆོག་ནི་སྦྱིན་པར་བྲི། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམས་ཇི་བཞིན་དུ། །རིན་ཆེན་ཕྱག་རྒྱར་ལྡན་པ་ཡི། །སེམས་དཔའ་ཆེན་པོ་རྣམས་བྲི་འོ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་སརྦ་ཨརྠ་སིདྡྷི་པྲ་ད་ཧཱུཾ། ཨོཾ་བཛྲ་མ་ཎི་ཙིནྡྷྱ་ཧ་ན་ཨཱ་ཀཱ་ཤ་གརྦྷ་བྷ་ག་བཱན་སིད་དྷྱ་སིད་དྷྱ་ཧཱུཾ། ཨོཾ་རཏྣ་ཨཾ་ཀུ་ཤ་ཨ་ཀཪྵ་ཡ་སརྦ་ཨརྠཱ་ན་ས་མ་ཡ་ཤྲཱི་གྷྲཾ་སརྦ་ཏ་ཐཱ་ག་ཏ་སཏྭ་མ་ནུ་སྨ་ར་ཧཱུཾ། ཨོཾ་ཏི་རཱ་ག་པ་ཤཾ་ཀུ་རུ་སརྦ་ནཀྵ་ཤ་གརྦྷ་ཧཱུཾ། ཨོཾ་རཏྣ་དུཥྚི་ཧཱུཾ། རིན་ཆེན་ཕྲེང་བའི་དཀྱིལ་འཁོར་དུ། །རྡོ་རྗེ་ཤུགས་ཀྱིས་བརྒལ་ནས་ནི། །རིན་ཆེན་ཕྲེང་བ་འཛིན་པའི་
247a
༄#། །མཆོག་།ངེས་པའི་དབུས་སུ་ལེགས་པར་བྲི། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམས་ཇི་བཞིན་པར། །ནོར་བུའི་མཚན་རྣམས་ལག་ཐོགས་པའི། །སེམས་དཔའ་ཆེན་པོ་རྣམས་བྲིའོ། །དེ་དག་གི་སྙིང་པོ་ནི་འདི་རྣམས་ཡིན་ནོ། །ོཾ་རཏྣ་ཏིཥྛ་ཏྲ། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་རཏྣ་མཱ་ལེ་ཧཱུཾ། ཨོཾ་རཏྣ་མ་ཎི་སཱུ་རྱེ་ཧཱུཾ། ཨོཾ་ཙནྡྲ་མ་ཎི་དྷྭ་ཛ་སརྦཱ་ཤ་པ་རི་པཱུ་ར་ཨཱ་ཀཱ་ཤ་གརྦྷ་ཧཱུཾ། ཨོཾ་རཏྣཱཊྚ་ཧཱ་ས་ཧཱ་ས་ཧཱུཾ། རིན་ཆེན་པདྨའི་དཀྱིལ་འཁོར་དུ། །རྡོ་རྗེ་ཤུགས་ཀྱིས་བརྒལ་ནས་ནི། །རིན་ཆེན་པདྨ་འཛིན་ཁྱབ་པ། །དེ་དབུས་གནས་པར་བྲི་བར་བྱ། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམས་ཇི་བཞིན་པར། །ནོར་བུ་མཚན་མ་འཆང་བ་ཡི། །སེམས་དཔའ་ཆེན་པོ་རྣམས་བྲི་འོ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་རཏྣ་པདྨ་ཧཱུཾ། ཨོཾ་ཧེ་ག་ས་མཱ་དྷི་ཛྙ་ན་གརྦྷ་ཧཱུཾ། ཨོཾ་རཏྣ་ཀོ་ཥ་གྲ་ཧཱུཾ། ཨོཾ་མ་ཎི་ཙཀྲ་པྲ་བརྟྟྱ་ཡ་ཧཱུཾ། ཨོཾ་རཏྣ་བ་ཤི་ཧཱུཾ། རིན་ཆེན་ཆར་འབེབས་དཀྱིལ་འཁོར་དུ། །རྡོ་རྗེ་ཤུགས་ཀྱིས་བརྒལ་ནས་ནི། །རིན་ཆེན་ཆར་ནི་རབ་འབེབས་པའི། །སེམས་དཔའ་ཆེན་པོ་དེར་ཡང་བྲི། །དེ་ཡི་ཕྱོགས་རྣམས་ཐམས་ཅད་དུ། །མདོར་ན་ལག་ན་ཕྱག་རྒྱ་ཡང ། །རིན་ཆེན་མཚན་མར་ལྡན་པ་ཡི། །སེམས་དཔའ་ཆེན་རྣམས་ཆོ་ག་བཞིན། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་རཏྣ་པྲྀཥྚི་བཪྵ་ཡ་སརྦ་བརྟ་སཾ་བྷ་དྷ་བྷ་བཱན་མ་ཎི་
247b
ཧ་སྟ་ཧཱུཾ། ཨོཾ་མ་ཎི་པཱུ་ཛཱ་ས་མ་ཡ་ཧཱུཾ། ཨོཾ་མ་ཎི་བན་དྷ་ཀ་བ་ཙ་ཧཱུཾ། ཨོཾ་མ་ཎི་དཾཥྚ་ཀ་རཱ་ལ་མཧཱ་ཡཀྵ་ཧ་ར་ཧ་ར་སརྦཱ་རྠཱ་ན་ཏི་ཤ་ཡ་ཧཱུཾ། ཨོཾ་མ་ཎི་རཏྣ་བནྡྷ་ས་མ་ཡ་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །གྲཝ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམས་ཇི་བཞིན་པར། །རིན་ཆེན་ལཱ་སྱཻ་ལ་སོགས་བྲི། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་རཏྣ་ར་ཏི་ཧཱུཾ། ཨོཾ་རཏྣ་མཱ་ལེ་ཧཱུཾ། ཨོཾ་རཏྣ་གཱི་ཏྱེ་ཧཱུཾ། ཨོཾ་རཏྣ་ནརྀ་ཏྱེ་ཧཱུཾ། ཕྱི་ཡི་དཀྱིལ་འཁོར་དམ་པ་ནི། །རྡོ་རྗེ་ཤུགས་ཀྱིས་བརྒལ་ནས་ནི། །ཕྱི་ཡི་དཀྱིལ་འཁོར་གྲཝ་རྣམས་སུ། །བདུག་པའི་མཆོད་པ་ལ་སོགས་བྲི། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་རཏྣ་དྷཱུ་པེ་རཏྣེ། ཨོཾ་པུཥྤེ་མ་ཎི། ཨོཾ་རཏྣ་ཨཱ་ལོ་ཀེ། ཨོཾ་མ་ཎི་གནྡྷེ། སྒོ་རྣམས་བཞི་ཡི་དབུས་སུ་ནི། །སྒོ་བ་རྣམས་ནི་གཞག་པར་བྱ། ། དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་སརྦ་རཏྣ་ཨཱ་ཀཪྵ་ཨ་རུ་ཎ་མཧཱ་སཏྭ་བྷ་ག་བཱན་ཏྭཾ་ཨཱ་ཀཱ་ཤ་གརྦྷཾ་ཙོ་དཱ་ཡ་ཨཱ་ཀཪྵ་ཡ་ཤཱི་གྷྲཾ་ཧོ་ཛ། ཨོཾ་སརྦ་རཏྣ་པྲ་བེ་ཤ་ཡ་ས་མ་ཡ་པྲ་བེ་ཤ་ཡ་ས་མ་ཡ་མ་ཧཱ་མ་ཎི་རཱ་ཛཱ་ཀུ་ལཾ་རཏྣ་པཱ་ཤ་ཧཱུཾ། ཨོཾ་མ་ཎི་བན་དྷ་ཧཱུཾ་བཾ། ཨོཾ་མ་ཎི་རཏྣ་ཨཱ་བེ་ཤ་ཨ། དེ་ནས་དཀྱིལ་འཁོར་ཆེན་པོ་འདིར་ནོར་བུ་རིན་པོ་ཆེའི་སློབ་དཔོན་ཉིད་ཇི་ལྟ་བ་བཞིན་ཞུགས་ཏེ་ཆོ་ག་རྒྱས་པ་བདག་ཉིད་ཀྱིས་བྱས་ལ། དེ་ནས་རིན་པོ་ཆེས་བྱིན་གྱིས་བརླབས་པའི་བུམ་པ་གང་བའི་ཆུས་ནོར་བུའི་སློབ་མ་དབང་བསྐུར་སྟེ། རྡོ་རྗེ་ནོར་བུའི་
248a
༄#། །དམ་ཚིག་གི་ཕྱག་རྒྱ་བཅིངས་ལ་སྙིང་པོ་འདི་བརྗོད་དོ། །ོཾ་བཛྲ་མ་ཎི་རཏྣ་ས་མ་ཡ་བཾ། དེ་ནས་ཁ་དོག་ཇི་ལྟ་བུ་རྙེད་པའི་བླ་གོས་ཕྲག་པ་གཅིག་ཏུ་གཟར་ཏེ་དེ་དང་འདྲ་བས་མིག་གཡོགས་ལ་སྙིང་པོ་འདི་བརྗོད་དུ་བཅུག་སྟེ་གཞུག་པར་བྱའོ། །ོཾ་ཧཱུཾ་མ་ཎི་རཱ་ཛ་ཀུ་ལཾ། དེ་ནས་དེ་ལྟར་བཅུག་ནས་འདི་སྐད་དུ་ཁྱོད་ཀྱིས་འདི་སུ་ལའང་མ་བརྗོད་ཅིག། ཁྱོད་ཆེ་རབས་ཐམས་ཅད་དུ་དབུལ་པོར་གྱུར་ཏ་རེ། སྡུག་བསྔལ་ལས་མི་ཐར་བར་གྱུར་ཏ་རེ། སེམས་ཅན་དམྱལ་བར་ཡུན་རིང་བོར་གནས་པར་གྱུར་ཏ་རེ་ཞེས་བསྒོ་ལ་དམ་ཚིག་གཉིས་སུ་བྱའོ། །ཐེག་པ་ཆེན་པོ་མངོན་པར་འདུས་པའང་བརྗོད་པར་བྱའོ། །དེ་ནས་བསམ་པ་དང ། གཏེར་ཆེན་པོ་གང་ན་ཡོད། ཇི་ལྟར་ཐོབ་པར་འགྱུར་ཞེས་རྡོ་རྗེའི་ཚིག་གིས་དྲི་བར་བྱའོ། །དེ་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོས་ཐམས་ཅད་སྨྲར་སྩོལ་ཅིག་ཅེས་སྨྲས་མ་ཐག་ཏུ་གདོང་གཡོགས་པ་དཀྲོལ་ཏེ་དེ་བཞིན་གཤེགས་པ་ཐམས་ཅད་ཀྱི་དབང་གི་དམ་ཚིག་ཀྱང་བསྟན་ཏེ། བཅོམ་ལྡན་འདས་དེ་བཞིན་གཤེགས་པ་ལ་ཐུག་གི་བར་དུ་དཀྱིལ་འཁོར་ཆེན་པོ་བསྟན་པར་བྱའོ། །དེ་ནས་ཅི་འབྱོར་པས་མཆོད་པ་བྱས་ནས་དགོས་པ་ཐམས་ཅད་བསྒྲུབ་པར་བྱའོ། །དེ་ནས་ཡེ་ཤེས་གྱི་ཕྱག་རྒྱ་ནི་འདི་ཡིན་ཏེ། རྡོ་རྗེ་སྙིང་པོའི་ཕྱག་རྒྱ་ཆེ། །ཤིན་ཏུ་
248b
མཉམ་པར་བཞག་པས་བཅིངས། །གཏེར་བརྐོས་ནས་ནི་གང་དག་ན། །གཏེར་ཡོད་པ་ནི་དེ་མཐོང་འགྱུར། །དམ་ཚིག་གིས་ནི་མཆོག་བཅིངས་ལ། །གང་ན་གཏེར་རྣམས་ཡོད་གྱུར་པ། ། དེར་ནི་ཕྱག་རྒྱ་བཙིར་ན་ནི། །དེ་ཚེ་བདག་ཉིད་འབྱུང་བར་འགྱུར། །རྡོ་རྗེ་སྙིང་པོའི་ཏིང་འཛིན་དུ། །ཤིན་ཏུ་མཉམ་བཞག་བསྒོམས་ན་ནི། །གང་ན་གཏེར་རྣམས་ཡོད་བ་ཡང ། །ཡིད་ཀྱིས་ཤེས་པ་ཉིད་དུ་འགྱུར་རོ། །རྡོ་རྗེའི་སྙིང་པོའི་ཏིང་འཛིན་གྱིས། །ལས་ཀྱི་ཕྱག་རྒྱ་བཅིངས་ནས་ནི། །གང་དུ་ཕྱག་རྒྱ་བབས་གྱུར་ན། །དེ་ན་གཏེར་ཡོད་ཤེས་པར་བྱ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་མཧཱ་མ་ཎི་རཏྣ་ཨཱ་བི་ཤ་ཧཱུཾ། ཨོཾ་མ་ཎི་པིཎྜ་པ་རི་ཤ་ཡ་ཧཱུཾ། ཨོཾ་རཏྣ་ས་མཱ་དྷི་བྲཱུ་ཧི། ཨོཾ་རཏྣ་ཨཱ་བི་ཤ་དར་ཤ་ཡ་ཧཱུཾ། ཕྱག་རྒྱ་ཆེན་པོར་བསྒོམས་ན་ནི། ། གང་དུ་ལུས་ནི་ཁོར་གྱུར་པ། །དེ་ནི་རིན་ཆེན་གཏེར་ཡོད་པར། །དམ་ཚིག་ཉིད་ཀྱིས་ཤེས་པར་བྱ། །དམ་ཚིག་མཆོག་ནི་བཅིངས་ནས་ཀྱང ། །གང་དུ་བབས་ནས་གཉིས་གྱུར་པ། །དེ་ན་རིན་ཆེན་ཆེན་པོ་ཡི། །གཏེར་ཡོད་པར་ནི་ཤེས་པར་བྱ། །ཏིང་འཛིན་ཕྱག་རྒྱ་བཅིངས་ནས་ནི། །གང་ལ་བབས་པ་བདག་ཉིད་ཀྱིས། །རིན་ཆེན་ཆེན་པོ་བདག་ཉིད་ཀྱིས། །གཏེར་ནི་གང་ན་ཡོད་པར་སྨྲ། །ལས་ཀྱི་ཕྱག་རྒྱ་བཅིངས་ནས་ཀྱང ། །གང་ཚེ་ལག་གཉིས་ཕན་ཚུན་དུ། །བབས་ནས་དམ་ཚིག་བཅིངས་གྱུར་པ། །དེ་ནས་གཏེར་ནི་ཡོད་པར་བཤད། །དེ་ལ་དེ་དག་གི་སྙིང་པོ་
249a
༄#། །ནི་འདི་རྣམས་སོ། །ོཾ་མཧཱ་རཏྣ་ཀཱ་ཡ་དར་ཤ་ཡ་རཏྣ། ཨོཾ་ཨཱ་ཀཱ་ཤ་གརྦྷ་མ་ཎི་རཏྣ། ཨོཾ་སྥོཊ་སྥོཊ་ཡ་ཏྲ་ནི་དྷྲི། ཨོཾ་མ་ཎི་རཏྣ་ཛྙཱ་ན་སཝ་མཾ་\?\་ན་ས་མ་ཡ་བན་དྷ་དར་ཤ་ཡ་སཝཱཧཱ། །ཕྱག་རྒྱ་ཆེན་པོ་བསྒོམས་ནས་ནི། །དེ་བཞིན་གང་དུ་དྭོགས་གྱུར་པ། །དེ་ནས་རིན་ཆེན་འབྱུང་བ་ཡི། །གཏོར་མོད་ཡེ་ཤེས་ཤེས་པར་བྱ། །གང་དུ་དྭོགས་ཡོད་དེར་ཡང་ནི། །དམ་ཚིག་མཆོག་ནི་མཆོག་བཅིངས་ལ། །གང་ཚེ་ཉིད་ནི་གྲོལ་གྱུར་པ། །དེ་ན་གཏེར་ནི་ཡོད་པར་བཤད། །ཏིང་འཛིན་ཕྱག་རྒྱ་བཅིངས་ནས་ནི། །གང་དུ་ངེས་པར་དྭོགས་གྱུར་པ། །དེ་ན་ངེས་པར་གཏེར་ཡོད་པར། །ཡེ་ཤེས་བསྐྱེད་དེ་ཤེས་པར་བྱ། །གང་ན་ཡང་དང་ཡང་དྭོགས་པར། །ལས་ཀྱི་ཕྱག་རྒྱ་ཆོ་ག་བཞིན། །དེར་བཅིངས་དེ་ནི་གཉིས་གྱུར་པ། །གཏེར་ཡོད་པར་ནི་ཤེས་པར་བྱ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་ནི་དྷི་ཛྙཱ་ན་ཨཱ་བི་ཤ་།ོཾ་རཏྣ་ན་ས་མ་ཡ་མུཉྩ་ནི་དྷི་བན་དྷཾ། ཨོཾ་དྷརྨ་རཏྣ་བྲུ་ཧི་ནི་དྷ་ནཾ། ཨོཾ་སརྦ་ཀརྨ་ཎི་སྥོ་ཊ་ཡ་དར་ཤ་ཡ་ནི་དྷཱི་བན་དྷོ་དཱཀྵི་པ། ཕྱག་རྒྱ་ཆེན་པོར་བསྒོམས་ནས་ནི། །གཏེར་རྣམས་ཀུན་ཏུ་བཙལ་ནས་ཀྱང ། །གང་ན་གནས་པ་དེར་བབས་ན། །དེ་ན་ཡོད་པར་རྣམ་པར་བཤད། །དམ་ཚིག་མཆོག་ནི་བཅིངས་ནས་ཀྱང ། །གཏེར་རྣམས་ཀུན་ཏུ་བཙལ་ནས་ནི། །གང་ན་གནས་པ་བརྟག་གྱུར་པ། །དེ་ན་གཏེར་ནི་ཡོད་པར་བཤད།།
249b
ཏིང་འཛིན་ཕྱག་རྒྱ་བཅིངས་ནས་ནི། །གཏེར་རྣམས་ཀུན་ཏུ་བཙལ་ནས་ཀྱང ། །གང་ན་ཡོད་པར་རྟག་ཏུ་ཤེས། །དེ་ན་གཏེར་ནི་ཡོད་པར་བཤད། །ལས་ཀྱི་ཕྱག་རྒྱ་བཅིངས་ནས་ནི། །གཏེར་རྣམས་ཀུན་ཏུ་བཙལ་ནས་ཀྱང ། །གང་ན་ཡོད་པར་ལས་ཕྱག་རྒྱ། །བསྐོར་བ་དེ་ན་ཡོད་པར་བཤད། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་རཏྣ་བ་རཀྵི་ཨཱ་བེ་ཤ་།ོཾ་རཏྣ་ས་མ་ཡ་ཧྲྀ་ད་དར་ཤ་ཡ། ཨོཾ་རཏྣ་པ་རཀྵི་ཛྙཱ་ན་ཨཱ་བི་ཤ་།ོཾ་མ་ཎི་ཀརྨ་བྲཧྨ་ཡ། དེ་ནས་གསང་བའི་ཕྱག་རྒྱའི་ཡེ་ཤེས་ལ་བསླབ་པར་བྱའོ། །དབང་པོ་གཉིས་ནི་མཉམ་སྦྱོར་ལ། །གཏེར་རྣམས་ཀུན་ཏུ་ཚོལ་བྱེད་ཅིང ། །ཕྱག་རྒྱ་ཆེན་པོ་བསྒོམས་ན་ནི། །བབས་པར་གྱུར་ན་གཏེར་རྙེད་དོ། །དམ་ཚིག་མཆོག་ནི་བཅིངས་ནས་ཀྱང ། །བུད་མེད་དང་ནི་རྩེ་བྱེད་ཅིང ། །གང་དུ་ཕྱག་རྒྱ་དམ་གྱུར་པ། །དེ་ན་གཏེར་ནི་ཡོད་པར་བཤད། །དབང་པོ་གཉིས་ནི་མཉམ་སྦྱར་ན། །གཏེར་རྣམས་ཀུན་ཏུ་ཚོལ་བྱེད་ཅིང ། །ཡེ་ཤེས་ཕྱག་རྒྱ་བསྒོམས་ནས་ནི། །གཏེར་གྱི་ཡེ་ཤེས་འཇུག་པར་འགྱུར། །དབང་པོ་གཉིས་ཀྱི་ཏིང་འཛིན་གྱིས། །ལས་ཀྱི་ཕྱག་རྒྱ་བཅིངས་ནས་ནི། །གང་དུ་ཕྱག་རྒྱ་གཉིས་གྱུར་པ། །དེ་ན་གཏེར་ནི་ཡོད་པར་བཤད། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་མཧཱ་མ་ཎི་སཾ་ཡོ་གཱ་བི་ཤ། ཨོཾ་ས་མ་ཡ་སཾ་ཡོ་ག་དྲྀ་ཌྷོ་མེ་བྷ་བ། ཨོཾ་དི་ནི་ཛྙཱ་ན་ཨཱ་\?\་སཾ་ཡོག་\?\།ོཾ་སརྦ་ཀརྨ་སཾ་སྥོཊ་སི་ཡོ་ག་།དེ་ནས་ནོར་བུའི་རིགས་ཆེན་པོའི་
250a
༄#། །ཕྱག་རྒྱའི་ཡེ་ཤེས་ཐམས་ཅད་ལ་བསླབ་བོ། །དེ་ནས་ཕྱག་རྒྱ་ཆེན་པོ་འདི་ཡིན་ཏེ། །ཟླ་བའི་དཀྱིལ་འཁོར་དབུས་གནས་པར། །ཇི་ལྟ་བ་ཡི་གོ་རིམས་བཞིན། །ཕྱག་རྒྱ་ཆེན་པོ་བསྒོམས་ན་ནི། །དོན་གྱི་མཆོག་ཀུན་འགྲུབ་པར་འགྱུར། །དེ་ནས་ཕྱག་རྒྱ་ཆེན་པོ་རྣམས་ཀྱི་ལས་ནི་འདི་རྣམས་ཡིན་ནོ། །སངས་རྒྱས་ཕྱག་རྒྱ་སངས་རྒྱས་ཉིད། །རྡོ་རྗེ་སྙིང་པོས་གཉིས་རབ་འགྲུབ། །རིན་ཆེན་ལྕགས་ཀྱུས་ཀུན་སྤྱན་འདྲེན། །ནོར་བུ་དགའ་བས་རྗེས་དགར་བྱེད། །ནོར་བུ་མགུ་བས་དགྱེས་པར་བྱེད། །ནོར་བུ་ལྟ་བས་ནོར་ཐོབ་བོ། །ནོར་བུ་ཕྲེང་བས་དབང་བསྐུར་ཞིང ། །ནོར་བུ་ཉི་མས་གཟི་བརྗིད་མཆོག་།ཡིད་བཞིན་ནོར་བུས་ཇི་དགར་སྦྱིན། །རིན་ཆེན་བཞད་པས་ནོར་ཐོབ་འགྱུར། །རིན་ཆེན་ཆོས་ཀྱིས་ཆོས་ཀྱང་ཐེབ། །གཏོང་བའི་དཔལ་གྱིས་དམ་པ་རྙེད། །རིན་ཆེན་རལ་གྲིས་མཚོན་ཆེན་པོ། །རིན་ཆེན་འཁོར་ལོས་དབང་པོར་འགྱུར། །སྨྲ་བས་བཙལ་བའི་དངོས་གྲུབ་འཐོབ། །རིན་ཆེན་ཆར་གྱིས་ནོར་ཆེན་པོ། །ནོར་བུའི་མཆོད་པས་རབ་མཆོད་ཉིད། །རིན་ཆེན་ཆོས་ཀྱིས་བརྟན་པར་བྱེད། །རིན་ཆེན་མཆེ་བས་ནོར་ཐོབ་བོ། །ཁུ་ཚུར་ནོར་བུས་དངོས་གྲུབ་འཐོབ། །དེ་ནས་དཀྱིལ་འཁོར་ཆེན་པོ་འདིའི་དམ་ཚིག་གི་ཕྱག་རྒྱའི་ཡེ་ཤེས་ནི་འདི་ཡིན་ནོ། །རྡོ་རྗེ་རིན་ཆེན་ཕྱག་རྒྱས་ནི། །སངས་རྒྱས་ཀུན་གྱིས་དབང་བསྐུར་འཐོབ། །རྡོ་རྗེ་ནོར་བུ་ཆེ་བཅིངས་ནས། །རྡོ་རྗེ་རིན་
250b
ཆེན་གྲུབ་པར་འགྱུར། །རྡོ་རྗེ་གཉིས་ལས་ནོར་བུར་བྱས། །རྡོ་རྗེ་འཛིན་ལས་ནོར་འཐོབ་བོ། །དེ་ཉིད་མཐེ་བོ་རྡོ་རྗེ་ཡིས། །ནོར་བུ་སྦྱར་ཏེ་སྙིང་གར་གཞག་།མཛུབ་གཉིས་པདྨའི་ནོར་བུ་ར་བཅིངས།། འཇིག་རྟེན་དབང་གིས་ནོར་བྱིན་འགྱུར། །རྡོ་རྗེ་ལས་ནོར་སྣ་ཚོགས་ཀྱི། །ནོར་བུ་ཆེན་པོའི་རྒྱལ་མཚན་སྦྱིན། །རྡོ་རྗེ་དབྱིངས་མཛུབ་ནོར་བུ་ཡིས། །སངས་རྒྱས་རིན་ཆེན་ཉིད་འཐོབ་བོ། །མཛུབ་མོ་བསྙམས་ཏེ་ཕྱིར་བཀུག་ལ། །མཐེ་བོ་རྡོ་རྗེར་བཅིངས་པ་ཡི། །རྡོ་རྗེ་སྙིང་པོའི་ཕྱག་ལས་བྱུང ། །འདི་ནི་རྡོ་རྗེའི་ནོར་བུར་གསུངས། །འདི་ནི་བཅིངས་མ་ཐག་ཏུ་ཡང ། །རྡོ་རྗེའི་ནོར་བུ་ཆེན་པོ་འཐོབ། ། མཛུབ་གཉིས་རིན་ཆེན་འདྲར་བཅིངས་ལ། །གུང་མོ་མྱུ་གུར་བསྒྲེང་བ་སྟེ། །འདི་ནི་བཅིངས་མ་ཐག་ཏུ་ཡང ། །རང་གི་དབང་བསྐུར་ཐོབ་པར་འགྱུར། །དེ་ནས་གུང་མོ་སྲིན་ལག་དང ། །མཐེའུ་ཆུང་རྣམས་ནི་པདྨར་བྱ། །འདིས་ནི་ཀུན་ཏུ་སྤྱན་རས་གཟིགས། །མཚན་འཛིན་པས་ནི་ནོར་སྦྱིན་འགྱུར། །མཛུབ་མོ་མཐེ་བོ་མཐེའུ་ཆུང་རྣམས། །རྡོ་རྗེ་རིན་ཆེན་ཚུལ་དུ་བྱ། །གུང་མོ་གཉིས་ཀྱི་སེ་ན་མོ་སྦྱར། །སྲིན་ལག་མྱུ་གུ་འདྲ་བར་བསྒྲེང ། །རྡོ་རྗེ་བསྡམ་པ་དམ་བྱས་ལ། །མཛུབ་གཉིས་ནོར་བུར་བྱས་ནས་ཀྱང ། །མཐེབ་གཉིས་བརྐྱང་བའི་ངོས་སྙིང་གི་།དོན་ཀུན་གྲུབ་པ་སྦྱིན་པར་བྱེད། ། རྡོ་རྗེ་བསྡམ་པ་བསྡམས་ནས་ཀྱང ། །གུགྣ་མོ་གཉིས་ནི་ནོར་བུར་བྱ། །ནོར་བུ་མཚན་གྱི་ཕྱག་རྒྱ་འདི། །ནོར་བུ་ཆེན་པོ་རབ་སྦྱིན་ནོ། །དེ་ཉིད་ལས་ནི་མཛུབ་མོ་གཉིས། །ལྕགས་ཀྱུའི་ཚུལ་དུ་བྱས་པ་ནི།
251a
༄#། །དོན་ཀུན་དགུག་པའི་ཕྱག་རྒྱ་སྟེ། །ནོར་བུ་རིན་ཆེན་ལྕགས་ཀྱུར་བཤད། །དེ་ཉིད་ལས་ནི་བསྒྱུར་ནས་ཀྱང ། །མཛུབ་མོས་མཛུབ་མོ་བཟུང་ནས་ནི། །མདའ་འཕངས་པ་ཡི་ཚུལ་བྱས་ལ། །དྲངས་ནས་འགྲོ་བ་དགའ་བར་བྱེད། །དེ་ཉིད་ལས་ནི་མཛུབ་མཐེབ་གཉིས། །སྦྱར་བ་ལེགས་སོ་ཞེས་བྱ་བའོ། །དེ་ནས་མཐེབ་གཉིས་སྦྱར་བ་ཡིས། །མཛུབ་གཉིས་རྩེ་མོ་སྦྱར་བ་དང ། །མཐེ་བོ་གཉིས་ནི་དབུས་སྦྱར་ལ། །མཛུབ་གཉིས་ངོས་དང་སྦྱར་བ་ནི། །ནོར་བུ་ལྟ་བར་བཤད་པ་སྟེ། །ལྟ་བའི་དོན་རྣམས་འཕྲོག་བྱེད་པ་འོ། །དོན་ཀུན་གྲུབ་པའི་ཕྲེང་བ་ནི། །རང་གི་དབང་ནི་རབ་སྦྱིན་འགྱུར། །དེ་ཉིད་སྙིང་གར་མཐེ་བོ་གཉིས། །བསྒྲེང་སྟེ་ངོས་ཀྱི་སྦྱར་བ་ནི། །ནོར་བུ་ཉི་མའི་སྙིང་གར་གཞག་།གཟི་བརྗིད་ཆེན་པོར་རབ་སྦྱིན་འགྱུར། ། སྲིན་ལག་བསྙམས་ཏེ་བསྒྲེང་ནས་ནི། །ཕྱེ་སྟེ་སྤྱི་བོར་གཞག་པར་བྱ། །རྡོ་རྗེ་ནོར་བུ་ཆེན་པོ་གཙོ། །རེ་བ་ཐམས་ཅད་རྫོགས་བྱེད་པའོ། །དེ་ཉིད་ལས་ནི་འགྱིང་བྱེད་ཅིང ། །ཁ་འགྲམ་རྒོད་པར་བསྐོར་བ་སྟེ། །རིན་ཆེན་ཆེར་རྒོད་ཞེས་བྱ་བ། །བཞད་པས་དོན་རྣམས་ཐམས་ཅད་འགྲུབ། །ཏིང་ངེ་འཛིན་དུ་སོར་མོ་བསྒོམ། །ནོར་བུ་པདྨ་ནོར་འཆང་བའི། །དེ་ནས་མཐའ་ནས་གྲོལ་བ་ནི། །སྦྱིན་པ་ཆེན་པོ་རབ་སྦྱིན་བྱེད། །མཐེ་བོ་གཉིས་ནི་ནང་དུ་དགུག་།མཛུབ་གཉིས་ནོར་བུར་བྱས་པ་ནི། །ནོར་བུ་རལ་གྲི་ཡིན་ཏེ་མཐུས། །འགྲོ་བ་རྣམས་ཀྱི་ནོར་འཕྲོག་པའོ། །རྡོ་རྗེ་
251b
བསྡམས་ལས་འཁོར་ལོར་བྱ། །མཐེབ་གཉིས་ནང་དུ་བཅུག་ནས་ཀྱང ། །མཛུབ་གཉིས་ནོར་བུ་འདྲར་བྱས་པ། །འཁོར་ལོས་བསྒྱུར་བ་ཐོབ་པར་བྱེད། །དེ་ཉིད་ཐལ་མོའི་ཚུལ་དུ་བྱས། །ཁ་ནས་འདྲེན་པར་བྱས་པ་ནི། །དེ་བཅིངས་ནས་ནི་ངག་གིས་ཀྱང ། །རང་གི་བཀས་ནི་ནོར་འཕྲོག་འགྱུར། །རྡོ་རྗེ་ནོར་བུ་ཆེ་བཅིངས་ལ། །རིན་ཆེན་ཆར་ནི་རབ་འབེབས་ཏེ། །སོར་མོ་ཐམས་ཅད་བསྒྲེང་བ་ནི། ། ཕྱོགས་བཞི་ནས་ནི་ནོར་ཆར་འབེབས། །རྡོ་རྗེ་ནོར་བུ་ཆེ་བཅིངས་ལ། །གར་བྱས་གཙུག་ཕུད་དབུས་བཞག་ནས། །ཀུན་ལ་ཆོ་ག་བཞིན་མཆོད་ན། །རིན་ཆེན་ཀུན་གྱིས་དེ་མཆོད་འགྱུར། །དོན་ཀུན་གྲུབ་པའི་ཕྱག་རྒྱས་ནི། །མགྲིན་པའི་ཕྱོགས་སུ་འཁྱུད་པར་བྱ། །ནོར་བུ་བཅིངས་པ་ཞེས་བྱ་སྟེ། །བསྲུང་བ་ཡི་ནི་ཆོ་གར་གྲགས། །དོན་ཀུན་གྲུབ་པ་དེ་ཉིད་ལས། །གནོད་སྦྱིན་ཚུལ་དུ་ཁར་བཞག་པ། །ནོར་བུ་མཆེ་བ་ཞེས་བྱ་སྟེ། །འཇིགས་བྱེད་དོན་ཀུན་འཕྲོག་པ་ཡི། །རྡོ་རྗེ་བསྡམས་པ་དམ་བྱས་ལ། །མཛུབ་བཀུག་མཐེ་བོ་གཉིས་ཀྱིས་ནི། །ལེགས་པར་མནན་ཏེ་བཙིར་བ་ནི།། ནོར་བུའི་ཁུ་ཚུར་དངོས་གྲུབ་འཐོབ། །དམ་ཚིག་རྣམས་ཀྱི་མཆོད་མཆོག་རྣམས། །རྡོ་རྗེ་དབྱིངས་ཀྱི་ཚུལ་དུ་ནི། །ཇི་བཞིན་ནོར་བུ་ལྡན་པ་ལ། །འདི་ནི་དམ་ཚིག་མཆོག་ཏུ་བརྟགས། །གུང་མོ་ནོར་བུའི་ཚུལ་དུ་བྱ། །དེ་དག་ཉིད་ལ་རྣམ་པར་བརྟགས། །ལྕགས་ཀྱུ་གཅིག་སོགས་ཚུལ་གྱིས་ནི། །ལས་རྣམས་ཐམས་ཅད་རབ་འགྲུབ་བྱེད། །དེ་ནས་ནོར་བུ་ཆེན་པོའི་རིགས་ཀྱི་ཆོས་ཀྱི་
252a
༄#། །ཕྱག་རྒྱའི་ཡེ་ཤེས་ནི་འདི་ཡིན་ནོ། །ཧྲཿ ་གྲཿ ་ཏྲིཿ ་ཧྲཱིཿ ་ཤྲཱིཿ ་ཨིཿ ་རིཿ ་དྷྲིཿ ་དིཿ ་དྷཱིཿ ་གྲིཿ ་བིཿ ་རིཿ ་ཌཿ ་ཡཿ ་ཨཿ ་རིན་ཆེན་ཕྱག་རྒྱ་གཉིས་བྱས་ལ། ། ལས་ཀྱི་ཕྱག་རྒྱ་བྲི་བར་བྱ། །དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དམ་ཚིག་གི་རྟོག་པའི་རྒྱལ་པོ་ལས། དོན་ཐམས་ཅད་གྲུབ་པ་ཞེས་བྱ་བའི་དཀྱིལ་འཁོར་ཆེན་པོའི་ཆོ་ག་རྒྱས་པ་རྫོགས་སོ།། །།དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་དབང་བསྐུར་བའི་གཟུངས་ཀྱི་དམ་ཚིག་འབྱུང་བའི་རིན་པོ་ཆེའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་ཕྱག་རྒྱ་འདི་གསུངས་སོ། །ོཾ་བཛྲ་རྟྣ་དྷཱུ་པ་ཧཱུཾ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིགས་འབྱུང་བའི་ཕྱག་རྒྱ་འདི་གསུངས་སོ། །ོཾ་བཛྲ་ཨ་བྷི་ཥེ་ཀ་མཱ་ལེ་ཨ་བྷི་ཥིཉྩ་ས་མ་ཡེ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་ཕྱག་རྒྱ་འདི་གསུངས་སོ། །ོཾ་རྟྣ་ཨ་བྷི་ཥེ་ཀ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་ཕྱག་རྒྱ་འདི་གསུངས་སོ། །ོཾ་བཛྲ་དྷ་རྨ་ཨ་བྷི་ཥེ་ཀ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་ཕྱག་རྒྱ་འདི་གསུངས་སོ། །ོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་པཱུ་ཛཱ་ས་མ་ཡེ་ཧཱུཾ། དེ་ནས་བྱང་ཆུབ་སེམས་དཔའ་སེམས་
252b
དཔའ་ཆེན་པོ་འཕགས་པ་ནམ་མཁའི་སྙིང་པོས་རང་གི་རིགས་ཀྱི་དམ་ཚིག་གི་ཕྱག་རྒྱའི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །ཕྱག་རྒྱའི་དཀྱིལ་འཁོར་དམ་པ་སྟེ། ། རྡོ་རྗེ་དབྱིངས་དང་འདྲ་བ་ལ། །རིན་ཆེན་གསང་བ་ཞེས་བཤད་དེ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུས་བྲེ། །དེ་ཡི་དབུས་སུ་ཚུལ་བཞིན་དུ། །སངས་རྒྱས་ཕྱག་རྒྱ་བྲི་བྱ་སྟེ། །ཁྲི་ལ་གནས་པའི་ནོར་བུའི་གཙོ། །རྡོ་རྗེ་དབྱིངས་ཀྱི་མདུན་དུ་ནི། །ནོར་བུའི་ཕྲེང་བ་པདྨའི་ནོར། །ནོར་བུས་བསྐོར་བའི་ནོར་བུའི་རྣམས། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་ཏྲཾ། ཨོཾ་མ་ཎི་ས་མ་ཡེ་ཧཱུཾ། ཨོཾ་མ་ཎི་རྟྣ་ཨ་བྷི་ཥེ་ཀ་མཱ་ལེ་ཧཱུཾ། ཨོཾ་མ་ཎི་རྟྣ་པདྨ་ཧཱུཾ། ཨོཾ་མ་ཎི་རྟྣ་པྲྀ་ཏི་ས་མ་ཡེ་ཧཱུཾ། ཐམས་ཅད་གྲུབ་པའི་དཀྱིལ་འཁོར་དུ། །རྡོ་རྗེ་ཤུགས་ཀྱིས་བརྒལ་ནས་ནི། །རྡོ་རྗེ་རིན་ཆེན་དབུས་སུ་ནི། །རྡོ་རྗེ་ནོར་བུ་ཆེན་པོ་བྲི། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམས་ཇི་བཞིན་པར། །རང་གི་ཕྱག་རྒྱ་ནོར་བུར་ལྡན། །རིན་ཆེན་སློབ་དཔོན་ཉིད་ཀྱིས་བྲི། །དེ་ལ་དེ་དག་གི་ཕྱག་རྒྱ་ནི་འདི་རྣམས་སོ། །ོཾ་སརྦ་ཨཐ་སིདྡྷི་པྲ་བེ་ཤ་མྷཱ་བཛྲི་རྟྣ་ས་མ་ཡེ་མ་ཎི་སརྦ་ཨརྠཱ་ན་མེ་སཱ་དྷ་ཡ་དྷ་ར་ཎཱི་ཧཱུཾ། ཨོཾ་མ་ཎི་རྟྣ་ཨཱ་ཀ་ཪྵ་ཡེ་སཝཱ་ཧཱ། ཨོཾ་མ་ཎི་རྟྣ་ས་མ་ཡེ་ཨཾ་ཀུ་ཤ་མ་ཎི་ཀུ་ལ་ཛ། ཨོཾ་མ་ཎི་རཱ་ག་ས་མ་ཡེ་ཧཱུཾ། ཨོཾ་མ་ཎི་སཱ་དྷུ་ཧཱུཾ། དེ་བཞིན་དཀྱིལ་འཁོར་གཉིས་པར་ཡང ། །རྡོ་རྗེ་ཤུགས་ཀྱིས་བརྒལ་ནས་ནི། །
253a
༄#། །སྤྱན་གཉིས་དང་ནི་ལྡན་པ་ཡིན། །ནོར་བུ་དེ་ཡི་དབུས་སུ་བྲི། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམས་ཇི་བཞིན་པར། །ནོར་བུའི་མཚན་མར་ལྡན་པ་ཡི། །རང་གི་ཕྱག་རྒྱ་རྣམས་བྲི་འོ། །དེ་ལ་དེ་དག་གི་ཕྱག་རྒྱ་ནི་འདི་དག་གོ། །ོཾ་བཛྲ་མ་ཎི་རྟྣ་ནེ་ཏྲ་ཨཱ་ན་ཡ་བ་ཤཾ་ཀུ་རུ་སརྦ་ཨརྠ་སཾ་བྷ་དཱ་ན་ཤཱི་གྷྲཾ་ཏིཥྛ་ཨཾ་ཀུ་ཤི་ཧཱུཾ། ཨོཾ་མ་ཎི་རྟྣ་རྟྣ་མཱ་ལེ་ཨ་བྷི་ཥིཉྩ་ཧཱུཾ། ཨོཾ་མ་ཎི་རྟྣ་སཱུ་རྱ་ཛྭཱ་ལ་ཡ་སརྦ་མཧཱ་རཱ་ཛི་ནི་ཧཱུཾ། ཨོཾ་མ་ཎི་ཙྣྡྲ་དྷྭ་ཛཱ་གྲི་ཧཱུཾ། ཨོཾ་མ་ཎི་ཧཱ་སེ་ཧཱ་ས་ཧཱུཾ། རྡོ་རྗེ་ཤུགས་ཀྱིས་བརྒལ་ནས་ནི། །ནོར་བུ་པདྨ་བྲི་བར་བྱ། །དེ་ཡི་ཕྱོགས་རྣམས་ཐམས་ཅད་དུ། །ལྟག་འོག་གོ་རིམས་ཇི་བཞིན་བྱ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་མ་ཎི་ས་མཱ་དྷི་པདྨ་ནི་ཧཱུཾ། ཨོཾ་མ་ཎི་རྟྣ་དྱ་གྲ་ས་མ་ཡ་ཧཱུཾ། ཨོཾ་མ་ཎི་ས་མ་ཡ་ཀོ་ཥེ་ཧཱུཾ། ཨོཾ་མ་ཎི་ས་མ་ཡ་ཙ་ཀྲ་ཧཱུཾ། ཨོཾ་མ་ཎི་བྷཱ་ཥཱ་གྲི་ཧཱུཾ། དཀྱིལ་འཁོར་བཞི་བ་དམ་པར་ནི། །རྡོ་རྗེ་ཤུགས་ཀྱིས་བརྒལ་ནས་ཀྱང ། །རྡོ་རྗེ་རིན་ཆེན་ལྡན་པ་ཡི། ། རིན་ཆེན་ཆར་འབེབས་དེར་གནས་ཤིང ། །ལས་ཀྱི་ཕྱག་རྒྱ་ཇི་བཞིན་པས། །ཡོངས་སུ་བསྐོར་བར་བྲི་བར་བྱ། །ནོར་བུའི་མཚན་མར་ལྡན་པ་རྣམས། །ལྟག་འོག་གོ་རིམས་ཇི་བཞིན་བྱ། །དེ་ནས་དེ་དག་གི་ཕྱག་རྒྱ་ནི་འདི་རྣམས་སོ། །ོཾ་རྟྣ་བྲྀ་ཥྚི་སཱ་དྷ་ཡ་མྷཱ་མ་ཎི་ཧཱུཾ། ཨོཾ་མྷཱ་པཱུ་ཛཱ་ས་མ་ཡེ་ནེ་ཏྲ་ཨཱ། ཨོཾ་མྷཱ་པཱུ་ཛཱ་ས་མ་ན་ས་མེ་
253b
ཡེ་རཀྵ་།ོཾ་བཛྲ་མ་ཎི་རྟྣ་དཾཥྚཱ་ཀཱ་རཱ་ལེ་ཧ་ར་ཧ་ར་ཧཱུཾ། ཨོཾ་མ་ཎི་ས་མ་ཡ་མུ་ཥྚི་ཧཱུཾ། དེ་ནས་ནོར་བུ་གསང་བའི་དཀྱིལ་འཁོར་འདིར་ལས་རྣམས་ཇི་ལྟ་བ་བཞིན་དུ་བྱས་ནས་རང་གི་སློབ་མ་རྣམས་བཙུད་དེ་འདི་སྐད་དུ་བསྒོ་བར་བྱའོ། །ཁྱོད་ཀྱིས་ཚུལ་འདི་སུ་ལ་ཡང་མ་སྨྲ་ཞིག་།ཁྱོད་རབ་ཏུ་དབུལ་བ་དང ། དུས་བྱས་ནས་སེམས་ཅན་དམྱལ་བར་ལྷུང་ཏ་རེ་ཞེས་བསྒོ་ལ་རང་གི་ནོར་བུའི་དམ་ཚིག་གི་ཡེ་ཤེས་བསྐྱེད་པར་བྱའོ། །རྡོ་རྗེ་རིན་ཆེན་ཏིང་འཛིན་གྱིས། །མཁའ་ལ་རྡོ་རྗེ་རིན་ཆེན་བྲི། །བདག་ཉིད་ཀྱི་ནི་དཔྲལ་བར་ཡང ། །གཞག་ན་རྒྱལ་པོར་ངེས་པར་འགྱུར། །རིན་ཆེན་རྡོ་རྗེ་བཅིངས་ནས་ནི། །རྡོ་རྗེ་རིན་ཆེན་མཁའ་ལ་བྲི། །དབང་གི་གནས་སུ་བཞག་ན་ནི། །ངེས་པར་རྒྱལ་པོ་ཉིད་དུ་འགྱུར། །རྡོ་རྗེ་རིན་ཆེན་ཏིང་འཛིན་གྱིས། །རྡོ་རྗེ་རིན་ཆེན་མཁའ་ལ་བྲི། །ཡེ་ཤེས་རྡོ་རྗེ་དེ་བཞག་ན། །ཉིད་ཀྱིས་གྲུབ་པའི་རྒྱལ་པོར་འགྱུར། །ལས་ཀྱི་ཕྱག་རྒྱ་བཅིངས་ནས་ནི། །མཁའ་ལ་རྡོ་རྗེ་རིན་ཆེན་བྲི། །རང་གི་གནས་སུ་དེ་བཞག་ན། །ཉིད་ཀྱི་གྲུབ་པའི་རྒྱལ་པོར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །མྷཱ་བཛྲ་རྟྣ་ཨ་བྷི་ཥིཉྩ་མཾ། ས་མ་ཡ་རྟྣ་ཨ་བྷི་ཥིཉྩ་མཱཾ། དྷ་རྨ་རྟྣ་ཨ་བྷི་ཥི་ཉྩ་མཱཾ། ཀྲྨ་རྟྣ་ཨ་བྷི་ཥིཉྩ་མཱཾ། ཕྱག་རྒྱ་ཆེན་པོའི་སྙིང་གར་ནི། །རྡོ་རྗེ་རིན་ཆེན་བསྒོམ་པར་བྱ། །བསྒོམས་ནས་མངོན་པར་དབང་དུ་བསྐུར། །མཆོག་ཏུ་རྨད་དུ་བྱུང་བ་འཐོབ། མཉམ་པར་གཞག་པས་རྡོ་རྗེ་ཡི། །རིན་ཆེན་དཔྲལ་
254a
༄#། །བར་བསྒོམས་ནས་ནི། །རིན་ཆེན་རྡོ་རྗེ་བཅིངས་གྱུར་ན། །ཐམས་ཅད་ཀྱི་ནི་རྒྱལ་པོར་འགྱུར། །རྡོ་རྗེ་རིན་ཆེན་ཏིང་འཛིན་གྱིས། །ལྕེ་ལ་རྡོ་རྗེ་རིན་ཆེན་བསྒོམ། ། ཆོས་ཀྱི་རྒྱལ་པོ་ཉིད་དུ་ནི། །དབང་བསྐུར་བ་ནི་ཐོབ་པར་འགྱུར། །རབ་མཉམ་བཞག་པས་རྡོ་རྗེ་ཡི། །རིན་ཆེན་གཙུག་ཏོར་བསྒོམས་ནས་ཀྱང ། །ལས་ཀྱི་ཕྱག་རྒྱ་བཅིངས་ནས་ནི། །ལས་ལེགས་བྱེད་པའི་རྒྱལ་པོར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་བཛྲ་རྟྣ་ཧྲྀ་ད་ཡ་ཨ་བྷི་ཥི་ཉྩ་ཧོ། །ོཾ་བཛྲ་རྟྣ་ཨ་བྷི་ཥེ་ཀ་དྲ། ཨོཾ་བཛྲ་རྟྣ་ཨ་བྷི་ཥིཉྩ་བཾ། ཨོཾ་བཛྲ་རྟྣ་ཨུཥིཎཱི་ཥ་ཨ་དྷི་ཥྛཱ་ན་སཝ་མཱ་ན། ཕྱག་རྒྱ་ཆེན་པོ་བདག་ཉིད་ཀྱིས། །བསྒོམས་ན་རྡོ་རྗེ་རིན་ཆེན་ཡང ། །རས་ལ་སོགས་པར་བྲིས་ནས་ནི། །རྒྱལ་པོ་ཆེན་པོར་དེ་འགྱུར་རོ། །རྡོ་རྗེ་རིན་ཆེན་བླ་ན་མེད། ། རས་ལ་སོགས་པར་བྲི་ནས་ཀྱང ། །སེམས་དཔའ་རྡོ་རྗེ་བསྒོམས་ན་ནི། །དམ་ཚིག་རྣམས་ཀྱི་བདག་པོར་འགྱུར། །རིན་ཆེན་རྡོ་རྗེ་བདག་ཉིད་ཀྱིས། །རས་ལ་སོགས་ལ་བྲིས་ནས་ཀྱང ། །བསམ་གཏན་ཕྱག་རྒྱ་བསྒོམས་ན་ནི། །ངེས་པར་ཆོས་ཀྱི་བདག་པོར་འགྱུར། །རས་ལ་སོགས་པར་རྡོ་རྗེ་ཡི། །རིན་ཆེན་བྲིས་ནས་ལས་རྣམས་ཀྱི། །ཕྱག་རྒྱ་བསྒོམས་པར་གྱུར་ན་ནི། །བདག་ཉིད་ལས་ཀྱི་བདག་པོར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །བཛྲ་རྟྣ་བིཾ་བྷ་ཨ་དྷི་ཏི་ཥྵི། ཨོཾ་བཛྲ་རྟྣ་བིམ་བྷ་པྲ་ཏི་ཏི་ཥྵ། ཨོཾ་བཛྲ་རྟྣ་བཾ་བྷ་ཨ་བྷི་ཥེ་ཀ། བཛྲ་རྟྣ་བི་མ་བྷ་ཀུ་རུ། །གསེར་རམ་
254b
ཡང་ན་དངུལ་ཡང་རུང ། །རྡོ་རྗེ་རིན་ཆེན་བཅིངས་གྱུར་ཏ་མ། །ཡང་ན་རིན་ཆེན་གཞན་ཡང་རུང ། །སྙིང་གར་བསྒོམས་ནས་དབང་བསྐུར་འགྱུར། །རྡོ་རྗེ་རིན་ཆེན་བླ་ན་མེད། །གསེར་རམ་རིན་ཆེན་གཞན་ལས་བྱས། །རྟག་ཏུ་དཔྲལ་བར་བཞག་ན་ནི། །ནོར་ཆེ་བ་ཡི་རྒྱལ་པོར་འགྱུར། །གསེར་རམ་རིན་ཆེན་གཞན་དག་གི་།རྡོ་རྗེ་རིན་ཆེན་བསྒོམས་ནས་ཀྱང ། །རང་གི་ཁར་ཡང་བཅུག་ན་ནི། ། ཚིག་ལ་དབང་བར་དེ་འགྱུར་རོ། །གསེར་རམ་རིན་ཆེན་གཞན་དག་གི། རྡོ་རྗེ་རིན་ཆེན་བསྒོམས་ན་ནི། །གཙུག་ཏོར་དུ་ནི་ཡང་བསྒོམས་ན། །ལས་རྣམས་ཀུན་གྱི་བདག་པོར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་བཛྲ་རྟྣ་ཧྲྀ་ད་ཡ་ཨཱ་བ་ར་ཎ་ཧཱུཾ། ཨོཾ་བཛྲ་རྟྣ་ཨ་བྷི་ཥེ་ཀ་མཧཱ་ཨརྠ་པཱ་ད། ཨོཾ་བཛྲ་རྟྣ་པཱ་ཙ་པྲཱ་དེ། ཨོཾ་བཛྲ་རྟྣ་མཧཱ་ཀྲྨ་པཱ་དེ། དེ་ནས་ནོར་བུའི་རིགས་ཀྱི་དམ་ཚིག་གི་ཕྱག་རྒྱ་གསང་བའི་ཡེ་ཤེས་ལ་བསླབ་བོ། །ཕྱག་རྒྱ་ཆེན་པོར་བསྒོམས་ནས་ནི། །རྡོ་རྗེ་ནོར་བུ་ཆེ་བཅིངས་ལ། །ནོར་བུ་བུད་མེད་བུ་གར་བཅུག་།དེ་ལྟར་དངོས་གྲུབ་ཐོབ་པར་འགྱུར། ། དམ་ཚིག་མཆོག་གི་ནོར་བུ་ནི། །བུད་མེད་བུ་གར་བཅུག་ནས་ཀྱང ། །དམ་ཚིག་མཆོག་བཅིངས་ཐམས་ཅད་ཀྱི། །དབང་བསྐུར་བ་ཡི་དངོས་གྲུབ་འགྱུར། །རྡོ་རྗེ་ནོར་བུ་ཆེ་བཅིངས་ལ། །ཆོས་ཀྱི་\?\་ཕྱག་རྒྱ་བསྒོམས་ནོར་བུ། །དེ་ནི་བད་མེད་བུ་གར་བཅུག་།བླ་མེད་པ་ཡི་དངོས་གྲུབ་འགྱུར། །ལས་ཀྱི་ཕྱག་རྒྱ་ནོར་བུ་བཅིངས། །བུད་མེད་དུ་གར་ལས་ཕྱག་རྒྱ། །བཅིངས་པར་འགྱུར་ན་
255a
༄#། །ལས་ཀུན་གྱིས། །དངོས་གྲུབ་བླ་ན་མེད་པར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་མཧཱ་མ་ཎི་སིདྡྷི། ཨོཾ་ས་མ་ཡ་ཨ་བྷི་ཥེ་ཀ་སིདྡྷི། ཨོཾ་དྷ་རྨ་སིདྡྷི། ཨོཾ་ཀརྨ་སིདྡྷི། དེ་ནས་དཀྱིལ་འཁོར་འདིའི་ཕྱག་རྒྱ་ཆེན་པོ་བཅིངས་བ་བཤད་དེ། །རིན་ཆེན་རྡོ་རྗེ་མྱུ་གུར་བཅིངས། །གུང་མོ་སྲིན་ལག་མཐེའུ་ཆུང་རྣམས། །སོར་མོ་བརྐྱང་བ་བྱས་ནས་ནི།། སྤྱི་བོར་བཞག་པ་གྲུབ་མཆོག་འཐོབ། །རྡོ་རྗེ་བསྡམ་པ་བྱས་ནས་ཀྱང ། །མཛུབ་མོ་གཉིས་མདུད་མཐེབ་གཉིས་དང ། །སྲིན་ལག་རྡོ་རྗེ་བསྒྱུར་ནས་ནི། །མཛོད་སྤུར་བཞག་པ་དབང་ཐོབ་བོ། ། རྡོ་རྗེ་རིན་ཆེན་ཚུལ་བྱས་ལ། །མཛུབ་གཉིས་ངོས་དང་མཐེབ་ངོས་སྤྲད། །དེ་ཉིད་བསྒྱུར་ནས་དེ་དབང་འཐོབ། །དེ་ཉིད་མཐེབ་གཉིས་མཛུབ་གཉིས་ནི། །ཆོས་ཀྱི་རྡོ་རྗེ་ཚུལ་དུ་ནི། །བཅིངས་ནས་དཔྲལ་བར་བཞག་པ་ནི། །ཆོས་ཆེན་གྱི་ནི་དབང་བསྐུར་འགྱུར། །ལས་ཀྱི་རྡོ་རྗེ་བཅིངས་ནས་ཀྱང ། །དབང་རྣམས་ཀུན་གྱི་ཕྲེང་བ་སྟེ། །བསྒྱུར་ནས་དཔྲལ་བ་ཉིད་དུ་ཡང ། །བཞག་ན་དབང་ནི་བསྐུར་བར་འགྱུར། །རིན་ཆེན་འབྱུང་བའི་ཕྱག་རྒྱ་ནི། །རྡོ་རྗེ་དབྱིངས་སྐྱེས་དམ་ཚིག་ཀྱང ། །བཅིངས་ནས་རིན་ཆེན་དཔྲལ་བར་ནི། །བཞག་ན་དབང་ནི་བསྐུར་བར་འགྱུར། ། མཐེབ་གཉིས་ཕན་ཚུན་བསྣོལ་ནས་ནི། །མཛུབ་མོ་གཉིས་ཀྱི་རྩེ་མོ་ཡང ། །ནོར་བུ་འདྲ་བར་བཀུག་པ་ནི། །རྡོ་རྗེ་ནོར་བུ་ཆེན་པོ་འཐོབ། །རྡོ་རྗེ་བསམ། པ་བྱས་ནས་ཀྱང ། །རྡོ་རྗེ་ཁུ་ཚུར་
255b
གུང་མོ་གཉིས། །ནོར་བུ་འདྲ་བར་བྱས་ནས་ནི། །ནོར་བུ་ཕྲེང་བའི་དབང་བསྐུར་འགྱུར། །རྡོ་རྗེ་བསྡམ་པ་བྱས་ནས་ནི། །གུང་མོ་ནོར་བུ་འདྲ་ན་ལ་\?\་།མཛུབ་མོ་སྲིན་ལག་གཉིས་པདྨ། ། ཁ་བྱེ་འདྲ་བར་བྱས་པས་འགྲུབ། །གུང་མོ་གཉིས་ནི་ནོར་བུར་བཅིངས། །སོར་མོ་ཐམས་ཅད་བསྒྲེང་བ་རྣམས། །ནོར་བུ་ཉིད་དུ་བསྒོམས་ན་ནི། །འཁོར་རྣམས་མཆོག་དང་ལྡན་པར་འགྱུར།། གུང་མོ་མཐེ་བོ་རྡོ་རྗེ་ཡི། །རིན་ཆེན་ཚུལ་དུ་བྱས་ནས་ཀྱང ། །སྲིན་ལག་མཐེའུ་ཆུང་བསྙམས་པ་ཡི། །ཁར་བཞག་ལྕེ་སྟེང་ནོར་བུ་སྦྱིན། །དེ་ལ་མཛུབ་གཉིས་རྡོ་རྗེར་བྱ། །དེ་ལྟར་དེ་གཉིས་ལྕགས་ཀྱུར་བྱ། །མཛུབ་མོས་མཛུབ་མོ་དྲང་བ་དང ། །དེ་ཉིད་དགའ་བར་རབ་སྦྱིན་པའོ། །གུང་མོ་གཉིས་ནི་ནོར་བུར་བཅིང ། །མཛུབ་གཉིས་ངོས་ལ་དགུག་པ་སྟེ། །སྲིན་ལག་ངོས་གཉིས་མདུད་པ་ལ། ། མཐེབ་བོ་གཉིས་ཀྱིས་བཀབ་པ་སྟེ། །དེ་ཉིད་རྡོ་རྗེ་ཉི་མར་བསྐོར། །དཔུང་བའི་སྤྱི་བོར་བརྐྱང་བར་བྱ། །ནོར་བུའི་རྒྱལ་མཚན་སྤྱི་བོའི་རྒྱན། །བཞད་པའི་ཚུལ་དུ་བྱས་པའོ། །རྡོ་རྗེ་བསྡམ་པ་བྱས་ན་ནི། །མཛུབ་མོ་སྲིན་ལག་གྱེན་དུ་བསྒྲེང ། །དེ་དག་པདྨ་འདྲ་བར་བྱ། །གུང་མོ་གཉིས་ནི་ནོར་བུར་བྱ། །དེ་ལས་མཐའ་མར་རབ་སྦྱིན་བྱ། །རྡོ་རྗེ་རལ་གྲི་སྤྱར་བ་དང ། །རྡོ་རྗེ་འཁོར་ལོ་ཚུལ་དུ་བྱ། །དེ་ཉིད་ཁ་ནས་དབྱུང་བར་བྱ། །མཛུབ་གཉིས་རིན་ཆེན་མྱུ་གུར་བྱ། །སོར་མོ་ཐམས་ཅད་བརྐྱང་བ་དང ། །དེ་དག་སྤྱི་བོར་བཞག་པ་ནི། །རིན་ཆེན་ཆར་གྱིས་ཆར་འབེབས་སོ། །དེ་ཉིད་གོ་ཆའི་
256a
༄#། །ཚུལ་དུ་ནི། །སྙིང་གར་རིན་ཆེན་གཉིས་བྱས་པ། །མཛུབ་གཉིས་ནོར་བུ་འཛིན་མཆེ་བ། །དབུས་སུ་བསྙམས་པ་ཁུ་ཚུར་རོ། །དེ་ནས་དམ་ཚིག་གི་ཕྱག་རྒྱའི་ཡེ་ཤེས་ལ་བསླབ་པོ། །ཕྱག་རྒྱ་ཆེན་པོ་དེ་དག་ཉིད། །སྙིམ་པ་སྦྱར་བ་བཅིངས་ན་ནི། །མདོར་ན་གསང་བ་གསང་བ་ཡི། །དངོས་གྲུབ་བཞི་འགྱུར་སྦྱིན་པར་བྱེད། །ཇི་ལྟར་རྡོ་རྗེའི་གསང་བའི་སྦྱིན། །དུས་རྣམས་ཀུན་ཏུ་བཅིངས་མི་བྱ། །དེ་ནས་ཆོས་ཀྱི་ཕྱག་རྒྱའི་མདོ་བཤད་པར་བྱའོ། །ཏྲཻཿ །་གྲཻཿ །་ཏྲཻཿ །་སཻཿ །ཀྲཿ །་ཁཿ །་དྷཻཿ །་ཧཻཿ །་པྲཻཿ །་དྷཻཿ །་ཀྲཻཿ །་བཻཿ །་ཀྲཿ །་རཻཿ །ཡཿ །་མཻཿ །་གསང་བ་གསང་བའི་ཁུ་ཚུར་མཆོག་།གཉིས་སུ་བྱས་ན་ལས་ཀུན་བྱེད། །དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དམ་ཚིག་བརྟག་པའི་རྒྱལ་པོ་ཆེན་པོ་ལས། །རིན་པོ་ཆེ་ཕྱག་རྒྱའི་གསང་བའི་དཀྱིལ་འཁོར་གྱི་ཆོ་ག་རྒྱས་པ་རྫོགས་སོ།། །།དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱིས་དབང་བསྐུར་བ་མཁྱེན་པའི་དམ་ཚིག་འབྱུང་བའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཛྙཱ་ནོཏྟ་མ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རིག་བ་དམ་པ་འདི་གསུངས་སོ། །ོཾ་བཛྲ་ཛྙཱ་ན་ཨ་བྷི་ཥེ་ཀ་ས་མ་ཡ་ཧཱུཾ། དེ་ནས་བྱང་
256b
ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་མ་ཎི་རྟྣ་ཨ་བྷི་ཥེ་ཀ་ཛྙཱ་ན་ཧཱུཾ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ོཾ་དྷརྨ་ཨ་བྷི་ཥེ་ཀ་ཛྙཱ་ན་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ོཾ་སརྦ་ཨ་བྷི་ཥེ་ཀ་ཛྙཱ་ན་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོས་རང་གི་རིགས་ཀྱི་ཡེ་ཤེས་ཀྱི་དཀྱིལ་འཁོར་འདི་གསུངས་སོ། །དེ་ནས་རབ་ཏུ་བཤད་བྱ་བ། །ཡེ་ཤེས་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བ་ལ། །རིན་ཆེན་ཡེ་ཤེས་ཞེས་བཤད་དེ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུས་པྲེ། །ཆོས་ཀྱི་དཀྱིལ་འཁོར་ཚུལ་དུ་ནི། །སྙིང་གའི་མཚན་མ་བྲི་བར་བྱ། །དེ་ནས་དཀྱིལ་འཁོར་འདིའི་ཡེ་ཤེས་ཀྱི་སྙིང་པོ་ནི་འདི་རྣམས་གསུངས་སོ། །ོཾ་ཛྙཱ་ན་སརྦ་སིདྡྷི་ཛྙཱ་ན་ཧཱུཾ། ཨོཾ་མ་ཎི་ཛྙཱ་ན་ཧཱུཾ། ཨོཾ་མ་ཎི་ཛྙཱ་ན་ཨཾ་ཀུ་ཤ་ཛ། ཨོཾ་མ་ཎི་ཛྙཱ་ན་རཱ་ག་།ོཾ་མ་ཎི་ཛྙཱ་ན་དུཥྚེ། ཨོཾ་མ་ཎི་ཛྙཱ་ན་དུཥྚི་མ་ཎི་ཧཱུཾ། ཨོཾ་མ་ཎི་ཛྙཱ་ན་ཨ་བྷི་ཥེ་ཀ་།ོཾ་མ་ཎི་ཛྙཱ་ན་སཱུརྱ། ཨོཾ་མ་ཎི་ཛྙཱ་ན་དྷྭ་ཛ། ཨོཾ་མ་ཎི་ཛྙཱ་ན་ཨཊྚཱཊྚ་ཧཱ་ས། ཨོཾ་མ་ཎི་ཛྙཱ་ན་པདྨ་ཧཱུཾ། ཨོཾ་མ་ཎི་ཛྙཱ་ན་ཏྱེ་ག། ཨོཾ་མ་ཎི་ཛྙཱ་ན་ཀོ་ཥ། ཨོཾ་ཛྙཱ་ན་མ་ཎི་ཙི་ཀྲ་།ོཾ་ཛྙཱ་ན་མ་ཎི་བྷ་ཥ། ཨོཾ་ཛྙཱ་ན་མ་ཎི་རྟྣ་བྲྵ་ཧཱུཾ། ཨོཾ་མ་
257a
༄#། །ཎི་ཛྙཱ་ན་ནརྀ་དྱེ་བཱུ་ཛཱ་ས་མ་ཡེ་ཧཱུཾ། ཨོཾ་མ་ཎི་ཛྙཱ་ན་རྐྵ། ཨོཾ་མ་ཎི་ཛྙཱ་ན་ཡཀྵ། ཨོཾ་མ་ཎི་ཛྙཱ་ན་མུཥྚི། དེ་ནས་ཡང་དཀྱིལ་འཁོར་གྱི་ཆོ་ག་རྒྱས་པ་ཇི་ལྟ་བ་བཞིན་དུ་བྱས་ནས་སློབ་མ་ལ་འདི་སྐད་བསྒོ་བར་བྱའོ། །ཁྱོད་ཀྱིས་ཆོས་མ་མཐོང་བསུ་ལའང་མ་བརྗོད་ཅིག་།ཁྱོད་དངོས་གྲུབ་མ་ཐོབ་པར་མྱུར་བར་ཤི་བར་གྱུར་ཏ་རེ་ཞེས་བསྒོ་ལ་ནོར་བུའི་རིགས་ཀྱི་ཆོས་ཀྱི་ཡེ་ཤེས་བསྐྱེད་པར་བྱའོ། །ཏིང་ངེ་འཛིན་གྱིས་རས་སོགས་ལ། །རྡོ་རྗེ་སྙིང་པོ་བྲིས་ནས་ནི། །བསྒོམས་ནས་རིན་ཆེན་དོན་འབྱིན་ཅེས། །སྨྲ་ཞིང་གསོལ་བ་གདབ་པར་བྱ། ། ཏིང་ངེ་འཛིན་གྱིས་རས་སོགས་ལ། །རྡོ་རྗེ་སྙིང་པོ་བྲིས་ནས་ནི། །བསྒོམས་ནས་རིན་ཆེན་བྱིན་ཅིག་ཅེས། །ཚིག་ཏུ་སྨྲ་ཞིང་གསོལ་བ་གདབ། །རྡོ་རྗེ་སྙིང་པོ་རས་སོགས་ལ། །བྲིས་ཏེ་མཉམ་པར་བཞག་ནས་ཀྱང ། །རྣམ་པར་བསྒོམས་ཏེ་ཡེ་ཤེས་ལ། །དམ་ཆོས་སྦྱིན་ཞེས་གསོལ་བ་གདབ། །རྡོ་རྗེ་སྙིང་པོ་རས་སོགས་ལ། །མཉམ་པར་བཞག་པས་བྲིས་ནས་ཀྱང། །བསྒོམས་ནས་དམ་པའི་ལས་བྱིན་ཞེས། །ལས་ལ་གསོལ་བ་གདབ་པར་བྱ། །དེ་ནས་དེ་དག་གི་སྒྲུབ་པའི་སྙིང་པོ་ནི་འདི་རྣམས་སོ། །ོཾ་དེ་ཧི་སརྦ་ཨརྠ་བྷ་ག་བཱ་ན་བཛྲ་གརྦྷ། ཨོཾ་དེ་ཧི་སརྦ་རྟྣ་བྷ་ག་བཱན་བཛྲ་གྲྦྷ། ཨོཾ་དེ་ཧི་སཱ་དྷ་དྷ་རྨཱ་མི་བྷ་ག་བཱན་བཛྲ་གྲྦྷ་སཏྭ། ཨོཾ་དེ་ཧི་སཱ་དྷ་ཀརྨ་བྷ་ག་བཱན་བཛྲ་གྲྦྷ། ནམ་མཁའི་ཕྱོགས་སམ་ཕྱོགས་གཞན་
257b
དུ། །ནམ་མཁའི་སྙིང་པོ་ལེགས་སེམས་པ། །མཉམ་པར་བཞག་པས་བསྒོམས་ནས་སུ། །ཕུན་སུམ་ཚོགས་དོན་གསོལ་བར་བྱ། །ནམ་མཁའི་ཕྱོགས་སམ་ཕྱོགས་གཞན་དུ། །ནམ་མཁའི་སྙིང་པོ་ལེགས་སེམས་པ། །མཉམ་པར་བཞག་པས་བསྒོམས་ནས་ཀྱང ། །ནོར་བསགས་པ་ནི་གསོལ་བར་བྱ། །ནམ་མཁའི་ཕྱོགས་སམ་ཕྱོགས་གཞན་དུ། །ནམ་མཁའི་སྙིང་པོ་ལེགས་སེམས་པའི། །མཉམ་པར་གཞག་པས་བསྒོམས་ནས་ཀྱང ། །ཕུན་སུམ་ཚོགས་ནི་གསོལ་བ་གདབ། །ནམ་མཁའི་ཕྱོགས་སམ་ཕྱོགས་གཞན་དུ། །ནམ་མཁའི་སྙིང་པོ་ལེགས་སེམས་པ། །མཉམ་པར་བཞག་པས་བསྒོམས་ནས་ཀྱང ། །ལས་སོགས་པ་ནི་གསོལ་བ་གདབ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་ཛྙཱ་ན་གྲྦྷ་དེ་ཧི་སརྦ་ཨརྠ་ན། ཨོཾ་ཛྙཱ་ན་གྲྦྷ་དེ་ཧི་སརྦ་རྟྣ། ཨོཾ་ཛྙཱ་ན་གྲྦྷ་དེ་ཧི་སརྦ་དྷརྨཾ། ཨོཾ་ཛྙཱ་ན་གྲྦྷ་དེ་ཧི་སརྦ་ཀརྨ་མཱཾ། རྡོ་རྗེ་སྙིང་པོ་བྲིས་ནས་ཀྱང ། །སྙིང་གར་ཡོངས་སུ་བསྒོམ་བྱས་ལ། །གང་གི་ཚེ་ན་སྙིང་འཕར་བ། །དེ་ཚེ་གྲུབ་པས་ནོར་སྟེར་རོ། །རྡོ་རྗེ་སྙིང་པོ་དཔྲལ་བར་ནི། །བྲིས་ཏེ་རྣམ་པར་བསྒོམས་ནས་ཀྱང ། །གང་ཚེ་མགོ་བོ་འདར་གྱུར་པ། །དེས་ནི་མངོན་པར་དབང་ཐོབ་བོ། །རྡོ་རྗེ་སྙིང་པོ་ཁར་བཅུག་ལ། །དེ་ཉིད་དུ་ནི་བསྒོམས་ནས་ཀྱང ། །གང་ཚེ་དེ་ནི་བྱེད་གྱུར་པ། །དེ་ཚེ་དེས་ནི་ངག་འགྲུབ་པོ། །རྡོ་རྗེ་སྙིང་པོ་བདག་སྤྱི་བོར། །རབ་ཏུ་བཞག་སྟེ་བསྒོམས་ནས་ཀྱང ། །གང་ཚེ་དེ་ནི་འབར་གྱུར་པ། །དེ་ཚེ་
258a
༄#། །འཕང་དུ་ལྡིང་བར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་ཧྲྀ་ད་ཡ་གྲྦྷེ་དེ་ཧི་དྷ་ནཾ། ཨོཾ་རྟྣ་ཨ་བྷི་ཥེ་ཀ་གརྦྷ་ཨ་བྷི་ཥིཉྩཱ་མི། ཨོཾ་བྷ་ག་གྲྦྷ་སིདྡྷྱ། ཨོཾ་རྟྣ་གྲྦྷོ་ཥྞཱི་ཥ་ཨཱ་ཀཱ་ཤཱ་གཙྪ། རྡོ་རྗེ་སྙིང་པོ་ཕྱག་རྒྱ་ཆེ། །རབ་མཉམ་བཞག་པས་བསྒོམས་ན་ནི། །བདག་ལ་གྲུབ་སྩོལ་ཞེས་གསོལ་ལ། །ི་ལི་རྟྣ་ཞེས་བརྗོད་འགྲུབ། ནམ་མཁའི་སྙིང་པོའི་དམ་ཚིག་ནི། །རབ་མཉམ་བཞག་པས་བཅིངས་ནས་ཀྱང ། །དབང་བསྐུར་བ་ནི་གསོལ་བཏབ་ལ། །མི་ལི་རྟྣ་ཞེས་བརྗོད་འཐོབ། །རྡོ་རྗེ་སྙིང་པོ་ཏིང་འཛིན་དུ། ། རབ་མཉམ་བཞག་པས་བསྒོམས་ནས་ནི། །ཆོས་བདག་སྩོལ་ཞེས་གསོལ་བཏབ་ལ། །ཙི་ལི་རྟྣ་ཞེས་བརྗོད་འཐོབ། །ནམ་མཁའི་སྙིང་པོ་ལས་ཀྱི་མཆོག་།རབ་མཉམ་བཞག་པས་བཅིངས་ནས་ནི། །རིན་ཆེན་ཐམས་ཅད་གསོལ་བཏབ་ལ། །ཀི་ལི་རྟྣ་ཞེས་བརྗོད་འཐོབ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ོཾ་ཨི་ལི། ཨོཾ་མི་ལི། ཨོཾ་ཙི་ལི། ཨོཾ་ཀི་ལི། དེ་ནས་ནོར་བུ་ཡེ་ཤེས་གསང་བའི་ཕྱག་རྒྱའི་ཡེ་ཤེས་ལ་བསླབ་བོ། །ནམ་མཁའི་ཕྱོགས་སམ་ཕྱོགས་གཞན་དུ། །རྡོ་རྗེ་སྙིང་པོ་བསྒོམས་ནས་ནི། །དབང་པོ་གཉིས་ནི་མཉམ་སྤྲད་ན། །དངོས་གྲུབ་མཆོག་ནི་ཐོབ་པར་འགྱུར། །གཞི་ལ་རི་མོ་བྲིས་པ་བཞིན། །རྡོ་རྗེ་སྙིང་པོ་བསྒོམས་ནས་ནི། །དབང་པོ་གཉིས་ནི་མཉམ་སྦྱར་ལ། །དབང་བསྐུར་བ་ཡང་ཐོབ་
258b
པར་འགྱུར། །རྡོ་རྗེ་སྙིང་པོ་བསྒོམས་ནས་ནི། །དབང་པོ་གཉིས་ནི་མཉམ་སྦྱར་ལ། །སྡུག་པ་དེ་དང་གར་རྩེས་པ། །འཇིག་རྟེན་ཀུན་གྱིས་དེ་དགར་བྱེད། །ནམ་མཁའ་ཀུན་གྱི་རྡུལ་དབྱིབས་ཀྱིས། །རྡོ་རྗེ་སྙིང་པོ་བསྒོམས་ནས་ནི། །དབང་པོ་གཉིས་ནི་མཉམ་སྦྱོར་ལ། །ཐམས་ཅད་འགྲུབ་པར་ངེས་པར་འགྱུར། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཱ་ཀཱ་ཤ་གུ་ཧྱ་ཛྙཱ་ན་ས་མ་ཡ་ཧཱུཾ། བི་ཙི་ཏྲ་གུ་ཧྱ་ཛྙཱ་ན་ཨ་བྷི་ཥིཉྩ་ཧཱུཾ། པྲི་ཡཱ་ནུ་སྨྲི་ཏི་ཛྙཱ་གུ་ཧྱ་སརྦ་ལོ་ཀེ་རཱ་ག་ཡ་ཧཱུཾ། སརྦ་གུ་ཧྱ་ཛྙཱ་ན་སརྦ་སིདྡྷི་མྨེ་པྲ་ཡཙྪ་ཧཱུཾ། དེ་ནས་ཕྱག་རྒྱ་ཆེན་པོ་འདི་ཇི་ལྟ་བ་བཞིན་བཅིང་བར་བྱ་འོ། །དངོས་གྲུབ་ཀྱང་དེ་དང་འདྲའོ། །དེ་ནས་ཆོས་ཀྱི་དམ་ཚིག་གི་ཕྱག་རྒྱའི་ཡེ་ཤེས་ལ་བསླབ་བོ། །རྡོ་རྗེ་ནོར་བུ་ནི་རྡོ་རྗེ་ཡེ་ཤེས་ཀྱི་དཀྱིལ་འཁོར་གྱི་ཚུལ་དུ་བཞག་པར་བྱའོ། །དེ་ནས་ཆོས་ཀྱི་ཕྱག་རྒྱ་ནི་འདི་ཡིན་ནོ། །སཱ་བཱ་རཱ་སཱ་ར་ཏེ་ཀ་ཧ་དཾ་ཏི་ཧེ་བཱ་ཀ་ན་ཀ་ར་ཡ་མ། དེ་ནས་མདོར་ན་ལས་ཀྱི་ཕྱག་རྒྱ་ནི་གནས་ཅི་བཞིན་པར་གཞག་པར་བྱའོ། །དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དམ་ཚིག་གི་རྟོག་པའི་རྒྱལ་པོ་ཆེན་པོ་ལས། ཡེ་ཤེས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སོ།། །།དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བའི་ལས་ཀྱི་དམ་ཚིག་འབྱུང་བའི་བྱིན་གྱིས་བརླབས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་
259a
༄#། །ཞུགས་ནས་རང་གི་རིག་པ་དམ་པ་འདི་གསུངས་སོ། །སརྦ་ཏ་ཐཱ་ག་ཏ་ཀརྨ་ཨ་བྷི་ཥེ་ཀ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་ལས་འབྱུང་བའི་རིག་པ་དམ་པ་འདི་གསུངས་སོ། །ོཾ་བཛྲ་ཧཱུཾ་ཀཱ་ར་ཨ་བྷི་ཥ་ཀ་།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་རིག་པ་དམ་པ་འདི་གསུངས་སོ། །ོཾ་སརྦ་ཏ་ཐཱ་ག་ཏ་ས་མྣྟ་ཨ་བྷི་ཥེ་ཀ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་རིག་པ་དམ་པ་འདི་གསུངས་སོ། །ོཾ་སརྦ་དྷ་རྨ་ཨ་བྷི་ཥེ་ཀ་རྟྣ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་རིག་པ་དམ་པ་འདི་གསུངས་སོ། །ོཾ་བི་ཤཝ་ཨ་བྷི་ཥེ་ཀ་ཧཱུཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་ནམ་མཁའ་སྙིང་པོས་རང་གི་རིག་ཀྱི་དམ་ཚིག་འདི་གསུངས་སོ། །དེ་ནས་རབ་ཏུ་བཤད་བྱ་བ། །ལས་ཀྱི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བ་ལ། །རིན་ཆེན་དགོས་པ་ཞེས་བཤད་དོ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་སྲད་བུས་བྲེ། །དེ་ཡི་དབུས་སུ་ཚུལ་བཞིན་དུ། །སངས་རྒྱས་སྐུ་གཟུགས་གཞག་པར་བྱ། །སེམས་དཔའ་ཆེན་པོ་ཚུལ་གྱིས་ནི། །རིན་ཆེན་མཆོད་པ་རྣམས་བྲིའོ། །དེ་ལ་དེ་དག་གི་ཕྱག་རྒྱ་ནི་འདི་རྣམས་སོ། །
259b
ོཾ་མ་ཎི་རྟྣ་པཱུ་ཛཱ་གྲ། ཨོཾ་སརྦ་ཨརྠ་སིདྡྷི་བཛྲ་རྟྣ་ཨ་བྷི་ཥེ་ཀ་ཧཱུཾ། ཨོཾ་བཛྲ་མ་ཎི་དྷརྨ་ས་མ་ཡེ་ཧཱུཾ། ཨོཾ་མ་ཎི་རཏྣ་ཨཱ་ཀཪྵ་ཀརྨ་ས་མ་ཡེ་ཧཱུཾ། ཨོཾ་མ་ཎི་རྟྣ་རཱ་ག་ར་ཏི་ཀརྨ་པཱུ་ཛེ་པྲ་བྲྟྟ། ཨོཾ་མ་ཎི་རཏྣེ་སཱ་དྷུ་ཀ་ར་པཱུ་ཛཱ་ས་མ་ཡེ་ཧཱུཾ། ཨོཾ་མཧཱ་མ་ཎི་རཏྣ་དྲྀཥྚ་ཨཱ་ཀྲྵ། ཨོཾ་མ་ཎི་རྟྣ་མཱ་ལ་པཱུ་ཛེ། ཨོཾ་མ་ཎི་རྟྣ་སཱུརྱ་ལོ་ཀ་པཱུ་ཛེ། ཨོཾ་མ་ཎི་རཏྣ་དྷྭ་ཛི་པཱ་ཏ་ཀེ་པཱུ་ཛེ། ཨོཾ་མ་ཎི་རྟྣ་ ་ཧཱ་ས་པཱུ་ཛེ། ཨོཾ་པདྨ་མ་ཎི་ས་མཱ་དྷི་ས་མཱ་ཡེ་ཧཱུཾ། ཨོཾ་སརྦ་ཏྱ་གཱ་ནུ་སྨྲྀ་ཏི་ས་མཱ་དྷི་ཀྲྨྨ་ཀ་རི་ཧཱུཾ། ཨོཾ་མ་ཎི་རྟྣ་ཏི་ཀྵྞ་ས་མཱ་ཡེ་ཙིཚནྡ་ཧཱུཾ། ཨོཾ་མ་ཎི་རཏྣ་ཙཀྲ་ས་མཱ་ཡེ་ཧཱུཾ། ཨོཾ་མ་ཎི་རྟྣ་བྷཱ་ཥེ་བྷ་ད་བྷ་ད་ཧཱུཾ། ཨོཾ་མ་ཎི་རྟྣ་བཪྴ་ནི་ཧཱུཾ། ཨོཾ་མ་ཎི་རྟྣ་ཀརྨི་ཎི་ཧཱུཾ། ཨོཾ་མ་ཎི་རྟྣ་ཀ་བ་རྩེ་རཀྵ་མཱཾ། ཨོཾ་མ་ཎི་རཏྣ་དཾཥྚ་ཁཱ་ད་ཁཱ་ད་ཧཱུཾ། ཨོཾ་མ་ཎི་ཀརྨྨ་མུཥྚི་ཧཱུཾ། ཨོཾ་མ་ཎི་རྟྣ་ལ་སྱེ་པཱུ་ཛཱ་ཡ་ཧོ། ། ོཾ་མ་ཎི་རྟྣ་མཱ་ལེ་ཨ་བྷི་ཥེ་ཀ་པཱུ་ཛཱ་ཡ། ཨོཾ་མ་ཎི་རྟྣ་གཱི་ཏེ་པཱུ་ཛཱ་ཡ། ཨོཾ་མ་ཎི་རྟྣ་ནརྀ་ཏྱེ་པཱུ་ཛཱ་ཡ། ཨོཾ་མ་ཎི་རྟྣ་དྷཱུ་པེ་པཱུ་ཛཱ་ཡ། ཨོཾ་མ་ཎི་རྟྣ་པུཥྤེ་པཱུ་ཛཱ་ཡ། ཨོཾ་མ་ཎི་རྟྣ་ཨཱ་ལོ་ཀེ་པཱུ་ཛ་ཡ། ཨོཾ་མ་ཎི་རྟྣ་གྣྡྷེ་པཱུ་ཛཱ་ཡ། ཨོཾ་མ་ཎི་རྟྣ་ཨཾ་ཀུ་ཤ་ཨཱ་ཀཪྵ་ཡ་ཛཿ ། ཨོཾ་མ་ཎི་རྟྣ་པཱ་ཤེ་ཧཱུཾ། ཨོཾ་མ་ཎི་རྟྣ་སྥོ་ཊ། ཨོཾ་མ་ཎི་རྟྣ་ཨཱ་བེ་ཤ་ཨཿ ། དེ་ནས་ལས་ཀྱི་དཀྱིལ་འཁོར་འདིར་ཆོ་ག་ཇི་ལྟ་བ་བཞིན་དུ་རྒྱས་པར་བྱས་བཅུག་སྟེ་འདི་སྐད་དུ་བསྒོ་བར་བྱའོ། །འདི་ཁྱོད་ཀྱིས་སུ་ལ་ཡང་མ་སྨྲ་ཞིག་།ཁྱོད་ལས་ཀྱི་སྒྲིབ་པས་ནོན་ནས་ཤི་བར་གྱུར་ཏ་རེ་ཞེས་བསྒོ་
260a
༄#། །ལ། ལས་ཀྱི་ཡེ་ཤེས་ལ་བསླབ་པར་བྱའོ། །རྡོ་རྗེ་སྙིང་པོ་ཕྱག་རྒྱ་ཆེ། །རབ་མཉམ་བཞག་ལས་བསྒོམས་ནས་ཀྱང ། །མཆོད་པ་ཀུན་གྱིས་མཆོད་ན་ནི། །སངས་རྒྱས་ཐམས་ཅད་དབང་དུ་འགྱུར། །ཏིང་ངེ་འཛིན་གྱི་དམ་ཚིག་མཆོག་།ཕྱག་རྒྱ་གང་ཡང་རུང་བཅིངས་ལ། །སངས་རྒྱས་ཐམས་ཅད་མཆོད་ན་ནི། །དབང་བསྐུར་བ་ནི་དེས་འཐོབ་བོ།། རྡོ་རྗེ་སྙིང་པོའི་ཏིང་འཛིན་ཏུ། །རབ་མཉམ་བཞག་པས་བསྒོམས་ནས་ནི། །སངས་རྒྱས་ཐམས་ཅད་རབ་མཆོད་ན། །འགྲོ་བའི་དམ་པ་འདུལ་བར་འགྱུར། །རྡོ་རྗེ་སྙིང་པོའི་ཏིང་འཛིན་གྱིས། །ལས་ཀྱི་ཕྱག་རྒྱ་བཅིངས་ནས་ནི། །སངས་རྒྱས་ཐམས་ཅད་མཆོད་གྱུར་ན། །སྐད་ཅིག་ཏུ་ནི་དོན་ཀུན་འཐོབ། །དེ་ལ་དེ་དག་གི་སྙིང་པོ་ནི་འདི་རྣམས་སོ། ། ོཾ་རཏྣ་པཱུ་ཛཱ་བ་ཤིཾ་ཀུ་རུ། ཨོཾ་རྟྣ་པཱུ་ཛཱ་ས་མ་ཡ་ཨ་བྷི་ཥིཉྩ། ཨོཾ་རྟྣ་པཱུ་ཛ་ཡ་དྷརྨ་ནཱ་ཤ་ཡ་བཱ་དི། ཨོཾ་རྟྣ་པཱུ་ཛཱི་ཀརྨ་སརྦ་ཨརྠཱ་ན་མེ་སཱ་དྷ། དེ་ནས་གསང་བའི་ཕྱག་རྒྱའི་ཡེ་ཤེས་ནི་འདི་ཡིན་ཏེ། རྡོ་རྗེ་སྙིང་པོའི་ཏིང་འཛིན་གྱིས། །དབང་པོ་གཉིས་ནི་མཉམ་སྦྱར་ནས། །སངས་རྒྱས་ཐམས་ཅད་མཆོད་ན་ནི། །འཇིག་རྟེན་ཐམས་ཅད་དེས་མགུར་འགྱུར། །དེ་ནས་ཕྱག་རྒྱ་ཆེན་པོའི་ཡེ་ཤེས་ཀྱིས་དངོས་གྲུབ་དམ་པ་འགྲུབ་བར་འགྱུར་རོ། །དེ་ནས་དམ་ཚིག་གི་ཕྱག་རྒྱའི་ཡེ་ཤེས་ལ་བསླབ་པར་བྱའོ། །རྡོ་རྗེ་རིན་ཆེན་བཅིངས་
260b
ནས་ནི། །གནས་རྣམས་ཀུན་ཏུ་གཞག་པར་བྱ། །རྡོ་རྗེ་དགོས་པའི་ཚུལ་དུ་ནི། །ལྟག་འོག་གོ་རིམས་ཇི་བཞིན་བྱ། །དེ་ནས་ཆོས་ཀྱི་ཕྱག་རྒྱའི་ཡེ་ཤེས་ནི་འདི་ཡིན་ཏེ། ཏྭ་ཛ་ག་དྷ། ཏྣ་ཛ་ཏུ་ས། རྨྨ་ཀྵྞ་ཏུ་ཥ། རྨྨ་ཀྵ་ཀྵ་དྷི། རྡོ་རྗེ་རིན་ཆེན་གཉིས་བྱས་ལ། །ལས་ཀྱི་ཕྱག་རྒྱ་དེ་བསྒྲུབ་བོ། །དེ་བཞིན་གཤེགས་པ་ཐམས་ཅད་ཀྱིས་རིན་པོ་ཆེའི་ཕྱག་རྒྱ་ཞེས་བྱ་བའི་ལས།་ལས་ཀྱི་དཀྱིལ་འཁོར་གྱི་ཆོ་ག་རྒྱས་པ་རྫོགས་སོ།། །།དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་རིན་པོ་ཆེའི་ཕྱག་རྒྱ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རིག་པ་དམ་པ་འདི་གསུངས་སོ། །ོཾ་བཛྲ་རྟྣ་ཏྲཱཾ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་ཕྱག་རྒྱ་འདི་གསུངས་སོ། །ོཾ་བཛྲ་མཱ་ལེ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྙིང་པོས་རང་གི་ཕྱག་རྒྱ་འདི་གསུངས་སོ། །ོཾ་མ་ཎི་རྟེན། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྤྱན་གྱིས་རང་གི་ཕྱག་རྒྱ་འདི་གསུངས་སོ། །ོཾ་བཛྲ་དྷརྨ་རྟྣ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེ་སྣ་ཚོགས་ཀྱིས་རང་གི་ཕྱག་རྒྱ་འདི་གསུངས་སོ། །ོཾ་བི་ཤཝ་དྲྀཥྚི། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོས་རང་གི་ནོར་བུའི་རིགས་ཀྱི་ཕྱག་རྒྱ་བཞི་པའི་དཀྱིལ་འཁོར་འདི་
261a
༄#། །གསུངས་སོ། །དེ་ནས་རབ་ཏུ་བཤད་བྱ་བ། །ཕྱག་རྒྱའི་དཀྱིལ་འཁོར་དམ་པ་སྟེ། །ཕྱག་རྒྱ་བཞི་བའི་ཚུལ་དུ་ནི། །དཀྱིལ་འཁོར་ཡོངས་སུ་བརྟག་པར་བྱ། །དེ་ནས་ཇི་ལྟ་བ་བཞིན་དུ་བཅུག་ནས་བསླབ་པར་བྱ་སྟེ། ཁྱོད་ཀྱིས་འདི་སུ་ལ་ཡང་མ་སྨྲ་ཞིག་ཅེས་བསྒོ་བར་བྱའོ། །དེ་ནས་ཡེ་ཤེས་བསྐྱེད་བྱ་སྟེ། །རྡོ་རྗེ་རིན་ཆེན་ཏིང་འཛིན་གྱིས།། རྡོ་རྗེ་རིན་ཆེན་བཅིངས་ནས་ནི། དཔྲལ་བར་རབ་ཏུ་གཞག་ན་ནི། །དངོས་གྲུབ་ཐམས་ཅད་འཐོབ་པར་འགྱུར། །དེ་ནས་དེ་དག་གི་སྙིང་པོ་ནི་འདི་ཡིན་ནོ། །ོཾ་བཛྲ་རཏྣ་སརྦ་ཨ་བྷི་ཥེ་ཀ་སརྦ་སིདྡྷི་མེ་པྲ་ཡཙྪ་ར་ལ་ར་ལ་ཧཱུཾ་ཏྲ། དེ་ནས་གསང་བའི་ཕྱག་རྒྱ་བསླབ་པར་བྱ་སྟེ། ཁྱོ་འམ་ཡང་ན་སྡུག་པ་འམ། །བུད་མེད་དང་ནི་སྐྱེས་པའང་རུང ། །དཔྲལ་བ་གཉིས་ནི་སྤྲད་ནས་ཀྱང ། །གཏུགས་ན་དངོས་གྲུབ་ཐོབ་པར་འགྱུར། །དེ་ལ་དེ་སྒྲུབ་པའི་སྙིང་པོ་ནི་འདི་ཡིན་ཏེ། ཨོཾ་བཛྲ་རཏྣ་ས་ཁི་བིདྱཱ་དྷཱ་ར་བཾ། པྲ་ཡཙྪ་ཤཱི་གྷྲཾ་ཨ་བྷི་ཥིཉྩ་ཡ་ཧི་ཧ་ཧ་ཧ་ཏྭ། དེ་ནས་ཕྱག་རྒྱ་བཞི་ཇི་ལྟ་བ་བཞིན་དུ་བཅིང་བ་དང ། རྣམ་པ་བཞི་དེ་བཞིན་དུ་བསླབ་བོ། །དངོས་གྲུབ་ཐམས་ཅད་ཀྱང་དེ་བཞིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོས་དོན་ཐམས་ཅད་གྲུབ་པ་ཞེས་བྱ་བའི་སྙིང་པོ་འདི་གསུངས་སོ། །ོཾ་བཛྲ་མ་ཎི་དྷཱ་ར་སརྦ་ཨརྠ་སིདྡྷི་མྨེ་པྲ་ཡཙྪ་ཧོ། །བྷ་ག་བཱན་བཛྲ་རཏྣ་ཧཱུཾ། དེ་ནས་དཀྱིལ་འཁོར་འདི་
261b
ཡིན་ཏེ། དེ་ནས་རབ་ཏུ་བཤད་བྱ་བ། །དཀྱིལ་འཁོར་ཆེན་པོ་དམ་པ་སྟེ། །དངོས་གྲུབ་ཀྱི་ནི་དཀྱིལ་འཁོར་ནི། །ཇི་བཞིན་པར་ནི་བྲི་བར་བྱ། །དེ་ནས་འདིར་ཡེ་ཤེས་གསང་བའི་ཕྱག་རྒྱའི་ཡེ་ཤེས་ལ་བསླབ་པར་བྱ་འོ། །གཟུགས་ལ་སོགས་པའི་འདོད་པ་རྣམས། །ཆགས་པར་གྱུར་པའི་བདེ་བ་ནི། །སངས་རྒྱས་ལ་ཡང་ཕུལ་གྱུར་ན། །ལས་ཀྱི་དངོས་གྲུབ་ཐོབ་པར་འགྱུར། །དེ་ནས་ཕྱག་རྒྱ་བཞིའི་ཡེ་ཤེས་ལ་བསླབ་པར་བྱའོ། །རས་ལ་སོགས་པ་ལ་ཡང་སེམས་དཔའ་འམ་ཕྱག་རྒྱའི་དཀྱིལ་འཁོར་བྲིས་ཏེ་བསྒྲུབ་པར་བྱའོ། །དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་སྙིང་པོ་ལ་ལེགས་སོ་ཞེས་བྱ་བ་བྱིན་པ་འདིས་བསྟོད་དོ། །ལེགས་སོ་རྡོ་རྗེ་སེམས་དཔའ་ཁྱོད། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ཁྱོད་ལེགས་པ་སྟེ། །རྡོ་རྗེ་ལས་ནི་ཁྱོད་ལེགས་སོ། །རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང ། །ཐེག་པ་ཆེན་པོ་མངོན་འདུས་པ། །མདོ་སྡེ་འདི་ནི་ལེགས་པར་བཤད། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་བ་ལས། དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དམ་ཚིག་ཅེས་བྱ་བའི་རྟོག་པའི་རྒྱལ་པོ་ཆེན་པོ་དུམ་བུ་བཞི་པ་རྫོགས་སོ།། །།བམ་པོ་བརྒྱད་པ། དེ་ནས་བྱང་ཆུབ་སེམས་དཔའ་སེམས་དཔའ་
262a
༄#། །ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དེ་ཁོ་ན་ཉིད་ཀྱི་ཆོ་ག་རྒྱས་བའི་རྒྱུད་འདི་གསུངས་སོ། །དེ་ལ་རེ་ཞིག་དང་པོར་ནི་ཕྱག་རྒྱ་ཆེན་པོ་དམ་པའི་དངོས་གྲུབ་ཀྱི་རྒྱུད་བཤད་དེ། དེ་བཞིན་གཤེགས་པ་ཕྱག་རྒྱ་ཆེ། །བཅིངས་ནས་མཁའ་དབྱིངས་ཐམས་ཅད་དུ། །སངས་རྒྱས་སྐུ་གཟུགས་བྱིན་བརླབས་ལ། །རང་གི་སྙིང་དུ་བཅུག་ནས་ནི། །ཅི་སྟེ་འདོད་ན་ཚེ་འདི་ལ། །ཞི་བ་དམ་པ་མཆོག་གྱུར་པ། །སངས་རྒྱས་ཉིད་འཐོབ་དེས་འདི་བསྒྲུབ། །ཅི་སྟེ་མི་འདོད་དངོས་གྲུབ་བཞིན། །ཕྱག་རྒྱ་ཆེན་པོ་བཅིངས་ནས་ཀྱང ། །དེ་ཉིད་ཆེན་པོ་ཚིག་རེ་རེར། །བརྗོད་ནས་ཀུན་དང་ལྡན་པར་ཡང ། །ཐམས་ཅད་བདག་ནི་ཡིན་བསྒོམས་ན། ། ཅི་སྟེ་འདོད་ན་བདག་ཉིད་དེས། །དེ་བྱ་གཟི་ཅན་དགེ་བ་ཡི། །གོ་འཕང་ཚེ་འདི་ཉིད་ལ་འཐོབ། །མི་འདོད་དངོས་གྲུབ་གོང་མ་བཞིན། །དེ་ནས་དམ་ཚིག་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། ཇི་ལྟར་རྡོ་རྗེ་འཛིན་འགྲུབ་པ། །དེ་ལྟར་བདག་ཅེས་བསྒོམས་ན་ནི། །སངས་རྒྱས་དང་ནི་གཟི་ཆེན་འཐོབ། །མི་འདོད་དངོས་གྲུབ་གོང་མ་བཞིན། །དེ་ནས་ཆོས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། །ཆོས་རྣམས་ཐམས་ཅད་རང་བཞིན་གྱིས། །དག་ཅེས་བརྗོད་ན་ངེས་པར་ཡང ། །སངས་རྒྱས་དང་ནི་གཟི་ཅན་
262b
འགྱུར། །མི་འདོད་དངོས་གྲུབ་གོང་མ་བཞིན། །དེ་ནས་ལས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། ཐམས་ཅད་ཀྱི་ནི་ཀུན་དག་པར། །ལས་རྣམས་ཐམས་ཅད་སྦྱངས་ན་ནི། །སངས་རྒྱས་གཟི་ཅན་ཐོབ་ཅི་སྟེ། །མི་འདོད་དངོས་གྲུབ་གོང་མ་བཞིན། །དེ་བཞིན་གཤེགས་པའི་རིགས་དམ་པའི་དངོས་གྲུབ་རྣམས་སོ། ། དེ་ནས་ཕྱག་ན་རྡོ་རྗེས་རང་གི་རིག་པ་དམ་པའི་དངོས་གྲུབ་ཀུན་གྱི་རྒྱུད་འདི་གསུངས་སོ། །དངོས་གྲུབ་ཀུན་སྦྱོར་སངས་རྒྱས་ཀྱི། །བཀས་ནི་སེམས་ཅན་ཀུན་དོན་ཏུ། །ཕྱག་རྒྱ་ཆེན་པོར་བསྒྲུབ་ན་ནི། །ཚེ་འདི་ཉིད་ལ་སངས་རྒྱས་འགྲུབ། །དེ་ནས་དམ་ཚིག་གི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། ཕྱག་རྒྱ་ཆེན་པོའི་ཚུལ་དུ་ནི། །ཇི་ལྟར་རྡོ་རྗེ་འཛིན་གྲུབ་པ། །དེ་བཞིན་བདག་ཅེས་བསྒོམས་ན་ནི། །སྐད་ཅིག་གིས་ནི་གཟི་ཆེན་ཐོབ། །དེ་ནས་ཆོས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། །ཡི་གེ་མེད་པའི་ཆོས་རྣམས་ལ། །རབ་ཏུ་སྤྲོས་པ་ཡོད་མིན་ཏེ། །ཆོས་མཆོག་འདི་ནི་བརྗོད་བྱེད་ཅིང ། ། བསྒོམས་ན་གཟི་ཅན་ཉིད་དུ་འགྱུར། །དེ་ནས་ལས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། དགེ་བའམ་ཡང་ན་མི་དགེ་བའི། །གང་གི་ལས་
263a
༄#། །རྣམས་བྱས་པ་ནི། །རྒྱལ་བ་རྣམས་ལ་ཕུལ་བྱས་ན། །སྐད་ཅིག་གིས་ནི་གཟི་ཅན་འགྱུར། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་པདྨའི་རིགས་དམ་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་དང་པོར་ནི་ཕྱག་རྒྱ་ཆེན་པོའི་དངོས་གྲུབ་ཀྱི་རྒྱུད་བཤད་དེ། འདོད་ཆགས་ངོ་བོ་ཉིད་ཀྱིས་དག་།མུ་སྟེགས་ཅན་གྱིས་མི་གྱུར་ལ། །དེ་ལ་ཆགས་པའི་ཆོས་འདི་ནི། །ཐེག་པ་ཆེ་ལ་འགྲུབ་པར་འགྱུར། །དེ་ནས་དམ་ཚིག་གི་ཕྱག་རྒྱ་དམ་པའི་དངོས་གྲུབ་ནི་འདི་ཡིན་ཏེ། །ཏིང་འཛིན་བརྟན་པའི་ཚུལ་གྱིས་ནི། །བྱམས་པ་ཆེན་པོ་བསྒོམས་ནས་ཀྱང ། །ཆོ་ག་བཞིན་ལྡན་ཁྱབ་བྱས་ན། །སྐད་ཅིག་གཅིག་གིས་གཟི་ཅན་འཐོབ། །དེ་ནས་ཆོས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། འདོད་ཆགས་ངོ་བོ་ཉིད་དག་ཅེས། ། སྨྲ་བར་གྱུར་བའི་ཚུལ་འདི་ནི། །འདོད་ཆགས་ཕ་རོལ་ཕྱིན་རྙེད་དེ། །སྐད་ཅིག་གིས་ནི་གཟི་ཅན་འཐོབ། །དེ་ནས་ལས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། བདག་གི་ལྟ་དང་རེག་པ་དང ། །མཉན་པ་དང་ནི་དྲན་པའང་རུང ། །སེམས་ཅན་རྣམས་ནི་ཐམས་ཅད་ཀྱི། །སྡུག་བསྔལ་ཀུན་
263b
གྱི་མཐར་ཕྱིན་འགྱུར། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་ནོར་བུའི་རིགས་ཀྱི་དམ་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་ཕྱག་རྒྱ་ཆེན་པོ་དམ་པའི་དངོས་གྲུབ་ཀྱི་རྒྱུད་འདི་ཡིན་ཏེ། རྡོ་རྗེ་སྙིང་པོ་ཇི་བཞིན་དུ། །སངས་རྒྱས་ཀུན་དབང་བདག་གྱུར་ཅེས། །བསྒོམ་པར་བྱ་བ་རྣམས་བསྒོམས་ནས། །སྐད་ཅིག་གིས་ནི་གཟི་ཅན་འཐོབ། །དེ་ནས་དམ་ཚིག་གི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། ནམ་མཁའི་སྙིང་པོ་འདྲ་བར་ནི། །སེམས་ཅན་ཀུན་གྱི་རེ་བ་ཀུན། །ཡོངས་སུ་རྫོགས་པར་བྱེད་གྱུར་ཅིག་།སྐད་ཅིག་གིས་ནི་གཟི་ཅན་འཐོབ། །དེ་ནས་ཆོས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། བདག་ཉིད་ལས་ནི་ཕྱུང་ནས་ཀྱང ། །ནོར་བྱིན་རབ་ཏུ་དགའ་བྱེད་ཅིང ། །ཆོས་བྱུང་ཕྱག་རྒྱ་སྨྲ་ན་ནི། །གཟི་ཅན་ཚེ་འདི་ཉིད་ལ་འཐོབ། །དེ་ནས་ལས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། དབུལ་པོ་རྣམས་ལ་ཕན་པའི་ཕྱིར། །ནོར་བསྒྲུབ་པ་ལ་བརྩོན་ལྡན་ན། །གཟི་ཅན་འགྱུར་རོ་ཅི་སྟེ་ཡང ། །མི་འདོད་དངོས་གྲུབ་གོང་མ་བཞིན། །རིགས་ཐམས་ཅད་ཀྱི་ཕྱག་རྒྱ་རྣམས་ཀྱི་སངས་རྒྱས་དང ། བྱང་
264a
༄#། །ཆུབ་སེམས་དཔའ་དམ་པ་རྣམས་ཀྱི་དངོས་གྲུབ་ཐོབ་བའི་ཆོ་ག་རྒྱས་བའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དམ་ཚིག་གི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱི་རྒྱུད་འདི་ཡིན་ཏེ། གང་གིས་འདོད་ལ་སྙོམས་ཞུགས་པ། །དེ་ལ་འདོད་པས་སྤྱོད་པར་བྱེད། །སངས་རྒྱས་ཕྱག་རྒྱ་ཆེན་པོ་ཡི། །ཡེ་ཤེས་དམ་ཚིག་ཡིན་པར་བཤད། །དེ་ནས་དེ་བཞིན་གཤེགས་པ་རྣམས་ཀྱི་དམ་ཚིག་གི་དངོས་གྲུབ་ཀྱི་རྒྱུད་བཤད་དེ། འདོད་པ་རྣམས་ལ་ཆགས་བྲལ་མིན། །དམ་ཚིག་མཛེས་པ་ཆེན་པོ་འདི། །དེ་བཞིན་གཤེགས་པའི་རིགས་དག་པ། །རྒྱལ་བས་ཀྱང་ནི་འདའ་མི་མཛད། །དེ་ནས་རྡོ་རྗེ་རིགས་ཀྱི་དམ་ཚིག་གི་དངོས་གྲུབ་ཀྱི་རྒྱུད་ནི་འདི་ཡིན་ཏེ། སེམས་ཅན་དོན་དུ་ཁྲོ་མིན་ཡང ། །ཁྲོ་བོ་ཆེན་པོར་རབ་ཏུ་སྟོན། །རྡོ་རྗེའི་རིགས་ནི་ཆེན་པོ་ཡི། །དམ་ཚིག་འདི་ནི་འདའ་དཀའ་འོ། །དེ་ལ་པདྨོའི་རིགས་ཀྱི་དམ་ཚིག་གི་དངོས་གྲུབ་ཀྱི་རྒྱུད་ནི་འདི་ཡིན་ཏེ། རང་བཞིན་དག་པར་ཤེས་ནས་ཀྱང ། །དེ་ཡི་དགོས་པ་དེ་བྱེད་དེ། །པདྨའི་རིགས་ནི་ཆེན་པོ་ཡི། །
264b
དམ་ཚིག་འདའ་བར་དཀའ་བ་འོ། །དེ་ནས་ནོར་བུའི་རིགས་ཀྱི་དམ་ཚིག་གི་དངོས་གྲུབ་ཀྱི་རྒྱུད་ནི་འདི་ཡིན་ཏེ། ཉུང་ངམ་ཡང་ན་མང་ཡང་རུང ། །ཅི་ཙམ་ནུས་པ་ཉིད་དུ་ནི། །སྦྱིན་པས་ཉི་མ་སྟོང་པར་ནི། །བྱ་མིན་དམ་ཚིག་འདི་ཡིན་ནོ། །རིགས་ཐམས་ཅད་ཀྱི་དམ་ཚིག་གི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཆོས་ཀྱི་ཕྱག་རྒྱའི་ཡེ་ཤེས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་དེ་བཞིན་གཤེགས་པ་རྣམས་ཀྱི་ཆོས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ཏེ། སངས་རྒྱས་ཆོས་ཞེས་གྲགས་སོ་ཞེས། །བརྗོད་ན་ཆོས་ཉིད་ཡི་གེ་ནི། །སངས་རྒྱས་ཆོས་ཀྱི་ཕྱག་རྒྱ་ཆེ། །ཡེ་ཤེས་མཆོག་གི་ཚུལ་ཡིན་ནོ། །དེ་ལ་དེ་བཞིན་གཤེགས་པའི་རིགས་ཀྱི་ཆོས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །འདོད་ཆགས་ལས་ནི་དག་པའི་ཆོས། །བདེ་བ་ཐམས་ཅད་རབ་སྦྱིན་བྱེད། །དེ་བཞིན་གཤེགས་པའི་རིགས་ཀྱི་ནི། །དངོས་གྲུབ་བྱེད་པའི་མཆོག་འདི་འོ། །དེ་ལ་རྡོ་རྗེའི་རིགས་ཀྱི་དངོས། གྲུབ་ཀྱི་རྒྱུད་ནི་འདི་ཡིན་ནོ། །སངས་རྒྱས་བཀའ་ནི་སྦྱང་བ་དང ། །སེམས་ཅན་དྲང་བར་བྱ་བའི་ཕྱིར། །དེ་ལ་ཁྲོ་བར་མ་གྱུར་ཡང ། །མ་རུངས་
265a
༄#། །བདུད་བྱས་དངོས་གྲུབ་འཐོབ། །དེ་ལ་པདྨའི་རིགས་ཀྱི་ཆོས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །པདྨ་ཆུ་ཡིས་མཆགས་པ། །དེ་བཞིན་འདོད་པས་མི་ཆགས་ཞེས། །སྨྲ་ཞིང་དགོས་མིན་བྱེད་ཀྱང་ནི། །སྡིག་པས་གོས་པར་མི་འགྱུར་རོ། །དེ་ལ་ནོར་བུའི་རིགས་ཀྱི་ཆོས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །སྦྱིན་དང་མཉམ་པའི་ཆོས་མེད་དེ། །སྒྲུབ་པར་བྱེད་ཅིང་སྨྲ་བ་ནི། །ནོར་བུའི་རིགས་ནི་ཆེན་པོའི་ཆོས། །མི་འདོད་དངོས་གྲུབ་གོང་མ་བཞིན། །རིགས་ཐམས་ཅད་ཀྱི་ཆོས་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། ། དེ་ལ་དེ་བཞིན་གཤེགས་པའི་ལས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ཏེ། །སེམས་ཅན་ཐམས་ཅད་སངས་རྒྱས་དང ། །བྱང་ཆུབ་སེམས་དཔའ་ཉིད་རྣམས་སུ། །ཇི་བཞིན་དུ་ནི་བཏུལ་ནས་སུ། །ལས་ཀྱི་ཕྱག་རྒྱའི་མཆོག་འགྲུབ་སྦྱིན། །དེ་ལ་དེ་བཞིན་གཤེགས་པའི་རིགས་ཀྱི་ལས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །དུས་བཞི་ཡི་ནི་ཚུལ་དག་ཏུ། །མཆོད་པ་རྣམ་པ་བཞི་ཡིས་ནི། །རྟག་ཏུ་ལྡན་པ་རྣམ་བཞིར་ཡང ། །བྱས་ནས་ལས་རྣམས་བསྒྲུབ་པར་བྱ། །དེ་ལ་རྡོ་རྗེའི་རིགས་ཀྱི་ལས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །མ་རུངས་
265b
སེམས་ཅན་གནོད་བྱའི་ཕྱིར། །དགོས་པ་གང་དང་གང་བྱེད་དེ། །ལས་ཀྱི་རྡོ་རྗེ་རིགས་ཀྱིས་འདི། །དངོས་གྲུབ་ཐམས་ཅད་རབ་སྦྱིན་བྱེད། །དེ་ལ་པདྨའི་རིགས་ཀྱི་ལས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །འཇིགས་པས་གཟིར་ལ་མི་འཇིགས་སྦྱིན། །ཇི་བཞིན་པར་ནི་འདུལ་དེ་བཞིན། །འདི་ནི་པདྨའི་རིགས་ཀྱི་ལས། །སངས་རྒྱས་དངོས་གྲུབ་སྦྱིན་པ་འོ། །དེ་ལ་ནོར་བུའི་རིགས་ཀྱི་ལས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །སངས་རྒྱས་དབང་བསྐུར་དེ་བཞིན་དུ། །ལུས་ཅན་རྣམས་ལ་སྦྱིན་པ་དང ། །རེ་བ་ཐམས་ཅད་རྫོགས་བྱེད་པའི། །ལས་ཀྱི་དོན་དུ་བསྒྲུབ་པའོ། །རིགས་ཐམས་ཅད་ཀྱི་ལས་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་ཆོས་ཉིད་ཀྱི་ཕྱག་རྒྱའི་ཡེ་ཤེས་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་ཆོས་ཉིད་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ།། རྡོ་རྗེ་སེམས་དཔའི་ཏིང་འཛིན་གྱིས། །སངས་རྒྱས་རྣམས་ཀྱི་ཆོས་ཉིད་དགོངས། །འདི་ནི་སངས་རྒྱས་སངས་རྒྱས་ཉིད། །གཞན་ལས་སངས་རྒྱས་འགྱུར་བ་མེད། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཆོས་ཉིད་ཀྱི་ཡེ་ཤེས་ཀྱི་དངོས་གྲུབ་གྱི་རྒྱུད་ནི་འདི་ཡིན་ཏེ། །ཕྱག་རྒྱ་ཆེན་པོ་བསྒོམས་ནས་ནི། །དངོས་གྲུབ་ཐམས་ཅད་བསྒྲུབ་བར་བྱ། །འདི་
266a
༄#། །ནི་དེ་བཞིན་གཤེགས་རིགས་ཀྱི། །ཆོས་ཉིད་དངོས་གྲུབ་དམ་པ་འཐོབ། །དེ་ལ་འདི་ནི་རྡོ་རྗེའི་རིགས་ཀྱི་ཆོས་ཉིད་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ཕྱག་རྒྱ་ཆེན་པོའི་ཚུལ་གྱིས་ནི། །དམ་ཚིག་མཆོག་ནི་བཅིངས་ནས་ཀྱང ། །ལས་རྣམས་ཐམས་ཅད་བསྒྲུབས་ན་ནི། །རྡོ་རྗེའི་དངོས་གྲུབ་ཐོབ་པར་འགྱུར། །དེ་ལ་འདི་ནི་པདྨའི་རིགས་ཀྱི་ཆོས་ཉིད་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ཆོས་ཀྱི་ཕྱག་རྒྱའི་ཚུལ་གྱི་ནི། །ཆོས་ཀྱི་ཕྱག་རྒྱ་རྗོད་བྱེད་ཅིང ། །རྡོ་རྗེ་ཆོས་ནི་ཆོས་རྣམས་ཀྱི། །ཆོས་ཉིད་དུ་ནི་འདིས་བསྒྲུབས་པའོ། །དེ་ལ་འདི་ནི་ནོར་བུའི་རིགས་ཀྱི་ཆོས་ཉིད་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ལས་ཀྱི་ཕྱག་རྒྱའི་ཚུལ་གྱིས་ནི། །ལས་ཀྱི་རྡོ་རྗེ་སྙིང་གར་གཞག་།ཆོས་ཉིད་འདི་དག་བསྒོམས་ན་ནི། །ལས་ཀྱི་ཆོས་ཉིད་འཐོབ་པར་འགྱུར། །རིགས་ཐམས་ཅད་ཀྱི་ཆོས་ཉིད་ཀྱི་ཡེ་ཤེས་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཡེ་ཤེས་ཀྱི་ཕྱག་རྒྱའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་རྣམས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་ཡིན་ཏེ། རྡོ་རྗེ་སེམས་དཔའི་ཏིང་འཛིན་གནས། །ཟླ་བའི་རྡོ་རྗེ་ཚུལ་
266b
གྱིས་ནི། །ཇི་ལྟར་དེ་གཉིས་ཁ་དོག་ཤེས། །དེ་ལྟར་འཇིག་རྟེན་ཀུན་ཤེས་ཏེ། །དག་ལ་དག་དང་དཀར་འོད་གསལ། །ཆགས་པ་དམར་དང་དམར་སེར་ཁྲོ། །ཤེས་ནས་ཁ་དོག་ཇི་བཞིན་པའི། །དེ་ཡི་བདག་ཉིད་ཉིད་དུ་འགྱུར། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དངོས་གྲུབ་ཀྱི་རྒྱུད་དེ། ཟླ་བའི་དཀྱིལ་འཁོར་འོད་བཅས་པའི། །ཕྱག་རྒྱ་ཆེན་པོ་བཅིངས་ནས་ནི། །རང་གི་ལུས་ལ་ཇི་ལྟར་ཤེས། །དེ་ལྟར་འགྲོ་བའི་ཡིད་ཤེས་སོ། །དེ་ལ་འདི་ནི་རྡོ་རྗེའི་རིགས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ནམ་མཁའ་མ་ནི་ཕྱོགས་གཞན་དུ། །ཁྲོས་པར་གྱུར་ནས་དཀྱིལ་འཁོར་ནི། །ཇི་ལྟ་བུར་ཡང་མཐོང་འགྱུར་བ། །དེ་ལྟ་བུར་ནི་ཡིད་ཤེས་སོ། །དེ་ལ་འདི་ནི་པདྨའི་རིགས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ནམ་མཁའ་མ་ས་ཕྱོགས་ཕྲ་མོ་འམ། ཡི་གེ་ཕྲེང་བ་མཐོང་ན། །མདོར་ན་ཁ་དོག་ཅི་འདྲ་བར། །ཤེས་པ་དེ་འདྲར་དེར་སེམས་ཤེས། །དེ་ལ་འདི་ནི་ནོར་བུའི་རིགས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དོ། །འཇིག་རྟེན་ཀུན་ལ་བལྟས་ནས་ཀྱང ། །ཇི་ལྟ་བུར་ནི་སྣང་གྱུར་ཅིང ། །མཐོང་བར་གྱུར་ན་དེ་འདྲ་བར། །འགྲོ་བའི་སེམས་ནི་ཤེས་པར་བྱ། །དེ་གཉིས་སྙོམས་པར་ཞུགས་ནས་ནི། །འགྲོ་བ་དང་ནི་འོང་བ་དང ། །བོད་པ་དང་ནི་འཆག་པའང་རུང ། །ཇི་ལྟར་མཐོང་བ་དེ་ལྟར་རྟོགས། །སྙོམས་པར་ཞུགས་ནས་བསམས་ན་
267a
༄#། །ནི། །སེམས་ཅན་གང་དང་གང་ཡིན་པའི། །དེ་དང་དེ་ནི་དེ་བཞིན་དུ། །སེམས་ཅན་ཐམས་ཅད་རྟོགས་པར་འགྱུར་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །རིགས་ཐམས་ཅད་ཀྱི་ཡེ་ཤེས་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱི་ཡེ་ཤེས་ཀྱི་ཆོ་ག་རྒྱས་པའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་དངོས་གྲུབ་ཀྱི་ཡེ་ཤེས་ཀྱི་རྒྱུད་དེ། སེམས་དཔའ་བྱིན་གྱིས་བརླབས་ཚུལ་གྱིས། ། སངས་རྒྱས་གཟུགས་སུ་བདག་བསྒོམས་ན། །ཡེ་ཤེས་ཀྱི་ནི་ཚུལ་དེ་ཡིས། །སངས་རྒྱས་དངོས་གྲུབ་ཐོབ་པར་འགྱུར། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དངོས་གྲུབ་ཀྱི་རྒྱུད་དེ། ནམ་མཁའ་འམ་ནི་ཕྱོགས་གཞན་དུ། །དཀྱིལ་འཁོར་འདི་ནི་སེར་སྐྱ་མཐོང ། །སེམས་དཔའ་ཉིད་ནི་ཕྱག་རྒྱ་ཉིད། །མངོན་སུམ་དུ་ནི་མཐོང་འགྱུར་ནའོ། །དེ་ལ་འདི་ནི་རྡོ་རྗེའི་རིགས་ཀྱི་དངོས་གྲུབ་ཀྱི་ཡེ་ཤེས་ཀྱི་རྒྱུད་དོ། དེ་ལྟ་བུ་ཡི་དབྱིབས་གྱུར་པའི། །དབུས་ན་སྔོ་བསངས་སྣང་ན་ནི། །རྡོ་རྗེ་རིགས་མཆོག་དངོས་གྲུབ་འཐོབ། །དེ་ལ་འདི་ནི་པདྨའི་རིགས་ཀྱི་དངོས་གྲུབ་ཀྱི་ཡེ་ཤེས་ཀྱི་རྒྱུད་དེ། དེ་ཉིད་ལ་ནི་མཁའ་འདྲ་བའི། །པདྨ་སྔོན་པོ་ལྟ་བུར་མཐོང ། །པདྨ་ཆེན་པོའི་རིགས་གྲུབ་པའི། །དངོས་གྲུབ་དེ་ནི་ལེགས་
267b
པར་འགྱུར། །དེ་ལ་འདི་ནི་ནོར་བུའི་རིགས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ནམ་མཁའ་འམ་ནི་ཕྱོགས་གཞན་དུ། །དེ་ཉིད་མཁའ་བཞིན་དྲི་མེད་ལས། །འོད་ཟེར་དཀྱིལ་འཁོར་འཕྲོ་བར་ནི། །མཐོང་ན་དངོས་གྲུབ་མྱུར་དུ་འཐོབ། །རྡོ་རྗེ་སེམས་སོགས་སེམས་དཔའི་རྣམས། །ཟླ་བའི་དཀྱིལ་འཁོར་འོད་བཅས་པར། །དངོས་གྲུབ་དུས་སུ་རང་བཞིན་དུ། །བདག་ཉིད་ཀྱི་མདུན་མཐོང་ན་འོ། །རིགས་ཐམས་ཅད་ཀྱི་དངོས་གྲུབ་ཀྱི་ཡེ་ཤེས་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་མངོན་པར་ཤེས་པའི་དངོས་གྲུབ་ཀྱི་ཡེ་ཤེས་ཀྱི་ཕྱག་རྒྱའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་རྣམས་ཀྱི་མངོན་པར་ཤེས་པའི་དངོས་གྲུབ་ཀྱི་ཡེ་ཤེས་ཀྱི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གནས། །ལུས་ཀུན་དེ་བཞིན་གཤེགས་རྣམས་དང ། །བྱང་ཆུབ་སེམས་དཔའ་རྣམས་བསྒོམས་ལ། །དེ་བཞིན་ལུས་ལས་བྱུང་མཐོང་ནའོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མངོན་པར་ཤེས་པ་རྣམས་ཀྱི་དངོས་གྲུབ་ཀྱི་རྒྱུད་དེ། རྡོ་རྗེ་སེམས་དཔའི་ཕྱག་རྒྱ་ཆེ། ། རབ་མཉམ་གཞག་པས་བཅིངས་ན་ནི། །སྒྲུབ་པས་ཆོ་ག་འདི་ཡིས་ནི། །མངོན་ཤེས་ལྔ་ནི་ཐོབ་པར་འགྱུར། །དེ་ལ་འདི་ནི་འཕྲུལ་གྱི་སྤྱན་གྱི་ཡེ་ཤེས་ཀྱི་དངོས་གྲུབ་ཡིན་ནོ། །ཕྱག་རྒྱ་
268a
༄#། །ཆེན་པོར་ཞུགས་ནས་ནི། །མིག་གི་རྣམ་ཤེས་བསྐྱེད་ནས་ཀྱང ། །གང་ཡང་རུང་བ་དེས་བསམས་ན། །ཤིན་ཏུ་རིང་བའང་མཐོང་འགྱུར་ཞེས། །བཅོམ་ལྡན་རྡོ་རྗེ་སེམས་དཔས་གསུངས། །ཕྱག་རྒྱ་ཆེན་པོར་ཞུགས་ནས་ནི། །རྣ་བའི་རྣམ་ཤེས་བསྐྱེད་ནས་ཀྱང ། །དེས་ནི་དགོས་པ་གང་བསམས་ཀྱང ། །ཤིན་ཏུ་རིང་ན་གནས་ཐོས་ཞེས། །བཅོམ་ལྡན་རྡོ་རྗེ་སེམས་དཔས་གསུངས། །ཕྱག་རྒྱ་ཆེན་པོར་ཞུགས་ནས་ནི། །ཡིད་ཀྱི་རྣམ་ཤེས་བསྐྱེད་ནས་ཀྱང ། །སེམས་ཅན་གང་ལ་དེས་བརྟགས་ན། །དེ་ཡི་སེམས་ནི་ངེས་ཤེས་འགྱུར། །ཕྱག་རྒྱ་ཆེན་པོར་ཞུགས་ནས་ནི། །བདག་གམ་སེམས་ཅན་གང་ཡང་རུང ། །ཡིད་ཀྱིས་བལྟས་ནས་གར་སྐྱེས་པ། །གཟུགས་ནི་དེ་ཡིས་ཤེས་པར་འགྱུར།། ཞེས་བཅོམ་ལྡན་འདས་ཕྱག་ན་རྡོ་རྗེས་གསུངས་སོ། །དེ་ནས་རྫུ་འཕྲུལ་གྱི་ཆོ་ག་ཤེས་པའི་དངོས་གྲུབ་ནི་འདི་ཡིན་ནོ། །ཕྱག་རྒྱ་ཆེན་པོ་བཅིངས་ནས་ཀྱང ། །རྫུ་འཕྲུལ་གང་དང་གང་འདོད་པ། །དེ་ནས་གང་ཡང་རུང་བར་ནི། །ཏིང་འཛིན་གྱིས་ནི་འཐོབ་པར་འགྱུར། །ཞེས་བཅོམ་ལྡན་འདས་བྱང་ཆུབ་ཀྱི་སེམས་ཆེན་པོས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་མངོན་པར་ཤེས་པའི་དངོས་གྲུབ་ཀྱི་རྒྱུད་དེ། ཁམས་གསུམ་རྣམ་རྒྱལ་མཆོག་ཏུ་ནི། །རབ་མཉམ་གཞག་པས་བཅིངས་ནས་ཀྱང ། །ཆོ་ག་འདིས་ནི་སྒྲུབ་པ་ཕོས། །
268b
མངོན་པར་ཤེས་པ་ལྔ་འཐོབ་བོ། །ཁྲོས་ནས་དགོས་པ་ཐམས་ཅད་ནི། །ལྟག་འོག་རིམ་པ་ཇི་བཞིན་བྱ། །རྫུ་འཕྲུལ་མིག་ལ་སོགས་ཚུལ་གྱིས། །མངོན་ཤེས་ཀུན་བདག་ཉིད་དུ་འགྱུར།། ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་པདྨའི་རིགས་ཀྱི་མངོན་པར་ཤེས་པའི་དངོས་གྲུབ་ཀྱི་རྒྱུད། །འགྲོ་བ་འདུལ་བའི་ཕྱག་རྒྱའི་མཆོག་།རབ་མཉམ་གཞག་པས་བཅིངས་ན་ནི། །ཆོ་ག་འདིས་ནི་སྒྲུབ་པ་པོས། །མངོན་པར་ཤེས་པ་ལྔ་འཐོབ་བོ། །ལྟག་འོག་གོ་རིམས་ཇི་བཞིན་དུ། །ཆོ་ག་བཞིན་དུ་འདོད་པས་ཆགས། །འཕྲུལ་གྱི་མིག་ལ་སོགས་ཚུལ་གྱིས། །མངོན་ཤེས་ཐམས་ཅད་ཐོབ་འགྱུར་ཞེས། །བཅོམ་ལྡན་འཇིག་རྟེན་དབང་པོས་གསུངས། །དེ་ལ་འདི་ནི་ནོར་བུའི་རིགས་ཀྱི་མངོན་པར་ཤེས་པའི་དངོས་གྲུབ་ཀྱི་རྒྱུད་དེ། དོན་ཀུན་གྲུབ་པའི་ཕྱག་རྒྱ་ནི། །རབ་མཉམ་བཞག་པས་བཅིངས་ན་ནི། །ཆོ་ག་འདིས་ནི་སྒྲུབ་པ་པོས། །མངོན་པར་ཤེས་པ་ལྔ་འཐོབ་བོ། །ལྟག་འོག་རིམ་པ་ཇི་བཞིན་དུ། ། འཕྲུལ་གྱི་མིག་ལ་སོགས་ཚུལ་གྱིས། །སངས་རྒྱས་རྣམས་ལ་མཆོད་བྱས་ལ། །མངོན་ཤེས་ལྔ་ནི་དེས་འཐོབ་བོ། །ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །རིགས་ཐམས་ཅད་ཀྱི་མངོན་པར་ཤེས་པའི་ཡེ་ཤེས་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་
269a
༄#། །པ་ཐམས་ཅད་ཀྱི་རིགས་ཀྱི་བདེན་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་དེ་བཞིན་གཤེགས་པ་རྣམས་ཀྱི་བདེན་པའི་དངོས་གྲུབ་ཀྱི་རྒྱུད་ནི་འདི་ཡིན་ནོ། །བདེན་པའི་རྗེས་སུ་འཇུག་པ་ཡི། །ཚིག་གིས་མནའ་ནི་འདོར་བྱེད་ཅིང ། །བདེན་པ་ཆེན་པོ་བསྲུང་ན་ནི། །མྱུར་དུ་སངས་རྒྱས་ཉིད་འཐོབ་བོ། །ཞེས་སངས་རྒྱས་བཅོམ་ལྡན་འདས་རྣམས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་བདེན་པའི་དངོས་གྲུབ་ཀྱི་རྒྱུད་དེ། དེ་བཞིན་གཤེགས་པའི་རིགས་འབྱུང་བའི། །དམ་ཚིག་ལ་ནི་མནའ་བོར་ལ། །རྡོ་རྗེའི་བདེན་པ་བསྲུངས་ན་ནི། །དངོས་གྲུབ་མཆོག་ནི་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་བདེན་པའི་དངོས་གྲུབ་ཀྱི་རྒྱུད་དེ། ཅི་སྟེ་དངོས་གྲུབ་མཆོག་འདོད་ན། །ཤིན་ཏུ་འདི་ལས་འདའ་བར་དཀའ། །རྡོ་རྗེ་འཛིན་ལ་མནའ་འདོར་ཅིང ། །བདེན་པ་འདི་ལ་བསྲུང་བར་བྱ། །ཞེས་སངས་རྒྱས་བཅོམ་ལྡན་འདས་རྡོ་རྗེ་འཛིན་གྱིས་གསུངས་སོ། །དེ་ལ་འདི་ནི་པདྨའི་རིགས་ཀྱི་བདེན་པའི་དངོས་གྲུབ་ཀྱི་རྒྱུད་དེ། ཅི་སྟེ་དངོས་གྲུབ་མཆོག་འདོད་ན། །པདྨ་ཆེན་པོའི་རིགས་མཆོག་གི་།པདྨའི་ཆོས་ལ་མནའ་འདོར་ཞིང ། །བདེན་པའི་དམ་ཚིག་བསྲུང་བར་བྱ། །ཞེས་བཅོམ་ལྡན་འདས་རྡོ་རྗེ་ཆོས་ཀྱིས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་བདེན་
269b
བའི་\?\་དངོས་གྲུབ་ཀྱི་རྒྱུད་དེ། འདི་ལས་ཤིན་ཏུ་འདའ་དཀའ་བར། །སངས་རྒྱས་ཆོས་ལ་མནའ་འདོར་ཞིང ། །བདེན་པ་མཆོག་འདི་བསྲུངས་ན་ནི། །དབང་བསྐུར་བ་ནི་ཐོབ་པར་འགྱུར། །ཞེས་བཅོམ་ལྡན་འདས་སངས་རྒྱས་མཆོད་པས་གསུངས་སོ། །རིགས་ཐམས་ཅད་ཀྱི་མནའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་དེ་ཁོ་ན་ཉིད་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་དེ་ཁོ་ན་ཉིད་ཀྱི་དངོས་གྲུབ་ཀྱི་རྒྱུད་ནི་འདི་ཡིན་ནོ། །ས་མ་ཡ་སྟྭཾ་ཞེས་བརྗོད་ནས། །དེ་ཡི་འོག་ཏུ་མ་བསྒྲུབས་པས། །རིགས་ཀུན་གྱི་ནི་ཕྱག་རྒྱ་རྣམས། །ཉིད་ཀྱིས་བཅིངས་ནས་དམ་པར་འགྱུར། །ཞེས་བཅོམ་ལྡན་འདས་དམ་ཚིག་ཆེན་པོ་དེ་ཁོ་ན་ཉིད་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དམ་ཚིག་དེ་ཁོ་ན་ཉིད་ཀྱི་དངོས་གྲུབ་ཀྱི་རྒྱུད་དེ། སུ་ར་ཏསྟྭཾ་ཞེས་བརྗོད་ན། །དེ་ཉིད་བསྐུལ་པའི་བདག་ཉིད་ཆེ། །མ་བསྒྲུབས་པར་ཡང་ཕྱག་རྒྱ་ཀུན། །ཉིད་ཀྱིས་བཅིངས་ན་འགྲུབ་པར་འགྱུར། །ཞེས་བཅོམ་ལྡན་འདས་དམ་ཚིག་ཆེན་པོའི་དེ་ཁོ་ན་ཉིད་ཀྱིས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་དེ་ཁོ་ན་ཉིད་ཀྱི་དངོས་གྲུབ་ཀྱི་རྒྱུད་དེ། ཧཱུཾ་ཞེས་བྱ་བ་གཅིག་ཙམ་གྱིས། །མདོར་ན་ཕྱག་རྒྱ་ཐམས་ཅད་ནི། །བདག་གམ་ཡང་ན་གཞན་ཡང་རུང ། །ཉིད་བཅིངས་འཆིང་དུ་བཅུག་ཀྱང་རུང ། །དེ་ལ་འདི་
270a
༄#། །ནི་པདྨའི་རིགས་ཀྱི་དམ་ཚིག་གི་དེ་ཁོ་ན་ཉིད་ཀྱི་དངོས་གྲུབ་ཀྱི་རྒྱུད་དེ། སརྦ་ཤུདྡྷ་ཞེས་བརྗོད་ན། བདག་ག་མ་ཡང་ན་གཞན་དག་གིས། །བུད་མེད་ཆགས་ལ་སོགས་ལྡན་ན། །ཐམས་ཅད་དུ་ནི་གྲོལ་མི་འགྱུར། །དེ་ལ་འདི་ནི་ནོར་བུའི་རིགས་ཀྱི་དམ་ཚིག་གི་དེ་ཁོ་ན་ཉིད་ཀྱི་དངོས་གྲུབ་ཀྱི་རྒྱུད་དེ། ཨོཾ་ཞེས་བྱ་བས་མདོར་བསྡུ་ན། །ཕྱག་རྒྱ་ཐམས་ཅད་འགྲུབ་འགྱུར་ཏེ། །འཇིག་རྟེན་ཀུན་གྱི་མཆོག་ཉིད་ཀྱི། །རང་འབྱུང་ཉིད་ལ་མཆོད་པར་འགྱུར། །རིགས་ཐམས་ཅད་ཀྱི་དམ་ཚིག་གི་དེ་ཁོ་ན་ཉིད་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཀྱི་ཕྱག་རྒྱའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་དངོས་གྲུབ་ཀྱི་རྒྱུད་ནི་འདི་ཡིན་ཏེ། དེ་བཞིན་གཤེགས་པ་དྲན་བྱེད་ཅིང ། །སངས་རྒྱས་ཕྱག་རྒྱ་བཅིངས་ནས་ནི། །སངས་རྒྱས་བྱང་ཆུབ་བརྟན་པར་ཡང ། །བསྒྲུབས་ན་མྱུར་དུ་འགྲུབ་པར་འགྱུར། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དངོས་གྲུབ་ཀྱི་རྒྱུད་དེ། རྡོ་རྗེ་སེམས་དཔའི་ཕྱག་རྒྱ་ཆེ། །བཅིངས་ནས་དེ་ཡི་མདུན་དུ་ཡང ། །རྡོ་རྗེ་སེམས་དཔའ་བསྒོམས་ན་ནི། །ཤིན་ཏུ་མྱུར་བར་དངོས་གྲུབ་འགྱུར། །དེ་ལ་འདི་ནི་རྡོ་རྗེའི་རིགས་ཀྱི་དངོས་གྲུབ་ཀྱི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གྱིས། །དམ་ཚིག་གི་ནི་མཆོག་བཅིངས་ན། །རྡོ་རྗེ་སེམས་
270b
དཔའ་བསྒོམས་ན་ནི། །ཉི་རིམ་དུ་ནི་དངོས་གྲུབ་འགྱུར། །དེ་ལ་འདི་ནི་པདྨའི་རིགས་ཀྱི་དངོས་གྲུབ་ཀྱི་རྒྱུད་དོ། །འཇིག་རྟེན་དབང་པོའི་ཏིང་འཛིན་གྱིས། །ཆོས་ཀྱི་ཕྱག་རྒྱ་བཅིངས་ནས་ཀྱང་།། འཇིག་རྟེན་མགོན་པོ་བསྒོམས་ན་ནི། །ཉི་རིམ་དུ་ནི་དངོས་གྲུབ་ཐོབ། །དེ་ལ་འདི་ནི་ནོར་བུ་རིགས་ཀྱི་དངོས་གྲུབ་ཀྱི་རྒྱུད་དེ། རྡོ་རྗེ་སྙིང་པོའི་ཏིང་འཛིན་གྱིས། །ལས་ཀྱི་ཕྱག་རྒྱ་བཅིངས་ནས་ནི། །རྡོ་རྗེ་སྙིང་པོ་བསྒོམས་ན་ནི། །ཉི་རིམ་དུ་ནི་དངོས་གྲུབ་འཐོབ། །རིགས་ཐམས་ཅད་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་ཐམས་ཅད་སྒྲུབ་པའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ལ་སོགས་པའི་དངོས་གྲུབ་ཐམས་ཅད་སྒྲུབ་པའི་རྒྱུད་དེ། ཕྱག་རྒྱ་ཐམས་ཅད་བཅིངས་ནས་ནི། །བདག་ཉིད་དང་ནི་མདུན་དུ་ཡང ། །སངས་རྒྱས་རྗེས་སུ་དྲན་པ་བསྒོམ། །དེ་ནས་དེ་མ་ཐག་ཏུ་འགྲུབ། །ཅེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ལ་སོགས་པའི་དངོས་གྲུབ་ཐམས་ཅད་སྒྲུབ་པའི་རྒྱུད་དེ། རྡོ་རྗེ་བཟླས་པའི་ཚུལ་གྱིས་ནི། །འདོད་པ་བདག་ཅེས་བསྒོམས་ནས་ཀྱང ། །ཕྱག་རྒྱ་ཐམས་ཅད་བསྒྲུབས་ན་ནི། །གྲུབ་པའི་མཆོག་ནི་ཀུན་བསྒྲུབས་བའོ། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་
271a
༄#། །སོ། །དེ་ལ་འདི་ནི་རྡོ་རྗེའི་རིགས་ཀྱི་དངོས་གྲུབ་ཐམས་ཅད་སྒྲུབ་པའི་རྒྱུད་དེ། བདག་ཉིད་ཉིད་ཀྱིས་རྡོ་རྗེ་དབྱིབས། །རབ་མཉམ་བཞག་པས་སྒོམ་བྱེད་ཅིང ། །ཕྱག་རྒྱ་ཐམས་ཅད་བཅིངས་ན་ནི། །དེ་མ་ཐག་ཏུ་འགྲུབ་པར་འགྱུར། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེས་གསུངས་སོ། །དེ་ལ་འདི་ནི་པདྨའི་རིགས་ཐམས་ཅད་ཀྱི་དངོས་གྲུབ་ཀྱི་རྒྱུད་དེ། ཡེ་ཤེས་ཀུན་འབྱུང་དངོས་གྲུབ་ཀྱི། །པདྨ་ཆེན་པོའི་རིགས་ལ་གནས། །བདག་ཉིད་ཀྱིས་ནི་བདག་ཉིད་ཉིད། །པདྨའི་དབྱིབས་སུ་བསྒོམ་པར་བྱ། །ཞེས་བཅོམ་ལྡན་འདས་ཀུན་ཏུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་དངོས་གྲུབ་ཐམས་ཅད་ཀྱི་སྒྲུབ་པའི་རྒྱུད་དེ།་ནོར་བུ་རིན་ཆེན་འོད་ཟེར་འབར། །བདག་ཉིད་ཉིད་ཀྱིས་བསྒོམས་ན་ནི། །ནོར་བུ་ཆེན་པོའི་རིགས་མཆོད་ན། །ཀུན་ལས་འབྱུང་བའི་དངོས་གྲུབ་འཐོབ། །ཅེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །རིགས་ཐམས་ཅད་ཀྱིས་དངོས་གྲུབ་དམ་པའི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་ཀྱི་ཕྱག་རྒྱའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་བྱིན་གྱིས་བརླབས་ཀྱི་དངོས་གྲུབ་ཀྱི་རྒྱུད་དེ། རྡོ་རྗེ་དབྱིངས་དབང་
271b
ཕྱག་རྒྱ་ནི། །རབ་མཉམ་བཞག་པས་བཅིངས་ནས་ཀྱང ། །སྙིང་ག་མཛོད་སྤུ་མགྲིན་སྤྱི་བོར། །བཞག་ན་སངས་རྒྱས་བྱིན་རློབ་བོ། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་བྱིན་གྱིས་བརླབས་ཀྱི་རྒྱུད་ཡིན་ནོ། །རྡོ་རྗེ་སེམས་དཔའི་ཏིང་འཛིན་གྱིས། །སེམས་དཔའི་རྡོ་རྗེ་དམ་བྱས་ལ། །སྙིང་ག་མཛོད་སྤུ་མགྲིན་པ་དང ། །སྤྱི་བོར་བཞག་ན་བྱིན་གྱིས་རློབ། །ཅེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་བྱིན་གྱིས་བརླབས་པའི་དངོས་གྲུབ་ཀྱི་རྒྱུད་དེ། རྡོ་རྗེ་ཧཱུཾ་གི་ཕྱག་རྒྱ་ནི། །རབ་མཉམ་བཞག་པས་བཅིངས་ནས་ཀྱང ། །སྙིང་ག་མཛོད་སྤུ་མགྲིན་སྤྱི་བོར། །བཞག་ན་ཉིད་དུ་བྱིན་གྱིས་རློབ། །ཅེས་བཅོམ་ལྡན་འདས་རྡོ་རྗེ་གཙོ་བོས་གསུངས། །དེ་ལ་འདི་ནི་པདྨའི་རིགས་ཀྱི་བྱིན་གྱིས་བརླབས་པའི་དངོས་གྲུབ་ཀྱི་རྒྱུད་དེ། འཇིག་རྟེན་དབང་པོའི་ཏིང་འཛིན་གྱིས། །རྡོ་རྗེ་པདྨ་དམ་བྱས་ལ། །སྙིང་ག་མཛོད་སྤུ་མགྲིན་སྤྱི་བོར། །བྱིན་གྱིས་བརླབས་ཕྱིར་གཞག་པར་བྱ། །ཞེས་བཅོམ་ལྡན་འདས་ཀུན་ཏུ་སྤྱན་རས་གཟིགས་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་བྱིན་གྱིས་བརླབས་ཀྱི་རྒྱུད་དོ། རྡོ་རྗེ་སྙིང་པོ་ཏིང་འཛིན་གྱིས། །རྡོ་རྗེ་ནོར་བུ་ཆེ་བཅིངས་ལ། །སྙིང་ག་མཛོད་སྤུ་མགྲིན་སྤྱི་བོར། །བྱིན་གྱིས་བརླབ་ཕྱིར་གཞག་པར་བྱ། །ཞེས་བཅོམ་ལྡན་འདས་རྡོ་རྗེ་སྙིང་བོས་གསུངས་སོ། །རིགས་ཐམས་ཅད་ཀྱི་བྱིན་གྱིས་བརླབས་པའི་ཆོ་ག་རྒྱས་པའི་རྒྱུད་དོ། །དེ་
272a
༄#། །ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་དབང་བསྐུར་བའི་ཕྱག་རྒྱའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་དབང་བསྐུར་བའི་དངོས་གྲུབ་ཀྱི་རྒྱུད་དེ། རིན་ཆེན་རྡོ་རྗེ་བཅིངས་ནས་ནི། །དཔྲལ་བར་རབ་ཏུ་གཞག་བྱས་ན། །རྒྱལ་བ་རྡོ་རྗེ་རིན་ཆེན་གྱིས། །དབང་བསྐུར་བར་ནི་དེ་འགྱུར་རེ། །ཞེས་སངས་རྒྱས་བཅོམ་ལྡན་འདས་རྣམས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དབང་བསྐུར་བའི་དངོས་གྲུབ་ཀྱི་རྒྱུད་དེ། རྡོ་རྗེ་དབྱིངས་དབང་ལ་སོགས་པ། །སངས་རྒྱས་ཕྱག་རྒྱ་མདུན་ནས་ནི། །བརྩམ་པ་བྱས་ནས་ངོས་བཞིར་ཡང ། །ཕྲེང་བ་ཉིད་ཀྱིས་དབང་བསྐུར་འགྱུར། །དེ་ལ་འདི་ནི་རྡོ་རྗེའི་རིགས་ཀྱི་དབང་བསྐུར་བའི་དངོས་གྲུབ་ཀྱི་རྒྱུད་དེ། རྡོ་རྗེ་དབང་གི་ཕྲེང་བ་ནི། །བཅིངས་ནས་དཔྲལ་བར་བཞག་ན་ཡང ། །ཕྲེང་བའི་དབང་ནི་དེ་ཡིན་ཏེ། །རྡོ་རྗེ་རྣམས་ནི་དེ་དབང་འགྱུར། །དེ་ལ་འདི་ནི་པདྨའི་རིགས་ཀྱི་དབང་བསྐུར་བའི་དངོས་གྲུབ་ཀྱི་རྒྱུད་དེ། ཆོས་ཀྱི་རྡོ་རྗེ་བཅིངས་ནས་ཀྱང ། །མགེ་བོར་བཞག་སྟེ་དེ་དབང་བསྐུར། །སངས་རྒྱས་ཀྱིས་ནི་འཇིག་རྟེན་གྱི། །དབང་ཕྱུག་གིས་ནི་དབང་བསྐུར་རོ། །ཞེས་བཅོམ་ལྡན་འདས་ཀུན་ཏུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་དབང་བསྐུར་བའི་རྒྱུད་དེ། རྡོ་རྗེ་རིན་ཆེན་མྱུ་གུ་བཅིངས། །དཔྲལ་བར་བཞག་སྟེ་དེས་དབང་
272b
བསྐུར། །སངས་རྒྱས་ཀྱིས་ནི་མཆོད་པ་ཡི། །དབང་ཕྱུག་ཏུ་ནི་དབང་བསྐུར་འགྱུར། །ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །རིགས་ཐམས་ཅད་ཀྱི་དབང་བསྐུར་བའི་དངོས་གྲུབ་གྱི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཐམས་ཅད་ཀྱི་ཏིང་ངེ་འཛིན་གྱི་དངོས་གྲུབ་ཀྱི་རྒྱུད་དེ། རྒྱལ་བ་ཀུན་གྱི་རྣམ་པར་ནི། །ཕྱག་རྒྱ་མཉམ་པར་བཞག་པར་བཅིངས། །ཟློས་ཤིང་སྔགས་ཀྱི་རིག་པ་ནི། །མྱུར་དུ་དངོས་གྲུབ་ཐོབ་པར་འགྱུར། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་ཏིང་ངེ་འཛིན་གྱི་དངོས་གྲུབ་ཀྱི་རྒྱུ་དེ། སེམས་དཔའི་བྱིན་རླབས་ཚུལ་གྱིས་ནི། །ཏིང་འཛིན་རྡོ་རྗེ་ཆོས་ཀྱིས་ཀྱང ། །སྙིང་པོ་ཕྱག་རྒྱ་སྔགས་རིགས་རྣམས། །ཟློས་པས་མྱུར་དུ་འགྲུབ་པར་འགྱུར། །ཞེས་བཅོམ་ལྡན་འདས་སངས་རྒྱས་ཀྱི་ཏིང་ངེ་འཛིན་གྱིས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་ཏིང་ངེ་འཛིན་གྱི་དངོས་གྲུབ་ཀྱི་རྒྱུད་དེ། འདོད་ཆགས་ལས་ནི་ཁྱོད་ཕྱུང་སྟེ། །བདག་ནི་ཁྲོ་བོ་ཡིན་བསྒོམས་ནས། །སྙིང་པོ་ཕྱག་རྒྱ་སྔགས་རིགས་རྣམས། །མྱུར་དུ་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་པདྨའི་རིགས་ཀྱི་ཏིང་འཛིན་གྱི་དངོས་གྲུབ་ཀྱི་རྒྱུད་དེ། འཇིག་རྟེན་དབང་པོའི་རིག་ཟློས་པས། །བྱམས་
273a
༄#། །པས་འགེངས་པའི་ཚུལ་གྱིས་ནི། །སྙིང་པོ་ལ་སོགས་བསྒྲུབས་ན་ཡང ། །དངོས་གྲུབ་མྱུར་དུ་ཐོབ་པར་འགྱུར། །ཞེས་བཅོམ་ལྡན་འདས་ཀུན་ཏུ་སྤྱན་རས་གཟིགས་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ཏིང་ངེ་འཛིན་གྱི་དངོས་གྲུབ་ཀྱི་རྒྱུད་དེ། ནམ་མཁའ་ཀུན་གྱི་ཏིང་འཛིན་ནི། །རབ་མཉམ་བཞག་པར་བསྒོམས་ན་ཡང ། ། སྙིང་པོ་ཕྱག་རྒྱ་སྔགས་རིག་རྣམས། །བསྒྲུབས་ན་ཀུན་ཏུ་འགྲོ་བར་འགྱུར། །ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །རིགས་ཐམས་ཅད་ཀྱི་ཏིང་ངེ་འཛིན་གྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་མཆོད་པའི་ཕྱག་རྒྱའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་མཆོད་པའི་དངོས་གྲུབ་ཀྱི་རྒྱུད་དེ། རབ་མཉམ་བཞག་པས་དང་པོར་ནི། །བདུག་པ་ལ་སོགས་མཆོད་བྱས་ལ། །དེ་ནས་དངོས་གྲུབ་འདོད་པ་ཡིས། །བསྒྲུབས་ན་དངོས་གྲུབ་ཐོབ་པར་འགྱུར། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མཆོད་པའི་དངོས་གྲུབ་ཀྱི་རྒྱུད་དེ། གསང་བའི་མཆོད་པ་རྣམ་བཞི་ཡིས། །གསང་བའི་མཆོད་པ་རྗོད་བྱེད་ཅིང ། །བདག་དབུལ་བ་ལ་སོགས་པ་ཡི། །མཆོད་པ་བྱས་ན་འགྲུབ་པར་འགྱུར། །ཞེས་བཅོམ་ལྡན་
273b
འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་མཆོད་པའི་དངོས་གྲུབ་ཀྱི་རྒྱུད་དེ། ཁྲོ་བོ་རྡོ་རྗེ་མཆོད་ཆེན་པོ། །ཁྲོ་བོ་གསང་བ་རྗོད་བྱེད་ཅིང ། །ཁྲོ་བོའི་ཁུ་ཚུར་རབ་སྦྱར་ན། ། མྱུར་དུ་བདག་གིས་རིགས་འགྲུབ་བོ། །ཞེས་བཅོམ་ལྡན་འདས་རྡོ་རྗེའི་འཛིན་པས་གསུངས་སོ། །དེ་ལ་འདི་ནི་པདྨའི་རིགས་ཀྱི་མཆོད་པའི་དངོས་གྲུབ་ཀྱི་རྒྱུད་དེ། མདོ་སྡེ་ཟབ་ཅིང་རྒྱ་ཆེ་བའི། ། ཚུལ་རྣམས་ལེགས་པར་བརྗོད་ནས་ཀྱང ། །ཡིད་དང་ངག་གིས་ཕུལ་ན་ནི། །དངོས་གྲུབ་མྱུར་དུ་འཐོབ་པར་འགྱུར། །ཞེས་བཅོམ་ལྡན་འདས་ཀུན་ཏུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་མཆོད་པའི་དངོས་གྲུབ་ཀྱི་རྒྱུད་དེ། གདུགས་དང་འཕན་དང་རྒྱལ་མཚན་གྱིས། །རྒྱལ་པོའི་མཆོད་པས་མཆོད་བྱེད་ཅིང ། །སྦྱིན་པ་ཐམས་ཅད་བྱིན་ན་ནི། །ནོར་བུའི་རིགས་ནི་འཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སྙིང་པོས་གསུངས་སོ། །ཉིད་ལ་བྱིན་གྱིས་བརླབས་སོགས་ལྡན། །རྡོ་རྗེ་སེམས་དང་འདྲ་བར་འགྱུར། །ཆོ་འཕྲུལ་རྣམ་པ་བཞི་ཡིས་ནི། །རྡོ་རྗེ་སྣ་ཚོགས་ཏིང་འཛིན་གྱི། །དངོས་གྲུབ་ཐམས་ཅད་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །རིགས་ཐམས་ཅད་ཀྱི་བྱིན་གྱིས་བརླབས་པ་དང ། དབང་བསྐུར་བ་དང ། ཏིང་ངེ་འཛིན་དང ། མཆོད་པ་རྣམས་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་
274a
༄#། །པ་ཐམས་ཅད་ཀྱི་མངོན་པར་ཤེས་པའི་ཡེ་ཤེས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་མངོན་པར་ཤེས་པའི་ཡེ་ཤེས་ཀྱི་དངོས་གྲུབ་ཀྱི་རྒྱུད་ཡིན་ནོ། །ལུས་ལ་སངས་རྒྱས་ཏིང་འཛིན་ནི། །འདི་ནི་བདེ་གཤེགས་ཉིད་མངོན་ཤེས། །དེ་ནི་རབ་ཏུ་རྟོགས་ནས་ནི། །སངས་རྒྱས་པ་ཡི་དངོས་གྲུབ་འཐོབ། །ཅེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མངོན་པར་ཤེས་པའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། འཕྲུལ་གྱི་མིག་སོགས་མངོན་ཤེས་ནི། །རབ་མཉམ་བཞག་པས་བསྒོམས་ནས་ཀྱང ། །མངོན་ཤེས་ལྔ་ནི་བདག་གྱུར་ན། །དངོས་གྲུབ་མཆོག་ནི་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་མངོན་པར་ཤེས་པའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། ཁྲོ་བོ་མངོན་ཤེས་བསྐྱེད་ནས་ནི། །རབ་མཉམ་བཞག་པས་བསྒོམས་ན་ཡང ། །མངོན་ཤེས་ལྔ་ནི་བདག་གྱུར་ནས། །དངོས་གྲུབ་མཆོག་ནི་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་པདྨའི་རིགས་ཀྱི་མངོན་པར་ཤེས་པའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། འདོད་ཆགས་མངོན་ཤེས་བསྐྱེད་ནས་ཀྱང ། །རབ་མཉམ་བཞག་པས་བསྒོམས་ན་ནི། །མངོན་ཤེས་ལྔ་ནི་བདག་གྱུར་ནས། །དག་པའི་དངོས་གྲུབ་ཐོབ་པར་འགྱུར། །ཞེས་བཅོམ་
274b
ལྡན་འདས་རྡོ་རྗེ་སྤྱན་གྱིས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་མངོན་པར་ཤེས་པའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། །མཆོད་པའི་མངོན་ཤེས་བསྐྱེད་ནས་ཀྱང ། །རབ་མཉམ་བཞག་པས་བསྒོམས་ན་ནི། །མངོན་ཤེས་ལྔ་ཡང་བདག་གྱུར་ནས། །དངོས་གྲུབ་ཀུན་གྱི་མཆོག་ཏུ་གྱུར། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །རིགས་ཐམས་ཅད་ཀྱི་མངོན་ཕར་ཤེས་པའི་ཡེ་ཤེས་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་བྱང་ཆུབ་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་བྱང་ཆུབ་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གནས། །བདག་གིས་སངས་རྒྱས་དྲན་བྱེད་ཅིང ། །སངས་རྒྱས་བྱང་ཆུབ་ཡེ་ཤེས་འདི། །བསྒོམས་ན་དངོས་གྲུབ་ཐོབ་པར་འགྱུར། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་བྱང་ཆུབ་ཆེན་པོའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གནས། །ཕྱག་རྒྱ་ཆེན་པོར་སྒོམ་བྱེད་ཅིང ། །བྱང་ཆུབ་ཆེན་པོའི་ཡེ་ཤེས་འདི། །བསྒོམས་\?\་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་བྱང་ཆུབ་ཆེན་པོའི་ཡེ་ཤེས་ཀྱི་དངོས་གྲུབ་ཀྱི་
275a
༄#། །རྒྱུད་དེ། ཁྲོ་བོའི་རྒྱལ་པོའི་ཏིང་འཛིན་གནས། །ལག་པས་དམ་ཚིག་མཆོག་བཅིངས་ལ། །བྱང་ཆུབ་ཆེན་བོའི་ཡེ་ཤེས་འདི། །བསྒོམས་ན་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་པདྨའི་རིགས་ཀྱི་བྱང་ཆུབ་ཆེན་པོའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། འཇིག་རྟེན་དབང་ཕྱུག་ཏིང་འཛིན་གནས། །དེ་བཞིན་ཆོས་ཀྱི་ཕྱག་རྒྱ་བཟླས། །བྱང་ཆུབ་ཆེན་པོའི་ཡེ་ཤེས་འདི། །བསྒོམས་ན་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་ཀུན་ཏུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་བྱང་ཆུབ་ཆེན་པོའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། །རྡོ་རྗེ་སྙིང་པོའི་ཏིང་འཛིན་གནས། །ལས་ཀྱི་ཕྱག་རྒྱ་ལས་ལེགས་བྱེད། །བྱང་ཆུབ་ཆེན་པོའི་ཡེ་ཤེས་འདི། །བསྒོམས་ན་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །རིགས་ཐམས་ཅད་ཀྱི་བྱང་ཆུབ་ཆེན་པོའི་ཡེ་ཤེས་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་མཉེས་པར་བྱ་བའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མཉེས་པར་བྱ་བའི་དངོས་གྲུབ་ཀྱི་རྒྱུད་དེ། ཉིད་ཀྱི་སངས་རྒྱས་བྱང་ཆུབ་ཕྱིར། །
275b
སེམས་ཅན་དོན་རྣམས་རབ་བྱེད་ཅིང ། །སངས་རྒྱས་རྗེས་སུ་དྲན་གྱུར་ནས། །སངས་རྒྱས་ཐམས་ཅད་མཉེས་པར་བྱེད། །ཅེས་བཅོམ་ལྡན་འདས་རྡོ་རྗེ་ཆགས་པས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མཉེས་པར་བྱ་བ་གསང་བའི་དངོས་གྲུབ་ཀྱི་རྒྱུད་དེ། ཇི་ལྟར་ཡུལ་དང་ལྡན་གྱུར་ནས། །སངས་རྒྱས་ཐམས་ཅད་མཉེས་བྱེད་ཅེས། །རྡོ་རྗེ་སེམས་དཔའ་སྒོམ་བྱེད་ཅིང ། །དེ་ཉིད་བསྐུར་ན་མྱུར་བར་ནི། །མཉེས་པར་འགྱུར་བ་དེས་འགྲུབ་བོ། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་མཉེས་པར་བྱེད་པའི་དངོས་གྲུབ་ཀྱི་རྒྱུད་དོ། །སངས་རྒྱས་བཀའ་ནི་བསྲུང་བ་དང ། །སེམས་ཅན་དོན་ནི་སྤྱད་པའི་ཕྱིར། །རྔམ་པས་མངོན་སྤྱོད་བྱས་ན་ནི། །རྡོ་རྗེ་རྣམས་ནི་མཉེས་པར་འགྱུར། །ཞེས་བཅོམ་ལྡན་འདས་འཇིག་རྟེན་གསུམ་ལས་རྣམ་པར་རྒྱལ་བས་གསུངས་སོ། །དེ་ལ་འདི་ནི་པདྨའི་རིགས་ཀྱི་མཉེས་པར་བྱ་བའི་དངོས་གྲུབ་ཀྱི་རྒྱུད་དོ། ཆགས་པས་ཀུན་ཏུ་བལྟ་བ་དང ། །བྱམས་དང་སྙིང་རྗེས་ཆོས་སྨྲ་དང ། །མི་འཇིགས་ཀུན་སྦྱིན་བྱེད་པ་རྣམས། །སངས་རྒྱས་ཀུན་གྱིས་མཉེས་པར་བྱེད། །ཅེས་བཅོམ་ལྡན་འདས་རྡོ་རྗེ་སྤྱན་གྱིས་གསུངས་སོ། །དེ་ལ་འདི་ནི་ནོར་བུའི་རིགས་མཉེས་པར་བྱ་བའི་དངོས་གྲུབ་ཀྱི་རྒྱུད་དེ། དབང་བསྐུར་བ་ནི་རབ་སྦྱིན་དང ། །ནོར་བསགས་རབ་ཏུ་སྦྱིན་བྱེད་ཅིང ། །དེ་ཡང་སངས་རྒྱས་དོན་དུ་སྦྱོར། །འདི་ནི་སངས་རྒྱས་མཉེས་པར་བྱེད། །
276a
༄#། །ཅེས་བཅོམ་ལྡན་འདས་འཕགས་པ་ནམ་མཁའི་སྙིང་པོས་གསུངས་སོ། །རིགས་ཐམས་ཅད་ཀྱི་མཉེས་པར་བྱ་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དབང་དུ་བྱ་བའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དབང་དུ་བྱ་བའི་དངོས་གྲུབ་ཀྱི་རྒྱུད་དེ། དེ་ལྟར་རྣམ་དག་བདེ་སྦྱིན་པ། །འདོད་ཆགས་ལ་ནི་བརྙས་མི་བྱ། །སེམས་ཅན་ཀུན་གྱི་དོན་དུ་བརྩོན། །འདི་ནི་སངས་རྒྱས་དབང་དུ་བྱེད། །ཅེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དབང་དུ་བྱ་བའི་དངོས་གྲུབ་ཀྱི་རྒྱུད་དེ། འདོད་སྟེན་བདེ་བའི་བདག་ཉིད་ཀྱིས། །སུ་ར་ཏ་སྟྭཾ་ཞེས་སྨྲ་ཞིང ། །རྡོ་རྗེ་སེམས་དཔའ་བསྒྲུབས་ན་ནི། །དེ་ཉིད་བསྐུལ་ན་དབང་དུ་འགྱུར། །ཞེས་བཅོམ་ལྡན་འདས་ཀུན་ཏུ་བཟང་པོས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་དབང་དུ་བྱ་བའི་དངོས་གྲུབ་ཀྱི་རྒྱུད་དེ། སངས་རྒྱས་བཀའ་ནི་སེམས་ཅན་རྣམས། །དག་བྱ་ལུས་ཅན་སྐྱབས་སྦྱིན་དང ། །སངས་རྒྱས་བསྟན་པ་བསྲུང་བའི་ཕྱིར། །བསད་ན་ཡང་ནི་དབང་དུ་འགྱུར། །ཞེས་བཅོམ་ལྡན་འདས་རྡོ་རྗེ་ཧཱུཾ་ཞེས་བྱ་བས་གསུངས་སོ། །དེ་ལ་འདི་ནི་པདྨའི་རིགས་ཀྱི་དབང་དུ་བྱ་བའི་དངོས་གྲུབ་ཀྱི་རྒྱུད་དེ། པདྨ་འདབ་མ་ཁ་
276b
འབྱེད་ཅིང ། །འདོད་ཆགས་དག་ལ་ཀུན་རྟོག་ལ། །གདུལ་བའི་ཕྱིར་ནི་ཆགས་བྱེད་ཅིང ། །འདོད་པར་བྱེད་པ་དབང་དུ་འགྱུར། །ཞེས་བཅོམ་ལྡན་འདས་འཕགས་པ་ཀུན་ཏུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་དབང་དུ་བྱ་བའི་དངོས་གྲུབ་ཀྱི་རྒྱུད་དེ། སངས་རྒྱས་ཐམས་ཅད་དབང་བསྐུར་ཕྱིར། །རྡོ་རྗེ་རིན་ཆེན་ཉིན་རེ་རེར། །སྤྱི་བོར་བཞག་སྟེ་དབང་བསྐུར་ན། །སངས་རྒྱས་ཐམས་ཅད་དབང་དུ་འགྱུར། །ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །རིགས་ཐམས་ཅད་ཀྱི་དབང་དུ་བྱ་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་བསད་པའི་དངོས་གྲུབ་ཀྱི་རྒྱུད་དེ། དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་བསད་པའི་དངོས་གྲུབ་ཀྱི་རྒྱུད་དེ། སེམས་ཅན་ཀུན་དོན་མ་མཐོང་ཞིང ། །སངས་རྒྱས་དེ་ཉིད་མ་སྦྱངས་ལ། །ཡིད་དང་ངག་དང་ལུས་ཀྱིས་ནི། །བསད་ན་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་བསད་པའི་དངོས་གྲུབ་ཀྱི་རྒྱུད་དེ། དངོས་གྲུབ་ཐམས་ཅད་མ་ཐོབ་ལ། །རིགས་རྣམས་ཀྱང་ནི་མི་བརྩོན་ཞིང ། །རྡོ་རྗེ་ཀུན་ཏུ་བརྟགས་ནས་ནི། །བསད་ན་དངོས་གྲུབ་མྱུར་དུ་ཐོབ། །ཅེས་བཅོམ་ལྡན་འདས་ཕྱག་ན་རྡོ་རྗེས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་བསད་པའི་
277a
༄#། །དངོས་གྲུབ་ཀྱི་རྒྱུད་དེ། མ་རུངས་མི་བརྟུལ་ཁྲོ་མེད་ཅིང ། །དེ་བཞིན་སེམས་ཅན་མི་འདུལ་ལ། །བདག་ཉིད་སྡུག་བསྔལ་འཐོབ་བྱེད་ན། །ཧཱུཾ་ཞེས་བྱ་བས་བསད་པར་བྱ།། ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་པདྨའི་རིགས་ཀྱི་བསད་པའི་དངོས་གྲུབ་ཀྱི་རྒྱུད་དེ། སྙིང་རྗེ་མེད་ཅིང་བྱམས་མེད་ལ། །སེམས་ཅན་མ་རུངས་མི་སྐྱོང་ཞིང ། ། བདག་ཉིད་ཀྱི་ནི་བསླུས་ན་ཡང ། །བསད་ན་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་འཕགས་པ་ཀུན་ཏུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་བསད་པའི་དངོས་གྲུབ་ཀྱི་རྒྱུད་དེ། མི་གཏོང་བདག་ལ་ནོར་མེད་ཅིང ། །ནོར་སྟོར་བ་དང་གནོད་བྱེད་ལ། །དབུལ་པོར་གྱུར་ལ་སེམས་ཅན་རྣམས། །བསད་ན་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་རེ་བ་ཐམས་ཅད་ཡོངས་སུ་སྐོང་བས་གསུངས་སོ། །ཁ་ཅིག་གིས་ནི་སངས་རྒྱས་ཀྱི། །རྣལ་འབྱོར་མ་ཐོབ་གསོད་བཅུག་ན། །དེ་དག་དྲང་བར་བྱ་བའི་ཕྱིར། །བདག་གི་དངོས་གྲུབ་སྦྱིན་པར་བྱ། །ཞེས་བཅོམ་ལྡན་འདས་འཕགས་པ་ཀུན་ཏུ་བཟང་པོས་གསུངས་སོ། །རིགས་ཐམས་ཅད་ཀྱི་བསད་པའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་སྲུང་བའི་ཕྱག་རྒྱའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་སྲུང་བའི་དངོས་གྲུབ་ཀྱི་
277b
རྒྱུད་དེ། སེམས་ཅན་ཐམས་ཅད་མི་གཏོང་ཞིང ། །རྟག་ཏུ་སངས་རྒྱས་ཆོས་བདག་ཉིད། །རྟག་པར་སངས་རྒྱས་ཡིད་ལ་བྱེད། །འདི་ནི་སྲུང་བ་རྨད་ཀྱི་མཆོག་།ཅེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་སྲུང་བའི་དངོས་གྲུབ་ཀྱི་རྒྱུད་དེ། རྡོ་རྗེ་སེམས་དཔའི་མཚན་ཙམ་ཞིག་།ལན་གཅིག་ཙམ་ཡང་བརྗོད་གྱུར་ན། །འདི་ནི་སྲུང་བ་བརྟག་ཆེན་པོ། །སྐད་ཅིག་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་སྲུང་བའི་དངོས་གྲུབ་ཀྱི་རྒྱུད་དེ། རིགས་དང་རྒྱུད་ཀྱིས་ཆོག་མི་ཤེས། །འཇིག་རྟེན་གསུམ་རྒྱལ་བདག་ཉིད་ཀྱིས། །རྡོ་རྗེ་ཧཱུཾ་ལ་མོས་བྱེད་པ། །འདི་ནི་བདག་དང་གཞན་ལས་སྲུང ། །ཞེས་བཅོམ་ལྡན་འདས་རྡོ་རྗེ་ཧཱུཾ་ཞེས་བྱ་བས་གསུངས་སོ། །དེ་ལ་འདི་ནི་པདྨའི་རིགས་ཀྱི་སྲུང་བའི་དངོས་གྲུབ་ཀྱི་རྒྱུད་དོ། །འདོད་ཆགས་དག་ཅིང་བྱམས་པ་ཆེ། །ཐམས་ཅད་ལ་ནི་མི་འཇིགས་སྦྱིན། །འཇིག་རྟེན་དབང་གིས་མཚན་ཟློས་པ། །སྲུང་བ་འདི་ནི་རྨད་དུ་ཆེ། །ཞེས་བཅོམ་ལྡན་འདས་རྡོ་རྗེ་ཆོས་ཀྱིས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་སྲུང་བའི་དངོས་གྲུབ་ཀྱི་རྒྱུད་དོ། །སངས་རྒྱས་སེམས་ཅན་གཏོང་བྱེད་པར། །ཅི་ནུས་པར་ནི་སྦྱོར་བྱེད་ཅིང ། །ཉི་མ་སྟོངས་པར་མི་བྱ་བར། །སྲུང་བ་འདི་ནི་རྨད་ཀྱི་མཆོག ། ཅེས་བཅོམ་ལྡན་འདས་རྡོ་རྗེ་སྲུང་བས་གསུངས་སོ། །རིགས་ཐམས་ཅད་ཀྱི་སྲུང་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་བཅོམ་ལྡན་འདས་
278a
༄#། །ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་རྒྱུད་འདི་བ་ཞེས་པར་གསོལ། གང་གིས་སེམས་ཅན་ཐམས་ཅད་བརྟག་པ་ཐམས་ཅད་ཀྱི་དབང་ཕྱུག་ཏུ་གྱུར་ནས་རྟོགས་པར་བགྱི་སྟེ། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་བའི་སླད་དུའོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེ་ལ་ལེགས་སོ་ཞེས་བྱ་བ་བྱིན་ཏེ། ཕྱག་ན་རྡོ་རྗེ་ལ་ལེགས་པར་བཤད་པས་ངེད་ཀྱིས་བླངས་ཤིང་བྱིན་གྱིས་བརླབས་ཀྱིས་ལེགས་སོ་ལེགས་སོ། །དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེ་ལ་ལེགས་སོ་ཞེས་བྱ་བ་བྱིན་ཏེ། རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང ། །ཐེག་པ་ཆེན་པོ་མངོན་འདུས་པའི། །མདོ་སྡེ་འདི་ནི་ལེགས་བཤད་པ། །རྡོ་རྗེ་སེམས་དཔའ་ཁྱོད་ལེགས་སོ། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ནི་ཁྱོད་ལེགས་སོ། །རྡོ་རྗེ་ལས་ནི་ཁྱོད་ལེགས་སོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས། བརྟག་པ་ཐམས་ཅད་ཀྱི་ཐབས་ཀྱི་ཆོ་ག་རྒྱས་པའི་རྒྱུད་རྫོགས་སོ།། །།དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་གསང་བའི་དངོས་
278b
གྲུབ་ཀྱི་རྒྱུད་འདི་གསུངས་སོ། །དེ་ལ་དང་པོ་འདིར་ནི་དེ་བཞིན་གཤེགས་པ་ཐམས་ཅད་ཀྱི་རིགས་དམ་པའི་གསང་བའི་དངོས་གྲུབ་ཀྱི་རྒྱུད་དོ། སངས་རྒྱས་བྱང་ཆུབ་ཏིང་ངེ་འཛིན། །རབ་མཉམ་བཞག་པས་བསྒོམས་ན་ནི། །བྱང་ཆུབ་བདེ་བས་ཐོབ་པར་འགྱུར། །བསམས་ནས་དེ་ནི་རྟོགས་པར་བྱ། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་རིགས་དམ་པའི་གསང་བའི་དངོས་གྲུབ་ཀྱི་རྒྱུད་དོ། སེམས་དཔའ་རྡོ་རྗེ་སྙིང་གར་བཅིངས། །ང་ཡི་ཆུང་མ་ཁྱོད་སྡུག་པ། །བརྟན་པར་གྱུར་ཅིག་ཅེས་སྨྲས་ནས། །ཕྱག་རྒྱ་ཐམས་ཅད་བསྒྲུབ་བྱ་སྟེ། །ཆོག་འདི་ཡི་ཚུལ་གྱིས་ནི། །རང་གིས་ལས་རྣམས་མ་གྲུབ་ཀྱང ། །གསང་བའི་ཆུང་མ་ཞེས་སྨྲས་ན། །ཤིན་ཏུ་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་སེམས་དཔའ་རྡོ་རྗེས་གསུངས་སོ། །དེ་ལ་འདི་ནི་རྡོ་རྗེའི་རིགས་དམ་པའི་གསང་བའི་དངོས་གྲུབ་ཀྱི་རྒྱུད་དེ། ཇི་ལྟ་བ་བཞིན་བསྒྲུབས་ན་ཡང ། །དངོས་གྲུབ་ཐོབ་པར་མ་གྱུར་ན། །ཧཱུཾ་གིས་ཕྱག་རྒྱས་བསད་ན་ནི། །སྐྲག་སྟེ་དངོས་གྲུབ་སྦྱིན་པར་བྱེད། །ཅེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་ཧཱུཾ་ཞེས་བྱ་བས་གསུངས་སོ། །དེ་བཞིན་འདི་ནི་པདྨའི་རིགས་ཀྱི་དངོས་གྲུབ་དམ་པའི་གསང་བའི་རྒྱུད་དེ། ཏིང་འཛིན་ཕྱག་རྒྱ་བཅིངས་ནས་ཀྱང ། །རྡོ་རྗེ་བལྟ་བས་བལྟས་ནས་ཀྱང ། །བདག་གིས་ཆུང་མའམ་གཞན་ཆུང་མ། །སྡུག་པའི་
279a
༄#། །དངོས་གྲུབ་ཐོབ་པར་འགྱུར། ཞེས་བཅོམ་ལྡན་འདས་པདྨོ་འདོད་པས་གསུངས་སོ། །དེ་ལ་འདི་ནི་ནོར་བུའི་རིགས་དམ་པའི་དངོས་གྲུབ་གསང་བའི་རྒྱུད་དོ། ། དབང་པོ་གཉིས་ནི་མཉམ་སྦྱར་ལ། །བདེ་བའི་མཆོག་ཅེས་སྨྲ་བྱེད་ཅིང ། །སངས་རྒྱས་ཀུན་ལ་ཉིད་དབང་པོ། །ཕུལ་ན་མྱུར་དུ་དངོས་གྲུབ་འགྱུར། ཞེས་བཅོམ་ལྡན་འདས་ནོར་བུ་བཞེད་པས་གསུངས་སོ། །རིགས་དམ་པ་ཐམས་ཅད་ཀྱི་དངོས་གྲུབ་གསང་བའི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གི་གསང་བའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དམ་ཚིག་གི་དངོས་གྲུབ་གསང་བའི་རྒྱུད་དེ། ས་མ་ཡ་སྟྭཾ་ཞེས་བརྗོད་ཅིང ། །བུད་མེད་ཀུན་ལ་ཆགས་བྱས་ལ། །སེམས་ཅན་དོན་གྱིས་མི་སྐྱོ་ན། །ངེས་པར་སངས་རྒྱས་དེས་མཉེས་སོ། །ཞེས་བཅོམ་ལྡན་འདས་རྣམ་པར་སྣང་མཛད་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དམ་ཚིག་གི་དངོས་གྲུབ་གསང་བའི་རྒྱུད་དེ། འདོད་ཆགས་ལ་ནི་བརྙས་མི་བྱ། །བུད་མེད་ཀུན་དང་རྩེ་བྱེད་པ། །རྡོ་རྗེ་རྣམས་ཀྱི་གསང་དམ་ཚིག་།འདི་ནི་བསྲུང་ན་འགྲུབ་པར་འགྱུར། ཞེས་བཅོམ་ལྡན་འདས་རྣམ་པར་སྣང་མཛད་ཀྱིས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་དམ་
279b
ཚིག་གི་དངོས་གྲུབ་གསང་བའི་རྒྱུད་དེ། གསོད་པ་འཇིག་རྟེན་ཐམས་ཅད་གསོད། །ལུས་དང་ངག་ལ་དམ་དགྱེས་པ། །འཇིག་རྟེན་རྣམ་པར་སྦྱངས་ནས་ནི། །དམ་པའི་དངོས་གྲུབ་སྦྱིན་པའོ། །ཞེས་བཅོམ་ལྡན་འདས་འཇིག་རྟེན་གསུམ་ལས་རྣམ་པར་རྒྱལ་བས་གསུངས་སོ། །དེ་ལ་འདི་ནི་པདྨའི་རིགས་ཀྱི་དམ་ཚིག་གི་དངོས་གྲུབ་གསང་བའི་རྒྱུད་དེ། དག་པའི་བདག་ཉིད་འདོད་ཆགས་དག་།མུ་སྟེགས་རྣལ་འབྱོར་མ་དག་ལ། །དག་པའི་བདག་ཉིད་དམ་ཚིག་ནི། །བསྲུང་ན་དངོས་གྲུབ་ཐོབ་པར་འགྱུར། ཞེས་བཅོམ་ལྡན་འདས་ཀུན་ཏུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་དམ་ཚིག་གི་དངོས་གྲུབ་གསང་བའི་རྒྱུད་དོ། །རྡོ་རྗེ་སྙིང་པོའི་ཏིང་འཛིན་གྱིས། །རྡོ་རྗེ་ནོར་བུ་སྔར་བཅིངས་ལ། །མ་རུངས་རྣམས་ཀྱི་ནོར་ཕྲོགས་ན། །དམ་ཚིག་དངོས་གྲུབ་སྦྱིན་པར་འགྱུར། །ཞེས་བཅོམ་ལྡན་འདས་རྡོ་རྗེ་རིན་པོ་ཆེས་གསུངས་སོ། །རིགས་ཐམས་ཅད་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དངོས་གྲུབ་གསང་བའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་ཆོས་ཀྱི་དངོས་གྲུབ་གསང་བའི་རྒྱུད་དེ། ཆོས་རྣམས་རང་བཞིན་དག་པར་ནི། །རབ་མཉམ་བཞག་པས་བསྒོམས་ནས་ཀྱང ། །དགོས་པ་ཐམས་ཅད་
280a
༄#། །བྱས་ནས་ཀྱང ། །སངས་རྒྱས་པ་ཡི་དངོས་གྲུབ་འཐོབ། །ཅེས་བཅོམ་ལྡན་འདས་རྡོ་རྗེ་དབྱིངས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཆོས་ཀྱི་དངོས་གྲུབ་གསང་བའི་རྒྱུད་དེ། སེམས་ཅན་ཀུན་ལ་ཆགས་བྱེད་ཅིང ། །ཡུལ་ལ་སྐྱོ་བར་མ་གྱུར་ལ། །བུད་མེད་དགའ་བའི་དག་པ་ནི། །གསང་ཆོས་དངོས་གྲུབ་རབ་སྦྱིན་ནོ། །ཞེས་བཅོམ་ལྡན་འདས་རྡོ་རྗེ་གསང་བས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་ཆོས་ཀྱི་དངོས་གྲུབ་གསང་བའི་རྒྱུད་དེ། རྣ་བའི་རྣལ་འབྱོར་ཧཱུཾ་ཞེས་པ། །ཕྲ་བའི་རྡོ་རྗེ་ཏིང་འཛིན་གནས། །མི་འགྲུངས་རྣལ་འབྱོར་འདི་བསད་ཅེས། །རབ་ཏུ་འབར་བའི་རྡོ་རྗེས་བསྒྱེལ། །དམ་པའི་དངོས་གྲུབ་སྦྱིན་པའོ། །ཞེས་བཅོམ་ལྡན་འདས་དམ་ཚིག་དམ་པས་གསུངས་སོ། །དེ་ལ་འདི་ནི་པདྨོ་རིགས་ཀྱི་ཆོས་ཀྱི་དངོས་གྲུབ་གསང་བའི་རྒྱུད་དེ། རྡོ་རྗེ་ཕྲ་མོའི་ཚུལ་གྱིས་ནི། །རྡོ་རྗེ་ཆོས་ཀྱི་ཏིང་འཛིན་གྱིས། །བུད་མེད་ཀུན་དང་རྩེ་བྱེད་ཅིང ། །ཆོས་ཀྱི་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་ཀུན་ཏུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ཆོས་ཀྱི་དངོས་གྲུབ་གསང་བའི་རྒྱུད་དེ། དབང་པོ་གཉིས་ནི་མཉམ་སྦྱར་ལ། །རེ་བ་ཐམས་ཅད་ཡོངས་བཀང་ནས། །བུད་མེད་དམ་ནི་སྡུག་པ་ཡི། །དངོས་གྲུབ་བླ་མེད་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་རིན་པོ་ཆེས་
280b
གསུངས་སོ། །རིགས་ཐམས་ཅད་ཀྱི་ཆོས་ཀྱི་དངོས་གྲུབ་གསང་བའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དངོས་གྲུབ་གསང་བའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་ལས་ཀྱི་དངོས་གྲུབ་གསང་བའི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གྱིས། །སངས་རྒྱས་རྗེས་སུ་དྲན་བསྒོམས་ལ། །བུད་མེད་ལུས་ཀྱི་བུ་གར་བླུགས། །བུད་མེད་རྣམས་ནི་དབང་དུ་འགྱུར། །ཞེས་བཅོམ་ལྡན་འདས་རྣམ་པར་སྣང་མཛད་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ལས་ཀྱི་དངོས་གྲུབ་གསང་བའི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གནས། །བུ་ག་ནས་ནི་དེ་བཞིན་ཞུགས། །བུད་མེད་ལུས་སུ་ལེགས་ཁྱབ་བྱས། །སེམས་མེད་པ་ཡང་མགུ་བར་འགྱུར། །ཞེས་བཅོམ་ལྡན་འདས་རྡོ་རྗེ་དགྱེས་པས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་ལས་ཀྱི་དངོས་གྲུབ་གསང་བའི་རྒྱུད་དེ། རྡོ་རྗེ་ཧཱུཾ་གི་ཕྱག་རྒྱ་ནི། །རབ་མཉམ་བཞག་པས་བཅིངས་ནས་ཀྱང ། །ཁྲོས་ནས་བུ་གར་ཞུགས་ན་ནི། །ཡིད་ཀྱིས་དེ་ནི་དབབ་པར་བྱ། །ཞེས་བཅོམ་ལྡན་འདས་རྡོ་རྗེ་དམ་ཚིག་གིས་གསུངས་སོ། །དེ་ལ་འདི་ནི་པདྨའི་རིགས་ཀྱི་ལས་ཀྱི་དངོས་གྲུབ་གསང་བའི་རྒྱུད་དེ། ཆོས་ཀྱི་ལས་ཀྱི་ཕྱག་རྒྱ་ནི། །བཅིངས་ནས་པདྨའི་ཏིང་འཛིན་གྱིས། །བུ་གར་བཅུག་ན་བུད་མེད་རྣམས། །ཐམས་ཅད་ཀྱང་ནི་བསྲུང་བར་
281a
༄#། །འགྱུར། །ཞེས་བཅོམ་ལྡན་འདས་རྡོ་རྗེ་པདྨ་ས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ལས་ཀྱི་དངོས་གྲུབ་གསང་བའི་རྒྱུད་དོ། །རྡོ་རྗེ་རིན་ཆེན་ཏིང་འཛིན་གྱིས། །ལས་ཀྱི་རྡོ་རྗེ་ནོར་བུར་བཅིངས། །བུ་གར་བཅུག་ན་བུད་མེད་རྣམས། །ཉིད་དུ་ཕབ་ནས་གར་བྱེད་འགྱུར། །ཞེས་བཅོམ་ལྡན་འདས་རྡོ་རྗེ་རིན་པོ་ཆེས་གསུངས་སོ། །རིགས་ཐམས་ཅད་ཀྱི་ལས་ཀྱི་དངོས་གྲུབ་གསང་བའི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་དཀྱིལ་འཁོར་དག་པའི་དངོས་གྲུབ་གསང་བའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་འཁོར་ལོ་དག་པའི་དངོས་གྲུབ་གསང་བའི་རྒྱུད་དོ། །ཆོས་ཀྱི་འཁོར་ལོ་འདྲ་བར་ནི། །གསང་བའི་དཀྱིལ་འཁོར་བྲི་བྱ་ཞིང ། །ཕྱག་རྒྱ་བུད་མེད་རྣམས་ཀྱིས་བསྐོར། །དེས་ནི་སངས་རྒྱས་གཞག་པར་བྱ། །གསང་བ་དེར་ནི་ཞུགས་ནས་ཀྱང ། །སངས་རྒྱས་ལ་ནི་ཉིད་དུ་སྨྲ། །བརྱ་ཧེ་ཏ་པཥྚ་ས་བ་བི་བོ་ད་ཏ་སཝ་མཱཾ་སརྦ། །རིགས་རྣམས་ཀུན་གྱི་ཕྱག་རྒྱ་ནི། །ཚུལ་རྣམས་ལ་ཡང་དེ་སྐད་བརྗོད། །སངས་རྒྱས་རྣམས་ནི་མཉམ་མེད་པའི། །གསང་བའི་དངོས་གྲུབ་ཐོབ་པར་འགྱུར། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་
281b
སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དཀྱིལ་འཁོར་ཐམས་ཅད་ཀྱི་དངོས་གྲུབ་གསང་བའི་རྒྱུད་དོ། །རྡོ་རྗེ་དབྱིངས་དང་འདྲ་བར་ནི། །དཀྱིལ་འཁོར་ལེགས་པར་བྲི་བར་བྱ། །དེ་བཞིན་གཤེགས་པའི་རིགས་རྣམས་ནི། །ཐམས་ཅད་ཀྱི་ནི་མཆོག་འཚལ་ཏེ། །དཀྱིལ་འཁོར་དུ་ནི་ཞུགས་ནས་ཀྱང ། །དངོས་གྲུབ་འདོད་པས་མྱུར་བར་ནི། །སུ་ར་ཏ་ས་མ་ཡ་སྟྭཾ་ཧོ། བཛྲ་སྟྭ་ཨཱདྱ་སིདྡྷྱ་མཱཾ། ཞེས་བརྗོད་སྙིང་པོ་འདི་བཟླས་ཏེ། །བསྒྲུབས་ན་ཐམས་ཅད་འགྲུབ་པར་འགྱུར། དེ་ཉིད་བསྐུལ་བའི་ཚུལ་གྱིས་ནི། །མགུ་ནས་མྱུར་དུ་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་དཀྱིལ་འཁོར་ཐམས་ཅད་ཀྱི་དངོས་གྲུབ་གསང་བའི་རྒྱུད་དོ། །ཁམས་གསུམ་རྣམ་རྒྱལ་འདྲ་བར་ནི། །རྡོ་རྗེ་རིགས་ཀུན་རྣམས་ཀྱི་ནི། །དཀྱིལ་འཁོར་ཐམས་ཅད་འཇུག་པར་ཡང ། །མཁས་པས་ལེགས་པར་བྲི་བར་བྱ། །དེར་ཞུགས་ནས་ནི་མྱུར་བ་ཡང ། །དངོས་གྲུབ་གསོལ་བ་འདེབས་བྱེད་ཅིང ། །རཱ་ག་ཏྭ་སི་སཾ་བྷཱ་ཏ། སྨྲ་ན་ཀུན་ཏུ་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་ཧཱུཾ་གིས་གསུངས་སོ། །དེ་ལ་འདི་ནི་པདྨའི་རིགས་ཀྱི་དཀྱིལ་འཁོར་ཐམས་ཅད་ཀྱི་དངོས་གྲུབ་གསང་བའི་རྒྱུད་དོ། །པདྨའི་
282a
༄#། །རིགས་ནི་ཐམས་ཅད་ཀྱིས། །འགྲོ་ལ་འདུལ་བའི་ཚུལ་དུ་ནི། །མཁས་བས་དཀྱིལ་འཁོར་བྲི་བར་བྱ། །དེར་ཞུགས་ནས་ནི་བརྗོད་བྱ་བ། །རཱ་ག་དྷརྨ་མཧཱ་པདྨ་པྲ་སིད་དྷ་ལ་ག་མེ་བི་བོ། །དེ་སྐད་སྨྲས་ནས་དཀྱིལ་འཁོར་ནི། །ཀུན་གྱི་དེས་ནི་དངོས་གྲུབ་འཐོབ། །ཅེས་བཅོམ་ལྡན་འདས་འཇིག་རྟེན་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་དཀྱིལ་འཁོར་ཐམས་ཅད་ཀྱི་དངོས་གྲུབ་གསང་བའི་རྒྱུད་དོ། །ནོར་བུ་ཆེན་པོའི་རིགས་རྣམས་ནི། །དོན་ཀུན་འགྲུབ་པའི་ཚུལ་དུ་ཡང ། །དཀྱིལ་འཁོར་ལེགས་པར་བྲིས་ནས་ནི། །ཞུགས་ནས་འདི་སྐད་སྨྲ་བར་བྱ། །སརྦ་པྲི་ཡ་སིདྡྷི་མཱཾ། རཱ་ག་ཤི་སིདྡྷི་མཱཾ། སིདྡྷི་སིདྡྷི་མཧཱ་སྟྭ། བཅོམ་ལྡན་ཐམས་ཅད་གྲུབ་པ་པོ། །དེ་སྐད་སྨྲས་ནས་དཀྱིལ་འཁོར་ཀུན། །ཞུགས་ནས་མཆོད་གསང་བླ་མེད་པའི། །དངོས་གྲུབ་ཆེན་པོ་ཐོབ་པར་འགྱུར། །ཕྱིན་ཆད་དངོས་གྲུབ་བདག་ཉིད་ཀྱིས། །བསྒྲུབ་ན་དངོས་གྲུབ་འགྲུབ་པར་འགྱུར། །གང་ཚེ་མྱུར་དུ་མི་འགྲུབ་ན། །དེ་ཉིད་བསྐུལ་ན་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །རིགས་ཐམས་ཅད་ཀྱི་དཀྱིལ་འཁོར་གསང་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་
282b
དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཐམས་ཅད་ཀྱི་གསང་བའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་ཕྱག་རྒྱ་གསང་བའི་དངོས་གྲུབ་ཀྱི་རྒྱུད་དོ། །ཏ་ཐཱ་ག་ཏ་མཧཱ་དེ་བི་བྱ། པྲི་ཡ་སརྦ་སུ་ཁཾ་པྲ་ཏ། བདེན་ལས་བྱུང་བའི་ཚིག་བདེན་པས། །བསྒྲུབས་ཀྱང་དེ་ནི་མ་གྲུབ་ནའོ། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཕྱག་རྒྱ་ཆེན་པོའི་གསང་བའི་དངོས་གྲུབ་ཀྱི་རྒྱུད་དོ། །ལྟག་འོག་གོ་རིམས་ཇི་བཞིན་དུ། །ཕྱག་རྒྱ་ཆེན་པོ་བཅིངས་ནས་ནི། །འདི་ནི་དེ་ཉིད་གསང་བ་ཡི། ། རྡོ་རྗེ་ཚུལ་གྱིས་འདི་སྨྲོས་ཤིག་།བཛྲ་སྟྭ་ས་མ་ཡ་ཧཾ། ཏྭ་མེ་བརྱ་ཏི་ཏིཥྛ། སརྦ་ཀཱ་ཡ་མཱ་མ་རི་ཤཝ་ར་ཛ། བཛྲ་གརྦྷེས་མུ་ཏ་ཀྵི་པ། རྡོ་རྗེ་འགྱིང་བའི་ལྷ་མོ་ཆེ། །དེ་ཉིད་བསྐུལ་བས་ཆགས་འགྱུར་བས། །ལུས་ཀུན་ལ་ནི་བརྟན་འགྱུར་ནས། །ཇི་བཞིན་མྱུར་དུ་དངོས་གྲུབ་བོ། །ཅེས་བཅོམ་ལྡན་འདས་རྡོ་རྗེ་འགྱིང་བའི་བདག་པོས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དོ། །སིདྡྷི་སིདྡྷི་ས་མ་ཡེ། ས་མ་ཡོ་ཧཾ་ཏཾ་པྲི་ཡ་མཱཾ། ཞེས་བསྐུལ་མྱུར་དུ་
283a
༄#། །ཆགས་གྱུར་ན། །རབ་ཏུ་ཡང་ནི་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་དམ་ཚིག་གིས་གསུངས་སོ། །དེ་ལ་འདི་ནི་པདྨའི་རིགས་ཀྱི་ཆོས་ཀྱི་ཕྱག་རྒྱ་གསང་བའི་དངོས་གྲུབ་ཀྱི་རྒྱུད་དོ། །བུད་དྷྱ་བུད་དྷྱ་མཧཱ་སཏྭ། བརྱ་ཏ་མེ་ཨ་ཏི་པྲི་ཡ། ཅེས་ནི་བསྐུལ་ན་མྱུར་བ་ཡང ། །རྗེས་སུ་ཆགས་ནས་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་ཆོས་ཀྱིས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ལས་ཀྱི་ཕྱག་རྒྱ་གསང་བའི་དངོས་གྲུབ་ཀྱི་རྒྱུད་དོ། །སརྦ་ཀརྨེ་མ་ད་བརྱ་ཝ་ཏ། མ་མེ་སིད་དྷྱ་དྷ་བིཛྲ་ཎི། རྡོ་རྗེ་ཅན་གྱིས་བསྐུལ་མྱུར་བར། །རྗེས་སུ་ཆགས་ནས་འགྲུབ་པར་འགྱུར། །ཞེས་བཅོམ་ལྡན་འདས་ནམ་མཁའ་སྙིང་པོས་གསུངས་སོ། །རིགས་པ་ཐམས་ཅད་ཀྱི་ཕྱག་རྒྱའི་གསང་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དོ། །མུ་སྟེགས་ཅན་རྣམས་ཕན་གདགས་ཕྱིར། །རི་མོའི་ཕྱག་རྒྱའི་ཚུལ་
283b
དུ་ནི། །སངས་རྒྱས་བཙུན་མོ་རབ་སྤ་བར། །ཤེས་ན་རབ་ཏུ་འགྲུབ་པར་འགྱུར། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དམ་ཚིག་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དོ། །སེམས་ཅན་ཀུན་གྱི་ཡིད་ལ་ཁྱབ། །སེམས་ཅན་ཀུན་ལ་བདེ་སྤྱིན་ཞིང ། །སེམས་ཅན་ཀུན་གྱི་ཡབ་ཉིད་ནི། །དམ་ཚིག་མཆོག་གི་འདོད་པའི་མཆོག། ཅེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསུངས་སོ། །འདི་ནི་སངས་རྒྱས་ཐམས་ཅད་ཀྱི། །གསང་བའི་མཆོག་སྟེ་རྨད་ཆེ་བར། །དང་ལྡན་ཤེས་ནས་དད་བྱས་ནས། །བསྒྲུབ་དཀའ་བ་ཡང་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། ། དེ་ལ་འདི་ནི་རྡོ་རྗེའི་རིགས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དོ། །ཆགས་པས་དག་པའི་ཆགས་བྲལ་གྱི། །སེམས་ཅན་དོན་གྱི་ཡིད་ཕྱུང་ནས། །མུ་སྟེགས་ལྟ་བར་བྱས་པ་སྟེ། །ལྟ་བ་ངན་པའི་གཅོང་རོང་ལྟུང ། །ཐེག་པ་ཆེ་ལ་འགོད་པའི་ཕྱིར། །གསོད་པའི་ཐ་ཚིག་མཆོག་ཡིན་ཏེ། །དེ་ལྟར་ཤེས་ན་འགྲུབ་པར་
284a
༄#། །འགྱུར་།ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་པདྨའི་རིགས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། མུ་སྟེགས་ཅན་རྣམས་གཞོམ་པའི་ཕྱིར། །འབྱུང་བ་ཆེ་ལས་ཐམས་ཅད་འབྱུང ། །མི་གཙང་ཞེས་ནི་ཅི་ཕྱིར་བརྗོད། །ངེས་པར་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་ཅན་གྱིས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། །བུད་མེད་ཆགས་ཕྱིར་རིན་ཆེན་རྣམས། །རྟག་ཏུ་ལེགས་པར་བསག་པར་བྱ། །བུད་མེད་བླ་མེད་རིན་ཆེན་ཞེས། །བསམས་ནས་དེ་ནི་འགྲུབ་པར་འགྱུར། ཞེས་བཅོམ་ལྡན་འདས་ཀྱི་བཀའ་བཞིན་དུ་མཛད་པས་གསུངས་སོ། །རིགས་ཐམས་ཅད་ཀྱི་དམ་ཚིག་གསང་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་མཆོད་པའི་དངོས་གྲུབ་གསང་བའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མཆོད་པའི་དངོས་གྲུབ་གསང་བའི་རྒྱུད་དེ། བུད་མེད་ཆགས་རྣམས་ཡོངས་བསྐོར་ལ། །ཀུན་ནས་རྩེས་པའི་བདེ་བ་ནི། །སངས་རྒྱས་མཆོད་ཕྱིར་ཕུལ་ན་ཡང ། །མཆོད་པའི་དངོས་གྲུབ་ཐོབ་པར་འགྱུར། ཞེས་སངས་རྒྱས་
284b
བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མཆོད་པའི་དངོས་གྲུབ་གསང་བའི་རྒྱུད་དེ། ཡང་དགས་ངལ་ཏེ་སྐྱོ་བ་ན། །རབ་གཟའ་ལས་བྱུང་བདེ་བ་དེ། །ཕྱག་བཞིས་པོས་ནི་མཆོད་པའི་ཕྱིར། །ཕུལ་ན་མྱུར་དུ་གྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་འཛི་པས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་མཆོད་པའི་དངོས་གྲུབ་གསང་བའི་རྒྱུད་དེ། ཧཱུཾ་གི་དམ་ཚིག་བཅིངས་ནས་ནི། །སྐྱེ་བོ་བུད་མེད་འཁྱུད་ནས་ནི། །འཁྱུད་པར་གྱུར་བའི་བདེ་བ་དེ། །ཕུལ་ན་དེ་ནི་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་ཧཱུཾ་གིས་གསུངས་སོ། །དེ་ལ་འདི་ནི་པདྨའི་རིགས་ཀྱི་མཆོད་པའི་དངོས་གྲུབ་གསང་བའི་རྒྱུད་དེ། འཇིག་རྟེན་དབང་པོར་བདག་བསྒོམས་ལ། །སྡུག་པའི་གདོང་དུ་བལྟས་ནས་ནི། །བལྟས་པར་གྱུར་པའི་བདེ་བ་དེ། །ཕུལ་ན་དེ་ཡི་འགྲུབ་པར་འགྱུར། །ཞེས་བཅོམ་ལྡན་འདས་པདྨའི་སྤྱན་གྱིས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་མཆོད་པའི་དངོས་གྲུབ་གསང་བའི་རྒྱུད་དེ། ལས་ཀྱི་ཕྱག་རྒྱ་བཅིངས་གྱུར་ལ། །རྒྱན་རྣམས་ཀུན་གྱིས་བརྒྱན་ནས་ཀྱང ། །བུད་མེད་འཁྱུད་པའི་ལོངས་སྤྱོད་ནི། །མཆོད་ཕྱིར་ཕུལ་ན་འགྲུབ་པར་འགྱུར། ཞེས་བཅོམ་ལྡན་འདས་རྡོ་རྗེ་རིན་ཆེན་གྱིས་གསུངས་སོ། །རིགས་ཐམས་ཅད་ཀྱི་མཆོད་པའི་དངོས་གྲུབ་གསང་བའི་ཆོ་ག་རྒྱས་པའི་རྒྱུད་དོ། །དེ་ནས་
285a
༄#། །བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་གསང་བའི་མཆོད་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་གསང་བའི་མཆོད་པའི་དངོས་གྲུབ་ཀྱི་རྒྱུད་དེ། རྫོགས་སངས་རྒྱས་སུ་བདག་བསྒོམས་ལ། །ཅི་ནས་སུས་ཀྱང་མི་ཚོར་བར། །གཞན་གྱི་བུད་མེད་རྩེ་བྱེད་ན། །མཆོད་པའི་དངོས་གྲུབ་ཐོབ་པར་འགྱུར། ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་གསང་བའི་མཆོད་པའི་རྒྱུད་དེ། རྡོ་རྗེ་འཇོམ་བྱས་ནས་ཀྱང ། །རྡོ་རྗེ་ཕྲེང་བ་འཆིང་བྱེད་ཅིང ། །དེ་ནས་རྡོ་རྗེ་གླུ་བླངས་ལ། །རྡོ་རྗེ་གར་གྱིས་མཆོད་བྱས་ལ། །འདོད་པའི་དགའ་བས་དབང་བསྐུར་མཆོག་།གླུ་དང་གར་གྱི་བདེ་བ་ལས། །བདེ་བ་གཞན་གྱིས་མྱོང་མིན་ཏེ། །དེ་ཕྱིར་གསང་མཆོག་འདི་བླ་མེད། །དེ་ལ་འདི་ནི་རྡོ་རྗེའི་རིགས་ཀྱི་གསང་བའི་མཆོད་པའི་དངོས་གྲུབ་ཀྱི་རྒྱུད་དེ། འཇིག་རྟེན་གསུམ་ལས་རྣམ་རྒྱལ་བསྒོམ། །ཆོ་ག་ཇི་བཞིན་ཚུལ་དུ་ཡང ། །གསང་བའི་མཆོད་པས་མཆོད་ན་ནི། །མཆོད་པའི་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་གསང་བས་གསུངས་སོ། །དེ་ལ་འདི་ནི་པདྨའི་རིགས་ཀྱི་མཆོད་པའི་གསང་བའི་དངོས་གྲུབ་ཀྱི་རྒྱུད་དེ། འགྲོ་བ་འདུལ་བའི་ཕྱག་རྒྱར་
285b
གནས། །གསང་པའི་ཚུལ་ནི་ཅི་བཞིན་པར། །ལས་ཀྱི་ཕྱག་རྒྱས་རབ་མཆོད་ན། །མཆོད་པའི་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་འཕགས་པ་ཀུན་ཏུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་གསང་བའི་མཆོད་པའི་དངོས་གྲུབ་ཀྱི་རྒྱུད་དེ། དོན་ཀུན་གྲུབ་པའི་རྣལ་འབྱོར་གྱིས། །གསང་བའི་ཚུལ་ནི་ཇི་བཞིན་པར། །ལས་ཀྱི་ཕྱག་རྒྱས་རབ་མཆོད་ན། །མཆོད་པའི་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སྙིང་པོས་གསུངས་སོ། །རིགས་ཐམས་ཅད་ཀྱི་གསང་བའི་མཆོད་པའི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་བསྐྱེད་པའི་གསང་བའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་དེ་ཁོ་ན་ཉིད་བསྐྱེད་པའི་དངོས་གྲུབ་གསང་བའི་རྒྱུད་དེ། མདོར་ན་ཏིང་འཛིན་ཡེ་ཤེས་ལས།། སེམས་ཅན་རྣམས་ལ་ཆགས་ཚུལ་གྱིས། །སངས་རྒྱས་ཉིད་དུ་འགྲུབ་འགྱུར་ན། །མྱུར་དུ་བླ་མེད་ཐོབ་པར་འགྱུར། ཞེས་བཅོམ་ལྡན་འདས་དེ་བཞིན་གཤེགས་པས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དེ་ཁོ་ན་ཉིད་ཆེན་པོ་བསྐྱེད་པའི་དངོས་གྲུབ་གསང་བའི་རྒྱུད་དེ། སེམས་ཅན་ཐོག་མ་ཐ་མ་མེད། །ནམ་མཁའ་འབྱུན་
286a
༄#། །བའི་མཚན་ཉིད་དེ། །ཀུན་ཏུ་བཟང་པོ་ཀུན་བདག་ཉིད། །འདོད་པའི་འགྲོ་བ་ཀུན་བདག་པོ། །སེམས་ཅན་ཀུན་གྱི་སེམས་གང་ནི། །བརྟན་ཕྱིར་སེམས་དཔའ་ཞེས་བྱའོ། །རྡོ་རྗེ་མཉམ་པར་མཉམ་གཞག་ན། །ངེས་པར་རྡོ་རྗེ་ཉིད་གྱུར་པ། །སེམས་དཔའི་བྱིན་རླབས་ཚུལ་གྱིས་ནི། །རྡོ་རྗེ་སེམས་དཔའ་ཉིད་དུ་འགྱུར། །བཅོམ་ལྡན་སེམས་དཔའ་དེ་ཉིད་དེ། །རྡོ་རྗེ་བཞད་པ་དེ་བཞིན་གཤེགས། །ཉིད་སེམས་རབ་ཏུ་རྟོགས་ལ་སོགས། །སངས་རྒྱས་བྱང་ཆུབ་ཆོ་ག་བཞིན། །དེ་ཉིད་བཅོམ་ལྡན་དེ་བཞིན་གཤེགས། །ཐམས་ཅད་ཀྱི་ནི་རིགས་སུ་འགྱུར། ཞེས་བཅོམ་ལྡན་འདས་ཐོག་མ་དང ། ཐ་མ་མེད་པའི་སེམས་དཔས་གསུངས་སོ། །དེ་བཞིན་གཤེགས་པའི་རིགས་ཉིད་དེ། །དེ་ཉིད་རྡོ་རྗེའི་རིགས་ཆེན་པོ། །དེ་ཉིད་པདྨའི་རིགས་དག་པ། །དེ་ཉིད་ནོར་བུའི་རིགས་ཀྱི་མཆོག། ཅེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་འཁོར་ལོས་གསུངས་སོ། །རིགས་ཐམས་ཅད་བསྐྱེད་པའི་གསང་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཕྱག་རྒྱ་མངོན་པར་བརྗོད་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་
286b
རིགས་ཀྱི་མཚན་མ་མངོན་པར་བརྗོད་པའི་དངོས་གྲུབ་གསང་བའི་རྒྱུད་དེ། བཅོམ་ལྡན་སེམས་དཔའ་དེ་ཉིད་ནི། །རྡོ་རྗེ་སེམས་དཔའ་ཐུགས་ལ་གནས། །མཉམ་པར་བཞག་ལས་ཏིང་འཛིན་ཏེ། །སངས་རྒྱས་བྱང་ཆུབ་རབ་ཏུ་བསྒྲུབ། ཅེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མཚན་མའི་མངོན་པར་བརྗོད་པའི་དངོས་གྲུབ་གསང་བའི་རྒྱུད་དོ། རབ་ཏུ་རྟོགས་ཕྱིར་རྡོ་རྗེ་སྟེ། །གཟུང་བའི་ཚུལ་གྱིས་ལྕགས་ཀྱུ་ཡིན། །ཕྲ་མོ་རྟོགས་ཕྱིར་མདའ་ཡིན་ལ། །མགུ་བར་གྱུར་ཕྱིར་ལེགས་ཞེས་བྱ། ། སྤྲས་པའི་ཕྱིར་ཡང་རིན་ཆེན་གསུངས། །གཟི་བརྗིད་ཚུལ་གྱིས་ཉི་མ་སྟེ། །རྒྱལ་མཚན་ལེགས་པར་སྒྲེང་བར་གསུངས། །འཛུམ་ཕྱིར་བཞད་པར་གྲགས་པ་ལ། །འདོད་ཆགས་དག་ཕྱིར་པདྨ་ཡིན། །རལ་གྲིས་ཉོན་མོངས་དགྲ་གཅོད་ཡིན། །དཀྱིལ་འཁོར་ཚུལ་དུ་འཁོར་ལོ་སྟེ། །ཚིག་གིས་བརྗོད་པས་སྨྲ་ཞེས་བྱ། །རྒྱ་གྲམ་ཚུལ་དུ་ཀུན་རྡོ་རྗེ། །མི་ཚུགས་ཚུལ་གྱིས་གོ་ཆ་ཡིན། །འཇིགས་བྱེད་ཚུལ་གྱིས་མཆེ་བ་སྟེ། །ཕྱག་རྒྱའི་ཚུལ་གྱིས་བསྡམས་པའོ། །ཇི་ལྟར་བཅོམ་ལྡན་སེམས་རྟག་པ། །རྡོ་རྗེ་སེམས་དཔའ་ཀུན་འགྲོ་བ། །དེ་བཞིན་རྡོ་རྗེ་མཚན་ལ་སོགས། །བསྒོམས་ན་མྱུར་དུ་འགྲུབ་པར་འགྱུར། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་མཚན་མས་གསུངས་སོ། །རིགས་ཐམས་ཅད་ཀྱི་མཚན་མ་
287a
༄#། །མངོན་པར་བརྗོད་པའི་དངོས་གྲུབ་གསང་བའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཕྱག་རྒྱ་བཅིང་བ་སྐྱེ་བའི་དངོས་གྲུབ་གསང་བའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཕྱག་རྒྱ་བཅིང་བ་སྐྱེ་བར་འགྱུར་བའི་དངོས་གྲུབ་གསང་བའི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གནས། །རྡོ་རྗེ་སྐྱིལ་མོ་ཀྲུང་བཅིངས་ལ། །ལག་གཉིས་རྡོ་རྗེར་བསྡམས་པ་ལས། །མྱུར་དུ་སངས་རྒྱས་ཉིད་འགྲུབ་འགྱུར།། ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཕྱག་རྒྱ་བཅིང་བ་སྐྱེ་བར་འགྱུར་བའི་དངོས་གྲུབ་གསང་བའི་རྒྱུད་དེ།་ཇི་ལྟར་རྒྱལ་པོ་ཉིད་ཕྱག་རྒྱ། །རྒྱལ་པོ་ཁྲིམས་ལ་འདེབས་པ་ལྟར། །བདག་ཉིད་ཆེན་པོ་སྐྱེ་བོ་རྣམས། །སྐུ་གསུང་ཐུགས་ནི་རྡོ་རྗེ་ཡི། །གཟུགས་བརྙན་གྱི་ནི་ཚུལ་དུ་ཡང། །ཉིད་ཀྱི་ཕྱག་རྒྱ་བཏབ་པ་ནི། །བདག་ཉིད་ཆེ་བའི་ཕྱག་རྒྱ་ཆེར། །ཤེས་ནས་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་ཕྱག་རྒྱ་ཆེན་པོས་གསུངས་སོ། ། དེ་ལ་འདི་ནི་རྡོ་རྗེའི་རིགས་ཀྱི་ཕྱག་རྒྱ་བཅིང་བ་སྐྱེ་བར་འགྱུར་བའི་དངོས་གྲུབ་གསང་བའི་རྒྱུད་དེ། ཇི་ལྟར་དམ་ཚིག་དམ་པ་ནི། །སྐྱེ་བོ་འགས་ནི་བཅིངས་གྱུར་ན། །ཤིན་
287b
ཏུ་འདའ་བར་མི་བྱ་བ། །དེ་ལྟར་དེ་བཞིན་གཤེགས་ཀུན་གྱི། །དམ་ཚིག་ཕྱག་རྒྱ་བཅིངས་པ་ཡིས། །རྡོ་རྗེ་བཅིང་བའི་མཆོག་བཅིངས་ན། །མ་ཤི་བར་དུ་མི་འདའ་བར། །ཤེས་ནས་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་རྡོ་རྗེ་དམ་ཚིག་གིས་གསུངས་སོ། །དེ་ལ་འདི་ནི་ཆོས་ཀྱི་རིགས་ཀྱི་ཕྱག་རྒྱ་བཅིང་བསྐྱེ་བར་འགྱུར་བའི་དངོས་གྲུབ་གསང་བའི་རྒྱུད་དེ། མདོར་ན་རྒྱལ་བས་རྡོ་རྗེའི་ངག། འདའ་བར་བྱ་བ་མ་ཡིན་ཏེ། །འདི་ནི་བཅིངས་པར་ཤེས་ནས་ཀྱང ། །དེས་ནི་ཆོས་ཀྱི་དངོས་གྲུབ་འགྱུར། ཞེས་བཅོམ་ལྡན་འདས་རྡོ་རྗེ་ཆོས་ཀྱིས་གསུངས་སོ། །དེ་ལ་འདི་ནི་རྡོ་རྗེ་ལས་ཀྱི་རིགས་ཀྱི་ཕྱག་རྒྱ་བཅིང་བ་སྐྱེ་བར་འགྱུར་བའི་དངོས་གྲུབ་གསང་བའི་རྒྱུད་དེ། རྡོ་རྗེ་བཀའ་དང་ལས་མང་རྣམས། །འདའ་བར་བྱ་བ་མ་ཡིན་ཞིང ། །བཀའ་ཉན་པ་ཡི་ལས་དེ་ནི། །ཤེས་ན་མྱུར་དུ་འགྲུབ་པར་འགྱུར། ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །རིགས་ཐམས་ཅད་ཀྱི་ཕྱག་རྒྱ་བཅིང་བ་སྐྱེ་བར་འགྱུར་བའི་དངོས་གྲུབ་ཀྱི་ཆོ་ག་རྒྱས་བ་གསང་བའི་རྒྱུད་དོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་འདས། འདི་ཡང་བདག་གིས་ཡོངས་སུ་གཟུང་ཞིང་བྱིན་གྱིས་བརླབས་སོ། །དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས།
288a
༄#། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོ་ཕྱག་ན་རྡོ་རྗེ་ལ་ལེགས་སོ་ཞེས་བྱ་བ་བྱིན་ནོ། །རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང ། །ཐེག་པ་ཆེན་པོ་མངོན་འདུས་པའི། །མདོ་འདི་ལེགས་པར་བཤད་པས་ན། །རྡོ་རྗེ་སེམས་དཔའ་ཁྱོད་ལེགས་སོ། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ནི་ཁྱོད་ལེགས་སོ། །རྡོ་རྗེ་ལས་ནི་ཁྱོད་ལེགས་སོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས། རིགས་ཐམས་ཅད་ཀྱི་རྟོག་པ་གསང་བའི་ཆོ་ག་རྒྱས་པའི་རྒྱུད་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཆོས་དམ་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཆོས་དམ་པའི་དངོས་གྲུབ་ཀྱི་རྒྱུད་དེ། སངས་རྒྱས་རྗེས་སུ་དྲན་ཚུལ་གྱིས། །སངས་རྒྱས་ཆོས་ཀྱི་ཏིང་འཛིན་ནི། །མཉམ་བར་བཞག་པས་བསྒོམས་ན་ཡང ། །བླ་མེད་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་དེ་བཞིན་གཤེགས་པས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཆོས་དམ་པའི་དངོས་གྲུབ་ཀྱི་རྒྱུད་དེ། ཆགས་པས་རྗེས་སུ་དྲན་ཚུལ་གྱིས། །སེམས་དཔའ་ཐམས་
288b
ཅད་ཏིང་འཛིན་གནས། །རབ་མཉམ་བཞག་པས་བསྒོམས་ན་ནི། །དངོས་གྲུབ་དམ་པ་ཐོབ་པར་འགྱུར། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱིས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་ཆོས་དམ་པའི་དངོས་གྲུབ་ཀྱི་རྒྱུད་དེ། ཁམས་གསུམ་རྣམ་རྒྱལ་ཆ་ལུགས་སུ། །བསྒོམས་ནས་མདུན་དང་དེ་བཞིན་ཏེ། །ཕྱག་ན་རྡོ་རྗེའི་མཐུར་གྱུར་ནས། །ཁམས་གསུམ་རྣམ་པར་རྒྱལ་བར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་པདྨའི་རིགས་ཀྱི་ཆོས་དམ་པའི་དངོས་གྲུབ་ཀྱི་རྒྱུད་དེ། འགྲོ་བ་འདུལ་བའི་ཆོས་སུ་ནི། །བསྒོམས་ནས་མདུན་དུ་དེ་བཞིན་ཏེ། །རྣམ་པ་ཀུན་གྱི་མཆོག་ལྡན་པར། །འདུལ་བར་དེ་ནི་རབ་བྱེད་ཅེས། །བཅོམ་ལྡན་རྡོ་རྗེ་ཆོས་ཀྱིས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ཆོས་དམ་པའི་དངོས་གྲུབ་ཀྱི་རྒྱུད་དེ། དོན་ཀུན་གྲུབ་པའི་སྐུར་ཡང་ནི། །བསྒོམས་ནས་མདུན་དུ་དེ་བཞིན་ཏེ། །རྣམ་པའི་མཆོག་ཀུན་ལྡན་པ་ཡི། །ཕུན་ཚོགས་དོན་ནི་དེས་འཐོབ་བོ། །ཞེས་བཅོམ་ལྡན་འདས་རྡོ་རྗེ་ནོར་བུས་གསུངས་སོ། །རིགས་ཐམས་ཅད་ཀྱི་ཆོས་དམ་པའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཆོས་ཀྱི་དམ་ཚིག་གི་དངོས་གྲུབ་ཀྱི་རྒྱུད་འདི་གསུངས་སོ།།
289a
༄#། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་དམ་ཚིག་དངོས་གྲུབ་ཀྱི་རྒྱུད་དེ། སངས་རྒྱས་རྗེས་སུ་དྲན་གྱུར་ལ། །རྡོ་རྗེ་ཕྲ་མོ་ཚུལ་གྱིས་ནི། །བཛྲ་བཛྲ་ཞེས་བརྗོད་ན། །སངས་རྒྱས་དངོས་གྲུབ་ཐོབ་པར་འགྱུར། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཆོས་ཀྱི་དམ་ཚིག་གི་དངོས་གྲུབ་ཀྱི་རྒྱུད་དེ། རྡོ་རྗེ་སེམས་དཔའི་ཏིང་ངེ་འཛིན་དུ། །རྡོ་རྗེ་ཕྲ་མོ་སྒོམ་བྱེད་ཅིང ། །བཛྲ་སཏྭ་ཞེས་བརྗོད་ན། །རྡོ་རྗེ་སེམས་དཔའ་ཉིད་འགྲུབ་པོ་ཞེས་བཅོམ་ལྡན་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་ཆོས་ཀྱི་དམ་ཚིག་གི་དངོས་གྲུབ་ཀྱི་རྒྱུད་དེ། ཁམས་གསུམ་རྣམ་རྒྱལ་ཆ་ལུགས་སུ། ། དྲན་བྱེད་མདུན་དུ་དེ་བཞིན་ཏེ། །ཧཱུཾ་ཧཱུཾ་ཧཱུཾ་ཧཱུཾ་ཞེས་བརྗོད་ན། །དངོས་གྲུབ་བླ་མེད་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་ཧཱུཾ་གིས་གསུངས་སོ། །དེ་ལ་འདི་ནི་པདྨའི་རིགས་ཀྱི་ཆོས་ཀྱི་དམ་ཚིག་གི་དངོས་གྲུབ་ཀྱི་རྒྱུད་དེ། འགྲོ་བ་འདུལ་བའི་གཟུགས་ཀྱིས་ནི། །རྡོ་རྗེ་ཕྲ་མོ་སྒོམ་བྱེད་ཅིང ། །སིད་དྷྱ་སིད་དྷྱ་ཞེས་བརྗོད་ན། །དངོས་གྲུབ་དམ་པ་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་ཆོས་ཀྱིས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ཆོས་ཀྱི་དམ་ཚིག་གི་དངོས་གྲུབ་ཀྱི་རྒྱུད་དེ། དོན་ཀུན་
289b
གྲུབ་པའི་གཟུགས་ཀྱིས་ནི། །རྡོ་རྗེ་ཕྲ་མོ་བསྒོམས་ནས་ཀྱང ། །སིདྡྷྱ་སིདྡྷྱ་ཞེས་བརྗོད་ན། །དོན་གྱི་དངོས་གྲུབ་མཆོག་ཐོབ་འགྱུར། །ཞེས་བཅོམ་ལྡན་འདས་ནོར་བུའི་ཆོས་ཀྱིས་གསུངས་སོ།། རིགས་ཐམས་ཅད་ཀྱི་ཆོས་ཀྱི་དམ་ཚིག་གི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་དམ་པའི་ཆོས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་དམ་པའི་ཆོས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། དམ་པའི་ཆོས་ནི་ཡི་གེ་མེད། །ཏིང་འཛིན་ཡེ་ཤེས་འབྱུང་བ་སྟེ། ། ཞེས་བྱ་བས་ཆོས་རྣམས་ནི། །སྐྱེ་བ་མེད་པར་དགོངས་པ་སྟེ། །ཕྱག་རྒྱ་འདི་ཡི་ཚུལ་གྱིས་ནི། །ཤེས་པས་བསྒོམས་ཏེ་དེ་ནས་ཀྱང ། །ཡི་གེ་ཀུན་གྱི་ཡེ་ཤེས་ནི། །བདེ་གཤེགས་སྐད་ཅིག་གིས་འགྱུར་ཞེས། །བཅོམ་ལྡན་འདས་འཕགས་པ་འཇམ་པའི་དཔལ་དེ་བཞིན་གཤེགས་པ་ཐམས་ཅད་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དམ་པའི་ཆོས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། དེ་བཞིན་གཤེགས་ཀུན་དེ་ཉིད་ཀྱི། །མདོ་སྡེ་འདི་ནི་དད་པ་ཡིས། །དད་ནས་བཅངས་སམ་བཀླགས་གྱུར་ན། །དངོས་གྲུབ་བླ་མེད་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེ་རིགས་
290a
༄#། །ཀྱི་དམ་པའི་ཆོས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། སྡིག་པའི་སེམས་ཅན་ཕན་དོན་དུ། སྡིག་ཅན་སྡིག་སྤྱོད་བཟློག་པ་དང ། །སངས་རྒྱས་བཀའ་ནི་སྲུང་བའི་ཕྱིར། །བསད་པ་བྱས་ན་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་འཛིན་གྱིས་གསུངས་སོ། །དེ་ལ་འདི་ནི་པདྨའི་རིགས་ཀྱི་དམ་པའི་ཆོས་ཀྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། འདོད་ཆགས་རང་བཞིན་དག་པར་ཤེས། །དམ་པའི་དོན་དུ་དགོངས་ནས་ཀྱང ། །ཐོག་མ་ཐ་མར་འདི་བསྒོམས་ན། །ཆོས་ཀྱི་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་འཕགས་པ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ཆོས་མཁྱེན་པའི་དངོས་གྲུབ་ཀྱི་རྒྱུད་དེ། སེམས་ཅན་དོན་ཕྱིར་སྦྱིན་བྱེད་ཅིང ། །བསམ་པ་ཐམས་ཅད་རྫོགས་བྱེད་ཅིང ། །ཆོས་བསྒོམས་འདི་ནི་ནོར་བུ་ཡི། །རིགས་ཀྱི་དངོས་གྲུབ་ཐོབ་པར་འགྱུར་ཞེས་བཅོམ་ལྡན་འདས་ཆོས་རིན་ཆེན་གྱིས་གསུངས་སོ། །རིགས་ཐམས་ཅད་ཀྱི་དམ་པའི་ཆོས་ཀྱི་ཡེ་ཤེས་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱི་ལས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་
290b
གྱི་ཏིང་ངེ་འཛིན་གྱི་ལས་ཀྱི་དངོས་གྲུབ་ཀྱི་རྒྱུད་དེ། སངས་རྒྱས་ཀྱི་ནི་ཏིང་འཛིན་ལས། །སངས་རྒྱས་བྱང་ཆུབ་རབ་བསྒྲུབས་པ། །འདི་ནི་བསྒོམ་པར་བྱས་ནས་ཀྱང ། །དངོས་གྲུབ་དམ་པ་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་དབྱིངས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཏིང་ངེ་འཛིན་གྱི་ལས་ཀྱི་དངོས་གྲུབ་ཀྱི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གྱིས། །བླ་མེད་དང་ནི་ལས་མང་རྣམས། །སེམས་དཔའ་ཀུན་འགྱུར་ཐམས་ཅད་དང ། །ཤེས་ན་ཡང་ནི་གྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་ཏིང་ངེ་འཛིན་གྱི་ལས་ཀྱི་དངོས་གྲུབ་ཀྱི་རྒྱུད་དེ། སྡིག་པ་དག་པ་རྒྱུ་བའི་ཕྱིར། །མཚམས་མེད་བྱེད་ལས་མི་ཟློགས་ན། །གསོད་པའི་ལས་ལ་དད་པ་ན། །དེས་ནི་འགྲུབ་པར་འགྱུར་རོ་ཞེས། །བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་པདྨའི་རིགས་ཀྱི་ཏིང་ངེ་འཛིན་གྱི་ལས་ཀྱི་དངོས་གྲུབ་ཀྱི་རྒྱུད་དེ། སྡིག་ཀུན་རྣམ་པར་དག་པའི་བདག་།ཀུན་དག་པས་ན་དགོས་པ་ཀུན། །དེས་བྱེད་ལས་འདི་ཡིན་ནོ་བར། །ཤེས་ན་ཡང་ནི་འགྲུབ་པར་འགྱུར། ཞེས་བཅོམ་ལྡན་འདས་པདྨས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ཏིང་ངེ་འཛིན་གྱི་ལས་ཀྱི་དངོས་གྲུབ་ཀྱི་རྒྱུད་དེ། སྲིད་ལྡན་དབུལ་པོ་ཐམས་ཅད་
291a
༄#། །ཀྱི། །རྟག་ཏུ་བསམ་པ་ཀུན་བཀང་ལ། །དོན་ཀུན་གྲུབ་པས་ཀུན་བདག་ནི། །གྲུབ་འགྱུར་འདི་ལ་ཐེ་ཚོམ་མེད། །ཅེས་བཅོམ་ལྡན་འདས་རིན་པོ་ཆེ་རྒྱལ་མཚན་གྱིས་གསུངས་སོ། །རིགས་ཐམས་ཅད་ཀྱི་ཏིང་ངེ་འཛིན་གྱི་ལས་ཀྱི་དངོས་གྲུབ་ཀྱི་རྒྱུད་དེ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཕྲ་མོའི་ཡེ་ཤེས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཕྲ་མོའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ།་རྟག་ཏུ་རྡོ་རྗེ་ཕྲ་མོའི་ཚུལ། །འབད་པ་ཀུན་གྱི་སྦྱོར་ན་ནི། །རྣམ་པའི་མཆོག་ཀུན་ལྡན་པ་ཡི། །མངོན་ཤེས་ལྔ་ནི་ཐོབ་པར་འགྱུར། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ཕྲ་མོའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། སློབ་དཔོན་མ་ཡིན་གཞན་དང་ནི། །སློབ་མ་མ་ཡིན་བུ་མིན་པའི། །མདུན་དུ་ཕྱག་རྒྱ་མི་བརྗོད་དེ། །དེ་དག་གསང་བས་ཕྱག་རྒྱ་འགྲུབ། ཅེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་རྡོ་རྗེ་རིགས་ཀྱི་ཕྲ་མོའི་དངོས་གྲུབ་ཀྱི་ཡེ་ཤེས་ཀྱི་རྒྱུད་དེ། རྡོ་རྗེ་ཕྲ་མོའི་ཚུལ་གྱིས་ནི། །སྣ་ནས་ཧཱུཾ་བྱུང་ལྡན་གྱུར་ལ། །རྡོ་རྗེ་ཁྲོ་བོའི་ཏིང་འཛིན་གྱིས། །དགོས་པ་ཐམས་ཅད་སྒྲུབ་པར་བྱེད། །ཅེས་བཅོམ་
291b
ལྡན་འདས་རྡོ་རྗེས་གསུངས་སོ། །དེ་ལ་འདི་ནི་པདྨའི་རིགས་ཀྱི་ཕྲ་མོའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། པདྨ་ཆེན་པོའི་ཏིང་འཛིན་གནས། །རྡོ་རྗེ་ཕྲ་མོའི་ཚུལ་གྱིས་ནི། །རྡོ་རྗེ་ལྟ་བས་བལྟས་ན་ནི། །འདོད་པའི་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་པདྨ་བཞད་པས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ཕྲ་མོའི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། རྡོ་རྗེ་རིན་ཆེན་ཏིང་འཛིན་གྱིས། །རྡོ་རྗེ་ཕྲ་མོའི་ཚུལ་གྱིས་ནི། །ཤིན་ཏུ་ཕྲ་བའི་ལྟ་འབར་བས། །དོན་ནི་ཐམས་ཅད་འདྲེན་པར་འགྱུར། །ཞེས་བཅོམ་ལྡན་འདས་རྡོ་རྗེ་ནོར་བུས་གསུངས་སོ། །ནོར་བུའི་རིགས་ཐམས་ཅད་ཀྱི་ཕྲ་མོའི་དངོས་གྲུབ་ཀྱི་རྒྱུད་དེ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་མིག་གི་ཡེ་ཤེས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་སྤྱན་གྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། གང་ཚེ་ཕྱག་རྒྱའམ་ཏིང་ངེ་འཛིན། །སྒྲུབ་ཕྱིར་སྩོལ་བར་གྱུར་པ་ན། །གང་ཚེ་མཁའ་ལ་སྐར་མ་འདྲ། །དཀར་པོ་རྒྱུག་པར་དེས་མཐོང་ན། །དེ་ཚེ་བློ་ལྡན་སངས་རྒྱས་ཀྱི། །སྤྱན་ནི་བདག་གིས་ཐོབ་འགྱུར་ཞེས། །ཕྱིན་ཆད་སངས་རྒྱས་རྣམས་ཀྱིས་ནི། །རྟོགས་པ་ཀུན་ལས་བསྒྲུབ་པར་བྱ། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་སྤྱན་གྱི་ཡེ་ཤེས་
292a
༄#། །ཀྱི་དངོས་གྲུབ་ཀྱི་རྒྱུད་དེ། གནས་དང་འགྲོ་བ་དེ་བཞིན་ཏེ། །ཇི་སྙེད་དངོས་པོ་ཡོད་འགྱུར་པ། །དེ་སྙེད་ཀྱི་ནི་གཟུགས་བརྙན་རྣམས། །མཁའ་རྒྱུག་འགྲོ་བའམ་འོང་ཡང་རུང ། །མཐོང་ན་རྡོ་རྗེ་སྤྱན་དག་པར། །ཤེས་པས་མཆོད་ན་དངོས་གྲུབ་ནི། །བླ་ན་མེད་པ་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། ། དེ་ལ་འདི་ནི་རྡོ་རྗེའི་རིགས་ཀྱི་མིག་གི་དངོས་གྲུབ་ཀྱི་རྒྱུད་དེ། གཡས་པ་འམ་ནི་གཡོན་ཕྱོགས་ཀྱི། །མཁའ་ལ་ནམ་མཁའི་དབྱིངས་ཉིད་ནི། །སྤྲིན་འདྲར་མྱུར་དུ་འཁོར་བར་ཡང། །མིག་གིས་མཐོང་བར་གྱུར་པས་ཀྱང ། །རྡོ་རྗེ་ལས་བྱུང་ཕྱག་རྒྱ་དེ། །མཐོང་ནས་འཇིགས་པར་མ་གྱུར་ལ། །ཕྱག་རྒྱ་དེ་ནི་བཟུང་ན་ནི། །རྡོ་རྗེ་སྤྱན་ནི་འགྲུབ་པར་འགྱུར། ། ཞེས་བཅོམ་ལྡན་འདས་རྡོ་རྗེས་གསུངས་སོ། །དེ་ལ་འདི་ནི་པདྨའི་རིགས་ཀྱི་སྤྱན་གྱི་ཡེ་ཤེས་ཀྱི་དངོས་གྲུབ་ཀྱི་རྒྱུད་དེ། གང་ཚེ་སྐྱ་འམ་དམར་བ་དང ། །དཀར་བའམ་སེར་བའམ་སྣ་ཚོགས་ཀྱི། །དཀྱིལ་འཁོར་མཐོང་བར་གྱུར་པའི་ཚེ། །དགོངས་འགྱུར་འཁོར་ལོའི་སྦྱན་འགྲུབ་འགྱུར། །ཞེས་བཅོམ་ལྡན་འདས་རྡོ་རྗེ་པདྨས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་སྤྱན་གྱི་ཡེ་ཤེས་དངོས་གྲུབ་ཀྱི་རྒྱུད་དེ། མཁའ་ལ་རིན་ཆེན་འདྲ་བ་དང ། །གསེར་ལ་སོགས་བ་འདྲ་བར་ནི། །གང་ཚེ་མཁའ་མཐོང་མཁའ་ཡི་མིག་།དེ་ནི་འགྲུབ་
292b
པར་འགྱུར་རོ་ཞེས། །བཅོམ་ལྡན་འདས་རྡོ་རྗེ་སྙིང་པོས་གསུངས་སོ། །རིགས་ཐམས་ཅད་ཀྱི་སྤྱན་གྱི་ཡེ་ཤེས་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་རིགས་ཀྱི་ལས་དམ་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ལས་དམ་པའི་དངོས་གྲུབ་ཀྱི་རྒྱུད་དེ། ཆོས་ཀྱི་དཀྱིལ་འཁོར་ཚུལ་དུ་ནི། །འདོད་ཆགས་བདེ་བ་རྣམ་སྨིན་ཕྱིར། །གཙོ་བོ་ཐམས་ཅད་མཆོད་བྱས་པ། །སངས་རྒྱས་དངོས་གྲུབ་ཐོབ་པར་འགྱུར། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དམ་པའི་དངོས་གྲུབ་ཀྱི་རྒྱུད་དེ། འདོད་ཆགས་བདག་ཅེས་སྒོ་མ་བྱེད་ཅིང ། །གསང་བའི་མཆོད་པ་རབ་བྱས་ན། །རྡོ་རྗེ་འདོད་པའི་གཟི་ཅན་མཉམ། །དངོས་གྲུབ་དམ་པ་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་བཞད་པས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་ལས་དམ་པའི་དངོས་གྲུབ་ཀྱི་རྒྱུད་དེ། ཁྲོ་བ་བདག་ཅེས་སྒོམ་བྱེད་ཅིང ། །གསང་བའི་མཆོད་པ་རབ་བྱས་པ། །ཁམས་གསུམ་རྣམ་རྒྱལ་འདྲ་བ་ཡི། །དངོས་གྲུབ་དམ་པ་ཐོབ་པར་འགྱུར། །ཞེས་བཅོམ་ལྡན་འདས་འཕགས་པ་ཕྱག་ན་རྡོ་རྗེས་གསུངས་སོ། །དེ་ལ་འདི་ནི་ཆོས་ཀྱི་རིགས་ཀྱི་ལས་
293a
༄#། །དམ་པའི་དངོས་གྲུབ་ཀྱི་རྒྱུད་དེ། ནང་དུ་སོང་བའི་ཡིད་ཀྱི་ནི། འདོད་པ་དམ་པར་སྒོམ་བྱེད་ཅིང ། །དབྱངས་དང་ལྡན་པའི་ཡི་གེ་ཡིས། །སངས་རྒྱས་མངོན་པར་མཆོད་ན་ནི། །དངོས་གྲུབ་མྱུར་དུ་ཐོབ་པར་འགྱུར། །ཞེས་བཅོམ་ལྡན་འདས་འཕགས་པ་ཀུན་ཏུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ལས་དམ་པའི་དངོས་གྲུབ་ཀྱི་རྒྱུད་དེ། རྡོ་རྗེ་སྙིང་པོར་མཉམ་བཞག་ལ། །བསམ་པ་གཡོས་པས་བཏུད་ནས་ནི། །ཕྱག་ལ་རྟག་ཏུ་བརྩོན་བྱས་ན། །དབང་བསྐུར་བ་ནི་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་དབང་རིན་པོ་ཆེས་གསུངས་སོ། །རིགས་ཐམས་ཅད་ཀྱི་ལས་དམ་པའི་དངོས་གྲུབ་ཀྱི་ཆོ་ག་རྒྱས་བའི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དམ་ཚིག་གི་གསང་བའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། འདོད་ལ་སོགས་པའི་བདེ་བ་ཀུན། །རྟག་ཏུ་བདག་གི་སྙིང་ལ་གནས། །ེ་མའོ་སེམས་ཅན་དོན་རྣམས་ལ། །སྒྱོབ་པར་གྱུར་པ་གྲང་བཤད་རྨད་\?\། །འདི་ནི་ལས་གྱི་དམ་ཚིག་གྱི། །དེ་བཞིན་གཤེགས་པའི་ཏིང་འཛིན་དུ། །བསྒོམས་ནས་སངས་
293b
རྒྱས་མཆོད་ན་ནི། །དངོས་གྲུབ་དམ་པ་ཐོབ་པར་འགྱུར། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ལས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གནས། །སེམས་ཅན་ཀུན་ལ་བདེ་སྦྱིན་པའི། །ཀུན་བཟང་འདོད་པ་བདག་ཡིན་ཏེ། །མཆོད་ན་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་འདོད་པས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། སེམས་ཅན་ཀུན་ལ་ཕན་བྱེད་པའི། །ཀུན་བཟང་ཁྲོ་བོ་བདག་ཡིན་ཏེ། །རྡོ་རྗེ་ཧཱུཾ་གི་རྣལ་འབྱོར་གྱིས། །མཆོད་ན་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་ཕྱག་ན་རྡོ་རྗེས་གསུངས་སོ། །དེ་ལ་འདི་ནི་པདྨའི་རིགས་ཀྱི་ལས་ཀྱི་དམ་ཚིག་གི་གསང་བའི་དངོས་གྲུབ་ཀྱི་རྒྱུད་དེ། བདེ་བ་ཐམས་ཅད་རབ་སྦྱིན་པའི། །ཀུན་བཟང་འདོད་པ་བདག་ཡིན་ཏེ། །བདག་ཉིད་འགྲོ་འདུལ་སྐུར་གནས་ལ། །མཆོད་ན་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་པདྨ་ཆགས་པས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ལས་ཀྱི་དམ་ཚིག་གསང་བའི་དངོས་གྲུབ་ཀྱི་རྒྱུད་དེ། སེམས་ཅན་ཀུན་ལ་དོན་ཆེན་སྦྱིན། །ཀུན་བཟང་རྒྱལ་པོ་བདག་ཡིན་ཏེ། །དོན་ཀུན་གྲུབ་པའི་གཟུགས་ཀྱིས་ནི། །མཆོད་ན་དངོས་གྲུབ་ཐོབ་པར་འགྱུར། །ཞེས་
294a
༄#། །བཅོམ་ལྡན་འདས་དོན་ཐམས་ཅད་གྲུབ་པས་གསུངས་སོ། །རིགས་ཐམས་ཅད་ཀྱི་ལས་ཀྱི་དམ་ཚིག་གསང་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཐམས་ཅད་ཀྱི་ལས་ཀྱི་ཆོས་དམ་པའི་དངོས་གྲུབ་ཀྱི་རྒྱུད་འདི་གསུངས་སོ། ། སོ། །དེ་ལ་འདི་ནི་རྡོ་རྗེའི་རིགས་ཀྱི་ལས་ཀྱི་ཆོས་ཉིད་ཀྱི་གྲུབ་ཀྱི་རྒྱུད་དེ། རང་གི་ཏིང་ངེར་འཛིན་པ་ཡིས། །གཡས་པའི་མཛུབ་མོས་མདུད་ནས་ནི། །གོ་ཆར་བཅིངས་ཏེ་སྤྱི་བོར་བཞག་།ཤིན་ཏུ་ཡང་ནི་བསྲུངས་པར་འགྱུར། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་ལས་ཀྱི་རིགས་ཀྱི་ཆོས་ཉིད་ཀྱི་དངོས་གྲུབ་ཀྱི་རྒྱུད་དོ། རྩིག་པ་ལ་ནི་ལྡན་འདྲ་བ། །རི་མོར་བྲིས་ནས་མཚན་བསྲིང་སྟེ། །མཉེས་ན་བུད་མེད་གང་བསམས་པ། །དེ་ནི་འདི་ཡི་དབང་དུ་འགྱུར། །ཞེས་བཅོམ་ལྡན་འདས་འཕགས་པ་ཕྱག་ན་རྡོ་རྗེས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་ལས་ཀྱི་ཆོས་ཉིད་ཀྱི་དངོས་གྲུབ་ཀྱི་རྒྱུད་དོ། ས་ལ་གནོད་སྦྱིན་གདོང་བྲིས་ལ། །དེ་ཡི་མིག་གི་ཕྱོགས་སུ་ནི། །མཛུབ་མོའི་སེན་མོ་བཙུགས་ན་ཡང་\?\། །བུད་\?\་མེད་\?\་མཆོད་ནི་འདྲེན་པར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་
294b
གསུངས་སོ། །དེ་ལ་འདི་ནི་པདྨའི་རིགས་ཀྱི་ལས་ཀྱི་ཆོས་ཉིད་ཀྱི་དངོས་གྲུབ་ཀྱི་རྒྱུད་དེ། ལག་པ་གཉིས་སུ་བདྨ་བླངས། །འདོད་ཆགས་དག་པ་ལྟ་བྱེད་ཅིང ། །རྡོ་རྗེ་ལྟ་བས་བུད་མེད་དེ། །བལྟས་ན་ཡང་ནི་དགའ་བར་འགྱུར། །ཞེས་བཅོམ་ལྡན་འདས་པདྨ་འཛིན་པས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ལས་ཀྱི་ཆོས་ཉིད་ཀྱི་དངོས་གྲུབ་ཀྱི་རྒྱུད་དེ། རྡོ་རྗེ་རིན་ཆེན་ཏིང་འཛིན་གནས། །ལག་པ་གཉིས་ཀྱི་ནོར་བུ་བཟུང ། །ཧཱུཾ་ཞེས་བྱ་བའི་ཚུལ་གྱིས་ནི། །བུད་མེད་ཀུན་ལ་འདུད་བྱེད་དོ། །ཞེས་བཅོམ་ལྡན་འདས་རྡོ་རྗེ་ཧཱུཾ་གིས་གསུངས་སོ། །རིགས་ཐམས་ཅད་ཀྱི་ལས་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དེ། དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དགོས་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་ལས་ཀྱི་དགོས་པའི་དངོས་གྲུབ་ཀྱི་རྒྱུད་དེ། མཆོད་པའི་ལས་ཀྱི་ཆོ་གར་སྦྱར། །གང་དང་གང་གི་དགོས་བསམས་པ། །དེ་དང་དེ་ནི་གསོལ་བཏབ་སྟེ། །མཁས་པས་ཕྱག་རྒྱ་བསྒྲུབ་པར་བྱ། །ཞེས་བཅོམ་ལྡན་འདས་རྡོ་རྗེ་དབྱིངས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་བའི་རིགས་ཀྱི་ལས་ཀྱི་དགོས་པའི་དངོས་གྲུབ་ཀྱི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གྱིས། །གསང་བའི་མཆོད་པ་
295a
༄#། །ཆོ་གར་སྦྱར། །དགོས་པ་གང་ཞིག་སྨྲས་བ་དེ། །མྱུར་དུ་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་ཆོས་ཀྱིས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་ལས་ཀྱི་དགོས་པའི་དངོས་གྲུབ་ཀྱི་རྒྱུད་དེ། ཁྲོ་བོའི་ཏིང་འཛིན་ཞུགས་ནས་ཀྱང ། །རིགས་ཀྱི་གསང་བའི་མཆོད་ཆེན་བྱས། །མཁས་པས་ཅུང་ཟད་གང་བསམས་པ། །དེ་ནི་མྱུར་དུ་དངོས་གྲུབ་འགྱུར། །ཞེས་བཅོམ་ལྡན་འདས་རྡོ་རྗེ་ཁྲོ་བོས་གསུངས་སོ། །དེ་ལ་འདི་ནི་པདྨའི་རིགས་ཀྱི་ལས་ཀྱི་དགོས་པའི་དངོས་གྲུབ་ཀྱི་རྒྱུད་དེ། འཇིག་རྟེན་དབང་པོའི་ཏིང་འཛིན་གྱིས། །ཡིད་ཀྱི་མཆོད་པ་བྱས་ནས་ཀྱང ། །མཁས་པས་དགོས་པ་གང་བསམས་པ། །དེ་ཡི་དངོས་གྲུབ་ཐམས་ཅད་ཐོབ། །ཅེས་བཅོམ་ལྡན་འདས་པདྨ་འཛིན་པས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ལས་ཀྱི་དགོས་པའི་དངོས་གྲུབ་ཀྱི་རྒྱུད་དེ། རྡོ་རྗེ་སྙིང་པོའི་ཏིང་འཛིན་གྱིས། །བདུག་པ་ལ་སོགས་མཆོད་བྱས་ལ། ། མཁས་པས་དགོས་པ་གང་བསམ་པ། །དེ་ཀུན་སྐད་ཅིག་ཉིད་འགྲུབ་འགྱུར། །ཞེས་བཅོམ་ལྡན་འདས་རྡོ་རྗེ་སྙིང་པོས་གསུངས་སོ། །རིགས་ཐམས་ཅད་ཀྱི་ལས་ཀྱི་དགོས་པའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དེ། དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་སྒོམ་པའི་དངོས་གྲུབ་ཀྱི་རྒྱུད་འདི་གསུངས་
295b
སོ། །དེ་ལ་འདི་ནི་དེ་བཞིན་གཤེགས་པའི་བྱིན་གྱིས་བརླབས་ཀྱི་རྣལ་འབྱོར་གྱི་དངོས་གྲུབ་ཀྱི་རྒྱུད་དེ། སངས་རྒྱས་རྣལ་འབྱོར་ཏིང་འཛིན་གྱིས། །རྡོ་རྗེ་ཕྲ་མོའི་ཚུལ་གྱིས་ནི། །སངས་རྒྱས་ཕྱག་རྒྱ་རབ་བསྒྲུབས་པས། །དངོས་གྲུབ་རྣམ་པ་འཐོབ་པར་འགྱུར། །ཞེས་བཅོམ་ལྡན་འདས་དེ་བཞིན་གཤེགས་པ་ཕྱག་ན་རྡོ་རྗེས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་སེམས་དཔའི་བྱིན་གྱིས་བརླབས་ཀྱིས་རྣལ་འབྱོར་གྱི་དངོས་གྲུབ་ཀྱི་རྒྱུད་དེ། ཀུན་གྱི་བདག་ཉིད་སེམས་དཔའ་ནི། །བདག་གི་ལུས་ལ་གནས་པ་སྟེ། །སེམས་དཔའ་བདག་ཅེས་བྱིན་བརླབས་ལ། །བདག་ཅེས་བྱ་བའི་ང་རྒྱལ་གྱིས། །བསྒོམས་ན་འགྲུབ་པར་འགྱུར་རོ་ཞེས། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་འདུས་པའི་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་རྡོ་རྗེའི་བྱིན་གྱི་བརླབས་པའི་རྣལ་འབྱོར་གྱི་རྒྱུད་དེ། སེམས་དཔའ་ཇི་བཞིན་ཕྱག་རྒྱ་བཞིན། ། ཕྱག་རྒྱ་ཇི་བཞིན་བདག་དེ་བཞིན། །ཆོ་ག་འདི་ཡི་ཚུལ་གྱིས་ནི། །ཕྱག་རྒྱ་ཐམས་ཅད་བསྒྲུབ་པར་བྱ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ལ་འདི་ནི་པདྨའི་རིགས་ཀྱི་ཆོས་ཀྱི་བྱིན་གྱིས་བརླབས་པའི་རྣལ་འབྱོར་གྱི་རྒྱུད་དེ། ཆོས་ཀྱི་ཕྱག་རྒྱའི་ཚུལ་གྱིས་ནི། །རྡོ་རྗེ་ཕྲ་མོ་བསྒོམས་བྱས་ལ། །ངག་གི་ཕྱག་རྒྱས་དེ་དག་ཀུན། །སེམས་
296a
༄#། །དཔའ་ཆེན་པོའི་ཏིང་ངེ་འཛིན། །ཅེས་བཅོམ་ལྡན་འདས་འཕགས་པ་ཀུན་ཏུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ལས་ཀྱི་བྱིན་གྱིས་བརླབས་པའི་རྣལ་འབྱོར་གྱི་རྒྱུད་དེ། སངས་རྒྱས་ཀུན་ལ་དབང་བསྐུར་དང ། །མཆོད་དང་དམ་ཚིག་དངོས་གྲུབ་རྣམས། །བཅོམ་ལྡན་འདས་ཞེས་བསྒོམས་ནས་ཀྱང ། །རྡོ་རྗེ་ལས་རྣམས་བསྒྲུབ་པར་བྱ། །ཞེས་བཅོམ་ལྡན་འདས་རྡོ་རྗེ་ལས་ཀྱིས་གསུངས་སོ། །རིགས་ཐམས་ཅད་ཀྱི་ཕྱག་རྒྱ་སྒོམ་པའི་དངོས་གྲུབ་ཀྱི་རྒྱུད་དོ། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་འཁོར་ལོས་བསྒྱུར་བ་ཕྱག་ན་རྡོ་རྗེ་ལ་ལེགས་སོ་ཞེས་བྱ་བི་བྱིན་ནོ། །རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང ། །ཐེག་པ་ཆེན་པོ་མངོན་འདུས་པའི། ། མདོ་འདི་ལེགས་པར་བཤད་པས་ན། །རྡོ་རྗེ་སེམས་དཔའ་ཁྱོད་ལེགས་སོ། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ནི་ཁྱོད་ལེགས་སོ། །རྡོ་རྗེ་ལས་ནི་ཁྱོད་ལེགས་སོ། ། དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས་བརྟག་པ་ཐམས་ཅད་ཀྱི་གསང་བའི་རྒྱུད་ཕྱི་མའི་ཆོ་ག་རྒྱས་པ་རྫོགས་སོ།། །།དེ་བཞིན་
296b
གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ།། །།བམ་པོ་དགུ་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་ཚིགས་སུ་བཅད་པ་འདི་གསུངས་སོ། །ལྟ་བ་ངན་ཅིང་ཆགས་བྲལ་ལ། །གསང་བ་འདི་ནི་མི་རིགས་ཏེ། །སེམས་ཅན་ཀུན་ལ་ཕན་དོན་དུ། །དེ་བཞིན་ཆོ་ག་བཤད་པར་བྱ། །དེ་ནས་ཡང་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཡོ་བྱད་དང ། ཆོ་ག་རྒྱས་པའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཡོ་བྱད་དང ། ཆོ་ག་རྒྱས་པའི་རྒྱུད་དེ། དེ་ལ་འདི་ནི་སྙིང་པོའི་ཡོ་བྱད་དང ། ཆོ་ག་རྒྱས་པའི་རྒྱུད་ཡིན་ཏེ། དཀྱིལ་འཁོར་ཆེན་པོ་མཐོང་ནས། བདུག་པ་དང།་མར་མེ་དང ། མེ་ཏོག་དང ། དྲིའི་ཕྱག་རྒྱ་རྣམས་ཀྱིས་མཆོད་པ་བྱས་ཏེ། དེ་ནས་རྡོ་རྗེ་ཚིག་གིས་བཟླས་པ་བརྩམ་པར་བྱའོ། །དེ་ལ་འདི་ནི་བཟླས་པའི་ཆོ་ག་རྒྱས་པའི་རྒྱུད་དེ། ཟླ་བ་བཞིར་གནས་ཇི་བཞིན་པར་འདུག་སྟེ། དུས་བཞིར་བདུག་པ་ལ་སོགས་པས་ཆོ་ག་བཞིན་དུ་མཆོད་ནས་དེ་བཞིན་གཤེགས་པ་ཐམས་ཅད་ཀྱི་ཐེག་པ་ཆེན་པོ་མངོན་པར་རྟོགས་པའི་མཚན་བརྒྱ་རྩ་བརྒྱད་པས་དེ་བཞིན་གཤེགས་པ་ཐམས་ཅད་ལ་བསྟོད་དེ། །ཕྱག་རྒྱ་བཞིས་ཕྱག་བྱ་བའི་ཚུལ་གྱིས་ཕྱག་བྱས་ལ་སྔགས་འདི་བཞིས་
297a
༄#། །བདག་གི་ལུས་དབུལ་ཞིང་མཆོད་པ་བྱའོ། །ོཾ་སརྦ་ཏ་ཐཱ་ག་ཏ་པཱུ་ཛོ་བ་སྠ་ནཱ་ཡ། ཨཱཏྨཱ་ནཾ་ནིརྱཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་སཏྭ་ཨ་དྷི་ཏིཥྛ་སཝ་མཱཾ། ཨོཾ་སརྦ་ཏཐཱ་ག་ཏ་པཱུ་ཛཱ་ཨ་བྷི་ཥེ་ཀཱ་ཡ་ཨཱཏྨཱ་ནཾ་ནི་རྱཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་རཏྣ་ཨ་བྷི་ཥིཉྩ་མཱཾ། ཨོཾ་སརྦ་ཏ་ཐཱ་ག་ཏ་པཱུ་ཛཱ་པྲ་བརྟ་ནཱ་ཡ་ཨཱཏྨ་ནཾ་ནི་རྱཱ་ཏ་ཡཱ་མི། སརྦ་ཏ་ཐཱ་ག་ཏ་བཛྲ་དྷརྨ་པྲ་བརྟ་ཡ་མཱཾ། ཨོཾ་སརྦ་ཏ་ཐཱ་ག་ཏ་པཱུ་ཛཱ་ཀརྨ་ནི་ཨཱཏྨཱ་ནཾ་ནི་རྱཱ་ཏ་ཡ་མི། སརྦ་ཏ་ཐཱ་ག་ཏ་བཛྲ་ཀརྨ་ཀུ་རུ་མཱཾ། དེ་ནས་འདོད་པའི་ཡོན་ཏན་ཐམས་ཅད་ལ་ཆགས་པ་དང་མ་བྲལ་ལ་ཁ་ཟས་ཀུན་དང་འདོད་པ་ཀུན་ལ་ཉེ་བར་སྤྱོད་ཅིང་བདག་ཉིད་སྙིང་པོའི་དོན་དུ་སངས་རྒྱས་ཀྱི་གཟུགས་བརྙན་མདུན་དུ་ཚིག་ཙམ་གྱིས་ཀྱང་བསྒོམས་ལ་ཅི་དགའ་བར་བྱེད་ཅིང་རྡོ་རྗེ་ཚིག་གིས་ལན་བརྒྱ་རྩ་བརྒྱད་བཟླས་ན་མྱུར་བར་དངོས་གྲུབ་ཏུ་འགྱུར་རོ། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །ཅི་སྟེ་བླ་ན་མེད་པའི་དངོས་གྲུབ་འདོད་ན་ནི་དེ་ནས་རས་ལ་བཅོམ་ལྡན་འདས་དེ་བཞིན་གཤེགས་པ་ནི་དབུས་ན་བཞུགས། དེའི་སེམས་དཔའ་ཆེན་པོ་བཞི་དཀྱིལ་འཁོར་གྱི་ཚུལ་དུ་ཁ་དོག་དང།་རྒྱན་རྣམས་ཅི་དགའ་བར་བྱ་སྟེ་བྲི་ཞིང ། སེམས་དཔའ་ཆེན་པོ་རྣམས་ཟླ་བའི་དཀྱིལ་འཁོར་ལ་བཞུགས་ལ་རིགས་ཀྱི་ལྷ་མོ་རྣམས་གྲཝ་རྣམས་སུ་གྲིའོ། །དེ་
297b
ནས་རི་མོའི་སྐུ་གཟུགས་ལ་མཆོད་པ་རྒྱ་ཆེར་བྱས་ལ་འཛབ་བྱ་བའི་ཚུལ་ཇི་ལྟ་བ་བཞིན་དུ་ཟླ་བ་བཞིའི་བར་དུ་བཟླས་པར་བྱའོ། །དེ་ནས་མཐར་མཆོད་པ་རྒྱ་ཆེར་བྱས་ལ་མཚན་ཐོག་ཐག་བཟླས་པར་བྱའོ། །དེ་ནས་ནམ་ལངས་པ་དང ། དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་ལ་སོགས་པའི་དངོས་གྲུབ་དམ་པ་ཐོབ་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཡང་ན་ཕྱག་རྒྱ་བསྒྲུབ་པར་འདོད་ན་ནི་དེས་དེ་བཞིན་གཤེགས་པ་ཐམས་ཅད་ཀྱི་སེམས་དཔའ་རྡོ་རྗེ་མའི་ཕྱག་རྒྱ་བཅིངས་ལ་རི་མོའི་སྐུ་གཟུགས་ཀྱི་ཕྱག་རྒྱའི་སྤྱན་སྔར་ཅི་དགའ་བ་བཞིན་དུ་ཇི་ལྟ་བ་བཞིན་བཅིངས་ཤིང་དཀྲོལ་ཏེ། རྡོ་རྗེའི་ཚིག་འབུམ་བཟླས་པར་བྱའོ། །དེ་ནས་མཐར་མཚན་ཐོག་ཐག་ངལ་མི་གསོ་བར་ཅུང་ཟད་ཙམ་ཞིག་ཕྱག་རྒྱ་བཀྲོལ་ཏེ། ཇི་ལྟ་བ་བཞིན་བཅིངས་ནས་བཟླས་བརྗོད་བྱའོ། །དེ་ནས་ཕྱག་རྒྱ་འབར་ཞིང་འབབ་ལ་འཕར་ཞིང་ཉུང་བར་སྨྲ་བར་འགྱུར་རོ། །དེ་ནས་ཕྱག་རྒྱ་བཅིངས་བཞིན་དུ་ནམ་མཁའ་ལ་ལྡིང་བར་འགྱུར་རོ། །གཟུགས་ཅི་དགའ་བ་དང ། མི་སྣང་བ་དང ། ལས་ཐམས་ཅད་ཀྱང་བྱེད་པར་འགྱུར་རོ། །བཅིངས་མ་ཐག་ཏུ་ཕྱག་རྒྱ་ཐམས་ཅད་ཀྱིས་ཀྱང་ལས་ཐམས་ཅད་ཇི་ལྟ་བ་བཞིན་བྱེད་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཡང་ན་ཏིང་ངེ་འཛིན་བསྒྲུབ་པར་འདོད་ན་ནི་དེས་རྡོ་རྗེ་ཕྲ་མོ་ནས་བརྩམས་
298a
༄#། །ཏེ།་ཏིང་ངེ་འཛིན་དེ་གང་ལ་དགའ་བའི་སྙིང་པོའི་རྣལ་འབྱོར་གྱི་ཚུལ་དུ་ཟླ་བ་བཞིའི་བར་དུ་བསྒོམས་ལ། དེ་ནས་མཐར་མཚན་ཐོག་ཐག་སྐྱིལ་མི་ཀྲུང ། མི་ཞིག་པར་སྙོམས་པར་ཞུགས་ཏེ་འདུག་པར་བྱའོ། །དེ་ནས་ནམ་ལངས་པ་དང ། དེ་བཞིན་གཤེགས་པས་ལ་སོགས་པའི་དངོས་གྲུབ་ཐམས་ཅད་མངོན་སུམ་དུ་འགྱུར་རོ།། དེ་ནས་ཇི་ལྟ་བུ་འདོད་པ་དེ་ལྟ་བུ་ཐོབ་པར་འགྱུར་རོ། །ཞེས་བཅོམ་ལྡན་རྡོ་རྗེ་སེམས་དཔས་གསུངས་སོ། །ཅི་སྟེ་ལས་སྒྲུབ་པར་འདོད་ནའང་དེ་བཞིན་དུ་བཟླས་ཤིང་ཟླ་བ་གཅིག་གི་བར་དུ་བསྒྲུབས་ལ། དེ་ནས་མཐར་མཚན་གཅིག་ཐོག་ཐག་ཏུ་བཟླས་པར་བྱའོ། །དེ་ནས་ལས་ཐམས་ཅད་ཀྱི་དངོས་གྲུབ་ཏུ་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཅི་སྟེ་ལས་ཤིག་བྱ་བར་འདོད་ན་ཡང་ལན་གཅིག་བརྗོད་པ་ཙམ་གྱིས་བདག་དང ། གཞན་དང ། གྲོང་དང ། གྲོང་ཁྱེར་རྣམས་གོ་ཆ་བཅིང་བ་ལ་སོགས་པས་བསྲུངས་པར་འགྱུར་རོ། །དབབ་པའང་བྱ་སྟེ་ཙནྡན་དྲི་ཞིམ་པོས་གདོན་གྱིས་ཟིན་པ་དང ། གདོན་གྱི་མ་ཟིན་པ་རྣམས་རྡོ་རྗེ་དང ། ལྕགས་ཀྱུ་དང ། ལག་པ་དང ། མདའ་ཐོགས་པ་དང ། རིན་པོ་ཆེ་དང ། ཉི་མ་དང ། རྒྱལ་མཚན་དང ། སོའི་ཕྲེང་བ་དང ། པདྨ་དང ། རལ་གྲི་དང ། འཁོར་ལོ་དང ། ལྕེ་དང ། རྡོ་རྗེ་རྒྱ་གྲམ་དང །
298b
གོ་ཆ་དང ། མཆེ་བ་དང ། ཁུ་ཚུར་དང ། ཕྱག་རྒྱལ་སོགས་པ་དངོས་པོ་ཐམས་ཅད་གཅིག་བརྗོད་པས་འབེབས་པར་བྱེད་དོ། །སྒྱུ་མའི་ལས་ཀྱང་བྱེད་དེ། རྨ་བྱའི་མཇུག་སྒྲོའི་ནང་དུ་རྡོ་རྗེ་བཅུག་སྟེ་བཅིངས་ལ། དེ་ནས་རྨ་བྱའི་མཇུག་སྒྲོ་དེ་སེམས་དཔའ་རྡོ་རྗེ་མའི་ཕྱག་རྒྱས་མནན་ལ་དེ་བཞིན་གཤེགས་པ་ཐམས་ཅད་ཀྱི་སེམས་དཔའ་རྡོ་རྗེ་མའི་ཕྱག་རྒྱ་བབས་ཀྱི་བར་དུ་བཟླས་པར་བྱའོ། །དེ་ནས་རྨ་བྱའི་མཇུག་སྒྲོ་ལས་གཟུགས་སྣ་ཚོགས་པ་ལ་སོགས་པར་སྣང་བར་འགྱུར་ཏེ། དེ་ཕྱིན་ཆད་རྨ་བྱའི་མཇུག་སྒྲོས་རང་གི་ལུས་ལ་ཆོ་ག་བཞིན་དུ་གཟུགས་ཐམས་ཅད་ཀྱང་སྟོན་ཏེ། མཇུག་སྒྲོ་དེ་ཉིད་ལ་ལན་གཅིག་བཟླས་ཏེ་བསྐོར་བས་ཀྱང ། བདག་ཉིད་ལས་གཟུགས་ཐམས་ཅད་སྣང་བར་འགྱུར་རོ། །མཇུག་སྒྲོ་དེ་ཉིད་ཀྱིས་འཇིག་རྟེན་པའི་སྒྱུ་མའི་ལས་རྣམས་ཀྱང་སྟོན། སངས་རྒྱས་དང ། བྱང་ཆུབ་སེམས་དཔའ་རྣམས་ཀྱི་གཟུགས་བརྙན་ཡང་སྟོན། ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ན་དེ་བཞིན་གཤེགས་པའི་འཁོར་གྱི་དཀྱིལ་འཁོར་དང་བཅས་པ་རྣམས་ཀྱིས་བདུད་སྡེ་དང་བཅས་པ་རྣམས་འདུལ་བ་ལ་སོགས་པ་རྣམས་རྫུ་འཕྲུལ་གྱིས་རྣམ་པར་རོལ་པ་ལ་སོགས་པ་མཛད་པ་རྣམས་ཀྱང་སྟོན་པ་ནས། བདག་ཉིད་ལས་རྣམ་པའི་མཆོག་ཐམས་ཅད་དང་ལྡན་པའི་སངས་རྒྱས་ཀྱི་སྐུ་གཟུགས་ཀྱང་སྟོན་པའི་བར་དུའོ། །ཅི་སྟེ་དབང་དུ་
299a
༄#། །བྱེད་པར་འདོད་ནའང་དེ་བཞིན་གཤེགས་པ་ཐམས་ཅད་ཀྱི་སེམས་དཔའ་རྡོ་རྗེ་མའི་ཕྱག་རྒྱ་བཅིངས་ལ་ཕྱག་རྒྱ་དེ་འབར་བར་གྱུར་གྱི་བར་དུ་བཟླས་པར་བྱའོ། །དེ་ནས་དེ་ཕྱིན་ཆད་ཕྱག་རྒྱ་བཅིངས་པ་ཙམ་གྱིས་དེ་བཞིན་གཤེགས་པ་ཐམས་ཅད་མཉེས་པར་བྱེད་ཅིང་དབང་དུ་བྱེད་ན་སེམས་དཔའ་གཞན་ལྟ་སྨོས་ཀྱང་ཅི་དགོས། ཅི་སྟེ་འཇིག་རྟེན་དང ། འཇིག་རྟེན་ལས་འདས་པའི་དངོས་བསྒྲུབ་པར་འདོད་ནའང་དེས་དང་པོ་ཁོ་ནར་དེ་བཞིན་དུ་ཟློ་ས་ཤིང་ཟླ་བ་གཅིག་ཏུ་བརྒྱད་སྟོང་བཟླས་ལ་དེ་ནས་མཐར་ཕྱག་རྒྱ་བཅིངས་ཏེ། དེ་བཞིན་དུ་མཚན་ཐོག་ཐག་ཕྱག་རྒྱ་འབར་གྱི་བར་བཟླས་པར་བྱའོ། །དེ་ཕྱིན་ཆད་ཕྱག་རྒྱ་བཅིངས་པ་ཙམ་གྱིས་འཇིག་རྟེན་གྱི་དངོས་གྲུབ་དང་རིག་འཛིན་གྱི་དངོས་གྲུབ་གང་ཡང་རུང་བ་གཅིག་ཏུ་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་བཞིན་གཤེགས་པའི་རིགས་ཀྱི་ཡོ་བྱད་དང་ཆོ་ག་རྒྱས་པ་རྫོགས་སོ།། །།དེ་ནས་རྡོ་རྗེའི་རིགས་ཀྱི་ཡོ་བྱད་དང་ཆོ་ག་རྒྱས་པ་ནི་འདི་ཡིན་ཏེ། དེ་ལ་དང་པོར་ནི་སྔར་བསྙེན་པ་བྱ་སྟེ། དེ་ལྟར་ཅི་འདོད་པ་བཞིན་དུ་ཡི་གེ་འབྲུ་འབུམ་བཟླས་པར་བྱའོ། །དེའི་མཐར་མཚན་ཐོག་ཐག་ཏུ་བཟླས་བ་བྱས་ལ་དེ་ཕྱིན་ཆད་སེམས་ཅན་ཐམས་ཅད་ལ་ཕན་གདགས་པ་དང ། ཆད་པས་
299b
བཅད་པར་ནུས་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དོན་ཏེ་སྒྲུབ་པར་འདོད་ནའང ། དེས་ཇི་ལྟ་བ་བཞིན་དུ་རི་མོའི་སྐུ་གཟུགས་བྲིས་ལ། དེས་དེ་བཞིན་དུ་མཆོད་པ་བྱས་ནས་ཟླ་བ་གཅིག་ཏུ་འདོད་པ་ཀུན་ལ་ལོངས་སྤྱོད་ཅིང་ཅི་དགའ་བ་བཞིན་དུ་བྱས་ནས་བརྒྱ་སྟོང་དུ་བཟླས་བར་རྡུས་བཞིར་རྡོ་རྗེའི་ཚིག་གིས་ཟློ་ས་ཤིང་ཟླ་བའི་མཐར་ཕྱིན་པ་དང ། རི་མོའི་གཟུགས་ལ་མཆོད་པ་རྒྱ་ཆེར་བྱས་ནས་རྡོ་རྗེ་ཧཱུཾ་ཞེས་བྱ་བའི་ཕྱག་རྒྱ་བཅིངས་ལ་ཕྱག་རྒྱ་བཅིངས་པ་དེ་ལས་ཧཱུཾ་ཞེས་བྱ་བའི་སྒྲ་བྱུང་གི་བར་དུ་བཟླས་པར་བྱའོ། །དེ་ནས་ནམ་ལངས་པ་དང་ལྷ་རྣམས་ཀྱི་དབང་པོ་དབང་ཕྱུག་ཆེན་པོ་ལ་སོགས་པ་འཁོར་དང་བཅས་པ་རྣམས་མདུན་དུ་གནས་ནས་བཀའ་ནོད་པར་འགྱུར་རོ། །དེ་ནས་རིག་འཛིན་གྱིས་འདི་སྐད་དུ་བསྒོ་བར་བྱའོ། །གང་གི་ཚེ་ངས་ཁྱོད་ཚུར་ཤོག་འདི་བྱོས་ཤིག། ཅེས་བསྒོ་བ་དེའི་ཚེ་ན་ཁྱོད་འདིར་འོངས་ལ་ངའི་བཀའ་བཞིན་བྱོས་ཤིག། དེ་ཕྱིན་ཆད་འཇིག་རྟེན་གསུམ་པོ་མཐའ་དག་གི་བདག་པོར་འགྱུར་ཏེ། ཡུད་ཙམ་གྱིས་ཀྱང་ས་གསུམ་པ་ཐམས་ཅད་ལ་ཅི་དགར་བཀའ་སྩོལ་ཅིང་བསྐོར་ཏེ་སླར་འོངས་ནས་ཀྱང་ཕན་གདགས་པ་དང ། ཆད་པས་བཅད་པ་རྣམས་བྱེད་ཅིང་ལྷ་རྫས་ཀྱི་འཇིག་རྟེན་གསུམ་ལོངས་སྤྱོད་ལ་ཉེ་བར་སྤྱད་ནས་ཇི་ལྟར་དགའ་བ་བཞིན་དུ་བྱེད་ཅིང་ལྷ་ཐམས་ཅད་ཀྱི་དབང་པོའི་བུད་
300a
༄#། །མེད་ལ་སོགས་པ་བུད་མེད་ཐམས་ཅད་མགུ་བར་བྱས་ནས། ཉེ་བར་སྤྱོད་ཀྱང་དེ་ལ་སུ་གང་གིས་བྱས་ཀྱང་གནོད་པར་བྱེད་ནུས་པ་མེད་དེ། ཧཱུཾ་ཞེས་བྱ་བས་ལྷ་ལ་སོགས་པ་མ་རུངས་པ་ཐམས་ཅད་གནོན་ཅིང་དེ་ནས་བསྐལ་པ་ཆུང་དུའི་སྟོང་གི་བར་དུ་འཚོ་བར་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཅི་སྟེ་ཕྱག་རྒྱ་བསྒྲུབ་པར་འདོད་ན་ཡང་ཇི་ལྟ་བ་བཞིན་དུ་བཟླས་པ་བྱས་ལ་བཟླས་པའི་མཐར་རྡོ་རྗེ་ཧཱུཾ་ཞེས་བྱ་བའི་དམ་ཚིག་གི་ཕྱག་རྒྱ་བཅིངས་ལ། མཚན་ཐོག་ཐག་ཏུ་བཟླས་པར་བྱའོ།། དེ་ནས་ནམ་ལངས་པ་དང་ཕྱག་རྒྱ་འགྲུབ་པར་འགྱུར་རོ། །དེ་ནས་ཧཱུཾ་ཞེས་བྱ་བ་དང་ལྡན་པར་ཇི་ལྟ་བའི་ཆོ་ག་བཞིན་དུ་ཕྱག་རྒྱ་བཅིངས་ན་ནམ་མཁའ་ལ་འགྲོ་བ་དང ། གཟུགས་རྣམས་སྟོན་པ་དང ། མི་སྣང་པར་འགྱུར་བ་དང ། སྒྱུ་མ་རྣམས་སྟོན་པ་དང ། ཐམས་ཅད་ལ་དབབ་པ་དང ། དགུག་པ་དང ། དབང་དུ་བྱ་བ་དང ། ཐམས་ཅད་ཀྱི་དགའ་བ་བསྐྱེད་པར་བྱ་བ་དང ། རིན་པོ་ཆེ་ཐམས་ཅད་བསྡུ་བ་དང ། འོད་ཟེར་འབར་བ་ཆེན་པོ་བསྟན་པ་དང ། རིན་པོ་ཆེའི་ཆར་འབེབས་པར་བསྟན་པ་དང ། གད་མོ་ཆེར་བགད་པ་དང ། སེམས་ཅན་ཐམས་ཅད་སྤྱད་པ་དང ། བཅད་པ་དང ། དབྱེ་བ་དང ། དུས་ཀྱི་འཁོར་ལོས་བསྒྱུར་བ་དང ། ཇི་ལྟ་བ་བཞིན་པའི་དེ་ཁོ་ན་ཉིད་བརྗོད་པ་དང ། ལས་
300b
ཐམས་ཅད་ལ་འཇུག་པ་དང ། བསྲུང་བ་དང ། རྨོངས་པ་དང ། གནོན་པ་དང ། དགག་པ་དང ། བསྔགས་པ་དང ། བསང་བ་དང ། སེམས་ཅན་ཐམས་ཅད་ཕྱག་རྒྱ་གདབ་པ་དང ། འདོད་པའི་དགའ་བ་ལ་འཇུག་པ་དང ། དབང་བསྐུར་བ་དང ། དངོས་པོ་ཐམས་ཅད་གླུ་ལེན་དུ་གཞུག་པ་དང ། གང་བྱེད་དུ་གཞུག་བ་དང ། དགུག་པ་དང ། གཞུག་པ་དང ། བཅིང་བ་དང ། དབབ་པ་ལ་སོགས་པ་ལས་ཐམས་ཅད་བྱེད་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཅི་སྟེ་རྡོ་རྗེ་ཕྲ་མོ་བསྒྲུབ་པར་འདོད་ནའང་དེས་རྡོ་རྗེ་ཧཱུཾ་ཞེས་བྱ་བའི་ཏིང་ངེ་འཛིན་དུ་བསྒོམ་ཞིང་དེ་བཞིན་དུ་བཟླས་པའི་ཚུལ་གྱིས་ཟླ་བ་གཅིག་ཏུ་བསྒྲུབ་པར་བྱ་སྟེ། དེ་ནས་མཐར་ཏིང་ངེ་འཛིན་དེ་ཉིད་ཀྱིས་མཚན་གཅིག་ཐོག་ཐག་བཟླས་པར་བྱའོ། །དེ་ནས་ནམ་ལངས་པ་དང་མངོན་པར་ཤེས་པ་ལྔར་གྱུར་ནས་སེམས་ཅན་ཐམས་ཅད་ལ་ཕན་གདགས་པ་དང ། ཚར་གཅད་པ་ནུས་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཅི་སྟེ་ལས་བསྒྲུབ་པར་འདོད་ན་དེ་བཞིན་དུ་ཟློ་བ་གཅིག་ཏུ་བསྒྲུབ་ལ་དེ་ནས་མཐར་མཚན་གཅིག་ཐོག་ཐག་ཏུ་བཟླས་པར་བྱའོ། །དེ་ནས་ལས་ཐམས་ཅད་འགྲུབ་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་ནས་ལས་རྣམས་བྱེད་པར་འདོད་ན་ཡང་ལན་གཅིག་བརྗོད་དེ་ཡིད་ཀྱི་
301a
༄#། །བསམ་པས་བསྲུང་བ་ལ་སོགས་པ་ལས་ཐམས་ཅད་བྱེད་པར་འགྱུར་རོ། །རྡོ་རྗེའི་རིགས་ཀྱི་ཡོ་བྱད་དང ། ཆོ་ག་རྒྱས་པ་རྫོགས་སོ།། །།དེ་ནས་པདྨའི་རིགས་ཀྱི་ཡོ་བྱད་དང ། ཆོག་རྒྱས་པ་ནི་འདི་ཡིན་ཏེ། དེ་ལ་དང་པོར་འབུམ་བཟླས་པ་བྱས་ན་བསྙེན་པ་བྱས་པར་འགྱུར་རོ། །དེ་ནས་བསྒྲུབ་པར་བྱ་སྟེ་རས་ལ་བཅོམ་ལྡན་འདས་འགྲོ་བ་ཐམས་ཅད་འདུལ་བ་ལ་སོགས་པ་བྲིས་པ་དེའི་ཕྱོགས་ཐམས་ཅད་དུ་དཀྱིལ་འཁོར་བཞིའི་ཚུལ་དུ་སེམས་དཔའ་ཆེན་པོ་བཞི་བྲིས་ལ་གྲཝ་རྣམས་སུ་ལྷ་མོ་རྣམས་བྲིའོ། །དེ་ནས་བཟླས་པའི་ཆོ་ག་དེ་བཞིན་དུ་རྒྱས་པར་བྱས་ལ་ཟླ་བའི་མཐར་མཚན་གཅིག་ཐོག་ཐག་ཏུ་བཟླས་པར་བྱའོ། །དེ་ནས་བཅོམ་ལྡན་འདས་འགྲོ་བ་ཐམས་ཅད་འདུལ་བར་བྱོན་ཏེ། དུས་ཇི་བཞིན་པར་དམ་པའི་སྐབས་འབྱེད་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཅི་སྟེ་ཕྱག་རྒྱ་བསྒྲུབ་པར་འདོད་ནའང་དེས་དེ་བཞིན་དུ་པདྨ་རྡོ་རྗེ་མའི་ཕྱག་རྒྱ་བཅིངས་ལ་སྟོང་ཕྲག་བརྒྱད་ཚང་བར་བརྗོད་པའི་བར་དུ་དུས་བཞིར་བཟླས་པར་བྱའོ། །དེ་ནས་མཐར་མཚན་གཅིག་ཐོག་ཐག་ཏུ་ཕྱག་རྒྱ་བཅིངས་ཏེ། བཟླས་པ་བྱས་ལ་ནམ་ལངས་པ་དང་དངོས་གྲུབ་ཏུ་འགྱུར་རོ། ། དེ་ནས་ཕྱག་རྒྱ་བཅིངས་པས་ཇི་ལྟ་བ་བཞིན་དུ་འགྲོ་བ་ཐམས་ཅད་འདུལ་བར་བྱེད་དོ། །ཞེས་བཅོམ་ལྡན་འདས་ཀུན་ཏུ་སྤྱན་རས་གཟིགས་ཀྱི་དབང་པོས་གསུངས་སོ། །ཅི་སྟེ་ཏིང་ངེ་འཛིན་
301b
གྱི་ཚུལ་དུ་བསྒྲུབ་བར་འདོད་ན་ཡང་དེ་བཞིན་དུ་ཟླ་བའི་མཐར་མཚན་གཅིག་ཐོག་ཐག་ཏུ་ཇི་ལྟར་དགའ་བའི་ཏིང་ངེ་འཛིན་གྱིས་བཟླས་པ་བྱའོ། །དེ་ནས་ནམ་ལངས་པ་དང་ཏིང་ངེ་འཛིན་ཐམས་ཅད་མངོན་སུམ་དུ་འགྱུར་རོ། །ཞེས་བཅོམ་ལྡན་འདས་རྡོ་རྗེ་ཆོས་ཀྱིས་གསུངས་སོ། །ཅི་སྟེ་ལས་བསྒྲུབ་པར་འདོད་ནའང་དེ་བཞིན་དུ་བཟླས་ལ་ཟླ་བའི་མཐར་མཚན་གཅིག་ཐོག་ཐག་ཏུ་བཟླས་པར་བྱའོ། །དེ་ནས་ལས་ཐམས་ཅད་ནུས་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །པདྨའི་རིགས་ཀྱི་ཡོ་བྱད་དང ། ཆོ་ག་རྒྱས་པ་རྫོགས་སོ།། །།དེ་ནས་ནོར་བུའི་རིགས་ཀྱི་ཉེ་བར་སྤྱོད་པའི་ཆོ་ག་རྒྱས་པ་ནི་འདི་ཡིན་ཏེ། དེ་ལ་དང་པོ་ཁོ་ནར་དེ་བཞིན་གཤེགས་པ་ཐམས་ཅད་ལ་ཕྱག་རྣམ་བཞི་བྱས་ལ་འབུམ་བཟླས་པར་བྱའོ། །དེ་ནས་དེ་བཞིན་དུ་རས་ལ་བཅོམ་ལྡན་འདས་དོན་ཐམས་ཅད་གྲུབ་པའི་དཀྱིལ་འཁོར་བཞིའི་ཚུལ་དུ་བྲིས་ལ། དེ་ནས་དེ་བཞིན་དུ་མཆོད་པ་བྱས་ཏེ། དེ་བཞིན་དུ་བསྒྲུབ་ལ་ཟླ་བའི་མཐར་མཚན་གཅིག་ཐོག་ཐག་ཏུ་བཟླས་པར་བྱའོ། །དེ་ནས་ནམ་ལངས་པ་དང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དབང་བསྐུར་བའི་རིན་པོ་ཆེ་བྱང་ཆུབ་སེམས་དཔའ་ནམ་མཁའི་སྙིང་པོ་བྱོན་ནས་དབང་བསྐུར་བ་སྦྱིན་པ་མཛད་དོ། །དབང་བསྐུར་བ་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་
302a
༄#། །དེར་རིག་འཛིན་གྱི་འཁོར་ལོས་བསྒྱུར་བར་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཅི་སྟེ་ཕྱག་རྒྱ་བསྒྲུབ་པར་འདོད་ན་ཡང་དེ་བཞིན་དུ་ཆོས་ཀྱི་རྡོ་རྗེ་མའི་ཚུལ་རྡོ་རྗེ་རིན་པོ་ཆེའི་མྱུ་གུའི་ཕྱག་རྒྱ་ཇི་ལྟ་བ་བཞིན་དུ་བསྒྲུབ་ན་བསམ་པ་ཐམས་ཅད་ཀྱི་ལས་བྱེད་པར་འགྱུར་རོ། །ཞས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཅི་སྟེ་ནོར་བུ་ཡེ་ཤེས་བསྒྲུབ་པར་འདོད་ན་འང་དེ་བཞིན་དུ་རིན་པོ་ཆེ་འབྱུང་བའི་ཏིང་ངེ་འཛིན་རིམ་པ་བཞིན་ཏུ་བསྒོམ་པར་བྱས་ཏེ། དངོས་པོ་མེད་པའི་ནམ་མཁའ་ལས་རིན་པོ་ཆེ་ཇི་ལྟར་འབྱུང་བ་རིན་པོ་ཆེ་ལས་བྱང་ཆུབ་སེམས་དཔའི་སྐུ་ཇི་ལྟར་འབྱུང་བ་ཞེས་བྱ་བའི་ཏིང་ངེ་འཛིན་འདི་དུས་བཞིར་བསྒོམས་ལ་ཇི་ལྟར་གོང་དུ་སྨོས་པ་བཞིན་དུ་བཟླས་པ་བྱའོ། །དེ་ནས་ཟླ་བའི་མཐར་ཏིང་འཛིན་དེ་ཉིད་ཀྱིས་མཚན་གཅིག་ཐོག་ཐག་ཏུ་བཟླས་པ་བྱའོ། །དེ་ནས་ནམ་ལངས་པ་དང་དེ་བཞིན་གཤེགས་པ་ཐམས་ཅད་བྱོན་ནས་ཅི་དགའ་བ་བཞིན་དུ་དབང་བསྐུར་བར་འགྱུར་རོ། །ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །དེ་ནས་ལས་སྒྲུབ་པ་བཤད་དེ། དེ་བཞིན་དུ་བཟླས་ལ་ཟླ་བའི་མཐར་མཚན་གཅིག་ཐོག་ཐག་ཏུ་བཟླས་པར་བྱའོ། །དེ་ནས་ནམ་ལངས་པ་དང་བཅོམ་ལྡན་འདས་ནམ་མཁའི་སྙིང་པོས་དོན་ཐམས་ཅད་འགྲུབ་པར་འགྱུར་རོ།།
302b
དེ་ནས་ལས་ཐམས་ཅད་བྱེད་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ནོར་བུའི་རིགས་ཀྱི་ཉེ་བར་སྤྱོད་པའི་ཆོ་ག་རྒྱས་པ་རྫོགས་སོ།། །། དེ་ནས་རིགས་ཐམས་ཅད་ཀྱི་ཐུན་མོང་དུ་བསྒྲུབ་པའི་ཡོ་བྱད་དང ། ཆོ་ག་རྒྱས་པ་ནི་འདི་ཡིན་ཏེ། དེ་ལ་དང་པོར་སྙིང་པོ་ཐམས་ཅད་ཀྱི་ཡོ་བྱད་དང་ཆོ་ག་རྒྱས་པ་བཤད་དོ། །སྙིང་པོ་བསྒྲུབ་པར་འདོད་ན་དེ་བཞིན་གཤེགས་པ་ཐམས་ཅད་ཀྱི་གྲུབ་པར་གྱུར་ཅིག་ཅེས་བརྗོད་ལ་སྙིང་པོ་ཅི་དགའ་བར་བཟླས་ཤིང་བསྒྲུབ་པའི་ཆོ་ག་བྱའོ། །དེ་ལ་འདི་ནི་ཕྱག་རྒྱའི་ཡོ་བྱད་དང ། ཆོ་ག་སྟེ། ཕྱག་རྒྱ་ཐམས་ཅད་བདག་ལ་དགའ་བར་གྱུར་ཅིག་ཅེས་སྨྲས་ལ་དམ་ཚིག་གི་ཕྱག་རྒྱ་བཅིངས་ཏེ། ཅི་དགའ་བར་ཅི་ནུས་ཀྱིས་བཟླས་པར་བྱའོ། །དེ་ནས་ཅི་ལྟ་བ་བཞིན་དུ་དངོས་གྲུབ་ཏུ་འགྱུར་རོ། །དེ་ལ་འདི་ནི་སྔགས་ཐམས་ཅད་ཀྱི་ཡོ་བྱད་དང ། ཆོ་ག་རྒྱས་པ་སྟེ། སྤྲོས་པ་མེད་པའི་ཚིག་གྲུབ་པར་གྱུར་ཅིག། དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་བདག་ལ་སྐྱེ་བར་གྱུར་ཅིག་ཅེས་སྨྲས་ལ་སྔགས་ཅི་དགའ་བར་བཟླས་པ་བྱས་ཏེ་འདི་ནི་དངོས་གྲུབ་བོ། །དེ་ལ་འདི་ནི་རིག་པའི་ཡོ་བྱད་དང ། ཆོ་ག་རྒྱས་པ་སྟེ། ཀྱེ་མ་སེམས་ཅན་འདི་དག་ཐམས་ཅད་ནི་མི་རག་པས་ལྡོངས་པར་གྱུར། དེ་བཞིན་གཤེགས་པ་ཐམས་ཅད་ནི་རིག་པ་རྟོགས་ཤིང་སྡོམ་པར་གྱུར་ཏོ། །ཞེས་སྨྲས་ལ་རིག་པ་ཅི་དགའ་བར་
303a
༄#། །བཟླས་ཤིང་བསྒྲུབ་པར་བྱའོ་ཞེས་བཅོམ་ལྡན་འདས་འཕགས་པ་རྡོ་རྗེ་འཛིན་པས་གསུངས་སོ། །དེ་ནས་སྙིང་པོ་དང ། སྔགས་དང ། ཕྱག་རྒྱ་དང་རིག་པ་ཐམས་ཅད་ཇི་ལྟར་བསྒོམ་པ་ཉིད་དུ་རྡོ་རྗེ་བཟླས་པའི་ཆོག་རྒྱས་པ་ནི་འདི་ཡིན་ཏེ། སེམས་དཔའ་གང་གི་སྙིང་པོ་དང ། ཕྱག་རྒྱ་དང ། གསང་སྔགས་དང ། རིག་པ་རྣམས་བཟླས་པའི་དོན་དུ་བསྒྲུབ་པར་བྱ་བ་དེ་ནི་བདག་གམ་སེམས་དཔའ་བསྒོམས་ན་བསྒྲུབ་པར་བྱ་བ་འགྲུབ་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །རིགས་ཐམས་ཅད་ཀྱི་ཐུན་མོང་དུ་བཟླས་པའི་ཆོག་རྒྱས་པ་རྫོགས་སོ། །དེ་ནས་རིགས་ཐམས་ཅད་ཀྱི་ཐུན་མོང་དུ་བསྒྲུབ་པའི་ཆོ་ག་རྒྱས་པ་ནི་འདི་ལྟ་སྟེ། དེ་ལ་དང་པོ་ཁོ་ནར་དེ་བཞིན་གཤེགས་པ་རྣམས་ཀྱི་རིགས་ཀྱི་དངོས་གྲུབ་ནི་འདི་ལྟ་སྟེ། ནོར་འགྲུབ་པའི་དངོས་གྲུབ་དང ། རྫུ་འཕྲུལ་གྱི་དངོས་གྲུབ་དང ། རིག་འཛིན་ཉིད་དུ་འགྲུབ་པ་དང།་དངོས་གྲུབ་ཆེན་པོ་རྣམས་སོ། །དེ་ལ་ནོར་འགྲུབ་པ་ནི་འདི་ཡིན་ཏེ། གང་ན་གཏེར་ཡོད་པར་དྭོགས་པ་དེར་ཕྱག་རྒྱ་བཅིངས་ལ་རང་གི་ཏིང་ངེ་འཛིན་གྱིས་གཏེར་གྱི་གནས་དེར་རྡོ་རྗེ་བལྟ་བས་ལྟ་བ་ན། ཅི་སྟེ་རྡོ་རྗེ་ལྟ་བུ་ཡང་བར་མཐོང་ན་དོན་གཏེར་ཡོད་པར་ཤེས་པར་བྱའོ། །དེ་ནས་རྡོ་རྗེ་ལྕགས་སྒྲོག་གི་དམ་ཚིག་གི་ཕྱག་རྒྱ་བཅིངས་ཏེ་ས་བརྐོས་
303b
ལ་ཇི་ལྟར་དགའ་བ་བཞིན་དུ་བླངས་ན་རྩོད་པ་མེད་པར་ཐོབ་པར་འགྱུར་རོ། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་རྫུ་འཕྲུལ་གྱི་དངོས་གྲུབ་འགྲུབ་བ་ཡིན་ཏེ། ཕྱག་རྒྱ་གང་སྒྲུབ་པར་བྱེད་ན་བཛྲ་སིདྡྷི་ཞེས་བརྗོད་པར་བྱའོ། །རྫུ་འཕྲུལ་གྱི་དངོས་གྲུབ་ནི་རྣམ་པ་བཞི་ཡོད་དེ། དེ་ནི་འདི་ལྟར་ཆུའི་སྟེང་ནས་ཕར་འགྲོ་ཞིང་འདུག་པ་ལ་སོགས་པ་དང ། དེ་བཞིན་གཤེགས་པ་ལ་སོགས་པ་ཐམས་ཅད་ཀྱི་གཟུགས་སྟོན་པ་དང ། ཇི་སྲིད་དུ་དགའ་བ་དེ་སྲིད་དུ་མི་སྣང་བར་འགྱུར་བ་དང ། ནམ་མཁའ་ལ་འགྲོ་བ་དང་དཔག་ཚད་སྟོང་གི་སྟེང་དུ་ལྡིང་བ་དང ། འོག་ཏུ་འགྲོ་ཞིང་འོང་བ་དང ། ཕྱོགས་ཐམས་ཅད་དུ་དཔག་ཚད་སྟོང་དུ་ཅི་དགའ་བར་སོང་ལ་བསྐོར་ཏེ་སླར་འོང་པ་དང ། དཔག་ཚད་སྟོང་ཁོར་ར་ཁོར་ཡུག་གི་སེམས་ཅན་ཐམས་ཅད་ཀྱི་བསམ་པ་ཤེས་པ་དང ། དངོས་པོ་ཐམས་ཅད་མིག་གིས་མཐོང་ཞིང་རྣ་བས་ཐོས་པ་དང ། ཕྱོགས་ཐམས་ཅད་དུ་དཔག་ཚད་སྟོང་ཁོར་ཡུག་ན་གནས་པའི་བུད་མེད་ཐམས་ཅད་ཅི་དགའ་བར་འཕང་དུ་བླངས་ཏེ་འདུག་པ་དང ། གསེར་དང ། ནོར་བུ་དང ། མུ་ཏིག་ལ་སོགས་བའི་དབྱིག་ཐམས་ཅད་དང ། ནོར་ཐམས་ཅད་ཕྲོགས་ནས་ཀྱང་སུས་ཀྱང་ཆུང་ཟད་ཀྱང་བརྒལ་མི་ནུས་ཏེ། བདག་གི་རྡོ་རྗེས་ཀྱང་མི་ཐུབ་པར་འགྱུར་ན་གཞན་གྱིས་ལྟ་སྨོས་ཀྱང་ཅི་དགོས། སྐྱེས་བུ་སྟོང་ཕྲག་
304a
༄#། །བཅུ་བསྡོམས་པའི་སྟོབས་དང་ལྡན་པ་དང ། རྟག་ཏུ་ནད་མེད་པ་དང་ལྡན་པ་དང ། རྟག་ཏུ་འདོད་པ་ཐམས་ཅད་ལ་ལོངས་སྤྱོད་པ་དང་ལྡན་པ་དང ། རྟག་ཏུ་དར་ལ་བབ་ཅིང་ལྷའི་གཟུགས་དང་ལྡན་པ་དང ། རྡོ་རྗེ་སེམས་དཔའ་དང་བཅས་པའི་དེ་བཞིན་གཤེགས་པ་ཐམས་ཅད་མཐོང་ཞིང་རྡོ་རྗེའི་དངོས་གྲུབ་བླ་ན་མེད་པས་མཆོད་པ་བྱེད་ཅིང་ལོ་སྟོང་ཕྲག་བཅུ་བཞིའི་བར་འཚོ་བར་འགྱུར་རོ། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་དངོས་གྲུབ་ཀྱིས་གསུངས་སོ། །དེ་ལ་འདི་ནི་རྡོ་རྗེ་རིག་འཛིན་གྱི་དངོས་གྲུབ་འགྲུབ་པ་ཡིན་ཏེ། ཕྱག་རྒྱ་བསྒྲུབ་པ་ན་རྡོ་རྗེ་རིག་འཛིན་ཅེས་བརྗོད་ལ་འགྲུབ་པ་དང ། རྡོ་རྗེ་རིག་འཛིན་གྱིས་འཁོར་ལོས་བསྒྱུར་བར་འགྱུར་ཏེ། འདོད་པ་ཐམས་ཅད་ལ་ལོངས་སྤྱོད་པ་དང་ལྡན་པ་དང ། སངས་རྒྱས་ཀྱི་ཞིང་ཐམས་ཅད་དུ་སྐད་ཅིག་གིས་བསྐོར་ཏེ། སླར་འོང་ཞིང་བདེ་བ་ཐམས་ཅད་ལ་ཡོངས་སུ་སྤྱད་པ་དང ། ལོ་བཅོ་བརྒྱད་པའི་ན་ཚོད་དང་ལྡན་པ་དང ། སྐྲ་འཁྱིལ་བ་དང་ལྡན་པ་དང ། རྡོ་རྗེ་ཆེན་པོའི་རིག་འཛིན་དུ་གྱུར་ནས། དེ་བཞིན་གཤེགས་པ་ཐམས་ཅད་དང་རྡོ་རྗེ་སེམས་དཔའ་ཐམས་ཅད་མཐོང་ཞིང་བསྐལ་བ་ཆེན་པོའི་བར་དུ་གནས་པར་འགྱུར་རོ། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རིག་འཛིན་གྱིས་གསུངས་སོ། །དེ་ལ་འདི་ནི་
304b
དངོས་གྲུབ་ཆེན་པོ་འགྲུབ་པ་ཡིན་ཏེ། བདག་ཉིད་ཕྱག་རྒྱའི་སྙིང་པོ་དོན་དུ་བདག་ཉིད་ཀྱིས་ཕྱག་རྒྱ་བསྒྲུབས་ན་སེམས་དཔའི་གཟུགས་སུ་གྱུར་ནས་སྐད་ཅིག་གཅིག་གིས་ཀྱང་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་དུ་གཟུགས་སྣ་ཚོགས་ཀྱིས་བྱ་བ་སྣ་ཚོགས་བྱེ་དཔ་དང ། དེ་བཞིན་གཤེགས་པ་རྡོ་རྗེ་སེམས་དཔར་བཅས་པ་ཐམས་ཅད་མཐོང་ནས་རྣམ་པའི་མཆོག་ཐམས་ཅད་དང་ལྡན་པའི་དེ་བཞིན་གཤེགས་པའི་མཆོད་པས་ཡང་དག་པར་མཆོད་ནས་སེམས་ཅན་མ་ལུས་ཞིང་ལུས་པ་མེད་པ་རྣམས་ཀྱི་དོན་བྱས་ནས་སླར་འོངས་ཏེ། འཇིག་རྟེན་གྱི་ཁམས་ཐམས་ཅད་ཀྱིས་རྣམ་པའི་མཆོག་ཐམས་ཅད་དང་ལྡན་པའི་འདོད་པ་ཐམས་ཅད་དང ། བདེ་བ་དང ། ཡིད་བདེ་བ་ཐམས་ཅད་ལ་སྤྱོད་ཅིང་རྡོ་རྗེ་སེམས་དཔའ་དང་མཉམ་པའི་བྱང་ཆུབ་སེམས་དཔའ་སེམས་དཔའ་ཆེན་པོར་གྱུར་ནས་ཚེའི་ཚད་མ་ལུས་ཤིང་ལུས་པ་མེད་པའི་བསྐལ་པ་ཆེན་པོའི་ཚད་དུ་འགྱུར་རོ། ། ཞེས་བཅོམ་ལྡན་འདས་དེ་བཞིན་གཤེགས་པའི་ཐབས་ཀྱི་དངོས་གྲུབ་ཆེན་པོས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་དངོས་གྲུབ་སྟེ། དེ་ཡང་འདི་ལྟར་ཁམས་གསུམ་ལས་རྣམ་པར་རྒྱལ་བའི་དངོས་གྲུབ་དང ། དབང་ཐམས་ཅད་ཀྱི་དངོས་གྲུབ་དང ། བདེ་བ་དང་ཡིད་བདེ་བ་ཐམས་ཅད་ཀྱི་དངོས་གྲུབ་དང ། དངོས་གྲུབ་དམ་པ་རྣམས་སོ། །དེ་ལ་འདི་ནི་
305a
༄#། །འཇིག་རྟེན་གསུམ་ལས་རྣམ་པར་རྒྱལ་བའི་དངོས་གྲུབ་ཡིན་ཏེ། ཁམས་གསུམ་རྣམ་པར་རྒྱལ་བའི་ཕྱག་རྒྱ་བཅིངས་ལ་དབང་ཕྱུག་ཆེན་པོ་རྐང་པ་གཡོན་པས་མནན་ཏེ་བསྒྲུབ་པར་བྱའོ། །དེ་ནས་གཟུགས་དེ་སྐད་འབྱིན་པ་དང ། ཧཱུཾ་ཞེས་བྱ་བ་བརྗོད་པར་བྱའོ། །ཧཱུཾ་ཞེས་བརྗོད་པ་ཙམ་གྱིས་དབང་ཕྱུག་ཆེན་པོ་ལ་སོགས་པ་འཇིག་རྟེན་གསུམ་པོ་ཐམས་ཅད་ཀྱི་བདག་པོ་འཁོར་དང་བཅས་པ་རྣམས་སྒྲུབ་པའི་མདུན་དུ་བཀའ་ཉན་ཅིང་དབང་དུ་འགྱུར་རོ། །དེ་ཕྱིན་ཆད་འཇིག་རྟེན་གསུམ་པོ་ཐམས་ཅད་ཀྱི་བདག་པོ་རྡོ་རྗེ་འཛིན་པར་འགྱུར་ཏེ། ནམ་མཁའ་ལ་འགྲོ་ཞིང་འཇིག་རྟེན་གསུམ་པོ་འཁོར་ལོ་ཐམས་ཅད་ཀུན་ཏུ་བསྐོར་ཏེ། སླར་འོངས་ནས་ལྷ་མ་རུངས་པ་ལ་སོགས་པ་སེམས་ཅན་ཐམས་ཅད་ཧཱུཾ་ཞེས་བྱ་བས་འདུལ་བར་བྱེད་དོ། །དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཧཱུཾ་ཞེས་བྱ་བའི་གཟུགས་དང་ལྡན་པས་འཇིག་རྟེན་གསུམ་པོ་ཐམས་ཅད་ལ་བཀའ་སྩོལ་ཅིང་རྡོ་རྗེ་སེམས་དཔར་བཅས་པའི་དེ་བཞིན་གཤེགས་པ་ཐམས་ཅད་མཐོང་ནས་མཉེས་པར་བྱེད་ཅིང་ལོ་སྟོང་དུ་འཚོ་བར་བྱེད་པར་འགྱུར་རོ། །བཅོམ་ལྡན་འདས་རྡོ་རྗེ་ཧཱུཾ་ཞེས་བྱེད་པས་གསུངས་སོ། །དེ་ལ་འདི་ནི་དབང་ཐམས་ཅད་ཀྱི་དངོས་གྲུབ་སྟེ། ཕྱག་རྒྱ་བསྒྲུབ་བ་ན་དེ་བཞིན་གཤེགས་པ་ཐམས་ཅད་
305b
ཀྱི་དབང་བསྐུར་བའི་རིན་པོ་ཆེའི་དམ་ཚིག་གི་ཕྱག་རྒྱས་དང་པོར་བདག་ཉིད་དབང་བསྐུར་ལ་བསྒྲུབ་པར་བྱ་སྟེ། དེ་ནས་གྲུབ་པ་དང ། དབང་རྣམ་པ་བཞིར་འགྱུར་ཏེ། རྡོ་རྗེའི་དབང་དང ། རིན་པོ་ཆེའི་དབང་དང ། ཆོས་ཀྱི་དབང་དང ། ལས་ཀྱི་དབང་རྣམས་སོ། །དེ་ལ་རྡོ་རྗེའི་དབང་ཐོབ་ན་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་འཛིན་པར་འགྱུར་རོ། །རིན་པོ་ཆེའི་དབང་ཐོབ་ན་རིན་པོ་ཆེ་ཐམས་ཅད་ཀྱི་བདག་པོར་འགྱུར་རོ། །ཆོས་ཀྱི་དབང་གིས་ནི་ཆོས་ཐམས་ཅད་ཀྱི་རྒྱལ་པོར་འགྱུར་རོ། །ལས་ཀྱི་དབང་གིས་ནི་འཇིག་རྟེན་ལས་འདས་པའི་ལས་ཐམས་ཅད་ཀྱི་དངོས་གྲུབ་ཐོབ་པར་འགྱུར་རོ། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དབང་གིས་གསུངས་སོ། །དེ་ལ་འདི་ནི་བདེ་བ་དང ། ཡིད་བདེ་བ་ཐམས་ཅད་ཀྱི་དངོས་གྲུབ་སྟེ། དེ་ཡང་འདི་ལྟར་རྟག་ཏུ་གསང་བའི་མཆོད་པ་རྣམས་ཀྱི་དེ་བཞིན་གཤེགས་པ་ཐམས་ཅད་ལ་མཆོད་པ་བྱས་ན། དེ་བཞིན་གཤེགས་པ་ཐམས་ཅད་ཀྱི་བདེ་བ་དང་ཡིད་བདེ་བ་ཐམས་ཅད་ཀྱི་དངོས་གྲུབ་ཐོབ་པར་འགྱུར་རོ་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདེ་བ་དང ། ཡིད་བདེ་བ་ཐམས་ཅད་ཀྱིས་གསུངས་སོ། ། དེ་ལ་འདི་ནི་དངོས་གྲུབ་དམ་པ་སྟེ། དེ་ཡང་ཇི་ལྟར་རྡོ་རྗེ་འཛིན་པ་དང་བདག་མཉམ་མོ་ཞེས་བཅོམ་ལྡན་འདས་རྡོ་རྗེ་འཛིན་ ་གསུངས་སོ། །དེ་ལ་འདི་དག་ནི་པདྨའི་རིགས་ཀྱི་
306a
༄#། །དངོས་གྲུབ་རྣམས་ཏེ། དེ་ནི་འདི་ལྟར་མཉེས་པར་བྱ་བ་དང ། དབང་དུ་བྱ་བ་དང ། བསྲུང་བ་དང ། པདྨའི་དངོས་གྲུབ་རྣམས་སོ། །དེ་ལ་མཉེས་པར་བྱ་བའི་དངོས་གྲུབ་ནི་འདི་ཡིན་ཏེ། ཇི་ལྟར་པདྨ་འདོད་པ་བསྒོམས་ན་དེ་བཞིན་གཤེགས་པ་ཐམས་ཅད་ལ་སོགས་པ་སེམས་ཅན་ཐམས་ཅད་མཉེས་པར་བྱེད་ནུས་པར་འགྱུར་རོ། །བདག་ཉིད་འཇིག་རྟེན་དབང་ཕྱུག་རྗེས་སུ་དྲན་པར་བྱས་ན་སེམས་ཅན་ཐམས་ཅད་དབང་དུ་བྱེད་ནུས་པར་འགྱུར་རོ། །བྱམས་པས་འགེངས་པའི་ཏིང་ངེ་འཛིན་གྱིས་འགྲོ་པ་ཐམས་ཅད་བསྲུང་བ་དང ། སྦ་བ་དང ། བསྐྱབ་ནུས་པར་འགྱུར་རོ། །བདག་ཉིད་པདྨའི་ཏིང་ངེ་འཛིན་དུ་ཞུགས་ལ་པདྨ་ལག་པར་བླངས་ཏེ་བསྒྲུབས་ན་འཇིག་རྟེན་དབང་ཕྱུག་གི་གཟུགས་དང་ལྡན་པ་དང ། རྣམ་པའི་མཆོག་ཐམས་ཅད་དང་ལྡན་ཞིང་ལོ་སྟོང་ཕྲག་བཞིར་འཚོ་བར་འགྱུར་རོ་ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་པདྨས་གསུངས་སོ། །དེ་ལ་འདི་དག་ནི་ནོར་བུའི་རིགས་ཀྱི་དངོས་གྲུབ་རྣམས་ཏེ། དེ་ཡང་འདི་ལྟར་རིགས་ཐམས་ཅད་ཀྱི་དབང་གི་དངོས་གྲུབ་དང ། གཟི་བརྗིད་ཆེན་པོ་དང ། བསམ་པ་ཐམས་ཅད་ཡོངས་སུ་རྫོགས་པ་དང་རིན་པོ་ཆེའི་དངོས་གྲུབ་རྣམས་སོ། །དེ་ལ་དེ་བཞིན་གཤེགས་པ་ཐམས་ཅད་ཀྱི་དབང་གི་དངོས་གྲུབ་ནི་འདི་ལྟ་སྟེ། ཉིད་ཀྱིས་
306b
དབང་དབུལ་བ་དང ། མར་མེ་དབུལ་བ་དང ། ཅི་ནུས་ཀྱིས་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱ་བ་དང ། རིན་པོ་ཆེ་བསྒྲུབ་པའི་དངོས་གྲུབ་འདི་དག་གིས་དེ་བཞིན་གཤེགས་པ་ཐམས་ཅད་མཆོད་ན་རིང་པོ་མི་ཐོགས་པར་འགྲུབ་པར་འགྱུར་རོ། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རིན་པོ་ཆེས་གསུངས་སོ། །རིགས་ཐམས་ཅད་ཀྱི་ཐུན་མོང་པའི་དངོས་གྲུབ་ཀྱི་ཆོ་ག་རྒྱས་པ་རྫོགས་སོ།། །།དེ་ནས་རྟོག་པ་ཐམས་ཅད་ཀྱི་ཐབས་ཀྱི་དངོས་གྲུབ་ཀྱི་རྒྱུད་བཤད་པར་བྱའོ། །ཞེས་བཅོམ་ལྡན་འདས་ཐོག་མ་དང ། ཐ་མ་མེད་པའི་སེམས་དཔས་གསུངས་སོ། །དེ་ལ་དང་པོ་ཁོ་ནར་ནི་སྙིང་པོ་ཐམས་ཅད་ཀྱི་དངོས་གྲུབ་ཀྱི་རྒྱུད་དེ། འཇིག་རྟེན་འདུལ་བ་ཇི་ལྟ་བར། །དེ་འདྲ་བར་ནི་དངོས་གྲུབ་འདོད། །དེ་ཡི་ཐབས་ནི་ཕྱག་རྒྱ་སྟེ། །དངོས་གྲུབ་ཆེན་པོ་ཀུན་སྦྱིན་ནོ། །དེ་ལ་འདི་ནི་ཕྱག་རྒྱའི་ཐབས་ཀྱི་དངོས་གྲུབ་ཀྱི་རྒྱུད་དེ། འཇིག་རྟེན་འདུལ་བ་ཆགས་བྲལ་མིན། །ཕྱག་རྒྱའི་དངོས་གྲུབ་ཆགས་ལས་སྐྱེས། །དེ་ཡི་ཐབས་ནི་བསྒོམ་པ་སྟེ། །དངོས་གྲུབ་ཀུན་གྱི་མཆོག་ཏུ་འགྱུར། །དེ་ལ་འདི་ནི་སྔགས་ཀྱི་ཐབས་ཀྱི་དངོས་གྲུབ་ཀྱི་རྒྱུད་དེ། བདེན་ལས་འཇིག་རྟེན་འདི་ཉམས་པས། །སྔགས་ཀྱི་དངོས་གྲུབ་ཐོབ་མི་འགྱུར། །སྤྲོས་པ་མེད་པའི་ཐབས་ཀྱིས་ནི། །དངོས་གྲུབ་ཀུན་གྱི་མཆོག་ཏུ་འགྱུར། །དེ་ལ་འདི་ནི་རིག་པ་ཐམས་
307a
༄#། །ཅད་དངོས་གྲུབ་ཀྱི་རྒྱུད་དོ། །མ་རིག་མུན་ཆགས་འདི་ལ་ནི། །རིག་པའི་དངོས་གྲུབ་ཡོད་མིན་ཏེ། །དེ་ཡི་ཐབས་ནི་རྒྱ་ཆེ་བ། །དངོས་གྲུབ་ཀུན་གྱི་མཆོག་ཐོབ་བོ། །རྟོག་པ་ཐམས་ཅད་ཀྱི་དངོས་གྲུབ་ཀྱི་རྒྱུད་དོ། །དེ་ནས་རྟོག་པ་ཐམས་ཅད་ཀྱི་བསོད་ནམས་ཀྱི་དངོས་གྲུབ་ཀྱི་རྒྱུད་བཤད་པར་བྱའོ། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསུངས་སོ། །དེ་ལ་དང་པོ་ཁོ་ནར་ནི་སྙིང་པོ་ཐམས་ཅད་ཀྱི་བསོད་ནམས་ཀྱི་དངོས་གྲུབ་ཀྱི་རྒྱུད་དེ། མཆོད་པ་རྣམ་བཞི་བྱས་ནས་ནི། །བསོད་ནམས་ཆེན་པོ་ཐོབ་འགྱུར་ཏེ། །བསོད་ནམས་མེད་ཀྱང་སངས་རྒྱས་མཆོད། །འགྲུབ་འགྱུར་འདི་ལ་ཐེ་ཚོམ་མེད། །དེ་ལ་འདི་ནི་ཕྱག་རྒྱའི་བསོད་ནམས་ཀྱི་དངོས་གྲུབ་ཀྱི་རྒྱུད་དེ། དམ་ཚིག་གསང་བ་བསྲུངས་ན་ནི། །བསོད་ནམས་ཆེན་པོ་ཐོབ་འགྱུར་ཏེ། །བསོད་ནམས་མེད་ཀྱང་མྱུར་བར་ནི། །དམ་ཚིག་བསྲུངས་ན་མྱུར་དུ་འགྲུབ། །དེ་ལ་འདི་ནི་སྔགས་ཀྱི་བསོད་ནམས་ཀྱི་དངོས་གྲུབ་ཀྱི་རྒྱུད་དེ། སངས་རྒྱས་མཚན་ལ་སོགས་བརྗོད་ན། །བསོད་ནམས་ཆེན་པོ་ཐོབ་འགྱུར་ཏེ། །བསོད་ནམས་མེད་ཀྱང་མྱུར་བར་ནི། །ཆོས་སྦྱིན་པས་ནི་དངོས་གྲུབ་འཐོབ། །དེ་ལ་འདི་ནི་རིག་པའི་བསོད་ནམས་ཀྱི་དངོས་གྲུབ་ཀྱི་རྒྱུད་དེ། བསོད་ནམས་ནང་ན་སྦྱིན་པ་མཆོག།
307b
བྱིན་ན་བསོད་ནམས་ཐོབ་འགྱུར་ཏེ། །སྤྱིན་པའི་ཕ་རོལ་ཕྱིན་རྫོགས་ན། །མྱུར་དུ་སངས་རྒྱས་ཉིད་དུ་འགྲུབ། །རྟོག་པ་ཐམས་ཅད་ཀྱི་བསོད་ནམས་ཀྱི་དངོས་གྲུབ་ཀྱི་རྒྱུད་དོ། །དེ་ནས་རྟོག་པ་ཐམས་ཅད་ཀྱི་ཤེས་རབ་ཀྱི་དངོས་གྲུབ་ཀྱི་རྒྱུད་བཤད་པར་བྱའོ། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསུངས་སོ། །དེ་ལ་དང་པོ་ཁོ་ནར་སྙིང་པོ་ཤེས་རབ་ཀྱི་དངོས་གྲུབ་ཀྱི་རྒྱུད་དེ། ཡི་གེ་ཨ་ལ་འཇུག་བྱེད་ཅིང ། །ཡི་གེ་ཐམས་ཅད་རྣམ་བསྒོམས་ལ། །རང་གི་ཁ་ནས་གཞན་ཞལ་དུ། །བསྒོམས་ན་བསོད་ནམས་ཐོབ་པར་འགྱུར། །ཞེས་བཅོམ་ལྡན་འདས་བྱང་ཆུབ་སེམས་དཔའ་ཆེན་པོ་འཇམ་པའི་དཔལ་གྱིས་གསུངས་སོ། །དེ་ལ་འདི་ནི་ཕྱག་རྒྱའི་ཤེས་རབ་ཀྱི་དངོས་གྲུབ་ཀྱི་རྒྱུད་དེ། ཤེས་རབ་ངེས་འབིགས་ཞེས་བྱ་བ། །ཏིང་ངེ་འཛིན་ཅེས་གྲགས་པ་སྟེ། །དེས་ནི་ཕྱག་རྒྱ་མྱུར་འགྲུབ་པར། །བསྒོམས་ན་མྱུར་དུ་འགྲུབ་པར་འགྱུར། །ཞེས་བཅོམ་ལྡན་འདས་ཤེས་རབ་མཆོག་གིས་གསུངས་སོ། །དེ་ལ་འདི་སྔགས་ཀྱི་ཤེས་རབ་ཀྱི་དངོས་གྲུབ་ཀྱི་རྒྱུད་དེ། ཤེས་རབ་སྒྲ་ཡི་རྗེས་འབྲང་བ། །ཏིང་འཛིན་ཚིག་ནི་རབ་སྤྲོས་པ། །དེ་བསྒོམས་ན་ནི་མྱུར་བ་ཡང ། །སྔགས་ཀྱི་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་བློས་གསུངས་སོ། །དེ་ལ་འདི་ནི་རིག་པའི་ཤེས་རབ་ཀྱི་དངོས་གྲུབ་ཀྱི་
308a
༄#། །རྒྱུད་དེ། རིག་དང་སྔགས་དང་ཁྱད་པར་དུ། །ཁྱད་པར་ཡོད་པ་མ་ཡིན་ཏེ། །ཤེས་རབ་བསྒོམས་ན་མྱུར་བར་ནི། །ངེས་པར་དངོས་གྲུབ་ཐོབ་པར་འགྱུར། ། ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཤེས་རབ་ཀྱི་ཡེ་ཤེས་ཀྱིས་གསུངས་སོ། །རྟོག་པ་ཐམས་ཅད་ཀྱི་ཡེ་ཤེས་ཀྱི་དངོས་གྲུབ་ཀྱི་ཆོག་རྒྱས་པའི་རྒྱུད་དོ། ། དེ་ནས་རྟོག་པ་ཐམས་ཅད་ཀྱི་ཚོགས་ཀྱི་དངོས་གྲུབ་ཀྱི་རྒྱུད་བཤད་པར་བྱའོ། །ཞེས་བཅོམ་ལྡན་འདས་ཕྱག་ན་རྡོ་རྗེས་གསུངས་སོ། །དེ་ལ་དང་པོ་ཁོ་ནར་སྙིང་པོ་ཐམས་ཅད་ཚོགས་ཀྱི་དངོས་གྲུབ་ཀྱི་རྒྱུད་དེ། མཆོད་པ་ཐམས་ཅད་རབ་བྱས་ན། །དགེ་བ་ཡི་ནི་ཆོས་རྣམས་ཀྱི། །ཚོགས་ནི་རྣམ་ཕར་འཕེལ་འགྱུར་ཏེ། །དེ་ནས་ཚོགས་ནི་འགྲུབ་པར་འགྱུར། །དེ་ལ་འདི་ནི་ཕྱག་རྒྱའི་ཚོགས་ཀྱི་དངོས་གྲུབ་ཀྱི་རྒྱུད་དེ། འཁོར་ལོ་མང་པོར་ཞུགས་པ་དང ། །དཀྱིལ་འཁོར་མང་པོར་བྲིས་པའི་ཕྱིར། །ཚོགས་རྫོགས་པས་ན་ཕྱག་རྒྱ་རྣམས། །དངོས་གྲུབ་ཆེན་པོ་ཐོབ་པར་འགྱུར། །དེ་ལ་འདི་ནི་སྔགས་ཀྱི་ཚོགས་ཀྱི་དངོས་གྲུབ་ཀྱི་རྒྱུད་དེ། རྗེས་སུ་ཡི་རང་ལ་སོགས་ཚུལ། །དེ་བཞིན་དམ་པའི་ཆོས་བཀླགས་དང ། བཟླས་པ་མང་པོ་བྱས་ནས་ནི། །ངེས་པར་སྔགས་ཀྱི་དངོས་གྲུབ་འགྱུར། །དེ་ལ་འདི་ནི་རིག་པའི་ཚོགས་ཀྱི་དངོས་གྲུབ་ཀྱི་རྒྱུད་དེ། མ་རིག་རབ་
308b
ཏུ་སླངས་པ་དང ། །སྦྱིན་པའི་ཕ་རོལ་ཕྱིན་ཚུལ་ལས། །ཚོགས་ནི་ཡོངས་སུ་རྫོགས་ནས་ཀྱང ། །མྱུར་དུ་དངོས་གྲུབ་ཐོབ་པར་འགྱུར། །རྟོག་པ་ཐམས་ཅད་ཀྱི་ཆོ་ག་རྒྱས་བའི་རྒྱུད་རྫོགས་སོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རིགས་ཐམས་ཅད་ཀྱི་མཚན་མ་བྱུང་བའི་ཡེ་ཤེས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་ཇི་ལྟར་རྡོ་རྗེ་འབྱུང་ཞེ་ན། །དེ་ཉིད་བཅོམ་ལྡན་སེམས་དཔའ་སྟེ། །ཐམས་ཅད་སེམས་དེ་ཉིད་བདག་པོ། །སྐུ་དང་གསུང་ཐུགས་རྡོ་རྗེ་ནི། །སེམས་དཔའ་བརྟན་པ་རང་བྱུང་གི་།སེམས་དཔའ་ཀུན་གྱི་མཆོག་སེམས་དཔའ། །རྡོ་རྗེ་སྙིང་གར་རབ་བསྒོམས་ན། །རྡོ་རྗེ་སེམས་དཔའ་ཞེས་གྲགས་ཏེ། །འདི་ལ་རྡོ་རྗེ་རབ་ཏུ་གནས། །དེ་ཉིད་སངས་རྒྱས་རྣམས་ཀྱི་ནི། །ཡེ་ཤེས་ཚུལ་ཏེ་མཉམ་མེད་འོད། །སྙིང་ལས་སྣ་ཚོགས་བྱུང་ནས་ནི། །སྣ་ཚོགས་པ་ཡི་གཟུགས་གྱུར་ཏེ། །ཁམས་གསུམ་ཀུན་གྱི་རྡུལ་སྙེད་དུ། ། དེ་དག་ཉིད་ནི་རྒྱལ་བ་ཡིན། །རྡོ་རྗེའི་སྐུ་ནི་དེ་རྣམས་ལས། །རྡོ་རྗེ་སེམས་དཔར་ཡང་དག་འགྱུར། །སེམས་དཔའ་དང་པོ་དེ་ཉིད་ལས། །མཚན་མ་ཐམས་ཅད་ཡང་དག་འབྱུང་།། མཚན་མ་ལས་ནི་སེམས་དཔའ་ཆེ། །དེ་ལས་ཚུལ་འདི་ཐམས་ཅད་འབྱུང ། །གང་གིས་འདི་ནི་ཐོས་གྱུར་ལ། །དད་ཅིང་འཛིན་བྱེད་སྙིང་གར་ཡང ། །རྟག་ཏུ་དགའ་བས་བསྒོམས་
309a
༄#། །ན་ནི། །དེ་ནི་མྱུར་དུ་གྲུབ་པ་ཐོབ། ཅེས་བཅོམ་ལྡན་འདས་རྡོ་རྗེ་སེམས་དང་ས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་འབྱུང་བའི་ཡེ་ཤེས་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེ་རྟོག་པ་ཐམས་ཅད་འབྱུང་བའི་ཡེ་ཤེས་ཀྱི་ཆོ་ག་རྒྱས་པའི་རྒྱུད་འདི་གསུངས་སོ། །དེ་ལ་དང་པོ་ཁོ་ནར་དེ་བཞིན་གཤེགས་པ་ཐམས་ཅད་ཀྱི་རྟོག་པ་འབྱུང་བའི་ཡེ་ཤེས་ཀྱི་རྒྱུད་ནི་འདི་ཡིན་ཏེ། སངས་རྒྱས་རྣམས་ཀྱི་རྟོག་མེད་པའི། །ཡེ་ཤེས་རྟག་པ་ཉིད་གྱུར་པའི། །མི་རྟོག་པ་ཡི་ཡེ་ཤེས་ལས། །བརྟགས་པས་རྟོག་པ་ཞེས་བརྗོད་དོ། །དེ་ལ་འདི་ནི་བཞིན་གཤེགས་པའི་རིགས་ཀྱི་རྟོག་པ་འབྱུང་བའི་ཡེ་ཤེས་ཀྱི་རྒྱུད་དེ། མི་རྟོག་གང་ལ་རྟོག་བདག་ཉིད། །བརྟགས་པས་རྟོག་པ་བྱུང་བ་ནི། །རྡོ་རྗེ་སེམས་དཔའ་སེམས་དཔའ་ཆེ། །དེ་ཕྱིར་རྟོག་པ་ཞེས་བརྗོད་དོ། །དེ་ལ་འདི་ནི་རྡོ་རྗེའི་རིགས་ཀྱི་རྒྱུད་དེ། མི་རྟོག་གང་ལ་རྟོག་བདག་དེ།་ཆོ་ག་བཞིན་དུ་རི་མོར་བྲིས། །རྟོག་པ་གྲུབ་སྦྱིན་ཞེས་བརྟགས་པ། །རྟོག་ལས་བྲལ་བའི་བདག་ཉིད་ཀྱིས། །དེ་ཕྱིར་རྟོག་པ་ཞེས་གསུངས་སོ། །དེ་ལ་འདི་ནི་པདྨའི་རིགས་ཀྱི་རྟོག་པ་འབྱུང་བའི་ཡེ་ཤེས་ཀྱི་རྒྱུད་དེ། རྟོག་པ་ལས་ནི་འདོད་ཆགས་འབྱུང ། །པདྨ་ལ་ནི་དེ་གནས་ཏེ། །དེ་ཕྱིར་རྟོག་ལ་གནས་པ་ནི། །གྲུབ་པ་ཉིད་དུ་དེ་འགྱུར་རོ། །དེ་ལ་འདི་
309b
ནི་ནོར་བུའི་རིགས་ཀྱི་རྟོག་པ་འབྱུང་བའི་ཡེ་ཤེས་ཀྱི་རྒྱུད་དེ། རྟོག་པ་མེད་པའི་ནོར་བུ་ནི། །མཐུ་ཡིས་ཤིན་ཏུ་མཆོག་ཏུ་འགྱུར། །དེ་ལྟར་རྣམ་པར་མི་རྟོག་པས། །ལྷ་རྫས་དངོས་གྲུབ་འབྱུང་བར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །རིགས་ཐམས་ཅད་ཀྱི་རྟོག་པ་འབྱུང་བའི་རྒྱུད་དོ། །དེ་ནས་རྟོག་པ་ཐམས་ཅད་ཀྱི་སྙིང་པོ་འབྱུང་བའི་ཡེ་ཤེས་ཀྱི་རྒྱུད་དེ། ཡིད་ཀྱིས་འདོད་པའི་ཆོག་ཡིས། །ཡིད་ཀྱིས་འདོད་པ་གྲུབ་འགྱུར་ཏེ། །ཏིང་འཛིན་སྒྲུབ་པ་སྙིང་ལ་གནས། །དེ་ཕྱིར་སྙིང་པོ་ཞེས་བརྗོད་དོ། །དེ་ནས་རྟོག་པ་ཐམས་ཅད་ཀྱི་ཕྱག་རྒྱ་འབྱུང་བའི་ཡེ་ཤེས་ཀྱི་རྒྱུད་དེ། ཇི་ལྟར་རྒྱལ་པོའི་ཕྱག་རྒྱ་མཆོག། ཁྲིམས་ནི་འདའ་ཀ་མི་ཕྱེད་བཞིན། །བདག་ཉིད་ཆེན་པོ་གཟུགས་བརྙན་གྱིས། །མཚན་མ་ཕྱག་རྒྱ་ཞེས་པར་གྲགས། །དེ་ནས་རྟོག་པ་ཐམས་ཅད་ཀྱི་སྤགས་འབྱུང་བའི་ཡེ་ཤེས་ཀྱི་རྒྱུད་དེ། འདའ་བར་བྱ་བ་མ་ཡིན་ཞིང ། །དབྱེ་བ་དཀའ་ལས་གསང་བ་ཉིད། །གསང་བ་གྲུབ་ཕྱིར་བརྗོད་པས་ན། །དེ་ཡི་ཕྱིར་ན་སྔགས་ཞེས་བརྗོད། །དེ་ནས་རིག་པ་འབྱུང་བའི་ཡེ་ཤེས་ཀྱི་རྒྱུད་དེ། མ་རིག་པ་ནི་གཞོམ་པ་དང ། །དག་གི་རིག་མཆོག་འགྲུབ་པའི་ཕྱིར། །རྟོགས་ཤིང་རིག་པའི་དངོས་གྲུབ་སྟེ། །དེ་ཕྱིར་རྟོག་པ་ཞེས་བརྗོད་དོ། །ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །རྟོག་པ་ཐམས་ཅད་ཀྱི་སྙིང་པོ་ལ་སོགས་
310a
༄#། །པ་འབྱུང་བའི་ཡེ་ཤེས་ཀྱི་རྒྱུད་དོ། །དེ་ནས་རྟོག་པ་ཐམས་ཅད་ཀྱི་ཡེ་ཤེས་འབྱུང་བའི་རྒྱུད་དེ། དེ་ལ་དང་པོ། ཁོ་ནར་སྙིང་པོའི་ཡེ་ཤེས་སྐྱེ་བའི་རྒྱུད་ཡིན་ཏེ་སྙིང་པོ་བཟླས་ཏེ་བདག་གམ་ནི། །གཞན་ཡང་རུང་སྟེ་བྱུང་བ་ན། །བྱུང་དང་འབྱུང་འགྱུར་གང་གིས་ནི། །མཐོང་ཞིང་ཐོས་འགྱུར་ཤེས་པར་བྱ། །དེ་ལ་འདི་ནི་ཕྱག་རྒྱའི་ཡེ་ཤེས་འབྱུང་བའི་རྒྱུད་ཡིན་ཏེ། བདག་གིས་ཆོ་ག་ཇི་བཞིན་དུ། །གང་ཡང་རུང་བའི་ཕྱག་རྒྱ་བཅིངས། །འཇིག་རྟེན་པ་ལ་བལྟས་ན་ནི། །གོང་མ་བཞིན་དུ་ཀུན་ཤེས་འགྱུར།། དེ་ལ་འདི་ནི་སྔགས་ཀྱི་ཡེ་ཤེས་འབྱུང་བའི་རྒྱུད་ཡིན་ཏེ། ལན་གཅིག་ཙམ་ཡང་སྔགས་བརྗོད་ན། །འདས་དང་འབྱུང་དང་བྱུང་གང་ཡིན། །རང་གི་ལྕེ་ལ་སྨྲ་འགྱུར་བ། །དེ་དག་ཐམས་ཅད་བདེ་པར་འགྱུར། །ཞེས་བཅོམ་ལྡན་འདས་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་རིག་པའི་ཡེ་ཤེས་སྐྱེ་བའི་རྒྱུད་དེ། རིག་པ་ལན་གཅིག་བརྗོད་ན་ནི། །བྱུང་དང་འབྱུང་དང་འབྱུང་འགྱུར་རྣམས། །ཇི་ལྟར་རྡོ་རྗེའི་བཀའ་བཞིན་དུ། །ཡིད་ཀྱིས་དེ་ནི་ཤེས་པར་འགྱུར། །རྟོག་པ་ཐམས་ཅད་ཀྱི་ཡེ་ཤེས་སྐྱེ་བའི་ཆོ་ག་རྒྱས་པའི་རྒྱུད་རྫོགས་སོ།། །།དེ་ནས་རིགས་ཐམས་ཅད་ཀྱི་ཐུན་མོང་གི་གསད་པའི་སྐུ་དང ། ཐུགས་རྡོ་རྗེའི་ཕྱག་
310b
རྒྱ་བསྒྲུབ་པའི་རྒྱུད་ཡིན་ནོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་སྐུའི་ཕྱག་རྒྱ་བསྒྲུབ་པ་ཡིན་ཏེ། ཇི་ལྟར་དེ་ལྟར་འདུག་ནས་ཀྱང ། །སྐྱིལ་མོ་ཀྲུང་བཅས་བསྒྲུབ་བྱ་སྟེ། །ཇི་ལྟར་རི་མོའི་ཚུལ་བྱས་ནས། །སེམས་དཔའ་ཆེན་པོ་གྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་ད་པས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་གསང་བའི་སྐུའི་ཕྱག་རྒྱ་སྒྲུབ་པ་ཡིན་ཏེ། ཇི་ལྟར་རི་མོའི་ཚུལ་དུ་ནི། །བརྐང་བསྐུམ་ཚུལ་དུ་གནས་བྱས་ཏེ། །ཤིན་ཏུ་ཁྲོས་ནས་སྒྲུབ་བྱས་ན། །ཐེ་ཚོམ་མེད་པར་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་ཧཱུཾ་ཞེས་བྱ་བས་གསུངས་སོ། །དེ་ལ་འདི་ནི་པདྨའི་རིགས་ཀྱི་གསད་པའི་སྐུའི་ཕྱག་རྒྱ་བསྒྲུབ་པའི་རྒྱུད་ཡིན་ཏེ། རྡོ་རྗེ་སྐྱིལ་མོ་ཀྲུང་བཅས་ལ། །ལག་གཉིས་རྡོ་རྗེ་བཅིངས་ནས་ཀྱང ། །ཏིང་ངེ་འཛིན་གྱི་སྐུར་གྱུར་ལ། །པདྨ་འབྱུང་བ་བསྒྲུབ་པར་བྱ། །ཞེས་བཅོམ་ལྡན་འདས་པདྨའི་སེམས་དཔས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་གསང་བའི་སྐུའི་ཕྱག་རྒྱ་བསྒྲུབ་པ་ཡིན་ཏེ། ཇི་ལྟར་འདུག་གམ་ཉལ་བའམ། །འཆག་ཀྱང་རུང་སྟེ་དེ་ལྟར་ནི། །རྡོ་རྗེ་རིན་ཆེན་དབང་བསྐུར་ན། །ཐེ་ཚོམ་མེད་པར་འགྲུབ་པར་འགྱུར། །ཞེས་བཅོམ་ལྡན་འདས་རྡོ་རྗེ་སྙིང་པོས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་གསང་བའི་གསུངས་གི་ཕྱག་རྒྱ་བསྒྲུབ་པའི་རྒྱུད་དེ། ལྕེ་རྩེ་ཤིན་ཏུ་
311a
༄#། །མི་བསྒུལ་ཞིང ། །སོ་དང་མཆུ་གཉིས་སྦྱར་ནས་ནི། །རྟོག་པ་ཐམས་ཅད་བསྒྲུབ་བྱ་ཞིང ། །སྒྲ་བྲལ་རྡོ་རྗེའི་ཚིག་ཡིན་ནོ། །ཞེས་བཅོམ་ལྡན་འདས་རྡོ་རྗེ་གསུང་གིས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་གསང་བའི་གསུང་གི་ཕྱག་རྒྱ་བསྒྲུབ་པའི་རྒྱུད་དེ། །ཧཱུཾ་ཞེས་བྱ་བ་འབྲུག་སྒྲར་བསྒྲགས། །ཁྲོ་བོའི་ངག་ནི་ཟབ་ཅིང་བསྟན། རྡོ་རྗེ་ཆེན་པོ་ཁྲོ་བོའི་གསལ། །རྡོ་རྗེ་ཁྲོ་བོའི་གསུང་འགྲུབ་བོ། །ཞེས་བཅོམ་ལྡན་འདས་རྡོ་རྗེ་ཧཱུཾ་ཞེས་བྱ་བས་གསུངས་སོ། །དེ་ལ་འདི་ནི་པདྨའི་རིགས་ཀྱི་གསང་བའི་གསུང་གི་ཕྱག་རྒྱ་སྒྲུབ་པའི་རྒྱུད་དེ། དབུགས་མི་འབྱིན་ལྟར་དབུགས་འབྱིན་ཅིང ། །ཕྲ་བའི་ཚིག་ནི་ཤིན་ཏུ་གསལ། །ཏིང་འཛིན་ཡེ་ཤེས་སྙིང་པོ་ཡིས། །ཟློས་པ་པོ་རྣམས་གྲུབ་པར་འགྱུར། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཏིང་ངེ་འཛིན་གྱི་ཡེ་ཤེས་ཀྱི་སྙིང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་གསང་བའི་གསུང་གི་ཕྱག་རྒྱ་བསྒྲུབ་པའི་རྒྱུད་དེ། ཤིན་ཏུ་ཡོངས་སུ་གསལ་ཚིག་གིས། །རྟག་ཏུ་འདུད་ལ་བརྩོན་བྱེད་ཅིང ། །ཚུལ་འདི་བཟླས་པར་གྱུར་ན་ནི། །མྱུར་དུ་ཐམས་ཅད་འགྲུབ་པར་འགྱུར། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་
311b
ཀྱི་གསང་བའི་སེམས་ཀྱི་ཕྱག་རྒྱ་སྒྲུབ་པའི་རྒྱུད་དེ། རྟག་ཏུ་འདོད་པ་བཅོམ་ལྡན་འདས། །སེམས་ཅན་ཐམས་ཅད་བདེ་སྦྱིན་པས། །རྡོ་རྗེ་སེམས་དཔའ་བདག་ཉིད་དུ། །བསྒོམས་ན་མྱུར་དུ་འགྲུབ་པར་འགྱུར། །ཞེས་བཅོམ་ལྡན་འདས་འདོད་པས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་གསང་བའི་སེམས་ཀྱི་ཕྱག་རྒྱ་བསྒྲུབ་པའི་རྒྱུད་དེ། །སེམས་ཅན་ཀུན་ལ་ཕན་པ་དང ། །མ་རུངས་པ་རྣམས་གདུལ་བ་དང ། །སངས་རྒྱས་བསྟན་པ་བསྲུང་བའི་ཕྱིར། །ཁྲོ་བོ་དངོས་གྲུབ་འཐོབ་པར་འགྱུར། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཧཱུཾ་ཞེས་བྱ་བས་གསུངས་སོ། །དེ་ལ་འདི་ནི་པདྨའི་རིགས་ཀྱི་གསང་བའི་སེམས་ཀྱི་ཕྱག་རྒྱ་བསྒྲུབ་པའི་རྒྱུད་དེ། ཇི་ལྟར་པདྨ་རབ་ཆགས་ལ། །བགོས་པའི་སྐྱོན་གྱིས་མི་གོས་པ། །དེ་ལྟར་བདག་གིས་ཆགས་སྐྱོན་ཡང ། །སྲིད་ན་ཆགས་པ་དེ་འགྲུབ་འགྱུར། །ཞེས་བཅོམ་ལྡན་འདས་པདྨ་བཞད་པས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་གསང་བའི་སེམས་ཀྱི་ཕྱག་རྒྱ་བསྒྲུབ་པའི་རྒྱུད་དེ། ནམ་ཞིག་སེམས་ཅན་ཐམས་ཅད་ཀྱི། །དགོས་པའི་དོན་ནི་ཀུན་སྒྲུབ་ཅིང ། །རིན་ཆེན་ཆར་ནི་འབེབས་འགྱུར་ཞེས། །གྲུབ་ན་མྱུར་བར་དེ་འགྲུབ་བོ། །ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་གསང་བའི་རྡོ་
312a
༄#། །རྗེའི་ཕྱག་རྒྱ་བསྒྲུབ་པའི་རྒྱུད་དེ། ཇི་ལྟར་ལངས་སམ་འདུག་པའམ། །འཆག་ཀྱང་རུང་སྟེ་དེ་ལྟར་ནི། །ལག་པ་གཡོན་པས་ཕྱག་རྒྱ་མཆོག་།ཐམས་ཅད་བྱེད་ན་འགྲུབ་པར་འགྱུར། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གསང་བ་ཕྱག་རྒྱ་རྡོ་རྗེས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་གསང་བའི་རྡོ་རྗེའི་ཕྱག་རྒྱ་བསྒྲུབ་པའི་རྒྱུད་དེ། དེ་ལྟ་དེ་ལྟར་གནས་ནས་ཀྱང ། །ཇི་ལྟ་ཇི་ལྟར་བྱེད་ཀྱང་རུང ། །རྡོ་རྗེ་ཁྲོ་བོ་མཛུབ་མོ་བཅིངས། །གོས་ཀྱིས་གཡོགས་ན་འགྲུབ་པར་འགྱུར།། ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཁྲོ་བོའི་རྒྱལ་པོས་གསུངས་སོ། །དེ་ལ་འདི་ནི་པདྨའི་རིགས་ཀྱི་གསང་བའི་རྡོ་རྗེའི་ཕྱག་རྒྱ་བསྒྲུབ་པའི་རྒྱུད་དེ།་ལག་པ་གཡོན་པས་པདྨ་ཡི། །ཁུ་ཚུར་བཅིངས་ཏེ་སྦས་ནས་ནི། །ཇི་དགར་མྱུར་དུ་པདྨ་ཡི། །དངོས་གྲུབ་ཀྱང་ནི་ཐོབ་པར་འགྱུར། །ཞེས་བཅོམ་ལྡན་འདས་ཀུན་ཏུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་གསང་བའི་རྡོ་རྗེའི་ཕྱག་རྒྱ་བསྒྲུབ་པའི་རྒྱུད་དེ། གཡོན་པའི་རིན་ཆེན་ཁུ་ཚུར་ནི།། བཅིངས་ཏེ་དམ་པའི་ལག་གཡོགས་ལ། །ཅི་དགའ་པར་ནི་རིམ་གྲོར་བྱེད། །རིན་ཆེན་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་ནམ་མཁའི་སྙིང་པོས་
312b
གསུངས་སོ། །དེ་ལ་འདི་ནི་རིགས་ཐམས་ཅད་ཀྱི་གསང་བའི་ཐུན་མོང་གི་ཕྱག་རྒྱ་བསྒྲུབ་པའི་རྒྱུད་དེ། རང་གི་སེམས་དཔའི་ཏིང་འཛིན་གྱིས། །ཕྱག་རྒྱ་ཆེན་པོའི་ཚུལ་དུ་ནི། །རྡོ་རྗེ་དག་དང་རྡོ་རྗེའི་ལྟ། །རིང་པོར་མི་ཐོགས་མཆོག་འགྲུབ་བོ། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་སེམས་དཔས་གསུངས་སོ། །རིགས་ཐམས་ཅད་ཀྱི་གསང་བའི་སྐུ་དང་གསུང་དང ། ཐུགས་རྡོ་རྗེའི་ཕྱག་རྒྱ་བསྒྲུབ་པའི་རྒྱུད་རྫོགས་སོ།། །།དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ལ་བོས་ནས་འདི་སྐད་ཅེས་གསུངས་སོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད། རྟོག་པ་འདི་བྱིན་གྱིས་བརླབ་པར་མཁྱེན་པར་མཛད་དུ་གསོལ། དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས་ཡང་ལེགས་སོ་ཞེས་བྱ་བ་འདི་བྱིན་ནོ། །རྡོ་རྗེའི་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱིས་གསང ། །ཐེག་པ་ཆེན་པོ་མངོན་འདུས་པའི། །མདོ་འདི་ལེགས་པར་བཤད་པས་ན། །རྡོ་རྗེ་སེམས་དཔའ་ཁྱོད་ལེགས་སོ། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ནི་ཁྱོད་ལེགས་སོ། །རྡོ་རྗེ་ལས་ནི་ཁྱོད་ལེགས་སོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས། རྒྱུད་ཐམས་ཅད་ཀྱི་ཕྱི་མའི་ཕྱི་མའི་རྒྱུད་རྫོགས་སོ།། །།དེ་ནས་བྱང་ཆུབ་སེམས་དཔའ་
313a
༄#། །སེམས་དཔའ་ཆེན་པོ་ཕྱག་ན་རྡོ་རྗེ་སྟན་ལས་ལངས་ཏེ། བཅོམ་ལྡན་འདས་ལ་མཚན་བརྒྱ་རྩ་བརྒྱད་པོ་འདིས་གསོལ་བ་བཏབ་བོ། །རྡོ་རྗེ་དབྱིངས་ཀྱི་སེམས་དཔའ་ཆེ། །སེམས་ཅན་དོན་མཆོག་བདག་ཉིད་ཅན། །ཤཱཀྱའི་རྒྱལ་པོ་ཡེ་ཤེས་ཆེ། །རྡོ་རྗེ་བདག་ཉིད་ཁྱོད་ཕྱག་འཚལ། །སེམས་དཔའ་འབྱུང་བ་དེ་ཉིད་དོན། །སེམས་ཅན་རྒྱུ་སྟེ་ཚུལ་ཆེན་པོ། །སེམས་ཅན་དོན་ཆེན་དགོས་པའི་དོན། །སེམས་དཔའ་སེམས་དཔའ་ཁྱོད་ཕྱག་འཚལ། །སངས་རྒྱས་ཆོས་ནི་ཆོས་ཆེན་པོ། །ཆོས་ཀྱི་འཁོར་ལོ་རབ་བསྐོར་བ། སྨྲ་བ་ཆེན་པོ་རབ་རིག་མཆོག་།སེམས་དཔའ་ཆེན་པོ་ཁྱོད་ཕྱག་འཚལ། །ལས་ཆེན་བསྲུང་བ་ཆེན་པོ་སྟེ། །ལས་རྣམས་ཐམས་ཅད་རབ་བསྒྲུབ་པ། །བདག་ཉིད་ཆེན་པོ་འགྲོ་སྤྱོད་མཆོག་།སེམས་དཔའ་རྒྱུ་ཁྱོད་ཕྱག་འཚལ་ལོ། །ཕ་རོལ་ཕྱིན་པ་ཀུན་བརྙེས་པ། །ཀུན་མཁྱེན་ཡེ་ཤེས་མཁྱེན་པ་པོ། །སེམས་དཔའ་ཀུན་ཏེ་ཐབས་ཆེན་པོ། །ཤེས་རབ་ཆེན་པོ་ཁྱོད་ཕྱག་འཚལ། །ཐུགས་རྗེ་ཆེན་པོ་མཆོག་གི་མཆོག་།ཐུགས་རྗེ་ཐུགས་རྗེའི་བདག་ཉིད་ཅན། །ཐམས་ཅད་གཏོང་བ་བྱམས་པ་ཆེ། །ཀུན་མཛད་ཁྱོད་ལ་ཕྱག་འཚལ་ལོ། །ཤཱཀྱ་སེང་གེ་ཤཱཀྱ་ཆེ། །ཤཱཀྱ་ཤཱཀྱ་ཐུབ་པ་ཆེ། །འདུལ་བ་ཆེན་པོ་ཁྱབ་པ་པོ། །འགྲོ་དོན་འདུལ་མཆོག་ཁྱོད་ཕྱག་འཚལ། །ཆོས་ཀྱི་དབྱིངས་དང་མཉམ་
313b
བརྙེས་པ། །ཆོས་དབྱིངས་དེ་བཞིན་གཤེགས་པ་སྟེ། །རྡོ་རྗེ་མགོན་པོ་མགོན་ཆེན་པོ། །སེམས་ཅན་ཚོགས་ནི་ཁྱོད་ཕྱག་འཚལ། །འོད་ཆེན་སྣང་བ་ཆེན་པོ་སྟེ། །བརྩོན་འགྲུས་ཆེན་པོ་སྟོབས་ཆེན་པོ། །དཔའ་བོ་ཆེན་པོ་རབ་དཔའ་མཆོག་།བདེ་སྤྱོད་དཔའ་བོ་ཁྱོད་ཕྱག་འཚལ། །ཚངས་པ་རང་འབྱུང་བཅོམ་ལྡན་འདས། །ཤཱཀྱ་དཔའ་བོ་ཐུབ་པ་ཆེ། །ཀུན་བདག་ཐུབ་པ་དག་པ་ཡི། །ཆོས་རྒྱལ་ཁྱོད་ལ་ཕྱག་འཚལ་ལོ། །ནམ་མཁའི་སྐུ་སྟེ་སྐུ་ཡི་མཆོག་།སྐུ་གསུམ་སྐུ་མིན་སྒོམ་པ་པོ། །ཀུན་གྱི་སྐུ་སྟེ་སྐུ་ཆེ་བ། །རྡོ་རྗེའི་སྐུ་ཁྱོད་ཕྱག་འཚལ་ལོ། །གསུང་མིན་གསུང་སྟེ་གསུང་གི་མཆོག་།གསུང་གསུམ་གསུང་མིན་སྟོན་པ་པོ། །གསུང་ཀུན་ཤིན་ཏུ་གསུང་ཆེ་བ། །རྡོ་རྗེའི་གསུང་ཁྱོད་ཕྱག་འཚལ་ལོ། །སེམས་མིན་སེམས་ཏེ་སེམས་ཀྱི་མཆོག་།སེམས་གསུམ་སེམས་མིན་སྟོན་པ་པོ། །ཐམས་ཅད་སེམས་ཏེ་སེམས་ཆེ་བ། །རྡོ་རྗེ་སེམས་ཁྱོད་ཕྱག་འཚལ་ལོ། །རྡོར་མིན་རྡོ་རྗེ་རྡོ་རྗེའི་མཆོག་།རྡོ་རྗེ་གསུམ་པ་རྡོར་མིན་སྤྱོང ། །རྡོ་རྗེ་ཐམས་ཅད་རྡོ་རྗེ་ཆེ། །རྡོ་རྗེ་རྡོ་རྗེ་ཁྱོད་ཕྱག་འཚལ། །ཀུན་ཁྱབ་སྲིད་པའི་རྩེ་མོ་མཆོག་།བདེ་གཤེགས་བདག་པོ་རྒྱལ་བ་ནི། །ཁམས་གསུམ་པ་ཡི་རྒྱལ་པོ་ཆེ། །སྣང་མཛད་ཁྱོད་ལ་ཕྱག་འཚལ་ལོ། །མཚན་བརྒྱ་རྩ་བརྒྱད་འདི་དག་ནི། །གང་གིས་སྐད་ཅིག་ཉན་བྱེད་དམ། །ཀློག་གམ་ཡང་ན་སྒོམ་པའང་རུང ། །ཀུན་གྱིས་སངས་རྒྱས་
314a
༄#། །ཉིད་ཐོབ་འགྱུར། །མགོན་པོ་ཁྱོད་ལ་གསོལ་བ་ནི། །སེམས་ཅན་ཀུན་ལ་ཕན་པའི་ཕྱིར། །ཐུགས་རྗེ་ཆེན་པོ་བསྐྱེད་ནས་ཀྱང ། །ཆོས་ཀྱི་འཁོར་ལོ་རབ་ཏུ་བསྐོར། །དེ་ནས་བཅོམ་ལྡན་འདས་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་བདག་པོས་བཀའ་སྩལ་བའི་ཚིག་གསན་ནས། དེ་བཞིན་གཤེགས་པ་ཐམས་ཅད་ལ་བོས་ནས་འདི་སྐད་ཅེས་གསུངས་སོ། །བཅོམ་ལྡན་འདས་དེ་བཞིན་གཤེགས་པ་རྣམས། ཡང་གཅིག་ཏུ་འདུ་བར་མཛད་པར་གསོལ། དེ་ནས་ཡང་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས་ཚིགས་སུ་བཅད་པ་འདི་གསུངས་སོ། །རྟག་པར་འཇིག་རྟེན་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་འདུལ་བ་སྣ་ཚོགས་པའི། །ཆོས་ཀྱི་འཁོར་ལོ་རབ་ཏུ་བསྐོར། །དེ་ནས་འདི་གསུངས་མ་ཐག་ཏུ་སངས་རྒྱས་ཀྱི་ཞིང་ཐམས་ཅད་དང ། འཇིག་རྟེན་གྱི་ཁམས་ཐམས་ཅད་ཀྱི་སེམས་ཅན་ཐམས་ཅད་ཀྱི་མདུན་དུ་རྡུལ་ཕྲ་མོ་ཐམས་ཅད་ཇི་སྙེད་པའི་དཀྱིལ་འཁོར་ཀུན་ཏུ་ཁྱབ་པར་བྱས་ནས། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པས་ཆོས་ཀྱི་འཁོར་ལོ་རབ་ཏུ་བསྐོར་བར་གྱུར་ཏེ། །དེ་ནས་ཡང་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་ཚིགས་སུ་བཅད་པ་འདི་གསུངས་སོ། །རྟག་པར་འཇིག་རྟེན་ཐམས་
314b
ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་འདུལ་བར་སྣ་ཚོགས་པའི། །རྡོ་རྗེའི་འཁོར་ལོ་རབ་ཏུ་བསྐོར། །དེ་ནས་འདི་གསུངས་མ་ཐག་ཏུ་དེ་བཞིན་དུ་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་ཕྲ་མོ་ཐམས་ཅད་ཇི་སྙེད་པའི་དཀྱིལ་འཁོར་རྣམས་སུ་བཅོམ་ལྡན་འདས་དེ་བཞིན་གཤེགས་པ་རྡོ་རྗེ་དབྱིངས་ཀྱིས་རྡོ་རྗེ་དབྱིངས་ལ་སོགས་པའི་རྡོ་རྗེའི་འཁོར་ལོ་ཐམས་ཅད་རབ་ཏུ་བསྐོར་བར་གྱུར་ཏོ། །དེ་ནས་བྱང་ཆུབ་སེམས་དཔའ་ཆེན་པོ་འཇིག་རྟེན་གསུམ་ལས་རྣམ་པར་རྒྱལ་བས་དེའི་ཚེ་ཚིགས་སུ་བཅད་པ་འདི་གསུངས་སོ། །རྟག་པར་འཇིག་རྟེན་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་འདུལ་བ་སྣ་ཚོགས་པའི། །ཁྲོ་བོའི་འཁོར་ལོ་རབ་ཏུ་བསྐོར། །དེ་ནས་འདི་གསུངས་མ་ཐག་ཏུ་དེ་བཞིན་དུ་སངས་རྒྱས་ཀྱི་ཞིང་གི་རྡུལ་ཕྲ་མོ་ཐམས་ཅད་ཇི་སྙེད་པའི་དཀྱིལ་འཁོར་རྣམས་སུ་བཅོམ་ལྡན་འདས་དེ་བཞིན་གཤེགས་པ་འཇིག་རྟེན་གསུམ་ལས་རྣམ་པར་རྒྱལ་པས་དེ་བཞིན་གཤེགས་པ་ཐམས་ཅད་ཀྱི་ཁྲོ་བོའི་འཁོར་ལོ་རབ་ཏུ་བསྐོར་བར་གྱུར་ཏོ། །དེ་ནས་བྱང་ཆུབ་སེམས་དཔའ་ཆེན་པོ་འཕགས་པ་ཀུན་ཏུ་སྤྱན་རས་གཟིགས་ཀྱི་དབང་པོས་ཚིགས་སུ་བཅད་པ་འདི་གསུངས་སོ། །རྟག་པར་འཇིག་རྟེན་ཐམས་ཅད་དུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་འདུལ་བར་སྣ་ཚོགས་པའི། །པདྨའི་འཁོར་ལོ་རབ་ཏུ་
315a
༄#། །བསྐོར། །དེ་ནས་འདི་གསུངས་མ་ཐག་ཏུ་དེ་བཞིན་དུ་སངས་རྒྱས་ཀྱི་ཞིང་ཐམས་ཅད་ཀྱི་རྡུལ་ཤིན་ཏུ་ཕྲ་མོ་ཇི་སྙེད་པའི་དཀྱིལ་འཁོར་རྣམས་སུ་བཅོམ་ལྡན་འདས་དེ་བཞིན་གཤེགས་པའི་ཆོས་ཀྱི་རྒྱལ་པོས་པདྨའི་འཁོར་ལོ་རབ་ཏུ་བསྐོར་བར་གྱུར་ཏོ། །དེ་ནས་བྱང་ཆུབ་སེམས་དཔའ་ཆེན་པོ་འཕགས་པ་ནམ་མཁའི་སྙིང་པོས་ཚིགས་སུ་བཅད་པ་འདི་གསུངས་སོ། །རྟག་པར་འཇིག་རྟེན་ཐམས་ཅད་ཏུ། །སེམས་ཅན་ཀུན་ལ་ཕན་པའི་ཕྱིར། །ཇི་ལྟར་འདུལ་བར་སྣ་ཚོགས་པའི། །ནོར་བུའི་འཁོར་ལོ་རབ་ཏུ་བསྐོར། །དེ་ནས་དེའི་ཚེ་སངས་རྒྱས་ཀྱི་ཞིང་ཐམས་ཅད་ཀྱི་ཁོངས་སུ་གཏོགས་པའི་སེམས་ཅན་ཕྲ་བའམ། སྤོམ་པའང་རུང ། དེ་དག་ཐམས་ཅད་ཀྱིས་དེ་བཞིན་གཤེགས་པ་ཐམས་ཅད་རི་རབ་རིའི་རྒྱལ་པོ་རྩེ་མོ་རྡོ་རྗེ་དང ། ནོར་བུ་དང ། རིན་པོ་ཆེ་ལས་བྱས་པའི་ཁང་བུ་བརྩེགས་པར་དེ་བཞིན་གཤེགས་པ་ཐམས་ཅད་ཀྱི་གདན་ལ་བཞུགས་ནས་རྡོ་རྗེ་དབྱིངས་ལ་སོགས་པའི་འཁོར་ལོ་ཐམས་ཅད་རབ་ཏུ་བསྐོར་བར་ཕྱོགས་ཀུན་ནས་མཐོང་ངོ ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེའི་ཚེ་ཚིགས་སུ་བཅད་པ་འདི་གསུངས་སོ། །མི་ཡི་ནང་དུ་བབས་ནས་ཀྱང ། །དགོས་ཕྱིར་སེམས་ཅན་ཀུན་གྱི་དོན། །རྡོ་རྗེའི་འཁོར་ལོ་མཆོག་བསྐོར་ཞིང ། །མགོན་པོ་
315b
རབ་ཏུ་བསྒྲུབ་པར་མཛོད། །དེ་ནས་ཡང་བཅོམ་ལྡན་འདས་ཀྱིས་དེ་བཞིན་གཤེགས་པ་ཐམས་ཅད་ལ་བོས་ནས་འདི་སྐད་ཅེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཡང་གཅིག་ཏུ་འདུ་བར་མཛད་དུ་གསོལ། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་རྣམ་པར་སྣང་མཛད་ཀྱིས་དེ་བཞིན་གཤེགས་པ་ཐམས་ཅད་ཀྱི་སྐུ་དང ། གསུང་དང ། ཐུགས་རྡོ་རྗེར་བདག་ཉིད་དུ་གྱུར་པར་མཁྱེན་ནས་ཕྱག་ན་རྡོ་རྗེ་ལ་འདི་སྐད་ཅེས་གསུངས་སོ། །རིགས་ཀྱི་བུ། ཁྱོད་ཀྱང་ངའི་ཐུགས་དང ། དེ་བཞིན་གཤེགས་པ་ཐམས་ཅད་དང ། རིགས་ཐམས་ཅད་དང ། དཀྱིལ་འཁོར་ཐམས་ཅད་དང ། དེ་བཞིན་གཤེགས་པ་ཐམས་ཅད་ཀྱི་ཐུགས་སུ་ཞུགས་ཤིག་།དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱིས་གནང་ནས་ཚིགས་སུ་བཅད་པ་འདི་གསུངས་སོ། །མདོར་ན་སངས་རྒྱས་ཐམས་ཅད་ཀྱི། །སྐུ་གསུང་ཐུགས་ཀྱི་རྡོ་རྗེ་ནི། །ཞུགས་ནས་སེམས་ཅན་ཐམས་ཅད་ལ། །ཕན་པའི་ཕྱིར་ནི་བསྒྲུབ་པར་བྱ། །དེ་ནས་འདི་གསུངས་མ་ཐག་ཏུ་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་འཇིག་རྟེན་གྱི་ཁམ་
316a
༄#། །ཐམས་ཅད་ན། དེ་བཞིན་གཤེགས་པ་ཇི་སྙེད་བཞུགས་པ་རྣམས་ལས། དེ་བཞིན་གཤེགས་པ་རེ་རེས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཤིན་ཏུ་ཕྲ་མོ་དང་མཉམ་པའི་སྐུ་འཕྲོ་བ་མཛད་པ་རྣམས་ཀྱང་བཅོམ་ལྡན་འདས་རྣམ་པར་སྣང་མཛད་ཀྱི་ཐུགས་སུ་ཞུགས་སོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་དང ། བཅོམ་ལྡན་འདས་རྣམ་པར་སྣང་མཛད་ཀྱི་སྐུ་ཐམས་ཅད་དང ། གསུང་ཐམས་ཅད་འཇུག་པའི་གནས་དང ། སེམས་ཀྱི་རྒྱུད་འབྱུང་བ་ཐམས་ཅད་དང ། རྡོ་རྗེའི་ཚུལ་ཐམས་ཅད་དང ། ཡན་ལག་དང ། ཉིང་ལག་ཐམས་ཅད་དང ། གནས་ཐམས་ཅད་དང ། མཚན་ཐམས་ཅད་དང ། དཔེ་བྱད་བཟང་པོ་ཐམས་ཅད་དང ། བ་སྤུའི་ཁུང་བུ་ཐམས་ཅད་དང ། རྡུལ་ཤིན་ཏུ་ཕྲ་མོ་སྙེད་ཀྱི་དཀྱིལ་འཁོར་ཐམས་ཅད་དང ། ཐུགས་རྣམས་སུ་ཞུགས་ནས་བཞུགས་སོ། །དེ་ནས་བཅོམ་ལྡན་འདས་ཡང་དག་པར་རྫོགས་པར་སངས་རྒྱས་ནས་རིང་པོར་མ་ལོན་པ་ཞིག་ན། དེ་བཞིན་གཤེགས་པ་ཐམས་ཅད་ཀྱི་སྐུ་དང ། གསུང་དང ། ཐུགས་རྡོ་རྗེར་དེ་བཞིན་གཤེགས་པ་ཐམས་ཅད་དུ་བདག་ཉིད་གྱུར་པར་མཁྱེན་ནས། རི་རབ་རིའི་རྩེ་མོ་ནས་སྙིང་པོ་བྱང་ཆུབ་གང་ན་བ་དེར་གཤེགས་ནས་ཆེད་དུ་བཅོམ་ལྡན་
316b
འདས་ཀྱི་བྱང་ཆུབ་ཀྱི་ཤིང་དྲུང་དུ་འཇིག་རྟེན་པ་དང་མཐུན་པར་བྱ་བའི་ཕྱིར་རྩཝ་བླངས་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། །ེ་མའོ་སེམས་ཅན་བརྟན་པ་ཡི། །སེམས་ཅན་དོན་ནི་བདག་དོན་མཆོག་།གང་ཕྱིར་གདུལ་དབང་བརྟན་པ་རྣམས། །མུ་སྟེགས་ལྟ་ལ་གནས་པར་མཛད། །མདོར་ན་མི་འདུལ་འཇིག་རྟེན་པ། །ལྟ་བ་ངན་པས་ལྡོངས་བ་རྣམས།། ཡེ་ཤེས་སྣང་བས་དག་བྱའི་ཕྱིར། །སངས་རྒྱས་བྱང་ཆུབ་ཐོབ་པར་འགྱུར། །དེ་ནས་འདོད་པ་ན་སྤྱོད་པའི་ལྷ་རྣམས་ཀྱིས་བཅོམ་ལྡན་འདས་ལ་དེ་ཁོ་ན་ཉིད་མི་ཤེས་པས་འདི་སྐད་དུ།་ཀྱེ་དགེ་སྦྱོང ། ཇི་བྱང་ཆུབ་ཀྱི་ཕྱིར་འདི་ལྟ་བུའི་སྡུག་བསྔལ་དྲག་ཅིང་མི་བཟད་པ་ལ་བཟོད་པར་མཛད་དམ་ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་རྩཝ་དེ་བཏིང་སྟེ། སྟེང་དུ་བཞུགས་ནས་ལྷ་རྣམས་ལ་འདི་སྐད་ཅེས་བཀའ་སྩལ་ཏོ། །གྲོགས་པོ་རྣམས། ཁོ་བོས་བྱང་ཆུབ་ཐོབ་པར་སྒྲུབས་ཤིག་།དེ་ནས་འདོད་པ་ན་སྤྱོད་པའི་ལྷ་རྣམས་ཀྱི་བཅོམ་ལྡན་འདས་ཀྱིས་གསུངས་པའི་དོན་མ་རྟོགས་ནས་ལྷ་རྣམས་ཀྱི་དབང་པོ་བརྒྱ་བྱིན་གང་ན་བདེར་དོང་ནས་ཆེད་དུ་ལྷ་རྣམས་ཀྱི་དབང་པོ་བརྒྱ་བྱིན་ལ་དེ་ལྟར་གྱུར་པ་འདི་བརྗོད་དོ། །དེ་ནས་ལྷའི་དབང་པོ་བརྒྱ་བྱིན་གྱིས་འདོད་པ་ན་སྤྱོད་པའི་ལྷ་རྣམས་ཀྱི་ཚོགས་ཀྱིས་བསྐོར་ཏེ། གཟུགས་ན་སྤྱོད་པའི་ལྷ་རྣམས་ཀྱི་བདག་པོ་ཚངས་པ་ཆེན་པོ་ལ་
317a
༄#། །དེ་ལྟར་གྱུར་པ་འདི་དག་བརྗོད་དོ། །དེ་ནས་ཚངས་པ་ཆེན་པོ་འདོད་པ་ན་སྤྱོད་པ་དང ། གཟུགས་ན་སྤྱོད་པའི་ལྷ་ཐམས་ཅད་དང་ལྷན་ཅིག་ཏུ་འཇིག་རྟེན་གསུམ་པོ་ཐམས་ཅད་ཀྱི་བདག་པོ་དབང་ཕྱུག་ཆེན་པོ་ལ་དེ་ལྟར་གྱུར་པ་རྣམས་བརྗོད་དོ། །དེ་ནས་འཇིག་རྟེན་གསུམ་པ་མཐའ་དག་གི་བདག་པོ་དབང་ཕྱུག་ཆེན་པོས་ལྷ་རྣམས་ཀྱི་བདག་པོ་མཐུ་བོ་ཆེ་ལ་སོགས་པ་ལ་འདི་སྐད་ཅེས་སྨྲས་སོ། །གྲོགས་པོ་རྣམས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དང་མཐུན་པར་མཛད་ཅིང ། ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་སྟོན་གྱིས། འདི་ལྟར་འཇིག་རྟེན་ན་དེ་བཞིན་གཤེགས་པ་མ་ཡིན་ནོ་སྙམ་དུ་ཤེས་པར་མ་བྱེད་ཅིག་།ལྷ་ཉིད་ལས་དེ་བཞིན་གཤེགས་པར་འགྱུར་གྱིས། ལྷ་དེ་དག་ཉིད་དུ་བསྒྲུབ་པར་བྱ་ཡི། དེ་བཞིན་གཤེགས་པ་ཉིད་དུ་ནི་མ་ཡིན་ནོ། །དེ་ལེགས་ཀྱི་ངེ་མཆོད་པ་ལ་འདོང་བར་སྒྲུབ་བོ། །དེ་ནས་ལྷ་ཐམས་ཅད་ཀྱི་བདག་པོ་དབང་ཕྱུག་ཆེན་པོ་ལ་སོགས་པ་སྙིང་པོ་བྱང་ཆུབ་གང་ན་བ་དང ། བཅོམ་ལྡན་འདས་དེ་བཞིན་གཤེགས་པའི་སྙིང་པོར་བྱང་ཆུབ་བར་བཞུགས་པ་གང་ན་བ་དེར་དོང་ནས་ཆེད་དུ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བཙལ་ཏེ། བཅོམ་ལྡན་འདས་ལ་
317b
འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་ལ་ཐུགས་བརྩེ་བར་དགོངས་ཏེ། རན་གྱི་གདན་འདི་ལས་བཞེངས་ལ། ལྷ་རྫས་ཀྱི་གདན་ལ་བཞུགས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་མཛད་དུ་གསོལ། །དེ་ནས་བཅོམ་ལྡན་འདས་ཀྱིས་ལྷའི་བདག་པོ་དེ་དག་ལ་འདི་སྐད་ཅེས་བཀའ་སྩལ་ཏོ། །གྲོགས་པོ་རྣམས། ཁོ་བོ་ལ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་སྦྱིན་པར་སྒྲུབས་ཤིག་།དེ་ནས་འདི་དག་གིས་འདི་སྐད་ཅེས་གསོལ་ཏོ། །བཅོམ་ལྡན་འདས། བདག་ཅག་གིས་བྱང་ཆུབ་རྩོལ་བར་མི་ནུས་སོ། །ཅི་སྟེ་བདག་ཅག་གིས་ནུས་པར་གྱུར་ན་བདག་ཅག་ཉིད་ཡང་དག་པར་རྫོགས་པའི་སངས་རྒྱས་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་གསལ་བར་མཛད་ཅིང་ཡང་ཚིགས་སུ་བཅད་པ་འདི་གསུངས་སོ། །དེ་ནི་གཟུགས་མིན་གཟུགས་མིན་མིན། །བདེན་མིན་བརྫུན་མིན་གཙང་བ་ཡི། །སངས་རྒྱས་བྱང་ཆུབ་ཡེ་ཤེས་འདི། །རྟོགས་ན་རྒྱལ་བ་ཉིད་དུ་འགྱུར། །དེ་ནས་ལྷའི་དབང་པོ་དེ་དག་གིས་ཅུང་ཟད་ཅིག་ཅང་མི་སྨྲ་བར་གནས་པར་གྱུར་ཏོ། །དེ་ནས་བཅོམ་ལྡན་འདས་རྩཝའི་གདན་ལས་བཞེངས་ཏེ། ལྷ་དེ་རྣམས་ལ་འདི་སྐད་ཅེས་བཀའ་སྩལ་ཏོ། །གྲོགས་པོ་རྣམས། སངས་རྒྱས་ཀྱི་ཡེ་ཤེས་འདི་ལྟ་བུ་རྟོགས་པར་བྱ་བ་སྒྲུབས་
318a
༄#། །ཤིག་།དེ་དག་གིས་གསོལ་པ། བཅོམ་ལྡན་འདས་བདག་ཅག་གིས་རྔོ་མི་ཐོག་གོ་།དེ་ནས་བཅོམ་ལྡན་འདས་གདན་དེ་ཉིད་ལ་བཞུགས་བཞིན་དུ་ཚིགས་སུ་བཅད་པ་འདི་གསུངས་སོ། །ཡིད་ཀྱིས་རབ་ཏུ་རྟོགས་པས་ན། །བྱང་ཆུབ་སེམས་ནི་བརྟན་པར་བྱོས། །སེམས་དཔའ་རྡོ་རྗེ་བརྟན་བྱས་ལ། །སངས་རྒྱས་སུ་ནི་བདག་སྒོམས་ཤིག་།དེ་དག་གིས་འདི་སྐད་དུ་དེ་ལྟ་བུ་ལེགས་སོ། །ཞེས་བྱ་བ་ཐམས་ཅད་ཀྱིས་སྨྲས་ནས་དོང་ངོ ། །དེ་ནས་བཅོམ་ལྡན་འདས་ཀྱིས་མཚན་མོ་དེའི་ཐོ་རངས་འཇིག་རྟེན་དང་མཐུན་པར་བྱ་བའི་ཕྱིར་བདུད་སྡེ་དང་བཅས་པ་ཕམ་པར་བྱས་ནས། བླ་ན་མེད་པ་ཡང་དག་པར་རྫོགས་པའི་སངས་རྒྱས་སུ་མངོན་པར་སངས་རྒྱས་ནས་སེམས་ཅན་གྱི་ཁམས་མ་ལུས་ཤིང་ལུས་པ་མེད་པ་ཐམས་ཅད་ལ་ཕན་པར་མཛད་པ་འཕགས་པ་ཕྱག་ན་རྡོ་རྗེ་རང་གི་ཐུགས་ལ་ཞུགས་པ་ལ་མཚན་བརྒྱ་རྩ་བརྒྱད་པ་འདས་མངོན་པར་བསྟོད་དོ། །རྡོ་རྗེ་སེམས་དཔའ་སེམས་དཔའ་ཆེ། །ཐེག་པ་ཆེན་པོའི་བདག་ཉིད་ཆེ། །སྣང་བ་ཆེ་ཞིང་དག་པ་ཆེ། །མགོན་ཆེན་ཁྱོད་ལ་ཕྱག་འཚལ་ལོ། །རྡོ་རྗེ་རྒྱལ་པོ་རྡོ་རྗེ་ཆེ། །རྡོ་རྗེ་དེ་བཞིན་གཤེགས་པ་ཀུན། །སེམས་དཔའ་ཆེན་པོ་བརྩོན་འགྲུས་ཆེ། །ཐབས་ཆེན་ཁྱོད་ལ་ཕྱག་འཚལ་ལོ། །རྡོ་རྗེ་འདོད་པ་དག་པ་ཆེ། །ཀུན་གྱི་བདེ་བ་བདེ་བ་ཆེ། །བདེ་མཆོག་ཐོག་
318b
མ་ཐ་མ་མེད། །བཞད་ཆེན་ཁྱོད་ལ་ཕྱག་འཚལ་ལོ། །རྡོ་རྗེ་ལེགས་པ་དགྱེས་པ་ཆེ། །ལེགས་ཞེས་བྱ་བ་རབ་མཉེས་པ། །མཉེས་པ་ཚེ་ཞིང་དགྱེས་པ་ཆེ། །རབ་དགྱེས་ཁྱོད་ལ་ཕྱག་འཚལ་ལོ། །རྡོ་རྗེ་རིན་ཆེན་རྒྱལ་པོ་ཆེ། །དབང་བསྐུར་བཟང་པོ་བདག་པོ་ཆེ། །རིན་ཆེན་ཐམས་ཅད་མཛེས་པ་ཆེ། །རྣམ་རྒྱལ་ཁྱོད་ལ་ཕྱག་འཚལ་ལོ། །རྡོ་རྗེ་གཟི་བརྗིད་གཟི་བརྗིད་ཆེ། །འོད་ཆེན་ལྷམ་པ་ཆེན་པོ་སྟེ། །རྒྱལ་བའི་འོད་དེ་འབར་བ་ཆེ། །སངས་རྒྱས་འོད་ཁྱོད་ཕྱག་འཚལ་ལོ། །རྡོ་རྗེ་རྒྱལ་མཚན་དཔལ་ཆེ་བ། །རྒྱལ་མཚན་ཆེ་བས་ནོར་རབ་གཏོང ། །ནམ་མཁའི་རྒྱལ་མཚན་ཡུ་བ་ཆེ། །གཏོང་བའི་མཚན་ཁྱོད་ཕྱག་འཚལ་ལོ། །རྡོ་རྗེ་བཞད་པ་བཞད་པ་ཆེ། །དགྱེས་པ་ཆེ་ཞིང་རབ་དགྱེས་པ། །དགྱེས་པའི་ཤུགས་ཀྱིས་རོལ་ཅིང་དགྱེས། །ཆོས་དགྱེས་ཁྱོད་ལ་ཕྱག་འཚལ་ལོ། །རྡོ་རྗེ་ཆོས་ནི་ཆོས་ཆེ་བ། །སེམས་དཔའི་ཆོས་ནི་རབ་སྦྱོར་བ། །སངས་རྒྱས་ཆོས་ཏེ་ཆོས་རབ་མཆོག་།འདོད་ཆོས་ཁྱོད་ལ་ཕྱག་འཚལ་ལོ། །རྡོ་རྗེ་རྣོན་པོ་རལ་གྲི་ཆེ། །ཤེས་རབ་ཡེ་ཤེས་བློ་གྲོས་ཆེ། །སྡིག་གཅོད་རལ་གྲི་ཆེན་པོ་སྟེ། །སངས་རྒྱས་མཚོན་ཁྱོད་ཕྱག་འཚལ་ལོ། །རྡོ་རྗེ་རྒྱུ་སྟེ་འཁོར་ལོ་ཆེ། །སངས་རྒྱས་འཁོར་ལོ་གཏེར་ཆེན་པོ། །དཀྱིལ་འཁོར་ཀུན་ཏེ་ཆོས་ཀྱི་མཆོག་།ཆོས་ཀྱི་དཀྱིལ་འཁོར་ཁྱོད་ཕྱག་འཚལ། །རྡོ་རྗེ་གསུང་བ་གསུང་བ་ཆེ། །སྤྲོས་མེད་ཡི་
319a
༄#། །གེ་ཆེན་པོ་སྟེ། །ཡི་གེ་མེད་པ་བཟླས་པ་ཆེ། །སངས་རྒྱས་གསུང་ཁྱོད་ཕྱག་འཚལ་ལོ། །རྡོ་རྗེ་ལས་ཏེ་ལས་རབ་མཆོག་།ལས་ཆེན་ལས་རབ་བྱེད་པ་སྟེ་གསང་བའི་མཆོད་པ་མཆོད་པ་ཆེ། །སངས་རྒྱས་མཆོག་ཁྱོད་ཕྱག་འཚལ་ལོ། །རྡོ་རྗེ་སྲུང་བ་གོ་ཆ་ཆེ། །གོ་ཆའི་མཆོག་སྟེ་བརྟན་པ་ཆེ། །སྲུང་བ་ཆེ་ཞིང་སྙིང་པོ་ཆེ། །སངས་རྒྱས་བརྩོན་འགྲུས་ཕྱག་འཚལ་ལོ། །རྡོ་རྗེ་གནོད་སྦྱིན་ཁྲོ་བོ་ཆེ། །མ་རུངས་ཐམས་ཅད་སྐྲག་བྱེད་པ། །སངས་རྒྱས་ཀུན་གྱི་ཐབས་ཆེན་ཏེ། །བསྲུང་བ་མཆོག་ཁྱོད་ཕྱག་འཚལ་ལོ། །རྡོ་རྗེ་བསྡམས་པ་ཕྱག་འཚལ་ལོ། །དམ་ཚིག་ཆེན་པོ་བཅིང་བ་ཆེ། །ཁུ་ཚུར་ཆེན་པོ་ཕྱག་རྒྱ་ཆེ། །རྡོ་རྗེ་ཁུ་ཚུར་ཁྱོད་ཕྱག་འཚལ། །དེ་བཞིན་གཤེགས་པ་ཕྱག་བྱ་ཞིང། །བརྗོད་དེ་མཆོད་དེ་བསྟི་སྟང་བྱ། །གང་ཕྱིར་ཐོག་མ་ཐ་མ་མེད། །བྱང་ཆུབ་སེམས་ནི་ཁྱོད་ཡིན་ཏེ། །ཁྱོད་ལ་བརྟེན་ན་རྒྱལ་བ་དང ། །དཔའ་བོ་བྱང་ཆུབ་སེམས་དཔའ་ཀུན། །བྱུང་ཞིང་ཡང་དག་འབྱུང་འགྱུར་བས། །སངས་རྒྱས་བྱང་ཆུབ་མཆོག་གི་རྒྱུ། །རྡོ་རྗེ་སེམས་དཔའ་ཁྱོད་ཕྱག་འཚལ། །རྡོ་རྗེ་རིན་ཆེན་ཁྱོད་ཕྱག་འཚལ། །རྡོ་རྗེ་ཆོས་ཁྱོད་ཕྱག་འཚལ་ལོ། །རྡོ་རྗེ་ལས་ནི་ཁྱོད་ཕྱག་འཚལ། །ཡང་དག་པར་ནི་ཕྱག་འཚལ་ཞིང ། །མཚན་མཆོག་གིས་ནི་ཁྱོད་བསྟོད་པའི། །བསོད་ནམས་གང་ཡིན་དེ་ཀུན་
319b
ཀྱང། །སངས་རྒྱས་བྱང་ཆུབ་ཐོབ་པར་ཤོག་།མཚན་བརྒྱ་རྩ་བརྒྱད་དམ་པ་ནི། །རབ་དད་པས་ནི་ལན་གཅིག་ཙམ། །གང་གིས་ལེགས་པར་བརྗོད་པ་ནི། །ཀུན་ཀྱང་སངས་རྒྱས་ཉིད་དུ་འགྱུར། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ཏེ། གསུང་གཅིག་ཏུ་ལེགས་སོ་ཞེས་བྱ་བ་དེ་བྱིན་ནོ། །རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང ། །ཐེག་པ་ཆེན་པོ་མངོན་འདུས་པའི། །མདོ་འདི་ལེགས་པར་བཤད་པས་ན། །རྡོ་རྗེ་སེམས་དཔའ་ཁྱོད་ལེགས་སོ། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ནི་ཁྱོད་ལེགས་སོ། །རྡོ་རྗེ་ལས་ནི་ཁྱོད་ཀྱང་ལེགས། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང ། དེ་བཞིན་གཤེགས་པ་དང ། འཕགས་པ་བྱང་ཆུབ་སེམས་དཔར་དམ་བཅས་པ་རང་གི་ཐུགས་ལ་ཞུགས་པ་ཐམས་ཅད་དགྱེས་ཤིང་མཉེས་ནས་བཅོམ་ལྡན་འདས་རྡོ་རྗེ་སེམས་དཔས་གསུངས་པ་ལ་མངོན་པར་དགྱེས་པར་གྱུར་ཏོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ཞེས་\?\་ཕྱ་བ་ཐེག་པ་ཆེན་པོའི་མདོ་རྒྱུད་ཉེ་བར་བསྡུས་པ་དང་བཅས་པ་རྫོགས་སོ།། །།རྒྱུད་འདི་ལ་འགྱུར་བྱང་མི་སྣང་ནའང ། པཎྜི་ཏ་ཤྲདྡྷཱ་ཀ་ར་ཝརྨྨ་དང ། བོད་ཀྱི་
320a
༄#། །ལོ་ཙྪ་བ་དགེ་སློང་རིན་ཆེན་བཟང་པོས་བསྒྱུར་བར་གྲགས་སོ།།